@1A [DD] #, ,RNAL 'BYOR SPYOD PA'I SA LAS 'DUL BA BSDU BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,'DUL BA MA MO'I SDOM NI, PHAN YON [DD] SDE TSAN SDUD PA DANG, ,RJES SPYOD MI MTHUN MTHUN PA DANG, ,NYER ZHI YONGS SHES RNAM LNGA DANG, ,DAD 'GYUR 'PHEL BAR 'GYUR BA DANG, ,STOBS LNGA PO NI THA MA YIN, ,'DI MAN CHAD NI 'DUL BA BSDU BA'I TSIG LE'UR BYAS PA STE, RIGS NI BSDU BAR BYA BA DANG, ,GZHI BCAS LA SOGS YOD PA YIS, ,DGE 'DUN BSDU DANG LEGS PAR 'GYUR, ,DE YI BDER GNAS RNAM LNGA STE, ,CHOS GOS LA SOGS YOD PA DANG, ,MI MTHUN PA NI BSKRAD PA DANG, ,'GYOD PA SEL DANG NYON MONGS GNON, ,BAG LA NYAL YANG SPONG BA YIN, ,MA 'ONGS 'JUG PAR 'GYUR BA'I PHYIR, ,YUN RING GNAS PA NYID DU BZHED, ,DANG PO BSDU DANG LEGS PAR DANG, ,BSDUS PA CI BDER BYA BA DANG, ,GZHAN DAG BDE BAR 'JUG 'GYUR BA, ,KUN GYIS @2A *, ,BSGRAGS PA SHES BYA STE, ,DE NI PHAN YON RNAM DAG GI ,CI RIGS PAR NI BSDU BA YIN, ,LTUNG BA SDE TSAN RNAM LNGA STE, ,DE LAS BSLAB BYA RNAM PA BZHI, ,NYES PA RNAM PA BCO LNGA YIS, , LTUNG BA THAMS CAD RNAM PAR GZHAG ,DNGOS CI KUN DKRIS DRAG PO DANG, ,'BRAL DANG CHOG MI SHES PA DANG, ,GNAS SKABS DAG NI BYED PA DANG, ,MA DAD DAD PA GZHAN 'GYUR DANG, ,BYA BA MANG PO'I NYES PA DANG; ,LHAG PAR CHAGS DANG GZHAN LA YANG, ,THO 'TSAMS GNOD PA KUN SLONG DANG, ,BDE 'GRO DGE SBYONG TSUL BGEGS DANG, ,SPANG DANG GNAS DANG BSNYEN BKUR DANG, ,DE LAS BZLOG LA RIG PA DANG, , GSANG LA SOGS DANG 'CHAB PA DANG, ,RTEN DANG BSTEN BYA MA YIN PA'O, ,'DUL BA SDUD PAR BYED PA YI, ,CHOS NI MDOR NA RNAM LNGA STE, ,RANG BZHIN KHA NA MA THO DANG, ,BCAS PA'I KHA NA MA THOR BCAS, ,DGAG PA DANG NI GNANG BA DANG, ,SGRUB PA YIN TE DANG POR NI, ,RANG BZHIN MI DGE RNAM PA BZHIR, ,RIG PAR BYA STE THUB PA YIS, ,RTAGS MI MTHUN PA NYID DANG NI, ,DAM PA'I CHOS LA GUS BYA DANG, ,RANG BZHIN MA THO @2B BCAS MTHUN DANG, ,GZHAN GYI SEMS KYANG BSRUNG BA DANG, ,BDE 'GRO SROG DANG DGE SBYONG GI ,TSUL GYI BAR CHAD YIN PA'I PHYIR, ,SPANGS PA DE LA SPYOD PA GANG, ,DE NI BCAS PA'I MA THO BCAS, ,NGAN 'GROR 'GRO BAR 'GYUR BA DANG, ,BDE 'GRO CHOS KYI RNYED PA DANG, ,SROG DANG DGE SBYONG TSUL GYI NI, ,BAR DU SPYOD PA GANG YIN PA, ,DE NI SANGS RGYAS 'GOG PAR MDZAD, ,GNANG BA DE LAS BZLOG PA YIN, ,BSGRUB PA RNAM PA GSUM YIN TE, ,LTUNG DANG LTUNG BA MED PA DANG, ,BSLANG BA YIN TE RNAM PA GNYIS, ,BYA BA MI BYED PA DANG NI, ,MI BYA BA NI BYED PA'I PHYIR; ,MI SBYOR BA DANG SBYOR BCAS LAS, ,LTUNG BA'I NYES PA 'BYUNG BAR 'GYUR, ,DE YI RGYU YANG RNAM BZHI STE, ,MI SHES PA DANG BAG MED DANG, ,NYON MONGS MANG DANG MA GUS PA'O, ,LTUNG BA RNAMS KYI CHUNG LA SOGS, ,RNAM PA LNGAS NI RIG PAR BYA'O, ,NGO BO NYID DANG BYED PA DANG, ,BSAM DANG GZHI DANG TSOGS PA'O, ,TSOGS BYA RNAM DAG BYA BA DANG, ,GRONG BYA DGE PHYOGS BYA BA DANG, ,GTZUG LAG KHANG DU 'PHRAL GYI NI, ,BYA BA DAG NI RNAM PA LNGA, ,BSDAMS SOGS BLTA SOGS BYA NYUNG DANG, ,'DRES PAR GNAS PA MED SOGS DANG, ,LAS DANG PO LA SOGS PA YIS; ,LTUNG BA 'BYUNG BA MED PA YIN, ,'GYOD PA RNAM PA LNGA BSKYED DANG, ,BAG YOD RNAM PA LNGA DANG NI, ,RNAM LNGAS 'GYOD PA BSAL BA LA, ,BRTEN NAS LTUNG LAS LDANG BAR 'GYUR, ,DE LA BDAG NYID LA SOGS PAS, ,SMAD LA SOGS PA MTHONG NAS NI, ,DE NI 'GYOD PA SKYED PAR BYED, ,BAG YOD PA NI SNGA MA BZHIN, ,NGES 'BYUNG BCAS PA BSHAD PA DANG, ,GZHI DANG BRAL ZHING MI BYA BAR, ,LHAG PA'I BSAM BAS SEMS BSKYED DANG, ,BSHAGS PA BYA DANG 'GYOD PA YI, ,RGYUN NI SGRIB PA YIN PA'I PHYIR, ,'GYOD PA SKYES PA SEL BAR BYED, ,'DUL BA'I RJES SU SPYOD PA YI, ,CHOS LNGA DGE SLONG 'DUL BRTZON PA, ,DE DAG LA NI SPYOD BYED DE, ,GNAS PA GNAS DANG RTEN DANG NI, ,LONGS SPYOD DANG NI LAS YIN TE, ,DGE SLONG 'DUL BA'I BSLAB PA LA, ,BRTZON PA DE NI 'DU SHES KYIS, ,GNAS PA RNAM PA LNGA YIN TE, ,GRONG DU 'JUG PAR BYED PA @3A *, ,NA; ,BTZON RAR 'JUG PA'I 'DU SHES DANG, ,GTZUG LAG KHANG NA MDO SDE BZHIN, ,RTAG TU DGE SBYONG 'DU SHES DANG, ,ZAS LA RTAG PAR NAD KYI NI, ,GNYEN PO NYID DU 'DU SHES DANG, ,RAB DBEN SHES BYA RNAM GNYIS LA, ,LONG BA 'ON LKUGS 'DU SHES DANG, , NYAL NA DGON PA'I RI DAGS LTAR, ,THUM PHRAS KYI NI 'DU SHES DANG, ,DE LTAR GNAS PA'I DGE SBYONG NI, ,RGYAL LA 'OS PA'I LONGS SPYOD LA, ,GNAS KYANG 'DOD PA BSOD NYAMS KYI, ,RJES SU SBYOR BAR MI 'GYUR RO, ,GNAS LNGAR BZHED DE DGE SLONG DANG, ,DGE SLONG MA DANG MU STEGS GNAS, ,NYON MONGS CAN DANG NYON MONGS MED, ,GNAS BYA DANG PO THA MA YIN, ,DE LTAR DOGS MED GNAS RNAMS SU, ,GNAS PA LA NI DOGS MED 'GYUR, ,RTEN YANG LNGA STE GRONG MTSAMS DANG, ,GNAS DANG GANG ZAG RNAMS DANG NI, ,YO BYAD GSUM DANG SPYOD LAM STE, ,RTEN DE DAG LA BRTEN PA NI, ,BDAG LA BDAG NYID SDUG BSNGAL BA, ,DON MED LDAN PAS GNOD MI 'GYUR, ,LONGS SPYOD MI RUNG RNAM LNGA STE, ,MCHOD RTEN GYI NI GAL TE NA, ,NAD TSABS CHE BA MA YIN ZHING, ,RTEN GZHAN YOD NA MI RUNG NGO, ,DGE 'DUN GYIS NI MA BSGO DANG, ,LHUNG BZED MA CHUD MA RTOGS YIN, ,GANG ZAG GZHAN GYI MA BYIN DANG, ,RJES SU MA GNANG MI BCUG PA'O, ,RANG GI BSHAD SOGS 'DRES PA STE, ,BRTEN PA'I DGE BA NYAMS 'GYUR ZHING, ,MI DGE MNGON PAR 'PHEL BA DANG, ,BRTEN NA 'JIG RTEN 'KHRUGS 'GYUR BA'O, ,DE LAS BZLOG LNGA RUNG BA STE, ,DE DAG RNAM PAR SPONG BA DANG, ,RJES SU RTEN PAR BYED PA NI, ,DAD PAS SBYIN PA SBYONG BAR 'GYUR, ,GSOL BA'I LAS DANG GSOL BA DANG, ,GNYIS DANG GSOL DANG BZHI DANG NI, ,LAS GSUM BRJOD YIN DE DAG GI ,RTEN GYI GZHI NI RNAM GNYIS TE, ,SEMS CAN SEMS CAN MIN STON YIN, ,DE NI BYA YIN LAS YIN TE, ,TSOGS GNYIS BZHI LNGA TSOGS BCU DANG, ,NYI SHU DANG NI BZHI BCU DANG, ,DGE 'DUN MTHUN PAS BYA BA STE, ,DE LTAR SHES PA LAS RNAMS LA, ,SPYOD PA LTUNG DANG BSLANG BA YANG, ,MKHAS SHING KHA NA MA THO @3B MED; ,'DUL BA'I BSLAB DANG MI MTHUN PA'I, ,CHOS NI RNAM LNGAR RIG PAR BYA, ,BAR DU GCOD DANG DAM CHOS LTAR, ,BCOS DANG LDOG PA'I GROGS PO DANG, ,GLEN ZHING NYON MONGS MANG BA DANG, ,SNGON GYI TSOGS STOBS CHUNG BA YIN, ,BAR CHAD LNGA STE BSLAB RNAMS DANG, ,BDE 'GRO RNYED LA SOGS PA'O, ,DAM PA'I CHOS LTAR BCOS PA NI, ,BSHAD DANG BSGRUB CES BYA BA YIN, ,MDO SOGS LHAD 'JUG SPANG BA DANG, ,MTHA' GNYIS GANG ZAG STON PA DANG, ,KUN RDZOB YOD PA RDZAS STON DANG, ,MYA NGAN 'DAS LA YOD MED DANG, ,MI LTA BA NI BLA BA DANG, ,BSNGAGS DANG MI BSNGAGS BRJOD PA DANG, ,MI SMRA'I BRTUL ZHUGS LEN PA DANG, ,ZAS MED LA SOGS LEGS PA DANG, ,BAS MTHAR RTZOM PA MED PA DANG, ,RNAM SHES DE NYID 'KHOR BA DANG, ,DE DAG MI GCOD DGRA BCOM MED, ,DE BZHIN BDAG TU SMRA BA DANG, ,MOS PA YID LA BYED PA YIS; ,ZHI GNAS LA SOGS STON PA DANG, ,GNAS MA YIN LA 'GYOD BYED CING, ,DES NI DE NYID RLOMS PA DANG, ,GONG MA'I MTHU NI YOD BZHIN DU, ,ZHAL TA DGA' ZHING STON PA DANG, ,LTUNG BAS NYAMS SHING SBYIN PA DANG, ,THOS PAS RTZOD CING RNYED BCAS LA, ,BSNYEN BKUR BYED CING GTAM 'DRE DANG, ,GSANG TSIG MANG POS MKHAS SNYEMS DANG, ,DRAG SHUL LA SOGS GNOD BYED DANG, ,TSUL 'CHOS SPYOD LAM GANG YIN DANG, ,RGYANG 'PHEN TSIG GIS SHES KHENGS DANG, ,KHA NA MA THO BCAS DGE BYED, ,DE DAG STON PAR BYED PA STE, ,BSLAB DANG MTHUN PA'I CHOS LNGA NI, ,DE LAS BZLOG PAR SHES PAR BYA, ,DE DANG LDAN PA'I CHOS LNGA NI, ,TSUL KHRIMS PHUNG PO SRUNG 'GYUR TE, ,LEGS PAR NGES 'BYUNG GANG YIN DANG, ,'DRI DANG SO SOR RTOG PA DANG, ,GNYEN PO SGOM PAR BYED PA DANG, ,DAD PA YIN TE DE LA YANG, , DANG PO LA BRTEN GZHAN DAG BYED, ,DE DAG LTUNG BA MI 'BYUNG STE, ,MI SHES LA SOGS GO RIMS BZHIN, ,'DUL BA NYER ZHI CHOS LNGA STE, ,DES PA DANG NI SPANG BA DANG, ,SPONG BA'I YAN LAG BSNYEN BKUR DANG, ,RTZOD PA NYE BAR ZHI BA YIN, ,LUS SOGS MI 'DOD SPYOD PA DANG, ,DGE @4A *, ,'DUN MI MNYAM SPYOD PA DANG, ,TSUL KHRIMS LTA BA MI MTHUN PHYIR, ,SDUG BSNGAL GNAS PAS DE BZLOG DRUG ,GNAS DANG GDAMS NGAG SGRUB PA DANG, ,TSOGS RNAMS PHUN SUM TSOGS PA LAS, ,BRTZAMS NAS 'KHOR LO BZHI GSUNGS TE, ,YANG DAG SMON LAM RNAM PA LNGA; ,MTHUN PAR 'DZIN PA NYID DANG NI, ,MI MTHUN SGRUB PA MA YIN DANG, ,BDAG NYID SMRA DANG CHOG SHES DANG, ,SPONG LA SOGS PA DGA' SGOM YIN, ,SNGON DU BSOD NAMS BYAS PA DANG, ,'BRAS BU'I PHAN YON RNAM LNGA STE, ,RNAM SMIN GNYIS LA GNAS PA DANG, ,DE YANG RNAM BRGYAD RNAM PA GCIG, ,GDUGS SOGS BAR CHAD MI BYED DANG, ,RANG BZHIN GYIS NI DGE RNAMS LA, ,SEMS NI 'JUG PAR 'GYUR BA DANG, ,SDIG LAS 'DZEM PAR BYED PA DANG, ,LAS MTHA' LEGS PAR GRUB PA STE, ,ZHI GNAS DANG NI LHAG MTHONG GI ,SHING RTA'I 'KHOR LO BZHI YIN TE, ,DE DAG MED NA BSRUNG MI 'GYUR, ,SPONG BA'I YAN LAG RNAM LNGA STE, ,THOB PAR BYA BA YID CHES DANG, ,BDAG NYID SMRA LA SPRO GNYIS DANG, ,DON SHES NUS PA NYID RNAMS SO, ,YON TAN PHAN YON YID CHES DANG, ,RJES SU MTHUN PAS BSGRUB PA DANG, ,RGYAL MTSAN BA DAN GDUGS SOGS KYIS; ,BSNYEN BKUR RNAM GSUM RIG PAR BYA, ,RTZOD PA DE YANG RNAM BZHI STE, ,GZHAN GYIS GLENG ZHES BYA BA DANG, ,PHAN TSUN THE TSOM ZA BA DANG, ,BDAG DANG PHAN TSUN GLENG BA'O, ,DE DAG NYER ZHI RNAM BZHI STE, ,DGE 'DUN RTEN DANG DAG SBYIN DANG, ,NGO BO NYID MANG TSOL BA DANG, ,YANG DAG BSHAGS PA 'CHAGS PA YIN, ,'DUL BA'I BSLAB PA BRTZON PA YIS, ,GNAS LNGA YONGS SU SHES BYA STE, ,DNGOS PO DANG NI LTUNG BA DANG, ,GANG ZAG RDZAS BLANG GNOD PA'O, ,DNGOS PO PHUNG SOGS SHES PAR BYA, ,LTUNG BA RNAM PA LNGA YOD DE, ,GZHI DANG KUN NAS SLONG BA DANG, , DNGOS DANG SBYOR DANG MTHA' LAS SO, ,LTUNG BA LHAG BCAS LA SOGS PA, ,RNAM PA BCU GNYIS SHES PAR BYA, ,GANG ZAG RNAM LNGAR SHES BYA STE, ,DE NI DPYAD PA'I DBYE BA DANG, ,RIGS KYI DE NI DBYE BA DANG, ,SDE PA MTHO DMAN DBYE BA DANG, ,'THOB PA DANG NI RTAG PA YIN, ,RDZAS BLANG BA @4B NI RNAM GSUM STE, ,RNYED DANG BSLANG DANG BSKRAD PA'O, ,SMYON PA'I SPYOD DANG 'DRA BA YI, ,GNOD PA RNAM LNGAR SHES BYA STE, ,SHI BA'I RJES SU MYA NGAN DANG, ,SER SNAS BDAG NYID GDUNG BYED CING, ,SER SNA'I DRI MA RNAM BRGYAD DANG, ,YAN LAG 'CHAG PAS GDUNG BA DANG, ,MTHO RIS RNAM DAG 'DOD PA YIS, ,LUS GDUNG BYED PA GANG YIN PA'O, ,DAD 'GYUR 'PHEL BAR 'GYUR BA YI, ,PHUN SUM TSOGS PA'I CHOS LNGA STE, ,TSUL KHRIMS LA SOGS RNAM BZHI DANG, ,PHUN TSUN RTZOD PA MED PA YIN, ,LTA BA PHUN TSOGS SGRO 'DOGS DANG, ,SKUR 'DEBS MCHOG 'DZIN RNAM GNYIS DANG, ,DGE MTSAN BDEN DANG GTZANG SOGS PA'I, ,LTA LA SOGS PA SPANGS PA'O, ,RTZOD MED RTZA DRUG SPANGS PA YIN, ,RTZOD PA'I GZHI YANG RNAM DRUG STE, ,GNOD PA BYED DU DOGS PA'I PHYIR, ,RANG GI NYES PA 'CHAB BYED CING, ,NGA RGYAL GYIS NI TSAR BCAD NAS, ,RNYED DANG BKUR STI RGYU BAG SPYOD, ,LHAG KHRIMS LHAG PA'I SEMS LA SOGS, ,RGUD CING GZHAN DU 'GYUR BA YIN, ,SBYOR BA DANG NI BSAM PA DANG, ,RTOGS PA DANG NI SHES PA DANG, ,GNAS PAR GYUR PA'I STOBS KYIS NI, ,YANG DAG SBYOR BA PHUN TSOGS 'GYUR, ,GZHI BSDU BA LAS 'DUL BA'I TSIG LE'UR BYAS PA'I MDO RDZOGS SO,, *, ,DA NI DE NYID KYI BSHAD PA BRTZAM PAR BYA STE, ,SDOM NI, ,PHAN YON SDE TSAN SDUD PA DANG, ,RJES SPYOD MI MTHUN MTHUN PA DANG, ,NYER ZHI YONGS SHES RNAM LNGA DANG, ,DAD 'GYUR 'PHEL BAR 'GYUR BA DANG, ,STOBS LNGA PO NI THA MA YIN, ,'DUL BA GANG ZHE NA, MDO SDE RNAM PA BZHI PO DE DAG NYID LAS SO SO THAR PA'I MDO'I MA MOR RGYA CHER BRGYUD DE 'ONGS PA, DE BZHIN GSHEGS PAS GSUNGS PA, BSNGAGS PA BSTOD PA GANG YIN PA DE NI 'DUL BA ZHES BYA STE, DE'I MTSAN NYID TZAM BSDUS TE BRJOD PAR BYA'O, ,DE BZHIN GSHEGS PA NI PHAN YON BCU YANG DAG PAR GZIGS NAS 'DUL BA LA NYAN THOS PA RNAMS KYI BSLAB PA'I GZHI 'CHA' BAR MDZAD DE, 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR GNAS PAR BYA BA'I PHYIR DANG, GNONG MI BKUR @5A *, ,BA'I GANG ZAG RNAMS TSAR GCAD PA'I PHYIR DANG, NGO TSA SHES PA RNAMS BDE BAR GNAS PA'I PHYIR DANG, MNGON PAR MA DAD PA RNAMS DAD PAR BYA BA'I PHYIR DANG, MNGON PAR DAD PA RNAMS PHYIR ZHING DAD PAR BYA BA'I PHYIR DANG, TSE 'DI'I ZAG PA RNAMS BSDAM PAR BYA BA'I PHYIR DANG, ,TSE RABS PHYI MA'I ZAG PA RNAMS GZHOM PA'I PHYIR DANG, NGA'I TSANGS PAR SPYOD PA YUN RING DU GNAS PAR 'GYUR BA'I PHYIR RO ZHES RNAM PAR BSHAD PA BSDU BA LAS RGYA CHER 'CHAD PA BZHIN DU RIG PAR BYA'O, ,DE LA DGE 'DUN BSDU BA'I PHYIR ZHES BYA BA NI RIGS BZHI PO DAD PAS LEGS PA KHO NAR KHYIM NAS KHYIM MED PAR RAB TU 'BYUNG BA RNAMS BSDU BA LAS BRTZAMS PA YIN NO, ,DE LTAR RAB TU BYUNG BA RNAMS LA GZHI DANG BCAS, NGES PAR 'BYUNG BA DANG BCAS, PHA ROL GNON PA DANG BCAS, CHO 'PHRUL DANG BCAS PA'I CHOS BSTAN PAS RJES SU 'JUG PAS DGE 'DUN LEGS PAR 'GYUR BAR RIG PAR BYA'O, ,GZHI DANG BCAS PA LA SOGS PA'I TSIG RNAMS KYI RNAM PAR DBYE BA NI 'DI LTA STE, BYANG CHUB SEMS DPA'I SAR BSTAN PA BZHIN DU RIG PAR BYA'O, ,DGE 'DUN BDE BAR GNAS PA BYA BA NI RNAM PA LNGAS RIG PAR BYA STE, YO BYAD RKYEN DU 'BAB PA DAG YOD PA DANG, CHOS MI MTHUN PA'I GANG ZAG RNAM PAR BSKRAD PA DANG, 'GYOD PA SKYES PA SEL BA DANG, NYON MONGS PA'I KUN NAS DKRIS PA RNAM PAR GNON PA DANG, NYON MONGS PA'I BAG LA NYAL SPONG BAS SO, ,DE LA BDE BAR GNAS PAR BYA BA DANG PO'I DBANG DU MDZAD NAS NI, MNGON PAR MA DAD PA RNAMS MNGON PAR DAD PAR BYA BA'I PHYIR DANG, MNGON PAR DAD PA RNAMS PHYIR ZHING DAD PAR BYA BA'I PHYIR ZHES BYA BA GSUNGS SO, ,GNYIS PA'I DBANG DU MDZAD NAS NI GNOD MI BKUR BA'I GANG ZAG RNAMS TSAR GCAD PA'I PHYIR ZHES BYA'O, ,GSUM PA'I DBANG DU MDZAD NAS NI; NGO TSA SHES PA RNAMS BDE BA LA GNAS PAR BYA BA'I PHYIR ZHES BYA'O, ,BZHI BA'I DBANG DU MDZAD NAS NI TSE 'DI'I ZAG PA RNAMS BSDAM PA'I PHYIR ZHES BYA'O, ,LNGA PA'I DBANG DU MDZAD NAS NI TSE RABS PHYI MA'I ZAG PA RNAMS GZHOM PA'I PHYIR ZHES BYA'O, ,THOB PA RNAMS BDE BAR @5B GNAS PAR 'GYUR BA DANG, MA THOB PA LA ZHUGS PA RNAMS BDE BAR 'JUG PAR 'GYUR BA'I PHYIR NGA'I TSANGS PAR SPYOD PA SKYE BA MANG PO LA PHAN PA DANG, YANGS PAR 'GYUR BA DANG, LHA DANG MI RNAMS KYI BAR LA YANG DAG PAR RAB TU BSTAN PA YUN RING DU GNAS PAR 'GYUR BA'I PHYIR ZHES BYA BA GSUNGS SO; ,DE DAG THAMS CAD MDOR BSDU NA, DANG PO BSDU BA DANG, LEGS PAR BSDU BA DANG, BSDUS PA RNAMS BDE BAR GNAS PAR BYA BA DANG, MA 'ONGS PA MA BSDUS PA RNAMS BDE BAR 'JUG PAR 'GYUR BA'I 'GYUR BA'I THABS YONGS SU BSTAN PA YIN TE, DE NI RNAM GRANGS GZHAN YIN NO, ,LTUNG BA'I SDE TSAN NI MDOR BSDU NA RNAM PA LNGA STE, LNGA GANG ZHE NA, PHAM PA DANG, DGE 'DUN LHAG MA DANG, LTUNG BYED DANG, SO SOR BSHAGS PAR BYA BA DANG, NYES BYAS SO, ,NYES PA SPOM PO GANG YIN PA DANG, MA NGES PA GANG YIN PA DE NI DE DAG NYID DU 'DUS PAR CI RIGS PAR BYA'O, ,LTUNG BA LAS BSLANG BA'I SDE TSAN NI RNAM PA BZHI STE, BZHI GANG ZHE NA, PHAM PA MA GTOGS PA DE LAS GZHAN PA'I LTUNG BA BZHI PO DAG LAS BSLANG BA DE DAG NI BSLANG BA'I SDE TSAN BZHI PO DAG YIN NO, ,LTUNG BA'I SDE TSAN DANG PO LAS KYANG BSLANG BA YOD MOD KYI DE NI GANG ZAG GI BYE BRAG TZAM NYID LA BRTEN PA YIN GYI THAMS CAD KHYAD PAR MED PA MA YIN PAS DE'I PHYIR DE LA BSLANG BA'I SDE TSAN NI MGO GCIG TU RNAM PAR MI GZHAG GO, ,DE LA LTUNG BA'I SDE TSAN THAMS CAD LA MDOR BSDU NA, NYES PA BCO LNGAS LTUNG BA THAMS CAD RNAM PAR GZHAG PAR RIG PAR BYA'O, ,BCU LNGA GANG ZHE NA, DNGOS PO LCI BA'I NYES PA DANG MI LDAN PA DANG CHOG MI SHES PA'I NYES PA DANG, GZHAN DAG DANG GNAS SKABS BYED PA'I NYES PA DANG, MA DAD PA DAD PAR MI 'GYUR ZHING DAD PA GZHAN DU 'GYUR BA'I NYES PA DANG, DON MANG ZHING BYA BA MANG BA'I NYES PA DANG, LHAG PAR CHAGS PA'I NYES PA DANG, GZHAN LA THO 'TSAMS PA'I NYES PA DANG, GNOD PA KUN NAS SLONG BA'I NYES PA DANG, BDE 'GROR 'GRO BA'I BAR DU GCOD PA'I NYES PA DANG, DGE SBYONG GI TSUL GYI BAR DU GCOD PA'I NYES PA DANG, SPANG BAR BYA BA DANG, SPANG BAR BYA BA MA YIN PA LEGS PAR MI SPONG BA DANG, SPONG BA'I @6A *, ,NYES PA DANG, GNAS PAR BYA BA MA YIN PA DANG, GNAS PAR BYA BA DANG GNAS PA DANG MI GNAS PAR BYED PA'I NYES PA DANG, BSNYEN BKUR BYA BA DANG BSNYEN BKUR MI BYA BA LA BSNYEN BKUR MI BYED PA DANG, BSNYEN BKUR BYED PA'I NYES PA DANG, GSANG BAR BYA BA DANG GSANG BAR MI BYA BA SGROGS PA DANG 'CHAB PA'I NYES PA DANG, BSTEN PAR BYA BA DANG BSTEN PAR MI BYA BA MI BSTEN PA DANG BSTEN PAS SO, ,DE LA LAS DANG PO PA NI PHAM PA BZHI PO DAG LA DNGOS PO LCI BA'I NYES PA YOD KYANG LAS DANG PO PAS GAL TE 'DI LTAR CHOS 'DI NI DGE SBYONG GI TSUL GYI BAR DU GCOD PAR BYED PA YIN NO, ,ZHES BYA BA KHO NA SHES PAR GYUR NA, SROG GI PHYIR YANG 'GAL BAR MI BYED NA, 'DI LTA STE, DGE SBYONG GI TSUL LA MI LTA BA NYID LA BRTEN PA'I BSAM PA SKYON CHAGS PA MED PA'I PHYIR KUN NAS DKRIS PA DRAG PO'I NYES PA NI MED PA YIN NO, ,GANG LA BSAM PA CHES STOBS DANG LDAN PA LA DNGOS PO DE LTA MA YIN NA DE LA NI LTUNG BA MED PA KHO NA YIN NO, ,GANG LA BSAM PA STOBS DANG LDAN PA KHO NA'I PHYIR LTUNG BA DANG BCAS PA LA NYES PA BYUNG YANG 'CHAB PA'I SEMS CIG KYANG SKYED PAR MI BYED NA DE YANG LDANG ZHING DGE SBYONG GI 'BRAS BU RNAMS KYI SKAL PA DANG LDAN PA YIN NO, DE LAS GZHAN BA NI NYES PA LCI BA DANG, NGO TSA MED PA DANG, KHREL MED PA'I KUN NAS DKRIS PA DRAG PO'I NYES PA DANG LDAN KHREL MED PA'I KUN NAS DKRIS PA DRAG PO'I NYES PA DANG LDAN BAR MI RUNG BA'I CHOS CAN DANG, YONGS SU MYA NGAN LAS MI 'DA' BA'I CHOS CAN YIN NO, ,DE LA BCOM LDAN 'DAS KYIS GNANG BA'I CHOS GOS DANG, LHUNG BZED LA SOGS PA BYIN GYIS BRLABS PA DANG, BRTAGS TE YONGS SU LONGS SPYAD PAR BYA BA GANG DAG YIN PA DE DAG DANG THAMS CAD KYI THAMS CAD DU 'BRAL BA DANG, BRTAG PA MED PAR YONGS SU LONGS SPYOD PAR BYED PA LAS DE LTA BU DANG LDAN PA'I LTUNG BA GANG YIN PA DE NI MI LDAN PA DANG CHOG MI SHES PA'I NYES PA LA BRTEN TE, BCA' BA MDZAD DO, ,NYE DU MA YIN PA'I DGE SLONG LA LAS CHOS GOS LEN PA DANG SBYIN PA DANG GCIG DANG LHAN CIG 'DUG PA DANG, DUS MA YIN PA DANG, DGE SLONG GI DGE 'DUN GYIS MA BSKOS @6B PAR STON PA DANG, DE BZHIN DU LAM GROGS MED PAR BUD MED DANG LHAN CIG GZHAN DU LAM DU 'JUG PA DANG, DE LTA BU DANG MTHUN PA DAG LA NI GZHAN DAG DANG GNAS SKABS BYED PA'I NYES PA YIN PAR RIG PAR BYA'O, ,GRONG GI NYE 'KHOR DU CHO GA TSUL DANG MI MTHUN PAS BSOD SNYOMS YONGS SU LONGS SPYOD PAR BYED PA DANG, 'DUG PA DANG, LAG PA DANG, LHUNG BZED BKRU BA DANG, MGRON DU BOS NAS ZAS KYI SNGA ROL DANG, ZAS ZOS KYI 'OG TU KHYIM PA 'DUG PA LA MA BSGO BAR KHYIM RNAMS SU RGYU BAR BYED PA DANG, DE LTA BU DANG MTHUN PA DAG LA NI MI DAD PA DAD PAR MI 'GYUR ZHING DAD PA GZHAN DU 'GYUR BA'I NYES PA YIN PAR RIG PAR BYA'O, ,GSER DNGUL LA 'DZIN PA DANG, NYO TSONG RNAM PA SNA TSOGS PA DANG, ZONG SGYUR GYI TSONG PA DANG, MON DAR SAR PA'I STAN BYED PA LA SOGS PA LA NI DON MANG ZHING BYA BA MANG BA'I NYES PA YIN PAR RIG PAR BYA'O, ,NYAMS SHING GYUR PA'I SEMS KYIS BSAMS BZHIN DU KHU BA 'BYIN PA DANG, BUD MED KYI LAG PA DANG DPUNG PA LA SOGS PA NAS 'DZIN PA DANG, SMYAN BYED PA DANG, DE BZHIN DU BZANG PO 'DOD PA'I PHYIR NYE DU MA YIN PA DAG LAS CHOS GOS LA SOGS PA LHAG PA DANG, BZANG PO YONGS SU TSOL BA LA SOGS PA LA NI LHAG PAR CHAGS PA'I NYES PA YIN PAR RIG PAR BYA'O, ,RTZA BA MED PA DANG, DE LAS GZHAN BA BAG TZAM GYI CHA DANG MTHUN PA'I CHOS KYIS GZHAN LA SKUR BA 'DEBS PA DANG, DGE SLONG PHRA MA ZER BA DANG, MI LA SMOD PA LA SOGS PA LA NI GZHAN LA THO 'TSAMS PA'I NYES PA YIN PAR RIG PAR BYA'O, , DPAG TSAD GSUM LAS LHAG PAR LUG GI BAL DAG KHUR DU KHYER BA DANG, KHUR HA CANG LCI BA KHYER BA DANG, SHING LA MI GANG TZAM LAS MTHOR 'DZEG PA LA SOGS PA LA NI GNOD PAS KUN NAS SLONG BA'I NYES PA YIN PAR RIG PAR BYA'O, ,DGE 'DUN MTHUN PA DBYE BA'I PHYIR RTUL PA LA SOGS PA LA NI BDE 'GROR 'GRO BA'I BAR DU GCOD PA'I NYES PA YIN PAR RIG PAR BYA'O, ,BDAG LA TSIG MA SMRA SHIG CES ZER BA LA SOGS PA LA NI DGE SBYONG GI TSUL GYI BAR DU GCOD PA'I NYES PA YIN PAR RIG PAR BYA'O, ,DGE 'DUN GYI MAL STAN BLA GAB MED PAR BTING NAS YAL BAR BOR TE 'GRO BA LA @7A *, ,SOGS PA DANG, LOG PAS YONGS SU LONGS SPYOD PA LA SOGS PA NI SPANG BAR BYA BA DANG SPANG BAR BYA BA MA YIN PA LEGS PAR MI SPONG BA DANG, SPONG BA'I NYES PA YIN PAR RIG PAR BYA'O, ,DGE SLONG DANG DGE TSUL LTA BA LOG PA DANG, LHAN CIG GNAS PA DANG GNAS SBYIN PA LA SOGS PA LA NI GNAS PAR MI BYA BA DANG GNAS PAR BYA BA DANG GNAS PA DANG MI GNAS PAR BYED PA'I NYES PA YIN PAR RIG PAR BYA'O, ,BSGO BA BCAG PA DANG, 'PHYA BA'I MTSAN NYID DANG, BSNYEN BKUR MI BYED PAS SO SOR THAR PA NYAN PA LA SOGS PA DAG NI BSNYEN BKUR BYA BA DANG, BSNYEN BKUR MI BYA BA LA SOGS BSNYEN BKUR MI BYED PA DANG BSNYEN BKUR BYED PA'I NYES PA YIN PAR RIG PAR BYA'O, ,GANG ZAG BSNYEN PAR MA RDZOGS PA LA MI'I CHOS BLA MA YANG DAG PAR SGROGS PA DANG, DGE SLONG GI GNAS NGAN LEN DANG LTUNG BA 'CHAGS PA LA SOGS PA LA NI GSANG BAR BYA BA DANG, GSANG BAR MI BYA BA SGROGS PA DANG, 'CHAB PA'I NYES PA YIN PAR RIG PAR BYA'O, ,CHOS GOS LA SOGS PA MA BRTAGS PAR YONGS SU LONGS SPYOD PA LA SOGS PA LA NI BSTEN PAR BYA BA DANG BSTEN PAR MI BYA BA MI BSTEN PA DANG BSTEN PA'I NYES PA YIN PAR RIG PAR BYA'O, ,NYES PA BCO LNGA PO 'DI DAG LTUNG BA KHA CIG LA NI RAB TU MANG LA, KHA CIG LA NI GNYIS YOD, KHA CIG LA NI GCIG YOD PAR RIG PAR BYA'O, ,'DUL BA SDUD PA BYED PA'I CHOS NI LNGA PO 'DI DAG YIN TE, LNGA GANG ZHE NA, RANG BZHIN GYIS KHA NA MA THO BA DANG BCAS PA DANG, BCAS PA'I KHA NA MA THO BA DANG BCAS PA DANG; DGAG PA DANG, GNANG BA DANG, SGRUB PA'O, ,DE LA RANG BZHIN GYIS KHA NA MA THO BA DANG BCAS PA GANG ZHE NA, RANG BZHIN GYIS MI DGE BA GANG YIN PA STE, BDAG KUN NAS NYON MONGS SHING GZHAN LA NYAM NGA BA DANG, GZHAN KUN NYON MONGS PA DANG, GZHAN LA GNOD PAR 'GYUR BA DANG, BDAG LA KUN NAS NYON MONGS PAS GNOD PAR 'GYUR BA BDAG LA KUN NAS NYON MONGS SHING GNOD PAR 'GYUR BA DANG, BDAG DANG GZHAN LA KUN NAS NYON MONGS SHING GNOD PAR 'GYUR BA GANG YIN PA STE, MA BCAD PA LA SPYOD PA NGAN 'GROR 'GRO BAR 'GYUR BA DANG, BCAD PA LA SPYOD PA DGE @7B SBYONG GI TSUL GYI BAR DU GCOD PAR 'GYUR BA'O, ,BCAS PA'I KHA NA MA THO BA DANG BCAS PA GANG ZHE NA, BCOM LDAN 'DAS KYIS RTAGS MI MTHUN PA NYID KYI PHYIR DANG, DAM PA'I CHOS LA GUS PAR BYAS PA DANG, RANG BZHIN GYIS KHA NA MA THO BA DANG BCAS PA DANG MTHUN PA DANG, GZHAN GYI SEMS BSRUNG BA DANG, BDE 'GRO DANG, SROG DANG, DGE SBYONG GI TSUL GYI BAR DU GCOD PA NYID YIN PA'I PHYIR SPANGS PA GANG YIN PA DE LA SPYOD PA NI BCAS PA'I KHA NA MA THO BA DANG BCAS PA ZHES BYA'O, ,DGAG PA GANG ZHE NA, NGAN 'GROR 'GRO BAR 'GYUR BA DANG, BDE 'GROR 'GRO BA'I BAR DU GCOD PAR 'GYUR BA DANG, CHOS KYI RNYED PA'I BAR DU GCOD PA DANG, SROG GI BAR DU GCOD PA DANG, DGE SBYONG GI TSUL GYI BAR DU GCOD PA GANG YIN PA DE LA SPYOD PA DE BZHIN GSHEGS PAS DGAG PA MDZAD PA'O, ,GNANG BA NI DE LAS BZLOG PA YIN PAR RIG PAR BYA'O, ,SGRUB PA GANG ZHE NA, SGRUB PA NI MDOR BSDU NA RNAM PA GSUM STE, LTUNG BA DANG LTUNG BA MED PA DANG, LTUNG BA LAS BSLANG BA'O, ,DE DAG KYANG MDOR BSDU NA RNAM PA GNYIS TE, LOG PAR SGRUB PA DANG, YANG DAG PAR SGRUB PA'O, ,DE LA LTUNG BA NI LOG PAR SGRUB PA YIN LA, LTUNG BA MED PA DANG LTUNG BA LAS BSLANG BA NI YANG DAG PAR SGRUB PA YIN PAR RIG PAR BYA'O, ,DE LA LTUNG BA JI LTAR 'BYUNG ZHE NA, BYA BA MI BYED PA'I PHYIR MI SBYOR BA DANG, MI BYA BA BYED PA'I PHYIR SBYOR BA DANG BCAS PA'I LTUNG BA 'BYUNG NGO, ,DE DAG KYANG RGYU RNAM PA BZHIS 'BYUNG STE, MI SHES PA DANG, BAG MED PA DANG, NYON MONGS PA MANG BA DANG, MA GUS PA LAS SO, ,JI LTAR MI SHES PA LAS 'BYUNG ZHE NA, 'DI LTAR 'DI NA LA LAS LTUNG BA MA THOS SHING MA RTOGS PAS DE BLO MA BYANG BA'I PHYIR MI SHES PA LAS LTUNG BA LA LTUNG BA MED PAR 'DU SHES PAS LTUNG BA 'BYUNG BAR 'GYUR TE, DE LTAR NA MI SHES PAS 'BYUNG BA YIN NO, ,JI LTAR NA BAG MED PAR 'BYUNG ZHE NA, 'DI LTAR 'DI NA LA LA LTUNG BA LA BLO BYANG BA KHO NA YIN YANG BRJED NGAS PAR GNAS SHING SHES BZHIN MA YIN PAR GNAS PAS DE DRAN PA NYE BAR MI GNAS PAS LTUNG BA 'BYUNG BAR 'GYUR TE, DE LTAR NA BAG MED PAS 'BYUNG BA YIN NO, ,JI LTAR NA NYON MONGS PAS 'BYUNG ZHE NA, 'DI LTAR 'DI NA LA LA LTUNG BA LA BLO BYANG BA KHO NA YIN YANG, DE NI 'DOD @8A *, ,CHAGS DANG, ZHE SDANG DANG, GTI MUG SHAS CHE BA'I RANG BZHIN CAN YIN PAS, DE 'DOD CHAGS DANG, ZHE SDANG DANG, GTI MUG SHAS CHEN PO DES 'DI NI BYA BA MA YIN NO, ,ZHES BYA BAR SHES KYANG RANG DBANG MED PAS NYON MONGS PA RNAMS KYI LTUNG BA 'BYUNG BAR 'GYUR TE, DE LTAR NA NYON MONGS PA MANG BAS 'BYUNG BA YIN NO, ,JI LTAR NA MA GUS PAS 'BYUNG ZHE NA, 'DI LTAR 'DI NA LA LA LTUNG BA LA BLO BYANG BA YIN YANG DMAN PA LA MOS SHING SNGON RGYU MA SPYAD PA YIN PAS DE DMAN PA LA MOS PA'I PHYIR DGE SBYONG GI TSUL LA MI LTA ZHING MYA NGAN LAS 'DAS PA DANG, CHOS DANG DGE 'DUN LA GUS PA MED PA DANG, RJES MED PA DANG, NGO TSA MED PA DANG, BSLAB PA MI 'DOD PA DANG, MA GUS PAS CI 'DOD DGUR LTUNG BA 'BYUNG BAR 'GYUR RO, ,DE LA MI SHES PA DANG BAG MED PA GNYIS KYIS NI NYON MONGS PA CAN MA YIN LA, NYON MONGS PA MANG BA DANG MA GUS PA GNYIS KYIS NI NYON MONGS PA CAN GYI LTUNG BA YIN PAR RIG PAR BYA'O, ,LTUNG BA RNAMS KYI CHUNG NGU DANG, 'BRING DANG, CHEN PO NYID NI RNAM PA LNGAS RIG PAR BYA STE, LNGA GANG ZHE NA, NGO BO NYID DANG, BYED PA DANG, BSAM PA DANG, GZHI DANG, TSOGS PA'O, ,DE LA PHAM PA NI LTUNG BA CHEN PO YIN NO, ,DGE 'DUN LHAG MA NI 'BRING NGO; ,DE LAS GZHAN PA NI LTUNG BA CHUNG NGU YIN NO, RNAM GRANG GZHAN YANG PHAM PA DANG, DGE 'DUN LHAG MA RNAMS NI LCI BA'O, ,LTUNG BYED DANG SO SOR BSHAGS PAR BYA BA NI 'BRING NGO, ,NYES BYAS NI YANG BA YIN PAR RIG PAR BYA STE, DE LTAR NGO BO NYID LAS CHUNG NGU DANG 'BRING DANG CHEN PO NYID YIN PAR RIG PAR BYA'O, ,DE LAS MI SHES PAS BYAS PA GANG YIN PA DANG, BAG MED PA GANG YIN PA DE NI LTUNG BA CHUD PA YIN NO, ,NYON MONGS PA MANG BAS BYAS PA GANG YIN PA DE NI LTUNG BA 'BRING YIN NO, ,MA GUS PAS BYAS PA GANG YIN PA DE NI LTUNG BA CHEN POR RIG PAR BYA STE, DE LTAR NA BYED PA LAS CHUNG NGU DANG, 'BRING DANG, CHEN PO NYID YIN PAR RIG PAR BYA'O, ,DE LAS 'DOD CHAGS DANG, ZHE SDANG DANG, GTI MUG GIS KUN NAS DKRIS PA CHUNG NGUS BYAS PA GANG YIN PA DE NI CHUNG NGUR RIG PAR BYA'O, ,'BRING GIS BYAS PA GANG YIN PA DE NI 'BRING NGO, ,CHEN POS BYAS PA GANG YIN PA DE NI CHEN PO @8B YIN TE; DE LTAR NA BSAM PA LAS CHUNG NGU DANG, 'BRING DANG, CHEN PO NYID YIN PAR RIG PAR BYA'O, ,BSAM PA MTSUNGS PAS GZHI RANG BZHIN GCIG PA LA BYAS KYANG CHUNG NGU DANG, 'BRING DANG, CHEN PO NYID DU 'GYUR BA YANG YOD PA NYID DU RIG PAR BYA'O, ,'DI LTA STE, ZHE SDANG GIS KUN NAS DKRIS PA MTSUNGS PAS DUD 'GRO'I SKYE GNAS SU SKYES PA'I SROG CHAGS BSAMS BZHIN DU BSAD NA NI LTUNG BYED YIN LA, MI 'AM MIR CHAGS PA PHA YANG MA YIN MA YANG MA YIN PA BSAD NA NI PHAM PA YIN LA, MTSAMS MED PAR NI MI 'GYUR RO, ,ZHE SDANG GIS KUN NAS DKRIS PA MTSUNGS PA PHA'AM MA BSAD NA NI PHAM PA YANG YIN LA MTSAMS MED PAR 'GYUR BAR YANG RIG PAR BYA STE, DE LTAR NA GZHI'I RNAM PA LAS LTUNG BA CHUNG NGU DANG 'BRING DANG CHEN PO NYID YIN PAR RIG PAR BYA'O, ,DE LA SOGS PA LAS NI 'DI LTAR 'DI NA LA LA LTUNG BA GCIG DANG GNYIS DANG GSUM NAS LNGA'I BAR DU BYUNG YANG CHOS BZHIN DU PHYIR MI BYED PA DE NI TSOGS PA LAS LTUNG BA CHUNG BA YIN NO, ,DE YAN CHAD LTUNG BA BCU'AM, NYI SHU'AM, SUM CU'AM, SHES PAR BYA BAR NUS PA'I BAR DU BYANG BA LA CHOS BZHIN DU PHYIR MI BYED PA DE NI TSOGS PA LAS LTUNG BA 'BRING YIN PAR RIG PAR BYA'O, ,LTUNG BA DPAG TU MED PA BYUNG BA BDAG LA LTUNG BA 'DI SNYED CIG BYUNG NGO ZHES SHES PAR BYA BAR MI NUS PA GANG YIN PA DE NI TSOGS PA LAS LTUNG BA CHEN PO YIN PAR RIG PAR BYA'O, ,BYA BA GANG ZHE NA, GANG MI BYED PA'I PHYIR MI SBYOR BA LAS LTUNG BA 'BYUNG BA STE, MDOR BSDU NA BYA BA NI RNAM PA LNGA STE, TSOGS KYI BYA BA DANG; RNAM PAR DAG PA'I BYA BA DANG, GRONG GI BYA BA DANG, DGE BA'I PHYOGS KYI BYA BA DANG, 'PHRAL GYI BYA BA'O, ,DE LA TSOGS KYI BYA BA NI 'DI LTA STE, NYAN THOS KYI SAR TSOGS RNAM PA BCU GSUM BSTAN PA YIN NO, ,RNAM PAR DAG PA'I BYA BA YANG 'DI LTA STE, NYAN THOS KYIS NYID DU YID LA BYED PA BSGOM PA'I SKABS SU BSTAN PA BZHIN DU RIG PAR BYA'O, ,GRONG GI BYA BA NI BDAG NYID KYI CHOS GOS LA SOGS PA'I PHYIR GRONG DU 'JUG PA DANG, SANGS RGYAS DANG CHOS DANG DGE 'DUN DANG, TSANGS PA MTSUNGS PAR SPYOD PA'I PHYIR RAM, MA DAD PA RNAMS DAD PAR BYA BA DANG, DAD PA RNAMS @9A *, ,PHYIR ZHING 'BYUNG BAR BYA BA'I PHYIR GRONG DU 'JUG PA'O, ,DGE BA'I PHYOGS KYI BYA BA NI TSOGS KYI BYA BA'AM, RNAM PAR DAG PA'I BYA BA GANG YIN PA DE NYID LAS BRTZAMS NAS DGE BA'I PHYOGS RNAMS LA CHOS KYI RJES SU MTHUN PA'I CHOS SGRUB PA LA YANG DAG PAR 'JUG PA'O, ,'PHRAL GYI BYA BA NI LHUNG BZAD DANG CHOS GOS KYI LAS DANG, MKHAN PO DANG, SLOB DPON DANG, TSANGS PA MTSUNGS PAR SPYOD PA DANG, NAD PA LA SOGS PA'I BYA BA DAG YIN PAR RIG PAR BYA'O, ,DE DAG LAS BZLOG PAR BYA BA LNGA PO DE NYID KYIS MI MTHUN PA RNAM PA LNGAS NI BYA BA MA YIN PA LNGA PO DAG CI RIGS PAR RIG PAR BYA'O, ,LTUNG BA MED PA GANG ZHE NA, RGYU LNGA KHO NAS LTUNG BA MI 'BYUNG STE, LNGA GANG ZHE NA DBANG PO RNAMS KYI SGO BSDAMS TE GNAS PA DANG, ZAS KYI TSOD RIG PA DANG, NAM GYI CHA STOD DANG CHA SMAD LA MI NYAL BAR SBYOR BA'I RJES SU BRTZON PA DANG, SHES BZHIN DU SPYOD PA DE NI RGYU GCIG YIN NO; ,GZHAN YANG DGE SBYONG GI TSUL LA SHAS CHER LTA BA DANG, STON PA DANG, TSANGS PA MTSUNGS PAR SPYOD PA RNAMS LA DAD PA DANG GUS PA CHEN PO DANG, KHA NA MA THO BA KUN TU SPYOD PA SHAS CHER NGO TSA SHES PA DANG, KHREL YOD PA DANG LDAN PA DE NI GNYIS PA YIN NO, ,GZHAN YANG BYA BA NYUNG BA DANG, DON NYUNG BA DANG, LAS KYI MTHA' NYUNG BA DANG, 'DU 'DZI NYUNG BA DE NI RGYU GSUM PA YIN NO, ,GZHAN YANG KHYIM PA DANG RAB TU BYUNG BA RNAMS DANG MI 'DRE BAR GNAS PA DANG, BAG YOD PAS LTUNG BA DANG, LTUNG BA MED PA LA MKHAS PA DANG, DGE BA'I PHYOGS LA GCIG TU NGES PAR BYED PA DE NI RGYU BZHI PA YIN NO, ,GZHAN YANG LAS DANG PO PA DANG, SMYOS PA DANG, SEMS 'KHRUGS PA DANG, TSOR BAS NYEN PA DE NI RGYU LNGA PA YIN PAR RIG PAR BYA STE, RGYU LNGA PO DE DAG GI DANG PO NYID LA LTUNG BA MI 'BYUNG NGO, ,LTUNG BA LAS BSLANG BA GANG ZHE NA, RGYU GSUM GYIS LDANG STE, GSUM GANG ZHE NA; 'GYOD PA LNGA BSKYED PA DANG, YAN LAG LNGAS BSDUS PA'I BAG YOD PA DANG, RNAM PA LNGAS 'GYOD PA BSAL BA'O, ,'DI LTAR 'DI NA LA LA LTUNG BA GANG YANG RUNG BA ZHIG BYUNG NA RGYU LNGAS 'GYOD PA SKYED PAR BYED DE, BDAG NYID LA GZHI 'DIS TSUL KHRIMS DAG GIS SMAD PAR 'GYUR RO SNYAM NAS @9B 'GYOD PA SKYED PAR BYED PA DANG, GZHAN DANG LHA DAG GIS SMAD PAR 'GYUR RO SNYAM NAS 'GYOD PA SKYED PAR BYED PA DANG, STON PA DANG, TSANGS PA MTSUNGS PAR SPYOD PA MKHAS PA RNAMS KYIS SMAD PAR 'GYUR RO SNYAM NAS 'GYOD PA SKYED PAR BYED PA DANG, PHYOGS DANG PHYOGS MTSAMS RNAMS SU SDIG PA CAN GYI MI BSNGAGS PA'I GRAGS PA DANG, SGRA DANG TSIGS SU BCAD PA MNGON PAR 'PHEL BAR 'GYUR RO SNYAM NAS 'GYOD PA SKYED PAR BYED PA DANG, GZHI 'DIS BDAG LUS ZHIG NAS NGAN SONG RNAMS SU SKYES PAR GYUR NA MI RUNG NGO SNYAM NAS 'GYOD PA SKYED PAR BYED PA'O, ,YAN LAG LNGAS BSDUS PA'I BAG YOD PA NI 'DI LTA STE, NYAN THOS KYI SAR SNGON GYI MTHA' DANG LDAN PA DANG, PHYI MA'I MTHA' DANG LDAN PA DANG, DBUS KYI MTHA' DANG LDAN PA DANG, DUS LNGA NAS BYA BA DANG, LHAN CIG RJES SU SPYOD PA ZHES BSTAN PA BZHIN DU RIG PAR BYA'O, ,RNAM PA LNGA PO DAG GIS 'GYOD PA SEL BAR BYED CE NA, BCOM LDAN 'DAS KYIS GZHI DANG BCAS, NGES PAR 'BYUNG BA DANG BCAS PA'I CHOS BSTAN PAS LTUNG BA LAS LDANG BA'I SKABS YOD DO SNYAM NAS 'GYOD PA SKYES PA SEL BAR BYED PA DANG, MI SHES PA DANG, BAG MED PA DANG, NYON MONGS PA MANG BA DANG, MA GUS PA GANG GIS LTUNG BA 'BYUNG BA MI SHES PA DANG, MA GUS PA'I BAR DE NI SPANGS SHING SHES PA DANG, GUS PA'I BAR DE NI YANG DAG PAR SKYES SO SNYAM NAS 'GYOD PA SKYES PA SEL BAR BYED PA DANG, LTUNG BA LA YANG LTUNG BA MI 'BYUNG BAR BYA BA'I PHYIR LHAG PA'I BSAM PA THAG PA NAS SEMS SKYES SO SNYAM NAS 'GYOD PA SKYES PA SEL BAR BYED PA DANG, TSANGS PA MTSUNGS PAR SPYOD PA MKHAS PA RNAMS KYI MDUN DU SO SOR BSHAGS ZIN TO SNYAM NAS 'GYOD PA SKYES PA SEL BAR BYED PA DANG, BDAG LEGS PAR GSUNGS PA'I CHOS 'DUL BA LA RAB TU BYUNG NAS BSLAB PA DANG 'GAL NA 'GYOD PAR BYED PA GANG YIN PA DE NI BDAG LA DGE BA DANG LEGS PA YIN GYI, BCOM LDAN 'DAS KYIS 'GYOD PA'I RGYUN SGRIB PA'I GNAS LTA BU RNAM GRANGS DU MAR SMAD PA, BAR DU GCOD PAR BYED PA GANG YIN PA DES MANG DU GNAS SHING DANG DU LEN PAR BYED PA SEL BAR MI BYED PA GANG YIN PA DE NI BDAG LA DGE BA DANG LEGS PA MA YIN NO SNYAM DU @10A *, ,RIG NAS 'GYOD PA SKYES PA SEL BAR BYED PA YIN TE, DE LTAR LTUNG BA LAS LDANG BAR BYED DO, ,'DUL BA'I RJES SU SPYOD PA'I CHOS NI LNGA PO 'DI DAG YIN PAR RIG PAR BYA STE, ,DGE SLONG 'DUL BA LA BRTZON PA NI DE DAG LA RJES SU SPYOD PAR BYED DO, ,LNGA GANG ZHE NA, GNAS PA DANG; GNAS DANG, RTEN DANG, LONGS SPYOD DANG, LAS NI LNGA PA YIN NO, ,DE LA GNAS PA GANG ZHE NA, DGE SLONG 'DUL BA'I BSLAB PA LA BRTZON PA NI 'DU SHES KYI GNAS PA LNGAS GNAS PAR BYED DO, ,LNGA GANG ZHE NA, GRONG DU 'JUG PA NA BTZON RAR 'JUG PA'I 'DU SHES DANG, GTZUG LAG KHANG NA RTAG TU DGE SBYONG GI 'DU SHES DANG LDAN, DE LA DGE SBYONG GI 'DU SHES NI 'DI YIN TE, BDAG NI KHYIM PA'I CHA LUGS SPANGS SHING KHA DOG NGAN PA KHAS BLANGS PAS GZUGS MI SDUG PA YIN NO ZHES BYA BA LA SOGS PA RGYAS PAR MDO LAS GNAS NYI SHU RTZA GNYIS JI SKAD GSUNGS PA DAG LA SO SOR RTOG PA YIN NO, ,ZAS LA RTAG PAR NAD KYI GNYEN PO'I 'DU SHES DANG, RAB TU DBEN PA NA MIG GIS RNAM PAR SHES PAR BYA BA'I GZUGS DANG, RNA BAS RNAM PAR SHES PAR BYA BA'I SGRA RNAMS LAS BRTZAMS TE, LONG BA DANG, 'ON PA DANG, LKUGS PAR 'DU SHES PA DANG, NYAL BA NA DGON PA'I RI DAGS LTAR THUM PHRAS SU NYAL BA'I 'DU SHES KYIS TE, DGE SLONG 'DUL BA'I BSLAB PA LA BRTZON PA NI 'DU SHES KYI GNAS LNGA PO DE DAG GIS GNAS PAR BYED DO, ,'DU SHES KYI GNAS PA DE DAG GIS GNAS PA NI RGYAL PO LA 'OS PA'I GOS DANG ZAS DANG MAL STAN GYI LONGS SPYOD LA GNAS PAR GNANG YANG 'DOD PA'I BSOD SNYOMS KYI RJES SU SBYOR BAR MI 'GYUR RO, ,GNAS GANG ZHE NA, GNAS LNGA STE, DGE SLONG GI GNAS DANG, DGE SLONG MA'I GNAS DANG, MU STEGS CAN GYI GNAS PA DANG, KUN NAS NYON MONGS PA CAN GYI GNAS DANG, KUN NAS NYON MONGS PA CAN MA YIN PA'I GNAS SO, ,DE LA DGE SLONG GI GNAS NI GANG NA DGE SLONG GSAR BU DANG, BAR MA DANG GNAS BRTAN DAG GNAS PA'O, ,DGE SLONG MA'I GNAS KYANG GANG NA DGE SLONG MA SNGA MA LTA BU DANG, RNAM PA GSUM PO DAG GNAS PA'O, ,MU STEGS CAN GYI GNAS NI GANG NA MU STEGS CAN GCER BU DANG, @10B 'TSO BA DANG, PHYUGS BDAG PA DANG, DE DAG LA SOGS PA RNAM PA SNA TSOGS DAG GNAS PA'O, ,KUN NAS NYON MONGS PA CAN GYI GNAS NI GANG NA LAS THAMS CAD MED PA'AM, DE DAG LAS KHA CIG MED PA'O, ,KUN NAS NYON MONGS PA CAN MA YIN PA'I GNAS NI GANG NA LAS THAMS CAD YOD PA'O; ,DE LA DGE SLONG GI GNAS KUN NAS NYON MONGS PA CAN MA YIN PA NI 'KHOR SNYING PO CAN GNAS LA, KUN NAS NYON MONGS PA CAN NI 'KHOR SNYIGS MA CAN GNAS PAR RIG PAR BYA'O, ,DE LA DGE SLONG DGE SLONG NYID 'DOD PAS NI DGE SLONG GI GNAS KUN NAS NYON MONGS PA CAN BRTAGS TE, BKUR STI RAB TU SPANGS NAS GNAS PAR MI BYED DO, ,GNOD PAR BYUNG NA RE ZHIG PA'I TSUL DANG 'GRON LAM DU ZHUGS PA NA RE ZHIG PA'I TSUL DANG, DGE SLONG DE DAG NYID MI DGE BA'I GNAS NAS BSLANGS TE, DGE BA'I GNAS SU DGOD PAR BYA BA'I PHYIR GNAS PA NI MA GTOGS SO, ,DGE SLONG MA'I GNAS SU NI GNAS PAR MI BYA BA KHO NA YIN TE, SNGAR SMOS PA'I RKYEN RNAMS MA GTOGS PA NI SNGA MA BZHIN NO, ,MU STEGS CAN GYI GNAS SU YANG DE BZHIN NO, ,DGE SLONG GI GNAS KUN NAS NYON MONGS PA CAN MA YIN PAR NI JI SRID 'TSO'I BAR DU BRTAGS TE THA NA 'TSO BA TZAM GYI PHYIR YANG GNAS PAR BYA'O, , DE LTAR DOGS PAR 'GYUR BA DANG, RTOG PAR 'GYUR BA MED PA'I GNAS PA DAG TU NI DGE SLONG DE GNAS NA TSANGS PA MTSUNGS PAR SPYOD PA MKHAS PA RNAMS DOGS PA DANG RTOG PAR MI 'GYUR RO, ,RTEN GANG ZHE NA, RTEN KYANG LNGA STE, LNGA GANG ZHE NA, GRONG SOGS LA BRTEN PA DANG, GNAS LA BRTEN PA DANG, GANG ZAG LA BRTEN PA DANG, CHOS GOS LA SOGS PA YO BYAD LA BRTEN PA DANG, SPYOD LAM LA BRTEN PA'O, ,DE LA GRONG NGAM GRONG KHYER LA BRTEN TE YUL GYI PHYOGS GANG NA GNAS PA DE NI DE'I GRONG TSIGS LA BRTEN PA YIN NO, ,DGE 'DUN GYI KUN DGA' RA BA'AM GTZUG LAG KHANG NGAM KHANG KHYIM MAM, 'CHAGS LAS NYE BAR BRTEN CING GNAS PA DE NI DE'I GNAS LA BRTEN PA YIN NO, ,SBYIN BDAG GAM, SLOB DPON NAM MKHA' PO 'AM, GLENG BA PO 'AM, DRAN PAR BYED PA 'AM, 'DOMS PAR BYED PA 'AM, RJES SU STON PAR BYED PA 'AM, CHOS STON PA LA NYE BAR @11A *, ,BRTEN CING GNAS PA DE NI DE'I GANG ZAG LA BRTEN PA YIN NO, ,CHOS GOS LA SOGS PA'I YO BYAD NGAN PA'AM, BZANG PO JI LTA BU LA BRTEN CING GNAS PA DE NI DE'I CHOS GOS LA SOGS PA'I YO BYAD LA BRTEN PA YIN NO, ,DE DE NA DUS DUS SU SPYOD LAM RNAM PA BZHIS CI BDE BAR GO RIMS BZHIN DU GNAS PA DE NI DE'I SPYOD LAM LA BRTEN PA YIN TE, RTEN DE DAG LA BRTEN CING GNAS NA BDAG LA BDAG NYID SDUG BSNGAL BA DON MED PA DANG LDAN PAS GNOD PAR MI 'GYUR RO, ,LONGS SPYOD GANG ZHE NA, LONGS SPYOD MI RUNG BA LNGA DANG, RUNG BA LNGAR RIG PAR BYA STE, LONGS SPYOD MI RUNG BA LNGA NI MCHOD RTEN GYI NI NAD TSABS CHE BA MA YIN PA DANG, RTON PA GZHAN YOD PA LA MI RUNG NGO, ,DGE 'DUN NI MA BSGO BA DANG, LHUNG BZED DU MA CHUD PA DANG, MA GTOGS PA LA MI RUNG NGO, ,GANG ZAG GZHAN GYI NI MA BYIN PA DANG, RJES SU MA GNANG PA DANG, YID MI GCUGS PA LA MI RUNG NGO, ,RANG GI GANG ZAG NI BSHAD PA LA SOGS PA LAS BYAS PA'AM, DE DANG 'DRES PA THAMS CAD KYI THAMS CAD DU LONGS SPYOD DU MI RUNG NGO, ,BSTEN NA DE'I DGE BA'I CHOS RNAMS YONGS SU NYAMS PAR 'GYUR ZHING MI DGE BA'I CHOS RNAMS MNGON PAR 'PHEL BAR 'GYUR BA GANG YIN PA DANG, BSTEN NA 'JIG RTEN 'KHRUG PAR 'GYUR BA DANG, 'JIG RTEN GYIS SMAD PA'AM, MA DAD PA RNAMS DAD PAR MI 'GYUR ZHING DAD PA RNAMS GZHAN DU 'GYUR BA YANG MI RUNG STE, LNGA PO DE DAG NI LONGS SPYOD MI RUNG BA YIN PAS DGE SBYONG 'DUL BA'I BSLAB PA LA BRTZON PAS DE DAG YONGS SU SPANG PAR BYA'O, , LONGS SPYOD RUNG BA LNGA NI DE DAG LAS BZLOG PA YIN PAR RIG PAR BYA STE, DGE SLONG 'DUL BA'I BSLAB PA LA BRTZON PAS DE DAG NI YONGS SU SPYAD PAR BYA'O, ,DE LTAR LONGS SPYOD MI RUNG BA YONGS SU SPONG BA'I DGE SLONG DANG, LONGS SPYOD RUNG BA LA RJES SU 'JUG PA'I DGE SLONG NI DAD PAS BYIN PA YONGS SU SBYONG BAR BYED DO, ,LAS GANG ZHE NA, LAS NI MDOR BSDU NA BZHI STE, GSOL BA'I LAS DANG, GSOL BA DANG GNYIS KYI LAS DANG, GSOL BA DANG BZHI'I LAS DANG, LAN GSUM BRJOD PA'I LAS SO, ,LAS BZHI'I DE DAG KYANG GZHI GNYIS LA BRTEN PA YIN TE, SEMS CAN DU BGRANG BA @11B DANG; SEMS CAN DU BGRANG BA MA YIN NO, ,DE LA SEMS CAN DU BGRANG BA'I GZHI LAS NI RAB TU DBYUNG BA DANG, BSNYEN PAR RDZOGS PA DANG, GANG ZAG YID MTHUN PAR BYA BA DANG, LTUNG BA LAS BSLANG BA DANG, DGAR BA DANG, BSKRAD PA DANG, DBYAR GNAS PAR KHAS BLANGS PA DANG, ZHAG BDUN DANG, NYI SHU DANG, BZHI BCUR BYIN GYIS BRLAB PA DANG, SEMS CAN LA PHAN GDAGS PA DANG, CHAD PAS BCAD PA'I LAS GANG YIN PA DE NI SEMS CAN DU BGRANG BA'I GZHI'I LAS ZHES BYA'O, ,SEMS CAN DU BGRANG BA MA YIN PA'I GZHI LAS NI CHOS GOS DANG LHUNG BZED BYIN GYIS BRLABS PA DANG, SRA BRKYANG BYIN GYIS BRLABS PA DANG, CHOS GOS RNAMS DANG MI 'BRAL BAR BSDAM PA DANG, MTSAMS BCAD PA DANG, KHYIM RUNG BAR YID MTHUN PAR BYA BA GANG YIN PA DANG, DE LTA BU DANG MTHUN PA'I GZHI LAS GANG YIN PA DE NI SEMS CAN DU BGRANG BA MA YIN PA'I GZHI LAS YIN PAR RIG PAR BYA'O, ,LAS DE DAG KYANG TSOGS GNYIS KYIS BYA BA DANG, TSOGS BZHIS BYA BA DANG, TSOGS LNGAS BYA BA DANG, TSOGS BCUS BYA BA DANG, TSOGS NYI SHUS BYA BA DANG, TSOGS BZHI BCUS BYA BA DANG, DGE 'DUN MTHUN PAS BYA BA YIN PAR RIG PAR BYA'O, ,DE LA TSOGS GNYIS KYIS BYA BA 'DI LTA STE, DGE SLONG GIS DGE SLONG GI MDUN DU LAN GSUM BRJOD CING BSHAGS PA'O, ,LAS KYI LTUNG BYED DAM NYES BYAS KYI NYES PA 'CHAGS PAR BYED PA'O, ,TSOGS BZHIS BYA BA NI 'DI LTAR 'DI NA LA LA NYES PA SBOM PO BYUNG BA BZHI'I MDUN DU 'CHAGS PAR BYED PA'O, ,TSOGS LNGAS BYA BA NI MTHA' 'KHOB TU BSNYEN PAR RDZOGS PAR BYA BA'I LAS SO, ,TSOGS BCUS BYA BA YUL DBUS SU BSNYEN BAR RDZOGS PA'I LAS YIN PAR BLTA BAR BYA'O, ,TSOGS NYI SHUS BYA BA NI 'DI LTA STE, DGE 'DUN LHAG MA LAS DBYUNG BA'I LAS YIN PAR BLTA BAR BYA'O, ,TSOGS BZHI BCUS BYA BA NI DGE SLONG MA BSNYEN PAR RDZOGS PA'I LAS YIN PAR RIG PAR BYA'O, ,DGE 'DUN MTHUN PAS BYA BA NI 'DI LTA STE, MTSAMS KYI LAS DANG, GSO SBYONG GI LAS DANG, DGAG DBYE'I LAS DANG, GZHAN YANG DE LTA BU DANG MTHUN PA GANG YIN PA'O, ,LAS RNAM PA BZHI PO DE DAG KYANG GZHI'I RAB TU DBYE BAS RNAM PA DU MA YOD PAR RIG PAR @12A *, ,BYA'O; ,'DI LTA STE, 'DUL BA'I MA MO LAS 'BYUNG BA BZHIN NO, ,DGE SLONG 'DUL BA'I BSLAB PA LA BRTZON PA DE LTAR LAS SHES PA NI LAS RNAMS LA RJES SU SPYOD PA NI, LTUNG BA LA YANG MKHAS PA YIN, LTUNG BA LAS NGES PAR 'BYUNG BA LA YANG MKHAS PA YIN LA, BDAG NYID KYANG DAG PA NGANG GTZANG BAR YONGS SU SRUNG ZHING KHA NA MA THO BA MED PA YIN NO, ,DGE SLONG 'DUL BA'I BSLAB PA LA BRTZON PA'I BSLAB PA DANG MI MTHUN PA'I CHOS NI LNGAR SHES PAR BYA STE, DES DE DAG YONGS SU SPANG BAR BYA'O, ,BSLAB PA DANG MTHUN PA YANG LNGA STE, DE DAG GI BSLAB PA YANG DAG PAR SGRUB PAR BYED DO, ,BSLAB PA DANG MI MTHUN PA LNGA GANG ZHE NA, BAR DU GCOD PA DANG, DAM PA'I CHOS LTAR BCOS PA DANG, SDIG PA'I GROGS PO DANG, GLEN ZHING NYON MONGS PA MANG BA DANG, SNGON GYI TSOGS STOBS CHUNG BA NI LNGA PA YIN NO, ,BAR DU GCOD PA LNGA GANG ZHE NA, LHAG PA'I TSUL KHRIMS KYI BAR DU GCOD PA DANG, LHAG PA'I SEMS KYI BAR DU GCOD PA DANG, LHAG PA'I SHES RAB KYI BAR DU GCOD PA DANG, BDE 'GROR 'GRO BA'I BAR DU GCOD PA DANG, RNYED PA DANG SROG DANG 'PHRAL GYI BYA BA'I BAR DU GCOD PA'O, ,LHAG PA'I TSUL KHRIMS KYI BAR DU GCOD PA GANG ZHE NA, 'DI LTAR 'DI NA LA LA DRAN NAM, RNYED BTZON NAM, BRJOD PA YOD PA'AM, RGYAS PAR RAB TU 'BYUNG BA'I BAR DU GCOD PA'I CHOS RNAMS DANG LDAN PA DE NI LHAG PA'I TSUL KHRIMS KYI BAR DU GCOD PA ZHES BYA'O, ,LHAG PA'I SEMS KYI BAR DU GCOD PA GANG ZHE NA, BAR CHAD BCU GCIG NI LHAG PA'I SEMS KYI BAR DU GCOD PA ZHES BYA'O, ,YANG DANG YANG DU TSOGS 'DUL BA LA SOGS PA NAS YUL NGAN PAR GNAS PA'I MTHAR THUG PA'I BAR DAG GO, ,LHAG PA'I SHES RAB KYI BAR DU GCOD PA GANG ZHE NA, CHOS DANG CHOS SMRA BA LA MI GUS PA NYID DANG, DE BZHIN GSHEGS PA DANG CHOS SMRA BA DAG LA KHYAD DU GSOD PA NYID DANG, BDAG NYID LA KHYAD DU GSOD PA NYID DANG, CHOS LA SER SNA BYED PA NYID DANG, GZHAN DAG GI CHOS LA BAR CHAD BYED PA DANG, DAM PA'I CHOS LAS 'DUN PA BZLOG PA DANG, DAM PA'I CHOS LA SKUR PA 'DEBS PA DANG, DE LTAR DE LTA BU LA SOGS PA NI LHAG PA'I SHES RAB KYI BAR @12B DU GCOD PA YIN PAR RIG PAR BYA'O, ,BDE 'GROR 'GRO BA'I BAR DU GCOD PA GANG ZHE NA, 'DI LTAR 'DI NA LA LA SDIG PA 'DOD PA DANG, LOG PAR LTA BA DANG, KHRO BA DANG, KHON DU 'DZIN PA DANG, RGYAS PAR DE LTA BU'I NGAN SONG GI RGYU YANG DAG PAR BLANG BA DE LTA BU LA 'JUG PA DE NI BDE 'GROR 'GRO BA'I BAR DU GCOD PA ZHES BYA'O, ,RNYED PA'I BAR DU GCOD PA NI 'DI LTA STE, MA DAD PA RNAMS DAD PAR MI 'GYUR BA DANG, DAD PA RNAMS GZHAN DU 'GYUR ZHING DAD PAR MI 'GYUR BA'I PHYIR ZHUGS PA DANG, BSOD NAMS MI 'DOD PA DANG, DUS DANG DUS SU SBYIN PA LAS BYUNG BA'I BSOD NAMS BYA BA'I DNGOS POS GZHAN DAG LA PHAN PA NYE BAR SGRUB PAR MI BYED PA DANG, DE LTAR DE LTA BU LA SOGS PA YIN NO, ,SROG GI BAR DU GCOD PA NI GLANG PO CHE GTUM PO THAG RING DU SPONG BAR MI BYED PA DANG, RGYAS PAR YAMS GYI NAD DANG BCAS PA DANG, GNOD PA DANG BCAS PA'I YUL YONGS SU SPONG BAR MI BYED PA DANG, RGYU GANG DAG DANG RKYEN GANG DAG GIS TSE MA ZAD PAR 'CHI BA'I DUS BYED PAR 'GYUR BA DE DAG YONGS SU SPONG BAR MI BYED PA DANG, DE LTAR DE LTA BU LA SOGS PA YIN NO, ,'PHRAL GYI BYA BA'I BAR DU GCOD PA NI CHOS GOS DANG LHUNG BZED LA SOGS PA'I LAS GANG DAG YIN PA DE DAG LA BRTZON PAR MI BYED PA STE; DE DAG GCIG TU BSDUS PA NI RNYED PA DANG SROG DANG 'PHRAL GYI BYA BA'I BAR DU GCOD PA YIN PAR RIG PAR BYA'O, ,DAM PA'I CHOS LTAR BCOS PA GANG ZHE NA, DAM PA'I CHOS LTAR BCOS PA NI MDOR BSDU NA RNAM PA GNYIS SU DGONGS PAR RIG PAR BYA STE, BSHAD PA DAM PA'I CHOS LTAR THOS PA DANG, SGRUB PA DAM PA'I CHOS LTAR BCOS PA'O, ,CHOS MA YIN PA LA CHOS SU 'DU SHES SHING, CHOS MA YIN PA LA CHOS SU STON PA DANG, GZHAN DAG KYANG DE LA CHOS BSTAN TO SNYAM DU CHOS SU 'DU SHES PA DANG LDAN PAR 'GYUR LA, DE YANG YANG DAG PA DANG BDEN PAR CHOS MA YIN ZHING CHOS LTA BUR SNANG BA YIN PA DE'I PHYIR BSHAD PA DAM PA'I CHOS LTAR BCOS PA ZHES BYA'O, ,DE GZHAN DAG LA YANG DE LTAR 'CHAD CING 'DZIN DU 'JUG PAR BYED LA, BDAG NYID KYANG DE LTAR ZHUGS SHING CHOS SU 'DU SHES PAS LOG PA KHO NAR ZHUGS BZHIN DU BDAG NI YANG DAG PAR ZHUGS PA YIN NO SNYAM DU BDAG NYID KYIS @13A *, ,KUN DU SHES PAR BYED PA 'DI NI BSGRUB PA DAM PA'I CHOS LTAR BCOS PA YIN PAR RIG PAR BYA'O, ,DAM PA'I CHOS LTAR BCOS PA BRGYAD PA RNAMS KYI BAR SDOM NI, ,CHOS LA SOGS PA RNAM LNGA DANG, ,DBANG PO LA SOGS RNAM LNGA DANG, ,GNAS MA YIN PAS 'GYOD SOGS DANG, , DRAG SHUL KHRIMS 'CHAL THA MA YIN, ,DE BZHIN GSHEGS PAS GSUNGS PA'I MDO SDE LA TSIG 'BRU BCOS PA DAG GIS MDO SDE LA LHAD 'JUG PA'I SPONG BA DANG, 'DUL BA LA LHAD 'JUG CING SPONG BA NI DAM PA'I CHOS LTAR BCOS PA YIN NO, ,SGRO 'DOGS PA'I LTA BAS MED PA LA SGRO 'DOGS PA DANG, SKUR BA 'DEBS PA'I LTA BAS YOD PA'I DNGOS PO 'JIG PA'I TSUL GYIS MI RTAG PA LA SOGS PA'I DON GZHAN DAG LA STON PA DANG, 'CHAD PA DANG BDAG NYID DE LTA DE LTAR SGRUB PA YANG DAM PA'I CHOS LTAR BCOS PA YIN NO, ,GANG ZAG DANG LDAN PA BSHAD PA'I MDO SDE LA LOG PAR 'DZIN PA'I GANG ZAG YOD PA NYID DU STON PA YANG DAM PA'I CHOS LTAR BCOS PA YIN NO, ,RTAGS SU YOD PA'I CHOS RNAMS RDZAS SU YOD PA NYID DU YONGS SU STON PA YANG DAM PA'I CHOS LTAR BCOS PA YIN NO, ,MYA NGAN LAS 'DAS PA SPROS PA MED PA LA DNGOS PO DANG DNGOS PO MED PAR RTOG PA DANG, YOD PA DANG MED PAR STON PA YANG DAM PA'I CHOS LTAR BCOS PA YIN NO, ,GANG ZAG LA LA 'DI SKAD CES BCOM LDAN 'DAS KYIS DBANG PO RNAMS KYI SGO BSDAM PA NYID BA STOD CING BSNGAGS TE, RAB TU BSTOD PAS NA GZUGS RNAMS LA MI LTA BA NI BLA'I DRAN PA NYE BAR BZHAG STE LTA BA NI DE LTA MA YIN LA YID KYIS RNAM PAR SHES PAR BYA BA'I CHOS RNAMS KYI BAR DU YANG DE BZHIN DU RIG PAR BYA'O ZHES ZER BA DE YANG DAM PA'I CHOS LTAR BCOS PA YIN NO, ,GANG 'DI SKAD CES BCOM LDAN 'DAS KYIS SNYING LAS CHUNG NGUR GNAS PA NYID BSTOD CING BSNGAGS PAS NA RNAM PAR BSNGAGS PAR 'OS PA LA RJES SU MI BRTAG KUN DU MI DPYAD PAR MI BSNGAGS PA MI BRJOD PA NYID BLA'I, BSNGAGS PA BRJOD PA DANG MI BSNGAGS PA BRJOD PA NI DE LTA MA YIN ZHES ZER NA DE YANG DAM PA'I CHOS LTAR BCOS PA YIN NO, ,GANG 'DI SKAD CES BCOM LDAN 'DAS KYIS TSIG RAN PAR BSTOD CING BSNGAGS PAS NA KYE MA GANG THAMS CAD KYI THAMS CAD DU MI SMRA BA'I @13B BRTUL ZHUGS YANG DAG PAR LEN PA DE NI LEGS PA YIN NO ZHES ZER NA DE YANG DAM PA'I CHOS LTAR BCOS PA YIN NO, ,GANG 'DI SKAD CES BCOM LDAN 'DAS KYIS ZAS NYUNG BA NYID DANG, CHOS GOS NYUNG BA NYID BSTOD CING BSNGAGS PAS NA KYE MA GANG THAMS CAD KYI THAMS CAD DU ZAS MI ZA BAR GNAS PA DANG, GCER BU 'PHYAN PA DE NI LEGS PA YIN NO ZHES ZER NA, DE YANG DAM PA'I CHOS LTAR BCOS PA YIN NO, ,GANG 'DI SKAD CES BCOM LDAN 'DAS KYIS 'DU 'DZI MED PA DANG, THA SNYAD DANG LAS KYI MTHA' THAMS CAD RGYUN CHAD PA BSTOD CING BSNGAGS PAS NA, KYE MA GANG BAS MTHA'I GNAS MAL DU GNAS BAR RTZOM PA MED PA NYID DE NI LEGS PA YIN NO ZHES ZER BA DE YANG DAM PA'I CHOS LTAR BCOS PA YIN NO, ,LA LA 'JIG RTEN 'DI NI SEMS KYIS KHRID CING DRANGS PAS SEMS SKYES SO COG GI DBANG GIS 'GYUR RO ZHES BYA BA DANG, DE LTA BU DANG MTHUN PA'I MDO SDE DAG YANG DAG PA JI LTA BA BZHIN MI SHES PAS NGES PAR GZUNG BA YIN PAS, 'DI SKAD CES RNAM PAR SHES PA 'DI NYID KYIS MTSAMS SBYOR BAR BYED 'KHOR BAR BYED LA BDAG KYANG GZHAN MA YIN NO ZHES ZER NA, DE YANG DAM PA'I CHOS LTAR BCOS PA YIN NO, ,LA LA BCOM LDAN 'DAS KYIS SKYES BU GANG ZAG TSUL KHRIMS DANG LDAN PA LA KHA ZAS RO BRGYA DANG LDAN PA DANG, GOS BRGYA STONG RJES SU GNANG BA LAS NA, BAR DU GCOD PAR BYED PA'I 'DOD PA GANG DAG YIN PA DE DAG NI RNAM PA NGES NA NYES PAR SPYAD KYANG BAR DU GCOD PAR MI 'GYUR RO SNYAM DU NGES PAR GZUNG BA 'DZIN PAS 'DI SKAD CES KYE MA BCOM LDAN 'DAS KYIS 'DOD PA GANG DAG GIS BAR DU GCOD PAR GSUNGS PA DE NI BSTEN KYANG BAR DU GCOD PAR MI 'GYUR RO ZHES ZER NA, DE YANG DAM PA'I CHOS LTAR BCOS PA YIN NO, ,LA LA DGRA BCOM PA TSE 'DI NYID LA ZAS DANG THA SNYAD DANG PHUNG PO DANG KHAMS DANG SKYE MCHED DAG LA KHAS LEN PA DANG, KHAS MI LEN PA NYID YANG DAG PA JI LTA BA BZHIN DU MI SHES PAS 'DI SKAD CES BCOM LDAN 'DAS KYIS CHOS BSTAN PA NI BDAG GIS 'DI LTAR SHES TE, 'DI LTAR DGE SLONG DGRA BCOM PA NI SHI PHAN CHAD KHAS MI LEN PA YIN NO ZHES ZER NA, DE YANG DAM PA'I CHOS LTAR BCOS PA YIN NO, ,LA LA KUN RDZOB DANG DON DAM PA'I BDAN PA YANG DAG PA JI LTA BA @14A *, ,BZHIN DU MI SHES PAS TSUL RNAM PA GNYIS LAS SHIN TU 'DAS SHING, 'DI SKAD CES BDAG MED PA'I SEMS CAN YOD NA BDAG MED PAS BYAS PA'I LAS BDAG LA JI LTAR REG PAR 'GYUR ZHES ZER NA, DE YANG DAM PA'I CHOS LTAR BCOS PA YIN PAR RIG PAR BYA'O, LA LA RANG BZHIN GYIS KUN TU RMONGS PAS 'DOMS PAR BYED DE, DE NANG GI SEMS GNAS PA GANG RNAM PA DGU YANG DAG PA JI LTA BA BZHIN MI SHES LA BDEN PA RNAM PAR DPYAD PA DANG, DRAN PA NYE BAR GZHAG PA RNAM PAR DPYAD PA YANG DAG PA JI LTAR BZHIN MI SHES TE, DE DE LTAR MI SHES PAS MOS PA LAS BYUNG BA'I YID LA BYED PA KHO NA ZHI GNAS KYI PHYOGS STON PAR BYED PA DANG MOS PA LAS BYUNG BA'I YID LA BYED PA KHO NAS LHAG MTHONG GI PHYOGS STON PAR BYED PA DANG, MOS PA LAS BYUNG BA'I YID LA BYED PA KHO NAS MTHAR THUG PA STON PAR BYED CING BDAG NYID KYANG DE LTAR ZHUGS PAR GYUR NA; DE YANG DAM PA'I CHOS LTAR BCOS PA YIN NO, ,LA LA GNAS MA YIN PA LA 'GYOD BAR BYED CING DES RLOM PAR BYED NA, DE YANG DAM PA'I CHOS LTAR BCOS PA YIN NO, ,LA LA LUNG NOD PA DANG, KHA TON BYA BA DANG, RNAL 'BYOR YID LA BYA BA'I MTHU YOD BZHIN DU ZHAL TA BYA BA LA MOS PAR BYED NA DE LA YON TAN DU LTA ZHING GZHAN DAG LA YANG STON PAR BYED NA, DE YANG DAM PA'I CHOS LTAR BCOS PA YIN NO, ,LA LA TSUL KHRIMS LAS BYUNG BA DANG, BSGOMS PA LAS BYUNG BA LA SPYOD PA'I MTHU YOD BZHIN DU SBYIN PA LAS BYUNG BA LA YON TAN DU LTA ZHING YUL RGYU BAS LTUNG BA'I GNAS MANG PO DAG GIS BDAG NYID SMAS SHING NYAMS PAR BYAS NAS SBYIN PAR BYA BA'I DNGOS PO YANG DAG PAR BSGRUBS TE, SANGS RGYAS DANG, CHOS DANG, DGE 'DUN LA 'BUL BAR BYED NA, DE YANG DAM PA'I CHOS LTAR BCOS PA YIN NO, ,LEGS PAR GSUNGS PA'I CHOS 'DUL BA LA RAB TU BYUNG NAS THOS PAS PHAN TSUN DU RTZOD PAR BYED NA, DE YANG DAM PA'I CHOS LTAR BCOS PA YIN NO, ,DGE SLONG 'DOD PA CHUNG BA LA SOGS PA SPANGS NAS DGE SLONG GANG DAG BSOD NAMS CHE BAR SHES PA NAS CHOS GOS LA SOGS PA RNYED PA DE DAG LA BSNYEN BKUR BYED CING GTAM 'DRE BAR BYED, PHEBS PAR SMRA BAR @14B BYED; SO SOR KUN DGA' BAR BYED BAG 'BEBS PAR BYED CING DGE SLONG LAG GI BLA DAG LA SEMS LOG PAR MNGON PAR 'DU BYED PAR 'GYUR NA, DE YANG DAM PA'I CHOS LTAR BCOS PA YIN NO, ,DE BZHIN GSHEGS PAS GSUNGS PA'I MDO SDE ZAB MO STONG PA NYID DANG LDAN PA GANG YIN PA DE DAG SPANGS NAS, 'JIG RTEN RGYANG 'PHEN PA'I GSANG TSIG DKA' BA DAG GIS MKHAS PAR RLOM ZHING GZHAN DAG LA YANG MKHAS PA YIN PAR YID CHES PAR BYED NA, DE YANG DAM PA'I CHOS LTAR BCOS PA YIN NO, ,DRAG SHUL CAN DANG TSUL KHRIMS 'CHAL PA DAG TSAR BCAD PAR MI BYA BA YIN NA, DRAG SHUL CAN DANG TSUL KHRIMS 'CHAL PA DAG LA GNOD PAR BYA BA'I PHYIR SEMS PAR BYED NA, DE YANG DAM PA'I CHOS LTAR BCOS PA YIN NO, ,TSUL 'CHOS PA'I SPYOD LAM RNAM PAR SGRUB PAR BYED NA, DE YANG DAM PA'I CHOS LTAR BCOS PA YIN NO, ,'JIG RTEN RGYANG 'PHEN PA'I GSANG TSIG DAG GIS SHES KYI KHE RGYA CHEN PO 'THOB PAR BYED NA, DE YANG DAM PA'I CHOS LTAR BCOS PA YIN NO, ,GZHAN DAG LA GNOD PAR BYAS TE CHOS MA YIN PAS LONGS SPYOD DAG BSGRUBS NAS KHA NA MA THO BA DANG BCAS PA'I DGE BA BYED NA, DE YANG DAM PA'I CHOS LTAR BCOS PA YIN NO, ,DAM PA'I CHOS LTAR BCOS PA DE DAG NYID BSTAN PA'I RGYU DANG BYED PA'I RGYU DON MED PA DANG LDAN PA GANG GIS 'JOG PAR BYED NA, DE YANG DAM PA'I CHOS LTAR BCOS PA YIN NO, ,DE LTAR DAM PA'I CHOS LTAR BCOS PA DE DAG THAMS CAD NI BSLAB PA DANG MI MTHUN PA YIN PAR RIG PAR BYA'O, ,SDIG PA'I GROGS PO NI RGYA CHER 'DI LTA STE, NYAN THOS KYI SA DANG BYANG CHUB SEMS DPA'I SAR BSTAN PA BZHIN DU RIG PAR BYA'O, ,MDOR BSDU NA BAG MED PA DANG, NYES PAR SPYOD PA DANG, DGE BA DANG YON TAN DMAN PA YANG DAG PAR 'DZIN DU 'JUG PAR BYED PA GANG YIN PA DE NI SDIG PA'I GROGS PO YIN PAR RIG PAR BYA'O, ,DMAN ZHING RMONGS PA'I RANG BZHIN CAN GYI NYON MONGS PA SHAS CHE BA GANG YIN PA DE NI GLEN ZHING NYON MONGS PA MANG BA YIN PAR RIG PAR BYA'O, ,SNGON DAD PA LA SOGS PA DGE BA'I CHOS RNAMS MA BSGOMS PA TSE 'DI LA DAD PA LA SOGS PA DMAN PA NYID DANG, TSE 'DI LA MYA NGAN LAS 'DA' BA'I PHYIR BRTZON DU ZIN KYANG BSGOM MI NUS PA GANG @15A *, ,YIN PA DE NI SNGON GYI TSOGS MED PAS TSE 'DI LA STOBS CHUNG BA YIN PAR RIG PAR BYA STE, CHOS LNGA PO DE DAG NI BSLAB PA DANG MI MTHUN PA YIN NO, ,DE LAS BZLOG PA'I CHOS LNGA NI BSLAB PA DANG MTHUN PA YIN PAR RIG PAR BYA STE, DE DAG DANG LDAN PA'I DGE SLONG 'DUL BA LA BRTZON PA NI BSLAB PA YANG DAG PAR SGRUB PAR BYED DO, ,RJES SU MTHUN PA'I CHOS DE DAG DANG LDAN PA DE'I CHOS LNGA NI TSUL KHRIMS KYI PHUNG PO SRUNG BAR BYED PA YIN TE, LEGS PAR MNGON PAR 'BYUNG BA DANG, YONGS SU 'DRI BA DANG, SO SOR RTOG PA DANG, GNYEN PO SGOM PA DANG, DAD PA'O, ,DE LA BU LON GYIS NYAMS THAG NAS RAB TU BYUNG BA MA YIN PA ZHES BYA BA NAS, RGYAS PAR DE SNGA MA BZHIN DU MYA NGAN LAS 'DAS PA'I BSAM PA DANG, BSLAB PA 'DOD PAS RAB TU BYUNG BA DE NI LEGS PAR MNGON PAR 'BYUNG BA YIN NO, ,DE DE LTAR MNGON PAR BYUNG NAS LTUNG BA DANG LTUNG BA MED PA DANG LTUNG BA LAS BSLANGS PA LAS BRTZAMS NAS DGE SLONG MDO SDE DANG 'DUL BA DANG MA MO 'DZIN PA GANG DAG YIN PA DE DAG LA YONGS SU 'DRI BAR BYED CING DE DAG KYANG DE LA STON PAR BYED PA DE NI YONGS SU 'DRI BA ZHES BYA'O, ,DUS GSUM DU BDAG NYID KYI TSUL KHRIMS DAG LAS SO SOR RTOG PAR BYED CING GAL TE SNGA DRO'I DUS KYI TSE NYES PA MED PAR MTHONG NA MCHOG TU DGA' BA DE NYID KYIS NYIN MTSAN DU RJES SU SLOB CING GNAS PA DANG, GAL TE NYES PA MTHONG NA YANG CHOS BZHIN PHYIR BYED PA DE NI SO SOR RTOG PA ZHES BYA'O, ,DE DUS DUS SU NI NAM GYI CHA STOD DANG, NAM GYI CHA SMAD DAG LA NYIN MO YANG RUNG STE, 'DOD CHAGS LA SOGS PA NYON MONGS PA RNAMS KYI GNYEN PO YID LA BYED CING SGOM PA DANG, TSUL KHRIMS DANG SMRA BA DANG, SGRA TZAM GYIS CHOG PAR MI 'DZIN PA DE NI GNYEN PO SGOM PA YIN PAR RIG PAR BYA'O, ,DE LTUNG BA'I 'BRAS BU PHYI MA LA MI 'DOD PA YIN PAR YID CHES PA NI DAD PA YIN PAR RIG PAR BYA'O, , DE LA LEGS PAR MNGON PAR 'BYUNG BA YOD PA LA BRTEN NAS NI DE LAS GZHAN BZHI PO DAG GI BYA BA BYED DO, ,YONGS SU 'DRI BAS NI MI SHES PAS LTUNG BA 'BYIN PAR MI BYED DO, ,SO SOR RTOG PAS NI BAG MED PAS LTUNG BA 'BYIN PAR MI BYED DO, ,GNYEN PO BSGOMS PAS NI NYON MONGS PA MANG BAS LTUNG BA @15B BYIN PAR MI BYED DO, ,DAD PAS NI MA GUS PAS LTUNG BA 'BYIN PAR MI BYED DO, ,DE LTAR NA CHOS DE LA BRTEN NAS TSUL KHRIMS KYI PHUNG PO KUN TU BSRUNGS PA DANG, LEGS PAR BSRUNGS PA YIN NO, ,DGE SLONG 'DUL BA'I BSLAB PA LA BRTZON PA'I CHOS LNGA NI NYE BAR ZHI BA DANG, DUL BA DANG, ZHI BAR 'GYUR BA YIN TE; LNGA GANG ZHE NA, DES SHING 'GROGS NA BDE BA NYID DANG, SPONG BA DANG, SPONG BA'I YAN LAG DANG, BSNYEN BKUR DANG, RTZOD PA NYE BAR ZHI BA'O, ,DES SHING 'GROGS NA BDE BA NYID GANG ZHE NA, YANG DAG PAR MGU BAR 'GYUR BA'I CHOS DRUG STE, MDO LAS JI SKAD GSUNGS PA BZHIN NO, ,SPONG PA GANG ZHE NA; LHA DANG MI RNAMS KYI 'KHOR LO BZHI'O, ,SPONG BA'I YAN LAG NI SPONG BA'I YAN LAG LNGA'O, ,BSNYEN BKUR NI STON PA LA BSNYEN BKUR BYED PA NA RGYAS PAR BAG YOD PA'I BAR RO, ,RTZOD PA NYE BAR ZHI BAR BYED PA NI RTZOD PA NYE BAR ZHI BAR BYED PA'I CHOS BDUN NO, ,DE LA LUS LA SOGS PAS TSANGS PA MTSUNGS PAR SPYOD PA RNAMS LA MI 'DOD PA KUN TU SPYOD PA LAS BRTZAMS PA DANG, DE LA LUS LA SOGS PA LAS MI MNYAM PAR YONGS SU LONGS SPYOD PA LAS BRTZAMS PA DANG, TSUL KHRIMS DANG LTA BA MI MTHUN PA'I CHOS LAS BRTZAMS NAS SDUG BSNGAL BAR GNAS SHING PHAN TSUN 'KHU BA'I SEMS NI YANG DAG PAR MGU BAR 'GYUR BA'I CHOS KYI MI MTHUN PA'I PHYOGS YIN NO, ,DE LAS BZLOG PA DKAR PO'I PHYOGS KYI RGYU GSUM GYIS NI YANG DAG PAR MGU BAR 'GYUR BA'I CHOS DRUG RNAM PAR GZHAG PAR RIG PAR BYA STE, DANG POS NI GSUM RNAM PAR GZHAG GO, ,GNYIS PAS NI BZHI PA'O, ,GSUM PAS NI LNGA PA DANG DRUG PA'O, ,DE LA GZHAN DAG LA 'DOD PA DANG PHAN PA DANG, BDE BA DANG NYE BAR GNAS PA'I LUS LA SOGS PA'I LAS CI YANG RUNG BA DE BYAMS PA ZHES BYA'O, ,DE LA CHOS DANG LDAN PA'I RNYED PA LA NI LONGS SPYOD DU RUNG BA GANG YIN PA'O, ,CHOS KYI RNYED PA LA NI LOG PAS 'TSO BAR BYED PA'I CHOS LA BRTEN TE BSGRUBS PA MA YIN PA GANG DAG YIN PA'O, ,LHUNG BZED DU CHUD PA NI LHUNG BZED DU BLUGS PA GANG DAG YIN PA'O, ,LHUNG BZED DU GTOGS PA NI MA BLUGS KYANG BLUGS PAR PHYOGS PA GANG DAG YIN PA'O, ,CHOS BZANG BA DANG LHAG PAR MI ZA BA GANG YIN PA DE NI @16A *, ,THUN MONG DU ZA BA NYID YIN NO, ,MI SPED PAR ZA BA NI MDON PAR ZA BA NYID YIN PAR RIG PAR BYA STE, THA NA LTO 'GRANGS TZAM GYI ZAS DE LAS KYANG BGO BSHA' BYED DO, 'DI LAS GZHAN LA CUNG ZAD SBYIN DGOS PAR GYUR NA GNOD PAR 'GYUR RO SNYAM NAS CHED DU SGO BCAD DE DPEN PA'I PHYOGS SU ZA BAR MI BYED PA'O, ,'PHAGS PA DGYES PA'I TSUL KHRIMS KYI RNAM GRANGS DAG RNAM PAR DBYE BA NI 'DI LTA STE, RNAM GRANGS BSDU BA LAS 'BYUNG BA BZHIN DU RIG PAR BYA'O, ,'JIG RTEN LAS 'DAS PA'I LTA BA'I RNAM GRANGS DAG GI RNAM PAR DBYE BA NI 'DI LTA STE, GZHI BSDU BA LAS 'BYUNG BA BZHIN DU RIG PAR BYA'O, ,RGYU GNYIS KYIS NI DGA' BA NYID DU 'GYUR TE, YON TAN LA YID CHES PAS BLA MA NYID DANG, PHAN 'DOGS PAS YID DU 'ONG BA NYID KYIS SO, ,DGA' BA NYID DE'I 'PHEL BA NI RNAM PA GNYIS TE, MA SKYES PA SKYED PAR BYED PA DANG SKYES PA PHYIR 'BYUNG BA 'PHEL ZHING RGYAS PAR 'GYUR BA'O, ,DE LA BLA MA NYID KYI DBANG GIS NI YID CHES PAR BYED PA'O, ,YID DU 'ONG BA'I DBANG GIS NI CHOS DANG ZANG ZING DAG GIS SDUD PAR BYED DO, ,DE GNYIS KA'I DBANG GIS NA MTHUN PAR 'GYUR RO, ,MTHUN PA'I DBANG GIS NA SEMS KUN DU MI 'KHRUG PA DANG NGAG KUN DU MI 'KHRUG BA NI 'THAB PA MED PA DANG, RTZOD PA MED PA YIN NO, ,DON GCIG GI BYA BA BYED PA'I TSUL GYIS CHU DANG 'O MA GCIG TU 'DRES PAR GYUR PA LTA BU NI RGYU GCIG TU GYUR PA YIN NO, ,'KHOR LO BZHI NI GNAS PHUN SUM TSOGS PA DANG, GDAMS NGAG PHUN SUM TSOGS PA DANG, SGRUB PA PHUN SUM TSOGS PA DANG, TSOGS PHUN SUM TSOGS PA LAS BRTZAMS TE RNAM PAR GZHAG PAR RIG PAR BYA'O, ,DE LA MTHUN PA'I YUL DU GNAS PA NI GNAS PHUN SUM TSOGS PA LNGAS RIG PAR BYA STE, 'DI LTA STE, NYAN THOS KYI SAR BSTAN PA BZHIN NO, ,SKYES BU DAM PA NI DGE BA'I BSHES GNYEN YIN PAR RIG PAR BYA STE, 'DI LTA STE, NYAN THOS KYI SA DANG, BYANG CHUB SEMS DPA'I SAR BSTAN PA BZHIN NO, ,BDAG NYID KYI YANG DAG PA'I SMON LAM NI RNAM PA LNGAR RIG PAR BYA STE, YANG DAG PA'I GDAMS NGAG LA MTHUN PAR 'DZIN CING MA NOR BAR 'DZIN PA DANG, CHOS KYI RJES SU MTHUN PA'I CHOS SGRUB PA LA MTHUN PAR SGRUB PA DANG, BLA MA'I GDAMS @16B NGAG LA BDAG NYID JI LTA BA BZHIN DU SMRA BA DANG, CHOS GOS DANG, BSOD SNYOMS DANG, MAL CHA DANG, STAN NGAN PA BZANG PO GANG YANG RUNG BA DAG GIS CHOG SHES PA DANG, RGYUN DU BYED PA DANG, GUS PAR BYED PA'I SBYOR BAS 'DI LTA STE, BDEN PA MNGON PAR RTOGS PA DANG, BSGOM PAS SPANG BAR BYA BA'I NYON MONGS PA SRED PA DANG LEN PA LA SOGS PA LHAG MA RNAMS KYI GNYEN POR SPONG BA LA DGA' BA DANG, SGOM BA LA DGA' BA YIN NO, ,GANG ZAG SNGON BSOD NAMS BYAS SHING DGE BA BYAS PA'I 'BRAS BU'I PHAN YON GYI RTAGS NI RNAM PA LNGAR RIG PAR BYA STE, SNGON BSOD NAMS BYAS PA'I RNAM PAR SMIN PA'I 'BRAS BU 'DOD PA RNAM PA GNYIS LA GNAS PA YIN TE, NANG GI DANG PHYI ROL GYI'O, ,DE LA NANG GI RNAM PAR SMIN PA'I 'BRAS BU 'DOD PA NI TSE RING ZHING YUN RING DU GNAS PA DANG, GZUGS BZANG ZHING BLTA NA SDUG PA DANG, GNOD PA NYUNG ZHING NAD NYUNG BA'I RANG BZHIN CAN DANG; BRAN MA YIN BA DANG, BUD MED MA YIN PA DANG, ZA MA MA YIN PA DANG, SHES RAB DANG LDAN PA DANG, TSIG BTZUN PA DANG, DBANG CHE BAR GRAGS PA YIN NO, ,DE LA PHYI ROL GYI RNAM PAR SMIN PA'I 'BRAS BU 'DOD PA NI, DGE BA'I RTZA BA GZHAN GANG YIN PA DE DAG DANG ZHES BYA BA RGYAS PAR MDO LAS LONGS SPYOD CHE BA DANG, RTZA 'JING CHE BA DANG, G-YOG 'KHOR MANG BZHES JI SKAD GSUNGS PA YIN TE, DE NI SNGON BSOD NAMS BYAS PA'I 'BRAS BU'I PHAN YON GYI RTAGS DANG PO YIN PAR RIG PAR BYA'O, ,GZHAN YANG SNGON BSOD NAMS BYAS PA NI RAB TU BAG MED PAR GYUR KYANG GNOD SBYIN DANG MI MA YIN PA GDUG PA GNYUG MAR GNAS PA DAG GIS 'DI LTA STE, LONGS SPYOD KYI BAR CHAD DAM SROG GI BAR CHAD BYA BAR MI NUS TE, DE NI 'BRAS BU'I PHAN YON GYI RTAGS GNYIS PA YIN NO, ,GZHAN YANG SNGON BSOD NAMS BYAS PA NI RANG BZHIN GYIS DGE BA'I CHOS RNAMS BSGOM PA'I PHYIR SEMS 'JUG PAR 'GYUR TE, DE NI 'BRAS BU'I PHAN YON GYI RTAGS GSUM PA YIN NO, ,GZHAN YANG SNGON BSOD NAMS BYAS PA NI RANG BZHIN GYIS SDIG PA'I SPYOD PAS GDUNG ZHING 'DZEM LA, SDIG PA BYAS NA YANG DUS DUS SU 'GYOD PA'I SEMS DRAG PO 'THOB CING 'GYOD PA BYAS PA DES SDIG PA SRAB MOR @17A *, ,BYED PA PHYIS KYANG SDIG PA SPONG BAR BYED DE, DE NI 'BRAS BU'I PHAN YON GYI RTAGS BZHI PA YIN NO, ,GZHAN YANG SNGON BSOD NAMS BYAS PA LA NI LAS KYI MTHA'I SBYOR BA THAMS CAD DANG BSAM PA'I SKYES BU'I BYE BRAG THAMS CAD MANG ZHING MTHUN PA DANG TSEGS CHUNG NGUS 'GRUB PAR 'GYUR TE, DE NI GANG ZAG SNGON BSOD NAMS BYAS PA'I 'BRAS BU'I PHAN YON GYI RTAGS LNGA PA YIN PAR RIG PAR BYA'O, ,DE DAG NI LHA RNAMS KYI NANG NAS LHAR GYUR PA RNAMS DANG, MI RNAMS KYI NANG NAS MIR GYUR PA RNAMS KYI ZHI GNAS DANG, LHAG MTHONG GI SHING RTA'I 'KHOR LO BZHI STE, GANG YANG RUNG BA ZHIG MED NA NI SHING RTA DE 'GRO BAR MI 'GYUR RO, ,SPONG BA'I YAN LAG LNGA NI THOB BAR BYA BA'I DON LA MNGON PAR YID CHES PA DANG, BLA MA RNAMS LA BDAG NYID JI LTA BA BZHIN SMRA BA DANG, LUS SPRO BA DANG, SEMS SPRO BA DANG, LEGS PAR GSUNGS PA DANG, NYES PAR BSHAD PA'I CHOS RNAMS KYI DON SHES PAR NUS PA NYID LAS BRTZAMS TE GO RIMS BZHIN DU RNAM PAR GZHAG PAR RIG PAR BYA'O, ,DE DAG LAS GANG YANG RUNG BA MA TSANG NA SPONG BA 'GRUB PAR MI 'GYUR RO, ,BSNYEN BKUR LAS BRTZAMS TE DANG PO KHO NAR LHAG PA'I TSUL KHRIMS LAS BRTZAMS PA DANG; LHAG PA'I SEMS DANG LHAG PA'I SHES RAB LA BRTZAMS NAS CHOS STON PAR MDZAD PA GANG YIN PA'I STON PA LA BSNYEN BKUR BYA'O, ,DE'I 'OG TU GANG BSTAN PAR BYA BA'I CHOS DE LA YANG BSNYEN BKUR BYA'O, ,DE'I 'OG TU CHOS DANG RJES SU MTHUN PAS CHOS 'GRUB PA'I DUS NA LHAG PA'I TSUL KHRIMS LAS BRTZAMS TE, 'DUL BA DANG LDAN PA'I BSLAB PA'I GZHI RNAMS LA BSNYEN BKUR BYA'O, ,DE'I 'OG TU LHAG PA'I SEMS DANG SHES RAB LAS BRTZAMS TE GDAMS NGAG DANG RJES SU BSTAN PA LA BSNYEN BKUR BYA'O, ,DE'I 'OG TU DUS DUS SU CHOS KYI BGO BSHA' DANG, ZANG ZING GI BGO BSHA' LA BSNYEN BKUR BYA'O, ,DE LA BGO BSHA' NI 'DI YIN TE CHOS DANG ZANG ZING DAG LA THUN MONG DU GNAS PA NYID DANG THUN MONG DU LONGS SPYOD PA NYID GANG YIN PA'O, ,DE'I 'OG TU BSAM GTAN RNAMS DANG TING NGE 'DZIN DANG SNYOMS PAR 'JUG PA DANG RNAM PAR THAR PA DAG LA @17B BSNYEN BKUR BYA'O, ,DE'I 'OG TU RO MYANG BA MED PA'I RJES SU 'BRANG BAS BDEN PA RAB TU RTOGS PAR BYA BA DANG, ZAG PA ZAD PAR BYA BA DANG, BAG YOD PA LA BSNYEN BKUR BYA BA STE, DE NI BSNYEN BKUR RNAM PA BDUN GYI GO RIMS YIN PAR RIG PAR BYA STE, ,DE LA BSNYEN BKUR NI RNAM PA GSUM GYIS RIG PAR BYA'O, ,YON TAN DANG PHAN YON LA YID CHES PAS BLA MAR BYA BA DANG YID CHES PA DANG, RJES SU MTHUN PA'I LUS DANG NGAG DANG YID KYIS THUN MONG DU LEGS PAR BSGRUBS PAS RI MOR BYA BA DANG, GDUGS DANG, RGYAL MTSAN DANG BA DAN DAG GIS MCHOD PAR BYA'O, ,RTZOD PA NYE BAR ZHI BA LA BRTZAMS NAS TSANGS PA MTSUNGS PAR SPYOD PA LA LTUNG BA BYUNG BA NYID KYI TSE NA MIG BZHIS MNGON SUM DU BDEN PAS LTUNG BA GLENG BAR BYED CING MI BDEN BAS MA YIN ZHES RGYAS PAR BYA BA STE, DE YANG MA RTOGS PA LAS RTOGS PA DANG DUS MNYAM PA KHO NAR LTUNG BA 'BYIN PAR MI BYED CING LTUNG BA MA BYUNG PA LAS DGE SLONG RNAMS KYI GZHI DES MTHONG BA DANG THOS PA DANG DOGS PAS GLENG BAR MI BYED DE, DE LTAR NA DE'I RTZOD PA DE NYE BAR ZHI BAR 'GYUR RO, ,DGE SLONG LTUNG BA BYED PAR DGE SLONG RNAMS KYIS MTHONG LA, LTUNG BA BYUNG BA GANG YIN BA DES NI LTUNG BA BRJED PAR 'GYUR, GANG DAG GIS MTHONG BA DE DAG GIS NI MA BRJED NA DE LA LTUNG BA DRAN NAM ZHES GZHI DES GLENG BAR BYED PA NA MI DRAN NO ZHES ZER NA, DE MI DRAN PA DES DRAN GYIS BSHAGS PAR BYA'O ZHES BYA BAR YANG MI BDE LA GZHAN GYIS GLENGS PA SO SOR MA BSHAGS NA 'GYOD PA MED PAR YANG MI 'GYUR BAS DE'I PHYIR DES GZHAN LA YID CHES PA DES DGE SLONG LA DRAN PAS 'DUL BA ZHES BYA BAS YONGS SU DAG PA GSOL BAR BYA ZHING DGE 'DUN GYIS KYANG DGE SLONG DE DAG NYID DE LA YID CHES PAS YONGS SU DAG PAR BRJOD PAR BYA STE, DE LTA NA DE'I RTZOD PA NYE BAR ZHI BAR 'GYUR ZHING DE YANG 'GYOD PA MED PAR 'GYUR LA DGE 'DUN RNAMS KYIS KYANG GZHI DES GLENG PAR MI BYED DO, ,DGE SLONG SEMS 'KHRUGS PA LA SOGS PA RMONGS PA BYUNG NA DGE SLONG GI TSUL DANG MI MTHUN PA MANG PO KUN DU SPYAD PAR GYUR NA DE LA NI GZHI DES LTUNG BA MED KYANG KHA CIG GIS DE LA LTUNG BA MED PAR MI SHES NAS 'DI LTAR GNAS MA YIN PAR @18A *, ,GLENG BAR MI BYED DE DGE SLONG RNAMS KYIS DE LA MA 'ONGS PA SPANGS PA'I PHYIR RANG GI SEMS LA RAG LAS PA DGE 'DUN LA MA SMYOS PAS 'DUL BA GSOL BAR GYIS ZHES SLOB PAR BYED DRAN PAR BYED NA, DES KYANG DE DAG LA THOS NAS GSOL BAR BYA'O, ,DGE 'DUN GYIS KYANG GANG ZAG 'DI NI LTUNG BA MED PA YIN NO, ,ZHES DGE 'DUN MTHUN PAR GNAS PAS DE DAG LA RNAM PAR DAG PAR SMOS PAR BYED DE THOS NAS DGE SLONG MA GTOGS PA DE DAG GIS KYANG GZHI DES DE LA YANG GLENG BAR MI BYED DE DE LTAR NA DE'I RTZOD PA DE NYE BAR ZHI BAR 'GYUR RO, ,DE DGE 'DUN GYI NANG DU DGE SLONG GIS DGE SLONG LA LTUNG BA GLENG BAR BYED PA GANG YIN PA DES NI LTUNG BA YOD PAR 'DU SHES LA GLENG BAR BYA BA GANG YIN PA DE NI LTUNG BA MED PAR 'DU SHES SHING BDAG LA LTUNG BA BYUNG NA MED DO ZHES RLOM PAR BYED LA GLENG BA PO YANG TSE DANG LDAN PAS 'DI DANG 'DI LTAR MA BYAS SAM ZHES SMRA ZHING DES KYANG BYAS SO ZHES RAB TU SHES PAR BYED LA GLENG BA PO YANG DE NI LTUNG BA YIN NA GLENGS BA'I TSE LTUNG BA MED DO ZHES RLOM PAR BYED CES ZER NA DE LA DGE 'DUN GYIS CI LTUNG BA YOD DAM 'ON TE MED CES GZHI DE'I NGO BO NYID BRTZAL BAR BYA ZHING DE BZHIN DU YANG DAG PAR LAN GDAB PAR YANG BYA STE, DE LTAR NA DE'I RTZOD PA DE NYE BAR ZHI BAR 'GYUR RO, ,GNAS GANG YANG RUNG BA ZHIG NA DGE SLONG RAB TU MANG PO DAG LTUNG BA BYUNG DU DOGS PA LAS BRTZAMS NAS LTUNG BA YOD DO, ,LTUNG BA MED DO, ,LCI BA YIN NO, ,YANG BA YIN NO ZHES RTZOD PAR 'GYUR NA DE LA GNAS GZHAN LA RGYA CHE ZHING MANG BA GANG DAG YIN PA DAG DANG, DE DAG BAS CHES BYANG BA MDO SDE DANG, 'DUL BA DANG, MA MO 'DZIN PA GANG YIN BA DE DAG LA DE DAG GIS BSTAN PAR BYA STE, DE LTAR DE'I RTZOD PA DE MJUG TU NYE BAR ZHI BAR 'GYUR RO, ,DGE SLONG LTUNG BA BYUNG NA RANG GIS 'GYOD PA'I KUN NAS DKRIS PAS GLENG BAR BYED SEL BAR BYED CING GZHAN DAG GIS GLENG GI POGS PAS CHOS BZHIN DU PHYIR BYED DE DES NA RTZOD PA DE NYID NYE BAR ZHI BAR 'GYUR RO, ,DGE SLONG RAB TU MANG PO DAG PHAN TSUN LTUNG BAS GLENG BAR BYED CING DE DAG KYANG NGA RGYAL GYIS MNGON PAR TSAR BCAD PA SHA STAG YIN LA PHAN TSUN DE DAG 'CHAGS PAR MI 'DOD CING BYE BA DANG THA @18B DAD DU GYUR PA DANG, GNYIS SU GYUR CING GNAS LA, GCIG GI PHYOGS KYANG 'DI SNYAM DU 'DI DAG BDAG CAG LA 'CHAGS PAR MI BYED LA, BDAG CAG GIS KYANG CI'I PHYIR 'DI DAG LA BSHAGS PAR BYA SNYAM DU SEMS SHING PHYOGS CIG SHOS KYANG DE KHO NA SNYAM DU SEMS SHING PHYOGS CIG SHOS KYANG DE KHO NA SNYAM DU SEMS PAR GYUR NA DE LA PHYOGS GNYIS KAR GTOGS PA'I GANG ZAG GTZO BO'I TSIG GZUNG BA GNYIS GZHAN GYI PHYOGS GCIG TU DONG LA, DE DAG GI RJES SU GNAS PAS LTUNG BA DE DAG BSHAGS PAR BYA STE, DE LTAR NA DE'I RTZOD PA NYE BAR ZHI BAR 'GYUR RO, ,DE DAG KYANG MDOR BSDU NA RTZOD PA RNAM PA BZHI DANG, DE NYE BAR ZHI PA RNAM PA BZHIR 'GYUR TE, RTZOD PA RNAM BZHI GANG ZHE NA, GZHAN GYIS GLENGS PAS RTZOD PA DANG, PHAN TSUN THE TSOM ZA BAS RTZOD PA DANG, BDAG NYID GLENGS PAS RTZOD PA DANG, PHAN TSUN GLENGS PAS RTZOD PAS SO, ,NYE BAR ZHI BA RNAM PA BZHI GANG ZHE NA, BSAMS PA'I LTUNG BA DGE 'DUN LA STON PAS NYE BAR ZHI BA DANG, YONGS SU DAG PAS SBYIN PAS NYE BAR ZHI BA DANG, DE'I NGO BO NYID DANG GANG MANG BA TSOL BA DANG YANG DAG PA JI LTA BA BZHIN 'GRO BAS NYE BAR ZHI BA DANG, BSHAGS PAS NYE BAR ZHI BA'O, ,DGE SLONG 'DUL BA'I BSLAB PA LA BRTZON PAS YONGS SU SHES PAR BYA BA'I GNAS NI LNGA STE, LNGA GANG ZHE NA, DNGOS PO YONGS SU SHES PAR BYA BA DANG, LTUNG BA YONGS SU SHES PAR BYA BA DANG, GANG ZAG YONGS SU SHES PAR BYA BA DANG, RDZAS BLANG BA YONGS SU SHES PAR BYA BA DANG, GNOD PA YONGS SU SHES PAR BYA BA'O, ,DE LA DNGOS PO YONGS SU SHES PAR BYA BA GANG ZHE NA, PHUNG PO'I DNGOS PO LA SOGS PA LNGA STE, 'DI LTA STE, NYAN THOS KYI SAR BSTAN PA BZHIN NO, ,GZHAN YANG MDOR BSDU NA DNGOS PO GNYIS TE, SEMS CAN DU STON PA DANG, SEMS CAN DU MI STON PA'O, ,LTUNG BA YONGS SU SHES PAR BYA BA GANG ZHE NA, DGE SLONG 'DUL BA'I BSLAB PA LA BRTZON PAS RNAM PA LNGAS LTUNG BA YONGS SU SHES PAR BYA STE, GZHI DANG, KUN NAS SLONG BA DANG, DNGOS PO DANG, SBYOR BA DANG, MTHA' YAS SO, ,DE LA GZHI LAS LTUNG BA YONGS SU SHES PAR BYA BA NI 'DOD CHAGS KYI GZHI 'AM, ZHE SDANG GI GZHI LAS SO, ,KUN NAS SLONG BA LAS NI LTUNG PA GANG LUS KYIS KUN NAS SLONG BAR BYED LA DAG @19A *, ,GIS KYANG MA YIN, SEMS KYIS KYANG MA YIN PA YANG YOD DO, ,NGAG GIS KUN NAS SLONG BAR BYED LA LUS KYIS KYANG MA YIN SEMS KYIS KYANG MA YIN PA YANG YOD DO, ,SEMS KYIS KUN NAS SLONG BAR BYED LA LUS KYIS KYANG MA YIN, NGAG GIS KYANG MA YIN PA YANG YOD DO; ,LUS DANG NGAG DAG GIS KYANG KUN NAS SLONG BAR BYED LA SEMS KYIS KYANG MA YIN PA YANG YOD DO, ,NGAG DANG SEMS KYIS KUN NAS SLONG BAR BYED LA LUS KYIS KYANG MA YIN PA YANG YOD DO, ,LUS DANG NGAG GIS KUN NAS SLONG BAR BYED LA, SEMS KYIS MA YIN PA YANG YOD DO, ,NGAG DANG SEMS KYIS KUN NAS SLONG BAR BYED LA LUS KYIS MA YIN BA YANG YOD DO, ,LUS DANG NGAG DANG SEMS KYIS KUN NAS SLONG BA YANG YOD DO, ,SEMS 'BA' ZHIG GIS GANG ZAG GZHAN DAG GI MDUN DU BSHAGS PAR BYA DGOS PA'I LTUNG BA KUN NAS SLONG BA MED KYI BDAG NYID KYIS BSDAM PAR BYA BA KHO NA YIN NO, ,'O NA JI LTA ZHE NA 'DI LTA STE, DPER NA, DGE SLONG 'DOD PA'I RNAM PAR RTOG PA LA SOGS PA MI DGE BA'I RNAM PAR RTOG PA DAG LA RNAM PAR RTOG PA BYED PA LTA BU'O, ,DNGOS PO LAS NI MDOR BSDU NA DNGOS PO RNAM PA GNYIS TE, SEMS CAN DU BGRANG BA DANG, SEMS CAN DU BGRANG BA MA YIN PA'O, ,SBYOR BA YANG RNAM PA GNYIS TE, BYA BA MA YIN PA BYED PA'I SBYOR BA DANG, BYA BA MI BYED PA'I SBYOR BA'O, ,MTHA' NI GANG LAS BRTZAMS PAR GYUR PA DE LA MTHAR THUG PAR 'GRO ZHING BAR NAS PHYIR MI LDOG PA STE, DES NA DE'I LTUNG BA YONGS SU RDZOGS PAR 'GYUR RO, , NYES PA SBOM PO'I LTUNG BA NI PHAM PA DANG DGE 'DUN LHAG MA'I SBYOR BA LAS 'BYUNG NGO, ,LTUNG BYED DANG NYES BYAS NI DE DAG GI SBYOR BA DANG RANG GI SDE TSAN MTHAR THUG PA LAS SO, ,NYES BYAS NI LTUNG BYED KYI SBYOR BA LAS BYUNG NGO, ,DE LA LTUNG BA LHAG MA DANG BCAS PA NI LTUR BA'I SDE TSAN BZHI PO DAG GO; ,LHAG MA MED PA NI PHAM PA RNAMS SO, ,SPYAD PA NI YANG DAG PAR BYAS PA'O, ,MA SPYAD PA NI DE LAS BZLOG PA YIN NO, ,SMRAS PA NI GZHAN DAG GI MDUN DU BSHAGS PA'I TSUL GYIS CHOS BZHIN PHYIR BYAS PA'O, ,MA SMRAS PA NI DE LAS BZLOG PA YIN NO, ,BSAMS PA NI BSHAGS PAR @19B BYAS PA'I NYES BYAS PHYIR BYIN GYIS BRLABS PA GANG YIN PA'O, ,MA BSAMS PA NI DE LAS BZLOG PA YIN NO, ,BCAS PA NI BCOM LDAN 'DAS KYIS SO SOR THAR BA DANG, 'DUL BAR LTUNG BA LAS RNAM PAR GZHAG PA YIN NO, ,MA BCAS PA NI DE LAS BZLOG PA YIN NO, ,PHYIR BZHAG PA NI GANG ZAG GCIG GAM, DUS LAS BRTZAMS PA MGO GCIG TU MA BYAS PAR SNGON KHYAD PAR MED PAR BCAS PA GANG YIN PA'O, ,SPYIR BZHAG PA MA YIN PA DE NI DE LAS BZLOG PA LAS RIG PAR BYA'O, ,DE LA GANG ZAG YONGS SU SHES PAR BYA BA NI RNAM PA LNGAS RIG PAR BYA STE, DPYAD PA'I DBYE BA DANG, RIS KYI DBYE BA DANG, MTHO DMAN GYI DBYE BA DANG, 'THOB PA'I DBYE BA DANG, BRTAG PA'I DBYE BAS SO, ,DE LA DPYAD PA'I DBYE BA NI, 'DI LTA STE, NYAN THOS KYI SAR BSTAN PA BZHIN DU RIG PAR BYA'O, ,RIS KYI DBYE BAS YANG DGE SLONG DANG DGE SLONG MA LA SOGS PA RIS BDUN GYI DBYE BA YIN PAR RIG PAR BYA'O, ,DE LA MTHO DMAN GYI DBYE BA NI 'DI LTA STE, GANG ZAG LA LA RIGS MTHON PO LAS RAB TU BYUNG BA DANG, PHYUG PO'I KHYIM NAS RAB TU BYUNG BA DANG, GZUGS BZANG BA YIN LA, LA LA NI DE LTA MA YIN PA STE, DE LTAR YONGS SU SHES PA GANG YIN PA DE NI MTHO DMAN GYI DBYE BA YONGS SU SHES PA ZHES BYA'O, ,'THOB PA'I DBYE BA NI DAD PAS RJES SU 'BRANG BA NAS BZUNG STE, GNYIS KA'I CHA LAS RNAM PAR GROL BA'I MTHAR THUG PA'I BAR DU BCU BDUN DANG RGYUN DU ZHUGS PA'I 'BRAS BU'I PHYIR ZHUGS PA NAS BZUNG STE, DGRA BCOM PA NYID KYI BAR DAG STE, GANG ZAG DE DAG GI RNAM PAR DBYE BA NI 'DI LTA STE, NYAN THOS KYI SAR BSTAN PA BZHIN NO, ,BRTAG PA'I DBYE BA NI GANG ZAG GLENG BA POS 'DI LTAR GANG ZAG YONGS SU BRTAGS NAS GLENG BAR BYA STE, JI GANG ZAG 'DI BDAG LA BYAMS PA GUS PA YOD DAM ZHES BYA BA LA SOGS PA RGYAS PAR MDO LAS JI SKAD GSUNGS PA BZHIN DU RIG PAR BYA'O, ,GANG ZAG GANG GLENG BAR BYA BA GANG YIN PA LAS KYANG GANG ZAG GLENG BA PO LA 'DI LTAR BRTAG PAR BYA STE, KYE MA GANG ZAG 'DI BYIS PA RMONGS PA CHOS MA YIN PAS GLENG ZHING BDAG NYID SMAS PA DANG, NYAMS PAR BYED PA ZHIG GAM ZHES BYA BA LA @20A *, ,SOGS PA RGYAS PAR MDO LAS JI SKAD GSUNGS PA KHO NA BZHIN NO, ,'ON TE MKHAS PA GSAL BA CHOS BZHIN DU GLENG ZHING BDAG NYID SMRAS PA DANG NYAMS PAR MI BYED PA ZHIG CES BYA BA LA SOGS PA DKAR PO'I PHYOGS KYANG RGYAS PAR MDO LAS JI SKAD GSUNGS PA KHA NA BZHIN DU RIG PAR BYA STE, DES GANG ZAG GLENG BAR 'OS YIN NAM MA YIN, SEGS PA KHO NAR YONGS SU BRTGS SNA SKABS SBYE BAR BYA BYA BA'AM MI DBYE BAR BYA BA DE NI BRTAGS PA'I DBYE BAS GANG ZAG YONGS SU SHES PAR BYA BA YIN PAR RIG PAR BYA'O, ,RDZAS BLANG BA YONGS SU SHES PAR BYA BA GANG ZHE NA, RDZAS BLANG BA NI MDOR BSTUN RNAM PA GSUM DU RIG PAR BYA STE, BDAG NYID DANG GZHAN DAG GI RNYED PA'I RDZAS BLANG BA DANG, LTUNG BA LAS BSLANG BA'I RDZAS BLANG BA DANG, DGE 'DUN BDE BAR BYA BA'I PHYIR TSUL KHRIMS 'CHAL BA BSKRAD PA'I RDZAS BLANG BA'O, ,DE LA RNYED PA'I RDZAS RUNG BA GANG YIN PA DE NI YANG DAG PA YIN NO, ,RUNG BA DGOS PA DANG BCAS PA 'DI LTA STE, SNOD SPYAD DANG YO BYAD MANG PO'I PHYIR MA YIN PA DE NI DON DANG LDAN PA YIN NO, ,LONGS SPYOD PA'I PHYIR MTSAMS LAS 'DAS PA GANG YIN PA DE NI DUS SU YIN NO, ,DE LAS GZHAN PA'I DGE SLONG RNAMS KYIS RNYED PA'I RDZAS BLANG BA YANG YIN PAR YANG DAG PAR BSTAN PA'I PHYIR PHYOGS DANG BCAS PA YIN NO, ,PHYOGS DANG BCAS PA DES DGE 'DUN GYI DBYE DU MI 'GYUR BA'I PHYIR DGE 'DUN GYI DBYEN DANG BRAL BA YIN TE, YAN LAG LNGA PO DE DAG DANG LDAN PA'I RNYED PA'I RDZAS DE YANG DAG PAR BLANGS NAS DRAN PA NYE BAR GZHAG PA DANG, KUN NAS NYON MONGS PA CAN MA YIN PA'I SEMS KYIS YONGS SU SPYAD PAR BYA STE, DE LTAR NA DE'I RDZAS BLANG BA DE KHA NA MTHONG BA MED PA YIN NO, ,LTUNG BA LAS BSLANG BA'I RDZAS BLANG BA LA DE DANG DAN PA'I LTUNG BA LHAG PAR SBYOD PAA GANG YIN BA DE NI YANG DAG PA YIN NO, ,BDAG GIS 'DI MI DGE BA'I GNAS NAS BLANG STE, DGE BA'I GNAS SU GNAS PAR NUS SO SNYAM DU SHES PA GANG YIN PA DE NI DON DANG LDAN PA YIN NO, ,GZHAN DAG CHOS SMRAS BA'AM, BLA MA LA BSNYEN BGUR BYED PA'AM, NAD G-YOG LA SOGS @20B PA LAS SBYOR BA'I DUS DAG TU GLENG BAR MI BYED PA GANG YIN PA DE DUS DUS SU YIN PAR RIG PAR BYA'O, ,GLENG BA DE LA DE LAS GZHAN PA'I DGE SLONG DAG GROGS SU GYUR PA GANG YIN PA DE NI PHYOGS DANG BCAS PA YIN NO, ,GZHI DES DGE 'DUN GYI DBYEN DU MI 'GYUR BA DE NI YONGS SU DAG PA LNGA PA YIN TE, DES DE LTAR DRAN PA NYE BAR GZHAG PA BAR BYED PA DE NI TSE 'DI LA GNOD KYI DNGOS PO NYID DANG, NGANG 'JAM PAS RDZAS DE BLANG BAR BYA'O, ,LTUNG BA LAS BSLANG BA'I RDZAS BLANGS PA JI LTA BA BZHIN DU BDE BAR BYA BA'I PHYIR TSUL KHRIMS 'CHAL PA BSKRAD PA'I RDZAS BLANG BA YANG DE BZHIN DU CI RIGS PAR RIG PAR BYA'O, ,DE LA BYE BRAG NI 'DI YOD DE, GAL TE BSKRAD PA DES SKROD PAR BYED PA DE'I SROG GI BAR CHAD DAM, DGE 'DUN GYI KUN DGA' RA BA LA GNOD PA'AM, MCHOD RTEN LA GNOD PA'AM, DE LAS GZHAN PA'I TSANGS PA MTSUNGS PAR SPYOD PA DAG LA GNOD PA BYED PAR 'GYUR BA GANG YIN PA DE NI 'DIR DON DANG LDAN PA YIN LA, DE LAS BZLOG PA NI DON DANG MI LDAN PA YIN PAR RIG PAR BYA'O, ,GNOD PA YONGS SU SHES PAR BYA BA GANG ZHE NA, LNGA PO 'DI DAG NI TSE 'DI LA GNOD PA BYAS PAS BGROD PAR BYA BA DAM PA RNAMS KYIS RNAM PAR SPANGS PA, MA SMYOS PA RNAMS KYIS SMYOS PA'I SPYOD PA DANG 'DRA BA 'DI LTA STE, SLU BAR 'GYUR BA YIN LA DON 'GA' YANG RGYAS PAR MI 'GYUR BA DAG STE, LNGA GANG ZHE NA, SHI BA'I RJES SU MYA NGAN BYED PA DAG NI SHI BA'I RJES SU MYA NGAN BYED PA NA BDAG NYID RNAM GRANGS DU MA NAS KUN DU GDUNG BAR BYED PA DE NI TSE 'DI LA GNOD PA RGYAS PA DANG PO YIN NO, ,GZHAN YANG BRKAM CHAGS DANG LDAN PA SER SNA CAN SER SNA'I DRI MAS ZIL GYIS NON PA DAG 'TSO BA'I YO BYAD DAG YOD BZHIN DU TSOGS CHEN POS 'TSO BAR BYED PA DE NI TSE 'DI LA GNOD PA RGYAS PA GNYIS PA YIN NO, ,DE LA SER SNA'I DRI MA GANG ZHE NA, SER SNA'I DRI MA BRGYAD DE, SNGON SER SNA LA GOMS SHING tGTONG BA LA MA GOMS PAR SER SNA'I DRI MA DANG, TSE 'DI LA LUS DANG SROG LA SHAS CHER BLTA BA DANG DE DANG SKAL BA MNYAM PA'I MDZA' BSHES RNAMS DANG 'GROGS @21A *, ,SHING RJES SU 'JUG PA DANG, SEMS CAN RNAMS LA SNYING RJE MA GOMS SHING SNYING RJE CHUNG BA DANG, ZHING MI MTHUN PA LA SOGS PAR SGRUB PA KUN TU STON PA DANG, TSEGS CHEN POS LONGS SPYOD 'THOB CING TSEGS CHEN POS 'THOB PAR GOMS PA'I 'DU SHES DANG, DUS GSUM DU YID MI BDE ZHING 'GYOD PA DANG, GCIG TU LONGS SPYOD RNAMS LA YON TAN DU LTA ZHING NYES DMIGS SU MI LTA LA, LOG PAR LEN CING YONGS SU BSNGO STE, BRGYAD PO DE DAG NI SER SNA'I DRI MA YIN PAR RIG PAR BYA'O, ,GZHAN YANG YAN LAG 'TSEG PA DAG 'TSO BA'I THABS GZHAN YOD BZHIN DU YAN LAG 'TSEG PA'I RIGS PAS 'TSO BAR BYED PA'I THABS GZHAN BDAG NYID KYI LUS LA NYON MONGS PA RNAM PA GSUM GYIS NYON MONGS PAR BYED PA DE NI TSE 'DI LA GNOD PA RGYAS PA GSUM PA YIN NO, ,GZHAN YANG MTHO RIS 'DOD PA KHA CIG MTHO RIS DON DU GNYER BA NA MTHO RIS MI SHES PAS ZAS MI ZA BA DANG; MER 'JUG PA DANG, LHUN PO LAS G-YANG DU MCHONG BA LA SOGS PAS BDAG NYID LA GNOD PAR BYED PA DE NI TSE 'DI LA GNOD PA RGYAS PA BZHI PA YIN NO, ,GZHAN YANG RNAM PAR DAG PA 'DOD PA KHA CIG RNAM PAR DAG PA'I LAM MI SHES SHING SDUG BSNGAL GYI CHOS KYI GNOD PAS RNAM PAR DAG PAR RTOGS PAS RNAM GRANGS DU MAS BDAG NYID LA KUN TU GDUNG BAR BYED, YANG DAG PAR GDUNG BAR BYED PA DE NI TSE 'DI LA GNOD PA RGYAS PAS BYIS PAS BGROD PAR BYA BA ZHES RGYAS PAR BYA BA LNGA PA YIN NO, ,DE LTAR NA GNOD PA LNGA PO DE DAG NI DGE SLONG 'DUL BA'I BSLAB PA LA BRTZON PAS YONGS SU SPANG PAR BYA'O, ,DGE SLONG 'DUL BA'I BSLAB PA LA BRTZON PA'I CHOS LNGA NI MA DAD PA RNAMS DAD PA DANG DAD PA RNAMS PHYIR ZHING 'PHEL BAR 'GYUR TE, LNGA GANG ZHE NA, TSUL KHRIMS PHUN SUM TSOGS PA DANG, LTA BA PHUN SUM TSOGS PA DANG, CHO GA PHUN SUM TSOGS PA DANG, 'TSO BA PHUN SUM TSOGS PA DANG, PHAN TSUN 'THAB PA DANG RTZOD PA MED PA'O, ,DE LA TSUL KHRIMS PHUN SUM TSOGS PA NI RNAM PA BCU STE, 'DI LTA STE, NYAN THOS KYI SA DANG PO NAS LEGS PAR BLANGS PA DANG, HA CANG ZHUM PA MA YIN PA DANG, HA CANG THAL BA MA YIN PA DANG, ZHES BYA BA LA SOGS PA RGYAS PAR BSTAN PA @21B BZHIN NO, ,LTA BA PHUN SUM TSOGS PA NI MDOR BSDU NA RNAM PA LNGA STE, SGRO 'DOGS PA 'JIG TSOGS LA LTA BA MTHAR 'DZIN PA'I LTA BA SPANGS PA DANG, SKUR PA 'DEBS PA LOG PA'I LTA BA SPANGS PA DANG, DE DANG 'BREL BA LTA BA MCHOG TU 'DZIN PA SPANGS PA DANG, TSUL KHRIMS DANG BRTUL ZHUGS MCHOG TU 'DZIN PA'I LTA BA SPANGS PA DANG, DGE MTSAN DANG, BDEN PA DANG, GTZANG SBRA LA SOGS PA'I LTA BA SPANGS PA'I PHYIR RO, ,CHO GA PHUN SUM TSOGS PA LA YANG RNAM PA LNGA STE, 'PHRAL GYI BYA BA DANG, DGE BA'I PHYOGS KYI BYA BA'AM, SPYOD LAM GYI BYA BA LA BRTEN NAS 'JIG RTEN DANG 'DUL BA DANG MI 'GAL BA'I CHO GA GANG YIN PA LA SOGS PA 'DI LTA STE, NYAN THOS KYI SAR BSTAN PA BZHIN NO, ,'TSO BA PHUN SUM TSOGS PA YANG RNAM PA LNGA STE, TSUL 'CHOS PA LA SOGS PAS 'TSO BA'I CHOS RNAM PAR SPANGS PA'I PHYIR TE, 'DI LTA STE, NYAN THOS KYI SAR BSTAN PA BZHIN NO, ,PHAN TSUN 'THAB PA DANG, RTZOD PA MED PA'I RTZA BA DRUG YONGS SU SPANGS PA'I PHYIR TE, DE LA RTZOD PA'I RTZA BA DRUG NI KHRO BA DANG 'KHON DU 'DZIN PA LA SOGS PA RGYAS PAR MDO LAS JI SKAD GSUNGS PA BZHIN NO, ,RTZOD PA'I RTZA BA DRUG KYANG GNAS DRUG LA BRTEN TE, RNAM PAR GZHAG PAR RIG PAR BYA'O, ,DRUG GANG ZHE NA, GNOD PA BYED DU DOGS PA'I PHYIR RANG GI NYES PA 'CHAB PAR 'DOD PA NGA RGYAL GYIS MNGON PAR TSAR BCAD PA'I GANG ZAG DE LA DUS GZHAN ZHIG NA TSANGS PA MTSUNGS PAR SPYOD PA RNAMS KYIS GZHI DES GCIG GAM GNYIS SAM RAB TU MANG PO'I MDUN DU GLENG BAR BYED CING, DE LA YANG DE GCIG TU YID DU MI 'ONG BA'I PHYIR LUS KYIS KYANG YONGS SU GDUNG BAR BYED, SEMS KYIS KYANG YONGS SU GDUNG BAR BYED DE, DE LTAR NGA RGYAL GYIS MNGON PAR TSAR BCAD PA'I PHYIR GZHAN DAG GI MDUN DU BDAG LA SMOD PAR BYED NA MI RUNG NGO SNYAM PA DE NI YONGS SU GDUNG BA YIN LA LTUNG BA SNGA MA 'CHAB PA NI 'CHAB PA YIN TE, DE LTAR NGA RGYAL GYIS MNGON PAR TSAR BCAD PA'I PHYIR RANG GI NYES PA DE 'CHAB PAR 'DOD PA DE GNYIS KA YANG RTZOD PA'I RTZA BA YIN NO, ,DGE SLONG SGYU BAG TU KUN DU SPYOD CING GZHAN DAG LA YANG BRTEN PA'I RANG BZHIN CAN YIN TE, 'DI LTA STE, @22A *, ,BSOD NAMS CHE BAR SHES PA LA RNYED PA'I PHYIR GUS PAR BYAS TE, BSNYEN BKUR BYED LA BYAMS PAS MA YIN, GUS PAS MA YIN, CHOS 'DOD PAS MA YIN PA DE YANG YIN NO, ,DE BZHIN DU GNAS SBYIN PA'I SLOB DPON DRANG BA BZAD PA'I RANG BZHIN CAN LA CI 'DOD PA BZHIN GNAS PAR BYA ZHING; DE NYID BDAG GIR BYED PAR 'GYUR BA BDAG GIS NI 'GA' YANG BYA MI DGOS SO SNYAM DU BRTAGS NAS LEN PAR BYED PA DE YANG YIN NO, ,DE BZHIN DU TSANGS PA MA TSUNGS PAR SPYOD PA MKHAS PA'I RANG BZHIN CAN BSOD NAMS CHE LA, DAM PA'I CHOS LA BSNYEN BKUR BYA BA DAG 'PHRAL GYI BYA BA GZHAN DAG LA BDAG NYID SNYING LAS CHUNG NGUR GNAS SHING, DE THAMS CAD BYED PAR 'GYUR RO SNYAM DU BRTAGS NAS GROGS SU LEN PAR BYED PA YANG DE YIN NO, ,DE BZHIN DU LTUNG BA BYUNG YANG TSANGS PA MTSUNGS PAR SPYOD PA DAG GIS BSKUL ZHING DRIS NA GZHAN DANG GZHAN DU BSGYUR ZHING SMRA BAR BYED PA YANG YIN TE, SGYU BAG TU SPYOD PA SGYU DANG G-YO LA GNAS PA NI GZHI DES RTZOD PAR 'GYUR TE, LHAG MA NI CI RIGS PAR RIG PAR BYA'O, ,DE LAS BZLOG PA'I CHOS LNGA NI MA DAD PA RNAMS DAD PA DANG, DAD PA RNAMS 'PHEL BAR 'GYUR BA YIN PAR RIG PAR BYA'O, ,DGE SLONG 'DUL BA'I BSLAB PA LA BRTZON PA'I STOBS LNGA DANG LDAN PA'I YANG DAG PA'I SBYOR BA NI RNAM PA THAMS CAD DU PHUN SUM TSOGS PA YIN PAR RIG PAR BYA STE, LNGA GANG ZHE NA, SBYOR BA'I STOBS DANG, BSAM PA'I STOBS DANG, RTOGS PA'I STOBS DANG, SHES PA'I STOBS DANG, GNAS PA'I STOBS SO, ,BSLAB PA 'DOD PA KHO NAS SNYING THAG PA NAS BSLAB PA THAMS CAD LA MCHOG TU GUS PAS BDAG NYID DUL BAR BYA BA DANG, BDAG NYID ZHI BAR BYA BA DANG, BDAG NYID YONGS SU MYA NGAN LAS 'DA' BAR BYA BA'I PHYIR SLOB PAR BYED PA DE NI SBYOR BA'I STOBS YIN NO, ,LTUNG BA BYUNG BA NA BSAM PA THAG PAS SLONG BAR BYED PA DE NI BSAM PA'I STOBS YIN NO; ,STOBS LHAG MA RNAMS NI CI RIGS PAR RIG PAR BYA'O, ,'DUL BA MA MO RDZOGS TE, 'DUL BA BSDU BA RDZOGS SO,, ,,RGYA GAR GYI MKHAN PO PRADZ+NY'A WAR+MA DANG, DZI NA MI TRA DANG, ZHU CHEN GYI LO TZ'A BA BAN DE YE SHES SDE LA SOGS PAS BSGYUR CING ZHUS TE GTAN LA PHAB PA,, ,, @22B *, ,RNAM GRANGS BSDU BA BZHUGS, *, ,RNAL 'BYOR SPYOD PA'I SA LAS RNAM GRANGS BSDU BA, SPYI SDOM NI, DKAR PO'I PHYOGS DANG NAG PO'I PHYOGS, ,RNAM GRANGS DAG NI YANG DAG BSHAD, ,DON GYIS BLO RAB RTOGS BYA'I PHYIR, ,SPYI YI SDOM NI BSDUS PA YIN, ,SDOM NI, STON DANG MCHOG NYID SHES RAB BZHI, ,DE BZHIN LEGS PAR GSUNGS PA DANG, ,GLENG GZHI YOD DANG SBYIN PA DANG, ,TSUL KHRIMS LAM RAB RGYAS PA YIN, ,DE LA STON PA NI DE BZHIN GSHEGS PA'O, ,RAB TU STON PA NI DE'I SLOB MA'I MCHOG RNAMS TE GNAS BRTAN SH'A RI'I BU LA SOGS PA'O, , RJES SU STON PA NI SLOB DPON DANG, MKHAN PO DANG, CHOS MTHUN PA BA RNAMS DANG, SKUL BAR BYED PA RNAMS DANG, DRAN PAR BYED PA RNAMS SO, ,DE LA STON PA NI STON PAR BYED PA'O, ,RAB TU STON PA NI RAB TU STON PAR BYED PA'O, ,RJES SU STON PA NI RJES SU STON PAR BYED PA'O, ,BYA BA RJES SU GNANG BA DANG, BYA BA MA YIN PA 'GOG PA DANG, DUS DUS SU GDAMS NGAG DANG, RJES SU BSTAN PA LA RAB TU 'JUG PAR BYED PA'I PHYIR, DE DAG NYID GSUNG BA DANG, RAB TU GSUNG PA DANG, RJES SU GSUNG BA YIN PAR RIG PAR BYA'O, ,'DREN PA NI BYA BA MA YIN BA LA BRTZON PA RNAMS TSAR GCOD PAR BYED PA'O, ,RNAM PAR 'DREN PA NI BYA BA LA BRTZON PA RNAMS YANG DAG PAR MGU BAR BYED PA'O, ,RAB TU 'DREN PA NI DE GNYI GA YANG DAG PAR SKUL BAR BYED PA'O, ,'DREN PAR BYED PA NI THE TSOM SKYES SHING BYUNG BA YANG DANG YANG DU RNAM PAR SEL BAR BYED PA'O, ,RNAM PAR 'DREN PAR BYED PA NI 'GYOD PA RNAMS YANG DANG YANG DU RNAM PAR SEL BAR BYED PA'O, ,RAB TU 'DREN PAR BYED PA NI NYON MONGS PA DANG NYE BA'I NYON MONGS PA RNAMS YANG DANG YANG DU RNAM PAR SEL BAR BYED PA'O, ,YANG THE TSOM RNAMS GCOD PAR BYED PA DANG, DON DAM PAR MA PHYE BA RNAMS RNAM PAR 'BYED PAR BYED PA DANG, DON RNAM PAR PHYE BA RNAMS GSAL BAR BYED PA DANG, DON DANG TSIG ZAB MO SHES RAB KYIS YANG DANG YANG DU RTOGS PAR BYAS TE, RGYA CHER YANG DAG PAR RAB TU STON PA'I PHYIR, 'DREN PAR BYED PA LA SOGS PA DANG GO RIMS @23A *, ,BZHIN NO, ,SLOB DPON NI BLA MA'I GNAS SU KHAS BLANG BAR BYA'O, ,GNYIS PA NI GROGS BYED PA STE, DE DANG MTHUN PAR RJES SU 'JUG PA'I PHYIR RO, ,MDZA' BSHES NI KHYIM PA'I TSE'I GROGS PO RNYING PA'O, ,SNYING DU SDUG PA NI PHA DANG MA DANG DE DANG 'BREL BA'O, ,SNYING BRTZE BA NI 'BEL BA MED PAR PHAN 'DOGS PA'O, ,DON ZHES BYA BA NI DON DU GNYER BA DANG DON DANG LDAN PA'O, ,DE 'DOD PA NI DON 'DOD PA'O, ,PHAN PA ZHES BYA BA NI DGE BA SPYOD PA'O, ,DE 'DOD PA NI PHAN PA 'DOD PA'O, ,REG PAR GNAS PA NI LUS DANG SEMS LA PHAN 'DOGS PA'I DON GYIS BDE BA ZHES BYA'O, ,DE 'DOD PA NI BDE BA 'DOD PA'O, ,REG PAR 'DOD PA NI MTHONG BA'I CHOS KYI BDE BA LAS BRTZAMS PA'O, ,GRUB PA DANG BDE BAR 'DOD PA NI TSE PHYI MA'I BDE BA LAS BRTZAMS PA'O, ,MNGON PAR YID CHES PA NI THAMS CAD LA MNGON PAR YID CHES PA'O, ,DE NYID DES YON TAN DANG MTHU DANG SHES RAB MCHOG TU 'BYUNG BA THOS NAS, GANG ZAG GI RTEN GYI SGO NAS DANG PO'O, ,DE NYID CHOS KYI GZHI DANG RIG PA'I SGO DANG MTHUN PA NI DANG PA STE, GANG GI DBANG DU BYAS TE SPU ZING ZHES BYED PA DANG, MCHIM DKRUG CES BYED PA LA SOGS PA DANG BA'I RTAGS 'BYUNG BA YIN NO, ,NGES PAR RTOGS PAS NI YON TAN LA SOGS PA MA THOS PA SPYOD LAM DANG, SPYOD PA DANG, GNAS PA DAG LAS DE LA YON TAN YOD PAR YID CHES PA'O, ,'DUN PA NI DE BYED 'DOD PA DANG, THOB PAR 'DOD PA GANG YIN PA'O, ,BRTZON 'GRUS NI BRTZON 'GRUS BRTZAMS PA'I SEMS MNGON PAR SPRO BA GANG YIN PA'O, ,RTZOL BA NI SPRO BA BYAS PA SBYOR BA DE LA RTZOL BA'O, ,NGES PAR 'BYUNG BA NI BRTZON 'GRUS BRTZAMS PA MI GTONG ZHING RGYUN DU BYED PA STE PHYIR MI BZLOG PA'O, ,BRTUL BA NI BRTZON 'GRUS GUS PAR BRTZON PA'O, ,MTHU NI MTSAN MO 'AM THUN 'DAS NAS BRTZON 'GRUS 'DI DANG 'DI LTA BU ZHIG BRTZAM MO ZHES SNGA NAS SEMS PA'I GO CHA GANG YIN PA'O, ,RTZOL BA NI JI LTAR GO CHA BGOS PA'AM KHYAD PAR DU 'PHAGS PAR BRTZON 'GRUS RTZOM PA'O, ,SPRO BA NI BRTZON 'GRUS BRTZAMS PA DE'I 'BRAS BU'I PHAN YON MTHONG BA'O, ,BZOD SPRO NI DE DANG LDAN PA GRANG BA @23B LA SOGS PA'I GNOD PA DANG DU LEN PA'O, ,MNGON PAR SPRO BA NI SNGA PHYI'I KHYAD PAR SHES NAS GONG MA'I KHYAD PAR THOB PAR BYA BA LA YID CHES PA SKYES PA'I BRTZON 'GRUS GANG YIN PA'O, ,PHYIR MI LDOG PA NI KHYAD PAR DU CHUNG ZAD TZAM MAM, NGAN NGON TZAM ZHIG RTOGS NAS BAR MA DOR SGYID MI LUG PA STE DGE BA BSGOMS PAS CHOG MI SHES PA'O, ,SEMS YANG DAG PAR SDUD PA NI BRTZON 'GRUS KYI GAGS SU GYUR PA NYON MONGS PA DANG NYE BA'I NYON MONGS PA BDUD KYI LAS RNAMS LAS BLO SEMS YANG DAG PAR SGOM PA'O, ,RGYUN DU BYED PA NI SBYOR BA DE NYID LA RGYUN DU BYED PA GANG YIN BA STE BRTZON PA MI GTONG BA'O, ,DAD PA NI 'DI LTA STE, DES STON PAS CHOS STON PA'I CHOS DE THOS NAS DAD PA RNYED PA GANG YIN PA'O, ,BAG YOD PA NI DAD PA THOB PA NGES PAR 'BYUNG BAR 'DOD PA'I GAGS SU GYUR PA'I CHOS DAG LAS SEMS KUN DU SRUNG BA GANG YIN PA DANG RGYUN DU DGE BA'I CHOS SGOM PAR BRTZON PA'O, , SBYOR BA NI LUNG DANG, KHA TON DANG, YONGS SU 'DRI BA DANG, 'BREL BA'I GTAM RNAM PAR NGES PA LA YANG DAG PAR RAB TU SBYOR BA'O, ,SEMS PA NI JI SKAD BSTAN PA DANG MNOS PA'I CHOS DANG DON LA YONGS SU RTOGS PA'O, ,DRAN PA NI YONGS SU BRTAGS PA'I DON MI BRJED PA DANG, YUN RING MO ZHIG NA BYAS PA DANG BSHAD PA YANG RJES SU DRAN PA'O, ,RNAM PAR RTOG PA NI CHOS DANG DON DE NYID LA BRTEN TE, NGES PAR 'BYUNG BA LA SOGS PA RNAM PAR RTOG PA'O, ,YE SHES NI 'JIG RTEN LAS 'DAS PA'I SBYOR BA LAS BYUNG BA'I SHES RAB GANG YIN PA'O, ,SHES RAB NI 'JIG RTEN LAS 'DAS PA'I SHES RAB PO, ,SHES RAB THOB PA NI 'JIG RTEN LAS 'DAS PA'I SHES RAB KYI RJES SU LAS THOB PA 'JIG RTEN PA'I SHES PA GANG YIN PA'O, ,DPYOD PA NI DPYOD PA'I YID LA BYED PAS SPANGS PA DANG, MA SPANGS PA DANG, LHAG MA DANG BCAS PA DANG, LHAG MA MA LUS PA LA SO SOR RTOG PA GANG YIN PA'O, ,TSANGS PAR SPYOD PA NI 'PHAGS PA'I LAM YAN LAG BRGYAD PA DANG, TSANGS PAR SPYOD PA MA YIN PA 'KHRIG PA'I CHOS SPANGS PA'O, ,LHAG MA BYANG CHUB KYI PHYOGS SUM CU RTZA BDUN NI TSANGS PAR SPYOD PA KUN TU 'DREN PAR BYED PA STE, DE DAG KYANG DE'I RANG BZHIN YIN PA'I PHYIR @24A *, ,DANG; DE'I PHYOGS YIN PA'I PHYIR ZHI GNAS DANG LHAG MTHONG DANG, LUS SU GTOGS PA'I DRAN PA DANG, GNAS GSUM DAG GIS CI RIGS PAR BSDUS SO, ,DE LA DAD PA DANG DRAN PA NI GNYIS KA'I PHYOGS YIN NO, ,DE LA STON PA DE NYID RANG GI DON SGRUB PA'I PHYIR MCHOG CES BYA'O, ,GZHAN GYI DON SGRUB PA'I PHYIR GTZO BO ZHES BYA'O, ,DE GNYI GA SGRUB PA'I PHYIR KHYAD PAR DU 'PHAGS PA ZHES BYA'O, ,MU STEGS CAN THAMS CAD ZIL GYIS GNON PA'I PHYIR BLA MA ZHES BYA'O, ,NYAN THOS DANG RANG SANGS RGYAS ZIL GYIS GNON PA'I PHYIR BLA NA MED PA ZHES BYA'O, , MU STEGS CAN DANG THUN MONG MA YIN PA'I CHOS MNGON PAR RDZOGS PAR BYANG CHUB PA'I PHYIR MI MNYAM PA ZHES BYA'O, ,NYAN THOS DANG RANG SANGS RGYAS DANG THUN MONG MA YIN PA'I CHOS MNGON PAR RDZOGS PAR BYANG CHUB PA'I PHYIR MI MNYAM PA DANG MNYAM PA ZHES BYA'O, ,RNAM GRANGS GZHAN YANG 'JIG RTEN PA'I DGE BA'I PHUN SUM TSOGS PA THAMS CAD DANG THUN MONG BA'I PHYIR MCHOG GO, ,NYAN THOS KYI DGE BA PHUN SUM TSOGS PA THAMS CAD DANG THUN MONG BA'I PHYIR GTZO BO'O, ,RANG SANGS RGYAS KYI DGE BA PHUN SUM TSOGS PA THAMS CAD DANG THUN MONG BA'I PHYIR KHYAD PAR DU 'PHAGS PA'O, ,NYON MONGS PA'I SGRIB RNAM PAR DAG PA'I PHYIR BLA MA'O, ,SHES BYA'I SGRIB PA RNAM PAR DAG PA'I PHYIR BLA NA MED PA'O, ,RNAM GRANGS GZHAN YANG 'DOD PA NA SPYOD PA'I DGE BA PHUN SUM TSOGS PA'I PHYIR MCHOG GO, ,GZUGS NA SPYOD PA'I DGE BA PHUN SUM TSOGS PA'I PHYIR GTZO BO'O, ,GZUGS MED PA NA SPYOD PA'I DGE BA PHUN SUM TSOGS PA'I PHYIR KHYAD PAR DU 'PHAGS PA'O, ,KHAMS GSUM PA THAMS CAD LAS YANG DAG PAR 'DAS PA 'JIG RTEN LAS 'DAS PA'I DGE BA PHUN SUM TSOGS PA'I PHYIR BLA MA'O, ,NYAN THOS DANG RANG SANGS RGYAS THAMS CAD LAS YANG DAG PAR 'DAS PA'I DGE BA PHUN SUM TSOGS PA'I PHYIR BLA NA MED PA'O, ,SEMS CAN RKANG MED RNAMS NI 'DI LTA STE SBRUL LA SOGS PA'O, ,SEMS CAN RKANG GNYIS RNAMS NI 'DI LTA STE MI LA SOGS PA'O, ,SEMS CAN RKANG BZHI RNAMS NI 'DI LTA STE, GLANG PO CHE LA SOGS PA'O, ,SEMS CAN RKANG MANG RNAMS NI 'DI @24B LTA STE SRIN GYI ME LA SOGS PA'O, ,SEMS CAN GZUGS CAN RNAMS NI 'DI LTA STE 'DOD PA'I KHAMS NAS BZUNG STE, BSAM GTAN BZHI PA'I BAR DAG GO, ,SEMS CAN GZUGS CAN MA YIN PA RNAMS NI 'DI LTA STE, NAM MKHA' MTHA' YAS SKYE MCHED NAS BZUNG STE, 'DU SHES MED 'DU SHES MED MIN SKYE MCHED KYI BAR DAG GO, ,SEMS CAN 'DU SHES CAN RNAMS NI 'DI LTA STE, 'DU SHES MED PA'I SEMS CAN MA GTOGS PA 'DOD PA'I KHAMS NAS BZUNG STE, CI YANG MED PA'I SKYE MCHED KYI BAR DAG GO, ,'DU SHES MED PA'I SEMS CAN RNAMS NI 'DI LTA STE, ,'DU SHES MED PA'I LHA RNAMS SO, ,'DU SHES MED 'DU SHES MED MIN GYI SEMS CAN RNAMS NI 'DI LTA STE, 'DU SHES MED 'DU SHES MED MIN DU NYE BAR 'GRO BA'I LHA RNAMS SO, ,MDOR BSDU NA RNAM PA DE DAG GIS NI DE BZHIN GSHEGS PA YONGS SU G-YO BA DANG, SKU DANG THUGS KYI SGO NAS MCHOG NYID RNAM PA GSUM YONGS SU BSTAN PA YIN NO, ,SHES RAB RNYED PA ZHES BYA BA NI BYE BRAG MED PAR DGE BA DANG, DON DANG LDAN PA'I SHES RAB GANG YIN PA'O, ,SHES RAB RGYAS PA DANG, 'PHEL BA DANG, YANGS PA ZHES BYA BA NI CHUNG NGU DANG 'BRING DANG CHEN POR KHYAD PAR DU 'PHAGS PA'O, ,SHES RAB RNAM PAR BYANG BA NI SNGON GOMS PAR BYAS PA'I SHES RAB DUS GZHAN DU YONGS SU SMIN PA'O, ,SHES RAB 'BYOR PA NI NYON MONGS PA YONGS SU SHES PA DANG, SPONG BA'I SHES RAB GANG YIN PA'O, ,SHES RAB YONGS SU SKONG BA NI DE NYID MTHAR THUG PAR 'GRO BA'O; ,SHES RAB YONGS SU MI NYAMS PA NI DE NYID YONGS SU MI NYAMS PA'I CHOS CAN TE, SHIN TU TSAR PHYIN PA'O, ,SHES RAB MYUR BA NYID NI SKYEN PAR RAB TU SHES PA'O, ,SHES RAB MGYOGS PA NYID NI SHES RAB YONGS SU MI GTUGS PA'O, ,SHES RAB RNO BA NYID NI JI SNYED PA DANG JI LTA BA BZHIN DU RAB TU SHES PA'O, ,NGES PAR 'BYUNG BA'I SHES RAB NYID NI NGES PAR 'BYUNG PAR BYA BA'I CHOS RNAMS DANG, 'JIG RTEN PA'I 'DOD CHAGS DANG BRAL BA YANG RAB TU SHES PA'O, ,NGES PAR 'BYED PA'I SHES RAB NYID NI 'JIG RTEN LAS 'DAS PA'I 'DOD CHAGS DANG BRAL BA RAB TU SHES PA'O, ,SHES RAB @25A *, ,ZAB PA NI ZAB MO STONG PA NYID DANG LDAN PA RTEN CING 'BREL BAR 'BYUNG BA DANG RJES SU MTHUN PA'I CHOS RAB TU SHES PA DANG, DON DANG TSIG ZAB MO YANG DAG PA JI LTA BA BZHIN DU RAB TU RTOGS PA STE, DE LA DE BZHIN GSHEGS PA NI DE DAG GDAGS PA LA SHES RAB YIN NO, ,NYAN THOS GYU GANG YI GDAGS PA LA SHES RAB CHEN PO YIN TE, SHES RAB DE NYID DUS NYID DU YUN RING PO NAS YONGS SU GOMS PAR BYAS PA YIN NO, ,SHES RAB YANG PA NI DE NYID TSAD MED PA DANG MTHA' YAS BA'I SPYOD YUL LO, ,SHES RAB MNYAM PA MED PA NI GZHAN DAG DANG MI MTSUNGS PA'I SHES RAB PO, , SHES RAB RIN PO CHE NI SHES RAB DBANG PO THAMS CAD KYI GTZO BO YIN PA STE, 'KHOR LOS SGYUR BA'I NOR BU RNAMS KYI NANG NA BEE d+'U RYA LTAR 'OD KYIS SNANG BAR BYED PA'I PHYIR RO, ,DE DANG LDAN PA NI SHES RAB RIN PO CHE DANG LDAN PA'O, ,SHES RAB MIG NI LHAN CIG SKYES PA'I SHES RAB PO, ,SHES RAB SNANG BA NI GZHAN LAS BSGRUBS SHING GZHAN GYIS SKYED PA SBYOR BA LAS BYUNG BA'I SHES RAB GANG YIN PA'O, ,SHES RAB 'OD NI SHES RAB DE NYID SBYOR BA LAS BYUNG BA STE, THOS PA DANG BSAMS PA LAS BYUNG BA'O, ,SHES RAB GSAL BA NI SHES RAB DE NYID BSGOMS PA LAS BYUNG BA'O, ,SHES RAB MAR ME NI DE BZHIN GSHEGS PAS GSUNGS PA'I MDO SDE ZAB MO RNAMS RNAM PAR 'JOG PA GANG YIN PA STE RAB TU GSAL BAR BYED PA'O, ,SHES RAB SKAR MDA' NI CHOS STON PA'I DUS TZAM GYI RJES SU 'JUG PA'O, ,SHES RAB SGRON MA NI DE DANG DE DAG TU SHES RAB KYIS CHOS RNAMS LA SHIN TU LEGS PAR BRTAGS SHING DUS PHYIS KYANG RJES SU 'JUG PA STE, LUS KYIS MNGON DU BYAS PAS NI MA YIN PA'O, ,SHES RAB MUN PA MED PA NI LUS KYIS MNGON DU BYAS PA'O, ,SHES RAB DBANG PO NI GZHAN DAG GI RTOGS PA'I DBANG DU BYAS NAS SHES RAB GANG YIN PA'O, ,SHES RAB STOBS NI BDAG NYID KYI SNGA PHYI'I KHYAD PAR RTOS PA LEGS PAR RTOGS PA'I DBANG DU BYAS TE RIGS PA DANG CHOS LA 'RDZI BA MED PA'I SHES RAB BO, ,SHES RAB NOR NI DBANG PHYUG THAMS KYI NA NGAN DBANG PHYUG GI MCHOG RAB SKYED PA DANG, RANG GI SMES LA DBANG SGYUR BA THOB PAR BYED PA DANG NOR THAMS CAD KYI GTZO BO DANG, @25B 'JIG RTEN PA'I NOR THAMS CAD KYI RTZ BA'I RGYU GANG YIN PA'O, ,SHES RAB RIN PO CHE NI JI SKAD DU BSHAD PA'O, ,SHES RAB RAL GRI DANG SHES RAB MTSON CHA NI KUN TU SBYOKR BA THAMS CAD GCOD PAR BYED PA'O, ,SHES RAB MTSON CHA NI NYON MONGS PA DANG, LHA'I BU'I BDUD RING DU SPONG BA'O, ,SHES RAB 'DEBS PA NI YID KYI DBANG PO'I RTA DGE BA SPYOD PAR 'DEBS PA'O, ,SHES RAB LTUNG BAR BYED PA NI LUS THAMS CAD DANG BRAL BA DANG, RNAM PAR 'JIG PAR BYED PA'O, ,SHES RAB RAB NI NYON MONGS PA THAMS CAD KYI SGO DU MA 'GOG PAR ZHUGS PA'O, ,SHES RAB THEM SKAS NI SBYOR BA LAS BYUNG BA'I LAM MO, ,SHES RAB KHANG BZANGS NI MTHAR PHYIN PAR SONG BA'O, ,YANG RA BA LA SOGS PA DE DAG NYID GTAN LA DBAB PA'I PHYIR 'DI GSUM BRJOD PAR BYA STE, 'DI LTA STE, KHAMS SHES PA DANG, KHAMS SNA TSOGS SHES PA DANG, KHAMS DU MA SHES PA'O, ,YANG DAG PA'I LTA BA NI DE KHO NA NYID RAB TU RTOGS PA LA SLOB PA'I SHES RAB GANG YIN PA'O, ,TSUL BZHIN YID LA BYED PA NI DE SKYED PAR BYED PA'O, ,SEMS RNAM PAR GROL BA DANG, SHES RAB RNAM PAR GROL BA NI GONG MA STE, SLOB PA RNAMS KYI NI RGYUN DU ZHUGS PA'I 'BRAS BUS BSDUS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BUS BSDUS PA'O, ,MI SLOB PA RNAMS KYI NI DGRA BCOM PA NYID KYI 'BRAS BUS BSDUS PA'O, ,RANG SANGS RGYAS RNAMS KYI NI RANG SANGS RGYAS KYIS BSDUS PA'O, ,SANGS RGYAS RNASM NI BYANG CHUB DAM PAS BSDUS PA'O, ,DE LA JI LTAR NA KHAMS SHES BAR BYA BA YIN ZHE NA, SMRAS PA, KHAMS DU MA DANG, KHAMS SNA TSOGS SHES PAR BYA STE, KHAMS BCO BRGYAD CES BYA BA NI KHAMS DU MA SHES PA'O, ,DE DAG GI RNAM PA TSOGS SHES PA NI KHAMS SNA TSOGS SHES PA'O, ,YANG DE DAG GI RAB TU DBYE BA NI KHAMS DANG, 'GRO BA DANG SA DANG GANG ZAG DANG RNAM PA'I DBYE BA SHES PA'O, ,ZHIB MO NI DE KHO NA DANG ZAB MO'I DON LA 'JUG PA'O, ,BRTAG PA NI DON MTHA' DAG LA 'JUG PA'O, ,MKHAS PA NI SKYED PA'I SHES RAB DANG LDAN PA'O, ,MDZANGS PA NI LHAN CIG SKYES PA'I SHES RAB DANG LDAN PA'O, ,YANG NA BZLOG @26A *, ,PA'O; ,MIG NI MNGON SUM GYI DNGOS PO 'DZIN PA'O, ,SHES PA NI LKOG TU GYUR PA'I RIGS 'DZIN PA'O, ,RIGS PA NI DNGOS PO JI SNYED YOD PA LA 'JUG PA'O, ,BLO NI JI LTA BA BZHIN DU RJES SU RTOGS PA'O, ,DON SPYOD PA NI BSAMS PA LAS BYUNG BA'I DGE BAS YANG DAG PAR BSDUS PA'O, ,CHOS SPYOD PA NI THOS PA LAS BYUNG BA'I DGE BAS YANG DAG PAR BSDUS PA'O, ,DGE BA SPYOD PA NI SBYIN PA DANG TSUL KHRIMS LAS BYUNG BA'I DGE BAS YANG DAG PAR BSDUS PA'O, ,DGE LEGS SPYOD PA NI BSGOMS PA LAS BYUNG BA'I DGE BAS YANG DAG PAR BSDUS PA'O, ,LEGS PAR GSUNGS PA NI TSIG DANG YI GE PHUN SUM TSOGS PA'O, ,LEGS PAR BSTAN PA NI DON DANG SHIN TU MNGON PAR 'BREL PA'O, ,NGES PAR 'BYUNG BA NI 'JIG RTEN PA'I LAM GYI SDUG BSNGAL SPONG BAS NGES PAR 'BYUNG BA'O, ,RDZOGS PA'I BYANG CHUB TU 'GRO BAR BYED PA NI 'JIG RTEN LAS 'DAS PA'I LAM GYI SDUG BSNGAL LAS YANG DAG PAR 'DA' BAR BYA BA'I PHYIR DE KHO NA MNGON PAR BYANG CHUB PA'O, ,MI MTHUN PA MED PA NI STON PA DANG NYAN THOS RNAMS KYIS BSHAD PA DON DANG DON DU TSIG DANG TSIG TU PHAN TSUN MTHUN PA STE GCIG LA GCIG MI 'GAL BA'O, ,'DUL BA DANG LDAN PA NI MU STEGS CAN DANG BDUD DANG 'JIG RTEN PA THAMS CAD KYIS RNAM PAR MI BSKYOD PA'O, ,RTEN PA YOD PA NI STON PA BZHI CHUD MI GSON PA'O, ,'DI STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA NI LUNG RNAM PAR DAG PA'O, ,DE LA MDOR BSDU NA TSIG 'DI DAG GIS NI BCOM LDAN 'DAS KYIS LEGS PAR GSUNGS PA'I CHOS 'DUL BA NI LEGS PAR BSTAN PA ZHES BYA BA PHUN SUM TSOGS PA RNAM PA BZHIR BSTAN PA YIN TE, TSIG GNYIS KYIS NI YI GE DANG DON PHUN SUM TSOGS PAR BSTAN TO, ,GNYIS KYIS NI 'BRAS BU PHUN SUM TSOGS PAR BSTAN TO, ,GSUM GYIS NI SGRUB PA PHUN SUM TSOGS PAR BSTAN TO, ,GCIG GIS NI STON PA PHUN SUM TSOGS PAR BSTAN PA YIN NO, ,BCOM LDAN 'DAS KYIS CHOS BSTAN PA NI GLENG GZHI YOD PA ZHES BYA BA NI KUN NAS SLONG BA DANG BCAS PAR BSLAB PA'I GZHI BCAS @26B PA'O; ,NGES PAR 'BYUNG BA YOD PA NI RNAM PAR 'DAS NA CHOS BZHIN DU PHYIR BYA BA'I PHYIR BCAS PA'O, ,STON PA YOD PA NI STON PA BZHIS 'CHAL BA'I TSUL KHRIMS THAMS CAD LAS YANG DAG PAR 'DA' BAR BYA BA'I PHYIR BCAS PA'O, ,RTZOL BA YOD PA NI 'DOD PA'I BSOD NAMS DANG, LUS DUB PA'I MTHA' SPONG STE SKYES BU'I RTZAL GYIS 'GRUB PA DANG MTHUN PAR BYA BA'I PHYIR BCAS PA'O, ,CHOS 'PHRUL YOD PA NI CHOS 'PHRUL GSUM GYIS MNGON PAR SHES PA MYUR BAR BYA BA'I PHYIR GDAMS NGAG GONG NA MED PA BCAS PA'O, ,LHUG PAR GTONG PA NI SBYIN PA DANG 'BRAS BUR MA 'BREL BA STE, MYA NGAN LAS 'DAS PAR YONGS SU BSDOS PA'I PHYIR RO, ,LAG BRKYANG BA NI GUS PA DANG RGYA CHER RAB TU SBYIN PA'O, ,RNAM PAR GTONG BA LA DGA' BA NI SBYIN PA'I SNGON ROL DANG, SBYIN PA'I TSE DANG, BYIN ZIN NAS YI RANGS PA DANG, DANG BA DANG, 'GYOD PA MED PA'O, ,SBYIN PA MI 'CHAD PAR BYED PA NI GCIG TU CHOS DANG BAB COL MA YIN PAS LONGS SPYOD BSGRUBS TE DUS SU YANG DANG YANG DU SBYIN PAR BYA BA'I DNGOS PO YONGS SU GTONG BA'O, ,GTONG BA PHUN SUM TSOGS PA NI SBYIN GNAS DAG LA DBUL BA'O, ,SBYIN PA LA 'GED PAR DGA' BA NI DUS DUS SU PHA DANG MA DANG BU DANG BRAN LA SOGS PA LA KUN 'GED PA'O, ,YANG DE DAG THAMS CAD MDOR BSDU NA SBYIN PA RNAM PA DRUG YIN TE, MI RTEN PA'I SBYIN PA DANG, RGYA CHEN PO'I SBYIN PA DANG, DGA' BA'I SBYIN PA DANG, YANG DANG YANG DU SBYIN PA DANG, SNOD DU GYUR PA LA SBYIN PA DANG, YONGS SU SBYIN PA DANG, 'KHOR LA SBYIN PA STE, JI LTAR SBYIN PA DANG, GANG LA SBYIN PA'I DBANG DU BYAS PA'O, ,TSUL KHRIMS RAB TU RGYAS PA'I BAR GYI SDOM NI, TSUL KHRIMS DANG CHOS DANG SROG GCOD PA DANG, TSUL KHRIMS DANG LDAN PA ZHES BYA BA RGYAS PAR RO, ,DE TSUL KHRIMS NI 'CHAL BA'I TSUL KHRIMS KYI KHA NA MA THO BAS KUN DU GDUNGS PA NYE BAR ZHI BAR BYED PA DANG, NGANG TSUL DU BYA BA'I DON TO, ,SDOM PA NI SPONG BA'I RANG BZHIN NO, ,PHUN SUM TSOGS PA NI 'GYOD PA MED PA YONGS SU 'DZIN PA'O, ,KUN TU SPYOD PA YONGS SU DAG PA NI TING NGE 'DZIN YONGS SU 'DZIN PA'O, ,DGE BA NI 'BRAS BU YID @27A *, ,NGU 'ONG BA YONGS SU 'DZIN PA'O, ,KHA NA MA THO BA MED PA NI BDAG DANG GZHAN LA PHAN PA YONGS SU 'DZIN PA'O, ,GNOD PA MED PA NI MTSON CHA LEN PA DANG, DBYUG PA LEN PA DANG, 'THAB MO DANG, MTSANG 'BRU BA LA SOGS PA DANG MI MTHUN PAR GNAS PA'O, ,RJES SU MTHUN PA NI DGE SBYONG GI 'BRAS BU DANG YON TAN KHYAD PAR CAN 'THOB PA'I RJES SU MTHUN PA'O, ,RJES SU 'PHROD PA NI DGE BA MI SPYOMS PA'O, ,THABS NI SDIG PA 'CHAGS PA'O, ,'TSAM PA NI 'DOD PA CHUNG BA LA SOGS PA DGE SBYONG GI RGYAN YONGS SU 'DZIN PA'O, ,MTHUN PA NI LTA BA DANG KUN TU SPYOD PA DANG 'TSO BA PHUN SUM TSOGS PA YONGS SU 'DZIN PA'O, ,GDUNG BA MED PA NI LUS NGAL BA'I MTHA' SPONG BA'O, ,NYE BAR GDUNG BA MED PA NI 'DOD PA'I BSOD NAMS LHUR LEN PA'I MTHA' SPONG BA'O, ,'GYOD PA MED PA NI NYON MONGS PA CAN LA MNGON PAR MI DGA' NAS SRED PAR GYUR PA SPONG BA'O, ,CHOS NI RIGS PAR GTOGS PA STE LEGS PAR BYED PA'I PHYIR RO, ,GDUL BA NI NYON MONGS PA 'DUL BA DANG MTHUN PA'O, ,'PHAGS PA NI KUN NAS NYON MONGS PA'I CHOS LAS RING DU ZHUGS PA'O, ,DGE BA NI KHA NA MA THO BA MED PA DANG 'DOD PA'I 'BRAS BU SKYED PA'O; ,BSTEN PAR BYA BA NI NGES PAR BSTEN PAR BYA BAR 'OS PA'O, ,LEGS PA NI MKHAS PA RNAMS KYIS RAB TU BSNGAGS PA'I DNGOS PO'O, ,SROG GCOD PA NI 'DI NA LA ZHES BYA BA STE, RGYAS PAR NI DKAR PO'I PHYOGS DANG NAG PO'I PHYOGS DANG BCAS PAR 'DI LTA STE RTOG PA DANG BCAS PA DANG DPYOD PA DANG BCAS PA'I SA LAS 'BYUNG BA BZHIN DU RIG PAR BYA'O, ,TSUL KHRIMS DANG LDAN PAR GNAS PA DANG SO SOR THAR PAS BSDAMS BZHES BYA BRGYAS PAR 'BYUNG BA DANG, DBANG PO DAG GI SGO BSDAMS TE GNAS PA DANG DRAN PA KUN TU BSRUNGS PA ZHES BYA BA RGYAS PAR 'BYUNG BA DANG, ZAS KYI TSOD RIG PA SO SOR BRTAGS SHING ZAS ZA BAR BYED KYI RGOD PA'I PHYIR MA YIN PA DANG, RGYAGS PA'I PHYIR MA YIN PA ZHES BYA BRGYAS PAR 'BYUNG BA DANG, 'GRO BA DANG LDOG PA NI SHES BZHIN DU GNAS PA YIN NO ZHES BYA BRGYAS PAR 'BYUNG BA DE DAG THAMS CAD RGYAS BA NI 'DI LTA STE, NYAN THOS KYI @27B SA LAS 'BYUNG BA BZHIN DU RIG PAR BYA'O, ,LAM RAB TU RGYAS PA'I BAR GYI SDOM NI, ,DRAN DANG SPONG DANG RDZU 'PHRUL DANG, ,DBANG PO RNAMS DANG STOBS RNAMS DANG, ,BYANG CHUB YAN LAG LAM YAN LAG ,TSAD MED PA NI THA MA YIN, ,DRAN PA NYE BAR GZHAG PA BZHI BSGOM PAR BYA BA'I PHYIR 'DUN PA DRAG PO CHEN PO ZHES BYA BA NI, YID LA MI BYED PA'I NYES PA SPONG BA'O, ,BRTZON 'GRUS NI RTZOL BA LHOD PAR GYUR PA'I NYES PA SPONG BA'O, ,RTZOL BA NI RGOD PA DANG BYING BA'I NYON MONGS PA'I SKYON SPONG BA'O, ,SPRO BA NI BDAG NYID LA BRNYAS PAR MI BYED PA'O, ,BZOD SPRO NI BRNYAS PA LA BZOD PA'O; ,PHYIR MI LDOG PA NI CHUNG ZAD DANG NGAN NGON TZAM GYIS CHOG PAR MI 'DZIN PA'O, ,DRAN PA NI GDAMS NGAG MI BRJED PA'O, ,SHES BZHIN NI LTUNG BA MI BYED PA'O, ,BAG YOD PA NI BRTZON PA MI GTONG BA'O, ,BRTUN PA DANG LDAN PAR GNAS PA NI LE LO'I GNYEN PO BSGOM PA'O, ,SHES BZHIN DANG LDAN PA NI LTUNG BA'I GNYEN PO BSGOM PA'O, ,DRAN PA DANG LDAN PA NI BSGOM PA BRJED NGAS PA'I GNYEN PO BSGOM PA'O, ,'JIG RTEN LA BRNAB SEMS DANG YID MI BDE BA RNAM PAR SPONG BZHES BYA BA NI 'JIG RTEN PA'I CHOS RJES SU CHAGS PA DANG KHONG KHRO BA'I GNYEN PO BSGOM PA'O, ,DE BAS NA 'DI NI DRAN PA NYE BAR GZHAG PA BSGOM PA LA BRTZON PA'I DGE SLONG GIS GNYEN PO RNAM PA BZHI BSGOM PAR BYA'O ZHES YONGS SU BSTAN PA YIN NO, ,YANG DAG PAR SPONG BA DAG DANG, RDZU 'PHRUL GYI RKANG PA DAG GI RNAM GRANGS GANG YIN PA DE DAG RGYAS PAR NI 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,DE BZHIN GSHEGS PA LA DAD PA ZHEN PA YIN ZHES BYA BA NI RGYAS PAR 'DI LTA STE, RNAM PAR GTAN LA DBAB PA BSDU BA LAS 'BYUNG BA BZHIN NO, ,MTHU DANG LDAN PAR GNAS, BRTZON 'GRUS DANG LDAN, SPRO BA DANG LDAN PA ZHES BYA BA NI RGYAS PAR 'DI LTA STE, BYANG CHUB SEMS DPA'I SA LAS 'BYUNG BA BZHIN DU RIG PAR BYA'O, ,CHOS RNAM PAR 'BYED DO, ,RAB TU RNAM PAR 'BYED DO, ,YONGS SU RNAM PAR RTOG PAR BYED DO, ,YONGS SU DPYOD PAR BYED DO ZHES BYA BA NI 'DI LTA STE NYAN THOS KYI SA LAS 'BYUNG BA BZHIN NO, ,ZAG PA MED PA'I YID LA BYED @28A *, ,PA THOB PA NAS BZUNG STE, BDEN PA LA DMIGS PA ZAG PA MED PA'I YID LA BYED PA DANG LDAN PA THAMS CAD NI CHOS RNAM PAR 'BYED PA ZHES BYA'O, ,DE LA RNAM PAR 'BYED PA NI SDUG BSNGAL 'PHAGS PA'I BDEN PA'O ZHES SDUG BSNGAL GYI RNAM PA THAMS CAD 'DZIN PA'O, , RAB TU RNAM PAR 'BYED PA NI 'DI LTAR SKYE BA NI SDUG BSNGAL, RGA BA NI SDUG BSNGAL ZHES BYA BA LA SOGS PA SO SOR RNAM PAR PHYE BA 'DZIN PA'O, ,CHOS RAB TU RNAM PAR 'BYED PA NI DE'I GZHI MDO LA SOGS PA'I CHOS RAB TU RNAM PAR 'BYED PA STE, 'DI LTAR DE LA BRTEN NAS SNGA MA GNYIS 'BYED PAR BYED PA'O; ,DE LA RNAM PAR 'BYED PA NGES PAR 'DZIN PA NI RTOG PA'O, ,RAB TU RNAM PAR 'BYED PA NGES PAR 'DZIN PA NI YANG DAG PAR RTOG PA'O, ,CHOS RAB TU RNAM PAR 'BYED PA NGES PAR 'DZIN PA NI NYE BAR RTOG PA'O, ,DE LA SNGA MA NI KUN TU TSOL BA'I LAM MO, ,'DI NI RNAM PAR NGES PA'I LAM MO; ,RNAM GRANGS GZHAN YANG RTOG PA NI SHES BYA'I DNGOS PO LA YID LA BYED PA GTOD PA'O, ,YANG DAG PAR RTOG PA NI GTAD PA'I 'OG TU YONGS SU TSOL BA'O, ,NYE BAR RTOG PA NI YONGS SU BTZAL BA'I 'OG TU GTAN LA 'BEBS PA'O, ,BSTEN PA NI RNAM PAR RTOG PA'I LUS SHES PA'O, , YANG DAG PAR RTOGS PA NI SHES BYA'I DNGOS PO SHES PA'O, ,RNAM GRANGS GZHAN YANG RANG GI MTSAN NYID KYI SGO NAS BSTAN PA'O, ,SPYI'I MTSAN NYID KYI SGO NAS YANG DAG PAR RTOGS PA'O, ,YOD 'DZIN NI JI SNYED YOD PA DANG JI LTAR YOD PA BZHIN 'DZIN PA'O, ,RGYAS PAR 'GYUR BA DANG, , 'PHEL BA DANG, YANGS PA NI SNGA MA DANG PHYI MA LAS SO, ,YID GZHUNGS PA NI DE'I DON SNGA PHYI MI BRJED PA'O, ,BLO NI RNAM PAR 'BYED PAR NUS PA'I SHES RAB LHAN CIG SKYES PA GANG YIN PA'O, ,MKHAS PA NI YANG DAG PAR BLANGS PA'I SHES RAB GANG YIN PA'O, ,SHES RAB RGYU BA NI LUNG DANG KHA TON DANG, YONGS SU 'DRI BA DANG, 'BEL BA'I GTAM RNAM PAR NGES PA LA SOGS PAS DON RNAM PAR SHES PA DE GONG NAS GONG DU RNAM PAR SHES PAR BYA BA DANG LDAN PA'I SHES RAB GANG YIN PA'O, ,LHAG MTHONG NI SNGAR RNAM PAR SHES ZIN PA'I DON LA SO SOR RTOG PA'O, ,GTOD PA @28B NI RTOG PA SNGON DU BTANG BA'I DMIGS PA YID LA BYED PA GANG YIN PA DANG, DER SEMS GTOD PAR BYED PA'O, ,RNAM PAR GTOD PA NI GANG GIS MJUG RTUL BAR BYED PA'O, ,RTOG PA NI MTSAN MAR 'DZIN PA'O, ,RAB TU RTOG PA NI MNGON RTAGS SU 'DZIN PA'O, ,RNAM GRANGS GZHAN YANG RTOG PA NI KUN TU TSOL BA'I SEMS KYIS RTOG PA'O, ,RAB TU RTOG PA NI KUN TU LTA BAS SO SOR RTOG PA'O, ,MNGON PAR RTOG PA NI YON TAN DANG SKYON LA RTOG PA'O, ,DE DAG NYID LUNG LA BRTEN NAS BYE BRAG TU RTOG PA DANG BYE BRAG TU BGRANG BA'O, ,MNGON SUM LA BRTEN NAS RTOG PA DANG RNAM PAR RTOG PA'O, , RJES SU DPAG PA LA BRTEN NAS YANG DAG PAR RTOG PA DANG, YANG DAG PAR RTOG PA NYID DO, ,KUN TU SPONG BA NI LHAG PA'I BSAM PAS SPONG BA NGES PAR SKYE BA'O, ,RNAM PAR SPONG BA NI GZHAN LAS YANG DAG PAR LEN PA'O, ,NYE BAR SPONG BA NI YANG DAG PAR BLANGS PA'I 'OG TU TSUL KHRIMS RJES SU SRUNG BA'O, ,SO SOR SPONG BA NI LTUNG BA 'BYUNG BA CHOS BZHIN DU YANG PHYIR BYED PA'O, ,DE LA YANG DAG PAR SDOM PA DANG, SDOM PA GNYIS KYIS TSUL KHRIMS RJES SU SRUNG BA ZHES BYA BA DE LA YANG DAG PAR SDOM PA NI BZOD PA DANG, DES PA DANG, 'DOD PA CHUNG BA DANG, BYAMS PA'I SEMS LA SOGS PA'O, ,SDOM PA NI DBANG PO'I SGO BSDAMS PA'O, ,MI BYA BA NI BDAG KYANG MI BYED LA, GZHAN LA YANG BYED DU MI GZHUG PA'O, ,MI SPYAD PA NI SHES BZHIN DU MI BYED PA'O, ,SPYAD PA MA YIN PA NI DRAN BZHIN DU MI SPYOD PA'O, ,CHU LON NI DE LA BRTEN NAS SDIG PA'I CHOS LAS RGAL BA'O, , DUS TSOD NI DE DANG 'GAL BAR GNAS PA DANG, DE'I BAR CHAD BYED PA'I CHOS SKYES SO COG GNYEN PO LA BRTEN NAS DANG DU MI LEN CING SPONG BA'O, ,SPONG LDAN NI SPONG BA DE DAG LA LHAG PA'I BSAM PA PHUN SUM TSOGS PA'O, ,MI 'DA' BA NI BSLAB PA'I TSOGS THAMS CAD RNAM PAR 'BYED PAR MI BYED CING MI SPONG BA'O, ,RNAM PAR MI 'DA' BA NI PHYOGS 'GA' YANG 'PHAN MI 'BYIN ZHING MI SPONG BA'O, ,GNAS PA NI SEMS 'JOG PAR BYED PA GANG YIN PA'O, ,YANG DAG PAR 'JOG PA NI YANG DAG PAR 'JOG PA GANG YIN PA STE, RGYAS PA NI 'DI LTA STE, NYAN THOS KYI SA LAS SEMS @29A *, ,GNAS PA RNAM PA DGU 'BYUNG BA BZHIN DU RTOGS PAR BYA'O, ,SDOM NI, SHES DANG STON DANG DGE BA DANG, ,'DUN DANG BRTUN DANG GCIG PU DANG, ,RDUL BRAL NAD DANG SNANG BA DANG, ,BDAG DANG SRED BCAD SKYE BA ZAD, ,LHAR BCAS SKYE BO MANG PO DANG, ,PHUNG PO DANG NI NGAR 'DZIN PA'O; ,SHES PA ZHES BYA BA NI THOS PA'I THA SNYAD SNGON DU 'GRO BA'I SHES RAB PO, ,MTHONG BA NI MTHONG BA'I THA SNYAD SNGON DU 'GRO BA'I SHES RAB PO, ,RIG PA NI BYE BRAG PHYED PA'I THA SNYAD SNGON DU 'GRO BA'I SHES RAB PO, ,RNAM PAR SHES PA NI RNAM PAR SHES PA'I THA SNYAD SNGON DU 'GRO BA'I SHES RAB PO, ,YE SHES NI LKOG TU GYUR PA SHES PA'O, ,MTHONG BA NI MNGON DU MNGON SUM DU GYUR BA MTHONG BA'O, ,RIG PA NI MA RIG PA LAS BZLOG PA'I BYE BRAG TU RTOGS PA'O, ,BLO NI YANG DAG PAR YOD PA'I DON SHES PA'O, ,RTOGS PA NI YANG DAG PA MA YIN PA LA SGRO 'DOGS PA'O, ,SHES RAB GANG YIN PA NI LHAN CIG SKYES PA'I SHES RAB GANG YIN PA STE SKYES NAS THOB PA'O, ,SNANG BA'I SBYOR BA LAS YANG DAG PAR BSGRUBS PA'I SHES RAB GANG YIN PA'O, ,MNGON PAR RTOGS PA NI CHOS MNGON PAR RTOGS PA DANG LDAN PA CHOS RNAMS LA GZHAN GYI DRING MI 'JOG CING, LKOG TU GYUR PA MA YIN PA NANG GI SO SO'I NANG GI SHES RAB GANG YIN PA'O, ,STON PA NI DRIS PA LUNG STON PA GANG YIN PA'O, ,'DOGS PAR BYED PA NI LUNG STON PAR 'DOD PA'I MING DANG TSIG DANG YI GE'I TSOGS RNAMS MTHAR GYIS LEGS PAR SDEB PAR BYED PA'O, ,RAB TU 'JOG PAR BYED PA NI MTHAR GYIS LEGS PAR BSDEBS PA RNAMS STON PAR BYED PA'O, ,BYE BRAG TU 'GREL PA NI BSTAN PA RNAMS BYE BRAG TU STON PAR BYED CING DON 'CHAD PA'O, ,RNAM PAR 'GREL BA NI GZHAN GYI THE TSOM SKYES SO COG SEL BAR BYED PA'O, ,GSAL BAR BYED PA NI DON DANG TSIG DANG ZAB MO YANG DANG YANG DU RTOGS PAR BYAS NAS RAB TU STON PAR BYED PA'O; ,STON PAR BYED PA NI SNYING BRTZE BAS MA DRIS MA BCOL BAR CHOS 'CHAD BAR BYED CING KUN TU STON PA'O, ,YANG DAG PAR RAB TU STON PA NI BAR CHAD MED PAR STON PA'O, ,SLOB DPON GYI DPE MKHYUD MI BYED PA NI 'CHAB PA MI BYED PA'O, ,THOG MAR DGE BA NI NYAN PA RNAMS PAR RAB TU DGA' BA @29B SKYED PA'O, ,BAR DU DGE BA NI RAB TU SBYOR BA RNAMS TSEGS CHUNG NGUS MTHA' GNYIS RNAM PAR SPANGS PA DBU MA'I LAM LA YANG DAG PAR BRTEN PA'O, ,THA MAR DGE BA NI SHIN TU DRI MA MED PA DANG, SHIN TU MTHAR PHYIN PA'I PHYIR DANG, THAMS CAD LA 'DOD CHAGS DANG BRAL BA DANG, SHIN TU 'DOD CHAGS DANG BRAL BA'I MTHAR GYUR PA'I PHYIR RO, ,DON BZANG PO NI PHAN PA DANG, BDE BA DANG LDAN PA'I PHYIR RO, ,TSIG 'BRU BZANG PO NI MING GI TSOGS LA SOGS PA LEGS PAR SBYAR BA DANG, TSIG TU 'DON PA ZUR PHYIN PA DANG LDAN PA'O, ,MA 'DRES PA NI 'DI LAS PHYI ROL PA RNAMS DANG THUN MONG MA YIN PA'O, , YONGS SU RDZOGS PA NI TSAD MED PA'I PHYIR THAMS CAD KYI MCHOG TU BYUNG BA'O, ,YONGS SU DAG PA NI RANG BZHIN RNAM PAR GROL BA'O, ,YONGS SU BYANG BA NI RGYUD RNAM PAR GROL BA'O, ,TSANGS PAR SPYOD PA NI 'PHAGS PA'I LAM YAN LAG BRGYAD DE, DE NI MA 'DRES PA'I RNAM PA LA SOGS PAS MTSAN NYID RNAM PA BZHIR BSTAN TO, ,NYON LA ZHES BYA BA NI MTSAN NYID DE LTA BU'I CHOS LA RNA GTOD PAR YANG DAG PAR SBYOR BAR BYED PA'O, ,SHIN TU LEGS PAR ZHES BYA BA NI PHYIN CI MA LOG PA DANG, RGYUN MI 'CHAD PA DANG, GUS PAR TSUL BZHIN YID LA BYED PA DANG YANG DAG PAR SBYOR BAR BYED PA'O, ,'DUN PA DRAG PO NI NAM ZHIG NA GNAS TE ZHES BYA BA RGYAS PAR 'BYUNG BA'O, ,DGA' BA DRAG PO NI YANG DAG PAR SBYOR BA LA DGA' BA'O, ,RAB TU DGA' BA DRAG PO NI STON PAR BYED PA STON PA'AM BLA MA'I GNAS LTA BU LA RAB TU DGA' BA'O, ,DANG BA DRAG PO NI CHOS STON PA DANG GDAMS NGAG RJES SU STON PA LA DANG BA'O, ,BRTUN PAR BYA BA'I PHYIR ZHES BYA BA NI MNGON PAR SHES PA MYUR BAR BYA BA'I PHYIR TE, SANG BYA'O SANG BYA'O ZHES MI SDOD PAR BRTZON 'GRUS RTZOM PA'O, ,RJES SU BRTZON PAR BYA BA'I PHYIR ZHES BYA BA NI, JI LTAR BSLAB PA DANG, MNYAM PA'AM, LHAG PAR RAB TU SBYOR GYI, CHUNG NGUR NI MA YIN NO, ,SPANG BA'I PHYIR ZHES BYA BA NI NYON MONGS PA RNAMS KYI GNYEN PO BSGOM PA'O, ,NANG DU YANG DAG GZHAG PA'I PHYIR ZHES BYA BA NI BAS MTHA'I GNAS MAL DAG TU MA 'DRES PAR GNAS SHING TING NGE 'DZIN MNGON SUM DU BYA BA LA TING NGE 'DZIN GANG @30A *, ,LA BRTEN NAS GNYEN PO BSGOM PA'O, ,GCIG PU NI DBEN PA'I GNAS MAL DU SONG BA GNYIS LHAN CIG TU MI GNAS PA'O, ,MA 'DRES PA NI NYON MONGS PA CAN DANG LUNG DU MA BSTAN PA'I YID LA BYED PA LA KUN TU MI SPYOD PA'O, ,BAG YOD PA NI 'DOD PA'I RNAM PAR RTOG PA LA SOGS PA SDIG PA CAN GYI CHOS LAS SEMS SRUNG BA DANG, DGE BA LA YANG DAG PAR SBYOR BA'O, ,BSTAN PA CAN NI SNGA MA BZHIN NO, ,BDAG NYID GTOD PA NI SGRIB PA LNGA SPANGS NAS SEMS NANG DU RAB TU GTOD PA DANG 'DAS BLA NA MED PA'I GRUB PA DANG BDE BA LA SEMS GTOD PA YIN NO, ,RDUL DANG BRAL BA ZHES BYA BA NI MTHAR MA THUG PA'I SHES PA SKYES PA LA MNGON PAR RTOGS PA'I BAR CHAD BYED PA NGA'O SNYAM PA'I NGA RGYAL BAR CHAD DANG BCAS PA DANG BAR CHAD MED PAR 'BYUNG BA GANG YIN PA DE NI RDUL ZHES BYA'O, ,DRI MA NI DE'I PHYOGS DANG MTHONG BAS SPANG BAR BYA BA'I PHYOGS KYI GNAS NGAN LEN TO; ,DE DAG MED PA'I PHYIR RDUL DANG BRAL BA DANG DRI MA DANG BRAL BA'O, ,YANG NGA'O SNYAM PA'I NGA RGYAL DE DANG, MTHONG BAS SPANG BAR BYA BA'I NYON MONGS PA NI RDUL LO, ,PHYOGS GNYIS KA'I GNAS NGAN LEN NI DRI MA'O, ,CHOS RNAMS LA ZHES BYA BA NI RANG DANG SPYI'I MTSAN NYID DU GNAS PA DAG LA'O, ,CHOS KYI MIG NI CHOS TZAM YANG DAG PA JI LTA BA BZHIN MNGON SUM DU NYAMS SU MYONG BA CAN GYI SHES RAB PO, ,CHOS MTHONG BA NI SDUG BSNGAL LA SOGS PA LA YANG DAG PA JI LTA BA BZHIN DU MTHONG BA'O, ,CHOS THOB PA NI DGE SBYONG GI 'BRAS BU MTHUN PAR THOB PA'O, ,CHOS RTOGS PA DE THOB PA NA BDAG GIS THOB PA'O, ,BDAG NI RGYUN DU ZHUGS PA STE LTUNG BA'I CHOS CAN MA YIN ZHES BYA BAR SHES PA'O, ,CHOS KYI GTING SLEB PA NI BDEN PA MNGON PAR RTOGS PA'I DBANG DU BYAS TE SHES NAS DAD PA RNYED PA'I PHYIR, STON PA DANG CHOS DANG DGE 'DUN DANG BDAG NYID KYIS 'PHAGS PA DGYES PA'I TSUL KHRIMS RNAMS RNAM PA'I SGO NAS YANG DAG PA JI LTA BA BZHIN DU GTING RTOGS PA'O, ,SOM NYI LAS RGAL BA NI RANG GI RTOGS PA LA'O, ,THE TSOM LAS RGAL BA NI GZHAN DAG GI RTOGS PA DAG LA'O, ,GZHAN GYI DRING MI 'JOG PA NI CHOS DE BDAG NYID KYIS YANG DAG PAR RTOGS KYI GZHAN @30B LAS MNYAN PA LA SOGS PA DAG LAS NI MA YIN PA'O, ,GZHAN GYIS BKRIR MI BTUB PA NI STON PA'I BSTAN PA LA PHAS KYI RGOL BA THAMS CAD KYIS MI 'PHROGS PA'O, ,CHOS RNAMS LA MI 'JIGS PA THOB PA NI RTOG PA DE LA GZHAN GYIS DRIS KYANG SPA 'GONG BA MED PA'O, ,MNGON BAR RGAL BA MNGON PAR RGAL BA ZHES BYA BA NI RGYUN PHYOGS LAS BZLOG PA'I LAM LA YANG DAG PAR ZHUGS PA'O, ,LAN GNYIS SU BRJOD PA NI SHIN TU MNGON PAR RGAL BA LAS PHYIR MI LDOG PA'O, ,RNAM GRANGS GZHAN YANG BRDAR BTAGS PA DANG DON DAM PA'I CHOS KHAS BLANGS PAR RIG PAR BYA'O, ,NAD DU SNANG NGO ZHES RGYAS PAR BSHAD PA GANG YIN PA JI LTAR NA NAD LA SOGS PAR SNANG BA YIN ZHE NA, 'DI'I NAD NI 'DI MA YIN MOD KYI ZHES BYA BA RGYAS PAR 'BYUNG BA STE, 'ON KYANG DE DANG PO DE NYID DU MI RTAG PA LA SOGS PA'I RNAM PAS DE LTAR RNAM PAR SUN PHYUNG BA YIN TE, ,GANG ZHIG YID LA BYED PA NA 'GROGS PAR MI 'DOD PAS NAD LA SOGS PA BZHIN DU MI MTHUN PAR 'DZIN PA YIN NO, ,DE NYID KYI PHYIR MJUG THOGS SU MI RTAG PA LA SOGS PA'I RNAM PA SMOS TE, DE LTAR SNANG BA DE NI DER YONGS SU RTAG PA'I 'BRAS BU YIN NO, ,MI RTAG PA NYID DU ZHES BYA BA NI TSE'I SKAD CIG BRGYUD PA MTHONG PA STE, SKAD CIG BRGYUD PA NA DPER NA MNGON SUM PA DANG, GZHAN GYI DRING MI 'JOG PA'I SHES PAS REG PA DE DANG DE KUN TU 'BYUNG BA DANG NUB PA'I SGO NAS TSOR BA DE DANG DE KUN TU 'BYUNG BA DANG NUB PA'I RGYUN MTHONG BA LTA BU'O, ,SDUG BSNGAL NYID DU ZHES BYA BA NI SDUG BSNGAL RNAM PA GNYIS TE SKYE BA LA SOGS PA'I SDUG BSNGAL DANG, GANG CI TSOR YANG RUNG BA DE NI 'DIR SDUG BSNGAL LO ZHES BYA'O, ,TSE'I SKAD CIG BRGYUD PA MTHONG BA'I SGO NAS CI RIGS PAR DE NYID LA 'JUG STE, SHI BA'I 'OG TU SKYE'O, ,SKYES NAS KYANG RGA BA LA SOGS PAS SDUG BSNGAL TE DE'I PHYIR GANG MI RTAG PA DE NI SDUG BSNGAL LO ZHES SKYE BA BRGYUD PA'I SGO NAS SDUG BSNGAL BA NYID LA 'JUG GO, ,JI LTAR NA GANG CI TSOR YANG RUNG DE NI 'DIR SDUG BSNGAL BA'O ZHES BYA ZHE NA, BDE BA'I TSOR BA NI 'GYUR BA'I SDUG BSNGAL NYID KYIS SDUG BSNGAL LO, ,SDUG BSNGAL NI SDUG BSNGAL GYI SDUG BSNGAL @31A *, ,NYID KYIS SKYE BA DANG GNAS PAS SDUG BSNGAL LO, ,BDE BA YANG MA YIN SDUG BSNGAL BA YANG MA YIN PA NI MI RTAG PA DANG 'GOG PA'I CHOS CAN PAS SDUG BSNGAL LO, ,DE LA BDE BA NI MI RTAG PA'I PHYIR YONGS SU 'GYUR RO, ,SDUG BSNGAL NI MI RTAG PA'I PHYIR SKYE'O, ,RGYUN DU 'BYUNG BA'I PHYIR GNAS SO, ,SDUG BSNGAL YANG MA YIN BDE BA YANG MA YIN PA YANG 'GAG PA NI MI RTAG PA SKYES PA NI 'GAGS PA'I CHOS CAN TE, DE 'GAGS KYANG DE GNYIS DANG MA BRAL BA NI DE GNYIS DANG RJES SU 'BREL BA YIN PAS DE'I PHYIR DE YANG SDUG BSNGAL BA YIN NO, ,JI LTAR NA BDE BA'I TSOR BA SDUG BSNGAL BA NYID DU LTA ZHE NA, DE LA 'DOD CHAGS RGYAS PAR 'GYUR LA, ,DE LA YANG TSE PHYI MA LA SDUG BSNGAL YONGS SU 'DZIN PA DANG, MTHONG BA'I CHOS LA YANG DES 'GYUR BA'I SDUG BSNGAL SKYED PAR BYED DE, DE LTAR NA SDUG BSNGAL NYID DU BLTA BAR BYA'O, ,JI LTAR NA SDUG BSNGAL LA ZUG RNGU NYID DU BLTA BAR BYA ZHE NA, MNGON DU GYUR NA ZUG RNGU BZHIN DU GNOD PA BYED PA'I PHYIR RO, ,BDE BA YANG MA YIN SDUG BSNGAL BA YANG MA YIN PA DE NI MI RTAG PA 'GYUR BA'I CHOS CAN NO ZHES BYA BA NI 'GAGS PA GANG YIN PA NI MI RTAG PA'O, ,MA 'GAGS PA GANG YIN PA NI 'GOG PA'I CHOS CAN TE, MI RTAG PA GANG YIN PA DE LAS NI BDE BA'AM SDUG BSNGAL MI SKYE'O, ,'GOG PA'I CHOS CAN NI DES BDE BA DANG SDUG BSNGAL DAG LAS YONGS SU MA GROL BA YIN NO, ,STONG PA NYID CES BYA BA NI RTAG PA DANG BRTAN PA DANG MI 'GYUR PA'I CHOS CAN GYI BDAG DANG BRAL PA'O, ,BDAG MED PA NYID NI RTEN CING 'BREL BAR 'BYUNG BA DANG RANG DBANG MED PA'O, ,SNANG BA NI RANG BZHIN GYIS SO, ,RAB TU SNANG BA NI DE YONGS SU SHES PAR BYA BA DANG, SPANG BAR BYA BA'O, ,NGAN PAR SNANG BA NI DE YONGS SU MA SHES SHING MA SPANGS NA, SKYON 'DI LTA BU DANG MTHUN PAR 'GYUR ZHES BYA BA'O, ,KUN SHES PA NI MTSAN NYID SO SOR YANG DAG PAR RTOGS PAS SO, ,RNAM PAR SHES PA NI MOS PA YID LA BYED PAS SO, ,RAB TU SHES PA NI RAB TU DBEN PA DANG LDAN PA LA SOGS PAS SO, ,YANG DAG PAR RTOG PAR BYED PA NI RANG GI MTSAN NYID KYI SGO NAS SO, ,NYE BAR RTOG PAR BYED PA NI SPYI'I MTSAN NYID KYI SGO NAS SO, ,BSTEN @31B PAR BYED PA NI JI SNYED YOD PA LAS SO, ,SO SOR RTOG PA NI JI LTA BA BZHIN DU YOD PA LAS SO, ,REG PAR BYED PA NI 'PHAGS PA'I LAM YAN LAG BRGYAD TSANGS PAR SPYOD PAS YANG DAG PAR BSDUS PA'O, ,MNGON SUM DU BYED PA NI 'BRAS BU MYA NGAN LAS 'DAS PA'O, ,BDAG NI NYE BAR LEN PA'I PHUNG PO LNGA RNAMS LA BDAG DANG BDAG GIR LTA BA KUN DU SPYOD PA'O, ,SEMS CAN NI YOD PA'I CHOS DE DAG YANG DAG PA JI LTA BA BZHIN DU MA SHES PA DANG DE DAG LA CHAGS PA'O, ,SHED LAS SKYES PA NI YID KYI RNAM PA'O, ,SHED BU NI NGA RGYAL LA BRTEN NAS MTHO DMAN DU 'GYUR BA'O, ,GSO BA NI YANG 'BYUNG BA PA'I SRID PA'I LAM GYIS RGYAS PAR BYAS PA'O, ,SKYES BU NI SKYES BU'I RTZAL BYED PA'O, ,GANG ZAG NI YANG DANG YANG DU 'GRO BA LA NGOMS PAR DANG CHOG MI SHES PA'O, ,SROG NI TSE DANG LHAN CIG GSON ZHING GNAS PA'O, ,SKYE BA PO NI SKYE BA LA SOGS PA'I CHOS SO, ,KUN TU SBYOR BA RNAMS RNAM PAR BZLOG NAS SRED PA BCAD PA DANG LDAN ZHES BYA BA NI 'DI LTA STE, BDEN PA MNGON PAR RTOGS PA DANG BCAS PA KUN TU SBYOR BA GSUM SPANG BA'I PHYIR YANG SRID PA'I SRED PA KUN TU MI SPYOD PA'O, ,DES DUS GZHAN NA YANG DANG YANG DU SKYE BA DANG 'JIG PA RJES SU MTHONG NAS NGA RGYAL MA LUS PAR RAB TU SPONG STE DE'I PHYIR NGA RGYAL YANG DAG PAR MNGON PAR RTOGS PA ZHES BYA'O, ,DE'I SRED PA'I BAG LA NYAL 'DI THAMS CAD SPANGS PA YIN TE DE'I PHYIR PHYI MA LA SDUG BSNGAL YANG MI SKYE BA'I CHOS NYID RNYED PA'I PHYIR SDUG BSNGAL MTHAR BYAS PA ZHES BYA'O, ,BDAG GI SKYE BZAD DO ZHES BYA BA NI YANG SRID PA BRGYAD PA PHAN CHAD DO, ,TSANGS PAR SPYOD PA BSTEN TO ZHES BYA BA NI LAM SHIN TU GOMS PAR BYA BA'I PHYIR YONGS SU MI NYAMS PA'O, ,BYA BA BYAS PA ZHES BYA BA NI KUN TU SBYOR BA THAMS CAD YONGS SU GTUGS PA DANG LAM MTHA' DAG THOB PA'O, ,'DI LAS SRID PA GZHAN MI SHES SO ZHES BYA BA NI SRID PA BDUN YANG ZAD PA'O, ,YANG BDAG GI SKYE BA ZAD DO ZHES BYA BA NI SKYE BA NI GNYIS TE SKYE BA'I SKYE BA DANG, NYON MONGS PA'I SKYE BA STE SKYE BA'I SKYE BA NI SNGA MA BZHIN NO, ,DE GNYIS BSRABS BA NI ZAD PA STE, 'BRAS BU DANG PO GNYIS STON TO, ,TSANGS PAR SPYOD PA BSTEN ZHES BYA BA NI PHYIR MI 'ONG BAS MI @32A *, ,TSANGS PAR SPYOD PA'I 'DOD CHAGS SPANG PA'O, ,BYA BA BYAS SO, ,'DI LAS SRID PA GZHAN MI SHES SO ZHES BYA BA NI DGRA BCOM PA NYID DO, ,DE DAG NI KUN SHES PA BRDA SPROD PA'I RNAM PA YIN PAR RIG PAR BYA'O, ,LHA DANG BCAS PA'I 'JIG RTEN ZHES BYA BA NI MNGON BSTAN PA'O, , DE NI RNAM PA GNYIS TE BDUD DANG BCAS PA DANG, TSANGS PA DANG BCAS PA'O, ,DGE SBYONG DANG BRAM ZER BCAS PA'I SKYE DGU ZHES BYA BA NI DGE SBYONG DANG BRAM ZE GANG DAG MI RNAMS KYI NANG DU SKYES PA TSANGS PA'AM BDUD KYI PHYIR ZHUGS PA'O, ,LHA DANG MIR BCAS PA'I SKYE DGU ZHES BYA BA NI LHA DAG GI NANG NA NI TSANGS PA DANG BDUD DAG MA GTOGS SO, ,MI DAG GI NANG NA NI DGE SBYONG DANG BRAM ZE MA GTOGS SO, ,GROL BA NI 'CHING BA GSUM GYI DBANG DU BYAS PA'O, ,NGES PAR 'BYUNG BA NI 'DUN PA'I 'DOD CHAGS 'DUL BA DANG, SPONG BA DANG, YANG DAG PAR 'DA' BA ZHES BYA BA LA 'DUL BA NI MTSAN NYID SO SO YANG DAG PAR RIG PA DANG, MOS PA YID LA BYED PA GNYIS KYIS SO, ,SPONG BA NI RAB TU DBEN PA DANG LDAN PA LA SOGS PAS SO, ,YANG DAG PAR 'DA' BA NI SBYOR BA MTHAR PHYIN PA'I 'BRAS BU'O, ,RNAM PAR MI LDAN PA NI KUN TU SBYOR BA DGU DANG RNAM PAR BRAL BA'O, ,RAB TU RNAM PAR GROL BA NI SKYE BA DANG RGA BA LA SOGS PA LAS SO, ,PHYIN CI LOG DANG BRAL BA ZHES BYA BA NI MTHONG BA'I LAM GYIS SO, ,MANG DU ZHES BYA BA NI BSGOM PA'I LAM GYIS LAN DU BYAS PA'O, ,SKYE BO MANG PO LA PHAN PA DANG BDE BA'I PHYIR ZHES BYA BA LA PHAN PA ZHES BYA BA NI DGE BA SPYOD PA'O, ,BDE BA NI GNOD PA MED PA'O, , SNYING BRTZE BA NI 'DI LTA STE, KHA CIG DGE BA DANG GNOD PA MED PA'I SPYOD PAS GZHAN LA SNYING BRTZE BA'O, ,DON NI DON DU GNYER BA DANG LDAN PA STE, 'DOD PA DANG KHA NA MA THO BA MED PA GANG YIN PA'O, ,PHAN PA DANG BDE BA'I PHYIR ZHES BYA BA NI RGYAL RIGS LA SOGS PA MI GANG DAG DGE BA DANG GNOD PA MED PA'I SPYOD PA LA 'JUG PA MANG PO PHAL CHER LA SANGS RGYAS 'BYUNG BA DANG, LEGS PAR GSUNGS PA'I CHOS DANG, DGE 'DUN LEGS PAR BSGRUBS PAS PHAN PA DANG BDE BA YIN PA DE DAG BDAG NYID LA PHAN PA DANG BDE BA MANG PO BYAS NAS 'JIG RTEN LA SNYING BRTZE BAR BYED DE, DE DAG 'DI SNYAM @32B DU JI LTAR NA GZHAN DAG LA PHAN PA DANG BDE BAS YANG DAG PAR RAB TU SBYOR BAR 'GYUR SNYAM DU SEMS LA, GZHAN DAG KYANG 'DI SNYAM DU JI LTAR NA BDAG CAG LA PHAN PA BYED SNYAM DU SEMS PAR 'GYUR BA STE DE'I PHYIR DON DANG PHAN PA DANG BDE BA'I PHYIR ZHES BSTAN TO, ,LHA DANG MI RNAMS LA ZHES BYA BA NI DE DAG DON KUN SHES PA DANG BSGRUB PAR NUS PA'O, ,RDZAS NI NYE BAR LEN PA'I PHUNG PO LNGA DANG, PHA DANG MA DANG BU LA SOGS PA YONGS SU BZUNG BA'I RDZAS BDUN NO, ,BYE BRAG DU MA BSHAD NA NI 'DUN PA'I 'DOD CHAGS KYANG NYE BAR LEN PA YIN NO, ,BYE BRAG TU BSHAD NA NI NYE BAR LEN PA BZHI YIN NO, ,SEMS KYI RTEN NI RNAM PAR SHES PA GNAS PA BZHI YIN NO, ,MNGON PAR ZHEN PA NI NYON MONGS PA GANG DAG GIS PHUNG PO 'DZIN PA DE DAG GIS KUN NAS DKRIS PA'O, ,DE'I PHYOGS KYI GNAS NGAN LEN NI BAG LA NYAL ZHES BYA STE, DE LTAR NA DE DAG NI RDZAS DANG NYE BAR LEN PA DANG, SEMS KYI RTEN DANG MNGON PAR ZHEN PA DANG, BAG LA NYAL BA'O, ,RNAM PAR SHES PA DANG BCAS PA'I LUS 'DI DANG PHYI'I RGYUD THAMS CAD LA ZHES BYA BA NI NGAR 'DZIN PA DANG, BDAG TU 'DZIN PA DANG, NGA'O SNYAM PA'I NGA RGYAL DU MA MNGON PAR ZHEN PA'I BAG LA NYAL RNAMS KYI GZHI DANG DMIGS PA'I RGYU DAG PA STE, DE LA NGAR 'DZIN PA DANG BDAG TU 'DZIN PA DAG NI 'JIG TSOGS LA LTA BA'O, ,NGA'O SNYAM PA'I NGA RGYAL NI DE DAG NYID DO, ,DE DAG GIS KUN NAS DKRIS PA NI MNGON PAR ZHEN PA'O, ,GNAS NGAN LEN NI BAG LA NYAL LO, ,DE LA RAB TU MNGON PAR ZHEN PA NI PHYI PA RNAMS KYI'O, ,BAG LA NYAL NI GNYIS KA'I 'O, , SDOM NI, DE BZHIN GSHEGS DANG MI RTAG PA'I, ,'DU SHES GSUM 'JIGS 'DUS MA BYAS, ,BDAG TU MA GYUR MTSAMS SBYOR MED, ,STONG NYID MI RTAG MA LUS SPONG, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA NI JI LTAR MDO LAS RNAM PAR PHYE BA BZHIN TE; DGRA BCOM PA ZHES BYA BA NI MCHOD PAR 'OS PA'O, ,RIG PA DANG ZHABS SU LDAN PA ZHES BYA BA LA RIG PA NI GSUM MO, ,ZHABS NI SPYOD PA DANG BZOG PA PHUN SUM TSOGS PA DANG, LHAG PA'I SEMS LAS BYUNG BA BZHI PO MTHONG BA'I CHOS LA BDE BAR GNAS PA'O, ,DANG PO NI RGYU PA'I ZHABS SO, ,THA @33A *, ,MA NI GNAS PA'I ZHABS TE, DE LA SKU DANG GSUNG DANG THUGS KYI KUN TU SPYOD PA YONGS SU DAG PA DANG, 'TSO BA YONGS SU DAG PA NI SPYOD PA'O, ,DBANG PO'I SGO BSRUNGS PA NI BZLOG PA'O, ,DE GNYIS NI DE BZHIN GSHEGS PA'I SRUNG BA MED PA GSUM DANG BSNYEL BA MED PA'I CHOS YIN NO, ,BSAM GTAN DAG GIS SPYOD PA DRAG PO BKAG PA'I PHYIR 'JIG RTEN LA NYES PA MI SPYOD PA'O, ,BDE BAR GSHEGS PA NI YUN RING PO NAS RNAM PA THAMS CAD DU BDAG DANG GZHAN LA PHAN PAR DGYES PA'O, ,'JIG RTEN MKHYEN PA NI SEMS CAN DANG SNOD KYI 'JIG RTEN GYI RNAM PA THAMS CAD MKHYEN PA STE, DE LA SEMS CAN NI SNGON DANG PHYI MA'I MTHA' LAS BRTZAMS TE, SNGON GYI GNAS DANG, 'CHI 'PHO DANG, SKYE BA MKHYEN PA'O, ,DUS THAMS CAD LAS BRTZAMS TE SPYOD PA BRGYAD KHRI BZHI STONG LA 'JUG PA'O, ,SNOD KYI 'JIG RTEN NI SHAR PHYOGS LA SOGS PA PHYOGS BCU'I 'JIG RTEN 'JIG PA DANG 'CHAGS PA MTHA' DAG MKHYEN PA DANG, 'JIG RTEN PA'I CHOS RNAMS KYI RANG BZHIN DANG, GLENG GZHI DANG, SRED PA DANG, NYES DMIGS DANG, NGES PAR 'BYUNG BA DANG, 'GRO BA'I LAM YANG MKHYEN PA'O, ,BLA NA MED PA NI MNYAM PA MED PA MKHYEN PA DANG DE LAS CHES MCHOG TU GYUR PA MED PA DANG MTHONG BA'I CHOS LA MNYAM PA MED PA'O, ,SKYES BU 'DUL BA'I KHA LO SGYUR BA NI 'DI SKYES BU YANG YIN LA GDUL BAR BYA BA'I SKYES BU RNAMS KYANG PHAL CHER 'DUL BAR BYED PA'O, ,KHA LO SGYUR BA ZHES BYA BA NI MCHOG DANG GTZO BO'O, ,LHA DANG MI RNAMS KYI STON PA ZHES BYA BA NI DE DAG DON RTOGS PA DANG SGRUB PAR NUS PA'I PHYIR RO, ,SANGS RGYAS NI BAG CHAGS DANG BCAS PA'I NYON MONGS PA SPANGS PA STE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'O, ,BCOM LDAN 'DAS NI BYANG CHUB KYI SNYING POR SDIG PA CAN GYI CHOS DANG, BDUD KYI G-YUL GYI STOBS THAMS CAD BCOM PA'O, ,DE BZHIN GSHEGS PA ZHES BYA BA NI MDOR BSTAN PA'O, ,'DI LTAR DGRA BCOM PA YANG DAG PAR RDZOGS PA'I SANGS RGYAS ZHES BYA BA NI NYON MONGS PA DANG SHES BYA'I SGRIB PA LAS RNAM PAR GROL BA'O, ,DE YANG THUN MONG DANG THUN MONG MA YIN PA STE, @33B RE ZHIG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA 'DIS NI NYON MONGS PA DANG SHES BYA'I SGRIB PA LAS RNAM PAR GROL BA THUN MONG BA BSTAN TO, ,RIG PA DANG ZHABS SU LDAN PA ZHES BYA BA LA SOGS PAS NI THUN MONG MA YIN PA BSTAN TO, ,MDO LAS MI RTAG PA'I 'DU SHES BSGOM PA ZHES BYA BA NI KUN TU BSTEN PA DANG, GOMS PAR BYAS PAS SANGS RGYAS PAR 'BYUNG BA'O, ,BSGOM PA'I 'BRAS BU NI 'DOD PA'I 'DOD CHAGS ZHES BYA BA RGYAS PAR 'BYUNG BA'O, ,BSGOM PA'I RNAM PA NI DPE'I DBYE BA DAG GIS SO, ,BSGOM PA'I THABS NI DGON PAR SONG STE ZHES BYA BA'AM RGYAS PAR 'BYUNG BA'O, ,DE LA KUN TU BSTEN PA NI MTSAN NYID SO SO YANG DAG PAR RIG PA YID LA BYED PAS SO, ,GOMS PAR BYAS PA NI MOS PA YID LA BYAS PAS SO, ,LAN MANG DU BYAS PAS NI MA LUS PA DAG GIS SO, ,YANG KUN DU BSTEN PA NI SHES BYA'I DNGOS PO LA KUN TU GTOD PA'O, ,GOMS PAR BYAS PA NI RGYUN MI 'CHAD PA DANG GUS PAR BYAS TE SBYOR BA'O, ,LAN MANG DU BYAS PA NI YUN RING PO NAS 'DRIS PAR BYAS PA'O, ,THEG PAR BYAS PA NI RTEN GYI SGO NAS SO, ,DNGOS POR BYAS PA NI DMIGS PA'I SGO NAS SO, ,NAN TAN DU BYAS PA NI YID LA BYED PA'I SGO NAS SO, ,YONGS SU 'DRIS PA NI CI 'DOD PA DANG TSEGS MED PAR 'THOB PA'O, ,LEGS PAR MTHAR PHYIN PA NI CHOS MNYAN PA'O, ,LEGS PAR BRTZAMS PA NI NANG DU TSUL BZHIN YID LA BYED PA'O, ,YANG LEGS PAR MTHAR PHYIN PA NI GUS PAR YID LA BYED PA'O, ,LEGS PAR BRTZAMS PA NI RGYUN MI 'CHAD PAR YID LA BYED PA'O, ,YANG LEGS PAR RDZOGS PA NI MTHAR PHYIN PAR 'GRO BA'O, ,LEGS PAR BRTZAMS PA NI YANG DAG PAR SBYOR BA'O, ,'DOD PA'I 'DOD CHAGS KYI RJES SU MTHUN PA'I PHYIR RGOD PA BSTAN TO, ,GZUGS KYI 'DOD CHAGS KYI RJES SU MTHUN PA'I PHYIR NGA RGYAL BSTAN TO, ,GZUGS MED PA'I 'DOD CHAGS KYI RJES SU MTHUN PA'I PHYIR MA RIG PA BSTAN TO, ,RTZA BA'I 'CHING BA GCOD PA NI BAG LA NYAL YANG DAG PAR 'JOMS PA'O, ,RTZE MO YANG DAG PAR G-YO BAR BYED PA NI SA 'OG MA'I DGE BA'I CHOS SPONG BA'O, ,RTZvA DAG SEL BA NI MI RTAG PAR 'DU @34A *, ,SHES PA LA DMIGS PA LA MI RTAG PA'I 'DU SHES SU YANG DAG PAR STON PA STE, RANG GI YID LA BYED BYED PA LA MI RTAG PAR YONGS SU RTOGS PA'I PHYIR RO, ,BRTZEGS PA NI RNAM PAR GROL BA'I RGYU DANG LHAN CIG PA'I MI RTAG PAR 'DU SHES PA'O, ,PHYI MA DGU PO DAG NI DE'I RGYUR GYUR PA RNAMS SO, ,GLANG PO CHE'I RJES NI MI SDUG PA LA SOGS PA'I 'DU SHES RNAMS KYI NANG NA DMIGS PA RGYA CHEN PO'I NGO BOS MCHOG TU GYUR PA'O, ,'BAB PA NI RNAM PAR GROL BA'I RGYU DANG LHAN CIG PA'I MI RTAG PAR 'DU SHES PA RNAMS MYA NGAN LAS 'DAS PAR 'BAB PA'O, ,NYI MA SHAR BA NI MA RIG PA'I MUN PA'I GNYEN PO'O, ,'KHOR LOS SGYUR BA LTA BU NI MI BSLAB PA'I MI RTAG PAR 'DU SHES PA'O, ,KHAMS KYI RGYAL PHRAN LTA BU NI DE LAS GZHAN PA RNAMS SO, ,DGON PA DANG, SHING DRUNG DANG, KHANG STONG DAG GI BLA GAB MED PA DANG, SHING DRUNG DANG, SGRIB G-YOGS SMOS PA NI GNAS MAL THAMS CAD BSDUS TE RAB TU DBYE BA NI DE LTA BU'O, ,GZUGS MI RTAG PA NYID DAM ZHES BYA BA NI GZUGS TZAM YIN GYI BDAG NI MED DO ZHES DE LTAR YANG DAG PAR RAB TU SBYOR BA'O, ,LAM DU 'GRO BA LA BAR CHAD BYED PA BZHI NI LAM RNAM PA GNYIS LA SOGS PA STE, DE LA THE TSOM GYIS NI 'GRO BAR MI RTZOL BA NYID DO, ,RNAM PAR RTOG PA DAG DANG LOG PA'I YAN LAG GIS NI BRTZAL KYANG RNAM PAR RTOG PA DANG LTA BA SPYOD PA DAG GZHAN DU 'GRO BAR 'GYUR RO, ,DE DAG MED KYANG GDAMS NGAG RJES SU BSTAN PA LA MI BZOD PAR 'GYUR TE, KHRO BA NI GZHAN DAG SMRA BA LA 'KHRUG PA'O, ,RAB TU BYUNG BA LA YANG RANG DBANG MED PA DANG GZHAN LA RAG LUS PA DANG, MI BZAD PA DANG NGAN PA'I SPYOD PA DAG GIS DGA' BA MA YIN PA DAG DANG 'DRIS PA STE, GNOD PA'I DNGOS PO YIN PA'I PHYIR RO, ,DE GNYIS NI G-YANG SA YIN TE, DE GNYIS KYIS KYANG 'GRO BA LA BAR CHAD BYED DO, ,DE DAG MED KYANG RNYED PA DANG BKUR STI'I NAGS KHROD DU ZHUGS PA'I PHYIR BAR CHAD BYED PA NI MI BZOD PA'I THIBS PO'I NANG DU ZHUGS PA'I PHYIR TE, 'DI LTAR YONGS SU BZUNG BA BTANG YANG SPANG BAR MI NUS PA'O, ,'JIGS PA DANG BCAS PA NI CHOM RKUN DANG G-YO SGYU CAN GYI 'JIGS PA YOD PA'O, ,MI MNGON PA'I 'JIGS PA DANG BCAS PA NI NYE @34B 'KHOR THIBS PO YIN PA DANG GCAN GZAN DANG MI MA YIN PA'I 'JIGS PA YOD PA'O, ,TSER MA DANG BCAS PA NI THAMS CAD NAS TSER MAS GANG BA'O, ,LAM GOL BA NI GZHAN DU 'GRO BA'O, ,LAM NGAN PA NI MI MNYAM PA STE, DE LTAR NA LNGA PO DE DAG NI LAM GYI SKYON YIN NO, ,'GRO BA NGAN PA SDANG BA'I 'GRO BA NI 'GRO BA'I SKYON NO, ,LAM GOL BA DANG LAM NGAN PAR 'GRO BA NI SKYES BU DAM PA MA YIN PA KUN TU BSTEN PA'I PHYIR 'GRO BA PO'I GANG ZAG GI NYES PA STE, CHOM RKUN PA LA SOGS PA SKYES BU DAM PA MA YIN PA DAG KUN TU BSTEN PA'I PHYIR RO, ,MI G-YO BA NI MTSAN MA THAMS CAD DANG BRAL BA'O, ,MTHA' YAS PA NI SRED PA ZAD PA DANG YUL GYIS YONGS SU 'GYUR RO, ,MTHONG BAR DKA' BA NI ZAB PA'O, ,'CHI BA MED PA NI SKYE BA DANG RGA BA DANG NA BA DANG 'CHI BA YANG DAG PAR ZAD PA'O, ,BDE BA NI MI DANG MI MA YIN PAS GTZE BA'I 'JIGS PA THAMS CAD LAS YANG DAG PAR 'DAS PA'O, ,ZHI BA NI SDUG BSNGAL THAMS CAD NYE BAR ZHI BA DANG MCHOG TU BSIL BAR GYUR PA'O, ,DNGOS PO BZANG PO NI MTHONG BA'I CHOS LA BDE BAR GNA PAR BYA BA'I PHYIR DMIGS PA YIN NO, ,BDE LEGS SU 'GYUR BA NI NYON MONGS PA THAMS CAD SPANG BAR BYA BA'I DMIGS PA'O, ,MYA NGAN MED PA NI DGA' BA DANG MI DGA' BA LAS YANG DAG PAR 'DAS PA DANG THOB PA CHUD MI ZA BA'O, ,'CHI 'PHO MED PA NI RTAG PA DANG PHYIR MI LDOG PA'O, ,RIMS NAD MED PA NI RNAM PAR BYANG BA'O, ,YONGS SU GDUNG BA MED PA NI 'DOD PAS PHONGS PA MED PA'O, ,NAD MED PA NI NAD DANG 'BRAS THAMS CAD RNAM PAR ZHI BA'O, ,MI G-YO BA NI G-YO BA DANG RLOM PA THAMS CAD ZAD PA'O, ,MYA NGAN LAS 'DAS PA NI PHUNG PO THAMS CAD BZLOG PA'O, ,BDAG TU MA GYUR CIG ,BDAG GIR MA GYUR CIG CES BYA BA NI MA 'ONGS PA'I DUS LAS BRTZAMS TE, BDAG DANG BDAG GI NGO BOR NYE BAR SONG BA NANG DANG PHYI'I SKYE MCHED KYIS BSDUS PA BDAG GI LUS DANG YONGS SU GZUNG BA'I DNGOS PO MI SKYE BA DON DU GNYER BA'O, ,YANG LUS MI SKYE BA DON DU GNYER BA DANG, DE LA BRTEN PA'I TSOR BA MI SKYE BA DON DU GNYER BA YANG YONGS SU BSTAN TO, ,BDAG TU MA GYUR CIG BDAG GIR MA GYUR CIG CES BYA BA NI DA LTAR BYUNG BA'I DUS @35A *, ,LAS BRTZAMS TE, 'DI NI MI RTAG PA'I 'GOG PA LA YONGS SU RTOG PA SNGON DU 'GRO BA SO SOR BRTAGS PA'I 'GOG PA LA YONGS SU RTOG PA STE SNGAR LEGS SU SMON PA BYAS NAS, PHYIS DA LTAR BYUNG BA'I RGYU LA MI RTAG PAR YONGS SU RTOG GO, ,NYING MTSAMS MI SBYOR BA NI SHI 'PHOS PA'I RNAM PAR SHES PA MI SKYE BA'O, ,LEN PA MED PA NI MI GNAS PA'I RNAM PAR SHES PA LA MING DANG GZUGS MI 'JUG PA'I PHYIR LUS MI SKYE BA'O, ,MI SKYE BA NI MING DANG GZUGS 'PHEL BA DANG RGYAS PA MED PA'O, ,'DUS BYAS THAMS CAD ZHI BA NI PHUNG PO LNGA ZHIG PA'O, ,STONG PA NYID NI NYON MONGS PA THAMS CAD DANG BRAL BA'O, ,MI DMIGS PA NI MTSAN MA THAMS CAD DANG BRAL BA'O, ,SRED PA ZAD PA NI MA 'ONGS PA LA DON DU GNYER BA MED PA'O, ,'DOD CHAGS DANG BRAL BA NI DA LTAR BYUNG BA'I LONGS SPYOD LA DGA' BA MED PA'O, ,'GOG PA NI DE LAS GZHAN PA'I NYON MONGS PA SPANGS PA'O, MYA NGAN LAS 'DAS PA NI PHUNG PO'I LHAG MA MA LUS PA'O, ,MI RTAG PA NI ZHIG PA DANG 'JIG PA'I CHOS CAN NO, ,'DUS BYAS NI SNGON GYI MTHA' LAS BRTZAMS TE RNAM PAR BRTAGS PA GANG YIN PA'O, ,BSAM PA NI PHYI MA'I MTHA' LAS BRTZAMS TE DON DU GNYER BA GANG YIN PA'O, ,RTEN CING 'BREL BAR 'BYUNG BA NI DA LTAR GYI DUS SU RGYU DANG RKYEN GYI DBANG GIS BYUNG BA GANG YIN PA'O, ,ZAD PA'I CHOS CAN NI PHYOGS GCIG ZAD PA'O, ,'JIG PA'I CHOS CAN NI THAMS CAD 'GAG PA'O, ,YANG ZAD PA'I CHOS CAN NI THAMS CAD 'GAG PA'O, ,'JIG PA'I CHOS CAN NI RGYUN RNAM PAR 'GYUR BA'O, ,'DOD CHAGS DANG BRAL BA'I CHOS CAN NI NYES DMIGS DANG LDAN PA'O, ,'GOG PA'I CHOS CAN NI 'DUS BYAS KYI CHOS THAMS CAD LAS NGES PAR 'BYUNG BA'O, ,MA LUS PAR SPONG BA ZHES BYA BA NI MDOR BSTAN PA'O, ,PHYIS SPANG BA NI KUN NAS DKRIS PA SPANGS PA'O, ,BYANG BAR GYUR PA NI BAG LA NYAL SPANGS PA'O, ,ZAD PA NI 'DAS PA LAS RNAM PAR GROL BA'O, ,'DOD CHAGS DANG BRAL BA NI DA LTAR BYUNG BA LAS RNAM PAR GROL BA'O, ,'GOG PA NI MA 'ONGS PA LAS RNAM PAR GROL BA'O, ,RNAM PAR ZHI BA NI MTHONG BA'I LAM GYIS SO, ,NUB PA NI BSGOM PA'I LAM GYIS TE, @35B 'DI NI LAM GNYIS KYIS NYON MONGS PA'I DNGOS PO SPANGS PA'I PHYIR MA LUS PAR SPONG BAR YONGS SU BSTAN TO, ,SDOM NI, 'DOD PA GNYIS DANG BDE BYA DANG, ,CHOS DANG DGE 'DUN GZHI DANG NI, ,YID BYUNG BRAM ZE MI RTAG NYID, ,DBU BA RDOS PA THA MA YIN, ,MI RTAG PA DANG GSOB DANG GSOG DANG SLU BA ZHES BYA BA NI PHYIN CI LOG RNAM PA BZHI YIN PA'I PHYIR 'DOD PA DAG GI PHYIN CI MA LOG PA BSTAN PA STE, DE LA GSOB KYIS NI STONG PA NYID BSTAN TO, ,GSOG GIS NI MI SDUG PA NYID BSTAN TO, ,SLU BAS NI BDEN PAR NA BDE BA MA YIN NO ZHES SDUG BSNGAL NYID BSTAN TO, ,DE LTAR NA DE DAG NI RTAG PA LA SOGS PAR SNANG BAS PHYIN CI LOG GI GZHI YIN PA'I PHYIR SLU BA'I CHOS SO, ,JI LTAR NA SLU BA'I CHOS YIN PA NI DPES BSGRUB PAR BYA STE SGYU MA LTA BU NI RTAG PA LA SOGS PA MA YIN YANG DE BZHIN DU SNANG BAS CHOS MTHUN PA'O, ,BYIS PA 'DRID PA NI YANG DAG PA JI LTA BA DE BZHIN DU MI SHES PA'I PHYIR BYIS PA THOS PA DANG MI LDAN PA RNAMS LA YIN TE, DE DAG GI YUN RING PO NAS SLU BA LA LHAG PAR CHAGS PA'I SGO NAS RNAM PAR 'GYUR BA LA SKYES PA'I SDUG BSNGAL GYIS REG PA'O, ,MKHAS PA RNAMS NI YANG DAG PA JI LTA BA BZHIN DU SHES PA'I PHYIR DE LTA MA YIN NO, , RUS PA'I KENG RUS LTA BU NI NGOMS MI SHES PA'O, ,SHA'I KHAM TSAD LTA BU NI MANG PO DANG THUN MONG BA'O, ,RTZVA'I SGRON MA LTA BU NI CHOS MA YIN PA SPYOD PA DANG MI MTHUN PAR SPYOD PA'I RGYU'O, ,ME'I DONG LTA BU NI 'DOD PA'I SRED PA'I YONGS SU GDUNG BA 'PHEL BAR BYED PA'O, ,SBRUL GDUG PA LTA BU NI MKHAS PA RNAMS KYIS SPANG BAR BYA BA'O, ,RMI LAM LTA BU NI MYUR DU 'JIG PAR 'GYUR BA'O, ,BRNYAN PO'I RGYAN LTA BU NI RKYEN LA RAG LAS PA'O, ,SHING TOG LTA BU NI BAG MED PA'I SA'O, ,MI GTZANG BA RNAMS ZHES BYA BA NI MDOR BSTAN PA'O, ,DRI MI ZHIM PA NI ZAS DANG SKOM DANG LONGS SPYOD RNAM PAR 'GYUR BA STE, DE LA BSHANG PA DANG GCI BA LA SOGS PA MI GTZANG BAR YONGS SU GYUR PA NI DRI MI ZHIM PA'O, ,DRI NGA BA NI SHA DANG KHRAG LA SOGS PA YONGS SU GYUR PA'O, ,MI MTHUN PA NI 'KHRIG PA'I LONGS SPYOD YONGS SU GYUR NA MI MTHUN PA'O, ,GUS PAR BDE BAR BYA BA NI 'JIG RTEN PA'I ZANG ZING @36A *, ,YONGS SU GTANG BAR BYA BA'I PHYIR BOD PA'O, ,RAB TU BOD PAR BYA BA NI SRED PA ZAD PAR BYA BA'I PHYIR BOD PA'O, ,'BRAS BU 'DOD PA DAG GIS NI GUS PAR BOD PAR BYA BA'O, ,THAR PA 'DOD PA DAG GIS NI RAB TU BOD PAR BYA BA'O, ,THAL MO SBYAR BAR BYA BA NI DON DE NYID DE DAG GIS SLONG BA'I DUS NA'O, ,'DUD PAR BYA BA NI PHYAG LA SOGS PA BYA BAR 'OS PA DANG TSUL KHRIMS DANG LTA BA MTHUN PAR KHAS BLANG BAR 'OS PA'O, ,'JIG RTEN GYI BSOD NAMS KYI ZHING BLA NA MED PA DANG SBYIN GNAS ZHES BYA BA NI DE LA YON PHUL BA'I 'BRAS BU GZHAL DU MED PA'O, ,LEGS PAR GSUNGS PA ZHES BYA BA NI DON BZANG PO DANG TSIG 'BRU BZANG PO'O, ,YANG DAG PAR MTHONG BA NI MTHONG BA'I CHOS LA RTOGS PAR BYA BA'O, ,RIMS NAD MED PA NI NYON MONGS PA MED PA'O, ,DUS CHAD PA MED PA NI DUS GSUM LAS RNAM PAR GROL BA'O, ,NYE BAR GTOD PA NI RGA BA DANG NA BA DANG 'CHI BA LA SOGS PAS NYE BAR MI BKRI BA'O, ,'DI MTHONG BA LA YOD PA NI LHA LA SOGS PA'I 'GRO BA DAG LA YANG SNANG BA'O, ,SO SO RANG GIS RIG PAR BYA BA NI GZHAN LA DAD PA LA SOGS PAS YANG DAG PAR RIG PAR BYA BA MA YIN PA'O, ,MKHAS PA DAG GIS ZHES BYA BA NI SLOB PA DANG MI SLOB PA DAG GIS SO, ,GNAS DANG GLING DANG, MGON DANG, SKYABS DANG, DPUNG GNYEN ZHES BYA BA NI PHYI MA PHYI MA BSHAD PA YIN TE, DE DAG GI NGES PAR BYUNG BAR BYA BA'I PHYIR YONGS SU BSTAN TO, ,'PHAGS PA'I BDEN PA BZHI SHES NAS YANG DAG PA'I LTA BA DUS THAMS CAD DU SKYE'O ZHES SKABS DBYE BAR MDZAD PA NI 'DAS PA DANG DA LTAR BYUNG BA DANG MA 'ONGS PA'I SLOB PA RNAMS KYI SKYES PA DANG SKYE BAR 'GYUR BA'O, ,DA LTAR SKYES PA NI GANG DAG GIS DA LTAR GYI DUS SU THOB PA DANG, BSGOM PA YONGS SU RDZOGS PAR 'GYUR BA'O, ,DUS PHYIS SKYED PAR BYED PA NI GANG DAG GIS MA THOB PA LA RAB TU BRTZON PA RNAMS SO, ,KUN TU BSTEN PAR BYA, GOMS PAR BYA LAN MANG DU BYA ZHES BYA BA NI CI RIGS PAR SNGA MA BZHIN NO, ,MTHUN PAR BSRUNG BAR BYA BA NI YONGS SU NYAMS PAR 'GYUR PA NI CHOS RNAM PAR SPANG PA'O, ,REG PAR BYA BA NI KHYAD PAR CAN GYI CHA DANG MTHUN PA'I CHOS BSTEN PA'AM, LUS KYIS REG PAR BYA BA'O, , @36B 'BRAS BU 'AM, SHES PA PHYI MA 'AM, RTOGS PA'I SGO NAS NI MNGON SUM DU BYA BA'O, ,DUS SU GTAM ZHES BYA BA NI PHA ROL PO STAN DMA' BA LA 'DUG PA LA SOGS PA'I SGO NAS NYAN PA DANG 'DOD PA DANG NYAN PAR 'OS PAR SHES SHING 'DI NI SNGAR GTAM BYA BA'I DUS YIN NO, ,'DI NI YANG DAG PAR 'PHAGS PA'I DUS YIN NO ZHES BYA BAR SHES NAS GTAM BYA BA'O, ,GUS PAR BYAS TE ZHES BYA BA NI CI NUS PAR BDAG NYID THAMS CAD KYI CHOS STON PA STE, RNAM GRANGS DE DANG DE DAG GIS MI 'KHRUG CING DON RAB TU BSTAN PAR 'DOD KYI, STON PA TZAM DU 'DOD PA NI MA YIN PA'O, ,MTHAR GYIS ZHES BYA BA NI DON YANG DAG PAR RAB TU STON PA'I SGO NAS SO, ,MTSAMS SBYAR BA NI RGOL BAR BYED NAS SO, ,MTHUN PAR 'BREL PA NI DE'I LAN YANG DAG PAR RAB TU STON PA'I SGO NAS SO, ,RANGS PAR BYED PA NI YANG DAG PAR BLANGS TE 'DUG PA RNAMS LA'O, ,DGA' BAR BYED PA NI BAR MAR GNAS PA RNAMS LA'O; ,MGU BAR BYED PA NI ZHE 'GRAS PA RNAMS LA'O, ,SPRO BAR MI BYED PA NI BSTEN PA DANG MGU BA'I SEMS KYIS PHA ROL PO'I YANG DAG PA'I YON TAN RNAMS LA SPRO BAR BYED KYI, RANG GI MING GIS MI STON PA'O, ,SPA 'GONG BAR MI BYED PA NI ZHE SDANG GIS PHA ROL PO'I YANG DAG PA'I SKYON RANG GI MING GIS MI STON PA'O, ,RIGS PA DANG LDAN PA NI RIGS PA BZHI PO LTOS PA'I RIGS PA DANG, GTAN TSIGS SGRUB PA'I RIGS PA DANG, BYA BA BYED PA'I RIGS PA DANG, CHOS NYID KYI RIGS PA BZHI DANG LDAN PA'O, ,'BREL PA NI SKABS MI 'DOR BA'O, ,MA 'DRES PA NI MA 'KHRUG PA DANG 'BREL PA'O, ,CHOS DANG MTHUN PA NI DON DANG LDAN PA STE, SDUG BSNGAL LA SOGS PA DANG NGES PAR 'BYUNG BA DANG RAB TU DBEN PA LAS SKYES PA'I CHOS RNAM PA DU MA LAS BRTZAM PA'O, ,'KHOR JI LTA BA BZHIN ZHES BYA BA NI RGYAL RIGS LA SOGS PA 'KHOR BZHI LA RUNG BA'O, ,BYAMS PA'I SEMS KYIS ZHES BYA BA NI DON DE RTOGS PA DANG PHAN PAR 'DOD PA'O, ,PHAN PA'I SEMS KYIS ZHES BYA BA NI CI NAS KYANG DE GUS PAR CHOS NYAN PAR 'GYUR BA DANG, KUN SHES PAR 'GYUR BA DANG, DES NA DE DAG LA PHAN PAR 'GYUR RO SNYAM DU SEMS PA'O, ,SNYING BRTZE BA'I SEMS KYIS @37A *, ,ZHES BYA BA NI CHOS DANG MTHUN PA'I CHOS SGRUB PAR 'DOD PAS SO, ,RNYED PA DANG BKUR STI DANG TSIGS SU BCAD PA DAG LA MI RTEN PA ZHES BYA BA NI CHOS GOS LA SOGS PA LAS BRTZAMS TE MA YIN PHYAG 'TSAL BA LA SOGS PA DAG GI PHYIR MA YIN GYI, GZHAN DAG G-YEN SBYO'O SNYAM PA 'BA' ZHIG TU SEMS PA'O ZHES BYA BA RGYAS PAR 'BYUNG BA'O, ,BDAG LA BSTOD PAR MI BYED CING GZHAN LA SMOD PAR MI BYED PA NI RNYED PA DANG BKUR STI 'DOD PAS BDAG NI CHOS 'DUL BA 'DI KUN SHES SO, ,KHYOD NI MI SHES SO ZHES BYA BA RGYA CHER BDAG GI YON TAN MI BRJOD CING GZHAN GYI SKYON NAS MI BRJOD PA'O, , DUS SU CHOS MNYAN PAR BYA BA NI BDAG GI GTAM 'DI NI DE PHAN PA MANG PO BYED DO SNYAM DU BDAG NYID KYIS GTAM BYA BA GANG YIN PA'I DUS LA BAB PAR MTHONG ZHING, GZHAN GYI YANG 'DI'I BAR CHAD DU MI 'GYUR RO ZHES STON PA'I DUS SHES NAS GTAM BYA BA'O, ,GUS PAR BYA BA NI SEMS DMA' BAS STAN DMA' BA LA 'DUG STE, SPYOD LAM PHUN SUM TSOGS PAR 'GYUR BAS CI NUS SU CHOS MNYAN PA'O, ,GUS PAR MNYAN PA NI DON BYE BRAG TU MA RTOGS PA BYE BRAG TU RTOGS PAR BYA BA'I PHYIR DANG PO NYID DU DRI BA DANG, BYE BRAG TU RTOGS PA THE TSOM CAN YANG THE TSOM BSAL BAR BYA BA'O, ,SPANG BAR MI BYA BAS ZHES BYA BA NI KHYAD PAR CHES 'PHAGS PA'O, ,RJES SU MTHUN PAR BYA BA NI MNYAM PA DANG DMAN PA GNYIS SO, ,CHOS LA BSNYEN BKUR NYE BAR BZHAG STE ZHES BYA BA NI DE'I 'BRAS BU CHEN PO DANG PHAN YON CHEN PO RTOGS NAS DE LA BKUR STI BSKYED NAS NYAN PA'O, ,CHOS SMRA BA LA ZHES BYA BA NI DE STON PA NI 'DI'O ZHES BYA BA'O, ,CHOS LA MI BRNYAS PAS ZHES BYA BA NI 'DI NI YI GE DANG TSIG 'BRU BZANG PO MA YIN GYI, 'DI NI TSIG DANG YI GE YANG BA DANG MNGON PA'O ZHES BRNYAS PAR MI BYED PA'O, ,CHOS SMRA BA LA ZHES BYA BA NI 'DI NI BDAG PAS RIGS DMA' ZHING CHOS NGAN PA YIN NO ZHES BRNYAS PAR MI BYED PA'O, ,BDAG NYID LA ZHES BYA BA NI BDAG NYID LA NI CHOS 'DI KUN SHES PAR BYA BA'I MTHU MED DO ZHES RTOGS PAR BYA BA LA SPA MI 'GONG BA'O, ,KUN SHES PAR 'DOD PA'I SEMS KYIS ZHES BYA BA NI THO MI 'TSAMS PA'I BSAM PAS SHES PAR 'DOD PA'O, ,RTZE GCIG PA'I SEMS KYIS ZHES @37B BYA BA NI YI GE'I BYE BRAG RTOGS PAR BYA BA'O, ,RNA GTAD DO ZHES BYA BA NI SGRA RTOGS PAR BYA BA'O, ,YID YANG DAG PAR GTAD DO ZHES BYA BA NI DON DANG MTHUN PAR 'JUG PAR BYA BA'O, ,SEMS CAN THAMS CAD KYIS BSAMS TE ZHES BYA BA NI CI NAS KYANG 'GA' YANG YANG DAG PAR MI RIGS PA DANG YANG DAG PAR MI RTOG PAR MI 'GYUR BAR BYA BA'I BAR CHAD MED PAR YI GE DANG SGRA'I BYE BRAG RTOGS PAR BYA BA'O, ,BCOM LDAN 'DAS KYI NYAN THOS KYI DGE 'DUN NI LEGS PAR ZHUGS PA ZHES BYA BA NI MDOR BSTAN PA'O, ,RIGS PAR ZHUGS PA ZHES BYA BA NI SLOB PA 'BRAS BU LA GNAS PA RNAMS SO, ,DRANG POR ZHUGS PA ZHES BYA BA NI ZHUGS PA'I LAM LA GNAS PA RNAMS SO, ,MTHUN PAR ZHUGS PA NI MI SLOB PA RNAMS TE DE DAG NI STON PA DANG CHOS DANG BSLAB PA LA SOGS PA LA GUS PAR BYED PA 'BA' ZHIG TU ZAD DO, ,MTHUN PA'I CHOS SPYOD PA ZHES BYA BA NI RGYU LA GNAS PA RNAMS SO, ,CHOS KYI RJES SU MTHUN PA'I CHOS SGRUB PA NI GANG DAG PHA ROL GYI SGRA'I RGYU LAS BYUNG BAS NANG DU TSUL BZHIN DU YID LA BYED PA'O, ,YANG LEGS PAR ZHUGS PA NI DE'I LAM DANG DE'I 'BRAS BU 'GOG PA LA ZHUGS PA'O, ,DRANG POR ZHUGS PA NI JI LTAR BSTAN PA BZHIN DU SGRUB PA STE G-YO DANG SGYU MED PAR YANG DAG PA JI LTA BA BZHIN DU 'CHAGS PA'O, ,MTHUN PAR ZHUGS PA NI MGU BAR 'GYUR BA'I CHOS DRUG DANG LDAN PA'O, ,MTHUN PA'I CHOS SPYOD PA NI CHOS DANG MTHUN PA'I CHOS SPYOD PA'O, ,DGRA BCOM PA DANG ZAG PA ZAD PA ZHES RGYAS PAR 'BYUNG BA DANG, SHIN TU MTHAR THUG PA ZHES BYA BA RGYAS PAR 'BYUNG BA DANG, GTAN PA MED PA DANG, 'OBS BOR BA DANG, 'OBS LAS YANG DAG PAR RGAL BA ZHES RGYAS PAR 'BYUNG BA DANG, YAN LAG LNGA SPANGS PA DANG, YAN LAG DRUG DANG LDAN PA ZHES RGYAS PAR 'BYUNG BA DANG, RGYUN DU ZHUGS PA DANG RNAM PAR MI LTUNG BA'I CHOS CAN DANG NGES PAR RDZOGS PAR BYANG CHUB TU 'GRO BA ZHES RGYAS PAR 'BYUNG BA 'DI DAG THAMS CAD NI GZHI BSDU BAR RANG GI GNAS NAS BSHAD PAR RIG PAR BYA'O, ,STON PA'I SRAS ZHES BYA BA NI MDOR BSTAN PA'I TSIG GO, ,THUGS LAS SKYES PA ZHES BYA BA NI SRAS KYI NANG NA DMAN PAS SO SO'I SKYE BO BSAL BA'I PHYIR RO, ,GSUNG LAS SKYES PA NI CHOS BSTAN @38A *, ,PA'I SGRA LAS SKYES PA'O, ,CHOS LAS SKYES PA NI TSUL BZHIN YID LA BYED PA DANG CHOS DANG MTHUN PA'I CHOS SGRUB PA LAS SKYES PA'O, ,CHOS KYI SPRUL PA NI CHOS KYI SKU YONGS SU GRUB PA DANG CHOS MTHUN PA YIN NO, ,CHOS KYI BGO SKAL LA SPYOD PA NI ZAG PA MED PA'I CHOS KYI LONGS SPYOD LA CHOS MTHUN PA YIN NO, ,DE DAG GIS NI SKYE BA PHUN SUM TSOGS PA DANG, YAB DANG CHOS MTHUN PA PHUN SUM TSOGS PA YONGS SU BSTAN PA YIN TE, TSIG DANG POS NI SKYE BA BZANG PO PHUN SUM TSOGS PA SNOD KYI SKYON DGAG PA BSTAN TO, ,GNYIS PAS NI KHU BA DANG KHRAG MI GTZANG BA LAS SKYE BA DGAG PA BSTAN TO, ,GSUM PAS NI DAM PA'I CHOS MA YIN PA 'DOD PA'I 'DOD CHAGS LAS SKYE BA DGAG PA BSTAN TE, TSIG GSUM PO DE DAG GIS SKYE BA BZANG PO PHUN SUM TSOGS PA YONGS SU BSTAN TO, ,TSIG BZHI PAS NI BDAG DANG CHOS MTHUN PA BSTAN TO, ,LNGA PAS NI LONGS SPYOD LA CHOS MTHUN PA BSTAN TO, ,TSIG 'DI GNYIS KYIS NI CHOS MTHUN PA LA SKYE BA PHUN SUM TSOGS PA YONGS SU BSTAN TO, ,GZHI NI RKYEN DANG KUN 'BYUNG BA DANG RGYU'O, ,RKYEN GYI DBANG DU BYAS NAS DE LAS SKYE BA'O, ,RGYU'I DBANG DU BYAS NAS DE LAS RAB TU SKYES PA'O, ,RGYU LAS RAB TU SKYE YANG RKYEN GYI DBANG GIS NI SKYE'I GZHAN DU NI MA YIN NO ZHES BYA BA'O, ,YANG NA TSIG PHYI MA PHYI MA BSHAD PA YIN PAR RIG PAR BYA'O, ,LEGS PAR MTHONG BA ZHES BYA BA NI MDOR BSTAN PA'O, ,LEGS PAR RIG PA NI CHOS DANG DON SO SO YANG DAG PAR RIG PA'O, ,LEGS PAR YID LA BYAS PA NI YANG DAG PAR TSUL BZHIN YID LA BYED PA'O, ,LEGS PAR BSTAN PA NI KUN NAS SO, ,LEGS PAR RTOG PA NI YANG DAG PA JI LTA BA BZHIN GYI SGO NAS TE, DE GNYIS NI LEGS PAR MTHONG BA YIN NO, ,SNGA MA GNYIS NI DE'I SBYOR BA YIN NO, ,'PHAGS PA NI ZAG PA MED PA DANG 'PHAGS PA'I RGYU LA YOD PA'I PHYIR RO, , NGES PAR 'BYUNG BA NI KHAMS GSUM PA'I SDUG BSNGAL LAS NGES PAR 'BYUNG BA'O, ,NGES PAR RTOG PA CAN NI SHIN TU NGES PAR 'BYUNG BA DANG PHYIR MI ZLOG PA'O, ,BCOM LDAN 'DAS NI CHOS THAMS CAD KYI RTZA BA ZHES BYA BA NI DANG POR MNGON PAR RDZOGS PAR BYANG CHUB PA'O, ,BCOM LDAN 'DAS NI 'DREN @38B PAR BYED PA ZHES BYA BA NI MNGON PAR RDZOGS PAR BYANG CHUB NAS LHA DANG MI'I BAR LA YANG DAG PAR RAB TU STON PA'O, ,BCOM LDAN 'DAS NI RTEN ZHES BYA BA NI CHOS BSTAN PA LA THE TSOM SKYES PA THAMS CAD YANG DANG YANG DU SEL BA'O, ,BCOM LDAN 'DAS DE MIG TU GYUR PA ZHES BYA BA NI LHAN CIG SKYES PA'I SHES RAB SGRUB PA'O, ,YE SHES SU GYUR PA ZHES BYA BA NI SBYOR BA LAS BYUNG BA'I SHES RAB SGRUB PA'O, ,MNGON DU GYUR PA NI BSAMS PA LAS BYUNG BA'I SHES RAB SGRUB PA'O, ,CHOS SU GYUR PA NI THOS PA LAS BYUNG BA'I SHES RAB SGRUB PA'O, ,DON GSAL BAR GTAN LA 'BEBS PAR BYED PA NI THE TSOM THAMS CAD GCOD PAR BYED PA'O, ,DON THAMS CAD KYI RTEN NI 'JIG RTEN PA DANG 'JIG RTEN LAS 'DAS PA'I PHUN SUM TSOGS PA THAMS CAD SGRUB PA'O, ,YID BYUNG BA NI MTHONG BA'I LAM LA'O, ,'DOD CHAGS DANG BRAL BA NI BSGOM PA'I LAM YONGS SU RDZOGS PA DAG LA'O, ,'GOG PA NI PHUNG PO THAMS CAD 'GOG PA'O, ,YID BYUNG BA DANG 'DOD CHAGS DANG BRAL BA LA ZHUGS PA NI DE GNYIS KYI SBYOR BA LA GNAS PA RNAMS YIN NO, ,'GOG PA LA ZHUGS PA RNAMS NI MI SLOB PA YIN NO, ,YID 'BYUNG BAR 'GYUR BA NI BDEN PA MTHONG BAS 'DUS BYAS THAMS CAD LAS MI MTHUN PAR 'DZIN PA'O, ,DE NAS 'DOD CHAGS DANG BRAL BAR 'GYUR ZHES BYA BA NI BSGOM PA'I LAM LA 'DOD CHAGS SPONG BA'O, ,RNAM PAR GROL BAR 'GYUR ZHES BYA BA NI DE NAS 'DOD CHAGS DANG DE DANG DE GRUB PA DANG BDE BA GCIG LA DE LAS GZHAN PA'I NYON MONGS PA RNAMS LAS SEMS RNAM PAR GROL BA'O, ,YONGS SU GROL BA NI NYON MONGS PA SPONG BA'I PHYIR SKYE BA LA SOGS PA'I SDUG BSNGAL LAS GROL BA'O, ,DE NI BRAM ZE ZHES BYA BA NI PHA ROL GYI MTHAR THUG PAR 'GRO BA DANG SDIG PA BSAL BA'O, ,DE'I MTSAN NYID LA THE TSOM MED PA ZHES BYA BA LA SOGS PA NI RANG GI RTOGS PA LA THE TSOM MED PA'O, ,'GYOD PA BCAD PA NI BYA BA MI BYED PA MED PA DANG BYA BA MA YIN PA BYED PA MED PA'O, ,SRED PA DANG BRAL BA NI RNYED PA DANG BKUR STI LA SRED PA MED PA'O, ,'BYUNG BA DANG ZHIG PA LA CHAGS PA RGYAS PAR MI 'GYUR ZHES BYA BA NI BAG LA NYAL SPANGS PA'O, ,DE LA DA LTAR DANG MA 'ONGS PA'I DUS NI 'BYUNG BA'O, ,'DAS PA @39A *, ,NI ZHIG PA STE DE DAG GIS NI BRAM ZE DE YONGS SU BRTAG PAR BYA'O, ,DE LA THOS PA MANG PO DANG SHES BZHIN DANG DGE BA'I PHYOGS LA BRTZON PA LA YANG GONG MA GSUM SRID PAS DE'I PHYIR LUNG STON PAS NA BZHI PAS KYANG YONGS SU BRTAG PAR BYA'O, ,DE LA CHAGS PA ZHES BYA BA NI CHAGS PA BRGYAD DE, ZHIG PA LAS MYA NGAN DU GYUR PA DANG, DA LTAR GYIS YANG DAG PAR BSDUS PA 'BYUNG BA LA LNGA STE, BYI DOR BYAS PA DANG, SBAS PA DANG, BDAG GIR BYAS PA DANG, GYEN DU BSGRENG BA DANG, CHUNG NGU BSGRENG BA'O, ,MA 'ONGS PA LA GNYIS TE, RNAM PAR SPYAD PA DANG, RNAM PAR BSKYOD PA'O, , GSUM KA LA NI STUG POR BYAS PA DANG, RO BRO BAR BYAS PA'O, ,DE LA MYA NGAN DU GYUR PA NI SDUG PA YONGS SU GYUR PA'O, ,BYI DOR BYAS PA NI GSOS PA DANG YONGS SU BSKYANGS PA'O, ,SBAS PA NI 'TSE BA'I GNAS LAS BSKYABS PA'O, ,BDAG GIR BYAS PA NI BDAG GIR BYA BAS RANG GIR BYAS PA'O, , GYEN DU BSGRENG BA NI BDAG MCHOG GO SNYAM PA'I NGA RGYAL TE, BCOM LDAN 'DAS KYIS SKYE DGU NI NGA RGYAL GYI RGYAL MTSAN CAN NO ZHES GSUNGS SO, ,CHUNG NGU BSGRENG BA NI BDAG CHUNG NGO SNYAM PA'I NGA RGYAL LO, ,RNAM PAR SPYAD PA NI MA 'ONGS PA DON DU GNYER BA'I SRED PA'O, ,RNAM PAR BSKYOD PA NI DON DU GNYER BA YONGS SU TSOL BA'O, ,STUG POR BYAS PA NI GANG ZHIG 'DOD PA NYE BAR LONGS SPYOD PAR BYA BA MA YIN PA STE, 'DI LTA STE, GSER RAM ZONG GZHAN DAG GO, ,RO BRO BAR BYAS PA NI NYE BAR LONGS SPYAD PAR BYA BA GANG YIN PA'O, ,RNAM GRANGS GZHAN YANG MDOR BSDU NA TSIG LNGAS LAM RTOGS PA DANG, LAM RTOGS PA'I 'BRAS BU MNGON DU BYA BA YONGS SU BSTAN TE, DE LA DE NI BRAM ZE ZHES BYA BAS NI LAM RTOGS PA YONGS SU BSTAN TO, ,THE TSOM MED PA DANG, 'GYOD PA CHAD PA DANG, SRED PA DANG BRAL BA DANG, 'BYUNG BA DANG ZHIG PA LA CHAGS PA RGYAS PAR MI 'GYUR ZHES BYA BA'I TSIG 'DI DAG GIS NI LAM RTOGS PA'I 'BRAS BU MNGON DU BYA BA YONGS SU BSTAN TE, KUN SHES PA THOB PA DANG, LUNG STON PA'I THE TSOM SPONG BA DANG, RGYU BA NA SPYOD PA BRJED PA'I CHOS NYID SPONG BA DANG, MA 'ONGS PA'I SDUG BSNGAL GYI RGYU SPONG BA DANG, DA LTAR GYI SDUG BSNGAL RGYU GNAS NGAN LEN SPONG BA'I PHYIR RO, ,DE LA @39B DON GYI SKABS 'DIR NI 'BYUNG BA NI KHAMS GSUM PAR GTOGS PA'I MTSAN MA YID LA BYED PA YIN PAR BLTA BAR BYA'O, ,ZHIG PAR NI MTSAN MA MED PA YID LA BYED PA'O, ,CHAGS PA YANG DON GYI SKABS 'DIR NI 'DOD CHAGS DANG ZHE SDANG DANG GTI MUG RNAMS TE, DE DAG KYANG JI LTAR MTSAN MA MED PA LA SNYOMS PAR ZHUGS PA'I SLOB PA LA RGYAS PAR 'GYUR BA LTAR DGRA BCOM PA NI DE LTA MA YIN NO, ,RNAM PAR RTOG PA DANG, SPROS PA DANG, CHAGS PA DANG, ,'DU SHES ZHES BYA BA NI NYON MONGS PA RNAM PA BZHI STE, SNGA MA GNYIS NI RAB TU BYUNG BA'I PHYOGS KYI YIN NO, ,GNYIS NI KHYIM PA PHYI MA'I PHYOGS KYI YIN TE, CHAGS PA RGYAS NA DE SKYE BAR 'GYUR RO, ,RAB TU BYUNG BA RNAMS NI YUL NYAMS SU MYONG BA RJES SU DRAN PA LAS NI RJES SU RTOG PA TZAM YIN LA G-YO BA KUN TU SPYOD PA LAS NI SPROS PA YIN GYI, KHYIM PA RNAMS NI YUL NYE BAR GNAS PA LAS CHAGS PA YIN NO, , CHAGS PA DANG DE'I MTSAN MA LA 'DZIN PA LAS DE'I 'DU SHES PA YIN NO, ,KUN NAS NYON MONGS PA'I RGYU NI GNYIS TE, TSUL BZHIN MA YIN PA YID LA BYED PA DANG, DE'I GNAS KYI CHOS RNAMS TE, RGYU GANG LAS SKYE BA DE NI DE'I RGYU YIN NO, ,MI RTAG PA GANG YIN PA DE NI SDUG BSNGAL LO ZHES BYA BA'I DON CI ZHE NA, GANG GIS NA MI RTAG PA DANG RIS MTHUN PA DES NA SKYE BA DANG RGA BA LA SOGS PA'I SDUG BSNGAL SKYE BA DANG, GANG GIS NA REG PA LA RAG LUS TE TSOR BA DES NA RNAM PAR 'GYUR LA, SKYE ZHING 'JIG STE, DE'I PHYIR TSOR BA GSUM PO THAMS CAD SDUG BSNGAL LO ZHES BSHAD DO, , GANG YANG SKYE BA LA SOGS PA'I SDUG BSNGAL GYI CHOS CAN DANG, GANG YANG RNAM PAR 'GYUR BA LA SOGS PA'I SDUG BSNGAL GYI CHOS CAN DE DAG NI BDAG NYID KYIS BDAG MED PAS BDAG MED PA'AM, ,DE LA BDAG MI GNAS PAS NA BDAG MED PA STE, DES NA STONG PA NYID DANG BDAG MED PA'I RNAM PA SMOS PA YIN NO, ,KUN SHES PAR BYED PA NI THOS PA LAS BYUNG BA'I SHES RAB KYIS TE, SHES PA GSUNGS PA 'DI SKAD DU GSUNG NGO ZHES BYA BA'O, ,YANG DAG PAR SHES PAR BYED PA NI BSAMS PA LAS BYUNG BA'O, ,NGES PAR RTOG PA NI BSGOMS PA LAS BYUNG BA'I STE, SHES RAB RNAM PA @40A *, ,GSUM RGYU BA DE NYID LA BZOD PA GANG YIN PA DE NI MGU BA DANG, YANG DAG PAR MGU BA DANG, YANGS SU MGU BA'O, ,MI RTAG PAR RJES SU BLTA, 'DOD CHAGS DANG BRAL BAR RJES SU BLTA, 'GOG PAR RJES SU BLTA ZHES BYA BA NI 'DI LTA STE, NYAN THOS KYI SA LAS 'BYUNG BA BZHIN NO, ,MI RTAG PA DANG, G-YO BA DANG, 'JIG PA ZHES BYA BA RGYAS PAR 'BYUNG BA NI GCIG LAS 'PHROS PA MTHUN PAR SBYAR BA LAS MI RTAG PA LA SOGS PA'I RNAM GRANGS NAS SDIG PA'I RNAM GRANGS LA THUG PA'I BAR DU CI RIGS PAR RIG PAR BYA'O, ,MA THOB PA THOB PAR BYA BA NI DE DANG PO NAS MA THOB PA'AM SNGA MA LAS NYAMS PA'O, ,RTOG PAR BYA BA NI GONG MA'I KHYAD PAR RTOGS PA'O, ,MNGON SUM DU BYA BA NI SPANGS PA'O, ,LTA BA ZHES BYA BA 'DIS NI SHES RAB BSTAN TO, ,NGES PAR RTOG PA ZHES BYA BA 'DIS NI TING NGE 'DZIN BSTAN TO, ,TSUL BZHIN YONGS SU RTOG CES BYA BA NI CHOS GNYIS PO DE DAG NYID LA PHYIN CI MA LOG PAR 'JUG PAR BSTAN TO, ,MED KYANG STANG NGO ZHES BYA BA NI DE LA BDE BA MED PA'O, ,GSOB CES BYA BA NI BDAG GIS STONG PA'O, ,GSOG CES BYA BA NI MI GTZANG BA'O, ,SNYING PO MED CES BYA BA NI MI RTAG PA NYID DE, DE LTAR NA DE DAG GIS NI PHYIN CI LOG BZHI MED PAR YONGS SU BSTAN TO, ,JI LTAR NA GZUGS DBU BA RDOS PA LTA BU YIN ZHE NA BSAGS PA DANG, 'JIG PA MYUR BA DANG, CHU'I KHAMS LAS BYUNG BA LTAR ZAS DANG SKOM GYI RO DANG, RNAM PAR RTOG PA'I CHU LAS BYUNG BA'I PHYIR RO, ,BCANG BAR MI BZOD PA NYID NI, BCANG BAR MI BZOD PA DANG 'JI BA'I GONG BU LA SOGS PA BZHIN DU SGYUR BAR MI NUS PA'O, ,SEMS CAN GCIG TU MOS PA'I PHYIR GONG BU MA YIN YANG GONG BUR SNANG BA'O, ,TSOR BA CHU'I CHU BUR LTA BU NI GSUM 'DUS PA LAS SKYES PA DANG MI GNAS PAR CHOS MTHUN PA'I PHYIR TE, DE LAS LTA BU NI DBANG PO STE, DE SKYE BA'I GNAS YIN PA'I PHYIR RO, ,YUL LTA BU NI SPRIN NO, ,CHU LTA BU NI RNAM PAR SHES PA'O, ,CHAR PAS BTAB PA LTA BU NI REG PA'O, ,CHU'I CHU BUR LTA BU NI TSOR BA STE, MYUR DU 'GAG PA DANG MI GNAS PA'O, ,'DU SHES SMIG RGYU LTA BU NI G-YO BA'I BDAG NYID DANG, RNAM PA @40B DU MA 'BYUNG BA DANG, DMIGS PA LA PHYIN CI LOG TU BYED PA DANG, SKYES PA DANG BUD MED LA SOGS PA YONGS SU GCOD PA'I TSUL GYIS YUL GSAL BAR BYED PA'O, ,JI LTAR NA 'DU BYED RNAMS CHU SHING LTA BU YIN ZHE NA, 'DI LTA STE, SKYES BU MIG DANG LDAN PA ZHES BYA BA NI 'PHAGS PA NYAN THOS SO; STA RE RNON PO ZHES BYA BA NI SHES RAB KYI MTSON CHA 'O, ,TSAL DU 'JUG CES BYA BA NI 'GRO BA LNGAR GTOGS PA'O, ,CHU SHING GI SDONG PO ZHES BYA BA NI SDUG BSNGAL SNA TSOGS KYI LUS SHING DANG CHOS MTHUN PA'O, ,SAR PA DRANG PO ZHES BYA BA NI BDAG BYED PA PO DANG ZA BA POR LTA BA'O, ,DES DE DRUNG NAS BCAD NAS ZHES BYA BA NI BDAG TU LTA BA SPONG BA'O, ,LO MA'I GLEGS BU RNAM PAR BSHIG STE ZHES BYA BA NI SEMS PA DU MA'I 'DU BYED RNAM PAR SMIN PA TZAM DU RAB TU RNAM PAR 'BYED PA'O, ,DES DE'I SNYING PO MA YIN PA YANG MI RNYED NA ZHES BYA BA NI DE DAG DUS GZHAN DU MI GNAS PA'O, ,SNYING PO LTA ZHIG SMOS KYANG CI DGOS ZHES BYA BA NI SHIN TU RTAG PA DANG BRTAN PA'I BDAG DANG BYED PA PO DANG ZA BA PO GA LA SNANG ZHES BYA BA'O, ,JI LTAR NA RNAM PAR SHES PA SGYU MA LTA BU YIN ZHE NA, SGYU MA BYED PA ZHES BYA BA NI BSOD NAMS DANG BSOD NAMS MA YIN PA DANG MI G-YO BAR NYE BAR 'GRO BA'I RNAM PAR SHES PA'I TSIG BLA DAGS SO, ,LAM PO CHE'I BZHI MDOR 'DUG STE ZHES BYA BA NI RNAM PAR SHES PA GNAS PA BZHI LA BRTEN PA'O, ,SGYU MA RNAM PA BZHI BYED CES BYA BA NI JI LTAR DE DAG TU GLANG PO CHE'I TSOGS LA SOGS PA SNANG PA'O, ,GLANG PO CHE LA SOGS PA'I TSOGS DE DAG YONGS SU GRUB PA MA YIN PA DE BZHIN DU; BSOD NAMS DANG BSOD NAMS MA YIN PA DANG MI G-YO BA NYE BAR 'GRO BA'I RNAM PAR SHES PA GNAS PA BZHI LA BRTEN CING DMYAL BA LA SOGS PA'I LUS STON PA DE YANG MI SNANG BAR 'GYUR BA'I PHYIR DE NYID KYIS DE'I LUS YONGS SU GRUB PA MED DE, SGYU MA'I GZUGS BZHIN NO, ,DKA' PO'I PHYOGS KYI RNAM GRANGS RDZOGS SO,, ,,SDOM NI, SKYE DANG RGA DANG 'CHI BA DANG, ,CHAGS DANG 'DOD DANG NYON MONGS DANG, ,'DOD CHAGS RAB RGYAS ZHE SDANG DANG, ,GCI MUG CHUNG DANG KHYAD PAR NYID, ,SKYE BA NI DANG PO NYID DU NYING MTSAMS SBYOR BA'I 'BREL PA STE, MING DANG GZUGS @41A *, ,KYI GNAS SKABS SO, ,KUN TU SKYE BA NI LUS YONGS SU RDZOGS PA'O, ,BYUNG BA NI RUM NAS BYUNG BA'O, ,MNGON PAR GRUB PA NI LANG TSO'I GNAS SKABS NAS BZUNG STE, DAR LA BAB PA DANG DAR YOL BA'I GNAS SKABS KYI BAR GANG YIN PA'O, ,CHES 'GRAS NI RGAS PA'I GNAS SKABS KYI BAR GANG YIN PA'O, ,PHUNG PO RNYED PA NI MING DANG GZUGS KYI GNAS SKABS SO, ,KHAMS RNYED PA NI DE NYID DU DE'I SA BON RNYED PA'O, ,SKYE MCHED RNYED PA NI MING DANG GZUNGS 'PHAL BAS SKYE MCHED DRUG YONGS SU RDZOGS PA'O, ,PHUNG PO MNGON PAR 'GRUB PA NI 'BYUNG BA NAS BZUNG STE RGAS PA'I BAR RO, ,SROG GI DBANG PO BYUNG BA NI RIS MTHUN PA SNGA MA YONGS SU BTANG STE RIS MTHUN PA GSAR GYI TSE YONGS SU 'DZIN PA'O, ,RGA BA NI NA TSOD YONGS SU GYUR PAS 'GRO BA NA RDEG 'CHA' ZHING 'GYEL BA'O, ,MGO SKYA NI SKRA DANG BA SPUM TSANG ZHING MDOG DKAR BA DANG SER BA'O, , GNYER MAS GANG BA NI PAGS PA 'KHUMS PA'O, ,RNYING PA NI NA TSOD YONGS SU GYUR PA NYID MDANGS MED CING SKYA BOR GYUR PA GANG YIN PA'O, ,GZHOM PA NI MTHU DANG BRTZON 'GRUS DANG STOBS DANG RTZAL MED BA'O, ,SGUR PO PHYAM SGUR PO LTAR YO BA NI LUS MDUN DU SGU BA GANG YIN PA STE, KHAR BAL BRTEN PA GANG YIN PA'O, ,LUS SME BA NAG POS GANG BA NI SME BA NAG PO DAG GIS LUS BKRA BAR BYAS PA'O, ,THEG CHE BA NI 'PHRAL GYI BYA BA 'GRENG BA DANG 'CHAGS PA DAG MI MANG BA'O, ,NYAM DMA' BA NI YUL DAG LA DBANG PO RNAMS RGYU BA MI MANG BA'O, ,NYAMS PA NI DRAN PA DANG BLO MI MANG BA'O; ,YONGS SU NYAMS PA NI DBANG PO LA SOGS PA DE DAG NYID SKAD CIG DANG THANG CIG DE DANG DE DAG NYID 'DAS SHING 'BRI BA'O, ,DBANG PO RNAMS YONGS SU SMIN PA NI DE DAG NYID KYI BYE BRAG GO, ,'DUS BYAS RNAMS RNYINGS PAR GYUR PA NI DBANG PO'I GNAS RNAMS DUS GZHAN DU GNAS PA'O, ,RNYINGS PA NI DE DAG NYID GZHAN DU 'GYUR BA'O, ,SHI 'PHOS PA NI LUS YONGS SU POR BA'O, ,'CHI 'PHO BA NI 'CHI KA NYID DO, ,ZHIG PA NI GANG ZHIG NA LUS ROR 'DUG PA'O, ,NUB PA NI GANG NA MI GNAS PA'O, ,YANG ZHIG PA NI GZUGS KYI LUS SO, ,NUB PA NI MING GI LUS SO, ,TSE NYAMS SHING DROD NYAMS @41B ZHES BYA BA NI 'CHI KAR DE'I DUS SU SNYING GAR GNAS PA'O, ,SROG GI DBANG PO 'GAG PA NI TSE THAMS CAD YONGS SU GTUGS PA'O, ,'CHI BA NI RNAM PAR SHES PA SNYING GAR YONGS SU 'DOR BA'O, ,DUS BYAS PA NI DE PHYIN CHAD DE, SHI NAS ZHAG GCIG GAM GNYIS SAM, ZHAG GSUM MAM, ZHAG BDUN LON PA'O, ,SKYE MCHED DRUG LA BYIS PA SO SO'I SKYE BO THAMS CAD BDAG TU 'DZIN PAS NI CHAGS PAR 'GYUR RO, ,BDAG GIR 'DZIN PAS NI NYE BAR CHAGS PAR 'GYUR RO, ,'JIG TSOGS LA LTA BA NI RTZA BA CAN 'JIG RTEN SO SO'I LTA BAR GYUR PA RNAMS DANG NGA'O SNYAM PA'I NGA RGYAL GYI DBANG CAN SRED PA RNAM PAR SPYOD PA RNAMS KYIS NI LHAG PAR CHAGS SO, ,BDE BA'I TSOR BA'I GNAS LTA BU'I SKYE MCHED DRUG LA NI 'DOD CHAGS DANG BCAS PAS RO MYONG BAR BYED PA'O, ,SDUG BSNGAL GYI TSOR BA'I GNAS LTA BU LA NI ZHE SDANG DANG BCAS PAS SPONG BAR BYED DO, ,SDUG BSNGAL YANG MA YIN BDE BA YANG MA YIN PA'I TSOR BA'I GNAS LTA BU LA NI GTI MUG DANG BCAS PAS KHAS LEN PAR BYED DO, ,'DAS PA'I SKYE MCHED DRUG LA NI BLTAS PA DANG BCAS PAS RGYAS PAR BYED DO, ,MA 'ONGS PA LA NI MNGON PAR DGA' BA DANG BCAS PAS GNAS SO, ,DA LTAR BYUNG BA LA NI LHAG PAR ZHEN PA DANG BCAS PAS MNGON PAR ZHEN TO, ,RANG GI YONGS SU GZUNG BAR GYUR PA GZHAN GYI RGYUD LA YOD PA'I SKYE MCHED DRUG LA NI BDAG GIR BYED DO, ,RANG GI YONGS SU GZUNG BAR MA GYUR PA GZHAN GYI RGYUD LA YOD PA THA MA DANG 'BRING DANG KHYAD PAR CAN LA NI NGA RGYAL GYI RNAM PA LA BRTEN PAS RLOM SEMS SU BYED DO, ,MNYAM PAR GZHAG PA YIN PA'I SA PA 'DOD PA DANG MTSUNGS PAR LDAN PA LA NI GONG NAS GONG DU DON DU GNYER BAR BYED DO, ,MNYAM PAR GZHAG PA'I SA PA GZUGS DANG GZUGS MED PA DANG MTSUNGS PAR LDAN PA NI JI LTAR SRID PA RGYA CHE BA DANG GYA NOM PA YIN PA'I PHYIR BRTEN PAR BYED DO, ,KHYIM PA'I PHYOGS LA BRTEN PA GZUGS DANG SGRA DANG DRI DANG RO DANG REG BYA NI RO'I SGO NAS 'KHOR GYI RJES SU SONG BA YIN PA'I PHYIR RO MYONG BAR BYED DO, ,RAB TU BYUNG BA'I PHYOGS LA BRTEN PA'I SKYE MCHED DRUG LA NI LE LO DANG BAG MED PA DANG LDAN PA'I PHYIR THAMS CAD KYI THAMS CAD DU MI 'DOR RO, ,'DOD PA DANG SDUG PA DANG DGA' BA @42A *, ,DANG YID DU 'THAD PA ZHES BYA BA'I TSIG BZHI PO 'DI DAG NI MDOR BSDU NA, 'DOD PA'I DNGOS PO YONGS SU STON PAR BYED PA YIN PAR RIG PAR BYA'O, ,'DOD PA'I DNGOS PO DE YANG MDOR BSDU NA RNAM PA GSUM STE, BTZAL BAR BYA BA DANG, BRTAG PAR BYA BA DANG, LHAG PAR ZHEN BAR BYA BA'O, ,DE LA 'DOD PA MA 'ONGS PA NI BTZAL BAR BYA BA YIN PA'I PHYIR 'DOD PA YIN NO, ,'DOD PA 'DAS PA NI 'DOD PA BYAS PA DANG DGA' BAR BYAS PA 'BA' ZHIG YIN PA'I PHYIR SDUG PA YIN NO, ,'DOD PA'I DNGOS PO DA LTAR BYUNG BA NI RNAM PA GNYIS TE, YUL GYI DNGOS PO DANG MYONG BA'I DNGOS PO'O; ,DE LA JI SNYED DU YUL GYI DNGOS PO LA 'DOD PA DE NI DGA' BA YIN NO, ,MYONG ZIN PA'I DNGOS PO LA 'DOD PA GANG YIN PA DE NI YID DU 'THAD PA'O, ,'DOD PA'I DNGOS PO 'DAS PA'AM, MA 'ONGS PA'AM, DA LTAR BYUNG BA'AM, YUL LAM MYONG BA NI 'DI DAG TZAM DU ZAD DE, 'DI'I BTZAL BAR BYA BA'AM, BRTAG PAR BYA BA'AM, LHAG PAR CHAGS PAR BYA BA DE DAG THAMS CAD NI TSIG 'DI DAG GIS BSTAN PA YIN NO, ,'DOD PA NI MA 'ONGS PA'I DUS LA BRTEN NAS BTZAL BAR BYA BA YIN PA'I PHYIR RO, ,SDUG PA NI DA LTA'I DUS LA BRTEN NAS NGOMS MI MYONG BAS 'DOD PAR BYA BA YIN PA'I PHYIR RO; ,YID DU 'THAD PA NI 'DAS PA'I DUS LA BRTEN NAS RJES SU DRAN PA'I SGO NAS YID DU 'ANG BAS MNGON PAR BRJOD PA'I PHYIR RO, ,DGA' BA'I NGO BO NI SDUG PA GANG LA BRTEN NAS DUS GSUM LA 'DOD PAR 'GYUR BA DANG, 'DOD PA DANG YID DU 'ONG BAS MNGON PAR BRJOD PA'O, ,'DOD PA DANG LDAN PA NI 'DOD PA DANG MTSUNGS PAR LDAN PA'I PHYIR RAM ZER BA'AM, LONGS SPYOD RNAM PA SNA TSOGS 'DOD PA'I GNAS LTA BUR GYUR PA'I PHYIR RO, ,CHAGS PAR BYA BA NI 'DOD CHAGS KYI GNAS SU GYUR PA'I PHYIR RO, ,DNGOS PO LNGA LA KUN TU SBYOR BAR BYED PA YIN PA'I PHYIR KUN TU SBYOR BA RNAMS SO; ,DNGOS PO RNAM PA LNGA NI KUN DU SBYAR BAR BYA BA DANG, ,KUN TU SBYOR BA DANG, KHA NA MA THO BA MED PA'I DNGOS PO DANG, RGYU MTHUN PA'I DNGOS PO DANG, 'GRO BA'I DNGOS PO'O, ,DE LA KUN TU SBYAR BAR BYA BA NI KUN DU SBYOR BA RNAMS KYI DMIGS PA YIN TE, 'DI LTAR RJES SU CHAGS PA @42B LA SOGS PAS SO SO'I MTSAN MA'I RJES SU 'BRANG BAS DE LA KUN TU SBYOR BAR BYED PA'O, ,KUN TU SBYOR BA RNAMS NANG YANG PHAN TSUN 'DREN PAR BYED PA YIN PA'I PHYIR KUN TU SBYOR BAR BYED PA'O, ,KUN TU SBYOR BA'I GZHI MTHONG BA'I CHOS KYI KHA NA MA THO BSKYED PAR 'GYUR ZHING, DE LAS SKYES PA SEMS LAS BYUNG BA'I SDUG BSNGAL DANG YID MI BDE BA'I BAR DU YANG SO SOR MYONG BAR BYED DO, ,DE'I PHYIR KHA NA MA THO BA MED PA'I PHYIR DNGOS PO LA YANG KUN TU SBYOR BAR BYED DO, ,MA 'ONGS PA NA 'DOD CHAGS DRAG PO LA SOGS PA'I NGO BO'I RGYUR GYUR PA'I PHYIR RGYU MTHUN PA LA YANG KUN TU SBYOR BAR BYED DO, ,'GRO BA LNGA LEN PA'I PHYIR 'GRO BA RNAMS SU KUN TU SBYOR BAR BYED DO, ,DE'I RGYU LAS NYES PAR SPYOD PA KUN TU SPYOD PA'I PHYIR BDAG LA GZHAN GYIS DBYUNG PA DANG, BSAD PA DANG, BCING BA DANG, BRDEG PA DANG, SBYO BA DANG, SBYUGS PA LA SOGS PA'I GNOD PA SKYED PA'I PHYIR BDAG LA GNOD PAR 'GYUR BA'O, ,BDAG LA MA YIN YANG GZHAN LA SKYED PAS GZHAN LA GNOD PAR 'GYUR BA'O, ,GNYIS KAL SKYED PAS NA GNYIS KA LA GNOD PAR 'GYUR BA'O, ,MTHONG BA'I CHOS KYI KHA NA MA THO BA SKYED PAR BYED CES BYA BA DE NI JI SKAD DU SMOS PA DE NYID YIN TE, DES GDON MI ZA BAR NGAN SONG DU 'GRO BA NI MA YIN NO, ,TSE PHYI MA LA NI GANG GZHAN DAG GIS 'DI LA MI SHES KYANG DE'I RGYU CAN GYIS NI NGAN SONG DU 'GRO BA'O, ,GANG GZHAN DAG GIS 'DI LA SHES KYANG NGAN SONG DU YANG 'GRO BA NI MTHONG BA'I CHOS DANG TSE PHYI MA GNYIS KA YIN NO, ,DE LAS SKYES PA'I SEMS LAS BYUNG BA SDUG BSNGAL DANG YID MI BDE BA NI CHAGS PAR GYUR PA RNAMS KYI JI LTA BA BZHIN DU MI 'BYOR BA'I PHYIR RO, ,GTZO CHER NI KUN TU SBYOR BA DGU KHO NA'O, ,'DOD DGUR MI BYED PA'I DON GYIS NA CHING BA GSUM STE, 'DOD CHAGS DANG ZHE SDANG DANG GTI MUG RNAMS SO, ,TSOR BA GSUM GYI DBANG DU BYAS PA'I PHYIR TE, DE DAG GIS NI DE DAG LAS THAR PAR 'DOD KYANG MI 'GROL LO, ,NYON MONGS PA'I PHYOGS KYI GNAS NGAN LEN SA BON DANG MTHUN PAR GYUR PA NI BAG LA NYAL TE, RJES SU 'BREL PA PHRA BA'I DON GYIS SO, ,RTZA BA SMOS PA'I PHYIR NA BDUN NO, ,NYON MONGS PA LAS SKYES PA'I PHYIR DANG, @43A *, ,NYON MONGS PA DANG NYE BAR GYUR PA'I PHYIR DANG, SEMS KYI RGYUN NYE BAR NYON MONGS PAR BYED PA'I PHYIR NA NYE BA'I NYON MONGS PA RNAMS TE, BAG LA NYAL MA GTOGS PA SEMS LAS BYUNG BA NYON MONGS PA CAN RNAMS SO, ,SKYE BA'I RGYUN MI CHAD PA'I DON GYIS NA KUN NAS DKRIS PA RNAMS TE NGO TSA BA MED PA LA SOGS PA BRGYAD DO, ,DE DAG NI SHIN TU RGYUN CHAGS PAR BYED PA YIN PA'I PHYIR RO, ,LUS DANG SEMS LAS SU MI RUNG BAR BYED PA'I PHYIR THA BA RNAMS TE, LAS SU MI RUNG BA'I ZHING RTZUB PO BZHIN NO, ,RTEN GYI BYE BRAG GIS NI THE TSOM GYI BYE BRAG SEMS KYI THA BA RNAM PA LNGA'O, , 'DOD CHAGS LA SOGS PA GSUM NI MI GTZANG BAR BYED PA'I PHYIR NA DRI MA RNAMS SO, ,SKYE MCHED RNAMS KYI SGO NAS RTAG TU 'DZAG PA'I PHYIR DANG DRAG TU GNOD PAR BYED PA'I PHYIR NA RTAG 'DZAG RNAMS SO, ,MA ZHI BAR BYED PA'I PHYIR NA ZUG RNGU RNAMS TE ZUG RNGU MA PHYUNG BA BZHIN NO, ,BTANG SNYOMS KYI BAR CHAD BYED PA'I PHYIR DANG, SPROS PA DANG BCAS PA YIN PA'I PHYIR NA CI YANG RNAMS SO, ,CHOS MA YIN BA DANG MI MTHUN PA'I SPYOD PA NYE BAR GNAS PA'I PHYIR NA NYES PAR SPYOD PA RNAMS SO, ,NYON MONGS PA DANG NYES PAR SPYOD PA KUN NAS SLONG BAR BYED PA'I PHYIR NA RTZA BA RNAMS SO, ,PHYI MA LA SKYE BA SKYED PA'I PHYIR NA ZAG PA RNAMS SO, ,SKYES PA LA RGA BA DANG 'CHI BA LA SOGS PAS GNOD PA BYED PA'I PHYIR NA GNOD PA RNAMS SO, ,MI SDUG PA DANG PHRAD PA DANG, SDUG PA DANG BRAL BA DANG, 'DOD PA MI RNYED PA DAG GIS YONGS SU GDUNGS PA'I PHYIR NA YONGS SU GDUNG BA RNAMS SO, ,MYA NGAN DANG SMRE SNGAGS 'DON PA DANG, SDUG BSNGAL DANG, YID MI BDE BA DANG, 'KHRUG PAR BYED PA'I PHYIR NA 'KHRUG PA RNAMS SO, ,RGYUN PHYOGS SU KHYER BAR BYED PA'I PHYIR NA CHU BO RNAMS SO, ,SNGON GYI MTHA' NAS BZUNG STE MTHONG BA'I CHOS LA SKYE BA DANG 'KHOR BA'I THABS SU GYUR PA'I PHYIR NA SBYOR BA RNAMS SO, , DA LTAR BYUNG BA NAS BZUNG STE MA 'ONGS PA'I THABS SU GYUR PA'I PHYIR NA NYE BAR LEN PA RNAMS SO, ,DGROL BAR DKA' BA'I PHYIR NA MDUD PA RNAMS SO, ,SHES BYA'I DNGOS PO LA SHES PA'I SGRIB PAR GYUR PA'I PHYIR NA SGRIB PA RNAMS SO, ,GZUGS DANG GZUGS MED PA'I KHAMS TSUN CHAD KYI CHA NI @43B 'DOD PA'I KHAMS SO, ,BSGOM PA'I LAM TSUN CHAD KYI CHA NI MTHONG BA'I LAM MO, ,DE GNYIS NI THA MA YANG YIN LA CHA YANG YIN TE, DE'I PHYIR CI RIGS PAR TSUN CHAD KYI CHA DANG MTHUN PA'AM THA MA'I CHA DANG MTHUN PA'I SGRIB PA LNGA YIN NO, ,DE LAS BZLOG PA NI GONG MA'I CHA DANG MTHUN PA RNAMS SO, , 'PHAGS PA'I LAM YAN LAG SKYE BA'I BA GEGS BYED PA'I PHYIR RNAM PAR 'CHING BA RNAMS TE LUS LA LTA BA LA SOGS PA RNAM PA LNGA'O, ,CHUNG DU'I CHAR GTOGS PA RNAMS LA YANG RAB TU RGYA SKYED PA'I PHYIR NA ME RNAMS SO, ,SRID PA'I RTZE MOR SONG BA RNAMS LA YANG NYON MONGS PA'I RNAM PA THAMS CAD 'PHEL BAR BYED PA'I PHYIR DANG, DAM PA RNAMS KYIS RING DU YONGS SU SPANG BAR BYA BA'I PHYIR RO, ,LUS DANG SEMS KUN TU GDUNG BAR BYED PA'I PHYIR NA RIMS NAD RNAMS SO, ,'JIG TSOGS LEN PA'I PHYIR NA KUN TU LEN PA RNAMS SO, ,NAGS ZHES BYA BA NI SDUG BSNGAL SNA TSOGS KYI PHUNG PO'I LUS MNGON PAR SGRUB PA'O, ,NAGS SBYOR NI DE SKYED PAR BYED PA'I CHAGS PA GANG YIN PA'O, ,'THAB MO LA SOGS PAS RNAM PA SNA TSOGS RTZOM PA'I PHYIR NA 'THAB PA RNAMS SO, ,RIG PA'I MI MTHUN PA'I PHYOGS SU GYUR PA'I PHYIR NA NAG PO'O, ,SDUG BSNGAL DANG LDAN PA'I PHYIR NA PHUNG PO'O, ,DGOS PA MED PA'I PHYIR NA DMAN PA'O, ,NYON MONGS PA CAN YIN PA'I PHYIR NA KHA NA MA THO BA DANG BCAS PA'O, ,BTZAL BAR GSHA' BA MA YIN PA'I PHYIR NA YONGS SU SPANG BAR BYA BA'O, ,TSUL KHRIMS 'CHAL PA NI MNOS PA NYAMS PAR BYED PA'I PHYIR RO, ,SDIG PA'I CHOS NI NGO TSA MI SHES PA DANG, KHREL MED PA DRAG POS SANGS RGYAS LA SOGS PA LA MA DAD PA DANG, 'PHAGS PA LA SKUR PA 'DEBS PA LA SOGS PA LOG PAR LTA BA DANG LDAN PA'O, ,YANG NA SDIG PA'I CHOS SNA TSOGS PA KUN TU SPYOD PA'I PHYIR TE, BRNAB SEMS DANG LDAN PA YIN, GNOD SEMS CAN GYI SEMS ZHES BYA BA DANG MTHUN PAR SBYAR RO, ,KHONG MYAGS PA NI PHYI DGE SLONG GI RTAGS 'CHANG BA'I PHYIR BA DANG, NANG NA DGE SBYONG DU BYED PA'I CHOS MED PA'I PHYIR TE, DPER NA SHING PHYI ROL MDOG BZANG PO YIN LA, NANG NI SRIN BU LA SOGS PAS ZOS SHING KHONG STONG DU BYAS PA LTA BU'O, ,NYES 'DZAG NI JI LTAR NYES 'DZAG DANG NYES @44A *, ,'DZAG MA YIN PA'I CHOS KYI RNAM GRANGS LAS BYUNG BA BZHIN NO, ,SHING RUL GYIS BRNYOGS PA'I CHU LTA BUR GYUR PA ZHES BYA BA NI DES THOS PA GZUNG BAR GYUR PA GANG YIN PA DE NI SRED PA SEL BA'I PHYIR CHU LTA BU YIN LA, DE'I DE NI 'CHAL PA'I TSUL KHRIMS LA SOGS PA'I SHING RUL GYIS BRNYOGS PA'O, ,DE'I PHYIR SHING RUL GYIS BRNYOGS PA'I CHU BZHIN DU 'TSO BAR BYED PA MA YIN PA STE, GZHAN DAG GIS YONGS SU SPANG BAR BYA BA YIN PA'I PHYIR RO, ,LUNG BONG LTAR SPYOD PA NI DGE SBYONG 'DUS PA DAG TU RNYED PA DANG TSUL SHING NOD PA DANG, MAL CHA DANG STAN 'GED PA DAG LA LO'I DANG PO'I DUS TZAM ZHIG BRJOD PA'I PHYIR RO, ,DGE SBYONG MA YIN PAR DGE SBYONG DU KHAS 'CHE BA NI DGE SLONG GI NGO BO LAS NYAMS PA DGE SLONG GI NGO BOR KHAS 'CHE BA'I PHYIR BA'AM, 'DOD CHEN GYIS DON DAM PA'I DGE SLONG DU KHAS 'CHE BA'I PHYIR RO, ,TSANGS PAR SPYOD PA MA YIN BA ZHES BYA BA NI 'KHRIG PA MA SPANGS PAR SPANGS PAR KHAS 'CHE BA'O, ,YANG DGE SLONG GI NGO BO LAS NYAMS PA NYID DU KHAS 'CHE BA'I PHYIR NA TSANGS PAR SPYOD PAR KHAS 'CHE BA'O, ,DON DAM PA'I DGE SBYONG DU KHAS 'CHE BA'I PHYIR NA DGE SLONG DU KHAS 'CHE BA'O, ,YANG DAG PAR BLANGS PA GTANG BA'I PHYIR NA TSUL KHRIMS 'CHAL BA'O, ,SDIG PA'I CHOS MNGON PAR BTANG BA YANG LEN PA'I PHYIR NA SDIG PA'I CHOS RNAMS SO, ,RTAGS KYI BSAM PA BSLU BA'I PHYIR NA NANG MYANGS PA'O, ,DGA' MGUR SPYOD CING GNAS PA'I PHYIR NA NYES 'DZAG GO, ,THOS PA NYAMS PA'I PHYIR NA SHING RUL GYIS BRNYOGS PA'I CHU LTA BUR GYUR PA'O, ,DAD PAS BYIN PA LOG PAR SPYOD PA'I PHYIR NA LUNG BONG LTAR SPYOD PA'O, ,LOG PAR SMRA BA'I PHYIR NA DGE SBYONG DANG TSANGS PAR SPYOD PAR KHAS 'CHE BA'O, ,CHAGS PA DANG ZHE SDANG DANG GTI MUG DANG, KHRO BA DANG, 'KHON DU 'DZIN PA ZHES BYA BA NI RGYAS PAR GZHI BSDU BA'I NANG DU GZHI PHRAN TSEGS BSHAD PAR BYA'O, ,MI RTAG PA DANG, SDUG BSNGAL BA DANG, BDAG MED PA DANG, SKYE BA'I CHOS DANG, RGA BA'I CHOS DANG, GDUNG BAR BYED PA DANG, ME MUR ZHES BYA BA'I BAR NI DE NYID KYI NANG NA JI LTAR GNAS PA BZHIN DU BSHAD PAR BYA'O, ,CHAGS @44B PA LONGS SPYOD PA MNGON PAR DGA' BAS SO, ,CHAGS PA NI DE NYID LA MI LTA BA MED PAS SO, ,'CHUMS PAS NI MA 'ONGS PA NA 'THOB BA'I LONGS SPYOD LA MNGON PAR 'DOD PA'O, ,MDUD PA BOR BA NI DE LAS GZHAN PA'I NYON MONGS PA PHROGS PAR BYED PA MDUD PA 'DOR BA'O, ,BRGYAL BA NI 'OG NAS BSHAD PAR BYA'O, ,LHAG PAR CHAGS PA NI THOB PA DAG LA MI RTZOM BA MED PA'O, ,LHAG PAR CHAGS PAR 'GYUR BA NI MA THOB PA DAG LA YONGS SU TSOL BAR SBYOR BA'O, ,'DUN PA NI MA THOB PA DANG THOB PA DAG LA THOB PA DANG LONGS SPYOD PAR 'DOD PA NYID DO, ,'DOD CHAGS NI LONGS SPYOD LA MNGON PAR DGA' BAS LHAG PAR CHAGS PA'O, ,'DOD PA DANG DGA' BA NI 'DOD PAR 'GYUR BA DANG DGA' BAR 'GYUR BA BZHIN NO, ,KUN TU ZHEN PA NI NANG GI LUS SU GTOGS PA RNAMS LA SRED PA'O, ,'CHUMS PA NI GZHAN GYI RGYUD LA YOD PA RNAMS LA'O, ,LHAG PAR CHAGS PA NI BDAG GI YUL DAG LA SRED PA'O, , SKOM PA NI YANG DANG YANG DU 'DOD PA'O, ,CHAGS PAR 'GYUR BA NI 'DOD CHAGS KYI GNAS YIN PA'O, ,RGYAGS PAR 'GYUR BA NI RGYAGS PA RNAM PA BDUN GYI GNAS YIN PA'O, ,BYAMS PAR 'GYUR BA NI LONGS SPYOD LA 'DOD PA RNAM PA SNA TSOGS KYI GNAS LTA BUR GYUR PA'O, ,'DOD PAR 'GYUR BA NI 'DAS PA LA LTA BA'I GNAS LTA BU LA SRED PA RJES SU 'BREL PA'O, ,DGA' BAR 'GYUR BA NI DA LTA'I DUS LA BRTEN NAS TE DGA' BA'I YID BDE BA'I GNAS LTA BUR GYUR PA'O, ,YANG MTHONG BA'I CHOS LA GOMS PAS SRED PAR BYAS PA NI BYAMS PA'O, ,SNGON GOMS PAR BYAS PA NI DGA' BA'O; ,BRGYAL BAR 'GYUR BA NI YON TAN DANG SKYON DPYAD PA LA RGYAB KYIS PHYOGS PA'O, ,CHAGS PAR 'GYUR BA NI SEMS KUN TU 'DZIN PA'I GNAS SU GYUR PA'O, ,'CHING BAR 'GYUR BA NI 'DOD CHAGS DANG ZHE SDANG DANG GTI MUG GI GNAS SU GYUR PA'O, ,DON DU GNYER BAR 'GYUR BA NI SRED PA SKYED PAR BYED PA'O, ,KUN TU SBYOR BAR 'GYUR BA NI KUN TU SBYOR BA'I GNAS SU GYUR PA DANG SDIG PA MI DGE BA'I CHOS LA KUN TU SBYOR BAR BYED PA'O, ,DGA' BA DANG MNGON PAR DGA' BA NI MNGON DU BYA BA'I PHYIR DON DU GNYER BA'O, ,SMRA BA DANG MNGON PAR SMRA BA NI MNGON DU BYA BA'I PHYIR TSIG YONGS @45A *, ,SU TSOR BA'O, ,KHONG DU CHUD PAR BYA BA'I PHYIR RTZOL BAS NA LHAG PAR CHAGS PAR 'GYUR BA STE LUS KYIS YONGS SU TSOL BA'I PHYIR RO, ,LHAG PAR CHAGS PAR BYA BA'I PHYIR GNAS ZHES BYA BA NI THOB PA LA MNGON PAR ZHEN PA'O, ,CHAGS PA NI BDE BA'I TSOR BA LA 'DOD CHAGS PA STE DE NYID KUN TU CHAGS PA YIN NO, ,SDUG BSNGAL GYI TSOR BA LA NI KHONG KHRO BA DANG LDAN PAR 'GYUR RO, ,KUN TU RMONGS PA NI GSUM KA LA GTI MUG GIS SO, ,'DAS PA LA NI LTA BA DANG LDAN NO, ,MA 'ONGS PA LA NI SEMS 'BREL TO, ,DAL BA NI DE'I GZHI YONGS SU TSOL BA LA BZHUGS PA'O, , RIMS NAD NI 'DOD PA 'BYOR BA DAG LA SEMS NYON MONGS PA CAN NO, ,YONGS SU GDUNG BA NI 'DOD PA MI 'BYOR PA DAG LA'O, ,'KHRUG PA NI THOB PA YONGS SU 'GYUR BA'I PHYIR RO, ,KUN TU SLONG BAS ZHES BYA BA NI LTAD MO DANG BKRA SHIS LA SOGS PA NYE BAR LEN PA'I SRED PA STON PAR BYED DO, ,DGA' BAS ZHES BYA BAS NI MCHOG TU 'DZIN PA NYE BAR LEN PA'I SRED PA STON PAR BYED DO, ,DON DU GNYER BAS ZHES BYA BA NI RAB TU SBYIN PA'I RNYED PA NYE BAR LEN PA'I SRED PA STON PAR BYED DO, ,MNGON PAR DGA' BAS ZHES BYA BA NI YID DU 'THAD PA LA GCIG TU RTOG PA NYE BAR LEN PA'I SRED PA STON PAR BYED DO, ,DE DAG NYID LA SEMS 'JUG GO, ,RAB TU 'GYING NGO ZHES BYA BA NI RGYAS PAR 'DI LTA STE, MNYAM PAR GZHAG PA'I SAR NGES PAR 'BYUNG BA'I KHAMS LNGA LAS RIG PAR BYA'O, ,MYOS PA NI RGYAGS PA GSUM DANG LDAN PA'O, ,RAB TU MYOS PA NI RGYAGS PA LA BRTEN NAS SDIG PA MI DGE BA'I CHOS RNAMS LAS SEMS KUN TU MI BSRUNG BA'O, ,RAB TU RGYAGS PAR GYUR PA NI SDIG PA KUN TU RTZOM PAR SBYOR BA'O, ,RGYAGS PAR 'GYUR BA NI RGYAGS PA'I RGYU KUN TU BSLANGS NAS 'DUG PA'O, ,'DOD PA DAG LA KUN TU RGYAGS PAR GYUR PA NI NYES DMIGS SU MI LTA BAR 'DOD PA LA YONGS SU LONGS SPYOD PA'O, ,SIM PA NI BDE BA TSOR BA'I RANG GI MTSAN NYID LA BRTEN NAS SO, ,MYONG BAR 'GYUR BA NI SPYI'I MTSAN NYID LA BRTEN NAS SO, ,TSOR BAR GYUR PA NI DE LAS GZHAN PA'I TSOR BAR GYUR PA RNAMS KYI RGYU'I MTSAN NYID LA BRTEN NAS SO, ,'DOD PA DANG, 'DOD CHAGS DANG, LHAG PAR @45B CHAGS PA DANG, RNAM PAR 'CHING BA DANG, YONGS SU ZHEN PA DANG, KUN TU 'DOD CHAGS PA RNAMS NI 'DI LTA STE, THOS PA LAS BYUNG BA'I SA LAS RTOGS PAR BYA'O, ,NANG GI DRI MA NI KHON DU 'DZIN PA'I BSAM PA 'DZIN PA'O, ,NANG GI 'GREN ZLA NI 'DOD PA LA BGEGS BYED PA'O, ,NANG GI PHYIR RGOL BA NI MI 'DOD PA LA GTOD PA'O, ,NANG GI DGRA BO NI MI MTHUN PA LA GTOD PA'O, ,MI SDUG PA NI 'DOD PA DANG YID DU MI 'THAD PA LA SOGS PA NI 'DOD PA LA SOGS PA LAS BZLOG PA'O, ,SDUG BSNGAL BA NI RANG BZHIN GYIS RJES SU DRAN PA NA'O, ,GNOD PA NI MNGON DU GYUR PA NA'O, ,MI MTHUN PA NI DUS GSUM PA YID LA BYED PA NA'O, ,YID DANG 'GAL BA NI SDUG BSNGAL MNGON SUM DU GYUR PA STE, GNOD PA BYED PAR 'GYUR BA'I PHYIR RO, ,SDUG BSNGAL MI BZAD PA, RTZUB PA, DRAG PA, YID DU MI 'THAD PA ZHES BYA BA NI 'DI LTA SE, GZHI BSDU BA LAS 'BYUNG BA BZHIN RTOGS PAR BYA'O, ,GTUM PA ZHES BYA BA NI BSTAN PA'O, ,KUN TU ZAB PA NI RNO BA DANG GTUM POR SMRA BA'O, ,GZUGS POR SMRA BA I YI GER BTON NAS 'DZEM PA MED PAR TSIG RTZUB POR SMRA BA'O, ,NANG PA NI BSAM PA KHROS PA'O, ,'KHRUG PA NI NGAG GI BYE BRAG GIS BSAM PA KHROS PA STON PA'O, ,GNOD SEMS SU BYED PA NI LAG PA LA SOGS PAS 'TSOG PA'O, ,NANG STE ,'DUG PA NI 'KHRUGS PA'I MJUG TU GDONG KHRO GNYER DANG BCAS PAR GNAS SHING TSIG TU MI SMRA BA'O, ,'KHRUG PA KUN TU SKYED PAR BYED PA NI GNOD PAR BYED PA'I RGYU'I RJES SU 'BRANG BAS YANG DANG YAR DU KHON DU 'DZIN PA'O, ,NYON MONGS PA BYUNG NA SEMS KUN NAS NYON MONGS PAR BYED PAS DE'I PHYIR SDUG BSNGAL BAR GNAS PA STE, JI SKAD DU, DGE SLONG DAG SDIG PA DANG 'DRES PA DAG GIS NI LE LO CAN SDUG BSNGAL BAR GNAS SO ZHES GSUNGS PA LTA BU'O, ,MA 'ONGS PA'I SDUG BSNGAL LEN PAS DE'I PHYIR SDUG BSNGAL DANG BCAS PA'O, ,DGE BA'I PHYOGS LAS RING DU BYED PAS DE'I PHYIR GNOD PA DANG BCAS PA'O, ,NYON MONGS PA GZHAN GYI RGYU YIN PAS DE'I PHYIR 'TSE BA DANG BCAS PA'O, ,'GYOD PAR BYED PA'I PHYIR YONGS SU GDUNG BA DANG BCAS PA'O, ,YANG SMRAS PA, SDUG BSNGAL ZHES BYA BA NI BSTAN @46A *, ,PA'O; ,SDUG BSNGAL DANG BCAS PA ZHES BYA BA NI SDUG BSNGAL DANG YID MI BDE BA DANG LDAN PA'O, ,GNOD PA DANG BCAS PA ZHES BYA BA NI BDE BA'I TSOR BA RNAM PAR 'GYUR BA'O, ,'TSE BA DANG BCAS PA NI BDE BA YANG MA YIN SDUG BSNGAL YANG MA YIN PA'I TSOR BA LA DE GNYI GA LAS MA THAR PA'O, ,YONGS SU GDUNG BA DANG BCAS PA ZHES BYA BA NI BDE BA LA SOGS PA DAG LA CI RIGS PAR 'DOD CHAGS DANG ZHE SDANG DANG GTI MUG GI MES SO, ,YANG 'DAS PA NI SDUG BSNGAL DANG BCAS PA'O, ,MA 'ONGS PA LA NI GNOD PA DANG BCAS PA'O, ,GSOD PAR BYED PA ZHES BYA BA NI CHER 'KHON DU YONGS SU 'DZIN PA STON PAR BYED DO, ,PHYIR RGOL BA DANG DGRA BO ZHES BYA BA NI SNGA MA BZHIN NO, ,PHAM PA NI SKYES BU'I RTZAL MA SKYES PA SKYE BA DANG 'GAL BAR BYED PA'O, ,ZHOM PA NI SKYES PA DANG GNAS PA DANG 'GAL BAR BYED PA'O, ,'JIGS PAR BYED PA NI YANG DANG YANG DU MNGON DU PHYOGS PA'O, , GZHAN RGYAL BA NI RTZAL MA SKYES PA SKYE BA DANG 'GAL BAR BYED PA'O, ,RGYAB KYIS BSTAN PA NI RTZAL SKYES PA GNAS PA DANG 'GAL BAR BYED PA'O, ,NGAN PAR ZHOM PA DANG, RNAM PAR ZHOM PA DANG, BYE BRAG TU BCOM PA DANG, GNOD PA DANG, BSGYEL BA ZHES BYA BA'I TSIG 'DI DAG GI DON NI TSIG 'DI DAG GIS RIG PAR BYA'O, ,SNGON GYI MTHA' MI SHES PA NI 'DAS PA'I 'DU BYED RNAMS LA MI RTAG PA NYID DU MI SHES PA GANG YIN PA'O, ,PHYI MA'I MTHA' NI DA LTAR BYUNG BA RNAMS LA ZAD PA'I CHOS NYID DU MI SHES PA GANG YIN PA'O, ,SNGON GYI MTHA' DANG PHYI MA'I MTHA' NI MA 'ONGS PA RNAMS SKYE BA'I CHOS NYID DANG SKYES PA RNAMS ZAD PA'I CHOS NYID DU MI SHES PA GANG YIN PA'O, ,DE DE LTAR MA SHES PAS SNGON GYI MTHA' LA SOGS PA LAS BRTZAMS NAS CI BDAG 'DAS PA'I DUS NAS BYUNG BAR GYUR RAM ZHES BYA BA RGYAS PAR TSUL BZHIN MA YIN PA YID LA BYED DE, JI LTAR 'DUG ,JI LTA BUR 'GYUR, SEMS CAN 'DI DAG GA LAS 'ONGS, 'DI NAS SHI 'PHOS NAS GANG DU 'GRO BAR 'GYUR BA ZHES BYA BA 'DI NI SNGON GYI MTHA' DANG PHYI MA'I MTHA' LAS BRTZAMS NAS TSUL BZHIN MA YIN PA YID LA BYED PA'O, ,DE DE LTAR MI RTAG PA NYID LA KUN DU RMONGS PAS 'DU BYED RNAMS LA BDAG TU LTA BA'I RJES SU 'BREL CING NANG DANG PHYI DANG GNYI GA DAG LA CHOS TZAM @46B DU MI SHES TE, NANG NI NANG GI SKYE MCHED RNAMS LA'O, ,PHYI NI PHYI'I LNGA PO DAG LA'O, ,PHYI DANG NANG NI DBANG PO'I RTEN DE DAG NYID DANG CHOS KYI SKYE MCHED LA STE, CHOS DE DAG NI NANG GI YIN PAR YANG DMIGS SHING PHYI'I SKYE MCHED DAG GIS BSDUS PA YIN NO, ,LAS MI SHES PA LAS 'DU BYED TZAM DU MI SHES PA BDAG DANG BYED PA POR RTOG PAR BYED PA GANG YIN PA'O, ,RNAM PAR SMIN PA MI SHES PA NI SEMS CAN DANG SNOD DAG DANG YUL GZHAN LAS KYI RGYU CAN RNAMS LA DBANG PHYUG DANG BYED PA PO DANG 'BYIN PA POR RTOG PAR BYED PA GANG YIN PA'O, ,LAS DANG RNAM PAR SMIN PA MI SHES PA NI THAMS CAD DU RMONGS PA LAS DANG 'BRAS BU LA SKUR PA 'DEBS PAR BYED PA'I LOG PAR LTA BA THOB PA GANG YIN PA STE, 'DI NI 'DI LAS PHYI ROL PA RNAMS KYI MI SHES PA YIN PAR BSHAD DO, ,CHOS 'DI LA SO SO'I SKYE BO RNAMS SANGS RGYAS MI SHES PA NI CHOS KYI SKU'I RNAM PA DAG GI SGO NAS SO, ,CHOS MI SHES PA NI LEGS PAR GSUNGS PA LA SOGS PA'I RNAM PA'I SGO NAS SO, ,DGE 'DUN MI SHES PA NI LEGS PAR ZHUGS PA LA SOGS PA'I RNAM PA'I SGO NAS SO, ,SDUG BSNGAL LA SOGS PA MI SHES PA NI MDO SDE DAG LAS JI LTAR RNAM PAR PHYE BA'AM, RNAM PA BCU DRUG GI SGO NAS SO, ,RGYU DAG MI SHES PA NI MA RIG PA LA SOGS PA SRID PA'I YAN LAG RNAMS 'DU BYED LA SOGS PA'I RGYU NYID DU MI SHES PA'O, ,RGYU LAS BYUNG BA ZHES BYA BA NI 'DU BYED LA SOGS PA MA RIG PA LA SOGS PA'I RGYU LAS BYUNG BA NYID DU MI SHES SO, ,KUN NAS NYON MONGS PA DANG RNAM PAR BYANG BA'I PHYOGS KYI CHOS NI MI DGE BA RNAMS DANG DGE BA RNAMS SO, , KHA NA MA THO BA DANG BCAS PA DANG KHA NA MA THO BA MED PA NI NYES DMIGS DANG PHAN YON DANG LDAN PA'O, ,NAG PO DANG DKAR PO RNAMS NI MA RIG PA DANG RIG PA'I CHA DANG MTHUN PA'O, ,GNAG CING RNAM PAR SMIN PA GNAG PA RNAMS DANG DKAR ZHING RNAM PAR SMIN PA DKAR BA RNAMS SO SOR DBYE BA DANG BCAS PA RNAMS NI DKAR BA DANG, GNAG PA GANG DAG RNAM PAR SMIN PA DKAR BA DANG GNAG PA DE DAG THAMS CAD NI RGYU DANG RKYEN LAS BYUNG BA'I PHYIR NA RTEN CING 'BREL PAR 'BYUNG BA ZHES BYA BAR DE DAG MI SHES PA'O, ,REG PA'I SKYE MCHED DRUG YANG DAG PA JI LTA BA BZHIN MA RTOGS PA'AM ZHES BYA BA NI SKYE MCHED DRUG GI @47A *, ,SGO NAS BDE BA MYONG BAR 'GYUR BA LA SOGS PA'I REG PA SKYES PA RNAMS DANG DE 'GAGS PA DANG NYE BAR ZHI BA RNAMS YANG DAG PA JI LTA BA BZHIN MI SHES PA'O, ,YANG DAG PA JI LTA BA BZHIN MA SHES PAS ZHES BYA BA'I SBYOR BA 'DI NI CHOS YANG DAG PA JI LTA BA BZHIN RTOGS PAR BYA ZHING YE SHES DANG MTHONG BA DANG RTOGS PAR BYA BA'I PHYIR RO, ,GANG DE DANG DER ZHES BYA BA NI JI SKAD DU BSHAD PA'AM MA BSHAD PAR RO, ,MI SHES PA ZHES BYA BA NI LKOG TU GYUR PA'O, ,MA MTHONG BA ZHES BYA BA NI MNGON SUM DU MNGON DU MA GYUR PA'O, ,MNGON PAR MA RTOGS PA NI YANG DAG PA JI LTA BA BZHIN DU RTOGS PAR BYA BA GZHAN GYI DRING MI 'JOG PA LA'O, ,MUN PA NI YANG DAG PA'I DNGOS PO MI SHES PA'O, ,KUN TU RMONGS PA NI YANG DAG PA MA YIN PA'I DNGOS PO SGRO 'DOGS PA'O, ,MA RIG PA NI SHES BYA'I DNGOS PO LA MI MKHAS PA DE DANG DE DAG LA MA BYUNG BA STE, 'DI LTAR BSHAD PA DE DANG DE'I DON DANG MING DANG TSIG DANG YI GE'I TSOGS MI SHES PA'O, ,MUN PA NI THAMS CAD LA SKUR PA 'DEBS PA'I LOG PAR LTA BA DANG LDAN PA RNAMS KYI'O, ,SGRIB PA DANG CHOD PA DANG LONG BAR BYED PA ZHES BYA BA NI RGYAS PAR 'DI LTA STE, GZHI BSDU BA LAS RTOGS PAR BYA'O, ,KUN TU BSGRIBS PA DANG CHOD PA DANG MTHO BA DANG YONGS SU MTHO BA ZHES BYA BA NI RGYAS PAR 'DI LTA STE, SRED PA CAN GYI MDO LAS 'BYUNG BA BZHIN RTOGS PAR BYA'O, ,ZHE SA MI BYED PA NI ZHES MI BYED PAR SBYOR BA'O, ,BLA MAR MI BYED PA NI YON TAN LA YID MI CHES PAS SO, ,MNYES PAR MI BYED PA NI 'DOD PAS PHONGS PAR SBYOR BA'O, ,MCHOD PAR MI BYED PA NI THOB PA MED PAR SBYOR BA'O, ,YANG ZHE SA MI BYED CES BYA BA NAS MCHOD PAR MI BYED CES BYA BA'I BAR NI TSIG 'OG MA 'OG MA BSHAD PA YIN NO, ,GUS PAR MA BYAS PAS CHOS NYAN BLA MAR MA BYAS YID CHES PAR MA BYAS PAR ZHES BYA NI RGYAS PAR 'DI LTA STE, RNAM PAR GTAN LA DBAB PA BSDU BA LAS RIG PAR BYA'O, , GUS PAR MI NYAN PA NI NYAN PAR MI 'DOD PA'O, ,RNA MI GTOD PA NI SEMS RNAM PAR G-YENGS PA'O, ,KUN SHES PAR 'DOD PA'I SEMS NYE BAR 'JOG PAR MI BYED PA NI SGRUB PAR MI 'DOD PA NYID DO, ,SGRUB PAR MI BYED PA NI CHOS DANG MTHUN PA'I CHOS LA BSAM PA JI LTA BA BZHIN YANG DAG PAR MI RTAG @47B PA'O; ,YANG DAG PAR BLANG STE MI GNAS PA NI STON PA'I BSTAN PA KHONG DU MA CHUD PA'O, ,GSON PO RNAMS KYI NANG NA GNYID LOG PA NI DON MED PA'O ZHES BYA BA NI BSTAN PA'I TSIG GO, ,'BRAS BU MED PA ZHES BYA BA NI BDE 'GROR 'GRO BAR 'GYUR BA'I RGYU BSLU BA'O, ,'BRAS BU MA YIN PA ZHES BYA BA NI DE'I 'BRAS BU BSLU BA'O, ,DON MED PA NI MYA NGAN LAS 'DA' BA 'THOB PA'I RGYU BSLU BA'O, ,PHAN YON MED PA NI DE'I 'BRAS BU 'THOB PA BSLU BA'O, ,GNOD PA CHUNG NGAM ZHES DRI BA NI KHAMS MA SNYOMS PA LA BRTEN NAS SO, ,NYAM NGA BA CHUNG NGAM ZHES BYA BA NI LAS KYI MTHA'I SBYOR BA MI MNYAM PA MED PA LA BRTEN NAS SO, ,BSKYOD PA YANG NGAM ZHES BYA BA NI ZAS YI GAR 'ONG BA DANG ZOS PA BDE BLAG TU 'JU BA LA BRTEN NAS SO, ,'TSO BA DANG, STOBS DANG, BDE BA DANG, KHA NA MA THO BA MED PA RNAMS NI 'DI LTAR NYAN THOS KYI SA'I NANG DU KHA ZAS KYI TSOD RIG PA LAS SHES PAR BYA'O, ,RNAM PAR MI 'BYED SO SOR RNAM PAR MI 'BYED PA ZHES BYA BA NI RGYAS PAR 'DI LTA STE, NYAN THOS KYI SA LAS RIG PAR BYA'O, ,SEMS PAR MI BYED 'JAL BAR MI BYED CES BYA BA NI RGYAS PAR 'DI LTA STE, NYAN THOS KYI SA LAS RIG PAR BYA'O, ,NYUNG BA NI RAB TZAM ZHIG MED PA'O, ,CHUNG NGU NI DMAN PA TZAM ZHIG DANG LDAN PA'O, ,NYUNG SHAS NI THA SNYAD DU BYA BA TZAM ZHIG YONGS SU BZUNG BA'O, ,KHYAD PAR RAM ZHES BYA BA NI RANG GI MTSAN NYID KYI KHYAD PAR RO, ,BSAM PA'AM, ZHES BYA BA NI KUN RDZOB KYI MTSAN NYID KYI BYE BRAG GO, ,THA DAD DU BYA BA'AM, ,ZHES BYA BA NI RGYU'I MTSAN NYID KYI KHYAD PAR TE, 'DI NI RNAM GRANGS BSDU BA ZHES BYA'O, , 'DI DAG NI BDAG GI THA SNYAD MANG PO GDAGS PA'I RNAM GRANGS CHE LONG MDO SDE LAS BTUS NAS, DON GYI SGO NAS YANG YONGS SU BSTAN PA YIN GYI, SANGS RGYAS BCOM LDAN 'DAS RNAMS KYIS RNAM GRANGS STON PA NI TSAD MED DO, PHYOGS 'DI DANG BSLAB PA 'DI DANG BSTAN PA 'DIS KYANG 'DI DAG DANG RNAM GRANGS GZHAN RNAMS DANG DON GYI RNAMS GRANGS GZHAN DAG LA YANG BRTAG CING YONGS SU BSTAN PAR BYA, RNAM PAR GZHAG PAR BYA'O, ,RNAL 'BYOR SPYOD PA'I SA LAS RNAM GRANGS BSDU BA RDZOGS SO,, ,,'DI LA SHLO KA BDUN BRGYA NYI SHU RTZA LNGA YOD DO,, `, ,RNAM BSHAD BSDU BA BZHUGS, , @48A *, ,RNAL 'BYOR SPYOD PA'I SA LAS RNAM PAR BSHAD PA BSDU BA, DKON MCHOG GSUM LA PHYAG 'TSAL LO, ,RNAM PAR BSHAD PA BSDU BA GANG ZHE NA, SPYI SDOM NI, LUS DANG RNAM PAR BSHAD PA DANG, ,TSIG 'BRU DANG NI DON NYID DANG, ,CHOS DANG KUN NAS SLONG BA DANG, ,DON DANG RGOL BA'I LAN DANG NI, ,MTSAMS SBYAR BA DANG SMRA BA DANG, ,BSHAD DANG 'KHOR DANG NYAN PA DANG, ,SANGS RGYAS BSNGAGS PA BSDUS PA DANG, ,RGYAS DANG BSLAB PA'I PHAN YON YIN, ,DE LA MDO SDE'I LUS NI MDOR BSDU NA RNAM PA GNYIS TE, TSIG 'BRU DANG DON TO, ,DE LA TSIG 'BRU NI GNAS YIN LA DON NI DE LA GNAS PA YIN PAR RIG PAR BYA'O, ,DE GNYIS KA BSDUS PA NI SHES PAR BYA BA YIN NO, ,RNAM PAR BSHAD PA GANG ZHE NA, MDOR BSDU NA RNAM PAR LNGAR BLTA BAR BYA STE, CHOS DANG, KUN NAS SLONG BA DANG, DON DANG, RGOL BA'I LAN DANG, MTSAMS SBYAR BA'O, ,DE LA TSIG 'BRU NI RNAM PA DRUG STE, MING GI TSOGS RNAMS DANG, TSIG GI TSOGS RNAMS DANG, YI GE'I TSOGS RNAMS DANG, NGAG DANG, RNAM PA DANG, BSTAN PA'O, ,DE LA MING GI TSOGS RNAMS NI YANG DAG PAR SHES PAR BYED PA'I TSIG BLA DAGS YIN NO, ,DE YANG RNAM PA BCU GNYIS TE, NYE BAR BTAGS PA LAS BYUNG BA DANG, YANG DAG PA'I DNGOS PO DANG, RIGS PA DANG 'BREL BA DANG, SO SO DANG 'BREL BA DANG, YON TAN LAS BYUNG BA DANG, THA SNYAD LAS BYUNG BA DANG, GRAGS PA DANG, MA GRAGS PA DANG, GSAL BA DANG, MI GSAL BA DANG, BSDUS PA DANG, RGYAS PA'O, ,DE LA NYE BAR BTAGS PA LAS BYUNG BA'I MING NI RE ZHIG NANG GI NGAG LA SEMS CAN DANG SROG CES BYA BA LA SOGS PA DANG, PHYI ROL GYI DAG LA BUM PA DANG SNAM BU ZHES BYA BA LA SOGS PA'O, ,YANG DAG PA'I DNGOS PO'I MING NI 'DI LTA STE, MIG LA SOGS PA DANG GZUGS LA SOGS PA'I DBANG PO DANG DON RNAMS KYI'O, ,RIGS DANG 'BREL BA'I MING NI SEMS CAN DANG GZUGS DANG, TSOR BA DANG 'BYUNG BA CHEN PO ZHES BYA BA LA SOGS PA'O, ,SO SO DANG 'BREL PA'I MING NI SANGS RGYAS BYIN DANG YON TAN BSHES GNYEN DANG SNGON PO DANG SER PO ZHES BYA BA LA SOGS PA'O, ,YON TAN LAS BYUNG BA'I MING NI 'DI LTA STE, GZUGS SU RUNG BAS GZUGS DANG, TSOR BAR BYED PAS @48B TSOR BA DANG, NYIN MOR BYED PAS NYI MA DANG, SREG PAR BYED PAS ME ZHES BYA BA LA SOGS PA'O, ,THA SNYAD LAS BYUNG BA'I MING NI 'DI LTA STE, DBUL PO LA PHYUG PO ZHES BYA BA LTA BU DANG, GZHAN YANG DON LA MI LTOS PAR MING RNAM PAR GZHAG PA GANG YIN PA'O, ,GRAGS PA'I MING NI YONGS SU RTOG PA'I MING GANG YIN PA'O, ,MA GRAGS PA'I MING NI DE LAS BZLOG PA YIN NO, ,GSAL BA'I MING NI GANG GI DON SHES PA'O, ,MI GSAL BA'I MING NI GANG GI DON MI SHES PA STE, 'GRO LDING BA'I RIG SNGAGS LTA BU'O, ,BSDUS PA'I MING NI YI GE GCIG GANG YIN PA'O, ,RGYAS PA'I MING NI YI GE MANG PO GANG YIN PA'O, , DE LA TSIG GI TSOGS RNAMS NI MING DANG YI GE YONGS SU RDZOGS PA GANG YIN PA'O, ,DE YANG RNAM PA DRUG STE, YONGS SU MA RDZOGS PA'I TSIG DANG, YONGS SU RDZOGS PA'I TSIG DANG, BSGRUB PA'I TSIG DANG, SGRUB PA'I TSIG DANG, BSTAN PA'I TSIG DANG, BSHAD PA'I TSIG GO, ,DE LA YONGS SU MA RDZOGS PA'I TSIG NI TSIG 'BRU MA RDZOGS PA DANG, DON MA RDZOGS PA LAS BLTA BAR BYA'O, ,YONGS SU RDZOGS PA'I TSIG NI TSIG GNYIS PAS YONGS SU RDZOGS PAR 'GYUR BA GANG YIN PA STE, 'DI LTA STE, DPER NA, SDIG PA THAMS CAD CES BYA BA'I TSIG 'BRU NI MA RDZOGS PA YIN LA, SDIG PA THAMS CAD CES BYA BA'I DON KYANG YONGS SU MA RDZOGS PA YIN PAS MI BYA STE ZHES BYA BA'I TSIG DES YONGS SU RDZOGS PAR 'GYUR BA LTA BU'O, ,BSGRUB PA'I TSIG NI GONG MA'I 'OG MAS SGRUB PA GANG YIN PA STE, 'DI LTA STE, DPER NA, KYE MA 'DU BYED MI RTAG STE ZHES BYA BA DE, SKYE ZHING 'JIG PA'I CHOS CAN YIN ZHES BYA BAS BSGRUB PAR BYA BA LTA BU'O, , DE LA SNGA PHYI'I BSGRUB PAR BYA BA GANG YIN PA DE NI BSGRUB PA'I TSIG YIN LA GANG GIS SGRUB PAR BYED PA DE NI SGRUB PA'I TSIG YIN NO, ,DE LA BSTAN PA'I TSIG NI 'DI LTA STE, DPER NA, DAM PA RNAMS ZHES BYA BA LTA BU'O, ,BSHAD PA'I TSIG NI YANG DAG PAR SONG BA RNAMS DANG SKYES BU DAM PA RNAMS ZHES BYA BA LTA BU'O, , YANG NA YONGS SU RDZOGS PA DANG YONGS SU MA RDZOGS PA'I MING NI TSIG YIN TE, GANG LA DE GNYIS KYIS MTHAR THUG PAR 'GYUR BA YIN NO, ,DE LA YI GE'I TSOGS RNAMS NI YI GE BZHI BCU RTZA DGU PO DAG GO, ,DE LA 'DUN PA SNGON DU BTANG BA NI MING NGO, ,MING SNGON DU BTANG BA NI TSIG DANG YI GE'I TSOGS @49A *, ,RNAMS SO, ,TSIG GANG YIN PA DE NI MING YANG YIN LA YI GE YANG YIN NO, ,YI GE GCIG GANG YIN PA DE NI TSIG MA YIN NO, ,MING GIS MA BSDUS PA'I YI GE GANG YIN PA DE NI YI GE KHO NA YIN GYI MING MA YIN NO, ,CI'I PHYIR MING GI TSOGS LA SOGS PA 'DOGS PAR MDZAD CE NA, 'DI LTA STE, TSIG BLA DAGS KYI 'DUS TE REG PA LAS BYUNG BA'I TSOR BA SO SOR MYONG BAR BYA BA'I PHYIR RO, ,MING ZHES BYA BA'I DON GANG ZHE NA, MING SNA TSOGS SU LEGS PAR SHES PAR BYED PA'I PHYIR MING NGO, ,YANG YID KYIS MTSAN MAR BYED PA'I PHYIR MING NGO, ,YANG LKOG TU GYUR PA'I DON BSTAN PA'I PHYIR TSIG GIS BRJOD PAR BYED PA'I PHYIR MING NGO, ,MING GIS MTHA' BLANGS PA'I PHYIR TSIG GO, ,MING DANG TSIG RJES SU GSAL BAR BYED PA'I PHYIR YI GE'I TSOGS RNAMS SO, ,BCOM LDAN 'DAS KYIS TSIG BLA DAGS DANG TSIG BLA DAGS KYI LAM ZHES RGYA CHER GANG GSUNGS PA DE LA TSIG BLA DAGS NI SDE PA MTHA' DAG LAS BYUNG BA DANG RIGS DANG 'BREL PA'I MING NGO, ,TSIG BLA DAGS KYI LAM NI SDE PA DE DANG RIGS DE DANG 'DUN PA STE DE KUN NAS SLONG BAR BYED PA'I PHYIR RO, ,NGES PA'I TSIG NI BSTAN PA DANG BSHAD PA DE DANG DE DAG RE RE LA DE BSGRUB PA'I TSIG GANG YIN PA'O, ,DE'I RTEN DE NI LAM MO, ,'DOGS PA NI RE RE NAS RNAM PAR DBYE BA 'DOGS PAR BYED PA'O, ,DE'I RTEN DE NI LAM MO, ,'DUN PA NI NGES PAR BSHAD ZIN TE 'DUN PA GUD MED DO, ,DE'I TSIG BLA DAGS 'DOGS PAR BYED PA NI LAM MO, ,MING GI TSOGS LA SOGS PA DE DAG GI RTEN NI MDOR BSDU NA RNAM PA DRUG STE, 'DI LTA STE, CHOS DANG, DON DANG, GANG ZAG DANG, DUS DANG, GRANGS DANG SKABS SO, ,DE DAG GI RAB TU DBYE BA NI 'DI LTA STE, THOS PA LAS BYUNG BA'I SAR BSTAN PA BZHIN DU RIG PAR BYA'O, ,DE LA NGAG NI DMOR BSDU NA GRONG KHYER BA DANG SNYAN CING 'JEBS PA LA SOGS PA YAN LAG BRGYAD DANG LDAN PA YIN PAR RIG PAR BYA STE, DE TSIG DANG YI GE 'BYOR PA ZHES BYA BA NAS 'GRUS SKYONG GI YAN LAG GI TSOGS ZHES BYA BA'I BAR GYIS CHOS STON PAR BYED PA'O, ,DE LA NGAG GRONG KHYER PA NI MYA NGAN LAS 'DAS PA'I GRONG KHYER GYI DBANG DU BYAS PA YIN PA'I PHYIR RO, ,SNYAN CING 'JEBS PA NI SGRA MNYEN ZHING SNYAN PA NYID KYI PHYIR RO, ,RNAM PAR GSAL BA NI TSIG DANG @49B YI GE LEGS PAR 'BYOR PA NYID KYI PHYIR RO, ,MNYAN PAR 'OS PA NI CHOS DANG DON DANG LDAN PA NYID KYI PHYIR RO, ,MI RTEN PA NI DAD PA'I BYA BA LA MI RTEN PA NYID KYI PHYIR RO, ,MI MTHUN PA MED PA NI RAN PAR SMRA BA NYID KYI PHYIR RO, MI GTUGS PA NI RGYA CHE ZHING MKHAS PA NYID KYI PHYIR RO, ,NGAG RNAM PA BRGYAD PO DE DAG GI YON TAN YANG MDOR BSDU NA RNAM PA GSUM DU RIG PAR BYA STE, DBANG DU BYA BA NI RNAM PA GCIG GIS SO, ,NGO BO NYID NI RNAM PA GNYIS KYIS SO, ,SBYOR BA NI LHAG MA RNAMS KYIS SO, ,DE LA 'BYOR PA NI MING DANG TSIG DANG YI GE'I TSOGS RNAMS KYI GO RIMS LEGS PAR 'BYOR PA NYID KYI PHYIR RO, ,YANG RIGS PA BZHI LA BRTEN PA'I PHYIR 'BYOR PA YIN NO, ,'BREL PA NI SGRUB PA DANG 'BREL BA'I PHYIR RO, ,RJES SU MTHUN PA NI RNAM PAR BSHAD PA DANG RJES SU MTHUN PA'I PHYIR RO, ,RJES SU 'PHROD PA NI TSIG DANG YI GE GSAL BA RNAMS DANG DANG BA RNAMS KYIS SO, ,THABS DANG LDAN PA NI SNYING LA 'BAB PA NYID KYI PHYIR RO, 'CHAM PA NI 'KHOR DANG 'TSAM PA'I PHYIR RO, ,MTHUN PA NI CHOS DANG LDAN PA DANG DON DANG LDAN PA DANG DUS DANG MTHUN PA'I PHYIR RO, ,'GRUS SKYONG GI YAN LAG GI TSOGS ZHES BYA BA LA 'GRUS SKYONG ZHES BYA BA NI GUS PAR BYED PA DANG RTAG TU BYED PA'O, ,DE'I YAN LAG RNAMS NI YANG DAG PA'I LTA BA LA SOGS PA STE, DE DAG GI TSOGS SU GYUR PA YIN PA'I PHYIR RO, ,DE LA RNAM PA NI 'DI LTA STE, PHUNG PO DANG LDAN PA RNAMS DANG KHAMS DANG LDAN PA RNAMS DANG SKYE MCHED DANG LDAN PA RNAMS TE, RTEN CING 'BREL BAR 'BYUNG BA DANG LDAN PA RNAMS DANG, GNAS DANG, , GNAS MA YIN PA DANG LDAN PA RNAMS DANG, DRAN PA NYE BAR GZHAG PA DANG LDAN PA RNAMS DANG, DRAN PA DE LTA BU LA SOGS PA DANG LDAN PA RNAMS DANG, DE BZHIN DU NYAN THOS KYIS BSHAD PA'AM, DE BZHIN GSHEGS PAS GSUNGS PA'AM, BYANG CHUB SEMS DPAS BSHAD PA NI RNAM PA ZHES BYA'O, ,DE LA BSTAN PA NI GANG LA BRTEN NAS GTAM ZER BA'O, ,DE YANG DBANG PO LA SOGS PA'I DBYE BAS GANG ZAG RNAM PA NYI SHU RTZA BDUN DU RIG PAR BYA STE, DE LA DBANG PO'I DBYE BAS NI DBANG PO RTUL PO DANG, DBANG PO RNON PO'O, ,'DI LTA STE, NYAN THOS KYI SAR 'DOD CHAGS SPYAD PA LA @50A *, ,SOGS PA BSTAN PA BZHIN NO, ,PHYOGS KYI DBYE BAS NI KHYIM PA DANG RAB TU BYUNG BA'O, ,SMON LAM GYI DBYE BAS NI NYAN THOS DANG RANG SANGS RGYAS DANG BYANG CHUB SEMS DPA'O, ,BSGRUB TU RUNG BA DANG BSGRUB TU MI RUNG BA DBYE BAS NI YONGS SU MYA NGAN LAS 'DA' BA'I CHOS DANG, YONGS SU MYA NGAN LAS MI 'DA' BA'I CHOS CAN NO, ,SBYOR BA'I DBYE BAS NI MA ZHUGS PA DANG ZHUGS PA DANG, BSGRIBS PA DANG MA BSGRIBS PA DANG, YONGS SU MA SMIN PA DANG YONGS SU SMIN PA DANG, 'CHING BA MTHA' DAG YOD PA DANG, 'CHING BA MA TSANG BA DANG, 'CHING BA MED PA'O, ,RIGS KYI DBYE BAS NI MI DANG MI MA YIN PA'O, ,TSIG 'BRU DE DAG THAMS CAD BSDUS NA RNAM PA BZHIS TSIG 'BRU ZHES BYA STE, GANG STON PA NI 'DI LTA STE, MING LA SOGS PA NAS RNAM PAR MTHAR THUG PA'I BAR DAG GO, ,GANG LA STON PA NI 'DI LTA STE, GANG ZAG NYI SHU RTZA BDUN LA STON PAS BSDUS SO, ,GANG GIS STON PA NI 'DI LTA STE, NGAG GIS SO, ,SU STON PA NI SANGS RGYAS DANG NYAN THOS DANG BYANG CHUB SEMS DPA' STE, DE DAG THAMS CAD NI TSIG 'BRU RNAM PA DRUG GIS YONGS SU BSTAN PA YIN NO, ,GANG YANG RUNG BA ZHIG MA TSANG NA DON MNGON PAR GSAL BAR MI 'GYUR LA DE DAG GIS DON MNGON PAR GSAL BAR BYED PAS DE'I PHYIR TSIG 'BRU NI GSAL BAR BYED CES BYA'O, ,DON GANG ZHE NA, MDOR BSDU NA RNAM PA BCUR BLTA BAR BYA STE, 'DI LTA STE SA'I DON DANG, MTSAN NYID KYI DON DANG, YID LA BYED PA'I DON DANG, DBANG DU BYA BA'I DON DANG, PHAN YON GYI DON DANG, NYES DMIGS KYI DON DANG, MI MTHUN PA'I PHYOGS KYI DON DANG, GNYEN PO'I DON DANG, BSDUS PA'I DON DANG, RGYAS PA'I DON TO, ,DE LA SA'I DON NI MDOR BSDU NA SA LNGA STE, TSOGS KYI SA DANG, SBYOR BA'I SA DANG, MTHONG BA'I SA DANG, BSGOM PA'I SA DANG, MTHAR THUG PAR 'GRO BA'I SA'O, ,RGYAS PAR BYAS NAS BCU BDUN TE, RNAM PAR SHES PA TSOGS LNGA DANG LDAN PA LA SOGS PA PHUNG PO MED PA'I SA'I MTHAR THUG PA'I BAR DAG GO, ,DE LA MTSAN NYID KYI DON NI RNAM PAR LNGA BLTA BAR BYA STE, RANG GI MTSAN NYID DANG, SPYI'I MTSAN NYID DANG, BRDA'I MTSAN NYID DANG, RGYU'I MTSAN NYID DANG, 'BRAS BU'I MTSAN NYID DO, ,DE DAG GI RNAM PAR DBYE BA NI 'DI LTA STE, BSAMS PA LAS BYUNG BA'I SAR @50B BSTAN PA BZHIN NO, ,MTSAN NYID MED PA LA YANG SNGA MA KHO NA BZHIN DU BSAMS PA LAS BYUNG BA'I SAR JI SKAD BSTAN PA DE BZHIN DU BLTA BAR BYA'O, ,DE LA YID LA BYED PA'I DON NI YID LA BYED PA LA BYED PA BDUN TE, MTSAN NYID SO SOR RIG PA LA SOGS PA 'DI LTA STE, NYAN THOS KYI SAR SNGAR BSTAN PA BZHIN NO, ,SHES PA BCU NI, SDUG BSNGAL SHES PA DANG, KUN 'BYUNG BA SHES PA DANG, 'GOG PA SHES PA DANG, LAM SHES PA DANG, CHOS SHES PA DANG, RJES SU RTOGS PA SHES PA DANG, PHA ROL GYI SEMS SHES PA DANG, KUN RDZOB SHES PA DANG, ZAD PA SHES PA DANG, MI SKYE BA SHES PA STE, DE DAG GI RNAM PAR DBYE BA YANG 'DI LTA STE; ,NYAN THOS KYI SAR BSTAN PA BZHIN NO, ,RNAM PAR SHES PA'I TSOGS DRUG NI MIG GI RNAM PAR SHES PA NAS YID KYI RNAM PAR SHES PA'I BAR TE, 'DI LTA STE, RNAM PAR SHES PA'I TSOGS LNGA DANG LDAN PA DANG, YID KYI SAR SNGAR BSTAN PA BZHIN NO, ,YONGS SU SHES PA NI DGUS TE, 'DOD PA DANG LDAN PA'I SDUG BSNGAL DANG KUN 'BYUNG BA MTHONG BAS SPANG BAR BYA BA RNAMS SPANGS PA NA YONGS SU SHES PA GCIG GO, ,GZUGS DANG GZUGS MED PA DANG LDAN PA'I SDUG BSNGAL DANG KUN 'BYUNG MTHONG BAS SPANG BAR BYA BA RNAMS SPANGS PA NI YONGS SU SHES PA GNYIS PA'O, ,'DOD PA DANG LDAN PA'I 'GOG PA MTHONG BAS SPANG BAR BYA BA RNAMS SPANGS PA NI YONGS SU SHES PA GSUM PA'O, ,GZUGS DANG GZUGS MED PA DANG LDAN PA'I 'GOG PA MTHONG BAS SPANG BAR BYA BA RNAMS SPANGS PA NI YONGS SU SHES PA BZHI PA'O, ,'DOD PA DANG LDAN PA'I LAM MTHONG BAS SPANG BAR BYA BA RNAMS SPANGS PA NI YONGS SU SHES PA LNGA PA'O, ,GZUGS DANG GZUGS MED PA DANG LDAN PA'I LAM MTHONG BAS SPANG BAR BYA BA RNAMS SPANGS PA NI YONGS SU SHES PA DRUG PA'O, ,THA MA'I CHA DANG MTHUN PA KUN TU SBYOR BA RNAMS SPANGS PA NI YONGS SU SHES PA BDUN PA'O, ,GZUGS KYI 'DOD CHAGS MZAD PA NI YONGS SU SHES PA BRGYAD PA'O, , GZUGS MED PA'I 'DOD CHAGS ZAD PA NI YONGS SU SHES PA DGU PA STE, DE DAG GI RNAM PAR DBYE BA NI 'DI LTA STE, MNYAM PAR GZHAG PA'I SAR BSTAN PA BZHIN NO, ,RNAM PAR THAR PA'I SGO GSUM NI STONG PA NYID DANG, SMON PA MED PA DANG MTSAN MA MED PA STE, DE DAG GI RNAM PAR DBYE BA YANG 'DI @51A *, ,LTA STE, MNYAM PAR GZHAG PA'I SAR BSTAN PA BZHIN DU RIG PAR BYA'O, ,DE LA YID LA BYED PA DU DAG GIS YID LA BYA BA DANG SHES PA DAG GIS SHES PAR BYA BA DANG, RNAM PAR SHES PA DU DAG GIS RNAM PAR SHES PAR BYA BA DANG, YONGS SU SHES PAR BYA BA DU DAG GIS YONGS SU SHES PAR BYA BA DANG, RNAM PAR THAR PA'I SGO DU DAG GIS RNAM PAR THAR PAR BYA BA DE LTAR CHOS YONGS SU BRTAG PA BRTZAM PAR BYA'O, ,DE LA DBANG DU BYA BA'I DON NI MDOR BSDU NA RNAM PA GSUM STE, 'DI LTA STE, DNGOS PO'I DBANG DU BYA BA DANG, DUS KYI DBANG DU BYA BA DANG, GANG ZAG GI DBANG DU BYA BA'O, , DE LA DNGOS PO'I DBANG DU BYA BA YANG RNAM PA GSUM STE, DNGOS GZHI'I DNGOS PO'I DBANG DU BYA BA DANG, DE'I THOB PA'I THABS KYI DNGOS PO'I DBANG DU BYA BA DANG, GZHAN GYIS RJES SU SNYING BRTZE BA'I DNGOS PO'I DBANG DU BYA BA'O, ,DE LA DNGOS GZHI'I DNGOS PO'I DBANG DU BYA BA NI RNAM PA DRUG STE, 'DI LTA STE, BDE 'GRO DANG, NGAN 'GRO DANG, NYAMS PA DANG, KHYAD PAR DANG, 'KHOR BA DANG, MYA NGAN LAS 'DAS PA'O, ,DE'I THOB PA'I THABS KYI DNGOS PO'I DBANG DU BYA BA NI RNAM PA BCU GNYIS TE, 'DI LTA STE, SPYOD PA BCU GNYIS PO 'DOD PA'I SPYOD PA DANG, NGES PAR 'BYUNG BA'I SPYOD PA DANG, DGE BA'I SPYOD PA DANG, MI DGE BA'I SPYOD PA DANG, DRAG PO'I SPYOD PA DANG, DRAG PO MA YIN PA'I SPYOD PA DANG, NYAMS PA'I CHA DANG MTHUN PA'I SPYOD PA DANG, KHYAD PAR GYI CHA DANG MTHUN PA'I SPYOD PA DANG, KUN NAS NYON MONGS PA'I SPYOD PA DANG, RNAM PAR BYANG BA'I SPYOD PA DANG, BDAG GI DON GYI SPYOD PA DANG, GZHAN GYI DON GYI SPYOD PA'O, ,GZHAN GYIS RJES SU SNYING BRTZE BA'I DNGOS PO'I DBANG DU BYA BA NI RNAM PA LNGA STE, 'DI LTA STE, 'DUN PA BZLOG PA DANG, YANG DAG PAR STON PA DANG, YANG DAG PAR 'DZIN DU 'JUG PA DANG, YANG DAG PAR GZENGS PA BSTOD PA DANG, YANG DAG PAR RAB TU DGA' BAR BYED PA'O, ,DE LA BDE 'GRO NI MI RNAMS DANG LHA RNAMS SO, ,NGAN 'GRO NI NGAN SONG RNAMS SO, ,DE LA NYAMS PA NI RNAM PA GNYIS TE, GZHAN LA BRTEN PA DANG, GZHAN LA BRTEN PA MA YIN NO, ,DE LA DANG PO NI BDAG NYID KYI TSE NYAMS PA'O, ,TSE JI LTA BA BZHIN DU KHA DOG DANG, STOBS DANG, @51B LONGS SPYOD DANG, SNYAN PA DANG, BDE BA DANG, SPOBS PA LA SOGS PA LA YANG DE BZHIN DU RIG PAR BYA'O, ,GNYIS PA NI DGE BA NYAMS PA DANG DBANG PHYUG GI BDAG PO NYAMS PA DANG DBANG CHUNG BAR GRAGS PA NYID DANG, TSIG MI BTZUN PA NYID DANG, SHES RAB 'CHAL BA NYID DANG, GZUGS DANG SGRA DANG DRI DANG RO DANG REG BYA RGYA CHEN PO MA YIN PA 'THOB PA DANG, DE DAG LONGS SPYOD RGYA CHEN PO DAG LA SEMS MI 'JUG PA DANG, DE LTA BU DANG MTHUN PA DAG NYAMS PAR RIG PAR BYA'O, ,KHYAD PAR NI DE LAS BZLOG PA LAS CI RIGS PA KHO NAR RIG PAR BYA'O, ,DE LA 'KHOR BA NI BDE 'GRO DANG NYAMS PA DANG KHYAD PAR DE DAG NYID YIN NO, ,MYA NGAN LAS 'DAS PA NAS PHUNG PO'I LHAG MA DANG BCAS PAS PHUNG PO'I LHAG MA MED PA'I MYA NGAN LAS 'DAS PA'I DBYINGS SO, ,DE LA 'DOD PA'I SPYOD PA NI 'DI LTA STE, 'DOD PA LA LONGS SPYOD PA BCU PO DAG STE BAR MA LAS 'BYUNG BA BZHIN NO, ,NGES PAR 'BYUNG BA'I SPYOD PA NI LONGS SPYOD DE DAG NYID MI RTAG PA LA SOGS PAR SHES NAS RAB TU BYUNG ZHING TSUL KHRIMS DANG DBANG PO SDOM PA LA SOGS PA GANG YIN PA'O, ,DGE BA'I SPYOD PA NI SBYIN PA DANG TSUL KHRIMS DANG BSGOM PA DAG GIS ZAG PA DANG BCAS PA'I DGE BA SPYOD PA GANG YIN PA'O, ,MI DGE BA'I SPYOD PA NI NYES PAR SPYOD PA RNAM PA GSUM SPYOD PA'O, ,DRAG PO'I SPYOD PA NI 'DI LTA STE, GCER BU DANG GOS MED PA LA SOGS PA DAG GO, ,DRAG PO MA YIN PA'I SPYOD PA NI 'DI LTA STE, CHOS KYIS THOB PA'I BDE BA YONGS SU MI SPONG ZHING, MTHA' GNYIS PO 'DOD PA'I BSOD NAMS KYI RJES SU SBYOR BA'I MTHA' DANG BDAG NYID NGAL BA'I RJES SU SBYOR BA'I MTHA' YONGS SU SPANGS NAS DBU MA'I LAM LA BRTEN TE CHOS KYIS GOS LA SOGS PA YONGS SU TSOL ZHING LONGS SPYOD PA GANG YIN PA'O, ,NYAMS PA'I CHA DANG MTHUN PA'I SPYOD PA NI 'DI LTA STE, TSE LA SOGS PA'I KHYAD PAR GYI BAR DU GCOD PA SPYOD PA'O, ,KHYAD PAR GYI CHA DANG MTHUN PA'I SPYOD PA NI 'DI LTA STE, NE TZO'I MDO LAS 'BYUNG BA BZHIN DU DE LAS BZLOG PA LAS RIG PAR BYA'O, ,KUN NAS NYON MONGS PA'I SPYOD PA NI MDOR BSDU NA RNAM PA GSUM STE, LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA DANG, 'JUG PA'I KUN NAS @52A *, ,NYON MONGS PA'O, ,DE DAG GI RTZA BA'I GZHI NI RNAM PA DGUR RIG PAR BYA STE, LAS KYI KUN NAS NYON MONGS PA'I NI CHAGS PA DANG ZHE SDANG DANG GTI MUG RNAMS SO, ,NYON MONGS PA'I KUN NAS NYON MONGS PA'I NI PHYIN CI LOG BZHI'O, ,'JUG PA'I KUN NAS NYON MONGS PA'I NI MA RIG PA DANG SRID PA'I SRED PA'O, ,DE CI'I PHYIR ZHE NA, 'DI LTAR LAS KYI KUN NAS NYON MONGS PA NI MI DGE BA'I RTZA BA GSUM PO DAG GIS SKYE BAR 'GYUR LA, NYON MONGS PA'I KUN NAS NYON MONGS PA NI PHYIN CI LOG BZHIS SKYE BAR 'GYUR BA DANG, NYON MONGS PA SKYES NA RAB TU BYUNG BA RNAMS KYI 'JUG PA'I KUN NAS NYON MONGS PA NI MA RIG PA'I SGO NAS SKYE BAR 'GYUR LA KHYIM PA GNAS PA RNAMS KYI 'JUG PA'I KUN NAS NYON MONGS PA NI SRID PA'I SRED PA'I SGO NAS SKYE BAR 'GYUR BA'I PHYIR RO, ,RNAM PAR BYANG BA'I SPYOD PA NI MDOR BSDU NA BSLAB PA GSUM DANG, SA LNGA STE TSOGS KYI SA NAS MTHAR THUG PAR 'GRO BA'I SA'I BAR DU SNGA MA BZHIN NO, ,BSLAB PA LA SOGS PA DE DAG GI RTZA BA'I GZHI YANG RNAM PA DGUR RIG PAR BYA STE, LHAG PA'I TSUL KHRIMS DANG LHAG PA'I SEMS KYIS NI CHAGS PA MED PA DANG ZHE SDANG MED PA DANG, GTI MUG MED PA RNAMS SO, ,TSOGS KYI SA DANG SBYOR BA'I SA NI PHYIN CI MA LOG PA BZHI'O, ,LHAG PA'I SHES RAB KYI BSLAB PA DANG, MTHONG BA'I SA DANG, BSGOM PA'I SA DANG, MTHAR THUG PAR 'GRO BA'I SA NI RIG PA DANG RNAM PAR GROL BA'O, ,DE LA BDAG GI DON GYI SPYOD PA NI 'DI LTA STE, BDAG LA PHAN PA SGRUB PA GANG YIN PA STE, 'DI LTA STE, NYAN THOS DANG RANG SANGS RGYAS DAG GI'O; ,'DI LTAR DE DAG NI LAN 'GA' GZHAN GYI DON SGRUB PA LA YANG BYED MOD KYI GZHAN GYI DON KHO NA LA 'JUG PA MA YIN PAS DE'I PHYIR BDAG GI DON GYI SPYOD PA KHO NA ZHES BYA'O, ,GZHAN GYI DON GYI SPYOD PA NI SKYE BO MANG PO LA BDE BA LA SOGS PA'I PHYIR GZHAN LA PHAN PA SGRUB PA GANG YIN PA STE, 'DI LTA STE, BYANG CHUB SEMS DPA' RNAMS DANG, DE BZHIN GSHEGS PA RNAMS KYI'O, ,DE LA 'DUN PA ZLOG PA NI NAG PO'I PHYOGS KYI SPYOD PA DRUG GI MI BSNGAGS PA BRJOD PA DANG, NYES DMIGS YANG DAG PAR STON PA GANG YIN PA'O, ,DE LA YANG DAG PAR STON PA NI DKAR PO'I SPYOD PA RNAMS YANG DAG PAR @52B 'DZIN DU GZHUG PA'I PHYIR RIGS PA BZHI YANG DAG PAR STON PA GANG YIN PA'O, ,DE LA YANG DAG PAR 'DZIN DU GZHUG PA NI YANG DAG PAR BSTAN CING MOS PAR GYUR PA RNAMS BSLAB PA'I GZHI GZUNG BA BSGRUB PA LA 'DI LTA STE, GDON MI ZA BAR BYAS NAS BDAG GIS DA CI ZHIG BGYI ZHES ZER BA LA KHYOD KYIS 'DI LTA 'DI LTAR SGRUBS SHIG CES YANG DAG PAR SBYOR BAR BYED PA GANG YIN PA'O, ,DE LA YANG DAG PAR GZENGS BSTOD PA NI KUN SHES PA'AM BSGRUB PA'AM, THOB PAR BYA BA LA SEMS ZHUM PA'I TSE NA SKAL BA DANG LDAN ZHING MTHU YOD PAS SEMS YANG DAG PAR 'DZIN PA NYID GANG YIN PA'O, ,DE LA YANG DAG PAR RAB TU DGA' BAR BYED PA NI CHOS KYI RJES SU MTHUN PA'I CHOS SGRUB PA LA YANG DAG PA'I BSNGAGS PA RJOD PAR BYED PA GANG YIN PA'O, ,'DUN PA BZLOG PAR BYED PA YIN LA YANG DAG PAR STON PAR BYED PA MA YIN PA YANG YOD DE 'DI LTA STE, CHE GE MO ZHIG 'DI SKAD ZER GYIS 'DI MA BYED CIG CES GZHAN GYI TSIG GIS 'DUN PA ZLOG PAR BYED PA'AM, GAL TE BYED NA 'DI DANG 'DI LTAR BYA'O ZHES BSDIGS PAR BYED PA'AM, KHO BO LA BYAMS PA'I PHYIR MA BYED CIG CES GSOL BA 'DEBS PAR BYED PA LTA BU'O, ,YANG DAG PAR STON PA YIN LA, 'DUN PA ZLOG PAR BYED PA MA YIN PA YANG YOD DE, 'DI LTA STE; YON TAN DANG SKYON THA MAL PA LA YANG DAG PAR STON PAR BYED LA DE SKYON LAS BZLOG TU MI RUNG BA LTA BU'O, ,YANG DAG PAR STON PAR BYED 'DUN PA ZLOG PAR BYED PA NI 'DI LTA STE, SKYON LA GNAS PA LA YANG DAG PAR BSTAN NAS 'DUN PA ZLOG PAR BYED PA LTA BU'O, ,DE LA YANG DAG PAR 'DZIN DU YANG 'JUG PA LA YANG DAG PAR GZENGS STOD PAR BYED PA NI DANG PO NYID DU BSLAB PA YANG DAG PAR MA BLANGS PA DANG, GONG MA'I KHYAD PAR LA ZHUM PA NA KHYAD PAR RTZOM PA LA'O, ,YANG DAG PAR RAB TU DGA' BA LA PHAN YON LNGA YOD DE, YANG DAG PAR RAB TU DGA' BA NA RANG GI RTOGS PA LA NGES PAR 'GYUR BA DANG, GZHAN DAG DE'I YON TAN RTOGS PAR BYA BA LA DGA' BA SKYE BA DANG, ZHE 'GRAS PA RNAMS DE LA DAD PAR 'GYUR BA DANG, MA DAD PA RNAMS THA MAL PAR GNAS PAR 'GYUR BA DANG, DAD PA RNAMS PHYIR ZHING 'BYUNG BAR 'GYUR BA'O, ,YANG DAG PAR DGA' BAR BYED PA'I GANG @53A *, ,ZAG NI YID DU 'ONG BA'I LHA'I RIS SU SKYE BAR 'GYUR BA'I LAS BYED CING SOGS TE, DE NI GANG DANG GANG DU SKYE BA DE DANG DER YID DU 'ONG BA 'BA' ZHIG THOB PAR 'GYUR GYI, YID DU MI 'ONG BA NI MA YIN NO, ,DE LA 'DOD PA'I SPYOD PAS NI BDE 'GROR 'GRO BAR 'GYUR BA YANG YOD DE, 'DI LTA STE, PHYI MA'I 'DOD PA'I RGYUR 'DI LA DGE BA BYED PA LTA BU'O, ,NGAN 'GROR 'GRO BAR 'GYUR BA YANG YOD DE, 'DI LTA STE, CHOS MA YIN PAS 'DOD PA NYE BAR SGRUB PAR BYED PA LTA BU'O, ,NGES PAR 'BYUNG BA'I SPYOD PA NI NYAMS PAR BYAS PAS NI NGAN 'GROR 'GRO BAR 'GYUR LA PHUN SUM TSOGS PAR BYAS PAS NI BDE 'GROR 'GRO BA DANG MYA NGAN LAS 'DA' BA'I TSOGS SU 'GYUR RO, ,DGE BA'I SPYOD PAS KYANG BDE 'GROR 'GRO BA DANG MYA NGAN LAS 'DA' BA'I TSIGS SU 'GYUR RO, ,MI DGE BA'I SPYOD PAS NI NGAN 'GROR 'GRO BAR 'GYUR RO, ,DRAG PO'I SPYOD PAS KYANG NGAN 'GROR 'GRO BAR 'GYUR TE, LOG PAR LTA BA LA BRTEN PAS BDAG NYID KUN TU GDUNG BA BYED PA NYID KYI PHYIR RO, ,DRAG PO MA YIN PA'I SPYOD PAS NI MYA NGAN LAS 'DA' BA'I TSOGS SU 'GYUR RO, ,NYAMS PA'I CHA DANG MTHUN PA DANG KHYAD PAR GYI CHA DANG MTHUN PA'I SPYOD PAS NI CI RIGS PAR NYAMS PA DANG KHYAD PAR DU 'GRO BAR 'GYUR RO, ,KUN NAS NYON MONGS PA'I SPYOD PAS NI 'KHOR BAR 'GYUR RO, ,RNAM PAR BYANG BA'I SPYOD PAS NI MYA NGAN LAS 'DA' BAR 'GYUR RO, ,BDAG GI DON GYI SPYOD PAS NI BDAG NYID BDER 'GROR 'GRO BA DANG KHYAD PAR DU 'GRO BA DANG MYA NGAN LAS 'DA' BAR 'GRO BAR 'GYUR BA'O, ,GZHAN GYI DON GYI SPYOD PAS NI BDAG DANG GZHAN DAG BDE 'GROR 'GRO BA DANG, KHYAD PAR DU 'GRO BA DANG MYA NGAN LAS 'DA' BAR 'GRO BAR 'GYUR RO, ,DE DAG NI DNGOS PO GSUM DU 'GYUR TE, ,DNGOS GZHI'I DNGOS PO NI BDE 'GRO LA SOGS PA MYA NGAN LAS 'DA' BA'I MTHAR THUG PA'I BAR DU RNAM PA DRUG GO, , DE 'THOB PA'I THABS KYI DNGOS PO NI SPYOD PA BCU GNYIS SO, ,GZHAN GYIS RJES SU SNYING BRTZE BA'I DNGOS PO NI GANG GIS GZHAN GYIS RJES SU SNYING BRTZE BA NA DNGOS GZHI'I DNGOS PO'I DBANG DU BYAS NAS SPYOD PA BCU GNYIS PO DE DAG LA CI RIGS PAR 'DUN PA ZLOG PAR BYED PA NAS YANG DAG PAR RAB TU DGA' @53B BAR BYED PA'I BAR RO, ,DE LA DUS KYI DBANG DU BYA BA NI MDOR BSDU NA GTAM GYI DNGOS PO GSUM STE, 'DAS PA'I GTAM GYI DNGOS PO DANG MA 'ONGS PA'I GTAM GYI DNGOS PO DANG, DA LTAR BYUNG BA'I GTAM GYI DNGOS PO MDO LAS JI SKAD GSUNGS PA KHO NA BZHIN NO, ,DE GANG ZAG GI DBANG DU BYA BA NI DBANG PO RTUL PO LA SOGS PA GANG ZAG NYI SHU RTZA BDUN PO DAG YIN PAR RIG PAR BYA'O, ,DE LTAR JI SKAD BSTAN PA'I DNGOS PO DANG, DUS DANG, GANG ZAG DE DAG GI DBANG DU MDZAD NAS SANGS RGYAS BCOM LDAN 'DAS RNAMS KYI GTAM 'BYUNG BAR 'GYUR BAS DE'I PHYIR DBANG DU BYA BA ZHES BYA'O, ,DE LA PHAN YON GYI DON MDOR BSDU NA CHOS SAM GANG ZAG BSNGAGS PA'I DON BSTOD PA'O, ,DE LA NYES DMIGS KYI DON NI 'DI LTA STE, CHOS SAM GANG ZAG MI BSNGAGS PA'I DON SMAD PA'O, ,DE LA MI MTHUN PA'I PHYOGS KYI DON NI MDOR BSDU NA KUN NAS NYON MONGS PA'I SPYOD PA THAMS CAD DO, ,DE LA GNYEN PO'I DON NI RNAM PAR BYANG BA'I SPYOD PA THAMS CAD DE, 'DI LTA STE, DPER NA, 'DOD CHAGS NI MI MTHUN PA'I PHYOGS YIN LA, DE'I GNYEN PO NI MI SDUG PA YIN PA DANG, ZHE SDANG NI MI MTHUN PA'I PHYOGS YIN LA DE'I GNYEN PO NI BYAMS PA ZHES BYA BA LA SOGS PA LTA BU'O, ,DE LA BSDUS PA'I DON NI, 'DI LTA STE, RIGS DANG 'BREL BA'I CHOS BSTAN PA LAS SO, ,DE LA RGYAS PA'I DON NI 'DI LTA STE, SO SO DANG 'BREL BA'I CHOS BSTAN PA LAS SO, ,YANG DRANG BA'I DON GYI MDO SDE BSTAN PA DANG, NGES PA'I DON GYI MDO SDE BSTAN PA LAS SO, ,YANG BSDUS PA'I DON NI RNAM PA GNYIS TE, MING BSDUS PA DANG, DON BSDUS PA LAS SO, ,BSDUS PA'I DON JI LTA BA BZHIN DU RGYAS PA'I DON KYANG RNAM PA GNYIS TE, MING RGYAS PA DANG, DON RGYAS PA LAS SO, ,MDO LAS BCOM LDAN 'DAS KYIS, SH'A RI'I BU NI MDOR BSDUS TE CHOS STON PA YANG BYED RGYAS PAR STON PA YANG BYED MOD KYI SHES PAR BYED PA SHIN TU DKON NO ZHES JI SKAD GSUNGS PA LTA BU'O, ,DE LA BCOM LDAN 'DAS KYIS MDO'I SDE LA NI TSIG 'BRU RGYAS PA YIN LA DON BSDUS PA YIN PA DANG, TSIGS SU BCAD PA'I SDE LA NI DON RGYAS PA YIN LA TSIG 'DI BSDUS PA YIN PAR YONGS SU BSTAN TO, ,BAR SDOM NI, SA DANG MTSAN NYID YID BYED DANG, DBANG BYA PHAN NYES DMIGS DANG, MI MTHUN PHYOGS DANG @54A *, ,GNYEN PO DANG, ,BSDUS PA DANG NI RGYAS PA YIN, ,DE NI RE ZHIG SANGS RGYAS KYI BKA'I LUS YIN TE, DE'I PHYIR GSUNG RAB LA DON BCU PO DE DAG THAMS CAD DAM GANG YANG RUNG BA YONGS SU BTZAL BAR BYA'O, ,DE LTAR BDAG NYID KYI DON DU YONGS SU BTZAL NAS GZHAN DAG LA BSTAN PAR BYA'O, DE LTAR TSIG 'BRU'I LUS CAN DANG, DON GYI LUS CAN GYI MDO SDE LA CHOS SMRA BAS RNAM PA LNGAS RNAM PAR BSHAD PAS 'JUG PAR BYA STE, DANG POR CHOS BRJOD PAR BYA'O, ,DE'I 'OG TU KUN NAS SLONG BA BRJOD PAR BYA'O, ,DE'I 'OG TU DON BRJOD PAR BYA'O, ,DE'I 'OG TU RGOL BA'I LAN BRJOD PAR BYA'O, ,DE'I 'OG TU MTSAMS SBYAR BA BRJOD PAR BYA'O, ,DE LA CHOS NI MDOR BSDU NA MDO SDE LA SOGS PA GSUNG RAB TU GTOGS PA YAN LAG BCU GNYIS SO, ,DE LA MDO'I SDE NI SMOS PA'I DON GYIS TE RKYANG PAR BSHAD PA YIN NO, ,DE LA PHAL CHER DGONGS PA GZUNG BAR BYA BA YIN NO, ,DE LA DBYANGS KYIS BSNYED PA'I SDE NI THA MAR TSIGS SU BCAD PA'I DBYANGS KYI BSNYAD PA GANG YIN PA DANG, MDOR BSTAN PAR GZHAG PA NGES PA'I DON MA YIN PA GANG YIN PA'O, ,DE LA LUNG BSTAN PA'I SDE NI MDOR BSTAN NAS RNAM PAR PHYE STE LUNG STON PAR MDZAD PA GANG YIN PA DANG, NYAN THOS KYI DUS LAS 'DAS PA RNAMS KYI SKYE BA LUNG STON PA GANG YIN PA'O, ,DE LA TSIGS SU BCAD PA'I SDE NI TSIGS BCAD DU BSHAD PA GANG YIN PA STE, DE YANG RTZA BA GNYIS PA'AM RTZA BA GSUM PA'AM RTZA BA BZHI PA'AM RTZA BA LNGA PA'AM RTZA BA DRUG PA'O, ,DE LA CHED DU BRJOD PA'I SDE NI GANG LAS KYANG MA BRTEN PAR 'DI LTA STE, NYAN THOS RNAMS BYANG BAR BYA BA'I PHYIR BSHAD PA GANG YIN PA DANG SKYE BO PHYI MA LA THUGS BRTZE BA NYE BAR GZHAG NAS TSUL BSHAD PA GANG YIN PA DE NI CHED DU BRJOD PA'I SDE ZHES BYA STE, JI SKAD DU BCOM LDAN 'DAS CHED DU BRJOD PAR MDZAD DO ZHES GSUNGS PA LTA BU'O, ,DE LA GLENG GZHI'I SDE NI BRTEN NAS BSHAD PA GANG YIN PA STE, DE YANG BCOM LDAN 'DAS RI DVAGS 'DZIN GYI BU NAG PO LAS BRTZAMS TE DGE SLONG RNAMS LA CHOS DANG LDAN PA'I GTAM GSUNG NGO ZHES JI SKAD GSUNGS PA LTA BU DANG, SO SOR THAR PA LAS BRTZAMS TE BYUNG BA'I LAM 'DUL BAR BSDUS PA GANG YIN PA DANG GANG @54B LA BCOM LDAN 'DAS KYIS GLENG GZHI 'DI DANG SKABS 'DI LA 'DI SKAD GSUNGS ZHES BYA BA GANG YIN PA'O, ,DE LA RTOGS PA BRJOD PA'I SDE NI DPE DANG BCAS PA'I MDO SDE GANG YIN PA STE DES DON DE RNAM PAR BYANG BAR 'GYUR BA'O, ,DE LA DE LTA BU BYUNG BA'I SDE NI SKYES PA'I RABS KYI SNGA MA GTOGS PA SNGON GYI TSUL DANG LDAN PA GANG YIN PA'O, ,DE LA SKYES PA'I RABS KYI SDE NI BYANG CHUB SEMS DPA'I SPYOD PA LA, BDAG NYID KYI RANG GI SKYE BAR YANG DAG PAR BRJOD PA GANG YIN PA'O, ,DE LA SHIN TU RGYAS PA'I SDE NI BYANG CHUB SEMS DPA'I LAM 'DI LTA STE, SA BDUN DANG BYANG CHUB SEMS DPA'I SPYOD PA BZHI YANG DAG PAR BRJOD PA DANG, SANGS RGYAS KYI CHOS 'DI LTA STE, RNAM PA THAMS CAD DU YONGS SU DAG PA BZHI DANG, RNAM PA THAMS CAD DANG MCHOG MKHYEN PA'I BAR GYI SANGS RGYAS KYI CHOS MA 'DRES PA BRGYA BZHI BCU 'DI LTA STE, BYANG CHUB SEMS DPA'I SAR BSTAN PA DAG YANG DAG PAR BRJOD PA STE CHOS DE DE DAG NI MANG BA DANG RGYA CHE BA DANG YUN RING PO GRANGS MED PA GSUM GYIS YANG DAG PAR BSGRUBS PA'I PHYIR RGYA CHE BAS NA DE'I PHYIR SHIN TU RGYAS PA'I SDE ZHES BYA'O, ,DE LA RMAD DU BYUNG BA'I CHOS KYI DON NI SANGS RGYAS RNAMS DANG NYAN THOS RNAMS DANG KHYIM PA RNAMS KYI RMAD DU BYUNG BA'I CHOS YANG DAG PAR BRJOD PA GANG YIN PA STE, 'DI LTA STE, RMAD DU BYUNG BA'I RGYU'I MDO LAS GSUNGS PA LTA BU'O, ,DE LA GTAN LA DBAB PAR BSTAN PA'I SDE DAG NI MDO SDE LAS NGES PAR DRANGS PA'I MA MO GANG DAG YIN PA STE, DE LA NGES PA'I DON GYI MDO SDE THAMS CAD NI MA MO ZHES BYA'O, ,GANG DU BCOM LDAN 'DAS KYIS CHOS KYI MTSAN NYID BSTAN PA DANG GANG DU NYAN THOS GZHI MTHONG BAS RTOGS PA LA GNAS PAS CHOS KYI MTSAN NYID MA NOR BAR BSTAN PA DE YANG MA MO YIN TE CHOS MNGON PA YANG YIN NO, ,JI LTAR YIG 'BRU DANG BZO'I BSTAN BCOS RNAMS KYI DANG PO YI GE'I PHYI MO YIN PA LTAR CHOS KYI MTSAN NYID RNAM PAR BSHAD PA YANG DAG PAR RIG PAR BYA'O, ,JI LTAR YI GE'I PHYI MO MED PA'I YI GE MNGON PAR MI GSAL BA DE BZHIN DU MDO'I SDE LA SOGS PA YAN LAG BCU GNYIS KYANG CHOS KYIS MTSAN NYID RNAM PAR MA BZHAG NA MNGON PAR MI GSAL BA YIN GYI RNAM PAR BZHAG NA MNGON PAR GSAL BAR 'GYUR RO, , @55A *, ,MTSAN NYID THA MI DAD PAR BRJOD PA'I PHYIR MA MO DE NYID CHOS MNGON PAR ZHES BYA STE, MA MO DE LA BRTEN NAS MDO SDE GZHAN DAG RNAM PAR BSHAD PAR BYED PA GANG YIN PA DE NI GTAN LA DBAB PAR BSTAN PA'I SDE ZHES BYA'O, ,DE LA KUN NAS SLONG BA NI RNAM PA GSUM STE, DNGOS PO DANG DUS DANG GANG ZAG GI DBANG DU BYA BA LAS CI RIGS PAR BRJOD PAR BYA BA YIN TE, GANG ZAG CHE GE MO ZHIG SPYOD PA MANG GE MO ZHIG 'DUN PA BZLOG PAR BYA BA'I PHYIR DANG YANG DAG PAR BSTAN PAR BYA BA'I PHYIR DANG, YANG DAG PAR RAB TU DGA' BAR BYA BA'I PHYIR RO, ,DE LA KUN NAS SLONG BA BRJOD NAS DON BRJOD PAR BYA STE, DON NI RNAM PA GNYIS TE, BSDUS PA'I DON DANG, TSIG GI DON TO, ,DE LA BSDUS PA'I DON NI RNAM PA BZHIS BRJOD PAR BYA STE, 'DI LTA STE, NGES PA'I DON GYI MDO SDE NYE BAR BSGRUB PA DANG, DNGOS PO'I MTHA' BSTAN PA DANG, SGRUB PA DANG, 'BRAS BUS SO, ,DE LA SGRUB PA DA YANG RNAM PA GNYIS TE, LOG PA DANG, YANG DAG PA NYID DO, ,DE'I 'BRAS BU YANG RNAM PA GNYIS TE, YANG DAG PAR BSGRUBS PA'I 'BRAS BU DANG, LOG PAR BSGRUBS PA'I 'BRAS BU'O, ,DE LA TSIG GI DON KYANG RNAM PA BZHIS BRJOD PAR BYA STE, MING GI RNAM GRANGS BSTAN PA DANG, MTSAN NYID KYI NGO BO NYID KYIS LUS BSTAN PA DANG, NGES PA'I TSIG BSTAN PA DANG, RNAM PA RAB TU DBYE BAS SO, ,DE LA NGES PA'I TSIG BSTAN PA NI RNAM PA LNGAS SBYAR BAR BYA STE, 'DI LTA STE, RTAGS DANG, NGO BO NYID DANG, LAS DANG, CHOS DANG, RGYU DANG, 'BRAS BUS SO, ,DE LA RNAM PA RAB TU DBYE BA YANG RNAM PA LNGAS BLTA BAR BYA STE, NGO BO NYID KYI RAB TU DBYE BA DANG, KHAMS KYI RAB TU DBYE BA DANG, DUS KYI RAB TU DBYE BA DANG, GNAS SKABS KYI RAB TU DBYE BA DANG, GANG ZAG GI RAB TU DBYE BAS SO, ,DE LA NGO BO NYID KYI RAB TU DBYE BA NI 'DI LTA STE, GZUGS NI GZUGS CAN GYI SKYE MCHED BCU'O, ,TSOR BA NI RNA PA GSUM MO, ,'DI SHES NI 'DU SHES DRUG GO, , 'DU BYED NI 'DU BYED GSUM MO, ,RNAM PAR SHES PA NI RNAM PAR SHES PA DRUG GO ZHES BYA BA DANG DE LTA BU DANG MTHUN PA DAG NI NGO BO NYID KYI RAB TU DBYE BA YIN PAR RIG PAR BYA'O, ,DE LA KHAMS KYI RAB TU DBYE BA NI 'DOD PA'I KHAMS DANG, GZUGS KYA KHAMS DANG GZUGS MED PA'I KHAMS SO, ,DE LA @55B DUS KYI RAB TU DBYE BA NI 'DAS PA DANG, MA 'ONGS PA DANG, DA LTAR BYUNG BA'I DUS RNAMS SO, ,DE LA GNAS SKABS KYI RAB TU DBYE BA NI RNAM PA NYI SHU RTZA LNGAR RIG PAR BYA STE, 'DI LTA STE, CHUNG NGU'I GNAS SKABS DANG, 'BRING GI GNAS DANG, CHEN PO'I GNAS DANG, BDE BA'I GNAS SKABS DANG, SDUG BSNGAL GYI GNAS SKABS DANG, SDUG BSNGAL YANG MA YIN BDE BA YANG MA YIN PA'I GNAS SKABS DANG, DGE BA'I GNAS SKABS DANG, MI DGE BA'I GNAS SKABS DANG, LUNG DU MA BSTAN PA'I GNAS SKABS DANG, THOS PA'I GNAS SKABS DANG, BSAMS PA'I GNAS SKABS DANG, BSGOM PA'I GNAS SKABS DANG, LHAG PA'I TSUL KHRIMS KYI GNAS SKABS DANG, LHAG PA'I SEMS KYI GNAS SKABS DANG, LHAG PA'I SHES RAB KYI GNAS SKABS DANG, NANG GI GNAS SKABS DANG, PHYI RIL GYI GNAS SKABS DANG, GZUNG BA'I GNAS SKABS DANG, 'DZIN PA'I GNAS SKABS DANG; MI MTHUN PA'I PHYOGS KYI GNAS SKABS DANG, GNYEN PO'I GNAS SKABS DANG, MNGON SUM DU GYUR PA'I GNAS SKABS DANG, MNGON SUM DU GYUR PA MA YIN PA'I GNAS SKABS DANG, RGYU'I GNAS SKABS DANG, 'BRAS BU GNAS SKABS SO, ,DE LA GANG ZAG GI RAB TU DBYE BA NI GANG ZAG NYI SHU RTZA BDUN GYIS SNGA MA BZHIN DU RIG PAR BYA'O, ,DE LA RANG GIS GLENGS PA'AM GZHAN GYIS BRGAL BA NI RGOL BA'I LAN GDAB PAR BYA'O, ,DE YANG MDOR BSDU NA RNAM PA LNGAS RGOL TE, DON MA RTOGS PA NI MA RTOGS PAS TSIG 'BRU 'DI'I DON CI YIN ZHES RGOL LO, ,TSIG 'GAL BAS NI 'DI LTA STE BCOM LDAN 'DAS KYIS SNGAR NI GZHAN DU GSUNGS LA 'DIR NI GZHAN DU GSUNGS SO ZHES BYA BA LTA BUS SO, ,RIGS PA DANG 'GAL BAS NI GANG LA RIGS PA BZHI DANG 'GAL BA KUN DU SNANG BAS SO, ,CHA DU MA KUN DU SNANG BAS NI 'DI LTA STE, BCOM LDAN 'DAS KYIS DE DANG DER RNAM GRANGS DU MA DON DE NYID YONGS SU BSTAN PA LTA BUS SO, ,SHIN TU LKOG TU GYUR PAS NI 'DI LTA STE, NANG GI BDAG GANG YIN PA DE NI RTAG PA DANG BRTAN PA DANG THER ZUG DANG YANG DAG PA DE KHO NA BZHIN DU GNAS PAR 'GYUR BA DE LTA BU YOD DAM ZHES BYA BA LA SOGS PAS SO, ,DE DAG GI LAN YANG RNAM PA LNGAR GO RIMS BZHIN DU @56A *, ,RIG PAR BYA STE MA RTOGS PA LA NI RTOGS PAR BYA BA'O, ,TSIG 'GAL BA LA NI DGONGS PA YANG DAG PAR BSTAN PAS RJES SU MTHUN PAR BYA BA'O, ,TSIG 'GAL BA LA DGONGS PA YANG DAG PAR BSTAN PAS RJES SU MTHUN PAR BYA BA JI LTA BAR CHA DU MAR SNANG BA DANG, SHIN TU LKOG TU GYUR PA LA YANG DE DANG 'DRA'O, ,RIGS PA DANG 'GAL BA NI NAG PO BSTAN PA DANG RIGS PA BZHI BSTAN PA DANG CHE GE ZHIG GI 'BRAS BU NI 'DI YIN NO ZHES RGYU DANG 'BRAS BU 'BREL PA BSTAN PAS LAN GDAB PAR BYA BA'O, ,DE LA MGO GCIG TU LAN GDAB PA NI TSUL BZHIN DU YONGS SU 'DRI BA LA CHOS KYI MTSAN NYID YANG DAG PAR RNAM PAR GZHAG PA'I PHYIR RO, ,RNAM PAR PHYE STE LAN GDAB PA NI TSUL DANG TSUL BZHIN MA YIN PAR YONGS SU 'DRI BA RNAMS LA KHYAD PAR GYI MTSAN NYID RTOGS PAR BYA BA'I PHYIR RO, ,YONGS SU DRIS TE LAN GDAB PA NI KLAN KA TSOL BA LA PHYOGS KHAS BLANG BAR BYA BA'I PHYIR RO, ,GZHAG PAR LAN GDAB PA NI MED PA'I PHYIR DANG, ,ZAB PA'I PHYIR ZHES BYA BA LA SOGS PA RGYU BZHIS LAN GDAB PAR BYA BA GZHAG PA STE, 'DI LTA STE, BSAMS PA LAS BYUNG BA'I SAR DE BZHIN GSHEGS PA SHI PHAN CHAD YOD CES BYA BA LA SOGS PA SNGAR BSTAN PA BZHIN TE KUN RDZOB KYI BDEN PA'I TSUL GYIS KYANG LAN GDAB PAR RIGS PA MA YIN LA, DON DAM PA'I BDEN PA'I TSUL GYIS KYANG RIGS PA MA YIN PAS KYANG DE'I PHYIR DE NI GZHAG PAR BYA BA ZHES BYA'O, ,DE LA DE BZHIN GSHEGS PA MED PA'I PHYIR DON DAM PAR DNGOS PO MA YIN NO, ,GNAS DANG GNAS MA YIN PA DANG LAM DANG 'GAL BA'I PHYIR DANG DE'I 'BRAS BU SPANGS PA YONGS SU MA GRUB PA'I PHYIR YANG KUN RDZOB TU DE BZHIN GSHEGS PA SHI PHAN CHAD YOD CES BYA BA LA SOGS PAR DRANG BAR MI NUS SO, ,DE LA MTSAMS SBYAR BA NI RNAM PA GSUM STE, 'DI LTA STE, YONGS SU RDZOGS PA'I MTSAMS SBYAR BA DANG, RNAM PAR BSHAD PA'I MTSAMS SBYAR BA DANG, BSGRUB PA'I MTSAMS SBYAR BA'O, ,RNAM PA DE GSUM GYI MTSAMS SBYAR BA'I DPE NI BCOM LDAN 'DAS KYIS NGA NI SHIN TU GZHON NU DANG MCHOG TU SHIN TU GZHON NU DANG, RAB TU SHIN TU GZHON NUR RAB TU BYUNG NGO ZHES JI SKAD GSUNGS PA DES NI SHIN TU GZHON NUR YONGS SU RDZOGS PA YIN NO, ,YAB ZAS @56B GTZANG GIS NGA'I GNAS KHANG BZANGS RTZIG TU BCUG PAR GYUR TO ZHES RGYA CHAR GSUNGS PA DES NI SHIN TU GZHON NUR DE NYID RNAM PAR BSHAD PA YIN NO, ,CI'I PHYIR SHIN TU GZHON NUR RAB TU BYUNG ZHE NA, NA BA'I CHOS NYID LA SOGS PA MTHONG BA'I PHYIR RO ZHES BYA BA NI BSGRUB PA'I MTSAMS SBYAR BA YIN NO, , GANG DU BSDUS TE MDOR BSTAN PA TZAM 'DI LTA STE, TSOR BA GSUM PO BDE BA DANG SDUG BSNGAL BA DANG, SDUG BSNGAL YANG MA YIN BDE BA YANG MA YIN ZHES BYA BA LA SOGS PA GSUNGS PA DER NI YONGS SU RDZOGS PA'I MTSAMS SBYAR BA KHO NA YIN TE, DE NI TSOR BA DE NYID TSIG LHAG MA RNAMS KYIS YONGS SU RDZOGS PAR BRJOD PA YIN NO, ,TSOR BA JI LTA BAR BDEN PA BZHI LA SOGS PA LA YANG DE DANG 'DRA STE TSIG DANG PO DANG RJES SU MTHUN PAR TSIG PHYI MA PHYI MA BSHAD PA'I GO RIMS YIN PAR RIG PAR BYA'O, ,DE LA BSGRUB PA'I MTSAMS SBYAR BA NI RNAM PA GNYIS TE, LAN 'GA' NI TSIG SNGA MA TSIG PHYI MA'I BSGRUB PA YIN LA LAN 'GA' NI TSIG PHYI MA TSIG SNGA MA'I BSGRUB PA YIN NO, ,RNAM PAR BSHAD PA'I MTSAMS SBYAR BA YANG DE BZHIN DU BLTA BAR BYA'O, ,DE LA CHOS BCU DANG LDAN PA'I CHOS SMRA BA NI RNAM PAR THAMS CAD YONGS SU RDZOGS SHING CHOS DANG DON LA MKHAS PA YIN TE, DE LA CHOS NI RNAM PA DRUG GO, ,DON NI RNAM PA BCU'O, ,GTAM LA RGYA CHE BA YIN TE, JI LTA ZHE NA MANG DU THOS PA DANG THOS PA 'DZIN PA DANG THOS PA BSAGS PA'I PHYIR RO, ,'KHOR GYI NANG DU MI 'JIGS PA YIN TE, RGYAL RIGS LA SOGS PA'I 'KHOR RNAMS LA CHOS STON PA NA ZHUM PA MED CING DE'I RGYU LAS BYUNG BA'I SKAD 'DAR BA DANG MCHAN KHUNG RDUL BA DANG, DRAN PAS BRJED PA MED PA'I PHYIR RO, ,TSIG DGE ZHING TSIG GI BYA BA DANG LDAN PA YIN TE, YAN LAG BRGYAD DANG LDAN PA'I TSIG DANG LDAN ZHING 'KHOR LA TSIG DANG YI GE 'BYOR PA DANG 'BREL PA LA SOGS PA RGYAS PAS CHOS STON PAR BYED PA'I PHYIR TE, YAN LAG BRGYAD DANG LDAN PA'I TSIG NI GRONG KHYER PA DANG SNYAN ZHING 'JEBS PA LA SOGS PA'O, ,GTAM GYI SBYOR BA LA MKHAS PA YIN TE, DUS SU DAD GUS PA LA SOGS PA RNAM PA NYI SHUS GTAM LA SBYOR BAR BYED PA'I PHYIR RO, ,CHOS KYI RJES SU MTHUN PA'I CHOS LA ZHUGS PA YIN TE, THOS PA @57A *, ,DANG TSIG LHUR MI LEN CING JI SKAD SMRAS PA DE BZHIN BYED PA'I PHYIR RO, ,SPYOD LAM PHUN SUM TSOGS PA YIN TE, DE GTAM ZER BA NA LAG PA SGUL BAR MI BYED DE, RKANG PA SGUL BAR MI BYED, SMIN MA SKYOD PAR MI BYED, MGO SGYUR BAR MI BYED, BZHIN SGYUR BAR MI BYED LUS SGYUR BAR MI BYED BA YIN NO, ,MDZES PA YIN TE, 'GRO BA DANG LDOG PA LA SOGS PA LA MDZES PA YIN NO, ,BRTZON 'GRUS BRTZAMS PA YIN TE, DE MA THOS PA'I CHOS RNAMS NI NYAN PAR BYED, THOS PA'I CHOS RNAMS NI YONGS SU BYANG BAR BYED LA, RNAL 'BYOR MI GTONG BA DANG, YID LA BYED PA MI GTONG BA DANG, NANG GI SEMS KYI ZHI GNAS MI GTONG BA YIN NO, ,NGAL BA MED PA YIN TE, 'KHOR BZHI PO DAG LA CHOS STON PAS YID YONGS SU SKYO BA MED PA'I PHYIR RO, ,BZOD PA DANG LDAN PA YIN TE, DE KHROS KYANG PHYIR MI KHRO BA DANG, MTSANG BRUS KYANG PHYIR MTSANG 'BRU BAR MI BYED PA DANG, BRGA LA TAM PHYIR BRGAL TAM KHYAD DU GSAD NA YANG NONGS PAR MI 'GYUR 'KHRUG PAR MI 'GYUR BA'I PHYIR RO, ,DE LA BSHAD PA NI RNAM PA BRGYAD DE, BRJID PA DANG, RNAM PAR 'GREL BA DANG LDAN PA DANG, RGOL BA'I LAN DANG LDAN PA DANG, RAB TU DBYE BA DANG LDAN PA DANG, DE DANG 'BREL PA DANG, DE LAS GZHAN PA LAS DRANGS PA DANG, SPOBS PA LAS BYUNG BA DANG, GRUB PA'I MTHA'I RJES SU 'BRANG BA'O, ,DE LA 'KHOR NI RNAM PA LNGA STE, KHYIM NA GNAS PA'I 'KHOR DANG, RAB TU BYUNG BA'I 'KHOR DANG, DAD PA DANG LDAN PA'I 'KHOR DANG, ZHE 'GRAS PA'I 'KHOR DANG, THA MAL PAR GNAS PA'I 'KHOR TO, ,DE LA BRJID PA'I GTAM NI RNAM PA LNGAR RIG PAR BYA STE, GTAN TSIGS DANG LDAN PA DANG, DPE DANG LDAN PA DANG TSIG GI BYA BA DANG LDAN PA DANG, TSIG DANG, YIG 'BRU SNA TSOGS PA DANG, GO SLA BA'O, ,DE LA RNAM PAR 'GREL PA DANG LDAN PA'I GTAM NI ZAB MO GSAL BAR BYED PA'I PHYIR DANG, GSAL BA YANG ZAB MO DANG LDAN BAR RNAM PAR SGROG PAR BYED PA'I PHYIR RO, ,DE LA RGOL PA'I LAN DANG LDAN PA'I GTAM NI MDOR BSDU NA RGOL BA RNAM PA LNGA SPANG PA DANG LDAN PAR RIG PAR BYA'O, ,DE LA RAB TU DBYE BA DANG LDAN PA'I GTAM NI CHOS RE RE LA YANG GCIG LAS 'PHROS PA'I TSUL GYIS RNAM PA BCU'I BAR LAM DE'I GONG MA RAB @57B TU DBYE BA RNAM PAR SGROG PA'I PHYIR TE, 'DI LTA STE, CHOS GSUM LAS BRTZAMS NAS DE SKAD GSUNGS PAS DRAN PA NYE BAR GZHAG PA BZHI ZHES RGYA CHER BYA BA DAG GO, ,DE LA DE DANG 'BREL PA'I GTAM NI MDO'I SDE DANG DBYANGS KYIS BSNYAD PA'I SDE LA SOGS PA DE DAG NYID LAS RNAM PAR BSHAD PA NYE BAR SBYOR BAR BYED CING GZHAN DAG LAS MJUG SDUD PAR MI BYED PA GANG YIN PA'O, ,DE LA DE LAS GZHAN PA LAS DRANGS PA'I GTAM NI DE LAS GZHAN PA'I MDO SDES DE NYE BAR BSGRUB PA GANG YIN PA'O, ,DE LA SPOBS PA LAS BYUNG BA'I GTAM NI JI LTAR 'DOD PA'I DON DE LTAR RNAM PAR 'BYED PAR BYED PA'O, , DE LA GRUB PA'I MTHA'I RJES SU 'BRANG BA'I GTAM NI MA MO LA BRTEN NAS RNAM PAR 'BYED PAR BYED PA'AM DE LAS GZHAN PA GTAN LA BAB PAR STON PA'I SDE LA BRTEN NAS RNAM PAR 'BYED PAR BYED PA GANG YIN PA'O, ,DE LA KHYIM NA GNAS PA'I 'KHOR LA NI NYES PAR SPYAD PA SMAD PA DANG LEGS PAR SPYAD PA STONG BA NYE BAR GNAS PA'I CHOS BSTAN PAR BYA STE, DE LAS LDOG PA DANG 'JUG PAR BYA BA'I PHYIR DE LA RAB TU BYUNG BA'I 'KHOR LA NI BSLAB PA LA NYE BAR GNAS PA LHAG PA'I TSUL KHRIMS LA SOGS PA BSLAB PA GSUM LAS BRTZAMS TE MYUR BA MYUR BA KHO NAR BSGRUB PAR BYA BA'I PHYIR CHOS BSTAN PAR BYA'O; ,DAD PA DANG LDAN PA LA SOGS PA'I 'KHOR RNAMS LA NI PHYIR ZHING 'BYUNG BA DANG, THA MAL BAR GNAS PAR 'GYUR BA DANG, DAD PAR BYA BA'I PHYIR BSTAN PA'I CHE BA NYID DANG MTHU DANG LDAN PA'I GTAM BYA'O, ,DE LTAR SMRA BAS CHOS STON PA NA GZHAN DAG GUS PAR NYAN PA LA SBYOR BAR BYA STE, JI LTAR SBYAR BAR BYA ZHE NA, RNAM PA GCIG GIS KYANG YOD LA RNAM PA BCU'I BAR GYIS KYANG YOD DO, ,DE LA RE ZHIG RNAM PA GCIG GIS KYANG CHOS NI PHAN PA DANG BDE BAR NYE BAR GNAS PA YIN PA'I PHYIR TE, YANG DE LA PHAN PA YIN LA BDE BA MA YIN PA'I MU BZHI NI 'DI LTA STE, BYANG CHUB SEMS DPA'I SAR CHOS YANG DAG PAR BLANGS PA'I DBANG DU BYAS TE BSTAN PA BZHIN NO, ,GNYIS KYIS KYANG YOD DE, DAM PA'I CHOS NI GYA NOM PA'I PHYIR TE, GYA NOM PA DE YANG SKYON MED PA DANG DON CHE BAS RIG PAR BYA BA DANG, SMRA BA DANG NYAN PA'I NGAL BA 'BRAS BU DANG BCAS PAR BYED PA'I PHYIR TE, GZHAN DU NA RANG GI BYA BA GZHAN SPANGS TE SMRA BA DANG @58A *, ,NYAN PA'I NGAL BA DON MED PAR 'GYUR RO, ,GSUM GYIS KYANG YOD DE, CHOS NI NGAN SONG LAS LDOG PAR BYED PA'I PHYIR DANG, BDE 'GRO THOB PAR BYED PA'I PHYIR DANG, MYA NGAN LAS 'DAS PA THOB PAR BYED PA'I RGYU YIN PA'I PHYIR TE, GSUM PO DE NI GUS PAR BYAS TE MNYAN PAS 'THOB PAR 'GYUR RO, ,BZHIS KYANG YOD DE GUS PAR BYAS TE CHOS MNYAN PAS MDO SDE LA SOGS PA'I CHOS DE DAG NYID RNAM PAR 'GYUR BA DANG, CHOS DE YANG SDIG PA MI DGE BA'I CHOS RNAM PA DU MA SPONG BA DANG, DGE BA'I CHOS RNAM PA DU MA YANG DAG PAR LEN PAR SMRA BA DANG, DE DAG MNYAN PAS THOS NA SPONG BA DANG LEN PAR BYED PA DANG, DE SPANGS PA DANG, BLANGS PA'I PHYIR SDIG PA DE'I RGYUS PHYI MAR SDUG BSNGAL BA SPONG BAR BYED PA DANG, DE SPONG BA'I RGYU DANG, DGE BA YANG DAG PAR BLANGS PA'I RGYUS MYA NGAN LAS 'DAS PA 'THOB PAR 'GYUR RO, ,LNGAS KYANG YOD DE, BCOM LDAN 'DAS KYIS CHOS DE NI GZHI DANG BCAS PA DANG; NGES PAR 'BYUNG BA DANG BCAS PA DANG, STON PA DANG BCAS PA DANG, PHA ROL GNON PA DANG BCAS PA DANG, CHO 'PHRUL DANG BCAS PA YIN NO ZHES BYA BA STE, TSIG DE DAG GI RNAM PAR DBYE BA RGYAS PA NI 'DI LTA STE RNAM GRANGS BSDU BA LAS 'BYUNG BA BZHIN NO, ,YANG LDAS TE, MA THOS PA MNYAN PAR BYA'O ZHES BYA BA DANG, THOS PA RNAM PAR BYANG BAR BYA'O ZHES BYA BA DANG, SOM NYI SPANG BAR BYA'O ZHES BYA BA DANG, LTA BA DRANG POR BYA'O ZHES BYA BA DANG, DON DANG TSIG ZAB MO SHES RAB KYIS RTAGS PAR BYA'O ZHES BYA BA STE, BCOM LDAN 'DAS KYIS RNAM PA DE DAG GIS THOS PA DANG BSAMS PA DANG BSGOMS PA LAS BYUNG BA'I SHES RAB RNAM PAR BYANG BA'I THABS YONGS SU BSTAN PA YIN TE, RNAM PA GNYIS KYIS NI THOS PA LAS BYUNG BA'I SHES RAB KYI'O, ,GNYIS KYIS NI BSAMS PA LAS BYUNG BA'I SHES RAB KYI'O, ,THA MAS NI BSGOMS PA LAS BYUNG BA'I SHES RAB GYIS RNAM PAR BYANG BA'I THABS YONGS SU BSTAN PA YIN NO, ,DRUG GIS KYANG YOD DE, STON PA LA BYAS PA GZO ZHING RJES SU SRUNG BA DES CHOS 'DI DAM PA GCIG GI DON DU TSEGS CHEN POS YANG DAG PAR BSGRUBS SO SNYAM PA RNAMS DANG, RANG GI DON DU YANG DAG PAR MA MTHONG BA RNAMS KYIS BCOM LDAN 'DAS KYI CHOS 'DI NI YANG DAG PAR @58B MTHONG BA DANG, NAD MED PA DANG, DUS CHAD PA MED PA DANG, NYE BAR GTOD PA DANG, 'DI MTHONG BA LA DON YOD PA DANG, MKHAS PA RNAMS KYIS SO SO RANG GIS RIG PA YIN NO SNYAM DU SHES PA'O, ,BDUN GYIS KYANG YOD DE, RNAM PA BDUN GYIS CHOS BDUN YANG DAG PAR BSGRUB PAR BYA'O, ,SNYAM PA STE CHOS SHES PAR BYA'O SNYAM PA DANG, DON SHES PAR BYA'O SNYAM PA NAS GANG ZAG MCHOG DANG MCHOG MA YIN PA SHES PAR BYA'O SNYAM PA'I BAR DAG GO, ,BRGYAD KYIS KYANG YOD DE, CHOS NI RNYED SLA BA YIN TE GDOL PA LA SOGS PA YAN CHAD LA YANG BSHAD PA'I PHYIR DANG, SLA BA YIN TE 'GRO YANG RUNG SDOD KYANG RUNG 'DUG KYANG RUNG NYAL YANG RUNG STE, SLA BA'I PHYIR DANG, DON DANG LDAN PA'I PHYIR DANG, MNGON PAR MTHO BA DANG NGES PAR LEGS PA'I 'BRAS BU DANG LDAN PA'I PHYIR DANG, THOG MAR DGE BA'I PHYIR DANG, BAR DU DGE BA'I PHYIR DANG, THA MAR DGE BA'I PHYIR DANG, MOD LA 'BRAS BU BDE BA'I PHYIR DANG, PHYI MA LA 'BRAS BU BDE BA'I PHYIR RO, ,DGUS KYANG YOD DE, GNOD PA RNAM PA DGU LAS THAR PA'I DBANG DU BYA BA LAS TE 'KHOR BA'I BTZON RA NAS THAR PA STE, 'DOD CHAGS LA SOGS PA'I 'CHING BA BCAD PA'I PHYIR DANG, NOR BDUN GYI DBUL BA BZLOG PA STE, NOR BDUN KYI DBANG PHYUG LA RAB TU 'GOD PA'I PHYIR DANG, DGE BA'I SPYOD PA DANG DAM PA'I CHOS MNYAN PA'I MU GE LAS RGAL TE DAM PA'I CHOS KYI LO LEGS PA LA RAB TU 'GOD PA'I PHYIR DANG, MA RIG PA'I MUN PA ZLOG PA STE SHES RAB KYI SNAD PA BSKYED PA'I PHYIR DANG, CHU BO BZHI LAS SGROL BA'I PHYIR DANG, MYA NGAN LAS 'DAS PA'I THANG LA 'GOD PA'I PHYIR DANG, NYON MONGS PA'I NAD GTAN DU GSO BA'I PHYIR DANG, SRED PA'I BRAN LAS THAR PAR BYED PA'I PHYIR DANG, 'KHOR BA'I 'BROG DGON PA THOG MA MED PA LAS THAR PAR BYED PA'I PHYIR TE, THAMS CAD DU YANG BTZON RA DAM PO RNAMS KYI NANG NA 'DI LTA STE, 'KHOR BA'I BTZON RA 'DI NI MCHOG YIN PAS DANG PO KHO NAR DGOD PAR BYA'O, ,BCUS KYANG YOD DE GUS PAR BYAS TE CHOS MNYAN PAS NI SO SOR RTOG PA'I STOBS 'THOB PAR 'GYUR ZHING DES THOB PA'I PHAN YON NYAMS SU MYONG BAR 'GYUR BA DANG, CHOS KYIS LONGS SPYOD YANG DAG PAR @59A *, ,SGRUB PAR BYED CING BAB COL GYIS MA YIN PA DANG, NYES DMIGS SU LTA ZHING LONGS SPYOD PAR BYED LA NGES PAR 'BYUNG BA RAB TU SHES PA DANG LONGS SPYOD RGUD PAS MYA NGAN MI BYED SGYID LUG PAR MI BYED, SMRE SNGAGS 'DON PAR MI BYED CES RGYAS PAR BYA BA DANG, NYE DU RGUD PAS MYA NGAN MI BYED SGYID LUG PAR MI BYED SMRE SNGAGS 'DON PAR MI BYED CES RGYAS PAR BYA BA DANG, NAD MED PA DANG, LANG TSO DANG, GSON PA RGUD PAS MYA NGAN MI BYED, SGYID LUG PAR MI BYED SMRE SNGAGS 'DON PAR MI BYED CES RGYAS PAR BYA BA DANG, 'DOD PA RNAMS LA NYES DMIGS SU MTHONG ZHING NGES PAR 'BYUNG BA LA PHAN YON DU MTHONG NAS RAB TU 'BYUNG BA DANG, BAS MTHA'I GNAS MAL DBEN PAR GNAS SHING BSAM GTAN RNAMS LA SNYOMS PAR 'JUG PA'I BAR DANG GUS PAR BYAS TE CHOS MNYAN CING ZAB MO ZAB PAR SNANG BA CAN 'DI PA NYID KYIS RTEN CING 'BREL BAR 'BYUNG BA DANG RJES SU MTHUN PAR RTOGS PA DANG, DGA' BA DANG MCHOG TU DGA' BA RGYA CHAN PO DGE BA DES PAR 'BYUNG BA DANG LDAN PA 'THOB PAR 'GYUR BA STE, BCOM LDAN 'DAS KYIS KYANG 'PHAGS PA NYAN THOS SEMS RTZE GCIG TU RNA BA BLAGS TE CHOS NYAN PA NI CHOS LNGA SPONG ZHING CHOS BDUN GYI BSGOM PA YONGS SU RDZOGS PAR 'GYUR RO ZHES GSUNGS SO, ,DE BZHIN DU 'PHAGS PA NYAN THOS GUS PAR BYAS TE CHOS NYAN PAS NI KUN 'BYUNG BA'I CHOS GANG CI YANG RUNG BA DE DAG THAMS CAD 'GOG PA'I CHOS CAN DU RIG NAS CHOS RNAMS LA CHOS KYI MIG RDUL MED CING DRI MA DANG BRAL BA SKYED PAR BYED CING RGYUN DU ZHUGS PA'I 'BRAS BU THOB PA'I TSOGS RAB TU 'DZIN PA'AM, DE BZHIN DU DGRA BCOM PA NYID KYI BAR DU 'THOB PA 'AM, DGRA BCOM PA NYID KYI 'BRAS BU'I TSOGS RAB TU 'DZIN PA'AM, DE BZHIN DU RANG BYANG CHUB BAM, BYANG CHUB SEMS DPA'I TSOGS RAB TU 'DZIN PA'AM, DE BZHIN DU BLA NA MED PA YANG DAG PAR RDZOGS PA'I BYANG CHUB KYI TSOGS RAB TU 'DZIN PA'AM, DE BZHIN DU 'JIG RTEN PA DANG 'JIG RTEN LAS 'DAS PA'I BSAM GTAN DANG RNAM PAR THAR PA DANG, TING NGE 'DZIN DANG SNYOMS PAR 'JUG PA MNGON PAR 'GRUB PAR 'GYUR RO ZHES GSUNGS SO,, ,,BAM PO GNYIS PA, DE LA SMRA BA @59B GLENG SLONG BA'I DUS NA DANG PO KHO NAR SANGS RGYAS KYI BSNGAGS PA BRJOD PAR BYA'O, ,DE YANG BSDUS PA DANG, RGYAS PA STE, DE LA BSDUS PA NI RNAM PA LNGAS RIG PAR BYA STE, GZUGS BZANG BA DANG, NYE BAR ZHI BA DANG, MKHYEN PA DANG, SGRUB PA DANG, MTHUS SO, ,DE LA GZUGS BZANG BA NI SKYES BU CHEN PO'I MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS RIG PAR BYA STE, DE LA NYE BAR ZHI BA NI DBANG PO RNAMS KYI SGO BSDAMS PA NYID LA SOGS PA DANG, BAG CHAGS DANG BCAS PA'I NYON MONGS PA YANG DAG PAR BCOM PAS RIG PAR BYA'O, ,DE LA MKHYEN PA NI 'DAS PA DANG MA 'ONGS PA DANG DA LTAR BYUNG BA'I DUS RNAMS DANG DUS KYIS MA BSDUS PA'I CHOS RNAMS LA MKHYEN PA THOGS PA MED CING CHAGS PA MED PA LAS RIG PAR BYA'O, ,DE LA SGRUB PA NI RANG DANG GZHAN LA PHAN PA YONGS SU RDZOGS PAR SGRUB PA LAS RIG PAR BYA'O, ,DE LA MTHU NI DE BZHIN GSHEGS PA'I MNGON PAR SHES PA RNAMS KYIS RIG PAR BYA'O, ,DE YANG BCOM LDAN 'DAS KYI BSNGAGS BA BSDUS TE BRJOD PA NI RNAM PA DRUG GIS RIG PAR BYA STE, YON TAN RNAMS MTHA' DAG YIN PA'I PHYIR DANG, DRI MA MED PA'I PHYIR DANG, G-YO BA'I PHYIR DANG, MTSUNGS PA MED PA'I PHYIR DANG, BDAG DANG SEMS CAN GYI DON GYI PHRIN LAS CAN GYI PHYIR DANG, LAS DE LA MTHU MNGA' BA'I PHYIR TE, DE DAG GI RNAM PAR DBYE BA RGYAS PA NI 'DI LTA STE, RNAM PAR GTAN LA DBAB PA BSDU BAR BSTAN PA BZHIN NO, ,DE LA BCOM LDAN 'DAS KYI BSNGAGS PA RGYAS PA NI BCOM LDAN 'DAS DE NI YON TAN DPAG TU MED PA'I PHYIR BSNGAGS PA MTHA' YAS PA YIN NO, ,DE BZHIN DU YE SHES KYI SNANG BA MDZAD PA'I PHYIR SNANG BA STZOL BA DANG, MI SHES PA'I MUN PA 'JOMS PA'I PHYIR MUS PA SEL BA YANG YIN NO, ,DE BZHIN DU SPYAN GSUM DANG LDAN PA'I PHYIR SPYAN DANG LDAN PA DANG, MI MNYAM PA'I 'PHAGS PA'I BDEN PA MKHYEN PA'I PHYIR DON DAM PA GZIGS PA DANG, TSUL KHRIMS PHUN SUM TSOGS PA'I PHYIR DANG TSUL KHRIMS 'BYOR BA'I PHYIR BRTUL ZHUGS GRUB PA YANG YIN NO, ,DE BZHIN DU RKANG GNYIS KYI MCHOG DANG DED DPON RNAMS KYI MCHOG DAM PA DANG, DGE SBYONG RNAMS KYI NANG NAS DGE SBYONG SHIN TU @60A *, ,GZHON PA DANG, 'JIG RTEN NA RIN PO CHE DKON PA YANG YIN NO, ,DE BZHIN DU RJES SU THUGS BRTZE BA DANG, THUGS RJE DANG LDAN PA DANG, DON DU BZHED PA DANG, PHAN PAR BZHED PA DANG, THUGS RJE BAR MDZAD PA YANG YIN NO, ,DE BZHIN DU SPYAN DU GYUR PA DANG, YE SHES SU GYUR PA DANG, DON DU GYUR PA DANG, CHOS SU GYUR PA DANG, DON GSAL BA STON PA DANG, DON LA RTON PA YANG YIN NO, ,DE BZHIN DU 'PHAGS PA'I LAM YAN LAG BRGYAD PA DANG POR RTOGS PA'I PHYIR DANG RANG GIS RTOGS PA'I PHYIR MA RTOGS PA'I DON RTOGS PA DANG, TSANGS PAR SPYOD PA MA BZHAG PA 'JOG PA'I PHYIR LAM RIG PA DANG, LAM STON PA DANG, LAM GSUNG BA DANG, LAM 'DREN PA YANG YIN NO, ,DE BZHIN DU BSNYENGS PA DANG BSNYENGS SU RUNG BA DANG BRAL BA'I PHYIR SKYES BU SENG GE DANG, TSOGS CHEN PO YONGS SU 'DREN PA'I PHYIR SKYES BU KHYU MCHOG DANG, TSOGS KYI MCHOG YIN PA'I PHYIR SKYES BU GTZO BO DANG, SKYON MI MNGA' BA'I PHYIR SKYES BU GLANG PO CHE DANG, THUGS SHIN TU DUL BA'I PHYIR SKYES BU CANG SHES DANG, RIGS DANG BRGYUD DANG GDUNG LA SOGS PAS MI THAMS CAD ZIL GYIS MNAN PA'I PHYIR SKYES BU DAM PA DANG, TSUL KHRIMS DANG SGRUB PA DANG MKHYEN PA DANG MTHU LA SOGS PAS MI THAMS CAD ZIL GYIS MNAN PA'I PHYIR SKYES BU RAB MCHOG DANG, 'JIG RTEN PA'I CHOS RNAMS KYIS MA GOS PA'I PHYIR SKYES BU PAD MA DKAR PO YANG YIN NO, ,DE BZHIN DU MNYAM PA MED PA'I PHYIR MI MNYAM PA DANG, 'DAS PA DANG MA BYON PA MI MNYAM PA'I PHYIR MI MNYAM PA DANG MNYAM PA DANG, SEMS CAN THAMS CAD KYI MCHOG YIN PA'I PHYIR MCHOG DANG; TSUL KHRIMS 'BYOR BA'I PHYIR DANG YUN RING PO NAS TSANGS PAR SPYOD PA RNAM PAR SPYAD PA'I PHYIR DANG DRANG SRONG CHEN PO RNYING PA RNAMS KYIS RTOGS PA'I PHYIR LAM THUGS SU CHUD PA'I PHYIR DRANG SRONG CHEN PO DANG, MU STEGS CAN THAMS CAD DANG NYON MONGS PA'I BDUD LA SOGS PA LAS RNAM PAR RGYAL BA'I PHYIR RNAM PAR RGYAL BA DANG, G-YO BA DANG RLOM SEMS LA SOGS PA THAMS CAD MI MNGA' BA'I PHYIR DANG THUB PA GSUM DANG LDAN PA'I PHYIR THUB PA DANG, SKYE BO LA SOGS PA DANG PHAS KYI RGOL BA LA SOGS PA THAMS CAD KYIS MI 'PHROGS PA'I PHYIR MI BKRI BA DANG, SDIG PA THAMS CAD NGES PAR @60B BKRUS PA'I PHYIR KHRUS CAN DANG, 'JIG TSOGS THAMS CAD LAS RGAL BA'I PHYIR PHA ROL TU BYON PA YIN NO, ,DE BZHIN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BA GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA LHA DANG MI RNAMS KYI STON PA SANGS RGYAS BCOM LDAN 'DAS KYANG YIN NO, ,DE BZHIN DU DAM PA'I CHOS LEGS PAR RDZOGS PA DANG, THAMS CAD MKHYEN PA DANG, THAMS CAD KYI RJE DANG, BSNYEL BA MI MNGA' BA'I CHOS CAN DANG, SEMS CAN GYI SNYING PO DANG, THU BO DANG, BDE BA DANG SDUG BSNGAL DAG GIS THUGS YONGS SU MA GTUGS PA DANG, DBANG PO'I SGO BSDAMS PA DANG, LEGS PAR LDAN PA'I PHYIR DUL BA DANG, TSUL KHRIMS YANG DAG PAR BLANGS PA DANG LEGS PAR LDAN PA'I PHYIR ZHI BA DANG, NGES PA'I SA LA ZHUGS PA'I PHYIR DBUGS 'BYIN PA DANG, BYANG CHUB THUGS SU CHUD PA'I PHYIR YONGS SU MYA NGAN LAS 'DAS PA DANG, SRED PA'I ZUG RDU 'BYIN PA'I PHYIR ZUG RDU 'BYIN PA DANG, MA DUL BA LA SOGS PA DUL BAR MDZAD PA DANG, ZHI BAR MDZAD PA SNGA MA LTA BU DANG, SO SO'I SKYE BO RNAMS RGYUN DU ZHUGS PA DANG, LAN CIG PHYIR 'ONG BA'I 'BRAS BU LA RAB TU BKOD PA'I PHYIR DBUGS MA PHYIN PA RNAMS KYI DBUGS PHYUNG BA DANG, 'BRAS BU DANG PO DANG GNYIS PA LA GNAS PA RNAMS PHYIR MI 'ONG BA DANG DGRA BCOM PA NYID KYI 'BRAS BU LA RAB TU BKOD PA'I PHYIR YONGS SU MYA NGAN LAS MA 'DAS PA RNAMS YONGS SU MYA NGAN LAS 'DAS PAR MDZAD PA DANG, GTAN PA MED PA DANG; 'OBS DRAL BA DANG, 'OBS LAS RGAL BA DANG, TSOL BA SPANGS PA DANG, 'PHAGS PA DANG, RGYAL MTSAN BSNYAL BA DANG, RTAG TU CHER GNAS PA YANG YIN NO, ,DE BZHIN DU DGRA BCOM PA, ZAG PA ZANG PA, NYON MONGS PA MED PA, DBANG DANG LDAN PAR GYUR PA, SEMS SHIN TU RNAM PAR GROL BA, SHES RAB SHIN TU RNAM PAR GROL BA, CANG SHES PA, GLANG PO CHEN PO, ,BYA BA BYAS PA, BYED PA BYAS PA, KHUR BOR BA, BDAG GI DON RJES SU BRNYES PA, YANG DAG PA'I SHES PAS SEMS SHIN TU RNAM PAR GROL BA, SEMS KYI DBANG THAMS CAD KYI DAM PA'I PHA ROL DU BYON PA, SRID PAR KUN TU SBYOR BA YONGS SU @61A *, ,ZAD PA YANG YIN NO, ,DE BZHIN DU YAN LAG LNGA SPANGS PA DANG, YAN LAG DRUG DANG LDAN PA DANG, RGYAS PAR MA 'DRES PA DANG, BSTEN PA DANG LDAN PA DANG, SKYES BU LTAG NA MED PA ZHES BYA BA'I BAR YANG YIN NO, ,DE BZHIN DU CHOS MKHYEN PA DANG, GANG ZAG MCHOG DANG MCHOG MA YIN PA MKHYEN PA ZHES BYA BA'I BAR YANG YIN NO, ,DE BZHIN DU DGE SBYONG DANG, BRAM ZE DANG, DRI MA MED PA DANG, DRI MA DANG BRAL BA DANG, SMAN PA DANG, DED DPON DANG, RNAM PAR GZIGS PA DANG, 'JIG RTEN GYI MGON PO DANG 'GRO BA'I MCHOG KYANG YIN NO, ,DE LA DRI MA MED PA NI NYON MONGS PA'I SGRIB PA SPANGS PA'I PHYIR RO, ,DRI MA DANG BRAL BA NI SHES BYA'I SGRIB PA SPANGS PA'I PHYIR RO, ,YANG DRI MA MED PA NI KUN NAS DKRIS PA RTZE BCIL BA'I PHYIR RO, ,DRI MA DANG BRAL BA NI BAG CHAGS YANG DAG PAR BCOM PA'I PHYIR RO, ,RNAM PAR GZIGS PA NI NYIN MTSAN LAN DRUG 'JIG RTEN LA SO SOR GZIGS PA'I PHYIR RO, ,DE BZHIN DU SKYES BU CHEN PO'I MTSAN DANG DPE BYAD BZANG PO RNAM PA THAMS CAD DU SHIN TU RNAM PAR DAG PAS SKU MTSAN CING GSAL BAR BYA BA DANG, STOBS BCU'I STOBS DANG LDAN PA DANG, MI 'JIGS PA BZHIS MI BSNYENGS PA DANG, THUGS RJE CHEN PO DANG LDAN PA DANG, DRAN PA NYE BAR GZHAG PA GSUM LA DRAN PA LEGS PAR NYA PAR GZHAG PA DANG, BSRUNG BA MED PA GSUM DANG LDAN PA DANG, BSNYEL BA MI MNGA' BA'I CHOS CAN DANG, NYON MONGS PA'I BAG CHAGS THAMS CAD YANG DAG PAR BCOM PA DANG, RNAM PA THAMS CAD DANG MCHOG MKHYEN PA YANG YIN NO, ,DE LA BSKAL BA GRANGS MED PA GSUM GYIS YANG DAG PAR BSGRUBS SHING DUS YUN RING POR YONGS SU 'DRIS PAR MDZAD PA'I PHYIR DANG, SEMS CAN THAMS CAD KYI GZHI LA DMIGS PA'I PHYIR DANG, SDUG BSNGAL RNAM PA THAMS CAD LA DMIGS PA'I PHYIR DANG, SEMS CAN THAMS CAD KYIS BYAS PA'I GNOD PA RNAM PA THAMS CAD DANG PHRAD PAS PHYIR MI LDOG PA'I PHYIR DANG, SEMS CAN THAMS CAD LA MNYAM PA NYID DU 'JUG PA'I PHYIR THUGS RJE CHEN PO DANG LDAN PA YIN NO, ,DE LA CHOS SMRA BAS MDO SDE RNAM PAR BSHAD PA'I CHOS KYI MTSAN NYID DE LTAR RNAM PAR GZHAG PA LA DANG PO KHO NAR TSIG 'BRU DANG DON YONGS SU BTZAL BAR BYA'O, ,DE'I 'OG TU JI SKAD BSTAN PA'I BYA BAS CHOS @61B STON PA NA GZHAN DAG LA RNAM PAR BSHAD PA RNAM PA LNGAS 'JUG PAR BYA'O, ,DE LTAR GYUR NAS BDAG NYID CHOS SMRA BA'I MTSAN NYID RNAM PA BCU DANG LDAN PA JI SKAD BSTAN PA DAG LA CHOS DANG DON LA MKHAS PA LA SOGS PAS RNAM PAR GZHAG PAR BYA'O, ,DE LTAR BDAG NYID RNAM PAR BZHAG NAS 'KHOR RNAM PA LNGA PO DAG LA SNGA MA KHO NA BZHIN DU BRJID PA'I GTAM LA SOGS PA RNAM PA BRGYAD PO DAG GIS RNAM PA DE LTA BU'I GTAM BYA'O, ,GTAM DE DAG ZER BA NA GZHAN DAG RNA GTOD PA LA SBYAR BAR BYA ZHING DANG POR STON PA'I BSNGAGS PA BRJOD PAR BYA'O, ,DE LTAR YAN LAG LNGA DANG LDAN PA'I CHOS BSTAN PA NI PA NI YAN LAG LNGA DANG LDAN PA'I SIL SNYAN DANG 'DRA BAR BDAG DANG, GZHAN DAG LA DGA' BA RGYA CHEN PO SKYED PAR 'GYUR ZHING, BDAG DANG GZHAN DAG LA PHAN PA'I PHYIR 'JUG PAR YANG 'GYUR RO, ,DE LTAR MKHAS PAR 'GYUR BA LA NI PHAN YON RNAM PA LNGA YOD DE TSEGS CHUNG NGUS SANGS RGYAS KYI BKA'I DON RTOGS PAR 'GYUR PA DANG, RNAM PA THAMS CAD YONGS SU RDZOGS PA'I GTAM DAG LA 'JUG PAR 'GYUR PA DANG, BDAG DANG GZHAN GYI RGYUD DAG LA DGA' BA DANG, MCHOG TU DGA' BA DGE BA DANG NGES PAR 'BYUNG BA DANG LDAN PA RGYA CHEN PO SKYED PAR 'GYUR PA DANG; LHA DANG MI RNAMS KYI BAR DAG LAS SNYAN PAR DANG GRAGS PA DGE BA NGES PAR 'BYUNG BA DANG LDAN PAR RGYAS PAR 'GYUR PA DANG, BSOD NAMS TSANG MED PA SKYE BAR 'GYUR BA'O, ,DGE SLONG DAG BSLAB PA LA PHAN YON DU GNAS PAR GYIS SHIG CES GSUNGS PA NI MDO'O, ,DE'I LUS NI TSIG 'BRU DANG DON TO, ,DE LA DGE SLONG DAG BSLAB PA LA PHAN YON DU GNAS PAR GYIS SHIG CES GSUNGS PA NI YE GE BCU GNYIS DANG, MING BZHI DANG, TSIG GCIG YIN TE, DE DAG NI RE ZHIG MING DANG TSIG DANG YI GE'I TSOGS YIN NO, ,BSLAB PA'I GZHI RNAM PAR BSTAN PA GANG YIN PA DE NI RNAM PA YIN NO; ,DGE SLONG RNAMS LA BRTEN NAS DE BZHIN GSHEGS PAS BSTAN PA GANG YIN PA DE NI BSTAN PA YIN NO, ,DE BZHIN GSHEGS PAS GSUNGS PA'I BKA' GANG YIN PA DE NI NGAG YIN NO, ,RNAM PA DRUG PO DE DAG NI TSIG 'BRU YIN TE, SHES RAB DAM PA ZHES BYA BA LA SOGS PA'I TSIG RNAMS LA YANG DE @62A *, ,BZHIN DU BLTA BAR BYA'O, ,DON NI NYAN THOS KYIS BSTAN PA 'DI 'AM SA LNGA PO THAMS CAD DE, DE LA BSLAB PA'I PHAN YON ZHES BYA BA NI TSOGS KYI SA'O, ,SHES RAB DAM PA'O ZHES BYA BA NI SBYOR BA'I SA'O, ,RNAM PAR GROL BA'I SNYING PO DANG DRAN PA'I DBANG ZHES BYA BA NI MTHONG BA'I SA DANG BSGOM PA'I SA DANG MTHAR THUG PAR 'GRO BA'I SA'I DON YIN NO, ,DE LA BSLAB PA'I PHAN YON ZHES BYA BA NI TSUL KHRIMS KYI RANG GI MTSAN NYID DO, ,SHES RAB DAM PA ZHES BYA BA NI SHES RAB KYI RANG GI MTSAN NYID DO, ,DE'I RTEN DANG GROGS LA SOGS PA LUS TZAM NI RANG GI MTSAN NYID DO, ,SHES RAB DMIGS PA DANG BCAS PA NI SPYI'I MTSAN NYID DO, ,NYON MONGS PA DANG GNAS NGAN LEN DANG BRAL BA NI RNAM PAR GROL BA'I SNYING POR RANG GI MTSAN NYID DO, ,DRAN PA'I DBANG ZHES BYA BA NI DRAN PA'I RANG GI MTSAN NYID DE, DE LTAR DE NI MTSAN NYID KYI DON YIN NO, ,DE LA BSLAB PA'I PHAN YON ZHES BYA BA NI YID LA BYED PA 'GA' YANG MA YIN TE, DE NI YID LA BYED PA'I RTEN YIN PAR YONGS SU BSTAN TO, ,SHES RAB DAM PA ZHES BYA BA NI MTSAN NYID SO SOR RIG PA DANG MOS PA YID LA BYED PA YIN PAR RIG PAR BYA'O, ,RNAM PAR GROL BA'I SNYING PO ZHES BYA BA NI RAB TU DBEN PA DANG, DGA' BA SDUD PA DANG, SBYOR BA MTHAR THUG PA DANG, SBYOR BA MTHAR THUG PA'I 'BRAS BU YIN PAR YONGS SU BSTAN TO, ,DRAN PA'I DBANG ZHES BYA BA NI DPYOD PA'I YID LA BYED PA YIN TE DE LTAR DE NI YID LA BYED PA'I DON YIN NO, ,TSUL DES SHES PA LA SOGS PA LA YANG SBYAR BAR BYA'O, ,DBANG DU BYA BA NI MYA NGAN LAS 'DAS PA'I DBANG DU BYAS NAS BSLAB PA'I GZHIS BSDUS PA RNAM PAR BYANG BA'I SPYOD PA YIN NO, ,YANG DAG PAR 'DZIN DU GZHUG PAR BYA BA LA SOGS PA CI RIGS PAR BYANG DAG PAR 'DZIN DU GZHUG PA NAS YANG DAG PAR RAB TU DGA' BAR BYA BA'I BAR DANG DGE BA LA SOGS PA'I SPYOD PA DAG KYANG 'DI LA YOD MOD KYI GTZO CHER RNAM PAR BYANG BA'I SPYOD PA YIN NO, ,GANG ZAG GI DBANG DU BYA BA NI GANG ZAG KHYIM MED PA'O, ,DBANG PO RTUL PO LA SOGS PA GANG ZAG THAMS CAD NI YANG DAG PAR DGA' BAR BYA'O, ,'DAS PA DANG DA LTAR GYI DUS SU YANG DAG PAR RAB TU DGA' BAR BYA BA DANG, TSUL KHRIMS YANG DAG PAR BLANGS @62B PA RNAMS LA NI DA LTAR GYI DUS SU YANG DAG PAR BSTAN PA DANG, MA 'ONGS PA'I DUS SU YANG DAG PAR 'DZIN DU GZHUG PA DANG, YANG DAG PAR GZENGS BSTOD PAR BYA STE, DE LTAR DE NI DBANG DU BYA BA'I DON YIN NO, ,DE LA PHAN YON NI BSLAB PA GSUM PO DAG GIS BSGOM PA YONGS SU RDZOGS PAR 'GYUR PA'O, , NYES DMIGS NI DE LTAR MA BYAS NA MI 'GYUR BA DANG RAB TU BYUNG PA DON DANG LDAN PA MI 'GYUR PA'O, ,MI MTHUN PA'I PHYOGS NI TSUL KHRIMS 'CHAL BA DANG MI SHES PA DANG BRJED NGAS PA DANG NYON MONGS PA DAG GO, ,DE DAG GI GNYEN PO NI TSUL KHRIMS LA SOGS PA YIN PAR RIG PAR BYA'O, ,YANG MI MTHUN PA'I PHYOGS NI KUN NAS NYON MONGS PA'I SPYOD PA THAMS CAD DO, ,GNYEN PO NI BSLAB PA GSUM PO DAG GO, ,BSDUS PA'I DON NI BSLAB PA'I PHAN YON LA GNAS PAR GYIS SHIG CES BYA BA NAS DRAN PA'I DBANG ZHES BYA BA'I BAR DAG STE, DE NI MDOR BSTAN PA LAS BSDUS PA YIN NO, ,RGYAS PA NI DE RNAM PAR 'BYED PA YIN PAR RIG PAR BYA'O, ,DE LTAR DE NI BSDUS PA DANG RGYAS PA'I DON YIN TE DE LAS GONG NA YANG MED PA DE LAS LHAG PA YANG MED DO, ,DE LA RNAM PAR BSHAD PA'I CHOS NI GSUNG RAB TU GTOGS PA YAN LAG BCU GNYIS PO DE DAG LAS RE ZHIG DE NI MDO'I SDES BSDUS PA DANG LUNG DU BSTAN PA'I SDE YIN PAR BLTA BAR BYA STE NGES PA'I DON YIN PA'I PHYIR RO, ,KUN NAS SLONG BA NI DBANG DU BYA BA LAS BRJOD PAR BYA STE, BDAG NYID THAMS CAD DU 'GRO BA'I LAM SHES PA'I STOBS STON PAR 'DOD PAS MDO SDE RTZOM PAR BYED PA DANG, YANG GDUL BA RNAM PAR BYANG BA'I SPYOD PA LA BRTZON PA ZANG ZING LA GDU ZHING DE LA MOS PA RNAMS BSLABS PA'I PHAN YON LA SOGS PA LA GNAS PA LA BSLAB PA GSUM YONGS SU RDZOGS PAR 'GYUR PA'I PHAN YON YANG DAG PAR BSTAN PAR BYA BA'I PHYIR DANG, YANG DGE SLONG GI DNGOS PO BZHI YANG DAG PAR BSTAN PAR BYA BA'I PHYIR TE, DE LA BSLAB PA'I PHAN YON ZHES BYA BA NI KHA DOG DANG RTAGS DANG DBYIBS KYI DGE SLONG NYID DANG, CHO GA BSRUNG ZHING TSUL 'CHOS PA'I DGE SLONG NYID LAS 'DUN PA ZLOG PAR BYED PA'O, ,SHES RAB DAM PA ZHES BYA BA NI GRAGS PA DANG SGRA DANG TSIGS SU BCAD PA'I DGE SLONG NYID LA 'DUN PA ZLOG PAR BYED PA'O, ,RNAM PAR GROL BA'I SNYING PO DANG DRAN PA'I DBANG ZHES BYA @63A *, ,BA DES NI YANG DAG PAR SGRUB PA'I DGE SLONG NYID YANG DAG PAR 'DZIN DU 'JUG PA STE, 'DI LTAR GRAGS PA LA SOGS PA 'DOD PA NI SO SOR BRTAGS NAS THOS PA 'DZIN PAR BYED KYI, SHES RAB 'PHEL BAR MI BYED PA DANG, NYES PA SNGAR MA SPANGS PA GANG YIN PA DE NI YANG DAG PA'I SGRUB PAS BSDUS PA'I RNAM PAR GROL BA YANG DAG PAR 'DZIN PAR BYED PA'I PHYIR RO, ,YANG DMAN PAS CHOG PAR 'DZIN PA LA ZHUGS PA RNAMS GONG MA BAS KYANG CHES GONG MA YANG DAG PAR 'DZIN DU GZHUG PA'I PHYIR RO, ,'JIG RTEN RGYANG 'PHEN PA'I GSANG TSIG YONGS SU TSOL ZHING LHOD PA RNAMS LA NI BSLAB PA'I PHAN YON ZHES GSUNGS SO, ,TSUL KHRIMS DANG LDAN PA THOS PA LA MI LTOS PA RNAMS LA NI SHES RAB DAM PA ZHES GSUNGS SO, ,THOS PA DANG BSAMS PA TZAM GYIS CHOG PAR 'DZIN PA RNAMS LA NI RNAM PAR GROL BA'I SNYING PO ZHES GSUNGS SO, ,TSUL KHRIMS DANG SHES RAB DANG RNAM PAR GROL BAS MNGON PA'I NGA RGYAL BYED PA RNAMS LA NI DRAN PA'I DBANG ZHES BYA BA GSUNGS TE, DE LTAR RNAM PA DE LTA BU DAG GIS KUN NAS SLONG BA BRJOD PAR BYA'O, ,DE LA BSDUS PA'I DON NI 'DIR YANG DAG PA'I SGRUB PA DANG 'BRAS BU YIN PAR BSTAN TE, 'DI LTA STE, TSUL KHRIMS LA SOGS PA GSUM PO DE TZAM GYIS NI BSLAB PA'I MTHAR THUG PA YIN NO, ,DE LTAR GNAS PAR GYIS ZHES GSUNGS PAS NI YANG DAG PA'I SBYOR BA RNAL 'BYOR RNAM PA BZHIS BSDUS PA YONGS SU BSTAN TO, ,DE LTAR GNAS PA RNAMS KYI BSLAB PA GSUM ZHES GSUNGS PAS NI YANG DAG PAR SGRUB PA'I 'BRAS BU YONGS SU BSTAN TO, , DE LA DAD PA DANG 'DUN PA NI TSUL KHRIMS YANG DAG PAR BLANG PA'I SNGON DU 'GRO BA YIN NO, ,THOS PA 'DZIN PA'I DUS NA NI BRTZON 'GRUS SO, ,SHES RAB LA SOGS PA NI THABS YIN NO, ,DE LA TSIG GI DON NI BSLAB PA DANG, RJES SU BRTZON PA DANG, JI LTAR GDAMS PA BZHIN SGRUB PA DANG, GOMS PA DANG, SGOM PA ZHES BYA BA NI RNAM GRANGS SO, ,SGRUB PA DE NI LUS DANG NGAG DANG 'TSO BA YONGS SU DAG PAR KUN TU SBYOR BA'I MTSAN NYID KYI TSUL KHRIMS KYIS RAB TU PHYE BA DANG BZOD PAS RAB TU PHYE BA YIN PAS DE'I PHYIR BSLAB BZHES BYA'O, ,YANG ZHI BA'I PHYIR 'GRO BAS BSLAB PA ZHES BYA STE, DE LTAR DE LTA BU DANG MTHUN PA DAG @63B NI NGES PA'I TSIG YIN NO, ,RTAGS DANG NGO BO NYID DANG LAS DANG CHOS DANG RGYU DANG 'BRAS BU NI SNGA MA BZHIN DU BRJOD PAR BYA'O, ,DE LA RE ZHIG NGO BO NYID KYI RAB TU DBYE BAS BSLAB PA'I PHAN YON NI TSUL KHRIMS RNAM PA BDUN DANG BSLAB PA'I GZHI NYIS BRGYA LNGA BCU YONGS SU BSTAN PA YIN NO, ,DE LA KHAMS KYI RAB TU DBYE BAS NI 'DOD PA NA SPYOD PA SO SOR THAR PA'I SDOM PA DANG, GZUGS DANG GZUGS MED PA NA SPYOD PA BSAM GTAN GYI SDOM PA DANG MI LDAN PA'I ZAG PA MED PA'I SDOM PA'O, ,DUS KYI RAB TU DBYE BAS NI 'DAS PA'I DUS SU YANG BSLAB PA'I PHAN YON 'DI LTA BU KHO NAR GYUR LA MA 'ONGS PA'I DUS SU YANG 'DI LTA BU KHO NAR 'GYUR PA DANG, DA LTAR BYUNG BA'I DUS NA YANG BSLAB PA'I PHAN YON 'DI LTA BU KHO NA YIN PAR RIG PAR BYA;'O, ,DE LA GNAS SKABS KYI RAB TU DBYE BAS NI GANG ZAG ZHUGS PA YONGS SU MA SMIN PA RNAMS KYI BSLAB PA'I PHAN YON NI CHUNG DU'I GNAS SKABS YIN NO, ,YONGS SU SMIN PA RNAMS KYI NI 'BRING GI GNAS SKABS YIN NO, ,YONGS SU SMIN PAR GYUR PA RNAMS KYI NI CHEN PO'I GNAS SKABS YIN NO, ,SO SOR BRTAGS NAS MNGON PAR MI DGA' BZHIN DU TSANGS PAR SPYOD PA LA GNAS PA RNAMS KYI BSLAB PA'I PHAN YON NI SDUG BSNGAL BA'I GNAS SKABS YIN NO, ,MNGON PAR DGA' BA RNAMS KYI NI BDE BA'I GNAS SKABS YIN NO, ,MNGON PAR DGA' BA YANG MA YIN MNGON PAR MI DGA' BA YANG MA YIN PA RNAMS KYI BSLAB PA'I PHAN YON NI SDUG BSNGAL YANG MA YIN BDE BA YANG MA YIN BA'I GNAS SKABS YIN NO, ,BSLAB PA'I PHAN YON DE DAG THAMS CAD NI DGE BA'I GNAS SKABS YIN GYI, MI DGE BA'I GNAS SKABS KYANG MA YIN NO, ,LUNG DU MA BSTAN PA'I GNAS SKABS KYANG MA YIN NO, ,THOS PA GZUNG BA RNAMS KYI NI THOS PA'I GNAS SKABS YIN NO, ,BSAMS PA RNAMS KYI NI BSAMS PA'I GNAS SKABS YIN NO, ,BSGOMS PA RNAMS KYI YANG BSGOMS PA'I GNAS SKABS YIN NO, , LHAG PA'I SEMS DANG LHAG PA'I SHES RAB MA THOG PA RNAMS KYI NI LHAG PA'I TSUL KHRIMS KYI GNAS SKABS KHO NA YIN NO, ,DE DAG THOB PA RNAMS KYI NI DE DAG GI GNAS SKABS KYANG YIN TE, DE LTAR DE LTA BU DANG MTHUN PA DAG NI GNAS SKABS KYI RAB TU DBYE BA YIN NO, ,DE LA GANG ZAG GI @64A *, ,RAB TU DBYE BA NI 'DIR GANG ZAG RAB TU BYUNG BA YIN PAR DGONGS SO, ,DE YANG DBANG PO RTUL PO YANG YOD, DBANG PO RNON PO YANG YOD DO, ,'DOD CHAGS LA SOGS PA SPYAD PA YANG YOD, CHA MNYAM PAR SPYAD PA YANG YOD DO, ,NYON MONGS PA CHUNG BA YANG YOD DO, ,NYAN THOS KHO NA'I YIN GYI RANG SANGS RGYAS KYA YANG MA YIN, BYANG CHUB SEMS DPA'I YANG MA YIN TE, RANG SANGS RGYAS NI RANG GIS MNGON PAR RDZOGS PAR BYANG CHUB PA'I PHYIR DANG, BYANG CHUB SEMS DPA' NI RNAM PAR GROL BA'I SNYING PO 'DI LA GNAS PAR MI STON PA'I PHYIR RO, ,YONGS SU MYA NGAN LAS 'DA' BA'I CHOS CAN KHO NA'I YIN TE, ZHUGS PA DANG MA BSGRIBS PA DANG 'CHING BA MTHA' DAG YOD PA DANG 'CHING BA MA TSANG BA YANG YIN GYI, 'CHING BA MED PA'I NI MA YIN NO, ,MIR GYUR PA YIN GYI, LHAR GYUR PA'I NI MA YIN TE, DE LTAR DE NI GANG ZAG GI RAB TU DBYE BAS YIN NO, ,BSLAB PA'I PHAN YON LA JI LTA BA DE BZHIN DU SHES RAB DAM PA DANG RNAM PAR GROL BA'I SNYING PO DANG DRAN PA'I DBANG LA YANG RAB TU DBYE BA RNAM PA LNGA PO DAG CI RIGS PA RIG PAR BYA'O, ,DE LA PHAN YON DANG, YON TAN DANG, MTHO BA DANG, PHUN SUM TSOGS PA ZHES BYA BA NI RNAM GRANGS SO, ,PHAN YON BCU YANG DAG PAR GZIGS NAS ZHES JI SKAD GSUNGS PA LA CHOS 'DI NI LUS LA PHAN 'DOGS PAR BYED PA DANG BSTOD PAR 'OS BAS NA PHAN YON YIN NO, ,YANG MTHUN PAR SKYES PA'I SEMS CAN RNAMS 'DI'I RJES SU 'GRO BAR 'GYUR BAS PHAN YON NO, ,YANG LEGS SU SMON PAR BYA BA'I RJES SU 'GRO BA'I PHYIR YANG PHAN YON NO, ,RNAM PAR DBYE BA NI RNAM PA BCUR DBYE BAS RIG PAR BYA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR ZHES BYA BA LA SOGS PA'O, ,DE LA DGE SLONG RNAMS DANG, DGE SLONG RNAMS DANG, RAB TU BYUNG BA RNAMS DANG, KHYIM MED PAR RNAMS ZHES BYA BA NI RNAM GRANGS SO, DE'I KHA DOG DANG DBYIBS DANG BRAL BA'I PHYIR DANG, BDAG NYID NGAN SONG LAS SRUNG ZHING MA SMAS PAR YONGS SU SKYONG BAR BYED PA'I PHYIR DGE SLONG NGO, ,DE LA RNAM PAR RAB TU DBYE BA NI RGYAL RIGS LA SOGS PA'I DBYE BA DANG, RIGS MTHON PO DANG, DMA' @64B BA'I DBYE BA DANG, GSAR BU DANG, BAR MA DANG, GNAS BRTAN GYI DBYE BAS RIG PAR BYA'O, ,GNAS PAR GYIS SHIG CES BYA BA DANG, DUS YOL BAR GYIS SHIG CES BYA BA DANG, SGOMS SHIG CES BYA BA DANG, GOMS PAR GYIS SHIG CES BYA BA NI RNAM GRANGS SO, ,DE'I LUS NI BSLAB PA LEGS PAR BSHAD PA LAS GUD NA MED DO, ,NGES PA'I TSIG NI SPYOD LAM SNA TSOGS KYI DUS YOL BAR GNAS SO, ,DE LA RNAM PA RAB TU DBYE BA NI SPYOD LAM GYI DBYE BA DANG, SNGA DROD DANG GUNG TSIGS DANG PHYI DRO DANG, MTSAN MO GNAS PAS DBYE BAS BLTA BAR BYA'O, ,DE LA SHES RAB DANG, YE SHES DANG, MTHONG BA DANG, SNANG BA DANG, MNGON PAR RTOGS PA ZHES BYA BA NI RNAM GRANGS SO, ,DE YANG RAB TU DBYE BA'I MTSAN NYID SEMS LAS BYUNG BA'I CHOS YIN NO, ,NGES PA'I TSIG NI RAB TU 'BYED PA'I BDAG NYID YIN PA'I PHYIR DANG, MI SHES PA'I GNYEN PO YIN PA'I PHYIR SHES RAB PO, ,YANG RNAM PA LAS SHES PAS NA SHAS RAB YIN NO; ,YANG MKHAS PA RNAMS KYI MKHAS PA NI NGES PAR RAB TU PHYE BA'I PHYIR SHES RAB PO, ,DE LA RAB TU DBYE BA NI SNGA MA BZHIN DU CI RIGS PAR SBYAR BAR BYA'O, ,DE LA RNAM PAR GROL BA DANG SPANGS PA DANG MI LDAN PA DANG RNAM PAR DAG PA DANG ZAD PA DANG 'DOD CHAGS DANG BRAL BA ZHES BYA BA LA SOGS PA NI RNAM GRANGS SO, ,DE LA NGO BO NYID NI GNAS NGAN LEN YANG DAG PAR BCOM PA DANG NYON MONGS PA SPANGS PA YIN NO, ,NGES PA'I TSIG NI 'DOD CHAGS LA SOGS PA'I 'CHING BA RNAM PA SNA TSOGS LAS GROL BA'I PHYIR RNAM PAR GROL BA'O, ,YANG BCOM LDAN 'DAS KYI THUB PA RNAM PA GNYIS KYI DNGOS PO'I PHYIR GSUNGS PAS RNAM PAR GROL BA'O, ,DE LA RAB TU DBYE BA NI DUS DANG SBYOR BA DANG, MI G-YO BA DANG, MTHONG BAS SPANG BAR BYA BA DANG, BSGOM PAS SPANG BAR BYA BA DANG, 'DOD PA NA SPYOD PA DANG, GZUGS NA SPYOD PA DANG, GZUGS MED PA NA SPYOD PA'I NYON MONGS PA RNAMS LAS RNAM PAR GROL BA DANG, DE LTAR DE LTA BU DANG MTHUN PA SNGA MA LTA BU DAG NI RAB TU DBYE BA YIN PAR RIG PAR BYA'O, ,DE LA DRAN PA DANG SEMS KYIS MI BRJED PA DANG MNGON PAR BRJOD PA ZHES BYA BA NI RNAM GRANGS SO, ,DE LA NGO BO NYID NI SEMS LAS BYUNG BA'I CHOS YIN NO, ,NGES PA'I TSIG NI CHOS RJES SU DRAN PA'I PHYIR DRAN PA'O, ,YANG @65A *, ,JI LTAR 'DRIS PA'I NGOS PO YID LA BYED PA 'DIS MNGON PAR RJOD PAR BYED PA'I PHYIR DRAN PA'O, ,DRAN PA'I RAB TU DBYE BA NI SANGS RGYAS RJES SU DRAN PA DANG, CHOS RJES SU DRAN PA DANG, DGE 'DUN RJES SU DRAN PA LA SOGS BA RJES SU DRAN PA DRUG PO DAG YIN PAR RIG PAR BYA'O; ,DE BZHIN DU DRAN PA NYE BAR GZHAG PA'I DBYE BAS KYANG RAB TU DBYE BAR RIG PAR BGYA'O, ,RGYAS PAR NI SNGA MA BZHIN DU CI RIGS PAR SBYAR BAR BYA'O, ,DE LA BSLAB PA'I PHAN YON ZHES BYA BA'I DON GANG YIN ZHES RGOL NA DE NI LHAG PA'I TSUL KHRIMS KYI BSLAB PA YON TAN DU BLTA ZHING GNAS PAR YONGS SU STON PA'I TSIG BLA DAGS YIN NO, ,SHES RAB DAM PA ZHES BYA BA'I DON GANG YIN ZHE NA, DE NI DE LAS GZHAN PA'I DBANG PO THAMS CAD PAS SHES RAB KYI DBANG PO MCHOG NYID DU YONGS SU STON PA'I TSIG BLA DAGS YIN NO, ,RNAM PAR GROL BA'I SNYING PO ZHES BYA BA'I DON GANG ZHE NA, DE NI MTHONG BA DANG BSGOM PAS SPANG BAR BYA BA'I NYON MONGS PA SPONG BA YONGS SU STON PA'I TSIG BLA DAGS YIN NO, ,DRAN PA'I DBANG PO ZHES BYA BA'I DON GANG ZHE NA, DE NI CHUNG DU DANG NGAN NGON TZAM GYIS CHOG MI SHES PAR YONGS STON PA'I TSIG BLA DAGS YIN NO, ,GANG GI TSE BCOM LDAN 'DAS KYIS MDO SDE GZHAN DAG TU BSLAB PA GSUM GO RIMS BZHIN DU BSTAN NA, 'DIR CI'I PHYIR LHAG PA'I SEMS KYI BSLAB PA'I PHAN YON MA GSUNGS PAR LHAG PA'I TSUL KHRIMS KYI MJUG THOGS SU LHAG PA'I SHES RAB BSTAN CE NA, THOS PA LAS BYUNG BA LA SOGS PA'I SHES RAB KYI YONGS SU BSDUS PA BSTAN PA 'DI NYID KYI 'GYOD PA MED PA LA SOGS PA'I RIM GYIS TING NGE 'DZIN YONGS BSTAN PAS LHAG PA'I SEMS KYI BSLAB PA YANG YONGS SU BSTAN PA YIN TE, BCOM LDAN 'DAS KYIS KYANG DBANG PO LNGA PO 'DI DAG GI NANG NAS SDUD PAR BYED PA NI 'DI YIN, ,'DUS PAR BYED PA NI 'DI YIN TE, 'DI LTA STE, SHES RAB KYI DBANG PO'O, ,SHES RAB KYI DBANG PO DANG LDAN PA'I DGE SLONG NI TING NGE 'DZIN GYI DBANG PO'I BAR DU SGOM PAR BYED DE, DE LTAR NA DE NI 'DI LTA STE, SHES RAB KYI DBANG POS TING NGE 'DZIN GYI DBANG PO'I BAR DANG YANG LDAN PAR 'GYUR RO, ,ZHES JI SKAD GSUNGS PA LTA BU STE, DE BAS @65B NA MDO SDE DER BCOM LDAN 'DAS KYIS TING NGE 'DZIN 'DREN PA'I RGYU GANG YIN PA DANG NYON MONGS PA SPONG BA 'DREN PA'I RGYU GANG YIN PA DE YONGS SU BSTAN TO, ,LHAG PA'I SEMS NI LHAG PA'I SHES RAB KYI BSLAB PA KHO NA DANG LHAN CIG BSTAN PA YIN NO, ,GANG GI TSE BBSLAB PA GSUM GYI BSGOM PA YONGS RDZOGS PAR 'GYUR RO ZHES GSUNGS NA, CI'I PHYIR LHAG PA'I SEMS KYI BSLAB PA'I BSGOM PA MA BSTAN CE NA, 'DIR YANG TSUL SNGA MA KHO NA BZHIN DU BLTA BAR BYA'O, ,CI'I PHYIR BSLAB PA'I PHAN YON LA GNAS PAR GYIS SHIG CES GSUNGS LA SHES RAB KYI PHAN YON LA GNAS PAR GYIS SHIG CES KYANG MA GSUNGS RNAM PAR GROL BA'I PHAN YON LA GNAS PAR GYIS SHIG CES KYANG MA GSUNGS SHE NA, DMAN PA LA PHAN YON SMOS PAS GDUL BA RNAMS GYA NOM PA LA YANG PHAN YON 'DZIN DU BCUG PAR 'GYUR PA DANG, PHAN YON BCU PO DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR ZHES BYA BA LA SOGS PA GSAL BAR YONGS SU BSTAN PA PHAN YON DE DAG LA 'JUG PAR BSLAB PA'I PHYIR RO, ,GANG GI TSE RNAM PAR GROL BA NI THAMS CAD PAS BLA NA MED PA'I CHOS YIN NO, CI'I PHYIR SHES RAB DAM PA LA GNAS PAR GYIS SHIG CES GSUNGS LA RNAM PAR GROL BA DAM PA LA GNAS PAR GYIS SHIG CES MA GSUNGS SHE NA, DMAN PA LA DAM PA SMOS PAS GDUL BA RNAMS GYA NOM PA LA YANG 'DZIN DU BCUG PAR 'GYUR PA DANG, RNAM PAR GROL BA'I KHYAD PAR THUN MONG MA YIN PA DE YANG YONGS SU BSTAN PAR 'GYUR BA'I PHYIR RO, ,'DIR KHYAD PAR GANG YIN ZHE NA, BLA NA MED PA'I SHES RAB MI RTAG PA GANG YIN PA DE BAS RNAM PAR GROL BA NI RTAG PAS SNYING PO NYID YIN PA'O, ,DE LA BSLAB PA'I PHAN YON LA GNAS PA GANG ZHE NA, BSLAB PA'I GZHI JI LTAR BCAS PA DAG LA PHAN YON BCU YANG DAG PAR MTHONG PA'I NGES PA'I TSUL KHRIMS NYID DANG, BSTAN PA'I TSUL KHRIMS NYID DANG, RTAG TU BYED PA NYID DANG, RTAG TU 'JUG PA NYID GANG YIN PA DE NI BSLAB PA'I PHAN YON LA GNAS PA YIN NO, ,DE LA DGE 'DUN BSDU BA'I PHYIR ZHES BYA BA LA SOGS PA'I TSIG RNAMS KYI DON GANG ZHE NA, DGE 'DUN BSDU BA'I PHYIR ZHES BYA BA NI MDOR BSTAN PA'I TSIG YIN NO, ,DGE 'DUN LEGS PAR @66A *, ,BYA BA'I PHYIR ZHES BYA BA NI 'DOD PA'I BSOD NAMS KYIS RJES SU BRTZON PA'I MTHA' RNAM PAR SPANG BA'I PHYIR RO, ,DGE 'DUN BDE BAR GNAS PAR BYA BA'I PHYIR ZHES BYA BA NI BDAG NYID NGAL BA'I RJES SU BRTZON PA'I MTHA' RNAM PAR SPANG BA'I PHYIR RO, ,MNGON PAR MA DAD PA RNAMS MNGON PAR DANG PAR BYA BA'I PHYIR ZHES BYA BA NI MA ZHUGS PA RNAMS ZHUGS PA'I PHYIR RO, ,MNGON PAR DAD PA RNAMS PHYIR ZHING DAD PAR BYA BA'I PHYIR ZHES BYA BA NI ZHUGS PA RNAMS YONGS SU SMIN PAR BYA BA'I PHYIR RO, ,GNOD MI BKUR BA'I GANG ZAG RNAMS TSAR GCAD PA'I PHYIR ZHES BYA BA NI TSUL KHRIMS 'CHAL PA RNAMS LA NAN TUR DU BYA BA'I PHYIR RO, ,NGO TSA SHES PA RNAMS BDE BAR GNAS PAR BYA BA'I PHYIR ZHES BYA BA NI TSUL KHRIMS DANG LDAN PA RNAMS 'GYOD PA MED PAR BYA BA'I PHYIR RO, ,TSE 'DI'I ZAG PA RNAMS BSDAM PAR BYA BA'I PHYIR ZHES BYA BA NI NYON MONGS PA'I KUN NAS DKRIS PA RNAM PAR GNON PA DANG RJES SU MTHUN PAR BYA BA'I PHYIR RO, ,TSE RABS PHYI MA'I ZAG PA RNAMS GZHOM PA'I PHYIR ZHES BYA BA NI SMON NAS TSANGS PAR SPYOD PA LA GNAS PA GSAL BAR BYA BA'I PHYIR DANG, NYON MONGS PA'I BAG LA NYAL SPANG BA DANG RJES SU MTHUN PAR BYA BA'I PHYIR RO, ,NGA'I TSANGS PAR SPYOD PA SKYE BO MANG PO LA PHAN PA YANGS PAR GYUR PA LHA DANG MI RNAMS KYI BAR LA YANG DAG PAR RAB TU BSTAN PA YUN RING DU GNAS PAR 'GYUR BA'I PHYIR ZHES BYA BA NI BSTAN PA'I RGYUN MI 'CHAD PAR BYA BA'I PHYIR RO, ,PHAN YON BCU PO DE DAG GIS MDOR BSDU NA PHAN YON GSUM BSDUS PA YIN LA GSUM GYIS KYANG BCU BSDUS PA YIN TE, DGE 'DUN KUN NAS NYON MONGS PA CAN MA YIN PAR GNAS PA NYID DANG, BDE BA LA REG PAR GNAS PA NYID DANG, DUS YUN RING DU RJES SU 'JUG PA NYID DO, ,DE LA RJES SU SRUNG BA RNAM PA BDUN GYIS NI KUN NAS NYON MONGS PA CAN MA YIN PAR GNAS PA NYID DANG, BDE BA LA REG PAR GNAS PA NYID YONGS SU BSTAN TE; RNYED PA DANG BKUR STI RJES SU SRUNG BA DANG, DKA' THUB DRAG POS GDUNG BA RJES SU SRUNG BA DANG, YO BYAD KYIS PHONGS PA RJES SU SRUNG BA DANG, PHAN TSUN GNOD PA RJES SU SRUNG BA DANG, SEMS LA 'GYOD PA RJES SU SRUNG BA DANG, NYON MONGS PA'I KUN NAS DKRIS PA RJES SRUNG BA DANG, LOG @66B PAR SMON PA RJES SU SRUNG BAS SO, ,TSIG THA MAS NI BSTAN PA YUN RING DU 'JUG PA NYID YONGS SU BSTAN TO, ,DE LA JI LTAR NA NGES PA'I TSUL KHRIMS CAN YIN ZHE NA, BSLAB PA'I GZHI MI 'BUL BA'I PHYIR RO, ,JI LTAR NA BRTAN PA'I TSUL KHRIMS CAN YIN ZHE NA, BSLAB PA'I GZHI NYAMS PAR MI BYED PA'I PHYIR RO; ,JI LTAR NA RTAG TU BYED PA YIN ZHE NA, BSLAB PA'I GZHI 'DRAL BAR MI BYED PA'I PHYIR RO, ,JI LTAR NA RTAG TU 'JUG PA YIN ZHE NA, RAL NA YANG PHYIR GSO BAR BYED PA'I PHYIR RO, ,JI LTAR NA BSLAB PA'I GZHI RNAMS YANG DAG PAR BLANGS TE SLOB PA YIN ZHE NA, BSLAB PA MTHA' DAG RJES SU SRUNG BA'I PHYIR RO; ,DE LTAR NGES PA'I TSUL KHRIMS CAN DANG, BRTAN PA'I TSUL KHRIMS CAN DE CHOS THOS NAS GCIG PU DBEN PAR SONG STE 'DI LTA STE, LHAG PA'I SEMS DANG LHAG PA'I SHES RAB LAS BRTZAMS NAS SEMS PAR BYED, 'JAL BAR BYED, NYE BAR RTOG PAR BYED CING, DE THOS PA DANG BSAMS PA DANG BSGOMS PA LAS BYUNG BA'I SHES RAB LA BRTAN NAS RNAM PAR GROL BA LA REG PAR BYED DE, RNAM PAR GROL BA DE YANG YONGS SU MI MNYAM PA'I CHOS NYID YIN PA'I PHYIR SNYING PO ZHES BYA STE, 'JIG RTEN LAS 'DAS PA'I SHES PA'I 'BRAS BU YIN PA'I PHYIR RO, ,RNAL 'BYOR PA DA DRAN PA'I STOBS KYIS BDAG GI TSUL KHRIMS KYI PHUNG PO YONGS SU RDZOGS SAM 'ON TE MA RDZOGS, BDAG GI SHES RAB KYI CHOS 'DI DAG SHIN TU LEGS PAR RTOGS SAM 'ON TE MA RTOGS, BDAG GI RNAM PAR GROL BAS SHIN TU LEGS PAR REG GAM 'ON TE MA REG CES DE LTAR DRAN PA'I STOBS SKYED PA NYID LA BRTEN NAS BSLAB PA'I PHAN YON DANG, SHES RAB DAM PA DANG RNAM PAR GROL BA'I SNYING POR 'GYUR BAS DE'I PHYIR DRAN PA'I DBANG PO YIN NO, ,DRAN PA DE YANG MDOR BSDU NA RNAM PA GSUM DU BLTA BAR BYA STE, CHOS BSTAN PA LA BRTEN PA DANG, GDAMS NGAG LA BRTEN PA DANG, BYAS PA DANG MA BYAS PA LA SO SOR RTOG PA LA BRTEN PA'O; ,DE LA BCOM LDAN 'DAS KYIS TSUL KHRIMS NI DGE BSNYEN GYI TSUL KHRIMS DANG, DGE SLONG GI TSUL KHRIMS DANG, BSNYEN GNAS PA'I TSUL KHRIMS DANG, BSAM GTAN GYI TSUL KHRIMS DANG, SNYOMS PAR 'JUG PA'I TSUL KHRIMS DANG, 'PHAGS PA DGYES PA'I TSUL KHRIMS LA SOGS PA @67A *, ,RNAM PA DU MA GSUNGS NA, DE LA 'DIR TSUL KHRIMS GANG LAS BRTZAMS NAS BSLAB PA'I PHAN YON LA GNAS PAR GYIS SHIG CES GSUNGS SHE NA, GTZO CHER DGE SLONG GI TSUL KHRIMS LAS SO, ,BCOM LDAN 'DAS KYIS SHES RAB KYANG 'DI LTA STE, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA LA SOGS PA RNAM PA DU MA GSUNGS NA, DE LA 'DIR SHES RAB GANG LAS BRTZAMS NAS SHES RAB DAM PA LA GNAS PAR GYIS SHIG CES GSUNGS SHE NA, RNAM PA GSUM CHAR LAS SO, ,BCOM LDAN 'DAS KYIS RNAM PAR GROL BA YANG 'JIG RTEN PA DANG, 'JIG RTEN LAS 'DAS PA DANG, SLOB PA DANG MI SLOB PA DANG G-YO BA DANG MI G-YO BA'I RNAM PAR GROL BA LA SOGS PA RNAM PA DU MA GSUNGS NA, DE LA 'DIR RNAM PAR GROL BA GANG LAS BRTZAMS NAS RNAM PAR GROL BA'I SNYING PO LA GNAS PAR GYIS SHIG CES GSUNGS SHE NA, 'JIG RTEN LAS 'DAS PA DANG MI G-YO BA LAS SO, ,BCOM LDAN 'DAS KYIS DRAN PA YANG LUS DRAN PA NYE BAR GZHAG PA DANG TSOR BA DANG SEMS DANG CHOS RNAMS LA DRAN PA NYE BAR GZHAG PA DANG, BYAS NAS YUN RING DU LON PA DANG, SMRAS NAS YUN RING DU LON PA RJES SU DRAN PA DANG, DE BZHIN DU CHOS BSTAN PA RNAMS DRAN PA DANG GDAMS NGAG RJES SU DRAN PA DANG, BYAS PA DANG MA BYAS PA RJES SU DRAN PA DANG, SANGS RGYAS RJES SU DRAN PA LA SOGS PA DRAN PA RNAM PA DU MA GSUNGS NA, DE LA 'DIR DRAN PA GANG LAS BRTZAMS NAS DRAN PA'I DBANG ZHES GSUNGS SHE NA, GTZO CHER BYAS PA DANG MA BYAS PA LA SO SOR RTOGS PA RJES SU DRAN PA LAS SO, ,DE LA MTSAMS SBYAR BA NI 'DI NA DGE SLONG TSUL KHRIMS LA BRTEN NAS THOS PA 'DZIN PAR BYED CING DE YANG TSUL KHRIMS BZHIN DU YID LA BYED DO, ,TSUL KHRIMS DANG LDAN PA DE LA NI 'GYOD PA MED PAR 'GYUR TE, 'GYOD PA MED PA LA SOGS PA'I RIM GYIS THABS KYIS YONGS SU BSDUS PA'I SHES RAB KYIS TSUL BZHIN YID LA BYED PA LA TING NGE 'DZIN SKYE BAR 'GYUR TE DE LTAR DE DAG NI LHAG PA'I SEMS YONGS SU 'GRUB PA YIN NO, ,YONGS SU RDZOGS PA'I MTSAMS SBYAR BA NI 'DI YIN TE, GONG NAS GONG DU YONGS SU RDZOGS PAR 'GYUR BA'I PHYIR BSLAB PA'I PHAN YON NI SHES RAB DAM PA'I PHYIR YIN LA SHES @67B RAB DAM PA NI RNAM PAR GROL BA'I SNYING PO'I PHYIR YIN PA'O, ,JI LTAR BSLAB PA'I PHAN YON YIN PA NAS RNAM PAR GROL BA'I SNYING PO'I BAR DU YIN ZHE NA, SMRAS PA, DRAN PA'I DBANG GIS SO ZHES BYA BA DE NI BSGRUB PA'I MTSAMS SBYAR BA YIN NO, ,DE LTAR GNAS PA'I BSLAB PA GSUM PO DE DAG BSGOM PA YONGS SU RDZOGS PAR 'GYUR RO ZHES BYA BA DE YANG BSGRUB PA'I MTSAMS SBYAR BA YIN NO, ,NYAN THOS RNAMS LA BYA BA DANG BYA BA MA YIN PA'I BSGRUB PA RJES SU STON PAR MDZAD PAR STON PA'O, ,YANG SKYE BO MANG PO'I SDUG BSNGAL NYE BAR ZHI BAR BYA BA'I PHYIR STON PAR MDZAD PAS STON PA'O, ,YANG MU STEGS CAN RO DANG 'DRA BAR NUB PAR BYA BA'I PHYIR 'DI SHAR BAS STON PA'O, ,DE LAS GZHAN LAS NYAN CING RJES SU SGROGS PAR BYED PAS NYAN THOS RNAMS SO, ,CI'I PHYIR NYAN THOS RNAMS KHO NA LAS BRTZAMS SHE NA, 'DI LTAR NYAN THOS RNAMS NI BCOM LDAN 'DAS KYI SRAS SU GYUR PA YIN PAS BSLAB PA RNAMS LAS BRTZAMS NAS SO, ,DE LA CHOS NI MING DANG TSIG DANG YI GE'I TSOGS RNAMS ZHES BYA BA YIN PAR BLTA BAR BYA'O, ,DE LA BSLAB PA'I GZHI NI 'DI LTA STE LTUNG BA SDE LNGA BSTAN PA YIN NO, ,DE LA RJES SU THUGS BRTZE BA NI YUN RING PO NAS SEMS CAN RNAMS LA BYAMS PA LA SOGS PA TSAD MED PAS GNAS PA'I PHYIR RO, ,THUGS RJE DANG LDAN PA NI SDUG BSNGAL GYI CHOS MANG PO RNAMS SE LA BAR MDZAD PA'I PHYIR RO, ,DON DU BZHED PA NI BDE BA'I CHOS MANG PO SGRUB PA'I PHYIR RO, ,PHAN PAR BZHED PA NI DGE BA'I CHOS RNAM PA DU MA NYE BAR SGRUB PA'I PHYIR RO, ,THUGS RJE BAR MDZAD PA NI ZHES BYA BA NI SDIG PA MI DGE BA'I CHOS RNAM PA DU MA SEL BAR MDZAD PA'I PHYIR RO, ,DE LA TSANGS PAR SPYOD PA SKYE BO MANG PO LA PHAN PA ZHES BYA BA NI RGYAL RIGS LA SOGS PA'I RIGS DANG RUS RNAMS KYI PHYIR RO, ,YANGS PAR GYUR PA ZHES BYA BA NI SEMS CAN GYI RIGS DE DAG NYID GONG DU 'PHEL BAR 'GYUR BA LAS BRTZAMS NAS SO, ,LHA DANG MI RNAMS KYI BAR LA ZHES BYA BA NI DE DAG NYID LA MTHU YOD PA'I PHYIR YIN GYI BCOM LDAN 'DAS KYI THUGS RJE NYI TSE BAR 'GYUR BA NI MA YIN NO, ,YANG DAG PAR RAB TU BSTAN PA ZHES BYA BA NI JI LTA BA BZHIN DU YOD PA NYID DANG, JI SNYED YOD PA NYID KYIS SO, ,DE LA CHOS STON ZHES BYA BA NI GSUNG RAB TU GTOGS PA YAN @68A *, ,LAG BCU GNYIS SO, ,BZUNG ZHING KUN CHUB PAR BYAS NAS BCANG BAR BYA, MAN NGAG TU BYA ZHES BYA BA NI TSIG DANG DBEN PAR SONG NAS SO, ,NGES PAR BRTAG PAR BYA ZHES BYA BA NI CHOS SO, ,'DI NI KHYED LA PHAN PA'I PHYIR ZHES BYA BA NI LHAG PA'I TSUL KHRIMS KYI DBANG DU BYAS PA GANG YIN PA'O; ,'DI NI BDE BA'I PHYIR ZHES BYA BA NI MYA NGAN DANG MI DGA' BA RANG LA RAG LUS PA'I SPYOD PA'O, ,'DI NI PHAN PA DANG BDE BA'I PHYIR ZHES BYA BA NI 'DOD CHAGS DANG BRAL BA RNAMS KYI LHAG PA'I SEMS DANG LHAG PA'I SHES RAB KYI SPYOD PA'O, ,DE YANG DGE BA'I PHYIR NI PHAN PA YIN LA PHAN 'DOGS PHYIR NI BDE BA YIN NO, ,YANG 'DI NI PHAN PA'I PHYIR ZHES BYA BA NI GANG DU BCOM LDAN 'DAS KYIS SBYANGS PA'I YON TAN RNAMS BSNGAGS PA'O, ,'DI NI BDE BA'I PHYIR ZHES BYA BA NI GANG DU RO BRGYA DANG LDAN PA'I ZAS DANG GOS 'BUM RI BA RJES SU GNANG BAR MDZAD PA'O, ,'DI NI PHAN PA DANG BDE BA'I PHYIR ZHES BYA BA NI GANG LA BSLAB PA GSUM BCAS PA'O, ,DE BZHIN GSHEGS PAS DE DANG DER CHOS DE DAG SHES RAB KYIS LEGS PAR RTOGS PA YIN ZHES BYA BA NI PHAN PA'I PHYIR DANG BDE BA'I PHYIR GANG DAG YIN PA DANG, LHAG PA'I TSUL KHRIMS KYI BSLAB PA'I DBANG DU BYAS NAS LHAG PA'I SEMS DANG LHAG PA'I SHES RAB GANG YIN PA'O, ,DES RGYU GNYIS KYIS NA LEGS PAR RTOGS PA YIN TE, YUN RING PO NAS GOMS PA DANG PHYIN CI MA LOG PAR RTOGS PAS SO, ,DE DANG DER RNAM PAR GROL BAS SHIN TU LEGS PAR REG CES BYA BA NI LHAG PA'I SEMS DANG LHAG PA'I SHES RAB LAS BRTZAMS NAS SO, ,DE LA RGYU GNYIS KYIS NI SHIN TU LEGS PAR REG PA YIN TE, MTHAR THUG PAR 'GRO BA DANG, PHYIR MI LDOG PA'I CHOS NYID KYIS YONGS SU MI NYAMS PA'I CHOS NYID YIN PA'I PHYIR RO, ,BDAG GI TSUL KHRIMS KYI PHUNG PO YONGS SU MA RDZOGS ZHES BYA BA NI TSUL KHRIMS DE NYID LA PHYOGS GCIG BYED PA'I PHYIR RAM, DES TSUL KHRIMS LA BRTEN NAS MNYAM PAR GZHAG PA'I SA PA'I TSUL KHRIMS DAG YONGS SU RDZOGS PAR MA GYUR PA'O, ,BDAG GIS CHOS 'DI DAG SHIN TU LEGS PAR MA RTOGS ZHES BYA BA NI MTSAN NYID RNAM PA GNYIS KYIS TE SNGA MA BZHIN NO, ,SHIN TU LEGS PAR MA REG CES BYA BA NI RNAM PA GNYIS @68B KYIS TE SNGA MA BZHIN NO, ,DE LTAR NA NGAS SMRAS PA GANG YIN PA DE SO SOR BSHAD PA YIN NO ZHES GANG GSUNGS PA NI DE LTAR MDOR BSTAN PA RNAM PAR DBYE BA'I MJUG BSDU BA YIN PAR RIG PAR BYA'O, ,GZHAN YANG MDO SDE RNAM PAR BSHAD PA NI RNAM PA DRUG PO 'DI DAG GIS SBYAR BAR BYA STE, DNGOS PO YONGS SU SHES PAR DANG, NYES PAR SPYAD PA DANG, NYON MONGS PA DANG, NYE BA'I NYON MONGS PA SPANG BA DANG, LEGS PAR SPYAD PA YANG DAG PAR BLANG BA DANG, NAD LA SOGS PA'I RNAM PA DAG GIS SHES PA DANG, YONGS SU SHES PA RAB TU RTOGS PA DANG, DE'I 'BRAS BU DANG, BDAG NYID DANG, GZHAN DAG GIS DE'I 'BRAS BU RTOGS PA STE, DE LTAR RNAM PA DE DAG DANG, SNGAR JI LTAR RNAM PA GZHAG PA DAG GIS MDO SDE RNAM PAR BSHAD PA SBYAR BAR BYA'O, ,DE LA DNGOS PO NI 'DI LTA STE, PHUNG PO RNAMS DANG, KHAMS RNAMS DANG, SKYE MCHED RNAMS DANG, RTEN CING 'BREL BAR 'BYUNG BA DANG, DRAN PA NYE BAR GZHAG PA RNAMS DANG; ,YANG DAG PAR SPONG BA RNAMS DANG, DE LA SOGS PA'O, ,DE'I 'BRAS BU NI 'DI LTA STE, SKYO BA DANG, 'DOD CHAGS DANG BRAL BA DANG, RNAM PAR GROL BA DANG, YONGS SU GROL BA'O, ,DE LA BDAG NYID DANG GZHAN DAG GIS DE'I 'BRAS BU RTOGS PA NI BDAG GI SKYE BA ZAD DO ZHES BYA BA LA SOGS PA STE DE NI RNAM PAR BSHAD PA BSDU BA ZHES BYA'O, ,RNAL 'BYOR SPYOD PA'I SA LAS RNAM PAR BSHAD PA BSDU BA RDZOGS TE, RNAL 'BYOR SPYOD PA'I SA THAMS CAD RDZOGS SO,, ,,RNAL 'BYOR SPYOD PA'I SA 'DI NI 'PHAGS PA THOGS MED BDAG DANG GZHAN GYI GRUB PA'I MTHA' RGYA MTSO'I PHA ROL TU BYON PA CHOS KYI RGYUN GYI TING NGE 'DZIN BYANG BAR BRNYES PA 'PHAGS PA MI PHAM PA'I ZHABS KYI PAD MA RNYOG PA MED PA'I ZE'U'I 'BRU SPYI BOS LEN PAR MDZAD PA STE, RNAL 'BYOR PA BDAG DANG GZHAN GYI DON SGRUB PAR BYED PA BLA NA MED PA'I BYANG CHUB KYI PHYIR GO CHA CHEN PO BGOS PA RNAMS KYIS DANG DU BLANG BAR BYA'O,, ,, RGYA GAR GYI MKHAN PO PRADZANY'A WA RMA DANG, SU RENDRA BO DHI DANG, ZHU CHEN GYI LO TZ'A BA BAN DE YE SHES SDES ZHUS TE GTAN PA PHAB PA, 'DI LA SHLOO KA LNGA BRGYA BDUN CU RTZA LNGA YOD DO ,SPYIR SHA LO KA BZHI KHRI LNGA STONG YOD DO, ,BAM PO NI BRGYA DANG LNGA BCU YOD DO,, ,, @69A *, ,RGYA GAR SKAD DU, YO GA TZAR+YA BHU'U MI BY'A KHYA, BOD SKAD DU, RNAL 'BYOR SPYOD PA'I SA RNAM PAR BSHAD PA, TSIG GI MNGA' BDAG 'JAM DPAL GZHON NUR GYUR PA LA PHYAG 'TSAL LO, ,'JIG RTEN KUN LA PHAN PHYIR THOGS MED CES BYA BAS, CHOS RGYUN TING 'DZIN STOBS KYIS DRANGS PA BDUD RTZI'I CHOS, ,'PHAGS PA MI PHAM ZHAL GYI BUM PA NAS BLUGS PA, ,GSAN PA'I SNYIM PAS GSOL BA DE LA PHYAG 'TSAL LO, ,'PHAGS PA THOGS MED THUB PA DPAG BSAM SHING GYUR LAS, ,TSIG GI YAL GA 'KHRUNGS PA YI GE'I ME TOG GI, ,CHAR BAS RNA BRGYAN BLO GTER GYUR PA DPAL YON CAN, ,DE YI GCUNG PO DPAL LDAN DE LA PHYAG 'TSAL LO, ,THEG PA GSUM PO MTHA' DAG STON PAS DON CHE LA RNAM PAR MA BSHAD PAS THA BAR GYUR PA RNAL 'BYOR SPYOD PA'I SA 'DI BDAG PAS KYANG BLO NGAN PA RNAMS LA PHAN GDAGS PA'I PHYIR SKABS SKABS NAS RNAM PAR GROL BA'I THIGS PA RNAMS BSDU BAR BYA'O, ,DE LA BSTAN PA 'DI NI RNAM PA GNYIS KYI PHYIR BRTZAMS TE, BYANG CHUB SEMS DPA'I THEG PA GSUM LA MKHAS PA BSKYED PAR BYA BA DANG, NYAN THOS DANG RANG SANGS RGYAS KYI RIGS CAN DAG KYANG 'DI NYID LA BSLABS NAS RANG GI THEG PAS RANG NGES PAR 'BYUNG BAR BYA BA'I PHYIR RO, ,YANG RNAM PA GNYIS KYI PHYIR TE, SANGS RGYAS KYI BKA' NYAMS PA DBYE BAR BYA BA DANG, MA NYAMS PA RGYAS PAR BYA BA'I PHYIR RO, ,YANG RNAM PA GNYIS KYI PHYIR TE, THEG PA CHEN PO CHE LA THE TSOM ZA BA DANG, MI SHES PA DANG, PHYIN CI LOG TU GYUR PAS MA ZHUGS PA'I SEMS CAN DAG KYANG YOD DE, DE DAG LA CHOS MTSAN NYID MA NOR BA BSTAN PAS GCIG TU NGES PAR RTOGS PAR BYA ZHING TSAR BCAD NAS KHONG DU CHUD PAR BYAS PAR 'GYUR BA DANG, KHA CIG ZHUGS SU ZIN KYANG DGONGS PA SNA TSOGS CAN GYI MDO SDE SDE MNYAN NA BLO RNAM PAR RMONGS PA DAG KYANG YOD DE, DE DAG LA YANG PHAN BTAGS PAR BYAS PAR 'GYUR BA'I PHYIR RO, ,YANG RNAM PA GNYIS KYI PHYIR TE, DRANG BA'I DON GYI MDO SDE LA SGRA JI BZHIN DU MNGON PAR ZHEN PA RNAMS MTSAN NYID KYI RJES SU 'BRANG BAS MDO SDE'I LDEM POR DGONGS PA LA 'JUG PA'I PHYIR BYIS PA'I LTA BA THAMS CAD SPANG BAR BYA BA DANG, DE NYID KYI PHYIR STONG @69B PA NYID KYIS SKRAG PA RNAMS KYI LTA BA SPANG BAR BYA BA'I PHYIR RO, ,YANG RNAM PA GNYIS KYI PHYI TE, BSDUS PA LA DGA' BA RNAMS LA PHAN GDAGS PA'I PHYIR MDO SDE DAG LAS MTSAN NYID RGYAS PAR BSHAD PA BSDU BAR BYA BA DANG, RGYAS PAR DGA' BA RNAMS LA PHAN GDAGS PA'I PHYIR CHOS KYI SGROGS PA LA CHOS KYI RAB TU DBYE BA MTHA' YAS PA'I PHYOGS BSTAN PAR BYA BA'I PHYIR TE, DGONGS PA DE DAG LA SOGS PA MDO SDE DANG DE DAG LAS GSUNGS PA GANG YIN PA DE NI RNAL 'BYOR SPYOD PA'I SA GANG ZHE NA ZHES BYA BA DANG SBYAR TE, 'DI LTAR RNAL 'BYOR SPYOD PA'I SA BSTAN PA ZHES BYA BA'I MDO LAS, YANG DANG YANG RNAL 'BYOR SPYOD PA'I SA LA BSLAB PAR BYA'O ZHES BYA BA LA SOGS PA GSUNGS PA'O, ,DE BZHIN DU 'PHAGS PA BLO GROS RGYA MTSOS ZHUS PA'I MDO LAS KYANG, YANG DAG PAR ZHUGS PA NI RNAL 'BYOR SPYOD PA'I SA ZHES 'BYUNG NGO, ,'PHAGS PA ZLA BA SGRON MA'I TING NGE 'DZIN LAS KYANG RNAL 'BYOR SPYOD PA'I SA GANG ZHE NA, BYANG CHUB KYI PHYOGS KYI CHOS SUM CU RTZA BDUN SGOM PA'I SA'O ZHES 'BYUNG NGO, ,TSANGS PAS ZHUS PA CHEN PO'I MDO LAS KYANG, BCOM LDAN 'DAS RNAL 'BYOR SPYOD PA'I SA LA YANG DAG PAR ZHUGS PA NI CHOS GANG YANG SKYE BA'AM 'GAG PAR MI BGYID DO ZHES BYA BA LA SOGS PA GSUNGS SO, , YANG NA BSTAN BCOS MDZAD PAS, BSTAN BCOS KYI LUS SU 'GYUR BA GZHAN LNGA SEMS LA GZHAG PA RNAMS BSTAN PAR 'DOD PA DANG, DE BSTAN BCOS THOS PA'I SLOB MA LA DE RNAM PAR DBYE ZHING LAN GDAGS PA'I TSIG YANG DAG PAR 'BYUNG BA'I RGYUR GYUR PA'I DRI BA BRJOD PA'I PHYIR, ,RNAL 'BYOR SPYOD PA'I SA GANG ZHE NA ZHES BYA BA SMOS SO, ,DE LA GZHI LNGA NI DAG YIN TE, RNAL 'BYOR SPYOD PA'I SA DANG, SDE SNOD GSUM BSDUS PA'I GZHI DANG, DE RNAM PAR BSHAD PA'I SGO'I GZHI DANG, RNAM GRANGS LA MKHAS PA'I GZHI'O, ,DE LTA MA YIN NA SNGAR MA BSTAN PAR GANG ZHE NA ZHES BYA BA NI DRI BA'I TSIG DE 'BYUNG BAR MI 'GYUR RO, ,DE LA RNAL 'BYOR ZHES BYA BA NI ZHI GNAS DANG LHAG MTHONG ZUNG DU 'BREL BAR 'JUG PA'I LAM STE, SKYE MCHED DRUG RNAM PAR 'BYED PA ZHES BYA BA'I MDO LAS, DE'I ZHI GNAS DANG LHAG MTHONG MNYAM PAR ZUNG DU 'JUG GO ZHES BYA BA LA SOGS @70A *, ,PA GSUNGS PA LTA BU'O, ,YANG NA TING NGE 'DZIN LA RNAL 'BYOR ZHES BYA STE, MNYAM PAR GZHAG PA'I SA LAS YANG DAG PA'I RTZOL BA DANG DRAN PA NI RNAL 'BYOR YID LA BYED PA DANG MTHUN PAR SDUD PA'I RGYU YIN NO ZHES BYA BA LA SOGS PA SMOS PA LTA BU'O, ,YANG NAD PA DANG, 'DUN PA PA DANG, THABS DANG, BRTZON 'GRUS LA RNAL 'BYOR ZHES BYA STE, DE DAG GI SBYOR BA BSHAD PA'I PHYIR RO, ,DE YANG THOS PA LAS BYUNG BA'I SA LAS RNAL 'BYOR GANG ZHE NA, DE NI RNAM PA BZHI STE, DAD PA LA SOGS PA'O ZHES JI SKAD SMOS PA LTA BU'O, ,YANG NA THABS NYID LA RNAL 'BYOR ZHES BYA'O, ,YANG NA LDAN PA MA YIN PA'I 'DU BYED DE, DE YANG RIGS PA BZHI'O, ,DE GNYIS NI GTAN LA DBAB PA BSDU BA LAS LDAN PA MA YIN PA DAG BSHAD PA'I SKABS NAS 'BYUNG NGO, ,YANG NA YANG DAG PAR SGRUB PA LA BYA STE, DGONGS PA CAN GYI DON GYI TSIGS SU BCAD PA LAS, RNAL 'BYOR GANG GIS BSLAB PA DE DAG SGRUB PAR BYED CES BYA BA LA SOGS PA GSUNGS PA LTA BU'O, ,YANG NA DBYE BA 'JIG RTEN DANG, 'JIG RTEN LAS 'DAS PA DANG, SBYOR BA DANG, BAR CHAD MED PA DANG, RNAM PAR GROL BA DANG, KHYAD PAR DANG, CHUNG NGU DANG, 'BRING DANG, CHEN PO'I LAM NI RNAL 'BYOR ZHES BYA STE, THOS PA LAS BYUNG BA'I SA LAS RNAL 'BYOR GANG ZHE NA, DE NI RNAM PA DGU STE JI SKAD RGYA CHER SMOS PA LTA BU'O, ,BSDU NA GNYEN PO'I RNAL 'BYOR ZHES BYA STE, BSGOMS PA LAS BYUNG BA'I SA LAS GNYEN PO BSGOM PA GANG YIN PA DE NI RNAL 'BYOR BSGOM PA YIN PAR BLTA'O ZHES BYA BA LAS SOGS PA JI SKAD SMOS PA LTA BU STE, DE NI NYAN THOS DANG THUN MONG BA'I RNAL 'BYOR RO, ,BYANG CHUB SEMS DPA' RNAMS KYI NI SHES RAB DANG SNYING RJE'I KHYAD PAR DU 'BREL BAR 'JUG PA MI GNAS PA'I MYA NGAN LAS 'DAS PA STE, DE NI THUN MONG MA YIN PA'I RNAL 'BYOR RO, ,YANG NA GNYIS KYI MI G-YOS PA DANG LDAN PA'I PHYIR SAS BSDUS PA'I YE SHES NI RNAL 'BYOR ZHES BYA'O, ,YANG NA THABS LA MKHAS PA LA BYA STE, RIGS PA'I PHYIR RNAL 'BYOR ZHES BYA'O, ,YANG NA RTEN CING 'BREL BAR 'BYUNG BA LA SO SOR RTOG PA LA BYA STE, YON TAN RIN PO CHE'I 'BYUNG GNAS KYI LE'U ZHES BYA BA'I MDO LAS RNAL 'BYOR SPYOD PA JI LTAR LAGS ZHES ZHUS PA DANG, @70B RTEN CING 'BREL BAR 'BYUNG BA RGYA CHER BSTAN PA LTA BU'O, ,YANG NA KUN NAS NYON MONGS PA DANG, RNAM PAR BYANG BA GNYIS KYI NGO BO NYID ME DPA LA BYA STE, DE LA SBYOR BA'I PHYIR RO, ,DE YANG TSANGS PA CHEN PS ZHUS PA'I MDO LAS, RNAL 'BYOR SPYOD PA'I CHOS GANG YANG SKYED PAR MI BYED 'GOG PAR MI BYED CING CHOS GANG YANG GRUB PAR MI 'DOD LA, MNGON PAR RTOGS PAR MI 'DOD DO ZHES GSUNGS PA LTA BU STE, DE LA KUN NAS NYON MONGS PA NGO BO NYID MED PA'I RNAL 'BYOR SPYOD PA NI CHOS GANG YANG SKYE BA'AM 'GAG PAR YANG DAG PAR RJES SU MI MTHONG NGO, ,RNAM PAR BYANG BA NGO BO NYID MED PA'I RNAL 'BYOR LA SPYOD PA NI CHOS GANG YANG THOB PAR MI 'DOD CING MNGON PAR RTOGS PAR MI 'DOD PA'I PHYIR RO, ,YANG NA YONGS SU DAG PA'I DE BZHIN NYID LA RNAL 'BYOR ZHES BYA STE, 'PHAGS PA LANG KAR GSHEGS PA'I MDO LAS, YANG DAG TSOL BA MI GTONG ZHING, ,SNANG BA MED PA GANG GI TSE, ,GZUNG BA DANG NI 'DZIN PA DANG, ,GROL DAD BCINGS PA MI MTHONG BA, ,DE TSE RNAL 'BYOR SNYOMS ZHUGS PA, ,NGA MTHONG 'GYUR BA DOGS PA MED, ,CES JI SKAD GSUNGS PA LTA BU'O, ,YANG NA STONG PA NYID YID LA BYED PA LA RNAL 'BYOR ZHES BYA STE, SHES RAB KYI PHA ROL TU PHYIN PA LAS SH'A RI'I BU BYANG CHUB SEMS DPA'I RNAL 'BYOR CHEN PO NI 'DI YIN TE; ,'DI LTA STE STONG PA NYID KYI RNAL 'BYOR RO, ,SH'A RI'I BU STONG PA NYID LA SPYOD PA'I BYANG CHUB SEMS DPA' NI NYAN THOS KYIS SAR MI LTUNG ZHES SANGS RGYAS KYI ZHING YONGS SU DAG PAR BYED PA'I BAR DU YANG 'GYUR RO ZHES BYA BA LA SOGS PA JI SKAD GSUNGS PA LTA BU'O, ,YANG NA 'PHAGS PA SHES RAB KYI PHA ROL TU PHYIN PA NYID RNAL 'BYOR GYI MCHOG YIN TE, DE YANG SH'A RI'I BU'I BYANG CHUB SEMS DPA'I RNAL 'BYOR GNAG JI RNYED PA DE DAG GI NANG NA SHES RAB KYI PHA ROL TU PHYIN PA'I RNAL 'BYOR NI MCHOG CES BYA'O, ,GTZO BO DANG MI MNYAM PA DANG MNYAM PA'I BAR ZHES BYA'O, ,DE CI'I PHYIR ZHE NA, SH'A RI'I BU DE LTAR SHES RAB KYI PHA ROL TU PHYIN PA'I RNAL 'BYOR 'DI NI GONG NA MED PA YIN PA'I PHYIR RO ZHES JI SKAD GSUNGS PA LTA BU'O, ,YANG NA DES BSDUS PA RNAM PAR MI RTOG PA'I TING NGE 'DZIN LA BYA STE, BSTAN PA LA KHYAB PA LAS SHES RAB KYI PHA ROL TU PHYIN PA NYID RNAL 'BYOR YIN TE, DE LA SBSGOM PA NI RNAL 'BYOR BSGOM PA YIN NO ZHES JI SKAD @71A *, ,GSUNGS PA LTA BU'O, ,RNAL 'BYOR ZHES BYA BA'I SGRA NYID KYIS KYANG GSUNG RAB MTHA' DAG SDUD PAR NUS NA, RNAL 'BYOR SPYOD PA'I SA ZHES BYA BAS LTA SMOS KYANG CI DGOS TE, DE TZAM GYIS CHOG GO, ,DE LA SPYOD PA ZHES BYA BA NI BSTAN PA'O, ,NYAN PA DANG SEMS PA LA SOGS PA'I RIM GYIS DE DAG GI SPYOD PA MTSUNGS PA NI 'DUL BA YIN TE, 'DI LTA STE SGRUB PA'I RIM PA LA SOGS PA'O, ,RNAL 'BYOR BA NI 'PHAGS PA NYAN THOS LA SOGS PA STE, CI RIGS SU SBYAR RO, ,DE DAG GIS DE NI RTA'I DKYUS LTA BU STE 'GRO BA'I YUL YIN NO, ,DE NI 'DI LAS PHYI ROL PA RNAMS LA MED DO, ,YANG NA RNAL 'BYOR SPYOD PA DAG 'DI LA BRTEN NAS RANG GIS CHOS BRTAS PAS MNGON PAR 'PHEL BA STE, LO TOG GIS DANG 'DRA BA DE NI DE DAG GI SA YIN NO, ,YANG NA JI SKAD SMOS PA'I BAR BSDUS PA'I YE SHES KYI SPYOD PA MNGON SUM DU BYED PA DE SKYED PA'I GNAS DANG MTHUN PA STE, SA DANG 'DRA BAS NA SA'O, ,YANG NA RNAL 'BYOR SPYOD PA DAG SA 'DI LA SPYOD PAR BYED CING RANG GI CHOS KYI LONGS SPYOD NYAMS SU MYONG BAR BYED PAS BA LANG GI SA DANG 'DRA BAR DE NI DE DAG GI SA YIN NO, ,YANG NA RNAL 'BYOR SPYOD PA NI DE BZHIN GSHEGS PA RNAMS TE MI GNAS PA'I MYA NGAN LAS 'DAS PA DANG, MNYAM PA NYID KYI YE SHES LA SOGS PA'I RNAL 'BYOR LA SPYOD PA'I PHYIR RO, ,DE DAG GI YUL RNAM PA THAMS CAD DU SPROS PA MED PA'I DBYINGS GANG YIN PA DE NI RNAL 'BYOR SPYOD PA'I SA'O, ,DE THOB PAR BYED PA'I BSTAN BCOS GANG YIN PA DE LA YANG DE SKAD CES BYA STE, CHOS MNGON PA BZHIN NO, ,YANG NA RNAL 'BYOR BA'I GNAS SKABS STON PA'I BSTAN PA DE LA YANG SA ZHES BYA BA SA BCU DANG 'DRA STE PHYOGS NI DE LTA BU'O, ,SA RE RE LA YANG DON MANG DU YOD PAS, SA RNAM PAR GZHAG PA MTHA' YAS PAR 'GYUR BA'I NYES PA MTHONG NAS, MDOR NA ZHES BYA BA SMRAS SO, ,SA RNAMS KYI RNAM PAR GZHAG PA NI, RANG BZHIN GANG DANG JI LTAR 'JUG ,DE LA DE YI GNAS SKABS DANG, ,GO RIMS GANG DANG GANG 'THOB DANG, ,THA MAR DE YI 'GRO BA STE, ,GNYIS DANG GSUM DANG BZHI PO DANG, ,GSUM PO DAG DANG GSUM DAG DANG, ,GNYIS PO DAG GI SA RNAMS KYI, ,BSDU BA YONGS SU BSTAN PA YIN, ,DE LA RNAM PAR SHES PA 'KHOR DANG BCAS PA'I RANG BZHIN GYI GANG ZAG RTOG PA DANG BCAS PA LA @71B SOGS PA'I RNAM PA LA 'JUG PA'I TSE MNYAM PAR GZHAG PA LA SOGS PA'I GNAS SKABS NA THOS PA DANG, SEMS PA DANG, BSGOM PA'I RIM GYIS BYANG CHUB GSUM PO GANG YANG RUNG BA 'THOB BO, ,BYANG CHUB 'THOB PA DE'I 'GRO BA NI RNAM PA GNYIS TE, PHUNG PO'I LHAG MA DANG BCAS PA'I MYA NGAN LAS 'DAS PA'I GNAS SKABS DANG, PHUNG PO'I LHAG MA MED PA'I MYA NGAN LAS 'DAS PA'O, ,RNAM GRANGS GZHAN DU NA 'JUG PA LAS BRTZAMS NAS CHOS THAMS CAD SDUD PA DANG, DE RAB TU DBYE BA DANG, DE'I GNAS SKABS STON PA NI SA GNYIS DANG, GSUM DANG, BZHI PO DAG GIS GO RIMS BZHIN DU BSTAN TO, ,DE BZHIN DU LDOG PA LAS BRTZAMS NAS SA GSUM DANG, GSUM DANG, GNYIS DANG, BSDU BA'I TSIGS SU BCAD PA NI, 'JUG PA DANG NI LDOG PA YIS, ,BSDU DANG DE YI DBYE BA DANG, ,DE YI GNAS SKABS BSHAD PA NI, ,SA RNAMS KYIS NI YONGS SU BSTAN, ,DE YANG RNAM GRANGS GZHAN DU NA, 'JIG RTEN PA YI SA DANG NI, ,DE BZHIN 'JIG RTEN 'DAS PA'I SA, ,GNAS DANG LAM DANG GNAS SKABS NI, ,DGU DANG BRGYAD KYIS YONGS SU BSTAN, ,YANG RNAM GRANGS GZHAN DU NA, ,SEMS CAN JI LTAR 'JUG PA DANG, ,DE LA DE YI GNAS SKABS DANG, ,DE DAG DE LTAR LDOG PA DANG, ,DE LA DE YI GNAS SKABS SO, , RNAM GRANGS DANG PO GNYIS DANG ZHES BYA BA LA SOGS PA'I TSIGS SU BCAD PA GZUNG BAR BYA STE, SA RNAMS KYI GO RIMS KYANG DE NYID KYIS BSTAN TO, ,'DI LTAR KUN NAS NYON MONGS PA DANG RNAM PAR BYANG BA RTOGS PAR 'DOD PA'I RNAL 'BYOR SPYOD PAS NI DANG PO KHO NAR 'KHOR BAR 'JUG PA DANG, DE LAS LDOG PA GANG YIN PA DANG, JI LTAR 'JUG PA DANG, 'JUG PA'I GNAS SKABS GANG YIN PA DANG, DE LA JI LTAR LDOG PA DANG, LDOG PA'I GNAS SKABS GANG YIN ZHES DE'I GZHI'I DNGOS PO SEMS CAN GYI RDZAS BTZAL BAR BYA'O, ,NYON MONGS PA SPOG BA DANG MI SPONG BA'I GNAS SKABS KYANG SHES PAR BYA STE, YID CHES PA SKYE BAR 'GYUR BAS DE'I PHYIR GNAS SKABS KYANG BTZAL BAR BYA'O, ,RNAM PAR SHES PA'I TSOGS LNGA DANG LDAN PA'I SA ZHES BYA BA NI RNAM PAR SHES PA'I TSOGS LNGA LAS BRTZAMS PA STE, JI LTAR 'DUL BA LAS RGYAL PO DANG RKUN PO LAS BRTZAMS PA NI RGYAL PO DANG LDAN PA DANG, @72A *, ,RKUN PO DANG LDAN PA'I GTAM YIN PAR SHES SO ZHES 'BYUNG BA LTA BU'O, ,CI'I PHYIR RNAM PAR SHES PA'I TSOGS LNGA PO DAG SA GCIG TU BSTAN CING DE YANG YID KYIS PAS SNGAR BSTAN ZHE NA, DMIGS PA LA RNAM PAR RTOG PA ZHES BYA BA LA SOGS PA'O GNAS 'BYUNG BA'I LAS KYI KHYAD PAR LTA BU MED CING RIGS GCIG PA'I PHYIR GCIG TU BYAS SO, ,DE'I PHYIR BRJOD PAR BYA BA NYUNG BAS NA SNGAR BSTAN TO, ,YID KYI SA NI DE LAS BZLOG PA YIN PAS NA LOG PA GCIG TU BSTAN LA BRJOD PAR BYA BA'I PHYIR BSTAN TO, ,NGO BO NYID DANG ZHES BYA BA LA SOGS PA LA, CI'I PHYIR DGE BA LA SOGS PA GZHAN DAG MI SMOS PAR NGO BO NYID LA SOGS PA DON LNGA PO DAG NYID BRJOD CE NA, DE DAG GI NGO BO YIN PA DANG, DE DAG GIS THAMS CAD BSDUS PA'I PHYIR TE, 'DI LTAR DE'I RANG BZHIN GI NGO BO NYID YIN PA DANG, DE GANG LAS 'BYUNG BA DANG, DON GANG YIN ZHES BYA BAS KYANG NGO BO NYID DANG, RGYU DANG, 'BRAS BU DANG, GROGS DANG, LAS YONGS SU SHES PAR 'GYUR BAS NA DE'I PHYIR DON LNGA PO DE DAG BSTAN PAS GZHAN YANG BSDUS PA YIN NO, ,DGE BA LA SOGS PA NYID KYANG GROGS LA SOGS PA YIN PA'I PHYIR DGE BA LA SOGS PA'I RAB TU DBYE BA YANG 'DI NYID DU 'DUS PAS NA LOGS SHIG TU MA BSTAN TE, DE'I PHYIR DE DAG GIS THAMS CAD BSDUS PA YIN NO, ,DE'I PHYIR LOG NAS KYANG CHOS LNGA PO 'DI DAG GIS NI PHUNG PO LA MKHAS PA YANG BSDUS LA SANGS RGYAS KYI BKA'I DNGOS PO DGU'I BAR DU YANG BSDUS SO ZHES 'BYUNG NGO, ,MIG GI RNAM PAR SHES PA ZHES BYA BA LA SOGS PA LA, DE LA MIG NI RGYUR BYAS PA'I GZUGS TE, NAM MKHA' PHYOGS GCIG PAS NA RDZAS DRUG PO LUS DANG, SA DANG GZUGS DANG DRI DANG RO DANG REG BYA RNAMS DANG THA DAD PAR MI GNAS SO, ,YANG NA KUN GZHI'I RNAM PAR SHES PA RNAM PAR MA BZHAG KYANG SA BON BCU GCIG DANG LDAN TE, YUL LNGA DANG, 'BYUNG BA CHEN PO BZHI DANG, LUS DANG, MIG GI'O, , NGES PA'I TSIG GI TSIGS SU BCAD PA NI, MA ZAD PAR DU GZUGS SPYOD DANG, ,G-YO ZHING SKAD CIG PA NYID DANG, ,RNAM PA BZHI POR GRAGS PA DANG, ,MDZES PA'I LAS LAS GYUR PA YIN, ,RNAM PAR SHES PA ZHES BYA BA NI, DNGOS PO DANG, BYED PA DANG, GZHI ZHES BYA BAR GRAGS SO, , @72B DE NI BYED PA POR YANG SNANG STE, ZAS LTA BU ZHES BYA BA'I MDO LAS, RNAM PAR SHES PAR BYED CING RNAM PAR SHES PAR BYED PAS NA DE'I PHYIR RNAM PAR SHES PA'I PHUNG PO ZHES BYA STE, CI ZHIG RNAM PAR SHES SHE NA, GZUGS RNAMS DANG SGRA RNAMS LA SOGS PA'O ZHES JI SKAD GSUNGS PA LTA BU'O, ,MIG GI RNAM PAR SHES PA ZHES BYA BA NI MIG LA BRTEN PA'I RNAM PAR SHES PA YIN PAS NA MIG GI RNAM PAR SHES PA ZHES BYA'O, ,YANG NA RNAM PAR SHES PA GANG GIS MIG LA PHAN 'DOGS PA DANG GNOD PA BYED PA LA BYA STE, 'DI LTAR RNAM PAR SHES PA DANG MTSUNGS PAR LDAN PA'I TSOR BAS DBANG PO LA PHAN PA DANG GNOD PAR 'GYUR BA'I PHYIR RO, ,YANG NA MIG GI RNAM PAR SHES PA 'GYUR BAR BYED PA'I PHYIR TE, MIG SER GYI NAD LA SOGS PAS BTAB PA RNAMS KYI MIG GI DBANG GIS RNAM PAR SHES PAR YANG 'GYUR BA'I PHYIR RO, ,YANG NA GANG MIG GI PHYIR MTHUN PA LA BYA STE, MIG NYAMS PA LA SOGS PA'I RJES SU 'JUG PAR BYED PA'I PHYIR RO, ,YANG MIG GI RNAM PAR SHES PA ZHES BYA BA NI RANG GI SA BON DANG RJES SU 'BREL PA'I PHYIR DE'I DBANG GIS MIG LAS MNGON PAR 'GRUB PAR BYA'O, ,YANG NA RNA BA LA SOGS PA RNAM PAR BCAD PA'I PHYIR DE NI MIG GI ZHES BRJOD DO, ,YANG NA GNAS KYI PHYOGS LA RNAM PAR SHES PA SKYE BA YOD PA'I PHYIR MIG LA ZHES BYA'O, ,CI'I PHYIR RNAM PAR SHES PA'I KHAMS KHO NA NGO BO NYID KYIS BSTAN LA DE LAS GZHAN PA MIG LA SOGS PA'I KHAMS DAG NI MA BSTAN ZHE NA, RNAM PAR SHES PA RNAM PA DU MAS BYED PAS SKAD CIG RE RE LA NGO BO NYID THA DAD PA SPANG BAR MI BAR MI BYA BA'I PHYIR TE, DE NI SPRE'U LTA BU ZHES BYA BA'I MDO LAS BSTAN PA YIN NO, ,RNAM PA DE DAG KYANG GANG GIS BYAS SHE NA, DE'I PHYIR GNAS DANG DMIGS PA LA SOGS PA BSTAN TO, ,MIG LA SOGS PA NI DANG POR SKYES PA'I NGO BO NYID GANG YIN PA DE BZHIN DU 'JUG PA'I PHYIR KHONG DU CHUD PAR SLA BAS NA DE DAG GI NGO BO NYID NI NGES PAR BSTAN MI DGOS SO, , YANG RNAM PA GCIG TU NA SEMS NI RTZE BA'I BDAG GI RDZAS KYI GZHI YIN PAS GTZO BO YIN PA'I PHYIR TE, DES DE LAS GZHAN PA'I CHOS RNAMS RNAM PAR SGRUB PAR BYED PA'I PHYIR RO, ,DE'I PHYIR RNAM PAR SHES PA DAG GIS NI MA BSTAN GYI MIG LA SOGS PAS NI MA YIN NO, ,GANG MIG LA BRTEN NAS GZUGS @73A *, ,SO SOR RNAM PAR RIG PA'O ZHES BYA BA LA, GANG MIG LA BRTEN NAS SO SOR RNAM PAR RIG PA ZHES BYA BAS KYANG GRUB MOD KYI GZUGS SMOS PA NI GZUGS BRNYAN GYI RNAM PA'I NGO BO NYID BSTAN PA'I PHYIR RO, ,YANG NA BRTEN NAS ZHES BYA BA'I SGRA NI DMIGS PA LA YANG SNYEGS PAS YID KYI RNAM PAR SHES PA DANG MTSAN NYID 'DRES PAR 'GYUR BA RNAM PAR BCAD PA'I PHYIR TE, 'DI LTAR 'OG NAS RKYEN GYI MTSAN NYID BSHAD PA'I SKABS NAS KHA DOG DANG, DRI DANG, RO DANG, REG BYA RNAMS NI 'DZIN PA TZAM DU GRAGS PA'I SHES PA'I RTEN YIN NO ZHES 'BYUNG NGO, ,NGES PAR 'BYIN PA'I SKABS NAS KYANG YUL RNAMS DMIGS PAR 'DOD PA ZHES SMRAS NAS, RTEN DES NYON MONGS PA CAN GYI TSOR BA KUN DU 'BYUNG NGO ZHES JI SKAD BSHAD PA LTA BU'O, ,KUN GZHI RNAM PAR SHES PA NI RNAM PAR SHES PA GZHAN DAG LA MED PA'I KHYAD PAR GYIS BYE BRAG TU BSTAN PA'I PHYIR, SA BON THAMS CAD PA ZHES BYA BA LA SOGS PA SMOS TE, 'DI LTAR MIG GI RNAM PAR SHES PA NI CHOS THAMS CAD KYI SA BON GYI GZHI MA YIN TE, DE MED KYANG DRI LA SOGS PA BZHIN DU MIG LA SOGS PA 'BYUNG BAR SNANG BA'I PHYIR RO, ,LUS LEN PAR BYED PA YANG MA YIN TE, DE MA SKYES NA LUS GSON PO YANG RO BZHIN DU RUL BAR THAL BAR 'GYUR BA DANG, DE YOD KYANG RNA BA LA SOGS PA MI ZIN PA NYID DU THAL BAR 'GYUR BA'I PHYIR RO, ,RNAM PAR SMIN PAR BSDUS PA YANG MA YIN TE, DUS THAMS CAD DU MA BSGRIBS LA LUNG DU MA BSTAN PA NYID YIN PAR THAL BAR 'GYUR BA'I PHYIR TE, LHAG MA RNAMS LA YANG DE BZHIN DU SBYAR TE, KUN GZHI RNAM PAR SHES PA NI DE LAS BZLOG PA'I KHYAD PAR BSHAD PA DANG LDAN PA YIN NO, ,CI GZHAN DGAG PA TZAM GYI PHYIR KUN GZHI RNAM PAR SHES PA'I MTSAN NYID DE SKAD SMOS PAR ZAD DAM ZHE NA, DE LTA MA YIN TE, LUNG DANG RIGS PA YANG YOD DE, DE NI 'OG NAS YID KYI SA BSHAD PA'I SKABS NAS SHES PAR BYA'O, ,DE LA SA BON THAMS CAD PA ZHES BYA BA LA SOGS PA TSIGS GSUM GYIS NI MDOR NA KUN GZHI RNAM PAR SHES PA RGYU DANG 'BRAS BU'I DNGOS POR BSTAN TE, DE LA RGYU'I DNGOS PO LA SKYED PA'I RGYU NI, SA BON THAMS CAD PA ZHES GANG SMOS PA'O, ,GNAS PA'I RGYU NYID NI, LUS LEN PAR BYED PA ZHES SMOS PA STE, 'DI LTAR DES @73B ZIN NA LUS RUL BAR MI 'GYUR BA'I PHYIR RO, ,'BRAS BU'I DNGOS PO NI RNAM PAR SMIN PA BSDUS PA ZHES GANG SMOS PA'O, ,YANG GCIG TU NA SGRO 'DOGS PA DANG, SKUR PA'I MTHA'I GNYEN POR BSTAN TE, DE LA SKUR PA NI 'DI DAG THAMS CAD RGYU MED PA LAS BYUNG NGO ZHES ZER BA STE, DE'I GNYEN POR SA BON THAMS CAD PA ZHES BYA BA BSTAN TO, ,SGRO 'DOGS PA NI RNAM PA GNYIS TE, BDAG TU NGO BO NYID YOD PAR SGRO 'DOGS PA DE'I GNYEN POR NI, LUS LEN PAR BYED PA ZHES BYA BA BSTAN TO, ,DE NYID LA RTAG PA NYID DO ZHES BYE BRAG TU SGRO 'DOGS PA DE'I GNYEN POR NI, RNAM PAR SMIN PA BSDUS PA ZHES BYA BA BSTAN TE, 'DI LTAR RNAM PAR SMIN PA NI LAS DANG NYON MONGS PA'I DUS NA MA BYUNG BA LAS PHYIS BYUNG BA YIN PA'I PHYIR RO, ,GANG 'BYUNG BA CHEN PO BZHI PO DAG CES BYA BA LA SOGS PA NI MIG GI 'BRAS BU'I MTSAN NYID DANG, RGYU'I MTSAN NYID DANG, NGO BO NYID KYI MTSAN NYID DANG, KHYAD PAR GYI MTSAN NYID BSTAN TO, TSIG RE RE DANG GNYIS KYIS YONGS SU BSTAN TO, ,RGYUR BYAS PA ZHES BYA BA LA, RGYUR BYAS PA'I DON NI RGYU LAS BYUNG BA'I DON TO, ,MDO SDE LAS GZUGS RGYUR BYAS NAS NGA'O SNYAM PA 'BYUNG BAR 'GYUR RO ZHES JI SKAD GSUNGS PA LTA BU STE, NGA'O SNYAM PA'I NGA RGYAL GYI RGYU NI GZUGS YIN NO ZHES BYA BA'I THA TSIG GO, ,BSTAN DU MED LA ZHES BYA BA NI STON PA ZHES BYA BA NI MIG GI RNAM PAR SHES PAS MI MTHONG BA'I PHYIR RO, ,THOGS PA DANG BCAS PA'O ZHES BYA BA LA, GCIG LA GCIG MI REG PAR YUL GNOD PAR BYED PA'I DON NI THOGS PA DANG BCAS PA'I DON YIN NA, MIG NI THOGS PA DANG BCAS PA MA YIN TE, 'DI LTAR NAM MKHA' LA DRI LA SOGS PA DANG YUL GCIG PA'I PHYIR MIG LA NI DE GNYIS KA MED PA MA YIN NAM ZHE NA, DE LTA YIN DU ZIN KYANG MIG GI RANG GI 'BYUNG BA CHEN PO THOGS PA DANG BCAS PA DE DAG GI NAM MKHA' YUL GCIG PA LA KHYAB PAS NA DE DAG GIS BYAS PA'I THOGS PA YANG RGYUR BYAS PA'I GZUGS RNAMS LA BSTAN TO, ,GANG MIG GI RNAM PAR SHES PA'I SNGAR ROL DU 'DAS MA THAG PA'I RNAM PAR SHES PA'O ZHES BYA BA DE NI YID KYI RNAM PAR SHES PA LA BYA STE, 'OG NAS RNAM PAR SHES PA'I TSOGS LNGA'I SKAD CIG GNYIS LHAN CIG TU 'BYUNG BA YANG MED LA PHAN TSUN GYI MJUG THOGS SU PHAN TSUN 'BYUNG BAR 'GYUR @74A *, ,BAR YANG LNGA PO GZHAN DANG GZHAN 'GAGS MA THAG PA LAS GCIG 'BYUNG BA KHO NAR MA NGES SO ZHES 'BYUNG NGO, ,SNGON GYI SPROS PA DGA' BA RGYUR GYUR PA ZHES BYA BA LA SOGS PAS NI KUN GZHI RNAM PAR SHES PA DANG 'JUG PA'I RNAM PAR SHES PA SEMS LAS BYUNG BA DANG BCAS PA DE DAG NI GCIG RGYU YIN NO ZHES STON TO, ,SNGON GYI SPROS PA DGA' BA RGYUR GYUR PA ZHES BYA BAS NI 'JUG PA'I RNAM PAR SHES PA DANG SEMS LAS BYUNG BA DE DAG NI KUN GZHI RNAM PAR SHES PA'I RGYU YIN PAR BSTAN TO, ,SA BON THAMS CAD PA ZHES BYA BA NI KUN GZHI RNAM PAR SHES PA NI GZHAN DAG GI RGYU YIN PAR BSTAN TE, 'DI LTAR CHOS 'DI PA DAG GI THOS PA LAS BYUNG BA LA SOGS PA'I RNAM PAR SHES PA 'KHOR DANG BCAS PA DAG MA GTOGS PA GZHAN DAG NI SPROS PA ZHES BYA'O, ,DE DAG NYID DGA' BA YANG YIN TE, 'KHOR BA LA MNGON PAR DGA' BA'I PHYIR RO, ,DE DAG NYID RGYU YANG YIN TE, DE DAG GI DBANG GIS 'GRO BA RNAMS SU RNAM PAR SMIN PA MNGON PAR 'GRUB PA'I PHYIR RO, ,YANG DON GZHAN DU SPROS PA ZHES BYA BA NI NANG GI PHUNG PO RNAMS LA BYA STE, 'DI LTAR 'OG NAS KYANG SPROS PA DANG 'JIG TSOGS KYI DNGOS PO RNAMS NI DON GCIG PA YIN NO ZHES 'BYUNG NGO, ,DE LA DGA' BA NI BDAG LA CHAGS PA YIN NO, ,DE NI KUN GZHI RNAM PAR SHES PA MNGON PAR GRUB PA'I RGYU YIN TE, 'DI LTAR BDAG BDE BAR 'GYUR BAR BYA'O ZHES LAS BYED PA DE YANG RNAM PAR SMIN PA'I RGYU YIN PA'I PHYIR RO, ,YANG NA SKYE BA'I TSE BDAG LA CHAGS PA KUN TU 'BYUNG BA NI NYID MTSAMS SBYOR BA'I RGYU YIN PAS NA DE'I PHYIR SPROS PA LA DGA' BA NI MNGON SUM GYI RGYU YIN TE, 'DI LTAR 'OG NAS THAMS CAD 'CHI BA'I TSE MI GSAL BA'I 'DU SHES KYI GNAS SKABS SU MA GYUR PAS NA YUN RING PO NAS GOMS PAS BDAG LA CHAGS PA 'BYUNG BAR 'GYUR TE, DE'I DBANG GIS BDAG 'CHI BAR 'GYUR RO SNYAM NAS LUS LA MNGON PAR DGA' BAR 'GYUR TE, DE NI DE'I MNGON PAR 'GRUB PA'I GZHI YIN NO ZHES BYA BA LA SOGS PA 'BYUNG NGO, ,YANG GCIG TU MA SPROS PA ZHES BYA BA NI SA BON LA BYA STE, 'DI LTAR 'OG NAS SA BON GYI RNAM GRANGS BSHAD PA'I SKABS NAS KYANG SA BON DANG, BAG CHAGS DANG, SPROS PA DANG, RGYU ZHES BYA BA LA SOGS PA NI SA BON GYI @74B RNAM GRANGS SU BTAGS SO ZHES 'BYUNG NGO, ,DGA' BA ZHES BYA BA NI 'DOD CHAGS LA BYA STE, DE GNYIS KA YANG RNAM PAR SMIN PA'I RNAM PAR SHES PA'I RGYU YIN TE, 'DI LTAR SRED PAS BSDUS PA'I SA BON NI SRID PA YIN LA, SRED PA'I RKYEN GYIS NI RNAM PAR SMIN PA MNGON PA 'GRUB PA'I PHYIR RO, ,YANG DON GZHAN DU SPROS PA ZHES BYA BA NI NANG GI RNAM PAR SMIN PA'I 'BRAS BU RMONGS PA'I THA SNYAD KYI GZHI STE NGAR 'DZIN PA'O, ,'DI LTAR 'OG NAS TSIGS SU BCAD PA RNAM PAR BSHAD PA'I SKABS NAS, 'BYUNG BAR 'GYUR RAM MI 'GYUR ZHES, ,DE'I PHYIR SPROS PA KHAS LEN TO ZHES BYA BA 'BYUNG NGO, , DE LA DGA' BA NI BDAG LA BDE BA'I DBANG DU BYAS TE, DE LA MNGON PAR DGA' BA SNGON DU BTANG BAS SPROS PA LA MANG DU GNAS PA'O, ,DE LTAR LAS GNAS PA'I LAS GANG YIN PA BA DES BSKYED PA'I BAG CHAGS NI SPROS PA LA DGA' BA RGYUR GYUR PA YIN TE, RGYU ZHES BYA BA'I SGRA NI SA BON GYI RNAM GRANGS SU RTOGS SO ZHES SNGAR SMRAS PA'I PHYIR RO, ,DE NI BDAG TU 'DZIN PA GZHIR GYUR PA KUN GZHI RNAM PAR SHES PA TSE RABS GZHAN NA 'BYUNG BA'I RGYU YIN NO, ,DE LA NANG RMONGS PA GANG YIN PA DANG, NGAR 'DZIN PA'I BAR DES NI MA RIG PA BSTAN TO, ,DE LA DGA' BA'I LAS KYI BAG CHAGS BSKYED PA GANG YIN PA DE NI MA RIG PA'I RKYEN GYIS 'DU BYED RNAMS SO, ,'DU BYED KYI RKYEN GYIS NI RNAM PAR SHES PA STE, YAN LAG BZHI'I SA BON GYI GNAS YIN NO, ,BAG CHAGS DES NI KUN GZHI'I RNAM PAR SHES PA SKYED DO, ,RNAM PAR SHES PA'I RKYEN LA 'BRAS BUR GYUR PA DA LTAR BYUNG BA'I DUS KYI MING DANG GZUGS LA SOGS PA 'DI 'BYUNG STE; DE LTAR SNGON GYI MTHA' LAS BAR GYI MTHA'I RNAM PAR SMIN PAR MNGON PAR GRUB PAS JI LTAR KUN GZHI RNAM PAR SHES PA'I RANG BZHIN MNGON PAR 'GRUB PAR 'GYUR BA DE BSTAN TO, ,YANG DON GZHAN DU NA SPROS PA ZHES BYA BA NI SPROS PA'I BAG CHAGS LA BYA STE DE NYID RGYU YIN NO, ,DGA' BA NI SRED PA'I RKYEN GYIS SRID PA ZHES BYA BA'I RGYU YIN TE, SPROS PA DANG DGA' BA DE GNYIS KA YANG RGYU YIN NO, ,BAG CHAGS LA RNAM PA GNYIS TE, SRID PA'I YAN LAG GI BAG CHAGS NI LAS KYI SA BON GANG GIS RNAM PAR SMIN PA'I DNGOS PO GZHAN SKYE BAR BYED PA'O, ,SPROS PA'I BAG CHAGS NI NGO BO NYID KYI SA BON NO, ,'DIR @75A *, ,DE GNYIS KA KUN GZHI RNAM PAR SHES PA'I RGYU NYID DU BSTAN PAS NI RKYEN GYI TSOGS MTHA' DAG SMRAS PA YIN TE, RANG GI SA BON DANG LAS LAS BYUNG BAR BSTAN PA'I PHYIR RO, ,'DI LTAR DE NI KUN GZHI RNAM PAR SHES PA GZHAN DANG LHAN CIG TU SKYE BA DANG 'GAG PA MED PAS NA DE BAG CHAGS DE DAG LA YOD, SNGON MED PA'I BAG CHAGS BSGOM PA YANG MED DO, ,RKYEN RNAMS KYIS SA BON RNAMS BRTAGS PAR BYED DO, ,DE LAS SRID PA 'BYUNG STE, JI LTAR THOG MA MED PA CAN GYI 'KHOR BA NA KHA CIG SEMS CAN GYI DNGOS POR BGRANG BA DANG, KHA CIG DE LA MA YIN PA DANG, DE LA YANG KHA CIG NYAN THOS KYI RIS KHO NAR GYUR PA LA SOGS PA BZHIN DU SA BON 'DI YANG NGO BO NYID DU GRUB STE, 'OG NAS BYUNG BA'I TSAD MA DAG GIS RTOGS PAR BYA'O, ,DE YANG RNAM PA DU MA YOD DE ZHES BYA BA NI SNGON PO LA SOGS PA THA DAD PA'I PHYIR RO, ,NAM MKHA' ZHES BYA BA NI KHA CIG NA RE BEE d'URYA LTAR SNANG BA MA GTOGS PA RGYUR BYAS PA'I GZUGS GZHAN DAG YIN NO ZHES ZER RO, ,YANG KHA CIG NA RE DE NYID KYI GNAS SKABS KYANG GTOGS SO ZHES ZER RO, ,KHA DOG GCIG PA'O ZHES BYA BA NI KHA CIG NA RE SNA TSOGS MA YIN PA LA ZER RO, ,YANG KHA CIG NA RE GZHAN DU MI 'GYUR BA LA BYA STE, JI LTAR BUM PA LA SOGS PA'I KHA DOG GZHAN DU 'GYUR BA LTAR NAM MKHA' DE DE LTA MA YIN TE, 'BYUNG BA CHEN PO MED PA'I PHYIR RO ZHES ZER RO, ,YANG KHA CIG NA RE DE LA KHA DOG GCIG PUR ZAD DE, TING NGE 'DZIN GYI GZUGS BZHIN NO ZHES ZER RO, ,YANG KHA DOG GANG ZHE NA ZHES BYA BA LA SOGS PAS NI KHA DOG RNAMS KYI NGO BO NYID GTAN LA 'BEBS TE, SNGAR NI GRANGS TZAM ZHIG BSTAN PA'I PHYIR RO, ,GANG GZUGS DANG 'DRA BA ZHES BYA BA NI DBYIBS LA MA LTOS PA'I DNGOS PO TZAM LA BYA'O, ,DBYIBS PA GANG ZHE NA, GANG GZUGS RGYAS PA ZHES BYA BA NI KHA DOG GI RDUL PHRA RAB RNAMS BSAGS PA KHO NA'I GNAS SKABS LA DBYIBS PA ZHES BRJOD PA YIN TE, DE'I PHYIR DE NI BTAGS PA'I YOD PAR BRJOD PA YIN NO, ,GZUGS KYI SKYE MCHED DU BSDUS PA'I PHYIR SNGON PO LA SOGS PA BZHIN DU DE YANG RDZAS NYID DU SNANG BA YIN NAM ZHE NA, GANG GI TSE CHOS CAN GYI BYE BRAG LOG PAR SGRUB PA'I PHYIR GTAN TSIGS 'GAL BA DE'I TSE JI LTAR SNANG STE, 'DI LTAR 'KHRUL PA MED PAS SNGON PO @75B LA SOGS PA BZHIN DU KHA DOG LAS DON GZHAN MA YIN PA NYID DANG, RING PO DANG THUNG NGU'I NGO BO NYID LA SOGS PA YANG MED PAR SGRUB PA'I PHYIR RO, ,'GAL BAR 'KHRUL PA MED PA'I PHYIR MA NGES PA YANG MA YIN TE, 'DI LTAR SGRA LA SOGS PA'I KHAMS KYIS MA BSDUS PA KHA DOG MED PA'I BUM PA LA SOGS PA BTAGS PA'I YOD PA'I PHYIR RO, ,GANG DE DAG LAS GUD NA BUM PA CI YANG DE DE, DE'I PHYIR SGRUB DANG LDAN NO ZHES ZER BA DE YANG RTZING ZING SLA STE KHO BOS KYANG BRJOD NUS SO, ,KHA DOG NI DBYIBS LAS GUD NA MED PA'I PHYIR DPE MED PAR GYUR TE, ,GANG GZHI MED PA'I PHYIR GTAN TSIGS MA GRUB PO, ,DE BZHIN DU MIG GI RNAM PAR SHES PA'I YUL YIN PA'I PHYIR RO ZHES BYA BA LA SOGS PA LA YANG GTAN TSIGS KYI SKYON GSUM SBYANG BAR BYA'O, ,GZUGS RGYAS PA RING PO LA SOGS PA'I RNAM PAR YONGS SU BCAD PA'I RNAM PA'O ZHES BYA BA LA RING POR 'DZIN PA'I BLO NI RING POR YONGS SU GCOD PA'O, ,DES GZUNG BAR BYA BA GANG YIN PA DE NI RING PO'O; ,DE NYID CES BYA BA'I TSIG GIS NI RNAM PAR RIG BYED KYANG BTAGS PA'I YOD PA NYID YIN PAR STON TO, ,RGYUR BYAS PA NI LUNG DU MA BSTAN PA YIN PA'I PHYIR RNAM PAR RIG BYED KYANG BUM PA BZHIN DU LUNG DU MA BSTAN PA NYID DU THAL BAR MI 'GYUR RAM ZHE NA, DE KUN NAS SLONG BAR BYED PA SEMS PA'I DBANG GIS DGE BA LA SOGS PAR RNAM PAR GZHAG PA'I PHYIR THAL BAR 'GYUR BA MED DO, ,YANG GCIG TU NA GDAGS PA RNAMS NI BTAGS PA'I CHOS KYI DNGOS PO THAMS CAD KYI RJES SU 'JUG PAR MA NGES PAS NA DE NI GYI GNA'O, ,GANG GI TSE BTAGS PA DGE BA DANG MI DGE BA'I NGO BO NYID KYANG MA YIN LA 'PHEN PAR BYED PA YANG MA YIN NA, CI'I PHYIR DE LAS NYID DU RNAM PAR GZHAG CE NA, JI SKAD DU RGYU DANG BCAS RKYEN DANG BCAS GZHI DANG BCAS PA'I MDO NI LUNG LAS MING DANG GZUGS LA BRTEN NAS RNYOG PA CAN GTI MUG LAS BYUNG BA'I YID LA BYED PA SKYE'O, ,DE LA MA RIG PA GANG YIN PA DE NI GTI MUG GO, ,RMONGS PA'I 'DOD PA GANG YIN PA DE NI SRED PA'O, ,SRED PA CAN GYI RNAM PAR RIG BYED GANG YIN PA DE NI LAS YIN NO ZHES GSUNGS PA'I PHYIR RO, ,BCOM LDAN 'DAS KYIS DE NYID LAS SU GSUNGS PA'I PHYIR 'DI NYID RIG PA YANG YIN TE SEMS PA BZHIN NO, ,YANG NA 'JIG RTEN GYI RJES SU ZHUGS PA NI TSUL YIN @76A *, ,PA'I PHYIR RO, ,SKYES PA 'GAGS PA ZHES BYA BA'I TSIG NI CHOS 'DI PA KHA CIG RNAM PAR RIG BYED KYI GNAS GZUGS NI DUS GZHAN DU YANG GNAS PAR 'DZIN CING DE LTAR RTOG PA DAG YOD PA BSAL BA'I PHYIR RO, ,MI MTHUN PA'I RGYUS ZHES BYA BA NI MNGON PAR 'DU BYED PAR NGES PA'I SEMS PA GCIG LAS GCIG BYUNG BA LAS KUN NAS SLONG BA'I SEMS LAS BSLANG BA'I RTZOL BAS BSKYED NAS PHYOGS DE NYID DU GZUGS 'BYUNG BA DANG MI MTHUN PA'I RLUNG GIS SO, ,BAR DU MCHOD PA'AM ZHES BYA BA NI RNAM PAR RIG BYED DBYIBS DE NYID RNAM PAR MA 'KHRUGS PAR YUL GZHAN DU 'GRO BA'O, ,BAR DU CHOD PA DANG BCAS PA'AM ZHES BYA BA NI YANG DANG YANG DU RNAM PAR 'KHRUGS PAS SO, ,'BYUNG BA DANG ZHES BYA BA NI BYA BA'I NGO BO NYID STON TO, ,PHYOGS DE NYID DU YANG MI 'GYUR BA 'BYUNG BA NI ZHES BYA BAS NI RNAM PAR RIG BYED G-YO BA MED KYANG BYA BA'I NGO BO NYID YIN PAR BSTAN TO, ,RNAM GRANGS SU GTOGS PA'O ZHES BYA BAS NI SPYI DANG BYE BRAG STON TE, DE LA SBYI NI KHA DOG DANG DBYIBS DANG RGYAS PA DANG RNAM PAR RIG BYED DANG LAS DANG BYED PA ZHES BYA BA DAG GO, ,BYE BRAG NI SNANG BA ZHES BYA BA LA SOGS PA'O, ,DE LA SNANG BA ZHES BYA BA NI PHYOGS GCIG TU BYUNG BA'I KHA DOG GSOL BA'O, ,BSAL BA ZHES BYA BA NI KUN NAS SO, ,RING PO ZHES BYA BA NI DBYIBS RGYAS PA PHYOGS GCIG TU SHAS CHER 'BYUNG BA'O, ,THUNG DU ZHES BYA BA NI DE BAS THUNG BA'O, ,SPYOD PA ZHES BYA BA NI THOB PA'I DON RNAMS LA NYES BAR SPYOD PA'I LUS KYI LAS GANG YIN PA'O, ,G-YO BA ZHES BYA BA NI MA THOB PA RNAMS LA RTZOL ZHING G-YO BAR BYED PA'I LUS KYI LAS GANG YIN PA STE, DE NI G-YO BA ZHES BYA'O, ,RGYUR BSTAN PA'I PHYIR RI MO LAS BZHIN NO, ,YONGS SU G-YO BA ZHES BYA BA NI DE GNYIS KA LA BRTZON 'GRUS CHER RTZOM PA'I LUS KYI LAS SO, ,SPYOD YUL DANG, YUL DANG, DMIGS PA ZHES BYA BA RNAMS KYI DON GYI BYE BRAG NI GANG GI BYA BA LA GNOD PA MED PA DE NI DE'I SPYOD YUL LO, ,YANG GANG GI BLO GANG LA SPYOD PA LA BYA'O, ,NYON MONGS PA SNA TSOGS KYIS 'CHING BAR BYED PA'I DON NI YUL ZHES BYA STE, SNA TSOGS KYIS 'CHING BAR BYED PA'I PHYIR RO, ,YANG NA BYA BA LA GNOD PA MED PA STE SNGA MA BZHIN NO, ,BDAG TU SNANG BA'I 'DZIN PA BSKYED PA'I DON NI DMIGS PA'I DON TO, ,KHA DOG LTA BU'O ZHES BYA BA @76B NI DU BA DANG KHUG RNA LA SOGS PA'O, ,DE LTAR NA DMIGS PA DE NI BSTAN PA DANG, BSHAD PA DANG, BSHAD PA'I BAR DU DBYE BA DANG, NGO BO NYID DANG, RNAM GRANGS DANG, BSDU BA RNAMS KYIS BSTAN TE, GZUGS GANG ZHES BYA BA LA SOGS PA DANG, MDOR NA KHA DOG DANG ZHES BYA BA LA SOGS PA DANG, SNGON PO DANG ZHES BYA BA LA SOGS PA DANG, YANG KHA DOG GANG ZHE NA ZHES BYA BA LA SOGS PA DANG, DE LA KHA DOG NI ZHES BYA BA LA SOGS PA DANG, YANG DE NYID CES BYA BA LA SOGS PA'I TSIG GI GO RIMS BZHIN DU BSTAN TO, ,DE LA DBYIBS DANG RNAM PAR RIG BYED NI KHA DOG LAS GUD NA MED PA'I PHYIR, YANG DE NYID CES BYA BA LA SOGS PAS KHA DOG NYID KYI BSDU BA BSTAN TO, ,DE DANG LHAN CIG 'BYUNG ZHING MTSUNGS PAR LDAN PA'I SEMS LAS BYUNG BA'I CHOS RNAMS TE ZHES BYA BA LA, MTSUNGS PAR LDAN PA ZHES BYA BA GZUNGS BA KHO NAS KYANG LHAN CIG BYUNG BA DANG SEMS LAS BYUNG BA NYID GRUB PO ZHE NA, LHAN CIG 'BYUNG BA KHO NA YIN NO ZHES NGES PAR BYA BA'I PHYIR DANG, SEMS LAS BYUNG BA'I SGRA BRJOD PAS SEMS LA BRTEN PA NYID DU BSTAN PAS SEMS GTZO BO YIN PAR SHES PAR BYA BA'I TSIG GZHAN YANG SMOS TE, DE'I PHYIR DE DAG NI GROGS KYI DON DU BSHAD PA YIN NO, ,YANG NA SPYI DANG BYE BRAG GI SGRA YIN TE, GZHAN DANG MI 'KHRUL BA'I BYE BRAG YIN PAS NYES PA MED DO, ,REG PA ZHES BYA BA NI YUL SDUG PA DANG, MI SDUG PA DANG, GNYIS KA LAS BZLOG PA NYID DU GZUNG BA'I RNAM PA STE, GO RIMS BZHIN DU BDE BA DANG, SDUG BSNGAL PA DANG, SDUG BSNGAL YANG MA YIN BDE BA YANG MA YIN PA'I TSOR BA'I RTEN PO YIN LA, DBANG PO YANG DE BZHIN DU 'GYUR BA'I RGYU'O, , 'DI LTAR SEMS LAS 'BYUNG BAR BRJOD PAR SNANG BA YID LA BYED PA LA SOGS PA DE BZHIN DU DE MED NA MIG GI RNAM PAR SHES PA 'BYUNG BAR MI 'GYUR BAS DE'I PHYIR DE NI RDZAS SU YOD DO, ,YANG GCIG TU NA YID LA BYED PA LA SOGS PA THAMS CAD KYANG TSAD MA GSUM GYIS KHONG DU CHUD PAR BYA STE, DE LA LUS NI SKYE MCHED DRUG BSTAN PA DE DANG DE DAG LAS BCOM LDAN 'DAS KYIS YID LA BYED PA NYE BAR GNAS PAR GYUR NA ZHES JI SKAD GSUNGS PA DANG, DE BZHIN DU MIG DANG GZUGS LA BRTEN NAS MIG GI RNAM PAR SHES PA 'BYUNG STE, GSUM 'DUS PA NI REG PA'O, ,REG PA DANG LHAN CIG SKYES PA NI TSOR BA DANG 'DU SHES DANG SEMS PA'O ZHES JI SKAD @77A *, ,GSUNGS PA LTA BU'O, ,TSOR BA LA SOGS PA GSAL BA RNAMS NI MNGON SUM STE, RANG GIS RIG PA'I PHYIR RO, ,RNAM PAR SHES PA TZAM DU SMRA BA LTAR NA YUL SO SOR RNAM PAR RIG PA DANG, LAS THA DAD PA'I PHYIR GZUGS BZHIN DU RNAM PAR SHES PA LAS GZHAN YIN NO, ,MDO SDE PA KHA CIG GI PHYIR TSOR BA BZHIN DU SEMS LAS BYUNG BA DAG YOD PAR BRJOD PA'I PHYIR REG PA DANG YID LA BYED PA LA SOGS PA DAG KYANG GZHAN PA YIN NO, ,YANG NA DE LAS PHUNG PO GZHAN ZHIG YIN PA'I PHYIR GZUGS BZHIN TE, RIGS PA NI DE DAG LA SOGS PA'O, ,LNGA PO DE DAG KUN TU 'GRO BA YIN PA'I PHYIR BRJOD DO, ,CI'I PHYIR LNGA KHO NA ZHE NA, DE DAG LAS GANG YANG RUNG BA ZHIG MED NA YUL GYI LONGS SPYOD KYI BYA BA YONGS SU RDZOGS PAR MI 'GYUR BA'I PHYIR NYUNG BAR YANG MA YIN LA DRAN PA DANG, 'DUN PA LA SOGS PA NI 'KHRUL PA YOD PA'I PHYIR MANG BA YANG MA YIN NO, ,DE LA YID LA BYED PA MED NA RNAM PAR SHES PA MI 'BYUNG BA KHO NAR 'GYUR TE, TSOGS PA MA TSANG BA'I PHYIR RO, ,BCOM LDAN 'DAS KYIS KYANG YID LA BYED PA NYE BAR GNAS NA MIG GI RNAM PAR SHES PA 'BYUNG BAR 'GYUR RO ZHES JI SKAD GSUNGS PA LTA BU'O, ,YANG GCIG TU YID LA BYED PA DANG, SEMS PA MED NA MA BSGRUBS SHING MNGON PAR 'DUS MA BYAS PAR RNAM PAR SHES PA JI LTAR 'BYUNG BAR 'GYUR, 'DU SHES DANG TSOR BA MED NA YUL MTSAN MAR 'DZIN PA DANG, MYONG BA MED PA KHO NAR 'GYUR TE, DE'I PHYIR RNAM PAR SHES PA 'BYUNG BA NI DON MED PA NYID DU 'GYUR RO, ,REG PA MED NA TSOR BA DANG 'DU SHES DANG, SEMS PA DAG KYANG MI 'BYUNG BA KHO NAR 'GYUR TE, RTEN PO MED PA'I PHYIR RO, ,BCOM LDAN 'DAS KYIS KYANG 'BYUNG BA DANG 'JIG PA BSTAN PA'I MDO LAS, REG PA BYUNG NA TSOR BA 'BYUNG LA, TSOR BA BYUNG NA 'DU SHES DANG 'DU BYED 'BYUNG NGO ZHES JI SKAD GSUNGS PA LTA BU'O, ,YANG TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO GANG YIN PA DE DAG THAMS CAD NI REG PA LA BRTEN PA YIN NO ZHES GSUNGS SO, ,DE BZHIN DU GNAS BRTAN SH'A RI'I BU'I MDO LAS KYANG REG PA'I RKYEN GYIS TSOR BA 'BYUNG STE, REG PA MED NA TSOR BA MI 'BYUNG NGO ZHES GSUNGS TE, DE'I PHYIR DE DAG NI GDON MI ZA BAR 'BYUNG BAR 'GYUR BA YIN NO, ,'DUN PA NI 'DOD PA'I DNGOS PO KHO NA LA 'BYUNG BAR 'GYUR TE, @77B GZHAN LA MA YIN NO, ,DRAN PA YANG DRIS PA'I DNGOS PO KHO NA LA STE, GZHAN LA MA YIN LA, DE DAG LA SOGS PA GZHAN YANG 'KHRUL BA YOD PA'I PHYIR MA NGES PAS DE'I PHYIR KUN TU 'GRO BA NI LNGA KHO NAR ZAD DO, ,SEMS LAS BYUNG BA'I CHOS GZHAN GANG DAG CES BYA BA NI DRAN PA DANG, DAD PA DANG, 'DOD CHAGS LA SOGS PA'O, , RNAM PA DU MA YOD PAR RTOGS PA DE LAS GZHAN PA'I SEMS LAS BYUNG BA DAG BZHIN DU DE DAG DMIGS PA YANG THA DAD PAR DOGS PA BSAL BA'I PHYIR, DMIGS PA GCIG LA ZHES BYA BA SMOS SO, ,NGO BO NYID KYI BYE BRAG LA DMIGS PA'I PHYIR DE DAG GI DMIGS PA THA DAD PA MA YIN NAM ZHE NA, DE LTA YIN DU ZIN KYANG DMIGS PA'I DNGOS PO GCIG PA'I PHYIR DE SKAD CES SMRAS SO, ,RNAM PA DU MA STE ZHES BYA BA NI YUL GYI MTSAN NYID THA DAD PAS 'DZIN PA'I RNAM PA THA DAD PA'I PHYIR RANG GI RNAM PA THA DAD PA LA BYA STE, 'DI LTAR 'OG NAS KYANG YUL DE NYID LA SDUG PA DANG, MI SDUG PA DANG, GNYIS KA LAS BZLOG PA'I MTSAN NYID GANG YIN PA DE NI REG PAS RIG PAR BYED DO, ,DE NYID LAS THA SNYAD KYI MTSAN NYID GANG YIN PA NI 'DU SHES KYIS RIG PAR BYED DO ZHES BYA BA LA SOGS PA 'BYUNG NGO, ,RE RE 'BYUNG LA ZHES BYA BA NI SDE TSAN GCIG LAS SEMS LAS BYUNG BA YANG GCIG KHO NA 'BYUNG GI GNYIS PA MI 'BYUNG STE, DON BYAS ZIN PA'I PHYIR RO, ,DMIGS PA DANG BCAS PA ZHES BYA BA LA, GANG GI TSE MIG GI YUL YANG GZUGS YIN PA'I TSE DE LA CI'I PHYIR SEMS LAS BYUNG BA RNAMS DMIGS PA DANG BCAS PA KHO NAR RNAM PAR GZHAG PA, MIG LA SOGS PA DAG NI MA YIN NAM ZHE NA, GANG DMIGS PA DANG BCAS NA BYUNG LA MED NA MI 'BYUNG BA DE NI DMIGS PA DANG BCAS PA YIN NO, ,GANG DE MED KYANG 'BYUNG BA DE NI DMIGS PA DANG BCAS PA MA YIN NO, ,YANG 'DI LA YUL NI DMIGS PA MA YIN TE, CI ZHE NA, 'DZIN PA'I RNAM PA YIN PAS NA BRTZAD DU MED DO, ,DE NI RNAM PA DRUG TU BLTA BAR BYA STE ZHES BYA BA LA, DE DAG GI LAS NI MANG DU YOD MOD KYI LAS RNAM PA DRUG KHO NAR BRJOD PA NI YID KYI RNAM PAR SHES PA LAS BYE BRAG TU BSTAN PA'I PHYIR RO, ,'DI LTAR YID KYI RNAM PAR SHES PA NI RANG GI LUS DANG, GZHAN GYI YUL DANG, RANG GI MTSAN NYID DANG, SPYI DANG 'BREL BA CAN GYI MTSAN NYID LA SOGS PA DANG, DUS GSUM DANG, RGYUN LA YANG DMIGS PAS NA DE LAS BYE BRAG TU BSTAN PA'I PHYIR TSIG BZHI PO DE DAG @78A *, ,SMOS SO, ,YID KYI RNAM PAR SHES PA NI RANG DBANG DANG, GZHAN GYI DBANG GIS DGE BA LA SOGS PA NYID YIN GYI LNGA PO DAG NI GZHAN GYI DBANG KHO NAR ZAD DO, ,RNAM PAR RTOG PA MED PA'I PHYIR, LAS KUN NAS SLONG BA DANG, SDUG PA DANG MI SDUG PA'I 'BRAS BU YONGS SU 'DZIN PA LA YANG DE BZHIN DU BRJOD PAR BYA'O, ,SGRA RNAMS KYI RNAM PAR GZHAG PA NI KUN NAS NYON MONGS PA DANG, RNAM PAR BYANG BA'I DBANG DU BYAS PA STE, DE LA KUN NAS NYON MONGS PA LAS BRTZAMS NAS ZIN PAS BSKYOD PA LAS BYUNG BA'I SGRA DANG, MA ZIN PAS BSKYOD PA LAS BYUNG BA'I SGRA DANG DE'I RAB TU DBYE BA YONGS SU BSTAN TO, , DE LA ZIN PAS BSKYOD PA LAS BYUNG BA LA YANG RNAM PA GSUM STE, ZIN PA DANG MA ZIN PA LAS BYUNG BA DANG, ZIN PA LAS BYUNG BA STE, TSIG GSUM DANG, BZHI DANG, GNYIS DANG SBYAR RO, ,MA ZIN PAS BSKYOD PA LAS BYUNG BA NI RLUNG DANG SHING GI SGRA GCIG PU DANG SBYAR RO, ,DE'I RAB TU DBYE BA YANG RNAM PAR GSUM STE, 'BYUNG BA LAS GYUR PA THA SNYAD MA YIN PA DANG, GSAL BA DANG MI GSAL BA DANG, GCIG DANG DU MA STA TSIG BZHI DANG, GSUM DANG, GNYIS DANG SBYAR RO, ,RNAM PAR BYANG BA LAS BRTZAMS NAS THOG MA DANG, BAR DANG, THA MA RNAMS SU LUNG MNOD PA LA SOGS PA SGRA LA SMOS PA DANG SBYAR RO, ,DE LA GAR BYED PA'I SGRA ZHES BYA BA NI GAR MKHAN GYI LUS DANG RGYAN GYI SGRA'O, ,SGRA BO CHE ZHES BYA BA NI ZIN PA DANG MA ZIN PA LAS BYUNG BA'I SGRA SNA TSOGS 'DRES PA LAS RLOM PA DANG BCAS PA'I SGRA 'BYUNG NGO, ,PHUNG PO BSDU BA'I TSIGS SU BCAD PA NI, KUN NAS NYON MONGS DE RAB DBYE, ,RNAM PAR BYANG BA GSUM GSUM STE, ,SGRA TSIG BCU DANG DGU DAG DANG, ,LHAG MA RNAMS KYIS YONGS SU BSTAN, ,YANG RNAM GRANGS GZHAN DU NA DE NYID 'JUG PA DANG LDOG PA LAS BRTZAMS PA STE, DE LA 'JUG PA'I RNAM PA NI BZHI STE, MA ZIN PA'I 'BYUNG BA CHEN PO'I RGYU LAS BYUNG BA DANG, ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA DANG, ZIN PA'I 'BYUNG BA CHEN PO'I RGYU LAS BYUNG BA NI TSIG GSUM PA GNYIS KYIS BSTAN TO, ,DE'I RAB TU DBYE BA NI TSIG BCU GSUM GYIS BSTAN TO, ,RAB TU DBYE BA YANG BYE BRAG YOD PA'I PHYIR RNAM PA BZHI STE, RTEN DU GTOGS PA DANG, RJOD PA DANG, BRJOD @78B PAR BYA BAR GTOGS PA DANG, TSAD DU GTOGS PA DANG, RANG BZHIN DANG, 'GYUR BAR GTOGS PA'O, ,DE LA RTEN NI SEMS CAN DU BGRANG BA DANG SEMS CAN DU BGRANG BA MA YIN PA'O, ,SEMS CAN YANG RNAM PAR BYANG BAR RUNG BA DANG MI RUNG BA'O, ,MI RUNG BA NI DUD 'GRO'I SKYE GNAS LA SOGS PA'I 'GRO BA STE, DE NI GLANG PO CHE LTA BU STE, GLANG PO CHE DREGS PA PA DGA' BA'I SGRA 'U RU RU NI SGRA PO CHE ZHES BYA'O, ,RUNG BA NI BUD MED DANG SKYES PA'O, ,SEMS CAN DU BGRANG BA MA YIN PA DE NI RLUNG DANG NAGS TSAL GYI SGRA LTA BU'O, ,RJOD PAR GTOGS PA'I BYE BRAG NI GSAL BA DANG MI GSAL BA NYID DO, ,BRJOD PAR BYA BAR GTOGS PA'I BYE BRAG NI DON DANG LDAN PA DANG DON MED PA NYID DO, ,TSAD NI CHUNG NGU DANG 'BRING PO DANG CHEN PO NYID DO, ,RANG BZHIN NI CHOS KYI NGO BO NYID RNAM PAR MA 'KHRUGS PA GNAS DANG GNAS MA YIN PA LA BRTEN PA'I SGRA STE, CHU KLUNG GI SGRA LTA BU'O, ,'GYUR BA NI CHOS GZHAN GYIS SHIN TU G-YENGS PA LAS GZHAN DU 'GYUR BA 'BYUNG BA'I GNAS DE LA BRTEN PA STE, CA CO'I SGRA LTA BU'O, ,DE BZHIN DU 'BYED PAR BYAD PA ZHES BYA BA'I RLUNG GIS CHU DAG BSKYOD PA LAS SGRA 'BYUNG BA DE LA BYA'O, ,LDOG PA YANG DUS BZHI'I BYE BRAG GIS RNAM PA BZHI STE, LEN PA'I DUS DANG, DE NAS 'DON PA'I DUS DANG, DE NAS 'CHANG BA'I DUS DANG, DE NAS BDAG DANG GZHAN GYI RGOL BA LA TSAR BCAD PA DANG PHAN GDAGS PA'I DUS SO, ,BSDU BA'I TSIGS SU BCAD PA NI, 'JUG DANG DE YI RAB DBYE DANG, ,LDOG PA YANG NA RNAM PA BZHI, ,DUNG DANG SGRA CHEN LUNG NOD PA'I, ,SGRA LA SOGS PAS YONGS SU BSTAN, ,GANG NANG DANG PHYI RKYEN DU GYUR PA NYID DO ZHES BYA BA NI NANG DANG PHYI'I 'BYUNG BDAG NI SGRA 'BYUNG BA'I BYED RGYU YIN GYI GNAS NI MA YIN NO, ,SGRA'I GNAS NI RANG GI 'BYUNG BA CHEN PO BZHI DAG KHO NA STE, SGRA KHO NA BZHIN DU GNAS SO, ,GANG DBANG PO DANG THA DAD DU MI GNAS PA'I SGRA DE NI DBANG PO'I 'BYUNG BA CHEN PO DAG KHO NA LA GNAS PA STE, DE'I PHYIR DE NI ZIN PA YIN PAR 'DOD DO, ,SGRA 'BYUNG BA NA YUL JI SRID DU GRAG PA'I YUL DE NYID DU 'PHRAL LA KHYAB PAR BYED CING CIG CAR 'BYUNG STE, MAR ME'I 'OD DANG 'DRA'O, ,DE'I PHYIR CHE CHUNG DU 'BYUNG ZHING 'GRO BA MA YIN NO, ,DRI ZHES BYA BA LA SOGS PA'I TSIG RNAMS KYIS NI BRDA'I MTSAN NYID DANG, RNAM PA BSDU BA'I MTSAN @79A *, ,NYID DANG, SPYI'I MTSAN NYID DANG, PHAN 'DOGS PA DANG, GNOD PA BYED PA'I MTSAN NYID DANG, RAB TU DBYE BA'I MTSAN NYID DANG, RANG GI NGO BOR GTOGS PA'I RNAM GRANGS KYI MTSAN NYID DANG, GZHAN GYI NGO BOR GTOGS PA'I RNAM GRANGS KYI MTSAN NYID BSTAN TE, GCIG DANG GCIG DANG GNYIS DAG DANG, ,GSUM PO DAG DANG GCIG DANG NI, ,LNGA PO DAG DANG BZHI RNAMS DANG, ,LHAG MA RNAMS KYIS YONGS SU BSTAN, ,RO LA YANG DE BZHIN DU BRJOD PAR BYA'O, ,REG BYA'I RNAM PAR GZHAG PA NI GDAGS PAR BYA BA'I GZHI DANG, GDAGS PAR BYA BA'O, ,GDAGS PAR BYA BA'I GZHI NI 'BYUNG BA RNAMS SO, ,GDAGS PAR BYA BA DAG NI YANG BA NYID LA SOGS PA STE, 'BYUNG BA CHEN PO DE LTA BUR GYUR PA DAG KHO NA LA GDAGS PAR BYA BA YIN PA'I PHYIR RO, ,DE LA LCI BA MA YIN PA RNAMS DANG, LCI BA RNAMS DANG, DANG BA RNAMS DANG, DANG BA MA YIN PA RNAMS DANG, CHU DANG RLUNG 'DRES PA LAS BYUNG BA RNAMS LA NI GO RIMS BZHIN DU YANG BA LA SOGS PA 'DOGS PAR BYED DO, ,STON PA MA TSANG BA RNAMS LA NI BKRES PA DANG, SKOM PA DANG, NYAM CHUNG BA DAG GO, ,DE MA TSANG BA MED CING MI MNYAM PA MED PA RNAMS LA NI NGOMS PA DANG NYAMS STOBS SO, ,MI MNYAM PAR GYUR PAS 'KHRUL BA 'BYUNG BA RNAMS DANG, NA TSOD RNAM PAR GYUR PA BYUNG BA RNAMS DANG, SROG GI DBANG PO 'GAGS PA RNAMS DANG, KHRAG GI NYES PA BYUNG BA RNAMS DANG, ZAS NGAN PA ZOS PAS NGAL BA BYUNG BA RNAMS DANG, SA DANG CHU 'DRES PA LAS BYUNG BA RNAMS DANG, 'BAD PA DANG SHA THANG BA DANG LDAN PA RNAMS DANG, 'BAD PA DANG SHA THANG BA MED PA RNAMS DANG, MNYAN ZHING SNYI BA RNAMS DANG, DRI MAS YONGS SU GOS PA DANG BRAL BA RNAMS LA NI NAD LA SOGS PA 'DOGS PAR BYED DO, ,GDAGS PAR BYA BA RNAMS KYI RNAM PAR GZHAG PA YANG 'DI DAG YIN TE, MI 'BYING BA DANG 'BYING BA LAS NI YANG BA NYID DANG LCI BA NYID DO, ,MAN BAS NA PHAN PA DANG GNOD PA LAS NI 'JAM PA NYID DANG RTZUB PA NYID DO, ,RKANG PA PHYIL BA LAS NI 'DRED PA NYID DO, ,NGES PAR BTZIR DU RUNG BA LAS NI NEM NEM PO NYID DO, ,LHAG MA RNAMS NI LUS 'GYUR BA LAS GDAGS PAR BYA'O, ,MIG KYANG YONGS SU NYAMS LA ZHES BYA BA'I RIGS PA LAS MIG KYANG YONGS SU NYAMS SU LA ZHES SMOS PA @79B NI GCIG MA TSANG NA YANG RNAM PAR SHES PA 'BYUNG BA MED DO ZHES BSTAN PA'I PHYIR RO, MIG GI RAB TU DBYE BA DE YANG RNAM PA LNGA STE, LHAG MA MA LUS PA DANG, NYAMS PA DANG BCAS PA DANG, LHAN CIG SKYES PA DANG, LAS LAS GYUR PA DANG, NANG DANG PHYI ROL GYIS GNOD PAR 'GYUR PA'O, ,LHAN CIG SKYES PA ZHES BYA BA NI DMUS LONG LTA BU'O, ,GZUGS KYANG SNANG BAR GYUR DU ZIN KYANG ZHES BYA BA NI GZUGS GANG BSTAN DU YOD PA DANG, HA CANG PHRA MO MA YIN PA DANG, MA REG PA DANG, MA BSGRIBS PA DANG, SNANG BA DANG BCAS PA DANG, HA CANG BSKAL BA MA YIN PA DANG, RANG DANG 'OG MA'I SA PA DAG GO, ,LHA'I MIG DANG LDAN PA KHA CIG GIS NI MUN KHUNG NA YANG MTHONG STE CI RIGS SU SBYAR RO, ,DE DANG 'BYUNG BA YID LA BYED PA YANG NYE BAR NGAS PAR GYUR NA ZHES BYA BA LA, YID LA BYED PA NI RNAM PA LNGAS NYE BAR GNAS PAR 'GYUR TE, 'DOD PA DANG, GOMS PA DANG, GZHAN GYIS MTSON PA DANG, DRAN PA DANG, YUL RAGS PAS SO, ,DE DANG 'BYUNG BA YID LA BYED PA ZHES BYA BA NI SEMS KYI 'JUG PA GANG YIN PA RANG GI BAG CHAGS SAD PAS GNAS YONGS SU MA NYAMS PA DE DANG, GZUGS SNANG BAR GYUR PA DE DANG, MIG GI RNAM PAR SHES PA DE DANG LHAN CIG TU MNGON PAR 'GRUB PA'O, ,SEMS RNAM PA GSUM 'BYUNG BAR 'GYUR TE ZHES BYA BA BRJOD PA'I RIGS PA LAS DMIGS PAR GYUR TE ZHES SMOS PA NI MIG GI RNAM PAR SHES PA DANG LDAN PA'I YID KYI RNAM PAR SHES PA 'BYUNG BA DE NI PA LAS BYUNG BA ZHES BYA BA NI DON GYI NGO BO NYID TZAM NYE BAR GNAS A'I PHYIR RO, ,'DI LTAR YID KYI RNAM PAR SHES PA YANG RNAM PA DE LTA BUR GYUR PA YIN PAS NYE BAR GNAS PA LAS BYUNG BAR 'DOD DO, ,'OG NAS KYANG DE LA YID KYI RNAM PAR SHES PA RTZOL BA MED LA RNAM PAR G-YENGS SHING MA 'DRIS PA LA DMIGS PA NA, 'DUN PA LA SOGS PA 'JUG PA'I MED PA'I YID KYI RNAM PAR SHES PA DE YANG NYE BAR GNAS PA LAS BYUNG BAR BRJOD PAR BYA'O ZHES JI SKAD 'BYUNG BA LTA BU'O, ,'ON GANG 'DOD PA KHO NA NAS MIG GI RNAM PAR SHES PA NYID DO ZHES 'BYUNG NGO ZHE NA, DANG PO NYID NI MIG GI RNAM PAR SHES PA'O ZHES DE LTAR BLTA BAR BYA STE, DE NI RTAG TU RNAM PAR MI RTOG PA YIN PA'I PHYIR RO, ,DANG PO ZHES BYA BA NI NYE GNAS PA LAS BYUNG BA @80A *, ,BZHIN NO, ,TSOL BA ZHES BYA BA NI MIG GI RNAM PAR SHES PAS MTHONG BA'I LUS 'DAS PA DE NYID LA MNGON PAR GSAL BAR BYA BA'I TSUL GYIS YONGS SU TSOL BA LA BYA'O, ,GSAL BA DE NYID 'DI NI SNGON PO'I ZHES BYA BA'I 'DU SHES DANG 'BREL BA'I DRAN PA DANG LDAN PA'I YID KYI RNAM PAR SHES PA 'BYUNG BA DE NI NGES PA ZHES BYA'O, ,DE LA NYE BAR GNAS PA LAS BYUNG BA NI DON TZAM LA DMIGS PA STE, YUL GYI GZUGS BRNYAN GYI NGO BO YIN NO, ,TSOL BA PA NI DON LA RNAM PAR RTOG PA DANG BCAS PA STE, GZUGS BRNYAN GYI MTSAN MA LA RJES SU DPYOD PA DANG MTHUN PA'O, ,NGES PA NI DON LA RNAM PAR 'O PA DANG, DE'I MING LA DMIGS PAR BYED PA'O, ,NGES PA'I SEMS PHAN CHAD NAS ZHES BYA BA NI DE RNAM PAR RTOG PA NYID YIN PA DANG, RANG GI 'DOD CHAGS LA SOGS PA DANG LDAN PA DANG, DE MA THAG TU MIG GI RNAM PAR SHES PA LA SOGS PA LA 'DOD CHAGS LA SOGS PA 'PHEL BAR BYED PAS DE'I PHYIR DE'I RGYUN MTHUN PA ZHES BYA BAS BSTAN TO, ,'DIR TSOL BA BA NI 'KHOR LO DANG PO KHO NA LA 'BYUNG GI NGES PA'I 'OG TU 'BYUNG BA MIG GI RNAM PAR SHES PA LA SOGS PA'I MJUG THOGS SU 'KHOR LO GNYIS PA LA SOGS PA DAG LA NI MI 'BYUNG STE, YUL GSAL BAR 'GYUR BA'I PHYIR RO; ,'ON TSOL BA PA NI MJUG THOGS SU NGES PAR 'BYUNG NGO ZHE NA, 'KHOR LO DANG PO LA 'BYUNG BA MIG GI RNAM PAR SHES PA LA SOGS PA NYE BAR GNAS PA LAS BYUNG BA'I DBANG DU BYAS NAS SMRAS PA'I PHYIR NYES PA MED DO, ,LHAN CIG RGYU BA RNAM PAR MA BZHAG NA TSOL BA PA YIN PAR LTA'O, ,RNAM PAR BZHAG NA NI MA YIN TE, LHAN CIG RGYU BA NYID KYIS MNGON PAR GSAL BAR BYAS ZIN PA NYID KYI PHYIR RO, ,'DIR NI LHAN CIG RGYU BA MED KYANG RNAM PAR BZHAG LA, GZHAN NAS NI LHAN CIG RGYU BA DANG LHAN CIG GO ZHES 'BYUNG BA DANG, 'DIR NI KUN GZHI RNAM PAR SHES PA BAG CHAGS KYI GZHI YIN PAR BSHAD LA; GZHAN NAS NI GZUGS LA SOGS PA'O ZHES 'BYUNG STE BSTAN BCOS THAMS CAD DANG 'GAL BA KHO NA MA YIN NAM ZHE NA, RNAL 'BYOR SPYOD PA'I SA NI TSUL RNAM PA BZHIS ZAB PA YIN GYI MA RTOGS BZHIN DU SPONG BAR MA BYED PAR SDOD CIG ,RJES SU 'JUG PA'I TSUL NI 'GYUR BYED KYI CHU KLUNG GI MDO LAS, @80B BYANG CHUB KYI YAN LAG RNAMS NI BSGOM PA'I LAM YIN NO ZHES JI SKAD GSUNS PA LTA BU DANG, RNAM PAR GTAN LA DBAB PA BSDU BA LAS KYANG 'JUG PA'I RNAM PAR SHES PA DANG GZUGS KYI BYE BRAG GI SEMS KYI BAG CHAGS KYI GZHI YIN TE, KUN GZHI RNAM PAR SHES PA RNAM PAR MA BZHAG PA'I PHYIR RO ZHES 'BYUNG BA LTA BU'O; ,MTSAN NYID KYI DE KHO NA'I TSUL NI YONGS SU RDZOGS SHING LDEM POR DGONGS PA MA YIN PA'I MTSAN NYID KYI DE KHO NA BSTAN PA'I PHYIR TE, JI SKAD DU RNAM PAR GTAN LA DBAB PA BSDU BA LAS LHAN CIG RGYU BA LA SOGS PA BSHAD PA LTA BU'O, ,GZHUG PA'I TSUL NI KHA CIG DON ZHIB MO DAG LA KHAD KYIS GZHUG PA'I PHYIR TE, JI LTAR RNAM PAR GZHAG PA 'DI NYID DU 'DI LTAR KUN GZHI RNAM PAR SHES PA SMOS KYANG DE'I DMIGS PA LA SOGS PA'I RNAM PAR DBYE BA MA BYAS TE, DMIGS PA PHRA BA DANG, GYA TSOM DU 'JUG PAR DGA' BA'I PHYIR TE, ,DE BZHIN DU LHAN CIG RGYU BAR YANG RNAM PAR DBYE BA MA BYAS PA LTA BU'O, ,MDO SDE'I LDEM POR DGONGS PA'I TSUL NI 'OG NAS BSGOMS PA LAS 'BYUNG BA'I LAS MTHA' DAG NI BYAMS PA YIN NO ZHES JI SKAD 'BYUNG BA DANG, RTEN CING 'BREL BAR 'BYUNG BA'I SKABS NAS RNAM PAR SHES PA GANG ZHE NA, 'JUG PA'I RNAM PAR SHES PA DRUG YIN ZHES RNAM PAR PHYE BA LTA BU STE, DE'I PHYIR BSTAN BCOS KYI DGONGS PA MA RTOGS PAR SPONG BAR BYED PA NI RIGS PA MA YIN NO, ,RNAM PAR SHES PA'I TSOGS LNGA DANG LDAN PA'I SA'I BSHAD PA'O, ,RNAL 'BYOR SPYOD PA'I SA RNAM PAR BSHAD PA, YID KYI GANG ZHE NA ZHES BYA BA LA, YID CES BYA BA'I SGRA 'DI NI RNAM PAR SHES PA THAMS CAD KYI RNAM GRANGS SU GTOGS PA STE, JI SKAD DU RNAM PAR GTAN LA DBAB PA BSDU BA LAS RNAM PAR SHES PA 'DI DAG THAMS CAD NI SEMS DANG YID CES KYANG BYA'O ZHES 'BYUNG BA LTA BU'O, ,'DIR NI GONG DU BSHAD PA'I RNAM PAR SHES PA LNGA PO MA RTOGS PA DAG GZUNG BAR BYA'O, ,GANG GI TSE BYE BRAG GI RNAM GRANGS SU BYA BA DE'I TSE NI 'DAS MA THAG PA DANG NYON MONGS PA CAN GYI YID KHO NA LA BYA'O, ,YANG NA YID CES BYA BA NI GNAS SU GYUR PA'I RNAM PAR SHES PA LA BYA'O, ,GNAS KYANG RNAM PA BZHI STE, SA BON GYI GNAS NI KUN GZHI RNAM PAR SHES PA'O, ,'BYUNG BA'I GO 'BYED PA'I GNAS NI 'DAS @81A *, ,MA THAG PA'I RNAM PAR SHES PA'O, ,MTSAN MA LA 'CHING BA'I GNAS NI NYON MONGS PA CAN GYI YID YIN TE, 'DI LTAR RNAM PAR GTAN LA DBAB PA BSDU BA LAS KYANG, YID KYI RNAM PAR SHES PA DE YANG YID LA GNAS PA ZHES BYA STE, YID MA 'GAGS NA RNAM PAR RIG PA RNAMS KYANG MTSAN MA LA BCINGS PA LAS MI 'GROL LA, ,'GAGS NA DE LAS GROL BAR 'GYUR RO ZHES 'BYUNG NGO, ,KUN NAS NYON MONGS PA DANG RNAM PAR BYANG BA'I GNAS NI YID KYI RNAM PAR SHES PA YIN TE, 'DOD CHAGS LA SOGS PA DANG, DAD PA LA SOGS PA'I GNAS PA YIN PA'I PHYIR RO, ,DE'I PHYIR YID CES BYA BA'I SGRAS NI THAMS CAD BSDUS PA YIN NO, ,SA BON THAMS CAD DANG LDAN PA ZHES BYA BA LA SOGS PA'I TSIG BZHI PA RNAM PAR GZHAG PA NI JI LTAR NA SA BON THAMS CAD DANG LDAN PA YIN ZHE NA, GNAS KYI DNGOS POR 'GYUR BA'I PHYIR RO, ,JI LTAR NA GNAS KYI DNGOS POR GNAS PA YIN ZHE NA, LEN PAR BYED PA YIN PA'I PHYIR RO ZHES TSIG SNGA MA PHYI MAS BSHAD PA'I PHYIR RO, ,YANG DON GZHAN DU NA PHUNG PO LNGAS BSDUS PA'I CHOS RNAMS KYI BAG CHAGS KYI RTEN YIN PA'I PHYIR DANG, DES ZIN PA DMIGS PA LA SOGS PA'I GNAS KYI DNGOS PO NYE BAR LEN PA'I PHYIR TE, JI SKAD DU RNAM PAR GTAN LA DBAB PA BSDU BA LAS, KUN GZHI RNAM PAR SHES PA NI RNAM PA GNYIS KYIS 'JUG PA'I RNAM PAR SHES PA'I RKYEN GYI BYA BA BYED DE GNAS SBYIN PAR BYED PA DANG, SA BON GYI DNGOS POR RO, ,DE LA GNAS SBYIN PAR BYED PA NI DES ZIN PA'I DBANG PO GZUGS CAN RNAMS LA RNAM PAR SHES PA LNGA 'BYUNG LA, MA ZIN PA RNAMS LA NI MA YIN NO ZHES BYA BA LA SOGS PA 'BYUNG BA LTA BU'O, ,RNAM PAR SHES PA DANG MING DANG GZUGS DAG MDUNG KHYIM GYI TSUL DU GCIG LA GCIG BRTEN CING GNAS KYI DNGOS POR GNAS PA'I PHYIR DANG, DES ZIN NA GZUGS KYANG SEMS CAN DU BGRANG BA NYID DU 'GYUR BA'I PHYIR RO, ,YANG DON GZHAN DU NA MTHONG BA DANG GNAS PA DANG 'PHEL BA DANG CHUD MI ZA BA'I BYE BRAG GIS RGYU RNAM PA BZHI BSTAN TE, DE DAG KYANG TSIG BZHI PO DAG GIS GO RIMS BZHIN DU BSTAN TO, ,YANG DON GZHAN DU NA KUN GZHI'I DON RNAM PA BZHI STE, 'BYUNG BA DANG LDAN PA'I 'DU BYED RNAMS DE LA 'BRAS BU'I DNGOS POR SBYOR BAR BYED PA'AM, DE DAG LA DE RGYU'I DNGOS POR @81B SBYOR BAR BYED PA'I PHYIR KUN GZHI ZHES BYA BA DANG, SEMS CAN RNAMS DE LA BDAG TU SBYOR BA'I PHYIR KUN GZHI ZHES BYA BA DANG, DE DANG PO KHO NAR MER MER POR ZHUGS PA NA GRUB PA DANG BDE BA GCIG PA'I PHYIR KUN GZHI ZHES BYA BA DANG, DES LUS ZIN PA'I PHYIR KUN GZHI ZHES BYA STE, LEN PAR BYED PA'I DON NI KUN GZHI ZHES BYA'O; ,DON BZHI PO DE DAG NI TSIG BZHI PO RNAMS DANG GO RIMS BZHIN DU SBYOR RO, ,DE LTAR NA TSIG BZHI PO DE DAG GIS KUN GZHI'I DON GSAL BA KHO NAR BSTAN PA YIN NO, ,LHAG MA RNAMS KYIS NI DE'I NGO BO NYID STON TO, ,RNAM PAR SMIN PAR BSDUS PA KUN GZHI RNAM PAR SHES PA GANG YIN PA'O ZHES BYA BA LA, CI KUN GZHI RNAM PAR SHES PA'I MTSAN NYID JI SKAD SMRAS PA'I TSIG TZAM GYIS GRUB PAR ZAD DAM, 'ON TE KHONG DU CHUD PAR BYA BA'I PHYIR THABS 'GA' ZHIG KYANG YOD CE NA, TE POR YOD DE, RE ZHIG LUNG NI THEG PA GNYIS TE, DE LA THEG PA CHEN PO NI 'DUL BA SGROGS PA ZHES BYA BA'I MDO LAS, BYANG CHUB SEMS DPA' 'DUL BA ZAB MO LA MOS PA ZHES BYA BAS BCOM LDAN 'DAS MA RIG PA'I RTZA BA RNAM PAR GZHAG PA GANG LAGS ZHES ZHUS PA DANG, RIGS KYI BU LEN PA'I RNAM PAR SHES PA LA THOG MA MED PA'I DUS SNGON GYI MTHA' MNGON PA'I MA RIG PA'I BAG CHAGS SA BON DU YONGS SU 'DZIN PA'I TSUL GYIS ZHES BYA BA LA SOGS PA GSUNGS SO, , YANG DE NYID LAS RIGS KYI BU RNAM PAR SMIN PA'I RNAM PAR SHES PA NI 'DU BYED RNAMS KYI SA BON GYI GNAS YIN NO ZHES GSUNGS SO, ,CHOS MNGON PA'I MDO LAS KYANG, SANGS RGYAS BCOM LDAN 'DAS NI SHES BYA'I GNAS KYI BYE BRAG KHYAD PAR DU 'PHAGS PA GSUNGS PA'O ZHES BYA BAS SHES BYA'I GNAS NYID YIN PAR RGYA CHER RNAM PAR PHYE STE BSTAN TO, ,'PHAGS PA BLO GROS RGYA MTSOS ZHUS PA'I MDO LAS KYANG, RNAM PAR SHES PA NI ZAG PA DANG BCAS PA'I SA BON YIN NO ZHES 'BYUNG NGO, ,DE BZHIN DU 'PHAGS PA RIN PO CHE BKOD PA LAS KYANG, BLO GROS YANGS PA RNAM PAR SHES PA DES DE LTAR LUS 'DI NYE BAR BZUNG ZHING BLANGS PA NA LEN PA'I RNAM PAR SHES PA ZHES BYA'O, ,DE LTAR DE NI LUS 'DI LA GRUB PA DANG BDE BA GCIG PA'I PHYIR 'BREL PA DANG RAB TU 'BREL PAS KUN GZHI RNAM PAR SHES PA ZHES KYANG BYA'O, ,BLO GROS YANGS PA LEN PA'I RNAM PAR SHES PA DE LA BRTEN CING GNAS NAS RNAM PAR SHES PA'I TSOGS DRUG PO DAG 'BYUNG @82A *, ,BAR 'GYUR TE, DE LA RNAM PAR SHES PA DANG BCAS PA'I MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG BAR 'GYUR TE ZHES BYA BA LA SOGS PA GSUNGS SO, ,SHIN TU RGYAS PA'I SDE YANGS PA'I TSUL ZHES BYA BA'I MDO LAS KYANG, BCOM LDAN 'DAS RNAM PAR SHES PA 'BRAS BU DANG BCAS PA KHO NA'I MTSAN NYID GANG LAGS ZHES ZHUS PA DANG, RIGS KYI BU BSGOM PA'I RNAM PAR SHES PA MED PA NA MING DANG GZUGS 'GRUB PA'I RKYEN GYI 'DU SHES RNAMS NYID KYANG MED PAR 'GYUR TE, 'DI LTAR 'DU BYED KYIS BSGOS PA'I RNAM PAR SHES PA NI MING DANG GZUGS KYI RKYEN NYID DU GDAGS PA NYID YIN NO ZHES GSUNGS SO, ,DE BZHIN DU 'PHAGS PA LANG KAR GSHEGS PA'I MDO LAS KYANG, BLO GROS CHEN PO MIG GI RNAM PAR SHES PA NI RGYU BZHI DAG GIS 'BYUNG NGO, ,BZHI GANG ZHE NA, 'DI LTA STE, RANG GI SEMS SNANG BA LA KHONG DU MA CHUD PA DANG, THOG MA MED PA'I DUS NAS SPROS PA'I GNAS NGAN LEN GYI GZUGS KYI BAG CHAGS LA MNGON PAR ZHEN PA DANG, RNAM PAR SHES PA'I RANG BZHIN GYI NGO BO NYID DANG, GZUGS RNAM PA SNA TSOGS KYI MTSAN NYID LA NGO MTSAR DU 'DZIN PA YIN TE, BLO GROS CHEN PO RGYU BZHI PO DE DAG GIS KUN GZHI RNAM PAR SHES PA CHU'I KLUNG LTA BU LAS 'JUG PA'I RNAM PAR SHES PA'I RLABS 'BYUNG NGO ZHES BYA BA LA SOGS PA GSUNGS SO, ,YANG DE NYID LAS RNAL 'BYOR PA RNAMS NI 'DI SNYAM DU BDAG CAG RNAM PAR SHES PA RNAMS BKAG NAS SNYOMS PAR 'JUG GO SNYAM DU SEMS KYANG DE DAG NI RNAM PAR SHES PA MA 'GAGS BZHIN DU SNYOMS PAR 'JUG STE, BAG CHAGS KYI SA BON MA 'GAGS PA'I PHYIR MA 'GAGS PA'O, ,YUL LA 'JUG CING 'DZIN PA MED PAS NI 'GAGS SO, ,BLO GROS CHEN PO KUN GZHI RNAM PAR SHES PA RGYU ZHING 'JUG PA DE LTAR SHIN TU PHRA BAS DE BZHIN GSHEGS PA DANG, SA LA RAB TU GNAS PA'I BYANG CHUB SEMS DPA' RNAMS MA GTOGS PAR GZHAN NYAN THOS DANG, RANG SANGS RGYAS DANG, MU STEGS CAN GYI RNAL 'BYOR PA RNAMS KYIS KHONG DU CHUD PAR SLA BA PA MA YIN NO ZHES GSUNGS SO, ,DE BZHIN DU 'PHAGS PA STUG PO BKOD PA'I MDO LAS KYANG, ZLA BA SKAR MA'I TSOGS DANG LHAN CIG MKHA' LA GNAS PA LTAR, ,DE BZHIN KUN GZHI RNAM PAR SHES PA DAG DANG LHAN CIG LUS LA GNAS, ,RANG GI LAS KYIS 'PHANG PAS DBANG PO RLUNG @82B GIS KHYAB NAS LTAR, ,RNAM PAR SHES PA'ANG RLABS BDUN DAG DANG LHAN CIG 'BYUNG BAR 'GYUR, ,ZHES GSUNGS SO, ,YANG DE NYID LAS, DE BZHIN KUN GZHI RNAM SHES RNAM SHES BDUN GYI BAG CHAGS DANG, ,RTAG TU LHAN CIG GNAS SHING 'BYUNG YANG NYON MONGS 'GYUR BA MED, ,CES KYANG GSUNGS SO, ,THEG PA CHEN PO'I MDO SDE RNAMS NI SANGS RGYAS KYI BKA' MA YIN TE, GCIG LAS 'PHROS PA'I LUNG LA SOGS PA BZHIN DU BYANG CHUB KYI PHYOGS STON PA DANG, GANG ZAG LA BDAG MED PAR STON PA DANG, DKON MCHOG GSUM GYI YON TAN BRJOD PA DANG, NYON MONGS PA SPANGS PA'I THABS STON PA LA SOGS PA RGYU MTHA' YAS PA'I PHYIR RO, ,NYAN THOS KYI THEG PA LA YANG GSUS PO CHE CHEN PO'I MDO LAS GSUNGS PA, TSE DANG LDAN PA SH'A RI'I BU 'DI LTA STE DPER NA MDUNG KHYIM GNYIS NAM MKHA' LA BSGRENGS TE GCIG LA GCIG BRTEN CING 'DUG GI JI STE GCIG PHYUNG NA NI CIG SHOS KYANG 'GYEL BAR 'GYUR RO, ,DE BZHIN DU CHOS GNYIS PO 'DI DAG KYANG GCIG LA GCIG BRTEN CING GCIG LA GCIG BRTEN NAS GNAS PA YIN TE, 'DI LTA STE, RNAM PAR SHES PA'I RKYEN GYIS MING DANG GZUGS SO, ,MING DANG GZUGS KYI RKYEN GYIS RNAM PAR SHES PA'O ZHES GSUNGS SO, ,YANG MDO SDE DAG LAS BCOM LDAN 'DAS KYIS MING DANG GZUGS RNAM PAR PHYE BA LAS KYANG GANG ZHE NA, PHUNG PO GZUGS CAN MA YIN PA BZHI PO DE DAG GO ZHES GSUNGS SHING, GANG DU YANG GZHAN DU MA YIN TE, DE'I PHYIR MING DANG GZUGS DANG LHAN CIG 'BYUNG BA BZHIR 'GYUR BA'I RNAM PAR SHES PA GZHAN ZHIG KYANG YOD PAR 'DOD PAR BYA'O, ,DE BZHIN DU DANG PO'I KHYAD PAR GYI CHA DANG MTHUN PA ZHES BYA BA'I MDO LAS KYANG, BTZUN PA 'DI LTAR 'DU BYED RNAMS NI RNAM PAR SHES PA'I TSOGS DRUG PO DAG DANG LHAN CIG 'BYUNG BA RNAM PAR SHES PA DANG MTSUNGS PAR LDAN PA RNAMS DANG 'BYUNG LAGS NA CI'I SLAD DU 'DU BYED KYI RKYEN GYIS RNAM PAR SHES PA ZHES BGYI LAGS, DGE SLONG 'DI LTAR RNAM PAR SHES PA'I TSOGS DRUG PO BSOD NAMS DANG, BSOD NAMS MA YIN PA DANG; MI G-YO BA'I 'DU BYED RNAMS DANG LHAN CIG TU 'BYUNG ZHING MTSUNGS PAR LDAN PA MA 'GAGS PA RNAMS NI TSE RABS GZHAN GYI RNAM PAR SHES PA GAR SKYES PA'I TSUL GYIS RNAM PAR SMIN PA'I RNAM PAR SHES PA LA 'DU BYED KYI BAG CHAGS 'JOG PAR BYED DO ZHES GSUNGS SO, ,DE BZHIN DU 'PHAGS PA'I DGE @83A *, ,'DUN PHAL CHEN SDE DANG, GNAS BRTAN PA'I SDE DANG, THAMS CAD YOD PAR SMRA BA'I SDE DANG, GOS DMAR SDE DANG, SA STON SDE DANG, SA STON SDE DANG, RNAM PAR PHYE STE SMRA BA'I SDE DAG LAS KYANG, RTZA BA'I RNAM PAR SHES PA DANG, SRID PA'I YAN LAG DANG, KUN GZHI DANG, 'KHOR BA CAN GYI PHUNG PO ZHES BYA BA LA SOGS PA'I BAR DU RANG GI SGRA DANG RNAM GRANGS KYIS CI RIGS SU BSTAN PA DAG GIS LAM PO CHE BTOD PAS DE LA SOGS PA THEG PA CHEN PO BSDUS PA LA SOGS PAR RNAM PAR GTAN LA PHAB PA YIN NO, ,MDO SDE SIL BU RNAMS KYANG SDAR BSHAD PA'I GTAN TSIGS DAG KHO NAS SANGS RGYAS KYI BKA' NYID YIN PAR KHONG DU CHUD PAR BYA STE, RE ZHIG LUNG NI DE DAG YIN NO, ,RIGS PA YANG NGES PA'I YID KYI RNAM PAR SHES PA NI RTEN DU GYUR PA'I SEMS DANG LHAN CIG 'JUG PAR NGES PA YIN TE, RAB TU GSAL BA'I RNAM PAR 'JUG PA'I PHYIR TE, DE LA BRTEN PA'I 'DU SHES LA SOGS PA BZHIN NO, ,CHOS MI MTHUN PA NI 'GOG PA'I SNYOMS PAR 'JUG PA'I SEMS BZHIN NO, ,DE BZHIN DU MIG GI RNAM PAR SHES PA'I PHYOGS LA YANG GZUGS TZAM LA MNGON SUM DU DMIGS PA'I PHYIR TE, DE LA BRTEN PA'I TSOR BA BZHIN NO ZHES BRJOD PAR BYA'O, ,LDOG PA NI RI LA SOGS PA LTA BU'O, ,DE BZHIN DU RNA BA'I RNAM PAR SHES PA LA SOGS PA DAG LA YANG RE RE NAS BRJOD PAR BYA'O, ,YANG RNAM PAR SHES PA'I TSOGS LNGA PO DAG GI PHYOGS LA YANG GZUGS KYI PHYOGS GCIG LA DMIGS PA'I PHYIR TE, SNGA MA BZHIN DU BRJOD PAR BYA'O, ,DE BZHIN DU YID KYI RNAM PAR SHES PA NI RGYU GCIG CING DUS GCIG PA'I RNAM PAR SHES PA LA BRTEN PA STE BAG CHAGS SGO BAR BYED PA'I PHYIR TE, DE DANG MTSUNGS PAR LDAN PA'I 'DOD CHAGS LA SOGS PA BZHIN NO, ,LDOG PA NI SNGA MA BZHIN NO, ,DE BZHIN DU KUN GZHI RNAM PAR SHES PA BSTAN PA'I TSIG NI BDEN PA'I DON YIN TE, DE BZHIN GSHEGS PAS GSUNGS PA'I PHYIR RO, ,PHUNG PO LA SOGS PA BSHAD PA'I TSIG BZHIN TE, DE BZHIN GSHEGS PAS GSUNGS PA NYID YIN PAR NI DANG PO KHO NAR BYAS PA LA SOGS PA YIN NO, ,KHO BOS GZHAN GYI NGOR BYAS TE RJES SU DPAG PA BRJOD PAR ZAD KYI ZHIB MO SO SO RANG GIS RIG PAR BYA BA'I CHOS NI RTOG GIS RNAM PAR GZHAG PAR RIGS PA MA YIN TE, JI SKAD DU MDO SDE LAS KYANG, BCOM LDAN 'DAS KYIS CHOS @83B NI LEGS PAR GSUNGS PA MKHAS PA RNAMS KYI SO SO RANG GIS RIG PAR BYA BA YIN NO ZHES BYA BA'I BAR DU GSUNGS PA LTA BU'O, ,YANG GROGS PO DAG NGAS NI ZAB MO MTHONG BAR DKA' BA BRTAG PAR BYA BA MA YIN PA RTOG GE'I SPYOD YUL MA YIN PA'I CHOS THUGS SU CHUD DO ZHES BYA BA LA SOGS PA GSUNGS SO, ,DE BZHIN DU NGAG DANG TSIG GI CHED DU BYAS PA LAS KYANG, LUNG MA GTOGS PAR RTOG GE YIS, ,CHOS RNAMS RNAM PAR GNAS MA YIN, ,DRANG SRONG RNAMS KYI SHES PA GANG, ,DE YANG LUNG NI SNGON DU BTANG, ,LONG BA RKANG PAS NOM BYED CING, ,NYAM NGA'I LAM DU BRGYUG RNAMS LTAR, ,RJES SU DPAG PA GTZOR 'DZIN RNAMS, , RNAM PAR LTUNG BA DKA' MA YIN, ,ZHES KYANG BRJOD PA'I PHYIR RO, ,DE LTA BAS NA GANG DAG KHA CIG GSUNG RAB MTHA' DAG LAS 'BYUNG BA'I KUN GZHI RNAM PAR SHES PA LA RTOG GE SKOM PO TZAM GYIS GNOD PA BYED PA DE DAG NI SHIN TU GZU LUMS BYED PA YIN PAS RNAM PAR GTAN LA DBAB PA BSDU BA LAS, DE DAG GIS RTOG GE SUN DBYUNG BAR BYAS, SKABS DE RE ZHIG GZHAG GO, ,NYON MONGS PA CAN GYI YID CES BYA BA LA SOGS PA LA, DE LA BDAG TU LTA BA NI KUN GZHI RNAM PAR SHES PA LA DMIGS SHING LHAN CIG 'BYUNG LA RTAG TU KUN DU 'BYUNG BA STE GZHAN DAG KYANG DE BZHIN NO, ,CI'I PHYIR NYON MONGS PA CAN GYI YID NYON MONGS PA BZHI PO KHO NA DAG DANG RTAG TU MTSUNGS PA LTAR GZHAG CE NA, DGE BA LA SOGS PA KUN TU SPYOD PA NA LUS LA LHAN CIG SKYES PA'I NGAR 'DZIN PA PHRA MO DANG RJES SU 'BREL PA'I PHYIR BDAG DANG BDAG GI ZHES BYA BAR BLTA'O, ,DE MED PAR MI 'BYUNG BA'I PHYIR BDAG LA SRED PA DANG, NGA RGYAL 'BYUNG BAR 'GYUR RO, ,RMONGS PA MED NA GZHAN DAG 'BYUNG BAR MI 'GYUR BA'I PHYIR MA RIG PA ZHES BYA BA YOD DE, DE'I PHYIR NYUNG BA YANG MA YIN LA, ZHE SDANG LA SOGS PA NI DE LAS BZLOG PA'I PHYIR MANG DU YANG MED DE, RGYA CHER NI 'OG NAS RNAM PAR GTAN LA DBAB PAR BSDU BAR BSHAD PAR BYA'O, ,NYON MONGS PA CAN GYI YID KYI MTSAN NYID JI SKAD SMRAS PA DE YANG LUNG DANG RIGS PAS KHONG DU CHUD PAR BYA STE, DE LA LUNG NI THEG PA CHEN PO DANG NYAN THOS KYI THEG PA'O, ,JI SKAD DU 'PHAGS PA LA DKAR GSHEGS PA'I MDO LAS KYANG, SEMS DANG YID DANG RNAM SHES NI, ,MTSAN NYID DON DU RAB TU BRTAGS, ,BRGYAD PO MTSAN NYID THA DAD MIN, ,MTSAN GZHI MED CING @84A *, ,MTSAN NYID MED, ,CES GSUNGS PA LTA BU'O, ,YANG DE NYID LAS, DE BZHIN RNAM SHES BDUN PO NI, ,SEMS DANG LHAN CIG LDAN PA'O, ,ZHES KYANG GSUNGS SO, ,DE BZHIN DU SNGAR KUN GZHI RNAM PAR SHES PAR RNAM PAR GTAN LA DBAB PA'I SKABS SU 'PHAGS PA STUG PO BKOD PA'I MDO LAS BYUNG BA'I TSIGS SU BCAD PA GNYIS SMOS PA YANG BRJOD PAR BYA'O, ,JI SKAD DU MDO SDE SIL BU DAG LAS KYANG, NYON MONGS CAN YID RTAG TU YANG, ,NYON MONGS LHAN CIG 'BYUNG BA YANG, NYON MONGS LHAN CIG 'BYUNG ZHING 'GAG ,DE NI NYON MONGS PA DAG LAS, ,GROL BAR MA GYUR MI 'GYUR RO, ,ZHES 'BYUNG NGO, , RIGS PA YANG YID KYI RNAM PAR SHES PA NI SA BON GYI GNAS LAS GZHAN PA'I GNAS LHAN CIG 'BYUNG BA DANG LDAN PA YIN TE, DGE BA LA SOGS PA'I BYE BRAG SNA TSOGS YOD PA'I PHYIR RO, ,MIG GI RNAM PAR SHES PA BZHIN TE, CHOS MI MTHUN PA NI NAM MKHA' LA SOGS PA'O, ,YANG GCIG DU DE MA THAG PA'I YID LAS BYUNG BA'I PHYIR TE SNGA MA BZHIN NO, ,DE BZHIN DU GZUGS LA SOGS PA'I YUL LA 'DZIN PA'I PHYIR TE, SNGA MA KHO NA BZHIN NO, ,YANG NA CHOS KYI KHAMS YONGS SU GCOD PA'I PHYIR DE LA BRTEN PA'I SHES RAB BZHIN TE PHYOGS NI DE LTA'O, ,GZHI GZUGS CAN YIN PAR GYUR PAS GTAN TSIG 'GAL LO ZHES BYA BA YANG MED DE, THAMS CAD YOD PAR SMRA BA RNAMS DANG, 'PHAGS PA GNAS BRTAN PA DAG GIS KYANG GNOD PA BYAS PA'I PHYIR BA DANG, YID KYI RNAM PAR SHES PA NI GNAS LHAN CIG 'BYUNG BA DANG LDAN PA YIN TE, RNAM PAR RTOG PA YOD PA'I PHYIR BA'AM, CHOS KYI KHAMS SPYOD YUL DU GYUR PA YIN PA'I PHYIR TE, DE LA GNAS PA'I SEMS LAS BYUNG BA BZHIN PAS DE LA SOGS PA RJES SU DPAG PA DAG GIS KYANG GNOD PA BYAS PA'I PHYIR RO, ,'PHAGS PA'I LAM GYIS MA NGES PA YANG MA YIN TE, KHA CIG NA RE YID GYUR PA'I PHYIR RO ZHES ZER RO, ,YANG KHA CIG NA RE ZAG PA DANG BCAS SHING 'JIG RTEN PA'I YAN LAG BYE BRAG TU BYAS PA'I PHYIR RO ZHES ZER BAS DE'I PHYIR YID GRUB PA YIN NO, ,DMIGS PA RNAM PAR RIG PAR BYED PAS NYE BAR GNAS PA GANG YIN PA'O ZHES BYA BA NI DMIGS PA RNAM PAR RIG PAR BYED PA 'BYUNG BA LA BYA STE, DE NI RNAM PAR SHES PA THAMS CAD KYI MTSAN NYID KYANG YIN MED KYI 'ON KYANG @84B RNAM PAR SHES PA BDUN PO DAG GI BYE BRAG LAS LOGS SHIG TU BKAR BAS NA YID KYI RNAM PAR SHES PA KHO NA GZUNG BAR BYA'O, ,BSTAN DU MED CING THOGS PA MED PA'I GZUGS ZHES BYA BA LA, DE NI RNAM PA GNYIS TE, RDZAS SU YOD PA DANG, BTAGS PA'I YOD PA'O, ,TING NGE 'DZIN GYI KHYAD PAR GRUB PA'I 'BRAS BU GANG YIN PA DE NI RDZAS SU YOD PA'O, ,TING NGE 'DZIN DE YANG 'JIG RTEN PA ZAG PA DANG BCAS PA YIN GYI 'JIG RTEN LAS 'DAS PA ZAG PA MED PA NI MA YIN NO, ,DE NI RNAM PAR MI RTOG PA'I PHYIR RO, ,GZUGS DE NI RNAM PAR RTOG PA'I TING NGE 'DZIN GYIS RNAM PAR BSGRUBS PA YIN PA'I PHYIR TE, DE NI SNANG BA TZAM DU ZAD KYI DE LA DRI LA SOGS PA YANG MED LA SA LA SOGS PA YANG MED DE, 'BYUNG BA'I BYED RGYU MED PA'I PHYIR BA DANG, ,DGOS PA MED PA'I PHYIR RO, ,'O NA 'OG NAS TING NGE 'DZIN GYI SPYOD YUL GYI GZUGS DE NI TING NGE 'DZIN GANG DANG LDAN PA KHO NA'I 'BYUNG BA CHEN PO DAG RGYUR BYAS PA YIN NO ZHES 'BYUNG BA MA YIN NAM ZHE NA, DER NI BRTEN PA'I 'BRAS BU RTEN GYIS BRJOD PAR ZAD DE, BDAG GI DON DE RNAM PA 'DI DAG GIS THOS ZHES BYA BA LTA BU'O, ,SA GANG DANG LDAN PA'I 'BYUNG BA CHEN PO LA BRTEN PA'I TING NGE 'DZIN GANG YIN PA'I TING NGE 'DZIN DE NI 'BYUNG BA DE DAG GI 'BRAS BU YIN PAR BSTAN TE, DE YANG SNYOMS PAR 'JUG PA LA BRTEN PA KHO NA YIN GYI 'BYUNG BA CHEN PO LA BRTEN PA MA YIN TE, JI SKAD DU RNAM PAR GTAN PA DBAB PA BSDU BA LAS KYANG, SNYOMS PAR 'JUG PA'I 'BRAS BU'I GZUGS GANG CHOS KYI SKYE MCHED DU GTOGS PA DE NI SNYOMS PAR 'JUG PA LA BRTEN PA KHO NA YIN PAR RIG PAR BYA'O, ,'BYUNG BA CHEN PO LA BRTEN PA NI MA YIN TE, DE DANG 'DRA BA'I GZUGS BRNYAN LA DMIGS PAS TING NGE 'DZIN 'GRUB PA'I PHYIR 'BYUNG BA CHEN PO DAG RGYUR BYAS PA ZHES BRJOD PAR ZAD KYI, DE LA BRTEN TE 'BYUNG BA NI MA YIN NO ZHES 'BYUNG NGO ,RNAM PAR RIG BYED MA YIN PA'I GZUGS GANG YIN PA DE NI BTAGS PA'I YOD PA YIN TE, DE NI SPONG BA'I SEMS PA LA GDAGS PA YIN PA'I PHYIR RO; ,GZUGS SU BRJOD PA NI SEMS PA DE'I BYE BRAG GI DBANG GIS 'BYUNG BA'I RLUNG GI KHAMS KYIS LUS DANG NGAG BSKYOD PA LA BRJOD PA'I PHYIR RO, ,LDAN PA YANG MA YIN PA'I PHYIR 'DU BYED KYI PHUNG POR MA GTOGS PAS SA BON RNAMS LOGS SHIG TU BSTAN PAR BYA BA'I PHYIR, ,SA BON THAMS CAD CES BYA BA SMOS @85A *, ,SO; ,SNGA NA MED PA LA SOGS PA DANG, BUM PA LA SOGS PA DAG KYANG CI'I PHYIR MA SMOS SHE NA, DE DAG NI SEMS DANG SEMS LAS BYUNG BA DAG LAS THA DAD PA MA YIN PA'I PHYIR TE, SEMS DANG SEMS LAS BYUNG BA DAG GI GZUGS BRNYAN GYI MTSAN MA TZAM YIN PA'I PHYIR RO, ,YANG NA DE DAG NI RNAM PAR RIG BYED BZHIN DU YUL RNAMS LAS DON GZHAN MA YIN PA'I PHYIR BRJOD PA KHO NA YIN NO, ,YID LA BYED PA ZHES BYA BA LA SOGS PA, YID LA BYED PA LA SOGS PA LNGA PO DAG NI RNAM PAR SHES PA'I TSOGS LNGA DANG LDAN PA'I SA'I SKABS SU 'CHAD PAR BYAS ZIN TO, ,LHAG MA RNAMS KYI MNGON SUM DANG RTAGS KYANG SNGA MA BZHIN NO, ,LUNG NI BRJOD PAR BYA STE, JI SKAD DU BCOM LDAN 'DAS KYI CHOS THAMS CAD NI 'DUN PA'I RTZA BA LAS BYUNG BA'O ZHES GSUNGS PA LTA BU'O, ,DE BZHIN DU BDAG GI SEMS NI CI NAS KYANG NANG GI SKYE MCHED DRUG PO 'DI DAG LA BDAG MED PAR MOS SO, ,DE BZHIN DU DRAN PA DANG, RJES SU DRAN PA DANG, RAB TU DRAN PA DANG, NYE BAR DRAN PA DANG, DRAN PA NYID DANG, MI BRJED PA MED PA'I CHOS NYID DANG, SEMS PA'I MNGON PAR BRJOD PA ZHES BYA'O, ,DE BZHIN DU SEMS GNAS PA DANG, YANG DAG PAR GNAS PA DANG, RAB TU GNAS PA DANG, NYE BAR GNAS PA DANG, SHIN TU GNAS PA DANG, MI G-YENG BA DANG, MI 'PHYAR BA DANG; BSDUS PA DANG, ZHI GNAS DANG, TING NGE 'DZIN DANG, SEMS RTZE GCIG PA NYID GANG YIN PA DE NI TING NGE 'DZIN ZHES BYA'O, ,DE BZHIN DU CHOS RNAMS LA RNAM PAR 'BYED PA DANG, RAB TU RNAM PAR 'BYED PA DANG, CHOS RAB TU RNAM PAR 'BYED PA DANG, YANG DAG PAR RTOG PA DANG, NYE BAR RTOG PA DANG, STON PA DANG, RAB TU RTOG PA DANG, YOD PAR 'DZIN PA DANG, YID GZHUNGS PA DANG, BLO DANG, MKHAS PA DANG, RTOG PA DANG, LHAG MTHONG GANG YIN PA DE NI SHES RAB CES BYA BA'O, ,DE BZHIN DU DE BZHIN GSHEGS PA LA DAD PAS ZHEN PA YIN NO ZHES BYA BA LA SOGS PA DANG, DE BZHIN DU CHOS GNYIS PO NI 'JIG RTEN SKYONG BAR BYED PA YIN TE, NGO TSA SHES PA DANG KHREL YOD PA'O, ,YANG NGO TSA BAR BYA BAS NA NGO TSA BAR BYED LA, KHREL BAR BYA BAS KHREL YOD PAR BYED DO ZHES BYA BA LA SOGS PA DANG, DE BZHIN DU MA CHAGS PA DANG, ZHE SDANG MED PA DANG, GTI MUG MED PA NI DGE BA'I RTZA BA YIN NO, ,DE BZHIN DU RTZOM 'GRUS @85B BRTZAMS PA LA GNAS PA NI MTHU DANG LDAN PA YIN NO ZHES BYA BA LA SOGS PA DANG, DE BZHI DU YID DGA' BAS LUS SHIN TU SBYANGS PA YIN NO, ,DE BZHIN DU DGE BA'I CHOS GANG DAG JI SNYED 'BYUNG BA DE DAG THAMS CAD NI BAG YOD PA'I RTZA BA LAS BYUNG BA YIN NO, ,DE BZHI DU BRNAB SEMS DANG YID MI BDE BA BSAL BA'I PHYIR SEMS BTANG SNYOMS SU BYED DO ,BTANG SNYOMS LA GNAS PA NI DRAN PA DANG SHES BZHIN CAN YIN NO, ,DE BZHIN DU MKHAS PA NYE BAR SHES PA NI RNAM PAR 'TSE BA YIN NO, ,DE BZHIN DU CHAGS PAS CHOS RNAMS MI SHES SO ZHES TSIGS SU BCAD PA DANG, DE BZHIN DU ZHE SDANG CAN NI ZHE SDANG GIS ZIL GYIS GNON PA YIN NO, ,RMONGS PA NI GTI MUG GIS ZIL GYIS GNON PA YIN NO, ,DE BZHIN DU GSUM PO 'DI DAG NI NGA RGYAL GYI RNAM PA YIN TE, BDAG CHE'O SNYAM PA LA SOGS PA'O, ,DE BZHIN DES KUN TU SPYOD PA GSUM SPANGS PA YIN TE, 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,DE BZHIN DU K'A T+YA'I BU 'JIG RTEN 'DI NI GNAS TE, 'DI LTA STE YOD PA NYID DANG, MED PA NYID LA GNAS PA'O ZHES BYA BA 'DI MTHAR 'DZIN PAR LTA BA YIN PAR BSTAN PA DANG, YANG DE NI CHAD PAR SMRA BA YIN NO ZHES GSUNGS PA DANG, TSANGS PA'I DRA BA LAS KYANG RTOG PAR SMRA BA YIN NO, ,DE BZHIN DU PHYIN CI LOG TU MTHONG BA STE LOG PAR LTA BA YIN NO, ,DE BZHIN DU 'CHAL BAR 'DZI PA NI RANG GI LTA BA MCHOG TU 'DZIN CING GNAS PA YIN NO ZHES BYA BA LA SOGS PA DANG, DE BZHIN DU KHRO BA DANG, KHON DU 'DZIN PA DANG, SGYU DANG, G-YO'I BAR DU 'GYUR RO, ,DE BZHIN DU BYIS PA SO SO'I SKYE BO THOS PA DANG MI LDAN PA NI NAD MED PA'I RGYAGS PAS MYOS PA DANG, LANG TSO'I RGYAGS PAS MYOS PA DANG, GSON PA'I RGYAGS PAS MYOS PA YIN NO YIN NO ZHES BYA BA LA SOGS PA DANG, DE BZHIN DU GZHAN DAG LA THO 'TSAMS PA'I RANG BZHIN CAN DE NI RNAM PAR 'TSE BA YIN NO, ,DE BZHIN DU NGO TSA BAR BYA BAS NGO TSA MED PA DANG, SDIG PA MI DGE BA'I CHOS RNAMS SKYES PAS NGO TSA BAR MI BYED DO, ,KHREL BAR BYA BA KHREL MED PA DANG, SDIG PA MI DGE BA'I CHOS RNAMS SKYES PAS KHREL BAR MI BYED DO, ,DE BZHIN DU DE'I LUS KYI RMUGS PA YANG 'BYUNG BAR 'GYUR RO, ,YANG RMUGS PA DANG GNYIS CHE BA NI LUS LCI BAR 'GYUR RO, ,DE BZHIN PA NI RGOD PA YIN NO, , @86A *, ,DE BZHIN DU 'DI LA KHA CIG JI SRID DU MA DAD PAS SEMS LA KHYAD PAR BYAS TE MI GNAS PA DE SRID DU DES DGE BA'I CHOS RNAMS SPONG BAR MI 'GYUR RO, ,DE BZHIN DU BRTZON 'GRUS ZHAN PA NI LE LO CAN YIN NO, ,DE BZHIN DU, BAG YOD BDUD RTZI'I GNAS YIN TE, ,BAG MED 'CHI BA'I GNAS YIN NO, ,ZHES TSIGS SU BCAD PA DANG, DE BZHIN DU SHES BZHIN MA YIN PAR GNAS PA NI BRJED NGAS PAR 'GYUR RO, ,DE BZHIN DU 'DOD PA'I YON TAN LNGA LA RJES SU MTHUN PAR ZHUGS PA NI SEMS RNAM PAR G-YENG BA YIN NO ZHES BYA BAS RNAM PAR G-YENG BA BSTAN PA DANG, 'GYOD PAS 'CHI BA'I DUS BYED PA DE NI LUS ZHIG NAS ZHES BYA BA LA SOGS PA DANG, DE BZHIN DU MANG DU ZA BA DE NI GNYID DANG LDAN PAR 'GYUR ZHES TSIGS SU BCAD PA DANG, RTOG PA DANG DPYOD PA DANG LDAN PA NI TSIG SMRA PAR BYED KYI RTOG PA DANG DPYOD PA MED PA NI MA YIN NO ZHES KYANG GSUNGS SO, ,YID LA BYED PA LA SOGS PA'I MTSAN NYID NI CHOS MNGON PA KUN LAS BTUS PA LA SOGS PA DANG 'DRA BAS MA SMRAS SO, ,NYON MONGS PA'I RTZA BA RNAMS KYI YANG 'OG NAS RTOG PA DANG BCAS PA LA SOGS PA'I SA DAG LA NYON MONGS PA RAB TU 'BYED PA'I SKABS NAS 'BYUNG NGO, ,LHAG MA RNAMS KYI MTSAN NYID KYI KHYAD PAR BRJOD PAR BYA STE, DE LA KHRO BA NI GZU LUMS SU SMRA BA STE, KHONG KHRO BAS KUN NAS DKRIS PA'O, ,'KHON DU 'DZIN PA NI DE NYID LAS NANG GI BSAM PAS DGRA'I DNGOS POR 'DZIN PA'O, ,'CHAB PA NI SDIG PA MKHYUD PA'O, ,'TSIG PA NI NYON MONGS PA CAN TE YONGS SU GDUNG BA'O, ,PHRAG DOG NI PHA ROL 'BYOR BA LA MNGON PAR DGA' BA'I MI MTHUN PA'I PHYOGS TE MI BZOD PA'O, ,SER SNA NI YO BYAD RNAMS LA KUN TU 'DZIN PA'O, ,SGYU NI SLU BA'I BSAM PAS GZHAN DU GNAS LA GZHAN DU STON PA'O, ,G-YO NI SEMS DRANG PO MA YIN PAS MI GSAL ZHING GSAL BA MA YIN PAR SGRUB PA'O, ,RGYAGS PA NI PHUN SUM TSOGS PA GANG YANG RUNG BAS KHENGS PAS NYON MONGS PA CAN GYI SEMS GANG YIN PA'O, ,RNAM PAR 'TSE BA NI SEMS CAN BRED NGAS PA LA THO 'TSAMS PAR RTZOM PA STE SNYING RJE MED PA'O, ,NGO TSA MED PA NI BDAG LA MI LTOS PA'I PHYIR KHA NA MA THO BAS MI 'DZEM PA'O, ,KHREL MED PA NI GZHAN LA MI LTOS PAS SO, ,RMUGS PA NI LUS DANG SEMS BLONG PA'O, ,RGOD PA NI NYE NGU'I RNAM @86B PAR RTOG PA LA SOGS PA LA BRTEN NAS NYE BAR MA ZHI ZHING 'PHYANG BA'O, ,MA DAD PA NI DAD PA DANG MI MTHUN PA STE, DGE BA LA SEMS MNGON PAR YID MI CHES PA'O, ,LE LO NI 'DOD PA'I BSOD NYAMS LA PHAN YON DU LTA ZHING DGE BA LA SEMS MNGON BAR MI SPRO BA'O, ,BAG MED PA NI KUN NAS NYON MONGS PA LAS SEMS MI SRUNG BA DANG, RNAM PAR BYANG BA MI BSGOM PA'O, ,BRJED NGAS PA NI NYON MONGS PA DANG LDAN PA'I DRAN PA'O, ,RNAM PAR G-YENG BA NI LUS DANG NGAG GI SPYOD PA MI RTOG PA'I RGYU STE, SEMS RNAM PAR 'PHRO BA'O, ,SHES BZHIN MA YIN PA NI NYON MONGS PA DANG LDAN PA'I SHES RAB BO, ,'GYOD PA NI 'DOD PA DANG MI 'DOD PA MA BYAS PA LA SEMS KYIS DMIGS NAS YID LA GCAGS PA'O, ,GNYID NI RNAM PAR SHES PA'I TSOGS LNGA MNGON PAR SDUD PAR BYED PA'O, ,RTOG PA NI SHES PA DANG SEMS PA'I RANG BZHIN TE MNGON PAR RTOGS PA'I DUS NA GO RIMS BZHIN DU SHES RAB DANG SEMS LA BRTEN NAS GO BAR BYA BA DANG, BYE BRAG TU GO BAR BYA BA'I RNAM PAS RAGS PA YONGS SU TSOL BA'I YID LA BRJOD PA'O, ,DPYOD PA NI DE BZHIN DU SO SOR RTOG PA'I RNAM PA STE, ZHI BA MOR RJES SU DPYOD PA'I YID LA BRJOD PA'O, ,DE LTA BU DANG MTHUN PA ZHES BYA BA NI RU GDUG DANG 'PHYA SMOD LA SOGS PA DAG STE, DE DAG MTSAN NYID KYANG GZHAN LA GNOD PA'I NGANG TSUL NI RU GDUG GO; ,'PHYA BA'I NGANG TSUL LA SOGS PA NI 'PHYA SMOD CES BYA STE, GZHI BSDU BA'I SKABS NAS GZUNG BAR BYA'O, ,SEMS LAS BYUNG BA DE DAG KYANG KUN TU 'GRO BA DANG, SO SOR NGES PAR KUN TU 'GRO BA DANG, DGE BA DANG, NYON MONGS PA DANG, NYE BA'I NYON MONGS PA RNAMS SU RNAM PAR GZHAG GO, ,DE LA KUN TU 'GRO BA RNAMS NI RNAM PAR SHES PA'I TSOGS LNGA DANG LDAN PA'I SA'I SKABS SU RNAM PAR GZHAG PA BYAS ZIN TO, ,SO SOR NGES PAR KUN TU 'GRO BA RNAMS NI 'DOD PA DANG, NGES PA DANG, 'DRIS PA DANG, BRTAG PA DANG, DMIGS PA LA SO SOR NGES PAR 'JUG PA NYID YIN TE, GO RIMS BZHIN DU RNAM PAR GZHAG PAR BYA'O; ,DGE BA RNAMS KYI RNAM PAR GZHAG PA NI DUS DRUG PO NGES PA'I DUS DANG, SDIG PA LAS LDOG PA'I DUS DANG, DGE BA'I PHYOGS BYA BA'I DUS DANG, 'JIG RTEN PA'I 'DOD CHAGS DANG BRAL PA'I DUS DANG, 'JIG RTEN LAS 'DAS PA'I 'DOD CHAGS DANG BRAL BA'I DUS DANG, SEMS CAN LA PHAN 'DOGS PA'I @87A *, ,DUS SU 'JUG PA LAS BRTZAMS NAS, GCIG DANG, GNYIS DANG, BZHI DANG, GCIG DANG, GNYIS DANG, GCIG DANG GO RIMS BZHIN NO, ,NYON MONGS PA RNAMS NI NYE BA'I NYON MONGS PA RNAMS KYI GZHI YIN PAS GTZO BO YIN PA'I PHYIR NYE BA'I NYON MONGS PA RNAM PAS SNGAR SMOS SHING LOGS SHIG TU BSTAN TE, DE DAG KYANG BZA' BAR BYA BA GANG YIN PA DANG, ZAB MO GANG YIN PA DANG, DE LA PHYIN CI LOG PA GANG YIN PA DE DAG LA LOG PAR SGRUB PA'I PHYIR RNAM PAR GZHAG GO, ,DE LA BZA' BAR BYA BA NI BDE BA DANG, SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PA'I TSOR BA RNAMS TE, DE DAG LA LOG PAR SGRUB PA NI 'DOD CHAGS DANG, ZHE SDANG DANG, GTI MUG RNAMS TE GO RIMS BZHIN NO, ,ZA BA PO NI SEMS CAN TE, DE LA BDAG TU RAB TU 'DZIN CING LOG BAR SGRUB PA NI NGA RGYAL YIN NO, ,DE LA PHYIN CI MA LOG PA NI YANG DAG PAR NGES PA STE, DE LA LOG PAR SGRUB PA NI LOG PAR NGES PA DANG MA NGES PA'O, ,DE GNYIS KYANG LTA BA RNAMS DANG THE TSOM STE GO RIMS BZHIN NO, ,NYE BA'I NYON MONGS PA RNAMS NI GZHI RNAM PA DRUG GI PHYIR RNAM PAR GZHAG STE, THAB MO DANG RTZOD PA LA SOGS PA'I GZHI DANG, RNYED PA LA SOGS PA 'JIG RTEN GYI CHOS KYI GZHI DANG, TSUL KHRIMS LA GNOD PA'I GZHI DANG, ZHI GNAS DANG MI MTHUN PA'I PHYOGS KYI GZHI DANG, DBANG PO LNGA NI MI MTHUN PA'I PHYOGS 'BRAS BU DANG BCAS PA'I GZHI DANG, BSLAB PA GSUM GYI DRI MA'I GZHI RNAMS TE, DE DAG KYANG BZHI DANG, DRUG DANG, GNYIS DANG, GNYIS DANG, DRUG DANG, BZHI DANG, GO RIMS BZHIN NO, , DE LA DAD PA LA SOGS PA DBANG PO LNGA PO DAG NI MI MTHUN PA'I PHYOGS NI MA DAD PA LA SOGS PA'O, ,DE DAG GI 'BRAS BU NI BAG MED PA STE, DE DAG GIS DGE BA'I CHOS RNAMS SGOM PAR MI BYED PA'I PHYIR RO, ,TSUL KHRIMS KYI DRI MA NI 'GYOD PA YIN TE, SHIN TU 'GYOD PA DANG LDAN PA NI TSUL KHRIMS RNAM PAR MA DAG PAR SHES PA NA RGYUN DU 'GYOD PA'I DRI MAS GONG DU MI RTZOL BA'I PHYIR TE, DE'I PHYIR DE NI 'DIR NYE BA'I NYON MONGS PA YIN PAR 'DOD DO, ,GANG NYES PA BYUNG NA SKAD CIG NYID DU 'GYOD PAR BYED PA DE NI DGE BA YIN PA'I PHYIR NYE BA'I NYON MONGS PA MA YIN NO, ,DE BZHIN DU GNYID KYANG TING NGE 'DZIN GYI DRI @87B MA YIN PAS BRJOD PAR BYA'O, ,SHES RAB KYI DRI MA NI RTOG PA DANG DPYOD PA GNYIS TE, 'DI LTAR SHIN TU YUN RING POR NGES PAR RTOG PA DRAN PA RMONGS PA DANG BLO 'KHRUGS PAR 'GYUR BA'I PHYIR RO, ,DE'I PHYIR RNAM PAR GTAN LA DBAB PA BSDU BA LAS KYANG, DE GNYIS NYE BA'I NYON MONGS PA NYID YIN PAR BRJOD PAR BYA'O, ,DE LTA MA YIN NA DGE BA LA SOGS PAR DGE BA'I CHOS MA PHYE BAS NYE BA'I NYON MONGS PA NYID YIN PAR RTOGS DKA' BAR 'GYUR RO, ,YANG RNAM GRANGS GZHAN DU NA DE DAG NI MTSUNGS PAR LDAN PA RNAM PA BZHI'I PHYIR RNAM PAR GZHAG STE, RE RE YANG MI DGE BA DANG NYON MONGS PA CAN GYI SEMS DANG MTSUNGS PAR LDAN PA'I PHYIR KHRO BA LA SOGS PA BCU STE, GANG DU GCIG 'BYUNG BA DER GNYIS PA MI 'BYUNG BA'I PHYIR RO, ,MI DGE BA'I SEMS THAMS CAD DANG MTSUNGS PAR LDAN PA'I PHYIR NGO TSA MED PA DANG KHREL MED PA GNYIS SO, ,KHAMS GSUM PA'I NYON MONGS PA CAN GYI SEMS CAN THAMS CAD DANG MTSUNGS PAR LDAN PA'I PHYIR RMUGS PA LA SOGS PA BRGYAD DO, ,NYON MONGS PA CAN DANG NYON MONGS PA CAN MA YIN PA'I SEMS DANG MTSUNGS PAR LDAN PA'I PHYIR 'GYOD PA LA SOGS PA'O, ,'JUG PA RJES SU 'JUG PAR BYED DO ZHES BYA BA NI RGYUS KUN NAS BSLANG BA DANG DE'I SKAD CIG MAS KUN NAS BSLANG BA DAG GIS SO, ,DE'I RGYU LAS BYUNG BA RGYU MTHUN PA KUN NAS SLONG BA'I PHYIR RO ZHES BYA BA NI YID KYI RNAM PAR SHES PA DE NI DE'I RGYU LAS BYUNG BA RGYU MTHUN PA YIN TE, MIG GI RNAM PAR SHES PA LA SOGS PA DGE BA DANG MI DGE BA DAG GO, ,DE'I KUN NAS SLONG BA NI DGE BA DANG MI DGE BA NYID DU 'BYUNG NGO, ,KHYAD PAR GYUR PA'I LAS ZHES BYA BA NI LAS SNGA MA NI RNAM PAR SHES PA'I TSOGS LNGA PO DAG DANG THUN MONGS MA YIN PA'I PHYIR RO, ,RA RO BAR BYED PA ZHES BYA BA NI CHANG 'THUNGS TE 'KHRUGS PAR BYAS PAS 'BYUNG BA 'KHRUGS PAR GYUR PA'I PHYIR LUS 'GYUR BA DANG SEMS 'GYUR BAR GYUR PA'O, ,RNAM PAR RTOG PA BDUN PO DAG RNAM PA DANG, NGO BO NYID DANG, MTSUNGS PAR LDAN PAS RNAM PAR GZHAG STE, GNYIS DANG, GSUM DANG, GNYIS DANG GO RIMS BZHIN NO, ,'DAS PA LA DMIGS PA'I RNAM PAR RTOG PA NI 'DAS PA GSAL BAR MYONG BA'I MTSAN MA YUL DU BYAS PAS NA DE'I PHYIR MTSAN MA CAN ZHES BYA'O, ,MA 'ONGS PA'I YUL MTSAN MA BKRA BAR YOD @88A *, ,KYANG DMIGS PA MA MYONG BA'I PHYIR MTSAN MA CAN YIN PA KHO NA ZHES BYA STE, DE NI GSAL BA MA YIN PA'I PHYIR RO, ,RANG GI NGANG GIS 'JIG PA ZHES BYA BA LA SOGS PA NI NYE BAR GNAS PA LAS BYUNG BA LA SOGS PA'I NGO BO NYID KYI BYE BRAG GIS DE NI RNAM PA GSUM MO, ,MTSUNGS PAR LDAN PA YANG RNAM PA GNYIS TE, NYON MONGS PA CAN DANG NYON MONGS PA CAN MA YIN PA'O, ,GZHAN DAG NI GZHAN DU RNAM PAR 'CHAD DE, SNGON NYAMS SU MYONG BA'I DON RNAMS LA ZHES BYA BA NI SNGON NYAMS SU MYONG BA DE DANG 'DRA BA DA LTAR BYUNG BA KHO NA DAG LA SNGON NYAMS SU MYONG BA'I RJES SU 'BRANG BAS SGRI BTAGS TE MTSAN MAR BZUNG NAS 'JUG PA'I PHYIR MTSAN MA CAN YIN TE, 'DIR NI GANG YOD PA NYID DANG MNGON PAR PHRAD PA NI MTSAN MA KHYAD PAR CAN YIN PAR 'DOD DO, ,DE'I PHYIR MA 'ONGS PA LA RNAM PAR RTOG PA NI MTSAN MA CAN MA YIN TE, MTSAN MAR BYA BA YOD KYANG YOD PA NYID DANG MNGON PAR PHRAD PA MA YIN PA'I PHYIR RO, ,'DAS PA LA DMIGS PA'I RNAM PAR RTOG PA NI LTOS PAS GNYIS KAR YANG BRJOD PAR MI BYA STE, MTSAN MAR BYA BA MI GSAL BA'I PHYIR DANG, YOD PA NYID DANG MNGON PAR PHRAD PA MA YIN PA'I PHYIR TE, DE BAS NA 'DIR MA BRJOD DO ZHES ZER RO, ,DE LTAR NA DE NI DMIGS PA LA RNAM PAR RTOG PA MA YIN PAS THAMS CAD 'DUS PAR MI RUNG BAR 'GYUR RO, ,YUL GYI STOBS KHO NAS ZHES BYA BAS NI 'DUN PA LA SOGS PA MED KYANG YUL NYE BAR GYUR CING NYE BAR GNAS PA TZAM LAS SO, ,NGES PA PHAN CHAD NAS YANG DANG YANG DU RNAM PAR RTOG PA THAMS CAD NI SO SOR RTOG PA KHO NA YIN NO, ,LUNG DU MA BSTAN PA GANG YIN PA ZHES BYA BA NI NYON MONGS PA CAN BSTAN ZIN PA'I PHYIR MA BSGRIBS LA LUNG DU MA BSTAN PA LA BYA'O, ,MED PA LA SGRO 'DOGS PAR MI BYED CES BYA BA LA, LUNG DU MA BSTAN PA YANG RIGS PA YANG MA YIN, RIGS PA MA YIN PA YANG MA YIN, RIGS PA MA YIN PAR BSDUS PA YIN PA LA SGRO 'DOGS PA MI BYED PA'I PHYIR DE LA YANG THAL BAR MI 'GYUR RAM ZHE NA, DGAG PA TZAM BRJOD PAR 'DOD PA'I PHYIR MTHA' DE GNYIS KA'I GNYEN POR DBU MAR BSGRUBS PA GZUNG BAS NA THAL BAR MI 'GYUR RO, ,YANG NA LUNG DU MA BSTAN PA YANG BDAG GIS SPYOD LAM DANG BZO BYA'O ZHES BYA BA LA SOGS PAS SGRO 'DOGS PAR BYED PA KHO NA @88B YIN TE; BDAG RTAG GO ZHES BYA BA LA SOGS PAR SGRO 'DOGS PA LA MNGON PAR ZHEN PAR MI BYED DO, ,RIGS PAS BSKYED PA RNAM PAR BSHAD PA'I RNAM GRANGS DAG GIS NI GO RIMS BZHIN DU RANG GI RTOG PA LAS BYUNG BA DANG, LUNG LAS BYUNG BA DANG, RTOGS PA LAS BYUNG BA'I SHES RAB YONGS SU BSTAN TO, ,CHOS GNAS PA'I ZHES BYA BA NI CHOS RNAMS RANG RANG GI RANG DANG SPYI'I MTSAN NYID LA SOGS PAS RNAM PAR GNAS PA LA BYA'O, ,RTOG PA DANG ZHES BYA BA NI SBYOR BA'I GNAS SKABS LA MTSAN MAR 'DZIN PAS SO, ,YONGS SU SHES PA ZHES BYA BA NI DE LAS NGES PAR 'THOB PAR 'GYUR BA'O, ,RA RO BAR BYED CES BYA BA LA, 'DIR TSIG GNYIS KYIS NI LAS KYI NYES PA BSTAN TO, ,SKRAG CING 'JIGS PA ZHES BYA BA LA, MCHOG TU SKRAG PA NI SKRAG PA ZHES BYA'O, ,KHYAD PAR SMRA BAR MI 'DOD PA NI 'JIGS PA ZHES BYA'O, ,'BYUNG POS BRLABS PA ZHES BYA BA NI MI MA YIN PAS BYIN GYIS BRLABS PA STE, SKRAG PA MED KYANG DE SEMS RNAM PAR G-YENG BA'I RGYU YIN PA'I PHYIR RO, ,MUN PA'I MTSAN MA YID LA BYED PA ZHES BYA BA NI SNANG BA YOD DAM MED KYANG RUNG STE, MUN PA'I MTSAN MA LA YID 'JUG PAR BYED PA'O, ,DE'I KUN NAS DKRIS PA MI BZOD PA ZHES BYA BA LA, 'DIR DE'I ZHES BYA BA NI GNYID LA BYA'O, ,GNYID KYIS KUN NAS DKRIS PA YANG RNAM PA GSUM STE, CHUNG NGU DANG 'BRING DANG CHEN PO'O, ,CHUNG NGUS NI DMIGS PA RNAMS LA MI GSAL BAR 'JUG GO, ,'BRING GIS NI SEMS DANG BCAS BZHIN DU GNYID LOG GO, ,CHEN POS NI RANG GI SEMS RGYUN CHAD PA'AM SHUGS KYIS SAD PAR BYED DE, DE'I PHYIR DE'I KUN NAS DKRIS PA MI BZOD PA ZHES BYA'O, ,RLUNG DANG MKHRIS PAS DKRUGS PA ZHES BYA BA LA, MKHRIS PA NI RGYU'I GTZO BO'I DNGOS PO YIN NO, ,RLUNG NI GROGS PO TZAM NYID DU ZAD DO, ,BRGYAL BA'I KUN NAS DKRIS PA ZHES BYA BA LA, KUN NAS DKRIS PA ZHES BYA BA'I SGRAS NI BRGYAL BAS ZIN GYIS NON PA YANG KUN NAS DKRIS PA GZHAN DANG 'DRA BAR STON TO, ,BRGYAL BA'I DUS KYI 'OG TU RANG GI LUS SO SOR RIG PA'I NGO BO'I YID KYI RNAM PAR SHES PA GDON MI ZA BAR 'BYUNG STE, YID KYI RNAM PAR SHES PA NI BRGYAL BA LAS LDANG BAR BYED PA'I LAS KHO NA YIN NO, ,LUS DANG NGAG GI LAS KYI GNAS LTA BU'I SHES PA ZHES BYA @89A *, ,BA NI SPYOD LAM 'DI LTA BU ZHIG BYA'O, ,TSIG 'DI LTA BU ZHIG BRJOD DO ZHES LUS DANG NGAG GI LAS KYI RGYUR GYUR PA'I 'DUN PA SKYED PAR BYED PA'O, ,GNAS LTA BU ZHES BYA BA'I SGRA RGYU YIN PAR BRJOD PA NI 'DI SKAD DU NYE BAR GNAS PA'I CHOS RNAMS NI 'DOD PA LA 'DOD CHAGS KYI GNAS LTA BU YIN NO ZHES 'BYUNG BA'I PHYIR RO, ,DE'I RNAM PA DANG RTAGS DANG MTSAN MA YID LA MI BYED PA ZHES BYA BA NI RNAM PA DANG RTAGS DANG MTSAN MA GANG YIN PA DAG YID LA MA BYAS PAS YONGS SU NYAMS PAR 'GYUR BA STE, RNAM PAR DAG PA NI JI LTAR 'DOD PA'I KHAMS KYI 'DOD CHAGS DANG BRAL BA 'DOD PA'I KHAMS SUN 'BYIN PA'I RIGS PA LA SOGS PA DANG, BSAM GTAN DANG PO LA MNGON PAR DGA' BA'I GZHI LA SOGS PA'O, ,RTAGS RNAMS NI GANG DAG GIS BDAG RING PO MI THOGS PAR BSAMS GTAN DANG PO LA SNYOMS PAR 'JUG GO ZHES BYA BA'AM, SNYOMS PAR ZHUGS SO ZHES BYA BA'AM, LDANG NGO ZHES BYA BAR SHES PAR 'GYUR BA STE, GRONG DU 'JUG PA'I RTAGS YIN NO, ,MTSAN MA NI RNAM PA GNYIS TE, DMIGS PA DANG GZHI'O, ,YANG NA TING NGE 'DZIN GYI SPYOD YUL GYI GZUGS BRNYAN LA BYA'O, ,YONGS SU NYAMS PAR 'GYUR BA'I CHOS ZHES BYA BA LA, YONGS SU NYAMS PAR 'GYUR BA'I CHOS RNAMS NI 'DOD PA LA RNAM PAR RTOG PA LA SOGS PA STE, JI SKAD DU SKYED MCHED DRUG GI MDO LAS KYANG DGE SLONG DAG NGAS KHYED CAG LA YONGS SU NYAMS PAR 'GYUR BA'I CHOS RNAMS BSTAN PAR BYA'O ZHES BYA BA LA SOGS PA DANG, MIG GIS RNAM PAR SHES PAR BYA BA'I GZUGS RNAMS LA BRTEN NAS 'DOD PA LA KUN TU RTOG PA RNAMS DANG, SBYOR BAR 'GYUR BA RNAMS DANG, CHAGS PAR GYUR PA RNAMS 'BYUNG BAR 'GYUR TE, DGE SLONG DAG GAL TE DE DAG LA MNGON PAR DGA' BAR BYED NA DGE BA DAG LA YONGS SU NYAMS PAR 'GYUR RO ZHES BYA BA LA SOGS PA'I BAR DU RGYA CHER GSUNGS PA LTA BU'O, ,NYON MONGS PAS BSGRIBS PA ZHES BYA BA NI SRED PA LA SOGS PA SHAS CHE BA'I BSAM GTAN PA'O, ,SDIG PA'I BSAM PA SHAS CHEN PO LHAG PAR SPYOD PA'I CHOS DANG LDAN PA ZHES BYA BA NI SDIG PA'I BSAM PA DANG SDIG PA LA LHAG PAR SPYOD PA'I CHOS DE GNYIS KA DANG LDAN PA STE, DES NI BSAM PA DANG SBYOR BA RGUD PAR STON @89B TO; ,LHUN STUG PAR BYED PAS MTHAR THUG PAR 'GRO BA ZHES BYA BA LA, LHUN STUG PAR BYED PA ZHES BYA BA NI RGYUN DU BSTAN PA STE, DES CHAD PA'I MTHAR THUG PAR 'GRO BAR 'GYUR BA'I PHYIR RO, ,'GYOD PAR MI BYED PAS ZHES BYA BA NI SNYING RJE MED PAR GYUR PAS PHYIR BLANG BA'I RGYUR GYUR PA YID LA GCIGS PA'I GNAS MED PAR STON TO, ,THE TSOM SKYE ZHING NGES PAR RTOGS PAS ZHES BYA BA NI LOG PAR LTA BA NGES PAR BCOM NAS THE TSOM SKYE BA'AM, YANG DAG PA'I LTA BA SKYES PA'I PHYIR RO ZHES BYA BA'I THA TSIG GO, ,TSE'I TSAD YOD PAS ZHES BYA BA NI GNYIS KA YANG 'CHI BA'I RGYU YIN PAR BSAMS NAS TSAD YOD PA ZHES BYA BA LA SOGS PA SMRAS SO, ,GANG DAG SEMS CAN THAMS CAD NI TSE DPAG TU MED PA KHO NAS 'PHAGS PA YIN NO ZHES ZER BA DE DAG NI MDO SDE LAS TSE ZAD PAS 'CHI BAR 'GYUR GYI BSOD NAMS ZAD PAS NI MA YIN PA YANG YOD DO ZHES BYA BA LA SOGS PA 'BYUNG BA DANG 'GAL LO, ,MA ZHU BA RTZA BA 'PHYIN PAR BYED PA ZHES BYA BA LA, 'BYIN PA ZHES BYA BA NI GSAD PA'I DON DE DGRA BSAD PA DANG 'DRA'O, ,MI TSANGS PAR SPYOD PA'O ZHES BYA BA NI SHIN TU BSTEN PAS KHAMS ZAD PAR 'GYUR BA'I PHYIR RO, ,LUNG DU MA BSTAN PA'I SEMS SU GNAS TE ZHES BYA BA LA, NYAN THOS KYIS RNAM PAR GTAN LA DBAB PA LAS SKYE BA NA 'DOD PA NA SPYOD PA'I DGE BA'I SEMS KYI MJUG THOGS SU SA GONG MA'I NYON MONGS PA CAN 'BYUNG BAR 'GYUR RO ZHES 'BYUNG NGO ZHE NA, JI LTAR DGE BZHIN DU 'CHI BA BSTAN PA DE LTAR SKYE BA'I YANG YIN PAS NYES PA MED DO, ,GZUGS MTHONG BA 'KHRUL BAR 'GYUR RO ZHES BYA BA NI MDZA' BSHES DANG NYE DU LA SOGS PA NGO MI SHES PAS LOG PAR MTHONG BA'I PHYIR RO, ,DE MA BYAS KYANG RUNG STE ZHES BYA BA NI DGE BA DANG MI DGE BA'I MCHOG MA BYAS PA'AM MANG DU MA BYAS PA'O, ,GANG LAN MANG DU GOMS PAR BYAS PA ZHES BYA BA NI DPER NA BYA ROG DAG LAS ZHO BSRUNG NGO ZHES BYA BA BZHIN DU NYE BAR MTSON PA'I DON TO, ,SHIN TU LCI BA DANG NYE BA NI DE'I TSE NA CHES STOBS DANG LDAN PA NYID DO, ,DE SPYAD NA ZHES BYA BA NI PHAL CHER SPYAD PA LA BYA'O, ,'DIR ZHES BYA BA NI SNGA LTAS RNAMS MYONG BAR 'GYUR ZHES BYA BA 'DI DANG SBYAR GYI SNGAR BYAS PA 'DI DANG SBYAR BA NI MA YIN NO, ,PHYI MA RED KYI DUS SMOS PA NI PHYI MA RED KYI @90A *, ,DUS NA GRIB MA CHE BA BZHIN DU DES 'DAS PA'I LAS SNGON RAB TU NYAL BA YANG DE'I TSE NA LTAS 'BYIN PA LA SOGS PA'I BYA BAS RNAM PAR MCHED PAR 'GYUR BA'I PHYIR RO, ,'BAB CING ZHES BYA BA LA SOGS PA'I TSIG RNAMS NI GO RIMS BZHIN DU CHUNG NGU DANG, 'BRING DANG, CHEN PO YIN TE, TSIG PHRA BA RNAMS KYI DON CHUNG BA DANG, LHAG PA DANG, MNGON DU SHAS CHE BA'I DON YIN PA'I PHYIR RO, ,MI DGE BA'I LAS KYI 'BRAS BU YIN LA ZHES BYA BA NI GDOL PA LA SOGS PA DAG NYID MUN PA YIN TE, CHES NAG PO DANG MTHUN PA'I PHYIR RO, ,BDAG NI MED PAR 'GYUR RO SNYAM NAS ZHES BYA BA NI BDAG CHAD PAR 'GYUR RAM 'ON TE CHAD PAR MI 'GYUR ZHING SKYE BAR 'GYUR RO SNYAM DU SEMS SHING MA 'ONGS PA'I LUS LA MNGON PAR DGA' BAR BYED PA'O, ,MNGON PAR SPONG BAR BYED KYI ZHES BYA BA NI 'JUG BCOM PA'I PHYIR TE, BAG MED PAR SPYOD PA NYAM CHUNG BA'I PHYIR RO, ,BDAG NI MED PAR 'GYUR RO ZHES BDAG TU LTA BA DE GANG YIN, ,RE ZHIG KUN BRTAGS PA NI MA YIN TE, RGYUN DU ZHUGS PA LA SOGS PA DAG GIS DE SPANG BA'I PHYIR RO, ,LHAN CIG SKYES PA YANG MA YIN TE, RGYU BA BSAL BA'I PHYIR RO, ,PHYIR MI 'ONG BA NI NYON MONGS PA CAN GYI YID DANG MTSUNGS PAR LDAN PA'I PHYIR KUN TU 'BYUNG BA MED DO ZHES BYA BAR 'GAL TE 'DI LTAR DE NI RTAG TU KUN TU 'BYUNG BA'I PHYIR RO ZHE NA, DE NI KUN BRTAGS PA YANG MA YIN LA, NYON MONGS PA CAN GYI YID LA BRTEN PA YANG MA YIN TE, DE NI RNAM PAR RTOG PA CAN LHAN CIG SKYES PA BSGOM PAS SPANG BAR BYA BA GZHAN ZHIG YIN TE, 'OG NAS KHONG DU CHUD PAR BYA'O, ,PHYIR MI 'ONG BA RNAMS NI DE'I TSE BDAG LA CHAGS PA DE KUN SPYOD PAR MI 'GYUR RO ZHES BYA BA NI GNYEN PO'I STOBS BSKYED PAR GYUR PA DANG, GROGS PHAL CHER MA TSANG BA'I PHYIR RO, ,SEMS CAN DMYAL BA PA RNAMS NI 'CHI BA LA MNGON PAR DGA' BA'I PHYIR MA GTOGS SO ZHES SMOS SO, ,DBANG PO NYAMS PA RNAMS NI RIM GYIS SHING YIN NO, ,LUS 'DOD PA NI LUS GRUB PA'I RTEN YIN TE, GNAS KYI GTZO BO YIN PA'I PHYIR RO ZHES SMRAS PA DE'I PHYIR DA LUS LA CHAGS PA SKYES PA DANG ZHES BYA BA SMOS SO, ,RGYU DE GNYIS ZHES BYA BA NI SMRAS MA THAG PA'O, ,RANG GI SA BON LAS ZHES BYA BA NI NGO BO NYID KYIS GRUB PA STE, YANG @90B DANG YANG DU RANG GI 'BRAS BUR GYUR PA BAR MA DO'I SRID PA KUN TU 'BYUNG BA 'THOB PA'I STOBS SKYED PAR BYED PA'I SA BON LAS SO, ,PHYAR BA NAG PO ZHES BYA BA NI RA BAL LAS BYAS PA STE MI PHAL BA'I GOS YIN NO, ,DE RIGS NI MTHUN PA'I MIG JI LTA BU'I SPYOD YUL DU 'GYUR RO ZHE NA, DE NI LHA'I MIG SHIN TU RNAM PAR DAG PA'I SPYOD YUL YIN NO ZHES BYA SMOS SO, ,BDAG DANG SKAL BA MNYAM PA RNAMS ZHES BYA BA NI SKYES PAS SKYES PA'I LTA BU'O, ,MIG NI THUR DU GSAL TE ZHES BYA BA NI SEMS CAN DMYAL BA PA DAG GI DBANG DU BYAS PA YIN NO, ,DUD 'GRO RNAMS NI GANG DU SKYES PA DE DANG MTHUN PAR 'JIG RTEN GYI KHAMS 'OG MAR RO, ,BSOD NAMS BRTEN PA NI LAS KYI DBANG GIS 'GRO BA GONG MA'I 'DU SHES KYIS 'GRO'O, ,NGES PA MED DO ZHES BYA BA NI DE MNGON DU GYUR PA'I PHYIR RO, ,YANG ZHAG BDUN DU GNAS SO ZHES BYA BA NI TSE DE TZAM DU ZAD PA'I PHYIR RO, ,BDUN PHRAG BDUN GYI BAR DU YANG GNAS SO ZHES BYA BA NI DE TZAM GYIS NA BAR MA DO'I SRID PA'I LAS KYI SHUGS ZAD PAR 'GYUR BA'I PHYIR TE, DE LTA BAS NA DE'I TSE NA LAS GZHAN GYIS ZIL GYIS NON PAS NA RIGS MI MTHUN PA GZHAN DU SKYE BAR 'GYUR RO, ,GAL TE LAS GZHAN GYI BYA BA YONGS SU GYUR PAS ZHES BYA BA NI GAL TE SNGON BYAS PA'I LAS GZHAN MNGON DU GYUR PAS BAR MA DO'I SRID PA LA GNAS PA'I RNAM PAR SMIN PAS GANG BYAS PA DES YONGS SU RDZOGS PAR BYED PA'I PHYIR RO, ,KHA CIG NA RE DGRA BCOM PA MNGON PA'I NGA RGYAL CAN SEMS CAN DMYAL BAR SKYE BA 'CHI BA'I SRID PA LA GNAS PA KHO NA NI SKYE BA'I MTSAN MA MTHONG BA'I PHYIR LOG PAR LTA BAS DER SKYE BA YOD DO ZHES ZER RO, ,KHA CIG NA RE DE LAS 'DAS PA PHAN CHAD NI ZHES BYA BA NI DE'I TSE NA LAS RNAMS KYI CHOGS PA SGRUB PAR BYED PA'I PHYIR RO ZHES ZER RO, ,'O NA BDUN PA DANG PO NYID NAS KYANG CI'I PHYIR MI BYED CE NA, DE TZAM GYIS NA LAS KYI NUS PA YONGS SU SMIN PA RAB MTHAR PHYIN BA THOB PA'I PHYIR DES GZUNG BAR DKA' BA'I STOBS KYI RKYEN 'DREN PAR BYED PA'I PHYIR RO, ,ZHAG BDUN GYIS SHI 'PHOS PA DE YANG ZHES BYA BA NI ZHAG BDUN PHRAG BDUN PO GANG YANG RUNG BA DAG GIS DE NAS SHI 'PHOS NAS BAR MA DO'I SRID PA GZHAN DU SKYE @91A *, ,BAR 'GYUR BA STE, 'DIR BAR MDO'I SRID PA DE NYID DU BYAS PA'I LAS KYIS SAM GZHAN GYIS YIN PA NI GCIG TU MA NGES SO, ,BAR MA DO'I SRID PA'I LAS YONGS SU RDZOGS PAR BYED PA KHO NA DANG, TSE 'DI NYID LA MYONG BAR 'GYUR RO ZHES BYA BA'I GRUB PA'I MTHA' 'DI NI KHO BO CAG GI MA YIN NO, ,SNGAR BSHAD PA RNAMS NI PHAL CHER YOD PAR SMRA BAR CHOS MNGON PA LA 'DRIS PA LAS 'ONGS PA YIN NO, ,DRI'I PHYIR 'GRO BAS NA DRI ZA ZHES KYANG BYA'O ZHES BYA BA LA, AARH'A ZHES BYA BA NI 'GRO BA'I DON YIN PA'I PHYIR RO, ,DRIS BRTAS PAR 'GYUR BZHES BYA BA NI DE NYID DE'I ZAS YIN PAR STON TO, ,LUS KYI 'GRO BAS 'GRO'I DMIGS PA'I 'GRO BAS NI MA YIN NO ZHES BYA BA NI YUL GZHAN DU 'BYUNG BA DANG LDAN PA'ANG PHYIR BUM PA LA SOGS PA BZHIN DU LUS KYIS 'GRO BA YIN GYI, GZUGS MED PA'I RNAM PAR SHES PA TZAM NI YUL RGYU BA MED PA'I PHYIR DMIGS PA LA 'DZIN PA LTA BUS 'GRO BA NI MA YIN NO, ,SEMS CAN GYI RGYUD NI RGYUN CHAD CING MI RIGS TE, 'BRU LA SOGS PA BZHIN DU RGYUN GYIS 'JUG PA'I PHYIR RO, ,DE'I PHYIR 'DIS NI SKYE BA'I GNAS SU 'BYUNG BA NI DMIGS PA TZAM DU ZAD DO ZHES ZER BA BKAG PA YIN NO, ,'O NA THEG PA CHEN PO'I MDO RNAM PAR SHES PA 'PHO BA ZHES BYA BA LAS, BZANG SKYONG GANG KHYOD 'DI SKAD DU JI LTAR NA RNAM PAR SHES PA 'DIS LUS BOR NAS 'PHO ZHING 'GRO BAR 'GYUR ZHES ZER BA NI ME LONG GI GZUGS BRNYAN LTA BU DANG, RGYA'I 'BUR LTA BUR 'GRO BAR 'GYUR RO ZHES GSUNGS PA DE JI LTA BU ZHE NA, BSTAN PA DE NI BYIS PA LA SOGS PA GANG 'JIG RTEN 'DI NAS 'JIG RTEN PHA ROL DU 'PHO'I ZHES YUN RING PO NAS RNAM PAR SHES PA LA BDAG NYID DANG, RTAG PA NYID DU 'DZIN PAR GOMS PA'I SEMS CAN DE YOD PAS, DE DGAG PA'I PHYIR PHUNG PO 'DI DAG LA BRTEN NAS PHUNG PO GZHAN DAG RGYA'I 'BUR KHO NA BZHIN DU 'BYUNG BAR 'GYUR RO ZHES BSTAN PA YIN GYI, BAR MA DO'I SRID PA DGAG PA'I PHYIR NI MA YIN PAS NA DE LA 'GAL BA CI ZHIG YOD, MDO SDE DE'I DON DE KHO NA YIN GYI GZHAN DU MI BZHED PAR JI LTAR SHES PAR BYA ZHE NA, DON GZHAN DU RTOGS PAR BYA STE, JI GA 'GAL BA MED DO ZHES SMRA'O, ,GAL TE DE LTAR YI GE BSGYUR BA TZAM GYIS MDO SDE RNAMS @91B GZHAN DU DRANG DU RUNG NA NI MDO SDE THAMS CAD 'CHOL BAS NA YID BRTAN DU NI MI RUNG NGO ZHE NA, CI'I PHYIR DE LTAR 'GYUR TE, LUNG DANG RIGS PA YOD PAS NA DE DAG GIS BAR MA DO'I SRID PA'I LUS SU GRUB PA'I PHYIR MDO SDE DE'I DON DE LTAR DRANG DU RUNG NGO, ,DE LA RIGS PA NI SMRAS ZIN TO, ,LUNG YANG NYAN THOS KYI THEG PA NI 'OG NAS BRJOD PAR BYA'O, ,THEG PA CHEN PO BRJOD PAR BYA STE, 'PHAGS PA DAM PA'I CHOS DRAN PA NYA BAR GZHAG PA'I MDO LAS SEMS CAN DMYAL BA MNAR MED PA LAS BRTZAMS NAS DE YANG MTHONG BA RNAM PAR 'KHRUL CING SNUM ZAD PA'I MAR ME BZHIN DU DE'I BAR MA DO'I SRID PA'I GZUGS THOGS PA MED PA'I BYIS PA LO BRGYAD LON PA TZAM DU 'BYUNG BAR 'GYUR RO ZHES GSUNGS SO, ,DE BZHIN DU MNGAL DU 'JUG PA'I MDO LAS KYANG DGA' BO 'DI LA PHA DANG MA CHAGS PAR GYUR PA DANG DRI ZA NYE BAR GNAS PA'I BAR DU GYUR NA, DGA' BO DE LTAR 'JUG PAR 'DOD PA'I DRI ZA NI BAR MDO'I SRID PA'O ZHES BYA BA 'BYUNG NGO, ,RNAM GRANGS KYI LUNG DAG LAS KYANG BAR MA DO'I SRID PA ZHES BYA 'BYUNG STE, JI SKAD DU SRID PA BDUN PA ZHES PA'I MDO LAS KYANG SRID PA BDUN PA ZHES BYA BA NI SEMS CAN DMYAL BA'I SRID PA DANG, LAS KYI SRID PA DANG, BAR MA DO'I SRID PA'I BAR DAG STE, DRI ZA ZHES BYA'O ZHES GSUNGS PA LTA BU'O, ,JI SKAD DU GNAS GSUM MNGON DU GYUR NA MNGAL DU 'JUG PAR 'GYUR TE, MA NYAMS BDE ZHING ZLA MTSAN DANG LDAN PA DANG, PHA DANG MA CHAGS PAR GYUR CING PHRAD PA DANG, DRI ZA YANG NYE BAR GNAS PAR GYUR PA'O ZHES KYANG GSUNGS PA LTA BU'O, ,SKYE BA DANG 'GAG PA'I TSUL NI SNGA MA BZHIN DU BLTA BAR BYA'O ZHES BYA BA NI SRANG GI MGO MJUG MTHON DMAN DU 'GYUR PA'I TSUL BZHIN DU'O, ,DE DER LOG PAR ZHES BYA BA NI RI DAGS BSHOR BAR BYA'O, ,RTZED MO BYA'O SNYAM PA LAS DE'I 'OG TU BRDEG PA DANG DU BAR 'GYUR BA'O, ,YONGS SU TSA BA CHEN POS KYANG ZHES BYA BA NI SEMS CAN DMYAL BA'I MES SO, ,DE NAS SNGA MA BZHIN DU DER DGA' BA DANG ZHES BYA BA NI SNGON GOMS PA BZHIN DU'O, ,MA NYAMS BDE ZHING ZHES BYA BA NI MNGAL GYIS 'DZIN NUS PA'I LUS KYI GNAS SKABS SU GYUR PA STE, CI 'DRA ZHE @92A *, ,NA; ZLA MTSAN DANG LDAN PA ZHES BYA BA SMOS TE, DE'I PHYIR PHA NYAMS PA DE ZHING ZHES BYA BA NI MA SMOS SO, ,DE JI SKAD DU MNGAL DU 'JUG PA'I MDO LAS KYANG DGA' BO ZLA MTSAN ZHES BYA BA NI DUS DANG DUS TSOD LA BYA STE, DE LA BUD MED KHA CIG NI ZHAG GSUM NA'O ZHES GSUNGS SO, ,DE LA SKYE GNAS KYI NYES PA GANG ZHE NA ZHES BYA BA LA, SKYE GNAS KYI NYES PA NI GLO BUR DANG, LHAN CIG SKYES PA'O, ,GLO BUR NI RLUNG GIS MA RUNG BAR BYAS PA LA SOGS PA'O, ,LHAN CIG SKYES PA DAG NI DBYIBS GYUR PA DANG, DBYIBS MA GYUR NA YANG PAGS SHUN LA SKYON YOD PA'O, ,DE LA DBYIBS GYUR PA ZHES BYA BA NI SKYE GNAS KYIS KHU CHU GZHI BAS NAS PHYIR 'DZAG PA'AM MI 'JIB PA'O, ,PAGS SHUN GYI SKYON ZHES BYA BA NI RMA'I SKYON YOD PA'I DON TE, DE NA RNAM DANG CHU SER LA SOGS PA 'DRES PA YOD NA KHU CHU DE RUL BAR 'GYUR RO, ,SKA BA YOD PA ZHES BYA BA NI? DE SKA BAR GYUR NA YANG DANG YANG DU SKAM PAR 'GYUR BAS NAL NAL POR MI 'JUG STE, DE'I PHYIR DER KHU CHU DANG KHRAG ZAD PAR 'GYUR RO, ,DE NA PHA MA GNYIS PO NYAL PO BYED PA YANG MED BZHIN DU ZHES BYA BA NI PHYIN CI LOG TU GYUR PAR STON PA'O, ,GAL TE BUD MED DU 'GYUR BAR 'DOD NA NI ZHES BYA BA NI MNGAL DU DBANG PO 'BYUNG BAR 'GYUR BA GANG YIN PA DES THA SNYAD DU BRJOD DO, ,NYAL BAR 'DOD PA SKYE BAR 'GYUR RO ZHES BYA BA NI GNYIS SPYOD PAR 'DOD PA'O, ,BUD MED DANG BRAL BAR 'DOD PA SKYE'O ZHES BYA BA LA, 'DIR BUD MED CES BYA BA NI MA LA BYA'O, ,SNGA MA BZHIN DU RIG PAR BYA'O ZHES BYA BA NI BAR MA DO'I SRID PA DE MI SNANG BAR 'GYUR ZHING SKYE BA'I SRID PA 'GRUB PAR 'GYUR BA'O, ,'JUG PA'I TSE ZHES BYA BA NI SKYE BA'I SEMS LA MI BYA'I BAR MA DO'I SRID PA NA GNAS PA NYID KYI SEMS DE LA BYA STE, DE'I TSE NA DE LTAR SHIN TU GSAL PA'I YID KYI RNAM PAR SHES PA MED PA'I PHYIR RO, ,'JUG PAR 'GYUR RO ZHES BYA BA NI KHU CHU DANG KHRAG SKYE GNAS NA GNAS PA KHO NA'I KHU CHU DANG KHRAG GI THIGS PA RNAM PAR SHES PA'I DBANG GIS MNGAL GYI GNAS SU 'JUG PA LA BYA'O, ,DE LAS GZHAN PA'I DBANG PO'I 'BYUNG BA CHEN PO CHA PHRA BA DANG 'DRES PA ZHES BYA BA NI DBANG PO MED PA'I GONG BU SNGA MA DE LA 'BYUNG BA @92B CHEN PO GANG DAG YOD PA DE LAS GZHAN PA DBANG PO'I GNAS KYI 'BYUNG BA CHEN PO CHA PHRA BA DAG DANG 'DRES PA LA BYA'O, ,DE DANG MTHUN PA'I ZHES BYA BA NI DBANG PO DANG BCAS PA NYID KYANG DE'I RNAM PA YONGS SU BTANG BA'I PHYIR RO, ,DBANG PO'I 'BYUNG BA CHEN PO DE DAG KYANG ZHES BYA BA NI MIG LA SOGS PA RGYUR BYAS PA'I GZUGS RNAMS KYI RTEN PO STE, THA MI DAD PAR 'BYUNG BAR 'GYUR BA GANG YIN PA DAG GO, ,DBANG PO'I RTEN GYI 'BYUNG BA CHEN PO RNAMS ZHES BYA BA NI DPER NA MIG GI 'BRAS BU DKAR PO'I 'BYUNG BA CHEN PO DAG LTA BU STE, DE BZHIN DU GZHAN DAG LA YANG CI RIGS SU SBYAR RO, ,LUS KYI NI GZHAN DAG GI RTEN PO'I 'BYUNG BA CHEN PO DAG MA GTOGS PAR RTEN GYI 'BYUNG BA CHEN PO DAG GUD NA MED PA KHO NA YIN NO, ,GCIG LA GCIG GRUB PA DANG BDE BAS ZHUGS PA ZHES BYA BA NA GSUS PO CHE'I MDO LAS MDUNG KHYIM GYI DPES BSTAN PA LTA BU'O, ,SA BON YONGS SU TSANG BA YIN NO ZHES BYA BA NI KHA CIG NA RE ZAG PA DANG BCAS PA DANG ZAG PA MED PA'I CHOS RNAMS KYI NUS PA YOD PA LA BYA'O ZHES ZER RO, ,KHA CIG NA RE KUN GZHI RNAM PAR SHES PA LA NI 'JIG RTEN LAS 'DAS PA'I CHOS KYI SA BON MED DE, 'DI LTAR 'JIG RTEN LAS 'DAS PA'I CHOS RNAMS NI DE BZHIN NYID LA DMIGS PA'I RKYEN GYI SA BON LAS BYUNG BA YIN GYI, DE'I BAG CHAGS BSAGS PA'I SA BON LAS BYUNG BA MA YIN NO ZHES BSTAN BCOS LAS 'BYUNG NGO ZHES ZER RO, ,DE LA PHYOGS SNGA MA SMRA BA DAG GIS LAN BTAB PA, BSTAN BCOS KYI DON NI 'DI YIN TE, DE BZHIN NYID LA DMIGS PA'I RKYEN RNAMS KYI SA BON BRTAS PAR BYA BA NI DE DAG GI RGYU YIN GYI GNAS NGAN LEN GYI BAG CHAGS BSAGS PA NI MA YIN TE, 'DI LTAR DE NI GNAS NGAN LEN GYI SKABS YIN PA'I PHYIR RO, ,RNAM PAR SHES PA LA ZAG PA MED PA'I SA BON MED NA NI DANG PO NYID NAS 'DI NI NYAN THOS DANG RANG SANGS RGYAS DANG DE BZHIN GSHEGS PA'I RIGS CAN DANG, DE DAG GI RIGS MED PA'O ZHES RNAM PAR GZHAG PA KHO NA YANG MI RIGS PAR 'GYUR BAS, DE'I PHYIR ZAG PA MED PA'I CHOS RNAMS 'BYUNG BA'I RGYUS SA BON GYI RNAM GRANGS KYI RIGS YOD DO, ,'BRAS BU'I @93A *, ,BYE BRAG BYANG CHUB RNAM GSUM YANG MED PAR 'GYUR TE, DMIGS PA THA DAD PA MA YIN PA'I PHYIR RO, ,DE BZHIN NYID LA 'DOD PA BZHIN BYED PA CI ZHIG YOD NA 'DI LTAR GCIG LA NI NYON MONGS PA SPANG BA'I PHYIR NYE BAR GNAS LA, GCIG NI SHES BYA'I SGRIB PA SPANG BA'I PHYIR NYE BAR GNAS PAR 'GYUR TE, DE'I PHYIR RGYUD LA GNAS PA'I RGYU YOD PAR 'DOD PAR BYA'O, ,PHYOGS GNYIS PA SMRA BA DAG GIS SMRAS PA, BSTAN BCOS NI GZHAN DU DRANG BAR MI NUS TE, GAL TE GNAS NGAN LEN GYI BAG CHAGS DES SA BON THAMS CAD BSDUS PA YIN NA 'JIG RTEN LAS 'DAS PA'I CHOS RNAMS 'BYUNG BAR 'GYUR BA'I SA BON GANG YIN TE, DE DAG GI RGYU GNAS NGAN LEN GYI SA BON YIN PAR MI RIGS SO ZHES RAB TU BSGRIBS TE BSTAN TO ZHES ZER RO, ,RIGS RNAM PAR GZHAG PA YANG DE NYID LAS BSTAN TE, GANG DAG GI RGYUD LA DE BZHIN NYID DMIGS PA RTOG PAR MI 'GYUR BA GTAN DU BA'I SGRIB PA'I SA BON YOD PA DE DAG NI YONGS SU MYA NGAN LAS MI 'DA' BA'I RIGS RGYUD LA NYON MONGS PA'I SGRIB PA'I SA BON NI MED LA, GTAN DU BA'I SHES BYA'I SGRIB PA'I SA BON YOD PA DE DAG NI KHA CIG NYAN THOS KYI RIGS CAN YIN PA DANG, ,KHA CIG RANG SANGS RGYAS KYI RIGS CAN YIN PAR RNAM PAR GZHAG GO, ,GANG DAG LA DE GNYIS KA MED PA DE DAG NI DE BZHIN GSHEGS PA'I RIGS CAN YIN NO ZHES 'BYUNG BA STE, 'BRAS BU RNAM PAR GZHAG PA YANG DE NYID KYIS BSTAN TO, ,GZHAN DAG GIS SMRAS PA, GAL TE BYANG CHUB KYI SA BON MED PA KHO NA YIN NO, , RNAM PA GSUM PO GANG MED PAS BYANG CHUB RNAM PA GSUM GYI SA BON GANG MED CING YONGS SU MYA NGAN LAS MI 'DA' BA'I CHOS CAN YIN ZHE NA, BYANG CHUB SEMS DPA'I SA LAS NI DBANG PO RNON PO LA SOGS PA NI RGYU YIN TE NUS PA DANG RIGS YIN PAR 'DOD DO, ,DAD PA LA SOGS PA'I SA BON MJUG THOGS KHO NAR GNAS NGAN LEN ZHES BYA BA YANG MED DO ZHES KYANG 'OG NAS 'BYUNG BA'I PHYIR RO, ,LUNG NI GCIG TU MA NGES LA RIGS PA NI YOD DE, ZAG PA MED PA'I SEMS DANG SEMS LAS BYUNG BA RNAMS NI RNAM PAR SMIN PA'I RNAM PAR SHES PA LA GNAS PA'I SA BON LAS BYUNG BA YIN TE, 'BYUNG BA DANG LDAN PA'I @93B PHYIR RO; ,ZAG PA DANG BCAS PA'I SEMS DANG SEMS LAS BYUNG BA THAMS CAD BZHIN TE, CHOS MI MTHUN PA NI NAM MKHA'O, ,DE BZHIN NYID LA DMIGS PA NI 'JIG RTEN LAS 'DAS PA'I SA BON YIN TE, LAM YIN PA'I PHYIR RO, ,'JIG RTEN PA'I LAM BZHIN TE, CHOS MI MTHUN PA NI NAM MKHA'O, , JI LTAR BKOD PA'I BSTAN BCOS NI DRANG BAR MI NUS TE, SHIN TU GSAL BAR RGYA CHER RNAM PAR PHYE BA'I PHYIR RO, ,DE'I PHYIR GNYIS KA YANG RNAM PAR GZHAG TU RUNG STE, DE BZHIN NYID DANG BDEN PA BZHI MNGON PAR RTOGS PA RNAM PAR GZHAG PA BZHIN NO, ,'GAL BA YANG MED DO, ,RNAM PAR SHES PA'I TSOGS LNGA DANG LDAN PA'I MJUG TU GTAN TSIGS SMRAS ZIN PA'I PHYIR RO, ,KHA CIG GIS SMRAS PA, GAL TE GNYIS KA RNAM PAR GZHAG NA DE GNYIS LAS GCIG NI DRANG BA YIN LA GCIG NI GTZO BO YIN PAR 'GYUR TE, DPER NA BSTAN PA 'DI NYID LA BDEN PA BZHI DAG RAB TU RGYA CHER RNAM PAR GZHAG PA LAS BRTZAMS TE RNAM PAR GZHAG KYANG DE BZHIN NYID RNAM PAR GZHAG PA NI BDEN PA'O ZHES GSUNGS PAS NA, DE NI GTZO BO YIN PA DE BZHIN DU 'DI LA YANG GANG GTZO BO YIN PAR GANG NAS GSUNGS TE, LUNG DANG RIGS PA DAG GI SKABS KYANG YOD PAS 'DI LA NI NGES PAR 'BYUNG BA'I THABS MAD DO, , HA CANG THAL BAR 'GYUR BA'I BRJOD PA'I DI NI RNAM PAR GTAN LA DBAB PA BSDU BA LAS NGES PAR BYA BA'O, ,LUS MNGON PAR 'GRUB PA CI YANG RUNG STE ZHES BYA BA NI 'PHAGS PA MA YIN PA RNAMS YIN NO ZHES BSAMS PA'O, ,DE GNYIS KA CHES RGYA CHE BAR 'GYUR BAS ZHES BYA BA LA, MING GI RGYA CHER 'GYUR BA NI SKYE MCHED DRUG GI SGO NAS MANG DU 'BYUNG BA'I PHYIR RO, ,LUS YONGS SU RDZOGS PAR GYUR GYI BAR DU SKYE BAR LTA'O ZHES BYA BA NI RDZAS YONGS SU RDZOGS PAR 'GYUR BA YONGS SU BSAMS PA'O, ,DE LA SA'I KHAMS RGYUR BYAS NAS ZHES BYA BA NI DE YUL GNON CING SKYE STE, DE DANG NAM MKHA'I YUL GCIG PA'I PHYIR RGYUR BYAS PA'I GZUGS RNAMS KYI SKYE BA'I YUL GNOD PA ZHES BYA BA SKYE'O, ,'DZAG PAR MI 'GYUR BA'I TSUL GYIS BRTAN PAR BYED DO ZHES BYA BA NI MI'I KHAMS KYANG 'DZAG PAR BYED PA YIN PAS KHYAD PAR DU BSTAN TO, ,SPROS PA LA MNGON PAR DGA' BA NYID GTZO BO'I RGYU YIN PAR LTA'O ZHES @94A *, ,BYA BA NI SA BON THAMS CAD PA'I RNAM PAR SHES PA NI DES BSKYED PA'I PHYIR RO, ,KHA CIG NA RE SA BON NYID RGYU'I RKYEN YIN PAS NA LAS NI BDAG PO'I RKYEN YIN NO ZHES ZER RO, ,'PHAGS PA RNAMS NI SDUG BSNGAL NYID DU 'DZIN TO ZHES BYA BA NI MNGAL DU ZHUGS PA DAG GO, , MNGAL DU GNAS PA LA NI RANG BZHIN GYIS ZHES BYA BA NI NGO BO NYID KHO NA YIN TE, KUN GZHI RNAM PAR SHES PA NI DE DANG MTSUNGS PAR LDAN PA YIN PA'I PHYIR RO, ,YUL GYI RKYEN LAS GYUR PA YIN NO ZHES BYA BA NI YUL GYI STOBS LAS BYUNG BA STE, NYON MONGS PA CAN LA SOGS PA'O, ,KHA CIG NA RE YUL GYI STOBS KHO NA LAS SKYES PA GANG YIN PA DE NI DPER NA 'JIG RTEN LAS 'DAS PA'I LTA BU'O ZHES ZER RO, ,GANG YUL GYI RKYEN LAS GYUR PA YIN NO ZHES BYA BA LA, CI YUL MNGON SUM DU GYUR NA GDON MI ZA BAR 'BYUNG BA YIN NAM ZHE NA, DE LA BDE BA DANG SDUG BSNGAL DAG NI CHED 'GA' ZHES BYA BA LA SOGS PA SMOS SO; ,THOG MA MED PA'I DUS NAS YOD PA ZHES BYA BA NI MNGON PAR BRJOD PA'I BAG CHAGS KYI SA BON GYI NGO BO NYID NI GRUB PA YIN PA'I PHYIR RO, ,SAD PAR 'GYUR RO ZHES BYA BA NI YONGS SU GSOS PA'I GNAS SKABS GZHAN THOB PA'I PHYIR RO, ,'BRAS BU SPYAD ZIN PA YIN TE ZHES BYA BA NI MIG LA SOGS PA'I SA BON GYI SKAD CIG DANG PO KHO NA LA STE, DE'I 'OG TU RNAM PAR SMIN PAR GYUR PA'I SA BON LAS DE 'BYUNG NGO, ,LUS RANG GI SA BON LAS 'BYUNG BAR SMRAS NAS, YONGS SU RDZOGS PA YANG RANG GI SA BON LAS 'BYUNG BA KHO NA YIN PAR, RANG GI SA BON YANG ZHES BYA BA LA SOGS PAS BSTAN TO, ,'BRAS BU GZHAN SKYE BA GANG YIN PA DE YANG ZHES BYA BA NI PHYI ROL GYI STE, LUS LAS GZHAN YIN PA'I PHYIR RO, ,CHE ZAD PA NI 'DIR SA BON DE ZHES BYA BA NI RNAM PAR SMIN PAR 'GYUR BA GANG YIN PA DE'O, ,GANG DE'I RGYUR GYUR PA DES NI DE'I SNGA ROL DU 'BYUNG BA'I TSE NA 'BRAS BU SPYAN ZIN TE, RNAM PAR SMIN PAR GYUR PA'I SA BON BSKYED PAR 'GYUR BA'I PHYIR RO, ,SA BON DE YANG DE NYID KYI SA BON 'DUG PA YIN NO ZHES BYA BA NI 'BRAS BU 'BYIN PAR NUS PA NA'O, ,GCIG LA CHAGS NA YANG THAMS CAD LA CHAGS PAR BRJOD PAR BYA'O, ,ZHES BYA BA LA, GZUGS NA SPYOD PA RANG GI LUS LA CHAGS @94B PA NA 'DOD PA NA SPYOD PA'I LUS SPANGS PA LA JI LTAR CHAGS PAR 'GYUR ZHE NA, GZUGS NA SPYOD PA'I LUS NI 'DOD PA'I LUS KYI SA BON YIN TE SO SO'I SKYE BO'O, ,DE CHAGS PA NA DON GYIS DE'I 'BRAS BU 'DOD PA'I LUS LA YANG CHAGS PA YIN NO, ,YANG NA RGYUR GYUR PA'I LUS LA MNGON SUM DU CHAGS PA YIN PA'I PHYIR RO, ,GCIG LAS 'DOD CHAGS DANG BRAL BA NA YANG THAMS CAD LAS 'DOD CHAGS DANG BRAL BAR BRJOD PAR BYA'O ZHES BYA BA LA, GAL TE 'DOD PA NA SPYOD PA RANG GI LUS LA 'DOD CHAGS DANG BRAL BAS KHAMS GSUM PA'I LAS LA YANG 'DOD CHAGS DANG BRAL BA YIN NA; CI'I PHYIR GZUGS DANG GZUGS MED PA'I 'DOD CHAGS DANG BRAL BAR BYA BA'I PHYIR RTZOM PAR BYED CE NA, RGYUR GYUR PA'I LUS LA 'DOD CHAGS DANG BRAL BA YANG 'BRAS BUR GYUR PA'I SPANG BA'I PHYIR 'DOD CHAGS DANG BRAL BAR RTZOM PAR BYED DO, ,YANG NA SMRAS MA THAG PA THAMS CAD LAS 'DOD CHAGS DANG BRAL LO ZHES BYA'O, ,KHA CIG NA RE JI LTAR 'DI'I 'DOD PA'I 'DOD CHAGS DANG BRAL BA KHO NA DANG 'DRA'O ZHES ZER RO, ,SA BON NYON MONGS PA'I PHYOGS GANG YIN PA DE DAG NI ZHES BYA BA NI NYON MONGS PA 'KHOR DANG BCAS PA DAG GI SA BON YIN NO, ,GNAS NGAN LEN ZHES BYA BA YANG MED DO ZHES BYA BA NI LAS SU MI RUNG BA'I DON GYI GNAS NGAN LEN MED PA'I PHYIR RO, ,DE'I PHYIR, 'DI LTAR ZHES BYA BA LA SOGS PA SMRAS SO, ,SA BON RNAM PAR GTAN LA DBAB PA BSDU BA LAS, SA BON THAMS CAD NI KUN GZHI RNAM PAR SHES PA LA YOD PA'I GNAS NGAN LEN YIN NO ZHES 'BYUNG BA NI DGE BA'I CHOS KYI SA BON NI GNAS NGAN LEN DANG LDAN PA'I PHYIR RO, ,LAS GZHAN PA DAG NI GNAS NGAN LEN GYI RANG BZHIN YIN PA'I PHYIR RO, ,RANG BZHIN SHES BYA BA NI NGO BO NYID YIN PA LA BYA STE, BAG ZAN GYI RTAG BZHIN ZHES STON TO, ,DE BAS NA ZHES BYA BA LA SOGS PAS NI 'DI SKAD DU GANG GI PHYIR JI SKAD SMOS PA'I MTSAN NYID KYIS LUS MTHA' DAG LA GNAS NGAN LEN MED PA'I PHYIR SDUG BSNGAL NYID MI 'BYUNG BAS, DE'I PHYIR DE BZHIN GSHEGS PA RNAMS NI DAD PA LA SOGS PA ZAG PA DANG BCAS PAR BSDU BA'I PHYIR 'DU BYED KYI SDUG BSNGAL NYID KYIS SDUG BSNGAL DU @95A *, ,'DOGS PAR MDZAD DO, ,ZAG PA MED PA RNAMS NI NAM YANG DE'I RJES SU MI 'GRO BAS DE DAG LA THAL BAR MI 'GYUR RO ZHES BSTAN PAR 'GYUR RO, ,GZHAN GYIS BSKYED PA'AM, RANG DANG MTHUN PA'I 'BRAS BU 'DZIN PAS NA KHAMS SO, ,DE LAS BYUNG BAS DON GYIS RIGS GZHAN DANG 'DRA BAS NA RIGS SO, ,NGO BO NYID KYIS GRUB PA NA RANG BZHIN NO, ,BYED RGYU'I DNGOS POR 'JUG CING 'GRO BAS NA RGYU'O, ,'JIG PA'I BDAG NYID KYI TSOGS YIN PAS NA 'JIG TSOGS SO, ,'JIG PA'I NGANG TSUL CAN GYI PHUNG PO DE DAG NI SA BON ZHES BYA STE, JI SKAD DU RNAM PAR GTAN LA DBAB PA BSDU BA LAS KYANG SA BON NI 'DU BYED RNAMS LA SO SO SO SOR DBYE ZHING GZHAN DU RNAM PAR GZHAG PAR MI NUS MOD KYI, 'ON KYANG DE LTAR BYUNG BA'I 'DU BYED DE DAG KHO NA LA SA BON ZHES BYA'O ZHES 'BYUNG BA LTA BU'O, ,SPRO BAR BYA BA DANG SPRO BAR BYED PAS NA SPROS PA STE, GZUNG BA DANG 'DZIN PAR GYUR PA'I SKYE MCHED KYI KHAMS RNAMS SO, ,DE DAG NYID SA BON YIN TE SNGA MA BZHIN NO, ,RGYUD DANG 'BREL PA'I PHYIR KUN GZHI RNAM PAR SHES PA NI KUN GZHI ZHES BYA STE, JI SKAD DU 'DI LTAR DE NI LUS DE LA 'BREL ZHING RAB TU 'BREL BA NA KUN GZHI ZHES BYA'O ZHES BSTAN PA LTA BU'O, ,SA BON DU GYUR PA DE NYID 'BRAS BU LEN PAR BYED PA'I PHYIR LEN PA'O, ,'BRAS BUR GYUR NA 'DU BYED KYI SDUG BSNGAL NYID KYIS SDUG BSNGAL BA YIN NO, ,YANG NA DE LAS BYUNG BA'I CHOS RNAMS SDUG BSNGAL BA YIN NO, ,'JIG TSOGS LA LTA BA DANG NGA'O SNYAM PA'I NGA RGYAL GYI DMIGS PA YIN PA'I PHYIR DE DAG GI GNAS YIN NO, ,RNAM GRANGS DE DAG GI RNAM PAR GZHAG PA YANG NGO BO NYID BSTAN PA DANG, BYE BRAG BSTAN PA'O, ,NGO BO NYID NI RGYU DANG, 'BRAS BU DANG, RANG GI NGO BO DANG, LAS KYIS BSTAN TO, ,BYE BRAG NI BLANG BAR BYA BA DANG, LEN PAR BYED PA'I BYE BRAG GIS RNAM PA GNYIS TE, BLANG BAR BYA BA NI PHUNG PO DANG KHAMS DANG SKYE MCHED RNAMS SO, ,LEN PAR BYED PA NI KUN GZHI RNAM PAR SHES PA STE, DE YANG NGO BO NYID DANG RGYU DANG 'BRAS BU STE, RNAM GRANGS GCIG DANG GCIG DANG GSUM GYIS BSTAN TO, ,DE LTA BU DANG MTHUN PA RNAMS NI ZHES BYA BA NI BAG CHAGS DANG BYED RGYU LA SOGS PA DAG GO, , @95B RKYEN RNAMS DANG MI LDAN PAR BYED CING ZHES GROGS NYAMS PAS NA YOD KYANG MTHU MED PA'I PHYIR PHYI MAR 'BRAS BU 'BYIN PAR 'GYUR BA'I NUS PA MED PA LA BYA'O, ,NANG GI RKYEN LA DBANG BA YANG 'THOB BO ZHES BYA BA NI MIG LA SOGS PA NANG GI RKYEN RNAMS DANG, SEMS DANG SEMS LAS BYUNG BA YUL RNAMS KYIS MI 'PHROGS PA LA BYA'O, ,MNGAL DU 'JUG PA'I MDO LAS ZHES BYA BA NI DGA' BO DE LA BU DE NI ZHAG BDUN PA DANG PO LA MA'I MNGAL DU MER MER POR 'GYUR TE, MER MER PO'I NGO BO NYID KYANG JI LTA BU ZHE NA, 'DI LTA STE DPER NA 'BRAS KHU 'AM ZHO GA CHU LTA BU'O ZHES BYA BA LA SOGS PA MDO SDE LAS RAB TU MANG DU GSUNGS PA RNAMS MDOR BSDUS TE BRJOD PAR BYA'O, ,DE LA ZHAG BDUN PA RNAMS NI GO RIMS BZHIN DU MER MER PO DANG NUR NUR PO DANG LTAR LTAR PO DANG MKHRANG GYUR DANG YAN LAG 'BUR BAR 'GYUR RO, ,DE NAS BZHIS NI RKANG LAG 'GYUS PA DANG, MKHREGS PA DANG, BU GU DGU DANG, NANG GROL RNAMS DANG, BKRES PA DANG, SKOM PA DANG, CHU RGYUS RNAMS DANG, MIG LA SOGS PA 'BYUNG NGO, ,GZHAN DRUG GIS NI MIG LA SOGS PA'I GNAS RNAM PAR 'BYED PA DANG, DANG BA DANG, GSAL BA DANG, MIG LA SOGS PA BZHI PO DAG RIM GYIS 'THOB PAR 'GYUR RO; ,BZHIS NI RUS PA DANG, RUS PA SBOM PO DANG, KHRAG DANG, PAGS PA DANG, PAGS PA GSAL BA DANG, KHRAG GSAL BA DANG, SKRA DANG DE GSAL BAR 'GYUR RO, ,BRGYAD KYIS NI SKYED MOS TSAL LA SOGS PA'I 'DU SHES BRGYAD DANG, PHAGS SHUN DANG, MDOG RNAMS 'BYUNG NGO, , GNYIS KYIS NI YAN LAG RGYAS PAR 'GYUR RO, ,DRUG GIS NI MI GTZANG BA DANG, DRING PA DANG, MUN PA LA MI DGA' BA'I 'DU SHES GSUM 'BYUNG NGO, ,GSUM GYIS NI RLUNG GI DBANG GIS SKYE GNAS KYI SGO LONGS SU BSGYUR TE 'DUG PAR 'GYUR RO ZHES GSUNGS PA LA BYA'O, ,DE NAS ZHAG BZHI LON NA BCA' BAR 'GYUR TE ZHES BYA BA NI DER ZLA BA DGU TSANG PA'I PHYIR TE, PHAL CHE BAS DE SKAD BSTAN TO, ,DANGS MA SKA BA DES BRTA BAR 'GYUR RO ZHES BYA BA NI KHA ZAS ZHU BA NA DE LTA BAS NA 'JUG PA'O, ,MER MER PO LA SOGS PAR 'GYUR BA'I TSE NA NI SRA BA MED PA'I PHYIR GTOR BAS BRTAS PAR 'GYUR @96A *, ,RO; ,YANG BA MA SPANGS PA ZHES BYA BA NI MAS SO, ,BRANG LOGS SU MDUN GYIS PHYOGS SHING ZHES BYA BA NI PHA DANG BSTEN PAR 'DOD PAS ZHUGS PA'I PHYIR GAN RKYAL DU 'JUG PA LA BYA'O, ,SGAL TSIGS PHYOGS SU MDUN GYIS PHYOGS SHING ZHES BYA BA NI MA DANG BSTEN PAR 'DOD PAS ZHUGS PA'I PHYIR SEMS DE DANG RJES MTHUN PAR 'DUG PA LA BYA'O, ,SKYE BA'I CHAR GTOGS PA ZHES BYA BA NI BTZAS PA'I GNAS SKABS LA SKYE BA ZHES BYA STE, DE DANG RJES SU MTHUN PA'I PHYIR RO, ,LTO NA GNAS SO ZHES BYA BA NI 'DUG PA'O, ,SKYE BA'I CHAR GTOGS PA'I REG PA ZHES BYA BA NI BTZAS PA'I GNAS SKABS NA 'BYUNG BA LA BYA'O, ,'DOGS PA ZHES BYA BA NI 'JIG RTEN GYI BRDA'O, ,SKYES PA'I RGYU ZHES BYA BA NI MING DANG GZUGS SKYES PA NI DBANG PO YONGS SU SMIN PA'I RJES SU 'GRO BA'I RGYU YIN PA LA BYA'O, ,GZHAN DAG KYANG ZHES BYA BA NI PHA DANG MA DAG LAS GZHAN PA DAG GO, ,SMRA BA'I THA SNYAD DAG SLOB TU 'JUG STE ZHES BYA BA LA, CI'I PHYIR LUS KYI LAS BOR TE NGAG GI LAS KHO NA BSTAN ZHE NA, KHA CIG NA RE LUS KYI LAS NI GDON MI ZA BAR BSLAB PAR BYA BA MA YIN PA'I PHYIR RO ZHES ZER RO, ,YANG KHA CIG NA RE THA SNYAD CES BYA BA'I SGRA NI SPYI LA SNYEGS PAS BRTZAD DU MED DO ZHES ZER RO, ,DE BAS NA 'DI LTA STE ZHES BYA BA LA SOGS PA SGO GNYIS KYIS NI 'JIG TSOGS LA LTA BA GDAGS TE BSTAN TE, GANG NA YANG ZHES BYA BA NI 'GRO BA RNAMS DANG YUL DANG DUS NA'O, ,SU YANG ZHES BYA BA NI SKYES PA DANG BUD MED DANG DE LAS GZHAN PA'O, ,CI YANG MED DO ZHES BYA BA NI BU'AM PHU NU'O, ,BDAG KYANG ZHES BYA BA LA SOGS PA DAG LA YANG DE BZHIN DU BRJOD PAR BYA'O, ,SHIN TU RTOGS PAR DKA' STE ZHES BYA BA NI 'JIG RTEN GYI STE, BDAG TU 'DZIN PA LA SHIN TU GOMS PA'I PHYIR RO, ,SEMS CAN RNAMS KYI 'JIG PA DANG 'CHAGS PAR 'GYUR BA'I LAS KYIS 'GYUR TE ZHES BYA BA LA 'JIG PA ZHES BYA BA NI NYE BAR BSTAN DU MED PA YIN PA'I PHYIR ZHIG PA'I BDAG NYID KHO NA YIN NA, JI LTAR LAS KYI RGYU LAS BYUNG BA YIN ZHE NA, DPER NA MA BYIN PAR LEN PA LAS LONGS SPYOD MED PAR 'GYUR BA BZHIN DU DE DANG MI MTHUN PA'I 'BRAS BU YIN PA'I PHYIR TE, NANG GI @96B RNAMS ZHES BYA BA SA CHOS MI MTHUN PA'I DPES BSTAN PA'I PHYIR RO, ,TSE ZAD PAR 'GYUR BA LTA BUS NI MA YIN NO ZHES BYA BA NI TSE NYID MED PAS NA ZAD PA YANG MED DE, DE NI DAM BCA' BA YIN NO, ,DE CI'I PHYIR ZHE NA, 'DI LTAR ZHES BYA BA LA SOGS PA NI GTAN TSIGS YIN TE, DE'I PHYIR PHYI ROL LA SROG YOD PAR SMRA BA DAG GI PHYIR DE DAG LA TSE ZAD PAS 'CHI BA MED DE, SEMS CAN GYI CHOS SU GRAGS PA MED PA'I PHYIR TE NAM MKHA' BZHIN NO, ,CHOS MI MTHUN PA NI MI LTA BU'O ZHES DE DAG GI SGRUB PA BSTAN TO, ,SEMS CAN GYI CHOS SU GRAGS PA MED PA RNAM PAR DBYE BA'I PHYIR, PHYI ROL GYI DNGOS PO RNAMS NI GZUGS CAN ZHES BYA BA LA SOGS PA SMOS TE, GZUGS CAN GYI DNGOS PO KHO NA YIN PA'I PHYIR RO, ,GZHAN DAG LA YANG DE BZHIN SEMS CAN LAS BZLOG PA YIN PAR BRJOD PAR BYA'O, ,'DI LTAR DE DAG NI LAS SNA TSOGS MNGON PAR 'DU BYED PA YIN TE ZHES BYA BA LA, 'DI LTAR SNOD KYANG DE DAG GI LAS KHO NAS MNGON PAR GRUB PA YIN MOD KYI DE LA RIGS MTHUN PA GANG YIN PA DES DE BYUNG BA YIN NO, ,DE BAS NA DE DAG LA NI BSKAL BA LAS LHAG PA DANG ZHES BYA BA NI SEMS CAN GYI RIS KYI DBANG DU BYAS PA YIN GYI DE DAG GI SNOD KYI GNAS NI MA YIN NO, ,DE NI GRANGS KYI GDAGS PAS BSKAL PA CHEN PO ZHES BYA'O ZHES BYA BA NI DUS KYI CHA DE TZAM LA GRANGS GCIG TU THA SNYAD GDAGS PA'I PHYIR GZHAG GO ZHES BYA BA'I DON TO, ,DE NI THAMS CAD KYI THA MAR 'JIG LA ZHES BYA BA NI MES 'JIG PA LAS BSAMS PA YIN NO, ,DE DAG THAMS CAD 'CHI 'PHOS PA NA ZHES BYA BA NI GANG GI TSE SEMS CAN GCIG KYANG MED PA LA BYA'O, ,DUD 'GRO 'JIG PA DANG ZHES BYA BA NI GO RIMS SMRA BAR MI 'DOD PA'I PHYIR YI DAGS 'JIG PA BAS SNGAR BSTAN TO, ,YANG NA 'DI DUD 'GRO RNAMS LA BSAMS PA'O, ,BSAM GTAN GNYIS PA'I BAR DU ZHES BYA BA NI MDO SDE LAS GSUNGS PA MDOR BSDUS PA'O, ,THAN PA BYUNG BAS ZHES BYA BA NI CHAR 'BAB NA TSA BA CHEN PO MED DE CHU 'BRUB PA'I PHYIR RO, ,NYI MA'I DKYIL 'KHOR RNAMS NI SEMS CAN GYIS STONG PA KHO NAS 'BYUNG BAR 'GYUR RO, ,DE LTA MA YIN DU ZIN NA NYI MA'I DKYIL 'KHOR NI DUS THAMS CAD DU LHA'I BU MI GNAS SHING @97A *, ,DES STONG PA KHO NA YIN LA RLUNG GI DBANG GIS 'KHOR BAR 'GYUR RO, ,LUNG LAS KYANG LHA'I BU NYI MA NI RI RAB KYI LHO'AM BYANG GI NGOS GANG DU DE MTHONG BA DER SONG NAS 'JUG PAR BYED DO ZHES 'BYUNG NGO, ,DRUG PA'I PHYOGS GCIG GIS SKEMS PAR BYED DO ZHES BYA BA NI LNGA PO DAG GIS BSKAMS PA'I LHAG MA GANG YIN PA DE NI DRUG PA SHAR BA NA NYIN MO KHA CIG GIS ZAD PAR BYED DO, ,MDO NYID LAS JI SKAD 'BYUNG BA BZHIN DU RGYAS PAR BYA STE ZHES BYA BA NI DGE SLONG DAG 'DI LTA STE DPER NA MAR RAM 'BRU MAR NAM MKHA' LA BSREGS SHING TSIG PA NA DU BA YANG MED PA BZHIN DU SA CHEN PO 'DI DANG RI'I RGYAL PO RI RAB KYANG BSREGS SHING TSIG PA NA DU BA YANG MED LA THAL BA'I LHAG MA YANG MED DE, DGE SLONG DAG 'DU BYED THAMS CAD NI DE LTAR MI RTAG PA MI BRTAN PA STE, YID BRTAN DU MI RUNG BA'O ZHES BYA BA LA SOGS PA GSUNGS SO, ,GZHAN DAG NI 'DI NYID DU SHIN TU RNAM PAR PHYE BAS NA MA BRIS SO, ,THAL BA'I LHAG MA YANG MED PAR 'GYUR TE ZHES BYA BA NI KHA CIG NA RE DPER NA THAL BA SA LA GNAS PA NAM MKHA' LA RLUNG GIS GTOR BA NA SA LA GNAS PA'I LHAG MA DE NI RDUL GYI BAG GAM RTAGS TZAM YANG MED PA LTA BU YIN NO ZHES ZER RO, ,GANG TSUN CHAD CHUS 'JIG BA LAN BDUN 'DAS PAR GYUR BA DE'I 'OG TU YANG MES 'JIG PA LAN CIG 'BYUNG NGO ZHES BYA BA NI MES 'JIG PA LAN BDUN 'DAS SHING CHUS 'JIG PA LA NA RE RE 'BYUNG BA LAN BDUN DU BGRANGS PA'I 'OG TU'O, ,'DI LTAR 'GA' ZHIG LA ZHES BYA BA LA SOGS PAS NI RLUNG GIS GZIGS MAR 'JIG PAR BYED PA YIN PAS SU YANG MA RTOGS SHIG CES STON TO, ,'DI LTA STE SNOD 'CHAGS PAS ZHES BYA BA NI SEMS CAN RNAM PAR GCAD PA'O, ,DE LA 'JIG PA GSUM PA'I RTZE MO NAS ZHES BYA BA NI BSAM GTAN GNYIS PA NAS SO, ,DE BZHIN DU THAMS CAD DU YANG SBYAR BAR BYA'O ZHES BYA BA NI 'OG MA RNAMS SU'O, ,MI DGA' BAR 'GYUR TE ZHES BYA BA'I SGRA SKYO BA'I RNAM GRANGS LA BYA'I, YID MI BDE BA YIN PAR MI BRJOD DO, ,DE'I SEMS MNGON PAR 'DU BYED PAS ZHES BYA BA NI TSANGS PAR SKYE BA'I RGYU YIN NO, ,'DOD PA NA SPYOD PA'I LHA'I RIS BZHI PO DAG GI GZHAL MED KHANG NAM MKHA' LA 'BYUNG BAR 'GYUR @97B TE ZHES BYA BA NI BSAM GTAN GSUM NAS 'THAB BRAL GYI BAR GYI GZHAL MED KHANG RNAMS LA BYA'O, ,NAM MKHA' LA SPRUL PA BZHIN DU 'BYUNG BAR LTA'O ZHES BYA BA NI RTZAL BA'I RGYUN GANG DU YANG MI GNAS SHING BYA BA GZHAN GYIS RNAM PAR BKOD PA MED PA BKOD PA SNA TSOGS DANG LDAN BZHIN DU NAM MKHA' KHO NA LAS 'BYUNG BA'O, ,DE DAG TU YANG SNGA MA BZHIN DU ZHES BYA BA NI TSE ZAD PA ZHES BYA BA LA SOGS PA'O, ,KUN TU MTHA' YAS PA ZHES BYA BA BSRUBS PA LA BYA'O, ,STENG GI CHU'I 'KHRUG PA THUB PA ZHES BYA BA NI CHUS LCAGS LA SOGS PA NI 'JIG PAR 'GYUR GYI GSER NI MI 'JIG PA'I PHYIR RO, , 'OG CHU'I 'KHRUG PA THUB PA'I PHYIR ZHES BYA BA NI GSER LA SOGS PA'I KHAMS KYI CHUS RLUNG GI DKYIL 'KHOR GYI STENG NA GRU BZHIR BSKOR BA GANG YIN PA'O, ,RI DE DAG GI MING RNAMS NI DE DAG GI RTZE MO'I RNAM PA 'DRA BA'I BYE BRAG LAS BLTA BAR BYA'O ZHES BYA BA NI RTZE MO NYI MA'I SHING RTA'I GNYA' SHING 'DZIN NUS PA DANG, RTZE MO'I DBUS BTUD PA DANG, RTZE MO RTA'I RNA BA 'DRA BA DANG, RTZE MO BLTA NA SDUG PA DANG, RTZE MO'I SHING SENG LDENG GI 'DRA BA DANG, RTZE MO SHING RTA'I MNGAL LTA BU'I RTA'I RGYA YOD PA DANG, RTZE MO NI MI DBYIBS ZHES BYA BA'I DBYIBS 'DRA BA'I PHYIR GO RIMS BZHIN DU MING GNYA' SHING 'DZIN LA SOGS PAR BTAGS SO, ,RI RAB CHU'I NANG DU NUB PA'I NANG NA ZHES BYA BA NI LTAR SNANG BA NAS CHU DPAG TSAD BRGYAD KHRI YOD PA GANG YIN PA DE NI RI RAB KYI MTHA' YOD PA NA'O, ,DE'I 'OG NA NI ZHES BYA BA NI GANGS KYI'O, ,NYI TSE BA'I SEMS CAN DMYAL BA RNAMS ZHES BYA BA NI DE NAS PHAL CHE BAR ZAD KYI DE DAG NI GZHAN YANG YOD DO, ,YAN LAG BRGYAD DANG LDAN PA STE ZHES BYA BA NI, ,BSIL DANG YANG DANG 'JAM PA DANG, ,ZHIM DANG GSAL DANG DRI NGA MED, ,'THUNGS SAM 'THUNGS PAR BYED PA NA, ,LTO DANG MGUL NANG MI 'BYUNG BA'O, ,ZHES TSIGS SU BCAD PA 'BYUNG BA'O, , RI RAB DE'I DRUNG NA YANG ZHES BYA BA NI SNANG BA'I CHA GANG YIN PA DE'I KHO RA KHO RA YUG GI PHYOGS GCIG TU GYUR PA KHO NA'O, ,RDZING BU DE'I NAS PADMA'I RTZA BA DANG RTZA LAG BLANGS SHING ZHES BYA BA NI DRANGS PA LA BYA'O, ,BZANG ZHING ZHES BYA BA NI MCHOG TU MDZES PA'I PHYIR RO, ,SDUG LA ZHES BYA BA NI @98A *, ,MIG TU 'THAD PA'I PHYIR RO, ,MDZES PA ZHES BYA BA NI DAD PA SKYED PAR BYED PA'I PHYIR RO, ,DE LAS CHU RLUNG BZHI GYES TE 'GRO'O ZHES BYA BA NI DE'I NGOS BZHI NAS 'BYUNG BA LA BYA'O, ,RI RAB DE'I STENG NA ZHES BYA BA LA, STENG ZHES BYA BA NI THOG LA BYA'O, ,RI RAB DE'I PHYOGS BZHI ZHES BYA BA NI PHYOGS LA BYA STE, DPER NA 'DI NI PHYOGS TZAM MO ZHES BYA, 'DI NI PHYOGS TZAM MO ZHES BRJOD PA LTA BU'O, ,GCIG NI SRIN MO'I GLING YIN NO ZHES BYA BA NI RNGA YAB GLING LA BYA'O, ,SNGA MA KHO NA BZHIN DU ZHES BYA BA NI DRANGS PA LA BYA'O, ,ZAD NAS ZHES BYA BA LA SOGS PA BZHIN NO, ,KHO NA ZHES BYA BA'I SGRA NI SNGA MA BZHIN NO ZHES SMRAS PA'I PHYIR GRAGS PA KHO NA BRJOD PA'O, ,'OD GSAL GYI LHA'I RIS NAS ZHES BYA BA NI BSAM GTAN DANG PO LA SOGS PAR TE, GSAR BU SKYES PA YIN PA'I PHYIR RO, ,'DIR SKYE BAR 'GYUR RO ZHES BYA BA NI 'DZAM BU'I GLING DU'O; ,GZHAN NA NI MA YIN NO ZHES BYA BA NI TSE DPAG TU MED PA NYID LA SOGS PA MED PA'I PHYIR RO, ,GZUGS BZANG ZHING ZHES BYA BA NI GZUGS MCHOD TU MDZES PA'I PHYIR TE, DPER NA LHAS BYIN NI GZUGS DANG LDAN PA ZHES BYA BA YIN NO, ,YID LAS BYUNG BA YIN TE ZHES BYA BA NI YID TZAM LAS NGES PAR BYUNG BA YIN PA'I PHYIR RO, ,DE LTAR THAMS CAD MDO NYID LAS 'BYUNG BA BZHIN NO ZHES BYA BA NI MA TSANG BA MED PA DANG DBANG PO DMAN PA MA YIN PA DANG MDZES PA LA SOGS PA DAG GO, ,MDO LAS JI SKAD 'BYUNG BA KHO NA BZHIN DU RGYAS PAR BYA'O ZHES BYA BA NI GNAS 'JOG PA'I STENG CHUS GCIG TU KHYAB PAR GYUR PA LA RLUNG GIS SPRIS MAR BYAS PA DE NI SA'I BCUD KHA DOG LA SOGS PA PHUN SUM TSOGS PA YIN TE, KHA DOG NI 'DI LTA STE DPER NA MAR SAR LTA BU'O, ,RO NI 'DI LTA STE DPER NA SBRANG MA'I SBRANG RTZI MA BSKOL BA LTA BU'O, ,DE NAS DUS GZHAN ZHIG NA SEMS CAN BRKAM PA'I RANG BZHIN CAN ZHIG GIS DE SOR MO'I RTZE MOS MYANGS TE ZOS NAS GZHAN DU YANG DE BZHIN DU BYED DO, ,DE NAS DE DAG GI LUS SRA PA DANG PHYI BAR GYUR NAS KHA DOG KYANG YAL LO, ,SA'I BCUD DE YANG MED PAR GYUR TO, ,DE BZHIN DU SA'I ZHAG LA SOGS PA YANG BYUNG NAS MED PAR GYUR TO ZHES GSUNGS @98B PA DAG KYANG BRJOD PAR BYA'O, ,DE'I 'OG TU PHAN TSUN MIG GIS MIG TSUGS SU BLTA'O ZHES BYA BA NI GCIG LA GCIG MNGON SUM DU RTOG CING MTSAN MAR 'DZIN PA'O, ,DE'I 'OG TU GNYIS KYI SA GNYIS SPROD PAS NYAL BO BYED DO ZHES BYA BA NI SKYES PA DANG BUD MED GNYIS KYI DBANG PO GNYIS SPROD GCIG TU SBYOR BA'O, ,GZHAN YANG MDO LAS JI SKAD 'BYUNG BA BZHIN DU BRAM ZE DANG RJE'I RIGS DANG DMANGS RIGS KYI RGYU RNAMS 'JIG RTEN DU 'BYUNG NGO ZHES BYA BA NI GNAS 'JIG DE NAS SEMS CAN DA DAG KHA CIG GIS YONGS SU 'DZIN PA DE NI NAD DO, ,YONGS SU 'DZIN PA NI 'BRAS SO, ,YONGS SU 'DZIN PA'I ZUG RNGU'O, ,YONGS SU 'DZIN PA NI SDUG BSNGAL GYI RTZA BA'O ZHES BYA BAR RIG NAS DGON PA'I GNAS SU DONG ZHING, ,SPYIL PO DANG LO MA'I SPYIL BU DAG BYAS TE 'KHOD NAS, DE DAG NUB MO'I ZAN 'DOD NA NI DGONGS KAR ZAS KYI PHYIR GRONG DU 'JUG GO, ,DRO KA'I ZAN 'DOD NA NI SNGA DRO ZAS KYI PHYIR GRONG DU 'JUG GO, ,DE NAS SEMS CAN DE DAG KHA CIG GIS BSAM GTAN DE DANG RAB TU DBEN PA DE DAG MNGON PAR MA RTOGS NAS PHYOGS GCIG TU DONG STE, SPYIL PO DANG LO MA'I SPYIL BU DAG TU 'KHOD NAS 'DIR BDAG CAG GIS GSANG SNGAGS KYI GZHUNG DAG BYA'O, ,RIG BYED DAG SBYAR BAR BYA'O ZHES DE DAG DE NAS GSANG SNGAGS KYI GZHUNG DAG BYED CING RIG BYED DAG SBYOR BAR BYED DO, ,DE NAS SEMS CAN DE DAG KHA CIG GIS BSAM GTAN DE DANG, RAB TU DBEN PA DE DANG, GSANG SNGAGS KYI GZHUNG DE DANG, RIG BYED SBYAR BA DE DAG MNGON PAR MA RTOGS NAS YANG DGON PA NAS PHYIR GRONG DU ZHUGS TE KHYIM SGO BZHI PA DAG BYAS TE 'KHOD NAS 'DIR BDAG CAG GIS SBYIN BDAG SBYIN NO ZHES BYA BA LA SOGS PA RGYA CHAR BYA'O, ,DE NA 'DI DAG NI GRONG NAS DGON PAR BRTEN PAS NA PHYI ROL YOD DO ZHES BRJOD PAS BRAM ZE ZHES BYA BA'I MING BYUNG NGO, ,YANG 'DI DAG NI BSAM GTAN MI BYED PAS NI TSIG 'DON PA'O ZHES BYA BA DANG, GRONG LA BRTEN PAS NA GRONG MI ZHES BYA BAR GRAGS TE, GNAS 'JOG SNGON BRAM ZE'I RIGS NI DE LTAR 'JIG RTEN DU BYUNG STE, GZHAN DAG KYANG DE BZHIN DU BRJOD PAR BYA'O ZHES BYA BA GSUNGS PA DANG SBYAR RO, ,DE GNYIS LAS KYANG ZLA BA'I DKYIL @99A *, ,'KHOR NI CHES MGYOGS PAR 'GRO BA DANG ZHES BYA BA NI NYI MA NI ZLA BA GCIG GAS KHYIM LAS 'DA', ZLA BA NI NYIN ZHAG GNYIS DANG NYIN ZHAG GI BZHI CHA GCIG GIS KHYIM LAS 'DA' BA'I PHYIR RO, ,YANG 'GROS BSNAN PA LAS BSAM PA YIN NO ZHES ZER NA, 'GROS PHRIN YANG NYI MA BAS MGYOGS PAR 'GRO BA KHO NA YIN PAS DE'I BSAM PA NI DON MED PA YIN NO, ,NYI MA'I DKYIL 'KHOR GYIS NI GLING GNYIS CIG CAR SNANG BAR BYED LA ZHES BYA BA NI KHAMS GSUM DU YANG SNANG MOD KYI BYA BA BYED PA'I PHYIR DE SKAD SMOS SO, ,YANG NA MTHAR GYIS NUB PA'I CHA GANG YIN PA DE BZHIN DU YANG SHAR BAR ZAD KYI CHA NYID GSUM CHAR SNANG BA NI MA YIN NO, ,DE BAS NA GCIG TU NYI MA PHYED LA ZHES BYA BA NI GANG GI TSE NYIN ZHAG MNYAM PA DE'I TSE DE LTAR BGRANG GI GZHAN NA NI CHA GZHAN YOD PAR LTA'O, ,DE DAG GANG GI TSE RI RAB LAS THAG RING DU RGYU BA DE'I TSE NI DGUN DU MNGON NO ZHES BYA BA NI 'DZAM BU'I GLING NAS LHO PHYOGS LOGS SU RING DU SONG BA'I PHYIR TE, DE BAS NA RGYANG RING BA'I PHYIR TSA BA YANG MED LA GRIB MA YANG BYANG PHYOGS LOGS SU GZHOL ZHING MA BSGRIBS KYANG MYUR DU MI SNANG BAR 'GYUR RO, ,GANG GI TSE NYI BAR RGYU BA DE'I TSE NI TSA BA'I DUS SU MNGON NO ZHES BYA BA NI GLING 'DIR NYE BA'I PHYIR TE, DE BAS NA TSA ZHING NYI MA'I DKYIL 'KHOR YANG YUN RING DU SNANG NGO, ,ZLA BA'I DKYIL 'KHOR NI YID TZAM GYIS STENG DU 'DZUR BAS NA ZLA GAM DU SNANG STE ZHES BYA BA LA, GAL TE ZLA BA'I 'GYUR BA'I SBYOR BA DE LTA BUR SNANG BA YIN NA CI'I PHYIR 'PHRO STENG ROL NA GNAS PAR 'GYUR TE, DE LTA BAS NA DE'I GRIB MAS BSGRIBS PA KHO NA YIN NO ZHES BYE BRAG TU SMRA BA RNAMS ZER RO, ,GAL TE ZLA BA SHAS CHUNG BA'I TSE NA GRIB MAS BSGRIBS PA'I PHYIR 'PHRO STENG ROL NAS SNANG BA YIN NA TSES BRGYAD LA SOGS PA DAG LA YANG CI'I PHYIR MI SNANG STE, 'DI LA SNANG BA'I GZUGS KYI RDZAS RNAMS NI JI LTA BU'I DBYIBS KYIS KYANG GNAS PAR SNANG STE, DPER NA KHYIM PA LA SOGS PA YOD PA DE BZHIN DU DE LA YANG YOD DO, ,RUS SBAL LA SOGS PA ZHES BYA BA LA SOGS PA'I SGRAS NI MDO SDE LAS RI BONG GI GZUGS BRNYAN DANG DE LAS GZHAN PA DAG YOD DO @99B ZHES GSUNGS PA YANG BSDU BAR BYA'O, ,DE'I 'OG TU SEMS CAN GANG YANG RUNG BA ZHIG CES BYA BA NI MTHUN PAR 'JUG PA'I TSUL LAS DGONGS PA'O, ,MDO SDE DAG LAS NI BYANG CHUB SEMS DPA' YIN NO ZHES 'BYUNG NGO, ,KHA CIG NA RE LHA YIN NO ZHES ZER RO, ,DE'I 'OG TU SEMS CAN DMYAL BA'I SRUNG MA RNAMS NI SPRUL PA LTA BUR 'BYUNG BAR 'GYUR RO ZHES BYA BA NI SEMS CAN MA YIN PAR SEMS CAN DAG LTA BUR SNANG BA LA BYA'O, ,CHU'I RGYUN LA RGYUN 'CHAD PA MED CING ZHES BYA BA NI RGYUN MI 'CHAD PA'O, ,BAR MTSAMS MED PAR 'BAR BA ZHES BYA BA NI RGYUN GZHAN DANG YUL GYI GO SKABS RING PO MED DE RGYUN GCIG KHO NA GZHIN DU BAR 'TSAMS MED PA LA BYA'O, ,DE NA SANGS RGYAS KYI ZHING GCIG CES BYA STE BYA BA NI GANG DU DE BZHIN GSHEGS PA 'BYUNG BA STE, DE'I PHYIR MNYAM DU 'BYUNG ZHING 'JIG PA GANG YIN PA DE DAG THAMS CAD NI BYA BA GCIG PA'I PHYIR SANGS RGYAS KYI ZHING GCIG CES BYA'O, ,DE NYI TSER SEMS CAN GYI DON MDZAD PAR MA ZAD PA'I PHYIR RO, ,DER DE BZHIN GSHEGS PA BYUNG NAS ZHES BYA BA LA SOGS PA YANG SMOS SO, ,'DOD PA LA LONGS SPYOD PA BCU STE, DE DAG KYANG LUNG BAR MA LAS 'BYUNG BA BZHIN NO ZHES BYA BA NI MGON MED ZAS SBYIN LAS BRTZAMS NAS KHYIM PA DAG 'DOD PA LA LONGS SPYOD PA NI BCU PO 'DI DAG YIN TE, BCU GANG ZHE NA, KHYIM BDAG 'DI NA 'DOD PA LA LONGS SPYOD PA KHA CIG CHOS MA YIN PAS BAB COL DU LONGS SPYOD PA DAG SGRUB PAR BYED DE, DE CHOS MA YIN PAS LONGS SPYOD PA DAG BSGRUBS NAS KYANG BDAG KYANG LEGS PAR BDE BAR TSIM PAR MI BYED LA, PHA MA LA YANG MA YIN, BU DANG CHUNG MA DANG BRAN DANG BRAN MO DANG LAS BYED PA DANG ZHO SHAS 'TSO BA RNAMS LA YANG MA YIN, MDZA' BSHES DANG NYE DU DANG BLON PO DANG, SNAG GI GNYEN MTSAMS LA YANG MA YIN, DGE SBYONG DANG BRAM ZE RNAMS LA YANG GONG DU 'GRO BA DANG, SKAL BA CAN DU 'GYUR BA DANG, RNAM PAR SMIN PA BDE BA DANG, PHYI MA LA MTHO RIS SU 'GYUR BA'I SBYIN PA DAG DUS DUS SU SBYIN PAR MI BYED PA YIN TE, KHYIM BDAG DE NI 'DOD PA LA LONGS SPYOD PA DANG PO STE, 'JIG RTEN YOD PA YIN NO, ,GZHAN YANG 'DI NA 'DOD @100A *, ,BA LA LONGS SPYOD PA KHA CIG CHOS MA YIN PAS BAB COL DU LONGS SPYOD PA DAG SGRUB PAR BYED DO, ,DES CHOS MA YIN PAS BAB COL DU LONGS SPYOD PA DAG BSGRUBS NAS KYANG BDAG DANG NYE DU DANG SNAG GI GNYEN MTSAMS KYI BAR DAG KYANG LEGS PAR BDE BAR TSIM PAR BYED LA; ,DGE SBYONG DANG BRAM ZE DAG LA YANG DUS DUS SU MI BYED CES BYA BA'I BAR DU SNGA MA BZHIN TE DE NI GNYIS PA'O, ,GZHAN YANG 'DI NA 'DOD PA LA LONGS SPYOD PA KHA CIG CHOS MA YIN PAS BAB COL DU LONGS SPYOD DAG SGRUB PAR BYED DE, DES CHOS MA YIN PAS BAB COL DU LONGS SPYOD DAG BSGRUBS NAS KYANG BDAG KYANG NYE DU DANG SNAG GI GNYEN MTSAMS KYI BAR DAG KYANG LEGS PAR BDE BAS TSIM PAR BYED LA, DE DGE SBYONG DANG BRAM ZE DAG LA YANG DUS DUS SU BYED CES BYA BA'I BAR DU SNGA MA BZHIN TE DE NI GSUM PA'O, ,CHOS MA YIN PAS GSUM JI LTA BA DE BZHIN DU CHOS DANG CHOS MA YIN PAS BAB COL DANG BAB COL MA YIN PAS KYANG GSUM MO, ,DE LA BYE BRAG NI 'DI YIN TE GZHAN YANG 'DI NA 'DOD PA LA LONGS SPYOD PA KHA CIG CHOS DANG CHOS MA YIN PAS BAB COL DANG BAB COL MA YIN PAR LONGS SPYOD PA DAG SGRUB PAR BYED DE, DE CHOS DANG CHOS MA YIN PAS BAB COL DANG BAB COL MA YIN PAR LONGS SPYOD DAG BSGRUBS NAS KYANG BDAG KYANG MI BYED DO ZHES BYA BA LA SOGS PA SNGA MA BZHIN DU SBYAR RO, ,DE BZHIN DU CHOS KYIS BAB COL MA YIN PAR ZHES BYA BA GZHAN GSUM MO, ,DE LA DGU PA'I BYE BRAG NI 'DI YIN TE, PHYI MA LA MTHO RIS SU 'GYUR BA'I BAR DU BRJOD NAS; LONGS SPYOD DE DAG LA CHAGS PA DANG ZHEN PA DANG, MDUD PA BOR BA DANG, BRGYAL BA DANG, LHAG PAR CHAGS PA DANG, LHAG PAR CHAGS PAR GYUR BA DANG, NYES DMIGS SU MI LTA BA DANG, NGES PAR 'BYUNG BA MI SHES PAR YONGS SU SPYOD PA'O, ,BCU PA YANG DGU PA DANG 'DRA'O, ,BYE BRAG NI LONGS SPYOD DE DAG LA YANG MA CHAGS PA DANG, NGES PAR 'BYUNG BA SHES PA'I BAR GYI YONGS SU SPYOD PA YIN NO ZHES GSUNGS SO, ,SEMS CAN DMYAL BA'I PHUNG PO DANG SA BON DANG 'BRAS BU BSDUS PA RNAMS DANG ZHES BYA BA LA SOGS PA LA, GAL TE SEMS CAN DMYAL BAR 'GRO BA'I LAS KYI SA BON @100B DE YANG SEMS CAN DMYAL BA'I 'GRO BA YIN NA JI LTAR 'GRO BA 'DRES BAR MI 'GYUR ZHE NA, MI 'GRO BA GANG YIN PA DE KHO NA DANG, DE'I LAS THA MI DAD DO ZHES SUS SMRAS, KUN TU 'BYUNG BA TZAM GYIS 'DRES PA NI MI 'DOD DE, GZUGS DANG GZUGS MED PA'I SNYOMS PAR 'JUG PA DANG, DE'I SA BON YANG 'DOD PA NA SPYOD PA NYID YIN PAR THAL BAR 'GYUR BA'I PHYIR TE, DE LTA BAS NA 'GRO BA 'DRES PAR 'GYUR BA MED DO, ,SHA MA ZHES BYA BA NI BU'I DKRIS PA'O, ,SKYE MCHED DRUG LAS GANG YANG RUNG BA DAG SKYE BA ZHES BYA BA NI NGAN SONG RNAMS NI SKYE MCHED GNYIS SAM GSUM LA SOGS PA YOD PA LA BYA'O, , THUR DU MI LTUNG BA'I RGYU YIN PAS ZHES BYA BA LA, RGYU'I DON NI GZHI'I DON YIN PAR STON TO, ,'DZAG SNOD BYED CES BYA BA NI SHA SBRANG DANG SBRANG BU MCHU RINGS LA SOGS PA DAG GO, ,CHED DU BYAS PA ZHES BYA BA NI LUS KYIS MNGON PAR 'DU BYED PA LAS BYUNG BA YIN PA'I PHYIR RO, ,CHED DU BYAS PA MA YIN PA ZHES BYA BA NI RNAM PA GNYIS TE, RNAM GRANGS 'OG MA GNYIS DANG LDAN PA RNAMS SO, ,YONGS SU GZUNG BA'I DNGOS PO RNAMS NI RGYU'I RNAM PA BZHI'I PHYIR RNAM PAR GZHAG STE, LAS KYIS 'CHING BA'I RGYU NI BDAG LA SOGS PA'O, ,DE GSO BA'I RGYU NI ZHING GI DNGOS PO LA SOGS PA'O, ,PHA ROL DU BDE BA'I RGYU NI BSOD NAMS BYA BA'I DNGOS PO'O, ,'DI LA BDE BA'I RGYU NI LAS KYI MTHA' LA SBYOR BA'I DNGOS PO LA SOGS PA'O, ,YO BYAD RNAMS NI RNAM PA GCIG GIS RNAM PAR GZHAG STE, 'DI LTA STE, MTHAR GYIS BYA BA'I PHYIR RO, ,YANG RNAM PA GNYIS KYI PHYIR TE, GNAS PA'I YO BYAD DANG LTA BA'I YO BYAD DE; GNYIS DANG LHAG MA RNAMS KYIS SO, ,YANG SDUG BSNGAL RNAM PA GSUM GYI PHYIR TE, LHAN CIG SKYES PA DANG, 'GRO BA LAS BYUNG BA DANG, 'DOD PAS PHONGS PA'O, ,DE LA 'GRO BA LAS BYUNG BA NI GZHON PA'O, ,RGYUN MI 'CHAD PAR RJES SU SPYOD PA RNAMS NI NANG BAR NAS BRTZAMS TE BYA BA GANG YIN PA STE, DE YANG RANG GIS BYA BA DANG GZHAN DAG LA YANG SBYOR DU GZHUG PAR BYA BAS RNAM PAR GZHAG GO, ,PA CA RA ZHES BYA BA NI NGO TSA BA'I GNAS G-YOGS PA'O, ,DE DANG LDAN PA'I ZHES BYA KBA NI PA CA RA LA SOGS PA DANG NGO, ,SMRA BA ZHES BYA BA NI SONG NAS DANG PO KHO NAR 'DZUM PA'I @101A *, ,BZHIN GYIS BRGYAN PA'I TSIG BRJOD PA'O, ,GTAM BYED PA ZHES BYA BA NI BAB COL DU SMRA BA'O, ,SO SOR MGU BAR BYED PA ZHES BYA BA NI LEGS PAR BYON TAM ZHES SMRA ZHING RI MOR BYA BA DANG BCAS PA'I TSIG LA SOGS PA YONGS SU SKYONG BAS SPRO BA SKYED PAR BYED PA'O, ,BAG MA GTONG BA DANG BAG MA LEN PA NI NYI MA BZANG PO RTOGS NAS YO BYANG SDUD PA'O, ,LHAG PAR ZA BA ZHES BYA BA NI SO SO NA CHER ZA BA'O, ,'DUS SHING ZA BA ZHES BYA BA NI GCIG TU TSOGS NAS ZA BA'O, ,'PHAGS PA YE BYAD BSNYUNGS BA CAN DANG LDAN PA ZHES BYA BA NI LUS LA SOGS PA'I YO BYAD BSNYUNGS PA'I DGOS PA DANG LDAN PA'I 'O, ,SEMS KYI SGRIB PA BSAL BAR BYA BA'I GTAM ZHES BYA BA NI SEMS LA SGRIB PAR BYED PA'I LAS SPANG BA'I PHYIR NYE BAR GNAS PA'I'O, ,RGYAS BAR MDO LAS JI SKAD 'BYUNG BA BZHIN NO ZHES BYA BA NI 'DI LTA STE TSUL KHRIMS KYI GTAM DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I GTAM DANG, 'DOD PA CHUNG BA'I GTAM MO ZHES BYA BA LA SOGS PA'O, ,NYES RTZOM NYI SHU RTZA GNYIS KYI RNAM PAR GZHAG PA NI SMAD PA LA 'JUG PA STE, DE YANG RGYU DANG 'BRAS BU DANG BCAS PAR GYUR PA DANG, RGYUR GYUR PA'O, ,DE LA RGYU DANG 'BRAS BU DANG BCAS PAR GYUR PA YANG RNAM PA GSUM STE, MA THOB PA'I YUL RNAMS BSGRUBS PA LAS BYUNG BA DANG, BSGRUBS PA RNAMS BSRUNGS PA LAS BYUNG BA DANG, BSRUNG BA NYAMS PA DANG, PHROGS PA LAS BYUNG BA RNAMS TE; TSIG BZHI DANG, BZHI DANG, BCUS BSTAN TO, ,RGYUR GYUR PA YANG LUS DANG NGAG DANG YID KYI BYE BRAG GIS RNAM PA GSUM STE, DE LA YID KYI NYES RTZOM NI G-YO BYED PA DANG SGYU GANG YIN PA YANG 'DRID PA'I SGRAS BSTAN TO, ,LUS KYI SGYU DANG G-YO LAS BYUNG BA KHO NA YIN TE, LUS KYI LAS GANG YIN PA NA DRAG SHUL YIN NO ZHES BSTAN TO, ,NGAG GI NI BRDZUN ZER BA'O, ,GZHAL BLUGS LA SGYU BYED PA ZHES BYA BA NI KHA CIG NA RE K'ARsh'A PA nA LA SGYU BYED PA'O ZHES ZER RO, ,KHA CIG NA RE GZHAL BA NI BRE YIN TE, GZHAN BRID PA'I PHYIR DE'I DBYIBS 'CHOS PA LA BYA'O ZHES ZER @101B RO; ,SEMS CAN GYI RIS DRUG CU RTZA BZHI NI SEMS CAN GYI BYE BRAG KUN NAS NYON MONGS PA DANG, RNAM PAR BYANG BA DAG TU RUNG BA RNAMS DANG, DE DAG NYID LA 'JUG PA RNAMS DANG, RNAM PAR BYANG BA KHO NA LA 'JUG PA'I BYE BRAG RNAM PA GSUM LAS BRTZAMS TE, RNAM PAR GZHAG GO, ,DE LA DANG PO NI 'GRO BA DANG RIGS RNAM PAR GZHAG PA DANG, SEMS CAN DU RNAM PAR BRTAGS PA DANG, LAS KYI BYE BRAG STE TSIG BCO LNGAS BSTAN TO, ,GNYIS PA NI KUN NAS NYON MONGS PA DANG RNAM PAR BYANG BA DE DAG NYID KYI GZHI DANG, BYA BA DANG YANG DAG PAR BLANG BA DANG, 'BRAS BU DANG, BSDU BAR GTOGS PA'I BYE BRAG LAS BRTZAMS TE TSIG GNYIS DANG, GNYIS DANG, GSUM DANG, GNYIS DANG, GSUM GYIS BSTAN TO, ,GSUM PA NI SDOM PA'I BYE BRAG LAS TE, SDOM PA RNAM PA BRGYAD KYI PHYIR NI TSIG BDUN GYIS SO, ,LHAG MA RNAMS KYIS NI SDOM PA CAN MCHOG GI RAB TU DBYE BA STON TO, ,SDOM PA CAN MCHOG GI RAB TU DBYE BA CAN YANG BYE BRAG RNAM PA LNGA'I PHYIR TE, DGE BA'I PHYOGS KYI BYE BRAG DANG, SDUD PAR BYA BA'I YUL GYI BYE BRAG DANG, BSTAN PA LA GNOD PA DANG PHAN BA'I BYE BRAG DANG, LUNG DANG RTOGS PA'I BYE BRAG DANG, MI'I LUS THOB NAS 'JIG RTEN PA DANG, 'JIG RTEN LAS 'DAS PA'I MCHOG BRNYES PA'I BYE BRAG STE, TSIG GSUM DANG, DGU DANG, DRUG DANG, BCU DANG, GNYIS KYI SA BSTAN TO, ,DE LA LUNG DANG RTOGS PA'I BYE BRAG GIS NI SO SO'I SKYE BO RNAMS DANG, 'PHAGS PA RNAMS JI LTAR RNAM PAR GZHAG STE, RTOGS PA'I BYE BRAG GIS NI BDEN PA MTHONG BA RNAMS LA SOGS PA'O, ,'TSO BA RNAMS NI SHA THANG BA CHEN PO DANG 'BRING DANG CHUNG NGUS 'TSO BA'I PHYIR RNAM PAR GZHAG GO, ,YI GE ZHES BYA BA NI YIG 'BRU RNAMS SO, ,GRANGS ZHES BYA BA NI GCIG GNYIS ZHES BYA BA RE RE NAS BSKYED PA LA SOGS PA'O, ,SHOD DGONG PA ZHES BYA BA NI BGRANG BA DE NYID SA LA 'GOD PAR BYED PA'O, ,KHA CIG NA RE SHOD DGOD PA ZHES BYA BA NI SDOM GONG DU SPANG BA LA BYA'O ZHES ZER RO, ,RTZIS ZHES BYA BA NI BSKYED PA LA SOGS PA SDOM PA'O, ,KUN NAS BSRUNG BA RNAMS NI GANG GIS GANG BSRUNG BA DANG, GROGS GANG YIN PA DE LAS BRTZAMS TE RNAM PAR GZHAG @102A *, ,GO; ,DPUNG BU CHUNG GI TSOGS ZHES BYA BA NI DMAG MI'O, ,NOR GYI STOBS ZHES BYA BA NI MDZOD DO, ,SDUG BSNGAL RNAMS NI RANG LAS BYUNG BA DANG, GZHAN LAS BYUNG BA DANG, CHOG MI SHES PA LAS BYUNG BA SDUG BSNGAL LAS BRTZAMS TE RNAM PAR GZHAG GO, ,NGA RGYAL RNAM PA BDUN NI PHA ROL DMAN PA DANG, 'BRING DANG, LHAG PA DANG, BDAG MED PA DANG BLA MA DANG NGAN PA'I CHOS RNAMS LAS BRTZAMS TE RNAM PAR GZHAG GO, ,CHUNG ZAD SNYAM PA'I NGA RGYAL NI LHAG PA LA BZHUGS PA'O, ,RGYAGS PA RNAM PA BDUN LA BZHI NI SKYE BA DANG RGYA BA DANG NA BA DANG 'CHI BA LA SO SOR RTOG PA'I MI MTHUN PA'I PHYOGS SO, ,LHAG MA RNAMS NI NANG DANG PHYI ROL GYIS BSGRUBS PA'I CHOS LA SO SOR RTOG PA'I MI MTHUN PA'I PHYOGS SO, ,NANG ZHES BYA BA NI PHYI ROL LA LTOS PA RNAM PAR GCOD PA'O, ,RANG ZHES BYA BA NI NANG DAG GI RGYUD GZHAN DAG RNAM PAR GCOD PA'O, ,YANG NA 'JIG RTEN GYIS 'DI LTA BU'O ZHES GZUNG BAR MI NUS PA LA BYA STE, NYAMS SU MA MYONG BA'I PHYIR DANG, RANG GI RTOG PAS GZHAN GYI RNAM PAR RTOG PA YONGS SU BCAD PA'I PHYIR RO, ,SO SOR RIG PA ZHES BYA BA LA SOGS PA LA, SO SOR RIG PA ZHES BYA BA LA SOGS PA'I TSIG BZHI NI NYES PA RNAM PA BZHI'I GNYEN PO YIN TE, NYES PA RNAM PA BZHI NI LOG PAR RTOG PA'I NYES PA DANG, SHES PA MNYAM PAR MA BZHAG PA'I SPYOD YUL GYI NYES PA DANG, DE KHO NA'I NGO BO'I BAR DU CHOD PA'I NYES PA DANG, LKOG TU GYUR PA'I NYES PA'O, ,THA SNYAD KYI GZHI MANG PO DAG GANG ZHE NA, DE DAG NI NGES PA'I TSIG GI GZHI RNAMS ZHES KYANG BYA ZHES BYA BA LA SOGS PA LA, ,NGES PA'I TSIG RNAMS ZHES BYA BA NI DON DANG MTHUN PAS MING DU BTAGS PA'I PHYIR RO, ,SPROS PA'I GZHI RNAMS ZHES BYA BA NI 'JIG RTEN GYI THA SNYAD RAB 'BYAM SNA TSOGS KYI GZHI YIN PA'I PHYIR RO, ,DON BSDUS PA'I GZHI RNAMS ZHES BYA BA LA, SA ZHES BYA BA'I SGRAS NI THAMS CAD BSDUS PA YIN, ,DBANG PO ZHES BYA BA LA SOGS PA DRUG GIS NI GNYIS GNYIS SO, ,GZHI'I TSOGS DE DAG KYANG BSTAN PA NI GCIG GIS SO, ,BSHAD PA NI LHAG MA RNAMS KYIS TE, DE YANG @102B BYANG CHUB SEMS DPA' 'DUL BA DAG LA 'JUG PA LAS BRTZAMS PA YIN NO, ,'DUL BA DE DAG LA RNAM PA GNYIS TE, MU STEGS CAN RNAMS DANG, DE LAS GZHAN PA DAG GO, ,DE LA BYANG CHUB SEMS DPA' MU STEGS CAN RNAMS DANG LHAN CIG TU BYA BA DANG, BDAG LA SOGS PA'I DNGOS PO GANG LA RNAM PAR NGES PAR BYA BA DANG, GNANG BA LA SOGS PA GANG THOB PA DANG, SPANG BAR BYA BA DANG, RNAM PAR DBYE BA BDUN PO GANG GIS TSIG MNGON PAR 'DU BYA BA DANG, GDAGS PA ZHES BYA BA LA SOGS PA GANG GIS DON NGES PAR BYA BA DE STON TO, ,GDAGS PA ZHES BYA BA NI MING DU GDAGS PA LA BYA'O, ,DE LAS GZHAN PA YANG KHYIM PA DANG, RAB TU BYUNG BA'O, ,DE LA KHYIM BA NI RIGS KYI 'DU SHES LA SOGS PA DE DAG GIS DON RNAMS JI LTAR YANG DAG PAR SGRUB PAR BYED PA DANG, PHA DANG MA LA SOGS PA DAG YONGS SU GZUNG BA'I PHYIR GANG GI DON DU YANG DAG PAR SGRUB PA DANG, DE YONGS SU GZUNG BA'I NYES PA 'KHOR BA YUN RING DU SKYE BA ZHES BYA BA LA SOGS PA NAS, RGUD PA ZHES BYA BA'I MTHAR THUG PA'I BAR DE DAG NYAMS SU MYONG BAR 'GYUR BAS NA BYANG CHUB SEMS DPA' DE DAG DE LA SKYO BAR BYA BA'I PHYIR STON PAR BYED DO, ,RAB TU BYUNG BAS YANG JI LTAR RAB TU BYUNG BA'I DON RNAMS YANG DAG PAR SGRUB PAR BYED PA DE LTAR BYANG CHUB SEMS DPA' STON PAR BYED DE, RAB TU BYUNG BA'I DON NI BSLAB PA GSUM MO, ,DE LA LHAG PA'I TSUL KHRIMS DANG, TING NGE 'DZIN NI MNGON DU 'ONG BA ZHES BYA BA LA SOGS PA NAS, SPROS PA MED PA RNAMS ZHES BYA BA'I MTHAR THUG PA'I BAR DAG GIS BSTAN TO, , SHES RAB NI BSGRUB PAR BYA BA DANG, SGRUB PA'I RIGS PA JI LTA BA BZHIN DU GO BAR BYED PA GANG YIN PA STE, DE NA NYAMS STO BAS ZHES BYA BA LA SOGS PA DANG, 'DRES PA ZHES BYA BA LA SOGS PA DANG, BSGRAGS PA RNAMS ZHES BYA BA'I MTHAR THUG PA'I BAR GYIS BSTAN TO, ,YANG KHYIM BA DE'I DON YANG DAG PAR SGRUB PA NI DGOS PA ZHES BYA BA LA SOGS PA'I THA SNYAD GANG YIN PA DE DAG STE, DE LTAR THA SNYAD KYI RTZOD PA BYUNG BA LA 'JIGS PA MED PA ZHES BYA BA LA SOGS PA SGRUB PA GANG YIN PA DE LA TSE 'DI 'I NYES DMIGS BSAD PA DANG BCING BA ZHES BYA BA LA SOGS PA NAS, RNYOG PA CAN ZHES BYA @103A *, ,BA'I MTHAR THUG PA'I BAR GANG YIN PA DAG 'BYUNG BAS NA DE BZLOG PA'I PHYIR DE DAG LA STE STON PAR BYED DO, ,GNAS ZHES BYA BA NI DRAN PA CAN LA SOGS PA'I KHYIM LA BYA'O, ,YANG BYANG CHUB SEMS DPA' DE DAG GANG GI MTHUS RNAM PAR GTAN LA 'BEBS PAR BYED PA DANG, CHOS KYANG STON PAR BYED PA'I YID CHES BA'I LUNG DANG RJES SU DPAG PA DE DAG NI MJUG TU BSTAN TE, DE LTAR NA JI LTAR SEMS CAN GYI DON BYA BA DANG GANG GI MTHUS BYA BA DE DAG MDOR BSDUS TE BSTAN TO, ,BSDU BA'I TSIGS SU BCAD PA NI, MU STEGS KHYIM PA DGE SLONG LA, ,BYANG CHUB SEMS DPA'I BSHAD PA NI, ,JI LTAR GANG GI MTHU YIN PA, ,DE NGAG BSTAN BCOS TSIG GIS BSHAD, ,NGO BO NYID LA SOGS PA LAS BAR GYI RNAM PA LNGA PO DE DAG NI ZHES BYA BA LA SOGS PA'I SGRAS NI GNAS DANG DMIGS PA DANG GROGS RNAMS BSDU'O, ,DE LAS GZHAN PA BTAGS PA'I YOD PA'I CHOS RNAMS NI ZHES BYA BA LA KHA CIG NA RE 'DUS MA BYAS KYANG BTAGS PA'I YOD PA YIN PA ZHES ZER RO, ,MA GTOGS SO ZHES BYA BA NI PHYUNG BA'O, ,DE DAG DBYUNG BA NI GZUGS CAN YANG MA YIN PA LA SOGS PA'I MTSAN NYID LAS SKABS DE'I RTZOM PA 'BYUNG BA'I PHYIR RO ZHES BYA BAR SBYAR RO, ,YANG NA RANG NYID KYIS KYANG 'DI LTAR ZHES BYA BA LA SOGS PAS SBYOR BAR BYED DE, 'DIR NI PHYI DANG NANG GI DNGOS PO RNAMS NI DANG PO KUN GZHI RNAM PAR SHES PA'I SA BON LAS MNGON PAR 'GRUB STE, GZUGS MED PA NAS SHI 'PHOS NAS 'DOD PA'I LHA RNAMS SU SKYE BA NA, GZUGS MNGON PAR 'GRUB PA NYID SA BON GYI GZHI YIN PAR DE GSAL BA'I PHYIR RO, ,JI SKAD DU RNAM PAR GTAN LA DBAB PA BSDU BA LAS, 'BYUNG BA'I GZUGS NI RGYUR BYAS PA'I GZUGS RNAMS KYI SA BON DANG LDAN PA YANG YIN LA, RANG GI SA BON DANG LDAN PA YANG YIN LA, RANG GI SA BON DANG LDAN PA YANG YIN NO ZHES BYA BA LA SOGS PA'I GZHUNG GIS 'BYUNG BA RNAMS NI DANG PO NYID NAS GNYI GA'I SA BON DANG LDAN PA YIN LA, SEMS DANG SEMS LAS BYUNG BA RNAMS KYANG SA BON THAMS CAD PA NYID DU STON TO, ,DE NI THAMS CAD DU YANG RJES SU 'JUG PA'I TSUL LAS BSAMS PA YIN TE, 'DI LTAR KUN GZHI RNAM PAR SHES PA RNAM PAR MA BZHAG PA LA SPROS PA DANG BCAS PA'I DBYE BA BSTAN PA'O, , @103B RNAM PAR RIG PA TZAM DU SMRA BA DAG GIS SMRAS PA, SKAD CIG PA'I GZUGS THAMS CAD NI KUN GZHI'I SA BON LAS BYUNG BA KHO NA YIN TE, DE LTA BUR SNANG BA'I SEMS SKYE BA'I PHYIR RO, ,GANG DAG SEMS NI 'BRU LA SOGS PA DAG GI BDAG PO'I RKYEN TZAM DU ZAD KYI RGYU'I RKYEN MA YIN NO ZHES ZER BA DE DAG GIS NI DE LAS KUN GZHI RNAM PAR SHES PA'I SEMS CAN GYI 'JIG RTEN 'GRUB PA'I RTZA BA YANG YIN TE, RTEN DANG BCAS PA'I DBANG PO RNAMS DANG 'JUG PA'I RNAM PAR SHES PA RNAMS SKYED PA YIN PA'I PHYIR RO, ,SNOD KYI 'JIG RTEN 'GRUB PA'I RTZA BA YANG YIN TE, SNOD KYI 'JIG RTEN SKYED PAR BYED PA YIN PA'I PHYIR RO ZHES BYA BA LA SOGS PA'I GZHUNG DE MA MTHONG BA YIN NO, ,DE SKYES PA SNGON DU 'GRO BA'I PHYIR ZHES BYA BA NI 'BYUNG BA CHED PO RNAMS 'BYUNG BA NI DE SKYES PA YIN NO, ,DE NI RGYUR BYAS PA'I GZUGS KYI SNGON DU 'GRO BA YIN TE, DE YOD NA RGYUR BYAS PA'I GZUGS RNAMS 'BYUNG BA'I PHYIR RO, , 'DIR 'DUS PA NI SNGA PHYI MED MOD KYI RGYU DANG 'BRAS BU LA NI SNGA PHYI YOD DO, ,YANG NA DUS LA YANG SNGA YOD DE, 'DIR 'BYUNG BA NI RGYUR BYAS PA'I GZUGS MED NA MI 'BYUNG NGO ZHES BYA BAR NGES PA MED PA'I PHYIR RO, ,'DI LTAR RGYUR BYAS PA'I GZUGS SKYES PA DE 'BYUNG BA'I PHYOGS DANG THA DAD MED PAR GNAS PA'I PHYIR RO ZHES BYA BA NI 'BYUNG BA RNAMS DANG NAM MKHA' YUL GCIG PA'I PHYIR RO, ,THOGS PA DANG BCAS PA DAG JI LTAR LHAN CIG NA GNAS PAR RUNG ZHE NA, 'O NA LHA BAR MA DO'I SRID PA'I GZUGS DANG SEMS MTSUNGS PA'I LHA RNAMS DANG, LHA'I BU LAG BRGYAD KYI THOGS PA DANG BCAS PA'I GZUGS KYANG JI LTAR LHAN CIG GNAS PAR RUNG STE, DE'I PHYIR SKYES PA'I PHRA BA YIN PAR 'DOD PAR BYA'O, ,DE NI RNAM PAR GTAN LA DBAB PA BSDU BA LAS, PHRA BA NYID NI RNAM PA GSUM STE, GSAL BAS PHRA BA NYID DANG, SKYES PA PHRA BA NYID DANG, DBANG SGYUR BA PHRA BA NYID DO ZHES 'BYUNG BAS DE NAS GZUNG BAR BYA'O; ,GZUGS 'DUS PA LA YANG RDUL PHRA RAB NI NAMS KYANG SKYE BAR MI 'GYUR TE ZHES BYA BA LA SOGS PA NI RDUL PHRA RAB NI RE RE NAS 'BYUNG BAR MI 'GYUR TE, DON MED PA'I PHYIR RO, ,GAL TE BYUNG BAS NA SBYOR BA BYED NA NI CHA SHAS CAN DU THAL BAR 'GYUR RO, ,RDUL PHRA RAB NI BLOS TSAD KYI MTHA' YONGS @104A *, ,SU BCAD PA LAS 'DOGS PAR ZAD DE ZHES BYA BA NI 'DUS PA LA 'BYED PAR BYED PA NA DE DPOGS PAR 'GYUR TE BSHIG NAS RAB KYI MTHAR PHYIN TE BCAD PA LA SOGS PA'I SPYOD YUL LAS SHIN TU 'DAS PA GANG YIN PA DE NI RDUL PHRA RAB CES BYA STE, BLOS YONGS SU BCAD NAS RNAM PAR GZHAG PAR BYA BA 'BA' ZHIG TU ZAD DO ZHES BYA BA'I THA TSIG GO, ,RDUL PHRA RAB KYANG PHYOGS DANG BCAS PA YIN TE ZHES BYA BA LA, ,PHYOGS NI DPAG TU RUNG BA LA BYA STE, DE YOD PA'I PHYIR PHYOGS DANG BCAS PA ZHES BYA BAR ZAD KYI CHA SHAS KYI PHYOGS DANG BCAS PA NI MA YIN NO, ,YANG KHA CIG NA RE 'DUS PA RNAMS 'DUL BA'I PHYIR RDUL PHRA RAB KYANG PHYOGS DANG BCAS PA YIN TE ZHES SMOS SO ZHES ZER RO, ,DE LTA NA CHA SHAS DANG BCAS PA NYID DU BRJOD PAR NUS PAR 'GYUR RO, ,YUL LHAN CIG PA NI YUL 'DAB CHAGS PA YIN TE, 'DI LTAR YUL GYI RNAM PA GANG YANG RUNG BA ZHIG BZUNG NA, LHAG MA YANG DE'I RANG BZHIN LTA BUR GNAS PA'I PHYIR TE, DE'I PHYIR RDUL PHRA RAB RNAMS KYIS 'DUS PA BSKYED PA MA YIN NO ZHES BYA BA SMOS SO, ,RGYUR BYAS PA'I GZUGS THAMS CAD KYANG ZHES BYA BA NI 'BYUNG BA DANG 'BYUNG BA 'DUS PA LA RGYUR BYAS PA'I GZUGS GANG DAG GNAS PA LA BYA'O, , RGYUR BYAS PA'I GZUGS GANG 'BYUNG BA DANG THA DAD PAR 'JUG PA YANG LA LA YOD DO, ,DPER NA MAN ME DANG RIN PO CHE SNANG BA LTA BU'O, ,'O NA I LTAR DE DAG 'BYUNG BA CHEN PO DAG GIS SKYES PA YIN NO ZHES BYA ZHE NA, MAR ME DANG RIN PO CHE YANG 'BYUNG BA CHEN PO DAG LA BRTEN NAS 'BYUNG BA'I PHYIR RO, ,DE NYID KYI PHYIR 'BYUNG BA CHEN PO RNAMS NI 'BYUNG BA CHEN PO ZHES BYA STE ZHES BYA BA LA, CHEN PO ZHES BYA BA NI GZHAN GYI GNAS SBYIN PAR BYED PA LA BYA STE, 'JIG RTEN NA YANG RNAM PA DE LTA BU LA CHEN PO ZHES ZER BA'I PHYIR RO, ,GZUGS 'DUS PA DE DAG KYANG MDOR BSDU NA RDZAS RNAM PA BCU BZHI YOD DE ZHES BYA BA LA, DKAR PO NYID LA SOGS PA DAG JI LTAR RDZAS SU YOD CE NA, DE'I GNAS SKABS KYI BYE BRAG THOB PA'I 'BYUNG BA CHEN PO DE DAG NYID LHAG MAR GYUR PA'I 'BYUNG BA CHEN PO DAG LAS LOGS SHIG TU BGRANG BA'I PHYIR RO, ,YID KYI SPYOD YUL GYI GZUGS NYID MA GTOGS SO ZHES BYA BA NI DE 'DUS @104B PAR GNAS PA MA YIN PAS 'DIR MI BGRANG NGO, ,JI SKAD BSTAN PA'I RDZAS THAMS CAD KYI KHAMS DANG LDAN NO ZHES BYA BA NI SA LA SOGS PA'I RDZAS JI SKAD BSTAN PA THAMS CAD KYI SA BON RNAMS DE LA YOD DO ZHES STON TO, ,LUS KYI DBANG PO NI CI RIGS SU BRJOD PAR BYA'O, ,JI LTA BAR DBANG PO GZUGS CAN GYI GNAS 'BYUNG BA CHEN POS BSDUS PA YANG DE BZHIN NO ZHES BYA BA NI DE DBANG PO DANG SPYI GCIG PA'I PHYIR RO, ,DE BAS NA RNAM PAR GTAN LA DBAB PA BSDU BA LAS DBANG PO GZUGS CAN GNAS DANG BCAS PA GANG YIN PA DANG, RNAM PAR SHES PA GANG YIN PA DE GNYIS NI MDOR NAS BON THAMS CAD PA ZHES 'BYUNG NGO, ,DE LAS GZHAN PA'I 'DUS PA NI DBANG PO GZUGS CAN RNAMS MA GTOGS PAR DE LAS GZHAN PA'I KHAMS DANG LDAN NO ZHES BYA BA NI RGYUR BYAS PA'I GZUGS NI RANG GIS BON DANG LDAN PA YIN GYI 'BYUNG BA'I GZUGS NI RANG DANG RGYUR BYAS PA'I SA BON DANG LDAN PA YIN TE, JI LTAR MTHUN PA BZHIN DU SBYAR RO, ,DE BAS NA 'OG NAS KYANG 'BYUNG BA CHEN PO'I GZUGS NI SA BON GNYIS DANG LDAN PA YIN TE, 'BYUNG BA CHEN PO'I SA BON DANG RGYUR BYAS PA'I GZUGS KYI SA BON DANG LDAN NO ZHES 'BYUNG NGO, ,DE LA MTSAN NYID KYIS BSDUS, RDZAS BCU BZHI BO DE DAG TU GYUR RO ZHES BYA BA NI RANG GI MTSAN LAS 'DUS PA YOD PA GANG YIN PA'O, ,RANG GI MTSAN NYID LA MIG GI 'DUS PA LA RDZAS BCU BZHI PO DAG MED PA MA YIN NAM ZHE NA, 'DI NI 'DUS PA SPYIR BSTAN PA YIN NO, ,DBYE NA MIG LA NI SA LA SOGS PA DANG, LUS DANG, MIG GI DBANG PO DANG, YUL YANG CI RIGS PA DAG YOD PAR SBYAR RO, ,GZHAN DAG LA YANG DE BZHIN DU SBYAR RO, ,LUS LA NI KHA CIG TU MIG LA SOGS PA DBRI BAR BYA'O, ,'DI LTA STE RDO DANG ZHES BYA BA LA SOGS BA LA, GAL TE RDO LA SOGS PA LA CHU MED NA 'DUS PA BYAS SHE NA, KHA CIG NA RE CHU'I KHAMS KYIS BSDUS PA BYAS TE 'GAGS PA NA SHUGS GNAS PA DE LTA BU'I GNAS SKABS SU 'DUG GO ZHES ZER RO, ,DE LA RE ZHIG RANG GI MTSAN NYID LAS CHU MED KYANG BYA BA BYED PA'I PHYIR DE BZHIN DU SKYES SHING NGE BZHIN DU BYUNG BAR GYUR TO, ,YANG NA GANG LA CHU MED PA DE LAS BSAGS SHING 'DUS PA MI 'BYUNG NGO ZHES BYA BA DE @105A *, ,YANG CI'I PHYIR, RLUNG GI DKYIL 'KHOR RDUL DANG BCAS PA'AM ZHES BYA BA LA, JI LTAR NA 'BYUNG BA LAS GYUR PA 'DUS PA GCIG PU YIN ZHE NA, RDUL NI DE LA SBYOR BA'I PHYIR YUL GCIG NA THA MI DAD PAS NA DE NI 'DUS PA YIN PAR MI BGRANG NGO, ,DE LTAR NA GANG LA GANG DMIGS PA DE NI DE'I MTSAN NYID KYIS YOD LA, BYA BA NI RANG GI MTSAN NYID KYIS SO, ,SGRA NI GZUGS 'DUS PA THAMS CAD LA KHAMS KYI TSUL GYIS YOD DO ZHES BYA BA NI 'BYUNG BA DANG 'BYUNG BA LAS GYUR PA NYID KYANG 'DUS BYAS YIN NO, ,MUN PA'I GZUGS DANG, SNANG BA'I GZUGS DANG ZHES BYA BA NI ZAG PA DANG BCAS PA STE, SPANG BAR BYA BA YIN PAR GSUNGS PA'I PHYIR, ,DE'I PHYIR BCOM LDAN 'DAS KYI KYANG MDO SDE NYID LAS GANG GI TSE 'DI'I SEMS KHAMS LNGA PO DAG LAS 'DOD CHAGS DANG BRAL ZHING RNAM PAR GROL BAR 'GYUR BA DE NA 'DI'I RNAM PAR SHES PA LA 'BA' ZHIG LUS PA YIN NO ZHES GSUNGS SO, , KHANG STONG ZHES BYA BA NI SNANG BA DANG MUN PA'I GZUGS DE NYID KYI RNAM GRANGS YIN NO ZHES BYA BA MDO LAS GSUNGS SO, ,DE YANG SNANG BA LA SOGS PA'I SBUBS GANG YIN PA LA BYA'O, ,GANG DAG SNA LA SOGS PA DANG 'BREL PA NI KHANG STONG KHO NAR 'DOD LA, GRIB MA LA SOGS PA'I DUS NI NAM MKHA' YIN PAR 'DOD PA DE DAG NI JI SKAD GSUNGS PA DANG 'GAL LO, ,SNANG BA DANG MUN PA DE YANG KHA DOG SHAS CHE'I 'DUS PA YIN PAR BLTA BAR BYA'O ZHES BYA BA NI THAMS CAD LA MA YIN PA'I PHYIR TE, MAR ME DANG NYE BA GANG YIN PA DE NI ME'I KHAMS YOD KYI, RING BA DE NA NI DE'I SNANG BA TZAM KHO NAR ZAD DO, ,KHA CIG NA RE ZLA BA NYI MA LA SOGS PA DAG LA YANG CHU'I KHAMS LA SOGS PA DAG YOD DO ZHES ZER RO, ,KHA CIG NA RE DE LA YOD KYANG BAR MA DO'I SRID PA 'BYUNG BA BZHIN DU SKYES PA PHRA BA'I PHYIR MI DMIGS SO ZHES ZER RO, ,DE DANG 'DRA BA'I RKYEN YOD PA LAS ZHES BYA BA NI 'DUS PA CHUNG NGU LA SOGS PA DE DANG DE 'BYUNG BAR NUS PA GANG YIN PA'O, ,SRA BA NYID GANG ZHE NA, SA'O ZHES BYA BA LA SOGS PA NI SKABS SU BAB PAS MTSAN NYID KYI MDO SDE'I DUM BU BRJOD PA YIN NO, ,TSIG GZHAN BRJOD PA NI DON DE KHO NA GTAN LA DBAB PA'I PHYIR RO, ,SRA BAR GYUR PA GANG ZHE NA, DE'I SA BON GANG YIN PA'O ZHES BYA BA NI @105B SA'I KHAMS KYI SRA BA NYID 'BYUNG BA'I PHYIR KUN GZHI BA'O, RGYU MTHUN PA LAS BYUNG BA ZHES BYA BA NI MI 'DRA BA BA NI SKRA LA SOGS PA 'AM ZHES BYA BA NI GYUR PA'I SKRA'I BYE BRAG GI RNAM GRANGS YIN PA'I PHYIR TE, SKRA LA SOGS PA NI SA'I BYE BRAG YIN PA'I PHYIR RO, ,ZIN PAR 'GYUR BA GANG ZHE NA, ZIN PA NANG GANG YIN PA'O ZHES BYA BA NI KUN GZHI RNAM PAR SHES PAS GRUB PA DANG BDE BA GCIG TU ZIN PA'I PHYIR RO, ,YANG SEMS DANG SEMS LAS BYUNG BA RNAMS KYI SA BON ZIN PAR GYUR PA NI MTSAN NYID ZIN PA YIN NO ZHES BYA BA NI KUN DU ZIN PA STE, DE DAG GI SA BON GYI GZHI YIN PA'I PHYIR RO, ,DE DAG TU KHAS LEN PA'I PHYIR RO ZHES BYA BA NI 'DI NI BDAG GO, ,'DI NI NGA'I BDAG GO ZHES LUS BDAG GIR BYED PA'I PHYIR RO, ,CHU'I KHAMS LA SOGS PA LA YANG DE BZHIN DU CI RIGS PAR BLTA BAR BYA'O ZHES BYA BA NI CHU DANG GSHER BAR GYUR PA LA SOGS PA DAG GO, , DE LA BSAGS PA LAS BYANG BA NI RNAM PA GNYIS TE ZHES BYA BA LA, BSAGS PA LAS BYUNG BA'I TSIG GNYIS NI RDZAS MANG PO LAS GYUR PA DANG, SHIN TU GSAL BA LAS GYUR PA YIN NO, ,DE LA GZUGS NI GNYIS SO, ,DE LAS GZHAN LA 'OG NAS 'BYUNG BA DAG NI 'OG NAS SO, ,'GYUR BA'I RGYU MTHUN PA LAS BYUNG BA ZHES BYA BA NI MI 'DRA BA LAS BYUNG BA'O, ,RANG BZHIN GYIS RGYU MTHUN PA LAS ZHES BYA BA NI 'DRA BA LAS BYUNG BA'O, ,RNAM PAR SMIN PAR SKYES PA ZHES BYA BA NI KUN GZHI RNAM PAR SHES PA DANG, DE DANG MTSUNGS PAR LDAN PA RNAMS SO, ,RNAM PAR SMIN PA LAS SKYES PA ZHES BYA BA NI MIG GI RNAM PAR SHES PA LA SOGS PA DAG GO, ,DE LA ZHES BYA BA NI 'DIR DNGOS PO RNAM PA LNGA PO GNAS GSUM GYIS BSDUS PA DE NYID LA ZHES BYA BAR SBYAR RO, ,SEMS THAMS CAD DU ZHES BYA BA NI DGE BA DANG, MI DGE BA DANG, LUNG DU MA BSTAN PA'I 'O, ,THAMS CAD MA YIN PA ZHES BYA BA LA, 'DIR DE'I DON NI GANG GI TSE 'DOD PA TZAM LA 'BYUNG BA DE'I TSE GZHAN DAG MI 'BYUNG LA, RES 'GA' NI GNYIS, RES 'GA' NI GSUM 'BYUNG GI ,THAMS CAD NGES PAR 'BYUNG BA NI MA YIN PAR BLTA BAR BYA'O, ,SA THAMS CAD PA YIN TE ZHES BYA BA NI 'DOD PA DANG, GZUGS @106A *, ,DANG; GZUGS MED PA DANG, ZAG PA MED PA'I SA PA YIN PA'I PHYIR RO, ,THAMS CAD KYANG MA YIN ZHES BYA BA NI DAD PA LA SOGS PA DAG STE, GANG GI PHYIR YON TAN MNGON SUM DU BYED PA'I TSE NA DAD PA SKYE BA'I PHYIR BA DANG, NGO TSA SHES PA LA SOGS PA DAG KYANG SO SOR NGES BA'I PHYIR RO, ,SA THAMS CAD PA YANG MA YIN ZHES BYA BA NI 'DOD CHAGS LA SOGS PA NI GANG ZAG PA MED PA'I SA LA MED PA'I PHYIR SA THAMS CAD PA MA YIN NO, ,THAMS CAD DU 'BYUNG BA LA ZHES BYA BA NI DGE BA LA SOGS PA DAG LA'O, ,YUL SNANG BAR GYUR PA JI LTA BU YIN ZHE NA ZHES BYA BA LA SOGS PA LA, DMIGS PA RNAM PA DRUG STE, DANG PO NI SEMS CAN DANG SNOD KYI 'JIG RTEN DU 'JIG RTEN PA'I GZUGS SO, ,GNYIS PA NI MTSAN NYID DANG, BYA BA DANG, GNAS SKABS KYI BYE BRAG GIS RNAM PA GSUM STE, DE LA GZUGS KYI MTSAN NYID KYI BYE BRAG NI SNGON PO DANG, SER PO DAG LA SOGS PA DAG GO, , BYA BA'I BYE BRAG NI RNAM PAR RIG BYED DANG, RNAM PAR RIG BYED MA YIN PA'O, ,DE DAG GI BYE BRAG GIS YOD PA'I PHYIR DE NYID GNAS SKABS KYI BYE BRAG YIN TE, YID DU 'ONG BA DANG, YID DU MI 'ONG BA LA SOGS PA DAG GO, ,DE BZHIN DU SGRA LA SOGS PA DAG LA YANG CI RIGS SU SBYAR BAR BYA'O, , GSUM PA NI SHAR BA LA SOGS PA'I PHYOGS RNAMS SO, ,BZHI PA NI 'DAS PA LA SOGS PA'I BYE BRAG GO, ,LNGA PA NI YANG DAG PA DANG YANG DAG PA MA YIN PAR GZUNG BA'I BYE BRAG GO, ,DRUG PA NI DNGOS PO MTHA' DAG GI PHYOGS GCIG TU GZUNG BA'I BYE BRAG GIS SO, ,SGRIB G-YOGS KYIS BSGRIBS PA ZHES BYA BA NI GOS LA SOGS PAS SO, ,MI SNANG BAR BYED PA ZHES BYA BA NI GSANG SNGAGS DANG SMAN LA SOGS PAS SO, ,ZIL GYIS NON PA ZHES BYA BA NI DPER NA NYI MA'I 'OD ZER RNAMS KYIS SKAR MA DAG BZHIN NO, ,MIG SLU BAR BYED PAS MA BSGRIBS SHING ZHES BYA BA NI RDZU 'PHRUL DANG GSANG SNGAGS LA SOGS PA DAG GIS SO, ,CHUNG DUS BSKAL BA ZHES BYA BA NI MA BSGRIBS KYANG SKYE BA PO PHRA MO LA SOGS PA DAG LTA BU'O, ,GANG DU RJES SU CHAGS PA DER ZHES BYA BA NI YUL MANG PO 'DUS PA YOD KYANG GANG 'DOD PAR RO, ,GANG DU SHIN TU MTSAN MAR BZUNG BA ZHES BYA BA NI YANG DANG YANG DU 'DZIN @106B PA'I PHYIR RO, ,YANG NA SHAS CHER 'JUG PA LA BYA'O, ,SHIN TU RAB TU BKRA BAR BZUNG BA DER ZHES BYA BA NI RNAM PA MANG POS 'DZIN PA'I PHYIR RO, ,CHER YID DU 'ONG BA'AM ZHES BYA BA'AM, LAM ZHES BYA BA'I SGRAS NA YID DU MI 'ONG BA BZUNG NGO, ,SHIN TU 'DRIS SHING ZHES BYA BA NI BRDAS GOMS SHING 'DRIS PAR GYUR PA'O, ,SHIN TU YONGS SU 'DRIS PAR GYUR PA ZHES BYA BA NI DBANG PA'I SGO NAS YONGS SU 'DRIS PA'O, ,YANG NA BRDAS 'DZIN PA LA GOMS PA'O, ,DE LTA MA YIN NA ZHES BYA BA NI GAL TE RGYU BZHI PO DE DAG MED PAR GYUR NA'O, ,DMIGS PA GCIG LA, RTAG TU YID LA BYED PA RNAM PA GCIG PU 'BYUNG BAR 'GYUR RO ZHES BYA BA NI GZHAN LA 'BYUNG BA'I RGYU MED PA'I PHYIR DMIGS PA DANG PO KHO NA RGYU NYE BAR GYUR PA'I PHYIR RO, ,RNAM PAR SHES PA'I TSOGS LNGA'I SKAD CIG GNYIS LAN CIG TU 'BYUNG BA YANG MED LA ZHES BYA BA NI MIG GI RNAM PAR SHES PA'I SKAD CIG GI MJUG THOGS SU MIG GI RNAM PAR SHES PA 'BYUNG BA MED PA LA BYA'O, ,PHAN TSUN GYI MJUG THOGS SU PHAN TSUN 'BYUNG BAR 'GYUR BA YANG MED DO ZHES BYA BA NI MIG GI RNAM PAR SHES PA'I MJUG THOGS SU RNA BA'I RNAM PAR SHES PA LA SOGS PA 'BYUNG BA MED PA LA BYA'O, ,YANG KHA CIG NA RE DE DAG GI MJUG THOGS SU MIG GI RNAM PAR SHES PA YANG 'BYUNG NGO ZHES ZER RO, , YANG KHA CIG NA RE LHAN CIG TU 'BYUNG BA YANG MED LA ZHES BYA BA NI MIG GI RNAM PAR SHES PA'I SKAD CIG GNYI GA CIG CAR 'BYUNG BA MED PAR BSTAN PA YIN NO ZHES ZER RO, ,YANG KHA CIG NA RE LNGA PO DAG CIG CAR CIG CAR DU 'JUG PA MED PA'I DON ZHES ZER RO, ,PHAN TSUN GYI MJUG THOGS SU PHAN TSUN DU 'BYUNG BAR 'GYUR BA MED DO ZHES BYA BA LA SOGS PA GANG SMRAS PA DES NI RIGS MTHUN PA RNAMS MJUG THOGS SU 'BYUNG BA DGAG PAR BYED DO ZHES ZER RO, ,YID KYI RNAM PAR SHES PA NGES PAR 'BYUNG BAR 'GYUR RO ZHES BYA BA NI YUL YONGS SU TSOL BAR BYED PA'I SEMS KYI RGYUD KYIS BSAM PA YIN PA'I PHYIR RO, ,NGES PA NI DUS GZHAN NA YANG MI 'BYUNG STE, DE'I PHYIR 'BYUNG BA NI BRDA LA SOGS PA GSAL BAR NYAMS SU MYONG BA LA RAG LAS PA YIN PA'I PHYIR RO, ,DE LA YID KYI RNAM PAR SHES PA LA NI RGYU GNYI GAS 'BYUNG NGO ZHES BYA BA NI YID KYI RNAM PAR SHES PA LA GNYID LOG PA LA SOGS PA'I GNAS SKABS DAG NA NI SNGON GYI 'PHEN @107A *, ,PAS 'BYUNG NGO, ,DE DAG NI RNAM PAR MI RTOG PA'I PHYIR RO ZHES BYA BA NI 'DI LTAR TSUL BZHIN MA YIN PA'AM, TSUL BZHIN GYI MTSAN MA BZUNG NA 'DOD CHAGS DANG, DAD PA LA SOGS PA DAG 'BYUNG STE, LUNG LAS KYANG, ,DRUG PA BDAG PO RGYAL PO STE, ,CHAGS PAR GYUR NA CHAGS CAN YIN; ,MA CHAGS CHAGS CAN MA YIN TE, ,CHAGS NA BYIS PAR BRJOD PA YIN, ,ZHES BYA BA GSUNGS PA LTA BU'O, ,GANG SEMS GCIG GAM ZHES BYA BA NI MDO SDE DAG LAS SEMS GCIG BSKYED PAS BDE 'GROR 'GRO'O ZHES BYA BA LA SOGS PA GANG GSUNGS PA LA BYA'O, ,DE'I PHYI MA RNAM PAR ZHES BYA BA NI BSTAN BCOS LAS SEMS GNYIS SAM GSUM GYIS MNGON PAR RTOGS SO ZHES JI SKAD BSHAD PA LA BYA'O, ,TSIG GCIG LA BRTEN NAS DNGOS PO GCIG LA DUS JI TZAM GYIS RNAM PAR RIG PA 'BYUNG BA DE TZAM LA SEMS GCIG CES BYA BA NI JI SKAD DU BCOM LDAN 'DAS KYIS BDE BAR GSHEGS PA NI STON PA'O, , BDE BAR GSHEGS PA NI STON PA'O ZHES DE LTAR SEMS SKYED PAR BYED DO ZHES GSUNGS PA LTA BU'O, ,DE LA BDE BAR GSHEGS PA NI STON PA'O ZHES BYA BA DE NI TSIG GCIG YIN TE, DE LA BRTEN NAS DON NGES PA DE'I TSIG 'DIS YONGS SU BSTAN TO ZHES DUS JI TZAM GYIS 'BYUNG BA DE NI RNAM PAR RIG BYED GCIG YIN TE DON GCIG BRJOD PA 'BRAS BU YIN PA'I PHYIR RO, ,DE DANG 'DRA BAR RGYU BA DE LA YANG GCIG CES BYA'O ZHES BYA BA NI DPE DE KHO NA LA NGES PAR GANG YIN PA'I 'OG TU RIGS MTHUN PA KHO NA 'BYUNG BA LA BYA'O, ,TING NGE 'DZIN LA SOGS PA GZHAN LA YANG DE BZHIN NO, ,DE LA YID KYI RNAM PAR SHES PA RTZOL BA MED CING RNAM PAR G-YENGS PAR GYUR PA ZHES BYA BA NI DMIGS PA GZHAN LA GLO BUR DU 'JUG PA STE, DES NA 'DUN PA LA SOGS PA MED PAR STON TE, RTZOL BA'I RGYU'I GTZO BO NI 'DUN PA YIN PA'I PHYIR RO, ,DMIGS PA 'DRIS PA ZHES BYA BA 'DIS NI DRAN PA DANG GOMS PA DAG MED PAR BSTAN PA YIN NO, ,YANG NA 'DAS PA NYAMS SU MYONG BA'AM, LAN CIG NYAMS SU MYONG BA GANG YIN PA DE NI MA 'DRIS PA ZHES BYA'O, ,'DUN PA LA SOGS PA 'JUG PA MED DO ZHES BYA BA NI SO SOR NGES PA LNGA PO DE DAG NI 'DOD PA LA SOGS PA'I YUL LA 'BYUNG BAR NGES PA YIN PA'I PHYIR RO, ,YID KYI RNAM PAR SHES PA DE NI NYE @107B BAR GNAS PA LAS BYUNG BA ZHES BRJOD PAR BYA STE ZHES BYA BA NI DON LA REG PA TZAM LAS GZHAN MI BYED PA'I PHYIR RO, ,'DAS PA LA DMIGS PA KHO NA'O ZHES BYA BA LA, KHA CIG NA RE NYE BAR GNAS PA LAS BYUNG BA DE NYID NI MA 'ONGS PA LA DMIGS PA MA YIN TE, DE NI THOS PA LA 'DRIS PA YIN PA'I PHYIR RO, ,GZHAN DU NA DE LA RNAM PAR SHES PA SKYE BAR MI 'GYUR RO, ,DE LTAR BYUNG BA LA YANG DMIGS PA YANG MA YIN TE, DE NI MIG LA SOGS PA'I SGO NAS, SO SOR RANG RIG PA LA SOGS PA DAG LA 'BYUNG BA'I PHYIR DE LA RTZOL BA GDON MI ZA BAR YOD DO ZHES ZER RO, ,YANG KHA CIG NA RE GZHAN GYI BYIN GYI RLABS KYIS GLO BUR DU PHA ROL GYI SEMS LA SOGS PA MTHONG BA LA 'DUN PA LA SOGS PA MED PAR YANG DE LTAR BYUNG BA LA SOGS PA LA DMIGS NAS NYE BAR GNAS PA LAS BYUNG BA YOD PAS, DE'I PHYIR BSHAD PA DE NI BZANG PO MA YIN NO ZHES ZER RO, ,YANG KHA CIG NA RE 'DAS PA LA DMIGS PA KHO NA'O ZHES BYA BA DE NI 'OG MA DANG SBYAR BAR BYA STE, 'DAS PA LA DMIGS PA YIN YANG, DA LTAR GYI YUL CAN KHO NA'O ZHES BYA BA NI RGYU GZHAN GYI PHYIR RO ZHES BYA BA'I DON TO ZHES ZER RO, ,RNAM PAR SHES PA'I TSOGS LNGA PO DAG GI MJUG THOGS SU BYUNG BA'I YID TSOL BA PA MA NGES PA NI ZHES BYA BA LA, KHA CIG NA RE TSOL BA NI 'KHOR LO DANG PO LA'O; ,NGES PA NI GNYIS PA LA SOGS PA DAG LA'O ZHES ZER RO, ,KHA CIG NA RE DE LTA NA NGES PAS 'KHOR LO DANG PO SPANGS PAR 'GYUR BAS DE'I PHYIR, MJUG THOGS ZHES BYA BA'I SGRA NI NYE BA'I DON LA BYA'O ZHES ZER RO, ,YANG KHA CIG NA RE MJUG THOGS ZHES BYA BA'I SGRA NI TSOL BA PA KHO NA'I DON DU BYAS PA YIN GYI NGES PA DANG 'BREL PA NI MED DO ZHES ZER RO, ,DE LTA NA BYE BRAG GI 'BRAS BU MED PA YIN TE, GZHAN DU NA BYE BRAG 'BYUNG BA MED PA'I PHYIR CHU SKYAR DKAR MO BZHIN NO, ,YANG NA GANG YANG RUNG BA'I 'KHRUL PA YOD PAS BYE BRAG GI SBYOR BA BYAS SO, ,DE LTAR GYI YUL CAN KHO NAR ZHES BYA BA'O ZHES BYA BA NI DE DANG 'DRA BA LA DE NYID DO ZHES RGYUN GCIG TU BYED PAS DE LTAR GYI NYID DO, ,KHO NA ZHES BYA BA'I SGRA NI GAL TE DE NI 'DAS PA LA DMIGS PA ZHES BYA BA YANG YIN PA'I PHYIR RO, ,DE LA RNAM PAR SHES PAS NI DNGOS PO MTHA' DAG GI MTSAN NYID RNAM PAR SHES PAR BYED DO ZHES BYA BA NI CHAR DBYE BA MA BYAS PAR RNAM PAR SHES PAS @108A *, ,NI BYE BRAG MED PAR YUL MTHA' DAG GI GZUGS KYI GZUGS BRNYAN SHES PAR BYED PA'I PHYIR RO, ,DE NYID RNAM PAR MA GYUR PA NI ZHES BYA BA NI DON DE LA RNAM PAR SHES PA 'JUG PA NI YID LA BYED PA LA RAG LAS PA'I PHYIR RO, ,RNAM PAR SHES PAR BYA BA'I MTSAN NYID CES BYA STE ZHES BYA BA NI THUN MONG MA YIN PA'I BYE BRAG GANG GIS YUL RNAM PAR SHES PA'I SPYOD YUL DU 'GYUR BA'O, ,DE NI YID LA BYED PAS RNAM PAR SHES PAR BYED DO ZHES BYA BA NI YID LA BYED PAS DE'I RNAM PAR SHES PAR BYA BA DE GZUNG NAS DNGOS PO RUNG BA LA SEMS GTOD PAR BYED PA'I PHYIR RO, ,DE LTAR 'DZIN PA'I RNAM PA BRJOD PA 'DI NI RTOGS SLA PAR 'GYUR BAS DE LTAR BRTAGS PA YIN NO, ,DUS MNYAM NA YANG DE NI RNAM PA DE LTA BU KHO NAR BLTA BAR BYA'O, ,BTZUN PA RENGS BYED LA SOGS PA DAG YID LA BYED PA NI MED PA KHO NA YIN NO ZHES ZER BA DE YANG RIGS PA MA YIN TE, YUL GZHAN LA GTOD PA'I TSE NA DE'I NUS PA MTHONG BA'I PHYIR RO, , DE DAG GIS SMRAS PA TSOGS PA NYID SGRUB PAR BYED PA YIN NO ZHE NA, BDEN TE CHOGS PA DE NYID KYANG YID LA BYED PA MED PAR NI MED DO, ,BCOM LDAN 'DAS NYID KYIS KYANG DE DANG 'BYUNG BA YID LA BYED PA NYE BAR GNAS PAR MA GYUR NA ZHES BYA BA LA SOGS PA GANG GSUNGS PAS 'DIR LAN BTAB PA YIN NO, ,DE NI RNAM PAR SHES PA'I TSOGS LNGA DANG LDAN PA'I SA BSHAD PA'I SKABS SU YANG RDZAS GZHAN DU BSTAN PA YIN NO, ,DE NYID LA REG PAS RIG PA GANG YIN PA NI SDUG PA DANG MI SDUG PA DANG GNYI GA LAS BZLOG PA'I MTSAN NYID DO ZHES BYA BA LA, YUL SDUG PA LA SOGS PAR 'DZIN PA'I RNAM PA NI REG PA'I RANG GI MTSAN NYID YIN NO, ,SDUG PA NYID LA SOGS PA DE DAG GI BYE BRAG GZHAN DU BZUNG BA GANG YIN PA DE NI TSOR BA'I GZUNG BA YIN TE, DPER NA ZA BA POS YUL YID DU 'ONG BA NYID DU 'DZIN PA DE LTA BU NI REG PA YIN NO, ,JI LTAR DE NYID YID DU 'ONG BAS DRANGS NAS YUL DE MYANGS PAR GYUR PA DE LTA BU NI REG PA LAS BYUNG BA'I TSOR BA YIN TE, DE GNYIS KYI BYE BRAG NI DE YIN NO, ,BTZUN PA DPAL 'DZIN PA LA SOGS PA DAG RNAM PAR SHES PA NYID REG PA YIN NO ZHES ZER BA DE YANG RIGS PA DANG LDAN PA MA YIN TE, DE DANG LHAN CIG 'BYUNG BAR GSUNGS PA'I PHYIR RO, ,GANG ZHIG GANG DANG LHAN CIG 'BYUNG BAR @108B GSUNGS PA DE NI DE LAS DON GZHAN PA YIN TE, DPER NA RNAM PAR SHES PA DE KHO NA LAS TSOR BA BZHIN NO, ,YANG RNAM PAR SHES PA LAS THA DAD PA'I ZAS NYID DU GSUNGS PA 'DI'I YANG PHYIR TE, YID LA SEMS PA BZHIN NO, ,YANG RAG PA NI RDZAS SU YOD PA YIN TE, DMIGS PA DANG BCAS PA NYID YIN PAS SEMS LAS BYUNG BA DAG TU BTAGS PA'I PHYIR TE 'DU SHES BZHIN NO, ,LDOG PA NI BAG YOD PA LA SOGS PA DAG GO, ,YANG TSOR BA DANG LHAN CIG TU SEMS LAS BYUNG BA NYID YIN PA'I PHYIR TE SEMS PA BZHIN NO, ,LDOG PA NI NAM MKHA'O, ,'DI LA LUNG YANG YOD DE, MIG DANG GZUGS RNAM GNYIS LA BRTEN NAS SU, ,SEMS LAS BYUNG BA'I CHOS RNAMS 'BYUNG BAR 'GYUR, ,RNAM SHES REG PA SEMS PA 'DU SHES DANG, ,'DU BYED GTOGS RNAMS RGYUR BCAS LHAN CIG TU'O, ,ZHES TSIGS SU BCAD PA LAS GSUNGS SO, ,BTZUN PA DPAL 'DZIN NI TSIGS SU BCAD PA DE LA 'DI SKAD DU, DER NI SEMS LAS BYUNG BA RNAMS RIM GYIS 'BYUNG BA'I DON DU GSUNGS PA YIN TE, RNAM PAR SHES PA BSTAN PA'I PHYIR BA'AM, MED NA MI 'BYUNG BA'I PHYIR RO, ,DE LAS BYUNG BA'I PHYIR MIG DANG GZUGS DAG LAS RNAM PAR SHES PA'I REG PA 'BYUNG NGO, ,DE NAS SEMS PA LA SOGS PA SEMS LAS BYUNG BA RNAMS KYANG LHAN CIG TU 'BYUNG BAR 'GYUR BA YIN NO ZHES ZER RO, ,DE NI MI RUNG STE, DER BCOM LDAN 'DAS KYIS GNYIS LA BRTEN NAS SEMS LAS BYUNG BA RNAMS 'BYUNG NGO ZHES GSAL BAR GSUNGS GYI GSUM ZHES MA GSUNGS PAS, DE'I PHYIR 'DIR SGRO BTAGS TE REG PAR BSHAD PA NI CIR YANG MI RUNG NGO, RNAM PAR SHES PA BSTAN PA DANG, MED NA MI 'BYUNG NYID KYANG GNOD PA MED PA KHO NA YIN TE, KHO BO YANG RNAM PAR SHES PA MED NA REG PA MI 'BYUNG NGO ZHES SMRAS TE DE LA CI ZHIG TU 'GYUR, LHAN CIG TU 'BYUNG BA ZHES BYA BA 'DI NI LUNG YIN NO, ,KUN TU 'GRO BA DAG GI RIGS PA NI RNAM PAR SHES PA'I TSOGS LNGA DANG LDAN PA'I SKABS SU SMRAS ZIN TO, ,'PHAGS PA MANG POS BKUR BA LA SOGS PA DAG SHES RAB LA SOGS PA DAG SA CHEN PO PA YIN PAR SMRA BA DAG GI PHYIR SMRAS PA, SEMS DMIGS PA LA BUL BAR 'JUG PA NA LAS MI DMIGS PA'I PHYIR DAD PA BZHIN DU SHES PA MED DE, DE'I PHYIR SHES @109A *, ,RAB NI SA CHEN PO MA YIN NO, ,DE BZHIN DU SEMS THE TSOM DANG LDAN NA YANG SNGA MA BZHIN NO, ,DRAN PA NI 'DRIS PA LA DMIGS PA YIN PAR GNYI GA LA YANG GRUB PA, ,DE LAS GZHAN PA'I DMIGS PA LA NI LUNG YANG MED LA RIGS PA YANG MED DO, ,GAL TE NYAMS SU MYONG BAR DRAN PA MED DO ZHE NA, DRAN PA NYID KYIS NYAMS SU MYONG NGO ZHES BYA BA DE YANG GA LA YOD, MI MTHUN PA'I DNGOS PO LA 'DOD PA YANG GA LA YOD, MA NGES PA'I DON LA MOS PA YANG GA LA YOD, BTZUN PA 'DUS BZANG NI NGES PA'I DON LA MOS PAR MI 'DOD DE, DE NI MDO SDE DANG BSTAN BCOS DANG 'GAL LO, ,MDO SDE LAS NI BDAG GIS SEMS NI CI NAS KYANG SKYE MCHED DRUG PO 'DI DAG LA BDAG MED PAR MOS SO ZHES 'BYUNG NGO, ,GRO BZHIN SKYES KYI MDO LAS KYANG NGES PA KHO NA YIN PAR GSUNGS KYI 'DOD PA YIN NO ZHES BYA BA NI BKAG GO, ,BSTAN BCOS LAS KYANG MOS PA NI DMIGS PA YIN NO ZHES 'BYUNG PA'I PHYIR RO, ,CI STE DE GNYI GA YANG DRAN PA'I DON YIN NO ZHE NA, 'O NA NI DON RANG GI 'DUN PA NYID DO, ,DE LTA BAS NA KUN DU 'GRO BA NI LNGA KHO NA'O, ,TSOR BAS LAS CI BYED CE NA, SRID PA SKYE BA DANG BTANG SNYOMS SU 'JOG PA'I LAS BYED DO ZHES BYA BA LA, BDE BA'I TSOR BA NI PHRAD PAR SRED PA'I RGYU YIN NO, ,SDUG BSNGAL GYI TSOR BA NI 'BRAL BAR SRID PA'I RGYU YIN NO, ,SDUG BSNGAL YANG MA YIN BDE BA YANG MA YIN PA'I TSOR BA NI GNYI GA MED CING BAR MDOR GNAS PA'I DNGOS PO'I MTSAN NYID DE, BTANG SNYOMS SU 'JOG PA'I RGYU YIN NO, ,'O NA SDUG BSNGAL YANG MA YIN BDE BA YANG MA YIN PA'I TSOR BA'I NGO BO NYID GANG ZHE NA, CI'I PHYIR SOM NYI ZA BA 'DI LTAR SEMS LAS BYUNG BA RNAMS KYI 'JUG PA NI SO SO RANG GIS RIG PAR BYA BA YIN TE, 'DI LTAR BDE BA'I TSOR BA NI SIM PAR BYED PA YIN LA, SDUG BSNGAL NI GDUNG BAR BYED PA YIN NA, SDUG BSNGAL YANG MA YIN BDE BA YANG MA YIN PA'I BYED PA GANG YIN PAR BZUNG STE, DE'I PHYIR DE NI BDE BA DANG SDUG BSNGAL MED PA TZAM YIN PAR RTOGS PAS DE LTA BAS NA GNYI GA BKAG PAR BSTAN PA YIN NO ZHES GRAGS PA'I PHYIR RO, ,KYE REG PA DANG SEMS PA LA SOGS PA DAG JI LTAR SO SO RANG GIS RIG PAR BYA BA YIN PA DANG, CI DE DAG KYANG MED PA YIN NAM JE SMROS SHIG DE'I LAS NI SNGAR YANG CUNG @109B ZAD SMRAS MOS KYI GSAL BAR 'OG NAS BRJOD PAR BYA'O, ,GNYI GA BKAG TU ZIN KYANG MI GNAG MI DKAR BA'I LAS GZHAN DU DE YANG MED PA TZAM MA YIN NO, ,GZHAN YANG 'DI LA MANG PO DAG THE TSOM ZA BAS NA DE'I PHYIR BTANG SNYOMS 'DI NI LUNG DANG, RIGS PA DANG, RGYU DANG, 'BRAS BU DANG, DMIGS PA DANG, GNAS SKABS DANG, BAG LA NYAL BA DANG, RNAM PA DANG, NGO BO NYID DANG RAB TU DBYE BA DAG GIS GO SLA BAR BYA'O, ,DE LA LUNG NI SDUG BSNGAL YANG MA YIN BDE BA YANG MA YIN PA'I TSOR BA MYONG BA NI SDUG BSNGAL YANG MA YIN BDE BA YANG MA YIN PA'I TSOR BA MYONG NGO ZHES BYA BA YANG DAG PA JI LTA BA BZHIN RAB TU SHES SO ZHES GSUNGS PA DANG, YANG SDUG BSNGAL YANG MA YIN BDE BA YANG MA YIN PA MYONG BAR 'GYUR BA'I REG PA LA BRTEN NAS SDUG BSNGAL YANG MA YIN BDE BA YANG MA YIN PA'I TSOR BA 'BYUNG BAR 'GYUR RO ZHES GSUNGS PA DANG, DE BZHIN DU DE BDE BA YANG SPANGS SDUG BSNGAL YANG SPANGS TE, SNGA NAS YID BDE BA DANG YID MI BDE BA YANG NUB PAS BDE BA YANG MA YIN SDUG BSNGAL YANG MA YIN BA BTANG SNYOMS DANG, DRAN PA YONGS SU DAG BA BSAM GTAN BZHI PA RDZOGS PAR BYAS TE GNAS SO ZHES BYA BA LA SOGS PA GSUNGS PA'O, ,RIGS PA GANG ZHE NA, SDUG BSNGAL YANG MA YIN BDE BA YANG MA YIN PA'I GNAS SKABS KYI SEMS NI TSOR BA'I RDZAS DANG MTSUNGS PAR LDAN PA YIN NO, ,SEMS YIN PA'I PHYIR TE, BDE BA DANG MTSUNGS PAR LDAN PA'I SEMS BZHIN NO, ,CHOS MI MTHUN PA NI GZUGS SO, ,YANG NA TSOR BA BTANG SNYOMS NI RDZAS SU YOD PA YIN TE, GSUM DU BGRANG BA LAS 'BYUNG BA'I PHYIR TE SNGA MA BZHIN NO, ,YID KYI SA'I SKABS SU YANG TSOR BA MED NA SEMS 'BYUNG BA YANG MED DO ZHES SHES PAR BYAS PA YIN NO, ,SEMS CAN THAMS CAD NI BDE BA DANG SDUG BSNGAL DANG LDAN PA MA YIN PAS, DE'I PHYIR BTANG SNYOMS NI RDZAS SU YOD PA YIN TE, LUNG NI YOD PA NYID TZAM DU BSTAN PAS MTHU ZAD PA YANG MA YIN NO, ,'DI LTAR 'BYUNG BAR 'GYUR RO ZHES GSUNGS PA'I TSIG YOD PAS NA, DE'I RGYU NI BDE BA YANG MA YIN SDUG BSNGAL YANG MA YIN PA MONG BAR 'GYUR BA'I REG PA YIN NO ZHES BCOM LDAN 'DAS KYIS GSUNGS TE, DE'I PHYIR MYONG BAR 'GYUR BA DE LAS BYUNG BAR GSUNGS PAS NA DE'I RDZAS NYID @110A *, ,DU YOD PA YIN TE, BDE BA MYONG BAR 'GYUR BA LAS BDE BA YOD PAR GSUNGS PA BZHIN NO, ,'BRAS BU NI MI 'BRAL BAR SRED PA YIN NO, ,DMIGS PA NI PHAN 'DOGS PA DANG GNOD PA LAS BZLOG PA MYONG BAR 'GYUR BA'I MTSAN NYID DE, DMIGS PA'I DNGOS PO'I CHA 'GA' ZHIG YIN NO, ,GNAS SKABS NI DBANG PO'I 'BYUNG BA CHEN PO LA PHAN PA DANG GNOD PA LAS BZLOG PA'I LUS DANG SEMS KYI GNAS SKABS DAG GO, ,BAG LA NYAL NI SDUG BSNGAL YANG MA YIN BDE BA YANG MA YIN PA'I TSOR BA LA NI GTI MUG BAG LA NYAL LO ZHES GANG GSUNGS PA'O, ,RNAM PA NI JI SKAD SMOS PA'I DNGOS PO'I GZUGS BRNYAN GYI RNAM PA 'BYUNG BA'O, ,NGO BO NYID NI BDE BA DANG MI BDE BA'I MTHA'I PHYOGS SU LTUNG BA DANG BRAL BA STE, ,BAR MA DOR GNAS PA'I SO SOR RIG PA'I RANG GI NGO BO NYAMS SU MYONG BA'O, ,,RAB TU DBYE BA NI SLOB DPON GYIS BYE BRAG MED PAR BSTAN KYANG BTANG SNYOMS NI BAR MA DOR GNAS PA'I DON GYIS RNAM PA GCIG PA YANG YOD DO, ,KUN NAS NYON MONGS PA DANG RNAM PAR BYANG BA LA SOGS PA'I BYE BRAG GIS NI RNAM PA GNYIS SO, ,DGE BA LA SOGS PA'I BYE BRAG GIS NI RNAM PA GSUM MO, ,BRTZON 'GRUS KYI BTANG SNYOMS DANG, TSER BA'I BTANG SNYOMS DANG; YAN LAG DRUG GI BTANG SNYOMS DANG, TSANGS PAR GNAS PA'I BTANG SNYOMS DANG, BYANG CHUB KYI YAN LAG GI BTANG SNYOMS DANG, 'DU BYED KYI BTANG SNYOMS DANG, LHAG MTHONG GI BTANG SNYOMS DANG, BAR MA DOR GNAS PA'I BTANG SNYOMS DANG, BSAM GTAN GYI BTANG SNYOMS DANG, YONGS SU DAG PA'I BTANG SNYOMS KYI BAR DAG GIS RNAM PA BCU'O, ,DE LA BRTZON 'GRUS KYI BTANG SNYOMS NI HA CANG YANG MI 'GRUS, HA CANG YANG MI LHOD PA'I BRTZON 'GRUS SU BGRANG STE, DE'I DBANG DU MDZAD NAS, DE DUS DUS SU BTANG SNYOMS KYI MTSAN MA SGOM PAR BYED DO ZHES BYA BA LA SOGS PA GSUNGS SO, ,TSOR BA BTANG SNYOMS NI JI SKAD SMOS PA'I MTSAN NYID YIN TE, DE'I DBANG DU MDZAD NAS, GANG GI TSE DE'I SEMS 'DOD PA NA BTANG SNYOMS DANG LDAN PAR 'BYUNG BAR GYUR PA ZHES GSUNGS PA LTA BU'O, ,YAN LAG DRUG GI BTANG SNYOMS NI RJES SU CHAGS PA DANG, KHONG KHRO BA @110B SPANGS PA'I DGRA BCOM PA 'DOD PA DANG MI 'DOD PA'I YUL DRUG DANG NYE BAR GYUR CING, YONGS SU DAG PA'I RANG BZHIN GYI DNGOS PO YANG DE'I RNAM PA YOD PA STE, DE'I DBANG DU MDZAD NAS 'DI LA DGE SLONG ZAG PA ZAD PA NI MIG GIS GZUGS RNAMS MTHONG NA YID BDE BAR YANG MI 'GYUR, YID MI BDE BAR YANG MI 'GYUR ZHING BTANG SNYOMS SU GNAS TE DRAN PA DANG SHES PA BZHIN CAN YIN NO ZHES GSUNGS SO, ,TSANGS PA'I GNAS PA'I BTANG SNYOMS NI GNOD SEMS DANG 'DOD PA LA 'DOD CHAGS KYI MTHA' LAS DBEN ZHING BAR MA DOR GNAS PA NYE BAR SGRUB PAR BYED PA'I MTSAN NYID DE, DE'I DBANG DU MDZAD NAS, BTANG SNYOMS DANG LDAN PA'I SEMS KYIS PHYOGS GCIG TU MOS TE, KHYAB PAR BYAS NAS RDZOGS PAR BYAS TE GNAS ZHES BYA BA LA SOGS PA GSUNGS SO, ,BYANG CHUB KYI YAN LAG GI BTANG SNYOMS NI LHAN CIG 'BYUNG BA'I CHOS RNAMS KYI BAR MA DOR GNAS PA'I RNAM PAR GYUR PA STE, DE'I DBANG DU MDZAD NAS, BTANG SNYOMS YANG DAG BYANG CHUB KYI YAN LAG SGOM PAR BYED DO ZHES GSUNGS SO, ,'DU BYED KYI BTANG SNYOMS NI SGRIB PA LA SOGS PA LA SO SOR RTOG CING DBYIBS SU MI 'DZIN PAR BAR MA DOR GNAS PAR GYUR PA STE, DE'I DBANG DU MDZAD NAS, DE DANG DE DAG LAS ZHI GNAS DANG LHAG MTHONG GI PHYOGS NI BTANG SNYOMS ZHES BYA'O ZHES GSUNGS TE, ,DE'I RNAM PAR MANG DU YOD KYANG 'DIR BYE BRAG MED PAR BYAS TE BZHAG PA YIN NO, ,LHAG MTHONG GI BTANG SNYOMS NI SPONG BA'I LAS KYI MJUG THOGS SU BAR MDO'I LAS LA GNAS PAR GYUR PA STE, DE'I DBANG DU MDZAD NAS, GANG YOD PA DANG; GANG BYUNG BA DE SPONG BAR BYED CING BTANG SNYOMS BAR THOB PAR BYED DO ZHES GSUNGS SO, ,DE LA BAR MA DOR GNAS PA'I BTANG SNYOMS LHAN CIG SKYES PA'I CHOS RNAMS MNYAM DU 'JUG PA STE, DE'I DBANG DU MDZAD NAS, 'DUN PA LA SOGS PA SPONG BA'I 'DU BYED RNAMS KYI BAR MA DOR GNAS PAR GYUR PA NI 'DU BYED RNAMS KYI BAR MA DOR GNAS PA YIN NO ZHES GSUNGS SO, ,BSAM GTAN GYI BTANG SNYOMS NI BDE BA'I SNYING PO LA YANG PHYOGS SU LTUNG BA MI SKYED PA STE, DE'I DBANG DU MDZAD NAS DRAN PA DANG LDAN PAR BTANG SNYOMS SU GNAS PA YIN NO ZHES GSUNGS SO, ,YONGS SU DAG PA'I @111A *, ,BTANG SNYOMS NI MTHUN PA THAMS CAD YONGS SU DAG CING MI MTHUN PA NYE BAR ZHI BA LA SPYAD PA MED PAR GYUR PA STE, DE'I DBANG DU MDZAD NAS, BTANG SNYOMS DANG DRAN PA YONGS SU DAG PA ZHES GSUNGS SO, ,DAG THAMS CAD KYANG SHES RAB DANG TSOR BA DANG 'DU BYED KYI BTANG SNYOMS KYI BYE BRAG GIS NI RNAM PA GSUM DU ZAD DO, ,DE LA DUS GSUM RNAM PAR GZHAG PA JI LTA BU YIN ZHE NA ZHES BYA BA NI 'CHI 'PHO DANG SKYE BA'O ZHES BYA BA DES PHYI DANG NANG GI DNGOS PO RNAMS 'BYUNG BA'I DBANG DU BYAS PA'I PHYIR DUS RNAMS DANG SBYAR RO, ,YANG GZHAN DAG NA RE DE LAS GZHAN PA BTAGS PA'I CHOS RNAMS NI MA GTOGS SO ZHES SMOS PA DE DAG KYANG GANG ZHE NA ZHES BYA BA DE'I PHYIR 'DIR DUS LA SOGS PA DAG BRTZAMS SO ZHES ZER RO, DE LTA NA DA LTAR BYUNG BA'I TSIG KYANG 'BRAS BU MED PA YIN LA, BTAGS PA'I YOD PA GZHAN DAG KYANG CI'I PHYIR MA SMOS ZHES BYA BA LA SOGS PAR BRJOD PAR BYA BA MANG DU 'BYUNG NGO, ,SA BON RNAMS NI CHOS DE LAS THA MI DAD PAS ZHES BYA BA LA, KHA CIG NA RE SA BON GYI RTEN RNAM PAR SHES PA'AM GZUGS 'DAS PA DE LA NI SA BON YANG 'DAS PA YIN PAR GZHAG GI RANG LAS NI MA YIN TE, 'DUS BYAS KYI MTSAN NYID MED PA'I PHYIR RO, ,DE YANG 'BRAS BU MA BYIN PA'I SA BON GYI DBANG DU BYAS TE BRJOD PA YIN NO ZHES BSGRUB PA'I PHYIR, 'BRAS BU MA BYIN LAS ZHES BYA BA SMOS SO, ,'BRAS BU BYIN PA'I SNGON LA NI DE LTA BUR RNAM PAR GZHAG PA MED DE, DE MED KYANG RTEN NI DA LTAR GYI YIN PA'I PHYIR TE, SKYES ZIN PA'I PHYIR RO, ,DE'I TSE NA SA BON NI 'DAS PA NYID YIN PA'I PHYIR RO ZHES ZER RO, ,YANG KHA CIG NA RE DE LTA NA 'BRAS BU MA BYIN PA ZHES BYA BA DE TZAM ZHIG BRJOD PAR BYA BAR ZAD NA DE'I PHYIR, 'BRAS BU BYIN MA BYIN PA LAS ZHES BYA BAS NI SA BON RNAMS 'DAS PA LA SOGS PA NYID DU RNAM PAR GZHAG PA CIG SHOS 'DI BSTAN NO ZHES ZER RO, , YANG KHA CIG NA RE DE LTA NA YANG 'AM ZHES BYA BA'I SGRA BRJOD PAR BYA DGOS PAS, DE'I PHYIR DE YANG RIGS PA MA YIN NO ZHES ZER RO, ,YANG KHA CIG NA RE THAMS CAD LTAR YANG NYES PA MED DE, RE ZHIG PHYOGS SNGA MAS KYANG 'BRAS BU MA BYIN PA LAS ZHES RES PAR BRJOD DGOS TE, DE'I 'DAS PA NYID NI 'BRAS @111B BU MA BYIN PA KHO NA'I PHYIR RO ZHES SHES BAR BYA DGOS PA'I PHYIR RO, ,GNYIS PA'I YANG 'AM ZHES BYA BA'I SGRA MED KYANG SBYOR BA YOD DE, DPER NA, ,JIG RTEN NA YANG 'GRO 'ONG SGYEL 'DUG PA, ,JI LTAR 'DOD BZHIN BYOS ZHES BYA BA LTA BU'O ZHES ZER RO, ,RGYU YOD PA ZHES BYA BA NI 'DUS MA BYAS RNAM PAR GCOD PA STE; DUS DE DAG NI 'DUS BYAS KYI MTSAN NYID KYIS RAB TU PHYE BA YIN PA'I PHYIR RO, ,JI LTAR RNAM PAR GZHAG CE NA ZHES BYA BA LA SOGS PAS NI SKYE BA LA SOGS PA DAG STON TE, 'DIR YANG SNGA MA KHO NA BZHIN DU SBYAR RO, ,KHA CIG NA RE SA BON RNAMS KYIS SKYE BA LA SOGS PA RNAM PAR GZHAG PA NI RNAM PAR SHES PA'I RGYUD THAMS CAD LA ZHES BYA BA LA SOGS PAS SEMS DANG MTSUNGS PAR STON TO ZHES ZER RO, ,YANG KHA CIG NA RE GANG LAS SKYE BA DE SA BON YIN PAR STON TE ZHES BYA BA DES NA, DE'I PHYIR RGYU YOD LA ZHES SMRAS PA YIN NO ZHES ZER RO, ,RKYAN YOD LA ZHES BYA BA NI SA BON MA NYAMS PA LA BYA STE, DES NI RGYU'I RKYEN BSTAN TO, RKYEN GYI DBANG GIS ZHES BYA BA NI RKYEN GZHAN GSUM GYI DBANG DU BYAS PA'O, ,DANG PO CHOS GANG 'BYUNG BA DE NI ZHES BYA BA NI RGYUD KYI SKAD CIG DANG PO 'BYUNG BA LA SKYE BA ZHES BYA BAR STON TO, ,DE'I PHYIR RGYUD SNGA MA 'BYUNG BA LA ZHES BYA BA SMOS SO, ,SKYES MA THAG PA'I SKYE BA TZAM GYI SKAD CIG RJES SU 'JUG PA NI GNAS PA'O ZHES BYA BA NI SKAD CIG GNAS PA LAS BSAMS PA YIN NO, ,GZHAN DAG NA SKAD CIG GNAS PA MI 'DOD PAS TSIG 'DI RGYUN GYI GNAS PA KHO NA YIN PAR YONGS SU SGYUR PAR BYED DO, ,DE RJES SU 'JUG PA ZHES BYA BA NI SKYE BA TZAM GYI RGYUN MI 'CHAD PAR 'JUG PA LA BYA'O ZHES ZER RO, ,DE LTA NA SKYE BA TZAM ZHES BYA BA'I TSIG LHAG PAR GYUR PAS DE'I PHYIR SKAD CIG GNAS PA KHO NA YIN PAR 'DOD PAR BYA STE, 'DI LTAR DE DANG DE DAG LAS KYANG DE'I MTSAN NYID KHO NA YIN PAR BSHAD DO, ,'DIR RGYUN GYI GNAS PA NI GNAS RNAM PA LNGA PO SKAD CIG GNAS PA DANG, RGYUN GYI GNAS PA DANG, RKYEN LA RAG LAS PA'I GNAS PA DANG, MI G-YENG BA'I GNAS PA DANG, RNAM PAR GZHAG PA'I GNAS PA DAG NI RAB TU DBYE BA 'BA' ZHIG TU GSUNGS PAR ZAD DO, ,RNAM PAR GTAN LA DBAB PA BSDU BA LAS NI SNGA NA MED PA'I 'BYUNG BA NI DNGOS PO LA LTOS PA YIN NO ZHES @112A *, ,BSHAD LA, 'DIR NI CHOS GANG 'BYUNG BA NI SKYE BA ZHES 1BSHAD PA DE JI LTAR 'GAL ZHE NA, DE NI BYE BRAG BSTAN PA YIN NO, ,DE MA THAG PA'I RKYEN NI ZHES BYA BA NI TSOGS GCIG PA NI THAMS CAD RE RE NAS 'BYUNG BA'I PHYIR MNYAM PA YIN NO, ,RIGS 'DRA BA BAR DU MA CHOD PA RNAMS KYI RKYEN DU GYUR PA'I PHYIR BAR DU MA CHOD PA'I RKYEN NYID DO, ,YANG 'DOD PA NA SPYOD PA RNAMS KYI NI DE DAG KHO NA DANG MTSUNGS PAR LDAN PA'I PHYIR MNYAM PA YIN NO, ,YANG NA TSOGS THAMS CAD NI TSOGS KYI RKYEN YIN PAR MNYAM PA LA BYA'O, ,RNAM PAR SHES PA GANG GI MJUG THOGS SU RNAM PAR SHES PA GANG DAG 'BYUNG BAR NGES PA NI ZHES BYA BA NI DRUG PO RNAMS KHO NA LA BYA'I KUN GZHI YANG MA YIN LA YID KYANG MA YIN NO, ,SEMS LAS BYUNG BA RNAMS KYANG DE BZHIN TE, RNAM PAR SHES PA SMOS PAS GCIG GIS DUS MNYAM PAR 'KHRUL PA MED PA NYE BAR MTSON PA YIN NO, ,BDAG PO'I RKYEN NI SA BON MA GTOGS PA'I RKYEN GANG YIN PA STE ZHES BYA BA NI DE MA THAG PA'I RNAM PAR SHES PA MA GTOGS PA STE, DE NI DE MA THAG PA'I RKYEN GYIS BSDUS PA YIN PA'I PHYIR RO, ,DE NI GROGS SU GTOGS PA'I CHOS GANG YIN PA RNAMS SO ZHES BYA BA NI YID LA BYED PA LA SOGS PA DAG GO, ,DAD PA LA SOGS PA DAG GI DBANG GIS 'DOD PA LA SOGS PA'I 'BRAS BU YONGS SU 'DZIN PAR BSTAN PA'I PHYIR, DGE BA DANG MI DGE BA NYID GANG YIN PA DANG ZHES BYA BA LA SOGS PA SMOS SO, ,NGO BO NYID LA SOGS PA DON LNGA PO GANG DAG SMOS PA DE DAG GIS RKYEN RNAMS BSDUS PAR BSTAN PA'I PHYIR, DE'I LAS SA BON LAS NI RGYU'I RKYEN RNAM PAR GZHAG GO ZHES BYA BA LA SOGS PA DAG SMOS SO, ,SA BON GYIS RGYU'I RKYEN MA BSDUS SO ZHE NA, BSDUS TE SA BON GYI GNAS NI RGYU'I RKYEN YIN NO ZHES BSTAN PA'I PHYIR RO, ,NGO BO NYID LAS NI DE MA THAG PA'I RKYEN RNAM PAR GZHAG GO ZHES BYA BA NI PHAL CHE BA'I DBANG DU BYAS PA'I PHYIR TE, GROGS KYANG DE YIN PA'I PHYIR RO, ,GROGS LA SOGS PA LAS NI BDAG PO'I RKYEN RNAM PAR GZHAG GO ZHES BYA BA LA SOGS PA'I SGRA NI LAS KYI TSUL GYIS DBANG DU BYAS PA YIN NO, ,BDAG PO'I RKYEN NI 'DOD PA DANG MI 'DOD PA'I 'BRAS BU YONGS SU 'DZIN PA'I PHYIR RO, , @112B DE LA LAS NI SMRAS ZIN TO, ,DGE BA DANG MI DGE BA DE YANG RKYEN KHO NA YIN TE, SKYED PAR BYED PA'I DON GYI RGYU'I DON MED PA'I PHYIR RO, ,RNAM PA GNYIS TE, SKYES NAS THOB PA DANG SBYOR BA LAS BYUNG BA'O ZHES BYA BA LA, DE NI NYUNG STE, MYA NGAN LAS 'DAS PA MA LUS PA'I PHYIR RO ZHES, 'DIR THAMS CAD BSDUS PA NI MA YIN GYI DE NI RAB TU DBYE BA TZAM DU ZAD DO, ,YANG NA MDO SDE LAS GSUNGS PA'I RJES SU SMRAS PA YIN NO, ,BSOD NAMS KYI CHA DANG MTHUN PA ZHES BYA BA NI 'BRAS BU MNGON PAR MTHO BA MA YIN PA'O, ,BSOD NAMS ZHES BYA BA NI SEMS PA DGE BA'O, ,DE NYID CHA YIN TE, TSOGS KYI PHYOGS GCIG YIN PA'I PHYIR RO, ,TSOGS MTHA' DAG NI DE DANG MTHUN PA YIN LA, DE YANG DE DAG DANG MTHUN PA YIN NO, ,YANG NA BSOD NAMS KYI 'BRAS BU NI BSOD NAMS MA YIN NO, ,DE'I CHA DANG MTHUN PA NI SEMS DANG SEMS LAS BYUNG BA RNAMS TE, DE DAG GIS DE MNGON PAR BSGRUBS PA'I PHYIR RO, ,BSOD NAMS LAS SKYE BA DANG BRGYAD CES BYA BA NI MDO LAS 'DI NA KHA CIG DGE SBYONG RNAMS DANG BRAM ZE RNAMS DANG, BKREN PA RNAMS DANG, SDUG PHONGS PA RNAMS DANG, LAM DU ZHUGS PA RNAMS DANG, SLONG MO PA RNAMS LA 'DI LTA STE, ZAS DANG, SKOM DANG, BZA' BA DANG, BCA' BA DANG, BZHON PA DANG, GOS DANG, PHRENG BA DANG, SPOS DANG, BYUG PA DANG, RGYAB RTEN DANG, MAR ME'I SBYIN PA DAG SBYIN PAR BYED CING DES MI SKYED PA DAG MTHONG NA 'DI SNYAM DU KYE MA BDAG MI'I SKYID PA RNAMS DANG SKAL BA MNYAM PAR SKYE BAR GYUR CIG SNYAM DU SEMS SHING DE LA SEMS RTEN PAR BYED PA LA SOGS PA NAS, LAN MANG DU BYED PA'I BAR DU STE, DE NI MI'I SKYID PA RNAMS DANG SKAL BA MNYAM PAR SKYE BA'I GNAS YOD PA YIN NO, ,DE LA MI'I SKYID PA NI 'DI DAG YIN TE, 'DI LTA STE RGYAL RIGS SHING S'A LA LTA BU LA SOGS PA DANG, DE LTA BU'I RIGS RNAMS SU SKYE BAR 'GYUR BA'O, ,DE CI'I PHYIR ZHE NA, TSUL KHRIMS DANG LDAN PA'I SEMS KYI SMON PA 'GRUB PA'I PHYIR TE, DE YANG TSUL KHRIMS DAG RNAMS PAR DAG PA'I PHYIR RO, ,'DOD PA NA SPYOD PA DRUG GI LHA RNAMS DANG, TSANGS RIS RNAMS SU YANG DE BZHIN NO, , @113A *, ,DE LA BYE BRAG NI 'DI YOD DE, TSUL KHRIMS DANG LDAN PA'I SEMS KYI SMON PA 'GRUB PA DE YANG 'DOD PA DAG LA 'DOD CHAGS DANG BRAL BA YIN TE, DE DAG NI BSOD NAMS LAS SKYE BA BRGYAD PO DE DAG YIN NO, ,SDUG PA'I 'BRAS BU YONGS SU 'DZIN PA'I DON ZHES BYA BA NI DGE BA ZAG PA DANG BCAS PA RNAMS KYI'O, ,DNGOS PO YONGS SU SHES PA LA MKHAS PA DE 'BRAS BU'I DON TO ZHES BYA BA LA, DNGOS PO NI DE BZHIN NYID DO, ,DE YONGS SU SHES PA NI LAM MO, ,DE LA MKHAS PA NI SBYOR BA DANG RJES SU THOB PA'I YE SHES SO, ,DE'I 'BRAS BU NI MYA NGAN LAS 'DAS PA YIN NO, ,DE DAG KYANG MDOR BSDU NA DGE BA RNAMS YIN NO, ,YANG NA DNGOS PO DE NI BDEN PA RNAMS SO, ,YONGS SU SHES PA LA MKHAS PA NYID LAM YIN NO, ,DE'I 'BRAS BU NI MYA NGAN LAS 'DAS PA STE, DE NI BDEN PA BZHI MNGON PAR RTOGS PA'I DBANG DU BYAS PA YIN NO, , SNGA MA DE BZHIN NYID RTOGS PA'I 'O, ,DGE BA'I CHOS LA BGEGS BYED PAR GYUR PA ZHES BYA BA LA, 'DI'I MTSAN NYID NI DGE BA'I MTSAN NYID RNAM PA GNYIS PO JI SKAD SMOS PA DAG LAS BZLOG PA'I DON YIN NO, ,KHA CIG NA RE MI SDUG PA'I 'BRAS BU YONGS SU 'DZIN PA'I PHYIR DANG ZHES BYA BA LA SOGS PA GANG BSTAN PA DAG GIS CHOS KYI SGRIB PAR 'GYUR BA YIN NO ZHES BYA BA 'DI NI MTSAN NYID LHAG PA YIN NO ZHES ZER RO, ,YANG KHA CIG NA RE 'DIR DGE BA ZHES BYA BA NI DGE BA ZAG PA DANG BCAS PA LA BYA'O, ,DE LA BGEGS BYED PAR GYUR PA NI 'DOD CHAGS LA SOGS PA DAG GO, GANG DAG DE LA BGEGS BYED PAR GYUR PA DE DAG LA NI LAM GYI BGEGS CHEN PO YIN NO, ,MA RIG PA RNAM PA GNYIS TE, MI DGE BA LA 'JUG PA'I LAS CAN DANG, YANG DAG PA'I SHES PA'I BAR DU GCOD PA'I LAS CAN NO, ,DE LA DANG PO NI BGEGS BYED PAR GYUR PA DAG GI NANG DU 'DUS SO, , CIG SHOS NI SGRIB PAR GYUR PA YIN NO, ,DE NI DNGOS PO YONGS SU SHES PA'I BAR DU GCOD PA YIN TE, DE'I PHYIR DGE BA'I TSIG DAG LAS BZLOG PA NI MI DGE BA'I TSIG RNAMS YIN PAR GO RIMS BZHIN DU BSTAN TO, ,DE LTA BAS NA MI SDUG PA'I 'BRAS BU YONGS SU 'DZIN PA'I PHYIR NI DGE BA'I CHOS @113B LA BGEGS BYED PAR GYUR PA YIN LA, DNGOS PO YANG DAG PAR YONGS SU MI SHES PA'I PHYIR NI BSGRIBS PAR GYUR PA YIN NO ZHES GO RIMS BZHIN DU BSTAN TO ZHES ZER RO, ,GZHAN NI LUNG DU MA BSTAN PA'O ZHES BYA BA NI THA MAL PA'I 'JUG CING MNGON PAR 'DU BYED PA MED PA'I SPYOD LAM BYED PAS 'BREL PA'I SEMS GANG YIN PA STE, GZHAN DAG LA YANG DE BZHIN NO, ,PHYAG 'TSAL BA LA SOGS PA BYED PA'I SPYOD LAM LAS BYUNG BA DANG, GUS PAS DE BZHIN GSHEGS PA'I SKU GZUGS 'DRI BA BZO'I GNAS LAS BYUNG BA'I DGE BA YANG YOD DO, ,DE NI 'DIR MA SMOS TE, THAMS CAD DU LUNG DU MA BSTAN PA MA YIN NO ZHES BYA BA DE 'BA' ZHIG BRJOD PAR 'DOD PA'I PHYIR RO, ,BRJOD PAR 'DOD PA DE YANG RANG GI PHYOGS DAG GZHAN DU RNAM PAR GZHAG PA'I PHYIR RO, ,SPRUL PA BYED PA LAS BYUNG BA'I DGE BA NI SEMS CAN RNAMS KYI DON GYI PHYIR SANGS RGYAS LA SOGS PA'I SKU SPRUL PAR BYED PA'O, ,SEMS CAN RNAMS LA THO 'TSAMS PA NI PHYIR SRIN PO LA SOGS PA 'JIGS SU RUNG BA'I GZUGS SPRUL PAR BYED PA NYON MONGS PA CAN DE YANG YOD NA JI LTAR ZHIG YOD DE, DE NI LAS BYUNG BA YIN NO, ,'DIR NI TING NGE 'DZIN GYI 'BRAS BU YIN PAR 'DOD DO, ,GANG GI TSE RNAM PAR SMIN PA LAS BYUNG BA NI MIG GI RNAM PAR SHES PA LA SOGS PA YIN NO ZHES KYANG SMRAS NA, CI'I PHYIR RNAM PAR SMIN PA LAS BYUNG BA YANG RNAM PA GSUM YOD DO ZHES MI BRJOD CE NA, DNGOS PO MA YIN PA'I PHYIR TE, DNGOS PO NI RNAM PAR SMIN PA'I RNAM PAR SHES PA STE, 'DIR NI RNAM PAR SMIN PA KHO NA RNAM PAR SMIN PA LAS BYUNG BA YIN PAR 'DOD DE, RNAM PAR SMIN PA'I RGYU LAS BYUNG BA'I PHYIR RO, ,DE YANG KUN GZHI RNAM PAR SHES PA MA GTOGS PAR GZHAN MED PAS DE'I PHYIR NYES PA MED DO, ,YANG NI DNGOS PO MA YIN PA'I TSUL GYIS RNAM PAR SMIN PA LAS BYUNG BA RNAM PA GSUM YOD DO ZHES BRJOD PA NA YANG SU ZHIG 'GOG PAR BYED, SHES RAB KYI MIG GO ZHES BYA BA NI MIG GI RAB TU DBYE BA SPYIR BSTAN PA'I PHYIR RO, ,DE LA BRTEN PA NI GZUGS NA SPYOD PA'O ZHES BYA BA NI YUN RING DU GNAS PA'I CHOS YIN PA'I PHYIR, @114A *, ,SDUG PA ZHES BYA BA NI RTEN DU 'GYUR BA LA BYA'O, ,GNAS KYI MIG CES BYA BA NI MIG GI 'BRAS BU STE, 'JIG RTEN GYI BRDA LAS KYANG, KHYOD KYI MIG NI AUT+PAL SNGON PO'I 'DAB MA 'DRA, ,ZHES BYA BA LA SOGS PA BRJOD PA'I PHYIR RO, ,SPRUL PA'I MIG CES BYA BA NI MIG GI RTEN PHYI ROL GYI GZUGS SO, ,THOB PA ZHES BYA BA NI 'DAS PA DANG DA LTAR GYI RANG GI MTSAN NYID DO, ,MA THOB PA ZHES BYA BA NI MA 'ONGS PA'I RANG GI MTSAN NYID DO, ,YANG NA THOB PA DANG THOB PA MED PA LAS SO, ,SNGON MA THOB PA ZHES BYA BA NI SNGON MA BYUNG BA GANG YIN PA'O, ,DE LAS BZLOG PA NI SNGON THOB PA'O, , RNAM PA BCU NI MED DO ZHES BYA BA NI MDO SDE DAG LAS MA GSUNGS PA'I PHYIR RO, ,RNAM PA BCU GCIG STE ZHES BYA BA YANG MDO SDE GANG NAS GSUNGS TE, DE BSDU BA BYAS PA DE BZHIN DU RNAM PA BCU YANG BYAR RUNG BAR 'GYUR RO ZHES KHA CIG ZER NA, DE NI RIGS PA MA YIN TE, BSTAN BCOS MDZAD PA DE NYID NI BCOM LDAN 'DAS KYI GSUNG RAB MTHA' DAG RIG PA YIN PAS 'DIR NI DE TSAD MA YIN NO, ,MIG RNAM PA BCU GCIG STE ZHES BYA BA NI SKYE MCHED DRUG GI MDO LAS, MIG GANG CI YANG RUNG 'DAS PA DANG MA 'ONGS PA ZHES BYA BA LA SOGS PA NAS, DE THAMS CAD LA BDAG KYANG MED LA BDAG GI YANG MED DO ZHES BYA BAR SO SOR BRTAG PAR BYA'O ZHES BYA BA'I BAR DU GSUNGS SO, ,DE BZHIN DU GZHAN DAG GI RAB TU DBYE BA YANG MTHONG BA YIN GYI BDAG NYID THOS PA NYUNG BA YIN PAS SKYON 'DOGS PA THONG SHIG ,GSAL BA ZHES BYA BA GZUGS NA SPYOD PA RNAMS KYI'O, ,RO YOD CES BYA BA NI RDZUS TE SKYE BA MA YIN PA RNAMS KYI STE, SHI NAS RO SNANG BA'I PHYIR RO, ,RO MED PA ZHES BYA BA NI RDZUS TE SKYES PA RNAMS KYI'O, ,DBANG PO THAMS CAD KYI RJES SU 'JUG PA'I PHYIR ZHES BYA BA NI DE LA MIG LA SOGS PA DANG LHAG MA YOD PA'I PHYIR RO, ,RNAM PA GSUM STE, SEMS DANG YID DANG RNAM PAR SHES PA NI SEMS LA SOGS PA DAG NI YID KYI SKYE MCHED DU 'DUS PA'I PHYIR DE DAG NI YID KHO NA ZHES BYA'O, ,RANG GI RTEN DANG BCAS PAR SNANG BA ZHES BYA BA NI NOR BU LAS BYUNG BA'I 'OD GANG YIN PA'O, ,BDE BAR SNANG BA ZHES BYA BA NI MIG DGA' BAR BYED PA GANG YIN PA'O, ,GSAL BAR GNAS PA'O @114B ZHES BYA BA NI 'OD LA MA LTOS PAR DBYIBS KYIS RAB TU PHYE BA GANG YIN PA'O, ,GNAS SU BSDU BA ZHES BYA BA NI KHANG KHYIM DANG YANG TOG LA SOGS PA'O, ,RNAM PA BDUN TE, YONGS SU BZUNG BA RNAM PA BDUN PO DAG GI BYE BRAG GIS SO ZHES BYA BA NI BDAG DANG PHA MA LA SOGS PA GONG DU SMOS PA DAG GI'O, , RNAM PA BCU STE, YO BYAD BCU PO RNAMS SO ZHES BYA BA NI ZAS LA SOGS PA GONG DU SMOS PA DAG GO, ,BSGRIBS LA LUNG DU MA BSTAN PA ZHES BYA BA NI TSANGS PA'I 'JIG RTEN GYI STE, DE NI MI DGE BAR NGES PA'I PHYIR RO, ,SIL SNYAN GYI RNAM PA LNGA BSDUS PA STE ZHES BYA BA NI KUN DU BSGRENGS DANG, RNAM PAR BRGYUD PA DANG; KUN TU BSGRENGS SHING RNAM PAR BRGYUS PA DANG, SDUG PO DANG, SBUBS CAN NO, ,SIL SNYAN GYI SGRA DE YANG GANG DAG GIS LHAN CIG TU NYE BAR SBYOR BA DANG NGO BO NYID GANG YIN PA DE STON TO, ,'DI LTA STE 'JAM PA LA SOGS PA RNAMS LA'O ZHES BYA BA LA, MCHOD PA DANG LTUNG BA'I 'DUS TE REG PA LCI BA NYID DANG YANG BA NYID LA'O, ,BYUG NOM GYI 'DUS TE REG PA NI 'JAM PA NYID DANG RTZUB PA NYID LA'O, ,LUS 'GYUR BA'I 'DUS TE REG PA NI GRANG BA NAS BZUNG STE, MDANGS BZANG BA ZHES BYA BA'I BAR DAG LA'O, ,'THOB PA ZHES BYA BA NI SA BON MA NYAMS PA DANG YONGS SU BRTAS PA'O, ,SROG GI DBANG PO ZHES BYA BA NI LAS NGES PAR RNAM PAR SMIN PA GNAS PA'I DUS KYI 'PHEN PA'O, ,RIGS MTHUN PA ZHES BYA BA NI SEMS CAN RNAMS KYI RIGS DANG RANG BZHIN DANG SKYE GNAS LA SOGS PA 'DRA BA'O, ,SO SO'I SKYE BO NYID CES BYA BA NI MTHONG BA'I LAM GYI SA BON YANG DAG PAR MA BCOM PA'O, ,MING GI TSOGS RNAMS ZHES BYA BA NI NGO BO NYID DU BTAGS PA LAS BRTZAMS NAS JI LTAR BRDAR BYAS PA'I SGRA RNAMS TE, GZUGS DANG BUM PA LTA BU DAG GO, ,TSIG GI TSOGS RNAMS ZHES BYA BA NI DE NYID KYI NGO BO NYID LAS BTAGS PA'I YON TAN DANG SKYON LA SOGS PA RNAM PAR 'JOG PAR BYAD PA'I SGRA RNAMS SO, , YI GE'I TSOGS RNAMS ZHES BYA BA NI DE DAG LA BRTEN NAS BRJOD PA RNAMS SO, ,'JUG PA ZHES BYA BA NI RGYU DANG 'BRAS BU'I RGYUN NO, ,SO SOR NGES PA ZHES BYA BA NI CHOS RNAMS KYI RGYU DANG 'BRAS BU MA TSOL BA'O, ,'BYOR PA 'BREL BA ZHES BYA BA NI THABS SO, ,MGYOGS PA ZHES BYA BA NI MYUR BA'I @115A *, ,RNAM PA'O, ,GO RIMS ZHES BYA BA NI CHOS RNAMS RIM GYIS 'JUG PA'O, ,DUS ZHES BYA BA NI 'BYUNG BA DANG 'JIG PA'I DBANG DU BYAS NAS MTSAMS YONGS SU GCOD PA'O, ,YUL ZHES BYA BA NI PHYOGS KYI MTSAMS YONGS SU GCOD PAR BYED PA'I GZUGS GNAS PA'O, ,GRANGS ZHES BYA BA NI CHOS BGRANG BA RNAMS KYI JI SNYED YOD PA'O, ,TSOGS PA ZHES BYA BA NI RKYEN MTHA' DAG PHRAD PA'O, ,TSOGS PA MA YIN PA ZHES BYA BA NI DE LAS BZLOG PA'O, ,LHAG MA RNAMS NI CHOS MNGON PA KUN LAS BTUS PA LA SOGS PA DAG LAS 'BYUNG BA DANG MTSAN NYID 'DRA'O, ,BYE BRAG NI BRJOD PAR BYA STE; 'GOG PA'I SNYOMS PAR 'JUG PA ZHES BYA BA NI 'DIR BSKYED PAR BYA BA NYID DE, 'DI DANG GZUGS KYI KHAMS SU MNGON SUM DU BYA BA YIN NO, ,KUN GZHI RNAM PAR SHES PA RNAM PAR GZHAG NA NI GZUGS MED PA RNAMS NA YANG YOD DO, ,GAL TE LDAN PA MA YIN PA DE DAG GI RANG GI MTSAN NYID CI YANG MED PA YIN NA CI'I PHYIR DE DAG RNAM PAR GZHAG CE NA, MDO SDE DAG LAS DE DAG KUN TU THA SNYAD BTAGS PA'I PHYIR RO, ,MDO SDE LAS GANG ZAG 'DI NI DGE BA'I CHOS RNAMS DANG MI DGE BA'I CHOS RNAMS DANG LDAN PA YIN NO ZHES GSUNGS PA YOD PA DE NI SA BON LAS DGONGS TE GSUNGS PA YIN NO; ,DE LTAR CI MNGON ZHE NA DE'I PHYIR MDO SDE LAS DGE BA'I SEMS DANG LDAN PA LA SA BON MED NA JI LTAR MI DGE BA RNAMS DANG LDAN PAR 'GYUR BA ZHES GSUNGS PA'I PHYIR RO, ,GZHAN DAG 'OG NAS RGYA CHER DGOD PAR BYA'O, ,GAL TE MDO SDE DAG LAS KUN TU THA SNYAD BTAGS PA DE DAG RNAM PAR GZHAG NA 'DU BA LA SOGS PA DE DAG KYANG CI'I PHYIR MA GSUNGS TE, 'DI LTAR MDO SDE LAS GZHAN DU BA'I 'DU BA LA DANG 'BRAL BA YANG NI DE BZHIN NO ZHES BYA BA LA SOGS PA GSUNGS SO ZHE NA, GSUNGS SU ZIN KYANG 'GAL BA CI YANG MED DO, ,'O NA CI'I PHYIR DE TZAM ZHIG GSUNGS SHING CI'I PHYIR BTAGS PA YOD PA YIN PAR 'DOD CE NA, DE GNYIS NI YID KYIS RNAM PAR GTAN LA DBAB PA NAS BRJOD PAR BYA'O, ,MI G-YO BA ZHES BYA BA NI BSAM GTAN BZHI PA LA BDE BA DANG SDUG BSNGAL 'GAG PA'O, ,'DU SHES DANG TSOR BA 'GOG PA'O ZHES BYA BA NI SNYOMS PAR 'JUG PA'I RNAM PAR @115B SHES PA 'GOG PA'O, ,DE DAG NI BRGYAD LAS KYANG DRUG TU 'GYUR RO ZHES BYA BA NI DE BZHIN NYID GSUM PO DAG MA PHYE NA'O, ,GZUGS CAN MA YIN PA DANG LDAN PA MA YIN PA DGAG PA'I CHOS SU BSDUS PA ZHES BYA BA NI GZUGS NYID TZAM DGAG PA'I PHYIR GZUGS CAN MA YIN PA ZHES BYA BAR ZAD KYI, 'DI LTAR LDAN PA MA YIN PA NI GZUGS LA SOGS PA'I BYE BRAG DAG LA MTSAN NYID GNYI GAR YANG MI DGAG GO, ,RNAM PA DGU STE, 'DAS PA DANG MA 'ONGS PA LA SOGS PA'I BYE BRAG GIS SO ZHES BYA BA NI NANG DANG PHYI GNYI GA MA GTOGS PA RNAM PAR RIG BYED MA YIN PA'I CHOS DANG DE BZHIN NYID DO, ,RNAM PA BCU NI RNAM PA BCU'I PHYIR TE ZHES BYA BA LA, CHOS KYI KHAMS RNAM PA BCU NI GZUGS DANG, TSOR BA DANG, 'DU SHES DANG, SEMS PA RNAMS GCIG TU BYAS PA DANG, LDAN PA MA YIN PA'I TSIG RNAMS GCIG TU BYAS PA DANG, NAM MKHA' DANG SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, DE BZHIN NYID GSUM DANG, MI G-YO BA DANG, 'DU SHES DANG, TSOR BA 'GOG PA RNAMS TE GO RIMS BZHIN DU SBYAR RO, ,MI RTAG PA DANG MA BRAL BA'I DON ZHES BYA BA NI CHOS GANG RKYEN MA TSANG BAS MA BYUNG BA DE DANG 'DRA BA'I TSOGS PA LA BRTEN NAS 'BYUNG BA STE, DE'I PHYIR MI RTAG PA DANG MA BRAL BA'I NGO BO NYID NI SO SOR BRTAGS PA MA YIN PA'I 'GOG PA YIN NO, ,TSOR BA DANG BRAL BA MA YIN PA'I DON ZHES BYA BA NI BTANG SNYOMS YOD PA'I PHYIR RO, ,'DI LA GRAG PA RNAMS DMIGS SHING 'DI LA GRAG PA RNAMS DMIGS PAS NA RNA BA'O ZHES BYA BA LA, GRAG PA RNAMS ZHES BYA BA NI SKYE BO BRJOD PA'O, ,LUS 'DI NI DBANG PO ZAD PAR GYI RJES SU SONG BAS NA LUS SO ZHES BYA BA LA, LUS ZHES BYA BA NI BSAGS PA'O, ,YUN RING PO NAS 'DI BYIS PA RNAMS KYIS BCOS SHING BSRUNGS LA BDAG GIR GZUNG STE ZHES BYA BA'I TSIG RNAMS NI BYI DOR BYA BA'I PHYIR BA DANG; GNOD PA LAS YONGS SU BSRUNG BA'I PHYIR BA DANG, 'JIG TSOGS LA LTA BA'I GNAS YIN PA'I PHYIR RO, ,YUL DE DANG DER BRTAG PAR BYA BAR RUNG BA DANG ZHES BYA BA NI YUL LA SOGS PAR BRTAG TU RUNG BA'I PHYIR RO, ,SKYE BA LA ZHES BYA BA NI YUL MNAN NAS 'BYUNG BA'O, ,'DI LA SMRA BA SNA @116A *, ,TSOGS GNAS PAS DE'I PHYIR SMRA BA ZHES BYA BA LA, GNAS PA ZHES BYA BA NI SO SOR GNAS PA'O, ,PHUNG PO LA MKHAS PA YANG BSDUS PAR RIG PAR BYA'O ZHES BYA BA NI PHUNG POR BSDUS PA'I CHOS RNAMS KYI BYE BRAG LA DMIGS PA'I SHES RAB NGES PA NI NGO BO NYID KYIS PHUNG PO LA MKHAS PA YIN NO, ,MKHAS PA DE RNAMS KYANG LOG PAR 'DZIN PA DRUG PO RIL POR 'DZIN PA DANG, 'BYIN PA POR 'DZIN PA DANG, CHOS BCU GNYIS KYI RNAM PA LAS LHAG PAR 'DZIN PA DE'I PHYIR BCOM LDAN 'DAS KYIS BRAM ZE THAMS CAD CES BYA BA NI SKYE MCHED BCU GNYIS PO RNAMS SO ZHES GSUNGS PA DANG, GANG ZAG 'JIG RTEN GNYIS SU 'PHO BAR 'DZIN PA DANG, CHOS RNAM PAR GNAS PA MED PAR 'DZIN PA DANG, YUL GYI LONGS SPYOD LA DBANG BYED PA BDAG YIN PAR 'DZIN PA RNAMS RNAM PAR GZHIG PA'I PHYIR RNAM PAR GZHAG GO, ,YANG GCIG TU NA LTA BA DRUG YONGS SU SHES PAR BYA BA'I PHYIR TE, 'JIG TSOGS LA LTA BA DANG, GTZO BOR LTA BA DANG, LONGS SPYOD GNYIS KYI RGYU BA DAG YIN PAR LTA BA DANG, YONGS SU 'GYUR BAR BYED PA PO YIN PAR LTA BA DANG BDAG RANG DBANG YIN PAR LTA BA DANG, CHOS BDAG PO MED PAR 'JUG PAR LTA BA YONGS SU SHES PAR BYA BA'I PHYIR RO, ,SANGS RGYAS BKA' DNGOS PO DGU YANG BSDUS PAR RIG PAR BYA STE ZHES BYA BA LA, SANGS RGYAS KYI BKA' DNGOS PO DGU NI PHUNG PO'I RGYUD DU GTOGS PA LAS PHUNG PO GCIG GO, ,SKYE MCHED DRUG LAS KYANG GCIG GO, ,BZHI DANG LDAN PA LAS NI DNGOS PO BZHI'O, ,NYAN THOS KYI BSHAD PA DANG, BCOM LDAN 'DAS KYIS GSUNGS PA LAS KYANG GCIG GO, ,LAM GYI SDE CHEN LAS NI DNGOS PO GNYIS TE, DE DAG KYANG GO RIMS BZHIN DU SBYAR RO, ,'KHOR GYI LONGS SPYOD NI 'KHOR BRGYAD DE ZHES BYA BA LA 'KHOR BRGYAD PO DAG NI GTZO BO RNAM PA LNGA'I PHYIR RNAM PAR GZHAG STE, RIGS PA DANG, NOR DANG, DKA' THUB DANG, LONGS SPYOD DANG, DE LA 'DOD CHAGS DANG BRAL BA'I PHYIR RO; ,DE LA RIGS NI RES 'GA' NI 'JIG RTEN NA RGYAL RIGS BTZUN PAR BYED, RES 'GA' NI BRAM ZE BTZUN PAR BYED PA'I PHYIR RNAM PA GNYIS SO, ,NOR NI KHYIM BDAG GO, ,DKA' THUB NI DGE SBYONG NGO, ,LONGS SPYOD NI SA'I STENG DANG, RTZE MO DANG, GZHAL MED KHANG DAG NA GNAS PA RNAMS KYI MCHOG YIN PA'I @116B PHYIR RNAM PA GSUM MO, ,DE LA 'DOD CHAGS DANG BRAL BA NI TSANGS PA'O, ,'DUS PA DANG NI TSOGS RNAMS DANG, ,DUS DANG MTSAN NYID RKYEN RNAMS DANG, ,DGE BA LA SOGS RAB DBYE DANG, ,MKHAS PA DNGOS PO THA MA YIN, ,ZHES BYA BA NI SDOM GYI TSIGS SU BCAD PA YIN TE, GZHUNG LAS DE LA RE ZHIG GZUGS 'DUS PA LA ZHES BYA BA LA SOGS PA DANG, DE LA SEMS DANG SEMS LAS BYUNG BA'I TSOGS LA ZHES BYA BA LA SOGS PA DANG, DE LA DUS GSUM RNAM PAR GZHAG PA JI LTA BU YIN ZHE NA ZHES BYA BA LA SOGS PA DANG, SKYE BA DANG RGA BA DANG GNAS PA DANG, MI RTAG PA NYID JI LTAR RNAM PAR GZHAG CE NA ZHES BYA BA LA SOGS PA DANG, RKYEN NI BZHI STE ZHES BYA BA LA SOGS PA DANG, DGE BA DANG MI DGE BA DANG LUNG DU MA BSTAN PA ZHES GANG BSTAN PA LA DE DAG GI RAB TU DBYE BA GANG ZHE NA ZHES BYA BA LA SOGS PA DANG, DE LA RNAM PAR SHES PA'I TSOGS DRUG GI CHOS LNGA PO NGO BO NYID DANG GNAS DANG DMIGS PA DANG GROGS DANG LAS 'DI DAG GIS NI PHUNG PO LA MKHAS PA YANG BSDUS PAR RIG PAR BYA'O ZHES BYA BA LA SOGS PA SMOS PA RNAMS DANG GO RIMS BZHIN DU SBYAR RO, ,RNAL 'BYOR SPYOD PA'I SA LAS YID KYIS RNAM PAR BSHAD PA RDZOGS SO,, ,,RTOG PA DANG BCAS SHING DPYOD PA DANG BCAS PA'I SA NI GANG; RTOG PA MED LA DPYOD PA TZAM GYIS NI GANG, RTOG PA YANG MED LA DPYOD PA YANG MED PA'I SA NI GANG ZHE NA ZHES BYA BA LA, CI'I PHYIR GSUM PO DAG GCIG TU BYAS SHE NA, KHAMS LA SOGS PA RNAM PAR GZHAG PA LA KHAMS GCIG NA YANG 'DREN MAR YOD PA'I PHYIR RO, ,TSUL BZHIN YID LA BYED PA RNAM PAR GZHAG PA LA SOGS PA DAG LA YANG DON GYI KHYAD PAR GYI GZHI MTHUN PA'I PHYIR TE, BYE BRAG DBYE BAR MI NUS PA'I PHYIR RO, ,KHAMS NI GSUM STE, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS TE ZHES BYA BA LA, 'DOD PA NI 'KHRIG PA'I 'DOD CHAGS SO, ,DE DANG LDAN PA'I KHAMS NI 'DOD PA'I KHAMS YIN TE, NA LE SHAM GYI BTUNG BA BZHIN NO, ,GZUGS KYI KHAMS KYANG DE 'DRA'O, ,RTAG TU MED PAR GZUGS MED PA'O, ,DE DANG LDAN PA'I PHYIR TE SNGA MA BZHIN NO, ,YANG NA 'DOD PA NI ZHING LA SOGS PA STE, JI SKAD DU DON GYI SDE TSAN DANG MTHUN @117A *, ,BA DAG LAS, ,ZHING DNGOS DBYIG DANG BA LANG DANG, ,RTA DANG NOR BU GDUB KOR DANG, ,BUD MED BRAN GYI MDANGS NGAN LA, ,STOBS MED PA'AM STOBS LDAN PA'I, ,MI GANG MNGON PAR CHAGS BYED PA, ,DE NI YONGS SU ZAG PAS NON, ,ZHES GSUNGS PA LTA BU'O, ,DE BZHIN DU, GAL TE ZAS DANG SKOM DANG DE BZHIN RO DAG GI ,'DOD PA DE LA KHYOD YID DGA' BAR MI BYED PA, ,ZHES KYANG GSUNGS SO, ,GZUGS DANG LDAN PA DANG, SNYOMS PAR 'JUG PA DANG LDAN PA'I KHAMS YIN PA LAS BAR GYI TSIG MI MNGON PAR BYAS PA'I PHYIR RO, ,DE NA GZUGS MED PAS GZUGS MED PA RNAMS TE, LHAG MA NI SNGA MA BZHIN NO, ,THABS DANG BCAS PAS 'JIG TSOGS 'GOG PA ZAG PA MED PA'I KHAMS SPROS PA MED PA ZHES BYA BA NI LAM DANG BCAS PA'I MYA NGAN LAS 'DAS PA LA BYA'O, ,'BA' ZHIG GIS DE BSGOMS NA TSANGS PA CHEN PO NYID 'THOB BO ZHES BYA BA NI BSAM GTAN KHYAD PAR CAN LA SGOM PA NI MANG MOD KYI DE BDAG POR 'GYUR BA'I PHYIR 'KHOR LOS SGYUR BA BZHIN DU DER GNYIS MI 'BYUNG BA'I PHYIR RO, ,KHA CIG NA RE SKYE BA NI MANG MOD KYI DE DAG GI NANG GI 'GA' ZHIG GIS PHUL DU BSGOM PA'I PHYIR KHRUN LA SOGS PA'I KHYAD PAR THOB PA YIN NO ZHES ZER RO, ,MAN NGAG YID LA BYED PA'I KHYAD PAR GYIS ZHES BYA BA NI RNAL 'BYOR PA RNAMS KYI MAN NGAG GI STOBS LAS RTOG PA LA SOGS PA GSUM 'BYIN PA LA 'JUG CING DON TZAM LA DMIGS PA SBYOR BA LAS BYUNG BA'I TSIG NYID YID LA BYED PA'I KHYAD PAR YIN NO, ,YANG DON GZHAN MAN NGAG GI KHYAD PAR DANG, YID LA BYED PA'I KHYAD PAR LAS TE, MAN NGAG GI KHYAD PAR NI NYES PAR GNAS PA LAS BYUNG BA'I RNAM PAR SHES PA RNAMS DANG MTSUNGS PAR LDAN PA STE, DE LA DE DAG MED PA'I PHYIR RO, ,MIG GI RNAM PAR SHES PA LA SOGS PA GZHAN DAG LA NI YID KYI RNAM PAR SHES PAS 'PHAGS PA'I PHYIR DE DAG LA YOD DO, ,'DI LTAR 'OG NAS KYANG GAL TE RTOG PA DANG BCAS SHING DPYOD PA DANG BCAS PA'I MIG LA SOGS PA'I RNAM PAR SHES PA MNGON SUM DU BYED PA NA SA DE JI LTAR RTOG PA MED CING DPYOD PA MED PA YIN PAR 'GYUR ZHES 'BYUNG BA'I PHYIR RO, ,'DI LTA STE, ,DER SKYES PA RNAMS ZHES BYA BA NI BSAM GTAN GNYIS PA LA SOGS PAR SKYES PA RNAMS KYIS SANGS RGYAS LA PHYAG 'TSAL LO ZHES BYA BA LA @117B SOGS PA'I RNAM PAR SHES PA YOD NA'O, ,KHA CIG GIS SMRAS PA, DE NI SA 'OG MA PA YIN PAR YANG MI RIGS TE, DE DGE BA YIN PA'I PHYIR RO, ,RANG GI SA PA'I YANG MA YIN TE, RTOG PA DANG DPYOD PA'I 'DOD CHAGS DANG BRAL BA'I PHYIR RO ZHE NA, SA 'OG MA PA'I DGE BA MNGON SUM DU BYED DO ZHES BYA BA DE LA RIGS PA CI YOD, GAL TE DGOS PA MED PA'I PHYIR RO ZHE NA, DGOS PA MNGON SUM DU BYED PAR 'GYUR TE, DPER NA MA BSGRIBS LA LUNG DU MA BSTAN PA BZHIN NO, ,RANG GI SA PA'I YANG MA YIN TE, 'DOD CHAGS DANG BRAL BA'I PHYIR RO ZHES GANG SMRAS PA DE LA YANG KHA CIG NA RE DE SNYOMS PAR 'JUG PA'I 'BRAS BU YIN NO ZHES SUS SMRAS TE, 'ON KYANG DE NI SBYOR BAS BSKYED PA YIN TE, DPER NA 'DOD PA'I KHAMS KYIS NI RTOG PA DANG BCAS SHING DPYOD PA DANG BCAS PA NYID YIN YANG RTOG PA MED CING DPYOD PA YANG MED PAR 'GYUR RO ZHES BYA BA BZHIN DU RANG GI SA PA NYID YIN YANG NYES PA MED DO, ,SPANGS PA ZHES BYA BA'I TSIG NI KHA CIG SPANGS PA'I PHYIR TE, 'DOD CHAGS DANG BRAL BA ZHES BYA BA'I TSIG BZHIN NO ZHES ZER RO, ,YANG KHA CIG NA RE SA 'OG MA PA'I KHO NA YIN TE, SPANGS PA ZHES BYA BA'I TSIG NI 'DUN PA'I 'DOD CHAGS SPANGS PA'I PHYIR TE, NGO BO NYID SPANGS PA NI MA YIN NO ZER RO, ,LHAG MA RNAMS NI SNGA MA BZHIN NO ZHES BYA BA NI RTOG PA MED LA DPYOD PA TZAM GYI SA LA SOGS PA DAG GO, ,SEMS CAN DMYAL BA CHEN PO'I GNAS BRGYAD LA ZHES BYA BA LA, SEMS CAN DMYAL BA ZHES BYA BA NI SMAD PA'I MI RNAMS TE, DE DAG GANG DU GNAS PAR BYA BA DE YANG DE'I SGRAR BRJOD DO, ,DPER NA ZLA BA BZHIN NO, ,YANG NA DER SKYES PA RNAMS LA DE DAG GI BSOD NAMS BDE BA MI SBYIN MI STER BAS NA SEMS CAN DMYAL BA RNAMS ZHES BYA BA STE, DE NYID GNAS PA YIN PA'I PHYIR SEMS CAN DMYAL BA'I GNAS RNAMS ZHES BYA'O, ,DUD 'GRO ZHES BYA BA NI DUD DE 'GRO BA'I PHYIR RO, ,YI DAGS ZHES BYA BA NI BKRES PA'I SDUG BSNGAL CHEN PO THOB PA'I PHYIR RO, ,YANG NA DE NA SIM PAS TSIM PAR BYED PA'I DON MED PA LA BYA'O, ,LHAG MA YIN ZHES BYA BA NI SMAD PA'I LHA RNAMS TE, DPER NA CHUNG MA NGAN MA ZHES BYA BA DANG 'DRA'O, ,'OG NAS DE DAG NI LHA NYID YIN NA LHA'I CHOS YANG DAG PAR BLANGS TE GNAS @118A *, ,PA MA YIN PAS LHA MA YIN ZHES BYA BA'O ZHES 'BYUNG BA'I PHYIR RO, ,LHA RNAMS ZHES BYA BA NI LONGS SPYOD RAB MCHOG DAG DANG, SNYOMS PAR 'JUG PA RNAMS KYIS RTZE BAR BYED PA'I PHYIR RO, ,YANG NA RTZED MOS RTZE LA SOGS PA DAG KYANG CI RIGS SU BRJOD PAR BYA'O, ,MI RNAMS ZHES BYA BA NI SHED LAS SKYES PA'I PHYIR TE, DE'I DNGOS PO 'DOD PAR BYA BA YIN PA'I PHYIR RO, ,YANG NA DE DAG GIS THOS PA DANG LDAN PA RNAMS KYI YID LA RJOD PAR BYED PAS NA MI RNAMS ZHES BYA'O, ,RGYAL CHEN BZHI'I RIS ZHES BYA BA LA, RGYAL PO CHEN PO DAG GI RIS YIN TE, DE NI DE DAG GI LHA YIN PA'I PHYIR RO, ,SUM CU RTZA GSUM NA GNAS PA RNAMS TE, DE DAG KYANG DAM PA'I CHOS DRAN PA NYE BAR GZHAG PA LA SOGS PA DAG LAS GSUNGS PA YIN NO, ,YANG NA 'JIG RTEN PA'I MING DANG RJES SU MTHUN PAR BYA BA'I DE DAG GI SDE TSAN GYI GRANGS SUM CU RTZA GSUM YOD PA'I PHYIR TE, 'JIG RTEN PA NA RE NOR LHA BRGYAD DANG, NYI MA BCU GNYIS DANG, DRAG PO BCU GCIG DANG, THA SKAR GYI BU GNYIS KYI SDE TSAN YOD PA LA BYA'O ZHES ZER RO, ,'THAB BRAL RNAMS ZHES BYA BA NI MDO SDE LAS DE DAG LA MEL TSE'I THUN RE RE ZHING BYA'I RGYAL PO RNAMS KYIS MI RTOG PA SGROGS PAR BYED DO ZHES JI SKAD GSUNGS PA'I PHYIR RO, ,DGA' LDAN RNAMS ZHES BYA BA NI DGA' BA'I DGA' BDE THOB PA'I PHYIR RO, ,'PHRUL DGA' RNAMS ZHES BYA BA NI 'DOD PA SPRUL NAS DGA' BA STON PA'I PHYIR RO, ,GZHAN 'PHRUL DBANG BYED RNAMS ZHES BYA BA NI GZHAN DAG GIS SPRUL PA'I YUL RNAMS LA DBANG BYED PA'I PHYIR RO, ,GNAS BRTAN MOOD GAL GYI BUS JI SKAD NGAS SEMS CAN 'BAR ZHING RAB TU 'BAR LA KUN TU RAB TU MCHED CING 'BAR TE ME LCE GCIG TU GYUR PA MTHONG NGO ZHES BYA BA LA SOGS PA GSUNGS PA LTA BU'O ZHES BYA BA NI RGYAL PO'I KHAB KYI NAM MKHA' LA MTHONG BA'I PHYIR RO ZHES KHUNGS BSTAN PA'O, ,BSAM GTAN DANG PO CHUNG NGU DANG 'BRING DANG CHEN POR YONGS SU BSGOMS PAS ZHES BYA BA LA SOGS PA LA, GAL TE TSANGS PA CHEN PO YANG BSAM GTAN DANG PO'I 'BRAS BU YIN NA 'O NA BSAM GTAN KHYAD PAR CAN GYI 'BRAS BU GANG YIN ZHE NA, DE'I 'BRAS BU GNAS GZHAN YON TAN MCHOG TU GYUR PA NA TSANGS PA CHEN PO RNAMS SU GTOGS PA KHO NA YIN TE, GRONG DANG LAS DGON PA'I GNAS @118B BZHIN DU MNGON PAR GRUB PA YIN PAS GANG DU DE BSGOMS NA TSANGS PA CHEN PO LA SOGS PAR SKYE BAR 'GYUR BA'O, ,'O NA BSAM GTAN DANG PO LAS KHYAD PAR DU 'PHAGS PAR GYUR PAS DE'I 'BRAS BUS GZHAN KHO NA ZHIG THOB PAR 'GYUR RO, ,BSAM GTAN GNYIS PA'I SA LTA NGUR JI LTAR MI 'GYUR ZHE NA, BSAM GTAN BZHI'I RNAM PAR GZHAG PA LA BSAM GTAN DANG POR 'DUS PA'I PHYIR GTAN TSIGS MA GRUB PA YIN NO, ,GANG TSE DANG LUS DANG SPANGS PA LA SOGS PA 'BRAS BU'I BYE BRAG YOD PA'I PHYIR GSAM GTAN KHYAD PAR CAN NI BSAM GTAN DANG PO LAS GZHAN YIN NO ZHES ZER BA DE LTAR NA TSANGS PA'I MDUN NA 'DON RNAMS KYANG TSANGS RIS RNAMS LAS TSE DANG LUS LA SOGS PA'I BYE BRAG YOD PA'I PHYIR BSAM GTAN DANG PO'I 'BRAS BUR MI 'GYUR RO, ,GZUGS KYI KHAMS KYI RNAM PAR GZHAG PA NI BSAM GTAN DANG POR SKYES PA RNAMS NI SDIG PA'I CHOS BSAL BA'I PHYIR TSANGS PA RNAMS ZHES BYA STE, DE DAG SDIG PA'I CHOS SPONG BA LA SPYOD PA'I PHYIR RO, ,'OD CHUNG LA SOGS PA GONG MA NI MED DE, SPANGS ZIN PA'I PHYIR RO, ,BSAM GTAN GNYIS PA LA NI 'OD CES BYA BA 'PHEL BAS RAB TU PHYE BA YIN NO, ,BSAM GTAN GSUM PA NI DGE ZHES BYA BA BDE BA'I SNYING POS RAB TU PHYE BA YIN TE, DE NI RAB TU ZHI BA YIN PA'I PHYIR DGE ZHES BYA'O, ,BSAM GTAN BZHI PA LA NI GZUGS CAN RNAMS LAS YON TAN MCHOG TU GYUR PAS RAB TU PHYE BA YIN TE, DE DAG KYANG 'JUG PA'I PHYOGS LAS BRTZAMS NAS GSUM MO, ,LDOG PA'I PHYOGS LAS BRTZAMS NAS LNGA'O, ,GNYI GA LA MI GNAS PA LAS BRTZAMS NAS NI GCIG GO, ,YANG NA MA DAG PA DANG DAG PA DANG 'DRES PA DANG DAG PA LAS BRTZAMS NAS SNGA MA BZHIN NO, ,DE LA TSANGS RIS RNAMS ZHES BYA BA LA, RIS NI TSOGS LA BYA STE TSANGS PA RNAMS KYI RIS NI, TSANGS PA'I 'KHOR RO, ,DE YOD PA'I PHYIR TSANGS RIS RNAMS ZHES BYA STE, DPER NA DBYUG PA CAN ZHES BYA BA DANG 'DRA'O, ,TSANGS PA'I MDUN NA 'DON RNAMS ZHES BYA BA NI TSANGS PA'I MDUN NA 'DON PAR GYUR PAS NA TSANGS PA'I MDUN NA 'DON RNAMS ZHES BYA'O, ,TSANGS CHEN PA RNAMS ZHES BYA BA NI TSANGS PA PHAL DAG LAS MCHOG TU GYUR PA'I PHYIR TSANGS PA CHEN PO RNAMS ZHES BYA'O, ,'OD @119A *, ,CHUNG RNAMS ZHES BYA BA LA SOGS PA NI 'OD KYI KHYON DANG GSAL BA DAG CHUNG BA'I PHYIR DANG, KHYON TZAM YOD PA'I PHYIR BA DANG, KUN NAS GSAL BA'I DON GYIS GNYIS YOD PA'I PHYIR TE, GO RIMS BZHIN DU SBYAR RO, ,DGE CHUNG RNAMS DANG ZHES BYA BA LA SOGS PA DAG LA YANG DE BZHIN DU SBYAR RO, ,SPRIN MED RNAMS ZHES BYA BA NI DE DAG GI GNAS GZHAN BSAM GTAN LAS BYUNG BA SPRIN LTA BU MED PA'I PHYIR RO, ,BSOD NAMS SKYES RNAMS ZHES BYA BA NI DE'I BYAMS PA PHUL DU BYUNG BAS BSOD NAMS MCHOG GI SKYES PA LA BYA'O, ,'BRAS BU CHE BA RNAMS ZHES BYA BA NI 'BRAS BU'I MCHOG YIN PA'I PHYIR RO, ,MI CHE BA RNAMS ZHES BYA BA NI BSAM GTAN SPEL BA BSGOM PA CHUNG BA'I PHYIR ZAG PA DANG BCAS PA'I BSAM GTAN CHUNG ZHING MI BRTAN PA LA BYA'O, ,MI GDUNG BA RNAMS ZHES BYA BA NI 'GYOD PA MED PA'I PHYIR RO, ,GYA NOM SNANG BA RNAMS ZHES BYA BA NI LUS NYE BAR ZHI BA'I PHYIR BDE BA LA SNANG BAR BYA'O, ,SHIN TU MTHONG BA RNAMS ZHES BYA BA NI MTHONG BA SHIN TU DAG PA'I PHYIR RO, ,'OG MIN RNAMS ZHES BYA BA NI DE DAG CHU ZHENG LA SOGS PA YON TAN RNAMS KYIS GANG GI 'OG TU'ANG GYUR BA'I PHYIR 'OG MIN RNAMS ZHES BYA'O, ,DBANG PHYUG CHEN PO ZHES BYA BA NI CHOS KYI DBANG PHYUG THOB PA'I PHYIR RO, ,SA BCU YONGS SU BSGOMS NAS GANG DU SKYE BA'O ZHES BYA BA NI DE NA ZAG PA DANG BCAS PA YIN PAS SO, ,YANG NA GNAS GZHAN CI YANG MED PA YANG YIN NO ZHES BYA BA NI GZUGS CAN MA YIN PA RNAMS LA NI YUL NA GNAS PA MED PA'I PHYIR RO, ,'O NA DE DAG GI GONG MA DANG 'OG MA YANG JI LTAR RUNG ZHE NA, SEMS CAN RNAMS KYI TSE LA SOGS PA 'BRAS BU'I KHYAD PAR DANG, 'DOD CHAGS DANG BRAL BA'I KHYAD PAR DANG, SNYOMS PAR 'JUG PA'I KHYAD PAR YOD PA'I PHYIR RO, ,GZUGS MED PA'I KHAMS NI GNAS GZHAN BZHI PO RNAMS SO ZHES BYA BA LA, KHA CIG NA RE GZUGS MED PA'I KHAMS NI SNOD NA YOD DE, SNOD RNAMS NI SEMS CAN MTHA' DAG GI THUN MONG GI LAS KYIS MNGON PAR GRUB PA'I PHYIR RO, ,SEMS CAN RNAMS NI GZUGS MED DE, GZUGS KYI 'DU SHES DANG BRAL BA'I SNYOMS PAR 'JUG PA'I 'BRAS BU YIN PA'I PHYIR TE, DE'I PHYIR YANG NA @119B GNAS GZHAN CI YANG MED PA YANG YIN NO ZHES SMOS PA YIN NO ZHES ZER RO, ,DE NI GNAS BRTAN DGE 'DUN PHAL CHEN SDE'I DRIN YIN TE, GNAS GZHAN RNAM PAR GZHAG PA'I SKABS YIN PA'I PHYIR DANG, YANG NA GNAS GZHAN CI MED PA YANG YIN NO ZHES KYANG MGUR NAS GSUNGS PA'I PHYIR KHO BO CAG LA BRTZAD PAR MI NUS SO, ,MDO'I KHUNGS KYANG GSAL BAR BSTAN PA 'DI LA YANG GSAL BA'I PHYIR GZHAN DRANG BA YIN GRANG, MI RNAMS KYI LO LNGA BCU GANG YIN PA DE NI RGYAL CHEN BZHI'I RIS KYI LHA RNAMS KYI NYIN ZHAG GCIG GO ZHES BYA BA NI RTZI SLA BAR BYA BA'I PHYIR NYI MA'I 'GROS LAS YONGS SU BGRANG BA'O, ,TSANGS RIS PA'I SEMS CAN RNAMS KYI TSE TSAD NI BAR GYI BSKAL BA NYI SHU LA BSKAL PA GCIG TU BGRANG BA'I BSKAL PA GCIG GO ZHES BYA BA NI MNYAM PAR BGRANG BA'I PHYIR RO, ,BSKAL PA GCIG GO ZHES BYA BA'I TSIG NI MDO SDE LAS GSUNGS PA'I PHYIR RO, ,DE LA MI RNAMS DANG DUD 'GRO DANG YI DAGS RNAMS KYI LUS NI ROR GYUR TE 'DUG GO ZHES BYA BA NI SRID PA'I DBANG DU BYAS PA STE, ,RDZUS TE SKYES PA RNAMS LA DE MED PA'I PHYIR RO, ,LHA RNAMS NI 'CHI 'PHO DANG LTUNG BA'I SDUG BSNGAL NYAMS SU MYONG BAR 'GYUR RO ZHES BYA BA NI 'DOD PA NA SPYOD PA RNAMS SO, ,LAS KYI DBANG GIS SKYES PA'I MTSON CHA RNAM PA SNA TSOGS RIM GYIS 'BYUNG BA DAG GIS GCIG LA GCIG SNUN PAR BYED DO ZHES BYA BA LA, RIM GYIS 'BYUNG BA ZHES BYA BA NI RGYANG RING BA LA NI MDA' GZHU RNAMS SO, ,DE LAS THAG NYE BA LA NI MDUNG THUNG RNAMS SO, ,SHIN TU THAG NYE BA'I BAR DAG LA NI CHU GRI RNAMS SO, ,DES SEMS CAN DE DAG LCAGS KYI SA GZHI LA KUN TU GCOD CING KUN TU 'BYED PA ZHES BYA BA NI YAN LAG GNYIS SU MED PA DANG, GSHEGS PAR BYED PA STE GNYIS SU BYED PA STE GNYIS KYANG KHAM BU DANG DUM BU DANG DUM BU DUM BUR BYED PA LA BYA'O, ,LCAGS KYI THO BA TSA ZHING KUN TU RAB TU 'BAR BA DAG GIS RDUNG ZHING KUN TU RDUNG LA DMYAL ZHING KUN TU DMYAL LO ZHES BYA BA LA, DMYAL ZHING ZHES BYA BA NI MA LUS 'THAG PA LA BYA'O, ,DE DAG DE NA SDUG BSNGAL MYONG BAR SKABS KYANG MED DE ZHES BYA BA LA, BAR SKABS ZHES BYA BA NI MNGA' ZHES BYA BA'I THA TSIG STE, JI SKAD DU 'DUL BA LAS SPANG BA BYAS NAS CHOS GOS SBYIN BAR BYA'O ZHES GSUNGS PA @120A *, ,LTA BU'O, ,'ON KYANG BDAG CAG NI BKRES SO ZHES BYA BA'I TSIG NI 'DI'I 'DU SHES KYI RJES SU 'JUG PA'O, ,LHAG MA GCIG TU BSDUS PA NI ZHES BYA BA NI LCAGS KYI RAB TU 'DRA BA YIN PAR CHOS MTHUN PA'I PHYIR RO, ,'DI LTA STE MDO LAS DPAL LDAN GYIS DRIS PA NA MOOD GAL GYI BUS RGYAS PAR BRJOD PA BZHIN TE ZHES BYA BA NI DPAL LDAN GYIS BTZUN PA MOOD GAL GYI BU CHEN PO DANG SNGA DRO BDAG SHAM THABS DANG CHOS GOS BGOS TE LHUNG BZED THOGS NAS RGYAL PO'I KHAB TU BSOD SNYOMS KYI PHYIR BYA RGOD PHUNG PO'I RI LAS BABS PA DANG, DE NAS BTZUN PA MOOD GAL GYI BU CHEN PO PHYOGS SHIG NA 'DZUM PA MDZAD PAR GYUR NA, BTZUN PA 'DZUM PA MDZAD PA DE'I RGYU NI GANG LAGS, RKYEN NI GANG LAGS ZHES ZHUS PA DANG, TSE DANG LDAN PA DPAL LDAN KHO BOS SEMS CAN KHANG PA BRTZEGS PA TZAM ZHIG NYAM THAG PA'I NGA ROS NGU ZHING SDUG BSNGAL MI BZAD PA DRAG PA NYAMS SU MYONG ZHING STENG GI NAM MKHA' LAS 'ONG BA MTHONG NGO, ,MTHONG NAS KYANG KHO BO 'DI SNYAM DU, DE LTA BU'I SEMS CAN, DE LTA BU'I GNOD SBYIN, DE LTA BU'I LUS THOB PA, DE LTA BU'I SDUG BSNGAL ZHES BYA BA LA SOGS PAR SEMS SO ZHES RGYA CHER 'BYUNG BA'O, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I NYAN THOS MIG TU GYUR PA GNAS PA NI LEGS SO LEGS SO ZHES BYA BA LA SOGS PA DANG, DGE SLONG DAG SEMS CAN DE NI SNGON RGYAL PO'I KHAB 'DI NYID NA BA LANG GSOD PAR GYUR TE, DE'I LAS KYI RNAM PAR SMIN PAS LO MANG POR ZHES BYA BA LA SOGS PA GSUNGS PA DANG, MDO SDE DE NYID LAS GSUNGS PA'I KHYAD PAR 'DI YIN TE, RUS GONG DRI MA DAG LA BYA ROG LA SOGS PAS 'THOG PA DAG MTHONG STE, MI DE NI BA LANG GSOD PA'I SLOB MA YIN NO ZHES BYA BA'I BAR DANG, DE BZHIN DU THAL GONG GI STENG DANG, KHA DANG SNA DAG LA BYA ROG LA SOGS PAS 'THOG PA DE NI GSOD PA'I GSHED MA YIN NO ZHES BYA BA DANG, LCAGS KYI DRA BA 'BAR BAS DKRIS PA DE NI NYA PA YIN NO ZHES BYA BA DANG, RLIG PA RDZA MA TZAM DE NI GZHAL BLUGS SGYU BYED PA YIN NO ZHES BYA BA LA SOGS PA GSUNGS PA LA BYA'O, ,LCES LDAG PA ZHES BYA BA NI LCES YANG DANG YANG DU MCHU GNYIS LA BLDAG PAR @120B BYED PA'O, ,DRI NGA BA ZHES BYA BA NI SHA RLON LA SOGS PA'I DRI'O, ,DE LA MIR SKYES PA'I SEMS CAN RNAMS NI PHONGS PA'I SDUG BSNGAL 'DI LTA BU MYONG BAR 'GYUR BA STE ZHES BYA BA LA SOGS PA NI ZAS DANG SKOM LA SOGS PA'I SBYIN PA SBYIN PAR BYED PA LAS BZLOG PA RNAMS DANG GO RIMS BZHIN DU SBYAR RO, ,LHA'I BU MO RNAMS PAS LHA MA MA YIN GYI BU MO RNAMS MCHOG YIN PA DANG, LHA MA YIN RNAMS LA YANG LHA RNAMS KYI BDUD RTZI MCHOG YIN PA'I PHYIR DE LA LHA MA YIN GYI BU MO DE DAG GI PHYIR LHA MA YIN RNAMS DANG 'GROGS PAR 'GYUR RO, ,LHA MA YIN RNAMS NI BDUD RTZI RNAM PA BZHI'I PHYIR LHA RNAMS DANG 'GROGS PAR 'GYUR RO ZHES BYA BA SMOS SO, ,BDUD RTZI RNAM PA BZHI ZHES BYA BA NI KHA DOG SNGON PO LA SOGS PA RNAMS SO, ,DE'I PHYIR, CHED 'GA' MDO GZHAN KHA CIG LAS 'GRO BA THA DAD PA'I BSTAN PAS BSTAN TO ZHES BYA BA NI 'PHAGS PA DKON MCHOG BRTZEGS PA LA SOGS PA DAG LAS SO, ,DE DAG NI LHA NYID YIN ZHES BYA BA DE LA BTZUN PA 'DUS BZANGS NI DE DAG LA BDEN PA MNGON PAR RTOGS PA MI 'BYUNG BA DANG, MI MA YIN PA'I 'GRO BAR BSDUS PA'I PHYIR YI DAGS YIN PAR NGES SO ZHES ZER RO, ,DE LA PHAL CHER GTAN TSIGS MA NGES PA DE DAG GI THA SNYAD 'DOGS PA YIN TE, GZUGS DANG GZUGS MED PA DAG DANG, BYANG GI SGRA MI SNYAN DAG NA BDEN PA MNGON PAR RTOGS PA MED KYANG YI DAGS NYID MED DO, ,GAL TE MI LAS GZHAN PA MI MA YIN PA LA DGAG PA BRJOD PA NI GTAN TSIGS MA NGES PA YIN NO, ,GAL TE 'GAL BA LA NI DE'I TSE MA GRUB PA YIN TE, MDO SDE GANG LAS KYANG LHA MA YIN NO ZHES NI GSUNGS PA'I PHYIR TE, MDO SDE LAS BCOM LDAN 'DAS KYI MNGON SUM DU DBANG PO BTZUN PA 'DI DAG NI SNGON NAS LHA LAGS SO ZHES JI SKAD GSOL BA'I PHYIR MRO, ,DE NI DRANG BA YANG MA YIN TE, MDO SDE GANG GI STOBS KYIS DE DRANG BAR GYUR, GAL TE RJES SU DPAG PA'I STOBS KYIS SO ZHE NA, 'DI NYID LA YANG RJES SU DPAG PA LO LEGS PA YIN NO, ,THAGS ZANGS RIS NI YI DAGS MA YIN TE, BDUD RTZI ZIL PA'I PHYIR DANG, LHA MO RNAMS LA LONGS SPYOD PAR BYED PA'I PHYIR BA DANG, LHA RNAMS KYIS DE DAG GI BU MO DAG YONGS SU LONGS SPYAD PA'I PHYIR BA DANG, SUM CU RTZA GSUM PA'I LHA'I BU LA SOGS PA KHA CIG ZIL GYIS @121A *, ,GNON PA'I PHYIR BA DANG, DE DAG 'JOMS PAR BYED PA'I PHYIR BA DANG, DE DAG GI YONGS SU SPYAD PA BDAG GIR BYED PA'I PHYIR BA DANG, DE DANG SUM CU RTZA GSUM PA RNAMS KYI LONGS SPYOD DANG 'DRA BA'I PHYIR BA DANG, DER GTOGS PA'I SEMS CAN RNAMS BDE BA MANG PO LA SPYOD PA'I PHYIR BA DANG; DE DANG RIS MTHUN PA'I THAMS CAD KYANG GNYIS KA LA GRAGS PA'I LHA'I BU RNAMS DANG MDOG DANG, DBANG PHYUG DANG, CHU ZHENG DANG, DGA' BA DANG, RTZED MO DANG, MTHU DANG, KHA ZAS LA SOGS PA'I LONGS SPYOD 'DRA BA'I PHYIR RO, ,LHA LA SOGS PA BZHIN TE PHYOGS NI DE LTA'O, ,JI LTAR THAGS ZANGS RIS GNOD SBYIN YIN PA LTA BAR DGONGS DANG, LHA MA YIN THAMS CAD KYANG DE BZHIN NO, ,BTZUN PA 'DUS BZANGS NGES PA'I TSIG TZAM GYIS LHA MA YIN PA RNAMS LHA NYID MA YIN PAR 'GOG PAR BYED CING, 'DI LTAR DE DAG GI NGES PA'I TSIG KYANG LHA NYID LAS ZLOG PAR BYED DE, SUR ZHES BYA BA NI DBANG PHYUG YIN PAS SU RA NI LHA RNAMS YIN NO, ,DE BKAG PA'I PHYIR LHA MA YIN RNAMS ZHES BYA STE, DE LTA BU'I DBANG PHYUG MED PA'I THA TSIG GO ZHES ZER BA NI SHIN TU DMUN PA YIN NO, ,LHA'I CHOS YANG DAG PAR BLANGS TE GNAS PA MA YIN PA ZHES BYA BA NI SMAD PA LA DGAG PA STON PAR BYED DE, DPER NA BU NYID YIN YANG SMAD PA YIN PA'I PHYIR 'DI NGA'I BU MA YIN NO ZHES ZER BA BZHIN DU LHA MA YIN RNAMS KYANG DE DANG 'DRA'O, ,SGRIB PA DANG BCAS PA ZHES BYA BA NI KHA CIG NA RE LAS DANG RNAM PAR SMIN PA'I SGRIB PA DAG DANG CI RIGS SU SBYAR RO ZHES ZER RO, ,KHA CIG NA RE 'DI SHES PAR BYA'O ZHES BRTZAL KYANG JI LTA BA BZHIN DU MI SHES PA LA BYA'O ZHES ZER RO, ,DE LA SEMS CAN DMYAL BA RNAM PA BZHI CHAR NA YANG ZHES BYA BA NI TSA BA DANG, GRANG BA DANG, LHAG PA DANG, NYI TSE'I DMYAL BA'I BYE BRAG DAG NA'O, ,BDE BA MYONG BA MED DE ZHES BYA BA NI KHA CIG NA RE RNAM PAR SMIN PA LAS SKYES PA'I BDE BA'I DBANG DU BYA BAS YIN NO ZHES ZER RO, ,KHA CIG NA RE REG PA'I SKYE MCHED DRUG PA'I DBANG DU BYAS PA YIN NO, ,BCOM LDAN 'DAS KYIS KYANG DGE SLONG DAG REG PA'I SKYE MCHED DRUG PA ZHES BYA BA'I SEMS CAN DMYAL BA DAG YOD DE, GANG DAG DER SKYE BA DE DAG NI SHIN TU SDUG BSNGAL BA KHO NA NYAMS SU MYONG BAR 'GYUR RO ZHES GSUNGS @121B PA'I PHYIR RO ZHES ZER RO, ,PHYI ROL DU BLTAS PA LAS SKYES PA'I YO BYAD KYI BDE BA DANG SDUG BSNGAL BA 'DRES PAS 'DRES MAR SNANG NGO ZHES BYA BA NI 'DREN MA YIN PA'I PHYIR SPEL MA ZHES BYA'O, ,RIN PO CHE SNA BDUN PO DAG 'BYUNG BA NI MDO NYID LAS JI SKAD 'BYUNG BA BZHIN DU BRJOD PAR BYA'O ZHES BYA BA NI GLENG GZHI MNYAN YOD NA STE, DGE SLONG DAG 'KHOR LOS SGYUR BA'I RGYAL PO BYUNG NA RIN PO CHE SNA BDUN 'JIG RTEN DU 'BYUNG BAR 'GYUR TE, SNA BDUN PO DE DAG GANG ZHE NA, 'DI LTA STE, 'KHOR LO RIN PO CHE DANG ZHES BYA BA LA SOGS PA MDO SDE DAG LAS RGYA CHER 'BYUNG BA RNAMS MDOR BSDUS TE BRJOD PAR BYA'O, ,DGE SLONG DAG 'KHOR LOS SGYUR BA'I RGYAL PO TSES BCO LNGA'I GSO SBYONG GI NYI MA DE NYID LA MGO DANG BCAS PA BKRUS TE GSO SBYONG BYAS NAS, BLON PO'I TSOGS KYIS YONGS SU BSKOR ZHING 'DUG PA NA SHAR PHYOGS NAS 'KHOR LO RIN PO CHE RTZIBS STONG LA SOGS PA DANG LDAN PA DAG 'BYUNG BAR 'GYUR TE, DE YANG BRGYA BYIN GYI TSIG GIS LAS THAMS CAD PAS BYAS NAS RGYAL PO CHEN PO RNAMS KYIS RGYAL PO LA STON PAR BYED DO, ,DE BZHIN DU BYANG PHYOGS LOGS NA BYA SKYIBS LHAM GYI NGOS ZHES BYA BA DE NA GLANG PO CHE RAB BRTAN ZHES BYA BA ME TOG KU MU DA'I MDOG 'DRA LA, DE'I MGO BZANG ZHING SNGO LA GTZUG LHAM BU CHU GSHER GYI MDOG LTAR DMAR BA ZHIG GNAS TE, DE LA 'KHOR GLANG PO CHE BRGYA STONG YOD DE, DE DAG KYANG DE DANG 'DRA BA SHA STAG YIN NO, ,DE NAS BRGYA BYIN GYI TSIG GIS GLANG PO CHE'I RGYAL PO RAB BRTAN BU THA CHUNGS 'KHOR LOS SGYUR BA'I DON DU GTONG BAR BYED DO, ,DE BZHIN DU NUB PHYOGS LOGS NA RTA'I RGYAL PO SPRIN GYI SHUGS CAN LA YANG SNGA MA BZHIN DU THA CHUNGS THAMS CAD SNGON LA MGO NAG PA YANG GTOD PAR BYED DO, ,NOR BU RIN PO CHE NI KLU RNAMS SAM RGYAL PO BZHIS STER BAR BYED DO, ,DGE SLONG DAG 'KHOR LOS SGYUR BA'I RGYAL PO BYUNG NA BUD MED RIN PO CHE GZUGS BZANG BA ZHES BYA BA LA SOGS PA YANG 'JIG RTEN DU 'BYUNG BAR 'GYUR RO, ,DE BZHIN DU LHAG MA RNAMS KYANG 'BYUNG BAR BRJOD PAR BYA'O ZHES GSUNGS PA LA BYA'O, ,YAL GA DANG LO MA DANG LO MA GZHON NU NI DPAG TSAD BRGYAD CUR KHYAD PAR 'JUG GO ZHES BYA BA LA, SDONG PO'I SBOMS SU YANG DPAG TSAD NYI SHU YOD PA DE'I PHYIR DA NI THAD KAR DPAG TSAD BRGYA YOD DO, ,LOGS NA NI DPAG TSAD LNGA BCUR @122A *, ,NGAD LDANG STE ZHES BYA BA LA, LA LA DAG JI LTAR NA DRI RDZI PHYOGS MA YIN PAR 'GRO BAR 'GYUR ZHES ZER NA, CI'I PHYIR MI 'GRO ,'DI NA MA MTHONG BA'I PHYIR RO ZHE NA, CI KHYOD KYIS GZUGS MED PA RNAMS KYANG MTHONG NGAM, BCOM LDAN 'DAS NI TSAD MA YIN NO, ,GZHAN YANG DPER NA DE NA MA BRDUNGS PAR YANG SGRA 'BYUNG BA LA 'DI NI MA YIN PA BZHIN NO, ,GZHAN YANG DE DANG 'DI'I RNAM PAR 'BYOR PA'I KHYAD PAR MI 'DRA BA DE BZHIN DU LAS KYI KHYAD PAR GYIS MNGON PAR GRUB PA'I PHYIR DRI YANG SRID DO, ,'O NA MDO SDE LAS ME TOG GI DRI NI RDZI PHYOGS MA YIN PAR MI 'GRO'O ZHES GSUNGS PA JI LTA BU ZHE NA, DE NI 'DI NA GRAGS PA'I DRI LAS DGONGS TE, GSUNGS PA YIN NO, ,DBYAR ZLA BA BZHI ZHES BYA BA NI DE'I TSE DE ME TOG RGYAS PA'I PHYIR RO, ,BYANG GI SGRA MI SNYAN DAG NA NI SHING LJON PA DE LTA BU DAG LA DPAG BSAM GYI SHING RNAMS ZHES BYA BA LA BDUD RTZI NI MED DO, ,RTAG TU ME TOG MAN D'A RA BAS PUS NUB TZAM DU KHEBS PAR 'DUG STE ZHES BYA BA NI 'DI PA'I PUS MO LA BYA'O, ,ZHI BA'I BDE BA CAN MI G-YO BA MYONG NGO ZHES BYA BA NI BDE BA DANG SDUG BSNGAL NYE BAR ZHI BA'I PHYIR BSAM GTAN DE NI ZHI BA'I BDE BA CAN YIN TE, DE'I PHYIR MI G-YO BA ZHES BYA BA SMOS TE, DE NI GNYI GA 'GAGS PAS RAB TU PHYE BA YIN PA'I PHYIR RO, , JI LTA JI LTAR LUS SDUG BSNGAL GYI SNOD DU SHIN TU GYUR PA ZHES BYA BA NI BYED RGYU GONG MA RNAMS MED DU ZIN KYANG LAS RNAMS KHO NAS SDUG BSNGAL SKYE BA DANG RJES SU MTHUN PA'I LUS BSKYED PA LA BYA'O, ,DGANG BA LA RTZOL BA ZHES BYA BA LA, DGANG BA ZHES BYA BA NI RUNG BAR BYED PA'I GZHU LA BYA'O, ,DE LA 'PHAGS PA'I NOR LAS BYUNG BA'I BDE BA NI 'PHAGS PA'I NOR BDUN PO ZHES BYA BA LA, NOR BDUN PO ZHES BYA BA NI 'BRAS BU DANG BCAS PA DANG, RGYU DANG BCAS PA DANG, MNGON PAR RTOGS PA LAS BRTZAMS NAS RNAM PAR GZHAG STE, 'BRAS BU NI RTOGS NAS DAD PA RNAMS DANG, 'PHAGS PA DGYES PA'I TSUL KHRIMS RNAMS DANG, DE LAS BYUNG BA MA NGES PA RNAMS SO, ,RGYU NI THOS PA DANG GONG MA DAG GO, ,MNGON PAR RTOGS PA NI SHES RAB KYI NGO BO NYID DO, ,'BRAS BU THOB PA MA YIN NA YANG DE DANG RJES SU MTHUN PA'I PHYIR DE DAG RNAM PAR GZHAG GO, ,DE LA 'PHAGS PA'I NOR LAS BYUNG BA'I @122B BDE BA LAS RNAM PA BCO LNGAS KHYAD PAR DU 'PHAGS TE ZHES BYA BA NI 'PHAGS PA'I NOR LAS BYUNG BA'I BDE BA LAS 'PHAGS PA MA YIN PA'I NOR LAS BYUNG BA'I BDE BA SHIN TU DMA' BA YIN TE, THAMS CAD DU SKYON DANG BCAS PA'I PHYIR RO, ,SGRUB PA'I DUS NA YANG PHYI MA LA MI 'DOD PA YIN TE, NYES PAR SPYOD PA KUN NAS SLONG BA LA YIN PA'I PHYIR RO, ,TSE 'DI LA YANG MI 'DOD PA YIN TE, KHA NA MA THO BA DANG BCAS PA LA DGA' BA DANG LDAN PA YIN PA'I PHYIR RO, ,GAL TE 'GA' ZHIG KHA NA MA THO BA DANG BCAS PA LA DGA' BA DANG LDAN PA MA YIN DU ZIN KYANG RANG BZHIN GYIS CHUNG BA DANG, DUS THAMS CAD PA MA YIN PA DANG, SA THAMS CAD PA MA YIN PA ZHES BYA BA'I DMAN PA RNAM PA DE GSUM GYIS SHIN TU DMAN PA YIN NO, ,YONGS SU SPYOD PA NA PHYIS 'PHAGS PA MA YIN PA'I NOR GNYI GA THOB PAR BYED PA MA YIN PA DANG, TSE 'DI LA LONGS SPYOD NA YONGS SU ZIN CING MTHAR THUG PAR 'GYUR BA'O, ,SRUNG BA NA TSE 'DI LA RGYAL PO RNAMS SAM CHOM RKUN RNAMS LA SOGS PAS GCAD DU RUNG BA DANG, TSE PHYI MAR YANG 'DI NAS BLANGS NAS 'GRO BAR 'GYUR BA MA YIN PA'O, ,YONGS SU SPYAD NA TSE 'DI LA BSTEN NA CHOG MI SHES PA YIN PA DANG, 'THAB PA LA SOGS PA DANG NA BA LA SOGS PA SKYED PAR BYED PA DANG, PHYI MA LA YANG SDUG BSNGAL SKYED PAR BYED PA NI MA 'ONGS PA'I SDUG BSNGAL SKYER DOGS PA'I GZHI'I GNAS SU GYUR PA'I PHYIR RO ZHES GSUNGS PA'O, ,BSRUNGS NA YANG TSE 'DI LA PHYIN CI LOG DAG GIS KUN TU RMONGS PAR BYED PA DANG, PHYI MA LA YANG SDUG BSNGAL SPONG BAR 'GYUR BA MA YIN PA'O, ,BSDU BA'I TSIGS SU BCAD PA NI, SGRUB DANG LONGS SPYOD SRUNG BA DANG, ,SPYAD DANG BSRUNG BA'I BYE BRAG LAS, ,DUS LNGA 'DI DANG PHYI MA LA, ,DBYE BAS DE DAG GNYIS GNYIS SO, ,'PHAGS PA'I NOR LAS BYUNG BA NI DE DAG LAS BZLOG PA YIN PAR BRJOD PAR BYA'O, ,'PHAGS PA'I NOR LAS BYUNG BA NI NANG GI RKYEN LA RAG LAS PA'I PHYIR DUS THAMS CAD PA YIN NO ZHES BYA BA NI LUNG LA LTOS PA YIN DU ZIN KYANG 'BYUNG BA'I SKAD CIG NI TSUL BZHIN YID LA BYED PA LA RAG LAS PA YIN PA'I PHYIR RO, ,CHOS KYI LONGS SPYOD BDE BA YONGS SU RDZOGS PA ZHES BYA BA'I GTAN TSIGS NI, BDUD DANG PHYIR RGOL BA NGES PAR BCOM PA'I PHYIR RO ZHES BYA BA YIN TE, DE'I PHYIR DE @123A *, ,GNYIS NI TSIG GCIG TU BSDU'O, ,DE LA 'DOD PA CAN RNAMS KYI 'DOD PA'I BDE BA YID LA BDE BA'I GNAS LTA BU NI RJES SU CHAGS PA DANG LDAN PA ZHES BYA BA LA SOGS PA NI SMRAS MA THAG PA LNGA PO DAG LAS BZLOG PA YIN NO, ,RJES SU 'BREL PA NYID YIN PA DANG ZHES BYA BA NI 'DOD CHAGS DANG MA BRAL BA RNAMS KYI STE, KUN TU RTOG PA'I RJES SU 'GRO BA'I PHYIR RO, ,YANG PHYIR LDOG PAR 'GYUR LA ZHES BYA BA NI 'DOD CHAGS DANG BRAL BA RNAMS KYI'O, ,BDEN PA'I BDE BA ZHES BYA BA NI YONGS SU RDZOGS PA MA YIN TE, 'JIG RTEN LAS 'DAS PA YIN PA'I PHYIR RO, ,BDUD DANG PHYIR RGOL BA DANG LDAN PA YIN TE ZHES BYA BA NI SGYU MA LTA BU ZHES BYA BA LA SOGS PA YUL DRUG PO DAG GIS STON TE, SKYE MCHED DRUG GI MDO LAS, BDUD KYANG DE YIN LA BDUD SDIG CAN YANG DE YIN NO ZHES JI SKAD GSUNGS PA LTA BU'O, ,DE BZHIN DU LEGS 'BYOR GYI MDO LAS SEMS CAN JI LTA BAR BDUD KYANG DE BZHIN NO ZHES GSUNGS SO, , MDO NYID LAS JI SKAD RGYAS PAR 'BYUNG BA BZHIN DU RIG PAR BYA'O ZHES BYA BA NI DGE SLONG GANG ZANG ZING DANG BCAS PA'I DGA' BA YANG YOD, ZANG ZING MED PA'I DGA' BA YANG YOD, ZANG ZING MED PAS KYANG CHES ZANG ZING MED PA'I DGA' BA YANG MED DO, ,BDE BA DANG BTANG SNYOMS DANG, RNAM PAR THAR PA YANG DE BZHIN TE, 'DOD PA'I YON TAN LNGA LA BRTEN TE SKYES PA'I DGA' BA GANG YIN PA DE NI ZANG ZING DANG BCAS PA YIN NO, ,BSAM GTAN DANG PO RDZOGS PAR BYA STE GNAS PA GANG YIN PA DE NI ZANG ZING MED PA YIN NO, ,BSAM GTAN GNYIS PA'I GANG YIN PA DE NI ZANG ZING MED PA BAS CHES ZANG ZING MED PA YIN NO, ,DE BZHIN DU BDE BA YANG RNAM PA GSUM STE, 'DOD PA'I YON TAN LNGA DANG, BSAM GTAN DANG PO DANG GNYIS PA'I'O, ,DE BZHIN DU BTANG SNYOMS KYANG 'DOD PA'I YON TAN LNGA DANG, BSAM GTAN DANG PO DANG GNYIS PA'I 'O, ,DE BZHIN DU RNAM PAR THAR PA YANG GZUGS DANG GZUGS MED PA DANG LDAN PA DAG DANG, 'DI LA DGE SLONG 'DOD CHAGS LAS SEMS RNAM PAR GROL PA ZHES BYA BA LA SOGS PA GSUM PA'O, ,GNAS PA'I BDE BA ZHES BYA BA NI GNAS PA DE NYID SHIN TU RAB TU ZHI BA'I PHYIR RO, ,DE LA ZAS KYI LONGS SPYOD DANG YONGS SU SPYAD PA RNAM PAR GZHAG PA NI 'DI YIN TE, 'DI LTA STE BDE @123B BA DANG, SDUG BSNGAL MYONG BA DANG ZAS KYI LONGS SPYOD DANG ZHES GANG SMOS PA DE LA ZHES BYA BAR SBYAR RO, ,RGYAL CHEN BZHI'I RIS KYIS NI PHA DANG MA'I PHRAG PA'AM PANG PAR BYIS PA LO LNGA LON PA LTA BU RDZUS TE 'BYUNG BAR 'GYUR RO ZHES BYA BA LA, LTA BU ZHES BYA BA NI 'DRA BA'I DON TE JI SKAD DU, MIG SMAN THUR MA GSAR BRIS LTAR; ,RUS PA'I RGYAN RNAMS BRGYAN BYAS SHING, ,PHA ROL TSOR BAR MI BYED PA'I, ,BYIS PA RNAMS LA RMONGS PAS KHYAB, ,CES GSUNGS PA LTA BU'O, ,DE LA SKYE BAR DOGS PA RNAM PAR GZHAG PA NI ZHES BYA BA NI KHAMS GDAGS PA RNAM PAR GZHAG PA'I RAB TU DBYE BA DRUG YIN PAR SBYAR RO, ,JI LTAR 'DOD PA SKYE BA GSUM DANG, BDE BA SKYE BA GSUM DU RNAM PAR GZHAG CE NA ZHES BYA BA NI, ,CI'I PHYIR SKYE BA GSUM KHO NAR ZAD LA MANG DU RNAM PAR MI GZHAG SNYAM DU BSAMS NAS 'DRI'O, ,DE DAG DE LTAR GNAS PAS DRAN PA BRJED PAR 'GYUR RO ZHES BYA BA NI KHA ZAS KYI STE, DE'I PHYIR BKRES PAS 'CHI'O, ,GCIG LA GCIG MIG GIS MIG TSUGS SU RTOG PAR BYED DE ZHES BYA BA NI GCIG LA GCIG PHRAG DOG GIS SO, ,DBANG PO YONGS SU RDZOGS PA ZHES BYA BA NI THAMS CAD 'DOD PA'I PHYIR RO, ,DBANG PO YONGS SU SMIN PA RNAMS SO ZHES BYA BA NI THA SNYAD SHES PA'I PHYIR RO, ,BSTAN BCOS LA BTAGS PA'I YONG PA DANG, DON DAM PAR YOD PA'I RGYU RNAM PAR GZHAG PA GCIG TU BSDUS NAS RGYU RNAM PA BCU STON PAR 'GYUR BAS NA, DE LA RGYU'I MTSAN NYID GANG ZHE NA, SNGA NA YOD PA GANG YIN PA ZHES BYA BA LA SOGS PA SMOS SO, ,RANG GI SA BON NI SNGA NA YOD PA STE ZHES BYA BA NI SA BON NI 'BRAS BU BAS SNGA BA'I PHYIR RO, ,BRTEN NAS ZHES BYA BA NI GTZO BO'I RKYEN LA BRTEN NAS SO, ,PHRAD NA ZHES BYA BA NI PHRAD PA TZAM DU ZAD PA LA BYA'I YANG DANG YANG DU BYED PA NI MA YIN NO, ,GNAS GZUGS CAN NAM ZHES BYA BA NI MIG LA SOGS PA DAG GI 'BYUNG BA CHEN PO RNAMS TE, MIG LA SOGS PA DANG DE DAG GI RNAM PAR SHES PA RNAMS KYI GNAS YIN PA'I PHYIR RO, ,MYA NGAN LAS 'DAS PA'I BYA BA CI ZHIG YOD NA GANG GI PHYIR DE'I RGYU BRJOD CE NA, THOB PAR BYA BA NYID KYI RGYU BRJOD PA YIN GYI BSKYED PAR BYA BA'I RGYU MA YIN PAS NA NYES PA CI YOD, RGYU ZHES BYA BA NI SA BON SPONG BAR BYED PA YIN TE, LUS NYON MONGS PA DANG BRAL BAR BYED PA YIN PA'I PHYIR RO @124A *, ,LAS KYI MTHA' MA LOG PA ZHES BYA BA NI MTSAMS MED PA'I LAS RNAMS MI BYED PA LA BYA STE, JI SKAD DU LNGA PA ZHES BYA BA'I MDO LAS, LOG PA'I LAS KYI MTHA' GANG ZHE NA, MTSAMS MED PA LNGA'O ZHES BYA BA GSUNGS PA'I PHYIR RO ZHES BYA BA SMOS SHING 'DOD PA NI SNGA NA YOD PA STE ZHES BYA BA NI SHES BYA GANG YIN PA LA NGES SHING BSGRUB PAR 'DOD PA YANG YOD PA NA DE 'GRUB PAR 'GYUR BA STE, DON GANG RANG LA NGES NA GZHAN LA YANG GO BAR BYED PA'I PHYIR RO, ,BZO SHES PA NI SNGA NA YOD PA STE ZHES BYA BA LA, BZO'I GNAS NI SNGON BYUNG BA SBYOR BA TZAM DU ZAD KYI SNGON MA BYUNG BA SKYED PA NI MA YIN TE, DE BAS NA 'GRUB CES BYA BA'I SGRAR BSTAN GYI SKYE BAR 'GYUR ZHES BYA BA'I SGRAR NI MA YIN TE, DE LTA BAS NA 'DIR SKYE ZHES BYA BA DANG, 'GRUB CES BYA BA LA BYE BRAG NI DE YOD DO, ,ZAS RNAM PA BZHI DANG PHRAD NA ZHES BYA BA LA SOGS PA YANG SNGON BYUNG BA NYID GNAS PAR BYED PA'I RGYU YIN NO, ,DE YANG GRUB PA NYID DE, 'DI LTAR RNAM PAR SMIN PA LA SKYES PA'I RGYUD YOD NA BSAGS PA LAS BYUNG BA'I RGYUD 'BYUNG BAR 'GYUR BA'I PHYIR RO, ,GAL TE GNAS SHING ZHES BYA BA MA SMOS NA, NUS PA MED PA NUS PA YOD PAR BYAS PA'I PHYIR BSGRUBS PA ZHES BYA BAS NA BRTA BA YANG 'GRUB PAR 'GYUR TE, DE'I PHYIR GNAS SHING ZHES BYA BA NI BSTAN PA YIN NO, , 'TSO LA ZHES BYA BA DANG, BRTA BAR 'GYUR RO ZHES BYA BA GNYIS NI BSHAD PA YIN NO, ,'TSO LA ZHES BYA BA NI GNOD PA MED PA NYE BAR SOGS PA YIN NO, ,BRTA BAR 'GYUR RO ZHES BYA BA NI PHAN 'DOGS PA NYE BAR SOGS PA YIN NO, ,CHOS CI ZHIG BYED PAR 'GYUR ZHE NA, RANG GI SA BON NI SNGA NA YOD PA STE ZHES BYA BA LA; BYED PA'I GZHIR GYUR PA'I CHOS GANG YIN PAR CHOS DE'I SA BON NI BYED PA'I SA BON NO, ,CHOS DE NYID GNAS TE GANG GI TSE BYED PA'I CHOS GZHAN 'BYUNG BA NA BYED PA'I SA BON NI BDAG NYID YIN NO, ,RANG GI BYED PA YOD CING ZHES BYA BA NI RANG GI LAS BYED DE ZHES BYA BAS RNAM PAR BSHAD PAR BYED DO, ,MIG GI LAS NI LTA BA'O ZHES BYA BA LA, KHA CIG NA RE MIG GI RNAM PAR SHES PA 'BYUNG BA'I TSE NA MIG NI RAB TU GSAL BA DANG LHAN CIG TU 'BYUNG STE, RAB TU GSAL BA DE NI MIG GI RNAM PAR SHES PA SKYE BAR SPYOD DO, ,DE LTA BAS NA BYED PA DANG LTA BA'I RGYU YIN NO ZHES ZER RO, ,YANG KHA CIG NA RE MTSUNGS PA'I MIG DE NYID LTA BA @124B YANG YIN LA, DE NYID BYED PA YANG YIN GYI, DE DAG DANG MTSUNGS PA'I MIG NI DE LA SPYOD PA YIN NO ZHES ZER RO, ,DE LTA NA DE LA SPYOD PA YIN NO ZHES BRJOD PAR MI BYA STE, 'DI LTAR SPYOD PA NI BYED PA YIN LA GANG LA SPYOD PA NI DE'I BYED PA MA YIN TE, DNGOS PO DANG GZHI GNYIS 'DRES PAR THAL BAR 'GYUR PA'I PHYIR RO, ,BCO LNGA PO 'DI DAG NI RGYU'I GNAS YIN TE ZHES BYA BA NI RKYEN DANG 'BRAS BU LA YANG BRJOD PAR BYA'O, ,GCIG KHO NAS DE DAG NYE BAR MTSON PA NI GONG KHO NAR BRJOD PA YIN PAS MA SMOS SO, ,RJES SU THA SNYAD 'DOGS PA'I RGYU ZHES BYA BA NI RJES SU THA SNYAD 'DOGS PAR BYED PA'I RGYU LA BYA STE, RJES SU THA SNYAD 'DOGS PAR BYED PA'I RGYU DE YANG THA SNYAD GDAGS PA'I DON GYI YUL DE LA BRDA'I RJES SU 'JUG PA'I SGRA DAG GIS KUN NAS BSLANG ZHING 'JUG PA STE, SGRA DE DAG NYID RGYU YIN NO, ,JI STE RJES SU THA SNYAD 'DOGS PA NYID RGYU KHO NA YIN ZHE NA, DE LTA NA YANG DE NI RNAM PA DE LTA BU KHO NA YIN PAS SGRA DAG NI RGYU YIN NO, ,DE DAG GI RTEN YIN PA'I PHYIR TSIG NI GNAS PA YIN TE, DPER NA RTZUB PA NYID LA SOGS PA DAG GI GNAS NI SA LA SOGS PA DAG YIN NO ZHES BRJOD DO, ,THA MI DAD PA YIN YANG RNAM PAR GZHAG PA'I KHYAD PAR YOD PA'I PHYIR RO, ,DE BZHIN DU TSIG KYANG SGRA DAG GI GNAS YIN NO, ,'DI LTAR TSIG THAMS CAD NI SGRA MA YIN TE; SKYES BU'I GRAG PA TZAM YANG TSIG YIN PA'I PHYIR RO, ,TSIG GIS JI LTAR MTHONG BA DANG ZHES BYA BA LA SOGS PA LA, TSIG GIS ZHES BYA BA NI BRDA'I RJES SU 'JUG PA'I SGRA RNAMS KYI'O, ,DE LA RGYU'I GNAS MYONG BA LA BRTEN NAS LTOS PA'I RGYU 'DOGS PAR BYED DE ZHES BYA BA NI BDE BA'I DON DU 'JUG PA DANG, SDUG BSNGAL YONGS SU SPANG BA'I DON DU 'JUG PA THAMS CAD NI MNGON SUM MAM BRGYUD PA YIN PAS NA DE GNYIS KHO NA LA LTOS PA'I RGYU 'DOGS PAR BYED DO, ,LTOS PAR BYA BA YIN PAS LTOS PA'O, ,DE NYID RGYU YIN BAS NA LTOS PA'I RGYU ZHES BYA'O, ,JI LTAR NA 'BRAS BU NYID RGYU YIN ZHE NA, RAB TU SBYOR BAR BYED PA YIN PA'I PHYIR TE, 'DUN PA SKYES NAS GCIG NAS GCIG TU BRGYUD DE SPYOD PA YOD PA'I PHYIR RO, ,YONGS SU TSOL BA LA SOGS PA NI DE'I RGYU'I SPYOD PA YIN NO, ,DE LA RGYU'I GNAS BAG CHAGS LA BRTEN NAS ZHES BYA BA LA, BAG CHAGS ZHES BYA BA NI SRID PA'I YAN LAG GI BAG CHAGS TE BDAG @125A *, ,PO'I RKYEN GYI NGO BO NYID YIN NO, ,'PHEN PA'I RGYU 'DOGS PAR BYED DE ZHES BYA BA LA 'PHEN PA'I RGYU ZHES BYA BA NI 'BRAS BU SKYED PA'I SKAL BA CAN DU 'JOG PA STE, DE'I BAG CHAGS BSGO BA'I GNAS NI RGYU YIN NO, ,DE YANG BAG CHAGS KYI DBANG GIS 'BYUNG BA YIN PAS NA BAG CHAGS NI GNAS YIN NO, ,'DU BYED RNAMS ZHES BYA BA NI MNGON PAR 'DU BYED PA LAS BYUNG BA'I KUN GZHI RNAM PAR SHES PA LA BYA'O, ,MANG PO TSIG TU BYAS PA NI KHA CIG NA RE RGYUD BZHIN DU MANG BA'I PHYIR RO ZHES ZER RO, ,YANG KHA CIG NA RE BAG CHAGS RNAMS 'DZIN PA YIN PA'I PHYIR RO ZHES ZER RO, ,YONGS SU BSGOS PA ZHES BYA BA NI BAG CHAGS GSOS PA LA BYA'O, ,DE NYID KYI DBANG GIS PHYI ROL GYI DNGOS PO RNAMS KYANG PHUTSOGS PA DAN RGUD PAR 'GYUR BA'I PHYIR TE ZHES BYA BA NI NANG GI 'DU BYED KYI LONGS SPYOD KYI DON DU PHYI ROL RNAMS MNGON PAR 'GYUR BAS NA DE NYID KYI DBANG GIS PHUN SUM TSOGS PA DANG RGUD PAR 'GYUR RO, ,RLAN DANG BCAS PA'I SA BON ZHES BYA BA NI SRID PAS DE MA THAG PA'I 'BRAS BU SKYED NUS PA SKYED PA STE, MNGON PAR BRJOD PA'I BAG CHAGS NI SA BON NO, ,MNGON PAR 'GRUB PA'I RGYU NI SRED PA YIN NO ZHES GSUNGS PA LTA BU STE ZHES BYA BA 'DI NI KHUNGS YIN TE, MNGON PAR BRNYAN PA'I SA BON DE NI MNGON PAR 'GRUB PA'I RGYU NYID YIN PA'I PHYIR RO, ,PHRAD NAS 'GAGS PA ZHES BYA BA NI MTSUNGS PA DE MA THAG PA'I RKYEN LA BYA STE, NYE BAR SPYOD PA'I PHYIR RAM, 'GAGS PA'I TSE ZHES KHA CIG GI LUGS YIN PA'I PHYIR RO, ,GZHAN DAG NA RE PHRAD NAS 'GAGS PA ZHES BYA BA NI YUL DE DANG DBANG PO LA SOGS PA'I BYE BRAG DAG TU BYAS PA YANG YIN NO ZHES ZAR RO, ,DE LTAR NA DE BZHIN DU ZHES BYA BA'I SGRA NI GO DKA' BAR 'GYUR RO, ,BYED PA ZHES BYA BA'I MIG LA SOGS PA DAG GI SPYOD PA GANG YIN PA STE, MIG GI YUL THAMS CAD NI RNAM PAR SHES PA SKYED PAR MI BYED PA'I PHYIR RO, ,SKYES BU'I BYED PA ZHES BYA BA NI YUL THOB PAR BYA BA'I PHYIR YONGS SU G-YO BAR BYED PA'O, ,YONGS SU 'DZIN PA'I RGYU ZHES BYA BA NI DE DAG GIS YONGS SU ZIN NA RANG GI SA BON LAS 'BRAS BU 'BYUNG BA STE, DE DAG NYID YONGS SU 'DZIN PA YANG YIN TE, DE DAG NYID GNAS KYANG YIN TE SNGA MA BZHIN NO, LHAN CIG BYED PA'I RGYU ZHES BYA BA LA, DE KHO NA LA LTA ZHES BYA BA NI SHES RAB STE, DES @125B YONGS SU ZIN PA NI DE DANG MTSUNGS PAR LDAN PA STE DE'I DBANG GIS DE LAS GZHAN PA RNAMS KYANG 'JUG PAR 'GYUR RO, ,KHYAD PAR CAN RNAMS ZHES BYA BA NI MNYAM PA DANG, DMAN PA DAG RANG GI NGANG GIS 'JUG NA NI RGYU KHYAD PAR CAN MA YIN NO, ,DE BZHIN DU 'DOD PA DANG LDAN PA'I DGE BA'I CHOS RNAMS NI GZUGS DANG LDAN PA DANG, GZUGS MED PA DANG LDAN PA DANG, LDAN PA MA YIN PA'I DGE BA'I CHOS RNAMS KYANG 'DREN TE, DE DANG MTHUN PA'I PHYIR RO ZHES BYA BA NI KHA CIG NA RE BRGYUD PA LAS BSAMS PA YIN NO ZHES ZER RO, ,SU LA 'JIGS PA NA BSAM PA DE LTAR RTOG PAR BYED, GAL TE BYE BRAG TU SMRA BA DAG GIS RING BA RNAM PA BZHI BRTAGS PAS 'JIGS SO ZHE NA, 'O NA 'PHAGS PA GNAS BRTAN PA DAG GIS 'DOD PA NA SPYOD PA'I DGE BA'I CHOS RNAMS KYIS DRANGS MA THAG TU GZUGS MED PA NA SPYOD PA'I CHOS RNAMS 'BYUNG BAR 'GYUR RO ZHES BYA BA BRTAGS PA'I 'JIGS PAS KYANG CI'I PHYIR BRGYUD PA'I BSAM PA GTONG BAR MI BYED, DE LTA BAS NA SDE PA GZHAN DAG GIS BSGOS PA'I RJES SU 'GRO BA MTHONG LA THEG PA CHEN PO'I MA MO LA LTOS SHIG DANG, DE LAS NI YONGS SU 'DRIS PAR BYAS PA'I RNAL 'BYOR PA NI 'DOD PA NA SPYOD PA'I SBYOR BA LAS BYUNG BA'I SEMS KYI MJUG THOGS SU GZUGS MED PA DAG LA SNYOMS PAR 'JUG GO ZHES GSUNGS SO, ,DE'I PHYIR DE NI MNGON SUM DU 'DREN PAR BYED PA'I RGYU YANG YIN NO, ,'DUS MA BYAS PA MNGON SUM DU BYA BA YANG 'DREN TO ZHES BYA BA NI MYA NGAN LAS 'DAS PA'I THOB PA LA BYA STE, SNGAR NI 'DUS BYAS SKYED PA BSTAN TO, ,DE LA RGYU'I GNAS MTHU SNA TSOGS LA BRTEN NAS ZHES BYA BA NI LDAN PA MA YIN PA'I 'DU BYED SO SOR NGES PA ZHES BYA BA DANG RGYU DANG 'BRAS BU MA TSOL BA'I MTSAN NYID YIN TE, DE RDZAS GZHAN DU YOD PA NI MA YIN NO, ,DE NYID RGYU YIN TE, DE YANG MTHU SNA TSOGS KYIS BYAS PA'I NGES PA YIN NO, ,DE LTA MA YIN DU ZIN NA MIG LAS KYANG SNANG BA'I RNAM PAR SHES PA LA SOGS PA DAG 'BYUNG BAR 'GYUR RO, ,DE LA RGYU'I GNAS TSOGS PA LA BRTEN NAS ZHES BYA BA LA, TSOGS PA ZHES BYA BA NI RKYEN RNAMS KHO NA LA BYA'I RGYU LA NI MI BYA'O, ,DE LTAR RGYU DANG LHAN CIG TU BYA BA BYED PAS DE'I PHYIR, LHAN CIG BYED PA'I RGYU ZHES BYA'O, ,DA LTAR NA YONGS SU 'DZIN PA'I @126A *, ,RGYU DANG 'DI'I BYE BRAG MA BSTAN PA YIN TE, DE'I PHYIR LHAN CIG BYED PA'I RGYU NI JI SKAD SMOS PA'I RGYU MTHA' DAG 'DUS PA'I NGO BO NYID YIN TE, GCIG LA GCIG GIS STOBS KYIS BYED PA'I PHYIR, LHAN CIG BYED PA ZHES BYA'O, ,DE'I PHYIR LHAN CIG BYED PA'I RGYU 'DI NYID DU SKYE BA'I TSOGS PA DANG 'THOB PA'I TSOGS PA LA SOGS PA DAG STON TO, ,'DIR SMOS PA GZHAN DAG TU'ANG JI LTAR SRID PA'I DON SMRAS PA YIN TE, DE DAG NI DE'I PHYOGS GCIG YIN PA'I PHYIR RO, ,GZHAG DAG NA RE SNGA MA RNAMS NI PHAL CHER SKYE BA'I RGYU YIN TE, DE'I PHYIR LHAN CIG BYED PA'I RGYU 'DI NYID DU SKYE BA DANG 'THOB PA LA SOGS PA DAG BSTAN PA YIN NO ZHES ZER RO, ,GZHAN DAG NA RE DE LTA BU SRID MOD KYI DE DAG LA 'DUS PA MED PAS NA DE'I PHYIR MA BSTAN TO ZHES BRJOD PAR RIGS PAR 'GYUR RO, ,DE LA RGYU'I GNAS BAR DU GCOD PA LA BRTEN NAS MI MTHUN PA'I RGYU 'DOGS PAR BYED DO ZHES BYA BA LA, JI LTAR NA MED PA GZHAN GYI RGYUR 'GYUR ZHE NA, DE LTA BU'I THA SNYAD YOD PAS NA NYES PA MED DO, ,'DIR RGYUS JI LTAR DE LA BYED PAR 'GYUR ZHES RGOL BA DE NI DE'I RKYEN MA TSANG BAR BYED PA YIN NO, ,GAL TE BAR DU GCOD PA MA YIN PA NYE BAR GNAS PAR GYUR NA ZHES BYA BA NI MAR ME LA SOGS PAS BAR DU GCOD PA BSAL BA LA BYA'O, ,'O NA LHAN CIG BYED PA'I RGYU DANG 'DI LA BYE BRAG CI YOD CE NA, KHA CIG NA RE RDZAS NI GCIG PA YIN MOD KYI SPYOD PA LA BYE BRAG YOD DO ZHES ZER RO, ,YANG KHA CIG NA RE SNGA MA'I RKYEN MTHA' DAG DANG 'GROGS PA YIN GYI BAR DU GCOD PA NI RGYU GCIG PU YIN PAR ZAD DO ZHES ZER RO, ,YONGS SU 'DZIN PA'I RGYU DANG NI SA BON LAS BYE BRAG YOD DO, ,YANG NA BAR DU GCOD PA MED PA TZAM NYID RGYUR 'GYUR TE, DPER NA CHOS KYI RGYUN GYI RGYU YOD PA YANG NYE BA TZAM GYIS PHAN 'DOGS PAR BYED PA DE BZHIN DU 'GA' ZHIG MED PAR GYUR PA GANG YIN PA YANG NYE BAR GYUR PAS NA SKYE BAR 'GYUR BAS DE NI 'DRA BA YIN NO, , DE LA RKYEN GYI GNAS SA BON LA BRTEN NAS RGYU'I RKYEN 'DOGS SO ZHES BYA BA LA, SA BON ZHES BYA BA NI MNGON PAR BRJOD PA'I BAG CHAGS KYI SA BON LA BYA STE, GZHAN DAG TU NI BAG CHAGS BDAG PO'I RKYEN YANG YIN NO, ,DE LA RGYU'I GNAS DANG RKYEN GYI GNAS BAG CHAGS DANG MTHUN PA LA BRTEN NAS RNAM @126B PAR SMIN PA'I 'BRAS BU DANG RGYU MTHUN PA'I 'BRAS BU 'DOGS SO ZHES BYA BA LA, RGYU'I GNAS LAS KYI BAG CHAGS LA BRTEN NAS RNAM PAR SMIN PA'I 'BRAS BU 'DOGS PAR BYED KYI MNGON PAR BRJOD PA'I BAG CHAGS LA NI MA YIN TE, DE LA MNGON PAR GRUB PA NI RGYU MTHUN PA'I 'BRAS BU YIN PA'I PHYIR RO, ,LUNG DU MA BSTAN PA NI DMAN PA'I PHYIR DGE BA DANG MI DGE BA RNAMS DANG MTHUN PA YIN PAR SNGAR YANG RNAM PAR MA BZHAG PA RNAM PAR SMIN PA'I 'BRAS BU NI MTHUN PA MA YIN NO, ,DE LA RGYU NI PHAN PA'I DON TO ZHES BYA BA NI NGES PA'I TSIG YIN GYI DE MTSAN NYID NI MA YIN NO, ,LHAG MA RNAMS NI THABS KYI RGYU'O ZHES BYA BA NI RJES SU THA SNYAD 'DOGS PA LA SOGS PA DAG GO, ,'DI LTA STE MIG GI RNAM PAR SHES PA'I 'O ZHES BYA BA NI LHAN CIG 'BYUNG BA'I RGYU YIN PA'I SDE PA DAG GIS SMRAS PA, RGYU NI LHAN CIG 'BYUNG BA MED PA KHO NA YIN TE, MIG DANG GZUGS NI SNGA LA DE LAS RNAM PAR SHES PA 'BYUNG BA LA SOGS PA'I PHYIR RO, , PHA ROL GYI SEMS SHES PA YANG DA LTAR BYUNG BA LA DMIGS PA'I PHYIR BA DANG, RGYUR BYAS PA'I GZUGS KYANG LHAN CIG BYUNG BA LA BRTEN NAS KHAS BLANGS PA'I PHYIR BA DANG, DE 'PHEL BA DANG 'GRIB PAR 'GYUR BA LA SOGS PA DAG GIS 'DOD KYANG LHAN CIG SKYES PA'I MAR ME RTEN PA NYID YIN PA'I SNGA MA DAG GIS BSGRUBS PA'I PHYIR MED PA KHO NA YIN NO ZHES ZER BA DE NI RIGS PA MA YIN NO, ,MIG DANG GZUGS NI 'DI LTA STE GNAS DANG DMIGS PA NYID DU RNAM PAR SHES PA'I RGYU'I DNGOS PO TZAM DU ZAD DO, ,SKYED PA PO NI LHAN CIG 'BYUNG BA MA YIN PAR YANG 'DOD LA RAG GO, ,GZHAN YANG SMRA BAR NUS TE; MIG GI RNAM PAR SHES PA NI 'DAS PA LA DMIGS PA MA YIN TE, RTOG PA MED PA'I PHYIR TE SGRA BZHIN NO, ,GANG 'DAS PA DE NI RNAM PAR RTOG PA YIN TE, DPER NA DRA BA CAN GYI YID KYI RNAM PAR SHES PA BZHIN NO, ,RNAM PAR RTOG PA MA YIN PA'I RNAM PAR SHES PA'I DMIGS PA 'DAS MA THAG PA'I GZUGS NI YUL MA YIN TE, 'DAS PA YIN PA'I PHYIR RO, ,'GAGS NAS LO BRGYA LON PA'I GZUGS BZHIN TE, SKAD CIG DE LA 'GAGS PA DANG 'GAGS NAS LO BRGYA LON PA NI DNGOS PO MED PA'I RANG BZHIN NYID YIN PAR BYE BRAG MED DO, ,LOG PA NI 'DUS MA BYAS PA'O, ,GZHAN DAG RJES SU @127A *, ,DPAG PA DE LTA BUS 'JIGS NAS SMRAS PA, DE NI DMIGS PA MA YIN GYI SNGON PO LA SOGS PA'I RKYEN GYI MJUG THOGS KHO NAR SNGON PO LA SOGS PAR SNANG BA 'BYUNG BA NA DE LA DMIGS PA ZHES BYA'O ZHE NA, DE'I DMIGS PA'I DNGOS PO YIN PAR KHAS MI LEN NA DE'I RKYEN GYI DNGOS PO GZHAN GANG YIN TE; KHYED CAG NI DMIGS PA'I DNGOS PO RANG GI RNAM PAR 'BYUNG BA KHO NA YIN PAR SMRA'O, ,RGYU LNGA PO DE DAG NI BSDU BA DANG, DUS KYI RNAM PAR GZHAG GO, ,BSDU BA YANG DON DAM PAR YOD PA DANG, BRDAR BTAGS PA YOD PA'I TSIG GNYIS KYIS BSTAN TO, ,'GAGS MA THAG PA NI 'DI LTA STE MNGON PAR 'GRUB PA'I RGYU'O ZHES BYA BA NI MJUG THOGS SU SPYOD PAR 'GYUR BA STE, BYE BRAG DES RNAM PAR GZHAG GO, ,'GAGS NAS RING DU LON PA NI 'DI LTA STE, 'PHEN PA'I RGYU'O ZHES BYA BA NI DGE BA DANG MI DGE BA'I 'DU BYED RNAMS KYI BAG CHAGS KYI 'JUG PAS 'BRAS BU SKYED PAR BYED PA'O, ,SDUG PA'I RGYU ZHES BYA BA NI DGE BA'I BAG CHAGS DANG MTHUN PA'I PHYOGS GCIG YIN NO, ,MI SDUG PA'I RGYU ZHES BYA BA NI MI DGE BA'I BAG CHAGS DANG MTHUN PA'I PHYOGS GCIG YIN NO, ,BRTA BA'I RGYU ZHES BYA BA NI ZAS KYIS BSDUS PA STE, MI MTHUN PA'I PHYOGS GCIG KHO NA YIN NO, ,'JUG PA'I RGYU ZHES BYA BA NI MI MTHUN PA'I RGYU DANG DE KHO NA LA LTA BA'I RGYU MA GTOGS PA DE LAS GZHAN PA'O, ,LDOG PA'I RGYU ZHES BYA BA NI MA GTOGS PA GANG YIN PA GNYIS SO, ,'DI LTA STE MI RTAG PA'I RGYU YIN GYI ZHES BYA BA LA, KHA CIG NA RE RTAG PA ZHES BYA BA NI MED PAR DGAG PA LA BYA STE, DE'I PHYIR RTAG PA'I CHOS NI SKYE BA'I RGYU LA SOGS PAS GANG GI RGYUR YANG MI 'GYUR RO ZHES BYA BA LA SOGS PAS DE NYID RNAM PAR 'GREL BAR BYED DO, ,DE LTA MA YIN DU ZIN NA SKYES LA 'GAGS PA ZHES BYA BA DE DANG KHYAD PAR MED PAR 'GYUR RO, ,'DI LTAR SKYES LA 'GAGS PA ZHES BYA BA NI SKYE BA DANG 'GAGS PA DANG LDAN PA YIN NO ZHES 'CHAD DO, ,'DAS PA NI DNGOS PO MED PA'I PHYIR RGYU'I DNGOS PO MED PA YIN NO ZHES ZER RO, ,MI RTAG PA'I CHOS MI RTAG PA'I RGYUR 'GYUR BA YANG ZHES BYA BA NI MA YIN PAR DGAG PAR 'GYUR TE, MI RTAG PA NYID RGYU YIN NO ZHES BYA BA 'DIS NI SNGA MA NYID GTAN LA 'BEBS PAR BYED DO, ,SKYES LA 'GAGS PA ZHES GANG 'BYUNG BA DES NI 'DAS PA NYID BRJOD @127B PA YIN TE, RGYU'I KHYAD PAR BRJOD PAR 'DOD PA'I PHYIR RO ZHES BRJOD PAR BYA'O, ,YANG KHA CIG NA RE JI LTAR 'DAS PA NI DNGOS PO MED PA YIN YANG BAG CHAGS LA SOGS PA'I TSUL GYI RGYU YIN PA DE BZHIN DU BSTAN PA YIN NO ZHES ZER RO, ,RTAG PA NI GANG GI RGYUR YANG MI 'GYUR RO ZHES BYA BA LA, KHA CIG NA RE RGYU'I DON RNAM PA BCU PO DAG TU MI RUNG BA'I PHYIR RO ZHES ZER RO, ,'O NA YONGS SU 'DZIN PA'I RGYU NI DBANG PO DANG YUL LA SOGS PA DAG YIN NO ZHES MA SMOS SO ZHE NA, DE'I YUL NI 'DUS BYAS YIN PAR 'DOD DE, YONGS SU 'DZIN PA'I DON YIN PAR SMRAS PA'I PHYIR RO, ,DE LTA NA LHAN CIG BYED PA'I RGYU YIN PAR 'GYUR RO; ,YANG KHA CIG NA RE GZHAN YANG RGYU NI RNAM PAR BDUN DU GZHAG PA YIN TE ZHES BYA BA'I TSIG DE NI 'DREN PA DANG, 'PHEN PA DANG, MNGON PAR 'GRUB PA'I RGYU LAS BSAMS PA YIN TE 'DI LTAR PHYI MA'I RGYUR GYUR GYI SKAD CIG DE NYID KYI MA YIN PA LA SOGS PAS DE LAS GZHAN PA'I RGYU DAG LAS KHYAD PAR DU BSTAN PA YIN NO ZHES ZER RO, ,YANG KHA CIG NA RE DNGOS PO YIN PA'I PHYIR DE NI SKYED PA'I RGYU'I MTSAN NYID KHO NA YIN TE, DE'I PHYIR 'DI LTAR MI RTAG PA'I CHOS MI RTAG PA'I RGYUR 'GYUR BA YANG ZHES BYA BA LA SOGS PA SMOS SO ZHES ZER RO, ,SKYES LA 'GAGS PA ZHES BYA BA DES NI MA 'ONGS PA 'GOG PAR BYED DO, ,KHA CIG NA RE SKYES LA ZHES BYA BA NI DA LTAR BYUNG BA LA BYA'O, ,'GAGS PA ZHES BYA BA NI 'DAS PA LA BYA'O ZHES ZER RO, ,YANG KHA CIG NA RE DE NI 'DAS PA KHO NA YIN PAR GSUNGS SO ZHES KYANG ZER RO, ,YANG KHA CIG NA RE SKYES LA MA 'GAGS PA ZHES BYA BAR BRJOD DE, DE DAG GI RNAM PAR RTOG PA YANG GNYIS TE, DA LTAR BYUNG BA DANG 'DAS PA DAG DA LTAR BYUNG BA YIN PAR RTOG GO, ,MI RTAG PA'I CHOS MI RTAG PA'I RGYUR 'GYUR BA YANG ZHES BYA BA LA, JI LTAR NA 'THOB PA'I RGYU LA 'BRAS BU MI RTAG PAR JI LTAR 'GYUR, SEMS DANG SEMS LAS BYUNG BA RNAM PAR GROL BA'I BYED PA YIN PA'I PHYIR RO, ,DNGOS PO GZHAN ZHES BYA BA LA, DNGOS PO GZHAN GYI NI DUS MNYAM PA'AM DUS PHYI MA'I RGYU YIN NO, ,RANG GI NGO BO PHYI MA'I RGYUR 'GYUR GYI ZHES BYA BA LA, RANG GI NGO BO LA NI PHYI MA'I RGYUR 'GYUR TE, DPER NA MIG NI MJUG THOGS SU 'BYUNG BA'I MIG GI RGYU YIN PA LTA BU'O, ,DES NI SNGAR 'BYUNG BAR SEMS PAR SMRA BA DAG GIS @128A *, ,NYES PA'I LAN YANG BTAB PA YIN NO, ,DE BAS NA SKAD CIG DE NYID KYI NI MA YIN NO ZHES BYA BA NI RANG GI NGO BO KHO NA DANG SBYAR BA YIN NO, ,SNGA MA LAS GYUR NA BYED KYI MA GYUR BAR MI BYED DO ZHES BYA BA NI RKYEN GYI RGYUR 'GYUR BAR BYED PA NA 'BRAS BU'I RKYEN GYI BYA BA BYED PA LA BYA'O, ,MTHUN ZHING 'PHROD PA LAS 'BYUNG GI ZHES BYA BA NI DE YANG MTHU YIN TE, GAL TE MTHUN PAR GYUR NA NI RANG DANG MTHUN PAR SKYE BA'I PHYIR RO, ,'PHROD PAR 'GYUR NA NI GZHAN GYIS SKYED PA'I RKYEN GYIS DNGOS POR 'GYUR BA'I PHYIR RO, ,DE LA MTSAN NYID GDAGS PA RNAM PAR GZHAG PA GANG ZHE NA ZHES BYA BA LA, DE LA ZHES BYA BA NI KHAMS DANG MTSAN NYID TSUL BZHIN DANG ZHES BYA BA DE LA MTSAN NYID GDAGS PA RNAM PAR GZHAG PA GANG ZHE NA ZHES BYA BAR SBYAR RO, ,RTOG PA DANG DPYOD PA RNAMS KYI LUS GANG ZHE NA, RTOG PA DANG DPYOD PA RNAMS DMIGS PA LA MNGON PAR MI RTOGS PA NI SEMS PA'I LUS YIN LA ZHES BYA BA LA, DMIGS PA MNGON PAR MI RTOGS PA ZHES BYA BA NI NYE BAR BRTAG PAR BYA BA'I DNGOS PO LA NGES PAR MI RTOG PA STE, DE'I TSE NA SHES RAB MED PA'I SEMS PA 'BA' ZHIG LA GDAGS PA YIN NO, ,RTOG PA DANG DPYOD PA RNAMS DMIGS PA LA MNGON PAR RTOGS PA NI SHES PA'I LUS YIN PAR RIG PAR BYA'O ZHES BYA BA NI DE'I TSE NA SEMS PA YANG YOD MOD KYI GTZO BO MA YIN TE, BYA BA BYED PA'I TSE NA SHES RAB KYIS SKABS RNYED PAS ZIL GYIS NON PA'I PHYIR RO, ,DE'I PHYIR DE'I TSE NA SEMS PA DE LA RTOG PA DANG DPYOD PAR GDAGS PA MED DO, ,'DI LTAR YANG DAG PA'I SHES PA'I NGO BO NYID NI YANG DAG PA'I RTOG PA KHO NA YIN NO ZHES 'OG NAS KYANG 'BYUNG NGO, ,'DI LA LUNG NI BSAM GTAN PA RNAM PAR 'BYED PA ZHES BYA BA'I MDO LAS BTZUN PA RTOG PA DANG DPYOD PA RNAMS KYI DNGOS PO GANG LAGS, DGE SLONG RTOG PA DANG DPYOD PA RNAMS KYI DNGOS PO NI SEMS PA DANG SHES RAB YIN NO, ,BTZUN PA RTOG PA DANG DPYOD PA RNAMS KYI GDAGS PA GANG LAGS, DGE SLONG RTOG PA DANG DPYOD PA RNAMS KYI GDAGS PA NI YID LA BRJOD PA'I SGO NAS 'JUG PA'I SEMS PA DANG SHES RAB YIN NO ZHES GSUNGS PA'O, ,CI RTOG PA DANG DPYOD PA DAG SEMS GCIG LA YOD DAM ZHE NA, GAL TE SKAD CIG LAS BRTZAMS TE SMRA NA NI MED DE, GCIG NI YONGS @128B SU TSOL BA'I RNAM PA YIN PA'I PHYIR BA DANG, CIG SHOS NI SO SOR RTOG PA'I RNAM PA YIN PA'I PHYIR RO, ,RNAM PA THA DAD PA YIN PA'I PHYIR TSOR BA DANG 'DU SHES BZHIN DU MTSUNGS PAR LDAN PA KHO NA MA YIN NAM ZHE NA, DE GNYIS NI MTSUNGS PAR LDAN PAR RIGS TE, RDZAS THA DAD PA YIN PA'I PHYIR BA DANG, DUS MI MTHUN PA MED PA'I PHYIR RO, ,RTOG PA DANG DPYOD PA GNYIS NI MA YIN TE, RDZAS GCIG PA'I NGO BO NYID YIN PA'I PHYIR BA DANG, DON YONGS SU BTZAL NAS DE'I 'OG TU SO SOR RTOG PAR BYED PA YIN PA'I PHYIR RO, ,GAL TE RGYUN LAS BSAMS TE SMRA NA NI DE'I PHYIR YOD DO, ,DE LA YANG MDO DE NYID LAS BTZUN PA RTOG PA DANG DPYOD PA DAG JI LTAR RJES SU 'JUG PAR 'GYUR, DGE SLONG RGYUN GYIS NI RTOG PA DANG DPYOD PA DAG NA SEMS GCIG LA RJES SU 'JUG PAR 'GYUR GYI, SKYE BAS NI MA YIN NO ZHES GSUNGS SO, ,DE LA RTOG PA DANG DPYOD PA RNAMS KYI DMIGS PA GANG ZHE NA, MING GI TSOGS DANG TSIG GI TSOGS DANG YI GE'I TSOGS LA BRTEN PA'I DON NI DMIGS PA YIN NO ZHES BYA BA LA TSOGS LA BRTEN PA'I DON ZHES BYA BA NI DE DAG GIS BRJOD PAR BYA BA'O, ,JI LTAR NA DE DAG GIS DMIGS PA YIN ZHE NA, DE NI RNAM PA DANG 'BREL BAS YUL LA 'JUG PA'I PHYIR TE, DE BAS NA YID LA BRJOD PA ZHES BYA'O, ,MIG GI RNAM PAR SHES PA LA SOGS PA DAG LA JI LTAR RUNG ZHE NA, YID KYI RNAM PAR SHES PAS 'PHANGS PA'I PHYIR TE, ZHE SDANG LA SOGS PA BZHIN NO, ,KHA CIG NA RE NYE BAR GNAS PA LAS BYUNG BA LAS NI DE DAG MI SRID PA KHO NA YIN NO ZHES ZER RO, ,YANG KHA CIG NA RE NYE BAR GNAS PA LAS BYUNG BA YANG MNGON PAR BRJOD PA DANG 'BREL PA KHO NAS DON LA 'JUG PA YIN TE, DE LTA MA YIN NA DE'I DON MNGON PAR BRJOD PA'I MTSAN NYID THAMS CAD DANG BRAL BA LA YID KYI RNAM PAR SHES PAS SNGON PO'O ZHES NGES PAR BYA ZHING SGRO 'DOGS PAR YANG MI RIGS SO ZHES ZER RO, ,DPER NA RJES LAS THOB PA'I YE SHES KYIS NGAS 'DI LTA BU DANG MNGON BAR RDZOGS PAR KHONG DU CHUD DO ZHES MNGON PAR RTOGS PA MNGON PAR 'JOG PAR BYED KYANG, MNGON PAR RTOGS PA LA RNAM PAR RTOG PA MED PA DE BZHIN DU 'DI LA YANG RUNG BAR 'GYUR BA MA YIN NAM, 'DI LTAR RNAL 'BYOR PA'I RJES LAS THOB PA'I YE SHES KYIS NI 'DI LTA BU KHO NAR RTOGS PA MA YIN TE, 'ON KYANG THABS BYUNG BA DE DAG GIS @129A *, ,RTOGS PAR BYED PA YIN NO, ,SNGA MA YANG DE LTA BU YIN TE, 'DI LTAR YID KYI RNAM PAR SHES PAS NI DE LTA BU KHO NAR RTOGS PA MA YIN TE, DE NI MYONG BA DANG BRDA'I THABS KYIS DE'I 'OG TU RNAM PAR 'JOG PAR BYED DO ZHE NA, DE NI MI RUNG STE, MIG GI RNAM PAR SHES PA LA SNGON POR SNANG BA'I MJUG THOGS SU BYUNG BA YID KYI RNAM PAR SHES PA YANG DE'I RNAM PA DANG 'DRA BAR KHAS BLANGS PA'I PHYIR RO, ,DE DANG MTHUN PA'I PHYIR SNGA MA LA YANG MNGON BAR BRJOD PA YOD PAR RJES SU DPAG TU RUNG NGO, ,DE BZHIN NYID KYI YE SHES DANG RJES LAS THOB PA'I YE SHES GNYIS LA NI 'DRA BA CHUNG ZAD KYANG MED DE, GCIG NI SHIN TU RNAM PAR MI RTOG PA YIN PA'I PHYIR BA DANG, CIG SHOS NI GZUNG BA DANG 'DZIN PAR SGRO 'DOGS PA YIN PA'I PHYIR RO, ,DMIGS PA DE NYID LA GTOD CING ZHES BYA BA NI MTSAN MA LA SEMS KYIS YONGS SU TSOL BA STE, NGES PAR RTOG PA GANG YIN PA'O, ,BYE BRAG TU GTONG PA ZHES BYA BA NI DE BZHIN DU SO SOR RTOG CING MJUG SDUD PAR BYED PA'O, ,MNGON PAR RTOGS PA'I DUS NA NI YONGS SU BRTZAL BA LAS NGES PAR RTOG GO, ,MNGON PAR MI RTOGS PA LA NI YONGS SU BRTZAL BA LAS NGES PAR RTOG PA MED DE KUN NAS SLONG BA TZAM DU ZAD DO, ,DE LTAR NA DE GNYIS NI SHES RAB DANG SEMS PA'I RJES SU 'JUG PA DANG GO RIMS BZHIN DU BSTAN PA YIN NO, ,NGAG KUN NAS SLONG NGO ZHES BYA BA NI TSIG KUN NAS SLONG BAR BYED PA LA BYA'O, ,YANG NA DE DAG LAS NGAG KUN NAS 'BYUNG BA STE, DE DAG SNGON DU 'GRO ZHING THA SNYAD KYI RGYU YIN PA'I PHYIR RO, ,RAB TU DBYE BA RNAM PA BDUN TE, MTSAN MA CAN DANG MTSAN MA CAN MA YIN PA NAS, NYON MONGS PA CAN MA YIN PA'I BAR DU SNGA MA BZHIN NO ZHES BYA BA NI MTSAN MA CAN DANG, MTSAN MA CAN MA YIN PA DANG, RANG GI NGANG GIS 'JUG PA DANG, TSOL BA PA DANG, SO SOR RTOG PA DANG, NYON MONGS PA CAN MA YIN PA RNAMS LA BYA'O, ,'JIG RTEN LAS 'DAS PA'I YE SHES ZHES BYA BA LA, 'JIG RTEN PA'I KHA CIG LA YANG RNAM PAR RTOG PA MED PA'I PHYIR KHAMS GSUM PA'I YANG RNAM PAR RTOG PA MED LA, RTOG PA DANG DPYOD PA MED PA YANG YOD DO, ,MNGON PAR RTOGS PA DANG SO SOR RTOG PA NI BSAM GTAN GNYIS PA LA SOGS PA DAG LA YANG YOD NA CI'I PHYIR DE DAG KYANG RTOG PA DANG BCAS SHING DPYOD PA DANG BCAS PA @129B MA YIN ZHE NA, LANGS PA NA YOD PA KHO NA YIN LA YANG MNYAM PAR GZHAG PA NA MED PA'I PHYIR RO, ,DE LAS GZHAN PA ZHES BYA BA NI RTOG PA DANG DPYOD PA DAG LAS GZHAN PA DAG LA BYA'O, ,SDUG BSNGAL GYI SPYOD PA ZHES BYA BA NI SDUG BSNGAL GYIS GNOD PAR GYUR PA LAS BYUNG BA RNAMS LA BYA'O, ,YID MI BDE BA DANG LDAN PA ZHES BYA BA LA, CI'I PHYIR SDUG BSNGAL DANG LDAN PA ZHES BYA BA SMOS SHE NA, KHA CIG NA RE YUL MI 'DOD PA LA SNA TSOGS RGYUN DU 'BYUNG BA'I PHYIR MIG GI RNAM PAR SHES PA LA SOGS PA SHUGS KYIS 'JUG PA MED PA'I PHYIR RO ZHES ZER RO, ,YANG KHA CIG NA RE MIG GI RNAM PAR SHES PA LA SOGS PA DAG LA SDUG BSNGAL YOD MOD KYI BRJOD PA'I GNOD PA YOD PA'I PHYIR DE LA SHUGS KYIS RTOG PA DANG DPYOD PA DAG NI MED PAS NA DE'I PHYIR DE DAG SDUG BSNGAL DANG LDAN PA ZHES MI BYA'O ZHES ZER RO, ,YI DAGS RDZU 'PHRUL CHE BA RNAMS ZHES BYA BA NI DUD 'GRO KHA CIG LA YANG BRJOD PAR BYA STE, DE DANG 'DRA BAS NA SNGAR YANG PHYOGS GCIG TU BYAS PA'I PHYIR BRJOD PA KHO NA YIN NO, ,GCIG TU NGES PAR NANG GI SDUG PA'I YUL GYI 'DUS TE REG PA ZHES BYA BA LA, NANG GI ZHES BYA BA NI BSAM GTAN LAS SKYES PA YIN PA'I PHYIR RO, ,GCIG TU NGES PAR BDE BA DANG MI 'BRAL BAR 'DOD PA ZHES BYA BA NI BDE BA THOB PA YIN PA'I PHYIR RO, ,DE LA TSUL BZHIN YID LA BYED PA GDAGS PA RNAM PAR GZHAG PA GANG ZHE NA ZHES BYA BA LA, DE LA ZHES BYA BA NI, KHAMS DANG MTSAN NYID TSUL BZHIN DANG ZHES BYA BA DE LA 'DIR TSUL BZHIN YID LA BYED PA GDAGS PA RNAM PAR GZHAG PA GANG ZHE NA ZHES BYA BA SNGA MA BZHIN DU SBYAR BAR BYA'O, ,GNAS RNAM PA DRUG STE, 'DI LTA STE, NGES PA'I DUS DANG, LDOG PA'I DUS DANG, LAS KYI DUS DANG, 'JIG RTEN PA'I 'DOD CHAGS DANG BRAL BA'I DUS DANG, 'JIG RTEN LAS 'DAS PA'I 'DOD CHAGS DANG BRAL BA'I DUS DANG, SEMS CAN LA PHAN 'DOGS PA'I DUS SO ZHES BYA BA LA, DANG PO NI DAD PA DANG MTSUNGS PAR LDAN PA'I RTOG PA DANG DPYOD PA RNAMS KYI'O, ,GNYIS PA NI NGO TSA SHES PA DANG KHREL YOD PA DANG MTSUNGS PAR LDAN PA RNAMS KYI'O, ,GSUM PA NI BRTZON 'GRUS DANG BCAS SHING MA CHAGS PA LA SOGS PA DANG MTSUNGS PAR LDAN PA RNAMS KYI'O, ,BZHI PA NI SHIN TU SBYANGS MTSUNGS PAR LDAN PA RNAMS KYI'O, ,LNGA PA NI BAG YOD PA @130A *, ,DANG BTANG SNYOMS DANG MTSUNGS PAR LDAN PA RNAMS KYI'O, ,DRUG PA NI RNAM PAR MI 'TSE BA DANG MTSUNGS PAR LDAN PA RNAMS KYI GNAS YIN NO, ,JI LTAR NA NGES PA'I DUS DANG DAD PA'I GNAS YIN ZHE NA, DAD PAS NI MOS PAR DKA' BA LA YANG DE NI BCOM LDAN 'DAS KYIS GSUNGS PA YIN NO ZHES MOS PAR BYED LA MOS PA NI NGES PA YIN PA'I PHYIR RO, ,TSUL BZHIN YID LA BYED PA DANG LDAN PA'I RTOG PA DANG DPYOD PA RNAMS KYI DNGOS PO GANG ZHE NA, DNGOS PO BRGYAD DE, SBYIN PA LAS BYUNG BA'I BSOD NAMS BYA BA'I DNGOS PO DANG, TSUL KHRIMS LAS BYUNG BA DANG, BSGOMS PA LAS BYUNG BA DANG, THOS PA LAS BYUNG BA DANG, BSAMS PA LAS BYUNG BA DANG, DE LAS GZHAN PA'I BSGOMS PA LAS BYUNG BA DANG, SO SOR BRTAGS PA LAS BYUNG BA DANG, SEMS CAN LA PHAN 'DOGS PA LAS BYUNG BA'O ZHES BYA BA LA, DANG PO DAD PAS MNGON PAR BSGRUBS PA'I RTOG PA DANG DPYOD PA RNAMS KYI DNGOS PO'O, ,LHAG MA RNAMS NI NGO TSA SHES PA DANG, KHREL YOD PAS BSGRUBS PA DANG, MA CHAGS PA DANG ZHE SDANG MED PAS BSGRUBS PA DANG, GTI MUG MED PAS BSGRUBS PA DANG, BRTZON 'GRUS KYIS BSGRUBS PA DANG, SHIN TU SBYANGS PAS BSGRUBS PA DANG, BAG YOD PA DANG BTANG SNYOMS KYIS BSGRUBS PA DANG, RNAM PAR MI 'TSE BAS BSGRUBS PA'I DNGOS PO RNAMS TE GO RIMS BZHIN DU SBYAR RO, ,DE LAS GZHAN PA'I BSGOMS PA LAS ZHES 'BYUNG BA ZHES BYA BA LA, DE LAS GZHAN PA'I ZHES BYA BA NI BYAMS PA LA SOGS PA DAG MA GTOGS PA'I 'O, ,DNGOS PO BRGYAD DAG KYANG MI DGE BA'I RTZA BA'I GNYEN PO DANG, SHIN TU DAG PAS MA YIN PA DANG, SHIN TU DAG PA DANG, LTA BA DANG, SGRIB PA RNAM PAR DAG PA STE, DE DAG KYANG TSIG GNYIS DANG, GSUM DANG, GCIG DANG, GCIG DANG GO RIMS BZHIN NO, ,TSUL BZHIN YID LA BYED PA DANG LDAN PA'I RTOG PA DANG DPYOD PA RNAMS KYI TSAL PA GANG ZHE NA, 'DI LTAR 'DI NA KHA CIG CES BYA BA LA, 'DI LTAR 'DI NA KHA CIG CES BYA BA'I TSIG NI DPER NA BRJOD PA TZAM YONGS SU BSTAN PAR BYA BA'I PHYIR RO, ,CHAGS PA ZHES BYA BA NI KUN NAS DKRIS PA DANG MTSUNGS PAR LDAN PA LA BYA'O, ,ZHEN PA ZHES BYA BA NI DE NYID KYI RGYUR 'BREL PA LA BYA'O, ,MTSUNGS PA ZHES BYA BA NI LHAG PAR YONGS @130B SU 'DZIN PA LA BYA'O, ,MDUD PA BOR BA ZHES BYA BA NI DE NYID KYI RGYUR 'BREL PA LA BYA'O, ,BRGYAL BA ZHES BYA BA NI CHES LHAG PA LA BYA'O, ,LHAG PAR CHAGS PA ZHES BYA BA NI BRGYAL NAS DE'I BLA MA'I TSIG MI NYAN PA LA SOGS PA LA BYA'O, ,LHAG PAR CHAGS PAR GYUR PA ZHES BYA BA DE NYID KYI RGYUN DANG 'BREL BA LA BYA'O; ,NYES DMIGS SU MI LTA BA ZHES BYA BA NI GANG GI PHYIR DE NYID MTSAN DU NGOMS MI MYONG BAR ZHING DE LA GZHOL BAR BYED PA LA BYA'O, ,NGES PAR 'BYUNG BA MI SHES BZHIN DU ZHES BYA BA NI NGES PAR 'BYUNG BA RAB TU MI SHES PA LA BYA STE, DE DAG LAS BZLOG PA NI CHAGS PA MED PA ZHES BYA BA LA SOGS PA'I TSIG RNAMS DANG GO RIMS BZHIN DU SBYAR RO, ,YANG DAG PAR SGRUB PA GANG ZHE NA, 'DI LTAR 'DI NA KHA CIG MAR 'DZIN PA DANG ZHES BYA BA LA SOGS PA LA, MAR 'DZIN PA ZHES BYA BA LA SOGS PA'I TSIG RNAMS NI BLA MA'I GNAS DANG, DE LAS GZHAN PA'I GNAS LA MCHOD PA BYA BA LAS BRTZAMS PA YIN TE, DE LA BLA MA RNAMS NI PHAN 'DOGS PAS GTZO BO RNAMS DANG, YON TAN GYIS GTZO BO RNAMS DANG, RIGS KYIS GTZO BO RNAMS TE, DE DAG LA BSAM PA THAG PA NAS MCHOD PA BYA BA'I PHYIR TE TSIG LNGAS BSTAN TO, ,SBYOR BA NI TSIG GCIG GIS SO, ,DE MAR 'DZIN PA ZHES BYA BA NI MA DANG, RJES SU MTHUN PAR BYED PA'I PHYIR TE, DPER NA YID DU 'ONG BA BZHIN NO, , PHAR 'DZIN PA ZHES BYA BA YANG DE DANG 'DRA'O, ,DGE SBYONG DU 'DZIN PA ZHES BYA BA NI DGE SBYONG RNAMS LEGS PAR BYED DO, ,BRAM ZER 'DZIN PA ZHES BYA BA YANG DE DANG 'DRA'O, ,RIGS KYI GTZO BO LA RIM GRO BYED PA ZHES BYA BA LA, RIGS KYI GTZO BO RNAMS NI PHU BO LA SOGS PA DAG STE, DE DAG LA ZHES BYA BA LA SOGS PA BYED PA NI DE DAG LA RIM GRO BYED PA YIN NO, ,DON BYED PA ZHES BYA BA NI THAMS CAD KYI BYA BA SGRUB PAR BYED PA LA BYA'O, ,DE LAS GZHAN PA LA MCHOD PA BYED PA ZHES BYA BA NI THABS AGANG GIS BYED PA DANG, CI ZHIG BYED PA STE, DE DAG KYANG BYA BA BYED PA ZHES BYA BA LA SOGS PA'I TSIG RNAMS KYIS YONGS SU BSTAN TE, DE LA THABS NI RIGS PAS BYED PA YIN PA'I PHYIR BYA BA BYED PA KHO NA YIN NO, ,LTOS PA NI 'JIG RTEN GNYIS KAR YANG KHA NA MA THO BA RNAMS LA 'JIGS PAR LTA BA NYID YIN TE, 'JIG RTEN 'DI DANG 'JIG RTEN PHA ROL DU KHA NA MA THO BA RNAMS LA 'JIGS PAR LTA BA ZHES BYA BA'O, ,CI ZHIG BYED CE NA, SBYIN PA DAG @131A *, ,SBYIN ZHING BSOD NAMS DAG BYED PA ZHES BYA BA LA SOGS PA DAG GO, YANG SBYIN BDAG GI MTSAN NYID RNAM PA BZHI STE ZHES BYA BA LA SOGS PA NI BSOD NAMS BYA BA'I DNGOS PO ZHES BYA BA'I MDO LAS SBYIN PA LAS BYUNG BA'I BSOD NAMS BYA BA'I DNGOS PO GANG ZHE NA, 'DI LTAR 'DI NA KHA CIG DGE SBYONG RNAMS DANG, BRAM ZE RNAMS DANG, BKREN PA RNAMS DANG, SDUG PHONGS PA RNAMS DANG, 'DREN PA RNAMS DANG, SLONG MO RNAMS LA 'DI LTA STE, ZAS DANG, SKOM DANG, BCA' BA DANG, BZA' BA DANG, BZHON PA DANG, GOS DANG, PHRENG BA DANG, SPOS DANG, BYUG PA DANG, GNAS DANG, MAR ME SBYIN PA DAG SBYIN PAR BYED DE, DE'I 'BRAS BU NI LONGS SPYOD YIN NO ZHES BYA BA GSUNGS PA'I MDO SDE'I DUM BU YIN TE, 'DOD PA ZHES BYA BA NI SBYIN PAR BYED PA NI DE'I NGANG TSUL CAN YIN PA'I PHYIR SBYIN PA PO ZHES BYA BA'O ZHES GANG GSUNGS PA LA BYA'O, ,PHYOGS MI 'DZIN PA ZHES BYA BA NI GANG DGE SLONG DANG BRAM ZE RNAMS DANG THAMS CAD LA SBYIN PA SBYIN PAR BYED PA LA BYA'O, ,PHONGS PA SEL BA ZHES BYA BA NI GANG ZAS DANG SKOM LA SOGS PAS PHONGS PA DAG LA ZAS DANG SKOM LA SOGS PA'I SBYIN PA SBYIN PAR BYED PA LA BYA'O, ,YANG DAG PAR SHES PA ZHES BYA BA NI GANG GIS SBYIN PA'I 'BRAS BU LONGS SPYOD YIN PAR SHES PA LA BYA'O, ,TSUL KHRIMS DANG LDAN PA'I MTSAN NYID NI RNAM PA BZHI STE ZHES BYA BA NI TSUL KHRIMS KYI PHUNG POR GTOGS PA'I MDO LAS, TSUL KHRIMS LAS BYUNG BA'I BSOD NAMS BYA BA'I DNGOS PO GANG ZHE NA ZHES BYA BA RGYA CHER GSUNGS PA MDOR BSDUS TE BRJOD PAR BYA NA, 'DI LA STON PA 'JIG RTEN DU BYUNG ZHING DAM PA'I CHOS THOG MAR DGE BA LA SOGS PA'I BAR DAG STON PAR MDZAD NA KHYIM BDAG GAM, KHYIM BDAG GI BU CHOS DE NYAN PAR BYED DO, ,DES CHOS DE THOS NAS KYANG DAD PA RAB TU 'THOB PA DANG, RAB TU BYUNG BA'I BAR DANG, SROG GCOD PA SPONG BAR BYED DO ZHES BYA BA LA SOGS PA'I BAR DANG, DE TSUL KHRIMS KYI PHUNG PO DE DANG LDAN PAS DBANG PO RNAMS KYI SGO GCOD DE DRAN PA KUN TU SRUNG ZHING GNAS SO ZHES BYA BA LA SOGS PA DANG, TSUL KHRIMS DE'I 'BRAS BU NI MTHO RIS YIN NO ZHES BYA BA'I BAR DU GSUNGS PA'I MDO SDE'I DUM BU YIN TE, 'DOD PA ZHES BYA BA NI DAD PA RAB TU THOB PA ZHES BYA BA LA SOGS PA GANG GSUNGS PA LA BYA'O, ,CHU LON @131B GYI GLON PA ZHES BYA BA DE SROG GCOD PA SPONG BAR BYED DO ZHES BYA BA LA SOGS PA GSUNGS PA LA BYA'O, ,KUN TU MI SPYOD PA ZHES BYA BA NI DBANG PO RNAMS KYI SGO BCAD DE DRAN PA KUN TU SRUNG ZHING GNAS SO ZHES BYA BA LA SOGS PA GANG GSUNGS PA LA BYA STE, DE'I 'GRO BA DANG 'DUG PA'I GNAS SKABS DAG LA 'CHAL PA'I TSUL KHRIMS KUN TU 'BYUNG BA MED PA'I PHYIR RO, ,YANG DAG PAR SHES PA ZHES BYA BA NI GANG GIS TSUL KHRIMS KYI 'BRAS BU MTHO RIS YIN PAR SHES PA LA BYA'O, ,SGOM PA PO'I MTSAN NYID NI RNAM PA BZHI STE ZHES BYA BA YANG, 'DI LTAR 'DI NA KHA CIG BYAMS PA DANG LDAN PA'I SEMS KHO NA MED PA, 'GRAN ZLA MED PA, GNOD PA MED PA; YANGS PA, RGYA CHEN POR GYUR PA, MI GNYIS PA, TSAD MED PA SHIN TU BSGOMS PAS PHYOGS GCIG TU MOS PAR BYAS TE KHYAB PAR BYAS NAS BSGRUBS TE GNAS SO, ,DE BZHIN DU GNYIS PA DANG, DE BZHIN DU GSUM PA DANG, DE BZHIN DU BZHI PA DANG, BLA DANG, 'OG DANG, THAD KAR RNAM PA THAMS CAD DU THAMS CAD DANG LDAN PA'I 'JIG RTEN 'DI BYAMS PA DANG LDAN PA'I SEMS KHO NA MED PA, 'GRAN ZLA MED PA, GNOD PA MED PA, YANGS PA, RGYA CHEN POR GYUR PA, MI GNYIS PA, TSAD MED PA SHIN TU BSGOMS PAS MOS TE KHYAB PAR BYAS NAS BSGRUBS TE GNAS SO, ,DE'I RNAM PAR SMIN PA YANG TSANGS PA'I 'JIG RTEN YIN NO ZHES GSUNGS PA'I MDO SDE'I DUM BU YIN TE, DE LA BSAM PA RNAM PAR DAG PA ZHES BYA BA NI BYAMS PA DANG LDAN PA'I SEMS KHO NA MED PA ZHES BYA BA LA SOGS PA GSUNGS PA LA BYA'O, ,NYE BAR SBYOR BA RNAM PAR DAG PA ZHES BYA BA NI PHYOGS GCIG TU ZHES BYA BA NAS, RNAM PA THAMS CAD DU THAMS CAD DANG LDAN PA'I 'JIG RTEN 'DI KHYAB PAR BYAS NAS BSGRUBS TE GNAS SO ZHES BYA BA'I BAR DU GANG GSUNGS PA LA BYA'O, ,SHES PA RNAM PAR DAG PA ZHES BYA BA NI GANG GIS BSGOM PA LAS BYUNG BA'I BSOD NAMS BYA BA'I DNGOS PO'I RNAM PAR SMIN PA TSANGS PA'I 'JIG RTEN YIN PAR SHES PA LA BYA'O, ,DA NI ZAS SBYIN PA RNAM PA DRUG STE ZHES BYA BA LA SOGS PAS SBYIN PA LAS BYUNG BA LA SOGS PA BSOD NAMS BYA BA'I DNGOS PO MDO SDE LAS GSUNGS PA'I TSIG RNAMS RNAM PAR 'JOG PAR BYED DE, 'DIR ZAS SBYIN PA RNAM PA DRUG PO DAG NI DGE SBYONG RNAMS DANG, BRAM ZE RNAMS DANG ZHES BYA BA LA SOGS PA'I TSIG DRUG DANG GO RIMS BZHIN DU SBYAR RO, ,GNOD @132A *, ,PA NI RNAM PA BRGYAD DE ZHES BYA BA RNAMS KYANG ZAS DANG ZHES BYA BA LA SOGS PA'I TSIG RNAMS DANG GO RIMS BZHIN DU SBYAR TE, BCA' PA DANG BZA' BA GNYIS NI KHA ZAS NGAN PA ZA BAS GNOD PA ZHES BYA BA DANG SBYAR RO, ,YANG GNOD PA NI RNAM PA DRUG STE ZHES BYA BA LA, 'DIR YANG LHAN CIG SKYES PA ZHES BYA BA NI BKRES PA DANG SKOM PA LA BYA STE, DE'I GNYEN POR ZAS SKOM SBYIN PAR BYED DO, ,DE BZHIN DU 'DOD PAS PHONGS PA LAS BYUNG BA ZHES BYA BA LA SOGS PA DAG KYANG BCA' BA ZHES BYA BA LA SOGS PA MDO SDE LAS GSUNGS PA'I TSIG GNYIS PA DANG, RE RE DANG GO RIMS BZHIN DU SBYAR RO, ,DE LAS BZLOG PA NI PHAN GDAGS PA NI RNAM PA DRUG STE ZHES BYA BA RNAMS DANG CI RIGS SU SBYAR TE, DE YANG ZAS DANG ZHES BYA BA LA SOGS PA MDO SDE LAS GSUNGS PA'I TSIG BZHI DANG RE RE DANG GO RIMS BZHIN DU SBYAR RO, ,MI MDZA' BA'I MTSAN NYID NI BZHI STE ZHES BYA BA DAG NI KHO NA MED PA ZHES BYA BA LA SOGS PA'I TSIG BZHI LAS BZLOG PA YIN TE, DE LAS 'KHRUG PA'I BSAM PA MI GTONG BA ZHES BYA BA NI KHO NA MED PA ZHES GANG GSUNGS PA LAS GO BZLOG PA YIN NO, ,BYAMS PA DANG LDAN PA'I SEMS ZHES BYA BA NI BSTAN PA'I TSIG YIN NO, ,SDUG PA LA RNAM PAR BGEGS BYED PA'I GNAS ZHES BYA BA NI 'GRAN ZLA MED PA ZHES GSUNGS PA LAS BZLOG PA YIN NO, ,MI SDUG PA BSGRUB PA DANG PHAN PA MA YIN PA SGRUB PA'O ZHES BYA BA LA KHA CIG NA RE GNOD PA LA BYA STE, DE LAS BZLOG PA NI GNOD PA MED PA ZHES GSUNGS PA YIN NO ZHES ZER RO, ,YANG KHA CIG NA RE MDO SDE GZHAN DAG LAS TSAD MED PA BZHI NI BSGOMS PA LAS BYUNG BA'I BSOD NAMS BYA BA'I DNGOS PO YIN NO ZHES GSUNGS PAS NA DE DAG GI MI MTHUN PA'I PHYOGS NI MDZA' BA'I MTSAN NYID BZHI PO SMOS PA DAG YIN NO, ,GO RIMS BZHIN DU SBYAR RO ZHES ZER RO, ,YO BYAD KYI BDE BA BSGRUB PA NI 'DOD PA'I KHAMS NA'O, ,DGA' BA DANG BCAS PA'I BDE BA BSGRUB PA ZHES BYA BA NI BSAM GTAN GNYIS PA MAN CHAD DU DGA' BA DANG BCAS PA'I BDE BA NYE BAR BSGRUB PA LA BYA'O, ,DGA' BA MED PA'I BDE BA BSGRUB PA ZHES BYA BA NI DE'I GONG MA LA STE, 'DIR MDO SDE'I TSIG KYANG BYAMS PA DANG LDAN PA'I SEMS KYIS PHYOGS GCIG DANG, DE BZHIN DU BZHI DANG, BLA DANG, 'OG DANG, THAD KAR BAR DU RNAM PA THAMS @132B CAD DU THAMS CAD DANG LDAN PA'I 'JIG RTEN 'DI KHYAB PAR BYAS NAS BSGRUBS TE GNAS SO ZHES BYA BA LA SOGS PA GANG GSUNGS PA YIN NO, ,BZHI PO 'DI DAG NI MKHAS PAS BSTAN PA YIN ZHES BYA BA MDO 'DI'I RNAM PAR BSHAD PA NI, YANG MTHUN PAR 'JUG PAR KHAS BLANGS PA NI BZHI PO 'DI DAG YIN TE ZHES BYA BA LA SOGS PA NI BSOD NAMS BYA BA'I DNGOS PO'I ZHAR LA SMOS PA YIN TE, 'DIR MDO SDE LAS MKHAS PA RNAMS KYIS BSTAN PA DANG, SKYES BU DAM PA RNAMS KYIS BSTAN PA DANG, SKYES BU NGAN PA RNAMS KYIS BSTAN PA DANG, MDZANGS PA RNAMS KYIS BSNGAGS PA DANG, SHES PA RNAMS KYIS MA SMAD PA DAG NI RNAM PA BZHI STE, BZHI GANG ZHE NA, SBYIN PA NI MKHAS PA RNAMS KYIS BSTAN PA DANG, SHES PA RNAMS KYIS MA SMAD PA'I BAR DAG YIN NO, ,SROG CHAGS 'BYUNG PO THAMS CAD LA MI 'TSE BA DANG, PHA DANG MA LA BSNYEN BKUR BYED PA DANG LEGS PAR GSUNGS PA'I CHOS 'DUL BA LA RAB TU BYUNG ZHING BSNYEN PAR RDZOGS PA DGE SLONG GI DNGOS PO MKHAS PA RNAMS KYIS BSTAN PA DANG, SHES PA RNAMS KYIS MA SMAD PA'I BAR DAG YIN TE, SBYIN DANG MI 'TSE YANG DAG SDOM, ,NGUL DANG PHA MA BSNYEN BKUR DANG, ,ZHI BA NYID DANG TSANGS SPYOD NI, ,DAM PA RNAMS KYIS BSTAN PA STE, ,GANG DAG MKHAS PAS BSTAN BYA'I GNAS, ,DE DAG YANG DAG MTHONG NA NI, ,MTHONG BA RDZOGS PA'I 'PHAGS PAR 'GYUR, ,DE NI 'JIG RTEN YIN ZHES GSUNGS PA YIN TE, MKHAS PAS BSTAN PA RNAM PA BZHI PO DE DAG DANG MTHUN PAR 'JUG PAR KHAS BLANG BA BZHI PO RNAMS SU GO RIMS BZHIN DU SBYAR RO, ,DE LA SKYE BO YONGS LA MTHUN PAR 'JUG PA KHAS BLANG BA ZHES BYA BA LA, SKYE BO YONGS ZHES BYA BA NI SEMS CAN THAMS CAD LA BYA STE, YONGS ZHES BYA BA'I SGRA NI KUN GYI DON YIN PA'I PHYIR RO, ,TSOGS PAR 'DU 'OS LA MTHUN PAR 'JUG PAR KHAS BLANG BA ZHES BYA BA LA TSOGS PAR 'DU 'OS ZHES BYA BA NI 'DI'I TSUL KHRIMS LA GNAS PA GANG YIN PA'O, ,LONGS SPYOD CHE BA ZHES BYA BA LA SOGS PA 'BRAS BU RNAMS NI PHAN GDAGS PA ZHES BYA BA LA SOGS PA DANG GO RIMS BZHIN DU SBYAR RO, ,SKAL BA MNYAM PA DANG MTHUN PAR 'JUG PA ZHES BYA BA THA MA'I 'BRAS BU NI MYA NGAN LAS 'DAS PA 'THOB PA DANG, BDE 'GROR 'GRO BA ZHES BYA BA LA SOGS PA YANG MDO SDE LAS GSUNGS PA'I TSIG MTHONG BA RDZOGS PA'I 'PHAGS @133A *, ,BAR 'GYUR, DE NI 'JIG RTEN YIN ZHES GSUNGS PA DANG SBYAR TE, DE LA MYA NGAN LAS 'DAS PA THOB PAS MTHONG BA RDZOGS PA'I 'PHAGS PA YIN LA, LHAG MA RNAMS NI 'JIG RTEN NA ZHI BA LA BRTEN PA YIN PAR GSUNGS SO, ,MKHAS PA RNAMS KYIS MKHAS PA'I MTSAN NYID NI GSUM PO 'DI DAG YIN TE ZHES BYA BA LA SOGS PA 'DI YANG SNGA MA BZHIN DU TSUL KHRIMS KYI PHUNG PO'I RGYUD DU GTOGS PA LAS GSUNGS PA YIN TE, BYE BRAG TU NA STE DRAN PA DANG SHES BZHIN DAM PA DE DANG LDAN ZHING, SHING DRUNG DAG GAM GRONG STONG DAG GI GNAS MAL DBEN PA DAG TU GNAS PAR BYED DE, DER SKYIL MO KRUNG BCAS NAS DRAN PA NYE BAR GZHAG PA'I BAR DU BYAS TE 'DUG NAS, DES 'JIG RTEN LA BRNAB SEMS SPANGS SHING BRNAB SEMS DANG BRAL BA'I SEMS KYIS LEN MANG DU GNAS SO, ,DE BZHIN DU SGRIB PA LNGA PO DAG LA YANG BRJOD PAR BYA STE, DE NI MA NUR LAS RGAL ZHING THE TSOM LAS RGAL NAS DGE BA'I CHOS RNAMS LA THE TSOM MED CING THE TSOM LAS SEMS YONGS SU SBYONG BAR BYED DO, ,DES SGRIB PA LNGA PO DAG SPANGS NAS 'DOD PA RNAMS LAS DBEN PA ZHES BYA BA NAS BSAM GTAN BZHI PA'I BAR DAG BSGRUBS TE GNAS SO, ,DES DE LTAR SEMS YONGS SU DAG PA DANG, 'PHAGS PA'I BDEN PA BZHI MNGON PAR RTOGS PA'I BAR DAG LA BRTEN NAS ZAG PA ZAD PA RJES SU THOB PO ZHES GSUNGS PA STE, DE LA DGE BA YANG DAG PAR LEN PA ZHES BYA BA NI RAB TU 'BYUNG BAR BYED DO ZHES GANG GSUNGS PA LA BYA'O, ,DGE BA LA GCIG TU NGES PAR ZHES BYA BA NI DE DGE BA'I CHOS RNAMS LA THE TSOM MED CING ZHES BYA BA NAS BSAM GTAN BZHI PA'I BAR DAG BSGRUBS TE GNAS SO ZHES GANG GSUNGS PA'I BAR DAG LA BYA'O, ,DGE BA LA BSTAN PA'O ZHES BYA BA NI 'PHAGS PA'I BDEN PA BZHI MNGON PAR RTOGS PA ZHES GANG GSUNGS PA LA BYA STE, DE LTAR DGE BA DAG LAS YONGS SU MI MNYAM PA'I CHOS CAN YIN NO, ,GZHAN YANG GSUM STE ZHES BYA BA YANG MDO SDE DE NYID LAS GSUNGS PA YIN TE, DE DAG KYANG RAB TU 'BYUNG BA DANG, BSAM GTAN RNAMS DANG ZAG PA ZAD PA'I BAR DAG DANG GO RIMS BZHIN DU SBYAR RO, ,KHA CIG NI GSUM PO DAG TSUL KHRIMS KYI PHUNG PO TZAM GYI RGYUD DU GTOGS PA'I MDO LAS, DE NYID BSAM GTAN DANG BCAS PA DANG DE NYID MNGON PAR RTOGS PA DANG @133B BCAS PAR 'BYUNG BA DANG GO RIMS BZHIN DU SBYAR RO, ,RGYU LA 'BRAS BU YOD PAR SMRA BA GANG ZHE NA, 'DI LAR 'DI NA DGE SBYONG NGAM BRAM ZE KHA CIG RTAG PA'I DUS DANG THER ZUG THER ZUR GI DUS SU RGYU LA 'BRAS BU YOD PA KHO NA ZHES DE LTAR LTA ZHING DE SKAD SMRA BA DAG YOD DE ZHES BYA BA LA, RTAG PA ZHES BYA BA NI RGYUN MI 'CHAD PA LA BYA STE, DPER NA RTAG PAR ZAS SBYIN NO ZHES BYA BA LTA BU'O, THER ZUG CES BYA BA NI BAR CHAD MED PA STE, 'DAB CHAGS LAS SO, ,YANG RTOG PA ZHES BYA BA NI SNGON BYUNG BA MA YIN PA STE, GNAS PA'I NGO BO NYID YIN PA'I PHYIR RO, ,THER ZUG CES BYA BA NI MI 'JIG PA'I CHOS CAN LA BYA'O, ,RTAG PA'I DUS DANG THER ZUG GI DUS ZHES BYA BA GNYIS NI GONG MA GNYIS RNAM PAR BSHAD PA'I TSIG YIN NO, ,YANG NA RTAG PA ZHES BYA BA LA SOGS PA'I TSIG BZHI NI BRAL BA DANG, RGYUN DANG SKAD CIG LA 'JIG PA DANG 'GYUR BA'I MI RTAG PA RNAMS MED PA'I PHYIR TE, GO RIMS BZHIN DU SBYAR RO, ,DE LTAR LTA ZHING ZHES BYA BA NI JI LTAR 'DOD PA'I DON LA MNGON PAR ZHEN PA'I PHYIR RO, ,DE SKAD SMRA BA ZHES BYA BA JI LTAR MNGON PAR SHES PA BZHIN DU GZHAN DAG LA YANG BRJOD PAS SO, ,'DI LTA STE KHYU MCHOG PA'I TSOGS LTA BU ZHES BYA BA NI MDO SDE LAS DE NAS BRAM ZE DMAR PO'I BU LUS MI SDUG BCOM LDAN 'DAS KYI DRUNG DU NYE BAR SONG NAS 'DI SKAD CES GSOL TO, ,KYE GOO TA MA 'DI LA BDAG GI SLOB MA KHYU MCHOG GI TSOGS KYI RIGS CAN DE 'KHOR RNAMS LA 'DI SKAD CES GANG YOD PA DE NI YOD PA KHO NA'O, ,GANG MED PA DE NI MED PA KHO NA'O, ,MED PA LA NI 'BYUNG BA YANG MED DO ZHES MCHI'O ZHES BYA BA LA SOGS PA GSUNGS PAS STON PAR BYED DO, ,DE DAG KYANG CI'I PHYIR RGYU LA 'BRAS BU YOD PAR LTA ZHING RNAM PAR 'JOG LA YONGS SU STON PAR BYED CE NA ZHES BYA BA LA, LTA ZHING ZHES BYA BA NI RANG GI LTA BA MCHOG TU 'DZIN PAS SO, ,RNAM PAR 'JOG LA ZHES BYA BA NI THA SNYAD DANG MI 'GAL BAR BSTAN BCOS BZHAG PAS SO, ,YONGS SU STON PAR BYED CES BYA BA NI GTAN TSIGS LA SOGS PA DAG GIS GZHAN DAG LA RJOD PAR BYED PAS SO, ,'DI LTAR LUNG DANG RIGS PAS BYED DE ZHES BYA BA LA, LUNG NI THOS PA DANG DRAN PA'O, ,DE LA DRAN PA NI THOS PA GCIG TU BRGYUD PA ZHES BYA BA'O, ,THOS PA NI SLOB MA RNAMS LA BSTAN BCOS LEGS PAR RAB TU STON @134A *, ,PA STE; SDE SNOD BYIN PA'I TSUL GYIS ZHES BYA BA 'DI YIN NO, ,RIGS PA GANG ZHE NA, 'DI LTAR DGE SBYONG NGAM BRAM ZE RTOG GE PA ZHES BYA BA NI RNAM GRANGS DANG MTSAN NYID KYIS BSTAN TE, DE LA RNAM GRANGS NI DPYOD PA CAN ZHES BYA BA'O, ,MTSAN NYID NI 'DI LTAR GANG SLONG BAR BYED PA DE YANG RTOG PAR BYED PA YIN NO ZHES BRJOD PA DE'I GNAS SKABS LTA BUR MA GYUR PA LA BYA'O, ,RTOG GE LA RTOG PA'I SA ZHES BYA BA NI MNYAM PAR MA BZHAG PA'I GNAS SKABS LA BYA STE, DE YANG LUNG MED PA'I PHYIR RANG GI SPOBS PA LAS BYUNG BA ZHES BYA'O, ,RTOG PA MED PA'I PHYIR SO SO'I SKYE BO PA ZHES BYA'O, MNGON PAR BRTAGS SHING 'THAD PA SGRUB PA'I RIGS PAS RNAM PAR GZHAG PA'I PHYIR DPYOD PA'I RJES SU SPYOD PA ZHES BYA'O, ,MNGOS PO GANG DAG LAS MNGOS PO GANG DAG 'BYUNG BA DE DAG NI NGAG GI RGYU NYID DU GRAGS SHING 'DOGS KYI ZHES BYA BA NI GTAN TSIGS RNAMS PAR 'GREL PA YIN NO, ,DE LAS GZHAN PA DAG NI MA YIN NO ZHES BYA BA NI LDOG PA YIN NO, ,DE BAS NA 'BRAS BU DE DE LA YOD DO ZHES MJUG BSDUS PA NI DAM BCAS PA'I TSIG YIN NO, ,DE'I PHYIR PHA ROL GYI SBYOR BA NI SA BON LA MYU GU YOD DE 'BYUNG BA'I RGYU NYID DU GZHAG PA'I PHYIR RO, ,GANG LA MYU GU MED PA DE NI MYU GU 'BYUNG BA'I RGYUR MI GZHAG STE, DPER NA SHES PA YOD PA BZHIN NO, ,DE LTAR NA DE'I DON DU 'DZIN PAR BYED PA'I PHYIR DANG, BYA BA DE DANG DE DAG TU DE DAG NYID SBYOR BAR BYED PA'I PHYIR 'BRAS BU DE YANG DE DAG LAS 'BYUNG GI DE LAS GZHAN PA RNAMS LAS MA YIN TE ZHES BYA BAR SBYAR RO, ,DE LTA MA YIN DU ZIN NA ZHES BYA BA LA SOGS PA NI LDOG PA RNAM PAR 'GREL PA YIN NO, ,'DIR DE LA GAL TE NUS PA'I SGO NAS SA BON LAS MYU GU YOD PAR 'DOD NA NI BRTZAD DU MED PAS CHUNG ZAD KYANG MI BRJOD DE, ,GRUB PA SGRUB PAR BYED PA NI SKYON DU 'GYUR BA'I PHYIR RO, ,JI STE RANG GI NGO BO YOD PAR 'DOD NA NI DE'I PHYIR DE LA 'DI SKAD CES BRJOD PAR BYA STE ZHES BYA BA LA SOGS PAS DPYAD PAR BYA'O, ,RJES SU 'GRO BA ZHES PA'I SKYON NI MTSAN NYID YOD PA'I CHOS LA ZHES BYA BA LA SOGS PAS DON GYI SGO NAS SMRAS PA YIN NO, ,YANG NA RTZING BA'I PHYIR MA SMRAS PA KHO NA YIN NO, ,RGYUR NGES PA DANG 'BRAS BU NGES PA MED PAS ZHES BYA BA NI 'DI NI RGYU'O 'DI NI 'BRAS BU'O ZHES BYE BRAG TU @134B DBYE BA MED PA'I PHYIR DAM BCAS PA NI 'JIG RTEN DANG MTHUN PA LA SOGS PA'I SKYON YOD DO, ,CI MA SKYES PA'I MTSAN NYID ZHES BYA BA LA, MA SKYES PA'I MTSAN NYID CES BYA BA NI RANG GI MTSAN NYID MA THOB PA LA BYA STE, RJES SU DPAG PA DES NI DAM BCAS PA SUN 'BYIN PAR BYED DE, RANG GI MTSAN NYID MA SKYES PA'I PHYIR RANG BZHIN GYIS RANG BZHIN SNGA MA BZHIN DU SA BON LA MYU GU MED DO, ,CHOS MI MTHUN PA NI SA BON DAG LA GZUGS LA SOGS PA'I RANG GI MTSAN NYID YOD PA'O, ,DE YANG PHA ROL GYIS KHAS BLANGS PA'I PHYIR GNYIS KA LA GRUB PO, ,DE LTA BAS NA GAL TE SKYES PA'I MTSAN NYID GCIG YIN NA NI ZHES BYA BA LA SOGS PA SMOS SO, ,NUS PA YOD PAR SMRA BA LA YANG SKYON DE KHO NA YOD DE, NUS PA NI 'BRAS BU LAS THA DAD PA MA YIN PA'I PHYIR RO, ,GAL TE SKYES ZIN PA'I MTSAN NYID GCIG YIN NA NI ZHES BYA BA DE LA YANG DAM BCAS PA'I SKYON NI SNGA MA BZHIN TE, RANG GI MTSAN NYID SKYES PA'I GSAL BA GZHAN RNAMS NI SA BON LAS MI 'BYUNG BA'I PHYIR RO, ,RGYU YOD NA RKYEN LA LTOS TE SKYE BAR 'GYUR RO ZHES BYA BA LA, RGYU YOD NA ZHES BYA BA NI NUS PA DANG LDAN PA NYE BAR GNAS SAM SA BON YANG DAG PAR MA BCOM ZHING MA SPANGS PA LA BYA'O, ,DE LA MTSAN NYID RNAM PA LNGAS NA ZHES BYA BA LA SOGS PA'I DPES NI DGAG PA KHO NA BRJOD PA YIN NO, ,DE'I RTEN LA DMIGS PA 'DI LTA STE MIG LA MIG GI RNAM PAR SHES PA LTA BU ZHES BYA BA NI GZUGS CAN MA YIN YANG DE LA BYA BA BYED PA DMIGS PA'I PHYIR YOD PA YIN NO ZHES RTOGS PAR 'GYUR BA LTA BU'O, ,DE BZHIN DU RANG GI MTSAN NYID DU DMIGS PA 'DI LTA STE, RGYU NI RJES SU DPAG PAR BYA BA MA YIN ZHING, RANG GI LAS BYED PA LTA BU ZHES BYA BA NI DPER NA RGYU LA RJES SU DPAG PAR BYA BA MED PA DE'I TSE 'BRAS BU YANG DE BZHIN DU YID KYI LAN GDAB PAR NG DE BZHIN DU LAS BYA'O, ,DE BZHIN DU YOD PA'I PHYIR TE RGYU BZHIN NO, ,YANG NA 'DI LTAR BYA STE, SA BON SKAM PO LA NI MYU GU MED DE, BAR DU GCOD PA MED KYANG MYU GU DANG BCAS PA NYID DU GZUNG DU MED PA'I PHYIR RO, ,DPER NA SEMS SAM SHES PA YOD PA BZHIN TE, CHOS MI MTHUN PA NI SA BON LAS MYU GU MNGON PAR GRUB PA'O, ,LAS LA YANG DE BZHIN DU BRJOD PAR BYA'O, ,RGYUR 'GYUR BGA'AM ZHES BYA BA NI 'BRAS THUG PO CHE LA SOGS PA BZHIN DU MYU GU YANG NYAMS PAR 'GYUR @135A *, ,BAR BSAMS PA'O, ,YANG NA 'GYUR BA'I RKYEN RNAMS KYIS 'GYUR BAR 'ONG BA'O ZHES BYA BA NI RGYUR 'GYUR BA'I RKYEN RNAMS MA GTOGS PAR YANG NGO, ,DE DAG 'DI NYID DU SEMS TE, RGYU LA 'BRAS BU MED NA SKYE BAR MI RUNG LA ZHES BYA BA NI 'DI LTAR YOD PA KHO NA LA MNGON PAR GSAL BAR BYED DE, BSGRUBS PA'I PHYIR BUM PA LA SOGS PA BZHIN NO, ,'BRAS BU BSGRUB PA'I PHYIR 'BAD PAR MI BYED PA YANG MA YIN NO ZHES BYA BA NI 'JIG RTEN LA SOGS PA DANG 'GAL BA YONGS SU SEL BAR BYED DO, ,DE DE LTAR YONGS SU BRTAGS NAS ZHES BYA BA NI YONGS SU BRTAGS NAS MNGON PAR ZHEN BYA BA'I TSIG LHAG MA'O, ,CI SGRIB PA'I RGYU MED PA'AM SRIB PA YOD PAR 'DOD CES BYA BA LA SOGS PAS NI GTAN TSIGS MA GRUB PAR SMRAS PA YIN NO, ,GAL TE YOD PA NA NI YOD PAR YANG 'DRA NA 'BRAS BU DANG 'BREL BA'I RGYU LA YANG CI'I PHYIR SGRIB PAR MI BYED DE MI RUNG NGO ZHES BYA BA LA, 'BRAS BU DANG 'BREL BA ZHES BYA BA NI YUL LA SOGS PA 'DRA BA'I PHYIR RO, ,JI STE PHA ROL GYIS GTAN TSIGS MA GRUB PAR RIG NAS SGRUB PAR BYED DE, SA BON LA MYU GUS BSGRIBS PA YIN TE, YOD NA 'BRAS BU YIN PA'I PHYIR RO, ,DPER NA DE NYID A GANG ZHE NA'DI LTAR 'DI NA DGE SBYONG NGAM BRAM ZE'AM CHOS 'DI PA KHA CI RANG GI MTSAN NYID LAS ZHES SMRA BAR MI 'DOD PAS NA DE'I PHYIR CI YOD PA NYID SGRIB PA'I RGYU YIN NAM, 'ON TE 'BRAS BU NYID SGRIB BA'I RGYU YIN ZHES BYA BA LA SOGS PAS RGOL ZHING RTOG PAR BYED DO, ,GAL TE YOD PA NYID SGRIB PA'I RGYU YIN NA NI DES NA RGYU YANG YOD PA YIN PAS YOD PA NI DUS THAMS CAD DU MNGON PAR GSAL BA MA YIN PAR 'GYUR BAS MI RUNG NGO ZHES BYA BA LA RGYU YANG YOD PA YIN ZHES BYA BAS NI DE YANG BSGRIBS PA YIN PA'I PHYIR MNGON PAR GSAL BAR BYA BA YIN NO ZHES BYA BA'I DON THOB PA YIN TE, DE GNYIS KYIS NI MA NGES PA YIN PAR SMRA BA STE, DE LTA BAS NA MI SGRIB PA NYID KYI LAN GDAB PAR MI NUS SO, ,CI CHOS DE LAS MNGON PAR GSAL BA THA DAD PA MA YIN PA'AM 'ON TE THA DAD PAR 'DOD CES BYA BA 'DIS NI DAM BCAS PA SNGA MA LA RANG GI RJES SU DPAG PA GNOD PA SMRAS PA YIN NO, ,GAL TE RGYU MED PA ZHIG YIN NA NI DES NA RGYU MED PA MNGON PAR GSAL BAR BYA BA'I MI RUNG NGO ZHES BYA BA NI RKYEN NYE BAR GYUR PA'I PHYIR DANG PO NYID NAS MNGON PAR GSAL BA'I @135B CHOS YIN PAR THAL BAR 'GYUR RO, ,GAL TE 'BRAS BU MNGON PAR GSAL BAR BYA BA'I YIN NA NI 'BRAS BU YIN PA'I PHYIR MNGON PAR GSAL BA LA MNGON PAR GSAL BAR BYA DGOS PAR 'GYUR BAS, DE LA YANG GZHAN GYI BYA BA DGOS PAS THUG PA MED PAR 'GYUR RO, ,GAL TE DE MNGON PAR GSAL BA MA YIN PA LAS MNGON PAR GSAL BAR BYED NA CI'I PHYIR 'BRAS BU YANG MNGON PAR GSAL BAR BYED PA YIN PAR MI 'DOD DE, RJES SU DPAG PA DES KYANG GNOD PA KHO NAR SMRAS PA YIN NO, ,MED PA'I MED PA NYID NI MNGON PAR GSAL BA MED PA YIN NO ZHES BYA BA NI RGYU'I DUS NA 'BRAS BU MED NA NI MED PA KHO NA YIN NO, ,YOD PA'I YOD PA NYID NI MNGON PAR GSAL BA YIN NO ZHES BYA BA NI 'BRAS BU BYUNG BA'I'O, ,SGRA'I MTSAN NI JI SKAD 'DOGS PA KHO NA BZHIN DU ZHES BYA BA NI SKYABS DANG 'JIG PA DANG 'GYUR BA LA SOGS PA MED PAS THER ZUG TU GNAS PAR LTA BA'O, ,YANG NA DON DANG 'GREL BA THA SNYAD GANG YIN PA NI MI RTAG PA'O, ,YANG NA BRJOD PAS NI DBANG PO DANG YUL MNGON PAR 'DU BYED DE ZHES BYA BA JI SKAD SMRAS PA LA BYA'O, ,RNAM PAR GNAS PAR LTA BA ZHES BYA BA NI SNGA MA YANG SGRA'I MTSAN NYID RNAM PAR GNAS PA KHO NAR LTA'O, ,'DIR MNGON PAR GSAL BA ZHES BYA BA'I BYE BRAG NI BRJOD PAR BYAS PA'I MNGON PAR 'DU BYED PA STE, BYE BRAG NI DE YIN NO, ,'DAS PA DANG, MA 'ONGS PA RDZAS SU YOD PAR SMRA BA GANG ZHE NA, ,'DI LTAR 'DI NA DGE SBYONG NGAM BRAM ZE'AM CHOS 'DI PA KHA CIG KYANG ZHES BYA BA LA, CHOS 'DI PA KHA CIG KYANG KUN GYIS BKUR BA DANG THAMS CAD YOD PAR SMRA BA BYE BRAG TU SMRA BA LA SOGS PA'O, ,'DAS PA YANG YOD DE, MA 'ONGS PA YANG YOD, DA LTAR BYUNG BA BZHIN DU MTSAN NYID KYIS YONGS SU GRUB PA YIN TE, RDZAS SU YOD PA YIN GYIS BTAGS PA'I YOD PA NI MA YIN NO ZHES TSUL BZHIN MA YIN PAS DE LTAR ZHING DE SKAD SMRA BA DAG KYANG YOD DE ZHES BYA BA LA, 'DI LA SBYOR BA NI 'DAS PA DANG MA 'ONGS PA NI RDZAS SU YOD PA YIN TE, RANG GI MTSAN NYID KYI YONGS SU GRUB PA YIN PA'I PHYIR BA'AM, DUS YIN PA'I PHYIR TE DA LTAR BYUNG BA'I BZHIN NO, ,CHOS MTHUN PA NI BUD BU'I RAS BZHIN NO ZHES SBYOR BAR BYED DO, ,DE 'DI SNYAM DU SEMS TE, CHOS DANG RANG GI MTSAN NYID GANG GI RNAM PAR @136A *, ,GNAS PA DE NI DE YONGS SU GRUB PA YIN NO ZHES BYA BAS NI GTAN TSIGS DANG PO'I MA GRUB PA SEL BAR BYED DO, ,GAL TE MA 'ONGS PA DE MED DU ZIN NA DES NA DE'I TSE ZHES BYA BA LA, DE'I TSE ZHES BYA BA NI MA 'ONGS PA'I DUS NA'O, ,RANG GI MTSAN NYID MA ZIN PAR 'GYUR RO ZHES BYA BA LA SOGS PAS NI PHYIR RGOL BA 'DOD PA'I PHYIR JI LTAR NA DES SKYON THOGS PAR 'GYUR ZHE NA, DE 'DI SNYAM DU SEMS TE, GAL TE MA 'ONGS PA'I GNAS SKABS NA DE'I MTSAN NYID MED DU ZIN NA DA LTAR BYUNG BA'I GNAS SKABS SU DE'I MTSAN NYID GLO BUR DU 'BYUNG BAR 'GYUR TE, MTSAN NYID GLO BUR DU 'BYUNG BAS SGRO BTAGS PA'I PHYIR 'DUN PA LA SOGS PA YANG GZUGS CAN NYID YIN PAR THAL BAR 'GYUR BA DANG, MA 'ONGS PA'I GNAS SKABS KYI CHOS LA YANG GZUGS DANG SGRA LA SOGS PAR BRJOD PA KHO NAR 'GYUR TE, DE'I MTSAN NYID DANG BRAL BA'I PHYIR RO SNYAM DU SEMS SO, ,GAL TE THA DAD PA'I MTSAN NYID MA YIN NA NI MTSAN NYID DUS GSUM DU RNAM PAR GZHAG TU MI RUNG NGO ZHES BYA BA NI DE DUS RNAMS SU 'PHO BA NA SKYE BA 'AM, 'BRI BA CUNG ZAD KYANG MED PAS NA DE'I PHYIR DA LTAR BYUNG BA'I BZHIN TE, MA 'ONGS PA LOG PAR SGRUB PA'I PHYIR 'GAL BA YIN NO, ,GAL TE THA DAD PA'I PHYIR MTSAN NYID YIN NA NI YONGS SU GRUB PA'I MTSAN NYID CES BYAR MI RUNG NGO ZHES BYA BA NI MIG GIS GZUNG BA KHO NA YIN NA, DE LTA MA YIN PAS DE LTAS LHAG MA'I GZUGS KYI MTSAN NYID GZHAN MED PA'I PHYIR YONGS SU GRUB PA NYID YIN NO ZHES BYAR MI RUNG STE, DES NI MA GRUB PA SMRAS PA YIN NO, ,GNYIS PA YANG 'GAL BAR 'KHRUL PA MED PA YIN TE, MA 'ONGS PA NI RDZAS SU YOD PA MA YIN TE, YONGS SU MA GRUB PA'I MTSAN NYID YIN PA'I PHYIR RO, ,BUM PA BZHIN TE CHOS MTHUN PA NI DA LTAR BYUNG BA'O, ,GAL TE RTAG PA'I MTSAN NYID CIG YIN NA NI DUS GSUM DU GTOGS PA ZHES BYAR MI RUNG NGO ZHES BYA BA NI, GAL TE RTAG PA'I MTSAN NYID YIN PAR KHAS LEN PA CHOS CAN GYI NGO BO NYID LOG PAR 'GYUR TE, MA 'ONGS PA NYID NYAMS PA'I GTAN TSIGS GNYIS PA NI RANG LA MA GRUB PA YIN NO, ,GAL TE MI RTAG PA'I MTSAN NYID YIN NA NI DES NA DUS GSUM DU DE KHO NA BZHIN DU YOD DO ZHES BYAR MI RUNG NGO ZHES BYA BA LA, DE KHO NA BZHIN DU YOD DO ZHES BYAR MI RUNG NGO ZHES BYA BA NI NGO BO NYID LAS NYAMS PA KHO @136B NA YIN PAS DE'I PHYIR GTAN TSIGS DANG PO MA GRUB PA YIN NO, ,GAL TE 'ONG BA ZHIG YIN NA NI DES NA YUL NA GNAS PAR YANG 'GYUR LA ZHES BYA BA LA, YUL NA GNAS PAR 'GYUR ZHES BYAR NI MA GRUB PA'I MTHA' LAS 'DAS PA DANG MA 'ONGS PA DANG RNAM PAR RIG BYED MA YIN PA DANG GZUGS CAN MA YIN PA'I CHOS RNAMS NI YUL NA GNAS PA MA YIN NO ZHES 'BYUNG BA DANG 'GAL LO, ,DA LTAR DANG YANG BYE BRAG MED DE ZHES BYA BA NI MA 'ONGS PA NYID NYAMS PA KHO NAR 'GYUR BA'O, ,GAL TE 'PHOS NAS SKYE BAR 'GYUR NA NI DES NA MA 'ONGS PA YANG MA SKYES PAR 'GYUR LA ZHES BYA BA LA, MA 'ONGS PA YANG MA SKYES PAR 'GYUR LA ZHES BYA BA NI DE ZHIG PAR KHAS BLANGS PA'I PHYIR RO, ,SNGON MA BYUNG BA YANG SKYES PAR 'GYUR BA DANG ZHES BYA BA LA, DE LA NYES PA CI YOD CE NA, LUNG LAS DUS RNAMS NI BYA BAS RNAM PAR GZHAG PA YIN NO ZHES GSUNGS PA DANG 'GAL LO, ,GAL TE LAS MI BYED PA YIN PA LA LAS BYED PAR 'GYUR NA NI DES NA MA BYUNG BA BYUNG BAR 'GYUR TE ZHES BYA BA NI LAS MA BYUNG BA LAS 'BYUNG BAR 'GYUR BA'O, ,SKYON SNGA MA RNAMS JI LTA BA BZHIN DU 'GYUR BAS DE YANG MI RUNG NGO ZHES BYA BA LA, SKYON SNGA MA RNAMS ZHES BYA BA NI MA 'ONGS PA YANG SKYES PAR 'GYUR LA, SNGON MA BYUNG BA YANG SKYES PAR 'GYUR BA DANG ZHES BYA BA LA SOGS PA JI SKAD SMOS PA RNAMS SO, ,DE LA BYE BRAG NI 'DI YIN TE, RANG BZHIN 'DRES PA'I SKYON YOD PA'I PHYIR MI RUNG NGO ZHES BYA BA LA, RANG BZHIN 'DRES PA'I SKYON ZHES BYA BA NI GAL TE MA 'ONGS PA DE LTAR BYUNG BA'I DNGOS PO DANG THA DAD PA MA YIN NA, DE'I TSE MA 'ONGS PA DE NYID DA LTAR BYUNG BA YIN PAR 'GYUR BA LA SOGS PA STE; DE DAG THAMS CAD KYANG KHAS BLANGS PA'I SGO NAS DAM BCAS PA'I SKYON DAG YOD PA YIN NO, ,MTSAN NYID MA RDZOGS PA LA SOGS PA LA RANG BZHIN 'DRES PA'I SKYON JI LTAR YOD PA DE BZHIN DU LAS DANG BCAS PA'I PHYOGS LA YANG YOD PA MA YIN NAM, JI LTAR BYE BRAG TU DBYE BA NA DE LA NI 'BREL PA'I BYE BRAG YOD PA'I PHYIR BYE BRAG BRJOD PAR NUS PAS NA SKYON 'DI MA NGES PAR MA SMOS SO, ,DER NI 'KHRUG PA MED PA'I PHYIR TE, 'DI LTAR DE LA NI LAS DANG THA DAD PA MED PAR BSTAN GYI DA LTAR BYUNG BA DANG NI MA YIN NO, ,YANG 'DI SKAD CES ZER TE, GAL TE 'DAS PA DANG, MA 'ONGS PA MED DU ZIN NA DMIGS @137A *, ,PA LA JI LTAR BLO 'JUG PAR 'GYUR ZHES BYA BA LA SOGS PA RGOL ZHING RTOG PAS NI 'DAS PA DANG MA 'ONGS PA NI YOD PA YIN TE, BLO'I GZUNG BA YIN PA'I PHYIR TE, DA LTAR BYUNG BA BZHIN NO, ,SKYE MCHED RNAMS KYANG DUS GSUM PA YIN PA'I PHYIR TE, THAMS CAD YOD DO ZHES BYA BA LA SOGS PA NI KHUNGS YIN NO ZHES BSGRUBS PA YIN NO, ,MED PA LA YANG MED PAR SHES SO ZHES GSUNGS PA ZHES BYA BA 'DI NI DMIGS PA MED PA LA BLO 'JUG PA'I DPE YIN NO, ,GAL TE YOD DO SNYAM PA DE LTA BU'I RNAM PA YIN NA NI DES NA MED PAR 'DZIN PA'I BLO YOD DO SNYAM PA DE LTA BU'I RNAM PAR 'GYUR DU MI RUNG NGO ZHES BYA BA NI 'DZIN PA'I RNAM PA'I STOBS KYIS YUL YOD PA NYID DU NGES PA'I PHYIR DON GYI RNAM PAR SHES PA YONGS SU SPANGS NA YUL GYI NGO BO NYID NGES PAR MI 'GYUR BA'I PHYIR RO, ,DNGOS PO YOD PA LA MED DO ZHES MING LA DMIGS PA NA 'KHRUL BA'I SHES PA'I NGO BO'I BLO 'JUG PA YIN NAM ZHE NA, MA YIN TE MING LA DMIGS PA DANG, DE'I DON LA DMIGS PA'I BLO GNYIS BYE BRAG MED PAR THAL BAR 'GYUR BA'I PHYIR RO, ,'KHRUL BA'I SHES PA DE NI DE'I DON LA DMIGS PAR MI NUS PA KHO NA YIN NO, ,MED PA LA MED PA'I MTSAN NYID YOD PA LA DGONGS NAS GSUNGS PA YIN TE ZHES BYA BA LA, JI LTAR NA YOD PAS DBEN PA LA YOD DO ZHES BRJOD PAR RIGS SHE NA, DE YOD PAS DBEN PA YIN NO ZHES SUS SMRAS TE, DE LA NI DE LAS GZHAN PA'I DNGOS PO'I MTSAN NYID MED PAR ZAD DE, DE'I PHYIR DE LA MED PA NYID CES BYA BAR 'DOD KYI BDAG GI DNGOS PO LA LTOS NAS NI MA YIN NO, ,RANG GI MTSAN NYID DANG LDAN PA'I DNGOS PO LA YANG GZHAN LA LTOS NAS 'DRI PA MED PA NYID DO ZHES BYA BA YOD DE, DPER NA SNGON PO LA SER PO'I NGO BO NYID LTA BU YIN YANG CI SNGON PO DE RNAM PA THAMS CAD DU MED PAR BRJOD PAR BYA BA'AM, MED PAR SHES ZHES BYA BAS NI MED PA'I CHOS NYID BSTAN TE, DE BZHIN DU MA NOR BA'I MTSAN NYID 'DZIN PA'I PHYIR BAS KYANG NGO; ,LAN DE DAG GIS NI MA NGES PA NYID SMRAS PA YIN NO, ,'BRAS BU'I MTSAN NYID LA DGONGS NAS ZHES BYA BA NI KHA CIG NA RE 'BRAS BU BSKYED PA'I PHYIR 'DAS PA ZHES BYA BA'I 'BRAS BU YOD PA'I PHYIR NI MA YIN NO ZHES ZER RO, ,SKYES PA DANG 'DRA BA ZHES BYA BA NI SKYES PA GANG YIN PA DE'I NGO BO LTA BU YIN GYI SNGON MA BYUNG BA @137B MA YIN TE, DPER NA 'PHAGS PA RNAMS KYIS LAM SKYES PA GANG YIN PA NI PHYIR SKYES PAR 'GYUR BA YANG DE DANG 'DRA STE, SNGON MA BYUNG BA MA YIN PA BZHIN NO, ,RTAG TU RUNG BA MA YIN PA ZHES BYA BA NI MA 'ONGS PA GANG YIN PA NI BSAM GYIS MI KHYAB PA'I GNAS KYIS BSDUS PA'I PHYIR RO, ,RKYEN DANG LDAN PA ZHES BYA BA LA; ,'BRAS BU DA LTAR BYUNG BA NA RKYEN KHA CIG 'DAS PAR GYUR PA MA YIN NAM ZHE NA, 'BRAS BU MNGON PAR GRUB PA NA RKYEN GYI DNGOS POR GZHAG PA'I PHYIR DE'I TSE NA RKYEN DANG LDAN PA ZHES BYA'O, ,SKYES PA DANG 'DRA BA DANG ZHES BYA BA NI SKYES PA KHO NA STE, DPER NA MKHAS PA'I RANG BZHIN CAN ZHES BYA BA LTA BU'O, , YANG NA SKYES PA DANG 'DRA BA LA BYA'O, ,MI SKYE BA'I CHOS CAN ZHES BYA BA NI PHYIS SKYE BAR MI 'GYUR BA LA BYA'O, ,'BRAS BU 'DAS PA ZHES BYA BA NI 'BRAS BU'I DNGOS PO 'DAS PA LA BYA'O, ,MI LTOS PA'I GNAS LTA BU ZHES BYA BA NI SDUG BSNGAL LA BYA'O, ,BDAG TU SMRA BA GANG ZHE NA ZHES BYA BA LA SOGS PA LA, TSIG RE RE LA SGRUB PA DANG SUN DBYUNG BA BRJOD NI MNGAS PAR 'GYUR BAS DON GYI TSIG RNAMS KHO NA MDOR BSDUS TE BRJOD PAR BYA'O, ,BLO SNGON DU BTANG BA MA YIN PAS ZHES BYA BA NI GANG DAG GIS KYANG SNGON MA BRTAGS PA STE, DE DAG LA YANG SEMS CAN GYI BLO 'BYUNG BA'I PHYIR RO, ,SEMS CAN GYI BLO 'JUG PA'I MI RIGS SO ZHES BYA BA NI GAL TE DE DANG 'BREL PA'I BDAG MED PAR GYUR NA ZHES BYA BAR BSAM PA'O, ,MING DANG LDAN PA MING DANG 'BREL BA'I 'DU BYED MTHONG NA 'DU SHES KYI BLO KHO NA 'JUG PA'I RIGS KYI ZHES BYA BA LA, JI LTAR NA DE LA 'DU SHES DMIGS PAR 'GYUR ZHE NA, DE'I 'BRAS BU MTHONG BA LAS 'GYUR TE, DPER NA DMIGS PA DANG MTHONG BA LAS TSOR BA BZHIN NO ,'DI LTAR DE SANGS RGYAS BYIN ZHES BOS NA 'ONG BAR 'GYUR TE, DE'I PHYIR DE'I MING YONGS SU CHUD PA'I 'DU SHES YOD PAR MNGON NO, ,BDAG GI MIG GIS GZUGS RNAMS MTHONG BAR 'GYUR RO ZHES BYA BA NI BLO GANG YIN PA DE SNGON DU BTANG NAS DPYOD PA'O, ,MTHONG ZIN NO ZHES BYA BA LA, JI LTAR DA LTAR BDAG GIS MTHONG ZHES BYA BA'AM, SNGON MTHONG ZIN NO ZHES BYA BA DE BZHIN DU MTHONG BAR 'GYUR RO ZHES BYA BA DE YANG BLO SNGON DU BTANG BA YIN NO, ,MNGON PAR 'DU BYED PA LAS ZHES BYA BA YANG BLO DE SNGON DU BTANG BA YIN NO, , @138A *, ,LAS 'GUB PA ZHES BYA BA NI SPYOD PA DE YANG BLO SNGON DU BTANG BA YIN NO, ,GAL TE GZHAN LA 'DOD NA NI DES NA DBYIBS DANG LDAN PA LA BDAG CES BYAR MI RUNG NGO ZHES BYA BA LA, 'DI LTAR PHA ROL PO BLO DE NI GZHAN PA YIN NO KHAS LEN LA BLO SNGON DU BTANG BA MA YIN PAS 'DZIN PA'I PHYIR DE DBYIBS DANG LDAN PA DE YANG MI RUNG STE, DBYIBS DANG NI GZUGS LAS GZHAN PA MA YIN PA'I PHYIR RO, ,GAL TE RANG GI MTSAN NYID LAS 'DOD NA NI DES NA GANG MTHONG BA DE NYID LA BLO PHYIN CI LOG TU GYUR PA'I PHYIR BDAG GI BLO MI RUNG NGO ZHES BYA BA LA, DE NYID LA ZHES BYA BA NI GZUGS LA SOGS PA LA'O, ,DES NA YUL THAMS CAD KYANG YUL THAMS CAD KYI BLO'I RGYUR 'GYUR BAS MI RUNG NGO ZHES BYA BA NI MNGON SUM GYI RGYUR 'GYUR BAS SO, ,DE LAS GZHAN PA'I SEMS CAN BGRANG BA LA DE LAS GZHAN PA'I SEMS CAN DU BGRANG BA'I BLO 'BYUNG BAR 'DOD DAM MI 'DOD CES BYA BA 'DIS CI ZHIG BRTZAD CE NA, SNGAR SEMS CAN GYI BLOR LHUNG BA NI DON JI LTA BA BZHIN MA YIN TE, BLO SNGON DU MA BTANG BAR 'JUG PA'I PHYIR RO, ,DE LAS GZHAN PA KHO NA BZHIN NO ZHES BYA BA 'DI LA MA NGES PA NYID KYANG YOD MOD KYI TSIG MNGAS PAR 'GYUR BAS MI BRJOD DO ZHES SNGAR YANG SMRAS PA YIN NO, ,GAL TE MI 'BYUNG NA NI DES NA MNGON SUM GYI TSAD MA LA YANG SKUR PA BTAB PAR GYUR PAR MI RUNG NGO ZHES BYA BA LA, MNGON SUM NI NOR PA NYID YIN YANG RANG RIG PA YIN PA'I PHYIR RO, ,GAL TE BLO'I RGYU LAS BYUNG NA NI BDAG GI SPYOD PA ZHES BYA BAR MI RUNG NGO ZHES BYA BA LA, BLO'I RGYU LAS BYUNG BA ZHES BYA BA NI BDAG GI RGYU LAS BYUNG BA ZHES BYA BAR BRJOD PAR BYA'O ZHES BSAMS PA'O, , GAL TE MI RTAG NA NI 'GYUR BA YOD PAS BDAG GI SPYOD PA ZHES BYAR MI RUNG NGO ZHES BYA BA NI BDAG RTAG PAR MI RUNG STE GSAL BA BZHIN NO, ,GAL TE RTZOL BA'I BDAG NYID CAN ZHIG YIN NA NI DES NA RTAG TU SPYOD PA DANG LDAN PAS YANG SPYOD DO ZHES BYAR MI RUNG NGO ZHES BYA BA LA, RTAG TU SPYOD PA DANG LDAN PA NYID NI RUNG NGO ZHES BYA BA LA, RTAG TU SPYOD PA DANG LDAN PA NYID DO ZHES KHYED CAG GIS BRTAGS SO ZHES BYA BA'I THA TSIG GO, ,GAL TE MI RTZOL BA'I BDAG NYID CAN ZHIG YIN NA NI MI RTZOL BA'I BDAG NYID CAN SPYOD DO ZHES BYA BA NI SPYOD PA NI RTZOL BAR RTOGS PA'I PHYIR RO, ,GAL TE RGYU YOD NA NI SEMS CAN GYI SPYOD PA LA BYED DU 'JUG PA GZHAN ZHIG NA YOD PAR 'GYUR BAS @138B MI RUNG NGO ZHES BYA BAS NI THUG PA MED PAR 'GYUR BA'I SKYON SMRAS SO, ,GAL TE RANG DBANG YOD NA NI BDAG NYID NA BA DANG RGA BA DANG 'CHI BA DANG SDUG BSNGAL BA DANG KUN NAS NYON MONGS PA SPYOD PA'I MI RIGS SO ZHES BYA BA LA, RANG DBANG ZHES BYA BA NI RGYU DANG BCAS PA YANG SPYOD PAR BYED PA NA RGYU LA DBANG BYED PA'I PHYIR DANG DBANG ZHES BYA BA YANG BRTZAMS SO, ,GAL TE GZHAN GYI DBANG GIS SPYOD NA NI BDAG SPYOD DO ZHES BYAR MI RUNG NGO ZHES BYA BA NI DES NA SPYOD DO ZHES BYA BAR MI RUNG NGO, ,KHA CIG NA RE SPYOD PA BDAG LA NI GZHAN RGYU DANG RKYEN DE DAG KHO NA'I SPYOD PA YOD DO ZHES ZER RO, ,YANG KHA CIG NA RE DBANG ZHES BYA BA NI BDAG GI SGRA'I RNAM GRANGS YIN PA'I PHYIR TE, BDEN SMRA'I BU'I MDO LAS KYANG MER 'JUG GI BU KHYOD GZUGS BDAG YIN NO ZHES SMRA'AM, TSOR BA DANG, RNAM PAR SHES PA'I BAR DAG YIN NO ZHES SMRA'AM, KHYOD GZUGS LA 'DI NI BDAG GI GZUGS TE 'DI LTAR NI GYUR CIG ,'DI LTAR NI MA GYUR CIG CES BYA BA'I DBANG YOD DAM, RNAM PAR SHES PA'I BAR LA YANG 'DI NI BDAG GI RNAM PAR SHES PA STE, 'DI LTAR NI GYUR CIG 'DI LTAR NI MA GYUR CIG CES BYA BA'I DBANG YOD DAM ZHES GSUNGS SO, ,DE BZHIN DU DGE SLONG GI MDO LA SOGS PA DAG LAS KYANG DE SKAD GSUNGS SO ZHES ZER RO, ,GAL TE RTAG NA NI MI RTAG PA LA BDE BA DANG SDUG BSNGAL GYI PHAN PA DANG GNOD PAR 'GYUR BA'I MI RIGS SO ZHES BYA BA LA SOGS PA'I SKABS KYIS NI THAMS CAD LTAR GYUR NA YANG NYE BAR GNAS PAR STON PAR BYED DO, ,GAL TE MI RTAG NA NI 'DU BYED RNAMS LAS LOGS SHIG NA 'JIG PA DANG SKYE BA DANG RGYUN DANG 'JUG PA YANG MI DMIGS PAS MI RUNG LA ZHES BYA BA NI PHUNG PO RNAMS LAS LOGS SHIG NA 'JIG PA DANG SKYE BA DANG LDAN PA LA SOGS PA MED DO ZHES BYA BA'I THA TSIG GO, ,'DIR ZHIG PAR GYUR PA GZHAN DU MA BYAS PAR THOB PA'I SKYON DU YANG 'GYUR BAS MI RUNG NGO ZHES BYA BA NI PHA ROL GYI BYED PA PO NI GCIG TU ZAD LA, DE NI 'DI NYID DU ZHIGS TE RTAG PA'I PHYIR GZHAN GYI DBANG DU GYUR PA YIN PAS BYED PA PO MA YIN PAS ZOS PA'I PHYIR MA BYAS PA DANG PHRAD PA'I SKYON DU 'GYUR RO, ,GANG RGYUN LA BYED PA PO LA SOGS PAR THA SNYAD 'DOGS PA DE LA NI NYES PA MED DO, ,PHUNG PO RNAMS DANG THA DAD PA ZHES BYA BA NI PHUNG PO DANG MA 'DRES PA NYID DU LOGS SHIG NA GNAS SHING PHUNG PO @139A *, ,RNAMS LA NYE BAR SPYOD PA'O, ,SEMS CAN 'DUS MA BYAS SU 'DOD PA KHO NA MA YIN NAM ZHE NA, 'DUS BYAS KYI BYA BA DANG BYED PA DANG, NYE BAR SPYOD PA LA SOGS PA MI BYED PAS NA DE LA NYES PA MED DO, ,GAL TE PHUNG PO MED PA ZHIG YIN NA NI ZHES BYA BA LA, PHUNG PO MED PA ZHES BYA BA NI NYE BAR SPYAD PAR BYA BA'I PHUNG PO MED PA'I PHYIR RO, ,DES NA RTAG TU KUN NAS NYON MONGS PA CAN MA YIN LA LUS DANG 'BREL BA MED PAS BDAG CES BYAR MI RUNG NGO ZHES BYA BA NI LUS DANG 'BREL BA MED PA'I PHYIR RO, ,GAL TE LTA BA LA SOGS PA LA BDAG NA NI DES NA LTA BA LA SOGS PA 'DI LTA BA POR 'GYUR GYI BDAG GI LTA BA LA SOGS PA DANG BYE BRAG MED PAS LTA BA POR MI RUNG NGO ZHES BYA BA NI LTA BA PO GCIG KHO NAR ZAD NA GNYIS PAS CI ZHIG BYAR YOD CES BYA BA'O, ,GAL TE LAS YIN NA NI DE YANG SA BON DANG 'DRA BAS DES NI RTAG PAR 'GYUR BA STE MI RUNG NGO ZHES BYA BA LA SOGS PA'I DPE BZHI PO RNAMS NI SKYED PA DANG, 'GYUR BA DANG, GZHI DANG, SGRIB PA MED PA'I BYE BRAG GI PHYIR RO, ,LA LA NI SKYED PAR BYED PA DANG, LA LA NI SKYED PAR MI BYED KYI BSKYED PAR 'GYUR BAR BYED PA DANG, GCIG NI GNYIS KA YANG MI BYED MOD KYI SKYE BA DANG 'GYUR BA NI PHYIR 'JIL ZHING 'DZIN PA LA SOGS PA CUNG ZAD BYED PA DANG, GCIG NI GSUM CHAR YANG MI BYED MOD KYI BGEGS MI BYED PA NYID DU GNAS PA STE, RNAM PA DE TZAM DU ZAD PAS NA DE'I PHYIR RNAM PA BZHI SMOS SO, ,GAL TE BYED PA YIN NA NI DES NI GAL TE ZOR BA LA SOGS PA DANG 'DRA NA DES NA JI LTAR ZOR BA LA SOGS PAS GZHAN GCOD PA LA SOGS PA'I BYA BA BYED PA DE BZHIN DU LTA BA LA SOGS PA LAS LTA BA LA SOGS PA THA DAD PA GZHAN MI DMIGS PAS MI RUNG NGO ZHES BYA BA NI JI LTAR GCAD PA'I BYA BA NI ZOR BA LAS GZHAN TE LAS LA GNAS PAR DMIGS PA LTAR LTA BA ZHES BYA BA LA NI DE LTA BU MED DE, DE NYID BYA BA'I NGO BO NYID KHO NA YIN PA'I PHYIR RO, ,DE BZHIN DU DE NYID BYED PA PO'I NGO BO NYID DU 'ANG 'GYUR BAS NA DE NI MI 'DRA'O, ,GAL TE ME LTA BU ZHIG YIN NA NI DES NA BDAG TU RTOG PA DON MED PAR 'GYUR BAS MI RUNG STE, 'DI LTAR ME NI SREG PA PO MED PAR YANG BDAG NYID KYIS SREG PAR BYED DO ZHES BYA BA LA, ZOR BA DANG ME'I DPE GNYIS KYIS NI BYE BRAG NI 'DI YIN TE, GCIG NI BYA BA RNAMS LA YANG DANG YANG BYED PA NA BYED PA PO LA LTOS PA YIN LA CIG SHOS NI DE LTA MA YIN NO, ,GAL TE LTA BA PO LA SOGS PA'I MTSAN NYID LAS GZHAN ZHIG YIN NA NI DES NA TSAD MA @139B THAMS CAD MED PA'I MTSAN NYID LA BDAG CES BYAR MI RUNG NGO ZHES BYA BA LA TSAD MA THAMS CAD MED PA'I MTSAN NYID CES BYA BA NI 'BRAS BU LAS RJES SU DPAG PA NYID MED PA'I PHYIR RO, ,DE LA 'DI SKAD CES KYANG BRJOD PAR BYA STE, CI GANG 'JUG PA'I MTSAN NYID DANG LDAN PA DE 'JUG KYANG 'JUG LA LDOG KYANG LDOG PAR 'GYUR RAM; 'ON TE DE'I MTSAN NYID DANG MI LDAN PA DE LTAR 'GYUR BAR 'DOD NA ZHES BYA BA LA CI'I PHYIR LDOG PA'I MTSAN NYID CES MA SMOS SHE NA, KHA CIG NA RE 'JUG PA LAS NYAMS PA NYID LDOG PA KHO NA YIN PAR SMRAS PA BZHIN NO ZHES ZER RO, ,YANG KHA CIG LDOG KYANG LDOG PAR 'GYUR RAM ZHES BYA BA'I TSIG THA MAR BSTAN PAS NA THAMS CAD DU 'GYUR RO ZHES ZER RO, ,GAL TE GANG MTSAN NYID DANG LDAN PA DE DE LTAR 'GYUR NA NI DES NA 'DU BYED LA 'JUG PA'I MTSAN NYID RNAM PA LNGA DMIGS TE ZHES BYA BA LA, 'DI LTAR PHA ROL LA NI 'JUG PA'I MTSAN NYID RNAM PA DE LTA BU MA GRUB MOD KYI 'ON KYANG SGRUB PAS GDAGS PAR BYA STE, PHUNG PO LAS MA GTOGS PA'I 'JUG PAR BYED PA MED KYANG 'DU BYED LA LA DAG 'JUG PAR 'GYUR TE, 'DI LTAR RGYU DANG LDAN PA'I PHYIR BA DANG, 'GYUR BA ZHES BYA BA'I BAR GYI PHYIR TE, LUS DANG MYU GU LA SOGS PA GRAGS PA RNAMS NI MTHUN PA'I DPE YIN NO, ,CHOS MI MTHUN PA'I BONG BU'I RvA 'AM, 'JUG PA'I LAS GZHAN PA'O, ,DE YANG 'DI LTA STE 'DU BYED LUS DANG, MYU GU DANG, CHU KLUNG DANG, MAR ME DANG, BYA BA DANG, BZHON PA'I RGYUN RNAMS LA DMIGS TE, DES NA BDAG MED PAR YANG BYED PA RNAMS NYID 'JUG CING LDOG PA'I PHYIR MI RUNG NGO ZHES BYA BA LA, KHA CIG NA RE LUS LA SOGS PA DPE MANG PO DAG SMOS PA NI 'JUG PAR BYED PA NI BYA BA'I DE TZAM DU ZAD PAS NA DE'I PHYIR DRUG KHO NA SMOS SO ZHES ZER RO, ,YANG KHA CIG NA RE 'DI LTAR BDAG GI BLOS NI DPE THAMS CAD LA YANG RGYU DANG LDAN PA LA SOGS PA THAMS CAD YOD MOD KYI GZHAN DAG LAS GANG DU CUNG ZAD GRAGS PA RNAMS SMOS TE; 'DI LTAR 'UG PA PA DAG MAR ME NI GZHAN DANG GZHAN DU 'JUG PAR 'GYUR GYI, LUS NI DE LTA BU YIN NO ZHES BRJOD PAS NA DE'I PHYIR DPE MANG DU SMOS SO ZHES ZER RO, ,GAL TE LUS NI DPE YIN NA BSGRUB PA GANG YIN ZHE NA, MING NI BSGRUBS PA'O, ,GZUGS NI DPE'O, ,YANG NA JI @140A *, ,LTAR LOG PAR RTOG PA BZHIN NO, ,DE LA 'DI SKAD CES KYANG BRJOD PAR BYA STE, CI YUL GYIS SKYES PA DANG, SDUG BSNGAL BAS 'GYUR BA GANG YIN PA DANG ZHES BYA BA LA SOGS PA'I TSIG GSUM NA ZAB PO ZHES BYA BA LA SOGS PA'I TSIG GSUM DANG GO RIMS BZHIN DU SBYAR RO, ,GAL TE BDAG NYID LA 'DOGS NA NI ME SREG PAR BYED DO, ,'OD SNANG BAR BYED DO ZHES BYAR MI RUNG NGO ZHES BYA BA LA, ME NI G-YO BA MED PA YIN YANG SREG PA'I RKYEN GYI BYED PA PO YIN NO, ,GAL TE BDAG NYID LA 'DOGS NA NI ZHES BYA BA NI BDAG GI SGRAR SBYOR BA LA BYA'O, ,DES NA THA SNYAD DU GDAGS PA'I MI LUS LA YON TAN BSHES GNYEN DANG, SANGS RGYAS BYIN ZHES BYA BA LA SOGS PA GDAGS SU MI RUNG NGO ZHES BYA BA LA, JI LTAR NA 'DI BDAG YIN NO ZHES 'DOGS PAR BYED CE NA, NGAR 'DZIN PA DANG GZHI GCIG PA'I PHYIR RO, ,GAL TE GZHAN LA 'DOGS NA NI DES NA 'DU BYED TZAM LA BDAG TU 'DOGS PAR ZAD DE, BDAG TU RTOG PA DON MED PAR 'GYUR BAS MI RUNG STE ZHES BYA BA LA, GZHAN LA ZHES BYA BA NI LHA'I BSHES GNYEN LA SOGS PA DAG LA'O, ,NYES PA GSO BAR BYED PA'I PHYIR ZHES BYA BA NI DE NGA RGYAL LA SOGS PA'I RTZA BA YIN PA'I PHYIR RO, ,GAL TE MI DGE BA YIN NA DES THAMS CAD MKHYEN PAS GSUNGS PA DANG ZHES BYA BA LA SOGS PA LA, THAMS CAD MKHYEN PAS GSUNGS PA ZHES BYA BA NI BCOM LDAN 'DAS KYI THAMS CAD MKHYEN PA NYID DU SGRUB PA'I RJES SU DPAG PA YID LA GZHAG NAS SMRAS PA YIN TE, 'DIR TSIG GI DON NI 'DI YIN NO, ,BDGA MED PAR LTA BA NI MI DGE BA MA YIN TE, THAMS CAD MKHYEN PAS DGE BA YIN PAR THUGS SU CHUD NAS BSTAN PA'I PHYIR TE BYAMS PA YIN NO, ,CHOS MI MTHUN PA NI KHRO BA'O, , BCOM LDAN 'DAS KYIS 'PHAGS PA ZLA BA SGRON MA'I MDO LAS, GZHON NU NGA NI THAMS CAD MKHYEN CING THAMS CAD GZIGS PA YIN NO ZHES GSUNGS PA LAS KYANG THAMS CAD MKHYEN PA NYID YOD PAR RJES SU DPAG TU RUNG STE, TSIG DE YANG DON JI LTA BA KHO NA BZHIN TE, BCOM LDAN 'DAS KYIS LDEM POR DGONGS TE GSUNGS PA MA YIN PA'I PHYIR RO; ,MA GSOD PAR MNGON PAR ZHEN PA NI SEMS CAN DMYAL BAR 'GYUR RO ZHES BYA BA'I TSIG BZHIN TE, CHOS MI MTHUN PA NI DE NYID THAR BAR 'GYUR RO ZHES BYA BA LTA BU'O, ,JI LTAR LDEM POR DGONGS PA MA YIN ZHE NA, MDO GZHAN DAG LAS KYANG BSHAD PA'I PHYIR TE, DE LAS GZHAN PA BZHIN NO, ,NYES PA RNAMS KYI GNYEN POR 'GYUR BA ZHES BYA BA NI @140B BDAG LA CHAGS PA DAM POR 'DZIN PA'I LAM 'GOG PAR BYED PA YIN PA'I PHYIR RO, ,GAL TE BDAG KHO NA'O SNYAM DU SEMS NA NI DE NA NAMS KYANG BDAG MED DO SNYAM PA'I BLO 'BYUNG BAR MI 'GYUR BAS MI RUNG NGO ZHES BYA BA NI BDAG MI 'GYUR BA'I PHYIR RO, ,GAL TE BDAG TU LTA BA YIN NA NI BDAG MED BZHIN DU 'DU BYED TZAM LA BDAG TU LTA BA'I DBANG GIS BDAG YOD DO SNYAM DU SEMS NA MI RUNG STE ZHES BYA BA LA, BDAG TU LTA BA'I DBANG GIS ZHES BYA BA NI DE LTAR GOMS PA'I PHYIR DE LA MNGON PAR ZHEN PA YIN TE, RANG GI RKYEN GYI RNAM PAS BSGRUB PAR KHAS LEN PAR ZAD KYI DON YOD PA DANG MED PA LAS NI MA YIN NO ZHES BYA BAR STON TO, ,CHOS RNAMS LA BDAG 'DOGS PA RDZAS SU YOD PAR 'GYUR DU 'ONG BA'I PHYIR, DE DAG LAS THA DAD PA DANG THA DAD PA MA YIN PAR BRJOD PAR MI BYA'O ZHES BYA BA LA, DE LA NYES PA CI YOD CE NA, TSOGS DANG RGYUD DAG LA DE NYE BAR 'DOGS PA'I PHYIR BA DANG, DE DAG KYANG 'DU BYED RNAMS DANG THA DAD PA DANG THA DAD PA MA YIN PAR MI BYA BA'I PHYIR RO, ,DE YANG MI RTAG PA'I MTSAN NYID DANG, MI BRTAN PA'I MTSAN NYID DANG, YID BRTAN DU MI RUNG BA'I MTSAN NYID DANG, RNAM PAR 'GYUR BA'I MTSAN NYID CES BYA BA'I TSIG BZHI NI SKYE BA'I MTSAN NYID DANG, RGA BA DANG, NA BA DANG, 'CHI BA'I CHOS KYI MTSAN NYID CES BYA BA'I TSIG BZHIS GO RIMS BZHIN DU BSHAD DO, ,CHOS TZAM GYI MTSAN NYID DANG, SDUG BSNGAL TZAM GYI MTSAN NYID YIN ZHES BYA BA'I TSIG LHAG MA GNYIS NI BYED PA MED PA'I MTSAN NYID DANG, SPANG BAR BYA BA'I MTSAN NYID YIN NO, ,YANG KHA CIG TU NA SDUG BSNGAL RNAM PA BDUN LAS BRTZAMS PA YIN TE, RGYUN GYIS 'JIG PA LAS BYUNG BA DANG, SKAD CIG GIS 'JIG PA LAS BYUNG BA DANG, GLO BUR LAS BYUNG BA DANG, BDE BA NYAMS PA LAS BYUNG BA DANG, RANG GI NGANG GIS BYUNG BA DANG, RANG DBANG MED PA LAS BYUNG BA DANG, RANG BZHIN GYI SDUG BSNGAL LAS BYUNG BA'I SDUG BSNGAL RNAM PA BDUN LAS BRTZAMS TE BSTAN PA YIN NO, ,DE LA RANG GI NGANG GIS 'BYUNG BA ZHES BYA BA NI SKYE BA LA SOGS PA'I BYE BRAG GIS TSIG BZHI DANG SBYAR RO, ,YANG GCIG TU NA PHA ROL BDAG RTAG PA LA SOGS PAR RTOG PA DE DGAG PA'I PHYIR MTSAN NYID BRGYAD RNAM PAR GZHAG PA YIN NO,, ,, @141A *, ,RGYA GAR SKAD DU, BO DHI SATVA BH'U MI BRi TTI, BOD SKAD DU, BYANG CHUB SEMS DPA'I SA'I 'GREL BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'PHAGS PA 'JAM DPAL GZHON NUR GYUR BA LA PHYAG 'TSAL LO, ,SEMS CAN KUN LA PHAN 'DOD PAS, , MA MO GANG ZHIG SHES PA DE, ,SHES BYA'I PHA ROL MTHAR 'GRO BA, ,DE YI BSHAD PA BRTZAMS PAR BYA, ,TSIGS SU BCAD PA 'DI BRTZAMS PA'I DGOS PA GANG ZHE NA, DGOS PA MTHONG BA'O, ,DGOS PA'I DON GANG DON CHEN PO'I DON MTHONG BA STE, BSTAN BCOS DON CHEN MTHONG NAS NI, ,MNYAN PA DANG NI GZUNG BA'I PHYIR, ,THOS 'DOD GUS PAR GYUR BA NI, ,DANG PO TSIG GIS DGOS PA YIN, ,ZHES GSUNGS PAS SO, ,MA MO'I DON CHEN PO MTHONG BAS, TSIGS SU BCAD PA 'DI YANG DON CHE BA NYID KYIS, YANG 'DI NYID KYI DON CHE BA'I NGO BO NI BRJOD PAR BYA BA MA YIN NO, ,'GRO BA ZHES BYA BA NI 'THOB PA'O, ,YANG NA RTOGS PA STE, YE SHES MTHONG BA'I DON DU 'GRO BAS SO, ,TSIG GCIG LA YANG NGES PAR BZUNG BA MTHONG BA'I PHYIR TE, 'DI LTA STE CHU 'THUNG DANG RLUNG ZA ZHES BYA BA LTA BUS NA, 'GRO BA ZHES BYA BA NGES PAR GZUNG BA'I DON DU RTOGS PAR BYA'O, ,GZHAN DU NA TSIG LA NUS PA MED PAR 'GYUR RO, ,'GRO BA NI SONG BAR GYUR PA DANG, 'ONG BAR 'GYUR BA DANG, 'GRO BA STE, 'DI LTA STE, RI NI GNAS SO ZHES BYA BA LTA BU'O, ,SHES BYA ZHES BYA BA NI SHES PAR BYA BA'O, ,DE'I MTHA' NI SHES BYA'I MTHA'O, ,'DIR PA RI'I RI NYE BAR BSGYUR BA NI KHYAB PA DANG KUN NGU'I DON TE, KUN DANG KHYAB PA'I MTHA' NI PA RI AAN TA STE, MTHAR 'GRO BA'O, ,GANG ZHIG SHES PA ZHES BYA BA NI GANG DE SHES PAS YIN GYI, GZHAN GYIS NI MA YIN LA SHES PA YIN GYI MI SHES PA NI MA YIN NO, ,GANG ZHIG SHES PAS SHES BYA'I PHA ROL MTHAR 'GRO BA DE GANG YIN ZHE NA, BYANG CHUB SEMS DPA'I SDE SNOD RGYAS PA STE, SHES BYA'I PHA ROL MTHAR 'GRO BA GZHAN DAG LA MA MTHONG BA'I PHYIR RO, , DE'I MA MOS NI SHIN TU RGYAS PA'I MTSAN NYID CAN GYI SHIN TU RGYAS PA'I SDE SNOD KYI MA MO ZHES BYA BA STE, MA MO DANG 'DRA BAS NA MA MO'O, ,JI LTAR YI GE'I MA MO MA GTOGS PA'I BSTAN BCOS MI DMIGS PA DE BZHIN DU, BYANG CHUB SEMS DPA'I SAR BSTAN PA'I MTSAN NYID DANG BRAL BA'I SHIN TU RGYAS PA'I SDE SNOD MA @141B MTHONG BA'I PHYIR RO, ,DE'I ZHES BYA BA NI MA MO'I'O, ,GANG GIS CI TZAM ZHE NA, SMRAS PA, SEMS CAN KUN LA PHAN 'DOD PAS SO, ,SEMS CAN THAMS CAD LA PHAN PAR 'DOD PA NI LEGS PAR BYED PA STE, SEMS CAN KUN LA PHAN PAR 'DOD PA'O, ,JI LTA BU'I PHAN PA ZHIG CE NA, BSHAD PA MA MO'I DON BSTAN PA'O, , DE BSTAN PAS KYANG RGYA CHEN PO'I SDE SNOD KYANG BSTAN PAR 'GYUR BAS TSIGS SU BCAD PA 'DI'I BSDUS PA'I DON NI DE YIN NO, ,BYANG CHUB SEMS DPA'I SA'I SDE 'DI'I BSDUS PA'I DON NI, RNAL 'BYOR GYI GZHI'I GNAS DANG, RNAL 'BYOR GYI GZHI'I BDAG NYID KYI GNAS DANG, RNAL 'BYOR GYI GZHI'I MTHA'I GNAS SO, ,RNAL 'BYOR GYI GZHI'I GNAS NI LE'U BCO BRGYAD DO, ,RNAL 'BYOR GYI GZHI'I SGRUB PA'I CHOS NI LE'U BZHI'O, ,RNAL 'BYOR GYI GZHI'I MTHA' NI LE'U LNGA STE, GANG DE NI CHOS BCU PO 'DI DAG NI THEG PA CHEN PO BYANG CHUB SEMS DPA'I LAM 'BRAS BU DANG BCAS PA SDUD PAR BYED PA YIN NO, ,BCU GANG ZHE NA, GZHI DANG, RTAGS DANG, PHYOGS DANG, LHAG PA'I BSAM PA DANG, GNAS PA DANG, SKYE BA DANG, YONGS SU 'DZIN PA DANG, SA DANG, SPYOD PA DANG, RAB TU GNAS PA'O ZHES BYA BA'O, ,GRANGS BCUR BSDUS PA NI GRANGS NGES PAR GZUNG BA'I DON TE, BCU LAS MI MANG ZHING MI NYUNG NGO, ,THEG PA CHEN PO SDUD PAR BYED PA YIN NO ZHES BYA BA LA, PHYIN PAR BYED PAS NA THEG PA'O, ,DE NI THEG PA YANG YIN LA CHEN PO YANG YIN PAS THEG PA CHEN PO STE, 'CHAD BAR 'GYUR BA'I CHEN PO NYID RNAM PA BDUN GYI TSUL GYIS SO, ,RAB TU GNAS PA'I LE'U NI 'BRAS BU NYID YIN PAS NA, THEG PA CHEN POR MA BSDUS PAS DES NA BYANG CHUB SEMS DPA'I LAM 'BRAS BU DANG BCAS PA ZHES BSTAN TO, ,'DIS THOB PAR BYED PAS NA LAM MAM THOB PAR BYA BAS NA LAM STE, 'DI LTAR YE SHES DANG THOB PAR BYA BA'I 'BRAS BU NI LAM ZHES BSTAN PAR 'GYUR RO, ,DE LTA BU'I MTSAN NYID CAN GYIS THEG PA CHEN POS NI RAB TU GNAS PA'I LE'U YANG 'DI LTAR BSDUS PAR 'GYUR RO, ,'DIS 'DZIN PAR BYED PAS NA RTEN TE, GANG GI PHYIR BRTEN PA LA LTOS NAS RTEN NYID YIN NA, GANG GI RTEN YIN ZHES BRTEN PA 'DRI BAS, DE LTA BAS NA SKAL BA DANG LDAN PA ZHES SMRAS SO, ,DE BZHIN DU GZHAN LA @142A *, ,YANG SBYAR BAR BYA'O, ,YANG DAG PAR RDZOGS PA'I BYANG CHUB YONGS SU RDZOGS ZHES CI'I PHYIR BRJOD, 'DI LTAR YANG DAG PAR RDZOGS PA'I BYANG CHUB 'THOB CES MI BRJOD CE NA, RNAM PA THAMS CAD SHIN TU GNAS GYUR BA'I MTSAN NYID CAN NI BYANG CHUB YIN LA, SBYIN PA LA SOGS PA'I SBYOR BA TZAM GYIS NI MI THOB BO, ,'ON KYANG SBYIN PA LA SOGS PA'I RIM GYIS GANG GLO BUR BA'I DRI MA BSAL NAS, MTHAR RDO RJE LTA BU'I TING NGE 'DZIN LA YANG DAG PAR BRTEN PA'I LAM NI BYANG CHUB BO, ,GANG ZAG RIGS LA GNAS PA ZHES BYA BA LA SOGS PA GSUNGS PA'I GZHUNG GIS CI ZHIG BSTAN, RIGS LA GNAS PA'I RTEN RNAMS YOD NA YANG RIGS NYID GTZOR BRTEN ZHES RAB TU BSTAN TE, RIGS MED NA GZHAN YOD NA YANG RNAM PA THAMS CAD DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA MED PA NYID YIN LA, RIGS YOD NA NI DUS GZHAN NA SEMS BSKYED PA LA SOGS PA BYAS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I PHYIR RO, ,RIGS JI LTA BA BZHIN DU DANG PO SEMS BSKYED PA DANG, BYANG CHUB SEMS DPA'I SPYOD PA THAMS CAD KYANG DE BZHIN NO, ,CI LTAR RIGS LA GZHI ZHES BRJOD CING NYE BAR RTOG PA LA SOGS PA BRJOD PA LTAR, DANG PO SEMS BSKYED PA LA YANG GZHI DANG RTOG PA LA SOGS PAR BRJOD DO, ,DE LA YANG RIGS ZHES BYA BA NI, RANG BZHIN GYIS GNAS PA'I RIGS SO, ,'BRAS BU MED PAS CHA PHRA BA ZHES BYA BA NI, ,'BRAS BU MI DMIGS PA'I DON TO, ,'BRAS BU LA LTOS NAS RIGS YOD PAR SHES KYI GZHAN DAG TU NI MA YIN NO, ,BDAG LA PHAN PA'I PHYIR ZHUGS PA ZHES BYA BA LA SOGS PA LA, DGE BA LA SPYOD PA NI PHAN PA ZHES BRJOD DO, ,BDE BA NI GNOD PA MA YIN BA'O, ,SNYING BRTZE BA NI 'DI NA LA LA MI GNOD PA'I DGE BA LA SPYOD PAS GZHAN DAG LA BRTZE BA'O, ,'DOD PAR BYA BA NYID DANG DON DANG LDAN PA NYID KYIS DON YIN LA GANG 'DOD PAR BYA BA NYID DANG KHA NA MA THO BA MED PA NYID KYIS PHAN PA DANG BDE BA'O, ,GANG DAG DGE BA SPYOD PA LA 'JUG PA RNAMS NI MI STE, RGYAL RIGS LA SOGS PA'O, ,GANG DAG SANGS RGYAS 'BYUNG BA DANG, LEGS PAR GSUNGS PA'I CHOS DANG, @142B LEGS PAR SPYOD PA'I DGE 'DUN LA MANG DU ZHUGS PAS PHAN PA 'BYUNG BAR 'GYUR, BDE BA 'BYUNG BAR 'GYUR ZHES GSUNGS SO, ,YANG DE NI BDAG LA PHAN PA DANG BDE BA BYAS NAS 'JIG RTEN LA SNYING BRTZE PAS, 'DI SNYAM DU SEMS PAR 'GYUR TE, JI LTAR GZHAN DAG LA PHAN PA DANG, BDE BA DANG, LDAN PAR BYA SNYAM MO, ,GZHAN DAG KYANG 'DI SNYAM DU SEMS TE, JI LTAR BDAG KYANG 'DI LTAR 'GYUR SNYAM MO, ,DES NA DON DANG PHAN PA DANG BDE BA ZHES BYA'O, ,LHA DANG MI RNAMS ZHES BYA BA NI, DON SHES PA DANG, BSGRUB PA LA NUS PA DANG LDAN PAS LHA DANG MI'O, ,SBYIN PA'I PHA ROL TU PHYIN PA'I RIGS KYI RTAGS NI MDOR BSDU NA RNAM PA GSUM STE, ZANG ZING GI SBYIN PA DANG, CHOS KYI SBYIN PA DANG, MI 'JIGS PA'I SBYIN PA'O, ,SBYIN PA'I RTAGS GSUM PO DE RNAMS LAS, DE LA RE ZHIG DANG POR ZANG ZING GI SBYIN PA'I RTAGS NI YOD CING BDOG PA NI RTAGS GSUM STE, SBYIN PA'I BDAG NYID CAN DANG, SBYIN 'DOD PA'I BSAM PA NYID DANG, RTAG TU RGYUN MI 'CHAD PAR BGO BSHA' BYED PA'I NGANG TSUL CAN DANG, SBYIN PA'I DUS SU RAB TU DGA' BA'I SEMS KYIS STER BA'O, ,MED CING MI BDOG NA YANG CHUNG NA YANG BGO BSHA' BYED PA DANG, BSAM PA NI SBYIN PAR BYA BA'AM MI SBYIN ZHES SEMS DANG 'THAB MO BYAS NA SBYIN PA MA YIN, DE BZHIN SER SNA'I PHYOGS KYI GNYEN PO DANG, RGUD PA'I GNYEN POS SBYIN PA NI NGO TSA'O ZHES DE LTAR RE ZHIG SBYIN PA LA BDAG NYID SGRUB PA'O, ,GZHAN LA SGRUB PA LA YANG RNAM PA GNYIS TE, GZHAN SBYIN PA LA MA ZHUGS PA LA SGRUB PA DANG, SBYIN PA LA ZHUGS PA LA SGRUB PA'O, ,SBYIN PA LA MA ZHUGS PA LA YANG RNAM PA GNYIS TE, SBYIN PA'I PHAN YON MI SHES PA'I SKYE BO RMONGS PA DANG, BAG MED CING ZHUM PA STE, RMONGS PA RNAMS LA BSTAN PA DANG, BAG MED PA'I NGANG TSUL CAN RNAMS NYE BAR 'DUN PAR BYA'O, ,YANG DAG PAR ZHUGS PA RNAMS LA YID DGA' BA DANG YID BDE BA STE, SBYIN PA PA LA NI YID DGA' LA, SBYIN PA LA RJES SU YI RANG BA NI YID BDE BA'O, ,CHOS KYI SBYIN PA LAS BRTZAMS NAS BSTAN PA BLA MA RNAMS ZHES BYA BA DE LA, CHOS KYI PHYIR SBYIN PA'AM, CHOS SBYIN PA'O, ,DE LA CHOS KYI PHYIR SBYIN PA'I DBANG DU BYAS NAS BLA MA RNAMS ZHES BYA BA LA SOGS PA GSUNGS PA DE LA, @143A *, ,MKHAN PO DANG SLOB DPON NI PHA MA'O, ,RGAN RABS NI GANG RAB TU BYUNG BA TSANGS PA MTSUNGS PAR SPYOD PA'AM LOS RGAN PA'O, ,YON GNAS NI YON TAN DANG LDAN PA'O, ,BKUR STI BYA BAR 'OS PA NI YON TAN DANG LDAN PA'I BYE BRAG GAM, YANG NA GZHAN YANG BKUR STI BYA BAR 'OS PA'O, , CHOS KYI SBYIN PA'I DBANG DU BYAS NAS, DRIS KYANG RUNG MA DRIS KYANG RUNG ZHES BYA BA LA SOGS PAS BSTAN TO, ,MI 'JIGS PA SBYIN PA'I DBANG DU BYAS NAS BSTAN PA NI, RGYAL PO DANG DGRA ZHES BYA BA LA SOGS PAS BSTAN TE, MI 'JIGS PA LA RJES SU SBYIN PA LUS SAM NGAG GIS BDAG GI DNGOS PO NYAMS PA LAS YONGS SU BSRUNG PA'O, ,LONGS SPYOD NYAMS PA LA MI 'JIGS PA SBYIN PA NI, GTAMS ZHES BYA BA LA SOGS PA LA, 'JIGS NAS PHA ROL RANG GIS GZHAG PA'AM BDAG GIS SKYIN POR BLANGS PA LA SLU BAR MI BYED DE, DE JI LTAR CHAD PA'I SKYED DANG BCAS PAR SBYIN GYI DOR YANG MI BYED LA, 'BROS PAR YANG MI BYED DO, ,RANG GI RIGS RGYUD LA YANG ZHES BYA BA NI GNYIS KYI PHAN TSUN NO, ,NOR BU DANG MU TIG DANG BEE d'URYA ZHES BYA BA LA SOGS PA NI TSONG BA RNAMS KYI THA SNYAD DU BYA BA'O, ,LONGS SPYOD DANG ZHUGS PA DANG SBYIN PA'I SEMS GSUM DU GYUR BA'I SBYIN PA DANG, LONGS SPYOD PA DANG ZAD PA ZHES BYA BA LA, SBYIN PA'I DBANG DU BYAS PA NI BSHAD ZIN TO, ,LONGS SPYOD KYI DBANG DU BYAS NAS BRJOD PA NI, RANG BZHIN GYIS LONGS SPYOD RGYA CHEN PO ZHES BYA BA LA SOGS PA BSTAN TO, ,LONGS SPYOD DE YANG DON DANG LDAN PA'I LONGS SPYOD DANG, DON DANG MI LDAN PA'I LONGS SPYOD DO, ,DON DANG LDAN PA'I LONGS SPYOD KYI DBANG DU BYAS PA NI, LONGS SPYOD DE LUS BDE BAR BYED PA'O, ,YID MGU BAR BYED PA NI YONGS SU SPYOD PA STE, LAS KYI MTHA' RGYA CHEN PO DAG LA MOS PAS SGRUB PA'O, ,GANG 'JIG RTEN NA ZHUGS PA ZHES BYA BA LA SOGS PA NI, PHYIN CI LOG GI LONGS SPYOD DGAG PA'I DBANG DU BYAS NAS BSTAN PA'O, ,'DOD CHAGS DANG BRAL BA THOB PAR 'GYUR ZHES BYA BA NI, ZHUGS PA THOB PA RNAMS LAS NGO TSA DANG KHROL YOD PA BSTAN PA'O, ,MA 'ONGS PA'I NI, LONGS SPYOD RGYA CHEN PO DAG RNYED NA ZHES BYA BA STE, SNGAR GYI NI GTANG BAR BYA BA RAB TU BSTAN PA YIN LA, 'DI NI SBYIN PAR BYA @143B BA'I RDZAS 'THOB PAR 'GYUR BA YIN NO, ,TSUL KHRIMS KYI PHA ROL TU PHYIN PA'I RIGS KYI RTAGS BSDUS PA'I DON NI, TSUL KHRIMS RNAM PA GSUM KYI RTAGS RNAMS TE, SDOM PA'I TSUL KHRIMS DANG, DGE BA CHOS SDUD PA DANG, SEMS CAN GYI DON BYA BA'I TSUL KHRIMS KYI'O, ,DE LA SDOM PA'I TSUL KHRIMS KYI DBANG DU BYAS NAS, LUS DANG NGAG GI LAS ZHES BYA BA LAS BRTZAMS PA'O, ,MI DGE BA ZHES BYA BA LA NI RANG LA MI PHAN PA BYED PA'O, ,SHIN TU DRAG PO'I ZHES BYA BA NI, DE'I MI MTHUN PA'I PHYOGS SPONG BA'O, ,SEMS CAN LA SHIN TU GNOD PA MA YIN ZHES BYA BA NI, SROG GCOD PA SPANGS PA'I TSUL KHRIMS KYI DBANG DU BYAS NAS BSTAN PA STE, SBYOR BA'I DUS KYI'O, ,BYAS SU ZIN KYANG ZHES BYA BA NI MJUG GI DBANG DU BYAS NAS BSTAN PA'O, ,DE YANG 'DZEM BZHIN DU ZHES BYA BA NI DNGOS PO BZHI'I DUS SU'O, ,DGA' BZHIN PAS MA YIN ZHES BYA BA NI MI MTHUN PA'I PHYOGS SPONG BA'O, ,'DI LTA BU NI RE ZHIG SROG GCOD PA'I LAS KYI LAM GYIS BSDUS PA'I DBANG DU BYAS PA'O, ,LAG PA DANG BONG PA ZHES BYA BA LA SOGS PA NI, LAS KYI LAM GYIS BSDUS PA'I DBANG DU BYAS PA STE, RANG BZHIN GYIS MNYES GSHIN ZHES BYA BA LA SOGS PA NI SROG GCOD PA LA YANG NGO, ,DGE BA CHOS SDUD PA'I TSUL KHRIMS KYI DBANG DU BYAS NAS, RANG BZHIN GYIS KYANG BSOD NAMS LA DGA' BA YIN ZHES BYA BA'I BAR DU'O, ,SEMS CAN GYI DON BYA BA'I TSUL KHRIMS KYI DBANG DU BYAS NAS BSHAD PA, SEMS CAN PHAN 'DOGS PA ZHES BYA BA'I BAR NAS, MA BYIN PA LEN PA SPONG BA'I TSUL KHRIMS KYI RTAGS KYI DBANG DU BYAS NAS SEMS CAN GYI DON BYA BA'I TSUL KHRIMS NI JI LTAR RTAGS DANG MTSAN MA LA LTOS LA SBYAR BAR BYA STE, BDAG GIS NI PHYOGS TZAM BSTAN TO, ,GNOS PA BYED PA LA MI MJED PA'I BZOD BA'I RTAGS NI 'DIR RTAGS ZHES BSTAN TO, ,GNOD PA BYED PA LA MI BZOD PA NI SHIN TU SMAD PA'I PHYIR RO; ,GNOD PA BYAS KYANG MI BZOD PA MI BYED LA ZHES BYA BA NI, LUS DANG NGAG DAG GIS MI BYED PA'O, ,GROS BTAB NA YANG MYUR DU NYAN PAR BYED LA ZHES BYA BA NI LUS DANG NGAG GIS SO, ,ZHE LA MI 'DZIN ZHES BYA BA NI SEMS KYIS SO, ,YUN RING DU KHON DU MI BYED CES BYA BA NI, SMRA'AM MI SMRA'ANG RUNG @144A *, ,ZHES BYA BA'I DON TO, ,BRTZON 'GRUS KYI PHA ROL TU PHYIN PA'I RIGS KYI RTAGS RNAMS KYI BSDUS PA'I DON NI RNAM PA DRUG STE, BYANG CHUB SEMS DPA' BRTZON PA GANG DANG LDAN PAS, RNAM PA THAMS CAD DU BRTZON 'GRUS BRTZAMS PA DANG, BRTAN PA DANG LDAN PA DANG, BRTZON 'GRUS DANG LDAN PA DANG, SPRO BA DANG, PHA ROL GNOD PA DANG, BLANGS PA MI 'DOR BA ZHES BYA'O, ,BRTZON 'GRUS RNAM PA DRUG PO 'DI DAG NI RTAGS ZHES BSTAN TE, JI LTAR BYAS NAS SHE NA, DUS RTAG TU SBYOR PA NYID DANG, RTAG TU BRTZON PA NYID NI BRTZON 'GRUS BRTZAMS PA ZHES BRJOD DE, DE'I RTAGS NI RANG BZHIN GYIS 'BAD PA DANG LDAN PA YIN TE, NANG PAR SNGAR LDANG ZHING DGONGS KHA NYAL BAR BYED CES BYA BA'O, ,SBYOR BA MI ZHAN PA RTAG TU BYA BA LA BRTZON PA NI BRTAN PA DANG LDAN PA ZHES BRJOD DE, DE'I RTAGS NI GNYID KYI BDE BA DANG, NYAL BA'I BDE BA DANG, GLOS DBAB PA'I BDE BA HA CANG NYAMS SU LEN PAR MI BYED CES BYA BA'O, ,SNGON GYI RGYU'I STOBS KYIS BSKOS PA'I RGYU MTHUN PA CAN NI BRTZON 'GRUS DANG LDAN PA ZHES BRJOD DO, ,DE'I RTAGS NI BYA BA ZHIG BYUNG NA DON DE 'GRUB PAR BYA BA'I PHYIR BYED MI 'DOD PA DANG, LE LO ZIL GYIS MNAN TE, SO SOR BRTAGS NAS BRTZON PA DE'I BYA BA DE MNGON PAR RDZOGS PAR BYED CES BYA BA'O, ,SBYOR BA DANG LDAN PA'I BRTZON 'GRUS KYIS SO SOR BRTAGS NAS SBYOR BA NYID NI SBYOR BA ZHES BYA STE, DE'I RTAGS NI BYA BA ZHIG BYUNG NA DON DE 'GRUB PAR BYA BA'I PHYIR BYED MI 'DOD PA DANG, LE LO ZIL GYIS MNAN TE, ,SO SOR BRTAGS NAS BRJON PA DE'I BYA BA DE MNGON PAR RDZOGS PAR DAM BCAS PA'I DNGOS PO LAS GZHAN DU MI 'GYUR BA NYID NI PHA ROL GNOD PA ZHES BYA STE, DE'I RTAGS NI MA BYAS SAM MA ZIN GYI BAR DU THAMS CAD KYI THAMS CAD DU BRTZON PA MI 'DOR ZHING, BAR MA DOR YANG SGYID LUG PAR MI BYED PA DANG ZHES BYA BA'O, ,CHOG MI SHES PA'I BRTZON 'GRUS KYI DON GYIS KHYAD PAR CHUNG NGU RTOGS PAS CHOG MI SHES PA NI DGE BA'I CHOS LA BLANGS PA MI 'DOR BA ZHES BRJOD DE, DE'I RTAGS NI, DON GYI MCHOG RGYA CHEN PO DAG LA YANG SEMS ZHUM PAR MI BYED CING, BDAG LA KHYAD DU GSOD PAR MI BYED PA DANG, BDAG GIS NI 'DI DAG RTOGS PAR NUS TE, ZHO SHA DANG LDAN @144B PA'O ZHES SPRO BA SKYED PA DANG ZHES BYA BA STE, DE LTA BU NI RE ZHIG GO CHA'I BRTZON 'GRUS KYI RTAGS BSTAN PA'O, ,DA NI DGE BA CHOS SDUD PA'I BRTZON 'GRUS KYI DBANG DU BYAS NAS BSTAN PA NI, TSOGS CHEN PO'I NANG DU 'GRO BA'AM, GZHAN DAG DANG 'GYED PA'AM, PHYIR BRGAL BA'AM, DE LAS GZHAN PA'I LAS DKA' BA DAG LA YANG BRTAN PA YIN ZHES BYA BA'O, ,SEMS CAN GYI DON BYA BA'I BRTZON 'GRUS KYI RTAGS KYI DBANG DU BYAS NAS BSTAN PA NI, DON DANG LDAN PA'I BRTZAL BA CHEN PO DAG LA YANG SKYO BAR MI BYED NA CHUNG NGU DAG LA CI SMOS TE ZHES BYA BA'O, ,BSAM GTAN GYI PHA ROL TU PHYIN PA'I RIGS KYI RTAGS BSDUS PA'I DON NI, TING NGE 'DZIN 'DOD PA'I SLOB MA GNAS LNGA LA NGES PAR SBYAR BAR BYA STE, 'DI LTA STE, SEMS RTZE GCIG PA NYID DANG, RAB TU DBEN PA DANG, SGRIB PA RNAM PAR SBYAR BA DANG YID LA BYED PA GOMS PAR BYA BA DANG, SDOM PA SRUNG ZHING SPEL BAR BYA BA STE, DE DAG NI BSAM GTAN GYI PHA ROL TU PHYIN PA'I RIGS KYI RTAGS TE, 'DI LA CHOS KYI DON LA NGES PAR SEMS PA NI, RANG BZHIN GYIS G-YENG BA MI MANG BA YIN ZHES BYA BAS NI SEMS RTZE GCIG PA NYID KYI RTAGS SO, ,DGON PA DANG NAGS TSAL GYI GNAS ZHES BYA BA LA SOGS PAS NI RAB TU DBEN PA'I RTAGS SO, ,RANG BZHIN GYIS KYANG NYON MONGS PA SHAS CHUNG ZHING SGRIB PA SHAS CHUNG LA, GNAS NGAN LEN SHAS CHUNG BA YIN NO ZHES BYA BA NI, SGRIB PA RNAM PAR SBYONG BA'I RTAGS SO, ,RAB TU DBEN PA LA GNAS SHING ZHES BYA BA NI, YID LA BYED PA GOMS PAR BYED PA'I RTAGS KYI DBANG DU BYAS PA'O, , MI DGA' BA MED PA YIN ZHES BYA BA LA SOGS PA NI SDOM PA SRUNG ZHIN GSPEL BA'I RTAGS TE, DE DAG NI BSAM GTAN GYI PHA ROL DU PHYIN PA'I RIGS KYI RTAGS SO, ,DE LA KHYAD PAR NI 'DI YIN TE, GO RIMS BZHIN DU MA BSTAN TE DE'I TING NGE 'DZIN GYI SDOM PA BSRUNG BA DANG, SPEL PA DANG SEMS RTZE GCIG PA DANG, SGRIB PA RNAM PAR SBYANG BA DANG, YID LA BYED PA GOMS PAR BYED PA ZHES BYA BA DE LTA BU'I DON NI BYANG CHUB SEMS DPA'I DBANG DU BYAS NAS DE'I RJES SU 'BRANGS NAS BSTAN PAR RIG PAR BYA'O, ,SHES RAB KYI PHA ROL TU PHYIN PA'I RIGS KYI RTAGS RNAMS BSDUS PA'I DON NI SHES RAB KYI PHA @145A *, ,ROL TU PHYIN PA'I LE'U LAS BYANG CHUB SEMS DPA'I SHES RAB KYI NGO BO NYID BSTAN PA'O, ,SHES BYA THAMS CAD LA 'JUG PA'I PHYIR ZHES BYA BA NI, SHES BYA THAMS CAD LA RJES SU 'JUG PA DANG, GANG CHOS RNAMS LA SO SOR RTOG PA STE, RIG PA'I GNAS LNGA LA DMIGS NAS 'JUG PA NYID DO, ,DE'I RTAGS NI RIG PA'I GNAS THAMS CAD LA SHES PA 'JUG PAS, LHAN CIG SKYES PA'I SHES RAB DANG LDAN PA'I PHYIR YID MI RTUL BA YIN ZHES BYA BA LA SOGS PA STE, DE DAG NI LHAN CIG SKYES PA'I SHES RAB DE'I KHYAD PAR RNAMS SO, ,RANG BZHIN GYIS DE LTAR YON TAN DANG LDAN PA ZHES BYA BA NI, RANG BZHIN GYIS YON TAN DANG LDAN PAS PHYIN CI LOG GI YID LA BYED PA'I SEMS MA DAG PA SPONG BAR BYED PA'O, ,JI LTA BU ZHE NA, SMRAS PA, BZANG LA STE, CANG SHES LTA BUR BZANG BA'O, ,DGE BA NI GSER BZANG PO LTA BU STE, JI LTAR DGE BA ZHE NA, DKAR PO'I CHOS DANG LDAN PA NYID KYI PHYIR RO, ,BSKYED PAR DKA' BA ZHES BYA BA NI THOB PAR DKA' BA'O, ,GTZO BOR GYUR BA ZHES BYA BA NI, THAMS CAD LAS SHIN TU KHYAD PAR DU 'PHAGS PA'O, ,BSAM GYIS MI KHYAB PA ZHES BYA BA NI SO SOR RANG GIS RIG PA'O, ,MI G-YO BA ZHES BYA BA NI YONGS SU NYAMS PA MED PA'O, ,BLA NA MED PA ZHES BYA BA NI 'DI LAS GZHAN PA'I GONG MAR GYUR PA MED PA'O, ,DE LAS GZHAN PA'I SEMS CAN NGAN SONG DU SKYES PA RNAMS LAS RGYU'I KHYAD PAR GYIS KHYAD PAR DU 'PHAGS PA STE, MI DGE BA'I LAS MANG DU MA BYAS PA DES NA MYUR DU LDOG PA'O, ,SEMS CAN RNAMS LA TSOR BA DRAG PO BDAG GIS MI BSKYED LA, GZHAN GYIS BYAS PA'I TSOR PAS SEMS CAN RNAMS SDUG BSNGAL BA MTHONG NA SKYO BA SKYED PA DANG, SNYING RJE'I SEMS BSKYED PA STE, DE DAG THAMS CAD NI RIGS KYIS BYAS PA NYID DO, ,DKAR PO'I CHOS DANG MI MTHUN PA'I NYE BA'I NYON MONGS PA BZHI PO'I BSDUS PA'I DON NI, RGYU LAS GYUR PA DANG, RKYEN GYI MTSAN NYID CES BYA BA STE, RGYU LAS GYUR PA NI GCIG GO, ,GSUM NI RKYEN LAS GYUR PA'O, ,RKYEN YANG RNAM PA GNYIS TE, PHYI'I DANG, NANG GI'O, ,PHYI YANG RNAM PA GNYIS TE, BYANG CHUB 'THOB PA LA MI PHAN PA DANG, DE 'THOB PA LA BAR DU GCOD PA'O, ,NANG GI @145B NI 'TSO BA LA LTOS PA'I MTSAN NYID KYIS TSUL BZHIN MA YIN PA YID LA BYED PA DANG, RIGS PHUN SUM TSOGS NA YANG BLA NA MED PA YANG DAG PAR RDZOGS PA'I BYANG CHUB PAR MI NUS PA'O, ,RGYU ZHI'I BSDUS PA'I DON NI, RGYU RNAMS LAS DANG PO GSUM NI RKYEN NO, ,THA MA'I BZHI PA NI RGYU STE, DAD PA DANG 'DUN PA DANG SKYED PA'I RKYEN DANG BRAL BA DNAG, BDAG NYID THABS MA YIN PA LA SBYOR BA DANG, BRTZON 'GRUS G-YEL BA'O, ,RIGS KYI LE'U'I BSDUS PA'I DON NI, RIGS NI BYANG CHUB 'THOB PA'I RGYU'I GTZO BO NYID DU BSGRUB PA DANG, RIGS KYI RNAM GRANGS DNAG, RIGS KYI MTSAN NYID DANG, RIGS KYI DBYE BA DANG, RIGS GZHAN LAS BYANG CHUB SEMS DPA'I RIGS KHYAD PAR DU 'PHAGS PA NYID DANG, DE KHYAD PAR DU 'PHAGS PA'I RGYU'I KHYAD PAR DANG, DE'I RTAGS RNAM PAR GZHAG PA DANG, NGAN SONG DU SKYES PAR MTSUNGS NA YANG DE LAS GZHAN PA'I RIGS LAS BYANG CHUB SEMS DPA'I RIGS KYI KHYAD PAR DU 'PHAGS PA DANG, DKAR PO'I CHOS DANG 'GAL PA'I NYE BA'I NYON MONGS PA DANG, RIGS PHUN SUM TSOGS PA NA YANG BYANG CHUB MI THOB PA'I RGYU ZHES BYA BA STE, DANG PO BZHI NI RIGS GSUM GYI THUN MONG YIN NO, ,GZHAN RNAMS NI BYANG CHUB SEMS DPA'I RIGS KYI KHYAD PAR STON PA'O, ,DANG PO BZHI NI RIGS GZHAN LA YANG YOD PAS THUN MONG GI DON TO, ,GNYIS PA NI BSTAN PA 'DI LA DE YOD PAR RAB TU BSTAN PA'I DON TO, ,RIGS KYI MTSAN NYID DANG, RIGS KYI DBYE BA NI SHES PAR BYA BA'I DON DU'O, ,RIGS GZHAN LAS KHYAD PAR DU 'PHAGS PA NYID DU BSTAN PAS NI BYANG CHUB SEMS DPA' 'JIG RTEN THAMS CAD LAS SHIN TU KHYAD PAR DU 'PHAGS PA'I YON TAN NYID DU BSTAN PA'I DON TO, ,DE KHYAD PAR DU 'PHAGS PA'I RGYU'I KHYAD PAR NI RNAM PA BZHI STE, RNAM PAR GROL BA LAS GYUR BA DANG, THOG MA DANG BAR MA DANG THA MA LAS GYUR BA DANG, BDE 'GROR SKYES PA DANG; NGAN 'GROR SKYES PA'I KHYAD PAR RO, ,DE LA RNAM PAR GROL BA LAS GYUR BA NI, NYAN THOS DANG RANG SANGS RGYAS THAMS CAD KYI RIGS LAS ZHES BYA BA LA SOGS PAS BSTAN TO, ,THOG MA DANG, BAR MA DANG THA MA LAS GYUR PA NI RNAM PA BZHI STE, DBANG PO LAS GYUR PA DANG, BSKRUB PA LAS @146A *, ,GYUR PA DANG, MKHAS PA LAS GYUR BA DANG, 'BRAS BU LAS GYUR PA'O, ,DE LA DANG PO NI DBANG PO'I'O, ,BAR MA NI BSGRUB PA'I'O, ,MKHAS PA DANG 'BRAS BU NI THA MA'I'O, ,BDE 'GROR SKYES PA LAS GYUR PA NI KHYAD PAR GYI DBANG DU BYAS PA'I RTAGS SO, ,NGAN 'GROR SKYES PA LAS GYUR PA'I KHYAD PAR GYI DBANG DU BYAS PA NI, 'DI LA BYANG CHUB SEMS DPA' NI YUN RING PO ZHIG NA ZHES BYA BA LA SOGS PA'I GZHUNG YIN NO, ,DKAR PO'I CHOS DANG MI MTHUN PA DANG MI THOB PA'I RGYU LA RGOL BA DANG, LAN GDAB PA LAS BRTZAMS NAS, BYANG CHUB SEMS DPA' RNAMS RANG BZHIN GYIS YON TAN DANG LDAN ZHING DKAR PO'I CHOS DANG LDAN NA GANG GIS NA DUS RTAG TU DKAR PO'I CHOS DANG MI LDAN ZHE NA, DE LTA BU'I RGOL BA'I LAN GDAB PAR GSUNGS PA, JI SRID DKAR PO'I PHYOGS KYI CHOS DANG MI MTHUN PA NYE BA'I NYON MONGS PA BZHI LAS MA LUS PA'AM 'GAS KYANG NYON MONGS PAR MA GYUR NA SKYED PAR DKA' BA GTZO BOR GYUR PA BSAM GYIS MI KHYAB PA MI G-YO BA BLA NA MED PA DE BZHIN GSHEGS PA'I GO 'PHANG THOB PA NYID DE, RGYU'I NGO BO DANG LDAN PA NI YIN GYI, GZHAN DANG LDAN NA NI MA YIN PAS SO, ,GAL TE DE YOD PA NYID YIN NA GANG GIS BLA NA MED PA'I GO 'PHANG 'THOB PAR MI 'GYUR ZHE NA, RGOL BA 'DI'I LAN GDAB PA'I DON NI, RGYU BZHIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS SO ZHES BYA BA LA SOGS PA'O, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS, DANG PO'I RIM PAR PHYE BA'O,, ,,DE LAS GZHAN PA'I YANG DAG PA'I SMON LAM RNAMS BSDUS PA YIN ZHES BYA BA NI SEMS BSKYED PA DE LAS GZHAN PA'I YANG DAG PA'I SMON LAM BSDUS PA'I PHYIR RTEN NYID DU BSTAN TO, ,SEMS CAN THAMS CAD KYI DON YANG BYED CING ZHES BYA BA NI, YONGS SU MYA NGAN LAS 'DAS PA'I RIGS CAN RNAMS KYI DBANG DU BYAS PA'O, , SEMS CAN THAMS CAD SHIN TU MTHAR THUG PA'I MYA NGAN LAS 'DAS PA LA 'GOD PA ZHES BYA BA NI, NYAN THOS DANG RANG SANGS RGYAS KYI RIGS CAN GYI DBANG DU BYAS PA'O, ,DE BZHIN GSHEGS PA'I YE SHES ZHES BYA BA NI, SANGS RGYAS KYI RIGS CAN GYI DBANG DU BYAS PA'O, ,SEMS BSKYED PA DE NI DGE @146B BA STE; CI LTAR BYAS NAS SHE NA, BYANG CHUB KYI PHYOGS RNAMS KYI DGE BA'I RTZA BA THAMS CAD KYI MTSAN NYID NI SHES RAB LA SOGS PA'I NGO BO NYID YIN LA, DE RNAMS SDUD PA'I PHYIR DGE BA'O, ,JI LTAR SDUD CE NA, SMRAS PA, DE RNAMS KYI THOG MAR 'GRO BA'I DON GYI PHYIR RO, ,MCHOG TU LEGS PA'I YON TAN DANG LDAN PA'I PHYIR DGE BA'AM, SHES RAB DANG SNYING RJE'I DGE BA'I RTZA BA DANG LDAN PAS KYANG SNYING RJE NI ZHE SDANG MED PA'I MTSAN NYID CAN NO, ,DE BZHIN DU RGYU GNYIS DAG GIS DGE BA KHO NA STE, DGE BA'I RTZA BA YON TAN DU BYED PA NYID DANG, DGE BA'I RTZA BA YANG DAG PAR SBYOR BA'O, ,GZHAN YANG SEMS CAN THAMS CAD LA BRTEN PA'I LUS DANG NGAG DANG YID KYI NYES PAR SPYOD PA DANG MI MTHUN PA'I PHYIR DANG, MI DGE BA'I RTZA BA YANG DAG PAR SBYOR BA'I KUN NAS SLONG BA SROG GCOD PA LA SOGS PA NYES PAR SPYOD PA DANG MI MTHUN PA'I PHYIR YANG DGE BA'O, ,YANG NA MCHOG TU DGE BA'I YON TAN NYID KYIS DGE BA STE, BYANG CHUB KYI PHYOGS KYI DGE BA'I RTZA BA'O, ,'DI LTAR YANG DAG PAR SDUD PA DE DAG KYANG BYANG CHUB KYI PHYOGS KYI CHOS RNAMS KYI THOG MAR 'GRO BA'I PHYIR DGE BA'O, ,BZANG BA NI GZHAN LA PHAN PA'I PHYIR ZHUGS PA NYID DO, ,MI 'GYUR BA NYID KYIS NA LEGS PA'O, , 'DI LTAR BSTAN PAR 'GYUR TE, LNGA PO 'DI DAG GI NGO BO NI GANG, SEMS BSKYED PA'I MTSAN NYID NI GANG, RNAM PA NI GANG, DMIGS PA NI GANG DANG YANG DAG PAR LDAN, KHYAD PAR GANG GIS KHYAD PAR DU 'PHAGS PA'I CHOS DANG MTSUNGS PAR LDAN PAR 'BYUNG ZHES BYA BA NI RIGS DANG 'JUG PA DANG NGES PAR 'BYUNG BA ZHES BYA BA'I SA RNAM PA GSUM STE, DES NA SA'I RIGS GSUM GYIS BSDUS PA NYID DE, DE LA 'JUG PAS BSDUS PA BSTAN PA NI, SEMS BSKYED PA DE NI BLA NA MED PA YANG DAG PAR RDZOGS PA'I BYANG CHUB KYI RTZA BA ZHES BYA BA STE, RGYU ZHES BYA BA'I DON TO, ,GANG GI 'BRAS BU YIN ZHE NA, SMRAS PA, SNYING RJE'I RGYU MTHUN PA ZHES BYA BA'O, ,CHO 'PHRUL BSAM GYIS MI KHYAB PA NI, CHO 'PHRUL RNAM PA GSUM STE, RDZU 'PHRUL DANG, KUN BRJOD PA DANG, RJES SU BSTAN PA'I CHO 'PHRUL LO, ,GZHAN MNGON PAR SHES PA LA SOGS PA MDO LAS JI LTAR 'BYUNG BA'I GRONG KHYER DU 'JUG PA NA @147A *, ,LONG BA RNAMS KYIS MIG THOB PAR 'GYUR ZHES BYA BA LA SOGS PA NI MTHU'O, ,MTHU DE GANG LAS THOS PA DANG MTHONG BA STE, YID CHES PA DANG, MNGON SUM GYI TSAD MAS NYE BAR DMIGS PA DANG, MI SLU BA'I LUNG GIS BSTAN PA'O, ,GANG LA GNAS PAR GYUR PA ZHES BYA BA NI DE BZHIN GSHEGS PA'O, ,ZHUGS PAR GYUR PA ZHES BYA BA NI, BYANG CHUB SEMS DPA'O, ,BLA NA MED PA YANG DAG PAR RDZOGS PA'I BYANG CHUB LAS BRTZAMS TE ZHES BYA BA NI, NYAN THOS KYI THEG PA'I DAM PA'I CHOS LA YANG BLA NA MED PA YANG DAG PAR RDZOGS PA'I BYANG CHUB LAS BRTZAMS NAS NYAN PA'O, ,BYANG CHUB SEMS DPA'I SDE SNOD CES BYA BA NI, SHIN TU RGYAS PA'O, ,NYE BA'I NYON MONGS PA BCU'I BSDUS PA'I DON NI, 'JUG PA'I BAR DU GCOD PA DANG, 'JUG PA'I SHIN TU BAR DU GCOD PA DANG, SGRUB PA'I BAR DU GCOD PA'O, ,DE LA 'JUG PA'I RGYU NI GSUM STE, SHES RAB LHAG PA DANG, KHA NA MA THO BAS 'DZEM PA DANG; BDAG LA LTOS NAS SEMS CAN LA SNYING RJE BA'O, ,GSUM PO 'DI'I MI MTHUN PA'I PHYOGS SU GYUR BA GSUM NI NYE BA'I NYON MONGS PA STE, GTI MUG SHAS CHE BA DANG, NGO TSA MED CING KHREL MED PA SHAS CHE BA DANG, PHRAG DOG DANG SER SNA SHAS CHE BA STE, DE DAG NI 'JUG PAR DKA' BA NYID DO; ,SGRIB PA GSUM GYIS BSGRIBS PAS GNYIS KAR YANG SGRIB PA NYID DE, SDUG BSNGAL GYIS BSDUS PA NI RNAM PAR SMIN PA'I SGRIB PAR BSDUS SO, ,GNAS NGAN LEN DANG NYON MONGS PA SHAS CHE BA NI, NYON MONGS PA'I SGRIB PA'O, ,NYES PAR SPYOD PA SHAS CHE BA NI LAS KYI SGRIB PA'O, ,YANG NA SDUG BSNGAL DANG GNAS NGAN LEN NI SDUG BSNGAL TE, RNAM PAR SMIN PA'I SGRIB PA'O, ,SGRIB PA GSUM PO 'DI DAG GIS 'JUG PAR DKA' BA NYID DE, DE'I BAR DU GCOD PAS SO, ,BAG MED PA DANG, LE LO DANG, MA DAD PA SHAS CHE BA RNAMS NI SGRUB PA'I BAR DU GCOD PA'O, ,BYA BA NGAN PA LA CHAGS PA NYID DANG, BAR DU NYAMS PA DANG, THOB PAR BYA BA DANG, THOB PAR BYED PA LA DAD PA MED PA DANG, BAG MED PAS MI SGRUB PA DANG, DE BZHIN DU LE LOS ZHUGS SU ZIN NA YANG BAR NAS MNGON PAR LDOG PA STE, MA DAD PA'I SHAS CHE BA RNAMS KYIS SGRUB PA G-YEL BA'O, ,SEMS BSKYED PA'I RKYEN @147B BZHI'I BSDUS PA'I DON NI, BYANG CHUB SEMS DPA'I RIGS NGES PA SEMS BSKYED PA'I RKYEN GNYIS DANG, BYANG CHUB TU GYUR PA'I SEMS BSKYED PA'I RKYEN GNYIS SO, ,BYANG CHUB SEMS DPA'I RIGS NGES PA RNAM PA GNYIS NI RGYA CHE BA LA MOS PA DANG, ZAB PA LA MOS PA'O, ,BYANG CHUB TU 'GYUR BA RNAM PA GNYIS NI, SLOB PA DANG MI SLOB PA ZHES BYA BA'O, ,BZHI PO DE RNAMS NI SEMS BSKYED PA'I RKYEN NYID PAS, BZHI PO 'DI DAG NI SEMS BSKYED PA'I RKYEN DU, SEMS BSKYED PA DANG, CI LTAR 'TSAM PAR SBYAR RO, ,RGYU BZHI'I BSDUS PA'I DON LA, RGYU GSUM NI CHOS NYID KYIS THOB PA DANG, PHYI ROL GYI GZHAN GYI SGRA'I MTSAN MA LAS DANG, NANG GI TSUL BZHIN YID LA BYED PAS BSDUS PA'O, ,DE YANG RNAM PA GNYIS TE, GZHAN SDUG BSNGAL LAS BSGRAL BAR 'DOD PA DANG, BDAG GI RGYUD DU GTOGS PA'I SDUG BSNGAL GYIS MI 'JIGS PA NYID DE, 'KHOR BA'I SDUG BSNGAL SKYE BA LA SOGS PA DANG, DKA' BA SPYOD PAS SDUG BSNGAL NA YANG TSOGS GNYIS KUN NAS SOGS PA'O, ,BYANG CHUB SEMS DPA'I RIGS PHUN SUM TSOGS PA NI CHOS NYID KYI SA THOB PA YIN PAR RIG PAR BYA'O ZHES BYA BA 'DI NI RIGS PHUN SUM TSOGS PA'I DBYE BA YOD PA'I RGYU RAB TU BSTAN PA'I DON DU GSUNGS SO, , BLUN PO MA YIN PA ZHES BYA BA NI LHAN CIG SKYES PA'I SHES RAB DANG LDAN PA'O, ,YID RTUL BA'I RANG BZHIN CAN MA YIN ZHES BYA BA NI, MYUR DU 'DZIN PAR NUS PA'O, ,MKHAS SHING ZHES BYA BA NI THOS PA LAS BYUNG BA'I SHES RAB DANG LDAN PA'O, ,MDZANGS PA NI BSAMS PA LAS BYUNG BA'I SHES RAB DANG LDAN PA NYID DO, ,BSHES GNYEN PHUN SUM TSOGS PA RNAM PA BZHI'I BSDUS PA'I DON NI, SHES RAB PHUN SUM TSOGS PA DANG, SBYOR BA PHUN SUM TSOGS PA ZHES BSTAN TO, ,SBYOR BA PHUN SUM TSOGS PA YANG RNAM PA GSUM STE, NYON MONGS PA SPYOD PA LAS LDOG PAR SBYOR BA DANG, MI DGE BA'I LAS KYI LAM LDOG PA LA SBYOR BA DANG, DGE BA'I LAS LA NUS PA DANG LDAN PA GONG MA GONG MA'I KHYAD PA LA SBYOR BA STE, BAG MED PA'I GNAS LA NYE BAR SBYOR BA DANG, NYES PAR SPYOD PA LA RNAM PAR SBYOR PA DANG, SHIN TU DMAN PA LA DAD PA DANG, 'DUN PA DANG, DAM 'CHA' BA DANG, BRTZON 'GRUS KYI @148A *, ,THABS DANG, YON TAN DU KHAS LEN PA LA SOGS PA'I GNYEN POR RIG PAR BYA'O, ,RGYU BZHIS BYANG CHUB SEMS DPA' SNYING RJE BA'I SHAS CHE BAR 'GYUR TE, RGYU BZHI'I BSDUS PA'I DON NI, GANG DU SDUG BSNGAL BA DANG, GANG GIS SDUG BSNGAL BA DANG, GANG SDUG BSNGAL GYI RNAM PA LA NYE BAR DMIGS NAS SNYING RJE SHAS CHE BAR 'GYUR BA STE, DE LA GANG GIS SDUG BSNGAL ZHES BYA BA NI GZHAN RNAMS BDAG GAM GNYI GA'AM GZHAN YANG JI LTAR RIGS PAR SBYAR RO, ,RANG BZHIN GYIS SNYING STOBS CHE ZHING BRTAN PA DANG LDAN PAS STOBS DANG LDAN PA YIN ZHES BYA BA LA, BSTAN PA NI DMAN PA'I SEMS NYON MONGS PA BZHIN DU NGES PAR SPONG BA STE, NYON MONGS PA'I DBANG GIS RJES SU MI 'BYUNG BA'O, ,SDUG BSNGAL GYI SEMS MANG ZHING RAB TU DRAG PAS MI 'JIGS PA'I NGANG TSUL NYID KYIS YANG DAG PAR SBYOR BA LAS MI BSKYOD PA NI RANG BZHIN GYIS SNYING STOBS CHE BA DANG LDAN PA NI; SO SOR RTOG PA DANG LDAN PAS MKHAS PAR 'GYUR TE, THOS PA LAS BYUNG BA'I SHES RAB DANG LDAN PA'O, ,YANG DAG PAR SEMS PA'I NGANG TSUL CAN ZHES BYA BA NI, BSAMS PA LAS BYUNG BA'I SHES RAB DANG LDAN PA'O, ,GANG LA SO SO SOR RTOG PA'I STOBS YOD PA DE NI SO SOR RTOG PA'I STOBS DANG LDAN PAS 'KHOR BA'I SDUG BSNGAL LA MI 'JIGS PA'O, ,GZHI'I RGYU'I BSDUS PA'I DON NI GANG LA MI 'JIGS PA DANG, RGYU GANG GIS MI 'JIGS PA DANG ZHES BYA BA STE, SNYING STOBS DANG LDAN PA DANG, SO SOR RTOG PA DANG LDAN PA DANG, RGYU GANG GIS BYANG CHUB LAS MI G-YO BA DANG, SEMS CAN GYI SDUG BSNGAL BSAL BAR 'DOD PA'O, ,SDUG BSNGAL GYI RGYU BZHI'I BSDUS PA'I DON NI, SDUG BSNGAL JI SNYED YOD PA DANG, SDUG BSNGAL JI LTAR YOD PA'O, ,DE LA JI SNYED YOD PA NI YUN RING BA ZHES BYA BA LA SOGS PA'O, ,DE LAS GZHAN PA RNAM PA GSUM NI JI LTAR YOD PA'O, ,DE YANG RNAM PA GSUM STE, SNA TSOGS PA NYID DANG, DRAG PA NYID DANG, BAR CHAD MED PA NYID DO, ,STOBS BZHI'I BSDUS DON NI RNAM PA GNYIS TE, DGE BA'I CHOS GOMS PA DANG, RGYUD DU GTOGS PA'O, ,RGYUD DU GTOGS PA YANG RNAM PA GNYIS TE, BDAG DANG GZHAN GYI BYE BRAG GIS SO, ,DGE BA'I CHOS @148B LA GOMS PA YANG RNAM PA GNYIS TE, 'DAS PA'I DUS KYI DANG, MTHONG BA'I CHOS KYI DUS KYI DBYE BAS SO, ,BYANG CHUB SEMS DPA' DANG PO SEMS BSKYED PA BSTAN PA'I NGO MTSAR RMAD DU BYUNG BA'I CHOS 'JIG RTEN DANG THUN MONG MA YIN PA'I BSDUS PA'I DON NI, SEMS CAN THAMS CAD CHUNG MA LTAR YONGS SU 'DZIN NA YANG NYON MONGS PAS MI GOS PA NI SKYE MCHED PHUN SUM TSOGS PA'O, ,DE NAS SBYOR BA PHUN SUM TSOGS PAS BSAM PA DANG SBYOR BA PHUN SUM TSOGS PAR BYAS NAS DGE BA'I CHOS SKYED CING SPEL LO, ,DE NAS 'BRAS BU PHUN SUM TSOGS PA'O, ,DE NAS MTHONG BA'I CHOS DANG TSE PHYI MA'I PHAN YON TE, TSE PHYI MA'I NI, NGAN SONG DU SKYES SU ZIN KYANG ZHES BYA BA LA SOGS PA'O, ,YANG 'BRAS BU'I KHYAD PAR BSDUS PA'I DON NI, DANG PO SEMS KHYAD PAR DU 'PHAGS PA'O, ,DANG PO SEMS BSKYED PA'I LE'U 'DI'I BSDUS PA'I DON NI, DANG PO SEMS BSKYED PA'I MTSAN NYID DANG, KHYAD PAR GYI MTSAN NYID DANG, RGYUN MI 'CHAD PAR SEMS BSKYED PA'I RKYEN BZHI DANG, RGYU BZHI DANG, RGYU DANG STOBS GANG DAG GIS SEMS BSKYED PA BSTAN PAS DE'I MI MTHUN PA LAS LDOG PA DANG, DANG PO SEMS BSKYED PAR BSTEN PA'I NGO MTSAR RMAD DU BYUNG BA'I CHOS DANG, DE'I PHAN YON NI RANG GI MTSAN NYID DANG, KHYAD PAR GYI MTSAN NYID DANG, SKYE BA'I RGYU DANG RKYEN DANG STOBS DANG, DE LA RMONGS PA RNAMS LA BSTAN PA DANG, NGO MTSAR RMAD DU BYUNG BA'I CHOS LA SOGS PAS RIGS MA NGES PA DANG, NYAN THOS DANG RANG SANGS RGYAS KYI RIGS LA ZHUGS PA RNAMS RNAM PAR BZLOG NAS GZHUG PA'I DON DANG, MA NGES PA'I RIGS CAN RNAMS SANGS RGYAS NYID LA RAB TU DGOD CING NGES PAR BZUNG BA DANG, BYANG CHUB SEMS DPA'I RIGS CAN BAG MED PA DANG, ZHUM PA DANG YANG DAG PAR RAB TU ZHUGS PA RNAMS LA GO RIMS JI LTA BA BZHIN DU YANG DAG PAR BZUNG BA DANG, YANG DAG PAR GZENGS BSTOD PA DANG, YANG DAG PAR MGU BAR BYA BA'O, ,'BRAS BU DANG BCAS PA'I BSOD NAMS DANG LDAN PA'I BYANG CHUB SEMS DPA'I PHAN YON MDOR BSDUS PA'I DON NI MTHONG BA'I CHOS LA BDAG GI LUS LA GNOD PA MED PA DANG, 'KHOR @149A *, ,LOS SGYUR BA'I RDZU 'PHRUL GYI YON TAN ZHES BYA BA LA SOGS PA BSTAN PA NI, MA 'ONGS PA'I DUS SU THOB PA'I SKYE BA LA BDAG DANG GZHAN GYI DON SGRUB NUS PA'I LUS RAB TU 'THOB PA STE, TSE BRJES PA'I 'OG TU YANG ZHES BYA BA LA SOGS PAS BSTAN TO, ,MTHONG BA'I CHOS NYID LA BDAG LA GNOD PA'I LUS DANG SEMS KYI GNAS NGAN LEN DANG NYAMS SMAD PA'I PHYIR BDAG LA GNOD PA'I NGO BO MED DO, ,DE'I BSOD NAMS KYI DBANG GIS GZHAN GYIS BYAS PA'I SNGAGS LA SOGS PAS GZHAN LA GNOD PA YANG MED DO, ,BYANG CHUB SEMS DPA'I RIGS LA GNAS PA NI RANG BZHIN GYIS KYANG ZHES BYA BA LA SOGS PAS BSTAN TO, ,BDAG DANG GZHAN LA GNOD PA'I NYON MONGS PA MI SKYE BA DANG, DMAN PA DANG MYUR DU MED PA NI MTHONG BA'I CHOS 'DI LA YANG LHAG PAR YANG BZOD PA DANG DES PA DANG LDAN TE ZHES BYA BA LA SOGS PAS BSTAN PA DANG, GZHAN GYI DON LAS BRTZAMS NAS NI GRONG GI GNAS GANG NA GNAS PA DER YANG 'JIGS PA DANG 'JIGS PAR 'GYUR BA DANG, MU GE'I NYES PA RNAMS DANG, MI DANG MI MA YIN PAS BYAS PA'I GNOD PA MA BYUNG BA RNAMS NI 'BYUNG BAR MI 'GYUR, BYUNG BA RNAMS NI RNAM PAR ZHI BAR 'GYUR ZHES BYA BA LA SOGS PAS BSTAN TO, ,MA 'ONGS PA'I PHAN YON NI NGAN 'GROR SKYE BAR MI 'GYUR BA LA SOGS PA SNGA MA BZHIN DU RIG PAR BYA STE, 'DI LTA STE RIGS SU BSTAN PA'I PHAN YON DE DAG NYID RNAM PA THAMS CAD DU PHAN YON DU BSTAN PAR 'GYUR RO, ,BYANG CHUB SEMS DPA'I SA LAS SEMS BSKYED PA'I LE'U RIM PAR PHYE BA STE GNYIS PA'O,, ,,DE LTAR SEMS BSKYED PA ZHES BYA BA NI, SEMS BSKYED PA'I LE'U LAS JI SKAD BSTAN PA'O, ,JI LTAR BSTAN ZHE NA, 'DI LA BYANG CHUB SEMS DPA'I DANG PO SEMS BSKYED PA ZHES BYA BA NAS, SEMS BSKYED PA DE YANG, BYANG CHUB DE DANG, SEMS CAN GYI DON LA DMIGS NAS ZHES BYA BA'I BAR GYIS BSTAN TO, ,DE LTAR SEMS BSKYED PA'I BYANG CHUB SEMS DPA' RNAMS KYI BYANG CHUB SEMS DPA'I SPYOD PA GANG ZHES BYA BA NI, SBYOR BA GANG ZHES BYA BA'I DON TO, ,SPYAD PAR BYA BA RNAMS LA SPYOD PA ZHES BYA BA NAS SPYOD PA'O, ,SLOB PA ZHES BYA BA YANG DON GCIG PAS @149B BSLAB BAR BYA BA RNAMS LA SLOB PA ZHES BYA BA NAS SLOB PA ZHES BYA BA DE'I SGRAS NGO BO NYID BSGRUB PA'O, ,DE'I RTEN RNAMS KYIS SGOM PAR BYED PAS GANG DAG SLOB PA ZHES BYA BA'O, ,BYED PA PO'I LAS RNAMS BYA BA YIN PAS GANG LA SLOB PA DANG ZHES BYA BA'O, ,DES LAS RNAMS BYED PA NA JI LTA BU'I RNAM PAR GOMS PAR BYED CES, JI LTAR SLOB PA DANG ZHES BYA BAS BSTAN TO, ,DE DAG THAMS CAD CES BYA BA NI, GSUM PO 'DI DAG LA BYANG CHUB SEMS DPA'I SPYOD PA ZHES BYA BA'O, ,BDAG GI DON DANG GZHAN GYI DON ZHES BYA BA NI, BDAG DANG GZHAN GYI DON LA DMIGS PA NYID KYIS BDAG GI DON DANG GZHAN GYI DON LA BSLAB PAR BYA BA'O, ,BDAG DANG GZHAN GYI DON LA SLOB PA NI NYON MONGS PA MED PA'I THABS DANG, SKYO BA MED PA'I THABS KYIS MTHU LA BSLAB PAR BYA'O, ,DE LTAR NYON MONGS PA MED PA DANG SKYO BA MED PAS SEMS CAN YONGS SU SMIN PAR BYA BA DANG, BDAG GIS SANGS RGYAS KYI CHOS YONGS SU SMIN PAR BYA BA'O, ,DE DAG GNYI GA YONGS SU SMIN NA BLA NA MED PA YANG DAG PAR RDZOGS PA'I BYANG CHUB CES BYA'O, ,'DI RNAMS KYI BSDUS PA'I DON DANG GO RIMS NI DE LTAR RO, ,DE LA 'BA' ZHIG NI RNAM PA GNYIS TE, BDAG GI DON GZHAN GYI DON DANG 'BREL BA DANG, GZHAN GYI DON BDAG GI DON DANG 'BREL BA'O, ,YONGS SU SHES PAR BYAS LA SPANG BAR BYA'O ZHES BYA BA NI, SO SOR BRTAGS NAS YONGS SU GTONG BA'O, ,YONGS SU SHES NAS GTONG BA NYID NI RE RE'I DON DU 'GYUR NA YANG ZHES BYA BA'I DON TO, ,GANG GI PHYIR RAB TU SPANG BAR BYA BA YIN ZHE NA, SMRAS PA, RANG GI DON 'BA' ZHIG NI SPANG BAR BYA BA STE, JI LTAR ZHE NA, BYANG CHUB SEMS DPA'I BYA BA LAS SHIN TU 'DAS PA'I PHYIR TE, BYANG CHUB SEMS DPA'I BYA BA NI GZHAN GYI DON LA ZHUGS PA'I MTSAN NYID CAN YIN LA, DE LAS RAB TU 'DAS PA'I PHYIR RO, ,GANG GI PHYIR GZHAN GYI DON 'BA' ZHIG YONGS SU SHES NAS SPANG BAR BYA BA YIN ZHE NA, SMRAS PA, RJES SU MTHUN PA MA YIN PA'I PHYIR TE, RJES SU MTHUN PA MA YIN PA NI BDAG NYID BYANG CHUB 'THOB PA DANG 'GAL BA NYID CES BYA BA'I DON TO, ,BDAG NYID BYANG CHUB THOB NA SEMS CAN GYI DON BYED PAS SO, ,LHAG MA RNAMS NI ZHES BYA BA NI, @150A *, ,'BA' ZHIG LAS GANG GZHAN PA'O, ,JI LTA BU ZHE NA, GNYI GA'I DON TE DE LA NI BSLAB PAR BYA BA'O, ,NYES PAR SPYAD PA ZHES BYA BA NI, BDAG GI BDE BA 'DOD PAS SO, ,SANGS RGYAS DANG BYANG CHUB SEMS DPA' BSHAD PA ZHES BYA BA NI, LEGS PAR BSHAD PA'I PHYIR GZUNG BA STE, RAB TU BSTAN PA'I DON TO, ,GZHAN GYIS BSHAD PA RNAMS NI TSOL BA LA SOGS PAS BDAG DANG GZHAN GYI DON DU YANG MI 'GYUR BAR BSTAN PA'I DON TO, DE NI NYES PAR BSHAD PA NYID KYIS SER SNA MED NA YANG GZHAN GYI DON DU MI 'GYUR BAS SO, ,GANG GI PHYIR RANG GI DON LAS YANG BZOD PA YANG DAG PAR BLANGS NAS GNAS PA ZHES MI GZUNG ZHE NA, BDAG NYID MTHO RIS 'DOD PA YIN NA YANG MTHONG BA'I CHOS LA YANG GNYI GA'I DON BYED LA, PHA ROL DU YANG BYED PAS SO, ,DES NA RE ZHIG PHA ROL TU PHYIN PA LNGA 'BA' ZHIG GI DBANG DU BYAS NAS RANG GI DON ZHES BSTAN TO, ,DGE BA'I CHOS SDUD PA'I TSUL KHRIMS KYI DBANG DU BYAS NAS; 'JIG RTEN GYI ZANG ZING GI ZHES BYA BA LA SOGS PA STE, 'JIG RTEN GYI ZANG ZING GI 'BRAS BU 'DOD PA ZHES BYA BA NI, GZHAN PA PHA ROL DU YANG ZHES BYA BA'I DON TO, ,'JIG RTEN GYI ZANG ZING 'THOB PA'I RGYUR ZHES BYA BA NI, MTHONG BA'I CHOS LA'O, ,DE BZHIN DU MCHOD RTEN MCHOD PA YANG BDAG NYID KYI DON 'BA' ZHIG YIN LA GZHAN GYI DON MED CE NA, MCHOD RTEN MCHOD PAS KYANG RES 'GA' GNYI GA'I DON DU YANG 'GYUR TE, 'JIG RTEN GYI ZANG ZING GI 'BRAS BU 'DOD PA DANG, 'JIG RTEN GYI ZANG ZING LA LTOS PA MED PAR DGE BA'I CHOS SDUD PA DANG, BDAG NYID KYI SANGS RGYAS KYI CHOS YONGS SU SMIN PAR YANG DAG PAR GNAS PA NI GNYI GA'I DON NYID DU YANG 'GYUR RO, ,RNYED PA 'DOD PA ZHES BYA BA NI GZHAN DAG LAS MCHOG TU RNYED PA 'DOD PA'O, ,RNYED PA'I RGYU ZHES BYA BA NI, MTHONG BA LA DON MED PA'I RNYED PA SGRUB PA'O, ,GZHAN DAG GI SPRO BA SKYED PA ZHES BYA BA DANG, YANG DAG PA MA YIN PA'I YON TAN SNA TSOGS STON PA ZHES BYA BA LA SOGS PA RNAMS KYIS NI GZHAN GYI DON MED PAR ZHES BSTAN PAR 'GYUR RO, ,GAL TE GZHAN RNAMS YANG DAG PAR MGU BAR 'GYUR NA GZHAN GYI DON YANG YOD PAR 'GYUR RO ZHE NA, DE NI MED PAR BSTAN PA YIN TE, DE LTAR NA DGE BA'I CHOS SDUD PA NYID KYI TSUL KHRIMS @150B KYI DBANG DU BYAS PA'O, ,BDAG LA BSNYEN BKUR BYA BA ZHES BYA BA LA SOGS PA NI SEMS CAN GYI DON BYED PA'I TSUL KHRIMS KYI DBANG DU BYAS PA'O, ,BSNYEN BKUR BYA BA BDAG GIR BYA BA 'DOD PAS ZHES BYA BA NI BSAM PA NYID KYIS SO, ,BSNYEN BKUR BYA BA BDAG GIR BYA BA'I DON DU ZHES BYA BA NI, SBYOR BA DANG GNYI GA DAG LA RANG GI DON TO, ,CHOS MA YIN PA NYID KYIS YIN GYI CHOS KYIS MA YIN ZHES BYA BA NI, 'BA' ZHIG GIS SO, ,TSOGS SDUD PA ZHES BYA BA NI PHAN PA BYA BA MED PA'O, ,TSE 'DI'I BDE BA LA GNAS SHING ZHES BYA BA LA SOGS PA LA, MTHO RIS KYI DON GYI BSAM GTAN NI 'BA' ZHIG PA STE; SNGAR BSTAN PA'O, ,'DI LTAR YANG BZOD PA ZHES BYA BA LA, MTHO RIS KYI DON DU TSUL KHRIMS DANG, BRTZON 'GRUS RTZOM PA DANG, BSAM GTAN DANG, SHES RAB RNAMS YANG DAG PAR BLANGS NAS GNAS PA NI 'BA' ZHIG PAR SNGAR BSTAN TO, ,SBYIN PA DANG, BZOD PA YANG DAG PAR BLANGS TE GNAS PA'I MA BSTAN PA'I RGYU RAB TU BSTAN PA LAS BRTZAMS TE, SNYING RJE SNGON DU 'GRO BA'AM ZHES BYA BA LA, SNYING RJE MED PAR SNGON DU 'GRO BA NA YANG ZHES BYA BA'I DON TO, ,BYANG CHUB TU YONGS SU BSNGOS PA'AM ZHES BYA BA NI, BYANG CHUB TU YONGS SU MA BSNGOS PA YANG ZHES BYA BA'I DON TO, ,SBYIN PA DANG BZOD PA 'DI DAG NI 'BA' ZHIG PA YIN NA YANG RANG GI DON GYI NGO BOR NI MI 'GYUR TE, NGES PAR 'TSANG RGYA BA NYID DANG GZHAN PA'I RANG GI DON DU YANG 'GYUR BAS, BYANG CHUB KYANG 'THOB LA, MTHO RIS KYI RGYU YANG YIN TE, MTHO RIS KYI PHYIR DANG RANG GI MTHO RIS KYI PHYIR YIN PAS SBYIN PA DANG BZOD PA 'BA' ZHIG NYID YIN NA YANG GZHAN GYI DON MED PA NI MA YIN NO, ,MTHO RIS KYI PHYIR MA YIN PA NI SNGA MA LTAR 'BA' ZHIG PA NYID DU, LTA BA LOG PAR ZHUGS PA ZHES BYA BA LA, JI LTAR BYAS NAS SHE NA, GSMRAS PA, 'ONG BA MA MTHONG BA DANG, 'BRAS BU MA MTHONG BA ZHES BYA BA STE, 'JIG RTEN PHA ROL MED DO ZHE 'AM, LEGS PAR SPYAD PA DANG, NYES PAR SPYAD PA'I 'BRAS BU RNAM PAR SMIN PA MED DO ZHES ZER BA'O, ,TSUL KHRIMS NYAMS PA ZHES BYA BA NI TSUL KHRIMS 'CHAL BA'O, ,SGRUB PA MED PA ZHES BYA BA NI, NAN TAN MI BYED PA'O, ,SA 'OG MA LAS YANG DAG PAR 'DAS PA ZHES BYA BA NI, 'DOD PA'I KHAMS KYI 'DOD @151A *, ,CHAGS DANG BRAL BA'I PHYIR MI 'ONG BA'AM, KHAMS NYID LA 'DOD CHAGS DANG BRAL BA'O, ,BSAM GTAN LAS GYUR PA LA MKHAS PA'I BYANG CHUB SEMS DPA' ZHES BYA BA NI, BSAM GTAN LA GNAS PA ZHES BYA BA'I DON TO, ,'DI LTAR ZHES BYA BA LA SOGS PAS NI 'DIR RGYU BSTAN TO, ,DE LA GZHAN GYI DON 'BA' ZHIG YIN NA JI SKAD BSTAN PA SNGA MA GNYIS NI ZHES BYA BA NI LTA BA LOG PAR ZHUGS PA'I SBYIN PA DANG, TSUL KHRIMS NYAMS PAS CHOS STON PA'O, ,DE MA YIN PA ZHES BYA BA NI SA 'OG MA LAS YANG DAG PAR 'DAS PA ZHES BYA BA LA SOGS PA JI SKAD BSTAN PA'O, , DE LA DGE BA YONGS SU 'DZIN PAR BYED CES BYA BA NI, DGE BA SKYED PAR BYED CES BYA BA'I DON TO, ,DGE BA LA SOGS PA ZHES BYA BA NI, DGE BA SPEL BA'O, ,DGE BA YONGS SU GZUNG BA YANG DAG PAR 'DZIN DU 'JUG CES BYA BA NI, DGE BA NYE BAR SOG TU 'JUG PA'O, ,'DUL BAR BYED CES BYA BA DANG 'JUG PAR BYED CES BYA BA DANG, 'GOD PAR BYED CES BYA BA NI, CHUNG NGU DANG, 'BRING DANG, CHEN PO NYID DO, ,RANG DANG GZHAN GYI DON GYIS BSDUS PA'I DON NI NYON MONGS PA CAN MA YIN PA'I NGO BO NYID DANG RGYU NYID DANG, DUS NYID DANG, NYE BAR ZHI BA NYID DO ZHES BSTAN TE, PHAN PA BYED PA NYID KYIS DE NI PHAN PA NYID DO, ,RGYU BZHI'I BSDUS PA'I DON NI, RGYU RNAM PA GNYIS TE, BDE BA 'PHEL BA DANG SKYED PA'O, SKYED PA YANG RNAM PA GSUM STE, RTEN DANG, DMIGS PA DANG, LHAN CIG BYED PA'I RKYEN GYI MTSAN NYID DO, ,'PHEN PA YANG RNAM PA GNYIS TE MTHONG BA'I CHOS CAN DANG, PHA ROL BA'I DBYE BAS SO; ,BDE BA'I RGYU LA BDE BAR NYE BAR BRTAGS PAR BYAS NAS, RGYU BDE BA ZHES BRJOD DO, ,DPER NA ME BDE BA ZHES BYA BA LTA BU'O, ,RGYU BDE BAR BSDUS PA'I RGYU GSUM PO DE DAG CES BYA BA NI, DBANG PO DANG, YUL DANG, BDE BA TSOR BAR 'GYUR BA'I REG PA NI LUS KYI LAS KYIS BSDUS PA'I DBANG PO LNGA SDUS PAR BYED PAS NYAMS SU MYONG BA'I TSOR BA'O, ,SLOB PA DANG MI SLOB PA'I LAM DANG YANG DAG PAR LDAN PA'O, ,GRANG BA DANG TSA BAS BSDUS PA NI DUS LAS 'BYUNG BA'I SDUG BSNGAL GYIS BSDUS PA'O, ,BKRES PA DANG, SKOM PAS BSDUS PA NI, NANG GI BDAG NYID CAN GYIS @151B BSDUS PA LA SOGS PA'I SDUG BSNGAL DANG, NGAL BA'I SDUG BSNGAL DANG, GLO BUR BA'I SDUG BSNGAL DAG GO, ,SDIG PA MI DGE BA'I CHOS SPANGS TE DBEN PAS ZHES BYA BA NI, SPANGS PA NYID DBEN PA'O, ,YANG NA SPANGS PA'I MTSAN NYID KYIS DBEN PA NYID DE NYE BAR ZHI BA'I BDE BA'O, ,YANG DAG PAR SDUG BSNGAL BA ZHES BYA BA NI, TSOR BA RNAM PA GSUM PO DAG GIS SDUG BSNGAL LO, ,DE LAS GZHAN PA LHAG MA RNAMS NI GNOD PA MED PA'I BDE BA ZHES BYA BA LA, MNGON PAR 'BYUNG BA'I BDE BA DANG, RAB TU DBEN PA'I BDE BA DANG, NYE BAR ZHI BA'I BDE BA'O, ,THA MA ZHES BYA BA NI, RDZOGS PAR BYANG CHUB PA'I BDE BA'O, ,MNGON PAR 'BYUNG BA'I BDE BA NI DE DANG RJES SU MTHUN PA NYID YIN, RAB TU DBEN PA'I BDE BA NI DE'I PHYOGS PA NYID YIN, NYE BAR ZHI BA'I BDE BA NI DE 'DREN PAR BYED PA NYID YIN GYI, DON DAM PAR NI MA YIN TE, DON DAM PA'I NI THA MA NYID DE, GNOD PA MED PA NYID KYI PHYIR RO, ,BDE BA 'DOD PA YIN PAR SHES PAR BYA'O ZHES BYA BA NI, BSAM PAS SO, ,PHAN PA'I SBYIN PA GANG YIN PA DE BDE BA SBYIN PA YANG YIN PAR SHES PAR BYA STE ZHES BYA BA NI, PHAN PA'I RGYU'I GNAS KYI SBYOR BA 'DI DAG LAS 'DI LTAR DE'I RJES SU BYUNG BA'I 'BRAS BU BDE BA'I GNAS BYUNG BAR RIG PAR BYA'O ZHES BYA BA'I DON TO, ,GANG KUN NAS NYON MONGS PA ZHES BYA BA NI, BDAG NYID NYON MONGS PA DANG MTSUNGS PAR LDAN PAS NYON MONGS PA GZHAN GYIS NYON MONGS PA'AM, BDAG NYID NYON MONGS PA DANG LDAN PA DANG, KHA NA MA THO BA DANG BCAS PA NYID NI, BDE BA YANG MI PHAN PA ZHES BYA BA STE, DON MA YIN PA SKYED PAR BYED PA'I DON TO, ,GANG GI PHYIR ZHE NA, SMRAS PA, MI PHAN PA'I PHYIR TE, MI PHAN PA'I PHYIR MA 'ONGS PA'I SDUG BSNGAL GYI RGYU'O, ,DE'I PHYIR DE NI MI PHAN PA NYID PAS THAMS CAD NYON MONGS PA CAN NAM, KUN NAS NYON MONGS PAR 'GYUR RO, , DBANG PO DANG, YUL DANG, REG PAS BSDUS PA NI BDE BA'I RGYU'O, ,YANG NA GANG DBANG PO DANG YUL DANG REG PAS BSDUS PA'I RGYU BDE BA DANG TSOR BA BDE BA NI KUN NAS NYON MONGS PAR YANG 'GYUR TE, KUN NAS NYON MONGS PA DE NI KHA NA MA THO BA DANG BCAS PA DANG MI 'PHROD PA STE, MI PHAN PA'I PHYIR RO, , @152A *, ,DKAR PO'I PHYOGS NI BSTAN PA LAS BZLOG PAR RIG PAR BYA'O, ,CI NUS KYIS ZHES BYA BA NI BSGRUB PA'I PHYIR BYANG CHUB SEMS DPA' NUS PA DANG MTHUN PAR ZHES BYA BA'I DON TO, ,CI LCOGS PA ZHES BYA BA NI, SEMS CAN GANG RNAMS LA NYE BAR BSGRUB PA DE DAG LA STOBS CI LTA BA DANG MTHUN PAR ZHES BYA BA'I DON TO, ,DE BZHIN DU YANG DAG PAR SPYAD PAR BYA, BSLAB PAR BYA, NYAMS SU MYONG BAR BYA ZHES BYA BA NI, TSOR BA BDE BA DANG, DBANG PO DANG, YUL DANG, REG PAS BSDUS PA GANG KUN NAS NYON MONGS PA'AM, NYON MONGS PA CAN KHA NA MA THO BA DANG BCAS PA DANG, MI PHAN PA DANG, MI 'PHROD PA LA MI BSLAB PA NYID DO, ,GANG NYON MONGS PA CAN MA YIN PA DANG, KHA NA MA THO BA MED PA DANG, PHAN PA DANG, 'PHROD PA'I TSOR BA BDE BA NI, NYAMS SU MYONG BAR BYA ZHES BYA BA'I DON TO, ,TSE RING ZHING ZHES BYA BA NI, LAS GANG GIS KHU BA DANG KHRAG GI NANG DU YANG DAG PAR BRGYAL BA'I DUS DANG, KHYAD PAR DU 'PHAGS PA'I DUS NAS 'DI SNYED CIG 'TSO BAR 'GYUR RO ZHES BYA BA STE, DE NI TSE ZHES KYANG BRJOD LA, SROG CES KYANG BYA'O, ,GANG LA TSE DE RING BA YOD PA DE LA TSE RING BA ZHES BYA STE, DE'I DNGOS PO NI TSE RING BA NYID DO, ,YUN RING DU GNAS PA JI LTA BU ZHE NA, LAS GANG GIS DE'I TSE 'PHANGS PA DE YANG RNAM PA GNYIS YIN TE, BAR CHAD DANG BCAS PA DANG, BAR CHAD MED PA'O, ,BAR CHAD DANG BCAS PA NI LAS GANG GIS TSE 'PHANGS PA DE RKYEN GYI DBANG GIS RAB TU 'CHI BA SRID PA STE, 'CHI BA DE NI DUS MA YIN PAR 'CHI BA ZHES BYA'O, ,BAR CHAD MED PA NI GANG LAS KYIS 'PHANGS PA'I TSE DE BAR MA DOR MI 'CHI BA STE, LAS GANG GIS 'PHANGS PA DE DES JI LTAR 'PHANGS PA BZHIN GNAS PA NYID DE, YUN RING DU GNAS PA NYID DO, ,GZUGS BZANG ZHING ZHES BYA BA LA, 'DIR BZANG BA'I SGRA NI MCHOD PA'I DON GYI TSIG GI PHRAD DE; DPER NA MNGON PAR DGA'O ZHES BYA BA LTA BU'O, ,GANG GIS GZUGS LA MCHOD PA YOD PA DE GZUGS BZANG BA STE, DE'I GZUGS LA MTSAN PHUN SUM TSOGS PA YOD PAS MCHOD PA NYID DE, DE'I GZUGS DE LA MCHOD PAR 'GYUR BAS, DE'I NGO BO NYID NI GZUGS BZANG BA NYID DO, ,BLTA @152B NA SDUG PA NI MTHONG NA PHAN PA STE, MIG DANG MTHUN PA'O, ,YANG NA MTHONG BAR BZOD PA NI BLTA NA SDUG PA STE, YANG DANG YANG DU BLTA BAR 'DOD PA NYID DO, ,RAB TU DGA' BA DANG 'DREN PA NI MDZES PA NYID DE, SEMS DGA' ZHING DRI MA MED PA'O, ,DE'I DNGOS PO NI MDZES PA NYID DO, ,LONGS SPYOD CHE BA ZHES BYA BA LA, SPYAD PAR BYA BAS NA LONGS SPYOD LA, DE CHEN PO YANG YIN PAS LONGS SPYOD CHEN PO'O, ,DE'I DNGOS PO NI LONGS SPYOD CHE BA NYID DE, SNA TSOGS KYI DNGOS PO PHUN SUM TSOGS PA ZHES BYA BA'I DON TO, ,RTZA 'JING CHE BA ZHES BYA BA NI, BSHES KYI PHYOGS MANG ZHING CHE BA ZHES BYA BA'I DON TO, ,'KHOR PHAL CHE BA YIN ZHES BYA BA NI, BU DANG CHUNG MA DANG BRAN PHO DANG BRAN MO DANG, LAS BYED PA LA SOGS PA'I 'KHOR RO, ,YID BRTAN DU RUNG ZHING YID CHES PA YIN ZHES BYA BA LA, JI LTAR YID BRTAN DU RUNG BA YIN ZHE NA, SMRAS PA, SEMS CAN RNAMS KYI RTZOD PA 'BYUNG NGO, ,MCHOG TU TSAD MAR GZHAG PAR 'OS ZHES BYA BA LA SOGS PA'O, ,YID CHES PA YIN ZHES BYA BA JI LTA ZHE NA, SMRAS PA, GZHAL BLUGS LA G-YO BYED PA ZHES BYA BA LA SOGS PA STE, GZHAL BLUGS LA ZHES BYA BA NI SRANG LA'O, ,'JAL BA LA ZHES BYA BA NI, BRE PHUL LA SOGS PA STE, SRANG DANG BRE LA SOGS PA'I PHYI ROL GYI NYE BAR SPYAD PA RNAMS KYIS BSLU BA'O, ,G-YO DANG SGYU NI NANG GI BDAG NYID CAN TE, DE DAG GIS SLU BA MED PA'O, ,NOR GTAMS PA LA DOR MI BYED PA NI, NOR GTAMS PA LA MI BSNYON PA STE, DE LTA BU NI YID CHES PA'O, ,GZHI DES ZHES BYA BA NI, YID BRTAN DU RUNG BA NYID DANG, YID CHES PA NYID KYI GZHI DES TSIG GZUNG BAR 'OS PAR 'GYUR RO, ,GRAGS PA CHEN PO NI GRAGS PAR 'GYUR BA STE, CI LTA BU ZHE NA, DPA' BA LA SOGS PA DRUG GO, ,SNYAN PA JI LTA BU ZHE NA, 'JIG RTEN 'DIR GRAGS PAR 'GYUR BA'O, ,JI LTA BU ZHE NA, BZO DANG LAS KYI GNAS RNAM PA SNA TSOGS LHAG PAR RAB DANG PHUL DANG ZHES BYA BA NAS BRTZAMS PA'O, ,GZHI DES BYA BA NI GRAGS PA CHEN PO DANG SNYAN PAS 'JIG RTEN DU SHES PA NYID KYI GZHI'O, ,PHO'I DNGOS PO ZHES BYA BA NI, GANG DANG LDAN PAS SKYES PA ZHES BRJOD PA'O, ,DE YANG GANG GIS 'GYUR ZHE NA, PHO'I DBANG PO DANG LDAN PAS TE, DE NI MI NYID DO, , @153A *, ,GNOD PA CHUNG BA NI GLO BUR BA'I NAD NYUNG BA'O, ,NAD MED PA'I RANG BZHIN CAN NI, LUS LA GNAS PA'I NAD MED PA STE, 'DI DAG GIS NI MI MTHUN PA'I PHYOGS KYIS ZIL GYIS MI NON PAR BSTAN TO, ,SPRO BA CHE BA YIN ZHES BYA BA NI, BYA BA BYED PA THAMS CAD LA NUS PA DANG LDAN PA ZHES BYA BA'I DON TE, 'DIS NI GNYEN PO'I PHYOGS PHUN SUM TSOGS PA BSTAN TO, ,MI 'TSE BA'I MTSAN NYID GANG ZHE NA, SEMS CAN RNAMS LA MI 'TSE BA ZHES BYA BA LA SOGS PAS BSTAN TE, SEMS CAN RNAMS LA MI 'TSE BA'I BSAM PA NI, RJES SU BRTZE BA'I BSAM PA'AM, DE NI SNYING RJE CHE BA'I BSAM PA'O, ,SNANG BA'I SBYIN PA JI LTAR KHA DOG PHUN SUM TSOGS PA'I RGYU YIN ZHE NA KHA DOG GSAL BAR BYED PA LA GTZO BO SNANG BA YIN PAS SO, ,GOS GTZANG MA SBYIN PA NI KHA DOG PHUN SUM TSOGS TE, GOS KYI SBYIN PA NI DE'I KHA DOG PHUN SUM TSOGS PA'I RGYU'I PHYIR RO, ,NGA RGYAL NGES PAR BCOM PA ZHES BYA BA NI, NGA RGYAL NGES PAR BCOM PA'I PHYIR PHYAG LA SOGS PA BYA BAR 'OS PA RNAMS LA, PHYAG LA SOGS PA BYED PAS DE LA 'OS PA'I RIGS SU SKYE BA'O, ,SLONG BA RNAMS LA ZHES BYA BA NI, BDAG NYID GANG SLONG BA'O, ,YO BYAD MI BDOG PA RNAMS LA ZHES BYA BA NI MI SLONG NA YANG DE LA BDAG NYID SONG NAS STER BA NYID DO, ,DE LTAR SBYIN PA RNAM PA GNYIS PO SLONG BA DANG MI SLONG NA YANG SBYIN PA NI DBANG PHYUG PHUN SUM TSOGS PA'I RGYU'O, ,DKON MCHOG GSUM LA MCHOD PA NYID KYIS NI GRAGS PA CHEN PO RGYAS PAR 'GYUR RO, ,BLA MA MCHOD PAS KYANG SNYAN PAR GRAGS PAR 'GYUR RO, ,RGYU GNYIS KYIS ZHES BYA BA LA, BUD MED KYI DNGOS PO LA MI DGA' BA DANG, GZHAN DAG LA SKYES PA NYID SGRUB PA'I RGYU GNYIS PO DE DAG GIS 'GYUR TE, DE LA BUD MED KYI DNGOS PO LA MI DGA' BA NI 'DUN PA BZLOG PA'O, ,GANG LAS 'DUN PA BZLOG CE NA, BUD MED KYI DNGOS PO NYID LAS SO, ,GANG DAG 'DUN PA BZLOG CE NA, BUD MED RNAMS SO, ,MTSAN NYID GANG LAS SHE NA, BUD MED KYI DNGOS PO LA DGA' BA RNAMS LAS SO, ,GZHAN DAG LA SKYES PA NYID SGRUB PA JI LTA BU ZHE NA, NGES PAR RNAM PAR THAR PAR BYED PA'O, ,GANG @153B DAG NGES PAR RNAM PAR THAR PAR BYED CE NA, SKYES PA RNAMS SO, ,JI LTA BU'I GNAS SKABS DAG GI ZHE NA, BZUNG STE KHRID PA RNAMS TE, GNYIS KYIS NI NGES PA BSTAN PA YIN NO, ,GANG GI DON DU ZHE NA, PHO'I DBANG PO GCAD PA'I PHYIR RO, ,JI LTAR THAR PAR BYED CE NA, CHOS KYIS TE, DE LA CHOS NI GANG SPYAD PAR BYA BA SKYES PA PHO'I DBANG PO GCAD PA'I PHYIR SRID PA DANG BRJE BA'I RDZAS RJES SU MTHUN PA SBYIN PA STE, DES NYE BAR 'TSO BA'AM GZHAN PA YANG RUNG BA LA, DE'I 'DOD PAS BYED KYI GNOD PAS NI MA YIN NO, ,BYA BA LA 'JUG PA'I NGO BO NI ZHAL TA BYED PA STE, DE'I BYED PA NI SEMS CAN RNAMS KYI BYA BA BYED PA ZHES BYA BA'I DON TE, BYA BA'I GROGS BYED CING BYA BA BYED PAR 'DOD PAS BRTZAMS PA DE'I DE LTA BU'I BYA BA DE LA GROGS BYED PA'O, ,CI NUS ZHES BYA BA NI BDAG NYID KYI NUS PA DANG RJES SU MTHUN PAR RO, ,CI LCOGS ZHES BYA BA NI, DE'I BYA BA LA NUS PA DANG STOBS LA LTOS PAS SO, ,CHOS DANG MTHUN PA ZHES BYA BA NI, BYA BA DE CHOS DANG MTHUN PA NYID LA LTOS NAS ZHAL TA BYED PA STE, GROGS BYED PA MED PA LA GROGS BYED PA'O, ,DE LTA BU NI RE ZHIG GNOD PA NYUNG BA DANG, NAD MED PA'I RANG BZHIN CAN GYI RNAM PAR SMIN PA'I RGYU'O, ,LTA BAR 'GYUR BA'I ZAS DANG SKOM BSGRUB PA NI SPRO BA CHEN PO NYID KYI RGYU'O, ,SEMS RNAM PAR DAG PA BZHI'I BSDUS PA'I DON NI, GANG LA BSAM PA DANG, JI LTA BUR BSAM PA DANG, RNAM PA CI LTA BUS BSAM PA'O, ,GANG LA BSAM PA ZHES BYA BA LA, ,BYANG CHUB TU CHOS MTHUN PA DANG MTSUNGS PAR RO, , JI LTA BUR ZHES BYA BA LA DRAG TU'O, ,RNAM PA JI LTA BUS ZHES BYA BA LA NYIN GCIG BZHIN DU SKAD CIG RE RE LA DE DANG MTHUN PA'I CHOS KHO NA LA LAN MANG DU RTOG CING DPYOD PAS SO, ,DANG PO GSUM NI JI LTAR YOD PA'I MTSAN NYID DO, ,THA MA NI JI SNYED YOD PA'I MTSAN NYID DO, ,YUN RING PO ZHES BYA BA NI; SBYOR BA DE JI SNYED PAS RGYUN MI 'CHAD PAR GRIMS PAR BYED PA DAG GO, ,JI LTAR 'BYUNG BAR SBYOR BAS NI BAG MED PA RNAMS YANG DAG PAR LEN DU GZHUG PA'I PHYIR BSNGAGS PA BRJOD PA NYID DO, ,YANG DAG PAR BLANGS PA RNAMS LA YANG ZHES BYA BA LA, YANG DAG PAR ZHUGS PA DANG, @154A *, ,ZHUM PA RNAMS NGES PAR GZHUG PA DANG, RAB TU DGOD PA'O, ,SBYOR BA 'DI'I BSDUS PA'I DON NI, RNAM PA JI LTA BUS DANG, GANG LA SBYOR BAS SO, ,YANG RTAG PA'I SBYOR BA DE'I 'BRAS BU LA GNAS PA NYID NI ZHING DAG PAR RIG PAR BYA STE, ZHING DANG 'DRA BAS ZHING ZHES BYA BA LA; 'BRAS BU 'BYIN PAR 'DRA BAR CHOS NI DE DAG PA STE, 'BRAS BU LA GNAS PA'O, ,BDAG GI DON DANG GZHAN GYI DON LAS BRTZAMS NAS ZHES BYA BA LA, BDAG GI DON LAS BRTZAMS PA NI YUN RING POR DGE BA'I PHYOGS LA SBYOR BA ZHES BYA BA'O, ,GZHAN GYI DON LAS BRTZAMS PA NI, DGE BA'I RTZA BA MANG PO SOGS PAR BYED PA ZHES BYA BA'O, ,YANG NA RANG GI DON LA YANG YUN RING POR DGE BA'I PHYOGS LA SBYOR BA DANG, DGE BA'I RTZA BA SOGS PA YIN LA, DE BZHIN DU GZHAN GYI DON LA YANG SBYOR BAR BYA STE, SBYOR BAR BYAS NAS MJUG GI DUS SU SOGS PAR BYED PA'O, ,KHA DOG PHUN SUM TSOGS PAR GYUR NA ZHES BYA BA NI, SNGAR BSTAN PA'I KHA DOG PHUN SUM TSOGS PA NYID DANG, GZUGS BZANG BA NYID DANG, BLTA NA SDUG PA NYID DANG, MDZES PA NYID CES BYA BA'O, ,DE LA GZUGS BZANG BA'I MTSAN NYID KYI KHA DOG PHUN SUM TSOGS PA NI SKYE BO'I TSOGS CHEN PO'I SNYING DU SDUG PAR 'GYUR RO, ,SNYING DU SDUG PAR GYUR NA DRUNG DU 'DU BAR 'GYUR RO, ,DE NAS YID DU 'ONG BA ZHES BYA BA RAB TU MDZES PA NYID KYIS MNGON SUM DU PHRAD DU 'ONG BAR 'GYUR BAS BLTA NA SDUG PA NYID DO, ,SKYE BO'I TSOGS CHEN PO DAG DE'I TSIG MNYAN PA DANG BYA BAR SEMS TE ZHES BYA BA NI, MNGON DU BSGRUB PAR BYA'O SNYAM DU SEMS PA'O, ,SKYE BO'I TSOGS KUN GYIS BKUR BA DANG ZHES BYA BA NI, YID KYIS SO, ,MCHOD PA NI LUS KYIS SO, ,BSNGAGS PA NI NGAG GIS TE, NGA RGYAL MED PA'I SEMS KYI YON TAN DANG LDAN PA DANG, BLA MA LA LUS DANG YID DANG NGAG GI LAS KYIS DE BYA BA'I DUS SU MCHOD PA BYED PA NYID KYIS SO, ,'DOD PA LA BYIN PAS GANG LONGS SPYOD PHUN SUM TSOGS PAR GYUR PAS NI, SEMS CAN RNAMS SDUD PAR BYED DO, ,YO BYAD KYIS PHONGS PA LA BYIN PAS GANG LONGS SPYOD PHUN SUM TSOGS PAR GYUR NA, SEMS CAN YONGS SU SMIN PAR BYED DO, ,TSIG RTZUB PO MED PA'I RGYUS @154B TSIG BTZUN PA NYID DU GYUR NA SNYAN PAR SMRA BA NYID BAS SEMS CAN RNAMS SDUD DO, ,BDEN PAR SMRA BA'I RGYU NYID KYI DON SPYOD PAS SEMS CAN RNAMS RJES SU 'DZIN TO, ,PHRA MA MED PA DANG, 'KHYAL PA MED PAR SMRA BAS SEMS CAN RNAMS SDUD CING YONGS SU SMIN PAR BYED DO, ,YANG NA SNYAN PAR SMRA BAS NI SEMS CAN RNAMS SDUD PAR BYED LA, DON SPYOD PA DANG DON MTHUN PA NYID KYIS NI SEMS CAN RNAMS YONGS SU SMIN PAR BYED DO, ,GUS PA DANG ZHES BYA BA NI, GANG GIS 'DI 'JIG RTEN LA GRAGS PAR 'GYUR PA'O, ,BYAS PA SHES PA ZHES BYA BA NI GANG GIS 'JIG RTEN NA SNYAN PAR GRAGS PAR 'GYUR BA'O, ,BKUR STI DANG GUS PA DANG BCAS PAS ZHES BYA BA NI, DE DAG NYID KYIS SO, ,BYANG CHUB SEMS DPA' SKYES PAR GYUR NA ZHES BYA BA LA, SKYES PA'I DNGOS PO LA MNGON PAR DGA' ZHING BUD MED KYI DNGOS PO LA MI DGA' BA DAG GIS SO, ,PHO'I DBANG PO DANG LDAN PAS ZHES BYA BA LA, GZHAN DAG LA SKYES PA NYID BSGRUBS PAS SKYES PAR GYUR PA NYID YON TAN THAMS CAD DANG, BTZAL BA THAMS CAD DANG, SHES BYA THAMS CAD RAB TU RNAM PAR 'BYED PA DAG GI SNOD DU GYUR PA LTAR BUD MED NI DE LTA BU MA YIN TE, SKYES PA'I DBANG PO DANG LDAN PA'I PHYIR 'JIGS PA MED PAR 'GYUR BA DANG 'JUG PA LA SGRIB PA MED PA ZHES BYA BA LA SOGS PA'O, ,SEMS CAN RNAMS LA ZHAL TA BYED PA'I RGYUS STOBS DANG LDAN PAS SKYO BA MED PAR 'GYUR TE, DGE BA'I CHOS SGRUB PA'I BYA BA LA GROGS BYED PA'I RGYU NYID KYI STOBS KYIS SEMS CAN RNAMS LA PHAN GDAGS PA'I SBYOR BAS MI SKYO BAR 'GYUR RO; ,LAS DON CHE ZHES BYA BA NI MANG BA'O, ,MTHUN PA ZHES BYA BA NI 'TSAM ZHING RJES SU MTHUN PA'O, ,BDAG NYID SANGS RGYAS KYI CHOS RNAMS LA YONGS SU SMIN PAR BYED LA ZHES BYA BA NI, YONGS SU SMIN NA BDAG NYID BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, , SEMS CAN RNAMS KYANG THEG PA GSUM LA MYUR BA NYID DU YONGS SU SMIN PAR BYED LA ZHES BYA BA NI, SEMS CAN RNAMS YONGS SU SMIN PA NYID NI RNAM PAR GROL BAR BYED DO, ,BYAMS PA LA SOGS PA TSAD MED PA RNAMS BSGOMS PA'AM ZHES BYA BA NI, BZOD PA'I PHA ROL TU PHYIN PA BSGOM PA'I PHYOGS @155A *, ,KYI BRTZON 'GRUS SO, ,RAB TU 'BYED CING ZHES BYA BA NI YE SHES KYI PHYOGS KYI'O, ,DE LTA BU'I BSOD NAMS DANG YE SHES DE YANG MDOR BSDU NA RNAM PA DRUG TU 'GYUR RO ZHES BYA BA NI, PHA ROL TU PHYIN PA DRUG GI MTSAN NYID DO, ,YANG NA BSOD NAMS DANG BSOD NAMS KYI PHYOGS DANG; BRTZON 'GRUS DANG, BSAM GTAN DANG, YE SHES DANG YE SHES KYI PHYOGS DANG, BRTZON 'GRUS DANG BSAM GTAN ZHES BYA BA'O, ,BSOD NAMS DANG YE SHES KYI 'BRAS BU NI MDOR BSDU NA CI RIGS PAR RNAM PA BZHIR RIG PAR BYA'O ZHES BYA BA LA, BSOD NAMS KYI 'BRAS BU RNAM PA GNYIS NI GNOD PA MED PAR 'KHOR BA NA 'KHOR ZHING SDUG BSNGAL PA DAG GIS SHIN TU GZIR BA MED PA DANG, JI LTAR DGA' BAR SEMS CAN GYI DON DANG PHAN 'DOGS PAR NUS PA ZHES BYA BA'O, ,YE SHES KYI 'BRAS BU RNAM PA GNYIS NI YE SHES LA BRTEN NAS YANG DAG PAR BSOD NAMS YONGS SU 'DZIN PA DANG; MKHAS PAR BYA BA RNAM PA SNA TSOGS DPAG TU MED PA DAG GIS KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I BAR DU'O, ,GANG RNAM PAR SMIN PA DANG, RNAM PAR SMIN PA'I RGYU GANG YIN PA DE NI BSOD NAMS LA BRTEN PA'O, ,RNAM PAR SMIN PA'I 'BRAS BU GANG YIN PA NI BSOD NAMS LAS BYUNG BA YIN NO, ,BSOD NAMS KYANG YE SHES LA BRTEN CES BYA BA NI, YE SHES LA BRTEN NAS 'BYUNG BA'O, ,YE SHES LAS BYUNG BA YIN ZHES BYA BA NI, YE SHES NYID LAS 'BYUNG BA'O, ,RIG PA'I BZO DANG LAS KYI GNAS ZHES BYA BA NI, RIG PA NYID DANG LDAN PA'I BZO DANG LAS KYI GNAS SKYES BU'I BYED PA STE, GANG DE NI LUNG DU MA BSTAN PA NYID KYIS PHA ROL GYI NI MA YIN NO, ,LONGS SPYOD BSGRUBS PA STE, BZA' BA DANG, BTUNG BA DANG BGO BA LA SOGS PA LONGS SPYAD PAR BYA BA BZUNG BA RNAMS SO, ,TSOD MA ZIN PAR LONGS SPYOD PAS NI PHA ROL DU YANG 'BRAS BU MI 'DOD PAR 'GYUR LA, MTHONG BA'I CHOS LA YANG TSOD MA ZIN PAR LONGS SPYOD PAS NAD LA SOGS PA 'BYUNG BA DANG MTHONG BA'I CHOS KYI DON YANG NYAMS PAR 'GYUR BA'O, ,SNGON GYI LAS KYI ZHES BYA BA LA SOGS PA LA, 'BRAS BU 'DOD PA'I LAS BZUNG BAS MI 'DOD PA'I 'BRAS BU MED PA NYID DO, ,'BRAS BU @155B TSE 'DI LA LONGS SPYOD PAR GYUR PA ZHES BYA BA NI, SBYIN PA MI BYED PA NYID KYI PHYIR PHA ROL GYI DON MED PAR 'DI'I DON DU STE, GZHAN GYI DON SGRUB PA'I DON NI PHA ROL GYI DON YIN PAS DE'I NGO BO BSTAN PA'I DON DU'O, ,DE BZHIN GSHEGS PAR 'GYUR BA ZHES BYA BA'I TSIG NI, BYANG CHUB SEMS DPA' 'DI NYID DU MYA NGAN LAS 'DA' BA BRTZAL BA'I DON TE BYANG CHUB SEMS DPA' RNAMS NI DE LTA BU'I TSUL GYIS PHA ROL DU YANG GONG NAS GONG DU SKYE BA'I KHYAD PAR THOB PA'O, ,CHOS 'DUS BAS ZHES BYA BA NI, LAM YANG GZINGS DANG 'DRA BA'I PHYIR YONGS SU GTANG BAR BYA BA NYID YIN LA, 'DUS MA BYAS NI PHA ROL DU YANG YIN PAS BYANG CHUB SEMS DPA' JI LTA BA BZHIN DU GZHAN GYI YANG YIN LA, JI LTAR BSHAD PA'I MTSAN NYID CAN GYIS MTHONG BA'I CHOS CAN NYID NI RANG GI DON TO, ,DE BZHIN DU GZHAN YANG BYANG CHUB SEMS DPAS BTUL BA RNAMS GZHAN GYI DON YANG YIN PAR RIG PAR BYA'O ZHES BYA BA LA; CI THAMS CAD KYANG DE LTAR RAM ZHE NA, SMRAS PA, GANG DAG BYANG CHUB SEMS DPAS BTUL BA STE, GANG BYANG CHUB SEMS DPAS BTUL BA DE RNAMS NYID DE, DE LA LTOS NAS DE DAG NYID LAS GZHAN ZHES BRJOD KYI GZHAN THAMS CAD KYI NI MA YIN NO, ,DE LA PHYI MA LA 'DOD PA'I KHAMS SU LONGS SPYOD PHUN SUM TSOGS PAR 'GYUR BA ZHES BYA BA LA, 'DIR 'DOD PA'I KHAMS SU SMOS PA NI, 'DOD PA'I KHAMS LAS GZHAN PA NA, PHYI MA LA LONGS SPYOD PHUN SUM TSOGS PA MED DO, ,LONGS SPYOD KYIS LAS SHIN TU 'DAS PAS SO, ,LONGS SPYOD PHUN SUM TSOGS PA'I TSIG NI PHUN SUM TSOGS PA GZHAN NI RNAM PAR SMIN PA MA YIN PA NYID DE, LUS PHUN SUM TSOGS PA 'CHAD PAR 'GYUR BA'I BAR DU'O, ,PHYI MA ZHES SMOS PA NI, 'DI NI PHA ROL GYI MA YIN PA NYID DE, DE LTAR 'DI LUS PHUN SUM TSOGS PAR NI 'DOD PA'I KHAMS DANG, GZHAN PA DAG KHYAD PAR MED PAR BRJOD PA'I PHYIR RO, ,DE'I PHYI MA LA LONGS SPYOD DANG LUS PHUN SUM TSOGS PA ZHES BYA BA NI, 'DOD PA'I KHAMS KYI SNGAR BSTAN PA'I PHUN SUM TSOGS PA'O, ,TSE 'DI LA SDUG BSNGAL DANG BCAS YID MI BDE BA DANG BCAS ZHES BYA BA NI, BDE BA DANG YID BDE BA DANG MTSUNG @156A *, ,PAR LDAN PA'I RGYU MA THONG BA'I CHOS NYID LA BRTEN PA'O, ,SO SOR BRTAGS SHING ZHES BRJOD PA NI, GANG GIS SDUG BSNGAL DANG BCAS PA DANG YID MI BDE BA DANG BCAS PA DES MA 'ONGS PA NI 'BRAS BU 'DOD PA NYID DU 'GYUR BA'I PHYIR DE LA BRTEN PAR SO SOR BRTAGS SHING ZHES BYA BA SMOS SO, ,GANG YANG TSE 'DI LA BDE BA DANG BCAS PA DANG YID BDE BA DANG BCAS PAS LONGS SPYOD DANG LUS PHUN SUM TSOGS PAR 'GYUR BA'I RGYU LA BRTEN PA ZHES BYA BA DE LA, 'DOD PA'I KHAMS LAS GZHAN PA MA YIN PA DE'I PHYIR 'DOD PA'I KHAMS BYE BRAG TU BRJOD PAR BYA'O, , GANG 'DIR NYAMS PAR 'GYUR BA'I CHA DANG MTHUN PA MA YIN PA'I BSAM GTAN DANG, GZUGS MED PA'I SNYOMS PAR 'JUG PA ZHES BYA BA DE LA, 'DIR ZHES SMOS PA'I 'DOD PA'I KHAMS BZUNG BA'I DON TE, GZHAN DAG NA BSAM GTAN DANG GZUGS MED PA'I SNYOMS PAR 'JUG PA PHYI MA LA MED PAS SO, ,NYAMS PAR 'GYUR BA'I CHA DANG MTHUN PA MA YIN PA SMOS PA NI NYAMS PAR 'GYUR BA'I CHA DANG MTHUN PA MA YIN PA'I PHYIR BSAM GTAN DANG GZUGS MED PA'I SNYOMS PAR 'JUG PA NI MA 'ONGS PA'I NYID DE, DES DE LA 'BRAS BU STER BAS SO, ,BSAM GTAN DANG GZUGS MED PA'I SNYOMS PAR 'JUG PA SMOS PA NI, DE LAS GZHAN PA'I SNYOMS PAR 'JUG PA RNAMS LA PHYI MA LA PHAN PA MED PA NYID DE SRID PA SGRUB PA MA YIN PA'I PHYIR RO, ,SO SO'I SKYE BO RNAMS KYI 'JIG RTEN PA'I DAG PA ZHES BYA BA LA, 'DIR SO SO'I SKYE BO SMOS PA NI 'JIG RTEN PA'O, ,'PHAGS PA RNAMS KYI DAG PA NI GTAN DU BA NYID DE, BDEN PA MTHONG BA BSGOM PAS SPANG BAR BYA BA'I NYON MONGS PA SPANGS PA NI, 'JIG RTEN DANG 'JIG RTEN LAS 'DAS PA'I LAM DAG GIS YIN PAS SO, ,NYON MONGS PA THAMS CAD GTAN SPANGS PA ZHES BYA BA LA, 'DIR THAMS CAD GTAN ZHES SMOS PA NI 'JIG RTEN PA'I LAM GYIS NI NYON MONGS PA MGO MNAN PA TZAM DU SPONG GI GTAN DU NI MA YIN PA NYID DE, 'DI LTAR DES SPANGS PA'I NYON MONGS PA RNAMS THAMS CAD DU SPANGS PA MA YIN TE, 'JIG RTEN PA'I LAM GYIS SRID PA'I RTZE MO BA'I NYON MONGS PA MI SPONG BAS NYON MONGS PA GTAN SPANGS PA MA @156B YIN TE, BAG LA NYAL MA SPANGS PAS SO, ,BDAG DANG GZHAN GYI DON RIM PAR PHYE BA 'DI'I BSDUS PA'I DON GYI RIM PA MA BSTAN PA NI, BSTAN PA'I DON GYI TSIGS SU BCAD PAR BSTAN PA'I PHYIR RO, ,'PHAGS PA'I LAM YAN LAG BRGYAD PA ZHES BYA BA LA, DE NI GTAN DU BA YIN PA'I PHYIR YONGS SU MI NYAMS PA NYID DO, ,DE LA BRTEN NAS ZHES BYA BA NI, 'JIG RTEN LAS 'DAS PA'I LAM LA BRTEN NAS SO, ,BDAG DANG GZHAN GYI DON RNAM PA BCU'I BSDUS PA'I DON NI, RGYUN NYID DANG, RJES SU 'BREL PA NYID DANG, RGYU DANG 'BRAS BU NYID DANG, MTHONG BA'I CHOS DANG, PHA ROL GYI BYE BRAG NYID DANG, RTAG PA DANG MI RTAG PA NYID DANG, GTAN DU BA DANG GTAN DU BA MA YIN PA NYID DANG, JI SNYED YOD PA NYID DANG, CIG SHOS JI LTAR YOD PA NYID DANG, BDAG DANG GZHAN GYI DON BCU PO GONG DU BSTAN PA RNAMS KYI BSDUS PA'I DON NI DE LTAR 'BYUNG NGO, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS, BDAG DANG GZHAN GYI DON RIM PAR PHYE BA STE GSUM PA'O,, ,,DE'I NGO BO NI DE KHO NA NYID DE, DE KHO NA NYID CES BYA BA'I DON TO, ,GANG JI LTA BA BZHIN YOD PA'I NGANG TSUL CAN DE NI JI LTAR YOD PA STE, JI LTA BA BZHIN YOD PAS JI LTAR YOD PAS SO, ,DE'I NGO BO NI JI LTAR YOD PA NYID DO, ,DE BZHIN DU JI SNYED YOD PA LA YANG RIG PAR BYA BA'O, ,DE KHO NA'I DON DE YANG ZHES BYA BA NI, BSTAN PA'I MTSAN NYID CAN GYI DE KHO NA'I DON RNAM PA GNYIS SO, ,RAB TU DBYE NA RNAM PA BZHIR RIG PAR BYA STE ZHES BYA BA LA, RNAM PA GNYIS PO DE NYID LAS SO, ,'JIG RTEN GYI GRAGS PA ZHES BYA BA LA SOGS PA STE, 'JIG RTEN LA GRAGS PA NI 'JIG RTEN GYI GRAGS PA'O, ,BRDA DANG KUN RDZOB LA 'DRIS PA'I RJES SU 'GRO BAS ZHUGS PA'I BLOS ZHES BYA BA LA, BRDA NI MING NGO, ,KUN RDZOB NI THA SNYAD DO, ,'DRIS PA NI DNGOS PO 'DI'I MING NI 'DI'O ZHES BYA BA'O, ,BRDA DANG KUN RDZOB LA 'DRIS PA'I RJES SU 'GRO BA NI RJES SU 'GRO BA ZHES BYA BA STE, BRDA DANG KUN RDZOB LA 'DRIS PA GCIG NAS GCIG TU 'ONGS PA'I BLOS MTHONG BA MNYAM PA NYID DO, ,JI LTAR DNGOS PO GANG LA ZHE NA, BSTAN PAR BYA BA NYID DE, SA'I DNGOS PO LA JI LTAR MTHONG BA MNYAM PA YIN NA, SA LA 'DI NI SA KHO NA YIN GYI MA MA YIN NO ZHES BYA BA'O, ,DE LTA BU LA SOGS PA 'BYUNG BA @157A *, ,DANG 'BYUNG BA LAS GYUR PA DANG, LUS KYI YO BYAD BCU DANG, ZHING LA SOGS PA YONGS SU GZUNG BA'I DNGOS PO DANG, TSOR BA STE LUS KYI YO BYAD BCU PO ZHING LA SOGS PA LA BRTEN NAS 'BYUNG LA, DE DAG KUN GYI RTEN DU GYUR PA NI 'BYUNG BA LAS GYUR PA'O, ,DE DAG KUN KYANG TSOR BA'I DON TE, DE LAS RAB TU 'BYUNG BA'I PHYIR, BZANG 'GRO DANG NGAN 'GRO LA SOGS PA DE LTA BU'I DNGOS PO KHO NAR YONGS SU GZUNG BA NYID DO, ,SOGS PA SMOS PAS NI, DE LAS GZHAN PA YANG GZUNG BA STE, 'DI LTAR MDOR BSDUS NA 'DI NI YIN GYI 'DI NI MA YIN NO ZHES BYA BA NI MTHONG BA MNYAM PA'O, , NGES PAR MOS PA'I SPYOD YUL ZHES BYA BA NI, DNGOS PO LA NGES PAR MOS PA'I SPYOD YUL NI DNGOS PO LA NGES PA'I SPYOD YUL TE, MOS PAS DNGOS PO 'DI'I MTSAN NYID NI NGES PAR 'DI LTAR RO ZHES DE LTAR NGES PAR 'DZIN PA'O, ,DE BSTAN PAR BYA BA'I PHYIR GANG 'JIG RTEN GYI DNGOS PO THAMS CAD GCIG NAS GCIG TU 'ONG BA'I MING GIS ZHES BYA BAS NI, BRDA'I RJES SU 'GRO BA GONG DU BSTAN PA'I DON BRJOD PA YIN NO, ,GCIG NAS GCIG TU 'ONGS PA ZHES BYA BA DANG, RANG GI RNAM PAR RTOG PA LAS GRAGS PA ZHES BYA BAS KUN RDZOB KYI DON BSTAN PA NI MA BSAMS MA DPYAD MA BRTAGS PAR BZUNG BA ZHES BYA BA'O, ,RIGS PAS GRAGS PA'I DE KHO NA BSTAN PA'I PHYIR RTOG GE PA DPYOD PA DANG LDAN PA RTOG GER GTOGS PA'I SA LA GNAS PA RANG GI SPOBS PA LAS BYUNG BA SO SO'I SKYE BO PA DPYOD PA'I RJES SU DPYOD PA LA GNAS PA ZHES BYA BA STE, TSIG 'DI DAG GI BSDUS PA'I DON NI, RTOG GE PA ZHES BYA BA NI BSTAN PA'I TSIG GO, ,DPYOD PA DANG LDAN PA DANG, RTOG GER GTOGS PA'I SA LA GNAS PA ZHES BYA BA'I TSIG GNYIS NI BSHAD PA'O, ,RNAM PAR 'BYED PA NYID NI DPYOD PA DANG LDAN PAR 'GYUR LA, DE'I SPYOD YUL LAS MA 'DAS PA NYID NI RTOG GER GTOGS PA'I SA LA GNAS PA YIN NO, ,YANG RTOG GER GTOGS PA'I SA GANG YIN ZHE NA, RANG GI SPOBS PA LAS BYUNG BA SO SO'I SKYE BO DPYOD PA'I RJES SU DPYOD PAR ZHUGS PA RNAMS KYIS YIN GYI, DE KHO NA NYID KYI RJES SU ZHUGS PA'I SA PA'I YUL NI MA YIN NO ZHES BYA BA'I DON TO, ,DE LTAR TSIG GCIG NI BSTAN PA YIN LA, TSIG @157B GNYIS NI BSHAD PA YIN PAS, TSIG GSUM PA NI BSTAN PA YIN, TSIG GSUM NI BSHAD PA ZHES DE LTAR RIG PAR BYA'O, ,RNAM GRANGS GZHAN YANG, RTOG GE RNAM LNGAR RIG BYA STE, BRTAG BYA RTOG DE'I NGANG TSUL DANG, ,SNGON GOMS MNGON SUM MA BYAS NYID, ,LUNG LA MI BRTEN PA NYID DANG, ,'BAD PAS YID LA BYED PA DANG, ,SNGA MA'I 'PHEN PAS YONGS BZUNG NAS, ,RTOG GE LA NI 'DRIS PA STE, ,RNAM LNGAS RDZOGS PAR 'DOD PA'O, ,DE DAG DANG LDAN RTOG GE PA, ,DE DAG DANG LDAN PA NI RTOG GE PA STE LUNG DANG LDAN PA MA YIN NO, ,DE LA YID LA BYED PA ZHES BYA BA NI, BRTAG PA'I GNAS YID LA BYED PA'O, ,YONGS SU GZUNG BA ZHES BYA BA NI, RIGS PA'I TSAD MA RNAM PA GSUM GYIS YONGS SU GZUNG BA STE, DE NI SO SO'I SKYE BO'I SA NA GNAS PA'O, ,ZAG PA MED PA ZHES BYA BA NI, 'JIG RTEN LAS 'DAS PA'I'O, ,ZAG PA MED PA THOB PAR BYED PA NI SBYOR BA'I LAM GYI MTSAN NYID CAN GYIS SO, ,ZAG PA MED PA'I RJES LAS THOB PA 'JIG RTEN PA'I ZHES BYA BA NI, RNAM PA GNYIS KA YANG 'JIG RTEN PA'I STE, ZAG PA MED PA THOB PAR BYED PA DANG, ZAG PA MED PA'I RJES LAS THOB PA'O, ,SHES PAS SPYOD YUL DU BYA BA ZHES BYA BA NI SHES PA DES GANG SHES PAR BYA BA'I YUL TE, DE'I SPYOD YUL LO, ,GANG GI PHYIR NYON MONGS PA'I SGRIB PA RNAM PAR DAG PA'I SHES PA'I SPYOD YUL ZHES BRJOD CE NA, DE'I RGYU BSTAN PA'I PHYIR, DE LA DMIGS PAS ZHES BYA BA NAS BRTZAMS PA STE, DE LA DMIGS PAS NYON MONGS PA'I SGRIB PA LAS SHES PA RNAM PAR DAG PAR 'GYUR ZHES BYA BA'O, ,GANG ZAG MED PA'I SHES PA DE 'DIR SHES PA ZHES BRJOD DE, DE LA BSDU BA BYAS NAS NYON MONGS PA'I SGRIB PA LAS RNAM PAR DAG PA NI NYON MONGS PA'I SGRIB PA RNAM PAR DAG PA STE, YE SHES GANG LA RNAM PAR DAG PA DE YOD PA'I YE SHES DE NI NYON MONGS PA'I SGRIB PA RNAM PAR DAG PA'I YE SHES TE, DE'I SPYOD YUL LA GZHAN DAG SBYOR BA DANG RJES LAS THOB PA'I SHES PA GONG DU BSTAN PA DAG GIS BSDUS PA'I DON 'DI YIN TE, NYON MONGS PA'I SGRIB PA LAS RNAM PAR DAG PA NI NYON MONGS PA'I SGRIB PA RNAM PAR DAG PA'O, ,DE'I PHYIR SHES PA NI NYON MONGS PA'I SGRIB PA RNAM PAR DAG PA'I SHES PA STE, DE'I SPYOD YUL LO, ,'DI LTAR BSDU BAR BYA STE, SGRIB PA MED PAR GYUR NA PHYIS YANG DAG PAR GNAS PAR 'GYUR TE ZHES @158A *, ,BYA BA'O, ,DE BAS NA ZHES BYA BA NI, RGYU DES NA'O, ,GNYIS DAG GAM SHES PA RNAM PA GSUM YANG RUNG STE, NYON MONGS PA'I SGRIB PA RNAM PAR DAG PA'I SHES PA'I SPYOD YUL NI DE KHO NA NYID CES BRJOD DO ZHES BYA BA'O, ,RAB TU RNAM PAR 'BYED PA ZHES BYA BA NI ZAG PA MED PA THOB PAR BYED PA'I SHES PA GONG DU BSTAN PA DES SO, ,MNGON PAR RTOGS PAR 'GYUR BA DANG ZHES BYA BA NI, ZAG PA MED PA'I SHES PA STE, GANG MNGON PAR RTOGS PA'I SHES PA'O, ,MNGON PAR RTOGS PAR 'GYUR BA'I SHES PA ZHES BYA BA NI, GANG ZAG PA MED PA'I RJES LAS THOB PA'I SHES PA'O, ,SHES BYA LA SHES PA'I GEGS BYED PA ZHES BYA BA LA, SHES BYA LA SHES PA'I GEGS BYED CING GANG DANG LDAN PAS SHES PAR BYA BA MI SHES PA DE NI SHES BYA'I SGRIB PA ZHES BRJOD DE, BYANG CHUB SEMS DPA' RNAMS KYI CHOS BDAG MED PA'I RJES LA 'JUG PA DANG, SANGS RGYAS BCOM LDAN 'DAS RNAMS KYI CHOS PA STE, BRTAGS PA BRJOD PA'I NGO BO NYID KYIS RNAM PAR MI RTOG PA STE, BRTAGS PA BRJOD PA'I NGO BO NYID KYIS RNAM PAR MI RTOG PA NI DE LA RTOG PA MED PA'I PHYIR RO, ,DE LTAR BRTAGS PA BRJOD PA'I NGO BO NYID RNAM PAR MI RTOG PA GNYIS PO DES SHES BYA DANG, SHES PA NI MNYAM PAS MNYAM PA'I YE SHES DE'I SPYOD YUL TE, YE SHES DE'I SHES PAR BYA BA'I YUL ZHES BYA BA'I DON TO, ,LDOG PAR 'GYUR BA STE, RAB TU LDOG PAR 'GYUR BA'O, ,'DA' BAR MI 'GYUR ZHES BYA BA NI SHIN TU 'DA' BAR MI 'GYUR BA'O, ,'JIG RTEN GYI MNGON PAR ZHEN PAR BYAS ZHES BYA BA NI, MNGON PAR ZHEN PAS BZUNG ZHES BYA BA'I DON TO, ,RNAM PAR RTOG PA DANG SPROS PA THAMS CAD KYI RTZA BAS ZHES BYA BA LA, RNAM PAR RTOG PA THAMS CAD NI 'CHAD PAR 'GYUR BA RNAM PA BRGYAD DE, RTOG PA DANG, MI RTAG PA LA SOGS PA DAG GI RNAM PA'I RNAM PAR RTOG PAS RNAM PAR BRTAGS PA'I THA SNYAD DO, ,SPROS PA NI GZUGS LA SOGS PA PHUNG PO LNGA DANG, DBANG PO DRUG DANG, 'BYUNG BA CHEN PO BZHI DANG, 'BYUNG BA CHEN PO LAS BYUNG BA'I GZUGS ZHES BYA BA STE THAMS CAD KYANG NGO BO NYID KYI RNAM PAR RTOG PA'O, ,DGE BA LA SOGS PA ZHES BYA BA NI, KHYAD PAR GYI RNAM PAR RTOG PA STE, DGE BA DANG, MI DGE BA DANG, LUNG DU MA BSTAN PA'I @158B KHYAD PAR DU RNAM PAR RTOG PA'I KUN NAS NYON MONGS PA DANG, RNAM PAR BYANG BA DANG, GNYI GA MA YIN PA NYID DANG, 'DUS BYAS KYI MTSAN NYID DO, ,SKYE BA LA SOGS PA RTEN CING 'BREL PAR 'BYUNG BA ZHES BYA BA NI, ,'JUG PA DANG LDOG PA NYID DO, ,'DAS PA ZHES BYA BA LA SOGS PA NI DUS NYID DU'O, ,'DUS BYAS DANG 'DUS MA BYAS ZHES BYA BA'I RKYEN LAS BYUNG BA DANG MA BYUNG BA NYID DO, ,'JIG RTEN 'DI DANG 'JIG RTEN PHA ROL ZHES BYA BA NI, MTHONG BA'I CHOS DANG PHYI MA'I BYE BRAG GO, ,NYI MA DANG ZLA BA 'DI GNYIS ZHES BYA BA NI, MTSAN MO DANG NYIN PAR GYI BYE BRAG GI KHYAD PAR DU BYAS PA NYID DE, THA SNYAD RNAM PA BRGYAD KYI KHYAD PAR NYID DO; ,MYA NGAN LAS 'DAS PA ZHES BYA BA'I BAR DU ZHES BYA BA NI, RNAM PAR GROL BA NYID DO, ,THAMS CAD KYI THAMS CAD DU MED PA ZHES BYA BA NI, BRJOD DU MED PA'I NGO BO YIN PAS 'JIG RTEN LAS 'DAS PA'I YE SHES YIN NA YANG NGO, ,DNGOS PO TZAM MAM, DE BZHIN NYID TZAM DU 'DZIN PA ZHES BYA BAS NI BTAGS PA BRJOD PA'I RDZAS MED PA DANG, MTSAN MA MED PA NYID DAG 'GEGS PAR BYED DO, ,JI LTA BUR YANG RNAM PAR RTOG PAR MI BYED DO ZHES BYA BA NI, RDZAS TZAM MAM 'DI LTA BU'I DE BZHIN NYID TZAM ZHES BYA BA'I NGO BOR GANG BTAGS PA BRJOD PA'I RANG BZHIN DU RNAM PAR GZHAG PA DE 'GOG PAR BYED DO, , DE BZHIN NYID DE DANG MTSUNGS PA MNYAM PAR YANG DAG PA JI LTA BA BZHIN DU SHES RAB KYIS MTHONG STE ZHES BYA BA NI, BRJOD DU MED PA'I NGO BOR KHYAD PAR MED DE, KUN TU BRTAGS PA'I DNGOS PO'I NGO BO MED PA NYID DO, ,SEMS SNYOMS PAS MNYAM PA NYID KYI BTANG SNYOMS RAB TU 'THOB PA STE, THAMS CAD KHYAD PAR MED PA NYID DO, ,KHYAD PAR YOD NA NI DNGOS PO RNAMS MI MNYAM PAR MTHONG BAR 'GYUR RO, ,DE LTAR PHAN PA MANG PO DANG LDAN PA NI BDAG NYID KYANG SANGS RGYAS KYI CHOS YONGS SU SMIN PAR BYA BA DANG, GZHAN DAG KYANG THEG PA GSUM GYI CHOS LA YONGS SU SMIN PAR BYA BA'I PHYIR YANG DAG PAR RAB TU ZHUGS PA YIN TE; BDAG NYID KYI SANGS RGYAS KYI CHOS YONGS SU SMIN PAR BYA BA'I PHYIR NI, LONGS SPYOD RNAMS DANG ZHES BYA BA LA SOGS PA NAS BRTZAMS PA STE, BDAG NYID KYI SANGS RGYAS KYI CHOS YONGS SU SMIN PA YIN NO, ,SEMS CAN NI RNAM PA BZHI STE, YON TAN DANG LDAN PA DANG, SKYON DANG LDAN PA DANG, BDAG LA GNOD @159A *, ,PA BYED PA DANG, PHAN PA BYED PA ZHES BYA BA STE, DE DAG LA JI LTAR 'OS PAR SGRUB PA NI YANG DAG PAR SBYOR BA YIN NO, ,NGO BO NYID KYANG MA YIN LA ZHES BYA BA NAS, DNGOS PO GCIG PU LA MANG PO DAG GIS ZHES BYA BA NI GANG BRJOD PAR BYA BA'O, ,DE LAS GZHAN PA ZHES BYA BA NI GZUGS LA SOGS PA DAG LAS GZHAN PA'O, ,CHOS GANG DAG DANG DNGOS PO GANG DAG LA ZHES BYA BA NI, CHOS NI GZUGS MED PA, DNGOS PO NI GZUGS CAN NO, ,YANG NA CHOS DE DAG CES BYA BA NI, CHOS NI MANG PO 'DUS PA'I BRJOD PA DANG SBYAR RO, ,DNGOS PO RE RE LA YANG RNAM PA SNA TSOGS ZHES BYA BA NI RNAM PA'I BYE BRAG GO, ,MANG POR ZHES BYA BA DANG, RNAM PA SNA TSOGS MANG PO ZHES BYA BA NI, GANG BRJOD PA DANG SBYAR RO, ,BTAGS TE ZHES BYA BA NI, GANG BRJOD PA NYE BAR 'DOGS PA ZHES BYA BA STE, DE NI DE LTAR GZHAN DANG GZHAN PA'I THA SNYAD DO, ,DE LTA NA YANG BTAGS PA'I TSIG RNAM PA SNA TSOGS MANG PO DAG RNAMS DANG SBYAR RO; ,GAL TE NGES PA NYE BAR BAR DMIGS PAR 'GYUR BA DE LTA NA YANG CHOS DE DAG RNAMS DNGOS PO'I BDAG NYID DU 'GYUR NA NI DMIGS PA YANG MED DO, ,GZUGS KYI BDAG NYID LA BTAGS PA'I ZHES BYA BA NI, GZUGS ZHES BTAGS PA'I PHYIR ZHES BYA BA'I DON TO, ,JI LTAR BTAGS NAS SHE NA, SMRAS PA BTAGS PA'I TSIG GIS BSDUS PA ZHES BYA BA'I DON TO, ,DE LTA NA NI ZHES BYA BA NI, SNGA MA BZHIN DU BTAGS PA'I BRJOD PAS NYE BAR BTAGS PAS GZUGS KYI BDAG NYID CAN GYI DNGOS POR GYUR PA DE LTA NA'O, ,GZUGS KYI BLO 'JUG PAR 'GYUR ZHES BYA BA NI SNGON DU BTAGS PA LAS SO, ,BTAGS PA'I TSIG MED PAR NI MA YIN TE, DE'I BDAG NYID YIN PA'I PHYIR RO, ,GZUGS LA SOGS PA'I CHOS RNAMS ZHES BYA BA NI, LKOG TU GYUR PA'I CHOS RNAMS SO, ,GZUGS LA SOGS PA'I DNGOS PO ZHES BYA BA NI, MNGON SUM NYID DU DMIGS PA'O, ,YOD PA MA YIN PA LA SGRO 'DOGS PA'I NYES PA JI SNYED PA DE DAG NI THOG MA NYID DU DPYAD CING GSAL BAR BYAS LA DKROL ZHING BSTAN ZIN ZHES BYA BA NI, DU MA'I BDAG NYID DU JI LTAR 'GYUR TE, BRJOD PA'I SNGA ROL NA NI BDAG MED NA'O, ,DE LAS BRJOD PAR JI LTAR 'BYUNG STE, RE ZHIG SNGA ROL NA NI BLO MED DE, BTAGS PA LA GNAS PA'I DNGOS PO TZAM GYI NGO BO @159B MED PAS BTAGS PA DE THAMS CAD KYI THAMS CAD DU MED NA, BTAGS PA YANG YOD DAM MED PA ZHIG CE NA, BTAGS PA YOD PA NYID NA NI BTAGS PA TZAM GYI DNGOS POR YOD DO ZHES SBYAR BAR MI BYA STE, DE YOD PA'I PHYIR RO, ,YANG NA BTAGS PAR YOD PA DE YANG MED DO ZHES BYA ZER NA NI DE KHO NA NYID DANG BTAGS PA TZAM LA YANG SKUR PA BTAB PAR 'GYUR RO, ,BTAGS PA DANG DE KHO NA NYID LA SKUR PA 'DEBS PA DE NI, MED PA PA'I GTZO BOR RIG PAR BYA'O, ,PHUNG BAR MI BYED CING ZHES BYA BA NI, NGAN SONG DAG TU LTUNG BAR MI BYED PA'O, ,SLU BAR MI BYED CES BYA BA NI, BDE 'GROR 'GRO BA LAS SO, ,CHOS LA 'GOD PAR BYED CES BYA BA NI, SBYIN PA LA SOGS PA LA'O, ,BDEN PA LA YANG 'GOD PAR BYED CES BYA BA NI, KUN RDZOB KYI BDEN PA'AM, YANG NA DON DAM PA'I BDEN PA LA YANG STE RIM GYIS ZHES BYA BA'I DON DON TO, ,BSLAB PA'I GZHI DAG LA YANG G-YEL BAR MI 'GYUR ZHES BYA BA NI, LAS DANG LAS KYI 'BRAS BU NYAMS PAR MI BYED PA'O, ,GANG GIS STONG PA ZHES BYA BA NI, KUN DU BRTAGS PA'I NGO BO BRTAGS PA TZAM MO, ,GANG GIS GANG STONG PA ZHES BYA BA NI, GANG GIS STONG PA NYID DE KHO NA DE YANG MI BDEN PA'I NGO BO NYID DE, KUN DU BRTAGS PA'I NGO BO YANG BSAL LA, GANG STONG PA'I NGO BO NI DE'I RANG BZHIN NYID DE, STONG PA NYID CES BRJOD DO, ,THAMS CAD MED NA NI GANG DU CI ZHIG GANG GIS STONG PAR 'GYUR TE ZHES BYA BA LA, GANG DU ZHES BYA BA NI GZUGS LA SOGS PAR RO, ,CI ZHIG CES BYA BA NI DE KHO NA NYID DO, ,GANG GIS ZHES BYA BA NI KUN DU BRTAGS PA'I NGO BOS SO, ,DES DE NYID STONG PA NYID DU 'GYUR DU MI RUNG NGO ZHES BYA BA LA, DES ZHES BYA BA NI KUN TU BRTAGS PA'I NGO BO DES SO, ,DE NYID CES BYA BA YANG KUN DU BRTAGS PA DE NYID DO, ,GANG GI PHYIR GANG LA GANG MED PA DE NI DES STONG PAR YANG DAG PA JI LTA BA BZHIN DU MTHONG BA ZHES BYA BA NI, DE NI YOD PA MA YIN PA LA YANG SGRO MI 'DOGS LA, YANG DAG PA LA SKUR BA MI 'DEBS SO ZHES BYA BA STE, BTAGS PA'I TSIG GI BDAG NYID KYI SGRO 'DOGS PA DANG, YANG DAG PA LA SKUR PA MI 'DEBS PA'O, ,DE LA DNGOS PO NI GZUGS LA SOGS PA LA GZUGS ZHES BYA BA LA SOGS PAR BTAGS PA TZAM PAS DES NA 'DI LTAR LHAG PAR YANG MI BYED LA NYUNG BAR YANG MI BYED DO, ,'DOR BAR YANG MI BYED LA SNON @160A *, ,PAR YANG MI BYED DO ZHES BYA BA'O, ,THAMS CAD DU DBANG THOB PA'I BYANG CHUB SEMS DPA' ZHES BYA BA LA, THAMS CAD CES BYA BA GANG ZHE NA, PHYI ROL GYI DNGOS PO SHES BYA DANG NANG GI BDAG NYID CAN ZHES BYA BA'O, ,DE LA PHYI ROL GYI DNGOS PO NI RNAM PA GNYIS TE, YOD PA'I DNGOS PO 'BYUNG BA LA DBANG BSGYUR BA DANG YOD PA'I DNGOS PO LAS GZHAN PA LA DBANG BSGYUR BA'O, ,NANG GI BDAG NYID CAN YANG RNAM PA GNYIS TE, JI SRID DU 'DOD PA DE SRID GNAS PA DANG GNOD PA MED PAR DGA' MGUR 'CHI 'PHO BA LA YANG ZHES BYA BA'O, ,BYA BA DE DAG KYANG GANG ZHE NA ZHES BYA BA NI BYA BA RNAMS KYI BSDUS PA'I DON ZHES BYA BA'I DON TE, RE ZHIG DANG PO NI BDAG GI BDE BA KUN NAS NYON MONGS PA CAN NO, ,DE BZHIN DU KUN NAS NYON MONGS PA MED PA'I BYA BA YANG RNAM PA BZHI STE, BYED PA NI BYA BA'O, ,BDAG GI RGYUD YONGS SU SMIN PA DANG, GZHAN GYI RGYUD YONGS SU SMIN PA DANG, DAM PA'I CHOS GZUNG BA DANG, DE'I MI MTHUN PA'I PHYOGS PHAS KYI RGOL BA RNAM PAR TSAR GCOD PA'O, ,DE KHO NA'I DON RIM PAR PHYE NA BSDUS PA DANG, DGOS PA DANG, GO RIMS SO, ,BDE BA BSDUS PA NI 'DI LTAR RE ZHIG LE'U 'DIS BSDUS PA NI, 'DI ZHES BYA BA'AM, DON BSDUS PA NI 'DI DAG GO ZHES BSTAN TO; ,CI'I PHYIR DON BSDUS PA 'DI DAG GO ZHES BSTAN ZHE NA, DGOS PA BRJOD PAR BYA BA'O, ,GO RIMS GANG ZHES BYA BAS NI, GO RIMS BRJOD PAR BYA BA'O, ,DANG PO RE ZHIG KHO NA'I DON GYIS BSDUS PA'I DON NI RNAM PA'I BYE BRAG GIS RNAM PAR GZHAG PA STE, DE KHO NA DE'I DON NI GANG, GANG GI ZHES BYA BA LA, YANG DAG PAR MTHONG BA'I DON TE, GANG GI ZHES BYA BA 'DIS NI JI SNYED YOD PA'I'O, ,DE KHO NA DE'I DON NI, GANG ZHES BYA BAS NI JI LTAR YOD PA YANG DAG PAR BSTAN TO, ,RNAM PA'I BYE BRAG BSTAN PA RNAMS JI LTA BA BZHIN DE DAG RTOGS SHE NA, MNGON PAR RTOGS PA'I THABS KYIS TSIG DE DSAG GIS RTOGS TE, THOS PA DANG BSAM PA DANG BSGOM PA DAG GIS TE, 'JIG RTEN LA GRAGS PA'I DE KHO NA NI THOS PAS RTOGS TE, 'JIG RTEN PA THAMS CAD DAG GIS DNGOS PO GANG LA BRDA DANG KUN RDZOB DANG 'DRIS PA'I RJES SU 'GRO BAS ZHUGS PA'I BLOS, LTA BA MTSUNGS PAR @160B 'GYUR TE, MDOR BSDUS NAS KUN RDZOB TU 'DI NI 'DI YIN GYI, 'DI LTAR 'DI NI GZHAN DU MA YIN NO ZHES NGES PAR MOS PA'I SPYOD YUL GANG 'JIG RTEN PA'I DNGOS PO THAMS CAD GCIG NAS GCIG TU 'ONGS PA'I MING GIS RANG GI RNAM PAR RTOG PA LA GRAGS PA MA YIN PAS, MA DPYAD MA BRTAGS PAR BZUNG BA'I MOS PAS 'JIG RTEN PA'I GRAGS PA LAS DE KHO NA ZHES BYA BA'I TSIG LAS GCIG NAS GCIG TU 'ONGS PA'I MING THOB PA NYID NI THOS PAS 'THOB PA'O, ,RIGS PA'I GRAGS PA'I DE KHO NA NI, DAM PA RIGS PA'I DON LA MKHAS PA ZHES BYA BA LA SOGS PA ZHES BYA BA SMRAS NAS, MNGON SUM DANG RJES SU DPAG PA DANG YID CHES PA'I LUNG GI TSAD MA LA BRTEN NAS, LEGS PAR DPYAD CING NGES PA'I SHES PA'I SPYOD YUL GYI SHES BYA'I DNGOS PO 'THAD PA SGRUB PA'I RIGS PAS RAB TU BSGRUBS SHING RNAM PAR GZHAG PA DE NI 'DI SKAD DU BRJOD DE, RIGS PAS GRAGS PA'I DE KHO NA ZHES BYA BA'I TSIG GIS SO, ,NYON MONGS PA'I SGRIB PA RNAM PAR DAG PA'I SHES PA'I SPYOD YUL GYI DE KHO NA DANG SHES BYA'I SGRIB PA RNAM PAR DAG PA'I SHES BYA'I SPYOD YUL GYI DE KHO NA NI BSGOMS PAS RTOGS PAR BYA BA STE, GNYI GA YANG NYAN THOS DANG RANG SANGS RGYAS KYI ZHES BYA BA LA SOGS PA STE, DE THOB PAR BYED PA'I THABS NYE BAR BSTAN PAS SHES PAR BYA BA STE, PHUNG PO LAS MA GTOGS PA'I GANG ZAG MED PAR LTA BA GOMS PA LAS BYUNG NGO ZHES BYA BA'I TSIG GIS SO, ,SHES BYA'I SGRIB PA RNAM PAR DAG PA'I SHES PA'I SPYOD YUL GYI DE KHO NA RNAM PAR GZHAG PA NI GNYIS SU MED PA'I RANG BZHIN TE, DE KHO NA DE BSGRUB PA NI GNYIS SU BCOM LDAN 'DAS RNAMS KYI YE SHES ZHES BYA BA LA SOGS PAS BSTAN TE, BSGOMS PAS RTOGS PAR BYA BA'I SHES BYA'I SGRIB PA RNAM PAR DAG PA'I SHES PA'I SPYOD YUL GYI DE KHO NA RNAM PAR GZHAG PA NI GNYIS SU MED PA'I RANG BZHIN TE, DE KHO NA DE BSGRUB PA NI GNYIS SU MED PA RNAM PAR GZHAG PAS SO, ,DBU MA'I LAM MTHA' GNYIS SPANGS PA BLA NA MED PA ZHES BYA STE ZHES BYA BAS NI GSUNG RAB KYI DON GYI DBU MA'I LAM BSTAN PAS DON CHEN PO NYID GSAL BAR BYAS PA'I GONG NA MED PA'I RGYU YANG DAG PAR BSTAN PAR RIG PAR BYA'O, ,GNYI GA DAG GI RGYU STE, GANG @161A *, ,GI PHYIR DE KHO NA DE LA SANGS RGYAS BCOM LDAN 'DAS RNAMS KYI YE SHES SHIN TU RNAM PAR DAG PAR RIG PAR BYA'O ZHES BRJOD PAS DE LTA BU'I RGYU RNAMS KYI GONG NA MED PA NYID DO, ,BYANG CHUB SEMS DPA' RNAMS KYI NI YANG SLOB PA'I LAM GYIS RAB TU PHYE BA YIN PAR RIG PAR BYA STE ZHES BYA BA'I TSIG GIS NI GONG NA MED PA GNYIS PA NYID KYI RGYU STE, GANG GI PHYIR YANG DE'I RGYU YIN PAS SHES RAB DE NI BYANG CHUB SEMS DPA'I BLA NA MED PA YANG DAG PAR RDZOGS PA'I BYANG CHUB THOB PAR BYA BA'I THABS CHEN PO YIN TE, YANG DAG PAR RDZOGS PA'I BYANG CHUB THOB PA'I THABS YIN PA'I PHYIR RO, , 'DI'I SLOB PA'I LAM GYIS RAB TU PHYE BA'I BLA NA MED PA NYID NI DE'I THABS CHEN PO NYID DO, ,RAB TU BSGRUB PA NI DE CI'I PHYIR ZHE NA ZHES BYA BA LA SOGS PA'I GZHUNG GIS BSTAN TO, ,'DI LTAR SANGS RGYAS KYI CHOS RNAMS YONGS SU SMIN PAR 'GYUR LA, 'DI LTAR THABS 'DIS SANGS RGYAS KYI CHOS RNAMS YONGS SU SMIN PAR 'GYUR BA DES NA GANG GI PHYIR GZHAN DU MA YIN PAS MI MTHUN PA DANG GNYEN PO'I DNGOS PO RAB TU BSGRUB PAS MTHA' GCIG TU BYAS PA'I DON TE, STONG PA NYID MCHOG LA MOS PA BSGOM PA JI SNYED PA DE NI BYANG CHUB SEMS DPA'I SLOB PA'I LAM GYIS BSDUS PA'I THABS CHEN PO ZHES BRJOD DE ZHES BYA BA'O, ,THABS DE'I PHAN YON RAB TU BSTAN PA DANG, GO RIMS NI GZHUNG CI LTA BA BZHIN RIG PAR BYA STE, DE YANG BYANG CHUB SEMS DPA' DE NI RING NAS CHOS BDAG MED PA LA RJES SU ZHUGS ZHES BYA BA NAS BRTZAMS TE, DE BZHIN DU PHAN YON MANG DU YOD DE, BDAG NYID KYANG SANGS RGYAS KYI CHOS YONGS SU SMIN PAR BYA BA'I PHYIR DANG, GZHAN DAG KYANG THEG PA GSUM GYI CHOS LA YONGS SU SMIN PAR BYA BA'I PHYIR YANG DAG PAR RAB TU ZHUGS PA YIN ZHES BYA BA'O, ,DE NI DE DAG GNYI GA'I CHOS YONGS SU SMIN PAR BYA BA LA JI LTAR YANG DAG PAR RAB TU ZHUGS PAR 'GYUR ZHES DE'I PHYIR BSGRUB PA'I THABS NYE BAR BSTAN PA NI, 'DI LTAR YANG DAG PAR ZHUGS PA YIN TE ZHES BYA BA NAS BRTZAMS NAS, SPROS PA MED PA'I TSUL LA ZHUGS SHING DON DAM PA'I DE KHO NA SHES PA LA YANG DAG PAR BRTEN PA'I YANG DAG PA'I SBYOR BA YIN PAR RIG PAR BYA'O ZHES BYA BA'I BAR DU'O, , @161B DE LTAR RNAM PAR GZHAG PA'I DE KHO NA DE THOB PAR BYA BA'I THABS LA 'JUG PA'I BYANG CHUB SEMS DPA'I SLOB PA'I LAM GYIS BSDUS PA'I BLA NA MED PA YANG DAG PAR RDZOGS PA'I BYANG CHUB THOB PA'I THABS RAB TU BSTAN TO, ,'DI'I PHAN YON GYIS SANGS RGYAS KYI CHOS RNAMS YONGS SU SMIN PAR BYA BA'I YANG DAG PA'I SBYOR BA YANG DAG PAR BSTAN NAS, DE NI RIGS PA DANG LUNG GI CHOS THAMS CAD BRJOD DU MED PAR BSGRUB PA NI, MA ZHUGS PA RNAMS GZHUG PA'I DON DANG, THOB PAR BYA BA'I DON DANG, PHYIN CI LOG DANG THE TSOM GYI BLO DANG LDAN PA RNAMS KYI DE SPANG BA'I DON DU'O, ,DE LA RIGS PA NI CHOS THAMS CAD BRJOD DU MED PA'I NGO BO NYID YIN PAR KHONG DU CHUD PAR BYA ZHES BYA BA NAS BRTZAMS NAS, JI LTAR BSTAN PA'I CHOS THA NA MYA NGAN LAS 'DAS PA'I BAR DU BRTAGS PA TZAM DU RIG PAR BYA'O ZHES BYA BA'I BAR DU'O, ,SGRO 'DOGS PA'I MTHA' RAB TU DGAG PAR NYES PA GSUM GYIS NYAMS PA'I PHYIR GCIG LA YANG MANG PO'I BDAG NYID CAN GYI SKYON BTAGS PA'I DNGOS POS MING GI SNGA LOGS NA BLO'I SKYON DU THAL BAR 'GYUR BA'I NYES PA YIN NO, ,SKUR PA 'DEBS PA NI DNGOS PO MED PAS BTAGS PA'I DNGOS PO YANG MED PA'I SKYON RAB TU DGAG PAS DBU MA PA'I RAB TU BSGRUB PA RIGS PAR RAB TU BSTAN PA'I RIGS PA'O, ,'DI GNYIS NI CHOS 'DUL BA 'DI LAS RAB TU NYAMS PA YIN ZHES BYA BA NAS BRTZAMS PA 'DI NI 'THAD PA SGRUB PA'I RIGS PA PHYIN CI MA LOG PA GANG GIS BRJOD DU MED PA'I NGO BO NYID RAB TU RTOGS PAR BYED PA STE, 'DI LTAR RE ZHIG 'DI NI 'DI LAS PHYI ROL BA RNAMS LA BRJOD DU MED PA'I CHOS KYI NGO BO NYID RIGS PAS SGRUB PA'O, ,CHOS 'DI BA RNAMS LA MI SLU BA'I LUNG GIS CHOS THAMS CAD BRJOD DU MED PA'I NGO BO NYID DU SRID PA 'PHO BA'I MDO'I TSIGS SU BCAD PA DANG, MDO SDE'I LHUG PA LAS KYANG KHA CIG TSAD MA GANG GIS SNYAM PA LA, RAB TU BSTAN PA DANG, TSIGS SU BCAD PA GZHAN DANG, MDO SDE GZHAN DAG LAS KYANG YANG DAG PAR SDUD PAS YANG DAG PAR BSDUS NAS, CHOS THAMS CAD NGO BO NYID KYIS BRJOD DU MED PA YANG RAB TU BSTAN LA, BRJOD PAR SBYOR BA'I RGYU YANG BSTAN NAS, RANG GI PHYOGS KYI SKYON BSAL BA'I DON DANG, RGOL BA'I SKABS MED PAR @162A *, ,RAB TU BSTAN PAS, 'DI LTA BU'I DE KHO NA'I MTSAN NYID DO, ,GANG MI SHES PAS 'JUG PA DANG, GANG SHES PAS LDOG PA ZHES BYA BA DANG, JI LTAR DE MI SHES PAS 'JUG PA DANG, JI LTAR DE SHES PAS LDOG PA YIN ZHE NA ZHES PA DE LTA BU YANG RAB TU BSTAN NAS, DE'I MTSAN NYID KYANG RAB TU BSTAN TE, DE LTA BU YONGS SU MA SHES PA'I PHYIR GZHI DE LAS BYIS PA RNAMS ZHES BYA BA NAS BRTZAMS NAS, BYANG CHUB SEMS DPA'I THEG PA CHEN PO LA SPROS PA'I 'GOG PA DE DE LTA BU BYANG CHUB SEMS DPA'I THEG PA CHEN PO'I YONGS SU MYA NGAN LAS 'DAS PA ZHES BYA BA'I BAR DU STE, 'DI LTA BUS NI SNGAR RAB TU BSGOMS PA'I SLOB PA'I LAM DE'I SHES PA'I PHAN YON BSTAN TO, ,DA NI MTHONG BA'I CHOS DE'I DE KHO NA MCHOG GI DON YE SHES RNAM PAR DAG PA'I SPYOD YUL LA DBANG DU GYUR PA THOB PA DANG, 'BRAS BU THOB PA DE'I PHAN YON NI LNGA STE, DES NI DE DANG GZHAN GYI THUN MONG BA DANG, DE DANG GZHAN THUN MONG MA YIN PA'I RGYU RAB TU BSTAN PA'I DON TE, PHAN YON DE RNAMS KYIS JI SNYED YOD PA'I PHAN YON RNAM PA LNGA PO DON CHEN PO NYID KYI LAS DAG BYANG CHUB SEMS DPA' THAMS CAD KYIS BYA BA YONGS SU RDZOGS PAR BSTAN TO, ,DANG PO DANG GNYIS PA DAG NI DMAN PA STE, THOS PA DANG BSAMS PA TZAM PA'I PHYIR RO, ,GSUM PA NI 'BRING PO NYID DE, BDAG GI DON 'BA' ZHIG TZAM PA'I PHYIR RO, ,BZHI PA NI MCHOG NYID DE, BDAG DANG GZHAN GYI DON NYID YIN PA'I PHYIR RO ZHES BYA BA STE, RIM PAR PHYE BA MTHA' DAG GIS BSDUS PA'I DON YIN NO, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS BZHI PA DE KHO NA RIM PAR PHYE BA'O,, ,,KUN NAS NYON MONGS PA MED PA'I THABS KYI RJES THOGS LA SKYO BA MED PA'I THABS KYI RGYU 'DI LTAR MTHU BRTZAM PAR BYA BA NI, TING NGE 'DZIN LA DBANG THOB PA ZHES BYA BA'O, ,TING NGE 'DZIN LA DBANG BA 'DI LA YOD PAS TING NGE 'DZIN LA DBANG BA STE DE'I NGO BO NI TING NGE 'DZIN LA DBANG BA NYID YIN LA, DE THOB PA NI TING NGE 'DZIN LA DBANG THOB PA STE, DE LA 'PHAGS PA'I MTHU ZHES BRJOD DO, ,JI LTAR DBANG THOB PA YIN ZHE NA, DE LA BSTAN PAR BYA BA'I PHYIR SMRAS PA, SEMS LAS SU RUNG BA, SEMS SHIN TU YONGS SU BSGOMS PA'I BYANG CHUB SEMS @162B DPA'I LAM 'PHAGS PA'I MTHU ZHES BYA BA'O, ,YANG NA GANG GI MTHU YIN NA, SEMS LAS SU RUNG BA'I STE, SEMS LAS SU RUNG BA NYID DE, SEMS LAS SU RUNG BA NYID NI, ,DE'I LAS SU RUNG BA NYID NI SEMS SHIN TU BSGOMS PA NYID DO, ,DE NAS DE LTA BU'I MTSAN NYID CAN GYI SEMS KYI MTHU NI 'PHAGS PA'I MTHU ZHES BRJOD DO, ,'BRAS BU CHEN PO NI RNAM PAR SMIN PA'I 'BRAS BU CHEN PO NYID DE PHAN YON NO, ,DE LAS GZHAN ZHES BYA BA NI, SANGS RGYAS DANG BYANG CHUB SEMS DPA' RNAMS KYI BSOD NAMS KYI TSOGS CHEN PO BSAGS PA LAS BYUNG BA DE YANG NGO, ,MDOR BSDU NA RDZU 'PHRUL NI RNAM PA GNYIS TE, YONGS SU BSGYUR BA DANG SPRUL BA'O, ,DE LA YONGS SU BSGYUR BA'I RDZU 'PHRUL NI YOD PA LAS GZHAN DU BSGYUR BA STE, YONGS SU BSGYUR BAS YONGS SU BSGYUR NAS, SPYOD PAR BYED PAS YONGS SU BSGYUR BA ZHES BRJOD DO, ,YONGS SU BSGYUR BA YANG RNAM PA BZHI STE, YONGS SU BSGYUR BA NI 'JIG RTEN NI 'DI DAG YONGS SU BSGYUR TE, 'BYUNG BA DANG 'BYUNG BA LAS GYUR PA'I MTSAN NYID CAN GYI DNGOS PO NI, SEMS CAN DANG SEMS CAN MA YIN PA RNAM PA GNYIS DANG, BDAG DANG GZHAN ZHES BYA BA'I 'BYUNG BA DANG 'BYUNG BA LAS GYUR PA'O, ,YANG RNAM PA GSUM DU GNAS TE SEMS CAN MA YIN PAR BRJOD PA 'BYUNG BA DANG 'BYUNG BA LAS GYUR PA 'DUS NAS GNAS PA DANG, SEMS CAN DU BRJOD PA 'DUS NAS GNAS PA DANG, 'BYUNG BA DANG 'BYUNG BA DANG 'BYUNG BA LAS GYUR PA'I NGO BO THA DAD DU GNAS PA ZHES BYA BA 'DI DAG GO, ,DE LA SEMS CAN DU BRJOD PA'I 'BYUNG BA DANG 'BYUNG BA LAS GYUR PA 'DUS NAS GNAS PA'I RLUNG GI KHAMS YONGS SU BSGYUR BA NI G-YO BAR BYED PA'O, ,ME'I KHAMS KYI NI RANG GI RGYUD DU GTOGS PA DAG 'PHEL BA THOB PAS 'BAR BA DANG, CHAR 'BEBS PA DANG, RANG GI RGYUD KYI NYE BAR LEN PA'I PHUNG PO'I MTSAN NYID CAN GYI MDANGS 'PHEL BAR GYUR PA'I SPROS PA'I DNGOS PO STON PA DANG, MIG LA GNAS PA'I ME'I KHAMS KYIS SNANG BAR BYAS PAS MUN PA DANG SGRIB G-YOGS KYI GNYEN PO SNANG BA YANG DAG PAR SKYED PAR BYED PA'O, ,'BYUNG BA RNAMS KYANG PHAN TSUN GCIG GZHAN DU BYED LA 'BYUNG BA LAS GYUR PA GZUGS DANG DRI DANG RO DANG REG BYA RNAMS LA YANG RIG PAR BYA'O, 'BYUNG BA LAS GYUR PA SGRA MA BRJOD PA NI LHA'I @163A *, ,RNA BA'I YUL NYID DU 'CHAD PAR 'GYUR BA'I PHYIR DANG, THA DAD DU RNAM PAR GNAS SU ZIN KYANG SGRA NI GZHAN DU BYA BAR MI NUS PA'I PHYIR DANG, G-YO BA'I PHYIR RO, 'GRO BA DANG 'ONG BA NI YANG BDAG NYID LA GNAS PA'I RLUNG GI KHAMS MTHU KHYAD PAR CAN DU SKYES PAS, BAR GYI SGRIB PA RTZIG PA DANG RI DANG BRAG DANG RA BA LA SOGS PA RNAMS LA NAM MKHA' LA SOGS PA RNAMS KYIS NAM MKHA'I NGO BOR YONGS SU BSGYUR NAS, RNAM PA GSUM DU LUS KYIS THOGS PA MED PAR 'GRO BA STE, 'BYUNG BA CHEN PO BZHI LAS BYUNG BA'I LUS RAGS PAS SAM, MOS PAS TE, RGYANG RING PO LA NYE BAR MOS NAS SEMS YID KYI SHUGS KYIS TE, YID DANG 'DRA BAR MGYOGS PAR 'GRO BA'O, ,'BYUNG BA DANG 'BYUNG BA LAS GYUR PA 'DUS PA DE SDUD PA DANG RGYAS PAR BYED PA NI, GZUGS KYI TSOGS THAMS CAD PHAN TSUN SDUD PA DANG, SEMS CAN DANG SEMS CAN MA YIN PAR BRJOD PA, 'BYUNG BA DANG 'BYUNG BA LAS GYUR PA 'DUS PA THAMS CAD RANG GI LUS SU 'JUG PAR BYED PA'O, ,DA NI SEMS CAN DU BRJOD PA LAS GZHAN DU BYA BA LAS BRTZAMS NAS SEMS CAN NAM BDAG NYID LA PHAN PA NYE BAR SPYAD PAR BYA BA DANG, SDUG BSNGAL NYE BAR BSAL BA DANG, BDE BA NYE BAR SGRUB PA'O, ,DE LA PHAN PA NYE BAR SGRUB PA'I DBANG DU BYAS NAS SKAL BA MNYAM PA'I GAN DU 'GRO BA ZHES BYA BA LA SOGS PA NAS BRTZAMS NAS BDE BA SBYIN PA ZHES BYA BA'I BAR DU'O, ,BYA BA GANG GIS MI SNANG BAR GYUR CING SNANG BAR GYUR NAS SKAL BA MNYAM PA'I GAN DU 'GRO ZHE NA, GDUL BYA'I SEMS CAN RNAMS LA CHOS BSTAN PA'I DON DANG, DE DAG NYID RAB TU BYANG BAR BYA BA'I DON DU'O, ,CHOS BSTAN PAS KYANG SPYOD LAM NGAN PA LA GNAS PA RNAMS DBANG DU BYED DO, ,GZHAN LA CHOS STON PA NA BAR CHAD BYED PA'I RDZU 'PHRUL DANG LDAN PA GZHAN GYI RDZU 'PHRUL ZIL GYIS GNON CING, CHOS NYAN PA'I DON DU SEMS DANG LUS LAS SU RUNG BA NYID DANG, SPOBS PA DANG DRAN PA SBYIN PA DANG, BDE BA SBYIN PA DANG, 'OD ZER SPROS PA LAS KYANG PHAN PA'I DON DANG, SDUG BSNGAL BSAL BAR BYA BA'I DON NI, SEMS CAN RNAMS KYI MING DANG GZUGS GZHAN DU BYED PA'I GZHAN DU SGYUR BA ZHES BYA BA'O, ,DBANG PO @163B LA BRTEN ZHES BYA BA NI, 'BYUNG BA DANG 'BYUNG BA LAS GYUR PA'I MTSAN NYID CAN NO, ,DE LA GTZO BO NYID DU LUS SPRUL BA JI LTA BU ZHE NA, NGES PA'I TSIG NYID NI SNGAR BSTAN PA NYID DO, ,SPRUL BA'I RDZU 'PHRUL GANG ZHE NA, MDOR BSDU NA DNGOS PO MED PA LAS DNGOS PO THAMS CAD SPRUL PA STE, SPRUL PA'I SEMS KYIS JI LTAR 'DOD PA BZHIN DU MNGON PAR 'DUS BYAS NAS 'GRUB PAR 'GYUR BAS, 'DI LA JI LTAR 'DOD PA ZHES BYA BA'I BRJOD PA 'GRUB PA'O, ,NGAG GI SPRUL PA'I BSDUS PA'I DON NI, MTSAN NYID GANG YIN PA DANG, RTEN GANG YIN PA DANG, GANG GI DON DU YIN PA'O, ,DE LA MTSAN NYID GANG ZHE NA, GDANGS SNYAN PA DANG LDAN PA DANG, SKAD GSAL BA DANG LDAN PA'O, ,RTEN GANG ZHE NA, BDAG DANG GZHAN DANG 'BREL PA LA'O, ,GANG GI DON DU ZHE NA, CHOS STON PAR GTOGS PA DANG, BAG MED PA LAS SKUL BAR GTOGS PA'O, ,MTSAN NYID RNAM PA GNYIS BSTAN PA NI, ZAB PA DANG, 'BRUG GI SGRA DANG, KA LA PING KA'I SKAD YID DU 'ONG BA DANG, DGA' BAR BYED PAS SNYING DU 'THAD PA DANG ZHES BYA BA NI TSIG 'DI DAG GI BSDUS PA'I DON YIN NO, ,JI LTAR ZAB CE NA, SMRAS PA, 'BRUG SGRA LTA BU ZHES BSTAN PA'O, ,KA LA PING KA'I SKAD YID DU 'ONG BA 'DRA BA NI RNAR BDE BA NYID DO, ,SNYING DU 'THAD PA NI DGA' BAR BYED PA'O, ,NGAG DE RDZOGS PA'I SPRUL PA NGUR 'GYUR ZHE NA, SNYAN CING 'JEBS PA DANG, RNAR SNYAN CING ZUR PHYIN PA DANG, BRDA PHRAD CING SNYAN PA DANG, MI MTHUN PA MED PA DANG, MI BRTEN PA DANG, MI ZAD PA STE, YON TAN DRUG DANG YANG DAG PAR LDAN PAR SDUD PA POS GSAL BAR BSTAN TE, GDANGS SNYAN PA NYID KYIS DANG, TSIG 'BRU BZANG BA NYID KYIS DANG, RANG GI DON NYID KYIS DANG, JI LTAR 'TSAM PA NYID KYIS DANG, ZANG ZING MED PA NYID KYIS DANG, GSAL BA NYID KYIS SO, ,DE LA RNAM PA GNYIS KYIS GDANGS SNYAN PA YIN PAR RIG PAR BYA STE, SKAD GSANG BAS 'KHOR GYI DKYIL 'KHOR YONGS SU RDZOGS PAR 'GENGS PA DANG, DBYANGS SNYAN PA NYID KYIS SO, ,RNAM PA GNYIS KYIS TSIG 'BRU BZANG PO YIN TE, NGES PA'I TSIG 'BRU YIN PA NYID DANG, BRDA PHRAD PA NYID KYIS SO, ,LHAG MA NI DON @164A *, ,RE RE DANG LDAN PA NYID DE, MNYAN PAR 'OS PA NYID KYIS DANG, 'KHOR JI LTA BA BZHIN DU RJES SU MTHUN PA NYID KYIS GTOD PA'I DBANG DU BYAS PA NYID DANG, DBYANGS SNYAN PA NYID DPAG TU MED PA'I SPOBS PA DANG LDAN PA NYID KYIS SO, ,LUNG LAS NI MYA NGA LAS 'DAS PA LA GTOD PA'I DBANG DU BYAS PA NYID DANG, DBYANGS SNYAN PA NYID DANG, SHIN TU NGES PA'I TSIG 'BRU YIN PA NYID DANG, CHOS KYI DON DANG YANG DAG PAR LDAN PA NYID DANG, RAB TU DANG BA'I DBANG DU BYAS PA LA BRTEN PA NYID DANG, GSAL BA LA MKHAS PA RNAMS SO, ,SNGON GYI GNAS RJES SU DRANG PA'I BSDUS PA'I DON NI; GANG GIS DRAN PA DANG GANG DRAN PA DANG, RNAM PA GANG GIS DRAN PA'O, ,DE LA GANG GIS DRAN PA NI, BYANG CHUB SEMS DPA' 'AM, BYANG CHUB SEMS DPA' DANG MTSUNGS PAR LDAN PA GZHAN GYIS KYANG NGO, ,GANG DRAN ZHE NA, BYANG CHUB SEMS DPA' BDAG NYID KYIS RANG GI DANG GZHAN DAG GI'AM, GZHAN GYIS KYANG BDAG NYID DANG GZHAN RNAMS KYI DRAN PA NYID DO, ,RNAM PA GANG DAG GIS SHE NA, CHA PHRA BA 'AM, CHUNG BA'AM, MANG PO 'AM, BAR CHAD MED PA'AM, TSAD BYA BAR NUS PA'AM, TSAD BYA BAR MI NUS PA'AM, GZHAL DU MED PA'O, ,DE DAG RNAMS KYI BSDUS PA'I DON NI, GANG BZHED PA DANG, JI LTAR BZHED PA DANG, JI TZAM BZHED PA ZHES BYA BA STE, DE LA GANG BZHED PA ZHES BYA BA NI, GANG DU BDAG GI MING NI 'DI ZHES SNGON GYI TSUL DANG LDAN PA'I DE LTA BU BYUNG BA DAG KYANG LTAR BZHED CE NA, CHA PHRA BA'AM, BAR CHAD MED PA'I TSUL GYIS SO, ,JI TZAM BZHED CES BYA BA NI, GRANGS BYA BAR MI NUS PA'I TSAD KYIS SAM, GRANGS MED PAR YOD DO, ,GANG GI DON DU ZHE NA, KYES PA'I RABS LAS BYANG CHUB SEMS DPA'I SPYOD PA NI 'DI LTA BU ZHES BYA BA LA SOGS PA'I RABS RAB TU BSTAN PA NYID KYIS BYANG CHUB SEMS DPA'I SPYOD PA LA RAB TU DANG BA SKYED PA'I DON DU RAB TU BSTAN PA DANG, YANG DAG PA MCHOG GI SPYOD PA LA GUS PA SKYED PA'I DON DU YANG BSTAN TO, ,SPRO BA SKYED PA'I PHYIR NI RNAM PA SNA TSOGS DU MA STON TE, SNGON GYI TSUL DANG LDAN PA'I DE LTA BU BYUNG BA DAG KYANG BSTAN TO, ,SEMS CAN RNAMS KYI LAS KYI 'BRAS BU RNAM PAR SMIN PA LAS BRTZAMS TE ZHES BYA BA LA, LAS BYAS PA RNAMS DANG, @164B BYAS PA BSAGS PA RNAMS KYI LAS NI NGES PAR 'BRAS BUR RNAM PAR SMIN PA ZHES BYA BA'O, ,LHA'I RNA BA'I MKHYEN PA'I BSDUS PA'I DON NI, GANG GI SGRA DANG, CHOS GANG GI RNAM PA DANG, GANG GI DON DU ZHES BYA BA STE, YANG DAG PA JI LTA BA BZHIN DU ZHES BYA BA LA, MDO DE LAS NI BDAG GNAS CHE GE MO ZHIG TU SKYES, MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA, KHA ZAS NI 'DI LTA BU, TSE'I TSAD NI 'DI TZAM ZHIG ,YUN RING PO 'DI SRID DU GNAS, BDE BA DANG SDUG BSNGAL 'DI LTA BU MYONG ZHES BYA BA'O, ,LHA DANG MI RNAMS KYI RNAM PA GANG ZHE NA, LEGS PAR SMRA BA DANG, NYES PAR SMRA BA NYID DE, MCHOG DAM PA'I YON TAN NAM, YON TAN MED PA'AM, CHUNG NGU DANG, CHEN PO NYID DANG, DON DANG LDAN PA DANG DON DANG MI LDAN PA NYID DANG, MTHU'I KHYAD PAR CAN NYID KYI DANG, YUN RING BA'I BA LA SOGS P STE, DE'I LHA'I RNA BA'I KHAMS RNAM PAR DAG PA MI'I LAS 'DAS PAS SGRA DE DANG DE DAG THAS SO, LHA'I DANG MI'I DANG; RING BA DANG NYE BA'I STE, THA NA SBRANG BA'I DANG, SHA SBRANG GI DANG, SGRUL GYI SGRA YANG THOS SO, ,MDO LAS 'CHI 'PHO DANG SKYE BA MKHYEN PA ZHES 'BYUNG BA'I SANGS RGYAS DANG BYANG CHUB SEMS DPA' RNAMS KYI 'CHI 'PHO DANG SKYE BA MKHYEN PA GANG ZHE NA, 'DI LA DE BZHIN GSHEGS PA'AM, BYANG CHUB SEMS DPAS LHA'I MIG RNAM PAR DAG PA MI'I LAS 'DAS PAS SEMS CAN RNAMS 'CHI BA'I TSE DANG, SHI 'PHOS PA NA YANG GZIGS TE, MDOG SDUG PA DANG, MDOG MI SDUG PA DANG, NGAN PA DANG, BZANG PO DANG DMAN PA DANG, GYA NOM PA DANG LAS KYIS JI LTAR SKYES PA'I SEMS CAN RNAMS RAB TU MKHYEN TO, , JI LTAR SEMS CAN LUS KYIS NYES PAR SPYOD PA DANG LDAN PA RNAMS DANG, DAG GIS NYES PAR SPYOD PA DANG LDAN PA RNAMS DANG, YID KYIS NYES PAR SPYOD PA DANG LDAN PA RNAMS DANG, 'PHAGS PA LA SKUR BA 'DEBS PA RNAMS DANG, LTA BA LOG PA CAN LTA BA LOG PA'I CHOS KYI LAS KHAS BLANGS PA'I RGYUS LUS POR NAS SHI BA'I 'OG TU NGAN SONG NGAN 'GRO LOG PAR LTUNG BA'I SEMS CAN DMYAL BA RNAMS SU SKYE BAR 'GYUR BA YANG NGO, ,LHA'I MIG GI BSDUS PA'I DON NI, 'CHI 'PHO BA DANG, SKYE BA DANG, SKYES BA DANG, LUS KYIS LAS SNA TSOGS LA GNAS PAR MNGON PA DANG, GZUGS PHRA BA DANG, THAMS CAD DU @165A *, ,ZHES BYA BA'O, ,GANG GIS MTHONG, GANG THONG, GANG ZHIG MTSAN NYID GANG GIS, GANG GI DUS SU GNAS SKABS GANG DU MTHONG ZHES BYA BA 'DI DAG KHO NA 'BA' ZHIG TU MA ZAD KYI, GZHAN YANG GZHAN DAG GI YUL MA YIN PA DE DAG KYANG MTHONG NGO, ,CI ZHIG CE NA, SNANG BA YANG RUNG; CHA PHRA BA YANG RUNG, SPRUL PA YANG RUNG, LHA'I DANG, DANG BA'I DANG, STENG DANG, 'OG DANG, THAD KAR YANG JI TZAM BZHED PAR GZIGS PA STE, GANG GI DON DU MTHONG BA DANG THOS PA ZHES BYA BA'O, ,'DI'I BSDUS PA'I DON NI, ,SEMS CAN GZHAN RNAMS DANG, GANG ZAG GZHAN RNAMS KYI SEMS SEMS KYIS YANG DAG PA JI LTA BA BZHIN DU MKHYEN TE, SEMS 'DOD CHAGS DANG BCAS PA RNAMS KYANG, 'DOD CHAGS DANG BCAS PA ZHES BYA BAR YANG DAG PA JI LTA BA BZHIN DU RAB TU MKHYEN TO, ,SEMS 'DOD CHAGS DANG BRAL BA RNAMS KYANG, SEMS 'DOD CHAGS DANG BRAL BA ZHES BYA BAR YANG DAG PA JI LTA BA BZHIN DU RAB TU MKHYEN TO, ,SEMS ZHE SDANG DANG PA YANG GTI MUG DANG BCAS PAR, NYON MONGS PA DANG BCAS PA PA YANG GTI MUG DANG BCAS PAR, NYON MONGS PA DANG BCAS PA DANG, NYON MONGS PA MED PA DANG, CHUNG NGU DANG, RGYA CHEN PO DANG, CHEN POR GYUR PA DANG, TSAD MED PA ZHES BYA BAR RAB TU MKHYEN TO, ,'DOD CHAGS DANG BCAS PA'I SEMS KYANG 'DOD CHAGS DANG BCAS PA'I SEMS ZHES BYA BA LA SOGS PA TSIG DRUG GI BSDUS PA'I DON NI KUN NAS NYON MONGS PAS KUN NAS DKRIS PA 'DI'I SEMS KYANG RAB TU MKHYEN, KUN NAS NYON MONGS PA'I KUN NAS DKRIS PA DANG BRAL BA DANG, NYON MONGS PA DANG RJES SU 'BREL BA'I BAG CHAGS DANG, NYON MONGS PA DANG RJES SU MA 'BREL CING BAG CHAGS MED PA DAG KYANG RAB TU MKHYEN TO, ,KUN NAS NYON MONGS PA DANG NYON MONGS PA MED PA DAG GI TSIG GI DON GYI MDO NI, ,SMON LAM LOG PAR BTAB PA'I SEMS KYANG RAB TU MKHYEN LA, GANG 'DI LTAR NYON MONGS PA'I BAG CHAGS DANG, GANG CUNG ZHIG ZANG ZING DANG BCAS PA'I BSAM PA CAN GYI SEMS NYON MONGS PA CAN DANG, GANG NYON MONGS PAS KUN NAS DKRIS PA'I SEMS KYANG RAB TU MKHYEN LA, JI SKAD BSTAN PA'I YANG DAG PA'I SMON LAM GYI SEMS KYANG RAB TU @165B MKHYEN, DE LAS BZLOG PA'I SMON LAM LEGS PAR BTAB PA'I SEMS KYANG RAB TU MKHYEN PA STE, NYON MONGS PA'I SEMS DANG MA 'BREL ZHING BAG LA NYAL MED PA DANG, GANG CUNG ZHIG ZANG ZING MED PA'I BSAM PAS NYON MONGS PA CAN MA YIN PAS YANG DAG PAR SMON LAM BTAB PA DANG, DMAN PA'I SEMS KYANG RAB TU MKHYEN PA STE, 'DI LTA STE 'DOD PA'I KHAMS SU SKYES PA'I SEMS CAN THAMS CAD KYI SEMS SO, ,RGYA CHEN PO DANG, CHEN POR GYUR PA ZHES BYA BA BAR MAR GYUR PA'I SEMS KYANG RAB TU MKHYEN TE, 'DI LTA STE GZUGS KYI KHAMS SU SKYES PA'I SEMS CAN THAMS CAD KYI'O, ,TSAD MED PA'I SEMS KYANG RAB TU MKHYEN TE, GYA NOM PA'I SEMS MKHYEN PA 'DI LTA STE GZUGS MED PA'I KHAMS SU SKYES PA THAMS CAD KYI'O, ,GSUM PO 'DI DAG LTAR 'JIG RTEN GYI KHAMS THAMS CAD KYI BDE BA DANG MTSUNGS PAR LDAN PA'AM, SDUG BSNGAL DANG MTSUNGS PAR LDAN UPA'AM, SDUG BSNGAL YANG MA YIN BDE BA YANG MA YIN PA'I TSOR BA DANG, MTSUNGS PAR LDAN PA'I SEMS KYANG MKHYEN TO, ,PHA ROL GYI SEMS MKHYEN PA GCIG GIS SEMS CAN GCIG GANG GI SEMS GANG YIN PA DANG, JI LTA BU DANG, JI 'DRA BA DANG, JI SNYED NYE BAR GNAS PA DE YANG CIG CAR YANG DAG PA JI LTA BA BZHIN DU RAB TU MKHYEN TO, ,GANG DAG GI YIN PA NA NI SEMS CAN GZHAN GYI'O, ,GANG YIN NA NI SEMS SO, ,JI LTA BU YIN NA NI NYON MONGS PA DANG RJES SU 'BREL PA BAG LA NYAL DANG BCAS PA NYID DANG, NYON MONGS PA DANG MA 'BREL ZHING BAG LA NYAL MED PA NYID DANG, NYON MONGS PAS KUN NAS DKRIS PA NYID DANG, NYON MONGS PAS KUN NAS DKRIS PA DANG BRAL BA NYID DO, ,JI 'DRA BA ZHIG NA NI, NYON MONGS PA DANG BCAS PA DANG, NYON MONGS PA MED PA'O, ,JI SNYED CES BYA BA NI, DMAN PA'AM, GYA NOM PA STE, DE LTA BU'I PHA ROL GYI SEMS MKHYEN PA GCIG KHO NAS, SEMS CAN MANG PO GANG DAG GI SEMS GANG YIN PA DANG, JI LTA BU DANG, JI 'DRA BA DANG, JI SNYED NYE BAR GNAS PA ZHES BYA BA NI, 'DI YANG 'DI LTAR DON GYI SHUGS KYIS RTOGS PAR BYA STE, DE YANG SANGS RGYAS DANG BYANG CHUB SEMS DPA' RNAMS KYI MNGON PAR SHES PA ZHES BYA BA LA SOGS PA'O, ,ZAG PA ZAD PA MKHYEN PA BDUN PA'I DON NI, ZAG @166A *, ,PA ZAD PA LA MKHYEN PA NI ZAG PA ZAD PA LA MKHYEN PA 'AM, ZAG PA ZAD PA'I PHYIR MKHYEN PA NI ZAG PA ZAD PA MKHYEN PA STE, DE BZHIN DU RNAM PA BZHI YIN LA, ZAG PA ZAD PA LA MKHYEN PA'I DBANG DU BYAS PA NI, NYON MONGS PA RNAMS ZAD PA THOB PA ZAG PA ZAD PA BDAG GIS SAM, GZHAN DAG GIS THOB PA'AM MA THOB PA YANG RUNG, ZAG PA ZAD PA'I THABS BDAG DANG GZHAN GYI YANG DAG PA JI LTA BA BZHIN DU RAB TU MKHYEN TO, ,THABS JI LTA BA YANG YANG DAG PA JI LTA BA BZHIN DU RAB TU MKHYEN TO, ,ZAG PA ZAD PA MKHYEN PA 'DI'I DBANG DU BYAS PA NI, GZHAN DAG GIS ZAG PA ZAD PA THOB PA'I MNGON PA'I NGA RGYAL YANG YANG DAG PA JI LTA BA BZHIN DU RAB TU MKHYEN CES BYA BA'O, ,GANG GI DON DU MKHYEN CE NA, DE LA SOGS PA'I DBANG DU BYAS PA NI, ZAG PA ZAD PA MKHYEN PA DES ZHES BYA BA LA SOGS PA'O, ,SBYIN PA LA SOGS PA'I CHOS 'DI RNAMS KYI MTHU'I DON GYI BSDUS PA'I DON NI RNAM PA BZHI STE, 'BRAS BU LAS BSTAN PAR 'GYUR RO, ,JI LTAR GANG ZHE NA, MI MTHUN PA'I PHYOGS SPANGS PA BRAL BA'I 'BRAS BU DANG, TSOGS YONGS SU SMIN PA'I SKYES BU'I BYED PA'I 'BRAS BU DANG, BDAG DANG GZHAN RJES SU 'DZIN PA'I BDAG PO'I 'BRAS BU DANG, 'DI LTAR MA 'ONGS PA NI 'BRAS BU SBYIN PA'I 'BRAS BU RNAM PA GNYIS PO RNAM PAR SMIN PA'I 'BRAS BU DANG, RGYU MTHUN PA'I 'BRAS BU'O, ,SBYIN PA'I MI MTHUN PA'I PHYOGS SER SNA YANG SPONG NGO ZHES BYA BA NI BRAL BA'I 'BRAS BU'O, ,BDAG NYID KYI BYANG CHUB KYI TSOGS SU GYUR PA YANG YIN LA ZHES BYA BA NI, SKYES BU BYED PA'I 'BRAS BU STE, ,GANG GI STOBS LAS GANG SKYES PA, DE YI SKYES BU BYED LAS BYUNG, ,ZHES BYA BA'I TSIG GIS SO, ,BSDU BA'I DNGOS PO SBYIN PAS KYANG SEMS CAN RNAMS YONGS SU SMIN PAR BYED PA ZHES BYA BA LA SOGS PA NI DBANG GI 'BRAS BU'O, ,PHA ROL DU YANG GANG DANG GANG DU SKYES PAR PHYUG PA DANG ZHES BYA BA LA SOGS PA NI RNAM PAR SMIN PA'I 'BRAS BU'O, ,SBYIN PA LA YANG MOS PAR 'GYUR TE ZHES BYA BA NI, RGYU MTHUN PA'I 'BRAS BU'O, ,DE BZHIN DU TSUL KHRIMS LA SOGS PA'I CHOS GZHAN DAG LA YANG JI LTAR RIGS PAR BRJOD PAR BYA'O, ,TSIG DANG RTOG PA NI TSIG GI RTOG PA @166B STE; DE NYID NYON MONGS PA'O, ,YANG NA TSIG KUN NAS SLONG BAR BYED PA'I RTOG PA NI TSIG GI RTOG PA STE, TSIG GI RTOG PA CAN GYI MTSAN NYID KYI KUN NAS NYON MONGS PA 'DOD PA'I KHAMS LA 'DOD CHAGS DANG BRAL BA'I PHYIR RAB TU RTOG PA'I RTOG PA'O, ,BSAM GTAN GNYIS PA NA NI DGA' BA'O, , BSAM GTAN GSUM PA NA NI BDE BA DANG, BZHI PA NA NI GZUGS KYI 'DU SHES LA SOGS PA STE, GZUGS KYI 'DU SHES DANG, NAM MKHA' MTHA' YAS SKYE MCHED KYI NAM MKHA'I 'DU SHES DANG, RNAM SHES MTHA' YAS SKYE MCHED KYI RNAM PAR SHES PA MTHA' YAS SO SNYAM PA'I 'DU SHES DANG, CI YANG MED PA'I SKYE MCHED KYI CI YANG MED DO ZHES BYA BA'I 'DU SHES SO, ,'DU SHES MED 'DU SHES MED MIN GYI SKYE MCHED RNAM PAR DAG PA'I LHAR SKYES PA'I RNAM PAR SMIN PA'I 'BRAS BU NI YE SHES RNAM PAR DAG PA'O, ,MNGON PAR SHES PA MNGON PAR SGRUB PA NI RGYU MTHUN PA'I 'BRAS BU'O, ,DGE BA'I RTZA BA THAMS CAD YONGS SU 'DZIN PA NYID DU YANG DAG PAR BYED PAS RGYU MTHUN PA'I 'BRAS BU STE, RGYU MTHUN RGYU DANG 'DRA BA'O ZHES BYA BAS SO, ,MA 'ONGS PA NA SGRIB PA RNAM PA GNYI GA YANG MNGON DU 'BREL PAR BYED PAS, RNAM PA THAMS CAD DU RTEN YONGS SU GYUR PA NYID 'DI TZAM NI RNAM PAR SMIN PA'I 'BRAS BU'O, ,RANG BZHIN GYIS TSE RABS DGONGS PA ZHES BYA BA NI, GZHAN DAG GI KHYAD PAR CAN GYI DON GYI TSE RABS DGONGS PA'O, ,RANG BZHIN SMOS PA NI GZHAN LA PHAN PA'I SMON LAM BTAB PAR DE 'BYUNG BAR BYED PA'I LAS BYAS PAS BYUNG BA STE, 'DI NI YANG SMON LAM LA SOGS PA MED PAR 'BYUNG BA'O, ,YUN RING PO LA SOGS PAR SDUG BSNGAL LA MI MJED PA NI JI SRID DU BDAG DANG GZHAN GYI DON MA BSGRUB PAR TE, GANG GI TSE GZHAN GYI DON YANG DAG PAR BA SGRUB PAR GYUR PA DES DGA' BA 'AM, YANG NA SEMS CAN GYI DON DU SEMS CAN LA DMIGS NAS, YUN RING PO LA SOGS PAR 'KHOR PA'I SDUG BSNGAL LAS MI MJED PA'O, ,DA NI 'DI LTAR YANG SEMS CAN GYI DON BSGRUB PA'I ZHES BYA'O, ,SEMS CAN GYI DON LA DMIGS NAS BRTZAMS PA'I SDUG BSNGAL GANG YIN PA DES DGA' BA'O, ,BLTAM KHA DANG BLTAMS PA LAS ZHES BYA BA LA BLTAM KHA DANG @167A *, ,BLTAMS PA LAS GZHAN MKHYEN BZHIN GANG YIN ZHE NA, YANG DAG PAR MKHYEN BZHIN DU YUM GYI LHUMS SU GSHEGS PA DANG, BLTAM PA DANG DE NI RJES KYI BYIS PA'I GNAS SKABS NA YANG NGO, ,DAM PA RAB MCHOG CES SMOS PA NI, 'KHOR LOS SGYUR BA'I MTSAN GYI KHYAD PAR DANG LDAN PA'I RGYAN NO, ,BYAS PA SBYANGS PA MA MDZAD PA'I NGANG TSUL 'DI LA YOD PAS BYAS PA SBYANGS PA MA MDZAD PA STE, SBYANGS PA MA MDZAD PAR BDAG NYID KYIS BYA BA RNAMS LA MKHAS PA'O, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS, MTHU'I LE'U RIM PAR PHYE BA STE LNGA PA'O,, ,,YONGS SU SMIN PAR NI MDOR BSDU NA RNAM PA BCU DRUG CES BYA BA'I DON NI, YONGS SU SMIN PA NI CI, GANG GIS, GANG DU, CI ZHIG YONGS SU SMIN PAR 'GYUR, GANG GI GANG ZHIG GIS YONGS SU SMIN PAR BYED, YONGS SU SMIN PA'I MTSAN NYID NI JI LTA BUR 'BYUNG ZHES BYA BA'O, ,DE LA YONGS SU NGES PAR CI ZHIG YONGS SU SMIN PA'I NGO BO NYID NI YONGS SU SMIN PA'AM, YONGS SU SMIN PA GANG LA BRTEN NAS 'JUG SNYAM NAS, DE LA 'DI YONGS SU SMIN PAR BYA BAS NI, YONGS SU SMIN PA'AM, 'DI DAG LA YONGS SU SMIN PAR BYA BAS TE, NYAN THOS KYI THEG PA PA LA SOGS PA'O, ,DE LA YANG NGES PAR CI ZHIG YONGS SU SMIN PAR BYA BA YIN PAS YONGS SU SMIN PAR BYA BA 'DI DAG NI YONGS SU SMIN PA'O, ,JI LTA BU'I RIM GYIS SHE NA, CHUNG NGU LA SOGS PAS SO, ,'DIS YONGS SU SMIN PAR BYED PAS NA, THABS NI YONGS SU SMIN PA'O, ,NGES PAR 'DIR BYED PA PO 'BYUNG BAS YONGS SU SMIN PAR GANG GIS BYED PA NI YONGS SU SMIN PA'O, ,'DI LTAR JI LTAR SHES SNYAM PAS NI YONGS SU SMIN PA'I GANG ZAG GI MTSAN NYID DO, ,RMA YONGS SU SMIN PA ZHES BRJOD PA NI, BRTOL LA RAG PA'O, ,DE BZHIN DU NYON MONGS PA DANG SHES BYA'I SGRIB PA SPANGS LA RAG PA PA'I RGYUD NI YONGS SU SMIN PA ZHES BRJOD DO, ,BUM PA DANG, RJE'U DANG, KHAM PHOR LA SOGS PA'I SNOD DANG, AA MRA DAD PA NA SA LA SOGS PA YONGS SU LONGS SPYOD PA'I 'OS GNYIS SMOS PAS NI NYE BAR LONGS SPYOD PA'I 'OS RTEN DANG BRTEN PA GNYIS RAB TU BSTAN PA'I DON TE, RTEN NI LUS SO, ,BRTEN @167B PA NI SEMS DANG SEMS LAS BYUNG BA'I CHOS SO, ,GO RIMS NI DANG POR BRTOL BA YIN LA, PHYI NAS YONGS SU LONGS SPYAD PA ZHES BYA BA YONGS SU SMIN PA'I GANG ZAG RIGS LA GNAS PA DANG, RIGS LA MI GNAS PA'I BYE BRAG GAM, BLA NA YOD PA'AM BLA NA MED PA'I KHYAD PAR RAM, CHUNG NGU DANG 'BRING DANG CHEN PO'I KHYAD PAR RO, ,GANG GANG LA YONGS SU SMIN PAR BYA BA'I KHYAD PAR RNAM PA DRUG GI BSDUS PA'I DON NI DE DAG YONGS SU SMIN PA NI YONGS SU SMIN PA STE, YONGS SU SMIN PA DE'I KHYAD PAR GSUM NI YONGS SU SMIN PA'O, ,DE DAG LAS GZHAN PA'I GO RIMS KYI KHYAD PAR GSUM YANG YONGS SU SMIN PA STE; CHUNG NGU DANG 'BRING DANG CHEN PO'I MTSAN NYID DO, ,RNAM PAR SMIN PA ZHES BYA BA NI, RNAM PAR SMIN PA BRGYAD DE, BDAG DANG GZHAN GYI DON GYI LE'UR BSTAN PA'O, ,SDIG PA MI DGE BA'I CHOS RNAMS LA SEMS MI 'JUG CING SGRIB PA CHUNG BA DANG, RTOG PA NYUNG BA DANG ZHES BYA BAS NI, LAS DANG NYON MONGS PA'I RNAM PAR RTOG PA MI MTHUN PA'I PHYOGS CHUNG BAR GYUR PA NYID BSTAN TO, ,DRANG BA NI RANG GI BSAM PA JI LTA BA BZHIN DU STON PA NYID DO, ,MTHUN PAR 'DZIN PA NI GDAMS NGAG RJES SU BSGRUB PA NYID DO, ,DRAN PA DANG LDAN PA NI SNGAR BYAS PA DANG, SNGAR SMRAS PA'I RNAM PAR RTOG PA MI MTHUN PA'I PHYOGS CHUNG BAR GYUR PA NYID BSTAN TO, ,DRANG BA NI RANG GI BSAM PA ZHES BYA BA LA SOGS PAS NI, DON 'DZIN PAR BYED PA'I SHES RAB KYI KHYAD PAR STON PAR BYED DE, SEMS KYIS RAB TU RTOGS PA SHES RAB KYIS DON RAB TU RTOGS PA NYID DO, ,THAMS CAD NAS NYON MONGS PA THAMS CAD LAS SEMS PA GTAN DU RNAM PAR GROL BAR BYED PA ZHES BYA BA LA, THAMS CAD NAS ZHES BYA BA NI DMIGS PA THAMS CAD NAS SO, ,GTAN DU ZHES BYA BA NI BAG CHAGS RAB TU SPANGS PA'O, ,NYON MONGS PA THAMS CAD LAS ZHES BYA BA NI, MTHONG BA DANG BSGOM PAS SPANGS PA'I NYON MONGS PA'O, ,YUN RING PO NAS GOMS PA ZHES BYA BAS NI, DE'I SBYOR BA MED PA NYID BSTAN TO, ,DBANG PO DANG, DGE BA'I RTZA BA DANG, SHES PA YONGS SU SMIN PA'I RGYU NI SNGON GYI SKYE BA LA'O, ,RGYUD YONGS SU MA BRTAGS PA NI MTHONG BA'I CHOS LA'O, ,RGYU CHUNG NGU LA GOMS PA ZHES BYA BA NI DAM @168A *, ,BAR BYED PA'I SBYOR BA DANG BRAL BA SA ZHES BYA BAS BSTAN TO, ,YONGS SU SMIN PA'I THABS NYI SHU RTZA BDUN PO RNAMS KYI BSDUS PA'I DON NI, BSTAN PA DANG, BSHAD PA STE, 'DI DAG GI GNAS SKABS SO, ,BSTAN PA NI KHAMS BRTAS PA DANG, DA LTAR GYI RKYEN NYE BAR SGRUB PA ZHES BYA BA'O, ,'DI DAG LAS GZHAN PA'I THABS RNAMS NI BSHAD PA'O, ,KHAMS BRTAS PA'I BSHAD PA NI DRUG GO, ,KHAMS BRTAS PA DE YANG RNAM PA GNYIS TE, CHUNG NGU DANG CHEN PO'O, ,CHUNG NGUS NI 'JUG PAR 'GYUR LA, CHEN POS DGA' BAR 'DZIN PA'O, ,GANG DE LTAR 'JUG PA DE NYID DANG POR 'JUG PA NYID KYANG YIN NO, ,YANG 'DI DAG GI KHYAD PAR GANG YIN ZHE NA, 'JUG PA NI KHYIM PA DANG RAB TU BYUNG BA'I GNAS SKABS GNYIS DAG GI BSLAB PA'I GNAS YANG DAG PAR LEN PA'O, ,DANG POR 'JUG PA YANG MA YIN TE, RIG PA'I DON LA PHAN YON MTHONG NAS 'JUG PA 'DI NYID LA DANG POR 'JUG PA ZHES BRJOD DO, ,DANG POR 'JUG PA MA YIN PA NI, SANGS RGYAS DANG BYANG CHUB SEMS DPA' RNAMS KYIS BTANG SNYOMS MI MDZAD PA LA RTEN CING ZHES BYA BA LA SOGS PA STE, 'DI NI KHAMS BRTAS PA'I BSHAD PA'O, ,DE LA RNAM PAR DAG PA THAG RING BA NI, LE LO'AM, RKYEN DANG MI LDAN PA STE, SNGAR BRTZON 'GRUS BRTZAMS PA'I KHAMS LA BRTEN PA NYID DANG, LE LO DANG RKYEN DANG MI LDAN PA'O, ,DE NAS 'DI LTAR DE DANG MI LDAN PA STE, RNAM PAR DAG PA THAG RING BA'I PHYIR, RNAM PAR DAG PA THAG NYE BA MA YIN PAR RIG PAR BYA'O, ,SBYOR BA NI MI RTZOM PA'I NYES DMIGS MTHONG BA'O, ,YANG DAG PAR RTOG PA'I BZOD PA LA BRTEN CING ZHES BYA BA NI, CHOS LA RNAM PAR DPYOD PA'I RGYU LAS BYUNG BA'I BZOD PA THOB PO ZHES BYA BA'I DON TO, ,CHOS 'DUL BA 'DI LAS ZHES BYA BA NI, SANGS RGYAS KYI BSTAN PA LAS SO, ,DKON MCHOG GSUM LA DAD PA MI G-YO BA'I GTER MI 'PHROGS PAR BYA BA'I PHYIR TE, BZOD PA NYID DU BYED DO, ,GZHAN DAG GIS RTOGS PA LA YID CHES PA DANG, YON TAN 'BYUNG BA RTOGS PA NAS RANG GI DON THOB PAR BYA BA LA MI DAD PAS G-YO BA NYID GANG YIN PA 'BYUNG NGO, ,SBYOR BA DANG BSAM PA NI 'DI DAG GO, ,DA LTAR GYI RKYEN BSHAD PA NI, DE LA DA LTAR GYI RKYEN @168B YANG RNAM PA GSUM STE, CHOS LA PHYIN CI MA LOG PA'I CHOS 'CHAD PA DANG, DE LA PHYIN CI LOG PAR 'DZIN PA NYID DANG, CHOS DANG RJES SU MTHUN PA'I CHOS LA JI LTA BA BZHIN DU NAN TAN BYED PA ZHES BYA BA STE, DE LA PHYIN CI MA LOG PAR 'DZIN PA NYID DO, ,BSAM PA'I THABS KYIS BSHAD PA NI CHOS DANG RJES SU MTHUN PA'I CHOS LA NAN TAN BYED PA'O, ,SBYOR BA'I THABS KYIS BSHAD PA NI, ZANG ZING NYE BAR BSGRUB PA ZHES BYA BA LA SOGS PA STE, THABS DRUG GO, ,DA LTAR GYI RKYEN NYE BAR BSGRUB PA 'DI LA MTHONG BA'I CHOS PHYIN CI MA LOG PAR STON PA NI BSHAD PA'O, ,CHOS STON PA 'BA' ZHIG TU YANG MA ZAD DE, 'DI LTAR 'ON KYANG GZHAN GYI BYA BA THAMS CAD KYI THABS MA LUS PA'I BSHAD PA YANG YIN NO, ,ZANG ZING NYE BAR BSGRUB PA DANG CHOS NYE BAR SGRUB PA NI BSDU BA'I THABS YIN NO, ,RDZU 'PHRUL GYIS 'DUN PAR BYED PA NI, 'DUN PAR BYA BA'I THABS YIN TE, MA DAD PA DAD PAR BYED PA'I PHYIR DANG, BSAM PA DAG PAR BYED PA'I PHYIR DANG, SBYOR BA DAG PAR BYED PA'I DON GYIS SO, ,'DI LTAR 'DUN PAR BYED PA'I PHYIR DGOS PA YANG GNYIS SU BSTAN TE, RANG GIS BDAG GI DON THOB PAR MI NUS PA DBANG PO RTUL PO DANG, DBANG PO RNON PO MNGON PAR SHES PA MYUR BA DAG GI'O, ,GSANG STE CHOS BRJOD PA NI, SEMS CAN BYIS PA'I SPYOD PA CAN GYI DBANG DU BYIS PA'O, ,RNAM PAR PHYE STE CHOS BRJOD PA NI, SHES RAB RGYA CHE BA'I DBANG DU BYAS PA'O, ,DA LTAR GYI SKYON SBYOR BA CHOS DANG RJES SU MTHUN PA'I CHOS LA NAN TAN BYED PA LAS BRTZAMS NAS, CHUNG NGU LA SOGS PA GSUM PO RTAG TU SBYOR BA MED PA DANG, GUS BAR SBYOR BA MED PA DANG, DE GNYI GA LAS GANG YANG RUNG BA GCIG MED PA DANG, DE GNYI GA DAG DANG LDAN PA STE GO RIMS BZHIN NO, ,THOS PA LA SOGS PA GSUM LA SBYOR BA NI, SNGAR GYI ZANG ZING NYE BAR BSGRUB PA DAG GO, ,YONGS SU SMIN PAR BYED PA NI RNAM PA GNYIS SU GYUR TE, YANG DAG PAR RAB TU ZHUGS PA DANG, LOG PAR ZHUGS PA ZHES BYA BA STE, DE LA YANG DAG PAR MA ZHUGS PA NI TSAR BCAD PA'O, ,DE LA MTHONG BA'I CHOS LA GZHAN LA BRTEN PA'I YONGS SU SMIN PA DE NI RNAM PA GSUM STE, RANG GIS BYAS PA NYID DANG, GZHAN DAG GIS GSOL BA BTAB PA NYID DANG, DE DAG GNYI GA @169A *, ,NYID CES BYA BA'O, ,YONGS SU SMIN PAR BYED PA'I BYANG CHUB SEMS DPA' DRUG GI BSDUS PA'I DON NI, LHAG PA'I BSAM PA DAG PA DANG, NGES PA BA DANG, NGES PA'I SA LA GNAS PA GSUM DANG, BYANG CHUB SEMS DPA' GSUM PO DE DAG GI SBYOR BA'I LAM LA GNAS PA GSUM STE, MOS PAS SPYOD PA'I SA LA GNAS PA NI, BSAM PA DAG PA'I SA LA 'JUG PA'I PHYIR SBYOR BA'I LAM LA GNAS PA'O, ,DE BZHIN DU GZHAN DAG LA YANG SBYAR BAR BYA'O, ,RANG SANGS RGYAS DANG KHYAD PAR NI 'DI YIN TE, LUS THA MA THOB PAR GYUR PA NA SLOB DPON MED PA NYID DU DGRA BCOM PA CHEN PO NYID DU THOB PAR BYED, MNGON SUM DU BYED PA DES NA RANG SANGS RGYAS ZHES BYA BA'O, ,'DUN PA CHUNG BAR GYUR PA DANG, SBYOR BA CHUNG BA ZHES BYA BA NI, BSAM PA DANG SBYOR BA GNYI GA CHUNG BA'I PHYIR CHUNG BA NYID DO, ,DE BZHIN DU GZHAN DAG LA YANG NGO, ,LE'U 'DI'I BSDUS PA'I DON GYI GO RIMS NI MA BRIS TE, DE NYID KYIS 'DIR YANG YONGS SU SMIN PA NI RNAM PA DRUG TU RIG PAR BYA STE ZHES BYA BA LA SOGS PAS BSTAN PA'I PHYIR RO, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS RIM PAR PHYE BA DRUG PA RDZOGS SO,, ,,MDOR BSDU NA SPANGS PA RNAM PA GNYIS DANG, YE SHES RNAM PA GNYIS LA NI BYANG CHUB CES BYA STE ZHES BYA BA LA, 'DIR SPANGS PA RNAM PA GNYIS SMOS PA NI, YE SHES NYID LA 'DI LTAR BYANG CHUB CES BYA STE, YE SHES RNAM PA GNYIS THOB PA NI, SPANGS PA RNAM PA GNYIS BYAS PAS YE SHES KYI RGYUR YANG DAG PAR BSTAN PA'O, ,RNAM GRANGS GZHAN YANG ZHES BYA BA LA, 'DIR KHYAD PAR NI SNGA MA'I RNAM GRANGS LAS NI SHES BYA'I SGRIB PA SPANGS PA DANG, GANG SHES BYA THAMS CAD LA THOGS PA MED CING SGRIB PA MED PA NI, RNAM GRANGS TE MA LAS MA PHYE BAR YE SHES BSTAN TO, ,'DIR NI YE SHES DE NYID RNAM PAR PHYE NAS RAB TU BSTAN TO, ,'DUS BYAS DANG 'DUS MA BYAS KYI DNGOS PO DE NYID LA RNAM PAR PHYE BA'I RAB TU DBYE BA TSAD MED DE ZHES BYA BA LA, JI LTAR BYAS NAS 'DI LTAR TZAM ZHE NA, RANG GI MTSAN NYID PHYI MA PHYI MA'I ZHES BYA BA LA SOGS PAS SO, ,'DUS BYAS KYI DNGOS PO LA NI RANG GI MTSAN NYID LA SOGS PA'I RAB TU DBYE BA LEGS PAR BSTAN PA YIN NA, @169B 'DUS MA BYAS LA RANG GI MTSAN NYID LA SOGS PA'I DBYE BA JI LTAR ZHE NA, DA DAG NYID KYI RANG GI MTSAN NYID LA SOGS PA'I DBYE BAS THA DAD PA'I 'DUS BYAS KYI CHOS RNAMS KYI CHOS NYID DANG, DE BZHIN NYID LA 'DIR 'DUS MA BYAS ZHES 'DUS BYAS KYI DNGOS POS BYAS PA NYID NI 'DUS MA BYAS KYI DBYE BA ZHES BYA STE, 'DI LA 'GAL BA MED DO, ,RNAM GRANGS GZHAN YANG ZHES BYA BA NI, SANGS RGYAS KYI CHOS THAMS CAD KYI BDAG NYID NI SANGS RGYAS ZHES BYA BAR BSTAN PA'I DON DU RNAM GRANGS GZHAN BRTZAMS PA'O, ,DAM PA BDUN GYI BSDUS PA'I DON NI, GANG LA BRTEN PA DANG, GANG GI DON DU BSGRUB PA DANG, GANG LA GNAS PA DANG, THABS GANG GIS DANG, 'BRAS BU GANG THOB PA DANG, GNAS PA GANG GIS GNAS PA ZHES BYA BA'O, ,DAM PA 'DI DAG NYID NI DAM PA BDUN TE, SBYOR BA GANG GIS DAM PA YIN PA NI BYANG CHUB CES BRJOD DO, ,DE LA GANG LA RAB TU GNAS NA NI, TSUL KHRIMS LA RAB TU GNAS SO, ,THABS GANG GIS SHE NA, YE SHES DAM PA NYID KYIS NYON MONGS PA MED PA'I THABS DANG MTHU NYID KYIS SKYO BA MED PA'I THABS KYIS SO, ,'BRAS BU GANG 'THOB PA NI NYON MONGS PA DANG SHES BYA'I SGRIB PA SPANGS PA'I 'BRAS BU'O, ,GANG GI GNAS NA GNAS PA GSUM GYIS SO, , PHYIN CI MA LOG PAR GSUNGS PAS DE BZHIN GSHEGS PA ZHES BYA'O ZHES BYA BA NI DE BZHIN GSHEGS PA NI 'DIR 'DI LTAR YI GE TAR BSGYUR BA BYAS NAS DE BZHIN GSHEGS PA'O, ,DE BZHIN GSHEGS PA DE THOB PAR BYA BA'I DON THAMS CAD BRNYES PA'I PHYIR DGRA BCOM PA'O, ,DES NA 'JIG RTEN NA DGRA BCOM PA CHEN PO ZHES BRJOD DO, ,THOB PAR BYA BA'I DON THAMS CAD KYI PHYIR DANG, GANG 'JIG RTEN GYI RIN PO CHE LA SOGS PAS BCOM LDAN 'DAS DE MCHOD PAR 'OS PAS KYANG BRJOD DE, DE THOB PAR BYA BA'I DON THAMS CAD THOB PA'I PHYIR RAM, BLA NA MED PA'I BSOD NAMS KYI ZHING YIN PA NYID DE GNYI GAS KYANG MCHOD PAR 'OS PA'I PHYIR YANG NGO, ,CHOS RNAMS JI LTA BA BZHIN DU DON DAM PAR THUGS SU CHUD PAS ZHES BYA BA LA, CHOS RNAMS JI LTA BA BZHIN DU THUGS SU CHUD PAS ZHES BYA BAS NI, YANG DAG PAR ZHES BYA BA'I SGRA'I DON BSTAN TO, ,DON DAM PAR CHOS RNAMS THUGS SU @170A *, ,CHUD PAS ZHES BYA BAS NI, RDZOGS PA'I ZHES BYA BA'I SGRA'I DON BSTAN TO, ,RIG PA GSUM ZHES BYA BA NI, SNGON GYI GNAS RJES SU DRAN PA MKHYEN PA'I RIG PA DANG, 'CHI 'PHO DANG SKYE BA MKHYEN PA'I RIG PA DANG, ZAG PA ZAD PA MKHYEN PA'I RIG PA'O, ,RIG PA DE DAG NI SNGON DANG PHYI MA LA SOGS PA MI RIG PA ZLOG PAR BYED PA'I MTSAN NYID CAN TE, MDO LAS JI SKAD GSUNGS PA BZHIN NO, ,TSUL KHRIMS LAS BRTZAMS NAS TING NGE 'DZIN GYI BAR NI ZHABS TE DES 'GRO BAR BYED PAS SO, ,LHAG MTHONG GI PHYOGS NI RIG PA'O, ,ZHI GNAS KYI PHYOGS NI TING NGE 'DZIN TO, ,DE GNYI GA'I PHYOGS NI TSUL KHRIMS TE MCHOG TU MTHAR PHYIN PAR BYIN PAS SO, ,JI SRID 'GOD PAR BYA BAR BYON PA'I DON GYIS DANG, YANG MI LDOG PAR GSHEGS PAS BDE BAR GSHEGS PA'O, ,DE NYID KYIS NA BCOM LDAN 'DAS BLA NA MED PA SKYES BU 'DUL BA KHA LO SGYUR BA ZHES BYA'O, ,SEMS 'DUL BA'I THABS DAM PA MKHYEN PA ZHES BYA BA NI, SKYES BU DAM PAS 'DUL BA NI 'DUL BAR BYA BA STE, CI ZHE NA SEMS SO, ,DE 'DUL BA'I THABS MKHYEN PA'I PHYIR BLA NA MED PA, SKYES BU 'DUL BA KHA LO SGYUR BA ZHES BYA BA LA, KHA LO SGYUR BA NI 'JIG RTEN NA 'DUL BA'I THABS SHES PA LTA BU'O, ,DES NA DE BLA NA MED PA ZHES BYA BA STE, KHYAD PAR DU 'PHAGS PA'I 'DUL BA'I THABS MKHYEN PA'I PHYIR RO, ,LHA DANG MI RNAMS KYI STON PA ZHES BYA BA LA, LEGS PAR STON PAR MDZAD PA NYID KYI STON PA STE, DON 'DI NYID GSAL BAR BSTAN PA'I PHYIR SMRAS PA, YANG DAG PAR ZHES BYA BAS STON PA'I DON BSHAD DE, CI ZHIG BSHAD CE NA, SMRAS PA, SDUG BSNGAL THAMS CAD LAS NGES PAR 'BYUNG BA'O, ,GANG GI ZHE NA, SMRAS PA, LHA DANG MI RNAMS KYI'O, ,JI LTAR BSTAN ZHE NA, 'DE'I DON BSTAN PAR BYA BA'I PHYIR SMRAS PA, MIG TU GYUR BA'I PHYIR DANG, YE SHES SU GYUR PA'I PHYIR DANG, DON DU GYUR PA'I PHYIR DANG, CHOS SU GYUR PA'I PHYIR RO, ,JI LTAR MIG TU GYUR PA YIN ZHE NA, SMRAS PA, DON GSAL BA GTAN LA 'BEBS PA'I PHYIR RO, ,DON GSAL BA GTAN LA 'BEBS PA NYID YANG DAG PAR BSTAN PA NI, JI LTAR SLOB DPON MA KHOL GYIS BSTOD PA BZHI BRGYA PA LAS, KHYOD KYI BSTAN LA @170B MA BRTEN PAR, ,DE NYID MTHONG BA 'GA' YANG MED, ,LONG BA LTA BU'I 'JIG RTEN GYI, ,MIG TU GYUR PA KHYOD LA 'DUD, ,CES BSTAN PAS DE KHO NA NYID GSAL BAR BRJOD PAS DE STON PAS SAM, YANG NA DON GSAL BAR GTAN LA 'BEBS PA NYID KYIS MIG TU GYUR PA STE, RANG NYID KYIS RAB TU BSTAN PA'I DON NGES PAR MDZAD PA'I PHYIR, NGES PAR SKYED PAR BYED PA'I DON TO, ,JI LTAR SNANG BAS YONGS SU 'DZIN PA'I GZUGS NI RAB TU MTHONG BAR GYUR PA DE BZHIN DU, BCOM LDAN 'DAS KHO NA SNANG BAR GYUR PA YIN TE, DON GSAL BAR GTAN LA 'BEBS PA'I PHYIR RO, ,DE LTA BAS NA BCOM LDAN 'DAS NI SNANG BAR GYUR PA YIN TE, JI LTAR SLOB DPON MA KHOL GYIS BSTOD PA BZHI BRGYA PA DE NYID LAS, ME DANG MAR ME'I 'OD YOD CING, ,ZLA SKAR NOR BU YOD GYUR KYANG, ,NYI MA MED NA SA STENG 'DI, ,GSAL BAS RGYAS PAR MI 'GYUR LA, ,DE LAS GZHAN PA'I SNANG BA'AM, ,DE LAS KHYAD 'PHAGS GZHAN DAG NI, ,YOD KYANG KHYOD MED 'GRO BA 'DI, ,SNANG BA MED PAR GYUR PA YIN, ,JI LTAR MA RIG MUN PA YI, ,SGRIB PAS SEMS NI YONGS BKAG PAS, ,MUN PAR GYUR PA'I 'JIG RTEN GYI, ,SNANG BAR GYUR PA KHYOD LA 'DUD, ,CES BSTAN PAS DE LTA BAS NA SNANG BAR GYUR PA NYID KYIS SNANG BAR GYUR BA ZHES BRJOD PA YIN NO, ,JI LTAR DON DU GYUR BA YIN ZHE NA, SMRAS PA, DON THAMS CAD STON PA'I PHYIR ZHES BYA BA STE, DON THAMS CAD NI 'DUS BYAS DANG 'DUS MA BYAS LA SOGS PA'O, ,'DI LTAR RO ZHES STON PAR BYED PA'I DON GYIS STON PA STE, SHES PAR 'DOD PAS STON PA DE YANG BCOM LDAN 'DAS LA MA BRTEN PAR DE RTOGS PA MED PAS SO, ,DE YANG JI LTAR SLOB DPON MA KHOL GYIS BSTOD PA DE NYID LAS, DON NI DON DU MA RIG CING, ,DON MA YIN YANG DON MIN DU, ,BLO YIS CHOS NI MA RTOGS PA, ,KHYOD LA BRTEN NAS RTOGS PA YIN, ,PHAL CHER DON MIN SPONG 'DOD KYANG; ,RMONGS PAS DON NI SPONG 'GYUR TE, ,MI SHES PA NI DON 'DOD KYANG, ,DON MA YIN PA GRUB PAR 'GYUR, ,KHYOD LA BRTEN NAS CI RIGS PAR, GNYI GA DAG NI RTOGS 'GYUR TE, ,DE DAG GNYI GA NYER BSTAN PA'I, ,DON DU GYUR PA KHYOD LA 'DUD, ,CES BSTAN PAS, DES @171A *, ,NA DON THAMS CAD STON PA YIN TE, 'DI NI DON 'DI NI DON MA YIN PA'O ZHES DGE BA DANG MI DGE BA LA SOGS PA'I DON RTOGS PAR 'DOD PA DAG GIS KHYOD LA BRTEN PA MED PAR RTOGS PA MED DO, ,JI LTAR YE SHES SU GYUR PA YIN ZHE NA, SMRAS PA, MI RTOGS PA'I ZHAS BYA BA LA SOGS PA STE, MI RTOGS PA'I ZHES BYA BA NI MI SHES PA'O, ,RTOGS PAR MDZAD PA'I PHYIR ZHES BYA BA NI GO BAR BYED PAS SO, ,'DIS MI SHES PA'I GNYEN POR BSTAN TO, ,RTOGS PA RNAMS KYI THE TSOM SKYES PA GCOD PAR MDZAD PA'I PHYIR ZHES BYA BA NI THE TSOM SKYES PA'I SHES PA'I GNYEN PO 'DI YIN TE, NGES PA'I SHES PA SKYED PAR BYED PAS SO, ,ZAB MO'I GNAS RNAMS RNAM PAR 'GREL PA ZHES BYA BA NI, PHYIN CI LOG GI SHES PA'I GNYEN POR GYUR PA'I YANG DAG PA'I SHES PA SKYED PAS SO, ,GROL BA RNAMS YONGS SU BYANG BAR MDZAD PA'I PHYIR TE, BSTAN PAR MDZAD PA'I DON DU SBYONG BAR MDZAD PA'I DON TO, , 'DIR SLOB DPON MA KHOL GYIS BSTOD PA DE NYID LAS, RNAM PA THAMS CAD YONGS MKHYEN PAS, ,MKHYEN BYA THAMS CAD KUN SNANG BA, ,YE SHES SNANG BA MDZAD PA YI, ,YE SHES GYUR LA PHYAG 'TSAL LO, ,ZHES BYA BA STE, 'DIS NI RNAM PA THAMS CAD MI SHES PA DANG, THE TSOM GYI SHES PA DANG, PHYIN CI LOG GI SHES PA RNAMS KYI GNYEN POR GYUR PA RTOGS PA'I SHES PA DANG, NGES PA'I SHES PA DANG, YANG DAG PA'I SHES PA RNAMS RNAM PAR SBYONG BA NYID DO, ,JI LTAR CHOS SU GYUR PA YIN ZHE NA, SMRAS PA, DE CHOS THAMS CAD KYI RTZA BA YIN PA'I PHYIR ZHES BYA BA LA SOGS PA STE, CHOS NI MDO'I SDE DANG, DBYANGS KYIS BSNYAD PA DANG, LUNG BSTAN PA DANG, TSIGS SU BCAD PA DANG, CHED DU BRJOD PA DANG, GLENG GZHI DANG, RTOGS PA BRJOD PA DANG, DE LTA BU BYUNG BA DANG, SKYES PA'I RAB SA DANG, SHIN TU RGYAS PA DANG, CHOS RMAD DU BYUNG BA DANG, GTAN LA PHAB PA ZHES BYA BA STE, GSUNG RAB YAN LAG BCU GNYIS SU GTOGS PA'I CHOS DE RNAMS NI CHOS THAMS CAD KYI RTZA BA YIN PA'I PHYIR ZHES BYA BA BCOM LDAN 'DAS KYIS DANG POR BSTAN PA YIN PA'I PHYIR RTZA BA NYID YIN NO, ,DE 'DREN PA YIN PA'I PHYIR ZHES BYA BA LA, CHOS DE DAG RNAMS DES 'DREN PA YIN TE, DE 'DREN PA YIN PA NI, DE 'DREN PA'I NGO BO @171B YIN PA'I PHYIR RO, ,DES NA GANG GI PHYIR BCOM LDAN 'DAS KHO NA CHOS DE 'DREN PA YIN PA DE'I PHYIR, BCOM LDAN 'DAS NI CHOS SU GYUR PA'O, ,'ON KYANG STON PA NYID KYIS STON PA YIN PA'I PHYIR ZHES BYA BA STE, DE NYID STON PA YIN PAS NA STON PA YIN PA STE, CHOS GANG RNAMS DE'I CHOS YIN PA DE LA STAN PA YIN PA'O, ,DE BAS NA DE'I NGO BO NI STON PA YIN PA NYID DO, ,RGYU 'DIS KYANG BCOM LDAN 'DAS NI CHOS SU GYUR PA YIN TE, DE'I PHYIR LHA DANG MI RNAMS KYI STON PA ZHES BRJOD DO, ,TSOGS MTHA' DAG RNAM PA THAMS CAD DU MNGON PAR RDZOGS PAR THUGS SU CHUD PA ZHES BYA BA LA, MTHA' DAG NI CHOS KYI PHUNG PO RNAM PA GSUM MO, ,RNAM PA THAMS CAD NI DGE BA DANG MI DGE BA LA SOGS PA'I RNAM PA'O, ,DE DAG RNAM PA NYID KYIS THUGS SU CHUD PA STE, MNGON PAR RDZOGS PAR SANGS RGYAS ZHES BYA BA'O, ,BDUD DPUNG DANG BCAS PA THAMS CAD KYI G-YUL CHEN PO BCOM PAS NA BCOM LDAN 'DAS TE, BCOM LDAN 'DAS NYAG GCIG 'JIG RTEN GYI KHAMS THAMS CAD DU 'BYUNG ZHES BYA BA NI, SDE PA GZHAN KHA CIG GI 'DOD PA'O, ,DE'I LAN DU BRTZAMS PA NI, DE LA BSKAL PA DU MAR YANG SANGS RGYAS GCIG KYANG MI 'BYUNG ZHES BYA BA LA SOGS PA'O, ,RANG BZHIN GYIS NYON MONGS PA MANG BA'I RGYUD DANG, SHES RAB 'CHAL PA'I RGYUD KYIS KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS ZHES BYA BA NI, NYON MONGS PA DANG SHES BYA'I SGRIB PAS ZIL GYIS MNAN PA'I PHYIR SANGS RGYAS DANG BYANG CHUB SEMS DPA' RNAMS KYIS ZHES BYA BA'I DON TO, ,NGO BO NYID KYIS ZHES BYA BA LA SOGS PA LA, BYANG CHUB KYI LE'U'I BSDUS PA'I DON DANG GO RIMS DAG NI 'DI NYID DU NYE BAR BSTAN ZIN PA'I PHYIR, YANG NYE BAR BSTAN PAR BYA BA MA YIN PAS DES NA MA BRIS SO, ,BYANG CHUB SEMS DPA' SA'I GZHI'I RNAL 'BYOR GYI GNAS LAS BYANG CHUB SEMS DPA'I RIM PAR PHYE BA STE BDUN PA RDZOGS SO,, ,,SDOM NI, MOS PA MANG PO NYID DANG NI, ,CHOS TSOL BA DANG STON PA DANG, ,SGRUB PA DANG NI DE BZHIN DU, ,LEGS PAR GDAMS NGAG RJES BSTAN DANG, ,LUS DANG NGAG DANG YID KYI LAS, ,THABS DANG BCAS PA PHYI MA @172A *, ,YIN; ,ZHES BYA BA NI, JI LTAR BSLAB PA'I DBANG DU BYAS PA YIN LA, BYANG CHUB SEMS DPA' GANG LA BSLAB PAR BYA BA NI SNGAR BSTAN ZIN TO, ,BSDUS PA'I DON STON PA BDUN PO 'DI DAG GI BSDUS PA'I DON NI, BDAG NYID JI LTAR SLOB PA DANG, GZHAN DAG LA YANG ZHES BYA BA NI BSDUS PA'I DON TO, ,DE LA BDAG NYID SLOB PAR BYED PA NI, BYANG CHUB SEMS DPA' CHOS KYIS RJES SU 'BRANG BA DANG, DAD PAS RJES SU 'BRANG BA'O, ,DE LA CHOS KYIS RJES SU 'BRANG BA NI RNAM PA GSUM DU SLOB STE, MOS PA MANG PO NYID KYI BSAM PA'I RGYUN NYID DANG, SBYOR BA NYID DANG, CHOS TSOL BA LA SBYOR BA NYID LA'O, , DAD PAS RJES SU 'BRANG BA NI RNAM PA BZHI STE, BDAG NYID KYIS BSLAB PA'I SNGAR CHOS KYIS RJES SU 'BRANG BA LA BSTAN PA'I BSLAB PA RNAM PA GSUM DANG, BZHI PA GDAMS NGAG RJES SU BSTAN PA 'DZIN PA'O, ,GZHAN BSLAB PA YANG RNAM PA GNYIS TE, GZHAN RNAM PA GNYIS NI ZHUGS PA DANG MA ZHUGS PA ZHES BYA BA'O, ,DE LA GZHAN ZHUGS PA DBANG PO RNON PO LA BSTAN PA DANG, DAD PAS RJES SU 'BRANG BA LA BSTAN CING GDAMS NGAG RJES SU BSTAN PA'O, ,MA ZHUGS PA RNAMS LA NI, LUS DANG NGAG DANG YID KYI LAS DANG, THABS DANG BCAS PA ZHES BYA BA STE, DE LA DANG POR BDAG NYID MOS PA LA SLOB PAR BYED DO, ,DE NAS NI CHOS TSOL LO, ,DE NAS NI BSGRUB STE, CHOS KYIS RJES SU 'BRANG BA NI DE LTAR BDAG NYID GANG DANG GANG LA SLOB PA DE LA GZHAN DAG KYANG 'DZUD PAR BYED DE, BDAG NYID KYANG MOS PA LA SLOB PAR BYED, CHOS TSOL BAR BYED LA, GZHAN PHA ROL DAG LA YANG MOS PA BSKYED PAR BYA BA'I DON DU CHOS STON PAR BYED DO, ,BDAG NYID KYI SGRUB PAR BYED CING GZHAN DAG GIS KYANG RTOGS PAR BYA BA'I PHYIR GDAMS NGAG DANG RJES SU BSTAN PA SBYIN PA STE, DE LTAR RE ZHIG ZHUGS PA RNAMS KYI'O, ,YANG MA ZHUGS PA RNAMS LA NI BDAG NYID BSGRUB PA LA SLOB PA NI LUS DANG NGAG DANG YID KYI LAS THABS DANG BCAS PA LA SLOB PAR BYED PA NYID DO, ,GO RIMS DE DAG GI BSDUS PA'I DON DE LA, JI LTAR NA BYANG CHUB SEMS DPA'I MOS PA MANG BA YIN ZHE NA ZHES BYA BA LA, 'DI'I BSDUS PA'I DON NI GANG LA MOS PA SPYAD PA DANG GANG GIS MOS PA ZHES BYA BA'O, ,DAD PA DANG DANG BA SNGON DU 'GRO BAS TE, DAD PA'I MTSAN NYID @172B NI DAD BA'O, ,NGES PA GANG LA DE SNGON DU 'GRO BA YOD PA NI RGYU DES NA 'DOD PA SKYE BAR 'GYUR LA, DE DANG LDAN PA'I MOS PA GANG YIN ZHE NA, NGES PA'I DNGOS PO LA DE NYID DU NGES PAR 'DZIN PA'I MTSAN NYID DO, ,MOS PA'I GNAS RNAM PA BRGYAD NI, MCHOG LA MOS PA DANG, ZAB CING RGYA CHE BA LA MOS PA DANG, RGYU DANG 'BRAS BU'I MTSAN NYID CAN GYI TSOGS LA MOS PA DANG, THOB PAR BYA BA LA MOS PA'O, ,SANGS RGYAS DKON MCHOG GI YON TAN LA MOS PA NI, THOB PAR BYA BA LA MOS PA'O, ,SGRUB PA'I THABS NI SGRUB PA'I CHOS THOB BA'I THABS SU GYUR PA LEGS PAR GSUNGS PA'I BSTAN PA'I CHOS SO, ,RNAM GRANGS DE LAS GZHAN YANG GNAS LA MOS PA BSTAN PA DANG, DE'I RAB TU DBYE BA LA MOS PA STE, 'DI LTAR MDOR BSDUS PA GZHAN GNAS LA MOS PAS BSTEN PA DANG, RAB TU DBYE BA LA BRTEN PA'O, ,'DI LTAR MDOR BSDUS PA GZHAN YANG DKON MCHOG GSUM GYI YON TAN DANG, DE'I RAB TU DBYE BA LA BRTEN PA'O, ,DE LAS GZHAN YANG BSTAN PA RNAM PA BDUN TE, JI LTAR BYAS NAS SHE NA SANGS RGYAS DANG CHOS DANG DGE 'DUN GYI YON TAN LA MOS PA BYAS PA, SANGS RGYAS DANG BYANG CHUB SEMS DPA'I MTHU LA MOS PA DANG; CHOS KYI YON TAN LA MOS PA BYAS PA, DE KHO NA'I DON LA MOS PA STE, DON DAM PA'I CHOS YIN PA NYID KYIS DE KHO NA'I DON TO, ,DGE 'DUN GYI YON TAN LA MOS PA'I STOBS NYID KYIS RGYU DANG 'BRAS BU LA MOS PA STE, RGYU 'DI LAS 'BRAS BU 'DI 'THOB PO ZHES BYA BA'O, ,LAM RAB TU BSGOM PA NYID KYIS BYANG CHUB SEMS DPA'I GNAS SKABS KYI THOB PAR BYA BA LA MOS PA STE, SANGS RGYAS DKON MCHOG GI YON TAN LA MOS PA LAS RAB TU BYUNG BA'O, CHOS DKON MCHOG GI YON TAN LA MOS PA LAS BYUNG BA NI THOB PAR BYA BA'I THABS LA MOS PA'O, ,'DIR THOB PA'I THABS NI SGRUB PA'I CHOS TE, BYANG CHUB KYI PHYOGS KYI CHOS THAMS CAD DO, ,LEGS PAR GSUNGS PA LA MOS PA NI, CHOS DKON MCHOG GI YON TAN LA MOS PA BYAS PA NYID DE, BSTAN PA'I CHOS LA CHOS ZHES BYAS NAS SO, ,MOS PA LA GOMS PA LAN MANG DU BYED PA DANG ZHES BYA BA NI, JI SRID BZOD PA CHEN PO MA BSKYED KYI BAR DU'O, ,BZOD @173A *, ,PA DRAG PO YOD PA NI LHAG PA'I BSAM PA DAG PA NYE BAR GNAS PA'I GNAS SKABS SU, RGYU DANG 'BRAS BU YANG DAG PAR STON PA'I RNAM PA ZHES BYA BA LA, YANG DAG PAR ZHES BYA BA NI, PHYIN CI MA LOG PA'O, ,RGYU DANG 'BRAS BU NI RJES SU MTHUN PA ZHES BYA BA'I DON TO, , BYAS PA CHUD MI ZA ZHING BSAL BAR BYED CES BYA BA LA, BYAS PA'I LAS RNAMS KYIS NGES PAR 'BRAS BU SBYIN PA'O, ,MA BYAS PA DANG PHRAD PAR MI 'GYUR BA ZHES BYA BA NI, MA BYAS PA'I LAS RNAMS LAS 'BRAS BU 'BYUNG BAR MI 'GYUR BA'O, ,PHA ROL KLAN KA TSOL BA BRJOD PA'I YON TAN STON PA'I RNAM PA DANG ZHES BYA BA NI, KLAN KA TSOL BA ZHES BYA BA LA, 'DIR NYE BAR ZHES BYA BA'I SGRA NI NYE BAR BSGYUR BA'AM BRNYAS PA STE, 'DI LTAR NYES PA BRJOD CING RGOL BA DANG, SKYON NAS BRJOD CING NYE BAR BRJOD PA'AM, GZHAN DAG LA BRNYAS PA'I TSIG GIS SKYON BRJOD CING SMRAS PA'O, ,DE NYID NI PHAN YON TE, DES STON PA'I RNAM PA'O, ,'DI LTA BU SMRA BA LAS ZHES BYA BA LA, GZHAN LAS 'OS PA NI 'DI LTA BU SMRAS PA'O, ,DE LTA BU LAS THAR PA NI DE LTA BU SMRA BA LAS THAR PA'O, ,DE NYID NI PHAN YON TE, GZHAN DAG GI SMRAS PA NI SKYON 'DI DANG 'DI LTA BU ZHES BYA BA'I DON TO, ,SKAD KYI DBYINGS KYI NGO BO SGRUB PA RNAM PAR GZHAG PA STON PA'I RNAM PA ZHES BYA BA LA, DBYINGS KYI NGO BO RNAM PAR GZHAG PA NI DBYINGS KYI NGO BO RNAM PAR GZHAG PA STE, DBYINGS KYI NGO BO 'DI ZHES RNAM PAR GZHAG PA DE STON PA'I RNAM PA'O, ,TSIG LEGS PAR SBYAR BA NI LEGS PAR SBYAR BA'I BRJOD PA STE, PHAN YON NO, ,DBYANGS SAM YI GE NYAMS PA DANG LDAN PA'I SNGAGS KYIS NI, NYAMS PAS DON MI 'GRUB STE, NGAG GI RDO RJE DES SGRUB PA PO NYID NYAMS PAR BYED DO, ,DE STON PA'I RNAM PA NI LEGS PAR SBYAR BA'I THABS KYIS TE, 'DI LTA BU'I PHAN YON STON PA'I RNAM PA'O, ,NAD LA MKHAS PA STON PA'I RNAM PA DANG ZHES BYA BA LA, NAD 'DI'I MING NI 'DI'O ZHES BYA BAR NAD DE LA MKHAS PA'O, ,NAD CI LAS BYUNG BA LA MKHAS PA STON PA'I RNAM PA DANG ZHES BYA BA LA, 'DI LAS KUN DU BYUNG BAS NA NAD KUN DU SLONG BA NI NAD CI LAS BYUNG BA'O, ,DE LA MKHAS PA STE, MI 'PHROD PA 'DI LAS @173B NAD 'DI BYUNG NGO ZHES BYA BAR SHES PA'O, ,NAD BYUNG BA BSAL BA LA MKHAS PA STON PA'I RNAM PA DANG ZHES BYA BA LA, 'DIR SEL BAR BYED PAS NA BSAL BA STE, NAD BSAL BA'O, ,DE LA MKHAS PA NI SMAN 'DIS SOS PAR BYED DO ZHES BYA BAR SHES PA'O, ,YANG NA BSAL BAR BYA BA NI BSAL BA STE, NYE BAR ZHI BAR BYA BA ZHES BYA BA'I DON TO, ,NAD NYE BAR ZHI BAR BYA BA YIN PAS, NAD RAB TU ZHI BA NYID DO, ,RANG RANG GI BZO DANG LAS KYI GNAS GRUB PA'I 'BRAS BU YONGS SU GRUB PA STON PA'I RNAM PA ZHES BYA BA LA, RANG RANG GI BZO DANG LAS KYI GNAS SGRUB PA STE, 'BRAS BU 'DI YONGS SU GRUB PA NI 'DI LAS YONGS SU SGRUB PA'O, ,ZHES STON PA'I RNAM PA'O, ,PHYIN CI MA LOG PA'I RGYU RNAM PAR GZHAG PA DANG, RGYU THAMS CAD BSDUS PA ZHES BYA BA LA, RGYU RNAMS JI LTAR YOD PA NYID DANG, JI SNYED YOD PA NYID DE SEMS CAN GYI 'JIG RTEN LAS BRTZAMS NAS KUN NAS NYON MONGS PA'AM RNAM PAR BYANG BA DAG GO, ,'JIG RTEN PA'I YANG DE DAG TU LO THOG LA SOGS PA SNOD KYI 'JIG RTEN GYI DBANG DU BYAS NAS, LHAN CIG BYED PAS DE KUN NAS BSLANG BA'I RTZI LA SOGS PA DAG GO, ,MING DANG ZHES BYA BA LA SKYES PA DANG RTA ZHES BYA BA LA SOGS PA'O, ,MING SNGON DU 'GRO BA'I 'DU SHES ZHES BYA BA DANG, 'DU SHES SNGON DU 'GRO BA'I BRJOD PA ZHES BYA BA LA, 'DI NI SKYES PA, 'DI NI RTA ZHES BYA BA'I GZHAN GO BAR BYED PA'I THA SNYAD DO, ,CHOS DE DANG DE DAG GI RJES SU THA SNYAD 'DOGS PA'I RGYU STE, RJES SU NI NYE BAR SGYUR BA'AM, GOMS PA LAS RJES SU THA SNYAD BYED PA STE; GOMS PA NYID LAS THA SNYAD DU BYED PA'O, ,LAG PA LA LTOS NAS NI LEN PA YOD PA NYID DO, ,BKRES PA DNAG SKOMS PA LA LTOS NAS NI ZAS DANG SKOM LEN TO, ,RANG GI 'BRAS BU THA MA'I BAR TE, RANG GI 'BRAS BU THA MA'I BAR DU'O, ,DE LAS GZHAN PA'I RKYEN NI CHU DANG SA LA SOGS PA'I RKYEN NO, ,RANG GI 'BRAS BU NI MYU GU'O, GANG GI RJES THOGS LA GANG BYUNG BA NI 'BRAS BU STE, DE NI YANG SA BON LAS 'GRUB PA'I 'BRAS BU STE, MYU GU NI SA BON GYIS 'PHANGS PA ZHES BYA BA STE, 'PHANGS PA'I 'BRAS BU YIN NO, ,RNAM PA SNA TSOGS RNAM PA THA DAD PA ZHES BYA BA LA, SNA @174A *, ,TSOGS NI THA DAD PAR RIS MI MTHUN PA RING BA'I RIGS NYID DO, ,THA DAD PA'I RGYU NYID NI RNAM PA THA DAD CING RIGS THA DAD PA NYID DO, ,SO SOR NGES PA ZHES BYA BA NI YUN RING BA NYID DAM, LTOS PA MED PA'O, ,LTOS PA YIN PAS LTOS PA STE, DE NYID RGYU'O, ,'DIS YONGS SU 'DZIN PAS NA YONGS SU 'DZIN LA, DE NYID NI RGYU'O, ,'GRUB PA'I RGYU ZHES BYA BA LA, ,'DI MNGON PAR GRUB PAR BYA BAS NA MNGON PAR 'GRUB PA STE, DE NYID NI RGYU'O, ,YANG NA MNGON PAR 'GRUB PAR BYED PA NI, MNGON PAR 'GRUB PA YIN LA, DE'I RGYU'O, ,'DREN PAR BYED PAS NI 'DREN PA STE, DE NYID NI RGYU'O, ,LHAG PAR BSDAMS SHING MCHOG TU DGA' BAS BSDAMS PAS SO SOR NGES PA STE, SO SOR NGES PA'I RGYU NI SO SOR NGES PA'I RGYU'O, ,LHAN CIG BYED PA'I NGANG TSUL GANG LA YOD PA DE NI LHAN CIG BYED PA STE, LHAN CIG TU BYED PA'I RGYU NI LHAN CIG BYED PA'I RGYU'O, ,'DIS MI MTHUN PAR BYED PAS NA MI MTHUN PA STE, MI MTHUN PA DE NYID NI RGYU STE, MI MTHUN PA'I RGYU'O, ,TSIG GI MI MTHUN PA DANG, DE BZHIN DU RIGS PA DANG MI MTHUN PA DANG, LHAN CIG TU MI GNAS PA'I MTSAN NYID KYI MI MTHUN PA DANG, MI 'PHROD PA'I MI MTHUN PA DANG ZHES BYA BA LA, RAB TU MI MTHUN PA DANG, SHIN TU RAB TU MI MTHUN PA DANG, SHIN TU CHER MI MTHUN PA DANG, RNAM PAR MI MTHUN PA DANG, RNAM PAR MI MTHUN PA'I MTSAN NYID CAN GYI 'GAL BA NI RAB TU RNAM PAR MI MTHUN PA'O, ,MI MTHUN PA'I PHYOGS DANG GNYEN PO'I PHYOGS KYI MI MTHUN PA ZHES BYA BA LA, RNAM PAR SMAD PAS NGAN PA'I PHYOGS NI MI MTHUN PA'I PHYOGS SO, ,GNYEN PO'I PHYOGS ZHES BYA BA LA, 'DIR RAB TU MNGON PAR PHYOGS NAS YANG DAG PAR 'BYUNG BA'AM, YANG DAG PA LA MNGON DU PHYOGS PA'I PHYOGS NI GNYEN PO'I PHYOGS SO, ,GNYEN PO'I PHYOGS DANG MI MTHUN PA'I PHYOGS NI GNYEN PO'I PHYOGS DANG MI MTHUN PA'I PHYOGS TE, DE'I MTSAN NYID CAN GYI MI MTHUN PA NI MI MTHUN PA DANG GNYEN PO'I PHYOGS KYI MI MTHUN PA'O, ,SKABS 'BYED PA NI YUL GYI CHA NI SKABS YIN LA, DE SBYIN PA STE, SNGA MA SKYES PA RNAMS KYI SKABS SBYIN PA NI SNGA MA SKYES PA RNAMS KYI SKABS 'BYED PA STE, DES YONGS SU ZIN PA'O, ,'BYUNG BAR 'GYUR BA NI RIGS MI GCIG PA'I SEMS @174B BSKYED PA'O, ,'JUG PAR 'GYUR BA NI RGYUN DANG 'DRA BA'I SEMS 'BYUNG BA'O, ,GANG DAG GIS ZHES BYA BA LA SOGS PA LA, 'JIG RTEN NA 'BRU KHO NA NGES PAR GZUNG BA NI 'JIG RTEN GYI DNGOS PO DPAG TU MED PA YOD PA YIN NA YANG NYE BAR MTSON PAR BSTAN PA'I DON TO, ,KUN NAS NYON MONGS PA DANG, RNAM PAR BYANG BA'I DBANG DU BYAS NAS RTEN CING 'BREL PAR 'BYUNG BA THAMS CAD CES BYA BA NAS BRTZAMS TE, YUL GYI RO MYANG BA LA LTOS NAS SRID PA'I YAN LAG CES BYA BA'I BAR TE, KUN NAS NYON MONGS PA THAMS CAD KYI RO MYANG BA'I RGYU YIN PA'I PHYIR RO, ,TSE 'DI LA SKYES SHING BYUNG BA'I ZHES BYA BA DANG; MTHONG BA'I CHOS RNAMS KYI SA BON ZHES BYA BA DANG, SKYE BA GZHAN GYI ZHES BYA BA LA, SKYES NAS MYONG BAR 'GYUR BA'AM, LAN GRANGS GZHAN LA MYONG BAR 'GYUR BA'I MA RIG PA LA SOGS PA'O, ,RANG RANG GI SA BON ZHES BYA BA LA, KUN GZHI'I RNAM PAR SHES PA'I GNAS DANG, MA RIG PA'I SA BON LAS MA RIG PA LA SOGS PA MTHONG BA'I CHOS BSGRUB PA'I RGYU NYID DO, ,DE LAS GZHAN PA MA RIG PA LA SOGS PA SRID PA'I MTHAR THUG PA ZHES BYA BA LA, MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA ZHES BYA BA LA SOGS PA'I RIM GYIS SO, ,RANG GI SA BON RNAMS DANG BCAS PA ZHES BYA BA NI SA BON GANG YIN PA KUN GZHI'I RNAM PAR SHES PA DANG, SRID PA'I YAN LAG GANG YIN PA DANG, MTHONG BA'I CHOS LA MA RIG PA LA SOGS PA 'BYUNG BA'O, ,MED PA ZHES BYA BA NI PHYOGS GCIG MA TSANG BA'O, ,BRAL BA NYID CES BYA BA NI THAMS CAD NAS MED PA NYID DO, , KUN NAS NYON MONGS PA'I PHYOGS DE LTAR BSTAN NAS, RNAM PAR BYANG BA'I PHYOGS ZHES BYA BA LA, DRAN PA NYE BAR GZHAG PA LA SOGS PA'I PHYOGS TE, 'GOG PA MYA NGAN LAS 'DAS PA ZHES BYA BA LA, MA RIG PA 'GAGS PAS 'DU BYED 'GAG CES BYA BA NAS, SKYE BA 'GAGS PAS RGA SHI 'GAG CES BYA BA'I BAR DU'O, ,'DU BYED KYI NYES DMIGS LA LTOS NAS ZHES BYA BA NI, THAMS CAD KYI NYES DMIGS MTHONG BA NI RNAM PAR BYANG BA'I RGYU YIN PA'I PHYIR DE'I ZHES BYA BA SMOS PA YIN NO, ,GANG ZAG RIGS LA GNAS PA'I ZHES BYA BA LA RIGS LA GNAS PA NI RIGS KYIS BSDUS PA ZHES BYA BA LA SOGS PA @175A *, ,STE; RIGS ZHES BYA BA NI THEG PA GSUM GYIS MYA NGAN LAS 'DA' BA'I SA BON DES BSDUS PA YIN TE, SA BON DES BYANG CHUB SEMS DPA' DE'I RGYUD LA BYANG CHUB KYI PHYOGS KYI SA BON RNAMS SKYED PAR BYED DO, ,SNGON GYI LAS DANG MTHUN PAR PHYIS 'BRAS BU'I RJES SU 'JUG PA ZHES BYA BA LA, 'DI LTA STE SROG GCOD PA KUN DU BSTEN PA DANG, MANG DU GOMS PAS NGAN SONG DU SKYE BA NI RNAM PAR SMIN PA'I 'BRAS BU STE, DE GAL E MIR SKYES NA YANG TSE THUNG BAR 'GYUR RO ZHES BYA BA LA SOGS PA'O, ,DE LTAR DBANG PO NYI SHU RTZA GNYIS PO THAMS CAD KYI SO SO'I DBANG GIS ZHES BYA BA LA, KUN NAS NYON MONGS PA'I BDAG PO TSOR BA'I DBANG PO LNGA PO RNAMS DANG, 'JIG RTEN PA'I RNAM PAR BYANG BA'I BDAG PO DAD PA LA SOGS PA'I DBANG PO LNGA PO RNAMS DANG, 'JIG RTEN LAS 'DAS PA'I RNAM PAR BYANG BA'I BDAG PO MI SHES PA KUN SHES PAR BYED PA'I DBANG PO LA SOGS PA GSUM PO DAG GO, ,KHENGS PA'I KUN NAS NYON MONGS PA DANG BRAL BA DANG, KHYAD DU GSOD PA'I KUN NAS NYON MONGS PA DANG BRAL BA DANG, ZHUM PA'I KUN NAS NYON MONGS PA DANG BRAL ZHES BYA BA LA, GSUM PO 'DI DAG MDOR BSUD NA BDAG TU NGA RGYAL MANG BAS BYAS PA NI KHENGS PA'O, ,GZHAN DAG LA YANG YOD PAR MI 'DZIN PAS BYAS PA NI KHYAD DU GSOD PA'I KUN NAS NYON MONGS PA'O, ,BDAG NYID LA BRNYAS PAS BYAS PA NI ZHUM PA'I KUN NAS NYON MONGS PA'O, ,DUS SU ZHES BYA BA NI JI LTA BU ZHE NA, SMRAS PA, RJES SU ZHES BYA BA LA SOGS PA'O, ,JI LTA ZHE NA BKUR STE BYED PA DANG ZHES BYA BA LA SOGS PA'O, ,THAMS CAD LA STON CING ZHES BYA BA LA; JI LTA ZHE NA, RGYUN MI 'CHAD PAR THAMS CAD STON PA ZHES BYA BA'O, ,JI LTA ZHE NA, TSIG DANG YI GE GO RIMS BZHIN DU ZHES BYA BA LA SOGS PA'O, ,JI LTAR RJES SU MTHUN PA'I DON DANG BCAS PA ZHES BYA BA LA SOGS PA LA, JI LTAR DGA' BAR BYED PA YIN ZHE NA, DE BSTAN PAR BYA BA LA BSTAN PAS SO, , JI LTAR 'DOD PAR BYED PA YIN ZHE NA, DGOD PAR BYA BA RNAMS SKUL ZHING BKOD PAS SO, ,JI LTAR MGU BAR BYED CE NA, GZENGS BSTOD PAR BYA BA RNAMS GZENGS BSTOD NAS SO, ,JI LTAR SPRO BAR BYED PA DANG, SMA MI 'BEBS PA YIN ZHE NA, YANG DAG PAR DGA' BAR BYA BA RNAMS YANG DAG PAR DGA' BAR @175B BYED PAS SO, ,JI LTAR RIG PA YIN ZHE NA, MNGON SUM LA SOGS PAS SO, ,JI LTAR 'TSAM PA YIN ZHE NA, BDE 'GROR 'GRO BA DANG RJES SU MTHUN PA'O, ,JI LTAR MA 'DRES PA YIN ZHE NA, MA 'DRES PAR GYUR NAS KYANG GO MI DKA' ZHING MYUR DU 'JUG PAR SLA BA'O, ,JI LTAR CHOS DANG LDAN PA YIN ZHE NA, 'PHAGS PA'I BDEN PA BZHI DANG, RJES SU MTHUN PA'O, ,JI LTAR NA 'KHOR BA JI LTA BA YIN ZHE NA, THAMS CAD LA 'TSAM PA'O, ,JI LTAR BYAMS PA'I SEMS YIN ZHE NA, GNOD PA BYED PA LA SOGS PA LA YANG NGO, ,JI LTAR PHAN PA'I SEMS YIN ZHE NA, NYES PAR BYED PA SPYOD PA LA'O, ,JI LTAR SNYING BRTZE BA'I SEMS YIN ZHE NA, BDE BA NYID DANG SDUG BSNGAL BA LA SOGS PA LA'O, ,JI LTAR BDAG LA MI BSTOD CING GZHAN LA MI SMOD PA YIN ZHE NA, PHRAG DOG LA MI GNAS PA LA SOGS PA'O, ,JI LTAR SNYED PA DANG BKUR STI LA MI GNAS PA YIN ZHE NA, ZANG ZING MED PA'I SEMS LA SOGS PA'O, ,CHOS GANG DAG LUS LA SOGS PA DAG LA BKAG PA DE DAG YONGS SU SPONG BA STE, GANG DAG LUS LA SOGS PA LA MA GNANG PA RAB TU BKAG PA DE DAG GO, ,RJES SU SGRUB PA NI SNGAR THOB PA LA JI LTA BA BZHIN DU'O, ,GCIG PU DBEN PAR SONG STE ZHES BYA BA NI DBEN PA'I GNAS SU SONG BA'O, ,THOG MA KHO NAR BSAM PAR BYA BA MA YIN PA'I GNAS RNAMS SPANGS NAS, CHOS RNAMS BSAM PA BRTZON PAR BYED DE ZHES BYA BA LA, BSAM PA ZHES BYA BA NI JI LTAR MTHONG ZHING CHUB PAR BYAS PA DANG, YONGS SU BRTAGS PA STE, BSAM PAR NUS PA DANG, BSAM PAR 'OS PA NI BSAM PAR BYA BA'O, ,BSAM PAR BYA BA MA YIN PA NI MI BSAM PA STE, DE'I MI MTHUN PA'I PHYOGS SU GYUR BA BSAM PAR MI NUS PA DANG, BSAM PAR MI 'OS PA'O, ,GNAS GANG LA YIN NA CHOS RNAMS BSAM PA LAS RTZOM PAR BYED DE, RGYAS PAR BSAM PA ZHES BYA BA'I DON TO, ,RTAG TU GUS PAR BYED PA'I SBYOR BA SEMS PAS RTAG TU GUS PAR BYED PA'I SBYOR BA'I MI MTHUN PA'I PHYOGS NI LHOD LA, DE'I GNYEN PO'I PHYOGS NI LHOD PAR MI BYED DO, ,SPYOD PAR BYED CING ZHES BYA BA NI 'DI LTAR RIGS LA 'DI LTAR NI MI RIGS PA'O ZHES RJES SU ZHUGS SHING DE LTAR SBYOR BA'O, ,NAG PO BSTAN PA DANG CHEN PO BSTAN PA RNAMS KYANG YANG DAG PA JI LTA BA BZHIN @176A *, ,DU RAB TU SHES SO ZHES BYA BA NI, GANG MDO SDE LA 'JUG CING 'DUL BA LA SNANG LA, CHOS NYID DANG MI 'GAL BA DE NI CHEN PO BSTAN PA YIN LA, DE LAS BZLOG PA NI NAG PO BSTAN PA'O, ,THOG MA 'JUG PA NAS ZHES BYA BA NI SNGON MA ZHUGS PAR SEMS PA LAS 'JUG PA NI THOG MA 'JUG PA'O, , RMONGS PAR MI 'GYUR ZHES BYA BA NI BSAM PAR MI NUS PA'I SEMS PA'O, ,SEMS G-YENG BAR 'GYUR ZHES BYA BA NI BSAM PAR MI 'OS PA MI SEMS PA'O, ,SNGON MA RTOGS PA'I DON KHONG DU CHUD CING THOB PAR 'GYUR BA'AM, THOS PA SNGON DU 'GRO BAS RTOGS PA NI MNGON PAR SHES PA'AM, SNGAR MA THOB PA THOB PAS NA DE DAG GNYI GA RTOGS SHING THOB PA STE, RIM PA BZHIN DU DES SHES PA RAB TU THOB PA ZHES BYA BA LA SOGS PAS CHUD ZA BAR MI 'GYUR TE BRJED PAR MI 'GYUR ZHES BYA BA DE GNYI GA NYID LA GO RIMS BZHIN NO, ,GZHAN GYI DRING MI 'JOG PA ZHES BYA BA NI GZHAN LA MI LTOS PA ZHES BYA BA'I DON TO, , MA SMAS SHING MI NYAMS PAR TE, MA 'ONGS PA DANG MTHONG BA'I CHOS LA KHA NA MA THO BA MED PA 'DZIN PA LA MKHAS PA NA NAG PO BSTAN PA LA MKHAS PA YIN PA NYID KYIS BSKYOD PAR MI NUS TE, MI MTHUN PA'I PHYOGS LA ZHUGS PAR MI NUS PA'I PHYIR RO, ,BSGUL BAR YANG MI NUS TE, CHEN PO BSTAN PA LA MKHAS PA'I PHYIR RO, ,PHYOGS LAS BZLOG PAR MI NUS PA NYID NI SUS KYANG ZHES BYA BA STE, THOS PA MANG PO DAG GIS SAM, 'JIG RTEN NA SHES RAB CHE BAR 'DOD PA DAG GIS SAM, RGAN RABS SO, ,JI LTAR YANG ZHES BYA BA NI LUNG DAG GIS SAM, RIGS PA DAG GIS SO, ,BSAM PA RNAM PA BRGYAD KYI BSDUS PA'I DON NI GANG BSAM PA DANG, DE JI LTAR BSAM PAR BYA BA DANG, GANG GI DON DU BSAM PA STE, BSAM PA NI CHOS SO, ,JI LTAR BSAM NA RGYAS PA LA SOGS PA RNAM PA LNGAS SO, ,GANG GI DON DU ZHE NA, SEMS PAS 'JUG PAR BYA BA'I DON DANG, BZOD PA THOB PA DE NYID SNYING POR BYA BA'I DON DANG BSGOM PA LA ZHUGS PA'I DON TO, ,MDOR BSDUS PA NI RNAM PA GANG GIS CI LA BRTEN ZHING GANG LA BRTEN NAS CI ZHIG SHES PA'O, ,CI LA BRTEN NAS RIGS PA'AM LUNG GIS LUS DANG NGAG DANG YID KYIS RJES SU ZHUGS PAS, GANG LAS LOG PA'I NGANG TSUL DANG, ZHUGS PA'I NGANG TSUL GYIS RJES SU ZHUGS @176B PA BRTEN PA DE LA RAB TU GNAS SAM, BSAM PA DANG BSGOM PA LA SBYOR BAR BYED DE, 'DI NI 'DI'I GO RIMS SO, ,SPROS PA THAMS CAD DANG BRAL BA ZHES BYA BA LA, SPROS PA NI RNAM PAR RTOG PA STE, NGO BO NYID KYI RNAM PAR RTOG PA LA SOGS PA'O, ,YONGS SU G-YENG BA THAMS CAD DANG BRAL BA ZHES BYA BA NI RNAM PAR G-YENG BA THAMS CAD DANG BRAL BA'O, ,'DU SHES YID LA BYED PA NI 'DU SHES YID LA BYED PA NANG GI TING NGE 'DZIN GYIS MTSAN MA RNAMS LA ZHES BYA BA NAS RGYAS PAR SEMS 'JOG CING SHIN TU 'JOG PA NAS RTZE GCIG TU BYED CING MNYAM PAR 'JOG PA'I BAR 'DI NI ZHI GNAS ZHES BYA BA'O, ,MTSAN MA YID LA BYED CING 'BYED PA NAS SHES RAB KYIS 'JUG PA ZHES BYA BA'I BAR LA, DE LA 'BYED PA NI SDUG BSNGAL MA LUS PAR BSDOMS NAS SDUG BSNGAL 'PHAGS PA'I BDEN PA ZHES BYA BA'O, ,RAB TU RNAM PAR 'BYED PA ZHES BYA BA NI SO SOR BYA BA'I CHA 'DZIN PA STE, DPER NA SKYE BA SDUG BSNGAL RGA BA SDUG BSNGAL ZHES BYA BA LA SOGS PA LTA BU'O, ,CHOS RAB TU RNAM PAR 'BYED PA NI DE LA BRTEN NAS MDO SDE LA SOGS PA'I CHOS RNAMS RNAM PAR 'BYED PA STE, 'DI LTAR DE LA BRTEN NAS SNGA MA GNYIS 'BYED PA STE, DE LA 'BYED PA NI NGES PAR GZUNG BA'I MTSAN NYID DO, ,RAB TU RNAM PAR 'BYED PA NI YANG DAG PAR NGES PAR GZUNG BA'I MTSAN NYID DO, ,CHOS RAB TU RNAM PAR 'BYED PA NI NYE BA'I MTSAN NYID NGES PAR BZUNG BA'O, ,DE LA SNGA MAS NI LAM TSOL BA YIN LA 'DI NI LAM RNAM PAR NGES PA'O, ,RNAM GRANGS GZHAN YANG MTSAN NYID NI SHES BYA'I DNGOS PO YID LA BYED PA MA SPANGS PA'O, ,YANG DAG PA'I MTSAN NYID NI KUN DU GTAD NAS TSOL BA'O, ,NYE BA'I MTSAN NYID NI BTZAL BA RNAM PAR NGES PAR 'BYED PA'O, ,BSNYEN PA NI RNAM PAR 'BYED PA'I LUS KYI SHES BYA'I DNGOS PO RAB TU RTOGS PA'O, ,RNAM GRANGS GZHAN YANG BSNYEN PA NI RANG GI MTSAN NYID YANG DAG PAR SO SOR RIG PA'O, ,RIG PA'I SPYI'I MTSAN NYID KYIS JI SNYED YOD PA RNAMS JI LTA BA BZHIN DU 'DZIN PA'O, ,SNGON DANG PHYI MA DAG TU YANG DANG YANG DU 'PHEL ZHING RGYAS PA NI RTOGS PA STE, SNGON DANG PHYI MA'I DON MI BRJOD PA'O, ,BLO NI RAB TU RNAM PAR 'BYED PAR NUS PA'I LHAN CIG SKYES PA'I SHES RAB BO, ,MKHAS PA NI KUN DU BRTAGS PA'I SHES RAB GANG YIN PA'O, , @177A *, ,SHES RAB KYIS 'JUG PA NI BSTEN PA DANG, BRJOD PA DANG, YONGS SU DRI BA DANG, 'PHEL BA'I GTAM GTAN LA DBAB PA LAS KUN DU SHES PA'I DON KHYAD PAR CAN DU RNAM PAR SHES PA DANG LDAN PA NI SHES RAB PO, ,LUS SHIN TU SBYANGS PA NI LUS LAS SU RUNG BA NYID DO, ,SEMS SHIN TU SBYANGS PA NI SEMS LAS SU RUNG BA NYID DO, ,GNAS NGAN LEN BSAL PAR BYA BA ZHES BYA BA LA, GNAS NGAN LEN ZHES BYA BA NI RTEN LA YOD PA'I NYON MONGS PA'I SA BON NO, ,YE SHES NI LKOG TU GYUR PA RJES SU 'DZIN PA'O, ,MTHONG BA NI MNGON SUM GYI RDZAS 'DZIN PA'O, ,YANG DAG PA'I YON TAN RJOD PAR BYED PAS SNYAN PAR SMRA BA'AM, YANG NA YANG DAG PA'I YON TAN BRJOD PA NYID NI SNYAN PAR SMRA BA STE, DE GANG LA YOD PA NI MNYAN PAR BYA BA DANG, GZUNG BAR BYA BA STE, THOS PAR 'DOD PA DANG, BSGRUB PAR 'DOD PAS ZHES BYA BA'O, ,BRGYAD PA RIGS RNAM PAR PHYE BA RDZOGS SO,, ,,NGO BO NYID DANG ZHES BYA BA LA SOGS PA SDOM GYI TSIGS SU BCAD PA'I BSDUS PA'I DON DE NYID KYIS BSHAD PAS DES NI BDAG GIS YANG BRJOD PAR MI BYA'O, ,YO BYAD THAMS CAD DANG RANG GI LUS LA MI LTA BA ZHES BYA BA 'DIS NI BYANG CHUB SEMS DPA'I SBYIN PA'I NGO BO 'DOD PA MED PA'I SEMS KYIS SBYIN PAR BYA BA'I RDZAS LA LTOS PA MED PA NYID DANG, LUS DANG NGAG GI LAS KHA NA MA THO BA MED PA DAG GIS SBYOR BA BSTAN TO, ,GSUM PO 'DI NI NGES PA'I SBYOR BA STE, GZHAN DU GYUR NA MA TSANG BA YIN NO, ,LUS DANG NGAG GI LAS SBYIN PAR BYA BA'I DNGOS PO KHA NA MA THO BA MED PA ZHES BYA BA NI KUN NAS SLONG BA KHA NA MA THO BA MED PAS KUN NAS SLONG BA NYID KYI LUS DANG NGAG GI LAS NI NGES KUN NAS BSLANG BA YIN NA YANG SBYIN PA NYID DE, YANG DAG PAR GSOL BA MA BTAB NA NI SBYIN PAR MI BYED DE, YANG DAG PAR GSOL BA BTAB PA NI SBYIN PAR 'DOD PA YID LA BYED PA DANG, YID MI BDE BA MED CING YID BDE BA DANG 'DUN PAS KHRO BA MED PA SNGON DU 'GRO BAS BU DANG CHUNG MA LA SOGS PAS MI BZLOGS PAR NI BRTZON PAR BYED DO, ,PHA DANG MA LA MI GNOD PA NYID DU BSAM PA THAG PAS YONGS SU GTONG BA'O, ,SDOM PA LA GNAS PA ZHES BYA BA NI TSUL KHRIMS PHUN SUM TSOGS PA'O, ,'ONG BA MTHONG ZHING 'BRAS BU LTA BA ZHES BYA BA NI LTA BA'I PHUN SUM TSOGS @177B PA'O; ,THAMS CAD SBYIN PA'I BSDUS PA'I DON NI GANG LA GANG SBYIN PA DANG, JI LTAR SBYIN PA'O, ,JI DGA' DGUR BYED DU 'JUG PA ZHES BYA BA NI GTE'U DANG 'TSO BA LA SOGS PA BYED DU 'JUG PA'O, ,DBANG YOD PA ZHES BYA BA NI GZHAN GYI DBANG 'BA' ZHIG TU GYUR PAS GZHAN GYI TSIG GIS DBANG SGYUR ZHING GZHAN GYIS 'DI NI KHYOD KYI LUGS KYI BYA BA'O ZHES GTE'U 'JUG PA'O, ,GANG GI PHYIR BYANG CHUB MCHOG 'DOD PAS NUS PA LA NGES PAR SBYOR BA DE'I PHYIR RANG GI LUS CI DGA' DGUR BYED DU 'JUG PAR RJES SU SBYIN PAR GZHAN LA PHAN PA DANG BDE BAR 'DOD PAS BYED DE, DE LTA BAS NA GZHAN LA DBANG YOD PAR RJES SU SBYIN PAR BYED DO, ,GANG GI PHYIR SBYIN PA'I PHA ROL TU PHYIN PA RDZOGS PAR 'DOD PAS DE'I PHYIR GZHAN GYI DBANG YIN NO, ,YANG NA CI DGA' DGUR BYED DU 'JUG PA LA SOGS PA GSUM RAB TU SBYIN PAR BYED PAS SO, ,GANG GI DON DU ZHE NA, DE LA SMRAS PA, BYANG CHUB DAM PA 'DOD PA DANG, PHA ROL LA BDE BAR 'DOD PAS DANG POR SEMS BSKYED PA'I DUS DANG, DE BZHIN DU PHA ROL TU PHYIN PA LA SBYOR BA'I DUS SU'O, ,PHA ROL TU PHYIN PA YONGS SU RDZOGS PAR 'DOD PAS LAG PA DANG RKANG PA LA SOGS PA NA THA NA LUS KYI SBYIN PA LAS BRTZAMS PA'O, ,MCHOD SBYIN NGAN PA ZHES BYA BA NI RNAM PAR 'TSE BA DANG BZHAD GAD LA RTZOM PA CHEN PO RTZOM PA STE, RNAM PAR 'TSE BA DANG, RTZOM PA CHEN PO GANG LA YOD PA'I MCHOD SBYIN NO, ,NU MA SNUN PA ZHES BYA BA NI NU MA LDUD PA'O, ,GSO BA ZHES BYA BA NI RGYAS PAR BYED PA'O, ,SKYED PA NI 'PHEL BA THOB PAR BYED PA'O, ,JI LTAR SEMS TE ZHES BYA BA NI YID KYIS KYANG ZHES BYA BA'I DON TO, ,SBYIN PAR LTA GA LA BYED CES BYA BA NI LUS DANG NGAG GIS SO, ,RGYAL PO ZHES BYA BA NI RIGS NYID DO, ,RGYAL PO'I RIGS SU SKYES PAR 'GYUR BA'O, ,SPYI BO NAS DBANG BSKUR BA ZHES BYA BA NI BYE BRAG NYID KYI 'KHOR RNAMS KYIS YONGS SU BZUNG BA NYID DO, ,BDAG PO ZHES BYA BA NI DBANG PHYUG DANG LDAN PA DBANG PHYUG MA NYAMS PA STE, BDAG NYID KYIS BYIN PA MA GTOGS PA ZHES BYA BA'I DON TO, ,BRJED NGA BA NI BSOD PA'I LAS SO, ,SNYOMS PAR SEMS KYIS SBYIN PA'I MTSAN NYID CI LTA BU ZHE NA, SEMS SNYOMS PA NYID NI YON GNAS KYI BLO'I MTSAN NYID KYIS @178A *, ,SO; ,GANG LA NA, SEMS CAN THAMS CAD DE, MDZA' BSHES DANG, DGRA BO DANG, THA MAL PA LA PHAN PA BYED PA DANG, DE'I MI MTHUN PA'I PHYOGS DANG, DE GNYI GA MA YIN PA DANG, PHAN 'DOGS PA'I ZHING LA YON TAN DANG LDAN PA'I PHYOGS DANG, DE LAS BZLOG PA'I PHYOGS DAG DANG; 'GRO BA'I ZHING GI PHYOGS LA NI DMA' BA DANG, MTSUNGS PA DANG, KHYAD PAR DU 'PHAGS PA DAG LA'O, ,SNYING RJE'I ZHING GI PHYOGS LA SKYID PA NYID LA SOGS PA LA JI LTAR MDZA' BSHES PA DANG, MDZA' BSHES MA YIN PA DANG, THA MAL PA DAG LA YON GNAS JI LTA BA BZHIN DU BLO NYE BAR GZHAG GO ZHES THAMS CAD DU BRJOD PAR BYA STE, YON TAN DANG LDAN PA LA JI LTA BA DANG, KHYAD PAR DU 'PHAGS PA LA JI LTA BA DE BZHIN DU DMAN PA DANG MTSUNGS PA DAG LA YANG NGO, ,BDE BA DANG LDAN PA LA JI LTA BA BZHIN DU SDUG BSNGAL DRANG LDAN PA LA YANG DE BZHIN DU BYED PA'O, ,JI SKAD DU SMRAS PA ZHES BYA BA NI GSOL BA 'DEBS PA LA KHAS BLANGS PA'O, ,JI LTAR DAM BCAS PA'I ZHES BYA BA NI RE ZHIG BDAG NYID KYIS SBYIN NO ZHES DAM BCAS PA'O, ,BSKYUNGS TE ZHES BYA BA NI GRANGS KYI SGO NAS SAM TSAD LAS SO, ,BZANG PO NI KHYAD PAR DU 'PHAGS PA STE, RNAM PA GNYIS KYIS GYA NOM PA YIN TE, RIGS KYIS SAM, RIN THANG GIS SO, ,DE'I MI MTHUN PA'I PHYOGS NI NGAN PA THA CHAD DO, ,YID MI DGA' LA ZHES BYA BA NI SEMS RNAM PAR G-YENGS PA'O, ,KHROS PA NI KHROS PAS ZIL GYIS NON PA'O, ,YID 'KHRUGS PAS RJES SU BZUNG BA ZHES BYA BA NI YID DRI MA CAN GYIS SO, ,PHAN BTAGS SO ZHES BYA BA NI BDE BA NYE BAR BSGRUB PA'O, ,SKYED DO ZHES BYA BA NI 'PHEL BA THOB PAR BYAS PA'O, ,DRANGS SO ZHES BYA BA NI RGUD PA'AM, GZHAN PA'I SDUG BSNGAL LAS SO, ,SMRAS PA NI 'GYUR BA DANG BCAS PA SMOD PA'O, ,SGRUB PA DMAN PA NI LOG PAR SGRUB PA'O, ,DE LA GNAS PA NI LOG PAR SGRUB PA LA GNAS PA STE, DE LTA BU'I LOG PAR SGRUB PA RNAM PA SNA TSOGS LA GNAS PA DE DAG LA SBYIN PA'O, ,RGOD PA ZHES BYA BA NI DBUGS MA PHYIN PA'O, ,BDAG NYID MA BSDAMS PA ZHES BYA BA NI SDOM PA MA YIN PA LA GNAS PA'O, ,MA BRJOD PA ZHES BYA BA NI SBYIN PA POS @178B SO; ,'JIG RTEN PA DANG 'JIG RTEN LAS 'DAS PA'I 'DOD CHAGS DANG BRAL BA'I RNAM PAR DAG PA ZHES BYA BA LA, 'JIG RTEN PA NI 'DOD CHAGS DANG BRAL BA'O, ,'JIG RTEN LAS 'DAS PA NI RNAM PAR DAG PA STE, KHAMS GNYIS SAM, KHAMS GSUM LAS SO, ,RNAM PAR DAG PA ZHES BYA BA NI RNAM PA GNYIS LAS TE, MA DAG PA LAS SO, ,LHAG PAR GYUR PA NI GTANG BAR 'OS PA'I CHOS SU BYAS PA'O, ,GRAGS PA DANG SGRA DANG TSIGS SU BCAD PA LA BRTEN PA STE, MNGON SUM DU BSTOD PA NI GRAGS PA'O, ,SGRA DANG TSIGS SU BCAD PA NI LKOG NAS BSNGAGS PA BRJOD PA STE, 'KHOR LOS SGYUR BA NYID LA BRTEN PA'AM, DBANG PHYUG LA BRTEN PA'O, ,BDUD CES SMOS PA NI 'DOD PA'I KHAMS KYI DBANG PHYUG NYID DO, ,SA LA BRTEN PA'I YUL GYI DBANG PHYUG NYID YIN PAS BRGYA BYIN ZHES SMOS SO, ,GLING BZHI DBANG PHYUG YIN PA'I PHYIR 'KHOR LOS SGYUR BA ZHES SMOS SO, ,DBANG PHYUG NI DE DAG MA YIN PA'I SA PHUN SUM TSOGS PA'I BDAG PO'O, ,NYUNG NGU LAS KYANG SPABS CHER SBYIN PAR BYED CES BYA BA NI MYUR BAR SBYIN PAR BYED CES BYA BA'I DON TO, ,LONGS SPYOD MANG PO RGYA CHE ZHING RGYAS PA ZHES BYA BA NI RNAM PA MANG PO DANG, SHIN TU YANG BA'AM, YUL MANG PO NA GNAS PA'O; ,TSIM PAR BYA BA NI NANG YONGS SU GANG BAR BYED PA'O, ,'DOD PA BZHIN DU YONGS SU BKANG BA NI YID LA BSAM PA YONGS SU RDZOGS PAR RO, ,RNAM GRANGS ZHES BYA BA NI SBYIN PA DANG, DON RNAM PAR GTONG BA DANG, YONGS SU GTONG BA DANG, DON 'GRUB PAR BYED PA ZHES BYA BA LA SOGS PA'O, ,MTSAN NYID CES BYA BA NI SBYIN PA'I NGO BO NYID NI SBYIN PA'I NGO BO JI LTA BA BZHIN DU BSTAN PA'O, ,NGES PA'I TSIG KYANG PHONGS PA SEL BAR BYED PAS NI SBYAN PA'O, ,RAB TU DBYE BA NI, BZANG BA BYIN PAS STOBS DANG LDAN ZHES BYA BA LA SOGS PA STE, CHOS KYI SBYIN PA DANG, ZANG ZING GI SBYIN PA STE, ZANG ZING GI SBYIN PA NI NANG GI BDAG NYID SBYIN PA DANG, PHYI ROL GYI DNGOS PO SBYIN PA STE, NANG GI BDAG NYID SBYIN PA ZHES BYA BA LA SOGS PA'O, ,THAMS CAD SBYIN PA 'DI'I BSDUS PA'I DON DANG GO RIMS BSHAD PAR BYA STE, DE LA THAMS CAD SBYIN PA GANG ZHE NA ZHES BYA BA LAS @179A *, ,BRTZAMS NAS JI LTAR NGAN SONG THAMS CAD LAS SHIN TU 'DAS PA THOB PA ZHES BYA BA'I BAR DU'O, ,DE LA ZANG ZING GI SBYIN PA NI MDOR BSDU NA RNAM PA GSUM STE, YOD CING BDOG BZHIN DU ZHES BYA BA LA SOGS PA STE, YOD CING BDOG BZHIN DU ZHES BYA BA DANG, 'DI DANG GZHAN RGYAS PAR DBYE BAR BYA BA NAS BRTZAMS NAS YANG DAG PAR SBYIN PA'I CHOS DAG YOD BZHIN DU ZHES BYA BA DANG, SHES RAB CAN GYI SBYIN PA YIN PAR RIG PAR BYA ZHES BYA BA'I BAR DU'O, ,MED CING MI BDOG CES BYA BA NI SBYIN PAR BYA BA'I CHOS MED CING MI BDOG NA'O, ,BSAM PA DAG PA ZHES BYA BA NAS BRTZAMS NAS TSE RABS THAMS CAD DU LONGS SPYOD ZAD MI SHES PA THOB CES BYA BA DANG, DE BZHIN DU DES CHOS KYI SBYIN PA NYE BAR SBYIN PAR BYED PA NA MU STEGS CAN GLAGS TSOL BA LA MI SBYIN ZHES BYA BA NAS BRTZAMS NAS CHOS KYI SBYIN PA LAS BRTZAMS NAS SHES RAB DANG LDAN BA'I SBYIN PAR RIG PAR BYA'O ZHES BYA BA'I BAR DANG, SO SO YANG DAG PAR RIG PA LA BRTEN PA DANG, THAMS CAD SBYIN PA'I CHOS DANG, ZANG ZING DANG MI 'JIGS PA LAS BRTZAMS NAS RAB TU DBYE BA YANG CI LTA BA BZHIN DU RAB TU SHES SO ZHES BYA BA'I BAR DU STE, LHAG PA'I BSAM PA LA BRTEN PA ZHES BYA BA NI GNOD PA BYED PA'I SEMS CAN LA ZHES BYA BA NAS BRTZAMS NAS GROGS BSHES RNAMS KYI BAR LA BTANG SNYOMS KYI BSAM PA BYED PA'O, ,SBYIN PA LA NYE BAR BRTEN PA NI SBYIN PA'I GEGS YOD NA YANG NGO, ,SBYIN PA LA GEGS BYED PA'I GNYEN PO LAS KYANG BRTZAMS NAS GNYEN PO'I SHES PA THA MA 'DIS NI BSOD NAMS KYI 'BRAS BU YANG DAG PAR YONGS SU 'DZIN PAR BYED DO ZHES BYA BA'I BAR DU'O, ,LHAG PA'I BSAM PAS MOS PA'I SBYIN PA LA BRTEN PA ZHES BYA BA NI NANG GI BDAG NYID DO, ,DBEN BAR SONG ZHES BYA BA 'DI LAS BRTZAMS NAS 'DI NI BYANG CHUB SEMS DPA' SHES RAB CHER PO DANG LDAN PA SBYIN PA LA BRTEN PA ZHES BYA BA'I BAR DU'O, ,DKA' BA'I SBYIN PA NI MDOR BSDU NA RGYU GSUM GYIS TE, DGA' BA'I SBYIN PA NYID DANG, BDAG LA CHAGS PAS SAM, SBYIN PA'I RDZAS LA MNGON PAR CHAGS PAS SAM, SNGAR SKYE BA GZHAN DU SBYIN PA LA GOMS PAR MA BYAS PA'O, , @179B DE LA BYANG CHUB SEMS DPA' BDAG NYID LA GNOD PA BYAS TE ZHES BYA BA NI SBYIN PAR BYA BA'I RDZAS CHUNG NGU LAS KYANG BGO BSHA' BYAS NAS SBYIN PAR BYED PA STE, DE LTA BUR BDAG NYID GOMS PAR BYED PA'O, ,SDUG BSNGAL DANG DU BLANGS NAS ZHES BYA BA NI GAL TE SBYIN PAR BYA BA'I RDZAS CHUNG NA YANG THAMS CAD SBYIN PAR BYED PA STE, DE LTAR BDAG NYID KYIS SDUG BSNGAL DANG DU BLANGS PAR GYUR PA'O, ,SDUG PA'I DNGOS PO ZHES BYA BA LA, RGYU GSUM GYIS SBYIN PAR BYA BA'I DNGOS PO SEMS CAN DU GRAGS PA SDUG PAR GYUR PA YIN TE, SKYE BA GZHAN DU BRTZE BAR BYAS PA'AM, MTHONG BA'I CHOS LA YUN RING DU YANG DAG PAR 'DRIS PA'AM, DE DAG MED NA YANG SHAS CHER PHAN PA BYAS PA NYID DO, ,SEMS CAN MA YIN PA'I DNGOS PO'I MCHOG YIN PA'I PHYIR 'DZIN PA DAM PO 'BYUNG BAR 'GYUR BA'O, ,JI LTAR NA MCHOG YIN ZHE NA, SMRAS PA, SKYON MED PA'I PHYIR DANG, RAB MCHOG NYID KYI PHYIR TE, DNGOS PO RNAM PA DE GNYI GA LA MNGON PAR ZHEN PA BSAL NAS SBYIN PAR BYED DO, ,CHAGS CHEN POS BSGRUBS PA ZHES BYA BA NI SNGON SBYIN PA LA GOMS PAR MA BYAS PAS TSEGS CHEN POS BSGRUBS PA'I PHYIR RO, ,THAMS CAD KYI SGO NAS SBYIN PA'I BSDUS PA'I DON NI RNAM PA BZHI STE, SBYIN PA GANG YIN PA DANG, GANG LA SBYIN PA DANG, GANG DU GANG GIS SBYIN PAR BYED PA STE RANG GI 'AM GZHAN GYI LA GSOL BA BTAB NAS BSKUL BA'O, ,DE LA RANG GI LA JI LTAR ZHE NA, GANG GIS JI LTAR GZHAN GYI BSKUL BA MED PAR CHOS DANG MTHUN PAR RNYED PA'O, ,PHA DANG MA ZHES BYA BA LA SOGS PA NI 'BREL PA DANG, PHAN PA BYED PAR 'DOD PA DE DAG LA'O, ,SKYES BU DAM PA'I SBYIN PA RNAM PA LNGA'I BSDUS PA'I DON NI GTONG BA NYID PHUN SUM TSOGS PA DANG, SGRUB PA PO PHUN SUM TSOGS PA DANG, SBYIN PA'I RDZAS PHUN SUM TSOGS PAR GSUNGS TE, DAD PA ZHES BYA BA NI ZANG ZING MED PA'I SEMS NYID DE, GTONG BA NYID PHUN SUM TSOGS PA'O, ,YONGS SU GTONG BA PO NI RGYU PHUN SUM TSOGS PAR 'GYUR TE, 'DI LTAR YONGS SU GTONG BA NI LEN PA PO LA BKUR STI BYAS NAS 'DI LTAR YID KYIS DGA' BA SKYES PAR BYED PA'O, ,RANG GI LAG PA ZHES BYA BA NI DE LTA BUR YONGS SU BTANG BA NI BDAG MI KHENGS PAR SBYIN PA'O, , @180A *, ,DUS SU YONGS SU GTONG BA NI 'DOD PA'I DNGOS POS YONGS SU 'DZIN PA'O, ,GZHAN LA MI GNOD PAR ZHES BYA BA 'DIS NI LHAG PA'I RDZAS PHUN SUM TSOGS PA BSTAN TE, LUNG LAS DAG PAR BSTAN PA DAG GO, ,RNAM PA THAMS CAD KYI SBYIN PA'I BSDUS PA'I DON NI MI BRTEN PAR SBYIN PA LA SOGS PAS NI MDO'I DUM BU'I DON BSHAD PA YIN TE, GROL BAR GTONG BA DANG, RAB TU LAG BRKYANG BA DANG, LHAG PAR MTHONG BA LA DGA' BA DANG, LHAG PAR MCHOD SBYIN LA DGA' BA DANG, GTONG BA PHUN SUM TSOGS PA DANG, BGO BSHA' BYED PA LA DGA' BA ZHES BYA BA STE, MI BRTEN PAR SBYIN PA LA SOGS PA RNAM PAR SMIN PA LA MI RE BA RNAMS DANG GO RIMS BZHIN DU SBYAR BAR SHES PAR BYA'O, ,GTONG BA PHUN SUM TSOGS PA ZHES BYA BA NI SNOD LA SBYIN PA'O, ,BGO BSHA' BYED PA ZHES BYA BA NI SNOD MA YIN PA LA SBYIN PA STE, 'DI DAG GIS NI RNAM PA GANG GIS SBYIN PA PHUN SUM TSOGS PA YIN PA'I SBYIN BDAG GI YON TAN RNAMS BSTAN PA YIN NO, ,DA NI RNAM PA THAMS CAD KYI SBYIN PA PHUN SUM TSOGS PAR 'GYUR BA'I DBANG DU BYAS PA NI KUN LA SBYIN PA LA SOGS PA SBYIN PA BZHI NI THAMS CAD SBYIN PA NYID KYI BYE BRAG GO, ,PHONGS SHING 'DOD PA LA SBYIN PA ZHES BYA BA LA, DON GYIS PHONGS PA NI PHONGS PA'O, ,GANG LA DON GYIS PHONGS PA YOD PA DE NI PHONGS SHING 'DOD PA STE, PHONGS SHING 'DOD PA NYID NI PHONGS SHING 'DOD PA'O, ,DE LA SBYIN PA NI PHONGS SHING 'DOD PA LA SBYIN PA'O, ,GANG GIS PHONGS SHING 'DOD CE NA, ZAS LA SOGS PAS TE, RNAM PA BRGYAD KYIS PHONGS SHING 'DOD PA LA SBYIN PA NI MDOR BSDUS PA'I DON BSTAN PA YIN NO, ,LUS SKYES PA RNAMS NI 'DI DAG NYID 'DOD PA YIN GYI, 'JIG RTEN PA RNAMS DE LAS GZHAN PA NI MI 'DOD PAS LUS LA LTOS NAS RNAM PA LNGA STE, LHAN CIG SKYES PA'I SDUG BSNGAL BZLOG PAR 'DOD PA DANG, LUS LA PHAN PA 'DU BYED PA'I YO BYAD 'DOD PA DANG, SPYOD LAM GYI SDUG BSNGAL MI 'BYUNG BAR 'DOD PA DANG, LUS LA PHAN PA BYED PA'I YO BYAD 'DOD PA DANG, LUS LA GNOD PA SKYOB PAR BYED PA 'DOD PA ZHES BYA BA STE, DE LA LHAN CIG SKYES PA'I SDUG BSNGAL ZLOG PAR @180B BYED PA LA PHAN PA 'DOD PA DE DAG ZAS DANG SKOM GYIS PHONGS SHING 'DOD PAR GYUR PA LA ZAS DANG SKOM LA SOGS PA SBYIN PAR BYED DO, ,LUS KYIS 'GRO BA'I SDUG BSNGAL BSAL BAR 'DOD PA'I DON DU BZHON PA SBYIN PA SBYIN PAR BYED DO, ,LUS LA PHAN PA BYED PA'I YO BYAD KYANG RNAM PA BZHI STE, GSANG BA'I GNAS DGAB PA'I YO BYAD DANG, RGYUN DU BYA BA'I YO BYAD DANG, ZAS LA NYE BAR SPYAD PA LA SOGS PA SNA TSOGS KYI SNOD SPYAD DANG, MAL STAN LA SOGS PA YO BYAD RNAM PA SNA TSOGS DANG, DRI DANG PHRENG BA DANG BSKU BA DANG BYUG PA'I YO BYAD CES BYA BA'O, ,DE 'DOD PA RNAMS DE DAG MA THOB PAS NYON MONGS PAR GYUR PA DE RNAMS LA YO BYAD DE DAG SBYIN PAR BYED DE, GRANG BA DANG, DRO BA DANG, RLUNG DANG, TSA BA DANG, CHAR 'BAB PA'I SDUG BSNGAL YONGS SU SPANG BAR 'DOD PA DANG, MIG GIS MTHONG BAR 'DOD PA SDUG BSNGAL GYI GNOD PA MI MNYAM PA DAG NYE BAR BSAL BAR 'DOD PA DE DAG LA RTEN DANG SNANG BA DAG SBYIN PAR BYED DO, ,GANG DAG MIG GIS MTHONG BAR BYAS NAS GNOD PA YONGS SU SPANG BAR 'DOD PA RNAMS SNANG BA MED PAS GNOD PAR GYUR PA DAG LA SNANG BA SBYIN PAR BYED DE, THOS PA LA SOGS PAS GZHAN GYIS MTHON DMAN LA SOGS PA SPONG BA LA JI LTAR MIG GI RNAM PAR SHES PA LA SNANG BAS BYED PA LTAR, RNAM PAR SHES PA DE DAG 'BYUNG BA LA LHAN CIG BYED PA'I RGYU GZHAN NI MED DO, ,DE LTA BAS NA SNANG BA ZHES SMOS PAS NI MTHON DMAN LA SOGS PA'I GNOD PAS LUS LA GNOD PA SPONG BA YIN NO, ,KUN DU 'DZIN PA YONGS SU BTANG ZHES BYA BA NI, SEMS KYIS 'DZIN PA GANG GIS SEMS KUN DU BZUNG BAR GYUR PA STE, DE LTAR BYAS NAS SEMS KYI KUN DU 'DZIN PA ZHES BYA'O, ,SER SNA DANG GSOG 'JOG GI DRI MA BSAL NAS BZANG PO DANG GTZANG MA DANG, RUNG BA ZHES BYA BA 'DI DAG GI BSDUS PA'I DON NI GANG SBYIN PA DANG, JI LTAR SBYIN PA'O; ,GANG SBYIN ZHE NA, BZANG PO DANG, GTZANG MA DANG, RUNG BA'O, ,JI LTAR ZHE NA, BZANG POS LUS TSEM PAR BYED CING, GTZANG BA DANG, RUNG BAS SEMS 'DZIN PAR BYED DO, SER SNA'I DRI MA BSAL BAS NI SBYIN BDAG GIS 'DI DANG GZHAN DU RNAM PAR SMIN PA LA LONGS SPYOD CHEN PO 'THO @181A *, ,BO; ,GSOG 'JOG GI DRI MA BSAL BAS NI 'DI DANG GZHAN DU LONGS SPYOD RNAMS LA 'DZIN PA MED PAR GYUR TE, RGYU MTHUN PA'I 'BRAS BU'O, ,DE LA ZANG ZING DANG MI 'JIGS PA'I SBYIN PA RAB TU DBYE BA DANG BCAS PA ZHES BYA BA LA, ZANG ZING GI SBYIN PA NYID NI 'DIR DBYE BA DANG BSLAB PA YIN GYI, MI 'JIGS PA'I SBYIN PA LA NI 'DIR DBYE BA MED DO, ,MI SKYO BAR SBYIN PA SBYIN ZHES BYA BA LA, 'DI'I RGYU LAS BRTZAMS TE, BYANG CHUB SEMS DPA' JI LTAR SBYIN PA LAS BRTZAMS TE RKYEN DU BYED PA DE LTAR SLONG BA POS ZHES BYA BA LA SOGS PAS SHES PAR BYA'O, ,MCHOG TU 'DZIN PA ZHES BYA BA NI LTA BA RNAM PA GSUM STE, SBYIN PA 'DI'I 'BRAS BU MED DO ZHES BYA BA'I LOG PAR LTA BA MCHOG TU 'DZIN PA'I LTA BA STE, 'TSE BA'I SBYIN PAS CHOS SU 'GYUR RO ZHES BYA BA 'AM, TSUL KHRIMS MCHOG TU 'DZIN PA'I LTA BA STE, SBYIN PA SHIN TU RDZOGS PA TZAM GYIS 'JIG RTEN PA DANG 'JIG RTEN LAS 'DAS PA'I RNAM PAR DAG PAR 'GYUR RO ZHES BYA BA'O, ,GANG GI PHYIR SHIN TU BSAGS SHING PHYIS DUS GCIG TU SBYIN PAR MI BYED PA SKYON CI YOD CE NA, DE RAB TU BSTAN PA'I PHYIR BYANG CHUB SEMS DPA' NI SBYIN PAR BYA BA'I CHOS DAG YOD BZHIN DU ZHES BYA BA NAS BRTZAMS PA STE, SOGS PAR BYED PA'I NYES PA LAS BRTZAMS NAS SBYIN PAR BYA BA'I CHOS DAG YOD BZHIN DU ZHES BRJOD PAR BYA'O, ,SOGS PAR BYED PAS SLONG MO PA PHYIR BZLOG PA'I RGYU NI RNAM PA GNYIS YIN TE, SBYIN PAR BYA BA'I CHOS MED PA 'AM SLONG MO PA YANG DAG PAR SLONG BAR BYED PA MA YIN PA'O, ,DE GNYI G-YANG MED PA BZHIN DU PHYIR ZLOG PAR BYED PA LA SKYON GNYIS STON PAR BYED PA NYID DO, ,SBYIN PAR BYA BA'I CHOS YOD BZHIN DU SBYIN PAR MI SPRO BAS SLONG BA PHYIR ZLOG PA DANG, YANG DAG PAR SLONG BAR BYED PA NYE BAR LHAGS PAR GYUR KYANG YANG DAG PAR SLONG BAR BYED PA DE DAG LA PHYIR ZLOG PAR BYED PA NI RIGS PA MA MTHONG NGO, ,BYANG CHUB SEMS DPAS SBYIN PAR BYA BA'I DNGOS PO YOD BZHIN DU SLONG MO PA NYE BAR LHAGS PA SPONG BAR BZOD PA MA YIN TE PHYIR SPONG BAR BYED PA NI RIGS PA MA YIN PAR MTHONG BA'I PHYIR RO, ,YANG DE CI LTAR SOGS PAR 'GYUR, SLONG BA PHYIR BZLOG PA MA BYAS PA LA NI SOGS PA MED @181B PA'I PHYIR TE, PHYIS DUS GCIG TU SBYIN PAR BYED PA LA YON TAN MA MTHONG BAS SOGS PA'I SBYIN PA LAS BSOD NAMS 'DU BA'I SGO LHAG PAR MA MTHONG ZHES BYA BA NAS BRTZAMS TE, BSOD NAMS KHYAD PAR YOD PA YONGS SU 'DZIN PAR 'GYUR ZHES BYA BA LA SOGS PAS STON TO, ,SBYIN PAR BYA BA'I DNGOS PO YANG MTSUNGS TE ZHES BYA BA LA SOGS PAS NI SBYIN PAR BYA BA'I RDZAS YOD KYANG MTSUNGS LA, SLONG BA PO YANG MTSUNGS PA RNAMS LA KHYAD PAR YOD PAR MTHONG BAS BSAGS SHING SBYIN PAR MI BYA'O, ,BYANG CHUB SEMS DPA' NI SLONG BA PO LA ZHES BYA BA LA SOGS PA LA, DMA' BA'I SEMS KYIS ZHES BYA BA LA SOGS PAS NI BDAG NYID KYI NGA RGYAL BCAG PA STON TO, ,MI BRTEN PA'I SBYIN PA'I BSDUS PA'I DON NI TSE 'DI'I GRAGS PA LA MI BRTEN PA STE, DE NI RTOG PA TZAM GYIS BDAG NYID SMAD PA YIN PA'I PHYIR RO, ,ZHUM PA MED PA DUS GSUM DU SPROS PA DANG BCAS PA'O, ,NGAN PA MA YIN PA'I SBYIN PA NI BDAG LA YOD PA'I MCHOG STER BA'O, ,RGYAB KYIS PHYOGS PA MED PA'I SBYIN PA NI MDZA' BO DANG DGRA LA BYE BRAG MED PAR SBYIN PA GTONG BAR BYED PA STE, SNYING RJE DANG LDAN PA'I PHYIR RO, ,LAM LA MI LTA BA'I SBYIN PA GANG ZHE NA, PHA ROL GYIS SLAR BDAG LA LAN BYAS SU MI RE BA STE, CI'I PHYIR ZHE NA, SNYING BRTZE BA DANG LDAN PA'I PHYIR RO, ,PHAN 'DOGS SU RE BA MED CES BYA BA NI PHAN GDAGS PA NYID KYI RGYU MTHONG BA STE, BDE BA 'DOD PA SRED PA'I MES BSREGS PAR GYUR PA RNAMS MTHU MED PA MTHONG BA'I PHYIR RO, ,BDE BA'I RGYU 'DOD PAS 'JUG PA RNAMS LA YANG PHAN PA DANG, SNYING BRTZE BA'I SEMS KYIS DE'I CHED DU BSTAN PAR BYA BA'I PHYIR GSUNGS PA NI, SKYE BO RANG BZHIN GYIS SDUG BSNGAL BA DAG MTHONG BA'I PHYIR ZHES BYA BA'O, ,PHYI MA LA LONGS SPYOD PHUN SUM TSOGS PA 'AM, RNAM PAR SMIN PA LA RE BA MED CES BYA BA 'DI LA, DE'I RGYU BSTAN PAR BYA BA'I PHYIR, 'DU BYED THAMS CAD NI SNYING PO MED PAR LTA ZHES BYA BA'O, ,CI'I PHYIR LUS PHUN SUM TSOGS PAR 'GYUR BA SBYIN PA'I 'BRAS BU RNAM PAR SMIN PA LA RE BA MED CES BYA BA DE'I RGYU STON PAR BYED PA NI, BYANG CHUB MCHOG LA PHAN YON DU LTA BA'I PHYIR RO ZHES BYA BA'O, ,YANG NA NYES PA GNYI GA YANG MTHONG BA'I PHYIR TE, 'DU BYED THAMS @182A *, ,CAD SNYING PO MED PAR LTA BA DANG, DE'I GNYEN PO NYID LA PHAN YON DU LTA BA NYID KYI PHYIR RO, ,SBYIN PA RIM PAR PHYE BA STE DGU PA RDZOGS SO,, ,,TSUL KHRIMS RIM PAR PHYE BA NI GONG DU PHYUNG BA YIN, SLOB DPON YON TAN 'OD KYIS MDZAD PA BYANG CHUB SEMS DPA'I SA'I 'GREL BA LAS JI SNYED 'GYUR BA RDZOGS SO,, ,,RGYA GAR GYI MKHAN PO D'I PAm KA RA SHR'I DZ+NY'A NA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA,, *, ,BYANG CHUB SEMS DPA'I TSUL KHRIMS KYI LE'U'I 'GREL PA BZHUGS SO, , #, ,BYANG CHUB SEMS DPA'I TSUL KHRIMS KYI LE'U BSHAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,TSUL KHRIMS KYI RANG BZHIN YON TAN BZHI DANG LDAN PA DE NI DGE BAR RIG PAR BYA'O ZHES BYA BA JI LTA BU ZHE NA, DE LAS BRTZAMS TE, BDAG LA PHAN PA ZHES BYA BA LA SOGS PA SMOS SO, ,DE LA PHAN PA ZHES BYA BA NI DGE BA SPYOD PA'O, ,BDE BA NI GNOD PA MED PA'O, ,SNYING BRTZE BA NI 'DI LTAR LA LA SPYOD PA DGE BA DANG GNOD PA MED PAS PHA ROL RNAMS LA SNYING BRTZE BAR BYED PA LTA BU'O, ,DON CES BYA BA NI DON DU GNYER BA DANG DON DANG LDAN PA STE; 'DOD PA DANG KHA NA MA THO BA MED PA GANG YIN PA'O, ,PHAN PA DANG BDE BA'I PHYIR ZHES BYA BA NI SPYOD PA DGE BA DANG, GNOD PA MED PA LA GNAS PA'O, ,MI ZHES BYA BA NI RGYAL RIGS LA SOGS PA STE, DE DAG PHAL CHER LA SANGS RGYAS 'BYUNG BA DANG, CHOS LEGS PAR GSUNGS PA DANG, DGE 'DUN LEGS PAR SGRUB PA RNAMS KYIS SHAS CHER PHAN PA DANG, BDE BAR 'GYUR LA, DE DAG KYANG BDAG NYID LA PHAN PA DANG BDE BAR BYAS NAS, 'JIG RTEN LA SNYING BRTZE BA STE, DE DAG GZHAN DAG LA 'DI SNYAM DU PHAN PA DANG BDE BA DANG LDAN PAR GYUR KYANG CI MA RUNG SNYAM DU SEMS SO, ,GZHAN DAG KYANG 'DI SNYAM DU BDAG CAG KYANG DE LTAR GYUR KYANG CI MA RUNG SNYAM DU SEMS TE, DE LTA BAS NA DON DANG PHAN PA DANG BDE BA'I PHYIR ZHES BYA BA SMOS SO, ,LHA DANG MI RNAMS KYI ZHES BYA BA NI DE DAG GI DON RTOGS PAR BYA BA DANG BSGRUB PAR MI NUS PA'I PHYIR TE, BDAG LA PHAN PA DANG ZHES BYA BA @182B LA SOGS PA'I TSIG RNAMS KYI DON NI DE DAG YIN NO, ,DE YANG KHYIM PA DANG RAB TU BYUNG BA'I PHYOGS LA CI RIGS PAR RIG PAR BYA'O ZHES BYA BA LA, KHYIM PA'I PHYOGS NI DGE BA SNYEN GYI TSUL KHRIMS DANG, DGE BSNYEN MA'I TSUL KHRIMS SO, ,GZHAN NI RAB TU BYUNG BA'I PHYOGS LA BRTEN PA'O, ,'DI LA BYANG CHUB SEMS DPA'I TSUL KHRIMS LA BRTEN CING ZHES BYA BA MAN CHAD, DGE BA'I CHOS RNAMS BSGRUB PA DANG SRUNG BA DANG RNAM PAR 'PHEL BAR BYED PA'I ZHES BYA BA YAN CHAD NI LUS DANG NGAG DANG YID GSUM CHAR DANG, GNYIS KYIS KYANG BYED DE CI RIGS PAR BYA'O, ,SEMS CAN GYI DON BYED PA'I TSUL KHRIMS RNAM PA BCU GCIG NI MDOR DON DU NA SEMS CAN RNAM PA GSUM STE, THA MAL BAR GNAS PA RNAMS DANG, ZHUGS PA RNAMS DANG, ZHE 'GRAS PA RNAMS SO, ,DE LA THA MAL PA GNAS PA RNAMS LAS BRTZAMS TE RANG GI DON BYED PA RNAM PA BDUN YOD PA LA PHAN 'DOGS PA LAN DU PHAN 'DOGS PAR 'DOD PA RNAMS RNAM PA GSUM STE, LUS 'JIG TU DOGS PAS 'JIGS PA RNAMS DANG, SDUG BSNGAL LA GNAS PA RNAMS DANG, YO BYAD MED PA RNAMS SO, ,ZHUGS PA DAG NI BRTEN TE GNAS PA RNAMS DANG, CHOS MTHUN PA GZHAN RNAMS DANG, YANG DAG PAR ZHUGS PA RNAMS DANG LOG PAR ZHUGS PA RNAMS SO, ,ZHE 'GRAS PA DAG NI THA MA RNAMS SO, ,DPER NA RTZVA 'AM MI GTZANG BA LA JI LTA BA BZHIN NO ZHES BYA BA NI 'DOD PA LA RNAM PA GNYIS YOD DE, DNGOS PO'I 'DOD PA RNAMS DANG, NYON MONGS PA'I 'DOD PA RNAMS SO, ,DE LA DNGOS PO'I 'DOD PA RNAMS NI 'DOD PAR BYA BA'I PHYIR RO, ,NYON MONGS PA'I 'DOD PA RNAMS NI 'DOD PA'I PHYIR 'DOD PA ZHES BYA STE, 'DIR NI DNGOS PO'I 'DOD PA RNAMS LA BYA'O, ,DE DAG KYANG RNAM PA GNYIS TE, 'KHRIG PA'I DNGOS PO'I 'DOD PA RNAMS DANG, DE MA YIN PA'I DNGOS PO'I 'DOD PA RNAMS TE, DE MA YIN PA'I DNGOS PO'I 'DOD PA RNAMS LA NI DPER NA RTZVA LA JI LTA BA BZHIN NO, ,DNGOS PO'I 'DOD PA RNAMS LA NI DPER NA MI GTZANG BA LA JI LTA BA BZHIN NO, ,THA CHAD RNAMS ZHES BYA BA NI DNGOS PO BZHIN DU RNAM PA GNYIS SO, ,MI'I 'DOD PA THAMS CAD KYI MCHOG 'KHOR @183A *, ,LOS SGYUR BA'I 'DOD PA RNAMS LA MI LTA BA NI TSE 'DI LA'O, ,MNGON PAR DGA' BA MA YIN PA NI MA 'ONGS PA RNAMS LA STE, MA 'ONGS PA NI TSE PHYI MA LA, MA 'ONGS PA DAG NA YANG BDUD KYI GNAS SU GTOGS PA'I 'DOD PA RNAMS LA'O, ,DE DAG GI DON DU SMON LAM BTAB NAS TSANGS PAR SPYAD PA SPYOD PAR MI BYED PA CI'I PHYIR ZHE NA, CHEN PO SNA TSOGS ZHES BYA BA LA SOGS PA SMOS SO, ,KHA ZAS KYI SKYUGS PA 'DRA BAR YANG DAG PAR SHES RAB KYIS MTHONG BA STE ZHES BYA BA NI KHA ZAS KYI SKYUGS PA DANG 'DOD PA GNYIS SNGAR YONGS SU SPANGS PAR 'DRA BA'I PHYIR RO, , SDOM PA'I TSUL KHRIMS LA GNAS PA ZHES BYA BA NI SO SOR THAR PA'I SDOM PA LA GNAS PAR STON TE, DE LTAR NA BSDAMS PA'I TSUL KHRIMS CAN NO, ,DE LA LEGS PAR BSDAMS PA'I TSUL KHRIMS CAN JI LTA BU ZHE NA, BSDAMS SU ZIN KYANG RGYU RNAM PA DRUG GIS LEGS PAR BSDAMS PA MA YIN TE, DE TZAM GYIS CHOG PAR 'DZIN PA DANG, KUN NAS SLONG PA DANG BCAS PA'I NGAG YONGS SU MA DAG PA DANG BDAG LA KHYAD DU GSOD PA DANG, 'KHOR YONGS SU MI 'DZIN PA DANG, NYES PA BYUNG BA LA RNAM PA THAMS CAD DU CHOS BZHIN DU PHYIR 'CHOS PA MED PA DANG, CHO GA DANG 'TSO BA YONGS SU MA DAG PA'O; ,DE LA RGYU GNYIS KYIS NA DE TZAM GYIS CHOG PAR 'DZIN PAR 'GYUR TE, NGAG DANG LUS GNYIS BSDAMS PA YOD DU ZIN KYANG DUS GSUM GYIS 'DOD PA RNAMS LA SEMS MA BSDAMS PA'I PHYIR DANG, DE BSDAMS SU ZIN KYANG TSUL KHRIMS LA GNAS NAS TING NGE 'DZIN SGRUB MI 'DOD PA'I PHYIR TE; DE LTAR NA RGYU GNYIS KYIS DE TZAM GYIS CHOG PAR 'DZIN PA YIN NO, ,KUN NAS SLONG BA DANG BCAS PA'I NGAG YONGS SU MA DAG PA JI LTA BU ZHE NA, NGAG KUN NAS SLONG BA NI RTOG PA DANG DPYOD PA DAG YIN TE, BRTAGS SHING DPYAD NAS TSIG TU SMRA BA'O ZHES GSUNGS PA'I PHYIR RO, ,NGAG RNAM PAR DAG PA GANG YIN ZHE NA, BRDZUN DU SMRA BA LA SOGS PA NGAG GI NYES PA'I GNYEN PO BDEN PA LA SOGS PA'I NGAG GI LAS YONGS SU DAG PA STE, DE MED PAS NA NGAG BSDAMS SU ZIN KYANG LEGS PAR BSDAMS PA MA YIN NO, ,RTOG PA RNAM PAR DAG PA GANG ZHE NA, 'DOD PA'I @183B RTOG PA LA SOGS PA'I GNYEN PO MI SDUG PA LA SOGS PA'I RTOG PA DE NI RNAM PAR DAG PA STE, DE MED PAS NA RTOG PA YONGS SU DAG PA'O, ,BDAG LA KHYAD DU GSOD PA LAS NI BRTUN PA'I BRTZON 'GRUS KYIS BSLAB PA'I GZHI RNAMS LA LEGS PAR NAN TAN MI BYED DE, DE'I GNYEN PO BDAG LA KHYAD DU MI GSOD PA LAS NI SA CHEN PO LA ZHUGS PA'I BYANG CHUB SEMS DPA'I BSLAB PA'I GZHI DKA' BA THOB PAS SEMS ZHUM PA MED DO, ,BRTUN PA'I BRTZON 'GRUS KYIS NAN TAN BYED DO, ,'KHOR YONGS SU MI 'DZIN ZHES BYA BA LA 'DIR TSUL KHRIMS KYI 'KHOR NI BZOD PA STE, DE MED NA BSDAMS SU ZIN KYANG LEGS PAR BSDAMS PA MA YIN TE, NYES PA'I GNAS RGYANG MA BSRINGS PA'I PHYIR RO, ,NYES PA BYUNG BA LA RNAM PA THAMS CAD DU CHOS BZHIN DU PHYIR 'CHOS PA MED PA JI LTA BU ZHE NA, SNGA NAS BYA BA DANG LHAN CIG RJES SU SPYOD PA'I BAG YOD PA DANG, SNGON GYI MTHA' DANG LDAN PA DANG, PHYI MA'I MTHA' DANG LDAN PA DANG, DBUS KYI MTHA' DANG LDAN PA'I BAG YOD PA DANG MI LDAN PA'I PHYIR BSDAMS SU ZIN KYANG LEGS PAR BSDAMS PA MA YIN NO, ,CHO GA DANG 'TSO BA MA DAG PA NI RNAM PA LNGA PO DAG GI RNAM PA RIL GYIS MED PA'I PHYIR DE GNYIS BSDAMS SU ZIN KYANG LEGS PAR BSDAMS PA MA YIN NO, ,LUS LA LTA BA DANG, LONGS SPYOD LA LTA BA NI SBYIN PA'I MI MTHUN PA'I PHYOGS YIN TE, DE'I CHUNG NGU YANG DANG YANG DU LEN PAR MI BYED PA NI SBYIN PA'I NYER GNAS YIN TE, NYER GNAS NI RGYU'I DON TO, ,SLONG BA LA LTA BA NI SBYIN PA SGRUB PA YIN TE, GZHAN LA YANG DE BZHIN DU BRJOD PAR BYA'O, ,PHAN YON MTHONG BA NI BDE BA'I RGYU YONGS SU TSOL BA'I MTSAN NYID KYI SHES RAB KYI RGYU YIN NO, ,PHAN YON MTHONG BA NI SHES RAB NYID DO, ,GNAS LNGA DAG YANG DAG PA JI LTA BA BZHIN DU YONGS SU SHES PA YANG SHES RAB NYID DO, ,GROGS SU 'GRO BA RNAMS KYI DON LONGS SPYOD KYI BYA BA'I GROGS SO, ,DE LA LONGS SPYOD KYI BYA BA'I GROGS NI RNAM PA BZHI STE, MA THOB PA THOB PAR BYA BA'I DON DANG, 'PHEL BAR BYA BA'I DON DANG, LONGS SPYOD RNAMS BSRUNG BA'I DON DANG, YON GNAS SU GYUR PA LA DBUL @184A *, ,BA'I DON TO, ,SEMS CAN GYI BYA BA SGRUB PA NI RNAM PA GCIG PUR ZAD DE, BYE BA LAS BSDUM PA KHO NA'O, ,DE LA BYA BA SEMS PA ZHES BYA BA NI 'DI JI LTAR BYA SNYOM PA'O, ,BYA BA GTAN LA 'BEBS PA NI 'DI BYA'O ZHE 'AM, 'DI MI BYA'O ZHES BYA BA'O, ,LAM DU 'GRO ZHING 'ONG BA ZHES BYA BA NI 'GRO BAR BYA BA DANG DE BZHIN DU PHYIR 'ONG BA LA SOGS PA'O, ,YANG DAG PA'I LAS KYI MTHA' LA SBYOR BA ZHES BYA BA NI GRU'I LAS KYI MTHA' DANG, ZHING LAS LA SOGS PA'I LAS KYI MTHA' LA SBYOR BA STE, RNAM PA GSUM PO 'DI DAG KYANG LONGS SPYOD RNAMS MA THOB PA THOB PAR BYA BA'I PHYIR DANG, THOB PA RNAMS YONGS SU BSRUNG BA'I PHYIR RO, ,YANG NA GROGS SU 'GRO BA DANG PO GNYIS NI MA THOB PA THOB PAR BYA BA'I PHYIR RO, ,LAS KYI MTHA' LA SBYOR BA LONGS SPYOD RNAMS SPEL BA DANG SRUNG BA NI RANG GI SGRAS BSTAN TO, ,'PHEL ZIN PA LA NI YON GNAS LA DBUL BA'I PHYIR DANG DGA' STON DANG BSOD NAMS BYA BA LA GROGS SU 'GRO'O, ,SDUG BSNGAL BA RNAMS KYI GROGS SU DON GYI MDO NI SDUG BSNGAL BA RNAM PA GNYIS TE, LUS KYI LAS DANG SEMS KYI'O, ,LUS KYI YANG RNAM PA GSUM STE, NAD KYI SDUG BSNGAL DANG, DBANG PO MA TSANG BA'I SDUG BSNGAL DANG, YAN LAG MA TSANG BA'I SDUG BSNGAL BA'O; ,YID KYI SDUG BSNGAL BA NI RNAM PA GNYIS TE, SGRIB PA'I SDUG BSNGAL DANG RTOG PA'I SDUG BSNGAL BA'O, ,GSUM PA NI NGAL BA LAS GYUR PA'I SDUG BSNGAL BA STE, DER GROGS SU 'GRO BA'O, ,TSIG 'BRU 'BYOR PA RNAMS DANG, 'BREL BA RNAMS DANG, RJES SU MTHUN PA RNAMS DANG, RJES SU 'PHROD PA RNAMS DANG, THABS DANG LDAN PA RNAMS DANG, MTSAN MA RNAMS DANG, MTHUN PA RNAMS DANG, 'GRUS SKYONG GI YAN LAG GI TSOGS RNAMS KYIS CHOS STON TO ZHES BYA BA DE LA TSIG 'DI DAG GIS DRI BA RNAM PA GSUM GYI LAN YON TAN BRGYAD DANG LDAN PA BSTAN TE, DON DANG MTSAMS SBYOR BA'I DBANG DU BYAS NAS MI SHES TE 'DRI BA LA NI PHYIN CI MA LOG PA'I DON DANG, MTSAMS SBYOR BA'I TSIG GIS BSTAN TO, ,CHOS NYID DANG SNGA PHYI'I DBANG DU BYAS NAS 'GAL BA 'DRI BA LA NI CHOS NYID DANG MTHUN PA DANG DGONGS PA BRJOD PA'I TSIG GIS BSTAN TO, ,'DRI BA GNYIS KA LA NI BRDA PHRAD DU RUNG BA DANG, 'DUL @184B BA JI LTA BA BZHIN DU BSTAN PAS STON TO, ,RTOGS PA'I DBANG DU BYAS NAS GDAMS NGAG 'DRI BA LA NI 'JIG RTEN PA'I YON TAN SGRUB PA DANG MTHUN PAS STON TO, ,'GRUS SKYONG NI 'PHAGS PA'I LAM GYI YAN LAG GI TSOGS YIN PA'I PHYIR RO, ,'GRUS SKYONG NI RTAG PA BA DANG SGRIM PAR SKYONG BA STE, RGYUN DU GUS PAR ZAG PA RNAMS LAS SEMS BSRUNG BA'I PHYIR RO, ,YANG NA 'BYOR PA NI 'BREL PAS BSHAD DE, SNGA PHYI MA 'BREL BA MED PA'I PHYIR RO, ,RJES SU MTHUN PA NI RJES SU 'PHROD PAS BSHAD DE, CHOS NYID DANG MI MTHUN PA MED PA'I PHYIR RO, ,THABS DANG LDAN PA NI 'TSAM PAS BSHAD DE, 'DUL BA DANG 'TSAM PAR STON PA'I PHYIR RO, ,MTHUN PA NI 'GRUS SKYONG GI TSOGS KYIS BSHAD DE, TSANGS PAR SPYOD PA DANG MTHUN PA'I PHYIR TE, DPER NA GSUNG GI YAN LAG LNGA BSTAN PA LA SNGA MA PHYI MAS BSTAN TE, ZAB PA 'BRUG SGRAS BSHAD PA DANG, SNYAN CING 'JEBS PA RNAM PAR SNYAN PAS BSHAD PA DANG, YID DU 'ONG BA DGA' BAR BYED PAS BSHAD PA DANG, RNAM PAR RIG PAR BYA BA RNAM PAR GSAL BAS BSHAD PA DANG, MNYAN PAR 'OS PA MI MTHUN PA MED PAS BSHAD PA BZHIN NO, ,TSIG BZHI PO TSIG PHYI MAS BSHAD PA DANG BCAS PA 'DI DAG GIS NI DRI BA THAMS CAD LA YON TAN BZHI DANG LDAN PA'I LAN GDAB PAR BSTAN PAR 'GYUR TE, SNGA PHYI MI 'GAL BA DANG, CHOS NYID DANG MI 'GAL BA DANG, 'DUL BA DANG MI 'GAL BA DANG, DON GYI MCHOG DANG 'BREL BA'O, ,LUNG LAS NI YON TAN BRGYAD DANG LDAN PA'I LAN GDAB PAR NI TSIG BRGYAD KYIS YONGS SU BSTAN TO ZHES 'BYUNG STE, YON TAN BRGYAD NI DON LA SBYOR BAS 'BYUNG BA DANG, 'JIG RTEN LA GRAGS PA'I TSIG 'BRU DANG 'BREL BA DANG, RGOL BA DANG 'GAL BA DANG MTHUN PA DANG, ZAB MO'I TSIG NGES PA'I DON DANG NYAN PA LA PHAN GDAGS PA'I TSIG 'BRU RNAM PAR MI G-YENG BA'I GZHI'I GNAS DANG, 'DUL BA'I BSAM PA DANG MOS PA JI LTA BA BZHIN DU RAB TU RNAM PAR 'BYED PA DANG, LUNG NOD PA DANG, KHA TON DANG, 'DZIN PA DANG, SEMS PA DANG, SGOM PA MI GTONG BA DANG, SGRA CI BZHIN DU MNGON PAR ZHEN PA @185A *, ,MED PAR STON PA'O, ,BYA BA RNAMS LA JI LTA BA BZHIN DU SDUG BSNGAL BA RNAMS LA YANG DE BZHIN DU BRJOD PAR BYA'O, ,'JIGS PA RNAMS KYI DON GYI MDO NI 'JIGS PA DRUG BSTAN PA YIN TE, MDOR BSDU NA THANG LA GNAS PA'I DUD 'GRO'I 'JIGS PA DANG, CHU'I 'JIGS PA DANG, CHU NA GNAS PA'I DUD 'GRO'I 'JIGS PA DANG, MI'I 'JIGS PA DANG, LUS DANG NGAG DANG, YID KYIS MYONG PA'I GNAS GSUM DANG, MI MA YIN PA LAS GYUR PA LAS RNAM PA GNYIS SO, ,DE LA MI'I 'JIGS PA NI THUN MONG DANG, THUN MONG MA YIN PA'I BYE BRAG GIS RNAM PA BZHI'O, , THUN MONG BA YANG RNAM PA GNYIS TE, TSAR GCAD PA DANG, PHAN GDAGS PA'I LAS THAMS CAD LA MTHU YOD PA'I RGYAL PO SEMS CAN THAMS CAD THUN MONG DU DES 'JIGS PA DANG, NOR BDOG PA THAMS CAD CHOM RKUN GYIS 'JIGS PA THUN MONG BA'O, ,GNOD PA'I RGYU'I 'JIGS PA PHYIR RGOL BA RNAMS DANG, PHA ROL PO DAG DANG, MTHU MED PA DAG DANG, MTHU YOD PA DAG DANG, RJE BO THUN MONG MA YIN PA RNAMS LAS BYUNG BA NI THUN MONG MA YIN PA'O, ,MI MA YIN PA NI RNAM PA GNYIS TE, RIG SNGAGS KYIS BSLANG BA RNAMS DANG, DE MA YIN PAS BSLANG BA RNAMS SO, ,MYA NGAN SEL BA'I MYA NGAN GYI BSDUS PA' DON NI MDOR BSDU NA RNAM PA GNYIS TE, GNYEN BSHES KYI SDUG BSNGAL LAS GYUR PA DANG LONGS SPYOD KYI SDUG BSNGAL LAS GYUR PA'O, ,DE LA GNYEN BSHES KYI SDUG BSNGAL NI RNAM PA LNGA STE, GNYEN BSHES RGUD PA LAS GYUR PA DANG, SKYED PA'I RGYUR GYUR PA'I GNYEN PHA MA RNAMS DANG, YONGS SU BZUNG BA DANG, 'BRAS BU GU DANG CHUNG MA RNAMS DANG NGAG NYAN PA'I BRAN DANG, BRAN MO LA SOGS PA DANG, PHAN 'DOGS PA DANG BYAMS PA'I GNYEN MDZA' BO DANG, GROGS PO RNAMS DANG PHAN PA STON PA'I GNYEN SLOB DPON LA SOGS PA'O, , LONGS SPYOD KYI SDUG BSNGAL GYI MDO NI LONGS SPYOD LAS GYUR PA'I SDUG BSNGAL GANG YIN PA DE'I BYE BRAG LAS LONGS SPYOD KYI SDUG BSNGAL GYI BYE BRAG TU 'GYUR RO, ,LONGS SPYOD KYI SPUG BSNGAL GYI RGYU NI RNAM PA GNYIS TE, 'JIG RTEN THAMS CAD KYI SDUG BSNGAL GYI RGYU RNAMS DANG, KHA @185B CIG GI THUN MONG MA YIN PA RNAMS SO, ,THAMS CAD DANG THUN MONG BA NI MI'I CHOM RKUN RNAMS DANG ME DANG CHU'O, THUN MONG MA YIN PA NI RNAM PA GNYIS TE, BDAG GIS TSUL MA YIN PA DANG GZHAN LAS GYUR PA'O, ,BDAG GIS TSUL MA YIN PA YANG RNAM PA GNYIS TE, LONGS SPYOD SRUNG BA DANG; SGRUB PA'O, ,GZHAN LAS GYUR PA YANG RNAM PA GNYIS TE, BGO SKAL LA SPYOD PA RNAMS DANG, RANG GI KHYIM NAS BYUNG BA RNAMS KYI SDUG BSNGAL CAN RNAMS SO, ,YO BYAD NYE BAR SGRUB PA'I DON GYI MDO NI SNGA MA BZHIN NO, ,YANG DAG PA'I GNAS SBYIN PA'I DON GYI MDO NI BSAM PA GANG GIS YONGS SU SDUD PA DANG, SBYOR BA GANG GIS YONGS SU SDUD PA'O, ,DE LA BSAM PA GANG GIS YONGS SU SDUD CE NA, ZANG ZING MED PA'I SEMS KYIS SO, ,SBYOR BA GANG GIS YONGS SU SDUD CE NA, CHOS DANG ZANG ZING GNYIS KYIS SO, ,DE LA ZANG ZING GIS YONGS SU BSDU BA NI RNAM PA GNYIS TE, PHA ROL LAS BTZAL BA DANG, BDAG GI YO BYAD THUN MONG DU BYED PA'O, ,CHOS KYIS YONGS SU BSDU BA YANG RNAM PA GNYIS TE, GDAMS NGAG SBYIN PA DANG, RJES SU BSTAN PA'O, ,GZHAN GYI SEMS DANG RJES SU MTHUN PAR BYED PA'I DON GYI MDO LAS SEMS DANG MTHUN PAR BYED PA NI RGYAS PA DANG RAB TU DBYE BA'O, ,DE LA DON GYI MDO LAS NI BSAM PA DANG, RANG BZHIN YONGS SU SHES NAS SEMS CAN GANG DAG GIS JI LTAR LHAN CIG GNAS PAR BYA BA DE LTAR DE DAG DANG GNAS SO, ,SEMS CAN GANG DAG LA JI LTAR BSGRUB PAR BYA BA DE LTAR DE DAG LA SGRUB PAR BYED DO ZHES BYA BA DE LA, BSAM PA NI DA LTAR BYUNG BA'I RKYEN GYIS BSKYED PA'I SEMS SO, ,RANG BZHIN NI TSE SNGA MA'I RGYU LAS BYUNG BA'I NGO BO NYID DO, ,YANG NA BSAM PA NI SEMS CAN RNAMS KYI SEMS CAN SO SO'I RANG BZHIN THA DAD PA'O, ,RANG BZHIN NI SEMS CAN THAMS CAD KYI SEMS 'JUG PA THUN MONG BA STE; BSAM PA DANG RANG BZHIN SHES NAS LHAN CIG 'GROGS PAR BYA ZHING, BSAM PA DANG RANG BZHIN SHES NAS SEMS CAN RNAMS LA BSGRUB PAR BYA'O, ,DE LA BSAM PA SHES NAS GNAS PA DANG, SGRUB PA'I DBANG DU BYAS NAS SEMS CAN GANG GIS ZHES BYA BA LA SOGS @186A *, ,PA'I GZHUNG BRTZAMS SO, ,GZHUNG GI DON GYI MDO NI, PHAN MIN BSLAB PA MA GTOGS PAR, ,GANG GIS PHA ROL SDUG BSNGAL BA, DE DANG GZHAN DANG BDAG LA YANG, DNGOS PO DE NI DE MI SPYOD, ,CES BYA'O, ,SEMS CAN GANG DAG LA JI LTAR BSGRUB PAR BYA BA ZHES BYA BA DE NAS BZUNG STE, GZHAN KHRO BA'I KUN NAS DKRIS PAS KUN NAS DKRIS PA LA ZHES BYA BA LA SOGS PA'I GZHUNG NI RANG BZHIN SHES NAS SEMS CAN GANG DAG DANG JI LTAR LHAN CIG GNAS PAR BYA BA DANG SEMS CAN GANG DAG LA JI LTAR BSGRUB PAR BYA BA ZHES BYA BA'I DBANG DU BYAS PA YIN TE, GZHUNG 'DI'I DON GYI MDO NI YID KYI LAS BSGRUB PA DANG, NGAG GI LAS BSGRUB PA DANG, LUS KYI LAS BSGRUB PA'O, ,DE LA YID KYI LAS SGRUB PA'I DBANG DU BYAS TE KHRO BA'I KUN NAS DKRIS PAS KUN NAS DKRIS PA LA ZHES BYA BA NAS, BDAG NYID MTHONG BAR MI STON TO ZHES BYA BA'I BAR DU SMOS SO, ,YID KYI LAS BSGRUB PA YANG GNYI GA DANG CI RIGS PAR SBYAR BAR BYA STE, JI LTAR BYA ZHE NA, KHRO BA'I KUN NAS DKRIS PA ZHES BYA BA SEMS SGRUB PA'I GNAS SKABS KYIS 'DUL BA DE LA RANG GI SEMS SGRUB CING 'KHRUG KYANG MI 'KHRUG LA SMA YANG 'BEBS PAR BYED DE, DE BZHIN DU GZHAN LA YANG CI RIGS PAR SBYAR RO, ,LUS KYI LAS SGRUB PA LAS BRTZAMS TE GZHAN DAG LA MI RTEN PAR YANG MI BYED HA CANG RTEN PAR YANG MI BYED DO, ,NGAG GI LAS SGRUB PA LAS BRTZAMS TE MDUN DU MDZA' BO LAS SMOD PAR YANG MI BYED CES BYA BA NAS CHOS DANG MTHUN PAR BSHAD KYI BYANG BAR BYED DO, ,YANG DAG PAR YON TAN GYIS YANG DAG PAR DGA' BAR BYED PA'I DON GYI MDO NI DAD PA LA SOGS PA DE DAG KHO NAR ZAD DE, DAD PA LA SOGS PA LNGA PO KHO NA SDUD PA'I RGYU YIN PAR 'OG NAS STON TO, ,TSAR BCAD PA'I DON GYI MDO NI NYES PA DANG, 'GAL BA RNAM PA GSUM YOD PA LAS NYES PA JI LTA BA BZHIN DU SMA DBAB PA DANG CHAD BA RNAM PA GSUM MO, ,SPANG BA LA NI RNAM PA GNYIS TE, DE DAG NYID PHYIR DGUG PAR BYA BA DANG, 'GROGS PAR MI BYA BA'O, ,DE LA NYES PA NI BYA BA'I RIGS PA MI BYED PA'O, ,'GAL BA NI BYA BA MI RIGS @186B BA BYED PA'O, ,RDZU 'PHRUL GYI DON GYI MDO NI SKRAG PAR BYA BA DANG, 'DUN PAR BYA BA'O, ,TSUL KHRIMS KYI PHUNG PO RNAM PA GSUM ZHES BYA BA 'DIS NI TSUL KHRIMS MANG BAR BSTAN TO, ,BYANG CHUB SEMS DPA'I BSLAB PA LA ZHES BYA BA 'DIS NI BYANG CHUB SEMS DPA' RNAMS GANG LA SLOB PA DE BSTAN TO, ,GANG GIS RNAM PAR RIG BYED KYI DON 'DZIN PA DANG, GO BAR NUS PA LA THUGS BRTZE BA'I SLAD DU CUNG ZAD CIG GSAN CING THUGS BRTZE BA'I SLAD DU STZAL BA'I RIGS SO ZHES SBYAR BAR BYA'O, ,YE SHES DANG MTHU CHEN PO THOB PA RNAMS LA ZHES BYA BA NI ZAB PA DANG RGYA CHE BA DANG LDAN PAR BSTAN TO, ,MCHOD PA BYAS PA NI ME TOG DANG, BDUG PA DANG SPOS LA SOGS PA DANG, BSTOD PA BRJOD PA DANG, PHYAG BYA BA LA SOGS PAS MCHOD PA'O, ,CI NUS PA DANG RGYU'I STOBS CI YOD PAS ZHES BYA BA NI SEMS BSKYED PA DE DA LTAR BYUNG BA'I SKYES BU'I RTZAL DANG, 'DAS PA'I TSE RABS NA BYAS PA'I RGYU'I 'BRAS BUR BSTAN PA'O, ,GAL TE 'BOGS PA NI CHOS MTSUNGS PA KHYIM PA ZHIG YIN NA NI RIGS KYI BU ZHES BYA BA'O, ,YANG NA RAB TU BYUNG BA NA YANG GAL TE GZHON NU ZHIG YIN NA TSE DANG LDAN PA ZHES BYA BA'O, ,CI STE RGAN PA ZHIG YIN NA NI BTZUN PA ZHES BYA STE, 'DIS CI BSTAN ZHE NA, RAB TU BYUNG BA 'BA' ZHIG DANG, RGAN PA NYI TSE LAS GNOD PAR BYA BAR NGES PA MED PAR BSTAN PA'I DON TO, ,BSLAB PA'I GZHI GANG YIN PA RNAMS ZHES BYA BA NI TSUL KHRIMS RNAM PA GSUM PO RE RE LA BSLAB PA'I GZHI SO SO BA GANG DAG YOD PA DE DAG GO, ,TSUL KHRIMS GANG YIN PA ZHES BYA BA NI TSUL KHRIMS RNAM PA GSUM MO, ,YE SHES GZIGS PA ZHES BYA BA LA, YE SHES NI LKOG TU GYUR PA 'DZIN PA'O, ,GZIGS PA NI DNGOS PO MNGON SUM DU GYUR PA 'DZIN PA'O, ,PHAM PA'I GNAS LTA BU'I CHOS BZHI ZHES BYA BA 'DIS CI BSTAN ZHE NA, 'DI LA GNAS PAS NA GNAS ZHES BYA STE, PHAM PA RNAMS KYI GNAS NI PHAM PA'I GNAS SO, ,PHAM PA RNAMS KYI GNAS DE GANG ZHE NA, GANG LA BRTEN NA PHAM PA'I CHOS RNAMS 'BYUNG BAR 'GYUR BA'O, ,GANG LA BRTEN TE 'BYUNG BAR 'GYUR ZHE NA, 'DOD @187A *, ,CHAGS DANG ZHE SDANG DANG GTI MUG LA BRTEN TE 'BYUNG NGO, ,CHOS BZHI JI LTAR GSUM LA BRTEN TE 'BYUNG ZHE NA, 'DOD CHAGS LA RNAM PA GNYIS YOD PA'I PHYIR TE, 'DOD CHAGS RNAM PA GNYIS NI 'KHRIG PA'I DNGOS PO LA 'DOD CHAGS DANG, DNGOS PO GZHAN LA 'DOD CHAGS SO, ,DE LA 'KHRIG PA'I DNGOS PO LA 'DOD CHAGS LA BRTEN PA LAS NI PHAM PA'I BSLAB PA'I GZHI DANG PO'O, ,DNGOS PO GZHAN LA 'DOD CHAGS LA BRTEN PA LAS NI GNYIS PA'O, ,RNAM PA GCIG TU NA PHAM PA RNAMS KYI GNAS YIN TE, PHAM PA'I CHOS GANG LA GNAS PA BSLAB PA'I GZHI BCAS PA CHEN PO LA GNAS SO, ,DE DANG MTHUN PA RNAMS NI PHAM PA'I GNAS LTA BU RNAMS TE, DE DAG GI GNAS LTA BU NYID CHEN PO'I GNAS NI 'DI DAG GI YANG YIN NO, ,DE LTA BAS NA CHOS BZHI PO 'DI DAG NI PHAM PA'I GNAS LTA BU ZHES BYA STE, DPER NA SDOM PA'I TSUL KHRIMS CHEN PO'I CHOS RNAMS JI LTA BA BZHIN DU 'DI DAG KYANG DE DANG 'DRA BA'I PHYIR PHAM PA'I GNAS LTA BU ZHES BYA'I RNAM PA THAMS CAD DU NI MA YIN NO ZHES BYA BA'I TSIG STE, DE NI 'OG NAS BSTAN TO, ,NYAN THOS KYI THEG PA BA BSNYEN PAR RDZOGS PAS BSLAB PA MA PHUL BAR 'KHRIG PA'I CHOS BSTEN PAS NYES PA THOB PA GANG YIN PA DE NI, RNYED PA DANG BKUR STI LA LHAG PAR ZHEN TE, BDAG LA STOD PA DANG GZHAN LA SMOD PAS THOB PAR 'GYUR TE, GZHAN DAG LA YANG DE BZHIN DU CI RIGS PAR SBYAR RO, ,SDUG BSNGAL BA ZHES BYA BA NI SNYING RJE'I GZHIR BSTAN TO, ,BKREN PA ZHES BYA BA LA SOGS PA'I TSIG GZHAN RNAMS NI DE'I BYE BRAG DANG PHYI MA PHYI MA BYE BRAG YIN NO, ,ZANG ZING MI GTONG BA NI RGYU GSUM LAS 'GYUR TE, SBYIN PAR BYA BA'I DNGOS PO MED PA'AM, SBYIN PAR BYA BA'I DNGOS PO YOD DU ZIN KYANG SLONG BA PO MA 'ONGS PA'AM, SLONG BA PO 'ONGS SU ZIN KYANG LEGS PAR 'ONGS PA MA YIN PA STE, BYE BRAG GSUM PO DAG GIS DE MED PAR STON TO, ,LEGS PAR 'ONGS PA MA YIN PA NI SBYIN PA'I LE'U LAS DUG LA SOGS PA SBYIN PAR MI BYA'O ZHES SNGAR BSTAN PA BZHIN TE, DE MED PA NI LEGS PAR 'ONGS PA MA @187B YIN NO; ,CHOS KYI SBYIN PA LA YANG RGYU RNAM PA GSUM PO DE DAG NYID CI RIGS PAR BRJOD PAR BYA'O, ,DE LA LEGS PAR 'ONGS PA NI GLAGS TSOL BA LA GLEGS BAM SBYIN PAR MI BYA'O ZHES BYA BA LA SOGS PAS SBYIN PAR MI BYA BA'I RGYU MED PA'O, ,LAG PA'AM BONG BA'AM DBYUG PAS ZHES BYA BA LA, LAG PA LA SOGS PAS RNAM PAR 'TSE BA NI SROG GCOD PA'I MI DGE BA'I LAS KYI LAM LA MA GTOGS PAR BSTAN TO, ,LAG PA LA SOGS PA GSUM SMOS PA NI LAG PA'AM, LAG PAS 'PHANGS PA'AM, LAG PA DANG 'BREL BAS 'TSE BA BSTAN PAS DE DANG MTHUN PAS 'TSE BA'I RDZAS GZHAN YANG BSDU BA'I DON TO, ,RDEG CES BYA BA NI BSAD PA NI MA YIN GYI RDEG PA TZAM DU BSTAN TO, ,RNAM PAR 'TSE BA ZHES BYA BA LA CUNG ZAD RNAM PAR 'TSE BA NI RNAM PAR 'TSE BA'O, ,RNAM PAR THO 'TSAMS PAR BYED CES BYA BA LA, SHIN TU THO 'TSAMS PAR BYED PA NI RNAM PAR THO 'TSAMS PA'O, ,RDEG PA LA SOGS PAS NI CHUNG NGU DANG 'BRING DANG CHEN PO BSTAN TO, ,KHRO BA'I BSAM PA KHO NA ZHE LA BZUNG LA ZHES BYA BA NI RNAM PAR THO 'TSAMS PAR DE'I PHAN PA MA YIN PA'I THABS KYI DNGOS PO BSTAN TO, ,SHAD KYIS SBYANGS KYANG MI NYAN PA DANG, NYAN DU ZIN KYANG SBYOR PAS MI BZOD PA DANG, NYAN CING BZOD DU ZIN KYANG BSAM PAS MI GTONG NGO, ,DAM PA'I CHOS LTAR BCOS PA RNAMS LA MOS PA ZHES BYA BA DE LA, MOS PA NI 'DUN PA SKYED PA DANG, 'DOD PA SKYED PA'O, ,STON PA NI 'CHAD PA'O, ,'JOG PA NI 'GOD PA'O, ,SOGS PA ZHES BYA BA NI 'PHEL BAR 'GYUR BA'O, ,YONGS SU 'DZIN PA ZHES BYA BA NI BSKYED PA'I PHYIR RO, ,BSAM PA RNAM PAR DAG PA ZHES BYA BA NI SA LA 'JUG PAR BYA BA'I PHYIR RO DES MGU BAR BYED CES BYA BA NI BSAM PA THAG PA NAS DGA' BA SKYED DO, ,DGA' BA NI SBYOR BA'I SGO NAS GNAS PA'O, ,YON TAN DU LTA BA CAN DU GYUR PA ZHES BYA BA LA, PHAM PA'I GNAS LTA BU'I CHOS DE DAG NYID LA 'DI DAG NI YON TAN YIN NO SNYAM PA'I NGANG TSUL CAN GANG YIN PA DE NI YON TAN DU LTA BA CAN NO, ,'DI LTA STE PHAM PA'I CHOS RNAMS BYAS PAS DGE SLONG GIS SO SOR THAR PA'I SDOM PA GTANG BAR GYUR PA @188A *, ,BZHIN DU BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA GTONG BAR MI 'GYUR RO, ,BYANG CHUB SEMS DPAS NI YANG DAG PAR BLANGS PA YONGS SU BTANG DU ZIN KYANG TSE 'DI LA BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA'I PHYIR NOD PA'I SKAL BA YOD DE ZHES BYA BA NI KHYAD PAR DE GNYIS YOD PA KHO NA'I PHYIR PHAM PA'I GNAS LTA BU ZHES BYA'I DE MA YIN PAR GAL TE RNAM PA THAMS CAD DU 'DRA BAR 'DOD NA NI PHAM PA'I CHOS RNAMS ZHES BRJOD PA'I RIGS SO, ,GZHAN YANG PHAM PA'I CHOS GZHAN DAG LAS KHYAD PAR DU GYUR PA GSUM BSTAN PA'I PHYIR, TSE BRJES SU ZIN KYANG ZHES BYA BA LA SOGS PA BRTZAMS SO, ,MCHOD PA'I DAM PAS ZHES BYA BA NI SGRUB PA'I MCHOD PA YANG BSDU'O, ,JI SKAD YONGS SU BRJOD PA'I GZHI LAS BYANG CHUB SEMS DPA'I 'DUL BA DANG 'GAL BA NYES BYAS KYI NONGS PA BYUNG STE ZHES BRJOD LA LHAG MA NI DGE SLONG NYES BYAS 'CHAGS PA JI LTA BA DE BZHIN DU BRJOD PAR BYA'O ZHES BYA BA NI NYES BYAS KYI NONGS PA BYUNG BA DE BDAG GIS BTZUN PA'I SPYAN SNGAR NONGS PA LA NONGS PAR MTHOL LO, ,BSHAGS SO, ,BSGRAGS SO, ,MI 'CHAB PO, ,MTHOL ZHING BSHAGS TE BSGRAGS NA BDAG BDE BAR 'GYUR GYI MA MTHOL MA BSHAGS MA BSGRAGS NA NI DE LTA MA LAGS SO ZHES BRJOD PAR BYA'O, ,NYES PA DE DAG MTHONG NGAM, DES KYANG MTHONG NGO ZHES BRJOD PAR BYA'O, ,PHYIN CHAD SDOM PAR BYED DAM, LEGS PAR BSDAMS PAR 'TSAL LO ZHES DE SKAD LAN GNYIS LAN GSUM DU BRJOD PAR BYA'O, ,BYANG CHUB SEMS DPA'I NYES PA RNAMS NI CHUNG NGU DANG 'BRING DANG CHEN POR RIG PAR BYA'O, ,'DI LTA STE GZHI BSDU BA LAS 'BYUNG BA BZHIN NO ZHES BYA BA NI RNAM PA LNGAS NYES PA RNAMS CHUNG NGU DANG, 'BRING DANG, CHEN POR 'GYUR BAR RIG PAR BYA STE; LNGA GANG ZHE NA, NGO BO NYID DANG, BYED PA DANG, BSAM PA DANG, GZHI DANG, BSTZOGS PA'O, ,DE LA PHAM PA NI NYES PA CHEN PO YIN NO, ,DGE 'DUN LHAG MA NI 'BRING NGO, ,DE MA YIN PA NI NYES PA CHUNG NGU'O, ,RNAM GRANGS GZHAN YANG PHAM PA DANG DGE 'DUN LHAG MA @188B RNAMS NI LCI BA'O, ,SO SOR BSHAGS PAR BYA BA NI 'BRING NGO, ,NYES BYAS NI YANG BAR RIG PAR BYA'O, ,DE LTAR NA NGO BO NYID KYIS CHUNG NGU DANG, 'BRING DANG, CHEN POR 'GYUR BAR RIG PAR BYA'O, ,DE LA MI SHES PAS BYAS PA GANG YIN PA DANG BAG MED PAS BYAS PA GANG YIN PA DE NI NYES PA CHUNG NGU YIN NO, ,MA GUS PAS BYAS PA GANG YIN PA DE NI NYES PA 'BRING YIN NO, ,NYON MONGS PA SHAS CHEN POS BYAS PA GANG YIN PA DE NI NYES PA CHEN POR RIG PAR BYA STE, DE LTAR NA BYED PA LAS CHUNG NGU DANG, 'BRING DANG, CHEN POR 'GYUR BAR RIG PAR BYA'O, ,DE LA 'DOD CHAGS DANG, ZHE SDANG DANG, GTI MUG GIS KUN NAS DKRIS PA CHUNG NGUS BYAS PA GANG YIN PA DE NI CHUNG NGUR RIG PAR BYA'O, ,'BRING GIS BYAS PA GANG YIN PA DE NI 'BRING NGO, ,CHEN POS BYAS PA GANG YIN PA DE NI NYES PA CHEN POR RIG PAR BYA STE, DE LTAR NA BSAM PA LAS CHUNG NGU DANG, 'BRING DANG CHEN POR 'BYUNG BAR RIG PAR BYA'O, ,BSAM PA MTSUNGS PAS GZHI RANG BZHIN GCIG PA LA BYAS KYANG CHUNG NGU DANG, 'BRING DANG CHEN POR 'GYUR BA YANG YOD PAR RIG PAR BYA STE, 'DI LTA STE ZHE SDANG DANG, GTI MUG GIS KUN NAS DKRIS PA MTSUNGS PAS BSAMS BZHIN DU DUD 'GRO'I SKYE GNAS SU GYUR PA'I SROG CHAGS BSAD PA DANG, GSOD DU BCUG PA NI LTUNG BYED DO, ,MI 'AM MIR CHAGS PA BSAD PA DANG GSOD DU BCUG PA NI PHA'AM MA MA YIN NA PHAM PAR NI 'GYUR LA, MTSAMS MED PAR NI MI 'GYUR RO, ,ZHE SDANG DANG, GTI MUG GI KUN NAS DKRIS PAS PHA'AM MA BSAD PA DANG GSOD DU BCUG PA NI PHAM PAR YANG 'GYUR LA, MTSAMS MED PA'I KHA NA MA THO BAR YANG 'GYUR BAR RIG PAR BYA STE, RNAM PA DE LTA BUR GZHI LAS NYES PA CHUNG NGU DANG 'BRING DANG CHEN POR 'GYUR BAR RIG PAR BYA'O, ,DE LA 'PHEL BA NI 'DI LTAR 'DI NI LA LA NYES PA GCIG NAS GNYIS DANG GSUM DANG LNGA'I BAR DU BYAS KYANG CHOS BZHIN DU PHYIR 'CHOS PAR MI BYED PA DE NI SOGS PA LAS NYES PA CHUNG NGUR 'GYUR BA YIN NO, ,DE YAN CHAD NYES PA BCU 'AM, NYI SHU'AM, SUM CU 'AM, YANG SHES PAR BYA NUS PA'I BAR DU BYAS LA CHOS BZHIN DU PHYIR 'TSOS @189A *, ,PAR YANG MI BYED PA DE NI SOGS PA LAS NYES PA 'BRING DU 'GYUR BAR RIG PAR BYA'O, ,NYES PA TSAD MED PA 'BYUNG LA NYES PA 'DI TZAM ZHIG 'BYUNG NGO ZHES SHES PAR MI NUS PA GANG YIN PA DE NI SOGS PA LAS NYES PA CHEN POR 'GYUR BAR RIG PAR BYA'O, ,KUN NAS NYON MONGS PA DANG, YANG 'BYUNG BA PA DANG, RIMS NAD DANG BCAS PA DANG, RNAM PAR SMIN PA SDUG BSNGAL BA DANG, PHYI MA LA SKYE BA DANG RGA SHIR 'GYUR BA'I SDIG PA MI DGE BA'I CHOS RNAMS DANG, MA 'DRES PA ZHES BYA BA NI DE LA TSE 'DI LA KUN NAS NYON MONGS PA PHYI MA PHYI MA GRUB PA'I PHYIR KUN NAS NYON MONGS PA RNAMS SO, ,TSE PHYI MA LA YANG SRID PA 'GRUB PA'I PHYIR YANG 'BYUNG BA RNAMS SO, ,KUN NAS NYON MONGS PA RNAMS YOD PAS NA RIMS NAD DANG BCAS PA'O, ,YANG 'BYUNG BA RNAMS YOD PAS NA RNAM PAR SMIN PA SDUG BSNGAL BA'I NYES DMIGS SU 'GYUR TE, TSE 'DI LA NYON MONGS PA'I YONGS SU GDUNG BA RNAMS KYIS LUS DANG SEMS YONGS SU GDUNG BA DANG, TSE PHYI MA LA NGAN 'GROR 'GRO BA'I PHYIR RO, ,YANG 'BYUNG BA PA RNAMS YOD PAS NA PHYI MA LA SKYE BA DANG RGA BA DANG 'CHI BA'I NYES DMIGS SU 'GYUR TE, YUN RING POR RGA SHI SKYED PA'I PHYIR RO, ,DKA' BA'I TSUL KHRIMS KYI DON GYI MDO NI THOG MA LEN PA DANG BSRUNG BA'I PHYIR DKA' BAR BSTAN TO, ,DE LA SRUNG BA NI NYAMS THAG PAR GYUR KYANG SRUNG BA DANG GTAN DU SRUNG BA'O, ,THAMS CAD KYI SGO NAS TSUL KHRIMS KYI DON GYI MDO NI TSE 'DI'I SBYOR BA DANG, THOG MA MED PA'I DUS KYI SA BON DANG, 'DAS PA'I TSE RABS DAG TU THOG MA MED PA'I DUS KYI SA BON YANG DAG PAR SGRUB PA DANG, TSUL KHRIMS DE YANG DAG PAR BRTEN NAS 'BYUNG BA STE, DE PHYIR THAMS CAD KYI SGOR BSTAN TO, ,SKYES BU DAM PA'I TSUL KHRIMS KYI DON GYI MDO NI BDAG DANG GZHAN SGRUB PA DANG, NYES PA BYUNG NA CHOS BZHIN DU PHYIR 'CHOS PA'O, ,DE LA BDAG DANG GZHAN SGRUB PA NI THOG MAR BDAG GIS TSUL KHRIMS YANG DAG PAR BLANGS PA YANG DAG PAR LEN PA DANG, GZHAN YANG DAG PAR LEN DU 'JUG PA'O, ,GZHAN DAG GIS TSUL KHRIMS YANG DAG PAR BLANGS PA DAG LA SGRUB PA @189B NI GNYIS TE, TSUL KHRIMS KYI BSNGAGS PA BRJOD PAS TSIG GIS YANG DAG PAR DGA' BAR BYED PA DANG, DE MTHONG NA YANG SEMS KYIS RAB TU DGA' BAR BYED PA'O, ,BDAG GIS BSLAB PA'I GZHI YANG YANG DAG PAR BLANGS PA DAG LAS NYES PA BYUNG NA YANG CHOS BZHIN DU PHYIR 'CHOS PA'O, , RNAM PA THAMS CAD KYI TSUL KHRIMS KYI DON GYI MDO NI YON TAN NI DU DANG LDAN, RNAM PA'I BYE BRAG NI DU YOD CE NA, DE LA YON TAN DU DANG LDAN PA ZHE NA, YON TAN DRUG DANG LDAN TE, YON TAN DRUG PO RNAMS KYI DON GYI MDO NI RGYA CHE BA DANG, JI LTA BA BZHIN DU YOD PA DANG, RTAG TU SBYOR BA DANG; GUS PAR SBYOR BA DANG, RGYAN DANG LDAN PA STE, BYANG CHUB CHEN POR YONGS SU BSNGOS PA'I PHYIR RGYA CHE BA DANG, KHA NA MA THO BA MED PA DANG, RAB TU DGA' BA'I GNAS DANG MTHUN PA DANG, RTAG PA DANG, BRTAN PA DANG, TSUL KHRIMS KYI RGYAN DANG LDAN PA DANG DRUG GO RIMS BZHIN NO, , 'DOD PA'I BSOD NYAMS KYI MTHA' SPONGS PA'I PHYIR KHA NA MA THO BA MED PA'O, ,BDAG NYID DUB PAR BYED PA'I MTHA' SPANGS PA'I PHYIR TAB TU DGA' BA LTA BU'O, ,RNYED PA DANG BKUN STI DANG PHAS KYI RGOL PA RNAMS KYIS ZIL GYIS MI NON CING, NYON MONGS PA DANG NYE BA'I NYON MONGS PA RNAMS KYIS MI 'PHROGS PA'I PHYIR BRTAN PA'O, ,DGE SBYONG GI RGYAN NI 'DI DAG YIN TE, DGE SBYONG DAG GI RGYAN RNAMS NI, ,DAD PA DANG NI G-YO MED DANG, ,DE BZHIN GNOD PA CHUNG BA DANG, ,BRTZON 'GRUS BRTZAMS DANG SHES RAB DANG, ,'DOD PA CHUNG DANG CHOG SHES DANG, ,GSO SLA BA DANG DGANG SLA STE, ,YON TAN DE DAG LDAN PA YIN, ,DANG BA NYID DANG TSOD SHES DANG, ,SKYES BU DAM PA'I CHOS RNAMS DANG, ,MKHAS PA'I RTAGS DANG LDAN PA DANG, ,BZOD DANG LDAN ZHING NGES PA DANG, ,DE LA YANGS PA NYID DANG LDAN, ,DE LA RNAM PA DU YOD CE NA, ,RNAM PA NI RNAM PA GNYIS TE, NGO BO NYID RAB TU DBYE BA DANG, 'BRAS BU RAB TU DBYE BA'O, ,DE LA NGO BO NYID RAB TU DBYE BA NI, ,LDOG PA'I TSUL KHRIMS DANG 'JUG PA'I TSUL KHRIMS DANG GNYI GA RJES SU SRUNG BA'I TSUL KHRIMS TE, NGO BO NYID RAB TU DBYE BA'O, ,SKYES BU CHEN PO'I MTSAN RNAM PAR SMIN PAR @190A *, ,BYED PA LA SOGS PA NI 'BRAS BU RAB TU DBYE BA STE, SKYES BU CHEN PO'I MTSAN RNAM PAR SMIN PAR BYED PA NI DGE BA SDUD PA'I TSUL KHRIMS SO, ,LHAG PA'I SEMS RNAM PAR SMIN PAR BYED PA DANG, SDUG PA'I 'GRO BA RNAM PAR SMIN PAR BYED PA NI SDOM PA'I TSUL KHRIMS SO; ,SEMS CAN GYI DON RNAM PAR SMIN PAR BYED PA NI SEMS CAN GYI DON BYED PA'I TSUL KHRIMS SO, ,PHONGS SHING 'DO PA'I TSUL KHRIMS KYI DON GYI MDO NI BDAG GI NYAMS LAS DPAG NAS GZHAN DAG LA, SROG GCOD PA LA SOGS PA LUS DANG NGAG GI MI DGE BA'I LAS KYI LAM BDUN PO DAG DANG, MI DGE BA'I LUS KYI LAS KYI LAM DU GTOGS PA DANG LAG PA DANG BONG PAS BSNUN PA MI SDUG PA'I RNAM PAR 'TSE BA'I 'DUS TE REG PA DAG LAS LDOG PA'O, ,'DI DANG GZHAN DU BDE BAR 'GYUR BA'I TSUL KHRIMS KYI DON GYI MDO NI 'DI DANG GZHAN DU SEMS CAN RNAMS KYI SDUG BSNGAL GYI RGYU LA 'JUG PA DGAG PA DANG, BDE BA'I RGYU LA 'JUG PA GNANG PA DANG, DE LA YANG DAG PAR ZHUGS PA'I SEMS CAN BSDU BA DANG, DE LA LOG PAR ZHUGS PA'I SEMS CAN TSAR BCAD PA DANG, SEMS CAN RNAMS DANG BDAG LA 'DI DANG GZHAN DU BDE BA STE; SEMS CAN RNAMS DE LA 'DZUD PA'I PHYIR RO, ,SBYIN PA LA SOGS PA DANG LDAN PA'I TSUL KHRIMS NI BDAG NYID DANG GZHAN DES BSDUS PA RNAMS LA 'DI DANG GZHAN DU BDE BAR 'GYUR BA NYID DO, ,RNAM PAR DAG PA'I TSUL KHRIMS RNAM PA BCU'I DON GYI MDO NI NYES PA DRUG RNAM PAR SPANGS PAS DE'I GNYEN PO'I YON TAN DANG LDAN PA'I PHYIR RNAM PAR DAG PA'O, ,NYES PA DRUG PO DAG GANG ZHE NA, BSAM PA'I NYES PA DANG, SBYOR BA'I NYES PA DANG, SMON PA'I NYES PA DANG, GZHAN MA DAD PA'I NYES PA DANG, BDAG LA PHAN MI 'DOGS PA'I NYES PA DANG; 'DOD PA'I DON MI 'THOB PA'I NYES PA'O, ,DE LA BSAM PA'I NYES PA NI RNAM PA GNYIS TE, LEN PA'I DUS NA NYES PAR BLANGS PA DANG, SRUNG BA'I DUS NA HA CANG ZHUM PA DANG, HA CANG THAL BA'I PHYIR RO, ,SBYOR BA'I DUS NA DE LA SBYOR BA MI BYED PA DANG, BYA BA NGAN PA GZHAN LA @190B CHAGS PAS NI SBYOR BA'I NYES PAR 'GYUR RO, ,TSE 'DI LA TSE PHYI MAR LOG PAR SMON PA'I NYES PA NI SMON PA'I NYES PA'O, ,DGE BA'I PHYOGS LA SOGS PA LA SBYOR BA DANG, 'TSO BA'I YO BYAD YONGS SU TSOL BA'I DUS NA GZHAN MA DAD PAR 'GYUR BA'I NYES PA NI GZHAN DAG GIS SMAD PA'I PHYIR RO; ,BDAG SDUG BSNGAL BA LA GNAS PA'I PHYIR BDAG LA PHAN MI 'DOGS PA'I NYES PA'O, ,'DOD PA'I DON MI 'THOB PA'I NYES PA NI RNAM PA GNYIS TE, NGO BO NYID KYIS NGES PAR 'BYIN PA MA YIN PA'I PHYIR DANG, BRTEN POR MI BYED PA DANG MED PAR BYED PA'I PHYIR RO, ,DE JI SKAD BSTAN PA BZHIN DU MI BYED PA'I NYES PA NI 'DOD PA'I DON MI 'THOB PA'I NYES PA STE, NYES PA RNAM PA BCU PO 'DI DAG RNAM PAR SPANGS PA'I PHYIR RNAM PAR DAG PA'I TSUL KHRIMS ZHES YA'O, ,PHAN YON RNAM PA LNGA'I DON GYI MDO NI 'BRAS BU LNGA'I DBANG DU BYAS NAS PHAN YON LNGA STE, , SANGS RGYAS RNAMS KYIS DGONGS PAR 'GYUR ZHES BYA BA NI BDAG PO'I 'BRAS BU'O, ,MCHOG TU DGA' BA CHEN PO LA GNAS BZHIN DU 'CHI BA'I DUS BYED PAR 'GYUR BA NI BRAL BA'I 'BRAS BU STE, RTZE BCI LA BA DANG LEGS SU SMON PAS 'CHI BA'I DUS NA YID MI BDE BA SPANGS PA'I PHYIR RO, ,GNAS SKABS JI LTA BA BZHIN DU DGE BA'I BSHES GNYEN DAG DANG LHAN CIG TU SKYE BAR 'GYUR BA NI RNAM PAR SMIN PA'I 'BRAS BU'O, ,TSUL KHRIMS KYI PHUNG PO TSAD MED PA DANG LDAN PA NI SKYES BU'I BYED PA'I 'BRAS BU STE, BYANG CHUB SEMS DPA'I TSUL KHRIMS YANG DAG PAR BLANGS PA'I STOBS KYIS BSOD NAMS KYI PHUNG PO TSAD MED PA TSUL KHRIMS KYI PHA ROL TU PHYIN PA YONGS SU RDZOGS PAR BYED PA'I TSUL KHRIMS DANG LDAN NO, ,RGYU MTHUN PA'I 'BRAS BU NI RANG 'KHRUNGS KYI TSUL KHRIMS KYI DE'I BDAG NYID 'THOB PA'I PHYIR RO, ,BYANG CHUB SEMS DPA'I TSUL KHRIMS NI 'DI DAG TU ZAD DO ZHES BYA BA NI JI SKAD BSTAN PA'I RNAM PA DGU PO RNAMS SO, ,BYANG CHUB SEMS DPA'I TSUL DKHRIMS KYI PHAN YON YANG DE DAG TU ZAD DO ZHES BYA BA NI PHAN YON LNGA BSTAN PA GANG YIN PA RNAMS SO, ,BYANG CHUB SEMS DPA'I TSUL KHRIMS @191A *, ,KYI BYA BA YANG DE DAG TU ZAD DE ZHES BYA BA NI SEMS GNAS PA DANG, BDAG GIS SANGS RGYAS KYI CHOS YONGS SU SMIN PAR BYED PA DANG, SEMS CAN YONGS SU SMIN PAR BYED PA'O, ,BYANG CHUB SEMS DPA'I TSUL KHRIMS KYI LE'U BSHAD PA SLOB DPON YON TAN 'OD KYIS MDZAD PA RDZOGS SO,, ,,RGYA GAR GYI MKHAN PO PRA DZ+NY'A WA RMA DANG, ZHU CHEN GYI LO TZ'A BA BEN+DE YE SHES SDE LA SOGS PAS BSGYUR CING ZHUS TE GTAN LA PHAB PA'O,, *, ,BYANG CHUB SEMS DPA'I TSUL KHRIMS KYI LE'U RGYA CHER 'GREL PA BZHUGS, #, ,BYANG CHUB SEMS DPA'I TSUL KHRIMS KYI LE'U RGYA CHER 'GREL PA, 'JAM DPAL GZHON NUR GYUR PA LA PHYAG 'TSAL LO, ,PHA ROL TU PHYIN PA DRUG CAR RNAM PA 'DRA BAR BSTAN PA'I PHYIR THAMS CAD LA, NGO BO NYID CES BYA BA LA SOGS PA SDOM GYI TSIGS SU BCAD PA GCIG KHO NAS BSTAN TO, RNAM PA DGU KHO NAS TSUL KHRIMS KYI PHA ROL TU PHYIN PA RNAM PAR GZHAG PAR RIG PAR BYA'O, ,RNAM PA DGU RNAM PAR GZHAG PA NI SNGAR BSTAN PA KHO NA BZHIN TE, NGO BO NYID BSTAN PA NAS RNAM PAR DAG PA BSTAN PA'I BAR RNAMS SO, ,YON TAN RNAM PA BZHI DANG LDAN PA ZHES BYA BA NI RNAM PA BZHIS BYANG CHUB SEMS DPA'I TSUL KHRIMS KYI NGO BO NYID RNAM PAR GZHAG PAR RIG PAR BYA'O ZHES BYA BA'I THA TSIG GO, ,YON TAN RNAM PA BZHI NI MDOR BSDU NA RNAM PA GNYIS KYIS RNAM PAR GZHAG STE, SBYIN PA NI 'DI LTAR PHA ROL LAS ZHES BYA BA SMOS PA'O, , 'DZIN PA NI TSIG LHAG MA RNAMS SO, ,YANG RNAM PA GNYIS TE, BSAM PA DANG SBYOR BAS TSIG GCIG DANG, TSIG GSUM GYIS CI RIGS PAR SBYAR RO, ,YANG TSUL KHRIMS RNAM PAR DAG PA'I RGYU DANG, TSUL KHRIMS RNAM PAR DAG PA'I 'BRAS BU'I DBANG DU BYAS NAS GZHAG PA YIN NO; ,RNAM PAR DAG PA'I RGYU NI RNAM PA GNYIS TE, KHREL YOD PA NI GZHAN LA LTOS NAS LEGS PAR YONGS SU SRUNG BA'I PHYIR 'DI LTAR, PHA ROL LAS LEGS PAR YANG DAG PAR BLANGS PA ZHES BYA BA SMOS SO, ,NGO TSA SHES PA NI BDAG NYID LA LTOS NAS LEGS PAR YONGS SU SRUNG BA'I PHYIR @191B 'DI LTAR BSAM PA SHIN TU RNAM PAR DAG PA ZHES BYA BA SMOS SO, ,TSUL KHRIMS RNAM PAR DAG PA'I 'BRAS BU NI 'GYOD PA MED PA STE, YON TAN PHYI MA GNYIS KYIS BSTAN TE, ,YANG RNAM PA GSUM GYIS BSTAN TE, BSAM PA RNAM PAR DAG PA'I TSUL KHRIMS RNAM PA GSUM GYI DBANG DU BYAS NAS BYANG CHUB SEMS DPA'I TSUL KHRIMS KYI NGO BO NYID RNAM PAR GZHAG STE, RNAM PA GSUM GANG ZHE NA, BSAM PA DAG PA'I SGO NAS BYANG CHUB SEMS DPA'I CHOS SMRA BA NI GNAS SKABS SU BDAG NYID KYI TSIG BTZUN PAR BYA BA'I PHYIR TSUL KHRIMS YANG DAG PAR LEN PA'I PHYIR DANG, BYANG CHUB SEMS DPA' RAB TU BYUNG BA BDAG NYID BSOD NAMS KYI ZHING DU 'GYUR BAR BYA BA'I PHYIR TSUL KHRIMS YANG DAG PAR LEN PA'I PHYIR DANG, DBANG PHYUG GI BDAG PO THOB PA NA SEMS CAN LA GNOD PA MI BYA BA'I PHYIR TSUL KHRIMS YANG DAG PAR LEN PA'I PHYIR TE, DE'I PHYIR BSTOD PA BYED PAS KYANG; JI LTAR TSIG NI BTZUN PA DANG, ,LUS CAN RNAMS KYI BSOD NAMS ZHING, ,GZHAN LA GNOD BYED MI 'GYUR ZHES, ,SNYING BRTZE'I BDAG NYID KHYOD LA BRTEN, ,ZHES SMOS SO, ,TSUL KHRIMS NI RNAM PA GSUM STE, YANG DAG PAR BLANG BAR BYA BA'I TSUL KHRIMS NI, GANG GI PHYIR LEGS PAR YANG DAG PAR BLANG BA ZHES BYA BA SMOS PA'O, ,PHYIR GSO BAR BYA BA'I TSUL KHRIMS NI GANG GI PHYIR, NYAMS PAR GYUR NA SOR CHUD PAR BYED PA ZHES SMOS PA'O, ,RJES SU BSRUNG BAR BYA BA'I TSUL KHRIMS NI, GANG GI PHYIR MI NYAMS PAR BYA BA'I PHYIR DRAN PA NYE BAR GNAS PA ZHES SMOS PA'O, ,DE'I PHYIR NGO BO NYID DU BSTAN PAR RIG PAR BYA STE, TSUL KHRIMS KYI NGO BO NYID NI BSLAB PA YIN LA, BSLAB PA YANG JI SKAD BSTAN PA'I BYA BA RNAM PA GSUM GYIS RAB TU PHYE BA'I PHYIR RO, ,YON TAN RNAM PA BZHI'I PHAN YON BSTAN PA'I PHYIR, DE LA PHA ROL LAS TSUL KHRIMS YANG DAG PAR BLANGS PA NI ZHES BYA BA LA SOGS PA SMOS SO, ,BSLAB PA LAS NYAMS PAR BYED PA NA ZHES BYA BA NI NYAMS PAR BYED PA'I TSE NYAMS PAR BYED PA'I RKYEN RNAMS YOD NA YANG, PHA ROL LA LTOS TE NYAMS PAR MI BYED PA'O, ,BYANG CHUB SEMS DPA' BSAM PA SHIN @192A *, ,TU RNAM PAR DAG PA NI NYAMS PAR BYED PA'I RKYEN YOD DU ZIN YANG, BDAG NYID LA LTOS NAS NYAMS PAR MI BYED DO, ,BRGYAL BAG MED PA'AM, BRJED NGAS PA'AM, MA SHES PA'I PHYIR NYAMS PAR BYAS NA YANG SOR CHUD PAR BYED PA DANG, GUS PA SKYES NAS THAMS CAD KYI THAMS CAD DU NYAMS PAR MI BYED PA'I PHYIR TSUL KHRIMS YONGS SU DAG PA YIN NO, ,TSUL KHRIMS YONGS SU DAG PA NYAMS PA MED PA NYID KYIS 'GYOD PA MED CING, YID LA GCAGS PA MED DE, DE LTAR NA YON TAN SNGA MA GNYIS NI NGO TSA SHES PA DANG KHREL YOD PA SKYED PA YIN NO, , NGO TSA SHES PA DANG KHREL YOD PA GNYIS KYIS NI TSUL KHRIMS RJES SU SRUNG BA LHUR LEN PAS 'GYOD PA MED PAR 'GYUR BAR BSTAN TO, ,YON TAN SNGA MA GNYIS NI PHYI MA 'DREN PA YIN TE, NYE BA'I RGYU'I DNGOS PO YIN PAR BSTAN PA'I PHYIR, DE LA PHA ROL LAS YANG DAG PAR BLANGS PA GANG YIN PA DANG ZHES BYA BA LA SOGS PA SMOS PA'O, ,GZHAN YANG YON TAN RNAM PA GSUM GYIS NI MA ZHIG MA NYAMS PAR BYED PAS TSUL KHRIMS BLANGS PA MI NYAMS PAR STON TO, ,GCIG GIS NI NYAMS NA YANG PHYIR GSO BAR BYED PA STON TO, ,DE LTAR NGO BO NYID KYI TSUL KHRIMS KYI CHE BA NYID BSTAN PA'I PHYIR BYANG CHUB SEMS DPA' RNAMS KYI TSUL KHRIMS KYI NGO BO NYID YON TAN BZHI DANG LDAN PA DE NI ZHES BYA BA NAS, DGE BA YIN PAR RIG PAR BYA'O ZHES BYA BA'I BAR DAG SMOS TE, BYANG CHUB SEMS DPA' RNAMS KYI TSUL KHRIMS LA NI DGE BA ZHES BYA BA STE, DGE BA NYID NI MI SLU BA'I PHYIR RO, ,MI SLU BA NYID NI BDAG DANG GZHAN GYI DON SGRUB PA'I PHYIR RO, ,DE BAS NA BDAG LA PHAN PA ZHES BYA BA LA SOGS PA SMOS TE, TSIG DE RNAMS KYI DON DBYE BA NI SNGAR JI SKAD BSHAD PA LTA BU YIN TE, DE NI 'DI YIN TE NYAN THOS LA SOGS PA DAG GI BDAG LA PHAN PA ZHES BYA BA NI NYON MONGS PA THAMS CAD SPANGS SHING GTAN DU SPANGS PA DANG, DE 'DREN PAR BYED PA BDEN PA BZHI PO DAG GI NANG NAS LAM SHES PA'O, ,DE LTAR NA DE DAG NI GTAN DU SDUG BSNGAL MED PA'I GNAS SKABS MYA NGAN LAS 'DAS PA THOB PAR BYA BA'I PHYIR ZHUGS PA YIN @192B TE; DE DAG NI THEG PA DE DANG DE LA 'JUG PA'I DUS NA BYA BA NYUNG BA'I PHYIR DANG, DON NYUNG BA'I PHYIR DANG, BDAG GSO BAR BYED PA'I PHYIR BDAG DUL BAR BYED BA DANG, BDAG ZHI BAR BYED PA DANG, BDAG YONGS SU MYA NGAN LAS 'DA' BAR BYED PAR ZHUGS PA YIN NO, ,BYANG CHUB SEMS DPA' RNAMS KYIS BDAG LA PHAN PA NI SPANGS PA RNAM PA GNYIS DANG, YE SHES RNAM PA GNYIS TE, NANG GI SEMS KYI RGYUD LA YOD PA'I 'BRAS BU YIN PA'I PHYIR RO, ,GZHAN DAG CES BYA BA NI GANG ZAG RIGS MED PA LA GNAS PA DAG DANG, RIGS LA GNAS PA DAG STE, DE DAG LA PHAN PA'I PHYIR ZHUGS PA NI GZHAN LA PHAN PA'I PHYIR ZHUGS PA YIN NO, ,DE LTAR ZHUGS PA'I GNYI GA LA PHAN PA SGRUB PA NI SEMS BSKYED PA'I DUS NA YIN PAR RIG PAR BYA'O, ,GZHAN LA PHAN PAR SGRUB PA BSTAN PA DE NYID SKYE BO MANG PO LA PHAN PA'I PHYIR ZHES BYA BA LA SOGS PAS RNAM PAR PHYE STE 'CHAD DO; ,DE LA GANG ZAG RIGS MED PA LA GNAS PA DAG NI SKYE BO MANG PO ZHES BYA BAR 'DOD DO, ,DE DAG LA PHAN PA NI RE ZHIG NGAN 'GRO LAS YONGS SU BSKYAB PA'I PHYIR YANG DAG PA'I SPONG BA GONG MA GNYIS KYIS RE ZHIG PA'I TSUL DU MI DGE BA'I CHOS SPONG ZHIG PA'I TSUL DU MI DGE BA'I CHOS SPONG BA'O, ,BDE BA NI BDE 'GRO LA DGOD PA'I PHYIR YANG DAG PA'I SPONG BA 'OG MA GNYIS KYIS DGE BA'I CHOS YANG DAG PAR SGRUB PA'O, ,DE DAG NYID KYI NANG NAS ZHE 'GRAS PA DANG, SKAL BA MED PA DANG, SNOD DU GYUR KYANG LOG PAR LTUNG BAR SONG BA 'GRON PO LTA BU DAG LA PHAN PA DANG, BDE BA'I LHAG PA'I BSAM PA YONGS SU MI GTONG BA'I PHYIR DUS LA BAB PA LA SDOD PAS SNYING BRTZE BA'I PHYIR ZHUGS PA YIN NO, ,YONGS SU MYA NGAN LAS 'DAS PA'I CHOS CAN RTOGS PA'I SKAL BA YOD PA'I LHA DANG MI GANG DAG YIN PA DE DAG GI DON GYI PHYIR ZHUGS PA ZHES BYA BA LA, DON NI 'DIR DGE SBYONG GI TSUL GYI DON LA BYA BAR 'DOD DO, ,PHAN PA NI DE 'DREN PAR BYED PA'I LAM MO, ,BDE BA NI TSE 'DI LA BDE BAR GNAS PA STE, SHIN TU SBYANGS PA'I BYE BRAG DANG LDAN PAS LUS DANG SEMS LA SIM PA'I PHYIR RAM, RNAM PAR GROL BA'I BDE BA KUN DU MYONG BA'I PHYIR RO, ,DE NYID KYI PHYIR LHA DANG MI SMOS @193A *, ,TE; DE DAG LA RTOGS PA'I SKAL BA YOD PA'I PHYIR RO, ,NYAN THOS RNAMS NI SMON LAM BTAB PA'I 'OG TU 'PHAGS PA'I BDEN PA BZHI PO DAG LA MI RTAG PA DANG, SDUG BSNGAL BA DANG, STONG PA DANG, BDAG MED PAR SHES PA THOB PAR BYA BA'I PHYIR GNAS LNGA PO DAG GAM DNGOS PO LA MKHAS PA NA'O, ,BYANG CHUB SEMS DPA' RNAMS NI SHES BYA THAMS CAD KYI MTHAR THUG PA LA SHES PA CHAGS PA MED PA THOB PAR BYA BA'I PHYIR DE DAG DANG RIG PA'I GNAS LNGA PO DAG LA YANG MKHAS PA YIN NO, ,DE LTAR NA NYAN THOS LA SOGS PA DAG GI MKHAS PA NI GCIG KHO NA STE; DNGOS PO LA MKHAS PA'O, ,YANG NA RNAM PA LNGA STE, PHUNG PO LA SOGS PA LA MKHAS PA'O, ,BYANG CHUB SEMS DPA' RNAMS NI RNAM PA GNYIS SAM RNAM PA BCUR 'GYUR RO, ,DE LTAR MKHAS PA MANG BA NYID KYI PHYIR MKHAS PAS KHYAD PAR DU 'PHAGS PA YIN NO, ,BLA NA MED PA YANG DAG PAR RDZOGS PA'I BYANG CHUB NI BYANG CHUB THAMS CAD LAS KHYAD PAR DU 'PHAGS PA'I PHYIR 'BRAS BU KHYAD PAR DU 'GYUR BA YIN PAR RIG PAR BYA'O ZHES BSHAD DO, ,DA NI RNAM PA GZHAN DU BSHAD DE GZHAN LA PHAN PA'I DBYE BA BSTAN PA'I PHYIR, SKYE BO MANG PO LA PHAN PA ZHES BYA BA LA SOGS PA SMOS TE, PHAN PA ZHES BYA BA NI DGE BA SPYOD PA'O, ,BDE BA ZHES BYA BA NI GNOD PA MED PA'O, ,SNYING BRTZE BA NI JI LTAR NA 'DI NA LA LA DGE BA DANG GNOD PA MED PA'I SPYOD PAS GZHAN DAG LA SNYING BRTZE BAR BYED PA LTA BU'O, ,DON NI DON DU GNYER BAR BYA BA'I PHYIR DANG, DON DANG LDAN PA'I PHYIR TE 'DOD PAR BYA BA DANG, KHA NA MA THO BA MED PA GANG YIN PA'O, ,PHAN PA DANG BDE BAR 'GYUR BA'I PHYIR ZHES BYA BA NI, MI RNAMS NI DGE BA DANG GNOD PA MED PA'I SPYOD PA LA GNAS PA'I RGYAL RIGS LA SOGS PA GANG DAG YIN PA STE, GANG DAG LA SANGS RGYAS 'BYUNG BA DANG, CHOS LEGS PAR GSUNGS PA DANG, DGE 'DUN LEGS PAR SGRUB PA RNAMS KYIS SHIN TU MANG PO DAG LA SHAS CHER PHAN PA DANG BDE BAR 'GYUR RO, ,MI DE DAG NI BDAG NYID LA PHAN PA DANG, BDE BA BYAS NAS 'JIG RTEN LA SNYING BRTZE ZHING DE DAG 'DI SNYAM DU SEMS TE, JI LTAR BYAS NA GZHAN @193B RNAMS PHAN PA DANG BDE BA LA YANG DAG PAR SBYOR BAR 'GYUR ZHIG GU SNYAM MO, ,GZHAN DAG KYANG 'DI SNYAM DU SEMS TE, JI LTAR BYAS NA BDAG KYANG PHAN PA DANG BDE BA LA YANG DAG PAR SBYOR BAR 'GYUR ZHIG GU SNYAM MO, ,DE'I PHYIR DON DANG ZHES BYA BA LA SOGS PA SMOS SO, ,LHA DANG MI SMOS PA NI DE DAG DON KHONG DU CHUD PA DANG, NAN TAN DU SGRUB PA LA SKAL BA CAN YIN PA'I PHYIR RO, ,GZHI DANG BSLAB PA'I GNAS KYI SGO NAS DPAG PAR MI NUS PA'I PHYIR DPAG TU MED PA STE, DE'I PHYIR, BYANG CHUB SEMS DPA'I BSLAB PA'I GZHI DPAG TU MED PA YONGS SU BSDUS PAS ZHES BYA BA SMOS SO; ,'JUG PA DANG 'BRAS BU'I DUS NA SEMS CAN LA PHAN PA DANG BDE BA'I PHYIR NYE BAR GNAS PAS SEMS CAN LA PHAN 'DOGS PA YIN TE, DE'I PHYIR SEMS CAN THAMS CAD LA PHAN PA DANG BDE BA'I PHYIR NYE BAR GNAS PAS ZHES BYA BA SMOS SO, ,BYANG CHUB SEMS DPA'I GNAS SKABS NA BLA NA MED PA YANG DAG PAR RDZOGS PA'I BYANG CHUB KYI 'BRAS BU YONGS SU 'DZIN PA'I PHYIR 'BRAS BU CHE BA YIN NO, ,SANGS RGYAS KYI GNAS SKABS NA 'BRAS BU SBYIN PAR BYED PAS NA PHAN YON CHE BA YIN NO, ,'DI BSTAN PAS NI NYAN THOS LA SOGS PA'I TSUL KHRIMS PAS DGE BA YONGS SU RDZOGS SHING MCHOG TU DGE BA YIN PAR BSTAN TO, ,NYAN THOS RNAMS KYI TSUL KHRIMS DANG TING NGE 'DZIN DANG SHES RAB NI GO RIMS BZHIN DU THOG MA DANG BAR DANG THA MAR DGE BA BSTAN TE, 'OD SRUNGS PA'I SDE'I MDO LAS KYANG DE SKAD DU DGE SLONG DGANGS KHYED LA CHOS BSTAN PA ZHES RGYAS PAR 'BYUNG NGO, ,BYANG CHUB SEMS DPA' RNAMS KYI NI TSUL KHRIMS KHO NA LA YANG THOG MA DANG BAR DANG THA MAR DGE BA YOD DE, THOG MAR DGE BA NI BDAG DANG GZHAN LA PHAN PA NAS LHA DANG MI RNAMS KYI DON DANG PHAN PA DANG BDE BAR 'GYUR BA'I BAR GYI PHYIR RO, ,BAR DU DGE BA NI SEMS CAN LA PHAN 'DOGS PA'I PHYIR RO, ,THA MAR DGE BA NI 'BRAS BU DANG PHAN YON CHE BA'I PHYIR RO, ,BYANG CHUB SEMS DPA'I GCES PAR BYA BA NI TSUL KHRIMS YIN TE, PHYOGS GNYIS KYI SGO NAS STON TO, ,'GRO BA GSUM NA GNAS PA'I BYANG CHUB SEMS DPA'I TSUL KHRIMS @194A *, ,NI 'DI LAS GONG NA YANG MED DO, ,'DI LAS LHAG PA YANG MED DO, ,NGAN SONG GI 'GRO BA DANG LHA'I 'GRO BA NA GNAS PA'I CHOS NYID KYIS THOB PA NI KHYIM PA'I PHYOGS SU GTOGS PA'I TSUL KHRIMS SO, ,MI'I 'GRO BA NA GNAS PA'I NI GNAS SKABS MTHUN MTHUN DU GNYI GA'I PHYOGS SU GTOGS PA YIN NO, ,YANG TSUL KHRIMS KYI DBYE BA RNAM PA GSUM GYIS GNYI GA'I PHYOGS SU GTOGS PA'I TSUL KHRIMS THAMS CAD RNAM PAR GZHAG PA BSTAN PA'I PHYIR, SDOM PA'I TSUL KHRIMS DANG ZHES BYA BA LA SOGS PA SMOS SO, ,DPER NA NYAN THOS RNAMS KYI SDOM PA NYES PAR SPYOD PA KUN NAS SLONG BA'I NYON MONGS PA RNAM PA GSUM SPONG BA RNAM PAR GZHAG PA'I PHYIR 'DOD PA NA SPYOD PA DANG, GZUGS NA SPYOD PA DANG, ZAG PA MED PA STE, SO SOR THAR PA DANG, BSAM GTAN DANG, ZAG PA MED PA'I SDOM PAR GTOGS PA RNAM PA GSUM STE; 'DOD PA NA SPYOD PA'I SDOM PAS NI RTZE 'JIL BAS SPONG NGO, ,GZUGS NA SPYOD PAS NI RNAM PAR GNON PAS SPONG STE, RKYEN RNAMS YOD DU ZIN KYANG RE ZHIG KUN DU MI SPYOD PA'I PHYIR RO, ,ZAG PA MED PAS NI RGYUN GCOD PAS SPANGS TE, DE THOB NA GTAN DU KUN DU MI SPYOD PA'I PHYIR RO, , DE LTA BAS NA DE DAG GI TSUL KHRIMS RNAM PA GSUM KHAS BLANG BAR BYA BA DE KHO NA DANG 'DRA BAR GRANGS MTHUN PA'I PHYIR BYANG CHUB SEMS DPA' RNAMS KYI YANG RNAM PA GSUM DU YANG RIG PAR BYA'O, ,BSTAN PA LA ZHUGS PA'I BYANG CHUB SEMS DPA'I TSUL KHRIMS NI GANG DU GANG LA GNAS KYANG RUNG STE; DE BZHIN GSHEGS PAS BCAS PA'I TSUL KHRIMS YIN PAR BSTAN PA'I PHYIR, RIS BDUN PO ZHES BYA BA SMOS TE RIS BDUN PO LA BRTEN NAS, RIS BDUN GYIS PHYE BA'I PHYIR RO, ,RNAM PAS RNAM PA THA DAD PAS NI BSNYAN TE GNAS PA'I SDOM PA LOGS SHIG TU PHYE BA'I PHYIR RNAM PA BRGYAD DU 'GYUR BA'I PHYIR RO, ,KHYIM PA DANG RAB TU BYUNG BA'I PHYOGS LA CI RIGS PAR ZHES BYA BA LA, DGE BSNYEN GYI TSUL KHRIMS DANG, DGE BSNYEN MA'I TSUL KHRIMS NI KHYIM PA'I PHYOGS SU GTOGS PA'I TSUL KHRIMS YIN TE, NYES PAR SPYOD PA LAS DBEN PAS RAB TU PHYE BA'I PHYIR RO, , @194B GZHAN NI RAB TU BYUNG BA'I PHYOGS SU GTOGS PA YIN TE, 'DOD PA LAS DBEN PAS RAB TU PHYE BA'I PHYIR RO, ,DGE BA'I CHOS GANG DAG CI YANG RUNG BA DE DAG THAMS CAD NI TSUL KHRIMS LA GNAS NAS ZHES MDO LAS GSUNGS PAS TSUL KHRIMS LA GNAS PA KHO NA'I DGE BA'I CHOS SKYE BA DANG, GNAS PA DANG 'PHEL BAR BSTAN PA'I PHYIR, YANG DAG PAR BLANGS PA'I 'OG TU ZHES BYA BA SMOS TE, BYANG CHUB CHEN PO'I PHYIR ZHES BYA BA NI BYANG CHUB CHEN PO YANG DAG PAR BSGRUB PA'I PHYIR RO, ,'DIS NI RANG GI SEMS KYI RGYUD LA SANGS RGYAS KYI CHOS YONGS SU SMIN PAR BYA BA'I DBANG DU BYAS TE, DGE BA SDUD PA YIN PAR RIG PAR BYA'O, ,GZHAN GYI SEMS KYI RGYUD LA SEMS CAN YONGS SU SMIN PAR BYA BA'I DBANG DU BYAS TE, SEMS CAN GYI DON BYA BA'I TSUL KHRIMS SO, ,DE LTAR 'DI GNYIS KYI KHYAD PAR SHIN TU GSAL BA YIN NA, ,KHYAD PAR GZHAN NI BSAM PA DANG BYED PA THA DAD PA'I BYE BRAG LAS RIG PAR BYA'O, ,YID MA SMOS PA NI YID KYI SGO NAS 'JUG PA'I DGE BA YANG YOD MOD KYI TSUL KHRIMS KYI SKABS SU BAB PA'I PHYIR DE RNAM PAR MI GZHAG STE, TSUL KHRIMS NI LUS DANG NGAG KHO NA'I YIN PA'I PHYIR RO, ,DE YANG 'DUS PA DANG SO SOR BYED PAR RIG PAR BYA STE, DGE BA'I CHOS LA LA NI LUS KYIS STZOGS PAR BYED DO, ,LA LA NI NGAG GIS SO, ,LA LA NI GNYI GAS BYED DO, ,DE YANG GZHI'I SGO NAS BSTAN PA NI THOS PA LA SBYOR BA LAS SKYES PA'I DBANG DU BYAS NAS RNAM PA GSUM DU STON TE, THOS PA DANG BSAMS PA DANG BSGOMS PA LAS BYUNG BA'O, , CHOS GNYIS BSGOM PAR BYA ZHES GSUNGS PA'I PHYIR ZHI GNAS DANG LHAG MTHONG GIS BSGOMS PA LAS BYUNG BA YIN PAR STON TO, ,BSGOM PA DE YANG LUS DANG SEMS DBEN PA SNGON DU 'GRO BA'I PHYIR GCIG PUR DGA' BA YIN NO, ,BSAMS PA DANG BSGOMS PA LAS BYUNG BA'I YID KYIS BYAS PA YIN YANG THOS PA NYID LA GDAGS TE, JI LTAR THOS PA'I CHOS LA SEMS PA DANG SGRUB PAR SBYOR BA'I PHYIR RO, ,DE NYID KYI PHYIR BRTZON PAR BYED DO ZHES BYA BA SMOS TE, SBYOR BA RTZOM PA ZHES BYA BA'I THA TSIG GO, ,BLA MA LA MCHOD PA'I LAS NI LUS KYI BYAS PAS STON TO, ,BDAG GIS @195A *, ,BSOD NAMS 'PHEL BAR BYA BA'I PHYIR BYAS PA'I DGE BA SDUD PA NI, GZHAN DAG LA PHAN GDAGS PA SGRUB PA'I BSAM PAS SEMS CAN GYI DON BYA BA'I TSUL KHRIMS SU YANG 'GYUR RO, ,RNAM PA GNYIS KYIS NI PHAN 'DOGS PA'I ZHING LA GNAS PA DANG, BLA MA'I ZHING LA GNAS PA BSTAN TO, ,SDUG BSNGAL BA'I ZHING LA GNAS PA'I DBANG DU BYAS TE, NAD PA RNAMS LA ZHES BYA BA LA SOGS PA SMOS SO, ,LEGS PAR SMRAS PA LA LEGS SO ZHES BYA BA SBYIN PAR BYED PA YIN NO ZHES BYA BA LA SOGS PAS NI NGAG GI DGE BA'I CHOS BSAGS PA STON TE, MDOR BSDU NA LEGS PAR SMRAS PA ZHES BYA BA NI KUN NAS NYON MONGS PA'I GNYEN PO DANG, RNAM PAR BYANG BA DANG MTHUN PA'I TSIG GO, ,DE YANG RNAM PA GNYIS TE, SANGS RGYAS KYI BKA' DANG, DKON MCHOG GSUM GYI YON TAN LA BRTEN PA'I TSIG LA BYA BA STE, DE NYID KYI PHYIR SMRA NA 'DI NYID SMRA BAR BYA ZHES BRJOD DO, ,RJOD PAR BYED PA NI YID LA 'DZIN PA'O, ,TSIG TU 'BYIN PA YANG DE DANG 'DRA'O, ,DGA' BA'I SEMS BSKYED NAS ZHES BYA BA NI G-YO MED PA'I LHAG PA'I BSAM PA DANG, MCHOG TU DGA' BA DANG LDAN PA'I SEMS KYIS ZHES BYA BA'I THA TSIG GO, ,BDAG GIS BYAS PA LA JI LTAR DGA' BA DE BZHIN DU GZHAN GYIS BYAS PA LA YANG DGA' BAR BYED DO, ,BZOD PAR BYED CES BYA BA NI LUS DANG NGAG GIS PHYIR GNOD PA MI BYED PA'I PHYIR RO, ,DGE BA BYAS PA RDZOGS PA'I BYANG CHUB TU YONGS SU SNGO BAR BYED PAS BSOD NAMS THA DAD PA SKYE BAR 'GYUR BAR BSTAN PA'I PHYIR, YONGS SU SNGO BAR BYED PA YIN ZHES SMOS SO, ,SMON LAM CHEN PO BCU SNGON DU 'GRO BA'I YANG DAG PA'I SMON LAM RNAMS 'DEBS PA YIN NO, ,DKON MCHOG MCHOD PA NI MDOR BSDU NA ZANG ZING GI MCHOD PA DANG, SGRUB PA'I MCHOD PA STE, DE'I PHYIR RNAM PA THAMS CAD CES SMOS SO, ,MCHOD PA NGAN PA DGAG PA'I PHYIR RGYA CHEN PO ZHES SMOS TE, BYANG CHUB SEMS DPA' RNAMS KYIS MCHOD PA NGAN PA GTAN MI BYA'O, ,BRTZON ZHING ZHES BYA BA LA SOGS PAS NI, SBYIN PA LA SOGS PA PHA ROL TU PHYIN PA RNAMS LA SBYOR BAS BSDUS PA'I DGE BA STON TO, ,BAG YOD PAR GNAS PA YIN ZHES @195B BYA BAS NI BRTZON PA KHO NA STON TO, ,TSOGS KYI LAM GYI GNAS DGE BA BSTAN PA'I PHYIR, BSLAB PA'I GZHI RNAMS LA ZHES BYA BA LA SOGS PA SMOS TE, DRAN PAS SPYOD PAR MI BYED PA'I TSUL GYIS SRUNG BAR BYED, SHES BZHIN GYIS NI SBYIN PAR GYUR KYANG PHYIR GSO BA'I TSUL GYIS KUN NAS SRUNG PAR BYED DE, 'DI GNYIS NI NYON MONGS PA MA BYUNG BA DANG BYUNG BA'I GNYEN PO YIN PA'I PHYIR RO, ,BDAG NYID LA BDAG BYAMS PA MED PAS NA, BDAG GI RGYUD KYI 'KHRUL PA DANG, NYES PAR SPYOD PA LA NYES PA KHO NAR RAB TU SHES PA'I PHYIR YONGS SU SHES PA'O, ,DE YANG TSE 'DI DANG TSE PHYI MA'I NYES DMIGS MTHONG BAS NA NYES PAS LTA BA YIN NO, ,YONGS SU SHES SHING NYES DMIGS MTHONG NAS TSUL BZHIN DU YONGS SU SPONG BA'I PHYIR GTONG BAR BYED DO, ,'KHRUL PA BYUNG NA YANG NYES PA LA NYES PA YIN PAR 'CHAGS PAR BYED PA'I PHYIR 'KHRUL PA ZHES BYA BA LA SOGS PAS NYES PA 'CHAGS PA'I GNAS TE, SGRUB PA NI MA SKYES PA SKYED PA'O, ,SRUNG BA NI SKYES ZIN PA BRJED MI NGAS PA'I TSUL GYIS GNAS PAR BYED PA'O, ,RNAM PAR 'PHEL BAR BYED PA NI GNAS PA LAS KHYAD PAR DU 'GRO BA'I TSUL GYIS RGYA CHE BA DANG, 'PHEL BA DANG YANG PAR 'GYUR RO, ,SEMS CAN RNAM PA GSUM GYI DBANG DU BYAS NAS SEMS CAN GYI DON BYA BA'I TSUL KHRIMS RNAM PA BCU GCIG TU RNAM PAR GZHAG STE, SEMS CAN RNAM PA GSUM NI PHONGS PA RNAMS DANG, ZHUGS PA RNAMS DANG, ZHE 'GRAS PA RNAMS SO, ,PHONGS PA RNAM PA GNYIS TE, PHAN 'DOGS PA MA YIN PA DANG, PHAN 'DOGS 'DOGS PA'O, ,DE LA PHAN 'DOGS PA MA YIN PA NI SDUG BSNGAL RNAM PA GSUM GYIS G-YEN SBYO BA RNAMS TE, SEMS CAN GYI BYA BA DE DANG DE DAG TU GROGS MED PA'I SDUG BSNGAL GYIS G-YEN SBYO BA DE DAG LA GROGS BYED PA DANG, NAD KYI SDUG BSNGAL GYIS G-YEN SBYO BA RNAMS LA NAD G-YOG GI SGO NAS GROGS BYED PA DANG, 'JIG RTEN PA DANG 'JIG RTEN LAS 'DAS PA'I DON RNAMS LA THABS MI SHES PAS RMONGS PA'I SDUG BSNGAL GYIS G-YEN SBYO BA RNAMS LA SPYIR CHOS BSTAN PA SNGON DU GTONG BA'I RIGS PA STON PA DANG, SEMS CAN SO SO LA BYE BRAG TU @196A *, ,THABS BSTAN PA SNGON DU GTONG BAR RIGS PA STON PA'O, ,PHAN 'DOGS 'DOGS PA'I SEMS CAN NI RNAM PA BZHI STE, LAN DU PHAN 'DOGS SU RE BA DE DAG LA NI, BYA BA GZO BA RJES SU SRUNG BA'I SGO NAS MNYAM PA'AM LHAG PAR LEN DU PHAN 'DOGS PAS NYE BAR GNAS PA DANG, 'JIGS PA RNAM PA SNA TSOGS KYIS SKRAG PA DE DAG 'JIGS PA RNAM PA SNA TSOGS LAS SKYOB PA DANG, SDUG BSNGAL BAR GYUR PA DE DAG GI MYA NGAN KYI MTSAN NYID KYI SDUG BSNGAL SEL BA DANG YO BYAD KYIS PHONGS PA DE DAG LA YANG RIGS PAS YO BYAD THAMS CAD NYE BAR SGRUB PA'O, ,ZHUGS PA NI RNAM PA GNYIS TE, RTEN LA RAG LAS PA DE DAG LA NI ZANG ZING MED PA'I SEMS KYIS RTEN SBYIN PAS TSOGS YONGS SU SDUD PA DANG, CHOS MTHUN PA PA GZHAN MI RTEN PA DE DAG LA NI, SO SO YANG DAG PAR DGA' BAR BYA BAS DUS DUS SU THAD DU 'GRO BA DANG, ZANG ZING LEN PA DANG 'JIG RTEN PA'I DON DANG MTHUN PAR SPYAD PA DANG, 'ONG ZHING 'GRO BA LA DBANG DU BYED DU GZHUG PA DANG, DON DANG LDAN PA MA YIN PA MA GTOGS PAR SEMS DANG MTHUN PAR BYED PA DANG, RTEN YOD PA DAG KYANG RNAM PA GNYIS TE, YANG DAG PAR ZHUGS PA DE DAG GI YANG DAG PA'I YON TAN RNAM PA SNA TSOGS KYIS YANG DAG PAR DGA' BAR BYA BA'I PHYIR LKOG GAM MNGON SUM DU GLENG BA'O, ,LOG PAR ZHUGS PA DE DAG LA NI LHAG PA'I BSAM PA DAG PAS TSAR GCAD PAR BYA BA STE, NYES PA CHUNG NGU LA NI SMAD BAB PA'I MTSAN NYID DANG, 'BRING LA NI CHAD PA'I LAS BYED DU GZHUG PA'I MTSAN NYID DANG, CHEN PO LA NI BSKRAD PA'I MTSAN NYID KYIS BYED DO, ,TSAR GCAD PAR BYA BA'I DON DANG LDAN PAR BSTAN PA'I PHYIR, 'DI LTA STE ZHES BYA BA LA SOGS PA SMOS PA YIN NO, ,ZHE 'GRAS PA YANG RNAM PA GNYIS TE, NYES PAR SPYAD PA SPYOD PA DE DAG NI GNOD PA RNAM PA SNA TSOGS KYI SDUG BSNGAL DANG 'BREL PA'I 'GRO BA MNGON SUM DU BSTAN PAS MI DGE BA LAS SKYOB PAR BYED PA DANG, LEGS PAR SPYAD PA SPYOD PA DE DAG NI RDZU 'PHRUL GYI CHO 'PHRUL GYIS 'DUN PAR BYED PA LA SOGS PAS DGA' BA CHUNG NGU DANG, 'BRING DANG CHEN PO SKYED PA'O, ,BYANG CHUB SEMS DPA'I TSUL @196B KHRIMS RNAM PA GSUM LA GNAS PA'I TSUL KHRIMS RNAM PA GSUM YONGS SU RDZOGS PAR 'GYUR BA'I RGYU BSTAN PAR 'DOD PA'I PHYIR, BYANG CHUB SEMS DPA' SDOM PA'I TSUL KHRIMS LA GNAS PA DANG ZHES BYA BA LA SOGS PA SMOS TE, RNAM PA BCUS NA LEGS PAR BSDAMS PA'I TSUL KHRIMS CAN DU 'GYUR TE, TSUL KHRIMS YONGS SU DAG CING YONGS SU RDZOGS ZHES BYA BA'I THA TSIG STE, 'DOD PA SPANGS PA RNAMS LA LTA BA'I SRED PA KUN DU MI SPYOD PAS MI LTA BA DANG, MA 'ONGS PA RNAMS LA MNGON PAR DGA' BA'I SRED PA KUN DU MI SPYOD PAS MI LTA BA DANG, DA LTAR BYUNG BA'I RNYED PA DANG BKUR STI DANG LDAN PA RNAMS LA LHAG PAR ZHEN PA MED PA DANG, LUS DANG SEMS DBEN PA DANG, NGAG DANG RTOG PA YONGS SU DAG PA DANG, BDAG LA KHYAD DU MI GSOD PA DANG SHAS CHER NGES PA DANG, SHAS CHER BZOD PA DANG BAG YOD PAR GNAS PA DANG, CHOG DANG 'TSO BA RNAM PAR DAG PA'O; ,PHYAG DAR GYI 'DU SHES KYIS YONGS SU SPANGS PA'I RTZVA DANG MI GTZANG BA'I 'DU SHES KYIS YONGS SU SPANGS PA'I PHYI SA LA JI LTAR THAMS CAD MI LTA BA DE BZHIN DU BYANG CHUB SEMS DPA' NI RTZVA DANG 'DRA BA'I 'DOD PA RNAMS LA, SNYING PO MED PA'I PHYIR MI LTA BA DANG, PHYI SA DANG 'DRA BA'I 'DOD PA RNAMS LA NYON MONGS PA PHYI SA RUL BA LTA BU DANG 'BREL BA'I PHYIR MI LTA BA'O, ,'TSO BA'I BSAM PAS RAB TU BYUNG BAS JI LTAR 'DOD PA THA CHAD SPANGS PA RNAMS LA MI LTA BA DE BAS NI, BYANG CHUB SEMS DPA' MI'I 'DOD PA'I MCHOG RNAMS LA MI LTA BA KHYAD PAR DU 'PHAGS PA'I DBANG DU BYAS NAS 'KHOR LOS SGYUR BA'I 'DOD PA RNAMS LA MI LTA BA ZHES BYA BA SMOS SO, ,LHA RDZAS MCHOG GI DBANG DU BYAS NAS BDUD KYI GNAS SU GTOGS PA'I 'DOD PA RNAMS LA ZHES BYA BA SMOS TE, DPER NA 'JIGS PA CHEN PO SNA TSOGS KYIS GANG ZHIG GZING GZING BAR 'JUG PA NI GNOD PA'I RTZA BA YIN TE, THAR BAR BYA MI NUS PA DE BZHIN DU 'DOD PA RNAMS YANG DAG PAR MTHONG NA MNGON PAR DGA' BAR MI 'GYUR RO, ,RNYED PA DANG BKUR STI RNAMS LA 'DUN PA'I 'DOD CHAGS DANG BRAL BA'I PHYIR KHA ZAS KYI SKYUGS PA DANG 'DRA BAR SHES RAB KYIS YANG DAG PAR MTHONG NA LHAG PAR ZHEN PA MED @197A *, ,CING RO MYONG BAR MI BYED DO, ,RAB TU DBEN PAR MNGON PAR DGA' BA YIN ZHES BYA BA NI LUS DBEN PAR 'GYUR BA STE, DE BAS NA GCIG PU ZHES BYA BA SMOS SO, ,TSOGS KYI NANG NA 'DUS KYANG SEMS DBEN PAR 'GYUR TE TSUL KHRIMS TZAM GYIS CHOG PAR MI 'DZIN GYI DE NYID LA BRTEN NAS BYANG CHUB SEMS DPA'I TING NGE 'DZIN DPAG TU MED PA MNGON PAR SGRUB PA DANG, DBANG THOB PAR BYA BA'I PHYIR 'BAD PAR BYED DO, ,NGAN PA'I GTAM ZHES BYA BA NI KUN NAS NYON MONGS PA CAN GYI GTAM MO, ,NGAN PA'I TSIG CES BYA BA NI DE NYID RNAM GRANGS KYI SGO NAS BSTAN PA'O, ,DANG DU LEN PAR MI BYED CES BYA BA NI MI SMRA BA STE, MI BYED CES BYA BA'I THA TSIG GO, ,BRGYA LA BRGYA LAM NA YANG BRJED NGAS PAS 'DOD PA LA SOGS PA'I RTOG PA CUNG ZAD KYANG MI SKYED DO, ,SKYES PAR GYUR NA 'GYOD PA DANG NYES DMIGS SU LTA STE, DE GNYI GA KUN DU MI SPYAD PAR DRAN PA NYE BAR GNAS SO, , MI BYA BA'I SEMS ZHES BYA BA NI MI BYA BA'I BLO NYID CES BYA BA'I THA TSIG GO, ,SEMS GANG GIS SKYES PA DE 'DOD PAR 'GYUR TE, 'DOD PA LA GOMS NA KUN DU MI SPYOD PA DGA' BA DANG, KUN TU SPYAD PA DANG MI MTHUN PAR GNAS SO, ,DGE BA SDUD PA RNAMS DANG, SEMS CAN GYI DON BYA BA'I TSUL KHRIMS RNAMS NI YANGS SHING RGYAS PA'I PHYIR RGYAS PA'O, ,GZHI'I SGO NAS TSAD GZUNG MI NUS PA'I PHYIR DPAG TU MED PA'O, ,RTOG PA'I YUL THAMS CAD LAS 'DAS PA'I PHYIR BSAM GYIS MI KHYAB PA'O, ,YUN MI THUNG BAR ZHUGS PA'I PHYIR YUN RING DU LEN PA'O, ,GZHAN DAG GIS BYA BA MI NUS PA'I PHYIR MCHOG TU DKA' BA'O, ,SKRAG PA NI 'JIGS PA'O, ,ZHUM PA NI BAG TSA BA'O, ,'GONG BA NI BDAG GIS MI NUS KYANG SRID DO SNYAM PA'I PHYIR RO, ,SPRO BA KHO NA BSKYED PA'I PHYIR DE DAG KYANG MIR GYUR PA YIN LA ZHES BYA BA LA SOGS PA SMOS SO, ,BDAG GI NYES PA GZHAN DANG 'KHRUL PA LA RTOG PAR BYED KYI GZHAN DAG LA SDUG BSNGAL SKYED PAR MI BYED PA NI NGES PA BSTAN PA'O, ,GZHAN GNOD PA BYED PA LA SEMS MI 'KHRUG PA DANG, GZHAN GYIS GNOD PA BYAS PA LA PHYIR GNOD PA MI BYED PA DANG, RNAM PAR 'TSE BA MED PAS NA BZOD PA BSTAN TO, ,PHYIR RDEG PA NI LUS KYIS @197B TE; GNOD PA BYA BA DAG GI SEMS KYIS SDANG BAR MI BYED NA ZHES BYA BA DANG SBYAR RO, ,'DAS PA'I NYES PA SO SOR 'CHAGS PA'I PHYIR NI SNGON GYI MTHA' DANG LDAN PA'O, ,MA 'ONGS PA'I DUS KYI MA 'ONGS PA'I NYES PA LA DE LTAR NAN TAN BYED PAS NI PHYI MA'I MTHA' DANG LDAN PA'O, ,DA LTAR BYUNG BA'I NYES PA MI BRJED PA'I PHYIR NA DBUS KYI MTHA' DANG LDAN PA'O, ,SO SOR BRTAGS NAS KHA NA MA THO BA MED PA'I LUS DANG NGAG GI LAS 'JUG PA'I PHYIR NI SNGA NAS BYA BA'O, ,DE LTAR SO SOR RTOG PA NA DE KHO NA BZHIN DU RTOG PA LA 'JUG PA'I PHYIR NA RJES SU SPYOD PA'O, ,CHO GA PHUN SUM TSOGS PA'I DBANG DU BYAS NAS, DGE BA MI SPYOMS ZHES BYA BA LA SOGS PA SMOS SO, ,GRANG BA LA SOGS PA'I SDUG BSNGAL DPYAD BZOD PA'I PHYIR SDUG BSNGAL LA JI MI SNYAM PA'O, ,MA RNYED PAS YID MI BDE BA MED PA'I PHYIR YONGS SU GDUNG BA MED PA'I RANG BZHIN NO, ,DBANG PO DUL ZHING ZHI BA'I PHYIR RGOD PA MED PA DANG, YENG YENG PO MA YIN PA'O, ,'TSO BA PHUN SUM TSOGS PA'I DBANG DU BYAS NAS TSUL 'CHOS PA ZHES BYA BA LA SOGS PA SMOS SO, ,PHA ROL TU PHYIN PA DRUG MNGON PAR SGRUB PA LA NI, MI MTHUN PA'I PHYOGS SPONG BAS MI MTHUN PA'I PHYOGS DANG DU MI LEN PA'I PHYIR DGE BA SDUD PA'I TSUL KHRIMS RNAM PAR GZHAG STE, PHA ROL TU PHYIN PA LNGA'I NI MI MTHUN PA'I PHYOGS KYI DPYAD GNYEN PO LNGA KHO NAR NGES SO, ,SHES RAB KYI PHA ROL TU PHYIN PA'I NI RNAM PA LNGA STE, DE LTAR NA DE DAG GI GNYEN POR GYUR PA RNAM PA BCU SA DE LA GNAS PA'I BYANG CHUB SEMS DPA'I DGE BA DPAG TU MED PA MYUR DU SDUD PAR 'GYUR RO, ,LUS DANG LONGS SPYOD LA LHAG PAR ZHEN NA LUS DANG LONGS SPYOD LA LTA BAR 'GYUR RO, ,LTA BA YOD NA YONGS SU MI GTONG NGO, ,DE LTA BAS NA DE NI SBYIN PA'I PHA ROL TU PHYIN PA'I MI MTHUN PA'I PHYOGS YIN TE, DE DANG DU LEN PAR MI BYED NA SBYIN PA'I PHA ROL TU PHYIN PA MNGON PAR 'GRUB PAR 'GYUR RO ZHES BYA BA'I THA TSIG GO, ,'CHAL BA'I TSUL KHRIMS KYI GZHI DANG DU MA BLANGS PAS NI TSUL KHRIMS KYI PHA ROL TU PHYIN PA'O, ,SEMS CAN RNAMS LA KUN NAS MNAR SEMS KYI SEMS MI SKYED PAS NI BZOD PA'I PHA ROL TU PHYIN PA'O, ,GNYID @198A *, ,LA SOGS PA'I BDE BA'I DBANG DU BYAS TE LE LO MI BSTEN PA NI BRTZON 'GRUS KYI PHA ROL TU PHYIN PA'O, ,BSAM GTAN GYIS LA NYON MONGS PA MI SKYED PAS NI BSAM GTAN GYI PHA ROL TU PHYIN PA'O, ,SHES RAB KYI PHA ROL TU PHYIN PA'I MI MTHUN PA'I PHYOGS NI 'CHAL BA'I SHES RAB RNAM PA LNGA STE, BSOD NAMS KYI 'BRAS BU'I PHAN YON RAB TU MI SHES PA DANG, DGE BA'I RGYU RAB TU MI SHES PA DANG, 'BRAS BU LA PHYIN CI LOG TU KUN DU SPYOD PA DANG, PHYIN CI LOG GI GNYEN PO RAB TU MI SHES PA DANG, DGE BA'I CHOS LA BAR DU GCOD PA RAB TU MI SHES PA'O, ,DE DAG GI GNYEN POR GYUR PA'I GNAS LNGA YANG DAG PA JI LTA BA BZHIN DU YONGS SU SHES PAS SHES RAB KYI PHA ROL TU PHYIN PA MNGON PAR BSGRUB PA'I SGO NAS DGE BA SDUD PAR BSTAN TO, ,SEMS CAN GYI DON BYA BA'I TSUL KHRIMS RNAM PA BCU GCIG NI SEMS CAN RNAM PA BCU GCIG YOD PA'I DBANG DU BYAS NAS RNAM PAR GZHAG STE, SEMS CAN THAMS CAD NI BSDUS NA YONGS SU GCAD PA RNAM PA BCU GCIG GIS RNAM PAR BZHAG NAS DE DANG 'TSAM PA'I DON BYA BA'I RJES SU 'BRANGS PAS SEMS CAN GYI DON BYA BA'I TSUL SU 'GYUR BA DANG, RNAM PA RE RE LA NI DPAG TU MED PAR RIG PAR BYA'O, , SEMS CAN RNAM PA BCU GCIG PO DAG GANG ZHE NA, BYA BA DE DANG DE DAG LA GROGS BYED DE DE 'DOD PA RNAMS DANG, SDUG BSNGAL ZHING RIGS PA LA RMONGS TE DE 'DOD PA RNAMS DANG PHAN 'DOGS 'DOGS PHYIR LEN DU PHAN 'DOGS PAR 'DOD PA RNAMS DANG, 'JIGS TE SKYABS 'DOD PA RNAMS DANG; PHONGS PAR GYUR PA DANG, MYA NGAN GYIS GZIR BA DANG, YO BYAD MED DE DE 'DOD PA RNAMS DANG, MKHAN PO DANG SLOB DPON DANG BLA MA LA RTEN 'CHA' BAR 'DOD PA RNAMS DANG, YONGS SU 'DZIN PAR GNAS PA RNAMS DANG, MTHUN PAR BYED PA SEMS DANG MTHUN PAR BYA BAS 'DUL BA RNAMS DANG, YANG DAG PA DANG LOG PAR ZHUGS PA RNAMS BSDU BA DANG, TSAR GCAD PAR 'OS PA RNAMS DANG, DE BZHIN GSHEGS PA'I BSTAN PA LA ZHE 'GRAS PA RNAMS SO, ,GROGS BYED PA NI SO SOR PHYE NA BYA BA DANG MI BYA BA RNAMS LA GROGS BYA BA RNAMS PA BRGYAD YOD PAR RIG PAR BYA @198B STE; BYA BA DANG MI BYA BA BRTAG PA NI GANG GI PHYIR, BYA BA SEMS PA ZHES SMOS PA STE, GANG DU BYAS PA DANG MA BYAS PA LAS 'BYOR BA DANG RGUD PAR 'GYUR BAR MTHONG NAS DE LA SEMS PA'O, ,DA LTAR BYUNG BA'I DUS NAS BZUNG STE, BYA BA GDON MI ZA BAR NGES PAR 'DZIN PA NI BYA BA GTAN LA 'BEBS PA'O, ,DE DAG GNYI GA BSTAN PA'I PHYIR DER GROGS SU 'GRO'O, ,LAM DU 'GRO BA 'DREN PA MED PA'O, ,PHYI BZHIN DU 'BRANG BA MED PA RNAMS LA GROGS SU 'GRO BA DANG, RIGS PAS BRTZAMS PA'I BYA BA LA SOGS PA LAS KYI MTHA'I BYA BA LA SBYOR BA DAG DANG, LONGS SPYOD BSGRUB PA SRUNG BA DANG, SEMS CAN PHAN TSUN BYE BA SDUM PA DANG, NYI MA NGES PAR BSOD NAMS KYI KHYAD PAR MYONG BAR BYED PA'I DUS DANG, BSOD NAMS BRTZON PA'I DUS NA'O, ,SEMS CAN RNAMS KYI LUS DANG SEMS KYI SDUG BSNGAL RNAM PA GNYIS KYIS SDUG BSNGAL TE, LUS KYI RNAM PA BZHI STE, NAD KYI SDUG BSNGAL DANG, DBANG PO NYAMS PA'I SDUG BSNGAL DANG, YAN LAG MED PA'I SDUG BSNGAL DANG, NGAL BA DANG DUB PA'I SDUG BSNGAL DANG, SEMS LAS BYUNG BA'I SDUG BSNGAL YANG SDUG BSNGAL GYI RGYU YIN PA'I PHYIR SDUG BSNGAL DU RNAM PAR GZHAG GO, ,DE NI RNAM PA GSUM STE, SGRIB PA'I KUN NAS DKRIS PA'I PHYIR SGRIB PA'I SDUG BSNGAL DANG, RTOG PA KUN DU SPYOD PA'I PHYIR BAR CHAD MED PA'I SDUG BSNGAL DANG, GZHAN GYIS SMA PHAB PA'I SDUG BSNGAL LO, ,DE LA NAD KYIS THEBS PA LA NI G-YOG BYA BA DANG SMAN SBYIN PAS RIM GRO BYED DO, ,'ONG BA RNAMS LA NI 'DOD PA'I GNAS SU PHYIN PAR BYED PA'AM, LAM STON PAR BYED DO, ,'ON PA RNAMS LA NI YONGS SU SPANG BAR BYA BA DANG, BSTEN PAR BYA BA'I DNGOS PO BRDA SPROD PA DANG, YAN LAG GI MTSAN MA STON PAR BYED DO, ,YAN LAG MED PA RKANG PA MED PA RNAMS LA NI BDAG NYID KYIS LUS SAM BZHON PAS 'DOD PA'I GNAS SU PHYIN PAR BYED DO, , GDAMS PA DANG RJES SU BSTAN PAS NI, KUN NAS DKRIS PA SEL BAR BYED DO, ,RTOG PA KUN DU SPYOD PA YANG DE DANG 'DRA'O, ,GZHAN DAG GIS SMA PHAB PA LA NI DE DANG DBRAL BA'I THABS LA RJES SU RTOG PA SEL BAR BYED DO, ,KHYAD DU GSOD PA DANG LDAN PA NI GSOS SBYIN PA'I KHYIM MAM NYE DU'I KHYIM @199A *, ,LAS 'GYUR BA'O, ,'BYOR PA'I RJES SU RTOG PA NI KHYIM GYI 'BYOR PA DANG LDAN PA'O, ,CHOS NYID BSTAN PA'AM, 'JIG RTEN THAMS CAD KYI CHOS DANG 'BREL BA BSTAN PAS NI PHAM PAR BYAS PA'I SDUG BSNGAL SEL BAR BYED DO, ,NYES PAR SPYAD PA SPYOD PA MI DGE BA'I LAS KYI 'BRAS BU RNAM PAR SMIN PAS KUN NAS NYON MONGS PA RNAMS LA NI CHOS BSTAN PA'I SGO NAS DE SPONG BA'I PHYIR NYES PAR SPYOD PA LAS LDOG PA YANG DAG PAR LEN DU GZHUG PA'I TSUL GYIS BYED DO, ,TSIG 'BRU 'BYOR BAS ZHES BYA BA LA SOGS PA'I TSIG BRGYAD KYIS NI, DRI BA RNAM PA GSUM LA, YON TAN BZHI DANG LDAN PA'I LAN BTAB PAR BSTAN TE, MI SHES PA'I DRI BA LA NI DON DANG, MTSAMS SBYOR BA'I DBANG DU BYAS NAS, PHYIN CI MA LOG PA'I DON DANG, MTSAMS SBYOR BAS LAN 'DEBS SO, ,'GAL BA'I DRI BA LA NI CHOS NYID DANG SNGA PHYI'I DBANG DU BYAS NAS, CHOS NYID DANG MTHUN PA DANG, DGONGS PA BSTAN PAS LAN 'DEBS SO, ,GNYI GA DRI BA LA NI GO BAR BYED PA DANG, 'DUL BA JI LTA BA BZHIN DU STON PAS LAN 'DEBS SO, ,THOB PA'I DBANG DU BYAS NAS 'JIG RTEN PA'I YON TAN MNGON PAR SGRUB PA DANG MTHUN PA DANG, 'GRUS SKYONG GI 'PHAGS PA'I LAM GYI TSOGS KYI PHYIR LAN 'DEBS SO, ,RTAG TU BYED PA DANG BYANG BAR BYED PA'I PHYIR NA 'GRUS SKYONG ZHES BYA BA STE, RTAG TU GUS PAR BYED PAS ZAG PA RNAMS LAS SEMS SRUNG BAR BYED PA'I PHYIR RO, ,GZHAN YANG TSIG 'BRU 'BYOR PA NI 'BREL PAS BSTAN TE, SNGA PHYI MI MTHUN PA MED PA DANG RJES SU MTHUN PA NI RJES SU 'PHROD PAS BSTAN TE, ,CHOS NYID DANG MI MTHUN PA MED PA DANG, THABS DANG LDAN PA NI 'TSAM PAS BSTAN TE, 'DUL BA'I RKYEN DU BAB PA DANG, MTHUN PA NI 'GRUS SKYONG GI YAN LAG GI TSOGS KYIS BSTAN TE, TSANGS PAR SPYOD PA DANG MTHUN PAS GSAL PAR BYED DE, DPER NA YAN LAG LNGA DANG LDAN PA'I GSUNG BSTAN PA NA SNGA MA PHYI MAS GSAL BAR BYED DE; ZAB PA NI 'BRUG SGRA LTA BU ZHES BYA BA LA SOGS PA BZHIN DU TSIG BZHI PO 'DI DAG GIS PHYI MA DANG BCAS PAR STON PAR BYED PA'I YON TAN PHUN SUM TSOGS PA'I LAN BTAB PAR BSTAN TE, ,DRI BA THAMS CAD LA YANG SNGA PHYI MA 'GAL BA DANG, CHOS NYID DANG MI 'GAL BA DANG 'DUL BA DANG MI 'GAL BA @199B DANG DAM PA DANG 'BREL PA YIN NO, ,THABS MKHAS PAS STON PA NI BSTAN PA'I SGO NAS STON TE, JI LTAR TSUL KHRIMS KYI MI MTHUN PA'I PHYOGS 'CHAL PA'I TSUL KHRIMS SPANGS PA'I PHYIR, RIGS PAS STON PA BZHIN DU SBYIN PA YANG SER SNA SPANG BA'I PHYIR BSTAN TO, ,LONGS SPYOD GRUB PA LA BZO DANG LAS KYI GNAS RNAM PA SNA TSOGS BSTAN TO, ,BSRUNG BA'I PHYIR NI TSEGS CHUNG NGUS NOR DANG, 'BRU BSDU BA'I BYA BA BSTAN TO, ,BSTAN PA LA MA ZHUGS PA RNAMS NI DAD PA THOB PAR BYA BA'I SGO NAS 'JUG PAR BYED DO, ,ZHUGS PA RNAMS NI MTHONG BAS SPANG BAR BYA BA'I NYON MONGS PA SPONG BA'I SGO NAS NGAN SONG LAS YANG DAG PAR 'DA' BAR BYA BA'I PHYIR YANG DAG PHUL GYI CHOS STON TO, ,LAM THOB PA RNAMS LA NI KUN DU SBYOR BA LHAG MA SPONG BA'I SGO NAS YANG SRID PA'I SDUG BSNGAL LAS 'DA' BAR BYAG PHYIR THABS MKHAS PAS STON TO, ,PHAN 'DOGS PA LA LAN DU PHAN GDAGS PAR 'DOD PA RNAMS LA NI YANG DAG PAR DGA', BAR BYED PA SNGON DU GTONG BA'I RNYED PA DANG BKUR STI'I LAN DU PHAN 'DOGS PA MNYAM PA'AM LHAG PAS NYE BAR GNAS PAS DON BYED DO, ,DE DAG NYID KYI BYA BA LA GROGS MED PA DE DAG NYID 'DI LA NI GROGS BYED DU 'GRO BAR BYED DO, ,SDUG BSNGAL BA RNAMS LA NI SDUG BSNGAL RAB TU ZHI BAR BYED DO, ,'JIGS PA RNAMS LA NI 'JIGS PA LAS SKYOB PAR BYED DO, ,SDUG BSNGAL BAR GNAS PA RNAMS LA NI MYA NGAN BSANG BAR BYED DO, ,YO BYAD MED PA RNAMS LA NI NYE BAR SGRUB PAR BYED DO, ,GNAS 'DOD PA RNAMS LA NI GNAS SBYIN PAR BYED DO, ,MTHUN PAR BYED PA RNAMS LA NI SEMS DANG MTHUN PAR BYED DO, ,YANG DAG PAR BSKYANG BA RNAMS LA NI YANG DAG PAR DGA' BAR BYED DO, ,LOG PAR ZHUGS PA RNAMS LA NI TSAR GCOD PAR BYED DO, ,ZHE 'GRAS PA RNAMS LA NI BSTAN PA LA 'DUN PAR BYED PAS GROGS BYED DE, DE LTA NA YANG DAG PAR SGRUB PA RNAM PA BCU GCIG GIS DE RNAMS KYI DON BYED DO, ,'JIGS PA'I BSKYAB BYA BA NI MDOR BSDU NA RNAM PA BCU STE, DUD 'GROR GYUR PA'I SEMS CAN GYI 'JIGS PA LAS SKYOB PAR BYED PA DE YANG RNAM PA GNYIS TE, THANG LA GNAS PA DANG CHU NA GNAS PA'O, ,MI 'JIGS PA LAS SKYOB PAR BYED DE, MI RNAMS KYI @200A *, ,'JIGS PA NYE BAR SGRUB NUS PA LA YANG RNAM PA BZHI YOD DO, BDAG GI YUL NA CHAD PAS GCAD PA DANG, NAN THUR DU BYA BA'I MTHU YOD PA'I YUL GYI BDAG PO DANG, MTHU'AM 'JAB BUS NOR 'PHROG PA'I RKUN 'JOMS RNAMS DANG, LONGS SPYOD LA SOGS PA'I BAR CHAD BYED PA'I DGRA RNAMS DANG, DNGOS PO TSAD MED PA'I BDAG PO THOB PA'I RJE GZHAN DAG LA YANGPHROGS NA YANG ZHES BYA BA LA SOGS PA SMOS PA'I RKYEN BYUNG BAS 'JIG PA'I MI RTAG PAS GYUR PA NI, GANG GI BYAD DANG MI LDAN PA'I PHYIR 'TSO BA MED PA'I 'JIGS PA DANG, LEGS PAR SPYOD PA DANG MI LDAN PA'I PHYIR MI SNYAN PA'I 'JIGS PA DANG SMRA BA'I BYA BA DANG MI LDAN PA'I PHYIR 'KHOR DU BAG TSA BA'I 'JIGS PA'O, ,MI MA YIN PA LAS GYUR PA NI RNAM PA GNYIS TE, SKYE BA'I KHYAD PAR GYIS BSKYED PA DANG, RIG SNGAGS KYI KHYAD PAR GYIS BSKYED PA'O,,SDUG BSNGAL BA YANG RNAM PA GNYIS TE, GNYEN BSHES KYI SDUG BSNGAL BA DANG, LONGS SPYOD KYI SDUG BSNGAL BA'O, , DE LA GNAS SKABS KYI LOG PAR BRJOD PA'I RGYU'I RTOG PA NI MYA NGAN NO, ,SKYE GNAS DANG DGOS PA DANG 'BREL PA DANG LDAN PA'I PHYIR GNYEN BSHES RNAM PA LNGA YOD DE, DE DAG SHI BA LAS GYUR PA'I MYA NGAN LA NI, SEMS CAN THAMS CAD KYI RIS MTHUN PA'I MI RTAG PAR BSTAN PAS DE SEL BAR BYED DO, , RAB TU BYUNG BA'I PHYOGS KYI BLA MA SHI BA LAS GYUR PA DE DAG LA YANG RNAM PA GSUM STE, SLOB DPON DANG MKHAN PO DANG TSANGS PA MTSUNGS PAR SPYOD PA RNAMS SO, ,LONGS SPYOD ZHIG PA NI LONGS SPYOD KYI SDUG BSNGAL BA'O, ,ZHIG PA YANG MI RTAG PA RNAM PA GSUM GYIS 'GYUR TE, DBANG GIS 'JIG PA'I MI RTAG PAS GYUR PA NI GANG GI PHYIR, RGYAL POS PHROGS NA YANG ZHES BYA BA LA SOGS PA SMOS PA DANG, MI MTHUN PA'I RKYEN BYUNG BAS 'JIG PA'I MI RTAG PAS GYUR PA NI, GANG GI PHYIR MES TSIG CES BYA BA LA SA GSO BA DANG, GNAS MI MTHUN PA LAS NI BRAL BA'I MI RTAG PAS 'JIG PA'O, ,SBYOR BA MI MTHUN PA LAS NI MA GRUB PA LAS GYUR PA DANG, SKAL BAS NYES PA LAS GYUR PA NI RANG GI DANG GIS 'JIG PA STE, DE'I MYA NGAN LAS NI 'DU BYED RNAMS MI RTAG PAR BSTAN PAS SEL BAR BYED DO, ,DE LAS SKYES PA'I MYA NGAN LA YANG PHA MA SHI BA LAS GYUR PA DANG, BU DANG CHUNG @200B MA SHI BA LAS GYUR PA RNAMS NI CHE BA'O, ,BRAN LA SOGS PA LA NI, DGOS SHING GCES PA'I SGO NAS CI RIGS PAR RNAM PA GSUM DU 'GYUR RO, ,RDZAS RNAMS LA YANG YO BYAD BSGRUB PAR BYA BA'I TSUL KHRIMS SNGON DU BTANG STE, SDUG BSNGAL RNAM PA BZHI'I GNYEN POR BSTAN PA YANG DE DANG 'DRA'O, ,YONGS SU SDUD PA'I TSUL KHRIMS NI BSAM PA PHUN SUM TSOGS PA DANG ZANG ZING SGRUB PAS BSTAN TO, ,BSAM PA PHUN SUM TSOGS PA NI ZANG ZING MED PA'I GTONG BAS BSTAN TO, ,ZANG ZING GI LONGS SPYOD NI RNAM PA GNYIS TE, GZHAN LAS BSLANG BA DANG, THUN MONGS DU LONGS SPYOD PA'O, ,SEMS DANG MTHUN PA'I TSUL KHRIMS NI, BSTAN PA DANG RGYAS PA'I SGO NAS RIG PAR BYA STE, BSTAN PA NI SEMS CAN RNAMS KYI MOS PA DANG, KHAMS KYI DBANG GIS DE LTA DE LTA BUR SGRUB PAR BSTAN PA STE, GZHUNG LAS BYUNG BA BZHIN NO, ,DE LA BSAM PA NI SEMS PA'O, ,RANG BZHIN NI MOS PA'O, ,KHAMS NI BAG LA NYAL BA'O, ,LUS DANG NGAG GI SBYOR BA GANG GIS GZHAN DAG GIS SDUG BSNGAL BA DANG YID MI BDE BA SKYE BAR 'GYUR LA, SDUG BSNGAL BA DANG YID MI BDE BA SKYE YANG GAL TE DE DAG LA PHAN PA DANG BDE BAR MI 'GYUR NA NI BYANG CHUB SEMS DPA' SO SOR BRTAGS TE, BDAG NYID DANG GZHAN DAG LA YANG PHAN PA MED PA'I PHYIR 'JUG PAR MI BYED DO, ,GAL TE PHAN PA DANG BDE BAR 'GYUR BA ZHIG YIN NI MTHUN PAR 'JUG PAR YANG MI BYED DE, YONGS SU 'GYUR BA'I TSE DE DAG NYID LA BDE BA'I PHYIR RO, ,SNYING BRTZE BA'I SEMS KYIS NI BYED PA NYID DO, ,DE BZHIN DU GZHAN GYI SBYOR BA LA YANG GZHAN GYI SEMS DANG MTHUN PAR BYA BA'I PHYIR JI SKAD BSTAN PA'I MTSAN NYID LA MTHUN PAR 'JUG PAR YANG MI BYED LA, MTHUN PAR 'JUG PAR YANG BYED DE, MDOR BSDU NA BDAG NYID DANG GZHAN LA LTOS TE TRJES SU 'JUG GO, ,BDAG NYID KYI LUS DANG NGAG GI KUN DU SPYOD PA DE YANG DE BZHIN GSHEGS PAS BCAS PA'I BSLAB PA'I GZHIR GTOGS PA YANG MA YIN, BSOD NAMS DANG YE SHES KYI TSOGS KYI NGO BO NYID KYANG MA YIN NA NI GZHAN GYI SEMS BSRUNG BA'I PHYIR TE GTONG BAR BYED DO, ,DE LAS BZLOG PA NI GTONG BAR MI BYED DO, ,BDAG LA LTOS PA YANG DE DANG 'DRA'O, ,JI @201A *, ,LTAR DE PHA ROL GYI BSAM PA LA LTOS NAS LUS DANG NGAG GI KUN DU SPYOD PA GTONG ZHING GZHAN DAG GI BDE BA DANG SDUG BSNGAL SKYE BA'I SGO NAS PHAN PA DANG BDE BA'I PHYIR 'JUG CING MI GTONG LA, DE LAS BZLOG PA LA NI GTONG BAR BYED CE NA, GCIG LA RNAM PAR 'KHRUGS NA THAMS CAD LA GNOD PAR 'GYUR BA'I PHYIR DGA' BAR BYA BA YANG MI BRJOD DO, ,SHAD KYIS SBYANGS BA NI BZOD PAR GSOL BA'O, ,MI SMRA BA LA ZHES BYA BA NI NGOM ZUNG CAN 'JIG RTEN GYI TSUL MI SHES PA LA YANG BDAG NYID GSONG POR SMRA BA YIN PA'I PHYIR, YANG DAG PAR DGA' BAR BYED NA DE LAS BZLOG PA LTA BU LA MA LOG KYANG BYED MOD, 'KHRUG PAR MI BYED CES BYA BA NI, PHA ROL GYI SDUG BSNGAL SKYE BA SPANGS PAS DE DAG NYID LA PHAN PA'I PHYIR TSAR GCOD PAR BYED PA NI ZAD DE ZHES BYA BA 'DIS BSTAN TO, ,'PHYA BAR YANG MI BYED CES BYA BA NI, SKYE BO MANG PO'I NANG DU SMA 'BAB PA'I RGYU YIN PA'I PHYIR RO, , GNAS MA YIN PAR 'GYOD PA SKYED PAR YANG MI BYED DE, YID MI BDE BA'I GNAS YIN PA'I PHYIR RO, ,'CHAD PA'I GNAS KYIS KYANG GLENG BAR MI BYED DE NGO TSA BAR BYA BA YIN PA'I PHYIR RO, ,DGA' BA'I SHAS CHUNG BA RNAMS LA YANG BDAG LA STOD PAR MI BYED DE, ZHUM PA'I RNAM PA RGYU'I YIN PA'I PHYIR RO, ,RNAM PA GSUM GYI SGO NAS BSTEN PA'I NYES PA SPANGS PA NI 'BREL PA GCOD PA'I PHYIR RO, ,MDZA' BO LA SMOD PAR YANG MI BYED MI MDZA' BA'I BSNGAGS PA YANG MI BRJOD CES BYA BA NI, DE DAG MI DGA' BAR 'GYUR BA'I PHYIR RO, ,LHAN CIG GNAS PA BZHIN DU YID RTON PAR YANG MI BYED DE, DE DAG GIS SEMS KYI MTSAN MA GZHAN DAG TU 'GYUR BA'I PHYIR RO, ,RGYUN DU SLONG BAR BYED PA YANG MI BYED DE, SKYO BA'I GNAS YIN PA'I PHYIR RO, ,RANG GIS BYIN NA YANG TSOD SHES PA YIN TE, 'BYIN PA'I 'OG TU YANG KHYAD DU GSOD PA'I SEMS SKYE BAR 'GYUR BA'I PHYIR RO, , MGRON DU BOS NA YANG SPONG BAR MI BYED DE 'DOD PAS PHONGS PAR GYUR PA SPANG BA'I PHYIR RO, ,DE DAG CI NAS 'DOD PAS PHONGS BAR MI 'GYUR BA DE LTA BUR YANG SHAD KYIS BYANG BAR BYED DO, ,YANG DAG PAR DGA' BAR BYA BA'I TSUL KHRIMS NI 'JUG PA DANG BCAS PA'I MNGON PAR MTHO PA'I RGYU DANG, YANG @201B DAG PAR BLANGS PA DANG NGES PAR LEGS PA'I RGYU STE, YANG DAG PAR BLANG BA'I DBANG DU BYAS NAS DE LA DANG BAS 'JUG PA'O, ,MNGON PAR MTHO BA'I RGYU NI TSUL KHRIMS DANG GTONG BA STE, BDE 'GRO'I LUS DANG LONGS SPYOD KYI RGYU YIN PA'I PHYIR RO, ,THOS PA NI SHES RAB 'DREN PA YIN PAR RIG PAR BYA'O, , SHES RAB KYANG NGES PAR LEGS PA'I RGYU YIN NO, ,TSAR GCAD PA'I TSUL KHRIMS NI DGA' BA RNAM PA GSUM LAS TSAR GCAD PA RNAM PA GSUM DU SO SOR SBYAR BAR RIG PAR BYA'O, ,BSOD NAMS MA YIN PA YONGS SU 'DZIN PAR 'GYUR BA ZHES BYA BA NI MI RIGS PAR DAD PAS BYIN PA LONGS SPYOD PA DANG; TSANGS PA MTSUNGS PAR SPYOD PA LAS PHYAG BYA BA LA SOGS PA BDAG GIR BYED PA'I PHYIR RO, ,ZHE 'GRAS PA RNAMS LA NI MDOR BSDU NA SGRUB PA RNAM PA GNYIS YOD DE, NYES PAR SPYAD PA SPYOD PA RNAMS LA NI DE DAG LA SKYO BA SKYED PA'I PHYIR NYES PAR SBYOR BA'I 'BRAS BU YANG DAG PAR STON TO, , 'KHOR CHAN PO'I NANG DU BYANG CHUB SEMS DPA' LA GNOD PAR BYA BA'I BSAM PAS MI SMRA BA LA PHYIR DRIS PA'I LAN LDON DU GZHUG PA'I PHYIR, RDZU 'PHRUL GYI STOBS KYIS SPRUL PA'I GZUGS 'JIGS PA BSTAN PAS SKRAG PAR BYAS NAS, DRI BA LAN 'DEBS SU GZHUG PA DANG, DE'I SGO NAS SKYE BO PHAL PO CHE 'DU BA'I PHYIR RO, ,RDZU 'PHRUL BYA BAS KYANG 'DUN PAR BYED DE, THUN MONG BA DANG THUN MONG MA YIN PAS 'DUN PAR BYAS NAS SGRUB PA LA DGOD PA'I PHYIR YANG DAG PAR DGA' BAR BYAS NAS ZHES BYA BA LA SOGS PAS BSTAN TE, BSLAB PA'I DNGOS PO'I TSOGS MTHA' YAS PA BSDUS PAS NA TSUL KHRIMS KYI PHUNG PO'O, ,BSOD NAMS DPAG TU MED PA'I TSOGS BSDUS PAS NA BSOD NAMS KYI PHUNG PO'O, ,DE LTAR BYANG CHUB SEMS DPA'I TSUL KHRIMS THAMS CAD RGYAS PAR BSTAN NAS, DA NI BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA'I CHO GA BSTAN TE; BYANG CHUB SEMS DPA'I TSUL KHRIMS NI PHYOGS GNYIS SU GTOGS PA STE, DE BAS NA DE LA BYANG CHUB SEMS DPA' KHYIM PA'AM ZHES BYA BA LA SOGS PA SMOS SO, ,DPER NA SKYABS SU SONG BA NYI TSE LA SO SOR THAR PA'I SDOM PA YANG DAG PAR BLANG BA YOD PA DE BZHIN DU SEMS BSKYED PA LA @202A *, ,YANG DAG PAR BLANG BA YOD PAR 'GYUR BA'I PHYIR, SMON LAM BTAB PAS ZHES SMOS SO, ,DPER NA NYAN THOS KYI TSUL KHRIMS GANG SMAD DU MED PA LA YANG DAG PAR BLANG BA DE BZHIN DU 'DI LA YANG DE DANG 'DRA BAR BSTAN PA'I PHYIR CHOS MTHUN PA ZHES SMOS SO, ,DE YANG SHES PA LAS GNOD PAR BSTAN PA'I PHYIR, MKHAS PA ZHES BYA BA LA SOGS PA SMOS TE, NGAG GI RNAM PAR RIG BYED KYI DON NI TSIG 'BRU'I SGO NAS 'DZIN NUS PA'O, ,DON GYI SGO NAS NI GO BAR NUS PA'O, ,GUS PA YOD PA LA SDOM PA SKYE BAR 'GYUR GYI, GUS PA MED PA LA NI MI SKYE BAS NA, GUS PA'I BSNYEN BKUR GYI RIM PA BSTAN PA'I PHYIR RKANG PA GNYIS LA THOG MAR PHYAG BYAS NAS ZHES SMOS SO, ,'DOD PA LA SDOM PA SKYE'I MI 'DOD PA LA MA YIN PAS NA GSOL BA GDAB PAR BYA STE ZHES SMOS SO, ,GSAN CING STZAL BA'I RIGS SO ZHES BYA BA NI BDAG GIS GSOL BA GSON LA STZOL CIG CES BYA BA'I THA TSIG GO, ,NYAN THOS RNAMS KYI SDOM PA NI TSOGS RNAMS 'DUS PA TZAM LA GUS PAR BYA BAS THOB PAR 'GYUR GYI, SDOM PA 'DI NI DE LAS CHES KHYAD PAR DU 'PHAGS PA'I PHYIR SANGS RGYAS DANG BYANG CHUB SEMS DPA' THAMS CAD LA MCHOD PA BYA BA SNGON DU BTANG BAS THOB PAR 'GYUR BAS BSTAN PA'I PHYIR, SANGS RGYAS BCOM LDAN 'DAS RNAMS DANG ZHES BYA BA LA SOGS PA SMOS TE, YE SHES CHEN PO DANG MTHU CHEN PO THOB PA RNAMS ZHES BYA BA NI SA CHEN PO LA ZHUGS PA SHA STAG YIN PAR BSTAN TO, ,MCHOD PA ZHES BYA BA NI CI NUS KYIS ME TOG DANG SPOS LA SOGS PA'I MCHOD PA DANG, LUS KYIS KYANG PHYAG BYAS NAS ZHES BYA BA'I THA TSIG GO, ,YON TAN RNAMS KYANG ZHES BYA BA NI, SDOM PA 'DI LTA BU DANG LDAN PA RNAMS KYI YON TAN GYI KHYAD PAR NI DE LTA BU YIN NO ZHES THUN MONG MA YIN PA'I YON TAN RJES SU DRAN PAR BYAS NAS, DE LTAR LUS DANG NGAG DANG YID KYIS MCHOD PA BYA BAR BSTAN TO, ,SDOM PA DE MCHOG TU DGE BA'I BSAM PAS BSKYED PA YIN PA'I PHYIR SNYING NAS ZHES SMOS SO, ,CHUNG NGU YANG ZHES BYA BA NI NGES PA MED PAR BSTAN PA STE, GAL TE NUS PA DANG RGYU'I STOBS YOD NA NI SNYING NAS BYA BA'AM, DE LTA MA YIN NA NI CHUNG NGUS BYA BA'O, ,GAL TE KHYIM PA @202B YIN NA NI RIGS KYI DU ZHES BYA BA DANG, GAL TE GZHON PA ZHIG YIN NA NI TSE DANG LDAN PA ZHES BYA BA DANG, GAL TE RGAN PA ZHIG YIN NA NI BTZUN PA ZHES BYA BA NI TSIG GI RIM PA YIN NO, ,SDOM PA YANG DAG PAR BLANG BA DE RNYED PA CHE BA YIN PAR RJES SU DRAN PA DANG, BDAG NYID KYIS DE THOB PAR 'GYUR BAR SEMS BZHIN DU CANG MI SMRA BAR BYA'O, ,DPER NA NYAN THOS KYI SDOM PA LA SKYABS SU SNGON DU 'GRO BA DE BZHIN DU BYANG CHUB SEMS DPA'I YANG SMON LAM SNGON DU 'GRO BAR BSTAN PA'I PHYIR, BRTAN PAR BYA BA'I DON DU SMON LAM 'DRI BAR BYED DO, ,DON DAM ZHES KYANG 'DRI'O, ,BSLAB PA'I GNAS SU GYUR PAS NA BSLAB PA'I GZHI RNAMS TE, DE LTAR GNAS KYI SGO NAS BSTAN NAS, BYANG CHUB SEMS DPA'I TSUL KHRIMS THAMS CAD DE ZHES BYA BA LA SOGS PAS NGO BO NYID BSTAN TO, ,SANGS RGYAS DANG BYANG CHUB SEMS DPA' THAMS CAD KYI NGES PA YIN PA'I PHYIR, DUS GSUM DU YANG YANG DAG PAR BLANGS PA LA BDAG DBANG DU GYUR PAR MKHYEN PAR GSOL LO, ,CHOS NYID CES BYA BA NI SDOM PA YANG DAG PAR BLANG BA'I CHE BA NYID KYI KHYAD PAR GDON MI ZA BAR YOD PA'I PHYIR DANG, SANGS RGYAS DANG BYANG CHUB SEMS DPA' RNAMS SMON LAM LA DGONGS PA'I KHYAD PAR GYI PHYIR RO, ,DE LTA BU'I LTAS ZHES BYA BA NI GDAN KUN DU G-YO BA'I LTAS SO, ,LTAS DES BSKUL NA NGES PAR 'DI SNYAM DU DGONGS PAR 'GYUR TE, SKAD CIG 'DI LA GCIG CIG GIS TSUL KHRIMS KYI SDOM PA YANG DAG PAR BLANGS NA 'JIG RTEN GYI KHAMS GANG DU SU ZHIG GIS BLANGS SNYAM DU DGONGS PAR 'GYUR TE, DE SNGON DU BTANG BA'I YE SHES KYIS GZIGS PA NI YE SHES GZIGS PA YIN NO, ,GCIG TU NA YE SHES NYID GZIGS PA YIN TE, MNGON SUM DU 'JUG PA'I PHYIR RO, ,BU DANG 'DRA ZHES BYA BA NI SANGS RGYAS KYI'O, ,SPUN DANG 'DRA ZHES BYA BA NI BYANG CHUB SEMS DPA' RNAMS KYI'O, ,BAR CHAD MED PAR DON GRUB PAR 'GYUR BA'I PHYIR DGONGS PA BZANG POS SO SO NAS THUGS BRTZE BAR MDZAD DO, ,DE DAG GIS BTANG SNYOMS SU MA MDZAD PAS NA, 'PHEL PA NYID DO, ,SANGS RGYAS DANG BYANG CHUB SEMS DPA' DE DAG GIS THUGS SU CHUD PA ZHES BYA BA NI MKHYEN CES BYA BA'I THA TSIG GO, ,SDOM PA YANG DAG PAR @203A *, ,BLANG BA THAMS CAD LAS CHES BLA MAR GYUR BA DANG, CHES GYA NOM PAR GYUR PA'I PHYIR KHYAD DU 'PHAGS PA YIN NO, ,KHYAD PAR DU 'PHAGS PA NYID KYANG RNAM PA BZHIS BSTAN TE, DE LAS CHES GONG MAR GYUR PA MED PAS NA BLA NA MED PA'O, ,BSOD NAMS KYI 'BRAS BU DPAG TU MED PAS BSDUS PAS NA BSOD NAMS KYI PHUNG PO DPAG TU MED PA DANG LDAN PA'O, ,SEMS CAN THAMS CAD LA PHAN PA DANG, BDE BA'I LHAG PA'I BSAM PAS BSKYED PAS NA, SEMS KYI BSAM PA MCHOG TU DGE BAS BSKYED PA'O, ,SEMS CAN THAMS CAD KYI GNAS LA NI NYES PA SPYOD PA RNAM PA THAMS CAD KYI GNYEN POR GYUR PA'I SDOM PA DANG LDAN NA SEMS CAN THAMS CAD KYI GNAS LA RNAM PA THAMS CAD DU LUS DANG NGAG DANG YID KYI NYES PAR SPYAD PA MI SPYOD DE 'JUG PAR MI BYED DO, ,DE'I GNYEN POR GYUR PA KHYAD PAR DU 'PHAGS PA NYID NI, SO SOR THAR PA'I SDOM PA ZHES BYA BA LA SOGS PA'I RNAM PAR DBYE BAS STON TO, ,YANG DAG PAR BLANG BA'I TSUL KHRIMS LA GNAS PA'I BYANG CHUB SEMS DPA' RJES SU BSRUNG BA'I THABS NI BDAG NYID KYANG ZHES BYA BA LA SOGS PAS STON TO, ,BDAG GI BLO'I STOBS KYIS BYA BA DANG MI BYA BA NYES PAR BRTAG CING LUS LA SOGS PAS BSGRUB PAR BYA BA 'DI NI BYANG CHUB SEMS DPA'I CHA YIN NO, ,DE BZHIN DU BSGRUB PA NYID NI BSLAB PA'O, ,RGYAS PA NI BYANG CHUB SEMS DPA'I SDE SNOD DAM, BYANG CHUB SEMS DPA'I SDE SNOD KYI MA MO BSTAN PA LAS MNYAN PA DE LTA BUR RJES SU SRUNG BA DANG TSUL KHRIMS SU BSTAN PA YIN NO, ,KHYAD PAR DU 'PHAGS PA'I 'BOGS PAR BYED PA LAS GNOD PAR BYA BAR BSTAN PA'I PHYIR, 'BOGS PAR BYED PA'I KHYAD PAR NYES PA YONGS SU SPANGS PA'I SGO NAS DAD PA ZHES BYA BA LA SOGS PAS BSTAN TO, ,DAD PA NYID NI SDOM PA 'DI LA MOS PA'I STOBS BSKYED PA DANG LDAN PA'I PHYIR RO, ,DE'I MI MTHUN PA'I PHYOGS KYIS NI DAD PA MED PA NYID STON TO, ,MA MOS PA NI DAD PA CHEN POS SO, ,MI 'JUG PA NI 'BRING GIS SO, ,MI RTOG PA NI CHUNG NGUS SO, ,PHA ROL TU PHYIN PA DRUG GI MI MTHUN PA'I PHYOGS KYI GNAS PAS NYES PA RNAM PA DRUG DANG LDAN PA LAS KYANG GNOD PAR MI BYA BAR @203B BSTAN PA LA LUS DANG LONGS SPYOD LA LTA BA KUN DU SPYOD PAS NA BRKAM CHAGS CAN NO, ,DE'I DBANG DU GYUR PAS NA CHAGS PAS ZIL GYIS NON PA STE, DE LTA BU NI SBYIN PA'I PHA ROL TU PHYIN PA'I MI MTHUN PA'I PHYOGS DANG DU LEN PA'O, ,TSUL KHRIMS KYI PHA ROL TU PHYIN PA'I MI MTHUN PA'I PHYOGS KYI DBANG DU BYAS NAS, TSUL KHRIMS NYAMS PA ZHES SMOS TE, 'CHAL PA'I TSUL KHRIMS NI RNAM PA GNYIS KYIS BSTAN TE, RTZA BA'I NYES PA BYED DE MA LUS PAR CHAD PA'I PHYIR NI TSUL KHRIMS NYAMS PA ZHES SMOS SO, ,LHAG MA DANG BCAS PA'I NYES PA SPYOD DE NYAMS PAR BYAS PA'I PHYIR NI, BSLAB PA DAG LA GUS PAR MI BYED CES SMOS SO, ,GUS PAR MI BYED PA NYID NI LHOD PA'O, ,MI BZOD PA NI BSAM PA DANG SPYOD PA'I SGO NAS BSTAN TE, GNOD PA BYED PA LA ZHUGS PA'I TSE SEMS 'KHRUGS PAS NA KHRO BA'O, ,DE PHYIN CHAD GNOD PA DRAN PA'I TSUL GYIS YANG DANG YANG DU SEMS 'KHRUGS PAS NA KHON DU 'DZIN PA'O, ,DGE SBYONG GI CHOS RNAM PA BZHI'I MI MTHUN PA'I PHYOGS TSUL GYIS NI NYES PA MI BZOD PA'O, ,DGE BA'I PHYOGS LA SEMS SPRO BA MED PAS NA SNYOM LAS CAN NO, ,MI MTHUN PA'I PHYOGS LA DGA' BAS NA LE LO CAN NO, ,MI MTHUN PA'I PHYOGS LA DGA' BA NYID NI SHAS CHER ZHES BYA BA LA SOGS PAS BSTAN TO, ,SEMS RNAM PAR G-YENGS PA NI ZHI GNAS LA SOGS PA BSGOM PA LA SEMS GNAS SU MI BTUB PA'I PHYIR RO, ,'CHAL BA'I SHES RAB NI RNAM PA GNYIS KYIS BSTAN TE, KUN TU SPYAD PA LAS NI YID RTUL BA DANG RMONGS PA'I RANG BZHIN CAN ZHES SMOS TE, LEGS PAR BSHAD PA LA SOGS PA'I DE KHO NA BDAG NYID KYIS YONGS SU SHES PAR MI NUS PAS NA YID RTUL BA'O, ,GZHAN LAS THOS SU ZIN KYANG YONGS SU SHES PAR BYED MI NUS PAS NA RMONGS PA'I RANG BZHIN CAN TE, DE LTA NA KUN DU SPYOD PA LAS BSTAN TO, ,RANG BZHIN GYIS RMONGS PAR 'DUG PA NYID NI ZHUM PA ZHES BYA BAS BSTAN TO, ,BYANG CHUB SEMS DPA'I SDE SNOD CES BYA BA LA SOGS PAS NI RGYU YONGS SU 'DZIN PA LAS 'CHAL PA'I SHES RAB STON TE, DAM PA'I CHOS LA SKUR BA BTAB PAS NI TSE RABS GZHAN RNAMS SU YANG SHES RAB 'CHAL BAR @204A *, ,'GYUR RO, ,KUN CHUB PAR BYAS PA NI TSIG GIS BRJOD PA STE, DE DAG GI TSUL KHRIMS DE LA YANG SKUR PA 'DEBS PAR 'GYUR LA, GANG ZAG LA YANG SMOD PAR 'GYUR TE, DE'I RGYUS BSOD NAMS MA YIN PA CHEN PO YONGS SU SDUD PAR 'GYUR BA'I PHYIR BSNYAD PA'I NYES DMIGS BSTAN TO, ,DE LA YID KYIS MNGON PAR ZHEN PAS NA LTA BA'O, ,DE'I 'DU SHES YID LA BYED PA KUN DU SPYOD PAS NA KUN DU RTOG PA'O, ,SNGON NAS BYANG CHUB SEMS DPA'I BSLAB PA'I GZHI BSGRAGS PA NI BSTAN PAR BYA BA'I PHYIR RO, ,BSLAB PA'I GZHI DE DAG KYANG BYANG CHUB SEMS DPA'I SA LA MDOR BSDUS TE BSTAN PAS NA, BYANG CHUB SEMS DPA'I SDE SNOD KYI MA MO LAS ZHES SMOS SO, ,SNYING NAS ZHES BYA BA NI MOS PA'I STOBS BSKYED PA'I PHYIR RO, ,SO SOR BRTAGS NAS ZHES BYA BA NI NUS SAM MI NUS PA DE NYE BAR BRTAGS NAS ZHES BYA BA'I THA TSIG GO, ,DE LAS BZLOG PA NI PHA ROL GYIS YANG DAG PAR 'DZIN DU BCUG PA'I PHYIR MA YIN ZHES BYA BAS BSTAN TE, LA LA SNYING NAS MOS PA MED DU ZIN KYANG GZHAN GYI DRING 'JOG PA'AM, GZHAN DANG 'GRAN PA'I PHYIR LEN PA YANG YOD PAS NA DE GNYI GA 'GOG PAR BYED DO, ,NYAN THOS KYI BSLAB PA LAS RTZA BA'I NYES PA'I KHYAD PAR BSTAN PA DANG, BSLAB PA'I KHYAD PAR BSTAN PA'I PHYIR, PHAM PA'I GNAS LTA BU'I CHOS BZHI YOD DE ZHES SMOS TE, NYAN THOS 'DOD CHAGS DANG, ZHE SDANG DANG, GTI MUG LA GNAS NAS 'KHRIG PA'I 'DOD CHAGS KYIS GNYIS KYIS GNYIS SPROD PA'I SBYOR BA DANG, YO BYAD KYI 'DOD CHAGS KYIS GZHAN GYI NOR RKU BA DANG, SEMS CAN LA KUN NAS MNAR SEMS KYI KUN NAS DKRIS PAS MI BSAD PA DANG GTI MUG GI KUN NAS DKRIS PAS BDAG LA MED BZHIN DU 'JIG RTEN LAS 'DAS PA'I CHOS SGROGS PA'I CHOS BZHI BYAS NA SKAL BA MED PAR 'GYUR PA DE DANG 'DRA BAR BYANG CHUB SEMS DPA'I PHAM PA'I GNAS LTA BU'I CHOS GZHAN BZHI YOD PAR RIG PAR BYA STE, RNYED PA DANG BKUR STI BYUNG BA KUN DU MYONG BAS BYANG CHUB SEMS DPA' SKAL BA MED PAR 'GYUR RO, ,BDAG LA BSTOD PA ZHES BYA BA LA SOGS PAS BKUR STI STON TO, ,NYAN @204B THOS JI LTAR 'KHRIG PA'I 'DOD CHAGS KYIS BDAG DANG GZHAN SUN PHYUNG BAS SKAL BA MED PAR 'GYUR BA DE BZHIN DU BYANG CHUB SEMS DPA' YANG RNYED PA DANG BKUR STI LA BRKAM PAS BDAG DANG GZHAN SUN PHYUNG NA PHAM PAR 'GYUR RO, ,DE BAS NA TSUL KHRIMS DE BAS TSUL KHRIMS 'DI CHES ZAB PA DANG RGYA CHE BA YIN TE; DE BZHIN DU GZHAN LA YANG SHES PAR BYA'O, ,NYAN THOS NI BRKAM CHAGS KYIS GZHAN GYI NOR BRKUS NA PHAM PAR 'GYUR LA, BYANG CHUB SEMS DPA' NI BDAG LA NOR YOD BZHIN DU ZANG ZING LA SER SNA BYED PAS SLONG BA PO NYAM THAG PA LA MA BYIN NAM CHOS KYI BGO BSHA' MA BYAS NA PHAM PAR 'GYUR RO; ,NYAN THOS NI MI BSAD BAS PHAM PAR 'GYUR LA, BYANG CHUB SEMS DPA' NI SEMS CAN THAMS CAD LA KUN NAS MNAR SEMS KYI SEMS BSKYED NAS LAG PA'AM BONG BA LA SOGS PAS GNOD PA BSKYED NAS GNOD PA BYED BYED PAS GNOD PA'I NYES PA SHAD KYIS SBYANGS SHING NYES PA BSHAGS PA LAS KYANG MI NYAN NA PHAM PAR 'GYUR RO, ,NYAN THOS NI MED BZHIN DU THOB PA'I CHOS BSGRAGS PAS PHAM PAR 'GYUR LA, BYANG CHUB SEMS DPA' NI YOD PA MI STON PA DANG, DAM PA'I CHOS LA SKUR BA 'DEBS PA DANG, DAM PA'I CHOS MA YIN PA STON PAS PHAM PAR 'GYUR RO; ,DE LA DGA' BA NI BDAG NYID 'DOD PA'I PHYIR RO, ,DE KHO NA BZHIN DU GZHAN DAG LA 'CHAD PAS NA STON PA'O, ,'JOG PA NI SGRUB PA'I SGO NAS 'DZUGS PA'I PHYIR RO, ,DAM PA'I CHOS LTAR BCOS PA ZHES BYA BA LA SOGS PAS NI BDAG DANG GZHAN GYI STOBS GNYIS LAS 'GYUR BAR STON TO; ,GANG YANG RUNG BA ZHES BYA BA LA SOGS PAS NI TSANG BA YANG RUNG, MA TSANG BA YANG RUNG BAS SKAL BA MED PAR 'GYUR BAR STON TO, ,PHAM PA BYUNG BA'I DGE SLONG LA TSE 'DI NYID LA 'PHAGS PA'I LAM 'THOB PA DANG, DE'I SBYOR BA LAS BYUNG BA'I DGE BA'I CHOS THOB PA'I SKAL PA MED PA DE BZHIN DU BYANG CHUB SEMS DPA' YANG RTOGS PA DANG, NYE BA'I TSOGS BSAGS PA DANG SA RTOGS PAR 'GYUR BA'I SKAL BA MED DE, DE'I PHYIR BSAM PA RNAM PAR DAG PAR 'GYUR BA DE ZHES BYA BA SMOS SO, ,DPER NA NYAN THOS NI RTZA BA'I NYES PA BYAS PAS DGE SLONG MA YIN, @205A *, ,DGE SBYONG MA YIN, SH'AKYA'I SRAS MA YIN PAR 'GYUR TE, CHA LUGS TZAM GYI SGO NAS DGE SLONG ZHES BYA BAR ZAD PA DE BZHIN DU BYANG CHUB SEMS DPA' YANG DE BYAS PAS KHAS 'CHE BA TZAM GYI BYANG CHUB SEMS DPAR ZAD DO, ,NYON MONGS PA'I KUN NAS DKRIS PA CHUNG NGU DANG 'BRING GIS NI PHAM PA'I GNAS LTA BU'I 'GAL BA BYAS NA YANG SDOM PA BTANG BA MA YIN TE, TSUL 'DI NI NYAN THOS DANG MI 'DRA'O, ,CHEN POS NI GTONG BAR 'GYUR TE, DE NI GANG GI PHYIR ZHES BYA BA LA SOGS PAS STON TO, ,PHAM PA'I GNAS LTA BU'I CHOS RNAMS RGYUN MI 'CHAD PAR KUN DU SPYOD PAS NI DE LTAR NGO TSA SHES PA DANG KHREL YOD PA RNAM PA THAMS CAD DU NYAMS PAR BYAS PAR 'GYUR TE, DE'I PHYIR CHUNG NGU TZAM YANG ZHES BYA BA LA SOGS PA SMOS TE, NGO TSA MED PA NGES KYANG MA GU BAR BYED DO, ,DES KUN DU SPYOD PA MI SPANG BAS NA DGA'O, ,DE LA YANG NYES DMIGS SU MI LTA BAS NA YON TAN DU LTA BA CAN TE, RNAM PA 'DI RNAMS KYIS NA KUN NAS DKRIS PA CHEN PO YIN PAR RIG PAR BYA'O, ,NYAN THOS RNAMS KYI SO SOR THAR PA'I SDOM PA NI DGE BA'I CHOS THAMS CAD KYI GNAS SU GYUR PA'I PHYIR RTZA BA'I SDOM PA ZHES BYA STE, DE CHAD PAR GYUR NA NGO TSA MED PA DANG KHREL MED PA DRAG PO KUN DU SPYOD PAS NGO TSA SHES PA DANG KHREL YOD PA NYAMS PAR BYAS PAS, TSE 'DI NYID LA SDOM PA YANG DAG PAR BLANG BA'I SKAL BA MED PAR 'GYUR RO, ,BYANG CHUB SEMS DPA' NI DE LTA MA YIN TE, TSE 'DI NYID LA BYANG CHUB SEMS DPA'I SDOM PA YONGS SU BTANG DU ZIN KYANG TSE 'DI LA PHYIR MNOD PA'I SKAL BA YOD DO, ,NGO TSA SHES PA DANG KHREL YOD PA NYAMS PA MED PA'I PHYIR RO, ,GTAN DU GTONG BA'I RGYU BSTAN PA'I PHYIR, SMON PA YONGS SU BTANG BA ZHES BYA BA LA SOGS PA SMOS TE, KUN NAS DKRIS PA CHEN PO KUN DU SPYOD PAS PHAM PA'I GNAS LTA BU'I CHOS KUN TU SPYOD PAS GTONG BAR 'GYUR RO, ,NYAN THOS RNAMS KYI SDOM PA NI TSE'I MTHA' DANG NYIN ZHAG GCIG GI MTHA'I BAR DU GNAS PAR ZAD DO, ,SHI BA'I 'OG TU DE DAG GI DRAN PA MED PA DANG, SHIN TU MI MTHUN PA'I LUS THOB PA'I PHYIR TSE RABS PHYI MA LA RJES SU MI 'BRANG BAS NA DE KHO NA BZHIN DU BCAS SO, ,BYANG CHUB @205B SEMS DPA' RNAMS KYI DRAN PA DANG BLO GROS DANG BYE BRAG PHYED PA'I STOBS BSKYED PA THOB PA DANG, RTEN GYI KHYAD PAR THOB PA'I PHYIR BYANG CHUB KYI SNYING PO LA THUG PA'I BAR GYI SDOM PAR 'GYUR TE, DE BAS NA TSE BA BRJES SU ZIN KYANG ZHES BYA BA LA SOGS PA SMOS SO, ,'OG CES BYA BA NI NGAN SONG RNAMS TE; SMON LAM GYI STOBS DANG, DBANG GI SBYOR BAS SEMS CAN YONGS SU SMIN PAR BYA BA'I DON DU NGAN SONG DU SKYES NA YANG SDOM PA YONGS SU BTANG BA MED DE, GTONG BA'I RGYU MED PA'I PHYIR RO, ,BYANG CHUB SEMS DPA'I SDOM PA GTONG BA'I RGYU RNAM PA GNYIS NI BSTAN ZIN TO, ,SO SOR THAR PA'I SDOM PA GTONG BA'I RGYU NI RNAM PA LNGAR BSTAN TE, BYE BRAG MED PA'I BSLAB PA PHUL BA DANG SHI 'PHOS PA DANG, MTSAN GNYIS CIG CAR SKYES PA DANG, DGE BA'I RTZA BA CHAD PA DANG, NYIN ZHAG 'DAS PA'O, ,DE BAS NA BYANG CHUB SEMS DPA' NI DUS NGES PA DANG, GTONG BA'I RGYU MED PA'I PHYIR TSE BRJES SU ZIN KYANG SDOM PA GTONG BA MED PA KHO NA YIN NO, ,STENG ZHES BYA BA NI LHA RNAMS KYI NANG DU'O, ,THAD KA ZHES BYA BA NI MI RNAMS KYI NANG DU'O, ,GTONG BA'I RGYU MED PA NI BYANG CHUB SEMS DPA' NI GANG GIS ZHES BYA BA LA SOGS PAS STON TO, ,MI DRAN DU ZIN NA YANG RANG BZHIN GYIS BYANG CHUB SEMS DPA'I CHOS NYID LA GNAS PA DANG, BYANG CHUB SEMS DPA' RNAMS KYI 'TSAM PA MA YIN PA BYED PA MED PAS NA DE RJES SU 'BRANG BA KHO NAR 'GYUR TE, DRAN PA GSO BA'I PHYIR YANG MNOS NA YANG NYES PA MED PA NI, DGE BA'I BSHES GNYEN ZHES BYA BA LA SOGS PAS STON TO, ,DPER NA NYAN THOS LA LA ZHIG LA RES 'GA' TZAM DNGOS PO'I 'GAL BA BYUNG NA YANG DNGOS PO DE NYID KYI NYES PAR 'GYUR BA BZHIN DU BYANG CHUB SEMS DPA' RNAMS KYI YANG DE 'DRA BAR BSTAN PA'I PHYIR, NYES PA DANG ZHES BYA BA LA SOGS PA SMOS SO, ,DPER NA NYAN THOS RNAMS KYI NYES PA NI RNAM PA GNYIS YOD DO, ,NYON MONGS PA CAN GYI SEMS KYIS DE BYAS NA NI NYON MONGS PA CAN DU 'GYUR LA, NYON MONGS PA CAN MA YIN PA'I SEMS KYIS BYAS NA NI NYON MONGS PA CAN MA YIN PAR 'GYUR BA DE BZHIN DU BYANG CHUB SEMS DPA' RNAMS KYI YANG NYON MONGS PA CAN DANG NYON MONGS PA CAN MA YIN @206A *, ,PAR 'GYUR RO, ,DPER NA NYAN THOS RNAMS KYI NYES PA RNAMS NI RNAM PA LNGAS CHUNG DU DANG 'BRING DANG CHEN POR 'GYUR TE, NGO BO NYID DANG, NYES PA BYED PA DANG, BSAM PA DANG, DNGOS PO DANG, BSAGS PA'O, ,DE LA PHAM PA RNAMS NI NGO BO NYID KYIS NYES PA CHEN PO YIN NO, ,DGE 'DUN GYI LHAG MA NI 'BRING NGO, ,DE MA YIN PA RNAMS NI CHUNG NGU'O, ,YANG NA PHAM PA RNAMS DANG, DGE 'DUN LHAG MA RNAMS NI CHEN PO STE, NYES PA LCI BAS PHYE BA YIN PA'I PHYIR RO, ,LTUNG BA NI 'BRING NGO, ,NYES BYAS NI YANG BA STE, DE LTAR NA NGO BO NYID KYI SGO NAS CHUNG NGU DANG 'BRING DANG CHEN POR 'GYUR RO, ,NYES PA BYED PA'I SGO NAS JI LTA BU ZHE NA, MI SHES PA'AM, BAG MED PAS BYAS PA GANG YIN PA 'DI NI CHUNG NGU'O, ,NYON MONGS PA SHAS CHE BAS BYAS PA GANG YIN PA 'DI NI 'BRING NGO, ,MA GUS PAS BYAS PA GANG YIN PA 'DI NI CHEN PO'O, ,BSAM PA'I SGO NAS JI LTA BU ZHE NA, 'DOD CHAGS LA SOGS PA'I KUN NAS DKRIS PA CHUNG NGUS BYAS PA GANG YIN PA 'DI NI CHUNG NGU'O, ,'BRING DANG CHEN POS BYAS PA NI 'BRING DANG CHEN POR 'GYUR RO, ,DNGOS PO'I SGO NAS JI LTA BU ZHE NA, BSAM PA'I SGO NAS MTSUNGS SU ZIN KYANG DNGOS PO'I KHYAD PAR GYIS CHUNG NGU DANG 'BRING DANG CHEN POR 'GYUR BAR RIG PAR BYA STE, 'DI LTA STE KUN NAS DKRIS PA MTSUNGS PAS DUD 'GRO'I SKYE GNAS SU GYUR PA'I SROG CHAGS BSAD DAM GSOD DU BCUG NA LTUNG BAR 'GYUR GYI MI NI DE LTA MA YIN NO, MIR GYUR PA LAS KYANG PHA MA BSAD DAM GSOD DU BCUG NA NI PHAM PAR YANG 'GYUR LA, MTSAMS MED PAR YANG 'GYUR TE, DE LTAR NA DNGOS PO'I SGO NAS KYANG 'GYUR RO, ,BSAGS PA'I SGO NAS JI LTA BU ZHE NA, JI LTAR 'DI NA KHA CIG NYES PA GCIG GAM GNYIS SAM, GSUM MAM LNGA'I BAR DU BYAS NA YANG CHOS BZHIN DU PHYIR 'CHOS PAR MI BYED PA 'DI NI BSAGS PA'I SGO NAS CHUNG NGU YIN NO, ,DE YAN CHAD NYES PA BCU 'AM NYI SHU NAS RTOGS PAR NUS PA BRGYA'I BAR DU BYAS KYANG PHYIR 'CHOS PAR MI BYED PA 'DI NI 'BRING NGO, ,NYES PA TSAD MED PA BYUNG YANG PHYIR 'CHOS PAR MI BYED PA 'DI NI CHEN PO YIN TE, DE BZHIN DU 'DIR YANG CHUNG NGU LA SOGS @206B PA'I TSUL GYIS SBYAR BAR BYA'O, ,GSUM LA SKYABS SU SONG BA DANG, LHAG PAR YANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAS NI NYIN GCIG BZHIN DU DKON MCHOG GSUM LA MCHOD PA LA SOGS PA DANG RIM GRO MI BYAR MI RUNG BAS NA, DKON MCHOG GSUM LA MCHOD PA MI BYED PA'I NYES PA DE BZHIN GSHEGS PA ZHES BYA BAS BSTAN TE, DE BZHIN GSHEGS PA PHYOGS GANG NA BZHUGS PA'I PHYOGS DE LOGS SU BLTAS NAS RJES SU DRAN PA'I RNAM PAS PHYAG BYA'O, ,DE'I YON TAN RJES SU DRAN PA'I SGO NAS MCHOD RTEN LA YANG DE BZHIN DU BYA'O, ,CHOS DANG DAM PA'I CHOS KYI GLEGS BAM LA YANG DE BZHIN DU BYA STE, 'DIR NI BLA NA MED PAR GTOGS PA KHO NA'I BSTAN PA'I CHOS LA BYA BA'I PHYIR, BYANG CHUB SEMS DPA'I SDE SNOD CES BYA BA LA SOGS PA SMOS SO, ,'DIR PHYIR MI LDOG PA'I BYANG CHUB SEMS DPA' DGE 'DUN LA BYA BA'I PHYIR, DGE 'DUN LA YANG RUNG ZHES BYA BA NAS, GANG YIN PA ZHES BYA BA LA SOGS PA'I BAR GYIS STON TO, ,MCHOD PA NI LUS DANG NGAG DANG YID KYIS BYA BA STE, LUS KYI NI THA NA PHYAG BYA BA YAN CHAD DE, GCIG TZAM ZHES BYA BAS STON TO, ,NGAG GI NI THA NA ZHES BYA BA NAS, TSIG BZHI PA'I TSIGS SU BCAD PA GCIG TZAM ZHES BYA BA LA SOGS PA'I BAR GYIS STON TO, ,YID KYI NI DKON MCHOG GSUM GYI YON TAN RJES SU DRAN PAS STON TO, ,DE LA YANG MTHA' NI DANG BA GCIG TZAM ZHES BYA BA YIN NO, ,DE LA NYES PA DANG BCAS PA NI KHA NA MA THO BA SKYE BA'I PHYIR RO, ,'GAL BA DANG BCAS PA NI BYANG CHUB SEMS DPA'I CHOS NYID DANG 'GAL BA'I PHYIR RO, ,BSAM PA DAG PA'I SAR CHUD PA'I BYANG CHUB SEMS DPA' NI BSAM PA DAG PA'I KHYAD PAR THOB PA'I PHYIR CHOS NYID KYIS DKON MCHOG GSUM GYI MCHOD PA LA RTAG TU ZHUGS PA NYID YIN PAS DE NI SGRUB PA'I MCHOD PA DANG BRAL BA'I DUS MED DE, DPER NA BDEN PA MTHONG BA'I 'PHAGS PA'I GANG ZAG BZHIN NO, ,GAL TE LUS DANG LONGS SPYOD LA LTA BAS 'DOD PA CHE BA LA SOGS PA GSUM DANG DU LEN PAR BYED NA NYES PA DANG BCAS PAR 'GYUR TE, BYANG CHUB SEMS DPA'I CHOS NYID DANG 'GAL BA'I PHYIR RO, ,'DOD @207A *, ,PA CHE BA LA SOGS PA NI GCIG TU NGES PAR NYON MONGS PA CAN KHO NA YIN PAS NA DE LA NI NYON MONGS PA CAN MA YIN PA MED DO, ,SPANG BA'I 'DUN PA BSKYED NA NI NYES PA MED DE DE'I GNYEN PO LA LEGS PAR BRTEN PAS 'BAD PAR RTZOL LA, DE'I GAGS LA GNAS SHING ZLOG PAR BYED BZHIN PAS NA RGYU'I STOBS KYIS ZIL GYIS MNAN NAS KUN DU SPYOD NA YANG NYES PA MED DO, ,BKUR STI BYA BAR 'OS PA RNAMS LA BKUR STI BYA BA'I DBANG DU BYAS NAS, CHES RGAN PA ZHES BYA BA LA SOGS PA SMOS TE, YON TAN DANG LDAN PA NI YID CHES PAR BYA BA'O, ,BKUR STI BYA BAR 'OS PA NI RNAM PA DE GNYIS KYI SGO NAS GSONG POR SMRA BA LA SOGS PA'I 'OS YIN PA'I PHYIR RO, ,MA BYAS NA NYES PA DANG BCAS PA'I RGYU NI NGA RGYAL GYIS NON CES BYA BAS STON TO, ,NGA RGYAL GYIS KHENGS NA NYON MONGS PA CAN DU 'GYUR BA'I PHYIR RO, ,SNYOM LAS DANG LE LOS MA BYAS PA NI NYON MONGS PA CAN MA YIN TE, SEMS KYI NYES PA SHAS CHE BA MED PA'I PHYIR RO, ,SMRA BA NI GLO THOR GYI TSIG GO, ,KUN DU SMRA BA NI THUGS BDE BA'AM, ZHES DRIS PA LA SOGS PA'I TSIG GO, ,YANG DAG PAR DGA' BAR BYED PA NI DON GZHAN 'DRI BA'O, ,RIGS PA'I TSUL GYIS ZHES BYA BA NI LAN GYI RNYED PA'I BSAM PA SPANGS PA'O, , GNYID LOG PA NA YANG THANG DU 'ONG BA LA SOGS PA'I BYA BA 'BYUNG BA NI SAD PA'I 'DU SHES ZHES BYA BAS STON TO, ,'BEL BA'I GTAM RNAM PAR GTAN LA 'BEBS PA NI CHOS MNGON PA DANG 'DUL BA'I DBANG DU BYAS NAS PHAN TSUN RTOGS PAR BYED PA'O, ,'DRI BA'I TSUL GYIS GZHAN YANG DAG PAR DGA' BAR BYED PA NI NGAG CIG CAR 'BYUNG DU MI RUNG BAS NA NYES PA MED DO, ,CHOS NYAN PA'I BAR CHAD DU 'GYUR SNYAM PA'I BSAM PA CAN LA YANG NYES PA MED DO, ,RNAM PAR GTAN LA 'BEBS PA LA YANG DE DANG 'DRA'O, ,DE BZHIN DU GZHAN CHOS NYAN PA RNAMS KYI G-YENG BA BSRUNG BA'I BSAM PA CAN DANG; CHOS SMRA BA'I SEMS PA SRUNGS NA YANG NYES PA MED DO, ,DE LTAR BYAS NA DE DAG LA PHAN PAR 'GYUR BA ZHIG NA YANG NYES PA MED DO, ,GAL TE DGE 'DUN GYI DER PHYAG BYA BA'I LAS DE MI BYA BA'AM, DE DANG LHAN CIG TU GTAM MI BYA BA DE LTA BU'I NANG KHRIMS BCAS PA'AM, ,DE DANG LHAN CIG @207B TU DE LTAR BYAS NA GZHAN CHES MANG BA RNAMS BYANG CHUB SEMS DPA' LA KUN NAS MNAR SEMS KYI SEMS SKYE BAR 'GYUR BA DE BSRUNG BA'I PHYIR YANG NYES PA MED DO, ,ZANG ZING YONGS SU 'DZIN PA'I DBANG DU BYAS NAS BOS PA ZHES BYA BA LA SOGS PA SMOS TE, DAG PA'I PHYOGS KYI BAR CHAD DU 'GYUR BA BSRUNG BA'I PHYIR ZHES BYA BA NI RGYUN DU BYA BA LAS NYAMS PAR 'GYUR BA BSRUNG BA'I PHYIR ZHES BYA BA'I THA TSIG GO, ,MA THOS PA'I CHOS NYAN PA LAS NYAMS PAR 'GYUR DU DOGS PA LA YANG NYES PA MED DO, ,'BEL BA'I GTAM RNAM PAR GTAN LA 'BEBS PA YANG DE DANG 'DRA'O, ,KUN NAS MNAR SEMS KYI SEMS ZHES BYA BA NI DE DAG LA DGA' BA MED PA'I PHYIR ZHES BYA BA'I THA TSIG GO, ,CHAGS PA ZHES BYA BA NI YONGS SU GZUNG BA DE LA BDAG NYID KUN DU 'DZIN PAR 'GYUR BAR MTHONG BA'O, ,SBYIN PA PO 'GYOD PAR 'GYUR BA 'AM, GTI MUG GI DBANG GIS SBYIN PA 'KHRUG PA'AM, KUN DU 'DZIN PA BTANG STE; NOR THAMS CAD BTANG BAS DBUL BOR GYUR DU DOGS PA YANG NYES PA MED DO, ,CHOS MA YIN PA'I SBYIN PAR BYA BA'I CHOS MA BLANGS NA YANG NYES PA MED DO, ,MI RIGS PA LAS 'ONGS PA YANG DE DANG 'DRA STE, MI RIGS PA LAS 'ONGS PA BLANGS PA'I NYES DMIGS BSTAN PA'I PHYIR, RGYU DES ZHES BYA BA SMOS SO, ,CHOS KYI BGO BSHA'I DBANG DU BYAS NAS, GZHAN CHOS 'DOD PA RNAMS LA ZHES BYA BA LA SOGS PA SMOS PA LA RNAM PA GNYIS KYIS NYAN PA PO SNOD DU MI 'GYUR TE, ZHE 'GRAS PA'I SEMS KYI PHYIR NI MU STEGS CAN ZHES BYA BA SMOS SO ZHES MED PA'I PHYIR NI MA GUS ZHES BYA BA SMOS SO, ,DBANG PO YONGS SU MA SMIN PA LA ZAB MO BSTAN PA BSRUNG BA'I BSAM PA CAN LA NYES PA MED DE, DE'I NYES DMIGS NI SKRAG CES BYA BA LA SOGS PAS BSTAN TE, SKRAG PA NI DKA' BAR 'DZIN PA'I PHYIR RO, ,LOG PAR LTA BA NI YID MI CHES PA'I PHYIR RO, ,LOG PAR MNGON PAR ZHEN PA NI GZHAN DAG GIS LEGS PAR BRDA SPRAD KYANG MI NYAN PA'I PHYIR RO, ,DE'I RGYU LAS KYANG BSOD NAMS MA YIN PA 'PHEL BA DANG, NGAN SONG DU 'GRO BAR 'GRO BA'I PHYIR GNOD PA DANG NYAMS PAR 'GYUR RO, ,GCIG NAS GCIG TU SNOD DU MA GYUR PA LA STON PAR 'GYUR BAR MTHONG NA YANG BTAS PA MED DO, ,TSUL @208A *, ,KHRIMS KHO NA'I DBANG DU BYAS NAS TSUL KHRIMS 'CHAL BA RNAMS LA SEMS 'KHRUGS PAS YAL BAR 'DOR BA DANG BRNYAS PA'I SEMS KYIS KHYAD DU GSOD NA NYES PA DANG BCAS PAR 'GYUR RO, ,DE CI'I PHYIR ZHE NA, TSUL KHRIMS 'CHAL PA RNAMS LA SNYING RJE CHEN PO NYE BAR 'JOG PAS YANG DAG PAR BSGRUB PA LTAR TSUL KHRIMS DANG LDAN PA RNAMS LA NI DE LTA MA YIN NO ZHES BYA BAS STON TE, DE DAG NI BDAG NYID LEGS PAR ZHUGS PA YIN PA'I PHYIR DE DAG LA PHAN PA DANG BDE BA BYAR MED PAS NA DE'I PHYIR SDUG BSNGAL GYI RGYU ZHES BYA BA LA SOGS PA SMOS SO, ,'DI NI TSUL KHRIMS 'CHAL PA DANG 'DRE BA YIN NO ZHES SKUR PA 'DEBS PA BSRUNG BA DANG, DGE 'DUN GYI NANG KHRIMS SRUNG BA NA NYES PA MED DO, ,SO SOR THAR PA'I SDOM PA LA NYAN THOS RNAMS DANG THUN MONG BA DANG THUN MONG MA YIN PA'I BSLAB PA RNAM PAR GZHAG PA BSTAN PA'I PHYIR, SO SOR THAR PA ZHES BYA BA LA SOGS PA SMOS TE, ,SO SOR THAR PA NI MA MO'I MDO YIN NO, ,'DUL BA NI DE'I RNAM PAR DBYE BA'O, ,BCAS PA'I KHA NA MA THO BA DANG BCAS PA NI BCAS PA'I KHA NA MA THO BA DANG BCAS PA STE, RANG BZHIN GYIS MI DGE BA MA YIN PA LA MI BYA BA LA BCOM LDAN 'DAS KYIS BCAS PA'I PHYIR KHA NA MA THO BA STE; DE BYAS NA KHA NA MA THO BA 'PHEL BA'I PHYIR TE, DPER NA CHANG 'THUNG BA LA SOGS PA LTA BU'O, ,CHANG 'THUNG BA JI LTAR BCAS PA'I KHA NA MA THO BA YIN PAR MNGON, 'O NA MA YIN PA YANG JI LTAR MNGON, SMRAS PA, SROG GCOD PA LA SOGS PA BZHIN DU NYES PAR SPYOD PA ZHES GSUNGS PA'I PHYIR DANG, NGAN SONG GI 'GRO BA'I RGYU NYID DU BSTAN PA'I PHYIR DANG, BAG MED PA'I GNAS KYI GZHI YIN PAR GSUNGS PA'I PHYIR DANG, GCIG TU NGES PAR MA GNANG BA'I PHYIR RO, ,JI TZAM GYIS RANG BZHIN GYIS KHA NA MA THO BA DANG BCAS PA DANG, BCAS PA'I KHA NA MA THO BA DANG BCAS PAR 'GYUR BA 'DI DPYAD NA NYON MONGS PA CAN GYI SEMS CAN GYI SEMS KHO NAS BYAS PA GANG YIN PA DE NI RANG BZHIN GYIS KHA NA MA THO BA DANG BCAS PA YIN NO, ,NYON MONGS PA CAN MA YIN PA'I SEMS KYIS KYANG SPYAD PAR NUS LA, NYES PA GZHAN BSRUNG BA'I PHYIR BCOM LDAN 'DAS KYIS BCAS @208B PA GANG YIN PA DE NI BCAS PA'I KHA NA MA THO BA DANG BCAS PA YIN NO, ,'DI YANG DPYAD PAR BYA STE, CI MI 'DOD BZHIN DU YANG NYON MONGS PA CAN MA YIN PA'I SEMS KYIS SMAN PA'I MAN NGAG LAS SO SOR BRTAGS TE CHANG 'THUNG BAR 'GYUR BA LTA YOD DAM 'ON TE MED, 'DI LAS CIR 'GYUR, GAL TE YOD NA NI NYON MONGS PA CAN MA YIN PA'I SEMS KYIS JI LTAR NYES PAR SPYOD PAR RUNG, 'ON TE MED NA NI DE BZHIN DU 'THUNG BA NYON MONGS PA CAN MA YIN PA'I SEMS SU JI LTAR 'GYUR TE, GANG GI PHYIR NGES CHANG GI KHA NA MA THO BA DANG BCAS PA YIN PAR SHES BZHIN DU NGO TSA MI SHES PAS 'THUNG BA'I PHYIR RO, , KHA NA MA THO BA DANG BCAS PA'I CHANG LA KHA NA MA THO BA MA YIN PAR 'DZIN PA DE KHA NA MA THO BA MED PAR JI LTAR 'GYUR, RAN PAR 'THUNGS PAS RA RO BAR MI NUS LA, DE LTAR YANG SHES BZHIN DU 'THUNG BA GANG YIN PA DE CI'I PHYIR KHA NA MA THO BA DANG BCAS PAR 'GYUR TE, DPER NA, DUG TSOD ZIN PAR SBYAR TE ZOS NA DUG GI NYES PA SKYED PA'I MTHU MED DE, NYES PAR MI 'GYUR BA BZHIN NO, ,DE BAS NA CHANG 'THUNGS SO COG KYANG NYES PAR SPYOD PA MA YIN NO, ,CHANG 'THUNG BA RNAMS NI PHAL CHE BAR RA RO BAR BYA BA'I PHYIR CHANG 'THUNG BAR BYED DE, CI NAS DGA' BAR BYA'O SNYAM PA DANG, YANG NA RA RO BAR 'GYUR BAR BDAG NYID KYIS SHES BZHIN PA DE DAG GI NI NYON MONGS PA CAN GYI SEMS YIN PA'I PHYIR DE LUS KYI NYES PAR SPYOD PAR 'GYUR BAR 'DIR DGONGS PAR RIG PAR BYA STE, DE DAG NYID KYIS NGAN 'GROR 'GRO BA'I RGYU YIN NO, ,NYES DMIGS MANG BAS NA BAG MED PA'I GNAS KYI GZHI YIN NO, , 'THUNG BA NA TSOD RIG PAR MI NUS PA NAS GCIG TU NGES PAR MA GNANG DO, ,'DOD CHAGS DANG BRAL BA RNAMS KYIS KYANG SPYAD PA'I PHYIR TE, 'DOD CHAGS DANG BRAL BA RNAMS KYIS SPYAD PA GANG YIN PA DE NI MI DGE BA MA YIN NO, ,CHANG NI 'DOD CHAGS DANG BRAL BAS KYANG 'THUNG STE, DE BAS NA RANG BZHIN GYIS KHA NA MA THO BA DANG BCAS PA MA YIN NO, ,SOGS PA'I SGRAS NI DUS MA YIN PA'I KHA ZAS LA SOGS PA BSTAN TO, ,GZHAN DAG GI SEMS SRUNG BA ZHES BYA BA NI, GZHAN DAG GI SEMS BSRUNG BAS ZHES BYA BA'I THA TSIG GO, ,MA DAD PA RNAMS ZHES BYA BA LA SOGS PAS NI DE NYID @209A *, ,RNAM PAR 'GREL TE, GANG ZAG MA DAG PA RNAMS SLOB MA SGRUB PA RNAMS NYID LA DAD PA SKYED PA'I PHYIR DANG, SNGA NAS DAD PA RNAMS KYI DAD PA 'PHEL BAR BYA BA'I PHYIR RO, ,DE LTA BUS ZHES BYA BA NI BCOM LDAN 'DAS KYIS MA GNANG BA'I DNGOS PO CI YANG RUNG BA'O, ,MTSUNGS PAR SLOB CES BYA BA NI NYAN THOS RNAMS KYIS KYANG MI BYA LA, BYANG CHUB SEMS DPA' RNAMS KYIS MI BYA'O, ,DE LTA BAS NA MTSUNGS PAR 'GYUR TE, MTSUNGS PAR 'GYUR BA'I GTAN TSIGS NI, DE CI'I PHYIR ZHEN ZHES BYA BA LA SOGS PAS BSTAN TO, ,BDAG GI DON LHUR BYED PA'I ZHES BYA BA NI BDAG NYID 'DUL BA LA ZHUGS PA'I PHYIR RO, ,GZHAN GYI DON LA MI LTA BA ZHES BYA BA DE DAG NI GZHAN LA PHAN PA'I PHYIR ZHUGS PA MA YIN MOD KYI, DE DAG KYANG GAL TE NA GZHAN DAD PAR BYA BA'I PHYIR 'JUG PAR BYED NA BYANG CHUB SEMS DPA' GZHAN LA PHAN PA'I PHYIR ZHUGS PA RNAMS LTA LOS KYANG BYED DO ZHES STON TO, ,DON NYUNG BA LAS BRTZAMS TE ZHES BYA BA NI 'DOD PA CHUNG BA'I SGO NAS SO, ,BYA BA NYUNG BA ZHES BYA BA NI YO BYAD YONGS SU 'DZIN PA MANG NA BYA BA MANG BAR 'GYUR TE DE SPANG BA'I PHYIR RO, ,SNYING LAS CHUNG NGUR GNAS PA ZHES BYA BA NI 'PHAGS PA'I RIGS LA GNAS PA STE; BYANG CHUB SEMS DPA' RNAM PA THAMS CAD DU SEMS CAN THAMS CAD LA PHAN PA DANG BDE BA'I PHYIR ZHUGS PA GZHAN GYI DON LA BYA BA NYUNG BA SNYING LAS CHUNG NGUR GNAS PA NI MDZES PA MA YIN TE, DE BAS NA GZHAN GYI DON NYID BDAG GI DON YIN PA'I PHYIR BYANG CHUB SEMS DPA' RNAMS KYIS CI NAS KYANG GZHAN GYI DON RNAMS LA BSLAB PAR BYA BA'I NYE NGUR MI 'ONG BA'I BRAM ZE DANG KHYIM BDAG RNAMS LAS MI BSLANG BAR MI BYA ZHES BYA BAS STON TO, ,NYAN THOS RNAMS LA NI MI GNANG BAR BCAS TE, GOS MANG PO DAG LAS SKABS PHYE BA RNAMS LA YANG GOS YA GNYIS TZAM BLANG BAR BYA BA'I PHYIR BCAS SO, ,LHUNG BZED RNAMS LA YANG DE DANG 'DRA'O, ,BDAG NYID KYIS RGYU SKUD PA BSLANGS PA 'THAG PA LA 'THAG TU MI GZHUG PA YANG DE DANG 'DRA'O, ,MAL STAN SRIN BAL CAN DANG GDING BA DANG STAN NANG TSANGS CAN BCANG PAR MI BYA BA YANG DE DANG 'DRA'O, ,GSER @209B DANG DNGUL BLANG BAR MI BYA ZHES BYA BA LA SOGS PA BCAS PA'I KHA NA MA THO BA DANG BCAS PA LA NI BYANG CHUB SEMS DPA' NYAN THOS RNAMS DANG BSLAB PA MTSUNGS PA MA YIN TE, GAL TE NYAN THOS LTAR SLOB NA NI NYES PA DANG BCAS PAR 'GYUR RO, ,GNAS 'DI DAG NI BYANG CHUB SEMS DPA'I SDE SNOD LAS BYANG CHUB SEMS DPA' RNAMS LA GNANG BA'I PHYIR RO, ,DE LTAR NA BCAS PA'I KHA NA MA THO BA DANG BCAS PA'I DBANG DU BYAS NAS BYANG CHUB SEMS DPA' RNAMS KYI BSLAB PA NYAN THOS RNAMS DANG THUN MONG BA DANG, THUN MONG MA YIN PA RNAM PAR GZHAG PA NI BSHAD ZIN TO, ,DA NI BYANG CHUB SEMS DPA' RNAMS KYI RANG BZHIN GYIS KHA NA MA THO BA DANG BCAS PA ZHES BYA BA BSLAB PA'I KHYAD PAR BSTAN PAR 'DOD PA'I PHYIR, RANG BZHIN GYIS KHA NA MA THO BA DANG BCAS PA LA ZHES BYA BA LA SOGS PA SMOS TE, NYAN THOS LAS LTOS NAS GRAGS PA'I SGO NAS RANG BZHIN GYIS KHA NA MA THO BA DANG BCAS PA ZHES BYA BA BYANG CHUB SEMS DPA' RNASM KYI NI DE RANG BZHIN GYIS KHA NA MA THO BA DANG BCAS PA NYID MA YIN TE, NYON MONGS PA CAN MA YIN PA'I SEMS KYI BYED PA'I PHYIR RO, ,THABS MKHAS PA ZHES BYA BA NI GZHAN MTSAMS MED PA LA SOGS PA LAS BYA BAR MNGON DU PHYOGS PA MTHONG NA LAS DE'I RNAM PAR SMIN PA YUN RING POR MI BZAD PAR 'GYUR BAR RIG NAS SNYING RJE STE, DE BSAD PAS BDAG NYID SEMS CAN DMYAL BAR SKYE BAR KHAS BLANGS NAS DE YONGS SU BSLAB PA'I PHYIR, DGE BA DANG LUNG DU MA BSTAN PA'I SEMS LA GNAS NAS BDAG SEMS CAN DMYAL BA RNAMS SU SKYE BAR 'GYUR BA NI BLA'I, 'DI SDUG BSNGAL GYI PHUNG PO CHEN PO DANG PHRAD PAS NI MI RUNG NGO SNYAM NAS SROG DANG BRAL BAR BYED DO, ,DE LTA YIN NA MCHOD SBYIN BYED PA RNAMS DANG 'KHOR BA LAS THAR BAR 'DOD PA RNAMS KYI PHAN PAR 'DOD PA DANG, DE DAG LA MTHO RIS THOB PAR BYA BA'I PHYIR PHYUGS RNAMS DANG DUD 'GRO SNA TSOGS GSOD PA GANG YIN PA DAG CI'I PHYIR KHA NA MA THO BA MED PAR MI 'GYUR, CI'O THUG DANG TSVA MTSUNGS SAM DE DAG GI SROG GCOD PA DE NI GTI MUG LAS 'BYUNG BA DANG, CHAGS PA LAS 'BYUNG BA YIN TE, PHYUGS SAM SROG CHAGS GZHAN MCHOD SBYIN DU SDUG BSNGAL BA'I BSAD PAS @210A *, ,BSAD NA MTHO RIS SAM THAR PA 'THOB PAR 'GYUR RO SNYAM PA NI GTI MUG YIN TA, LAS KYI 'BRAS BU PHYIN CI LOG LA N DU BTZUN PA BDAG PHYIR RO, ,LAS 'DIS BDAG MTHO RIS SU 'GR BAR 'GYUR RO SNYAM DU 'DZIN NA NI GTI MUG DANG CHAGS PA YIN NO, ,MI DGE BA'I LAS KYI LAM RNAMS SPYI'I MTSAN NYID BCOM LDAN 'DAS KYIS RNAM PAR GZHAG PA NI DGE SLONG DAG SROG GCOD PA LA RNAM PA GSUM STE, CHAGS PA LAS 'BYUNG BA DANG, GTI MUG LAS 'BYUNG BA DANG, ZHE SDANG LAS 'BYUNG BA'O, ,DE BZHIN DU LOG PAR LTA BA'I BAR DU YANG DE DANG 'DRA'O ZHES GSUNGS SO, , DE BAS NA DE KHA NA MA THO BA MED PAR JI LTAR 'GRUB PAR 'GYUR, THABS MKHAS PA'I MDO LAS KYANG CHAGS PA MED PA LA SOGS PA'I SROG GCOD PA KHA NA MA THO BA MED PAR BSTAN NA DE DANG DE DAG JI LTAR MTSUNGS, DE BAS NA DGE BA'I SEMS LAS BYUNG BA'I PHYIR DGE BA YIN TE, SEMS DE NI CHAGS PA MED PA LA SOGS PA DAR MTSUNGS PAR LDAN PA'I PHYIR RO, ,LAS SU BYA BA THAMS CAD NI SEMS CAN GYI DBANG GIS RNAM PAR GZHAG PAR BCOM LDAN 'DAS KYIS GSUNGS TE, YID NI CHOS RNAMS SNGON DU 'GRO, GTZO BO YID YIN YID LAS BYUNG, ,DGA' BA'I YID DU GYUR NA NI, ,SMRA'AM YANG NA BYED PAR 'GYUR, ,SDANG BA'I YID DU GYUR NA NI, ,SMRA'AM YANG NA BYED PAR 'GYUR, ,YANG GSUNGS PA, 'JIG RTEN DAG NI SEMS KYIS KHRID, ,SEMS KYIS YONGS SU 'DREN PAR BYED, ,THAMS CAD KYANG NI SEMS GCIG GI ,CHOS KYI PHYI BZHIN 'BRANG BAR 'GYUR, ,ZHE'O, ,DE LTAR NA BSAM PA'I RJES SU ZHUGS PAS SBYOR BA LA 'DZUG PA'I PHYIR BSAM PA DAG PAS SROG GCOD PA NI KHA NA MA THO BA MED PA KHO NA YIN NO, ,JI STE CHAGS PA MED PA LA SOGS PA LAS 'BYUNG BA'I SROG GCOD PA YANG SKYON CHAGS PAR 'GYUR NA NI DE BZHIN GSHEGS PA RNAMS SEMS CAN LA PHAN PA'I PHYIR TSIG RTZUB PO GSUNG BA DANG, BRDZUN DU GSUNG BA DANG, MDZA' BO 'BYED PA YANG SKYON CHAGS PAR 'GYUR TE, MA LA GNAS KHYOD NI BRAN MO'I BU YIN NO ZHES GSUNGS PA DANG, 'CHAR KA'I MDO LAS KYANG MI BLUN PO LONG BA KHO NA DANG MTSUNGS PA KHYOD LTA BU YANG MIG DANG LDAN @210B PA'I DGE SLONG SH'A RI'I BU DANG LHAN CIG TU CHOS MNGON PA DANG, 'DUL BA MNGON PA LAS KUN BRJOD BAR SEMS SAM ZHES GSUNGS PA LTA BU NI TSIG RTZUB PO YIN NO, ,CI GSUNG GI MDO LAS KYANG MDZA' BO 'BYED PA'I TSIG PHAL CHER GSUNGS TE, 'DI LTAR MDO DE NYID LAS SNGON GCER BU PA'I DGE BSNYEN DU GYUR PA GRONG DPON RAL GRI THOGS KYIS 'DI SKAD DU BTZUN PA DPER NA MI ZHIG 'BYOR PA 'TSAL ZHING 'BYOR BA 'TSOL LA, STAG DMU RGOD GSOS NA DES 'BYOR PA DE YANG MA THOB KYI STENG DU GNOD PA CHEN PO YANG THOB PAR GYUR PA MED BZHIN DU BTZUN PA BDAG GIS NI 'BYOR PAR 'TSAL ZHING 'BYOR PA TSOL BA LAS GCER BU PA BYIS PA LTA BU RMONGS SHING MI GSAL LA MI MKHAS PA DON MA MCHIS PAR BRTEN TO, ,DON MA MCHIS PAR BSKOR TO, ,DON MA MCHIS PAR BSNYEN BKUR BA GYIS SO, ,BDAG GIS NI DE DAG LAS 'BYOR PA DE YANG MA THOB KYI STENG DU GNOD PA CHEN PO YANG THOB PAR GYUR TO ZHES SMOS SO, ,MDO GZHAN LAS KYANG GSUNGS TE, RGYAS PAR BSTAN NAS SH'A RI'I BU DANG, MOOD GAL GYI BU LTA BU RUNG BA GNYIS LA YANG NGAS DGE SLONG GI DGE 'DUN MA GTAD NA RO DANG 'DRA PA DAR SNABS ZA BA KHYOD LTA LA CI SMOS ZHES BYA BA LA SOGS PA GSUNGS STE, DE LTAR NA PHRA MA DANG, TSIG RTZUB PO YANG BSTAN TO, ,BRDZUN DU SMRA BA YANG DON CI LTA BA BZHIN DU AMA BSTAN PA'I PHYIR GSUNGS TE, 'DI LTA STE, DGE SLONG DAG TSUR SHEG ,KHYOD KYIS MA'I NA TSOD TZAM MTHONG NA NI MA'I 'DU SHES NYE BAR ZHOG SHIG ,SRING MO'I NA TSOD TZAM MTHONG NA NI ZHES BYA BA NAS RGYAS PAR SBYAR RO, ,'O NA DE YONGS SU GTONG BA'I SEMS DE NYID 'DIR ZHE SDANG MA YIN NAM SDUG BSNGAL GYI CHU BO CHEN PO LAS YONGS SU BSKYAB PAR 'DOD DE BDAG LA BYAMS PA BAS LHAG PA'I BYAMS PAS DES PAR MYONG BAR 'GYUR BA'I LAS BYA BA LA DGE BA LA MNGON DU PHYOGS PA'I GNAS LAS YANG DAG PA'I RTEN BZANG PO MTHONG BAR BYAS NA JI LTAR YONGS SU BTANG BAR 'GYUR, GZHAN YANG, SBYOR BA GANG GIS GZHAN GYI 'CHI BA PHAN PAR MTHONG, ,DE NI SNYING BRTZE'I BDAG NYID LDAN PA RNAMS KYI YIN, ,GANG PHYIR DGE SLONG DRUG CU LA SOGS SHI BAR GYUR, ,MDO SDE GNYIS LAS DE NI THUB PAS MA @211A *, ,GSUNGS SAM, ,MDO SDE GNYIS LA SHING GI PHUNG PO LTA BU'I MDO LAS CHOS KYI RNAM GRANGS 'DI BSHAD PA NA DGE SLONG DRUG CU NI LEN PA MED PAR ZAG PA RNAMS LAS SEMS RNAM PAR GROL LO, ,DGE SLONG DRUG CU NI KHA NAS KHRAG DRON MO SKYUGS SO, ,DGE SLONG DRUG CU NI BSLAB PA PHUL NAS NYAMS PAR GYUR TE, 'DI SKAD DU STON PA'I BSTAN PA LA BRTZON PAR BGYI BA NI BCOM LDAN 'DAS DKA' LAGS SO, ,BDE BAR GSHEGS PA DKA' LAGS SO ZHES KYANG 'DZER TE ZHES BYA BA 'BYUNG STE, MDO DE LAS DE SKAD CES BSHAD PA'I RGYUS 'BRAS BU RNAM PA GSUM BSTAN TE, BSTAN PA'I MJUG THOGS SU DGRA BCOM PA'I 'BRAS BU 'THOB PA DANG, KHA CIG NI MNGON PAR MTHO BA THOB PA DANG KHA CIG NI DGE BA'I CHOS MANG PO LAS NYAMS TE, GNAS YONGS SU BTANG BA NI SEMS THA DAD PA RNAMS SO, ,DBYUG PAS RI DAGS 'TSOR GYI MDO LAS KYANG DE LA BCOM LDAN 'DAS KYIS DGE SLONG LA MI SDUG PA BSHAD CING MI SDUG PA BSGOM PA'I BSNGAGS PA YANG BRJOD DE, DGE SLONG DAG MI SDUG PA BSGOM ZHES BYA BA NAS PHAN YON CHE'O ZHES BYA BA'I BAR DANG, DE'I TSE DGE SLONG RNAMS MI SDUG PA SGOM PAR BYED DE, MI SDUG PA BSGOMS NAS LUS RUL PA 'DIS NGO TSA ZHING 'PHYA SMAD DE, DES SMOD PA'I BAR DU BYED CING MTSON GYIS KYANG LCEB PAR BYED, DUG KYANG ZA BAR BYED G-YANG SAR YANG MCHONG BAR BYED, THAG PAS KYANG 'GEGS TE 'CHI BAR BYED PA NAS, DGE SLONG GIS DGE SLONG GSOD PAR BYED PA'I BAR BYED DE, SROG GCOD PA DE DANG SNGA MA'I TSIG RTZUB PO LA SOGS PA LA DGONGS PA YONGS SU DAG PA'I DE BZHIN GSHEGS PA RNAMS JI LTAR ZHUGS PA YIN, BYANG CHUB SEMS DPA' RNAMS LA YANG TSUL DE KHO NA BZHIN DU SHES PAR BYA'O, ,GZHAN YANG SANGS RGYAS BCOM LDAN 'DAS RNAMS NI BYA BA BYAS PA BYED PA BYAS PA YIN MOD KYI, SEMS CAN THAMS CAD RNAM PA THAMS CAD KYIS 'DUL BA'I THABS LA MKHAS PA'I PHYIR THA NA DBUGS PHYI NANG DU RGYU BAS KYANG SEMS CAN RNAMS KYI DON DANG, PHAN PA DANG BDE BA LA ZHUGS PA YIN TE, BYIS PA NI TSE 'DI CHED CHER 'DZIN TO, ,MKHAS PA @211B PA NI TSE PHYI MA CHED CHER 'DZIN TO ZHES MDO LAS 'BYUNG BA'I PHYIR RO, ,MIG RGYANG RING BAR TSE PHYI MA CHED CHER 'DZIN PA'I PHYIR YANG SEMS CAN RNAMS KYI TSE 'DI'I KHA NA MA THO BA DANG BCAS PA'I BDE BA CHUNG NGU PHRAN TSEGS TZAM LA NI MI LTA'I, YUN RING PO TSE PHYI MA'I PHAN PA DANG BDE BA MANG PO KHA NA MA THO BA MED PA KHO NA LA LTA STE, 'DI LTAR KHA CIG LA NI DGE BA GZHIG PA'I PHYIR CHOS STON TO, ,KHA CIG LA NI LONGS SPYOD GZHIG PA'I PHYIR, KHA CIG LA NI BDE BA GZHIG PA'I PHYIR, KHA CIG LA NI G-YOG 'KHOR GZHIG PA'I PHYIR CHOS STON TO, ,KHA CIG LA NI BDE BA DANG, YID BDE BAS SBYOR BAR MDZAD DO, ,KHA CIG LA NI SDUG BSNGAL BA DANG, YID MI BDE BAS SBYOR BAR MDZAD DO, ,KHA CIG LA NI LAG NA RDO RJE LA SOGS PA GNOD SBYIN DRAG PO YANG DAG PAR BSTAN PAS 'CHI BA'I 'JIGS PA SKYED NAS 'DUL BAR BYED DO, ,DE BAS NA SANGS RGYAS BCOM LDAN 'DAS DGONGS PA YONGS SU DAG PA RNAMS KYIS NI SEMS CAN LA PHAN PA DANG BDE BAR BYA BA'I PHYIR MI MDZAD PA'I BAG MED DE, BYANG CHUB SEMS DPA' RNAMS KYANG DE DANG 'DRA'O, ,NYON MONGS PA CAN MA YIN PA'I PHYIR SEMS LA NI DGE BA'I LAS KYI LAM RNAM PAR GZHAG PA YE MED DE, 'DI LTAR 'DUL BA LAS KYANG CHOM RKUN GYIS KHYER BA'I RDZAS DGRA BCOM PAS PHYIR BKUG GO ZHES 'BYUNG BA LA MA BYIN PAR LEN PA'I NYES PA YANG MED DE, BSAM PA NYON MONGS PA CAN MA YIN PA'I PHYIR RO, ,DGRA BCOM PA'I TIL GYI 'BRU TZAM NANG DU BCUG TU ZIN KYANG NYON MONGS PA CAN GYI BSAM PA MED DE NYAMS SU MYONG BA MED CING TSOR BA MED PA'I PHYIR 'KHRIG PA YONGS SU SPYOD PA MED PA DE BZHIN DU BYANG CHUB SEMS DPA' NYON MONGS PA CAN MA YIN PA'I BSAM PA CAN DBANG THOB CING BSAM PA YONGS SU DAG PA RNAMS NI SEMS CAN YONGS SU SMIN PAR BYA BA'I THABS LA ZHUGS PA YIN PAS NI NGAG GI KUN TU SPYOD PAS MI DGE BA LAS KYI LAM DANG 'BREL PA MED PA KHO NAR RIG PAR BYA'O, ,BYANG CHUB SEMS DPA' THABS LA MKHAS PA'I MCHOG PHA ROL TU PHYIN PA THOB PA RNAMS KYI SPYOD PA NI BSAM GYIS MI KHYAB STE, DE LA NI DGE BA'I RTZA @212A *, ,BA CHUNG BA DANG, SHES RAB RTUL BA DANG, BDAG GI PHYOGS LA MNGON PAR ZHEN PA DANG, SGRA JI BZHIN DU DON 'DZIN PA RNAMS KYI BLO YANG 'JUG PAR MI 'GYUR RO, ,DE LA NI SANGS RGYAS NYID KYI MNGON SUM YIN TE, DE DAG GI KHA NA MA THO BA DANG BCAS PA SPYOD PA NI DE DAG NYID KYIS MKHYEN PAR ZAD DE, DE BAS NA GZHAN DAG GIS NI BSOD NAMS MA YIN PA MANG POS YONGS SU 'DZIN PA'I THABS YE SPANG BAR BYA'O, ,DGE BA'I SEMS SAM LUNG DU MA BSTAN PA'I SEMS SU RIG NAS ZHES BYA BA NI BDAG NYID KYI BSAM PA DAG PAR RTOGS NAS BYED PA'O; ,'DZEM BZHIN DU ZHES BYA BA NI THABS GZHAN MED DE PHONGS CHOS SU BYED PA'I PHYIR RO, ,PHYI MA LA SNYING BRTZE BA'I SEMS KHO NAS ZHES BYA BA NI DE DAG LA PHYI MA LA PHAN PA'I BSAM PA KHO NA BSKYED NA LAS DE LTA BU BYED DU ZIN KYANG NYES PA MED DE, YANG DAG PA'I DON GYI BYANG CHUB SEMS DPA' NI BYA BA LA NAN TAN BYED PA YIN PA'I PHYIR ZHES BSTAN TO, ,RANG BZHIN GYIS KHA NA MA THO BA DANG BCAS PA LA NI BYANG CHUB SEMS DPA' KHYIM PA RNAMS KHO NA 'JUG PAR RIG PAR BYA STE, MDO LAS DE DAG KHO NA'I YIN PAR MTHONG BA'I PHYIR RO, ,MA BYIN PAR LEN PA'I SKABS SU RGYAL SRID KYANG DBROG PA NI SEMS CAN MANG PO LA NOR MANG PO SBYIN PA'I BSAM PA YOD PA YIN PAR BSTAN PA'I PHYIR SMOS SO, ,GCIG TU NGES PAR PHA ROL LA GNOD PA BYED PA LA ZHUGS PA ZHES BYA BA NI SROG LA SOGS PA LA GNOD PAR BYED PA'O, ,NOR DE LA LONGS SPYOD PAS YUN RING POR GNOD PA DANG RJES SU 'BREL PA'I PHYIR NOR DE SLAR 'PHROGS TE GNAS JI LTA BA BZHIN DU 'BUL BAR BYED NA NYES PA MED DO, ,MI TSANGS PAR SPYOD PAS GZIR BA ZHES BYA BA NI MA 'PHRAD NA 'CHI BAR 'GYUR LA BYANG CHUB SEMS DPA' YANG KHON GYI BSAM PA 'DZIN TE SEMS CAN DMYAL BA RNAMS SU SKYE BAR 'GYUR RO SNYAM DU DE LTAR RIG NAS BYED DO, ,MGO GTZANG ZHES BYA BA NI 'DOD PA LA LOG PAR G-YEM PA'I NYES PA SPANG BA'I PHYIR TE, DE LTAR BUD MED DBANG DU GYUR NA NI DGA' MGUR DGE BA'I RTZA BA LA YANG SBYAR DU YOD LA, MI DGE BA LA YANG SPANG DU GZHUG TU RUNG BA'I PHYIR RO, ,DE LTA BU'I @212B LAS MANG PO SEMS CAN LA PHAN PA DAG MTHONG NA BDAG LA MI LTA ZHING SEMS CAN GYI DON LA LTA STE BYED NA NYES PA MED DO, ,MI DGE BA'I BSHES GNYEN GYIS YONGS SU ZIN PA RNAMS YONGS SU SMIN PAR BYA BA'I GNAS SKABS LA BAB PA'I TSE THABS GZHAN MED PA'I PHYIR PHRA MAS MDZA' BO'I DBYEN BYAS NAS BSTAN PA LA 'DZUD PAR BYED NA YANG NYES PA MED DO, ,TSIG RTZUB PO DRAG PO'I SBYOR BA DRAG POS MI DGE BA'I GNAS NAS BSLANGS TE, DGE BA'I GNAS SU DGOD PA'I PHYIR SMA 'BEBS PAR BYED NA TSIG RTZUB PO SMRAS KYANG NYES PA MED DO, ,TSIG KYAL PAS 'DUL BA'I SEMS CAN RNAMS DE'I SGO NAS 'DUL BA LA YANG NYES PA MED PAR STON TO, ,NYAN THOS KYANG LOG PAR 'TSO BA'I SBYOR BAS NYES PA DANG BCAS PAR 'GYUR LA, BYANG CHUB SEMS DPA' RNAMS NI LOG PAR 'TSO BAR SEMS BSKYED MA THAG TU NYES BAR YONGS SU MA SHES NA NYES PAR 'GYUR BAR STON TO, ,RGOD PAS YONGS SU ZIN PA ZHES BYA BA NI 'DOD CHAGS KYIS BSKYED PA'I RNAM PAR MA ZHI BA DANG LDAN PA ZHES BYA BA'I THA TSIG STE, RNAM PAR MA ZHI BA ZHES SMOS PA MA YIN NO, ,RTA GAD DU DGOD PA ZHES BYA BA NI SKAD CHER DGOD PA'O, ,KUN TU RTZE ZHES BYA BA NI LUS KYI SBYOR BA'O, ,KUN DU CA CO 'DON ZHES BYA BA NI LUS DANG NGAG GI SGO NAS SO, ,DGA' BZHIN GYIS NI GANG GI BSAM PA DAG PAR BSTAN PA'I PHYIR RO, ,BCOM LDAN 'DAS KYIS GSUNGS PA'I DON NGAS RTOGS TE, BYANG CHUB SEMS DPA' NI 'KHOR BA NYID DU GNAS PAR BYA BA YIN NO ZHES MDO LAS BYUNG BA KHO NA BZHIN DU BYANG CHUB SEMS DPA' RNAMS 'KHOR BA LA MNGON PAR DGA' BAR GNAS NA YANG NYES PAR 'GYUR BAR BSTAN TE, NYAN THOS SHES RAB RTUL BAS KYANG 'KHOR BA'I NYES DMIGS CAN GYI NYON MONGS PA YONGS SU SHES PA YANG MYA NGAN LAS 'DAS PA LA MNGON PAR DGA' ZHING 'KHOR BA LA SKYO BAR BYA DGONGS NA BYANG CHUB SEMS DPAS LTA HA CANG YANG BYA DGOS PAR STON TO, ,DE LAS KHYAD PAR DU 'PHAGS PAR KUN NAS NYON MONGS PA MED PA DANG LDAN PA NI BYANG CHUB SEMS DPA' YIN TE, YE SHES CHEN PO DANG, MTHU CHEN PO DANG LDAN PA'I PHYIR RO, ,DGE SLONG DGRA BCOM PA NI DE LTA MA YIN @213A *, ,NO; ,SNYAN PA DANG MI SNYAN PA SHIN TU RTOGS PA DE NYID NI, DRI NGAS ZHES BYA BA LA SOGS PAS BSHAD DO, ,MI SRUNG ZHES BYA BA NI YONGS SU MI SPONG BA STE, MI BDEN PAS MI BYED CES BYA BA'I THA TSIG STE, BDEN PA'I DNGOS PO DANG BDEN PA'I DNGOS PO MA YIN PA DANG GO RIMS SU SBYAR RO, ,MU STEGS CAN NI SHIN TU MNGON PAR ZHEN TE, DGA' BAR BYAR MI NUS PA'I PHYIR RO, ,BYIS PA RNAMS KYIS KHA NA MA THO BA MA YIN PA'I SGO NAS GZHAG PA'I DRI NGAS LA DRI NGAS MA YIN PA'I 'DU SHES KYIS YONGS SU SPONG BAR MI BYED NA NYES PA MED DO, ,THABS DRAG PO ZHES BYA BA NI LUS DANG NGAG GI SPYOD PA MI SDUG PAS CHAD PAS GDUL BA RNAMS LA BYA'O, ,YID MI DGA' BAR GYUR PA BSRUNG BA'I PHYIR ZHES BYA BA NI BDAG GI SEMS KYI SDUG BSNGAL BA YONGS SU SPANG BA'I THA TSIG GO, ,GZHAN DAG GI DON CHUNG LA BDAG NYID KYI TSEGS CHEN POR GYUR NA MA BYAS KYANG NYES PA MED DO, , DGE SLONG GI CHOS BZHI DANG, BRAL BA'I NYES PA BSTAN TE, GSHE BA NI KHROS NAS SPYO BA'I THA TSIG GO, ,KHRO BA NI KHROR GZHUG PA'I BSAM PA CAN GYI DAG GI SPYOD PA MI SDUG PA'O, ,RDEG PA NI SDUG BSNGAL BSKYED PA'I BSAM PAS SNUN PAR BYED PA'O, ,MTSANG 'BRU BA NI GCIG LA GCIG NYES PA GLENG BA'O, ,NYES PA BYAS PA SHAD KYIS BYANG BAR MI BYED PA'I NYES PA BSTAN TE, NYES PA BYAS SAM MA BYAS PAR YANG NGA RGYAL NA BYAS SU DOGS PA NI DE LTA DE LTAR 'DZIN PA'I PHYIR RO, ,KUN NAS MNAR SEMS ZHES BYA BA NI PHRAG DOG SHAS CHE BA'I PHYIR RO, ,NGA RGYAL GYIS NOD PA ZHES BYA BA NI DMAN PA'I TSUL GYIS NGO TSA BA'I PHYIR RO, ,NYES PA BYAS NA YANG SHAD KYIS BYANG BAR MI BYED PA DANG, DGOS PA LA YAL BAR 'DOR BA'O, ,'THAB KROL CAN ZHES BYA BA NI SHAD KYIS BYANG BAR BYAS NA YANG 'KHRUG PAR 'GYUR BA'O, ,RTZOD PAR BYED PA NI DE'I SGO NAS RTZOD PAR BYED PA'I PHYIR RO, ,BZOD PA'I DANG TSUL CAN ZHES BYA BA NI 'GYUR BA MED PAR SHES PA STE, SHAD KYIS BYANG BAR BYAS KYANG RUNG MA BYAS KYANG RUNG DE'I SEMS 'GYUR BA MED PAR RIG PA'AM, SHAD KYIS BYANG BAR BYED MI 'DOD PA'AM, NGO TSA BAR BYED DE MI MTHUN PAR 'DU SHES PAR RIG @213B PA NA SHAD KYIS MA SBYANGS KYANG NYES PA MED DO, ,RTZOD PA LA NYES BA BYUNG BA DAG CES BYA BA NI RTZOD PA BYUNG BA RNAMS DANG, RTZOD PA LA ZHUGS PA RNAMS LA, SHAD KYIS BYANG BAR BYED PA'O, ,MI NYAN ZHES BYA BA NI SEMS MI DGA' BA'AM, MI BZOD PA'I NGANG TSUL CAN YIN PA'I PHYIR RO, , CHOS BZHIN MA YIN PA ZHES BYA BA NI MI RIGS PA'O, ,KHRO BA'I BSAM PA ZHES BYA BA NI KHRO BA'I SEMS TE RGYUN MI 'CHAD PAR 'BYUNG BA'O, ,'DZIN PA NI RNAM GRANGS SO, ,TSOGS SDUD PA'I DBANG DU BYAS TE SMAS PA NI, RIM GRO BYA BA DANG BSNYEN BKUR BYA BA KHO NA'I DBANG DU BYAS NAS DE KHO NA'I PHYIR ZANG ZING MED PA'I PHYIR SEMS DANG LDAN PAS RIM GRO BYA BA DANG, BSNYEN BKUR BYA BA BDAG GIR BYED NA NYES PA MED DE, SBYOR BA YONGS SU ZIN KYANG BSAM PA DAG PA'I PHYIR RO, ,BRE MO GTAM LA KUN DU CHAGS PA'I SEMS KYIS NI BRE MO GTAM LA 'DUS PA'I NANG DU RGYAL PO DANG CHOM RKUN LA SOGS PA'I GTAM NGAN PA LA 'JUG PA'O, ,BRJED PA ZHES BYA BA NI SEMS RNAM PAR G-YENGS PA'O, ,DRAN PA LA GNAS KYANG PHA ROL GYI NGOR NYAN PA DANG, YA MTSAN DU 'DZIN PA DANG DRIS PA'I LAN 'DEBS PA TZAM LA NI NYES PA MED DE, ,SLOB PA LA BRTZON PA DANG, 'OG NAS 'BYUNG BA LA NI DE YANG NYES PA'I GNAS YIN NO, ,SEMS GNAS PA NYID NI SEMS MNYAM PAR 'JOG PAR 'DOD LA ZHES BYA BAS STON TO, ,BSAM GTAN LA BRTZON PA KHO NA'I SGRUB PA'I DBANG DU BYAS NAS, ,'BYUNG BA ZHES BYA BA LA SOGS PA SMOS SO, ,TING NGE 'DZIN THOB PA NA YANG BSAM GTAN TZAM GYIS CHOG PAR 'DZIN PA NYES PAR 'GYUR BA NI, YON TAN DU LTA ZHES BYA BAS STON TO, ,SHES RAB MNGON PAR SGRUB PA'I SBYOR BA LA NYES PAR 'GYUR BA'I DBANG DU BYAS NAS, ,BYANG CHUB SEMS DPA' GANG ZHES BYA BA LA SOGS PA SMOS SO, ,DE LA BSLAB PAR YANG MI BYA'O ZHES BYA BA NI NAN TAN DU BSGRUB PAR MI BYA BA'I THA TSIG GO, ,DON MED PA NI CI ZHIG BYA ZHES BYA BA LA SOGS PA STON TO, ,DE NYID LA BYE BRAG TU BRTZON PAR BYA BA NI, 'DI LTAR ZHES BYA BA LA SOGS PAS STON TO, ,GCIG TU NGES PAR DE LA BRTZON PA'I 'DUN PA BZLOG PA'I PHYIR NA @214A *, ,NYES PA MED DO, ,BYANG CHUB SEMS DPA'I SDE SNOD NI BSOD NAMS DANG YE SHES KYI TSOGS PHAL PO CHE'I LAM STON PAR BYED PA YIN PAS NI DE NYID LA BYE BRAG TU BSLAB PAR BYA DGOS TE, DE'I PHYIR BYANG CHUB SEMS DPA'I SDE SNOD CES BYA BA LA SOGS PA SMOS SO, ,YUN THUNG DUS KYANG DRAN PAR NUS PA DANG, SEMS RNO ZHING SHES RAB GSAL BAS DON SEMS PA DANG RTOGS PAR BYED NUS PA DANG, LHAN CIG SKYES PA'I SHES RAB KYIS SANGS RGYAS KYI GSUNG RAB RTOGS PAR NUS TE, RTOGS PA'I SHAS CHE BA LA NI NYES PA MED DO, ,DE LAS NYES 'GYUR DU ZHES BYA BA NI MYUR BA KHO NAR RGYUN DU CHUD PA DANG, GUS PAR BRTZON ZHING GOMS PAR BYED DE, RANG GI GZHUNG LA BRTZON DU ZIN KYANG NYES PAR 'GYUR RO, ,DE LTA BU'I TSUL DANG YANG MA 'GAL BAR ZHES BYA BA NI SANGS RGYAS KYI GSUNG RAB LA BRTZON PAR BYAS SU ZIN KYANG DE LA GNAS PA'I LTA BA CAN GYI MU STEGS CAN GYI BSTAN BCOS LA SBYOR BA MA GNANG STE, DPER NA DGOS PA'I DBANG GIS SMAN TSA BA BSTAN PA DE BZHIN DU MU STEGS CAN GYI BSTAN BCOS LA YANG DE DANG 'DRA BAR BYA'O, ,MCHOG TU ZAB PA NI NYAN THOS LA SOGS PA'I BLO LAS 'DAS PA'I PHYIR TE, DE'I PHYIR, DE KHO NA'I DON ZHES BYA BA LA SOGS PA SMOS SO, ,DON DANG LDAN PA MA YIN ZHES BYA BA NI DON DANG 'BREL PA MA YIN ZHING SHES RAB KYI KHYAD PAR GYI RTEN MA YIN PA'I PHYIR RO, ,CHOS DANG LDAN PA MA YIN ZHES BYA BA NI BSOD NAMS KYI KHYAD PAR GYI RTEN MA YIN PA'I PHYIR RO, ,GCIG TU NA DON BZANG PO YANG MA YIN LA TSIG 'BRU BZANG PO YANG MA YIN PA STE, GO RIMS BZHIN DU SBYAR RO, ,DE'I PHYIR PHAN PA DANG BDE BAR 'GYUR BA MA YIN ZHES SMOS SO, ,SKUR BA 'DEBS PA DANG LDAN PA NI BDAG NYID KYI TSUL BZHIN MA YIN PAR BYED PA'AM ZHES BYA BA LA SOGS PA STON TE, RANG GI STOBS DANG RGYU'I STOBS SAM ZHES BYA BA'I THA TSIG GO, ,GZHAN GYI RJES SU ZHUGS PA ZHES BYA BA NI GZHEN GYI STOBS DANG SBYOR BA'I STOBS SO, ,GAL TE ZAB MO LAS SEMS MI 'JUG PAR 'GYUR NA, DE LAS SGRUB PA NI DE LA BYANG CHUB SEMS DPA' DAD PA DANG ZHES BYA BA LA SOGS PAS STON TO, ,LONG BA ZHES BYA BA NI ZAG PA MED PA'I MIG MED PA'I PHYIR RO, ,DE BZHIN GSHEGS PA'I SPYAN GYIS ZHES BYA BA NI YID CHES PA'I LUNG GI TSAD MAS ZHES BYA BA'I THA TSIG GO, ,DGONGS TE GSUNGS ZHES BYA BA NI DON GZHAN LA LDEM POR DGONGS PA'I TSIG YIN PA'I @214B PHYIR RO, ,MOS PA'I DBANG KHO NAS SPONG BAR MI BYED NA NI NYES PA MED DO, ,LA LA NI MOS PA MED DU ZIN KYANG ZHES BRJOD DE DE DANG SBYAR NA NI MA MOS SU ZIN KYANG SPONG BAR MI BYED NA NYES PA MED CES BYA'O, ,SNGAR NI RNYED PA DANG, ,BKUR STIL BRKAM PA'I DBANG DU BYAS NAS BDAG BSTOD PA'I PHAM PA LTA BU'I GNAS BSTAN TO, ,DA NI BDAG LA GCES PAR 'DZIN PA'I SEMS KYIS BDAG LA STOD PAR BYED PA'I NYES PA'I GNAS GZHAN BSTAN TE, DE'I PHYIR ZANG ZING BCAS PA'I SEMS ZHES SMOS SO, ,BSTAN PA'I DGRA YIN PA'I PHYIR MU STEGS CAN LA SMOD PAR BYED PA NI NYES PA MED DO, ,MU STEGS CAN RNAMS ZIL GYIS GNON PA'I DGOS PA NI BSTAN PA GNAS PAR BYA BA ZHES BYA BA LA SOGS PAS BSTAN TO, ,BDAG NYID GCES PAR BYA BA BSKYED PA'I SGO NAS GZHAN DAG GIS DAD PA BSKYED PA'I PHYIR BDAG BSTOD PA LA NYES PA MED DO, ,MA TSOR NA ZHES BYA BA NI CHOS SGROGS PA YOD PAR MI SHES PA'O, ,GAL TE DE LTAR 'GRO NA CHOS SMRA BA MI DGA' BAR 'GYUR BA DANG, LAN DU MA THOS PA DANG SNGON SHAS ZIN PA'I DON GYI GTAM YIN PAR SHES NA NYES PA MED DO, ,THOS PA MTHAR PHYIN PA NI MANG DU THOS PA ZHES BYA BA LA SOGS PAS BSTAN TO, ,RGYUN MI CHAD PAR BSAM GTAN LA BRTZON PA NI RTAG TU ZHES BYA BA LA SOGS PAS BSTAN TO, ,SHES RAB RTUL BA DANG, LUNG NOD PA LA SOGS PA SLOB PA LA BRTZON PA LA YANG NYES PA MED DO, ,KHYAD DU GSOD CES BYA BA NI SNYING NAS DGE BA'I BSHES GNYEN GYI 'DU SHES DANG STON PA LA SOGS PA'I 'DU SHES MI BSKYED CES BYA BA'I THA TSIG GO, ,BKUR STI MI BYED CES BYA BA NI LUS KYI SPYOD PA'O, ,'PHYA ZHES BYA BA NI SMA 'BEBS PA DANG LDAN PA'I THA TSIG GO, ,STING ZHES BYA BA NI TSIG BRLANG PO STE, DE LTA BU NI CHOS SMRA BA LA MA GUS PA DANG LDAN PA YIN NO, ,CHOS LA MA GUS PA'I DBANG DU BYAS NAS TSIG 'BRU LA RTON GYI ZHES BYA BA SMOS SO, ,SEMS CAN GYI DON BYA BA LA MI BRTZON PA'I NYES PA NI SEMS CAN GYI BYA BA ZHES BYA BA LA SOGS PAS BSTAN TE, SEMS CAN GYI DON BYA BA'I TSUL KHRIMS BSTAN PA LAS BYUNG BA'I SEMS CAN GYI BYA BA RNAM PAR DBYE BAS LAS BRTZAMS TE GROGS BYA BA YIN PAR RIG PAR BYA'O, ,RTEN YOD PA NI BYED PA GZHAN YOD PA'O, ,CHOS MA YIN PA'I BYA BA DAG LA NYES PA MED PA NI GNOD PA @215A *, ,DANG LDAN PA ZHES BYA BAS BSTAN TO, ,GZHAN LA BCOL ZHES BYA BA NI GZHAN BYED DU GZHUG PA'O, ,DE BAS CHES KHYAD PAR DU 'PHAGS PA'I DGE BA'I PHYOGS LA BRTZON PA DANG, RANG BZHIN GYIS SHES RAB MED PA DANG, SLOB PA LA BRTZON PA DANG, SEMS CAN CHES MANG BA DAG GI SEMS SRUNG BA DANG, DGE 'DUN GYIS BCAS BA SRUNG BA LA YANG NYES PA MED DO, ,MGON YOD PA NYID KYI PHYIR NA NUS PA'O, ,DE'I PHYIR YANG RTEN YOD PA STE, RNAM PA GZHAN DU YANG TSOL NUS PA'I PHYIR RO, ,YANG NA BDAG NYID KYIS NUS PA'I PHYIR RO, ,NAD RGYUN RINGS NI YUN RING DU NA BA LA YANG ZHES BYA BA'I THA TSIG GO, ,BSAM GTAN DANG KHA TON LA BRTZON PA NI SNGA MA KHO NA BZHIN NO, ,RIGS PA'I GDAMS NGAG MI STON PA'I NYES PA BSTAN TE, RIGS PA ZHES BYA BA NI SKYON MED PA'O, ,MI SHES ZHES BYA BA NI TSUL STON MI SHES PA'O, ,DE NYID MKHAS SAM STON PA GZHAN YOD PA DANG, GAL TE MI DGA' BAS NYAN PAR MI 'GYUR BA'AM, BKA' BLO MI BDE BAS LOG PAR 'DZIN PA DANG, DGA' ZHING GUS PA MED PAS GDUL DKA' BA'I PHYIR DMU RGOD KYI RANG BZHIN CAN DANG, LAN DU PHAN 'DOGS PA LA BRTZON PAR BYAS KYANG MI 'DOD NA MA BYAS KYANG NYES PA MED DO, ,YANG DAG PAR SLONG BA ZHES BYA BA NI RIGS PA DANG LDAN PA'I SLOD BA PO STE, SDUG BSNGAL BAR GYUR PA LA SOGS PA BSDUS SO, ,RUNG BA MA YIN PA'I BSAM PAS MA BYIN PA DANG, MI 'PHROD PA SLONG BA DANG, RGYAL PO LA GNOD PAR SEMS SHING RGYAL PO LA GLO BA RING BA LA RGYAL PO'I SEMS SRUNG NA NYES PA MED DO, ,'KHOR BSDUS PA ZHES BYA BA NI YONGS SU BZUNG LA BDAG NYID GRAGS SHING BSOD NAMS CHE BA'I PHYIR GOS LA SOGS PA RNYED PA'AM, YANG NA BDAG NYID TSOL NUS KYANG RUNG STE MA BYIN PA'O, ,MI RIGS PA LA ZHUGS PA'I PHYIR 'DUL BA'I SKAL BA MED PA STE, DE LA MA BYIN NA YANG NYES PA MED DO, ,MU STEGS CAN NI BSTAN PA'I DGRA YIN PA'I PHYIR TSAR BCAD PAR BYA BA YIN NO, ,YON TAN BRJOD PA NYID NI BSNGAGS PA YIN PAR SHES PAR BYA'O, ,'DOD PA CHUNG BA NI BDAG NYID KYI YON TAN RNAMS GZHAN YANG BRJOD DU MI 'JUG PA'I PHYIR RO, ,YON TAN GLENG BA'I RGYUS GANG ZAG DE NYID GYI RGYAGS PA LA SOGS PA KUN @215B NAS NYON MONGS PAR 'GYUR BAR MTHONG NA NYES PA MED DO, ,BSKRAD PA DANG GTAN DU MA YIN PA'I PHYIR RO, ,BCOS SU MI RUNG BA'I SKABS NYID NI BKA' BLO MI BDE BA ZHES BYA BA LA SOGS PAS BSHAD DO, ,DUS LA SDOD CES BYA BA NI DUS GZHAN LA SDOD PA DANG, 'THAB PA LA SOGS PA'I 'JIGS PA LA LTA BA'O, , DGE 'DUN 'KHRUG CING DBYE BA ZHES BYA BA NI DGE 'DUN KHRAG KHRUG TU 'GYUR BA'AM, THA DGUR BYED PAR 'GYUR BA DANG, DE NYID G-YO MED PA DANG, SHAS CHER NGO TSA SHES PA DANG KHREL YOD PA DANG LDAN PAS SGRUB STE NYES PA 'CHAGS PAR BYED PA LA NI NYES PA MED DO, ,BSTAN PA LA ZHE 'GRAS PA RNAMS KYI DAD PAS BYIN PA'I LONGS SPYOD KHA NA MA THO BA DANG BCAS PAR 'GYUR BAS NA, SPONG DU GZHUG PA'I PHYIR ZHES BYA BA SMOS SO, ,MNGON PAR ZHEN PA ZHES BYA BA NI SNGAGS SAM SMAN NAM CHO 'PHRUL BYED PA YIN GYI, RDZU 'PHRUL GYI STOBS KYIS NI MA YIN NO ZHES SGROGS PA'O, ,GNAS THAMS CAD LA YANG NYES PA MED PA NI SEMS 'KHRUGS PA DANG TSOR BAS NYEN PA LA LHAG PAR YANG NYES PA MED DE, TSOR BAS NYEN PA NI TSOR BA DRAG POS BRGYAL BAR 'GYUR BA'O, ,SDOM PA MA MNOS PA NI SDOM PA MA BZUNG BA'O, ,DNGOS SU BYUNG BA SHA STAG STE ZHES BYA BA NI TSUL KHRIMS RNAM PA GSUM GYI DBANG DU BYAS PA STE, DE DANG DER DNGOS SU BSTAN PA RNAMS SO, ,THOR BU ZHES BYA BA NI 'THOR BA RNAMS SO, ,TSANG BA ZHES BYA BA NI LHAN CIG TU BSDUS TE BSTAN PA'O, ,SLOB PAR 'DOD PA'I BSAM PAS ZHES BYA BA NI SDOM PA'I TSUL KHRIMS LA'O, ,BYANG CHUB 'DOD PA'I BSAM PAS ZHES BYA BA NI DGE BA SDUD PA'I TSUL KHRIMS LA'O, , SEMS CAN GYI DON BYA BA'I BSAM PAS ZHES BYA BA NI SEMS CAN GYI DON BYA BA'I TSUL KHRIMS LA'O, ,NYES BYAS SU BSDU BA ZHES BYA BA NI BYANG CHUB SEMS DPA' RNAMS KYI NYES PA NI THA DAD PA MED DE, BYANG CHUB SEMS DPA'I BYA BA LAS 'GAL BA'I PHYIR NYES BYAS KHO NAR ZAD DO, ,GANG SU YANG RUNG STE, KHONG DU CHUD PA LA ZHES BYA BA NI, BYANG CHUB SEMS DPA' RNAMS KYI NYES PA NI SKAL BA MED PA MA YIN PAR STON TE, NYAN THOS LA SOGS PA THAMS CAD LAS 'DAS PA'I SDOM PA'I KHYAD PAR LA GNAS PA NI DGE BA'I PHYOGS KYI SBYOR BA LA SKAL BA MED PAR 'GYUR BA MED PA'I PHYIR RO, ,PHAM PA'I GNAS LTA BU'I @216A *, ,NYES PA 'BRID NI TSOGS SAM YANG NA DGE 'DUN LA BSHAGS PAR BYA'O ZHES STON TE, DE YANG GNAS KYIS LCI BA YIN PA'I PHYIR RO, ,THOG MAR BRJOD DE ZHES BYA BA NI TSE DANG LDAN PA BDAG CAG NI DNGOS PO CHE GE MO ZHIG LAS NYES BYAS KYI NONGS BA BYUNG BA STE ZHES BSHAGS PA'I RIM PA STON TO, ,LHAG MA ZHES BYA BA NI NYES BYAS KYI NONGS PA BYUNG BA DE DAG BSHAGS SO ZHES BYA BA'O, ,LEN PA POS KYANG NYES PA DE DAG MTHONG NGAM ZHES BRJOD PAR BYA'O, ,DES KYANG MTHONG NGO ZHES BRJOD PAR BYA'O, ,PHYI CHAD SDOM PAR BYED DAM, LEBS PAR SDEM PAR BGYID DO ZHES DE LTAR GSUM GYI BAR DU BYA'O, ,LEN PA PO MED NA BYIN GYIS BRLABS PA'I SGO NAS KYANG NYES PA BSHAGS PAR BSTAN TO, ,SDOM PA BLANG BA'I CHO GA GZHAN YANG BYANG CHUB SEMS DPA'I SDOM PA YANG DAG PAR BLANG BA DE YANG ZHES BYA BA LA SOGS PAS STON TO, ,'DOD CHAGS NI 'DIR SEMS CAN LA RJES SU CHAGS PA YIN PAR BSTAN TE, SEMS CAN LA BYAMS PA DE'I SGO NAS BYANG CHUB SEMS DPA' GANG CI SPYOD KYANG RUNG BA DE DAG THAMS CAD NI BYANG CHUB SEMS DPA'I BYA BA NYID YIN TE, SEMS CAN GYI DON DU GTOGS PA'I PHYIR BYAS NA YANG NYES BYAS SU NI MI 'GYUR GYI, CIR 'GYUR ZHE NA, LEGS PAR BYAS PA NYID DU 'GYUR RO, ,DE BAS NA 'DOD CHAGS LAS 'BYUNG BA NI NYES PA MA YIN NO, ,BYANG CHUB SEMS DPA' SEMS CAN LA SDANG BA NI BDAG DANG GZHAN LA PHAN PAR SPYOD PA MA YIN TE, BDAG GI SANGS RGYAS KYI CHOS YONGS SU SMIN PAR YANG MI 'GYUR LA SEMS CAN YONGS SU SMIN PAR YANG MI 'GYUR BAS DE YANG BYANG CHUB SEMS DPA' RNAMS KYI BYA BA MA YIN TE, BYA BA MA YIN PA BYED PA NI NYES BYAS KYI NYES PAR 'GYUR RO, ,DE BAS NA ZHE SDANG LAS BYUNG BA'I NYES PA'I GNAS LA PHAL CHER KUN NAS MNAR SEMS KYI SEMS ZHES 'BYUNG NGO, ,'DI LTA STE GZHI BSDU BA LAS 'BYUNG BA BZHIN ZHES BYA BA NI RGYU RNAM PA LNGA STE CHUNG NGU DANG CHEN PO LA SOGS PA SNGAR BSTAN PA BZHIN NO, , TSUL KHRIMS KYI DBANG DU BYAS NAS NYAN THOS RNAMS KYI PHUN SUM TSOGS PA DANG, NYAMS PA BZHI BZHIR RNAM PAR GZHAG STE, TSUL KHRIMS PHUN SUM TSOGS PA DANG, LTA BA PHUN SUM TSOGS PA DANG, CHO GA PHUN SUM TSOGS PA DANG, 'TSO BA PHUN SUM TSOGS PA'O, ,DE LA BYANG CHUB SEMS DPA' @216B RNAMS KYI GTAN GYI SDOM PA YIN PA'I PHYIR TSUL KHRIMS NYAMS PA MED DO, ,DE LTA BAS NA RNAM PA GZHAN DU PHUN SUM TSOGS PA RNAM PA GSUM BSTAN PA'I PHYIR, RANG GI 'DUL BA ZHES BYA BA LA SOGS PA SMOS TE, LUS DANG NGAG DANG YID KYI KUN DU SPYOD PA YONGS SU DAG PA LA BRTEN PA NI PHUN SUM TSOGS PA DANG PO'O, , YANG DAG PAR RAB TU BYUNG BA'I BSGRUB PA'I BSAM PAS LEGS PAR BRJOD PA'I GNAS PA LA BRTEN PA NI GNYIS PA'O, ,'TSO BA'I YO BYAD RNAMS KYIS PHONGS PA MED PA'I MCHOG LA BRTEN PA NI GSUM PA'O, ,'DRAL BAR MI BYED PA NI BSLAB PA'I BZHI LAS 'GAL BAR MI BYED PA'I PHYIR RO, ,BSLAB PAR GTOGS PA'I LUS DANG NGAG DANG YID KYI LAS KUN DU SPYOD PA'I PHYIR LUS LA SOGS PA'I KUN DU SPYOD PA YONGS SU DAG GO, ,BSLAB PA DAG LA GUS PA DANG, BAG YOD PAR SHAS CHER GNAS PAS NA NYES PA RGYUN DU MI BYED DO, ,BRGYA LA NYES PA ZHIG BYAS NA YANG MTHOL BAS SDIG PA 'A CHAGS PAR BYED DE, ,RNAM PA GSUM PO 'DI DAG GIS THOG MA DANG BAR DANG THA MA RNAMS SU SBYOR BA PHUN SUM TSOGS PA BSTAN TO, ,YANG DAG PAR RAB TU BYANG BAR SBYOR BA NI CHOS KYI BSAM PAS RAB TU 'BYUNG BA YIN NO, ,NYAN THOS RNAMS NI BDAG 'DUL BAR BYA BA LA SOGS PA'I DON RAB TU BYUNG BA'I PHYIR LEGS PAR RAB TU BYUNG BA ZHES BYA BA'O; ,BYANG CHUB SEMS DPA' NI BDAG NYID KYI SANGS RGYAS KYI CHOS YONGS SU SMIN PAR BYA BA'I DON DU RAB TU BYUNG BA'I PHYIR LEGS PAR RAB TU BYUNG BA YIN TE, DE'I PHYIR BYANG CHUB CHEN PO DON DU GNYER BA ZHES SMOS SO, ,DON DU MI GNYER BA MA YIN ZHES BYA BA NI DE GCIG PUR NGES PAR BSTAN PA STE, DE'I DON KHO NAR RAB TU BYUNG ZHES BYA BA'I THA TSIG GO, ,DGE SBYONG GI TSUL DON DU GNYER BA ZHES BYA BA NI SGRUB PA'I SBYOR BA'I 'BRAS BU BSTAN PA STE, BYANG CHUB SEMS DPA'I DGE SBYONG GI TSUL NI SA BCU PO DAG LA BSLAB PA GSUM GYI SBYOR BAR GTOGS PA'I LAM MO, ,MYA NGAN LAS 'DAS PA NI THEG PA CHEN PO'I YONGS SU MYA NGAN LAS 'DAS PA STE, MI GNAS PA'I MYA NGAN LAS 'DAS PA YIN PAR RIG PAR BYA'O, ,DE LTAR 'JUG PA'I BSAM PA'I DBANG GIS BSAM PA PHUN SUM TSOGS PA KUN NAS NYON MONGS PA MED PAR BSTAN TO, ,KUN NAS NYON MONGS PA MED PAR GNAS PA'I PHYIR BSAM PA PHUN SUM TSOGS @217A *, ,PA NI LE LO MED PA ZHES BYA BA LA SOGS PAS BSTAN TO, ,LE LO MED PA ZHES BYA BA NI DGE BA RNAMS LA BRTZON 'GRUS BRTZAMS PA'I PHYIR RO, ,MA 'DRES PA NI SDIG PA MI DGE BA'I CHOS RNAMS BAR CHAD PA YOD PA DANG, BAR CHAD MED PA KUN DU MI SPYOD PA STE, DE LA SDIG PA NI SMAD PA YIN PA'I PHYIR RO, ,MI DGE BA RNAMS NI DGE BA DANG MI MTHUN PA'I PHYIR RO, ,KUN NAS NYON MONGS PA NI TSE 'DI NYID LA KUN NAS NYON MONGS PA'I PHYIR ZHING 'GRUB PAR 'GYUR BA'I PHYIR RO, ,YANG 'BYUNG BAS NI TSE PHYI MA LA YANG 'BYUNG BA'I SDUG BSNGAL 'GRUB PA'I PHYIR RO, ,RIMS NAD NI KUN NAS NYON MONGS PA YIN PA'I PHYIR RO, ,RNAM PAR SMIN PA SDUG BSNGAL BA NI YANG 'BYUNG BAR 'GYUR BA'I PHYIR TE, DE'I NYES DMIGS NI TSE 'DI LA NYON MONGS PA KUN DU SPYOD PAS LUS DANG SEMS YONGS SU GDUNG BAR 'GYUR BA DANG, TSE PHYI MA LA NGAN 'GRO 'GRUB PAR 'GYUR BA'I PHYIR YANG 'BYUNG BA RNAMS SO; , ,DE BAS NA PHYI MA LA SKYE BA DANG RGA SHIR 'GYUR BA DE NI NYES DMIGS YIN TE, YUN RING POR SKYE BA DANG RGA SHI 'DREN PA'I PHYIR RO, ,BSOD NAMS BYAS PA NI SBYIN PA LAS BYUNG BA'I BSOD NAMS BYA BA'I DNGOS PO KUN DU BSTAN PA'I PHYIR RO, ,DGE BA BYAS PAS NI LONGS SPYOD CHEN PO'I BAR DU GCOD PA YONGS SU SPONG BA'I PHYIR RO, ,GZHAN YANG BSOD NAMS NI BSOD NAMS KYI DON GYI PHYIR RO, ,DGE BA NI KHA NA MA THO BA MED PA'I DON GYI PHYIR RO, ,PHONGS PAR MI 'GYUR ZHES BYA BA NI MI LDAN PA MA YIN PA STE, DE DAG THOB CES BYA BA'I THA TSIG GO, ,PHUN SUM TSOGS PA DANG PO NYIN MTSAN DU DGA' ZHING MCHOG TU DGA' BA'I SHAS CHE BA'I PHYIR BDE BA LA REG PAR GNAS SO, ,GNYIS PA STE KUN NAS NYON MONGS PA CAN MA YIN PAR GNAS PA'I PHYIR YANG BDE BA LA REG PAR GNAS SO, ,GSUM PA STE PHONGS PA RNAM PAR SPANGS PA'I PHYIR YANG BDE BA LA REG PAR GNAS SO, ,BSDUS PA DANG RGYAS PA ZHES BYA BA LA MDO NI RNAM PA GNYIS TE, KHYIM PA'I PHYOGS SU GTOGS PA DANG RAB TU BYUNG BA'I PHYOGS SU GTOGS PA'O, ,YANG RNAM PA GSUM STE, SDOM PA YANG DAG PAR LEN PA DANG DGE BA SDUD PA DANG, SEMS CAN GYI DON BYA BA'I TSUL KHRIMS SO, ,RGYAS PAR NI JI SKAD BSTAN @217B PA'I RAB TU DBYE BA BZHIN NO, ,DE LAS GZHAN PA 'DI'I RAB TU DBYE BA ZHES BYA BA NI TSUL KHRIMS THAMS CAD NYID KYI PHYOGS GCIG STE, DKA' BA'I TSUL KHRIMS NAS RNAM PAR DAG PA'I TSUL KHRIMS KYI BAR RO, ,DE LTAR NA BSTAN PAS NI TSUL KHRIMS KYI NGO BO NYID BSTAN TO, ,BSHAD PAS NI TSUL KHRIMS THAMS CAD BSTAN TO, ,BSHAD PA'I RAB TU DBYE BAS NI DKA' BA'I TSUL KHRIMS LA SOGS PA BSTAN TO, ,DKA' BA'I TSUL KHRIMS NI RNAM PA GSUM GYIS RNAM PAR GZHAG STE, GTANG DKA' BA'I DNGOS PO YONGS SU GTONG BA'I TSUL KHRIMS LEN PAS NA YANG DAG PAR LEN PA DKA' BA LA BRTEN TO, ,BLANGS NA NYAM THAG PAR GYUR KYANG YONGS SU MI GTONG BAS NA RJES SU BSRUNG BA DKA' BA LA BRTEN TO, ,RGYU BA DANG GNAS PA DAG LA SHIN TU DRAN PA NYE BAR GNAS PAS NA YONGS SU DAG PA DKA' PA LA BRTEN TO, ,GZHAN DAG NI GZHAN DU YANG 'CHAD DE, LEN PA DANG SRUNG BA'I SGO NAS DKA' BAR STON TO, ,DE LA SRUNG BA NI NYAMS LA BAB PAR GYUR KYANG SHIN TU YONGS SU SKYONG BA DANG SHIN TU RNAM PAR DAG PA'I PHYIR RO, ,LONGS SPYOD CHEN PO NI RNAM PA BZHI DANG LNGAS RIG PAR BYA STE, BZHI ZHES BYA BA NI GANG GIS LONGS SPYOD PAR BYA BA'I LUS KYIS TE, LUS KYI 'BYOR PAR 'GYUR BAS NA LONGS SPYOD CHE BA'O, ,GANG DAG DANG LHAN CIG PA STE, GNYEN 'DAB DANG RTZA LAG SDUG CING BYAMS PA NAS YID DU 'ONG BA'I BAR DAG DANG NGO, ,DE DAG KYANG MANG BA DANG CHE BA'I PHYIR NA CHE BA'O, ,GANG DAG GIS BSGRUB PA NI DRAN PA LA SOGS PA RNAMS KYIS TE, DE DAG KYANG MANG BA DANG, CHE BA'I PHYIR CHE BA'O, ,GANG LONGS SPYOD NI ZAS DANG SKOM LA SOGS PA STE, DE LTAR LUS PHUN SUM TSOGS PA DANG, PHYOGS CHEN PO DANG 'KHOR CHEN PO DANG, NOR DANG YO BYAD PHAL PO CHER GYUR BA'I LONGS SPYOD CHE BAR BSTAN TO, ,RNAM PA LNGAS JI LTAR ZHE NA LUS GANG GIS CI'I PHYIR LONGS SPYOD PA STE, 'TSO BA'I PHYIR YIN LA DE GNYIS KYANG CHE BA'I PHYIR CHE BA'O, ,LHAG MA NI SNGA MA DANG 'DRA'O, ,NOR DANG 'BRU DANG MDZOD DANG BANG BA'I TSOGS PHAL PO CHE SPANG BA'I PHYIR DKA' BA'O, ,NOR DANG 'BRU MANG BAS NA DBANG PHYUG CHEN PO'O, ,DKA' BTZAN PAS DE DAG LA CI DGA' DGUR @218A *, ,DBANG BYED PA'I TSUL GYIS NA DBANG PHYUG CHEN PO LA DBANG BYED PA STE, GSUM PO 'DI DAG NI GTANG BAR MI NUS PA YIN LA, DE BTANG BAS NA TSUL KHRIMS YANG DAG PAR LEN PA DKA' BA YIN TE, MDO GZHAN LAS KYANG 'DI SKAD DU 'KHOR LOS SGYUR BA'I RGYAL PO GLING BZHI'I DBANG PHYUG LA DBANG BYED PAR 'GYUR BA DE LTA BU YANG 'DOD NA, SKAD CIG GCIG KHO NAS BTZUN MO DANG LONGS SPYOD THAMS CAD SPANGS NAS DE BZHIN GSHEGS PA'I BSTAN PA LA RAB TU 'BYUNG BAR 'GYUR RO ZHES RGYAS PAR GSUNGS SO, ,NYAMS LA BAB PAR GYUR PA NI SROG LA THUG KYANG ZHES BYA BAS BSTAN TE, 'CHI BA LA THUG PA'I SDUG BSNGAL GYIS THEBS NA YANG SROG GI PHYIR YANG ZHES BYA BA'I THA TSIG GO, ,RGYU BA DANG GNAS PA DANG YID LA BYED PA THAMS CAD LA ZHES BYA BA NI 'GRO BA LA SOGS PA LA DRAN PA DANG SHES BZHIN MCHOG DANG LDAN PA'I PHYIR DANG, YAN LAG LNGA DANG LDAN PA'I BAG YOD PAR GNAS PA'I PHYIR RO, ,BYANG CHUB SEMS DPA' NI BSAM PA DANG SBYOR BA DAG PAS NA BRGYA LAM NA GNAS SKABS 'GA' TZAM LA YANG DAG PAR BLANGS PA'I SKAD CIG PHYIN CHAD NAS MA SHI BA'I BAR DU YANG NYES PA MI BYED DE, DE LTAR NA RJES SU BSRUNG BA'I TSUL KHRIMS KYI DBANG DU BYAS TE DKA' BA YIN NO, , RNAM PA BZHI'I SGO NAS ZHUGS PA'I TSUL KHRIMS NI THAMS CAD KYI SGO'O, , ,SBYOR BA'I KHYAD PAR GYIS BSGRUBS PAS NA YANG DAG PAR BLANG BA BYAS PA'O, ,SEMS DANG MNGON PAR 'DU BYED PA DANG, SMON PA LA MI LTA BAS NA RANG BZHIN GYIS TSUL KHRIMS SO, ,YUN RING PO DANG RGYUN MI 'CHAD PA'I DUS NAS ZHUGS PAS NA GOMS PA'O, ,BSDU BA'I DNGOS POS YONGS SU ZIN PAS NA THABS DANG LDAN PA'O, ,RIGS LA GNAS PA ZHES BYA BA NI SBYIN PA LA SOGS PA PHUL DU PHYIN PA'I RTAGS KUN DU SPYOD PA'I GNAS SKABS KYI'O, ,KHA NA MA THO BA MED PA NI LUS DANG NGAG DANG YID KYI LAS TE, DE YANG TSUL KHRIMS KYI PHA ROL TU PHYIN PA'I RGYU YIN PAS NA PHA ROL TU PHYIN PA ZHES BYA BA 'THOB PA'O, ,GOMS PA'I KHYAD PAR GYI SBYOR BAS GONG MA BAS KYANG CHES GONG MA DANG, GYA NOM PA BAS KYANG CHES GYA NOM PAR TSUL KHRIMS LA GOMS PAR GYUR TE, DE BAS NA SNGON GYI TSE @218B RABS GZHAN DAG TU ZHES BYA BA LA SOGS PA SMOS TE, DE'I PHYIR DPER NA RANG BZHIN GYIS GTZANG ZHING KHRUS BYAS LA LUS BYUGS PA NI MI GTZANG BA DANG MI MTHUN ZHING MI 'DOD PA DE BZHIN DU RANG BZHIN GYIS SDIG PA RNAMS LA ZHE SDANG LA DE'I GNYEN PO DGE BA RNAMS LA DGA' ZHING DGE BA 'DOD DO, , BSLAB PA LA BRTZON PA'I BYANG CHUB SEMS DPA' SBYIN PA LA SOGS PA'I SGO NAS ZHUGS PA'I LUS LA SOGS PA'I LAS NI THABS DANG LDAN PA'I TSUL KHRIMS TE, BSDU BA'I DNGOS PO BZHI'I THABS KYIS YONGS SU ZIN PA'I PHYIR RO, ,BDAG DANG GZHAN LA MI GNOD PAR SGRUB PA'I PHYIR SKYES BU DAM PA YIN TE, SGRUB PA DE YANG BDAG NYID DANG GZHAN DAG PHAN 'DOGS PA'I LUS DANG NGAG DANG YID KYI LAS KUN DU SPYOD PA'I PHYIR RO, ,SKYES BU DAM PA'I TSUL KHRIMS RNAM PAR GZHAG PA NI BDAG NYID KYANG YANG DAG PAR LEN PA DANG, YONGS SU BSRUNG BA'I YAN LAG PHUN SUM TSOGS PAS THOG MA DANG THA MAS SKYES BU DAM PA'I TSUL KHRIMS SU 'GYUR BA DANG, GZHAN NI THA MAL BA DANG ZHE 'GRAS PA DANG, YANG DAG PAR ZHUGS PA'I BYE BRAG GIS TSUL KHRIMS RNAM PA GSUM GYI DBANG DU BYAS PA'O, ,DE LA SNGA MA RNAMS NI YANG DAG PAR LEN DU 'JUG GO, ,ZHE 'GRAS PA RNAMS LA NI BSNGAGS PA BRJOD DO, ,DE DAG GIS BSNGAGS PA DANG PHAN YON THOS NA KUN NAS MNAR SEMS KYI SEMS RTZE ZHIL BAR 'GYUR DU RE BA'I PHYIR RO, ,YANG DAG PAR ZHUGS PA RNAMS MTHONG NA NI YID DGA' BAR 'GYUR LA 'GRAN PAR YANG MI BYED DE, DE LTAR NA TSUL KHRIMS KYI DBANG DU BYAS NAS GZHAN DAG LA LUS DANG NGAG DANG YID KYI LAS KYI KHYAD PAR DANG LDAN PA'I SKYES BU DAM PA'I TSUL KHRIMS NYID DU BSTAN TO, ,RNAM GRANGS GCIG GIS RNAM PA DRUG YONGS SU RDZOGS PAR 'GYUR BAS NA RNAM PA DRUG GO, ,RNAM GRANGS CIG SHOS KYIS RNAM PA BDUN YONGS SU RDZOGS PAR 'GYUR BAS NA RNAM PA BDUN NO, ,GNYI GA BSDOMS PAS RNAM PA BCU GSUM YONGS SU RDZOGS PAR 'GYUR BAS NA RNAM PA BCU GSUM MO, ,BYANG CHUB CHEN POR YONGS SU BSNGOS PA NI 'BRAS BU DANG PHAN YON CHE BA STE DE BAS NA 'BRAS BU YONGS SU RDZOGS PAS YONGS SU RDZOGS PA'O, ,RGYA CHEN PO LA BSLAB @219A *, ,PA'I GZHI RGYAS PAR BLANG BA'I PHYIR GNAS YONGS SU RDZOGS PAS YONGS SU RDZOGS PA'O, ,RGYA CHE BA NI RGYA CHEN DU BRJOD PAR BYA'O, ,'DOD PA'I BSOD NYAMS KYI MTHA' RNAM PAR SPANGS PA'I PHYIR NYON MONGS PA CAN GYI BDE BA DANG BRAL BA YIN TE, DE BAS NA KHA NA MA THO BA MED PA'O, , BDAG NYID DUB PAR BYED PA'I MTHA' RNAM PAR SPANGS PA'I PHYIR DON MED PA'I SDUG BSNGAL RNAM PAR SPANGS TE, DE BAS NA RAB TU DGA' BA'I GNAS DANG MTHUN PA'O, ,BAR DU GCOD PA YONGS SU BTANG BAS DE JI SRID 'TSO'I BAR GYI BSLAB PA DANG LDAN PAS NA RGYUN DU CHUD PA'O, ,RNYED PA DANG BKUR STI LA MI BRTEN TE, DE'I SGO NAS NYAMS PAR MI BYED PAS DE'I PHYIR ZIL GYIS MI NON PA'O, ,DE BZHIN GSHEGS PAS BCAS PA'I TSUL KHRIMS PHUL NAS MU STEGS CAN GYI GNAS RNAMS SU SDOM PA YANG DAG PAR LEN PA'I PHYIR PHAS KYI RGOL BA LA SOGS PAS ZIL GYIS NON PAR 'GYUR TE, DE MED PAS NA DE DAG GIS ZIL GYIS NON PAR 'GYUR BA MA YIN NO, ,DGE SLONG SAR PA SAR PA RNAMS NI DGE SBYONG GI GNOD PA RNAMS KYIS GTZES SO ZHES MDO LAS GSUNGS PA'I PHYIR NYON MONGS PA'I KUN NAS DKRIS PA DE LTA BUS BSLAB PA PHUL NAS NYAMS SHING LDOG PA'I PHYIR DANG, BSLAB PA 'DRAL BAS NYE BA'I NYON MONGS PA RNAMS KYIS ZIL GYIS NON PAR 'GYUR LA, ,RNAM PA DE RNAMS KYIS MI 'PHROGS PA'I PHYIR BRTAN PA'O, ,RGYAN DANG LDAN PA YIN PAS NA, RGYAN DANG BCAS PA'O, ,'DI LTA STE NYAN THOS KYI SA LAS ZHES BYA BA NI DAD PA DANG LDAN PA DANG, G-YO BA MED PA DANG NAD NYUNG BA DANG; BRTZON 'GRUS BRTZAMS PA NYID DANG, SHES RAB CAN DANG 'DOD PA CHUNG BA LA SOGS PA NAS SBYANGS PA'I YON TAN LA THUG PA RNAMS NI TSUL KHRIMS KYI RGYAN YIN NO ZHES DE LAS BSTAN TO, ,TSUL KHRIMS NI MDOR BSDU NA RNAM PA GNYIS TE, GTAN MI BYA BA KHO NAS NYES PAR MA SPYOD PA SPONG BA YANG DAG PAR LEN PA'I PHYIR LDOG PA'I TSUL KHRIMS DANG, GCIG TU NGES PAR BYA BA KHO NAS BSLAB PA STE, 'JUG PA'I TSUL KHRIMS DANG, DE GNYIS RTAG TU BAG YOD PAR BSRUNG BA'I PHYIR KUN NAS BSRUNG BA'I TSUL KHRIMS TE @219B DE LTAR RNAM PA GSUM DANG RNAM PAR SMIN PA'I 'BRAS BU RAB TU PHYE BAS NA, RNAM PAR SMIN PAR BYED PA STE, DE YANG SA RE RE LA, JI LTAR 'TSAM PA'I MTSAN 'GRUB PAR BYED PA'I PHYIR DANG, DE BZHIN DU, BYANG CHUB SEMS DPA'I TING NGE 'DZIN 'GRUB PAR BYED PA'I PHYIR DANG, LHA DANG MI'I 'GRO BA 'GRUB PAR BYED PA'I PHYIR DANG, SEMS CAN GYI DON MANG PO'I 'BRAS BU 'GRUB PAR BYED PA'I PHYIR, RNAM PA BZHIR RIG PAR BYA STE, DE LTAR NA RNAM PA BDUN DU 'GYUR RO, ,BDAG DANG GZHAN MNYAM PA NYID THOB PA'I PHYIR 'DOD PA NYID DANG, PHONGS PA NYID LA LTA ZHING SO SOR BRTAGS NAS BLANGS PA NI, PHONGS SHING 'DOD PA'I TSUL KHRIMS SO, ,DE YANG SDUG BSNGAL RNAM PA BRGYAD KYI GNYEN PO'I PHYIR RNAM PA BRGYAD DE, SEMS CAN THAMS CAD NI, 'TSO BA 'DOD KYI 'CHI BA MI 'DOD PA'I PHYIR, 'TSO SROG 'DOD PA RNAMS DANG, LONGS SPYOD 'DOD PA RNAMS DANG, KHA MI PHYIN PA'I CHUNG MA 'DOD PA RNAMS DANG, MI SLU BA 'DOD PA RNAMS DANG, MI PHYED PA'I G-YOG 'KHOR 'DOD PA RNAMS DANG, SGRA SNYAN PAR THOS PAR 'DOD PA RNAMS DANG, DON DANG LDAN PA'I 'BEL BA'I GTAM 'DOD PA RNAMS DANG, SDUG PA'I 'DUS TE REG PA 'DOD PA RNAMS SO, ,DE LAS BZLOG PA NI, SDUG BSNGAL RNAM PA BRGYAD DE, PHONGS PAR BYED PA DANG, MI SDUG PA DANG, YID DU MI 'ONG BA DE LAS LDOG PA'I SGO NAS, PHONGS SHING 'DOD PA'I TSUL KHRIMS RNAM PAR GZHAG GO, ,SDUG BSNGAL GYI RGYU LA 'JUG PA'I DGA' BA'I SGO NAS 'DI DANG, PHYI MA LA BDAG DANG GZHAN RNAMS LA PHAN 'DOGS PAR BYED PA YIN PAS NA, 'GOG PA'I TSUL KHRIMS SO, ,'DI DANG PHYI MA LA BDE BA STE, BDE BA'I RGYU LA 'JUG PA GNANG BAS NA, GNANG BA'I TSUL KHRIMS SO, ,DE BZHIN DU GNYI GAR PHAN 'DOGS PAR BYED PA'I PHYIR, ,DE GNYIS LA YANG DAG PAR ZHUGS PA'I SEMS CAN SDUD PAS @220A *, ,NA; SDUD PA'I TSUL KHRIMS SO, ,GZHAN DAG GI 'DI DANG PHYI MA'I BDE BA LA LOG PAR ZHUGS PA'I SEMS CAN TSAR GCOD PAR BYED PAS NA, TSAR GCOD PA'I TSUL KHRIMS SO, ,SBYIN PA DANG LDAN PA KHO NAS, PHYI MA LA LONGS SPYOD CHEN PO'I 'BRAS BUR 'GYUR BA'I PHYIR DANG, BZOD PA DANG LDAN PA NI, 'DI DANG PHYI MA LA BDAG DANG, GZHAN DAG GI BDE BA'I RGYUR 'GYUR BA'I PHYIR DANG, PHYI MA LA BDAG NYID LA G-YOG 'KHOR DANG LDAN PA'I RGYUR 'GYUR BA'I PHYIR, 'DI DANG PHYI MA LA BDE BA DANG; BRTZON 'GRUS DANG LDAN PA NI, TSE 'DI NYID LA BRTZON 'GRUS BRTZAMS PAS SDIG PA MI DGE BA'I CHOS RNAMS DANG, MI 'DRES PA'I RGYUR 'GYUR BA'I PHYIR DANG, PHYI MA LA SPRO BA CHEN PO'I RGYUR 'GYUR BA'I PHYIR DANG, PHYI MA LA BDE BA DANG BSAM GTAN DANG LDAN PA NI, 'DI NYID LA BDE BA LA REG PA'I RGYUR 'GYUR BA'I PHYIR DANG, PHYI MA LA RNAM PAR DAG PA'I LHAR SKYE BA'I RGYUR 'GYUR BA'I PHYIR, GNYI GA BDE BA DANG, SHES RAB DANG LDAN PA NI, TSE 'DI LA DE DANG DE DAG LA MKHAS PA SKYED PA'I PHYIR DANG, PHYI MA LA SHES RAB KYI KHYAD PAR GYI RGYUR 'GYUR BA'I PHYIR, GNYI GAR BDE BA STE, DE LTAR NA TSUL KHRIMS RNAM PA BZHI NI, PHA ROL TU PHYIN PA DRUG GIS BSDUS TE, CI RIGS PAR SBYAR RO, ,BDAG DANG PHA ROL RNAMS LA GNYI GAR PHAN 'DOGS PAS NA, 'DI DANG PHYI MA LA BDE BA'O, ,NYES PA RNAM PA BCU'I GNYEN POR GYUR PAS NA, RNAM PAR DAG PA STE, RNAM PA BCU NI NYES PA RNAM PA BCU'O, BSAM PA NYAMS PAS NA, YANG DAG PAR LEN PA NYAMS PA'I NYES PA'O, ,DE'I GNYEN POR DGE SBYONG GI TSUL 'DOD PA NAS, THA MA RDZOGS PA'I BYANG CHUB 'DOD PA LA THUG PA RNAMS SMOS SO, ,BSLAB PA LA SBYOR BA'I NYES PA NI, DE BZHIN GSHEGS PAS BSLAB PA'I GZHI BCAS PA RNAMS LA GUS PAR MI BYED PAS NA, DE'I PHYIR HA CANG ZHUM PA MA YIN PA ZHES SMOS TE, DE NYID NI @220B 'GAL BAR BYAS PA ZHES BYA BA LA SOGS PAS RNAM PAR 'GREL TO, ,BSLAB PA NI GZHI MA BCAS PA'I RJES SU 'JUG PA'I NYES PA YIN PAS NA, HA CANG THAL BA NYID DO, ,NYES PA DE GNYI GA'I GNYEN POR, JI LTAR BCAS PA RNAMS LA YANG DAG PAR SLOB PAS NA RNAM PAR DAG PA'O, ,LE LO'I NYES PAS NYAMS PAR 'GYUR BA DE'I GNYEN PO LE LO MED PA ZHES BYA BA LA SOGS PA SMOS TE, LE LO DANG BRAL BA NI, NYIN MTSAN DU DGE BA'I PHYOGS LA MNGON PAR BRTZON PA ZHES BYA BAS BSTAN TO, ,BAG MED PA'I NYES PA'I GNYEN POR NI, BAG YOD PAS YONGS SU ZIN PA ZHES BYA BA LA SOGS PA SMOS SO, ,BSTAN PA'I NYES PA NI, RNYED PA DANG, BKUR STE DANG, SKYE BA'I KHYAD PAR LA BRTEN PA'I PHYIR TE, DE'I GNYEN POR SMON LA MA LEGS PAR BTAB PA ZHES BYA BA LA SOGS PA SMOS SO, ,GZHAN DAG 'DUN PAR MI BYED PA'I NYES PA DE'I GNYEN POR NI, CHO GA PHUN SUM TSOGS PA ZHES BYA BA LA SOGS PA SMOS SO, ,LOG PAR 'TSO BA'I NYES PA DE'I GNYEN POR NI, 'TSO BA PHUN SUM TSOGS PA ZHES BYA BA LA SOGS PA SMOS SO, ,MTHA' GNYIS SU LTUNG BA'I NYES PA DE'I GNYEN POR NI, MTHA' GNYIS RNAM PAR SPANGS PA ZHES BYA BA LA SOGS PA SMOS SO, ,MCHOG TU 'DZIN PA'I NYES PA DE'I GNYEN POR NI, NGES PAR 'BYIN PA ZHES BYA BA LA SOGS PA SMOS SO, ,NYAMS PAR BYED PA DE'I NYES PA NI, BSLAB PA LAS 'GAL BAR BYED PA STE, DE'I GNYEN POR NI, MA NYAMS PA ZHES BYA BA LA SOGS PA SMOS SO, ,TSUL KHRIMS KYI PHUNG PO CHEN PO NI, YANG SHINGS RGYA CHE LA BSOD NAMS CHE BA'I PHYIR RO, ,BYANG CHUB CHEN PO'I 'BRAS BU BSKYED PA NI, 'BRAS BU CHE BA'I PHYIR TE, DE GNYIS NI TSUL KHRIMS KYI PHA ROL TU PHYIN PA ZHES BYA BA LA SOGS PA RNAM PAR 'GREL TO, ,BYANG CHUB SEMS DPA'I SDOM PA'I TSUL KHRIMS LA SLOB PA'I PHAN YON, NYAN THOS LA SOGS PA DANG THUN MONG MA YIN PA BSTAN TE, @221A *, ,DE LA SLOB PAS NI SANGS RGYAS DANG BYANG CHUB SEMS DPA' RNAMS DGONGS PAR 'GYUR GYI NYAN THOS KYI SDOM PA LA SLOB PA MA YIN NO, ,'CHI BA'I TSE 'DI NAS SHI 'PHOS NAS SANGS RGYAS DANG BYANG CHUB SEMS DPA' RNAMS DANG PHRAD PA YID LA BYED PAS 'CHI BA'I 'JIGS PA LAS 'DAS PA'I PHYIR MCHOG TU DGA' BA CHEN PO 'THOB PO, ,PHYI MA LA SANGS RGYAS DANG BYANG CHUB SEMS DPA' DGE BA'I BSHES GNYEN DANG PHRAD PA NI PHAN YON GSUM PA'O, ,PHA ROL TU PHYIN PA BSDUS PA'I BSOD NAMS YONGS SU 'DZIN PA'I PHYIR BZHI PA'O, ,GTAN DU BA'I TSUL KHRIMS YIN PAS CHOS NYID KYI TSUL KHRIMS 'THOB PA'I PHYIR LNGA PA'O, ,RNAM PA RE RE YANG TSUL KHRIMS RNAM PA GSUM DU BSDU BA NI, DE THAMS CAD NI SDOM PA'I TSUL KHRIMS DANG ZHES BYA BA LA SOGS PAS BSTAN TO, ,CI'I PHYIR BYANG CHUB SEMS DPA' RNAMS KYI TSUL KHRIMS RNAM PA GSUM LAS MI NYUNG MI MANG ZHES RGOL BA'I LAN GYI SGO NAS TSUL KHRIMS RNAM PA GSUM DU GZHAG PAR BSTAN PA'I PHYIR GSUM ZHES BYA BA LA SOGS PA SMOS SO, ,SDOM PA'I TSUL KHRIMS KYIS NI SEMS GNAS PA BSTAN TE, KUN NAS NYON MONGS PA MED PA'I CHOS KYI BDE BA LA NGNAS PA'I PHYIR RO, ,LUS DANG SEMS KYI MNGON PAR 'DUS BYAS PA YANG DE DANG 'DRA'O, ,DGE BA SDUD PA'I TSUL KHRIMS KYIS NI, SANGS RGYAS KYI CHOS YONGS SU SMIN PA'I SGO NAS BDAG LA PHAN PA BSGRUB BO, ,SEMS CAN GYI DON BYA BA'I TSUL KHRIMS KYI SGO STE, SEMS CAN YONGS SU SMIN PAR BYED PA'I SGO NAS NI GZHAN LA PHAN BSOD NAMS CHE BA'I PHYIR SEMS DPA'I BYA BA NI 'DI DAG TU ZAD DE 'DI LTA STE, BDAG NYID KYI SNOD DU GYUR PAR BYA BA DANG GNYI GA LA PHAN PAR BSGRUB PA'O, ,BYANG CHUB SEMS DPA'I TSUL KHRIMS KYE LE'U RGYA CHER 'GREL PA SLOB DPON RGYAL BA'I SRAS KYI MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, PRA DZ+NY'A RMA DANG, ZHU CHEN GYI LO TZ'A BA BAN DE YE SHES SDE LA SOGS PAS BSGYUR CING ZHUS TE GTAN LA PHAB PA,, ,,