@1A #, ,RGYA GAR SKAD DU, MA H'A Y'A NA SAm GRA HA, BOD SKAD DU, THEG PA CHEN PO BSDUS PA, BAM PO DANG PO, BCOM LDAN 'DAS 'PHAGS PA 'OD DPAG TU MED PA DANG, 'JAM DPAL GZHON NUR GYUR PA LA PHYAG 'TSAL LO, ,THEG PA CHEN PO LA SHIN TU ZHUGS PA'I BYANG CHUB SEMS DPAS, THEG PA CHEN PO'I CHE BA'I BDAG NYID BRJOD PA'I PHYIR, BCOM LDAN 'DAS KYI SPYAN SNGAR 'DI LTA STE, THEG PA CHEN PO LAS BRTZAMS NAS, CHOS MNGON PA THEG PA CHEN PO'I MDO LAS, SANGS RGYAS BCOM LDAN 'DAS RNAMS KYI GSUNG KHYAD PAR RNAM PA BCUS KHYAD PAR DU 'PHAGS PA GSUNGS TE, 'DI LTA STE, SANGS RGYAS BCOM LDAN 'DAS RNAMS KYI GSUNG ZHES BYA BA'I GNAS KYI KHYAD PAR DU 'PHAGS PA DANG, SANGS RGYAS BCOM LDAN 'DAS RNAMS KYI GSUNGS ZHES BYA BA'I MTSAN NYID KYI KHYAD PAR GYIS KHYAD PAR DU 'PHAGS PA DANG, SHES BYA'I MTSAN NYID DE LA 'JUG PA'I KHYAD PAR GYIS KHYAD PAR DU 'PHAGS PA'I GSUNG DANG, DE LA 'JUG @2A *, ,PA DE'I RGYU DANG 'BRAS BU'I KHYAD PAR GYIS KHYAD PAR DU 'PHAGS PA'I GSUNG DANG, DE'I RGYU DANG 'BRAS BU BSGOM PA RAB TU DBYE BA'I KHYAD PAR GYIS KHYAD PAR DU 'PHAGS PA'I GSUNGS DANG, BSGOM PA RAB TU DBYE BA DE NYID LA LHAG PA'I TSUL KHRIMS KYI KHYAD PAR GYIS KHYAD PAR DU 'PHAGS PA'I GSUNGS DANG, LHAG PA'I SEMS KYI KHYAD PAR GYIS KHYAD PAR DU 'PHAGS PA'I GSUNG DANG, LHAG PA'I SHES RAB KYI KHYAD PAR GYIS KHYAD PAR DU 'PHAGS PA'I GSUNG DANG, DE'I 'BRAS BU SPANGS PA'I KHYAD PAR GYIS KHYAD PAR DU 'PHAGS PA'I GSUNG DANG, DE'I 'BRAS BU YE SHES KYI KHYAD PAR GYIS KHYAD PAR DU 'PHAGS PA'I GSUNG NGO, ,SANGS RGYAS BCOM LDAN 'DAS RNAMS KYIS MDO SDE'I TSIG BSTAN PA 'DI NI THEG PA CHEN PO SANGS RGYAS KYI BKA' NYID DU BRJOD PA'O, ,JI LTAR BRJOD CE NA, 'DI LTAR BSTAN PA 'DIS, NYAN THOS KYI THEG PAR GANG DAG MA BSTAN PA'I GNAS BCU PO DAG THEG PA CHEN PO LAS BSTAN TE, 'DI LTA STE, KUN GZHI RNAM PAR SHES PA NI SHES BYA'I GNAS SU BSTAN TO, ,NGO BO NYID GSUM PO GZHAN GYI DBANG DANG, KUN BRTAGS PA DANG, YONGS SU GRUB PA DAG NI SHES BYA'I MTSAN NYID DU BSTAN TE, ,RNAM PAR @2B RIG PA TZAM NYID NI SHES BYA'I MTSAN NYID LA 'JUG PAR BSTAN TO, ,PHA ROL TU PHYIN PA DRUG PO DAG NI DE LA 'JUG PA'I RGYU DANG 'BRAS BUR BSTAN TO, ,BYANG CHUB SEMS DPA'I SA BCU PO DAG NI DE'I RGYU DANG 'BRAS BU BSGOM PA RAB TU DBYE BAR BSTAN TO, ,BYANG CHUB SEMS DPA'I SDOM PA NI DER LHAG PA'I TSUL KHRIMS SU BSTAN TO, ,DPA' BAR 'GRO BA DANG NAM MKHA' MDZOD LA SOGS PA'I TING NGE 'DZIN DAG NI DER LHAG PA'I SEMS SU BSTAN TO, ,RNAM PAR MI RTOG PA'I YE SHES NI LHAG PA'I SHES RAB TU BSTAN TO, ,MI GNAS PA'I MYA NGAN LAS 'DAS PA NI DE'I 'BRAS BU SPANGS PAR BSTAN TO, , SANGS RGYAS KYI SKU GSUM STE, NGO BO NYID DANG, LONGS SPYOD RDZOGS PA DANG, SPRUL PA NI DE'I 'BRAS BU YE SHES SU BSTAN TO, ,NYAN THOS KYI THEG PA LAS KHYAD PAR DU BYAS PA GNAS BCU PO 'DI DAG NI GANG DAG BCOM LDAN 'DAS KYIS BYANG CHUB SEMS DPA' RNAMS LAS BRTZAMS NAS, THEG PA CHEN PO LAS KHYAD PAR DU 'PHAGS PA MCHOG NYID DU BSTAN PA DAG GO, ,DE BAS NA THEG PA CHEN PO LAS BRTZAMS TE, SANGS RGYAS BCOM LDAN 'DAS RNAMS KYI GSUNG KHYAD PAR RNAM PA BCUS KHYAD PAR DU 'PHAGS PAR SHES PAR BYA'O, ,JI LTAR NA DE BZHIN GSHEGS PA'I GSUNG KHYAD PAR RNAM PA BCUS KHYAD PAR DU 'PHAGS PA 'DIS THEG PA CHEN PO SANGS RGYAS KYI BKA' NYID DU YONGS SU BSTAN PA YIN LA, NYAN THOS KYI THEG PA NI THEG PA CHEN POR MI CHUD PAR BKAG PA YIN TE, 'DI LTAR GNAS BCU PO 'DI DAG NYAN THOS KYI THEG PA LA NI BSTAN PAR MI SNANG LA, THEG PA CHEN PO LA NI SNANG BA'I PHYIR RO ZHE NA, GNAS BCU PO 'DI DAG NI BYANG CHUB CHEN PO KUN TU SGRUB PAR BYED PA STE, THAMS CAD MKHYEN PA'I YE SHES 'THOB PAR SHIN TU 'THAD PA MTHUN PA 'GAL BA MED PA'O, ,'DIR TSIGS SU BCAD PA, SHES BYA'I GNAS DANG MTSAN NYID DER 'JUG DANG; ;DE YI RGYU 'BRAS DE RAB DBYE BA DANG, ,BSLAB PA GSUM DANG DE 'BRAS SPANGS PA DANG, ,YE SHES THEG PA MCHOG GYUR KHYAD PAR 'PHAGS, ,BSTAN 'DI 'DI LTAR GZHAN NA MA MTHONG LA, ,'DI DAG BYANG CHUB MCHOG GI RGYUR MTHONG BAS, ,GNAS BCU BSTAN PAS KHYAD ZHUGS @3A *, ,GANG YIN PA, ,THEG PA CHEN PO SANGS RGYAS BKAR 'DOD DO, ,CI'I PHYIR GNAS BCU PO 'DI DAG GI GO RIMS 'DI LTAR BSTAN ZHE NA, 'DI LTAR BYANG CHUB SEMS DPAS THOG MA NYID DU RE ZHIG CHOS RNAMS KYI RGYU LA MKHAS PA LA BRTEN NAS, RTEN CING 'BREL PAR 'BYUNG BA LA MKHAS PAR BYA'O, ,DE'I 'OG TU SGRO 'DOGS PA DANG SKUR PA 'DEBS PA'I MTHA'I NYES PA YONGS SU SPANG BA LA MKHAS PA NYE BAR BZUNG STE, RTEN CING 'BREL PAR 'BYUNG BA'I CHOS DE DAG GI MTSAN NYID LA MKHAS PAR BYA'O, ,DE LTAR RAB TU SBYOR BA'I BYANG CHUB SEMS DPAS MTSAN NYID SHIN TU BZUNG BA DE RTOGS PAR BYA STE, DES SGRIB PA RNAMS LAS SEMS RNAM PAR GROL BAR 'GYUR RO, ,DE'I 'OG TU SHES BYA'I MTSAN NYID RTOGS NAS LHAG PA'I BSAM PA RNAM PAR DAG PA LA BRTEN TE, SNGON SBYOR BA CAN GYI PHA ROL TU PHYIN PA DRUG PO DAG RTOGS PAR BSGRUB PAR BYA'O, ,DE'I 'OG TU LHAG PA'I BSAM PA RNAM PAR DAG PAS YONGS SU BZUNG BA'I PHA ROL TU PHYIN PA DRUG PO DE DAG SA BCU DAG TU RAB TU PHYE STE, BSKAL PA GRANGS MED PA GSUM DU BSGOM PAR BYA'O, ,DE'I 'OG TU BYANG CHUB SEMS DPA'I BSLAB PA GSUM PO DAG YONGS SU RDZOGS PAR BYA'O, , YONGS SU RDZOGS NAS DE'I 'BRAS BU MYA NGAN LAS 'DAS PA DANG, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA STE, GNAS BCU PO DE DAG GI GO RIMS NI DE LTAR BSTAN TO, ,BSTAN PA 'DIR NI THEG PA CHEN PO THAMS CAD YONGS SU RDZOGS PA YIN NO; ;DE LA RE ZHIG THOG MA KHO NAR KUN GZHI RNAM PAR SHES PA NI SHES BYA'I GNAS SO ZHES BRJOD PA BCOM LDAN 'DAS KYIS KUN GZHI RNAM PAR SHES PA ZHES BSTAN PAS, KUN GZHI RNAM PAR SHES PA GANG DU BSTAN ZHE NA, BCOM LDAN 'DAS KYIS CHOS MNGON PA'I MDO LAS TSIGS SU BCAD DE, THOG MA MED PA'I DUS KYI DBYINGS, ,CHOS RNAMS KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG 'THOB PAR 'GYUR, ,ZHES GSUNGS SO, ,YANG DE NYID LAS, CHOS KUN SA BON THAMS CAD PA'I, ,RNAM PAR SHES PA KUN GZHI STE, ,DE BAS @3B KUN GZHI RNAM SHES TE, ,DAM PA DAG LA NGAS BSHAD DO, ,ZHES GSUNGS TE, 'DI NI RE ZHIG LUNG NGO, ,CI'I PHYIR DE KUN GZHI RNAM PAR SHES PA ZHES BYA ZHE NA, SKYE BA CAN KUN NAS NYON MONGS PA'I CHOS THAMS CAD 'BRAS BU'I DNGOS PO DER SBYOR BA'AM, DE YANG RGYU'I DNGOS POR DE DAG TU SBYOR BA'I PHYIR KUN GZHI RNAM PAR SHES PA'O, ,YANG NA SEMS CAN DAG DE'I BDAG NYID DU SBYOR BAS KUN GZHI RNAM PAR SHES PA'O, ,DE NI LEN PA'I RNAM PAR SHES PA ZHES KYANG BYA STE, 'DI LA LUNG NI DGONGS PA NGES PAR 'GREL PA'I MDO LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, 'DI NI BYIS PA RNAMS LA NGAS MA BSTAN, ,ZHES JI SKAD GSUNGS PA LTA BU'O, ,CI'I PHYIR LEN PA'I RNAM PAR SHES PA ZHES BYA ZHE NA, DBANG PO GZUGS CAN THAMS CAD KYI RGYU YIN PA DANG, LUS CAN NYE BAR LEN PA'I GNAS SU GYUR PA'I PHYIR TE, 'DI LTAR TSE JI SRID PAR RJES SU 'JUG GI BAR DU DES DBANG PO GZUGS CAN LNGA PO DAG MA ZHIG PAR NYE BAR BZUNG BA DANG, LUS THAMS CAD NYE BAR LEN PA'I GNAS SU 'GYUR BA'I PHYIR, NYID MTSAMS SBYOR BA SPREL BA NA YANG DE MNGON PAR 'GRUB PA NYE BAR 'DZIN PA'I PHYIR LUS BZUNG BA YIN TE, DE LTA BAS NA DE LEN PA'I RNAM PAR SHES PA ZHES BYA'O, ,DE NI SEMS ZHES KYANG BYA STE, BCOM LDAN 'DAS KYIS SEMS DANG, YID DANG RNAM PAR SHES PA ZHES JI SKAD GSUNGS PA LTA BU'O, ,DE LA YID NI RNAM PA GNYIS TE, DE MA THAG PA'I RKYEN BYED PAS GNAS SU GYUR PA'I PHYIR, RNAM PAR SHES PA 'GAGS MA THAG PA'I YID CES BYA BA RNAM PAR SHES PA SKYE BA'I GNAS DANG, GNYIS PA NYON MONGS PA CAN GYI YID NYON MONGS PA BZHI PO 'JIG TSOGS LA LTA BA DANG, NGA'O SNYAM PA'I NGA RGYAL DANG, BDAG LA CHAGS PA DANG, MA RIG PA DANG RTAG TU MTSUNGS PAR LDAN PA STE, DE NI RNAM PAR SHES PA KUN NAS NYON MONGS PA'I GNAS SO, ,RNAM PAR SHES PA NI GANG GNAS GCIG POS NI BSKYED LA, GNYIS PAS NI NYON MONGS PA CAN DU BYAS PA STE, YUL LA RNAM PAR RIG PA'I @4A *, ,PHYIR RNAM PAR SHES PA'O, ,DE MA THAG PA DANG, NGAR SEMS PA'I PHYIR YID NI RNAM PA GNYIS SO, ,NYON MONGS PA CAN GYI YID DE YOD PAR CI MNGON ZHE NA, DE MED DU ZIN NA MA RIG PA MA 'DRES PA MED PA'I SKYON DU 'GYUR RO, ,LNGA PO DAG DANG 'DRA BA MED PA'I SKYON DU YANG 'GYUR TE, 'DI LTAR RNAM PAR SHES PA LNGA'I TSOGS DAG GI LHAN CIG 'BYUNG BA'I GNAS NI MIG LA SOGS PA'O, ,NGES PA'I TSIG MED PA'I SKYON DU YANG 'GYUR RO, ,'DU SHES MED PA DANG, 'GOG PA'I SNYOMS PAR 'JUG PA BYE BRAG MED PA'I SKYON DU YANG 'GYUR TE, 'DI LTAR 'DU SHES MED PA'I SNYOMS PAR 'JUG PA NI NYON MONGS PA CAN GYI YID KYIS RAB TU PHYE BA YIN GYI, 'GOG PA'I SNYOMS PAR 'JUG PA NI MA YIN TE, GZHAN DU NA 'DI GNYIS BYE BRAG MED PA NYID DU 'GYUR RO, ,GAL TE 'DU SHES MED PAS DE NA NGAR 'DZIN PA DANG, NGA'O SNYAM PA'I NGA RGYAL MED NA 'DU SHES MED PAR SKYE BA THOG THAG TU NYON MONGS PA CAN MA YIN PA'I SKYON DU YANG 'GYUR RO, ,DGE BA DANG MI DGE BA DANG LUNG DU MA BSTAN PA'I SEMS RNAMS LA YANG NGAR 'DZIN PA DUS THAMS CAD DU KUN TU 'BYUNG BAR DMIGS PA'I YANG PHYIR RO, ,GZHAN DU NA NI MI DGE BA'I SEMS KHO NA DANG DE MTSUNGS PAR LDAN PAS NGA'O SNYAM PA'I NYON MONGS PA KUN TU 'BYUNG GI DGE BA DANG LUNG DU MA BSTAN PA DAG LA NI MA YIN NO, ,DE'I PHYIR LHAN CIG 'BYUNG BAR KUN TU 'BYUNG BA DANG, MTSUNGS PAR LDAN PAR KUN TU 'BYUNG BAS SKYON 'DI DAG TU MI 'GYUR RO, ,'DIR TSIGS SU BCAD PA, MA 'DRES PA YI MA RIG DANG, ,LNGA PO DAG DANG 'DRA BA DANG, ,SNYOMS PAR 'JUG PA'I BYE BRAG DANG, ,NGES TSIG MED PA'I SKYON DU 'GYUR, ,'DU SHES MED PA'I SKYE BA'I RGYUN, ,NGAR 'DZIN MED PA'I SKYON DU 'GYUR, ,NGAR 'DZIN PA DANG LDAN PAR NI, ,RNAM PA KUN TU MI 'THAD DO, ,NYON MONGS CAN GYI YID MED NA, ,GNYIS MED GSUM PO 'GAL BAR 'GYUR, ,DE MED NA NI NGAR 'DZIN PA, ,KUN NA YOD PAR MI 'GYUR RO, ,YANG DAG DON LA 'JUG PA YI, ,SEMS KYI BGEGS SU RTAG 'GYUR DANG, ,DUS RNAMS KUN TU 'BYUNG BA DE, ,MA 'DRES PA YI MA RIG 'DOD, , @4B YID NI NYON MONGS PA CAN YIN PA'I PHYIR BSGRIBS LA LUNG DU MA BSTAN PA STE, SGRIB PA'I NYON MONGS PA RNAM PA BZHI DANG RTAG TU MTSUNGS PAR LDAN NO, ,GZUGS DANG GZUGS MED PA NA SPYOD PA'I NYON MONGS PA BZHIN DU 'DI NI BSGRIBS LA LUNG DU MA BSTAN PA NYID DO, ,GZUGS DANG GZUGS MED PA NA SPYOD PA'I YID NI ZHI GNAS KYIS KHYAD PA YIN LA, YID NI DUS THAMS CAD DU LDAN PA'I PHYIR RO, ,KUN GZHI RNAM PAR SHES PA MA GTOGS PAR SEMS KYI LUS GSUM PA MI DMIGS TE, DE LTA BAS NA KUN GZHIN RNAM PAR SHES PA NI SEMS NYID YIN PAR GRUB BO, , SA BON THAMS CAD PA DE LAS YID DANG RNAM PAR SHES PA 'BYUNG NGO, ,DE YANG CI'I PHYIR SEMS ZHES KYANG BYA ZHE NA, CHOS KYI BAG CHAGS KYI SA BON SNA TSOGS RNAMS KYIS KUN TU BSTZAGS PA'I PHYIR RO, ,CI'I PHYIR NYAN THOS KYI THEG PAR SEMS DE KUN GZHI RNAM PAR SHES PA ZHES BYA BAR RAM; LEN PA'I RNAM PAR SHES PA ZHES BYA BAR MA BSTAN ZHE NA, SHES BYA PHRA MO BSDU BA'I PHYIR TE, NYAN THOS RNAMS NI SHES BYA THAMS CAD LHAG PAR SHES PA LA GTOGS PA MA YIN NO, ,DE'I PHYIR DE DAG NI DE BSTAN PA MED PAR YANG SHES PAR RAB TU GRUB PAS RNAM PAR GROL BA RAB TU GRUB PA'I PHYIR MA BSTAN TO, ,BYANG CHUB SEMS DPA' RNAMS NI SHES BYA THAMS CAD LHAG PAR SHES PA LA GTOGS PA YIN NO, ,DE'I PHYIR DE DAG LA DE BSTAN TE, DE SHES PA MED PAR NI THAMS CAD MKHYEN PA'I YE SHES THOB PAR SLA BA MA YIN NO, ,YANG RNAM GRANGS KYIS KUN GZHI RNAM PAR SHES PA NYAN THOS KYI THEG PAR YANG BSTAN TE, GCIG LAS 'PHROS PA'I LUNG DE BZHIN GSHEGS PA 'BYUNG BA'I PHAN YON RNAM PA BZHI'I MDO LAS, SKYE DGU KUN GZHI LA KUN TU DGA' BA, KUN GZHI LAS YANG DAG PAR BYUNG BA KUN GZHI LA MNGON PAR DGA' BA CAN DAG LA KUN GZHI SPANG BA'I PHYIR, CHOS BSTAN NA NYAN 'DOD LA, RNA BA GTOD DE, KUN SHES PAR BYED PAR SEMS NYE BAR 'JOG CING CHOS KYI RJES SU MTHUN PA'I CHOS SGRUB STE, DE BZHIN GSHEGS PA 'JIG RTEN DU BYUNG NA NGO MCHAR RMAD DU BYUNG BA'I CHOS 'DI YANG 'JIG RTEN DU 'BYUNG NGO ZHES JI SKAD @5A *, ,GSUNGS PA LTA BU STE, RNAM GRANGS 'DIS NI KUN GZHI RNAM PAR SHES PA NYAN THOS KYI THEG PAR YANG BSTAN PA YIN NO, ,DGE 'DUN PHAL CHEN SDE'I LUNG LAS KYANG RTZA BA'I RNAM PAR SHES PA ZHES 'BYUNG STE, RNAM GRANGS DES KYANG DE NYID BSTAN TE, RTZA BA DE LA BRTEN PA'I SHING LJON PA BZHIN NO, ,SA STON GYI SDE'I LUNG LAS KYANG 'KHOR BA JI SRID PA'I PHUNG PO RNAMS ZHES 'BYUNG STE, RNAM GRANGS DES KYANG DE NYID BSTAN TE, LA LAR RES 'GA' GZUGS DANG SEMS RGYUN CHAD PAR SNANG YANG KUN GZHI RNAM PAR SHES PA LA DE'I SA BON NI RGYUN MI 'CHAD PA'I PHYIR RO, ,'PHAGS PA GNAS BRTAN PA RNAMS KYI LUNG LAS KYANG, SRID PA'I YAN LAG LTA BA DANG, ,SHES PA DANG NI GTONG BA DANG, ,G-YO BA DANG NI RTOGS PA DANG, BDUN PA 'JUG PAR BYED PA YIN, ,ZHES 'BYUNG NGO, ,DE'I PHYIR GANG SHES BYA'I GNAS LA LEN PA'I RNAM PAR SHES PA NYID DANG, SEMS NYID DANG, KUN GZHI RNAM PAR SHES PA NYID DANG, RTZA BA'I RNAM PAR SHES PA NYID DANG, 'KHOR BA JI SRID PA'I PHUNG PO DANG, SRID PA'I YAN LAG TU BSTAN PA DE NI KUN GZHI RNAM PAR SHES PA STE, KUN GZHI RNAM PAR SHES PA'I LAM CHEN PO BTOD PA KHO NA YIN NO, ,KHA CIG 'DI SNYAM DU SEMS DANG YID DANG RNAM PAR SHES PA ZHES BYA BA NI DON GCIG KHO NA STE, 'DIR TSIG 'BRU THA DAD DO SNYAM DU SEMS PA DE YANG MI 'THAD DE, YID DANG RNAM PAR SHES PA GNYIS DON THA DAD PAR DMIGS PA'I PHYIR RO, ,DE'I PHYIR SEMS KYANG DON THA DAD PAR 'GYUR RO, ,YANG KHA CIG NI BCOM LDAN 'DAS KYIS SKYE DGU KUN GZHI LA KUN TU DGA' BA ZHES RGYA CHER GANG GSUNGS PA DE LA NYE BAR LEN PA'I PHUNG PO LNGA PO DE DAG NI KUN GZHI ZHES BYA'O SNYAM DU SEMS SO, ,GZHAN DAG NI BDE BA'I TSOR BA 'DOD CHAGS DANG BCAS PA NI KUN GZHI'O SNYAM DU SEMS SO, ,GZHAN DAG NI 'JIG TSOGS LA LTA BA KUN GZHI'O SNYAM DU SEMS TE, DE DAG NI KUN GZHI RNAM PAR SHES PA LA RMONGS NAS LUNG DANG RTOGS PAS DE SNYAM DU SEMS SO, ,NYAN THOS KYI THEG PAR RNAM PAR GZHAG PA'I TSUL DU NA YANG DE DAG GI RNAM PAR @5B GZHAG PA DE MI RUNG BA MED MOD KYI, DE LA MA RMONGS PA RNAMS KYIS KUN GZHI RNAM PAR GZHAG PA DE KUN GZHI RNAM PAR SHES PA YIN PAR YONGS SU BZUNG NAS RNAM PAR 'JOG PA NI CHES BZANG NGO, ,JI LTAR CHES BZANG ZHE NA, 'DI LTAR NYE BAR LEN PA'I PHUNG PO LNGA PO DAG NI SHIN TU SDUG BSNGAL BA'I NGAN 'GRO RNAMS SU SKYES PA DAG DANG MI MTHUN PA YIN NO, ,DES NI SHIN TU 'DOD PA MED PA DE DAG LA SBYOR BA NI MI RIGS TE, 'DI LTAR DE DAG NI DE DANG NI DE DANG 'BRAL BA NYID DU 'DOD DO, ,BDE BA'I TSOR BA 'DOD CHAGS DANG BCAS PA YANG BSAM GTAN BZHI PA YAN CHAD GONG MA LA MED DE, DE DANG LDAN PA'I SEMS CAN RNAMS DANG MI MTHUN PA YIN PAS DER YANG DE DAG SBYOR BA MI RIGS SO, ,'JIG TSOGS LA LTA BA YANG CHOS 'DI PA BDAG MED PA LA MOS PA DAG DANG MI MTHUN PA YIN TE, DE'I PHYIR DE LA YANG DE DAG SBYOR BA MI RIGS SO, ,KUN GZHI RNAM PAR SHES PA LA NANG GI BDAG GI DNGOS POR KHAS BLANGS PA NI SHIN TU SDUG BSNGAL BA'I 'GRO BA RNAMS SU SKYES PA SDUG BSNGAL GYI PHUNG PO RNAM PAR ZHIG PAR 'DOD KYANG, KUN GZHI RNAM PAR SHES PA LA BDAG TU CHAGS PAS BCINGS PA RNAMS DE RNAM PAR ZHIG PAR 'DOD PAR NI NAM YANG MI 'GYUR RO, ,BSAM GTAN BZHI PA YAN CHAD GONG MAR SKYES PA RNAMS 'DOD CHAGS DANG BCAS PA'I BDE BA DANG MI MTHUN DU ZIN KYANG KUN GZHI RNAM PAR SHES PA LA BDAG GI DNGOS POR CHAGS PA'I RJES SU 'BREL PA NI YOD PA NYID DO, ,DE BZHIN DU CHOS 'DI BDAG MED PA LA MOS PA RNAMS BDAG TU NLTA BA DANG MI MTHUN DU ZIN KYANG KUN GZHI RNAM PAR SHES PA LA BDAG GI DNGOS POR CHAGS PA'I RJES SU 'BREL PA YOD PA NYID DE, DE LTA BAS NA KUN GZHIN RNAM PAR SHES PA LA KUN GZHI NYID DU CHES LEGS PAR RNAM PAR GZHAG PA GRUB BO, ,'DI NI RE ZHIG KUN GZHI RNAM PAR SHES PA'I RNAM GRANGS RNAM PAR GZHAG PA'O, , DE NAS 'DI'I MTSAN NYID RNAM PAR GZHAG PA JI LTAR BLTA ZHE NA, DE NI MDOR BSDU NA RNAM PA GSUM STE, RANG GI MTSAN NYID RNAM PAR GZHAG PA DANG, RGYU NYID DU RNAM PAR GZHAG PA DANG, 'BRAS BU NYID DU RNAM PAR GZHAG PA'O, ,DE LA KUN GZHI RNAM PAR SHES PA'I RANG GI MTSAN @6A *, ,NYID NI, GANG KUN NAS NYON MONGS PA'I CHOS THAMS CAD KYI BAG CHAGS LA BRTEN NAS, SA BON YONGS SU 'DZIN PA DANG LDAN PAS, DE SKYE BA'I RGYU MTSAN NYID DO, ,DE LA RGYU NYID KYI MTSAN NYID NI DE LTAR KUN GZHI RNAM PAR SHES PA'I RANG GIS BON THAMS CAD PA DE KUN NAS NYON MONGS PA'I CHOS DE NYID KYI RGYU NYID DU DUS THAMS CAD DU NYE BAR GNAS PA YIN NO, ,DE LA 'BRAS BU NYID DU RNAM PAR GZHAG PA NYID NI, GANG KUN GZHI RNAM PAR SHES PA KUN NAS NYON MONGS PA'I CHOS DE DAG NYID KYI THOG MA MED PA'I DUS KYI BAG CHAGS LA BRTEN NAS BYUNG BA'O, ,BAG CHAGS ZHES BYA BA 'DI CI ZHIG ,BAG CHAGS ZHES BRJOD PA 'DI'I BRJOD PAR BYA BA NI CI ZHE NA, CHOS DE DANG LHAN CIG 'BYUNG BA DANG, 'GAG PA LA BRTEN NAS DE 'BYUNG BA'I RGYU MTSAN NYID GANG YIN PA DE NI BRJOD PAR BYA BA STE, DPER NA TI LA DAG LA ME TOG GIS BSGOS PA TIL DANG ME TOG LHAN CIG 'BYUNG ZHING 'GAGS KYANG TIL RNAMS DE'I DRI GZHAN 'BYUNG BA'I RGYU MTSAN NYID DU 'BYUNG BA DANG, 'DOD CHAGS LA SOGS PA LA SPYOD PA RNAMS KYI 'DOD CHAGS LA SOGS PA'I BAG CHAGS 'DOD CHAGS LA SOGS PA DANG LHAN CIG 'BYUNG ZHING 'GAGS KYANG SEMS NI DE'I RGYU MTSAN NYID DU 'BYUNG BA DANG, MANG DU THOS PA RNAMS KYI MANG DU THOS PA'I BAG CHAGS KYANG THOS PA DE YID LA BYED PA DANG LHAN CIG TU 'BYUNG ZHING 'GAGS KYANG SEMS NI DE BRJOD PA'I RGYU MTSAN NYID DU 'BYUNG STE, BAG CHAGS DES YONGS SU ZIN PAR CHOS 'DZIN PA ZHES BYA BA LTAR KUN GZHI RNAM PAR SHES PA LA YANG TSUL DE BZHIN DU BLTA BAR BYA'O, ,KUN GZHI RNAM PAR SHES PA LA KUN NAS NYON MONGS PA'I CHOS KYI SA BON DE DAG CI SO SO THA DAD DAM, 'ON TE THA DAD PA MA YIN PAR GNAS SHE NA, DE LA GNAS PA DE DAG DANG RDZAS SU THA DAD PA YANG MA YIN, THA MI DAD PA YANG MA YIN MOD KYI, GANG DE 'BYUNG BA'I MTHU'I KHYAD PAR CAN KUN GZHI RNAM PAR SHES PA DE, DE BZHIN DU BYUNG BA LA SA BON THAMS CAD PA ZHES BYA'O, KUN GZHI RNAM PAR SHES PA DANG, KUN NAS NYON MONGS PA'I CHOS DE DAG DUS MNYAM DU GCIG GI RGYU @6B NYID DU GCIG 'GYUR BAR JI LTAR BLTA ZHE NA, DPER NA MAR ME'I ME LCE 'BYUNG BA DANG, SNYING PO TSIG PA PHAN TSUN DUS MNYAM PA DANG, MDUNG KHYIM YANG DUS MNYAM DU GCIG LA BRTEN NAS MI 'GYEL BA DE BZHIN DU 'DIR YANG GCIG GI RGYU NYID DU GCIG 'GYUR BAR BLTA'O, , JI LTAR KUN GZHI RNAM PAR SHES PA KUN NAS NYON MONGS PA'I CHOS RNAMS KYIS RGYU YIN PA DE LTAR KUN NAS NYON MONGS PA'I CHOS RNAMS KYANG KUN GZHI RNAM PAR SHES PA'I RGYU'I RKYEN NYID DU RNAM PAR GZHAG STE, RGYU'I RKYEN GZHAN MI DMIGS PA'I PHYIR RO, ,BAG CHAGS THA DAD PA MA YIN ZHING SNA TSOGS MA YIN PA CHOS THA DAD PA SNA TSOGS DAG GIS RGYUR CI LTAR RUNG ZHE NA, DPER NA TSIG GU'I RTZI SNA TSOGS KYIS BSGYUR BA'I RAS SNA TSOGS SU MI SNANG BA GANG GI TSE TSON GYI SNOD DU BCUG PA DE'I TSE RAS LA TSON RNAMS KYI DBYE BA THA DAD PA RNAM PA SNA TSOGS DU MA STON PA DE BZHIN DU; KUN GZHI RNAM PAR SHES PA BAG CHAGS SNA TSOGS KYIS BSGOS PA YANG BAG CHAGS KYI DUS NA SNA TSOGS MA YIN YANG 'BRAS BU MNGON PAR 'GRUB PA'I TSON GYI SNOD DU MNGON PAR PHYOGS NA CHOS SNA TSOGS TSAD MED PA DAG STON TE, 'DI NI THEG PA CHEN PO LA PHRA BA MCHOG TU ZAB PA'I RTEN CING 'BREL PAR 'BYUNG BA'O, ,MDOR BSDU NA RTEN CING 'BREL PAR 'BYUNG BA NI 'DI GNYIS TE, NGO BO NYID RNAM PAR 'BYED PA CAN DANG, SDUG PA DANG MI SDUG PA RNAM PAR 'BYED PA CAN NO, ,DE LA GANG KUN GZHI RNAM PAR SHES PA LA BRTEN NAS CHOS RNAMS 'BYUNG BA DE NI NGO BO NYID RNAM PAR 'BYED PA CAN TE, NGO BO NYID SNA TSOGS RNAM PAR 'BYED PA'I RKYEN GYI DNGOS POR 'GYUR BA'I PHYIR RO, ,RTEN CING 'BREL PAR 'BYUNG BA'I YAN LAG BCU GNYIS GANG YIN PA DE NI SDUG PA DANG MI SDUG PA RNAM PAR 'BYED PA CAN TE, BDE 'GRO DANG NGAN 'GRO DAG TU SDUG PA DANG MI SDUG PA'I LUS RNAM PAR DBYE BA SNA TSOGS KYI RKYEN GYI DNGOS POR 'GYUR BA'I PHYIR RO, ,DE LA RTEN CING 'BREL PAR 'BYUNG BA DANG PO KUN GZHI RNAM PAR SHES PA LA RMONGS PA DAG KHA CIG NI RANG BZHIN GYI RGYU LAS BYUNG BA NYID DU RTOG ,KHA CIG NI SNGON BYAS @7A *, ,PA NYID KYI RGYU LAS BYUNG BA NYID DU RTOG, KHA CIG NI DBANG PHYUG GIS SPRUL PA'I RGYU LAS BYUNG BA NYID DU RTOG, KHA CIG NI BDAG GI RGYU LAS BYUNG BA NYID DU RTOG, KHA CIG NI RGYU MED PA DANG, RKYEN MED PA NYID DU RTOG GO, ,RTEN CING 'BREL PAR 'BYUNG BA GNYIS PA LA RMONGS PA DAG NI BDAG LA BYED PA PO DANG ZA BA POR RTOG STE, DPER NA MI DMUS LONG MANG ZHIG YOD LA, DE DAG KYANG GLANG PO CHE MA MTHONG BA SHA STAG CIG STE, DE DAG LA LA LA ZHIG GIS GLANG PO CHE BSTAN LA, DE DAG LAS KHA CIG GIS NI GLANG PO CHE DE'I SNA LA REG, KHA CIG GIS NI MCHE BA LA REG, KHA CIG GIS NI RNA BA LA REG, KHA CIG GIS NI RKANG PA LA REG, KHA CIG GIS NI MJUG MA LA REG, KHA CIG GIS NI SGAL TSIGS LA REG LA DE DAG LA GLANG PO CHE CI 'DRA ZHES DRIS PA DANG, KHA CIG NA RE GSHOL MDA' LTA BU ZHIG GO ZHES ZER, KHA CIG NA RE GTUN SHING LTA BU ZHIG GO ZHES ZER, KHA CIG NA RE ZHIB MA LTA BU ZHIG GO ZHES ZER, KHA CIG NA RE GTUN GYI GZHI LTA BU ZHIG GO ZHES ZER, KHA CIG NA RE PHYAGS MA LTA BU ZHIG GO ZHES ZER, KHA CIG NA RE PHA BONG LTA BU ZHIG GO ZHES ZER BA DE BZHIN DU, 'DI NA RTEN CING 'BREL PAR 'BYUNG BA RNAM PA GNYES PO 'DI MI SHES PA MA RIG PAS DMUS LONG BZHIN DU GYUR PA, GLANG PO CHE LTA BU'I KUN GZHI RNAM PAR SHES PA'I NGO BO NYID DANG, RGYU DANG 'BRAS BU MI SHES PA DAG KYANG, KHA CIG NI RANG BZHIN RGYU NYID DU SEMS, KHA CIG NI SNGON BYAS PA'I RGYU LAS BYUNG BAR SEMS, KHA CIG NI DBANG PHYUG YOD PAR SEMS, KHA CIG NI BDAG YOD PAR SEMS, KHA CIG NI RGYU MED PA LAS BYUNG BAR SEMS, KHA CIG NI BYED PA POR SEMS, KHA CIG NI ZA BA POR SEMS SO, ,MDOR BSDU NA KUN GZHI RNAM PAR SHES PA'I NGO BO NYID NI RNAM PAR SMIN PA'I RNAM PAR SHES PA SA BON THAMS CAD PA STE, DES KHAMS GSUM PA'I LUS THAMS CAD DANG, 'GRO BA THAMS CAD BSDUS SO, ,'DIR TSIGS SU BCAD PA PHYI DANG NANG DANG MI GSAL BA, ,GNYIS DANG KUN RDZOB NYID DANG NI, ,DAM PA'I DON TE DE DAG KUN, ,SA BON RNAM PA DRUG TU 'DOD, ,SKAD @7B CIG PA DANG LHAN CIG BYUNG, ,DE NI RGYUN CHAGS 'BYUNG BAR 'DOD, ,NGES DANG RKYEN LA LTOS PA DANG, ,RANG GI 'BRAS BUS BSGRUBS PA'O, ,BRTEN LUNG MA BSTAN BSGO BYA BA, ,SGO BAR BYED DANG 'BREL PA LA, ,SGO BYED DE LAS GZHAN NI MIN, ,DE NI BAG CHAGS MTSAN NYID DO, ,DRUG PO DAG LA 'BREL MED DE, ,THA DAD GSUM DANG 'BREL BA'I PHYIR, ,SKAD CIG LHAN CIG MED PA'I PHYIR, ,RIGS LA BYA NA GZHAN DU THAL, ,PHYI DANG NANG GI SA BON DE, ,BSKYED PA DANG NI 'PHEN PAR 'DOD, ,MA BTAB SHI BA 'PHEN PA'I PHYIR, ,MDA' NI BAR DU MI LTUNG BZHIN, ,PHYIR ROL GYI SA BON JI LTA BA BZHIN DU NANG GI RNAMS KYI SA BON NYID NI DE LTA MA YIN PA'I TSIGS SU BCAD PA, PHYI ROL SA BON MA BTAB BAM, ,NANG GI 'DOD PA MA YIN TE, ,THOS SOGS BAG CHAGS MED NA NI, ,DE 'BRAS SKYE BA MI RIGS PHYIR, ,BYAS DANG MA BYAS 'JIGS DANG PHRAD, ,NYES PAR 'GYUR BAS 'GAL PHYIR RO, ,NANG NI PHYI ROL RKYEN YIN TE, ,'DI LTAR DE NI BAG CHAGS RTEN, ,YANG 'JUG PA'I RNAM PAR SHES PA GZHAN GANG YIN PA DE NI LUS DANG 'GRO BA THAMS CAD DU NYE BAR SPYOD PA CAN DU BLTA STE, DBUS DANG MTHA' RNAM PAR 'BYED PA'I TSIGS SU BCAD PA LAS, GCIG NI RKYEN GYI RNAM PAR SHES, ,GNYIS PA NYE BAR SPYOD PA CAN, ,NYE BAR SPYOD DANG YONGS GCOD DANG, DE YI 'JUG BYED SEMS LAS BYUNG, ,ZHES JI SKAD GSUNGS PA LTA BU'O, ,RNAM PAR SHES PA DE GNYIS NI GCIG GI RKYEN GCIG YIN TE, CHOS MNGON PA'I MDO LAS, CHOS KUN RNAM PAR SHES LA SBYOR, ,DE DAG LA YANG DE DE BZHIN, ,PHAN TSUN 'BRAS BU'I DNGOS PO DANG, ,RGYU YI DNGOS POR RTAG TU SBYOR, ,ZHES TSIGS SU BCAD PA GSUNGS SO, ,GAL TE RTEN CING 'BREL PAR 'BYUNG BA DANG PO LA RNAM PAR SHES PA DE DAG PHAN DU RGYU'I RKYEN YIN NA, 'O NA RTEN CING 'BREL PAR 'BYUNG BA GNYIS PA LA GANG GI RKYEN ZHES BYA ZHE NA, BDAG PO'I RKYEN TO, ,YANG RNAM PAR SHES PA DRUG PO DAG RKYEN DU ZHIG GIS SKYE ZHE NA, BDAG PO DANG, DMIGS PA DANG, DE MA THAG PA'I RKYEN RNAMS KYIS SKYE'O, ,RTEN CING 'BREL PAR @8A *, ,'BYUNG BA RNAM PA GSUM PO 'KHOR BA PA DANG, 'DOD PA DANG MI 'DOD PA'I 'GRO BA PA DANG, NYE BAR SPYOD PA CAN GYI RKYEN NI BZHI PO 'DI DAG YIN NO, ,'DI NI KUN GZHI RNAM PAR SHES PA RNAM GRANGS DANG MTSAN NYID KYIS RNAM PAR GZHAG PA'O, ,JI LTAR KUN GZHI RNAM PAR SHES PA NYID RNAM GRANGS 'DI DAG GIS BSTAN PA DANG, DE BZHIN DU MTSAN NYID KYANG BSTAN PA LTAR 'JUG PA'I RNAM PAR SHES PA NI MA YIN PAR DE CIS MNGON ZHE NA, DE LTAR RNAM PAR GZHAG PA'I KUN GZHI RNAM PAR SHES PA MED PAR, 'DI LTAR KUN NAS NYON MONGS PA DANG RNAM PAR BYANG BA MI RUNG STE, NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA YANG MI RUNG NGO, ,'JIG RTEN PA DANG, 'JIG RTEN LAS 'DAS PA'I RNAM PAR BYANG BA YANG MI RUNG NGO, ,NYON MONGS PA'I KUN NAS NYON MONGS PA JI LTAR MI RUNG ZHE NA, 'DI LTAR NYON MONGS PA DANG, NYE BA'I NYON MONGS PAS BAG CHAGS SA BON NYID DU BYAS PA NI RNAM PAR SHES PA'I TSOGS DRUG PO DAG LA MI RUNG STE, 'DI LTAR MIG GI RNAM PAR SHES PA GANG 'DOD CHAGS LA SOGS PA NYON MONGS PA DANG, NYE BA'I NYON MONGS PA GANG DAG DANG LHAN CIG SKYES SHING 'GAGS PA DE NYID LA DE DAG GI SA BON GYI DNGOS POR BAG CHAGS BSGOS PAR 'GYUR GYI GZHAN LA NI MA YIN NO, ,MIG GI RNAM PAR SHES PA 'GAGS PA RNAM PAR SHES PA GZHAN GYIS BAR DU CHOD PA DE LA NI BAG CHAGS MED CING BAG CHAGS KYI GNAS KYANG MI DMIGS TE, MIG GI RNAM PAR SHES PA SNGAR 'GAGS PA NI MED PA RNAM PAR SHES PA GZHAN GYIS BAR DU CHOD PA YIN PAS, MED PA 'DAS PA DE LAS 'DOD CHAGS LA SOGS PA DANG BCAS PA 'BYUNG DU MI RUNG STE, 'DAS PA'I LAS LAS RNAM PAR SMIN PA'I 'BRAS BU 'BYUNG BA BZHIN NO, ,MIG GI RNAM PAR SHES PA 'DOD CHAGS LA SOGS PA DANG LHAN CIG 'BYUNG BA DE LA YANG BAG CHAGS MI RUNG NGO, ,RE ZHIG 'DOD CHAGS LA NI MA YIN TE, 'DOD CHAGS NI DE LA BRTEN PA'I PHYIR DANG, MI BRTEN PA'I PHYIR RO, ,RNAM PAR SHES PA GZHAN DAG LA YANG MA YIN TE, RNAM PAR @8B SHES PA RNAMS KYI GNAS THA DAD PA'I PHYIR DANG, LHAN CIG 'BYUNG BA DANG 'GAG PA MED PA'I PHYIR RO, ,RANG GI DNGOS PO LA YANG MA YIN TE, RANG GI DNGOS PO NI LHAN CIG 'BYUNG BA DANG, 'GAG PA MED PA NYID KYI PHYIR RO, ,DE LTA BAS NA MIG GI RNAM PAR SHES PA LA 'DOD CHAGS LA SOGS PA NYON MONGS PA DANG NYE BA'I NYON MONGS PAS BAG CHAGS BSGOS PAR MI RUNG NGO, ,RNAM PAR SHES PA DE LA RNAM PAR SHES PAS BSGOS PAR YANG MI RUNG NGO STE, MIG GI RNAM PAR SHES PA LA JI LTAR BA BZHIN DU 'JUG PA'I RNAM PAR SHES PA LHAG MA RNAMS LA YANG CI RIGS SU RIG PAR BYA'O, , GANG YANG SA GONG MA 'DU SHES MED PA NAS 'CHI 'PHOS TE, 'DIR SKYES PA RNAMS KYI RNAM PAR SHES PA NYON MONGS PA DANG NYE BA'I NYON MONGS PAS NYON MONGS PAR GYUR PA THOG MA NYID DU SKYE BA DE YANG SA BON MED PAR SKYE BAR 'GYUR TE, BAG CHAGS DE GNAS DANG BCAS PAR 'DAS PAS MED PA'I PHYIR RO, , NYON MONGS PA'I GNYEN PO'I RNAM PAR SHES PA BYUNG NA DE MA YIN PA GZHAN 'JIG RTEN PA'I RNAM PAR SHES PA THAMS CAD NI 'GAGS NA, KUN GZHI RNAM PAR SHES PA MED PAR GNYEN PO'I RNAM PAR SHES PA DE NI NYON MONGS PA DANG NYE BA'I NYON MONGS PA'I SA BON DANG BCAS PAR MI RUNG STE, NGO BO NYID KYIS RNAM PAR GROL BA DANG NYON MONGS PA RNAMS DANG LHAN CIG 'BYUNG BA DANG 'GAG PA MED PA'I PHYIR RO, ,KUN GZHI RNAM PAR SHES PA MED NA, DE'I 'OG TU YANG 'JUG PA'I RNAM PAR SHES PA 'BYUNG BA NA BAG CHAGS DE GNAS DANG BCAS TE 'DAS NAS YUN RING STE, MED PA'I PHYIR SA BON MED PA LAS SKYE BAR 'GYUR RO, ,DE LTA BAS NA KUN GZHIN RNAM PAR SHES PA MED NA NYON MONGS PA'I KUN NAS NYON MONGS PA MI RUNG NGO, ,LAS KYI KUN NAS NYON MONGS PA JI LTAR MI RUNG ZHE NA, 'DU BYED KYI RKYEN GYIS RNAM PAR SHES PA MI RUNG BA'I PHYIR RO, ,DE MED NA LEN PA'I RKYEN GYIS SRID PA YANG MA RUNG BA'I PHYIR RO, ,SKYE BA'I KUN NAS NYON MONGS PA JI LTAR MI RUNG ZHE NA, NYID MTSAMS SBYOR BA SPREL BA MI RUNG BA'I PHYIR RO, ,MNYAM PAR MA BZHAG PA'I SA NAS SHI 'PHOS PA'I YID BAR MA DO'I SRID PA NA GNAS PA'I TSE, YID KYI RNAM PAR SHES PA NYON MONGS PA CAN GYIS @9A *, ,NYID MTSAMS SBYOR BA SPREL TE, YID KYI RNAM PAR SHES PA NYON MONGS PA CAN DE NI BAR MA DO'I SRID PAR 'GAGS LA, RNAM PAR SHES PA YANG MA'I MNGAL DU NUR NUR PO NYID DU BRGYAL LO, ,GAL TE YID KYI RNAM PAR SHES PA DE NYID BRGYAL NA NI BRGYAL BA DE LA BRTEN NAS YID KYI RNAM PAR SHES PA MA'I MNGAL DU 'JUG PAR 'GYUR TE, DES NA YID KYI RNAM PAR SHES PA GNYIS LHAN CIG TU MA'I MNGAL DU 'JUG PAR 'GYUR RO, ,YID KYI RNAM PAR SHES PA BRGYAL BA DE NI YID KYI RNAM PAR SHES PA NYID DU MI RIGS TE, DUS RTAG TU NYON MONGS PA CAN GNAS YIN PA DANG, YID KYI RNAM PAR SHES PA'I DMIGS PA LA MI DMIGS PA'I PHYIR RO, ,YID KYI RNAM PAR SHES PA DE BRGYAL BA YIN DU CHUG NA YANG CI YID KYI RNAM PAR SHES PA BRGYAL BA DE SA BON THAMS CAD PA YIN NAM, 'ON TE GANG DE LA BRTEN NAS ZHUGS PA YIN, GAL TE GANG BRGYAL BA DE SA BON THAMS CAD PA YIN NA NI, DES NA YID KYI RNAM PAR SHES PA ZHES BYA BA KUN GZHI RNAM PAR SHES PA NYID KYI RNAM GRANGS KYI MING DU GZHAG PA YIN NO, ,JI STE DE LA BRTEN PA SA BON THAMS CAD PA YIN NA NI, ,DES NA GANG GNAS KYI DNGOS POS RGYUR GYUR PA'I RNAM PAR SHES PA DE YANG SA BON THAMS CAD PA MA YIN NA, GANG RTEN PA 'BRAS BUR GYUR PA DE LTA SA BON THAMS CAD PAR RUNG RE SKAN, DE'I PHYIR RNAM PAR SHES PA BRGYAL BA GANG YIN PA DE NI YID KYI RNAM PAR SHES PA MA YIN GYI, DE NI RNAM PAR SMIN PA'I RNAM PAR SHES PA STE DE SA BON THAMS CAD PA'O ZHES BYA BA DER GRUB BO, ,NYID MTSAMS SBYOR BA SPREL ZIN PA RNAMS KYI DBANG PO GZUGS CAN 'DZIN PAR BYED BA YANG DE LAS GZHAN RNAM PAR SMIN PA'I RNAM PAR SHES PAR MI 'THAD DE, DE MA YIN PA'I RNAM PAR SHES PA GZHAN RNAMS NI GNAS SO SOR NGES PA DANG MI BRTEN PA'I PHYIR RO, , RNAM PAR SHES PA MED PA'I DBANG PO GZUGS CAN NI MI RUNG NGO, ,RNAM PAR SHES PA DANG, MING DANG GZUGS MDUNG KHYIM LTAR GCIG LA GCIG BRTEN PA'I TSUL GYIS 'DUG PA GANG YIN PA DE YANG, RNAM PAR SMIN PA'I RNAM PAR SHES PA MED NA RI RUNG NGO, ,RNAM PAR SHES PA GZHAN NI SEMS CAN @9B 'BYUNG PO RNAMS KYI ZAS SU YANG MI RUNG STE, RNAM PAR SMIN PA'I RNAM PAR SHES PA MED NA, RNAM PAR SMIN PA'I RNAM PAR SHES PA DRUG PO RNAMS LAS GANG YANG RUNG BAS, KHAMS GSUM PA'I SEMS CAN 'BYUNG PO RNAMS KYI ZAS BYED PA NI MI DMIGS SO, ,'DI NAS SHI 'PHOS TE MNYAM PAR GZHAG PA'I SAR SKYE BA NA, YID KYI RNAM PAR SHES PA NYON MONGS PA CAN MNYAM PAR MA BZHAG PAS NYID MTSAMS SBYOR ZHING SPREL BA YANG RNAM PAR SMIN PA'I RNAM PAR SHES PA MED NA, DE'I SA BON MNYAM PAR MA BZHAG PA'I SEMS NYON MONGS PA CAN GYI SA BON DANG LDAN PA GZHAN DE MI 'THAD DO, , YANG GZUGS MED PA'I KHAMS SU SKYES PA'I NYON MONGS PA CAN GYI DGE BA'I SEMS YOD PA RNAMS LA NYON MONGS PA CAN GYI DGE BA'I SEMS KYANG, SA BON THAMS CAD RNAM PAR SMIN PA'I RNAM PAR SHES PA MED NA, SA BON MED CING GZHI MED PAR 'GYUR RO, ,DE NYID NA 'JIG RTEN LAS 'DAS PA'I SEMS MNGON PAR BYED PA'I TSE DE MA YIN PA GZHAN 'JIG RTEN PA'I SEMS MED PAR 'GYUR BAS DE'I 'GRO BA LDOG PA NYID DU 'GYUR RO, ,'DU SHES MED 'DU SHES MED MIN SKYE MCHED DU SKYES PA RNAMS KYANG CI YANG MED PA'I SKYE MCHED PA'I 'JIG RTEN LAS 'DAS PA'I SEMS MNGON DU BYED PA NA, DE DAG GI 'GRO BA GNYI GA LDOG PAR 'GYUR TE, 'JIG RTEN LAS 'DAS PA'I RNAM PAR SHES PA DE'I GNAS NI, 'DU SHES MED 'DU SHES MED MIN SKYES MCHED KYI 'GRO BA YANG MA YIN ZHING CI YANG MED PA'I SKYE MCHED KYI 'GRO BA YANG GNAS MA YIN LA, MYA NGAN LAS 'DAS PA'I 'GRO BA YANG GNAS SU MI RUNG NGO, ,LEGS PAR BYA BA BYED PA'AM, NYES PAR BYA BA BYED PA 'CHI 'PHO BA NA LUS SMAD DAM STOD NAS RIM GYIS DROD YAL BAR 'GYUR BA YANG KUN GZHI RNAM PAR SHES PA MED NA MI RUNG STE, DE LTA BAS NA SKYE BA'I KUN NAS NYON MONGS PA YANG SA BON THAMS CAD PA RNAM PAR SMIN PA'I RNAM PAR SHES PA MED NA MI RUNG NGO, ,JI LTAR NA 'JIG RTEN PA'I RNAM PAR BYANG BA YANG MI RUNG ZHE NA, 'DI LTAR 'DOD PA RNAMS LAS 'DOD CHAGS DANG MA BRAL BA GZUGS NA SPYOD PA'I SEMS MA THOB PAS 'DOD PA NA SPYOD PA'I DGE BA'I SEMS NYID KYIS 'DOD PA'I 'DOD CHAGS DANG @10A *, ,BRAL BAR BYA BA'I PHYIR RAB TU SBYOR BA NA, 'DOD PA NA SPYOD PA'I SBYOR BA LAS BYUNG BA'I SEMS DE YANG GZUGS NA SPYOD PA'I SEMS DANG LHAN CIG 'BYUNG BA DANG 'GAG PA MED PA'I PHYIR DES BSGOS PA MED PAS DE SA BON DU MI RUNG NGO, ,GZUGS NA SPYOD PA'I SEMS 'DAS PA TSE RABS DU MAR SEMS GZHAN GYIS BAR DU BCAD PA DE YANG MED PA'I PHYIR MNYAM PAR GZHAG PA'I SEMS DE'I SA BON NYID DU MI RUNG NGO, ,DE BZHIN DU 'DOD CHAGS DANG BRAL BA NYID KYI SA BON THAMS CAD LA YANG CI RIGS SU SBYAR BAR BYA'O, ,DE LTA BAS NA GANG SA BON THAMS CAD PA RNAM PAR SMIN PA'I RNAM PAR SHES PA GCIG NAS GCIG TU BRGYUD DE 'ONGS PA DE NI GZUGS NA SPYOD PA'I MNYAM PAR GZHAG PA'I SEMS DE'I RGYU'I RKYEN YIN LA, SBYOR BA LAS BYUNG BA'I DGE BA'I SEMS DE NI BDAG PO'I RKYEN YIN PAR DE GRUB BO, ,DE BZHIN DU 'JIG RTEN LAS 'DAS PA'I RNAM PAR BYANG BA YANG SA BON THAMS CAD PA RNAM PAR SMIN PA'I RNAM PAR SHES PA MED NA MI RUNG STE, JI LTAR NA 'JIG RTEN LAS 'DAS PA'I RNAM PAR BYANG BA MI RUNG ZHE NA, GZHAN GYI SGRA LA BRTEN PA DANG SO SO RANG GI TSUL BZHIN YID LA BYED PA LA BRTEN NAS, DE'I RGYU LAS YANG DAG PA'I LTA BA 'BYUNG NGO ZHES BCOM LDAN 'DAS KYIS BKA' STZAL PA, GZHAN GYI SGRA LAS YID LA BYED PA DES RNA BA'I RNAM PAR SHES PA'AM, YID KYI RNAM PAR SHES PA'AM, DE GNYI GA LA BAG CHAGS SU BSGOS PAR 'GYUR GRANG NA, DE LA CHOS DE DAG TSUL BZHIN YID LA BYED PA NA RNA BA'I RNAM PAR SHES PA NI RE ZHIG MI 'BYUNG NGO, ,YID KYI RNAM PAR SHES PA YANG DE LAS GZHAN PA'I RNAM PAR SHES PA RNAM PAR G-YENG BAS BAR DU CHOD LA, GANG GI TSE TSUL BZHIN YID LA BYED PA DANG MTSUNGS PAR LDAN PA'I SEMS BYUNG BA DE'I TSE, YID KYI RNAM PAR SHES PA THOS PA'I BAG CHAGS BSGOS PA DE NI BAG CHAGS DANG BCAS TE 'GAGS SHING 'DAS NAS YUN RING DU LON TE MED NA, PHYIS DE'I SA BON CAN TSUL BZHIN YID LA BYED PA DANG MTSUNGS PAR LDAN PA'I SEMS GANG LAS 'BYUNG BAR 'GYUR, GANG YANG TSUL BZHIN YID LA BYED PA DANG MTSUNGS PAR LDAN PA'I 'JIG RTEN PA'I SEMS DE NI, YANG DAG @10B PA'I LTA BA DANG MTSUNGS PAR LDAN PA'I 'JIG RTEN LAS 'DAS PA'I SEMS DANG NAM YANG LHAN CIG TU SKYES PA DANG 'GAG PA MED DE, DE'I PHYIR DES BSGOS PA MA YIN NO, ,MA BSGOS PA'I PHYIR SA BON DU MI RUNG STE, DE LTA BAS NA 'JIG RTEN LAS 'DAS PA'I RNAM PAR BYANG BA YANG SA BON THAMS CAD PA RNAM PAR SMIN PA'I RNAM PAR SHES PA MED NA MI RUNG STE, DE LA THOS PA'I BAG CHAGS KYIS NI DE'I SA BON YONGS SU 'DZIN PAR MI RIGS PA'I PHYIR RO, ,SA BON THAMS CAD PA RNAM PAR SHES PA NI KUN NAS NYON MONGS PA'I RGYU YIN NA DE'I GNYEN PO 'JIG RTEN LAS 'DAS PA'I SEMS KYI SA BON DU JI LTAR RUNG, 'JIG RTEN LAS 'DAS PA'I SEMS NI MA 'DRES PA STE, DE BAS NA DE'I BAG CHAGS NI MED PA NYID DO, ,BAG CHAGS DE MED NA SA BON GANG LAS 'BYUNG BA BRJOD DGOS SO ZHE NA, CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS SA BON LAS DE 'BYUNG NGO, ,THOS PA'I BAG CHAGS GANG YIN PA DE YANG CI KUN GZHI RNAM PAR SHES PA'I NGO BO NYID YIN NAM, GAL TE KUN GZHI RNAM PAR SHES PA'I NGO BO NYID YIN NA NI, JI LTAR DE'I GNYEN PO'I SA BON DU RUNG, JI STE DE'I NGO BO NYID MA YIN NA NI DES NA THOS PA'I BAG CHAGS KYI SA BON DE'I GNAS CI ZHIG YIN PAR BLTA ZHE NA, SANGS RGYAS RNAMS KYI BYANG CHUB LA BRTEN NAS THOS PA'I BAG CHAGS SU GYUR PA GANG YIN PA GNAS GANG LA 'JUG PA DE LHAN CIG 'DUG PA'I TSUL GYIS RNAM PAR SMIN PA'I RNAM PAR SHES PA LA 'JUG STE, 'O MA DANG CHU BZHIN NO, ,DE NI KUN GZHI RNAM PAR SHES PA MA YIN TE, DE'I GNYEN PO'I SA BON NYID YIN PA'I PHYIR RO, ,DE LA BAG CHAGS CHUNG NGU LA BRTEN NAS BAG CHAGS 'BRING POR 'GYUR RO, ,BAG CHAGS 'BRING PO LA BRTEN NAS BAG CHAGS CHEN POR 'GYUR TE, THOS PA DANG BSAM PA DANG BSGOM PA LAN MANG DU BYA BA DANG LDAN PA'I PHYIR RO, ,DE LA THOS PA'I BAG CHAGS KYI SA BON CHUNG NGU DANG 'BRING PO DANG CHEN PO YANG CHOS KYI SKU'I SA BON DU BLTA STE, KUN GZHI RNAM PAR SHES PA'I GNYEN PO YIN PAS KUN GZHI RNAM PAR SHES PA'I NGO BO NYID MA YIN PA DANG, 'JIG RTEN PA YIN YANG 'JIG RTEN LAS @11A *, ,'DAS PA CHOS KYI DBYINGS SHIN TU RNAM PAR DAG PA'I RGYU MTHUN PA YIN PAS 'JIG RTEN LAS 'DAS PA'I SEMS KYI SA BON DU GYUR PA'O, ,'DI NI 'JIG RTEN LAS 'DAS PA'I SEMS MA BYUNG DU ZIN KYANG NYON MONGS PAS KUN NAS DKRIS PA'I GNYEN PO DANG, NGAN SONG DU 'GRO BA'I GNYEN PO DANG, NYES PAR BYAS PA THAMS CAD DE NGES PAR BYED PA'I GNYEN PO YIN NO, ,SANGS RGYAS DANG BYANG CHUB SEMS DPA' DANG PHRAD PA'I RJES SU MTHUN PA'O, ,BYANG CHUB SEMS DPA' LAS DANG PO PA RNAMS KYI 'JIG RTEN PA YIN YANG CHOS KYI SKUR BSDUS PA DANG, NYAN THOS DANG RANG SANGS RGYAS RNAMS KYI RNAM PAR GROL BA'I LUS SU BSDUS PAR YANG BLTA'O, ,DE NI KUN GZHI RNAM PAR SHES PA MA YIN GYI, CHOS KYI SKU DANG RNAM PAR GROL BA'I LUS SU BSDUS PA STE, CHUNG NGU DANG 'BRING PO DANG CHEN PO JI LTA JI LTA BUR RIM GYIS 'PHEL BA DE LTA DE LTA BUR RNAM PAR SMIN PA'I RNAM PAR SHES PA YANG 'BRI ZHING GNAS KYANG 'GYUR RO, ,GNAS RNAM PA THAMS CAD DU GYUR NA RNAM PAR SMIN PA'I RNAM PAR SHES PA SA BON THAMS CAD PA YANG SA BON MED PAR GYUR PA DANG RNAM PAR THAMS CAD DU SPANGS PA YANG YIN NO, ,JI LTAR NA YANG KUN GZHI RNAM PAR SHES PA DANG, KUN GZHI RNAM PAR SHES PA MA YIN PA CHUD DANG 'O MA BZHIN DU LHAN CIG TU GNAS PA RNAMS RNAM PA THAMS CAD DU 'GRIB PAR 'GYUR ZHE NA, NGANG PAS CHU LAS 'O MA 'THUNGS PA LTA BU DANG, 'JIG RTEN PA'I 'DOD CHAGS DANG BRAL BA NA, MNYAM PAR GZHAG PA MA YIN PA'I SA'I BAG CHAGS 'GRIB STE, MNYAM PAR GZHAG PA'I SA'I BAG CHAGS 'PHEL NAS GNAS GYUR PA BZHIN NO, ,'GOG PA LA SNYOMS PAR 'JUG PA RNAMS KYANG RNAM PAR SHES PA DANG MI 'BRAL LO ZHES GSUNGS PA'I YANG PHYIR DE NI RNAM PAR SMIN PA'I RNAM PAR SHES PA DANG MA BRAL BAR RIGS TE, DE'I GNYEN POR 'GOG PA'I SNYOMS PAR 'JUG PA SKYE BA NI MA YIN NO, ,DE LAS LANGS PA RNAMS KYI GDOD 'BYUNG BA YANG MA YIN TE, RNAM PAR SMIN PA'I RNAM PAR SHES PA RGYUN CHAD NAS NYID MTSAMS SBYOR BA MA GTOGS PAR GZHAN DU 'BYUNG BA MED PA'I PHYIR RO, ,GANG YANG 'GOG @11B PA'I SNYOMS PAR 'JUG PA LA YID KYI RNAM PAR SHES PA YOD PAS SEMS DANG BCAS PA SNYAM DU SEMS PA DE'I LTAR NA YANG SEMS DE MI RUNG STE, SNYOMS PAR 'JUG PA MI RUNG BA'I PHYIR DANG, DMIGS PA DANG RNAM PA MI DMIGS PA'I PHYIR DANG, MI DGE BA DANG LUNG DU MA BSTAN PAR MI RIGS PAS, DGE BA'I RTZA BA DANG MTSUNGS PAR LDAN PAR 'GYUR BA'I PHYIR DANG, REG PA DMIGS PAS 'DU SHES PA DANG TSOR BA KUN TU 'BYUNG BAR 'GYUR BA'I PHYIR DANG, 'DU SHES RGYUN CHAD PA TZAM DU 'GYUR BAS DE'I MTHUS MNYAM PAR GZHAG PAR 'GYUR BA'I PHYIR DANG, SEMS PA DANG DAD PA LA SOGS PA DGE BA'I RTZA BA KUN TU 'BYUNG BAR 'GYUR BA'I PHYIR DANG, RTEN LAS BRTEN PA DBYER MI RUNG BA'I PHYIR DANG, DPE YOD PA'I PHYIR DANG, KUN TU 'GRO BA NYID YIN PA LAS DE BZHIN DU MED PA'I PHYIR RO, ,DGE BA DANG MI DGE BA DANG LUNG DU MA BSTAN PAR MI 'THAD PA'I PHYIR DE YANG MI RUNG NGO, ,GANG YANG GZUGS DANG SEMS KYI MJUG THOGS SU 'BYUNG BA CHOS RNAMS KYI SA BON NYID DU RTOG PA DE'I YANG GONG MA BZHIN DU MI 'THAD KYIS STENG DU GZUGS MED PA DANG 'DU SHES MED PA NAS SHI 'PHOS PA DANG, 'GOG PA'I SNYOMS PAR 'JUG PA LAS LANGS PA'I DE YANG MI RUNG NGO, DE MA THAG PA'I RKYEN NYID DU RUNG BA MA GTOGS PAR DGRA BCOM PA'I THA MA'I SEMS KYANG MI RUNG BAR 'GYUR RO, ,DE LTAR NA SA BON THAMS CAD BA RNAM PAR SMIN PA'I RNAM PAR SHES PA MED NA KUN NAS NYON MONGS PA DANG RNAM PAR BYANG BA MI RUNG NGO, ,DE LTA BAS NA DE YOD PA NYID DANG, JI LTAR BSHAD PA'I MTSAN NYID KYANG 'GRUB BO, ,'DIR TSIGS SU BCAD PA, BYANG CHUB SEMS DPA' BZANG PO'I SEMS, ,RNAM PAR SHES PA LNGA SPANGS PA, ,BSTZAL BA DE LAS GZHAN PA LA, ,SEMS NI JI LTAR 'GYUR BAR BYED, ,GNYEN PO GYUR BA YIN ZHES BYAR, ,SPANGS PA MIN PHYIR MI RUNG NGO, , DE NI SPANGS PA YIN NA YANG, ,RGYU 'BRAS THA DAD MED PAR 'GYUR, ,GAL TE SA BON BRAL BA'AM, ,DNGOS PO MED PAR 'GYUR 'DOD NA, ,DE MED PAR NI GNYIS MED DE, ,'GYUR BA RUNG BA MA YIN NO, ,KUN GZHI RNAM PAR SHES PA 'DI'I RAB TU DBYE BA GANG ZHE NA, ,MDOR BSDU NA RNAM PA GSUM @12A *, ,DANG RNAM PA BZHIR BLTA BAR BYA'O, ,DE LA BAG CHAGS RNAM PA GSUM GYI BYE BRAG GIS RNAM PA GSUM STE, MNGON PAR BRJOD PA'I BAG CHAGS KYI BYE BRAG DANG, BDAG TU LTA BA'I BAG CHAGS KYI BYE BRAG DANG, SRID PA'I YAN LAG GI BAG CHAGS KYI BYE BRAG GIS SO, ,RNAM PA BZHI NI 'PHEN PAS RAB TU DBYE BA DANG, RNAM PAR SMIN PAS RAB TU DBYE BA DANG, RGYU NYID DU RAB TU DBYE BA DANG, MTSAN NYID KHO NAS RAB TU DBYE BAS SO, ,DE LA 'PHEN PAS RAB TU DBYE BA NI GANG RNAM PAR SMIN PA'I BAG CHAGS GSAR DU 'BYUNG BA STE, DE MED DU ZIN NA 'DU BYED KYI RKYEN GYIS RNAM PA SHES PA DANG, LEN PA'I RKYEN GYIS SRID PA MI RUNG NGO, ,DE LA RNAM PAR SMIN PAS RAB TU DBYE BA NI GANG 'DU BYED DANG SRID PA'I RKYEN GYIS 'GRO BA RNAMS SU RNAM PAR SMIN PA STE, DE MED DU ZIN NA SA BON MED PAS YANG 'BYUNG BA'I CHOS RNAMS SKYE BAR MI RUNG NGO, ,DE LA RGYU NYID DU RAB TU DBYE BA NI GANG DE NYID LA YID KYIS BDAG TU 'DZIN PA'I RGYU NYID DE DE MED DU ZIN NA YID KYIS BDAG TU 'DZIN PA'I DMIGS PA MI RUNG NGO, ,DE LA MTSAN NYID KYIS RAB TU DBYE BA NI, GANG DE NYID KYI THUN MONG GI MTSAN NYID DANG, THUN MONG MA YIN PA'I MTSAN NYID DANG, TSOR BA MED PA 'BYUNG BA'I SA BON GYI MTSAN NYID DANG, TSOR BA DANG BCAS PA 'BYUNG BA'I SA BON GYI MTSAN NYID DE THUN MONG NI SNOD KYI 'JIG RTEN GYI SA BON GANG YIN PA'O, ,THUN MONG MA YIN PA DE NI SO SO RANG GI SKYE MCHED KYI SA BON GANG YIN PA'O, ,THUN MONG GANG YIN PA DE NI TSOR BA MED PA 'BYUNG BA'I SA BON NO, ,GNYEN PO BYUNG NA THUN MONG MA YIN PA MI MTHUN PA'I PHYOGS DAG GO, ,THUN MONG PA GZHAN GYI RNAM PAR RTOG PAS YONGS SU ZIN PA LA NI MTHONG BA RNAM PAR DAG PAR 'GYUR TE, RNAL 'BYOR BA RNAMS KYI MOS PA THA DAD PAS DNGOS PO GCIG LA BLTA BAR BYA BA THA DAD PA DMIGS PA BZHIN NO, ,'DIR TSIGS SU BCAD PA, ,THUN MONG 'CHING BA SPANG DKA' DANG, ,YONGS SHES BYA BAR DKA' BAR 'DOD, ,PHYI ROL MTSAN MA CHEN PO LAS, ,RNAL 'BYOR BA YI THA DAD SEMS, ,DE NI 'GAGS PAR MA GYUR KYANG, ,DAG PA RNAMS KYI MTHONG BA DAG, ,SANGS RGYAS GZIGS PA RNAM DAG PHYIR, ,SANGS @12B RGYAS ZHING NI RNAM PAR DAG, ,THUN MONG MA YIN PA GANG YIN PA DE DAG NI TSOR BA DANG BCAS PA 'BYUNG BA'I SA BON TE, DE MED DU ZIN NA SNOD KYI 'JIG RTEN DANG, SEMS CAN GYI 'JIG RTEN 'BYUNG BA'I BYE BRAG MI RUNG NGO, ,YANG GNAS NGAN LEN GYI MTSAN NYID DANG, SHIN TU SBYANGS PA'I MTSAN NYID DO, ,GNAS NGAN LEN GYI MTSAN NYID NI NYON MONGS PA DANG NYE BA'I NYON MONGS PA'I SA BON GANG YIN PA'O, ,SHIN TU SBYANGS PA'I MTSAN NYID NI ZAG PA DANG BCAS PA'I DGE BA'I CHOS KYI SA BON GANG YIN PA STE, DE MED DU ZIN NA RNAM PAR SMIN PAS GNAS KYI LAS SU MI RUNG BA DANG, LAS SU RUNG BA'I BYE BRAG MI RUNG BAR 'GYUR RO, ,YANG SPYAD ZIN PA DANG, MA SPYAD PA'I MTSAN NYID DE SPYAD ZIN PA'I MTSAN NYID NI GANG DGE BA DANG MI DGE BA'I SA BON GYI RNAM PAR SMIN PA RNAM PAR SMIN ZIN PA'O, ,MA SPYAD PA'I MTSAN NYID NI MNGON PAR BRJOD PA'I BAG CHAGS KYI SA BON TE, THOG MA MED PA'I DUS NAS SPROS PA 'BYUNG BA'I SA BON YIN PA'I PHYIR RO, ,DE MED DU ZIN NA DGE BA DANG SDIG PA'I LAS BYAS SHING BYAS PA 'BRAS BU 'BYIN PAS SPYAD ZIN PA YANG MI RUNG LA, MNGON PAR BRJOD PA'I BAG CHAGS GSAR DU 'BYUNG BA YANG MI RUNG NGO, ,YANG NA DPE'I MTSAN NYID NI KUN GZHI RNAM PAR SHES PA DE SGYU MA DANG, SMIG RGYU DANG RMI LAM DANG RAB RIB LTA BU'I PHYIR RO, ,DE MED DU ZIN NA YANG DAG PA MA YIN PA KUN RTOG PA'I SA BON GYIS PHYIN CI LOG GI RGYU NYID DU MI RUNG NGO, ,YANG MTHA' DAG NYID DANG, MTHA' DAG NYID MA YIN PA'I MTSAN NYID DE, BCINGS PA MTHA' DAG DANG LDAN PA RNAMS KYI NI MTHA' DAG NYID KYI MTSAN NYID DO, ,'JIG RTEN PA'I 'DOD CHAGS DANG BRAL BA RNAMS KYI NI NYAMS PAR BYAS PA'I MTSAN NYID DO, ,NYAN THOS DANG BYANG CHUB SEMS DPA' SLOB PA RNAMS KYI NI PHYOGS GCIG BTON PA'I MTSAN NYID DO, ,DGRA BCOM PA DANG RANG SANGS SANGS RGYAS DANG DE BZHIN GSHEGS PA RNAMS KYI NI NYON MONGS PA'I SGRIB PA MTHA' DAG BTON PA'I MTSAN NYID DO, ,NYON MONGS PA DANG SHES BYA'I SGRIB PA MTHA' DAG BTON PA'I MTSAN NYID DE CI RIGS SU SBYAR RO, ,DE MED DU ZIN NA KUN NAS NYON MONGS PA RIM GYIS LDOG PAR MI RUNG NGO, ,CI'I PHYIR DGE BA DANG MI @13A *, ,DGE BA'I CHOS RNAMS KYI RNAM PAR SMIN PA MA BSGRIBS LA LUNG DU MA BSTAN PA'I RNAM PAR SMIN PA ZHES BYA ZHE NA, 'DI LTAR MA BSGRIBS LA LUNG DU MA BSTAN PA NI DGE BA DANG MI DGE BA DANG 'GAL BA MED DE, DGE BA DANG MI DGE BA NI PHAN TSUN MI MTHUN NO, , RNAM PAR SMIN PA YANG DGE BA DANG MI DGE BAR 'GYUR NA NI KUN NAS NYON MONGS PA LDOG PAR MI RUNG NGO, ,DE LTA BAS NA RNAM PAR SMIN PA'I RNAM PAR SHES PA NI MA BSGRIBS LA LUNG DU MA BSTAN PA NYID DO, ,SHES BYA'I GNAS BSHAD ZIN TO,, ,,BAM PO GNYIS PA, SHES BYA'I MTSAN NYID JI LTAR BLTA BAR BYA ZHE NA, DE NI MDOR BSDU NA RNAM PA GSUM STE, GZHAN GYI DBANG GI MTSAN NYID DANG, KUN BRTAGS PA'I MTSAN NYID DANG, YONGS SU GRUB PA'I MTSAN NYID DO, ,DE LA GZHAN GYI DBANG GI MTSAN NYID GANG ZHE NA, GANG KUN GZHI RNAM PAR SHES PA'I SA BON CAN YANG DAG PA MA YIN PA KUN RTOG PAS BSDUS PA'I RNAM PAR RIG PA'O, ,DE YANG GANG ZHE NA, LUS DANG LUS CAN DANG, ZAB PO'I RNAM PAR RIG PA DANG, DES NYE BAR SPYAD PAR BYA BA'I RNAM PAR RIG PA DANG, DE LA NYE BAR SPYOD PA'I RNAM PAR RIG PA DANG, DUS KYI RNAM PAR RIG PA DANG, GRANGS KYI RNAM PAR RIG PA DANG, YUL GYI RNAM PAR RIG PA DANG, THA SNYAD KYI RNAM PAR RIG PA DANG, BDAG DANG GZHAN GYI BYE BRAG GI RNAM PAR RIG PA DANG, BDE 'GRO DANG NGAN 'GRO DANG 'CHI 'PHO DANG SKYE BA'I RNAM PAR RIG PA'O, ,DE LA LUS DANG LUS CAN DANG ZAB PO'I RNAM PAR RIG PA GANG YIN PA DANG, DES NYE BAR SPYAD PAR BYA BA'I RNAM PAR RIG PA GANG YIN PA DANG, DE LA NYE BAR SPYOD PA'I RNAM PAR RIG PA GANG YIN PA DANG, DUS DANG, GRANGS DANG, YUL DANG, THA SNYAD KYI RNAM PAR RIG PA GANG YIN PA DE NI MNGON PA BRJOD PA'I BAG CHAGS KYI SA BON LAS BYUNG BA'I PHYIR RO, ,BDAG DANG GZHAN GYI BYE BRAG GI RNAM PAR RIG PA GANG YIN PA DE NI BDAG TU LTA BA'I BAG CHAGS KYI SA BON LAS BYUNG BA'I PHYIR RO, ,BDE 'GRO DANG NGAN 'GRO DANG 'CHI 'PHO DANG SKYE BA'I RNAM PAR RIG PA GANG YIN PA DE NI, SRID PA'I YAN LAG GI BAG CHAGS KYI SA BON LAS BYUNG @13B BA'I PHYIR RO, ,RNAM PAR RIG PA 'DI RNAMS KYIS KHAMS DANG 'GRO BA DANG SKYE GNAS THAMS CAD BSDUS PA GZHAN GYI DBANG GI MTSAN NYID KYI YANG DAG PA MA YIN PA KUN TU RTOG PA BSTAN PA YIN NO, ,RNAM PAR RIG PA 'DI RNAMS KYI RNAM PAR RIG PA TZAM NYID YANG DAG PA MA YIN PA KUN RTOG PAS BSDUS PA YOD PA MA YIN PA DANG, NOR BA'I DON SNANG BA'I GNAS GANG YIN PA 'DI NI GZHAN GYI DBANG GI MTSAN NYID DO, ,DE LA KUN BRTAGS PA'I MTSAN NYID GANG ZHE NA, GANG DON MED KYANG RNAM PAR RIG PA TZAM DE DON NYID DU SNANG BA'O, ,DE LA YONGS SU GRUB PA'I MTSAN NYID GANG ZHE NA, GANG GZHAN GYI DBANG GI MTSAN NYID DE NYID LA DON GYI MTSAN NYID DE GTAN MED PA NYID DO, ,DE LA LUS DANG LUS CAN DANG ZA BA PO'I RNAM PAR RIG PA NI MIG LA SOGS PA NANG GI KHAMS DRUG TU RIG PAR BYA'O, ,DES NYE BAR SPYAD PAR BYA BA'I RNAM PAR RIG PA NI GZUGS LA SOGS PA PHYI'I KHAMS DRUG TU RIG PAR BYA'O, ,DE LA NYE BAR SPYOD PA'I RNAM PAR RIG PA NI MIG GI RNAM PAR SHES PA LA SOGS PA'I KHAMS DRUG TU RIG PAR BYA'O, ,RNAM PAR RIG PA LHAG MA RNAMS NI RNAM PAR RIG PA 'DI DAG GI RAB TU DBYE BAR RIG PAR BYA'O, ,RNAM PAR RIG PA 'DI DAG NI DON MED PA'I PHYIR RNAM PAR RIG PA TZAM MO ZHES BYA BA 'DI LA DPE CI YOD CE NA, RMI LAM LA SOGS PA NI DPER BLTA BAR BYA'O, ,DPER NA RMI LAM NA DON MED PAR YANG RNAM PAR SHES PA TZAM NYID DU GZUGS DANG, SGRA DANG, DRI DANG, RO DANG, REG BYA DANG, KHANG KHYIM DANG, NAGS TSAL DANG, SA DANG RI LA SOGS PA'I DON SNA TSOGS KYI RNAM PAR SNANG GI DE NA DON NI CI YANG MED DO, ,DPE 'DIS NI THAMS CAD DU YANG RNAM PAR RIG PA TZAM NYID DU KHONG DU CHUD PAR BYA'O, ,SOGS PA ZHES BYA BA SMOS PAS NI SGYU MA DANG, SMIG RGYU DANG, RAB RIB RNAMS DPER RIG PAR BYA'O, ,GAL TE RMI LAM LA SOGS PA BZHIN DU SAD PA NA YANG THAMS CAD DU YANG RNAM PAR RIG PA TZAM NYID DU ZAD NA, DPER NA RMI LAM LA RNAM PAR RIG PA TZAM NYID KYI BLO 'BYUNG BA DE BZHIN DU 'DIR YANG CI'I PHYIR MI 'BYUNG ZHE NA, DE KHO NA SHES PAS SAD PA RNAMS LA 'BYUNG STE, DPER NA RMI LAM RMI ZHING MA SAD PA LA MI 'BYUNG GI SAD PA @14A *, ,LA 'BYUNG BA DE BZHIN DU, DE KHO NA SHES PAS MA SAD PA LA MI 'BYUNG GI DE KHO NA SHES PAS SAD PA LA 'BYUNG NGO, ,DE KHO NA SHES PAS MA SAD PAS RNAM PAR RIG PA TZAM NYID DU JI LTAR RJES SU DPAG PAR BYA ZHE NA, LUNG DANG RIGS PAS DPAG PAR BYA STE, DE LA LUNG NI BCOM LDAN 'DAS KYIS SA BCU BA LAS 'DI LTA STE, KHAMS GSUM PA 'DI NI SEMS TZAM MO ZHES GSUNGS PA DANG, DGONGS PA NGES PAR 'GREL PA LAS BYANG CHUB SEMS DPA' BYAMS PAS ZHUS NAS BCOM LDAN 'DAS KYIS BKA' STZAL PA LTA BU STE, BCOM LDAN 'DAS GANG TING NGE 'DZIN GYI SPYOD YUL GYI GZUGS BRNYAN DE CI SEMS DE LAS THA DAD PA ZHES BGYI 'AM THA DAD PA MA LAGS ZHES BGYI, BCOM LDAN 'DAS KYIS BKA' STZAL PA, BYAMS PA THA DAD PA MA YIN ZHES BYA'O, ,DE CI'I PHYIR ZHE NA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN YIN NO ZHES NGAS BSHAD DO, ,BCOM LDAN 'DAS TING NGE 'DZIN GYI SPYOD YUL GYI GZUGS BRNYAN DE GAL TE SEMS LAS THA DAD PA MA LAGS NA, SEMS DE NYID KYIS SEMS DE NYID JI LTAR 'DZIN PA LAGS, BYAMS PA CHOS GANG YANG CHOS GANG LA YANG MI 'DZIN MOD KYI, 'ON KYANG DE LTAR SKYES PA'I SEMS GANG YIN PA DE NI DE LTAR SNANG NGO, ,DPER NA GZUGS KYIS RKYEN BYAS TE, GZUGS NYID MTHONG YANG, GZUGS BRNYAN MTHONG NGO SNYAM DU SEMS TE, DE LA NI GZUGS DE DANG GZUGS BRNYAN SNANG BA DE DON THA DAD PAR SNANG NGO, ,DE BZHIN DU DE LTAR SKYES PA'I SEMS DE YANG DE LAS DON THA DAD PAR SNANG NGO ZHES GSUNGS PA STE, LUNG 'DIS RIGS PA YANG BSTAN PA YIN NO, ,'DI LTAR SEMS MNYAM PAR GZHAG PA NA SHES BYA'I GZUGS BRNYAN RNAM PAR BSNGOS PA LA SOGS PA GANG DANG GANG MTHONG BA DE DANG DE NYID SEMS MTHONG BA STE, RNAM PAR BSNGOS PA LA SOGS PA DON GZHAN MED DO, ,RIGS PA 'DIS BYANG CHUB SEMS DPA' RNAM PAR RIG PA THAMS CAD LA RNAM PAR RIG PA TZAM NYID DU RJES SU DPAG PAR BYA BAR 'OS SO, ,RNAM PAR BSNGOS PA LA SOGS PA LA DRAN PA'I RNAM PAR SHES PA YANG MI RUNG STE, DMIGS PA DE MDUN DU BZHAG NA SNANG BA'I PHYIR RO, ,THOS PA DANG BSAMS PA LAS BYUNG BA @14B LA DRAN PA'I RNAM PAR SHES PA GANG YIN PA DE YANG 'DAS PA LA DMIGS PA'I PHYIR, DER SNANG BA RNAM PAR RIG PA TZAM DU 'GYUR RO, ,RJES SU DPAG PA 'DIS BYANG CHUB SEMS DPA' DE KHO NA SHES PAS MA SAD PAS KYANG RNAM PAR RIG PA TZAM DU RJES SU DPAG PAR BYA'O, ,GANG RMI LAM LTA BU'I RNAM PAR RIG PA SNA TSOGS BSTAN PA DE DAG LAS MIG GI RNAM PAR SHES PA LA SOGS PA'I RNAM PAR RIG PA RNAMS NI RNAM PAR RIG PA TZAM NYID DU RIGS NA, MIG LA SOGS PA'I RNAM PAR RIG PA GZUGS CAN RNAMS JI LTAR RNAM PAR RIG PA TZAM NYID DU BLTA ZHE NA, DE DAG KYANG LUNG DANG RIGS PAS BLTA BAR BYA STE, SNGA MA BZHIN NO, ,GAL TE DE DAG KYANG RNAM PAR RIG PA TZAM NYID YIN NA, DE DAG CI'I PHYIR GZUGS NYID DU SNANG ZHING MTSUNGS LA BSTAN PAR RGYUN GYIS 'JUG CES NA, PHYIN CI LOG LA SOGS PA'I KUN NAS NYON MONGS PA'I GZHI GNAS PA YIN PA'I PHYIR RO, ,GZHAN DU NA NI DON MED PA LA DON DU PHYIN CI LOG TU MI 'GYUR TE, DE MED DU ZIN NA NYON MONGS PA DANG, SHES BYA'I SGRIB PA'I KUN NAS NYON MONGS PA MED PAR 'GYUR RO, ,DE MED DU ZIN NA RNAM PAR BYANG BA YANG MED PAR 'GYUR TE, DE'I PHYIR DE LTAR 'DI DAG 'BYUNG DU NI MI RUNG NGO, ,'DIR TSIGS SU BCAD PA, 'KHRUL PA'I RGYU DANG 'KHRUL PA NI, ,GZUGS KYI RNAM PAR RIG PAR 'DOD, ,RNAM PAR RIG PA MED NA NI, ,GZUGS CAN MIN DANG CIG SHOS MED, ,CI'I PHYIR LUS DANG LUS CAN DANG ZA BA PO'I RNAM PAR RIG PA DANG, DES SPYAD PAR BYA BA'I RNAM PAR RIG PA DANG, DE LA NYE BAR SPYOD PA'I RNAM PAR RIG PA LUS THAMS CAD LA LHAN CIG 'BYUNG ZHING 'DUS PAR 'BYUNG ZHE NA, SKYE BA DANG NYE BAR SPYOD PA YONGS SU RDZOGS PAR MNGON PA'I PHYIR RO, ,CI'I PHYIR DUS KYI RNAM PAR RIG PA LA SOGS PA SNA TSOGS JI SKAD DU SMOS PA RNAMS 'BYUNG ZHE NA, THOG MA MED PA'I DUS KYI 'KHOR BA'I RGYUN MI 'CHAD PA DANG, SEMS CAN GYI KHAMS DPAG TU MED PA DANG, 'JIG RTEN GYI KHAMS DPAG TU MED PA DANG, PHAN TSUN GYI BYA BA BSGRUB PA'I THA SNYAD DPAG TU MED PA DANG, YONGS SU GZUNG BA NYE BAR SPYAD PA'I BYE BRAG DPAG TU MED PA DANG, LAS KYI 'BRAS BU RNAM PAR SMIN PA 'DOD PA DANG MI 'DOD PA LA NYE BAR SPYAD PA'I BYE @15A *, ,BRAG DPAG TU MED PA DANG, SKYE BA DANG RGA SHI MYONG BA'I RAB TU DBYE BA DPAG TU MED PA'I PHYIR RO, ,JI LTAR RNAM PAR RIG PA 'DI DAG RNAM PAR RIG PA TZAM NYID DU GNAS PAR 'GYUR ZHE NA, MDOR BSDU NA RNAM PA GSUM GYIS TE, DE TZAM DU ZAD PAS NI DON MED PA DANG, GNYIS KYIS NI RNAM PAR RIG PA RGYU MTSAN DANG LTA BA DANG BCAS PA'I PHYIR RO, ,SNA TSOGS CIG CAR 'BYUNG BAS NI SNA TSOGS KYI RNAM PAR 'BYUNG BA'I PHYIR TE, DE LTAR RNAM PAR RIG PA 'DI DAG THAMS CAD NI DON MED PAS DE TZAM YIN LA, MIG LA SOGS PA'I RNAM PAR RIG PA DAG NI GZUGS LA SOGS PA RGYU MTSAN YIN PA DANG, DE DAG GI RNAM PAR SHES PA LTA BA YIN PA NAS LUS KYI RNAM PAR SHES PA LTA BA YIN PA'I BAR DAG NI RGYU MTSAN DANG LTA BA DANG BCAS PA'O, ,YID KYI RNAM PAR RIG PA NI MIG LA SOGS PA NAS CHOS LA THUG PA'I RNAM PAR RIG PA THAMS CAD KYI RGYU MTSAN DANG BCAS SHING, YID KYI RNAM PAR SHES PA'I RNAM PAR RIG PAS NI LTA BA DANG BCAS PA STE, YID KYI RNAM PAR SHES PA RNAM PAR RTOG PA GANG YIN PA DANG, RNAM PAR RIG PA SNANG BA THAMS CAD KYIS BSKYED PA'I PHYIR RO, ,'DIR TSIGS SU BCAD PA, DE TZAM GNYIS DANG SNA TSOGS NYID; ,RNAL 'BYOR PA RNAMS RTOGS PAR 'DOD, ,SEMS TZAM LA NI ZHUGS GYUR PA, ,DE DANG BRAL NA DE PHYIR YANG, ,KHA CIG NI YID KYI RNAM PAR SHES PA DE NYID RTEN DE DANG DE NAS 'BYUNG BA NA DE DANG DE'I MING 'THOB STE, SEMS PA LA LUS DANG NGAG GI LAS ZHES BYA BA BZHIN NO SNYAM MO, ,RTEN THAMS CAD DU 'BYUNG BA SNA TSOGS KYI RNAM PAS GNYIS SU SNA BA 'BYUNG STE, DE NI DON TZAM DU SNANG BA DANG, RNAM PAR RTOG PAR SNANG BA'I PHYIR RO, ,GZUGS CAN GYI KHAMS NA YID KYI RNAM PAR SHES PA LUS LA GNAS PA'I PHYIR, DE LAS GZHAN PA'I DBANG PO GZUGS CAN LUS LA GNAS PA BZHIN DU GNAS THAMS CAD DU YANG REG BYA LA 'DZIN PAR SNANG BA YANG 'BYUNG NGO, ,'DIR TSIGS SU BCAD PA, GANG ZHIG LUS MED PHUG GNAS SHING, ,RING DU 'GRO LA GCIG PU RGYU, ,GDUL BAR DKA' BA'I SEMS 'DUL BYED, ,DE NI BRAM ZER NGAS BSHAD DO, ,YANG @15B DBANG PO LNGA PO 'DI DAG GI SPYOD YUL GYI YUL NI YID KYIS MYONG STE, YID NI 'DI DAG GI STON PA'O ZHES JI SKAD GSUNGS PA LTA BU'O, ,YANG SKYE MCHED BCU GNYIS BSTAN PA LAS RNAM PAR SHES PA'I TSOGS DRUG NI YID KYI SKYE MCHED DO ZHES JI SKAD GSUNGS PA LTA BU'O, ,GANG DU YANG KUN GZHI RNAM PAR SHES PA'I RNAM PAR RIG PA NI DON GYI RNAM PAR RIG PAR RNAM PAR 'JOG PA DER YANG DE LAS GZHAN PA'I RNAM PAR RIG PAS THAMS CAD NI DE'I RGYU MTSAN GYI RNAM PAR RIG PA'O, ,YID KYI RNAM PAR SHES PA'I RNAM PAR RIG PA RTEN DANG BCAS PA NI DE'I LTA BA YIN PAR RIG PAR BYA'O, , RNAM PAR RIG PA RGYU MTSAN DU GYUR PA DE DAG NYID DE'I LTA BA 'BYUNG BA'I RGYU MTSAN YIN PA'I PHYIR DON BZHIN DU SNANG BA NA DE 'BYUNG BA'I RTEN GYI BYA BA BYED DO, ,DE LTAR NA RNAM PAR RIG PA 'DI DAG NI RNAM PAR RIG PA TZAM NYID DU GNAS PA YIN NO, ,JI LTAR NA DON SNANG BZHIN DU YANG MED PA NYID DU BLTA ZHE NA; BCOM LDAN 'DAS KYIS JI SKAD DU BYANG CHUB SEMS DPA' CHOS BZHI DANG LDAN NA RNAM PAR RIG PA THAMS CAD KYI DON MED PA KHONG DU CHUD PAR 'GYUR TE, RNAM PAR SHES PA MI MTHUN PA'I RGYU MTSAN NYID SHES PAS NI DPER NA YI DGAS DANG, DUD 'GRO DANG, MI DANG LHA RNAMS KYIS DNGOS PO GCIG LA RNAM PAR RIG PA THA DAD PA MTHONG BA LTA BU DANG, DMIGS PA MED PA'I RNAM PAR RIG PA DMIGS PAS NI, DPER NA 'DAS PA DANG, MA 'ONGS PA DANG, RMI LAM DANG, GZUGS BRNYAN DMIGS PA LTA BU DANG, 'BAD PA MED PAR YANG PHYIN CI LOG MED PAR 'GYUR BA SHES PAS NI DON YOD NA DON DU DMIGS PA'I RNAM PAR SHES PA 'BAD PA MED PAR DE KHO NA SHES PA'I PHYIR PHYIN CI LOG MED PAR 'GYUR BA DANG, RNAM PAR SHES PA RNAM PA GSUM GYI RJES SU MTHUN PAR SHES PAS NI 'DI LTAR BYANG CHUB SEMS DPA' DANG, BSAM GTAN PA SEMS LA DBANG THOB PA RNAMS LA MOS PA'I DBANG GIS DE LTA DE LTAR DON DE DAG SNANG BA DANG, ZHI GNAS THOB PA'I RNAL 'BYOR PA CHOS LA LHAG MTHONG LA BRTZON PA RNAMS LA YID LA BYED PA TZAM DU DON SNANG BA DANG, RNAM PAR MI RTOG PA'I YE SHES THOB PA DE LA GNAS PA RNAMS LA DON THAMS CAD MI @16A *, ,SNANG NGO ZHES GSUNGS PA LTA BU STE, DE LTAR NA DON SHES PA RNAM PAS GSUM GYI RJES SU MTHUN PA DANG, GTAN TSIGS GONG MA RNAMS KYIS DON MED PAR GRUB PA YIN NO, ,'DIR TSIGS SU BCAD PA, YI DAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,'DAS SOGS DE BZHIN RMI LAM DANG, ,GZUGS BRNYAN RNAMS PA GNYIS LA YANG, ,DMIGS PA YOD PA MA YIN PAS, ,DE LA DMIGS PAR RUNG PHYIR RO, ,DON NI DON DU GRUB GYUR NA, ,SHES PA RTOG PA MED MI 'GYUR, ,DE MED PAS NA SANGS RGYAS NYID, ,'THOB PAR 'THAD PA MA YIN NO, ,BYANG CHUB SEMS DPA' DBANG THOB DANG, ,RNAL 'BYOR PA LA 'DI LTAR YANG, ,MOS PA'I DBANG GIS SA LA SOGS, ,DNGOS PO DE LTAR DMIGS PAR 'GYUR, ,'DI LA SU ZHIG BLO LDAN ZHING, ,ZHI BA GRUB PA THOB PA YI, ,CHOS KUN YID LA BYED PA LA, ,DE LTAR DON RNAMS SNANG PHYIR DANG, ,MI RTOG YE SHES RGYU BA LA, ,DON KUN SNANG BA MED PHYIR YANG, ,DON MED KHONG DU CHUD PAR BYA, ,DE MED PAS NA RNAM RIG MED, ,GAL TE RNAM PAR RIG PA TZAM DON SNANG BA'I GNAS GZHAN GYI DBANG GI NGO BO NYID YIN NA, DE JI LTAR NA GZHAN GYI DBANG YIN LA, CI'I PHYIR NA GZHAN GYI DBANG ZHES BYA ZHE NA, RANG GI BAG CHAGS KYI SA BON LAS SKYES PA YIN PAS DE LTA BAS NA RKYEN GYI GZHAN DBANG YIN NO, ,SKYES NAS KYANG SKAD CIG LAS LHAG PAR BDAG NYID GNAS PAR MI NUS PAS NA GZHAN GYI DBANG ZHES BYA'O, ,GAL TE DE LA GNAS PA'I DON MED PA SNANG BA KUN BRTAGS PA'I NGO BO NYID YIN NA DE JI LTAR NA KUN BRTAGS PA YIN LA, CI'I PHYIR KUN BRTAGS PA ZHES BYA ZHE NA, YID KYI RNAM PAR SHES PA KUN TU RTOG PA DPAG TU MED PA'I RNAM PA CAN GYI PHYIN CI LOG 'BYUNG BA'I RGYU MTSAN YIN PAS KUN BRTAGS PA'O, ,RANG GI MTSAN NYID MED PA LA KUN TU RTOG PA TZAM DU DMIGS PAS KUN BRTAGS PA ZHES BYA'O, ,GAL TE DE GTAN MED PA'I MTSAN NYID YONGS SU GRUB PA'I NGO BO NYID YIN NA, DE JI LTAR NA YONGS SU GRUB PA NYID YIN LA, CI'I PHYIR NA YONGS SU GRUB PA ZHES BYA ZHE NA, GZHAN DU MI 'GYUR BA'I PHYIR YONGS SU GRUB @16B PA'O; ;RNAM PAR DAG PA'I DMIGS PA YIN PA DANG, DGE BA'I CHOS THAMS CAD KYI MCHOG YIN PA'I PHYIR MCHOG GI DON GYIS YONGS SU GRUB PA ZHES BYA'O, ,YANG KUN TU RTOG PA YOD CING KUN TU BRTAG PAR BYA BA YOD NA KUN BRTAGS PA'I NGO BO NYID DO, ,DE LA KUN TU RTOG PA NI GANG YIN, KUN TU BRTAG PA NI CI ZHIG, KUN TU BRTAGS PA'I NGO BO NYID NI GANG ZHE NA, YID KYI RNAM PAR SHES PA NI KUN TU RTOG PA STE, RNAM PAR RTOG PA CAN GYIS PHYIR RO, ,DE NI RANG BRJOD PA'I BAG CHAGS KYI SA BON LAS BYUNG BA DANG, RNAM PAR RIG PA THAMS CAD KYI BRJOD PA'I BAG CHAGS KYI SA BON LAS 'BYUNG BA'O, , DE LTA BAS NA RNAM PA MTHA' YAS PA'I RNAM PAR RTOG PA DAG GIS 'BYUNG STE, THAMS CAD DU RTOG PAS KUN TU RTOG PA ZHES BYA BAS NA KUN TU RTOG PA ZHES BYA'O, ,GZHAN GYI DBANG GI NGO BO NYID NI KUN TU BRTAG PAR BYA'O, ,RNAM PA GANG DU GZHAN GYI DBANG GI NGO BO NYID LA KUN TU BRTAG PA DE NI DE LA KUN BRTAGS PA'I NGO BO NYID DO, ,RNAM PA GANG DU ZHES BYA BA NI JI LTAR NA ZHES BYA BA'I THA TSIG GO, ,KUN TU RTOG PAS JI LTAR KUN TU RTOG CING DMIGS PA GANG DANG, MTSAN MAR 'DZIN PA GANG DANG, MNGON PAR ZHEN PA GANG DANG, DAG KUN NAS SLONG BA GANG DANG, THA SNYAD GANG DANG, SGRO 'DOGS PA GANG GIS KUN TU RTOG CE NA, MING GIS DMIGS PA DANG, GZHAN GYI DBANG GI NGO BO NYID LA DER MTSAN MAR 'DZIN PA DANG, LTA BAS DE LA MNGON PAR ZHES PA DANG, RNAM PAR RTOG PA RNAMS KYIS NGAG KUN NAS SLONG BA DANG, LTA BA LA SOGS PA THA SNYAD BZHI PO DAG GIS THA SNYAD 'DOGS PA DANG, MED PA'I DON LA YOD DO ZHES SGRO 'DOGS PAS KUN TU RTOG GO, ,NGO BO NYID GSUM PO 'DI DAG GI TSUL CI THA DAD PA ZHIG GAM, 'ON TE THA DAD PA MA YIN ZHE NA, THA DAD PA YANG MA YIN LA, THA DAD PA MA YIN PA YANG MA YIN PAR BRJOD PAR BYA'O, ,RNAM GRANGS KYIS NA GZHAN GYI DBANG GI NGO BO NYID NI GZHAN GYI DBANG NGO, ,RNAM GRANGS KYIS NA DE NYID KUN BRTAGS PA'O, ,RNAM GRANGS KYIS NA DE NYID YONGS SU GRUB PA'O, ,GANG GIS NA GZHAN GYI DBANG GI NGO BO NYID LA GZHAN GYI DBANG ZHES BYA BA'I RNAM GRANG GANG ZHE NA, GZHAN GYI DBANG GI BAG CHAGS KYI SA BON LAS 'BYUNG BA'I @17A *, ,GZHAN GYI DBANG GI PHYIR RO, ,GANG GIS DE NYID KUN TU BRTAGS PA ZHES BYA BA'I RNAM GRANGS GANG ZHE NA, KUN TU RTOG PA'I RGYU MTSAN YIN PA DANG, DES KUN TU BRTAGS PA'I PHYIR RO, ,GANG GIS DE NYID YONGS SU GRUB PA ZHES BYA BA'I RNAM GRANGS GANG ZHE NA, JI LTAR KUN TU BRTAGS PA DE LTAR DE GTAN MED PA'I PHYIR RO, ,GZHAN GYI DBANG GI NGO BO NYID LA RNAM PA DU YOD CE NA, MDOR BSDU NA RNAM PA GNYIS TE, BAG CHAGS KYI SA BON GYI GZHAN GYI DBANG DANG, KUN NAS NYON MONGS PA DANG, RNAM PAR BYANG BA'I NGO BO NYID YONGS SU MA GRUB PA GZHAN GYI DBANG STE, GZHAN GYI DBANG RNAM PA 'DI GNYIS KYIS GZHAN GYI DBANG NGO, ,KUN TU BRTAGS PA'I NGO BO NYID KYANG RNAM PA GNYIS TE, NGO BO NYID DU KUN TU RTOG PA DANG, KHYAD PAR DU KUN TU RTOG PAS BRTAGS PA'I PHYIR RO, ,YONGS SU GRUB PA'I NGO BO NYID KYANG RNAM PA GNYIS TE, RANG BZHIN GYIS YONGS SU GRUB PA DANG, RNAM PAR DAG PAR YONGS SU GRUB PA'O, ,YANG KUN TU RTOG PA NI RNAM PA BZHI STE, NGO BO NYID DU KUN TU RTOG PA DANG, KHYAD PAR DU KUN TU RTOG PA DANG, BYANG BA DANG MA BYANG BA'O, ,BYANG BA NI THA SNYAD LA MKHAS PA RNAMS KYI KUN TU RTOG PA'O, ,MA BYANG BA NI THA SNYAD LA MI MKHAS PA RNAMS KYI KUN TU RTOG PA'O, , YANG RNAM PA LNGA STE, MING LA BRTEN TE DON GYI NGO BO NYID LA KUN TU RTOG PA NI 'DI LTA STE, MING 'DI'I DON NI 'DI'O ZHES BYA BA'O, ,DON LA BRTEN TE MING GI NGO BO NYID LA KUN TU RTOG PA NI 'DI LTA STE, DON 'DI'I MING NI 'DI YIN NO ZHES BYA BA'O, ,MING LA BRTEN TE MING GI NGO BO NYID LA KUN TU RTOG PA NI 'DI LTA STE; DON MA RTOGS PA'I MING LA KUN TU RTOG PA'O, ,DON LA BRTEN TE DON GYI NGO BO NYID LA KUN TU RTOG PA NI 'DI LTA STE, MING MA RTOGS PA'I DON GYI NGO BO NYID LA KUN TU RTOG PA'O, ,DE GNYI GA LA BRTEN TE, DE GNYI GA LA KUN TU RTOG PA NI 'DI LTA STE, DON 'DI LTA BU'I BDAG NYID 'DI'I MING NI 'DI'O ZHES BYA BA'O, ,THAMS CAD BSDU NA RNAM PAR RTOG PA RNAM PA BCU STE, RTZA BA'I RNAM PAR RTOG PA NI 'DI LTA STE, KUN GZHI RNAM PAR SHES PA'O, ,MTSAN MA'I RNAM PAR RTOG PA NI 'DI LTA STE, GZUGS LA SOGS PA'I RNAM PAR RIG PA'O, ,MTSAN MAR SNANG BA'I RNAM PAR RTOG PA NI 'DI LTA STE, @17B RTEN DANG BCAS PA'I MIG GI RNAM PAR SHES PA LA SOGS PA'I RNAM PAR RIG PA'O, ,MTSAN MA 'GYUR BA'I RNAM PAR RTOG PA NI 'DI LTA STE, RGA BA LA SOGS PA DANG, BDE BA'I TSOR BA LA SOGS PA DANG, 'DOD CHAGS LA SOGS PA DANG, GNOD PA DANG DUS KYIS YONGS SU 'GYUR BA LA SOGS PA DANG, SEMS CAN DMYAL BA'I 'GRO BA LA SOGS PA DANG, 'DOD PA'I KHAMS LA SOGS PAS DE 'GYUR BA'O, ,MTSAN MAR SNANG BA 'GYUR BA'I RNAM PAR RTOG PA NI 'DI LTA STE, JI SKAD SMOS PA'I 'GYUR BA 'DI DAG NYID KYIS DE 'GYUR BA'O, ,GZHAN GYIS BSTAN PA'I RNAM PAR RTOG PA NI 'DI LTA STE, DAM PA MA YIN PA'I CHOS MNYAN PA'I RJES SU 'GRO BA DANG, DAM PA'I CHOS MNYAN PA'I RJES SU 'GRO BA'I RNAM PAR RTOG PA GANG YIN PA'O, ,TSUL BZHIN MA YIN PA'I RNAM PAR RTOG PA NI 'DI LTA STE, DAM PA MA YIN PA'I CHOS MNYAN PA LAS BYUNG BA STE, 'DI LAS PHYIR ROL PA RNAMS KYI RNAM PAR RTOG PA'O, ,TSUL BZHIN GYI RNAM PAR RTOG PA NI 'DI LTA STE, DAM PA'I CHOS MNYAN PA LAS BYUNG BA STE, CHOS 'DI PA RNAMS KYI RNAM PAR RTOG PA'O, ,MNGON PAR ZHEN PA'I RNAM PAR RTOG PA NI 'DI LTA STE, TSUL BZHIN MA YIN PA'I YID LA BYED PA LAS BYUNG BA'I 'JIG TSOGS LA LTA BA'I RTZA BA LAS BYUNG BA LTAR SONG BA DRUG CU RTZA GNYIS DANG MTSUNGS PAR LDAN PA'I RNAM PAR RTOG PA GANG YIN PA'O, ,RNAM PAR G-YENG BA'I RNAM PAR RTOG PA NI 'DI LTA STE, BYANG CHUB SEMS DPA' RNAMS KYI RNAM PAR RTOG PA RNAM PA BCU STE, DNGOS PO MED PA'I MTSAN MA'I RNAM PAR G-YENG BA DANG, DNGOS PO'I MTSAN MA'I RNAM PAR G-YENG BA DANG, SGRO 'DOGS PA'I RNAM PAR G-YENG BA DANG, SKUR PA 'DEBS PA'I RNAM PAR G-YENG BA DANG, GCIG PA NYID DU RNAM PAR G-YENG BA DANG, THA DAD PA NYID DU RNAM PAR G-YENG BA DANG, NGO BO NYID DU RNAM PAR G-YENG BA DANG, KHYAD PAR DU RNAM PAR G-YENG BA DANG, MING JI LTA BA BZHIN DU DON DU RNAM PAR G-YENG BA DANG; DON JI LTA BA BZHIN DU MING DU RNAM PAR G-YENG BA'O, ,DE LA DNGOS PO MED PAR RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA' NYID DU YOD BZHIN DU ZHES BYA BA LA SOGS PA'O, ,DNGOS POR RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS @18A *, ,DPA' YANG DAG PAR RJES SU MI MTHONG NGO ZHES BYA BA'O, ,SGRO 'DOGS PA'I RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA'I MING YANG DAG PAR RJES SU MI MTHONG, SHES RAB KYI PHA ROL TU PHYIN PA YANG DAG PAR RJES SU MI MTHONG, SPYOD CES BYA BAR YANG DAG PAR RJES SU MI MTHONG, GZUGS YANG DAG PAR RJES SU MI MTHONG, ,TSOR BA DANG 'DU SHES DANG 'DU BYED DANG RNAM PAR SHES PA'I BAR DU YANG DAG PAR RJES SU MI MTHONG NGO, ,DE CI'I PHYIR ZHE NA, 'DI LTAR MING NI NGO BO NYID KYIS STONG NGO ZHES BYA BA LA SOGS PA'O, ,SKUR BA 'DEBS PA'I RNAM PAR RTOG PA'I GNYEN PO'I DON DU BKA' STZAL PA, STONG PA NYID KYIS NI MA YIN NO ZHES BYA BA'O, ,GCIG PA NYID DU RNAM PAR RTOG PA'I GNYEN PO'I DON DU BKA' STZAL PA, GZUGS KYI STONG PA NYID GANG YIN PA DE GZUGS MA YIN NO ZHES BYA BA LA SOGS PA'O, ,THA DAD PA NYID DU RNAM PAR RTOG PA'I GNYEN PO'I DON DU BKA' STZAL PA, GZUGS NI STONG PA NYID LAS GZHAN PA YANG MA YIN TE, GZUGS NYID STONG PA NYID DO, ,STONG PA NYID GZUGS SO ZHES BYA BA'O, ,NGO BO NYID DU RNAM PAR RTOG PA'I GNYEN PO'I DON DU BKA' STZAL PA, ,RAB 'BYOR 'DI LTA STE, GZUGS ZHES BYA BA 'DI NI MING TZAM ZHES BYA BA LA SOGS PA'O, ,KHYAD PAR DU RNAM PAR RTOG PA'I GNYEN PO'I DON DU BKA' STZAL PA, NGO BO NYID NI MI SKYE MI 'GAG ,KUN NAS NYON MONGS PA MA YIN, ,RNAM PAR BYANG BA MA YIN NO ZHES BYA BA'O, ,MING JI LTA BA BZHIN DU DON DU RNAM PAR RTOG PA'I GNYEN PO'I DON DU BKA' STZAL PA, MING BCOS MA LA CHOS DE DAG SO SOR RTOG NAS MING GLO BUR GYIS RJES SU THA SNYAD 'DOD TE, JI LTA JI LTAR RJES SU THA SNYAD 'DOGS PA DE LTA DE LTAR MNGON PAR ZHEN TO ZHES BYA BA'O, ,DON JI LTA BA BZHIN DU MING DU RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA' MING DE DAG THAMS CAD YANG DAG PAR RJES SU MI MTHONG NGO, ,YANG DAG PAR RJES SU MING MTHONG BAS MNGON PAR ZHEN PA MED DO ZHES BYA BA STE, DON JI LTA BA BZHIN DU ZHES BYA BAR DGONGS PA'O, ,GZUGS LA JI LTA BA DE BZHIN DU RNAM PAR SHES PA'I BAR DU YANG SBYAR BAR BYA'O, ,RNAM PAR G-YENG BA BCU PO 'DI DAG GI GNYEN PO SHES RAB KYI PHA ROL TU PHYIN PA THAMS CAD DU RNAM PAR MI RTOG PA'I YE SHES BSTAN TE, DE LTAR NA SHES RAB KYI PHA ROL TU @18B PHYIN PA'I DON MTHA' DAG NI MI MTHUN PA'I PHYOGS DANG GNYEN PO DANG BCAS PAR RIG PAR BYA'O, ,GAL TE RNAM GRANGS KYIS GZHAN GYI DBANG GI NGO BO NYID GSUM YIN DU ZIN NA, 'O NA JI LTAR NGO BO NYID DU GSUM BYE BRAG MED PAR MI 'GYUR ZHES NA, RNAM GRANGS GANG GIS GZHAN GYI DBANG YIN PAS DES KUN TU BRTAGS PA MA YIN, YONGS SU GRUB PA MA YIN NO, ,RNAM GRANGS GANG GIS KUN TU BRTAGS PA YIN PA DES GZHAN GYIS DBANG MA YIN YONGS SU GRUB PA MA YIN NO, ,RNAM GRANGS GANG GIS YONGS SU GRUB PA GANG YIN PA DES GZHAN GYI DANG MA YIN, KUN BRTAGS PA MA YIN NO, ,GZHAN GYI DBANG GI NGO BO NYID KUN TU BRTAGS PA'I NGO BO NYID DU JI LTAR SNANG BA DE'I BDAG NYID MA YIN PAR CIS MNGON ZHE NA, MING GI SNGA ROL NA BLO MED PAS DE'I BDAG NYID DU 'GAL BA DANG, MING MANG POS BDAG MANG POR BA DANG, MING NGES PA MED PAS BDAG 'DRES PAR 'GAL BA NYID KYI PHYIR RO, ,'DIR TSIGS SU BCAD PA, MING GI SNGA ROL BLO MED PHYIR, ,MANG BA'I PHYIR DANG MA NGES PHYIR, ,DE YI BDAG NYID BDAG MANG DANG, ,BDAG 'DRES 'GAL BAS GRUB PAR 'GYUR, ,CHOS RNAMS MED LA DMIGS PA DANG, ,KUN NAS NYON MONGS MED RNAM DAG, ,SGYU MA LA SOGS PA MED 'DRA DANG, ,DE BZHIN MKHA' 'DRAR SHES PAR BYA, ,JI LTAR SNANG BA DE BZHIN DU MED DU ZIN NA, GZHAN GYI DBANG GI NGO BO NYID THAMS CAD KYI THAMS CAD DU MED PAR CI'I PHYIR MI 'GYUR, DE MED NA YONGS SU GRUB PA'I NGO BO NYID MED DE THAMS CAD MED PA NYID DU JI LTAR MI 'GYUR ZHE NA, GZHAN GYI DBANG DANG YONGS SU GRUB PA'I NGO BO NYID MED DU ZIN NA, KUN NAS NYON MONGS PA DANG RNAM PAR BYANG BA MED PA'I NYES PAR 'GYUR BA'I PHYIR RO, ,KUN NAS NYON MONGS PA DANG RNAM PAR BYANG BA NI DMIGS SO, ,DE LTA BAS NA THAMS CAD MED PA MA YIN NO, ,'DIR TSIGS SU BCAD PA, GZHAN GYI DBANG DANG YONGS SU GRUB PA, ,RNAM PA KUN TU YOD MIN NA, ,KUN NAS NYON MONGS RNAM PAR DAG, ,DUS KUN TU NI MED PAR 'GYUR, ,SANGS RGYAS BCOM LDAN 'DAS RNAMS KYIS THEG PA CHEN PO SHIN TU RGYAS PA BSTAN PA GANG YIN PA'I BSTAN PA DER KUN TU BRTAGS PA'I NGO BO NYID JI LTAR RIG PAR BYA ZHE NA, MED PA'I RNAM GRANGS @19A *, ,BSTAN PAS RIG PAR BYA'O, ,GZHAN GYI DBANG GI NGO BO NYID JI LTAR RIG PAR BYA ZHE NA, SGYU MA DANG, SMIG RGYU DANG, RMI LAM DANG, MIG YOR DANG, GZUGS BRNYAN DANG, BRAG CA DANG, CHU ZLA DANG, SPRUL PA LTA BUR RIG PAR BYA'O, ,YONGS SU GRUB PA'I NGO BO NYID JI LTAR RIG PAR BYA ZHE NA, RNAM PAR BYANG BA'I CHOS RNAM PA BZHI BSTAN PAS RIG PAR BYA STE, RNAM PAR BYANG BA'I CHOS RNAM PA BZHI LA, RANG BZHIN GYIS RNAM PAR BYANG BA NI 'DI LTA STE, DE BZHIN NYID DANG, STONG PA NYID DANG, YANG DAG PA'I MTHA' DANG, MTSAN MA MED PA DANG, DON DAM PA STE, CHOS KYI DBYINGS KYANG DE YIN NO, ,DRI MA MED PAR RNAM PAR BYANG BA NI 'DI LTA STE, DE NYID SGRIB PA THAMS CAD DANG MI LDAN PA'O, ,DE THOB PA'I LAM RNAM PAR BYANG BA NI 'DI LTA STE, BYANG CHUB KYI PHYOGS DANG MTHUN PA'I CHOS THAMS CAD DANG, PHA ROL TU PHYIN PA LA SOGS PA'O, ,DE BSKYED PA'I PHYIR DMIGS PA RNAM PAR BYANG BA NI 'DI LTA STE, THEG PA CHEN PO'I DAM PA'I CHOS BSTAN PA STE, 'DI LTAR DE NI RNAM PAR BYANG BA'I RGYU YIN PA'I PHYIR KUN TU BRTAGS PA MA YIN NO, ,CHOS KYI DBYINGS RNAM PAR DAG PA'I RGYU MTHUN PA YIN PAS GZHAN GYI DBANG MA YIN NO, ,RNAM PA BZHI PO 'DI DAG GIS RNAM PAR BYANG BA'I CHOS THAMS CAD BSDUS PA YIN NO, ,'DIR TSIGS SU BCAD PA, BYUNG RTEN SGYU MA LA SOGS BSTAN, ,RTAGS LA BRTEN NAS MED PA BSTAN, ,RNAM PAR DAG PA BZHI BRTEN NAS, ,YONGS SU GRUB PA BSTAN PA YIN, ,DAG PA DE NI RANG BZHIN DANG, ,DRI MA MED PA DANG LAM DANG DMIGS, ,RNAM PAR DAG PA'I CHOS KYI RNAMS, ,RNAM PA BZHI POS BSDUS PA YIN, ,GZHAN GYI DBANG GI NGO BO NYID CI'I PHYIR JI SKAD SMOS PA'I SGYU MA LA SOGS PA LTA BUR BSTAN ZHE NA, GZHAN GYI DBANG GI NGO BO NYID LA GZHAN DAG NOR BA NYID DU SOM NYI ZA BA BZLOG PA'I PHYIR RO, ,GZHAN GYI DBANG GI NGO BO NYID LA GZHAN DAG JI LTAR NOR BA NYID DU SOM NYI ZA BAR 'GYUR ZHE NA, 'DI LTAR GZHAN DAG 'DI SNYAM DU DON MED PA JI LTAR SPYOD YUL DU 'GYUR SNYAM DU SEMS PA DE DAG GI SOM NYI ZA BA DE BZLOG PA'I PHYIR SGYU MA LTA BA NYID DO, ,SEMS DANG SEMS LAS BYUNG BA DON MED PA RNAMS JI @19B LTAR DBYUNG SNYAM DU SOM NYI ZA BA BZLOG PA'I PHYIR SMIG RGYU LTA BU NYID DO, ,DON MED NA 'DOD PA DANG MI 'DOD PA'I NYER BAR SPYOD PAR JI LTAR 'GYUR SNYAM DU SOM NYI ZA BA BZLOG PA'I PHYIR RMI LAM LTA BU NYID DO, ,DON MED NA LAS DGE BA DANG MI DGE BA RNAMS KYI 'BRAS BU 'DOD PA DANG MI 'DOD PA JI LTAR MNGON PAR 'GRUB PAR 'GYUR SNYAM DU SOM NYI ZA BA BZLOG PA'I PHYIR GZUGS BRNYAN LTA BU NYID DO, ,DON MED NA JI LTAR RNAM PAR SHES PA SNA TSOGS 'BYUNG SNYAM DU SOM NYI ZA BA BZLOG PA'I PHYIR MIG YOR LTA BU NYID DO, ,DON MED NA JI LTAR THA SNYAD BRJOD PA SNA TSOGS 'BYUNG SNYAM DU SOM NYI ZA BA BZLOG PA'I PHYIR GRAG CA[?] LTA BU NYID DO, ,DON MED NA JI LTAR YANG DAG PAR 'DZIN PA'I TING NGE 'DZIN GYI SPYOD YUL 'BYUNG SNYAM DU SOM NYI ZA BA BZLOG PA'I PHYIR CHU ZLA LTA BU NYID DO, ,DON MED NA BYANG CHUB SEMS DPA' SEMS PHYIN CI MA LOG PA RNAMS SEMS CAN GYI BYA BA SGRUB PA'I PHYIR BSAMS BZHIN DU JI LTAR SKYE SNYAM DU SOM NYI ZA BA BZLOG PA'I PHYIR SPRUL PA LTA BU NYID BSTAN TO, ,BCOM LDAN 'DAS KYIS CI LAS DGONGS TE, TSANGS PAS ZHUS PA LAS DE BZHIN GSHEGS PAS 'KHOR BA YANG MI DMIGS, MYA NGAN LAS 'DAS PA YANG MI DMIGS ZHES BSTAN ZHE NA, GZHAN GYI DBANG GI NGO BO NYID KUN TU BRTAGS PA DANG, YONGS SU GRUB PA'I NGO BO NYID YIN PA'I PHYIR 'KHOR BA DANG MYA NGAN LAS 'DAS PA NYID BYE BRAG MED PA LAS DGONGS NAS BSTAN TE, 'DI LTAR GZHAN GYI DBANG GI NGO BO NYID DE NYID KUN TU BRTAGS PA'I CHOS NI 'KHOR BA'O, ,YONGS SU GRUB PA'I CHOS NI MYA NGAN LAS 'DAS PA'O, ,CHOS MNGON PA'I MDO LAS CHOS NYI GSUM STE, KUN NAS NYON MONGS PA DANG, RNAM PAR BYANG BA DANG, DE GNYI GA'I CHAR GTOGS PA'O ZHES BCOM LDAN 'DAS KYIS GANG GSUNGS PA CI LAS DGONGS TE GSUNGS SHE NA, GZHAN GYI DBANG GI NGO BO NYID LA KUN TU BRTAGS PA'I NGO BO NYID YOD PA NI KUN NAS NYON MONGS PA'I THAR GTOGS PA'O; ;YONGS SU GRUB PA'I NGO BO NYID YOD PA NI RNAM PAR BYANG BA'I CHAR GTOGS PA'O, ,GZHAN GYI DBANG DE NYID NI DE GNYI GA'I CHAR GTOGS PA STE, 'DI LA DGONGS NAS BKA' STZAL TO, ,DON 'DI LA DPE CI YOD CE NA, DPE NI SA KHONG NA GSER YOD PA STE, DPER NA SA KHONG NA GSER YOD PA LA NI SA'I @20A *, ,KHAMS DANG SA DANG GSER DANG GSUM DMIGS SO, ,DE LA SA'I KHAMS LA NI MED PA'I SA DMIGS LA, YOD PA'I GSER NI MI DMIGS TE, 'DI LTAR MES REG NAS NI MI SNANG LA GSER NI SNANG NGO, ,SA'I KHAMS NI SAR SNANG BA LA LOG PAR SNANG NGO, ,GSER DU SNANG BA NA DE BZHIN DU SNANG NGO, ,DE BAS NA SA'I KHAMS NI GNYI GA'I CHAR GTOGS PA'O, ,DE BZHIN DU RNAM PAR RIG PA LA RNAM PAR MI RTOG PA'I YE SHES KYI MES MA REG PA NA, RNAM PAR RIG PA DE YANG DAG PA MA YIN PA KUN BRTAGS PA'I NGO BO NYID DU SNANG GI, YANG DAG PA YONGS SU GRUB PA'I NGO BO NYID DU NI MI SNANG LA, RNAM PAR SHES PA LA RNAM PAR MI RTOG PA'I YE SHES KYI MES REG PA NA, RNAM PAR RIG PA DE YANG DAG PA YONGS SU GRUB PA'I NGO BO NYID DU SNANG GI, LOG PAR KUN TU BRTAGS PA'I NGO BO NYID DU NI MI SNANG NGO, ,DE LTA BAS NA YANG DAG PA MA YIN PA KUN TU RTOG PA'I RNAM PAR RIG PAS GZHAN GYI DBANG GI NGO BO NYID DE NI GNYI GA'I CHAR GTOGS PA YIN TE, SA KHONG NA GSER YOD PA LA SA'I KHAMS BZHIN NO, ,BCOM LDAN 'DAS KYIS LA LAR NI CHOS THAMS CAD RTAG GO ZHES BSTAN, LA LAR NI MI RTAG GO ZHES BSTAN, LA LAR NI RTAG PA YANG MA YIN MI RTAG PA YANG MA YIN NO ZHES BSTAN PA CI LAS DGONGS TE RTAG PA ZHES BSTAN ZHE NA, GZHAN GYI DBANG GI NGO BO NYID YONGS SU GRUB PA'I CHAS RTAG PA'O, ,KUN TU BRTAGS PA'I NGO BO NYID KYI CHAS MI RTAG PA'O, ,GNYI GA'I CHAS RTAG PA YANG MA YIN MI RTAG PA YANG MA YIN PA 'DI LAS DGONGS NAS BSTAN TO, ,JI LTAR RTAG PA DANG MI RTAG PA DANG GNYIS SU MED PA DE BZHIN DU, BDE BA DANG SDUG BSNGAL BA DAG KYANG GNYIS SU MED PA DANG, DGE BA DANG MI DGE BA DAG KYANG GNYIS SU MED PA DANG, STONG PA DANG MI STONG PA DANG GNYIS SU MED PA DANG, BDAG DANG BDAG MED PA DANG GNYIS SU MED PA DANG, ZHI BA DANG MA ZHI BA DANG GNYIS SU MED PA DANG, NGO BO NYID YOD PA DANG NGO BO NYID MED PA DANG GNYIS SU MED PA DANG, SKYES PA DANG MA SKYES PA DANG GNYIS SU MED PA DANG, 'GAGS PA DANG MA 'GAGS PA DANG GNYIS SU MED PA DANG, GZOD MA NAS ZHI BA DANG GZOD MA NAS MA ZHI BA DANG GNYIS SU MED PA DANG, RANG BZHIN GYIS MYA NGAN LAS 'DAS PA DANG, RANG BZHIN GYIS @20B MYA NGAN LAS MA 'DAS PA DANG GNYIS SU MED PA DANG, 'KHOR BA DANG MYA NGAN LAS 'DAS PA DAG KYANG GNYIS SU MED DO ZHES BYA BA LA SOGS PA'I RAB TU DBYE BA DAG GIS SANGS RGYAS BCOM LDAN 'DAS RNAMS KYI LDEM PO DAG THAMS CAD RTAG PA DANG MI RTAG PA LA SOGS PA'I RNAM GRANGS STAN PA BZHIN DU, NGO BO NYID GSUM YIN PA DAG TU KHONG DU CHUD PAR BYA'O, ,'DIR TSIGS SU BCAD PA, JI LTAR CHOS RNAMS YOD MIN ZHING, ,JI LTAR RNAM PA DU MAR SNANG, ,DE BZHIN CHOS DANG CHOS MED PA, ,GNYIS SU MED PA'I DON DU BSTAN, ,CHA RES DE DAG MED PA DANG, ,YOD PA ZHES NI RAB TU BSTAN, ,GNYI GA'I CHAS NI YOD MIN ZHING, ,MED PA'ANG MIN ZHES BRJOD PA MDZAD, ,JI LTAR SNANG BA DE BZHIN MED, ,DE PHYIR MED CES BRJOD PA MDZAD, ,GANG PHYIR DE LTAR SNANG GYUR PA, ,DE PHYIR YOD CES BRJOD PA MDZAD, ,RANG DANG BDAG NYID MED PA'I PHYIR, ,RANG GI DNGOS LA MI GNAS PHYIR, ,GZUNG BA BZHIN DU DE MED PHYIR, ,NGO BO NYID MED DU BZHED PA, ,NGO BO NYID NI MED PA YIS, ,PHYI MA PHYI MA BRTEN BYAS TE, ,SKYE MED 'GAG MED GZOD ZHI DANG, ,RANG BZHIN MYA NGAN 'DAS PAR GRUB, ,YANG DGONGS PA BZHIN DANG LDEM POR DGONGS PA BZHIS SANGS RGYAS KYI GSUNG THAMS CAD KHONG DU CHUD PAR BYA'O, ,MNYAM PA NYID LA DGONGS PA NI 'DI LTA STE, DA NYID DE'I TSE DE'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAM PAR GZIGS SU GYUR TO ZHES BYA BA LTA BU'O, ,DUS GZHAN LA DGONGS PA NI 'DI LTA STE, DE BZHIN GSHEGS PA RIN CHEN MANG GI MTSAN BZUNG BAS BLA NA MED PA YANG DAG PAR RDZOGS PA'I BYANG CHUB TU NGES PAR 'GYUR RO ZHES BYA BA LTA BU DANG SMON LAM BTAB PA TZAM GYIS 'JIG RTEN GYI KHAMS BDE BA CAD DU SKYE BAR 'GYUR RO ZHES JI SKAD GSUNGS PA LTA BU'O, ,DON GZHAN LA DGONGS PA NI SANGS RGYAS G'A'I KLUNG GI BYE MA SNYED CIG LA BSNYEN BKUR BYAS NA THEG PA CHEN PO'I CHOS KYI DON KHONG DU CHUD PAR 'GYUR RO ZHES JI SKAD GSUNGS PA LTA BU'O, ,GANG ZAG GI BSAM PA LA DGONGS PA NI 'DI LTA STE, GANG ZAG KHA CIG LA SBYIN PA BSNGAGS LA, DE NYID LA BSNGAGS PA MA YIN PA'ANG GSUNGS PA DANG, SBYIN PA JI LTA BAR TSUL KHRIMS DANG @21A *, ,BSGOM PA KHA CIG KYANG DE BZHIN DU, 'DI NI DGONGS PA RNAM PA BZHI'O, ,YANG LDEM POR DGONGS PA BZHI STE, GZHUG PA LA LDEM POR DGONGS PA NI 'DI LTA STE, NYAN THOS KYI THEG PA'AM, THEG PA CHEN POR GANG ZAG DANG TSOS KYI NGO BO NYID DANG KHYAD PAR KUN RDZOB KYI BDEN PA'I TSUL DU BSTAN PA'O, ,MTSAN NYID LA LDAN POR DGONGS PA NI GANG DU CHOS KYI MTSAN NYID BSTAN PAS NGO BO NYID DU GSUM PO DAG STON PA'O, ,GNYEN PO LA LDEM POR DGONGS PA NI, GANG DU SPYOD PA BRGYAD KHRI BZHI STONG GI GNYEN PO BSTAN PA'O, ,BSGYUR BA LA LDEM POR DGONGS PA NI GANG DU SGRAS DON GZHAN DU BRJOD LA, DON NYID GZHAN DU STON PA STE, 'DIR TSIGS SU BCAD PA, SNYING PO MED PA LA SNYING POR SHES, ,PHYIN CI LOG LA SHIN TU GNAS, ,NYON MONGS KUN NAS RAB NYON MONGS, ,BYANG CHUB DAM PA THOB PAR 'GYUR, ,THEG PA CHEN PO'I CHOS 'CHAD PAR 'DOD PAS MDOR BSDU NA RNAM PA GSUM GYIS BSHAD PAR BYA STE, RTEN CING 'BREL PAR 'BYUNG BA BSTAN PA DANG, RTEN CING 'BREL PAR 'BYUNG BA'I CHOS RNAMS KYI MTSAN NYID BSTAN PA DANG, BSHAD ZIN PA'I DON BSTAN PAS BSHAD PAR BYA'O, ,DE LA RTEN CING 'BREL PAR 'BYUNG BA BSTAN PA NI, CHOS RNAMS BRJOD PA'I BAG CHAGS LAS BYUNG STE DE DAG NYID LAS DE ZHES JI SKAD GSUNGS PA LTA BU STE, RNAM PAR SMIN PA DANG 'JUG PA'I RNAM PAR SHES PA DAG PHAN TSUN DU RKYEN DU GYUR PAS 'BYUNG BA'I PHYIR RO, ,'JUG PA'I RNAM PAR SHES PA'I MTSAN NYID KYI CHOS DE DAG NI RGYU MTSAN DANG LTA BA DANG BCAS PA'I RNAM PAR RIG PA'I NGO BO NYID DO, ,DE DAG KYANG GNAS KYI MTSAN NYID DANG, KUN BRTAGS PA'I MTSAN NYID DANG, CHOS NYID KYI MTSAN NYID DO, ,'DIS NI NGO BO NYID GSUM GYI MTSAN NYID BSTAN PA YIN TE, RGYU MTSAN LTA DANG BCAS PA LAS, ,DE DAG MTSAN NYID GSUM SHES BYA, ,ZHES JI SKAD GSUNGS PA LTA BU'O, ,DE DAG GI MTSAN NYID JI LTAR BSHAD PAR BYA ZHE NA, GZHAN GYI DBANG GI MTSAN NYID LA KUN BRTAGS PA'I MTSAN NYID NI MED LA, YONGS SU GRUB PA'I MTSAN NYID NI DE NA YOD NA, DE KHO NA MA MTHONG BA DANG MTHONG BAS DUS GCIG TU DE GNYI GA YOD PA DANG MED PAR MI DMIGS PA'AM DMIGS PA'O, ,GZHAN GYI DBANG GI NGO BO @21B NYID LA KUN BRTAGS PA MED PA DANG YONGS SU GRUB PA YOD PA'I PHYIR 'BYUNG STE, DE DMIGS PA NA DE MI DMIGS PA'I PHYIR RO, ,DE MI DMIGS PA NA DE DMIGS PA'I PHYIR RO, ,GZHAN DBANG LA NI BRTAGS PA MED, ,YONGS SU GRUB PA DE NA YOD, ,DE PHYIR DE LA GNYI GA YANG, ,MI DMIGS DMIGS PA MNYAM PA YIN, ,ZHES JI SKAD BSHAD PA LTA BU'O, ,BSHAD ZIN PA DON BSHAD PA GANG ZHE NA, 'DI LTA STE, TSIG SNGAR BSHAD ZIN PA'I TSIG LHAG MA RNAMS KYIS DE YON TAN GYI DBANG DU BYA BA'O, DON GYI DBANG DU BYA BAS RNAM PAR PHYE STE BSTAN PA'O, ,YON TAN GYI DBANG DU BYA BA NI, 'DI LTA STE, SHIN TU RNAM PAR DAG PA'I BLO MNGA' BA KUN TU SPYOD PA GNYIS MI MNGA' BA, MTSAN NYID MED PA'I CHOS LA MCHOG TU GZHOL BAR MDZAD PA, SANGS RGYAS KYI GNAS PAS GNAS PA, SANGS RGYAS THAMS CAD DANG MNYAM PA NYID BRNYES PA, SGRIB PA MI MNGA' BAS RTOGS PAR THUGS SU CHUD PA, PHYIR MI LDOG PA'I CHOS DANG LDAN PA, SPYOD YUL GYIS MI 'PHROGS PA, RNAM PAR GZHAG PA BSAM GYIS MI KHYAB PA, DUS GSUM MNYAM PA NYID DU THUGS SU CHUD PA, 'JIG RTEN GYI KHAMS THAMS CAD DU KHYAB PA'I SKU DANG LDAN PA, CHOS THAMS CAD LA THE TSOM MED PA'I YE SHES MNGA' BA, SPYOD PA THAMS CAD DANG LDAN PA'I BLO MNGA' BA, CHOS MKHYEN PA LA NEM NUR MED PA, RNAM PAR MA BRTAGS PA'I SKU MNGA' BA, YE SHES BYANG CHUB SEMS DPA' THAMS CAD KYIS YANG DAG PAR MOS PA, SANGS RGYAS KYI GNAS PA GNYIS SU MED PA DAM PA'I PHA ROL TU PHYIN PA, DE BZHIN GSHEGS PA MA 'DRES PA'I RNAM PAR THAR PAR MDZAD PA'I YE SHES KYI MTHAR PHYIN PA, MTHA' DANG DPUNG MED PA'I SANGS RGYAS KYI SA MNYAM PA NYID DU THUGS SU CHUD PA, CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA, PHYIN MA'I MTHA'I MUR THUG PA ZHES SANGS RGYAS KYI YON TAN RNAMS BSTAN PA'O, SHIN TU RNAM PAR DAG PA'I BLO MNGA' BA ZHES BYA BA'I TSIG 'DI'I RNAM PAR DBYE BA NI TSIG LHAG MA RNAMS YIN PAR RIG PAR BYA STE, DE LTAR NA CHOS NYID LEGS PAR BSHAD PA YIN NO, ,SHIN TU RNAM PAR DAG PA'I BLO MNGA' BA ZHES BYA BA 'DI NI SANGS RGYAS BCOM LDAN 'DAS RNAMS KYI BLO SHIN TU RNAM PAR DAG PA @22A *, ,'DI NI YON TAN BCU DGUS BSDUS PAR RIG PAR BYA STE, SHES BYA LA SHIN TU SGRIB PA MED PAR 'JUG PA'I YON TAN DANG, YOD PA DANG MED PA GNYIS SU MED PA'I MTSAN NYID DE BZHIN NYID MCHOG TU RNAMS PAR DAG PA SHES PAR MDZAD PA'I YON TAN DANG, SANGS RGYAS KYI MDZAD PA LHUN GYIS GRUB PA RGYUN MI GCOD PAR GNAS PA'I YON TAN DANG, CHOS KYI SKU LA GNAS PA DANG DGONGS PA DANG, PHRIN LAS THA DAD PA MED PA'I YON TAN DANG, SGRIB PA THAMS CAD KYI GNYEN PO BSGOMS PA'I YON TAN DANG, MU STEGS CAN THAMS CAD KYIS MI THUB PA'I YON TAN DANG, 'JIG RTEN DU SKYES KYANG 'JIG RTEN PA'I CHOS KYIS MI 'PHROGS PA'I YON TAN DANG, CHOS RNAM PAR GZHAG PA'I YON TAN DANG, LUNG STON PA'I YON TAN DANG, 'JIG RTEN GYI KHAMS THAMS CAD DU LONGS SPYOD RDZOGS PA DANG SPRUL PA'I SKU STON PA'I YON TAN DANG, THE TSOM GCOD PA'I YON TAN DANG, SPYOD PA SNA TSOGS KYIS 'JUG PAR MDZAD PA'I YON TAN DANG, PHYI MA LA CHOS 'BYUNG BA MKHYEN PA'I YON TAN DANG, MOS PA JI LTA BA BZHIN DU STON PA'I YON TAN DANG, SKU DPAG TU MED PAS SEMS CAN 'DUL BAR SBYOR BA'I YON TAN DANG, CHOS KYI SKU MNYAM PA LA PHA ROL TU PHYIN PA RNAMS 'GRUB PA'I YON TAN DANG; MOS PA JI LTA BA BZHIN DU SANGS RGYAS KYI ZHING MA 'DRES PA STON PA'I YON TAN DANG, SANGS RGYAS KYI SKU GSUM GYI YUL YONGS SU MA CHAD PA'I YON TAN DANG, 'KHOR BA'I MTHA' JI TZAM PAR SEMS CAN THAMS CAD LA PHAN PA DANG, BDE BA NYE BAR GNAS PA'I YON TAN DANG, MI ZAD PA NYID KYI YON TAN RNAMS KYIS BSDUS SO, ,DON GYI DBANG DU BYA BA NI YANG BYANG CHUB SEMS DPA' CHOS SUM CU RTZA GNYIS DANG LDAN NA BYANG CHUB SEMS DPA' BYANG CHUB SEMS DPA' ZHES BYA BA STE, SUM CU RTZA GNYIS GANG ZHE NA, SEMS CAN THAMS CAD LA PHAN PA DANG BDE BAR BYA BA'I LHAG PA'I BSAM PA DANG, THAMS CAD MKHYEN PA'I YE SHES LA 'DZUD PA DANG BDAG CI RI ZHES YONGS SU SHES PA DANG, NGA RGYAL BCOM PA DANG, LHAG PA'I BSAM PA BRTAN PA DANG, BCOS MA MA YIN PAR BYAMS PA DANG, MDZA' BA DANG MI MDZA' BA LA SEMS SNYOMS PA DANG, MYA NGAN LAS 'DAS PA'I MTHONG BAR DU GTAN DU @22B MDZA' BA DANG, TSIG RAN PA DANG, 'DZUM PA'I BZHIN GYIS GSONG POR SMRA BA DANG, SNYING RJE CHEN PO YONGS SU MA CHAD PA DANG, KHUR BLANGS PA RNAMS LA SKYID LUG PA MED PA DANG, YID YONGS SU MI SKYO BA DANG, THOS PA DANG DON GYIS NGOMS MI MYONG BA DANG, BDAG GI 'KHRUL PA RNAMS LA NYES PAR LTA BA DANG, BZHIN GYI 'KHRUL PA RNAMS LA MI GSHE BAR BSGO BA DANG, SPYOD LAM THAMS CAD DU BYANG CHUB KYI SEMS YONGS SU SBYONG BAR BYED PA DANG, RNAM PAR SMIN PA LA MI RE BA'I SBYIN PA DANG, SRID PA'I 'GRO BAR SKYE BA THAMS CAD LA MI GNAS PA'I TSUL KHRIMS DANG, SEMS CAN THAMS CAD LA ZHE 'GRAS PA MED PA'I BZOD PA DANG, DGE BA'I RTZA BA THAMS CAD YANG DAG PAR SDUD PA'I BRTZON 'GRUS DANG, GZUGS MED PA'I KHAMS RNAM PAR BSTZAL BA'I BSAM GTAN DANG, THABS DANG LDAN PA'I SHES RAB DANG, BSDU BA'I DNGOS PO BZHIS ZIN PA'I THABS DANG, TSUL KHRIMS DANG LDAN PA RNAMS DANG, TSUL KHRIMS 'CHAL PA RNAMS LA GNYIS SU MED PA'I BYAMS PA DANG, GUS PAR BYAS TE CHOS NYAN PA DANG, GUS PAR BYAS TE DGON PAR GNAS PA DANG, 'JIG RTEN GYI SNA TSOGS DAG LA MI DGA' BA DANG, THEG PA DMAN PA MI 'DOD PA DANG, THEG PA CHEN PO'I PHAN YON LA LTA BA DANG, SDIG PA'I GROGS PO YONGS SU SPONG BA DANG, DGE BA'I BSHES GNYEN LA BRTEN BA DANG, TSANGS PA'I GNAS PA BZHIN YONGS SU SPONGS BA DANG, MNGON PAR SHES PA LNGAS RNAM PAR RTZEN BA DANG, YE SHES LA RTON PA DANG, SGRUB PA DANG LOG PAR SGRUB PA LA GNAS PA'I SEMS CAN RNAMS MI GTONG BA DANG, TSIG GCIG TU CHAD PA DANG, BDEN PA GCES SU BYED PA DANG, BYANG CHUB KYI SEMS DE SNGON DU 'GRO BA ZHES JI SKAD GSUNGS PA LTA BU STE, TSIG 'DI RNAMS KYIS KYANG TSIG DANG PO RAB TU DBYE BAR RIG PAR BYA'O, ,SEMS CAN THAMS CAD LA PHAN PA DANG BDE BAR BYA BA'I LHAG PA'I BSAM PA ZHES BYA BA LA PHAN PA DANG, BDE BAR BYA BA'I LHAG PA'I BSAM PA'I TSIG 'DI NI LAS BCU DRUG GIS RAB TU DBYE BAR RIG PAR BYA STE, DE LA LAS BCU DRUG NI GCIG NAS GCIG TU BRGYUD PA'I SBYOR BA'I LAS DANG, PHYIN CI LOG MED PA'I LAS DANG, GZHAN GYIS BYED DU MA BCUG PAR BDAG NYID SBYOR BA'I LAS DANG, MI 'KHRUGS @23A *, ,BA'I LAS DANG, ZANG ZING DANG MA 'DRES PA DANG, PHAN 'DOGS PA DANG, GNOD PA BYED PA LA RJES SU CHAGS PA DANG, KHONG KHRO BA MED PA DANG, TSE RABS GZHAN DU YANG RJES SU 'JUG PA DANG, TSIG GSUM GYIS ZANG ZING MED PA'I LAS DANG, TSIG GNYIS KYIS DE DANG MTHUN PA'I NGAG DANG, LUS KYI LAS DANG, BDE BA DANG, SDUG BSNGAL GNYIS SU MED PAR MNYAM PA NYID KYI LAS DANG, MI ZHUM PA'I LAS DANG, MI BZLOG PA'I LAS DANG, THABS YONGS SU 'DZIN PA'I LAS DANG, TSIG GNYIS KYIS MI MTHUN PA'I PHYOGS LAS 'DUN PA BZLOG PA'I LAS DANG, RGYUN MI 'CHAD PAR DE YID LA BYED PA'I LAS DANG, PHA ROL TU PHYIN PA DRUG LA YANG DAG PAR SBYOR BA DANG, BSDU BA'I DNGOS PO LA SBYOR BA DANG, TSIG BDUN GYIS KHYAD PAR DU 'GRO BA'I LAS DANG, SKYES BU DAM PA LA BRTEN PA DANG, DAM PA'I CHOS NYAN PA DANG, DGON PA LA GNAS PA DANG; RNAM PAR RTOG PA BZANG PO MA YIN PA YONGS SU SPONG BA DANG, GNYIS KYIS YID LA BYED PA'I YON TAN DANG, GNYIS KYIS GROGS KYI YON TAN DANG, TSIG DRUG GIS GRUB PAR SBYOR BA'I LAS DANG, TSAD MED PA YONGS SU DAG PA DANG, MTHU THOB PA DANG, RTOGS PA'I YON TAN DANG, TSIG GSUM GYIS GRUB PA'I LAS DANG, TSOGS YONGS SU SDUD PA'I YON TAN DANG, THE TSOM MED PAR 'DOMS SHING RJES SU STON PA DANG, GCIG NI CHOS DANG ZANG ZING GIS SDUD PA DANG, SEMS KUN NAS NYON MONGS PA CAN MA YIN PA DANG, TSIG BZHIS DES 'JOG PA'I LAS DANG, TSIG 'DI RNAMS KYIS TSIG DANG PO RAB TU DBYE BAR RIG PAR BYA STE, DANG PO'I TSIG NI NYER BZUNG NAS, ,TSIG DBYE YON TAN RJES SU 'GRO, ,DANG PO'I TSIG NI NYER BZUNG NAS, ,THA DAD DON GYIS THA DAD TSIG, ,CES JI SKAD GSUNGS PA LTA BU'O, ,THEG PA CHEN PO BSDUS PA LAS SHES BYA'I MTSAN NYID DE LE'U GNYIS PA RDZOGS SO,, ,,BAM PO GSUM PA, SHES BYA'I MTSAN NYID DE LTAR BSHAD PA LA SHES BYA'I MTSAN NYID LA 'JUG PA JI LTAR BLTA ZHE NA, MANG DU THOS PAS BSGOS PA'I GNAS, KUN GZHI RNAM PAR SHES PAS BSDUS PA MA YIN LA, KUN GZHI RNAM PAR SHES PA @23B LTAR TSUL BZHIN YID LA BYED PAS BSDUS PA CHOS DANG DON SNANG BA 'BYUNG BA'I TSUL CAN GZUNG BA'I DNGOS PO'I GNAS LTA BU LTA BA DANG BCAS PA'I YID KYI RJOD PA RNAMS KYI SA BON YIN PA'O, ,'DI LA SHES BYA'I MTSAN NYID LA 'JUG PA SU ZHE NA, SEMS KYI RGYUD THEG PA CHEN PO'I CHOS MANG DU THOS PAS BSGOS PA, SANGS RGYAS 'BYUNG BA TSAD MED PA MNYES PAR BYA BA THOB PA GCIG TU MOS PA CAN DGE BA'I RTZA BA LEGS PAR BSAGS PA'I PHYIR, BSOD NAMS DANG YE SHES KYI TSOGS LEGS PAR BSAGS PA'I BYANG CHUB SEMS DPA'O, ,GANG DU 'JUG CE NA LTA BA DANG BCAS PA'I CHOS DANG DON SNANG BA'I YID KYI BRJOD PA THEG PA CHEN PO'I CHOS KYI RGYU LAS BYUNG BA DE NYID LA MOS PAS SPYOD PA'I SA DANG, MTHONG BA'I LAM DANG, BSGOM PA'I LAM DANG, MTHAR PHYIN PA'I LAM LA 'JUG STE, CHOS THAMS CAD RNAM PAR RIG PA TZAM DU RJES SU SGROGS PA LA MOS PA DANG, JI LTA BA BZHIN DU DE RAB TU RTOGS PA DANG, SGRIB PA THAMS CAD KYI GNYEN PO SGOM PA DANG, SGRIB PA MED PA'I PHYIR RO, ,JI LTAR GANG GIS 'JUG CE NA, DGE BA'I RTZA BA'I STOBS BSKYED PA DANG, RNAM PA GSUM GYIS SEMS SBYONG BA DANG, GNAS BZHI SPONG BA DANG, CHOS DANG DON LA DMIGS PA'I ZHI GNAS DANG, LHAG MTHONG BSGOM PA RTAG TU DANG GUS PAR BYAS TE SBYOR BA LA DANG BAG YOD PAS 'JUG GO, ,'JIG RTEN GYI KHAMS DPAG TU MED PA RNAMS KYI MIR GYUR PA'I SEMS CAN DPAG TU MED PA DAG SKAD CIG GCIG LA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O SNYAM PA NI SEMS SBYONG BA DANG PO'O; ;BSAM PA GANG GIS SBYIN PA LA SOGS PA PHA ROL TU PHYIN PA RNAMS LA KUN TU SPYOD PA'I BSAM PA DE DAG GIS THOB STE, DES BDAG TSEGS CHUNG NGUS PHA ROL TU PHYIN PA BSGOM PA YONGS SU RDZOGS PAR 'GYUR RO SNYAM PA NI SBYONG BA GNYIS PA'O, ,DGE BA SGRIB PA DANG BCAS PA YANG DGE BA'I CHOS RNAMS DANG LDAN NA 'PHRAL DU SHI LA, 'BRAL DU 'DOD PA BZHIN DU LUS THAMS CAD PHUN SUM TSOGS PAR SKYE NA, BDAG DGE BA SGRIB PA MED PA'I DGE BA DANG SHIN TU LDAN PA LTA 'PHRAL DU THAMS CAD DU PHUN SUM TSOGS PAR CI'I PHYIR MI 'GYUR SNYAM PA NI SBYONG BA GSUM PA'O, ,'DIR @24A *, ,TSIGS SU BCAS PA, GANG PHYIR SEMS CAN DPAG MED PA, ,MIR GYUR SKAD CIG RE RE LA, ,RDZOGS PA'I BYANG CHUB THOB GYUR PA, ,DE PHYIR ZHUM PAR MI BYA'O, ,BSAM PA GANG GIS LEGS YID KYIS, ,SBYIN PA LA SOGS BYED PA YI, ,BSAM PA DE THOB BRTAN RNAMS KYI, ,SBYIN PA LA SOGS NYID DU BRJOD, ,DGE DANG LDAN PA SHI MA THAG ,'DOD BZHIN PHUN SUM TSOGS LUS 'THOB, ,SPANGS PA DGE LDAN 'PHRAL DU YANG, ,PHUN SUM TSOGS DE CIS MI 'THOB, ,YID LA BYED PA SPANGS PAS NYAN THOS DANG RANG SANGS RGYAS YID LA BYED PA YONGS SU SPONG BA DANG; YID GNYIS DANG SOM NYID SPANGS PAS THEG PA CHEN PO LA THE TSOM THAMS CAD THE TSOM MED PA DANG, CHOS LA MNGON PAR ZHEN PA SPANGS PAS THOS PA DANG BSAM PA'I CHOS LA NGAR 'DZIN PA DANG, NGA YIR 'DZIN PAR MNGON PAR ZHEN PA YONGS SU SPONG BA DANG, RNAM PAR RTOG PA SPANGS PAS MDUN NA GNAS PA DANG, BZHAG PA'I MTSAN MA THAMS CAD YID LA MI BYED CING RNAM PAR MI RTOG PA'I PHYIR RO, ,'DIR TSIGS SU BCAD PA, MTSAN MA GANG ZHIG MDUN BZHAG DANG, ,GANG YANG BDAG NYID GNAS PA RNAMS, ,KUN LA BLO LDAN MI RTOG NA, ,BYANG CHUB DAM PA 'THOB PAR 'GYUR, ,GANG GIS JI SKAD 'JUG CE NA, ,THOS PA'I BAG CHAGS KYI RGYU LAS BYUNG BA, TSUL BZHIN YID LA BYED PAS BSDUS PA, CHOS DANG DON SNANG BA LTA BA DANG BCAS PA'I YID KYI BRJOD PA DANG, YONGS SU TSOL BA BZHIN STE, MING DANG DON DANG, NGO BO NYID DANG, BYE BRAG TU BTAGS PA YONGS SU TSOL BA RNAMS DANG, YANG DAG PA JI LTA BA BZHIN DU YONGS SU SHES PA BZHIN STE, MING DANG, DNGOS PO DANG, NGO BO NYID DANG, KHYAD PAR DU BTAGS PA DANG, NGO BO NYID DANG, KHYAD PAR YANG DAG PA JI LTA BA BZHIN DU YONGS SU SHES PA RNAMS KYIS 'JUG STE, DE DAG MI DMIGS PA'I PHYIR RO, ,'DI LTAR BYANG CHUB SEMS DPA' RNAM PAR RIG PA TZAM LA 'JUG PAR BRTZON PA DE LTA BU DE LTAR GYUR PA DE YI GE DANG DON SNANG BA'I YID KYI RJOD PA DE LA YI GE'I MING DE YANG YID KYI RTOG PA TZAM DU ZAD PAR YANG DAG PAR RTOG GO, ,YID GE LA BRTEN PA'I DON DE YANG YID KYI BRJOD PA TZAM DU ZAD PA DE NYID DU YANG DAG PAR RTOG GO, ,MING DE YANG @24B NGO BO NYID DANG, KHYAD PAR DU BRTAGS PAR ZAD PA TZAM DU YANG DAG PAR RTOG GO, ,DE'I PHYIR YID KYI RJOD PA TZAM DU ZAD PA NYID DU DMIGS SHING MING DANG BCAS PA'I DON NGO BO NYID DANG, KHYAD PAR DU BTAGS PA DANG BCAS SHING, NGO BO NYID DANG KHYAD PAR DU BCAS PA DON GYI MTSAN NYID DU MI DMIGS PA NA, YONGS SU TSOL BA BZHI DANG, YANG DAG PA JI LTA BA BZHIN DU YONGS SU SHES PA BZHI PO DAG GIS YI GE DANG DON SNANG BA'I YID KYI RNAM PAR RTOG PA DE DAG LA RNAM PAR RIG PA TZAM NYID DU 'JUG GO, ,RNAM PAR RIG PA TZAM NYID DE LA 'JUG CES NI JI SKAD BYA, CI 'DRA BAR NI 'JUG CE NA, DE TZAM NYID DANG, RGYU MTSAN DANG LTA BA DANG BCAS PA GNYIS DANG, SNANG TSOGS KYI RNAM PA GNYIS LA 'JUG STE, MING DANG DON DANG, NGO BO NYID DANG, KHYAD PAR DU BTAGS PA DANG, NGO BO NYID DANG KHYAD PAR GYI DON RNAM PA DRUG DON MED PA NYID DANG, DE DAG GZUNG BA DANG 'DZIN PA'I DNGOS POR NYE BAR GNAS PA DANG, LHAN CIG TU SNA TSOGS KYI DON SNANG BA 'BYUNG BA'I PHYIR RO, ,MUN KHUNG NA SPRUL DU SNANG BA'I THAG PA BZHIN DU 'JUG STE, DPER NA MED PA'I PHYIR THAG PA LA SBRUL NI NOR PA STE, DE'I DON RTOGS PA RNAMS NI MED PA LA SBRUL GYI BLO LDOG CING, THAG PA'I BLOR GNAS SO, ,DE YANG RNAM PA PHRA MOR BYA NA NOR PA STE; KHA DOG DANG, DRI DANG, RO DANG, REG PA'I MTSAN NYID YIN PA'I PHYIR RO, ,DE LA JI LTAR KHA DOG LA SOGS PA'I BLO LA BRTEN TE, THAG PA'I BLO YANG BZLOG PAR BYA BA DE BZHIN DU YONGS SU GRUB PA'I NGO BO NYID KYI BLO LA BRTEN TE, YI GE DANG DON RNAM PA DRUG SNANG BA'I YID KYI RTOG PA DE DAG LA, SBRUL GYI BLO BZHIN DU RNAM PA DRUG LA YANG DAG PA'I DON BSAL NA, RNAM PAR RIG PA TZAM GYI BLO YANG RNAM PAR GZHIG PAR BYA BA YIN NO, ,DE LTAR BYANG CHUB SEMS DPA' 'DI YID KYI BRJOD PA SNANG BA'I DON GYI MTSAN NYID LA 'JUG PAS, KUN BRTAGS PA'I NGO BO NYID LA 'JUG PA YIN NO, ,RNAM PAR RIG PA TZAM LA 'JUG PAS GZHAN GYI DBANG GI NGO BO NYID LA 'JUG PA YIN NO, ,YONGS SU GRUB PA'I NGO BO NYID LA JI LTAR 'JUG CE NA, RNAM PAR RIG PA TZAM GYI 'DU SHES KYANG BZLOG NAS 'JUG STE, DE'I TSE BYANG CHUB SEMS DPA' DON GYI 'DU SHES RNAM PAR BSHIG PA DE LA YID KYI @25A *, ,BRJOD PA THOB PA'I CHOS KYI BAG CHAGS KYI RGYU LAS BYUNG BA DE DAG DON DU SNANG BA THAMS CAD 'BYUNG BA'I SKABS MED PA YIN NO, ,DES NA RNAM PAR RIG PA TZAM DU SNANG BA YANG MI 'BYUNG STE, GANG GI TSE DON THAMS CAD LA RNAM PAR MI RTOG PA'I MING LA GNAS SHING, CHOS KYI DBYINGS LA MNGON SUM GYI TSUL GYIS GNAS PA DE'I TSE, BYANG CHUB SEMS DPA' DE'I DMIGS PAR BYA BA DANG, DMIGS PAR BYED PA MNYAM PA'I YE SHES RNAM PAR MI RTOG PA 'BYUNG STE, DE LTAR NA BYANG CHUB SEMS DPA' 'DI YONGS SU GRUB PA'I NGO BO NYID LA ZHUGS PA YIN NO, , 'DIR TSIGS SU BCAD PA, CHOS DANG GANG ZAG CHOS DANG DON, ,BSDUS PA DANG NI RGYAS DANG RIGS, ,MA DAG PA DANG DAG DANG MTHA', ,RAB TU DBYE BAS MING GI YUL, ,DE LTAR NA BYANG CHUB SEMS DPA' 'DI SHES BYA'I MTSAN NYID LA RNAM PAR RIG PA TZAM NYID DU 'JUG PAS ZHUGS PA YIN TE, DER ZHUGS PAS SA RAB TU DGA' BA LA ZHUGS PA YIN TE, CHOS KYI DBYINGS LEGS PAR RTOGS PA YIN, DE BZHIN GSHEGS PA'I RIGS SU SKYES PA YIN, ,SEMS CAN THAMS CAD LA SEMS MNYAM PA DANG, BYANG CHUB SEMS DPA' THAMS CAD LA SEMS MNYAM PA DANG, SANGS RGYAS THAMS CAD LA SEMS MNYAM PA THOB PA YIN TE, DE NI DE'I MTHONG BA'I LAM YIN NO, ,CI'I PHYIR YANG RNAM PAR RIG PA TZAM DE LA 'JUG CE NA, 'DRES PA'I CHOS LA DMIGS PA 'JIG RTEN LAS 'DAS PA'I ZHI GNAS GNAS DANG, LHAG MTHONG GI SHES PA DE DANG, , DE'I RJES LAS THOB PA SNA TSOGS KYI RNAM PAR RIG PA'I SHES PAS KUN GZHI RNAM PAR SHES PA'I SA BON RGYU MTSAN DANG BCAS PA THAMS CAD SPANGS NAS, CHOS KYI SKU LA REG PA'I SA BON SPEL TE, GNAS GYUR NAS SANGS RGYAS KYI CHOS THAMS CAD YANG DAG PAR 'GRUB PA'I SGO NAS, THAMS CAD MKHYEN PA'I YE SHES THOB PAR BYA BA'I PHYIR 'JUG GO, ,RJES LA THOB PA'I SHES PA DE NI KUN GZHI RNAM PAR SHES PA THAMS CAD RAB TU SKYE BA DANG, RNAM PAR RIG PA'I MTSAN MA THAMS CAD LA SGYU MA LTA BU NYID LA SOGS PAR KUN TU LTA BAS RANG BZHIN GYIS PHYIN CI LOG PAR 'BYUNG NGO, ,DES NA BYANG CHUB SEMS DPA' DE SGYU MA BYAS PA'I CHOS @25B RNAMS LA SGYU MA MKHAN BZHIN DU RGYU DANG 'BRAS BUR BCAS PA STON LA YANG DUS THAMS CAD DU PHYIN CI LOG MED PA YIN NO, ,RNAM PAR RIG PA TZAM NYID LA 'JUG PA DE LA TING NGE 'DZIN BZHI LA GNAS PA'I NGES PAR 'BYED PA'I CHA DANG MTHUN PA BZHI JI LTAR BLTA ZHE NA, YONGS SU TSOL BA BZHI PO DE DAG GIS DON MED PAR BZOD PA CHUNG NGU'I TSE SNANG BA THOB PA'I TING NGE 'DZIN TE, NGES PAR 'BYED PA'I CHA DANG MTHUN PA DRO BAR GYUR BA'I GNAS YIN NO, ,BZOD PA CHEN PO'I TSE SNANG BA MCHED PA'I TING NGE 'DZIN TE RTZE MO'I GNAS SO, ,YANG DAG PA JI LTA BA BZHIN DU YONGS SU SHES PA BZHI PO DAG LA RNAM PAR RIG PA TZAM NYID DU ZHUGS PA DANG, DON MED PA LA NGES PA NI, DE KHO NA'I DON GYI PHYOGS GCIG LA ZHUGS PA'I RJES SU SONG BA'I TING NGE 'DZIN TE, BDEN PA'I RJES SU MTHUN PA'I BZOD PA'I GNAS SO, ,GANG GI 'OG TU RNAM PAR RIG PA TZAM GYI 'DU SHES RNAM PAR 'JIG PA DE NI DE MA THAG PA'I TING NGE 'DZIN TE, 'JIG RTEN PA'I CHOS KYI MCHOG GI GNAS SU BLTA'O, ,TING NGE 'DZIN 'DI DAG NI MNGON PAR RTOGS PA DANG, NYE BA PA YIN PAR BLTA BAR BYA'O, ,DE LTAR SA LA ZHUGS TE MTHONG BA'I LAM THOB PA'I BYANG CHUB SEMS DPA' RNAM PAR RIG PA TZAM NYID LA ZHUGS PA BSGOM PA'I LAM LA JI LTAR SBYOR ZHE NA, JI LTAR RNAM PAR GNAS PA BSTAN PA BYANG CHUB SEMS DPA'I SA BCU PA MDO SDE THAMS CAD BSDUS PA NYID DU NYE BAR GNAS PA RNAMS LA 'DRES PA LA DMIGS PA 'JIG RTEN LAS 'DAS PA DANG DE'I RJES LA THOB PA'I ZHI GNAS DANG LHAG MTHONG GI SHES PAS, BSKAL PA BYE BA KHRAG KHRIG BRGYA STONG PHRAG MANG POR GOMS PAR BYAS PA'I PHYIR DE GNAS GYUR NAS, SANGS RGYAS KYI SKU RNAM PA GSUM THOB PAR BYA BA'I PHYIR SBYOR RO, ,NYAN THOB RNAMS KYI MNGON PAR RTOGS PA GANG YIN PA DANG, BYANG CHUB SEMS DPA' RNAMS KYI MNGON PAR RTOGS PA GANG YIN PA 'DI GNYIS BYE BRAG CI YOD CE NA, NYAN THOS KYI MNGON PAR RTOGS LA LAS KHYAD PAR BCUS, BYANG CHUB SEMS DPA'I MNGON PAR RTOGS PA KHYAD PAR DU 'PHAGS PAR BLTA BAR BYA STE, DMIGS PA'I KHYAD PAR NI THEG PA CHEN PO'I CHOS LA DMIGS PA'I PHYIR RO, ,NYE BAR BRTEN PA'I KHYAD PAR NI BSOD NAMS DANG YE SHES KYI @26A *, ,TSOGS CHEN POS BRTAN PA'I PHYIR RO, ,RTOGS PA'I KHYAD PAR NI GANG ZAG DANG CHOS LA BDAG MED PAR RTOGS PA'I PHYIR RO, ,MYA NGAN LAS 'DAS PA'I KHYAD PAR NI, MI GNAS PA'I MYA NGAN LAS 'DAS PA YONGS SU 'DZIN PA'I PHYIR RO, ,SA'I KHYAD PAR NI SA BCUS NGES PAR 'BYUNG BA'I PHYIR RO, ,YONGS SU DAG PA'I KHYAD PAR NI, NYON MONGS PA'I BAG CHAGS SPONG BA DANG, SANGS RGYAS KYI ZHING YONGS SU SBYONG BA'I PHYIR RO, ,SEMS CAN THAMS CAD DANG, BDAG SEMS MNYAM PA NYID THOB PA'I KHYAD PAR NI SEMS CAN YONGS SU SMIN PAR BYED PAR SBYOR BA RGYUN MI GCOD PA'I PHYIR RO, ,SKYE BA'I KHYAD PAR NI DE BZHIN GSHEGS PA'I RIGS SU SKYE BA'I PHYIR RO, ,SKYE 'BYUNG GI KHYAD PAR NI, SANGS RGYAS KYI 'KHOR GYI DKYIL 'KHOR DU DUS THAMS CAD DU SKYE 'BYUNG YONGS SU 'DZIN PA'I PHYIR RO, ,'BRAS BU'I KHYAD PAR NI STOBS BCU DANG, MI 'JIGS PA DANG, SANGS RGYAS KYI CHOS MA 'DRES PA 'BRAS BU YON TAN TSAD MED PA 'GRUB PA'I PHYIR RO, ,'DIR TSIGS SU BCAD PA, MING DANG DNGOS GNYIS PHAN TSUN DU, ,GLO BUR YIN PAR YONGS SU BTZAL, ,BTAGS PA RNAM PA GNYIS PO LA, ,DE TZAM NYID DU BTZAL BAR BYA, ,YANG DAG JI BZHIN YONGS SHES PAS, , DON MED PAR NI RTOG GSUM DANG, ,DE MED PHYIR YANG DE MED PAR, ,MTHONG BA GSUM LA 'JUG PA YIN, ,'DI LTA STE YANG RNAL 'BYOR GYI RNAM PAR DBYE BA LAS GDAMS PA'I TSIGS SU BCAD PA, BYANG CHUB SEMS DPA' MNYAM GZHAG PAS, ,GZUGS BRNYAN YID DU MTHONG BA NI, ,DON GYI 'DU SHES BZLOG NAS SU, ,RANG GI 'DU SHES NGES PAR GZUNG, ,DE LTAR NANG DU SEMS GNAS SO, ,GZUNG BA MED PA RAB RTOGS BYOS, ,DE PHYIR 'DZIN PA MED RTOGS KYIS, ,DES NA DMIGS PA MED LA REG, ,'DI LTA STE THEG PA CHEN PO'I MDO SDE'I RGYAN LAS, GZHAN YANG MNGON PAR RTOGS PA'I TSIGS SU BCAD PA DAG 'BYUNG BA, BYANG CHUB SEMS DPAS BSOD NAMS YE SHES KYI, ,TSOGS RNAMS MTHA' YAS PHA ROL MED BSAGS TE, ,CHOS LA SEMS BA LEGS PAR RNAM NGES PHYIR, ,DON GYI RNAM PA BRJOD PA'I RGYUS BYUNG RTOGS, ,BRJOD PA TZAM DU DON NI NGES @26B SHES NAS, ,DE 'DRA BA YI SEMS TZAM NYID LA GNAS, ,DE BAS GNYIS KYI MTSAN NYID BRAL BA YI, ,CHOS KYI DBYINGS NI MNGON SUM NYID DU 'GYUR, ,SEMS LAS GZHAN MED PAR NI BLOS RTOGS NAS, ,DE PHYIR SEMS KYANG MED PA NYID DU RTOGS, ,BLO DANG LDAN PAS GNYIS PO MED RTOGS NAS; ;DE DANG MI LDAN CHOS KYI DBYINGS LA GNAS, ,RTOGS MED SHES STOBS MNYAM PA'I RJES SONG BAS, ,BLO DANG LDAN PAS KUN NAS RTAG PAR YANG, ,DE'I GNAS THIBS PO NYES PAR BSAGS PA SEL, ,RTZI SMAN CHEN POS DUG NI SEL BA BZHIN, ,THUB PAS GSUNGS PA'I LEGS CHOS LEGS BZHAG PA, ,RTZA BA CHOS DBYINGS BCAS LA DES BLO BZHAG ,DRAN RGYUD NI RTOG PA TZAM SHES NAS, ,YON TAN RGYA MTSO'I PHA ROL BRTAN MYUR 'GRO, ,DE LTAR SHES BYA'I MTSAN NYID LA 'JUG PAR BSTAN PA LA, DE'I RGYU DANG 'BRAS BU BSTAN PA JI LTAR BLTA ZHE NA, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA DANG DRUG GIS 'JUG GO, ,PHA ROL TU PHYIN PA DRUG GIS RNAM PAR RIG PA TZAM NYID LA NI JI LTAR 'JUG, JI LTAR NA PHA ROL TU PHYIN PA DRUG PO DAG DE LA 'JUG PA'I 'BRAS BU CI YIN ZHE NA, 'DI LA BYANG CHUB SEMS DPA' LONGS SPYOD RNAMS LA KUN TU MA CHAGS PA, TSUL KHRIMS RNAMS LA LTUNG BA MED PA, ,SDUG BSNGAL RNAMS LA 'KHRUG PA MED PA, BSGOM PA LA LE LO MED PA, RNAM PAR G-YENG BA'I RGYU 'DI DAG LA MI 'JUG PA, SEMS RTZE GCIG TU BYAS NAS, TSUL BZHIN DU CHOS RNAMS LA RAB TU RNAM PAR 'BYED CING, PHA ROL TU PHYIN PA DRUG LA BRTEN NAS RNAM PAR RIG PA TZAM NYID LA 'JUG GO, ,RNAM PAR RIG PA TZAM NYID LA ZHUGS PA'I BYANG CHUB SEMS DPAS NI LHAG PA'I BSAM PA DAG PAS YONGS SU ZIN PA'I PHA ROL TU PHYIN PA DRUG PO DAG 'THOB STE, 'DI LTAR 'DI'I PHA ROL TU PHYIN PA DRUG LA KUN TU SPYOD PA'I SBYOR BA MED KYANG, BSTAN PA LA MOS PA DANG, RO MYONG BA DANG, RJES SU YI RANG BA DANG, MNGON PAR DGA' BA YID LA BYED PAS KYANG RTAG PAR RGYUN DU RGYUN MI 'CHAD PA'I TSUL DU PHA ROL TU PHYIN PA DRUG BSGOM PA YONGS SU RDZOGS PAR 'GYUR RO, ,'DIR TSIGS SU @27A *, ,BCAD PA, BYANG CHUB SEMS DPA' RNAM DAG GI ,DKAR PO'I CHOS RNAMS KUN RDZOGS DANG, ,BZOD RNON THOB DANG RANG GI THEG ,ZAB CING RGYA CHE BSTAN PA LA, ,RTOG PA TZAM DU RTOGS PA'I PHYIR, ,MI RTOG YE SHES THOB PA'I PHYIR, ,'DOD PA DANG NI MOS PA DAG ,DAG PA BSAM PA DAG PA NYID, ,SNGA LOGS SU YANG CHOS RGYUN DER, ,SANGS RGYAS RNAMS NI MTHONG BAS NA, ,BYANG CHUB NYE BAR RTOGS GYUR NAS, ,TSEGS MED PAR NI THOB PHYIR RO, ,TSIGS SU BCAD PA 'DI DAG GIS NI RNAM PA BRGYAD KYIS LHAG PA'I BSAM PA DAG PA'I MTSAN NYID MTHA' DAG YONGS SU BSTAN PA YIN TE, TSOGS DANG, BZOD PA DANG, DMIGS PA DANG, YID LA BYED PA DANG, GNYEN PO DANG RANG GI MTSAN NYID DANG, RTAGS DANG, PHAN YON GYIS TE, TSIGS SU BCAD PA'I RTZA BA RNAMS DANG GO RIMS BZHIN DU SBYOR BAR RIG PAR BYA'O, ,DE DAG GRANGS DANG DE YI MTSAN NYID DANG, ,GO RIMS NGES TSIG GOMS BYAS YON TAN DANG, ,RAB TU DBYE DANG BSDU DANG MI MTHUN PHYOGS, ,YON TAN PHAN TSUN RNAM NGES SHES PAR BYA, ,CI'I PHYIR PHA ROL TU PHYIN PA DRUG KHO NA ZHE NA, MI MTHUN PA'I PHYOGS DANG, GNYEN PO RNAM PAR GZHAG PA DANG, SANGS RGYAS KYI CHOS THAMS CAD YANG DAG PAR 'GRUB PA'I GZHI'I GNAS DANG, SEMS CAN THAMS CAD YONGS SU SMIN PAR BYA BA DANG MTHUN PAS DRUG NYID DO, ,MI 'PHAGS PA'I RGYU'I GNYEN POR SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA STE, MI 'PHAGS PA'I RGYU NI LONGS SPYOD LA CHAGS PA DANG, KHYIM LA CHAGS PA'O, ,SPANGS PA LDOG PA'I RGYU'I GNYEN POR BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA STE, LDOG PA'I RGYU NI 'KHOR BA'I SEMS CAN LOG PAR SGRUB PA LAS BYUNG BA'I SDUG BSNGAL DANG, YUN RING POR DKAR PO'I PHYOGS LA SBYOR BAS YONGS SU SKYO BA'O, , SPANGS NAS MI LDOG PA'I CHUD ZA BA'I RGYU'I GNYEN POR BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA STE, CHUD ZA BA'I RGYU NI RNAM PAR G-YENG BA DANG 'CHAL BA'I SHES RAB BO, ,DE LTAR MI MTHUN PA'I PHYOGS DANG GNYEN POS GRANGS RNAM PAR GZHAG GO, ,RNAM PAR MI G-YENG @27B BA'I RGYU LA PHA ROL TU PHYIN PA BZHIS PHA ROL TU PHYIN PA RNAM PAR MI G-YENG BA GCIG 'GRUB BO, ,RNAM PAR MI G-YENG BA DE LA BRTEN NAS CHOS KYI DE KHO NA JI LTA BA BZHIN DU MNGON DU YANG DAG PAR RTOGS PA'I PHYIR, SANGS RGYAS KYI CHOS YANG DAG PAR 'GRUB BO, ,DE LTAR SANGS RGYAS KYI CHOS THAMS CAD YANG DAG PAR 'GRUB PA'I GZHI'I GNAS KYIS GRANGS DRUG TU RNAM PAR GZHAG GO, ,SBYIN PA'I PHA ROL TU PHYIN PAS SEMS CAN LA PHAN 'DOD PA DANG, TSUL KHRIMS KYI PHA ROL TU PHYIN PAS SEMS CAN LA GNOD PA MI BYED PA DANG, BZOD PA'I PHA ROL TU PHYIN PAS GNOD PA LA JI MI SNYAM PA DANG, BRTZON 'GRUS KYI PHA ROL TU PHYIN PAS BYA BAS BYED PAR 'GYUR BA'I PHYIR, PHAN 'DOGS PA'I RGYU 'DI DAG GIS SEMS CAN RNAMS YONGS SU SMIN PAR BYA BA'I LAS SU RUNG BAR 'GYUR RO, ,DE'I 'OG TU SEMS MNYAM PAR MA BZHAG PA DANG, SEMS MNYAM PAR GZHAG PA RNAM PAR THAR PAR BYA BA'I PHYIR GDAMS PAR BYA BA RNAMS YONGS SU SMIN PAR 'GYUR TE, DE LTAR SEMS CAN THAMS CAD YONGS SU SMIN PAR BYA BA DANG MTHUN PAS GRANGS RNAMS PAR GZHAG PAR BLTA'O, ,'O NA 'DI DAG GI MTSAN NYID JI LTAR BLTA ZHEN, ,DAM PA DRUG GIS BLTA BAR BYA STE, GNAS DAM PA NI BYANG CHUB KYI SEMS GNAS YIN PA'I PHYIR RO, ,DNGOS PO DAM PA NI MTHA' DAG KUN TU SPYOD PA'I PHYIR RO, ,CHED DU BYA BA DAM PA NI SEMS CAN THAMS CAD LA PHAN PA DANG BDE BA'I CHED DU BYA BA'I PHYIR RO, ,THABS LA MKHAS PA DAM PA NI RNAM PAR MI RTOG PA'I YE SHES KYIS YONGS SU ZIN PA'I PHYIR RO, ,YONGS SU BSNGO BA DAM PA NI, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I PHYIR RO, ,RNAM PAR DAG PA DAM PA NI, NYON MONGS PA DANG SHES BYA'I SGRIB PAS SGRIB PA MED PAR YANG DAG PAR 'GRUB PA'I PHYIR RO, ,SBYIN PA GANG YIN PA DE PHA ROL TU PHYIN PA YANG YIN NAM, PHA ROL TU PHYIN PA GANG YIN PA DE SBYIN PA YANG YIN NAM ZHE NA, SBYIN PA YIN LA, PHA ROL TU PHYIN PA MA YIN PA YANG YOD CES BYA BA MU BZHI'O, ,SBYIN PA LA JI LTA BA DE BZHIN DU PHA ROL TU PHYIN PA LHAG MA RNAMS LA YANG MU BZHI CI RIGS SU BLTA BAR BYA'O, ,PHA ROL TU PHYIN PA 'DI DAG GI GO RIMS @28A *, ,'DI CI'I PHYIR BSTAN ZHE NA, PHA ROL TU PHYIN PA SNGA MA RNAMS DE'I PHYI MA 'BYUNG BA DANG MTHUN PA'I PHYIR RO, ,'DI DAG GI NGES PA'I TSIG JI LTAR BLTA ZHE NA, 'JIG RTEN PA DANG, NYAN THOS DANG, RANG SANGS RGYAS KYI SBYIN PA LA SOGS PA'I DGE BA THAMS CAD LAS PHUL DU BYUNG BAR PHA ROL TU 'GRO BA'I PHYIR PHA ROL TU PHYIN PA RNAMS SO, ,SER SNA DANG DBUL BA 'JOMS PA DANG, LONGS SPYOD CHEN PO DANG, BSOD NAMS KYIS TSOGS THOB PAR BYED PAS SBYIN PA'O, ,'CHAL BA'I TSUL KHRIMS DANG, NGAN 'GRO ZHI BAR BYED PA DANG, BDE 'GRO DANG, TING NGE 'DZIN THOB PAR BYED PAS TSUL KHRIMS SO, ,KHRO BA DANG 'KHON PA ZAD PAR BYED PA DANG, BDAG DANG GZHAN DAG LA BDE BAR BYED PAS BZOD PA'O, ,LE LO DANG SDIG PA MI DGE BA'I CHOS RNAMS DANG BRAL BAR BYED PA DANG, DGE BA'I CHOS TSAD MED PA RNAM PAR SPEL BA MTHAR PHYIN PAR BYED PAS BRTZON 'GRUS SO, ,RNAM PAR G-YENG BA SEL BA DANG, NANG DU SEMS GNAS PA SGRUB PAR BYED PAS BSAM GTAN NO, ,LTA BAR GYUR BA DANG 'CHAL BA'I SHES RAB THAMS CAD SEL BA DANG, YANG DAG PAR RNAM PA THAMS CAD DU CHOS RNAMS RAB TU SHES PAS SHES RAB BO, ,'DI DAG SGOM PA JI LTAR BLTA BAR BYA ZHE NA, MDOR BSDU NA SGOM PA RNAM PA LNGAR BLTA BAR BYA STE, KUN TU SPYOD PA LA SPYOD PA LA SBYOR BA SGOM PA DANG, MOS PA SGOM PA DANG, YID LA BYED PA SGOM PA DANG, THABS LA MKHAS PA SGOM PA DANG, BYA BA SGRUB PA SGOM PA'O, ,DE LA SGOM PA BZHI NI SNGA MA BZHIN NO, ,BYA BA SGRUB PA SGOM PA NI, ,GANG SANGS RGYAS RNAMS KYI MDZAD PA LHUN GYI GRUB PA RGYUN MI GCOD PA NA, PHA ROL TU PHYIN PA RNAMS YONGS SU RDZOGS PA'I TSE, PHA ROL TU PHYIN PA SGOM PA'O, ,YID LA BYED PA SGOM PA NI, RO MYONG BA DANG, RJES SU YI RANG BA DANG, MNGON PAR DGA' BA YID LA BYED PA DANG, MI NGOMS PA'I BSAM PA DANG, RGYUN RING PO'I BSAM PA DANG, DGA' BA'I BSAM PA DANG, PHAN 'DOGS PA'I BSAM PA DANG, CHE BA'I BDAG NYID KYI BSAM PA DANG, DGE BA'I BSAM PA DANG, BSAM PA DRUG GIS YONGS SU ZIN PAS SGOM PA'O, ,GAL TE BYANG CHUB SEMS DPA' BSKAL PA GRANGS MED PA JI SNYED KYIS, BLA NA MED PA YANG DAG @28B PAR RDZOGS PA'I BYANG CHUB MNGON PAR RDZOGS PAR 'TSANG RGYA BA DE SNYED KYI DUS SKAD CIG MA GCIG TU BYAS PA'I SKAD CIG RE RE LA BDAG GI LUS THAMS CAD YONGS SU GTONG BA DANG, 'JIG RTEN GYI KHAMS GANG G'A'I KLUNG GI BYE MA SNYED RIN PO CHE SNA BDUN GYIS SO SOR BKANG STE, DE BZHIN GSHEGS PA RNAMS LA DBUL BAS, BYANG CHUB KYIS SNYING PO LA GNAS KYI BAR DU MI NGOMS PA NYID BYANG CHUB SEMS DPA'I SBYIN PA'I BSAM PAR 'GYUR LA, DUS DE SRID KHO NAR STONG GSUM GYI STONG CHEN PO'I 'JIG RTEN GYI KHAMS MES YONGS SU GANG BAR SKAD CIG RE RE LA SPYOD LAM BZHI BYED CING, YO BYAD THAMS CAD DANG MI LDAN YANG TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI SEMS MNGON DU BYED DE, BYANG CHUB KYI SNYING PO LA GNAS KYI BAR DU MI NGOMS PA NYID BYANG CHUB SEMS DPA'I TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG; SHES RAB KYI BSAM PAR 'GYUR BA 'DI NI BYANG CHUB SEMS DPA'I MI NGOMS PA'I BSAM PA'O, ,GANG BYANG CHUB SEMS DPA' DE BYANG CHUB KYI SNYING PO LA GNAS KYI BAR DU MI NGOMS PA'I BSAM PA DE MI 'DOR BA 'DI NI DE'I RGYUN RING PO'I BSAM PA'O, ,GANG BYANG CHUB SEMS DPA' DE'I PHA ROL TU PHYIN PA DRUG GIS SEMS CAN LA PHAN BTAGS PAS SHIN TU DGA' BA YIN GYI, PHAN BTAGS PA DES SEMS CAN RNAMS NI DE LTA MA YIN PA 'DI NI BYANG CHUB SEMS DPA'I DGA' BA'I BSAM PA'O, ,GANG BYANG CHUB SEMS DPA' DE PHA ROL TU PHYIN PA DRUG GIS PHAN BTAGS PA'I SEMS CAN DE DAG THAMS CAD NI BDAG LA SHIN TU PHAN 'DOGS PA YIN PAR MTHONG GI, BDAG NI SEMS CAN DE DAG LA DE LTA MA YIN PAR MTHONG BA 'DI NI BYANG CHUB SEMS DPA'I PHAN 'DOGS PA'I BSAM PA'O, ,GANG BYANG CHUB SEMS DPA' DE DE LTAR PHA ROL TU PHYIN PA DRUG GIS DGE BA'I RTZA BA BSAGS PA SEMS CAN RNAMS LA 'DOD PA'I 'BRAS BU RNAMS PAR SMIN PAR YONGS SU BSNGO BA 'DI NI BYANG CHUB SEMS DPA'I CHE BA'I BDAG NYID KYI BSAM PA'O, ,GANG BYANG CHUB SEMS DPA' DE DE LTAR PHA ROL TU PHYIN PA DRUG GI DGE BA'I RTZA BA BSAGS PA DE SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR @29A *, ,RDZOGS PA'I BYANG CHUB TU YONGS SU BSNGO BA 'DI NI, BYANG CHUB SEMS DPA'I DGE BA'I BSAM PA STE BSAM PA DRUG PO 'DI DAG GIS YONGS SU ZIN PA'I RO MYONG BA YID LA BYED PA SGOM MO, ,GANG YANG BYANG CHUB SEMS DPA' DE BSAM PA DRUG SGOM PA LA SOGS PA LA ZHUGS PA'I BYANG CHUB SEMS DPA' GZHAN DPAG TU MED PA RNAMS KYI DGE BA'I RTZA BA DE LA RJES SU YI RANG STE, DE LTAR BYANG CHUB SEMS DPA' PA BSAM DRUG GIS YONGS SU ZIN PA'I RJES SU YI RANG BA YID LA BYED PA SGOM MO, ,GANG YANG BYANG CHUB SEMS DPA' DE SEMS CAN THAMS CAD KYI PHA ROL TU PHYIN PA DRUG SGOM PA BSAM PA DRUG GIS YONGS SU ZIN PA DANG, BDAG GI PHA ROL TU PHYIN PA DRUG SGOM PA LA BRTZON PA BSAM PA DRUG GIS YONGS SU ZIN PA LA, BYANG CHUB KYI SNYING PO LA GNAS KYI BAR DU MNGON PAR DGA' BA STE, DE LTAR BYANG CHUB SEMS DPA' BSAM PA DRUG GIS YONGS SU ZIN PA'I MNGON PAR DGA' BA YID LA BYED PA SGOM MO, ,GANG DAG BYANG CHUB SEMS DPA'I YID LA BYED PA'I SGOM PA BSAM PA DRUG GIS YONGS SU ZIN PA 'DI THOS NAS, DANG BA'I SEMS GCIG KYANG SKYED PA DE DAG BSOD NAMS TSAD MED PA SKYE BAR 'GYUR ZHING, NYES PA BYAS PA'I SGRIB PA THAMS CAD KYANG BSHIG PAR 'GYUR NA, BYANG CHUB SEMS DPA' LTA SMOS KYANG CI DGOS, PHA ROL TU PHYIN PA 'DI DAG GI RAB TU DBYE BA JI LTAR BLTA ZHE NA, DE NI RNAM PA GSUM GSUM DU BLTA BAR BYA STE, CHOS KYI SBYIN PA DANG, ZANG ZING GI SBYIN PA DANG, MI 'JIGS PA'I SBYIN PA DANG, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS DANG, GNOD PA BYED PA LA JI MI SNYAM PA'I BZOD PA DANG, BSDUG BSNGAL DANG DU LEN PA'I BZOD PA DANG, CHOS LA NGES PAR RTOG PA'I BZOD PA DANG, GO CHA'I BRTZON 'GRUS DANG, SBYOR BA'I BRTZON 'GRUS DANG, MI ZHUM ZHING MI 'KHRUGS PA LA CHOG PAR MI 'DZIN PA'I BRTZON 'GRUS DANG, GNAS PA DANG, MNGON PAR SGRUB PA DANG, BYA BA SGRUB PA'I BSAM GTAN DANG, RNAM PAR MI RTOG PAR SBYOR BA DANG, RNAM PAR MI RTOG PA DANG, RNAM PAR MI RTOG PA'I RJES LA THOB PA'I SHES RAB @29B PO; 'DI DAG BSDUS PAR JI LTAR BLTA ZHE NA, 'DI DAG GIS DGE BA'I CHOS THAMS CAD DE'I MTSAN NYID DANG, DE DANG MTHUN PA DANG, DE'I 'BRAS BUR BSDUS PA'I PHYIR RO, ,'DI DAG GI MI MTHUN PA'I PHYOGS KYIS KUN NAS NYON MONGS PA THAMS CAD JI LTAR BSDUS PAR BLTA ZHE NA, DE'I MTSAN NYID DANG, DE'I GZHI DANG, DE'I 'BRAS BUS SO, ,PHA ROL TU PHYIN PA 'DI DAG GI PHAN YON JI LTAR RIG PAR BYA ZHE NA, 'KHOR BA NA 'KHOR BA'I TSE, DBANG PHYUG BSDUS PA DANG, CHEN POR SKYE BA BSDUS PA DANG, PHYOGS GANG DANG G-YOG 'KHOR CHEN PO BSDUS PA DANG, LAS KYI MTHA' CHEN PO LA SBYOR BA 'GRUB PAS YONGS SU BZUNG BA DANG, GNOD PA MED PA DANG, NYON MONGS PA CHUNG BA YONGS SU BZUNG BA DANG, BZO DANG, BSTAN BCOS DANG, RIG PA'I GNAS THAMS CAD LA MKHAS PA YONGS SU BZUNG BA DANG, MNGON PAR MTHO BA KHA NA MA THO BA MED PA DANG, BYANG CHUB KYI SNYING PO LA GNAS KYI BAR DU SEMS CAN THAMS CAD KYI DON BYA BAR NYE BAR GNAS PA NI BYANG CHUB SEMS DPA' RNAMS KYI PHAN YON NO, ,'DI DAG GI PHAN TSUN RNAMS PAR NGES PA JI LTAR BLTA ZHE NA, BCOM LDAN 'DAS KYIS LA LAR NI PHA ROL TU PHYIN PA THAMS CAD SBYIN PA'I SGRAR BSTAN, LA LAR NI TSUL KHRIMS KYI SGRA BSTAN, ,LA LAR NI BZOD PA'I SGRAR BSTAN, LA LAR NI BRTZON 'GRUS KYI SGRAR BSTAN, LA LAR NI BSAM GTAN GYI SGRAR BSTAN, LA LAR NI SHES RAB KYI SGRAR BSTAN PA DE LA DGONGS PA GANG ZHE NA, PHA ROL TU PHYIN PA THAMS CAD LA SBYOR BA NA, 'DI DAG THAMS CAD KYI SPYOD PA 'GRO BA LAS DGONGS PA'O, ,DE LTAR SHES BYA'I MTSAN NYID LA 'JUG PA'I RGYU DANG 'BRAS BU BSTAN NAS, DE SGOM PA'I RAB TU DBYE BA JI LTAR BLTA ZHE NA, BYANG CHUB SEMS DPA'I SA BCU RNAMS SU BLTA STE, DE DAG KYANG GANG ZHE NA, RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO BA TZAN DANG, SHIN TU SBYONG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN NO, ,'DI DAG BCU NYID DU RNAM PAR GZHAG PA JI LTAR BLTA ZHE NA, MI MTHUN PA'I PHYOGS MA RIGS PA RNAM PA BCU'I GNYEN PO'I PHYIR TE, 'DI LTAR SHES BYA CHOS KYI DBYINGS @30A *, ,RNAM PA BCU LA MI MTHUN PA'I PHYOGS MA RIG PA RNAM PA BCU NYID GNAS SO, ,SHES BYA CHOS KYI DBYINGS RNAM PA BCU JI LTA BU ZHE NA, SA DANG PO LA NI KUN TU 'GRO BA'I DON DU SHES PAR BYA'O, ,GNYIS PA LA NI MCHOG GI DON DU'O, ,GSUM PA LA NI RGYU MTHUN PA DON GYI MCHOG TU'O, ,BZHI PA LA NI YONGS SU BZUNG BA MA YIN PA'I DON DU'O, ,LNGA PA LA NI RGYUD THA DAD PA MED PA'I DON DU'O, ,DRUG PA LA NI KUN NAS NYON MONGS PA DANG, RNAM PAR DAG PA MA YIN PA'I DON DU'O, ,BDUN PA LA NI CHOS SNA TSOGS THA DAD PA MED PA'I DON DU'O, ,BRGYAD PA LA NI BRI BA MED CING LHAG PA MED PA'I DON DANG, MTSAN MA LA DBANG BA'I GNAS KYI DON DANG, ZHING LA DBANG BA'I GNAS KYI DON DU'O, ,DGU PA LA NI YE SHES LA DBANG BA'I GNAS KYI DON DU'O, ,BCU PA LA NI LAS LA DBANG BA'I GNAS KYI DON DANG, GZUNGS DANG TING NGE 'DZIN GYI SGO LA DBANG BA'I GNAS KYI DON DU SHES PAR BYA'O; ;'DIR TSIGS SU BCAD PA, KUN TU 'GRO DON MCHOG GI DON, ,RGYU MTHUN DON GYI MCHOG NYID DANG, ,YONGS SU 'DZIN PA DON MED DANG, ,RGYUD RNAMS THA DAD MED PA DANG, ,NYON MONGS RNAM DAG MED DON DANG, ,THA DAD MED PA'I DON NYID DANG, ,BRI MED 'PHEL BA MED DON DANG, ,DBANG NI RNAM PA BZHI YI GNAS, ,CHOS KYI DBYINGS LA MA RIG PA, ,NYON MONGS CAN MIN SGRIB PA BCU, SA BCU'I MI MTHUN PHYOGS RNAMS KYI, ,GNYEN PO DAG NI SA YIN NO, ,MA RIG PA 'DI YANG NYAN THOS RNAMS KYI NI NYON MONGS PA CAN MA YIN GYI, BYANG CHUB SEMS DPA' RNAMS KYI NI NYON MONGS PA CAN DU RIG PAR BYA'O, ,CI'I PHYIR SA DANG PO RAB TU DGA' BA ZHES BYA ZHE NA, DES THOG MA KHO NAR BDAG DANG GZHAN GYI DON SGRUB NUS PA THOB PA'I PHYIR RO, ,CI'I PHYIR SA GNYIS PA DRI MA MED PA ZHES BYA ZHE NA, 'CHAL BA'I TSUL KHRIMS KYI DRI MA THAG BSRINGS PA'I PHYIR RO, ,CI'I PHYIR SA GSUM PA 'OD BYED PA ZHES BYA ZHE NA, TING NGE 'DZIN DANG, SNYOMS PAR 'JUG PA NYAMS PA MED PA'I GNAS YIN PAS CHOS KYI SNANG BA CHEN PO'I GNAS SU GYUR PA'I PHYIR RO, ,CI'I PHYIR SA BZHIN PA 'OD 'PHRO BA CAN ZHES BYA ZHE NA, BYANG CHUB KYI PHYOGS KYI CHOS RNAMS KYIS SGRIB PA THAMS CAD SREG PA'I PHYIR RO, ,CI'I PHYIR SA @30B LNGA PA SHIN TU SBYANG DKA' BA ZHES BYA ZHE NA, BDEN PA DANG 'JIG RTEN PA'I SHES PA GNYIS PHAN TSUN MI MTHUN PAS DE BSGRUB DGA' BA'I PHYIR RO, ,CI'I PHYIR SA DRUG PA MNGON DU GYUR ZHES BYA ZHE NA, RTEN CING 'BREL PAR 'BYUNG BA SHES PA'I GNAS YIN PAS, SHES RAB KYI PHA ROL TU PHYIN PA LA GNAS PA MNGON DU BYED PA'I PHYIR RO, ,CI'I PHYIR SA BDUN PA LA RING DU SONG BA ZHES BYA ZHE NA, SBYOR BA LAS BYUNG BA'I SPYOD PA'I MTHAR 'GRO BA'I PHYIR RO, ,CI'I PHYIR SA BRGYAD PA MI G-YO BA ZHES BYA ZHE NA, MTSAN MA DANG MNGON PAR 'DU BYED PA THAMS CAD KYIS MI G-YOS PA'I PHYIR RO, ,CI'I PHYIR SA DGU PA LEGS PA'I BLO GROS ZHES BYA ZHE NA, SO SO YANG DAG PAR RIG PA'I SHES PA DANG PO THOB PA'I PHYIR RO, ,CI'I PHYIR SA BCU PA CHOS KYI SPRIN ZHES BYA ZHE NA, 'DRES PA LA DMIGS PA'I CHOS THAMS CAD SHES PA GZUNGS DANG TING NGE 'DZIN GYI SGO THAMS CAD KHONG NA YOD PA SPRIN LTA BUS NAM MKHA' LTAR RGYA CHE BA'I SGRIB PA KHEBS PA DANG, CHOS KYI SKU YONGS SU RDZOGS PAR BYAS PA'I PHYIR RO, ,SA 'DI DAG THOB PA JI LTAR ZHE NA, RNAM PA BZHIS BLTA STE, MOS PA THOB PAS NI SA LA MOS PA NYID KYI PHYIR RO, ,SPYOD PA THOB PAS NI SA DANG RAB TU LDAN PA'I CHOS SPYOD PA BCU THOB PA'I PHYIR RO, ,RTOGS PA THOB PAS NI SA DANG PO LA CHOS KYI DBYINGS RTOGS NAS THAMS CAD RTOGS PA'I PHYIR RO, ,'GRUB PAR THOB PAS NI SA 'DI DAG GI SGOM PA'I MTHAR 'GRO BA'I PHYIR RO, ,SA 'DI DAG GI SGOM PA JI LTAR BLTA ZHE NA, 'DI LA BYANG CHUB SEMS DPA' SA DANG SA LA ZHI GNAS DANG LHAG MTHONG SGOM PA NA, RNAM PA LNGAS SGOM STE, LNGA GANG ZHE NA, 'DI LTA STE; 'DRES PAR SGOM PA DANG, MTSAN MA MED PAR SGOM PA DANG, LHUN GYIS GRUB PAR SGOM PA DANG, 'BAR BAR SGOM PA DANG, CHOG PAR MI 'DZIN PAR SGOM PAS SO, ,SGOM PA RNAM PA LNGA PO 'DI DAG GIS BYANG CHUB SEMS DPA' RNAMS KYI 'BRAS BU LNGA MNGON PAR 'GRUB PAR BYED DE, 'DI LTAR SKAD CIG RE RE LA GNAS NGAN LEN RNAMS KYIS GNAS THAMS CAD 'JIG PAR BYED PA DANG, SNA TSOGS KYI 'DU SHES DANG BRAL TE, CHOS KYI KUN DGA' LA DGA' BA THOB PA DANG, CHOS KYI SNANG BA THAMS CAD DU TSAD MED CING RNAM PA YONGS SU MA CHAD PA YANG DAG PAR SHES PA DANG, RNAM PAR MA BRTAGS PAR RNAM @31A *, ,PAR DAG PA'I CHA DANG MTHUN PA'I MTSAN MAR RNAM PAR BRTAGS PA MA YIN PA RNAMS DE LA KUN TU 'BYUNG BA DANG, CHOS KYI SKU YONGS SU RDZOGS PA DANG, YONGS SU GRUB PAR BYA BA'I PHYIR GONG MA BAS CHES GONG MA'I RGYU YONGS SU 'DZIN PAR BYED PA'O, ,GTZOR NA SA BCU DAG TU PHA ROL TU PHYIN PA BCU SGOM PAR 'GYUR TE, DRUG TU NI DRUG JI SKAD DU BSTAN PA RNAMS SO, ,PHYI MA BZHIR NI BZHI STE, THABS LA MKHAS PA'I PHA ROL TU PHYIN PA NI, PHA ROL TU PHYIN PA DRUG GIS DGE BA'I RTZA BA BSAGS PA SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I PHYIR RO, ,SMON LAM GYI PHA ROL TU PHYIN PA NI, PHYI MA LA SMON LAM SNA TSOGS MNGON PAR BSGRUBS PAS, PHA ROL TU PHYIN PA'I RKYEN SDUD PA'I PHYIR RO, ,STOBS KYI PHA ROL TU PHYIN PA NI, SO SOR RTOG PA DANG BSGOMS PA'I STOBS KYIS PHA ROL TU PHYIN PA DRUG RGYUN MI 'CHAD PAR KUN TU SPYOD PA'I PHYIR RO, ,YE SHES KYI PHA ROL TU PHYIN PA NI, PHA ROL TU PHYIN PA DRUG PO DAG RNAM PAR 'JOG PA STE, YE SHES KYIS CHOS LA LONGS SPYOD PA MYONG BA DANG, SEMS CAN YONGS SU SMIN PAR BYED PA'I PHYIR RO, ,YANG PHA ROL TU PHYIN PA BZHI PO 'DI DAG NI SHES RAB KYI PHA ROL TU PHYIN PA PA THAMS CAD SGOM PAR MI 'GYUR BA YANG MA YIN TE, CHOS KYI SHES KYIS BSDUS PAR BLTA'O, ,SA THAMS CAD DU PHA ROL TU PHYIN PA THAMS CAD SGOM PAR MI 'GYUR BA YANG MA YIN TE, CHOS KYI RNAM GRANGS DE PHA ROL TU PHYIN PA'I SDE SNOD KYIS BSDUS PA'I PHYIR RO, ,DUS JI SRID CIG GIS SA BCU PO 'DI DAG GI SGOM PA YONGS SU RDZOGS PAR 'GYUR ZHE NA, GANG ZAG LNGA NI BSKAL PA GRANGS MED PA GSUM GYIS RDZOGS PAR 'GYUR TE, MOS PAS SPYOD PA'I GANG ZAG NI BSKAL PA GRANGS MED PA DANG POS RDZOGS PAR 'GYUR RO, ,LHAG PA'I BSAM PA DAG PA LA SPYOD PA MTSAN MA LA SPYOD PA DANG, MTSAN MA MED PA LA SPYOD PA DAG NI SA DRUG PO DAG DANG, BDUN PA LA BSKAL PA GRANGS MED PA GNYIS PAS RDZOGS PAR 'GYUR RO, ,DE NYID MNGON PAR 'DU BYED PAR SPYOD PA NI, ,DE YAN CHAD SA BCU'I BAR DU BSKAL PA GRANGS MED PA GSUM PAS SGOM PA YONGS SU RDZOGS PAR 'GYUR RO, ,'DIR TSIGS SU @31B BCAD PA, ,BZANG DANG SMON PA'I STOBS CAN DANG, SEMS BRTAN KHYAD PAR 'GRO BA YI, ,BYANG CHUB SEMS DPA' GRANGS MED PA GSUM, ,KUN TU RTZOM PA MDZAD CES BRJOD, ,DE LTAR RGYU DANG 'BRAS BU SGOM PA'I RAB TU DBYE BA BSTAN NAS, DE LA LHAG PA'I TSUL KHRIMS KYI KHYAD PAR JI LTAR BLTA ZHE NA, BYANG CHUB SEMS DPA' SA LAS BYANG CHUB SEMS DPA'I SDOM PA YANG DAG PAR BLANGS PA LAS JI SKAD BSHAD PA LTA BU'O, ,MDOR BSDU NA KHYAD PAR BZHIS KHYAD PAR DU BLTA STE, RAB TU DBYE BA'I KHYAD PAR DANG, BSLAB PA THUN MONG DANG, THUN MONG MA YIN PA'I KHYAD PAR DANG, RGYA CHE BA NYID KYI KHYAD PAR DANG, ZAB PA NYID KYI KHYAD PAR GYIS KHYAD PAR DU BLTA'O, ,DE LA RAB TU DBYE BA'I KHYAD PAR NI, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS KYI PHYIR RO, ,DE LA SDOM PA'I TSUL KHRIMS NI TSUL KHRIMS GNYIS KYI RTEN GYI DON DU RIG PAR BYA'O, ,DGE BA'I CHOS SDUD PA'I TSUL KHRIMS NI, SANGS RGYAS KYI CHOS YANG DAG PAR 'GRUB PA'I RTEN GYI DON DU RIG PAR BYA'O, ,SEMS CAN GYI DON BYA BA'I TSUL KHRIMS NI, SEMS CAN YONGS SU SMIN PAR BYED PA'I RTEN GYI DON DU RIG PAR BYA'O, ,BYANG CHUB SEMS DPA' RNAM KYI BSLAB PA NYAN THOS RNAMS DANG THUN MONG BA NI, RANG BZHIN GYIS KHA NA MA THO BA DANG BCAS PA KUN TU MI SPYOD PA'I PHYIR RO, ,BSLAB PA THUN MONG MA YIN PA NI, BCAS PA'I KHA NA MA THO BA DANG BCAS PA KUN TU SPYOD PA'I PHYIR TE, BSLAB PA DE LA NI GANG DU NYAN THOS KYI LTUNG BAR 'GYUR BA DE LA BYANG CHUB SEMS DPA'I LTUNG BA MED DO, ,GANG DU BYANG CHUB SEMS DPA'I LTUNG BAR 'GYUR BA DE LA NYAN THOS KYI LTUNG BA MED DO, ,BYANG CHUB SEMS DPA' RNAMS KYI TSUL KHRIMS NI, LUS DANG NGAG DANG SEMS KYI'O, ,NYAN THOS RNAMS KYI NI LUS DANG NGAG NYID DO, ,DE NYID KYI PHYIR BYANG CHUB SEMS DPA' RNAMS KYI SEMS KYI LTUNG BAR YANG 'GYUR GYI, NYAN THOS RNAMS KYI NI MA YIN NO, ,MDOR BSDU NA GANG KHA NA MA THO BA MED PAR SEMS CAN THAMS CAD LA PHAN 'DOGS PA'I LUS DANG, NGAG DANG YID KYI LAS DE DAG THAMS CAD BYANG CHUB SEMS DPA' KUN TU SPYAD PAR BYA'O, ,DE LA BSLAB PAR BYANG BYA STE, DE LTAR NA THUN MONG MA YIN PAS KHYAD PAR DU BLTA'O, @32A *, ,RGYA CHE BA NYID KYI KHYAD PAR NI RGYA CHE BA NYID RNAM PA BZHI'I PHYIR TE, SNA TSOGS DANG TSAD MED PA'I BSLAB PA RGYA CHE BA NYID DANG, BSOD NAMS TSAD MED PA YONGS SU 'DZIN PA RGYA CHE BA NYID DANG, SEMS CAN THAMS CAD LA PHAN PA DANG BDE BA BYA BA'I BSAM PA YONGS SU 'DZIN PA RGYA CHE BA NYID DANG, BLA NA MED PA YANG DAG PAR RDZOGS PA'I BYANG CHUB LA BRTEN PA RGYA CHE BA NYID KYI PHYIR RO, ,DE LA ZAB PA NYID NI GANG BYANG CHUB SEMS DPA' THABS LA MKHAS PA RNAMS DE LTA BUS SROG GCOD PA LA PA SOGS PA'I LAS RNAM PA BCU SPYOD KYANG, DES KHA NA MA THO BAR YANG MI 'GYUR LA, BSOD NAMS TSAD MED PA YANG SKYED CING, BLA NA MED PA YANG DAG PAR RDZOGS PA'I BYANG CHUB KYANG MYUR DU MNGON PAR RDZOGS PAR 'TSANG RGYA BA'O, ,YANG SPRUL PA'I LUS DANG NGAG GI LAS KYANG, BYANG CHUB SEMS DPA'I ZAB PA'I TSUL KHRIMS SU RIG PAR BYA STE, DES RGYAL SRID KYANG BYED CING, SEMS CAN RNAMS LA GTZE BA SNA TSOGS BSTAN NAS, SEMS CAN 'DUL BA'I YONGS SU SMIN PAR BYA BA YANG 'GRUB PAR BYED DE, 'DI NI GZHAN LA GNOD PA BYA BAS, DE LAS GZHAN PA'I SEMS CAN LA PHAN 'DOGS PA KUN TU STON PAS, GZHAN DAG SEMS DANG PA SNGON DU 'GRO BA'I YONGS SU SMIN PAR BYA BA YANG 'GRUS PAR BYED DE, 'DI NI BYANG CHUB SEMS DPA'I TSUL KHRIMS ZAB PA NYID KYI KHYAD PAR RO, ,MDOR BSDU NA KHYAD PAR RNAM PA 'DI BZHIS BYANG CHUB SEMS DPA'I TSUL KHRIMS KYI SDOM PA KHYAD PAR CAN DU RIG PAR BYA'O, ,RAB TU DBYE BA 'DIS NA BYANG CHUB SEMS DPA'I BSLAB PA'I RAB TU DBYE BA TSAD MED DE, DPER NA 'DUL BAR BSNYAD PA SHIN TU RGYAS PA'I MDO SDE LAS 'BYUNG BA LTA BU'O,, ,,BAM PO BZHI PA STE THA MA'O, ,DE LTAR LHAG PA'I TSUL KHRIMS KYI SDOM PA KHYAD PAR BSTAN NAS, LHAG PA'I SEMS KYI KHYAD PAR JI LTAR BLTA ZHE NA, MDOR BSDU NA RAB TU DBYE BA DRUG GIS BLTA BAR BYA STE, DMIGS PAS RAB TU DBYE BA DANG, SNA TSOGS NYID KYIS RAB TU DBYE BA DANG, GNYEN POS RAB TU DBYE BA DANG, LAS SU RUNG BA NYID KYIS RAB TU DBYE BA DANG, MNGON PAR SGRUB PAS RAB TU DBYE BA DANG, LAS KYIS RAB TU DBYE BA STE, THEG PA CHEN PO'I CHOS LA @32B DMIGS PA'I PHYIR RO, ,THEG PA CHEN PO SNANG BA DANG, BSOD NAMS THAMS CAD YANG DAG PAR BSAGS PA DANG, TING NGE 'DZIN GYI RGYAL PO BZANG SKYONG DANG, DPA' BAR 'GRO BA LA SOGS PA'I TING NGE 'DZIN SNA TSOGS NYID TSAD MED PA'I PHYIR RO, ,CHOS THAMS CAD 'DRES PA LA DMIGS PA'I YE SHES KYIS; KHYE'U KHYE'U DBYUNG BA'I TSUL DU KUN GZHI RNAM PAR SHES PA LA SGRIB PA'I GANG DU 'DOD PAR SKYE BA YONGS SU 'DZIN PA'I PHYIR RO, ,'DZIN RTEN GYI KHAMS THAMS CAD DU THOGS PA MED YONGS SU 'DZIN PA'I PHYIR RO, ,'JIN RTEN GY KHAMS THAMS CAD DU THOGS PA MED PA'I MNGON PAR SHES PA MNGON PAR SGRUB PA DANG, G-YO BAR BYED PA DANG, 'BRAR BAR BYED PA DANG, KHYAB PAR BYED PA DANG, STON PA DANG, GZHAN GYI DNGOS POR BSGYUR BA DANG, 'GRO BA DANG, 'ONG BA DANG, SDUD PA DANG, RGYAS PAR BYED PA DANG, GZUGS KYI LUS THAMS CAD 'JOG PA DANG, SKAL BA MNYAM PAS 'GRO BA DANG, SNANG BAR BYED CING MI SNANG BAR YANG BYED PA DANG, DBANG NYID DU BYED PA DANG, GZHAN GYI RDZU 'PHRUL RAB TU 'JOG PA DANG, SPOBS PA DANG, DRAN PA DANG, BDE BA SBYIN PA DANG, 'OD ZER GTONG BA'I RGYU 'PHRUL CHEN PO MNGON PAR SGRUB PA DANG, DKA' BA SPYOD PA THAMS CAD BSDUS PA DKA' BA SPYOD PA RNAM PA BCU MNGON PAR SGRUB PA'I PHYIR RO, ,DKA' BA SPYOD PA RNAM PA BCU NI 'DI LTA STE, KHAS BLANG BAR DKA' BA SPYOD PA NI, BYANG CHUB CHEN POR SMON LAM 'DEBS PA KHAS LEN PA'I PHYIR RO, ,MI LDOG PAR DKA' BA SPYOD PA NI 'KHOR BA'I SDUG BSNGAL RNAMS KYIS MI BZLOG PA'I PHYIR RO, ,PHYIR MI PHYOGS PAR DKA' BA SPYOD PA NI, SEMS CAN THAMS CAD KYI LOG PAR SGRUB PA RNAMS KYIS DE LAS PHYIR MI PHYOGS PA'I PHYIR RO, ,MNGON DU PHYOGS PAR DKA' BA SPYOD PA NI, GNOD PAR BYED PA'I SEMS CAN RNAMS KYI DON THAMS CAD BYA BA LA MNGON DU PHYOGS PA'I PHYIR RO, ,MI GOS PAR DKA' BA SPYOD PA NI, 'JIG RTEN DU SKYES KYANG 'JIG RTEN PA'I CHOS KYIS MI GOS PA'I PHYIR RO, ,MOS PAR DKA' BA SPYOD PA NI, RTOG PA MED PAR YANG THEG PA CHEN PO LA RGYA CHE BA NYID DANG, ZAB PA NYID THAMS CAD LA MOS PA'I PHYIR RO, ,RTOGS PAR @33A *, ,DKA' BA SPYOD PA NI, GANG ZAG DANG CHOS LA BDAG MED PA RTOGS PA'I PHYIR RO, ,KHONG DU CHUD PAR DKA' BA SPYOD PA NI, DE BZHIN GSHEGS PA RNAMS KYIS DGONGS TE GSUNGS PA ZAB MO KHONG DU CHUD PA'I PHYIR RO, ,MI 'BYED PA KUN NAS NYON MONGS PA MED PAR DKA' BA SPYOD PA NI, 'KHOR BA YONGS SU MI GTONG YANG, DES KUN NAS NYON MONGS PA MED PA'I PHYIR RO, ,SBYOR BAR DKA' BA SPYOD PA NI, SGRIB PA THAMS CAD LAS RNAM PAR GROL BA LA BZHUGS PA'I SANGS RGYAS RNAMS 'KHOR BA'I MTHA'I BAR DU LHUN GYIS GRUB PAR SEMS CAN THAMS CAD KYI DON THAMS CAD MDZAD PA DAG LA SBYOR BA'I PHYIR RO, ,KHONG DU CHUD PAR DKA' BA SPYOD PA LA SANGS RGYAS RNAMS KYIS DGONGS TE GSUNGS PA LA, DE DAG GIS KHONG DU CHUD PA CI 'DRA ZHE NA, DPER NA JI LTAR NA BYANG CHUB SEMS DPA' SBYIN PHOD PA YIN ZHE NA, GAL TE SBYIN PA CUNG ZAD MI SBYIN LA DE PHYOGS BCU'I 'JIG RTEN SBYIN PA BYA BA TSAD MED PA LA YANG 'JUG GO, ,JI LTAR NA SBYIN PA 'DOD PA YIN ZHES NA, GAL TE SBYIN PA THAMS CAD LA 'DOD PAR MI BYED PA'O, ,JI LTAR NA SBYIN PA LA MOS PA YIN ZHE NA, GAL TE DE BZHIN GSHEGS PA RNAMS LA DAD PAS MI 'GRO BA'O, ,JI LTAR NA SBYIN PA LA 'JUG PAR BYED PA YIN ZHE NA, GAL TE BDAG SBYIN PA LA 'JUG PAR MI BYED PA STE, RANG BZHIN NYID KYIS SBYIN ZHES BYA BA'I THA TSIG GO, ,JI LTAR NA SBYIN PA LA MNGON PAR DGA' BA YIN ZHE NA, GAL TE LAN 'GA' SBYIN PA CI YANG SBYIN PAR MI BYED PA'O, ,JI LTAR NA SBYIN PA LA CHE BA YIN ZHE NA, GAL TE SBYIN PA LA SNYING PO MED PA'I 'DU SHES SU GYUR PA'O, ,JI LTAR NA SBYIN PA DAG PA YIN ZHE NA, GAL TE SER SNANG 'BYUNG BAR BYED PA'O, ,JI LTAR NA SBYIN PA MTHAR PHYIN PA YIN ZHE NA, GAL TE MTHA' LA MI GNAS PAR GYUR PA'O, ,JI LTAR NA SBYIN PA LA BDAG PO YIN ZHE NA, GAL TE SBYIN PA LA DBANG BYED PA MA YIN PA'O, ,JI LTAR NA SBYIN PA MI ZAD PA YIN ZHE NA, GAL TE MI ZAD PA LA MI GNAS PAR GYUR PA'O, ,SBYIN PA LA JI LTA BA DE BZHIN DU TSUL KHRIMS LA SOGS PA SHES RAB LA THUG PA RNAMS LA YANG CI RIGS SU SHES PAR BYA'O, ,JI LTAR NA SROG GCOD PA YIN ZHE NA, GAL TE SROG CHAGS @33B RNAMS 'KHOR BA LAS SHIN TU BZLOG PA'O, ,JI LTAR NA MA BYIN PAR LEN PA YIN ZHE NA, GAL TE SUS KYANG MA BYIN PAR BDAG NYID KYIS SEMS CAN THAMS CAD LEN PA'O, ,JI LTAR NA 'DOD PA LA LOG PAR SPYOD PA YIN ZHE NA, GAL TE 'DOD PA RNAMS LA LOG PA'O ZHES SPYOD PA'O, ,JI LTAR NA BRDZUN DU SMRA BA YIN ZHE NA, GAL TE GANG BRDZUN PA DE LA BRDZUN NO ZHES NO, ,JI LTAR NA LOG PAR LTA BA CAN YIN ZHE NA, GAL TE GANG THAMS CAD NA THAMS CAD LA 'DUG PA'I LOG PA DE JI LTA BA BZHIN LTAR NA NGAG RTZUB PO SMRA BA YIN ZHE NA, GAL TE SHES BYA BA'I PHA ROL TU GNAS PA'O, ,JI LTAR NA TSIG KYAL PA SMRAS PA YIN ZHE NA; GAL TE CHOS THAMS CAD YANG DAG PAR RNAM PAR PHYE STE SMRA BA'O, ,JI LTAR NA BRNAB SEMS CAN YIN ZHE NA, GAL TE RGYUN DU BDAG BLA NA MED PA'I BSAM GTAN THOB PAR BYED PA'O, ,JI LTAR NA GNOD SEMS KYI SEMS DANG LDAN PA YIN ZHE NA, GAL TE SEMS LA NYON MONGS PAR BYED PA THAMS CAD LA 'DIS GNOD PAR BYAS PA YIN NO, ,JI LTAR NA LOG PAR LTA BA CAN YIN ZHE NA, GAL TE GANG THAMS CAD NA THAMS CAD LA 'DUG PA'I LOG PA DE JI LTA BA BZHIN DU MTHONG BA'O, ,SANGS RGYAS KYI CHOS RNAMS ZAB BO ZHES BYA BA LA, SANGS RGYAS KYI CHOS RNAMS ZAB PA GANG ZHE NA, 'DIR BSTAN PA RTAG PA'I CHOS RNAMS NI SANGS RGYAS KYI CHOS RNAMS TE, CHOS KYI SKU RTAG PA'I PHYIR RO, ,CHAD PA'I CHOS RNAMS NI SANGS RGYAS KYI CHOS RNAMS TE, SGRIB PA THAMS CAD CHAD PA'I PHYIR RO, ,SKYE BA'I CHOS RNAMS NI SANGS RGYAS KYI CHOS RNAMS TE, SPRUL PA'I SKU SKYE BA'I PHYIR RO, ,DMIGS PA'I CHOS RNAMS NI SANGS RGYAS KYI CHOS RNAMS TE, SEMS CAN GYI SPYOD PA BRGYAD KHRI BZHI STONG GI GNYEN PO DAG DANG BCAD PA DMIGS PA'I PHYIR RO, ,'DOD CHAGS DANG BCAS PA'I CHOS RNAMS NI, SANGS RGYAS KYI CHOS RNAMS TE, 'DOD CHAGS DANG BCAS PA'I SEMS CAN RNAMS KYIS BDAG TU KHAS BLANGS PA'I PHYIR RO, ,DE BZHIN DU ZHE SDANG DANG BCAS PA'I CHOS RNAMS NI SANGS RGYAS KYI CHOS RNAMS TE, GTI MUG DANG BCAS PA'I CHOS RNAMS NI SANGS RGYAS KYI CHOS, SO SO'I SKYE BA'O CHOS RNAMS NI, SANGS RGYAS KYI CHOS RNAMS SU BLTA BAR BYA'O, ,MI GOS PA'I CHOS RNAMS NI @34A *, ,SANGS RGYAS KYIS CHOS RNAMS TE, GRUB PA'I DE BZHIN NYID LA SGRIB PA THAMS CAD KYIS MI GOS PA'I PHYIR RO, ,NYE BAR GOS PA MED PA'I CHOS RNAMS NI, SANGS RGYAS KYI CHOS RNAMS TE, 'JIG RTEN DU SKYES KYANG 'JIG RTEN PA'I CHOS RNAMS KYIS NYE BAR GOS PA MED PA'I PHYIR RO, ,DE'I PHYIR SANGS RGYAS KYIS CHOS RNAMS NI ZAB PA ZHES BYA'O, ,PHA ROL TU PHYIN PA BSGOM PA DANG, SEMS CAN YONGS SU SMIN BAR BYA BA DANG, SANGS RGYAS KYI ZHING YONGS SU DAG PAR BYA BA DANG, SANGS RGYAS KYI CHOS THAMS CAD BSGRUB PA'I PHYIR, BYANG CHUB SEMS DPA'I TING NGE 'DZIN RNAMS KYI LAS KYI RAB TU DBYE BAR BLTA'O, ,DE LTAR LHAG PA'I SEMS KYI KHYAD PAR BSTAN NAS, LHAG PA'I SHES RAB KYI KHYAD PAR JI LTAR BLTA ZHE NA, RNAM PAR MI RTOG PA'I YE SHES KYI NGO BO NYID DANG, GNAS DANG, GZHI DANG, DMIGS PA DANG, RNAM PA DANG, BRGAL BA'I LAN DANG, RTEN DANG; GROGS DANG, RNAM PAR SMIN PA DANG, RGYU MTHUN PA DANG, NGES PAR 'BYUNG BA DANG, MTHAR THUG PAR 'GRO BA DANG, SBYOR BA LAS BYUNG BA DANG, RNAM PAR MI RTOG PA DANG, RJES LAS THOB HAR THUG PA,SPANGS SHING, ,YANG DAG DON LA BKRAR 'DZIN MED, SEMS DPA' RNAMS KYIS SHES, ,RNAM PAR RTOG PA MED PA'I GNAS, DANG, RJES LAS THOB PA'I DPE DANG, LHUN GYIS GRUB PAR BYA BA SGRUB PA DANG, ZAB PA NYID KYIS KYANG RNAM PAR MI RTOG PA'I YE SHES NI, LHAG PA'I SHES RAB KYI KHYAD PAR DU BLTA BAR BYA'O, ,DE LA RNAM PA LNGAS RNAM PAR SPANGS PA NI, RNAM PAR MI RTOG PA'I YE SHE KYI NGO BO NYID CES BYA STE, YID LA MI BYED PA YONGS SU SPANGS PA DANG, RTOG PA DANG BCAS PA DANG, DPYOD PA DANG BCAS PA'I SA LAS SHIN TU 'DA' BA YONGS SU SPANGS PA DANG, 'DU SHES DANG, TSOR BA 'GOG PA NYE BAR ZHI BA YONGS SU SPANGS PA DANG, GZUGS KYI NGO BO NYID YONGS SU SPANGS PA DANG, DE KHO NA'I DON LA BKRA BAR 'DZIN PA YONGS SU SPANGS PA'I PHYIR TE, RNAM PAR MI RTOG PA'I YE SHES NI, RNAM PA 'DI LNGA YONGS SU SPANGS PAR RIG PAR BYA'O, ,RNAM PAR MI RTOG PA'I YE SHES RNAM PAR GZHAG PA JI SKAD BSTAN PA 'DIR TSIGS SU BCAS PA, BYANG CHUB SEMS DPA' RNAMS KYIS SHES, , @34B RNAM PA RTOG MED PA'I NGO BO NYID, ,RNAM PA LNGA NI RNAM SPANGS SHING, ,YANG DAG DON LA BKRAR 'DZIN MED, ,BYANG CHUB SEMS DPA' RNAMS KYIS SHES, ,RNAM PAR RTOG PA MED PA'I GNAS, ,SEMS MIN SEMS NI KHO NA STE, ,DON LA MI SEMS RGYUS BYUNG PHYIR, ,BYANG CHUB SEMS DPA' RNAMS KYIS SHES, ,RNAM PAR RTOG PA MED PA'I GZHI, ,THOS PA'I BAG CHAGS RJOD BCAS PA'I, ,YID BYED DE NI TSUL BZHIN NO, ,BYANG CHUB SEMS DPA' RNAMS KYIS SHES, ,RNAM RTOG MED PA'I , ,RNAM RTOG MED PAR GANG PHYIR BZHED, ,DESEMS DPA' RNAMS KYIS SHES, ,RNAM RTOG MED PA'I MTHAR THUG PA, D, ,BDAG MED DE BZHIN NYID KYANG DE, ,BYANG CHUB SEMS DPA' RNAMS KYIS SHES, ,RNAM PAR MI RTOG RNAM PA NI, ,SHES BYA DMIGS PA DE NYID LA, ,MTSAN MA MED PA GANG YIN PA'O, ,SBYOR LAS BYUNG BA'I RANG BZHIN DE, ,RNAM BRTAGS DE LAS GZHAN DU MIN, ,YI GE PHAN TSUN SBYOR BAS NA, DON DE SBYOR LAS BYUNG BA YIN, ,RJOD PA MED PAR BRJOD BYA LA, ,SHES PA 'JUG PA MA YIN NO, ,'GAL BA'I PHYIR NA BRJOD LA MIN, ,DE PHYIR THAMS CAD BRJOD DU MED, ,RNAM PAR MI RTOG YE SHES NI, ,BYANG CHUB SEMS DPA'I DE RJES LA, ,THOB PA'I SBYOD PA'I RTEN YIN TE, ,DE NI 'PHEL BAR 'GYUR PHYIR RO, ,BYANG CHUB SEMS DPA' RNAMS KYIS SHES, ,RNAM PAR RTOG PA MED PA'I GROGS, ,LAM GNYIS SU NI BRJOD PA STE, ,PHA ROL PHYIN LNGA'I RANG BZHIN NO, ,BYANG CHUB SEMS DPA' RNAMS KYIS SHES, ,RNAM RTOG MED PA'I RNAM SMIN NI, ,SANGS RGYAS DKYIL 'KHOR GNYIS SU STE, ,SBYOR BA DANG NI THOB PAS SO, ,BYANG CHUB SEMS DPA' RNAMS KYIS SHES, ,RNAM RTOG MED PA'I RGYU MTHUN NI, ,PHYIN MA PHYIN MA'I TSE RNAMS SU, ,KHYAD PAR DU NI 'GRO BAR 'DOD, ,BYANG CHUB SEMS DPA' RNAMS KYIS SHES, ,RNAM RTOG MED PA'I 'BYUNG BA NI, ,SA BCU DAG TU SHES BYA STE, ,THOB PA DANG NI GRUB PHYIR RO, ,BYANG CHUB SEMS DPA' RNAMS KYIS SHES, ,RNAM RTOG MED PA'I MTHAR THUG PA, ,DAG PA'I SKU GSUM THOB PHYIR DANG, ,DBANG GI MCHOG NI THOB PHYIR RO, ,RNAM RTOG MED PA'I YE SHES DE, ,DAD PA TZAM DANG MOS PA YIS, ,SDIG PA SNA TSOGS DRAG RNAMS KYIS, ,GOS PA MED DE NAM MKHA' BZHIN, , @35A *, ,RNAM RTOG MED PA'I YE SHES DE, ,SGRIB PA KUN LAS GROL BA'I PHYIR, ,THOD DANG GRUB DANG LDAN PAS NA, ,GOS PA MED DE NAM MKHA' BZHIN, ,RNAM RTOG MED PA'I YE SHES DE, ,GOS PA MED DE NAM MKHA' BZHIN, ,'JIG RTEN DAG NA RNAM RGYU YANG, 'JIG RTEN CHOS KYIS RTAG MI GOS, ,LKUGS PAS DON NI MYONG 'DOD DANG, ,JI LTAR LJUGS PAS DON MYONG BA DANG, ,MA LKUGS PAS NI DON MYONG LTAR, ,YE SHES GSUM NI BRJOD PA YIN, ,RMONGS PAS DON NI MYONG 'DOD DANG, ,JI LTAR RMONGS PAS DON RMONGS DANG, MA RMONGS PAS NI DON RMONGS LTAR, ,YE SHES GSUM NI BRJOD PA YIN, ,LNGA POS DON NI MYONG 'DOD DANG, ,JI LTAR LNGA POS DON MYONG DANG, ,YID KYIS DON NI MYONG BA LTAR, ,YE SHES GSUM NI BRJOD PA YIN, ,BSTAN BCOS MI SHES BSTAN BCOS 'DOD, ,CHOS DANG DON MYONG GO RIMS LTAR, ,SBYOR BA LAS NI BYUNG BA SOGS, ,YE SHES GSUM DE BZHIN GSHEGS PAR BYA, ,MI ZHIG MIG NI BTZUMS PA LTAR, ,RNAM RTOG MED PA'I SHES DE 'DRA, ,DE NYID MIG NI PHYE BA LTAR, ,DE RJES THOB PA'I SHES DE 'DRA, ,RNAM RTOG MED PA'I SHES DE NI, ,NAM MKHA' BZHIN DU SHES PAR BYA, ,DE LA GZUGS NI SNANG BA LTAR, ,DE YI RJES THOB SHES DE 'DRA, ,JI LTAR NOR BU SIL SNYAN DAG ,RTOG PA MED PA RANG LAS BYUNG, ,DE LTAR RTAG TU RTOG MED PAR, ,SANGS RGYAS PHRIN LAS SNA TSOGS 'BYUNG, ,DE LA MA YIN GZHAN LA MIN, ,MI SHES PA DANG SHES PA'ANG MIN, ,SHES BYA DANG NI KHYAD MED PA'I, ,SHES GANG DE NI MI RTOG NYID, ,RNAM PAR BRTAG BYA MED PAS NA, ,CHOS RNAMS THAMS CAD RANG BZHIN GYIS, ,RNAM RTOG MED PAR GANG PHYIR BZHED, ,DE PHYIR SHES DE MI RTOG NYID, ,DE LA RNAM PAR MI RTOG PA LA SBYOR BAS BYUG BA'I YE SHES NI RNAM PA GSUM STE, RGYU DANG 'PHEN PA DANG, GOMS PA LAS BYUNG BAS RAB TU DBYE BA'I PHYIR RO, ,RNAM PAR MI RTOG PA'I YE SHES KYANG RNAM PA GSUM STE, CHOG SHES PA DANG, PHYIN CI MA LOG PA DANG, SPROS PA MED PAS RNAM PAR MI RTOG PA'I PHYIR RO, ,DE'I RJES LAS THOB PA NI RNAM PA LNGA STE, RTOGS PA DANG, RJES SU DRAN PA DANG, RNAM PAR @35B GZHAG PA DANG, 'DRES PA DANG, 'BYOR BA LA DPYOD PA THA DAD PA'I PHYIR RO, ,RNAM PAR MI RTOG PA'I YE SHES GRUB PA'I TSIGS SU BCAD PA GZHAN DAG NI, YI DAGS DUD 'GRO MI RNAMS DANG, ,LHA RNAMS JI LTAR 'OS 'OS SU, ,DNGOS GCIG YID NI THA DAD PAS, ,DON RNAMS GRUB PA MED PAR 'DOD, ,'DAS SOGS DE BZHIN RMI LAM DANG, ,GZUGS BRNYAN RNAM PA GNYIS PO LA, DMIGS PA YOD PA MA YIN PHYIR, ,DE LA DMIGS PA LNGA PA'I PHYIR, ,DON NI DON DU GRUB NA NI, ,YE SHES RTOG PA MED MI 'GYUR, ,DE MED PAS NA SANGS RGYAS NYID, ,'THOB PAR 'THAD PA MA YIN NO, ,BYANG CHUB SEMS DPA' DBANG THOB DANG, ,BSAM GTAN PA YIN MOS DBANG GIS, ,'DI LTAR SA LA SOGS PA DAG, ,DNGOS PO DE LTAR DMIGS PAR 'GYUR, ,'DI LA RNAM PAR 'BYED 'GRUB PA, ,BLO LDAN ZHI PA THOB PA YI, ,CHOS KUN YID LA BYED PA LA, ,DE LTAR DON DU SNANG PHYIR RO, , YE SHES RGYU BA RTOG MED LA, ,DON RNAMS THAMS CAD MI SNANG PHYIR, ,DON MED KHONG DU CHUD PAR BYA, ,DE MED PAS NA RNAM RIG MED, ,SHES RAB KYI PHA ROL TU PHYIN PA DANG, RNAM PA MI RTOG PA'I YE SHE NI KHYAD PAR MED DE, JI SKAD DU BYANG CHUB SEMS DPA' SHES RAB KYI PHA ROL TU PHYIN PA LA MI GNAS PA'I TSUL GYIS GNAS NAS DE LAS GZHAN PA'I PHA ROL TU PHYIN PA RNAMS BSGOMS PAS YONGS SU RDZOGS PAR BYED DO ZHES GSUNGS PA LTA BU'O, ,JI LTAR MI GNAS PA'I TSUL GYIS YONGS SU RDZOGS PAR BYED CE NA, GNAS RNAM PA LNGA YONGS SU SPONG BA'I PHYIR TE, MU STEGS CAN GYI NGAR 'DZIN PA'I GNAS YONGS SU SPONG BA DANG, DE KHO NA MA MTHONG BA'I BYANG CHUB SEMS DPA'I RNAM PAR RTOG PA'I GNAS YONGS SU SPONG BA DANG, 'KHOR BA DANG MYA NGAN LAS 'DAS PA'I MTHA' GNYIS KYI GNAS YONGS SU SPONG BA DANG, NYON MONGS PA'I SGRIB PA SPANGS PA TZAM GYIS CHOG PAR 'DZIN PA'I GNAS YONGS SU SPONG BA DANG, SEMS CAN GYI DON LA MI LTA BA PHUNG PO'I KHA MA MED PA'I MYA NGAL LAS 'DAS PA'I DBYINGS KYI GNAS YONGS SU SPONG BA'I PHYIR RO, ,NYAN THOS KYI YE SHES DANG, BYANG CHUB SEMS DPA'I YE SHES GNYIS LA KHYAD PAR CI YOD CE NA, RNAM PA LNGAS KHYAD PAR YOD @36A *, ,PAR RIG PAR BYA STE, RNAM PAR MI RTOG PA'I KHYAD PAR NI PHUNG PO LA SOGS PA'I CHOS LA RNAM PAR MI RTOG PA'I PHYIR RO, ,NYI TSE BA MA YIN PA'I KHYAD PAR NI DE KHO NA ZAD PAR RTOGS PA DANG, SHES BYA'I RNAM PAR THAMS CAD LA 'JUG PA DANG, SEMS CAN THAMS CAD KYI CHED DU BYA BA'I NYI TSE BA MA YIN PA'I PHYIR RO, ,MI GNAS PA NYID KYI KHYAD PAR NI MI GNAS PA'I MYA NGAN LAS 'DAS PA'I PHYIR RO, ,GTAN DU BA'I KHYAD PAR NI MYA NGAN LAS 'DAS PA'I DBYINGS SU ZAD PAR MI 'GYUR BA'I PHYIR RO, ,GONG NA MED PA'I KHYAD PAR NI NGE'I GONG NA DE MA YIN PA'I THEG PA CHES KHYAD PAR DU 'PHAGS PA GZHAN MED PA'I PHYIR RO, ,'DIR TSIGS SU BCAD PA, SNYING RJE'I BDAG NYID YE SHES KYIS, ,RNAM LNGA KHYAD PAR 'PHAGS PA RNAMS, ,'JIG RTEN 'JIG RTEN 'DAS PA YI, ,PHUN SUM TSOGS DANG MI RING BRJOD, ,GANG GI TSE BYANG CHUB SEMS DPA' DE LTAR LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI YON TAN PHUN SUM TSOGS PA DANG LDAN PA'I ZHING NOR THAMS CAD LA DBANG 'BYOR BA THOB PAR GYUR PA DE'I TSE, CI'I PHYIR SEMS CAN BREL PHONGS CAN DAG SNANG ZHE NA, SEMS CAN DE DAG LA DE'I BGEGS SU GYUR BA'I LAS MTHONG BA DANG, LONGS SPYOD DE NYE BAR SGRUB NA DGE BA'I CHOS SKYE BA'I BAR DU GCOD PA NYID DU MTHONG BA DANG, ,KUN TU SKYE BA MNGON DU GYUR PAR MTHONG BA DANG, LONGS SPYOD DE NYE BAR SGRUB NA MI DGE BA'I CHOS SOGS PA'I RGYU NYID DU MTHONG BA DANG, LONGS SPYOD DE NYE BAR SGRUB PA NYID DE LAS GZHAN PA'I SEMS CAN CHES MANG BA DAG LA GNOD PA'I RGYU NYID DU MTHONG BA'I PHYIR, SEMS CAN BREL PHONGS CAN DAG SNANG NGO, ,'DIR TSIGS SU BCAD PA, LAS KYI SGRIB DANG MNGON 'GYUR DANG, ,SOGS DANG GNOD BYED MTHONG BA'I PHYIR, ,BYANG CHUB SEMS DPA' RNAMS KYIS NI, ,SEMS CAN LONGS SPYOD MI 'THOB BRJOD, ,DE LTAR LHAG PA'I SHES RAB KYI KHYAD PAR BSTAN TO, ,SPONG BA'I KHYAD PAR JI LTAR BLTA ZHE NA, BYANG CHUB SEMS DPA' RNAMS KYI SPONG BA NI MI GNAS PA'I MYA NGAN LAS 'DAS PA NI GANG YIN PA'O, ,DE'I MTSAN NYID NI, GANG NYON MONGS PA YONGS SU BTANG BA DANG @36B BCAS PAS 'KHOR BA YONGS SU MI GTONG BA'I GNAS TE GNAS GYUR PA'O, ,DE LA 'KHOR BA NI GZHAN GYI DBANG GI NGO BO NYID DE KUN NAS NYON MONGS PA'I CHAR GTOGS PA'O, ,MYA NGAN LAS 'DAS PA NI DE NYID RNAM PAR BYANG BA'I CHAR GTOGS PA'O, ,GNAS NI DE NYID GNYI GA'I CHAR GTOGS PA STE, GZHAN GYI DBANG GI NGO BO NYID DO, ,GZHAN GYUR PA NI GANG GZHAN GYI DBANG GI NGO BO NYID DE NYID KYI GNYEN PO SKYES NAS GANG KUN NAS NYON MONGS PA'I CHA LDOG CING RNAM PAR BYANG BA'I CHAR GYUR PA'O, ,GYUR PA DE YANG MDOR BSDU NA RNAM PA DRUG STE, NYAM CHUNG BAR BYED CING RGYAS PAR GYUR PA NI MOS PA'I DBANG GIS THOS PA'I BAG CHAGS GNAS PA DANG, 'DZEM PA DANG BCAS PA LA NYON MONGS PA CHUNG NGU TZAM KUN TU 'BYUNG BA'AM, KUN TU MI 'BYUNG BA'I PHYIR RO, ,RTOGS NAS GYUR PA NI SAR CHUD PA'I BYANG CHUB SEMS DPA' RNAMS KYI STE SA DRUG PA'I BAR DU DE KHO NA DANG DE KHO NA MA YIN PA SNANG BA NYE BAR GNAS PA'I PHYIR RO, ,BSGOM PAS GYUR PA NI SGRIB PA DANG BCAS PA RNAMS KYI STE, SA BCU'I BAR DU MTSAN MA THAMS CAD MI SNANG BA DANG, DE KHO NA SNANG BA'I PHYIR RO, ,'BRAS BU YONGS SU RDZOGS PA'I 'GYUR BA NI SGRIB PA MED PA RNAMS KYI STE, MTSAN MA THAMS CAD MI SNANG BA DANG, SHIN TU RNAM PAR DAG PA'I DE KHO NA SNANG BA DANG, MTSAN MA THAMS CAD LA DBANG 'BYOR BA THOB PA'I PHYIR RO, ,'GYUR PA DMAN PA NI NYAN THOS RNAMS KYI STE, GANG ZAG LA BDAG MED PAR RTOGS PA DANG, 'KHOR BA LA SHIN TU RGYAB KYIS BLTAS PAS 'KHOR BA SHIN TU YONGS SU GTONG BA'I PHYIR RO, ,RGYUR PA RGYA CHE BA NI BYANG CHUB SEMS DPA' RNAMS KYI STE, CHOS LA BDAG MED PAR RTOGS PA DANG, DE NYID LA ZHI BAR MTHONG BAS KUN NAS NYON MONGS PA SPONG ZHING YONGS SU MI GTONG BA'I PHYIR RO, ,GYUR PA DMAN PA BYANG CHUB SEMS DPA' RNAMS KYI YIN NA NYES DMIGS CING YOD CE NA, SEMS CAN GYI DON LA MI LTA BAS BYANG CHUB SEMS DPA'I CHOS NYID LAS SHIN TU 'DAS TE, THEG PA DMAN PA PA RNAMS DANG RNAM PAR THAR PA MTSUNGS PA'I NYES DMIGS SU 'GYUR RO, ,BYANG CHUB SEMS DPA' RNAMS KYI GYUR PA RGYA CHEN PO LA PHAN YON CI YOD CE NA, RANG BZHIN GNAS GYUR PA'I GZHIS 'KHOR BA'I CHOS THAMS CAD LA DBANG 'BYOR BA THOB PA'I PHYIR TE, 'GRO BA @37A *, ,THAMS CAD DU SEMS CAN THAMS CAD KYI LUS STON PAS 'DUL BA'I THABS LA MKHAS PA SNA TSOGS KYIS MNGON PAR MA THOB DANG, THEG PA GSUM PO DAG LA 'DUL ZHING 'GOD PA NI PHAN YON NO, ,'DIR TSIGS SU BCAS PA, ,BYIS PA RNAMS LA YANG DAG BSGRIBS, ,YANG DAG MA YIN KUN TU SNAD, ,DE BSTZAL YANG DAG THAMS CAD DU, ,BYANG CHUB SEMS DPA' RNAMS LA SNANG, ,DON MED PA DANG DON YOD PA, ,MI SNANG SNANG BAR SHES PAR BYA, ,GNAS NI GZHAN DU GYUR PA DE, ,'DOD DGUR RGYU PHYIR THAR PA YIN, ,'KHOR BA DANG NI MYA NGAN 'DAS, ,MTSUNGS PAR SHES PA NAM SKYE BA, ,DE TSE DE PHYIR DE LA NI, ,'KHOR NYID MYA NGAN 'DAS PAR 'GYUR, ,DE YI PHYIR NA 'KHOR BA NI, ,GTONG BA MA YIN MI GTONG MIN, ,DE PHYIR MYA NGAN 'DAS PA YANG, ,THOB PA MA YIN MI THOB MIN, ,DE LTAR SPONG BA'I KHYAD PAR BSTAN NAS, YE SHES KYI KHYAD PAR JI LTAR BLTA BAR BYA ZHE NA, SANGS RGYAS KYI SKU GSUM PO NGO BO NYID DANG, LONGS SPYOD RDZOGS PA DANG, SPRUL PA'I SKUS YE SHES KYI KHYAD PAR DU BLTA BAR BYA'O, ,DE LA NGO BO NYID KYI SKU NI GANG DE BZHIN GSHEGS PA RNAMS KYI CHOS KYI SKU STE, THAMS CAD LA DBANG SGYUR BA'I GNAS YIN PA'I PHYIR RO, ,LONGS SPYOD RDZOGS PA'I SKU NI, GANG SANGS RGYAS KYI 'KHOR GYI DKYIL 'KHOR SNA TSOGS KYIS RAB TU PHYE BA DANG, CHOS KYI SKU LA BRTEN PA STE, SANGS RGYAS KYI ZHING YONGS SU DAG PA DANG, THEG PA CHEN PO CHOS KYI LONGS SPYOD MYONG BAR MDZAD PA'I PHYIR RO, ,SPRUL PA'I SKU NI GANG CHOS KYI SKU LA BRTEN PA NYID DE DGA' LDAN GYI GNAS NA BZHUGS PA NAS BZUNG STE, 'PHO BA DANG, BLTAMS PA DANG, 'DOD PA LA SPYOD PA DANG, MNGON PAR 'BYUNG BA DANG, MU STEGS CAN GYI GANG DU GSHEGS PA DANG, DKA' PA SPYOD PA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO KUN TU STON PA'I PHYIR RO, ,'DIR SDOM GYI TSIGS SU BCAD PA, MTSAN NYID DANG NI 'THOB PA DANG, ,DBANG DANG GNAS DANG YONGS SU BSDUS DANG, ,DBYE DANG YON TAN ZAB PA DANG, ,DRAN DANG PHRIN LAS SANGS RGYAS NYID, ,SANGS RGYAS RNAMS KYI @37B MTSAN NYID JI LTA BU ZHE NA, CHOS KYI SKU'O, ,MDOR BSDU NA MTSAN NYID LNGAR RIG PAR BYA STE, GNAS GYUR BA'I MTSAN NYID NI SGRIB PA THAMS CAD LA KUN NAS NYON MONGS PA'I CHAR GTOGS PA'I GZHAN GYI DBANG GI NGO BO NYID RNAMS PAR LOG NA SGRIB PA THAMS CAD LAS RNAM PAR GROL ZHING CHOS THAMS CAD LA DBANG SGYUR BA NYE BAR GNAS PA RNAMS PAR BYANG BA'I CHAR GTOGS PA GZHAN GYI DBANG GI NGO BO NYID DU GYUR PA'I PHYIR RO, ,DKAR PO'I CHOS KYI RANG BZHIN GYI MTSAN NYID NI PHA ROL TU PHYIN PA DRUG YONGS SU RDZOGS NAS, DBANG BCU THOB PA'I PHYIR TE, DE LA TSE LA DBANG BA DANG, SEMS LA DBANG BA DANG, YO BYAD LA DBANG BA NI SBYIN PA'I PHA ROL TU PHYIN PA YONGS SU RDZOGS PA'I PHYIR RO, ,LAS LA DBANG BA DANG, SKYE BA LA DBANG BA NI TSUL KHRIMS KYI PHA ROL TU PHYIN PA YONGS SU RDZOGS PA'I PHYIR RO, ,MOS PA LA DBANG BA NI BZOD PA'I PHA ROL TU PHYIN PA YONGS SU RDZOGS PA'I PHYIR RO, ,SMON LAM LA DBANG BA NI BRTZON 'GRUS KYI PHA ROL TU PHYIN PA YONGS SU RDZOGS PA'I PHYIR RO, ,MNGON PAR SHES PA LNGAS BSDUS PA'I RDZU 'PHRUL LA DBANG BA NI BSAM GTAN GYI PHA ROL TU PHYIN PA YONGS SU RDZOGS PA'I PHYIR RO, ,YE SHES LA DBANG BA DANG CHOS LA DBANG BA NI SHES RAB KYI PHA ROL TU PHYIN PA YONGS SU RDZOGS PA'I PHYIR RO, ,GNYIS SU MED PA'I MTSAN NYID NI YOD PA DANG MED PA GNYIS SU MED PA'I MTSAN NYID KYIS CHOS THAMS CAD DNGOS PO MED PA DANG, STONG PA NYID KYI MTSAN NYID KYI DNGOS PO YIN PA'I PHYIR RO, ,'DUS BYAS DANG, 'DUS MA BYAS GNYIS SU MED PA'I MTSAN NYID NI LAS DANG NYON MONGS PA RNAMS KYIS MNGON PAR 'DUS MA BYAS PA NYID DANG, 'DUS BYAS SU SNANG BA KUN TU STON PA LA DBANG 'BYOR BA'I PHYIR RO, ,THA DAD PA DANG GCIG PA GNYIS SU MED PA'I MTSAN NYID NI, DE LA SANGS RGYAS THAMS CAD KYI GNAS THA DAD PA MA YIN PA DANG, RGYUD TSAD MED PA MNGON PAR RDZOGS PAR BYANG CHUB PA'I PHYIR RO, ,'DIR TSIGS SU BCAD PA, BDAG TU 'DZIN PA MED PA'I PHYIR, ,GNAS LA THA DAD YOD PA MA YIN, ,SNGON GYI RJES SU 'BRANG BAS NA, ,DE LA GDAGS PAS THA DAD MED, ,THA DAD RIGS PHYIR DON MED PHYIR, ,KUN PHYIR THOG MA MED PA'I PHYIR, ,DRI MA MED PA'I GNAS LA NI, , @38A *, ,SANGS RGYAS GCIG MIN MANG PO'ANG MIN, ,RTAG PA'I MTSAN NYID NI DE BZHIN NYID RNAM PAR DAG PA'I MTSAN NYID DANG, SNGON GYI SMON LAM GYI SHUGS DANG, BYA BA YONGS SU MA RDZOGS PA'I PHYIR RO, ,BSAM GYIS MI KHYAB PA'I MTSAN NYID NI DE BZHIN NYID RNAM PAR DAG PA DA SO SO RANG GIS RIG PAR BYA BA DANG, 'JIG RTEN NA DPE MED PA DANG, RTOG GE PA'I SPYOD YUL MA YIN PA'I PHYIR RO, ,YANG JI LTAR CHOS KYI SKU 'DI REG PAS THOG MA NYID DU THOB CE NA, THEG PA CHEN PO'I CHOS 'DRES PA LA DMIGS PA RNAM PAR MI RTOG PA DANG, DE'I RJES LAS THOB PA'I YE SHES RNAM PA LNGA LEGS PAR BSGOMS PAS THAMS CAD DU TSOGS LEGS PAR BSAGS PA DANG, SGRIB PA SRAB MO GZHIG PAR DKA' BA SHIGS PA'I PHYIR RDO RJE LTA BU'I TING NGE 'DZIN GYIS DE'I 'JUG THOGS SU SGRIB PA THAMS CAD DANG BRAL BA'I PHYIR, DE DAG GIS GNAS GYUR PAS THOB BO, ,YANG DBANG 'BYOR BA RNAM PA DUS CHOS KYI SKU DBANG 'BYOR BA 'THOB CE NA, MDOR BSDU NA RNAM PA LNGAS 'THOB STE, GZUGS KYI PHUNG PO GYUR BA'I PHYIR ZHING DANG, LUS DANG, MTSAN DANG, DPE BYAD BZANG PO DANG, DBYANGS MTHA' YAS PA DANG, SPYI GCUG BLTAR MI MTHONG BA LA DBANG 'BYOR BA DANG, TSOR BA'I PHUNG PO GYUR BA'I PHYIR KHA NA MA THO BA MED CING TSAD MED LA RGYA CHE BA'I BDE BAR GNAS PA LA DBANG 'BYOR PA DANG, 'DU SHES KYI PHUNG PO GYUR BA'I PHYIR MING GI TSOGS DANG, TSIG GI TSOGS DANG, YE GE'I TSOGS THAMS CAD KYIS BSTAN PA LA DBANG 'BYOR BA DANG, 'DU BYED KYI PHUNG PO GYUR BA'I PHYIR, SPRUL PA DANG, BSGYUR PA DANG, 'KHOR BSDU BA DANG, DKAR PO'I CHOS BSDU BA LA DBANG 'BYOR BA DANG, RNAM PAR SHES PA'I PHUNG PO GNAS GYUR BA'I PHYIR, ME LONG LTA BU DANG, MNYAM PA NYID DANG, SO SOR RTOG PA DANG, BYA BA SGRUB PA'I YE SHES LA DBANG 'BYOR BAS DBANG 'BYOR BA 'THOB BO, ,CHOS KYI SKU GNAS NGU ZHIG GI GNAS NYID DU RIG PAR BYA ZHE NA, MDOR BSDU NA GSUM GYI GNAS TE, SANGS RGYAS KYI GNAS PA SNA TSOGS KYI GNAS NI, 'DIR TSIGS SU BCAD PA, GANG PHYIR SANGS RGYAS RANG GI DBYINGS BRNYES NAS, , @38B RNAM PA LNGA YI BDAG NYID DGYES BRNYES LA, ,DE MA THOB PAS DGA' DANG BRAL GYUR BA, ,DE PHYIR DE 'DOD PAS NA DE THOB BYOS, ,MTHU DANG BYA BA GRUB DANG CHOS RO DANG, ,DON DANG YON TAN 'BYOR BA DPAG MED DANG, ,RTAG TU MI ZAD GZIGS PAS SANGS RGYAS RNAMS, ,DGYES MCHOG KHA NA MA THO MED PA BRNYES, ,LONGS SPYOD RDZOGS PA'I SKU SNA TSOGS KYI GNAS NI BYANG CHUB SEMS DPA' YONGS SU SMIN PAR MDZAD PA'I PHYIR RO, SPRUL PA'I SKU SNA TSOGS KYI GNAS NI, PHAL CHER NYAN THOS RNAMS YONGS SU SMIN PAR MDZAD PA'I PHYIR RO, ,SANGS RGYAS KYI CHOS DU ZHIG GIS CHOS KYI SKU BSDUS PAR RIG PAR BYA ZHE NA, MDOR BSDU NA RNAM PA DRUG GIS BSDUS TE, SANGS RGYAS KYI CHOS RNAM PAR DAG PAS NI KUN GZHI RNAM PAR SHES PAR GYUR NAS CHOS KYI SKU THOB PA'I PHYIR RO, ,RNAM PAR SMIN PA BAS NI DBANG PO GZUGS CAN GYUR NAS RNAM PAR SMIN PA BA'I YE SHES THOB PA'I PHYIR RO, ,GNAS PAS NI 'DOD PA LA SPYOD PA LA SOGS PA LA GNAS PAR GYUR NAS YE SHES TSAD MED PAS GNAS PA THOB PA'I PHYIR RO, ,DBANG 'BYOR BA BAS NI YONGS SU 'DZIN PA'I LAS SNA TSOGS GYUR NAS 'JIG RTEN GYI KHAMS THAMS CAD DU THOGS PA MED PA'I MNGON PAR SHES PA'I YE SHES LA DBANG 'BYOR BA THOB PA'I PHYIR RO, , THA SNYAD PAS NI MTHONG BA DANG, THOS PA DANG, BYE BRAG PHYED PA DANG, RNAM PAR SHES PA'I THA SNYAD BRJOD PAR GYUR NAS SEMS CAN THAMS CAD KYI SEMS TSIM PAR BYA BA'I BSTAN PA MKHYEN PA LA DBANG 'BYOR BA THOB PA'I PHYIR RO, ,SEL BA BAS NI GNOD PA DANG, ,NYES PA THAMS CAD SEL BAR GYUR NAS SEMS CAN THAMS CAD KYI GNOD PA THAMS CAD SEL BA MKHYEN PA BRNYES PA'I PHYIR TE, SANGS RGYAS KYI CHOS 'DI DRUG GIS, SANGS RGYAS RNAM KYI CHOS KYI SKU BSDUS PAR RIG PAR BYA'O, ,SANGS RGYAS BCOM LDAN 'DAS RNAMS KYI CHOS KYI SKU GANG YIN PA DE CI THA DAD PA ZHES BYA BA'AM, THA DAD PA MA YIN PA ZHES BYA ZHE NA, GNAS DANG, DGONGS PA DANG, PHRIN LAS THA DAD PA MED PAS THA DAD PA MA YIN PA ZHES BYA'O, ,LUS TSAD MED PA MNGON PAR RDZOGS PAR BYANG CHUB PA'I PHYIR THA DAD PA ZHES BYA'O, ,CHOS KYI SKU JI LTA BA DE BZHIN DU, LONGS SPYOD RDZOGS PA'I SKU @39A *, ,YANG DGONGS PA DANG PHRIN LAS THA DAD PA MED PAS THA DAD PA MA YIN GYI, GNAS THA DAD PAS THA DAD PA MED PA NI MA YIN TE, GNAS TSAD MED PAS 'BYUNG BA'I PHYIR RO, ,SPRUL PA'I SKU YANG LONGS SPYOD RDZOGS PA'I SKU BZHIN DU BLTA BAR BYA'O, ,CHOS KYI SKU DE YON TAN DU ZHIG DANG LDAN PAR RIG PAR BYA ZHE NA, SHIN TU YONGS SU DAG PA'I TSAD MED PA BZHIN DANG, RNAM PAR THAR PA BRGYAD DANG, ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BCU DANG, NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA BZHI DANG, MNGON PAR SHES PA DRUG DANG, SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU DANG, RNAM PA THAMS CAD YONGS SU DAG PA BZHI DANG, STOBS BCU DANG, MI 'JIGS PA BZHI DANG, BSRUNG BA MED PA GSUM DANG, DRAN PA NYE BAR GZHAG PA GSUM DANG, BAG CHAGS YANG DAG PAR BCOM PA DANG, BSNYEL BA MED PA'I CHOS NYID DANG, THUGS RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG, RNAM PA'I MCHOG THAMS CAD MKHYEN PA NYID DANG, PHA ROL TU PHYIN PA DRUG YONGS SU RDZOGS PA DANG LDAN NO, ,'DIR TSIGS SU BCAS PA, SEMS CAN RNAMS LA THUGS BRTZE BA, ,PHRAD DANG BRAL BAR DGONGS PA CAN, ,MI 'BRAL DGONGS SHING BDE DANG LDAN, ,DGONGS PA KHYOD LA PHYAG 'TSAL LO, ,SGRIB PA KUN LAS NGES PAR GROL, ,THUB PAS 'JIG RTEN KUN ZIL MNAN, ,KHYAD KYI MKHYEN PAS SHES BYA KHYAB, ,SEMS GROL KHYOD LA PHYAG 'TSAL LO, ,SEMS CAN KUN GYI NYON MONGS KUN, ,MA LUS PA DAG 'DUL MDZAD PA, ,NYON MONGS SEL BA SNYON RMONGS PA, ,BRTZER BCAS KHYOD LA PHYAG 'TSAL LO, ,LHUN GYIS GRUB CING CHAGS MI MNGA', ,THOGS PA MI MNGA' RTAG TU YANG, MNYAM PAR GZHAG CING 'DRI KUN GYI, ,LAN LDON KHYOD LA PHYAG 'TSAL LO, ,GNAS DANG GNAS PA BSHAD BYA DANG, ,TSIG DANG SHES PA STON PA LA, ,RTAG TU BLO GROS MI THOGS PA, ,STON MCHOG KHYOD LA PHYAG 'TSAL LO, ,CHED DU BZHUD DANG DE DAG GI ,TSIG DANG SPYOD MKHYEN 'ONGS PA DANG, , @39B 'GRO DANG NGES 'BYUNG SEMS CAN LA, ,LEGS 'DOMS KHYOD LA PHYAG 'TSAL LO, ,SEMS CAN KUN GYIS KHYOD MTHONG NA, ,SKYES BU MCHOG TU RTOGS PAR 'GYUR, ,MTHONG BA TZAM GYIS DAD 'GYUR BAR, ,MDZAD PA KHYOD LA PHYAG 'TSAL LO, ,LEN DANG GNAS DANG GTONG BA DANG, ,SPRUL PA DANG NI SGYUR BA DANG, ,TING NGE 'DZIN DANG YE SHES LA, ,MNGA' BRNYES KHYOD LA PHYAG 'TSAL LO, ,THABS DANG SKYABS DANG DAG PA DANG, ,NGES 'BYUNG THEG PA CHEN PO LA, ,SEMS CAN RNAMS LA MI SLU BA'I, ,BDUD 'JOMS KHYOD LA PHYAG 'TSAL LO, ,YE SHES DANG NI SPANGS PA DANG, ,NGES 'BYUNG BGEGS BYED STON MDZAD PA, ,BDAG GZHAN DON LA MU STEGS GZHAN, ,MI TSUGS KHYOD LA PHYAG 'TSAL LO, ,'KHOR DU TSAR GCAD GSUNG MDZAD PA, ,KUN NAS NYON MONGS GNYIS SPANGS PA, ,BSRUNG BA MI MNGA' BSNYEL MI MNGA', ,TSOGS SDUD KHYOD LA PHYAG 'TSAL LO, ,GSHEGS BZHUGS KUN TU RTAG PAR YANG, ,KUN MKHYEN MA LAGS SPYOD MI MNGA', ,KHYOD NI YANG DAG DON DU NA, ,KUN MKHYEN KHYOD LA PHYAG 'TSAL LO, ,SEMS CAN KUN GYI DON MDZAD LA, ,KHYOD NI DUS LAS YUL MI GDA', ,RTAG TU 'BRAS BU YOD MDZAD PA, ,MI BSNYEL KHYOD LA PHYAG 'TSAL LO; ,'JIG RTEN KUN TU GDUGS ZHAG GCIG ,LAN DRUG TU NI GZIGS MDZAD PA, ,THUGS RJE CHE DANG LDAN PA PO, ,PHAN 'DOGS KHYOD LA PHYAG 'TSAL LO, ,GSHEGS DANG THUGS SU CHUD PA DANG, ,MKHYEN PA DANG NI PHRIN LAS KYIS, ,NYAN THOS DANG NI RANG SANGS RGYAS, KUN MCHOG KHYOD LA PHYAG 'TSAL LO, ,BYANG CHUB CHEN PO RNAM PA KUN, ,SKU GSUM DAG GIS BRNYES GYUR PA, ,KUN TU SEMS CAN THAMS CAD KYI, ,DOGS GCOD KHYOD LA PHYAG 'TSAL LO, ,SRI BA MI MI MNGA' SKYON MI MNGA', ,RNYOG PA MI MNGA' BZHUGS MI MNGA', ,G-YO BA MI MNGA' CHOS KUN LA, ,MI SPROS KHYOD LA PHYAG 'TSAL LO, ,SANGS RGYAS RNAMS KYIS CHOS SKU NI, ,YON TAN 'DI DAG DANG LDAN NO, ,GZHAN YANG NGO BO NYID DANG, RGYU DANG, 'BRAS BU DANG PHRIN LAS DANG LDAN PA DANG, 'JUG PA'I YON TAN RNAMS DANG YANG LDAN TE, DE LTA BAS NA SANGS RGYAS @40A *, ,BCOM LDAN 'DAS RNAMS KYI YON TAN BLA NA MED PAR RIG PAR BYA'O, ,'DIR TSIGS SU BCAD PA, KHYOD NI DAM PA'I DON DGRUB STE, ,SA RNAMS KUN GYIS 'BYUNG BA LAGS, ,SEMS CAN GYI NI MCHOG NYID BRNYES, ,SEMS CAN THAMS CAD RNAMS 'GREL BA, ,MI BAS MTSUNGS PA MA MCHIS PA'I, ,YON TAN LDAN ZHING 'JIG RTEN DANG, ,'KHOR NA GDA' LA RNAM KUN TU, ,LHA MIS MTHONG BA YANG MA LAGS, ,YANG SANGS RGYAS RNAMS KYI CHOS KYI SKU NI, ZAB PA MCHOG TU ZAB PA STE, DE'I ZAB PA JI LTAR BLTA ZHE NA, 'DIR TSIGS SU BCAD PA, ,SKYE MED SANGS RGYAS SKYE BA STE, ,MI GNAS PA LA RAB TU BZHUGS, ,LHUN GYIS GRUB PAR THAMS CAD MDZAD, ,ZAS BZHI PO NI GSOL BA LAGS, ,THA DAD MED CING DPAG TU MED, ,PHRIN LAS DPAG TU MED CING GCIG ,MI BRTAN PA'I PHRIN LAS CAN, ,SANGS RGYAS RNAMS NI SKU GSUM LDAN, ,GANG YANG MNGON RDZOGS SANGS RGYAS MED, ,THAMS CAD SANGS RGYAS MA YIN MIN, ,SKAD CIG RE LA DPAG TU MED, ,DNGOS PO'I DNGOS MED RAB TU PHYE, ,CHAGS PA MA YIN MI CHAGS MIN, ,'DOD CHAGS NYID KYIS BYUNG BA YIN, ,'DOD CHAGS 'DOD CHAGS MIN MKHYEN NAS, ,'DOD CHAGS CHOS NYID LA YANG ZHUGS, , SANGS RGYAS PHUNG PO RNAMS LAS 'DAS, ,PHUNG PO RNAMS LA'ANG RNAM PAR ZHUGS, ,DE LAS GZHAN MIN GZHAN MIN MIN, ,DE MA BTANG BAS LEGS PAR 'DAS, ,KUN KYANG 'DRES PA'I PHRIN LAS CAN, ,RGYA MTSOR CHU 'DRA RGYAL BA RNAMS, ,BYAS SO BYED DO BYA'O ZHES, ,GZHAN GYI DON LA DGONGS PA MED, , SEMS CAN NYES PAS MI SNANG STE, ,SNOD CHAG PA YI ZLA BA BZHIN, ,'JIG RTEN KUN LA NYI BZHIN DU, ,DE DAG CHOS 'OD KHYAB PAR MDZAD, ,LA LAR RDZOGS PAR BYANG CHUB STON, ,LA LAR ME BZHIN MYA NGAN 'DAS, ,NAM YANG MED PA MA YIN TE, DE BZHIN GSHEGS PA RNAMS KYI SKU, ,SANGS RGYAS 'PHAGS PA MIN CHOS RNAMS DANG, ,MI DANG NGAN SONG PA RNAMS DANG, ,TSANGS SPYOD MA YIN CHOS RNAMS LA, ,BDAG NYID DANG NI BZHUGS PA MCHOG ,DE DAG KUN TU RNAM PAR DPYOD, ,GANG DU'ANG RNAM PAR DPYOD MI MNGA', ,GNAS RNAMS KUN TU MTHONG MOD KYI, ,DBANG PO DRUG GI SPYOD YUL MIN, , @40B NYON MONGS THUL LA SPANGS PA MED, ,SNGAGS KYIS BSAD PA'I DUG DANG 'DRA, ,SANGS RGYAS RNAMS NI NYON MONGS LAS, ,NYON MONGS ZAD PA KUN MKHYEN BRNYES, ,THABS CHEN RNAMS DANG LDAN PA LA, ,NYON MONGS BYANG CHUB YAN LAG 'GYUR, ,'KHOR BA'ANG ZHI BA'I BDAG NYID DE, ,DE PHYIR DE BZHIN GSHEGS BSAM YAS, ,'DI DAG NI ZAB PA RNAM PA BCU GNYIS SU RIG PAR BYA STE, 'DI LTA STE, SKYE BA DANG, MYA NGAN LAS 'DAS PA DANG, PHRIN LAS DANG, GNAS PA ZAB PA NYID DANG, RNAM PAR GNAS PA DANG, GRANGS DANG, PHRIN LAS ZAB PA NYID DANG, MNGON PAR RDZOGS PAR BYANG CHUB PA ZAB PA NYID DANG, 'DOD CHAGS DANG BRAL BA ZAB PA NYID DANG, PHUNG PO SPANGS PA ZAB PA NYID DANG, SEMS CAN YONGS SU SMIN PAR MDZAD PA ZAB PA NYID DANG, MTHONG BA ZAB PA NYID DANG, MNGON PAR RDZOGS PAR BYANG CHUB PA NYID DANG, MYA NGAN LAS 'DAS PA KUN TU STON PA ZAB PA NYID DANG, BZHUGS PA ZAB PA NYID DANG, SKU KUN TU STON PA ZAB PA NYID DANG, NYON MONGS PA SPANGS PA ZAB PA NYID DANG, BSAM GYIS MI KHYAB PA ZAB PA NYID DO, ,BYANG CHUB SEMS DPA' RNAMS CHOS KYI SKUR SANGS RGYAS RJES SU DRAN NA, RJES SU DRAN PA DU ZHIG GIS RJES SU DRAN ZHE NA, MDOR BSDU NA BYANG CHUB SEMS DPA' RNAMS RNAM PA BDUN GYIS SANGS RGYAS RJES SU DRAN PA SGOM STE, 'JIG RTEN GYI KHAMS THAMS CAD DU THOGS PA MED PA'I MNGON PAR SHES PA BRNYES PA'I PHYIR SANGS RGYAS BCOM LDAN 'DAS RNAMS NI CHOS THAMS CAD LA DBANG SGYUR BA'I NGANG CAN NO ZHES SANGS RGYAS RJES SU DRAN PA SGOM MO, ,'DIR TSIGS SU BCAD PA, BSGRIBS SHING RGYU DANG MI LDAN LA, ,NGES PA GNYIS DANG LDAN PA YI, ,SEMS CAN KHAMS LA KUN TU YANG, ,SANGS RGYAS RNAMS LA MNGA' DBANG BYED, ,DE BZHIN GSHEGS PA RNAMS RGYUN MI 'CHAD PAR DRI MA LAS RNAM PAR GROL BA NYID KYI PHYIR DE BZHIN GSHEGS PA RNAMS KYI SKU RTAG PA'O ZHES BYA BA DANG, NYON MONGS PA DANG SHES BYA'I SGRIB PA THAMS CAD DANG BRAL NBA NYID KYI PHYIR, DE BZHIN GSHEGS PA RNAMS MCHOG TU KHA NA MA THO BA MI MNGA'O ZHES BYA BA DANG, SANGS RGYAS KYI MDZAD PA THAMS CAD LHUN GYIS GRUB PAR RGYUN @41A *, ,MI GCOD PA'I PHYIR, DE BZHIN GSHEGS PA RNAMS LHUN GYIS GRUB PA'O ZHES BYA BA DANG, SANGS RGYAS KYI ZHING YONGS SU DAG PA DANG, CHOS KYI LONGS SPYOD CHE BA'I PHYIR DE BZHIN GSHEGS PA RNAMS LONGS SPYOD CHEN PO MNGA' BA'O ZHES BYA BA DANG, 'JIG RTEN DU BYUNG YANG 'JIG RTEN PA'I CHOS THAMS CAD KYIS MI GOS PA'I PHYIR, DE BZHIN GSHEGS PA RNAMS GOS PA MED PA'O ZHES BYA BA DANG, MNGON PAR RDZOGS PAR BYANG CHUB PA DANG, YONGS SU MYA NGAN LAS 'DAS PA KUN TU STON PAS YONGS SU SMIN PAR MA BYAS PA'I SEMS CAN RNAMS YONGS SU SMIN PAR MDZAD PA DANG; YONGS SU SMIN PAR BYAS PA RNAMS RNAM PAR GROL BAR MDZAD PA'I PHYIR, DE BZHIN GSHEGS PA RNAMS DON CHEN PO'I ZHES BYA BAR SANGS RGYAS RJES SU DRAN PA SGOM MO, ,'DIR TSIGS SU BCAD PA, RANG GI SEMS LA RAG LAS DANG, ,RTAG DANG DGE LDAN BSTZAL MI DGOS, ,CHOS KYI LONGS SPYOD CHEN PO RNAMS, ,RJES SU SBYIN MDZAD PHUN SUM TSOGS, ,DBANG DU MA GYUR RAB TU RGYU, ,SKYE BO MANG POR DE 'DOD DO, ,SANGS RGYAS KUN GYI 'DI DAG KUN, ,BLO LDAN RNAMS KYIS RJES DRAN BYA, ,SANGS RGYAS RNAMS KYI SANGS RGYAS KYI ZHING YONGS SU DAG PA JI LTAR RIG PAR BYA ZHE NA, BYANG CHUB SEMS DPA'I SDE SNOD STONG PHRAG BRGYA BA'I MDO SDE'I GLENG GZHI LAS JI SKAD GSUNGS PA LTA BU STE, BCOM LDAN 'DAS GZHAL MED KHANG CHEN PO RIN PO CHE SNA BDUN MCHOG TU 'BAR BA BKOD PA, 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO SHIN TU 'BYUNG BA, GNAS KYI BYE BRAG SHIN TU RNAM PAR PHYE BA TSAD MED PA RNAMS PAR GZHAG PA, DKYIL 'KHOR YONGS SU MA CHAD PA, KHAMS GSUM PA LAS YANG DAG PAR 'DAS PA'I SPYOD YUL, 'JIG RTEN LAS 'DAS PA DE'I BLA MA'I DGE BA'I RTZA BA LAS BYUNG BAR DBANG SGYUR BA'I RNAM PAR RIG PA SHIN TU RNAM PAR DAG PA'I MTSAN NYID, DE BZHIN GSHEGS PA'I GNAS, BYANG CHUB SEMS DPA' CHEN PO'I RTEN, LHA DANG KLU DANG GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG MI MA YIN PA TSAD MED PA RNAM PAR RGYU BA, CHOS KYI RO'I DGA' BA DANG BDE BA CHEN POS BRTEN PA, @41B SEMS CAN THAMS CAD KYI DON THAMS CAD MDZAD PAS NYES BAR GNAS PA, ,NYON MONGS PA'I GNOD PA THAMS CAD DANG BRAL BA, BDUD THAMS CAD YONGS SU SPANGS PA, THAMS CAD KYI BDOG PA LAS LHAG PA, DE BZHIN GSHEGS PA'I BYIN GYI RLABS KYIS BKOD PA, ,DRAN PA DANG BLO GROS DANG, RTOG PA CHEN POS NGES PAR 'BYUNG BA, ZHI GNAS DANG LHAG MTHONG CHEN PO'I THEG PA, RNAM PAR THAR PA'I SGO CHEN PO STONG PA NYID DANG, MTSAN MA MED PA DANG, SMON PA MED PA NAS 'JUG PA, YON TAN GYI TSOGS TSAD MED PAS BRGYAN PA, RIN PO CHE'I PAD-MA'I RGYAL PO CHEN PO BKOD PA LA BRTEN PA NA BZHUGS ZHES BYA BA STE, DE LTA BAS NA, SANGS RGYAS KYI ZHING YONGS SU DAG PA 'DI'I KHA DOG PHUN SUM TSOGS PA YANG YONGS SU BSTAN LA, DBYIBS PHUN SUM TSOGS PA DANG, TSAD PHUN SUM TSOGS PA DANG, YUL PHUN SUM TSOGS PA DANG, RGYU PHUN SUM TSOGS PA DANG, 'BRAS BU PHUN SUM TSOGS PA DANG, BDAG PO PHUN SUM TSOGS PA DANG, PHYOGS PHUN SUM TSOGS PA DANG, ZHA 'BRING PHUN SUM TSOGS PA DANG, STON PA PHUN SUM TSOGS PA DANG, PHRIN LAS PHUN SUM TSOGS PA DANG, PHAN 'DOGS PA PHUN SUM TSOGS PA DANG, 'JIGS PA MED PA PHUN SUM TSOGS PA DANG, RTEN PHUN SUM TSOGS PA DANG, LAM PHUN SUM TSOGS PA DANG, BZHON PA PHUN SUM TSOGS PA DANG, SGO PHUN SUM TSOGS PA DANG, GZHI PHUN SUM TSOGS PA YANG YONGS SU BSTAN TO, ,YANG SANGS RGYAS KYI ZHING YONGS SU DAG PA DE'I LONGS SPYOD NI SHIN TU DAG PA, ,SHIN TU BA DANG, SHIN TU KHA NA MA THO BA MED PA SHIN TU DBANG SGYUR BA'O, ,YANG SANGS RGYAS RNAMS KYI CHOS KYI DBYINGS DE NI DUS THAMS CAD DU PHRIN LAS LNGA DANG LDAN PAR RIG PAR BYA STE, MTHONG BA TZAM GYIS LONG BA DANG, 'ON PA DANG, SMYON PA LA SOGS PA'I GNOD PA LAS SKYOB PA'I PHYIR SEMS CAN RNAMS KYI GNOD PA YONGS SU SKYOB PA'I PHRIN LAS CAN DANG, MI DGE BA'I GNAS NAS BLANGS TE, DGE BA'I GNAS LA 'JUG PA'I PHYIR NGAN SONG LAS YONGS SU SKYOB PA'I PHRIN LAS CAN DANG, MU STEGS CAN THABS MA YIN PAS THAR PAR BYA BA'I PHYIR BRTZON PA RNAMS KYI 'DUN PA BZLOG NAS SANGS RGYAS KYI BSTAN PA LA RAB TU 'GOD PA'I PHYIR THABS MA YIN PA LAS YONGS SU SKYONG BA'I PHRIN @42A *, ,LAS CAN DANG, KHAMS GSUM LAS YANG DAG PAR 'DAS PA'I LAM NYE BAR SGRUB PA'I PHYIR 'JIG TSOGS LAS YONGS SU SKYOB PA'I PHRIN LAS CAN DANG, MA NGES PA'I RIGS CAN GYI BYANG CHUB SEMS DPA' THEG PA GZHAN LA YANG DAG PAR ZHUGS PA RNAMS DANG, NYAN THOS RNAMS THEG PA CHEN PO SGRUB PA LA RAB TU 'GOD PA'I PHYIR, THEG PA LAS YONGS SU SKYOB BA'I PHRIN LAS CAN TE, SANGS RGYAS THAMS CAD NI PHRIN LAS LNGA PO 'DI DAG LA PHRIN LAS MTSUNGS PAR BLTA BAR BYA'O, ,'DIR TSIGS SU BCAD PA, RGYU DANG GNAS DANG BYA BA DANG NI BSAM PA DANG, ,'DU BYED THA DAD PHYIR NA DE YI DBANG GIS NA, ,'JIG RTEN RNAMS KYI LAS NI THA DAD GYUR PAR 'DOD, ,DE MED PAS NA 'JIG RTEN 'DREN PA'I DE LTA MIN, ,GAL TE DE LTAR NYAN THOS DANG RANG SANGS RGYAS DANG THUN MONG BA MA YIN TE, SANGS RGYAS RNAMS KYI CHOS KYI SKU YON TAN PHUN SUM TSOGS PA 'DI LTA BU 'DI DANG LDAN PA YIN NA, DGONGS PA GANG GIS THEG PA GCIG BSTAN CE NA, 'DIR TSIGS SU BCAD PA, KHA CIG DAG NI DRANG PHYIR DANG, ,GZHAN YANG KUN TU GZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG PA GCIG BSTAN, ,CHOS DANG BDAG MED GROL MTHUN PHYIR, ,RIGS NI THA DAD GYUR BA'I PHYIR, , BSAM GNYIS BRNYES PHYIR SPRUL PA'I PHYIR, ,MTHAR PHYIN PAS NA THEG PA GCIG ,DE LTAR SANGS RGYAS THAMS CAD KYI CHOS KYI SKU MTHUN PA YIN NA, CI'I PHYIR SANGS RGYAS MANG POR BLTA ZHE NA, 'DIR TSIGS SU BCAD PA, KHAMS GCIG NA NI GNYIS MED PHYIR, ,DPAG MED LHAN CIG TSOGS BSAGS PHYIR; ,RIM GYIS 'BYUNG BAR MI RIGS PHYIR, ,SANGS RGYAS MANG POR RAB TU GRAGS, ,SANGS RGYAS RNAMS CHOS KYI SKUR GTAN DU YONGS SU MYA NGAN LAS 'DA' BA MA YIN PAR JI LTAR BLTA ZHE NA, 'DIR TSIGS SU BCAD PA, SGRIB PA KUN LAS NGES GROL PHYIR, ,MDZAD PA RNAMS KYANG MA RDZOGS PHYIR; ,SANGS RGYAS GTAN DU MYA NGAN 'DAS, ,MYA NGAN 'DAS PA'ANG MANG BAR 'DOD, ,LONGS SPYOD RDZOGS PA'I SKU CI'I PHYIR, ,NGO BO NYID KYI SKU MA YIN ZHE NA, RGYU DRUG GI PHYIR TE, DE GZUGS KYI SKUR SNANG BA DANG, SANGS RGYAS KYI 'KHOR GYI DKYIL 'KHOR TSAD MED PA DAG NA THA DAD PAR SNANG @42B BA DANG; MOS PA JI LTA BA BZHIN DU MTHONG BAS MA NGES PA'I NGO BO NYID DU SNANG BA DANG, GZHAN DANG GZHAN DU SNANG BAS, G-YO BA'I NGO BO NYID DU SNANG BA DANG, BYANG CHUB SEMS DPA' DANG, NYAN THOS DANG, LHAG LA SOGS PA 'KHOR SNA TSOGS DANG, 'DRES PAS 'DRES PAR SNANG BA DANG; KUN GZHI RNAM PAR SHES PA DANG, 'JUG PA'I RNAM PAR SHES PA GNYIS GNAS GYUR PAS MI RIGS PAR SNANG BA'I PHYIR LONGS SPYOD RDZOGS PA NYID NGO BO NYID KYI SKUR MI RIGS SO, ,SPRUL PA'I SKU NI CI'I PHYIR NGO BO NYID KYI SKU MA YIN ZHE NA, RGYU BRGYAD KYI PHYIR TE, BYANG CHUB SEMS DPA' YUN RING PO NAS MI NYAMS PA'I TING NGE 'DZIN THOB PA RNAMS DGA' LDAN DANG MI'I NANG DU SKYE BAR MI RIGS SO, ,SKYE BA DRAN PA RNAMS YI GE DANG, RTZIS DANG, GRANGS DANG, LAG RTZIS DANG, BZO DANG, BSTAN BCOS DANG, 'DOD PA LA SPYOD PA DANG, LONGS SPYOD MI MKHYEN PA MI RIGS SO, , NYES PAR BSHAD PA DANG, LEGS PAR BSHAD PA'I CHOS BSTAN PA MI MKHYEN PA RNAMS, GZHAN MU STEGS CAN GYI GAN DU BZHUD PA MI RIGS SO, ,THEG PA GSUM GYI LAM GYI CHOS BZANG PO MKHYEN PA RNAMS DKA' BA SPYOD PA MI RIGS SO, ,'DZAM BU GLING BYE BA PHRAG BRGYA BOR TE GCIG TU MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR MI RIGS SO, ,GAL TE MNGON PAR RDZOGS PAR BYANG CHUB PA BSTAN PA'I THABS MED PAR YANG LHAG MA RNAMS SU SPRUL PA RNAMS KYIS SANGS RGYAS KYI MDZAD PA MDZAD DO ZHE NA, 'O NA DGA' LDAN NYID DU MNGON PAR RDZOGS PAR SANGS RGYAS LA, 'DZAM BU GLING THAMS CAD MTSUNGS PAR SANGS RGYAS 'BYUNG BAR CI'I PHYIR MI MNGON ZHE NA, MI MNGON PA LAS NA LUNG DANG RIGS PA MED DO, ,SPRUL PA MANG DU BYUNG NA, 'JIG RTEN NI GLING BZHI PAR BSDUS PA YIN PAS DE BZHIN GSHEGS PA GNYIS 'JIG RTEN DU 'BYUNG BA'I MDO DANG 'GAL BA MED DE, 'KHOR LOS SGYUR BA'I RGYAL PO GNYIS MI 'BYUNG BA BZHIN NO, ,'DIR TSIGS SU BCAS PA, SANGS RGYAS SPRUL PA PHRA BA NI, ,RNAM KUN MNGON RDZOGS BYANG CHUB PA, ,KUN TU BSTAN PA MDZAD PA'I PHYIR, ,MTSUNGS PAR MANG PO MNGAL DU ZHUGS, ,SEMS CAN THAMS CAD @43A *, ,KYI DON DU SMON LAM BTAB PA DANG, SGRUB PA NYID KYIS BYANG CHUB CHEN PO YANG DAG PAR SGRUB PAS GTAN DU YONGS SU MYA NGAN LAS 'DA' BA MI RUNG STE, SMON LAM BTAB PA DANG, SGRUB PA DON MED PAR 'GYUR BA'I PHYIR RO, ,LONGS SPYOD RDZOGS PA DANG, SPRUL PA'I SKU GNYIS MI RTAG PA'I PHYIR, DE BZHIN GSHEGS PA RNAMS KYI SKU RTAG PA'O ZHES JI SKAD DU BYA ZHE NA, RGYU MTHUN PA DANG SPRUL PA'I SKUR CHOS KYI SKU BRTEN PA'I PHYIR RO, ,LONGS SPYOD RDZOGS PA RGYUN MI 'CHAD PA DANG, SPRUL PA YANG DANG YANG STON PAS RTAG PA NYID DU RIG PAR BYA STE, RTAG TU BDE BAR SPYOD DO ZHES BYA BA BZHIN NO, ,RTAG TU ZAS SBYIN PA ZHES BYA BA BZHIN NO, ,RGYU DRUG GIS NI SANGS RGYAS BCOM LDAN 'DAS RNAMS SPRUL PA'I SKUS GTAN DU MI BZHUGS TE, YONGS SU SMIN PAR BYA BA'I SEMS CAN RNAMS PAR GROL BAR MDZAD PAS, MDZAD PA YONGS SU RDZOGS PA DANG, SANGS RGYAS KYI SKU RTAG PAR 'DOD PAS MYA NGAN LAS 'DAS PA LA 'DUN PA MED PA BZLOG PA DANG, CHOS ZAB MO BSTAN PA KHONG DU MA CHUD PAS SANGS RGYAS LA BRNYAS PA BZLOG PA DANG, RGYUN DU MTHONG NA KHYOD DU BSAD PAS SPRO BA SKYED PA DANG, STON PA MI DMIGS PAS SO SO RANG GIS BRTZON 'GRUS BSKYED PAR BYA BA DANG, SO SO RANG BRTZON 'GRUS MI 'DOR BAS MYUR BA NYID DU YONGS SU SMIN PAR BYA BA'I PHYIR RO, ,'DIR TSIGS SU BCAD PA, MDZAD PA RDZOGS PAR GYUR PA'I PHYIR, ,ZHI BA MI 'DOD BZLOG PA'I PHYIR, ,SANGS RGYAS BRNYES PA BZLOG PA'I PHYIR, ,SPRO BA BSKYED PAR BYA BA'I PHYIR, ,SO SO RANG BRTZON BRTZAM BYA'I PHYIR, , MYUR DU YONGS SU SMIN BYA'I PHYIR, ,SANGS RGYAS RNAMS NI SPRUL PA'I SKUS, ,GTAN DU BZHUGS PAR MI BZHED DO, ,SANGS RGYAS RNAMS KYI CHOS KYI SKU, ,THOG MA MED PA'I DUS NAS DPAG TU MED DU ZIN KYANG, DE'I PHYIR 'BAD PAR MI BYA'O, ,'DIR TSIGS SU BCAD PA, GAL TE SANGS RGYAS BRNYES PA KHYAD MED DPAG MED PA, ,SEMS CAN RNAMS KYI DER 'BAD NYAMS PA'I RGYU YIN NA, ,BRNYES PA RTAG TU RGYU MED NYID DU GYUR PA'AM, ,RGYU YI RGYUN GCOD PA NI RIGS PA'I TSUL MA YIN, ,THEG PA CHEN PO BSDUS PA, SLOB DPON CHEN PO THOGS MED KYIS MDZAD PA RDZOGS SO, ,PAn-dI TA DZI NA MI TRA DANG SH'I LEN-DRA BO DHI DANG BA NA DE YE SHES SDES BSGYUR BA'O, , @43B [BP] @44A *, ,CHOS MNGON PA KUN LAS BTUS PA BZHUGS SO, , @44B #, ,RGYA GAR SKAD DU, AA BHI DHA RMA SA MU TZA-TSA YA, BOD SKAD DU, ,CHOS MNGON PA KUN LAS BTUS PA, ,BAM PO DANG PO, ,'JAM DPAL GZHON NUR GYUR PA LA PHYAG 'TSAL LO, ,SDOM NI, DU DANG CI PHYIR NYER LEN DANG, ,MTSAN NYID DE YI RNAM GZHAG DANG; ,GO RIMS DON DANG DPE DBYE DANG, ,BSDUS LA SOGS PA RNAM PA BZHI, ,BSDUS DANG MTSUNGS LDAN LDAN PA DANG, ,RNAM PAR NGES PA BZHIR DBYE STE, ,BDEN DANG CHOS 'THOB 'BREL GTAM NI, ,RNAM PAR NGES PA'I DBYE BA STE, ,KUN LAS BTUS PA'I PHYIR SDOM YIN, ,PHUNG PO RNAMS NI DU, ,KHAMS RNAMS NI DU, ,SKYE MCHED RNAMS NI DU ZHE NA, PHUNG PO RNAMS NI LNGA STE, GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,KHAMS RNAMS NI BCVA BRGYAD DE, MIG GI KHAMS DANG, GZUGS KYI KHAMS DANG, MIG GI RNAMS PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAMS PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS SO, ,SKYE MCHED RNAMS NI BCU GNYIS TE, MIG GI SKYE MCHED DANG, GZUGS KYI SKYE MCHED DANG, RNA BA'I SKYE MCHED DANG, SGRA'I SKYE MCHED DANG, SNA'I SKYE MCHED DANG, DRI'I SKYE MCHED DANG, LCE'I SKYE MCHED DANG, RO'I SKYE MCHED DANG, LUS KYI SKYE MCHED DANG, REG BYA'I SKYE MCHED DANG, YID KYI SKYE MCHED DANG, CHOS KYI SKYE MCHED DO, ,CI'I PHYIR PHUNG PO RNAMS LNGA KHO NA ZHE NA, BDAG GI GZHI RNAM PA LNGA BRJOD PA'I PHYIR TE, BDAG GI GZHI LUS YONGS SU GZUNG BA DANG BCAS PA BRJOD PA DANG, BDAG GI GZHI LONGS @45A *, ,SPYOD BRJOD PA DANG, BDAG GI GZHI THA SNYAD BRJOD PA DANG, BDAG GI GZHI CHOS DANG CHOS MA YIN PA MNGON PAR 'DU BYED PA BRJOD PA DANG, BDAG GI GZHI DE DAG GI GNAS BRJOD PA'I PHYIR RO, ,CI'I PHYIR KHAMS RNAMS BCVA BRGYAD KHO NA ZHE NA, LUS DANG, YONGS SU GZUNG BA GNYIS KYIS, 'DAS PA DANG DA LTAR GYI NYE BAR SPYOD PA RNAM PA DRUG 'DZIN PA'I PHYIR RO, ,CI'I PHYIR SKYE MCHED RNAMS BCU GNYIS KHO NA ZHE NA, LUS DANG YONGS SU GZUNG BA GNYIS NYID, MA 'ONGS PA'I NYE BAR SPYOD PA RNAM PA DRUG SKYE BA'I SGO'I PHYIR RO, , CI'I PHYIR NYE BAR LEN PA'I PHUNG PO RNAMS ZHES BYA ZHE NA, NYE BAR LEN PA DANG LDAN PAS DE'I PHYIR NYE BAR LEN PA'I PHUNG PO RNAMS ZHES BYA'O, ,NYE BAR LEN PA GANG ZHE NA, 'DIR 'DUN PA DANG, 'DOD CHAGS GANG YIN PA'O, ,CI'I PHYIR 'DUN PA DANG 'DOD CHAGS NYID NYE BAR LEN PA ZHES BYA ZHE NA, MA 'ONGS PA DANG DA LTAR GYI PHUNG PO MNGON PAR 'GRUB PA DANG, YONGS SU MI GTONG BA'I PHYIR TE, MA 'ONGS PA LA 'DOD PA DANG, DA LTAR LA LHAG PAR CHAGS PA'I PHYIR RO, ,CI'I PHYIR KHAMS RNAMS DANG, SKYE MCHED RNAMS NYE BAR LEN PA DANG BCAS PA'I CHOS RNAMS ZHES BYA ZHE NA, DE LA PHUNG PO BZHIN DU BSHAD DO, ,GZUGS KYI PHUNG PO'I MTSAN NYID CI ZHE NA, GZUGS SU YOD PA RNAM PA GNYIS KYIS GZUGS SU YOD PA'I MTSAN NYID DE, REG PAS GZUGS SU YOD PA DANG, YUL DPYAD PAS GZUGS SU YOD PA'O, ,REG PAS GZUGS SU YOD PA GANG ZHE NA, LAG PA'I 'DUS TE REG PAS REG NA GZUGS SU RUNG BA DANG, BONG BA'I 'DUS TE REG PA DANG, DBYIG PA'I 'DUS RE REG PA DANG, MTSON CHA'I 'DUS RE REG PA DANG, GRANG BA DANG, TSA BA DANG, BKRES PA DANG, SKOM PA DANG, SPRANG BU DANG, SHA SPRANG DANG, RLUNG DANG, NYI MA DANG, SDIG SPRUL GYI 'DUS TE REG PAS REG NA GZUGS SU RUNG BA'O, ,YUL DPYAD PAS GZUGS SU YOD PA GANG ZHE NA, GANG YUL LA GZUGS 'DI DANG 'DI'O, ,GZUGS 'DI LTA @45B BU DANG 'DI LTA BU'O ZHES MNYAM PAR GZHAG PA'AM, MNYAM PAR MA BZHAG PA'I YID RTOG PA DANG MTSUNGS PAR LDAN PAS BKRA BAR 'DZIN PA'O, ,TSOR BA'I MTSAN NYID CI ZHE NA, MYONG BA'I MTSAN NYID DE, ,MYONGS BA'I NGO BO GANG GIS DGE BA DANG MI DGE BA'I LAS RNAMS KYI 'BRAS BU RNAM PAR SMIN PA SO SOR MYONG BA'O, ,'DU SHES KYI MTSAN NYID CI ZHE NA, 'DUS TE SHES PAR BYED PA'I MTSAN NYID DE, MTSAN MAR 'DZIN PA DANG, BKRA BAR 'DZIN PA'I NGO BO GANG GIS JI LTAR MTHONG BA DANG, THOS PA DANG, BYE BRAG PHYE PA DANG, RNAM PAR SHES PA'I DON RNAMS LA THA SNYAD 'DOGS PA'O, ,'DU BYED RNAMS KYI MTSAN NYID CI ZHE NA, MNGON PAR 'DU BYED PA'I MTSAN NYID DE, SEMS KYI MNGON PAR 'DU BYED PA'I NGO BO GANG GIS DGE BA DANG, MI DGE BA DANG, LUNG DU MA BSTAN PA DANG, GNAS SKABS SNA TSOGS RNAMS SU SEMS 'JUG PAR BYED PA'O, ,RNAM PAR SHES PAI MTSAN NYID CI ZHE NA, RNAM PAR SHES PAR BYED PA'I MTSAN NYID DE, RNAM PAR SHES PAR BYED PA'I NGO BO GANG GIS, GZUGS RNAMS KYANG RNAM PAR SHES PA DANG, SGRA DANG DRI DANG RO DANG REG BYA DANG, CHOS RNAMS KYANG RNAM PAR SHES PA'O, ,MIG GI KHAMS KYI MTSAN NYID GANG ZHE NA, MIG GANG GIS GZUGS RNAMS MTHONG BAR GYUR PA DANG, LTA BA DANG, DE'I SA BON BSAGS PA DANG, RNAM PAR SMIN PA'I KUN GZHI RNAM PAR SHES PA GANG YIN PA DE MIG GI KHAMS KYI MTSAN NYID DO, ,MIG GI KHAMS KYI MTSAN NYID CI LTA BA BZHIN DU, RNA BA DANG SNA DANG LCE DANG LUS DANG YID KYI KHAMS KYI MTSAN NYID KYANG DE BZHIN NO, ,GZUGS KYI KHAMS KYI MTSAN NYID GANG ZHE NA, MIG GANG GIS GZUGS GANG DAG MTHONG BAR GYUR PA DANG, MTHONG BA RNAMS DANG, DE LA MIG GI KHAMS DBANG BYED PA NYID GANG YIN PA DE GZUGS KYI KHAMS KYI MTSAN NYID DO, ,GZUGS KYI KHAMS KYI MTSAN NYID JI LTA BA BZHIN DU, SGRA DANG RO DANG REG BYA DANG, CHOS KYI KHAMS KYI MTSAN NYID KYANG DE BZHIN NO, ,MIG GI RNAM PAR SHES @46A *, ,PA'I KHAMS KYI MTSAN NYID GANG ZHE NA, RTEN MIG DANG DMIGS PA GZUGS KYIS, GZUGS SU SNANG BA'I RNAM PAR RIG PA GANG YIN PA DANG, DE'I SA BON BSAGS PA DANG, RNAM PAR SMIN PA'I KUN GZHI RNAM PAR SHES PA GANG YIN PA DE, MIG GI RNAM PAR SHES PA'I KHAMS KYI MTSAN NYID DO, ,MIG GI RNAM PAR SHES PA'I KHAMS KYI MTSAN NYID JI LTA BA BZHIN DU, RNA BA DANG SNA DANG LCE DANG LUS DANG, YID KYI RNAM PAR SHES PA'I KHAMS KYI MTSAN NYID KYANG DE BZHIN NO, ,SKYE MCHED KYI MTSAN NYID GANG ZHE NA, DE NI KHAMS BZHIN DU BLTA STE, DE YANG JI LTAR MTHUN MTHUN DU SBYAR RO, ,GZUGS KYI PHUNG PO'I RNAM PAR GZHAG PA GANG ZHE NA, GZUGS GANG YIN PA CI YANG RUNG STE, DE THAMS CAD 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA'O, ,'BYUNG BA CHEN PO BZHI DAG GANG ZHE NA, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS SO, ,SA'I KHAMS GANG ZHE NA, SRA BA NYID DO, ,CHU'I KHAMS GANG ZHE NA, GSHER BA NYID DO, ,ME'I KHAMS GANG ZHE NA, TSA BA NYID DO, ,RLUNG GI KHAMS GANG ZHE NA, YANG ZHING G-YO BA NYID DO, ,RGYUR BYAS PA'I GZUGS GANG ZHE NA, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO DANG, GZUGS DANG, SGRA DANG, DRI DANG, RO DANG, REG BYA'I PHYOGS GCIG DANG, CHOS KYI SKYE MCHED PA'I GZUGS SO, ,MIG GI DBANG PO GANG ZHE NA, 'BYUNG BA CHEN PO BZHI DAG RGYUR BYAS PA, MIG GI RNAM PAR SHES PA'I RTEN GZUGS DANG BA'O, ,RNA BA'I DBANG PO GANG ZHE NA, 'BYUNG BA CHEN PO BZHI DAG RGYUR BYAS PA, RNA BA'I RNAM PAR SHES PA'I RTEN GZUGS DANG PA'O, ,SNA'I DBANG PO GANG ZHE NA, 'BYUNG BA CHEN PO BZHI DAG RGYUR BYAS PA, SNA'I RNAM PAR SHES PA'I RTEN GZUGS DANG PA'O, ,LCE'I DBANG PO GANG ZHE NA, 'BYUNG BA CHEN PO BZHI DAG RGYUR BYAS PA, LCE'I RNAM PAR SHES PA'I RTEN GZUGS @46B DANG PA'O, ,LUS KYI DBANG PO GANG ZHE NA, 'BYUNG BA CHEN PO BZHI DAG RGYUR BYAS PA, LUS KYI RNAM PAR SHES PA'I RTEN GZUGS DANG PA'O, ,GZUGS GANG ZHE NA, 'BYUNG BA CHEN PO BZHI DAG RGYUR BYAS PA, MIG GI DBANG PO'I SPYOD YUL GYI DON GANG YIN PA STE, 'DI LTA STA; SNGON PO DANG, SER PO DANG, DMAR PO DANG, DKAR PO DANG, RING PO DANG, THUNG DU DANG, LHAM PA DANG, ZLUM PO DANG, RDUL PHRA MO DANG, RAGS PA DANG, PHYAL LE BA DANG, PHYAL LE BA MA YIN PA DANG, MTHON PO DANG, DMA' BA DANG, GRIB MA DANG, NYI MA DANG, SNANG BA DANG, MUN PA DANG, SPRIN DANG, DU BA DANG, RDUL DANG, KHUG RNA DANG, MNGON PAR SKABS YOD PA DANG, RNAM PAR RIG BYED DANG, NAM MKHA' KHA DOG GCIG PA'O, ,DE YANG KHA DOG BZANG PO DANG, KHA DOG NGAN PA DANG; DE GNYI GA'I BAR MAR GNAS PA DANG, KHA DOG DANG 'DRA BA'O, ,SGRA GANG ZHE NA, 'BYUNG BA CHEN PO BZHI DAG RGYUR BYAS PA, RNA BA'I DBANG PO'I GZUNG BA'I DON GANG YIN PA STE, YID DU 'ONG BA DANG, YID DU MI 'ONG BA DANG, GNYI GA MA YIN PA DANG, ZIN PA'I 'BYUNG BA CHEN PO'I RGYU LAS BYUNG BA DANG, ZIN PA MA YIN PA'I 'BYUNG BA CHEN PO'I RGYU LAS BYUNG BA DANG, DE GNYI GA DANG, 'JIG RTEN GYI GRAGS PA DANG, GRUB PAS BSTAN PA DANG, KUN BRTAGS PA DANG, 'PHAGS PAS THA SNYAD BTAGS PA DANG, 'PHAGS PA MA YIN PAS THA SNYAD BTAGS PA'O, ,DRI GANG ZHE NA, 'BYUNG BA CHEN PO BZHI DAG RGYUR BYAS PA, SNA'I DBANG PO'I GZUNG BA'I DON GANG YIN PA STE, DRI ZHIM PA DANG, DRING BA DANG, DRI MNYAM PA DANG, LHAN CIG SKYES PA DANG, SBYAR BA LAS BYUNG BA DANG, GYUR PA LAS BYUNG BA'O, , RO GANG ZHE NA, 'BYUNG BA CHEN PO BZHI DAG RGYUR BYAS PA, LCE'I DBANG PO'I GZUNG BA'I DON GANG YIN PA STE, DE YANG KHA BA DANG, SGYUR BA DANG, TSA BA DANG, BSKA BA DANG, LAN TSVA DANG, MNGAR BA DANG, YID DU 'ONG BA DANG, YID DU MA 'ONG BA DANG, DE GNYI GA MA YIN PA DANG, @47A *, ,LHAN CIG SKYES PA DANG, SBYAR BA LAS BYUNG BA DANG, GYUR BA LAS 'BYUNG BA'O, ,REG BYA'I PHYOGS GCIG GANG ZHE NA, 'BYUNG BA CHEN PO BZHI DAG RGYUR BYAS PA, LUS KYI DBANG POS GZUNG BA'I DON GANG YIN PA STE, 'JAM PA NYID DANG, RTZUB PA NYID DANG, YANG BA NYID DANG, LCI BA NYID DANG, MNYEN PA NYID DANG, LHOD PA NYID DANG, LHOD PA MA YIN PA DANG, GRANG BA DANG, BKRES PA DANG, SKOM PA DANG, TSIM PA DANG, NYAM YOD PA DANG, NYAM CHUNG BA DANG, BRGYAL BA DANG, G-YA' BA DANG, 'GRED PA DANG, NA BA DANG, RGA BA DANG, 'CHI BA DANG, NGAL BA DANG, NGAL SOS PA DANG, SPUNGS CHE BA'O, ,CHOS KYI SKYE MCHED PA'I GZUGS GANG ZHE NA, DE NI RNAM PA LNGAR BLTA STE, BSDUS PA LAS GYUR PA DANG, MNGON PAR SKABS YOD PA DANG, YANG DAG PAR BLANGS PA LAS BYUNG BA DANG, KUN BRTAGS PA DANG, DBANG 'BYOR PA'O, ,TSOR BA'I PHUNG PO'I RNAM PAR GZHAG PA GANG ZHE NA, TSOR BA'I TSOGS DRUG STE, MIG GI 'DUS TE REG PA LAS BYUNG BA'I TSOR BA BDE BA YANG RUNG, SDUG BSNGAL YANG RUNG, SDUG BSNGAL YANG MA YIN BDE BA YANG MA YIN PA YANG RUNG BA DANG, RNA BA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'I TSOR BA BDE BA YANG RUNG, SDUG BSNGAL YANG RUNG, SDUG BSNGAL YANG MA YIN BDE PA YANG MA YIN PA YANG RUNG BA STE, BDE BA LUS KYI YANG RUNG, SDUG BSNGAL LUS KYI YANG RUNG, SDUG BSNGAL YANG MA YIN BDE BA YANG MA YIN PA LUS KYI YANG RUNG, BDE BA SEMS KYI YANG RUNG, SDUG BSNGAL SEMS KYI YANG RUNG, BSDUG BSNGAL YANG MA YIN BDE BA YANG MA YIN PA SEMS KYI YANG RUNG, BDE BA ZANG ZING DANG BCAS PA YANG RUNG, SDUG BSNGAL DANG, SDUG BSNGAL YANG MA YIN BDE BA YANG MA YIN PA ZANG ZING DANG BCAS PA YANG RUNG, BDE BA ZANG ZING MED PA YANG RUNG, SDUG BSNGAL DANG, SDUG BSNGAL YANG MA YIN BDE BA YANG MA YIN PA ZANG ZING MED PA YANG RUNG, BDE BZHIN PA RTEN PA YANG RUNG, @47B SDUG BSNGAL DANG, SDUG BSNGAL YANG MA YIN BDE BA YANG MA YIN PA ZHEN PA RTEN PA YANG RUNG, BDE BA MNGON PAR 'BYUNG BA RTEN PA YANG RUNG, SDUG BSNGAL DANG, SDUG BSNGAL YANG MA YIN BDE BA YANG MA YIN PA MNGON PAR 'BYUNG BA RTEN PA YANG RUNG BA'O, ,LUS KYI GANG ZHE NA, RNAM PAR SHES PA'I TSOGS LNGA DANG MTSUNGS PAR LDAN PA'O, ,SEMS KYI GANG ZHE NA, YID KYI RNAM PAR SHES PA DANG MTSUNGS PAR LDAN PA'O, ,ZANG ZING DANG BCAS PA GANG ZHE NA, LUS LA SRED PA DANG MTSUNGS PAR LDAN PA'O, ,ZANG ZING MED PA GANG ZHE NA, DE'I SRED PA DANG MI LDAN PA'O, ,ZHEN PA RTEN PA GANG ZHE NA, 'DOD PA'I YON TAN LNGA LA SRED PA DANG MTSUNGS PAR LDAN PA'O, ,MNGON PAR 'BYUNG BA RTEN PA GANG ZHE NA, DE DANG MI LDAN PA'O, ,'DU SHES KYI PHUNG PO'I RNAM PAR GZHAG PA GANG ZHE NA, 'DU SHES KYI TSOGS DRUG STE; MIG GI 'DUS TE REG PA LAS BYUNG BA'I 'DU SHES DANG, RNA BA DANG, SNA DANG, LUS DANG, YID KYI 'DUS TE REG PA LAS BYUNG BA'I 'DU SHES TE, GANG GIS MTSAN MA DANG BCAS PA YANG DAG PAR SHES SHING, MTSAN MA MED PA DANG, CHUNG DU DANG, RGYA CHEN POR GYUR PA DANG, TSAD MED PA DANG, CI YANG MED DO SNYAM NAS, CI YANG MED PA'I SKYE MCHED KYANG YANG DAG PAR SHES PA'O, ,MTSAN MA DANG BCAS PA'I 'DU SHES GANG ZHE NA, THA SNYAD LA MI MKHAS PA DANG, MTSAN MA MED PA'I DBYINGS LA SNYOMS PAR ZHUGS PA DANG; SRID PA'I RTZE MO LA SNYOMS PAR ZHUGS PA'I 'DU SHES MA GTOGS PA GANG DE LAS GZHAN PA'I 'DU SHES SO, ,MTSAN MA MED PA'I 'DU SHES GANG ZHE NA, 'DU SHES GANG MA GTOGS PA'O, ,CHUNG NGU'I 'DU SHES GANG ZHE NA, GANG GIS 'DOD PA'I KHAMS SHES PA'O, ,RGYA CHEN POR GYUR PA'I 'DU SHES GANG ZHE NA, GANG GIS GZUGS KYI KHAMS SHES PA'O, ,TSAD MED PA'I 'DU SHES GANG ZHE NA, GANG GIS NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED SHES PA'O, ,CI YANG MED PA'I 'DU SHES GANG ZHE NA, GANG GIS @48A *, ,CI YANG MED PA'I SKYE MCHED SHES PA'O, ,'DU BYED KYI PHUNG PO'I RNAM PAR GZHAG PA GANG ZHE NA, SEMS PA'I TSOGS DRUG STE, MIG GI 'DUS TE REG PA LAS BYUNG BA'I SEMS PA DANG, RNA BA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'I SEMS PA STE, GANG GIS DGE BA'I PHYIR YANG SEMS PAR BYED, KUN NAS NYON MONGS PA'I PHYIR YANG SEMS PAR BYED, GNAS SKABS KYI BYE BRAG LA YANG SEMS PAR BYED PA STE, DE LTAR NA SEMS PA 'DI DANG, TSOR BA DANG, 'DU SHES MA GTOGS PA DE LAS GZHAN PA'I SEMS LAS BYUNG BA'I CHOS RNAMS DANG, SEMS DANG LDAN PA MA YIN PA'I 'DU BYED RNAMS NI 'DU BYED KYI PHUNG PO ZHES BYA'O, ,DE DAG KYANG GANG ZHE NA, SEMS PA DANG, YID LA BYED PA DANG, REG PA DANG, 'DUN PA DANG, MOS PA DANG, DRAN PA DANG, TING NGE 'DZIN DANG, SHES RAB DANG, DAD PA DANG, NGO TSA SHES PA DANG, KHREL YOD PA DANG, MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS DANG, SHIN TU SBYANGS PA DANG, BAG YOD PA DANG, BTANG SNYOMS DANG, RNAM PAR MI 'TSE BA DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, THE TSOM DANG, 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, LOG PAR LTA BA DANG, KHRO BA DANG, KHON DU 'DZIN PA DANG, 'CHAB PA DANG, 'TSIG PA DANG, PHRAG DOG DANG, SER SNA DANG, SGYU DANG, G-YO DANG, RGYAGS PA DANG, RNAM PAR 'TSE BA DANG, NGO TSA MED PA DANG, KHREL MED PA DANG, RMUGS PA DANG, RGOD PA DANG, MA DAD PA DANG, LE LO DANG, BAG MED PA DANG, BRJED NGES PA DANG, SHES BZHIN MA YIN PA DANG, RNAM PAR G-YENG BA DANG, GNYID DANG, 'GYOD PA DANG, RTOG PA DANG DPYOD PA'O, ,SEMS PA GANG ZHE NA, SEMS MNGON PAR 'DU BYED PA YID KYI LAS TE, DGE BA @48B DANG MI DGE BA DANG LUNG DU MA BSTAN PA RNAMS LA SEMS 'JUG PAR BYED PA'I LAS CAN NO, ,YID LA BYED PA GANG ZHE NA, SEMS KYI 'JUG PA STE, DMIGS PA LA SEMS 'DZIN PA'I LAS CAN NO, ,REG PA GANG ZHE NA, GSUM 'DUS NAS DBANG PO'I 'GYUR PA YONGS SU GCOD PA STE, TSOR BA'I RTEN BYED PA'I LAS CAN NO, ,'DUN PA GANG ZHE NA, 'DOD PA'I DNGOS PO LA, DE DANG DE LDAN PAR BYED 'DOD PA NYID DE, BRTZON 'GRUS RTZOM PA'I RTEN BYED PA'I LAS CAN NO, ,MOS PA GANG ZHE NA, NGES PA'I DNGOS PO LA JI LTAR NGES PA BZHIN DU 'DZIN DU 'DZIN PA STE, MI 'PHROGS PA NYID KYI LAS CAN NO, ,DRAN PA GANG ZHE NA, 'DRIS PA'I DNGOS PO LA SEMS KYI BRJED PA MED PA STE, RNAM PAR MI G-YENG BA'I LAS CAN NO, ,TING NGE 'DZIN GANG ZHE NA, BRTAG PA'I DNGOS PO LA SEMS RTZE GCIG PA NYID DE, SHES PA'I RTEN BYED PA'I LAS CAN NO, , SHES RAB GANG ZHE NA, BRTAG PA NYID KYI DNGOS PO'I CHOS RNAMS LA RAB TU RNAM PA 'BYED PA STE, SOM NYI BZLOG PA'I LAS CAN NO, ,DAD PA GANG ZHE NA, YOD PA NYID DANG, YON TAN CAN DANG, NUS PA RNAM LA MNGON PAR YID CHES PA DANG, DANG PA DANG 'DOD PA STE, 'DUN PA'I RTEN BYED PA'I LAS CAN NO, ,NGO TSA SHES PA GANG ZHE NA, BDAG NYID LAS KHA NA MA THO BAS 'DZEM PA STE, NYES PAR SPYOD PA LEGS PAR SDOM PA'I RTEN BYED PA'I LAS CAN NO, ,KHREL YOD PA GANG ZHE NA, GZHAN LAS KHA NA MA THO BAS 'DZEM PA STE, DE'I LAS CAN NYID DO, ,MA CHAGS PA GANG ZHE NA, SRID PA DANG SRID PA'I YO BYAD RNAMS LA CHAGS PA MED PA STE, NYES PAR SPYOD PA LA MI 'JUG PA'I RTEN BYED PA'I LAS CAN NO, ,ZHE SDANG MED PA GANG ZHE NA, SEMS CAN RNAMS DANG, SDUG BSNGAL DANG SDUG BSNGAL GYI GNAS KYI CHOS RNAMS LA KUN NAS MNAR SEMS PA MED PA STE, NYES PAR SPYOD PA LA MI 'JUG PA'I RTEN BYED PA'I LAS CAN NO, ,GTI MUG MED PA GANG ZHE NA, RNAM PAR SMIN PA LAS SAM, LUNG LAS SAM, BSAM PA LAS SAM, RTOGS PA LAS SHES SHING SO SOR BRTAGS PA STE, NYES BAR SPYOD PA LA @49A *, ,MI 'JUG PA'I RTEN BYED PA'I LAS CAN NO, ,BRTZON 'GRUS GANG ZHE NA, GO CHA DANG, SBYOR BA DANG, MI 'GOD PA DANG, MI LDOG PA DANG, CHOG PAR MI 'DZIN PA LA SEMS MNGON PAR SPRO BA STE, DGE BA'I PHYOGS YONGS SU RDZOGS PAR BYED PA DANG, YONGS SU BSGRUB PA'I LAS CAN NO, ,SHIN TU SBYANGS PA GANG ZHE NA, LUS DANG SEMS KYI GNAS NGAN LEN RNAMS KYI RGYUN GCOD PA'I PHYIR, LUS DANG SEMS LAS SU RUNG BA NYID DE, SGRIB PA THAMS CAD SEL BA'I LAS CAN NO, ,BAG YOD PA GANG ZHE NA, MA CHAGS PA DANG, ZHE SDANG MED PA DANG, GTI MUG MED PA BRTZON 'GRUS DANG BCAS PA LA GNAS NAS, GANG DGE BA'I CHOS RNAMS BSGOM PA DANG, ZAG PA DANG BCAS PA'I CHOS RNAMS LAS SEMS SRUNG BA STE, 'JIG RTEN PA DANG 'JIG RTEN LAS 'DAS PA'I PHUN SUM TSOGS PA THAMS CAD YONGS SU RDZOGS PAR BYED PA DANG, YONGS SU BSGRUB PA'I LAS CAN NO, ,BTANG SNYOMS GANG ZHE NA, MA CHAGS PA DANG, ZHE SDANG MED PA DANG, GTI MUG MED PA BRTZON 'GRUS DANG BCAS PA LA GNAS NAS, KUN NAS NYON MONGS PA CAN DU GNAS PA DANG MI MTHUN PA, SEMS MNYAM PA NYID DANG, SEMS RNAL DU 'DUG PA NYID DANG, SEMS LHUN GYIS GRUB PAR GNAS PA NYID DE, KUN NAS NYON MONGS PA'I SKABS MI 'BYED PA'I LAS CAN NO, ,RNAM PAR MI 'TSE BA GANG ZHE NA, ZHE SDANG MED PA'I CHAR GTOGS PA, SNYING RJE BA'I SEMS NYID DE, , THO MI 'TSAM PA'I LAS CAN NO, ,'DOD CHAGS GANG ZHE NA, KHAMS GSUM PA'I RJES SU CHAGS PA STE, SDUG BSNGAL BSKYED PA'I LAS CAN NO, ,KHONG KHRO BA GANG ZHE NA, SEMS CAN RNAMS DANG, SDUG BSNGAL DANG, SDUG BSNGAL GYI GNAS KYI CHOS RNAMS LA KUN NAS MNAR SEMS PA STE, REG PAR MI GNAS PA DANG, NYES PAR SPYOD PA'I RTEN BYED PA'I LAS CAN NO, ,NGA RGYAL GANG ZHE NA, 'JIG TSOGS LA LTA BA LA BRTEN NAS SEMS KHENGS PA STE MI GUS PA DANG, SDUG BSNGAL 'BYUNG BA'I RTEN BYED PA'I LAS CAN NO, ,MA RIG PA GANG ZHE NA, @49B KHAMS GSUM PA'I MI SHES PA STE, CHOS RNAMS LA LOG PAR NGES PA DANG, THE TSOM DANG, KUN NAS NYON MONGS PA 'BYUNG BA'I RTEN BYED PA'I LAS CAN NO, ,THEG TSOM GANG ZHE NA, BDEN PA RNAMS LA YID GNYIS ZA BA STE, DGE BA'I PHYOGS RNAMS LA MI 'JUG PA'I RTEN BYED PA'I LAS CAN NO, ,'JIG TSOGS LA LTA BA GANG ZHE NA, NYE BAR LEN PA'I PHUNG PO RNAMS LA BDAG DANG BDAG GIR YANG DAG PAR RJES SU LTA BA'I BZOD PA DANG, 'DOD PA DANG, BLO GROS DANG, RTOG PA DANG, LTA BA GANG YIN PA STE, LTA BA THAMS CAD KYI RTEN BYED PA'I LAS CAN NO, ,MTHAR 'DZIN PAR LTA BA GANG ZHE NA, NYE BAR LEN PA'I PHUNG PO LNGA PO DAG LA RTAG PA'AM CHAD PAR YANG DAG PAR RJES SU LTA BA'I BZOD PA DANG, 'DOD PA DANG, BLO GROS DANG, RTOG PA DANG, LTA BA GANG YIN PA STE, DBU MA'I LAM GYIS NGES PAR 'BYUNG BA LA BAR DU GCOD PA'I LAS CAN NO, ,LTA BA MCHOG TU 'DZIN PA GANG ZHE NA, LTA BA DANG, LTA BA'I GNAS NYE BAR LEN PA'I PHUNG PO LNGA PO DAG LA MCHOG DANG, GTZO BO DANG, KHYAD PAR DU 'PHAGS PA DANG, DAM PAR YANG DAG PAR RJES SU LTA BA'I BZOD PA DANG, 'DOD PA DANG, BLO GROS DANG, RTOG PA DANG, LTA BA GANG YIN PA STE, LTA BA NGAN PA LA MNGON PAR ZHEN PA'I RTEN BYED PA'I LAS CAN NO, ,TSUL KHRIMS DANG BRTUL ZHUGS MCHOG TU 'DZIN PA GANG ZHE NA, TSUL KHRIMS DANG BRTUL ZHUGS DANG, TSUL KHRIMS DANG BRTUL ZHUGS KYI GNAS NYE BAR LEN PA'I PHUNG PO LNGA PO DAG LA 'DAG PA DANG, GROL BAS DANG, NGES PAR 'BYIN PAR YANG DAG PAR RJES SU LTA BA'I BZOD PA DANG, 'DOD PA DANG, BLO GROS DANG, RTOG PA DANG, LTA BA GANG YIN PA STE, NGAL BA 'BRAS BU MED PA'I RTEN BYED PA'I LAS CAN NO, ,LOG PAR LTA BA GANG ZHE NA, RGYU'AM, 'BRAS BU'AM, BYED PA LA SKUR BA 'DEBS PA DANG, YOD PA'I DNGOS PO 'JIG PA STE, LOG PAR RNAM PAR RTOG PA'I BZOD PA DANG, 'DOD PA DANG, BLO GROS DANG, RTOG PA DANG, LTA BA GANG YIN PA STE, DGE BA'I RTZA BA GCOD PA'I LAS CAN DANG, @50A *, ,MI DGE BA'I RTZA BA DAM DU 'DZIN PA'I RTEN BYED PA'I LAS CAN DANG, MI DGE BA LA 'JUG PA'I LAS CAN DANG, DGE BA LA MI 'JUG PA'I LAS CAN NO, ,LTA BA LNGA PO 'DI DAG LAS SGRO 'DOGS PA'I LTA BA NI DU, SKUR PA 'DEBS PA'I LTA BA NI DU ZHE NA, BZHI NI SGRO 'DOGS PA'I LTA BA STE, SHES BYA LA NGO BO NYID DANG KHYAD PAR DU SGRO 'DOGS PA DANG, LTA BA LA MCHOG DANG 'DAG PAR SGRO 'DOGS PA'I PHYIR RO, ,GCIG NI PHAL CHER LA SKUR PA 'DEGS PA'I LTA BA'O, ,SNGON GYI MTHAR RTOG PA'I LTA BA GANG YIN PA DANG, PHYI MA'I MTHAR RTOG PA'I LTA BA GANG YIN PA DE DAG LTA BA DU ZHIG LAS BYUNG BAR RIG PAR BYA ZHE NA, GNYIS SAM, THAMS CAD LAS SO, ,LUNG DU MA BSTAN PA'I DNGOS PO RNAMS LA LTA BA GANG YIN PA DE DAG LTA BA DU ZHIG LAS BYUNG BAR RIG PAR BYA ZHE NA, GNYIS SAM, THAMS CAD LAS SO, , BCOM LDAN 'DAS KYIS NYES PA GANG GZIGS NAS, PHUNG PO DANG, KHAMS DANG, SKYE MCHED RNAMS LA RNAM PA LNGAS BDAG BSAL BA MDZAD CE NA, 'JIG TSOGS LA LTA BAS YONGS SU ZIN PA'I NYES PA LNGA GZIGS NAS TE, MTSAN NYID DANG MI MTHUN PA'I NYES PA DANG, MI RTAG PA NYID KYI NYES PA DANG, RANG DBANG MED PA'I NYES PA DANG, LUS MED PA'I NYES PA DANG, BSGRIM MI DGOS PAR THAR PAR 'GYUR BA'I NYES PA'O, ,GANG NYE BAR LEN PA'I PHUNG PO LNGA PO DAG LA 'JIG TSOGS LA LTA BA'I MTHA' NYI SHU PO, ,GZUGS BDAG YIN PAR LTA BA DANG; BDAG GZUGS DANG LDAN PA DANG, GZUGS BDAG GI YIN PA DANG, GZUGS LA BDAG GNAS PA DANG, TSOR BA DANG, 'DU SHES DANG, 'DU BYED DANG, RNAM PAR SHES PA BDAG YIN PAR LTA BA DANG, BDAG RNAM PAR SHES PA DANG, LDAN PA DANG, RNAM PAR SHES PA BDAG GI YIN PA DANG, RNAM PAR SHES PA LA BDAG GNAS SO ZHES BYA BA DE LA, BDAG TU LTA BA NI DU, BDAG GIR LTA BA NI DU ZHE NA, LNGA NI BDAG TU LTA BA'O, ,BCOM LDAN NI BDAG GIR LTA BA'O, ,CI'I PHYIR BCOM LNGA BDAG GIR LTA BA ZHES BYA ZHE NA, 'BREL BAS BDAG GIR @50B 'GYUR BA DANG, DBANG SGYUR BAS BDAG GIR 'GYUR BA DANG, THA DAD DU MI 'JUG PAS BDAG GIR 'GYUR BA'I PHYIR RO, ,'JIG TSOGS LA LTA BA DPYAD PA'I GZHI CAN ZHES BYA'AM, MA DPYAD PA'I GZHI CAN ZHES BYA ZHE NA, MA DPYAD PA'I GZHI CAN ZHES BRJOD PAR BYA STE, THAG PA LA SPRUL GYI BLO BZHIN NO, ,KHRO BA GANG ZHE NA, GNOD PAR BYED PA'I RGYU NYE BAR GNAS NA, KHONG KHOR BA'I CHAR GTOGS PA'I SEMS KYI KUN NAS MNAR SEMS PA STE, MTSON CHA LEN PA DANG, CHAD PAS GCOD PA LA SOGS PA DANG, GNOD PA SHOM PA'I RTEN BYED PA'I LAS CAN NO, ,KHON DU 'DZIN PA GANG ZHE NA, DE'I 'OG TU KHONG KHRO BA'I CHAR GTOGS PA NYID KYIS, SHAR GNYER BA'I BSAM PA MI GTONG BA STE, MI BZOD PA'I RTEN BYED PA'I LAS CAN NO, ,'CHAB PA GANG ZHE NA, LEGS PAR BSKUL BA LA GTI MUG GI CHAR GTOGS PAS KHA NA MA THO BA 'KHYUD PA STE, 'GYOD PA DANG, REG PAR MI GNAS PA'I RTEN BYED PA'I LAS CAN NO, ,'TSIG PA GANG ZHE NA, KHONG KHRO BA'I CHAR GTOGS PA KHRO BA DANG KHON DU 'DZIN PA SNGON DU 'GRO BA'I SEMS KYIS KUN NAS MNAR SEMS PA STE, TSIG RTZUB PO BLANG ZHING DRAG PO'I RTEN BYED PA'I LAS CAN DANG, BSOD NAMS MA YIN PA 'PHEL BA'I LAS CAN DANG, REG PAR MI GNAS PA'I LAS CAN NO, ,PHRAG DOG GANG ZHE NA, RNYED PA DANG BKUR STE LA LHAG PAR CHAGS NAS GZHAN GYI PHUN SUM TSOGS PA'I KHYAD PAR LA MI BZOD PAR GYUR BA SEMS KHONG NAS 'KHRUG PA ZHE SDANG GI CHAR GTOGS PA STE, YID MI BDE BA DANG, REG PAR MI GNAS PA'I LAS CAN NO, ,SER SNA GANG ZHE NA, RNYED PA DANG BKUR STI LA LHAG PAR CHAGS NAS, YO BYAD RNAMS LA SEMS KYI KUN TU 'DZIN PA 'DOD CHAGS KYI CHAR GTOGS PA STE, YO BYAD MA BSNYUNGS PA'I RTEN BYED PA'I LAS CAN NO, ,SGYU GANG ZHE NA, RNYED PA DANG BKUR STI LA LHAG PAR CHAGS NAS, 'DOD CHAGS DANG GTI MUG GI CHAR GTOGS PAS YON TAN MA YIN PA KUN TU STON PA STE, LOG PAS 'TSO BA'I RTEN BYED PA'I LAS CAN NO, ,G-YO GANG ZHE NA, RNYED PA DANG BKUR STI LA LHAG PAR CHAGS NAS, 'DOD CHAGS DANG GTI MUG @51A *, ,GI CHAR GTOGS PAS NYES PA YANG DAG PAR SKYONG BA STE, YANG DAG PA'I GDAMS NGAG RNYED PA'I BAR DU GCOD PA'I LAS CAN NO, ,RGYAGS PA GANG ZHE NA, NAD MED PA DANG LANG TSOL BAB PA LA BRTEN CING TSE RING BA'I MTSAN MA DANG, ZAG PA DANG BCAS PA'I PHUN SUM TSOGS PA GANG YANG RUNG BA MTHONG NAS, 'DOD CHAGS KYI CHAR GTOGS PA'I DGA' BA DANG, YID BDE BA STE, NYON MONGS PA DANG NYE BA'I NYON MONGS PA THAMS CAD KYI RTEN BYED PA'I LAS CAN NO, ,RNAM PAR 'TSE BA GANG ZHE NA, KHONG KHRO BA'I CHAR GTOGS PA, SNYING BRTZE BA MED PA DANG; SNYING RJE BA MED PA DANG, BRTZE BA MED PA STE, RNAM PAR THO 'TSAM PA'I LAS CAN NO, ,NGO TSA MED PA GANG ZHE NA, 'DOD CHAGS DANG, ZHE SDANG DANG, GTI MUG GI CHAR GTOGS PA KHA NA MA THO BAS BDAG LAS MI 'DZEM PA STE, NYON MONGS PA DANG, NYE BA'I NYON MONGS PA THAMS CAD KYI GROGS BYED PA'I LAS CAN NO, ,KHREL MED PA GANG ZHE NA, 'DOD CHAGS DANG, ZHES SDANG DANG, GTI MUG GI CHAR GTOGS PA KHA NA MA THO BAS GZHAN LAS MI 'DZEM PA STE, NYON MONGS PA DANG NYE BA'I NYON MONGS PA THAMS CAD KYI GROGS BYED PA'I LAS CAN NO, , RMUGS PA GANG ZHE NA, GTI MUG GI CHAR GTOGS PA SEMS LAS SU MI RUNG BA NYID DE, NYON MONGS PA DANG NYE BA'I NYON MONGS PA THAMS CAD KYI GROGS BYED PA'I LAS CAN NO, ,RGOD PA GANG ZHE NA, SDUG PA'I MTSAN MA'I RJES SU 'JUG PA'I 'DOD CHAGS KYI CHAR GTOGS PA'I SEMS RNAM PAR MA ZHI BA STE, ZHI GNAS KYI BAR DU GCOD PA'I LAS CAN NO, ,MA DAD PA GANG ZHE NA, GTI MUG GI CHAR GTOGS PA DGE BA'I CHOS RNAMS LA SEMS KYI YID MI CHES PA DANG, MA DANG PA DANG, MI 'DOD PA STE, LE LO'I RTEN BYED PA'I LAS CAN NO, ,LE LO GANG ZHE NA, NYAL BA DANG, SNYES PA DANG, 'PHRES PA'I BDE BA LA BRTEN NAS, GTI MUG GI CHAR GTOGS PA'I SEMS MI SPRO BA STE, DGE BA'I PHYOGS LA SBYOR BA'I BAR DU GCOD PA'I LAS CAN NO, ,BAG MED PA GANG ZHE NA, CHAGS PA DANG, ZHE SDANG DANG, GTI MUG LE LO DANG BCAS PA LA @51B GNAS NAS, DGE BA'I CHOS RNAMS MI BSGOM ZHING ZAG PA DANG BCAS PA'I CHOS RNAMS LAS SEMS MI SRUNG BA STE, MI DGE BA 'PHEL BA DANG, DGE BA 'GRIB PA'I RTEN BYED PA'I LAS CAN NO, ,BRJOD NGES PA GANG ZHE NA, NYON MONGS PA DANG MTSUNGS PAR LDAN PA'I DRAN PA STE, G-YENG BA'I RTEN BYED PA'I LAS CAN NO, ,SHES BZHIN MA YIN PA GANG ZHE NA, NYON MONGS PA DANG MTSUNGS PAR LDAN PA'I SHES RAB STE, DES LUS DANG, NGAG DANG SEMS KYI SPYOD PA LA MI SHES BZHIN DU 'JUG PA STE, LTUNG BA'I RTEN BYED PA'I LAS CAN NO, ,RNAM PAR G-YENG BA GANG ZHE NA, 'DOD CHAGS DANG, ZHE SDANG DANG, GTI MUG GI CHAR GTOGS PA'I SEMS KYI RNAM PAR 'PHRO BA STE, DE YANG NGO BO NYID KYIS G-YENG BA DANG, PHYI ROL TU G-YENG BA DANG, NANG GI G-YENG BA DANG, MTSAN MA'I G-YENG BA DANG, GNAS NGAN LEN GYI G-YENG BA DANG, YID LA BYED PA'I G-YENG BA'O, ,NGO BO NYID KYIS GAYENG BA GANG ZHE NA, RNAM PAR SHES PA'I TSOGS LNGA'O, ,PHYI ROL TU GAYENG BA GANG ZHE NA, DGE BA LA ZHUGS PA'I SEMS 'DOD PA'I YON TAN LNGA LA RNAM PAR 'PHRO BA'O, ,NANG GI G-YENG BA GANG ZHE NA, DGE BA LA ZHUGS PA BYING BA DANG, RGOD PA DANG, RO MYANG BAR BYED PA'O, ,MTSAN MA'I G-YENG BA GANG ZHE NA, GZHAN YID CHES PAR BYA BA SNGON DU BTANG STE DGE BA LA SBYOR BA'O, ,GNAS NGAN LEN GYI G-YENG BA GANG ZHE NA, NGAR 'DZIN PA DANG, NGA YIR 'DZIN PA DANG, NGA'O SNYAM PA'I NGA RGYAL GYI PHYOGS KYI GNAS NGAN LEN LA BRTEN NAS, DGE BA LA ZHUGS PA'I TSOR BA BYUNG BA 'BYUNG BA RNAMS LANG ZHE'AM, NGA YI ZHE'AM, NGA'O SNYAM DU 'DZIN PA DANG, 'DRES PA DANG, MTSAN MAR 'DZIN PA'O, ,YID LA BYED PA'I G-YENG BA GANG ZHE NA, SNYOMS PAR 'JUG PA GZHAN NAM, THEG PA GZHAN LA SNYOMS PAR 'JUG PA DANG, GNAS PA'I RNAM PAR 'PHRO BA GANG YIN PA STE, 'DOD CHAGS DANG 'BREL BA'I BAR DU GCOD PA'I LAS CAN NO, ,GNYID GANG ZHE NA, GNYID KYI RGYUL BRTEN NAS DGE BA DANG, MI DGE BA DANG, LUNG DU MA BSTAN PA DANG, DUS DANG DUS MA YIN PA DANG, RIGS @52A *, ,PA DANG, MI RIGS PA LA SEMS SDUD PA GTI MUG GI CHAR GTOGS PA STE, BYA BA SHOR BA'I RTEN BYED PA'I LAS CAN NO, ,'GYOD PA GANG ZHE NA, BSAMS PA DANG, MA BSAMS PA'I BYA BA DANG BYA BA MA YIN PA GANG YIN PA LA BRTEN NAS, DGE BA DANG, MI DGE BA DANG; LUNG DU MA BSTAN PA DANG, DUS DANG, DUS MA YIN PA DANG, RIGS PA DANG, MI RIGS PA LA SEMS KYIS YID LA GCAGS PA GTI MUG GI CHAR GTOGS PA STE, SEMS GNAS PA'I BAR DU GCOD PA'I LAS CAN NO, ,RTOG PA GANG ZHE NA, SEMS PA'AM, SHES RAB LA BRTEN NAS, KUN TU TSOL BA'I YID KYIS BRJOD PA STE, DE NI SEMS RTZING BA'O, ,DPYOD PA GANG ZHE NA, SEMS PA'AM, SHES RAB LA BRTEN NAS, SO SOR RTOG PA'I YID KYIS BRJOD PA STE, DE NI SEMS ZHIB PA'O, ,REG PAR GNAS PA DANG, REG PAR MI GNAS PA'I RTEN BYED PA'I LAS CAN DAG GO, ,YANG CHOS DGE BA RNAMS KYI LAS NI RANG GI MI MTHUN PA'I PHYOGS SPANGS PA'O, ,NYON MONGS PA DANG, NYE BA'I NYON MONGS PA RNAMS KYI LAS NI RANG GI GNYEN PO'I BAR DU GCOD PA'O, ,SEMS DANG LDAN PA MA YIN PA'I 'DU BYED RNAMS GANG ZHE NA, 'THOB PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA PA DANG, SROG GI DBANG PO DANG, RIS MTHUN PA DANG, SKYE BA DANG, RGA BA DANG, GNAS PA DANG, MI RTAG PA NYID DANG, MING GI TSOGS DANG, TSIG GI TSOGS DANG, YI GE'I TSOGS DANG, SO SO'I SKYE BO NYID DANG, 'JUG PA DANG, SO SOR NGES PA DANG, 'BYOR 'BREL PA DANG, MGYOGS PA DANG, GO RIMS DANG, DUS DANG, YUL DANG, GRANGS DANG TSOGS PA'O, ,'THOB PA GANG ZHE NA, DGE BA DANG MI DGE BA DANG, LUNG DU MA BSTAN PA'I CHOS RNAMS KYI 'PHEL BA DANG, 'GRIB PA LA 'THOB PA DANG RNYED PA DANG LDAN PA ZHES GDAGS SO, ,'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL LA, STENG MA'I 'DOD CHAGS DANG MA BRAL BA'I @52B 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BRTAN PA MA YIN PA RNAMS 'GOG PA LA 'DU SHES MED PA'I SNYOMS PAR 'JUG PA ZHES GDAGS SO, ,'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG, BRAL LA, SRID PA'I RTZE MO LAS GYEN DU BSKYOD PA'I ZHI BAR GNAS PA'I 'DUS SHES SNGON DU BTANG BA'I YID LA BYED PAS, SEMS DANG SEMS LAS BYUNG BA'I CHOS BRTEN PA MA YIN PA RNAMS DANG, BRTAN PA DE DAG LAS KYANG KHA CIG 'GOG PA LA, 'GOG PA'I SNYOMS PAR 'JUG PA ZHES GDAGS SO, ,'DU SHES MED PA PA GANG ZHE NA, SEMS CAN 'DU SHES MED PA'I LHA RNAMS KYI NANG DU SKYES PA'I SEMS DANG SEMS LAS BYUNG BA'I CHOS BRTEN PA MA YIN PA RNAMS 'GOG PA LA 'DU SHES MED PA PA ZHES GDAGS SO, ,SROG GI DBANG GI PO GANG ZHE NA, RIS MTHUN PAR SNGON GYI LAS KYIS 'PHANGS PA'I GNAS PA'I 'DUS NGES PA LA, TSE ZHES GDAGS SO, ,RIS MTHUN PA GANG ZHE NA, SEMS CAN GYI RIGS DE DANG DER SEMS CAN DE DANG DE DAG GI LUS 'DRA BA LA RIS MTHUN PA ZHES GDAGS SO, ,SKYE BA GANG ZHE3 NA, RIS MTHUN PAR 'DU BYAD RNAMS MA BYUNG BA LAS BYUNG BA LA SKYE BA ZHES GDAGS SO, ,RGA BA GANG ZHE NA, RIS MTHUN PAR 'DU BYED RNAMS KYI RGYUN GZHAN DU 'GYUR BA LA RGA BA ZHES GDAGS SO, ,GNAS PA GANG ZHE NA, RIS MTHUN PAR 'DU BYED RNAMS KYI RGYUN MI 'JIG PA LA GNAS PA ZHES GDAGS SO, ,MI RTAG PA NYID GANG ZHE NA, RIS MTHUN PAR 'DU BYED RNAMS KYI RGYUN 'JIG PA LA MI RTAG PA NYID CES GDAGS SO, ,MING GI TSOGS GANG ZHE NA, CHOS RNAMS KYI NGO BO NYID KYI TSIG BLA DAGS LA MING GI TSOGS ZHES GDAGS SO, ,TSIG GI TSOGS GANG ZHE NA, CHOS RNAMS KYI KHYAD PAR GYI TSIG BLA DAGS LA TSIG GI TSOGS ZHES GDAGS SO, ,YI GE'I TSOGS GANG ZHE NA, DE GNYID GA'I GNAS YI GE RNAMS LA YI GE'I TSOGS ZHES GDAGS TE, DE GNYI GA GSAL BAR BYED PA'I PHYIR RO, ,RJOD PA YANG DE YIN TE, DON YANG DAG PAR BRJOD PA'I PHYIR RO, ,YI GE NI RNAM GRANGS SU @53A *, ,GTOGS PA GZHAN DU MI 'GYUR BAR BYED PA'I PHYIR RO, ,SO SO'I SKYE BO NYID GANG ZHE NA, 'PHAGS PA'I CHOS RNAMS MA THO BA LA SO SO'I SKYE BO ZHES GDAGS SO, ,'JUG PA GANG ZHE NA, RGYU DANG 'BRAS BU RGYUN MI 'CHAD PA LA 'JUG PA ZHES GDAGS SO, ,SO SOR NGES PA GANG ZHE NA, RGYU DANG 'BRAS BU THA DAD PA LA SO SOR NGES PA ZHES GDAGS SO, ,'BYOR 'BREL PA GANG ZHE NA, RGYU DANG 'BRAS BU RJES SU MTHUN PA LA 'BYOR PA ZHES GDAGS SO, ,MGYOGS PA GANG ZHE NA, RGYU DANG 'BRAS BU MYUR BAR BYUNG BA LA MGYOGS PA ZHES GDAGS SO, , GO RIMS GANG ZHE NA, RGYU DANG 'BRAS BU RE RE NAS 'BYUNG BA LA GO RIMS ZHES GDAGS SO, ,DUS GANG ZHE NA, RGYU DANG 'BRAS BU RGYUN TU 'BYUNG BA LA DUS ZHES GDAGS SO, ,YUL GANG ZHE NA, SHAR DANG, LHO DANG, NUB DANG, BYANG DANG, 'OG DANG, STENG DANG, PHYOGS BCU THAMS CAD NA RGYU DANG 'BRAS BU YOD PA NYID LA YUL ZHES GDAGS SO, ,GRANGS GANG ZHE NA, 'DU BYED RNAMS KYI SO SO THA DAD PA LA GRANGS ZHES GDAGS SO, ,TSOGS PA GANG ZHE NA, RGYU DANG 'BRAS BU'I RKYEN 'DUS PA LA TSOGS PA ZHES GDAGS SO, ,RNAM PAR SHES PA'I PHUNG PO'I RNAM PAR GZHAG PA GANG ZHE NA, SEMS DANG YID GANG YIN PA RNAM PAR SHES PA YANG DE YIN NO, ,SEMS GANG ZHE NA, PHUNG PO DANG KHAMS DANG SKYE MCHED KYI BAG CHAGS KYIS YONGS SU BSGOMS PAS BON THAMS CAD PA'I KUN GZHI RNAM PAR SHES PA'O, ,RNAM PAR SMIN PA'I RNAM PAR SHES PA DANG, LEN PA'I RNAM PAR SHES PA YANG DE YIN TE, DE DAG GI BAG CHAGS BSAGS PA'I PHYIR RO, ,YID GANG ZHE NA, GANG DUS RTAG TU RLOM SEMS PA'I BDAG NYID DANG, KUN GZHI RNAM PAR SHES PA LA DMIGS PA DANG, NYON MONGS PA BZHI PO BDAG TU LTA BA DANG, BDAG LA CHAGS PA DANG, NGA'O SNYAM PA'I NGA RGYAL DANG, MA RIG PA DANG MTSUNGS PAR LDAN PA STE, DE YANG LAM MNGON DU GYUR PA DANG, 'GOG PA'I SNYOMS PAR 'JUG PA DANG, MI SLOB PA'I SAM PA GTOGS PAR DGE BA DANG, MI DGE BA DANG, LUNG DU MA BSTAN PA THAMS CAD @53B DU 'GRO BA DANG, GANG YANG RNAM PAR SHES PA DRUG PO DAG 'GAGS MA THAG PA'I RNAM PAR SHES PA'O, ,RNAM PAR SHES PA GANG ZHE NA, RNAM PAR SHES PA'I TSOGS DRUG STE, MIG GI RNAM PAR SHES PA DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA'O, ,MIG GI RNAM PAR SHES PA GANG ZHE NA, MIG LA BRTEN CING GZUGS LA DMIGS NAS SO SOR RNAM PAR RIG PA'O, ,RNA BA'I RNAM PAR SHES PA GANG ZHE NA, RNA BA LA BRTEN CING SGRA LA DMIGS NAS SO SOR RNAM PAR RIG PA'O, ,SNA'I RNAM PAR SHES PA GANG ZHE NA, SNA LA BRTEN CING DRI LA DMIGS NAS SO SOR RNAM PAR RIG PA'O, ,LCE'I RNAM PAR SHES PA GANG ZHE NA, LCE LA BRTEN CING RO LA DMIGS NAS SO SOR RNAM PAR RIG PA'O, ,LUS KYI RNAM PAR SHES PA GANG ZHE NA, LUS LA BRTEN CING RE BYA LA DMIGS NAS SO SOR RNAM PAR RIG PA'O, , YID KYI RNAM PAR SHES PA GANG ZHE NA, YID LA BRTEN CING CHOS LA DMIGS NAS SO SOR RNAM PAR RIG PA'O, ,KHAMS KYI RNAM PAR GZHAG PA GANG ZHE NA, GZUGS KYI PHUNG PO GANG YIN PA DE NI KHAMS BCU STE, MIG GI KHAMS DANG, GZUGS KYI KHAMS DANG, RNA BA'I KHAMS DANG; SGRA'I KHAMS DANG, SNA'I KHAMS DANG, DRI'I KHAMS DANG, LCE'I KHAMS DANG, RO'I KHAMS DANG, LUS KYI KHAMS DANG, REG BYA'I KHAMS DANG, CHOS KYI KHAMS KYI PHYOGS GCIG KYANG YIN NO, ,TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO GANG YIN PA DE NI CHOS KYI KHAMS KYI PHYOGS GCIG GO, ,RNAM PAR SHES PA'I PHUNG PO GANG YIN PA DE NI RNAM PAR SHES PA'I KHAMS BDUN TE, MIG GI RNAM PAR SHES PA'I KHAMS DANG, RNA BA DAN,G SNA DANG LCE DANG, LUS DANG, YID KYI RNAM PAR SHES PA'I KHAMS DANG YID KYI KHAMS SO, ,KHAMS RNAMS KYI NANG NAS PHUNG PO RNAMS KYIS CI ZHIG MA BSDUS SHE NA, CHOS KYI KHAMS LA YOD PA'I 'DUS MA BYAS SO, ,DE YANG 'DUS MA BYAS KYI DNGOS PO BRGYAD DE, CHOS DGE BA RNAMS KYI DE BZHIN NYID DANG, DE BZHIN DU CHOS MI DGE BA DANG, @54A *, ,LUNG DU MA BSTAN PA RNAMS KYI DE BZHIN NYID DANG, NAM MKHA' DANG, SO SOR BRTAGS PA MA YIN PAS 'GOG PA DANG, SO SOR BRTAGS PAS 'GOG PA DANG, MI G-YO BA DANG, 'DU SHES DANG TSOR BA 'GOG PA'O, ,CHOS DGE BA RNAMS KYI DE BZHIN NYID GANG ZHE NA, BDAG MED PA RNAM PA GNYIS DANG, STONG PA NYID DANG, MTSAN MA MED PA DANG, YANG DAG PA'I MTHA' DANG DON DAM PA STE, ,CHOS KYI DBYINGS KYANG DE YIN NO, ,CI'I PHYIR DE BZHIN NYID LA DE BZHIN NYID CES BYA ZHE NA, GZHAN DU MI 'GYUR BA NYID KYI PHYIR RO, ,CI'I PHYIR STONG PA NYID CES BYA ZHE NA; KUN NAS NYON MONGS PA MI RGYU BA'I PHYIR RO, ,CI'I PHYIR MTSAN MA MED PA ZHES BYA ZHE NA, MTSAN MA NYE BAR ZHI BA'I PHYIR RO, ,CI'I PHYIR YANG DAG PA'I MTHA' ZHES BYA ZHE NA, PHYIN CI LOG MED PA'I DMIGS PA YIN PA'I PHYIR RO, ,CI'I PHYIR DON DAM PA ZHES BYA ZHE NA, 'PHAGS PA'I YE SHES DAM PA'I SPYOD YUL YIN PA'I PHYIR RO, ,CI'I PHYIR CHOS KYI DBYINGS ZHES BYA ZHE NA, NYAN THOS DANG RANG SANGS RGYAS DANG, SANGS RGYAS KYI CHOS THAMS CAD KYI RGYU YIN PA'I PHYIR RO, ,CHOS DGE BA RNAMS KYI DE BZHIN NYID JI LTA BA BZHIN DU CHOS MI DGE BA RNAMS DANG, LUNG DU MA BSTAN PA RNAMS KYI DE BZHIN NYID KYANG DE BZHIN DU BLTA BAR BYA'O, ,NAM MKHA' GANG ZHE NA, GZUGS MED CING BYED PA THAMS CAD KYI GO 'BYED PA'I PHYIR RO, ,SO SOR BRTAGS PA MA YIN PAS 'GOG PA GANG ZHE NA, GANG 'GOG PA LA BRAL BA MA YIN PA'O, ,SO SOR BRTAGS PAS 'GOG PA GANG ZHE NA, GANG 'GOG LA DE NI BRAL BA'O, ,MI G-YO BA GANG ZHE NA, DGE RGYAS KYI 'DOD CHAGS DANG BRAL LA GONG MA'I 'DOD CHAGS DANG MA BRAL BA'I BDE BA DANG SDUG BSNGAL 'GOG PA'O, ,'DU SHES DANG TSOR BA 'GOG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL LA, SRID PA'I RTZE MO LAS GYEN DU BSKYOD PA ZHI BAR GNAS PA'I 'DU SHES SNGON DU BTANG BA'I YID LA BYED PAS, SEMS DANG SEMS LAS BYUNG BA'I CHOS BRTEN PA MA YIN PA DANG, BRTAN PA DE DAG LAS KYANG KHA CIG 'GOG PA'O, ,GZUGS RNAM PA LNGA GANG YIN PA @54B DANG; TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO GANG YIN PA DANG, 'DUS MA BYAS KYI DNGOS PO BRGYAD GANG DAG YIN PA DE DAG GCIG TU BSDUS TE, RNAM PA BCU DRUG GI BDAG NYID NI CHOS KYI KHAMS SO, ,SKYE MCHED KYI RNAM PAR GZHAG PA GANG ZHE NA; GZUGS CAN GYI KHAMS BCU PO GANG YIN PA DE DAG NYID SKYE MCHED BCU'O, ,RNAM PAR SHES PA'I KHAMS BDUN GANG DAG YIN PA DE DAG YID KYI SKYE MCHED DO, ,CHOS KYI KHAMS GANG YIN PA DE CHOS KYI SKYE MCHED DO, ,DE NYID KYI PHYIR PHUNG PO DANG, KHAMS DANG SKYE MCHED RNAMS NI CHOS GSUM DU 'GYUR TE, GZUGS KYI PHUNG PO DANG, CHOS KYI KHAMS DANG, YID KYI SKYE MCHED DO, ,MIG CES KYANG BYA, MIG GI KHAMS ZHES KYANG BYA NA, MIG GANG YIN PA MIG GI KHAMS KYANG DE YIN NA, MIG GI KHAMS GANG YIN PA MIG KYANG DE YIN NAM ZHE NA, MIG YIN LA MIG GI KHAMS MA YIN PA YANG YOD DE, DGRA BCOM PA THA MA'I MIG GO, ,MIG GI KHAMS YIN LA MIG MA YIN PA YANG YOD DE, SGO NGA'I NANG NA 'DUG PA DANG, NUR NUR POR GYUR PA DANG, MER MER POR GYUR PA DANG, NAR NAR POR GYUR PA DANG, MA'I MNGAL NA GNAS PA MIG MA DOD PA DANG, MIG ZHAR BA DANG, GZUGS MED PAR SKYES PA'I SO SO'I SKYE BO'I MIG GI RGYU'O, ,MIG KYANG YIN LA MIG GI KHAMS KYANG YIN PA'ANG YOD DE, DE MA YIN PA'I GNAS SKABS GZHAN RNAMS SO, ,MIG KYANG MA YIN LA MIG GI KHAMS KYANG MA YIN PA'ANG YOD DE, PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA DANG, GZUGS MED PAR SKYES PA'I 'PHAGS PA'I'O, ,MIG DANG MIG GI KHAMS JI LTA BA BZHIN DU, RNA BA DANG, SNA DANG, LCE DANG, LUS DANG, LUS KYI KHAMS KYANG DE BZHIN TE, DE YANG CI RIGS SU SBYAR RO, ,YID GANG YIN PA YID KYI KHAMS KYANG DE YIN NAM, YID KYI KHAMS GANG YIN PA YID KYANG DE YIN NAM ZHE NA, YID YIN LA YID KYI KHAMS MA YIN PA YANG YOD DE, DGRA BCOM PA THA MA'I YID DO, ,NYID KYI KHAMS YIN LA YANG MA YIN PA'ANG @55A *, ,YOD DE, 'GOG PA LA SNYOMS PAR ZHUGS PA'I YID KYI KHAMS SO, ,YID KYANG YIN LA YID KYI KHAMS KYANG YIN PA'ANG YOD DE, DE MA YIN PA'I GNAS SKABS GZHAN RNAMS SO, ,YID KYANG MA YIN LA YID KYI KHAMS KYANG MA YIN PA'ANG YOD DE, PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I'O, ,GANG DU BYUNG ZHING SKYES PAR GYUR PA DE'I SA PA NYID KYI MIG GIS DE'I SA PA'I GZUGS RNAMS MTHONG NGAM ZHE NA, DE'I SA PA'I MIG GIS DE'I SA PA'I GZUGS RNAMS MTHONG BA'ANG YOD, GZHAN GYIS PAS MTHONG BA'ANG YOD DE, 'DOD PA'I KHAMS SU BYUNG ZHING SKYES PAR GYUR PA 'DOD PA NA SPYOD PA'I MIG GIS 'DOD PA NA SPYOD PA'I GZUGS RNAMS MTHONG BA DANG, GZUGS NA SPYOD PA SA GONG MA PAS SA 'OG MA PA RNAMS MTHONG BA'O, ,MIG GIS GZUGS RNAMS MTHONG BA JI LTA BA BZHIN DU, RNA BAS SGRA YANG DE BZHIN NO, ,'DOD PA'I KHAMS SU BYUNG ZHING SKYES PAR GYUR PA JI LTA BA BZHIN DU, GZUGS KYI KHAMS SU SKYES PAR GYUR PA'ANG DE BZHIN NO, ,'DOD PA'I KHAMS SU SKYES PA 'DOD PA NA SPYOD PA'I SNA DANG LCE DANG, LUS KYIS 'DOD PA NA SPYOD PA NYID KYI DRI RNAMS SNOM MO, , RO RNAMS MYANG NGO, ,REG BYA RNAMS REG GO, ,GZUGS KYI KHAMS SU SKYES PAR GYUR PA GZUGS NA SPYOD PA'I LUS KYIS, RANG GI SA PA NYID KYI REG BYA RNAMS LA REG GO, ,DE NA DRI DANG RO NI RANG BZHIN GYIS MED DE, KHAM GYI ZAS KYI 'DOD CHAGS DANG BRAL BA'I PHYIR RO, ,DE'I PHYIR SNA'I RNAM PAR SHES PA DANG, LCE'I RNAM PAR SHES PA YANG MED DO, ,'DOD PA'I KHAMS SU SKYES PAR GYUR PA 'DOD PA NA SPYOD PA'I YID KYIS, KHAMS GSUM PA NA SPYOD PA RNAMS DANG, ZAG PA MED PA'I CHOS RNAMS KYANG SHES SO, ,'DOD PA'I KHAMS SU SKYES PAR GYUR PA JI LTAR BZHIN DU, GZUGS KYI KHAMS SU SKYES PAR GYUR PA YANG BZHIN NO, ,GZUGS MED PA'I KHAMS SU BYUNG ZHING SKYES PAR GYUR PA NI, GZUGS MED PA NA SPYOD PA'I YID KYIS, GZUGS MED PA NA SPYOD PA RANG GI SA PA RNAMS DANG, ZAG PA MED PA'I CHOS RNAMS KYANG SHES SO, ,ZAG PA MED PA'I YID KYIS NI, KHAMS @55B GSUM PA NA SPYOD PA RNAMS DANG, ZAG PA MED PA'I CHOS RNAMS KYANG SHES SO, ,CI'I PHYIR PHUNG PO RNAMS GO RIMS SU BLAGS SHE NA, RNAM PAR SHES PA'I GNAS NYID KYI PHYIR TE, RNAM PAR SHES PA'I GNAS BZHI DANG GNAS BZHIN DANG RNAM PAR SHES PA'O, ,YANG SNA MA NI PHYIN MA'I RTEN YIN PA'I PHYIR TE; GZUGS JI LTA BA DE BZHIN DU MYONG NGO, ,JI LTAR TSOR BAR BYED PA DE BZHIN DU 'DU SHES SU BYED DO, ,JI LTAR 'DU SHES SU BYED PA DE BZHIN DU SEMS PAR BYED DO, ,JI LTAR SEMS PAR BYED PA DE BZHIN DU RNAM PAR SHES PAR BYED DE, DE DANG DER NYE BAR 'GRO BAR 'GYUR RO, ,YANG KUN NAS NYON MONGS PA DANG, RNAM PAR BYANG BA NYID KYI PHYIR TE, GANG DU KUN NAS NYON MONGS PA DANG, RNAM PAR BYANG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA GANG GIS KUN NAS NYON MONGS PA DANG, RNAM PAR BYANG BA DANG, GANG KUN NAS NYON MONGS PA DANG, RNAM PAR BYANG BA STE, PHUNG PO RNAMS KYI GO RIMS BSTAN PA NI DE LTA'O, ,CI'I PHYIR KHAMS RNAMS GO RIMS SU BLAGS SHE NA, 'JIG RTEN GYI THA SNYAD DANG MTHUN PA'I PHYIR RO, ,'JIG RTEN GYI THA SNYAD DANG MTHUN PA GANG ZHE NA, DE LA THOG MA KHO NAR PHAN TSUN DU BLTA'O, ,BLTA BA LA BRTEN NAS KUN TU SMRA'O, ,DE'I 'OG TU KHRUS DANG BYUNG BA DANG, PHRENG BA LONGS SPYOD DU BYED DO, ,DE'I 'OG TU BZANG BA DANG BTUNG BA YONGS SU SPYOD DO, ,DE'I 'OG TU MAL DANG GDING BA DANG, BUD MED LA YONGS SU SPYOD DO, ,THAMS CAD DU RNAM PAR RTOG PA CAN YID KYI KHAMS SO, ,NANG GI KHAMS RNAMS RGYUR BYAS NAS PHYI'I KHAMS RNAMS GO RIMS SU BLAGS SO, ,DE'I 'OG TU RNAM PAR SHES PA'I KHAMS RNAMS SO, ,KHAMS RNAMS KYI GO RIMS JI LTAR BA BZHIN DU SKYE MCHED RNAMS KYI 'ANG DE BZHIN NO, ,PHUNG PO'I DON GANG ZHE NA, GZUGS GANG YIN PA CI YANG RUNG STE, 'DAS PA'AM, MA 'ONGS PA'AM, DA LTAR BYUNG BA'AM, NANG GI'AM, PHYI'I 'AM, RAGS PA'AM, PHRA BA'AM, NGAN PA'AM, GYA NOM PA'AM, RGYANG RING BA GANG YIN PA'AM, THAG NYE BA GANG YIN PA DE THAMS CAD GCIG TU BSDUS TE SPUNGS PA'I PHYIR GZUGS KYI PHUNG PO ZHES @56A *, ,BYA'O; ,RNAM PAR SHES PA'I PHUNG PO'I BAR DU'ANG DE BZHIN TE, NOR GYI PHUNG PO BZHIN NO, ,YANG SDUG BSNGAL SHIN TU RGYAS PA'I MTSAN NYID KHO NA'I PHYIR TE, JI SKAD DU SDUG BSNGAL GYI PHUNG PO CHEN PO 'DI 'BA' ZHIG 'BYUNG BAR 'GYUR RO, ,ZHES GSUNGS PA LTA BU STE; SHING GI PHUNG PO BZHIN NO, ,YANG KUN NAS NYON MONGS PA'I KHUR KHYER BA NYID KYI PHYIR TE, PHRAG KHUR KHYER BA BZHIN NO, ,KHAMS KYI DON GANG ZHE NA, CHOS THAMS CAD KYI SA BON GYI DON TO, ,YANG RANG GI MTSAN NYID 'DZIN PA'I DON TO, ,YANG 'BRAS BU DANG RGYU'I DNGOS PO 'DZIN PA'I DON TO, ,YANG CHOS KYI RNAM PA THAMS CAD BSDUS NAS 'DZIN PA'I DON TO, ,SKYE MCHED KYI DON GANG ZHE NA, RNAM PAR SHES PA'I SKYE BA'I SGO'I DON TO, ,GZUGS NI DBU BA RDOS PA LTA BU'O, ,TSOR BA NI CHU'I CHU BUR LTA BU'O, ,'DU SHES NI SMIG RGYU LTA BU'O, ,'DU BYED RNAMS NI CHU SHING GI PHUNG PO LTA BU'O, ,RNAM PAR SHES PA NI SGYU MA LTA BU'O ZHES GANG GSUNGS PA DE LA, CI'I PHYIR GZUGS DBU BA RNGOS PA LTA BU'O ZHES BYA BA NAS, RNAM PAR SHES PA SGYU MA LTA BU'O ZHES BYA BA'I BAR DU ZHE NA, BDAG MED PA NYID DANG, GTZANG BA MED PA NYID DANG, RO BRO BA CHUNG BA NYID DANG, MI BRTAN ZHING SNYING PO MED PA NYID KYI PHYIR RO, ,PHUNG PO DANG KHAMS DANG SKYE MCHED RNAMS KYI RAB TU DBYE BA GANG ZHE NA, SDOM DU NA, RDZAS YOD SHES BYA BA GZUGS CAN SOGS, ZAG BCAS BYUNG LA SOGS PA DANG, ,'DAS DANG RKYEN LA SOGS PA RNAMS, ,JI LTAR DU ZHIG CI YI PHYIR, ,PHUNG PO DANG KHAMS DANG SKYE MCHED RNAMS, JI LTAR NA RDZAS SU YOD PA YIN, RDZAS SU YOD PA RNAMS NI DU ZHIG ,CI'I PHYIR RDZAS SU YOD PAR BRTAG CE NA, DBANG PO'I SPYOD YUL BRJOD PA DANG, DE LAS GZHAN PA LA MI LTOS PA NI RDZAS SU YOD PA'O, ,THAMS CAD KYANG RDZAS SU YOD PA'O, ,BDAG LA RDZAS SU MNGON PAR ZHEN PA SPANG BA'I PHYIR RDZAS SU YOD PAR BRTAG GO, ,JI LTAR NA BTAGS PA'I YOD PA YIN, BTAGS PA'I YOD PA RNAMS NI DU ZHIG ,CI'I PHYIR BTAGS PA'I YOD PAR BRTAG CE NA, DBANG PO'I SPYOD YUL BRJOD PA DANG, DE LAS GZHAN PA LA @56B LTOS PA DANG BCAS PA NI BTAGS PA'I YOD PA'O, ,THAMS CAD KYANG BTAGS PA'I YOD PA'O, ,BDAG LA BTAGS PAR MNGON PAR ZHEN PA SPANG BA'I PHYIR BTAGS PA'I YOD PAR BRTAG GO, ,JI LTAR NA KUN RDZOB TU YOD PA YIN, KUN RDZOB TU YOD PA RNAMS NI DU ZHIG ,CI'I PHYIR KUN RDZOB TU YOD PAR BRTAG CE NA, KUN NAS NYON MONGS PAR 'GYUR BA'I DMIGS PA NI KUN RDZOB TU YOD PA'O, ,THAMS CAD KYANG KUN RDZOB TU YOD PA'O, ,BDAG LA KUN NAS NYON MONGS PA'I RGYUR MNGON PAR ZHEN PA SPANG BA'I PHYIR RO, ,JI LTAR NA DON DAM PAR YOD PA YIN, DON DAM PAR YOD PA RNAMS NI DU ZHIG ,CI'I PHYIR DON DAM PAR YOD PAR BRTAG CE NA, RNAM PAR DAG PAR 'GYUR BA'I DMIGS PA NI DON DAM PAR YOD PA'O, ,THAMS CAD KYANG DON DAM PAR YOD PA'O, ,BDAG LA RNAM PAR DAG PA'I RGYUR MNGON PAR ZHEN PA SPANG BA'I PHYIR RO, ,JI LTAR NA SHES PAR BYA BA YIN, SHES PAR BYA BA RNAMS NI DU ZHIG ,CI'I PHYIR SHES PAR BYA BAR BRTAG CE NA, SHES PAR BYA BA NI RNAM PA LNGA STE, GZUGS DANG SEMS DANG, SEMS LAS BYUNG BA'I CHOS RNAMS DANG, SEMS DANG LDAN PA MA YIN PA'I 'DU BYED RNAMS DANG, 'DUS MA BYAS RNAMS TE, GANG DU KUN NAS NYON MONGS PA DANG, RNAM PAR BYANG BA DANG, GANG KUN NAS NYON MONGS PA DANG, RNAM PAR BYANG BA DANG, GANG GIS KUN NAS NYON MONGS PA DANG, RNAM PAR BYANG BA DANG, DE'I GNAS SKABS GANG YIN PA DANG, RNAM PAR BYANG BA GANG YIN PA DE'I DBANG DU BYAS NAS, THAMS CAD KYANG SHES PAR BYA BA DAG GO, ,DE LA GZUGS NI GZUGS KYI PHUNG PO STE, GZUGS CAN GYI KHAMS BCU DANG, SKYE MCHED BCU DANG, CHOS KYI KHAMS DANG, SKYE MCHED PA'I GZUGS SO, ,SEMS NI RNAM PAR SHES PA'I PHUNG PO STE, RNAM PAR SHES PA'I KHAMS BDUN DANG, YID KYI SKYE MCHED DO, ,SEMS LAS BYUNG BA'I CHOS RNAMS NI, TSOR BA'I PHUNG PO DANG, 'DU SHES KYI PHUNG PO DANG, MTSUNGS PAR LDAN PA'I 'DU BYED KYI PHUNG PO DANG, CHOS KYI KHAMS DANG SKYE MCHED KYI PHYOGS GCIG KYANG YIN NO, ,LDAN PA MA YIN PA NI LDAN PA MA YIN PA'I 'DU BYED KYI PHUNG PO DANG, @57A *, ,CHOS KYI KHAMS DANG SKYE MCHED KYI PHYOGS GCIG KYANG YIN NO, ,'DUS MA BYAS NI CHOS KYI KHAMS DANG SKYE MCHED KYI PHYOGS GCIG GO, ,YANG SHES BYA'I CHOS RNAMS NI, MOS PA'I SHES PA'I SPYOD YUL DANG, RIGS PA'I SHES PA'I SPYOD YUL DANG, RNAM PAR 'PHRO BA MED PA'I SHES PA'I SPYOD YUL DANG, SO SO RANG GIS SHES PA'I SPYOD YUL DANG, GZHAN GYI BDAG NYID SHES PA'I SPYOD YUL DANG, 'OG MA SHES PA'I SPYOD YUL DANG, GONG MA SHES PA'I SPYOD YUL DANG, RNAM PAR SUN 'BYIN PA'I SHES PA'I SPYOD YUL DANG, KUN NAS MI LDANG BA SHES PA'I SPYOD YUL DANG, MI SKYE BA SHES PA'I SPYOD YUL DANG, SHES PA SHES PA'I SPYOD YUL DANG, MTHAR THUG PA SHES PA'I SPYOD YUL DANG, DON CHEN PO SHES PA'I SPYOD YUL GYI PHYIR YANG NGO, ,BDAG LA SHES PA PO DANG, MTHONG BA POR MNGON PAR ZHEN PA SPANG BA'I PHYIR RO, ,JI LTAR NA RNAM PAR SHES PAR BYA BA YIN, RNAM PAR SHES PAR BYA BA RNAMS NI DU ZHIG ,CI'I PHYIR RNAM PAR SHES PAR BYA BAR BRTAG CE NA, RNAM PAR MI RTOG PA DANG, RNAM PAR RTOG PA DANG, RGYU DANG, 'JUG PA DANG, RGYU MTSAN DANG, RGYU MTSAN LAS BYUNG BA DANG, MI MTHUN PA DANG, GNYEN PO DANG, PHRA BA'I RAB TU DBYE BAS KYANG RNAM PAR SHES PAR BYA BAR BLTA'O, ,THAMS CAD KYANG RNAM PAR SHES PAR BYA BA DAG GO, ,BDAG LA MTHONG BA PO LA SOGS PAR MNGON PAR ZHEN PA SPANG BA'I PHYIR RO, ,JI LTAR NA MNGON PAR SHES PAR BYA BA YIN, MNGON PAR SHES PA BYA BA RNAMS NI DU ZHIG ,CI'I PHYIR MNGON PAR SHES PAR BYA BAR BRTAG CE NA, KUN TU 'GRO BA DANG, RJES SU THOS PA DANG, SPYOD PA LA 'JUG PA DANG, 'ONG BAS DANG, 'GRO BA DANG, NGES PAR 'BYUNG BA'I PHYIR YANG NGO, ,THAMS CAD KYANG MNGON PAR SHES PAR BYA BA DAG GO, , BDAG LA MTHU DANG BCAS PAR MNGON PAR ZHEN PA SPANG BA'I PHYIR RO, ,JI LTAR NA GZUGS CAN YIN, GZUGS CAN RNAMS NI DU ZHIG ,CI'I PHYIR GZUGS CAN DU BRTAG CE NA, GZUGS DE'I BDAG NYID DANG, 'BYUNG BA RTEN DU GYUR PA DANG, DGA' BA'I KUN 'BYUNG BA DANG, PHYOGS DANG BCAS @57B PA DANG, YUL LA KHYAB PA DANG, YUL NYE BAR BSTAN DU RUNG BA DANG, YUL SPYOD YUL DU 'GYUR BA DANG, GNYIS SPYOD YUL DU MTSUNGS PA DANG, 'BREL PA DANG, RJES SU 'BREL BA DANG, RAB TU RTOG PA DANG, GNOD PAR BYA BA YIN PA DANG, GO BAR BYED PA DAG, BSAGS PA RNAM PAR GZHAG PA DANG, PHYI ROL DU BLTAS PA DANG, NANG DU BLTAS PA DANG, RGYUN RING BA DANG, DUS YONGS SU CHAD PA DANG, DE'I DUS DANG, NGES PAR BSTAN PA'I PHYIR YANG GZUGS CAN DU BLTA'O, ,THAMS CAD KYANG GZUGS CAN DAG GO, ,YANG NA CI RIGS SU SBYAR RO, ,BDAG LA GZUGS CAN DU MNGON PAR ZHENS PA SPANG BA'I PHYIR RO, ,JI LTAR N GZUGS CAN MA YIN, GZUGS CAN MA YIN PA RNAMS NI DU ZHIG ,CI'I PHYIR GZUGS CAN MA YIN PAR BRTAG CE NA, GZUGS CAN LAS BZLOG PA NI GZUGS CAN MA YIN PA DAG GO, ,THAMS CAD KYANG GZUGS CAN MA YIN PA DAG GO, ,YANG NA CI RIGS SU SBYAR RO, ,BDAG LA GZUGS CAN MA YIN PAR MNGON PAR ZHEN PA SPANG BA'I PHYIR RO, ,JI LTAR NA BSTAN DU YOD PA YIN, BSTAN DU YOD PA RNAMS NI DU ZHIG ,CI'I PHYIR BSTAN DU YOD PAR BRTAG CE NA, MIG GI YUL NI BSTAN DU YOD PA'O, ,LHAG MA'I RAB TU DBYE BA NI GZUGS CAN BZHIN NO, ,THAMS CAD KYANG BSTAN DU YOD PA DAG GO, ,YANG NA CI RIGS SU SBYAR RO, ,BDAG MIG GI YUL DU MNGON PAR ZHEN PA SPANG BA'I PHYIR RO, ,JI LTAR NA BSTAN DU MED PA YIN, BSTAN DU MED PA RNAMS NI DU ZHIG ,CI'I PHYIR BSTAN DU MED PAR BRTAG CE NA, BSTAN DU YOD PA LAS BZLOG PA NI BSTAN DU MED PAR BLTA'O, ,THAMS CAD KYANG BSTAN DU MED PA DAG GO, ,YANG NA CI RIGS SU SBYAR RO, ,BDAG MIG GI YUL MA YIN PAR MNGON PAR ZHEN PA SPANG BA'I PHYIR RO, ,JI LTAR NA THOGS PA DANG BCAS PA YIN, THOGS PA DANG BCAS PA RNAMS NI DU ZHIG ,CI'I PHYIR THOGS PA DANG BCAS PAR BRTAG CE NA, BSTAN DU YOD PA GANG YI PA DE THOGS PA DANG BCAS PA YANG DE YIN NO, ,YANG RNAM PA GSUM GYIS THOGS PA DANG BCAS PAR BLTA STE, RIGS DANG, NYE BAR BSAGS PA DANG, YONGS SU SBYANG BA MA BYAS PAS @58A *, ,KYANG NGO, ,DE LA RIGS NI GANG PHAN TSUN DU SGRIB PAR BYED PA DANG, BSGRIB PAR BYA BA'O, ,DE LA NYE BAR BSAGS PA NI RDUL PHRA RAB LAS GONG BUR GYUR PA'O, ,DE LA YONGS SU SBYANG BA MA BYAS PA NI GANG TING NGE 'DZIN GYI DBANG GIS MA BSGYUR BA'I GZUGS SO, ,YANG RAB TU 'KHRUG PA'I GZHI'I GNAS YIN PAS THOGS PA DANG BCAS PA'O, ,THAMS CAD KYANG THOGS PA DANG BCAS PA DAG GO, ,YANG NA CI RIGS SU SBYAR RO, ,BDAG LA THAMS CAD DU SONG BA MA YIN PAR MNGON PAR ZHEN PA SPANG BA'I PHYIR RO, ,JI LTAR NA THOGS PA MED PA YIN, THOGS PA MED PA RNAMS NI DU ZHIG ,CI'I PHYIR THOGS PA MED PAR BRTAG CE NA, THOGS PA DANG BCAS PA LAS BZLOG PA NI THOGS PA MED PA'O, ,THAMS CAD KYANG THOGS PA MED PA DAG GO, ,YANG NA CI RIGS SU SBYAR RO, ,BDAG LA THAMS CAD DU SONG BAR MNGON PAR ZHEN PA SPANG BA'I PHYIR RO, , JI LTAR NA ZAG PA DANG BCAS PA YIN, ZAG PA DANG BCAS PA RNAMS NI DU ZHIG ,CI'I PHYIR ZAG PA DANG BCAS PAR BRTAG CE NA, ZAG PA DE'I BDAG NYID DANG, ZAG PA DANG 'BREL BA DANG, ZAG PAS BCINGS PA DANG, ZAG PA'I RJES SU 'BREL PA DANG, ZAG PA'I RJES SU MTHUN PA DANG, ZAG PA'I RGYU LAS BYUNG BA'I PHYIR ZAG PA DANG BCAS PAR BLTA'O, ,NYE BAR LEN PA'I PHUNG PO LNGA RNAMS DANG, KHAMS BCVA LNGA DANG, SKYE MCHED BCU DANG, KHAMS GSUM DANG, SKYE MCHED GNYIS KYI PHYOGS NI ZAG PA DANG BCAS PA RNAMS SO, ,BDAG ZAG PA DANG BCAS PAR MNGON PAR ZHEN PA SPANG BA'I PHYIR RO, ,JI LTAR NA ZAG PA MED PA YIN, ZAG PA MED PA RNAMS NI DU ZHIG ,CI'I PHYIR ZAG PA MED PAR BRTAG CE NA, ZAG PA DANG BCAS PA LAS BZLOG PA NI ZAG PA MED PAR BLTA'O, ,NYE BAR LEN PA MED PA'I PHUNG PO LNGA RNAMS DANG, KHAMS GSUM DANG, SKYE MCHED GNYIS KYI PHYOGS SO, ,BDAG ZAG PA DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA 'THAB PA DANG BCAS PA YIN, 'THAB PA DANG BCAS PA RNAMS NI DU ZHIG ,CI'I PHYIR 'THAB PA DANG BCAS PAR BRTAG CE NA, 'DOD CHAGS DANG, ZHE SDANG DANG, GTI MUG GI NGO BO GANG @58B LA BRTEN NAS, MTSON CHA LEN PA DANG, CHAD PAS GCOD PA DANG, 'THAB RTZOD DANG, MTSANG 'BRU BA DANG, RTZOD PA DANG, 'GYED PA RNAMS 'BYUNG BA DE'I BDAG NYID DANG, DE DANG 'BREL PA DANG, DES BCINGS PA DANG, DE'I RJES SU 'BREL PA DANG, DE'I RJES SU MTHUN PA DANG, DE'I RGYU LAS BYUNG BA'I PHYIR 'THAB PA DANG BCAS PAR BLTA'O, ,ZAG PA DANG BCAS PA JI SNYED PA 'THAB PA DANG BCAS PA'ANG DE SNYED DO, ,BDAG 'THAB PA DANG LDAN PAR MNGON PAR ZHEN PA SPANG BA'I PHYIR RO, ,JI LTAR NA 'THAB PA MED PA YIN, 'THAB PA MED PA RNAMS NI DU ZHIG ,CI'I PHYIR 'THAB PA MED PAR BRTAG CE NA, 'THAB PA DANG, BCAS PA LAS BZLOG PA NI 'THAB PA MED PA'O, ,ZAG PA MED PA JI SNYED PAR 'THAB PA MED PA'ANG DE SNYED DO, ,BDAG 'THAB PA DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA ZANG ZING DANG BCAS PA YIN, ZANG ZING DANG BCAS PA RNAMS NI DU ZHIG ,CI'I PHYIR ZANG ZING DANG BCAS PAR BRTAG CE NA, 'DOD CHAGS DANG, ZHE SDANG DANG, GTI MUG GI NGO BO GANG LA BRTEN NAS, YANG SRID PA'I LUS LA LHAG PAR CHAGS PA DE'I BDAG NYID DANG, DE DANG 'BREL PA DANG, DES BCINGS PA DANG; DE'I RJES SU 'BREL PA DANG, DE'I RJES SU MTHUN PA DANG, DE'I RGYU LAS BYUNG BA'I PHYIR ZANG ZING DANG BCAS PAR BLTA'O, ,'THAB PA DANG BCAS PA JI SNYED PAR ZANG ZING DANG BCAS PA YANG DE SNYED DO, ,BDAG ZANG ZING DANG LDAN PAR MNGON PAR ZHEN PA SPANG BA'I PHYIR RO, ,JI LTAR NA ZANG ZING MED PA YIN, ZANG ZING MED PA RNAMS NI DU ZHIG ,CI'I PHYIR ZANG ZING MED PAR BRTAG CE NA, ZANG ZING DANG BCAS PA LAS BZLOG PA NI ZANG ZING MED PA'O, ,'THAB PA MED PA JI SNYED PAR ZANG ZING MED PA YANG DE SNYED DO, ,BDAG ZANG ZING DANG BRAL BAR MNGON PAR ZHIN PA SPANG BA'I PHYIR RO, ,JI LTAR NA ZHEN PA RTEN PA YIN, ZHEN PA RTEN PA RNAMS NI DU ZHIG ,CI'I PHYIR ZHEN PA RTEN PAR BRTAG CE NA, 'DOD CHAGS DANG, ZHE SDANG DANG, GTI MUG GI NGO BO GANG LA BRTEN NAS, 'DOD PA'I YON TAN LDAN RNAMS LA LHAG PAR CHAGS PA DE'I BDAG NYID DANG, @59A *, ,DE DANG 'BREL PA DANG, DES BCINGS PA DANG, DE'I RJES SU 'BREL PA DANG, DE'I RJES SU MTHUN PA DANG, DE'I RGYU LAS BYUNG BA'I PHYIR ZHEN PA BRTEN PAR BLTA'O, ,ZANG ZING DANG BCAS PA JI SNYED PAR ZHEN PA RTEN PA'ANG DE SNYED DO, ,BDAG ZHEN PA DANG LDAN PAR MNGON PAR ZHEN PA SPANG BA'I PHYIR RO, ,JI LTAR NA MNGON PAR 'BYUNG BA RTEN PA YIN, MNGON PAR 'BYUNG BA RTEN PA RNAMS NI DU ZHIG ,CI'I PHYIR MNGON PAR 'BYUNG BA RTEN PAR BRTAG CE NA, ZHEN PA RTEN PA LAS BZLOG PA NI MNGON PAR 'BYUNG BA RTEN PA'O, ,ZANG ZING MED PA JI SNYED PAR MNGON PAR 'BYUNG BA RTEN PA'ANG DE SNYED DO, ,BDAG ZHEN PA DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA 'DUS BYAS YIN, 'DUS BYAS RNAMS NI DU ZHIG ,CI'I PHYIR 'DUS BYAS SU BRTAG CE NA, GANG LA SKYE BA DANG, 'JIG PA DANG, GNAS PA DANG, GZHAN DU 'GYUR BA YANG SNANG BA DE 'DUS BYAS SU BLTA'O, ,CHOS KYI KHAMS DANG, SKYE MCHED KYI PHYOGS GCIG MA GTOGS PA THAMS CAD KYANG 'DUS BYAS DAG GO, ,BDAG MI RTAG PAR MNGON PAR ZHEN PA SPANG BA'I PHYIR RO, ,JI LTAR NA 'DUS MA BYAS YIN, 'DUS MA BYAS RNAMS NI DU ZHIG ,CI'I PHYIR 'DUS MA BYAS SU BRTAG CE NA, 'DUS BYAS LAS BZLOG PA NI 'DUS MA BYAS SO, ,CHOS KYI KHAMS DANG, SKYE MCHED KYI PHYOGS GCIG GO, ,BDAG RTAG PAR MNGON PAR ZHEN PA SPANG BA'I PHYIR RO, ,NYE BAR LEN PA'I PHUNG PO MA YIN PA RNAMS 'DUS BYAS ZHES BYA'AM, 'DUS MA BYAS ZHES BYA ZHE NA, 'DUS BYAS KYANG MA YIN 'DUS MA BYAS KYANG MA YIN ZHES BYA'O, ,DE CI'I PHYIR ZHE NA, LAS DANG NYON MONGS PAS MNGON PAR 'DUS MA BYAS PA NYID KYI PHYIR 'DUS BYAS MA YIN NO, ,'DOD PA BZHIN DU BYED PAS MNGON DU PHYOGS PA DANG, RGYAB KYIS LTA BA'I DNGOS PO NYID KYI PHYIR 'DUS MA BYAS KYANG MA YIN NO, ,BCOM LDAN 'DAS KYIS 'DUS BYAS DANG 'DUS MA BYAS ZHES BYA BA 'DI NI GNYIS SO ZHES GANG GSUNGS PA JI LTA BU ZHE NA, DON GANG GIS 'DUS BYAS SU GYUR PA'I DON DES 'DUS MA BYAS MA YIN NO, ,DON GANG GIS 'DUS MA BYAS SU GYUR PA'I DON DE NYID @59B KYIS 'DUS BYAS MA YIN TE, TSUL 'DI NI 'DI LTAR BLTA BAR BYA'O,, ,,BAM PO GNYIS PA, JI LTAR NA 'JIG RTEN PA YIN, 'JIG RTEN PA RNAMS NI DU ZHIG ,CI'I PHYIR 'JIG RTEN PAR BRTAG CE NA, KHAMS GSUM PAR GTOGS PA DANG, 'JIG RTEN LAS 'DAS PA'I RJES LA THOB PA DE LTA SNANG BA YANG 'JIG RTEN PA'O, ,PHUNG PO RNAMS KYI PHYOGS GCIG DANG, KHAMS BCO LNGA DANG, SKYE MCHED BCU DANG, KHAMS GSUM DANG, SKYE MCHED GNYIS KYI PHYOGS SO, ,BDAG LA 'JIG RTEN DU MNGON PAR ZHEN PA SPANG BA'I PHYIR RO, ,JI LTAR NA 'JIG RTEN LAS 'DAS PA YIN, 'JIG RTEN LAS 'DAS PA RNAMS NI DU ZHIG ,CI'I PHYIR 'JIG RTEN LAS 'DAS PAR BRTAG CE NA, KHAMS GSUM PA'I GNYEN PO RNAM PAR MI RTOG PA NI 'JIG RTEN LAS 'DAS PA STE, PHYIN CI LOG DANG SPROS PA'I RNAM PAR MI RTOG PA'I PHYIR RO, ,YANG RNAM GRANGS SU NA, 'JIG RTEN LAS 'DAS PA'I RJES LA THOB PA YANG YIN TE, 'JIG RTEN LAS 'DAS PA LA RTEN PA'I PHYIR RO, ,PHUNG PO RNAMS DANG, KHAMS GSUM DANG, SKYE MCHED GNYIS KYI PHYOGS GCIG GO, ,BDAG 'BA' ZHIG TU MNGON PAR ZHEN PA SPANG BA'I PHYIR RO, , JI LTAR NA BYUNG BA YIN, BYUNG BA RNAMS NI DU ZHIG ,CI'I PHYIR BYUNG BAR BRTAG CE NA, 'DAS PA DANG DA LTAR BYUNG BA NI BYUNG BA'O, ,THAMS CAD KYI PHYOGS GCIG GO, ,BDAG THER ZUG MA YIN PAR MNGON PAR ZHEN PA SPANG BA'I PHYIR RO, ,YANG BYUNG BA NI RNAM PA NYI SHU RTZA BZHI STE, DANG PO BYUNG BA DANG, RGYUN GYIS BYUNG BA DANG, RGYAS PA LAS BYUNG BA DANG, RTEN BYUNG BA DANG, 'GYUR BAR BYUNG BA DANG, YONGS SU SMIN PA BYUNG BA DANG, NYAMS PAR BYUNG BA DANG, KHYAD PAR DU BYUNG BA DANG, 'OD GSAL BAR BYUNG BA DANG, 'OD GSAL BA MA YIN PAR BYUNG BA DANG, KUN TU 'GRO BAS BYUNG BA DANG, SA BON DANG BCAS PAR BYUNG BA DANG, SA BON MA YIN PAR BYUNG BA DANG, GZUGS BRNYAN DANG DBANG 'BYOR BA DANG NGES PAR BSTAN PA'I PHYIR BYUNG BA DANG, GCIG NAS GCIG TU BYUNG BA DANG, SKAD CIG ZHIG NAS BYUNG BA DANG, PHRAD PA DANG BRAL BAS BYUNG BA DANG, GNAS SKABS GZHIN DU @60A *, ,BYUNG BA DANG, 'CHI 'PHO BA DANG SKYE BAS BYUNG BA DANG, 'JIG PA DANG 'CHAGS PAS BYUNG BA DANG, SNGON GYI DUS NA BYUNG BA DANG, 'CHI BA'I DUS NA BYUNG BA DANG, BAR DU BYUNG BA DANG, NYID MTSAMS SBYOR BA'I DUS NA BYUNG BA'O, ,JI LTAR NA MA BYUNG BA YIN, MA BYUNG BA RNAMS NI DU ZHIG ,CI'I PHYIR MA BYUNG BAR BRTAG CE NA, MA 'ONGS PA DANG 'DUS MA BYAS NI MA BYUNG BA'O, ,THAMS CAD KYI PHYOGS GCIG GO, ,BDAG THER ZUG TU MNGON PAR ZHEN PA SPANG PA'I PHYIR RO, ,YANG BYUNG BA LAS BZLOG PA NI MA BYUNG BA'O, ,JI LTAR NA 'DZIN PA YIN, 'DZIN PA RNAMS NI DU ZHIG ,CI'I PHYIR 'DZIN PAR BRTAG CE NA, DBANG PO GZUGS CAN DANG, SEMS DANG SEMS LAS BYUNG BA'I CHOS RNAMS NI 'DZIN PAR BLTA STE, PHUNG PO GSUM DANG, GZUGS DANG, 'DU BYED KYI PHUNG PO'I PHYOGS GCIG DANG, KHAMS BCU GNYIS DANG, SKYE MCHED DRUG DANG; CHOS KYI KHAMS DANG, SKYE MCHED KYI PHYOGS GCIG GO, ,BDAG ZA BA POR MNGON PAR ZHEN PA SPANG BA'I PHYIR RO, ,YANG MA PHRAD PA DANG PHRAD NAS 'DZIN PA DANG, DA LTAR GYI RANG GI MTSAN NYID SO SOR 'DZIN PA DANG, RANG DANG SPYI'I MTSAN NYID DUS THAMS CAD PA'I YUL THAMS CAD 'DZIN PA YANG 'DZIN PAR BLTA'O, ,TSOGS NA RNAM PAR SHES PA 'BYUNG BA'I PHYIR BTAGS PA CAN YANG 'DZIN PAR SMRA'O ZHES BLTA BAR BYA'O, ,JI LTAR NA GZUNG BA YIN, GZUNG BA RNAMS NI DU ZHIG ,CI'I PHYIR GZUNG BAR BRTAG CE NA, 'DZIN PA GANG YIN PA GZUNG BA YANG DE YIN NO, ,GZUNG BA YIN LA 'DZIN PA MA YIN PA YANG YOD DE, 'DZIN PA'I SPYOD YUL NYID KYI DON TO, ,THAMS CAD DO, ,BDAG LA YUL DU MNGON PAR ZHEN PA SPANG BA'I PHYIR RO, ,JI LTAR NA PHYI ROL TU BLTAS PA YIN, PHYI ROL TU BLTAS PA RNAMS NI DU ZHIG ,CI'I PHYIR PHYI ROL TU BLTAS PAR BRTAG CE NA, SANGS RGYAS KYI BSTAN PA LA THOS PA LAS BYUNG BA DANG, BSAMS PA LAS BYUNG BA DANG, DE'I RJES SU MTHUN PA'I CHOS BSGRUBS PAS YONGS SU BSDUS PA'I SEMS DANG SEMS LAS BYUNG BA'I CHOS RNAMS MA GTOGS PAR 'DOD PA DANG RAB TU LDAN PA NI PHYI ROL TU BLTAS PA'O, ,KHAMS BZHI DANG, @60B SKYE MCHED GNYIS DANG, DE LAS GZHAN PA DAG GI PHYOGS GCIG GO, ,BDAG 'DOD CHAGS DANG BRAL BA MA YIN PAR MNGON PAR ZHEN PA SPANG BA'I PHYIR RO, ,JI LTAR NA NANG DU BLTAS PA YIN, NANG DU BLTAS PA RNAMS NI DU ZHIG ,CI'I PHYIR NANG DU BLTAS PAR BRTAG CE NA, PHYIR ROL TU BLTAS PA LAS BZLOG PA NI NANG DU BLTAS PA'O, ,KHAMS BZHI DANG, SKYE MCHED GNYIS MA GTOGS PA DE LAS GZHAN PA DAG GI PHYOGS GCIG GO, ,BDAG 'DOD CHAGS DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA NYON MONGS PA CAN YIN, NYON MONGS PA CAN RNAMS NI DU ZHIG ,CI'I PHYIR NYON MONGS PA CAN DU BRTAG CE NA, MI DGE BA DANG, BSGRIBS LA LUNG DU MA BSTAN PA NI NYON MONGS PA CAN NO, ,BSGRIBS LA LUNG DU MA BSTAN PA NI KUN TU 'GRO BA'I YID DANG MTSUNGS PAR LDAN PA'I NYON MONGS PA DANG, YID KYI RNAM PAR SHES PA DANG MTSUNGS PAR LDAN PA'I LHAN CIG SKYES PA'I 'JIG TSOGS DANG, MTHAR 'DZIN PAR LTA BA DANG, GZUGS DANG, GZUGS MED PA DANG MTSUNGS PAR LDAN PA'O, ,PHUNG PO RNAMS DANG, KHAMS BCU DANG, SKYE MCHED BZHI'I PHYOGS GCIG GO, ,BDAG NYON MONGS PA DANG LDAN PAR MNGON PAR ZHEN PA SPANG BA'I PHYIR RO, ,JI LTAR NA NYON MONGS PA CAN MA YIN, NYON MONGS PA CAN MA YIN PA RNAMS NI DU ZHIG ,CI'I PHYIR NYON MONGS PA CAN MA YIN PAR BRTAG CE NA, DGE BA DANG MA BSGRIBS LA LUNG DU MA BSTAN PA NI NYON MONGS PA CAN MA YIN PA'O, ,KHAMS BRGYAD DANG, SKYE MCHED BRGYAD DANG, PHUNG PO DANG, KHAMS DANG, SKYE MCHED LHAG MA RNAMS KYI PHYOGS GCIG GO, ,BDAG NYON MONGS PA DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA 'DAS PA YIN, 'DAS PA RNAMS NI DU ZHIG ,CI'I PHYIR 'DAS PAR BRTAG CE NA, BYUNG LA 'GAGS PA'I MTSAN NYID DANG, RGYU DANG 'BRAS BU SPYAD ZIN PA DANG, KUN NAS NYON MONGS PA DANG, RNAM PAR BYANG BAR BYED PA LAS YANG DAG PAR SHIN TU 'DAS PA DANG, RGYU YONGS SU BZUNG NAS ZHIG TPA DANG, 'BRAS BU DANG RANG GI MTSAN NYID YOD PA DANG, MED PA DANG, DRAN PA DANG, DRAN PA'I KUN TU @61A *, ,RTOG PA'I MTSAN MA DANG, LTOS PAS KUN NAS NYON MONGS PA'I MTSAN MA DANG, BTANG SNYOMS KYIS RNAM PAR BYANG BA'I MTSAN MA YIN PAS KYANG 'DAS PAR BLTA'O, ,THAMS CAD KYI PHYOGS GCIG GO, ,BDAG 'JUG PAR BYED PAR MNGON PAR ZHEN PA SPANG BA'I PHYIR RO, , JI LTAR NA MA 'ONGS PA YIN, MA 'ONGS PA RNAMS NI DU ZHIG ,CI'I PHYIR MA 'ONGS PAR BRTAG CE NA, RGYU YOD KYANG MA BYUNG BA DANG, RANG GI MTSAN NYID MA THOB PA DANG, RGYU DANG 'BRAS BU MA SPYAD PA DANG, KUN NAS NYON MONGS PA DANG RNAM PAR BYANG BA'I DNGOS PO NYE BAR MI GNAS PA DANG, RGYU DANG RANG GI MTSAN NYID YOD PA DANG, MED PA DANG, MNGON PAR DGA' BAS KUN NAS NYON MONGS PA'I MTSAN MA DANG, MNGON PAR DGA' BA MED PAS RNAM PAR BYANG BA'I MTSAN MA YIN PAS KYANG MA 'ONGS PAR BLTA'O, ,THAMS CAD KYI PHYOGS GCIG GO, ,BDAG 'JUG PAR BYED PAR MNGON PAR ZHEN PA SPANG BA'I PHYIR RO, ,JI LTAR NA DA LTAR BYUNG BA YIN, DA LTAR BYUNG BA RNAMS NI DU ZHIG ,CI'I PHYIR DA LTAR BYUNG BAR BRTAG CE NA, BYUNG LAM 'GAGS PA'I MTSAN NYID DANG, RGYU DANG 'BRAS BU SPYAD ZIN PA DANG, SPYAD MA ZIN PA DANG, KUN NAS NYON MONGS PA DANG, RNAM PAR BYANG BA NYE BAR GNAS PA DANG, 'DAS PA DANG MA 'ONGS PAR RAB TU GZHAG PA'I RGYU DANG, BYED PA NYE BAR GNAS PAS KYANG DA LTAR BYUNG BAR BLTA'O, ,THAMS CAD KYI PHYOGS GCIG GO, ,BDAG 'JUG PAR BYED PAR MNGON PAR ZHEN PA SPANG BA'I PHYIR RO, ,'DAS PA DANG, MA 'ONGS PA DANG, DA LTAR BYUNG BA NI GTAM GYI GZHI YIN NO, ,MYA NGAN LAS 'DAS PA NI MA YIN TE, SO SO RANG GIS RIG PAR BYA BA DANG, BRJOD DU MED PA NYID DANG, BYUNG BA DANG, 'BYUNG BA DANG, DA LTAR GYI THA SNYAD KYI GNAS MA YIN PA'I PHYIR RO, ,JI LTAR NA DGE BA YIN, DGE BA RNAMS NI DU ZHIG ,CI'I PHYIR DGE BAR BRTAG CE NA, NGO BO NYID DANG, 'BREL BA DANG, RJES SU 'BREL BA DANG, SLONG BA DANG, DON DAM PA DANG, SKYE BAS 'THOB PA DANG, SBYOR BA DANG, MDUN DU BYA BA DANG, PHAN 'DOGS PA DANG, YONGS SU 'DZIN PA DANG, GNYEN PO DANG, NYE BAR ZHI BA DANG, RGYU MTHUN PAS KYANG @61B DGE BAR BLTA'O, ,PHUNG PO RNAMS DANG, KHAMS BCU DANG, SKYE MCHED BZHI'I PHYOGS SO, ,BDAG CHOS DANG LDAN PAR MNGON PAR ZHEN PA SPANG BA'I PHYIR RO, ,NGO BO NYID KYIS DGE BA GANG ZHE NA, DAD PA LA SOGS PA SEMS LAS BYUNG BA'I CHOS BCU GCIG GO, ,'BREL PAS DGE BA GANG ZHE NA, DE DANG MTSUNGS PAR LDAN PA'I CHOS RNAMS SO, ,RJES SU 'BREL PAS DGE BA GANG ZHE NA, DE DAG NYID KYI BAG CHAGS GANG YIN PA'O, ,SLONG BAS DGE BA GANG ZHE NA, DES KUN NAS BSLANG BA'I LUS DANG NGAG GI LAS SO, ,DON DAM PAS DGE BA GANG ZHE NA, DE BZHIN NYID DO, ,SKYE BAS 'THOB PAS DGE BA GANG ZHE NA, DGE BA'I CHOS 'DI DAG NYID SNGON GOMS PAR BYAS PA LA BRTEN NAS, DE'I NGO BO'I RNAM PAR SMIN PA MNGON PAR 'GRUB PA STE, DES DE DAG NYID LA RANG BZHIN GYIS SO SOR MA BRTAGS PAR 'DOD PA KUN TU GNAS PA'O, ,SBYOR BAS DGE BA GANG ZHE NA, SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA DANG, CHOS KYI RJES SU MTHUN PA'I CHOS SGRUB PA LA BRTEN NAS DGE BA BSGOM PA'O, ,MDUN DU BYA BAS DGE BA GANG ZHE NA, GANG DE BZHIN GSHEGS PA'AM, MCHOD RTEN NAM, GZUGS SU BYAS PA'AM, RI MOR BRIS PA MDUN DU BYAS SAM, CHOS SAM CHOS KYI GZHI GLEGS BAM MDUN DU BYAS TE MCHOD PA'I LAS BYED PA'O, ,PHAN 'DOGS PAS DGE BA GANG ZHE NA, GANG BSDU BA'I DNGOS PO BZHI PO DAG GIS SEMS CAN LA PHAN 'DOGS PA'O, , YONGS SU 'DZIN PAS DGE BA GANG ZHE NA, GANG SBYIN PA LAS BYUNG BA'I BSOD NAMS BYA BA'I DNGOS PO'AM, TSUL KHRIMS LAS BYUNG BA'I BSOD NAMS BYA BA'I DNGOS POS MTHO RIS SU SKYE BA YONGS SU 'DZIN PA'AM, PHYUG PO DANG RIGS MTHON POR SKYE BA YONGS SU 'DZIN PA'AM, RNAM PAR BYANG BA'I RJES SU MTHUN PA YONGS SU 'DZIN PA'O, ,GNYEN POS DGE BA GANG ZHE NA, GANG RNAM PAR SUN 'BYIN PA GNYEN PO DANG, SPONG BA GNYEN PO DANG, GZHI GNYEN PO DANG, THAG SRING BA GNYEN PO DANG, RNAM PAR GNON PA GNYEN PO DANG, BRAL BA GNYEN PO DANG, NYON MONGS PA'I @62A *, ,SGRIB PA'I GNYEN PO DANG, SHES BYA'I SGRIB PA'I GNYEN PO'O, ,NYE BAR ZHI BAS DGE BA GANG ZHE NA, GANG 'DOD CHAGS MTHA' DAG SPONG BA DANG, ZHE SDANG MTHA' DAG SPONG BA DANG, GTI MUG MTHA' DAG SPONG BA DANG, NYON MONGS PA MTHA' DAG SPONG BA DANG, 'DU SHES DANG TSOR BA 'GOG PA DANG, PHUNG PO'I LHAG MA DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS DANG, MI GNAS PA'I MYA NGAN LAS 'DAS PA'O, ,RGYU MTHUN PAS DGE BA GANG ZHE NA, NYE BAR ZHI BA THOB PA DE'I DBANG GIS YON TAN BYAD PAR CAN 'JIG RTEN PA DANG, 'JIG RTEN LAS 'DAS PA'I MNGON PAR SHES PA LA SOGS PA THUN MONG DANG THUN MONG MA YIN PA RNAMS SO, ,JI LTAR NA MI DGE BA YIN, MI DGE BA RNAMS NI DU ZHIG ,CI'I PHYIR MI DGE BAR BRTAG CE NA, NGO BO NYID DANG, 'BREL PA DANG, RJES SU 'BREL PA DANG, SLONG BA DANG, DON DAM PA DANG, SKYE BAS 'THOB PA DANG, SBYOR BA DANG, MDUN DU BYA BA DANG, GNOD PA BYED PA DANG, YONGS SU 'DZIN PA DANG, MI MTHUN PA'I PHYOGS DANG, BAR DU GCOD PAS KYANG MI DGE BAR BLTA'O, ,PHUNG PO RNAMS DANG, KHAMS BCU DANG, SKYE MCHED BZHI'I PHYOGS SO, ,BDAG CHOS MA YIN PA DANG LDAN PAR MNGON PAR ZHEN PA SPANG BA'I PHYIR RO, ,NGO BO NYID KYIS MI DGE BA GANG ZHE NA, YID DANG MTSUNGS PAR LDAN PA DANG, GZUGS DANG GZUGS MED PA NA SPYOD PA'I NYON MONGS PA MA GTOGS PAR DE LAS GZHAN PA'I NYON MONGS PA DANG, NYE BA'I NYON MONGS PA DANG, NYES PAR SPYOD PA KUN NAS SLONG BA'O, ,'BREL BAS MI DGE BA GANG ZHE NA, NYON MONGS PA DANG, NYE BA'I NYON MONGS PA DE DAG NYID DANG MTSUNGS PAR LDAN PA'I CHOS RNAMS SO, ,RJES SU 'BREL BAS MI DGE BA GANG ZHE NA, DE DAG NYID KYI BAG CHAGS SO, ,SLONG BAS MI DGE BA GANG ZHE NA, DES KUN NAS BSLANG BA'I LUS DANG NGAG GI LAS SO, ,DON DAM PAR MI DGE BA GANG ZHE NA, 'KHOR BA THAMS CAD DO, ,SKYE BAS 'THOB PAS MI DGE BA GANG ZHE NA, 'DI LTA STE, MI DGE BA GOMS PAR BYAS PAS DE'I NGO BO'I RNAM PAR SMIN PA MNGON PAR 'GRUB PA STE, DES @62B MI DGE BA NYID LA 'DOD PA KUN TU GNAS PA'O, ,SBYOR BAS MI DGE BA GANG ZHE NA, 'DI LTA STE, SKYES BU DAM PA MA YIN PA LA BRTEN PA DANG, DAM PA'I CHOS MA YIN PA NYAN PA DANG, TSUL BZHIN MA YIN PA YID LA BYED PA LA BRTEN NAS, LUS KYIS NYES PAR SPYAD PA SPYOD PA DANG, NGAG DANG YID KYIS NYES PAR SPYAD PA SPYOD PA'O, ,MDUN DU BYA BAS MI DGE BA GANG ZHE NA, 'DI LTA STE, LHA'I RIS GANG YANG RUNG BA LA BRTEN PA MDUN DU BYAS NAS, 'TSE BA SNGON DU BTANG BA'AM, LTA BA NGAN PA SNGON DU BTANG NAS LHA RTEN BYED PA DANG, GANG DU SKYE BO THAL PO CHE BSOD NAMS MA YIN PAS SBYOR BA DER MCHOD PA'I LAS LA SBYOR BA'O, ,GNOD PAR BYED PAS MI DGE BA GANG ZHE NA, 'DI LTA STE, SEMS CAN RNAMS LA LUS DANG NGAG DANG YID KYIS LOG PAR SPYOD PA'O, ,YONGS SU 'DZIN PAS MI DGE BA GANG ZHE NA, 'DI LTA STE, LUS KYIS NYES PAR SPYOD PA SPYAD PA'AM, NGAG DANG YID KYIS NYES PAR SPYOD PA SPYOAD PAS NGAN 'GRO'AM BDE 'GROR 'BRAS BU MI 'DOD PA'I 'PHE PA'AM, YONGS SU RDZOGS PAR BYED PA 'DZIN PA'O, ,MI MTHUN PA'I PHYOGS KYIS MI DGE BA GANG ZHE NA, GNYEN PO'I MI MTHUN PA'I PHYOGS KYI CHOS GANG YIN PA DAG GO, ,BAR DU GCOD PAS MI DGE BA GANG ZHE NA, DGE BA'I BAR CHAD BYED PA'I CHOS GANG YIN PA DAG GO, ,JI LTAR NA LUNG DU MA BSTAN PA YIN, LUNG DU MA BSTAN PA RNAMS NI DU ZHIG ,CI'I PHYIR LUNG DU MA BSTAN PAR BRTAG CE NA, NGO BO NYID DANG, 'BREL PA DANG, RJES SU 'BREL PA DANG, SLONG BA DANG, DON DAM PA DANG; SKYE BAS 'THOB PA DANG, SBYOR BA DANG, MDUN DU BYA BA DANG, PHAN 'DOGS PA DANG, NYE BAR SPYOD PA DANG, YONGS SU 'DZIN PA DANG, GNYEN PO DANG, NYE BAR ZHI BA DANG, RGYU MTHUN PAS KYANG LUNG DU MA BSTAN PAR BLTA'O, ,KHAMS BRGYAD DANG, SKYE MCHED BRGYAD DANG, PHUNG PO DANG KHAMS DANG SKYE MCHED LHAG MA RNAMS KYI PHYOGS GCIG GO, ,BDAG LA CHOS DANG CHOS MA YIN PA DANG BRAL BAR MNGON PAR ZHEN PA SPANG BA'I PHYIR RO, ,NGO BO NYID KYIS LUNG DU MA BSTAN PA GANG ZHE NA, KHAMS DANG SKYE MCHED GZUGS CAN BRGYAD DANG, MTSUNGS PAR LDAN PA DANG BCAS PA'I YID DANG, SROG GI DBANG PO DANG, RIS MTHUN PA DANG, MING GI @63A *, ,TSOGS DANG, TSIG GI TSOGS DANG, YI GE'I TSOGS SO, ,'BREL PAS LUNG DU MA BSTAN PA GANG ZHE NA, SDANG BA YANG MA YIN, DANG BA YANG MA YIN PA'I SEMS SU GYUR PA'I MING DANG TSIG DANG YI GE DE DAG NYID KYIS YONGS SU ZIN PA'I SEMS DANG SEMS LAS BYUNG BA'I CHOS RNAMS SO, ,RJES SU 'BREL PAS LUNG DU MA BSTAN PA GANG ZHE NA, DE DAG NYID KYIS BRJOD PA'I BAG CHAGS SO, ,SLONG BAS LUNG DU MA BSTAN PA GANG ZHE NA, DE DAG NYID KYIS YONGS SU ZIN PA'I SEMS DANG SEMS LAS BYUNG BA'I CHOS RNAMS KYIS GANG KUN NAS BSLANG BA'I LUS DANG NGAG GI LAS SO; ,DON DAM PAR LUNG DU MA BSTAN PA GANG ZHE NA, NAM MKHA' DANG SO SOR BRTAGS PA MA YIN PAS 'GOG PA'O, ,SKYE BAS 'THOB PA'I LUNG DU MA BSTAN PA GANG ZHE NA, MI DGE BA'I CHOS RNAMS DANG, DGE BA ZAG PA DANG BCAS PA'I CHOS RNAMS KYI RNAM PAR SMIN PA'O, ,SBYOR BAS LUNG DU MA BSTAN PA GANG ZHE NA, NYON MONGS PA CAN YANG MA YIN PA DANG, DGE BA YANG MA YIN PA'I SEMS DANG LDAN PA'I SPYOD LAM DANG BZO'I GNAS SO, ,MDUN DU BYA BAS LUNG DU MA BSTAN PA GANG ZHE NA, 'DI LTA STE, LHA'I RIS GANG YANG RUNG BA LA BRTEN PA MDUN DU BYAS NAS, 'TSE BA'AM LTA BA NGAN PA RNAM PAR SPANGS TE, LHA RTEN BYED PA DANG, GANG DU SKYE BO PHAL PO CHE BSOD NAMS KYANG MI BSKYED LA BSOD NAMS MA YIN PA'ANG MI BSKYED PAR LHA RTEN 'JUGS PA'O, ,PHAN 'DOGS PAS LUNG DU MA BSTAN PA GANG ZHE NA, 'DI LTA STE, BRAN DANG, GLA MI DANG, LAS BYED PA RNAMS DANG, BU DANG CHUNG MA RNAMS LA SDANG BA YANG MA YIN, DANG BA YANG MA YIN PA'I SEMS KYIS SBYIN PA BYEN PA'O, ,NYE BAR SPYAD PAS LUNG DU MA BSTAN PA GANG ZHE NA, 'DI LTA STE, SO SOR BRTAGS PA MA YIN PA, NYON MONGS PA CAN MA YIN PA'I SEMS KYIS LONGS SPYOD DMAS SPYAD PA'O, ,YONGS SU 'DZIN PAS LUNG DU MA BSTAN PA GANG ZHE NA, 'DI LTA STE, BZO'I GNAS LA GOMS PA'I PHYIR MA 'ONGS PA NA DE'I NGO BO'I LUS YONGS SU 'DZIN PAR BYED PA STE, DE LA MYUR BAR MYUR BAR BZO'I GNAS DE DAG LA BSLAB PA MTHAR PHYIN PAR 'GYUR PA'O, ,GNYEN POS LUNG DU MA BSTAN PA GANG ZHE NA, 'DI LTA STE, @63B SO SOR MA BRTAGS PAS SMAN BSTEN PA'O, ,NYE BAR ZHI BAS LUNG DU MA BSTAN PA GANG ZHE NA, GZUGS DANG GZUGS MED PA NA SPYOD PA'I NYON MONGS PA STE, ZHI GNAS DANG LDAN PA'I PHYIR RO, ,RGYU MTHUN PAS LUNG DU MA BSTAN PA GANG ZHE NA, SPRUL PA'I SEMS DANG LHAN CIG SKYES PA'O, , YANG BSTAN PAS KYANG DGE BA DANG MI DGE BA DANG LUNG DU MA BSTAN PAR BLTA STE, DE YANG GANG ZHE NA, GANG SANGS RGYAS RNAMS DANG, BYANG CHUB SEMS DPA' DAM PA'I PHA ROL TU SON PA RNAMS KYIS SEMS CAN LA PHAN GDAGS PA'I PHYIR STON PA STE, DE NA DE DAG DE BZHIN DU YONGS SU GRUB PA NI GANG YANG MED DO, ,JI LTAR NA 'DOD PA DANG RAB TU LDAN PA YIN, 'DOD PA DANG RAB TU LDAN PA RNAMS NI DU ZHIG ,CI'I PHYIR 'DOD PA DANG RAB TU LDAN PAR BRTAG CE NA, 'DOD CHAGS DANG MA BRAL BA'I DGE BA ZAG PA DANG BCAS PA DANG, MI DGE BA DANG LUNG DU MA BSTAN PA NI 'DOD PA DANG RAB TU LDAN PA BLTA'O, ,KHAMS BZHI DANG, SKYE MCHED GNYIS DANG, DE LAS GZHAN PA'I PHUNG PO DANG, KHAMS DANG, SKYE MCHED RNAMS KYI PHYOGS GCIG GO, ,BDAG 'DOD PA LA 'DOD CHAGS DANG MA BRAL BAR MNGON PAR ZHEN PA SPANG BA'I PHYIR RO, ,JI LTAR NA GZUGS DANG RAB TU LDAN PA YIN, GZUGS DANG RAB TU LDAN PA RNAMS NI DU ZHIG ,CI'I PHYIR GZUGS DANG RAB TU LDAN PAR BRTAG CE NA, 'DOD PA LA 'DOD CHAGS DANG BRAL LA, ,GZUGS LA 'DOD CHAGS DANG MA BRAL BA'I DGE BA DANG, LUNG DU MA BSTAN PA NI GZUGS DANG RAB TU LDAN PAR BLTA'O, ,KHAMS BZHI DANG SKYE MCHED GNYIS MA GTOGS PAR DE LAS GZHAN PA'I PHUNG PO DANG, KHAMS DANG SKYE MCHED RNAMS KYI PHYOGS GCIG GO, ,BDAG 'DOD PA LA 'DOD CHAGS DANG BRAL BAR MNGON PAR ZHEN PA SPANG BA'I PHYIR RO, ,JI LTAR NA GZUGS MED PA DANG RAB TU LDAN PA YIN, GZUGS MED PA DANG RAB TU LDAN PA RNAMS NI DU ZHIG ,CI'I PHYIR GZUGS MED PA DANG RAB TU LDAN PAR BRTAG CE NA, GZUGS LA 'DOD CHAGS DANG BRAL LA, GZUGS MED PA LA 'DOD CHAGS DANG MA BRAL BA'I DGE BA DANG LUNG DU MA BSTAN PA NI GZUGS MED PA DANG RAB TU LDAN PA BLTA'O, ,PHUNG PO BZHI DANG, KHAMS GSUM DANG @64A *, ,SKYE MCHED GNYIS KYI PHYOGS SO, ,BDAG GZUGS LA 'DOD CHAGS DANG BRAL BAR MNGON PAR ZHEN PA SPANG BA'I PHYIR RO, ,'DOD CHAGS DANG BRAL BA NYID KYANG, PHYOGS GCIG LAS 'DOD CHAGS DANG BRAL BA NYID DANG, MTHA' DAG LAS 'DOD CHAGS DANG BRAL BA NYID DANG; RTOGS PAS 'DOD CHAGS DANG BRAL BA NYID DANG, GNOD PA'I 'DOD CHAGS DANG BRAL BA NYID DANG, LEGS PAR BTON PA'I 'DOD CHAGS DANG BRAL BA NYID DU BLTA'O, ,YANG 'DOD CHAGS DANG BRAL BA NYID BCU STE, RANG BZHIN GYIS 'DOD CHAGS DANG BRAL BA NYID DANG, GNOD PAS 'DOD CHAGS DANG BRAL BA NYID DANG, NYE BAR BRTAN PAS 'DOD CHAGS BRAL BA NYID DANG, PHUL DU BYUNG BAS 'DOD CHAGS DANG BRAL BA NYID DANG, RMONGS PAS 'DOD CHAGS DANG BRAL BA NYID DO, ,RANG BZHIN GYIS 'DOD CHAGS DANG BRAL BA NYID GANG ZHE NA, SDUG BSNGAL GYI TSOR BA CHAGS DANG BRAL BA NYID DANG, SPAD BAS 'DOD CHAGS DANG BRAL BA NYID DANG, GONG MA DANG BCAS PA'I 'DOD CHAGS DANG BRAL BA NYID DANG, GONG NA MED PA'I 'DOD CHAGS DANG BRAL BA NYID DO, ,RANG BZHIN GYIS 'DOD CHAGS DANG BRAL BA NYID GANG ZHE NA, SDUG BSNGAL GYI TSOR BA DANG; SDUG BSNGAL GYI TSOR BA'I GNAS KYI CHOS RNAMS LA GANG MI 'PHROD PAR 'DZIN PA NYID DO, ,GNOD PAS 'DOD CHAGS DANG BRAL BA NYID GANG ZHE NA, 'KHRIG PA LA ZHUGS PA GDUNG BA DANG BRAL NAS GANG MI 'PHROD PAR 'DZIN PA NYID DO, ,NYE BAR BRTAN PAS 'DOD CHAGS DANG BRAL BA NYID GANG ZHE NA, 'DRANGS PAR BZOS PA ZAS ZHIM PO LA YANG GANG MI 'PHROD PAR 'DZIN PA NYID DO, ,PHUL DU BYUNG BAS 'DOD CHAGS DANG BRAL BA NYID GANG ZHE NA, THABS SHIN TU CHEN PO THOB PA, THABS DMA' BA LA GANG MI 'PHROD PAR 'DZIN PA NYID DO, RMONGS PAS 'DOD CHAGS DANG BRAL BA NYID GANG ZHE NA, BYIS PA RNAMS MYA NGAN LAS 'DAS PA LA GANG MI 'PHROD PAR 'DZIN PA NYID DO, ,GNYEN POS 'DOD CHAGS DANG BRAL BA NYID GANG ZHE NA, 'JIG RTEN PA'AM 'JIG RTEN LAS 'DAS PA'I LAM GYI NYON MONGS PA SPONG BA GANG YIN PA'O, ,YONGS SU SHES PAS 'DOD CHAGS DANG @64B BRAL BA NYID GANG ZHE NA, MTHONG BA'I LAM THOB PA, KHAMS GSUM PA LA GANG MI 'PHROD PAR 'DZIN PA NYID DO, ,SPONG BAS 'DOD CHAGS DANG BRAL BA NYID GANG ZHE NA, SA DANG SAR NYON MONGS PA RAB TU SPONG BA'I MI MTHUN PAR 'DZIN PA NYID GANG YIN PA'O, ,GONG MA DANG BCAS PA'I 'DOD CHAGS DANG BRAL BA NYID GANG ZHE NA, 'JIG RTEN PA DANG, NYAN THOS DANG, RANG SANGS RGYAS RNAMS KYI 'DOD CHAGS DANG BRAL BA NYID GANG YIN PA'O, ,GONG NA MED PA'I 'DOD CHAGS DANG BRAL BA NYID GANG ZHE NA, SANGS RGYAS DANG BYANG CHUB SEMS DPA' RNAMS KYI 'DOD CHAGS DANG BRAL BA NYID GANG YIN PA STE, SEMS CAN THAMS CAD LA PHAN PA DANG BDE BA'I GNAS YIN PA'I PHYIR RO, ,JI LTAR NA SLOB PA YIN, SLOB PA RNAMS NI DU ZHIB, ,CI'I PHYIR SLOB PAR BRTAG CE NA, THAR PA LA BRTZON PA'I DGE BA NI SLOB PAR BLTA'O, ,PHUNG PO RNAMS DANG, KHAMS BCU DANG, SKYE MCHED BZHI'I PHYOGS SO, ,BDAG THAR PA LA BRTZON PAR MNGON PAR ZHEN PA SPANG BA'I PHYIR RO, ,JI LTAR NA MI SLOB PA YIN, MI SLOB PA RNAMS NI DU ZHIG ,CI'I PHYIR MI SLOB PAR BRTAG CE NA, BSLAB PA MTHAR PHYIN PA'I DGE BA NI MI SLOB PAR BLTA'O, , PHUNG PO RNAMS DANG, KHAMS BCU DANG, SKYE MCHED BZHI'I PHYOGS SO, ,BDAG GROL BAR MNGON PAR ZHEN PA SPANG BA'I PHYIR RO, ,JI LTAR NA SLOB PA YANG MA YIN MI SLOB PA YANG MA YIN, SLOB PA YANG MA YIN MI SLOB PA YANG MA YIN PA RNAMS NI DU ZHIG ,CI'I PHYIR SLOB PA YANG MA YIN MI SLOB PA YANG MA YIN PAR BRTAG CE NA, SO SO'I SKYE BO'I DGE BA DANG, MI DGE BA DANG LUNG DU MA BSTAN PA DANG, SLOB PA'I NYON MONGS PA CAN DANG, LUNG DU MA BSTAN PA DANG, MI SLOB PA'I LUNG DU MA BSTAN PA DANG, 'DUS MA BYAS NI SLOB PA YANG MA YIN MI SLOB PA YANG MA YIN PAR BLTA'O, ,KHAMS BRGYAD DANG, SKYE MCHED BRGYAD DANG, DE LAS GZHAN PA'I PHUNG PO DANG KHAMS DANG SKYE MCHED RNAMS KYI PHYOGS GCIG GO, ,BDAG GRUL BA MA YIN PAR MNGON PAR ZHEN PA SPANG BA'I PHYIR RO, ,JI LTAR NA MTHONG BA BAS SPANG BAR BYA BA YIN, MTHONG BAS SPANG BAR BYA BA @65A *, ,RNAMS NI DU ZHIG ,CI'I PHYIR MTHONG BAS SPANG BAR BYA BAR BRTAG CE NA, NYON MONGS PA CAN GYI LTA BA KUN TU BRTAGS PA RNAMS DANG, THE TSOM DANG LTA BA'I GNAS DANG LTA BA LA LOG PAR ZHUGS PA'I NYON MONGS PA DANG NYE BA'I NYON MONGS PA GANG YIN PA DAG DANG, [?] GANG YANG LTA BAS KUN NAS BSLANG BA'I LUS KYI LAS DANG, DAG GI LAS DANG, NGAN SONG BA'I PHUNG PO DANG, KHAMS DANG, SKYE MCHED THAMS CAD NI MTHONG BA SPANG BAR BYA BAR BLTA'O, ,THAMS CAD KYI PHYOGS GCIG GO, ,BDAG MTHONG BA PHUN SUM TSOGS PAR MNGON PAR ZHEN PA SPANG BA'I PHYIR RO, ,JI LTAR NA BSGOM PAS SPANG BAR BYA BA YIN, BSGOM PAS SPANG BAR BYA BA RNAMS NI DU ZHIG ,CI'I PHYIR BSGOM PAS SPANG BAR BYA BAR BRTAG CE NA, MTHONG BA'I LAM THOB PA DE YAN CHAD KYI MTHONG BAS SPANG BAR BYA BA LAS BZLOG PA ZAG PA DANG BCAS PA'I CHOS RNAMS SO; ,THAMS CAD KYI PHYOGS GCIG GO, ,BDAG SGOM PA PHUN SUM TSOGS PAR MNGON PAR ZHEN PA SPANG BA'I PHYIR RO, ,JI LTAR NA SPANG BAR BYA BA MA YIN, SPANG BAR BYA BA MA YIN PA RNAMS NI DU ZHIG ,CI'I PHYIR SPANG BAR BYA BA MA YIN PAR BRTAG CE NA, ZAG PA MED PA NI SPANG BAR BYA BA MA YIN PAR BLTA'O, ,DES PAR 'BYED PA'I CHA DANG MTHUN PA MA GTOGS PAR PHUNG PO RNAMS DANG, KHAMS GSUM DANG, SKYE MCHED GNYIS KYI PHYOGS SO, ,BDAG GRUB PAR MNGON PAR ZHEN PA SPANG BA'I PHYIR RO, ,JI LTAR NA RTEN CING 'BREL PAR 'BYUNG BA YIN, RTEN CING 'BREL PAR 'BYUNG BA RNAMS NI DU ZHIG ,CI'I PHYIR RTEN CING 'BREL PAR 'BYUNG BAR BRTAG CE NA, MTSAN NYID DANG, YAN LAG RNAM PAR DBYE BA DANG, YAN LAG MDOR BSDU PA DANG, YAN LAG RKYEN NYID DU RNAM PAR GZHAG PA DANG, YAN LAG GI LAS RNAM PAR GZHAG PA DANG, YAN LAG KUN NAS NYON MONGS PAR BSDU BA DANG, DON DANG, ZAB PA DANG, RAB TU DBYE BA DANG, LUGS DANG MTHUN PA DANG, LUGS DANG MTHUN PA DANG, LUGS DANG MI MTHUN PAS KYANG RTEN CING 'BREL PAR 'BYUNG BAR BLTA'O, ,CHOS KYI KHAMS DANG, CHOS KYI SKYE MCHED KYI PHYOGS GCIG MA GTOGS PA THAMS CAD DO, , @65B BDAG DANG CHOS RGYU MED PA DANG MI MTHUN PA'I RGYU LAS BYUNG BA MNGON PAR ZHEN PA SPANG BA'I PHYIR RO, ,MTSAN NYID KYIS JI LTA BU ZHE NA, G-YO BA MED PA'I RKYEN LAS BYUNG BA DANG, MI RTAG PA'I RKYEN LAS BYUNG BA DANG, NUS PA'I RKYEN LAS BYUNG BA'I PHYIR RO, ,YAN LAG RNAM PAR DBYE BAS JI LTAR BU ZHE NA, YAN LAG BCU GNYIS RNAMS TE, RTEN CING 'BREL PAR 'BYUNG BA'I YAN LAG BCU GNYIS NI, MA RIG PA DANG, 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, SRED PA DAG, LEN PA DANG, SRID PA DANG, SKYE BA DANG, RGA SHI'O, ,YAN LAG MDOR BSDU BAS JI LTAR BU ZHE NA, 'PHEN PA'I YAN LAG DANG, 'PHAGS PA'I YAN LAG DANG, MNGON PAR 'GRUB PAR BYED PA'I YAN LAG DANG, MNGON PAR GRUB PA'I YAN LAG GO, ,'PHEN PA'I YAN LAG GANG ZHE NA, MA RIG PA DANG, 'DU BYED DANG, RNAM PAR SHES PA'O, ,'PHAGS PA'I YAN LAG GANG ZHE NA, MING DANG GZUGS DANG, SKYE MCHED DRUG DANG, REG PA DANG, TSOR BA'O, ,MNGON PAR 'GRUB PAR BYED PA'I YAN LAG GANG ZHE NA, SRED PA DANG, LEN PA DANG, SRID PA'O, ,MNGON PAR GRUB PA'I YAN LAG GANG ZHEN, SKYE BA DANG, RGA SHI'O, ,YAN LAG RKYEN NYID DU RNAM PAR BZHAG PAS JI LTAR BU ZHE NA, BAG CHAGS DANG, SHUGS DANG, YID LA BYED PA DANG, LHAN CIG 'BYUNG BAS KYANG YAN LAG RNAMS RKYEN NYID DU RNAM PAR GZHAG PAR RIG PAR BYA STE, DE YANG CI RIGS SU SBYOR RO, ,YAN LAG GI LAS RNAM PAR GZHAN PAS JI LTAR BU ZHE NA, MA RIG PA CI'I LAS CAN ZHE NA, SRID PA LA SEMS CAN RNAMS RMONGS PAR BYED PA DANG, 'DU BYED RNAMS KYI RKYEN KYANG YIN NO, ,'DU BYED CI'I LAS CAN ZHE NA, 'GRO BA RNAMS SU SEMS CAN DAG RNAMS PAR 'BYED PA DANG, RNAM PAR SHES PA'I BAG CHAGS KYI RKYEN KYANG YIN NO, ,RNAM PAR SHES PA CI'I LAS CAN ZHES NA, SEMS CAN RNAMS KYI LAS 'CHING BA 'DZIN PA DANG, MING DANG GZUGS KYI RKYEN KYANG YIN NO, ,MING DANG GZUGS CI'I LAS CAN ZHE NA SEMS CAN RNAMS @66A *, ,LUS LEN DU 'JUG PA DANG, SKYE MCHED DRUG GI RKYEN KYANG YIN NO, ,SKYE MCHED DRUG CI'I LAS CAN ZHE NA, SEMS CAN RNAMS LUS YONGS SU RDZOGS PAR LEN DU 'JUG PA DANG, REG PA'I RKYEN KYANG YIN NO, ,REG PA CI'I LAS CAN ZHE NA, YUL GYI LONGS SPYOD LA SEMS CAN RNAMS 'DZUD PA DANG, TSOR BA'I RKYEN KYANG YIN NO, ,TSOR BA CI'I LAS CAN ZHE NA, SKYE BA'I LONGS SPYOD LA SEMS CAN RNAMS 'DZUD PA DANG, SRED PA'I RKYEN KYANG YIN NO, ,SRED PA CI'I LAS CAN ZHE NA, SEMS CAN RNAMS KYI SKYE BA 'DREN PA DANG, LEN PA'I RKYEN KYANG YIN NO, ,LEN PA CI'I LAS CAN ZHE NA, YANG SRID PA LEN PA'I PHYIR SEMS CAN RNAMS KYI RNAM PAR SHES PA NYE BAR LEN PA DANG BCAS PAR BYED PA DANG, SRID PA'I RKYEN KYANG YIN NO, ,SRID PA CI'I LAS CAN ZHE NA, YANG SRID PAR SEMS CAN RNAMS MNGON DU PHYOGS PAR BYED PA DANG, SKYE BA'I RKYEN KYANG YIN NO, ,SKYE BA CI'I LAS CAN ZHE NA, MING DANG GZUGS DANG, SKYE MCHED DRUG DANG, RIG PA DANG, TSOR BA'I RIM GYIS SEMS CAN RNAMS MNGON PAR 'GRUB PAR BYED PA DANG, RGA SHI'I RKYEN KYANG YIN NO, ,RGA SHI CI'I LAS CAN ZHE NA, YANG DANG YANG NA TSOD 'GYUR BA DANG, SROG 'GYUR BA LA SEMS CAN RNAMS SBYOR BA'O, ,YAN LAG KUN NAS NYON MONGS PAR BSDU BAS JI LTA BU ZHE NA, MA RIG PA GANG YIN PA DANG, SRED PA GANG YIN PA DANG, LEN PA GANG YIN PA 'DI NI NYON MONGS PA'I KUN NAS NYON MONGS PAR BSDU'O, ,'DU BYED GANG YIN PA DANG, RNAM PAR SHES PA GANG YIN PA DANG, SRID PA GANG YIN PA 'DI NI LAS KYI KUN NAS NYON MONGS PA BSDU'O, ,LHAG MA RNAMS NI TSE'I KUN NAS NYON MONGS PAR BSDU'O, ,DON GYIS JI LTA BU ZHE NA, BYED PA PO MED PA'I DON NI RTEN CING 'BREL PAR 'BYUNG BA'I DON DANG, RGYU DANG BCAS PA LAS BYUNG BA'I DON DANG, SEMS CAN MED PA'I DON DANG, GZHAN GYI DBANG GI DON DANG, G-YO BA MED PA'I DON DANG, MI RTAG PA'I DON DANG, SKAD CIG PA'I DON DANG, RGYU DANG 'BRAS BU RGYUD RGYUN MI 'CHAD PA'I DON DANG, RGYU DANG 'BRAS BUR @66B MTHUN PA'I DON DANG, RGYU DANG 'BRAS BU SNA TSOGS KYI DON DANG, RGYU DANG 'BRAS BU SO SOR NGES PA'I DON NI RTEN CING 'BREL PAR 'BYUNG BA'I DON TO, ,ZAB PAS JI LTA BU ZHE NA, RGYUS ZAB PA DANG, MTSAN NYID KYIS ZAB PA DANG, SKYE BAS ZAB PA DANG, GNAS PAS ZAB PA DANG, 'BYUNG BAS ZAB PAS KYANG ZAB PAR BLTA'O, ,YANG RTEN CING 'BREL PAR 'BYUNG BA SKAD CIG PA YANG YIN LA, GNAS PAR YANG DMIGS, RTEN CING 'BREL PAR 'BYUNG BA G-YO BA MED PA'I RKYEN LAS 'BYUNG BA'ANG YIN LA, NUS PA'I RKYEN LAS 'BYUNG BAR YANG DMIGS, RTEN CING 'BREL PAR 'BYUNG BA SEMS CAN MED PA YANG YIN LA SEMS CAN DU YANG DMIGS, RTEN CING 'BREL PAR 'BYUNG BA BYED PA PO YANG MED LA, LAS DANG 'BRAS BU CHUD MI ZA BAR YANG DMIGS SHING BDAG LAS MA YIN GZHAN LAS MA YIN GNYI GA LAS MA YIN, RANG GI BYED PA DANG, GZHAN GYI BYED PA DANG, RGYU MED PA LAS BYUNG BA YANG MA YIN TE, DE'I PHYIR ZAB PA'O, ,RAB TU DBYE BAS JI LTA BU ZHE NA, RNAM PAR SHES PA 'BYUNG BA'I RAB TU DBYE BA DANG, 'CHI 'PHO DANG SKYE BA'I RAB TU DBYE BA DANG, PHYI'I LO TOG 'BYUNG BA'I RAB TU DBYE BA DANG, 'JIG PA DANG CHAGS PA'I RAB TU DBYE BA DANG, ZAS KYIS BRTAN PA'I RAB TU DBYE BA DANG, 'DOD PA DANG MI 'DOD PA'I 'GRO BA RNAM PAR 'BYED PA'I RAB TU DBYE BA DANG, RNAM PAR DAG PA'I RAB TU DBYE BA DANG, MTHU STOBS KYI RAB TU DBYE BAS KYANG RAB TU DBYE BAR BLTA'O, ,LUGS DANG MTHUN PA DANG LUGS DANG MI MTHUN PAS JI LTA BU ZHE NA, KUN NAS NYON MONGS PA'I LUGS DANG MTHUN PA DANG LUGS DANG MI MTHUN PA DANG, RNAM PAR BYANG BA'I LUGS DANG MTHUN PA DANG LUGS DANG MI MTHUN PAS KYANG, RTEN CING 'BREL PAR 'BYUNG BA'I LUGS DANG MTHUN PA DANG LUGS DANG MI MTHUN PA BSTAN PAR BLTA'O, ,JI LTAR NA RKYEN YIN, RKYEN RNAMS NI DU ZHIG ,CI'I PHYIR RKYEN DU BRTAG CE NA, RGYU DANG DE MA THAG PA DANG, DMIGS PA DANG BDAG POS KYANG RKYEN DU BLTA'O, ,THAMS CAD KYANG RKYEN DU BLTA'O, ,CHOS BDAG GI RGYU LAS BYUNG BAR MNGON PAR ZHEN PA SPANG BA'I PHYIR RO, ,RGYU'I RKYEN GANG ZHEN, @67A *, ,KUN GZHI RNAM PAR SHES PA DANG DGE BA'I BAG CHAGS SO, ,YANG NGO BO NYID DANG, RAB TU DBYE BA DANG, GROGS DANG, MTHUN PAR RTOGS PA DANG, RGYAS PA DANG, BAR DU GCOD PA DANG, YONGS SU 'DZIN PAS KYANG RGYU'I RKYEN DU BLTA'O, ,NGO BO NYID KYIS JI LTA BU ZHE NA, BYED RGYU STE RGYU'I NGO BO NYID DO, ,RAB TU DBYE BAS JI LTA BU ZHE NA, 'BYUNG BA'I BYED RGYU NI, DPER NA RNAM PAR SHES PA'I NI RNAM PAR SHES PA'I TSOGS PA LTA BU'O, ,GNAS PA'I BYED RGYU NI DPER NA SEMS CAN BYUNG BA RNAMS DANG 'BYUNG BAR 'DOD PA RNAMS KYI ZAS LTA BU'O, ,RTEN PA'I BYED RGYU NI DPER NA SEMS CAN RNAMS KYIS LTA BU'O, ,GSAL BA'I BYED RGYU NI, DPER NA GZUGS RNAMS KYI SGRON MA LTA BU'O, ,'GYUR BA'I BYED RGYU NI, DPER NA SHING GI ME LTA BU'O, ,'BRAL BA'I BYED RGYU NI, DPER NA RNGA BAR BYED PA'I ZOR BA LTA BU'O, ,BSGYUR BA'I BYED RGYU NI, DPER NA GSER LA SOGS PA'I BZO'I GNAS LA SOGS PA LTA BU'O, ,YID CHES PA'I BYED RGYU NI, DPER NA ME'I DU BA LTA BU'O, ,YID CHES PAR BYED PA'I BYED RGYU NI, DPER NA BSGRUB PA'I DAM BCA' BA DANG, GTAN TSIGS DANG DPE RNAMS LTA BU'O, ,'THOB PA'I BYED RGYU NI, DPER NA MYA NGAN LAS 'DAS PA'I LAM LTA BU'O, ,THA SNYAD KYI BYED RGYU NI, DPER NA MING DANG MTSAN MA DANG, MTHONG BA LTA BU'O, ,LTOS PA'I BYED RGYU NI, GANG LA LTOS NAS GANG DON DU GNYER BA 'BYUNG BA STE, DPER NA BKRES PA LA LTOS NAS ZAS LTA BU'O, ,'PHEN PA'I BYED RGYU NI, RGYANG RING PO'I RKYEN TE, DPER NA RGA SHI'I MA RIG PA LTA BU'O, ,MNGON PA 'GRUB PA'I BYED RGYU NI NYE BA'I RKYEN TE, DPER NA 'DU BYED RNAMS KYI MA RIG PA LTA BU'O, ,YONGS SU 'DZIN PA'I BYED RGYU NI DE LAS GZHAN PA'I RKYEN TE, DPER NA LO TOG 'BYUNG BA'I ZHING DANG CHU DANG LUD LA SOGS PA LTA BU'O, ,CHUD PAR BYED PA'I BYED RGYU NI MTHUN PA'I RKYEN TE, DPER NA RGYAL PO MNYES PAR BYED PA'I PHYIR RGYAL PO LA LEGS PAR BRTEN PA LTA BU'O, ,SO SOR NGES PA'I BYED RGYU NI RKYEN SNA TSOGS PA STE, DPER NA 'GRO BA LNGA PO DAG GI 'GRO BA LNGA'I RKYEN LTA BU'O, ,LHAN CIG BYED PA'I @67B BYED RGYU NI RKYEN RNAMS TSOGS PA STE, DPER NA RNAM PAR SHES PA'I DBANG PO MA MA NYAMS PA DANG, YUL YANG SNANG BA DANG, DE SKYED PA'I YID LA BYED PA YANG NYE BAR GNAS PA LTA BU'O, ,MI MTHUN PA'I BYED RGYU NI BAR CHAD BYED PA STE, DPER NA LO TOG LA SER BA LTA BU'O, ,MI MTHUN PA MA YIN PA'I BYED RGYU NI BAR CHAD MI BYED PA STE, DPER NA BAR CHAD BYED PA DE NYID MED PA LTA BU'O, ,GROGS KYIS JI LTA BU ZHE NA, CHOS GANG DAG GROGS YOD NA 'BYUNG GI GANG YANG RUNG BA MA TSANG NA MA YIN PA STE, 'DI LTA STE, 'BYUNG BA RNAMS DANG 'BYUNG BA LAS GYUR PA'O, , MTHUN PAR RTOGS PAS JI LTA BU ZHE NA, CHOS GANG DAG LHAN CIG 'BYUNG BA DMIGS PA MTHUN PAR RTOGS KYI, GANG YANG RUNG BA MA TSANG NA MA YIN PA STE, 'DI LTA STE, SEMS DANG SEMS LAS BYUNG BA RNAMS SO, ,RGYAS PAS JI LTA BU ZHE NA, SNGON DGE BA DANG MI DGE BA DANG LUNG DU MA BSTAN PA'I CHOS BSGOMS PA RNAMS PHYI MA'I MTHAR GONG NAS GONG DU SHIN TU RGYAS PA DANG, MCHOG TU RGYAS PAR 'BYUNG BA GANG YIN PA'O, ,BAR DU GCOD PAS JI LTA BU ZHE NA, GANG MYA NGAN LAS 'DAS PA'I RGYUD THAG BSRING BA'I PHYIR NYON MONGS PA GANG YANG RUNG BA'I RGYUN RGYAS PAR BRTAN PAR BYED PA'O, ,YONGS SU 'DZIN PAS JI LTA BU ZHE NA, LUS YONGS SU 'DZIN PA'I PHYIR MI DGE BA DANG, DGE BA ZAG PA DANG BCAS PA'I CHOS RNAMS SO, ,DE MA THAG PAS JI LTA BU ZHE NA, RGYUN MI 'CHAD PAR BAR CHAD MED PA DANG, MTHUN PA DANG MI MTHUN PA LA SEMS DANG SEMS LAS BYUNG BA 'BYUNG BA'I DE MA THAG PAS KYANG DE MA THAG PA'I RKYEN DU BLTA'O, ,DMIGS PAS JI LTA BU ZHE NA, YUL YONGS SU CHAD PA'I DMIGS PA DANG, YUL YONGS SU MA CHAD PA'I DMIGS PA DANG, YUL LA BKRA BAR 'DZIN BA MED PA'I DMIGS PA DANG, YUL LA BKRA BAR 'DZIN PA'I DMIGS PA DANG, DNGOS PO DANG BCAS PA'I YUL GYI DMIGS PA DANG, DNGOS PO MED PA'I YUL GYI DMIGS PA DANG, DNGOS PO'I DMIGS PA DANG, KUN BRTAGS PA'I DMIGS PA DANG, PHYIN CI LOG GI DMIGS PA DANG, PHYIN CI MA LOG PA'I DMIGS @68A *, ,PA DANG, THOGS PA DANG BCAS PA'I DMIGS PA DANG, THOGS PA MED PA'I DMIGS PAS KYANG DMIGS PA'I RKYEN DU BLTA'O, ,BDAG POS JI LTA BU ZHE NA, RTEN LA DBANG BYED PA DANG, 'PHEN PA LA DBANG BYED PA DANG, LHAN CIG 'BYUNG BA LA DBANG BYED PA DANG, YUL LA DBANG BYED PA DANG, SKYE BAR DBANG BYED PA DANG, GNAS PAR DBANG BYED PA DANG, 'BRAS BU LA NYE BAR SPYOD PAR DBANG BYED PA DANG, 'JIG RTEN PA'I RNAM PAR DAG PA LA DBANG BYED PA DANG, 'JIG RTEN LAS 'DAS PA'I RNAM PAR DAG PA LA DBANG BYED PAS KYANG BDAG PO'I RKYEN DU BLTA'O, ,JI LTAR NA BSTEN PA MTSUNGS PA DANG DE DANG MTSUNGS PA YIN, BSTEN PA MTSUNGS PA DANG DE DANG MTSUNGS PA RNAMS NI DU ZHIG ,CI'I PHYIR BSTEN PA MTSUNGS PA DANG DE DANG MTSUNGS PAR BRTAG CE NA, RNAM PAR SHES PA DANG MA BRAL ZHING DE DANG 'DRA BA'I DBANG PO YUL LA RGYUN TU 'BYUNG BA DANG, RNAM PAR SHES PA DANG BRAL ZHING RANG DANG 'DRA BA RGYUN TU 'BYUNG BAS KYANG BSTEN PA MTSUNGS PA DANG DE DANG MTSUNGS PAR BLTA'O, ,GZUGS KYI PHUNG PO'I PHYOGS GCIG DANG, GZUGS CAN GYI KHAMS DANG SKYE MCHED LNGA'O, ,BDAG RNAM PAR SHES PA DANG LDAN PA DANG ME LDAN PAR MNGON PAR ZHEN PA SPANG BA'I PHYIR RO, ,JI LTAR NA ZIN PA YIN, ZIN PA RNAMS NI DU ZHIG ,CI'I PHYIR ZIN PAR BRTAG CE NA, TSOR BA 'BYUNG BA'I GNAS KYI GZUGS NI ZIN PAR BLTA'O, ,GZUGS KYI PHUNG PO'I PHYOGS GCIG DANG, KHAMS DANG, SKYE MCHED GZUGS CAN LNGA DANG BZHI'I PHYOGS GCIG GO, ,BDAG LUS LA DBANG BSGYUR BAR MNGON PAR ZHEN PA SPANG BA'I PHYIR RO, ,JI LTAR NA DBANG PO YIN, DBANG PO RNAMS NI DU ZHIG ,CI'I PHYIR DBANG POR BRTAG CE NA, YUL LA 'DZIN PAR DBANG BYED PA DANG, RIGS KYI RGYUD LA DBANG BYED PA DANG, RIS MTHUN PAR GNAS PAR DBANG BYED PA DANG, DGE BA DANG MI DGE BA'I LAS KYI 'BRAS BU LA NYE BAR SPYOD PAR DBANG BYED PA DANG, 'JIG RTEN GYI 'DOD CHAGS DANG BRAL BA NYID LA DBANG BYED PA DANG, 'JIG RTEN LAS 'DAS PA'I 'DOD CHAGS DANG BRAL BA NYID LA DBANG BYED PAS KYANG DBANG POR @68B BLTA'O, ,TSOR BA'I PHUNG PO DANG, RNAM PAR SHES PA'I PHUNG PO DANG, GZUGS DANG 'DU BYED KYI PHUNG PO'I PHYOGS GCIG DANG, KHAMS BCU GNYIS DANG, SKYE MCHED DRUG DANG, CHOS KYI KHAMS DANG, SKYE MCHED KYI PHYOGS GCIG GO, ,BDAG DBANG BYED PAR MNGON PAR ZHEN PA SPANG BA'I PHYIR RO, ,JI LTAR NA SDUG BSNGAL GYI SDUG BSNGAL NYID YIN, SDUG BSNGAL GYI SDUG BSNGAL NYID RNAMS NI DU ZHIG ,CI'I PHYIR SDUG BSNGAL GYI SDUG BSNGAL NYID DU BRTAG CE NA, SDUG BSNGAL GYI TSOR BA'I RANG GI MTSAN NYID DANG, SDUG BSNGAL MYONG BAR 'GYUR BA'I CHOS KYI RANG GI MTSAN NYID KYIS KYANG SDUG BSNGAL GYI SDUG BSNGAL NYID DU BLTA'O, ,THAMS CAD KYI PHYOGS GCIG GO, ,BDAG SDUG BSNGAL BAR MNGON PAR ZHEN PA SPANG BA'I PHYIR RO, ,JI LTAR NA 'GYUR BA'I SDUG BSNGAL NYID YIN, 'GYUR BA'I SDUG BSNGAL RNAMS NI DU ZHIG , CI'I PHYIR 'GYUR BA'I SDUG BSNGAL NYID DU BRTAG CE NA, BDE BA'I TSOR BA 'GYUR BA RANG GI MTSAN NYID DANG, BDE BA MYONG BAR 'GYUR BA'I CHOS 'GYUR BA RANG GI MTSAN NYID DANG, DE LA YANG RJES SU CHAGS PAS SEMS 'GYUR BAS KYANG 'GYUR BA'I SDUG BSNGAL NYID DU BLTA'O, ,THAMS CAD KYI PHYOGS GCIG GO, ,BDAG BDE BAR MNGON PAR ZHEN PA SPANG BA'I PHYIR RO, ,JI LTAR NA 'DU BYED KYI SDUG BSNGAL NYID YIN, 'DU BYED KYI SDUG BSNGAL NYID RNAMS NI DU ZHIG ,CI'I PHYIR 'DU BYED KYI SDUG BSNGAL NYID DU BRTAG CE NA, SDUG BSNGAL YANG MA YIN BDE BA YANG MA YIN BA'I TSOR BA'I RANG GI MTSAN NYID DANG, SDUG BSNGAL YANG MA YIN BDE BA YANG MA YIN PA MYONG BAR 'GYUR BA'I CHOS KYI RANG GI MTSAN NYID DANG, DE GNYI GA'I GNAS NGAN LEN YONGS SU 'DZIN PA DANG, DE GNYI GA LAS MA THAR BA MI RTAG PA NYID KYIS RJES SU BCINGS PAS GRUB PA DANG, BDE BA MA YIN PAS KYANG 'DU BYED KYI SDUG BSNGAL NYID DU BLTA'O, ,PHUNG PO RNAMS DANG, KHAMS GSUM DANG, SKYE MCHED GNYIS KYI PHYOGS GCIG MA GTOGS PAR THAMS CAD DO, ,BDAG SDUG BSNGAL YANG MA YIN BDE BA YANG MA YIN PAR MNGON PAR ZHEN PA SPANG BA'I PHYIR RO, ,JI LTAR NA RNAM @69A *, ,PAR SMIN PA DANG BCAS PA YIN, RNAM PAR SMIN PA DANG BCAS PA RNAMS NI DU ZHIG ,CI'I PHYIR RNAM PAR SMIN PA DANG BCAS PAR BRTAG CE NA, MI DGE BA DANG DGE BA ZAG PA DANG BCAS PA NI RNAM PAR SMIN PA DANG BCAS PAR BLTA'O, ,PHUNG PO RNAM DANG, KHAMS BCU DANG; SKYE MCHED BZHI'I PHYOGS GCIG GO, ,BDAG PHUNG PO 'JOG PAR BYED PA DANG, NYING MTSAMS SBYOR BAR BYED PAR MNGON PAR ZHEN PA SPANG BA'I PHYIR RO, ,RNAM PAR SMIN PA NI KUN GZHI RNAM PAR SHES PA MTSUNGS PAR LDAN PA DANG BCAS PAR BLTA'O, ,DE LAS GZHAN PA DAG NI RNAM PAR SMIN PA LAS BYUNG BA'O, ,JI LTAR NA ZAS YIN, ZAS RNAMS NI DU ZHIG ,CI'I PHYIR ZAS SU BRTAG CE NA, 'JUG PAS KYANG 'DZU BA LAS GYUR PA DANG, YUL GYIS KYANG YUL LAS GYUR PA DANG, RE BAS KYANG RE BA LAS GYUR PA DANG, LEN PAS KYANG LEN PA LAS GYUR BA NYID NI ZAS SU BLTA'O, ,PHUNG PO GSUM DANG, KHAMS BCU GCIG DANG, SKYE MCHED LNGA'I PHYOGS GCIG GO, ,BDAG ZAS KYIS GNAS PAR MNGON PAR ZHEN PA SPANG BA'I PHYIR RO, ,YANG ZAS NI MA DAG PA'I LUS GNAS PAR BYED PA DANG, MA DAG PA DANG DAG PA'I LUS GNAS PAR BYED PA DANG, DAG PA'I LUS GNAS PAR BYED PA DANG, GNAS PAR KUN TU STON PAR YANG BLTA'O, ,JI LTAR NA GONG MA DANG BCAS PA YIN, GONG MA DANG BCAS PA RNAMS NI DU ZHIG ,CI'I PHYIR GONG MA DANG BCAS PAR BRTAG CE NA, 'DUS BYAS DANG 'DUS MA BYAS KYI PHYOGS GCIG GIS KYANG GONG MA DANG BCAS PAR BLTA'O, ,CHOS KYI KHAMS DANG SKYE MCHED KYI PHYOGS GCIG MA GTOGS PAR THAMS CAD DO, ,BDAG RDZAS NGAN PAR MNGON PAR ZHEN PA SPANG BA'I PHYIR RO, ,JI LTAR NA GONG NA MED PA YIN, GONG NA MED PA RNAMS NI DU ZHIG ,CI'I PHYIR GONG NA MED PAR BRTAG CE NA, 'DUS MA BYAS KYI PHYOGS GCIG NI GONG NA MED PAR BLTA'O, ,CHOS KYI KHAMS DANG SKYE MCHED KYI PHYOGS GCIG GO, ,BDAG RDZAS KYI MCHOG TU MNGON PAR ZHEN PA SPANG BA'I PHYIR RO, ,DE LTAR NA TSUL 'DIS RAB TU DBYE BA'I TSUL TSAD MED DO, ,YANG MDOR BSDU NA, PHUNG PO DANG KHAMS DANG SKYE MCHED RNAMS KYI RAB TU DBYE BA NI @69B RNAM PA GSUM STE, KUN BRTAGS PA'I MTSAN NYID KYIS RAB TU DBYE BA DANG, RNAM PAR BRTAGS PA'I MTSAN NYID KYIS RAB TU DBYE BA DANG, CHOS NYID KYI MTSAN NYID KYIS RAB TU DBYE BA'O, ,DE LA KUN BRTAGS PA'I MTSAN NYID KYIS RAB TU DBYE BA GANG ZHE NA, PHUNG PO KHAMS DANG, SKYE MCHED RNAMS LA BDAG CE 'AM, SEMS CAN DANG, SROG DANG, SKYE BA PO DANG, GSO BA DANG, GANG ZAG DANG, SHED LAS SKYES DANG, SHED BU ZHES GANG KUN TU RTOG PA'O, ,RNAM PAR BRTAGS PA'I MTSAN NYID KYIS RANG RU DBYE BA GANG ZHE NA, PHUNG PO DANG KHAMS DANG, SKYE MCHED DE DAG NYID DO, ,CHOS NYID KYI MTSAN NYID KYIS RAB TU DBYE BA GANG ZHE NA, PHUNG PO DANG KHAMS DANG, SKYE MCHED DE DAG NYID LA BDAG MED CING, SEMS CAN DANG, SROG DANG, SKYE BA PO DANG, GSO BA DANG, GANG ZAG DANG, SHED LAS SKYES DANG, SHED BU MED LA; BDAG MED PA NI YOD PA NYID DO, ,YANG RAB TU DBYE BA RNAM PA BZHI STE, MTSAN NYID KYIS RAB TU DBYE BA DANG, RNAM PAS RAB TU DBYE BA DANG, LUS KYIS RAB TU DBYE BA DANG, RGYUN GYIS RAB TU DBYE BA'O, ,MTSAN NYID KYIS RAB TU DBYE BA GANG ZHE NA, PHUNG PO DANG KHAMS DANG; SKYE MCHED RNAMS SO SO'I RANG GI MTSAN NYID KYIS RAB TU DBYE BA'O, ,RNAM PAS RAB TU DBYE BA GANG ZHE NA, PHUNG PO DANG KHAMS DANG, SKYE MCHED DE DAG NYID KYI RDZAS SU YOD PA DANG, BTAGS PA'I YOD PA DAG, KUN RDZOB TU YOD PA DANG, DON DAM PAR YOD PA DANG, GZUGS CAN DANG, GZUGS CAN MA YIN PA DANG, BSTAN DU YOD PA DANG, BSTAN DU MED PA DANG, DE LA SOGS PA'I JI SKAD BSTAN PA RNAMS SO, ,LUS KYIS RAB TU DBYE BA GANG ZHE NA, SEMS CAN RNAMS KYI LUS JI SNYED PAR PHUNG PO DANG, KHAMS DANG, SKYE MCHED RNAMS KYANG DE SNYED DO, ,RGYUN GYIS RAB TU DBYE BA GANG ZHE NA, PHUNG PO DANG KHAMS DANG, SKYE MCHED RNAMS KYI SKAD CIG RE RE 'BYUNG BA'O, ,MTSAN NYID KYIS RAB TU DBYE BA LA MKHAS PAS CI ZHIG YONGS SU SHES SHE NA, BDAG LA MNGON PAR ZHEN PA YONGS SU SHES SO, ,RNAM PAS @70A *, ,RAB TU DBYE BA LA MKHAS PAS CI ZHIG YONGS SU SHES SHE NA, RIL PO'I 'DU SHES YONGS SU SHES SO, ,LUS KYIS RAB TU DBYE BA LA MKHAS PAS CI ZHIG YONGS SU SHES SHE NA, MA BYAS PA DANG PHRAD PA DANG, BYAS PA CHUD ZA BA'I 'DU SHES YONGS SU SHES SO, , RGYUN GYIS RAB TU DBYE BA LA MKHAS PAS CI ZHIG YONGS SU SHES SHE NA, BRTAN PA'I 'DU SHES YONGS SU SHES SO, ,YANG PHUNG PO DANG KHAMS DANG SKYE MCHED 'DI DAG NYID KYI RAB TU DBYE BA RNAM PA DRUG STE, PHYI ROL TU BLTAS PAS RAB TU DBYE BA DANG, NANG DU BLTAS PAS RAB TU DBYE BA DANG, RGYUN RING BA'I DUS KYIS RAB TU DBYE BA DANG, DUS YONGS SU CHAD PAS RAB TU DBYE BA DANG, DE'I DUS KYIS RAB TU DBYE BA DANG, KUN TU STON PAS RAB TU DBYE BA'O, ,PHYI ROL TU BLTAS PAS RAB TU DBYE BA GANG ZHE NA, PHAL CHER 'DOD PA'I KHAMS NA SPYOD PAS RAB TU DBYE BA'O; ,NANG DU BLTAS PAS RAB TU DBYE BA GANG ZHE NA, MNYAM PAR GZHAG PA'I SA PA THAMS CAD DO, ,RGYUN RING BA'I DUS KYIS RAB TU DBYE BA GANG ZHE NA, SO SO'I SKYE BO RNAMS KYI'O, ,DUS YONGS SU CHAD PAS RAB TU DBYE BA GANG ZHE NA, SLOB PA DANG MI SLOB PA RNAMS KYI THA MA'I PHUNG PO DANG KHAMS DANG, SKYE MCHED RNAMS MA GTOGS PA'O, ,DE'I DUS KYIS RAB TU DBYE BA GANG ZHE NA, MI SLOB PA RNAMS KYI THA MA'I PHUNG PO DANG KHAMS DANG SKYE MCHED RNAMS SO, ,KUN TU STON PAS RAB TU DBYE BA GANG ZHE NA, GANG SANGS RGYAS RNAMS DANG, BYANG CHUB SEMS DPA' DAM PA'I PHA ROL TU SON PA RNAMS KYI PHUNG PO DANG KHAMS DANG SKYE MCHED DAG KUN TU STON PA'O, ,BSDUS PA GANG ZHE NA, RNAM PA BCU GCIG TU BLTA STE, MTSAN NYID KYIS BSDUS PA DANG, KHAMS KYIS BSDUS PA DAG, RIGS KYIS BSDUS PA DANG, GNAS SKABS KYIS BSDUS PA DANG; GROGS KYIS BSDUS PA DANG, PHYOGS KYIS BSDUS PA DANG, DUS KYIS BSDUS PA DANG, PHYOGS GCIG GIS BSDUS PA DANG, MTHA' DAG GIS BSDUS PA DANG, GCIG GIS GCIG BSDUS PA DANG, DON DAM PAS BSDUS PA'O, ,MTSAN NYID KYIS BSDUS PA @70B GANG ZHE NA, PHUNG PO DANG KHAMS DANG, SKYE MCHED RNAMS KYI SO SO'I RANG GI MTSAN NYID GANG YIN PA DAG NYID KYIS DE DAG BSDUS PAR BLTA'O, ,KHAMS KYIS BSDUS PA GANG ZHE NA, PHUNG PO DANG KHAMS DANG SKYE MCHED RNAMS KYI SA BON KUN GZHI RNAM PAR SHES PA GANG YIN PA DE, DE DAG GI KHAMS BSDUS PA'O, ,RIGS KYIS BSDUS PA GANG ZHE NA, PHUNG PO DANG KHAMS DANG SKYE MCHED RNAMS MTSAN NYID THA DAD KYANG PHUNG PO'I DON BRTZAN PAR BYAS SHING KHAMS DANG SKYE MCHED KYI DON BRTZAN PAR BYAS NAS THAMS CAD PHAN TSUN GYIS BSDUS PA DAG GO, ,GNAS SKABS KYIS BSDUS PA GANG ZHE NA, BDE BA'I GNAS SKABS KYI PHUNG PO DANG KHAMS DANG SKYE MCHED RNAMS NI DE DAG NYID KYIS BSDUS PA'O, ,DE BZHIN DU SDUG BSNGAL GYI GNAS SKABS DANG, SDUG BSNGAL YANG MA YIN BDE BA YANG MA YIN PA'I GNAS SKABS KYANG DE DAG NYID KYIS BSDUS PA'O, , GROGS KYIS BSDUS PA GANG ZHE NA, GZUGS KYI PHUNG PO 'KHOR DANG BCAS PA NI DE LAS GZHAN PA'I PHUNG PO'I GROGS SU GYUR PA RNAMS KYIS GROGS KYI BSDU BAS BSDUS PA'O, ,DE BZHIN DU DE LAS GZHAN PA'I PHUNG PO DANG KHAMS DANG, SKYE MCHED RNAMS LA YANG RIG PAR BYA'O, , PHYOGS KYIS BSDUS PA GANG ZHE NA, SHAR PHYOGS KYI PHUNG PO DANG KHAMS DANG, SKYE MCHED GANG YIN PA DE RNAMS DE DAG NYID KYIS BSDUS PA'O, ,DE BZHIN DU DE GZHAN PA'I PHYOGS RNAMS LA YANG RIG PAR BYA'O, ,DUS KYIS BSDUS PA GANG ZHE NA, 'DAS PA'I PHUNG PO DANG KHAMS DANG; SKYE MCHED RNAMS NI DE DAG NYID KYIS BSDUS PA'O, ,DE BZHIN DU MA 'ONGS PA DANG DA LTAR BYUNG BA RNAMS KYANG DE DAG NYID KYIS BSDUS PA'O, ,PHYOGS GCIG GIS BSDUS PA GANG ZHE NA, PHUNG PO DANG KHAMS DANG, SKYE MCHED RNAMS KYIS BSDUS PA'I CHOS JI SNYED PA DE DAG GANG YANG RUNG BAS BSDUS PA NI PHYOGS GCIG GIS BSDUS PAR RIG PAR BYA'O, ,MTHA' DAG GIS BSDUS PA GANG ZHE NA, PHUNG PO DANG KHAMS DANG, SKYE MCHED RNAMS KYIS BSDUS PA'I CHOS JI SNYED PA DE DAG MA LUS PAR BSDUS PA NI MTHA' DAG GIS BSDUS PAR RIG PAR BYA'O, ,GCIG @71A *, ,GIS GCIG BSDUS PA GANG ZHE NA, GZUGS KYI PHUNG PO KHAMS DU DANG SKYE MCHED DU DAG GIS BSDUS SHE NA, KHAMS BCU DANG, SKYE MCHED BCU DANG, KHAMS DANG SKYE MCHED GCIG GI PHYOGS GCIG GIS KYANG BSDUS SO, ,TSOR BA'I PHUNG PO KHAMS DU DANG SKYE MCHED DU DAG GIS BSDUS SHE NA, KHAMS DANG SKYE MCHED GCIG GI PHYOGS GCIG GIS BSDUS SO, ,TSOR BA'I PHUNG PO JI LTAR 'DU SHES KYI PHUNG PO DANG, 'DU BYED KYI PHUNG PO'ANG DE BZHIN NO, ,RNAM PAR SHES PA'I PHUNG PO KHAMS DU DANG SKYE MCHED DU DAG GIS BSDUS SHE NA, KHAMS BDUN DANG SKYE MCHED GCIG GIS BSDUS SO, ,MIG GI KHAMS PHUNG PO DU DANG SKYE MCHED DU DAG GIS BSDUS SHE NA, GZUGS KYI PHUNG PO'I PHYOGS GCIG DANG, SKYE MCHED GCIG GIS SO, ,MIG GI KHAMS JI LTA BAR RNA BA'I KHAMS DANG, SNA'I KHAMS DANG, LCE'I KHAMS DANG, LUS KYI KHAMS KYANG DE BZHIN NO, ,GZUGS KYI KHAMS PHUNG PO DU DANG SKYE MCHED DU DAG GIS BSDUS SHE NA, GZUGS KYI PHUNG PO'I PHYOGS GCIG DANG, SKYE MCHED GCIG GIS SO, ,GZUGS KYI KHAMS JI LTAR BAR SGRA'I KHAMS DANG DRI'I KHAMS DANG RO'I KHAMS DANG, REG BYA'I KHAMS KYANG DE BZHIN NO, ,MIG GI RNAM PAR SHES PA'I KHAMS PHUNG PO DU DANG SKYE MCHED DU DAG GIS BSDUS SHE NA, RNAM PAR SHES PA'I PHUNG PO DANG, YID KYI SKYE MCHED KYI PHYOGS GCIG GIS SO, ,MIG GI RNAM PAR SHES PA'I KHAMS JI LTA BAR RNA BA DANG, SNA DANG LCE DANG, LUS DANG; YID KYI RNAM PAR SHES PA'I KHAMS KYANG DE BZHIN NO, ,CHOS KYI KHAMS PHUNG PO DU DANG SKYE MCHED DU DAG GIS BSDUS SHE NA, PHUNG PO GSUM DANG, GCIG GI PHYOGS GCIG DANG, SKYE MCHED GCIG GIS BSDUS SO, ,MIG GI SKYE MCHED PHUNG PO DU DANG KHAMS DU DAG GIS BSDUS SHE NA, GZUGS KYI PHUNG PO'I PHYOGS GCIG DANG, KHAMS GCIG GIS BSDUS SO, ,MIG GI SKYE MCHED JI LTA BAR RNA BA DANG, SNA DANG LCE DANG, LUS KYI SKYE MCHED RNAMS DANG, GZUGS DANG SGRA DANG, DRI DANG RO DANG, REG BYA'I SKYE MCHED RNAMS KYANG DE BZHIN NO, , @71B YID KYI SKYE MCHED PHUNG PO DU DANG KHAMS DU DAG GIS BSDUS SHE NA, PHUNG PO GCIG DANG KHAMS BDUN GYIS SO, ,CHOS KYI SKYE MCHED PHUNG PO DU DANG KHAMS DU DAG GIS BSDUS SHE NA, PHUNG PO GSUM DANG GCIG GI PHYOGS GCIG DANG, KHAMS GCIG GIS BSDUS SO, , DE BZHIN DU DE LAS GZHAN PA'I CHOS PHUNG PO BSTAN PA DANG, KHAMS DANG SKYE MCHED BSTAN PA GANG YIN PA DE DAG DANG GANG DE BZHIN DU MA BSTAN PA 'DI LTA STE, RDZAS SU YOD PA DANG, BTAGS PA'I YOD PA DANG, KUN RDZOB TU YOD PA DANG, DON DAM PAR YOD PA DANG, SHES PAR BYA BA DANG, RNAM PAR SHES PAR BYA BA DANG, MNGON PAR SHES PAR BYA BA DANG, GZUGS CAN DANG, GZUGS CAN MA YIN PA DANG, BSTAN DU YOD PA DANG, BSTAN DU MED PA LA SOGS PA DE DAG KYANG PHUNG PO DANG, KHAMS DANG SKYE MCHED RNAMS KYIS BSDUS PAR JI LTAR MTHUN MTHUN DU RIG PAR BYA STE, DE NI SNGAR BSTAN PA NYID DO, ,DON DAM PAS BSDUS PA GANG ZHE NA, GANG PHUNG PO DANG, KHAMS DANG SKYE MCHED RNAMS KYI DE BZHIN NYID DO, ,DE LTAR BSDUS PA LA MKHAS PAS PHAN YON CI ZHIG 'THOB CE NA, DMIGS PA MNGON PAR BSDUS PA'I PHAN YON 'THOB STE, JI LTA JI LTAR DMIGS PA MNGON PAR SDUD PA DE LTA DE LTAR DGE BA'I RTZA BA MNGON PAR 'PHEL LO, ,MTSUNGS PAR LDAN PA GANG ZHE NA, RNAM PA DRUG TU BLTA STE, THA DAD PA MED PAS MTSUNGS PAR LDAN PA DANG, 'DRES PAR 'GYUR PAS MTSUNGS PAR LDAN PA DANG, PHRAD PAS MTSUNGS PAR LDAN PA DANG, LHAN CIG 'BYUNG BAS MTSUNGS PAR LDAN PA DANG, BYA BA BSGRUBS PAS MTSUNGS PAR LDAN PA DANG, MTHUN PAR RTOGS PAS MTSUNGS PAR LDAN PA'O, ,THA DAD PA MED PAS MTSUNGS PAR LDAN PA GANG ZHE NA, RDUL PHRA RAB KYI PHYOGS LA PHYOGS CAN THAMS CAD THA DAD PA MED PA'O, ,'DRES PAR GYUR PAS MTSUNGS PAR LDAN PA GANG ZHE NA, RDUL PHRA RAB LAS GONG MA PHYOGS CAN RNAMS 'DRES PAR GYUR PA'O, ,PHRAD PAS MTSUNGS PAR LDAN PA GANG ZHE NA, PHYOGS CAN 'DUS PA RNAMS NYID PHAN TSUN PHRAD PA'O, ,LHAN CIG 'BYUNG BAS MTSUNGS @72A *, ,PAR LDAN PA GANG ZHE NA, PHUNG PO DANG KHAMS DANG, SKYE MCHED GANG YIN PA DAG LHAN CIG 'BYUNG BAS 'KHOD PA STE, SKYE BA GCIG PA DANG, GNAS PA'I NGANG GCIG PA DANG, 'GAG PA GCIG PA RNAMS SO, ,BYA BA BSGRUBS PAS MTSUNGS PAR LDAN PA GANG ZHE NA, 'DI LTA STE, DGE SLONG GNYIS RTZOD PA GANG YANG RUNG BA LA MTSUNGS PAR ZHUGS PA LTA BU'O, ,MTHUN PAR RTOGS PAS MTSUNGS PAR LDAN PA GANG ZHE NA, SEMS DANG SEMS LAS BYUNG BA'I CHOS RNAMS DMIGS PA GCIG LA MTHUN PAR RTOGS PA'O, ,MTHUN PAR RTOGS PAS MCHUNGS PAR LDAN PA DE YANG GZHAN GYI DNGOS POS YIN GYI BDAG GI DNGOS POS NI MA YIN NO, ,MTHUN PA GNYIS YIN GYI MI MTHUN PA GNYIS NI MA YIN NO, ,DUS 'DRA BA GNYIS YIN GYI DUS MI 'DRA BA GNYIS NI MA YIN NO, ,MTHUN PA'I KHAMS DANG, SA PA GNYIS YIN GYI MI MTHUN PA'I KHAMS DANG, SA PA GNYIS NI MA YIN NO, ,MTSUNGS PAR LDAN PA KUN TU 'GRO BA NI 'DI LTA STE, TSOR BA DANG 'DU SHES DANG, SEMS PA DANG REG PA DANG, YID LA BYED PA DANG RNAM PAR SHES PA RNAMS SO, ,YANG MTSUNGS PAR LDAN PA KUN TU 'GRO BA NYON MONGS PA CAN NI YID DANG, NYON MONGS PA BZHI PO RNAMS SO, ,RES 'GA' MTSUNGS PAR LDAN PA NI 'DI LTA STE, SEMS LA DAD PA LA SOGS PA DGE BA RNAMS DANG, 'DOD CHAGS LA SOGS PA NYON MONGS PA DANG, NYE BA'I NYON MONGS PA RNAMS SO, ,GNAS SKABS LAS GYUR BA'I MTSUNGS PAR LDAN PA NI BDE BA'I TSOR BA MTSUNGS PAR LDAN PA DANG BCAS PA'I'O, ,SDUG BSNGAL DANG SDUG BSNGAL YANG MA YIN BDE BA YANG MA YIN PA'I YANG DE BZHIN NO, ,RGYUN MI 'CHAD PAR MTSUNGS PAR LDAN PA NI LUS SEMS DANG BCAS PA'I DUS NA'O, ,RGYUN CHAD PA'I MTSUNGS PAR LDAN PA NI SEMS MED PA'I SNYOMS PAR 'JUG PAS BAR DU CHOD PA'I'O, ,PHYI ROL TU BLTAS PA'I MTSUNGS PAR LDAN PA NI 'DOD PA'I KHAMS DANG RAB TU LDAN PA'I SEMS DANG, SEMS LAS BYUNG BA RNAMS LAS PHAL CHER RO, ,NANG DU BLTAS PA'I MTSUNGS PAR LDAN PA NI MNYAM PAR GZHAG PA'I SA BA RNAMS @72B KYI SEMS DANG SEMS LAS BYUNG BA RNAMS LAS PHAL CHER RO, ,'DRIS PA'I MTSUNGS PAR LDAN PA NI SO SO'I SKYE BA RNAMS KYI SEMS DANG SEMS LAS BYUNG BA RNAMS DANG, SLOB PA DANG MI SLOB PA DE DAG LAS KYANG KHA CIG GI'O, ,MA 'DRIS PA'I MTSUNGS PAR LDAN PA NI 'JIG RTEN LAS 'DAS PA RNAMS KYI SEMS DANG SEMS LAS BYUNG BA RNAMS KYI DANG PO DANG DE'I 'OG MA RNAMS DANG, 'JIG RTEN LAS 'DAS PA'I RJES LA THOB PA RNAMS KYI'O, ,MTSUNGS PAR LDAN PA LA MKHAS PAS PHAN YON CI ZHIG 'THOB CE NA, SEMS TZAM LA TSOR BA LA SOGS PA DANG, KUN NAS NYON MONGS PA DANG, RNAM PAR BYANG BA'I CHOS RNAMS KYIS MTSUNGS PAR LDAN PA DANG LDAN PA MA YIN PA SHES SO, ,DE SHES NA BDAG TSOR BAR BYED DO, ,'DU SHES SU BYED DO, ,SEMS PAR BYED DO, ,DRAN PAR BYED DO, ,KUN NAS NYON MONGS SO, ,RNAM PAR BYANG NGO ZHES MNGON PAR ZHEN PA SPANGS ZHING BDAG MED PA LA 'JUG GO, ,LDAN PA GANG ZHE NA, MTSAN NYID KYIS NI SNGA MA BZHIN NO, ,RAB TU DBYE BAS NI SA BON DANG LDAN PA DANG, DBANG DANG LDAN PA DANG, KUN TU 'BYUNG BA DANG LDAN PA'O, ,SA BON DANG LDAN PA GANG ZHE NA, 'DOD PA'I KHAMS SU SKYES PAR GYUR PA NI 'DOD PA'I KHAMS DANG RAB TU LDAN PA'I NYON MONGS PA DANG, NYE BA'I NYON MONGS PA RNAMS DANG, GZUGS DANG GZUGS MED PA DANG RAB TU LDAN PA'I NYON MONGS PA DANG, NYE BA'I NYON MONGS PA RNAMS DANG, SKYE BAS 'THOB PA'I DGE BA RNAMS KYI SA BON DANG LDAN PAS LDAN PA'O, ,GZUGS KYI KHAMS SU SKYES PAR 'GYUR PA NI, 'DOD PA DANG RAB TU LDAN PA'I NYON MONGS PA DANG, NYE BA'I NYON MONGS PA RNAMS KYI SA BON DANG LDAN PAS LDAN PA MA YIN PA ZHES KYANG BYA'O, ,GZUGS DANG RAB TU LDAN PA DANG, GZUGS MED PA DANG RAB TU LDAN PA'I NYON MONGS PA DANG, NYE BA'I NYON MONGS PA RNAMS DANG, SKYE BAS 'THOB PA'I DGE BA RNAMS KYI SA BON DANG LDAN PAS LDAN PA'O, ,GZUGS MED PAR SKYES PAR GYUR PA NI, ,'DOD PA DANG RAB TU LDAN PA DANG, GZUGS DANG RAB TU LDAN PA'I NYON MONGS PA @73A *, ,DANG; NYE BA'I NYON MONGS PA RNAMS KYI SA BON DANG LDAN PA DANG LDAN PA MA YIN PA ZHES KYANG BYA'O, ,GZUGS MED PA DANG RAB TU LDAN PA'I NYON MONGS PA DANG, NYE BA'I NYON MONGS PA RNAMS DANG, SKYE BAS 'THOB PA'I DGE BA RNAMS KYI SA BON DANG LDAN PAS LDAN PA'O, ,KHAMS GSUM PA'I GNYEN PO THOB PA NI, RNAM PA GANG DANG GANG GI GNYEN PO BYUNG BA DE DANG DE'I SA BON DANG LDAN PA MA YIN GYI, GANG GI GNYEN PO MA BYUNG BA DE'I SA BON DANG LDAN PAS LDAN PA'O, ,DBANG DANG LDAN PA GANG ZHE NA, SBYOR BA LAS BYUNG BA'I DGE BA'I CHOS 'JIG RTEN PA RNAMS DANG, 'JIG RTEN LAS 'DAS PA'I BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA LA SOGS PA DANG, LUNG DU MA BSTAN PA DE DAG LAS KYANG KHA CIG NI DBANG DANG LDAN PAS LDAN PA'O; ,KUN TU 'BYUNG BA DANG LDAN PA GANG ZHE NA, PHUNG PO DANG KHAMS DANG SKYE MCHED RNAMS LAS DGE BA'AM MI DGE BA'AM, LUNG DU BSTAN PA'AM, LUNG DU MA BSTAN PA YANG RUNG CHOS GANG DANG GANG MNGON DU GYUR PA DE DANG DE'I KUN TU 'BYUNG BA DANG LDAN PAS LDAN PA'O, ,DGE BA'I RTZA BA CHAD PA NI DGE BA'I CHOS RNAMS KYI SA BON DANG LDAN PAS LDAN PA DANG, LDAN PA MA YIN ZHES KYANG BYA'O, ,KUN NAS NYON MONGS PA DANG GTAN DU LDAN PA NI YONGS SU MYA NGAN LAS MI 'DA' BA'I CHOS CAN GYI 'DOD CHEN PA RNAMS KYI YIN PAR BLTA STE, DE DAG LA THAR PA'I RGYU MED PA'I PHYIR GTAN DU STE, RGYU DANG MI LDAN PA'O, ,LDAN PA LA MKHAS PAS PHAN YON CI ZHIG 'THOB CE NA, CHOS RNAMS KYI 'PHEL BA DANG 'GRIB PA SHES PAR 'GYUR RO, ,DE LTAR 'PHEL BA DANG 'GRIB PA SHES NA, 'JIG RTEN PA'I PHUN SUM TSOGS PA'AM, RGUD PA GANG LA YANG GCIG TU NGES PAR 'DU SHES PAR MI 'GYUR GYI 'DI LTA STE, RJES SU CHAGS PA DANG, KHONG KHRO BA SPONG BAR 'GYUR RO, ,CHOS MNGON PA KUN LAS BTUS PA LAS, MTSAN NYID KUN LAS BTUS PA ZHES BYA BA STE, KUN LAS BTUS PA DANG PO'O,, ,,BAM PO GSUM PA, RNAM PAR @73B NGES PA GANG ZHE NA, BDEN PA RNAM PAR NGES PA DANG, CHOS RNAM PAR NGES PA DANG, 'THOB PA RNAM PAR NGES PA DANG, 'BREL BA'I GTAM RNAM PAR NGES PA'O, ,BDEN PA RNAM PAR NGES PA GANG ZHE NA, 'PHAGS PA'I BDEN PA BZHI PO DAG STE, SDUG BSNGAL DANG, KUN 'BYUNG BA DANG, 'GOG PA DANG, LAM MO, ,SDUG BSNGAL GYI BDEN PA GANG ZHE NA, DE NI SEMS CAN SKYE BA DANG, SKYE BA'I GNAS KYI KYANG RIG PAR BYA'O, ,SEMS CAN SKYE BA GANG ZHE NA, SEMS CAN DMYAL BA RNAMS DANG, DUD 'GRO RNAMS DANG, YI DAGS RNAMS DANG, MI RNAMS DANG, SHAR GYI LUS 'PHAGS DANG, NUB KYI BA LANG SPYOD DANG, 'DZAM BU GLING DANG, BYANG GI SGRA MI SNYAN DANG, RGYAL CHEN BZHI'I RIS KYI LHA RNAMS DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DANG, TSANGS RIS DANG, TSANGS PA'I MDUN NA 'DON DANG, TSANGS CHEN DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG, SPRIN MED DANG, BSOD NAMS SKYES DANG, 'BRAS BU CHE DANG, 'DU SHES MED PA'I SEMS CAN DANG; MI CHE BA DANG, MI GSUNG BA DANG, GYA NOM SNANG DANG, SHIN TU MTHONG DANG, 'OG MIN DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED RNAMS SU SEMS CAN SKYE BA'O, ,SKYE BA'I GNAS GANG ZHE NA, SNOD KYI 'JIG RTEN TE, RLUNG GI DKYIL 'KHOR LA NI CHU'I DKYIL 'KHOR BRTEN TO, ,CHU'I DKYIL 'KHOR LA NI SA'I DKYIL 'KHOR RO, ,SA'I DKYIL 'KHOR LA NI RI RAB DANG GSER GYI RI BDUN DANG, GLING BZHI DANG, BAR GYI GLING BRGYAD DANG, NANG GI RGYA MTSO DANG, PHYI'I RGYA MTSO DANG, RI RAB KYI BANG RIM DANG, RGYAL CHEN BZHI'I RIS DANG, SUM CU RTZA GSUM GYI GNAS GZHAN RNAMS DANG, KHOR YUG GI RI DANG, NAM MKHA' LA GZHAL MED KHANG RNAMS DANG, 'THAB BRAL DANG, DGA' LDAN DANG, 'PHRUL DGA' @74A *, ,DANG; GZHAN 'PHRUL DBANG BYED KYI LHA RNAMS DANG, GZUGS NA SPYOD PA RNAMS DANG, LHA MA YIN GYI GNAS GZHAN DAG DANG, SEMS CAN DMYAL BA PA RNAMS KYI GNAS GZHAN DAG DANG, TSA BA'I SEMS CAN DMYAL BA RNAMS DANG, GRANG BA'I SEMS CAN DMYAL BA RNAMS DANG, NYI TSE BA'I SEMS CAN DMYAL BA RNAMS DANG, DUD 'GRO DANG, YI DAGS DE DAG KHA CIG GI GNAS GZHAN RNAMS DANG, NYI MA RNAM PAR SNANG BYED KUN TU RGYU ZHING PHYOGS SNANG BAR BYED PA JI SNYED PA DE SNYED NI STONG GI 'JIG RTEN NA, ZLA BA STONG DANG, NYI MA STONG DANG, RI'I RGYAL PO RI RAB STONG DANG, SHAR GYI LUS 'PHAGS STONG DANG, 'DZAM BU GLING STONG DANG, NUB KYI BA LANG SPYOD STONG DANG, BYANG GI SGRA MI SNYAN STONG DANG, RGYAL CHEN BZHI'I RIS KYI LHA DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI KHA RNAMS KYI GNAS GZHAN STONG DANG, TSANGS PA'I 'JIG RTEN GYI GNAS GZHAN STONG PO 'DI NI STONG SPYI PHUD KYI 'JIG RTEN GYI KHAMS ZHES BYA'O, ,STONG SPYI PHUD KYI 'JIG RTEN GYI KHAMS STONG GANG YIN PA 'DI NI STONG GNYIS PA BAR MA'I 'JIG RTEN GYI KHAMS ZHES BYA'O, ,STONG GNYIS PA BAR MA'I 'JIG RTEN GYI KHAMS STONG GANG YIN PA 'DI NI STONG GSUM GYI STONG CHEN PO'I 'JIG RTEN GYI KHAMS ZHES BYA'O, ,STONG GSUM GYI STONG CHEN PO'I 'JIG RTEN GYI KHAMS NI KHOR YUG CHEN POS KUN TU BSKOR TO, ,STONG GSUM GYI STONG CHEN PO'I 'JIG RTEN GYI KHAMS 'DI NI MNYAM DU 'JIG CING 'CHAGS SO, ,'DI LTA STE DPER NA CHAR GYI RGYUN GNYA' SHING TZAM 'BAB NA, BAR SNANG LA CHAR GYI RGYUN 'BAB PA RNAMS KYI BAR DANG, MTSAMS MED PA DE BZHIN DU, SHAR PHYOGS KYI 'JIG RTEN GYI KHAMS 'JIG PA DANG 'CHAGS PA RNAMS KYI BAR DANG, MTSAMS MED DE GZHAN DAG NI 'JIG GO, ,GZHAN DAG NI ZHIG NAS 'DUG GO, ,GZHAN DAG NI 'CHAGS SO, ,GZHAN DAG NI CHAGS NAS 'DUG GO, ,SHAR PHYOGS JI LTA BAR PHYOGS BCU THAMS CAD KYANG DE BZHIN NO, ,SEMS CAN GYI 'JIG RTEN GANG @74B YIN PA DANG, SNOD KYI 'JIG RTEN GANG YIN PA LAS DANG NYON MONGS PAS BSKYED PA, LAS DANG NYON MONGS PA'I DBANG GIS BYUNG BA 'DI MTHA' DAG NI SDUG BSNGAL GYI BDEN PA'O, ,YONGS SU DAG PA'I 'JIG RTEN GYI KHAMS DE DAG NI SDUG BSNGAL GYI BDEN PA MA YIN PA BLTA STE, DE DAG LAS DANG NYON MONGS PAS BSKYED PA MA YIN, LAS DANG NYON MONGS PA'I DBANG GIS BYUNG BA MA YIN GYI, ,SMON LAM DANG DGE BA'I RTZA BA'I DBANG GIS BYUNG BA DAG GO, ,DE LTA BAS NA SANGS RGYAS RNAMS KYI SANGS RGYAS KYI SPYOD YUL YIN PA'I PHYIR SKYE BA'I GNAS DE DAG NI BSAM GYIS MI KHYAB STE, DE DAG NI BSAM GTAN PA RNAMS KYI BSAM GTAN GYI YUL YANG MA YIN NA, RTOG GE PA RNAMS KYI YUL MA YIN PA LTA SMOS KYANG CI DGOS, YANG SKYE BA NI SDUG BSNGAL LO, ,RGA BA NI SDUG BSNGAL LO, ,NA BA NI SDUG BSNGAL LO, ,'CHI BA NI SDUG BSNGAL LO, ,MI SDUG PA DANG PHRAD PA NI SDUG BSNGAL LO, ,SDUG PA DANG BRAL BA NI SDUG BSNGAL LO, ,GANG 'DOD PA BTZAL TE MA RNYED PA DE YANG SDUG BSNGAL LO, ,MDOR NA NYE BAR LEN PA'I PHUNG PO LNGA NI SDUG BSNGAL LO, ,CI'I PHYIR SKYE BA SDUG BSNGAL ZHE NA, DOGS PA'I SDUG BSNGAL NYID DANG, DE LAS GZHAN PA'I SDUG BSNGAL GYI GNAS YIN PA'I PHYIR RO, ,CI'I PHYIR RGA BA SDUG BSNGAL ZHE NA, NA TSOD GYUR PA SDUG BSNGAL NYID KYI PHYIR RO, ,CI'I PHYIR NA BA SDUG BSNGAL ZHE NA, KHAMS GYUR PA SDUG BSNGAL NYID KYI PHYIR RO, ,CI'I PHYIR 'CHI BA SDUG BSNGAL ZHE NA, SROG GYUR PA SDUG BSNGAL NYID KYI PHYIR RO, ,CI'I PHYIR MI SDUG PA DANG PHRAD PA SDUG BSNGAL ZHE NA, PHRAD PA SDUG BSNGAL NYID KYI PHYIR RO, ,CI'I PHYIR SDUG PA DANG BRAL BA SDUG BSNGAL ZHE NA, BRAL PA SDUG BSNGAL NYID KYI PHYIR RO, ,CI'I PHYIR GANG 'DOD PA BTZAL TE MA RNYED PA DE YANG SDUG BSNGAL ZHE NA, RE BA 'BRAS BU MED PA SDUG BSNGAL NYID KYI PHYIR RO, ,CI'I PHYIR MDOR NA NYE BAR LEN PA'I PHUNG PO LNGA SDUG BSNGAL ZHE NA, GNAS NGAN LEN SDUG BSNGAL NYID KYI PHYIR RO, ,DE DAG NI BRGYAD YIN YANG DRUG TU 'GYUR RO, ,DRUG YIN YANG BRGYAD DU 'GYUR TE, DOGS PA'I @75A *, ,SDUG BSNGAL DANG, 'GYUR BA'I SDUG BSNGAL DANG, PHRAD PA'I SDUG BSNGAL DANG, BRAL BA'I SDUG BSNGAL DANG, RE BA 'BRAS BU MED PA'I SDUG BSNGAL DANG, GNAS NGAN LEN GYI SDUG BSNGAL LO, ,GANG SDUG BSNGAL NYID GSUM GSUNGS NA, CI SDUG BSNGAL NYID GSUM PO DAG GIS SDUG BSNGAL RNAM PA BRGYAD BSDUS SAM, SDUG BSNGAL RNAM PA BRGYAD KYIS SDUG BSNGAL NYID GSUM BSDUS SHE NA, GCIG GIS GCIG BSDUS TE, SKYE BA'I SDUG BSNGAL DANG, RGA BA'I SDUG BSNGAL DANG, NA BA'I SDUG BSNGAL DANG, 'CHI BA'I SDUG BSNGAL DANG, MI SDUG PA DANG PHRAD PA'I SDUG BSNGAL GANG GSUNGS PA 'DIS NI SDUG BSNGAL GYI SDUG BSNGAL NYID YONGS SU BSTAN TO, ,SDUG PA DANG BRAL BA'I SDUG BSNGAL DANG, GANG 'DOD PA BTZAL TE MA RNYED PA DE YANG SDUG BSNGAL ZHES GANG GSUNGS PA 'DIS NI 'GYUR BA'I SDUG BSNGAL NYID YONGS SU BSTAN TO, ,MDOR NA NYE BAR LEN PA'I PHUNG PO LNGA SDUG BSNGAL LO ZHES GANG GSUNGS PA 'DIS NI 'DU BYED KYI SDUG BSNGAL NYID YONGS SU BSTAN TO, ,KUN RDZOB KYI BDEN PAR SDUG BSNGAL BA DANG, DON DAM PA'I BDEN PAR SDUG BSNGAL BZHES GANG GSUNGS PA LA KUN RDZOB KYI BDEN PAR SDUG BSNGAL BA NI GANG YIN, DON DAM PA'I BDEN PAR SDUG BSNGAL BA NI GANG YIN ZHE NA, SKYE BA'I SDUG BSNGAL NAS 'DOD PA BTZAL TE MA RNYED PA DE YANG SDUG BSNGAL ZHES BYA BA'I BAR NI KUN RDZOB KYI BDEN PAR SDUG BSNGAL BA'O, ,MDOR NA NYE BAR LEN PA'I PHUNG PO LNGA SDUG BSNGAL LO ZHES GSUNGS PA NI DON DAM PA'I BDEN PAR SDUG BSNGAL BA'O, ,SDUG BSNGAL GYI BDEN PA'I SPYI'I MTSAN NYID GANG ZHE NA, MI RTAG PA NYID KYI MTSAN NYID DANG, SDUG BSNGAL BA'I MTSAN NYID DANG, STONG BA'I MTSAN NYID DANG, BDAG MED PA'I MTSAN NYID DO, ,MI RTAG PA'I MTSAN NYID GANG ZHE NA, GANG MED PA'I MTSAN NYID DANG, RNAM PAR 'JIG PA'I MTSAN NYID DANG, 'GYUR BA'I MTSAN NYID DANG, 'BRAL BA'I MTSAN NYID DANG, NYE BA'I MTSAN NYID DANG, CHOS NYID KYI MTSAN NYID DANG, SKAD CIG GI @75B MTSAN NYID DANG, RGYUN GYI MTSAN NYID DANG, NANG LA SOGS PA'I MTSAN NYID DANG, SEMS SNA TSOGS KYI RNAM PAR 'BYUNG BA'I MTSAN NYID DANG, LONGS SPYOD PHUN SUM TSOGS PA RGUD PA'I MTSAN NYID DANG, SNOD 'JIG PA DANG 'CHAGS PA'I MTSAN NYID DO, ,MED PA'I MTSAN NYID GANG ZHE NA; GANG PHUNG PO DANG KHAMS DANG, SKYE MCHED RNAMS LA BDAG DANG, BDAG GI DUS RTAG TU MED PA'O, ,RNAM PAR 'JIG PA'I MTSAN NYID GANG ZHE NA, GANG 'DU BYED SKYES PA RNAMS KYI RNAM PAR 'JIG PA'O, ,'GYUR BA'I MTSAN NYID GANG ZHE NA, GANG 'DU BYED RNAMS GZHAN DANG GZHAN DU 'GYUR BA'O, ,'BRAL BA'I MTSAN NYID GANG ZHE NA, GANG 'DU BYED RNAMS LA DBANG BYED PA NYAMS PA DANG, GZHAN DAG GIS BDAG GIR BYAS PA'O, ,NYE BA'I MTSAN NYID GANG ZHE NA, MI RTAG PA NYID KYIS NON PA'O, ,CHOS NYID KYI MTSAN NYID GANG ZHE NA, MI RTAG PA NYID 'BYUNG BA RGYUS 'BREL PA'O, ,SKAD CIG GI MTSAN NYID GANG ZHE NA, 'DU BYED RNAMS SKAD CIG GCIG LAS PHAN CHAD DU MI GNAS PA'O, ,RGYUN GYI MTSAN NYID GANG ZHE NA, THOG MA MED PA'I DUS KYI 'DU BYED RNAMS KYI SKYE BA'I RGYUN MI 'CHAD PA'O, ,NAD LA SOGS PA'I MTSAN NYID GANG ZHE NA, KHAMS DANG, NA TSOD DANG, SROG RNAMS 'GYUR BA'O, ,SEMS SNA TSOGS KYI RNAM PAR 'BYUNG BA'I MTSAN NYID GANG ZHE NA, RES 'GA' 'DOD CHAGS DANG BCAS PA'I SEMS DANG, RES 'GA' 'DOD CHAGS DANG BRAL BA DANG, DE BZHIN DU ZHE SDANG DANG BCAS PA DANG; ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, BSDUS PA DANG, G-YENGS PA DANG, BYING BA DANG, RAB TU GZUNG BA DANG, RGOD PA DANG, MI RGOD PA DANG, NYE BAR MA ZHI BA DANG, NYE BAR MA ZHI BA DANG, NYE BAR ZHIG BA DANG, MNYAM PAR GZHAG PA DANG, MNYAM PAR MA BZHAG PA LA SOGS PA'I RNAM PAR SEMS KYI 'BYUNG BA GANG YIN PA'O, ,LONGS SPYOD 'BYOR BA RGUD PA'I MTSAN NYID GANG ZHE NA, 'BYOR BA THAMS CAD KYI MTHA' NI RGUD PA NYID DO, ,SNOD 'JIG PA DANG 'CHAGS PA'I MTSAN NYID GANG ZHE NA, 'JIG PAR BYED PA GSUM STE, ME DANG, @76A *, ,CHU DANG, RLUNG NGO, ,'JIG PA NA BSDUS PA GSUM STE, BSAM GTAN GNYIS PA DANG, GSUM PA DANG, BZHI PA'O, ,BSAM GTAN BZHI PA LA NI GZHAL MED KHANG RNAMS DANG LHAN CIG 'BYUNG BA DANG, LHAN CIG 'GAGS PAS 'JIG CING 'CHAGS SO, , BSKAL PA BAR MA GSUM STE, MU GE'I BSKAL PA BAR MA DANG, NAD KYI BSKAL PA BAR MA DANG, MTSON CHA'I BSKAL PA BAR MA STE, DE DAG GIS BSKAL PA TSAR PHYIN PAR 'GYUR RO, ,MAR 'BRI BA BAR GYI BSKAL PA GCIG DANG, YAR 'PHEL BA DANG MAR 'BRI BA BCVA BRGYAD DANG, YAR SKYE BA GCIG STE, BAR GYI BSKAL PA NYI SHUR 'JIG RTEN 'JIG GO, ,BAR GYI BSKAL PA NYI SHUR 'JIG RTEN ZHIG PAR 'DUG GO, ,BAR GYI BSKAL PA NYI SHUR 'JIG RTEN 'CHAGS SO, ,BAR GYI BSKAL PA NYI SHUR 'JIG RTEN CHAGS NAS 'DUG GO, ,DE DAG NI BAR GYI BSKAL PA BRGYAD CU STE, DE NI BSKAL PA CHEN PO'O, ,BSKAL PA BGRANG BA'I TSUL DES GZUGS NA SPYOD PA RNAMS DANG, GZUGS MED PA NA SPYOD PA'I LHA RNAMS KYI TSE'I TSAD DO, ,SEMS CAN DE DAG GI TSE ZAD CING BSOD NAMS ZAD LA LAS KYANG ZAD NAS, GNAS DE NAS SHI 'PHO BAR 'GYUR RO, ,TSE ZAD PAS JI LTA BU ZHE NA, 'CHI BA'I DUS LA BAB PA'O, ,BSOD NAMS ZAD PAS JI LTA BU ZHE NA, DUS MA YIN PAR 'CHI BA STE, 'DI LTAR SEMS CAN DE DAG SNYOMS PAR 'JUG PA'I RO MYANG BAS BSOD NAMS ZAD PAR 'GYUR TE, DES NA DUS LA MA BAB KYANG 'CHI'O, ,LAS ZAD PAS JI LTA BU ZHE NA, DER SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I LAS YONGS SU GTUGS PA'O, ,SDUG BSNGAL GYI MTSAN NYI GANG ZHE NA, SDUG BSNGAL NYID GSUM DANG, SDUG BSNGAL RNAM PA BRGYAD NI SDUG BSNGAL ZHES BYA BA'O, ,CI'I PHYIR GANG MI RTAG PA DE SDUG BSNGAL ZHES GSUNGS SHE NA, MI RTAG PA NYID NI GNYIS KYI CHAR GTOGS PA STE, SKYE BA'I CHAR GTOGS PA DANG, 'JIG PA'I CHAR GTOGS PA'O, ,SKYE BA'I CHAR GTOGS PA'I MI RTAG PA NYID LA BRTEN NAS SDUG BSNGAL GYI @76B SDUG BSNGAL NYID RAB TU SHES SO, ,'JIG PA'I CHAR GTOGS PA'I MI RTAG PA NYID LA BRTEN NAS 'GYUR BA'I SDUG BSNGAL NYID RAB TU SHES SO, ,DE GNYI GA'I CHAR GTOGS PA'I MI RTAG PA NYID LA BRTEN NAS 'DU BYED KYI SDUG BSNGAL NYID RAB TU SHES SO, ,DE LA DGONGS TE BCOM LDAN 'DAS KYIS NGAS 'DU BYED MI RTAG PA NYID DANG, 'DU BYED 'GYUR BA NYID LA DGONGS NAS, GANG CI TSOR YANG RUNG, 'DI NI 'DIR SDUG BSNGAL DU GSUNGS SO ZHES BKA' STZAL TO, ,YANG SKYE BA DANG 'JIG PA'I CHOS NYID DANG RJES SU 'BREL BA'I 'DU BYED RNAMS LA SKYE BA LA SOGS PA SDUG BSNGAL BRGYAD MNGON TE, DE'I PHYIR SDUG BSNGAL ZHES BYA'O, ,STONG PA'I MTSAN NYID GANG ZHE NA, GANG LA GANG MED PA DE NI DES STONG PAR YANG DAG PAR RJES SU MTHONG BA STE, 'DI LA LHAG MA GANG YIN PA DE NI 'DIR YOD PA'O ZHES YANG DAG PA JI LTA BA BZHIN DU RAB TU SHES SO, , 'DI NI STONG PA NYID LA 'JUG PA YANG DAG PA'I LTA BA STE, PHYIN CI MA LOG PA ZHES BYA'O, ,GANG NA CI ZHIG MED CE NA, PHUNG PO DANG KHAMS DANG SKYE MCHED RNAMS LA RTAG PA DANG BRTAN PA DANG THER ZUG PA DANG MI 'GYUR BA'I CHOS CAN DANG BDAG DANG BDAG GI MED DO, ,DE LTA BAS NA DE DAG NI DES STONG NGO, ,DE LA LHAG MA YOD PA CI ZHIG CE NA, GANG BDAG MED PA DE NYID DE, DE LTAR BDAG NI MED KYI BDAG MED PA NI YOD PAR STONG PA NYID KHONG DU CHUD PAR BYA'O, ,'DI LAS DGONGS NAS BCOM LDAN 'DAS KYIS YOD PA YANG YOD PAR, MED PA YANG MED PAR YANG DAG PA JI LTA BA BZHIN DU RAB TU SHES SO, ,ZHES GSUNGS SO, ,YANG STONG PA NYID RNAMS PA GSUM STE, NGO BO NYID KYIS STONG PA NYID DANG, DE BZHIN DU YOD PA MA YIN PA'I STONG PA NYID DANG, RANG BZHIN GYI STONG PA NYID DO, ,DANG PO NI KUN BRTAGS PA'I NGO BO NYID NYE BAR GZUNG BAR BLTA'O, , GNYIS PA NI GZHAN GYI DBANG GI NGO BO NYID NYE BAR GZUNG BA'O, ,GSUM PA NI YONGS SU GRUB PA'I NGO BO NYID NYE BAR GZUNG BAR BLTA'O, ,BDAG MED PA'I MTSAN NYID GANG ZHE NA, JI LTAR BDAG TU SMRA BA RNAMS KYIS BDAG TU BTAGS PA'I MTSAN NYID DES, PHUNG PO DANG KHAMS DANG @77A *, ,SKYE MCHED RNAMS MTSAN NYID DANG BRAL BA'O, ,PHUNG PO DANG KHAMS DANG SKYE MCHED RNAMS NI BDAG GI MTSAN NYID KYIS BDAG MED PA'O, ,'DI LA DGONGS NAS BCOM LDAN 'DAS KYIS CHOS THAMS CAD BDAG MED PA'O ZHES GSUNGS SO, ,BCOM LDAN 'DAS KYIS 'DI DAG THAMS CAD NI NGA'I BA MED DO, ,'DI NI NGA MA YIN PA'O, ,'DI NI NGA'I BDAG MA YIN PA STE, DE NI 'DI BZHIN NO ZHES YANG DAG PA'I SHES RAB KYIS YANG DAG PA JI LTA BA BZHIN DU BLTA BAR BYA'O, ,ZHES GSUNGS PA 'DI'I DON CI ZHE NA, PHYI'I DNGOS PO 'DI NI BDAG GI MA YIN NO, , NANG GI DNGOS PO 'DI NI NGA MA YIN NO, ,'DI NI NGA'I BDAG MA YIN PA'O ZHES BYA BAR DGONGS NAS GSUNGS PA STE, 'DI LTAR PHYI'I DNGOS PO LA NI BDAG GI RNAM PAR DANG, NANG LA NI BDAG DANG BDAG GI RNAM PAR BKAG GO, ,SKAD CIG GI MTSAN NYID NI MI RTAG PA NYID DO ZHES GSUNGS PA DE JI LTA BU ZHE NA, JI LTAR SEMS DANG SEMS LAS BYUNG BA SKAD CIG MA YIN PA DE LTAR GZUGS KYANG SKAD CIG PAR BLTA STE, SEMS KYIS ZIN PA DANG SEMS DANG GRUB PA DANG BDE BA GCIG PA DANG, SEMS 'GYUR NA DE 'GYUR BA DANG, SEMS KYI GNAS YIN PA DANG, SEMS KYI DBANG GIS BYUNG BA DANG, SEMS DBANG SGYUR BA'I PHYIR RO, ,YANG MTHAR 'GYUR BAR DMIGS PA DANG, SKYES NAS KYANG RKYEN LA MI LTOS PAR RANG GI NGANG GIS RNAMS PAR 'JIG PA'I PHYIR GZUGS KYANG SKAD CIG PA NYID DU BLTA'O, ,GZUGS GANG YIN PA CI YANG RUNG STE, DE THAMS CAD 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA'O, ,ZHES GANG GSUNGS PA DE CI LAS DGONGS TE GSUNGS SHE NA, SRID PA LA DGONGS NAS GSUNGS SO, ,PHYOGS GCIG LA BRTEN PA'I DNGOS PO'I DON NI RGYUR BYAS PA'I DON TE, 'DUS PA GANG LAS 'BYUNG BA GANG DMIGS PA DE NI DE NA YOD DO ZHES BRJOD PAR BYA'O, ,'BYUNG BA GCIG LAS GYUR PA'I 'DUS PA YANG YOD, 'BYUNG BA GNYIS LAS GYUR PA YOD PA NAS, 'BYUNG BA THAMS CAD LAS GYUR BA YANG YOD DO, ,RGYUR BYAS PA'I GZUGS LA YANG RGYUR BYAS PA'I GZUGS GANG 'DUS PA GANG LA DMIGS PA DE NI @77B DE NA YOD PA'O ZHES RIG PAR BYA'O, ,RDUL PHRA RAB BSAGS PA NI GZUGS 'DUS PA'O ZHES GANG BRJOD PA DE LA RDUL PHRA RAB LUS MED PAR RIG PAR BYA'O, ,BLOS MTHAR RAB TU PHYE NAS RDUL PHRA RAB TU RNAM PAR GZHAG STE, RIL PO'I 'DU SHES RNAMS PAR GZHIG PA DANG, GZUGS LA RDZAS SU YONGS SU GRUB PA MED PAR 'JUG PAR BYA BA'I PHYIR RO, ,YANG SDUG BSNGAL 'DI NI SHIN TU RGYAS LA MA BSRABS PA DANG, BSRABS PA DANG, BSRABS PA YANG MA YIN LA MA BSRABS PA'ANG YIN PA YANG YOD, BAR MA MA BSRABS PA YANG YOD, BSRABS LAM BSRABS PA YANG YOD, CHES BSRABS LA BSRABS PA YANG YOD, SHIN TU CHES BSRABS LA BSRABS PA YANG YOD, SDUG BSNGAL MA YIN LA SDUG BSNGAL DU SNANG ZHING BSRABS PA CHEN POR NYE BAR GNAS PA YANG YOD DO, ,SDUG BSNGAL SHIN TU RGYAS LA MA BSRABS PA GANG ZHE NA, GANG 'DOD PA NA SPYOD PA DGE BA'I RTZA BA MA BSAGS PA RNAMS KYI'O, ,BSRABS PA GANG ZHE NA, DE NYID THAR PA'I CHA DANG MTHUN PA SKYES PA RNAMS KYI'O, ,BSRABS PA YANG YIN LA MA BSRABS PA YANG YIN PA GANG ZHE NA, DE NYID 'JIG RTEN PAS 'DOD CHAGS DANG BRAL BA BA NYID DU BYA BA'I PHYIR DGE BA'I RTZA BA BSAGS PA RNAMS KYI'O, , BAR MA MA BSRABS PA GANG ZHE NA, GZUGS KYI KHAMS SU SKYES PA THAR PA'I CHA DANG MTHUN PA RNAM PAR SPANGS PA RNAMS KYI'O, ,BSRABS LA MA BSRABS PA GANG ZHE NA, GZUGS MED PAR SKYES PAR THAR PA'I CHA DANG MTHUN PA RNAMS PAR SPANGS PA RNAMS KYI'O, ,CHES BSRABS LA BSRABS PA GANG ZHE NA; GANG SLOB PA RNAMS KYI'O, ,SHIN TU CHES BSRABS LA BSRABS PA GANG ZHE NA, GANG MI SLOB PA RNAMS KYI SROG GI DBANG PO'I RKYEN GYI MING DANG GZUGS SO, ,SDUG BSNGAL MA YIN LA SDUG BSNGAL DU SNANG ZHING BSRABS PA CHEN POR NYE BAR GNAS PA GANG ZHE NA, GANG BYANG CHUB SEMS DPA' DAM PA'I PHA ROL TU PHYIN PA THOB PA RNAMS KYI STE, BSAMS BZHIN DU SRID PAR SKYE BA'I PHYIR RO, ,'CHI BA SDUG BSNGAL LO ZHES GANG GSUNGS PA DE LA 'CHI BA RNAM PA GSUM STE, DGE BA'I SEMS YOD PA DANG, MI DGE BA'I SEMS YOD PA DANG, LUNG DU MA BSTAN PA'I SEMS YOD PA @78A *, ,STE; RANG GI DGE BA'I RTZA BA'I STOBS BSKYED PAS SAM, GZHAN GYIS BSGRUBS PAS KYANG RUNG STE, SEMS KYI RGYU BA GSAL BA NI DGE BA'I SEMS YOD PA'I 'CHI BAR BLTA'O, ,RANG GI MI DGE BA'I SEMS BSKYED PAS SAM, GZHAN GYIS BSGRUBS PAS KYANG RUNG STE, SEMS RGYU BA GSAL BA NI MI DGE BA'I SEMS YOD PA'I 'CHI BAR BLTA'O, ,SEMS KYI RGYU BA GSAL YANG RUNG MI GSAL YANG RUNG RKYEN DE GNYI GA MA TSANG BA'I PHYIR MNGON PAR 'DU BYED MI NUS PA YANG RUNG STE, LUNG DU MA BSTAN PA'I SEMS YOD PA'I 'CHI BAR BLTA'O, ,DGE BA BYED PA'I LUS NI THOB MA NYID SMAD GRANG BAR 'GYUR, MI DGE BA BYED PA'I LUS NI STOD GRANG BAR 'GYUR RO, ,DE LA MI DGE BA BYED PA'I BAR MA DO'I SRID PA MNGON PAR 'GRUB PA NI, DPER NA PHYAR BA NAG PO'AM, MTSAN MO MUN PA MUN NAG TU SNANG BA LTA BU'O, ,DGE BA BYED PA NI DPER NA SNAM BU DKAR PO'AM, ZLA BA'I 'OD DANG BCAS PA'I MTSAN MOR SNANG BA LTA BU'O, ,BAR MA DO'I SRID PA NI 'DOD PA'I KHAMS DANG GZUGS KYI KHAMS SU SKYE BA NA'O, ,GZUGS MED PA NAS NI 'CHI 'PHO BA NA'O, ,DE NI YID LAS BYUNG BA DANG DRI ZA ZHES KYANG BYA'O, ,DE LTAR THOGS NA ZHIG BDUN GNAS TE, DE TSUN CHAD KYIS 'CHI 'PHO'O, ,JI STE NA LDOG GO, ,DE NA GNAS PA YANG LAS SOG GO, ,SKAL PA MNYAM PA'I SEMS CAN RNAMS KYANG MTHONG NGO, ,GANG DU SKYE BAR 'GYUR BA DE'I BYAD GZUGS SO, ,'GRO BA LA THAGS THOGS MED DO, ,RDZU 'PHRUL DANG LDAN PA BZHIN DU MYUR DU 'GRO ZHING SKYE BA'I GNAS SU THOGS SO, ,SRANG MDA'I MTHON DMAN GYI TSUL DU 'CHI 'PHO ZHING NYID MTSAMS SBYOR RO, ,BAR MA DO'I SRID PA NA GNAS PA NI SKYE BA'I GNAS LA 'DOD CHAGS BSKYED DE, ,DE LAS GZHAN PA'I NYON MONGS PA NI RKYEN DU 'GYUR RO, ,'DOD CHAGS DANG BCAS PAR BAR MA DO'I SRID PA 'GAG CING NUR NUR PO RNAM PAR SHES PA DANG BCAS PA 'BYUNG STE, DE NI RNAM PAR SMIN PA'O, ,DE'I 'OG TU RTEN CING 'BREL PAR 'BYUNG BA LAS JI SKAD 'BYUNG BA BZHIN, SKYE GNAS BZHI PO SGO NGA LAS SKYE BA DANG, MNGAL NAS SKYE BA DANG, DROD GSHER LAS @78B SKYE BA DANG, BRDZUS TE SKYE BAR DBANG PO MGON PAR 'GRUB BO, ,KUN 'BYUNG BA'I BDEN PA GANG ZHE NA, NYON MONGS PA DANG, NYON MONGS PA'I DBANG GIS BYUNG BA'I LAS SO, ,GTZO BOR BSTAN PA NI, ,BCOM LDAN 'DAS KYIS SRED PA YANG 'BYUNG BA CAN DGA' BA'I 'DOD CHAGS DANG LDAN PA DE DANG DER MNGON PAR DGA' BA LA KUN 'BYUNG BA'I BDEN PAR BSTAN PAS BSTAN TO, ,GTZO BO'I DON GANG ZHE NA, GANG THAMS CAD DU 'GRO BA'I DON TO, ,THAMS CAD DU 'GRO BA'I DON GANG ZHE NA, 'DI LTAR SRED PA DNGOS PO THAMS CAD DU 'GRO BA DANG, GNAS SKABS THAMS CAD DU 'GRO BA DANG, DUS THAMS CAD DU 'GRO BA DANG, KHAMS THAMS CAD DU 'GRO BA DANG, TSOR BA THAMS CAD DU 'GRO BA DANG, RNAM PA THAMS CAD DU 'GRO BA'O, ,NYON MONGS PA GANG ZHE NA, GRANGS DANG, MTSAN NYID DANG, 'BYUNG BA DANG, DMIGS PA DANG, MCHUNGS PAR LDAN PA DANG, RNAM GRANGS DANG, LOG PAR ZHUGS PA DANG, KHAMS DANG, RIS DANG, SPONG BAS KYANG NYON MONGS PAR BLTA'O, ,GRANGS GANG ZHE NA, NYON MONGS PA DRUG GAM BCU'O, ,NYON MONGS PA DRUG GANG ZHE NA, 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, THE TSOM DANG, LTA BA'O, ,DE DAG NYID LTA BA RNAMS PA LNGA'I BYE BRAG GIS BCUR 'GYUR RO, ,MTSAN NYID GANG ZHE NA, CHOS GANG 'BYUNG BA NA RAB TU MA ZHI BA'I MTSAN NYID DU 'BYUNG STE, DE BYUNG BAS SEMS KYI RGYUD RAB TU MA ZHI BAR 'BYUNG BA DE NYON MONGS PA'I MTSAN NYID DO, , 'BYUNG BA GANG ZHE NA, NYON MONGS PA'I BAG LA NYAL MA SPANGS PAR GYUR PA DANG, NYON MONGS PA'I GNAS KYI CHOS KYANG SNANG BAR GYUR PA DANG, DE LA YANG TSUL BZHIN MA YIN PA YID LA BYED PA NYE BAR GNAS PA YIN TE, DE LTA BU LAS NYON MONGS PA 'BYUNG BAR 'GYUR RO, ,DMIGS PA GANG ZHE NA, NYON MONGS PA THAMS CAD NI NYON MONGS PA THAMS CAD KYI DMIGS PAR BLTA'O, ,NYON MONGS PA'I GZHI YANG DMIGS PA'O, ,MA RIG PA DANG, LTA BA DANG, THE TSOM MA GTOGS PAR 'DOD PA NA SPYOD PA'I NYON MONGS PA NI SA GONG MA LA MI DMIGS SO, ,SA GONG MA PA'I NYON @79A *, ,MONGS PA NI SA 'OG MA LA DMIGS PA MA YIN NO, ,'GOG PA DANG LAM LA DMIGS PA'I NYON MONGS PA GANG YIN PA DE NI DE DAG LA DMIGS PA MA YIN PAR BLTA STE, DE'I DMIGS PA NI DES YONGS SU RTOG PA'O, ,GZHI MED PA LA DMIGS PA'I NYON MONGS PA NI LTA BA DANG MTSUNGS PAR LDAN PA'O, ,DE LAS GZHAN PA NI GZHI DANG BCAS PA LA DMIGS PA'O, ,MTSUNGS PAR LDAN PA GANG ZHE NA, 'DOD CHAGS NI KHONG KHRO BA DANG MTSUNGS PAR LDAN PA MA YIN NO, ,KHONG KHRO BA DANG JI LTA BAR THE TSOM DANG YANG DE BZHIN NO, ,LHAG MA NI DE DANG MTSUNGS PAR LDAN NO, ,'DOD CHAGS DANG KHONG KHRO BA JI LTA BA DE BZHIN DU KHONG KHOR BA YANG 'DOD CHAGS DANG NGA RGYAL DANG LTA BA DANG MTSUNGS PAR LDAN PA MA YIN NO, ,NGA RGYAL NI KHONG KHRO BA DANG THE TSOM DANG MTSUNGS PAR LDAN PA MA YIN NO, MA RIG PA NI NYON MONGS PA THAMS CAD DANG MTSUNGS PAR LDAN PA DANG MA 'DRES PA YANG YIN NO, ,MA 'DRES PA NI BDEN PA RNAMS MI SHES PA'O, ,LTA BA NI KHONG KHRO BA DANG THE TSOM DANG MTSUNGS PAR LDAN PA MA YIN NO, ,THE TSOM NI 'DOD CHAGS DANG NGA RGYAL DANG LTA BA DANG MTSUNGS PAR LDAN PA MA YIN NO, ,KHRO BA LA SOGS PA NYE BA'I NYON MONGS PA RNAMS NI PHAN TSUN MTSUNGS PAR LDAN PA MA YIN NO, ,NGO TSA MED PA DANG KHREL MED PA NI MI DGE BA THAMS CAD DANG MTSUNGS PAR LDAN NO, ,RMUGS PA DANG, RGOD PA DANG, MA DAD PA DANG, LE LO DANG, BAG MED PA NI NYON MONGS PA CAN THAMS CAD DANG MTSUNGS PAR LDAN NO, ,RNAM GRANGS GANG ZHE NA, KUN TU SBYOR BA DANG, 'CHING BA DANG, BAG LA NYAL DANG, NYE BA'I NYON MONGS PA DANG, KUN NAS DKRIS PA DANG, CHU BO DANG, SBYOR BA DANG, NYE BAR LEN PA DANG, MDUD PA DANG, SGRIB PA DANG, THA BA DANG, DRI MA DANG, SDIG PA DANG, ZUG RDU DANG, CI YANG DANG, NYES PAR SPYOD PA DANG, ZAG PA DANG, PHONGS PA DANG, YONGS SU GDUNG PA DANG, 'KHRUG PA DANG, 'THAB PA DANG, RIMS NAD DANG, NAGS SBYOR DANG, GAGS ZHES BYA BA DAG GO, ,KUN TU SBYOR BA RNAMS NI DU ZHIG, JI LTAR GANG DU SBYOR ZHE NA, KUN TU SBYOR @79B BA DGU STE, RJES SU CHAGS PA'I KUN TU SBYOR BA DANG, KHONG KHRO BA'I KUN TU SBYOR BA DANG, NGA RGYAL GYI KUN TU SBYOR BA DANG, MA RIG PA'I KUN TU SBYOR BA DANG, LTA BA'I KUN DANG SBYOR BA DANG, MCHOG TU 'DZIN PA'I KUN TU SBYOR BA DANG, THE TSOM GYI KUN TU SBYOR BA DANG, ,PHRAG DOG GI KUN TU SBYOR BA DANG, SER SNA'I KUN TU SBYOR BA'O, ,RJES SU CHAGS PA'I KUN TU SBYOR BA NI KHAMS GSUM PA'I 'DOD CHAGS SO, ,RJES SU CHAGS PA'I KUN TU SBYOR BA DANG, LDAN PA NI KHAMS GSUM PA LA YID 'BYUNG BAR MI 'GYUR RO, ,YID MI 'BYUNG BAS MI DGE BA SPYOD CING DGE BA MI SPYOD DO, ,DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG KUN TU SBYOR RO, ,KHONG KHRO BA'I KUN TU SBYOR BA NI SEMS CAN DANG SDUG BSNGAL DANG SDUG BSNGAL GYI GNAS KYI CHOS RNAMS LA SEMS KYI KUN NAS MNAR SEMS PA'O, ,KHONG KHRO BA'I KUN TU SBYOR BA DANG LDAN PA NI KHONG KHRO BA'I RGYU LAS SEMS YAL BAR MI 'DOR TE, DES NA MI DGE BA SPYOD CING DGE BA MI SPYOD DO, ,DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,NGA RGYAL GYI KUN TU SBYOR BA NI NGA RGYAL BDUN TE, NGA RGYAL DANG, CHE BA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, CUNG ZAD SNYAM PA'I NGA RGYAL DANG, LOG PA'I NGA RGYAL LO, ,NGA RGYAL GANG ZHE NA, CHUNG NGU BAS BDAG CHE BA'AM, MTSUNGS PA DANG MTSUNGS SO SNYAM DU SEMS KHENGS PA GANG YIN PA'O, ,CHE BA'I NGA RGYAL GANG ZHE NA, MTSUNGS PA BAS BDAG CHE BA'AM, CHE BA DANG MTSUNGS SO SNYAM DU SEMS KHENGS PA GANG YIN PA'O, ,NGA RGYAL LAS KYANG NGA RGYAL GANG ZHE NA, CHE BA BAS KYANG BDAG CHES CHE'O SNYAM DU SEMS KHENGS PA GANG YIN PA'O, ,NGA'O SNYAM PA'I NGA RGYAL GANG ZHE NA, NYE BAR LEN PA'I PHUNG PO LNGA RNAMS LA BDAG GAM BDAG GIR YANG DAG PAR RJES SU LTA BA'I SEMS KHENGS PA GANG YIN PA'O, ,MNGON PA'I NGA RGYAL GANG ZHE NA, GONG MA'I KHYAD PAR THOB PAR BYA BA MA THOB PAR BDAG GIS THOB BO SNYAM DU SEMS KHENGS PA GANG YIN PA'O, ,CUNG ZAD SNYAM PA'I NGA RGYAL @80A *, ,GANG ZHE NA, CHES 'PHAGS PA BAS BDAG CUNG ZAD GCIG GIS CHUNG NGO SNYAM DU SEMS KHENGS PA GANG YIN PA'O, ,LOG PA'I NGA RGYAL GANG ZHE NA, YON TAN MA YIN PA DANG LDAN PA LA, BDAG YON TAN DANG LDAN NO SNYAM DU SEMS KHENGS PA GANG YIN PA'O, ,NGA RGYAL GYI KUN TU SBYOR BA DANG LDAN PA NI NGAR 'DZIN PA DANG, NGA YIR 'DZIN PA YONGS SU MI SHES SO, ,YONGS SU MA SHES NA NGAR 'DZIN PA DANG NGA YIR 'DZIN PA LA MNGON PAR ZHEN NAS MI DGE BA SPYOD CING DGE BA MI SPYOD DE, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, , MI RIG PA'I KUN TU SBYOR BA NI KHAMS GSUM PA'I MI SHES PA'O, ,MA RIG PA'I KUN TU SBYOR BA DANG LDAN PA NI SDUG BSNGAL GYI CHOS RNAMS DANG KUN 'BYUNG BA'I CHOS RNAMS LA LHAG PAR CHAGS SO, ,DE DAG LA LHAG PAR CHAGS PAS MI DGE BA SPYOD CING DGE BA MI SPYOD DO, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,LHA BA'I KUN TU SBYOR BA NI LTA BA GSUM STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA'O, ,LTA BA'I KUN TU SBYOR BA DANG LDAN PA NI LOG PAS NGES PAR 'BYUNG BA YONGS SU TSOL LO, ,MNGON PAR ZHEN TO, ,LOG PAS NGES PAR 'BYUNG BA LA MNGON PAR ZHEN PAS MI DGE BA SPYOD CING DGE BA MI SPYOD DE, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,MCHOG TU 'DZIN PA'I KUN TU SBYOR BA NI LTA BA MCHOG TU 'DZIN PA DANG, TSUL KHRIMS DANG, BRTUL ZHUGS MCHOG TU 'DZIN PA'O, ,MCHOG TU 'DZIN PA'I KUN TU SBYOR BA DANG LDAN PA NI LOG PAS NGES PAR 'BYUNG BA'I THABS LA MNGON PAR ZHEN PAS MI DGE BA SPYOD CING DGE BA MI SPYOD DO, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,THE TSOM GYI KUN TU SBYOR BA NI BDEN PA RNAMS LA YID GNYIS ZA BA'O, ,THE TSOM GYI KUN TU SBYOR BA DANG LDAN PA NI SANGS RGYAS DKON MCHOG LA SOM NYI ZA ZHING, CHOS DKON MCHOG DANG DGE 'DUN DKON MCHOG LA SOM NYI ZA BA'O, ,DKON MCHOG RNAMS LA SOM NYI ZA BAS LEGS PAR BSGRUB PAR MI 'GYUR RO, , @80B DKON MCHOG RNAMS LA LEGS PAR MI BSGRUB PAS MI DGE BA SPYOD CING DGE BA MI SPYOD DE, DES PHYI MA LA SDUG BSNGAL MNGON PAR 'GRUB PAR BYED PAS SANGS RGYAS DANG SBYOR RO, ,PHRAG DOG GI KUN TU SBYOR BA NI RNYED PA DANG BKUR STI LA LHAG PAR CHAGS PAS PHA ROL GYI PHUNG SUM TSOGS PA LA MI BZOD PAR BYAS PA'I SEMS KHONG NAS 'KHRUG PA'O, ,PHRAG DOG GI KUN TU SBYOR BA DANG LDAN PA NI RNYED PA DANG BKUR STI GCES SU 'DZIN PA YIN GYI CHOS GCES SU 'DZIN PA MA YIN NO, ,RNYED PA DANG BKUR STI GCES SU 'DZIN PAS MI DGE BA SPYOD CING DGE BA MI SPYOD DE, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,SER SNA'I KUN TU SBYOR BA NI RNYED PA DANG BKUR STI LA LHAG PAR CHAGS PA NYID YOD BYED RNAMS LA SEMS KUN TU 'DZIN PA'O, ,SER SNA'I KUN TU SBYOR BA DANG LDAN PA NI SOGS PA GCES SU 'DZIN PA YIN GYI YO BYED BSNYUNGS PA GCES SU 'DZIN PA MA YIN TE, SOGS PA GCES SU 'DZIN PAS MI DGE BA SPYOD CING DGE BA MI SPYOD DE, DES PHYI MA LA SDUG BSNGAL MNGON PAR 'GRUB PAR BYED PAS SDUG BSNGAL DANG SBYOR RO, ,'CHING BA NI GSUM STE, 'DOD CHAGS KYI 'CHING BA DANG, ZHE SDANG GI 'CHING BA DANG; GTI MUG GI 'CHING BA'O, ,'DOD CHAGS KYI 'CHING BAS NI 'GYUR BA'I SDUG BSNGAL NYID LA 'CHING BAR 'GYUR RO, ,ZHE SDANG GI 'CHING BAS NI SDUG BSNGAL GYI SDUG BSNGAL NYID LA 'CHING BAR 'GYUR RO, ,GTING MUG GI 'CHING BAS NI 'DU BYED KYI SDUG BSNGAL NYID LA 'CHING BAR 'GYUR RO, ,YANG 'DOD CHAGS DANG ZHE SDANG DANG GTI MUG LA BRTEN NAS, DGE BA LA SBYOR BA NA 'DOD PA BZHIN DU BYED PA MI 'THOB STE, DE'I PHYIR YANG DE DAG NI 'CHING BA RNAMS SO, ,BAG LA NYAL NI BDUN TE, 'DOD PA LA 'DOD CHAGS KYI BAG LA NYAL DANG, KHONG KHRO BA'I BAG LA NYAL DANG; SRID PA'I 'DOD CHAGS KYI BAG LA NYAL DANG, NGA RGYAL GYI BAG LA NYAL DANG, MA RIG PA'I BAG LA NYAL DANG, LTA BA'I BAG LA NYAL DANG, THE TSOM GYI BAG LA NYAL LO, ,'DOD PA LA 'DOD CHAGS KYI BAG LA NYAL NI 'DOD PA LA 'DOD CHAGS KYI PHYOGS DANG MTHUN PA'I GNAS NGAN @81A *, ,LEN TO, ,KHONG KHRO BA'I BAG LA NYAL NI KHONG KHRO BA'I PHYOGS DANG MTHUN PA'I GNAS NGAN LEN TO, ,SRID PA'I 'DOD CHAGS KYI BAG LA NYAL NI GZUGS DANG GZUGS MED PA'I 'DOD CHAGS KYI PHYOGS DANG MTHUN PA'I GNAS NGAN LEN TO, ,NGA RGYAL GYI BAG LA NYAL NI NGA RGYAL GYI PHYOGS DANG MTHUN PA'I GNAS NGAN LEN TO, ,MA RIG PA'I BAG LA NYAL NI MA RIG PA'I PHYOGS DANG MTHUN PA'I GNAS NGAN LEN TO, ,LTA BA'I BAG LA NYAL NI LTA BA'I PHYOGS DANG MTHUN PA'I GNAS NGAN LEN TO, ,THE TSOM GYI BAG LA NYAL NI THE TSOM GYI PHYOGS DANG MTHUN PA'I GNAS NGAN LEN TO, ,'DOD PA TSOL BA MA SPANGS PAS NI 'DOD PA LA 'DOD CHAGS KYI BAG LA NYAL DANG, KHONG KHRO BA'I BAG LA NYAL RGYAS PAR 'GYUR RO, ,SRID PA TSOL BA MA SPANGS PAS NI SRID PA'I 'DOD CHAGS KYI BAG LA NYAL RGYAS PAR 'GYUR RO, ,LOG PAS TSANGS PAR SPYOD PA TSOL BAM SPANGS PAS NI NGA RGYAL GYI BAG LA NYAL DANG, MA RIG PA'I BAG LA NYAL DANG, LTA BA'I BAG LA NYAL DANG, THE TSOM GYI BAG LA NYAL RGYAS PAR 'GYUR TE, 'DI LTAR DE DAG NI GNYEN PO CHUNG DU TZAM GYIS KYANG KHENGS PAR 'GYUR RO, ,BDEN PA RNAMS LA RMONGS PAR 'GYUR RO, ,LOG PAS THAR PA DANG THAR PA'I THABS LA RTOG PAR BYED DO, ,SANGS RGYAS RNAMS KYI BSTAN PA DAM PA'I CHOS 'DUL BA LA SOM NYI ZA'O, ,THE TSOM ZA'O, ,NYE BA'I NYON MONGS PA RNAMS NI NYON MONGS PA GANG DAG YIN PA DE DAG NYE BA'I NYON MONGS PA RNAMS KYANG YIN NO, ,NYE BA'I NYON MONGS PA YIN LA NYON MONGS PA MA YIN PA YANG YOD DE, NYON MONGS PA RNAMS MA GTOGS PAR DE LAS GZHAN PA SEMS LAS BYUNG BA'I 'DU BYED KYI PHUNG PO NYON MONGS PA CAN NO, ,YANG 'DOD CHAGS NI SEMS LAS BYUNG BA'I NYE BA'I NYON MONGS PA'O, ,ZHE SDANG DANG GTI MUG NI SEMS LAS BYUNG BA'I NYE BA'I NYON MONGS PA STE, NYE BA'I NYON MONGS PA DES SEMS NYE BA'I NYON MONGS PA CAN DU GYUR NA, CHAGS PA DANG BRAL BAR MI 'GYUR, GROL BAR MI 'GYUR TE, SGRIB PA DE MA SPANGS PA'I PHYIR RO, ,BCOM LDAN 'DAS KYIS JI SKAD DU, SEMS 'DI YUN RING PO NAS 'DOD CHAGS KYIS KUN @81B NAS NYON MONGS PA CAN DU GYUR PA, ZHE SDANG DANG GTI MUG GIS KUN NAS NYON MONGS PA CAN DU GYUR PA ZHES GSUNGS PA LTA BU'O, ,KUN NAS DKRIS PA NI BRGYAD DE RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA DANG, NGO TSA MED PA DANG, KHREL MED PA'O, ,ZHI GNAS KYI DUS DANG, RAB TU 'DZIN PA'I DUS DANG, BTANG SNYOMS KYI DUS DANG, DE DAG GI GZHI DANG PO RNAM PAR DAG PA'I DUS NA, YANG DANG YANG SHAS CHER SEMS LA KUN NAS 'KHRI BAR BYED PAS KUN NAS DKRIS PA DAG GO, ,CHU BO NI BZHI STE 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO'O, ,RGYUN PHYOGS SU KHYER BAR BYED PA'I PHYIR CHU BO DAG GO, ,'DOD PA TSOL BA LA ZHUGS PA'I NI DANG PO'O, ,SRID PA TSOL BA LA ZHUGS PA'I NI GNYIS PA'O, ,LOG BAS TSANGS PAR SPYOD PA TSOL BA LA ZHUGS PA'I NI THA MA GNYIS TE, GNAS PA DANG GNAS 'BREL PA'I TSUL GYIS SO, ,SBYOR BA NI BZHI STE, 'DOD PA'I SBYOR BA DANG, SRID PA'I SBYOR BA DANG, LTA BA'I SBYOR BA DANG, MA RIG PA'I SBYOR BA'O, ,'BRAL BA'I BAR DU GCOD PA'I PHYIR SBYOR BA RNAMS TE, DE DAG KYANG TSOL BA LA ZHUGS PA GSUM PO RNAMS KYI YIN TE, JI LTAR MTHUN MTHUN DU SBYAR RO, ,NYE BAR LEN PA NI BZHI STE, 'DOD PA'I NYE BAR LEN PA DANG, LTA BA'I NYE BAR LEN PA DANG, TSUL KHRIMS DANG BRTUL ZHUGS KYI NYE BAR LEN PA DANG, BDAG TU SMRA BA'I NYE BAR LEN PA'O, ,RTZOD PA'I RTZA BA NYE BAR LEN PA'I PHYIR TE, DE'I PHYIR YANG SRID PA NYE BAR LEN PA'I PHYIR NYE BAR LEN PA RNAMS SO, ,'DOD PA LA 'DOD CHAGS DANG, LTAG PAR ZHEN PA DANG, RNAM PAR BCINGS PA DANG, YONGS SU ZHEN PA DANG, KUN TU 'DOD CHAGS KYI RGYUS KHYIM PA RNAMS DANG, KHYIM PA RNAMS SU RTZOD DO, ,RTZOD PA DE'I RTZA BA NI DANG PO YIN NO, ,LTA BA LA 'DOD CHAGS DANG, LHAG PAR ZHEN PA DANG, RNAM PAR BCINGS PA DANG, YONGS SU ZHEN PA DANG, KUN TU 'DOD CHAGS KYI RGYUS RAB TU BYUNG BA RNAMS DANG, RAB TU BYUNG BA RNAMS SU RTZOD DE, RTZOD PA DE'I RTZA BA NI NYE BAR LEN PA GSUM PO DAG STE, LTA BAR GYUR PA DRUG CU RTZA GNYIS NI LTA BA'I NYE BAR @82A *, ,LEN PA'O, ,PHAL CHER BRTUL ZHUGS DANG, DKA' THUB DRAG PO SO SO THA DAD PA DAG NI TSUL KHRIMS DANG BRTUL ZHUGS KYI NYE BAR LEN PA'O, ,DE DAG GI GNAS 'JIG TSOGS LA LTA BA NI BDAG TU SMRA BA'I NYE BAR LEN PA'O, ,LTA BA'I NYE BAR LEN PA DANG, TSUL KHRIMS DANG BRTUL ZHUGS KYI NYE BAR LEN PAS NI MU STEGS CAN NANG PHAN TSUN RTZOD DO, ,BDAG TU SMRA BA'I NYE BAR LEN PAS NI MU STEGS CAN RNAMS DANG CHOS 'DI PA RNAMS SU RTZOD DO, ,DE LTAR DE DAG RTZOD PA'I RTZA BA NYE BAR LEN PA LA MNGON PAR ZHEN PAS PHYI MA LA YANG SRID PA NYE BAR LEN TO, ,DES NA NYE BAR LEN PA RNAMS ZHES BYA'O, ,MDUD PA NI BZHI STE, BRNAB SEMS LUS KYI MDUD PA DANG, GNOD SEMS LUS KYI MDUD PA DANG, TSUL KHRIMS DANG BRTUL ZHUGS MCHOG TU 'DZIN PA LUS KYI MDUD PA DANG, 'DI BDEN NO ZHES MCHOG TU 'DZIN CING MNGON PAR ZHEN PA LUS KYI MDUD PA'O, ,MNYAM PAR GZHAG PA'I YID KYI RANG BZHIN GYI LUS KYI BAR DU GCOD PA'I PHYIR MDUD PA RNAMS TE, 'DI LTAR G-YENG BA'I RGYU NI BZHI STE, ZANG ZING CUNG ZAD TZAM GYI RGYUS SEMS G-YENG BA DANG, RTZOD PA LA LEGS PAR MI BSGRUB PA'I RGYU DANG, TSUL KHRIMS DANG BRTUL ZHUGS DRAG POS SDUG BSNGAL BAR GNAS PA'I RGYU DANG, TSUL BZHIN MA YIN PAS SHES BYA LA RTOG PA'I RGYUS SEMS G-YENG BAR BYED DO, ,SGRIB PA NI LNGA STE, 'DOD PA LA 'DUN PA'I SGRIB PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM GYI SGRIB PA STE, RAB TU BYUNG BA LA MNGON PAR DGA' BA'I DUS DANG, BSKUL BA NA LEGS PAR BSGRUB PA'I DUS DANG, ZHI GNAS KYI DUS DANG, RAB TU 'DZIN PA'I DUS DANG, BTANG SNYOMS KYI DUS NA DGE BA'I PHYOGS MI RTOGS PA'I RGYU YIN PAS SGRIB PA RNAMS SO, ,THA BA NI GSUM STE, 'DOD CHAGS KYI THA BA DANG, ZHE SDANG DANG GTI MUG GI THA BA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS, SNGON GOMS PA'I TSUL GYIS 'DOD CHAGS LA SOGS PA LA SPYOD PAR 'GYUR TE, SPYOD PA DE MA SPANGS PAS SEMS LAS SU MI RUNG BA DANG, DPHRAL DKA' BAR 'GYUR BA DE DAG NI THA BA RNAMS ZHES BYA'O, , @82B DRI MA NI GSUM STE, 'DOD CHAGS KYI DRI MA DANG, ZHE SDANG DANG GTI MUG GI DRI MA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS, DE'I NGO BO'I 'CHAL BA'I TSUL KHRIMS LHAG PAR SPYOD DE, GRONG NA 'DUG KYANG RUNG DGON PA NA 'DUG KYANG RUNG, TSANGS PA MTSUNGS PAR SPYOD PA MKHAS PA RNAMS KYIS MTHONG NA, GANG GI PHYIR 'DI SKAD DU, TSE DANG LDAN PA 'DI NI 'DI LTA BU BYED PA 'DI LTA BU SPYOD PA STE, MI GTZANG BA GRONG GI TSER MA'O, ,ZHES BRJOD PAR 'GYUR BA DE DAG NI DRI MA RNAMS ZHES BYA'O, ,SDIG PA NI GSUM STE, 'DOD CHAGS KYI SDIG PA DANG, ZHE SDANG DANG GTI MUG GI SDIG PA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS DUS RING POR SKYE BA DANG, 'CHI BA MYONG BAR 'GYUR BA DE DAG NI SDIG PA RNAMS ZHES BYA'O, ,ZUG RDU NI GSUM STE, 'DOD CHAGS KYI ZUG RDU DANG, ZHE SDANG DANG, GTI MUG GI ZUG RDU'O, ,'DOD CHAGS DANG ZHE SDANG DANG, GTI MUG DE DAG LA BRTEN NAS SRID PA DANG, SRID PA'I YO BYAD RNAMS LA SHIN TU 'DOD PA SKYES SHING GNAS TE, SANGS RGYAS DANG CHOS DANG DGE 'DUN RNAMS DANG, SDUG BSNGAL DANG KUN 'BYUNG BA DANG, 'GOG PA DANG LAM RNAMS LA THE TSOM ZA BA DE DAG NI ZUG RDU RNAMS ZHES BYA'O; ,CI YANG NI GSUM STE, 'DOD CHAGS KYI CI YANG DANG, ZHE SDANG DANG GTI MUG GI CI YANG NGO, ,'DOD CHAGS DANG ZHE SDANG DANG GTI MUG DE DAG LA BRTEN NAS 'JIGS PA DANG BCAS PA KHO NA DANG BCAS SHING G-YENG BA MANG BAR GNAS PA DE DAG NI CI YANG RNAMS ZHES BYA'O, ,NYES PAR SPYOD PA NI GSUM STE, 'DOD CHAGS KYI NYES PAR SPYOD PA DANG, ZHE SDANG DANG GTI MUG GI NYES PAR SPYOD PA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS LUS KYIS NYES PAR SPYOD PA SPYOD PA DANG, NGAG DANG YID KYIS NYES PAR SPYAD PA SPYOD PA DE DAG NI NYES PAR SPYOD PA RNAMS ZHES BYA'O, ,YANG ZANG ZING NGAN PA CUNG ZAD TZAM GYI RGYU DANG, GNOD PAR BYA BA'I RGYU LA YONGS SU RTOG PA'I RGYU DANG, CHOS LOG PA LA MNGON PAR ZHEN PA'I RGYUS SEMS CAN RNAMS NYES PAR SPYOD PA SPYOD DE, DE LTA BAS NA 'DOD CHAGS DANG ZHE SDANG DANG GTI MUG NI NYES PAR SPYOD PA'I RTZA BA RNAMS @83A *, ,ZHES BYA'O, ,ZAG PA NI GSUM STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,SEMS RNAM PAR 'PHRO BAR ZAG PAR BYED PA DANG, PHYI ROL TU BLTAS TE ZAG PA'I PHYIR 'DOD PA'I ZAG PA'O, ,NANG DU BLTAS TE ZAG PA'I PHYIR SRID PA'I ZAG PA'O, ,ZAG PA DE GNYI GA'I GNAS YIN PA'I PHYIR MA RIG PA'I ZAG PA'O, ,PHONGS PA NI GSUM STE, 'DOD CHAGS KYIS PHONGS PA DANG, ZHE SDANG DANG GTI MUG GIS PHONGS PA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS SRID PA'I YO BYAD 'DOD PA'I PHONGS PAS GNOD PAR BYED PA DE DAG NI PHONGS PA RNAMS ZHES BYA'O, ,YONGS SU GDUNG BA NI GSUM STE, 'DOD CHAGS KYI YONGS SU GDUNG BA DANG, ZHE SDANG DANG GTI MUG GI YONGS SU GDUNG BA'O, ,'DOD CHAGS DANG ZHES SDANG DANG GTI MUG DE DAG LA BRTEN NAS TSUL BZHIN MA YIN PAR MTSAN MAR 'DZIN PA DANG, MNGON RTAGS SU 'DZIN PAR 'GYUR TE, MTSAN MAR 'DZIN PA DANG MNGON PAR RTAGS SU 'DZIN PA DES LUS YONGS SU GDUNG BAR 'GYUR BA DANG, SEMS YONGS SU GDUNG BAR 'GYUR BA DE DAG NI YONGS SU GDUNG BA RNAMS ZHES BYA'O, ,'KHRUG PA NI GSUM STE, 'DOD CHAGS KYI 'KHRUG PA DANG, ZHE SDANG DANG GTI MUG GI 'KHRUG PA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS, GANG DU DGA' BA DANG LHAG PAR CHAGS PAR GYUR PA DE RNAMS PAR GYUR CING GZHAN DU GYUR NA MYA NGAN DANG, SGRA SNGAGS 'DON PA DANG, SDUG BSNGAL DANG, YID MI BDE BA DANG, 'KHRUG PA RNAMS KYIS REG PAR 'GYUR PA DE DAG NI 'KHRUG PA RNAMS ZHES BYA'O, ,'THAB PA NI GSUM STE, 'DOD CHAGS KYI 'THAB PA DANG, ZHE SDANG DANG GTI MUG GI 'THAB PA'O, ,'DOD CHAGS DANG ZHE SDANG DANG GTI MUG DE DAG LA BRTEN NAS, CHAD PAS GCOD PA DANG, MTSON CHA LEN PA DANG, DBYUG PA LEN PA DANG, 'THAB PA DANG, MTSANG 'DRU BA DANG, RTZOD PA DANG, 'GYED PA 'BYUNG BA DE DAG NI 'THAB PA RNAMS ZHES BYA'O, ,RIMS NAD NI GSUM STE, 'DOD CHAGS KYI RIMS NAD DANG, ZHE SDANG DANG GTI MUG GI RIMS NAD DO, ,'DOD CHAGS DANG ZHE SDANG @83B DANG GTI MUG DE DAG LA BRTEN NAS, CHOS MA YIN PA LA 'DOD CHAGS PA YONGS SU GDUNG BA CHEN POS YONGS SU GDUNG BAR 'GYUR BA DANG, MI MTHUN PAS CHAGS PA YONGS SU GDUNG BA CHEN POS YONGS SU GDUNG BAR 'GYUR BA DANG, CHOS LOG PA'I YONGS SU GDUNG BA CHEN POS YONGS SU GDUNG BAR 'GYUR BA DE DAG NI RIMS NAD RNAMS ZHES BYA'O, ,NAGS SBYOR NI GSUM STE, 'DOD CHAGS KYI NAGS SBYOR DANG, ZHE SDANG DANG GTI MUG GI NAGS SBYOR RO, ,'DOD CHAGS DANG ZHE SDANG DANG GTI MUG DE DAG LA BRTEN NAS, SKYE BA'I RTZA BA CAN 'DU BYED RNAMS LA CHAGS TE, 'GRO BA LNGA'I 'KHOR BAR LUS RNAM PA SNA TSOGS MNGON PAR 'GRUB PAR BYED PA DE DAG NI NAGS SBYOR RNAMS ZHES BYA'O, ,GAGS NI GSUM STE, 'DOD CHAGS KYI GAGS DANG, ZHE SDANG DANG GTI MUG GI GAGS SO, ,'DOD CHAGS DANG ZHE SDANG DANG GTI MUG DE DAG LA BRTEN NAS, LUS LA LTA BA DANG BCAS PAS DGE BA LA MI SBYOR BA DANG, LONGS SPYOD LA LTA BA DANG BCAS PA DANG, BLO MA BYANG BA DANG, 'DRE ZHING GNAS PA DANG, CUNG ZAD TZAM GYIS CHOG PAR 'DZIN PAS DGE BA LA MI SBYOR BA DE DAG NI GAGS RNAMS ZHES BYA'O, ,LOG PAR ZHUGS PAS JI LTA BU ZHE NA, 'DOD CHAGS NI YUL DANG LTA BA LA LOG PAR RTOGS PA'O, ,'DOD CHAGS JI LTA BAR KHONG KHRO BA YANG DE BZHIN NO, ,NGA RGYAL NI SEMS CAN RNAMS DANG LTA BA LA LOG PAR RTOGS PA'O, ,'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA NI SHES BYA LA LOG PAR RTOGS PA'O, ,LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA NI LTA BA LA LOG PAR RTOGS PA'O, ,THE TSOM NI GNYEN PO LA LOG PAR RTOGS PA'O, ,MA RIG PA NI THAMS CAD LA LOG PAR RTOGS PA'O, ,NYON MONGS PA BCU PO THAMS CAD NI SDUG BSNGAL DANG, KUN 'BYUNG BA LA DE'I RGYU DANG GZHI'I GNAS KYIS KYANG LOG PAR RTOGS PA'O, ,NYON MONGS PA BCU PO THAMS CAD NI 'GOG PA DANG LAM LA YANG DE LA SKRAG PA SKYED PAS LOG PAR ZHUGS PA'O, ,KHAMS KYIS JI LTA BU ZHE NA, KHONG KHRO BA MA GTOGS PAR KHAMS GSUM PA THAMS CAD DO, ,KHONG KHRO BA NI 'DOD @84A *, ,PA DANG LDAN PA'O, ,'DOD CHAGS NI 'DOD PA'I KHAMS NA BDE BA DANG YID BDE BA DANG, BTANG SNYOMS DANG MTSUNGS PAR LDAN NO, ,'DOD PA'I KHAMS LA JI LTAR BAR BSAM GTAN DANG PO DANG GNYIS PA'ANG DE BZHIN NO, ,GSUM PA NA NI BDE BA DANG BTANG SNYOMS DANG MTSUNGS PAR LDAN NO, ,DE YAN CHAD DU BTANG SNYOMS KHO NA DANG MTSUNGS PAR LDAN NO, ,KHONG KHRO BA NI SDUG BSNGAL DANG, YID MI BDE BA DANG, BTANG SNYOMS DANG MTSUNGS PAR LDAN NO, ,NGA RGYAL NI 'DOD PA'I KHAMS NA YID BDE BA DANG, BTANG SNYOMS DANG MTSUNGS PAR LDAN NO, ,BSAM GTAN DANG PO DANG GNYIS PA LA NI BDE BA DANG YID BDE BA DANG BTANG SNYOMS DANG MTSUNGS PAR LDAN NO, ,GSUM PA LA NI BDE BA DANG BTANG SNYOMS DANG MTSUNGS PAR LDAN NO, ,DE YAN CHAD DU NI BTANG SNYOMS KHO NA DANG MTSUNGS PAR LDAN NO, ,NGA RGYAL JI LTA BA DE BZHIN DU 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PA YANG DE BZHIN NO, ,LOG PAR LTA BA NI 'DOD PA'I KHAMS NA YID BDE BA DANG YID MI BDE BA DANG, BTANG SNYOMS DANG MTSUNGS PAR LDAN NO; ,GZUGS DANG GZUGS MED PA'I KHAMS NA NI TSOR BA GANG YOD PA DE DANG MTSUNGS PAR LDAN NO, ,THE TSOM NI 'DOD PA'I KHAMS NA YID MI BDE BA DANG, BTANG SNYOMS DANG MTSUNGS PAR LDAN NO, ,GZUGS DANG GZUGS MED PA'I KHAMS NA NI TSOR BA GANG YOD PA DE DANG MTSUNGS PAR LDAN NO, ,MA RIG PA NI NYON MONGS PA THAMS CAD DANG MTSUNGS PAR LDAN PA YIN PAS GANG NA TSOR BA GANG YOD PA DE DANG DER MTSUNGS PAR LDAN PA CAN ZHES BYA'O, ,MA RIG PA MA 'DRES PA GANG YIN PA DE NI 'DOD PA'I KHAMS NA YID MI BDE BA DANG BTANG SNYOMS DANG MTSUNGS PAR LDAN NO, ,DE YAN CHAD DU NI TSOR BA GANG YOD PA DE DANG MTSUNGS PAR LDAN NO, ,CI'I PHYIR NYON MONGS PA THAMS CAD BTANG SNYOMS DANG MTSUNGS PAR LDAN ZHE NA, THA MAL PAR 'DUG PA LA BRTEN NAS NUB PAR 'GYUR BA'I PHYIR RO, ,'DOD CHAGS NI 'DOD PA'I KHAMS NA RNAM PAR SHES PA'I TSOGS DRUG DANG @84B MTSUNGS PAR LDAN NO, ,'DOD CHAGS JI LTA BAR KHONG KHRO BA DANG MA RIG PA YANG DE BZHIN NO, ,GZUGS KYI KHAMS NA NI RNAM PAR SHES PA'I TSOGS BZHIN DANG MTSUNGS PAR LDAN NO, ,GZUGS MED PA'I KHAMS NA NI YID KYI RNAM PAR SHES PA'I TSOGS DANG MTSUNGS PAR LDAN NO, ,'DOD CHAGS JI LTA BAR MA RIG PA YANG DE BZHIN NO, ,NGA RGYAL DANG, LTA BA DANG, THE TSOM NI THAMS CAD DU YANG YID KYI RNAM PAR SHES PA'I TSOGS DANG MTSUNGS PAR LDAN NO, ,'DOD CHAGS DANG, KHONG KHRO BA DANG, NGA RGYAL NI 'DOD PA'I KHAMS NA DNGOS PO'I PHYOGS GCIG LA 'JUG GO, ,'DOD PA'I KHAMS NA JI LTAR BAR GZUGS KYI KHAMS DANG GZUGS MED PA'I KHAMS NA YANG DE BZHIN NO, ,LHAG MA RNAMS NI THAMS CAD DU YANG DNGOS PO MTHA' DAG LA 'JUG GO, ,RIS KYIS JI LTA BU ZHE NA, NYON MONGS PA'I RIS GNYIS TE, MTHONG BAS SPANG BAR BYA BA DANG, BSGOM PAS SPANG BAR BYA BA'O, ,'DOD PA'I KHAMS NA SDUG BSNGAL MTHONG BAS SPANG BAR BYA BA DAG NI BCU'O, ,SDUG BSNGAL MTHONG BAS SPANG BAR BYA BA JI LTA BAR KUN 'BYUNG BA DANG, 'GOG PA DANG LAM MTHONG BAS SPANG BAR BYA BA RNAMS KYANG DE BZHIN NO, ,GZUGS KYI KHAMS NA SDUG BSNGAL MTHONG BAS SPANG BAR BYA BA DAG NI DGU'O, ,SDUG BSNGAL MTHONG BAS SPANG BAR BYA BA RNAMS JI LTA BAR KUN 'BYUNG BA DANG, 'GOG PA DANG LAM MTHONG BAS SPANG BAR BYA BA RNAMS KYANG DE BZHIN NO, ,GZUGS KYI KHAMS NA JI LTA BAR GZUGS MED PA'I KHAMS NA'ANG DE BZHIN TE, DE DAG MDOR BSDU NA NYON MONGS PA BRGYA RTZA BCU GNYIS NI MTHONG BAS SPANG BAR BYA BA'I NYON MONGS PA'I RIS SO, ,'DOD PA'I KHAMS NA BSGOM PAS SPANG BAR BYA BA DRUG STE, 'JIG TSOGS LA LTA BA DANG, MTHAR 'DZIN PAR LTA BA LHAN CIG SKYES PA DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA'O, ,GZUGS KYI KHAMS NA KHONG KHRO BA MA GTOGS PAR LNGA'O, ,GZUGS KYI KHAMS NA JI LTA BAR GZUGS MED PA'I KHAMS NA'ANG DE BZHIN TE, DE DAG MDOR BSDU NA BCU DRUG NI BSGOM PAS SPANG BAR BYA BA'I NYON MONGS PA'I RIS SO, ,SPONG BAS JI LTAR BU ZHE NA, JI LTAR SPONG BA DANG YID LA BYED PA CI 'DRA BA DANG, @85A *, ,GANG ZHIG GANG LAS SPONG BA'O, ,JI LTAR SPONG ZHE NA, YONGS SU SHES PA DANG, YONGS SU SPONG BA DANG, GNYEN PO RNYED PAS SO, ,YONGS SU SHES PA GANG ZHE NA, DE'I GZHI'I DNGOS PO YONGS SU SHES PA DANG, NGO BO NYID YONGS SU SHES PA DANG, NYES DMIGS YONGS SU SHES PA'O, ,YONGS SU SPONG BA GANG ZHE NA, 'BYUNG BAR GYUR PA DANG DU MI LEN PA'O, ,GNYEN PO RNYED PA GANG ZHE NA, MA SKYES PA SPANG BA'I PHYIR LAM RNYED PA GANG YIN PA'O, ,YID LA BYED PA CI 'DRA BAS SPONG ZHE NA, 'DRES PA LA DMIGS PAS SPONG STE, CHOS THAMS CAD BDAG MED PA'O ZHES BYA BA'O, ,MI RTAG PA'I RNAM PA LA SOGS PA'I RNAM PA GANG YIN PA DE DAG NI BDAG MED PA'I RNAM PA'I YONGS SU SBYONG BAR BYED PA'O, ,GANG ZHIG GANG LAS SPONG ZHE NA, 'DAS PA NI 'GAGS PA'I PHYIR MA YIN NO, ,MA 'ONGS PA NI MA BYUNG BA'I PHYIR MA YIN NO, ,DE LTAR BYUNG BA NI LAM DANG MNYAM DU MI 'JUG PA'I PHYIR MA YIN NO, ,'ON KYANG NYON MONGS PA'I GNAS NGAN LEN GANG LA YOD PA DE LAS SPONG NGO, ,GNAS NGAN LEN GYI RNAM PA GANG GI GNYEN PO GANG BYUNG BA GNYEN PO'I RNAM PA DE 'BYUNG BA DANG, GNAS NGAN LEN GYI RNAM PA DE 'GOG PA NI MNYAM PAS MNYAM STE, SNANG BA DANG MUN PA 'BYUNG BA DANG 'GOG PA BZHIN NO, ,GNAS NGAN LEN GYI RNAM PA DANG, BRAL BAS MA 'ONGS PA NA NYON MONGS PA MI SKYE BA'I CHOS CAN DU GNAS PA DE NI SPONG BA'O, ,LAS GANG ZHE NA, SEMS PA'I LAS DANG BSAMS PA'I LAS TE, LAS KYI MTSAN NYID MDOR BSDUS PA'O, ,YANG LAS RNAM PA LNGA STE, DMIGS PA'I LAS DANG, BYED PA'I LAS DANG, RTZOL BA'I LAS DANG, BSGYUR BA'I LAS DANG, 'THOB PA'I LAS SO, ,SKABS 'DIR PHAL CHER RTZOL BA'I LAS SU 'DOD DO, ,SEMS PA'I LAS GANG ZHE NA, SEMS MNGON PAR 'DU BYED PA YID KYI LAS TE, BSOD NAMS DANG, BSOD NAMS MA YIN PA DANG MI G-YO BA'O, ,BSAMS PA'I LAS GANG ZHE NA, LUS KYI LAS DANG, NGAG GI LAS DANG YID KYI LAS SO, ,LUS KYI LAS DANG, NGAG GI LAS DANG, YID KYI LAS DE YANG DGE BA DANG MI DGE BA'O, , @85B MI DGE BA NI MI DGE BA'I LAS KYI LAM BCU STE, 'DI LTA STE, SROG GCOD PA DANG, MA BYIN PAR LEN PA DANG, 'DOD PA LA LOG PAR G-YEM PA DANG, BRDZUN DU SMRA BA DANG, PHRA MA DANG, TSIG RTZUB PO DANG, TSIG KYAL BA DANG, BRNAB SEMS DANG, GNOD SEMS DANG, LOG PAR LTA BA'O, ,DGE BA NI DGE BA BCU'I LAS KYI LAM RNAMS STE, 'DI LTAR STE, SROG GCOD PA SPONG BA NAS TSIG KYAL BA'I BAR DU SPONG BA DANG, BRNAB SEMS MED PA DANG, GNOD SEMS MED PA DANG, YANG DAG PAR LTA BA'O, ,SROG GCOD PA LA SOGS PA RNAMS KYI MTSAN NYID NI GZHI DANG, BSAM PA DANG, SBYOR BA DANG, NYON MONGS PA DANG, ZIN PAR BYAS PAS KYANG RIG PAR BYA'O, ,SEMS PA LAS GYUR PA'I LAS ZHES GANG 'BYUNG BA LA SEMS PA LAS GYUR BA GANG ZHE NA, GZHAN GYIS BSGO BA SEMS PA LAS GYUR PA DANG, GZHAN GYIS GSOL BA BTAB PAS SEMS PA LAS GYUR PA DANG, MI SHES PA'I SEMS PA LAS GYUR PA DANG, RTZA BA LA MNGON PAR ZHEN PA'I SEMS PA LAS GYUR PA DANG, PHYIN CI LOG GI SEMS PA LAS GYUR BA'O, ,DE LA RTZA BA LAS MNGON PAR ZHEN PA'I SEMS PA LAS GYUR PA DANG, PHYIN CI LOG GI SEMS PA LAS GYUR PA'I LAS BYAS SHING BSAGS PA'I RNAM PAR SMIN PA NI MYONG BAR MI 'GYUR BA MA YIN NO, ,LAS KYI BYED PA NI KUN TU SPYOD PA'O, ,BSAGS PA NI BAG CHAGS 'PHEL BA'O, ,MYONG BAR NGES PA'I LAS ZHES GANG 'BYUNG BA LAS NGES PA GANG ZHE NA, LAS BYED PAR NGES PA DANG, RNAM PAR SMIN PA MYONG BAR NGES PA DANG DUS NGES PA'O, ,DE LA MI DGE BA BCU'I LAS KYI LAM RNAMS KYI RNAM PAR SMIN PA'I 'BRAS BU NI NGAN SONG RNAMS SU'O, ,RGYU MTHUN PA'I 'BRAS BU NI SO SO DANG MTHUN PAR MI'I LUS DANG, YONGS SU GZUNGS BA MI 'BYOR BA'O, ,BDAG PO'I 'BRAS BU NI SO SO DANG MTHUN PA NYID DU PHYI'I DNGOS PO MI 'BYOR BA'O, ,DE YANG MDO LAS JI SKAD DU DGE BA BCU'I LAS KYI LAM RNAMS KYI RNAM PAR SMIN PA'I 'BRAS BU NI LHA DANG MI RNAMS KYI NANG DU'O, ,RGYU MTUN PA'I 'BRAS BU NI DE DAG NYID DU SO SO DANG MTHUN PAR LUS DANG YONGS SU GZUNG BA PHUN SUM TSOGS PA'O, , @86A *, ,BDAG PO'I 'BRAS BU NI DE DAG NYID DU SO SO DANG MTHUN PA'I PHYI'I DNGOS PO PHUN SUM TSOGS PA'O, ,DGE BA DANG MI DGE BA'I LAS KYIS NI BDE 'GRO DANG NGAN 'GROR SKYE BA 'PHEN PA DANG YONGS SU RDZOGS PAR BYED PA'I LAS SU RIG PAR BYA'O, ,'PHEN PA NI GANG GIS RNAM PAR SMIN PA 'PHEN PA'O, ,YONGS SU RDZOGS PAR BYED PA NI GANG GIS SKYES PA NA 'DOD PA DANG MI 'DOD PA MYONG BA'O, ,LAS GCIG GIS LUS GCIG 'PHEN PAR BYED PA'I LAS KYANG YOD, LAS GCIG GIS LUS DU MA 'PHEN PAR BYED PA'I LAS KYANG YOD, LAS DU MAS LUS GCIG 'PHEN PA'I LAS KYANG YOD, LAS DU MAS LUS DU MA 'PHEN PA'I LAS KYANG YOD DO, ,LAS MANG PO DANG PO DANG LDAN PA'I SEMS CAN JI LTAR RIM GYIS RNAM PAR SMIN PA MYONG BAR 'GYUR ZHE NA, DE LA GANG SHIN TU LCI BAR GYUR PA DE THOG MAR RNAM PAR SMIN PAR 'GYUR RO, ,YANG NA 'CHI BA'I DUS NA GANG MNGON DU GYUR PA'O, ,YANG NA GANG GOMS PAR GYUR PA'O, ,YANG NA GANG THOG MAR SPYAD PA DE THOG MA NYID DU RNAM PAR SMIN PAR 'GYUR RO, ,BSOD NAMS KYI LAS DANG, BSOD NAMS MA YIN PA'I LAS DANG, MI G-YO BA'I LAS ZHES GANG 'BYUNG BA LA, BSOD NAMS GANG ZHE NA, GANG 'DOD PA DANG RAB TU LDAN PA'I DGE BA'O, ,BSOD NAMS MA YIN PA GANG ZHE NA, GANG MI DGE BA'O, ,MI G-YO BA'I LAS GANG ZHE NA, GANG GZUGS DANG GZUGS MED PA DANG RAB TU LDAN PA'I DGE BA'O, ,MA RIG PA'I RKYEN GYIS BSOD NAMS DANG BSOD NAMS MA YIN PA DANG, MI G-YO BA'I 'DU BYED RNAMS SO ZHES GANG GSUNGS PA DE LA, JI LTAR NA BSOD NAMS DANG BSOD NAMS MA YIN PA DANG, MI G-YO BA'I 'DU BYED RNAMS MA RIG PA'I RKYEN LAS BYUNG BA YIN ZHE NA, RMONGS PA NI GNYIS TE, 'BRAS BU RNAMS PAR SMIN PA LA RMONGS PA DANG, DE KHO NA'I DON LA RMONGS PA'O, ,'BRAS BU RNAMS PAR SMIN PA LA RMONGS PA'I NI MI DGE BA'I 'DU BYED RNAMS 'BYUNG NGO, , DE KHO NA'I DON LA RMONGS PA'I NI BSOD NAMS DANG MI G-YO BA RNAMS SO, ,SROG GCOD PA LA NI CHAGS PA DANG ZHE SDANG DANG GTI MUG GIS SBYOR TE, ZHES SDANG GIS MTHAR PHYIN PAR BYED DO, ,SROG GCOD PA LA JI LTAR BAR NGAG RTZUB PO DANG GNOD SEMS LA YANG DE BZHIN NO, ,MA BYIN PAR LEN PA LA NI @86B 'DOD CHAGS DANG ZHE SDANG DANG GTI MUG GIS SBYOR TE, CHAGS PAS MTHAR PHYIN PAR BYED DO, ,MA BYIN PAR LEN PA LA JI LTA BAR 'DOD PA LA LOG PAR G-YEM PA DANG, BRNAB SEMS LA YANG DE BZHIN NO, ,BRDZUN DU SMRA BA LA NI CHAGS PA DANG ZHES SDANG DANG GTI MUG GIS SBYOR TE, GSUM PO DAG LAS GANG YANG RUNG BAS MTHAR PHYIN PAR BYED DO, ,BRDZUN DU SMRA BA LA JI LTA BAR PHRA MA DANG TSIG KYAL PA LA YANG DE BZHIN NO, ,LOG PAR LTA BA LA NI CHAGS PA DANG ZHE SDANG DANG GTI MUG GIS SBYOR TE, GTI MUG GIS MTHAR PHYIN PAR BYED DO, ,LAS THUN MONG PA ZHES KYANG 'BYUNG, LAS THUN MONG MA YIN PA ZHES KYANG 'BYUNG, STOBS DANG LDAN PA ZHES KYANG 'BYUNG, MTHU CHUNG BA ZHES KYANG 'BYUNG BA LA, THUN MONG PA GANG ZHE NA, GANG SNOD KYI 'JIG RTEN RNAMS PAR 'BYED PA'O, ,THUN MONG MA YIN PA GANG ZHE NA, GANG SEMS CAN GYI 'JIG RTEN RNAM PAR 'BYED PA'O, ,YANG GANG GIS SEMS CAN RNAMS KYI PHAN TSUN GYI DBANG GIS BYUNG BA ZHES BRJOD PA SEMS CAN RNAMS KYI PHAN TSUN GYI DBANG GIS 'BYUNG BA'I LAS KYANG YOD DE, 'DI LTAR GANG SEMS CAN GZHAN RNAMS DANG PHAN TSUN DU LTA BA LA SOGS PAS NYE BAR SPYOD PAR MI 'GYUR BA'I SEMS CAN DE NI MONG PA MA YIN NO, ,STOBS DANG LDAN PA'I LAS GANG ZHE NA, GNYEN PO'I STOBS CAN GYI GANG ZAG GI SEMS PA LAS GYUR PA'I LAS MI DGE BA GANG YIN PA DE NI GNYEN PO'I STOBS BSKYED PAS, GANG SEMS CAN DMYAL BA MYONG BAR 'GYUR BA DE MTHONG BA'I CHOS LA MYONG BAR 'GYUR BA'AM, GANG MTHONG BA'I CHOS LA MYONG BAR 'GYUR BA DE MYONG BAR MI 'GYUR BA STE, DE LTAR NA GNYEN PO LAS BYUNG BA'I LAS DANG SEMS PA LAS GYUR BA'I DGE BA'I LAS THAMS CAD KYANG STOBS DANG LDAN PA'O, ,'DI LAS DGONGS NAS BCOM LDAN 'DAS KYIS 'PHAGS PA NYAN THOS SEMS SHIN TU BSGOMS PA TSAD MED PAS RGYA CHE BA LA, GANG TSAD DU BYAS PA'I LAS NGES DE KHRID PAR MI BYED DO, ,DE LA DE DAG GNAS PAR MI BYA'O, ,DES DE BGRANG BAR MI 'GYUR RO ZHES GSUNGS SO, ,GNYEN PO'I MTHU CHUNG BA'I GANG ZAG GI SEMS PA LAS GYUR PA'I LAS MI DGE BA GANG YIN PA DE DANG, GANG YANG SEMS PA LAS GYUR PA'I LAS RNAM PAR SMIN @87A *, ,PAR NGES PA DE MA SPANGS BA DANG, YONGS SU MA SHES PA DE NI STOBS DANG LDAN PA YIN TE, 'DI NI 'DIR DGONGS PA'O, ,YANG 'DOD PA DANG RAB TU LDAN PA'I MI DGE BA GANG YIN PA DANG, GANG SNGON GOMS PAR BYAS PA DANG, GNAS LA GNAS PA DANG, YONGS SU MYA NGAN LAS MI 'DA' BA'I CHOS CAN RNAMS KYI BSGRUB TU MED PA GANG YIN PA DA NI RANG BZHIN GYIS STOBS DANG LDAN PA YIN NO, ,ZHING DANG SEMS KYI MNGON PAR 'DU BYED PAS KYANG STOBS DANG LDAN PA'I LAS SU RIG PAR BYA'O, ,YANG RNAM PA DGUS STOBS DANG LDAN PA'I LAS SU RIG PAR BYA STE, ZHING DANG, DNGOS PO DANG, NGO BO NYID DANG, GZHI BO DANG, YID LA BYED PA DANG, BSAM PA DANG, GROGS DANG, LAN MANG DU BYED PA DANG, SKYE BO MANG POS KYANG STOBS DANG LDAN PA STE, 'DI LAS BZLOG PA NI STOBS DANG MI LDAN PA'I LAS SO, ,BCOM LDAN 'DAS KYIS SU ZHIG 'DI SKAD DU SKYES BU GANG ZAG 'DI JI LTA JI LTAR LAS BYED CING SOGS PA DE LTA DE LTAR RNAM PAR SMIN PA MYONG BAR 'GYUR NA, DE LTA NA TSANGS PAR SPYOD PAR GNAS PAR MI 'GYUR ZHING YANG DAG PAR SDUG BSNGAL ZAD PA DANG, SDUG BSNGAL MTHAR DBYUNG BA'I SKABS KYANG MI SNANG NGO ZHES ZER BA DANG, YANG SU ZHIG 'DI SKAD DU SKYES BU GANG ZAG 'DI JI LTA JI LTAR MYONG BAR 'GYUR BA'I LAS BYED CING SOGS PA DE LTA DE LTAR RNAM PAR SMIN PA MYONG BAR 'GYUR NA, DE LTA NA NI TSANGS PAR SPYOD PAS GNAS PAR 'GYUR ZHING YANG DAG PAR SDUG BSNGAL ZAD PAR 'GYUR PA DANG, SDUG BSNGAL MTHAR DBYUNG BA'I SKABS KYANG SNANG NGO, ZHES ZER ZHES, BCOM LDAN 'DAS KYIS GANG GSUNGS PA DE LA DGONGS PA GANG ZHE NA, 'DIR NI BCOM LDAN 'DAS KYIS BDE BA DANG LDAN PA'I LAS KYI RNAM PAR SMIN PA BDE BA DANG LDAN PA BKAG GO, ,SDUG BSNGAL DANG LDAN PA'I SDUG BSNGAL DANG LDAN PA DANG, SDUG BSNGAL YANG MA YIN BDE BA YANG MA YIN PA DANG LDAN PA'I SDUG BSNGAL YANG MA YIN BDE BA YANG MA YIN PA DANG LDAN PA YANG DE BZHIN NO, ,YANG BDE BA DANG LDAN ZHING BDE BA MYONG BA BAR 'GYUR BA'I RNAMS PAR SMIN PA BDE BA NI GNANG NGO, ,SDUG BSNGAL MYONG BAR 'GYUR BA'I SDUG BSNGAL DANG, SDUG BSNGAL YANG MA YIN BDE @87B BA YANG MA YIN PA MYONG BAR 'GYUR BA'I SDUG BSNGAL YANG MA YIN PA BDE BA YANG MA YIN PA DANG, SDUG BSNGAL DANG LDAN LA BDE BA MYONG BAR 'GYUR BA'I RNAM PAR SMIN PA BDE BA NI GNANG NGO, ,SDUG BSNGAL MYONG BAR 'GYUR BA'I SDUG BSNGAL DANG, SDUG BSNGAL YANG MA YIN BDE BA YANG MA YIN PA MYONG BAR 'GYUR BA'I SDUG BSNGAL YANG MA YIN BDE BA YANG MA YIN PA DANG, SDUG BSNGAL YANG MA YIN PA BDE BA YANG MA YIN PA DANG LDAN LA BDE BA MYONG BAR 'GYUR BA'I RNAM PAR SMIN PA BDE BA NI GNANG NGO, ,SDUG BSNGAL LA MYONG BAR 'GYUR BA'I SDUG BSNGAL DANG, SDUG BSNGAL YANG MA YIN BDE BA YANG MA YIN PA MYONG BAR 'GYUR BA'I SDUG BSNGAL YANG MA YIN BDE BA YANG MA YIN PA'O ZHES BYA BA 'DI NI 'DIR DGONGS PA'O, ,LAS KYI RAB TU DBYE BA NI, SDOM PA'I LAS DANG, SDOM PA MA YIN PA'I LAS DANG, SDOM PA YANG MA YIN SDOM PA MA YIN PA YANG MA YIN PA'I LAS SO, , SDOM PA'I LAS GANG ZHE NA, SO SOR THAR PA'I SDOM PAS BSDUS PA DANG, BSAM GTAN GYI SDOM PAS BSDUS PA DANG, ZAG PA MED PA'I SDOM PAS BSDUS PA'O, ,SO SOR THAR PA'I SDOM BAS BSDUS PA'I LAS GANG ZHE NA, RIS BRGYAD DE, DGE SLONG GI SDOM PA DANG, DGE SLONG MA'I SDOM PA DANG, DGE SLOB MA'I SDOM PA DANG, DGE TSUL GYI SDOM PA DANG, DGE TSUL MA'I SDOM PA DANG, DGE BSNYEN GYI SDOM PA DANG, DGE BSNYEN MA'I SDOM PA DANG, BSNYEN GNAS PA'I SDOM PA'O, ,RAB TU BYUNG BA'I SDOM PA GANG ZAG JI LTA BU'I DBANG DU BYAS TE RNAM PAR GZHAG CE NA, NYES PAR SPYOD PA LAS BDEN PAR SPYOD PA DANG, 'DOD PA LAS BDEN PAR SPYOD PA'O, ,DGE BSNYEN DANG DGE BSNYEN MA'I SDOM PA GANG ZAG JI LTA BU'I DBANG DU BYAS TE RNAM PAR GZHAG CE NA, NYES PAR SPYOD PA LAS BDEN PAR SPYOD PA YIN GYI 'DOD PA LAS BDEN PAR SPYOD PA NI MA YIN NO, ,BSNYEN GNAS PA'I SDOM PA GANG ZAG JI LTA BU'I DBANG DU BYAS TE RNAM PAR GZHAG CE NA, NYES PAR SPYOD PA LAS BDEN PAR SPYOD PA YANG MA YIN, 'DOD PA LAS BDEN PAR SPYOD PA YANG MA YIN PA'O, ,DGE BSNYEN BSLAB PA'I GZHI'I PHYOGS GCIG LA SLOB NA DGE BSNYEN GYI SDOM PA DANG LDAN PA ZHES BYA'AM, LDAN PA MA YIN PA ZHES BYA ZHE NA, LDAN PA @88A *, ,ZHES KYANG BYA, TSUL KHRIMS 'CHAL PA ZHES KYANG BYA'O, ,ZA MA DANG MA NING RNAMS LAS DGE BSNYEN GYI SDOM PA BKAG GAM, DGE BSNYEN GYI SDOM PA MA BKAG CE NA, DGE BSNYEN NYID NI BKAG STE, DGE SLONG DANG DGE SLONG MA'I PHYOGS GNYIS LA BSNYEN BKUR BYA BA'I 'OS MA YIN PA'I PHYIR RO, ,MA NING NI LNGA STE, SKYES NAS MA NING DU GYUR PA DANG, MA NING PHRAG DOG CAN DANG, MA NING ZLA PHYED PA DANG, RLUGS PA'I MA NING DANG, NYAMS PA'I MA NING NGO, ,BSAM GTAN GYI SDOM PA GANG ZHE NA, 'CHAL BA'I TSUL KHRIMS KUN NAS SLONG BA'I NYON MONGS PA RNAMS KYI SA BON 'JOMS PA'I DUS NA 'DOD PA LA 'DOD CHAGS DANG BRAL BAS SPONG BA GANG YIN PA DANG, BSAM GTAN DANG PO LA 'DOD CHAGS DANG BRAL BA DANG, BSAM GTAN GNYIS PA LA 'DOD CHAGS DANG BRAL BA DANG, BSAM GTAN GSUM PA LA 'DOD CHAGS DANG BRAL BAS SPONG BA GANG YIN PA'O, ,ZAG PA MED PA'I SDOM PA GANG ZHE NA, BDEN PA MTHONG BA'I ZAG PA MED PA'I YID LA BYED PAS SPANGS PA GANG YIN PA'O, ,SDOM PA MA YIN PA GANG ZHE NA, SDOM PA MA YIN PA SHAN PA DANG, BYA GAG GSOD PA DANG, PHAG GIS 'TSO BA DANG; NYA PA DANG, RI DAGS KYI RNGON PA DANG, BYA PA DANG, BONG RGYAS 'TSOR BA DANG, TSOM RKUN PA DANG, GSHED MA DANG, GLANG PO CHE 'DZIN PA DANG, SBRUL GYIS 'TSO BA DANG, BTZON SRUNG DANG, NYAN RNA BYED PA DANG, GNOD PA BYED PA PA RNAMS KYI GANG YIN PA'O, ,DE DAG GI RIGS LAS SKYES PAS SAM, YANG DAG PAR BLANGS PA STE, DE DAG GI LAS SPYAD PAR NGES PAR BYAS PA'O, ,SDOM PA YANG MA YIN SDOM PA MA YIN PA YANG MA YIN PA GANG ZHE NA, SDOM PA YANG MA YIN SDOM PA MA YIN PA YANG MA YIN PA'I LAS DGE BA'AM, MI DGE BA GANG YIN PA'O, , BDE BA MYONG BAR 'GYUR BA'I LAS GANG ZHE NA, 'DOD PA'I KHAMS DANG, BSAM GTAN GSUM PO DAG GI DGE BA GANG YIN PA'O, ,SDUG BSNGAL MYONG BAR 'GYUR BA'I LAS GANG ZHE NA, GANG MI DGE BA'O, ,SDUG BSNGAL YANG MA YIN BDE BA YANG MA YIN PA MYONG BAR 'GYUR BA'I LAS GANG ZHE NA, @88B BSAM GTAN GSUM PA LAS GONG MA'I DGE BA'O, ,MTHONG BA'I CHOS LA MYONG BAR 'GYUR BA'I LAS GANG ZHE NA, GANG MTHONG BA'I CHOS LA RNAMS PAR SMIN PA RNAM PAR SMIN PAR 'GYUR BA STE, 'DI LTA STE, BYAMS PA'I TING NGE 'DZIN LAS LANGS PA LA PHAN 'DOGS PA DANG, GNOD PAR BYED PA LAS BYUNG BA DANG, BYAMS PA'I TING NGE 'DZIN LA JI LTA BAR NYON MONGS PA MED PA'I TING NGE 'DZIN DANG, 'GOG PA LA SNYOMS PAR 'JUG PA DANG, RGYUN TU ZHUGS PA'I 'BRAS BU DANG, DGRA BCOM PA'I 'BRAS BU LAS LANGS PA DANG, SANGS RGYAS LA SOGS PA DGE SLONG GI DGE 'DUN LA YANG DE BZHIN NO, ,YANG NA GANG BSAM PA SHIN TU DRAG POS SBYOR BAS DGE BA'AM MI DGE BA SPYOD PA'O, ,SKYES NAS MYONG BAR 'GYUR BA'I LAS GANG ZHE NA, GANG TSE PHYI MA'I NYID LA RNAM PAR SMIN PA RNAMS PAR SMIN PAR 'GYUR BA STE, 'DI LTA STE, MTSAMS MED PA LNGA'I LAS RNAMS SO, , YANG NA DGE BA DANG MI DGE BA GZHAN YANG YIN NO, ,LAN GRANGS GZHAN LA MYONG BAR 'GYUR BA'I LAS GANG ZHE NA, GANG DE PHAN CHAD DU RNAM PAR SMIN PA RNAM PAR SMIN PAR 'GYUR BA'O, ,GNAG LA RNAM PAR SMIN PA GNAG PA'I LAS GANG ZHE NA, GANG MI DGE BA'O, ,DKAR LA RNAM PAR SMIN PA DKAR BA'I LAS GANG ZHE NA, KHAMS GSUM PA'I DGE BA'O, ,DKAR GNAG TU GYUR LA RNAM PAR SMIN PA DKAR GNAG TU 'GYUR BA GANG ZHE NA, 'DOD PA DANG RAB TU LDAN PA'I 'DREN MA STE, BSAM PAS GNAG LA SBYOR BAS DKAR BA'AM, SBYOR BAS GNAG LA BSAM PAS DKAR BA'O, ,MI GNAG CING DKAR LA RNAM PAR SMIN PAR MI 'GYUR ZHING LAS ZAD PAR 'GYUR BA'I LAS GANG ZHE NA, SBYOR BA DANG BAR CHAD MED PA'I LAM RNAMS LA ZAG PA MED PA'I LAS SO, ,SBYIN PA'I LAS GANG ZHE NA, DE'I GZHI DANG, KUN NAS SLONG BA DANG, DNGOS PO DANG, NGO BO NYID KYIS KYANG RIG PAR BYA STE, GZHI NI MA CHAGS PA DANG, ZHE SDANG MED PA DANG, GTI MUG MED PA'O, ,KUN NAS SLONG BA NI DE DAG DANG LDAN PA'I SEMS PA'O, ,DNGOS PO NI DNGOS PO'O, ,NGO BO NYID NI GTONG BA NA LUS KYI LAS DANG NGAG GI LAS SO, ,JI LTAR NA SBYIN PA PHUN SUM TSOGS PA @89A *, ,YIN ZHE NA, PHYIR ZHING SBYIN PA DANG, PHYOGS MI 'BYED PAR SBYIN PA DANG, 'DOD PA YONGS SU RDZOGS PAR SBYIN PA'I PHYIR RO, ,YANG MI GNAS PAR SBYIN PA DANG, RGYA CHER SBYIN PA DANG, DGA' BAS SBYIN PA DANG, PHYIR ZHING SBYIN PA DANG, SNOD LA SBYIN PA DANG, 'KHOR DANG GLO BUR DU 'ONGS PA LA LEGS PAR BGOS TE SBYIN PAS SBYIN PA PHUN SUM TSOGS PAR RIG PAR BYA'O, ,JI LTAR NA SBYIN PAR BYA BA PHUN SUM TSOGS PAR RIG PAR BA ZHE NA, SBYIN PAR BYA BA'I DNGOS PO GNOD PAS GRUB PA MA YIN PA DANG, SBYIN PAR BYA BA'I DNGOS PO GZHAN LAS PHROGS PA MA YIN PA DANG, SBYIN PAR BYA BA'I DNGOS PO MA RUL ZHING DRI MA MED PA DANG, SBYIN PAR BYA BA'I DNGOS PO RUNG BA DANG, SBYIN PAR BYA BA'I DNGOS PO CHOS KYIS BSGRUBS PA'I PHYIR RO, ,JI LTAR NA TSUL KHRIMS DANG LDAN PA YIN ZHE NA, YANG DAG PAR BLANGS PA'I TSUL KHRIMS RJES SU SRUNG BA'I PHYIR RO, ,JI LTAR NA SONG SOR THAR PA'I SDOM PAS BSDOMS PA YIN ZHE NA, NGES PAR 'BYIN PA'I TSUL KHRIMS YIN PA'I PHYIR RO, ,JI LTAR NA CHO GA DANG SPYOD YUL PHUN SUM TSOGS PA YIN ZHE NA, MA SMAD PA'I TSUL KHRIMS YIN PA'I PHYIR RO, ,JI LTAR NA KHA NA MA THO BA CHUNG NGU TZAM RNAMS LA YANG 'JIGS PAR LTA BA YIN ZHE NA, SHIN TU GUS PAR SLOB PA'I TSUL KHRIMS YIN PA'I PHYIR RO, ,JI LTAR NA YANG DAG PAR BLANGS PA LA SLOB CE NA, BSLAB PA'I GZHI'I GNAS RNAMS LA BSLAB PA YONGS SU RDZOGS PAR SLOB PA'I TSUL KHRIMS YIN PA'I PHYIR RO, ,JI LTAR NA LUS DANG NGAG GIS BSDAMS PA YIN ZHE NA, SHES BZHIN GYIS YONGS SU ZIN PA'I PHYIR RO, ,JI LTAR NA LUS DANG NGAG PHUN SUM TSOGS PAS PHUN SUM TSOGS PA YIN ZHE NA, LTUNG BA MI BYED PA'I PHYIR RO, ,JI LTAR NA LUS DANG NGAG GI KUN TU SPYOD PA YONGS SU DAG PA YIN ZHE NA, 'GYOD PA MED PA LA SOGS PA'I RIM GYIS TING NGE 'DZIN GYI BAR LA GNAS PA'I PHYIR RO, ,JI LTAR NA LUS DANG NGAG GI KUN TU SPYOD PA DGE BA YIN ZHE NA, NYON MONGS PA CAN GYI RTOG PA DANG MA 'DRES PA'I PHYIR RO, ,JI LTAR NA LUS DANG NGAG GI KUN TU SPYOD PA KHA NA MA THO BA MED PA YIN ZHE NA, SMON NAS TSANGS PAR SPYOD PA LA GNAS PA RNAM PAR SPANGS PA'I PHYIR RO, ,JI LTAR NA @89B LUS DANG NGAG GI KUN TU SPYOD PA GNOD PA MED PA YIN ZHE NA, GZHAN LA BRNYAS THABS MI BYED CING 'GROGS NA BDE BA'I PHYIR RO, ,JI LTAR NA LUS DANG NGAG GI KUN TU SPYOD PA RJES SU MTHUN PA YIN ZHE NA, MYA NGAN LAS 'DAS PA THOB PAR BYED PA DANG MTHUN PA'I PHYIR RO, ,JI LTAR NA LUS DANG NGAG GI KUN TU SPYOD PA RJES SU 'BYOR BA YIN ZHE NA, DGE BA MI SPYOMS PA DANG SDIG PA MI 'CHAB PA'I PHYIR RO, ,JI LTAR NA LUS DANG NGAG GI KUN TU SPYOD PA THABS DANG LDAN PA YIN ZHE NA, TSANGS PA MTSUNGS PAR SPYOD PA NYE BAR SDUD PA'I TSUL KHRIMS YIN PA'I PHYIR RO, ,JI LTAR NA LUS DANG NGAG GI KUN TU SPYOD PA 'TSAM PA YIN ZHE NA, BLA MA RNAMS DANG BLA MA DANG 'DRA BA RNAMS LA NGA RGYAL BCAG PA'I PHYIR RO, ,JI LTAR NA LUS DANG NGAG GI KUN TU SPYOD PA MTHUN PA YIN ZHE NA, GDAMS NGAG LA MTHUN PAR 'DZIN PA'I PHYIR RO, ,JI LTAR NA LUS DANG NGAG GI KUN TU SPYOD PA GDUNG BA MED PA YIN ZHE NA, DKA' THUB DRAG PO DANG MNGON LA MOS PA RNAM PAR SPANGS PA'I PHYIR RO, ,JI LTAR NA LUS DANG NGAG GI KUN TU SPYOD PA PHYIS 'GYOD PA MED PA YIN ZHE NA, LONGS SPYOD DANG, LAS KYI MTHA' SPANGS PA LA 'GYOD PA MED PA'I PHYIR RO, ,JI LTAR NA LUS DANG NGAG GI KUN TU SPYOD PA YID LA GCAGS PA MED PA YIN ZHE NA, CUNG ZAD TZAM GYIS CHOG PAR MI 'DZIN PAS YID LA GCAGS PA MED PA'I PHYIR RO, ,BCOM LDAN 'DAS KYIS SEMS CAN 'DI DAG LAS BDAG GIR BYA BA LAS KYI BGO SKAL LA SPYOD PA LAS KYI SKYE GNAS PA LA BRTEN PAR BYA BA DAG STE, LAS NI SEMS CAN MTHON PO DANG DMA' BA DANG NGAN PA DANG GYA NOM PA RNAM PAR 'BYED PA'O ZHES GANG GSUNGS PA LA, LAS BDAG GIR BYA BA JI LTA BU ZHE NA, RANG GIS BYAS PA'I LAS KYI RNAM PAR SMIN PA MYONG BA'I PHYIR RO, ,JI LTAR NA LAS KYI BGO SKAL LA SPYOD PA YIN ZHE NA, RANG GIS BYAS PA'I RNAM PAR SMIN PA MYONG BA DE LA DGE BA DANG MI DGE BA'I LAS SO SO'I BGO SKAL LA SPYOD PA'I PHYIR RO, ,JI LTAR NA LAS KYI SKYE GNAS PA YIN ZHE NA, RGYU MED PA DANG MI MTHUN PA'I RGYU RNAM PAR SPANGS PA'I LAS KYI SKYE GNAS LAS SEMS CAN BYUNG BA'I PHYIR RO, ,JI LTAR NA LAS BRTEN PAR BYA BA YIN ZHE NA, LAS KYIS BCINGS PA LAS @90A *, ,RNAM PAR THAR PAR BYED PA'I GNYEN PO'I LAS BRTEN PA YIN PA'I PHYIR RO, ,SEMS CAN MTHON PO DANG DMA' BA GANG ZHE NA, BDE 'GRO DANG NGAN 'GROR LUS THOB PA'O, ,NGAN PA DANG GYA NON PA GANG ZHE NA, ,DE DAG NYID SKYON DANG LDAN PA DANG, YON TAN DANG LDAN PA'O, ,SEMS CAN RNAMS KYI LAS KYI RNAM PAR SMIN PA BSAM GYIS MI KHYAB PO ZHES GANG GSUNGS PA DE LA, LAS KYI RNAM PAR SMIN PA BSAM GYIS KHYAB PA NI JI LTA BU, BSAM GYIS MI KHYAB PA NI JI LTA BU ZHE NA, LAS DGE BA'I RNAM PAR SMIN PA LHA DANG MI RNAMS KYI NANG DU 'DOD PA NI BSAM GYIS KHYAB PA'O, , MI DGE BA'I LAS KYI RNAM PAR SMIN PA SEMS CAN DMYAL BA DANG, DUD 'GRO DANG, YI DAGS KYI NGAN SONG NGAN 'GRO LOG PAR LTUNG BA RNAMS SU MI 'DOD PA ZHES BYA BA NI BSAM GYIS KHYAB PA'O, ,LAS 'DIS NI SEMS CAN RNAMS KYI LUS SNA TSOGS SU 'GYUR ZHES BYA BA 'DI NI BSAM GYIS MI KHYAB PO, ,LAS DGE BA DANG MI DGE BA DE NYID GNAS DANG DNGOS PO DANG RGYU DANG RNAM PAR SMIN PA DANG RAB TU DBYE BAS NI BSAM GYIS MI KHYAB PA'O, ,PHYI'I DNGOS PO SNA TSOGS MNGON PAR 'GRUB PAR BYED PA'I LAS BSAM GYIS MI KHYAB PO, ,NOR BU DANG SNGAGS DANG SMAN DANG MKHYUD DPYAD DANG LDAN PA'I LAS BSAM GYIS MI KHYAB PO, ,RNAL 'BYOR PA THAMS CAD KYI MTHU'I LAS BSAM GYIS MI KHYAB PO, ,BYANG CHUB SEMS DPA' RNAMS KYI DBANG GI LAS BSAM GYIS MI KHYAB STE, 'DI LTA STE, TSE LA DBANG BA DANG, SEMS LA DBANG BA DANG, YO BYAD LA DBANG BA DANG, LAS LA DBANG BA DANG, SKYE BA LA DBANG BA DANG, MOS PA LA DBANG BA DANG, SMON LAM LA DBANG BA DANG, RDZU 'PHRUL LA DBANG BA DANG, YE SHES LA DBANG BA DANG, CHOS LA DBANG BA'I PHYIR RO, ,SANGS RGYAS THAMS CAD KYI SANGS RGYAS KYI MDZAD PA BSGRUB PA'I PHYIR PHRIN LAS BSAM GYIS MI KHYAB PO, ,DE DAG MDOR BSDU NA KUN 'BYUNG BA'I BDEN PA'I MTSAN NYID RNAM PAR BZHIR RIG PAR BYA STE, RGYU'I MTSAN NYID DANG, KUN 'BYUNG BA'I MTSAN NYID DANG, RAB TU SKYE BA'I MTSAN NYID DANG, RKYEN GYI MTSAN NYID DO, ,RGYU'I MTSAN NYID GANG ZHE NA, YANG SRID PA'I BAG CHAGS 'JOG PA'I BYED RGYU YIN PA'I PHYIR RGYU'I MTSAN @90B NYID DU RIG PAR BYA'O, ,KUN 'BYUNG BA'I MTSAN NYID GANG ZHE NA, SEMS CAN BAG CHAGS BSAGS PA DE DANG DE DAG SEMS CAN GYI RIS DE DANG DER KUN 'BYUNG BA'I BYED RGYU YIN PA'I PHYIR KUN 'BYUNG BA'I MTSAN NYID DU RIG PAR BYA'O, ,RAB TU SKYE BA'I MTSAN NYID GANG ZHE NA, SO SO RANG DANG RNAM PA DANG MCHOG TU 'BYUNG BA'I BYED RGYU YIN PA'I PHYIR RAB TU SKYE BA'I MTSAN NYID DU BLTA'O, ,RKYEN GYI MTSAN NYID GANG ZHE NA, GZHAN DANG GZHAN 'THOB PA DANG, 'DA' BA'I BYED RGYU YIN PA'I PHYIR RKYEN GYI MTSAN NYID DU RIG PAR BYA'O,, ,,BAM PO BZHI PA, 'GOG PA'I BDEN PA GANG ZHE NA, MTSAN NYID DANG, ZAB PA DANG, BRDA DANG, DON DAM PA DANG, YONGS SU MA RDZOGS PA DANG, YONGS SU RDZOGS PA DANG, RGYAN MED PA DANG, RGYAN DANG BCAS PA DANG, LHAG MA DANG BCAS PA DANG, LHAG MA MED PA DANG, KHYAD PAR DU 'PHAGS PA DANG, RNAM GRANGS KYIS KYANG 'GOG PA'I BDEN PAR RIG PAR BYA'O, ,MTSAN NYID KYIS JI LTA BU ZHE NA, DE BZHIN NYID DANG, LAM DANG NYON MONGS PA MI 'BYUNG BA STE, GANG DU 'GOG PA DANG, GANG GIS 'GOG PA DANG, GANG 'GOG PA'O, ,BCOM LDAN 'DAS KYIS SKAD DU, GANG DU MIG DANG RNA BA DAG, ,DE BZHIN SNA DANG LCE DANG LUS, ,YID DANG DE BZHIN MING DANG GZUGS, ,MA LUS PAR NI 'GOG 'GYUR BA, ,ZHES GSUNGS PA LTA BU'O, ,YANG GSUNGS PA, GANG DU MIG 'GAG PA DANG, KHA DOG GI 'DU SHES MED PAR 'GYUR BA DANG, CHOS KYI BAR DU 'GAG PA DANG, CHOS KYI 'DU SHES MED PAR 'GYUR BA DE NI GNAS SU RIG PAR BYA'O ZHE'O, ,RNAM GRANGS 'DIS NA DE BZHIN NYID LA DMIGS PA GANG DU ZAG PA DANG BCAS PA'I DNGOS PO 'GAG PA DE 'GOG PA'I MTSAN NYID DO, ,ZAB PAS JI LTA BU ZHE NA, 'DU BYED DE DAG GI 'JIG PA LAS 'GOG PA DE GZHAN ZHES KYANG MI BYA, GZHAN MA YIN PA ZHES KYANG MI BYA, GZHAN YANG YIN LA GZHAN MA YIN PA YANG YIN ZHES KYANG MI BYA, GZHAN PA'ANG MA YIN LA GZHAN MA YIN PA'ANG MA YIN ZHES KYANG MI BYA'O, ,DE CI'I PHYIR ZHE NA, SPROS PA MED PA'I PHYIR RO, ,SPROS PA NI SKABS 'DIR TSUL BZHIN MA YIN PA SEMS PA YIN TE, @91A *, ,BCOM LDAN 'DAS KYIS JI SKAD DU REG PA'I SKYE MCHED DRUG PO DAG ZAD PA DANG, RNAM PAR ZHIG PA DANG, 'GOG PA DANG, NYE BAR ZHI BA DANG, NUB PA LAS GZHAN YOD DO ZHE NA, SPROS PA MED PA SPROS PAR BYED DO, ,GZHAN MED DO ZHE'AM, YOD KYANG LA MED KYANG MED DO ZHE'AM, GZHAN YOD PA'ANG MA YIN MED PA'ANG MA YIN ZHE NA, YANG SPROS PA MED PA SPROS PAR BYED DO, ,JI SRID DU SKYE MCHED DRUG YOD PA DE SRID DU SPROS PA'O, ,SKYE MCHED DRUG 'GAGS PAS SPROS PA MED PA STE, MYA NGAN LAS 'DAS PAR BSTAN TO ZHES GSUNGS PA LTA BU'O; ,BRDAS JI LTA BU ZHE NA, 'JIG RTEN PA'I LAM GYIS SA BON NYAMS SMAD PAS 'GOG PA GANG YIN PA STE, DE'I PHYIR BCOM LDAN 'DAS KYIS DE'I RNAM GRANGS SU DE'I YAN LAG GIS MYA NGAN LAS 'DAS PAR GSUNGS SO, ,DON DAM PAS JI LTA BU ZHE NA, 'PHAGS PA'I SHES RAB KYIS SA BON KUN TU BCOM PAS 'GOG PA GANG YIN PA'O, ,YONGS SU MA RDZOGS PAS JI LTA BU ZHE NA, RGYUN DU ZHUGS PA'I 'BRAS BUR BSDUS PA'AM, LAN CIG PHYIR 'ONG BA'I 'BRAS BUR BSDUS PA'AM, PHYIR MI 'ONG BA'I 'BRAS BUR BSDUS PA'ANG RUNG STE, SLOB PA RNAMS KYI 'GOG PA GANG YIN PA'O, ,YONGS SU RDZOGS PAS JI LTA BU ZHE NA, DGRA BCOM PA'I 'BRAS BUR BSDUS PA MI SLOB PA RNAMS KYI 'GOG PA GANG YIN PA'O, ,RGYAN MED PAS JI LTA BU ZHE NA, SHES RAB KYI RNAM PAR GROL BA'I DGRA BCOM PA RNAMS KYI 'GOG PA GANG YIN PA'O, , RGYAN DANG BCAS PAS JI LTA BU ZHE NA, GNYI GA'I CHA LAS RNAM PAR GROL BA RIG PA GSUM DANG, MNGON PAR SHES PA DRUG DANG LDAN PA'I DGRA BCOM PA RNAMS KYI 'GOG PA GANG YIN PA'O, ,LHAG MA DANG BCAS PAS JI LTA BU ZHE NA, PHUNG PO'I LHAG MA DANG BCAS PA'I 'GOG PA GANG YIN PA'O, , LHAG MA MED PAS JI LTA BU ZHE NA, PHUNG PO'I LHAG MA MED PA'I 'GOG PA GANG YIN PA'O, ,KHYAD PAR DU 'PHAGS PAS JI LTA BU ZHE NA, SANGS RGYAS DANG BYANG CHUB SEMS DPA' RNAMS KYI MI GNAS PA'I MYA NGAN LAS 'DAS PAR BSDUS PA'I 'GOG PA GANG YIN PA STE, SEMS CAN THAMS CAD @91B LA PHAN PA DANG BDE BA NYE BAR GNAS PA'I PHYIR RO, ,RNAM GRANGS KYIS JI LTA BU ZHE NA, MA LUS PAR SPANGS PA DANG, NGES PAR SPANGS PA DANG, BYANG BAR GYUR PA DANG, ZAD PA DANG, 'DOD CHAGS DANG BRAL BA DANG, 'GOG PA DANG, RNAM PAR ZHI BA DANG, NUB PA'O, ,ZHES BYA BA LA SOGS PA'O, ,CI'I PHYIR MA LUS PAR SPANGS PA ZHES BYA ZHE NA, TSIG LHAG MA RNAMS KYI PHYIR RO, ,CI'I PHYIR NGES PAR SPANGS PA ZHES BYA ZHE NA, KUN NAS DKRIS PA BOR BA'I PHYIR RO, ,CI'I PHYIR BYANG BAR GYUR PA ZHES BYA ZHE NA, BAG LA NYAL MTHAR PHYIN PAR BYED PA'I PHYIR RO, ,CI'I PHYIR ZAD PA ZHES BYA ZHE NA, GNYEN PO MTHONG BA'I LAM GYIS BRAL BA'I PHYIR RO, ,CI'I PHYIR 'DOD CHAGS DANG BRAL BA ZHES BYA ZHE NA, GNYEN PO BSGOM PA'I LAM GYIS BRAL BA'I PHYIR RO, ,CI'I PHYIR 'GOG PA ZHES BYA ZHE NA, PHI MA LA DE'I 'BRAS BU SDUG BSNGAL MI KSYE BA'I PHYIR RO, ,CI'I PHYIR RNAM PAR ZHI BA ZHES BYA ZHE NA, MTHONG A'I CHOS LA DE'I 'BRAS BU SDUG BSNGAL RGYU BA MED PA'I PHYIR RO, ,CI'I PHYIR NUB PA ZHES BYA ZHE NA, PHUNG PO'I LHAG MA RNAM 'JIG PA'I PHYIR RO, ,CI'I PHYIR 'DUS MA BYAS ZHES BYA ZHE NA, MTSAN NYID GSUM DANG BRAL BA'I PHYIR RO, ,CI'I PHYIR BLTA DKA' BA ZHES BYA ZHE NA, SHA DANG LHA'I MIG GI SPYOD YUL LAS SHIN TU 'DAS PA'I PHYIR RO, ,CI'I PHYIR G-YO BA MED PA ZHES BYA ZHE NA, 'GRO BAR 'PHO BA DANG BRAL BA'I PHYIR RO, ,CI'I PHYIR MI 'DUD PA ZHES BYA ZHE NA, SRED PA GSUM DANG BRAL BA'I PHYIR RO, ,CI'I PHYIR 'CHI BA MED PA ZHES BYA ZHE NA, PHUNG PO'I BDUD DANG BRAL BA'I PHYIR RO, ,CI'I PHYIR ZAG PA MED PA ZHES BYA ZHE NA, NYON MONGS PA'I BDUD DANG BRAL BA'I PHYIR RO, ,CI'I PHYIR GNAS ZHES BYA ZHE NA, KHA NA MA THO BA MED PA'I DGA' BA'I GZHI YIN PA'I PHYIR RO, ,CI'I PHYIR GLING ZHES BYA ZHE NA, KHAMS GSUM LAS YONGS SU CHAD PA'I PHYIR RO, ,CI'I PHYIR SKYOB PA ZHES BYA ZHE NA, GNOD PA THAMS CAD BZLOG PA'I PHYIR RO, ,CI'I PHYIR MGON ZHES BYA ZHE NA, DER BSAM PA DANG SBYOR BA BYAS PA 'BRAS BU YOD PA'I GZHI'I GNAS YIN PA'I PHYIR RO, ,CI'I PHYIR DPUNG GNYEN ZHES BYA ZHE NA, 'PHAGS PA'I MCHOG NYID DU @92A *, ,'GRO BA'I GZHI'I GNAS YIN PA'I PHYIR RO, ,CI'I PHYIR 'CHI 'PHO MED PA ZHES BYA ZHE NA, SKYE BA DANG BRAL BA'I PHYIR RO, ,CI'I PHYIR RIMS NAD MED PA ZHES BYA ZHE NA, 'DOD PAS PHONGS PA THAMS CAD DANG BRAL BA'I PHYIR RO, ,CI'I PHYIR YONGS SU GDUNG BA MED PA ZHES BYA ZHE NA, MYA NGAN DANG SMRE BSNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA DANG BRAL BA'I PHYIR RO, ,CI'I PHYIR BDE BA ZHES BYA ZHE NA, 'JIG PA MED PAR GNAS PA'I GZHI'I GNAS YIN PA'I PHYIR RO, ,CI'I PHYIR ZHI BA ZHES BYA ZHE NA, PHAN PA'I DNGOS PO'I PHYIR RO; ,CI'I PHYIR BDE GZHI ZHES BYA ZHE NA, DON DAM PA'I BDE BA'I GZHI YIN PA'I PHYIR RO, ,CI'I PHYIR DGE BAR GYUR PA ZHES BYA ZHE NA, SBYOR BA BDE BA 'THOB PA'I GZHI'I GNAS YIN PA'I PHYIR RO, ,CI'I PHYIR NAD MED PA ZHES BYA ZHE NA, SGRIB PA THAMS CAD DANG BRAL BA'I PHYIR RO, ,CI'I PHYIR MI G-YO BA ZHES BYA ZHE NA, G-YENG BA THAMS CAD DANG BRAL BA'I PHYIR RO, ,CI'I PHYIR MYA NGAN LAS 'DAS PA ZHES BYA ZHE NA, MTSAN MA MED CING ZHING LA BDE BAR GNAS PA'I GZHI'I GNAS YIN PA'I PHYIR RO, ,CI'I PHYIR MA SKYES PA ZHES BYA ZHE NA, NYID MTSAMS SBYOR BA DANG BRAL BA'I PHYIR RO, , CI'I PHYIR MA BYUNG BA ZHES BYA ZHE NA, DE'I 'OG TU 'BYUNG BA DANG BRAL BA'I PHYIR RO, ,CI'I PHYIR MA BYAS PA ZHES BYA ZHE NA, SNGON GYI MTHA'I LAS DANG NYON MONGS PA'I 'PHEN PA DANG BRAL BA'I PHYIR RO, ,CI'I PHYIR 'DUS MA BYAS ZHES BYA ZHE NA, DA LTAR NYON MONGS PA 'DU MI BYED PA'I GZHI'I GNAS YIN PA'I PHYIR RO, ,CI'I PHYIR SKYE BA MED PA ZHES BYA ZHE NA, MA 'ONGS PA'I RGYUD 'BYUNG BA DANG BRAL BA'I PHYIR RO, ,YANG 'GOG PA'I BDEN PA'I MTSAN NYID RNAM PA BZHIR RIG PAR BYA STE, 'GOG PA'I MTSAN NYID DANG, ZHI BA'I MTSAN NYID DANG, GYA NOM PA'I MTSAN NYID DANG, NGES PAR 'BYUNG BA'I MTSAN NYID DO, ,CI'I PHYIR 'GOG PA'I MTSAN NYID CES BYA ZHE NA, NYON MONGS PA DANG BRAL BA'I PHYIR RO, ,CI'I PHYIR ZHI BA'I MTSAN NYID CES BYA ZHE NA, SDUG BSNGAL DANG BRAL BA'I PHYIR RO, ,CI'I PHYIR GYA NOM PA'I MTSAN NYID CES BYA ZHE NA, GTZANG BA DANG BDE BA'I @92B DNGOS PO YIN PA'I PHYIR RO, ,CI'I PHYIR NGES PAR 'BYUNG BA'I MTSAN NYID CES BYA ZHE NA, RTAG PA DANG PHAN PA'I GZHI YIN PA'I PHYIR RO, ,LAM GYI BDEN PA GANG ZHE NA, LAM GANG GIS SDUG BSNGAL YONGS SU SHES PA DANG, KUN 'BYUNG BA SPONG BA DANG, 'GOG PA MNGON DU BYED PA DANG, LAM BSGOM PA STE, 'DI NI LAM GYI MTSAN NYID MDOR BSDUS PA'O, ,YANG LAM RNAM PA LNGA STE, TSOGS KYI LAM DANG, SBYOR BA'I LAM DANG, MTHONG BA'I LAM DANG, BSGOM PA'I LAM DANG, MTHAR PHYIN PA'I LAM MO, ,TSOGS KYI LAM GANG ZHE NA, SO SO'I SKYE BO'I TSUL KHRIMS DANG, DBANG PO'I SGO BSDAMS PA DANG, ZAS KYI TSOD SHES PA DANG, NAM GYI CHA STOD DANG, NAM GYI CHAD SMAD LA MI NYAL BAR RNAL 'BYOR LA BRTZON PA DANG, SHES BZHIN DU GNAS PAR MNGON PAR DGA' BA'O, ,YANG GANG RGYUR GYUR PA'I DGE BA GZHAN DANG, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'I SHES RAB KYANG STE, DE BSGOMS PAS MNGON PAR RTOGS PA DANG, RNAM PAR THAR PAR 'GYUR BA'I GNAS KYI SNOD NYID DU 'GYUR RO, ,SBYOR BA'I LAM GANG ZHE NA, TSOGS KYI GANG YIN PA SBYOR BA'I YANG DE YIN NO, ,SBYOR BA YIN LA TSOGS MA YIN PA YANG YOD DE, TSOGS BSAGS PA'I NGES PAR 'BYED PA'I CHA DANG MTHUN PA'I DGE BA'I RTZA BA RNAMS TE, DE NI DRO BAR 'GYUR BA DANG, RTZE MO DANG, BDEN PA'I RJES SU MTHUN PA'I BZOD PA DANG, 'JIG RTEN PA'I CHOS KYI MCHOG RNAMS SO, ,DRO BAR GYUR PA GANG ZHE NA, SO SO RANG GIS BDEN PA RNAMS LA SNANG BA THOB PA'I TING NGE 'DZIN, SHES RAB MTSUNGS PAR LDAN PA DANG BCAS PA'O, ,RTZE MO GANG ZHE NA, SO SO RANG GIS BDEN PA RNAMS LA SNANG BA MCHED PA'I TING NGE 'DZIN DANG, SHES RAB MTSUNGS PAR LDAN PA DANG BCAS PA'O, ,BDEN PA'I RJES SU MTHUN PA'I BZOD PA GANG ZHE NA, SO SO RANG GI BDEN PA RNAMS KYI PHYOGS GCIG LA ZHUGS PA DANG RJES SU SONG BA'I RING NGE 'DZIN DANG SHES RAB MTSUNGS PAR LDAN PA DANG BCAS PA'O, ,'JIG RTEN PA'I CHOS KYI MCHOG GANG ZHE NA, SO SO RANG GIS BDEN PA RNAMS LA DE MA THAG PA'I SEMS KYI TING NGE 'DZIN DANG SHES RAB MTSUNGS PAR LDAN PA DANG BCAS PA'O, ,MTHONG @93A *, ,BA'I LAM GANG ZHE NA, MDOR BSDU NA 'JIG RTEN PA'I CHOS KYI MCHOG GI MJUG THOGS SU MI DMIGS PA'I TING NGE 'DZIN DANG SHES RAB MTSUNGS PAR LDAN PA DANG BCAS PA STE, DMIGS PAR BYA BA DANG DMIGS PAR BYED PA MNYAM PAS MNYAM PAR SHES PAR BYED PA YANG DE YIN TE, SO SO RANG LA SEMS CAN GYI BRDA DANG, CHOS KYI BRDA BSAL BA DANG, THAMS CAD DU GNYI GA'I BRDA BSAL BA LA DMIGS PA'I CHOS SHES PA YANG DE YIN NO, ,YANG MTHONG BA'I LAM LA RAB TU DBYE NA, 'JIG RTEN PA'I CHOS KYI MCHOG GI MJUG THOGS SU SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA DANG, SDUG BSNGAL LA RJES SU RTOGS PAR SHES PA'I BZOD PA DANG, SDUG BSNGAL LA RJES SU RTOGS PA'I SHES PA DANG, KUN 'BYUNG LA CHOS SHES PA'I BZOD PA DANG, KUN 'BYUNG LA CHOS SHES PA DANG, KUN 'BYUNG LA RJES SU RTOGS PAR SHES PA'I BZOD PA DANG, KUN 'BYUNG BLA RJES SU RTOGS PA'I SHES PA DANG, 'GOG PA LA CHOS SHES PA'I BZOD PA DANG, 'GOG PA LA CHOS SHES PA DANG, 'GOG PA LA RJES SU RTOGS PAR SHES PA'I BZOD PA DANG, 'GOG PA LA RJES SU RTOGS PA'I SHES PA DANG, LAM LA CHOS SHES PA'I BZOD PA DANG, LAM LA CHOS SHES PA DANG, LAM LA RJES SU RTOGS PAR SHES PA'I BZOD PA DANG, LAM LA RJES SU RTOGS PA'I SHES PA'O, ,SDUG BSNGAL GANG ZHE NA, SDUG BSNGAL GYI BDEN PA'O, ,SDUG BSNGAL LA CHOS GANG ZHE NA, SDUG BSNGAL GYI BDEN PA'I DBANG DU BYAS PA'I CHOS BSTAN PA RNAMS SO, , CHOS SHES PA GANG ZHE NA, SBYOR BA'I LAM LA SDUG BSNGAL GYI DBANG DU BYAS PA LAS BYUNG BA'I CHOS LA RNAM PAR DPYOD PA'I SHES PA'O, ,BZOD PA GANG ZHE NA, SNGAR RNAM PAR DPYAD PA'I DBANG DU BYAS NAS, SO SO RANG LA SDUG BSNGAL GYI BDEN PA MNGON SUM DU GYUR PA'I ZAG PA MED PA'I SHES RAB STE, GANG GIS SDUG BSNGAL MTHONG BAS SPANG BAR BYA BA'I NYON MONGS PA SPONG BA STE, SDUG BSNGAL LA CHOS SHES PA'I BZOD PA ZHES BYA'O, ,SDUG BSNGAL LA CHOS SHES PA GANG ZHE NA, SHES PA GANG GIS BZOD PA'I MJUG THOGS SU RNAM PAR GROL BA MNGON DU BYED PA'O, ,SDUG BSNGAL LA RJES SU @93B RTOGS PAR SHES PA'I BZOD PA GANG ZHE NA, SDUG BSNGAL LA CHOS SHES PA'I MJUG THOGS SU SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA 'DI GNYIS 'PHAGS PA'I CHOS RNAMS KYI RGYU'O ZHES SO SO RANG LA MNGON SUM DU GYUR PA'I ZAG PA MED PA'I SHES RAB BO, , SDUG BSNGAL LA RJES SU RTOGS PA'I SHES PA GANG ZHE NA, SHES PA GANG GIS RJES SU RTOGS PAR SHES PA'I BZOD PA DE NGES PAR 'DZIN PA'O, ,DE BZHIN DU BDEN PA LHAG MA RNAMS LA YANG BZOD PA DANG, SHES PA RNAMS CI RIGS SU SHES PAR BYA'O, ,DE LA CHOS SHES PA'I BZOD PA DANG, SHES PA RNAMS KYIS NI GZUNG BA RTOGS SO, ,RJES SU RTOGS PA'I BZOD PA DANG, SHES PA RNAMS KYIS NI 'DZIN PA RTOGS SO, ,BZOD PA DANG SHES PA THAMS CAD LA YANG MTSAN MA MED PAR GNAS PA'I RNAL 'BYOR CAN DU RIG PAR BYA'O, ,SEMS KYI SKAD CIG BCU DRUG PO 'DI DAG NI MTHONG BA'I LAM MA, , SEMS KYI SKAD CIG NI SHES BYA LA SHES PA 'BYUNG BA YONGS SU RDZOGS PAR RIG PAR BYA'O, ,CHOS RNAMS LA CHOS KYI MIG RDZUL MED CING DRI MA DANG BRAL BA SKYES SO ZHES GANG GSUNGS PA DE NI MTHONG BA'I LAM GYI DBANG DU MDZAD NAS GSUNGS PA STE, CHOS LA BZOD PA RNAMS KYIS NI RDUL MED PA'O, ,CHOS SHES PA RNAMS KYIS NI DRI MA DANG BRAL BA'O, ,YONGS SU SHES PA DANG SPANGS PA LAS KYANG LAM RNAM PAR DAG PA'I PHYIR RO, ,CHOS MTHONG BA, CHOS THOB PA, CHOS RIG PA, CHOS RTOGS PA, SOM NYI LAS RGAL BA, THE TSOM LAS RGAL BA, GZHAN GYI DRING LA MI 'JOG PA, STON PA'I BSTAN PA'I BSTAN PA LAS GZHAN GYIS MI BKRI BA, CHOS RNAMS LA MI 'JIGS PA THOB PAS ZHES GANG GSUNGS PA DE YANG MTHONG BA'I LAM GYI DBANG DU MDZAD NAS GSUNGS PA STE, CHOS LA BZOD PA RNAMS KYI CHOS MTHONG NGO, ,CHOS SHES PA RNAMS KYIS CHOS THOB BO, ,RJES SU RTOGS PA'I BZOD PA RNAMS KYIS CHOS RIG GO, ,RJES SU RTOGS PA'I SHES PA RNAMS KYIS CHOS RTOGS SO, ,THAMS CAD KYIS RANG GIS THOB PA LA SOM NYI LAS RGAL TO, ,GZHAN GYIS THOB PA LAS THE TSOM LAS RGAL TO, ,LAM SGOM PA LA GZHAN GYI DRING LA MI 'JOG GO, ,MU STEGS CAN RNAMS KYIS MI 'PHROGS PA'I PHYIR STON PA'I BSTAN PA LAS GZHAN GYIS MI @94A *, ,BKRI'O, ,CHOS RNAMS LA MI 'JIGS PA THOB PA NI YONGS SU DRI BA'I CHOS DANG, LUNG DU BSTAN PA'I CHOS NI 'DIR CHOS SU 'DOD DE, SEMS ZHUM PA MED PA'I PHYIR DE LA MI 'JIGS PA THOB BO, ,BSGOM PA'I LAM GANG ZHE NA, MTHONG BA'I LAM LAS GONG DU GYUR PA 'JIG RTEN PA'I LAM DANG, 'JIG RTEN LAS 'DAS PA'I LAM DANG, LAM CHUNG NGU DANG, LAM 'BRING DANG, LAM CHEN PO DANG, SBYOR BA'I LAM DANG, BAR CHAD MED PA'I LAM DANG, RNAM PAR GROL BA'I LAM DANG, KHYAD PAR GYI LAM MO, ,'JIG RTEN PA'I LAM GANG ZHE NA, 'JIG RTEN PA'I BSAM GTAN DANG PO DANG, GNYIS PA DANG, GSUM PA DANG, BSAM GTAN BZHI PA DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED DE, BSAM GTAN DANG, GZUGS MED PA DE DAG KYANG KUN NAS NYON MONGS PA DANG, RNAM PAR BYANG BA DANG, RNAM PAR GZHAG PA DANG, RNAM PAR DAG PAS RIG PAR BYA'O, ,KUN NAS NYON MONGS PAS JI LTA BU ZHE NA, LUNG DU MA BSTAN PA'I RTZA BA BZHI PO, SRED PA DANG, LTA BA DANG, NGA RGYAL DANG, MA RIG PA'O, ,SRED PAS NI RO MYONG BA'I KUN NAS NYON MONGS PAS KUN NAS NYON MONGS SO, ,LTA BAS NI LTA BA SHAS CHES BA'I BSAM GTAN PA NYID KYIS KUN NAS NYON MONGS SO, ,NGA RGYAL GYIS NI NGA RGYAL SHAS CHE BA'I BSAM GTAN PA NYID KYIS KUN NAS NYON MONGS SO, ,MA RIG PAS NI THE TSOM SHAS CHE BA'I BSAM GTAN PA NYID KYIS KUN NAS NYON MONGS SO, ,DE LTAR SEMS KUN NAS NYON MONGS PA DAG LA GZUGS DANG GZUGS MED PA NA SPYOD PA'I NYON MONGS PA DANG NYE BA'I NYON MONGS PA RNAMS 'BYUNG NGO, ,RNAM PAR BYANG BAS JI LTA BU ZHE NA, DAG PA PA'I BSAM GTAN DANG, GZUGS MED PA RNAMS KYANG DGE BA'I PHYIR RNAM PAR BYANG BA ZHES BYA'O, ,RNAM PAR GZHAG PAS JI LTA BU ZHE NA, YAN LAG RNAM PAR GZHAG PA DANG, SNYOMS PAR 'JUG PA RNAM PAR GZHAG PA DANG, TSAD RNAM PAR GZHAG PA DANG, MING DU GDAGS PA RNAMS PAR GZHAG PAS SO, ,YAN LAG RNAM PAR GZHAG PAS JI LTA BU ZHE NA, BSAM GTAN DANG PO LA YAN LAG LNGA STE, YAN LAG LNGA @94B NI RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA NYID DO, ,BSAM GTAN GNYIS PA LA YAN LAG BZHI STE, YAN LAG BZHI NI NANG RAB TU DANG BA DANG, DGA' BA DANG, BDE BA DANG, SEMS RTZE GCIG PA NYID DO, ,BSAM GTAN GSUM PA LA YAN LAG LNGA STE; YAL LAG LNGA NI BTANG SNYOMS DANG, DRAN PA DANG, SHES BZHIN DANG, BDE BA DANG, SEMS RTZE GCIG PA NYID DO, ,BSAM GTAN BZHI PA LA YAN LAG BZHI STE, YAN LAG BZHI NI BTANG SNYOMS YONGS SU DAG PA DANG, DRAN PA YONGS SU DAG PA DANG, SDUG BSNGAL YANG MA YIN BDE BA YANG MA YIN PA'I TSOR BA DANG, SEMS RTZE GCIG PA NYID DO, ,GNYEN PO'I YAN LAG DANG, PHAN YON GYI YAN LAG DANG DE GNYI GA'I GNAS KYI RANG BZHIN GYI YAN LAG GI PHYIR RO, ,GZUGS MED PA RNAMS NA NI ZHI GNAS SU RO GCIG PA NYID KYI PHYIR YAN LAG RNAM PAR GZHAG PA MED DO; ,SNYOMS PAR 'JUG PA RNAM PAR GZHAG PAS JI LTA BU ZHE NA, YID LA BYED PA BDUN GYIS BSAM GTAN DANG PO LA SNYOMS PAR 'JUG STE, 'DU SHES MED 'DU SHES MED MIN SKYE MCHED KYI BAR DU YANG DE BZHIN NO, ,YID LA BYED PA BDUN GANG ZHE NA, MTSAN NYID RAB TU RIG PA'I YID LA BYED PA DANG, MOS PA LAS BYUNG BA DANG, RAB TU DBEN PA LAS BYUNG BA DANG, DGA' BA SDUD PA DANG, DPYOD PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O, ,TSAD RNAM PAR GZHAG PAS JI LTA BU ZHE NA, BSAM GTAN DANG PO LA CHUNG NGUR YONGS SU BSGOMS PA DANG, 'BRING DANG CHEN POR YONGS SU BSGOMS PA'O, ,BSAM GTAN DANG PO LA JI LTA BAR BSAM GTAN LHAG MA RNAMS DANG, GZUGS MED PA RNAMS KYANG DE BZHIN NO, ,BSAM GTAN DANG PO LA CHUNG NGU DANG, 'BRING DANG CHER YONGS SU BSGOMS PA'I 'BRAS BU NI BSAM GTAN DANG PO'I SKYE BA GSUM MO; ,BSAM GTAN DANG PO LA JI LTA BAR BSAM GTAN LHAG MA RNAMS KYI YANG DE BZHIN TE, BSAM GTAN GYI SKYE BA RNAM PA GSUM GSUM MO, ,GZUGS MED PA NA NI GNAS GZHAN MED PA'I PHYIR SKYE BA THA DAD PA YANG MED DO, ,DE NA CHUNG NGU DANG, 'BRING DANG, CHEN POR YONGS SU BSGOMS PAS @95A *, ,GZUGS MED PA RNAMS SU SKYE BA MTHON PO DANG, DMA' BA DANG, NGAN PA DANG, BZANG POR MNGON NO, ,MING DU GDAGS PA RNAM PAR GZHAG PAS JI LTA BU ZHE NA, BSAM GTAN DANG POS BSDUS PA'I TING NGE 'DZIN JI SNYED LA, SANGS RGYAS DANG BYANG CHUB SEMS DPA' RNAMS SNYOMS PAR 'JUG PA DE DAG GI MING YANG NYAN THOS DANG, RANG SANGS RGYAS RNAMS KYIS MI SHES SO, ,BSAM GTAN DANG POS BSDUS PA JI LTA BAR BSAM GTAN LHAG MA RNAMS DANG, GZUGS MED PAS BSDUS PA RNAMS KYANG DE BZHIN TE, 'DI NI BSAM GTAN GYI PHA ROL TU PHYIN PA LA BRTEN NAS SO, ,RNAM PAR DAG PAS JI LTA BU ZHE NA, RAB KYI MTHA'I CHA LAS BYUNG BA BSAM GTAN DANG PO NAS 'DU SHES MED 'DU SHES MED MIN SKYE MCHED KYI BAR DU RNAM PAR DAG PA ZHES BYA'O, ,'JIG RTEN LAS 'DAS PA'I LAM GANG ZHE NA, BSGOM PA'I LAM LA SDUG BSNGAL DANG, KUN 'BYUNG BA DANG; 'GOG PA DANG, LAM SHES PA RNAMS TE, CHOS SHES PA DANG, RJES SU RTOGS PA SHES PA'I PHYOGS DANG, DE DAG DANG MTSUNGS PAR LDAN PA'I TING NGE 'DZIN DANG, BSAM GTAN DANG PO NAS CI YANG MED PA'I SKYE MCHED KYI BAR DU'O, ,'DU SHES MED 'DU SHES MED MIN SKYE MCHED NI 'DU SHES KYI RGYU BA YONGS SU MI GSAL BA'I PHYIR 'JIG RTEN PA NYID DE, DE'I PHYIR MTSAN MA MED PA ZHES BYA'O, ,BCOM LDAN 'DAS KYIS JI SKAD DU, JI TZAM DU 'DU SHES KYI SNYOMS PAR 'JUG PA DE TZAM DU KUN SHES PAR RTOGS SO ZHES GSUNGS PA LTA BU'O, ,'GOG PA'I SNYOMS PAR 'JUG PA NI 'JIG RTEN LAS 'DAS PA STE, MI RNAMS KYI NANG DU MNGON PAR BSGRUB BO, ,MI RNAMS KYI NANG DU MNGON PAR GRUB NAS, MI RNAMS KYI NANG DU'AM, GZUGS KYI KHAMS SU MNGON DU BYED DO, ,GZUGS MED PA'I KHAMS RNAMS SU NI 'DI MNGON DU 'GYUR BA MED DE, ZHI BA'I RNAM PAR THAR PA'I RNAM PAR SMIN PAS GNAS PA RNAMS NI DE LA 'BAD PA'I RTZOM PA MED PA'I PHYIR RO, ,LAM CHUNG NGU GANG ZHE NA, CHUNG NGU'I DANG, CHUNG NGU'I 'BRING PO DANG, CHUNG NGU'I CHEN PO STE, GANG GIS SA DANG SA NA KHAMS GSUM NA SPYOD PA'I NYON MONGS PA RNAMS KYI NYON MONGS PA'I RNAM PA CHEN PO'I CHEN @95B PO DANG, CHEN PO'I 'BRING PO DANG, CHEN PO'I CHUNG NGU SPONG BA'O, ,LAM 'BRING PO GANG ZHE NA, 'BRING PO'I CHUNG NGU DANG, 'BRING PO'I 'BRING PO DANG, 'BRING PO'I CHEN PO STE, GANG GIS SA DANG SA NA KHAMS GSUM NA SPYOD PA'I NYON MONGS PA RNAMS KYI NYON MONGS PA'I RNAM PA 'BRING PO'I CHEN PO DANG; 'BRING PO'I 'BRING PO DANG, 'BRING PO'I CHUNG DU SPONG PA'O, ,LAM CHEN PO GANG ZHE NA, CHEN PO'I CHUNG NGU DANG, CHEN PO'I 'BRING PO DANG, CHEN PO'I CHEN PO STE, GANG GIS SA DANG SA NA KHAMS SU GSUM NA SPYOD PA'I NYON MONGS PA RNAMS KYI NYON MONGS PA'I RNAM PA CHUNG NGU'I CHEN PO DANG, CHUNG NGU'I 'BRING PO DANG, CHUNG NGU'I CHUNG NGU SPONG BA'O, ,SBYOR BA'I LAM GANG ZHE NA, GANG GIS NYON MONGS PA SPONG BA'O, ,BAR CHAD MED PA'I LAM GANG ZHE NA, GANG GI 'OG TU BAR CHAD MED PAR NYON MONGS PA SPONG BAR 'GYUR BA'O, ,RNAM PAR GROL BA'I LAM GANG ZHE NA, GANG GIS NYON MONGS PA SPONGS NAS RNAM PAR GROL BA MNGON DU BYED PA'O, ,KHYAD PAR GYI LAM GANG ZHE NA, NYON MONGS PA'I RNAM PA DE LAS GZHAN PA LA SBYOR BA DANG, BAR CHAD MED PA DANG, RNAM PAR GROL BA'I LAM NI KHYAD PAR GYI LAM MO, ,YANG NYON MONGS PA SPONG BA'I SBYOR BA BSAL NAS, CHOS SEMS PA'AM, ZHUGS PA'I CHOS LA GNAS PA'AM, SNYOMS PAR 'JUG PA'I KHYAD PAR GYI LAM GANG YIN PA'O, ,YANG YON TAN KHYAD PAR CAN RNAMS MNGON PAR BSGRUB PA'AM, GNAS PA'I LAM GANG YIN PA'O, ,LAM BSGOM PA GANG ZHE NA, THOB PAR BYA BA'I PHYIR BSGOM PA DANG, BSTAN PA'I BSGOM PA DANG, BSAL BA'I PHYIR BSGOM PA DANG, GNYEN PO BSGOM PA'O, ,THOB PAR BYA BA'I PHYIR BSGOM PA GANG ZHE NA, DGE BA'I CHOS MA SKYES PA RNAMS BSKYED PA'I PHYIR BSGOM PA'O, ,BSTEN PA'I BSGOM PA GANG ZHE NA, DGE BA'I CHOS SKYES PA RNAMS GNAS PA DANG, MI NYAMS PA DANG, PHYIR ZHING 'BYUNG BA DANG, 'PHEL BA DANG, YANGS PAR BYA BA'I PHYIR GANG BSGOM PA'O, ,BSAL BA'I PHYIR BSGOM PA GANG ZHE NA, SDIG PA MI DGE BA'I CHOS SKYES PA RNAMS SPANG BA'I PHYIR GANG BSGOM PA'O, ,GNYEN PO BSGOM PA GANG ZHE NA, SDIG PA MI DGE BA'I CHOS MA SKYES PA RNAMS MI BSKYED PA'I PHYIR GANG @96A *, ,BSGOM PA'O, ,YANG LAM SKYE BA NA RANG GI BAG CHAGS 'JOG PA DE NI THOB PAR BYA BA'I PHYIR BSGOM PA'O, ,DE NYID MNGON DU GYUR NAS BSGOM PAR 'GYUR BA DE NI BSTEN PA'I BSGOM PA'O, ,RANG GI SGRIB PA SPONG BA DE NI BSAL BA'I PHYIR BSGOM PA'O, ,SGRIB PA SPANGS NAS KYANG PHYI MA LA MI SKYE BA'I CHOS CAN DU 'JOG PA DE NI GNYEN PO BSGOM PA'O, ,YANG GNYEN PO RNAM PA BZHI STE, RNAM PAR SUN 'BYIN PA GNYEN PO DANG, SPONG BA GNYEN PO DANG, RTEN GNYEN PO DANG, THAG BSRING BA GNYEN PO NI GNYEN PO BSGOM PA ZHES BYA'O, ,RNAM PAR SUN 'BYIN PA GNYEN PO GANG ZHE NA, ZAG PA DANG BCAS PA'I 'DU BYED RNAMS LA NYES DMIGS SU BLTA BA'O, ,SPONG BA GNYEN PO GANG ZHE NA, SBYOR BA DANG BAR CHAD MED PA'I LAM MO, ,RTEN GNYEN PO GANG ZHE NA, RNAM PAR GROL BA'I LAM MO, ,THAG BSRING BA GNYEN PO GANG ZHE NA, DE'I GONG MA'I LAM MO, ,YANG DNGOS PO LA YONGS SU RTOG PA'I LAM DANG, RTZOL BA LAS BYUNG BA'I LAM DANG, TING NGE 'DZIN YONGS SU SBYONG BAR BYED PA'I LAM DANG, MNGON PAR RTOGS PA LA SBYOR BA'I LAM DANG, MNGON PAR RTOGS PA DANG, 'BREL BA'I LAM DANG, MNGON PAR RTOGS PA'I LAM DANG, RNAM PAR DAG PAR NGES PAR 'BYIN PA'I LAM DANG, GNAS DANG DBANG POS THA DAD PA'I LAM DANG, BSLAB PA GSUM YONGS SU SBYONG BA'I LAM DANG, YON TAN THAMS CAD SGRUB PAR BYED PA'I LAM DANG, LAM SDUD PA'I LAM NI LAM ZHES BYA STE, DE YANG BYANG CHUB KYI PHYOGS KYI CHOS SUM CU RTZA BDUN DANG, LAM BZHI DANG, CHOS KYI GNAS BZHI DANG, ZHI GNAS DANG, LHAG MTHONG DANG, DBANG PO GSUM DANG, GO RIMS BZHIN NO, ,DRAN PA GNYE BAR GZHAG PA RNAMS NI, DMIGS PA DANG, NGO BO NYID DANG, GROGS DANG, BSGOM PA DANG, BSGOMS PA'I 'BRAS BUR RIG PAR BYA'O, ,DRAN PA NYE BAR GZHAG PA RNAMS LA JI LTA BAR BYANG CHUB KYI PHYOGS LHAG MA RNAMS LA'ANG DE BZHIN NO, ,DRAN PA NYE BAR GZHAG PA RNAMS KYI DMIGS PA GANG ZHE NA, LUS DANG, TSOR BA DANG, SEMS DANG, CHOS SO, ,YANG BDAG GI GNAS KYI DNGOS PO DANG, BDAG GI LONGS SPYOD KYI GZHI DANG, BDAG GI DNGOS PO DANG, BDAG @96B KUN NAS NYON MONGS PA DANG RNAM PAR BYANG BA'I DNGOS PO'O, ,NGO BO NYID GANG ZHE NA, SHES RAB DANG DRAN PA'O, ,GROGS GANG ZHE NA, DE DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSGOM PA GANG ZHE NA, NANG GI LUS LA SOGS PA LA LUS LA SOGS PA'I RJES SU LTA BA'O, ,NANG LA JI LTA BAR PHYI DANG, NANG DANG PHYI LA YANG DE BZHIN NO, ,NANG GI LUS GANG ZHE NA, LUS GANG LA NANG GI SKYE MCHED GZUGS CAN DAG GANG YIN PA'O, ,PHYI'I LUS GANG ZHE NA, PHYI'I SKYE MCHED GZUGS CAN RNAMS SO, ,NANG DANG PHYI'I LUS GANG ZHE NA, NANG GI SKYE MCHED DANG, 'BREL BA'I PHYI'I SKYE MCHED DBANG PO'I GNAS RNAMS DANG, GZHAN GYI RGYUD LA YOD PA'I NANG GI SKYE MCHED GZUGS CAN RNAMS SO, ,LUS LA LUS KYI RJES SU LTA BA GANG ZHE NA, RNAM PAR RTOG PA'I GZUGS BRNYAN GYI LUS DANG, RANG BZHIN GYI GZUGS KYI LUS LA MNYAM PA NYID DU LTA BA GANG YIN PA'O, ,NANG GI TSOR BA GANG ZHE NA, NANG GI LUS LA BRTEN NAS BYUNG BA'I TSOR BA'O, ,PHYI'I TSOR BA GANG ZHE NA, PHYI'I LUS LA BRTEN NAS BYUNG BA'I TSOR BA'O, ,NANG DANG PHYI'I TSOR BA GANG ZHE NA, NANG DANG PHYI'I LUS LA BRTEN NAS BYUNG BA'I TSOR BA'O, ,TSOR BA LA JI LTA BAR SEMS DANG CHOS LA YANG DE BZHIN NO, ,LUS LA LUS KYI RJES SU LTA BA JI LTA BAR TSOR BA LA SOGS PA LA TSOR BA LA SOGS PA'I RJES SU LTA BA YANG DE BZHIN TE CI RIGS SU SBYAR BAR RIG PAR BYA'O, ,YANG BSGOM PA NI 'DUN PA DANG, BRTZON 'GRUS DANG, RTZOL BA DANG; SPRO BA DANG, MA THAN PA DANG, PHYIR NUR BA MED PA DANG, DRAN PA DANG, SHES BZHIN DANG, BAG YOD PA'O, ,YID LA MI BYED PA NYE BA'I NYON MONGS PA'I GNYEN POR 'DUN PA BSGOM MO, ,LE LO NYE BA'I NYON MONGS PA'I GNYEN POR BRTZON 'GRUS RTZOM MO, ,BYING BA DANG RGOD PA NYE BA'I NYON MONGS PA'I GNYEN POR RTZOL BA BSGOM MO, ,SEMS ZHUM PA NYE BA'I NYON MONGS PA'I GNYEN POR SPRO BA BSGOM MO, ,GNOD PAS YONGS SU SKYO BA NYE BA'I NYON MONGS PA'I GNYEN POR MA THAN PA BSGOM MO, ,CUNG ZAD TZAM GYIS CHOG PAR 'DZIN PA NYE BA'I NYON MONGS PA'I GNYEN POR @97A *, ,PHYIR NUR PA MED PA BSGOM MO, ,GDAMS NGAG BRJED PA NYE BA'I NYON MONGS PA'I GNYEN POR DRAN PA BSGOM MO, ,LTUNG BAS YID LA GCAGS PA NYE BA'I NYON MONGS PA'I GNYEN POR SHES BZHIN BSGOM MO, ,BRTZON PA 'DOR BA NYE BA'I NYON MONGS PA'I GNYEN POR BAG YOD PA BSGOM MO, ,BSGOMS PA'I 'BRAS BU GANG ZHE NA, PHYIN CI LOG SPONG BA DANG, BDEN PA LA 'JUG PA DANG, LUS LA SOGS PA DANG BRAL BA'O, ,YANG DAG PAR SPONG BA RNAMS KYI DMIGS PA GANG ZHE NA, MI MTHUN PA'I PHYOGS DANG, GNYEN PO SKYES PA DANG, MA SKYES PA'O, ,NGO BO NYID GANG ZHE NA, BRTZON 'GRUS SO, ,GROGS GANG ZHE NA, DE DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSGOM PA GANG ZHE NA, GANG 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO; ,RAB TU 'JOG GO ZHES BYA BA STE, 'DI NI BRTZON 'GRUS BSGOM PA GNAS DANG BCAS PA'O, ,GNAS NI 'DUN PA'O, ,'BAD PA NI BRTZON 'GRUS SO, ,ZHI GNAS DANG, RAB TU 'DZIN PA DANG, BTANG SNYOMS KYI MTSAN MA YID LA BYED PA LA BRTZON 'GRUS RTZOM MO, ,BYING BA DANG; RGOD PA SEL BA YANG BRTZON 'GRUS NYID DE, 'DI LTAR DE'I 'OG TU SEMS RAB TU 'DZIN PA DANG, RAB TU 'JOG PA SMOS SO, ,'BRAS BU GANG ZHE NA, MI MTHUN PA'I PHYOGS MA LUS PAR NYAMS PA DANG, GNYEN PO THOB PA DANG 'PHEL BA'O, ,RDZU 'PHRUL GYI RKANG PA RNAMS KYI DMIGS PA GANG ZHE NA, TING NGE 'DZIN GYIS GRUB PA'I BYA BA'O, ,NGO BO NYID GANG ZHE NA, TING NGE 'DZIN TO, ,GROGS GANG ZHE NA, 'DUN PA DANG, BRTZON 'GRUS DANG, SEMS DANG, DPYOD PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,'DUN PA'I TING NGE 'DZIN GANG ZHE NA, GANG GUS PAR SBYOR BA LA BRTEN NAS SEMS RTZE GCIG PA NYID LA REG PA'O, ,BRTZON 'GRUS KYI TING NGE 'DZIN GANG ZHE NA, GANG RGYUN DU SBYOR BA LA BRTEN NAS, SEMS RTZE GCIG PA NYID LA REG PA'O, ,SEMS KYI TING NGE 'DZIN GANG @97B ZHE NA, GANG SNGON TING NGE 'DZIN BSGOMS PA LA BRTEN NAS, SEMS RTZE GCIG PA NYID LA REG PA'O, ,DPYOD PA'I TING NGE 'DZIN GANG ZHE NA, GANG GZHAN GYIS BSTAN NAS CHOS RAB TU RNAMS PAR 'BYED PA LA BRTEN NAS, SEMS RTZE GCIG PA NYID LA REG PA'O, ,YANG 'DUN PA'I TING NGE 'DZIN NI GANG 'DUN PA BSKYED PA NA SEMS RTZE GCIG PA NYID LA REG PA'O, ,BRTZON 'GRUS KYI TING NGE 'DZIN NI GANG 'BAD CING BRTZON 'GRUS RTZOM PA NA, SEMS RTZE GCIG PA NYID LA REG PA'O, ,SEMS KYI TING NGE 'DZIN NI GANG SEMS RAB TU 'JOG PA NA, SEMS RTZE GCIG PA NYID LA REG PA'O, ,DPYOD PA'I TING NGE 'DZIN NI GANG SEMS RAB TU 'DZIN PA NA, SEMS RTZE GCIG PA NYID LA REG PA'O, ,BSGOM PA GANG ZHE NA, SPONG BA'I 'DU BYED BRGYAD GOMS PAR BYED PA STE, SPONG BA'I 'DU BYED BRGYAD NI, 'DUN PA DANG, RTZOL BA DANG, DAD PA DANG, SHIN TU SKYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS SO, ,'DI DAG BRGYAD YIN DU ZIN KYANG BZHIR 'GYUR TE, 'BAD PA DANG, PHAN 'DOGS PA DANG, NYE BAR 'DOGS PA DANG, GNYEN PO'O, ,YANG 'DUN PA DANG, BRTZON 'GRUS DANG, SEMS DANG, DPYOD PA RNAMS KYI SDUD PA DANG, G-YENG BA GZHI DANG BCAS PAR YONGS SU SPANGS PA DANG, ZHUM PA MED PA DANG, G-YENG BA MED PA DANG, DE GNYI GA'I GNAS DANG MTHUN PA BSGOM MO, ,'BRAS BU GANG ZHE NA, DE LTAR TING NGE 'DZIN LEGS PAR YONGS SU SPYANG BA BYAS NA, CHOS MNGON PAR SHES PAR BYA BA GANG DANG GANG MNGON DU BYA BAR 'DOD PA DE DANG DE LA SEMS MNGON PAR GTOD PA DE RANG RANG GI GNAS KYI CHOS RNAMS LA MNGON DU 'GYUR BA'I SKAL BA CAN DU 'GYUR RO, ,DBANG PO RNAMS KYI DMIGS PA GANG ZHE NA, 'PHAGS PA'I BDEN PA BZHI PO RNAMS SO, ,NGO BO NYID GANG ZHE NA, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB PO, ,GROGS GANG ZHE NA, DE DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSGOM PA GANG ZHE NA, DAD PA'I DBANG @98A *, ,PO NI BDEN PA RNAMS LA MNGON PAR YID CHES PA'I TSUL GYIS BSGOM PAR 'GYUR RO, ,MNGON PAR YID CHES PA SKYES PA NI BDEN PA MNGON PAR RTOGS PAR BYA BA'I PHYIR SPRO BA'I TSUL GYIS BRTZON 'GRUS BSGOM PAR 'GYUR RO, ,BRTZON 'GRUS BRTZAMS PA NI BDEN PA RNAMS LA NYE BAR GNAS PA'I DRAN PA MI BRJED PA'I TSUL GYIS BSGOM PAR 'GYUR RO, ,BDEN PA RNAMS LA DRAN PA NYE BA GNAS PA'I TING NGE 'DZIN NI SEMS RTZE GCIG PA'I TSUL GYIS BSGOM PAR 'GYUR RO, ,BDEN PA RNAMS LA MNYAM PAR GZHAG PA'I SHES RAB NI RAB TU RNAM PAR 'BYED PA'I TSUL KYIS BSGOM PAR 'GYUR RO, ,'BRAS BU GANG ZHE NA, BDEN PA MYUR DU MNGON PAR RTOGS PAR BYED PA DANG, DRO BAR GYUR PA DANG, RTZE MO DANG, BZOD PA DANG, CHOS KYI MCHOG RNAMS BSGRUB PA'O, ,DBANG PO RNAMS LA JI LTA BAR STOBS RNAMS LA YANG DE BZHIN NO; ,'DI NI BYE BRAG YIN TE, MI MTHUN PA'I PHYOGS NGES PAR BSRABS PAS, MI BRDZI BA'I PHYIR STOBS RNAMS SO, ,BYANG CHUB KYI YAN LAG RNAMS KYI DMIGS PA GANG ZHE NA, 'PHAGS PA'I BDEN PA BZHI PO DAG GI YANG DAG PA NYID JI LTA BA'O, ,NGO BO NYID GANG ZHE NA, DRAN PA DANG, CHOS RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS SO, ,DRAN PA NI GNAS KYI YAN LAG GO, ,CHOS RNAM PAR 'BYED PA NI NGO BO NYID KYI YAN LAG GO, ,BRTZON 'GRUS NI NGES PAR 'BYUNG BA'I YAN LAG GO, ,DGA' BA NI PHAN YON GYI YAN LAG GO, ,SHIN TU SBYANGS PA DANG, TING NGE 'DZIN DANG, BTANG SNYOMS NI KUN NAS NYON MONGS PA MED PA'I YAN LAG STE, GANG GIS KYANG KUN NAS NYIN MONGS PAR MI 'GYUR BA DANG, GANG DU YANG KUN NAS NYIN MONGS PAR MI 'GYUR BA DANG, KUN NAS NYIN MONGS PA GANG YANG MED PA'O, ,GROGS GANG ZHE NA, DE DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSGOM PA GANG ZHE NA, DRAN PA YANG DAG BYUNG CHUB KYI YAN LAG ,DBEN PA LA GNAS PA, 'DOD CHAGS DANG @98B BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM PA'O, ,DRAN PA YANG DAG BYANG CHUB KYI YAN LAG JI LTA BAR BTANG SNYOMS YANG DAG BYANG CHUB KYI YAN LAG GI BAR DU YANG DE BZHIN NO, ,'DIS NI BDEN PA LA DMIGS PA BYANG CHUB KYI YAN LAG BSGOM PA YONGS SU BSTAN TO, ,'BRAS BU GANG ZHE NA, MTHONG BAS SPANG BAR BYA BA'I NYON MONGS PA RNAMS SPANGS PA'O, ,LAM GYI YAN LAG RNAMS KYI DMIGS PA GANG ZHE NA, DE'I 'OG TU 'PHAGS PA'I BDEN PA BZHI PO RNAMS KYI YANG DAG PA NYID JI LTA BA'O, ,NGO BO NYID GANG ZHE NA, YAN LAG BRGYAD DE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,YANG DAG PA'I LTA BA NI YONGS SU GCOD PA'I YAN LAG GO, ,YANG DAG PA'I RTOG PA NI GZHAN GO BAR BYED PA'I YAN LAG GO, ,YANG DAG PA'I NGAG DANG, LAS KYI MTHA' DANG, 'TSO BA NI GZHAN YID CHES PAR BYED PA'I YAN LAG STE, LTA BA DANG, TSUL KHRIMS DANG, 'TSO BA RNAMS PAR DAG PA'I PHYIR RO, ,YANG DAG PA'I RTZOL BA NI NYIN MONGS PA'I SGRIB PA RNAM PAR SBYONG BA'I YAN LAG GO, ,YANG DAG PA'I DRAN PA NI NYE BA'I NYIN MONGS PA'I SGRIB PA RNAM PAR SPYOD PA'I YAN LAG GO, ,YANG DAG PA'I TING NGE 'DZIN NI YON TAN KHYAD PAR CAN LA SGRIB PA RNAM PAR SBYONG BA'I YAN LAG GO, ,GROGS GANG ZHE NA, DE DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSGOM PA NI BYANG CHUB KYI YAN LAG BZHIN NO, ,'BRAS BU GANG ZHE NA, YONGS SU GCOD PA DANG, GZHAN GO BAR BYED PA DANG; GZHAN YID CHES PAR BYED PA DANG, NYON MONGS PA'I SGRIB PA RNAM PAR DAG PA DANG, NYE BA'I NYON MONGS PA'I SGRIB PA RNAM PAR DAG PA DANG, YON TAN KHYAD PAR CAN LA SGRIB PA RNAM PAR DAG PA'O, ,LAM BZHI GANG ZHE NA, MNGON PAR SHES PA BUL LA DKA' BA DANG, MNGON @99A *, ,PAR SHES PA MYUR LA DKA' BA DANG, MNGON PAR SHES PA BUL LA SLA BA DANG, MNGON PAR SHES PA MYUR LA SLA BA STE, DANG PO NI DBANG PO RTUL PO DNGOS GZHI'I BSAM GTAN MA THOB PA'I'O, ,GNYIS PA NI DBANG PO RNON PO DNGOS GZHI'I BSAM GTAN MA THOB PA'I 'O, ,GSUM PA NI DBANG PO RTUL PO DNGOS GZHI'I BSAM GTAN THOB PA'I 'O, ,BZHI PA NI DBANG PO RNON PO DNGOS GZHI'I BSAM GTAN THOB PA'I 'O, ,CHOS KYI GNAS BZHI GANG ZHE NA, BRNAB SEMS MED PA DANG, GNOD SEMS MED PA DANG, YANG DAG PA'I DRAN PA DANG, YANG DAG PA'I TING NGE 'DZIN TE, BRNAB SEMS MED PA DANG, GNOD SEMS MED PA NI LHAG PA'I TSUL KHRIMS KYI BSLAB PA RNAMS PAR SBYONG BA'O, ,YANG DAG PA'I DRAN PA NI LHAG PA'I SEMS SO, ,YANG DAG PA'I TING NGE 'DZIN NI LHAG PA'I SHES RAB BO, , ZHI GNAS GANG ZHE NA, 'DI LTA STE, NANG NYID LA SEMS 'JOG PA DANG, RGYUN DU 'JOG PA DANG, BLAN TE 'JOG PA DANG, NYE BAR 'JOG PA DANG, 'DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU BYED PA DANG, MNYAM PAR 'JOG PA'O, ,LHAG MTHONG GANG ZHE NA, 'DI LTA STE, CHOS RNAMS LA RNAM PAR 'BYED PA DANG, RAB TU RNAM PAR 'BYED PA DANG, YONGS SU RNAM PAR RTOG PA DANG, YONGS SU DPYOD PAR BYED PA STE, GNAS NGAN LEN DANG, MTSAN MA'I GNYEN PO NYID DANG, PHYIN CI LOG LAS 'BYIN PA DANG, PHYIN CI LOG MA YIN PA LA SEMS 'JOG PA'I PHYIR RO, ,YANG ZHI GNAS DANG LHAG MTHONG LA BRTEN NAS LAM BZHIR 'GYUR TE, LA LA NI ZHI GNAS THOB PA YIN GYI, LHAG MTHONG NI MA THOB PA STE, DE ZHI GNAS LA BRTEN NAS LHAG MTHONG LA BRTZON PAR BYED DO, ,LA LA NI LHAG MTHONG THOB PA YIN GYI ZHI GNAS NI MA THOB PA STE, DE LHAG MTHONG LA BRTEN NAS ZHI GNAS LA BRTZON PAR BYED DO, ,LA LA NI ZHI GNAS KYANG THOB PA MA YIN LA LHAG MTHONG YANG THOB PA MA YIN TE, DE CHOS LA RGOD PA MNGON PAR TSAR BCAD PA'I SEMS KYIS @99B GNYI GA LA BRTZON PAR BYED DO, ,LA LA NI ZHI GNAS DANG LHAG MTHONG YAN THOB PA YIN TE, DE ZHI GNAS DANG LHAG MTHONG YANG 'DRES PAR GYUR NAS MNYAM PAR ZUNG DU 'JUG GO, ,DBANG PO NI GSUM STE, MI SHES PA KUN SHES PAR BYED PA'I DBANG PO DANG, KUN SHES PA DANG, KUN SHES PA DANG LDAN PA'I DBANG PO'O, ,MI SHES PA KUN SHES PAR BYED PA'I DBANG PO GANG ZHE NA, SBYOR BA'I LAM DANG, MTHONG BA'I LAM GYI SEMS KYI SKAD CIG BCO LNGA LA GANG DBANG BYED PA'O, ,KUN SHES PA'I DBANG PO GANG ZHE NA, MTHONG BA'I LAM GYI SEMS KYI SKAD CIG BCU DRUG PA LA BRTEN NAS SLOB PA'I LAM THAMS CAD LA GANG DBANG BYED PA'O, ,KUN SHES PA DANG LDAN PA'I DBANG PO GANG ZHE NA, MI SLOB PA'I LAM LA GANG DBANG BYED PA'O, ,BSAM GTAN DANG PO'I SA PA'I LAM BSGOM PA NA 'DOD PA DANG RAB TU LDAN PA'I DGE BA'I RTZA BA RNAMS BSGOM PAR 'GYUR TE, DE DAG LA DBANG 'BYOR BA THOB PA'I PHYIR RO, ,BSAM GTAN DANG PO'I SA PA NA 'DOD PA NA SPYOD PA RNAMS LA JI LTA BA DE BZHIN DU SA GONG MA BA'I LAM THAMS CAD BSGOM PA NA, SA 'OG MA BA'I DGE BA'I RTZA BA RNAMS BSGOM PAR 'GYUR TE, DE DAG LA DBANG 'BYOR BA THOB PA'I PHYIR RO, ,MTHAR PHYIN PA'I LAM GANG ZHE NA, GNAS NGAN LEN THAMS CAD RGYUN GCOD PA DANG, 'PHRAD PA'I 'THOB PA RNAMS KYI RGYUN CHAD PA DANG, BRAL BA'I 'THOB PA RNAMS THOB PA'I PHYIR, RDO RJE LTA BU'I TING NGE 'DZIN LA BRTEN NAS DE MA THAG TU GNAS MA LUS PAR GYUR TE, ZAD PA SHES PA DANG, MI SKYE BA SHES PA'O, ,MI SLOB PA'I CHOS BCU YANG YIN TE, MI SLOB PA'I YANG DAG PA'I LTA BA NAS, MI SLOB PA'I YANG DAG PA'I TING NGE 'DZIN GYI BAR DANG, MI SLOB PA'I YANG DAG PA'I RNAM PAR GROL BA DANG, MI SLOB PA'I YANG DAG PA'I SHES PA'O, ,GNAS NGAN LEN THAMS CAD GANG ZHE NA, MNGON PAR BRJOD PA'I GNAS NGAN LEN KUN TU 'GRO BA DANG, TSOR BA'I GNAS NGAN LEN DANG, NYIN MONGS PA'I GNAS NGAN LEN DANG, LAS KYI GNAS NGAN LEN DANG, RNAM PAR SMIN PA'I GNAS NGAN @100A *, ,LEN DANG, NYIN MONGS PA'I SGRIB PA'I GNAS LEN DANG, LAS KYI SGRIB PA'I GNAS LEN DANG, RNAM PAR SMIN PA'I SGRIB PA'I GNAS LEN DANG, GRIB PA'I GNAS LEN DANG, RTOG PA'I GNAS LEN DANG, ZAS KYI GNAS NGAN LEN DANG, 'KHRIG PA'I GNAS LEN DANG, RMI LAM GYI GNAS NGAN LEN DANG, NAD KYI GNAS NGAN LEN DANG, RGA BA'I GNAS NGAN LEN DANG, 'CHI BA'I GNAS NGAN LEN DANG, YONGS SU NGAL BA'I GNAS NGAN LEN DANG, GNAS NGAN LEN BRTAN PA DANG, GNAS NGAN LEN CHEN PO DANG, GNAS NGAN LEN 'BRING PO DANG, GNAS NGAN LEN CHUNG NGU DANG, NYIN MONGS PA'I SGRIB PA'I GNAS NGAN LEN DANG, SNYOMS PAR 'JUG PA'I SGRIB PA'I GNAS NGAN LEN DANG, SHES BYA'I SGRIB PA'I GNAS NGAN LEN TO, ,'PHRAD PA'I 'THOB PA RNAMS GANG ZHE NA, GNAS NGAN LEN BSAGS PA LA 'THOB PAS ZHES GDAGS SO, ,'BRAS BA'I 'THOB PA RNAMS GANG ZHE NA, GNAS NGAN LEN ZAD PA LA BRAL BA'I 'THOB PA ZHES GDAGS SO, ,RDO RJE LTA BU'I TING NGE 'DZIN GANG ZHE NA, SBYOR BA'I LAM GYIS BSDUS PA DANG, BAR CHAD MED PA'I LAM GYIS BSDUS PA'O, ,SBYOR BA'I LAM GYIS BSDUS PA NI GANG PHAN CHAD SGRIB PA THAMS CAD KYIS MI PHYED CING, SGRIB PA THAMS CAD NI SHIGS PA'O, ,BAR CHAD MED PA'I LAM GYIS BSDUS PA NI GANG GI 'OG TU ZAD PAR SHES PA DANG, MI SKYE BA SHES PA 'GYUR BA STE, TING NGE 'DZIN DE YANG BAR MED PA BRTAN PA, SRA BA, RO GCIG PA, KHYAB PA'O, ,'DI LA DGONGS NAS BCOM LDAN 'DAS KYIS DPER NA, BRAG CHEN PO MA GRUB PA, SER KA MED PA, KHONG STONG MA YIN PA, GCIG 'DUS PA, SHIN TU MKHREGS PA DE NI SHAR PHYOGS KYI RLUNG GIS KYANG MI SGUL CING MI G-YOS SO, ,SHAR PHYOGS JI LTA BAR PHYOGS THAMS CAD KYANG DE BZHIN NO ZHES GSUNGS SO, ,GNAS MA LUS PAR GYUR PA GANG ZHE NA, GANG MI SLOB PA'I LAM THOB PA'I SEMS KYI GNAS GYUR PA DANG, LAM GYI GNAS GYUR PA DANG GNAS NGAN LEN @100B GYI GNAS GYUR PA'O, ,ZANG PA SHES PA GANG ZHE NA, RGYU ZAD NAS SHES PA GANG YIN PA'AM, ZAD PA LA DMIGS PA'O, ,MI SKYE BA SHES PA GANG ZHE NA, 'BRAS BU SPANGS NAS SHES PA GANG YIN PA'AM, 'BRAS BU MI SKYE BA LA DMIGS PA'O, ,MI SLOB PA'I CHOS BCU NI MI SLOB PA'I TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO'I DBANG DU BYAS PAR SHES PAR BYA'O, ,YANG LAM GYI BDEN PA'I RNAM PA NI MTSAN NYID BZHIR RIG PAR BYA STE, LAM GYI MTSAN NYID DANG, RIGS PA'I MTSAN NYID DANG, SGRUB PA'I MTSAN NYID DANG NGES PAR 'BYIN PA'I MTSAN NYID DO, ,CI'I PHYIR LAM GYI MTSAN NYID CES BYA ZHE NA, DE KHO NA'I DON YONGS SU TSOL BA'I PHYIR RO, ,CI'I PHYIR RIGS PA'I MTSAN NYID CES BYA ZHE NA, NYON MONGS PA'I GNYEN PO'I PHYIR RO, ,CI'I PHYIR SGRUB PA'I MTSAN NYID CES BYA ZHE NA, SEMS PHYIN CI MA LOG PAR SGRUB PA'I PHYIR RO, ,CI'I PHYIR NGES PAR 'BYIN PA'I MTSAN NYID CES BYA ZHE NA, RTAG PA'I GNAS SU 'GRO BA NYID KYI PHYIR RO, ,BDEN PA RNAMS LA RNAM PAR BCU DRUG NI 'JIG RTEN PA YANG YOD 'JIG RTEN LAS 'DAS PA YANG YOD DE, 'JIG RTEN PA RNAMS DANG, 'JIG RTEN LAS 'DAS PA DAG BYED BRAG CI YOD CE NA, SHES BYA LA LEGS PAR MA ZHUGS PA DANG, LEGS PAR ZHUGS PA DANG, SGRIB PA DANG, BCAS PA DANG, SGRIB PA MED PA DANG; RNAM PAR RTOG PA DANG BCAS PA DANG, RNAM PAR RTOG PA MED PA'I PHYIR TE, 'DI NI BYE BRAG GO, ,'DI LTAR 'JIG RTEN LAS 'DAS PA'I RNAM PA LA 'JUG PA NA MI RTAG PA'I DON MTHONG GI MI RTAG PA NYID CES BYA BAR MTHONG BA NI MA YIN NO, ,MI RTAG PA NYID KYI DON LA JI LTA BA DE BZHIN DU RNAM PA LHAG MA RNAMS LA YANG JI LTAR MTHUN MTHUN DU SBYAR BAR RIG PAR BYA'O, ,BDEN PA RNAM PAR NGES PA ZHES BYA BA STE, KUN LAS BTUS PA GNYIS PA'O,, ,,CHOS RNAM PAR NGES PA GANG ZHE NA, CHOS ZHES BYA BA NI MDO'I SDE DANG, DBYANGS KYIS BSNYAD PA'I @101A *, ,SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA'I RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA DBAB PAR BSTAN PA'I SDE'O, ,MDO'I SDE GANG ZHE NA, GANG SMOS PA'I TSUL GYIS RKYANG PAR GSUNGS PA STE, PHAN YON BCU GZIGS NAS DE BZHIN GSHEGS PA MDOR SMOS PA'I TSUL GYIS CHOS STON TE, RNAM PAR GZHAG PAR SLA BA DANG, BSHAD SLA BA DANG, GZUNG SLA BA DANG, CHOS LA GUS PAS MYUR DU TSOGS YONGS SU RDZOGS PAR BYED PA DANG, MYUR DU CHOS NYID RTOGS PAR 'GYUR BA DANG, SANGS RGYAS LA SHES NAS DAD PA THOB PA DANG, CHOS DANG DGE 'DUN LA SHES NAS DAD PA THOB PA DANG; MTHONG BA'I CHOS LA BDE BAR GNAS PA'I MCHOG LA REG PA DANG, 'BREL BA'I GTAM GYIS GTAN LA 'BEBS PAS DAM PA RNAMS KYI SEMS MGU BAR BYED DE, MKHAS PA ZHES BYA BA'I GRANGS SU 'GRO BA'O, ,DBYANGS KYIS BSNYAD PA'I SDE GANG ZHE NA, MDO'I SDE DE NYID DU DBUS DANG MTHA' MAR TSIGS SU BCAD DE DBYANGS KYIS BSNYAD PA'O, ,YANG DRANG BA'I DON GYI MDO SDE RTOGS PAR BYED PAS DBYANGS KYIS BSNYAD PA'O, ,LUNG DU BSTAN PA'I SDE GANG ZHE NA, ,GANG LAS NYAN THOS 'DAS TE SHI BA'I 'DUS BYAS PA DANG 'BYUNG BA LUNG STON PA'O, ,YANG NGES BA'I DON GYI MDO SDE NI LUNG DU BSTAN PA'I SDE'O, ,TSIGS SU BCAD PA'I SDE GANG ZHE NA, TSIGS SU SBYAR NAS GSUNGS PA STE, DE NI RTZA BA GNYIS PA DANG, RTZA BA GSUM PA DANG, RTZA BA BZHI PA DANG, RTZA BA LNGA PA DANG, RTZA BA DRUG PA'O, ,CHED DU BRJOD PA'I SDE GANG ZHE NA, GANG YIN RANGS NAS BRJOD PA'O, ,GLENG GZHI'I SDE GANG ZHE NA, GANG GI CHED DU GSUNGS PA DANG, BYUNG BA DANG BCAS PA'I BSLAB PA BCAS PA GSUNGS PA'O, ,RTOGS PA BRJOD PA'I SDE GANG ZHE NA, DPE DANG BCAS PAR GSUNGS PA'O, ,DE LTA BU @101B BYUNG BA'I SDE GANG ZHE NA, GANG SNGON GYI SBYOR BA DANG LDAN PA'O, ,SKYES PA'I RABS KYI SDE GANG ZHE NA, GANG BYANG CHUB SEMS DPA'I SPYOD PA DANG LDAN PA'O, ,SHIN TU RGYAS PA'I SDE GANG ZHE NA, GANG BYANG CHUB SEMS DPA'I SDE SNOD DANG LDAN PA'O, ,SHIN TU RGYAS PA JI LTA BA DE BZHIN DU RNAM PAR 'THAG PA DANG MTSUNGS BRAL YANG DE BZHIN NO, ,CI'I PHYIR SHIN TU RGYAS PA ZHES BYA ZHE NA, SEMS CAN THAMS CAD LA PHAN PA DANG BDE BA'I GNAS YIN PA DANG, RGYAS PA DANG, RGYA CHE BA DANG, ZAB BA'I RNAM PAR CHOS BSTAN PA'I PHYIR RO, ,CI'I PHYIR RNAM PAR 'THAG PA ZHES BYA ZHE NA, SGRIB PA THAMS CAD RNAM PAR 'THAG PA'I PHYIR RO, ,CI'I PHYIR MTSUNGS BRAL ZHES BYA ZHE NA, MTSUNGS PA MED PA'I PHYIR RO, ,RMAD DU BYUNG BA'I CHOS KYI SDE GANG ZHE NA, GANG LAS NYAN THOS DANG, BYANG CHUB SEMS DPA' DANG, SANGS RGYAS RNAMS KYI NGO MTSAR RMAD DU BYUNG BA'I CHOS BSTAN PA'O, ,GTAN LA DBAB PAR BSTAN PA'I SDE GANG ZHE NA, GANG DU CHOS KYI MTSAN NYID PHYIN CI MA LOG PAR BSTAN PA'O, ,MDO'I SDE LA SOGS PA 'DI DAG NI SDE SNOD GSUM DU 'GYUR TE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE GANG YIN PA 'DI NI NYAN THOS KYI MDO SDE'I SDE SNOD DO, ,GLENG GZHI'I SDE DANG, RTOGS PA BRJOD PA'I SDE DANG, DA LTA BU BYUNG BA'I SDE DANG, SKYES PA'I RABS KYI SDE 'KHOR DANG BCAS PA 'DI NI 'DUL BA'I SDE SNOD DO, ,SHIN TU RGYAS PA'I SDE DANG, RMAD DU BYUNG BA'I CHOS KYI SDE GANG YIN PA 'DI NI BYANG CHUB SEMS DPA'I MDO SDE'I SDE SNOD DO, ,GTAN LA DBAB PAR BSTAN PA'I SDE NI GNYI GA'I CHOS MNGON PA'I SDE SNOD DO, ,CI'I PHYIR DE BZHIN GSHEGS PA RNAMS KYIS SDE SNOD GSUM RNAM PAR GZHAG CE NA, NYE BA'I NYON MONGS PA THE TSOM GYI GNYEN PO'I PHYIR MDO SDE'I SDE SNOD RNAM PAR GZHAG GO, ,NYE BA'I NYON MONGS PA MTHA' GNYIS DANG LDAN PA'I GNYEN PO'I PHYIR 'DUL BA'I SDE SNOD RNAM PAR GZHAG GO, ,RANG GI LTA BA MCHOG TU 'DZIN PA @102A *, ,NYE BA'I NYON MONGS PA'I GNYEN PO'I PHYIR CHOS MNGON PA'I SDE SNOD RNAM PAR GZHAG GO, ,YANG BSLAB PA GSUM BRJOD PA'I PHYIR MDO SDE'I SDE SNOD RNAM PAR GZHAG GO, ,LHAG PA'I TSUL KHRIMS DANG LHAG PA'I SEMS KYI BSLAB PA BSGRUB PA'I PHYIR 'DUL BA'I SDE SNOD RNAM PAR GZHAG GO, ,LHAG PA'I SHES RAB KYI BSLAB PA MNGON PAR BSGRUB PA'I PHYIR CHOS MNGON PA'I SDE SNOD RNAM PAR GZHAG GO, ,YANG CHOS DANG DON BRJOD PA'I PHYIR MDO SDE'I SDE SNOD RNAM PA CI'I PHYIR GZHAG GO, ,CHOS DANG DON MNGON DU BYA BA'I GZHI'I GNAS KYI PHYIR 'DUL BA'I SDE SNOD RNAM PAR GZHAG GO, ,'BEL BA'I GTAM GYIS GTAN LA 'BEBS PAS CHOS LA RDZOGS PAR LONGS SPYOD PAS BDE BA LA REG PAR GNAS PAR BYA BA'I PHYIR, CHOS MNGON PA'I SDE SNOD RNAM PAR GZHAG GO, ,CHOS 'DI DAG GANG GI SPYOD YUL YIN ZHE NA, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'I SEMS DANG SEMS LAS BYUNG BA'I CHOS RNAMS KYI SPYOD YUL LO, ,SEMS DANG SEMS LAS BYUNG BA'I CHOS RNAMS NI DMIGS PA DANG BCAS PA DANG, RNAM PA DANG BCAS PA DANG, GNAS DANG BCAS PA DANG, MTSUNGS PAR LDAN PA ZHES KYANG BYA'O, ,CHOS KYI NANG NAS DE DAG GI DMIGS PA GANG ZHE NA, MDO'I SDE LA SOGS PA'O, ,RNAM PA GANG ZHE NA, PHUNG PO LA SOGS PA DANG LDAN PA'I DON RNAMS SO, ,GNAS GANG ZHE NA; GZHAN LAS RNAMS PAR RIG PA DANG, DRAN PA DANG, BAG CHAGS SO, ,MTSUNGS PAR LDAN PA GANG ZHE NA, GCIG GI GROGS GCIG YIN PA'I TSUL GYIS RNAM PAS DMIGS PA YANG DAG PAR RTOGS PA'O, ,CHOS LA DMIGS PA'I RAB TU DBYE BA GANG ZHE NA, KHYAB PA'I DMIGS PA DANG, SPYOD PA RNAMS PAR SBYONG BA'I DMIGS PA DANG, MKHAS PA'I DMIGS PA DANG, NYON MONGS PA RNAM PAR SBYONG BA'I DMIGS PA'O, ,KHYAB PA'I DMIGS PA GANG ZHE NA, RNAM PAR RTOG PA DANG BCAS PA'I GZUGS BRNYAN DANG, RNAM PAR @102B MI RTOG PA'I GZUGS BRNYAN DANG, DNGOS PO'I MTHA' DANG, DGOS PA YONGS SU GRUB PA'O, ,RNAM PAR RTOG PA DANG BCAS PA'I GZUGS BRNYAN GANG ZHE NA, MOS PA YID LA BYED PAS GANG ZHE GNAS DANG LHAG MTHONG GI DMIGS PA'O, ,RNAM PAR MI RTOG PA'I GZUGS BRNYAN GANG ZHE NA, DE KHO NA YID LA BYED PAS GANG ZHE GNAS DANG, LHAG MTHONG GI DMIGS PA'O, ,DNGOS PO'I MTHA' GANG ZHE NA, GANG CHOS RNAMS KYI JI SNYED YOD PA DANG, JI LTA BA BZHIN DU YOD PA'O, ,JI SNYED YOD PA NI, PHUNG PO DANG, KHAMS DANG; SKYE MCHED RNAMS SO, ,JI LTA BA BZHIN DU YOD PA NI, 'PHAGS PA'I BDEN PA BZHI DANG, RNAM PA BCU DRUG DANG, DE BZHIN NYID DANG, 'DU BYED THAMS CAD MI RTAG PA DANG, 'DU BYED THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS PA ZHI BA DANG, STONG PA NYID DANG, SMON PA MED PA DANG, MTSAN MA MED PA'O, ,DGOS PA YONGS SU GRUB PA GANG ZHE NA, GNAS GYUR PA'O, ,RNAM PA BCU DRUG GI NANG NAS STONG PA NYID KYI RNAM PA DU ZHE NA, GNYIS SO, ,SMON PA MED PA'I RNAM PA DU ZHE NA, DRUG GO, ,MTSAN MA MED PA'I RNAM PA DU ZHE NA, BRGYAD DO, ,SPYOD PA RNAMS PAR SBYONG BA'I DMIGS PA GANG ZHE NA, 'DOD CHAGS LA SPYOD PA RNAMS KYI NI MI BSDUG PAO, ,ZHE SDANG LA SPYOD PA RNAMS KYI NI BYAMS PA'O, ,GTI MUG LA SPYOD PA RNAMS KYI NI RKYEN 'DI LAS BYUNG BA RTEN CING 'BREL PAR 'BYUNG BA'O, ,NGA RGYAL LA SPYOD PA RNAMS KYI NI KHAMS RAB TU DBYE BA'O, ,RNAM PAR RTOG PA LA SPYOD PA RNAMS KYI NI DBUGS 'BYUNG BA DANG, RDUB BA RJES SU DRAN PA'O, ,MKHAS PA'I DMIGS PA GANG ZHE NA, PHUNG PO LA MKHAS PA DANG, KHAMS LA MKHAS PA DANG, SKYES MCHED LA MKHAS PA DANG, RTEN CING 'BREL PAR 'BYUNG BA LA MKHAS PA DANG, GNAS DANG GNAS MA YIN PA LA MKHAS PA'O, ,GNAS DANG GNAS MA YIN PA LA MKHAS PA JI LTAR BLTA ZHE NA, RTEN CING 'BREL PAR 'BYUNG BA LA MKHAS PA LAS BLTA'O, ,RTEN CING 'BREL PAR 'BYUNG BA LA @103A *, ,MKHAS PA DANG, GNAS DANG GNAS MA YIN PA LA MKHAS PA BYE BRAG CI YOD CE NA, CHOS RNAMS LAS CHOS RNAMS MNGON PAR 'BYUNG BA'I PHYIR RGYU MED PA DANG MI MTHUN PA'I RGYU YONGS SU SPANGS PAS RTEN CING 'BREL PAR 'BYUNG BA LA MKHAS PA'O, ,RGYU DANG MTHUN PAR 'BRAS BU 'BYUNG BA YONGS SU GZUNG BA'I PHYIR GNAS DANG GNAS MA YIN PA LA MKHAS PA'O, ,NYON MONGS PA RNAM PAR SBYONG BA'I DMIGS PA GANG ZHE NA, SA 'OG MA RNAMS KYI NI RAGS PA NYID DO, ,SA GONG MA RNAMS KYI NI ZHI BA NYID DO, ,DE BZHIN NYID DANG, 'PHAGS PA'I BDEN PA BZHI'O, ,CHOS LA BRTZON PA CHOS LA RNAM PAR DPYOD PA NA RIGS PA DU ZHIG GIS RNAM PAR DPYOD CE NA, BZHIS DPYOD DE, LTOS PA'I RIGS PA DANG, BYA BA BYED PA'I RIGS PA DANG, GTAN TSIGS BSGRUB PA'I RIGS PA DANG, CHOS NYID KYI RIGS PA'O; ,LTOS PA'I RIGS PA GANG ZHE NA, GANG 'DU BYED RNAMS 'BYUNG BA NA RKYEN LA LTOS PA'O, ,BYA BA BYED PA'I RIGS PA GANG ZHE NA, GANG RANG GI MTSAN NYID THA DAD PA'I CHOS RNAMS SO SO RANG GI BYA BA BYED PA'O, ,GTAN TSIGS BSGRUB PA'I RIGS PA GANG ZHE NA, GANG BSGRUB PA'I DON TSAD MA DANG MI 'GAL BAR STON PA'O, ,CHOS NYID KYI RIGS PA GANG ZHE NA, THOG MA MED PA'I DUS NAS RANG DANG SPYI'I MTSAN NYID GNAS PA'I CHOS RNAMS LA CHOS NYID DU GRAGS PA'O, ,CHOS LA RIGS PAS DPYOD PA LA BRTZON PA'I KUN TU TSOL BA GANG ZHE NA, KUN TU TSOL BA BZHI STE, MING KUN TU TSOL BA DANG, DNGOS PO KUN TU TSOL BA DANG, NGO BO NYID DU 'DOGS PA KUN TU TSOL BA DANG, BYE BRAG TU 'DOGS PA KUN TU TSOL BA'O, ,MING KUN TU TSOL BA GANG ZHE NA, GANG MI GI TSOGS DANG, TSIG GI TSOGS DANG, YI GE'I TSOGS RNAMS KYI RANG GI MTSAN NYID YONGS SU GRUB PA MED PAR RTOG PA'O, ,DNGOS PO KUN TU TSOL BA GANG ZHE NA, GANG DE BZHIN DU PHUNG PO DANG, KHAMS DANG, SKYE MCHED KYI MTSAN NYID YONGS SU GRUB PA MED PAR RTOG PA'O, ,NGO BO NYID DU 'DOGS PA KUN TU TSOL BA @103B GANG ZHE NA, GANG BRJOD PA DANG, BRJOD PAR BYA BA 'BREL PA LA NGO BO NYID DU 'DOGS PA TZAM GYI THA SNYAD KYI RGYU NYID DU RTOG PA'O, ,KHYAD PAR DU 'DOGS PA KUN TU TSOL BA GANG ZHE NA, GANG BRJOD PA DANG BRJOD PAR BYA BA 'BREL PA LA KHYAD PAR DU 'DOGS PA TZAM GYI THA SNYAD KYI RGYU NYID DU RTOG PA'O, ,CHOS KUN TU TSOL BA LA BRTZON PA'I YANG DAG PA JI LTA BA BZHIN TU YONGS SU SHES PA GANG ZHE NA, YANG DAG PAR JI LTA BA BZHIN DU YONGS SU SHES PA BZHI STE, MING TSOL BAR RTOGS PA YANG DAG PA JI LTA BA BZHIN DU YONGS SU SHES PA DANG, DNGOS PO TSOL BAR RTOGS PA DANG, NGO BO NYID DU 'DOGS PA TSOL BAR RTOGS PA DANG, KHYAD PAR DU 'DOGS PA TSOL BAR RTOGS PA YANG DAG PA JI LTA BA BZHIN DU YONGS SU SHES PA'O, ,MING TSOL BAR RTOGS PA YANG DAG PA JI LTA BA BZHIN DU YONGS SU SHES PA GANG ZHE NA, MING MI DMIGS PAR SHES PA'O, ,DNGOS PO TSOL BAR RTOGS PA YANG DAG PA JI LTA BA BZHIN DU YONGS SU SHES PA GANG ZHE NA, DE BZHIN DU DNGOS PO'I MTSAN NYID MI DMIGS PAR SHES PA'O, ,NGO BO NYID DU 'DOGS PA TSOL BAR RTOGS PA YANG DAG PA JI LTA BA BZHIN DU YONGS SU SHES PA GANG ZHE NA, NGO BO NYID RDZAS SU MI DMIGS PAR SHES PA'O, ,KHYAD PAR DU 'DOGS PA TSOL BAR RTOGS PA YANG DAG PA JI LTA BA BZHIN DU YONGS SU SHES PA GANG ZHE NA, BYE BRAG RDZAS SU MI DMIGS PAR SHES PA'O, ,CHOS LA TING NGE 'DZIN PAR BRTZON PA'I RNAL 'BYOR GYIS GANG ZHE NA, DE NI RNAM PA LNGAR BLTA STE, GZHI DANG SKYED PA DANG, ME LONG LTA BU DANG, SNANG BA DANG, GNAS SO, GZHI GANG ZHE NA, TSOGS BSAGS PA'I BDEN PA LAS BRTZAMS TE MANG DU THOS PA NYID DO, ,SKYED PA GANG ZHE NA, DE LA DMIGS PA TSUL BZHIN YID LA BYED PA'O, ,ME LONG LTA BU GANG ZHE NA, DE LA DMIGS PA'I TING NGE 'DZIN MTSAN MA DANG BCAS PA'O, ,SNANG BA GANG ZHE NA, GZUNG BA DANG 'DZIN PA MI DMIGS PAR SHES PA'O, ,'DI LA DGONGS NAS BCOM LDAN 'DAS KYIS, @104A *, ,BYANG CHUB SEMS DPA' MNYAM GZHAG PA, ,YID KYI GZUGS BRNYAN MTHONG BAS NA, ,DON GYI 'DU SHES LDOG DE NAS, ,RANG GI 'DU SHES NGES PAR GZUNGS, ,DE LTAR RANG GI SEMS GNAS NAS, ,GZUNG BA MED PAR RTOGS PAR BYA, ,DE YI 'OG TU 'DZIN MED PAR, ,DE NAS MI DMIGS REG PAR BYA, ,ZHES LEGS PAR GSUNGS SO, ,LEGS PAR BKA' STZAL TO, ,GNAS GANG ZHE NA, GNAS GYUR PA'O, ,JI LTAR NA CHOS RNAMS LA CHOS LA MKHAS PA YIN ZHE NA, MANG DU THOS PA NYID KYI PHYIR RO, , JI LTAR NA DON LA MKHAS PA YIN ZHE NA, CHOS MNGON PA DANG 'DUL BA MNGON PA'I MTSAN NYID SHES PA NYID KYI PHYIR RO, ,JI LTAR NA YI GE LA MKHAS PA YIN ZHE NA, NGES PA'I TSIG BZANG PO'I YI GE SHES PA NYID KYI PHYIR RO, ,JI LTAR NA NGES PA'I TSIG LA MKHAS PA YIN ZHE NA, BDAG GO BDAG GO ZHES YUL MI'I NGES PA'I TSIG LA MNGON PAR MA ZHEN PAR RJES SU THA SNYAD 'DOGS PA SHES PA NYID KYI PHYIR RO, ,JI LTAR NA SNGON GYI MTHA' DANG PHYI MA'I MTHAR 'BREL PA LA MKHAS PA YIN ZHE NA, SNGON GYI MTHAR GZUNG BAS DANG, PHYI MA'I MTHAR NGES PAR 'BYUNG BAR BYA ZHES PA NYID KYI PHYIR, ,JI LTAR NA CHOS RNAMS LA CHOS LA GNAS PA NYID YIN ZHE NA, BSGOM PA LA MA BRTEN PAR THOS PA DANG, SEMS PA'I SBYOR BA 'BA' ZHIG GIS KYANG CHOS LA GNAS PA MA YIN LA, ZOS PA DANG SEMS PA LA MA BRTEN PAR BSGOM PA LA SBYOR BA 'BA' ZHIG GIS KYANG CHOS LA GNAS PA MA YIN GYI, GNYI GA LA BRTEN TE GNYI GA LA GNAS NA, CHOS LA GNAS PA YIN NO, ,'DZIN PA DANG, KHA TON BYED PA DANG, BSHAD PAS THOS PA LAS BYUNG BAR BLTA'O, ,TING NGE 'DZIN LA SBYOR BA DANG, CHOG PAR MI 'DZIN PAS BSGOMS PA LAS BYUNG BAR BLTA'O, ,SBYOR BA NI RGYUN DU CHUD PA DANG, GUS PAR SBYOR BA DANG, MA LOG PAR SBYOR BAR BLTA'O, ,CHOG PAR MI 'DZIN PA NI RO MI MYANG BA DANG, GONG DU ZHIG GNAS LA SBYOR BAR BLTA'O, ,CI'I PHYIR SHIN TU RGYAS PA LA BYANG CHUB SEMS DPA'I PHA ROL TU PHYIN PA'I SDE @104B SNOD CES BYA ZHE NA, DER PHA ROL TU PHYIN PA RNAMS KYI GRANGS BSTAN PA DANG, MTSAN NYID BSTAN PA DANG, GO RIMS BSTAN PA DANG, NGES PA'I TSIG BSTAN PA DANG, BSGOM PA BSTAN PA DANG, RAB TU DBYE BA BSTAN PA DANG, BSDUS PA BSTAN PA DANG, MI MTHUN PA'I PHYOGS BSTAN PA DANG, YON TAN GYI BSNGAGS PA BSTAN PA DANG, GCIG LA GCIG NGES PAR BSTAN PA'I PHYIR RO, ,CI'I PHYIR SHIN TU RGYAS PA LA RGYA CHE BA DANG, ZAB PAR BSTAN CE NA, RNAM PA THAMS CAD MKHYEN PA NYID RGYA CHE BA DANG, ZAB PA'I PHYIR RO, ,CI'I PHYIR SHIN TU RGYAS PA LA SEMS CAN KHA CIG RGYA TSE BA DANG ZAB PAR MI MOS SHING SKRAG PAR 'GYUR ZHE NA, CHOS NYID DANG BRAL BA DANG, DGE BA'I RTZA BA MA BSKYED PA DANG, SDIG PA'I GROGS POS YONGS SU ZIN PA'I PHYIR RO, ,CI'I PHYIR SHUN TU RGYAS PA LA SEMS CAN KHA CIG MOS KYANG NGES PAR 'BYUNG BAR MI 'GYUR ZHE NA, BDAG NYID LTA BA MCHOG TU 'DZIN PA LA GNAS PA DANG, DON LA SGRA JI BZHIN DU MNGON PAR ZHEN PA'I PHYIR RO, ,'DI LA DGONGS NAS, BCOM LDAN 'DAS KYIS CHOS KYI ME LOG CHEN PO'I CHOS KYI RNAM GRANGS LAS GSUNGS PA, BYANG CHUB SEMS DPA' SGRA JI BZHIN DU TSUL BZHIN MA YIN PAR CHOS RNAM PAR 'BYED PA LA, LTA BA NGAN PA NYI SHU RTZA BRGYAD 'BYUNG STE, LTA BA NGAN PA NYID SHU RTZA BRGYAD BO DAG GANG ZHE NA, MTSAN MAR LTA BA DANG, BTAGS PA LA SKUR PA 'DEBS PA'I LTA BA DANG, KUN TU RTOG PA LA SKUR PA 'DEBS PA'I LTA BA DANG, DE KHO NA LA SKUR BA 'DEBS PA'I LTA BA DANG, YONGS SU 'DZIN PA'I LTA BA DANG, BSGYUR BA'I LTA BA DANG, KHA NA MA THO BA MED PAR LTA BA DANG, NGES PAR 'BYUNG BAR LTA BA DANG, DPA' ZA BA'I LTA BA DANG, RAB TU 'KHRUG PA'I LTA BA DANG, PHYIN CI LOG TU LTA BA DANG, 'PHEL BA'I LTA BA DANG, KHAS MI LEN PA'I LTA BA DANG, NGAN G-YO'I LTA BA DANG, BKUR STI'I LTA BA DANG, RMONGS PA BRTEN PA'I LTA BA DANG, RTZA BA'I LTA BA DANG, LTA BA LA LTA BA MA YIN PAR LTA BA DANG, SBYOR BA SEL BA'I LTA BA DANG, NGES PAR 'BYIN PA MA YIN PAR LTA BA DANG, ,SGRIB PA SOGS PA'I LTA BA @105A *, ,DANG, BSOD NAMS MA YIN PA 'PHEL BA'I LTA BA DANG, 'BRAS BU MED PA'I LTA BA DANG, CHAD PAS BCAS PA'I LTA BA DANG, SKUR BA 'DEBS PA'I LTA BA DANG, BSNYAD PA MA YIN PA'I LTA BA DANG, LTA BA CHEN PO DANG, MNGON PA'I NGA RGYAL GYI LTA BA'O; ,SHIN TU RGYAS PA LAS CHOS THAMS CAD NGO BO NYID MED DO ZHES GANG GSUNGS PA DE LA DGONGS PA GANG YIN ZHE NA, BDAG NYID KYIS MI 'BYUNG BA DANG, RANG GI BDAG NYID DU MED PA DANG, RANG GI NGO BO LA MI GNAS PA DANG, BYIS PAS GZUNG BA BZHIN DU MTSAN NYID MED PA'I PHYIR RO, ,YANG KUN TU BRTAGS PA'I NGO BO NYID LA MTSAN NYID NGO BO NYID MED PA DANG, GZHAN GYI DBANG LA SKYE BA NGO BO NYID MED PA DANG, YONGS SU GRUB PA LA DON DAM PA NGO BO NYID MED PA'I PHYIR RO, ,MA SKYES PA MA 'GAGS PA GZOD MA NAS ZHI BA RANG BZHIN GYIS MYA NGAN LAS 'DAS PA ZHES 'BYUNG BA'I DGONGS PA GANG ZHE NA, JI LTAR NGO BO NYID MED PA DE LTAR MA SKYES SO, ,JI LTAR MA SKYES PA DE LTAR MA 'GAGS SO, ,JI LTAR MA SKYES PA DANG, MA 'GAGS PA DE LTAR GZOD MA NAS ZHI'O, ,DE LTAR RANG BZHIN GYIS YONGS SU MYA NGAN LAS 'DAS SO, ,YANG GANG DAG GIS SHIN TU RGYAS PA LA DE BZHIN GSHEGS PA RNAMS KYI DGONGS PA KHONG DU CHUD PAR BYA BA'I DGONGS PA BZHI STE, MNYAM PA NYID LA DGONGS PA DANG, DUS GZHAN LA DGONGS PA DANG, DON GZHAN LA DGONGS PA DANG, GANG ZAG GI BSAM PA LA DGONGS PA'O, ,GANG DAG GIS SHIN TU RGYAS PA LA DE BZHIN GSHEGS PA RNAMS KYI LDEM POR DGONGS PA KHONG DU CHUD PAR BYA BA'I LDEM POR DGONGS PA BZHI STE, GZHUG PA LA LDEM POR DGONGS PA DANG, MTSAN NYID LDEM POR DGONGS PA DANG, GNYEN PO LA LDEM POR DNGOS PA DANG, BSGYUR BA LA LDEM POR DGONGS PA'O, ,SHIN TU RGYAS PA LA BYANG CHUB SEMS DPA' CHOS LA TIG NGE 'DZIN DU MKHAS PAR JI LTAR KHONG DU CHUD PAR BYA ZHE NA, RNAM PA LNGA STE, SKAD CIG RE RE LA GNAS NGAN LEN GYI GNAS THAMS CAD 'JIG PAR BYED PA DANG, SNA TSOGS KYI 'DU SHES DANG BRAL TE CHOS KYI @105B DGA' BA LA DGA' BA THOB PA DANG, CHOS KYI SNANG BA RNAM PA YONGS SU MA CHAD PA THAMS CAD DU TSAD MED PA YANG DAG PAR SHES PA DANG, DE LA RNAM PAR DAG PA'I CHA DANG MTHUN PA RNAM PAR MI RTOG PA'I MTSAN MA RNAMS KUN TU 'BYUNG BA DANG, CHOS KYI SKU YONGS SU RDZOGS PAR BYA BA DANG, YONGS SU BSGRUB PA'I PHYIR GONG MA BAS KYANG CHOS GONG MA'I RGYU YONGS SU 'DZIN PAR BYED PA'O, ,CI'I PHYIR SHIN TU RGYAS PA'I CHOS LA BDUG PA DANG, PHYE MA LA SOGS PAS MCHOD PAR 'OS KYI, ,NYAN THOS KYI CHOS LA DE LTA MA YIN ZHE NA, SEMS CAN THAMS CAD LA PHAN PA DANG, BDE BA'I GZHIR GYUR PA'I PHYIR RO, ,CHOS RNAM PAR NGES PA ZHES BYA BA STE, KUN LAS BTUS PA GSUM PA'O,, ,,BAM PO LNGA PA STE THA MA'O, ,'THOB PA RNAM PAR NGES PA GANG ZHE NA, GANG ZAG RNAM PAR GZHAG PA DANG, MNGON PAR RTOGS PA RNAM PAR GZHAG PAR BLTA'O, , GANG ZAG RNAM PAR GZHAG PA GANG ZHE NA, SPYOD PAS RAB TU DBYE BA DANG, NGES PAR 'BYUNG BAS RAB TU DBYE BA DANG, NYE BAR BRTAN PAS RAB TU DBYE BA DANG, SPYOD BAS RAB TU BDE BA DANG, 'BRAS BUS RAB TU DBYE BA DAG, KHAMS KYIS RAB TU DBYE BA DANG, SPYOD PAS RAB TU DBYE BAS KYANG GANG ZHAG RNAM PAR GZHAG PAR BLTA'O, ,SPYOD PAS RAB TU DBYE BAS JI LTA BU ZHE NA, 'DOD CHAGS LA SPYOD PA DANG, ZHE SDANG LA SPYOD PA DANG, GTI MUG LA SPYOD PA DANG, NGA RGYAL LA SPYOD PA DANG, RNAM PAR RTOG PA LA SPYOD PA DANG, CHA MNYAM PA LA SOD PA DANG, NYON MONGS PA CHUNG BA'I GANG ZAG GO, ,NGES PAR 'BYUNG BAS RAB TU DBYE BAS JI LTA BU ZHE NA, NYAN THOS KYI THEG PA PA DANG, RANG SANGS RGYAS KYI THEG PA PA DANG, THEG PA CHEN PO PA'I GANG ZAG GO, ,NYE BAR BRTAN PAS RAB TU DBYE BAS JI LTA BU ZHE NA, TSOGS MA BSAGS PA DANG, TSOGS BSAGS PA YANG YIN LA MA BSAGS PA YANG YIN PA DANG, TSOGS BSAGS PA'I GANG ZAG GO, ,SBYOR BAS RAB TU DBYE BAS JI LTA BU ZHE NA, DAD PAS RJES SU 'BRANG BA DANG, CHOS KYIS RJES SU 'BRANG BA'I GANG ZAG GO, ,'BRAS BUS RAB TU DBYE BAS JI @106A *, ,LTA BU ZHE NA, DAD PAS MOS PA DANG, MTHONG BAS THOB PA DANG, LUS KYIS MNGON DU BYED PA DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA DANG, RGYUN TU ZHUGS PA'I 'BRAS BU MNGON DU BYA BA'I PHYIR ZHUGS PA DANG, RGYUN TU ZHUGS PA DANG, LAN CIG PHYIR 'ONG BA'I 'BRAS BU MNGON DU BYA BA'I PHYIR ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU MNGON DU BYA BA'I PHYIR ZHUGS PA DANG, PHYIR MI 'ONG BA DANG, DGRA BCOM PA NYID KYI 'BRAS BU MNGON DU BYA BA'I PHYIR ZHUGS PA DANG, DGRA BCOM PA DANG, RE LTAR THOGS NA SRID PA LAN BDUN PA DANG, RIGS NAS RIGS SU SKYE BA DANG, BAR CHAD GCIG PA DANG, BAR MDOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA MED PAR YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS MYA NGAN LAS 'DA' BA DANG, GONG DU 'PHO BA DANG, DGRA BCOM PA YONGS SU NYAMS PA'I CHOS CAN DANG, BDAG GCOD PA'I CHOS CAN DANG, RJES SU BSRUNG BA'I CHOS CAN DANG, GNAS PA LAS MI G-YO BA'I CHOS CAN DANG, RAB TU RTOGS PA'I 'OS SU GYUR PA DANG, MI 'KHRUGS PA'I CHOS CAN GYI GANG ZAG GO, ,KHAMS KYIS RAB TU DBYE BAS JI LTA BU ZHE NA, 'DOD PA NA SPYOD PA'I SO SO'I SKYE BO DANG, SLOB PA DANG, MI SLOB PA'O, ,'DOD PA NA SPYOD PA JI LTA BAR GZUGS DANG GZUGS MED PA NA SPYOD PA YANG DE BZHIN NO, ,'DOD PA DANG, GZUGS NA SPYOD PA'I BYANG CHUB SEMS DPA' DANG, 'DOD PA NA SPYOD PA'I RANG SANGS RGYAS DANG, DE BZHIN GSHEGS PA BSAM GYIS MI KHYAB PA'I GANG ZAG GO, ,SPYAD PAS RAB TU DBYE BAS JI LTA BU ZHE NA, MOS PAS SPYOD PA CAN DANG, LHAG PA'I BSAM PAS SPYOD PA CAN DANG, MTSAN MA DANG BCAS PAR SPYOD PA CAN DANG, MTSAN MA MED PAR SPYOD PA CAN DANG, MNGON PAR 'DU BYED PA MED PAR SPYOD PA CAN GYI BYANG CHUB SEMS DPA'I GANG ZAG GO, ,'DOD CHAGS LA SPYOD PA GANG ZHE NA, 'DOD @106B CHAGS KYI SHAS CHE ZHING RGYUN RING BA'I GANG ZAG GO, ,RNAM PAR RTOG PA LA SPYOD PA'I BAR DU YANG DE BZHIN TE, RNAM PAR RTOG PA'I SHAS CHE ZHING RGYUN RING PA'O, ,CHA MNYAM PA LA SPYOD PA GANG ZHE NA, NYON MONGS PA RANG BZHIN DU GNAS PA'O, ,NYON MONGS PA CHUNG BA GANG ZHE NA, NYON MONGS PA SHIN TU SRAB PA'I RANG BZHIN DU GNAS PA'O, ,NYAN THOS KYI THEG PA PA GANG ZHE NA, NYAN THOS KYIS CHOS NYID NGES PA'AM, MA NGES PA LA GNAS PA DANG, RANG BZHIN GYIS DBANG PO RTUL PO DANG, BDAG RNAM PAR THAR PAR BYA BA'I PHYIR SMON LAM BTAB PA DANG, YID BYUNG BA DANG, 'DOD CHAGS DANG BRAL BA DANG, RNAM PAR GROL BA'I BSAM PA CAN DANG, NYAN THOS KYI SDE SNOD LA DMIGS PA NAS CHOS KYI RJES SU MTHUN PA'I CHOS SGRUB CING, GANG SDUG BSNGAL GYI MTHAR PHYIN PA THOB PA'O, ,RANG SANGS RGYAS KYI THEG PA PA GANG ZHE NA, RANG SANGS RGYAS KYI CHOS NYID NGES PA'AM, MA NGES PA LA GNAS PA DANG, RANG BZHIN GYIS DBANG PO 'BRING DANG, BDAG RNAM PAR THAR PAR BYA BA'I PHYIR SMON LAM BTAB PA DANG, YID BYUNG BA DANG, 'DOD CHAGS DANG BRAL BA DANG, RNAM PAR GROL BAR BYA BA'I BSAM PA CAN DANG, BDAG NYID MNGON PAR RDZOGS PAR BYANG CHUB PAR BYA BA'I BSAM PA CAN DANG, NYAN THOS KYI SDE SNOD NYID LA DMIGS NAS CHOS KYI RJES SU MTHUN PA'I CHOS SGRUB PA DANG, NGES PAR 'BYED PA'I CHA DANG MTHUN PA SNGON MA BSKYED PA'AM, NGES PAR 'BYED PA'I CHA DANG MTHUN PA SNGON BSKYED PA, SNGON 'BRAS BU MA THOB PA'AM, SNGON 'BRAS BU THOB PA'AM, GANG YANG RUNG STE, SANGS RGYAS 'BYUNG BA MED PAR BDAG NYID KYIS LAM MNGON DU BYAS NAS, BSE RU LTA BUR GYUR TE, GCIG PU GNAS PA'AM, RANG RGYAL BAR GYUR TE, TSOGS DANG SPYOD PA GANG SDUG BSNGAL GYI MTHAR PHYIN PA THOB PA'O, ,THEG PA CHEN PO PA GANG ZHE NA, BYANG CHUB SEMS DPA'I CHOS NYID NGES PA'AM, MA NGES PA LA GNAS PA DANG, RANG BZHIN GYIS DBANG PO RNO BA DANG, SEMS CAN THAMS CAD RNAM PAR THAR PAR BYA BA'I PHYIR SMON LAM BTAB PA DANG, MI GNAS PA'I @107A *, ,MYA NGAN LAS 'DAS PA'I BSAM PA CAN DANG, BYANG CHUB SEMS DPA'I SDE SNOD LA DMIGS NAS CHOS KYI RJES SU MTHUN PA'I CHOS SGRUB CING, SEMS CAN RNAMS KYANG YONGS SU SMIN PAR BYED, SANGS RGYAS KYI ZHING YANG YONGS SU SBYONG LA LUNG BSTAN PA YANG THOB CING, GANG BLA NA MED PA YANG DAG PAR RDZOGS PA'I BYANG CHUB KYANG MNGON PAR RDZOGS PAR 'TSANG RGYA BA'O, ,TSOGS MA BSAGS PA GANG ZHE NA, GANG BDEN PA'I DBANG DU BYAS PA'I CHOS LA DMIGS NAS MOS PA DANG DAD PA CHUNG BA'I GANG ZAG STE, DE YANG THAR PA'I CHA DANG MTHUN PA CHUNG ZHING TSE RABS KYI DUS NGES PA MED PA DANG LDAN PA'O, ,TSOGS BSAGS PA YANG YIN LA TSOGS MA BSAGS PA YANG YIN PA GANG ZHE NA, GANG BDEN PA'I DBANG DU BYAS PA'I CHOS LA DMIGS NAS MOS PA DANG DANG DAD PA BAR MA'I GANG ZAG STE, DE YANG THAR PA'I CHA DANG MTHUN PA 'BRING, TSE RABS NGES PA'I DUS DANG LDAN PA'O, ,TSOGS BSAGS PA'I GANG ZAG GANG ZHE NA, GANG BDEN PA'I DBANG DU BYAS PA'I CHOS LA DMIGS NAS MOS PA DANG DAD PA CHEN PO'I GANG ZAG STE, DE YANG THAR PA'I CHA DANG MTHUN PA CHEN PO TSE RABS DE NYID KYI DUS CAN DANG LDAN PA'O, ,YANG TSOGS MA BSAGS PA NI BDEN PA'I DBANG DU BYA BA'I CHOS LA DMIGS NAS BDEN PA RNAMS LA CHOS LA NGES PAR SEMS PA'I BZOD PA CHUNG NGU DANG LDAN PA STE, DE YANG NGES PAR 'BYED PA'I CHA DANG MTHUN PA CHUNG NGU TSE RABS KYIS DUS NGES PA MED PA DANG LDAN PA'O, ,TSOGS BSAGS PA YANG YIN LA MA BSAGS PA YANG YIN PA NI GANG BDEN PA'I DBANG DU BYAS PA'I CHOS LA DMIGS NAS BDEN PA RNAMS LA CHOS LA NGES PAR SEMS DPA'I BZOD PA 'BRING DANG LDAN PA STE, DE YANG NGES PAR 'BYED PA'I CHA DANG MTHUN PA 'BRING TSE RABS KYI DUS NGES PA DANG LDAN PA'O, ,TSOGS BSAGS PA NI GANG BDEN PA'I DBANG DU BYAS PA'I CHOS LA DMIGS NAS BDEN PA RNAMS LA CHOS LA NGES PAR SEMS PA'I BZOD PA CHEN PO DANG LDAN PA STE, DE YANG 'JIG RTEN PA'I CHOS KYI MCHOG MA GTOGS @107B PAR NGES PAR 'BYED PA'I CHA DANG MTHUN PA CHEN PO TSE RABS KYI DE NYID KYI DUS CAN DANG LDAN PA'O, ,'JIG RTEN PA'I CHOS KYI MCHOG NI RANG BZHIN GYIS SKAD CIG PA STE, TSE RABS DE NYID KYI DUS CAN KHO NA'O, ,THAR PA'I CHA DANG MTHUN PA DANG NGES PAR 'BYED PA'I CHA DANG MTHUN PA CHUNG NGU DANG 'BRING RNAMS LAS YONGS SU NYAMS PA DE NI KUN TU 'BYUNG BA YONGS SU NYAMS PAR ZAD KYI, BAG CHAGS YONGS SU NYAMS PAS YONGS SU NYAMS PA NI MA YIN NO, ,DAD PAS RJES SU 'BRANG BA'I GANG ZAG GANG ZHE NA, GANG TSOGS BSAGS PA DBANG PO RGYUL PO PHA ROL GYIS BSTAN PA'I RJES SU 'BRANGS NAS BDEN PA MNGON PAR RTOGS PAR BYA BA'I PHYIR SBYOR BA'O, ,CHOS KYI RJES SU 'BRANG BA GANG ZHE NA, GANG TSOGS BSAGS PA DBANG PO RNON PO BDAG NYID KYIS BDEN PA'I DBANG DU BYA BA'I CHOS KYI RJES SU 'BRANGS NAS BDEN PA MNGON PAR RTOGS PAR BYA BA'I PHYIR SBYOR BA'O, DAD PAS SMOS PA GANG ZHE NA, DAD PAS RJES SU 'BRANG BA'I GANG ZAG GANG 'BRAS BU BA'I DUS NA'O, ,MTHONG BAS THOB PA GANG ZHE NA, CHOS KYI RJES SU 'BRANG BA'I GANG ZAG GANG 'BRAS BU'I DUS NA'O, ,LUS KYI MNGON DU BYED PA GANG ZHE NA, GANG SGOM PA RNAM PAR THAR PAR BRGYAD LA BSAM GTAN PA'I GANG ZAG GO, , SHES RAB KYIS RNAM PAR GROL BA GANG ZHE NA, GANG ZAG PA ZAD PA STE, RNAM PAR THAR PA BRGYAD LA BSAM GTAN PA NI MA YIN PA'I GANG ZAG GO, ,GNYI GA'I CHA LAS RNAM PAR GROL BA GANG ZHE NA, GANG ZAG BZANG BA DANG, RNAM PAR THAR PA BRGYAD LA YANG BSAM GTAN PA'I GANG ZAG GO, ,RGYUN TU ZHUGS PA'I 'BRAS BU LA 'JUG PA GANG ZHE NA, GANG NGES PAR 'BYED PA'I CHA DANG MTHUN PA LA MTHONG BA'I LAM GYIS SEMS KYI SKAD CIG BCOM LDAN LA GNAS PA'I GANG ZAG GO, ,RGYUN TU ZHUGS PA GANG ZHE NA, GANG MTHONG BA'I LAM GYI SEMS KYI SKAD CIG BCU DRUG PA LA GNAS PA'I GANG ZAG GO, , MTHONG BA'I LAM NI YANG DAG PA NYID DU NGES PAR GYUR BA LA ZHUGS PA STE, CHOS MNGON PAR RTOGS PA YANG DE YIN NO, ,'DOD PA RNAMS LAS 'DOD CHAGS DANG MA BRAL BA'I GANG ZAG NI YANG DAG PA NYID DU NGES PAR GYUR PA LA ZHUGS NAS, RGYUN TU ZHUGS PAR 'GYUR RO, , @108A *, ,PHAL CHER LA 'DOD CHAGS DANG BRAL BA NI YANG DAG PA NYID DU NGES PAR GYUR PA LA ZHUGS NAS LAN CIG PHYIR 'ONG BAR 'GYUR RO, ,'DOD PA RNAMS LAS 'DOD CHAGS DANG BRAL BA NI YANG DAG PA NYID DU NGES PAR GYUR PA LA ZHUGS NAS PHYIR MI 'ONG BAR 'GYUR RO, ,GANG GI TSE MTHONG BAS SPANG BAR BYA BA'I NYON MONGS PA THAMS CAD SPANGS NAS RGYUN TU ZHUGS PAR 'GYUR NA CI'I PHYIR KUN TU SBYOR BA GSUM SPANGS NAS RGYUN TU ZHUGS PA ZHES BYA NA, GTZO BO BSDU BA'I PHYIR RO, ,CI'I PHYIR GTZO BO ZHES BYA ZHE NA, MI 'PHAGS PA'I RGYU YIN PA DANG, 'PHAGS KYANG LOG PAS NGES PAR 'BYUNG BA'I RGYU YIN PA DANG, YANG DAG PAS NGES PAR 'BYUNG BA MA YIN PA'I RGYU YIN PA'I PHYIR RO, ,YANG SHES BYA LA LOG PAR RTOGS PA'I RGYUN YIN PA DANG, LTA BA LA LOG PAR RTOGS PA'I RGYU YIN PA DANG, GNYEN PO LA LOG PAR RTOGS PA'I RGYU YIN PA'I PHYIR RO, ,LAN CIG PHYIR 'ONG BA'I 'BRAS BU LA 'JUG PA GANG ZHE NA, GANG BSGOM PA'I LAM LA 'DOD PA NA SPYOD PA'I NYON MONGS PA RNAMS KYI RNAM PA LNGA SPANGS PA'I LAM LA GNAS PA'I GANG ZAG GO, , LAN CIG PHYIR 'ONG BA'I GANG ZAG GANG ZHE NA, BSGOM PA'I LAM LA 'DOD PA NA SPYOD PA'I NYON MONGS PA'I RNAM PA DRUG PA SPANGS PA'I LAM LA GNAS PA'I GANG ZAG GO, ,PHYIR MI 'ONG BA'I 'BRAS BU LA 'JUG PA GANG ZHE NA, GANG BSGOM PA'I LAM LA 'DOD PA NA SPYOD PA'I NYON MONGS PA'I RNAM PA BDUN PA DANG, BRGYAD PA SPANGS PA'I LAM LA GNAS PA'I GANG ZAG GO, ,PHYIR MI 'ONG BA'I GANG ZAG GANG ZHE NA, GANG BSGOM PA'I LAM LA 'DOD PA NA SPYOD PA'I NYON MONGS PA'I RNAM PA DGU PA SPANGS PA'I LAM LA GNAS PA'I GANG ZAG GO, ,GANG GI TSE 'DOD PA NA SPYOD PA'I BSGOMS PAS SPANG BAR BYA BA'I NYON MONGS PA THAMS CAD SPANGS PAS PHYIR MI 'ONG BAR 'GYUR NA, CI'I PHYIR THA MA'I CHA DANG MTHUN PA'I KUN TU SBYOR BA LNGA SPANGS PAS PHYIR MI 'ONG BA ZHES BYA ZHE NA, GTZO BO BSDU BA'I PHYIR RO, ,CI'I PHYIR GTZO BO ZHES @108B BYA ZHE NA, 'GRO BA THA MA'I RGYU YIN PA DANG, KHAMS THA MA'I RGYU YIN PA'I PHYIR RO, ,DGRA BCOM PA NYID KYI 'BRAS BU LA 'JUG PA GANG ZHE NA, GANG SRID PA'I RTZE MO PA'I NYON MONGS PA RNAMS KYI RNAM PA BRGYAD SPANGS PA'I LAM LA GNAS PA'I GANG ZAG GO, ,DGRA BCOM PA GANG ZHE NA, GANG SRID PA'I RTZE MO PA'I NYON MONGS PA'I RNAM PA DGU PA SPANGS PA'I LAM LA GNAS PA'I GANG ZAG GO, ,GANG GI TSE KHAMS GSUM NA SPYOD PA'I NYON MONGS PA THAMS CAD SPANGS PAS DGRA BCOM PAR 'GYUR NA, CI'I PHYIR GONG MA'I CHA DANG MTHUN PA'I KUN TU SBYOR BA RNAM PA LNGA SPANGS PAS DGRA BCOM PA ZHES BYA ZHE NA, GTZO BO BSDU BA'I PHYIR RO, ,CI'I PHYIR GTZO BO BSDU BA ZHES BYA ZHE NA, GONG MA NYE BAR LEN PA'I RGYU YIN PA DANG, GONG MA YONGS SU MI GTONG BA'I RGYU YIN PA'I PHYIR RO, ,RE LTAR THOGS NA SRID PA LAN BDUN PA GANG ZHE NA, RGYUN TU ZHUGS PA'I GANG ZAG NYID LHA DANG MI RNAMS KYI NANG DU LAN BDUN YAN MAN DU SRID PAR 'KHOR BAR BYAS NAS GANG SDUG BSNGAL GYI MTHA' MA THOB PA'O, ,RIGS NAS RIGS SU SKYE BA GANG ZHE NA, LHA DANG MI RNAMS KYI NANG DU RIGS NAS RIGS SU SONG NA GANG SDUG BSNGAL GYI MTHA' MA THO BA PA'O, ,BAR CHAD GCIG PA GANG ZHE NA, LAN CIG PHYIR 'ONG BA LHA RNAMS KYI NANG NYID DU GANG SDUG BSNGAL GYI MTHA' MA THOB PA'O, ,BAR MDOR YONGS SU MYA NGAN LAS 'DA' BA GANG ZHE NA, SKYE BA'I KUN TU SBYOR BA NI SPANGS LA MNGON PAR 'GRUB PA'I KUN TU SBYOR BA NI MA SPANGS PA STE, BAR MA DOR SRID PA MNGON PAR 'GRUB PA NA, GANG LAM MNGON DU BYAS NAS SDUG BSNGAL GYI MTHA' MA THOB PA DANG, BAR MA DOR SRID PA MNGON PAR 'GRUB PA SKYE BA'I SRID PAR 'GRO BAR MI SEMS PA NYID NA GANG LAM MNGON DU BYAS NAS SDUG BSNGAL GYI MTHA' MA THOB PA DANG, MNGON PAR BSAMS NAS SKYE BA'I SRID PA LA MNGON PAR 'JUG PA STE, SKYE BA'I SRID PA NI MA THOB PA NA GANG LAM MNGON DU BYAS NAS SDUG BSNGAL GYI MTHA' MA THOB PA'O, ,SKYES NAS YONGS SU @109A *, ,MYA NGAN LAS 'DA' BA GANG ZHE NA, GNYI GAR KUN TU SBYOR BA MA SPANGS LA GZUGS KYI KHAMS SU SKYES PA TZAM NYID KYIS GANG LAM MNGON DU BYAS NAS SDUG BSNGAL GYI MTHA' MA THOB PA'O, ,MNGON PAR 'DU BYED PA MED PAR YONGS SU MYA NGAN LAS 'DA' BA GANG ZHE NA, GANG SKYES NAS MNGON PAR 'DU BYED PA MED PAR LAM MNGON DU BYAS NAS SDUG BSNGAL GYI MTHA' MA THOB PA'O, ,MNGON PAR 'DU BYED PA DANG BCAS PA'I YONGS SU MYA NGAN LAS 'DA' BA GANG ZHE NA, GANG SKYES NAS MNGON PAR 'DU BYED PAS LAM MNGON DU BYAS TE SDUG BSNGAL GYI MTHA' MA THOB PA'O, ,GONG DU 'PHO BA GANG ZHE NA, GANG GZUGS KYI KHAMS SU SA NAS SAR SKYE ZHING 'ONG MIN GYI BAR DU ZHUGS NAS, DER LAM MNGON DU BYAS TE SDUG BSNGAL GYI MTHA' MA THOB PA'O, ,LA LA NI SRID PA'I RTZE MO'I BAR DU SONG NAS LAM MNGON DU BYAS TE SDUG BSNGAL GYI MTHA' MA THOB PA'O, ,SPEL MAR BSGOMS PA NI BSAM GTAN BZHI PA LA CHUNG NGU YONGS SU BSGOMS PA DANG, 'BRING DU YONGS SU BSGOMS PA DANG, CHER YONGS SU BSGOMS PA DANG, CHES CHAR YONGS SU BSGOMS PA DANG, SHIN TU CHES CHER YONGS SU BSGOMS PAS GNAS GTZANG MA RNAMS SU SKYE'O, ,YONGS SU NYAMS PA'I CHOS CAN GYI DGRA BCOM PA GANG ZHE NA, DBANG PO RTUL PO MYOS KYANG RUNG, ,MA MYOS KYANG RUNG, GSOD KYANG RUNG, MI GSOD KYANG RUNG STE, GANG MTHONG BA'I CHOS LA BDE BAR GNAS PA LAS YONGS SU NYAMS PA'I SKAL PA CAN YIN NO, ,BDAG GSOD PA'I CHOS CAN GANG ZHE NA, DBANG PO RTUL PO NYID MYOS KYANG RUNG, MA MYOS KYANG RUNG, MI GSOD NA, GANG MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR PA'I SKAL PA CAN YIN LA, GSOD NA SKAL PA CAN MA YIN PA'O, ,RJES SU BSRUNG BA'I CHOS CAN GANG ZHE NA, GANG DBANG PO RTUL PO NYID MYOS NA MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR BA'I SKAL BA CAN YIN LA, @109B MA MYOS NA SKAL BA CAN MA YIN PA'O, ,GNAS PA LAS MI BSKYOD PA GANG ZHE NA, DBANG PO RTUL PO MYOS KYANG RUNG, MA MYOS KYANG RUNG, MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR BA'I SKAL BA CAN MA YIN LA, DBANG PO RNAMS SPYOD BA'I SKAL BA CAN YANG MA YIN PA'I GANG ZAG GO, ,RAB TU RTOGS PA'I 'OS SU 'GYUR BA GANG ZHE NA, GANG DBANG PO RTUL PO MYOS KYANG TU RUNG, MA MYOS KYANG RUNG, MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR BA'I SKAL PA CAN MA YIN LA; DBANG PO RNAMS SBYONG BA'I SKAL BA CAN NI YIN PA'I GANG ZAG GO, ,MI 'KHRUGS PA'I CHOS CAN GANG ZHE NA, RANG BZHIN GYIS DBANG PO RNON PO STE, MYOS KYANG RUNG, MA MYOS KYANG RUNG, MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR BA'I SKAL BA CAN MA YIN PA'O, ,'DOD PA NA SPYOD PA'I SO SO'I SKYE BO GANG ZHE NA, GANG 'DOD PA'I KHAMS SU SKYES PAR GYUR LA 'PHAGS PA'I CHOS RNAMS MA THOB PA'I GANG ZAG GO, ,'DOD PA NA SPYOD PA'I SLOB PA GANG ZHE NA, GANG 'DOD PA'I KHAMS SU SKYES PAR GYUR TE, 'PHAGS PA'I CHOS RNAMS THOB LA, KUN TU SBYOR BA LHAG MA DANG BCAS PA'I GANG ZAG GO, ,'DOD PA NA SPYOD PA'I MI SLOB PA GANG ZHE NA, GANG 'DOD PA'I KHAMS SU SKYES PAR GYUR TE, 'PHAGS PA'I CHOS RNAMS THOB LA KUN TU SBYOR BA'I LHAG MA MED PA'I GANG ZAG GO, ,'DOD PA NA SPYOD PA'I GANG ZAG GSUM JI LTA BAR GZUGS DANG GZUGS MED PA NA SPYOD PA'I GSUM LA YANG DE BZHIN DU BLTA'O, ,'DOD PA NA SPYOD PA DANG GZUGS NA SPYOD PA'I BYANG CHUB SEMS DPA' GANG ZHE NA, GANG GZUGS MED PA'I KHAMS RNAM PAR SPANGS PA'I BSAM GTAN DANG LDAN LA, BSAM GTAN GYI BDE BAS GNAS SHING 'DOD PA'I KHAMS SAM, GZUGS KYI KHAMS SU SKYE BA'I GANG ZAG GO, ,'DOD PA NA SPYOD PA'I RANG SANGS RGYAS GANG ZHE NA, GANG SANGS RGYAS 'BYUNG BA @110A *, ,MED PAR 'DOD PA'I KHAMS SU SKYES PAR GYUR TE, RANG BYANG CHUB MNGON DU BYED PA'I GANG ZAG GO, ,BSAM GYIS MI KHYAB PA'I DE BZHIN GSHEGS PA GANG ZHE NA, GANG DGA' LDAN GYI GNAS NA GNAS PA NAS BZUNG STE, YONGS SU MYA NGAN LAS 'DAS PA'I BAR DU BYANG CHUB SEMS DPA'I SPYOD PA THAMS CAD DANG, SANGS RGYAS KYI SPYOD PA YANG 'DOD PA'I KHAMS SU STON PA'I GANG ZAG GO, ,MOS PAS SPYOD PA CAN GANG ZHE NA, MOS PAS SPYOD PA'I SA LA BZOD PA CHUNG NGU DANG, 'BRING DANG, CHEN PO DANG LDAN PA'I GANG ZAG GANG YIN PA'I BYANG CHUB SEMS DPA'O, ,LHAG PA'I BSAM PAS SPYOD PA CAN GANG ZHE NA, GANG BYANG CHUB SEMS DPA'I SA BCU LA GNAS PA'I GANG ZAG GO, ,MTSAN MA DANG BCAS PAS SPYOD PA CAN GANG ZHE NA, GANG BYANG CHUB SEMS DPA'I SA RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO BA CAN DANG, SHIN TU SBYANG DKA' BA DANG, MNGON DU GYUR PA LA GNAS PA'I GANG ZAG GO, ,MTSAN MA MED PAR SPYOD PA CAN GYI GANG ZAG GANG ZHE NA, GANG BYANG CHUB SEMS DPA'I SA RING DU SONG BA LA GNAS PA'I GANG ZAG GO, ,MNGON PAR 'DU BYED PA MED PAR SPYOD PA CAN GANG ZHE NA, GANG BYANG CHUB SEMS DPA'I SA MI G-YO BA DANG, LEGS PA'I BLO GROS DANG, CHOS KYI SPRIN LA GNAS PA'I GANG ZAG GO, ,RGYUN TU ZHUGS PA'I GANG ZAG CES GANG GSUNGS PA LA, RGYUN TU ZHUGS PA NI GNYIS TE, RIM GYIS PA DANG, CIG CAR NGES PAR 'BYIN PA'O, ,RIM GYI PA NI JI SKAD BSTAN PA YIN NO, ,CIG CAR NGES PAR 'BYIN PA NI GANG BDEN PA RNAMS MNGON PAR RTOGS PAR BYAS NAS, MI LCOGS PA MED PA LA BRTEN TE, 'JIG RTEN LAS 'DAS PA'I LAM GYIS, KHAMS GSUM NA SPYOD PA'I NYON MONGS PA RNAMS RNAM PAS CIG CAR SPONG STE, 'DI NI RGYUN TU ZHUGS PA'I 'BRAS BU DANG, DGRA BCOM PA'I 'BRAS BU @110B DANG; 'BRAS BU GNYIS LA GDAGS SO, ,PHAL CHER NI MTHONG BA'I CHOS SAM 'CHI BA'I DUS KYI TSE KUN SHES PA THOB PAR BYED DO, ,GAL TE MI BYED NA YANG DE SMON LAM GYI STOBS CAN YIN TE, SMON LAM GYI DBANG GIS 'DOD PA'I KHAMS NYID DU SKYE STE, SANGS RGYAS 'BYUNG BA MED NA RANG RGYAL BAR 'GYUR RO, ,MNGON PAR RTOGS PA RNAM PAR GZHAG PA GANG ZHE NA, MNGON PAR RTOGS PA BCU STE, CHOS MNGON PAR RTOGS PA DANG, DON MNGON PAR RTOGS PA DANG, DE KHO NA MNGON PAR RTOGS PA DANG, RJES LA MNGON PAR RTOGS PA DANG, DKON MCHOG MNGON PAR RTOGS PA DANG, KUN TU MI 'BYUNG BA MNGON PAR RTOGS PA DANG, MTHAR THUG PA MNGON PAR RTOGS PA DANG, NYAN THOS KYI MNGON PAR RTOGS PA DANG, RANG SANGS RGYAS KYI MNGON PAR RTOGS PA DANG, BYANG CHUB SEMS DPA'I MNGON PAR RTOGS PA'O, ,CHOS MNGON PAR RTOGS PA GANG ZHE NA, BDEN PA'I DBANG DU BYA BA'I CHOS RNAMS LA MOS PA DANG, DAD PA CHEN PO THOB PA'O, ,DON MNGON PAR RTOGS PA GANG ZHE NA, NGES PAR 'BYED PA'I CHA DANG MTHUN PA'I GNAS SKABS NA BDEN PA'I DBANG DU BYA BA'I CHOS RNAMS KHO NA LA, BDEN PA LA CHOS NGES PAR SEMS PA'I BZOD PA CHEN PO THOB PA STE, BZOD PA DE YANG TSUL BZHIN YID LA BYED PA CHEN PO'I CHUNG NGU DANG, CHEN PO'I CHEN 'BRING PO DANG, CHEN PO'I CHEN PO DANG, RNAM PA GSUM GYIS RAB TU PHYE BA'O, ,DE KHO NA MNGON PAR RTOGS PA GANG ZHE NA, GANG MTHONG BA'I LAM GYI SEMS KYI SKAD CIG BCU DRUG PO DAG THOB PA'O, ,MTHONG BA'I LAM LA NI BDEN PA RNAM PAR 'JOG PA MNGON PAR RTOGS PA'I MTHA' LAS BYUNG BA KUN RDZOB SHES PA RNAMS 'THOB STE, MNGON DU BYED PA NI MA YIN NO, ,DE DAG NI BSGOM PA'I LAM LA MNGON DU BYED DO, ,RJES LA MNGON PAR RTOGS PA GANG ZHE NA, BSGOM PA'I LAM THAMS CAD DO, ,DKON MCHOG MNGON PAR RTOGS PA GANG ZHE NA, SANGS RGYAS LA SHES NAS @111A *, ,DAD PA DANG, CHOS DANG DGE 'DUN LA SHES NAS DAD PA'O, ,KUN TU MI 'BYUNG BA MNGON PAR RTOGS PA GANG ZHE NA, MI BYA BA'I SDOM PA GANG THOB PAS SLOB PA 'DI SNYAM DU SEMS TE, BDAG GI SEMS CAN DMYAL BA ZAD DO, ,DUD 'GRO ZAD DO, ,YI DAGS ZAD DO, ,NGAN SONG NGAN 'GRO LOG PAR LTUNG BA ZAD DO, ,BDAG YANG NGAN SONG BA'I LAS BYAS NAS NGAN SONG RNAMS SU RNAM PAR SMIN PA MNGON PAR 'GRUB PA'I SKAL PA CAN MA YIN NO, ,SNYAM PA'O, ,MTHAR THUG PA MNGON PAR RTOGS PA GANG ZHE NA; JI LTAR LAM GYI BDEN PA LA MTHAR PHYIN PA'I LAM BSTAN PA LTA BU'O, ,NYAN THOS KYI MNGON PAR RTOGS PA GANG ZHE NA, MNGON PAR RTOGS PA BDUN PO DE DAG NYID MDOR BSDUS TE, NYAN THOS KYI MNGON PAR RTOGS PA ZHES BYA'O, ,RANG SANGS RGYAS KYI MNGON PAR RTOGS PA GANG ZHE NA, MNGON PAR RTOGS PA BDUN PO DE DAG NYID GZHAN GYI SGRA LA MA BRTEN PAR THOB PAS RANG SANGS RGYAS KYI MNGON PAR RTOGS PA ZHES BYA'O, ,BYANG CHUB SEMS DPA'I MNGON PAR RTOGS PA GANG ZHE NA, MNGON PAR RTOGS PA BDUN PO DE DAG NYID LA BYANG CHUB SEMS DPA'I YANG DAG PAR 'GRUB PA'I BZOD PA GANG YIN PA STE, MNGON DU BYED PA NI MA YIN NO, ,YANGS RAB TU DGA' BA LA BYANG CHUB SEMS DPA'I SKYON MED PA LA ZHUGS PA NI BYANG CHUB SEMS DPA'I MNGON PAR RTOGS PA ZHES BYA'O, ,NYAN THOS KYI MNGON PAR RTOGS PA LAS BYANG CHUB SEMS DPA'I MNGON PAR RTOGS PA KHYAD PAR CI YOD CE NA, DMIGS PA'I KHYAD PAR DANG, NYE BAR RTON PA'I KHYAD PAR DANG, RAB TU RTOGS PA'I KHYAD PAR DANG, KHAS LEN PA'I KHYAD PAR DANG, NGES PAR 'BYUNG BA'I KHYAD PAR DANG, YONGS SU 'DZIN PA'I KHYAD PAR DANG, GNAS DANG G-YOG 'KHOR GYI KHYAD PAR DANG, BTZUN PAR SKYE BA'I KHYAD PAR DANG, SKYE BA'I KHYAD PAR DANG, 'BRAS BU'I KHYAD PAR RO, ,'BRAS BU'I KHYAD PAR NI GNAS GYUR BA'I KHYAD PAR DANG, YON @111B TAN PHUN SUM TSOGS PA'I KHYAD PAR DANG, RNAM PA LNGA'I KHYAD PAR DANG, SKU GSUM GYI KHYAD PAR DANG, MYA NGAN LAS 'DAS PA'I KHYAD PAR DANG, 'DRES SHING NYE BAR 'DRES PA'I YE SHES KYI NUS PA THOB PA'I KHYAD PAR DANG, SGRIB PA RNAM PAR DAG PA'I KHYAD PAR DANG; 'DRES PA DANG NYE BAR 'DRES PA'I LAS BYED PA'I KHYAD PAR DANG, MNGON PAR RDZOGS PAR BYANG CHUB PA DANG MYA NGAN LAS 'DAS PA STON PA'I THABS KYI KHYAD PAR DANG, YONGS SU SKYOB PA RNAM PA LNGA'I KHYAD PAR GYIS KYANG RIG PAR BYA'O, ,TSAD MED PA LA SOGS PA YON TAN KHYAD PAR CAN 'DI DAG MNGON PAR RTOGS PA GANG GIS BSDUS SHE NA, RJES LA MNGON PAR RTOGS PA DANG, MTHAR THUG PA'I MNGON PAR RTOGS PAS BSDUS SO, ,DE DAG KYANG TSAD MED PA RNAMS DANG, RNAM PAR THAR PA RNAMS DANG, ZIL GYIS GNON PA'I SKYE MCHED RNAMS DANG, ZAD PAR GYI SKYE MCHED RNAMS DANG, NYON MONGS PA MED PA DANG, BSAMS NAS SHES PA DANG, SO SO YANG DAG PAR RIG PA RNAMS DANG, MNGON PAR SHES PA RNAMS DANG, MTSAN DANG DPE BYAD BZANG PO RNAMS DANG, YONGS SU DAG PA RNAMS DANG, STOBS RNAMS DANG, MI 'JIGS PA RNAMS DANG, DRAN PA NYE BAR GZHAG PA RNAMS DANG, BSRUNG BA MED PA RNAMS DANG, BSNYEL BA MI MNGA' BA'I CHOS NYID DANG, BAG CHAGS LEGS PAR BCOM PA DANG, THUGS RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG, RNAM PA THAMS CAD MKHYEN PA NYID DE MDO SDE LAS JI SKAD 'BYUNG BA RNAMS SO, ,BYAMS PA GANG ZHE NA, BSAM GTAN LA BRTEN TE SEMS CAN RNAMS LA PHAN PA DANG PHRAD PAR SHOG SHIG PAR BSAM PA'I GNAS PA YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,SNYING RJE GANG ZHE NA, SEMS CAN RNAMS LA SDUG BSNGAL DANG BRAL BAR SHOG SHIG PAR BSAM PA'I GNAS PA YANG @112A *, ,DAG PAR 'BYOR BA'I ZHES BYA BA SNGA MA BZHIN NO, ,DGA' BA GANG ZHE NA, SEMS CAN RNAMS LA BDE BA DANG MI 'BRAL BAR SHOG SHIG PAR BSAM PA'I GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,BTANG SNYOMS GANG ZHE NA, BSAM GTAN LA BRTAN TE SEMS CAN RNAMS LA PHAN PAR BSAM PA'I GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,GZUGS CAN GZUGS RNAMS LA LTA BA JI LTA BU ZHE NA, 'DI LTA STE, SPRUL PA'I SGRIB PA LAS RNAM PAR THAR PAR BYA BA'I PHYIR BSAM GTAN LA BRTEN TE; LTA BA PO BDAG LA GZUGS SU 'DU SHES PA DANG MA BRAL BA'AM, GZHAG PAS KYANG RUNG STE, SNANG BA'I GZUGS RNAMS LA LTA BA'I GNAS PA YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA JI LTA BU ZHE NA, LTA BA PO BDAG LA GZUGS SU 'DU SHES PA DANG BRAL BA'AM, GZUGS MED PA'I 'DU SHES GZHAG PAS KYANG RUNG STE, SNANG BA'I GZUGS RNAMS LA LTA BA'I GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS PA JI LTA BU ZHE NA, 'DI LTA STE, SDUG PA DANG MI SDUG PA LA KUN NAS NYON MONGS PA 'BYUNG BA'I SGRIB PA LAS RNAM PAR THAR PAR BYA BA'I PHYIR RANG GIS SDUG PA DANG MI SDUG PA'I GZUGS RNAMS LA PHAN TSUN LTOS PA'I 'DU SHES DANG, PHAN TSUN RJES SU 'BREL BA'I 'DU SHES DANG, PHAN TSUN RO GCIG PA'I 'DU SHES THOB NAS DE LA GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,NAM MKHA' MTHA' YAS SKYE MCHED KYI RNAM PAR THAR PA GANG ZHE NA, THAR PA'I RJES SU MTHUN PA NAM MKHA' MTHA' YAS SKYE MCHED LA GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,NAM MKHA' MTHA' YAS SKYE MCHED KYI RNAM PAR THAR PA JI LTA BAR @112B RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED KYI RNAM PAR THAR PA YANG DE BZHIN DU BLTA BAR BYA STE, 'DI LTAR ZHI BA'I RNAM PAR THAR PA LA CHAGS PA'I SGRIB PA LAS RNAM PAR THAR PAR BYA BA'I PHYIR RO, , 'DU SHES DANG TSOR BA 'GOG PA'I RNAM PAR THAR PA GANG ZHE NA, 'DI LTA STE, 'DU SHES DANG TSOR BA 'GOG PA LA SGRIB PA LAS RNAM PAR THAR PAR BYA BA'I PHYIR 'DU SHES MED 'DU SHES MED MIN SKYE MCHED KYI RNAM PAR THAR PA LA BRTEN TE, ZHI BA'I RNAM PAR THAR PA LA GNAS PA LAS YANG DAG PAR 'DAS NAS THAR PA DANG MTHUN PAR GNAS PA YANG DAG PAR 'BYOR BA'I GANG SEMS DANG SEMS LAS BYUNG BA'I CHOS RNAMS 'GOG PA'O, ,ZIL GYIS GNON PA'I SKYE MCHED BZHI NI RNAM PAR THAR PA GNYIS KYIS RIG PAR BYA'O, ,BZHI NI RNAM PAR THAR PA GCIG GIS RIG PAR BYA'O, ,RNAM PAR THAR PA RNAMS KYIS NI DMIGS PA LA MOS PAR BYAD DO, ,ZIL GYIS GNON PA'I SKYE MCHED RNAMS KYIS NI DBANG BYED PA'I PHYIR ZIL GYIS GNON TO, ,SEMS CAN DANG SEMS CAN MA YIN PAR GTOGS PA'I GZUGS RNAMS NI CHUNG DU DANG, CHEN PO ZHES BYA'O, ,MI'I DANG LHA'I RNAMS NI NGAN PA DANG BZANG PO RNAMS SO, ,LHAG MA NI RNAM PAR THAR PA LAS 'BYUNG BA JI LTA BA BZHIN NO, ,ZIL GYIS GNON PA'I SKYE MCHED RNAMS KYIS DMIGS PA ZIL GYIS MNAN NAS ZAD PAR GYI SKYE MCHED RNAMS KYIS ZAD PAR RGYAS PAR BYED PAR GNAS PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS NI ZAD PAR GYI SKYE MCHED CES BYA'O, ,CI'I PHYIR ZAD PAR GYI SKYE MCHED RNAMS LAS LA SOGS PA ZAD PAR GDAGS SHE NA, GNAS DANG BCAS PA'I GZUGS LA KHYAB PAR BYA BA 'BYOR BA NYID KYI PHYIR RO, ,LHAG MA NI RNAM PAR THAR PA BZHIN DU JI LTAR MTHUN MTHUN DU SBYOR RO, ,ZAD PAR GYI SKYE MCHED RNAMS KYIS NI RNAM PAR THAR PA RNAMS 'GRUB PAR BYED DO, ,NYON MONGS PA MED @113A *, ,PA GANG ZHE NA, BSAM GTAN LA BRTEN TE GZHAN GYI NYON MONGS PA 'BYUNG BA RJES SU BSRUNG BAR GNAS PA YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,BSAMS NAS SHES PA GANG ZHE NA, BSAM GTAN LA BRTEN TE 'DI SHES PAR BYA'O ZHES BSAMS NAS YANG DAG PAR 'BYOR BA'I ZHES BYA BA SNGA MA BZHIN NO, ,CHOS SO SO YANG DAG PAR RIG PA GANG ZHE NA, BSAM GTAN LA BRTEN NAS RNAM GRANGS SU GTOGS PA RNAMS LA THOGS PA MED PA YANG DAG PAR 'BYOR BA'I ZHES BYA BA SNGA MA BZHIN NO, ,DON SO SO YANG DAG PAR RIG PA GANG ZHE NA, MTSAN NYID DANG DGONGS PA LA THOGS PA MED PA YANG DAG PAR 'BYOR BA'I ZHES BYA BA SNGA MA BZHIN NO, ,NGES PA'I TSIG SO SO YANG DAG PAR RIG PA GANG ZHE NA, YUL MI'I SKAD DANG CHOS KYI NGES PA'I TSIG LA THOGS PA MED PA YANG DAG PAR 'BYOR BA'I ZHES BYA BA SNGA MA BZHIN NO, ,SPOBS PA SO SO YANG DAG PAR RIG PA GANG ZHE NA, CHOS RAB TU DBYE BA LA THOGS PA MED PA YANG DAG PAR 'BYOR BA'I ZHES BYA BA SNGA MA BZHIN NO, ,RDZU 'PHRUL GYI MNGON PAR SHES PA GANG ZHE NA, BSAM GTAN LA BRTEN NAS RDZU 'PHRUL GYI RNAM PAR 'PHRUL PA SNA TSOGS YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,LHA'I RNA BA'I MNGON PAR SHES PA GANG ZHE NA, SGRA SNA TSOGS NYAN PA YANG DAG PAR 'BYOR BA'I ZHES BYA BA SNGA MA BZHIN NO, ,SEMS KYI RNAM GRANGS MNGON PAR SHES PA GANG ZHE NA, SEMS CAN GZHAN DAG GI SEMS KYI SPYOD PA LA 'JUG PA YANG DAG PAR 'BYOR BA'I ZHES BYA BA SNGA MA BZHIN NO, ,SNGON GYI GNAS RJES SU DRAN PA'I MNGON PAR SHES PA GANG ZHE NA, SNGON GYI MTHA'I SPYOD PA RJES SU DRAN PA YANG DAG PAR 'BYOR BA'I ZHES BYA BA SNGA MA BZHIN NO, ,'CHI 'PHO DANG SKYE BA MNGON PAR SHES PA GANG ZHE NA, SEMS CAN RNAMS KYI @113B 'CHI 'PHO DANG SKYE BA MTHONG BA YANG DAG PAR 'BYOR BA'I ZHES BYA BA SNGA MA BZHIN NO, ,ZAG PA ZAD PA MNGON PAR SHES PA GANG ZHE NA, BSAM GTAN LA BRTEN NAS ZAG PA ZAD PA SHES PA YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,MTSAN DANG DPE BYAD BZANG PO RNAMS GANG ZHE NA, BSAM GTAN LA BRTEN NAS MTSAN DANG DPE BYAD BZANG POS BRGYAN PA'I SKU KUN TU STON PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS DANG DE LAS BYUNG BA'I RNAM PAR SMIN PA'O, ,GNAS YONGS SU DAG PA GANG ZHE NA, BSAM GTAN LA BRTEN NAS, JI LTAR BZHED PA BZHIN DU GNAS LEN PA DANG, BZHUGS PA DANG; YONGS SU GTONG BA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,DMIGS PA YONGS SU DAG PA GANG ZHE NA, JI LTAR BZHED PA BZHIN DU DMIGS PA SPRUL PA DANG, SGYUR BA MKHYEN PA YANG DAG PAR 'BYOR BA'I ZHES BYA BA SNGA MA BZHIN NO, ,THUGS YONGS SU DAG PAR GANG ZHE NA, JI LTAR BZHED PA BZHIN DU TING NGE 'DZIN GYI SGO LA DBANG SGYUR BA YANG DAG PAR 'BYOR BA'I ZHES BYA BA SNGA MA BZHIN NO, , MKHYEN PA YONGS SU DAG PA GANG ZHE NA, BSAM GTAN LA BRTEN NAS JI LTAR BZHED PA BZHIN DU GZUNGS KYI SGO KUN TU 'DZIN PA YANG DAG PAR 'BYOR BA'I ZHES BYA BA SNGA MA BZHIN NO, ,GNAS DANG GNAS MA YIN PA MKHYEN PA'I STOBS GANG ZHE NA, BSAM GTAN LA BRTEN NAS GNAS DANG GNAS MA YIN PA THAMS CAD MKHYEN PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,LAS BDAG GIR BYA BA MKHYEN PA'I STOBS GANG ZHE NA, @114A *, ,LAS BDAG GIR BYA BA RNAM PA THAMS CAD MKHYEN PA YANG DAG PAR 'BYOR BA'I ZHES BYA BA SNGA MA BZHIN NO, ,STOBS LHAG MA RNAMS LA YANG DE BZHIN DU JI LTAR MTHUN DU RIG PAR BYA'O, ,MNGON PAR RDZOGS PAR BYANG CHUB PA LA MI 'JIGS PA GANG ZHE NA, BSAM GTAN LA BRTEN NAS RANG GI DON LAS BRTZAMS TE, SHES BYA RNAM PA THAMS CAD MNGON PAR RDZOGS PAR BYANG CHUB PAR ZHAL GYIS 'CHE BA 'JOG PA YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,ZAG PA ZAD PA MKHYEN PA LA MI 'JIGS PA GANG ZHE NA, RANG GI DON LAS BRTZAMS TE, ZAG PA'I RNAM PA THAMS CAD ZAD PAR ZHAL GYIS 'CHE BA 'JOG PA YANG DAG PAR 'BYOR BA'I ZHES BYA BA SNGA MA BZHIN NO, , BAR DU GCOD PA'I CHOS LA MI 'JIGS PA GANG ZHE NA, GZHAN GYI DON LAS BRTZAMS TE, BAR DU GCOD PA'I CHOS RNAM PA THAMS CAD STON PAR ZHAL GYIS 'CHE BA 'JOG PA YANG DAG PAR 'BYOR BA'I ZHES BYA BA SNGA MA BZHIN NO, ,NGES PAR 'BYIN PA'I LAM LA MI 'JIGS PA GANG ZHE NA, BSAM GTAN LA BRTEN NAS GZHAN GYI DON LAS BRTZAMS TE, NGES PAR 'BYIN PA'I LAM GYI RNAM PA THAMS CAD STON PAR ZHAL GYIS 'CHE BA 'JOG PA YANG DAG PAR 'BYOR BA'I ZHES BYA BA SNGA MA BZHIN NO, ,DRAN PA NYE BAR GZHAG PA GSUM GANG ZHE NA, TSOGS YONGS SU SDUD PA STE, KUN NAS NYON MONGS PA'I RNAM PA THAMS CAD KUN TU MI 'BYUNG BA YANG DAG PAR 'BYOR BA'I ZHES BYA BA SNGA MA BZHIN NO, ,BSRUNG BA MED PA RNAM PA GSUM GANG ZHE NA, TSOGS YONGS SU SDUD PA NYID LA JI LTAR BZHED PA BZHIN DU GDAMS PA DANG, RJES SU BSTAN PAR SBYOR BA YANG DAG PAR 'BYOR BA'I ZHES BYA BA SNGA MA BZHIN NO, ,BSNYEL BA MI MNGA' BA'I CHOS NYID GANG ZHE NA, JI LTA BA BZHIN DU MDZAD PA DANG, GSUNGS PA'I RNAM PA THAMS CAD MNGON PAR BRJOD PA YANG DAG PAR 'BYOR BA'I ZHES BYA BA SNGA MA BZHIN NO, ,BAG @114B CHAGS LEGS PAR BCOM PA GANG ZHE NA, THAMS CAD MKHYEN PAR GYUR PAS, THAMS CAD MKHYEN PA MA YIN PA'I G-YO BA KUN TU MI 'BYUNG BA YANG DAG PAR 'BYOR BA'I ZHES BYA BA SNGA MA BZHIN NO, ,THUGS RJE CHEN PO GANG ZHE NA, RGYUN MI 'CHAD PAR SDUG BSNGAL LA DMIGS PA'I THUGS RJE LA GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,SANGS RGYAS KYI CHOS MA 'DRES PA RNAMS GANG ZHE NA, SKU DANG GSUNG DANG THUGS KYI PHRIN LAS THUN MONG MA YIN PA YONGS SU DAG PA YANG DAG PAR 'BYOR BA DANG, DE BZHIN GSHEGS PA'I DBANG PO GNAS DANG 'BRAS BU DANG BCAS PA RNAMS MA THOB PA'I YONGS SU NYAMS PA MED PA YANG DAG PAR 'BYOR BA DANG, THUN MONG MA YIN PA'I PHRIN LAS MDZAD PA YANG DAG PAR 'BYOR BA DANG, YE SHES LA GNAS PA THUN MONG MA YIN PA YIN PA YANG DAG PAR 'BYOR BA'I TING NGE 'DZIN DANG SHES RAB GANG YIN PA ZHES BYA BA SNGA MA BZHIN NO, ,RNAM PA THAMS CAD MKHYEN PA NYID GANG ZHE NA, PHUNG PO DANG KHAMS DANG SKYE MCHED RNAMS LA RNAM PA THAMS CAD MKHYEN PA NYID YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG; DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS SO, ,YON TAN 'DI RNAMS JI LTAR MNGON PAR BSGRUB CE NA, PHYI ROL PA'AM, NYAN THOS SAM, BYANG CHUB SEMS DPA' YANG RUNG STE, DAG PA'I BSAM GTAN BZHI LA BRTEN NAS, TSAD MED PA RNAMS MNGON PAR BSGRUB PO, ,TSAD MED PA RNAMS JI LTA BAR MNGON PAR SHES PA LNGA YANG DE BZHIN NO, ,YON TAN LHAG MA RNAMS NI NYAN THOS SAM, BYANG CHUB SEMS DPA' 'AM, DE BZHIN GSHES PA YANG RUNG STE, RAB KYI MTHAR PHYIN PA'I BSAM GTAN BZHI PA LA BRTEN NAS MNGON PAR BSGRUB BO, ,DE YANG CI'I PHYIR ZHE NA, BSAM GTAN LA BRTEN NAS JI LTAR RNAM PAR GZHAG PA BZHIN DU LAN MANG DU YID LA BYED PA'I PHYIR RO, ,YON TAN 'DI DAG NI RNAM PA GNYIS TE, RANG GI BYA BA LA NYE BAR GNAS PA DANG, GNAS @115A *, ,PA LAS GYUR BA'O, ,RANG GI BYA BA LA NYE BAR GNAS PA GANG YIN PA DE DAG NI 'JIG RTEN LAS 'DAS PA'I RJES LA THOB PA KUN RDZOB SHES PA'I RANG BZHIN DU BLTA'O, ,GNAS PA LAS GYUR PA GANG YIN PA DE DAG NI 'JI RTEN LAS 'DAS PA'I YE SHES KYI RANG BZHIN DU BLTA'O, ,TSAD MED PA RNAMS KYIS LAS CI MDZAD CE NA, MI MTHUN PA'I PHYOGS SPONG NGO, ,THUGS BRTZE BAR GNAS PAS BSOD NAMS KYI TSOGS YONGS SU RDZOGS PAR MDZAD DO, ,SEMS CAN YONGS SU SMIN PAR MDZAD PA LA MI SKYE'O; ,RNAM PAR THAR PA RNAMS KYIS LAS CI MDZAD CE NA, SPRUL PA'I LAS MNGON PAR BSGRUB BO, ,DGE BA SPRUL PA LA KUN NAS NYON MONGS PAR MI 'GYUR RO, ,ZHI BA'I RNAM PAR THAR PA RNAMS LA MI CHAGS SO, ,MOS PA'I PHYIR 'PHAGS PA'I GNAS PA MCHOG TU RAB TU ZHI BA'I GNAS PAS GNAS SO, ,ZIL GYIS GNON PA'I SKYE MCHED RNAMS KYIS LAS CI MDZAD CE NA, DMIGS PA ZIL GYIS GNON PA'I PHYIR RNAM PAR THAR PA GSUM PO DAG GI DMIGS PA LA DBANG SGYUR BAR MDZAD DO, ,ZAD PAR GYI SKYE MCHED RNAMS KYIS LAS CI MDZAD CE NA, ZAD PAR RGYAS PAR MDZAD PA'I PHYIR RNAM PAR THAR PA'I DMIGS PA YONGS SU BSGRUB PAR MDZAD DO, ,NYON MONGS PA MED PAS LAS CI MDZAD CE NA, GZUNG BA'I TSIG TU 'GYUR RO, ,BSAMS NAS SHES PAS LAS CI MDZAD CE NA, BYUNG BA DANG 'BYUNG BAR 'GYUR BA DANG, DA LTAR GYI LUNG STON PA DANG, 'JI RTEN NA MANG POS BKUR BAR 'GYUR RO, ,SO SO YANG DAG PAR RIG PA RNAMS KYIS LAS CI MDZAD CE NA, BSHAD PAS SEMS CAN RNAMS KYI SEMS TSIM PAR MDZAD DO, ,MNGON PAR SHES PA RNAMS KYIS LAS CI MDZAD CE NA, LUS KYI LAS KYIS BSTAN PA LA 'DUN PAR MDZAD DO, ,NGAG GI LAS KYIS 'DUN PAR MDZAD DO, ,SEMS KUN BRJOD PAS KYANG 'DUN PAR MDZAD DO, ,SEMS CAN GYI SPYOD PA DANG, 'ONG BA DANG, 'GRO BA MKHYEN PAS SEMS CAN RNAMS @115B NGES PAR 'BYUNG BA LA JI LTA BA BZHIN DU 'DOMS SO, ,MTSAN NYID DPE BYED BZANG PO RNAMS KYIS LAS CI MDZAD CE NA, MTHONG MA THAG TU SKYES BU CHEN PO NYID DU YID CES PAR MDZAD DO, ,SEMS KYANG MNGON PAR DANG BAR MDZAD DO, ,YONGS SU DAG PA RNAMS KYIS LAS CI MDZAD CE NA, BSAMS BZHIN DU SRID PAR SKYE BA YONGS SU 'DZIN TO, ,BZHED NAS BSKAL PA'AM BSKAL PA LAS LHAG PAR BZHUGS SO, ,TSE'I 'DU BYED KYANG 'DOR RO, ,CHOS LA DBANG SGYUR RO, ,TING NGE 'DZIN LA DBANG SGYUR RO, ,DAM PA'I CHOS KYANG YANG DAG PAR 'DZIN TO, ,STOBS RNAMS KYIS LAS CI MDZAD CE NA, RGYU MED PA DANG, MI MTHUN PA RGYUR SMRA BA DANG, MA BYAS PA DANG, PHRAD PAR SMRA BA BSAL NAS YANG DAG PAR MNGON PAR MTHO BA'I LAS STON TO, ,SEMS CAN GYI SEMS KYI SPYOD PA DANG, BSHAD PA'I SNOD DANG; BSAM PA DANG, BAG LA NYAL DANG, DMIGS PA DANG, TSOGS DANG, 'OS SU 'GYUR PA DANG, NGES PAR 'BYUNG BA YANG RJES SU RTOGS NAS JI LTA BA BZHIN DU NGES PAR LEGS PA'I LAM STON TO, ,BDUD THAMS CAD KYANG TSAR GCOD DO, ,THAMS CAD DU DRI BA DRIS PA YANG LUNG STON TO, ,MI 'JIGS PA RNAMS KYIS LAS CI MDZAD CE NA, 'KHOR GYI NANG DU BDAG STON PA YANG DAG PA YIN PAR RNAM PAR 'JOG GO, ,RGOL BA GZHAN MU STEGS CAN RNAMS KYANG TSAR GCOD DO, ,DRAN PA NYE BAR GZHAG PA RNAMS KYIS LAS CI MDZAD CE NA, KUN NAS NYON MONGS PA CAN MA YIN PAS TSOGS YONGS SU SDUD DO, ,BSRUNG BA MED PA RNAMS KYIS LAS CI MDZAD CE NA, RGYUN MI 'CHAD PAR TSOGS LA 'DOMS SO, ,YANG DAG PAR RJES SU STON TO, ,BSNYEL BA MED PA'I CHOS NYID KYIS LAS CI MDZAD CE NA, SANGS RGYAS KYI MDZAD PA MI 'DOR RO, ,BAG CHAGS LEGS PAR BCOM PAS LAS CI MDZAD CE NA, NYON MONGS PA MED PAS NYON MONGS PA LTA BU'I SPYOD PA MI STON TO, ,THUGS RJE CHEN POS LAS CI MDZAD CE NA, NYIN MTSAN LAN DRUG TU 'JIG @116A *, ,RTEN LA RNAM PAR GZIGS SO, ,SANGS RGYAS KYI CHOS MA 'DRES PA RNAMS KYIS LAS CI MDZAD CE NA, SKU DANG GSUNG DANG THUGS KYI PHRIN LAS YONGS SU DAG PA DANG, 'THOB PA DANG, GSHEGS PA DANG, BZHUGS PAS KYANG NYAN THOS DANG RANG SANGS RGYAS THAMS CAD ZIL GYIS GNON TO, ,RNAM PA THAMS CAD MKHYEN PA NYID KYIS LAS CI MDZAD CE NA, SEMS CAN THAMS CAD KYI THE TSOM GCOD DO, ,CHOS KYI TSUL YANG YUN RING DU 'JOG GO, ,DES SEMS CAN YONGS SU MA SMIN PA RNAMS NI SMIN PAR MDZAD DO; ,YONGS SU SMIN PA RNAMS NI RNAM PAR GROL BAR MDZAD DO, ,MNGON PAR RTOGS PA 'DI DAG LA GONG NAS GONG DU KHYAD PAR DU 'PHAGS PA'I LAM THOB NA LAM SNGA MA DMAN PA NI 'DOR RO, ,BSDOMS TE SPONG BA YANG MNGON SUM DU BYED DO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU NYAN THOS NI LAM THAMS CAD RGYUN YANG DAG PAR GCOD PA'I RNAM PAR 'DOR BAS RNAMS PAR SPONG STE, BYANG CHUB SEMS DPA' NI MA YIN NO, ,DE'I PHYIR BYANG CHUB SEMS DPA' RNAMS NI DGE BA'I RTZA BA MI ZAD PA DANG, YON TAN MI ZAD PA ZHES KYANG BYA'O, ,LUNG DU MI STON PA'I DNGOS PO GANG DAG RNAM PAR GZHAG PA CI'I PHYIR ZHE NA, TSUL BZHIN MA YIN PA YONGS SU 'DRI BA'I PHYIR RO, ,CI'I PHYIR TSUL BZHIN MA YIN PA YONGS SU 'DRI ZHE NA, RGYU DANG, 'BRAS BU DANG, KUN NAS NYON MONGS PA DANG, RNAM PAR BYANG BA LA SEMS PA YONGS SU SPANGS PA'I PHYIR RO, ,CI'I PHYIR BYANG CHUB SEMS DPA' BYANG CHUB SEMS DPA'I SKYON MED PA LA ZHUGS NA, RGYUN TU ZHUGS PAR MI 'GYUR ZHE NA, RGYUN LA 'JUG PA YONGS SU MA GRUB PA'I PHYIR RO, ,CI'I PHYIR LAN CIG PHYIR 'ONG BAR MI 'GYUR ZHE NA, BSAMS BZHIN DU SRID PAR SKYE BA TSAD MED PA YONGS SU 'DZIN PA'I PHYIR RO, ,CI'I PHYIR PHYIR MI 'ONG BAR MI 'GYUR ZHE NA, BSAM GTAN RNAMS KYIS GNAS SHING 'DOD PA'I KHAMS SU SKYE BA'I PHYIR RO, ,BYANG CHUB SEMS @116B DPA' RNAMS NI BDEN PA RNAMS MNGON PAR RTOGS PAR BYAS NAS, SA BCU RNAMS SU BSGOM PA'I LAM LA SHES BYA'I SGRIB PA'I GNYEN PO'I LAM SGOM GYI NYON MONGS PA'I SGRIB PA'I GNYEN PO NI MA YIN TE, DE BYANG CHUB THOB PA NA NYON MONGS PA'I SGRIB PA DANG SHES BYA'I SGRIB PA CIG CAR SPONG NGO, ,CIG CAR DGRA BCOM PA DANG DE BZHIN GSHEGS PAR 'GYUR RO, ,DE NYON MONGS PA MA SPANGS SU ZIN KYANG, SNGAGS DANG SMAN GYIS SONG BA'I DUG LTA BU DANG DPER NA SPANGS PA'I DGRA BCOM PA LTAR SA THAMS CAD DU NYON MONGS PA'I NYES PA MI SKYED DO; ,YANG BYANG CHUB SEMS DPA' SHES BYA LA MKHAS PA DANG, THAMS LA MKHAS PA DANG, YANG DAG PA MA YIN PAR RNAM PAR RTOG PA LA MKHAS PA DANG, RNAM PAR MI RTOG PA LA MKHAS PAR BYA'O, ,DUS DUS SU DBANG PO RNAMS SBYANG BAR BYA'O, ,SHES BYA GANG ZHE NA, DE YANG RNAM PA DRUG TU BLTA STE, 'KHRUL PA DANG, 'KHRUL PA'I GNAS DANG, MA 'KHRUL PA'I GNAS DANG, 'KHRUL PA YANG MA YIN LA MA 'KHRUL PA YANG YIN PA DANG, MA 'KHRUL PA DANG, NA 'KHRUL PA'I RGYU MTHUN PA'O, ,THABS LA MKHAS PA GANG ZHE NA, SEMS CAN YONGS SU SMIN PAR BYA BA LA MKHAS PA DANG, SANGS RGYAS KYIS CHOS YONGS SU RDZOGS PAR BYA BA LA MKHAS PA DANG, MNGON PAR SHES PA MYUR BA LA MKHAS PA DANG, LAM RGYUN MI 'CHAD PA LA MKHAS PA'O, ,YANG DAG PAR MA YIN PA'I RNAM PAR RTOG PA GANG ZHE NA, RTZA BA'I RNAM PAR RTOG PA DANG, MTSAN MA'I RNAM PAR RTOG PA DANG, MTSAN MAR SNANG BA'I RNAM PAR RTOG PA DANG, MTSAN MAR 'GYUR BA'I RNAM PAR RTOG PA DANG, MTSAN MAR SNANG BA 'GYUR BA'I RNAM PAR RTOG PA DANG, GZHAN GYIS BSTAN PA'I RNAM PAR RTOG PA DANG, TSUL BZHIN MA YIN PA'I RNAM PAR RTOG PA DANG, TSUL BZHIN GYI RNAM PAR RTOG PA DANG, MNGON PAR ZHEN PA'I RNAM PAR RTOG PA DANG, RNAM PAR G-YENG BA'I RNAM PAR RTOG PA'O, ,RNAM PAR G-YENG BA'I RNAM @117A *, ,PAR RTOG PA YANG DNGOS PO MED PAR RNAM PAR RTOG PA DANG, DNGOS POR RNAM PAR RTOG PA DANG, SGRO 'DOGS PA'I RNAM PAR RTOG PA DANG, SKUR PA 'DEBS PA'I RNAM PAR RTOG PA DANG, GCIG PA NYID DU RNAM PAR RTOG PA DANG, THA DAD PA NYID DU RNAM PAR RTOG PA DANG, NGO BO NYID DU RNAM PAR RTOG PA DANG, KHYAD PAR DU RNAM PAR RTOG PA DANG, MING JI LTA BA BZHIN DU DON DU RNAM PAR RTOG PA DANG, DON DU JI LTA BA BZHIN DU MING DU RNAM PAR RTOG PA'O, ,RNAM PAR MI RTOG PA NYID GANG ZHE NA, CHOG PAR 'DZIN PA'I RNAM PAR MI RTOG PA NYID DANG, PHYIN CI MA LOG PA'I RNAM PAR MI RTOG PA NYID DANG, SPROS PA MED PA'I RNAM PAR MI RTOG PA NYID DE, SO SO'I SKYE BO RNAMS DANG, NYAN THOS RNAMS DANG, BYANG CHUB SEMS DPA' RNAMS DANG, GO RIMS BZHIN NO; ,SPROS PA MED PA'I RNAM PAR MI RTOG PA NYID YID LA BYED PA MED PAS MA YIN, YANG DAG PAR 'DAS PAS MA YIN, RNAM PAR ZHI BAS MA YIN, NGO BO NYID KYIS MA YIN, DMIGS PA LAS MNGON PAR 'DU BYED PAS MA YIN PAR BLTA STE, 'ON KYANG DMIGS PA LA MNGON PAR 'DU BYED PA MED PAR BLTA'O, ,BYANG CHUB SEMS DPA' NI RANG BZHIN GYIS DBANG PO RNON PO YIN NA, JI LTAR DBANG PO RNAMS SBYONG ZHE NA, DBANG PO RNON PO CHUNG NGU LA BRTEN TE RNON PO 'BRING MNGON PAR BSGRUB BO, ,DBANG PO RNON PO 'BRING LA BRTEN TE RNON PO'I CHEN PO MNGON PAR BSGRUB PO, ,'THOB PA RNAM PAR NGES PA ZHES BYA BA STE, KUN LAS BTUS PA BZHI PA'O, , , ,'BREL PA'I GTAM GYIS RNAM PAR NGES PA GANG ZHE NA, RNAM PA BDUN TE, DON RNAM PAR NGES PA DANG, RNAM PAR BSHAD PA RNAM PAR NGES PA DANG, RAB TU PHYE NAS KUN TU BSTAN PA RNAM PAR NGES PA DANG, YANG DAG PAR DRI BA RNAM PAR NGES PA DANG, BSDU BA RNAM PAR NGES PA DANG, SMRA BA RNAMS PAR NGES PA DANG, LDEM PO RUNG DGONGS PA RNAM PAR NGES PA'O, ,DON RNAM PAR NGES PA @117B GANG ZHE NA, DON DRUG LAS BRTZAMS NAS GANG RNAM PAR NGES PA'O, ,DON DRUG GANG ZHE NA, NGO BO NYID KYI DON DANG, RGYU'I DON DANG, 'BRAS BU'I DON DANG, LAS KYI DON DANG, LDAN PA'I DON DANG, 'JUG PA'I DON TO, ,NGO BO NYID KYI DON NI NGO BO NYID GSUM MO, ,RGYU'I DON NI SKYE BA DANG, 'BYUNG BA DANG, 'GRUB PA'I RGYU'O, ,'BRAS BU'I DON NI RNAM PAR SMIN PA'I 'BRAS BU DANG, RGYU MTHUN PA'I 'BRAS BU DANG, BDAG PO'I 'BRAS BU DANG, SKYES BU BYED PA'I 'BRAS BU DANG, BRAL BA'I 'BRAS BU'O, ,LAS KYI DON NI DMIGS PA'I LAS DANG, BYED PA'I LAS DANG, 'BAD PA'I LAS DANG, SGYUR BA'I LAS DANG, 'THOB PA'I LAS SO, ,LDAN PA'I DON NI MANG PO LAS GYUR PA DANG, RJES SU 'CHING BA LAS GYUR PA DANG, 'BREL PA LAS GYUR PA DANG, GNAS SKABS LAS GYUR PA DANG, 'GYUR BA LAS GYUR PA'I LDAN PA'O, ,'JUG PA'I DON NI MTSAN NYID KYI 'JUG PA DANG, RTEN LA 'JUG PA DANG, PHYIN CI LOG GI 'JUG PA DANG, PHYIN CI LOG MA YIN PA'I 'JUG PA DANG, RAB TU DBYE BA'I 'JUG PA'O, ,RNAM PAR BSHAD PA RNAM PAR NGES PA GANG ZHE NA, GANG GIS MDO SDE RNAMS RNAM PAR BSHAD PAR BYED PA STE, DE YANG GANG ZHE NA, YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PAR BYA BA'I RGYU DANG, YONGS SU SHES PA DANG, YONGS SU SHES PA'I 'BRAS BU DANG, DE RAB TU SHES PA'O, ,YANG RNAM PAR BSHAD PA'I SGO BCU BZHI STE, BCU BZHI NI RNAM PAR BSHAD PA'I BSDU BA'I SGO DANG, DNGOS PO BSDU BA'I SGO DANG, YAN LAG DANG NYE BA'I YAN LAG GI SGO DANG, GONG NAS GONG DU MNGON PAR BSGRUB PA'I SGO DANG, SPONG BA'I SGO DANG, YI GE YONGS SU BSGYUR BA'I SGO DANG, CHUD ZA BA DANG CHUD MI ZA BA'I SGO DANG, GANG ZAG RNAM PAR GZHAG PA'I SGO DANG, RAB TU DBYE BA RNAM PAR GZHAG PA'I SGO DANG, TSUL GYI SGO @118A *, ,DANG; YONGS SU SHES PA LA SOGS PA'I SGO DANG, STOBS DANG STOBS MA YIN PA'I SGO DANG, BZLOS TE BRJOD PA'I SGO DANG, MNGON PAR BSGRUB PA'I SGO'O, ,RAB TU PHYE NAS KUN TU BSTAN PA GTAN LA DBAB PA GANG ZHE NA, JI SKAD DU BSTAN PA'I CHOS RNAMS LA CI RIGS SU SBYAR TE, GCIG NAS RTOGS PA DANG, TSIG GONG MA DANG SBYOR BA DANG, TSIG 'OG MA DANG SBYOR BA DANG, MU GNYIS PA DANG, MU GSUM PA DANG, MU BZHI PA DANG, DE BZHIN NO ZHES BYA BA DANG, SPONG BA'O, ,YANG DAG PAR 'DRI BA RNAM PAR NGES PA GANG ZHE NA, RNAM PAR BRGYAD DE, CI ZHES BSTAN PA YANG DAG PAR 'DRI BA RNAM PAR NGES PA DANG, CI ZHES BSTAN PA LA JI LTA BAR GANG ZHES BSTAN PA LA YANG DE BZHIN NO, ,YANG RNAM PAR NGES PA'I LAM BZHIN STE, SUN 'BYIN PAR BYED PA DANG, SGRUB PAR BYED PA DANG, GCOD PAR BYED PA DANG, KHONG DU CHUD PAR BYED PA'O, ,BSDU BA RNAM PAR NGES PA GANG ZHE NA, GNAS BCUS RNAM PAR NGES PA BSDUS PAR 'GYUR TE, GNAS BCU GANG ZHE NA, BYA BA BSGRUB PA RNAM PAR NGES PA DANG, 'JUG PA RNAM PAR NGES PA DANG, MOS PA RNAMS PAR NGES PA DANG, RIGS PAS RNAM PAR NGES PAS DANG, 'PHEL BA'I GTAM GYIS RNAM PAR NGES PA DANG, RAB TU RTOG PAS RNAM PAR NGES PA DANG, RNAM PAR DAG PAS RNAM PAR NGES PA DANG, MNGON PAR BSGRUBS PAS RNAM PAR NGES PA DANG, TSIG RAB TU DBYE BAS RNAM PAR NGES PA DANG, LHUN GYIS GRUB PA DANG RTZOL BA TZAM GYIS DON THAMS CAD BSGRUB PA RNAM PAR NGES PA'O, ,SMRA BA RNAM PAR NGES PA GANG ZHE NA, SMRA BA DANG, SMRA BA'I ZHAL CHE BA DANG, SMRA BA'I GZHI DANG, SMRA BA'I RGYAN DANG, SMRA BA CHAD PAS BCAD PA DANG, SMRA BA LAS 'BYUNG BA DANG, SMRA BA LA GCES SPRAS BYED PA'I CHOS RNAMS SO, ,SMRA BA GANG ZHE NA, SMRA BA DANG, RMAD KHYER BA SMRA BA DANG, RTZOD PA SMRA BA DANG, TSIG NGAN SMRA BA DANG, MTHUN PAR SMRA BA DANG, GDAMS PA SMRA BA'O, ,SMRA BA NI TSIG BRJOD PA THAMS CAD DO, , @118B RMAD KHYER BA SMRA BA NI 'JIG RTEN NA GRAGS PA'O, ,RTZOD PA SMRA BA NI PHAN TSUN MI MTHUN PAR GNAS PA'O, ,TSIG NGAN SMRA BA NI PHAN TSUL TSIG BRLUNG POS NYE BAR GNAS PA'O, ,MTHUN PAR SMRA BA NI YE SHES MTHONG BA RNAM PAR DAG PA DANG MTHUN PA'I 'BREL BA'I GTAM RNAM PAR NGES PA'O; ,GDAMS PA SMRA BA NI SEMS MNYAM PAR MA BZHAG PA MNYAM PAR GZHAG PAR BYA BA DANG, SEMS MNYAM PAR GZHAG PA RNAM PAR THAR PAR BYA BA'I PHYIR BSTAN PA'O, ,SMRA BA'I ZHAL CHE BA NI RGYAL PO BZHUGS PA DANG, BSKOS PA 'DU BA'I SA DANG, 'DUS PA DANG; TSAD MAR RUNG BA'I ZLA GROGS RNAMS DANG, DGE SBYONG DANG BRAM ZE CHOS DANG DON LA MKHAS PA RNAMS SO, ,SMRA BA'I GZHI NI BSGRUB PA DANG, SGRUB PA'O, ,BSGRUB PA NI NGO BO NYID DANG KHYAD PAR RO, ,SGRUB PA NI DAM BCA' BA DANG, GTAN TSIGS DANG, DPE DANG, NYE BAR SBYAR BA DANG, MJUG SDUD PA DANG, MNGON SUM DANG, RJES SU DPAG PA DANG, YID CHES PA'I LUNG NGO, ,NGO BO NYID BSGRUB PA NI BDAG GI NGO BO NYID DANG, CHOS KYI NGO BO NYID DO, ,KHYAD PAR NI BDAG GI KHYAD PAR DANG, CHOS KYI KHYAD PAR RO, ,DAM BCA' BA NI BDAG 'DOD PA BSGRUB PA'I DON GZHAN LA GO BAR STON PA'O, ,GTAN TSIGS NI BSGRUB PA DE NYID LA MA GRAGS PA'I DON YID CHES PAR BYED PA'I RGYU MNGON SUM DU DMIGS PA DANG, MI DMIGS PA BSNYAD PA'O, ,DPE NI MTHA' MTHONG BA DANG, MTHA' MA MTHONG BA MTSUNGS PAR SBYAR ZHING BSNYAD PA'O, ,NYE BAR SBYAR BA NI DE'I RIGS KYI CHOS LHAG MA DE DANG 'DRA BA LA DE'I CHOS SBYAR BA'I TSUL GYIS MTHUN PAR BSNYAD PA'O, ,MJUG SDUD PA NI MTHAR PHYIN PAR BSNYAD PA'O, ,MNGON SUM NI RANG GI DON YOD CING SNANG LA MA NOR BA'O, ,RJES SU DPAG PA NI MNGON SUM GYI LHAG MA LA YID CHES PA'O, ,YID CHES PA'I LUNG NI DE GNYI GA DANG MI 'GAL BAR STON PA'O, ,SMRA BA'I RGYAN NI BDAG DANG GZHAN GYI GZHUNG LUGS SHES PA DANG, TSIG @119A *, ,ZUR PHYIN PA PHUN SUM TSOGS PA DANG, MI 'JIGS PA DANG, BRTAN PA DANG, MTHUN PAR BYED PA'O, ,SMRA BA CHAD PAS GCAD PA NI GTAM RJES GCAD PA DANG, GTAM 'PHRO LUS DANG, GTAM GYI NYES PA'O, ,GTAM RJES GCAD PA NI RANG GI SMRA BA'I SKYON KHAS BLANG BA DANG, GZHAN GYI SMRA BA'I YON TAN KHAS BLANG BA'O, ,GTAM 'PHRO LUS PA NI 'DI LTA STE, GZHAN NAS GZHAN DU BRGYUD PA'AM, GTAM GZHAN SMRA BA STE, MDO SDE LAS JI SKAD 'BYUNG BA LTA BU'O, , GTAM GYI NYES PA NI CAL COL DANG, 'KHRUGS PA DANG, BRDA PHRAD DU MI RUNG BA DANG, RAN PA MA YIN PA DANG, DON DANG LDAN PA MA YIN PA DANG, DUS TSIGS MA YIN PAR SMRA BA DANG, MI BRTAN PA DANG, MI BSAL BA DANG, TSIG RGYUN CHAGS PA MA YIN PA'O, ,SMRA BA LAS 'BYUNG BA NI PHYIR RGOL BA SNOD MA YIN PA DANG, 'KHRO YON TAN MED PA DANG, BDAG KYANG MI MKHAS PAR RIG NAS SMRA BAR MI BYA BA DANG, PHYIR RGOL BA SNOD DU GYUR BA ZHIG GAM, 'KHOR YON TAN DANG LDAN NAM, BDAG KYANG MKHAS PAR RIG NAS SMRA BAR BYA'O, ,SMRA BA LA GCES SPRAS BYED PA'I CHOS RNAMS NI BDAG DANG GZHAN GYI GZHUNG LUGS LA MKHAS PA STE, DES THAMS CAD DU SMRA BAR BYED DO, ,MI 'JIGS PA NI GANG GIS 'KHOR THAMS CAD DU SMRA BAR BYED PA'O, ,SPOBS PA NI GANG GIS THAMS CAD DU LAN GDAB PA SHES PA'O, ,YANG DAG LEGS SU 'DOD PAS SMRA BA'I TSUL SHES PAR BYA'I BRTZAD CING SMRA BAR NI MI BYA STE, BCOM LDAN 'DAS KYIS CHOS MNGON PA'I MDO LAS JI SKAD DU GSUNGS PA LTA BU STE, GNAS BCU GNYIS MTHONG BA'I BYANG CHUB SEMS DPA' DGE BA'I PHYOGS LA BRTZON PA NAN TAN SNYING POR BYED PA SEMS CAN SDUD PA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PAS, GZHAN DAG DANG RTZOD PAS SMRA BAR MI BYA'O, ,BCU GNYIS GANG ZHE NA, DAM @119B PA'I CHOS KYI DON GYI MCHOG DANG LDAN PA BSHAD PA KUN SHES PA DKON PA DANG, KUN SHES PAR BYA BA'I BSAM PAS SMRA BA DKON PA DANG, TSOGS PA MKHAS PA DANG RTOGS PA DANG, LDAN PA RNAMS DKON PA DANG, PHYOGS NGAN PA YONGS SU 'DZIN CING MNGON PAR ZHEN PA'I NYES PA DANG, NGAN G-YO SMRA BA'I NYES PA DANG, DUS MA YIN PAR GTAM LA SBYOR BA'I NYES PA DANG, GTAM KHYAD DU GSOD PA'I NYES PA DANG, TSIG BRLANG PO'I NYES PA DANG, YID 'KHRUGS PA'I NYES PA DANG, GANG NYES PA RNAM PA DRUG SPANGS TE SMRA BA DKON PA DANG, 'KHRUGS PA MED PAR SMRA BA DKON PA DANG, GZHAN GYI SEMS BSRUNG ZHING SMRA BA DKON PA DANG, TING NGE 'DZIN RJES SU BSRUNG ZHING SMRA BA DKON PA DANG, RGYAL BA'AM PHAM PA'I SEMS MED PAR SMRA BA DKON PA DANG, RGYAL BA'AM PHAM YANG KUN NAS NYON MONGS PA MED PA DKON PA DANG, KUN NAS NYON MONGS PAR GYUR PA REG PAR GNAS PA DKON PA DANG, REG PAR MI GNAS PA DGE BA'I CHOS RNAMS LA RGYUN DU BSGOM PA DKON PA DANG, DGE BA'I CHOS RGYUN DU MI BSGOM PA SEMS MNYAM PAR MA BZHAG PA LA MNYAM PAR GZHAG PA DANG, SEMS MNYAM PAR GZHAG PA LA RNAM PAR GROL BA DKON PA'O ZHE'O, ,LDEM POR DGONGS PA RNAM PAR NGES PA GANG ZHE NA, MING GI TSOGS DANG, TSIG GI TSOGS DANG, YI GE'I TSOGS RNAMS KYI DON GZHAN DU BRJOD LA DON GZHAN DU YONGS SU BSGYUR BA STE, JI SKAD DU PHA DANG MA NI BSAD BYAS SHING, ,RGYAL PO GTZANG SBRA CAN GNYIS DANG, ,YUL 'KHOR 'KHOR DANG BCAS BCOM NAS, ,MI DE DAG PAR 'GYUR ZHES BYA, ,ZHES GSUNGS PA LTA BU'O, ,YANG JI SKAD DU, YID MI CHES DANG BYAS MI GZO, ,MI GANG KHYIM 'BIGS BYED PA DANG, ,GO SKABS BCOM DANG SKYUGS PA ZA, ,DE NI SKYES BU MCHOG YIN NO, ,SNYING PO MED PA LA SNYING POR SHES, ,PHYIN CI LOG LA SHIN TU GNAS, ,NYON MONGS KUN NAS RAB SNYON @120A *, ,MONGS; ,BYANG CHUB DAM PA THOB PAR 'GYUR, ,ZHES GSUNGS PA LTA BU'O, ,YANG JI SKAD DU, BYANG CHUB SEMS DPA' CHOS LNGA DANG LDAN NA, SBYIN PA'I PHA ROL TU PHYIN PA YONGS SU RDZOGS PAR BYED DE, ,LNGA GANG ZHE NA; SER SNA'I CHOS NYID 'PHEL BAR BYED PA DANG, SBYIN PAS YONGS SU SKYO BA DANG, SLONG BA LA TSIG PA ZA BA DANG, RES 'GA' CI YANG SBYIN PAR MI BYED PA DANG, SBYIN PA LAS RING DU GYUR PA'O, ,ZHES GSUNGS PA LTA BU'O, ,YANG JI SKAD DU; BYANG CHUB SEMS DPA' CHOS LNGA DANG LDAN NA TSANGS PAR SPYOD PA YIN ZHING, ,TSANGS PAR SPYOD PA MCHOG DANG LDAN PA STE, 'KHRIG PA LAS GZHAN DU 'KHRIG PA LAS NGES PAR 'BYUNG BA MI TSOL BA DANG, 'KHRIG PA SPANG BA LA G-YEL BA DANG, 'KHRIG PA'I 'DOD CHAGS SKYES PA DANG, DU LEN PA DANG, 'KHRIG PA'I GNYEN PO'I CHOS KYIS SKRAG PA DANG, RGYUN MI 'CHAD PAR GNYIS KYIS GNYIS SBYOR BA ZHES GSUNGS PA LTA BU'O, ,CHOS MNGON PA KUN LAS BTUS PA LAS, 'BREL BA'I GTAM RNAM PAR NGES PA KUN LAS BTUS PA ZHES BYA BA STE, KUN LAS BTUS PA LNGA PA'O,, ,,BSTAN BCOS 'DI CI'I PHYIR CHOS MNGON PA KUN LAS BTUS PA ZHES BYA ZHE NA, RTOGS NAS BSDUS PA'I PHYIR RO, ,KUN NAS BSDUS PA'I PHYIR RO, ,YANG DAG PAR MTHO BA'I GNAS YIN PA'I PHYIR RO, ,CHOS MNGON PA KUN LAS BTUS PA, SLOB DPON THOGS MED KYIS MDZAD PA RDZOGS SO, ,RGYA GAR GYI MKHAN PO DZI NA MI TRA DANG, SH'I LEN-DRA BO DHI DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,, ,, ,, @121A *, ,RGYA GAR SKAD DU, MA H'A Y'A NA SANG GRA HA BH'A shYAm, ,BOD SKAD DU, THEG PA CHEN PO BSDUS PA'I 'GREL PA, BAM PO DANG PO, SANGS RGYAS LA PHYAG 'TSAL LO, ,'PHAGS PA 'JAM DPAL GZHON NUR GYUR PA LA PHYAG 'TSAL LO, ,GANG ZHIG SHES BYA'I SGRIB PA MUN PA RAB RIB DAG GIS JI SNYED JI LTA BAR, ,YOD PA DON DAM KUN RDZOB TSUL GYIS CHOS GANG GZUGS BRNYAN GZHAN DU SNANG GYUR BA'I, ,SEMS CAN RNAMS LA BSAM PA BZHIN DU DRI MED THAR PA'I THABS NI RNAM PA GSUM, ,NYON MONGS BAG CHAGS BCAS PAR BCOM PA'I DRI MED YANG DAG BYANG CHUB MCHOG RTOGS PA, ,RNAM RTOG DRA BA THAMS CAD SPANGS PA'I DRI MED YE SHES ZER GYIS THOB GYUR NAS, ,GANG GIS LHUN GYIS GRUB PAR PHYOGS BCU RNAMS SU RAB TU STON KYANG 'KHOR BA LA, ,DER MI RTOG BAS GNAS PA MED CING SNYING RJE MYA NGAN 'DAS LA MI GNAS GANG, ,THABS DANG SHES RAB CHEN POS YONGS SU GZUNG BAS BDAG GZHAN DON GYI MTHAR BYON DANG, ,GANG YANG DAM PA'I CHOS GANG BCOM LDAN DE YIS YANG DAG RTOGS NAS LEGS BSTAN PA, ,GANG 'DI LEGS PAR SGRUB DANG LDAN PA DE YIS BDUD RTZI'I GO 'PHANG ZHI BA 'THOB, ,GANG ZHIG SPONG BAR BYED PA DE NI SDUG BSNGAL RGYA MTSOR YUN RING SHIN TU 'BYING; ,SLOB DANG MI SLOB 'BRAS BU LA GNAS LAM DE NAS SONG DGE 'DUN GZHAN GYI MCHOG ,GANG ZHIG BDE GSHEGS DGE 'DUN YON TAN DRI MED RIG PA'I BRTUL ZHUGS KYIS BSGRUB PA, ,BLA NA MED BSOD NAMS ZHING LA DGE BA CUNG ZAD PHRA MO DAG KYANG 'DIR BYAS NA, ,SA DANG NAM MKHA' RGYA CHE BA LTAR MKHAS PA RNAMS KYIS THAR PA SGRUB PAR BYED, ,DE DAG LA NI LUS NGAG YID KYIS LAN CIG MIN PAR GUS PAS PHYAG 'TSAL LO, ,MKHAS PAR RLOM PAR RANG GI RTOG LA BRTEN PAS LUNG DANG RTOGS PA DKRUGS GYUR CING, ,DE LTAR YANG DAG DAM CHOS TSUL DKRUGS PA LA CHOS KYIS RAB TU SNANG MDZAD PA'I, ,TING 'DZIN MI G-YO 'JIG RTEN 'DAS LA BRTEN NAS 'PHAGS PA BYAMS BA LA BRNYES PAS, ,SNGON CHAD MA BYUNG BA YI DAM CHOS STON PAR MDZAD PA'I SLOB DPON LA YANG NGO, ,JI LTAR NYI MA PHYOGS RNAMS THAMS CAD KUN TU 'OD ZER DRA BA 'GYED PA LTAR, ,GANG GIS LEGS PA'I GRANGS PA GZHUNG GI 'OD ZER DRI MED RNAM @121B [BP] @122A *, ,PAR SPRO BYED DE, ,ZAB CING DON CHE BZANG LA SNA TSOGS TSIG BZANG NGES PA'I DON GYI MDO LAS BYUNG, ,GANG ZHIG SKYE BO MKHAS PA RANG DGA' MED PA DRANG BA MNYEN ZHING GUS PAR BYED, ,SHIN TU RTOGS PAR DKA' BA'I CHOS DE NYID LA'ANG GANG GI BLO NI THOGS MED LA, ,RNYED DANG GRAGS PA DANG NI BSTOD DANG BDE BA RNAMS LA'ANG CHAGS PA RTAG MED PA'I, ,GANG GIS MING YANG YON TAN RJES MTHUN NGES PA MKHAS PA DAG GIS BRTAG BRJOD DE, ,GANG ZHIG THOGS MED CES NI MI DANG LHA YIS GRAGS PA'I YON TAN RJOD BYED PA, ,MI ZAD BLO LAS DAM CHOS TSIG DON BDUD RTZI'I CHAR 'BAB PA LAS PHYOGS GCIG NYID, ,THOS TE BYI'U LTA BUR RANG GI NUS PA CUNG ZHIG GANG YANG CI BZUNG DANG, ,BSDU BA GTAN LA DBAB PAR SHIN TU RGYAS PAR BSTAN LAS CUNG ZHIG BRJOD PAR BYA, ,DES KYANG LA LA SHIN TU RGYAS PA'I GZHUNG GI RGYA MTSOS SKRAG PA'I DON BYED SRID, ,'DI LTAR SANGS RGYAS BCOM LDAN 'DAS RNAMS KYI GSUNG KHYAD PAR RNAM PA BCUS KHYAD PAR DU 'PHAGS PA GSUNGS TE ZHES BYA BA DON CI LAS BRTZAMS NAS RGYU GANG GIS BRJOD NA, SHIN TU YANGS PA'I SHES BYA CHOS KYI RANG BZHIN ZAB CING RGYA CHE BA NYID SANGS RGYAS DANG BYANG CHUB SEMS DPA'I MTHUS BRJOD KYI GZHAN DU NA GA LA NUS, YANG GANG GIS NA BSTAN BCOS 'DI RIM PA 'DI LTAR BSTAN NA GANG GI PHYIR CHOS MNGON PA SMOS PA MED NA 'DI GTZUG LAG NYID DU MI SHES PA DES NA DE'I PHYIR DANG, MDO'I MING BSTAN PA'I PHYIR TE, SA BCU PA BZHIN DU CHOS MNGON PA THEG PA CHEN PO'I MDO ZHES BSTAN TO, ,GZHAN YANG GTZUG LAG NYID DU SHES PAR BYA BA'I PHYIR CHOS MNGON PA ZHES BYA'O, ,DA NI MDO BRTZAMS PA'I DGOS PA NI MA RTOGS PA RNAMS KYIS RTOGS PAR BYA BA'I PHYIR TE, CHOS MNGON PA'I MDO SMOS PA NI 'DIS CHOS KYI RNAM GRANGS BRJOD PAR BYA BA'I DON DANG, MDO'I MING BSTAN PA'I PHYIR RO, ,THEG PA CHEN PO SMOS PA NI YANG NYAN THOS KYI CHOS MNGON PA BRTZAL BA'I PHYIR TE, GANG GI PHYIR CHOS MNGON PA KUN GTZUG LAG MA YIN NO ZHES LOG PAR RTOG PA'I PHYIR RO, ,DE YANG KHA CIG RANG GI RTOG PA'I BLO DAG GIS CHOS MNGON PA SANGS RGYAS KYIS GSUNGS PAR 'DOD DO, ,KHA CIG NI NYAN @122B THOS KYIS BSTAN PA DANG, MKHAS PA DAG GIS BYAS PAR 'DOD DO, ,THEG PA CHEN PO'I MDO ZHES BYA BA 'DIS NI NYAN THOS LA SOGS PA LAS KHYAD PAR DU 'PHAGS PA NYID STON TO, ,YANG CHOS MNGON PA SMOS PA NI BYANG CHUB SEMS DPA'I SDE SNOD GZUNG NGO, ,YANG BYANG CHUB SEMS DPA'I SDE SNOD BZUNG BAS NI RANG GI THEG PA CHEN PO LAS RANG GI NYON MONGS PA 'DUL BAR YANG DAG PAR SNANG NGO, ,GANG THEG PA CHEN POR BYANG CHUB SEMS DPA' RNAMS KYI NYON MONGS PA NI RNAM PAR RTOG PA NYID NYON MONGS PA YIN PAS BYANG CHUB SEMS DPA'I CHOS MNGON PA NI RGYA CHE ZHING ZAB PA'I MTSAN NYID CAN NYID DO, ,DE LA SDE SNOD GSUM NI MDO SDE DANG, 'DUL BA DANG, MNGON PA'O, ,GSUM PO DE DAG NYID THEG PA DMAN PA DANG, THEG PA MCHOG GI BYE BRAG GIS GNYIS SU 'GYUR TE, NYAN THOS KYI SDE SNOD DANG, BYANG CHUB SEMS DPA'I SDE SNOD DO, ,YANG DE NI GSUM YANG RUNG GNYIS KYANG RUNG STE, CI'I PHYIR SDE SNOD CES BYA NA; BSDUS PA'I PHYIR TE, SHES BYA MA LUS PA'I DON BSDUS PA NYID KYIS SO, ,RGYU GANG GIS GSUM YIN NA RGYU DGU STE, THE TSOM GYI GNYEN PO YIN PAS NA MDO SDE STE, GANG DON GANG LA THE TSOM ZA BA DE'I DON DE NGES PAR BSTAN PA'I PHYIR RO, ,MTHA' GNYIS SU SBYOR BA'I GNYEN POS NA 'DUL BA STE, KHA NA MA THOB DANG BCAS PA'I LONGS SPYOD BKAG PAS 'DOD PA'I BSOD NYAMS LA SBYOR BA'I MTHA' SPONG BA NYID DANG, KHA NA MA THO BA MED PA'I LONGS SPYOD RJES SU GNANG BAS BDAG NYID NGAL BA'I MTHA' LA SBYOR BA SPONG BA'I PHYIR RO, ,BDAG GI LTA BA MCHOG TU 'DZIN PA'I GNYEN POS NA CHOS MNGON PA STE, PHYIN CI MA LOG PA'I CHOS KYI MTSAN NYID GSAL BAR BYED PA'I PHYIR RO, ,YANG BSLAB PA GSUM STON PAS NA MDO SDE'O, ,LHAG PA'I TSUL KHRIMS DANG, LHAG PA'I SEMS YANG DAG PAR SGRUB PAS 'DUL BA STE, TSUL KHRIMS DANG LDAN PA NI 'GYOD PA LAS RAB TU 'DA' BAS TING NGE 'DZIN 'THOB PA'I PHYIR RO, ,LHAG PA'I SHES RAB YANG DAG PAR SGRUB PAS CHOS MNGON PA STE, PHYIN CI MA LOG PA'I DON LA RAB TU RTOGS PA'I PHYIR RO, ,YANG CHOS DANG DON RTOGS PAS MDO SDE'O, CHOS DANG DON SGRUB PAS 'DUL BA STE, NYON MONGS PA 'DUL BA DANG LDAN PA NI DE RTOGS PA LAS SO, ,CHOS DANG DON RNAM PAR GTAN LA DBAB PA @123A *, ,LA MKHAS PAS NA CHOS MNGON PA STE, RGYU DGU PO DE DAG GIS NA SDE SNOD NI GSUM DU 'DOD DO, ,DE DAG GIS KYANG 'KHOR BA LAS RNAM PAR GROL BAR BYED PA'I PHYIR RO, ,YANG JI LTAR NA DE DAG GIS RNAM PAR GRAL BAR BYED CE NA, BSGO BA DANG, RTOGS PA DANG, 'JIL BA DANG, RAB TU 'BYED PAS RNAM PAR GROL BAR BYED PA NYID DO, ,THOS PAS NI SEMS LA BSGO BA NYID DO, ,BSAM PAS NI RTOGS PA NYID DO, ,ZHI BA'I DON TU SGOM PA'I PHYIR 'JIL BA NYID DO, ,LHAG MTHONG GIS NI RAB TU 'BYED PA NYID DO, ,MDOR BSDU NA MDO SDE DANG, 'DUL BA DANG, CHOS MNGON PA DE DAG SO SO ZHENG DON RNAM PA BZHI STE, BYANG CHUB SEMS DPA' DE RNAMS RTOGS NA THAMS CAD MKHYEN PA NYID THOB PAR 'GYUR RO, ,NYAN THOS KYIS NI TSIGS SU BCAD PA GCIG GI DON SHES PAS KYANG ZAG PA ZAD PA 'THOB BO, ,DE LTAR SO SO ZHING DON RNAM PA BZHI YIN ZHE NA, GNAS DANG MTSAN NYID DANG, CHOS DANG DON MDOR STON PAS NA; MDO SDE'O, ,DE LA GNAS NI YUL GANG DU GANG GIS GANG LA BSTAN PA'O, ,MTSAN NYID NI KUN RDZOB KYI BDEN PA'I MTSAN NYID DANG, DON DAM PA'I BDEN DAM PA'I BDEN PA'I MTSAN NYID DO, ,CHOS NI PHUNG PO DANG, SKYE MCHED DANG, KHAMS DANG, RTEN CING 'BREL PAR 'BYUNG BA DANG, ZAS DANG, BSAM GTAN DANG; TSAD MED PA DANG, RNAM PAR THAR PA BRGYAD DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DANG, BYANG CHUB KYI PHYOGS DANG, SO SO YANG DAG PAR RIG PA LA SOGS PA'O, ,DON NI RJES SU BRJOD PA'O, ,MNGON DU PHYOGS PA'I PHYIR DANG, YANG DANG YANG DU STON PA'I PHYIR DANG, ZIL GYIS GNON PA'I PHYIR DANG, MNGON PAR RTOGS PA'I PHYIR CHOS MNGON PAR RIG PAR BYA STE, MI GNAS PA'I MYA NGAN LAS 'DAS PA LA MNGON DU PHYOGS PA'I CHOS NI CHOS MNGON PA'O, ,BDEN PA DANG, BYANG CHUB KYI PHYOGS DANG, RNAM PAR THAR PA'I SGO LA SOGS PA YANG DAD YANG DU STON PA'I CHOS NI CHOS MNGON PA STE, CHOS RE RE ZHING YANG NGES PA'I TSIG DANG, RANG GI MTSAN NYID DANG, SPYI'I MTSAN NYID LA SOGS PA RAB TU DBYE BA MANG POS STON PA'I PHYIR RO, ,ZIL GYIS GNON PAS NA CHOS MNGON PA STE, PHAS KYI RGOL BAR 'DOD PA'I DBANG DU BYAS NAS ZIL GYIS GNON PA NYID DO, ,MDO @123B SDE'I DON 'DIS RTOGS PAR BYED PAS NA YANG CHOS MNGON PA'O, ,YANG 'DUL BA NI LTUNG BA DANG, KUN NAS 'BYUNG BA DANG, LDANG BA DANG, NGES PAR 'BYUNG BAR RIG PAR BYA'O, ,DE LA LTUNG BA NI LTUNG BA'I RIS LNGA'O, ,KUN NAS 'BYUNG BA NI LTUNG BA MI SHES PA NYID DANG, BAG MED PA NYID DANG, NYON MONGS PA MANG BA DANG, MA GUS PA LAS SO, ,LTUNG BA NI JI LTA BA BZHIN DU SDOM PA 'DZIN PA'I BSAM PAS YIN GYI, CHAD PA'I LAS KYIS NI MA YIN NO, ,NGES PAR 'BYUNG BA NI RNAM PA BDUN TE, SO SOR CHAGS PA DANG, LTUNG BAR MTHONG BA DANG, BSLAB PA SBYIN PA LA SOGS PA'I CHAD PA'I LAS DANG; NANG KHRIMS KYIS TE, BSLAB PA'I GNAS BCAS PA LA YANG RIM GYIS RJES SU GNANG BA LA BRTEN NAS DGE 'DUN BLO MTHUN PAS RAB TU BCAS PA'I BSLAB PA'I GZHI RJES SU GNANG BA NYID DANG, RTEN GNAS GYUR BA NYID KYIS TE, DGE SLONG DANG DGE SLONG MA BUD MED PA DANG SKYES PA NYID DU MTSAN GYUR PAS THUN MONG MA YIN PA'I BYE BRAG DAG GO, ,LTUNG BA'I DE KHO NA NYID CHOS KYI SKYED MOS TSAL GYI RNAM PAS SO SOR RTOG PA'I KHYAD PAR DANG, CHOS NYID RAB TU RTOGS PAS BDEN PA MTHONG BA NYID KYIS LTUNG BA PHRA ZHING PHRA BA DAG LAS NGES PAR 'BYUNG NGO, ,YANG DON RNAM PAR BZHIS NA 'DUL BAR RIG PAR BYA STE, GANG ZAG NYID NI GANG LA BRTEN NAS BSLAB PA BCAS PA'O, ,GANG ZAG GI NYES PA GANG GIS ZHUS PA NA, DE'I DBANG GIS DGE 'DUN THAMS CAD 'DUS NAS BSLAB PAS BCAS PAS NA BCAS PA'O, ,RAB TU DBYE BA NI BSLAB PA'I GZHI BCAS PA DE RNAM PAR PHYE NAS GTAN LA PHAB PA'O, ,NGES PAR GZUNG BA NI DE LA JI LTAR LTUNG BA DANG, LTUNG BA MED PAR NGES PAR GZUNG BA'O, ,DA NI RTZA BA'I GZHUNG BRTZAM PAR BYA STE, BCOM LDAN 'DAS KYI SPYAN SNGAR ZHES BYA BA NI 'BAD PA DANG GUS PAR BCAS PAS TSIG GZHAN DU MA YIN PA'I DON TO, ,THEG PA CHEN PO LA SHIN TU ZHUGS PA'I ZHES BYA BA NI GZUNGS LA SOGS PA'I YON TAN RAB TU THOB PA ZHES BYA BA'I DON TE, YON TAN DE DAG THOB PAS KYANG DON DANG TSIG YANG DAG PAR 'DZIN PA DANG, RAB TU STON PA NYID DU 'DIS BSTAN PA'AM, DE LTA BU'I MING CAN GYI BYANG CHUB SEMS DPAS SO, ,CI'I PHYIR BRJOD NA, THEG PA CHEN BA'I BDAG NYID BRJOD PA'I PHYIR TE, DE LA BRJOD PA @124A *, ,NI THEG PA CHEN PO CHE BA'I BDAG NYID RAB TU BSTAN PA'O, ,'DI LTA STE, THEG PA CHEN PO LAS BRTZAMS NAS ZHES BYA BA NI DE'I DBANG DU BYAS NAS SO, ,GSUNG KHYAD PAR RNAM PA BCUS KHYAD PAR DU 'PHAGS PA ZHES BYA BA LA, KHYAD PAR RNAM PA BCUS KHYAD PAR DU 'PHAGS PA'I GSUNG GANG LA MNGA' BA DE NI GSUNG KHYAD PAR RNAM PA BCUS KHYAD PAR DU 'PHAGS PA'O, ,GANG GZHAN YANG KHYAD PAR DU 'PHAGS PA'I SGRA'I DON NI MCHOG GI DON TE, DE LTA BU NI KHYAD PAR DU 'PHAGS PA'I DON TO, ,DE LA SHES BYA'I GNAS KYI KHYAD PAR GYIS KHYAD PAR DU 'PHAGS PA'I GSUNGS ZHES BYA BA LA, SHES PAR BYA BAS NA SHES BYA'O, ,DE YANG KUN NAS NYON MONGS PA DANG, RNAM PAR BYANG BA STE, DE YANG NGO BO NYID GSUM MO, ,DE'I GNAS NI RGYU ZHES BYA BA'I DON TO, ,KHYAD PAR DU 'PHAGS PA'I GSUNGS ZHES BYA BA DE YANG KUN GZHI RNAM PAR SHES PAS SO, ,'DI NI LAS 'DZIN PA STE, SHES BYA JI SNYED PA NYID KYI KHYAD PAR YIN PAS SHES BYA'I KHYAD PAR RO, ,SHES BYA'I MTSAN NYID NI SHES BYA'I NGO BO ZHES BYA BA'I DON TO, ,SHES BYA'I MTSAN NYID NI SHES BYA'I MTSAN NYID DE NGO BO NYID GSUM MO, ,SHES BYA'I MTSAN NYID DE LA JI LTAR 'JUG PAR 'GYUR BA'AM, GANG GIS 'JUG PAR 'GYUR BA STE, RNAM PAR SHES PA TZAM MO; ,DER 'JUG PA NI DE LA 'JUG PA'O, ,'JUG PA DE'I RGYU DANG 'BRAS BU ZHES BYA BA LA RNAM PAR SHES PA TZAM LA 'JUG PA NI 'JIG RTEN PA'I SBYIN PA LA SOGS PA PHA ROL TU PHYIN PA LA SBYOR BA'I DUS SU NI RGYU'O, ,DE DAG NYID MNGON DU GYUR CING 'JIG RTEN LAS 'DAS PAR GYUR PA NI 'BRAS BU'O, ,DE'I RGYU DANG 'BRAS BU'I SGOM PAR RAB TU DBYE BA ZHES BYA BA LA, DE'I RGYU DANG 'BRAS BU NYID NI DE'I RGYU DANG 'BRAS BU'O, ,DE'I SGOM PA'I RAB TU DBYE BA NI SGOM PA GOMS PA STE, DE'I GOMS PA NI SA'I KHYAD PAR GANG YIN PA'O, ,DE'I BYA BA NI YANG DAG PA'O, ,SGOM PA RAB TU DBYE BA DE NYID LA LHAG PA'I TSUL KHRIMS ZHES BYA BA LA, TSUL KHRIMS KYI DBANG DU BYAS PA'I BSLAB PA NI LHAG PA'I TSUL KHRIMS TE, BSLAB PA DE YANG BYANG CHUB SEMS DPA'I SGOM PA GANG MI DGE BA'I CHOS MI BYED PA'I SEMS SO, ,LHAG PA'I SEMS ZHES BYA BA LA, NANG GI SEMS NI LHAG PA'I SEMS SO, ,SEMS NYID @124B KYI DBANG DU BYAS PA'I BSLAB PA NI LHAG PA'I SEMS TE TING NGE 'DZIN TO, ,LHAG PA'I SHES RAB CES BYA BA LA, MNGON PAR RTOGS PAR BYED PA'I SHES RAB NI LHAG PA'I SHES RAB BAM, SHES RAB NYID KYI DBANG DU BYAS PA'I BSLAB PA NI LHAG PA'I SHES RAB STE, DE YANG RNAM PAR MI RTOG PA'I YE SHES SO, , SPANGS PA'I KHYAD PAR ZHES BYA BA LA, KHYAD PAR DU 'PHAGS PA'AM, RAB TU DBYE BAS SAM, SO SO RANG GI RIG PAS NYON MONGS PA DANG SHES BYA'I SGRIB PA SPANGS PA STE, DE YANG MI GNAS PA'I MYA NGAN LAS 'DAS PA'O, ,YE SHES KYI KHYAD PAR GYIS KHYAD PAR DU 'PHAGS PA'I GSUNGS ZHES BYA BA NI SGRIB PA DANG BRAL BA'I YE SHES TE, DE YANG RNAM PAR MI RTOG PA'I YE SHES RJES SU MTHUN PA'O, ,SANGS RGYAS KYI YE SHES NI SGRIB PA THAMS CAD KYI BAG CHAGS SPANGS PA STE, 'DI NI RNAM PAR MI RTOG PA'I YE SHES DANG, YE SHES KYI KHYAD PAR RO, ,JI LTAR BRJOD CES BYA BA NI RNAM PA GANG GIS ZHES BYA BA'I THA TSIG GO, ,PHA ROL TU PHYIN PA DRUG PO DAG NI DE LA 'JUG PA'I RGYU DANG 'BRAS BUR ZHES BYA BA LA, RNAM PAR SHES PA TZAM NYID KYIS NA NGO BO NYID GSUM GYIS KHYAD PAR DAG PA'I PHA ROL TU PHYIN PA NI RGYU STE, 'JIG RTEN DANG 'JIG RTEN LAS 'DAS PA 'DREN PAR BYED PA'I PHYIR RO, ,SAR CHUD PA RNAMS KYIS NI DE DAG NYID DAG PA'O, ,'JIG RTEN LAS 'DAS PAR GUR PA NI 'BRAS BU'O, ,BYANG CHUB SEMS DPA'I SA BCU DAG NI DE'I RGYU DANG 'BRAS BU SGOM PA RAB TU DBYE BA ZHES BYA BA LA BSLAB PA GSUM DANG, DE'I 'BRAS BU DANG, DE'I SPANGS PA NI DE'I 'BRAS BU SPANGS PA'O, ,DE'I NGO BO NYID DE'I 'BRAS BU SPANGS PA NYID DE, SHES BYA'I SGRIB PA SPANGS PA ZHES BYA BA'I DON TO, ,RNAM PAR MI RTOG PA'I YE SHES NI LHAG PA'I SHES RAB CES BYA BA LA, NYAN THOS KYI RNAM PAR MI RTOG PA NI PHYIN CI LOG BZHIS RNAM PAR MI RTOG PA'O, ,BYANG CHUB SEMS DPA'I CHOS NI CHOS THAMS CAD RNAM PAR MI RTOG PA NYID DE, DE DAG NI RNAM PAR MI RTOG PA DAG GI KHYAD PAR YIN NO, ,SANGS RGYAS KYI SKU GSUM NI DE'I 'BRAS BU ZHES BYA BA LA, DE RNAMS KYI 'BRAS BU NI DE'I 'BRAS BU STE, DE'I 'BRAS BU DANG YE SHES NI DE'I 'BRAS BU YE SHES SO, ,DE'I NGO BO NI DE'I 'BRAS BU YE SHES NYID DO, ,DE LA NGO BO NYID MED NA CHOS KYI SKU @125A *, ,NYID KYANG MA YIN TE, MIG BZHIN NO, ,DE MED NA LONGS SPYOD RDZOGS PA'I SKU YANG MA YIN TE, MIG GI RNAM PAR SHES PA BZHIN TE, 'DIR RTEN DANG BRTEN PA MTSUNGS PA'I CHOS BLTA BAR BYA'O, ,LONGS SPYOD RDZOGS PA'I SKU MED PAR SA CHEN POR ZHUGS PA'I BYANG CHUB SEMS DPA' RNAMS KYI CHOS KYI LONGS SPYOD MI 'BYUNG NGO, ,DE MED PAR YANG TSOGS YONGS SU RDZOGS PA MI 'BYUNG STE, GZUGS MI MTHONG BA BZHIN NO, ,SPRUL PAR YANG MOS PAS SPYOD PA'I BYANG CHUB SEMS DPA' RNAMS DANG, NYAN THOS DMAN PA LA MOS PA RNAMS KYI DANG BA'I TSOL BA NYID NYAMS PAR 'GYUR BA DES NA NGES PAR SKU GSUM DU 'GYUR BA YIN NO, ,THEG PA CHEN PO NYAN THOS KYI THEG PA LAS KHYAD PAR DU BYAS PA ZHES BYA BA LA, NYAN THOS KYI THEG PA LAS MA BSTAN PA THEG PA CHEN PO LAS KHYAD PAR DU 'PHAGS PA MCHOG NYID DU BSTAN PA DAG GO, ,DE DAG KYANG GANG ZHE NA, GNAS BCU PO 'DI DAG NI BYANG CHUB CHEN PO KUN TU SGRUB PAR BYED PA STE, THAMS CAD MKHYEN PA'I YE SHES 'THOB PAR SHIN TU 'THAD PA MTHUN PA 'GAL BA MED PA'O ZHES BYA BA LA, BYANG CHUB CHEN PO KUN TU SGRUB PAR BYED PA NYID NI, BYANG CHUB CHEN POR SGRUB PAR BYED PA NYID DE RGYU ZHES BYA BA'I DON TO, ,SHIN TU 'THAD PA ZHES BYA BA NI RIGS PA LA SOGS PA'I TSAD MAS BRTAGS NAS NYE BAR BSTAN PA'I LAM GYI RGYU MTSAN TE, RGYU MTSAN RNAM PA BCU PO'O, ,MTHUN PA ZHES BYA BA NI MNGON PAR RTOGS PA LA RAB TU SBYOR BA NI, RJES SU MTHUN PAR GNAS PA STE, JI LTAR LAM BSTAN PA RJES SU MTHUN PAR GNAS PA BZHIN NO, ,'GAL BA MED PA ZHES BYA BA NI SA RNAMS LA MI MTHUN PA'I GNOD PA'I RGYU MED PA STE, JI LTAR BSTAN PA'I LAM LA CHOM RKUN LA SOGS PA'I GNOD PA MED PA BZHIN TE, 'KHOR BA DANG MYA NGAN LAS 'DAS PA DAG MI 'GAL BA NYID DO, ,CI'I PHYIR GO RIMS 'DI LTAR BSTAN ZHE NA, GANG GI PHYIR BYANG CHUB SEMS DPAS RES ZHIG DANG PO NYID DU CHOS ZHES BYAS BA NAS BRTZAMS NAS, 'BRAS BU MYA NGAN LAS 'DAS PA DANG, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR BYANG CHUB PA'I BAR DU 'DI LAS BSTAN TE, 'DI LTAR RGU'I CHOS RNAMS SHES NAS, RTEN CING 'BREL PAR 'BYUNG BA LA MKHAS PAR 'GYUR TE, GANG GI @125B RGYU LAS 'BRAS BU 'BYUNG GI, ,DBANG PHYUG LA SOGS PA LAS NI MA YIN PAS DES NA RGYU DANG 'BRAS BU GNYIS KA YANG SHES PAR 'GYUR RO, ,DES NA NI GANG RGYU GANG NYID LAS BYUNG BA'I CHOS RNAMS KYI MTSAN NYID SHES PAR BYA STE, MTSAN NYID KYANG GANG ZHE NA, YOD PA MA YIN PA'I KUN TU BRTAGS PA LA YOD PAR MNGON PAR ZHEN CING SGRO BTAGS PA STE, YOD PA MA YIN PA LA SGRO BTAGS PAS NA YOD PA'I YONGS SU GRUB PA LA SKUR PA BTAB PAR 'GYUR BAS MTHA' DE DAG GNYI GA'I SKYON SPANGS PA NI MKHAS PA YIN NO, ,DE NAS NI 'DI LTAR RNAM PAR SHES PA TZAM NYID KYI MTSAN NYID DU BZUNG ZHING RTOGS PAR BYA STE, DES NI SGRIB PA MED PAR 'GYUR RO, ,DE NAS RNAM PAR SHES PA TZAM NYID LA 'DUG PA NA RJES SU MTHUN PA'I PHA ROL TU PHYIN PA DRUG PO 'JIG RTEN PA KUN RDZOB TU RTOGS PA DANG, DON DAM PA DAG RTOGS PAR BYA STE, YONGS SU DAG PA'I BSAM PAS GZUNG BAR BYA'O ZHES BYA BA'I DON TO, ,DE NAS NI SA BCU PO RNAMS KYI KHYAD PAR GYIS BSKAL PA GRANGS MED PA GSUM DU GOMS PAR BYA STE, NYAN THOS KYI RTOGS PA LTAR NI MA YIN TE, DE DAG NI SKYE BA GSUM GYI GNYEN POS THAR PAR 'GYUR RO, ,DE NAS DE DAG NYID LA BSGOMS PAS BSLAB PA'I TSUL KHRIMS LA SOGS PA'I BSLAB PA GSUM YONGS SU RDZOGS PAR BYA'O, ,DE NAS LHAG PA'I 'BRAS BU MYA NGAN LAS 'DAS PA NYON MONGS PA DANG, SHES BYA'I SGRIB PA SPANGS PA BLA NA MED PA YANG DAG PAR RDZOGS PA'I BYANG CHUB SKU GSUM RDZOGS PAR BYANG CHUB PA ZHES BYA BA NI GO RIMS TE, 'DI DAG NYID NI THEG PA CHEN PO'O, ,DES NA 'DI LTAR RTEN CING 'BREL PAR 'BYUNG BA BRJOD PAR BYA BA DE YANG KUN GZHI RNAM PAR SHES PA'I NANG DU 'DUS SO, ,DE'I MTSAN NYID NI DE'I NGO BO NYID GSUM MO, ,DES NA RTOGS PA NI RNAM PAR SHES PA TZAM NYID DO, ,DE LAS NI PHA ROL TU PHYIN PA'O, ,PHA ROL TU PHYIN PA LAS NI SA DAG GO, ,SA DAG NI BSLAB PA'O, ,BSLAB PA LAS NI SPANGS PA DANG YE SHES TE, MI GNAS PA'I MYA NGAN LAS 'DAS PA NI SKU GSUM GYIS BSDUS PA'O, ,DE DAG NYID NI SANGS RGYAS ZHES BYA STE, DE BAS NA GO RIMS NI 'DI LTAR BSTAN TO, ,RNAM GRANGS GZHAN YANG BYANG CHUB CHEN PO KUN TU SGRUB PAR BYED PA ZHES BYA BA NI SPROS PA MED PA RNAM PAR MI RTOG PA'I YE SHES KUN TU @126A *, ,'DREN PA'O, ,SHIN TU 'THAD PA NI RIGS PA'I TSAD MA GSUM DANG MI 'GAL LO, ,MTHUN PA ZHES BYA BA NI SNGAR RJES SU MTHUN PAR GYUR LA, PHYIS 'GAL BA MA YIN PA STE, JI SKAD DU, DGE LA RJES SU CHAGS PA DANG, ,GNOD LA PHAN PA BYED PA LA, ,DKAR NAG NGO BOR MI LTA BA'I, ,DANG PO'I RTZA BA SNYING RJE 'DOD, ,CES BYA BAS SO, ,THAMS CAD MKHYEN PAS YE SHES 'THOB PAR ZHES BYA BA NI CHOS THAMS CAD RGYUN MI 'CHAD PAR RNAM PAR THAMS CAD KYIS MKHYEN PA 'BYUNG BA NYID DO, ,SHIN TU 'THAD PA LA SOGS PA DAG GI DON BZHIN YANG SHIN TU 'THAD PA MTHUN PA 'GAL BA MED PA ZHES BYA BA NI BSTAN PA DANG BSHAD PA NYID DE, JI LTAR ZHE NA, SHIN TU 'THAD PA NI MTHUN PA 'GAL BA MED PAR GNAS PAS SO, ,DE LA KUN GZHI RNAM PAR SHES PA NYID KYI LUNG NI BCOM LDAN 'DAS KYIS CHOS MNGON PA DE NYID LAS DANG POR BSTAN PA THOG MA MED PA'I DUS KYI DBYINGS ZHES BYA BA'I TSIGS SU BCAD PA GSUNGS TE, DBYINGS ZHES BYA BA NI RGYU'O, ,CHOS RNAMS KUN GYI GNAS YIN TE, ,ZHES BYA BA NI GANG RGYU YIN PA DES NA CHOS THAMS CAD KYI GNAS YIN NO ZHES BYA BA'I DON TO, ,DE YOD PAS DE CHOS RNAMS KUN GYI GNAS YOD NA 'GRO KUN TE, GANG SU 'KHOR BA NA YOD PA'I 'GRO BA'O, ,'GRO BA 'BA' ZHIG MA YIN GYI MYA NGAN LAS 'DAS BA'ANG STE, DE YOD PAS NA KUN NAS NYON MONGS PA DANG MYA NGAN LAS 'DAS PA NYID KYANG NGO, ,DE NI SHES BYA'I GNAS KUN GZHI RNAM PAR SHES PA NYID KYI LUNG NGO, ,LUNG GZHAN YANG, CHOS RNAMS KUN GYI GNAS YIN TE, ,RNAM SHES SA BON THAMS CAD PA, ,ZHES BYA BA LA, RKANG PA DANG PO NI RKANG PA GNYIS PAS BSHAD DO, ,DAM PA DAG LA ZHES BYA BA NI BYANG CHUB SEMS DPA'I NGES PA'I TSIG YIN GYI, KUN GZHI RNAM PAR SHES PA NI MA YIN NO, ,DER SBYOR BA ZHES BYA BA NI GNAS PA'O, ,SKYE BA CAN ZHES BYA BA NI GANG DAG LA SKYE BA YOD PA DE DAG LA SKYE BA CAN ZHES BYAS NAS SO, ,KUN NAS NYON MONGS PA'I CHOS ZHES BYA BA NI RNAM PAR BYANG BA LAS BZLOG PA'I DON TO, ,SEMS CAN DAG SKYES PA'I DE'I BDAG NYID DU SBYOR BAS ZHES BYA BA NI 'DZIN PAR BYED CES BYA BA'I DON TO, ,YANG 'DI'I LUNG NI DGONGS PA NGES PAR 'GREL BA DE LAS BLO GROS YANGS PA 'GRO BA DRUG GI 'KHOR BA 'DI NA SEMS CAN GANG DANG GANG DAG @126B SEMS CAN GYI RIS GANG DANG GANG DU YANG SGO NGA LAS SKYE BA'I SKYE GNAS SAM, YANG NA MNGAL LAS SKYE BA'AM, YANG NA DROD GSHER LAS SKYE BA'AM, YANG NA RDZUS TE SKYE PA'I SKYE GNAS SU LUS MNGON PAR 'GRUB CING 'BYUNG BAR 'GYUR BA DE'I DANG POR 'DI LTAR LEN PA RNAM PA GNYIS SO, ,RTEN PA DANG BCAS PA'I DBANG PO GZUGS DANG, LEN PA DANG, MTSAN MA DANG, MING DANG, RNAM PAR RTOG PA LA THA SNYAD 'DOGS PA'I SPROS PA'I BAG CHAGS LEN PA LA BRTEN NAS SA BON THAMS CAD PA'I SEMS RNAM PAR SMIN CING 'JUG LA RGYAS SHING 'PHEL BA DANG YANGS PAR 'GYUR RO, ,DE LA GZUGS CAN GYI KHAMS NA NI LEN PA GNYI GA YOD LA, GZUGS CAN MA YIN PA'I KHAMS NA NI LEN PA GNYIS SU MED DO, ,BLO GROS YANG PA RNAM PAR SHES PA DE NI LEN PA'I RNAM PAR SHES PA ZHES KYANG BYA STE, 'DI LTA DES LUS 'DI GZUNG ZHING BLANGS PA'I PHYIR RO, ,KUN GZHI RNAM PAR SHES PA ZHES KYANG BYA STE, 'DI LTAR DE LUS 'DI LA GRUB PA DANG, BDE BA GCIG PA'I DON GYIS KUN TU SBYONG BA DANG, RAB TU SBYOR BAR BYED PA'I PHYIR RO, ,SEMS ZHES KYANG BYA STE, 'DI LTAR DE NI GZUGS DANG, SGRA DANG, DRI DANG, RO DANG, REG BYA DANG, CHOS RNAMS KYIS KUN TU BSAGS PA DANG, NYE BAR BSAGS PA YIN PA'I PHYIR RO; ,BLO GROS YANGS PA LEN PA'I RNAM PAR SHES PA DE LA BRTEN CING GNAS NAS RNAM PAR SHES PA'I TSOGS DRUG PO 'DI LTA STE, MIG GI RNAM PAR SHES PA DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA DAG 'BYUNG NGO, ,DE LA RNAM PAR SHES PA DANG BCAS PA'I MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG STE, MIG GI RNAM PAR SHES PA DE DANG LHAN CIG 'JUG PA DUS DANG SPYOD YUL MTSUNGS PA RNAM PAR RTOG PA'I YID KYI RNAM PAR SHES PA YANG 'BYUNG NGO, ,GAL TE MIG GI RNAM PAR SHES PA GCIG LAN CIG 'BYUNG NA NI MIG GI RNAM PAR SHES PA DANG, SPYOD YUL MTSUNGS PA RNAM PAR RTOG PA'I YID KYI RNAM PAR SHES PA YANG GCIG KHO NA TZAM LAN CIG 'BYUNG NGO, ,GAL TE RNAM PAR SHES PA'I TSOGS GNYIS SAM, GSUM MAM, BZHI LHAN CIG GAM ,LNGA CHAR LHAN CIG BYUNG NA YANG DER RNAM @127A *, ,PAR SHES PA'I TSOGS LNGA PO DANG SPYOD YUL MTSUNGS PAR RNAM PAR RTOG PA'I YID KYI RNAM PAR SHES PA YANG GCIG KHO NA LAN CIG 'BYUNG NGO, ,DPE'I SGO NAS RGYAS PAR BLO GROS YANGS PA 'DI LTA STE DPER NA CHU'I KLUNG CHEN PO 'BAB PA LAS GAL TE RLABS GCIG 'BYUNG BA'I RKYEN NYE BAR GNAS PAR GYUR NA RLABS GCIG KHO NA 'BYUNG NGO, ,GAL TE RLABS GNYIS SAM, GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA RLABS MANG PO DAG 'BYUNG ZHING CHU'I KLUNG DE RANG GI RGYUN 'CHAD PAR YANG MI 'GYUR LA, YONGS SU ZAD PAR YANG ZAD MI 'GYUR RO, ,ME LONG GI DKYIL 'KHOR YONGS SU DAG PA LA GAL TE GZUGS BRNYAN GCIG 'BYUNG BA'I RKYEN NYE BAR GNAS PAR GYUR NA GZUGS BRNYAN YANG GCIG KHO NA 'BYUNG NGO, ,GAL TE GZUGS BRNYAN GNYIS SAM, GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA GZUGS BRNYAN RAB TU MANG PO DAG 'BYUNG ZHING; ME LONG GI DKYIL 'KHOR DE GZUGS BRNYAN GYI DNGOS POR YONGS SU 'GYUR BA YANG MA YIN LA, YONGS SU SBYOR BAR YANG MI MNGON NO, ,BLO GROS YANGS PA DE BZHIN DU CHU KLUNG LTA BU DANG, ME LONG LTA BU'I LEN PA'I RNAM PAR SHES PA DE LA BRTEN CING GNAS NAS GAL TE MIG GI RNAM PAR SHES PA GCIG LAN CIG 'BYUNG BA'I RKYEN NYE BAR GNAS PAR GYUR NA YANG MIG GI RNAM PAR SHES PA YANG GCIG KHO NA LAN CIG 'BYUNG NGO, ,GAL TE RNAM PAR SHES PA'I TSOGS LNGA CHAR GYI BAR DAG LAN CIG 'BYUNG BA'I RKYEN NYE BAR GNAS PAR GYUR NA YANG RNAM PAR SHES PA'I TSOGS LNGA CHAR LAN CIG 'BYUNG NGO, ,BLO GROS YANGS PA DE LTAR BYANG CHUB SEMS DPA' CHOS KYI LUGS SHES PA LA BRTEN CING CHOS KYI LUGS SHES PA LA GNAS NAS SEMS CAN DANG, YID DANG, RNAM PAR SHES PA'I GSANG BA LA MKHAS PA YIN LA, DE BZHIN GSHEGS PA NI BYANG CHUB SEMS DPA' SEMS DANG, YID DANG; RNAM PAR SHES PA'I GSANG BA LA MKHAS PAR 'DOGS NA DE TZAM GYIS THAMS CAD KYI THAMS CAD DU 'DOGS SO, ,BLO GROS YANGS PA GANG GI PHYIR BYANG CHUB SEMS DPA' NANG GI SO SO RANG GI LEN PA MI MTHONG, LEN PA'I RNAM PAR SHES PA YANG MI MTHONG LA, DE YANG YANG DAG PAR JI LTA BA BZHIN @127B DU YIN PA DANG, KUN GZHI YANG MI MTHONG, KUN GZHI'I RNAM PAR SHES PA YANG MI MTHONG, BSAGS PA YANG MI MTHONG, SEMS KYANG MI MTHONG, MIG KYANG MI MTHONG, GZUGS KYANG MI MTHONG, MIG GI RNAM PAR SHES PA YANG MI MTHONG, RNA BA YANG MI MTHONG, SGRA YANG MI MTHONG, RNA BA'I RNAM PAR SHES PA YANG MI MTHONG, SNA YANG MI MTHONG, DRI YANG MI MTHONG, SNA'I RNAM PAR SHES PA YANG MI MTHONG, LCE YANG MI MTHONG, RO YANG MI MTHONG, LCE'I RNAM PAR SHES PA YANG MI MTHONG, LUS KYANG MI MTHONG, REG BYA YANG MI MTHONG, LUS KYI RNAM PAR SHES PA YANG MI MTHONG ZHING, BLO GROS YANGS PA GANG GI PHYIR BYANG CHUB SEMS DPA' NANG GI SO SO RANG GI YID KYANG MI MTHONG, CHOS RNAMS KYANG MI MTHONG, YID KYI RNAM PAR SHES PA YANG MI MTHONG LA, DE YANG YANG DAG PA JI LTA BA BZHIN DU YIN NA, DE NI BYANG CHUB SEMS DPA' DON DAM PA LA MKHAS PA ZHES BYA STE, DE BZHIN GSHEGS PA YANG BYANG CHUB SEMS DPA' DON DAM PA LA MKHAS PA NI SEMS DANG, YID DANG, RNAM PAR SHES PA'I GSANG BA LA MKHAS PA YIN PAR 'DOGS SO, ,BLO GROS YANGS PA DE TZAM GYIS SEMS DANG, YID DANG, RNAM PAR SHES PA'I GSANG BA LA MKHAS PA YIN LA, DE BZHIN GSHEGS PA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR 'DOGS NA YANG DE TZAM GYIS 'DOGS SO ZHES BYA BA DANG, YANG DON 'DI NYID TSIGS SU BCAD PA, LEN PA'I RNAM PAR SHES PA ZAB CING PHRA, ,ZHES BYA BA LA SOGS PAS BSTAN TE RTOGS PAR DKA' BA'I PHYIR RO, ,SA BON THAMS CAD CHU BO'I RGYUN BZHIN 'BAB, ,CES BYA BA NI RIM GYIS 'JUG PA NYID KYIS DER SA BON THAMS CAD CHU BO'I RGYUN BZHIN DU SKAD CIG MA'I RIM GYIS 'JUG PAS SO, ,LEN PA'I RNAM PAR SHES PA ZHES BYA BA NI MING GI RNAM GRANGS DANG, NGES PA'I TSIG GO, ,BDAG TU RTOG PAR GYUR NA MI RUNG ZHES BYA BA NI RNAM PA GCIG TU ZHUGS PA NYID LA BDAG TU RTOG PAR MA BYED CIG PA'O, ,DBANG PO GZUGS CAN THAMS CAD KYI RGYU YIN PA ZHES BYA BA'I BSHAD PA NI 'DI LTAR TSE JI SRID PAR RJES SU 'JUG GI BAR DU ZHES BYA BA LA SOGS PA YIN TE, GANG GI PHYIR @128A *, ,MIG LA SOGS PA'I DBANG PO GZUGS CAN RNAMS KUN GZHI RNAM PAR SHES PAS MA BZUNG NA SHI BA'I LUS BZHIN DU SNGON PO LA SOGS PA'I GNAS SKABS SU 'GYUR BAS GANG YANG SHI BA'I DUS NA DE DANG BRAL BAR GYUR BA NA 'DI DAG KYANG SNGON PO LA SOGS PA'I GNAS SKABS SU 'GYUR RO, ,DES NA 'DI LTAR GZUNG BAR BYA STE, JI SRID DES BZUNG BA'I BAR DU TSE NYAMS PAR MI 'GYUR RO, ,LUS THAMS CAD NYE BAR LEN PA'I GNAS SU GYUR BA'I PHYIR NA YANG LEN PA STE, 'DI'I BSHAD PA NI, NYING MTSAMS SBYOR BA SPREL BA NA YANG DE DAG MNGON PAR 'GRUB PAR NYE BAR 'DZIN PA ZHES BYA BA 'DIS BSHAD PA YIN NO, ,GANG GI PHYIR NYING MTSAMS SBYOR BAR BYED PA DES NA YANG NYING MTSAMS SBYOR ZHING SPREL BA MNGON PAR GRUB PA 'DZIN PAR BYED PAS LUS THAMS CAD YONGS SU GZUNGS BA BYAS PAS 'GYUR TE, KUN GZHI RNAM PAR SHES PA LA LUS THAMS CAD KYI BAG CHAGS KUN TU GNAS PA'I PHYIR RO, ,DE DAG MNGON PAR GRUB PA STE, DE'I MNGON PAR 'GRUB PA NI DE MNGON PAR 'GRUB PA'O, ,NYE BAR 'DZIN PA NI DE DAG MNGON PAR 'GRUB PA NYE BAR LEN TE, DE'I NYE BAR 'DZIN PA YANG DAG GI DNGOS PO BSKYED PAR 'GYUR BA'O, ,DON 'DIS NI KUN GZHI RNAM PAR SHES PA LEN PA'I RNAM PAR SHES PA NYID DU YANG BRJOD PA YIN NO, ,YANG DE NI SEMS ZHES KYANG BYA STE, ZHES BYA BA'I SEMS NYID NI KUN GZHI RNAM PAR SHES PA STE, YID KYI RNAM PAR SHES PA'I DON SNA TSOGS NYID DU DMIGS PA LTAR 'DI'I DON YANG SNA TSOGS NYID DU 'GYUR RO ZHES BYA BA 'DIS BSTAN TO, ,DE LA MTSUNGS PA DE MA THAG PA'I RKYEN BYED PA NYID KYI PHYIR RNAM PAR SHES PA GANG DE MA THAG PAR 'GAGS PA NYID NI YID KYI RNAM PAR SHES PA'I RGYUR 'GYUR BAS DE NI YID GCIG GO, ,GNYIS PA NI NYON MONGS PA BZHIS NYON MONGS PA CAN GYI YID DE, DE NI 'JIG TSOGS LA LTA BA STE, BDAG NYID DU MNGON PAR ZHEN PA DANG, GANG GI DBANG GI NGA'O SNYAM DU NGA RGYAL TE, BDAG NYID MTHO'O ZHES PA DANG, YANG DE LA MI BDEN PA'I BDAG LA SRED PA'I BDAG NYID LA CHAGS PA DANG, GSUM PO DE DAG GI RGYU MA RIG PA STE, MA RIG PA MI SHES PA'O, ,GANG GNAS GCIG POS NI BSKYED PA, @128B GNYIS POS NI NYON MONGS PA CAN DU BYAS PA STE ZHES BYA BA DE LA 'GAGS MA THAG PA'I RNAM PAR SHES PA YID CES BRJOD PAS NI RNAM PAR SHES PA THAMS CAD 'BYUNG BA'I SKABS SBYIN PAS SKYE BA'I RTEN YIN NO, ,GNYIS PA NYON MONGS PA CAN NI KUN NAS NYON MONGS PAR BYED PA STE, GANG PHYIR DGE BA'I SEMS LA YANG BDAG GO ZHES 'BYUNG BA'I PHYIR RO, ,YUL LA RNAM PAR RIG PA'I PHYIR RNAM PAR SHES PA'O, ,DE MA THAG PA'I RTEN BYED PA DANG, NGAR SEMS PA'I PHYIR YID KYI RNAM PA GNYIS SO ZHES BYA BA LA, DE LA YUL LA 'DZIN PA'I DON GYIS NA RNAM PAR SHES PA NI SKABS STE BA'I DON GYIS NI YID GCIG GO, ,BDAG TU NGA RGYAL LA SOGS PAS KUN NAS NYON MONGS PA'I DON GYIS NA GNYIS PA NYON MONGS PA CAN GYI YID DO, ,GZHAN YANG GANG NYON MONGS PA CAN GYI YID DE MED NA, GANG GI RGYU CAN YID DANG 'JUG PA'I RNAM PAR SHES PA YANG 'JUG PAR MI 'GYUR RO ZHES BLTA BAR BYA'O, ,RNAM PAR SHES PA SMOS PAS YID KYI GNYIS PA YANG SMOS PA NYID DU 'GYUR TE, RGYU GANG GIS YID GANG 'GAGS PA DE NYID YID CES BRJOD NA THOB PA'I PHYIR RO, ,YANG 'DI'I NGES PA'I TSIG NI RNAM PA SNA TSOGS KYI CHOS KYI BAG CHAGS KYI SA BON GYIS GANG ZHING NYE BAR LEN PA'I PHYIR RO, ,DE LA RNAM PA SNA TSOGS NI RNAM PA THA DAD PA'O, ,CHOS KYI BAG CHAGS KYI SA BON ZHES BYA BA NI RGYU GANG GIS NUS PA'I KHYAD PAR RO, ,GANG ZHING ZHES BYA BA NI SHIN TU GANG ZHING BSAGS ZHES BYA BA'I DON TO, ,SHES BYA PHRA MO KUN TU BSDUS PA'I PHYIR TE ZHES BYA BA NI DE PHRA MO YANG YIN LA SHES BYA YANG YIN PAS SHES BYA PHRA MO STE, SHES BYA PHRA MO'I KHONGS SU GTOGS PA'AM, RTOGS PAR DKA' BA'I PHYIR RO, ,NYAN THOS NI SHES BYA THAMS CAD SHES PA'I DON DU SPRO BA MED KYI, BDAG GI DON 'BA' ZHIG GI RGYUR DE DAG NI NYON MONGS PA'I SGRIB PA RAGS PA NYID SDUG BSNGAL LA SOGS PA SHES PAS SPONG NGO, ,BYANG CHUB SEMS DPA' NI BDAG DANG GZHAN RNAMS KYI'O, ,YANG DE LTAR GRAGS PA DE SGRUB PA GANG YIN ZHE NA, DE MED DU ZIN NA MA RIG PA MA 'DRES PA MED PA'I SKYON DU 'GYUR RO, ,YANG MA 'DRES PA'I MA RIG PA GANG ZHE NA, GNYEN PO MA SKYES PA NA DE KHO NA NYID SHES PA LA SGRIB PAR BYED PA STE, DE YANG RNAM PAR SHES PA LNGA LA NI LDAN PA @129A *, ,MA YIN TE, DE LA GNAS PA LA MI SGRIB PA'I PHYIR GANG NA GNYEN PO 'BYUNG BA YOD PA DE NI MI MTHUN PA'I PHYOGS KYANG 'BYUNG BA YIN NO ZHES BYA BAS SO, ,NYON MONGS PA CAN MA YIN PA'I YID KYI RNAM PAR SHES PA DE LA YANG MED DE, NYON MONGS PA CAN NYID DU THAL BAR 'GYUR BA'I PHYIR RO, ,NYON MONGS PA CAN MA YIN PA NI GZHAN DU NYON MONGS PA DANG, KUN TU SPYOD PAR MI 'GRUB BO, ,DE LTA NA NYON MONGS PAS NYON MONGS PA CAN DU YID KYI RNAM PAR SHES PA KHAS LEN NA SHIN TU NYON MONGS PA CAN NYID DU THAL BAR 'GYUR BAS JI LTAR SBYIN PA LA SOGS PA DGE BA'I SEMS 'BYUNG BAR 'GYUR, DE DANG MTSUNGS PAR LDAN PA LAS TE, YANG GANG DGE BA DANG MTSUNGS PAR 'JUG PA'I YID YOD PAS DE LA DE MTSUNGS PAR LDAN PAR 'GYUR GYI YANG NYON MONGS PA CAN GYI YID LA NI GNYEN PO'I PHYOGS 'DREN PAR MI RIGS SO, ,YANG GANG LA NYON MONGS PA TZAM GYI YID DANG MTSUNGS PAR 'JUG PA DGE BA'I SEMS YOD NA, DE DANG DES DRANGS PA'I GNYEN PO'I PHYOGS SKYES PA NA CIG SHOS 'GAG PA YIN PAS 'DI LA SKYON MED DO, ,LNGA PO DAG DANG CHOS MTSUNGS DANG STE, JI LTAR MIG GI RNAM PAR SHES PA LA SOGS PA LNGA PO DAG LA MIG LA SOGS PA LNGA PO DAG RTEN MTSUNGS PAR YOD PA DE BZHIN DU YID KYI RNAM PAR SHES PA LA YANG DE DANG MTSUNGS PAR 'GYUR BA'I RTEN YOD PA YIN NO, ,SNYOMS PAR 'JUG PA'I BYE BRAG DANG STE, GANG LA NYON MONGS PA CAN GYI YID YOD PA DE NI 'DU SHES MED PA'I SNYOMS PAR 'JUG PA STE, DE YOD PAS SO, ,GZHAN LA NI DE MED DE, ,DE NI KHYAD PAR YIN NO, ,GZHAN DU NA GNYI GA LA YID KYI RNAM PAR SHES PA KUN TU RGYU BA MED NA BYE BRAG MED PAR 'GYUR RO, ,NGE TSIG MED PA'I SKYON DU 'GYUR, GANG 'DI SKAD DU NGAR 'DZIN PAS NA YID CES BYA BA'I NGES PA'I TSIG DE SKAD DU BRJOD PA'I GZHI GANG YIN, RNAM PAR SHES PA DRUG PO 'GAGS MA THAG PA'I RNAM PAR SHES PA LA NI 'DI LTAR MI BRJOD DE 'GAGS PA'I PHYIR RO, ,'DU SHES MED PA'I SKYE BA'I RGYUN THOB PA NA NGAR 'DZIN PA MED PA'I SKYON DU 'GYUR TE, 'DI LTAR DE'I DUS SKABS NA NYON MONGS PA CAN GYI YID MED NA NGAR 'DZIN PA MED PAR SKYE BAR 'GYUR RO, ,DE LTA NA NI 'PHAGS PAS @129B KYANG SMAD PAR MI 'GYUR NA DE NI SMAD PA NYID YIN PAS DES NA DE NI DE NA YOD PA NYID DU RTOGS PAR BYA'O, ,NGAR 'DZIN PA DANG LDAN PAR NI STE, SBYIN PA LA SOGS PA SBYIN PA LA YANG NGAR 'DZIN PA DANG LDAN PA NYID DO, ,NGAR 'DZIN PA DANG LDAN PA YANG MA RIG PA MED PAR MI RIGS LA, MA RIG PA YANG RTEN MED PAR MA YIN ZHING, RTEN YANG NYON MONGS PA CAN GYI YID MED NA GZHAN MED DE, NYON MONGS PA DANG SHES BYA'I SGRIB PA SPANGS PA'I PHYIR 'BAD PAS DE DAG GI PHYIR BSTAN TO, ,SKYE DGU KUN GZHI LA KUN TU DGA' BA ZHES BYA BA NI BSTAN PA'I TSIG GO, ,DA LTAR DANG 'DAS PA DANG, MA 'ONGS PA'I DUS GSUM GYI GO RIMS BZHIN DU TSIG LHAG MA RNAMS KYIS NI BSHAD DO, ,DON GZHAN YANG KUN GZHI LA KUN TU DGA' BA NI DE LTAR RO, ,KUN GZHI LA DGA' BA NI 'DAS PA'I DUS SU STE, GANG SNGAR KUN GZHI LA DGA' BA LAS DE LTAR KUN GZHI LAS YANG DAG PAR 'BYUNG NGO, ,GANG KUN GZHI LA DGA' BA DANG, KUN GZHI LAS YANG DAG PAR 'BYUNG BA LAS MA 'ONGS PA'I DUS SU KUN GZHI LA MNGON PAR DGA' BA'O, ,CHOS KYI RJES SU MTHUN PA'I CHOS NI MAN NGAG JI LTA BA BZHIN DU BYED PA'O, ,RTZA BA'I RNAM PAR SHES PA ZHES KYANG 'BYUNG STE, RNAM GRANGS DES KYANG DE NYID BSTAN TE, RTZA BA LA BRTEN PA'I SHING LJON PA BZHIN NO ZHES BRJOD PA LA DE LA RTZA BA'I RNAM PAR SHES PA NI RNAM PAR SHES PA THAMS CAD KYI RGYUR GYUR BA NYID DO, ,DPER NA SHING GI RTZA BA YAL GA LA SOGS PA'I RGYU YIN TE, RTZA BA MED NA YAL GA LA SOGS PA MI 'BYUNG BA BZHIN DU KUN GZHI RNAM PAR SHES PA YANG RTZA BA'I RNAM PAR SHES PA NYID DO; ,'KHOR BA JI SRID PA'I PHUNG PO RNAMS ZHES 'BYUNG STE, RNAM GRANGS DES KYANG ZHES BYA BA LA 'KHOR BA JI SRID PA'I PHUNG PO NYID KYANG DE NYID YIN NO, ,GANG GI PHYIR LA LAR TE GZUGS MED PA'I KHAMS SU GZUGS SO, ,RES 'GA' ZHES BYA BA NI SNYOMS PAR 'JUG PA KHA CIG GI GNAS SKABS SU STE, 'DI LTA STE, 'DU SHES MED PA'I SNYOMS PAR 'JUG PAR RO, ,KUN GZHI RNAM PAR SHES PA LA DE'I SA BON NI RGYUN MI 'CHAD CES BYA BA LA, GZUGS DANG SEMS KYI BAG CHAGS KYI RGYU GANG LAS YANG SRID PA'I GZUGS DANG SEMS DAG 'BYUNG BAR 'GYUR RO, ,KUN GZHI RNAM PAR @130A *, ,SHES PA'I LAM PO CHE GTONG BA ZHES BYA BA NI SHIN TU RGYAS PAR BYAS ZHES BYA BA'I DON TE, KUN GZHI RNAM PAR SHES PA YONGS SU BZUNG NAS RNAM PAR 'JOG PA DE NI SHIN TU MDZES PA YIN NO, ,DE LA MA RMONGS PA RNAMS KYIS KUN GZHI RNAM PAR SHES PA RNAM PAR GZHAG PA ZHES BYA BA LA, DE LA MA RMONGS PA'I BYANG CHUB SEMS DPA' GANG YIN PA DAG LA DES BSTAN PA'O, ,DE LA KUN GZHI RNAM PAR SHES PA'I RNAM PAR GZHAG PA NI DE BAS NA SHIN TU 'THAD PA ZHES BYA BA NAS BRTZAMS TE, DE BAS NA KUN GZHI RNAM PAR SHES PA KUN GZHI NYID DU CHES LEGS PAR RNAM PAR GZHAG PA GRUB PO ZHES BYA BA'I BAR GYIS SO, ,DE LA NGAN 'GRO ZHES BYA BA NI YI DAGS DANG DUD 'GRO DANG, DMYAL BA NI NGAN 'GRO'O, ,SHIN TU SDUG BSNGAL BA ZHES BYA BA NI LAS KYI 'BRAS BU SHIN TU MI 'DOD PA CAN GYI NGAN 'GRO RNAMS TE, GANG YANG DER RES 'GA' BDE BA'I TSOR BA 'BYUNG BA DE NI RGYU MTHUN PA'I 'BRAS BU YIN GYI RNAM PAR SMIN PA NYID NI DER SKYES PA RNAMS KYI SDUG BSNGAL KHO NA'O, ,BDE BA'I TSOR BA 'DOD CHAGS DANG BCAS PA YANG BSAM GTAN BZHI PA YANG CHAD TEN NAS GANG SKYES BA'I DANG LDAN PA'I SEMS CAN RNAMS DANG MI MTHUN PA YIN PAS, BSAM GTAN BZH PA YAN CHAD GONG MA STE, BSAM GTAN BZHI PA DANG GONG MA LA YANG NGO, ,DE DANG LDAN PAS ZHES BYA BA NI DER SKYES PA ZHES PA RNAMS SO, ,KUN GZHI RNAM PAR SHES PA LA NANG GI DNGOS POR KHAS BLANGS PA ZHES BYA BA NAS BRTZAMS NAS DE RNAM PAR ZHIG POR 'DOD PA NI NAM YANG MI 'GYUR RO ZHES BYA BA'I BAR LA, DE LA NANG GI BDAG GI DNGOS POR KHAS BLANGS PA SMOS PA NI NANG GI BDAG NYID KHAS BLANGS PA'O, ,SDUG BSNGAL GYI PHUNG PO RNAM PAR GZHIG PAR 'DOD PA NI TSOR SDUG BSNGAL DANG BRAL BAR GSOL BA 'DEBS SO, ,KUN GZHI RNAM PAR SHES PA LA BDAG TU CHAGS PAS BCINGS PA ZHES BYA BA NI KUN GZHI RNAM PAR SHES PA LA BDAG GO ZHES KHAS BLANGS NAS SRED PAS BCINGS PA'O, ,DE LTAR RE ZHIG RNAM GRANGS RNAM PAR GZHAG PA BSTAN TO, ,YANG RNAM GRANGS BSTAN PA TZAM GYI KUN GZHI RNAM PAR SHES PA ZHES BYA BA'I NGO BO NYID DANG, RGYU NYID DANG 'BRAS BU NYID GANG YIN PA DE NI @130B NGES PAR GZUNG BAR MI NUS PAS DE'I RANG GI MTSAN NYID NI GANG KUN NAS NYON MONGS PA'I CHOS THAMS CAD KYI BAG CHAGS LA BRTEN NAS DE SKYED PA'I NUS PA'I KHYAD PAR CAN GYI RNAM PAR SHES PA GANG YIN PA NI RANG GI NGO BO NYID DANG, DE NYID KYI NUS PA STON PA NI SA BON YONGS SU 'DZIN PA DANG ZHES BYA BA LA; DE LA KUN NAS NYON MONGS PA'I CHOS RNAMS THAMS CAD KYI BAG CHAGS LA BRTEN NAS CHOS DE RNAMS NYID SKYES PA'I RGYU MTSAN GYIS SA BON YONGS SU 'DZIN PA ZHES BYA STE, NUS PA'I BYE BRAG GOMS PA DANG LDAN PA ZHES BYA BA'I DON TO, ,'DI DAG NI DE'I RANG GI MTSAN NYID DO, ,DES NA RGYU NYID KYI MTSAN NYID NI KUN NAS NYON MONGS PA THAMS CAD KYI BAG CHAGS LA BRTEN NAS DE SKYES PA'I RGYU MTSAN GYI SA BON YONGS SU LDAN PA STE, RNAM PAR SHES PA GANG KUN NAS NYON MONGS PA'I CHOS KYIS BSGO ZHING NUS PA KHYAD PAR CAN DU KUN TU BSGRUBS PA GANG DE DAG NYID SKYED PA'I RGYU MTSAN DE NI KUN GZHI RNAM PAR SHES PA'I RGYU NYID KYI MTSAN NYID DO, ,DE LA 'BRAS BU NYID DU RNAM PAR GZHAG PA NAS BRTZAMS NAS, THOG MA MED PA'I DUS KYI BAG CHAGS LA BRTEN NAS BYUNG BA'O ZHES BYA BA'I BAR LA, CHOS DE DAG RNAMS KYI BAG CHAGS LA BRTEN NAS MNGON PAR GRUB PA'I THOG MA MED PA'I DUS NAS BAG CHAGS YONGS SU BZUNG BAS CHOS DE DAG DANG LHAN CIG SKYE BA DANG, 'GAG PA LA BRTEN NAS GANG SKYE BA'I RGYU MTSAN 'DI NI BRJOD PAR BYA'O ZHES BYA BA'O, ,KUN NAS NYON MONGS PA'I CHOS DE DAG DANG LHAN CIG SKYE BA DANG 'GAG PA THOB PA NI GANG SKYE BA'I RGYU MTSAN NYID CES BYA STE, CHOS DE DAG NYID KYI RGYU NYID YIN PA'I PHYIR RO, ,YANG CI KUN GZHI RNAM PAR SHES PA DE DANG, KUN NAS NYON MONGS PA'I CHOS KYI SA BON DAG THA DAD DAM 'ON TE MA YIN, DES CIR 'GYUR DE DANG THA DAD NA NI YAN LAG THAMS CAD KYIS KYANG THA DAD PA THOB PAR 'GYUR ZHING KUN GZHI RNAM PAR SHES PA SKAD CIG MAS KYANG GNOD PAR 'GYUR TE, DE DANG THA DAD PA'I PHYIR DE LA DGE BA DANG MI DGE BA BDAG GI BAG CHAGS YOD PA SA BON NYID YIN PAR 'GYUR NA DE NI LUNG DU MA BSTAN PAR 'DOD DO, ,THA MI DAD NA YANG JI LTAR NA MANG PO YIN DES NA DE LTA NA YANG MA YIN TE, GNYI GA LTAR @131A *, ,YANG SKYON YOD DO, ,DE LA GNAS PA DE DAG DANG RDZAS SU NI THA DAD PA YANG MA YIN ZHES BYA BA NAS BRTZAMS NAS, SA BON THAMS CAD PA ZHES BYA'O ZHES BYA BA'I BAR LA DE LA THA DAD PA YANG MA YIN THA MI DAD PA YANG MA YIN ZHES SMOS PA NI SNGAR SMRAS PA'I SKYON SPANGS PA'I DON TO, ,DE DE BZHIN DU 'BYUNG BA LA ZHES BYA BA NI RNAM PA DE LTA BUR 'BYUNG BA'O, ,DE 'BYUNG BA'I MTHU'I KHYAD PAR CAN ZHES BYA BA NI KUN NAS NYON MONGS PA BA'I CHOS DE DAG RNAMS SKYED PA'I NUS PA KHYAD PAR CAN GYIS SBYOR BA DANG LDAN PA STE, DE SKYED PA'I NUS PA DANG, LDAN PA YANGS SA BON THAMS CAD PA ZHES BRJOD DO, ,DON 'DI'I DPE NI JI LTAR NAS KYI SA BON LA MYU GU SKYED PA'I RGYU NYID YOD PAS 'DI NI DE'I RGYU NYID DO, ,YANG JI LTAR DUS RING POR BZHAG PA'AM, ME YIS NYAMS PA'I NAS KYI 'BRAS BU DE NI NUS PA NYE BAR BCOM PA NA DE DE LTA BU'I RNAM PAR GNAS SU ZIN KYANG MTHU NYAMS PAR GYUR PAS SA BON MED PA NYID DU 'GYUR RO, ,DE BZHIN DU KUN GZHI RNAM PAR SHES PAS CHOS THAMS CAD SKYED PA'I NUS PA YOD PA'I PHYIR RO, ,DES NA NUS PA DANG LDAN PA LAS SA BON THAMS CAD PA ZHES BRJOD DO, ,YANG JI LTAR KUN NAS NYON MONGS PA'I CHOS DE DAG DUS MNYAM DU GCIG GI RGYU NYID DU GCIG 'GYUR BAR JI LTAR BLTA ZHE NA ZHES BYA BA NI DPES BSTAN TE JI LTAR MAR ME'I ME LCE BYUNG BA DANG SNYING PO TSIG PA PHAN TSUN DUS MNYAM PA SKAD CIG MA GCIG NYID LA SNYING PO GANG LA BRTEN NAS DON DER BYUNG BA DE NI DE'I RGYU'O, ,'BAR BA YANG SKAD CIG MA DE NYID LA BRTEN NAS BSREGS PAS DE YANG DE'I SREG PA'I RGYU'O, ,DE LTAR NA LHAN CIG 'BYUNG BA'I RGYU YANG BSTAN PA YIN NO, ,DE BAS NA YOD BZHIN DU YANG RGYU DANG 'BRAS BUR GRUB PAR MTHONG NGO, ,JI LTAR KUN GZHI RNAM PAR SHES PA KUN NAS NYON MONGS PA'I CHOS ZHES BYA BA NAS BRTZAMS NAS RGYU'I RKYEN GZHAN MI DMIGS PA'I PHYIR RO ZHES BYA BA'I BAR 'DIS NI KUN GZHI RNAM PAR SHES PA DANG, KUN NAS NYON MONGS PA'I CHOS RNAMS PHAN TSUN GYI RGYU CAN NYID DU BSTAN TE, DE LTAR NA RGYU'I RKYEN YIN NO, ,BAG CHAGS THA DAD PA MA YIN ZHING, SNA TSOGS MA YIN PA DE CHOS THA DAD PA SNA TSOGS DAG GI RGYUR JI LTAR RUNG ZHES BYA BA LA, JI LTAR RUNG BA DPES BSTAN PAR BYA STE, JI LTAR GOS @131B SKUD PA MANG POS BCINGS NA YANG SNA TSOGS NYID DU MI MTHONG LA, TSON GYI SNOD DU BCUG PA NA SNA TSOGS SU MTHONG BA LTAR KUN GZHI RNAM PAR SHES PA NI GOS KYI GNAS LTA BU'O, ,'BRAS BU MNGON PAR GRUB PA'I TSON GYI SNOD NI 'BRAS BU MNGON PAR GRUB PA'I TSON GYI SNOD DE, DER BCUG PA NI RKYEN GYIS YONGS SU GZUNG BA ZHES BYA BA'I DON TO, ,BAG CHAGS KYI DUS NA SNA TSOGS MA YIN YANG 'BRAS BU'I DUS NA RNAM PA DU MA'I CHOS KYI RGYU'I NGO BO MTHONG STE BCOS PA'I GOS BZHIN NO,, ,,BAM PO GNYIS PA, 'DI NI THEG PA CHEN PO LA PHRA BA MCHOG TU ZAB PA ZHES BYA BA LA, DE LA PHRA BA NI SO SO'I SKYE BO'I BLOS RTOGS PAR DKA' BA'I PHYIR RO, ,MCHOG TU ZAB PA ZHES BYA BA NI DGRA BCOM PA DAG GIS KYANG RTOGS PAR DKA' BA'I PHYIR RO, ,DE LA MDOR BSDU NA RTEN CING 'BREL PAR 'BYUNG BA NI 'DI GNYIS TE, ZHES BYA BA LAS BRTZAMS TE, BDAG LA BYED PA PO DANG ZAB POR RTOG PA STE ZHES BYA BA'I BAR LA, DE LA NGO BO NYID RNAM PAR 'BYED PA CAN DANG, SDUG PA DANG, MI SDUG PA RNAM PAR 'BYED PA CAN ZHES BYA BA 'DI GNYIS KYIS NI RTEN CING 'BREL PAR 'BYUNG BA'I MING BSTAN TO, ,GANG KUN GZHI RNAM PAR SHES PA LA BRTEN NAS ZHES BYA BA NI KUN GZHI RNAM PAR SHES PA'I RGYU CAN GYI CHOS RNAMS 'BYUNG BA DE NI NGO BO NYID RNAM PAR 'BYED PA CAN TE, NGO BO NYID SNA TSOGS RNAM PAR DBYE BA'I RKYEN GYI DNGOS POR 'GYUR BA'I PHYIR RO, ,GANG MA RIG PA LA SOGS PA CAN DE NI SDUG PA DANG MI SDUG PAR RNAM PAR 'BYED PA CAN NO, ,DE'I PHYIR SDUG PA DANG MI SDUG PA'AM, BDAG GI NGO BO'I BYE BRAG RNAM PA SNA TSOGS KYI RGYUR GYUR PA YIN NO, ,KHA CIG NI SNGON BYAS PA'I RGYU LAS BYUNG BA NYID DU ZHES BYA BA NI SKYES BU BYED PA'I RGYU LAS KYANG DE NI MI 'DOD DO, ,'DI NI DMUS LONG LA GLANG PO CHE'I DPES BSTAN TO, ,MA RIG PAS DMUS LONG ZHES BYA BA NI MA RIG PAS DMUS LONG STE, KUN GZHI RNAM PAR SHES PA'I NGO BO MI SHES SO, ,RGYU NYID CES BYA BA NI GANG SNGAR RANG GI MTSAN NYID RNAM PAR GZHAG PA'O, ,RGYU'I MTSAN NYID RNAM PAR GZHAG PA NI RGYU NYID KYI MTSAN NYID DO, ,'BRAS BU RNAM PAR GZHAG PA NI 'BRAS BU'I MTSAN NYID BSTAN PA STE, DE MI SHES PA STE MA RIG PA'I @132A *, ,DBANG GIS KUN GZHI RNAM PAR SHES PA'I DBYE BA MI SHES PAS CHOS RNAMS KYI RGYU NYID DU RANG BZHIN LA SOGS PA SEMS SO, ,GNYIS PA SDUG PA DANG MI SDUG PA RNAM PAR 'BYED PA MI SHES PAS BDAG NYID BYED PA PO DANG, ZAB POR SHES SO, ,DE LA CHOS THAMS CAD KYI RGYUN NI KUN GZHI RNAM PAR SHES PA STE, DE LA BAG CHAGS BSAGS PA'I PHYIR RO, ,'BRAS BU YANG DE NYID DE NYID LA BSGOS PA'I PHYIR RO, ,NGO BO NYID NI RNAM PAR SMIN PA'I RNAM PAR SHES PA SA BON THAMS CAD PA ZHES BYA BA LA, GANG BDAG NYID KYI NGO BO SO SOR THOB PA NI RNAM PAR SMIN PA'O, ,SA BON THAMS CAD PA NYID NI DES BSGOS PA'I PHYIR RO, ,LUS THAMS CAD DANG 'GRO BA THAMS CAD CES BYA BA DE LA 'GRO BA NI LNGA'O, ,'GRO BA DE DANG DE'I RIS MTHUN PA DANG RIS MI MTHUN PA RNAM PA SNA TSOGS PA NI LUS THAMS CAD DO, ,KUN GZHI RNAM PAR SHES PA CHOS THAMS CAD KYI SA BON BU BSTAN PA DES BON GYI NGO BO NYID DU KUN TU GSAL BAR BYA BAR 'DOD NAS, PHYI DANG NANG ZHES BYA BA LA SOGS PA TSIGS SU BCAD PA LNGAS BSTAN TO, ,DE LA PHYI DANG NAS LA SOGS PA LA NANG GI BDAG NYID CAN NI KUN GZHI RNAM PAR SHES PA'O, ,MI GSAL BA NI PHYI ROL TE, LUNG DU MA BSTAN PAS ZHES BYA BA'I DON TO, ,GNYIS NI KUN GZHI RNAM PAR SHES PA DGE BA DANG; MI DGE BA'O, ,DON GZHAN YANG KUN NAS NYON MONGS PA DANG, RNAM PAR BYANG BA'O, ,KUN RDZOB CES BYA BA NI PHYIR ROL TE, KUN RDZOB DE'I SA BON ZHES BRJOD DO, ,DE BAS NA 'DI DAG NI KUN GZHI RNAM PAR SHES PA YONGS SU GYUR PA NYID YIN NO, ,DAM PA'I DON YANG KUN GZHI RNAM PAR SHES PA STE, DE NI CHOS THAMS CAD KYI SA BON NO, ,'DI LTAR KUN GYI SA BON NYID NI RNAM PA DRUG GO, ,YANG DE DAG NI SKAD CIG PA STE, GNYI GA YANG BYUNG MA THAG TU 'JIG PA'I PHYIR DANG, SA BON GYI NGO BO NYID DU RTAG TU MI RUNG BA'I PHYIR DANG, DE BZHIN DU DUS THAMS CAD DU KHYAD PAR MED PA'I PHYIR RO, ,LHAN CIG 'BYUNG BA NI 'DAS PA MA YIN, MA 'ONGS PA MA YIN, THA DAD DU MA YIN PAR SA BON GYI DUS NA GANG YIN PA DE NYID NI 'BRAS BU SKYED PA'O, ,DE NI RGYUN CHAGS 'BYUNG BAR 'DOD, DE NI RTEN KUN GZHIG RNAM PAR SHES PA NI JI SRID GNYEN PO SKYES KYI BAR DU'O, ,PHYIR ROL GYI YANG JI SRID RTZA BA YOD PA DANG, JI SRID @132B SMIN PA YOD KYI BAR DU'O, ,DES DANG STE GANG SA BON THAMS CAD LAS THAMS CAD 'BYUNG BA NI MED DE, SO SOR NGES PA DE'I SA BON LAS DE 'BYUNG NGO, ,RKYEN LA LTOS PA DANG, SA BON THAMS CAD LAS THAMS CAD DU MI 'BYUNG STE, RKYEN GANG THOB PA NA DE 'BYUNG BAR 'GYUR RO, ,RANG GI 'BRAS BUS BSGRUBS PA ZHES BYA BA LA, RANG GI SA BON LAS RANG GI 'BRAS BU 'BYUNG BA STE, KUN GZHI RNAM PAR SHES PA LAS KUN GZHI RNAM PAR SHES PA NYID DANG, 'BRU LAS 'BRU NYID DE, DE LTAR RE ZHIG SA BON LAS 'BRAS BU 'BYUNG NGO, ,BAG CHAGS KYI MTSAN NYID JI LTA BA BZHIN DU BSTAN PAR BYA BA NI, BRTAN PA LA BSGO BAR BYA'O, ,G-YO BA LA NI MA YIN TE, RLUNG BZHIN NO, ,RLUNG GIS NI BSGO BA MI 'DZIN TE, GANG GI PHYIR RGYANG GRAGS TZAM GYI BAR DU YANG DE LA BSGOS PA RJES SU MI 'JUG GO, ,TZAM GYI BAR GYIS NI DPAG TSAD BRGYA'I BAR DU YANG DRI RJES SU 'BYUNG NGO, ,LUNG MA BSTAN ZHES BYA BA NI LUNG DU MA BSTAN PA LA DRI ZHES BYA BA'I DON TO, ,GANG DRI MI ZHIM PA SGOG SKYA DANG DE BZHIN DU DRI ZHIM PA LA NI MA YIN TE, LUNG DU MA BSTAN PA LA SGO BAR BYED DO, ,BSGO BAR 'OS PA LA SGO BAR BYED KYI BSGO BAR BYA BA MA YIN PA 'DI LTA STE, RDO BA DANG DNGUL DANG GSER LA SOGS PA LA MI BSGO'O, ,GANG BSGO BA 'DZIN PA DE LA SGO BAR BYED PAS BSGO BA ZHES BYA BA STE, BSGO BAR 'OS PA LA'O, ,'BREL PA LA SGO BYED CES BYA BA NI 'BREL PA MED PA LA NI MA YIN TE, BAR CHAD MED PAR 'BYUNG BA LA ZHES BYA BA'I DON TO, ,DE LAS GZHAN NI MIN ZHES BYA BA NI DE LAS GZHAN NYID DE, DE MA YIN PA DE LAS GROL BA STE, KUN GZHI RNAM PAR SHES PA LAS GZHAN PA LA MI BSGO'O, ,SKAD CIG MA LA SOGS PA DE DAG THAMS CAD NI KUN GZHI RNAM PAR SHES PA LA YOD KYI, DE NI SKAD CIG MA NYID KYI 'JUG PA'I RNAM PAR SHES PA DANG, GNYEN PO SKYES PA'I BAR LA MI 'JUG PA'AM, 'KHOR BA JI SRID PA'I BAR DU DGE BA LA SOGS PA NGES PA'I RGYUR GYUR PA'I PHYIR BSOD NAMS DANG BSOD NAMS MA YIN PA DANG YI G-YO BA 'DU BYED PA'I RKYEN LA LTOS NAS DGE BA DANG MI DGE BA'I 'GRO BAR RNAM PAR SMIN PA NYID YIN GYI 'JUG PA'I RNAM PAR SHES PA LA NI CHOS MI MTHUN PA THAMS CAD LA SBYAR BAR BYA'O, ,GANG YANG DE LTAR KUN GZHI RNAM PAR SHES PA YON TAN DE DAG DANG LDAN PAS DEN BSGO @133A *, ,BAR BYA BA YIN GYI, DRUG PO DAG LA NI MA YIN TE, 'BREL PA MED PA DANG, RNAM PAR SHES PA G-YO BA NYID KYIS SO, ,THA DAD GSUM DANG 'GAL BA'I PHYIR, ,ZHES BYA BA LA, RTEN GZHAN DANG GZHAN LA RE RE ZHIG ,DMIGS PA GZHAN DANG GZHAN LA, YID LA BYED PA GZHAN GYI DON GZHAN LA RNAM PA GZHAN GYIS 'JUG PA'I PHYIR RO, ,SKAD CIG MA SNGA MA LAS SKAD CIG PHYI MA 'BYUNG BAR 'GYUR BAS ZHES BYA BA DPES BSTAN PA DE DGAG PAR BYA BA'I PHYIR, SKAD CIG LHAN CIG MED PA'I PHYIR, ,ZHES PA STE, SKAD CIG DAG GCIG TU YOD PA MED DE, GANG LHAN CIG 'BYUNG BA DANG 'GAG PA YOD NA NI BAG CHAGS KYI GNAS SU 'GYUR RO, ,GAL TE RIGS MTHUN PA'I RNAM PAR SHES PA DE DANG MTHUN PA'I RIGS GANG YIN PA LA 'BREL BA MED KYANG SGO BAR BYED DE ZHES 'DOD NA, RIGS LA BYA NA GZHAN DU THAL TE, RIGS GZHAN LA YANG THAL BAR 'GYUR TE, MIG LA SOGS PA RNAMS GZUGS DANG BA NYID DU RIGS MTHUN PAS DE DAG KYANG PHAN TSUN BSGO BAR THAL BAR 'GYUR RO, ,GANG YANG SNGAR BSTAN PA'I SA BON GNYIS PO PHYI DANG NANG GI SKYED PA DANG NI 'PHEN PAR 'DOD CES BYA BA LAS, DE LA SKYED PAR BYED PA'I SA BON NI PHYI ROL GYI 'BRAS BU SMIN PAR 'GYUR GYI BAR DU'O, ,NANG GI SA BON NI MTHAR THUG PA'I BAR DU SKYED PAR BYED PA NYID DO, ,'PHEN PAR BYED PA MA BTAB PA NI PHYI ROL GYI'O, ,SHI BA NI NANG GI STE, LUS NI 'DI PHYIS KYANG MI 'GYES PAR 'PHANGS NAS GNAS SO, ,GAL TE SKYE BA'I SA BON GYI RGYU CAN YIN NA, GANG GIS NA DE NYAMS PAR MI 'GYUR TE, DUS PHYIS CUNG ZAD TZAM YANG RJES SU 'JUG PAR MI 'GYUR RO, ,GAL TE SKAD CIG MA GCIG NAS GCIG TU 'JUG PAR 'GYUR NA, SKAD CIG SNGA MA SKAD CIG PHYI MA'I RGYUR GYUR NA NI DES NA NAM YANG NYAMS PAR MI 'GYUR BAS DE BAS NA NGES PAR 'PHEN PA'I RGYU LAS BYUNG BA YIN NO, ,SA BON DE DAG KYANG MDA' LTONG SBYOR BA DANG 'DOM RDZOGS PA GNYIS MDA' 'GRO BA DANG PHOG PA GNYIS KYI RGYUR 'GYUR BA BZHIN NO, ,YANG 'JUG PA'I RNAM PAR SHES PA GZHAN GANG YIN PA DE NI LUS DANG 'GRO BA THAMS CAD DU NYE BAR SPYOD PA CAN DU BLTA BAR BYA BA STE ZHES BYA BA LA, 'DI LTAR DE LA NYE BAR SPYOD PA 'BYUNG BA NYID CES BYA BA'I DON TE, NYE BAR SPYOD PA'I NGO BO @133B NYI NYE BAR SPYOD PA CAN ZHES BYAS NAS SO, ,DON DE NYID DBUS DANG MTHA' RNAM PAR 'BYED PA'I TSIGS SU BCAD PA DANG MNGON PA'I LUNG GIS BSTAN TE, RNAM PAR SHES BA DE DAG NYID GCIG GI RKYEN GCIG YIN PA NYID KYI LUNG NI CHOS MNGON PA'I MDO LAS, CHOS KUN RNAM PAR SHES LA SBYOR, ,ZHES BYA BA'I TSIGS SU BCAD PA STE, PHAN TSUL RGYU'I DNGOS PO DANG ZHES BYA BA LA RTZA BA'I RNAM PAR SHES PA LAS DE DAG 'BYUNG BA'I PHYIR RGYU'O, ,'BRAS BU'I DNGOS POR RTAG TU SBYOR, ,ZHES BYA BA LA GANG GI TSE KUN GZHI RNAM PAR SHES PA RGYU YIN PA NA DE'I TSE DE 'BRAS BU YIN LA, ,GANG GI TSE DE RGYU YIN PA NA KUN ZHI RNAM PAR SHES PA 'BRAS BU YIN NO, ,DE DAG NI RTEN CING 'BREL PAR 'BYUNG PAR RNAM PA GSUM MO, ,'KHOR BA DANG, 'DOD PA DANG, MI 'DOD PA'I 'GRO BA DANG, NYE BAR SPYOD PA CAN LA RKYEN RNAM PAR BZHIR 'GYUR TE, DE LA DANG PO LA NI RGYU'I RKYEN TE, KUN GZHI RNAM PAR SHES PA LA GNAS PA'I CHOS RNAMS KYI BAG CHAGS SO, , GNYIS PA LA NI BDAG PO'I RKYEN TE, MA RIG PA LA SOGS PA'I DBANG GIS 'DU BYED RNAMS 'BYUNG NGO, ,YANG NYE BAR SPYOD PA CAN GYI RTEN CING 'BREL PAR 'BYUNG BA ZHES BRJOD LA, RNAM PAR SHES PA DRUG PO RNAMS KYI NI RKYEN GSUM DU 'GYUR TE, DE LA MIG GI RNAM PAR SHES PA'I BDAG PO'I RKYEN NI MIG GO, , DMIGS PA'I RKYEN NI GZUGS SO, ,MTSUNGS PA DE MA THAG PA'I RKYEN NI GANG GI DE MA THAG TU RNAM PAR SHES PA GANG 'BYUNG BAS STE, GANG GI PHYIR GAL TE DES SKABS MA BYIN NA GANG YANG 'BYUNG BAR MI 'GYUR BAS SO, ,DE BZHIN DU RNAM PAR SHES PA LHAG MA RNAMS LA YANG NGO, ,DE LTAR KUN GZHI RNAM PAR SHES PA'I RNAM GRANGS GZHAN BSTAN NAS, DA NI MTSAN NYID RNAM PAR GZHAG PAR BYA BA STE, JI LTAR GNYI GA YANG KUN GZHI RNAM PAR SHES PA LA RUNG GI ,GZHAN DU MA YIN PA DE LTAR RIG PAS NGES PAR BSTAN PAR BYA STE, DE YANG 'DI LTAR MIG GI RNAM PAR SHES PA GANG 'DOD CHAGS LA SOGS PA NYON MONGS PA DANG, NYE BA'I NYON MONGS PA GANG DAG DANG LHAN CIG SKYES SHING 'GAGS PA DE NYID LA DE DAG GI SA BON GYI DNGOS POR BAG CHAGS BSGOS PAR 'GYUR GYI GZHAN LA NI MA YIN NO ZHES BYA BA LA DE LA DE NYID LA ZHES BYA BA NI MIG GI RNAM PAR SHES PA LA'O, ,DE DAG GI ZHES BYA BA NI @134A *, ,'DOD CHAGS LA SOGS PA DAG GI'O, ,SA BON GYI DNGOS POR ZHES BYA BA NI RGYU'I DNGOS POR RO, ,GZHAN LA NI MA YIN ZHES BYA BA NI RNAM BA'I RNAM PAR SHES PA ZHES BYA BA LA SOGS PA LA NI MA YIN NO, ,RNAM PAR SHES PA GZHAN GYIS BAR DU CHOD PA ZHES BYA BA NI RNAM BA'I RNAM PAR SHES PA LA SOGS PAS BAR DU CHOD PA'O, ,BAG CHAGS ZHES BYA BA NI 'DOD CHAGS LA SOGS PA'I BAG CHAGS SO, ,BAG CHAGS KYI GNAS ZHES BYA BA NI MIG GI RNAM PAR SHES PA'O, ,'DOD CHAGS LA SOGS PA DANG BCAS PAR 'BYUNG DU ZHES BYA BA NI 'DOD CHAGS PA DANG BCAS PAR 'BYUNG BA'O; ;DE LTA BAS NA 'DAS PA'I RGYU LAS NI MI RUNG STE, 'DI LTAR 'DAS PA'I DUS LAS RNAM PAR SMIN PA'I 'BRAS BU 'BYUNG BA JI LTAR MI RUNG BAR BZHIN DU DE'I YANG MI RUNG NGO, ,GAL TE BYE BRAG TU SMRA BA 'DAS PA YOD PA NYID DU 'DOD PAS DE'I PHYIR 'DAS PA LAS 'BYUNG NGO ZHE NA, DE DAG GI 'DAS PA ZHES BYA BA NI BRJOD PAS BRJOD PAR BYA BA NYID DU MI 'GRUB PAS DE NAS 'DAS PA ZHES BYA BA 'DI GANG YIN, CHOS GANG RNAM PAR SMIN PA'I 'BRAS BU SKYES PA YOD PA DE NI BAG CHAG MED PAS MA YIN NO, ,MIG GI RNAM PAR SHES PA ZHES BYA BA LA, RE ZHIG MIG GI RNAM PAR SHES PA 'DOD CHAGS LA SOGS PA DANG LHAN CIG 'BYUNG BA DE LA YANG BAG CHAGS MI RUNG STE, MIG GI RNAM PAR SHES PA LAS SKYES PA DE LA BAG CHAGS JI LTAR RIGS, RE ZHIG 'DOD CHAGS LA NI MA YIN TE, 'DOD CHAGS LA MIG GI RNAM PAR SHES PA'I BAG CHAGS NI MI RIGS TE, GANG GI PHYIR 'DOD CHAGS NI MIG GI RNAM PAR SHES PA LA BRTEN PA'I PHYIR DANG, MI BRTEN PA'I PHYIR RO, ,RNAM PAR SHES PA GZHAN DAG LA YANG MA YIN TE ZHES BYA BA NI RNA BA'I RNAM PAR SHES PA LA SOGS PA LA STE, GANG GI PHYIR DE DAG NI GNAS THA DAD PA'I PHYIR DANG, GNAS THA DAD PA NYID YOD NA LHAN CIG 'BYUNG BA DANG 'GAG PA MED PA'I PHYIR RO, ,MIG GI RNAM PAR SHES PA'I GNAS ZHI MIG ,RNA BA'I RNAM PAR SHES PA'I GNAS NI RNAM PA'O, ,DE BZHIN DU YID KYI RNAM PAR SHES PA'I GNAS NI YID CES BYA BA'I BAR DU STE, 'DI LTAR DES NA BSKAL PA'I GNAS NYID YIN PAS GZHAN DAG LA GZHAN DAG GI BAG CHAGS @134B MI RIGS SO, ,RANG GI DNGOS PO LA YANG MA YIN TE ZHES BYA BA LA, MIG GI RNAM PAR SHES PA LA MIG GI RNAM PAR SHES PA'I BAG CHAGS KYANG MA YIN TE, MIG GI RNAM PAR SHES PA GNYIS 'BYUNG BA NI MED DE, GNYIS KYI NGO BO MED PAS NA LHAN CIG 'BYUNG BA DANG 'GAG PA MED PA'I PHYIR RO, ,DE LTA BA SNA MIG GI RNAM PAR SHES PA LA 'DOD CHAGS LA SOGS PA NYON MONGS PA DANG, NYE BA'I NYON MONGS PAS BAG CHAGS BSGOS PAR MI RUNG LA, MIG GI RNAM PAR SHES PA DE LA MIG GI RNAM PAR SHES PA'I BAG CHAGS NYID KYANG MA YIN NO, ,THOG MA NYID DU ZHES BYA BA NI 'DIR DANG POR RO, ,DE YANG SA BON MED PAR SKYE BAR 'GYUR TE ZHES BYA BA NI RGYU MED PAR SKYE BA'O, ,BAG CHAGS DE GNAS DANG BCAS PAR ZHES BYA BA NI SEMS DANG BCAS PA'I NYON MONGS PA'I BAG CHAGS SO, ,NYON MONGS PA'I GNYEN PO'I RNAM PAR SHES PA BYUNG NA DE MA YIN PA GZHAN 'JIG RTEN PA'I RNAM PAR SHES PA THAMS CAD NI 'GAGS NA ZHES BYA BA NI RNAM PAR SHES PA DRUG PO 'GAGS PA NA'O, ,RNAM PAR SHES PA DE NI NYON MONGS PA DANG, NYE BA'I NYON MONGS PA'I SA BON DANG BCAS PAR MI RUNG STE ZHES BYA BA NI GANG GNYEN PO'I RNAM PAR SHES PA'I RGYUN CAN DU 'JIG RTEN PA'I RNAM PAR SHES PA RNAM PAR 'JUG PAR 'GYUR RO, ,DE'I 'OG TU YANG ZHES BYA BA NI DES NA 'JIG RTEN LAS 'DAS PA'I SEMS NYID KYI RTING LA'O, ,BAG CHAGS DE GNAS DANG BCAS TE ZHES BYA BA LA, GNAS DANG BCAS PA STE, RNAM PAR SHES PA DANG BCAS PA'O, ,BAG CHAGS DE ZHES BYA BA NI NYON NYON MONGS PA DANG, NYON MONGS PA'I BAG CHAGS SO, ,SA BON MED PA LAS ZHES BYA BA NI DES NA 'JIG LAS SO, ,SKYE BAR NI 'BYUNG BAR RO, ,'GYUR RO ZHES BYA BA NI KUN GZHI RNAM PAR SHES PA MED PAR YANG NGO, ,DE LA NYON MONGS PA NYID NI KUN NAS NYON MONGS PA NYID DE, NYON MONGS PA'I KUN NAS NYON MONGS PA'O, ,DE LTAR NA 'DIR NYON MONGS PA'I KUN NAS NYON MONGS PA MI RUNG NGO, ,LAS KYI KUN NAS NYON MONGS PA RNAM PA GANG GIS MI RUNG BA DE BSGRUB PAR BYA STE, JI LTAR MI RUNG ZHE NA, 'DU BYED KYI RKYEN GYIS RNAM PAR SHES PA MI RUNG BA'I PHYIR ZHES PA NI BSOD NAMS DANG, BSOD NAMS MA YIN PA DANG, MI G-YO BA'I 'DU BYED 'BYUNG BA DANG, 'GAG PA KUN GZHI RNAM PAR SHE PA @135A *, ,MED NA GANG LA BAG CHAGS 'JOG PAR 'GYUR, JI LTAR NA RNAM PAR SHES PA'I TSOGS DRUG GIS BAG CHAGS MI 'DZIN PA NI SNGAR NYON MONGS PA'I KUN NAS NYON MONGS PA'I KUN NAS NYON MONGS PA BSTAN PAR BSGRUBS ZIN TO, ,DE MED NA ZHES BYA BA NI 'DU BYED KYI RKYEN GYIS RNAM PAR SHES PA MED NA'O, ,LEN PA'I RKYEN GYIS SRED PA YANG MI RUNG STE, GANG GI PHYIR 'DU BYED KYIS YONGS SU BSGOS PA'I RNAM PAR SHES PA LEN PA'I DBANG GIS BAG CHAGS RGYAS PAS SRID PA 'BYUNG BAS SO, ,DE LA LAS NYID KUN NAS NYON MONGS PA NI LAS KYI KUN NAS NYON MONGS PA'AM, LAS LAS KUN NAS NYON MONGS PA NI LAS KYI KUN NAS NYON MONGS PA STE, KUN GZHI RNAM PAR SHES PA MED NA, DE YANG MI RUNG NGO, ,DE'I TSE KUN NAS NYON MONGS PA YANG JI LTAR MI RUNG ZHE NA, DE BSTAN PAR BYA BA'I PHYIR RO, ,NYID MTSAMS SBYOR BA SPREL BA MI RUNG BA'I PHYIR ZHES BYA BA STE, BDAG GI DNGOS PO 'THOB PA YANG MI RIGS PA'O, ,MNYAM PAR MA BZHAG PA'I SA NAS ZHES BYA BA NI 'DOD PA'I KHAMS NAS SO, ,SHI 'PHOS PA'I ZHES BYA BA NI SHI BA'O, ,YID KYI RNAM PAR SHES PA NYON MONGS PA CAN GYIS ZHES BYA BA NI NYON MONGS PA DANG BCAS PA'I YID KYI RNAM PAR SHES PA'O, ,NYID MTSAMS SBYOR ZHING SPREL TE ZHES BYA BA NI BDAG GI DNGOS PO YONGS SU 'DZIN PA'O, ,DE YANG NYON MONGS PA CAN GYI YID KYI RNAM PAR SHES PA SKYE BA'I SRID PA LA DMIGS NAS BAR MDO'I SRID PA 'GAG PAR 'GYUR RO, ,BRGYAL BA DE LA ZHES BYA BA NI YID KYI RNAM PAR SHES PA KHU BA DANG KHRAG DANG LHAN CIG GRUB PA DANG, BDE BA GCIG PAR 'GYUR BA STE, YID KYI RNAM PAR SHES PA BRGYAL BAR GYUR PA DE LA BRTEN NAS YID KYI RNAM PAR SHES PA GZHAN NYID 'JUG PAR 'GYUR RO, ,LHAN CIG TU ZHES BYA BA NI DUS GCIG TU YID KYI RNAM PAR SHES PA BRGYAL BAR GYUR PA DE DANG YID KYI RNAM PAR SHES PA DANG LDAN PAR GYUR PA'O, ,DE CI'I PHYIR ZHE NA, DUS RTAG TU NYON MONGS PA CAN GNAS YIN PA'I PHYIR TE, YID KYI RNAM PAR SHES PA 'DOD CHAGS LA SOGS PA'I NYON MONGS PAS NYON MONGS PA CAN GYI YID KYI GNAS TE, 'BYUNG BA'I SRID PA LA DMIGS PA YID NYON MONGS PA CAN 'DI'I GNAS YIN PAS 'DI NI NYON MONGS PA CAN GYI GNAS SO, ,RNAM PAR SMIN PA LUNG DU MA @135B BSTAN PA'I GNAS SKABS DE NA NYON MONGS PA CAN GYIS GNAS NI MI SRID DO, ,YID KYI RNAM PAR SHES PA'I DMIGS PA LA MI DMIGS ZHES BYA BA NI YID KYI RNAM PAR SHES PA NI DMIGS PA LA NYE BAR GNAS TE, 'DI LTAR STE CHOS SO, ,BRGYAL BAR GYUR PA DE LA NI DMIGS PA MED DE, DE'I PHYIR 'DI NI YID KYI RNAM PAR SHES PA NYID DU MI RUNG NGO, ,NYID MTSAMS SBYOR BA SPREL ZIN PA ZHES BYA BA NI BDAG GI LUS RAB TU THOB PA'O, ,DE NAS GZHAN ZHES BYUNG BA NI KUN GZHI RNAM PAR SHES PA MA YIN PA NI GZHAN PA STE, GZHAN RNAM PAR SHES PA DRUG PO RNAMS NI GNAS SO SOR NGES PA DANG G-YO BA'I PHYIR RO, ,JI LTAR MIG GI RNAM PAR SHES PA GNAS SO SOR NGES PA YIN PA BZHIN DU RNA BA'I RNAM PAR SHES PA LA SOGS PA LHAG MA RNAMS KYI YANG RNA BA LA SOGS PA DBANG PO GZUGS CAN RNAMS NI RTEN YIN NO, ,DES NA GAL TE RNAM PAR SHES PA DE DAG GI RANG RANG GI GNAS BLANGS PAR GYUR LA, RNAM PAR SHES PA DE RNAMS 'GAGS PAR GYUR PA NA THOB PA'I MIG LA SOGS PA RNAMS RUL PAR 'GYUR RO, ,JI LTAR KUN GZHI RNAM PAR SHES PA MA YIN PA'I RNAM PAR SHES PA DANG MING DANG GZUGS MDUNG KHYIM LTAR GCIG LA GCIG BRTEN PA'I TSUL GYIS 'JUG PA GANG YIN PA DE YANG MI RUNG NGO ZHES BYA BA LA, JI LTAR MI RUNG BA BSTAN PAR BYA STE, JI LTAR BCOM LDAN 'DAS KYIS RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS KYANG RNAM PAR SHES PA ZHES GSUNGS PA DE LA, RNAM PAR SHES PA'I RKYEN GYIS MING STE, RNAM PAR SHES PA'I TSOGS SO, ,DE NI GZUGS CAN MA YIN PA'I PHUNG PO BZHI YIN PAR BRJOD DO, , GZUGS NI NUR NUR PO'O, ,MING DANG GZUGS KYI RKYEN GYIS RNAM PAR SHES PA ZHES BYA BA DE LA, KUN GZHI RNAM PAR SHES PA LAS GZHAN GANG YANG MA YIN TE, GANG DE NI MING DANG GZUGS LA BRTEN NAS SKAD CIG MA GCIG NAS GCIG TU BRGYUD PA'I RGYAN MI 'CHAD PAR 'JUG GO, , RNAM PAR SHES PA GZHAN GYI ZAS SU MI RUNG STE ZHES BYA BA DE BSTAN PAR BYA STE, ZAS NI BZHIR BCOM LDAN 'DAS KYIS GSUNGS TE, KHAMS KYI ZAS DANG, REG PA DANG, YID LA SEMS PA DANG, RNAM PAR SHES PA'I'O, ,DE LA KHAM GYI ZAS NI ZHU BAR GYUR PA NA STE, ZHU BAR GYUR PA NA GANG GI @136A *, ,PHYIR RTEN LA PHAN 'DOGS PAR BYED PA'O, ,REG PA'I ZAS NI YUL DANG LDAN PA STE, GZUGS LA SOGS PA'I YUL RNAMS MTHONG BA TZAM NYID KYIS RTEN LA PHAN 'DOGS PA SKYED PA'O, ,YID LA SEMS PA'I ZAS NI BSAM PA DANG LDAN PA NA STE, GANG GI PHYIR BSAM PAS RTEN LA PHAN 'DOGS PA 'BYUNG BA STE, SKOM PAS GDUNGS PA CHU MTHONG BAS MA SHI BA BZHIN NO, ,RNAM PAR SHES PA'I ZAS NI NYE BAR LDEN PA DANG LDAN PA STE, GANG GIS DE BLANGS PA NYID KYIS RTEN GNAS PA STE, DE LAS GZHAN DU NA SHI BA'I RO BZHIN DU RUL PAR 'GYUR RO, ,DE LTA BAS NA RTEN LA PHAN 'DOGS PAR BYED PA'I PHYIR RNAM PAR SHES PA'I ZAS NYID NI KHAS BLANG BAR BYA'O, ,DE LA REG PA'I ZAS NI RNAM PAR SHES PA'I TSOGS DRUG GANG YIN PA'I'O, ,YID LA SEMS PA'I ZAS NI YID KYIS BSAMS PA'I'O, ,GZHAN PA RNAM PAR SHES PA'I ZAS NYID DU BSTAN PA GANG YIN PA NI SEMS MED PA'I GNYID DANG, BRGYAL BA DANG, 'GOG PA LA SNYOMS PAR ZHUGS PA NA RNAM PAR SHES PA DRUG NI 'GAG PAR 'GYUR NA, KUN GZHI RNAM PAR SHES PA MED NA LUS BLANGS PA MI 'DRUL PAR BYED PA GZHAN GANG YIN, DE LTAR MNYAM PAR MA BZHAG PA'I NYID MTSAMS SBYOR BA'I 'BREL PA BSTAN TO, ,MNYAM PAR BZHAG PA'I YANG JI LTAR MI RUNG BA DE BSTAN PAR BYA STE; 'DI NI NYON MONGS PA CAN GYI RNAM PAR SHES PAS NYID MTSAMS SBYOR ZHING SPREL TE, MNYAM PAR BZHAG PA'I SA LA NYON MONGS PA CAN DANG, MNYAM PAR MA BZHAG PAS NYING MTSAMS SBYOR ZHING SPREL TO, ,NYON MONGS PA CAN ZHES BYA BA NI DE'I SA PA'I NYON MONGS PAS NYON MONGS PA CAN TE, DE'I SA PA'I NYON MONGS PA NI TING NGE 'DZIN GYI RO MYANG BA GANG YIN PA'O, ,DE'I NYON MONGS PA CAN GYI SEMS NI MNYAM PAR BZHAG PA'I SA PA NYID KYI DANG, MNYAM PAR MA BZHAG PA'I SEMS SO, ,MNYAM PAR MA BZHAG PA'I SA 'DI NAS SHI 'PHOS PA NA SHI 'PHOS PA'I SEMS GANG YIN PA DE DE'I SA PA DANG PHRAD PAR GANG GIS JI LTAR 'GYUR, DES NA KUN GZHI RNAM PAR SHES PA NGES PAR KHAS BLANG BAR BYA STE, GANG LA THOG MA MED PA NAS SA DE'I SEMS KYI BAG CHAGS YOD DE, BAG CHAGS GANG LAS SEMS DE KUN TU RGYU BA DES NYID MTSAMS SBYOR ZHING SPREL TO, ,GZUGS MED PA'I KHAMS SU SKYES PA ZHES BYA BA NI, GZUGS @136B LAS GROL BA'O, ,NYON MONGS PA CAN GYI SEMS DANG DGE BA'I SEMS ZHES BYA BA NI TING NGE 'DZIN GYI RO MYANG BA NYID DO, ,SA BON MED CING GZHI MED PA ZHES BYA BA NI RGYU MED PA NYID DANG RKYEN MED PA NYID DO, ,DON GZHAN YANG RGYU MED PA'I PHYIR GANG LAS 'BYUNG BAR 'GYUR, GZHI MED NA GANG LA BRTEN TE 'JUG PAR 'GYUR NA SEMS DE NI KUN GZHI RNAM PAR SHES PA LA RNAM PAR SHES PAS YONGS SU GZUNG BA'I RANG GI SA BON LAS 'BYUNG BAR 'GYUR TE, DE LA BRTEN NAS DE NYID KYI RGYUN RAB TU 'JUG PAR 'GYUR RO, ,DE NYID NA 'JIG RTEN LAS 'DAS PA'I SEMS MNGON DU BYED PA'I STE, DE MA YIN PA GZHAN 'JIG RTEN PA'I SEMS MED PAR 'GYUR PAS DE'I 'GRO BA LDOG PA NYID DU 'GYUR RO ZHES BYA BA NI 'BAD PA MED PAR PHUNG PO LHAG MA MED PAR MYA NGAN LAS 'DAS PA THOB PAR 'GYUR BA ZHIG NA, DE YANG KUN GZHI RNAM PAR SHES PA MED NA MA YIN PAS DE LTAR YANG MI 'GRUB BO, ,'DU SHES MED 'DU SHES MED MIN SKYE MCHED DU SKYES PA RNAMS KYANG CI YANG MED PA'I SKYE MCHED PA'I 'JIG RTEN LAS 'DAS PA'I SEMS MNGON DU BYED PA NA, GANG GI PHYIR SEMS DE NI GSAL POR 'JUG PA YIN LA, 'DU SHES MED 'DU SHES MED MIN SKYE MCHED KYI NI MI GSAL BA YIN NO, ,DES NA GSAL BAR 'JUG PA'I SEMS LA GNAS NAS 'JIG RTEN LAS 'DAS PA'I SEMS MNGON DU BYED DE 'JIG RTEN LAS 'DAS PA'I SEMS GCIG PU DE'I GZHIR 'GRO BA GNYIS MI RUNG NGO, ,'JIG RTEN PA'I SA DE DAG NI SA GZHAN DU SKYES PA'I SA GZHAN PA'I SEMS MNGON DU BYED PA 'GRO BA GNYI GA'I RTEN DU MI RIGS LA, PHUNG PO LHAG MA DANG BCAS PA'I MYA NGAN LAS 'DAS PA'I GZHIR YANG SEMS DE NI MI RUNG NGO, ,DE'I PHYIR 'GRO BA GSUM PO DE DAG KYANG GZHI'I NGO BOR MI RIGS PAS KUN GZHI RNAM PAR SHES PA MED NA SEMS DE GANG LA BRTEN PAR 'GYUR, 'JIG RTEN LAS 'DAS PA'I SEMS DE LEGS PAR BYA BA BYED PA'AM, NYES PAR BYA BA BYED PA 'CHI 'PHO BA NA LUS SMAD DAM STOD NAS DROD YAL BAR 'GYUR BA'ANG MI RUNG STE ZHES BYA BA LA DE LEGS PAR BYA BA BYED PA DANG, NYES PAR BYA BA BYED PA'I LUS KYI SMAD DANG STOD NAS DROD YAL BAR 'GYUR TE, 'DI LTAR LEGS PAR BYA BA BYED PA NI SMAD NAS SO, ,NYES PAR BYA BA BYED PA NI STOD NAS SO, ,DE NAS DE DAG KYANG KUN GZHI RNAM @137A *, ,PAR SHES PAS YONGS SU GZUNG BAR MI 'DOD NA, LUS DROD YAL BAR 'GYUR BA DE JI LTAR YIN, KUN GZHI RNAM PAR SHES PA DES GZUNG BAS NI LUS 'DOR BAR BYED PA NA SMAD DAM STOD NAS JI LTAR RIGS PAS DROD YAL BAR 'GYUR RO, ,'DOR BAR 'GYUR RO, ,JI LTAR NA 'JIG RTEN PA'I RNAM PAR BYANG BA YANG MI RUNG ZHE NA, DE BSTAN PAR BYA STE, 'DOD PA'I 'DOD CHAGS DANG BRAL BAR BYA BA'I PHYIR, RAB TU SBYOR BA NA 'DOD PA NA SPYOD PA'I SBYOR BA LAS BYUNG BA'I SEMS DE YANG GZUGS NA SPYOD PA'I SEMS DANG LHAN CIG 'BYUNG BA DANG 'GAG PA MED PA'I PHYIR DES BSGOS PA MED PA GZUGS NA SPYOD PA'I SEMS DE SA BON MED PAR SKYE BA NYID YIN PAR 'GYUR TE, GZUGS NA SPYOD PA'I SEMS 'DAS PA TSE RABS DU MAR SEMS GZHAN GYIS BAR DU BCAD PA DE YANG 'DAS PA'I PHYIR MED PA NYID DE, MNYAM PAR GZHAG PA'I SEMS DE'I SA BON NYID DU MI RUNG NGO, ,DE'I RGYU DE'I RKYEN ZHES BYA BA NI, KUN GZHI RNAM PAR SHES PA LA GNAS PA'I RANG GI SA BON LAS BYUNG BA'O, ,SBYOR BA LAS BYUNG BA'I DGE BA'I SEMS DE NI NUS PA MED PA MA YIN PAS BDAG PO'I RKYEN NI DE'I NUS PA YIN PAS RGYU'I RKYEN NYID NI MA YIN NO, ,DE BAS NA BDAG PO'I RKYEN LAS 'DOD PA NA SPYOD PA'I SEMS DE 'BYUNG NGO, ,DE BZHIN DU 'DOD CHAGS DANG BRAL BA LA SOGS PA LA YANG SBYAR RO, ,JI LTAR 'JIG RTEN LAS 'DAS PA'I RNAM PAR BYANG BA MI RUNG ZHE NA, DE BSTAN PAR BYA STE, DE NI GZHAN GYI SGRA LA BRTEN PA DANG, SO SO RANG GI TSUL BZHIN YID LA BYED PA ZHES BYA BA NI, SGRA DANG MTSUNGS PAR LDAN PA'AM, YID LA BYED PA'O, ,YID KYI RNAM PAR SHES PA YANG DE LAS GZHAN PA'I RNAM PAR SHES PA RNAM PAR G-YENG BAS BAR DU CHOD LA ZHES BYA BA NI YANG DAG PA'I LTA BA DANG MTSUNGS PAR LDAN PA'I 'JIG RTEN LAS 'DAS PA'I SEMS RNAM PAR NYAMS PA ZHES BYA BA'I DON TO, ,GANG GI TSE TSUL BZHIN YID LA BYED PA DANG MTSUNGS PA'I SEMS BYUNG BA DE'I TSE, YID KYI RNAM PAR SHES PA THOB PA'I BAG CHAGS BSGOS PA DES NI BAG CHAGS DANG BCAS TE 'GAGS SHING 'DAS NAS YUN RING DU LON TE ZHES BYA BA LA YID KYI RNAM PAR SHES PA THOS PAS BSGOS PA DE BAG CHAGS DANG BCAS PAR DUS RING DU SHIN TU 'GAGS SHING SHIN TU 'DAS PAS YOD PA MA YIN NA PHYIS DE'I RGYU CAN DAG YANG GANG @137B LAS 'BYUNG BAR 'GYUR, TSUL BZHIN YID LA BYED PA DANG MTSUNGS PAR LDAN PA'I SEMS DE LA THOS PA'I BAG CHAGS KYIS NI DE'I SA BON YONGS SU 'DZIN PAR MI RIGS ZHES BYA BA LA, DE LA ZHES BYA BA NI 'JIG RTEN PA'I YID KYI RNAM PAR SHES PA LA'O, ,THOS PA'I BAG CHAGS ZHES BYA BA NI GZHAN GYI SGRA LA BRTEN NAS THOS PA'I BAG CHAGS YID KYI RNAM PAR SHES PAS BRTAGS PA'O, ,DE'I SA BON YONGS SU 'DZIN PAR MI RIGS ZHES BYA BA NI 'JIG RTEN LAS 'DAS PA'I RNAM PAR BYANG BA'I SA BON YONGS SU 'DZIN PAR MI RIGS PA DES NA DE DE LAS SKYE BAR MI RUNG NGO, ,YANG JI LTAR SA BON THAMS CAD SMIN PA'I RNAM PAR SHES PA NI KUN NAS NYON MONGS PA'I RGYU YIN NA, DE'I GNYEN PO 'JIG RTEN LAS 'DAS PA'I SEMS KYI SA BON DU JI LTAR RUNG ZHES BYA BA LA RNAM PAR SMIN PA'I RNAM PAR SHES PA DE NYID MI MTHUN PA'I PHYOGS KYI RGYUR GYUR PA YIN NA GNYEN PO'I PHYOGS KYI RGYU NYID DU YANG MI RUNG NGO, 'JIG RTEN LAS 'DAS PA'I SEMS NI MA 'DRES PA STE ZHES BYA BA DANG, DE NI SNGAR MA SKYES PAS DE'I GANG DE'I BAG CHAGS NI MED PA NYID DO ZHES BYA BA LA, 'JIG RTEN LAS 'DAS PA'I SEMS DE'I BAG CHAGS NI MED PA NYID DU THE TSOM MED DO, ,CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS KYI SA BON LAS DE 'BYUNG NGO ZHES BYA BA LA NYAN THOS LA SOGS PA LAS BYE BRAG TU BYAS PA NI, ,CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS SO, ,GANG GI PHYIR CHOS KYI DBYINGS SHIN TU RNAM PAR DAG PA NI NYON MONGS PA DANG SHES BYA'I SGRIB PA RAB TU SPANG PA'O, ,CHOS KYI DBYINGS SHIN TU RNAM PAR NGAG PA GANG YIN PA DE'I RGYU MTHUN PA NI BSTAN PA'I CHOS TE MDO SDE LA SOGS PA'O, ,CHOS KYI DBYINGS KYI RGYU MTHUN PA MDOS DE LA SOGS PA THOS PA NI CHOS KYI DBYINGS RGYU MTHUN PA THOS PA'O, ,DE THOS PA'I BAG CHAGS NI CHOS KYI DBYINGS KYI RGYU MTHUN PA THOS PA'I BAG CHAGS SO, ,YANG NA THOS PA NYID KYI BAG CHAGS NI THOS PA'I BAG CHAGS TE, DE'I BAG CHAGS GANG KUN GZHI RNAM PAR SHES PA LA GNAS PA DE'I RGYU CAN DE LAS 'JIG RTEN LAS 'DAS PA'I SEMS 'BYUNG BAR 'GYUR RO, ,THOS PA'I BAG CHAGS GANG YIN PA DE LTAR KUN @138A *, ,GZHI RNAM PAR SHES PA'I NGO BO NYID YIN NAM, 'ON TE MA YIN TE, DE CIR 'GYUR, KUN GZHI RNAM PAR SHES PA'I NGO BO NYID YIN NO, DE JI LTAR KUN GZHI LTAR KUN GZHI RNAM PAR SHES PA DE'I GNYEN PO'I SA BON NYID DU 'GYUR, 'ON TE DE'I NGO BO MA YIN NO, ,THOS PA'I BAG CHAGS KYI SA BON DE'I GZHI GZHAN YIN PAR 'GYUR RO, ,SANGS RGYAS RNAMS KYI BYANG CHUB LA BRTEN NAS THOS PA'I BAG CHAGS 'JUG PAR 'GYUR ZHES BYA BA NI CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS DE NYID DO BRTEN NAS ZHES BYA BA NI GANG GI RGUD LAS 'JUG PA STE, DE YANG LHAN CIG 'DUG PA'I TSUL GYIS CHU DANG 'O MA BZHIN DU NGO BO GCIG PAR 'JUG PAR 'GYUR NA YANG DE DE'I NGO BO MA YIN PA NYID DE, KUN GZHI RNAM PAR SHES PA MA YIN NO, ,DE'I PHYIR KUN GZHI RNAM PAR SHES PA'I GNYEN PO YIN NO, ,DE LA CHUNG NGU DANG 'BRING DANG CHEN PO'I THOS PA LAS BYUNG BA DANG, BSAM PA LAS BYUNG BA DANG; BSGOMS PA LAS BYUNG BA YANG BLTA BAR BYA BA YIN PAS RE RE ZHING RNAM PA GSUM PA NYID DU 'GYUR RO, ,DON GZHAN YANG THOS PA LAS BYUNG BA NI CHUNG NGU'O, ,BSAM PA LAS BYUNG BA NI 'BRING NGO, ,BSGOMS PA LAS BYUNG BA NI CHEN PO'O, ,THOS PA DANG, CHEN PO'I THOS PA LAS BYUNG BA DANBSAM PA DANG, BSGOMS P LAN MANG DU BYA BA DANG LDAN PA'I PHYIR ZHES BYA BA NI THOS PA LA SOGS PA LHAG PAR BYED PA STE, DE YANG CHUNG NGUN GYI RGYU LAS 'BRING DANG, 'BRING LAS CHEN PO'O, ,NYON MONGS PA'I KUN NAS DKRIS PA'I GNYEN PO ZHES BYA BA NI 'DOD CHAGS LA SOGS PA LHAG PAR 'JUG PA'I GNYEN PO'O, ,GANG GIS DE SPONG BA DE NI NGAN 'GRO'I GNYEN NGO YIN NO, ,GANG LA RNAM GRANGS GZHAN LA MYONG BAR 'GYUR BA'I LAS GANG GIS NGAN SONG DU SKYE BAR 'GYUR BA DE YANG, NGES PAR 'GYUR BA'I RGYU YIN NO, ,MDOR BSDU NA 'DAS PA DANG, MA 'ONGS PA DANG, DA LTAR BYUNG BA'I NYES PAR SPYOD PA THAMS CAD KYI GNYEN PO'O, ,MA 'ONGS PA NA DGE BA'I BSHES GNYEN DANG BDAG PHRAD PA THOB PA'I RGYU NYID KYANG YIN NO, ,BYANG CHUB SEMS DPA' LAS DANG PO PA RNAMS KYI 'JIG RTEN PA YIN YANG CHOS KYI SKUR BSDUS PA YIN PAR BLTA BAR BYA ZHES BYA BA LA, LAS DANG PO BZHES BYA BA NI SO SO'I SKYE BO RNAMS SO, ,CHOS KYI SKUR BSDUS PA ZHES BYA BA NI DE'I RGYUR GYUR PA'O, ,RNAM PAR GROL BA'I @138B LUS SU BSDUS PA ZHES BYA BA LA, RNAM PAR GROL BA'I LUS DE'I RGYUR GYUR PA NI NYAN THOS RNAMS RNAM PAR GROL BA'I RGYUR GYUR BA STE, GANG LAS DE 'BA' ZHIG PA'I RNAM PAR GROL BAR 'GYUR GYI CHOS KYI SKU NI MI THOB BO, ,JI LTAR KUN GZHI RNAM PAR SHES PAS RIG PAR BYED KYI RNAM PAR SMIN PA'I RNAM PAR SHES PAS NI MA YIN TE, 'GOG PA LA SNYOMS PAR ZHUGS PA'I KUN GZHI RNAM PAR SHES PA NI MA YIN NO, ,RNAM PAR SHES PA DANG MI 'BREL PA'I ZHES GSUNGS PAS ZHES BYA BA NI KUN GZHI RNAM PAR SHES PA YOD PA NYID DU GRUB BO, ,GANG BCOM LDAN 'DAS KYIS 'DI'I RNAM PAR SHES PA LUS LAS 'DAS PA MA YIN NO ZHES GSUNGS PA DE NI RNAM PAR SMIN PA'I RNAM PAR SHES PA MA YIN PA GZHAN LA MI RUNG NGO, ,GANG GI PHYIR 'GOG PA LA SNYOMS PAR ZHUGS PA NA 'JUG PA'I RNAM PAR SHES PA'I GNYEN PO SKYES PA NA DE NI ZHI BA NYID MTHONG NGO, ,YANG GAL TE RTOG PA SKYES PA NA DE YANG 'BYUNG BAS DE LAS DGONGS NAS MA 'DAS PA'O ZHES GSUNGS PA YIN NO ZHES ZER NA, DE NI MI RUNG STE GANG GI PHYIR DE DAG NI DE LAS LANGS PA NA YANG 'BYUNG BAR 'GYUR TE, RNAM PAR SMIN PA'I RNAM PAR SHES PA 'GAGS PAS NYID MTSAMS SBYOR ZHING SPREL BA DE GANG GI PHYIR MED NA 'BYUNG BA'I SRID PA MNGON PAR 'GRUB PA YANG YOD PA MI 'GYUR RO, GANG YANG 'GOG PA'I SNYOMS PAR 'JUG PA LA YID KYI RNAM PAR SHES PA YOD PAS SEMS DANG BCAS PA'O SNYAM DU SEMS PA DE LTAR NA YANG SEMS NI MI RUNG STE, SNYOMS PAR 'JUG PAR MI RUNG BA'I PHYIR KUN GZHI RNAM PAR SHES PA RANG GI MTSAN NYID JI SKAD BSTAN PA POR NAS 'JUG PA'I RNAM PAR SHES PA'I BYE BRAG LA 'GOG PA'I SNYOMS PAR 'JUG PA SEMS DANG BCAS PA NYID DU 'DOD PA DE NI MI RUNG NGO, ,CI'I PHYIR ZHE NA, SNYOMS PAR 'JUG PA MI RIGS TE, DE LA YOD PA DANG BRAL BAR MTHONG BA'I PHYIR DE LAS GZHAN PA'I SEMS YIN NO, ,'DU SHES DANG TSOL BA DAG NI 'DIR 'GOG PA YIN TE, DE DANG DE NI 'GOG PA'I YOD PAS DE DANG DE 'GOG PAS RAB TU BSGOS PA DE LA SNYOMS PAR 'JUG PA MI RIGS PAR 'GYUR RO, ,KUN GZHI RNAM PAR SHES PA YOD PAR KHAS LEN NA NI SKYON DE MED DE, DE LA GNAS PAR 'DOD PA'I DE DANG MI MTHUN PA DE LAS GZHAN @139A *, ,PA'I SEMS DANG SEMS LAS BYUNG BA DE'I GNYEN PO 'BYUNG GI RNAM PAR GSAL BAR BSTAN PA NI KUN GZHI RNAM PAR SHES PA MA YIN NO, ,DES NA DE LAS GZHAN PA LA NI SEMS DE MI 'BYUNG NGO, ,CI'I PHYIR ZHE NA, DMIGS PA DANG RNAM PA MI DMIGS PA'I PHYIR TE, SEMS DANG SEMS LAS BYUNG BA'I RGYUN NI DMIGS PA DANG RNAM PAR SHES PA MED PA MA YIN NO, ,SNYOMS PAR 'JUG PA'I SEMS KYANG DMIGS PA DANG RNAM PA MED PA'I NGO BOR MI 'GYUR BA ZHIG NA DE DAG GNYI GA LA YANG MI DMIGS SO, ,KUN GZHI RNAM PAR SHES PA YOD PAR 'DOD PA LAS NI RKYEN 'DI DAG YOD PAR MI 'GYUR TE, DE'I RTEN NYE BAR GZUNG BAS RAB TU PHYE BA'I PHYIR RO, ,DE LA 'JUG PA'I RNAM PAR SHES PA DGE BA LA SOGS PA'I BYE BRAG YOD NA RNAM PAR SHES PA DE LA DGE BA DANG MI DGE BA DANG LUNG DU MA BSTAN PA NYID DU 'GYUR NA RE ZHIG DGE BA NI MA YIN TE, DGE BA'I RTZA BA DANG MTSUNGS PAR LDAN PAR THAL BAR 'GYUR BAS DE NI 'GAL LO NGO BO NYID KYIS KYANG MA YIN NO, ,RNAM PAR SHES PA DE NI DGE BA DANG MI DGE BA'I MTSUNGS PAR LDAN PA DANG MA BRAL BAR YANG 'GYUR RO, ,SNYAM PAR 'JUG PA'I SEMS DGE BA NYID YIN PAS MA CHAGS PA LA SOGS PA'I DGE BA'I RTZA BA DANG MTSUNGS PAR LDAN PA MI 'DOD PA'I YANG THOB PAR 'GYUR NA, 'DI LTAR NI MI 'DOD DE, DGE BA'I SEMS KYI KHYAD PAR GZHAN LA YANG THAMS CAD DU DE THAL BAR 'GYUR BA'I PHYIR RO, ,MI DGE BA DANG LUNG DU MA BSTAN PA LA YANG MED PAS MI DGE BA DANG LUNG DU MA BSTAN PA LA YANG MI RIGS TE, 'DOD CHAGS DANG BRAL BA'I DUS NYID NA MI DGE BA'I RTZA BA THAMS CAD SPANGS PAS DES NA MI DGE BA MA YIN NO, ,SNYOMS PAR 'JUG PA NI DGE BA YIN PA'I PHYIR LUNG DU MA BSTAN PA YIN NO, ,'DI'I PHYIR YANG DE DGE BA MA YIN TE, 'DU SHES DANG TSOR BA KUN TU SPYOD PAR THAL BAR 'GYUR TE, DGE BA'I RTZA BA MED PAR DGE BA NYID NI MED PA'I PHYIR RO, ,DGE BA'I RTZA BA LA KUN TU SPYOD PA BZHIN DU 'DU SHES DANG TSOR BA LA SPYOD PAR YANG 'GYUR TE, RGYU LA KHYAD PAR MED PA'I PHYIR RO, ,DES NA 'DI LTAR RIGS TE, MI MTHUN PA'I PHYOGS KUN TU SPYOD PA NA GNYEN PO'I PHYOGS MED PA NYID DO, ,'DOD CHAGS LA SOGS PA MNGON @139B DU SPYOD PA NA MI SDUG PA LA SOGS PA MED PA BZHIN NO, ,DE LTAR DE LAS SEMS GZHAN YOD PA MA YIN NO, ,'DI LTAR YANG DE NI KUN GZHI RNAM PAR SHES PA MA YIN PA SEMS GZHAN YOD NA, REG PA DMIGS PAR THAL BAR 'GYUR ZHING, DGE BA KUN TU SPYOD PAR YANG 'GYUR TE, MNYAM PAR GZHAG PA'I GNAS SKABS GZHAN BZHIN DU ZHES BYA BA NI LHAG MA'O, ,DE'I PHYIR MNYAM PAR GZHAG PA NA 'JUG PA'I RNAM PAR SHES PA'I KHYAD PAR YOD NA, DES NA DE NI TING NGE 'DZIN LAS SKYES PA'I SHIN TU SBYANGS PA'I PHYIR MTSAN NYID CAN GYI TSOR BA BDE BA'AM, TSOR BA SDUG BSNGAL BA'I REG PA 'DOR BAR MI 'GYUR RO, ,DES NA RKYEN DE DAG LAS BDE BA DANG, BDE BA YANG MA YIN SDUG BSNGAL BA YANG MA YIN PA TSOR BA DAG TU 'GYUR RO, ,DE CI'I PHYIR ZHE NA, DE'I MTHUS MNYAM PAR GZHAG PAR 'GYUR PA STE, MNYAM PAR GZHAG PA'I KHYAD PAR GZHAN DAG LA YANG TSOR BA DE DAG 'BYUNG BA'I MTHU YOD PA MTHONG BA DE BZHIN DU 'DIR YANG NYID MTSAMS SBYOR BA'I RGYU'I NGO BO REG PA'I RKYEN GYIS TSOR BA 'BYUNG BA 'GYUR NA, DE NI RIGS PA NYID DE, 'DU SHES RGYUN CHD PA TZAM DU 'GYUR TE, REG PA'I STOR BA KHAS LEN PAS DE LA NI 'DU SHES RGYUN CHAD PA TZAM DU 'GYUR NA, DE LTAR MI 'DOD DE, GNYI GA YANG RGYUN CHAD PAR GSUNGS PAS DE'I PHYIR THEG PA NI MI RUNG NGO, ,RNAM PAR SHES PA GZHAN DANG DE DANG LHAN CIG MTSUNGS PAR LDAN PA'I REG PA YOD NA SEMS DANG DAD PA LA SOGS PA'I DGE BA'I RTZA BA KUN DU 'BYUNG BAR 'GYUR BAR PHYIR NA RNAM PAR SHES PA DANG MTSUNGS PAR LDAN PA'I REG PA 'BYUNG BAS DE DANG LHAN CIG SKYES PA'I SEMS PA YANG YOD DE ZHES GSUNGS PAS SEMS PA YANG 'BYUNG BAR 'GYUR BA NYID DO, ,DE 'BYUNG BAR 'GYUR BA YOD NA DGE BA'I SEMS MNGON PAR 'DU BYED PA NYID YIN PA'I PHYIR DAD PA LA SOGS PA DGE BA'I RTZA BA KUN TU SPYOD PA YANG 'BYUNG BAR 'GYUR BA ZHIG NA DE LTAR NI MI 'DOD DO, ,GAL TE JI SKAD BSTAN PA'I SKYON RNAMS SPANG BAR BYA BA'I PHYIR DANG, 'GAL BA SPANG BAR BYA BA DANG, DES SUN DBYUNG BA'I PHYIR SEMS LAS BYUNG BA'I PHYIR SEMS LAS BYUNG BA BZHAG NAS SEMS TZAM KHAS LEN PAR BYED NA DE YANG MI RUNG STE, RTEN LAS BRTEN PA DBYER MI RUNG BA'I PHYIR TE, RTEN NI SEMS TZAM MO, ,BRTEN PA NA SEMS LAS BYUNG @140A *, ,BA STE; RTEN DANG BRTEN PA SEMS LAS BYUNG BA DAG 'KHOR BA THOG MA MED PA NAS PHAN TSUN MED PA MA YIN PAS DUS THAMS CAD DU DE BZHIN DU 'JUG PA NA RTEN DANG BRTEN PA DAG 'BAD PA DANG LDAN PAS KYANG DBYER MI NUS TE, CI'I PHYIR ZHE NA, DPE YOD PA'I PHYIR TE, GANG DUS THAMS CAD DU LHAN CIG 'JUG PA'I RTEN PA DE NI RTEN LAS DBYER RUNG BAR YOD PA MA YIN TE, SKYE BA DANG 'JUG PA LA SOGS PA LA PHAN TSUN MED NA MA YIN PA'I PHYIR 'BYUNG BA LAS GYUR PA BZHIN NO, ,DE BZHIN DU SEMS TZAM LAS SEMS LAS BYUNG BA YANG DBYER MI RUNG BA'I PHYIR MI RIGS SO, ,GZHAN YANG RTEN LAS BRTEN PA DBYE BAR RIGS PA MA YIN TE, 'DU SHES DANG TSOR BA DAG NI DE'I MI MTHUN PAR 'GYUR BAS RNAM PAR SUN DBYUNG BA'I PHYIR KUN TU SPYOD PA MED LA DE LAS GZHAN PA DAG KYANG MA YIN TE, MI RIGS PA'I PHYIR RO, ,RGYU GANG GIS SHE NA, KUN TU 'GRO BA NYID YIN PA LAS DE BZHIN DU MED PA'I PHYIR TE, DE LAS GZHAN PA DAG KYANG RNAM PA DE NYID KYIS GZHAN PA DE LA BYE BRAG GI RGYU MED PA'I PHYIR KUN TU SPYOD PA MED PAR 'GYUR BA ZHIG NA, DE LTAR NA MI 'DOD DE, MTHONG BA DANG 'GAL BA'I PHYIR RO, ,SEMS DANG BCAS PA'I SNYOMS PAR 'JUG PA BRTAG PA RDZOGS SO,, ,,DA NI GANG YANG PHYOGS GNYIS DE'I DON BRJOD PAR BYA STE, GANG YANG GANG DAG 'GOG PA'I SNYOMS PAR 'JUG PA NI YID KYI RNAM PAR SHES PAS SEMS DANG BCAS PA NYID YIN GYI, KUN GZHI RNAM PAR SHES PAS NI MA YIN NO SNYAM DU SEMS SO, ,YANG DE DAG GI SEMS NI DGE BA DANG MI DGE BA DANG LUNG DU MA BSTAN PAR MI 'THAD PA'I PHYIR ZHES BYA BA LA, DE NI DGE BA NYID YIN PAS NA RE ZHIG MI DGE BA MED PA NYID DO, ,LUNG DU MA BSTAN PA SPYOD LAM DANG LDAN PA DANG, BZO'I GNAS DANG, SPRUL PA DANG LDAN PA GANG YIN PA DE LA YANG SPRUL PA DANG MED PA PO NYID DO, ,'ON TE RNAM PAR SMIN PA LUNG DU MA BSTAN PA YIN NI DE NI KUN GZHI RNAM PAR SHES PA NYID YIN TE, LUNG DU MA BSTAN PA LNGA NI MED DO, ,GAL TE SEMS DE DGE BA YIN NA NI DE LA MA CHAGS PA LA SOGS PA'I DGE BA'I RTZA BA DANG MTSUNGS PAR LDAN PAR 'GYUR TE, DE LTA BU NI SEMS MED PA YIN NA NYON MONGS PA CAN GYI YID GNAS GYUR PAS DGE BAR GYUR BA'I @140B GNAS SKABS DGE BA'I SEMS DE LA BRTEN CING DMIGS NAS GSUM 'DUS PA'I REG PA JI LTAR 'BYUNG BAR MI 'GYUR, REG PA YOD PAR GYUR NA DE LTAR NA YANG 'GOG PA'I SNYOMS PAR 'JUG PA MED PA NYID DU 'GYUR TE, DE SEMS DANG SEMS LAS BYUNG BA MA 'GAGS PA'I PHYIR RO, ,YANG LA LA DAG DGE BA'I SEMS KYIS BDE BA SKYED PAS DGE BA STE, SNYOMS PAR 'JUG PA 'DREN PAR BYED PA'I SEMS KYI SBYOR BA'I SHUGS KYIS DGE BA YIN NA YANG BAG CHAGS LA SOGS PA DANG LHAN CIG MTSUNGS PAR LDAN PAS NI MA YIN TE, NUS PA 'DUS PA NI 'DUS PA ZHES BYA BA NAS SO, ,DES NA DE NI DGE BA YIN YANG SKYED PAR BYED PA GSUM 'DUS PA'I MTHU STE, RGYU MTHUN PA'I 'BRAS BU 'BYUNG BA BZHIN NO ZHES RTOGS NA, DE CI YANG GANG DANG GANG SBYOR BA'I SEMS DGE BA YIN PA DE NI DGE BA'I RTZA BA DANG MTSUNGS PAR LDAN PA YIN LA, DES 'PHANGS PA YANG MA CHAGS PA LA SOGS PA'I DGE BA'I RTZA BA DANG MTSUNGS PAR LDAN PAR 'GYUR TE, DE BAS NA SNYOMS PAR 'JUG PA'I SBYOR BA'AM, SNYOMS PAR 'JUG PA DE DAG DANG 'GAL BAR GNAS PA'I BAG CHAGS LA SOGS PA RNAMS GANG GI PHYIR MI 'JUG LA DGE BA NI YANG 'JUG GO ZHES ZER NA, GANG DE LTA BU NI SUS KYANG MI 'DOD DE, RGYU MTHUN PA'I 'BRAS BU YANG GANG GI PHYIR KUN TU SBYOR BA DANG BCAS PA'I CHOS RNAMS NI KUN TU SBYOR BA DANG BCAS PA NYID DU 'GYUR, RNAM PAR SHES PA DANG BCAS PA YANG KUN GZHI RNAM PAR SHES PA DANG LHAN CIG GI DNGOS PO NYID DU GYUR PA NA, JI LTAR KUN GZHI RNAM PAR SHES PA NI MED CING, KUN GZHI RNAM PAR SHES PA MA YIN PA NI DE BZHIN DU GNAS PA NYID DU 'GYUR TE, DE YANG 'O MA DANG CHU MNYAM PAR BSRES PA BZHIN NO ZHES BYA BAS DPES BSTAN TO, ,YANG JI LTAR 'JIG RTEN PA'I 'DOD CHAGS DANG BRAL BA'I KUN GZHI RNAM PAR SHES PA GCIG LA MNYAM PAR BZHAG PA'I SA PA'I NYON MONGS PA'I BAG CHAGS SPANGS PA DANG, MNYAM PAR BZHAG PA'I SA PA'I DGE BA'I BAG CHAGS RGYAS PAR RTEN GNAS GYUR 'GYUR RO, ,DE BZHIN DU 'DI LA YANG BLTA BAR BYA STE, 'GOG PA LA SNYOMS PAR ZHUGS PA DE YANG RNAM PAR SHES PA MED PA MA YIN NO ZHES GSUNGS PA DES NI KUN GZHI RNAM PAR SHES PA DE YOD PA NYID DU BSGRUBS SO,, ,,BAM PO GSUM PA, GANG BCOM LDAN 'DAS @141A *, ,KYIS 'DI'I RNAM PAR SHES PA LUS LAS MA 'DAS SO ZHES GSUNGS PA DE RNAM PAR SMIN PA'I RNAM PAR SHES PA MA YIN PA GZHAN LA MI 'THAD DE, GANG GI PHYIR 'GOG PA'I SNYOMS PAR 'JUG PA LA 'JUG PA'I RNAM PAR SHES PA SPANGS PAS MI 'BYUNG STE, DE NI ZHI BAR MTHONG BAS SO, ,YANG GANG LA LA LANGS PA NA DE YANG 'BYUNG BAR 'GYUR BAS DE'I PHYIR DE LAS DGONGS NAS MA 'DAS PA YIN NO ZHES GSUNGS PA YIN NO ZHES RTOGS NA, DE NI MI RIGS TE, DE DAG GI LTAR NA RNAM PAR SMIN PA'I RNAM PAR SHES PA'I NYID MTSAMS SBYOR ZHING SPREL BA GANG RGYUN CHAD CING MED NA, MNGON PAR 'GRUB PA RIGS PAR MI 'GYUR BAS LANGS PA NA YANG 'BYUNG BAR 'GYUR BA YOD PA MA YIN NO, ,GANG YANG KUN GZHI RNAM PAR SHES PA MA YIN PAR YID KYI RNAM PAR SHES PA DANG BCAS PAS 'GOG PA'I SNYOMS PAR 'JUG PA SEMS DANG BCAS PA NYID YIN NO SNYAM DU SEMS PAS DE BAS NA DE LTAR MI 'THAD DO, ,'DI LTAR NA YANG MI 'THAD DE, GANG BCOM LDAN 'DAS KYIS LUS KYI 'DU BYED 'GAG PAR 'GYUR ZHING, YID KYI 'DU BYED NI DBUGS 'BYUNG BAR DANG RDUB PA'O, ,NGAG GI 'DU BYED NI RNAM PAR RTOG PA DANG RNAM PAR DPYOD PA'O, ,YID KYI 'DU BYED NI SEMS PA DANG 'DU SHES SO ZHES GSUNGS PA DE LA, JI LTAR RNAM PAR RTOG PA DANG RNAM PAR DPYOD PA 'GAG PAR GYUR NA NGAG 'JUG PAR MI 'GYUR LA, DE BZHIN DU YID KYI 'DU BYED 'GAG PAR GYUR NA YID 'JUG PAR 'BYUNG BAR MI 'GYUR RO, ,GAL TE JI LTAR SNYOMS PAR 'JUG PA'I DUS NA LUS KYI 'DU BYED 'GAGS NA YANG LUS GNAS PAR 'GYUR LA, DE BZHIN DU YID KYI 'DU BYED 'GAGS PAR GYUR KYANG YID GNAS PAR 'GYUR RO ZHES 'DOD NA, DE LTAR BU DE YANG MI 'THAD DE, GANG LUS GNAS PA NI RGYU RNAM PA GZHAN GYIS KYANG YIN TE, LUS KYI 'DU BYED PA BCOM LDAN 'DAS KYIS GSUNGS PA 'DI LTA STE, ZAS DANG, SROG GI DBANG PO DANG RNAM PAR SHES PA STE, GANG DBUGS RDUB PA DANG 'BYUNG BA MED NA YANG GNAS PAR 'GYUR BA NYID DO, ,YID LA NI 'DU BYED PA NYID GZHAN MED PAS YID KYI RNAM PAR SHES PA GANG RNAM PAR GNAS PA DE MED NA, SEMS MED PA'I GNAS SKABS NYID 'THOB PAR 'GYUR RO, ,RNAM PAR SMIN @141B PA'I RNAM PAR SHES PA NYID LA BCOM LDAN 'DAS KYIS RNAM PAR SHES PA'I SGRAR GSUNGS PA 'DOD PAS, DES NA YANG LANGS PA NA SA BON THAMS CAD LA LAS 'JUG PA'I RNAM PAR SHES PA 'BYUNG BAR 'GYUR RO ZHES 'DOD DO, ,GANG YANG GZUGS DANG SEMS KYI MJUG THOGS SU 'BYUNG BA CHOS RNAMS KYI SA BON DU RTOG PA ZHES BYA BA LA, GZUGS KYI SKAD CIG SNGA MA NI GZUGS KYI SKAD CIG PHYI MA'I RGYU NYID RNAM PAR SHES PA'I SA BON NYID RNAM PAR SHES PA'O, ,DE LA GZUGS MED PA NAS SHI 'PHOS PA'I GZUGS NA'I 'GAGS NAS RING DU LON PAR GYUR NA YANG 'BYUNG BA'I RGYUR GZUGS JI LTAR 'GYUR, 'DU SHES MED PA NAS SHI 'PHOS PA DANG, 'GOG PA'I SNYOMS PAR 'JUG PA LAS LANGS PA'I TSE YANG DE'I SEMS NI 'GAGS NAS RING DU LON PAR GYUR NA SEMS 'BYUNG BA DE'I RGYU NYID DU SEMS DE JI LTAR 'GYUR, DE LTA YIN NA DGRA BCOM PA'I PHUNG PO LHAG MA MED PA'I MYA NGAN LAS 'DAS PA YANG MI 'THAD DE, RGYU GZUGS DANG SEMS DAG ZAD PA MED PA'I PHYIR RO, ,GANG 'DAS PA DE MA THAG PA'I RKYEN NYID KYI DANG PO'I GZUGS KYI SKAD CIG LAS NI GZUGS, RNAM PAR SHES PA LAS NI RNAM PAR SHES PA 'BYUNG BAR BLTA BAR BYA'I RGYU'I RKYEN LAS NI MA YIN NO, , DE LTAR NA KUN GZHI RNAM PAR SHES PA YOD PA NYID DU 'GRUB BO, ,JI LTAR NA 'JUG PA'I RNAM PAR SHES PA LA GNAS PA TZAM GYIS RTEN GNAS PAR GYUR PAR MI RIGS PA DE TSIGS SU BCAD PA GSUM GYIS BSTAN TE, BYANG CHUB SEMS DPA' BZANG PO'I SEMS ZHES BYA BA NI YID KYI RNAM PAR SHES PA GNYEN PO DGE BA DANG MTSUNGS PAR LDAN PA STE, 'JIG RTEN LAS 'DAS PA ZHES BYA BA'I DON TO, ,RNAM PAR SHES PA LNGA SPANGS PA ZHES BYA BA NI MIG GI RNAM PAR SHES PA LA SOGS PA RNAM PA LNGA SPANGS PA'O, ,BSAL BA DE LAS GZHAN PA LA ZHES BYA BA NI KUN NAS NYON MONGS PA CAN GYI YID KYI RNAM PAR SHES PA GZHAN PA LA STE, DGE BA ZAG PA DANG BCAS PAS MI DGE BA ZAG PA DANG BCAS PA YONGS SU SPANG BA'I DON DU BZANG PO ZHES SMOS BZHIN DU YANG DE LAS GZHAN PA LA ZHES SMOS SO, ,SEMS NI JI LTAR 'GYUR BAR BYED CES BYA BA NI KUN NAS NYON MONGS PA THAMS CAD @142A *, ,KYI SA BON CAN KUN GZHI RNAM PAR SHES PA SA BON MED PAR BYED CES BYA BA'I THA TSIG GO, ,GNYEN PO GYUR PA YIN ZHES BYA BA LA, GNYEN PO YONGS SU GYUR PA YIN NO, ,SPANGS PA MIN PHYIR MI RUNG NGO STE, KUN NAS NYON MONGS PA SPANGS PA LAS 'GYUR GYI, 'DI LTAR GNYEN PO NI SPANGS PA MA YIN PA DE'I PHYIR DE NI SPANGS PA'I RGYU YIN NA YANG 'DI LTAR 'GYUR TE, DE LTA YIN NA YANG RGYU 'BRAS THA DAD MED PAR 'GYUR PA'I SKYON DU THAL BAR 'GYUR TE, SPANGS PA ZHES BYA BA NI MYA NGAN LAS 'DAS PA STE, 'BRAS BU DANG GNYEN PO ZHES BYA BA NI LAM DAG STE, 'BRAS BU DANG GNYEN PO NI SPANGS PA YIN ZHES BYA BA 'DIR GCIG PA NYID DU 'GYUR BAS GNYEN PO SKYES PA TZAM GYIS MYA NGAN LAS 'DAS PA NYID DU 'GYUR RO, ,GAL TE SA BON BRAL BA'AM, ,DNGOS PO MED PAR 'GYUR 'DOD NA, ,ZHES BYA BA LA, 'JUG PA'I RNAM PAR SHES PA RNAMS SA BON MED PAR BYAS PA'AM, DNGOS PO MED PA NYID DU 'GYUR BAR 'DOD NA, DE MED PA NA GNYIS MED PA'O, ,'GYUR BA RUNG BA MA YIN NO ZHES BYA BA STE, MNYAM PAR GZHAG PA'I GNAS SKABS NA 'JUG PA'I RNAM PAR SHES PA DAG NYE BAR GYUR PA MA YIN PAS NA SA BON MED PAR 'GYUR BA'I PHYIR RAM, DNGOS PO MED PAR BYAS PAS DE NI DNGOS PO MED PA'O, ,DES NA DE LTAR 'GYUR BA RUNG BA MA YIN NO, ,KUN GZHI RNAM PAR SHES PA YOD NA NI 'JUG PA'I RNAM PAR SHES PA DE DAG RING BAR GYUR PA YIN NA YANG DE'I SA BON KUN GZHI RNAM PAR SHES PA LA GNAS PA DE SA BON DANG BRAL BA'AM, DNGOS PO MED PAR BYA BAR NUS SO, ,DES NA 'DI LTAR GYUR PA DANG LDAN PA KUN GZHI RNAM PAR SHES PA NYID 'DOD PAR 'GYUR RO, ,DE LTAR SGRUB PA'I KUN GZHI RNAM PAR SHES PA NYID DE'I RNAM PA'I BYE BRAG BSTAN PAR BYA BA'I PHYIR, DE LA BAG CHAGS RNAM PA GSUM GYI BYE BRAG GIS ZHES BYA BA STE, DE LA MNGON PAR BRJOD PA'I BAG CHAGS KYI BYE BRAG NI 'DI LTA STE, MIG CES RJOD PAR BYED PA'I RNAM PAR SMIN PA'I RNAM PAR SHES PA'I BAG CHAGS DE NI MIG MNGON PAR 'GRUB PA'I RGYUR 'GYUR TE, MIG GANG GRUB CING RNAM PAR SMIN PA LAS SKYES PAR BRJOD PAR BYA BA DE MIG CES BRJOD PA'I RGYU LAS GYUR PA'O, ,DE BZHIN DU RNA BA LA SOGS PA BRJOD PAR BYA BA THAMS CAD LA ZHES BYA BA NI 'DI'I BYE BRAG GO, , @142B BDAG TU LTA BA'I BAG CHAGS KYI BYE BRAG CES BYA BA NI 'JIG TSOGS LA LTA BA'I DBANG GIS NYON MONGS PA CAN GYI YID GANG GIS KUN GZHI RNAM PAR SHES PA LAS BDAG CES BAG CHAGS SGO BAR BYED DE, GANG GIS BDAG CES BYA BA DANG, GZHAN ZHES BYA BA'I BYE BRAG 'DIR 'GYUR BAR BYED DO, ,SRID PA'I YAN LAG GI BAG CHAGS KYI BYE BRAG CES BYA BA NI GANG DGE BA DANG, MI DGE BA DANG, MI G-YO BA'I 'DU BYED MTHAR THUG PA MED PAR 'JUG PA STE, 'DI DAG NI JI LTAR SHES BYA'I MTSAN NYID RGYAS PA NYID DU BSHAD PAR BYA'O, ,DE LA 'PHEN PAS RAB TU DBYE BA NI ZHES BYA BAS NI 'PHAGS PA'I RNAM PA'I BYE BRAG GO, ,BAG CHAGS GSAR DU 'BYUNG BA ZHES BYA BA NI GANG DANG POR BYUNG BA'I BAG CHAGS DE STE, BYE BRAG DE SKAD DU BRJOD PA'I KUN GZHI RNAM PAR SHES PA DE MED DU ZIN NA 'DU BYED 'BYUNG BA DANG 'GAGS PAS YONGS SU BSGOS PA'I RNAM PAR SHES PA DANG LEN PAS YONGS SU GZUNG BA'I 'BYUNG BA'I SRID PA LA MNGON PAR PHYOGS PAS BYAS PA'I SRID PA MI RUNG NGO, ,SRID PA STE, 'DI LAS SKYE BA MNGON PAR GRUB PAS NA SRID PA'O, ,'DI NI LEN PA ZHES BYA BA DGE BA'AM, MI DGE BA GOMS PA'I 'BRAS BU'O, ,DE LA RNAM PAR SMIN PAS RAB TU DBYE BA ZHES BYA BA NI GANG 'DU BYED DANG, SRID PA'I RKYEN GYIS 'PHANGS PA'I 'GRO BA DAG TU RNAM PAR SMIN PA STE, RNAM PAR SMIN PA ZHES BRJOD PA'I KUN GZHI RNAM PAR SHES PA'I BYE BRAG DE MED DU ZIN NA RGYU MED PAS YANG SRID PA CAN NYID KYI CHOS GZUGS CAN GYI DBANG POR MIG LA SOGS PA RNAMS 'BYUNG BAR RUNG BA MA YIN TE, DE NI RNAM PAR SMIN PA'I 'BRAS BU YIN PAS SO, ,DE LA RGYU NYID DU RAB TU DBYE BA ZHES BYA BA LA YANG KUN GZHI RNAM PAR SHES PA DE NYID LA YID RTEN PA'I PHYIR BDAG TU BLTA BA DANG, BDAG TU 'DZIN PA'I RGYU MTSAN NYID KYI KUN GZHI RNAM PAR SHES PA'I BYE BRAG STE, RGYU MTSAN ZHES BYA BA DE MED NA 'JIG TSOGS LA LTA BA'I RGYU GANG YIN PA YID KYIS BDAG TU BANG BA DE'I DMIGS PA MI RIGS TE, DE NI RGYU MTHUN PA'I 'BRAS BU YIN PAS SO, ,DE LA MTSAN NYID KYIS RAB TU DBYE BA ZHES BYA BA LA, DE NI RNAM PA MANG DU 'BYUNG NGO, ,DE YANG THUN MONG GI MTSAN NYID DANG, THUN MONG MA YIN PA'I MTSAN NYID DANG, TSOR BA MED PA 'BYUNG BA'I SA BON GYI @143A *, ,MTSAN NYID DANG, TSOR BA DANG BCAS PA 'BYUNG BA'I SA BON GYI MTSAN NYID DE ZHES BYA BA NI MDOR BSTAN PA'O, ,DE LA KUN GZHI RNAM PAR SHES PA NI SEMS CAN THAMS CAD KYI THUN MONG GI SNOD KYI 'JIG RTEN RGYUR GYUR PAS NA, TSOR BA MED PA 'BYUNG BA'I SA BON NO, ,GANG THUN MONG MA YIN PA ZHES BYA BA DE NI KUN GZHI RNAM PAR SHES PA SO SO RANG GI GZUGS LA SOGS PA DANG, SKYE MCHED RNAMS KYI RGYUR GYUR PA STE, DE NI TSOR BA DANG BCAS PA 'BYUNG BA'I SA BON NO, ,DE LTA BU'I RNAM PA CAN GYI KUN GZHI RNAM PAR KUN SHES PA MED NA GANG SEMS CAN THAMS CAD KYI THUN MONG GI LONGS SPYOD KYI RGYUR GYUR PA SNOD KYI 'JIG RTEN YOD PAR MI 'GYUR RO, ,DE BZHIN DU KUN GZHI RNAM PAR SHES PA GNYIS PA MED NA YANG SEMS CAN GYI 'JIG RTEN YOD PAR YANG MI 'GYUR TE, DES NA SHING BZHIN DU TSOR BA 'BYUNG BAR MI 'GYUR RO, ,YANG GNAS NGAN LEN GYI MTSAN NYID CES BYA BA NI GANG RTEN LAS SU MI RUNG BA NYID DO, ,SHIN TU SBYANGS PA'I MTSAN NYID NI GANG LAS SU RUNG BA NYID DO, ,SPYAD ZIN PA'I MTSAN NYID NI KUN GZHI RNAM PAR SHES PA MED NA YANG DANG YANG DU BYAS PA'I DGE BA DANG MI DGE BA'I LAS GANG GIS 'BRAS BU 'BYUNG BA ZAD PAR 'GYUR BA DE YOD PAR MI RUNG NGO, ,MA SPYAD PA'I MTSAN NYID NI GANG MNGON PAR BRJOD PA'I BAG CHAGS KYI SA BON TE ZHES BYA BA NI MNGON PAR BRJOD PA'I BAG CHAGS KYI BYE BRAG JI LTA BA BZHIN DU BSTAN PA'O, ,THOG MA MED PA'I DUS NAS SPROS PA 'BYUNG BAS SA BON YIN PA'I PHYIR RO ZHES BYA BA LA, THOG MA MED PA'I DUS NAS YANG DAG PA'I THA SNYAD KYI RGYUR GYUR PA KUN GZHI RNAM PAR SHES PA ZHES BRJOD PA DE MED NA MNGON PAR BRJOD PA'I BAG CHAGS GSAR DU 'BYUNG BA YANG MI 'THAD DO, ,RNYING RNAMS MED PAS DE'I PHYIR DA LTAR GYI MNGON PAR BRJOD PA YANG MA YIN NO, ,SNGA NA MED PAR YANG 'GYUR TE, GANG 'JIG RTEN NA THOG MA MED PA NAS MA BYUNG BA'I PHYIR RO, ,DPE'I MTSAN NYID NI CI SGYU MA SGYU MA BYAS PA'I RGYU NYID YIN PAS 'KHRUL PA'I GLANG PO LA SOGS PA'I RGYUR 'GYUR PA DE BZHIN DU KUN GZHI RNAM PAR SHES PA DPE'I MTSAN NYID DU BSTAN PA YANG YANG DAG PAR MA YIN PA'I KUN TU RTOG PA'I SA BON YIN PAS PHYIN CI LOG GI RGYU MTSAN YIN TE, DE MED NA RGYU MTSAN @143B NYID DU MI RUNG NGO, ,MA BSGRIBS LA LUNG DU MA BSTAN PA ZHES BYA BA LA, MA BSGRIBS PA NI NYON MONGS PA CAN MA YIN PA STE, NYON MONGS PA CAN GANG YIN PA DANG LUNG DU MA BSTAN PA NI MA BSGRIBS LA LUNG DU MA BSTAN PA YIN GYI, JI LTAR GZUGS KYI KHAMS SU SKYE BAS NYON MONGS PA DANG, DGE BA MA YIN PA DANG, LUNG DU MA BSTAN PA NI MA YIN NO, ,DGE BA DANG MI DGE BA'I RNAM PAR SMIN PA NYID YOD NA KUN NAS NYON MONGS PAR LDOG PAR MI 'GYUR RO, ,DE'I PHYIR NA DGE BA LAS DGE BA DANG, DGE BA LAS MI DGE BAR 'BYUNG BAS 'DUS BYAS LA MTHAR THUG PA MED DE, DES NA KUN NAS NYON MONGS PA DANG, DGE BA ZAG PA DANG BCAS PAS 'KHOR BAR 'GYUR RO, ,SHES BYA'I MTSAN NYID KYI DBANG DU BYAS NAS BSTAN PA LA DE LA GZHAN GYI DBANG GI MTSAN NYID GANG ZHE NA, DE NI MDOR BSDU NA ZHES BYA BA NI YANG DAG PAR BSDUS PA'O, ,YANG DAG PA MA YIN PA KUN TU RTOG PAS BSDUS PA ZHES BYA BA NI YANG DAG PA MA YIN PA KUN TU RTOG PA'O; ;LUS DANG, LUS CAN DANG, ZAB PO'I RNAM PAR RIG PA ZHES BYA BA DE LA, LUS NI MIG LA SOGS PA'I KHAMS LNGA'O, ,LUS CAN NI NYON MONGS PA CAN GYI YID DO, ,ZA BA PO NI YID KYI KHAMS SO, ,DES NYE BAR SPYAD PAR BYA BA'I RNAM PAR RIG PA NI PHYIR ROL GYI GZUGS LA SOGS PA'I KHAMS DRUG GO, ,DE LA NYE BAR SPYOD PA'I RNAM PAR RIG PA NI RNAM PAR SHES PA DRUG GI KHAMS SO, ,DUS KYI RNAM PAR RIG PA NI 'KHOR BA'I RGYUN 'JUG PA RNAM PAR CHAD PA MED PA NYID DO, ,GRANGS KYI RNAM PAR RIG PA NI BGRANG BA'O, ,YUL GYI RNAM PAR RIG PA NI SNOD KYI 'JIG RTEN NO, ,THA SNYAD KYI RNAM PAR RIG PA NI MTHONG BA DANG, THOS PA DANG, SHES PA DANG, RNAM PAR SHES PA STE, THA SNYAD RNAM PA BZHI'O, ,RE ZHIG DE LTA BU'I RNAM PAR RIG PA DAG NI SHES BYA'I GNAS SU BSTAN PA NI MNGON PAR BRJOD PA'I BAG CHAGS KYI RGYU CAN YIN NO, ,BDAG DANG GZHAN GYI BYE BRAG GI RNAM PAR RIG PA GANG YIN PA'I BYE BRAG GI RTEN NI BDAG TU LTA BA'I BAG CHAGS KYI RGYU CAN NO, ,GANG BDE 'GRO DANG NGAN 'GRO DANG, 'CHI 'PHO BA DANG, SKYE BA'I RNAM PAR RIG PA STE, 'KHOR BA'I 'GRO BA SNA TSOGS DE NI SRID PA'I YAN LAG GI BAG CHAGS KYI SA BON NYE BAR LEN PA LAS BYUNG NGO, RNAM PAR RIG @144A *, ,PA 'DI RNAMS KYIS ZHES BYA BA NI BSHAD MA THAG PA'I RNAM PAR RIG PA DAG GO, ,KHAMS DANG, 'GRO BA DANG, SKYE GNAS THAMS CAD BSDUS PA ZHES BYA BA NI KHAMS GSUM DANG DE'I KHONGS SU GTOGS PA 'GRO BA RNAMS PA LNGA DANG, SKYE GNAS RNAM PA BZHI DANG, KUN NAS NYON MONGS PA'O, ,BSDUS PA ZHES BYA BA NI DE'I NGO BO NYID DO, ,GZHAN GYI DBANG GI MTSAN NYID CES BYA BA NI GZHAN GYI DBANG GI BDAG NYID DE, YANG DAG PA MA YIN PA'I KUN TU RTOG PA BSTAN PA YIN NO, ,RNAM PAR RIG PA 'DI RNAMS KYI RNAM PAR RIG PA TZAM NYID YANG DAG PA MA YIN PA'I KUN TU RTOG PAS BSDUS PA ZHES BYA BA DE LA YANG DAG PA MA YIN PA'I KUN TU RTOG PAS BSDUS PA ZHES BYA BA NI DE'I NGO BO NYID DO, ,YOD PA MA YIN PA DANG, NOR PA'I DON SNANG BA'I GNAS GANG YIN PA 'DI NI ZHES BYA BA NI YOD PA MA YIN PA DANG, NOR BA'I DON SNANG BA'I RGYU STE, DE LA YOD PA MA YIN PA NI MED PA STE, 'DI LTAR BDAG GI NGO BO DON DE BZHIN DU YOD PAR BZUNG NAS DE NYID LA BDAG MED PAR BDAG CES SNANG BA STE, DE'I GNAS NI SNANG BA'I GNAS TE RGYU ZHES BYA BA'I THA TSIG GO, ,DE LTA BU NI GZHAN GYI DBAG GI MTSAN NYID DO, ,KUN TU RTOG PA'I MTSAN NYID GANG ZHE NA, GANG DON MED KYANG 'DI LTAR BDEN PA NYID DU SNANG BA'O, ,RNAM PAR RIG PA TZAM STE DON NYID DU ZHES BYA BA NI YANG DAG PA MA YIN PA'I DON GYI SNANG BA STE, 'DI LTAR BDAG NYID KYI DON SNANG BA TZAM DE'I SNANG BA'O, ,DON NYID DU SNANG BA ZHES BYA BA NI GZUNG BA NYID DU SNANG BA STE, 'DI LTAR BDAG MED PA DE BDAG TU SNANG BA'O, ,YONGS SU GRUB PA'I MTSAN NYID NI GANG YOD PA MA YIN PA MI BDEN PA SNANG BA'I RGYU DON DE'I BDAG NYID DU SNANG BA GTAN MED PAR 'GYUR BA STE, 'DI LTAR BDAG TU SNANG BA GTAN MED PAR GYUR PA NYID NI BDAG MED PA TZAM YOD PAR GYUR BA NYID YIN TE, 'DI DAG NI RNAM PAR SHES PA TZAM MO ZHES BYA BA SA BCU PA LAS GSUNGS PA DANG, DGONGS PA NGES PAR 'GREL PA'I MDO LAS KYANG, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA CAN NO ZHES NGAS BSHAD DO ZHES GSUNGS PA DES NA DMIGS PA RNAM PAR RIG PA TZAM GYIS RAB TU PHYE BA CAN DE NI RNAM PAR RIG PA TZAM NYID DE, DON GYIS STONG PA ZHES BYA BA'I THA TSIG GO, ,RNAM @144B PAR SHES PA ZHES NGAS BSHAD DO ZHES BYA BA'I RNAM PAR SHES PA SMOS PA DES NI TING NGE 'DZIN GYI SPYOD YUL GYI RNAM PAR SHES PA BSTAN TO, ,'ON KYANG DE LTAR SKYES PA'I ZHES BYA BA NI RNAM PA DE LTA BUR SKYES PA'O, ,DES NA DON THA DAD PAR SNANG BA ZHES BYA BA LA, DE LAS ZHES BYAS BAS NI TING NGE 'DZIN GYI SPYOD YUL LAS SO, ,DON THA DAD PAR ZHES BYA BA NI GZUNG BA'I NGO BO NYID DU RNAM PAR CHAD PA LTA BUR RNAM PAR SHES PA SNANG BA NYID DO, ,RNAM PAR BSNGOS PA LA SOGS PA'I TING NGE 'DZIN GYI SPYOD YUL GYI GZUGS BRNYAN NI RNAM PAR SHES PAS DRAN PA NI MA YIN TE, GANG GI PHYIR JI LTA BA BZHIN DU YUL NA GNAS PA'I PHYIR RO, ,DE BZHIN DU NYAMS SU MYONG BA NI DRAN PA MA YIN TE, MDUN DU BYAS PA MTHONG BA'I PHYIR DANG, RNAM PAR SHES PAS DRAN PA'I DON NI MI GSAL BA YIN PA'I PHYIR LA, MDUN NA GNAS PA 'DI NI GSAL BAR MTHONG BA'I PHYIR RO, ,GZHAN YANG GAL TE JI LTAR THOS PA DANG, BSAMS PA DANG; GOMS PAR BYAS PA DE NI RING DU 'DAS PAR GYUR NA YANG, JI LTAR DA LTAR BYUNG BA BZHIN DU DE YANG DE BZHIN NO ZHE NA, DE LA THOS PA DANG BSAMS PA NI 'DAS NAS RING DU LON PA NYID KYIS MED PA YIN LA, THOS PA DANG BSAMS PA'I RANG BZHIN NI 'DAS NAS RING DU LON PAS MED PA'I PHYIR TE MED PA NYID YIN TE DES NA GANG 'BYUNG BA DE NI RNAM PAR SHES PA NYID DE, DE LTA BUR SNANG BAR GYUR BA YIN PAS DES NA 'DI DAG NI RNAM PAR RIG PA TZAM NYID DU 'THAD DE, DE'I PHYIR DON MED PA NYID DU GRUB BO, ,MIG GI RNAM PAR SHES PA LA SOGS PA'I RNAM PAR RIG PA RNAMS NI GZUGS CAN MA YIN PAS RNAM PAR RIG PA TZAM NYID DU RIGS NA, MIG LA SOGS PA'I RNAM PAR RIG PA GZUGS CAN RNAMS JI LTAR ZHES BYA BA DE LA, DE DAG KYANG LUNG DANG RIGS PAS BLTA BAR BYA STE, SNGA MA BZHIN NO ZHES BYA BAR BSTAN TO, ,MTSUNGS LA BRTAN PAR RGYUN GYIS 'JUG, ,CES BYA BA DE LA MTSUNGS PA NI 'DRA BA'O; ;BRTAN PA NI DUS GZHAN DU GNAS PA'O, ,PHYIN CI LOG LA SOGS PA'I KUN NAS NYON MONGS PA STE, NYON MONGS PA DANG SHES BYA'I SGRIB PAS ZHES BYA BA RGYUR GYUR PA DAG GO, ,GZHI'I GNAS ZHES BYA BA NI RGYU'I NGO BO'O 'DI DAG NYID GZHAN DU 'JUG PAR 'GYUR NA DON MA YIN PA LA DON YIN @145A *, ,NO ZHES SEMS PHYIN CI LOG TU 'BYUNG BAR MI 'GYUR LA, DE MED PAS KYANG NYON MONGS PA'I SGRIB PA'I KUN NAS NYON MONGS PA DANG, SHES BYA'I SGRIB PA'I KUN NAS NYON MONGS PA DE MI 'BYUNG NGO, ,DON 'DI DAG NYID TSIGS SU BCAD PAS BSTAN PA NI, 'KHRUL PA'I RGYU DANG 'KHRUL PA NI RIM PA BZHIN DU GZUGS KYI RNAM PAR RIG PA DANG, RNAM RIG GZUGS CAN MIN PAR 'DOD, ,CES BYA BA'O, ,DE LA GZUGS CAN GYI RNAM PAR RIG PA NI 'KHRUL PA'I RGYU STE, RGYUR GYUR PA'I GZUGS CAN GYI RNAM PAR RIG PA MED NA 'BRAS BUR GYUR PA'I RNAM PAR RIG PA GZUGS CAN MA YIN PA GANG YIN PA YANG MI 'BYUNG BAS JI LTAR NA LUS DANG LONGS SPYOD THAMS CAD YOD PAR 'GYUR ZHES BYA BA'O, ,LUS DANG LUS CAN DANG ZAB POR RNAM PAR RIG PA GSUM RNAM PAR RIG PA LUS THAMS CAD LA LHAN CIG 'BYUNG ZHING ZHES BYA BA NI DUS GCIG TU 'BYUNG BA'O, ,NYE BAR SPYOD PA ZHES BYA BA NI RGYU'I NGO BO STE, RNAM PA GSUM CHAR RNAM PAR RIG PA TZAM DU TSIGS SU BCAD PA DANG, RKYANG PAS RNAM PAR 'JOG PAR BYED DO, ,DE RKYANG PA NI TZAM DU ZAS PAS ZHES BYA BA STE, THAMS CAD RNAM PAR RIG PA TZAM NI RNAM PAR RIG PA TZAM NYID YIN PA'I PHYIR DE RNYED NI RNAM PAR RIG PA TZAM MO, ,DE'I PHYIR RNAM PAR RIG PA TZAM PA YIN GYI DON NI MED DO, ,YANG RNAM PA GNYIS NYID NI RGYU MTSAN DANG BCAS PA DANG, LTA BA CAN GYI RNAM PAR SHES PAS RNAM PAR GZHAG PAR 'GYUR RO, ,GAL TE RNAM PAR RIG PA TZAM GCIG PO DE'I CHA GCIG NI RGYU MTSAN YIN LA, GNYIS PA NI LTA BAR 'GYUR NA, DES NA YANG MIG GI RNAM PAR SHES PA LA SOGS PA RNAMS GNYIS NYID DE, SNA TSOGS KYI NGO BO NYID DU RNAM PAR BZHAG PAS YANG RNAM PAR RIG PA TZAM GCIG PO DE NYID LA JI LTAR RIGS PA CHA GCIG NI SNA TSOGS SU 'BYUNG BAR 'GYUR LA, GNYIS PAS NI 'DI LTAR 'DZIN PAR BYED DO, ,YANG GANG GI PHYIR YID KYI RNAM PAR SHES PAS 'DZIN PAR BYED PA DES NA MIG LA SOGS PA'I RNAM PAR RIG PA CHOS KYI MTHAR THUG PA THAMS CAD NI RGYU MTSAN YIN PAS YID KYI RNAM PAR SHES PA NI 'DI LTAR LTA BA ZHES BYA BA'O, ,YID KYI RNAM PAR SHES PA DE DAG NYID NI RGYU ZHES BYA BAR YANG BSTAN TE SO SOR NGES PA MA YIN PA'I PHYIR RO, ,YANG GZHAN @145B DAG NI YUL SO SOR NGES PA YIN PA'I PHYIR DANG, RNAM PAR RTOG PA MED PA NYID DE, DES NA GANG RNAM PAR RTOG PA CAN DE NI LTA BA ZHES BYA'O, ,DE LTAR NA 'DI NI RNAM PAR RIG PA TZAM DU RNAM PAR GZHAG PA'O, ,TSIGS SU BCAD PA DE TZAM STE, DON MED PA LA 'JUG PA NYID DE, DE TZAM GNYIS DANG STE RGYU MTSAN DANG BCAS PA DANG, LTA BA CAN GYI RNAM PAR RIG PA TZAM MO, ,SNA TSOGS NYID 'JUG PA STE, GANG SNA TSOGS KYI RNAM PA CAN NYID DU 'BYUNG BA'I RNAM PAR SHES PA DE'I'O, ,RNAL 'BYOR PA RNAMS RTOGS PAR 'DOD, ,CES BYA BA NI RNAL 'BYOR SPYOD PA PA RNAMS 'DI LTAR 'DOD PA'O, ,GANG DU ZHE NA, SEMS TZAM LA NI ZHUGS GYUR PA, ,DE DANG BRAL NA DE PHYIR YANG, ,ZHES BYA BA STE, 'DI LTAR YANG SEMS TZAM LA ZHUGS PAS DON MED PA BRAL BAR YANG 'GYUR RO, ,YANG GAL TE GZUNG BA'I DON MED NA SEMS KYIS GANG LA 'DZIN PAR 'GYUR ZHE NA, DE TZAM NYID DANG, GNYIS NYID DANG, SNA TSOGS NYID LA ZHUGS PAR GYUR NA, RGYU TZAM DU BSTAN PA ZHES BYA BA'I THA TSIG STE, GZHAN DANG MTSUNGS SO, ,BYANG CHUB SEMS DPA' KHA CIG NI YID KYI RNAM PAR SHES PA GCIG PU NYID DU 'DOD DO, ,GANG YANG DE'I RIM PA RNAM PAR GZHAG PA BSTAN PAR BYA STE, DE LA SEMS PA LA LUS DANG NGAG GI LAS ZHES BYA BA BZHIN NO ZHES BYA BA LA, JI LTAR SEMS PA LUS KYI SGO NAS ZHUGS PAR GYUR PA NA LUS KYI LAS ZHES BYA BA LA, NGAG GI SGO NAS NI NGAG GI LAS ZHES BYA, YID KYI LAS NI YID KYI LAS ZHES BYA BA THOB PA BZHIN DU YID KYI RNAM PAR SHES PA GCIG PU YIN NA YANG MIG LA BRTEN NAS 'JUG PA NA DE MIG GI RNAM PAR SHES PA ZHES BYA BA'I MING 'THOB LA, DE BZHIN DU LUS KYI RNAM PAR SHES PA ZHES BYA BA'I BAR GYI MING 'THOB KYI, YANG DE LA YID KYI RNAM PAR SHES PA MA YIN PA RNAM PAR SHES PA GZHAN KUN GZHI RNAM PAR SHES PA ZHES BYA BA LTA BU NI MED DO, ,DE LTAR NA RTEN THAMS CAD DU 'BYUNG BA NA GANG GI SNA TSOGS KYI ARNAM PA GNYIS SU SNANG BAS BYUNG STE, DE DON TZAM DU SNANG BA DANG, RNAM PAR RTOG PAR SNANG BA'I PHYIR RO ZHES BYA BA 'DI DAG GIS YONGS SU SPONGS NGO, ,DE LA RTEN THAMS CAD DU ZHES BYA BA NI MIG LA SOGS PA'I RTEN THAMS CAD DU'O, , @146A *, ,SNA TSOGS KYI RNAM PA GNYIS SU SNANG BA ZHES BYA BA NI DE DON TZAM DU SNANG BA DANG, RNAM PAR RTOG PAR SNANG BA'I PHYIR RO ZHES BYA BA'I TSIG GNYIS KYIS STON PAR BYED DO, ,GANG TSIG GNYIS PO 'DIS NI RNAM PAR SHES PA GCIG PO DE NYID KYI CHA GCIG NI DON TZAM DU SNANG BAR 'GYUR LA, YANG DE GNYIS PA NI DON GYI RNAM PAR RTOG PA'I RNAM PA 'BYUNG STE, DES NA SNGAR SMRAS PA'I SKYON MED DO, ,GANG GI PHYIR GZUGS YOD NA THAMS CAD DU REG BYA'I SNANG BA 'BYUNG BAR 'GYUR TE, GANG GI PHYIR MNYAM PAR GZHAG PA NA RNAM PAR SHES PA LNGA NI NYE BA MA YIN LA, NANG GI NYAMS SU MYONG BA NI 'BYUNG BAR 'GYUR TE DE LAS GZHAN PA'I DBANG PO GZUGS CAN LUS LA GNAS PA BZHIN DU BYA BA STE, DE JI LTAR LUS LA GNAS PA'I DBANG PO MIG LA SOGS PA GZHAN RNAMS LUS DE LA GNAS PA YIN PA'I PHYIR, DBANG PO'I RANG GI GNAS NYID DE LA DES BYAS PA'I PHAN 'DOGS PA DANG GNOD PA NYE BAR SGRUB PAR BYED DO, ,DE BZHIN DU 'DIR YANG YID KYI RNAM PAR SHES PA NI LUS LA GNAS PA YIN PA'I PHYIR LUS 'GYUR BAR BYED PAR 'DOD PAR BYA'O, ,DON GZHAN YANG JI LTAR LUS KYI DBANG PO RNAMS LUS LA BRTEN PA NYID NA PHYIR ROL GYI RKYEN REG PAR BYA BA YOD NA LUS KYI DBANG PO LA YANG REG BYA'I SNANG BA 'BYUNG BAR 'GYUR TE, DE BYUNG BAR GYUR PA NA RANG GI RTEN LUS LA PHAN 'DOGS PA'AM, GNOD PAR 'GYUR BAR BYED PAR 'GYUR RO, ,DE BZHIN DU YID KYI RNAM PAR SHES PA YANG LUS LA BRTEN PA YIN PA'I PHYIR REG BYA'I SNANG BA BYUNG NAS LUS LA PHAN 'DOGS PA DANG, GNOD PA SGRUB PAR BYED DO, ,'DI DAG GI LUS NI GAL TE MIG LA SOGS PA RNAM PAR RTOG PA MED PA DE LA BRTEN PA'I YID KYI RNAM PAR SHES PA 'JUG PA YANG RNAM PAR RTOG PA MED PA NYID THOB PAR 'GYUR TE, JI LTAR NYON MONGS PA CAN GYI YID KUN NAS NYON MONGS PA LA BRTEN NAS NYON MONGS PA CAN DU 'BYUNG BA BZHIN NO, ,DE YANG BYANG CHUB SEMS DPA' TSIGS SU BCAD PAS BSGRUB PA'I PHYIR GSUNGS PA LA, RING DU 'GRO ZHES BYA BA NI YUL THAMS CAD LA DMIGS PA CAN NYID KYIS SO, ,GCIG PU RGYU BA NI GNYIS PA MED PA'I PHYIR RO, ,GANG ZHIG LUS MED CES BYA BA NI LUS DANG BRAL @146B BA NYID DO, ,PHUG GNAS ZHES BYA BA NI LUS KYI PHUG GI NANG NA GNAS PA NYID DO, ,SEMS 'DUL BYED CES BYA BA NI DBANG DU BYED PA'O, ,GDUL BAR DKA' BA ZHES BYA BA NI BCOS DKA' BA'O, ,YANG LUNG NI 'DI DAG GI SPYOD YUL GYI YUL NI YID KYIS SO SOR NYAMS SU MYONG STE ZHES BYA BA LA, GANG DBANG PO'I SPYOD YUL DU BSTAN PA'I YUL DE NI YID KYIS RE RE ZHING SO SO SO SOR NYAMS SU MYONG BAR 'GYUR TE, CHOS THAMS CAD LA RNAM PAR RTOG PA CAN YIN PA'I PHYIR SO SOR NYAMS SU MYONG BA'O, ,YID NI 'DI DAG GI RTEN PA'O ZHES BYA BA LA, GANG GI PHYIR YID G-YENG BAR GYUR NA DE DAG 'BYUNG BAR MI 'GYUR BAS DBANG PO DE DAG 'BYUNG BA'I RGYUR GYUR PA'I PHYIR RO, ,YANG LUNG GIS NI RNAM PAR NGES PA'I TSOGS DRUG NI YID CES BYA BA'I SGRAS BSTAN GYI RNAM PAR SHES PA GZHAN GYI SGRAS NI MA YIN TE, RNAM PAR SHES PA'I TSOGS DRUG NI YID KYI SKYE MCHED DO ZHES GSUNGS PA'I PHYIR RO, ,DES NA YID 'BA' ZHIG NI YOD DO ZHES 'DI LTAR RTOGS PAR BYA'O, ,MTSAN MA'I LTA BA DANG BCAS PA'I RNAM PAR SHES PA RNAM PAR GZHAG PAR BYA BA NI KUN GZHI RNAM PAR SHES PA STE, YID KYI RNAM PAR SHES PA KUN GZHI RNAM PAR SHES PA DANG BCAS PA NI LTA BA'O, ,MIG LA SOGS PA RNAM PAR REG PA NI RGYU MTSAN NO, ,DE NI CHOS THAMS CAD KYANG YIN LA RNAM PAR RIG PA TZAM YANG YIN PAS RNAM PAR RIG PA RGYU MTSAN DU GYUR PA DE DAG NYID CES BYA BA STE, MIG LA SOGS PA 'BYUNG BA'I RGYUR GYUR PA NI DMIGS PA'I NGO BO NYID DO, ,DE'I LTA BA 'BYUNG BA'I RGYU MTSAN YIN PA'I PHYIR ZHES BYA BA NI DE NYID LTA BA YIN PA NI DE'I LTA BA'O, ,DE LTA BA NYID DU SNANG BAR GYUR PA NA YID KYI RNAM PAR SHES PA'I LTA BA RGYUN MI 'CHAD PAR GNAS PA'I RGYUR GYUR PA'I PHYIR RTEN GYI BYA BA BYED DO ZHES BRJOD DO, ,RNAM PAR SHES PA MI MTHUN PA'I RGYU MTSAN NYID SHES PAS NI ZHES BYA BA LA, RNAM PAR SHES PA MI MTHUN PA RNAMS KYI RGYU MTSAN NI DON YIN NO, ,SHES PAR BYED PAS NA SHES PA'O, ,DMIGS PA MED PA'I RNAM PAR RIG PA DMIGS PAS ZHES BYA BA NI DMIGS PA MED PAR YANG RNAM PAR SHES PA 'BYUNG BA NI LTA BA STE, DPER NA 'DAS PA LA SOGS PA DMIGS PA LTA BU'O, ,'BAD PA MED PAR YANG PHYIN CI LOG MED PAR THAL BAR 'GYUR TE 'DI LTAR SHES PA'O, , @147A *, ,SHES PA RNAM PA GSUM GYI RJES SU MTHUN PAR SHES PAS NI ZHES BYA BA LA, GANG GI PHYIR DON NI 'DI LTAR 'GYUR TE, JI LTAR SNANG BA DE MED PAR YANG GNYEN PO 'BYUNG BAR 'GYUR BAS PHYIN CI LOG MED PAR THAL BAR 'GYUR TE 'DI LTAR SHES PA'O, ,SHES PA RNAM PA GSUM GYI RJES SU MTHUN PAR SHES PAS ZHES BYA BA NI DON DE SHES PAS RNAM PA GSUM GYI RJES SU MTHUN PAR SHES ZHES BYA BA'O, ,BSAM GTAN PA ZHES BYA BA DANG, NYAN THOS DANG RANG SANGS RGYAS RNAMS ZHES BYA BA NI NYAN THOS DANG RANG SANGS RGYAS RNAMS SO, ,SEMS LA DBANG THOB PAS ZHES BYA BA NI SEMS LAS SU RUNG BA THOB PA'O, ,MOS PA'I DBANG GIS DE LTAR DON DE DAG SNANG BA ZHES BYA BA LA, GAL TE SA'I RANG BZHIN DU MOS NAS YANG DE BZHIN DU 'GYUR LA, DE BZHIN DU ME LA SOGS PA LA YANG DON DE BZHIN DU BLTA'O, ,ZHI GNAS THOB PA ZHES BYA BA NI TING NGE 'DZIN THOB PA'O, ,CHOS LA LHAG MTHONG LA BRTZON PA RNAMS LA ZHES BYA BA NI MDO SDE LA SOGS PA LA SPYOD PA LA BRTZON PA RNAMS SO, ,YID LA BYED PA TZAM DU DON SNANG BA ZHES BYA BA NI DON GCIG LA YANG JI LTA JI LTAR YID LA BYAS PA DE LTA DE LTAR RNAM PA MANG PO SNANG BA'O, ,RNAM PAR MI RTOG PA'I YE SHES THOB PA ZHES BYA BA LA, DRUG PO LA SNANG BA'I DON JI LTA BA BZHIN DU YOD PA YIN NA RNAM PAR MI RTOG PA'I YE SHES MED PA NYID DU 'GYUR RO, ,DE LTA NA YANG DE YOD PA'I DUS NA YANG DON GYI NGO BO NYID MED PA NI NGES PAR KHAS BLANG BAR BYA'O, ,GAL TE RNAM PAR RIG PA TZAM DON SNANG BA'I GNAS ZHES BYA BA NI DON MED BZHIN DU YANG RNAM PAR RIG PA NYID DON DU SNANG BA'I RGYU YIN NA ZHES BYA BA'I DON TO, ,GAL TE RNAM PAR RIG PA TZAM GZHAN GYI DBANG YIN NA DE JI LTAR GZHAN GYI DBANG YIN ZHE NA, RANG NYID GZUNG BAR BYA BA YIN TE, RGYU DES NA GZHAN GYI DBANG YIN LA, GZHAN ZHES BRJOD NA NI RANG GI RGYU LAS BYUNG ZHING BYUNG BA NYID NA GNAS PAR MI RUNG BA DANG, RANG NYID KYIS 'DZIN PAS GZHAN ZHES BYA BA'I GZHAN DBANG YIN NO, ,DE LA GNAS PA ZHES BYA BA NI BSTAN PA'I GZHAN GYI DBANG RNAM PAR RIG PA TZAM LA BRTEN PA'O, ,DON MED PA ZHES BYA BA NI YOD PA MA YIN PA ZHES BYA BA'I DON TO, ,SNANG BA ZHES BYA BA NI DON DU DMIGS PA'O, ,DE JI LTAR @147B NA ZHES BYA BA DANG CI'I PHYIR ZHES BYA BA DAG NI JI LTAR BSHAD MA THAG PA LTA BU'O, ,DPAG TU MED PA'I RNAM PA CAN GYI ZHES BYA BA NI YUL THAMS CAD LA DMIGS PA'I YID KYI RNAM PAR SHES PA'O, ,KUN TU RTOG PA ZHES BYA BA NI YID KYI RNAM PAR SHES PAS KUN TU BRTAGS PA'O, ,PHYIN CI LOG 'BYUNG BA'I RGYU MTSAN YIN ZHES BYA BA NI DMIGS PA'I NGO BO NYID KYIS DON PHYIN CI LOG SKYE BA'I RGYU MTSAN DU GYUR PA NYID DO, ,RANG GI MTSAN NYID MED CES BYA BA NI DE'I LUS MED PA'O, ,KUN TU RTOG PA TZAM DU DMIGS PAS ZHES BYA BA NI 'KHRUL PA'I RNAM PAR SHES PA TZAM LA DMIGS PA NYID DO, ,DE GTAN MED PA'I MTSAN NYID CES BYA BA NI KUN TU BRTAGS PA'I NGO BO MED PA'I NGO BO NYID DO, ,DE JI LTAR NA ZHES BYA BA DANG, CI'I PHYIR NA ZHES BYA BA NI GZHAN GYI DBANG JI LTA BA BZHIN NO, ,GZHAN DU MI 'GYUR BA'I PHYIR ZHES BYA BA NI SLU BA MED PA NYID DO, ,SLU BA MED PA'I 'KHOR BZHIN NO, ,RNAM PAR DAG PA'I DMIGS PA YIN PA DANG, DGE BA'I CHOS THAMS CAD KYI MCHOG YIN PA'I PHYIR ZHES BYA BA NI RNAM PAR DAG PA'I DMIGS PA'I NGO BO NI YONGS SU GRUB PA YIN TE, MCHOG YIN PA'I PHYIR YONGS SU RDZOGS PA'I GNAS BZHIN NO, ,KUN TU RTOG PAS JI LTAR KUN DU RTOG CES BYA BA NI YID KYI RNAM PAR SHES PA NI KUN TU RTOG PA ZHES BYA BA LA, DE LA NI GZHAN GYI DBANG LA KUN TU RTOG PA STE, RNAM PA GANG GIS KUN TU RTOG PA DE STON PAR BYED PA DE NI MING GIS DMIGS PA DANG ZHES BYA BA LA SOGS PA'I GZHUNG YIN TE, GZHAN GYI DBANG GI NGO BO NYID LA DER MTSAN MAR 'DZIN PA DANG ZHES BYA BA LA, GZHAN GYI DBANG NYID LA MIG LA SOGS PA'I MING GI MTSAN MAR 'DZIN PAS GANG GI PHYIR MTSAN MA BZUNG NAS KUN TU RTOG GO, ,LTA BAS DE LA MNGON PAR ZHEN PA DANG ZHES BYA BA NI 'DI NI 'DI LTA BU'O ZHES MTSAN MAS MTSAN MA NYID DU BZUNG NAS ZHEN PA'O, ,RNAM PAR RTOG PA RNAMS KYIS NGAG KUN NAS SLONG BA ZHES BYA BA LA, JI LTAR MNGON PAR ZHEN PAS MI GNOD PA YIN NA YANG RNAM PAR RTOG PA GSUM GYIS NGA KUN NAS 'BYUNG BAR BYED DO, ,MTHONG BA LA SOGS PA THA SNYAD BZHI PO DAG GIS THA SNYAD 'DOGS PA ZHES BYA BA LA NI JI LTAR MTHONG BA DANG, THOS PA DANG, SHES PA DANG, RNAM PAR SHES PA'O ZHES BYA BA'I THA SNYAD RNAM PA BZHIS GZHAN DANG, @148A *, ,THA SNYAD DU BYED PA'O, ,MED PA'I DON LA YOD PA ZHES SGRO 'DOGS PAS ZHES BYA BA NI THA SNYAD JI LTA BA BZHIN DU MED PA'I DON LA DON YOD PA NYID DO ZHES BZUNG BA'I PHYIR RO, ,KUN TU RTOG PA'I RGYU MTSAN ZHES BYA BA NI KUN TU RTOG PA ZHES BYA BA NYID KYI RNAM PAR SHES PAS KUN TU BRTAGS PA ZHES BYA BA'I MTSAN MAR BZUNG NAS DMIGS PA'I NGO BO NYID DU SKYE'O, ,DES KUN NAS BRTAGS PA'I PHYIR RO ZHES BYA BA NI KUN TU RTOG PA ZHES BYA BA YID KYI RNAM PAR SHES PA DES KUN TU BRTAGS PA ZHES BYA BAS DMIGS PAR 'GYUR BA'I MTSAN MAS BZUNG NAS KUN TU RTOG PAR BYED PAS DON DES NA GZHAN GYI DBANG LA KUN TU BRTAGS PA ZHES BYA'O, ,YID KYI RNAM PAR SHES PA KUN TU RTOG PAS KUN TU BRTAGS PA NYID KYIS KUN TU BRTAGS PA JI LTAR KUN TU BRTAGS PA DE BZHIN DU DE GTAN MED PAS 'DI LTAR DON DES NA GZHAN GYI DBANG DE NYID YONGS SU GRUB PAR ZHES BYA'O, ,KUN NAS NYON MONGS PA DANG RNAM PAR BYANG BA'I NGO BO NYID YONGS SU MA GRUB PA GZHAN GYI DBANG ZHES BYA BA NI GANG GI PHYIR DE LTA BU'I GZHAN GYI DBANG DE RNAM PAR RTOG PAR GYUR NA KUN NAS NYON MONGS PAR 'GYUR LA, RNAM PAR MI RTOG PAR GYUR NA RNAM PAR BYANG BAR 'GYUR RO, ,DE DAG GNYI GA'I SGRA GCIG TU ZHUGS PAR GYUR PA NI MA GRUB PA YIN NO, ,NGO BO NYID DU KUN TU RTOG PA DANG, KHYAD PAR DU KUN TU RTOG PA ZHES BYA BA DE LA, NGO BO NYID DU KUN TU RTOG PA NI JI LTAR MIG LA SOGS PA RNAMS LA MIG GI NGO BO LA SOGS PA KUN TU RTOG PA'O, ,KHYAD PAR DU KUN TU RTOG PA NI 'DI LTA STE, DE DAG NYID KYI NGO BO MI RTOG PA LA SOGS PA'I BYE BRAG GIS KUN TU RTOG PAR BYED PA'O, ,RANG BZHIN GYIS YONGS SU GRUB PA DANG, RNAM PAR DAG PA YONGS SU GRUB PA ZHES BYA BA DE LA, RANG BZHIN GYIS YONGS SU GRUB PA NI DRI MA DANG BCAS PA'I DE BZHIN NYID DO, ,RNAM PAR DAG PAS YONGS SU GRUB PA NI DRI MA MED PA'I DE BZHIN NYID DO, ,BYANG BA NI THA SNYAD LA MKHAS PA ZHES BYA BA NI THA SNYAD SHES PA'O, ,THA SNYAD LA MI MKHAS PA RNAMS KYI ZHES BYA BA NI BA LANG LA SOGS PA DAG GIS TE, GANG GI PHYIR DE DAG LA RNAM PAR RTOG PA YOD NA YANG YI GER BRJOD PAR MI NUS PA'I PHYIR RO, ,RNAM PAR RTOG PA THAMS CAD BSDUS NAS RNAM PAR RTOG PA RNAM PA BCUR BSTAN TE, DE LA @148B RTZA BA'I RNAM PAR RTOG PA ZHES BYA BA NI KU TU BRTAG PAR BYA BAS NA RNAM PAR RTOG PA'I RTZA BA ZHES BYA BA'I THA TSIG STE, DE YANG KUN GZHI RNAM PAR SHES PA'O, ,MTSAN MA'I RNAM PAR RTOG PA ZHES BYA BA NI RGYU MTSAN CAN GYI RANG BZHIN GYIS RNAM PAR RTOG PA ZHES BYA BA'I THA TSIG STE, DE YANG GZUGS LA SOGS PA'I RNAM PAR RIG PA'O, ,MTSAN MAR SNANG BA'I RNAM PAR RTOG PA ZHES BYA BA NI GANG MTSAN MA'I RNAM PA CAN GYI RNAM PAR RTOG PA SKYE BA STE, RNAM PAR BRTAG PAR BYA BA'AM, RNAM PAR RTOG PA ZHES DBYE BA BYES TE, DE YANG MIG GI RNAM PAR SHES PA LA SOGS PA'I RNAM PAR RIG PA RTEN DANG BCAS PA'O, , MTSAN MAR 'GYUR BA'I RNAM PAR RTOG PA ZHES BYA BA NI GANG MTSAN MA'I 'GYUR BA LA MTSAN MAR 'GYUR BA'I BDAG NYID CAN RNAM PAR RTOG PA ZHES BYAS NAS TE, RGA BA LA SOGS PA ZHES BYA BA NI LUS KYI 'BYUNG BA CHEN PO RNAMS KYI RANG BZHIN DE NGES SHING DON GZHAN DU GYUR PA STE, DER RNAM PAR RTOG PA NI MTSAN MAR 'GYUR BA'I RNAM PAR RTOG PA ZHES BYA'O, ,STZOGS PA SMOS PAS NI NAD DANG, 'CHI BA DAG BSDU'O, ,BDE BA'I TSOR BA LA SOGS PA YANG DE BZHIN TE, LUS GZHAN DU 'GYUR BA'O, ,STZOGS PA SMOS PAS NI SDUG BSNGAL DANG, SDUG BSNGAL YANG MA YIN BDE BA YANG MA YIN PA BSDU'O, ,'DOD CHAGS LA SOGS PA LA YANG DE BZHIN TE, STZOGS PA SMOS PAS NI ZHES SDANG DANG GTI MUG BSDU'O, ,GNOD PA DANG DUS KYI YONGS SU 'GYUR BA LA SOGS PA ZHES BYA BA LA, DE BZHIN DU LUS GZHAN DU 'GYUR BA STE, GANG RNAM PAR RTOG PA DE LA DMIGS NAS 'BYUNG BA'O, ,GNOD PA DANG ZHES BYA BA NI RDEG PA DANG; 'CHI BA LA SOGS PA'O, ,DUS KYI YONGS SU 'GYUR BA ZHES BYA BA NI GRANG BA LA SOGS PA'I DUS NA GZHAN DU YONGS SU 'GYUR BA'O, ,DMYAL BA BA'I 'GRO BA ZHES BYA BA LA SOGS PA YANG DE BZHIN TE, STZOGS PAS NI DUD 'GRO DANG, YI DAGS BSDU'O, ,'DOD PA'I KHAMS LA SOGS PA ZHES BYA BA SNGA MA BZHIN TE, STZOGS PA SMOS PAS NI GZUGS DANG GZUGS MED PA'I KHAS BSDU'O, ,MTSAN MAR SNANG BAR 'GYUR BA'I RNAM PAR RTOG PA ZHES BYA BA LA, MIG LA SOGS PA'I MIG GI RNAM PAR SHES PA LA SOGS PA DE'I MTSAN MAR SNANG BAR GANG 'GYUR BA STE, MTSAN MAR SNANG @149A *, ,BAR 'GYUR BA'I BDAG NYID KYI RNAM PAR RTOG PA'O, ,DE LTA BAS NA 'DI DAG GI YANG DAG PA JI LTA BA BZHIN DU BSTAN PA'I RGA BA LA SOGS PA GANG GIS DE DANG DE'I GNAS SKABS SU 'GYUR BA SKYED PAR BYED PA'O, ,GZHAN GYIS BSTAN PA'I RNAM PAR RTOG PA ZHES BYA BA NI GANG GZHAN GYIS BSTAN PA'O, ,YANG DE NI RNAM PA GNYIS TE, DAM PA MA YIN PA'I CHOS NYAN PA'I RJES SU 'GRO BA DANG DAM PA'I CHOS NYAN PA'I RJES SU 'GRO BA'O, ,DE YANG RNAM PA GNYIS TE, CHOS RNAMS LA RNAM PAR RTOG PA NI CHOS NYAN PA'I RJES SU 'GRO BA STE, DGE BA RNAMS DANG MI DGE BA RNAMS ZHES BYA BA 'DI LTA BSDU BAR BYA'O, ,TSUL BZHIN MA YIN PA'I RNAM PAR RTOG PA ZHES BYA BA LA, DE YANG DAM PA MA YIN PA'I CHOS MNYAN PA LA BYUNG BA'O, ,'DI LAS PHYI RO PA RNAMS KYIS ZHES BYA BA NI MU STEGS PA RNAMS SO, ,TSUL BZHIN GYI RNAM PAR RTOG PA ZHES BYA BA LA, DE YANG DAM PA'I CHOS NYAN PA LAS BYUNG BA STE, CHOS 'DI PA RNAMS ZHES BYA BA NI SANGS RGYAS RNAMS SO, ,MNGON PAR ZHEN PA'I RNAM PAR RTOG PA ZHES BYA BA NI GANG TSUL BZHIN MA YIN PA'I YID LA BYED PA'I RGYU LAS BYUNG BA STE, BDAG TU LTA BA LA BRTEN PA MDO LAS BSTAN PA'I LTA BA DRUG CU RTZA GNYIS SU GTOGS PA DANG MTSUNGS PAR LDAN PA'I RNAM PAR RTOG PA GANG YIN PA'O, ,RNAM PAR G-YENG BA'I RNAM PAR RTOG PA ZHES BYA BA NI BYANG CHUB SEMS DPA' RNAMS KYANG RNAM PAR RTOG PA BCU GANG YIN PA'O, ,DE LA DNGOS PO MED PA'I MTSAN MA'I RNAM PAR G-YENG BA ZHES BYA BA NI DNGOS PO MED PA NYID MTSAN MA STE, RNAM PAR G-YENG BA'O ZHES BYAS NA SO, ,YANG RNAM PAR G-YENG BA DE'I GNYEN PO NI SHES RAB KYI PHA ROL TU PHYIN PA'I GZHUNG LAS, BYANG CHUB SEMS DPA' NYID YOD BZHIN DU ZHES BYA BA STE, YOD CES SMOS PAS NI BYANG CHUB SEMS DPA' STONG PA NYID KYI BDAG NYID DU YOD PA'O, ,'DI LTAR BSTAN TE, GANG LAS BSTAN PA NYID BDAG NYID YOD PA DE NI STONG PA NYID KYI BDAG NYID DO ZHES BYA BA'O, ,DNGOS PO'I MTSAN MA'I RNAM PAR G-YENG BA ZHES BYA BA NI DNGOS PO NYID NI RNAM PAR G-YENG BA'I MTSAN MA STE, DE'I GNYEN PO NI YANG GZHUNG DE NYID LAS, BYANG CHUB SEMS DPA' YANG DAG PAR RJES SU MI MTHONG NGO @149B ZHES BYA BA STE, KUN TU BRTAGS PA DANG, GZHAN GYI DBANG GI BDAG NYID CAN GYI YANG DAG PAR RJES SU MI MTHONG NGO ZHES BYA BAR DGONGS SO, ,SGRO 'DOGS PA'I RNAM PAR G-YENG BA ZHES BYA BA LA, DE'I GNYEN POR NI YANG GZHUNG DE NYID LAS, GZUGS NI GZUGS KYI NGO BO NYID KYIS STONG ZHES BYA BA LA SOGS PA GSUNGS PA STE, KUN TU BRTAGS PA ZHES BYA BA'I THA TSIG GO, ,SKUR 'DEBS PA'I RNAM PAR G-YENG BA ZHES BYA BA LA, DE'I GNYEN PO 'DI YANG GZHUNG DE NYID LAS, STONG PA NYID NI MA YIN NO ZHES BYA BA STE, CHOS NYID KYI NGO BO ZHES BYA BA'I THA TSIG GO, ,GCIG PU NYID DU RNAM PAR G-YENG BA ZHES BYA BA LA, DE'I GNYEN PO'I GZHUNG NI GZUGS KYI STONG PA NYID GANG YIN PA DE GZUGS MA YIN NO ZHES BYA BA STE, GAL TE GZHAN GYI DBANG DANG YONGS SU GRUB PA DAG GCIG YIN NA DES NA GZHAN GYI DBANG YANG YONGS SU GRUB PA BZHIN DU DMIGS PA RNAMS PAR 'GYUR RO, ,THA DAD PA NYID DU RNAM PAR G-YENG BA ZHES BYA BAS LA, DE'I GNYEN PO'I GZHUNG NI GZUGS NI STONG PA NYID LAS GZHAN PA YANG MA YIN TE, GZUGS NYID STONG PA NYID DO ZHES BYA BA STE, GANG GI PHYIR DE DAG THA DAD PA YIN NA CHOS LAS CHOS NYID THA DAD PA NYID DU 'GYUR NA, THA DAD PA NYID DU 'GYUR BA NI MI RUNG BA MA YIN TE, MI RTAG PA'I MI RTAG PA NYID BZHIN NO, ,KUN TU BRTAGS PA'I NGO BO YONGS SU BZUNG NAS GZUGS NYIS STONG PA NYID DO, ,STONG PA NYID GZUGS SO ZHES BYA BA STE, GANG KUN TU BRTAGS PA DE'I NGO BO NYID MED PA DE NI STONG PA NYID YIN LA, GANG STONG PA NYID YIN PA DE NI DE'I NGO BO NYID MED PA YIN GYI, JI LTAR GZHAN GYI DBANG DANG YONGS SU GRUB PA DAG NI MA YIN NO, ,NGO BO NYID DU RNAM PAR G-YENG BA ZHES BYA BA LA, DE'I GNYEN PO'I GZHUNG NI RAB 'BYOR 'DI LTA STE, GZUGS ZHES BYA BA 'DI NI MING TZAM MO ZHES BYA BA STE, GANG GI PHYIR 'DI LA GZUGS KYI NGO BO NYID YOD PA MA YIN NO ZHES BYA BA'I THA TSIG GO, ,KHYAD PAR DU RNAM PAR G-YENG BA ZHES BYA BA LA, DE'I GNYEN PO NI NGO BO NYID NI MI SKYE MI 'GAG KUN NAS NYON MONGS PA MA YIN, RNAM PAR BYANG BA MA YIN NO ZHES BYA BA STE, DE LA SKYE BA NI KUN NAS NYON MONGS PA'O, ,'GAG PA NI RNAM PAR BYANG BA STE, DE LTAR MI SKYE MI 'GAG ,KUN NAS NYON MONGS PA MA YIN, RNAM PAR BYANG BA @150A *, ,MA YIN NO ZHES BYA BA'I THA TSIG STE, RKANG PA 'DI RNAMS KYI DON NI DE YIN NO, ,MING JI LTA BA BZHIN DU DON DU RNAM PAR G-YENG BA ZHES BYA BA NI MING JI LTA BA BZHIN DU DON DU RNAM PAR G-YENG BAR 'GYUR BA'O, ,DE'I GNYEN PO NI MING BCOS MA LA CHOS DE DAG SO SOR BRTAGS NAS ZHES BYA BA STE; SO SOR ZHES BYA BA NI MING DANG MING GIS SO SOR RO, ,DON JI LTA BA BZHIN DU MING DU RNAM PAR G-YENG BA ZHES BYA BA LA, DON JI LTA BA BZHIN DU MING DU RNAM PAR G-YENG BAR 'GYUR BA STE, DE'I GNYEN PO NI GLO BUR MING GIS THA SNYAD DU BYED DE ZHES BYA BA STE, DON GYI NGO BO NYID KYI MING NI MED DO ZHES BYA BA'I THA TSIG GO, ,RNAM PAR G-YENG BA BCU PO 'DI DAG GI GNYEN POR SHES RAB KYI PHA ROL TU PHYIN PA BSTAN TE, YANG BSTAN PA'I RGYU LAS NI RNAM PAR MI RTOG PA'I YE SHES 'BYUNG BAR 'GYUR RO, ,GZHAN GYI DBANG GI NGO BO NYID KUN TU RTAGS PA'I NGO BO NYID DU JI LTAR SNANG BA DE'I BDAG NYID MA YIN PAR CI MNGON ZHE NA, DE BSTAN PA NI MING GI SNGO ROL NA BLO MED PA DE'I BDAG NYID DU 'GAL BA'I PHYIR ZHES BYA BA STE, GAL TE GZHAN GYI DBANG DANG KUN TU BRTAGS PA DAG GCIG PA NYID DU GYUR NA MING LA MA LTOS PAR BLO DON LA 'JUG PAR 'GYUR TE, JI LTAR BUM BA ZHES BYA BA'I MING MED PAR NI BUM PA'I DON LA BUM PA'I BLO 'BYUNG BAR MI 'GYUR RO, ,GAL TE YANG BUM PA ZHES BYA BA'I MING DANG BUM PA MTSAN NYID GCIG PA YIN NA NI DE LA 'JUG PAR 'GYUR NA YANG GANG GI PHYIR MTSAN NYID GCIG PA NI MA YIN PA NYID DE, DES NA MING DANG DON DE'I BDAG NYID YIN PAR 'GAL BAR 'GYUR RO, , YANG 'DIR NI MING NI GZHAN GYI DBANG YIN LA, DON NI KUN BRTAGS PA NYID DU RNAM PAR GZHAG STE, GANG GI PHYIR MING GZHAN GYI DBANG GI STOBS KYIS DON GCIG LA YANG MING MANG PO KUN TU RTOG STE, GAL TE MING DANG DON DAG MTSAN NYID GCIG PA NYID YIN NA DES NA MING BZHIN DU DON YANG MANG PO NYID DU 'GYUR RO, ,DE LTAR GYUR NA DON YANG MANG PO'I BDAG NYID DU 'GYUR BAS DON GCIG MANG PO'I NYID KYANG YIN ZHES BYA BA NI 'DI LTAR 'GAL BA NYID YIN NO, ,GZHAN YANG DE DAG NGO BO NYID GCIG PA YIN NA 'GAL BA GNYIS PA 'DIR YANG THAL BAR 'GYUR TE, GANG GI PHYIR GO'I SGRA @150B DON RNAM PA BCU LA 'JUG PAR 'GYUR BA LTA BUS MING LA NI NGES PAR MED PA MA YIN TE, DES NA GAL TE MING DANG DON DAG GCIG PA NYID 'DOD NA NI DON DE GNYIS KYI BDAG NYID CAN YIN PAS 'GAL BAR 'GYUR RO, ,DE LTAR 'DOD NA SKYON GSUM LA YANG 'BYUNG BAR 'GYUR TE, GANG GI PHYIR BAG CHAGS LA SOGS PA MTSAN NYID CAN GYI MING GI DON RNAMS GCIG PA NYID DU 'GYUR RO, ,DON 'DI NYID TSIGS SU BCAD PAS BSTAN PA LA, GRUB PAR 'GYUR ZHES BYA BA NI GZHAN GYI DBANG DANG KUN TU BRTAGS PA DAG GCIG PA NYID DU 'GRUB PA'O, ,CHOS RNAMS MED LA DMIGS PA DANG, ,ZHES BYA BA LA SOGS PA'I TSIGS SU BCAD PA 'DI NI SGYU MA LA SOGS PA'I DPE DAG GIS SLOB MA YID CHES PAR BYED PA YIN TE, SLOB MAS 'GAL BA GNYIS DRIS PA NI CHOS RNAMS MED LA DMIGS PA DANG, NYON MONGS MED PAR DAG PA 'GAL LO ZHES THE TSOM ZA BAS DE LA SGYU MA'I DPES BSTAN TE, JI LTAR SGYU MA'I GLANG PO MED BCOM LDAN 'DAS ZHIN DU YANG DMIGS PAR 'GYUR BA DE BZHIN DU YANG YOD PA MA YIN NA YANG DMIGS SU RUNG NGO ZHES BLTA BAR BYA BA DANG, JI LTAR NAM MKHA' RANG BZHIN GYIS 'OD GSAL BA YIN PA'I PHYIR KHUG RNA LA SOGS PAS BSGRIBS PA MA YIN NA YANG DE DAG MED PA TZAM LA DANG BZHES BRJOD PA BZHIN DU CHOS RNAMS KYANG RANG BZHIN GYIS 'OD GSAL BA YIN PA'I PHYIR KUN NAS NYON MONGS PA NYID MED PA YIN NA YANG GLO BUR BA'I DRI MAS SGRIB G-YOGS SU SNANG BA MED PAR GYUR PA NI YANG RNAM PAR DAG PAR BLTA BAR BYA'O, ,GZHAN GYI DBANG JI LTAR SNANG BA BCOM LDAN 'DAS ZHIN MED DU ZIN NA GZHAN GYI DBANG GI NGO BO NYID THAMS CAD KYI THAMS CAD DU MED PAR CI'I PHYIR MI 'GYUR, DE MED NA YANG YONGS SU GRUB PA'I NGO BO NYID KYANG MED PAR 'GYUR TE, GANG GI PHYIR KUN NAS NYON MONGS PA LA RNAM PAR BYANG BAR 'GYUR BAS SO, ,DES NA DE DAG GNYI GA MED NA YANG THAMS CAD MED PAR JI LTAR MI 'GYUR BAS DE BSTAN PAR BYA BA'I PHYIR, KUN NAS NYON MONGS PA DANG RNAM PAR BYANG BA MED PA'I NYES PAR 'GYUR ZHES BYA BA LA SOGS PA BSTAN PA STE, GANG GI PHYIR KUN NAS NYON MONGS PA DANG RNAM PAR BYANG BA NI DMIGS PA'I PHYIR RO, ,DES NA DE DAG GNYI GA DMIGS PA BZHIN DU YANG MED DO ZHES 'DOD PA DES NI KUN NAS NYON MONGS PA DANG @151A *, ,RNAM PAR BYANG BA DAG YOD BZHIN DU YANG MED DO ZHES SKUR PA BTAB PAR 'GYUR RO,, ,,BAM PO BZHI PA, RANG BZHIN GYIS RNAM PAR BYANG BA ZHES BYA BA NI NGO BO NYID KYIS RNAM PAR BYANG BA'I NGO BO NYID DE, DE YANG DE BZHIN NYID DU YOD PA YIN NO SEMS CAN THAMS CAD LA SPYI'I MTSAN NYID KYIS DE NI YOD PA NYID KYI PHYIR CHOS THAMS CAD NI DE BZHIN GSHEGS PA'I SNYING PO CAN ZHES GSUNGS SO, ,DRI MA MED PAS RNAM PAR BYANG BA ZHES BYA BA NI DE BZHIN NYID DE NYID NYON MONGS PA DANG SHES BYA'I SGRIB PA ZHES BYA BA'I DRI MA DANG BRAL BAR GYUR PA'I PHYIR GANG RNAM PAR DAG PA'I DE BZHIN NYID KYIS RAB TU PHYE BA'I SANGS RGYAS NYID DO, ,DE 'THOB PA'I LAM RNAM PAR BYANG BA ZHES BYA BA NI DE 'THOB PA'I LAM GANG YIN PA DE YANG RNAM PAR BYANG BA STE, DE YANG BYANG CHUB KYI PHYOGS DRAN PA NYE BAR GZHAG PA LA SOGS PA DANG, PHA ROL TU PHYIN PA DRUG LA SOGS PA'O, ,DE SKYED PA NYID KYI DMIGS PA RNAM PAR BYANG BA ZHES BYA BA NI BYANG CHUB KYI PHYOGS KYI CHOS DE RNAMS MNGON PAR RTOGS PA SKYED PA YANG YIN LA DMIGS PA YANG YIN PAS SKYED PA NYID KYI DMIGS PA'O, ,DE RNAM PAR BYANG BA YANG YIN PAS DE SKYED PA NYID KYI DMIGS PA RNAM PAR BYANG BA ZHES BYA'O, ,DE YANG MDO'I SDE LA SOGS PA GSUNG RAB YAN LAG BCU GNYIS SU GTOGS PA'I BSTAN PA STE, GANG GI PHYIR BSTAN PA GANG YIN PA DE KUN TU BRTAGS PA YIN NA NI KUN NAS NYON MONGS PA'I RGYU LAS BYUNG BAR 'GYUR RO, ,'ON TE GZHAN GYI DBANG YIN NA NI BDEN PA MA YIN PA'I DON DU 'GYUR RO, ,CHOS KYI DBYINGS RNAM PAR DAG PA'I RGYU MTHUN PA CAN YIN PAS DE DAG GNYIG GA LAS RNAM PAR GROL BA'I PHYIR MI BDEN PA MA YIN TE, YONGS SU GRUB PA NYID LAS 'BYUNG BAR 'GYUR BA YIN NO, ,YANG GANG DU RNAM PA BZHI PO DE DAG LAS GANG YANG RUNG BA ZHIG BSTAN PA NI THEG PA CHEN PO STE, YONGS SU GRUB PA'I NGO BO STON PA YIN NO ZHES 'DI LTAR RIG PAR BYA'O, ,DE LA DANG PO GNYIS NI MI 'GYUR BAR YONGS SU GRUB PA NYID KYI YONGS SU GRUB BA'O, ,PHYI MA NI PHYIN CI MA LOG PAR YONGS SU GRUB BA YIN NO, ,DON 'DI DAG NYID TSIGS SU BCAD PA PHYI MAS BSTAN TO, ,BYUNG RTEN SGYU MA LA SOGS BSTAN, ,ZHES BYA BA NI GZHAN GYI DBANG DU 'BYUNG BAR BSAM PA'O, ,DE YANG GANG DU CHOS @151B THAMS CAD SGYU MA LTA BU'O ZHES BYA BA NAS SPRUL PA LTA BU'O ZHES BYA BA'I BAR GYIS BSTAN PA STE, DE NI GZHAN GYI DBANG GI NGO BO BSTAN PA YIN PAR SHES PAR BYA'O, ,BRTAGS LA BRTEN NAS MED PA BSTAN, ,ZHES BYA BA NI GANG DU GZUGS MED CES BYA BA NAS, CHOS THAMS CAD MED DO ZHES BYA BA'I BAR DU BSTAN PA DER NI KUN TU BRTAGS PA BSTAN PA YIN PAR SHES PAR BYA'O, ,GANG GI PHYIR GZHAN GYI DBANG GI NGO BO NYID SGYU MA LA SOGS PA'I DPE NYID KYIS BSTAN PAS DE STON PAR MDZAD PA NI DE LA NOR PA NYID DU SOM NYI ZA BA YIN TE, NOR PA NYID LA SOM NYI ZA BA LA GZHAN GYI DBANG GI NGO BO NYID DE SGYU MA'I DPES STON PAR MDZAD DE, JI LTAR SGYU MA'I GLANG PO DANG, RTA DON DU MED NA YANG YUL DU 'GYUR BA DE BZHIN DU DON YANG BLTA BAR BYA'O ZHES DE'I SOM NYI BZLOG PAR BYA BA'I PHYIR RO, ,GZHAN YANG SEMS DANG SEMS LAS BYUNG BA DON MED PA RNAMS DMIGS PA MED PAR JI LTAR 'BYUNG BAR 'GYUR SNYAM DU SOM NYI ZA BAR 'GYUR BAS DE'I GNYEN POR SMIG RGYU STE, DE LA SMIG RGYU'I GNAS LTA BU NI SEMS DANG SEMS LAS BYUNG BA'O, ,CHU'I GNAS LTA BU NI DON TO, ,DES NA JI LTAR SMIG RGYU RGYU BAR GYUR PA NA CHU'I DON MED BZHIN DU YANG CHU'I DON GYI BLO SKYED PAR BYED PA'O, ,DE BZHIN DU SEMS DANG SEMS LAS BYUNG BA'I RGYU BAR GYUR PA NA YANG YOD PA MA YIN PA'I DON GYI BLO 'BYUNG BAR 'GYUR RO, ,YANG BYIS BA RNAMS JI LTAR DON MED NA 'DOD PA DANG MI 'DOD PA'I NYE BAR SPYOD PA JI LTAR THOB PAR 'GYUR ZHES SOM NYI ZA BA DE BZLOG PAR BYA BA'I PHYIR GZHAN GYI DBANG NI RMI LAM LTA BU NYID DE, RMI LAM NA DON JI LTA BA BZHIN DU MED NA YANG 'DOD PA DANG MI 'DOD PA'I NYE BAR SPYAD PA THOB PA MTHONG BA BZHIN DU 'DIR YANG DE BZHIN DU 'GYUR RO ZHES SHES PAR BYA'O, ,YANG DON MED NA LAS DGE BA DANG MI DGE BA RNAMS KYI 'BRAS BU 'DOD PA DANG MI 'DOD PA JI LTAR MNGON PAR 'GYUR BAR 'GYUR SNYAM DU SOM NYI ZA BA DE BZLOG PA'I PHYIR GZUGS BRNYAN GYI DPES CHOS MTHUN PA'I GZHAN GYI DBANG BSTAN TE, JI LTAR GZUGS KYI DON MED BZHIN DU YANG GZUGS BRNYAN LA GZUGS NYID KYI BLO 'BYUNG BAR 'GYUR NA YANG GZUGS NYID KYI DON YOD PA NI MA YIN PA DE BZHIN DU 'DIR YANG 'DOD PA DANG MI 'DOD PA'I 'BRAS BU'I DON YOD PA MA YIN NA YANG DE DMIGS PA NYID @152A *, ,DU BLTA BAR BYA'O, ,YANG DON MED NA JI LTAR RNAM PAR SHES PA SNA TSOGS 'BYUNG BAR 'GYUR SNYAM DU SO MA NYI ZA BA DE'I GNYEN POR GZHAN GYI DBANG DANG CHOS MTHUN PA MIG YOR GYI DPES BSTAN TE, JI LTAR GRIB MA'I RTZED MO 'DOD PA'I DBANG GIS RNAM PHA SNA TSOGS SU SGYUR BAR BYED PA NA DE NA MIG YOR GYI DON MED BZHIN DU YANG RNAM PA SNA TSOGS SU SNANG BA NI DMIGS SO, ,DE BZHIN RNAM PAR SHES PA YANG DON RNAM PA SNA TSOGS MED NA YANG DON RNAM PA SNA TSOGS PA NYID DU SNANG BA YIN NO, ,YANG DON MED NA JI LTAR THA SNYAD BRJOD PA RNAM PA SNA TSOGS 'BYUNG BAR 'GYUR SNYAM DU SOM NYI ZA BA DE BZLOG PA'I PHYIR BRAG CA LTA BU NYID DO ZHES 'DI LTAR RNAM PAR 'JOG PAR BYED DE, 'DI LTAR DON MED BZHIN DU YANG BRAG CA GRAG PA DMIGS PAR 'GYUR BA DE BZHIN DU YANG THA SNYAD BRJOD PA SNA TSOGS MED BZHIN DU DE NYE BAR DMIGS PAR 'GYUR RO, ,YANG DON MED NA JI LTAR MNYAM PAR GZHAG PA RNAMS KYI SEMS DANG SEMS LAS BYUNG BA RNAMS LA 'JIG RTEN PA'I DON DMIGS PAR 'GYUR ZHES BYA BA DANG, MNYAM PAR GZHAG PA'I SEMS KYIS JI LTA BA BZHIN DU RAB TU SHES SHING JI LTA BA BZHIN MTHONG NGO ZHES 'DI LTAR 'BYUNG BA DE JI LTA BU ZHES SOM NYI ZA BAS DE'I GNYEN POR CHOS MTHUN PA CHU ZLA'I DPES BSTAN TE; JI LTAR CHU LA ZLA BA'I DON MED BZHIN DU YANG RLAN PA NYID DANG, DANG BA'I PHYIR CHU LA DE NYE BAR DMIGS PA BZHIN DU MNYAM PAR GZHAG PA'I SEMS LA DMIGS PA'I DON MED BZHIN DU YANG DE NYE BAR DMIGS PAR 'GYUR TE, 'DIR YANG CHU ZLA LTA BU NI RLAN PA'I BDAG NYID CAN YIN PA'I PHYIR TING NGE 'DZIN YIN NO, , YANG JI LTAR DON MED NA SEMS CAN GYI BYA BA BSGRUB PA'I PHYIR BYANG CHUB SEMS DPA' DE KHO NA NYID RTOGS PA RNAMS SEMS CAN RNAMS KYI DON GYI PHYIR BLO SNGON DU BTANG NAS 'GRO BA DE DANG DE DAG TU BDAG GI LUS 'DZIN PAR BYED CES SOM NYI ZA BA DE'I GNYEN POR GZHAN GYI DBANG DANG CHOS MTHUN PA SPRUL PA LTA BUS BSTAN TE, JI LTAR SPRUL PA'I DON MED BZHIN DU YANG SPRUL PA'I DBANG GIS DGOS BA SGRUB PAR BYED PA NA YANG SPRUL PA'I DON DMIGS PA BZHIN DU BDAG GI LUS LEN PA'I DON MED BZHIN DU YANG SEMS CAN THAMS CAD KYI DON BYED PA PO'I BDAG GI LUS LEN PA'I DON NYE BAR DMIGS PAR BLTA BAR @152B BYA'O; ,BCOM LDAN 'DAS KYIS DON CI LAS DGONGS NAS YOD PA MA YIN PA'I SGYU MA LA SOGS PA'I DPE BRGYAD BSTAN CE NA, DE BSTAN PAR BYA'O, ,DE LA RE ZHIG SGYU MA'I DPE NI NANG GI BDAG NYID CAN GYI SKYE MCHED DRUG PO MIG LA SOGS PA RNAMS KYI GNYEN PO STE GANG GI PHYIR SGYU MA'I GLANG PO BZHIN DU DE DAG YOD PA MA YIN NA YANG NYE BAR DMIGS PA NYID DU BLTA BAR BYA'O ZHES STON TO, ,SMIG RGYU'I DPES KYANG GANG GI PHYIR SNOD KYI 'JIG RTEN DE RNAMS KYANG DE DANG MTSUNGS PA'I PHYIR SMIG RGYU BZHIN TE, YOD PA MA YIN NA YANG GDUNGS PA'I DBANG GIS CHUR DMIGS PA BZHIN NO, ,GZUGS LA SOGS PA'I NYE BAR SPYOD PA'I GNYEN PO NI RMI LAM GYI DPES TE, DES NA RMI LAM BZHIN DU GZUGS LA SOGS PA 'DI DAG YOD PA MA YIN NA YANG DE LAS BYUNG BA'I 'DOD PA DANG MI 'DOD PA'I NYE BAR SPYOD PA YANG DE BZHIN DU BSTAN TO, ,LUS KYI LAS KYI GNYEN POR GZUGS BRNYAN GYI DPE 'DRA BAR NYE BAR BSTAN TE; DES NA LUS KYI LAS DGE BA DANG, MI DGE BA LA BRTEN NAS DE LAS GZHAN PA'I GZUGS KYI GZUGS BRNYAN 'BYUNG NGO ZHES STON TO, ,NGAG GI LAS KYI GNYEN POR NI BRAG CA DPE BSTAN TE, DAG GI LAS KYI RGYU NYID LAS NGAG GI LAS KYI 'BRAS BU BRAG CA LTA BU NYID DU DES BSTAN TO, ,YID KYI LAS NI RNAM PA GSUM STE MNYAM PAR BZHAG PA'I SA PA DANG, THOS PA'I RJES SU 'GRO BA DANG, 'DOD PA NA SPYOD PA DANG, DE LA MNYAM PAR MA BZHAG PA'I SA PA GANG YIN PA'I GNYEN POR MIG YOR LTA BU NYID CES BSTAN TE, DES NI MIG YOR LTA BUR ZHES BYA BA YID KYI LAS KYI 'BRAS BU BSTAN TO, , MNYAM PAR GZHAG PA'I SA PA'I YID KYI LAS KYI GNYEN POR NI CHU ZLA'I DPE STE, DES NI MNYAM PAR GZHAG PA'I SA PAS YID KYI LAS NI CHU'I ZLA BA DANG 'DRA'O ZHES BSTAN TO, ,THOS PA'I RJES SU 'GRO BA'I YID KYI LAS KYI GNYEN POR NI SPRUL PA'I DPE STE, DE LA THOS PA'I RJES SU 'GRO BA NI THOS BA DANG BSAM PAS BSGOS PA'O, ,DES NI THOS PA'I RJES SU 'GRO BA'I YID KYI 'JUG PA NI SGYU MA DANG 'DRA BA'O ZHES BSTAN TO, ,NGO BO NYID GSUM GYI MTSAN NYID KYI CHOS KYI CHOS NYID DE DAG JI LTAR MDO LAS 'BYUNG BA DANG RJES SU MTHUN PAR 'GYUR BA YIN ZHE NA, DA NI DE BSTAN PAR BYA BA'I PHYIR, TSANGS PAS ZHUS PA @153A *, ,LAS BCOM LDAN 'DAS KYIS CI LAS DGONGS TE, DE BZHIN GSHEGS PAS 'KHOR BA YANG MA DMIGS MYA NGAN LAS 'DAS PA YANG MA DMIGS ZHES BSTAN ZHES BYA BA GANG, 'KHOR BA DANG MYA NGAN LAS 'DAS PA NYID BYE BRAG MED PA LAS DGONGS NAS BSTAN ZHES BYA BA STE, GZHAN GYI DBANG NI 'KHOR BA MA YIN TE, GANG GI PHYIR DE MYA NGAN LAS 'DAS PAR 'GYUR BAS SO, ,KUN TU BRTAGS PA'I CHOS NI DE MYA NGAN LAS 'DAS PA YANG MA YIN TE 'KHOR BA YIN NO, ,DES NA GCIG PA NYID DU BRJOD PAR MI NUS PAR GZIGS NAS GCIG NYID DU ZHUGS PA'I BYE BRAG GI NGO BO MED PAS 'KHOR BA YANG MI DMIGS LA MYA NGAN LAS 'DAS PA YANG MI DMIGS ZHES BYA BA NI DE LAS DGONGS NAS DER GSUNGS PA YIN NO, ,DE BZHIN DU KUN TU BRTAGS PA'I NGO BO NYID NI KUN NAS NYON MONGS PA NYID DO, ,YONGS SU GRUB PA'I NGO BO NYID NI RNAM PAR BYANG BA NYID DO, ,GZHAN GYI DBANG NI DE DAG GNYI GA'I BDAG NYID MA YIN PA NYID DE, DE LA DGONGS NAS CHOS MNGON PA'I MDO LAS CHOS NI GSUM STE, KUN NAS NYON MONGS PA'I CHAR GTOGS PA DANG, RNAM PAR BYANG BA'I CHAR GTOGS PA DANG, DE GNYI GA'I CHAR GTOGS PA'O ZHES BYA BA BSTAN PA YIN NO, ,DE YANG GSER GYI SNYING PO CAN GYI SA'I DPES BSTAN TE, DE LA SA KHONG NA GSER YOD PA ZHES BYA BA NI GSER GYI SA BON NO, ,SA'I KHAMS NI SRA BA NYID DO, ,SA NI NYE BAR RTEN PA'I GZUGS SA'I KHA DOG GANG YIN PA STE, DE LA GSUM PO DE DAG NYE BAR DMIGS PA YIN NO, ,GSER NI SA NYID DU SNANG BA'O, ,DE'I GSER NYID DU SHES PA NI PHYIS 'BYUNG BAR 'GYUR TE, GANG GI TSE ME DANG 'PHEL BAR GYUR PA NA, GSER NYID DU DMIGS PAR 'GYUR BA STE, DES NA DE YOD PA NYID DU GRUB PAR 'GYUR RO, ,DON GYI TSIGS SU BCAD PA NI, JI LTAR CHOS RNAMS YOD MIN ZHING, ,JI LTAR RNAM PA DU MAR SNANG, ,ZHES BYA BA LA GO RIMS BZHIN DU, DE BZHIN CHOS DANG CHOS MED MIN; ,ZHES BYA BA DANG SBYAR TE, RGYU GANG GIS GANG GI PHYIR MED PA DES NA CHOS RNAMS YOD PA MA YIN ZHING GANG GI PHYIR SNANG BA DES NA CHOS MED PA YANG MA YIN TE, CHOS YIN NO ZHES BYA BA'I THA TSIG GO, ,DES NA, DE BZHIN CHOS DANG CHOS MED MIN, ,GNYIS SU MED PA GNYIS SU BSTAN, ,CHA RES @153B ZHES BYA BA STE MTHA' GCIG GIS SO, ,MED PA DANG YOD PA ZHES BYA BA NI DNGOS PO DANG DNGOS PO MED PA'O, ,RAB TU BSTAN ZHES BYA BA NI BSHAD PA'O, ,GNYI GA'I CHA NI YOD MIN ZHING, ,MED PA'ANG MIN ZHES BRJOD PAR MDZAD, ,CES BYA BA NI GANG GI PHYIR GNYI GA'I BDAG NYID CAN GYI GZHAN GYI DBANG YONGS SU BZUNG NAS YOD PA DANG MED PA NYID DU BSTAN PA'O, ,JI LTAR SNANG BA DE BZHIN MED, ,CES BYA BA NI JI LTAR DMIGS PA DE DANG DE BZHIN DU MED PA STE, DE PHYIR MED CES BRJOD PAR MDZAD, ,GANG PHYIR DE LTAR SNANG GYUR PA, ZHES BYA BA LA, SNANG BA TZAM DU YOD PA'I PHYIR, YOD PA ZHES BRJOD PAS, DE PHYIR YOD CES BRJOD PAR MDZAD, ,CES BYA BA'O, ,GANG LAS DGONGS NA NGO BO NYID MED PAR BSTAN PA YIN PA DE STON PAR BYED PA NI, RANG DANG ZHES BYA BA LA, GANG GI PHYIR RANG NYID RKYEN MED PAR MI 'BYUNG ZHES BYA BA STE, RE ZHIG NGO BO NYID MED PA NYID KYI DGONGS PA GCIG YIN NO, ,CHOS RNAMS KYI BDAG NYID MED PA'I PHYIR ZHES BYA BA NI YANG 'DI'I DGONGS PA NI 'DI YIN TE, GANG 'GAGS PA DE NI DE'I BDAG NYID DU YANG MI 'BYUNG BAS DE'I PHYIR NA YANG NGO BO NYID MED DE, RANG GI DNGOS LA MI GNAS PHYIR, ,ZHES BYA BA NI BYUNG BA TZAM NYID NA SKAD CIG PHYI MAR MI GNAS PA STE, GNAS PAR MI NUS PA'I PHYIR NA YANG NGO BO NYID MED DO, ,DE LTA BU NI RE ZHIG NYAN THOS DANG THUN MONG GI CHOS RNAMS KYI NGO BO NYID MED PA NYID DO, ,GZUNG BA BZHIN DU DE MED PHYIR, ,ZHES BYA BA NI 'DIS NI NYAN THOS DANG THUN MONG MA YIN PA STE, GANG GI PHYIR JI LTAR BYIS PAS YONGS SU BZUNG BA'I KUN TU BRTAGS PA'I NGO BO NI DE BZHIN DU MED PAS DE LAS DGONGS NAS THEG BA CHEN PO'I TSUL 'DIR CHOS THAMS CAD KYI NGO BO NYID MED PA'O ZHES GSUNGS SO, ,THAMS CAD NGO BO NYID MED PA NYID NI 'DI LTAR GRUB PA YIN PA STE, SKYE BA MED PA LA SOGS PAS SO, ,GANG GI PHYIR GANG NGO BO NYID MED PA DE NI MA SKYES PA'O, ,GANG MA SKYES PA DE NI MA 'GAGS PA'O, ,GANG MA SKYES PA MA 'GAGS PA DE NI GDOD MA NAS ZHI BA'O, ,GANG GDOD MA NAS ZHI BA DE NI RANG BZHIN GYIS MYA NGAN LAS 'DAS PA YIN PAS SO, ,PHYI MA PHYI MA RTEN BYAS TE, ,ZHES BYA BA NI PHYI MA PHYI MA'I RGYU'I NGO BO YIN NO ZHES BYA BA'I THA TSIG GO, ,MNYAM PA NYID LA DGONGS PA NI JI LTAR KHA CIG MNYAM PA NYID KYI CHOS NYID LA @154A *, ,BSAMS NAS DE GANG YIN PA NI BDAG YIN LA BDAG GANG YIN PA NI DE YIN NO ZHES SMRAS PA LTAR, BCOM LDAN 'DAS KYIS KYANG CHOS KYI SKU MTSUNGS PA THUGS LA BZHAG NAS, NGAG NYID DE'I TSE DE'I DUS NA ZHES BYA BA LA SOGS PA BSTAN PA YIN GYI, RNAM PAR GZIGS GANG YIN PA DE NI SH'A KYA THUB PA NYID NI MA YIN TE, MNYAM PA NYID LA DGONGS PA NI 'DI YIN NO,,DUS GZHAN LA DGONGS PA ZHES BYA BA LA, GANG SNYOM LAS MANG BA RNAMS THABS KYI RNAM PA 'DI NYID KYIS CHOS 'DI LA SBYOR BAR BYED PA YIN TE, DE BZHIN GSHEGS PA RIN CHEN MANG GI MTSAN BZUNG BA'I RGYU LAS BYUNG BA'I DGE BA'I RTZA BAS DE DAG KHYAD PAR THOB PA'I RGYUR 'GYUR BA TZAM LA DGONGS NAS YIN GYI MTSAN BZUNG BA TZAM NYID KYIS NGES PA LA 'JUG PAR 'GYUR ZHING, BLA NA MED PA'I BYANG CHUB THOB PA MA YIN TE, JI LTAR PAn GCIG PAn STONG DU SGYUR ZHES BRJOD PA DE NI NYI MA GCIG GIS SAM, DUS GZHAN DU ZHES BYA BA'I DON TE, PAn GCIG PO DE NYID PAn STONG GI RGYUR GYUR PA BZHIN NO, ,SMON LAM BTAB PA TZAM GYIS 'JIG RTEN GYI KHAMS BDE BA CAN DU SKYE BAR 'GYUR RO ZHES BYA BA YANG DE BZHIN DU BLTA BAR BYA'O, ,DON GZHAN LA DGONGS PA NI THEG PA CHEN PO'I CHOS KYI DON KHONG DU CHUD PAR 'GYUR RO ZHES BYA BA LA, NGO BO NYID GSUM GYI DON GYI MTSAN NYID RANG GI KHONG DU CHUD PAR NI MI 'GYUR RO, ,GAL TE SGRA JI BZHIN DU DON KHONG DU CHUD PA 'DI BCOM LDAN 'DAS KYIS BZHED PA YIN NA NI 'DI LTAR BYAS PAS KYANG RTOGS PAR 'GYUR BAS DES NA DGONGS PA 'DI'I DON 'DI NI, SANGS RGYAS MANG PO LA BSNYEN BKUR BYAS PAR GYUR BAS NI MA YIN NO ZHES BYA BA'O, ,GANG ZAG GI BSAM PA LA DGONGS PA NI ZHES BYA BA LA, KHA CIG LA SBYIN PA'I BSNGAGS PA GSUNGS LA, YANG DE NYID NI MI BSNGAGS PAR YANG MDZAD DO, ,DE LA 'DI NI GANG ZAG GI BSAM PA LA DGONGS PA YIN TE, GANG ZAG GANG SER SNA CAN DU GYUR PA DE LA NI SBYIN PA BSNGAGS PAR MDZAD LA, GANG SBYIN PA LA MOS PA YOD PA DE LA DE NYID BSNGAGS PAR MI MDZAD DE, DES NA DGONGS PA 'DI MED NA SBYIN PA LA BSNGAGS PA DANG MA BSNGAGS PA 'GAL BA NYID KYI PHYIR DGONGS PA 'DI NYID KYIS NI SBYIN PA LA BSNGAGS PA DANG MI BSNGAGS PA RIG PAR 'GYUR RO, ,DE BZHIN DU @154B TSUL KHRIMS LA SOGS PA LA YANG BLTA BAR BYA'O, ,SGOM PA KHA CIG KYANG ZHES BYA BA NI 'JIG RTEN PA'I BSGOM PA'O, ,DGONGS PA DANG LDEM POR DGONGS PA LA THA DAD DU BYA BA CI YOD CE NA, BCOM LDAN 'DAS KYIS KYANG THUGS LA BZHAG BA STON PAR MDZAD PA DE NI DGONGS PA YIN NO, ,GANG NYID KYIS NGES PAR BSTAN PA LA 'JUG PAR MDZAD PA DE NI LDEM POR DGONGS PA YIN NO, ,DE LA BZHUGS PA LA LDEM POR DGONGS PA NI GANG DU GANG ZAG DANG CHOS KYI NGO BO DANG, KHYAD PAR DU KUN RDZOB KYI BDEN PA'I TSUL DU SEMS CAN RNAMS BZHUGS PA'I PHYIR BSTAN PA LA NI BZHUGS PA LA LDAM POR DGONGS PA'O, , DE LA MTSAN NYID LA LDEM POR DGONGS PA NI GANG DU CHOS KYI MTSAN NYID BSTAN PAR BYA BA DER NGO BO NYID GSUM STON PA'O, ,GNYEN PO LA LDEM POR DGONGS PA NI GANG DU SEMS CAN RNAMS KYA SPYOD PA'I GNYEN PO BSTAN PA STE, SEMS CAN RNAMS NYON MONGS PA'I GNYEN PO LA GNAS PAR BYA BA'I PHYIR RO; ,BSGYUR BA LA LDEM POR DGONGS PA NI GANG DU TSIG GI DON GZHAN DU BRJOD LA, DON DE NYID GZHAN DU STON PA STE, DPER NA SNYING PO MED PA LA SNYING POR SHES, PHYIN CI LOG LA SHIN TU GNAS, ,NYON MONGS KUN NAS RAB NYON MONGS, ,BYANG CHUB DAM PA THOB PAR 'GYUR, ,ZHES BYA BA LTA BU'O, ,DE LA SNYING PO MED CES BYA BA NI TING NGE 'DZIN TE, 'PHRO BA MED PA NI SNYING PO MED PA'O ZHES BYAS NAS TE, DE LA BLA MA'I BLO 'BYUNG BA NI SNYING POR SHES PA'O, ,PHYIN CI LOG LA SHIN TU GNAS, ,ZHES BYA BA NI MI MTHUN PA LA RAB TU GNAS ZHES BYA BA'I THA TSIG STE, MI RTAG BA LA RTAG PA'O ZHES GANG PHYIN CI LOG PA DE NI RTAG PA LAS BZLOG PA'I MI RTAG PA LA RAB TU GNAS ZHES BYA BA'I THA TSIG GO, ,NYON MONGS KUN NAS RAB NYON MONGS, ,ZHES BYA BA LA, NYON MONGS PA NI NGAL BA STE, DE NYID KYIS NI YUN RING POR SEMS CAN GYI DON LA RAB TU NYON MONGS TE, JI LTAR NYON MONGS PAR GYUR KYANG DUS RING POR 'KHOR BA NA 'DI LTAR GNAS SO ZHES GSUNGS PA LTA BU'O, ,BYANG CHUB DAM PA THOB PAR 'GYUR, ,ZHES BYA BA'I TSIG GI DON NI GO SLA'O, ,CHOS RNAMS BRJOD PA'I BAG CHAGS LAS 'BYUNG STE, DE DAG NYID LAS TE ZHES BYA BA DE LA BRJOD PA'I BAG CHAGS LAS TE, RNAM PAR RTOG PA DANG PHYI ROL @155A *, ,GYI BAG CHAGS KUN GZHI RNAM PAR SHES PA LA KUN TU GNAS PA'O, ,BAG CHAGS DE LAS BYUNG BA NI CHOS THAMS CAD DE, GANG 'JUG PA'I RNAM PAR SHES PA'I NGO BO'O, ,DE DAG NYID LAS TE ZHES BYA BA NI RNAM PAR RTOG PA'I BAG CHAGS DE YANG CHOS KYI RGYU LAS BYUNG NGO ZHES BYA BA'I THA TSIG GO, ,DES NI KUN GZHI RNAM PAR SHES PA DANG 'JUG PA'I RNAM PAR SHES BDAG PHAN TSUN GYI RGYU CAN DU BSTAN TO, ,'JUG PA'I RNAM PAR SHES PA'I MTSAN NYID KYI CHOS DE DAG NI, RGYU MTSAN LTA BA DANG BCAS PA'I RNAM PAR RIG PA'I NGO BO NYID DO ZHES BYA BA NI; GANG RNAM PAR RIG PA RGYU MTSAN DANG BCAS, LTA BA DANG BCAS PA DE'I BDAG NYID CAN NO ZHES BYA BA'I THA TSIG GO, ,DE DAG GI MTSAN NYID KYANG RNAM PA GSUM STE 'DI LTAR GNAS KYI MTSAN NYID CES BYA BA NI GZHAN GYI DBANG GI MTSAN NYID DO, ,DE LTAR BSTAN BA 'DI NI NGO BO NYID GSUM GYI MTSAN NYID BSTAN PA YIN NO, ,DE DAG GI DON YANG TSIGS SU BCAD PA PHYED KYIS BSTAN TE, RGYU MTSAN LTA DANG BCAS PA LAS, DE DAG MTSAN NYID GSUM SHES BYA, ,ZHES BSHAD PA JI LTA BA BZHIN DU BSTAN PAR BYA'O, ,DE GNYI GA YOD PA DANG MED PA MI DMIGS PA'AM, DMIGS PA'AM, DE KHO NA NYID MA MTHONG BA DANG MTHONG BA DAG DUS MNYAM PA NYID DU ZHES BYA BA LA, DE GNYI GA TZAM NI KUN TU BRTAGS PA DANG, YONGS SU GRUB PA'O, ,DE GNYIS LAS GCIG NI MED PA'O, ,GNYIS PA NI YOD PA STE, DES NA DE DAG GNYI GA MED PA DANG YOD PAR ZHES GSUNGS PA YIN TE, GANG GI PHYIR DE KHO NA NYID MA MTHONG BA LA NI KUN TU BRTAGS BA NYE BAR DMIGS SHING YONGS SU GRUB PA DMIGS PAR MI 'GYUR RO, ,DUS DE NYID NA DE KHO NA NYID MTHONG BA LA KUN TU BRTAGS PA NI MI DMIGS LA YONGS SU GRUB PA NI DMIGS PAR 'GYUR RO, ,DON DE DAG NYID TSIGS SU BCAD PAS STON PA NI, GZHAN DBANG LA NI BRTAGS PA MED, ,CES BYA BA LA SOGS PA SMOS TE, DE PHYIR DE LA GNYI GA MNYAM, ,ZHES BYA BA LA, MNYAM PA ZHES BYA BA NI DUS GCIG TU'O, ,DE LA ZHES BYA BA NI GZHAN GYI DBANG DE LA'O, ,GNYI GA ZHES BYA BA NI DE KHO NA NYID MTHONG BA DANG, MA MTHONG BA DAG GO, ,DE PHYIR ZHES BYA BA NI RGYU DES NA ZHES BYA BA'I THA TSIG STE 'DI LTAR GZHAN GYI DBANG @155B LA KUN TU BRTAGS PA NI MED LA, YONGS SU GRUB PA NI YOD DO ZHES BYA BA'I DON TO, ,BYIS PA PHYIR CI LOG TU 'DZIN PA LA SDAR BSTAN PA'I TSIG GI DON TSIG GI LHAG MAS YANG DAG PAR STON TE, DE LA KUN TU SPYOD PA GNYIS MI MNGA' BA ZHES BYA BA NI GNYIS SU SPYOD PA 'DI LA MI MNGA' BAS DE NI KUN DU SPYOD PA 'DI LA MI MNGA' BA STE, JI LTAR NYAN THOS DANG, RANG SANGS RGYAS RNAMS KYI SHES PA NI BSGRIBS PA DANG MA BSGRIBS PA CAN YIN NO ZHES BYA BA'I DON TO, ,YOD PA DANG ME3D PA GNYIS SU MED PA'I MTSAN NYID MCHOG TU RNAM PAR DAG PA STE, RNAM PAR DAG PA'I DE BZHIN NYID DE NI MTSAN NYID MED PA'I CHOS TE, GANG GI PHYIR RE ZHIG 'DI LA DNGOS PO'I MTSAN NYID NI MED DE, 'DI LTAR CHOS THAMS CAD MED PAS SO, ,MED PA'I MTSAN NYID KYANG MA YIN TE, DNGOS PO'I RANG GI MTSAR NYID LA GNAS PAS SO, ,MTSAN NYID MED PA'I CHOS MCHOG TU RNAM PAR DAG PA RTOGS PAS NA DE NI DE BZHIN NYID MCHOG TU RNAM PAR DAG PAR GSHEGS PAR MDZAD PA'I YON TAN ZHES BYA BA STE, MCHOG NYID DU RTOGS PAS NA MCHOG TU GSHEGS PAR MDZAD PA STE, GSHEGS PA ZHES BYA BA NI 'GRO BA ZHES BYA BA'I DON YIN PA'I PHYIR 'GRO BA'I THA TSIG GO, ,SANGS RGYAS KYI MDZAD PA LHUN GYIS GRUB PA RGYUN MI GCOD PAR GNAS PA'I YON TAN ZHES BYA BA LA, SANGS RGYAS KYI MDZAD PA LA DMIGS NAS GNAS PA STE, DES RNAM PAR GNAS ZHES BYA BA'I THA TSIG GO, ,SGRIB HPA THAMS CAD KYI GNYEN PO BSGOMS PA'I YON TAN DANG ZHES BYA BA NI SGRIB PA THAMS CAD KYI GNYEN PO 'DI LTAR DUS THAMS CAD DU BSGOM PA'I BLO'O, ,'JIG RTEN DU SKYES KYANG 'JIG RTEN GYI CHOS KYIS MI 'PHROGS PA ZHES BYA BA LA, DE 'JIG RTEN GYI SPYOD YUL DU 'JIG RTEN DU SKYES PA YIN NA YANG RNYED PA LA SOGS PA'I 'JIG RTEN PA'I CHOS KYIS 'DI LTAR MI GOS PA'O, ,CHOS RNAM PAR GZHAG PA'I YON TAN ZHES BYA BA NI TSAD MED PA NYID DANG, BSAM GYIS MI KHYAB BA NYID KYI MDO SDE LA SOGS PA'I CHOS BYIS BAS RTOGS PAR DKA' BA RNAMS MKHYEN PAS SHIN TU RNAM PAR DAG PA'I BLO MNGA' BA STE, SHIN TU RNAM PAR DAG PA'I BLO ZHES BYA BA'I THA TSIG 'DI DAG NI TSIGS SO SO THAMS CAD LA SBREL BAR BYA'O, ,PHYI MA LA CHOS 'BYUNG BA MKHYEN PA'I @156A *, ,YON TAN ZHES BYA BA NI YE SHES KYIS MA 'ONGS PA NA CHOS 'DI LTA BU 'BYUNG NGO ZHES BYA BA MKHYEN PA'I THA TSIG GO, ,SKU DPAG TU MED PAS SEMS CAN 'DUL BA SBYOR BA'I YON TAN ZHES BYA BA LA, BYANG CHUB SEMS DPA' LUS DPAG TU MED PA GANG GIS SEMS CAN RNAMS 'DUL BAR MDZAD PA STE, DES SANGS RGYAS LAS BDAG DANG GZHAN MNYAM PA NYID DU SHES PA 'THOB PA DANG, YE SHES MNOS PA NYID YIN PA'I PHYIR SANGS RGYAS NYID KYIS GDUL BYA RNAMS LA MDZAD PAR 'GYUR RO ZHES BYA BA'I DON TO, ,CHOS KYI SKU MNYAM PA LA PHA ROL TU PHYIN PA RNAMS GRUB PA'I YON TAN ZHES BYA BA NI GNYIS SU MED PA'I CHOS KYI SKU NI CHOS KYI SKU MNYAM PA STE, DE LTA BAS NA 'DIR GNYIS SU MED PA'I SKU SHIN TU RNAM PAR DAG PA'I PHA ROL TU PHYIN PA THOB CES BYA BA'I THA TSIG GO, ,DE BZHIN GSHEGS PA THA MI DAD PA RNAM PAR THAR PAR MDZAD PAR MDZAD PA'I YE SHES KYIS MTHAR PHYIN PA ZHES BYA BA NI DE BZHIN GSHEGS PA THA MI DAD PA LA MOS PAR MDZAD PA'I YE SHES KYIS MTHAR PHYIN PA ZHES BYA BA STE, 'DIR RNAM PAR THAR PA NI MOS PA'O, ,SANGS RGYAS KYI SKU GSUM GYI YUL YONGS SU CHAD PA'I YON TAN ZHES BYA BA LA, 'DI LTAR RE ZHIG CHOS KYI SKU'I YUL NI 'DI DAG GO ZHES YONGS SU BCAD PAR MI NUS SO, ,DE BZHIN DU LONGS SPYOD RDZOGS PA DANG, SPRUL PA'I SKU YANG 'JIG RTEN KHAMS 'DI SNYED DO ZHES BCAD PAR MI NUS SO, ,CHOS KYI DBYINGS KYI MCHOG CES BYA BA NI GANG 'DIR RNAM PAR DAG PA'I CHOS KYI DBYANGS DE NI MCHOG YIN PAS CHOS KYI DBYINGS DE YANG MCHOG YIN NO, ,NAM MKHA' KHAMS KYI MTHAS GTUGS PA ZHES BYA BA NI NAM MKHA' LTAR SANGS RGYAS YE SHES MI ZAD PA'I PHYIR SHIN TU RNAM PAR DAG PA'I BLO MNGA' BA ZHES BYA'O, ,YANG DON GYI DBANG DU BYA BA'I SEMS CAN THAMS CAD LA PHAN PA DANG BDE BAR BYA BA'I LHAG PA'I BSAM PA ZHES BYA BA GZHAN GYI DON 'DI NI LAS KYI TSIG LHAG MA BCU DRUG GIS BSTAN TE, DE LA BDE BAR BYA BA'I LHAG PA'I BSAM PA'I LAS JI LTA BU ZHIG CE NA, THAMS CAD MKHYEN PA'I YE SHES LA 'DZUD PA ZHES BYA BA STE, 'DI LTAR SEMS CAN DE DAG THAMS CAD MKHYEN PA'I YE SHES LA 'DZUD PAR GYUR PAS DES KYANG GCIG NAS GCIG TU BRGYUD PA'I SBYOR BAS MAR ME @156B GCIG LAS MAR MED STONG DU GYUR PA LTAR BDE BAR BYA BA'I LHAG PA'I BSAM PA YANG DAG PAR BSTAN PAR 'GYUR RO, ,DE BZHIN DU TSIG THAMS CAD LA YANG PHAN PA DANG BDE BAR BYA BA'I LHAG PA'I BSAM PA LA SBYAR BAR BYA'O, ,BDAG CI RI ZHES YONGS SU SHES PA DANG ZHES BYA BA NI PHAN PA DANG BDE BAR BYA BA'I LHAG PA'I BSAM PA YOD LA, YANG PHYIN CI LOG KYANG YOD NA NI 'DI LTAR LA LA PHAN PA DANG BDE BAR BYA BA'I LHAG PA'I BSAM PA NYID KYIS MYOS PAR 'GYUR BA'I BTUNG BA LA SOGS PA LA NGES PAR SBYOR BAR BYED DO, ,GAL TE DES BDAG NYID YANG DAG PAR JI LTA BA BZHIN DU YONGS SU SHES PA YIN NA, DE DANG RJES SU MTHUN PA LA SEMS CAN RNAMS LA YANG NYE BAR STON PAR BYED DO, ,NGA RGYAL DANG LDAN PAR GYUR PA NI MI SHES BZHIN DU 'DI LTAR PHAN BTAGS PA'I SEMS KYIS PHAN PA MA YIN PA LA SBYOR BAR BYED DO ZHES BYA BA'I THA TSIG GO, ,NGA RGYAL BCOM PA ZHES BYA BA NI 'DI LTAR NGA RGYAL BCOM PA'I SEMS KYIS GSOL BA 'DEBS PA LA SDOD PA MED PAR CHOS STON PA ZHES BYA BA'I THA TSIG GO, ,LHAG PA'I BSAM PA BRTAN PA ZHES BYA BA NI 'DI LTAR SEMS CAN PHYIN CI LOG TU SGRUB PA LA SEMS BRTEN PA NYID KYI PHYIR KHROS PAS PHAN PA'I LHAG PA'I BSAM PA MI 'DOR BA ZHES BYA BA'I THA TSIG GO, ,BCOS MA MA YIN PAR BYAMS PA ZHES BYA BA NI GANG RNYED PA'I RGYUS SEMS CAN RNAMS LA PHAN PA DANG BDE BAR MI BYED PA DANG LHAG PA'I BSAM PA DANG LDAN PA DANG, PHAN PA BYED PA YIN NO ZHES JI LTAR SHES PAR GYUR ZHES BYA BA MA YIN PA'O, ,DE DANG MTHUN PA'I LUS DANG NGAG GI LAS NGAG STE, DE LA TSIG CUNG ZAD KYIS SNGON DU GSONG POR SMRA BA NI NGAG GI LAS SO, ,'DIR BDE BA NYID RGYUN MI GCOD PA'I SNYING RJE CHEN PO DANG, BZHIN 'DZUM PA NI LUS KYI LAS TE, DE LA TSIG CUNG ZAD CES BYA BAS NI 'DI LTAR CHOS KYI GTAM BYED PA'O, ,SNYING RJE CHEN PO YONGS SU MA CHAD PA NI SDUG BSNGAL GYIS SDUG BSNGAL BA DANG BDE BA RNAMS NI 'GYUR BA'I SDUG BSNGAL DANG, SDUG BSNGAL YANG MA YIN BDE BA YANG MA YIN PA NI 'DU BYED KYI SDUG BSNGAL NYID KYIS SDUG BSNGAL BA LA BDE BA DANG SDUG BSNGAL GNYIS SU MED PA'O, ,MI ZHUM PA'I LAS NI BDAG GIS SANGS RGYAS NYID BSGRUB PAR GA LA NUS ZHES BYA BA'I RNAM @157A *, ,PAS BDAG NYID LA SPYOD PA MED PA'O, ,YID YONGS SU MI SKYO BA ZHES BYA BA NI GANG SANGS RGYAS NYID BSGRUB PA LA SKYE BA MED PA'O, ,THOS PA DANG DON GYIS NGOMS MI MYONGS BA ZHES BYA BA NI GANG THOS PA MANG PO NYID YIN NA YANG BTANG SNYOMS DANG BCAS PAR MI 'GYUR BA'O, , SPYOD LAM THAMS CAD DU BYANG CHUB KYI SEMS YONGS SU SBYONG BAR BYED PA DANG ZHES BYA BA'I TSIG GI DON NI SPYOD LAM YONGS SU DAG PA'I MDO BZHIN NO, ,KHYAD PAR DU 'GRO BA'I LAS ZHES BYA BA LA, PHAN PA'I LHAG PA'I BSAM PA 'PHEL BAR BYED PA'I RGYUR GYUR PA YONGS SU RDZOGS PA SBYOR BA'I LAS DRUG PO 'DI DAG MANG DU BYAS PAS RDZOGS PAR 'GYUR RO, ,GUS PAR BYAS TE DGON PA LA GNAS ZHES BYA BA NI DE LA GNAS PA NA BDEN PA MA YIN PA'I RNAM PAR RTOG PA YONGS SU SPONG BA'O, ,'JIG RTEN GYIS SNA TSOGS ZHES BYA BA NI GANG DANG GANG BYED PA LA SOGS PA'O, ,'GRUB PAR SBYOR BA LAS ZHES BYA BA NI DE'I RDZOGS PAR BYED PA'I LAS KYI RTAGS SO, ,MTHU THOB PA ZHES BYA BA NI MNGON PAR SHES PA DRUG GO, ,YE SHES LA RTON PA ZHES BYA BA NI YE SHES LA RTON GYI RNAM PAR SHES PA LA NI MA YIN TE, SO SOR RANG GIS RIG PA'I BDAG NYID KYIS YE SHES BSKYED NAS YE SHES DE LA MNGON SUM DU SBYOR BA'I TSUL GYIS CHOS LA RAB TU GNAS PA'O, ,DE LA 'JOG PA'I LAS ZHES BYA BA NI PHAN PA DANG BDE BA BYA BA'I LHAG PA'I BSAM PA GANG GIS PHAN PA DANG BDE BA DE NYID LA SEMS CAN RNAMS RAB TU 'GOG PAR BYED PA'O, ,DE LA TSOGS YONGS SU SDUD PA'I YON TAN ZHES BYA BA GANG GIS TSUL KHRIMS 'CHAL BA YANG YONGS SU GTONG BAR MI BYED CING THAMS CAD DU SPONG BA MA YIN TE, MI DGE BA LAS BSLANGS NAS DGE BA LA SBYOR BAR BYED PA'O, ,THE TSOM MED PAR 'DOMS SHING RJES SU STON PA ZHES BYA BA NI GANG LA CHA GCIG GIS GDAMS NGAG BYAS PA DE LA YANG BDAG GIS KHYOD LA BSTAN PA DE LA BDAG GIS LEGS PAR BSTAN PA MA YIN NO ZHES BRJOD PAR MI BYED PA STE, DES NA DE'I TSIG GZUNG BAR 'OS PAR 'GYUR RO, ,CHOS DANG ZANG ZING GIS SDUD PA YANG GANG BDEN PAR SMRA BAR BYED PA'I CHOS DANG ZANG ZING CHOS GOS LA SOGS PA DE RNAMS KYIS BSDUS PA DE DAG GIS KYANG DE BZHIN DU SGRUB PAR BYED DO, ,SEMS KUN NAS NYON @157B MONGS PA CAN MA YIN PA ZHES BYA BA NI GANG BYANG CHUB KYI SEMS YONGS SU BZUNG NAS SEMS CAN GYI DON BYED PA YIN GYI, BDAG NYID YONGS SU SPYOD PAR BYED PA NI MA YIN NO, ,DE LTAR NA YANG DGE BA'I RTZA BA 'DIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN RNAMS NYE BAR SDUD PAR BYED PAR SHOG SHIG CES BYA BA LTA BU'O, ,DON 'DI DAG NYID TSIGS SU BCAS PAS, DANG PO'I TSIG NI NYER BZUNG NAS, ,ZHES BYA BA LA SOGS PAS BSTAN TO, ,DE LTAR RE ZHIG SHES BYA DANG, MTSAN NYID RNAM PA GNYIS SO, ,JI LTAR 'JUG PAR 'GYUR BA DE BSTAN PAR BYA'O, ,DE LA SHES BYA DANG MTSAN NYID LA 'JUG PA JI LTA BU ZHE NA, BSOD NAMS DANG YE SHES KYI TSOGS LEGS PAR BSAGS PA'I BYANG CHUB SEMS DPA'O ZHES BYA BA'O, ,YANG DE NI RIM PA JI LTA BUS BSOD NAMS DANG YE SHES KYI TSOGS YONGS SU RDZOGS PAR BYED CE NA, RGYU'I TSOGS DANG, DGE BA'I BA SHES GNYEN GYI STOBS DANG, YID LA BYED PA'I STOBS DANG, NYE BAR STON PA'I STOBS KYIS SO, ,DE LA TSIG GNYIS KYIS NI STOBS GNYIS LA GRANGS BZHIN DU RIG PAR BYA'O, ,DE LA YID LA BYED PA'I STOBS KYIS NI GCIG TU MOS PAR BYED PA'O, ,DE YANG THEG PA CHEN PO'I BAG CHAGS KYI RGYU CAN NO, , DE LA GCIG TU LHAG PAR MOS PA YOD NA SGRUB PA LA YANG DAG PAR 'JUG GO, ,SGRUB PA LA YANG DAG PAR GNAS NA DGE BA'I RTZA BA NYE BAR SOGS PAR 'GYUR TE, DE LTAR NA YID LA BYED PA'I STOBS KYIS BSOD NAMS DANG YE SHES KYI TSOGS LEGS PAR SOGS PAR 'GYUR BAS GO RIMS KYI TSUL NI DE LTAR RO, , DE LTAR NA BSOD NAMS DANG YE SHES KYI TSOGS LEGS PAR BSAGS PA NI SA LA 'JUG PAR 'GYUR LA, DE LTAR NYE BAR BSTAN PAR GYUR PA NI NYE BAR STON PA'I STOBS KYIS THEG PA CHEN PO'I CHOS KYI RGYU LAS BYUNG BA ZHES BYA BA STE, BSTAN PA'I CHOS LA DMIGS PA ZHES BYA BA'I DON TO, ,GANG GIS 'JUG CE NA, DGE BA'I RTZA BA'I STOBS BSKYED PA DANG, RNAM PA GSUM GYIS SEMS SBYONG BA ZHES BYA BA NAS, RTAG TU GUS PAR BYAS TE SBYOR BA DANG, BAG YOD PAS 'JUG GO ZHES BYA BA'I BAR GYIS SO, ,DGE BA'I RTZA BA'I STOBS SKYED PA NI YANG JI SKAD BSTAN PA'I TSIG BRGYAD LA SBYAR BAR BYA'O, ,DE LA ZHUM PA GSUM GYI GNYEN @158A *, ,POR SEMS SBYONG BA RNAM PA GSUM STE, DE YANG 'DI LTAR BYANG CHUB SEMS DPA' MCHOG TU ZAB CING RGYA CHE BA'I BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR RTOGS PAR DKA' BA THOS PA NA ZHUM PAR 'GYUR TE, DE'I GNYEN POR NI SEMS SBYONG BA DANG PO'O, ,YANG BYANG CHUB SEMS DPAS MCHOG TU ZAB CING RGYA CHE BA RTOGS PAR DKA' BA'I PHA ROL TU PHYIN PA SGRUB PA LA ZHUM PAR 'GYUR TE, DE'I GNYEN POR SEMS SBYONG BA GNYIS PA BSTAN TE, BSAM PA GANG GIS SBYIN PA LA SOGS PA PHA ROL TU PHYIN PA RNAMS LA KUN TU SPYOD PA'I BSAM PA ZHES BYA BA DE LA, BSAM PA NI DAD PA DANG 'DUN PA'O, ,YOD PA DANG, YON TAN DANG LDAN PA DANG, NUS PA NYID DANG PHA ROL TU PHYIN PA LA YID CHES PA NYID DE NI BYANG CHUB SEMS DPA'I DAD PA'O, ,DAD PAS BSKYED PA'I NAN TAN BYED PAR 'DOD PA NYID NI 'DUN PA'O, ,DE LTA BU'I DAD PA DANG 'DUN PA'I NGO BO NYID KYI BSAM PA THOB PAR GYUR PA'I BYANG CHUB SEMS DPA' NI TSIGS CUNG NGU NYID KYIS PHA ROL TU PHYIN PA DRUG SGOM PA YONGS SU RDZOGS PAR 'GYUR RO, ,YANG BYANG CHUB SEMS DPAS SANGS RGYAS RNAMS KYI ZAB CING RGYA CHE BA'I CHOS RAB TU 'BYED PA LA MKHAS PAR GNAS PA NA 'DI LTAR SEMS PAR BYED DE, 'DI LTAR BLA NA MED PA YANG DAG PAR RDZOGS PA'I BYANG CHUB SKAD CIG MA GCIG TU GTOGS PA THOB PAR BYA'O ZHES BYA BA NI RTOGS PAR DKA'O ZHES ZHUM PAR 'GYUR BAS DE'I GNYEN POR SEMS SBYONG BA GSUM PA BDAG DGE BA SGRIB PA MED PA ZHES BYA BA LA SOGS PA STE, GANG GI PHYIR BDAG SA BCU PO THAMS CAD DU YE SHES KYI TSOGS LEGS PAR BSAGS PA LTA ZHES BYA BAR SBYAR RO, ,DGE BA SGRIB PA MED PA DANG, ZHES BYA BA NI 'DOD CHAGS DANG BCAS PA'I GNAS NGAN LEN BSRABS PAR BYED CING DBRAL BAR DKA' BA'I SGRIB PA 'BYED PA RDO RJE LTA BU'I TING NGE 'DZIN TE, TING NGE 'DZIN GYI BAR MTSAMS MED PAS SGRIB PA THAMS CAD DANG BRAL ZHING DE'I RTEN GNAS GYUR PA DES THOB PAR 'GYUR RO ZHES BYA'O, ,SHIB TZAM NYID DANG NI RNAM PAR BRAL BA NYID CHOS MTHUN PA NYID DU 'DOD DO, ,PHUN SUM TSOGS PA NI RNAM PA THAMS CAD MKHYEN PA'O, ,THE TSOM THAMS CAD THE TSOM MED PAR GZUNG BAR BYA'O ZHES BYA BA NI MI GANG @158B THEG PA CHEN PO'I CHOS KYI MTSAN NYID RNAM PAR GZHAG PA LA BRTZAMS NAS NGO BO NYID GSUM STON PA STE, 'DI LTA STE, CHOS THAMS CAD NGO BO NYID MED PA, MA SKYES PA MA 'GAGS PA, GDOD MA NAS ZHI BA'O, ,CHOS THAMS CAD NI RANG BZHIN GYIS MYA NGAN LAS 'DAS PA'O ZHES BYA BA LA SOGS PA MED PA'I RNAM GRANGS KYIS KUN TU BRTAGS PA'I NGO BO NYE BAR GZUNG BAR BYA'O, ,SGYUR MA DANG, SMIG RGYU DANG, RMI LAM DANG, MIG YOR DANG, GZUGS BRNYAN DANG, CHU ZLA DANG, SPRUL PA BSTAN PAS NI GZHAN GYI DBANG GI NGO BO NYE BAR GZUNG BAR BYA'O, ,DE BZHIN NYID DANG, YANG DAG PA'I MTHA' DANG, MTSAN MA MED PA DANG, DON DAM PA DANG, CHOS KYI DBYINGS DANG, STONG PA NYID LA SOGS PA'I RNAM GRANGS BSTAN PAS NI YONGS SU GRUB PA'I NGO BO NYID NYE BAR GZUNG BA NYID DE, 'DI LA BLO GROS NGAN PA THAMS CAD KYI SOM NYI 'JUG PAR MI 'GYUR RO, ,THOS PA DANG BSAM PA'I CHOS LA NGAR 'DZIN PA DANG NGA YID 'DZIN PA'I MNGON PAR ZHEN PA YONGS SU SPONG BA ZHES BYA BA NI CHOS LA MNGON PAR ZHEN PA TZAM SPANG BAR BZHED PA'O, ,RNAM PAR RTOG PA SPANGS PAS MDUN GNAS PA DANG BZHAG PA'I MTSAN MA THAMS CAD YID LA MI BYED CING RNAM PAR MI RTOG PA ZHES BYA BA NI SBYOR BA LAS BYUNG BA'I RNAM PAR MI RTOG PA'I YE SHES LA GNAS PA'I DGE BA'I RTZA BA'I STOBS LAS BYUNG BA'I SEMS SBYONG BA RNAM PA GSUM LA BRTEN NAS 'DI LTAR RTAG TU GUS PA DANG BCAS PAS BAG YOD PAR 'BYUNG BA'I TSUL BZHIN YID LA BYED PA'I GNAS SKABS LA GNAS PA THAMS CAD DU MNYAM PAR GZHAG PA'I SEMS RJES SU MTHUN PA'I BZOD PA RNON PO LA GNAS PA YIN PAR RIG PAR BYA'O, ,LHAN CIG TU SNA TSOGS KYI RNAM PA'I DON SNANG BA 'BYUNG BA'I PHYIR RO ZHES BYA BA NI MING DANG TSIG DANG YI GE'I TSOGS SNA TSOGS KYI RNAM PA SNANG BA 'BYUNG BA'I PHYIR DANG, DE LA BRTEN PA'I DON SNA TSOGS KYI RNAM PA SNANG BA 'BYUNG BA'I PHYIR RO, , TSIGS SU BCAD PA NI, CHOS DANG GANG ZAG CHOS DANG DON, ,BSDUS PA DANG NI RGYAS DANG RIGS, ,MA DAG PA DANG DAG DANG MTHA', ,RAB TU DBYE BAS MING GI YUL, ,MDOR BSDUN BYANG CHUB SEMS DPA'I MING LA DMIGS PA NI RNAM PA BCU STE, 'DI LTA STE, CHOS KYI MING NI MIG LA SOGS PA'O, ,GANG ZAG GI @159A *, ,MING NI BDAG DANG SEMS CAN LA SOGS PA'O, ,CHOS NI GSUNG RAB YAN LAG BCU GNYIS SU GTOGS PA'O, ,DON NI GSUNG RAB YAN LAG BCU GNYIS PO DE'I DON GANG YIN PA'O, ,MING BSDUS PA NI CHOS THAMS CAD NI 'DUS BYAS DANG 'DUS MA BYAS ZHES BYA BA LA SONG PA'O, ,MING RGYAS PA NI GZUGS DANG, TSOR BA LA SOGS PA DANG NAM MKHA' LA SOGS PA'O, ,RIGS KYI MING NI DANG PO YI GE AA NAS HA'I MTHAR THUG PA'I BAR RO, ,MA DAG PA'I MING NI DON DANG BCAS PA'I SO SO'I SKYE BA'O, ,DAG PA'I MING NI BDEN PA MTHONG BA RNAMS KYI'O, ,MTHAR THUG PA'I MING NI GANG MA 'DRES PA'I CHOS LA DMIGS PA'I 'JIG RTEN LAS 'DAS PA DANG, DE'I RJES LAS THOB PA'I YE SHES GNYIS KYI DMIGS PA'O, ,DE BZHIN GSHEGS PA'I RIGS SU SKYES PA YIN, ,ZHES BYA BA NI RNAM PA SNA TSOGS KYI CHOS THAMS CAD LA BRTEN NAS SO, ,SEMS CAN THAMS CAD LA SEMS MNYAM PA NYID NI BDAG DANG GZHAN MNYAM PA NYID DU RTOGS PAS BDAG LA JI LTA BA BZHIN DU DE DAG LA YANG SDUG BSNGAL ZAD PAR 'DOD PA'O, ,BYANG CHUB SEMS DPA' THAMS CAD DANG SEMS MNYAM PA NYID NI BYANG CHUB SEMS DPA' THAMS CAD DANG SBYOR BA'I BSAM PA MNYAM PA'O, ,SANGS RGYAS THAMS CAD DANG SEMS MNYAM PA THOB PA NI DE DAG DANG CHOS KYI DBYINGS KYI BDAG NYID THA MI DAG PAR MTHONG BA'O, ,YONGS SU TSOL BA NI BZHI PO DAG GI BSRABS PAS DON MED PAR BZOD PA CHUNG NGU'I TSE SNANG BA THOB PA'I TING NGE 'DZIN ZHES BYA BA LA, BSRABS PA NI DON MED PAR 'DOD PA ZHES BYA BA'I THA TSIG STE, DON MED PAR SHES PA NI SNANG BA THOB PA ZHES BYA BA'I SGRAS BSTAN TO, ,SNANG BA THOB PA'I TING NGE 'DZIN ZHES BYA BA NI DON MED PA LA YANG DAG PAR BRTEN PA'I TING NGE 'DZIN KYIS MTHONG BA'O, ,DON MED PAR BZOD PA CHEN PO'I TSE ZHES BYA BA LA, DE LA BZOD PA NI 'DOD PA STE, MNGON PAR 'DOD PA'O, ,SNANG BA MCHED PA'I TING NGE 'DZIN ZHES BYA BA NI, DON MED PAR SHES PA CHEN PO NI SNANG BA MCHED BZHES BYA BA'I SGRAS BSTAN TO, ,TING NGE 'DZIN ZHES BYA BA'I SGRAS NI DON MED PAR SHES PA DE LA YANG DAG PAR BRTEN PA DE BSTAN TO, ,DE KHO NA NYID KYI DON GYI PHYOGS GCIG LA ZHUGS PA'I @159B TING NGE 'DZIN ZHES BYA BA NI DON MED PAR NGES PAR BSTAN TE, TING NGE 'DZIN GYI SGRAS NI DON MED PAR NGES PAR SHES PA DE LA YANG DAG PAR BRTEN PA DE NI TING NGE 'DZIN ZHES BSTAN TO, ,BDEN PA'I RJES SU MTHUN PA' BZOD PA'I GNAS ZHES YBA BA LA, CHOS BDAG MED PA NI BDEN PA ZHES BYA'O, ,DE'I RJES SU MTHUN BA GANG YIN PA'I BZOD PA NI BDEN PA'I RJES SU MTHUN PA'I BZOD PA'O, ,JI LTAR BYAS PAS SHE NA, GZUNG BAR BYA BA MED NA NGES PA KHO NAR 'DZIN PA YANG MED DO ZHES MOS PAR 'GYUR BAS SO, ,SHES BYA'I MTSAN NYID LA 'JUG PA ZHES BYA BA'I DON GZHAN YANG, MANG DU THOS PAS BSGOS PA'I GNAS, ZHES BYA BA STE, THEG PA CHEN PO YONGS SU BSGOM PA'I BDAG NYID KYI NGO BO'O, ,KUN GZHI RNAM PAR SHES PA BSDUS PA MA YIN LA ZHES BYA BA DANG, KUN GZHI RNAM PAR SHES PA LTAR TSUL BZHIN YID LA BYED PAS BSDUS PA'I SA BON YIN NO ZHES BYA BA NI JI LTAR KUN GZHI RNAM PAR SHES PA KUN NAS NYON MONGS PA'I CHOS RNAMS KYI RGYU YIN PA DE BZHIN DU DE RNAM PAR BYANG BA'I CHOS RNAMS KYI GYUR 'GYUR RO ZHES BYA BA'I THA TSIG GO, ,TSUL BZHIN YID LA BYED PAS BSDUS PA ZHES BYA BA NAS BRTZAMS TE, LTA BA DANG BCAS PA'I YID KYIS BRJOD PA RNAMS KYI YANG STE, TSUL BZHIN YID LA BYED PA LAS CHOS DANG DON GYIS RNAM PA 'BYUNG BAR 'GYUR BA'I RGYU YIN NO, ,TSUL CAN BZUNG BA'I DNGOS PO LTA BU ZHES BYA BA NI GZUGS SU GYUR PA ZHES BYA BA'I DON TO, ,LTA BA DANG BCAS PA'I ZHES BYA BA NI LTA BAR GYUR PA RNAMS SO, ,DE DAG NYID NI RGYU MTSAN DANG LTA BA DANG BCAS PA'I RNAM PAR SHES PAR RNAM PAR 'JOG PAR 'GYUR RO, ,DE LTA BU'I RNAM PA LA 'JUG PA NAS SU ZHIG 'JUG BA BSTAN PAR BYA STE, DE LA THEG PA CHEN PO SMOS PAS NI NYAN THOS LA SOGS PA'I THEG PA SPANG BA'I DON TO, ,SANGS RGYAS 'BYUNG BA TSAD MED PA MNYES PAR BYA BA THOB PA ZHES BYA BA NI GRANGS LAS SHIN TU 'DAS PA'I SANGS RGYAS 'BYUNG BA MNYES PAR BYA BA GANG GIS THOB PAR GYUR PA STE, SANGS RGYAS MNGON SUM DU BYAS ZHES BYA BA'I THA TSIG GO, ,GCIG TU MOS PA CAN ZHES BYA BA NI GANG GI MOS PA THEG PA CHEN PO LAS BSKYOD PAR MI NUS PA STE, 'DAS MA THAG PAR BSHAD PA'I DGE BA'I RTZA BA BSAGS PA'I RGYU RNAM PA GSUM PO DANG, BSOD NAMS DANG YE SHES KYI TSOGS LEGS @160A *, ,PAR BSAGS PA NI MI DGE BA'I GROGS PO ZHES BYA BA'I THA TSIG GO, ,DE LTA BU'I RNAM PAS 'JUG PA'I GNAS BSTAN PAR BYA BA'I PHYIR SMRAS PA, YID KYI BRJOD PA STE YID KYI RNAM PAR RTOG PA'O, ,DE NI THEG PA CHEN PO'I CHOS GANG 'BYUNG BA'I RGYUR GYUR PA'O, ,YANG DE NYID DU YID KYI BRJOD PA'I BYE BRAG GANG GIS DAG 'JUG PA DE NI MOS PAS SPYOD PA'I SA LA 'JUG PAR 'GYUR TE, 'DI LTAR DE CHOS THAMS CAD RNAM PAR RIG PA TZAM DU RJES SU SGROGS PA LA MOS PA SKYED PAR BYED DE, DES NA DE DAG NI DER ZHUGS PA ZHES BRJOD DO, ,DE JI LTAR MTHONG BA'I LAM LA 'JUG PA DE BSTAN PAR BYA BA'I PHYIR RO, ,JI LTA BA BZHIN DU DE RAB TU RTOGS PA DANG ZHES BYA BA STE, YID KYI BRJOD PA DE JI LTA BA BZHIN DU RAB TU RTOGS PA'O, ,JI LTAR NA DE JI LTA BA BZHIN DU RAB TU RTOGS SHE NA, JI LTAR CHOS MED PA, DON MED PA, GZUNG BA MED PA, 'DZIN PA MED PA'O ZHES YID KYI BRJOD PA RTOGS PA GANG YIN PA'O, , BSGOM PA'I LAM LA 'JUG PA BSTAN PAR BYA BA'I PHYIR SGRIB PA THAMS CAD KYI GNYEN PO BSGOM PA ZHES BYA BA STE RAB TU RTOGS PA DE NYID GOMS PAR BYED PA NI SGOM PAR GYUR PA'O, ,DE LTA BAS NA RNAM PAR MI RTOG PA LA SOGS PA DE DAG GIS GANG RTOGS PA DE NYID KYIS SGRIB PA RNAM PAR SBYONG BAR BYED PA'O, ,MTHAR PHYIN PA'I LAM LA 'JUG PA DE BSTAN PA'I PHYIR SGRIB PA MED PA'I PHYIR ZHES BYA BA STE, SHIN TU RNAM PAR DAG PA'I YE SHES KYI DUS SKABS NA SHIN TU PHRA BA'I SGRIB PA YANG MED PA NI MTHAR PHYIN PA'I LAM LA 'JUG PA'O, ,GANG GIS 'JUG PA STON PAR BYED PA NI DGE BA'I RTZA BA'I STOBS SKYED PA DANG, RNAM PA GSUM GYIS SEMS GZENGS BSTOD PA ZHES BYA BA STE, DGE BA'I RTZA BA'I STOBS SKYED PA'I BYANG CHUB SEMS DPA' NI DE'I STOBS KYIS BSTAN PA'I PHYIR SEMS 'GONG BAR MI 'GYUR TE, RNAM PA GSUM GYIS SEMS SBYONG BAS KYANG SEMS GZENGS PA BSTOD PA NYID DO, ,DE LA GNYIS PA GANG YIN PA JI LTAR SBYOR BA YIN PA DE BSTAN PAR BYA BA'I PHYIR, 'DI LTA STE, SER SNA LA SOGS PA'I SGRIB PA SPANGS PAS PHA ROL TU PHYIN PA'I RNAM PAR 'CHING BA MED PA NYID KYIS DE RNAMS YONGS SU RDZOGS PAR 'GYUR RO, ,DE YONGS SU RDZOGS PA YANG SANGS RGYAS NYID YIN TE, CHOS DANG DON LA DMIGS PA LA SOGS PA NAS, BAG YOD PA @160B ZHES BYA BA'I BAR GYIS SO, ,DE LA RTAG TU ZHES PA NI RTAG TU BYED PA NYID DO, ,GUS PAR BYAS TE SBYOR BA NI BLA MAR BYED PA NYID DO, ,GANG GANG DU BSTAN PA'I RNAM PA NYID DE DE NI BAG YOD PA'O, ,GSUM PA GANG YIN PA DE BSTAN PAR BYA STE DE LA DGE BA SGRIB PA DANG BCAS PA ZHES BYA BA NI 'JIG RTEN PA'I DGE BA SGRIB PA DANG BCAS PA ZHES BYA BA'I DON TO, ,DE'I PHYIR BDAG DGE BA SGRIB PA MED PA DANG SHIN TU LDAN PA NI SANGS RGYAS SU MI 'GYUR BA NYID NI RIGS PA MA YIN TE ZHES BYA BA'O, ,DE DAG GI DON TSIGS SU BCAS PA STON PA, DE'I PHYIR ZHUM PAR MI BYA'O, ,ZHES BYA BA NI SEMS ZHUM PA NYID DU SEMS GNAS PAR MI BYA'O ZHES BYA BA'I THA TSIG GO, ,JI LTAR BDAG GI BLA NA MED PA'I BYANG CHUB MNGON PAR RDZOGS PAR 'TSANG RGYA BAR MI NUS ZHES DON DE LTA BUR BYUNG BA'O, ,LEGS YID KYIS ZHES BYA BA NI MI DGE BA DANG LUNG DU MA BSTAN PA'I SEMS MA YIN ZHES BYA BA'I THA TSIG STE, 'DI LTAR LUNG DU MA BSTAN PA NI RNAM PAR G-YENG BA'I SEMS KHA CIG GIS SBYIN PA LA SOGS PA BYED PA'O, ,DE BZHIN DU MU STEGS PA LA SOGS PA MI DGE BA'I SEMS KYIS SBYIN PA LA SOGS PA BYED PA MA YIN TE, BLA NA MED PA YANG DAG PAR RDZOGS PA'I BYANG CHUB 'DOD PAS SO, ,YANG NA DE'I BSAM PAS DGE BA'I RTZA BA MCHOG THOB PA NI BSTAN PA RNAMS SO, ,SBYIN PA LA SOGS PA BYED PA'I ZHES BYA BA LA, DE LA DE'I BSAM PA CI 'DRA BA CIG THOB NAS SBYIN PA LA SOGS PA PHA ROL TU PHYIN PA GOMS PAR BYAS PAS DE'I MING MTHUN PA'I PHYOGS SER SNA LA SOGS SPANGS PA'I SEMS THOB PA ZHES BYA BA'I THA TSIG GO, ,BYANG CHUB SEMS DPA' BRTAN RNAMS KYI; ,SBYIN PA LA SOGS NYID DU BRJOD, ,CES BYA BA NI SBYIN PA LA SSOGS PA KHO NAR BRJOD PA'O, ,SOGS PA SMOS PAS NI TSUL KHRIMS LA SOGS PA NAS, SHES RAB KYI PHA ROL TU PHYIN PA RNAMS GZUNG NGO, ,'DOD BZHIN PHUN SUM TSOGS LUS 'THOB, ,CES BYA BA NI 'DU SHES MED 'DU SHES MED MIN SKYE MCHED KYI BAR 'THOB PA STE, 'GYUR RO ZHES BYA BA'I THA TSIG GO, ,SPANGS PA ZHES BYA BA NI SGRIB PA SPANGS PA'O, ,PHUN SUM TSOGS DE ZHES BYA BA NI SANGS RGYAS NYI CES BYA BA'I THA TSIG GO, GANG BZHI SPANG BAR BYA BA DE BSTAN PAR BYA STE, YID LA BYED PA YONGS SU SPONG BA ZHES PA @161A *, ,NI NYAN THOS LA SOGS PA'I YID LA BYED PA YONGS SU SPONG BA'O, ,YID GNYIS DANG SOM NYI SPANGS NAS ZHES BYA BA NI ZAB CING RGYA CHE BA'I THEG PA CHEN PO LA YID GNYIS DANG SOM NYI SPANGS PA'O, ,DE LA YID GNYIS NI BLO NGAN PA'AM DE BZHIN DU G-YO BA'O, ,SOM NYI NI THE TSOM MO; ;CHOS LA MNGON PAR ZHEN PA SPANGS PAS ZHES BYA BA NI JI SNYED THOS PA DANG BSAM PA'I CHOS RNAMS LA BDAG TU 'DZIN PA DANG BDAG GIR 'DZIN PA YOD KYI BAR 'JUG PAR MI 'GYUR RO, ,RNAM PAR RTOG PA SPANGS PAS ZHES BYA BA NI GANG GZUGS LA SOGS PA MDUN NA GNAS PA DANG, GANG YANG MNYAM PAR BZHAG PAS RUS PA'I PHUNG PO LA SOGS PA DMIGS PAR 'GYUR BA'I MTSAN MA THAMS CAD YID LA MI BYED PAS RNAM PAR BRTAG PAR BYA BA LA RNAM PAR MI RTOG PA'I THABS KYIS 'JUG PAR 'GYUR GYI, ,GZHAN DU RNAM PAR RTOG PAR GYUR NA 'JUG PAR MI 'GYUR RO, ,MDUN BZHAG DANG ZHES BYA BA NI TSIGS SU BCAD PA STE, SPANG BAR BYA BA'I DON PHYI MA GSAL BAR BYED PA'O, ,GANG GIS JI LTAR 'JUG PA DE BSTAN PAR BYA STE, DE LA THOS PA'I BAG CHAGS KYI RGYU LAS BYUNG ZHES BYA BA NI THOS PA'I BAG CHAGS KYI RJES SU MTHUN PA'O, ,GANG DU 'JUG PA'I GNAS SNGAR BSTAN PA STE, DE YANG THEG PA CHEN PO'I BAG CHAGS LAS YANG DAG PAR BYUNG BA'I PHYIR YONGS SU GRUB PA'I NGO BO NYID KYI BSDUS PA NYID DU BLTA BAR BYA'O, ,YANG JI LTAR 'JUG PA DE STON PAR BYED PA NI TSOL BA RNAM PA BZHI STE, DE STON PAR BYED PA YANG MING DANG DON DANG, NGO BO NYID LA SOGS PA TSIG BZHI PO DE DAG GIS JI LTA BA BZHIN DU YONGS SU SHES PA MDOR STON TE MING DANG, DON DANG, NGO BO NYID DANG, KHYAD PAR DU BTAGS PA DANG, NGO BO NYID DANG, KHYAD PAR YANG DAG PA JI LTA BAS BZHIN DU YONGS SU SHES PA ZHES BYA BA LA, NGO BO NYID KYI KHYAD PAR GANG BTAGS PA DE BZHIN DU BYAS PA'O, ,MING KHYAD PAR DU BTAGS PA NI ZHES BYA BA NI DE MI DMIGS PA ZHES BYA BA'I DON TO; ;MI DMIGS PA NI MING DE'I NGO BO NYID DANG KHYAD PAR DU BTAGS PA TZAM DPYOD PAR BYED PA'O, ,GANG GI PHYIR DE LTAR NA MING DE'I NGO BO NYID DANG KHYAD PAR MED PA DES NA MING DE'I NGO BO NYID BTAGS PA TZAM DU 'DZIN PA'O, ,GANG YANG DAG PAR DPYOD PA NI YONGS SU TSOL BA'O, ,GANG MI DMIGS PA NI YANG DAG PA JI LTA BA @161B BZHIN DU YONGS SU SHES PA'O, ,'JUG CES NI JI SKAD BYA, CI 'DRA BAR 'JUG CES NA ZHES BYA BA NI DPE DRIS PA'O, ,DE LA DE TZAM NYID CES BYA BA NI RNAM PAR RIG PA TZAM NYID DO, ,RGYU MTSAN DANG LTA BA DANG BCAS PA GNYIS ZHES BYA BA NI, RGYU MTSAN DANG LTA BA DANG BCAS PA'I RNAM PAR SHES PA BSTAN TE; RGYUD RAB TU GNAS PA DANG, RGYU MTSAN DU SNANG BA ZHES BYA BAR GRAGS PA DE LTA BU'O RNAM PAR SHES PA GCIG NYID RNAM PAR SNA TSOGS SU 'BYUNG BA STE, MYUR BA NYID DU BRGYUD MAR 'BYUNG BAS SO, ,GSUM PO 'DI DAG NYID RNAM PAR RIG PA TZAM NYID DU 'JUG GO, ,DE LA NGO BO NYID GSUM LA 'JUG PA NI DPE BSTAN TE, RNAM PA DRUG LA YANG DAG PA'I DON GSAL ZHES BYA BA LA, DON GYI RNAM PA DRUG LA YANG DAG PA'I DON RNAM PAR GSAL BA TZAM NI RNAM PAR GSAL BA'O, ,YID KYI BRJOD PAR SNANG BA'I DON GYI MTSAN NYID LA 'JUG PAS ZHES BYA BA NI DON GANG YIN PA DE KUN DU BRTAGS PA TZAM YIN NO ZHES DE LTAR KUN DU BRTAGS PA LA 'JUG PAR 'GYUR RO, ,NGO BO NYID KYI RNAM PAR RIG PA'I NGO BO TZAM LA 'JUG CES BYA BA NI YID KYI BRJOD PA DE DAG GIS RNAM PAR RIG PA TZAM NYID DU BZUNG NAS GZHAN GYI DBANG LA 'JUG PAR 'GYUR RO,, ,,BAM PO LNGA PA, DON DU SNANG BA THAMS CAD 'BYUNG BA'I SKABS MED PA YIN NO ZHES BYA BA NI JI LTAR RNAM PAR RIG PA TZAM GYI RNAM PAR YANG MI 'BYUNG NA DE DON GYI RNAM PAR SNANG BA 'BYUNG BA LTA CI SMOS TE, DE'I PHYIR RNAM PAR RIG PA TZAM NYID DU BRTAGS NA YANG DON DU 'GYUR BAS, DE'I PHYIR DE LAS GZHAN PA DE BZHIN NYID MNGON SUM NYID DU 'GYUR BA YIN NO, ,GNAS SKABS DE NI BRJOD PAR NUS PA MA YIN TE, SO SO RANG GIS RIG PAR BYA BA YIN PA'I PHYIR RO, ,DE'I TSE BYANG CHUB SEMS DPA' DE'I DMIGS PAR BYA BA DANG DMIGS PAR BYED PA MNYAM PAS MNYAM PA'I YE SHES RNAM PAR MI RTOG PA 'BYUNG BA STE ZHES BYA BA LA DMIGS PAR BYED PA NI YE SHES DANG DMIGS PAR BYA BA DE NI DE BZHIN NYID DE, DE DAG MNYAM PA NYID DU GYUR PA NI NAM MKHA' NYID DU GZUNG BA DANG, 'DZIN PA MED PAR GNAS PA ZHES BYA BA'I THA TSIG STE, GZUNG BA DANG 'DZIN PAR RNAM PAR RTOG PA MED PA NI RNAM PAR MI RTOG PA'O, ,DE LTAR NA YONGS SU GRUB PA NYID @162A *, ,LA ZHUGS PA YIN NO, ,GANG GI TSE DON THAMS CAD LA RNAM PAR MI RTOG PA'I MING LA GNAS SHING ZHES BYA BA NI DE'I MING CI RNAM PA JI SNYED CES BYA BA'I THA TSIG LAS DE'I MING GI BYE BRAG TSIGS SU BCAD PAS BSTAN TO, ,DE LA CHOS KYI MING NI GZUGS DANG, TSOR BA DANG, MIG CES BYA BA LA SOGS PA'O, ,GANG ZAG GI MING NI SANGS RGYAS BSHES GNYEN DANG, DAD PAS RJES SU 'BRANG BA ZHES BYA BA LA SOGS PA'O, ,YANG CHOS KYI MING NI MDO SDE LA SOGS PA'O, ,DON GYI MING NI CHOS DE DAG LA BRTEN PA'I DON TO, ,BSDUS PA'I MING NI SEMS CAN ZHES BYA BA LTA BU'O, ,RGYAS PA'I MING NI DE DAG NYID RE RE NAS BRJOD PA LTA BU'O, ,RIGS KYI MING NI YI GE'I PHYI MO RNAMS SO, ,MA DAG PA'I MING NI SO SO'I SKYE BO RNAMS KYI'O, ,DAG PA'I MING NI SLOB PA RNAMS KYI'O, ,MTHAR THUG PA RNAMS KYI MING NI GANG 'DRES PA'I CHOS LA DMIGS PA STE, SA BCU PA LA BU'O, ,DE LA DON THAMS CAD NI 'DRES PA'I CHOS LA DMIGS PA'I YE SHES KYI DMIGS PA'O, ,DE LTA BU'I RNAM PA NI BYANG CHUB SEMS DPA'I MING GI YUL YIN NO, ,DE BZHIN GSHEGS PA'I RIGS SU SKYES PA YIN ZHES BYA BA NI GANG GIS SANGS RGYAS KYI GDUNG RGYUN MI GCOD PAR GYUR PA'O, ,SEMS CAN THAMS CAD LA SEMS MNYAM PA YIN ZHES BYA BA NI GANG GI PHYIR BDAG JI LTA BA BZHIN DU SEMS CAN THAMS CAD MYA NGAN LAS BZLA'O ZHES SEMS PA'O, ,BYANG CHUB SEMS DPA' THAMS CAD DANG SEMS MNYAM PA ZHES BYA BA NI 'DI LTAR DE DAG DANG SEMS MNYAM PA NYID THOB PA'O, ,SANGS RGYAS THAMS CAD DANG SEMS MNYAM PA ZHES BYA BA NI GANG GI PHYIR SANGS RGYAS RNAMS KYI CHOS KYI SKU'I GNAS SKABS DES THOB PAR GYUR PA STE, DE THOB PAS SANGS RGYAS THAMS CAD DANG SEMS MNYAM PA THOB PAR GYUR BA'O, ,ZHI GNAS DANG LHAG MTHONG GI SHES PA ZHES BYA BA NI ZHIG GNAS DANG LHAG MTHONG ZHES BRJOD PA'I SHES PA'O, ,KUN GZHI RNAM PAR SHES PA'I SA BON RGYU MTSAN DANG BCAS PA'I RGYU MTSAN SPANGS NAS ZHES BYA BA LA RGYU MTSAN DANG BCAS PA ZHES BYA BA NI RGYU MTSAN DANG BCAS PA ZHES BYA BA'I THA TSIG STE, GANG KUN GZHI RNAM PAR SHES PA KUN NAS NYON MONGS PA'I CHOS RNAMS KYI SA BON CAN NO, ,YANG RGYU MTSAN SMOS PA NI DE'I @162B SA BON DE DAG GI DMIGS PA'I RGYU MTSAN BSTAN PA'I DON TO, ,DE LTAR BYAS NAS SA BON DE DAG RGYU DANG 'BRAS BU DANG BCAS PAR SPANGS PA BSTAN PAR 'GYUR RO, ,DE'I RJES LAS THOB PA LA DGOS PA CI YOD, GAL TE RNAM PAR MI RTOG PAS SGRIB PA THAMS CAD SPANGS PA DANG SANGS RGYAS KYI CHOS RNAMS KUN TU BSGRUB PAR 'GYUR RO ZHE NA, RGYU DANG BCAS PA'I 'BRAS BU'I CHOS RNAMS DES BSTAN PAR MI NUS TE, DE NI MI RTOG PA YIN PA'I PHYIR RO, ,DE'I PHYIR RJES LA THOB PAS RGYU DANG 'BRAS BU'I CHOS RNAMS STON PAR BYED DE, RTEN PA YIN PA DANG, SGYU MA MKHAN GYIS SGYU MA BYAS PA BZHIN DU PHYIN CI LOG PAR 'GYUR BA'I PHYIR RO, ,KUN GZHI RNAM PAR SHES PA LAS THAMS CAD RAB TU SKYE BA ZHES BYA BA NI GANG KUN GZHI RNAM PAR SHES PA'I RGYU LAS BYUNG BA RNAMS SO, ,RNAM PAR RIG PA'I MTSAN MA THAMS CAD DE, RNAM PAR RIG PA'I RGYUR GYUR BA LAS SGYU MA BYAS PA BZHIN DU RJES LAS THOB PA'I PHYIN CI LOG MED PAR 'BYUNG BAS YANG DUS THAMS CAD DU STON PAR BYED DO, ,THAMS CAD DU DE KHO NA NYID LA 'JUG PA NI NGES PAR 'BYED PA'I CHA DANG MTHUN PA LAS YIN PAS DE'I PHYIR 'DIR YANG DE BSTAN PAR BYA BA'O, ,NGES PAR 'BYED PA'I CHA DANG MTHUN PA LA YANG DAG PAR BRTEN PA ZHES BYA BA NI NGES PAR 'BYED PA'I CHA DANG MTHUN PA LA BRTEN PA ZHES BYA BA'I THA TSIG GO, ,MNGON PAR RTOGS PA DANG NYE BA ZHES BYA BA NI MNGON PAR RTOGS PA'I DUS SU ZHES BYA BA'I DON TO, ,JI LTAR RNAM PAR GNAS PA BSTAN PA ZHES BYA BA NI GANG SGYU JI LTAR RNAM PAR GNAS PA SA BCU PAR SA'I RNAM PAR GNAS PA BSTAN PA'O, ,'DRES PA LA DMIGS PA ZHES BYA BA NI MKHAS PAS DMIGS PA'I GNAS LA DMIGS PA'O, ,'JIG RTEN LAS 'DAS PA ZHES BYA BA NI RNAM PAR MI RTOG PA'O, ,DE'I RJES LA THOB PA ZHES BYA BA NI RNAM PAR GZHAG PA STE, DE NI 'JIG RTEN PA ZHES BRJOD PAR BYA STE, 'DI LTAR 'JIG RTEN PA DANG RJES SU MTHUN PA'I PHYIR RO; ;GANG GI PHYIR 'JIG RTEN LAS 'DAS PA 'BA' ZHIG NI 'JIG RTEN PA LA REG PA MA YIN PAS SO, ,DE BAS NA GCIG TU ZHUGS PAR MI BRJOD DO, ,DE GNAS GYUR NAS ZHES BYA BA NI 'DRES PA LA DMIGS PA'I YE SHES KYI BYE BRAG GNAS GYUR PA'O, ,SANGS RGYAS KYI SKU RNAM PA GSUM THOB PAR ZHES BYA BA NI @163A *, ,SANGS RGYAS KYI SKU RNAM PA GSUM THOB PAR 'GYUR BA ZHES SBYAR BAR BYA'O, ,MYA NGAN LAS 'DAS PA'I KHYAD PAR NI ZHES BYA BA NI 'DI LTAR BYANG CHUB SEMS DPA' RNAMS MI GNAS PA'I MYA NGAN LAS 'DAS PA 'DZIN PAR BYED KYI NYAN THOS NI MA YIN NO, ,YONGS SU DAG PA'I KHYAD PAR NI ZHES BYA BA LA, 'DI LTAR BYANG CHUB SEMS DPA' RNAM BAG CHAGS DANG BCAS PA'I NYON MONGS PA RNAMS SPONG BA DANG, SANGS RGYAS KYI ZHING YONGS SU SBYONG BA YIN GYI NYAN THOS RNAMS NI MA YIN NO, ,JI LTAR BUR DE KHO NA NYID LA 'JUG PA DE TSIGS SU BCAD PA, MING DANG DNGOS GNYIS PHAN TSUN DU, ,GLO BUR YIN PAR YONGS SU BTZAL, ,ZHES BYA BA LA, MING NI DON LA GLO BUR BA YIN LA, DON NI MING LA GLO BUR BA STE, DE'I BDAG NYID MA YIN PA NYID DO, ,YONGS SU BTZAL ZHES BYA BA NI MNYAM PAR GZHAG PAS BLTA BAR BYA'O, ,BTAGS PA RNAM PA GSUM PO LA, ,DE TZAM NYID DU BTZAL BAR BYA, ,ZHES BYA BA NI DON GYI NGO BO DANG KHYAD PAR MA YIN PA BTAGS PA'I DON DANG, BTAGS PA'I KHYAD PAR DE TZAM PA NYID DU BLTA BAR BYA'O ZHES BYA BA'I THA TSIG GO, ,YANG DAG JI BZHIN YONGS SU SHES PAS, ,ZHES BYA BA NI YANG DAG PA JI LTA BA BZHIN DU YONGS SU SHES PA STE, 'DI LTAR GANG GI PHYIR TSOL BA RNAM PA BZHI ZHES BYA BA'I RGYU LAS YANG DAG PA JI LTA BA BZHIN DU SHES PAR 'GYUR RO ZHES BYA BA'I THA TSIG GO, ,DON MED PAR NI RTOG PA GSUM DANG, MTHONG BA GSUM PA LA ZHES BYA BA LA, DON MED PAR BRTAGS PA RNAM PA GSUM MTHONG BA STE, MING DU BRTAGS PA DANG, NGO BOR BRTAGS PA DANG, KHYAD PAR DU BRTAGS PA'O, ,DON MED PA NI DON MED PA NYID DO, ,MTHONG BA GSUM PA LA ZHES BYA BA NI DON MED NA RTOGS PA YANG MED PAR 'GYUR BA STE, GANG GI PHYIR BRTAG PAR BYA BA YOD NA DE LA DMIGS PA YOD DE, DE'I PHYIR DON MED PAR GYUR NA RTOGS PAR BYED PA YANG MED PAR BLTA'O ZHES BYA BA'I THA TSIG GO, , GSUM LA 'JUG PA ZHES BYA BA NI NGO BO NYID GSUM LA 'JUG PA'O, ,DE LA MING DANG DON GNYIS PHAN TSUN GLO BUR BA NYID DU MTHONG BA NYID DU MTHONG BAR GYUR NA KUN TU BRTAGS PA'I NGO BO NYID LA BZHUGS PA YIN NO, ,MING GI NGO BO NYID BRTAGS PA DANG, KHYAD PAR DU BRTAGS PA TZAM DU MTHONG BA NA GZHAN GYI @163B DBANG GI NGO BO NYID LA ZHUGS PA YIN NO, ,BRTAGS PA DE NYID MTHONG BA NA YONGS SU GRUB PA LA ZHUGS PA YIN TE, DE LTA BU NI GSUM LA 'JUG PA YIN NO, ,GANG GIS DE KHO NA NYID LA 'JUG PA'I DON GYI MAN NGAG SBYIN PAR BYED DE, DE LA DON GYI TSIGS SU BCAD PA, GZUGS BRNYAN YID DU MTHONG BA NI, ,ZHES BYA BA LA, CHOS DANG DON DU SNANG BA GANG YIN PA'I GZUGS BRNYAN DE YID YIN NO ZHES MTHONG BA'O, ,GANG GIS MTHONG ZHE NA, BYANG CHUB SEMS DPAS SO, ,GANG GI DUS NA ZHE NA, MNYAM GZHAG PAS SO, ,DON GYI 'DU SHES BZLOG NAS SU, ,RANG GI 'DU SHES NGES PAR GZUNG, ,ZHES BYA BA NI DE'I DUS NA DON GYI 'DU SHES BOR NAS RANG GI SEMS NYID CHOS DANG DON GYI RNAM PA DE YIN PAR GZUNG ZHES BYA BA'I THA TSIG GO, ,DE LTAR NANG DU SEMS GNAS SO, ,ZHES BYA BA NA GANG GI SEMS 'DI LTAR GNAS PAR GYUR BA STE, DON NI MED DO, ,DE LTA NA YANG SEMS LA SEMS GNAS PAR 'GYUR RO ZHES BYA BA'I THA TSIG GO, ,GZUNG BA MED PAR RTOGS PAR BYOS, ,ZHES BYA BA NI, GZUNG BA MED PAR SHES PAR GYIS SHIG CES BYA BA'I THA TSIG GO, ,DE PHYIR 'DZIN PA MED RTOGS KYIS, ,ZHES BYA BA NI GANG GI PHYIR GZUNG BAR BYA BA'I DON YOD PA MA YIN PAS 'DZIN PAR BYED PA'I SEMS NYID KYANG RIGS PA MA YIN PA NYID DU 'GYUR RO, ,DES NA DMIGS PA MED PA REG ,CES BYA BA NI, DE'I PHYIR NA DE LAS GZHAN PA'I DE BZHIN NYID LA REG PAR 'GYUR RO ZHES SMRAS PA YIN TE, DE BZHIN NYID NI DMIGS SU MED PA'I PHYIR RO, ,DE LA GZHAN PA MNGON PAR RTOGS PA'I TSIGS SU BCAD PA JI LTAR MDO SDE'I RGYAN LAS BSTAN PA LAS GANG DE LAS RTOGS PAR DKA' BA DE BSTAN PAR BYAS PA, MTHA' YAS PHA ROL MED CES BYA BA STE, PHA ROL RING PAS JI LTAR TSIG LA MTHA' MED CES BYA BA LTA BU STE, DE LA MTHA' MED PA MA YIN NA YANG MANG PO NYID LA MTHA' MED CES BYA BA'I BRJOD PA 'THOB STE, 'DI YANG DE DANG 'DRA'O; ,CI'I TSOGS RNAMS SHE NA, BSOD NAMS YE SHES KYI'O, ,DE LA SBYIN PA LA SOGS PA LA PHA ROL TU PHYIN PA GSUM NI BSOD NAMS KYI TSOGS SO, ,SHES RAB KYI PHA ROL TU PHYIN PA NI YE SHES KYI TSOGS SO, ,BRTZON 'GRUS KYI PHA ROL TU PHYIN PA NI GNYI GA STE, DE'I DON GYI THABS KYI @164A *, ,BRTZON 'GRUS NI YE SHES SO, ,GANG SEMS CAN GYI DON GYI BRTZON 'GRUS NI BSOD NAMS KYI TSOGS SO, ,DE BZHIN DU BSAM GTAN GYI PHA ROL TU PHYIN PA YANG RNAM PA GNYIS TE, DE LA GANG YANG TSAD MED PA RNAMS LA DMIGS PA'I BSAM GTAN GYI BSOD NAMS SO; ;DE LAS GZHAN BDAG NI YE SHES KYI TSOGS SO, ,GANG ZHE NA, BYANG CHUB SEMS DPA' NYID DO, ,CHOS LA SEMS PA LEGS PAR RNAM NGES PHYIR, ,ZHES BYA BA NI, ,GANG TING NGE 'DZIN GYI RJES LA CHOS RNAMS SEMS PAR BYED PA DE LAGS PAR RNAM PAR NGES PA YIN GYI GZHAN NI MA YIN NO, , DON GYI RNAM PA BRJOD PA'I RGYUS BYUNG RTOGS, ,ZHES BYA BA LA, DON GYI RNAM PA BRJOD PA'I RGYUS ZHES BYA BA NI YONGS SU SHES PA'O, ,DE 'DRA BA'I SEMS TZAM NYID LA GNAS ZHES BYA BA NI GANG GI PHYIR DE NI 'DI LTAR DON DU SNANG BA 'DI DAG NI SEMS TZAM NYID DO ZHES BYA BAR SHES PA'O, ,DE BA GNYIS KYI MTSAN NYID BRAL BA YI, ,CHOS KYI DBYINGS NI MNGON SUM NYID DU 'GYUR, ,ZHES BYA BA NI GZUNG BA DANG 'DZIN PA DANG BRAL BA NYID KYIS DE LAS GZHAN PA'I DE GZHAN NYID MNGON SUM NYID DU 'GYUR PA'O, ,DE LAS GZHAN PA JI LTAR MNGON SUM NYID DU 'GYUR ZHE NA, DE BSTAN PAR BYA BA'I PHYIR, SEMS LA GZHAN MED PAR NI BLOS RTOGS NAS, ,DE PHYIR SEMS KYANG MED PA NYID DU RTOGS, ,ZHES BYA BA LA, SEMS LAS GZHAN PA'I DMIGS PAR BYA BA'I DON MED LA DE MED PAS DMIGS PAR BYED PA'I SEMS KYANG MED PA NYID 'THOB PA STE, DE GNYIS KYI MED PA NYID BYANG CHUB SEMS DPAS RTOGS NAS, DE DANG MI LDAN CHOS KYI DBYINGS LA GNAS, ,ZHES BYA BA STE, DON DE DAG DANG SEMS BRAL BAR GYUR CES BYA BA'I THA TSIG GO, ,RTOG MED SHES STOBS ZHES BYA BA RNAM PAR MI RTOG PA'I YE SHES KYI STOBS SO, ,MNYAM PA'I RJES SONG BAS ZHES BYA BA NI NAM MKHA' DANG 'DRA BAR MDO SDE LA SOGS PA'I CHOS THAMS CAD MNYAM PA NYID DU MTHONG BA'O, , KUN NAS ZHES BYA BA NI PHYI DANG NANG GI BDAG NYID DO, ,JI LTAR MTHONG BA'I CHOS DE DAG NYID DUS RTAG TU MTHONG BAR NI RTAG PAR YANG NGO, ,DE'I GNAS THIBS PO NYES PA BSAGS PA ZHES BYA BA NI KUN NAS NYON MONGS PA'I CHOS DE'I GNAS TE RGYU'O, ,THIBS PO ZHES BYA BA NI RJES SU RTOGS PAR DKA' BA NYID DO, , @164B NYES PA BSAGS PA ZHES BYA BA NI KUN NAS NYON MONGS PA'I CHOS RNAMS KYI BAG CHAGS KYI NGO ZHES BYA BA'I DON TO, ,THUB PAS GSUNGS PA'I LEGS CHOS GZHAG PA, RTZA BA CHOS KYI DBYINGS LA DE BLA BZHAG ,CES BYA BA LA, RTZA BA DANG BCAS PA'I SEMS KYIS DMIGS PA GANG LA BLO NGES PAR BZHAG PA STE, DE BZHIN NYID DE LA'O, ,DE LA RTZA BA'I SEMS NI GANG DE BZHIN GSHEGS PA MA LUS PA'I STON PA BSDUS PA LA DMIGS PA STE, DE YANG RNAM PAR MI RTOG PA'I YE SHES YIN PAR BLTA'O, ,DRAN PA'I RGYUD NI RTOG PA TZAM SHES NAS, ,ZHES BYA BA LA, DE YANG RTZA BA'I SEMS LA GNAS PA STE, BSTAN PA'I RJES LA THOB PA'I DON TE, 'DAS PA DRAN PA NI DRAN PA NI DRAN PA'I RGYUD DE GANG RNAM PAR RTOG PA TZAM DU GYUR PA'O, ,RNAM PAR MI RTOG PA DANG, DE'I RJES LA THOB PA DE DAG GNYI GAS KYANG, YON TAN RGYA MTSO'I PHA ROL TE SANGS RGYAS NYID DU'O, ,BRTAN MYUR TE BYANG CHUB SEMS DPA' NYID DO, ,TSIGS SU BCAD PA DE RNAMS KYI BSDUS PA'I DON NI DANG POS NI TSOGS KYI LAM MO, ,GNYIS PA'I PHYED KYIS NI SBYOR BA'I LAM MO, ,PHYED PHYI MA DANG GSUM PAS NI MTHONG BA'I LAM MO, ,BZHI PAS NI BSGOM PA'I LAM MO, ,LNGA PAS NI MTHAR PHYIN PA'I LAM MO, ,GANG GI TSE ZHUGS PA DE'I TSE LHAG PA'I BSAM PA RNAM PAR DAG PA YIN PA'I PHYIR PHA ROL TU PHYIN PA DRUG LA KUN TU SPYOD PA'I SBYOR BA ZHES BYA BA NI KUN TU SPYOD PA SBYOR BA THAMS CAD DU SBYOR BA'O, ,BSTAN PA LA MOS PA ZHES BYA BA NI GANG PHA ROL TU PHYIN PA DRUG DANG RAB TU LDAN PA'I SHIN TU ZAB PA DE DAG LA YANG NGO, ,RO MYANG BA YID LA BYED PA STE, DE DAG GI YON TAN MTHONG BAR RO MYANG BA'O, ,MNGON PAR DGA' BA YID LA BYED PA NI JI LTA BU'I LHAG PA'I BSAM PAS MCHOG TU PHA ROL TU PHYIN PA THOB PA NGES PA DE LTA BU BDAG DANG SEMS CAN THAMS CAD KYIS THOB PAR GYUR CIG CES DE LTA BU MNGON PAR DGA' BA'O, ,RE ZHIG LHAG PA'I BSAM PA DAG PA DE DAG NYID KYI MTSAN NYID GANG YIN, GANG GIS DE DAG YONGS SU BZUNG BA YIN ZHE NA, GANG GI RJES THOGS SU TSIGS SU BCAD PA DAG GIS DE'I MTSAN NYID STON PAR BYED PA DE, DE LA RE ZHIG MOS PAS SPYOD PA'I SA LA TSOGS LEGS @165A *, ,PAR BSAGS PA DANG, DKAR PO'I CHOS RNAMS KUN RDZOGS PA NYID DO, ,BZOD RNON THOB DANG ZHES BYA BA NI CHUNG NGU LA SOGS PA BZOD PA RNAMS PA GSUM LAS BZOD PA'I MCHOG PA GNAS PA ZHES BYA BA'I THA TSIG GO, ,GANG LA DMIGS NAS DAG PAR 'GYUR PA DE BSTAN PAR BYA BA'I PHYIR, THEG CHEN LA ZHES BYA BA STE, GANG DU ZHE NA, ZAB CING RGYA CHE BSTAN PA LA'O, ,DE NYID NI RANG GI THEG PA STE, BYANG CHUB SEMS DPA' RNAMS KYI'O, ,DE LA BZOD PA NI CHOS BDAG MED PA'O, ,RGYA CHE BA NI NAM MKHA' MDZOD LA SOGS PA'I TING NGE 'DZIN TO, ,YID LA BYED PA JI LTA BUS RNAM PAR DAG PA DE BSTAN PA'I PHYIR GAL TE RTOG PA TZAM DU CHOS THAMS CAD RTOGS PA DE'I NGO BO NYID DE BSTAN PAR BYA STE, 'DOD PA DANG NI MOS PA DAG ,DAG PA BSAM PA DAG PA NYID YIN NO, ,DE LA 'DOD PA NI MNGON PAR 'DOD PA'O, ,MOS PA NI DAD PA'O, ,DE'I RTAGS GANG YIN PA DE BSTAN PAR BYA STE, SNGA LA SOGS SU NI THOG MAR BSAM PA DAG PA'O, ,DER ZHES BYA BA NI BAM PA DAG PA DER SANGS RGYAS RNAMS NI MTHONG BAR 'GYUR BA STE, DE NI RTZAGS SO, ,CHOS KUN ZHES BYA BA NI MNYAM PAR GZHAG PA'I DUS SO, ,DE'I PHAN YON GANG YIN PA DE BSTAN PAR BYA BYA STE, DE LA GNAS PA NI BYANG CHUB NYE BAR RTOGS GYUR NAS TE, DE THOB PAR BYED PA'I THABS RNYED PAS TSEGS MED PAR 'THOB PAR 'GYUR PA'O, ,BSAM PA DAG PA GANG YIN PA DANG, RGYU CI 'DRA BA DANG, JI LTA BU'I BZOD PA DANG, DMIGS PA GANG YIN PA DANG, JI LTA BU'I YID LA BYED PA DANG, RTAGS GANG YIN PA DE TSIGS SU BCAD PA DE DAG GIS BSTAN TE, DE DAG NI LHAG PA'I BSAM PA DAG PA'I LUS RNAM PAR GZHAG PA'O, ,CHUD ZA BA'I RGYU 'CHAL PA'I SHES RAB CES BYA BA LA, DE LA SHES RAB 'CHAL PA'I NI PHYIN CI LOG TU 'DZIN PA STE, JI LTAR MU STEGS PA LTA BU'O, ,DES KYANG DE CHUD ZA BAR 'GYUR RO, ,LHAG MA'I DON NI GO SLA BA'O, ,MI MTHUN PA'I PHYOGS DANG, GNYEN POS GRANGS RNAM PAR GZHAG PA DANG, SANGS RGYAS KYI CHOS THAMS CAD YANG DAG PAR 'GRUB PA'I GZHI'I GNAS KYIS ZHES BYA BA STE, SANGS RGYAS THAMS CAD KYIS CHOS RNAMS KYI RGYU'I DNGOS POS NI RNAM PAR GZHAG PA'I RNAM GRANGS GNYIS PA STE, DE'I PHYIR PHA ROL TU PHYIN PA DRUG LAS LHAG PA @165B YANG MA YIN ZHING CHAD PA YANG MA YIN PA STE, RNAM PAR G-YENG BA MED PA LA BRTEN NAS SANGS RGYAS KYI CHOS RNAMS KYI DE KHO NA NYID RTOGS PAR 'GYUR BAS BSAM GTAN GYI PHA ROL TU PHYIN PA LA BRTEN PA'I SHES RAB KYI PHA ROL TU PHYIN PAS YANG DAG PAR JI LTA BA BZHIN DU DE KHO NA NYID RTOGS PAR 'GYUR ZHES BYA BA'I THA TSIG GO, ,'DI DAG GI DON LHAG MA NI GO SLA BA'O, ,GANG GI PHYIR RNAM PAR GZHAG PA'I RGYU GSUM PA NI SEMS CAN THAMS CAD YONGS SU SMIN PAR BYA BA DANG RJES SU MTHUN PAS ZHES BYA BA STE, SEMS CAN THAMS CAD YONGS SU SMIN PAR BYA BA NYID LA RJES SU MTHUN PA'I PHYIR NA 'DI LTAR DRUG TU 'GYUR TE, DE'I PHYIR NA YANG DRUG TU RNAM PAR GZHAG GO, ,SEMS MNYAM PA RNAMS MNYAM PAR GZHAG PAR BYA BA'I PHYIR BSAM GTAN GYI PHA ROL TU PHYIN PA'O, ,SEMS MNYAM PAR GZHAG PA RNAMS RNAM PAR THAR PAR BYA BA'I PHYIR SHES RAB KYI PHA ROL TU PHYIN PA STE, YONGS SU SMIN PAR BYED PAS SO, ,GDAMS PAR BYA BA RNAMS PAR ZHES BYA BA NI GDAMS NGAG SBYIN PAR BYA'O ZHES BYA BA'I THA TSIG GO, ,SBYIN PA LA SOGS PA RNAMS MTSAN NYID GANG DANG LDAN PAS PHA ROL TU PHYIN PA ZHES BYA BA THOB CE NA, GANG GI PHYIR 'JIG RTEN PA DANG NYAN THOS LA SOGS PA DAG LA YANG SBYIN PA LA SOGS PA YOD PAS DES NA 'DI DAG GI MTSAN NYID NGES PAR BRJOD PAR BYA STE, PHA ROL TU PHYIN PA DRUG GI MTSAN NYID LA GNAS DAM PA ZHES BYA BAS NI 'DI LTAR BYANG CHUB KYI SEMS GNAS PA YIN PA'I PHYIR RO, ,DNGOS PO DAM PA ZHES BYA BA NI PHYI DANG NANG GI BDAG NYID MTHA' DAG KUN DU SBYONG BA NI GZHAN YOD PA MA YIN LA, BYANG CHUB SEMS DPA' NI 'DIR DNGOS PO MTHA' DAG YONGS SU SPYOD PA YIN NO, ,CHED DU BYA BA DAM PA ZHES BYA BA NI SBYIN PA GANG SEMS CAN THAMS CAD LA PHAN PA DANG, BDE BA'I CHED DU BYED PA'O, ,THABS LA MKHAS PA DAM PA ZHES BYA BA NI 'DIR 'KHOR GSUM YONGS SU DAG PA'I THABS LA MKHAS PAS YONGS SU BZUNG BA STE, SBYIN PAR BYA BAR PYANG MA YIN, SBYIN PA POR YANG MA YIN LA, LEN PA POR YANG RTOG PAR MI BYED PA'O, ,DE LTAR NA SBYIN PA LA SOGS PA RNAMS RNAM PAR MI RTOG PA'I YE SHES KYIS YONGS SU ZIN PAR GYUR BA'O, ,YONGS SU BSNGO BA @166A *, ,DAM PA ZHES BYA BAS NI 'DI LTAR SBYIN PA LA SOGS PA RNAMS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'O, ,RNAM PAR DAG PA DAM PA ZHES BYA BA NI GANG GIS TSE SANGS RGYAS SU 'GYUR BA NYID KYI SBYIN PA LA SOGS PA RNAMS TE, DE YANG NYON MONGS PA'I SGRIB PA DANG SHES BYA'I SGRIB PA DAG LAS RNAM PAR GROL BA KUN TU SGRUB PAR GYUR PA'O, ,SBYIN PA GANG YIN PA DE PHA ROL TU PHYIN PA YANG DE YIN NAM, PHA ROL TU PHYIN PA GANG YIN PA DE SBYIN PA YANG DE YIN NAM ZHES DRIS PA'I PHYOGS DE BSTAN PAR BYA STE, SBYIN PA GANG YIN PA DE PHA ROL TU PHYIN PA MA YIN PA NI GANG PHA ROL TU PHYIN PA DRUG DANG BRAL BA'O, ,PHA ROL TU PHYIN PA NI YIN LA SBYIN PA MA YIN PA NI TSUL KHRIMS LA SOGS PA PHA ROL TU PHYIN PA DRUG GIS YONGS SU BSDUS PA'O, ,SBYIN PA YANG YIN LA PHA ROL TU PHYIN PA YANG YIN PA NI PHA ROL TU PHYIN PA DRUG GIS BSDUS PA'I SBYIN PA'O, ,SBYIN PA YANG MA YIN PA PHA ROL TU PHYIN PA YANG MA YIN PA NI TSUL KHRIMS LA SOGS PA DRUG PO DE DAG DANG BRAL BA'O, ,DE BZHIN DU MU BZHI PO THAMS CAD LA BLTA BAR BYA'O, ,NGES PA'I TSIG BLTA BAR BYA STE, RE ZHIG THAMS CAD KYI SPYI'I NGES PA'I TSIG NI PHA ROL TU PHYIN PA NI PA STE, 'JIG RTEN PA DANG, NYAN THOS DANG RANG SANGS RGYAS RNAMS KYI SBYIN PA LA SOGS PA THAMS CAD KYI MCHOG TU PHYIN PAS DES NA PHA ROL TU PHYIN PA'O, ,SO SO'I NI RGYU'I DUS NA SER SNA MA BCOM PAR SBYIN PA GTONG BAR MI BYED PA'I PHYIR DANG, 'BRAS BU'I DUS NA NI DBUL BA LUS 'DZIN PAR BYED PA'I PHYIR DANG, LONGS SPYOD CHEN PO DANG, BSOD NAMS KYI TSOGS SBYIN PAR BYED PAS SBYIN PA'O, ,RGYU'I DUS NA 'CHAL BA'I TSUL KHRIMS ZHI BAR BYED PA DANG, 'BRAS BU'I DUS NA NGAN 'GRO ZHI BAR BYED PA DANG, BDE 'GRO DANG TING NGE 'DZIN THOB PAR BYED PAS TSUL KHRIMS SO, ,DE BZHIN DU PHA ROL TU PHYIN PA THAMS CAD KYI NGES PA'I TSIG JI LTAR RIGS PA BZHIN DU SBYAR BAR BYA STE, BDAG DANG GZHAN DAG LA BDE BAR BYED PAS ZHES BYA BA LA BDAG NYID NGAN 'GRO DANG, KHO NA DU 'DZIN PA DANG, KHRO BA LA SBYOR BAR MI BYED CING, PHA ROL DAG KYANG BDE BAR BYED DE, DE DAG LA SDUG BSNGAL SKYED PAR MI BYED DO, ,BSGOM PA RNAM PA LNGAR BLTA BAR BYA STE ZHES BYA BA DE LA KUN TU SPYOD PA LA SBYOR BA NI KUN TU SPYOD PA @166B LA BSGOM PA'O, ,BYA BA SGRUB PA BSGOM PA ZHES BYA BA NI SANGS RGYAS KYI MDZAD PA SHIN TU SBYANGS PA 'BAD PA MED PA MNGA' BAS KUN TU SPYOD PA MED BZHIN DU YANG SANGS RGYAS RNAMS KYI SKU'I GNAS SKABS KYI PHA ROL TU PHYIN PAS SEMS CAN RJES SU BZUNG BA'I PHYIR BYA BA SGRUB PA 'BYUNG BAR 'GYUR BA'O, ,DE LTA BU RE ZHIG BSGOM PA'O, ,DE SNYED KYI DUS SKAD CIG MA GCIG TU ZHES BYA BA LA, GANG DE LTA BU'I GRANGS MED PA GSUM LA SOGS PA'I TSAD KYI DUS SKAD CIG MA GCIG TU BYAS LA, DE LTA BU'I SKAD CIG MAS JI SRID BYANG CHUB PAR GYUR PA DE SRID KYI DUS SU SKAD CIG RE RE LA BDAG GI LUS ZHES BYA BA LA SOGS PA RTZA BA'I GZHUNG GI RJES SU 'BRANGS NAS BLTA BAR BYA STE GO SLA'O, ,RIM PA DE LTA BU NYID KYIS BYANG CHUB KYI SNYING PO LA GNAS KYI BAR DE SRID DU DE LTA BU'I TSUL KHRIMS LA SOGS PA'I SEMS GCIG NYID SKYED PAR BYED PA NYID DO, ,STONG GSUM GYI STONG CHEN PO'I 'JIG RTEN GYI KHAMS MES YONGS SU GANG BA SKAD CIG RE RE LA SPYOD LAM BZHI BYED CING YO BYAD THAMS CAD DANG MI LDAN PA YANG ZHES BYA BA LA, 'DIS NI GNAS MED CING YO BYAD THAMS CAD DANG MI LDAN PA NYID BSTAN TO, ,NGES PAR BYAS PA'I SGRIB PA THAMS CAD KYANG BSHIG PAR 'GYUR NA ZHES BYA BA NI NGES PAR BSHIG PA TZAM GYIS RNAM PAR SMIN PAR MI NUS PAR 'DOD PA'O, ,YANG NANG NA 'GROR 'GRO BA'I GNYEN PO NYID YIN PA'I PHYIR BSAM PA RGYA CHEN PO NYID NI MI NGOMS PA'I BSAM PA'O, ,'DI LTAR DE DAG NYID RGYUN RING POR YANG MI 'DOR BA'I BSAM PA DE YOD PAS NA RGYUN RING PO'I BSAM PA STE, RGYUN RING DU ZHES BYA BA NI DUS RING DU'O, ,DON LHAG MA NI GO SLA'O, ,PHA ROL TU PHYIN PA'I LUS RNAM PAR GZHAG PA DANG, RAB TU DBYE BA BSTAN PA DE BSHAD PAR BYA STE, GANG GI PHYIR SBYIN PA RNAM PA GSUM YIN ZHE NA, CHOS KYI SBYIN PA LA SOGS PA STE, 'DI LTAR CHOS KYI SBYIN PA NI GZHAN GYI DGE BA'I RTZA BA NYE BAR BRTAN PAR BYED PA'O, ,ZANG ZING GI SBYIN PA NI 'DI'I LUS BRTAN PAR BYED PA'O, ,MI 'JIGS PA'I SBYIN PA NI DE NYID KYI SEMS BRTAN PAR BYED PA STE, DE'I PHYIR RGYU DES NA SBYIN PA RNAM PA GSUM DU BSTAN TO, ,TSUL KHRIMS KYANG RAB TU GNAS PA'I TSUL KHRIMS NI SDOM PA'I TSUL KHRIMS TE, LHAG MA GNYIS PO DAG GI DON GYI @167A *, ,GNAS YIN PA'I PHYIR TE, 'DI LTAR SDOM PA LA GNAS PA'I DGE BA'I CHOS SDUD PA'I TSUL KHRIMS KYIS SANGS RGYAS KYI CHOS RNAMS DANG, BYANG CHUB MNGON PAR SGRUB PAS RTEN DU GYUR PA NYID DANG, SEMS CAN GYI DON BYED PA'I TSUL KHRIMS KYIS SEMS CAN YONGS SU SMIN PAR BYED PAS RTEN DU GYUR PA'O, ,BZOD PA YANG GNOD PAR BYED PA LA JI MI SNYAM PA'I BZOD PA NI GANG GZHAN GYIS GNOD PA BYED PA LA KHRO BAR RAB TU SPONG BA NYID DO, ,DE'I DBANG GIS 'KHOR BA'I SDUG BSNGAL DANG DU LEN PA'I BZOD PA STE, GANG GI STOBS KYIS 'KHOR BA'I SDUG BSNGAL GANG YIN PA DES LDOG PAR MI 'GYUR PA'O, , CHOS LA NGES PAR RTOGS PA'I BZOD PA NI YANG CHOS GANG LA NGES PAR BRTAG PA DE LA 'DOD PA STE, DE YANG BSHAD MA THAG PA'I BZOD PA GNYIS PO DAG GI RTEN DU GYUR PA'O, ,BRTZON 'GRUS KYI LUS KYANG RNAM PA GSUM DU GZHAG STE, 'DI LTAR BCOM LDAN 'DAS KYIS MDO SDE GZHAN DAG LAS, BRTAN PA DANG LDAN PA PA DANG, BRTZON 'GRUS DANG LDAN PA DANG, SPRO BA CAN DANG, PHA ROL GNON PA BRTAN PA DANG, BLANGS PA MI 'DOR ZHING ZHES GSUNGS PA'I TSIG DE DAG BRTZON 'GRUS KYI LUS RNAM PAR GZHAG PA GSUM DANG SBYAR BAR BYA'O, DE LA GO CHA'I BRTZON 'GRUS NI BRTAN PA DANG LDAN PA NYID DU 'GYUR RO, ,DANG POR SBYOR BA'I BRTZON 'GRUS NI BRTZON 'GRUS DANG LDAN PAR 'GYUR RO, ,SBYOR BA'I DUS SU MI ZHUM PA DANG, MI 'KHRUGS PA DANG, CHOG PAR MI 'DZIN PA ZHES BYA BAS DAG RIM PA JI LTA BA BZHIN DU SPRO BA CAN DANG, PHA ROL GNON PA BRTAN PA DANG, BLANGS PA MI 'DOR BA ZHES BYA BA 'DI DAG GIS BSTAN PA YIN NO, ,GANG GI PHYIR GANG DAG DANG POR BLA NA MED PA'I BYANG CHUB KYI DON DU BRTAN PA DANG YANG LDAN LA, SBYOR BA'I DUS SU BRTZON 'GRUS DANG LDAN DU ZIN KYANG SEMS ZHUM PAR GYUR NA MA YIN PAS DE LTA BAS NA DE'I GNYEN POR SPRO BA CAN TE, GANG SEMS SPRO BA DANG LDAN PA DE SEMS ZHUM PAR MI 'GYUR TE, ZHUM PA NI 'DIR SEMS 'GONG PA'I BDAG NYID DU 'DOD DO, ,SEMS ZHUM PA MED DU ZIN KYANG 'KHRUGS PAR GYUR NA SANGS RGYAS NYID LAS LDOG PAR 'GYUR BAS DES NA DE'I GNYEN POR MI 'KHRUGS PA'I BRTZON 'GRUS BSTAN TE, DE YANG PHA ROL GNON PA BRTAN PA ZHES BYA BAS PHA ROL GNON PA BRTAN PA NYID DU BSTAN TO, ,'DI LTAR PHA @167B ROL GNON PA BRTAN PA NYID NI SDUG BSNGAL GYIS LDOG PAR MI 'GYUR RO, ,SDUG BSNGAL GYIS LDOG PAR MI 'GYUR DU ZIN KYANG GANG NYUNG ZAD KYIS CHOG PAR 'DZIN NA BLA NA MED PA'I BYANG CHUB THOB PAR MI 'GYUR BAS, DE'I PHYIR CHOG PAR MI 'DZIN PA'I BRTZON 'GRUS ZHES BYA BAR YANG BSTAN TE, CUNG ZAD KYIS CHOG PAR MI GZUNG NGO ZHES BYA BA'I THA TSIG GO, ,DE YANG BLANGS PA MI 'DOR BA ZHES BYA BA 'DIS BSTAN TE, DON DE DAG NYID KYIS NI BRTZON 'GRUS RNAM PA GSUM BSHAD PA YIN NO, ,YANG GNAS PA'I BSAM GTAN NI GANG GIS MTHONG BA'I CHOS LA BDE BAR GNAS PAS GNAS PA'O, ,MNGON PAR BSGRUB PA NI GANG GIS MNGON PAR SHES PA DRUG MNGON PAR BSGRUB PA'O, ,BYA BA SGRUB PA'I BSAM GTAN ZHES BYA BA NI GANG BSAM GTAN LA BRTEN NAS SEMS CAN GYI DON BYED PA STE, DE NI BYA BA SGRUB PA'I BSAM GTAN NO, ,BSAM GTAN RNAM PA GSUM GYI DON NI DE DAG NYID DO, SHES RAB KYI LUS RNAM PAR GZHAG PA GSUM GYI DON NI GO SLA'O, ,'DI DAG BSDUS PAR JI LTAR BLTA ZHE NA ZHES BYA BA NI PHA ROL TU PHYIN PA 'DI DAG GIS DGE BA'I CHOS RNAMS JI LTAR BSDU ZHES BLTA BAR BYA'O, ,GANG GI PHYIR DE DAG TU 'DI DAG BSDUS PA'I PHYIR 'DI DAG TU YANG DE DAG BSDUS PA YIN PAR BLTA BAR BYA'O, 'DI DAG GIS DGE BA'I CHOS THAMS CAD BSDUS ZHES BYA BA NI 'DIR DGE BA'I CHOS THAMS CAD NI BYANG CHUB KYI PHYOGS KYI CHOS RNAMS SU 'DOD DO, ,DE'I MTSAN NYID CES BYA BA LA, DE'I MTSAN NYID NI SHES RAB TO, ,DE'I RGYU MTHUN PA ZHES BYA BA LA, DE NI JI LTAR MNGON PAR SHES PA DANG, STOBS BCU LA SOGS PA'I YON TAN GZHAN DAG GI YANG RGYUR MTHUN PAR GYUR BA'O, ,DE DANG MTHUN PA ZHES BYA BA NI DAD PA LA SOGS PA NI DE DANG MTHUN PAR BLTA BAR BYA STE, GANG YANG DKAR PO'I CHOS RNAMS THAMS CAD YANG DAG PAR BSDUS PA PHA ROL TU PHYIN PA RNAMS DES BSTAN TO, ,DE DAG GI MI MTHUN PA'I PHYOGS RNAMS KYI KUN NAS NYON MONGS PA'I CHOS THAMS CAD JI LTAR BSDUS PA DE BSTAN PAR BYA'O, ,DE LA DE'I MTSAN NYID DE ZHES BYA BA NI DE'I MTSAN NYID 'DOD CHAGS PA LA SOGS PA DAG GO, ,DE'I GZHI ZHES BYA BA NI GZHI STE, JI LTAR SER SNA'I GZHI DANG, MA DAD PA NYID DANG, LTA BA LOG PA LA SOGS @168A *, ,PA'O; ;DE'I 'BRAS BU ZHES BYA BA NI JI LTAR SER SNA DANG, 'CHAL BA'I TSUL KHRIMS DANG, KHRO BA LA SOGS PA'I 'BRAS BU'O, ,PHA ROL TU PHYIN PA 'DI DAG GI PHAN YON BSTAN PAR BYA BAS NI, KHA NA MA THOB PA MED PAR MNGON PAR MTHO BA STE, JI LTAR PHYIR ROL PA'I LTA BU NI MA YIN TE DE DAG GI MNGON PAR MTHON BA NYID YIN NA YANG KHA NA MA THOB PA DANG BCAS PAS DMAN PA NYID YIN PA DANG, YANG DE DAG NI MI RTAG PA NYID YIN PAS SO, ,YANG PHA ROL TU PHYIN PA'I 'BRAS BU NI MI RTAG PA MA YIN TE, BYANG CHUB KYI SNYING PO LA GNAS KYI BAR DU ZHES GSUNGS PA'I PHYIR RO, ,YANG DE NI BDAG 'BA' ZHIG GI DON YIN GYI, GZHAN GYI MA YIN PA DE NI MA YIN TE, GANG GI PHYIR PHA ROL TU PHYIN PA'I 'BRAS BU NI SEMS CAN GYI DON BYA BAR NYE BAR GNAS PA ZHES BSTAN PA'I PHYIR RO, ,PHA ROL TU PHYIN PA THAMS CAD KYI 'BRAS BU'I PHAN YON NI, KHA NA MA THO BA MED PA LA SOGS PA 'DI DAG YIN NO, ,SHES RAB KYI PHA ROL TU PHYIN PA SUM BRGYA PA LA SOGS PA LAS PHA ROL TU PHYIN PA GCIG BSTAN PAR BYAS PA DER GANG THAMS CAD BSTAN PA YIN NO ZHES BYA BA DE'I DGONGS PAR GANG YIN ZHE NA, GCIG LA RAB TU SBYOR BA NA THAMS CAD KYI BYED PA 'GRO BAR 'GYUR RO ZHES DGONGS PA YIN NO, ,DE LA SBYIN PA BYED PA NI LUS DANG NGAG BSDAMS NAS SBYIN PAR BYED PA NI DE'I TSUL KHRIMS KYI PHA ROL TU PHYIN PA'I BYED PA YIN NO, ,SBYIN PA'I RGYU DANG 'BRAS BU SHES PA NYID NI SHES RAB KYI BYED PA STE, LHAG MA RNAMS KYI BYED PA LA YANG SBYAR BAR BYA'O, ,DE'I RGYU DANG 'BRAS BU'I BYED BRAG LAS BRTZAMS PA NI SHES BYA CHOS KYI DBYINGS RNAM PA BCU PO KUN TU 'GRO BA'I DON DANG, GZUNGS DANG TING NGE 'DZIN GYI SGO LA DBANG BA'I DON GYI BAR DU'O, ,DE LA SHES BYA CHOS KYI DBYINGS RNAM PA BCU NI LUS DANG SA LA SHES BYA'I RNAM PA RE RE STE, DE YANG MA RIG PA'I DBANG GIS MI SHES PA YIN PAS DE'I PHYIR DE LTA BU'I MA RIG PA'I GNYEN POR SA BCU PA'O, ,YANG NA DE'I MI MTHUN PA'I PHYOGS RNAM PA BCU LAS SA BCUR GZHAG STE; DE'I MI MTHUN PA'I PHYOGS RNAM PA BCU GANG ZHE NA, SO SO'I SKYE BO NYID DANG, BDEN PA LA LUS LA SOGS PAS PHYIN CI LOG TU SGRUB PA DANG DBUL BA NYID DO, ,THOS PA DANG, BSAMS PA DANG, BSGOMS PA BRJOD PA NYID DO, ,NYON MONGS PA PHRA BA KUN TU RGYU BA STE, LHAN CIG SKYES PA'I 'JIG TSOGS LA @168B LTA BA LA SOGS PAS BSDUS PA'O, ,DE YANG CHUNG BA'I RNAM PA NYID KYI PHYIR DANG, YID LA BYED PA DANG BCAS PA'I DMIGS PA NYID KYI PHYIR DANG, KUN TU SPYOD PA'I RING DU SONG BA NYID NI PHRA BA YIN PAR RIG PAR BYA'O, ,THEG PA DMAN PAS MYA NGAN LAS 'DA' BA DANG, MTSAN MA RGYA CHEN PO LA KUN TU SPYOD PA DANG; MTSAN MA PHRA MO LA KUN TU SPYOD PA DANG, MTSAN MA MED PAR MNGON PAR 'DU BYED PA DANG SEMS CAN GYI DON BYED PA LA MNGON PAR 'DU BYED PA MED PA DANG, THOB PAR BYA BA'I CHOS LA GTZO BOR BYA BA MED PA'O, ,DE LA SNGON DU 'GRO BA'I DON LAS BRTZAMS PA NI CHOS KYI DBYINGS KUN TU 'GRO BA STE, 'DI LTAR CHOS GANG YANG BDAG MED PA'I BDAG NYID MA YIN PA'O, ,MCHOG GI DON ZHES BYA BAS NI DE NI SA GNYIS PA'I YE SHES SO, ,RGYU MTHUN PA'I DON GYI MCHOG NI GONG DU THEG PA CHEN PO'I CHOS BSTAN PA'I RGYU MTHUN PA'O, ,MCHOG CES BYA BA NI SA GSUM PAR GYUR PA'I YE SHES SO, ,GANG LA BDAG TU 'DZIN PA YOD PA DE NI KUN TU 'DZIN PA CAN TE, JI LTAR BDAG TU 'DZIN PA MED PA NI BYANG GI SGRA MI SNYAN NO, ,DE LA 'DI LTAR BU'I CHOS KYI DBYINGS THOB PAR GYUR BA NI GANG LA YANG BDAG GIR 'DZIN PA 'BYUNG BAR MI 'GYUR TE, 'DI LTAR DE LTA BU'I YE SHES NI BZHIN PA LAS 'BYUNG BAR 'GYUR RO, ,DE NYID RGYU THA DAD PA MED PA STE, JI LTAR MIG LA SOGS PA SEMS CAN SO SO LA YOD PA RNAMS NYID THA DAD PA MA YI PAR SHES PA DE NI LNGA PA'O, ,KUN NAS NYON MONGS PA MA YIN PA NI RANG BZHIN GYIS KUN NAS NYON MONGS PA MA YIN PA'I PHYIR KUN NAS NYON MONGS PA MA YI PA STE DAG PA NYID KYI YE SHES DE NI DRUG PA'O, ,MDO SDE LA SOGS PA SNA TSOGS KYI DON THA DAD PA MED PA NYID KYI YE SHES NI BDUN PA'O, ,DE NI NYON MONGS PA SPANGS PA BRI BA MED CING SBEL BAS RNAM PAR BYANG BA LA 'PHEL MED PA DANG, RGYU MTSAN LA DBANG BA'I GNAS DANG, ZHING LA DBANG BA'I GNAS SHES PA DE NI BRGYAD PA'O, ,DE LA MTSAN LA DBANG BA NI 'DI LTAR DE 'DOD PAR GYUR NA MTSAN MA DE MNGON SUM DU BYED PAR 'GYUR BA'O, ,ZHING LA DBANG BA NI JI LTAR GSER GYI RANG BZHIN DU SGYUR BAR 'DOD NA YANG DER 'GYUR BA DE NI DE LA DBANG PA'O, ,SO SO YANG DAG PAR RIG PA'I YE SHES LA DBANG BA'I GNAS NI DGU PA'O, ,LUS LA SOGS PA'I LAS LA DBANG BA'I GNAS @169A *, ,NI BCU PA'O, ,GZUNGS DANG TING NGE 'DZIN GYI SGOL DBANG BA NYID KYI GNAS KYI DON KYANG BCU PA STE, MA RIG PA 'DI YANG NYAN THOS RNAMS KYIS NI NYON MONGS PA CAN MA YIN TE, GANG GI PHYIR DE DAG SA LA MI 'JUG PAS SO, ,DANG PO NYID KYIS THAMS CAD RAB TU RTOGS PAR GYUR NA, YANG CI'I PHYIR SO SO'I RIM PA GZHAG PAR BYED CES RGOL BA LA DES LAN GDAB PA'I PHYIR GANG LA GNAS PA'I GNAS PA DE'I DBANG GIS SA RNAM PAR GZHAG PAR BYA STE, JI LTAR DANG PO NYID KYIS THAMS CAD YANG DAG PAR SO SOR RTOGS NA CI'I PHYIR DANG PO LA RAB TU DGA' BA ZHES BYA ZHE NA, 'DI LTAR BDAG DANG GZHAN GYI DON YANG DAG PAR BSGRUB PA'I NUS PA DE'I TSE DANG THOB PA YIN PAS SO, ,YANG NYAN THOS RNAMS KYIS DE KHO NA NYID DU MNGON PAR RTOGS PA'I DUS NA NI BDAG GI DON YANG DAG PAR BSGRUB PA'I NUS PA NI THOB KYI, DE DAG GIS GZHAN GYI DON GYIS NI MA YIN PAS, BYANG CHUB SEMS DPA' RNAMS KYI JI LTA BU DE LTA BU'I DGA' BA 'BYUNG BAR MI 'GYUR RO, ,CI'I PHYIR DRI MA MED PA ZHES BYA BA NI GANG GIS DE RANG BZHIN GYI TSUL KHRIMS CAN DU GYUR PA NYID YIN NA GYI, DANG PO BZHIN DU SO SOR BRTAGS PA'I TSUL KHRIMS CAN NI MA YIN NO, ,DES NA 'DI THAR 'TSAL BA'I TSUL KHRIMS KYI DRI MA RING DU BYED PA'I PHYIR, DE NI RANG BZHIN GYI TSUL KHRIMS CAN NYID YIN NO, ,GANG GI PHYIR SA GSUM PA LA 'OD BYED PA'O ZHES BYA ZHES NA 'DI LTAR DE NI TING NGE 'DZIN LA SNYOMS PAR ZHUGS PA DE LAS 'BRAL BAR MI 'GYUR TE, DE LAS NYAMS PA MED PA NA THEG PA CHEN PO'I CHOS KYI SNANG BA 'BYUNG BAR 'GYUR BAS SO, ,GANG GI PHYIR BZHI BA LA 'OD 'PHRO BA ZHES BYA ZHE NA, 'DI LTAR DE YAS BYANG CHUB KYI PHYOGS KYI CHOS DE DAG LA GNAS PAR GYUR BA NA; DE LA GNAS PAR GYUR BA NYID KYIS NYON MONGS PA DANG NYE BA'I NYON MONGS PA THAMS CAD SREG PAR BYED PAS SO, ,CI'I PHYIR SA LNGA PA LA SHIN TU SBYANG DKA' BA ZHES BYA BAS ZHE NA, GANG GIS DE BDEN PAR SHES PA'I RNAM PAR MI RTOG PA DANG, 'JIG RTEN PA'I BZO DANG BSTAN BCOS LA SOGS PA RNAM PAR RTOG PA DANG JI PA KUN TU SGRUB PAR BYED PA NA DE DAG 'GAL BAS SHIN TU DKA' BA DANG, DE GNYIS 'GAL BA YANG MNGON PAR SGRUB PAR BYED PA NA SDUG BSNGAL BAS SHIN TU SBYANG DKA' BA ZHES BYA'O, ,YANG GANG GI PHYIR DRUG PA LA MNGON DU GYUR BA ZHES BYA ZHE NA, 'DI LTAR DES RTEN CING 'BREL PAR 'BYUNG BA SHES PA LA @169B GNAS PAR GYUR PA NA, ,DE NAS DE RNAM PAR MI RTOG PA LA GNAS PA'I YE SHES KYI STOBS KYIS SHES RAB KYI PHA ROL TU PHYIN PA ZHES BYA BAS KUN NAS NYON MONGS PA'I CHOS NA YIN RNAM PAR DAG PA'I CHOS KYANG MA YIN, BDUN PA MNGON PAR 'DU BYED PA DANG LDAN PA DANG, BRGYA PA MNGON PAR 'DU BYED PA MED PA LA MNGON DU PHYOGS PAR GYUR PAS SO, CI'I PHYIR SA BDUN PA LA RING DU SONG BA ZHES BYA ZHE NA, 'DI NI SBYOR BA LAS BYUNG BA'I SPYOD PA DE'I MTHAR 'GRO BAR 'GYUR BA YIN PA DANG, GANG GI PHYIR MTSAN MA THAMS CAD KYIS MI BSKYOD PAS MNGON PAR 'DU BYED PA DANG BCAS PAR GYUR BAS SO, ,CI'I PHYIR SA BRGYAD PA LA MI G-YO BA ZHES BYA BA ZHE NA, MTSAN MA MED PA DANG, MNGON PAR 'DU BYED PA THAMS CAD KYIS BSKYOD PAR MI NUS PA STE, RANG GI NGANG GIS 'JUG PA'I PHYIR DANG, RNAM PAR RTOG PA MED PA'I PHYIR RO, ,CI'I PHYIR SA DGU PA LA LEGS PA'I BLO GROS ZHES BYA ZHE NA, LEGS PA'I BLO NI LEGS PA'I BLO GROS TE, 'DIR SO SO YANG DAG PAR RIG PA NI 'DIR BLO GROS KYI SGRAS BSTAN TE, YE SHES DE NI 'DIR LEGS PA'I BLO GROS ZHES BYA'O, ,CI'I PHYIR SA BCU PA LA CHOS KYI SPRIN ZHES BYA ZHE NA, GANG GIS CHOS THAMS CAD BSDUS PA LA DMIGS PA'O, ,'DI LTAR DE LA YE SHES NI SPRIN LTA BU'O, ,TING NGE 'DZIN DANG GZUNGS KYI SGO RNAMS NI CHAR GYI CHU LTA BU'O, ,DE YANG YE SHES DE'I KHONG NA GNAS PA STE, 'DI LTAR NAM MKHA' SPRIN GYIS KHEBS PAR BYAS NAS GNAS PA LTAR 'DRES PA'I CHOS LA DMIGS PA'I YE SHES KYIS KYANG SGRIB PA RGYA CHEN PO RNAMS MI MNGON PAR BYED DO, ,CHOS KYI SKU YONGS SU RDZOGS PAR BYA BA'I PHYIR ZHES BYA BA NI JI LTAR SPRIN GYIS NAM MKHA' RGYAS PAR 'GENGS PA LTAR CHOS KYI SKUS BYANG CHUB SEMS DPA'I RTEN LA RGYAS PAR 'GENGS SO, ,'DIR 'GENGS PA NI SPROS PA'O, ,'GRUB PAS THOB PA NI ZHES BYA BA NI GANG GIS SA 'DI RNAMS BSGOM PA LAS MTHAR PHYIN PAR 'GYUR BA'O ZHES BLTAR BAR BYA'O, ,JI LTAR SA 'DI DAG RE RE ZHING BSGOM PAR SGOM PAR 'GYUR BA DE BSTAN PAR BYA BA NI SA RNAM PA LNGA STE, YANG DE NI ZHI GNAS DANG LHAG MTHONG DAG BSGOM PA NA DE DAG GNYI GA YANG RNAM PA LNGAS BSGOMS TE, SKAD CIG RE RE LA GNAS NGAN LEN GYI GNAS SKABS THAMS CAD 'JIG PAR BYED @170A *, ,PA ZHES BYA BA NI 'DI LTAR GNAS NGAN LEN ZHES BYA BA NYON MONGS PA DANG SHES BYA'I SGRIB PA'I SA BON THOG MA MED PA'I DUS CAN GYI BAG CHAGS ZHES BYA BA STE, SGRIB PA DE'I TSOGS DE NI 'DRES PA'I CHOS LA DMIGS PA'I ZHI GNAS DANG LHAG MTHONG GI YE SHES KYI SKAD CIG RE RE LA STOBS CHUNG BAR BYED PA'AM, TSOGS 'JIG PAR BYED PA NI 'DIR 'JIG PAR BYED PAR BZHED DO, ,YANG STOBS CHUNG BAR BYED PA NI 'JIG PAR BYED PA'O, ,SNA TSOGS KYI 'DU SHES DANG BRAL BA STE, CHOS KYI KUN DGA' LA DGA' BA THOB PA DANG ZHES BYA BA LA PHYOGS BCUR RNAM PA YONGS SU MA CHAD PA'I CHOS KYI SNANG BA RAB TU SHES PA STE, GZHUNG BA TON LEGS PAR BYANG BA BZHIN NO, ,RNAM PAR DAG PA'I CHA DANG MTHUN PA'I MTSAN MA RNAM PAR BRTAGS PA MA YIN PA RNAMS DE LA KUN TU 'BYUNG BA ZHES BYA BA LA DGOS PA YONGS SU GRUB PA DANG RAB TU LDAN PA NI 'DI'I RNAM PAR DAG PA'I CHA DANG MTHUN PA'I MTSAN RNAM PAR BRTAGS PA MA YIN PA RNAMS DE LA KUN TU 'BYUNG BA STE, 'DIR SANGS RGYAS NYID NI DGONGS PA YONGS SU RDZOGS PA'O ZHES 'DOD DO, ,CHOS KYI SKU YONGS SU RDZOGS PA DANG YONGS SU GRUB PAR BYA BA'I PHYIR GONG MA BAS CHES GONG MA'I RGYU YONGS SU 'DZIN PAR BYED CES BYA BA NI DE LA YONGS SU RDZOGS PA NI SA BCU PA'O, ,YONGS SU GRUB PA NI BCU GCIG PAS SANGS RGYAS KYIS SA LA CHOS KYI SKU YONGS SU GRUB PA'O, ,GONG MA BAS CHES GONG MA'I RGYU YONGS SU 'DZIN PA ZHES BYA BA NI 'DI LTAR RGYU DE LAS KYANG SANGS RGYAS KYIS SA'I BAR DU 'JUG PAR 'GYUR BA'O, ,GTZOR NI SA BCU DAG TU PHA ROL TU PHYIN PA BCU SGOM PAR 'GYUR TE ZHES BYA BA LA, 'DI LTAR SA BCU PA LAS 'BYUNG BA BZHIN DU STE, DANG PO LA SBYIN PA'I PHA ROL TU PHYIN PA LHAG PAR 'JUG PA NAS JI SRID BCU PA LA YE SHES KYI PHA ROL TU PHYIN PA'I BR GTZO BOR 'JUG PAS NA BCU PO DAG TU BCU BSTAN PA YIN LA, 'DI LTAR YANGS THAMS CAD LA THAMS CAD KYANG BSGOM PAR BYA BA YIN NO, ,DRUG TU NI DRUG CES BYA BA NI GO RIMS BZHIN BSTAN PA YIN TE, 'DI LTAR SBYIN PA'I PHA ROL TU PHYIN PA PHYI NAS BSTAN LA, YE SHES KYI PHA ROL TU PHYIN PA SNGON DU BSTAN PA LTA BU NI MA YIN NO, ,PHYI MA BZHI NI JI LTAR BSTAN PAR BYA BA BZHI PA'O, ,GONG DU PHA ROL TU PHYIN PA DRUG PA BSTAN PA DER THABS LA @170B MKHAS PA'I PHA ROL TU PHYIN PA LA SOGS PA BZHI PO DAG KYANG 'DUS PAR 'GYUR BA NYID YIN NO, ,GANG YANG BCUR BSTAN PA DER NI RNAM PAR MI RTOG PA'I YE SHES NYID NI SHES RAB KYI PHA ROL TU PHYIN PA'O, ,DE'I RJES LA THOB PAS BSDUS PA NYID PAS NI DE LAS GZHAN PA'I THABS LA MKHAS PA LA SOGS PA'I PHA ROL TU PHYIN PAR 'GYUR RO, ,DES NA PHYI MA RNAMS LA 'DI DAG SGOM PAR 'GYUR BA YIN NO, ,THABS LA MKHAS PA'I PHA ROL TU PHYIN PA NI ZHES BYA BA DE STON PAR BYED PA NA SEMS CAN THAMS CAD DANG THUN MONG DU ZHES BYA BA LA SOGS PA STE, DE LA THUN MONG NYID NI DGE BA'I RTZA BA BSAGS PA RNAMS SEMS CAN RNAMS LA JI LTA BA BZHIN DU 'BYUNG BAR BYED PA'O, ,DE YANG BSTAN PAR BYA STE, GANG YANG BLA NA MED PA YANG DAG PAR RDZOGS PA'I BYANG CHUB THOB PAR 'DOD PAS BYANG CHUB MNGON PAR RDZOGS PAR BYANG CHUB NAS SEMS CAN THAMS CAD KYI DON BYA'O ZHES BYA BA DE LTA BU'I BSAM PA DANG MTHUN PA'O, ,DES NA GANG SU DAG DE LTA BU'I SEMS DANG, DE LTA BU'I DGE BA'I RTZA BA YONGS SU BSNGO BAS SEMS CAN THAMS CAD KYI DON BYA'O ZHES BYA BA DES NI SEMS CAN THAMS CAD DANG THUN MONG DU THABS LA MKHAS PA'I SHES RAB DANG SNYING RJE DAG BSTAN TE, 'DI LTAR PHA ROL TU PHYIN PA DRUG GIS DGE BA'I RTZA BA BSAGS PA RNAMS SNYING RJES NI SEMS CAN THAMS CAD DANG THUN MONG DU BYED DO, ,SHES RAB KYIS NI BRGYA BYIN LA SOGS PA NYID DU YANG YONGS SU SNGO BAR MI BYED DO, ,DES NAS NYON MONGS PA 'BYUNG BAR YANG MI 'GYUR TE, YONGS SU SHES PA'I PHYIR RO, ,'KHOR BA YANG YONGS SU MI GTONG LA, DER YANG KUN NAS NYON MONGS PA 'BYUNG BAR MI 'GYUR BA NI THABS LA MKHAS PAR 'GYUR BA YIN TE, 'DI NI THABS LA MKHAS PA'O, ,GANG SMON LAM SNA TSOGS KYI RGYU'I DBANG GIS PHA ROL TU PHYIN PA SNA TSOGS KYI RKYEN SDUD PA DE LTA BU NI SMON LAM GYI PHA ROL TU PHYIN PA'I LAS YIN TE, SMON LAM NYID KYI PHA ROL TU PHYIN PA NI SMON LAM GYI PHA ROL TU PHYIN PA'O, ,PHYIN MA LA ZHES BYA BA LA PHYI MA'I RGYU MTSAN NI PHYI MA STE 'DI NI RGYU MTSAN BDUN PA YIN TE, DE'I TSE SMON LAM SNA TSOGS BSGOM PAS DES NI PHYI MA LA 'DI DAG RNAMS SGOM PAR 'GYUR BA YIN TE, DE'I DBANG GIS PHA ROL TU PHYIN PA SNA TSOGS KYI RKYEN SDUD PA 'THOB BO, ,MDO GZHAN LAS STOBS GNYIS BSTAN PA NI @171A *, ,SO SOR RTOG PA'I STOBS DANG, BSGOM PA'I STOBS SO, ,YANG GAL TE BSGOM PA'I STOBS MED PA NI SO SOR RTOG PA'I STOBS KYIS 'JUG PAR 'GYUR TE, PHA ROL TU PHYIN PA GANG GIS PHA ROL TU PHYIN PA'I MI MTHUN PA'I PHYOGS ZIL GYIS MNAN NAS PHA ROL TU PHYIN PA RGYUN MI 'CHAD PAR 'BYUNG BAR 'GYUR TE, 'DI DAG NI STOBS KYI PHA ROL TU PHYIN PA'O, ,YE SHES KYI PHA ROL TU PHYIN PA'I LAS GANG YIN PA DE BSTAN PAR BYA STE, YE SHES DES NI SHES RAB KYI PHA ROL TU PHYIN PA'I NGO BO RNAM PAR MI RTOG PA'I YE SHES KYI PHA ROL TU PHYIN PA GANG YIN PA RNAM PAR 'JOG PA STE, GANG GIS CHOS LA LONGS SPYOD PA MYONG BA DANG, LHAN CIG TU CHOS DANG LDAN PA'I DON DANG, SEMS CAN YONGS SU SMIN PAR BYED PA'I DON YANG YE SHES KYI PHA ROL TU PHYIN PAS RNAM PAR GZHAG PA YIN NO, ,CHOS KYI RNAM GRANGS DE PHA ROL TU PHYIN PA'I SDE SNOD KYIS BSDUS PA'I PHYIR RO ZHES BYA BA LA, DE LA PHA ROL TU PHYIN PA'I SDE SNOD NI THEG PA CHEN PO'I CHOS THAMS CAD DO, ,SA BCU PA'I CHOS KYI RNAM GRANGS 'DI YANG PHA ROL TU PHYIN PA'I SDE SNOD NYID YIN GYI NYAN THOS KYI NI MA YIN NO, ,DE BSDUS PA NYID KYI YANG PHYIR NA YANG PHA ROL TU PHYIN PA THAMS CAD BSGOM PA NI SA THAMS CAD LA 'BYUNG BAR 'GYUR BA YIN NO, ,SANGS RGYAS KYI ZHING RAB 'BYAMS THAMS CAD DU SANGS RGYAS BYUNG BA THAMS CAD KYIS KYANG RAB TU BSGOMS PA YIN PA'I PHYIR SA 'DI RNAMS NI SHIN TU MCHOG TU GYUR PA NYID YIN PA'I PHYIR CHOS KYI RNAM GRANGS DE NI YUL GYI MCHOG NYID DU BSTAN LA DANG POR BSTAN PA YANG YIN NO, ,YANG YUL DE NI SHIN TU GNAS PAR GYUR PA YIN PA DANG, NYE BA NA GNAS PA'I YUL GZHAN GYI GTZO BOR GYUR PA NYID KYIS DE NI MCHOG YIN NO, ,GANG ZAG LNGA NI BSKAL PA GRANGS MED PA GSUM GYIS RDZOGS PAR 'GYUR TE ZHES BYA BA LA, DE LA RE ZHIG MOS PAS SPYOD PAS NA MOS PAS SPYOD PA STE, DE NI MOS PAS SPYOD PA'I SA BSKAL PA GRANGS MED PA GCIG GIS RDZOGS PAR 'GYUR RO, ,GANG YONGS SU RDZOGS PAS NI LHAG PA'I BSAM PA RNAM PAR DAG PA DANG, DE KHO NA NYID SO SOR RIG PAR 'GYUR RO, ,DE NI YANG SA BCU PO THAMS CAD DU LHAG PA'I BSAM PA RNAM PAR DAG PAS SPYOD PAR 'GYUR RO, ,DE NI YANG SA DRUG PA LA NI MTSAN MA DANG @171B BCAS PAR SPYOD DO, ,BDUN PA LA NI MTSAN MA MED PAR SPYOD CING MNGON PAR 'DU BYED PA DANG BCAS PA YIN TE, GRANGS MED PA GNYIS PAS GRUB PAR 'GYUR BA YIN NO, ,BRGYAD PA LA ZHUGS PA NI MNGON PAR 'DU BYED PA MED PA YIN TE, MNGON PAR 'DU BYED PA MED PA LA SPYOD PA YONGS SU RDZOGS PA NI MA YIN NO; ;MNGON PAR 'DU BYED PA MED PA LA SPYOD PA YONGS SU RDZOGS PA NYID NI DGU PA DANG BCU PA LA YIN TE, GANG ZAG DE'I NI BSKAL PA GRANGS MED PA GSUM PAS SO, ,DE LTA BU DAG NI GANG ZAG GCIG LA RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA RNAM PAR GZHAG PA BZHIN DU RNAM PAR GZHAG PA'I KHYAD PAR GZHAN RNAM PAR LNGAR 'GYUR BA YIN NO, ,GANG BSKAL PA GRANGS MED PA GSUM GYIS BYANG CHUB SEMS DPA' BSGOM PA RDZOGS PAR 'GYUR ZHES BSTAN PA DE THOG MA MED PA'I DUS NAS 'KHOR BA NA GNAS PA'I TSE SBYIN PA LA SOGS PA BYIN PAS KYANG 'DI LTAR SANGS RGYAS 'BYUNG BA DANG PHRAD PAR GYUR PAS GANG DE LTA BU'I BSKAL PA GRANGS MED PA GSUM PO DE DANG PO GANG NAS BRTZAMS NAS BSTAN PA YIN ZHE NA, DE TSIGS SU BCAD PAS BSTAN PAR BYA STE, BZANG DANG SMON PA'I STOBS CAN DANG, ,ZHES BYA BA NI, DGE BA'I RTZA BA'I STOBS CAN DU 'GYUR BA DANG, SMON LAM GYI STOBS CAN DU 'GYUR BA'O, ,DE LA DGE BA'I RTZA BA'I STOBS CAN NI MI MTHUN PA'I PHYOGS KYIS ZIL GYIS GNON PAR MI NUS PAR BLTA BAR BYA'O, ,SMON LAM GYI STOBS KYIS NI RTAG TU DGE BA'I BSHES GNYEN DANG PHRAD PA YIN PAR BLTA BAR BYA'O, ,SEMS BRTAN KHYAD PAR 'GRO BA ZHES BYA BA NI, SEMS BSKYED PA BRTAN PA CAN DU 'GYUR BA DANG KHYAD PAR DU 'GRO BAR 'GYUR BA'O, ,DE LA SEMS BSKYED PA BRTAN PA NI, DGE BA'I BSHES GNYEN GYI DBANG GIS BYANG CHUB KYI SEMS YONGS SU MI GTONG BAR BLTA BAR BYA'O, ,KHYAD PAR DU 'GRO BA NYID NI SKYE BA GZHAN DANG GZHAN DU MTHONG BA'I CHOS NYID LA DGE BA RNAMS 'PHEL BAR 'GYUR ZHING NYAMS PAR MI 'GYUR BAR BLTA BAR BYA'O, ,LHAG MA NI GO SLA'O, ,JI LTAR BYAS NA BYANG CHUB SEMS DPA' RNAMS KYI BSLAB PA NYAN THOS LA SOGS PA DAG LAS KHYAD PAR DU 'PHAGS PA YIN ZHE NA, RAB TU DBYE BA'I KHYAD PAR DANG, ,ZHES BYA BA LA, 'DI LTAR NYAN THOS RNAMS LA NI SDOM PA'I TSUL KHRIMS GCIG PU YOD KYI DGE @172A *, ,BA'I CHOS SDUD PA'I TSUL KHRIMS KYANG MA YIN, SEMS CAN GYI DON BYED PA'I TSUL KHRIMS KYANG MA YIN NO, ,THUN MONG DANG THUN MONG MA YIN PA'I ZHES BYA BA LA, DE LA RANG BZHIN GYIS KHA NA MA THO BA DANG BCAS PA SROG GCOD PA LA SOGS PA NI THUN MONG GI'O, ,SA BRKOB DANG RTZVA GCOD PA LA SOGS PA NI THUN MONG MA YIN PA STE, GANG YANG BCAS PA'I KHA NA MA THO BA'I BSLAB PA PHYI MA RNAMS SO, ,NYAN THOS KYI LTUNG BAR 'GYUR BA DE LA BYANG CHUB SEMS DPA'I LTUNG BA MED DO ZHES BYA BA NI JI LTAR DBYAR GYI NANG DU NYAN THOS RNAMS SONG BAR GYUR NA LTUNG BA YIN NO, ,SEMS CAN GYI DON MTHONG LA MA SONG NA BYANG CHUB SEMS DPA' RNAMS KYI LTUNG BA YIN LA, SONG NA NI LTUNG BA MED DO, ,KHA NA MA THO BA MED PAR SEMS CAN THAMS CAD LA PHAN 'DOGS PA ZHES BYA BA NI SEMS CAN THAMS CAD LA KHA NA MA THO BA MED PAS PHAN 'DOGS PAR BYED KYI, JI LTAR BUD MED KHYER LA SHOG CES BYA BA LTA BUS NI MA YIN TE, GANG GI PHYIR YANG DE NI GZHAN GYIS YONGS SU GZUNG BA YIN PAS KHA NA MA THO BA MED PAR YANG JI LTAR 'GYUR, DE BAS NA DE DANG 'DRA BA'I DON GZHAN YANG YONGS SU SPANGS LA KHA NA MA THO BA MED PAS PHAN GDAGS PAR BYA'O, ,SEMS KYI LTUNG BA ZHES BYA BA NI GANG 'DOD BA DANG GNOD SEMS LA SOGS PA'I RNAM PAR RTOG PA NI BYANG CHUB SEMS DPA' RNAMS KYI LTUNG BA YIN GYI, NYAN THOS RNAMS KYI NI MA YIN NO, ,LHAG PA'I TSUL KHRIMS KYI BSLAB PA LA SOGS PA GSUM NI PHA ROL TU PHYIN PA'I NGO BO NYID YIN NA, CI'I PHYIR DE PHA ROL TU PHYIN PA LAS THA DAD DU RNAM PAR GZHAG PAR BYA ZHE NA, GANG GI PHYIR THA DAD DU RNAM PAR GZHAG PAR BYA BA DE BSTAN PAR BYA STE, 'DI LTAR BSLAB PA RNAMS PHAN TSUN RGYU'I NGO BO RNAM PAR GZHAG PAR BYA STE, TSUL KHRIMS LA BRTEN NAS NI, BSAM GTAN BSKYED PAR BYA BA YIN NO, ,BSAM GTAN LA BRTEN NAS NI SHES RAB BSKYED PAR BYA BA YIN NO, ,SNA TSOGS DANG TSAD MED PA'I BSLAB PA RGYA CHE BA ZHES BYA BA NI, BYANG CHUB SEMS DPA' RNAMS KYI BSLAB PA SNA TSOGS PA DANG TSAD MED PA STE, GANG GI PHYIR DES SEMS CAN YONGS SU SMIN PAR BYED PA DANG, DE DAG LA PHAN 'DOGS PA NI DGONGS PA'O, ,BSOD NAMS TSAD MED PA YONGS SU 'DZIN PA ZHES BYA BA NI 'DI LTAR DES SEMS CAN TSAD MED PA'I BSOD NAMS @172B KYI TSOGS YONGS SU 'DZIN GYI NYAN THOS RNAMS KYIS NI MA YIN NO, ,SEMS CAN THAMS CAD LA PHAN PA DANG BDE BAR BYA BA'I BSAM PA YONGS SU 'DZIN PA ZHES BYA BA NI DE LA PHAN PA LA 'GOD PA NI PHAN PA'I BSAM PA'O, ,GANG DGE BA'I RTZA BA 'DI LA 'BRAS BU CI YOD PA DE GANG ZAG 'DIS THOB PAR GYUR CIG CES BYA BA NI BDE BA'I BSAM PA'O, ,BLA NA MED PA YANG DAG PAR RDZOGS PA'I BYANG CHUB LA BRTEN PA RGYA CHE BA ZHES BYA BA NI GANG GI PHYIR TSUL KHRIMS 'DI NI BLA NA MED PA YANG DAG PAR RDZOGS PA'I BYANG CHUB KYI RTEN DU 'GYUR GYI NYAN THOS RNAMS KYI NI MA YIN NO,, ,,BAM PO DRUG PA, ZAB PA NYID NI GANG BYANG CHUB SEMS DPA' THABS LA MKHAS PA'I RNAM PA DE LTA BUS ZHES BYA BA DE LA, BYANG CHUB SEMS DPA' JI LTA BA DE LTA BU'I THABS LA MKHAS PA'I RNAM PA'I NUS PA CAN DU 'GYUR BA DE BSTAN PAR BYA STE, GAL TE RE ZHIG 'DI LTAR SHES TE, GANG ZAG 'DI NI 'DIR MI DGE BA MTSAMS MED PA LA SOGS PA DANG LDAN PAR BYA'O ZHES GAL TE PHA ROL GYI SEMS SHES PAR GYUR NA, GAL TE DE LAS BZLOG PAR BYA BA'I THABS GZHAN MED NA, 'DI NGES PAR 'DI LTAR BSAD NA NI BDE 'GROR 'GRO BAR 'GYUR LA, NGES PAR LAS 'DI BYAS NA NI NGES PA KHO NAR NGAN 'GROR 'GRO BAR 'GYUR BAR SHES SHING DE LTA BUR RIG PAR GYUR NA, GANG 'DI LTAR SEMS BSKYED PAR BYA STE, 'DI LTAR YANG BDAG GIS LAS 'DI BYAS PAS BDAG NGAN SONG DU 'GRO BA DE NI 'DOD KYI, 'DI DA LTAR GYI SDUG BSNGAL CUNG ZAD LA SBYAR BAS MA 'ONGS PA'I BDE BA THOB PAR 'GYUR BAR BYA'O ZHES DES 'DI LTAR SMAN PA DANG 'DRA BA'I SEMS BSKYED NAS BSAD PAR GYUR KYANG BSOD NAMS MA YIN PA MED KYI, BSOD NAMS NYID MANG DU 'PHEL BAR 'GYUR TE, GANG BSOD NAMS NYID MANG DU 'PHEL BAR 'GYUR BA DES NA MYUR DU BLA NA MED PA YANG DAG PAR RDZOGS PA'I BYANG CHUB RJES SU THOB PAR 'GYUR BA STE, 'DI LTA BU NI SHIN TU ZAB PA'O, ,GANG YANG SPRUL PA'I LUS DANG NGAG GI LAS KYANG BYANG CHUB SEMS DPA'I ZAB PA'I TSUL KHRIMS SU RIG PAR BYA STE, DES RGYAL SRID KYANG BYED CING SEMS CAN LA GTZE BA SNA TSOGS BSTAN NAS SEMS CAN 'DUL BA LA 'GOD DO ZHES BYA BA LA, GANG YANG SPRUL PA'I NGO BO NYID NI SPRUL PA STE, 'DI LTAR DE YANG RGYAL PO ME YIS GZHON NU NOR BZANGS LA JI @173A *, ,LTAR BSTAN PA BZHIN DU SBYAR BAR BYA'O, ,SKYES PA'I RABS SNA TSOGS BSTAN PAS ZHES BYA BA NI JI LTAR THAMS CAD SGROL GYI SKYES PA'I RABS 'BYUNG BA LTA BU STE, DER BYANG CHUB SEMS DPAS BRAM ZE LA BU SBYIN PAR GTONG BA DE NI SPRUL PA YIN TE, SEMS CAN GZHAN LA GNOD PA BYED PAS SEMS CAN GZHAN LA PHAN 'DOGS PA NI MA YIN NA YANG, GANG GI PHYIR BYANG CHUB SEMS DPA' SEMS CAN GZHAN LA GNOD PA BYAS NAS SEMS CAN GZHAN LA PHAN 'DOGS PAR BYED PA 'DI LTA BU NI ZAB PA YIN NO, ,KHYAD PAR RNAM PA BZHI PO DE DAG NYID NI YANG 'DUL BA BSGRAGS PA ZHES BYA BA SHIN TU RGYAS PA'I MDO SDE LAS BRGYA STONG DU MAR BSTAN TO, ,LHAG PA'I SEMS LAS BRTZAMS NAS THEG PA CHEN PO'I CHOS LAS DMIGS PA ZHES BYA BA NI GANG GI PHYIR BYANG CHUB SEMS DPA' RNAMS THEG PA CHEN PO'I CHOS LA DMIGS KYI, NYAN THOS RNAMS NI MA YIN NO, ,THEG PA CHEN PO SNANG BA DANG, BSOD NAMS THAMS CAD YANG DAG PAR BSAGS PA DANG, TING NGE 'DZIN GYI RGYAL PO ZHES BYA BA LA, TING NGE 'DZIN SMOS PA NI 'DI LTA BU'I TING NGE 'DZIN SNA TSOGS LAS GANG GI PHYIR NYAN THOS RNAMS LA NI GCIG TZAM YANG MED DO, ,GNYEN POS RAB TU DBYE BA ZHES BYA BA NI GANG GI PHYIR SGRIB PA THAMS CAD KYI GNYEN POR RNAM PAR GNAS PA STE, JI LTAR KHYE'U RAGS PA NI PHRA MOS 'BYIN PAR BYED PA DE BZHIN DU KUN GZHI RNAM PAR SHES PA LA RNAM PAR GNAS PA'I KUN NAS NYON MONGS PA'I SA BON BAG CHAGS ZHES BYA BA RAGS PA NI GNYEN PO PHAR MOS 'BYIN PAR BYED DO ZHES BYA BA'I THA TSIG GO, ,LAS SU RUNG BA NYID KYIS RAB TU DBYE BA ZHES BYA BA NI LAS SU RUNG BA BSAM GTAN GANG LA BDE BAR GNAS NA GANG DU SEMS CAN GYI DON MTHONG BA DER SKYE BAR 'GYUR BA STE, DER YANG BSAM GTAN NYAMS PAR MI 'GYUR RO, ,DE LTA BU NI NYAN THOS RNAMS LA MED DO, ,MNGON PAR SGRUB PAS RAB TU DBYE BA DANG ZHES BYA BA NI 'JIG RTEN GYI KHAMS THAMS CAD DU THOGS PA MED PA NI MNGON PAR SHES PA BSAM GTAN GYIS MNGON PAR SGRUB PAR BYED PA'O, ,LAS KYIS RAB TU DBYE BA ZHES BYA BA LA, G-YO BAR BYED PA NI 'JIG RTEN GYI KHAMS RNAMS G-YO BAR BYED PA'O 'BAR BAR BYED PA NI DE DAG NYID 'BAR BAR BYED PA'O, ,KHYAB PAR BYED PA NI 'OD KYIS KHYAB PAR BYED PAR BLTA @173B BAR BYA'O, ,STON PA NI GANG GZHAN GYIS MI NUS PA DE'I 'OD KYIS GZHAN 'JIG RTEN GYI KHAMS DU MA'I SANGS RGYAS LA SOGS PA MTHONG BAR BYED PA'O, ,GZHAN GYI DNGOS POR BSGYUR BA NI SA LA SOGS PA RNAMS CHU NYID LA SOGS PAR BSGYUR BAR BLTA BAR BYA'O, ,'GRO BA NI SKAD CIG GCIG LA 'JIG RTEN GYI KHAMS DU MAR 'GRO BA'O, ,'ONG BA NYID NI DE DAG NYID NAS SO, ,SDUD PA NI RDUL PHRA RAB GCIG GI NANG DU 'JIG RTEN GYI KHAMS DU MA CHUD PAR BYAS NA YANG DE LA 'PHEL BA MED PA'O, ,RGYAS PAR BYED PA NI RDUL PHRA RAB GCIG GIS 'JIG RTEN GYI KHAMS TSAD MED PA RNAMS 'GENGS PAR BYED PA'O, , GZUGS THAMS CAD LUS SU 'JUG PA ZHES BYA BA NI JI LTAR LUS LA BYA BA RNAM PA SNA TSOGS SU DU MA THAMS CAD STON PA'O, ,SKAL PA MNYAM PAS 'GRO BA NI JI LTAR GDUL BYA'I DON DU SUM CU RTZA GSUM PA RNAMS LA KHA DOG DANG DBYIBS DAG DE DANG MTHUN PAS MNYAM PAR 'GRO BA STE; DE BZHIN DU THAMS CAD DU SBYAR RO, ,SNANG BAR BYED PA NI RAB TU GSAL BAR BYED PA'O, ,MI SNANG BAR BYED PA NI RAB TU MI SNANG BA'O, ,DBANG NYID DU BYED PA NI JI LTAR BDUD SANGS RGYAS NYID DU BYED PA LTA BU'O, ,GZHAN GYI RDZU 'PHRUL RAB TU 'JOMS PA NI GZHAN GYI RDZU 'PHRUL ZIL GYIS GNON PAR BYED PA'O, , SPOBS PA SBYIN PA NI 'DRI BA NYID LA'O, ,DRAN PA SBYIN PA DANG, BDE BA SBYIN PA NI NYAN PAS TING NGE 'DZIN SBYIN PA'O, ,'OD ZER GTONG BA'I RDZU 'PHRUL CHEN PO NI 'JIG RTEN GYI KHAMS GZHAN NAS BYANG CHUB SEMS DPA' RNAMS SDUD PA'O, ,RDZU 'PHRUL CHEN PO MNGON PAR SGRUB PA NI CHEN POR GYUR PA'I RDZU 'PHRUL TE, BSTAN MA THAG PA DE DAG NYID YIN TE DE DAG NI NYAN THOS RNAMS LA MED DO, ,BYANG CHUB SEMS DPA' NI DKA' BA SPYOD PA YIN NO ZHES GSUNGS PA'I DKA' BA SPYOD PA GANG YIN ZHE NA, DKA' BA SPYOD PA RNAM PA BCU PO DE DAG THAMS CAD KYIS BSTAN PA YIN NO, ,DE LA MI 'BYED PAR KUN NAS NYON MONGS PA MED PAR DKA' BA SPYOD PA ZHES BYA BA NI MI 'BYED PA NI 'DIR MA THAR PA'O, ,'DI LTA BU NI THAR PA YIN TE, GANG 'KHOR BA LAS KYANG MA GROL LA, DE NYID DU KUN NAS NYON MONGS PA YANG MA YIN PA'O, ,LHAG MA DKA' BA SPYOD PA DGU NI DON GO SLA'O, ,DGONGS TE GSUNGS PA'I DGONGS PA BSTAN PAR BYA STE, DE LA @174A *, ,JI LTAR NA BYANG CHUB SEMS DPA' SBYIN PHOD PA YIN ZHE NA ZHES BYA BA LA, SEMS CAN THAMS CAD BDAG NYID LTA BUR RTOGS PAS DE'I PHYIR DES SBYIN PA BYIN PAR GYUR PA MA YIN NO ZHES DGONGS SO, ,JI LTAR NA SBYIN PA 'DOD PA YIN ZHE NA, KHA NA MTHO BA DANG BCAS PA'I SBYIN PA LA SOGS PA LA 'DI LTAR 'DOD PA MED PA STE, BYANG CHUB SEMS DPA'I SBYIN PA NYID LA 'DOD PAR BYED PAS RO MYANG BA MED PA'I DON TE, RO MYANG BAR MI BYED CES BYA BAR BZHED DO, ,DES NA RO MI MYANG BA NI RO MYANG BA MED PA'I SBYIN PA'O, ,JI LTAR NA SBYIN PA LA MOS PA YIN ZHE NA, GANG GI PHYIR BDAG NYID KYIS SBYIN PA BYED PA THOB PA YIN GYI, GANG GZHAN GYI RGYIN GYIS 'GRO BA MA YIN PA'O, ,JI LTAR NA SBYIN PA LA 'JUG PAR BYED PA YIN ZHES BYA BA LA, RANG BZHIN GYIS SBYIN PA GTONG PA YIN ZHES BYA BA DGONGS PA STE, 'DI LTAR BDAG NYID KYIS KYANG 'JUG PAR DGOS PA MA YIN TE, SER SNA SHIN TU SPANGS PA'I PHYIR RO, ,DES NA GZHAN DAG BZHUGS PA LA YANG NUS PA DANG LDAN PAR 'GYUR RO, ,JI LTAR NA SBYIN PA LA MNGON PAR DGA' BA YIN ZHES BYA BA LA, RES 'GA' ZHIG 'GA' SBYIN PAR BYED PA MA YIN GYI RTAG TU CI BDOG PA SBYIN PA'O, ,JI LTAR NA SBYIN PA LA CHE BA YIN ZHES BYA BA LA, SNYING PO MED PA NI RNAM PAR G-YENG BA MED PA STE, DE NI 'DI LTAR MNYAM PAR BZHAG PAS SBYIN ZHING G-YENG BA MED PAS SBYIN PAR BYA'O ZHES BYA BA'I THA TSIG GO, ,JI LTAR NA SBYIN PA DAG PA YIN ZHES BYA BA LA, 'BYUNG BA NI RAB TU GNAS PA STE, SER SNA RTZA BA NAS 'BYIN PAR BYED PA STE, GAL TE SER SNA RGYAS PAR GYUR NA 'BYIN PAR BYED CING NYE BAR 'BYIN PAR BYED PA'O, ,JI LTAR NA SBYIN PA MTHAR PHYIN PA YIN ZHE NA ZHES BYA BA LA, GAL TE MTHA' ZHES BYA BA MYA NGAN LAS 'DAS PA LA, NYAN THOS BZHIN DU GNAS PAR MA GYUR NA'O, ,'DI LTAR SBYIN PA LA SOGS PA'I MI MTHUN PA'I PHYOGS DE DAG GI DBANG DU GYUR PA MA YIN TE, DES SBYIN PA LA SOGS PA'I DBANG DU GYUR PA YIN TE, DE'I MI MTHUN PA'I PHYOGS KYI DBANG DU MA GYUR PA'I PHYIR RO, ,JI LTAR NA SBYIN PA MI ZAD PA YIN ZHES BYA BA LA, ZAD PA MED PA NI 'DIR MYA NGAN LAS 'DAS PA YIN PAR BZHED DE, 'DI LTAR NYAN THOS BZHIN DU MYA NGAN LAS @174B 'DAS PA LA GNAS PA MA YIN NO ZHES BYA BA'I THA TSIG GO, ,GANG MDO SDE LAS DGE SLONG DAG NGA NI SROG GCOD PA YIN NO ZHES BYA BA LA SOGS PA GSUNGS PA DE DAG GI DGONGS PA GANG GIS GSUNGS PA DE STON PAR BYED PA STE, JI LTAR NA 'DOD PAS LOG PAR SPYOD PA YIN ZHES BYA BA LA, GANG GI PHYIR 'DOD PA 'DI DAG NI LOG PA YIN NO ZHES DE LTAR SPYOD PA'O, ,SHES BYA'I PHA ROL TU GNAS PA ZHES BYA BA NI SHES BYA'I PHA ROL TU PHYIN PAR BYAS NAS GNAS ZHES BYA BA'I THA TSIG GO, ,JI LTAR NA LOG PAR LTA BA CAN YIN ZHES BYA BA LA, GANG THAMS CAD DU GTOGS PA'I GZUGS LA SOGS PA DAG LOG PA NYID YIN PA'I PHYIR KUN TU BRTAGS PA NYID DANG, GZHAN GYI DBANG NYID YANG DAG PA JI LTA BA BZHIN DU MTHONG BA STE, KUN TU BRTAGS PA NYID NI GZHAN GYI DBANG LAS LOG PA NYID DU MTHONG ZHES BYA BA'I THA TSIG GO, ,LHAG MA MI DGE BA BCU'I LAS KYI LAM RNAMS NI GO SLA'O, ,YANG MDO GZHAN LAS GSUNGS PA'I RTAG PA'I CHOS RNAMS NI SANGS RGYAS KYI CHOS RNAMS TE ZHES BYA BA, MI GOS PA'I CHOS RNAMS NI SANGS RGYAS KYI CHOS RNAMS TE ZHES GSUNGS PA'I BAR LA DE DAG LA DGONGS PA GANG YIN ZHE NA, DE BSTAN PAR BYA STE, RTAG PA NI CHOS KYI SKU'O, ,DE BAS NA CHOS DE NI RTAG PA'I CHOS RNAMS ZHES BSTAN TO, ,CHAD PA'I CHOS RNAMS ZHES BYA BA NI SGRIB PA JI SNYED PA DAG DE LA YONGS SU CHAD PAR GYUR PAS DE'I PHYIR DON DES NA DE NI CHAD PA'I CHOS RNAMS ZHES BRJOD DO, ,DMIGS PA'I CHOS RNAMS NI SANGS RGYAS KYI CHOS RNAMS TE ZHES BYA BA LA, SEMS CAN GYI SPYOD PA GNYEN PO DANG BCAS PA STONG PHRAG BRGYAD CU RTZA BZHI NYE BAR DMIGS PA STE, DES NA CHOS DE NI DMIGS PA'I CHOS RNAMS SO, ,MI DGE BA'I CHOS RNAMS ZHES BYA BA LA, SGRIB PA THAMS CAD KYIS MI GOS PA ZHES BYA BA NI DE BZHIN NYID DO, ,DE'I PHYIR CHOS DE NI MI GOS PA'I CHOS YIN NO ZHES BYA BA'I THA TSIG GO, ,LAS KYI RAB TU DBYE BA MA BSTAN PAS DE'I PHYIR BYANG CHUB SEMS DPA' RNAMS KYI TING NGE 'DZIN RNAMS KYI LAS GANG YIN PA BSTAN PAR BYA'O, ,DE LA TING NGE 'DZIN LA YANG DAG PAR BRTEN NAS BYANG CHUB SEMS DPA' RNAMS PHA ROL TU PHYIN PA RNAMS SGOM PAR BYED DO, ,DE BZHIN DU DE LA YANG DAG PAR BRTEN NAS SEMS CAN RNAMS YONGS SU SMIN PAR @175A *, ,BYED DO, ,RDZU 'PHRUL LA SOGS PA DAG GIS 'DUN PAR BYAS NAS 'JUG PAR BYED DO, ,DE BZHIN DU DE'I STOBS KYIS SANGS RGYAS KYI ZHING YONGS SU SBYONG BAR BYED DE, SEMS LA DBANG THOB PAR GYUR NA JI LTAR 'DOD PA BZHIN DU DE GSER LA SOGS PA'I RANG BZHIN DU BYED DO, ,DE BZHIN DU DE'I STOBS KYIS SANGS RGYAS KYI CHOS THAMS CAD SGRUB PAR BYED DE, DE'I LAS NI DE DAG YIN NO, ,LHAG PA'I SHES RAB BRJOD PAR BYA BA'I DUS LA BAB PAS DE BRJOD DO, ,DE LA RNAM PAR MI RTOG PA'I YE SHES NI LHAG PA'I SHES RAB TU 'DOD DO, ,DE YANG RNAM PA GSUM STE, SBYOR PA LAS BYUNG BA'I RNAM PAR MI RTOG PA STE, KUN TU TSOL BA'I RNAM PAR MI RTOG PA DANG, DNGOS GZHI DANG, DE'I RJES LAS THOB PA'O, ,DE LA SHES RAB KYI DBANG DU BYAS PA NI LHAG PA'I SHES RAB DANG PO'O, ,NANG GI BDAG NYID KYI SHES RAB NI LHAG PA'I SHES RAB GNYIS PA'O, ,GANG GNAS PA'I SHES RAB NI LHAG PA'I SHES RAB GSUM PA'O, ,DE LA RE ZHIG RNAM PAR MI RTOG PA NYID NI BSGRUB BAR BYA BA YIN PAS DE'I DE NYID NI 'BRAS BU YIN LA, KUN TU TSOL BA NI RGYUR GYUR PA YIN NO, ,'BRAS BUR GYUR PA DE NI RJES LA THOB PA'I RGYUR GYUR PA YANG YIN PAS DE BSGRUBS NA GNYI GA YANG BSGRUB PA BYAS PAR 'GYUR RO, ,DE LA DANG POR RE ZHIG RNAM PAR MI RTOG PA'I YE SHES KYI NGO BO BRJOD PAR BYA'O, ,'DIR NGO BO NYID DE NI MTSAN NYID CES BRJOD DE, BYANG CHUB SEMS DPA' RNAMS KYI SHES, ,RNAM RTOG MED PA'I NGO BO NYID, ,RNAM PA LNGA NI RNAM SPANGS SHING, ,YANG DAG DON LA BKRAR 'DZIN MED, ,CES BYA BAR SBYOR RO, ,RNAM PA LNGA NI YID LA BYED PA MED PA TZAM RNAM PAR MI RTOG PA'I YE SHES NYID YIN NA GNYID LOG PA DANG, RA RO BA DANG, BAG MED PA LA SOGS PA YANG RNAM PAR MI RTOG PA'I YE SHES SU THAL BAR 'GYUR RO, ,YANG RNAM PAR RTOG PA DANG BCAS RNAM PAR DPYOD PA DANG BCAS PA'I SA LAS 'DAS PA RNAM PAR MI RTOG PAR 'DOD NA, DE'I PHYIR BSAM GTAN GNYIS PA LA SOGS PA THAMS CAD KYANG RNAM PAR MI RTOG PAR THAL BAR 'GYUR RO, ,DE LTA YIN NA NI 'JIG RTEN PAS KYANG RNAM PAR MI RTOG PA THOB PAR THAL BAR 'GYUR RO, ,YANG NA GANG DU SEMS DANG SEMS @175B LAS BYUNG BA MI 'JUG PA 'DU SHES DANG TSOR BA 'GOG PA LA SOGS PA DE'I GNAS SKABS RNAM PAR MI RTOG PAR 'DOD NA DE NI YE SHES NYID DU MI 'GYUR TE, 'GOG PA'I SNYOMS PAR 'JUG PA LA SOGS PA'I DUS NA SEMS MED PA'I PHYIR RO, ,YANG NA GZUGS KYI NGO BO BZHIN DU RNAM PAR SHES PA 'DOD NA YANG DE'I PHYIR JI LTAR GZUGS BEMS PO YIN PA BZHIN DU RNAM PAR SHES PA YANG BEMS PO NYID DU 'GYUR RO, ,YANG NA GANG DE KHO NA NYID KYI DON LA BKRA BAR 'DZIN PAR ZHUGS PA DE RNAM PAR MI RTOG PA YIN NA, DE NYID NI RNAM PAR RTOG PAR 'GYUR TE, 'DI NI DE KHO NA NYID DO ZHES RTOGS PA'I PHYIR RO, , DE LTA BU'I RNAM PA 'DI LNGA YONGS SU SPANGS PA'I YE SHES KYIS DE KHO NA NYID KYI DON LA GAL TE ZHUGS PAR GYUR NA NI DE KHO NA NYID KYI DON NI 'DI'O ZHES DE 'O NA NYID KYI DON LA BKRA BAR 'DZIN PAR MI 'GYUR RO, ,DE LTA BU NI RNAM PAR MI RTOG PA'I YE SHES KYI MTSAN NYID DE KHO NA NYID KYI DON LA DMIGS PA MA YIN TE, MIG GI RNAM PAR SHES PA BZHIN DU SNA TSOGS KYI RANG BZHIN MA YIN NO ZHES BYA BA'I THA TSIG GO, ,DON 'DI DAG NYID KYIS TSIGS SU BCAD PA DANG PO YANG BSTAN PAR GYUR PA YIN NO, ,DE LTAR NGO BO NYID BSTAN NAS GNAS GANG LA 'BYUNG BAR 'GYUR BA BSTAN PAR BYA STE, DE LTAR BSTAN PA'I YE SHES DE'I GNAS NI SEMS YIN NO, ,GAL TE DE'I GNAS SEMS YIN NA SEMS NI SEMS PAR BYED PAS NA SEMS ZHES BYA BA YIN PAS SEMS KYI GNAS LA 'JUG PAR 'GYUR BA NI RNAM PAR MI RTOG PA ZHES BYA BAR MI RIGS SO, ,YANG SEMS MED PA YIN NA NI DE NI SHES PA MA YIN PA THOB PAR 'GYUR RO ZHE NA, SKYON GNYI GA SPANG BAR BYA BA'I PHYIR TSIGS SU BCAD PA, BYANG CHUB SEMS DPA' RNAMS KYI SHES, ,RNAM PAR RTOG PA MED PA'I GNAS, ,ZHES BYA BA LA SOGS PA GSUNGS TE, DE'I GNAS NI SEMS NI MA YIN TE, DON LA MI SEMS PA'I PHYIR RO, ,SEMS MED PA YANG MA YIN TE; GANG DE'I GNAS SEMS KYI 'PHEN PA'I GNAS SKABS LAS DE 'BYUNG BAR GYUR PAS NA DE SEMS KYI RGYU LAS BYUNG BA'I PHYIR TE, DE'I PHYIR SEMS KHO NA ZHES BRJOD PAR BYA'O ZHES BYA BA'I THA TSIG GO, ,RGYU GANG LAS 'BYUNG BAR 'GYUR BA DE TSIGS SU BCAD PAS BSTAN PA NI, BYANG CHUB @176A *, ,SEMS DPA' RNAMS KYI SHES, ,RNAM PAR RTOG PA MED PA'I GZHI, ,THOS PA'I BAG CHAGS BRJOD BCAS PA'I, ,ZHES BYA BA LA SOGS PA LA, GANG GZHAN GYIS BSTAN PA THOS PA LA BAG CHAGS SO, ,GANG BAG CHAGS KYI RGYU LAS NI YID KYI BRJOD PA YID LA BYED PA STE, DE NI TSUL BZHIN YID LA BYED PA ZHES BYA'O, ,YANG YE SHES DE'I DMIGS PA GANG YIN PA DE DE LAS GZHAN PA'I TSIGS SU BCAD PAS BSTAN PA LA, BYANG CHUB SEMS DPA' RNAMS KYI SHES, ,RNAM RTOG MED PA'I DMIGS PA NI, ,ZHES BYA BA LA, DE LA GANG KUN TU BRTAGS PA'I NGO BO NYID KYI CHOS THAMS CAD NI BRJOD PAR BYA BA MED PA YIN PAS NA CHOS RNAMS BRJOD DU MED PA NYID DO, ,YANG DE'I BRJOD DU MED PA NYID GANG YIN ZHE NA, BDAG MED DE BZHIN NYID KYANG DE, ,DA NI GANG ZAG DANG CHOS KYI BDAG MED PA STE, KUN TU BRTAGS PA'I NGO BO NYID KYI BDAG MED PA'O, ,DE'I NGO BO NI DE NYID DE, DE BZHIN NYID DO, ,DES NA CHAD PAR LTA BAR MA GYUR CIG PA'O, ,YANG DE LA DMIGS PAR BYED PA'I RNAM PA GANG YIN ZHE NA, DE STON PA'I TSIGS SU BCAD PA, BYANG CHUB SEMS DPA' RNAMS KYI SHES, ,RNAM PAR MI RTOG RNAM PA NI, ,ZHES BYA DMIGS PA DE NYID LA, ,MTSAN MA MED PA GANG YIN PA'O, ,ZHES BYA BA LA; YE SHES DE NI DE BZHIN NYID DE LA MNYAM PAR 'BYUNG BAS MTSAN MA MED PA THA MI DAD PA'I RNAM PA STE, 'DI NI RNAM PA'O, ,JI LTAR MIG GIS GZUGS RNAMS 'DZIN PA NA DE LA SNGON PO LA SOGS PA MTHONG BA NYID KYI RNAM PA DANG, GZUGS SNGON PO LA SOGS PA NYID GZHAN MA YIN PA DE BZHIN DU, 'DIR YANG YE SHES DANG DE BZHIN NYID DAG GZHAN MA YIN PA NI RNAM PA'O, ,YANG GAL TE CHOS THAMS CAD BRJOD DU MED PA YIN NA DE LTA NA GANG LA RNAM PAR RTOG PAR BYED CE NA, SBYOR BA LAS BYUNG BA'I RANG BZHIN TE, DON DU, RNAM BRTAGS DE LAS GZHAN DU MIN, ,DE BAS NA DE LAS GZHAN DU MA YIN NO, ,YANG JI LTAR BYAS NAS SHE NA, DE BSGRUB PAR BYA STE, YI GE PHAN TSUN SBYOR BAS NA, DON DE SBYOR LAS BYUNG BA YIN TE, YI GE GZHAN DANG GZHAN DAG LHAN CIG TU BRJOD PA'I DON NI SBYOR BA LAS BYUNG BA'I DO YIN TE, JI LTAR MIG CES BYA BA LTA BU'I YI GE RNAM PAR MA CHAD PAR @176B BRJOD PA'I DON NI 'DI LTAR SBYOR BA STE, RNAM PAR BRTAG PAR BYA BA NI DE YIN NO, ,CHOS THAMS CAD BRJOD PAR BYA BA MED PA YIN NO ZHES BSTAN PA DE GANG GIS GRUB PA YIN ZHE NA, 'DI LTAR, BRJOD PA MED PAR BRJOD CES LA, ,SHES PA 'JUG PA MA YIN NO, ,RJOD PAR BYED PA LA MA BYANG BA'I PHYIR BRJOD PAR BYA BA YOD NA YANG DE'I BLOR MI 'GYUR RO, ,YANG GAL TE RJOD PAR BYED PA NI BRJOD PAR BYA BA'I BLO 'GYUR RO ZHE NA, 'GAL BA'I PHYIR NA BRJOD LA MIN TE, RJOD PAR BYED PA DANG, BRJOD PAR BYA BA MTSAN NYID GZHAN YIN PA'I PHYIR 'GAL BA NYID DO, ,RJOD PAR BYED PA DANG, BRJOD PAR BYA BA DAG; DE PHYIR THAMS CAD BRJOD DU MED, ,CES BYA BA STE, RJOD PAR BYED PA DANG, BRJOD PAR BYA BA DAG RGYU DE'I PHYIR BRJOD DU MED DO ZHES BYA BA'I THA TSIG GO, ,YANG RNAM PAR MI RTOG PA'I YE SHES DE GANG GI RTEN YIN ZHE NA, RNAM PAR MI RTOG YE SHES DE, BYANG CHUB SEMS DPA'I DE RJES LA, ,THOB PAR BYA BA'I RTEN YIN TE, ,GANG RNAM PAR MI RTOG PA'I YE SHES KYI RJES LA BYANG CHUB SEMS DPA'I SPYOD PA THOB PAR 'GYUR BAS DE'I PHYIR YE SHES DE'I RTEN DU 'GYUR RO, ,DE NI 'PHEL BAR 'GYUR RO ZHES BYA BA STE, DE'I PHYIR DE LTA BU'I BYANG CHUB SEMS DPA'I SPYOD PA 'PHEL BAR 'GYUR BA'I PHYIR YANG RNAM PAR MI RTOG PA'I YE SHES NI RTEN DU 'GYUR RO, ,YANG DE'I GROGS GANG YIN ZHE NA, BYANG CHUB SEMS DPA' RNAMS KYI SHES, ,RNAM PAR RTOG PA MED PA'I GROGS, ,LAM GNYIS SU NI BRJOD PA DE, ,PHA ROL PHYIN LNGA'I RANG BZHIN NO, ,DE LA LAM GNYIS NI TSOGS KYI LAM DANG, ,RTEN GYI LAM MO, , DE LA TSOGS KYI LAM NI SBYIN PA DANG, TSUL KHRIMS DANG, BZOD PA DANG, BRTZON 'GRUS KYI PHA ROL TU PHYIN PA'O, ,RTEN GYI LAM NI BSAM GTAN GYIS PHA ROL TU PHYIN PA STE, GANG GI PHYIR SNGAR BSTAN PA'I PHA ROL TU PHYIN PA LAS YANG DAG PAR BYUNG BA DGE BA'I RTZA BA DANG, BSAM GTAN LA BRTEN NAS RNAM PAR MI RTOG PA'I YE SHES SHES RAB KYI PHA ROL TU PHYIN PA ZHES BYA BA DE 'BYUNG BAR 'GYUR BAS SO, ,SANGS RGYAS NYID MA THOB KYI BAR DU RNAM PAR MI RTOG PA'I YE SHES DES RNAM PAR SMIN PA GANG SGRUB PAR 'GYUR ZHE NA, BYANG CHUB SEMS DPA' RNAMS KYI SHES, ,RNAM RTOG MED PA'I @177A *, ,RNAM SMIN NI, SANGS RGYAS DKYIL 'KHOR GNYIS SU STE, ,SANGS RGYAS RNAMS KYI DKYIL 'KHOR GNYIS NI LONGS SPYOD RDZOGS PA'I DKYIL 'KHOR DANG, SPRUL PA'I DKYIL 'KHOR TE, GANG GI TSE GANG GIS RNAM PAR MI RTOG PA'I SBYOR BA LA ZHUGS PA'I RNAM PAR SMIN PA NI SPRUL PA'O, ,RNAM PAR MI RTOG PA'I DON THOB PA DE'I RNAM PAR SMIN PA NI LONGS SPYOD RDZOGS PAR 'GYUR RO, ,DE DAG NYID KYI DON BSTAN PA NI, SBYOR BA DANG NI THOB PAS SO, ,ZHES BYA BA YIN NO, ,YE SHES DE'I RGYU MTHUN PA GANG YIN ZHES NA, BYANG CHUB SEMS DPA' RNAMS KYI SHES, ,RNAM RTOG MED PA'I RGYU MTHUN NI, ,PHYI MA PHYIN MA'I TSE RNAMS SU, ,ZHES BYA BA STE, BSHAD MA THAG PA'I DKYIL 'KHOR GNYIS PO DAG PHYI MA PHYI MA'I TSE LA RNAM PAR RTOG PA MED PA'I RGYU MTHUN PAS, KHYAD PAR DU MI 'GRO BAR 'DOD, ,CES BYA BA STE, GANG RNAM PAR MI RTOG PA'I YE SHES BYE BRAG TU GYUR BA DE NYID DE'I RGYU MTHUN PAR BLTA BAR BYA'O, ,DE JI LTAR NGES PAR 'BYUNG BAR 'GYUR ZHE NA, DE LA, BYANG CHUB SEMS DPA' RNAMS KYI SHES, ,RNAM RTOG MED PA'I NGES 'BYUNG NI, ,ZHES BYA BA LA, ,MTHAR THUG PAR 'GRO BA NI NGES PAR 'BYUNG BA STE, MYA NGAN LAS 'DAS PA ZHES BYA BA'I THA TSIG GO, ,THOB PA DANG NI GRUB PHYIR RO, ,ZHES BYA BA LA, YE SHES DE DANG PO THOB PA DANG LDAN PAR 'GYUR RO, ,DE NAS SKAL PA BRGYA STONG DU MA NA GRUB PA DANG LDAN PAR 'GYUR RO, ,SA BCU DAG TU SHES BYA STE, ,ZHES BYA BA LA, DANG PO NAS BRTZAMS NAS RIM PA 'DI NYID KYIS SA DANG PO LA NI THOB PA TZAM DU 'GYUR RO, ,DUS PHYIS NI CHEN PO NYID DU 'GRUB PAR 'GYUR TE, DE'I PHYIR 'DI LTAR BSKAL PA GRANGS MED PA GSUM GYIS MYA NGAN LAS 'DAS PAR 'GYUR TE, 'DI LTAR BYANG CHUB SEMS DPA' RNAMS KYIS DE SRID KYIS RNAM PAR MI RTOG PA'I MTHAR NGES PAR 'BYUNG BAR 'GYUR RO, ,MTHAR THUG PAR 'GRO BA GANG YIN ZHE NA, 'DI LTAR BSHAD MA THAG PA'I RIM PA 'DI NYID KYIS THOB PAR GYUR PA NI MTHAR THUG PA STE, BYANG CHUB SEMS DPA' RNAMS KYI SHES, RNAM RTOG MED PA'I MTHAR THUG PA, ,DAG PA'I SKU GSUM THOB PHYIR DANG, ,ZHES BYA BA'I DON TE, DAG PA SMOS PA NI 'DIR 'DI LTAR SKU GSUM PO SA DANG PO NYID DU THOB PA YIN LA @177B BCU PA LA NI SHIN TU RNAM PAR DAG PAR 'GYUR RO, ,DBANG GI MTHONG NI THOB PHYIR RO, ,ZHES BYA BA NI DAG PA'I SKU GSUM 'BA' ZHIG THOB PAS MTHAR THUG PAR 'GRO BA MA YIN GYI, GANG YANG YE SHES RNAM PAR MI RTOG PA DANG, 'CHAD PAR 'GYUR BA'I DBANG BCU PO DE DAG THOB PAS KYANG YIN PAR BLTA BAR BYA'O, ,RNAM PAR MI RTOG PA DE'I PHAN YON GANG YIN ZHE NA, DE LA RE ZHIG RNAM PAR MI RTOG PA NI RNAM PAR GSUM STE, SBYOR BA LAS BYUNG BA'I RNAM PAR MI RTOG PA DANG RTZA BAS STE, GANG RNAM PAR MI RTOG PA NYID DANG, RNAM PAR MI RTOG PA'I RJES LAS THOB PA'O, ,DE LAS SBYOR BA LAS BYUNG BA'I RNAM PAR MI RTOG PA NYID NI GANG BYANG CHUB SEMS DPA' DES DANG POR PHA ROL PO LAS RNAM PAR MI RTOG PA THOB PA LA DE NAS BDAG NYID KYIS RIGS PAS DPYAD NAS LHAG PAR MOS PAR BYED CING, LHAG PAR MOS PA DE LA BRTEN NAS GANG NGES PAR ZHUGS PA'I RNAM PAR MI RTOG PA ZHES BYA BAS, DE LTA BU NYID NI RNAM PAR MI RTOG PA NYID DU 'GYUR RO, ,SBYOR BA LAS BYUNG BA DE'I PHAN YON GANG ZHE NA, RNAM RTOG MED PA'I YE SHES DE, ,GOS PA MED DE, NAM MKHA' BZHIN, ,GANG GIS MA GOS SHE NA, DE BSTAN PA, SDIG PA SNA TSOGS DRAG RNAMS KYIS SO, ,RGYU GANG GIS MA GOS PA DE BSTAN PA, DAD PA TZAM DANG MOS PA YIS, ,ZHES BYA BA LA, DAD PA TZAM DANG, GANG RNAM PAR MI RTOG PA LA LHAG PAR MOS PA DE NI DE'I PHYIR NGAN 'GROR 'GRO BA'I GNYEN PO NYID YIN ZHING, SGRIB PA SPANGS PAR GYUR BAS MI GOS PA'O, ,RTZA BA RNAMS PAR MI RTOG PA'I PHAN YON YANG, GOS PA MED DE NA MA MKHA' BZHIN, GANG ZHE NA, RNAM RTOG MED PA'I YE SHES DE, ,GANG GIS SHE NA, SGRIB PA KUN LAS SO, ,JI LTAR ZHE NA, THOB PA DANG GRUB PA DANG LDAN PAS NA, ,ZHES BYA BA STE, SA RNAMS THOB PA DANG LDAN PA DANG, GRUB PA DANG LDAN PA'I PHYIR RO, ,'DIS NI SGRIB PA DE'I GNYEN PO NYID BSTAN PAR 'GYUR RO, ,RNAM PAR MI RTOG PA'I RJES LAS THOB PA'I PHAN YON JI LTA BU YIN ZHE NA, DE YANG RNAM RTOG MED PA'I YE SHES DE, ,GOS PA MED DE NAM MKHA' BZHIN, ,'JIG RTEN DAG NA RNAM RGYU YANG, ,'JIG RTEN CHOS KYI RTAG MI GOS, ,ZHES BYA BA LA, YE SHES DE NYID KYIS NI SEMS CAN GYI DON MTHONG NAS SRID PA DAG TU YANG SKYE BAR 'GYUR @178A *, ,LA; DE 'JIG RTEN DU SKYES PAR GYUR NA YANG DE LA 'JIG RTEN GYI CHOS KYIS NI MI GOS TE, 'JIG RTEN GYI CHOS NI RNYED PA DANG MA RNYED PA DANG, GRAGS PA DANG, MA GRAGS PA DANG, BSTOD PA DANG, SMAD PA DANG, BDE BA DANG, SDUG BSNGAL ZHES BYA'O, ,DE YANG RNAM PAR MI RTOG PA NYID YIN TE, RNAM PAR MI RTOG PA'I YE SHES LAS DE BYUNG BA'I PHYIR RO, ,GANG YE SHES GSUM PO DE DAG NYID KYI BYE BRAG NI JI LTAR DE DAG BSTAN PA BZHIN DU DE YANG BSTAN PAR BYA'O, ,JI LTAR LKUGS PAS DON NI MYONG 'DOD LTAR TE, BRJOD PA MED PA LTAR SBYOR BA LAS BYUNG BA'I RNAM PAR MI RTOG PA NI DE BZHIN NO, ,JI LTAR LKUGS PAS DON MYONG DANG STE BRJOD PA MED PA DE LTA BU DE NI DNGOS GZHIG RNAM PAR MI RTOG PA'O, ,MA LKUGS PAS NI DON MYONG LTAR TE, BRJOD PA LTAR DE BZHIN DU RNAM PAR MI RTOG PA'I RJES LAS THOB PA'I RNAM PAR MI RTOG PA BLTA BAR BYA'O, ,'DIR BRJOD PA NI YI GE BRJOD PA YIN PAR BZHED DO, ,RMONGS PAS DON NI MYONG 'DOD DANG, ,ZHES BYA BA LA, 'DIR THA SNYAD LA MA BYANG BA NI RMONGS PA YIN PAR BZHED DO, ,RMONGS PA 'DI DAG KYANG YE SHES GSUM DANG DPE YANG LKUGS PA BZHIN DU SBYAR BAR BYA'O, ,LNGA POS DON NI MYONG 'DOD DANG, ,ZHES BYA BA LA, LNGA SMOS PAS NI RTOG PA MED PA'I MIG LA SOGS PA RNAMS BSDUS BAR BLTA BAR BYA'O, ,DE DAG GI 'DOD PA DANG MYONG BA ZHES BYA BA NI THAMS CAD LKUGS PA BZHIN DU YE SHES GSUM DANG SBYAR BA'O, ,YID KYIS DON NI MYONG BA LTAR, ,ZHES BYA BA LA, JI LTAR YID KYIS DON LA RNAM PAR RTOG CING NYAMS SU MYONG BA LTAR DE'I RJES LAS THOB PAS NYAMS SU MYONG BA YANG DE BZHIN TE, RNAM PAR RTOG PAR BYED DO ZHES BYA BA'I THA TSIG GO, ,BSTAN BCOS MA SHES PAS BSTAN BCOS 'DOD PA LTA BU NI SBYOR BA LAS BYUNG BA'O, ,JI LTAR BSTAN BCOS DE'I CHOS DANG DON MYONG BA LTA BU NI RNAM PAR MI RTOG PA'O, , 'DIR CHOS NI YI GE TZAM DU BZHED DO, ,JI LTAR BSTAN BCOS SHES PAS CHOS DANG DON MYONG BA DE LTA BUR NI DE'I RJES LAS THOB PAR BLTA BAR BYA'O, ,GO RIMS SMOS PA NI 'DIR CHOS DANG DON DANG YE SHES GYIS BSTAN PA YIN NO, ,MI ZHIG MIG NI BTZUMS PA LTAR, ,ZHES BYA BA LA SOGS PA'I TSOGS SU @178B BCAD PA NI RNAM PAR MI RTOG PA DANG, DE'I RJES LAS THOB PA GNYIS PO DE DAG GI BYE BRAG BSTAN TO, ,NAM MKHA' BZHIN DU ZHES BYA BA NI, JI LTAR NAM MKHA' KHYAB PA DANG, MA GOS BA DANG, MI RTOG PA DANG, BRTAG PA DANG, BRTAG PAR BYA BA MA YIN PA DE BZHIN DU RNAM PAR MI RTOG PA'I YE SHES KYANG CHOS THAMS CAD LA RO GCIG PA STONG PA NYID KYIS KHYAB PAS NA KHYAB PAS NA KHYAB PA'O, ,CHOS THAMS CAD KYI MA GOS PAS NA GOS PA MED PA'O, ,RANG NYID KYIS RNAM PAR MI RTOG PAS NA RNAM PAR RTOG PA MED PA'O, ,GZHAN GYIS BRTAG PAR BYA BA MA YIN PA NYID KYIS RNAM PAR BRTAG PAR BYA BA MA YIN PA STE, RNAM PAR MI RTOG PA'I YE SHES NI DE LTAR BLTA BAR BYA'O, ,DE LA GZUGS NI SNANG BA LTAR, ,DE YI RJES THOB SHES DE 'DRA, ,JI LTAR NAM MKHA' LA GZUGS KYI SNANG BA RNAM PAR BRTAGS PA LTAR, DE BZHIN DU DE'I RJES LAS THOB PA'I YE SHES BLTA BAR BYA STE, RNAM PAR BRTAG PAR BYA BA LA RNAM PAR RTOG PA MED PA ZHES BYA BA'I THA TSIG GO, ,YANG GAL DE DE LTA BU'I RNAM PAR MI RTOG PA'I YE SHES KYIS RAB TU BSGOS PA'I SANGS RGYAS NYID DES SEMS CAN GYI RNAM PAR RTOG PA MED PA DE BZHIN DU, DE'I SEMS CAN GYI DON MDZAD PA YANG RNAM PAR RTOG PA MED PAR JI LTAR 'GYUR ZHE NA, DE TSIGS SU BCAD PAS NOR BU DANG SIL SNYAN GYI DPES BSTAN PA, JI LTAR NOR BU SIL SNYAN DAG ,CES BYA BA LA, JI LTAR YID BZHIN GYI NOR BU RNAM PAR RTOG PA MED PA BZHIN DU YANG SEMS CAN RNAMS KYI 'DOD PA'I DON GYI LAS BYED PA DANG, LHA RDZAS KYI SIL SNYAN RNAMS MA BRDUNGS PAR YANG DER SKYES PA'I SEMS CAN RNAMS KYI 'DOD PA BZHIN DU SGRA 'BYUNG BAR 'GYUR BA LTAR, SANGS RGYAS RNAMS KYANG RNAM PAR RTOG PA MI MNGA' BZHIN DU YANG PHRIN LAS RNAM PA SNA TSOGS 'BYUNG BAR 'GYUR RO ZHES BYA BA'O, ,RNAM PAR MI RTOG PA'I ZAB PA NYID BRJOD PAR BYA STE, CI YE SHES DE GZHAN GYI DBANG ZHES BRJOD PA'I RNAM PAR BRTAG PAR BYA BA'I DNGOS PO LA 'JUG GAM, 'ON TE GZHAN ZHIG LA DMIGS DES CIR 'GYUR, GAL TE RNAM PAR BRTAG PAR BYA BA LA DMIGS NI NA DE'I RNAM PAR MI RTOG PA NYID MI DMIGS SO, ,GZHAN LA MI DMIGS SO ZHES NA, DE'I DMIGS PA GZHAN NI MED PA NYID KYI PHYIR, DE LA MA YIN GZHAN LA MIN, ,ZHES BYA STE, DE LA RE ZHIG DE LA NI MA YIN @179A *, ,TE; RNAM PAR BRTAG PAR BYA BA LA DMIGS PA NI MI 'GYUR TE, RNAM PAR MI RTOG PA YIN PA'I PHYIR RO, ,GZHAN LA YANG MA YIN TE, GANG GI PHYIR GZHAN GYI DBANG ZHES BRJOD PA'I CHOS DE NYID KYI CHOS NYID LA DMIGS PA'I PHYIR TE, DE'I CHOS NYID DANG CHOS DE DAG NI GCIG PA NYID DANG GZHAN PA NYID DU BRJOD PAR BYA BA MA YIN PA NYID DO, ,DE'I PHYIR RNAM PAR BRTAG PAR BYA BA LA DMIGS PA'AM, GZHAN LA DMIGS PA YIN ZHES BRJOD PAR MI BYA'O, ,GZHAN YANG DE SHES PA YIN NAM, YANG NA MA YIN, DES CIR 'GYUR, GAL TE SHES PA YIN NA NI DE JI LTAR RTOG PA MED PAR 'GYUR, 'ON TE MI SHES PA'I NGO BO YIN NA NI JI LTAR NA YE SHES RNAM PAR MI RTOG PA ZHES BRJOD PAR BYA ZHE NA, SHES DANG MI SHES PA MA YIN, ,ZHES BYA BAS BSTAN TE, RE ZHIG DE SHES PA NI MA YIN TE, 'DI LTAR SBYOR BA LAS BYUNG BA'I RNAM PAR RTOG PA DANG BCAS PA'I YE SHES KYI NGO BO LTAR MI 'JUG PAS SO; ;DE MI SHES PA YANG MA YIN TE, GANG GI PHYIR SBYOR BA LAS BYUNG BA RNAM PAR RTOG PA DANG BCAS PA'I YE SHES RGYUR GYUR BA LAS DE BYUNG BA'I PHYIR RO, ,DE LA MA YIN GZHAN LA MIN, ,SHES DANG MI SHES PA MA YIN, ,ZHES BYA BA'I DON GZHAN YANG GANG GI PHYIR RNAM PAR RTOG PA 'JUG PA DE LA YANG MA YIN TE, DES NA SHES PA YANG MA YIN NO, ,GANG GI PHYIR CHOS NYID LA 'JUG PAS DE LAS GZHAN PA YANG MA YIN TE, DES NA MI SHES PA MA YIN NO, ,DE NI SNGA MA PHYI MAS BSHAD PAR GYUR PA MA YIN NO, ,SHES BYA DANG NI KHYAD MED PA'I, ,SHES GANG DE NI MI RTOG NYID, ,CES BYA BA LA, GANG GZUNG BA DANG 'DZIN PA'I NGO BOR 'JUG PA'I SBYOR BA LAS BYUNG BA LTA BU NI RNAM PAR MI RTOG PA MA YIN GYI, GANG YANG GZUNG BA DANG SHES BYA THA MI DAD PAR 'JUG PAS MNYAM PA NYID DU 'JUG PA DE NI RNAM PAR MI RTOG PA NYID DO, ,YE SHES DE NI GZUNG BA DANG 'DZIN PA'I NGO BO LA MI GNAS PA NYID DO, ,GANG YANG BCOM LDAN 'DAS KYIS MDO GZHAN LAS, CHOS THAMS CAD RNAM PAR RTOG PA MED PA'O ZHES GSUNGS PA DE BSTAN PAR BYA BA'I PHYIR, CHOS RNAMS THAMS CAD RANG BZHIN GYIS, ,RNAM RTOG MED PA ZHES BYA BA LA, CHOS THAMS CAD NI RANG BZHIN GYIS RNAM PAR RTOG PA MED PA'O ZHES BYA BA'I THA @179B TSIG GO, ,GANG GI PHYIR ZHE NA, RNAM PAR BRTAG BYA MED PAS NA, ,ZHES BYAS BA STE, GANG GI PHYIR BRTAG PAR BYA BA'I DNGOS PO MED PAS SO, ,GANG YANG DE LTAR RNAM PAR BRTAG PAR BYA BA MED PAS RANG BZHIN GYIS CHOS RNAMS RNAM PAR MI RTOG PA NYID YIN PA DE'I PHYIR DES NA SEMS CAN THAMS CAD GANG GI PHYIR THAR PAR MI 'GYUR ZHE NA, 'DI LTAR, SHES GANG DE NI MI RTOG NYID, ,CES BYA BAS CHOS THAMS CAD RANG BZHIN GYIS RNAM PAR RTOG PA MED PA NYID YIN NA YANG SEMS CAN LA THAR PA MED PAR BSTAN PA NI GANG YANG RNAM PAR RTOG PA MI BRTEN PA NYID YOD PA'I PHYIR RO, ,DES CHOS THAMS CAD RANG BZHIN GYIS RNAM PAR MI RTOG PA NYID YIN NA YANG, GAL TE DER RTOGS PA'I YE SHES SKYES PAR GYUR NA DES MNGON SUM DU MTHONG BAR 'GYUR LA, DE NI RNAM PAR MI RTOG PA NYID DO, ,DES KYANG GROL BAR 'GYUR TE SKYES PAR MA GYUR NA NI GROL BAR MI 'GYUR RO ZHES BYA BA'I THA TSIG GO, ,DE'I PHYIR YE SHES DE NI RNAM PAR MI RTOG PA'O, ,YE SHES GSUM PA DE RNAMS KYI RAB TU DBYE BA BSTAN PAR BYA BA'I PHYIR RGYU DANG 'PHEN PA DANG, GOMS PA LAS BYUNG BAS RAB TU DBYE BA'I PHYIR RO ZHES BYA BA STE, DE LA RNAM PAR MI RTOG PA'I SBYOR BA LAS BYUNG BA NI RNAM PAR GSUM STE, 'DI LTAR KHA CIG NI RIGS KYI STOBS LAS, KHA CIG NI 'PHEN PA'I STOBS LAS; KHA CIG NI DA LTAR GYI DUS SU GOMS PA'I STOBS LAS 'BYUNG BAR 'GYUR RO, ,DE LA RIGS KYI STOBS LAS NI DER RGYU GYUR PA LAS 'BYUNG BAR 'GYUR BA NYID DO, ,DE 'PHEN PA'I STOBS LAS NI DE SKYES PA SNGA MA LA GOMS PAR BYAS PA'I RGYU NYID LAS 'BYUNG BAR 'GYUR RO, ,GANG GOMS PA'I STOBS LAS DA LTAR GYI SKYE BA NYID LA SKYES BU BYED PA'I STOBS KYI RGYU LAS DE 'BYUNG BAR 'GYUR BA'O, ,CHOS SHES PA DANG, PHYIN CI MA LOG PA DANG, SPROS PA MED PAS RNAM PAR MI RTOG PA'I PHYIR RO ZHES BYA BA LA, DE LA CHOG SHES PAS RNAM PAR MI RTOG PA NI THOS PA DANG BSAMS PA LAS BYUNG BA'I MTHAR PHYIN PA YIN PAR BLTA BAR BYA STE, CHOG SHES PA LAS RNAM PAR MI RTOG PA NI CHOG SHES PAS RNAM PAR MI RTOG PA'O ZHES DE LTAR BYAS NAS THOS PA'AM BSAMS PA GANG GIS BLO GANG GI MTHAR PHYIN PAR GYUR PA DE NI SO SO'I SKYE BO'I SA LA GNAS PA'I BYANG CHUB SEMS DPA'I CHOG SHES PA 'BYUNG BAR 'GYUR BA @180A *, ,STE; DE NI RE ZHIG 'DI TZAM MO ZHES DE LTAR BYAS PA'I DON 'DIS CHOG SHES PA'I RNAM PAR MI RTOG PA'O, ,DON GZHAN YANG 'JIG RTEN PA'I CHOG SHES PA'I RNAM PAR MI RTOG PAR BLTA BAR BYA STE, GANG SRID PA'I RTZE MOR PHYIN PAR GYUR PA DE NI MYA NGAN LAS 'DA' BAR BLTA BAS DE'I PHA ROL NA RTOGS PAR BYA BA GZHAN MED DO ZHES CHOG SHES PA 'BYUNG BAR 'GYUR BA'O, ,PHYIN CI MA LOG PA'I RNAM PAR RTOG PA NYAN THOS LA SOGS PA RNAMS YIN PAR BLTA BAR BYA STE, GANG GI PHYIR DE DAG RNAMS KYI DE KO NA NYID RAB TU RTOGS PA'I YE SHES DE NI MI RTAG PA LA SOGS PA'I PHYI CI MA LOG PA RNAM PA BZHI LAS DE RTAG PA LA SOGS PA'I RNAM PA PHYIN CI LOG TU RNAM PAR MI RTOGS PA'I PHYIR RO, ,YANG SPROS PA MED PAS RNAM PAR MI RTOG PA NI BYANG CHUB SEMS DPA' RNAMS KYI YIN PAR BLTA BAR BYA STE, GANG GI PHYIR CHOS THAMS CAD NAS BYANG CHUB KYI BAR LA YANG SPROS PA MED PAR RNAM PAR MI RTOG PA NYID KYI PHYIR RNAM PAR RTOG PAR MI BYED DO, ,YANG SPROS PA MED PA NI GANG GI YUL LAS YANG DAG PAR 'DAS PA DANG, 'JIG RTEN PA'I SHES PA'I YUL LAS YANG DAG PAR 'DAS PA YIN PAR RIG PAR BYA STE, GANG GI PHYIR TSIG GIS BSTAN PAR MI NUS PA DANG, 'JIG RTEN PA'I SHES PAS SHES PAR MI NUS PA'I PHYIR RO, ,YANG RNAM PA MI RTOG PA'I RJES LAS THOB PA DE YANG RAB TU DBYE BA RNAM PA LNGA BLTA BAR BYA BA YIN PAS RTOGS PA DANG, RJES SU DRAN PA DANG, RNAM PAR GZHAG PA DANG, 'DRES PA DANG, 'BYOR BA LA DPYOD PA THA DAD PA'I PHYIR RO ZHES BYA BA LA, DE YANG RTOGS PA LA DPYOD PA DANG, RJES SU DRAN PA LA DPYOD PA DANG, RNAM PAR GZHAG PA LA DPYOD PA DANG, 'DRES PA LA DPYOD PA DANG, 'BYOR BA LA DPYOD PA ZHES BYA BA STE RAB TU DBYE BA RNAM PA MA YIN PA'I PHYIR TE, DMIGS PA ME OD PA NI, GANG RTOGS PA'I DUS NYID NA BDAG GIS 'DI LTAR RTOGS SO ZHES DPYOD PA STE, KHONG DU CHUD PA NI 'DIR DPYOD PA YIN PAR 'DOD DO, ,RJES SU DRAN PA LA DPYOD PA NI GANG LANGS PA NA BDAG GIS RNAM PAR MI RTOG PA RTOGS SO ZHES DRAN PA'O, ,RNAM PAR GZHAG PA LA DPYOD PA NI GANG PHA ROL LA BDAG GIS RTOGS PA DE STON PAR BYED PA'O, , @180B 'DRES PA LA DPYOD PA NI GANG CHOS THAMS CAD 'DRES SHING BSDUS PA LA DMIGS PA'I YE SHES KYIS MTHONG BA STE, 'DI LTAR RTEN GNAS GYUR PA NYID DO, ,RTEN GNAS GYUR PA DE NYID LAS NI 'GYUR BA LA DPYOD PAR 'GYUR TE, GANG CI BSAMS PA DE THAMS CAD 'BYOR BAR 'GYUR RO, ,DE YANG JI LTAR SA LA SOGS PA YANG DE LTAR BRTAGS NA GZHAN GSER LA SOGS PAR 'GYUR BA'O, ,YANG DE NI BRTAGS PAS 'BYOR BAR 'GYUR BAS NA 'BYOR BA LA DPYOD PA STE, JI LTAR DPYOD PA DE BZHIN DU 'BYOR BAR 'GYUR BA'O, ,RNAM PAR MI RTOG PA'I RNAM PAR GZHAG PA BSTAN ZIN TO, ,SGRUB PAR BYED PA MA BSTAN PAS DE STON PAR BYED PA'I TSIGS SU BCAD PA NI, YID DAGS DUD 'GRO MI RNAMS DANG, ,KHA RNAMS JI LTAR 'OS 'OS SU, ,ZHES BYA BA STE, DUD 'GRO RNAMS KYIS CHU LA, YI DAGS RNAMS KYIS THANG DU DANG, MI RNAMS KYIS MI GTZANG BA DANG, DUD 'GRO PHAG LA SOGS PAS GTZANG BAR MTHONG BA DANG, MI RNAMS LA ZAS DE DAG GTZANG BA LA, LHA RNAMS LA DE DAG MI GTZANG BA DE LTAR BYAS NAS, DNGOS GCIG YID NI THA DAD PAR MTHONG BAS NA DON RNAMS GRUB PA MED PAR 'DOD PAR BYA'O, ,DE LA BDEN PA NYID DU MA GRUB PAS DON GANG YANG YOD PA MA YIN TE, DES NA RNAM PAR SHES PA DMIGS PA MED PA NYID DU 'GYUR BA YIN NO, ,DE'I PHYIR 'DI NI DMIGS PA MED PA YIN TE, 'DI'I DMIGS PA NI RMI LAM JI LTA BA BZHIN NO, ,JI LTAR 'DAS PA DANG MA 'ONGS PA LA DE DMIGS PA DANG, JI LTAR ME LONG DANG, TING NGE 'DZIN GYI SPYOD YUL LTA BU YIN PAS DE TSIGS SU BCAD PAS STON PA NI, 'DAS SOGS DE BZHIN RMI LAM DANG, ,ZHES BYA BA LA SOGS PA STE, DE YANG PHYE SNGA MAS PHYI MA DANG GO RIMS JI LTA BA BZHIN DU BLTA BAR BYA'O, ,'DI LTAR YOD PA MA YIN PA'I DMIGS PA NI, DMIGS PA YOD PA MA YIN PA'I PHYIR TE, DMIGS PA MED PA NYID DO, ,DE NYID LA DMIGS PA NI DE LA DMIGS PA STE, RANG GI GZUGS BRNYAN LA DMIGS PA NYID DO ZHES BYA BA'I THA TSIG GO, ,DE YANG 'DAS PA DANG, MA 'ONGS PA DANG, RMI LAM DANG, GZUGS BRNYAN DAG GO RIMS BZHIN DU SBYAR BAR BYA'O, ,DON NI DON DU GRUB NA NI, ,YE SHES RTOG PA MED MI 'GYUR, ,ZHES BYAS BA LA, GAL TE DON GYI NGO BO NYID DU YOD NA NI NGES NA RNAM PAR MI RTOG @181A *, ,PA'I YE SHES MED PAR 'GYUR RO, ,'ON TE DE MED PA'I NGO BO NYID NI 'DOD PA YIN NO ZHE NA, DES NA RNAM PAR MI RTOG PA DE MED PAS NA SANGS RGYAS NYID KYANG 'THOB PAR MI 'GYUR RO, ,DES NA NGES PAR 'DI LTAR 'DOD PAR BYA BA YIN PAS, BYANG CHUB SEMS DPA' DBANG THOB DANG, , ZHES BYA BA STE, DBANG THOB PAR GYUR PA ZHES BYA BA'I THA TSIG GO, ,MOS DBANG GIS ZHES BYA BA NI BSAM PA'I DBANG GIS DE LTA BU MED PA'I SA LA SOGS PA DAG 'DI LTAR GSER LA SOGS PA'I RANG BZHIN DU 'GYUR BA ZHES BYA BA'I THA TSIG GO, ,BSAM GTAN PA'I ZHES BYA BA NI NYAN THOS LA SOGS PA GZHAN GYI YANG NGO, ,'DI LA RNAM PAR 'BYED GRUB PA, ,ZHES BYA BA NI LHAG MTHONG GRUB PA ZHES BYA BA'I THA TSIG GO, ,BLO LDAN ZHES BYA BA NI BYANG CHUB SEMS DPA'O, ,ZHI BA THOB PA ZHES BYA BA NI TING NGE 'DZIN THOB PA ZHES BYA BA'I DON TE NANG GI BDAG NYID KYI'O, ,CHOS KUN YID LA BYED PA LA, ,DE LTAR DON DU SNANG PHYIR RO, ,ZHES BYA BA LA 'DI LTAR JI LTA JI LTAR MDO SDE LA SOGS PA'I CHOS RNAMS KYI DON YID LA BYED PA NA DE LA DE LTA DE LTA BUR SNANG BAR 'GYUR TE, GAL TE SANGS RGYAS NYID YIN NO ZHES CHOS DE DANG DE DAG YID LA BYED PA NA SANGS RGYAS KYI DON DU SNANG BAR 'GYUR RO, ,DE BZHIN DU GZUGS DANG TSOR BA LA SOGS PA YANG DE BZHIN NO, ,YE SHES RGYU BA RTOG MED LA, ,DON RNAMS THAMS CAD MI SNANG PHYIR, ,ZHES BYA BA LA, RNAM PAR RTOG PA MED PA'I YE SHES KYI RGYU BA 'JUG PA LA 'DI LTAR DON THAMS CAD SNANG BAR MI 'GYUR RO, ,DE'I PHYIR, DON MED KHONG DU CHUD PAR BYA STE, DES NA GAL TE DON MED PA YIN NA RNAM PAR RIG PA YANG MED PAR 'GYUR RO, ,JI LTAR ZHE NA, RNAM PAR RIG PA MED PA BSTAN PAR BYA BA'I PHYIR, DON MED PAS NA RNAM RIG MED, ,CES BYA BA LA, RNAM PAR RIG PAR BYA BA'I DON MED NA, RNAM PAR RIG PA YANG RIGS PAR MI 'GYUR BAS DE MED PAR BLTA BAR BYA'O, ,DON 'DI NI SHES BYA'I MTSAN NYID DU GO SLA BAR PHYE ZIN TO, ,DE LTA BU'I RNAM PAR MI RTOG PA'I YE SHES GANG YIN PA DE NI SHES RAB KYI PHA ROL TU PHYIN PA YIN TE, GANG GI PHYIR DE NI SHES RAB KYI PHA ROL TU PHYIN PA LA MI GNAS PA'I TSUL GYIS GNAS NAS ZHES BYA BA LA SOGS PA 'BYUNG BAS SO, ,DE DAG NYID KYI DON GSAL BAR BYA BAR 'DOD NAS GZHUNG @181B 'DI DAG GIS BSTAN TE, JI LTAR MI GNAS PA'I TSUL GYIS GNAS NAS PHA ROL TU PHYIN PA RNAMS BSGOM PA YONGS SU RDZOGS PAR BYED CE NA, MU STEGS CAN GYI NGAR 'DZIN PA'I GNAS YONGS SU SPONG BA DANG ZHES BYA BA LA MU STEGS CAN SHES RAB LA GNAS NAS NGA RGYAL DANG BCAS PAR 'GYUR TE, BDAG NI SHES RAB LA GNAS PA, BDAG GI SHES RAB NI 'DI LTA BU ZHES MU STEGS KYI GNAS PA'I RNAM PAR RTOG PA SPONG BA'I PHYIR SHES RAB KYIS GNAS PA MED PA'I TSUL GYIS GNAS PAR 'GYUR RO, ,DE KHO NA MA MTHONG BA'I BYANG CHUB SEMS DPA'I RNAM PAR RTOG PA GNAS YONGS SU SPONG BA DANG ZHES BYA BA LA, JI LTAR DE KHO NA MA MTHONG BA'I BYANG CHUB SEMS DPA' RNAMS SHES RAB KYI PHA ROL TU PHYIN PA RNAM PAR BRTAG PAR BYA BA MED PA LA 'DI NI SHES RAB KYI PHA ROL TU PHYIN PA'O ZHES RNAM PAR RTOG PAR BYED PA DES NA MI GNAS PA'I TSUL GYIS DE BZHIN DU RNAM PAR RTOG PAR MI BYED DO, ,'KHOR BA DANG MYA NGAN LAS 'DAS PA'I MTHA' GNYIS KYI GNAS YONGS SU SPONG BA DANG ZHES BYA BA LA, JI LTAR 'JIG RTEN PA 'KHOR BA'I MTHA' LA GNAS PA DANG, NYAN THOS MYA NGAN LAS 'DAS PA'I MTHA' LA GNAS PA DE BZHIN DU BYANG CHUB SEMS DPA' GNAS PA MA YIN TE, DE LTAR NA MI GNAS PAS GNAS PA NI JI LTAR RIGS PA NYID DU BLTA BAR BYA'O, ,NYON MONGS PA'I SGRIB PA SPANGS PA TZAM GYIS CHOG PAR 'DZIN PA'I GNAS YONGS SU SPONG BA DANG ZHES BYA BA LA, JI LTAR NYAN THOS RNAMS NYON MONGS PA'I SGRIB PA SPANGS PA TZAM GYIS CHOG PAR 'DZIN PA DE BZHIN DU BYANG CHUB SEMS DPA' NI MA YIN TE, DE'I PHYIR NA DGONGS PA 'DIR BYANG CHUB SEMS DPA' RNAMS MI GNAS PA'I TSUL GYIS GNAS PAR RIG PAR BYA'O, ,SEMS CAN GYI DON LA MI LTA BA PHUNG PO LHAG MA MED PA'I MYA NGAN LAS 'DAS PA'I DBYINGS KYI GNAS YONGS SU SPONG BA ZHES BYA BA LA, JI LTAR NYAN THOS RNAMS SEMS CAN GYI DON LA LTOS PA MED PAR PHUNG PO DAG PA DANG MA DAG PA NI RTEN NYID YIN NO, ,DE DAG NI KHAM GYI ZAS POR BA REG PA DANG, YID LA SEMS PA DANG, RNAM PAR SHES PA'I ZAS GSUM GYIS DE'I RTEN GNAS PAR BYED PAR 'GYUR TE, DE'I PHYIR DE'I RTEN GNAS PAR BYED PA NI GSUM YIN NO, ,DAG PA'I RTEN GNAS PAR BYED @182A *, ,PA NI KHAM GYI ZAS LA SOGS PA BZHI PO DE DAG NYID YIN TE, NYAN THOS LA SOGS PA DE DAG GI RTEN YANG DAG PA RNAMS 'DI LTAR GNAS PAR BYED PA'I PHYIR RO, ,GNAS PAR STON PA YANG BZHI PO DE DAG NYID DE, DE YANG GNAS PA LTAR STON PA'I ZAS NI SANGS RGYAS RNAMS KYI STE BZHI PA'O, ,'DI LTAR SANGS RGYAS BCOM LDAN 'DAS RNAMS DES STON PA LTAR STON TE, SEMS CAN SBYIN PA PO RNAMS DES RAB TU MGU BAR BYA BA'I PHYIR DANG, BSOD NAMS BSAGS PA'I DON DU YIN GYI YANG DE DAG GI ZAS KYI BYA BA MDZAD PAR MI 'GYUR TE, ZAS DE DAG BZHES PA'I DUS SU SANGS RGYAS LAS LHA RNAMS KYIS BLANGS NAS GZHAN SEMS CAN RNAMS LA SBYIN PAR BYED DE, DE DAG KYANG RGYU DES BYANG CHUB THOB PAR 'GYUR RO, ,DE DAG THAMS CAD KYANG ZAB PA GCIG NYID DU RIG PAR BYA'O, ,DE LTA MOD KYI SANGS RGYAS KYI SKYE BA MED PA DANG SKYE BA'I MTSAN NYID NI RNAM PA BCUR RIG PAR BYA STE, KUN TU RMONGS PA RNAM PAR SEL BA NYID DANG, THA DAD PA RNAM PAR SEL BA NYID DANG, LEN PA LA RANG DBANG NYID DANG, GNAS PA LA RANG DBANG NYID DANG, GTONG PA LA RANG DBANG NYID DANG, GNYIS SU MED PA'I MTSAN NYID DANG, SNANG BA TZAM NYID DANG, SGYU MA LTA BU NYID DANG, MI GNAS PAR RAB TU GNAS PA NYID DANG, DON CHEN PO SGRUB PA NYID DO, ,RNAM PA BCUS DE BZHIN GSHEGS PA RNAMS 'KHOR BA DANG MYA NGAN LAS 'DAS PA LA RAB TU MI GNAS PAR RIG PAR BYA STE, LAGS PAR YONGS SU SHES PA NYID DANG, LEGS PAR SPANGS PA NYID DANG, DNGOS PO MED PA SHES PA NYID DANG, DNGOS PO MED PA'I NGO BO NYID SHES PA NYID DANG, MI DMIGS SHING MI RTOG PA NYID DANG, SEMS YONGS SU SPANGS PA NYID DANG, SEMS SO SOR THOB PA NYID DANG, SEMS MNYAM PA NYID DANG, DNGOS PO LA MI DMIGS PA NYID DANG, DMIGS PA LA DMIGS PA NYID DO, ,SANGS RGYAS RNAMS KYIS SANGS RGYAS KYI MDZAD PA LHUN GYIS GRUB PA YANG RNAM PA BCUS 'GRUB STE RAB TU SPANGS PA NYID DANG, BYA BA LA LHUN GYIS GRUB PA NYID DANG, BYED PA LHUN GYIS GRUB PA NYID DANG, LAS LHUN GYIS GRUB PA NYID DANG, MED PA LHUN GYIS GRUB PA NYID DANG, YOD PA LHUN GYIS GRUB PA NYID DANG, SNGA MA LAS KHYAD PA NYID DANG, BYA BA @182B MTHAR PHYIN PA NYID DANG, BYA BA MTHAR MA PHYIN PA NYID DO, ,RNAM PA BCUS NA SANGS RGYAS ZAS KYIS ZAS KYI BYA BA MI MDZAD KYANG SKU ZAS KYIS GNAS PAR STON TE, SEMS CAN RNAMS KYI BSOD NAMS BSAGS PA'I PHYIR DANG, CHOS MTHUN PA NYID DU YANG DAG PAR BSTAN PA'I PHYIR DANG, RIGS PA LA LONGS SPYAD PAR RJES SU BSLAB PAR BYA BA'I PHYIR DANG, CHAGS PA MED PA BSLAB PAR BYA BA'I PHYIR DANG, MCHOD PA NYE BAR BSDU BA'I PHYIR DANG, BRTZON 'GRUS BRTZAMS PA YANG DAG PAR SHES PAR BYA BA'I PHYIR DANG, DGE BA'I RTZA BA YONGS SU SMIN PAR BYA BA'I PHYIR DANG, BDAG NYID CHAGS PA MED PAR BSTAN PAR BYA BA'I PHYIR DANG, LAS LA GUS PA NYE BAR BSTAN PAR BYA BA'I PHYIR DANG, SMON LAM 'BYUNG BA YONGS SU RDZOGS PAR BYA BA'I PHYIR RO, ,DE LA GANG 'OG NAS BRJOD PAR BYA BA RNAM PAR GNAS PA DANG, GRANGS DANG PHRIN LAS ZAB PA NYID TSIGS SU BCAD PAS BSTAN PA, THA DAD MED CING DPAG TU MED, ,CES BYA BA STE, RNAM PAR GNAS PA ZAB PA YIN NO, ,DE LA THA DAD MED CES BYA BA NI CHOS KYI SKU LA DBYE BA MED PA'O, ,DPAG TU MED PA NI RTEN DU MA LAS MNGON PAR BYANG CHUB PAS SO, ,PHRIN LAS DPAG TU MED CING GCIG ,CES BYA BA NI GRANGS ZAB PA NYID DE, GANG GI PHYIR SANGS RGYAS RNAMS DU MA NYID YIN NA YANG PHRIN LAS NI GCIG PA NYID YIN NO, ,MI BRTAN BRTAN PA'I PHRIN LAS CAN, ,SANGS RGYAS RNAMS NI SKU GSUM LDAN, ,ZHES BYA BA LA, SANGS RGYAS RNAMS SKU GSUM DANG LDAN PAS LONGS SPYOD RDZOGS PA'I PHRIN LAS NI BRTAN PA YIN LA, SPRUL PA'I PHRIN LAS NI MI BRTAN PA YIN TE, DE LTA BU DAG NI PHRIN LAS ZAB PA NYID YIN NO, ,MNGON PAR RDZOGS PAR BYANG CHUB PA ZAB PA NYID TSIGS SU BCAD PAS BSTAN PA NI, GANG YANG MNGON RDZOGS SANGS RGYAS MED, ,CES BYA BA NI, GANG ZAG DANG CHOS DNGOS PO MED PA'I PHYIR RO, ,THAMS CAD SANGS RGYAS MA YIN MIN, ,ZHES BYA BA NI DI LTAR GDAGS PA NI YANG SANGS RGYAS THAMS CAD MNGON PAR RDZOGS PAR SANGS RGYAS PA YIN NO, ,DE'I MNGON BAR RDZOGS PA JI LTA BU ZHE NA, SKAD CIG RE LA DPAG TU MED, ,CES BYA BAS BSTAN TE, GANG GI PHYIR SKAD CIG RE RE LA YANG DPAG TU MED PA MNGON PAR RDZOGS PAR 'TSANG RGYA BAR 'GYUR BAS SO, ,DNGOS PO'I DNGOS MED RAB TU PHYE, , @183A *, ,ZHES BYA BA NI 'DIR DE BZHIN NYID NI DNGOS PO'I DNGOS PO MED PA STE, DES RAB TU PHYE BA NI SANGS RGYAS YIN NO ZHES BYA BA'I THA TSIG GO, ,'DOD CHAGS DANG BRAL BA ZAB PA NYID BSTAN PAR BYA BA'I PHYIR, CHAGS PA MA YIN MI CHAGS MIN, ,ZHES BYA BA GSUNGS TE, 'DOD CHAGS MED PAS CHAGS PA MA YIN LA, CHAGS PA MED PA NYID KYIS NA YANG MI CHAGS PA YANG MA YIN TE, 'DI LTAR CHAGS PA YOD NA MI CHAGS PA YANG RIGS PA'I PHYIR RO, ,'DOD CHAGS NYID KYIS BYUNG BA YIN, ,ZHES BYA BA NI GANG GI PHYIR 'DOD CHAGS KYI KUN NAS DKRIS PA SPANGS PAS 'DOD CHAGS KYI BAG LA NYAL DAG MA BZUNG BA'I PHYIR GANG 'DI MA BZUNG BA NYID KYIS DES NA NYAN THOS BZHIN DU MYA NGAN LAS 'DA' BAR 'GYUR BAS SO, ,'DOD CHAGS 'DOD CHAGS MIN MKHYEN NAS, ,'DOD CHAGS CHOS NYID LA YANG ZHUGS, ,ZHES BYA BA NI KUN TU BRTAGS PA'I 'DOD CHAGS NI 'DOD CHAGS MA YIN NO ZHES RNAM PAR SHES NAS, 'DOD CHAGS KYI DE BZHIN NYID LA ZHUGS SO ZHES BYA BA'I THA TSIG GO, ,PHUNG PO SPANGS PA ZAB PA NYID STON PA'I TSIGS SU BCAD PA NI, SANGS RGYAS PHUNG PO RNAMS LAS 'DAS, ,PHUNG PO RNAMS LA'ANG RNAM PAR BZHUGS, ,ZHES BYA BA STE, NYE BAR LEN PA'I PHUNG PO LNGA PO GZUGS LA SOGS PA LAS SHIN TU 'DAS NAS DE DAG MI DMIGS PA'I CHOS NYID KYI PHUNG PO LA RAB TU GNAS PA'O, ,DE LAS GZHAN MIN GZHAN MIN MIN, ,ZHES BYA BA NI, KUN TU BRTAGS PA'I PHUNG PO DE DAG SPANGS PA LAS DE GZHAN MA YIN TE, GANG GI PHYIR DE DAG NYID KYI CHOS NYID GANG YIN PA DE LA GNAS PA'I PHYIR RO, ,YANG GZHAN MA YIN PA YANG MA YIN TE, GANG GCIG NYID YIN NA YANG KUN TU BRTAGS PA RNAM PAR DAG PA LA DMIGS PA DANG LDAN PA'I PHYIR RO, ,DE MA BTANG BAS LEGS PAR 'DAS, ,ZHES BYA BA NI DE DAG GIS YONGS SU GRUB PA'I PHUNG PO MA BTANG BAS LEGS PAR 'DAS SO ZHES BYA BA'I THA TSIG GO, ,YONGS SU SMIN PAR MDZAD PA STON PA'I TSIGS SU BCAD PA NI, KUN KYANG 'DRES PA'I PHRIN LAS CAN, ,ZHES BYA BA STE, THAMS CAD KYANG SEMS CAN YONGS SU SMIN PAR MDZAD PA'I PHRIN LAS MNYAM PA NYID YIN NO, ,JI LTA BUR ZHE NA, RGYA MTSOR CHU 'DRA ZHES BYA BA STE, JI LTAR RGYA @183B MTSOR 'JUG PA'I CHU RNAMS NI NYA DANG, RUS SPAL LA SOGS PA RNAMS KYI NYE BAR SPYAD PAR 'GYUR RO, ,DE BZHIN DU CHOS KYI DBYINGS SU BZHUGS PA DE DAG KYANG, SEMS CAN YONGS SU SMIN PAR MDZAD PA NYE BAR 'BYUNG BA MNYAM PA NYID YIN NO, ,BYAS SO BYED DO BYA'O ZHES BYA BA NI DUS GSUM DU SEMS CAN GZHAN GYI DON LA DGONGS PA MED CES BYA BA STE, DE LTA NA YANG NOR BU DANG SIL SNYAN BZHIN DU SEMS CAN THAMS CAD KYI DON MDZAD PAR 'JUG PAR 'GYUR BA NYID YIN NO ZHES BYA BA'I THA TSIG GO, ,MTHONG BA ZAB PA NYID BSTAN PAR BYA BA'I PHYIR, GANG, SANGS RGYAS RTAG PA'I SKU YIN NO, ,ZHES BRJOD PA DE LA RTAG PA'I SKU NYID YIN NA 'JIG RTEN GYIS MI MTHONG BA DE RGYU GANG GIS MI MTHONG ZHE NA, SEMS CAN NYES PAS MI SNANG STE, ,SNOD CHAG PA YI ZLA BA BZHIN, ,JI LTAR SNOD CHAG PA'I NANG DU CHU GNAS PAR MI 'GYUR LA, DE MED NA YANG DER ZLA BA MTHONG BAR MI 'GYUR RO, ,DE BZHIN DU ZHI GNAS KYI RLAN MED PA'I SEMS CAN GYI RGYUD LA YANG SANGS RGYAS KYI ZLA BA MTHONG BAR MI 'GYUR TE, 'DIR CHU ZLA LTA BU NI TING NGE 'DZIN YIN TE, RLAN PA'I BDAG NYID YIN PA'I PHYIR RO, ,'JIG RTEN KUN LA NYI BZHIN DU, ,DE DAG CHOS 'OD KHYAB PAR MDZAD, ,CES BYA BA NI, SANGS RGYAS RNAMS NI MA MTHONG DU ZIN KYANG PHRIN LAS MDZAD PA NYID YIN TE, 'DI LTAR MDO'I SDE LA SOGS PA'I CHOS BSTAN PA 'OD ZER LTA BU GANG YIN PA DES, SANGS RGYAS KYI MDZAD PA SEMS CAN YONGS SU SMIN PA LA SOGS PA 'JIG RTEN LA SNANG BAR MDZAD PA NYID YIN NO, ,MNGON PAR RDZOGS PAR BYANG CHUB PA DANG, MYA NGAN LAS 'DAS PA KUN TU STON PA ZAB PA NYID NI, LA LAR RDZOGS PAR BYANG CHUB STON, ,LA LAR ME BZHIN MYA NGAN 'DAS, ,ZHES BYA BA STE, LA LAR RDZOGS PAR BYANG CHUB PA DANG, LA LAR MYA NGAN LAS 'DAS PA STON PA NI ME BZHIN DU STE, JI LTAR ME NI LA LA NA 'BAR, LA LA NA ZHI BA DE BZHIN DU SANGS RGYAS KYANG SEMS CAN YONGS SU SMIN PA KHA CIG LA NI MYA NGAN LAS 'DAS PAR STON LA, YONGS SU MA SMIN PA KHA CIG LA NI DE YONGS SU GROL BAR BYA BA'I PHYIR RDZOGS PAR BYANG CHUB PAR STON TE, MER THA MI DAD PA GCIG LA JI LTA BA DE BZHIN DU CHOS KYI SKU GCIG LA YANG DE BZHIN DU BLTA BAR BYA'O, ,TSIGS SU BCAD PA LHAG MA'I DON NI GO SLA'O, ,BZHUGS PA ZAB PA @184A *, ,NYID BSTAN PA'I PHYIR, SANGS RGYAS 'PHAGS MIN CHOS RNAMS DANG, ,MI DANG NGAN SONG BA RNAMS DANG, ,TSANGS SPYOD MA YIN CHOS RNAMS LAS, ,BDAG NYID DANG NI BZHUGS PA MCHOG ,CES BYA BA LA, BDAG NYID MCHOG DANG BZHUGS PA MCHOG STE, 'PHAGS PA LA SOGS PA'I BZHUGS PAS BZHUGS PA'O, ,DE LA 'PHAGS PA'I BZHUGS PA NI STONG PA NYID LA BZHUGS PA GANG YIN PA'O, ,LHA'I BZHUGS PA NI BSAM GTAN GYIS BZHUGS PA'O, ,TSANGS PA'I BZHUGS PA NI BYAMS PA LA SOGS PA TSAD MED PA DAG GIS BZHUGS PA'O, ,DE LA 'PHAGS MIN CHOS RNAMS ZHES BYA BA NI MI DGE BA STE, DES DE DAG STONG PA NYID LA BZHUGS PAS DE'I PHYIR YANG 'PHAGS PA'I BZHUGS PA'O, ,GANG MI DANG NGAN SONG BA RNAMS KYI SEMS CAN DE DAG LA DMIGS PA'I BSAM GTAN DE NI LHA'I BZHUGS PA'O, ,TSANGS PAR SPYOD PA MA YIN PA LA SOGS PA'I CHOS RNAMS LAS MCHOG KYANG YIN LA BDAG NYID KYANG YIN PAS 'DI NI BDAG NYID MCHOG STE, STONG PA NYID LA BZHUGS PA DE'I BDAG NYID DO, ,SKU KUN TU STON PA ZAB PA NYID NI, DE DAG KUN TU RNAM PAR DPYOD, ,GANG DU'ANG RNAM PAR DPYOD MI MNGA', ,ZHES BYA BA LA, DGE BA DANG` MI DGE BA LA BLO 'JUG PAR 'GYUR BA STE, DE'I RJES LAS THOB PAS DE DAG YONG SU DPYOD LA, RNAM PAR MI RTOG PAS NI GANG LA YANG DPYOD PAR MI BYED DO, ,DON GZHAN GNYIS PA NI SPRUL PA'I SKUS NI THAMS CAD LA DPYOD PAR BYED LA, SKU GZHAN GYIS NI MA YIN NO, ,ZHES BYA BA'O, ,GNAS RNAMS KUN NA'ANG MTHONG MOD KYI, ,ZHES BYA BA NI SPRUL PA'I LUS DE NYID THAMS CAD DU MTHONG BAR 'GYUR RO ZHES BYA BA'I THA TSIG GO, ,DBANG PO DRUG GI SPYOD YUL MIN, ,ZHES BYA BA NI SEMS CAN DMYAL BA LA SOGS PAR SKYES PAS MTHONG BA'I SPRUL PA DE NI DER SKYES PA DE DAG 'DUL BA'I PHYIR YIN GYI, DE DAG NYID NI SPRUL PA'I SKU'I NGO BO NYID NI MA YIN TE, DMYAL BA DE DAG GIS DE MTHONG BA NA 'DI YANG SEMS CAN DMYAL BA YIN NO ZHES SHES PAS YANG DMYAL BA DE DAG GIS DE DBANG PO DRUG GI SPYOD YUL DU GYUR PA MA YIN NO ZHES BYA BA'I THA TSIG GO, ,NYON MONGS PA SPANGS PA ZAB PA NYID STON PA NI, NYON MONGS THUL LA SPANGS PA @184B MED, ,SNGAGS KYIS BSAD PA'I DUG DANG 'DRA, ,ZHES BYA BA STE, BYANG CHUB SEMS DPA'I GNAS SKABS KYI KUN NAS DKRIS PA'I NYON MONGS PA THUL NA YANG NYON MONGS PA SPANGS PA NI MA YIN TE, DE'I BAG LA NYAL YOD PA'I PHYIR RO, ,SNGAGS KYIS BSAD PA'I DUG DANG 'DRA, ,ZHES BYA BA NI JI LTAR SNGAGS KYIS BSAD PA'I DUG GIS NI 'CHI BAR MI NUS PA DE BZHIN DU DE DAG GIS KYANG NYON MONGS PA YONGS SU SHES PAS KUN NAS NYON MONGS PAR MI BYED DO ZHES BYA BA'I THA TSIG GO, ,SANGS RGYAS RNAMS NI NYON MONGS LAS, ,NYON MONGS ZAD PA KUN MKHYEN BRNYES, ,ZHES BYA BA NI 'DI LTAR NYON MONGS PA'I BAG CHAGS BZUNG BA DANG LDAN PA NI NYAN THOS BZHIN DU MYA NGAN LAS 'DA' BAR MI 'GYUR RO ZHES BYA BA THA TSIG GO, ,SANGS RGYAS RNAMS NI ZHES BYA BA NI NYON MONGS PA ZAD PA DANG BCAS PA'I THAMS CAD MKHYEN PA NYID BRNYES ZHES BYA BA'I DON TO, ,BSAM GYIS MI KHYAB PA ZAB PA NYID DE BSTAN PAR BYA STE, DE YANG 'DI LTAR, NYON MONGS BYANG CHUB YAN LAG 'GYUR, ,ZHES BYA BA STE, KUN 'BYUNG GI BDEN PA'O, ,'KHOR BA'ANG ZHES BYA BA SDUG BSNGAL GYI BDEN PA NI ZHI BA'I BDAG NYID DO, ,DE LTA BU THAMS CAD KYIS NI DE BZHIN GSHEGS PA'I BSAM GYIS MI KHYAB PA SNGAR BSTAN PA RGYU GSUM GYIS SO SOR RANG GIS RIG PAR BYA BA YIN PAR BSTAN PA YIN NO, ,DA NI JI LTAR SANGS RGYAS RNAMS CHOS KYI SKUR RJES SU DRAN ZHE NA, BYANG CHUB SEMS DPAS RNAM PA BDUN GYIS RJES SU DRAN PAR BYED CING DE DAG GIS DE BSGOM PA NYID DO, ,DE LA CHOS THAMS CAD LA DBANG SGYUR BA ZHES BYA BA NI MNGON PAR SHES PA DAG GIS CHOS THAMS CAD LA DBANG SGYUR BA DE DAG NYID KYIS GNAS PA STE, 'DI LTAR 'JIG RTEN GYI KHAMS THAMS CAD DU THOGS PA MED PA'I MNGON PAR SHES PA CAN DU SANGS RGYAS RNAMS 'GYUR GYI, NYAN THOS BZHIN DU THOGS PA DANG BCAS PA NI MA YIN NO, ,GAL TE CHOS THAMS CAD LA DBANG SGYUR BA YIN NA DE CI'I PHYIR SEMS CAN THAMS CAD MYA NGAN LAS 'DAS PAR MI BYED CE NA, DE TSIGS SU BCAD PAS STON PAR BYED DE, RGYU GANG GI PHYIR MYA NGAN LAS BZLA BAR MI NUS PA NI, BSGRUBS SHING RGYU DANG MI LDAN LA, ,ZHES PA LA SOGS PA STE, DE LA BSGRIBS SHING ZHES BYA BA NI GANG LAS LAS LA SOGS PA'I SGRUB PAS BSGRIBS PA @185A *, ,SANGS RGYAS MANG POS KYANG MYA NGAN LAS BZLA BAR MI NUS SO, ,RE ZHIG DE DAG LA RNAM PA DE LTA BUR SANGS RGYAS RNAMS LA YANG NUS PA MI MNGA' BA NYID DO, ,RGYU DANG MI LDAN LA ZHES BYA BA NI YONG SU MYA NGAN LAS MI 'DA' BA'I CHOS CAN NI 'DIR RGYU DANG MI LDAN PAR 'DOD DE, GANG LA DE'I RIGS MED PA'O, ,NGES PA GNYIS DANG LDAN PA'I ZHES BYA BA LA, NGES PA GNYIS NI LAS BYAS PAR NGES PA DANG, RNAM PAR SMIN PA SO SOR MYONG BAR NGES PA YIN PAR RIG PAR BYA'O, ,DE'I PHYIR NA YANG NGES PA GNYIS PO DE DAG LA SANGS RGYAS RNAMS LA NUS PA MI MNGA' 'O, ,DE LA RNAM PAR SMIN PA'I SGRIB PA NI LKUGS PA'I DNGOS PO LA SOGS PA YIN PAR BLTA BAR BYA'O, ,RNAM PAR SMIN PA SO SOR MYONG BA NI YANG DMYAL BA LA SOGS PA DAG TU NGES PAR 'GRO BAR 'GYUR BA STE, DE NI DE DAG GI BYE BRAG GO, ,SKU RTAG PA'O ZHES BYA BA NI DRI MA LAS RNAM PAR GROL BA'I DE BZHIN NYID RGYUN MI 'CHAD PA DE NI RTAG PA YIN LA, DE NI DE BZHIN GSHEGS PA'I SKU YIN TE, DE'I PHYIR NA SKU RTAG PA'O, ,DE BZHIN GSHEGS PA RNAMS LONGS SPYOD CHEN PO MNGA' BA'O ZHES BYA BA NI GANG SANGS RGYAS KYI ZHING YONGS SU DAG PA DE NI CHEN PO YIN LA, DE BZHIN GSHEGS PA RNAMS KYIS RJES SU LONGS SPYOD PAR MDZAD PA YIN PAR RIG PAR BYA'O, ,DON CHEN PO'O ZHES BYA BA'I DON CHEN PO NYID NI SANGS RGYAS RNAMS KYIS SEMS CAN YONGS SU SMIN PAR MDZAD PA RNAMS YONGS SU GROL BAR MDZAD PA DANG, MA SMIN PA RNAMS SMIN PA DANG, MNGON PAR RDZOGS PAR BYANG CHUB BA'I MYA NGAN LAS 'DA' BAR BYED PA YIN PAR BLTA BAR BYA'O, ,SANGS RGYAS RJES SU DRAN PA'I RNAM PA LHAG MA RNAMS KYI DON NI GO SLA'O, ,SANGS RGYAS RJES SU DRAN PA RNAM PA BDUN PO DE DAG NYID YANG TSIGS SU BCAD PA GNYIS KYIS BSTAN PA NI, RANG GI SEMS LA RAG LAS DANG, ,ZHES BYA BA LA SOGS PA STE, DE LA RNAM PA BDUN PO DES NI PHUN SUM TSOGS PA BSTAN TE, DE LA RE ZHIG DANG POR RANG GI SEMS LA RAG LAS PA'O ZHES BYANG CHUB SEMS DPA' SANGS RGYAS KYI PHUN SUM TSOGS PA DRAN PAR BYA'O, ,DE YANG RTAG DANG DGE LDAN TE, ,DE'I PHYIR NA YANG MCHOG TU KHA NA MA THO BA MED PA'O, ,BTZAL MI DGOS ZHES BYA BA NI LHUN GYIS @185B GRUB PAR SANGS RGYAS KYI MDZAD PA MDZAD PA'O, ,CHOS KYI LONGS SPYOD CHEN PO NI SANGS RGYAS KYI ZHING YONGS SU DAG PAR RIG PAR BYA'O, ,DBANG DU MA GYUR RAB TU RGYU, ,ZHES BYA BA NI GANG SDUG BSNGAL GYI DBANG DU MA GYUR PA YANG YIN LA, DE NI RAB TU RGYU BA YANG YOD DE, SANGS RGYAS RNAMS KYI THA SNYAD CES BYA BA'I THA TSIG GO, ,DE'I PHYIR 'DI LTAR, SKYE BO MANG POR DE 'DOD DO, ,ZHES BYA BA NI SKYE BO MANG PO'I DON 'DOD PAS PHUN SUM TSOGS PA RJES SU DRAN PA GANG YIN PA'O, ,GANG YANG STONG PHRAG BRGYA PA'I MDO SDE'I GLENG GZHI LAS SANGS RGYAS KYI ZHING YONGS SU DAG PA RAB TU BSTAN TE, SANGS RGYAS KYI ZHING YONGS SU DAG PA DE'I YON TAN PHUL DU BYUNG BA GANG YIN PA DE TSIG 'DI RNAMS KYIS GSAL BAR BYED DE, RE ZHIG KHA DOG PHUN SUM TSOGS PA NI RIN PO CHE SNA BDUN TE, GSER DANG, DNGUL DANG, BEE dA'U-RYA DANG, MU SA LA GAR BA DANG, RDO'I SNYING PO DANG, DE SMOS PAS MA RGAD LA SOGS PA YANG GZUGS BAR RIG PAR BYA BA DANG, MU TIG DMAR PO STE, DE YANG SROG CHAGS DMAR PO ZHIG GI NANG NAS 'BYUNG STE, DE YANG THAMS CAD KYI MCHOG YIN TE, 'JIG RTEN GYI KHAMS DPAG TU MED PA RIN PO CHE'I RGYAL POS KUN TU SNANG BAR BYED DE, BSHAD MA THAG PA'I RIN PO CHE RNAMS LAS KUN TU BYUNG BAS SO, ,TSIG GCIG GIS NI DBYIBS PHUN SUM TSOGS PA'O, ,TSIG GCIG GIS NI TSAD PHUN SUM TSOGS PA'O, ,TSIG GCIG GIS NI YUL PHUN SUM TSOGS PA'O, ,JI LTA BU'I RGYU LAS SHE NA, 'JIG RTEN LAS 'DAS PA RNAM PAR MI RTOG PA DANG, DE'I BLA MA RJES LAS THOB PA DANG, DE DAG GNYI GA'I DGE BA'I RTZA BA LAS YANG DAG PAR BYUNG BA'I DGE BA'I RTZA BA NI RGYU YIN TE, RGYU PHUN SUM TSOGS PA DE LTA BU YANG TSIG GCIG GIS SO, ,'BRAS BU PHUN SUM TSOGS PA YANG TSIG GCIG GIS SO, ,SHIN TU RNAM PAR DAG PA'I RIGS LA GANG DBANG SGYUR BA'I MTSAN NYID DE NI BDAG PO PHUN SUM TSOGS PA STE TSIG GCIG GIS SO, ,PHYOGS PHUN SUM TSOGS PA NI TSIG GCIG GIS SO, ,ZHAM RING BA PHUN SUM TSOGS PA YANG TSIG GCIG GIS SO, ,DE DAG NYID LA KLU SMOS PAS NI LTO 'PHYE CHEN PO YANG GZUNG BAR BYA STE, SPRUL CHEN PO BSDU BA'I PHYIR RO, ,DE LA NYE BAR STON @186A *, ,PAR BYED PA NI STON PA PHUN SUM TSOGS PA YIN TE, TSIG GCIG GIS BSTAN TO, ,DE DAG BRJOD NAS PHRIN LAS GANG YIN ZHE NA, SEMS CAN THAMS CAD KYI DON THAMS CAD MDZAD PA STE, PHUN SUM TSOGS PA DE YANG TSIG GCIG GIS SO, ,PHAN 'DOGS PA PHUN SUM TSOGS PA YANG TSIG GCIG GIS TE, GANG GI PHYIR DER NYON MONGS PA YANG MI 'BYUNG SDUG BSNGAL YANG MI 'BYUNG BA'O, ,GANG LA DGRA MED PA DE NI 'JIGS PA MED PA YIN TE, BDUN BZHI MED PA'I PHYIR RO, ,YANG DE NI SANGS RGYAS KYI ZHING DE NA PHUNG PO'I BDUD YOD PA MA YIN, NYON MONGS PA'I BDUD YOD PA MA YIN, 'CHI BDAG GI BDUD YOD PA MA YIN NA, LHA'I BU'I BDUD YOD PA MA YIN TE, DE'I PHYIR 'JIGS PA MED PA PHUN SUM TSOGS PA ZHES BYA BA STE, DE YANG TSIG GCIG GIS BSTAN TO, ,GNAS PHUN SUM TSOGS PA YANG GCIG GIS BSTAN TO, ,YANG LAM GANG GIS SANGS RGYAS KYI ZHING YONGS SU DAG PA DER DE 'JUG DE NA, THEG PA CHEN PO THOS PA DANG, BSAMS PA DANG, BSGOMS PA'I SHES RAB KYIS TE, DRAN PA DANG, BLO GROS DANG, RTOGS PA CHEN PO DANG GO RIMS BZHIN DU SBYAR RO, ,LAM PHUN SUM TSOGS PA DE YANG TSIG GCIG GIS BSTAN TO, ,BZHON PA NI ZHI GNAS DANG LHAG MTHONG STE, DES 'GRO BA YIN PA'I PHYIR RO, ,PHUN SUM TSOGS PA DE YANG GCIG GIS BSTAN TO, ,SGO GANG NAS DER 'JUG CE NA, STONG PA NYID DANG, MTSAN MA MED PA DANG, SMON PA MED PA NYID NI SGO PHUN SUM TSOGS PA STE, DE YANG TSIG GCIG GIS BSTAN TO, , GZHI PHUN SUM TSOGS PA YANG TSIG GCIG GIS BSTAN TE, JI LTAR SA GZHI RLUNG GI DKYIL 'KHOR LA RAB TU BRTEN CING GNAS PA DE BZHIN DU SANGS RGYAS KYI ZHING YONGS SU DAG PA DE DAG LA BRTEN CING GNAS SHES NA, YON TAN GYI TSOGS TSAD MED PAS BRGYAN PA'I RIN PO CHE'I PA-DMA'I RGYAL PO CHEN PO BKOD PA LA BRTEN PA NA ZHES BYA'O, ,YONGS SU DAG PA DE'I LONGS SPYOD NI SHIN TU GTZANG BA ZHES BYA BA LA, GANG GI PHYIR DE'I GTZANG BA NYID NI DE NA PHYI SA LA SOGS PA MI GTZANG BA MED PA NYID DO, ,SHIN TU BDE BA NI GANG TSOR BA BDE BA 'BA' ZHIG DANG LDAN GYI SDUG BSNGAL YANG MED CING @186B BTANG SNYOMS KYANG MED PA'O, ,SHIN TU KHA NA MA THO BA MED PA ZHES BYA BA NI, 'DI LTAR DE NI MI DGE BA'AM, LUNG DU MA BSTAN PA MED PA'O, ,SHIN TU DBANG SGYUR BA ZHES BYA BA NI, DES RANG GI SEMS LA DBANG SGYUR BA YIN PA'I PHYIR GANG RKYEN GZHAN LA NI MI LTOS PA'O, ,YANG SANGS RGYAS RNAMS KYI CHOS KYI DBYINGS DE NI ZHES BYA BA NI CHOS KYI SKU'O, ,DE YANG PHRIN LAS LNGA DANG LDAN PAR RIG PAR BYA'O, ,SEMS CAN THAMS CAD KYI GNOD PA LAS YONGS SU SKYONG BA'I PHRIN LAS CAN ZHES BYA BA NI GANG GIS KHAMS GSUM LAS SHIN TU 'DA' BAR BYED PA'I LAM DE 'JIG RTEN LA STON PA'O, ,KHAMS GSUM NI 'DIR 'JIG TSOGS SMOS PAS BSTAN PA YIN NO, ,TSIG LHAG MA RNAMS KYI DON NI GO SLA'O, ,SANGS RGYAS THAMS CAD PHRIN LAS LNGA PO 'DI DAG GIS PHRIN LAS MNYAM PA YIN PAR BLTA BAR BYA'O, ,'DIR DON 'DI DAG GI TSIGS SU BCAD PA NI, RGYU DANG GNAS DANG BYA BA DANG NI BSAM PA DANG, ,ZHES BYA BA LA SOGS PAS NI GANG SANGS RGYAS RNAMS KYI PHRIN LAS MNYAM PA NYID DE RGYU GANG GIS YIN PA RGYAS PAR BSTAN TO, ,GANG YANG 'JIG RTEN PA RNAMS KYI YUL GYI LAS NYID GANG YIN PA DE NI TSIGS SU BCAD PA 'DI DAG GIS BSTAN TE, 'JIG RTEN PA RNAMS KYI RGYU THA DAD PA YIN PA DE'I PHYIR 'DI LTAR DMYAL BA YANG RGYU GZHAN LAS; MI RNAMS KYANG RGYU GZHAN LAS DE BZHIN DU YID DAGS KYI BAR DU YANG STE, DE'I PHYIR RGYU THA DAD PA DES NA, 'JIG RTEN RNAMS KYI LAS NI THA DAD GYUR PAR 'DOD, GNAS THA DAD PA NYID NI 'DI LTAR 'DI DAG GIS GNAS THA DAD PA STE LUS SO, ,DES NA LAS KYANG THA DAD DO, ,BYA BA THA DAD PA ZHES BYA BA NI 'DI LTAR GZHAN DAG NI TSONG BYED, GZHAN DAG NI GAR BYED PA LA SOGS PA'I LAS THA DAD PA DANG RAB TU LDAN PA STE, DE'I PHYIR BYA BA THA DAD PAS KYANG 'JIG RTEN PA RNAMS KYI LAS THA DAD PA YIN NO, ,BSAM PA THA DAD PA ZHES BYA BA LA, BSAM PA NI 'DIR MOS PA STE, DE LTA BAS NA BSAM PA THA DAD PA'I PHYIR YANG 'JIG RTEN PA RNAMS KYI LAS THA DAD DO, ,'DU BYED RNAMS KYANG 'DI LTAR THA DAD PA NYID DU 'JUG PA STE, GANG 'DU BYED PA RNAMS KYI BYA BA THA DAD PA GANG YIN PA DE YIN NO, ,GANG DAG GI ZHES NA, 'JIG RTEN PA RNAMS KYI'O, ,SANGS RGYAS RNAMS KYI NI LHUN GYIS GRUB PAR MDZAD PA'I BYA BA YIN PAS DE DAG @187A *, ,THAMS CAD MED PA'I PHYIR SANGS RGYAS RNAMS KYI RGYU LA SOGS PA THA DAD PA MED PAS DE'I PHYIR DE DAG RNAMS KYI PHYIN LAS KYI MDZAD PA LA THA DAD PA MED DO, ,THEG PA GCIG NYID DU BSTAN PA DGONGS PA CAN DU GSUNGS PA YIN PAR STON PA'I TSIGS SU BCAD PA NI, KHA CIG DAG NI DRANG PHYIR DANG, ,ZHES BYA BA LA, NYAN THOS RIGS MA NGES PA RNAMS THEG PA CHEN PO DRANG BAR BYA BA'I CHED DU STE, MA NGES PA DE CI NAS KYANG THEG PA CHEN POR MYA NGAN LAS 'DA' BAR BYA'O ZHES BYA'O, ,GZHAN YANG KUN TU GZUNG BA'I PHYIR, ,ZHES BYA BA NI BYANG CHUB SEMS DPA' RIGS MA NGES PA GANG YIN PA DE DAG CI NAS THEG PA CHEN PO LA THUN MONG DU 'GYUR BA DANG, THEG PA CHEN PO BOR NAS NYAN THOS KYI THEG PAS MYA NGAN LAS 'DA' BAR MA GYUR CIG CES BYA BAS SO, ,DON DE DAG GI PHYIR THEG PA GCIG NYID DU BSTAN PA YIN NO, ,YANG MA NGES PA RNAMS KYI DON NI GO SLA'O, ,CHOS DANG BDAG MED GROL MTHUN PHYIR, ,ZHES BYA BA LA SOGS PA RGYAS PAR 'BYUNG BA LA, 'DIR YANG DGONGS PA'I DBANG GIS THEG PA GCIG NYID DU GCIG PAR BSTAN TO, ,YANG 'DI'I DGONGS PA GANG YIN ZHE NA, CHOS MTHUN PA'I PHYIR DANG, BDAG MED PA MTHUN PA'I PHYIR DANG GROL BA MTHUN PA'I PHYIR RO, ,DE LA CHOS MTHUN PA NYID NI RE ZHIG 'DIR CHOS NI DE BZHIN NYID DO, ,DE NI MTHUN PA NYID DE, NYAN THOS LA SOGS PA THAMS CAD 'DIR 'GRO BAR BYA BA YIN PAS NA THEG PA CHEN PO ZHES BYAS NAS SO, ,DE MTHUN PA NYID YIN PA'I PHYIR THEG PA GCIG NYID DO, ,BDAG MED PA MTHUN PA NYID NI BDAG DANG GANG ZAG MED PAS DE'I PHYIR MED PA 'DI LA 'DI NI NYAN THOS SO, ,'DI NI BYANG CHUB SEMS DPA'O ZHES BRJOD PAR MI RIGS TE, DE'I PHYIR NA YANG BDAG MED PA LA DGONGS NAS THEG PA GCIG NYID DO, ,GROL BA MTHUN PA NYID CES BYA BA NI NYAN THOS LA SOGS PA RNAMS KYANG NYON MONGS PA LAS GROL BA MTHUN PA NYID YIN TE, DE'I PHYIR 'DI LA DGONGS NAS KYANG THEG PA GCIG NYID DU BSTAN TE, DE'I PHYIR BCOM LDAN 'DAS KYIS KYANG RNAM PAR GROL BA DANG, RNAM PAR GROL BA NI THA DAD DU BYA BA MED DO ZHES GSUNGS SO,, ,,BAM PO BRGYAD PA'O, ,RIGS NI THA DAD CES BYA BA NI GANG LA RIGS THA DAD PA YOD PA STE, RIGS MA NGES PA'I @187B NYAN THOS DAG SANGS RGYAS SU 'GYUR BA LA DGONGS NAS KYANG THEG PA GCIG NYID DU BSTAN TE, BSAM GNYIS RNYED PHYIR ZHES BYA BA NI BSAM PA GNYIS THOB PA'I PHYIR TE, GCIG NI MNYAM PA NYID KYI BSAM PA STE, GANG GIS SEMS CAN THAMS CAD GANG YIN PA NYID NI BDAG YIN LA, BDAG KYANG DE DAG NYID YIN NO ZHES DE LTAR 'DZIN PA STE, DE LTAR 'DZIN PAS KYANG DE MNGON PAR RDZOGS PAR SANGS RGYAS PAR GYUR BAS DE DAG KYANG MNGON PAR RDZOGS PAR SANGS RGYAS PAR GYUR BA YIN TE, DGONGS PA DE'I PHYIR YANG THEG PA GCIG NYID DO, ,YANG BSAM PA GNYIS PA NI GANG DAM PA'I CHOS PAD-MA DKAR PO LAS NYAN THOS LUNG BSTAN PA DE DAG GIS NI SANGS RGYAS KYIS KYANG CHOS NYID MNYAM PA NYID LA DGONGS NAS, CHOS KYI SKU THOB PA NYID YIN NO ZHES BSAMS NAS MNYAM PA NYID LA DGONGS PA DANG, MTHUN PA'I BSAM PA THOB PA NI SANGS RGYAS KYI CHOS NYID YANG DAG PAR THOB PA YIN NO ZHES BYA BA'O, , DON GZHAN YANG DE LTA BU'I MING CAN GYI BYANG CHUB SEMS DPA'I 'KHOR DE LUNG BSTAN PA YIN PAS SPRUL PA'I PHYIR YANG ZHES BYA BA SMOS TE, JI LTAR NGAS MNGON PAR SHES TE, DA NYID LAN BRGYA STONG DU MAR NYAN THOS KYI THEG PAR MYA NGAN LAS 'DAS PAR GYUR TO ZHES PA DE LTA BU LA DGONGS NAS THEG PA GCIG NYID DU BSTAN TE, GANG NYAN THOS KYI THEG PAS GDUL BA'I SEMS CAN RNAMS MYA NGAN LAS BZLA BA'I PHYIR BSTAN PA YIN NO, ,MTHAR PHYIN PAS NA ZHES BYA BA NI 'DI LTAR THEG PA 'DIS MTHAR PHYIN PAR GROL BAR BYA BA'I THEG PA GZHAN NI MED PAS SANGS RGYAS KYI THEG PA 'DI NI NYAN THOS LA SOGS PA DE DAG LAS KHYAD PAR DU 'PHAGS PA YIN PAS DE LAS DGONGS NAS KYANG THEG PA GCIG NYID DU BSTAN TE, DA NI SANGS RGYAS THAMS CAD CHOS KYI SKU MNYAM PA NYID YIN NA, YANG RGYU GANG GIS GCIG NYID DAM MANG PO NYID DU BLTA BAR BYA BA DE BSTAN PAR BYA STE, DE LA RE ZHIG GCIG NYID DU BLTA BAR BYA BA NI DE DAG GCIG NYID NI MNYAM PA NYID YIN LA SANGS RGYAS KYANG DE'I RANG BZHIN YIN PAS DE'I PHYIR DE NI GCIG NYID YIN TE, CHOS KYI DBYINGS GCIG PA NYID DU BLTA BAR BYA'O, ,YANG GCIG NYID DU BLTA BAR BYA STE, GANG DUS GCIG LA 'JIG RTEN GYI KHAMS GCIG TU SANGS RGYAS GNYIS 'BYUNG @188A *, ,BA NI MI SRID PAS DE'I PHYIR YANG GCIG NYID DU BLTA BAR BYA'O, ,YANG MANG PO NYID DANG GCIG NYID TSIGS SU BCAD PAS BSTAN PA NI, KHAMS GCIG NA NI ZHES BYA BA LA SOGS PA RGYAS PAR 'BYUNG STE, KHAMS GCIG NA NI GNYIS MED PHYIR, ,ZHES BYA BA'I TSIG GIS NI GCIG PA NYID DU BSTAN PA'I DON TE, GANG 'JIG RTEN GYI KHAMS GCIG TU SANGS RGYAS GNYIS 'BYUNG BA NI MI SRID DO ZHES BYA BA'I THA TSIG GO, ,LHAG MAS NI MANG PO NYID DU BSTAN TE, DPAG MED CIG CAR TSOGS BSAGS PHYIR, ,ZHES BYA BA NI GANG DUS GCIG TU BYANG CHUB SEMS DPA' MANG PO RNAMS TSOGS YONGS SU BSAGS PAR 'GYUR LA, GAL TE DE DAG GIS BSOD NAMS DANG YE SHES KYI TSOGS BSAGS KYANG SANGS RGYAS NYID THOB PAR MI 'GYUR NA TSOGS BSAGS PA DON MED PA NYID DU 'GYUR RO, ,DE'I PHYIR NA MANG PO RNAMS KYIS TSOGS YONGS SU RDZOGS PAR 'GRUB PAS SANGS RGYAS MANG PO NYID DU BLTA BAR BYA'O, ,RIM GYIS 'BYUNG BAR MI RIGS PHYIR, ,ZHES BYA BA NI RIM GYIS MNGON PAR RDZOGS PAR BYANG CHUB PAR YANG MI 'GRUB STE, GAL TE GANG GI PHYIR TSOGS YONGS SU RDZOGS PAR GYUR PA RNAMS RIM GYIS GZHES PAR GYUR NA, DE DAG NYID KYI RJES SU RIM GYIS THOB PAR 'GYUR TE, GZHAN DAG KYANG MNGON PAR RDZOGS PAR BYANG CHUB PAR 'GYUR BA YIN NO ZHES BYA BA STE, DE DAG MANG BA NYID KYI PHYIR RIM GYIS RIGS PA MA YIN TE, GZHAN DAG KYANG MNGON PAR RDZOGS PAR 'TSANG RGYA BAR 'GYUR BAS SO, ,DE'I PHYIR NA YANG; SANGS RGYAS NYID MANG PO YIN NO, ,YANG KHA CIG NI SANGS RGYAS RNAMS LA GTAN DU YONGS SU MYA NGAN LAS 'DA' BA MED DO ZHES ZER LA, NYAN THOS KYI THEG PA PA'I SDE PA GZHAN DAG NI GTAN DU YONGS SU MYA NGAN LAS 'DA' BA YIN NO ZHES ZER TE, 'DI LTAR DE DAG GNYI GA'I DGONGS PA TSIGS SU BCAD PAS STON PA NI, SGRIB PA KUN LAS NGES GROL PHYIR, ,ZHES BYA BA LA SOGS PA RGYA CHER 'BYUNG STE, DE LA GANG GI PHYIR SANGS RGYAS NI NYON MONGS PA DANG SHES BYA'I SGRIB PA THAMS CAD LAS RNAM PAR GROL BA YIN PA'I PHYIR DES NA GTAN DU MYA NGAN LAS 'DAS PAR 'GYUR BA @188B YIN TE, DGONGS PA DE'I PHYIR RO, ,YANG GANG GI PHYIR MDZAD PA RNAMS KYANG YONGS SU MA RDZOGS PA STE MA SMIN PA RNAMS SMIN PAR BYA BA DANG, SMIN PA RNAMS RNAM PAR GROL BAR BYA BA DGONGS PA'I PHYIR DE'I MDZAD PA DE LA DGONGS NAS GTAN DU YONGS SU MYA NGAN LAS 'DA' BA MA YIN NA, ,DE LTA MA YIN TE, NYAN THOS BZHIN DU GTAN DU YONGS SU MYA NGAN LAS 'DA' BA MA YIN NA SMON LAM BTAB PA 'BRAS BU MED PAR 'GYUR RO, ,DA NI GANG LAS DGONGS NAS NGO BO NYID KYI SKU LONGS SPYOD RDZOGS PA'I SKU MA YIN ZHE NA, DE BSTAN PAR BYA STE, DE GZUGS KYI SKUR SNANG BA DANG ZHES BYA BA LA, SANGS RGYAS NI CHOS KYI SKU YIN LA, DE NI GZUGS SU MTHONG BA'I PHYIR, CHOS KYI SKU MA YIN TE, DE LTA BU NI CHOS KYI SKU MA YIN PAS, DE'I PHYIR NA CHOS KYI SKU MA YIN NO, ,LONGS SPYOD RDZOGS PA'I SKU DE NI SANGS RGYAS KYI 'KHOR GYI DKYIL GYI DKYIL 'KHOR TSAD MED PA DAG NA THA DAD PAR SNANG LA, CHOS KYI SKU LA NI THA DAD PA MED DO, ,DE'I PHYIR TSUL 'DIS KYANG LONGS SPYOD RDZOGS PA'I SKU NGO BO NYID KYI SKU MA YIN NO, ,MOS PA JI LTA BA BZHIN DU LONGS SPYOD RDZOGS PA MTHONG BAS KYANG, JI LTAR MDO LAS, KHA CIG NI KHA DOG SER PO, KHA CIG NI KHA DOG SNGON PO ZHES BYA BA LA SOGS PA RGYAS PAR 'BYUNG BA'I PHYIR RO, ,DE BZHIN DU LONGS SPYOD RDZOGS PA'I SKU NI MA NGES PA'I NGO BO NYID DU SNANG BA YIN GYI, NGO BO NYID KYI SKU NI MA NGES PA'I NGO BO NYID DU MI RIGS TE, DE'I PHYIR NA YANG NGO BO NYID KYI SKU MA YIN NO, ,YANG LONGS SPYOD RDZOGS PA DE NI GCIG NYID YIN NA YANG GZHAN DANG GZHAN DU MTHONG BAR 'GYUR LA YAN DE NYID, NGO BO NYID KHO NA DE LAS KYANG GZHAN DU MTHONG BAR 'GYUR BAS DE NI G-YO BA'I NGO BA'I NGO BO NYID YIN PA'I PHYIR NGO BO NYID KYI SKU YIN PAR MI RIGS TE, DE'I PHYIR NA YANG NGO BO NYID KYI SKU MA YIN NO, ,YANG LONG SPYOD RDZOGS PA DE NI LHA LA SOGS PA'I 'KHOR DANG RTAG TU 'DRES SHING BSKOR NAS GNAS PA YIN GYI, NGO BO NYI NI 'DRES PAR MI 'GYUR TE, DE'I PHYIR NA YANG NGO BO NYID KYI SKU MA YIN NO, ,GANG YANG KUN GZHI RNAM PAR SHES PA YONGS SU GYUR PA NI NGO BO NYID YIN LA, GAL TE DE DAG NGO BO NYID GCIG PA NYID YIN NA DE NI LONGS SPYOD RDZOGS PA YANG YIN PAS 'JUG PA RNAMS PAR SHES PA YONGS SU GYUR PA LAS SKU GANG MNGON @189A *, ,PAR 'GRUB PAR 'GYUR, DE'I PHYIR NA YANG LONGS SPYOD RDZOGS PA NI NGO BO NYID MA YIN TE, RNAM PA DRUG PO DE DAG MI RIGS PA'I PHYIR NA YANG MI RUNG NGO, ,DA NI GANG GI PHYIR SPRUL PA'I SKU NGO BO NYID KYI SKU MA YIN PA'I TSUL DE BSTAN PAR BYA STE, RGYU BRGYAD KYI PHYIR RO, ,DE LA RE ZHIG MI RIGS PA DANG PO NI BYANG CHUB SEMS DPA' YUN RING PO NAS BSKAL PA DU MAR YANG MI MNYAM PA'I TING NGE 'DZIN THOB PA RNAMS NI DGA' LDAN GYI LHA RNAMS KYI NANG DU YANG SKYE BAR MI RIGS NA MI RNAMS KYI NANG DU LTA SMOS KYANG CI DGOS TE, SPRUL PA DE NI YANG 'JIG RTEN PA YANG YIN NO, ,YANG BYANG CHUB SEMS DPA' SKYE PA DRAN PA RNAMS NI YI GE DANG, RTZIS DANG, GRANGS LA SOGS PA MI MKHYEN PA NI MI RIGS TE, DE'I PHYIR NA YANG SPRUL PA NYID SEMS CAN DE RNAMS GDUL BA'I DON DU BYUNG BA YIN NO, ,YANG BSKAL PA GRANGS MED PA GSUM DU BYANG CHUB SEMS DPA' BSGRUBS PAR GYUR KYANG NYES PAR BSHAD PA DANG, LEGS PAR BSHAD PA'I CHOS DE DAG RNAMS PAR MA MKHYEN NA YANG, DE LAS GZHAN PA MNGON PAR RDZOGS PAR BYANG CHUB PA'I DUS NA MKHYEN PAR 'GYUR BAS DE'I PHYIR NA YANG SPRUL PA NI NGO BO NYID KYI SKU MA YIN NO, ,YANG 'DZAM BU'I GLING BYE BA PHRAG BRGYA BOR TE, GCIG TU MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR MI RIGS PAS, SPRUL PA YIN PAR MI RIGS TE, GANG GI PHYIR DE DAG THAMS CAD KYIS SPRUL PA MTHONG BAR MTHUN PA'I PHYIR RO, ,GAL TE GCIG TU MNGON PAR RDZOGS PAR BYANG CHUB NAS GZHAN DAG TU SPRUL PA RNAMS 'BYUNG BAR MDZAD PA YIN NO ZHES BYA BA'I PHYOGS LEN PAR BYED PA YIN NA YANG, DE LTA NA DGA' LDAN NYID NA GNAS BZHIN DU, GLING BZHI PA THAMS CAD DU SPRUL PA 'GYED PAR CI'I PHYIR MI 'DOD, YANG LA LA 'DI SKAD DU, SANGS RGYAS KYI ZHING DU GTOGS PA'I GLING BZHI PA LA LA NAS SANGS RGYAS MA MTHONG NGO ZHES ZER NA, GLING BZHIN PA THAMS CAD NA MNGON PAR RDZOGS PAR BYANG CHUB PA MED PA LA NI YANG LUNG DANG RIGS PA MED DO, ,GAL TE DE LTA YIN NA MDO DANG 'GAL TE, MDO LAS KYANG, SANGS RGYAS GNYIS 'BYUNG BAR MI 'GYUR TE, 'KHOR LOS SGYUR BA'I RGYAL PO GNYIS MI 'BYUNG @189B PA YIN NO, ,ZHES GSUNGS PAS SO, ,ZHES NA, GANG GI PHYIR 'DI LTAR 'KHOR LOS SGYUR BA'I RGYAL PO GNYIS MI 'BYUNG NGO ZHES 'BYUNG ZHES 'BYUNG BA DE NI, GLING BZHI PA GCIG TU MI 'BYUNG BA YIN GYI, YANG SANGS RGYAS KYI ZHING DU MI MA YIN NO, ,DE BZHIN DU SANGS RGYAS GNYIS MI 'BYUNG BA YANG GLING BZHI PA GCIG TU MI RIGS KYI, 'DI LTAR 'JIG RTEN GYI KHAMS GCIG TU NI 'DOD DO, ,DA NI MNGON PAR RDZOGS PAR BYANG CHUB PA TSIGS SU BCAD PAS BSTAN PAR BYA BA NI, SANGS RGYAS RNAM 'PHRUL ZHES BYA BA LA SOGS PA RGYAS PAR 'BYUNG BA STE, DON NI DUS GANG GI TSE DGA' LDAN NA BZHUGS PA LAS, SANGS RGYAS MNGAL DU GSHEGS PA DE BZHIN DU DUS DE NYID KYI TSE NA, GNAS BRTAN SH'A RI'I BU LA SOGS PA 'KHOR 'DI DAG KYANG DE BZHIN DU SPRUL PA'I GNAS SKABS KYIS DE DANG DER BZHUGS PAR BLTA BAR BYA'O, ,DE DAG RNAM PAR GZHAG PAS KYANG DE LTAR BYAS NA RNAM PA THAMS CAD MNGON PAR RDZOGS PAR BYANG CHUB PAR BSTAN PAR BYA'O, ,DA NI GTAN DU YONGS SU MYA NGAN LAS 'DA' BA MI RIGS PAR BSTAN PAR BYA STE, SEMS CAN THAMS CAD KYI DON DU SMON LAM BTAB PAR BYAS PA DANG, SEMS CAN GYI DON DU SGRUB PA NYID BYAS PA JI LTAR SEMS CAN GYI DON BYA'O ZHES BYA BA LTA BUR BYAS PA'O, ,GAL TE GTAN DU MYA NGAN LAS 'DA' BAS MYA NGAN LAS 'DAS PA YIN NA GANG SMON LAM BTAB PA DANG, SGRUB PA DAG 'BRAS BU MED PAR 'GYUR RO, ,GANG YANG DE BZHIN GSHEGS PA'I RTAG PA'I SKU YIN NO ZHES BYA BA DE LONGS SPYOD RDZOGS PA DANG, SPRUL PA DAG MI RTAG PA YIN PA'I PHYIR, JI LTAR RTAG PA'I SKU YIN ZHE NA, DE BSGRUB PAR BYA STE, DE DAG NYID RTAG PA NYID YIN TE, GANG GI PHYIR RTAG PA'I SKU CHOS KYI SKU LA BRTEN PA'I PHYIR DES NA RTAG PA YIN NO, ,YANG LONGS SPYOD RDZOGS PA NI RDZOGS PA'I LONGS SPYOD DE LA RGYUN CHAD PA MED PA'I PHYIR RTAG PA YIN NO, ,SPRUL PA YANG MNGON PAR RDZOGS PAR BYANG CHUB PA DANG, YONGS SU MYA NGAN LAS 'DA' BA STON PA'I RGYUN CHAD PA MED PAS RTAG PA YIN NO, ,DE DAG GNYI GA YANG RTAG PA NYID YIN @190A *, ,PA'I DPE BSTAN PA NI, JI LTAR NA 'JIG RTEN NA RTAG TU BDE BA LA SPYOD DO ZHES BRJOD PA LTA BU STE, DE NI RTAG TU RGYUN MI 'CHAD PAR BYED PAR 'GYUR BA NI MA YIN NO, ,'ON KYANG RTAG TU BDE BA LA SPYOD DO ZHES NI RJOD PAR BYED DO, ,YANG GANG DAG 'DI NI RTAG TU SLONG MI SBYIN PA YIN NO ZHES ZER NA, YANG DE NI RTAG TU SBYIN PA NI MA YIN TE, RES 'GA' ZHIG SBYIN PAR BYED PA YIN NA YANG, 'ON KYANG RTAG TU SLENG MO SBYIN PA PO YIN NO ZHES RJOD PAR BYED PA LTAR RTAG PA DE DAG KYANG DE BZHIN NO, ,'DIR RGOL BAR BYED DO, YANG GAL TE SANGS RGYAS RNAMS KYI CHOS KYI SKU THOG MA MED PA'I DUS NAS BYE BRAG MED PA DPAG TU MED PA DE DAG NYID SEMS CAN GYI DON BYA BA LA NUS PA YOD PA'I PHYIR, YANG CI'I PHYIR SEMS CAN GYI DON DU 'BAD PAR BYED CE NA, LAN TSIGS SU BCAS PAS BSTAN PA YIN NO, ,GAL TE SANGS RGYAS BRNYES PA KHYAD PAR MED DPAG MED PA, ,ZHES BYA BA'I RGYU 'DI NYID KYIS 'BAB PAR MI BYA'O ZHES ZER NA, DE'I PHYIR SANGS RGYAS RNAMS THOG MA MED PA'I DUS CAN YIN PA'I PHYIR, SKYON THAMS CAD 'BYUNG BAR THAR BAR 'GYUR BA THOB PA'AM, THAMS CAD RGYU MED PA NYID DU 'GYUR BA'AM, RGYU RGYUN CHAD PA MED PAR 'GYUR RO ZHES BYA BA'O, ,GZHAN YANG SNYING RJES RGYUD BSGOS PA'I BYANG CHUB SEMS DPA' RNAMS SEMS CAN THAMS CAD LA BU GCIG PA BZHIN DU BRTZE BA 'BYUNG BAS, SEMS CAN GYI DON LA GZHAN BYED PAR 'GYUR GYI ZHE'AM, GZHAN BYED KYANG RUNG, MI BYED KYANG RUNG, BDAG GIS NI MI BYA'O ZHES BYA BA MI RIGS SO, ,THEG PA CHEN PO BSDUS PA'I 'GREL PA, THEG PA CHEN PO LA RAB TU GNAS PA, BSTAN BCOS PHUN DU BYUNG BA DU BYUNG MA MDZAD PA'I SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO D'Am PAm KA RA SHRVI DZ-NY'A NA DANG, LO TZ-TSA BA DGE SLONG TSUL KHRIMS RGYAL BAS, YUL BRAG DMAR LHA SDINGS, RI KHAS PO RI'I RTZA, CHU BO LO HI TA'I 'GRAM, DPAL BSAM YAS LHUN GYIS GRUB PA'I GNAS, DBYIG 'DUL PE KAR GLING DU BSGYUR CING ZHUS TE GTAN LA PHAB PA'O, ,'DI LA SH'O KA NYIS STONG TSIG BRGYA BRGYAD CU YOD DE, BAM PO NI BRGYAD DU BYAS SO,, ,, @190B, ,RGYA GAR SKAD DU, MA H'A Y'A NA SI GRA HA AU PA NI BAN-DHA NAm, BOD SKAD DU, THEG PA CHEN PO BSDUS PA'I BSHAD SBYAR, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,SLOB DPON SNGA MAS RIGS TSUL DU, ,RNAM PAR PHYE BAS BLO ZHEN RNAMS, ,MI RTOGS PAS NA TSIG TE NAS, ,BSDUS PA RNAM PAR DBYE BAR BYA, ,DON BCUS THEG PA CHEN PO MTHA' DAG GON DU BSDU BAR 'DOD PAS BSTAN BCOS KYI LUS KYI BDAG NYID DON BCU PO DE DAG GTZUG LAG NYID DU BRJOD PA'I SGO NAS, THEG PA CHEN PO LA SHIN TU ZHUGS PA ZHES BYA BA LA SOGS PA GLENG SLONG BAR BYED DO, ,YON TAN GYI TSIG GAM BTAGS PA LA THEG PA CHEN PO LA SHIN TU ZHUGS PA ZHES BYA BAS STE, 'DIS THEG PA CHEN PO SHIN TU RTOGS PA'AM, DE LA SHIN TU ZHUGS PA'I PHYIR THEG PA CHEN PO LA SHIN TU ZHUGS PA'O, ,BYANG CHUB SEMS DPA' THEG PA CHEN PO LA SHIN TU ZHUGS PA GZUNGS DANG SPOBS PA'I YON TAN THOB PA THEG PA CHEN PO'I DON 'DZIN PA DANG RAB TU STON PAR NUS PA DES SAM, MING DE SKAD CES BYA BAS GSUNGS PA'O, ,BYANG CHUB SEMS DPA' ZHES BYA BA NI 'DI BYANG CHUB DANG SEMS CAN LA DMIGS PA'I PHYIR BYANG CHUB SEMS DPA' STE, SEMS DPA' ZHES BYA BA'I SGRAS NI 'DIR SROG CHAGS BRJOD PA YIN NO, ,DMIGS PAS KYANG DE SKAD CES BYA BAR SNANG STE, DPER NA MI SDUG PA LA SOGS PA LA DMIGS PA'I TING NGE 'DZIN LA MI SDUG PA DANG, STONG PA NYID CES BYA BA DANG, NGAN PAR BYAS PA LA DMIGS PA'I YID LA GCAGS PA LA 'GYOD PA ZHES BYA BA LTA BU'O, ,YANG NA 'DI BYANG CHUB KYI PHYIR SRAN THUB PAS NA BYANG CHUB SEMS DPA'O, ,THEG PA CHEN PO'I CHE BA'I BDAG NYID CES BYA BA NI ZAB PA DANG, RGYA CHE BA GNYIS KYIS BLA NA MED PA'O, ,BDAG GI SGRA NI NGO BO NYID DANG, BYED PA'I TSIG STE, DPER NA ME NI TSA BA'I BDAG NYID, DUG NI 'CHI BAR BYED PA'I BDAG NYID CES BYA BA LTA BU'O, 'DI NI CHE BA'I BDAG NYID YIN PAS CHE BA STE, DE'I DNGOS PO NI CHE BA'I BDAG NYID DO, ,DE BRJOD PA ZHES BYA BA NI GZHAN DAG RANG GIS MI SHES PAS DE RAB TU BSHAD PA'O, ,PHYIR ZHES BYA @191A *, ,BAS NI DGONGS PA BSTAN PA'O, ,BCOM LDAN 'DAS KYI SPYAN SNGAR ZHES BYA BA LA BDUD BZHI BCOM PA DANG, DBANG PHYUG LA SOGS PA'I YON TAN DANG LDAN PA'I PHYIR BCOM LDAN 'DAS TE SANGS RGYAS SO, ,DE CI'I PHYIR ZHE NA, SANGS RGYAS BCOM LDAN 'DAS ZHES 'OG NAS 'BYUNG BA'I PHYIR RO, ,BCOM LDAN 'DAS DE'I SPYAN SNGAR ZHES BYA BAS NI SANGS RGYAS KYIS GNANG BAS YID BRTAN DU RUNG BA NYID DU STON TE, STON PA DANG NYE NA GZHAN DU MI SMRA BA'I PHYIR RO, ,'DI LTA STE ZHES BYA BA NI GNAS BCU NYE BAR 'DOD PAR 'GOD PA STON TO, ,THEG PA CHEN PO LAS BRTZAMS NAS ZHES BYA BA NI DE'I CHED DU 'AM, DBANG DU BYAS PA STE, NYAN THOS KYI THEG PA'AM, 'JIG RTEN PA LAS BRTZAMS PA MA YIN PA'O, ,YANG THEG PA CHEN PO SMOS PA NI 'DI KHO NA LAS BRTZAMS KYI GZHAN LAS BRTZAMS PA NI MA YIN NO ZHES NGES PAR BYA BA'I PHYIR TE, 'DI LTAR 'JIG RTEN PA LAS BRTZAMS NAS, BDEN PAR SMRA BYA KHRO MI BYA, ,SLONG LA CHUNG YANG SBYIN PAR BYA, ,ZHES BYA BA LA SOGS PA RNAM PA GZHAN DAG LAS SANGS RGYAS KYI GSUNG KHYAD PAR DU 'PHAGS SO, ,NYAN THOS KYI DBANG DU BYAS NA, KYE MA 'DU BYED RTAG PA MED, ,SKYE ZHING 'JIG PA'I CHOS CAN YIN, ,ZHES BYA BA LA SOGS PA GZHAN DAG LAS KHYAD PAR DU 'PHAGS TE, DE LTA BAS NA NGES PAR BYA BAR RIGS SO, ,CHOS MNGON PAR THEG PA CHEN PO'I MDO LAS ZHES BYA BA NI CHOS RAB TU RNAM PAR 'BYED PA'I RGYU'AM, GRAGS PA'I PHYIR CHOS MNGON PAR MING BTAGS PA THEG PA CHEN PO'I MDO KHYAD PAR CAN LAS GSUNGS KYI GZHAN LAS NI MA YIN NO, ,DE NI THEG PA YANG YIN LA CHEN PO YANG YIN PA'AM, CHEN PO RNAMS KYI THEG PA YIN PAS THEG PA CHEN PO STE, RGYU DANG 'BRAS BU CHE BA'I PHYIR BYED PA DANG, BGROD PAR BYA BA BSGRUB PA'I GZHI YIN PA'I PHYIR RO, ,MDOR BSDU NA BYANG CHUB SEMS DPA'I SA BCU 'BRAS BU DANG BCAS PA'O, ,RGYAS PAR BYAN[?] CHEN PO RNAM PA BDUN DANG LDAN PA'I PHYIR TE, BYANG CHUB KYI PHYOGS DANG MTHUN PA RNAMS DANG, PHA ROL TU PHYIN PA RNAMS DANG, BSLAB PA RNAMS DANG, GZHI DANG RTAGS LA SOGS PA NI THEG PA CHEN PO'O, ,DE'I @191B MDO NI SMOS PA'I PHYIR TE, RKYANG PA DANG TSIG TU SBYAR BA'I SGRAR SNANG BA 'DOD PA'I DON GYI RNAM PA'I RJES SU 'JUG PA NYAN PA'I RNAM PAR RIG PA'I TSIG GO, ,GAL TE DE LTA YIN NA BYANG CHUB SEMS DPAS DE JI LTAR BSHAD DE, NYAN PA'I RNAM PAR RIG PA NI DES MA BSHAD DO ZHE NA, DE'I DBANG GIS BYUNG BA'I PHYIR DE SKAD CES BYA STE, LHA LA SOGS PA'I DBANG GIS RMI LAM NA BSTAN BCOS DANG SNGAGS LA SOGS PA RNYED PA BZHIN NO, ,GZHAN DU NA NGAG GI RNAM PAR RIG BYED KYANG SANGS RGYAS KYIS GSUNGS PA JI LTAR 'GYUR, RE ZHIG NGAG GI RANG BZHIN NI MDOR MI 'THAD DE, YI GE RE RE NI DON RTOGS PAR BYED PAR MI RUNG BA'I PHYIR RO, ,RIM GYIS 'BYUNG BA LHAN CIG MI GNAS PA RNAMS KYANG TSOGS PAR MI RUNG BA'I PHYIR RO, ,DE LTAR NA BDAG MA THOB PA'I NGAG NI MING LA 'JUG PAR MI RUNG NGO, ,YI GE'I BDAG NYID MA YIN PA'I SGRA BYUNG BA YANG MING LA CUNG ZAD KYANG GSAL BAR MI BYED DE, DE LTAR NA MING GI RANG BZHIN YANG MDOR MI 'THAD DO, ,DE LTA BAS NA JI SKAD BSTAN PA NYID MDOR RIGS TE, CHOS MNGON PA ZHES BYA BA'I THEG PA CHEN PO'I MDO DE LAS SO, ,RNAM PA ZHES BYA BA NI BYE BRAG STE, DE DAG NYID PHAN TSUN MA 'DRES PAS KHYAD PAR DU 'GYUR BAS NA KHYAD PAR RAM, NYAN THOS LA SOGS PA'I CHOS RNAMS LAS MCHOG TU GYUR PA DANG, LHAG PA'I PHYIR KHYAD PAR TE, BYANG CHUB CHEN PO SGRUB PAR BYED PA'I PHYIR RO, ,BCU ZHES BYA BA NI GRANGS TE, SANGS RGYAS KYI GSUNG BGRANG BAR BYA BA KHYAD PAR DU 'PHAGS PAS BSTAN BCOS KYI LUS RNAM PAR 'JOG GO, ,'DI DAG GI GSUNG NI RNAM PA BCUS KHYAD PAR DU 'PHAGS PAS, SANGS RGYAS BCOM LDAN 'DAS RNAMS KYI GSUNG RNAM PA BCUS KHYAD PAR DU 'PHAGS PA'O, ,SANGS RGYAS ZHES BYA BA NI NYON MONGS PA CAN DANG, NYON MONGS PA CAN MA YIN PA'I GTI MUG GI GNYID GNYIS ZAD PA DANG, ,SHES BYA THAMS CAD LA SHES PA RGYAS PA'I PHYIR SANGS RGYAS TE, SKYES BU GNYID SAD PA BZHIN NO, ,ME TOG KU MU TA RGYAS PA BZHIN NO, ,SHES BYA NI SHES PAR BYA'O, ,GNAS KYI SGRAS PHYE BA'I PHYIR GNAS PA RNAMS NI 'DUS BYAS RNAMS TE, KUN NAS NYON MONGS PAR 'GYUR @192A *, ,PA DANG, RNAM PAR BYANG BAR 'GYUR BA'I CHOS RNAMS SO, ,'DUS MA BYAS RNAMS NI MA YIN TE, GNAS KYI DON MED PA'I PHYIR RO, ,DE DAG GI GNAS NI KUN GZHI RNAM PAR SHES PA STE RGYU YIN PA DANG, RTEN YIN PA'I PHYIR CI RIGS SU SBYAR RO, ,SHES BYA NYID SHES BYA'I RTEN DU 'GYUR TE, SHES BYA NYID KYANG RNAM PAR SMIN PA'I RNAM PAR SHES PA DANG MI 'GAL LO, ,SHES BYA'I GNAS NYID KHYAD PAR YIN PAS, SHES BYA'I GNAS KYI KHYAD PAR TE, DES 'DI DAG GI GSUNG KHYAD PAR DU 'PHAGS PAS SHES BYA'I GNAS KYI KHYAD PAR GYIS KHYAD PAR DU 'PHAGS PA'I GSUNG STE, SANGS RGYAS BCOM LDAN 'DAS RNAMS KYI ZHES BYA BAR THAMS CAD DU RNAL MA DANG SBYAR RO, ,SHES BYA'I MTSAN NYID NI SHES BYA'I NGO BO NYID DE DE MTSON PAR BYA BA YIN PA'I PHYIR RO, ,NGO BO NYID GSUM ZHES BYA BA LA YONGS SU GRUB PA NI DNGOS PO YIN PAS NGO BO NYID DO, ,KUN BRTAGS PA NI NGO BO NYID DANG 'DRA BAS NGO BO NYID DO, ,'KHRUL PA'I RGYU YIN PA DANG, NGO BO NYID KYI GNAS YIN PAS GZHAN GYI DBANG GI NGO BO NYID DO, ,DE LA YONGS SU GRUB PA'I MTSAN NYID NI CHOS THAMS CAD KYI NANG DU ZHUGS PAS SPYI'I MTSAN NYID DO, ,GZHAN GYI DBANG NI LUS LA SOGS PA 'KHRUL PA'I RNAM PAR RIG PA RNAMS PHAN TSUN THA DAD PA'I PHYIR DANG GI MTSAN NYID DO, SA'I KHAMS LA SOGS PA BZHIN NO, ,DPER NA SA'I KHAMS SRA BAR YONGS SU GCOD PA NA GZHAN MA YIN YANG SRA BA'I MTSAN NYID CES BRJOD PA LTA BU'O, ,YANG DPER NA SKYES BU CHEN PO'I MTSAN NYID RNAMS DANG, MDO SDE PA'I SKYE BA LA SOGS PA BZHIN NO, ,DES NA DE NI SHES BYA'ANG YIN LA MTSAN NYID KYANG YIN PA'AM YANG NA SHES BYA'I MTSAN NYID YIN PAS SHES BYA'I MTSAN NYID DE, DE GZHAN MA YIN PA DANG, GZHAN DANG GZHAN MA YIN PA LAS GROL BA'I PHYIR CI RIGS SU SBYAR RO, ,DES 'DI DAG GI GSUNG KHYAD PAR DU 'PHAGS SO, ,'DIS SHES BYA'I MTSAN NYID LA 'JUG PA'AM, 'DI NI SHES BYA'I MTSAN NYID LA 'JUG PA YIN PAS SHES BYA'I MTSAN NYID LA 'JUG PA STE, 'JUG PA NI MNGON PAR RTOGS PA'O, ,RNAM PAR RIG PA TZAM NYID NI SHES BYA'I MTSAN NYID LA 'JUG PA'O, ,DE NYID KHYAD @192B PAR TE, DES 'DI DAG GI GSUNG KHYAD PAR DU 'PHAGS SO, ,'JUG PA DE'I RGYU DANG 'BRAS BU'I KHYAD PAR GYIS KHYAD PAR DU 'PHAGS PA'I GSUNG ZHES BYA BA NI 'JUG PA ZHES BYA BA RNAM PAR RIG PA TZAM NYID DE, DE'I RGYU NI MOS PAS SPYOD PA'I SA LA SBYOR BA'I DUS NA 'JIG RTEN PA'I PHA ROL TU PHYIN PA MA DAG PA RNAMS SO, ,'BRAS BU NI RAB TU RTOGS PA'I DUS NA DE DAG NYID 'JIG RTEN LAS 'DAS PAR GYUR PA STE, LHAG PA'I BSAM PA DAG PAS YONGS SU ZIN PA'O, ,DE DAG NYID DES 'JUG PA'I RGYU DANG 'BRAS BU'I KHYAD PAR TE, DES 'DI DAG GI GSUNG KHYAD PAR DU 'PHAGS SO, ,DE'I RGYU DANG 'BRAS BU BSGOM PA RAB TU DBYE BA ZHES BYA BA LA RNAM PAR RIG PA TZAM DE NYID KYI RGYU DANG 'BRAS BU NI DE'I RGYU DANG 'BRAS BU'O, ,BSGOM PA NI DE GOMS PAR BYED PA'O, ,DES RAB TU DBYE BAS DE'I RGYU DANG 'BRAS BU BSGOM PA RAB TU DBYE BA STE, SA BCU'I NGO BO NYID DO, ,DE NYID KHYAD PAR TE, DES 'DI DAG GI GSUNG KHYAD PAR DU 'PHAGS SO, ,PHA ROL TU PHYIN PA GOMS PAR BYED PA THA DAD PA'I SA DE DAG NYID LA DE NYE BAR 'DZIN PA LA BRTZON PA NA DE LA SLOB PA YIN PAS BSLAB PA GSUM RNAM PAR GZHAG GO, ,TSUL KHRIMS KYI DBANG DU BYAS PA'I BSLAB PA NI LHAG PA'I TSUL KHRIMS KYI BSLAB PA STE, SA DE DAG NYID LA BYANG CHUB SEMS DPA'I SDOM PA SPONG BA DANG, SEMS CAN GYI DON BYA BA DANG, DGE BA THAMS CAD SPYOD PA DANG, TSUL KHRIMS RNAM PA GSUM YANG DAG PAR LEN TO, ,GDUL BA SRAB KYI KHA LO SGYUR BA BZHIN DU LAM LOG PAR ZHUGS PA'I LUS LA SOGS PA'I LAS RNAMS 'DIS SDOM PAS NA SDOM PA'O, ,DE LTAR NA BSLAB PA NYID LHAG PA'I TSUL KHRIMS TE, TSUL KHRIMS DANG LHAN CIG SPYOD PA'I PHYIR RO, ,LHAG PA'I TSUL KHRIMS NYID KHYAD PAR TE, DES 'DI DAG GI GSUNG KHYAD PAR DU 'PHAGS SO, ,SEMS KYI DBANG DU BYAS PA'I BSLAB PA NI LHAG PA'I SEMS KYI BSLAB PA'O, ,DPA' BAR 'GRO BA DANG NAM MKHA'I MDZOD LA SOGS PA'I TING NGE 'DZIN DAG NI ZHES BYA BA LA SOGS PA SMOS PAS NI BZANG SKYONG DANG, TING NGE 'DZIN GYI RGYAL PO LA SOGS PA BSDU'O, ,LHAG PA'I SEMS KYI BSLAB PA LA TING NGE 'DZIN @193A *, ,NYID SEMS SU STON PAS GSUNGS SO ZHES SMRAS TE, SEMS KYI RNAM PA BRIS ZHES BYA BA LAS SU BSTAN PA LTA BU'O, ,SHES RAB KYI DBANG DU BYAS PA'I BSLAB PA NI LHAG PA'I SHES RAB KYI BSLAB PA'O, ,RNAM PAR MI RTOG PA'I YE SHES NI SPROS PA'I RNAM PAR RTOG PA THAMS CAD KYI GNYEN PO'O, ,DE LA SBYOR BA BA'I DNGOS GZHI'I DBANG DU BYAS, DE'I RJES LA THOB PA'I DBANG DU BYAS, DE'I BLA NA MED PA'I DBANG DU BYAS NAS TSUL KHRIMS DANG, TING NGE 'DZIN DANG, SHES RAB KYI BSLAB PA 'DI DAG NI LAM GYI RANG BZHIN NO, ,DE'I 'BRAS BU SPANGS PA DANG, YE SHES KYI KHYAD PAR GNYIS KYIS KHYAD PAR DU 'PHAGS PA'I GSUNG ZHES BSTAN TE, BSLAB PA 'DI RNAMS KYI 'BRAS BU NI DE'I 'BRAS BU'O, ,DE NI DE'I 'BRAS BU YANG YIN LA SPANGS PA YANG YIN PAS DE'I 'BRAS BU SPANGS PA STE, GLO BUR GYI SGRIB PA DANG BRAL BA DE BZHIN NYID RNAM PAR GROL BA'O, ,MI GNAS PA'I MYA NGAN LAS 'DAS PA NI ZHI BA NYID DU MTHONG BA'I PHYIR 'KHOR BA NYID MYA NGAN LAS 'DAS PA STE, DE SHES PA NI CHAGS PA'I GNAS MA YIN NO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS NI GNAS PA MA YIN NO, ,DE NYID KHYAD PAR TE, DES 'DI DAG GI GSUNG KHYAD PAR DU 'PHAGS SO, ,BSLAB PA 'DI RNAMS KYI 'BRAS BU NI DE'I 'BRAS BU STE, DE NI DE'I 'BRAS BU YANG YIN LA YE SHES KYANG YIN PAS DE'I 'BRAS BU YE SHES SO, ,SANGS RGYAS KYI SKU GSUNG ZHES BYA BA LA, NGO BO NYID KYI SKU NI DRI MA MED CING THOGS PA MED PA'I YE SHES TE, CHOS KYI SKU ZHES BYA BA'I THA TSIG GO, ,'DI LTAR GNYI GA YANG RNAM PAR RTOG PA KUN TU MI 'BYUNG NA RNAM PAR MI RTOG PA DANG 'DI BYE BRAG CI YOD CE NA, DE NI GNYEN PO STE BYA BA DANG BCAS PA'O, ,'DI NI DE'I 'BRAS BU BYA BA BYAS PA STE, 'DI NI BYE BRAG GO, ,LONGS SPYOD RDZOGS PA NI DE'I DBANG GIS THOB PA STE; YE SHES KHYAD PAR CAN DES BYANG CHUB SEMS DPA' CHEN PO YANG YE SHES KHYAD PAR DU 'PHAGS PA RNAMS DANG LHAN CIG THUN MONG MA YIN PA'I CHOS KYI LONGS SPYOD RDZOGS PA SO SOR MYONG NGO, ,PHYI ROL RNAM PAR DAG PA'I YE SHES MED PAR BYANG CHUB SEMS DPA'I BYA BA DANG, TSOGS LHAG MA @193B YANG RDZOGS PAR MI 'GYUR RO, ,SPRUL PA NI DE'I RJES LA THOB PA'I YE SHES NYID KYI BYE BRAG GO, ,DES DE KHO NA LAS RAB TU MI NYAMS SHING BYANG CHUB SEMS DPA'I LONGS SPYOD RDZOGS PA MI GTONG BAS LAS DANG PO BA'I BYANG CHUB SEMS DPA' RNAMS DANG, NYAN THOS RNAMS LA BYA BA SGRUB BO, , MIG GI DBANG PO DANG, DE'I RNAM PAR SHES PA DANG, GZUGS KYI DPE RNAMS DANG SBYAR TE, DE MED NA DE MED PAR 'GYUR RO, ,DE NYID KHYAD PAR TE, DES DE DAG GI GSUNG KHYAD PAR DU 'PHAGS SO, ,NYAN THOS KYI THEG PA LAS KHYAD PAR DU BYAS PA ZHES BYA BA NI DER MA BSTAN PA'I PHYIR RO, ,GNAS BCU PO 'DI DAG CES BYA BA NI DE DAG LA THEG PA CHEN PO'I DON MTHA' DAG GNAS PAS GNAS TE, GZHI ZHES BYA BA'I THA TSIG GO, ,GANG DAG BYANG CHUB SEMS DPAS BYANG CHUB SEMS DPA'I CHED DU BSHAD PA DAG GO ZHES BRJOD PA'I RIGS PA LAS BCOM LDAN 'DAS KYIS BSTAN PA DAG GO ZHES SMOS PA NI SANGS RGYAS KYI SPYAN SNGAR DES GNANG NAS BSHAD PA'I PHYIR TE, SA BCU PA LA SOGS PA BZHIN NO, ,DE'I PHYIR, BCOM LDAN 'DAS KYI SPYAN SNGAR ZHES BYA BA SMOS SO, ,MCHOG NYID CES BYA BA NI LAM DE SANGS RGYAS NYID DU 'GYUR BAR BSTAN PA MCHOG YIN PA'I PHYIR RO, ,JI LTAR NA DE BZHIN GSHEGS PA'I GSUNG KHYAD PAR RNAM PAR BCUS KHYAD PAR DU 'PHAGS PA 'DIS ZHES BYA BA LA SOGS PA NI MI SRID DU DOGS NAS SMRAS PA'O, ,'DI LTAR DNGOS PO DRUG LA SOGS PA NI NYAN THOS KYI THEG PA BSTAN PAR MI DMIGS LA, BYE BRAG LA SOGS PA LA NI DE DMIGS TE, DE TZAM GYIS NI BYE BRAG YI SOGS PA YANG SANGS RGYAS KYI GSUNG DU MI 'GYUR RO ZHES GZHAN GYI SKABS SU 'GYUR BA YID LA BZHAG NAS, GNAS BCU PO 'DI DAG NI BYANG CHUB CHEN PO KUN DU SGRUB PAR BYED PA STE ZHES BYA BA LA SOGS PA SMROS SO, ,DE NI BYANG CHUB KYANG YIN LA CHEN PO'ANG YIN PA'ANG, CHEN PO RNAMS KYI BYANG CHUB YIN PAS BYANG CHUB CHEN PO'O, ,YE SHES DANG SPANGS PA'I KHYAD PAR GYI RANG BZHIN TE, NYON MONGS SHES BYA'I SGRIB PA DAG ,SPANGS PA YIN TE DE SPANGS PAS, ,DRI MED YE SHES THOGS PA MED, ,'DI NI BYANG CHUB RNAM PA BZHI, ,ZHES JI SKAD GSUNGS PA LTA BU'O, ,DE KUN @194A *, ,TU SGRUB PAR BYED CING THOB PAR BYED PA NI GNAS BCU PO DAG YIN GYI, DNGOS PO DRUG GAM, GTZO BO LA SOGS PA NI MA YIN PAS DE DAG NI SANGS RGYAS KYI BKA' MA YIN NO, ,SHIN TU 'THAD PA ZHES BYA BA NI TSAD MA DANG LDAN PA'I PHYIR TE, 'DI LTAR 'OG NAS GTAN LA 'BEBS SO, ,MTHUN PA ZHES BYA BA NI MNGON DU 'GYUR BA'I PHYIR TE, RJES SU MTHUN PA ZHES BYA BA'I THA TSIG GO, ,'GAL BA MED PA ZHES BYA BA NI SKYON MED PA'I PHYIR TE, JI LTAR DNGOS PO DRUG LA SOGS PA SHES PA'AM, NYAN THOS KYI THEG PA SKYON DANG BCAS SHING SANGS RGYAS NYID DANG MI MTHUN PA LTAR GNAS BCU PO 'DI DAG NI DE LTA MA YIN NO, ,'DIR TSIGS SU BCAD PA ZHES BYA BA SMOS PA NI SNGAR BSHAD PA DANG 'OG NAS 'BYUNG BA'I DON STON PA'O, ,'DI LTAR GZHAN LA MA MTHONG LA, ZHES BYA BA LA SOGS PAS NI BYANG CHUB CHEN PO MNGON DU 'GYUR BA DANG, GRANGS DANG GO RIMS KYI DGOS PA 'THAD PA DANG BCAS PA RNAM PAR 'GREL TE, 'DI LTAR BYANG CHUB SEMS DPA' THOG MA NYID DU RE ZHIG CHOS RNAMS KYI RGYU LA MKHAS PA LA BRTEN NAS RGYU 'DI LAS 'BRAS BU 'DI 'BYUNG NGO, ,'BRAS BU 'DI'I RGYU NI 'DI YIN NO ZHES RTEN CING 'BREL BAR 'BYUNG BA LA MKHAS PAR BYAS TE, DE YANG RGYU BSTAN PA MED PAR NI MI SHES SO, ,RGYU NI KUN GZHI RNAM PAR SHES PA YIN TE, RGYU MED PA DANG MI MTHUN PA'I RGYU SPANGS NAS BSTAN PA'O, ,DE'I 'OG TU SGRO 'DOGS PA DANG SKUR BA 'DEBS PA'I MTHA' SPANGS PAS RTEN CING 'BREL PAR 'BYUNG BA'I CHOS DE DAG GI MTSAN NYID SHES PAR BYAS TE, MED PA DANG YOD PA LHAN CIG GCIG TU 'DOGS PA NI SGRO 'DOGS PA'O, ,YOD PA LA SKUR CING SEL BA NI SKUR PA 'DEBS PA'O, ,SGRO 'DOGS PA DANG SKUR BA'I MTHA' 'DI GNYIS NI G-YANG SA ZHES BYA BA'I THA TSIG STE, ,'DI GNYIS LA GNAS NA DBU MA'I LAM LAS RAB TU NYAMS PAR 'GYUR RO, ,DE GNYIS SPANGS PA LA MKHAS PA NI YANG DAG PAR SO SOR RTOG PA STE, MED PA KUN BRTAGS PA LA SGRO MI 'DOGS SHING MI SKUR TE MED PA'I PHYIR RO, ,YOD PA LA SKUR PA 'DEBS PA'I PHYIR RO, ,GZHAN GYI DBANG LA SGRO 'DOGS PAR @194B MI BYED DE YOD PA'I PHYIR RO, ,MED PA LA SGRO 'DOGS PA'I PHYIR RO, ,SKUR PAR YANG MI BYED DE 'KHRUL PA TZAM DU YOD PA'I PHYIR RO, ,YONGS SU GRUB PA LA SGRO 'DOGS PAR MI BYED DE YOD PA'I PHYIR RO, ,DE NYID KYI PHYIR SKUR BAR MI BYED DO, ,YANG NA 'DIR SGRO 'DOGS PA DANG, SKUR PA'I MTHA' SPANGS PA LA MKHAS PA 'DI NI GANG GZHAN GYI DBANG LA KUN BRTAGS PA MED PAS SGRO MI 'DOGS PA DANG, YONGS SU GRUB PA YOD PAS SKUR PAR MI BYED PA'O, ,MTHA' GNYIS SPANGS PAS NGO BO NYID GSUM LA MKHAS PA DE LTA BU LA BRTEN NAS RNAM PAR RIG PA TZAM NYID KYIS JI SKAD SMOS PA'I SHES BYA'I MTSAN NYID RTOGS PAR BYA'O, ,KHONG DU CHUD PA NI RTOGS PA STE, 'JUG PA DANG MNGON SUM DU BYED PA'O, ,YANG NA GANG GIS RTOGS PA'O, ,DE'I 'OG TU 'JUG PA RNAM PAR RIG PA TZAM NYID DE DANG MTHUN PA KUN RDZOB KYI PHA ROL TU PHYIN PA DRUG PO DAG DON DAM PAR RTOGS PAR BYA STE, LHAG PA'I BSAM PA DAG PAS YONGS SU ZIN PAR BYA'O, ,'DUN PA DANG MOS PA NI BSAM PA STE, SHES NAS DAD PAS BSDUS PA'I PHYIR DE'I TSE DE GNYIS LHAG PAR CHE'O, ,'JUG PA NI RDZOGS PA'I BYANG CHUB MNGON PAR RTOGS PA ZHES BYA BA DANG DON GCIG GO, ,SA BCU DAG TU BSLAB PA GSUM LA BSLAB CING BSKAL PA GRANGS MED PA GSUM DU BSGOMS PAS DE DAG NYID YONGS SU RDZOGS PAR BYA'O, ,DE'I 'OG TU DE'I 'BRAS BU NYON MONGS PA DANG, SHES BYA'I SGRIB PA SPANGS PA DANG, THAMS CAD MKHYEN PA'I YE SHES DRI MA MED CING THOGS PA MED PA THOB PAR BYA'O, DE LTAR NA GO RIMS DANG GRANGS KYI DGONGS PA DANG, BYANG CHUB CHEN PO DANG MTHUN PA YANG DNGOS DANG ZHAR LA BSHAD PA YIN TE, GO RIMS NI 'DI KHO NA YIN LA GRANGS KYANG BCU KHO NA STE, MI NYUNG MI MANG NGO, ,'BRAS BU BYE BRAG MED PAR 'GYUR BA'I PHYIR NYAN THOS KYI LAM NYID SANGS RGYAS KYI LAM NYID DU MI RUNG NGO, ,BYANG CHUB SEMS DPA'I DBANG DU BYAS NAS NYAN THOS KYI THEG PA LAS NI GANG DU YANG SANGS RGYAS KYI LAM BSTAN PA MED DO, ,SANGS RGYAS NI NYAN THOS LAS KHYAD PAR DU MA 'PHAGS PAR YANG MI 'DOD DE, STON PA DANG SLOB MAR RNAM PAR GZHAG PA MED PAR 'GYUR BA'I PHYIR RO, ,DE BAS NA LAM @195A *, ,GYI KHYAD PAR NYE BAR BSTAN PA 'GA' ZHIG BSHAD DGOS TE, DE NI THEG PA CHEN PO 'DI LAS GZHAN DU MI 'THAD DO, ,DE LTA BAS NA BYANG CHUB CHEN PO KUN DU SGRUB PAR BYED PA'I PHYIR THEG PA CHEN PO NI SANGS RGYAS KYI GSUNG NYID DU MNGON TE, SANGS RGYAS KYI LAS NI SANGS RGYAS MA YIN PAS BSHAD PAR MI NUS SO, ,BSTAN PA 'DIR NI THEG PA CHEN PO THAMS CAD YONGS SU RDZOGS PA YIN NO ZHES BYA BA NI 'DOD PA MED PA'I PHYIR TE, RGYU DANG 'BRAS BU KHYAD PAR DU 'PHAGS PA'I RNAM PA THAMS CAD BSHAD PA'I PHYIR RO, ,DE'I PHYIR 'DI NI THEG PA CHEN PO BSDUS PA STE, JI SNYED DANG JI LTA BA BZHIN DU KHYAD PAR DANG BCAS PAR BSTAN PA'I PHYIR RO, ,THOG MA MED PA'I DUS KYI DBYINGS, ,ZHES BYA BA LA SOGS PA NI DANG PO'I MU MED PAS NA THOG MA MED PA'I DUS SO, ,DBYINGS NI RGYU STE SA BON NO, ,GANG DAG GI ZHE NA, KUN NAS NYON MONGS PA'I CHOS THAMS CAD KYI'O, ,RNAM PAR BYANG BA RNAMS KYI NI MA YIN TE, 'DI LTAR 'OG NAS MANG DU THOS PAS BSGOS PA'I GNAS KUN GZHI RNAM PAR SHES PAS BSDUS PA MA YIN LA, KUN GZHI RNAM PAR SHES PA LTAR TSUL BZHIN YID LA BYED PAS BSDUS PA'I CHOS RNAMS KYI SA BON GANG YOD PA'O ZHES 'BYUNG NGO, ,RTEN YIN PA'I PHYIR CHOS RNAMS KUN GYI GNAS YIN TE, RGYU YIN PA'I PHYIR NI MA YIN NO, ,RTEN GYI DON NI GNAS KYI DON TE, RGYU'I DON NI MA YIN PAS GNAS LOGS SHIG TU SMOS SO, ,GZHAN DU NA NI DBYINGS KYI SGRA NYID KYIS CHOG PAR 'GYUR RO, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR, ,ZHES BYA BA NI JI LTAR GTAN LA DBAB PA'I GNAS SU 'OG NAS BSHAD PA LTA BU STE, SKYE BA KUN NAS NYON MONGS PA NI KUN GZHI RNAM PAR SHES PA MED NA SEMS CAN DMYAL BA LA SOGS PAR MI 'BYUNG NGO ZHES BYA BA LA SOGS PA DANG, SKYE BA LA SOGS PA'I KUN NAS NYON MONGS PA LOG PA NI MYA NGAN LAS 'DAS PA STE, DE'I PHYIR DE THOB PA YANG KUN GZHI RNAM PAR SHS PA MED NA MI RUNG NGO ZHES BYA BA'O, ,YANG ZHAL NAS GSUNGS PAS KUN GZHI RNAM PAR SHES PA SGRUB STE, CHOS KUN SA BON THAMS CAD PA'I, ,RNAM PAR SHES PA KUN @195B GZHI STE, ,ZHES BYA BA LA SOGS PA'O, ,SKYE BA CAN ZHES BYA BA NI 'DUS BYAS RNAMS SO, ,KUN NAS NYON MONGS PA'I CHOS THAMS CAD CES BYA BA NI RNAM PAR BYANG BA'I CHOS RNAMS LAS RNAM PAR DBYE BA'O, ,RNAM PAR BYANG BA'I CHOS RNAMS NI RANG BZHIN GYI KUN NAS NYON MONGS PA CAN NYON MONGS PA THAMS CAD KYI BANG BA DANG MDZOD LTA BUR GYUR PA MI MTHUN PA'I PHYOGS LA 'BRAS BU'I DNGOS POR SBYOR BA MA YIN TE, DE'I GNYEN PO YIN PA'I PHYIR RO, ,MI MTHUN PA DAG NI RGYU DANG 'BRAS BU'I DNGOS POR MI RUNG NGO, ,GANG NA MI MTHUN PA'I PHYOGS YOD PA DE NA GNYEN PO YOD PA'I PHYIR GNAS NI YIN NO, RGYU DANG 'BRAS BU'I DNGOS PO'I DON NI KUN GZHI'I DON NO, ,LHAN CIG 'JUG PA'I DON NI GNAS KYI DON TE, SMAN NAD MED KYI THIGS PA DUG GI BUM PA DANG LHAN CIG GNAS PA NI DUG GI RGYU LAS 'BYUNG BAR MI RUNG NGO, ,DER ZHES BYA BA NI BAG CHAGS KYI GNAS STON TE, BAG CHAGS TZAM NI KUN GZHI RNAM PAR SHES PA MA YIN GYI, BAG CHAGS KYI GNAS DANG BCAS PA LA BYA STE, DPER NA GZHAN DAG GI YID KYI RNAM PAR SHES PA LTA BU'O, ,SBYOR BA ZHES BYA BA NI, MNGON DU KHYAD PAR BAG CHAGS BSGO, ,ZHES BYA BA'I THA TSIG GO, ,YANG NA SEMS CAN DAG DE'I BDAG NYID DU SBYOR BA ZHES BYA BA NI YONGS SU 'DZIN ZHES BYA BA'I THA TSIG GO, ,JI LTAR CHEN PO LA SOGS PA GSAL BA DAG GTZO BO LA MI GSAL BA'I BDAG NYID DU SBYOR BA LTAR CHOS THAMS CAD KUN GZHI RNAM PAR SHES PA LA DE LTA NI MA YIN NO ZHES BYE BRAG TU DBYE BA'I PHYIR, SA BON THAMS CAD PA ZHES BYA BA SMOS TE, SA BON THAMS CAD DANG LHAN CIG 'BYUNG BA DANG 'GAG PA'I PHYIR RO, ,STEN PA'I TSUL GYIS KUN GZHI DANG 'JUG PA'I RNAM PAR SHES PA PHAN TSUN DU SBYOR TE, GTZO BO NYID GSAL BA'ANG YIN LA BDAG GI NGO BO YANG YIN ZHES BYA BA DE NI 'GAL LO, ,DAM PA DAG LA ZHES BYA BA NI BYANG CHUB SEMS DPA' KHYAD PAR CAN RNAMS LA BSHAD PA STE, 'OS YIN PA'I PHYIR RO, ,'OS MA YIN PAS GZHAN DAG LA NI MA BSHAD DO, ,DE NI LEN PA'I RNAM PAR SHES PA ZHES KYANG BYA STE ZHES BYA BA NI LUNG GZHAN GYIS KUN GZHI RNAM PAR SHES PA'I RNAM PAR SHES PA'I RNAM GRANGS SU RNAM PAR 'JOG PAS GRAGS @196A *, ,PA STON TO, ,LEN PA'I RNAM PAR SHES PA ZAB CING PHRA, ,ZHES BYA BA LA SOGS PA LA ZAB PA NI 'JIG RTEN PA'I MKHAS PA'I BLOS KYANG GTING DPAG DKA' BA'I PHYIR RO, ,PHRA BA NI NYAN THOS RNAMS KYIS KYANG SHES PAR DKA' BA'I PHYIR RO, ,DE'I PHYIR DE DAG SHES BYA PHRA BA THAMS CAD SHES PA'I SKABS MA YIN PAS NYAN THOS RNAMS LA MA BSHAD DO, ,CHU BO ZHES BYA BA NI SKAD CIG GCIG NAS GCIG TU BRGYUD PAS RGYUD MI 'CHAD PA'I PHYIR TE, CHU'I CHU BO BZHIN NO, ,JI SRID 'KHOR GYI BAR DU RNAM PA GZHAN DU 'GYUR BA MED PAS 'DI LA BDAG TU YONGS SU SEMS PAR GYUR NA MI RUNG ZHES BYIS PA BDAG TU LTA BA DE DAG LA MA BSTAN TO, ,DBANG PO GZUGS CAN THAMS CAD KYI RGYU YIN PA ZHES BYA BA LA SOGS PA NI SGRA 'JUG PA'I RGYUR STON TO, ,'DIS TSE JI SRID PAR RJES SU 'JUG GI BAR DU GRUB PA DANG BDE BA GCIG PAS DBANG PO GZUGS CAN THAMS CAD LEN PAS LEN PA'I RNAM PAR SHES PA ZHES BYA'O, ,GZHAN DU NA NI SHI BA'I RO BZHIN DU 'JIG PAR 'GYUR RO, ,LUS KUN TE, LUS TE, LUS THAMS CAD NYE BAR LEN PA'I GNAS SU 'GYUR BA'I PHYIR RO ZHES BYA BA NI DBANG PO GZUGS CAN RNAMS MA BYUNG BA DANG, GZUGS MED PAR YANG LUS MNGON PAR 'GRUB PA STE, NYID MTSAMS SBYOR BA'O, ,DE SPREL BA NI YONGS SU 'DZIN PA'O, ,DE MNGON PAR 'GRUB PA NYE BAR 'DZIN PA'I PHYIR KHU CHU DANG KHRAG GI NANG DU BRGYAL BA NA KUN GZHI RNAM PAR SHES PAS LUS MTHA' DAG BZUNG BA YIN TE, LUS MTHA' DAG GI BAG CHAGS BSGOS PA'I PHYIR YONGS SU BZUNG BA YIN NO, DE NI SEMS ZHES KYANG BYA STE, ZHES BYA BA NI RNAM GRANGS RNAM PAR GZHAG PA NYID DU LUNG GZHAN GYIS STON PAR BYED DO, ,GNYIS PA NYON MONGS PA CAN GYI YID CES BYA BA NI 'JIG TSOGS LA LTA BA LA SOGS PA NYON MONGS PA BZHI PO DAG DANG MCHUNGS PAR LDAN PA'I PHYIR RO, ,DE LA 'JIG TSOGS LA LHA BA NI BDAG DANG BDAG GIS MNGON PAR ZHEN PA'O, ,DE'I DBANG GIS NGA'O SNYAM PA'I NGA RGYAL TE, NGA'O BDAG GO SNYAM DU KHENGS SO, ,DE GNYIS YOD NA BDAG LA CHAGS PA 'BYUNG STE, BDAG LA DGA'O, ,DE GSUM GYI RGYU NI MA RIG PA STE, MI SHES PA RIG PA'I MI MTHUN PA'I PHYOGS SO, ,DE NI RNAM PAR SHES @196B PA KUN NAS NYON MONGS PA'I GNAS YIN TE, MNYAM PAR GZHAG PA DANG, MNYAM PAR MA BZHAG PA DANG, DGE BA LA SOGS PA'I GNAS SKABS SU'AM, 'GAL BA MED PAR KUN DU 'BYUNG BA'I PHYIR RO, ,GZHAN DU NA NI DGE BA'I SEMS LA NGA'O SNYAM DU JI LTAR 'GYUR, GNAS GCIG POS NI SKYED CES BYA BA NI 'GAGS MA THAG PA'I YID KYIS SO, ,GNYIS PAS NI NYON MONGS PA CAN DU BYAS PA STE ZHES BYA BA NI, NYON MONGS PA BZHI DANG MTSUNGS PAR LDAN PA STE, NGAR 'DZIN PA LA SOGS PA'I KUN NAS NYON MONGS PA NI DES BYAS PA'I PHYIR RO, ,YUL LA RNAM PAR RIG PA'I PHYIR, ,ZHES BYA BA NI YUL 'DZIN PAR SNANG BA'I PHYIR RNAM PAR SHES PA'I SGRAR GRUB BO, ,DE MA THAG PA DANG NGAR SEMS PA'I PHYIR YID NI RNAM PAR GNYIS SO ZHES BYA BA NI, NGES PA'I TSIG GI TSUL GYIS TE, YID GE MI MNGON PAR BYAS PA'I PHYIR RO, ,RNAM PAR SGRUB PA DANG, NGES PA'I TSIG GNYIS KYIS SGRA'I DON SHES PA'I PHYIR RO, ,'THAD PA MED PAR GZHAN LA BSTAN PAR MI NUS PAS NYON MONGS PA CAN GYI YID SGRUB PA LA RIGS PA TSIGS SU BCAD PA RNAMS KYIS 'JOG GO, ,MA 'DRES PA'I MA RIG PA DANG ZHES BYA BA LA SOGS PA LA GAL TE NYON MONGS PA CAN GYI YID MED DU ZIN NA DE MED NA MA RIG PA MA 'DRES PA YANG MED PAR 'GYUR RO, ,MA RIG PA MA 'DRES PA NI DE KHO NA LA SHES PA SKYE PA'I GAGS BYED PA GTI MUG GO ZHES 'OG NAS 'CHAD DO, ,DE NI RNAM PAR SHES PA LNGA PO DAG LA MI 'BYUNG STE, DE LA GNAS PA LA GNYEN PO MED PA'I PHYIR RO, GANG NA MI MTHUN PA'I PHYOGS YOD PA DE NA GNYEN PO YOD PAR 'GYUR RO, ,RNAM PAR SHES PA LNGA NI DE'I GNYEN PO MA YIN TE DE DAG LA MTHONG BA'I LAM MI SKYE BA'I PHYIR RO, ,NYON MONGS PA CAN MA YIN PA'I YID KYI RNAM PAR SHES PA LA YANG MA YIN TE, NYON MONGS PA'I NGO BO NYID DE NYID KYIS DE NYON MONGS PA CAN DU 'GYUR BA'I PHYIR RO, ,NYON MONGS PA CAN LA YANG MA YIN TE, DE LAS GZHAN PA'I NYON MONGS PA DANG MTSUNGS PAR LDAN PAS MA 'DRES PAR MI 'GRUB PA'I PHYIR RO, ,NYON MONGS PA DES YID KYI RNAM PAR SHES PA NYON MONGS PA CAN DU DAM BCA' NA NI GTAN DU NYON MONGS PA CAN DU 'GYUR TE, NYON MONGS PA'I MTSAN NYID DE DANG MTSUNGS PAR LDAN @197A *, ,PA'I PHYIR SBYIN PA LA SOGS PA'I SEMS DGE BAR MI 'GYUR RO, ,GANG GI LTAR NA DGE BA'I SEMS DANG LHAN CIG 'BYUNG BA'I NYON MONGS PA CAN GYI YID YOD PA DE'I LTAR NA NI DE NYID DANG MTSUNGS PAR LDAN PAR 'GYUR GYI GZHAN DANG NI MA YIN NO, ,NYON MONGS PA CAN GYI YID KYI RNAM PAR SHES PAS NI DE'I GNYEN PO MNGON SUM DU BYED PAR YANG MI RUNG STE, GANG GI LTAR NA NYON MONGS PA CAN GYI YID DANG LHAN CIG 'BYUNG BA'I DGE BA'I SEMS YOD PA DE'I LTAR NA NI DES DRANGS PA'I GNYEN PO SKYE BA'I PHYIR MI MTHUN PA'I PHYOGS 'GAGS TE RIGS SO, ,DE LTAR NA'ANG 'DI LAS GZHAN PA 'JIG TSOGS LA LTA BA LA SOGS PA'I NYON MONGS PA DANG MTSUNGS PAR LDAN PA'I PHYIR MA 'DRES PAR MI 'GRUB PA MA YIN NAM, MI MTHUN PAR BZHAG PA STE, NGA NI NYON MONGS PA GZHAN DANG MTSUNGS PAR LDAN PA MA YIN PA'I PHYIR MA 'DRES PA NYID DU 'DOD PA MA YIN GYI, 'O NA JI ZHE NA, GZHAN LA MED PA'I PHYIR TE, SANGS RGYAS KYI CHOS MA 'DRES PA BCO BRGYAD BZHIN NO, ,MA 'DRES PAR MI 'GRUB PA'I PHYIR RO ZHES GANG SMRAS PA DE NI GZHAN GYIS RNAM PAR GZHAG PA LA LTOS NAS NYES PA BRJOD PA'I PHYIR RO, ,LNGA PO DAG DANG 'DRA BA ZHES BYA BA 'DI NI SGRUB PA MA YIN NO, ,'O NA CI ZHE NA, SUN 'BYIN PA DE, SU RNAM PAR SHES PA GANG ZHE NA, RNAM PAR SHES PA'I TSOGS DRUG GO ZHES BYA BA 'DI KHAS LEN PA DES NI MIG LA SOGS PA'I RNAM PAR SHES PA LNGA DANG, YID KYI RNAM PAR SHES PA MTHUN PAR KHAS BLANGS PA DE 'GAL TE, LHAN CIG SKYES PA'I GNAS MED PA'I PHYIR RO, ,GZHAN GYI GZHUNG LA NI GANG LHAN CIG SKYE BA'I NGAS MED PA'I RNAM PAR SHES PA CI YANG MED DO ZHES SO, ,KUN GZHI RNAM PAR SHES PA'I LHAN CIG SKYE BA'I GNAS MA YIN NAM ZHE NA, MA YIN TE, BDAG PO'I RKYEN DU BRJOD PAS 'DOD PA'I PHYIR RO, ,KUN GZHI RNAM PAR SHES PA NI YID KYI RNAM PAR SHES PA'I RGYU'I RKYEN YIN NO, ,'DIR NI NYON MONGS PA CAN GYI YID BDAG PO'I RKYEN DU BRJOD PAR 'DOD DO, ,GANG DAG SNYING LA GNAS PA'I GZUGS CI YANG RUNG BA ZHIG YID KYI RNAM PAR SHES PA'I LHAN CIG SKYE BA'I GNAS SO ZHES SMRAS PA, DE DAG GI DE @197B YANG RNAM PAR RTOG PA TZAM DU ZAD DO, ,YID KYI RNAM PAR SHES PA THAMS CAD NI THAMS CAD DU NGES PAR RTOGS PA DANG, RJES SU DRAN PA'I RNAM PAR RTOG PA GNYIS KYIS RNAM PAR MI RTOG PA NYID DU 'GYUR TE, DBANG PO GZUGS CAN LA BRTEN PA MIG LA SOGS PA'I RNAM PAR SHES PA BZHIN NO, ,SNYOMS PAR 'JUG PA'I BYE BRAG DANG, ,ZHES BYA BA NI 'DU SHES MED PA DANG, 'GOG PA'I SNYOMS PAR 'JUG PA'O, ,GANG LA NYON MONGS PA CAN GYI YID YOD PA DE LA NI 'DU SHES MED PA'I SNYOMS PAR 'JUG PA LA DE YOD PA DANG, 'GOG PA'I SNYOMS PAR 'JUG PA LA NI MED PA'I PHYIR KHYAD PAR DU 'THAD DO, ,GZHAN DU NA NI GNYI GAR YANG 'DU SHES DANG TSOR BA 'GOG PA DANG, NYON MONGS PA CAN GYI YID KYI RNAM PAR SHES PA KUN TU 'BYUNG BA MED PA'I PHYIR BYE BRAG MED PAR 'GYUR RO, ,BSAM GTAN PA BZHI PA DANG, SRID PA'I RTZE MO'I SA THA DAD PA DANG, NGES PAR 'BYUNG BA DANG, ZHI BAR GNAS PAR 'DOD PA THA DAD PA'I PHYIR YANG THA DAD PAR MI 'GYUR RAM ZHE NA, MA YIN TE, RANG GI NGO BO THA DAD PA MED PA'I PHYIR RO, ,GNYI GAR YANG SEMS DANG SEMS LAS BYUNG BA 'GOG PAR BYE BRAG CI YOD, 'DI NI MDO SDE PA DANG GTAN LA DBAB PA STE, DE DANG NYE BA'I PHYIR RO, ,DE NI MI LDAN PA RNAMS RDZAS SU YOD PAR MI 'DOD NA SNYOMS PAR 'JUG PA RDZAS THA DAD PAR GA LA 'GYUR, NGES TSIG MED PA'I SKYON DU 'GYUR, ,ZHES BYA BA LA NGES PA'I TSIG NI NGES PA'I TSIG STE, NGAR SEMS PA'I PHYIR YID DO ZHES BYA BA'I NGES PA'I TSIG GANG YIN PA 'DI NYON MONGS PA CAN GYI YID MED NA JI LA GNAS PAR 'GYUR, RNAM PAR SHES PA DRUG PO DAG NI NGAR SEMS PA'I PHYIR YID DO ZHES BYA BA DE LTAR 'THAD PA MA YIN TE 'GAGS ZIN PA'I PHYIR RO, ,'DU SHES MED PAR SKYE BA'I RGYUN, ,NGAR 'DZIN MED PA'I SKYON DU 'GYUR, ,ZHES BYA BA LA 'DU SHES MED PA ZHES BYA BA NI 'DU SHES MED PA'I LHA RNAMS KYI NANG DU SEMS DANG SEMS LAS BYUNG BA 'GAGS PA'O, ,DER SKYE BA NI NYID MTSAMS SBYOR ZHING SPREL BA'O, ,DE'I RGYUN NI DE PHAN CHAD RGYUN DU 'BYUNG BA'O, ,GAL TE DES NYON MONGS PA CAN GYI YID MI 'DOD NA NGAR 'DZIN PA MED PA NYID DU @198A *, ,'GYUR TE, NYON MONGS PA MTHA' DAG DANG LDAN PA'I SKYE BA'I RGYUN NI NGAR 'DZIN PA MED PAR MA MTHONG NGO, ,DE NYID KYI PHYIR DE NI 'PHAGS PAS SMRAS PA'I 'OS YIN NO, ,SKYE BA'I SKAD CIG LA MNGON DU 'GYUR BA'I YID KYI RNAM PAR SHES PA'I TING CAN NGAR 'DZIN PA'I 'PHEL PAS NGAR 'DZIN PA DANG BCAS PA NYID DO, ,NGAR 'DZIN PA MA SPANGS PA'I PHYIR RJOD BYED DANG BCAS PA LA SOGS PA LTA BU'O ZHES BYAR YANG MI RUNG STE, NGAR 'DZIN PA DANG BCAS TE 'GAGS PA DANG, RJOD BYED LA SOGS PA YANG SEMS LAS GZHAN DU MI 'GRUB PA'I PHYIR RO, ,NGAR 'DZIN PA'I BAG CHAGS NI LUS KYI RGYUD LA MI RIGS TE, GZUGS KYI PHUNG PO LA DE MED PA'I PHYIR RO, ,DE LTA BAS NA SKAD CIG PHAN CHAD SO SO'I SKYE BO'I SKYE BA'I RGYUN NGAR 'DZIN PA MED PAS JI SKAD BSHAD PA DE RIGS SO, ,GANG LA DE DANG LHAN CIG 'BYUNG BA'I SEMS NGAR 'DZIN PA'I GNAS YOD PA DE LA NI NYES PA MED DO, ,NGAR 'DZIN PA DANG LDAN PAR NI, ,RNAM PA KUN DU MI 'THAD DO, ,ZHES BYA BA NI RNAM PA THAMS CAD DU MI RUNG ZHES BYA BA'I THA TSIG GO, ,DGE BA'I GNAS SKABS NI SBYIN PA LA SOGS PA LA NGAR 'DZIN PA DANG LDAN TE, NGAR SBYIN PA BYED DO SNYAM DU NGAR SEMS PA'I PHYIR RO, ,NGAR 'DZIN PA DANG LDAN PA NI MA RIG PA MED NA MI 'BYUNG NGO, ,MA RIG PA YANG SEMS LAS BYUNG BA YIN PAS GNAS MED PAR MI 'BYUNG STE, NYON MONGS PA CAN GYIS YID MA GTOGS PAR GNAS GZHAN MED DO, ,DGE BA'I SEMS NI MA RIG PA'I GNAS SU MI RUNG NGO, ,NYON MONGS PA CAD GYI YID MED NA GNYIS MED CES BYA BA NI MA RIG PA MA 'DRES PA DANG, LNGA PO DAG DANG 'DRA BA'O, ,GSUM PO 'GAL BAR 'GYUR ZHES BYA BA NI SNYOMS PAR 'JUG PA'I BYE BRAG DANG, NGES PA'I TSIG DANG, NGAR 'DZIN PA MED PA'I SKYE BA GSUM MO, ,MA RIG PA MA 'DRES PA SNGAR BSTAN PA DE BSHAD DE, ,YANG DAG DON LA 'JUG PA YI, ,SEMS KYI GEGS SU RTAG GYUR DANG, ,ZHES BYA BA NI YANG DAG PA'I DON MTHONG BA'I GAGS BYED PA STE, DE YOD NA DE MI 'BYUNG BA'I PHYIR RO, ,DUS RNAMS KUN TU 'BYUNG BA DE, ZHES BYA BA NI DGE BA DANG, MI DGE BA DANG @198B LUNG DU MA BSTAN PA'I GNAS SKABS SU YANG RJES SU 'BREL ZHES BYA BA'I THA TSIG GO, ,KUN GZHI RNAM PAR SHES PA MA GTOGS PAR SEMS KYI LUS GSUM PA MI DMIGS TE ZHES BYA BA NI JI LTAR YID CES BYA BA'I SGRA'I LUS NI 'GAGS MA THAG PA'I RNAM PAR SHES PA YIN LA RNAM PAR SHES PA'I SGRA'I NI RNAM PAR SHES PA DRUG PO DAG YIN PA LTAR SEMS ZHES BYA'I SGRA'I LUS GZHAN NI DE LTAR MI DMIGS SO, ,BRJOD PA 'DI'I LUS MED PA NI MA YIN NO, ,'DI RNAM GRANGS SU GTOGS PA'ANG MA YIN TE, YID DANG RNAM PAR SHES PA'I SGRA GNYIS KYI BRJOD PAR BYA BA THA DAD PA'I PHYIR RO, , 'DIR SGRA'I LUS SU 'DOD PA NI BRJOD PAR BYA BA'O, ,DE LTA BAS NA KUN GZHI RNAM PAR SHES PA NI SEMS ZHES BYA BA'I SGRA'I BRJOD PAR BYA BA'O, ,JI LTAR ZHE NA, 'JUG PA'I RNAM PAR SHES PAS BSDUS PA'I CHOS KYI SA BON NUS PA'I KHYAD PAR CAN SNA TSOGS RNAM PAR THA DAD PA RNAMS KYIS KUN DU BSAGS SHING GANG BAR BYAS PA'I PHYIR RO ZHES BYA BA NI DE SGOR BYAS SHING BSTEN NAS ZHES BYA BA'I THA TSIG STE, SEMS KYI SGRA DE LA 'JUG PA'I RGYUR STON TO, ,SHES BYA PHRA MO BSDUS PA'I PHYIR RO ZHES BYA BAS NI SHES BYA PHRA MO NYE BAR BZUNG BA KHAS BLANGS NAS NYAN THOS RNAMS LA MA BSHAD DE, DE DAG NI SHES BYA RAGS PA BSDU BAS GDUL BA YIN PA'I PHYIR, SHES BYA PHRA MO SHES PA LA GTOGS PA MED PA NYID DO, ,NYAN THOS RNAMS NI SHES BYA THAMS CAD SHAS PA LA GTOGS PA MA YIN NO ZHES BYA BA NI NUS PA DANG, DON DU GNYER BA DANG, GTOGS PA'I MTSAN NYID MED PAR STON TO, ,DE DAG NI DE BSTAN PA MED PAR YANG ZHES BYA BA LA SOGS PA NI NYAN THOS RNAMS LA KUN GZHI RNAM PAR SHES PA MA BSTAN KYANG SHES BYA GZUGS LA SOGS PA RAGS PA, SDUG BSNGAL DANG KUN 'BYUNG BA'I BDAG NYID LA MI RTAG PA LA SOGS PA'I RNAM PAR SO SOR RTOG PA DAG NYON MONGS PA RNAMS SPANGS TE, DE'I DON DU DE DAG BCOM LDAN 'DAS KYI DRUNG NA TSANGS PAR SPYOD PAR GNAS SO, ,RAGS PA NYID NI GZUGS NI LUS CAN YIN PA'I PHYIR RO, ,TSOR BA LA SOGS PA NI DMIGS PA DANG RNAM PA YONGS SU CHAD PA DANG, RGYU RAGS PA'I PHYIR RO, ,DE LAS BZLOG PA @199A *, ,KUN GZHI RNAM PAR SHES PA NI PHRA BA'O, ,CHOS GCIG MNGON PAR MA SHES SHING YONGS SU MA SHES NA YANG SDUG BSNGAL MTHAR 'BYIN PAR NGAS MA BSHAD DO ZHES GANG GSUNGS PA DE NI NYON MONGS PA RNAMS LAS DGONGS PA'O, ,MA SPANGS NA ZHES BYA BA'I BYE BRAG GI SGRA DANG GZHI MTHUN PA'I PHYIR TE, NYON MONGS PA LA MA GTOGS PA SPANG BAR BYA BA GZHAN MED PA'I PHYIR RO, ,YANG NA MI RTAG PA LA SOGS PA SPYI'I RNAM PAR SNYEGS KYI, KUN GZHI RNAM PAR SHES PA NYID CES MA BZUNG BAS NYES PA MED DO, ,BYANG CHUB SEMS DPA' RNAMS NI SHES BYA THAMS CAD SHES PA LA GTOGS PA YIN NO ZHES BYA BA NI RIGS KYI MTHUS NUS PA DANG, DON DU GNYER BA DANG, GTOGS PA'I MTSAN NYID DANG LDAN PA'I PHYIR, THAMS CAD SHES PAR BYA BAR GTOGS SO, ,GZHAN DU NA NI GZHAN GYI DON BYED MI NUS PA'I PHYIR RO, ,GZHAN DAG GI BSAM PA DANG, BAG LA NYAL DANG, KHAMS DANG, DBANG PO MCHOG DANG, MCHOG MA YIN PA DANG, SKAL PA YOD PA DANG, SKAL BA MED PA DANG, DUS DANG DUS MA YIN PA MI SHES PA THAMS CAD MKHYEN PA MA YIN PAS GZHAN GYIS DON MTHA' DAG BYED MI NUS PA'I PHYIR DE DON DU GNYER BA'I BYANG CHUB SEMS DPA' RNAMS LA KUN GZHI RNAM PAR SHES PA BSHAD DO, ,DE SHES PA MED PAR NI THAMS CAD MKHYEN PA'I YE SHES THOB PAR SLA BA MA YIN NO ZHES BYA BA NI KUN GZHI RNAM PAR SHES PA YONGS SU SHES PA MED PAR DON DU YONGS SU RTOGS PA SPONG BAR MI 'GYUR TE, DE MA SPANGS NA YONGS SU BRTAG PAR MA BYA BA'I DON YOD PA'I PHYIR RNA PAR MI RTOG PA'I YE SHES MED DO, ,DE'I PHYIR SHES BYA THAMS CAD KYI SPYI'I MTSAN NYID MNGON SUM DU MA BYAS PAS THAMS CAD MKHYEN PA'I YE SHES THOB PAR SLA BA MA YIN NO, ,RNAM PAR RTOG PA DANG BCAS PA'I SHES PAS YONGS SU BRTAG PAR BYA BA'I DON GCIG LAS GCIG BZLOG PA'I RANG GI MTSAN NYID MA RTOGS NA NI MTHA' YAS PA'I PHYIR THAMS CAD RTOGS PAR MI NUS SO, ,GAL TE 'DI DAG KUN GZHI RNAM PAR SHES PA 'DI NYID BRJOD PA'I BAG CHAGS YONGS SU 'GYUR BA'I DBANG GIS DON DANG, SEMS CAN DANG, BDAG @199B DANG; RNAM PAR RIG PAR SNANG BAR 'BYUNG BAR SHES NA DE'I TSE GZUNG BA'I DON MED PAR RTOGS NAS 'DZIN PA YANG MED PAR RIGS PAS KHONG DU CHUD NAS RNAM PAR MI RTOG PA'I YE SHES 'THOB BO, ,DE'I RJES LA THAMS CAD KYI SPYI'I MTSAN NYID DE BZHIN NYID GOMS PAR BYED CING DE DANG CHOS THAMS CAD RO GCIG PAR SHES TE, MTHA' YAS PA MED PA'I PHYIR THAMS CAD MKHYEN PA'I YE SHES THOB PAR SLA BA YIN NO, ,DMIGS PA DAG PA LA MA GTOGS PAR SHES PA DAG PA'I THABS GZHAN MED DO, ,DE LTAR NA SKAD CIG GCIG DANG LDAN PA'I SHES RAB KYIS CHOS THAMS CAD SHES SO ZHES GSUNGS SO, ,YANG SMRAS PA, BRTAGS PA'I CHOS LA RNAM RTOG PA, ,SHES BYA KUN LA MA SPANGS NA, ,THAMS CAD MKHYEN PA NYID MED DE, ,DE PHYIR CHOS LA BDAG MED BSTAN, ,ZHE'O, ,LUNG GI TSUL 'DI MI MNGON PAR MI SHES PA DAG NI, DPER NA RGYUN GYIS NUS PA'I PHYIR, ,MES NI THAMS CAD SREG 'DOD LTAR, ,DE BZHIN THAMS CAD MKHYEN 'DOD KYI, ,CIG CAR THAMS CAD RIG PHYIR MIN, ,ZHES SMRA'O, ,DE LTA BAS NA KUN GZHI RNAM PAR SHES PA DANG, MA SHES PAS THAMS CAD MKHYEN PA'I YE SHES 'THOB PAR BSLAB DANG DKA' BAR 'GYUR RO ZHES GTZO BO KHO NAR BRJOD DO, ,CHOS THAMS CAD BDAG MED PA'O ZHES BYA BA THAMS CAD MKHYEN PA MA YIN NAM ZHE NA, THAMS CAD MKHYEN PA NI YIN MOD KYI, RNAM PA THAMS CAD MKHYEN PA NI MA YIN NO, ,YANG RNAM GRANGS KYIS KUN GZHI RNAM PAR SHES PA NYAN THOS KYI THEG PAR YANG BSTAN TE ZHES BYAS BA NI SDE PA GZHAN LA GRAGS PAR NYE BAR 'GOD PAS KUN GZHI RNAM PAR SHES PA'I LAM PO CHE BTOD PA NYID DU MJUG SDUD PAR SKABS SBYOR BA'O, ,DE BZHIN GSHEGS PA BYUNG NA PHAN YON BZHI YOD DO ZHES MDO GANG LAS GSUNGS PA DE NI, DE BZHIN GSHEGS PA BYUNG BA'I PHAN YON RNAM PA BZHI'I MDO DE LAS 'DI GSUNGS SO, ,SKYE DGU KUN GZHI LA KUN TU DGA' BA ZHES BYA BA LA SOGS PA LA, KUN GZHI LA BRTEN NAS DGA' BAS DE LTAR GYI DUS NA KUN GZHI LA KUN DU DGA'O, ,JI LTA ZHE NA, 'DI LTAR KUN GZHI LAS YANG DAG PAR BYUNG BA ZHES BYA BA NI 'DAS PA'I DUS TE DE LAS BYUNG BA'I PHYIR RO, , @200A *, ,'DI LTAR YANG 'DI NI MA 'ONGS PA NA MNGON PAR DGA' BA'I NGANG TSUL CAN TE, DE 'DOD PA LA GZHOL BA'I PHYIR RO, ,DE LTA BAS NA KUN GZHI LA MNGON PAR DGA' BAS CAN ZHES BYA BA'O, ,KUN GZHI SPANGS PA'I PHYIR ZHES BYA BA NI LEGS PAR GZHOM PA'I PHYIR RO, ,NYON 'DOD CES BYA BA NI NYAN PAR 'DOD PA'O, ,RNAM PAR GTOD CES BYA BA NI SMON LAM BTAS NAS THOS PA LAS BYUNG BA'I SHES PAS NYAN PA'O, ,KUN SHES PAR BYED PAR SEMS NYE BAR 'JOG CES BYA BA NI BSAMS PA LAS BYUNG BA'I SHES PAS DON GTAN LA 'BEBS PA'I PHYIR RO, ,CHOS KYI RJES SU MTHUN PA'I CHOS SGRUB CES BYA BA NI BSGOMS PA LAS BYUNG BA 'JIG RTEN LAS 'DAS PAS SO, ,LAM GYI BDEN PA NI BSTAN PA'I CHOS KYI RJES SU MTHUN PA'I CHOS TE NAN TAN DU BYA BA YIN PA'I PHYIR RO, ,DE SGRUB PA NI RANG GI SEMS KYI RGYUD LA 'JOG PA'I PHYIR RO, ,DGE 'DUN PHAL CHEN SDE'I LUNG LAS KYANG ZHES BYAS BA 'DIS KYANG LAM PO CHE BTOD PAR SGRUB BO, ,RTZA BA'I RNAM PAR SHES PA ZHES BYA BA NI RNAM PAR SHES PA GZHAN DAG GI RGYU YIN PA'I PHYIR TE, DPER NA SHING GI RTZA BA NI SDONG BU LA SOGS PA'I RGYU YIN PA LTA BU'O, ,SA STON SDE'I LUNG LAS KYANG ZHES BYA BA NI DE DAG GI LUNG GI PHUNG PO RNAM PA GSUM LA SKAD CIG PA NI GANG DAG SKAD CIG RE RE LA SKYE BA DANG 'GAG PA'O, ,DE'I TSE RABS PA NI GANG DAG 'CHI BA LA THUG GI PAR DU RJES SU 'BRANG BA'O, ,'KHOR BA JI SRID PA NI GANG DAG RDO RJES LTA BU'I TING NGE 'DZIN MA THOB KYI BAR DU RJES SU 'BRANG BA'O, ,DE DAG KYANG KUN GZHI RNAM PAR SHES PA LAS GZHAN MI SRID PAS KUN GZHI RNAM PAR SHES PA DE NYID MING GZHAN GYIS BSTAN PA STE, JI SKAD BSTAN PA'I PHUNG PO RNAMS NI JI SRID 'KHOR BAR YOD PA MA YIN PA'I PHYIR RO, ,JI LTA ZHE NA, LA LAR RES 'GA' ZHES BYA BA LA SOGS PA SMOS TE, GZHI DANG DUS BSTAN TO, ,DE LA GZUGS MED PAR NI GZUNGS RGYUN CHAD DO, , 'DU SHES MED PA DANG, DE'I SNYOMS PAR 'JUG PA LA NI SEMS KYI RGYUN CHAD DO, ,KUN GZHI RNAM PAR SHES PA LA NI GNYEN PO SKYES KYI BAR DU GZUGS DANG SEMS KYI SA BON GYI RGYUN MI 'CHAD DO, ,'PHAGS PA GNAS BRTAN PA RNAMS KYI LUNG LAS NI SRID PA'I YAN LAG GI SGRAR GSUNGS TE, SRID @200B PA'I RGYU YIN PA'I PHYIR RO, ,RNAM PAR PHYE STE SMRA BA'I LUNG LAS KYANG DE SKAD DU 'BYUNG NGO, ,LTA BA LA SOGS PA DRUG NI MIG LA SOGS PA'I RNAM PAR SHES PA NAS, YID LA SOGS PA'I BAR DU CI RIGS SU SBYAR RO, ,GANG ZHIG KUN GZHI RNAM PAR SHES PA LA ZHES DANG BA NI RNAM PAR SHES PA'I CHA BDUN DANG LDAN PA'I PHRENG BA LTA BAR BYED PA NAS DNGOS PO YONGS SU GCOD PA'I BAR RO ZHES SMRA BA DE'I LAN RIGS PA THIGS PA'I NANG DU BLTA BAR BYA'O, ,LAM BO CHE BTOD PA YIN NO ZHES BYA BA NI SDE PA GZHAN GYI LUNG DU MA LAS GRAGS PAS KUN GZHI RNAM PAR SHES PA'I LAM DU DONG BA DANG RJES SU DONG BA NYID STON TO, ,KHA CIG 'DI SNYAM DU ZHES BYA BA NI LOG PAR RTOGS PA STON TE, SEMS DANG YID DANG RNAM PAR SHES PA NI DON GCIG CES BYA BA LA SOGS PA JI SKAD BSHAD PA LTA BU'O, ,DE YANG MI 'THAD DE ZHES BYA BA NI RIGS PA MA YIN NO ZHES BYA BA'I THA TSIG GO, ,YID RNAM PAR SHES PA GNYIS DON THA DAD PAR DMIGS PA'I PHYIR RO, ,ZHES BYA BA NI RJOD PA DANG BRJOD PAR BYA BA'I RANG BZHIN CAN GYI SGRA GNYIS DANG DON GNYIS THA DANG BA'I PHYIR TE, RNAM PAR SHES PA DRUG PO 'DAS MA THAG PA NI YID DO, ,YUL SO SOR RNA PAR RIG PA NI RNAM PAR SHES PA'O ZHES 'BYUNG BAS YID DANG RNAM PAR SHES PA GNYIS DON THA DAD DO, ,DE BZHIN DU SEMS KYI DON GYIS KYANG THA DAD DU DBYE BAR BYA'O, ,YANG KHA CIG NI ZHES BYA BA NI KUN GZHI LA KUN DU DGA' BA LA SOGS PA DON GZHAN DU RTOGS TE, DE SMRAS PA, NYE BAR LEN PA'I PHUNG PO LNGA PO DAG NI KUN GZHI ZHES BYA'O ZHES BYA BA STE, DE DAG LA BDAG NYID DU 'DZIN PA'I PHYIR RO, ,'JIG TSOGS LA LTA BA KUN GZHI'O ZHES BYA BAS NI DES DE DAG LA BDAG NYID DU 'DZIN PA'I PHYIR RO, ,BDE BA'I TSOR BA 'DOD CHAGS DAG BCAS PA NI KUN GZHI'O ZHES BYA BA NI, 'DOD CHAGS DANG TSOR BA LHAN CIG SPYOD PA'I SPYI NI KUN GZHI NYID DE; 'DOD CHAGS RGYAS PAR 'GYUR BA'I PHYIR RO, ,YANG NA SO SO LA BYA STE, CHAGS PA DANG DE'I GNAS YIN PA'I PHYIR RO, ,DE DAG NI KUN GZHI RNAM PAR SHES PA LA RMONGS PA RNAMS SO, ,JI LTA ZHE NA, LUNG DANG RTOGS PAS DE SNYAM DU SEMS SO ZHES BYA BA SMOS PA STE, NYE BAR BSTAN PA @201A *, ,DANG; NYES PAR KHONG DU CHUD PA'I PHYIR RO, ,YANG NA YID CHES PA'I LUNG MED PA DANG, RANG GIS KYANG KHONG DU MA CHUD PA'I PHYIR RO, ,NYAN THOS KYI THEG PA RNAM PAR GZHAG PA'I TSUL DU NA YANG DE DAG GI RNAM PAR GZHAG PA DE MI RUNG BA MED MOD KYI ZHES BYA BA NI SMAD PA STE, RANG GI LO RGYUS KYI LUGS KYIS NA DE THAMS CAD KYI THAMZ CAD DU RUNG BAR BSTAN TO, ,DE LA MA RMONGS PA RNAMS KYI KUN GZHI RNAM PAR GZHAG PA DE KUN GZHI RNAM PAR SHES PA YIN PAR YONGS SU BZUNG NAS RNAM PAR 'JOG PA NI CHES BZANG NGO ZHES BYA BA NI SMAD PAR RNAM PAR 'GREL TE, DE'I BSHAD PA'I RNAM PAR RTOG PA'I NYES PA BRJOD PA'I PHYIR RO, ,'DI LTAR NYE BAR LEN PA'I PHUNG PO LNGA PO DAG NI SHIN TU SDUG BSNGAL BA'I NGAN 'GRO RNAMS SU SKYES PA DAG DANG MI MTHUN PA MA YIN NO ZHES BYA BA LA NGAN 'GRO NI SEMS CAN DMYAL BA DANG, DUD 'GRO DANG, YI DAGS RNAMS SO, ,DE DAG NI RTAG PAR SHIN TU SDUG BSNGAL BA NYID DU BYE BRAG MED DE, DE DAG LA RES 'GA' YANG BDE BA MED DO, ,MI MTHUN PA ZHES BYA BA NI MI 'DOD PA'O, ,'DOD PA MED PA'I DON LA NI SU YANG MI SBYOR TE, SBYOR BA'I DON DANG MI LDAN PA'I PHYIR RO, ,DE DAG NI DE DANG 'BRAL BA NYID DU 'DOD DO ZHES BYA BAS NI DE STON TE, SDUG BSNGAL GYI PHUNG PO 'DI DAG MED KYANG CI MA RUNG SNYAM DU SDUG BSNGAL GYI PHUNG PO DANG BRAL BAR 'DOD CES BYA BA'I THA TSIG GO, ,GANG DAG DANG 'BRAL BAR 'DOD PA DE DAG LA SBYOR BAR MI RUNG STE, 'GAL BA'I PHYIR RO, ,BDE BA'I TSOR BA 'DOD CHAGS DANG BCAS PA YANG BSAM GTAN BZHI PA YAN CHAD GONG MA GZUGS MED PA RNAMS DANG MI MTHUN PA YIN TE, YID 'BYUNG BA'I RGYU YIN PAS RNAM PAR SUN 'BYIN PA'I PHYIR RO, ,DE DANG LDAN PA'I SEMS CAN RNAMS, ,ZHES BYA BA NI BSAM GTAN BZHI PA THOB PA RNAMS SO, ,DE LTA BAS NA DER YANG DE LA DE DAG SBYOR BAR MI RIGS TE MED PA'I PHYIR RO, ,'JIGS TSOGS LA LTA BA YANG CHOS 'DI LA BDAG MED PA LA MOS PA DAG DANG MI MTHUN PA YIN TE ZHES BYA BA NI SPANG PAR BYA BA'I PHYIR RO, ,MOS PA SMOS PA NI BDAG MED PA MTHONG BA RNAMS LA DE MED PA'I PHYIR RO, ,DE LA YANG DE DAG SBYOR BA MI RIGS SO ZHES BYA BA NI SPONG BAR 'DOD PA DANG, SPONG BA'I PHYIR RO, ,DE LTAR @201B GZHAN GYI LUGS RNAMS LA SKYON BRJOD NAS DE RANG GI PHYOGS LA GSAL ZHING YON TAN PHUL DU PHYIN PA BRJOD PAR 'DOD NAS KUN GZHI RNAM PAR SHES PA LA NANG GI BDAG GI DNGOS PO KHAS BLANGS PA NI ZHES BYA BA SMOS TE, NI ZHES BYA BA'I SGRA NI GZHAN GYIS SMRAS PA'I KHYAD PAR BZLOG PA'I DON TE, NANG DU BDAG GI DNGOS POR KHAS BLANGS PA NI NANG GI BDAG GI DNGOS POR KHAS BLANGS PA'O, ,DE BAS NA SHIN TU SDUG BSNGAL BA SEMS CAN DMYAL BA LA SOGS PA'I 'GRO BA RNAMS SU SKYES PA SDUG BSNGAL GYI PHUNG PO RNAM PAR ZHIG PAR 'DOD PA LA GZHOL YANG KUN GZHI RNAM PAR SHES PA DE LA BDAG TU CHAGS PA'I ZHAGS PAS BCINGS PA RNAMS DE RNAM PAR ZHIG PAR 'DOD PAR NI NAM YANG MI 'GYUR TE, TSOR BA BTANG SNYOMS DANG MTSUNGS PAR LDAN PAS MI MTHUN PA MED PA'I PHYIR RO, ,'DI LTAR DE DAG NI RTAG TU SDUG BSNGAL BA'I PHUNG PO 'DI DAG MED KYANG CI MA RUNG SNYAM DU SMON GYI BDAG MED KYANG CI MA RUNG SNYAM DU NI MA YIN TE, BDAG TU LTA BA'I GNYEN PO MED PA'I PHYIR RO, ,'GRO BA GZHAN LA BRTEN PA'I PHUNG PO RNAMS LA DE DAG GI 'DOD PA GANG YIN PA DE'ANG KUN GZHI RNAM PAR SHES PA'I DBANG GIS 'GYUR GYI, YID KYI RNAM PAR SHES PA LA DE LTAR BDAG TU CHAGS PAR NI MI RUNG STE, DE NI NGAN 'GROR SDUG BSNGAL GYI TSOR BA DANG MTSUNGS PAR LDAN PA'I PHYIR RO, ,DE NYID KYI PHYIR 'GRO BA GZHAN DU YANG DE LA 'DOD PAR NI MI RUNG NGO, ,BSAM GTAN BZHI PA YAN CHAD GZUGS MED PAR SKYES PA RNAMS 'DOD CHAGS DANG BCAS PA'I BDE BA DANG MI MTHUN DU ZIN KYANG BDAG TU CHAGS PAS BCINGS PA NI BDAG TU CHAGS PAS GZHAN GYI DBANG GIS KUN GZHI RNAM PAR SHES PA KHO NA LA 'JUG GI YID KYI RNAM PAR SHES PA LA NI MA YIN TE, 'DI LTAR GNYEN PO MA BYUNG GI BAR DU KUN GZHI RNAM PAR SHES PA NI 'GYUR BA MED PAR 'JUG GI ,YID KYI RNAM PAR SHES PA NI MA YIN TE, 'DU SHES MED PA'I SNYOMS PAR 'JUG PA DANG, 'DU SHES MED PA DANG, 'GOG PA'I SNYOMS PAR 'JUG PA RNAMS SU RGYUN CHAD MED PA'I PHYIR RO, ,YID KYI RNAM PAR SHES PA TSOR BA MED PA NI GNYI GA LA YANG GRUB PA MED DO, ,DE BZHIN DU CHOS 'DI PA KUN BRTAGS PA'I BDAG TU LTA BA DANG MI MTHUN DU @202A *, ,ZIN KYANG KUN GZHI RNAM PAR SHES PA LA BDAG TU CHAGS PA DANG RJES SU 'BREL BA LHAN CIG TU SKYES PA NI YOD PA NYID DE, GLO BUR DU SGRA CHEN PO THOS NAS SKRAG PA SKYE BA'I PHYIR RO, ,CHAGS PA DE PHUNG PO DAG NYID LA CI'I PHYIR MI 'DOD CE NA, 'DI LTAR DE DAG LA DE 'BYUNG BA YANG KUN GZHI RNAM PAR SHES PA NYID LAS 'BYUNG NGO, ,PHUNG PO BZHI PO DE DMIGS PA DANG RNAM PAR YONGS SU CHAD PA DAG NI 'DU SHES MED PA DANG, 'DU SHES MED PA'I SNYOMS PAR 'JUG PA LA BRTEN PA MA YIN PA'I PHYIR RO, ,GAL TE DE LTAR NA DGRA BCOM PA LA YANG 'BYUNG NGO ZHE NA, BDAG TU LTA BA DANG MI MTHUN DU ZIN KYANG ZHES BRJOD KYI, DE SPANGS SU ZIN KYANG ZHES BRJOD PA NI MA YIN TE, DGRA BCOM PAS NI DE SPANGS PAS NYES PA MED DO, ,YANG NA DGRA BCOM PA LA NI DE LOG PAS KUN GZHI RNAM PAR SHES PA LA DE CHAGS PA MED DO, ,DE LTA BAS NA KUN GZHI RNAM PAR SHES PA KUN GZHI NYID DU CHES LEGS PAR RNAM PAR GZHAG PA GRUB PO ZHES BYA BA NI GTAN LA PHAB NAS MJUG SDUD PA'O, ,CHOS LEGS PAR ZHES BYA BA NI NYES PA MED PA DANG YON TAN PHUL DU BYUNG BA'I PHYIR RO, ,DE LTAR RNAM GRANGS RNAM PAR BZHAG NAS MING TZAM GYIS RANG BZHIN YONGS SU RTOGS PA'I PHYIR MTSAN NYID RNAM PAR 'JOG STE, RANG DANG 'BREL PA CAN GYI MTSAN NYID KYIS RTOGS PAR BYED DO, ,DE NI MDOR BSDU NA RNAM PA GSUM STE ZHES BYA BA NI RGYU DANG 'BRAS BU THA DAD PA'I PHYIR 'BREL PA CAN GYI MTSAN NYID PHYE BAS SO, ,RANG GI MTSAN NYID KYI DBANG DU BYAS TE, GANG KUN NAS NYON MONGS PA'I CHOS THAMS CAD KYI BAG CHAGS LA BRTEN NAS SA BON YONGS SU 'DZIN PA DANG LDAN PAS DE SKYE BA'I RGYU MTSAN NYID DO ZHES BYA BA SMOS SO, ,'DOD CHAGS LA SOGS PA KUN NAS NYON MONGS PA'I CHOS THAMS CAD DANG LHAN CIG 'BYUNG BA DANG, 'GAG PA YANG DANG YANG MYONG NAS SKYE BAR 'DOD PA DE DAG GI SKYE BA LA RGYU'I DNGOS PO YIN NO, ,SA BON YONGS SU 'DZIN PA DANG LDAN PAS ZHES BYA BA NI SA BON YONGS SU 'DZIN PA DANG LDAN PA'I PHYIR ZHES BYA BA'I THA TSIG GO, ,DE LA SA BON YONGS SU 'DZIN PA DANG LDAN PA 'DI NI GANG SKYE BA CAN RNAMS DANG LHAN CIG BYUNG @202B BA DANG 'GAG PA MYONG BA STE, DE LTA BUR GYUR PA NI BAG CHAGS ZHES BYA BA SA BON YONGS SU 'DZIN PAR RUNG NGO, ,DE DANG LDAN PA'I PHYIR YANG DE DAG GI RGYUR 'GYUR RO, ,GTZO BO LA SOGS PA NI MA YIN TE, JI SKAD DU BSHAD PA'I SA BON YONGS SU 'DZIN PA DANG MI LDAN PA'I PHYIR RO, ,DE MA THAG PA LA SOGS PA'I RKYEN RNAMS KYANG MA YIN TE, DE DAG NI PHAN 'DOGS PA YIN GYI RGYU MA YIN TE, GTZO BO'I RGYU'I SA BON YONGS SU 'DZIN PA DANG MI LDAN PA'I PHYIR RO, ,GTZO BO'I RGYU NI SA BON TE, DE YONGS SU 'DZIN PAR BYED PAS KUN GZHI RNAM PAR SHES PA NI RGYU MTSAN YIN GYI; PHAN 'DOGS PAR BYED PA NI MA YIN NO, ,RGYU'I MTSAN NYID SMOS PAS DE SKYE BA'I RGYU MTSAN NYID 'BREL BA CAN GYI MTSAN NYID MA YIN NAM ZHE NA MA YIN TE, DNGOS PO'I RKYEN GYIS BYED PA'I NUS PA MA BYUNG BA RGYU MTSAN TZAM DU BRJOD PA'I PHYIR RO, ,RGYU NYID NI BYED PA'I NUS PA NYID BYUNG BA YIN GYI, RGYU MTSAN TZAM NYID NI MA YIN TE, KUN GZHI RNAM PAR SHES PA SA BON THAMS CAD PA DE KUN NAS NYON MONGS PA'I CHOS DE DAG NYID KYI RGYU NYID DU DUS THAMS CAD DU NYE BAR GNAS PA YIN NO ZHES 'BYUNG BA'I PHYIR RO, ,'BRAS BU NYID KYI MTSAN NYID NI DE NYID KYI LAS KYI NUS PA NYID DU BYUNG BA STE, GANG 'JUG PA'I RNAM PAR SHES PAS BSDUS PA'I 'DOD CHAGS LA SOGS PA KUN NAS NYON MONGS PA'I CHOS KUN DU 'BYUNG BA DE DAG GIS BAG CHAGS SKYED PAR BYED PA DE NI KUN GZHI RNAM PAR SHES PA 'BRAS BU'I MTSAN NYID DE, PHAN TSUN RGYU DANG 'BRAS BUR BYED PA'I PHYIR RO, , 'OG NAS KYANG, CHOS RNAMS BRJOD PA'I BAG CHAGS LAS, ,BYUNG STE DE DAG NYID LAS DE, ,ZHES BYA BA LA SOGS PA 'BYUNG NGO, ,BAG CHAGS ZHES BYA BA 'DI CI ZHIG CES BYA BA NI BAG CHAGS KYI RANG BZHIN GTAN LA DBAB PA'I PHYIR 'DRI BAR BYED PA'O, ,CHOS DE DAG LHAN CIG 'BYUNG BA DANG 'GAGS PA LA BRTEN NAS DE 'BYUNG BA'I RGYU MTSAN NYID GANG YIN PA DE NI BRJOD PAR BYA BA STE ZHES BYA BA NI BAG CHAGS SGO BAR BYED PA DE DAG DANG LHAN CIG DUS GCIG TU SKYE BA DANG 'GAG PA YUN RING DU RNYED NAS BAG CHAGS SGO BAR BYED PA DE DAG NYE BAR MA GYUR KYANG SKYE BAR 'GYUR BA'I RGYU MTSAN NYID NI @203A *, ,BAG CHAGS BSGO BAR BYA BA YIN TE, NYID CES BYA BA NI BAG CHAGS BSGO BAR BYA BA DANG SGO BAR BYED PA LAS BAG CHAGS LOGS SHIG TU PHYUNG BA LTA BUR DNGOS PO'I RKYEN GYIS STON TO, ,DPER NA TIL DAG LA ME TOG GIS BSGOS NA TIL DANG ME TOG LHAN CIG 'BYUNG ZHING 'GAGS KYANG TIL RNAMS DE'I DRI GZHAN 'BYUNG BA'I RGYU MTSAN NYID DU 'BYUNG BA ZHES BYA BA NI GRAGS PA'I DPE DPER BRJOD PA'O, ,DPER NA TIL RNAMS SNA MA'I ME TOG LA SOGS PA DANG LHAN CIG TU YUN RING DU SKYE BA DANG 'GAG PA RNYED PAR GYUR NAS ME TOG BSAL KYANG DE'I DRI 'BYUNG BA'I RGYU MTSAN NYID YIN PA DANG, DPER NA 'DOD CHAGS LA SOGS PA LA SPYOD PA RNAMS KYI 'DOD CHAGS LA SOGS PA'I BAG CHAGS LHAN CIG 'BYUNG BA RNAMS DANG 'GAG PA'I RGYU LAS BYUNG BA RNAMS DANG, MANG DU THOS PA RNAMS KYI MANG DU THOS PA'I BAG CHAGS KYANG THOS PA DANG LHAN CIG 'BYUNG BA DANG 'GAG PA LAS 'BYUNG STE, DES CHOS 'DZIN PA'I BLO DANG SGRA DAG BYAS PA LTAR KUN GZHI RNAM PAR SHES PA LA YANG TSUL DE BZHIN DU BLTA BAR BYA'O ZHES BYA BA NI, GZHAN LA GRAGS PA LA LTOS NAS KUN GZHI'I RNAM PAR SHES PA NYID KYIS KUN GZHI RNAM PAR SHES PA NYID STON TO, ,DPER BRJOD PA MANG PO 'JIG RTEN DANG BSTAN BCOS LA LTOS PA DANG, PHYI DANG NANG THA DAD PA'I PHYIR RO, ,KUN GZHI RNAM PAR SHES PA DANG SA BON DE DAG GI RDZAS DE DAG THA DAD DAM, 'ON TE THA DAD PA MED PAR GNAS ZHES BYA BA NI NYIS 'GEG TU GZHUG PAR RTOGS PA SNYING LA BZHAG STE, GNYI GA LA SKYON GDAGS PAR 'DOD NAS DRI BA'O, ,GAL TE SO SO NA NI DES NA DGE BA DANG, MI DGE BA DANG, LUNG DUM BSTAN PA BAG CHAGS SGO BAR BYED PA'I CHOS DE DAG JI LTA BA DE BZHIN DU DE DAG GI BAG CHAGS KYANG THA DAD PA'I PHYOGS SU 'GYUR BA'I SKYON DU 'GYUR RO, ,JI STE THA DAD PA MA YIN NA NI DE DAG THA DAD PA MA YIN PA DE NYID MI 'THAD DE, RGYU DANG 'BRAS BU THA DAD PA'I PHYIR RO, ,DE DAG DANG RDZAS SU NA THA DAD PA YANG MA YIN THA MI DAD PA YANG MA YIN MOD KYI ZHES BYA BA NI THA DAD PA DANG THA DAD PA MA YIN PA LAS YANG DAG PAR 'DAS PA'I TSUL GYIS KUN GZHI RNAM PAR SHES PA LA BAG CHAGS RNAMS GNAS @203B PAR BRJOD DE, NUS PA'I KHYAD PAR GYI RANG BZHIN GYI PHYIR RO, ,BAG CHAGS ZHES BYA BA NI NUS PA'I KHYAD PAR TE, NUS PA YANG NUS PA CAN DANG DE NYID DAM GZHAN ZHES BRJOD PAR BYA BA MA YIN NO, ,DE DAG DANG PHAN TSUN THA DAD DAM THA DAD PA MA YIN ZHES 'DRI BA NI TSUL BZHIN MA YIN PA STE; NUS PA CAN RGYUR BYAS NAS BTAGS PA'I PHYIR RO, ,MDO SDE PA'I LTAR NA DON GYI RNAM PAR 'DZIN PA'I BLO 'BYUNG BA DANG, RNAM PAR RNAMS PHAN TSUN THA DAD PA DANG THA DAD PA MA YIN PAR BSAM PA'I SKABS MI RNYED DE, DE GNYI GA YANG NYES PAR 'GYUR BA'I PHYIR RO, ,JI LTA ZHE NA, SHING RNAMS ZHES BYA BA'I BLO DE NI GCIG YIN LA RNAM PA NI MANG STE, RNAM PAR RNAMS RE ZHIG GCIG PA NYID NI MA YIN TE, MANG PO NYID DU RANG RANG GIS RIG PA'I PHYIR RO, ,DU MA NYID KYANG MA YIN TE, CIG CAR SHES BA DU MA MI 'BYUNG BA DANG, RNAM PAR SHES PA'I DE KHO NA GCIG LAS MI 'DA' BA'I PHYIR RO, ,DE BZHIN DU KUN GZHI RNAM PAR SHES PA LA GNAS PA'I BAG CHAGS RNAMS KYANG THA DAD PA DANG, THA DAD PA MA YIN PA LAS YANG DAG PAR 'DAS PAR KHONG DU CHUD PAR BYA'O, ,KUN GZHI RNAM PAR SHES PA DANG KUN NAS NYON MONGS PA'I CHOS DE DANG DUS MNYAM DU GCIG GI RGYU NYID DU GCIG 'GYUR BAS JI LTAR LTA ZHE NA ZHES BYA BA NI GCIG LA GCIG RGYU DANG LDAN PAR MI SRID PA'I PHYIR RO, ,DPER NA MAR ME 'BAR BA ZHES BYA BA NI RIGS PAS SHES PAR BYED DO, ,SHING TSIG NA ME LCE 'BYUNG STE DE'I YAN LAG TSIG PA MED PAR MED PA'I PHYIR RO, ,DES NA JI LTAR SNYING PO TSIG PA DANG ME LCE 'BYUNG BA DUS GCIG PA LTA BU STE DUS THA DAD PA MED PA'I PHYIR RO, ,GAL TE SNGAR TSIG LA PHYIS ME LCE 'BYUNG NA NI RGYU MED PA LAS 'BYUNG BA'I TSIG PA DE LTA BU ME LCE YANG GANG LAS 'BYUNG BAR 'GYUR, JI STE SNGAR ME LCE 'BYUNG BA PHYIS TSIG NA RGYU MED PA LAS BYUNG BA'I ME LCE JI LTA BU TSIG PA YANG JI LTA BU STE GNYI GA MED PAR 'GYUR RO, ,DE LTA BAS NA JI LTAR MAR ME'I ME LCE 'BYUNG BA DANG, SNYING PO TSIG PA DAG DUS GCIG PA DE BZHIN DU KUN GZHI RNAM PAR SHES PA DANG 'JUG PA'I RNAM PAR SHES PA YANG DUS GCIG KHO NAR PHAN TSUN GCIG @204A *, ,LA GCIG RGYU DANG 'BRAS BU'I DNGOS POR 'GYUR RO, ,MDUNG KHYIM GCIG LA GCIG BRTEN PA YANG DE BZHIN NO, ,DE LTAR RGYU'I RKYEN DU RNAM PAR GZHAG SDE ZHES BYA BA NI SA BON YONGS SU 'DZIN PA DANG LDAN PA JI SKAD BSHAD PA LTAR DE GZHAN DU MA YIN NO; ,RGYU'I RKYEN GZHAN MI DMIGS PA'I PHYIR RO ZHES BYA BA NI 'DI SKAD DU BSTAN PAR 'GYUR TE, GANG DAG GIS RGYU LNGA NI RGYU'I RKYEN TO ZHES SMRA BA DE DAG KYANG RNAM GRANGS KYIS KUN GZHI RNAM PAR SHES PA NYID DU SMRA'O, ,BAG CHAGS BSKYED PA MED PAR NI SKAL BA MNYAM PA DANG, KUN DU 'GRO BA DANG RNAM PAR SMIN PA'I RGYU 'DAS PA RNAMS RGYU NYID DU MI RUNG BA'I PHYIR RO, ,BAG CHAGS RNAMS KYANG KUN GZHI RNAM PAR SHES PA LAS GZHAN NA MED PA'I PHYIR RO, ,'DRON PO'I DPES NI MTSUNGS PAR LDAN PA'I RGYU LA YANG SEMS DANG SEMS LAS BYUNG BA PHAN TSUN LTOS NAS YUL LA SPYOD PA RNAMS KYI RANG GI NUS PA YOD DO, ,KUN GZHI RNAM PAR SHES PA LA BRTEN PA'I SA BON MED PAR NI NUS PA MI 'THAD DO, ,LHAN CIG 'BYUNG BA'I RGYU NYID NI BTAGS PA PA STE, DUS GCIG TU 'BYUNG BA RNAMS LA RGYU DANG 'BRAS BU'I DNGOS PO MI RUNG BA'I PHYIR RO, ,KUN GZHI RNAM PAR SHES PA PHYI DANG NANG GI SA BON THAMS CAD PA YIN PA'I YANG PHYIR TE, DE LA MA GTOGS PAR RGYU'I RKYEN GZHAN MI DMIGS SO, ,BAG CHAGS THA DAD PA MA YIN ZHIG SNA TSOGS MA YIN PA CHOS THA DAD PA SNA TSOGS DAG GI RGYUR JI LTAR RUNG ZHE NA ZHES BYA BA NI RIGS PA MED PAR RGOL BA'O, , DPER NA TSI GU'I RTZI SNA TSOGS KYIS BSGYUR BA ZHES BYA BA NI 'THAD PAR SMRAS PA'O, ,TSI GU'I RTZI NI TSON GYI BYE BRAG STE, SNA TSOGS SU MI SNANG BA DAG GO, ,'BRAS BU MNGON PAR 'GRUB PA NYID TSON GYI SNOD YIN PAS 'BRAS BU MNGON PAR 'GRUB PA'I TSON GYI SNOD DO, ,DER BCUG PA NI RKYEN GYIS YONGS SU ZIN PA'I PHYIR RO, ,RAS LTA BU NI KUN GZHI RNAM PAR SHES PA STE, TSON LTA BU'I CHOS SNA TSOGS KUN DU STON PA'I PHYIR RO, ,THEG PA CHEN PO LA PHRA BA ZHES BYA BA NI 'JIG RTEN PA RNAMS KYIS SHES PAR DKA' BA'I PHYIR RO, ,MCHOG TU ZAB PA ZHES BYA BA NI @204B NYAN THOS LA SOGS PAS GTING DPAG DKA' BA'I PHYIR RO, ,RTEN CING 'BREL PAR 'BYUNG BA ZHES BYA BA NI RGYU LAS RGYU DANG LDAN PA 'BYUNG ZHES BYA BA'I THA TSIG GO, ,NGO BO NYID RNAM PAR 'BYED PA CAN ZHES BYA BA LA RANG GI NGO BO NYID NI NGO BO NYID DO, ,RNAM PAR 'BYED PAR BYED PA NI RNAM PAR 'BYED PA'O, ,RNAM PAR 'BYED PAR NUS PA'AM, RNAM PAR 'BYED PAR DGOS PA NI RNAM PAR 'BYED PA CAN TE, KUN GZHI RNAM PAR SHES PAS KUN NAS NYON MONGS PA'I CHOS KYI RANG BZHIN SKYE BA CAN THAMS CAD RNAM PAR 'BYED PAR BYED PA'I PHYIR RO, ,SDUG PA DANG MI SDUG PA RNAM PAR 'BYED PA CAN ZHES BYA BA NI BDE 'GRO DANG NGAN 'GRO DANG, 'DOD PA DANG, MI 'DOD PA'I LUS SNA TSOGS 'GRUB PA LA GTZO BO'I RKYEN GYIS RAB TU PHYE BA'I MA RIG PA LA SOGS PA'I YAN LAG BCU GNYIS DANG, KUN GZHI RNAM PAR SHES PA LAS 'DU BYED LA SOGS PA 'BYUNG BA NA MA RIG PA LA SOGS PA'I DBANG GIS BSOD NAMS DANG, BSOD NAMS MA YIN PA DANG, MI G-YO BA THA DAD PA'I PHYIR RO, ,RTEN CING 'BREL PAR 'BYUNG BA 'DI NYID LA RMONGS PA DAG KHA CIG NI SNGON BYAS PA'I RGYU LAS BYUNG BA NYID RTOG CES BYA BA NI SKYES BU'I BYED PA LA SKUR PA'I PHYIR RO; ,DE DAG NI MA RIG PAS LDONGS PAS DMUS LONG DPER BYAS SO, ,SNA LA REG CES BYA BA NI SNA LA REG CES BYA BA'I THA TSIG GO, ,MDOR BSDU NA KUN GZHI RNAM PAR SHES PA'I NGO BO NYID NI RNAM PAR SMIN PA'I RNAM PAR SHES PA SA BON THAMS CAD PA STE ZHES BYA BA LA MDOR BSDU NA SNGON GYI DGE BA DANG MI DGE BA'I LAS KYI BAG CHAGS DANG, GZUNG BA DANG 'DZIN PAR RNAM PAR RTOG PA LA MNGON PAR ZHEN PA RNAMS KYIS RNAM PAR SMIN PA'I BDAG NYID SEMS CAN GYI RDZAS KYI DNGOS GZHI KUN GZHI RNAM PAR SHES PA BSGRUB PA NI RANG GI MTSAN NYID DO, ,DES KHAMS GSUM PA'I LUS THAMS CAD DANG, 'GRO BA THAMS CAD BSDUS SO ZHES BYA BA LA 'DOD PA DANG GZUGS DANG, GZUGS MED PA NA SPYOD PA'I LUS THAMS CAD DANG, SEMS CAN GYI RGYUD 'GRO BA THAMS CAD DE, LHA LA SOGS PA BSDUS PA NI 'BREL PA CAN GYI @205A *, ,MTSAN NYID DO, ,JI LTAR GZUGS DANG 'JUG PA'I RNAM PAR SHES PA YUL KHA CIG DANG, RES 'GA'I DUS SU RGYUN CHAD PA DE LTAR KUN GZHI RNAM PAR SHES PA NI GNYEN PO MA BYUNG GI BAR DU MA YIN TE, KHYAB PA'I PHYIR THAMS CAD 'DZIN PAR BYED PA'O, ,SA BON THAMS CAD PA ZHES BYA BA NI 'DIR SA BON ZHES BYA'O, ,PHYI DANG NANG DANG MI GSAL BA, ,ZHES BYA BA LA SOGS PA'I TSIGS SU BCAD PA LNGAS NI DE RAB TU DBYE BA DANG BCAS PA STON TE, PHYI ROL GYI SA BON NI NAS LA SOGS PA'O, ,NANG GI SA BON NI KUN GZHI RNAM PAR SHES PA'O, ,MI GSAL BA NI LUNG DU MA BSTAN PA'O, ,GNYIS NI PHYI DANG NANG GI'O, ,YANG NA 'BRAS BU DANG RGYU STE, DE GNYIS KYI RGYU MTSAN KUN GZHI RNAM PAR SHES PA YANG GNYIS SO, ,DE LAS RGYU DANG GZHI'I DNGOS POS KUN NAS NYON MONGS PA DANG RNAM PAR BYANG BA'I CHOS 'BYUNG BA'I PHYIR RO, ,GANG DAG GNYIS DAG CES 'DON PA DE DAG GI LTAR NA RGYU DANG 'BRAS BU DAG CES BSHAD DO, ,KUN RDZOB CES BYA BA NI PHYI ROL GYI NAS LA SOGS PA STE, KUN GZHI RNAM PAR SHES PA GYUR PA YIN PA'I PHYIR RO, ,DAM PA'I DON CES BYA BA LA DON DAM PA'I SA BON NI KUN GZHI RNAM PAR SHES PA STE, SA BON THAMS CAD KYI RKYEN YIN PA DANG DE'I BDAG NYID YAN LAG YIN PA'I PHYIR RO, ,SA BON DE GNYIS NI CHOS THA DAD PA'I PHYIR RNAM PA DRUG TU DBYE BAR 'GYUR RO, ,SKAD CIG PA ZHES BYA BA NI BYUNG MA THAG TU RNAM PAR 'JIG PA'I PHYIR TE BYE BRAG MED PA'I PHYIR SA BON RTAG PA MED DO, ,SKAD CIG PA YANG 'GAGS ZIN PA NI MA YIN TE BYA SHI BA'I SKAD BZHIN DU 'GAGS NAS 'BRAS BU MI RUNG BA'I PHYIR LHAN CIG 'BYUNG BA'I, ,DE LTA BAS NA 'BRAS BU'I DUS DANG 'GAL BA MED PA'I PHYIR BON NI 'BRAS BU DANG LHAN CIG GNAS PAR 'DOD DE AUTPA LA'I RTZA BA LA SOGS PA BZHIN NO, ,LHAN CIG 'BYUNG BA YANG GLOG BZHIN DU SKAD CIG GCIG DANG GNYIS DANG GSUM DU GNAS PA MA YIN GYI, SKAD CIG GCIG NAS GCIG TU BRGYUD PAS YUN RING DU RGYUN CHAGS SU 'BYUNG BA'I PHYIR RGYUN CHAGS @205B SU 'BYUNG BA'O, ,DE CI MNGON ZHE NA, RTZA BA LA PHAN PA DANG GNOD PA NI YAL GA LA SOGS PA LA YANG PHAN GNOD DU 'GYUR TE DE DANG LDAN PA'I PHYIR RO, ,GAL TE RGYUN CHAGS SU 'BYUNG BA NA BTAGS PA'I PHYOGS KYANG SA BON DU KHAS BLANGS PA'I PHYIR THAMS CAD LAS THAMS CAD CIG CAR CI'I PHYIR MI 'BYUNG ZHE NA LAN BTAB PA, NGES PA ZHES BYA STE NUS PA NGES PA'I PHYIR RGYUN CHAGS SU 'BYUNG DU ZIN KYANG THAMS CAD LAS THAMS CAD CIG CAR MI 'BYUNG NGO, ,DE LTA NA YANG DUS THAMS CAD DU CI'I PHYIR 'BRAS BU MI 'BYIN ZHE NA LAN BTAB PA, RKYEN LA LTOS PA ZHES BYA BA STE, RTAG TU RKYEN NYE BAR GNAS PA MA YIN PA'I PHYIR NYES PA MED DO, ,SA BON DE'I SA BON GANG ZHE NA, DE'I PHYIR RANG GI 'BRAS BUS BSGRUBS PA'O ZHES BYA BA SMOS TE, SA BON DANG SA BON CAN THOG MA MED PA'I PHYIR DE'I 'BRAS BU GANG YIN PA DE NYID SA BON YIN NO, ,DES NA JI SKAD SMOS PA'I SA BON GYI CHOS DANG MI LDAN PA'I PHYIR GTZO BO LA SOGS PA'I SA BON NYID SEL TO, ,SA BON DANG SA BON GYI DNGOS PO NI BAG CHAGS BSGO BAR BYA BA DANG SGO BAR BYED PA'I 'BREL PA LA LTOS PAS BSGO BAR BYA BA DPYOD DO, ,BRTAN ZHES BYA BA NI TIL LA SOGS PA BZHIN DU RGYUD RGYUN CHAGS SU 'BYUNG BA STE, RLUNG BZHIN DU G-YO BA NI MA YIN NO, ,RLUNG YANG ME TOG LA SOGS PAS BSGO BAR BYA BA MA YIN NAM ZHE NA, GAL TE BSGO BAR BYA BA YIN NA NI BSGOS PA'I TIL DANG 'BREL PA CAN GYI RDZAS GZHAN GYI DRI BZHIN DU DE DANG 'BREL PA CAN GYI RDZAS KYI DRI YANG DMIGS PAR 'GYUR RO; ,BRTAN DU ZIN KYANG GANG LUNG DU MA BSTAN PA DRI MNYAM PA DE LA BSGO BAR 'GYUR RO, ,DRI ZHIM PO LA NI MA YIN TE, GLA RTZI BZHIN NO, ,DRI NGA BA LA YANG MA YIN TE, SGOG PA BZHIN NO, ,BSGO BYA BA ZHES BYA BA NI GANG BSGO BAR NUS PA'AM BSGO BAR BYA BA STE, PHAN TSUN GYI CHA SHES 'DRE PA'I PHYIR DE NI BSGO BAR BYA'O, ,SNGO[?] BA LA SOGS PA NI MA YIN TE, PHAN TSUN 'DRE PA MED PA'I PHYIR RO, ,BSGO BAR BYA BA YANG SGO BAR BYED PA DANG 'BREL PA GANG YIN PA DE LA SGO BAR BYED DE SO SOR GNAS SHING 'BREL PA MED PA LA NI MA YIN NO, ,DE LAS GZHAN NI MIN ZHES BYA BA LA NI @206A *, ,ZHES BYA BA'I SGRA NI 'JUG PA'I RNAM PAR SHES PA RNAMS BSGO BAR BYA BA NYID LAS BZLOG PA'I PHYIR TE, JI SKAD BSHAD PA DANG MI MTHUN PA'I PHYIR RO, ,KUN GZHI RNAM PAR SHES PA NI GNYEN POR MA BYUNG GI BAR DU RGYUN CHAGS SU 'BYUNG BAS RTAG PA'O, , GZHAN NI RES 'GA' RGYUN CHAD PAS MA YIN NO, ,DE NYID GCIG TU LUNG DU MA BSTAN PA YIN GYI GZHAN NI MA YIN TE, DGE BA DANG MI DGE BA YANG YOD PA'I PHYIR RO, ,DE NYID BAG CHAGS BSGO BAR 'OS PA DANG BSGO BAR NUS PA YIN TE, RTAG LA LUNG DU MA BSTAN PA DANG LDAN PA'I PHYIR RO, , 'JUG PA'I RNAM PAR SHES PA RNAMS NI MA YIN TE, 'DI LTAR DRUG PO DAG LA 'BREL MED DE, JI LTA ZHE NA, THA DAD GSUM DANG 'GAL BA'I PHYIR, ZHES BYA BA SMOS PA'O, ,GAL TE 'JUG PA'I RNAM PAR SHES PA DRUG PO DAG LHAN CIG 'BYUNG BAR 'GYUR NA GNAS DANG, DMIGS PA DANG; YID LA BYED PA GSUM SA SO SO RANG GI THA DAD PAR MI 'GYUR RO, ,GANG GI PHYIR GSUM THA DAD PAR 'GAL BAR MED DE THA DAD PA NYID YIN PA DE'I PHYIR DRUG PO DAG CIG CAR 'BYUNG BA MED DO, ,CIG CAR ME 'BYUNG NA PHAN TSUN 'BREL BA MED DO, ,'BREL BA MED NA BSGO BAR BYA BA DANG SGO BAR BYED PA'I DNGOS POR GA LA 'GYUR, JI STE SKAD CIG SNGA MAS PHYI MA LA BSGO BAR 'DOD NA YANG MI RUNG STE, SKAD CIG LHAN CIG MED PA'I PHYIR DE GNYIS CIG CAR DU MED PA'I PHYIR RO, ,'BREL BA MED NA BSGO BAR BYA BA DANG SGO BAR BYED PA MED DO ZHES STON TO, ,JI STE RIGS KYI DNGOS PO LA BRTEN NAS RNAM PAR SHES PA DRUG CAR YANG BRJOD PAR 'DOD PA BYE BRAG MED PAS RNAM PAR SHES PA RIGS GCIG GO, ,DE'I PHYIR RNAM PAR SHES PA 'GA' ZHIG GAM SKAD CIG 'GA' ZHIG LA BSGOS NA, THAMS CAD LA YANG BSGOS PAR 'GYUR RO ZHE NA, DE'ANG MI RUNG STE, RIGS LA BYA NA GZHAN DU THAL, DGRA BCOM PA RNAMS KYI SEMS KYANG RNAM PAR SHES PA'I RIGS LAS MA 'DAS TE, DE LA YANG MI DGE BA'I BAG CHAGS BSGOS PAR 'GYUR RO, ,YANG NA GZHAN DU YANG THAL BAR 'GYUR TE, RIGS GZHAN LA YANG ZHES BYA BA'I THA TSIG GO, ,JI LTA ZHE NA, MIG LA @206B SOGS PA'I DBANG PO DBANG PO'I RIGS DANG LDAN PA RNAMS NI GZUGS DANG BA'I BDAG NYID CAN YIN PAS DBANG PO NYID THUN MONG PA'I PHYIR YID KYI DBANG PO YANG 'BYUNG BA LAS GYUR BA NYID DU 'GYUR RO, ,BSGO BAR BYA NA YANG BSGO BA NI 'DIR ZAD DE, YANG NA PHAN TSUN DU'AM SKAD CIG SNGA MAS SKAD CIG PHYI MA LA 'AM, RNAM PAR SHES PA'I RIGS LA BSGO GRANG NA, RNAM PA THAMS CAD DU MI RUNG BAS KUN GZHI RNAM PAR SHES PA LAS GZHAN PA'I RNAM PAR SHES PA LA SGO BAR BYED PA NI MA YIN NO ZHES BYA BA NI LEGS PAR BSHAD PA'O, ,PHYI DANG NANG GI SA BON 'DI GNYI GA YANG SKYED PAR BYED PA DANG 'PHEN PAR BYED PA STE, PHYIR ROL GYI SA BON NI MYU GU MNGON DU SKYED PAR BYED PA'O, ,BRGYUD NAS SDONG BU LA SOGS PA'I 'PHEN PA YANG YIN NO, ,NANG GI SA BON KUN GZHI RNAM PAR SHES PA YANG MING DANG GZUGS MNGON DU SKYED PAR BYED PA'O, ,BRGYUD NAS RGA SHI LA THUG PA'I BAR DU 'PHEN PAR BYED PA YANG YIN NO, ,SKYED PAR BYED PA NI YIN GRANG NA 'PHEN PAR BYED PAR JI LTAR 'GYUR ZHE NA, MA BTAB SHI BA 'PHEN PA'I PHYIR, ,ZHES BYA BA SMOS SO, ,GAL TE SA BON NI SKYED PAR BYED PA YIN LA, 'PHEN PAR BYED PA MA YIN NA SA BON DU MA BTAB PA SKYED PA LA SOGS PA'I NANG DU YOD PA'I NAS LA SOGS PA'I SA BON RNAMS KYI RGYUN YUN RING POR RJES SU 'PHEL BAR MI 'GYUR RO, ,SHI BA'I RO RNAMS KYANG RNAM PAR BSNGOS PA LA SOGS PA'I GNAS SKABS SU RJES SU 'JUG PAR MI 'GYUR GYI SHI MA THAG TU RNAM PAR 'JUG PAR 'GYUR BA'I RIGS SO, ,JI LTA ZHE NA, MDA' NI BAR DU MI LTUNG BZHIN, DPER NA MNGA' NI SNGAR BKANG LA 'PHANGS NA 'GRO BA DE LA 'GRO BA DE'I SKYED PAR BYED PA NI BKANG BA MA YIN TE, DE MED PA'I PHYIR RO, ,MI 'GRO BA YANG MA YIN TE, TSU ROL DU LTUNG BAR 'GYUR BA'I PHYIR RO, ,JI SRID DU 'GRO BAR BYA BAR YANG 'GRO BAS NA DE'I PHYIR BKANG BA NI DE LA 'PHEN PA YIN PAR MNGON NO, ,GANG DAG RANG GI NGANG GIS MTHAR 'JIG PHYIR, ,ZHES 'DON PA DE DAG GI LTAR NA 'DI NI 'PHEN PAR BYED PA NYID KYI GTAN TSIGS KYI DON YIN GYI DPE MA YIN TE, 'DI LTAR SNYING PO DANG MA ZAD PA'I MAR ME 'CHI BA'I TSUL DU MTHA' 'GYUR BA'I RGYUN 'CHAD PA'I BDAG NYID PHYIR ROL GYI RKYEN LA MI LTOS PAR RANG GI NGANG @207A *, ,GIS RNAM PAR 'JIG PA YIN TE, DES NA GANG GIS DE LTAR 'DU BYED RNAMS JI LTAR SNGON BZHIN DU RGYU NA RGYAS PAR MI BYED PAS NGES PAR 'PHEN PAS YONGS SU ZAD PAR RJES SU DPAG GO,, ,,BAM PO GNYIS PA, DE LTAR NANG GI DANG PHYI'I SA BON GNYIS MTSUNGS PAR BSTAN NAS, PHYI ROL SA BON MA BTAB PA'AM ZHES BYA BA LA SOGS PA MI MTSUNGS PA NYID BRJOD DO, ,'AM ZHES BYA BA NI NGES PA MED PA'I DON TO, ,PHYI ROL GYI SA BON NI BTAB KYANG RUNG STE SA BON NYID DU RNAM PAR RTOG STE DPER NA SOL BA DANG BA LANG GI LCI BA DANG, LUG GI BAL LA SOGS PA NI TIL DANG, AUT-PA LA'I RTZA BA DANG, RTZVA d'UR PA LA SOGS PA LA GO RIMS BZHIN TE, TIL LA SOGS PA SOL BA LA SOGS PA LA MA BTAB MOD KYI 'ON KYANG DE DAG LAS SKYE'O, ,'BRAS S'A LU LA SOGS PA'I SA BON BTAB PA NI S'A LU'I MYU GU LA SOGS PA SA BON DU 'GYUR RO, ,NGES PA MED PA'I SA BON NYID DE NI NANG GI KUN GZHI RNAM PAR SHES PA LA 'DOD PA MA YIN TE, DE LA NI BTAB PA NYID SA BON DU RUNG GI MA BTAB PA NI MA YIN NO, ,DE CI MNGON ZHE NA, THOS PA LA SOGS PA'I BAG CHAGS BSKYED PA MED NA DE'I 'BRAS BU MANG DU THOS PA LA SOGS PA MI SNANG BA'I PHYIR RO, ,PHYI ROL GYI 'BRAS BU S'A LU LA SOGS PA'I SA BON GANG YIN PA DE NI BTAB KYANG RES 'GA' CHUD ZOS LA SRED LA SOGS PA NI MA BTAB KYANG RUNG STE SKYE BA DE LTAR NANG GI SA BON NI MA YIN TE, BYAS PA DANG MA BYAS PA CHUD ZA BA DANG SKYE BA MED PAS PHYI ROL DANG MI 'DRA'O, ,GAL TE NANG GI SA BON LAS PHYI'I SA BON THA DAD PA YIN NA KUN GZHI RNAM PAR SHES PA SA BON THAMS CAD PA NYID DU SNGA BSHAD PA LA GNOD PAR JI LTAR MI 'GYUR ZHE NA, LAN BTAB PA, NANG NI PHYIR ROL RKYEN YIN TE, ,'DI LTAR DE NI BAG CHAGS RTEN, ,ZHES BYA BA LA SOGS PA STE, ,'DI LTAR 'BRAS S'A LU LA SOGS PA'I SA BON NI DE LA ZA BA'I SROG CHAGS RNAMS KYI LAS KYI BAG CHAGS KYI SA BON KUN GZHI RNAM PAR SHES PA LA GNAS PA RNAMS KYIS DER SNANG BAR BSGRUBS PA STE, DE'I PHYIR DE LAS GUD NA MED DO, ,YANG SMRAS PA, NAM MKHA' SA RLUNG NYI MA DANG, ,PHYOGS DANG RGYA MTSO 'BAB CHU RNAMS, ,NANG GI BYED PA YANG DAG GI, ,CHA YIN PHYI ROL 'DRA BAR GNAS, ,ZHES BYA BA LA SOGS @207B PA'O, ,YANG 'JUG PA'I RNAM PAR SHES PA GZHAN GANG YIN PA DE NI LUS THAMS CAD DANG LHA LA SOGS PA 'GRO BA THAMS CAD DU NYE BAR SPYOD PA CAN DU BLTA STE ZHES BYA BA NI NYE BAR SPYOD NUS PA STE, DMIGS PA DANG RNAM PA YONGS SU CHAD PA'I PHYIR RO, ,GCIG NI RKYEN GYI RNAM PAR SHES, ,GNYIS PA NYE BAR SPYOD PA CAN, ,NYE BAR SPYOD DANG YONGS SPYOD DANG, ,DE YI 'JUG BYED SEMS LAS BYUNG, ,ZHES BYA BA DE LA NYE BAR SPYOD PA NI TSOR BA'O, ,ZHES BYA BA LA SOGS PA DBUS DANG MTHA' RNAM PAR 'BYED PA'I GZHUNG NYE BAR BKOD PAS NI YID CHES PA DANG LDAN PA DANG GZHUNG LUGS GCIG TU MTHUN PAR STON TO, , CHOS KUN RNAM PAR SHES LA SBYOR, ,ZHES BYA BA LA SOGS PA NI KUN GZHI RNAM PAR SHES PA DANG 'JUG PA'I RNAM PAR SHES PA GNYIS GCIG GI RKYEN GCIG YIN PAR LUNG GIS BRTAN POR BYED DE, MA LA BU RNAMS BDAG CAG NI KHYOD KYI YIN NO ZHES SMRA BA LTA BU'O, ,DE DAG LA YANG DE DE BZHIN, ,ZHES BYA BA NI KHYED NGA'I YIN NO ZHES SMRA BA LTA BU'O, ,DE LTA BAS NA GCIG LA GCIG 'BYUNG BAS KUN GZHI DANG 'JUG PA'I RNAM PAR SHES PA GNYIS PHAN TSUN DU RGYU'I RKYEN TO, ,RTEN CING 'BREL PAR 'BYUNG BA DANG PO LA, ,ZHES BYA BA NI NGO BO NYID RNAM PAR 'BYED PA CAN LA STE, JI SKAD BSHAD MA THAG PA'O, ,GNYIS PA LA ZHES BYA BA NI SDUG PA DANG MI SDUG PA RNAM PAR 'BYED PA CAN LA'O, ,BDAG PO'I RKYEN TO ZHES BYA BA NI DNGOS SU NA MA RIG PA LA SOGS PA STE, DE DAG GI MTHUS 'DU BYED LA SOGS PA BDE 'GRO DANG NGAN 'GROR 'BYUNG BA'I PHYIR RO, ,RNAM PAR SHES PA DRUG PO DAG RKYEN GSUM GYIS SKYE ZHES BYA BA NI BDAG PO DANG DMIGS PA DANG DE MA THAG PA ZHES BYA BA RNAMS SO, ,DE LA MIG NI MIG GI RNAM PAR SHES PA'I BDAG PO'I RKYEN TO, ,GZUGS NI DMIGS PA'I RKYEN TO, ,'GAGS MA THAG PA'I YID NI DE MA THAG PA'I RKYEN TE GO SKABS 'BYED DO, ,JI LTAR 'DI GSUM GYIS MIG GI RNAM PAR SHES PA SKYES PA LTAR RNA BA LA SOGS PA'I RNAM PAR SHES PA RNAMS KYANG DE BZHIN TE SNGA MA DANG DON MTHUN PAR RANG RANG GI GSUM GSUM PO DAG GIS 'BYUNG BAR MTSUNGS PAR BSHAD DO, ,'KHOR BA PA ZHES BYA BA NI NGO BO NYID RNAM PAR 'BYED PA CAN YIN TE, DE LAS GZHAN PA'I RKYEN GSUM MED PA'I PHYIR RGYU'I @208A *, ,RKYEN LAS 'BYUNG BA NYID DU NGES SO, ,DE LTAR RTEN CING 'BREL PAR 'BYUNG BA GSUM PO DAG GI RKYEN NI BZHI STE, CI RIGS SU SBYAR GYI SEMS DANG SEMS LAS BYUNG BA GCIG LA YANG BZHI CHAR NI MA YIN PAR KHONG DU CHUD PAR BYED DO, ,RANG DANG GZHAN GYI LUNG DAG GIS KUN GZHI RNAM PAR SHES PA BSGRUBS NAS LDAN PA'I RIGS LAS GRUB PAR BSGRUBS TE, RIGS PA DANG LUNG SO SOS MI NUS PA'I PHYIR RO, ,JI SKAD DU DAD PAS NI NGA'I PHYIR MA 'GRO SHIG CES BYA BA LA SOGS PA GSUNGS PA LTA BU'O, ,'DI LTAR KUN GZHI RNAM PAR SHES PA LAS GZHAN NA KUN NAS NYON MONGS PA DANG RNAM PAR BYANG BA MED KYI DE DAG DE LA YOD DE NGA'I PHYIR DE YOD DO, ,DE LA KUN NAS NYON MONGS PA YIN PAS KUN NAS NYON MONGS PA STE, KUN NAS NYON MONGS PAR GYUR PA RNAM PAR MA DAG PA ZHES BYA BA'I THA TSIG GO, ,RNAM PAR BYANG BA YIN PAS RNAM PAR BYANG BA STE DAG PA'O, , KUN NAS NYON MONGS PA RNAM PA GSUM NI NYON MONGS PAS BYAS PA DANG, LAS KYIS BYAS PA DANG SKYE BAS BYAS PA'O, ,RNAM PAR BYANG BA RNAM PA GNYIS PA 'JIG RTEN PA RNAMS NI RE ZHIG PA STE, NYON MONGS PA RNAM PAR GNON PA TZAM DU ZAD DO, ,'JIG RTEN LAS 'DAS PA NI GTAN DU BA STE, LAM GYI BDEN PAS BAG LA NYAL LEGS PAR BCOM PA'I PHYIR RO, ,'JUG PA'I RNAM PAR SHES PA RNAMS LA NYON MONGS PA'I KUN NAS NYON MONGS PA MI SRID PA'I DBANG DU BYAS NAS 'DI LTAR MIG GI RNAM PAR SHES PA GANG ZHES BYA BA LA SOGS PA SMRAS SO, ,MIG GI RNAM PAR SHES PA 'GAGS PA RNAM PAR SHES PA GZHAN GYIS BAR DU CHOD PA DE LA ZHES BYA BA NI RNA BA LA SOGS PA'I RNAM PAR SHES PAS BAR DU CHOD PA LA BYA STE, 'DOD CHAGS LA SOGS PA'I BAG CHAGS GNAS PA DANG BCAS PA 'GAGS PA'I PHYIR RO, ,'DOD CHAGS LA SOGS PA DANG BCAS PA 'BYUNG DU MI RUNG STE ZHES BYA BA NI YANG MIG GI RNAM PAR SHES PA LA 'DOD CHAGS DANG ZHE SDANG DANG, GTI MUG DANG LDAN PA 'BYUNG DU MI RUNG STE, RGYU MED PA'I PHYIR RO, 'DOD CHAGS LA SOGS PA DANG BCAS PA'I MIG GI RNAM PAR SHES PA 'DAS PA DE NI DE'I RGYUR MI RUNG STE, 'DAS PA'I LAS LAS RNAM PAR SMIN PA'I 'BRAS BU 'BYUNG BA BZHIN @208B NO; ,JI LTAR BYE BRAG TU SMRA BA RNAMS 'DAS PA'I LAS LAS RNAM PAR SMIN PA'I 'BRAS BU 'BYUNG ZHES BYA BA LA BAG CHAGS KYI BYA BA MED PAS MDO SDE PA DAG MI 'DOD PA DE LTAR DE DAG LA YANG 'DAS PA MED PAS DE LAS 'DOD CHAGS LA SOGS PA DANG BCAS PA'I SEMS 'BYUNG DU MI RUNG NGO, ,'DI NI RE ZHIG 'DOD CHAGS LA SOGS PA DANG LHAN CIG BYUNG BA'I MIG GI RNAM PAR SHES PA LA 'DOD CHAGS LA SOGS PA'I BAG CHAGS KHAS BLANGS TE, DE LAS GZHAN 'BYUNG BA GANG YIN BA DE 'DOD CHAGS LA SOGS PA DANG LDAN PAR 'BYUNG DU MI RUNG BAR BSTAN PA YIN NO, ,DA NI 'DOD CHAGS LA SOGS PA DANG LHAN CIG 'BYUNG BA'I RNAM PAR SHES PA DE NYID LA YANG BAG CHAGS MI 'THAD PAR DPYOD DE, MIG GI RNAM PAR SHES PA 'DOD CHAGS LA SOGS PA DANG LHAN CIG BYUNG BA DE LA YANG ZHES BYA BA LA SOGS PA'O, ,RE ZHIG 'DOD CHAGS LA NI MA YIN TE, 'DOD CHAGS NI DE LA BRTEN PA'I PHYIR RO ZHES BYA BA LA RE ZHIG GI SGRA NI RIM GYI DON TA, ,'DOD CHAGS NI SEMS LAS BYUNG BA YIN PAS RNAM PAR SHES PA LA BRTEN PA'O, ,GNAS PAS GNAS LA BSGO BA NI RIGS PA'I TSUL YIN GYI GNAS NYID KYIS GNAS PA LA BSGOR NI MI RUNG STE, BDAG NYID LA BYED PA 'GAL BA'I PHYIR RO, ,MI BRTAN PA'I PHYIR RO, ,ZHES BYA BA NI KHA CIG MI 'DON TE, RNAM PAR SHES PA YANG MI BRTAN PA'I PHYIR RO, ,RNAM PAR SHES PA GZHAN DAG LA YANG MA YIN TE ZHES BYA BA NI RNA BA LA SOGS PA'I RNAM PAR SHES PA RNAMS LA'O, ,RNAM PAR SHES PA RNAMS KYI GNAS THA DAD PA'I PHYIR RO ZHES BYA LA GNAS NI RNA BA LA SOGS PA STE, RNAM PAR SHES PA RNAMS KYI GNAS TE THA DAD DO, ,DES NA MIG GI RNAM PAR SHES PA NYID MIG LA BRTEN TE 'BYUNG GI GZHAN LAS NI MA YIN TE, JI LTAR SNGAR THA DAD GSUM DANG 'GAL BA'I PHYIR ZHES BSHAD PA LTA BU'O, ,LHAN CIG 'BYUNG BA DANG 'GAG PA MED PA'I PHYIR RO ZHES BYA BA NI LHAN CIG 'BYUNG BA MA YIN PA RNAMS LA BAG CHAGS BSGO BAR BYA BA DANG, SGO BAR BYED PA'I DNGOS PO MED PAS BAG CHAGS KYI MTSAN NYID MED PAR STON TO, ,RANG GI DNGOS PO LA YANG MA YIN TE ZHES BYA BA NI MIG GI RNAM PAR SHES PA DE NYID KYIS MIG GI RNAM PAR SHES PA DE NYID LA BAG CHAGS MI BSGO STE, BSGO BAR BYA BA DANG SGO @209A *, ,PAR BYED PA LAS DANG BYED PA DAG 'CHOL BA'I SKYON DU 'GYUR BA'I PHYIR RO, ,RNAM PAR SHES PA DE LA RNAM PAR SHES PAS BSGOS PA YANG MI RUNG NGO, ,ZHES BYA BA NI MIG GI RNAM PAR SHES PA LA RNA BA LA SOGS PA'I RNAM PA SHES PAS GZHAN DE DANG LHAN CIG SKYES PA'I 'DOD CHAGS LA SOGS PAS BAG CHAGS BSGOR MI RUNG ZHES BYA BA'I THA TSIG STE, SNGA MA BZHIN DU GNAS THA DAD PA'I PHYIR RO, ,TSUL NI 'DI TZAM DAG TU ZAD DE, RNAM PA THAMS CAD DU MI RUNG NGO, ,MIG GI RNAM PAR SHES PA LA JI LTA BA DE BZHIN DU ZHES BYA BA LA SOGS PA NI SNGA MA DANG DON MTSUNGS PAR BSHAD DO, ,GANG YANGS GONG MA 'DU SHES MED PA NAS SHI 'PHOS TE 'DIR SKYES PA RNAMS KYI ZHES BYA BA NI 'DOD PA'I KHAMS SU'O, ,NYON MONGS PA DANG NYE BA'I NYON MONGS PA ZHES BYA BA NI 'DOD CHAGS LA SOGS PA DANG KHRO BA LA SOGS PAS SO, ,THOG MA NYID DU ZHES BYA BA NI NYID MTSAMS SBYOR BA'I DUS NA'O, ,GNAS DANG BCAS PA ZHES BYA BA NI SNGA MA BZHIN DU BSHAD DO, ,MDO SDE PA DANG GTAN LA DBAB PA'I SKABS STON TE DE'I GZHUNG LTAR NA 'DAS PA DANG MA 'ONGS PA DAG DNGOS PO MED PA'I PHYIR RO, ,NYON MONGS PA'I GNYEN PO'I RNAM PAR SHES PA BYUNG NA ZHES BYA BA LA SOGS PAS NI GAL TE KUN GZHI RNAM PAR SHES PA MED NA GANG GI TSE THOG MA NYID DU RGYUN DU ZHUGS PA'I 'BRAS BU LA 'JUG PA LA MTHONG BAS SPANG PAR BYA BA'I NYON MONGS PA'I GNYEN PO LA MA SKYES PA DE'I TSE 'JIG RTEN PA'I SHES PA THAMS CAD NI 'GAGS NA BSGOM PAS SPANG BAR BYA BA'I NYON MONGS PA'I BAG LA NYAL GANG DU GNAS PAR 'GYUR, GNYEN PO NYID MI MTHUN PA'I PHYOGS KYI SA BON DANG 'BREL PAR NI MI RUNG NGO, ,NGO BO NYID KYIS RNAM PAR GROL BA'I PHYIR ZHES BYA BA NI RANG BZHIN GYIS RNAM PAR BYANG BA'I PHYIR RO, ,ZHES BYA BA'I THA TSIG GO, ,LHAN CIG 'BYUNG BA DANG 'GAG PA MED PA'I PHYIR RO ZHES BYA BA NI MI MTHUN PA'I PHYOGS DANG GNYEN PO PHAN TSUN MI MTHUN PA'I PHYIR SNANG BA DANG MUN PA BZHIN TE, SA BON GYI MTSAN NYID DU MI RUNG BAR STON TO, ,DE'I 'OG TU ZHES BYA BA NI MTHONG BA'I LAM GYI 'OG TU BSGOM PA'I LAM LA'O, ,'DAS NAS YUN RING STE ZHES BYA BA LA SOGS PA NI BRDA PHRAD PAR ZAD DO, ,BYE BRAG @209B TU SMRA BA'I THOB PA'I PHYOGS NI MDO SDE BA NYID KYIS BSAL ZIN TE DE NI SKYABS SU MI RUNG NGO, ,NYE BAR GYUR BA'I PHYIR MDO SDE PA DANG DPYAD PA'I DBANG DU BYAS PA STE, DE LA YANG BAG CHAGS KYI GNAS MED PA'I SKYON CHAGS PA NYID DO, ,DE LTA BAS NA KUN GZHI RNAM PAR SHES PA MED NA NYON MONGS PA'I KUN NAS NYON MONGS PA MI RUNG NGO ZHES BYA BA NI GZHAN DU NA MI SRID PA'I TSUL GYIS NGES PAR BYED TE MJUG SDUD PA'O, ,'DU BYED KYI RKYEN GYIS RNAM PAR SHES PA MI RUNG BA'I PHYIR RO, ,ZHES BYA BA NI 'JUG PA'I RNAM PAR SHES PA RNAMS LA LAS KYI KUN NAS NYON MONGS PA MI SRID PAR STON TO, ,KUN GZHI RNAM PAR SHES PA MED NA MIG LA SOGS PA'I RNAM PAR SHES PA 'DOD CHAGS LA SOGS PA DANG LHAN CIG SKYES PA 'DU BYED KYI RKYEN LAS BYUNG BAR 'DOD NA DE YANG MI RUNG STE, RNAM PAR SHES PA'I RKYEN GYI MING DANG GZUGS ZHES 'BYUNG BA'I PHYIR RO, ,MIG LA SOGS PA'I RNAM PAR SHES PA NI SKAD CIG GIS 'JIG PA'I TSUL CAN YIN PAS 'GAGS NAS YUN RING BA'I PHYIR MING DANG GZUGS KYI RKYEN DU MI RUNG STE, NYES PA MANG DU 'GYUR RO, ,NYES PA 'DIS 'JIGS NAS NYING MTSAMS SGYOR BA'I RNAM PAR SHES PA 'DOD NA DE YANG MI RUNG STE, NYING MTSAMS SBYOR BA'I RNAM PAR SHES PA'I DUS NA BSOD NAMS DANG, BSOD NAMS MA YIN PA DANG, MI G-YO BA'I 'DU BYED 'GAGS NAS YUN RING BA'I PHYIR RO, ,'GAGS PA RNAMS LAS NI DE 'BYUNG BAR YANG MI RIGS SO, ,RJES SU CHAGS PA DANG KHONG KHRO BA DANG LDAN PA'I PHYIR NYING MTSAMS SBYOR BA'I SEMS NI LUNG DU MA BSTAN PA MA YIN NO, ,RNAM PAR SMIN PA NI LUNG DU MA BSTAN PA YIN PAS DE 'DU BYED KYI RKYEN CAN DU MI RUNG NGO, ,'JUG PA'I RNAM PAR SHES PA 'DU BYED DANG MTSUNGS PAR LDAN PA RNAMS KUN GZHI RNAM PAR SHES PA LA BAG CHAGS SKYED NA NI MI RUNG NGO, ,DE MED NA LEN PA'I RKYEN GYIS SRID PA YANG MI RUNG BA'I PHYIR RO, ,ZHES BYA BAS NI BAG CHAGS KYI GNAS SKABS KYI LAS RNAM PAR SMIN PAR MNGON DU PHYOGS PAR GYUR BA'AM, 'JUG PA RNYED PA NI SRID PA STE, NYID MTSAMS SBYOR BA'I RNAM PAR SHES PA NI MA YIN NO, ,'DU BYED KYIS YONGS SU BSGOS PA'I RNAM PAR SHES PA MI 'THAD NA SKYE BA'I 'BRAS @210A *, ,BU 'BYIN PAR MNGON DU PHYOGS PAR GYUR PA NA LAS DE GANG DU GNAS TE SRID PAR 'GYUR, DE LTAR BAS NA KUN GZHI RNAM PAR SHES PA MED NA LAS KYI KUN NAS NYON MONGS PA YANG MI RUNG NGO, ,DA NI NYID MTSAMS SBYOR BA SBREL BA MI RUNG BA'I PHYIR RO ZHES BYA BA LA SOGS PAS RNAM PAR SHES PA GZHAN DAG LA SKYE BA'I KUN NAS NYON MONGS PA MI SRID PAR STON TO, ,MNYAM PAR MA BZHAG PA'I SA NAS ZHES BYA BA NI 'DOD PA'I KHAMS NAS SO, ,SHI 'PHOS PA'I ZHES BYA BA NI SHI BA'O, ,YID BAR MDO'I SRID PA NA GNAS PA ZHES BYA BA NI SHI BA DANG SKYE BA'I SRID PA GNYIS KYI BAR GYI SRID PA LA GNAS PA'I SEMS SO, ,YID KYI RNAM PAR SHES PA ZHES BYA BA NI DE LAS GZHAN PA'I RNAM PAR SHES PA RNAMS DE'I TSE 'GAGS NAS YUN RING BA'I PHYIR RO, ,NYON MONGS PA CAN ZHES BYA BA NI RJES SU CHAGS PA DANG KHONG KHRO BA DANG LDAN PA'I PHYIR PHYIN CI LOG GIS SO, ,NYING MTSAMS SBYOR BA ZHES BYA NI NYID MTSAMS SBYOR BAR BYED PA'O, ,DE 'BREL PA NI SKYE BA STE LUS YONGS SU 'DZIN PA ZHES BYA BA'I DANG BDE BA GCIG PAS 'DRES PAR GYUR NAS NUR NUR POR 'GYUR TE, ZHES BYA BA NI SKYE BA'I SRID PA LA DMIGS PA'O, ,BAR MA DO'I SRID PAR 'GAG LA ZHES BYA BA NA DE MA 'GAGS NA SKYE BA'I SRID PA MI RUNG BA'I PHYIR RO, ,RNAM PAR SHES PA YANG MA'I MNGAL DU NUR NUR PO NYID BRGYAL PO ZHES BYA BA NI DA 'GAG PA DANG DUS MNYAM DU KHU CHU DANG KHRAG DANG LHAN CIG GRUB PA DANG BDE BA GCIG PAS 'DRES PAR GYUR NAS NUR NUR POR 'GYUR TE, JI SKAD DU BCOM LDAN 'DAS KYIS BKA' STZAL PA; KUN DGA' PO GAL TE RNAM PAR SHES PA MA'I MNGAL DU MA ZHUGS NA NUR NUR PO YANG NUR NUR PO NYID DU CHAGS PAR MI 'GYUR RO ZHES GSUNGS PA LTA BU'O, ,GAL TE YID KYI RNAM PAR SHES PA DE NYID BRGYAL NA NI ZHES BYA BA NI KUN GZHI RNAM PAR SHES PA MA YIN PA'O, ,BRGYAL BZHES BYA BA SKYES PA RNAM PAR SMIN PAR GYUR PA STE, DE LA BRTEN NAS GZHAN DAD PA DANG CHAGS PA DANG MTSUNGS PAR LDAN PA'I DGE BA DANG MI DGE BA DANG BDE BA DANG SDUG BSNGAL GYI TSOR BA MYONG BA DANG LDAN PA RNAM PAR RTOG PA CAN GYI YID KYI RNAM PAR SHES PA PHYI MA PHYI MA'I GNAS SKABS RNAMS SU 'BYUNG NGO, ,DES NA YID KYI RNAM @210B PAR SHES PA GNYIS DUS GCIG TU MA'I MNGAL DU 'JUG PAR 'GYUR RO ZHES BYA BA NI GANG RTZA BAR GYUR PA STE, SEMS CAN GYI RDZAS DE'I TSE MNGON PAR 'DU BYED PA LA MI LTOS PA RNAM PAR SMIN PA'I BDAG NYID CAN LUNG DU MA BSTAN PA DMIGS PA DANG RNAM PA YONGS SU MA CHAD PA, BTANG SNYOMS DANG MTSUNGS PAR LDAN PA BRGYAL BA DE DANG GANG DE LA BRTEN NAS GZHAN MNGON PAR 'DU BYED PA CAN RNAM PAR SMIN PA'I RANG BZHIN MA YIN PA DMIGS PA DANG RNAM PA YONGS SU CHAD PA BDE BA DANG SDUG BSNGAL GYI TSOR BA DANG MTSUNGS PAR LDAN PA'I YID KYI RNAM PAR SHES PA STE, DE NI MDO DANG 'GAL BA'I PHYIR MI 'DOD DO, ,KHYED NI 'DI SKAD 'DON TE RNAM PAR SHES PA GNYIS SNGA PHYI MED PAR 'BYUNG BA NI GNAS MA YIN ZHES GO SKABS MED DO ZHES BYA BA LA SOGS PA'O, ,DE GNYIS NI GCIG PA NYID DU YANG MI 'THAD DE RANG BZHIN THA DAD PA'I PHYIR RO, ,RNAM PAR SMIN PA RGYUN CHAD NA NI SROG GI RGYUN CHAD PAR 'GYUR RO; ,RNAM PAR SMIN PA MED NA 'GRO BA YANG MED PAR 'GYUR RO, ,YID KYI RNAM PAR SHES PA BRGYAL BA DE NI YID KYI RNAM PAR SHES PA NYID DU MI RIGS TE, DUS RTAG TU NYON MONGS PA CAN NYID GNAS YIN PA ZHES BYA BA NI DAM BCA' BA'I DON GYI SKYON CHOS CAN GYI RANG GI NGO BO NYID LAS BZLOG PA STON TO, , GANG YID KYI RNAM PAR SHES PA NYID DU GNYI GA LA NGES PA DE NI RTAG TU NYON MONGS PA CAN GNAS MA YIN TE, DPER NA DUS PHYI MA LA 'BYUNG BA'I YID KYI RNAM PAR SHES PA BZHIN NO, ,NYID MTSAMS SBYOR BA'I SEMS THAMS CAD NI THAMS CAD NAS THAMS CAD DU NYON MONGS PA GNAS YIN TE, BAR MA DO'I SRID PAS BSDUS PA'I GNAS SKYE BA'I SRID PA LA DMIGS PA NI THAMS CAD NA RTAG PAR NYON MONGS PA CAN YIN PA'I PHYIR RO, ,DE LTAR NA YID KYI RNAM PAR SHES PA'I CHOS LAS 'DAS PA'I PHYIR DE YID KYI RNAM PAR SHES PAR MI RUNG NGO, ,YANG NA NYON MONGS PA BZHI DANG MTSUNGS PAR LDAN PA NYON MONGS PA CAN GNAS YIN PA'I PHYIR NYID MTSAMS SBYOR BA'I SEMS NYON MONGS PA CAN DU 'GYUR RO, ,RNAM PAR SMIN PA YIN PA'I PHYIR DE NI LUNG DU MA BSTAN PAR YANG 'DOD DO, ,NYON MONGS PA CAN GYI YID NI BSGRUBS ZIN TO SNYAM DU BSAMS PA'O, ,RNAM PAR SMIN PA NYID KYANG BKAG STE, YID KYI RNAM @211A *, ,PAR SHES PA 'BA' ZHIG BKAG PA NI MA YIN NO, ,YID KYI RNAM PAR SHES PA'I DMIGS PA LA MI DMIGS PA'I PHYIR RO ZHES BYA BA NI DE'I YID KYI RNAM PAR SHES PA MA YIN ZHES BYA BA DE NYID KYI GTAN TSIGS KYIS GNON NO, ,GANG BDAG CAG GNYI GA LA YID KYI RNAM PAR SHES PAR NGES PA DE NI RANG GI DMIGS PA LA DMIGS SHING YONGS SU GCOD DE, DPER NA PHYI MA'I GNAS SKABS GZHAN NA 'BYUNG BA'I YID KYI RNAM PAR SHES PA BZHIN TE, 'JUG PA'I RNAM PAR SHES PA RNAMS YUL SO SOR RNAM PAR RIG PA'I MTSAN NYID YIN PA'I PHYIR RO, ,NYID MTSAMS SBYOR BA'I SEMS NI DE LTAR DMIGS PA YONGS SU MI GCOD PA MA YIN PAS DE YID KYI RNAM PAR SHES PA MA YIN NO, ,'DIR 'GOG PA'I SNYOMS PAR 'JUG PA'I SEMS DANG MTSUNGS PAR PHYIR BRGAL DU YANG MI RUNG STE, DE NI YID KYI RNAM PAR SHES PA NYID DU KHAS MI LEN PA'I PHYIR RO, ,DE LTA BAS NA 'DIR NI DMIGS PA LA MI DMIGS PA YONGS SU MI GCOD PA YIN GYI MED PA NYID NI MA YIN TE, 'DI LTAR DE'I TSE CHOS MED PA NI MA YIN GYI, YOD BZHIN DU YONGS SU MI GCOD DO, ,YID KYI RNAM PAR SHES PA'I GNAS MIG LA SOGS PA YONGS SU MA RDZOGS PA'I PHYIR RO, ,YID KYI RNAM PAR SHES PA DE BRGYAL BA YIN DU CHUG NA YANG ZHES BYA BA NAS BZUNG STE, DE'I RNAM PAR SMIN PA'I RNAM PAR SHES PA SA BON THAMS CAD PA'O, ,ZHES BYA BA DER GRUB PO ZHES BYA BA'I BAR DE NI MJUG SDUD PA STE, GO SLA BAS MA BSHAD DO, ,NYID MTSAMS SBYOR BA SPREL ZIN PA RNAMS KYI ZHES BYA BA NI LUS THOB PA RNAMS KYI'O, ,DBANG PO GZUGS CAN ZHES BYA BA NI YID MA GTOGS PA'O, ,'DZIN PAR BYED PA ZHES BYA BA NI YONGS SU 'DZIN PA'O, ,KUN GZHI RNAM PAR SHES PA LA MA GTOGS PA DE LAS GZHAN ZHES BYA BA NI 'JUG PA'I RNAM PAR SHES PA'O, ,JI LTA ZHE NA, GNAS SO SOR NGES PA'I PHYIR ZHES BYA BA STE, DE MIG LA SOGS PA DRUG PO DAG GO, ,'DIS NI 'DZIN PAR BYED PA GCIG PU MED PAR STON TO, ,MIG GI RNAM PAR SHES PA'I GNAS NI MIG NYID YIN NO, ,DE BZHIN DU RNA BA LA SOGS PA'I RNAM PAR SHES PA RNAMS KYA GNAS KYANG RNA BA LA SOGS PA'O, ,GANG GI GNAS GANG @211B YIN PA DE NYID KYIS DE 'DZIN PAR MI RUNG NGO, ,MI BRTAN PA'I PHYIR RO ZHES BYA BA NI G-YO BA'I PHYIR ZHES BYA BA'I THA TSIG STE, YUD TZAM YUD TZAM LA BAR CHAD DANG BCAS PAR 'TSOL BAR 'BYUNG BA'I PHYIR RO, ,'DU SHES MED PA LA SOGS PAR YANG RGYUN CHAD PAS MIG LA SOGS PA ZIN PA RNAMS KYANG RGYUN CHAD PAR 'GYUR TE, DPER NA SHI BA'I LUS KUN GZHI RNAM PAR SHES PAS BTANG BA RNAMS BZHIN NO, ,GAL TE LUS KYI DBANG POS KHOG PA ZIN TE KHYAB PA'I PHYIR RO ZHE NA, DE YANG MI RUNG STE, LUS KYI DBANG PO YANG GZUNG BAR BYA BA YIN PA'I PHYIR RO, ,GAL TE DE 'DZIN PAR BYED PA YIN NA NI MA ZIN PAR 'GYUR TE, 'DZIN PA GZHAN MED PA'I PHYIR RO, ,BCOM LDAN 'DAS KYIS KYANG LUS KYI DBANG PO YONGS SU BTANG BAS 'CHI BAR 'GYUR GYI RNAM PAR SHES PA YONGS SU BTANG BAS NI MA YIN NO ZHES GSUNGS PA'I RIGS NA, TSE DANG DROD DANG RNAM PAR SHES, ,'DI DAG GANG TSE LUS 'DOR ZHING, ,BOR NAS DE TSE 'DUG PA NI, ,DPER NA SHING LA SEMS MED BZHIN, ,ZHES KYANG GSUNGS SO, ,DE LTA BAS NA LUS KYE DBANG PO NI 'DZIN PAR BYED PAR MI RIGS SO, ,RNAM PAR SHES PA DANG MING DANG GZUGS MDUNG KHAM LTAR GCIG LA GCIG BRTEN PA'I TSUL GYIS 'JUG PA GANG YIN PA DE YANG RNAM PAR SMIN PA'I RNAM PAR SHES PA MED NA NI MI RUNG NGO ZHES BYA BA NI BCOM LDAN 'DAS KYIS RNAM PAR SHES PA'I RKYEN GYIS MING DANG GZUGS ZHES GSUNGS TE, DE LA MING NI GZUGS CAN MA YIN PA'I PHUNG PO BZHI'O, ,GZUGS NI NUR NUR PO'O, ,'DI GNYIS KYI RKYEN RNAM PAR SHES PA GANG YIN PA SKAD CIG GCIG NAS GCIG TU BRGYUD DE GNAS NYID DU GYUR PA DE YANG KUN GZHI RNAM PAR SHES PA LAS GZHAN MA YIN NO, ,MING SMOS PAS NI 'JUG PA'I RNAM PAR SHES PA BZUNG NA RNAM PAR SHES PA SMOS PAS CI ZHIG GTZO BOR BSTAN PAR 'GYUR, RNAM PAR SHES PA LAS NI BDAG GI YID BZLOG NA RNAM PAR SHES PA LAS 'DAS PA NI MA YIN NO ZHES GANG GSUNGS PA DE YANG KUN GZHI RNAM PAR SHES PA YOD NA 'THAD DE, 'DI LTAR DE NI LUS KYI GNAS NYID DU RGYUN MI 'CHAD PAR 'JUG GO, ,DE NYID KYI PHYIR DE MING DANG GZUGS KYI RKYEN DU GSUNGS TE, DES LUS LA KHYAB PA'I PHYIR RO, ,KUN DGA' BO GZHON NU'AM @212A *, ,GZHON NU MA'I RNAM PAR SHES PA GAL TE RGYUN CHAD CING 'GAGS KYANG MING DANG GZUGS DE 'PHEL ZHING RGYAS PA DANG YANGS PAR 'GYUR RAM, BCOM LDAN 'DAS DE NI MI 'GYUR RO ZHES BYA BA LA SOGS PA GANG GSUNGS PA DE YANG KUN GZHI RNAM PAR SHES PA MED NA MI 'THAD DO, ,RNAM PAR SHES PA GZHAN NI SEMS CAN 'BYUNG PO RNAMS KYI ZAS SU YANG MI RUNG STE, ZHES BYA BA NI 'JUG PA'I RNAM PAR SHES PA STE, SNYOMS PAR 'JUG PA GNYIS DANG 'DU SHES PA NA MED PAS MA KHYAB PA'I PHYIR RO, ,ZAS MED PAR NI KHAMS GSUM NA SPYOD PA'I GNAS PA MED DO, ,SNYOMS PAR 'JUG PA'I SEMS DANG SEMS LAS BYUNG BA 'GOG PA NI ZAS SU MDO LAS MA GSUNGS TE, KHAM GYI ZAS LA SOGS PA GRANGS NGES PA'I PHYIR RO, ,DE LTAR RE ZHIG KUN GZHI RNAM PAR SHES PA MED NA 'DOD PA'I KHAMS SU NYID MTSAMS SBYOR BA SPREL BA MI RUNG BA'I 'THAD PA BSTAN NAS, 'DI NAS SHI 'PHOS TE MNYAM PAR GZHAG PA'I SAR SKYE BA NA ZHES BYA BA LA SOGS PAS GZUGS DANG GZUGS MED PA RNAMS SU YANG DE MI RIGS PA'I 'THAD PA STON TE, 'DOD PA'I KHAMS SU SHI NAS GONG DU SKYE BA NA ZHES BYA BA'I THA TSIG GO, ,YID KYI RNAM PAR SHES PA NYON MONGS PA CAN ZHES BYA BA NI DE'I SA PA'I SNYOMS PAR 'JUG PA'I RO MYANG BA'I NYON MONGS PA DANG LDAN PA'O, ,SA BON DANG LDAN PA GZHAN MI 'THAD DO ZHES BYA BA LA 'DOD PA NA SPYOD PA'I SEMS NI SA BON DANG LDAN PA MA YIN TE, LHAN CIG 'BYUNG BA DANG 'GAG PA MED PA'I PHYIR RO, ,MNYAM PAR GZHAG PA'I SEMS KYANG SA BON DANG LDAN PA YANG MA YIN TE, GCIG NYID SA BON DANG SA BON CAN GYI DNGOS POR MI RUNG BA'I PHYIR RO, ,GZUGS NA SPYOD PA'I SEMS TSE RABS GZHAN NA THOB PA YANG SA BON DU MI RUNG STE, BAG CHAGS KYI KUN GZHI RNAM PAR SHES PA MED PA'I PHYIR RO, ,GZUGS KYI RGYUD KYANG SA BON CAN MA YIN TE, GZUGS KHAS MI LEN PA'I PHYIR RO, ,DE LTA BAS NA THOG MA MED PA'I DUS CAN DE'I SA PA'I SEMS GANG LA BAG CHAGS GNAS PA'I KUN GZHI RNAM PAR SHES PA LA NGES PAR GNAS BCA' PAR BYA'O, ,YANG GZUGS MED PA'I KHAMS SU SKYES PA ZHES BYA BA LA SOGS PA LA, NYON MONGS PA CAN GYI DGE BA'I @212B SEMS YOD PA RNAMS KYI ZHES BYA BA NI SNYOMS PAR 'JUG PA'I RO MYANG BA RNAMS KYI NYON MONGS PA CAN GYI DGE BA'I SEMS KYANG GZHI MED PAR 'GYUR TE, RNAM PAR SMIN PA MED CES BYA BA 'I THA TSIG GO, ,DE'I TSE NA SEMS DANG SEMS LAS BYUNG BA THAMS CAD NI DE'I DNGOS POR 'GYUR BA'I PHYIR RO, , DE LTA BAS NA DE'I GZHI RNAM PAR SMIN PA'I RNAM PAR SHES PA NGES PAR KHAS BLANG BAR BYA'O, ,DE NYID NA ZHES BYA BA LA SOGS PA NI GZUGS MED PA RNAMS SU 'JIG RTEN LAS 'DAS PA'I SEMS ZAG PA MED PA DE MNGON DU BYED DE DE SKYES PA NA GANG ZAG PA MED PA DE LAS GZHAN PA'I SEMS 'JIG RTEN PA 'BYUNG BA NI MED PAR 'GYUR TE, 'GAGS PA NA 'GRO BAS BSDUS PA'I RNAM PAR SMIN PA MED PAS 'GRO BA DE LDOG PA NYID DU 'GYUR TE, GNYEN PO MNGON SUM DU GYUR NA MI MTHUN PA'I PHYOGS THAMS CAD SPANGS PA'I PHYIR BSGRIM MI DGOS PAR PHUNG PO LHAG MA MED PA'I MYA NGAN LAS 'DAS PA THOB PAR 'GYUR RO, ,'DU SHES MED 'DU SHES MED MIN SKYE MCHED DU SKYES PA RNAMS KYANG ZHES BYA BA LA SOGS PA NI GANG GI TSE SRID PA'I RTZE MOR SKYES PA DAG NYON MONGS PA RNAMS PAR SPANG DU ZHEN PA'I PHYIR RANG GI SA PA'I LAM MED PAS CI YANG MED PA'I SKYE MCHED KYI SA PA'I ZAG PA MED PA'I SEMS GSAL BA MNGON DU BYED DO, ,DE'I TSE DE RNAMS KYI 'GRO BA GNYI GA LDOG PAR 'GYUR ZHES BYA BA NI SRID PA'I RTZE MO DANG, CI YANG MED PA'I SKYE MCHED KYI 'GRO BA GNYI GA LAS LDOG PAR 'GYUR TE, DE GNYIS KYI GNAS MED PAR 'GYUR BA'I PHYIR RO, ,ZAG PA MED PA'I CHOS NI 'GRO BAR GTOGS PA MA YIN TE, LDAN PA MA YIN PA DANG 'GRO BA'I GNYEN POR 'GYUR BA'I PHYIR RO, ,MYA NGAN LAS 'DAS PA'I 'GRO BA YANG GNAS SU MI RUNG NGO ZHES BYA BA NI PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS KYI GNAS SKABS YIN PA DANG, 'GRO BA THAMS CAD LOG PA'I PHYIR MYA NGAN LAS 'DAS PA NI 'GRO BA MA YIN TE, 'JIG RTAN LAS 'DAS PA'I RNAM PAR SHES PA GNAS MYA NGAN LAS 'DAS PA'I 'GRO BA'I LUS RNAM PAR SMIN PAR GYUR PA NI GANG YANG MED DO, ,MYA NGAN LAS 'DAS PA NI DGRA BCOM PA RNAMS KYI 'GRO BA'O ZHES GANG GSUNGS PA NI BRTEN PA LA DER 'GRO BA'I SGRAR BRJOD DO, ,LEGS PAR BYED PA'AM NYES PAR @213A *, ,BYED PA 'CHI 'PHO BA NA ZHES BYA BA LA SOGS PA LA LEGS PAR BYED PA RNAMS NI LUS KYI SMAD NAS RIM GYIS DROD YAL BAR 'GYUR RO, ,NYES PAR BYED PA RNAMS NI LUS KYI STOD NAS DROD YAL BAR 'GYUR RO, ,DE LTA BAS NA DE YANG KUN GZHI RNAM PAR SHES PA MED NA MI 'THAD DE, DE'I TSE GANG NA YANG YID KYI RNAM PAR SHES PA MED PAS NI MA YIN NO, ,KUN GZHI RNAM PAR SHES PA NI MED PAR MI RIGS SO, ,DE LTAR KUN NAS NYON MONGS PA RNAM PAR GSUM MI SRID PAR BSTAN NAS 'JUG PA'I RNAM PAR SHES PA RNAMS LA 'JIG RTEN PA'I RNAM PAR BYANG BA MI SRID PAR STON TE, 'DI LTAR 'DOD PA RNAMS LAS 'DOD CHAGS DANG MA BRAL BA ZHES BYA BA LA SOGS PA NAS GZUGS NA SPYOD PA'I SEMS 'DAS PA TSE RABS DU MAR SEMS GZHAN GYIS BAR DU BCAD PA DE YANG ZHES BYA BA LA SOGS PA'O, ,THOG MA MED PA'I 'KHOR BA NA TSE RABS GZHAN NA THOB PA'I GZUGS NA SPYOD PA'I SEMS GANG YIN PA DE NI SA BON MA YIN TE, 'DI LTAR DE NI TSE RABS DU MAR 'DOD PA NA SPYOD PA'I SEMS DU MAS BAR DU CHOD PAS MDO SDE PA'I GZHUNG LTAR NA MED DE 'DAS PA'I PHYIR RO, ,MED PA NI GZUGS NA SPYOD PA'I SEMS KYI SA BON DU YANG MI RUNG NGO, ,DE BZHIN DU 'DOD CHAGS DANG BRAL BA NYID KYIS THAMS CAD LA YANG CI RIGS SU SBYAR BAR BYA'O ZHES BYA BA NI SNGA MA DANG MTHUN PAR SBYAR BA'O, ,CI RIGS PAR ZHES BYA BA NI GANG LA GANG RIGS PA'O, ,DE LTA BAS NA ZHES BYA BA LA SOGS PA NAS GANG SA BON THAMS CAD PA RNAM PAR SMIN PA'I RNAM PAR SHES PA GCIG NAS GCIG TU BRGYUD DE 'ONGS PA DE NI GZUGS NA SPYOD PA'I MNYAM PAR GZHAG PA'I SEMS DE'I RGYU'I RKYEN YIN LA, SBYOR BA LAS BYUNG BA'I DGE BA'I SEMS DE NI BDAG PO'I RKYEN YIN PAR DE GRUB BO ZHES BYA BA'I BAR NI 'DIR LUS PA DAG SHUGS KYIS DE LTAR 'GYUR BAS KUN GZHI RNAM PAR SHES PA YOD PAR MJUG BSDUS BSNGAL NAS DE NI RGYU'I CAN YIN LA, 'DOD PA NA SPYOD PA'I SBYOR BA LAS BYUNG BA'I DGE BA'I SEMS NI BDAG PO'I RKYEN YIN PAR BSTAN TE, THUN MONG MA YIN PA'I RGYU YIN PA DANG MTHU LHAG MA'I PHYIR GO RIMS BZHIN NO, ,DA NI 'JUG PA'I RNAM PAR SHES PA RNAMS LA 'JIG RTEN LAS 'DAS PA'I RNAM PAR BYANG BA MI SRID PAR STON TE, GZHAN GYI SGRA DANG SO @213B SO RANG GI TSUL BZHIN YID LA BYED PA LA BRTEN NAS DE'I RGYU LAS YANG DAG PA'I LTA BA 'BYUNG NGO ZHES BYA BA NAS BZUNG STE, TSIG DE NYID KYIS BSHAD ZIN TO, ,DE LA THOS PA'I BAG CHAGS NI DE'I SA BON YONGS SU 'DZIN PAR MI RIGS PA'I PHYIR RO, ,ZHES BYA BA NI 'JIG RTEN LAS 'DAS PA'I SA BON YONGS SU 'DZIN PAR MI 'THAD PA'I PHYIR TE, GONG DU JI SKAD SMOS PA LTA BU'O, ,SA BON THAMS CAD PA RNAM PAR SMIN PA'I RNAM PAR SHES PA NI ZHES BYA BA NAS SA BON DU JI LTAR RUNG ZHES BYA BA'I BAR NI MI SRID PA'I GNOD PAR DRI BA STE, NAD LAS NAD MED PA NI NAM YANG MA MTHONG NA NAD LTA BU'I KUN GZHI RNAM PAR SHES PA LAS NAD MED PA LTA BU'I 'JIG RTEN LAS 'DAS PA'I SEMS JI LTAR 'BYUNG BAR 'GYUR, CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS SA BON PA LAS DE 'BYUNG NGO, ,ZHES BYA BAS NI RGYU GZHAN STON TE, KUN GZHI RNAM PAR SHES PA NI DE'I SA BON MA YIN NO, , 'O NA CI ZHE NA, SANGS RGYAS RNAMS KYIS CHOS KYI DBYINGS SHIN TU RNAM PAR DAG PA GLO BUR GYI SGRIB PA DANG BRAL BA GANG YIN PA DE'I RGYU MTHUN PA NI BSTAN PA'I CHOS TE, DE'I RGYU LAS BYUNG BAR GYUR NA 'DRA BA'I PHYIR RO, ,DE MNYAN PA NI THOS PA'O, ,DE'I BAG CHAGS GANG YIN PA DE NI 'JIG RTEN LAS 'DAS PA ZAG PA MED PA'I SEMS KYI SA BON TE KUN GZHI RNAM PAR SHES PA NI MTHUN PA MA YIN PA'I PHYIR RO, ,THOS PA'I BAG CHAGS GANG YIN PA DE YANG ZHES BYA BA NAS DE'I GNAS CI ZHIG YIN PAR BLTA ZHE NA ZHES BYA BA'I BAR GYIS NI GNAS GZHAN STON TE, SANGS RGYAS RNAMS KYI BYANG CHUB LA BRTEN NAS ZHES BYA BA NI YE SHES DRI MA MED CING THOGS PA MED PA MDO LA SOGS PA BSTAN PA'I CHOS THOS PA'I BAG CHAGS KYI GNAS YIN GYI, KUN GZHI RNAM PAR SHES PA NI GNAS MA YIN TE, DE DANG LHAN CIG 'JUG GO, ,DE'I PHYIR GNAS GANG LA ZHES BYA BA SMOS TE, RGYUD GANG LA 'JUG PA DE LHAN CIG 'JUG PA'I TSUL GYIS RNAM PAR SMIN PA'I RNAM PAR SHES PA LA 'JUG TE, 'O MA DANG CHU BZHIN NO, ,ZHES BYA BA NI DE RNAM PAR SMIN PA'I RNAM PAR SHES PA DANG LHAN CIG 'BYUNG BAR 'DOD KYI, DE SA BON NYID DU NI MI 'DOD DO, ,THOS PA'I BAG CHAGS KYI SA BON DE NI KUN GZHI RNAM PAR SHES PA'I NGO BO NYID MA @214A *, ,YIN TE, DE'I GNYEN PO'I SA BON NYID YIN PA'I PHYIR RO, ,ZHES BYA BA NI KUN GZHI RNAM PAR SHES PA'I GNYEN PO RNAM PAR MI RTOG PA'I YE SHES KYI RGYU YIN NO ZHES BYA BA'I THA TSIG GO, ,DPER NA KHONG DU NAD DU MA ZHUGS SAM DUG SNA TSOGS 'THUNGS PAS NA YANG RUNG, SMAN BCUD KYIS LEN DANG DUG SMAN 'THUNGS NA NAD DANG LHAN CIG TU DUS GZHAN GYI BAR DU 'DUG KYANG DUG GI SA BON CAN YANG MA YIN LA, DUG GI NGO BO NYID KYANG MA YIN PA LTAR THOS PA'I BAG CHAGS SA BON DU GYUR PA YANG DE BZHIN NO, ,DE LA BAG CHAGS CHUNG NGU LA BRTEN NAS ZHES BYA BA LA SOGS PA NI BSHAD PA NYID GSAL BAS BRDA PHRAD PAR SLA'O, ,CHOS KYI SKU'I SA BON DU BLTA STE ZHES BSTAN NAS RNAM PAR 'GREL PA STE, KUN GZHI RNAM PAR SHES PA'I GNYEN PO YIN PAS KUN GZHI RNAM PAR SHES PA'I NGO BO NYID MA YIN PA DANG, 'JIG RTEN PA YIN YANG 'JIG RTEN LAS 'DAS PA CHOS KYI DBYINGS SHIN TU RNAM PAR DAG PA'I RGYU MTHUN PA YIN PAS ZHES BYA BA STE, ZAG PA DANG BCAS PA YIN YANG 'JIG RTEN LAS 'DAS PA ZAG PA MED PA'I SEMS KYI SA BON YIN TE, DE'I TSOGS YOD PA'I PHYIR RO, ,'DIR NI RTOGS PA'I MTSAN NYID LA CHOS KYI SKUR BRJOD PAR 'DOD DO, ,'JIG RTEN PA NYID NI 'JIG RTEN PA LA BRTEN NAS 'BYUNG BA DANG, KUN GZHI RNAM PAR SHES PA DANG LHAN CIG 'JUG PA'I PHYIR RO, ,GUS PA BSKYED PA'I PHYIR PHAN YON DE NI 'JUG RTEN LAS 'DAS PA'I SEMS MA BYUNG DU ZIN KYANG ZHES BYA BA LA SOGS PA SMOS SO, ,NYON MONGS PAS KUN NAS DKRIS PA'I GNYEN PO ZHES BYA BA NI YOD NA 'DOD CHAGS LA SOGS PA KUN DU MI 'BYUNG BA'I PHYIR TE, GNYEN PO YOD NA MI MTHUN PA'I PHYOGS MI SKYE'O, ,DE'I PHYIR RGYU MED NA 'BRAS BU MED PAS NGAN SONG DU 'GRO BA'I GNYEN PO ZHES BYA BA STE, 'JIG RTEN PA YIN YANG DAG LTA, ,CHEN PO SU LA YOD GYUR PA, ,DE NI TSER RABS STONG DU YANG, ,NGAN 'GROR 'GRO BAR MI 'GYUR RO, ,ZHES JI SKAD GSUNGS PA LTA BU'O, ,'O NA, SNGON BYAS PA'I NYES PAR SPYANG PA NGAN SONG DU 'GRO BAR MI 'GYUR RAM ZHE NA, DE'I PHYIR NYES PAR BYAS PA THAMS CAD DENGS PAR BYED PA'I GNYEN PO YIN NO ZHES BYA BA SMOS TE, THOG PA MED PA'I DUS KYI NYES PAR BYAS PA DENGS @214B PAR BYED PA NI MTHU 'JOMS PAR BYED PA STE, DE'I PHYIR GNYEN PO'O, ,CHOS KYI SKUR BSDUS PA NI CHOS KYI SKU'I RGYU YIN PA'I PHYIR RO, ,RNAM PAR GROL BA'I LUS SU BSDUS PA ZHES BYA BA YANG DE BZHIN DU BRJED PAR BYA'O, , DE LA CHOS KYI SKU DANG RNAM PAR GROL BA'I LUS KYI KHYAD PAR NI 'DI YIN TE RNAM PAR GROL BA NI NYON MONGS PA'I BCINGS PA DANG BRAL BA TZAM DU ZAD DE, DPER NA GRONG MI ZHIG LCAGS SGROG LA SOGS PA'I BCINGS PA DANG BRAL NA SDUG BSNGAL DE LOG PA'I 'BRAS BU TZAM DU ZAD KYI, DE LAS LHAG PA'I DBANG PHYUG GI KHYAD PAR DANG LDAN PA MA YIN PA LTA BU'O, ,CHOS KYI SKU NI BAG CHAGS DANG BCAS PA'I NYON MONGS PA DANG SHES BYA'I SGRIB PA LAS RNAM PAR GROL BA DANG STOBS DANG MI 'JIGS PA LA SOGS PA NGO MTSAR GYI YON TAN DU MAS BRGYAN PA 'BYOR BA THAMS CAD KYI GNAS JI LTAR 'DOD PA BZHIN DU SPYOD PAS RANG DBANG MCHOG THOB PA STE, DPER NA RGYAL PO'I BU BCINGS PA DANG BRAL MA THAG TU SBYI BO NAS DBANG BSKUR BA DANG, DBANG PHYUG PHUN SUM TSOGS PA MCHOG DANG LDAN PA LTA BU'O, ,GNAS KYANG 'GYUR RO ZHES BYA BAS NI SMAN BCUD KYIS LEN BTANG NAS RGYAS PAR GYUR NA NAD MED PAR RGYAS PAR 'GYUR BA LTA BU'I TSUL GYIS SO, ,SA BON THAMS CAD PA YANG SA BON MED PAR 'GYUR, ZHES BYA BA LA SOGS PA NI SA BON GYI RNAM PA THAMS CAD SPANGS PA'I PHYIR TE, KUN NAS NYON MONGS PA'I SA BON THAMS CAD MED PA NYID 'DI'I SPANGS PAR RIG PAR BYA'O, ,NGANG PAS CHU LA 'O MA 'THUNGS PA LTA BU DANG 'JIG RTEN PA'I 'DOD CHAGS DANG BRAL BA NA MNYAM PAR BZHAG PA MA YIN PA'I SA BA'I BAG CHAGS 'GRIBS TE, MNYAM PAR BZHAG PA'I SA PA'I BAG CHAGS 'PHEL NAS GNAS GYUR PA BZHIN NO, ,ZHES BYA BA NI TSIG DE NYID KYIS BSHAD ZIN TO, ,DE LTAR KUN NAS NYON MONGS PA DANG RNAM PAR BYANG BA'I MI 'THAD PAS KUN GZHI RNAM PAR SHES PA BSGRUBS NAS 'GOG PA LA SNYOMS PAR ZHUGS PA RNAMS KYANG ZHES BYA BA LA SOGS PAS 'GOG PA'I SNYOMS PAR 'JUG PA MI SRID PAR SGRUB PO, ,SANGS RGYAS DANG, RANG SANGS RGYAS DANG, DGRA BCOM PA DANG, PHYIR MI LDOG PA'I BYANG CHUB SEMS DPA' RNAMS MA GTOGS PA 'GOG PA LA SNYOMS PAR ZHUGS @215A *, ,PA GZHAN RNAMS SHI BA LAS BYE BRAG STON PA NA BCOM LDAN 'DAS KYIS DE'I RNAM PAR SHES PA LUS DANG BRAL BA MA YIN NO, ,ZHES BKA' STZAL TE, DE NI KUN GZHI RNAM PAR SHES PA LAS GZHAN MA YIN NO, ,DE LTAR CI MNGON ZHE NA, 'GOG PA'I SNYOMS PAR 'JUG PA NI DE'I GNYEN PO MA YIN PA'I PHYIR RO, ,DE'I GNYEN POR 'GOG PA'I SNYOMS PAR 'JUG PA SKYE BA MA YIN TE, DMIGS PA DANG RNAM PAR YONGS SU MA CHAD PA'I PHYIR RO, ,RNAM PAR RIG PA'I LAS MI GSAL BA NI MA ZHI BA NYID DU YONGS SU MI GCOD PAS GNYEN PO MI BYED PA'I PHYIR 'GOG PA'I SNYOMS PAR 'JUG PA NI KUN GZHI RNAM PAR SHES PA'I GNYEN PO MA YIN NO, ,GANG LA GNYEN PO MED PA DE NI 'GOG PAR MI 'GYUR RO, ,'JUG PA'I RNAM PAR SHES PA GANG DMIGS PA DANG RNAM PAR YONGS SU CHAD PAS MA ZHI BA DE'I GNYEN POR SKYE STE, DE 'GAG PA NYID DO, ,JI STE 'GAGS KYANG DES BLTA BA'I PHYIR DE DANG MA BRAL BA ZHES BYA'O ZHES BYA BAR 'DOD NA DE'I PHYIR, DE LAS LANGS PA RNAMS KYI ZHES BYA BA LA SOGS PA SMOS TE, TSIG DE NYID KYIS BSHAD ZIN TO, ,'DI'I PHYIR YANG DE NI YID KYI RNAM PAR SHES PA MA YIN TE, SNYOMS PAR 'JUG PAR MI RUNG BA'I PHYIR RO; ,'DU SHES DANG TSOR BA 'GOG PA MED PA'I PHYIR RO, ,ZHES BYA BA'I THA TSIG STE, YID KYI RNAM PAR SHES PA NI SA MANG PO PA RNAMS DANG MI LDAN PA MA YIN PAS 'DU SHES DANG TSOR BA MA 'GAGS PA'I PHYIR SNYOMS PAR 'JUG PAR MI RUNG NGO, ,'DI'I PHYIR YANG DE NI YID KYI RNAM PAR SHES PA MA YIN TE, DMIGS PA DANG RNAM PAR MI DMIGS PA'I PHYIR RO, ,YID KYI RNAM PAR SHES PA THAMS CAD NI DMIGS PA DANG RNAM PAR DMIGS PA MED PAR MI 'BYUNG NGO, ,DE MED PA'I PHYIR DE YANG MI 'GRUB BO, ,'DI'I PHYIR YANG DE YID KYI RNAM PAR SHES PA MA YIN TE, DGE BA'I RTZA BA DANG MTSUNGS PAR LDAN PA'I PHYIR RO, ,SNYOMS PAR 'JUG PA'I SEMS DE NI MI DGE BA MA YIN LA, LUNG DU MA BSTAN PA YANG MA YIN GYI, DGE BA NYID DE MA CHAGS PA LA SOGS PA MED PAR DGE BA NYID KYI SEMS KYANG MED DE, MTSUNGS PAR LDAN PAS DE DANG LDAN NO ZHES GRUB PA'I MTHA' LAS @215B 'BYUNG BA'I PHYIR RO, ,MA CHAGS PA LA SOGS PA YANG REG PA LA SOGS PA MED PAR MI 'BYUNG STE, REG PA NI TING NGE 'DZIN LAS BYUNG BA'I SHIN TU SBYANGS PA DANG BTANG SNYOMS KYI TSOR BA DANG MTHUN PAR GYUR TE, ,TSOR BA YANG DE DANG LHAN CIG SKYES PAR GYUR PAS SNYOMS PAR 'JUG PA MED DO, ,DE LA 'DI SNYAM DU 'DU SHES DANG TSOR BA GNYIS LA 'BRAS DANG ZUG RDU LA SOGS PA'I DNGOS PAR RNAM PAR SUN 'BYIN PAS 'GOG PA'I SNYOM PAR 'JUG PA LA 'GAG PAR 'GYUR RO SNYAM NA, DE'I MTHUS MNYAM PAR GZHAG PAR 'GYUR BA'I PHYIR ZHES BYA BA LA SOGS PAS DE'I LAN 'DEBS SO, ,RNAM PAR SUN 'BYIN PAS NI MNYAM PAR 'JOG PAR NUS KYI, DE 'GOG PAR NI MI NUS TE, DE CI'I PHYIR ZHE NA, MNYAM PAR 'JOG PA'I GZHAN 'DU SHES MED PA'I SNYOMS PAR 'JUG PA LA 'DU SHES RGYUN CHAD PA TZAM DU 'GYUR BA'I PHYIR RO, ,GAL TE GANG RNAM PAR SUN PHYUNG BA DE 'GOG PAR 'GYUR NA NI, DES NA 'DU SHES MED PA LA SNYOMS PAR 'JUG PA RNAMS KYIS 'DU SHES RNAM PAR SUN PHYUNG BAS NA 'DU SHES MED PA'I SNYOMS PAR 'JUG PA LA 'DU SHES TZAM RGYUN CHAD PAR 'GYUR GYI GZHAN NI MA YIN NO, ,YANG JI LTAR GNAS 'GOG PA MED PAR GNAS PA 'GOG PA MI SRID PA'I PHYIR DER SEMS KYANG 'GOG PAR GYUR BA DE BZHIN DU 'GOG PA'I SNYOMS PAR 'JUG PA LA SEMS KYANG 'GAG PAR 'GYUR GYI GNAS PA 'BA' ZHIG NI MA YIN TE, GNAS YOD PA LA GNAS PA BSAL DU MI RUNG BA'I PHYIR RO, ,DPE YOD PA'I PHYIR ZHES BYA BA LA 'DIR NI 'DU SHES MED PA'I SNYOMS PAR 'JUG PA DPE STE, DE BZHIN DU DBYER MI RUNG BA'I PHYIR GNYI GA 'GAG PAR 'GYUR RO, ,YANG NA 'BYUNG BA DANG 'BYUNG BA LAS GYUR PA YANG DPE YIN TE, PHAN TSUN MED PAR MI 'BYUNG BA'I PHYIR RO, ,DGE BA LA SOGS PA'I SAR NGES TE, GANG DAG THAMS DAD DU 'GRO BA MA YIN PA DE DAG NI SEMS THAMS CAD LA MI 'BYUNG BAR RIGS SO, ,'DU SHES DANG TSOR BA NI SA MANG PO PA YIN PAS THAMS CAD DU 'GRO BA NYID DU GNAS PA'I RANG BZHIN NO, ,DE'I PHYIR RNAM PAR SHES PA YOD NA 'DI GNYIS MED DU MI RUNG STE, DE'I PHYIR KUN DU 'GRO BA NYID YIN PA LAS, DE BZHIN DU MED PA'I PHYIR RO ZHES BYA BA SMOS SO, ,'DI'I PHYIR YANG @216A *, ,DE YID KYI RNAM PAR SHES PA MA YIN TE, DGE BA DANG MI DGE BA DANG LUNG DU MA BSTAN PAR MI 'THAD PA'I PHYIR RO, ,YID KYI RNAM PAR SHES PA GANG YIN PA DE NI DGE BA'AM, MI DGE BA'AM, LUNG DU MA BSTAN PA'AM, GCIG TU 'GYUR BA DE NI DGE BA MA YIN TE, DGE BA'I RTZA BA DANG MTSUNGS PAR LDAN PAR 'GYUR BA'I PHYIR TE, GONG DU MA CHAGS PA LA SOGS PA MED PAR DGE BAR JI LTAR 'GYUR, DE DAG KYANG REG PA MED PAR JI LTAR 'BYUNG, DE YANG LHAN CIG SKYES PA'I TSOR BA LA SOGS PA MED PAR JI LTAR 'BYUNG ZHES JI SKAD BSTAN PA BZHIN NO; ,SU ZHIG SBYOR BA LAS BYUNG BA'I DGE BA'I SEMS KYIS 'PHANGS PAS SNYOMS PAR 'JUG PA'I SEMS DGE BA YIN GYI, DGE BA'I RTZA BA DANG MTSUNGS PAR LDAN PA'I PHYIR NI MA YIN NO SNYAM DU DE LTAR RTOGS PA DE'I RTOGS PA DE NI BSTAN BCOS DANG MI MTHUN PA STE, MTSUNGS PAR LDAN PAS DE DANG LDAN ZHES RNAM PAR GZHAG PA DANG 'GAL BA'I PHYIR RO, ,SBYOR BA'I SEMS NI MA CHAGS PA LA SOGS PA DANG MTSUNGS PAR LDAN PA'I PHYIR DGE BA YIN GYI, DE'I RGYU MTHUN PA'I 'BRAS BU SNYOMS PAR 'JUG PA'I SEMS NI MA YIN NO ZHES BYA BA'I NGES PA 'DI SUS BYAS, DE NI BDAG NYID KYIS DGE BA YANG MA YIN TE, BDAG NYID KYIS DGE BA RNAMS NI DGE BA'I RTZA BA LA SOGS PA STE, GRANGS NGES PA'I PHYIR RO, ,DON DAM PAR DGE BA YANG MA YIN TE, THAR PA NYID NGES PAR BYA BA'I PHYIR RO, ,GAL TE MTHU 'DUS PA NI 'DUS PA STE, REG PA ZHES BYA BAR 'DOD KYI, THAMS CAD NI MA YIN TE, SNYOMS PAR 'JUG PA LA SBYOR BA'I DUS NA TSOR BA LA SOGS RNAM PAR SUN PHUNG BA'I PHYIR RO, ,DE'I TSE TSOR BA SKYED PA'I MTHU MED DO ZHE NA, DE TZAM RGYUN CHAD PAR 'GYR RO ZHES BYA BA LA SOGS PAS DE 'I LAN BTAB ZIN TO, ,DE LTA BAS NA DER TSOR BA MED PA'I YID KYI RNAM PAR SHES PA MI RUNG NGO, ,YANG RTOG PA DANG DPYOD PA DAG GI 'DU BYED 'GAGS PAS NGAG 'BYUNG BAR MI 'GYUR NA YID KYI 'DU BYED 'GAGS KYANG YID 'BYUNG BA 'DI LA RGYU CI YOD, LUS KYI 'DU BYED 'GAGS KYANG LUS GNAS PA BZHIN DU YID KYI 'DU BYED 'GAGS KYANG YID GNAS SO ZHES SLAR GZHIL DU @216B MI RUNG STE, 'DI LTAR BCOM LDAN 'DAS KYIS LUS GNAS PA'I RGYU GZHAN DAG KYANG LUS KYI 'DU BYED DU GSUNGS TE, 'DI LTAR KHA ZAS DANG SROG GI DBANG PO DANG RNAM PAR SHES PA STE, DBUGS RGYU BA MED PAR YANG DE DAG GIS LUS GNAS PAR 'GYUR RO, ,SEMS PA DANG 'DU SHES MA GTOGS PAR YID KYI 'DU BYED GZHAN DAG NI GANG DU YANG MA GSUNGS SO, ,DE LTA BAS NA DE GNYIS MED PAR DE GNAS PAR MI RUNG STE, DE'I PHYIR DE YID KYI RNAM PAR SHES PA MA YIN TE, ZHAR LA BYUNG BA DE TZAM GYIS CHOG GO, ,MI DGE BA YANG MA YIN TE, SNYOMS PAR 'JUG PA DGE BA'I PHYIR RO, ,'DU SHES MED PA'I SNYOMS PAR 'JUG PA YANG MI DGE BAR MI 'DOD NA RNAM PAR THAR PA DANG, MTHAR GYIS GNAS PA'I SNYOMS PAR 'JUG PA'I NANG DU GTOGS PA 'GOG PA'I SNYOMS PAR 'JUG PA LTA SMOS KYANG CI DGOS, LUNG DU MA BSTAN PA RNAM PA GSUM YANG MA YIN TE, MED PA'I PHYIR RO, ,DE'I TSE BZO'I GNAS LA SOGS PA MI 'BYUNG NGO, ,RNAM PAR SMIN PA LAS BYUNG BAR DAM 'CHA' NA NI KUN GZHI RNAM PAR SHES PA GRUB BO, ,GANG RNAM PAR SMIN PA YANG MA YIN LA MNGON PAR 'DU BYED PAR 'JUG PA YANG MA YIN PA ZHES BYA BA LUNG DU MA BSTAN PA LNGA PA GZHAN DAG GIS BRTAGS PA DE NI LUNG LAS MI 'BYUNG STE, MDO DANG CHOS MNGON PA LA MED PA'I PHYIR RO, ,DE LTAR GYUR NA 'GRO BA DE LDOG PA NYID DU 'GYUR ZHES BYA BAS KYANG DE'I LAN BTAB ZIN TO, ,GANG YANG GZUGS DANG SEMS KYI MJUG THOGS SU 'BYUNG BA 'DUS BYAS KYI CHOS RNAMS KYI RGYU NYID DU MDO SDE PA RTOG STE, DE 'DI SNYAM DU GZUGS KYI SKAD CIG SNGA MA'I MJUG THOGS SU GZUGS KYI SKAD CIG PHYI MA 'BYUNG LA, SEMS KYI SKAD CIG SNGA MA'I MJUG THOGS SU YANG SEMS KYI SKAD CIG MTSUNGS PAR LDAN PA DANG BCAS PA PHYI MA 'BYUNG STE, 'DIR KUN GZHI RNAM PAR SHES PA RGYUR BRTAG CI DGOS SNYAM DU SEMS PA DE GONG MA BZHIN DU MI 'THAD KYI STENG DU ZHES BYA BAS SEL TO, ,GZUGS DANG SEMS NI 'GA' ZHIG TU RES 'GA' RGYUN CHAD PAR SNANG BA'I PHYIR RO ZHES JI SKAD BSTAN PA LTA BU'O, ,GZHAN YANG DE'I LTAR NA GZUGS MED PA NAS SHI BA'I GZUGS NI GZUGS KYI SA BON LAS MI 'BYUNG @217A *, ,STE; 'GAGS NAS YUN RING BA'I PHYIR RO, ,'DU SHES MED PA SHI BA DANG 'GOG PA'I SNYOMS PAR 'JUG PA LAS LANGS PA'I SEMS KYANG SEMS KYI SA BON LAS 'BYUNG DU MI RUNG STE, 'GAGS NAS YUN RING BA'I PHYIR RO, ,YANG GAL TE SEMS THAMS CAD KUN GZHI RNAM PAR SHES PA BZHIN DU SEMS GZHAN GYI SA BON CAN DU NGES PAR 'GYUR NA NI, DES NA PHUNG PO'I LHAG MA MED PA'I MYA NGAN LAS 'DAS PA'I DBYINGS SU DGRA BCOM PA'I THA MA'I SEMS MI RUNG STE, DE MA THAG PA'I RKYEN GYI DNGOS POS SEMS GZHAN GYI SA BON GYI DNGOS PO MI ZAD PA'I PHYIR RO, ,DE LTA NA YANG PHUNG PO'I LHAG MA MED PA MYA NGAN LAS 'DAS PA MED PA NYID DU 'GYUR RO, ,DE LTAR NA SA BON THAMS CAD PA RNAM PAR SMIN PA'I RNAM PAR SHES PA MED PA NA NYES PA CHEN PO MANG POR 'GYUR BA'I PHYIR RANG GI DON LHUR BYED PAS MI 'DOD BZHIN DU YANG RNAM PAR SMIN PA'I RNAM PAR SHES PA NGES PAR RTOGS PAR BYA STE, 'DI NI LDAN PA'I RIGS PA'O, ,'DI LA BRAL BA'I RIGS PA YANG YOD DE, 'JUG PA'I RNAM PAR SHES PA RNAMS NI SEMS DANG LHAN CIG 'BYUNG BA STE, RNAM PAR DANG BCAS PA'I PHYIR TSOR BA LA SOGS PA BZHIN NO, ,TSOR BA LA SOGS PA DMIGS PA DANG RNAM PA YONGS SU CHAD PA'I SEMS DANG LHAN CIG 'BYUNG BA'I PHYIR CHOS CAN GYI KHYAD PAR LAS BZLOG PA'I RGYUS SGRUB PA YANG MA YIN TE, NUR NUR PO LA SOGS PA'I DUS KYI SEMS LAS BYUNG BA RNAMS KYANG DMIGS PA DANG RNAM PA YONGS SU MA CHAD PA'I SEMS DANG LHAN CIG 'BYUNG BAS NGES PA MED PA'I PHYIR RO, ,GZHAN YANG KUN GZHI RNAM PAR SHES PA MED DU ZIN NA JI LTAR 'JUG PA'I RNAM PAR SHES PA LA GNAS PAR 'GYUR BA MI SRID PA DE LTAR TSIGS SU BCAD PA RNAMS KYIS 'DRI STE TSIGS SU SBYAR BA BSDEBS NAS BRJOD PA'I PHYIR TSIGS SU BCAD PA'O, ,BYANG CHUB SEMS DPA' BZANG PO'I SEMS ZHES BYA BA LA SOGS PA LA BYANG CHUB SEMS DPA' NI BSHAD ZIN TO, ,BZANG PO ZHES BYA BA NI DGE BA'O, ,RNAM PAR SHES PA LNGA SPANGS PA ZHES BYA BA NI YID KYI RNAM PAR SHES PA'O, ,BSTZAL BA MED PA LAS GZHAN PA ZHES BYA BA LA, BSTZAL @217B BA NI MI DGE BA DANG LUNG DU MA BSTAN PA LAS GROL BA ZAG PA MED PA STE, ZAG PA MED PA DE LAS GZHAN PA ZAG PA DANG BCAS PA NI BSTZAL BA DE LAS GZHAN PA'O, ,GNYEN PO NYID LA NI MTHUN PA'I PHYOGS KYI BAG LA NYAL DU MI RUNG NGO, ,GAL TE GNYEN PO NYID 'GYUR BA YIN PAR 'DOD NA DE'I PHYIR, SPANGS PA MIN PHYIR MI RUNG NGO, ,ZHES BYA BA SMOS TE, GNYEN PO NI SPANGS PA MA YIN NO, ,'O NA CI ZHE NA, SPANGS PA'I RGYU YIN NO, ,GYUR PA NI SPANGS PA STE, 'BRAS BU YIN PA'I PHYIR RO, ,GAL TE GNYEN PO NYID SPANGS PA YIN PAR 'DOD NA, RGYU 'BRAS THA DAD MED PAR 'GYUR, ,SPANGS PA'I RGYU GNYEN PO 'BRAS BU NYID DU KHAS LEN NA GCIG TU GYUR PA'I PHYIR RO, ,GAL TE SA BON BRAL BA'AM, ,DNGOS PO MED PAR 'GYUR 'DOD NA, ,ZHES BYA BA NI RNAM PAR RTOG PA STE, 'GYUR BA ZHIG YIN NA KUN NAS NYON MONGS PA'I SA BON RNAM PA MANG PO BSAGS PA'I SEMS KYI SA BON DANG BRAL BAR 'GYUR BA'AM, YANG NA SA BON RNAMS MED PAR 'GYUR GRANG NA, DE MED PAR NI GNYIS MED DE, ,ZHES BYA BA NI YOD NA SA BON DANG BRAL BA'AM, DNGOS PO MED PAR 'GYUR GYI, MED NA NI MA YIN NO, ,'JIG RTEN LAS 'DAS PA'I SEMS MNGON DU GYUR PA DE'I TSE NI DE DAG MED NA SA BON DANG BRAL BA'AM, CHAD PA JI LTAR 'GYUR, KUN GZHI RNAM PAR SHES PA 'DI'I RAB TU DBYE BA GANG ZHE NA ZHES BYA BA NI GRUB PA'I MTSAN NYID KYI DON RAB TU DBYE DGOS PAS RAB TU DBYE BA 'DRI BA'O, ,RNAM PA GSUM DANG RNAM PA BZHIR BLTA BAR BYA'O, ,ZHES BYA BA LA, MNGON PAR BRJOD PA'I BAG CHAGS KYI BYE BRAG CES BYA BA NI BDAG DANG CHOS DANG, BYA BAR MNGON PAR BRJOD PAR THA SNYAD BTAGS PA RNAMS TE, LHA DANG MI DANG MIG DANG, GZUGS DANG, 'GRO'O ZHES BYA BA LA SOGS PA'I BAG CHAGS SNA TSOGS YIN TE, NUS PA'I KHYAD PAR GANG LAS BDAG DANG, CHOS DANG, BYA BA'I MNGON PAR BRJOD PAR 'BYUNG BA'O, ,BDAG TU LTA BA'I BAG CHAGS KYI BYE BRAG CES BYA BA NI NYON MONGS PA BZHIS NYON MONGS PAR GYUR PA'I YID 'JIG TSOGS LA LTA BA'I DBANG GIS KUN GZHI RNAM PAR SHES PA LA BDAG GO SNYAM PA'I BAG CHAGS KYI BYE BRAG @218A *, ,GO; ,SRID PA'I YAN LAG GI BAG CHAGS KYI BYE BRAG CES BYA BA NI BSOD NAMS DANG BSOD NAMS MA YIN PA DANG, MI G-YO BA'I 'DU BYED KYI DBANG GIS LHA LA SOGS PA'I 'GRO BA RNAMS SU MA RIG PA NAS RGA SHI LA THUG PA RNAMS KYI BAG CHAGS KYI BYE BRAG GO, , RNAM PA GSUM BSHAD ZIN TO, ,RNAM PA BZHIR BRJOD PAR BYA STE, 'PHEN PAS RAB TU DBYE BA ZHES BYA BA LA, GANG RNAM PAR SMIN PA'I BAG CHAGS GSAR DU 'BYUNG BA ZHES BYA BA NI BAG CHAGS 'BYUNG BA BRJOD PAS THOG MAR SKYE BA GANG YIN PA, DE 'PHEN PAS RAB TU DBYE BA STE, DES SKYE BA 'PHEN PA'I PHYIR RO, ,DE MED DU ZIN NA 'DU BYED KYI RKYEN GYIS RNAM PAR SHES PA DANG, LEN PA'I RKYEN GYIS SRID PA MI RUNG NGO, ,ZHES BYA BA NI 'DI LTAR KUN GZHI RNAM PAR SHES PA NYON MONGS PA'I BAG LA NYAL LA LTOS PA SKYE BA LA MNGON DU PHYOGS PAR GNAS PA DE NYID SRID PA ZHES BYA'O, ,RNAM PAR SMIN PAS RAB TU DBYE BA ZHES BYA BA NI GANG 'DU BYED DANG, SRID PA'I RKYEN GYIS 'GRO BA RNAMS SU 'PHANGS PA RNAM PAR SMIN PA STE, DE MED DU ZIN NA RGYU MED PAR GYUR PAS YANG 'BYUNG BA'I MIG LA SOGS PA'I CHOS RNAMS SKYE BAR MI RUNG STE, RTZA BA MED PAR YAL GA LA SOGS PA MI 'BYUNG NGO, ,RGYU NYID DU RAB TU DBYE BA ZHES BYA BA NI GANG KUN GZHI RNAM PAR SHES PA NYON MONGS PA CAN GYI YID KYIS 'JIG TSOGS LA LTA BA'I DBANG GIS BDAG TU 'DZIN PAS DMIGS PA DE NYID NI BDAG TU 'DZIN PA'I RGYU NYID DE, DE MED DU ZIN NA NYON MONGS PA CAN GYI YID DANG 'BREL BA CAN GYI NGAR 'DZIN PA'I DMIGS PA MED PAR 'GYUR RO, MTSAN NYID KYIS RAB TU DBYE BA NI THUN MONG PA LA SOGS PA'I BYE BRAG GI RNAM PA DU MA'O, ,DE LA THUN MONG NI SNOD KYI 'JIG RTEN GYI SA BON GANG YIN PA'O, ,ZHES BYA BA NI SNOD KYI 'JIG RTEN DU SNANG BA'I RNAM PAR RIG PA RNAMS KYI BYED RGYU'O, ,THUN MONG BA NI RANG GI LAS DANG MTHUN PA'I RNAM PAR SMIN PA'I DBANG GIS DE LA SPYOD PA PO THAMS CAD LA DER SNANG BA'I RNAM PAR RIG PA SKYE BA'I PHYIR RO, ,THUN MONG MA YIN PA NI SO SO RANG GI SKYE MCHED KYI SA BON GANG YIN PA'O ZHES BYA BA LA RANG RANG LA YOD PA NI SO SO RANG RANG GI @218B STE; NANG GI SKYE MCHED DRUG GI SA BON ZHES BYA BA'I THA TSIG GO, ,THUN MONG MA YIN PA DE NI TSOR BA MED PA 'BYUNG BA'I SA BON NO ZHES BYA BA NI BDE BA DANG SDUG BSNGAL GYI TSOR BAS PHAN 'DOGS PA DANG GNOD PAR BYED PA MED PA'I PHYIR TE, SNOD KYI 'JIG RTEN LA BDE BA DANG SDUG BSNGAL BA MED DO; ,GNYEN PO BYUNG STE LAM GYI BDEN PA SKYES PA NA MI MTHUN PA'I PHYOGS NANG GI SKYE MCHED DRUG GI SA BON 'GAGS TE MI MTHUN PA'I PHYIR RO, ,THUN MONG BA GZHAN GYI RNAM PAR RTOG PAS YONGS SU ZIN PA LA NI MTHONG BA RNAM PAR DAG PAR 'GYUR TE, ZHES BYA BA NI RNAL 'BYOR PA NANG GI SKYE MCHED KYI RNAM PAR RTOG PA 'GAGS PA RNAMS KYANG THUN MONG BA SNOD KYI 'JIG RTEN SEMS CAN GZHAN GYI RNAM PAR RTOG PAS ZIN PAS GANG YIN PA DE LA MTHONG BA RNAM PAR DAG PAR 'GYUR TE, DE DAG GIS DE NAM MKHA' DANG 'DRA BAR MTHONG BAS CHUS KYANG MI 'KHRU'O, ,SAS KYANG MI 'DZIN TO, ,MES KYANG MI TSIG GO, ,RLUNG GIS KYANG MI BSGUL TO, ,DON YOD PA LA MTHONG BA RNAM PAR DAG PAR JI LTAR 'GYUR ZHES GZHAN GYI KLAN KA'I SKABS RIG NAS, RNAL 'BYOR PA RNAMS KYI MOS PA THA DAD PAS ZHES BYA BA LA SOGS PA SMOS TE, MOS PA GANG DANG GANG YIN PA JI LTAR MOS PA BZHIN DU GSER LA SOGS PA'I BYE BRAG GIS BLTA BAR BYA BA SNA TSOGS PA DMIGS PA LTA BU STE, GSER DANG, DNGUL DANG, RTZVA DANG SHING LA SOGS PA'I BYE BRAG GIS DMIGS PA SNA TSOGS SO, ,THUN MONG 'CHING BA SPANG DKA' DANG, ,YONGS SHES BYA BAR DKA' BAR 'DOD, ,CES BYA BA LA, THUN MONG ZHES BYA BA NI THUN MONG GI RGYU LAS BYUNG BA'I PHYIR DE SKAD CES BYA'O, ,'CHING BA ZHES BYA BA NI CHAGS PA'O, ,SPANGS PAR DKA' ZHING YONGS SU ZHES PAR BYA BA DKA' BAS NA SPANG DKA' DANG YONGS SHES BYA BAR DKA' BA'O, ,PHYI ROL MTSAN MA CHEN PO LAS, ,ZHES BYA BA NI GNAS PA CHEN PO SNOD KYI 'JIG RTEN LAS ZHES BYA BA'I THA TSIG GO, ,THA DAD SEMS ZHES BYA BA NI MOS PA SNA TSOGS RNAMS KYI'O, ,DE NI 'GAGS PAR MA GYUR KYANG, ,ZHES BYA BA NI SEMS CAN GZHAN GYI RNAM PAR RTOG PAS YONGS SU ZIN PA'I PHYIR MA 'GAGS PA'O, , @219A *, ,DAG PA RNAMS KYI ZHES BYA BA NI GNAS GYUR PA RNAMS KYI'O, ,SANGS RGYAS GZIGS PA RNAM DAG PHYIR, ,ZHES BYA BA LA SOGS PA NI GZUGS LA SOGS PA'I RNAM PAR RTOG PA MA SPANGS PA'I SO SO'I SKYE BO RNAMS KYIS ZHING GANG DAG 'DAM RDZAB DANG, RDO DANG BA TSA CAN DANG, MI MNYAM PA DANG, SDONG DUM DANG, TSER MA DANG, MI GTZANG BA DANG, LDAN PAR MTHONG BA DE DAG NYID GZUGS LA SOGS PA'I RNAM PAR RTOG PA SPANGS PA DE BZHIN GSHEGS PA RNAMS KYIS GSER LA SOGS PA'I RANG BZHIN DU GZIGS TE, MYA NGAN LA SHING DU MTHONG BA BZHIN NO, , THUN MONG MA YIN PA GANG YIN PA DE NI TSOR BA DANG BCAS PA 'BYUNG BA'I SA BON TE ZHES BYA BA NI BDE BA DANG SDUG BSNGAL LA SOGS PA'I TSOR BA'I GNAS YIN PA'I PHYIR RO, ,DE MED DU ZIN NA ZHES BYA BA NI THUN MONG DANG THUN MONG MA YIN PA'I MTSAN NYID KYI KUN GZHI RNAM PAR SHES PA MED DU ZIN NA 'DI NI SEMS CAN GYI 'JIG RTEN NO, ,'DI NI SNOD KYI 'JIG RTEN NO, ,'DI NI BDE BAS CAN NO, ,'DI NI SDUG BSNGAL CAN NO ZHES BYA BA'I BYE BRAG MED PAR 'GYUR RO, ,GNAS NGAN LEN GYI MTSAN NYID CES BYA BA LA NGAN PA NI SDIG PA'O, ,DE LEN PA NI GNAS NGAN LEN NO, ,NYON MONGS PA DANG NYE BA'I NYON MONGS PA'I SA BON NO, ,GNAS NGAN LEN NI LAS SU MI RUNG BA NYID DO, ,SHIN TU SBYANGS PA'I MTSAN NYID CES BYA BA LA, SHIN TU SBYANGS PA NI JI SKAD SMOS PA LAS BZLOG PA STE, LAS SU RUNG BA NYID DANG YANG BA DANG, ZO MDOG BDE BA ZHES BYA BA'I THA TSIG GO, ,SPYAD ZIN PA'I MTSAN NYID NI GANG DGE BA DANG MI DGE BA ZHES BYA BA LA SOGS PA NI RNAM PAR SMIN ZIN PA YANG SMIN PAR MI NUS TE, SPYAD ZIN PA'I PHYIR RO, ,DPER NA SA BON GYIS MYU GU BSKYED NAS YANG BSKYED MI NUS PA BZHIN NO, ,MA SPYAD PA'I MTSAN NYID NI GANG MNGON PAR BRJOD PA'I BAG CHAGS KYI SA BON TE, ZHES BYA BA NI RKYEN JI LTA BA BZHIN DU SA BON RGYAS PAR 'GYUR BA LA THOG MA'I MTHA' MED PA'I SPROS PA RGYUR GYUR PA'I PHYIR RO, ,DE MED DU ZIN NA ZHES BYA BA NI GNYI GA'I MTSAN NYID KYI KUN GZHI RNAM PAR SHES PA MED NA STE, RE ZHIG SPYOD ZIN PA'I MTSAN NYID MED NA DGE BA DANG SDIG PA ZHES BYA BA LA @219B SOGS PA NI 'BRAS BU BYIN PAS SPYAD ZIN PA 'JIG PA DE MED PAR 'GYUR TE, 'BRAS BU BYIN NAS YANG 'BRAS BUR 'GYUR RO ZHES BYA BA'I THA TSIG GO, MA SPYAD PA'I KUN GZHI RNAM PAR SHES PA MED DU ZIN NA MNGON PAR BRJOD PA'I BAG CHAGS GSAR DU 'BYUNG BAR YANG MI RUNG STE, MNGON PAR BRJOD PA SNGON GYI RNYING BAR MA GYUR PA SNGON MA BYUNG BA LA DA LTAR GYUR PA NI 'JIG RTEN NA GANG MED DO, ,DPE MTSAN NYID CES BYA BA NI, DPE SGYU MA LA SOGS PA DANG BSTUN PAR BYA BAR MTSON PA STE, DPER NA SGYU MA LA SOGS PA NI YANG DAG PA GANG YIN PA MTHONG BA'I RGYUR GYUR PA JI LTA BAR KUN GZHI RNAM PAR SHES PA YANG DE BZHIN NO, ,DE MED DU ZIN NA ZHES BYA BA NI DPE SGYU MA LA SOGS PA DANG BSTUN PAR BYA BA MED DU ZIN NA KUN GZHI RNAM PAR SHES PA PHYIN CI LOG GI RGYUR RTOG PAR MI 'GYUR GYI, YANG DAG PA MA MTHONG BA'I RGYU NYID DU RTOG PAR 'GYUR RO, ,DE LTAR KUN GZHI RNAM PAR SHES PA'I DON RNAM GRANGS DANG, NGES PA'I TSIG DANG, MTSAN NYID DANG, RAB TU DBYE BAS BSHAD ZIN TE, ,SO SO YANG DAG PAR RIG PA DANG MTHUN PA'I PHYIR RO, ,CI'I PHYIR ZHES BYA BA LA SOGS PAS NI DRI BA BRTZAMS NAS BRJOD PA 'DOD PA BRJOD DE, MA BSGRIBS LA LUNG DU MA BSTAN PA ZHES BYA BA NI NYON MONGS PA CAN MA YIN LA LUNG DU MA BSTAN PA ZHES BYA BA'I THA TSIG GO, ,'DI LTAR ZHES BYA BAS NI RGYU STON TO, ,'DI LTAR MA BSGRIBS LA LUNG DU MA BSTAN PA NI DGE BA DANG MI DGE BA DANG 'GAL BA MED DO ZHES BYA BA NI RGYU DANG 'BRAS BU'I DNGOS POR RO, ,PHAN TSUN MA YIN TE, MI MTHUN PA'I PHYOGS DANG GNYEN PO YIN PA'I PHYIR RO, ,DE LTA BAS NA RNAM PAR SMIN PA NI DGE BA DANG MI DGE BA MA YIN TE, MI MTHUN PA GNYIS LHAN CIG TU GNAS PAR 'GYUR DU 'ONG NGO, ,SHES BYA'I GNAS BSHAD ZIN TO, ,ZHES BYA BA NI YANG BSHAD PAR BYA BA MA YIN PA'O,, ,,BAM PO GSUM PA, SHES BYA'I MTSAN NYID MDOR BSDU NA RNAM PA GSUM STE, ZHES BYA BA NI CHOS THAMS CAD RNAM PA GSUM DU YONGS SU CHAD PA'I PHYIR RO, ,GZHAN GYI DBANG GI MTSAN NYID CES BYA BA NI GZUNG BA DANG 'DZIN PAR YONGS SU RTOG PA'I RJES SU 'JUG PA'I LAS DANG NYON MONGS PA GZHAN DAG GIS DBANG BYAS PA'I PHYIR TE, SHES @220A *, ,BYA CI YANG RUNG STE DE LTAR MTSAN PA NI GZHAN GYI DBANG GI MTSAN NYID DO, ,KUN BRTAGS PA'I MTSAN NYID CES BYA BA NI GTAN MED PA'I MTSAN NYID DE, KUN BRTAGS PAR BYA BA GZUNG BAS DANG 'DZIN PA DANG, GANG ZAG DANG CHOS GANG YIN PA KUN BRTAGS PAR MTSON PA'I PHYIR MTSAN NYID DO, ,DE JI LTAR NA MTSAN NYID DU 'GYUR ZHE NA, JI LTAR NA MI 'GYUR, 'DI LTAR KUN BRTAGS PA SHES PA MED DE, YOD PAR THAL BAR 'GYUR BA'I PHYIR RO, ,MI SHES PA NI MTSAN NYID DU YANG MI RUNG MTSAN GZHIR YANG MI RUNG NGO ZHE NA, JI LTAR MI SHES TE, BCOM LDAN 'DAS KYIS JI TZAM DU YOD PA LA YOD PAR MI SHES PA DANG, CI TZAM DU MED PA LA MED PAR MI SHES PA ZHES BYA BA DANG, DE BZHIN DU YOD PA LA YANG YOD PAR SHES PAR 'GYUR, MED PA LA YANG MED PAR SHES PAR 'GYUR ZHES MA GSUNGS SAM, KUN BRTAGS PA GZUNG BA'AM, 'DZIN PA'AM, BDAG GAM CHOS KYI MED PA YONGS SU GRUB PA'I MTSAN NYID GANG YIN PA DE TSAD MA'I YUL DU GYUR NA RNAM PAR SHES SO, ,DE YONGS SU SHES PAS KUN DU BRTAGS PA YOD PA YIN PAR YONGS SU GCOD DE MI MTHUN PA YOD PA'I PHYIR RO, ,YUL GYI DNGOS POR KHAS BLANGS PAS YONGS SU GCOD PA NI MA YIN NO, ,LUS DANG LUS CAN DANG ZA BA PO'I RNAM PAR RIG PA ZHES BYA BA LA SOGS PA DE LA LUS KYI RNAM PAR RIG PA NI DBANG PO GZUGS CAN DU SNANG BA STE, DE BZHIN DU 'OG MA RNAMS LA YANG SNANG BA'I SGRA SBYAR BAR BYA'O, ,LUS CAN GYI RNAM PAR RIG PA NI YID DO; ,ZA BA PO'I RNAM PAR RIG PA NI YID KYI RNAM PAR SHES PA'I, ,DES NYE BAR SPYAD PAR BYA BA'I RNAM PAR RIG PA NI PHYI'I SKYE MCHED RNAMS SO, ,DE LA NYE BAR SPYOD PA'I RNAM PAR RIG PA NI RNAM PAR SHES PA LNGA PO DAG GO, ,DUS KYI RNAM PAR RIG PA NI DUS GSUM DU SNANG BA'O, ,GRANGS KYI RNAM PAR RIG PA NI GCIG LA SOGS PAR BGRANG BAR SNANG BA'O, ,YUL GYI RNAM PAR RIG PA NI GRONG DANG KUN DGA' RA BA LA SOGS PAR SNANG BA'O, ,THA SNYAD KYI RNAM PAR RIG PA NI MTHONG BA DANG THOS PA DANG, BYE BRAG PHYED PA DANG, RNAM PAR SHES PA ZHES BYA'O, ,BDAG DANG GZHAN @220B GYI BYE BRAG GI RNAM PAR RIG PA NI NGAR 'DZIN PA DANG NGA YIR 'DZIN PAR CHAD PA LUS LA SOGS PA'I RNAM PAR RIG PA STE, NGA'O NGA'I'O, ,'DI NI NGA'I MA YIN GYI 'DI NI GZHAN GYI'O, ,ZHES BYA BA LA SOGS PA'I BYE BRAG TU 'DZIN PA'I PHYIR RO, ,BDE 'GRO DANG NGAN 'GRO DANG, 'CHI 'PHO DANG, SKYE BA'I RNAM PAR RIG PA NI LHA DANG, MI DANG, SEMS CAN DMYAL BA DANG, DUD 'GRO DANG, YI DAGS DANG, SKYE BA DANG, 'CHI BAR SNANG BA'O, ,DE LA LUS DANG LUS CAN DANG, ZHES BYA BA NAS THA SNYAD KYI RNAM PAR RIG PA GANG YIN PA DE NI MNGON PAR BRJOD PA'I BAG CHAGS KYI SA BON LAS BYUNG BA'I PHYIR RO, ,ZHES BYA BA'I BAR NI DE'I RGYU LAS BYUNG BA'I PHYIR RO, ,DE BZHIN DU BDAG DANG GZHAN GYI BYE BRAG GI RNAM PAR RIG PA NI BDAG TU LTA BA'I BAG CHAGS KYI RGYU LAS BYUNG BA STE, NYON MONGS PA CAN GYI YID SA BON YIN PA'I PHYIR RO, ,BDE 'GRO LA SOGS PA'I RNAM PAR RIG PA NI MA RIG PA LA SOGS PA SRID PA'I YAN LAG BCU GNYIS KYI BAG CHAGS KYI RGYA LAS BYUNG BA'O, ,RNAM PAR RIG PA 'DI RNAMS KYI ZHES BYA BA LA SOGS PA'I DON NI BRDA PHRAD PAR ZAD DO, ,RNAM PAR RIG PA 'DI RNAMS KYI ZHES BYA BA NI JI SKAD SMOS PA RNAMS KYI'O, ,RNAM PAR RIG PA TZAMS NYID CES BYA BA NI LOG PAR YONGS SU RTOG PA'O, ,YANG DAG PA MA YIN PA'I KUN TU RTOG PAS BSDUS PA ZHES BYA BA NI GZUNG BA DANG 'DZIN PA'I DNGOS POR RNAM PAR 'JOG PA'O, ,YOD PA MA YIN PA DANG NOR BA'I DON SNANG BA'I GNAS ZHES BYA BA NI, GZUGS LA SOGS PA YOD PA MA YIN PA DANG, DER RNAM PAR RTOG PA NOR BAR SNANG BA RAB TU GSAL BA'I RGYU'O, ,'DI NI GZHAN GYI DBANG GI MTSAN NYID DO ZHES BYA BA NI RTOGS PAR BYA BA ZLOS TE STON PA'O, ,GANG DON MED KYANG ZHES BYA BA LA SOGS PA NI GZHAN GYI DBANG GI RANG BZHIN RNAM PAR RIG PA TZAM NYID SEMS DANG SEMS LAS BYUNG BA 'KHRUL PA'I RANG GI NGO BO NYID KYI DON GYI RNAM PAR RIG PA'I CHA LA DNGOS POR BYED PA NI KUN BRTAGS PA'I MTSAN NYID DO, ,DE NYID KUN BRTAGS PA DE DANG GTAN DU BRAL BA NI YONGS SU GRUB PA'I MTSAN NYID DE, DPER NA SMIG RGYU LA RANG GI RGYUD SNGON DU BTANG STE, CHUR GZUNG BA DANG 'DZIN PA'I DNGOS POR RNAM PAR 'JOG PA'I LOG PAR @221A *, ,YONGS SU RTOG PA NI GZHAN GYI DBANG NGO, ,CHUR SNANG BA LA DNGOS POR BYED PA NI KUN BRTAGS PA'O, ,DE DANG GTAN DU BRAL BA NI YONGS SU GRUB PA LTA BU'O, ,RNAM PAR RTOG PAS BRTAGS PA'I DON, ,KUN DU BRTAGS PA'I NGO BO NYID, ,RNAM PAR RTOG PA GZHAN GYI DBANG, ,DE YI STONG NYID YONGS SU GRUB, ,RNAM PAR RIG PA 'DI DAG GI, ,ZHES BYA BA NI LUS LA SOGS PA NAS DE LA NYE BAR SPYOD PA LA THUG PA'I BAR GYI RAB TU DBYE BA STE, DE DAG LAS BYUNG BA'I PHYIR RO, ,RNAM PAR RIG PA RNAM PAR DON MED PA'I DPER RMI LAM SMOS TE GRUB PA'I PHYIR RO, , DPER NA RMI LAM ZHES BYA BA LA SOGS PA NI TSIG DE NYID KYIS BSHAD ZIN TO, ,LUNG DANG RIGS PAS ZHES BYA BA BRJOD PAS NI LUNG LAS 'BYUNG BA'I DON RJES SU DPAG PA'I YUL NYID DU STON TO, ,SA BCU PA ZHES BYA BA NI MDO GANG LAS BYANG CHUB SEMS DPA'I SA BCU BSTAN PA DE SA BCU RNAM PAR GZHAG PA'I RNAM PA STE, MING DANG, TSIG DANG, YI GE'I TSOGS SU SNANG BA'I RNAM PAR RIG PA 'DUS PA 'PHAGS PA RDO RJE'I SNYING PO'I DBANG GIS NYAN PA PO'I SEMS KYI RGYUD LA YOD PA'I CHOS KYI RNAM GRANGS TE, DE BRJOD PA YID CHES PAR RUNG BA NYID DU STON TO, ,SEMS TZAM ZHES BYA BA LA SOGS PA LA SEMS NI RNAM PAR RIG PA DANG DON GCIG GO, ,TZAM GYI SGRAS NI DON SEL BAR BYED DE, DE MED PAS 'DZIN PA YANG SEL TE, BRTAGS PA'I PHYIR RO, ,DE SEMS LAS 'BYUNG BA MED PAR MI 'BYUNG BA'I PHYIR SEMS LAS BYUNG BA RNAMS NI MI DGAG STE, JI SKAD DU SEMS LAS BYUNG BA RNAMS MED PAR SEMS NAM YANG MI 'BYUNG NGO ZHES BYA BA LA SOGS PA GSUNGS PA LTA BU'O, ,'GOG PA'I SNYOMS PAR 'JUG PA GANG YIN PA DE'I SEMS JI LTA BU ZHE NA, 'DI NI PHYOGS CAN LA NYES PAR 'GYUR RO, ,KHO BO CAG LA NI DE NA SEMS GANG YOD PA DE MTSUNGS PAR LDAN PA DANG BCAS PAR YOD DO, ,GANG MED PA DE NI MTSUNGS PAR LDAN PA DANG BCAS SU MED DE, KHAMS GSUM PA NI KHAMS GSUM DU SNANG BA'I RNAM PAR RIG PA RNAMS SO, ,KHAMS GSUM PA SMOS PAS NI 'DOD PA LA SOGS PA'I SRED PA DANG MTSUNGS PAR LDAN PA KHAMS GSUM PAR GTOGS PA'I SEMS DANG SEMS LAS BYUNG BA RNAMS @221B RNAM PAR RIG PA TZAM NYID DU DAM BCA' BA STE, ,DE BZHIN NYID LA DMIGS PA DANG, ,GZHAN GYI DBANG LA DMIGS PA LAM GYI BDEN PAS BSDUS PA RNAMS DANG RJES LAS THOB PA RNAMS NI MA YIN TE, KHAMS GSUM NA SPYOD PA'I SRED PA RNAMS KYIS BDAG GIR MA BYAS PA DANG, GNYEN PO YIN PA DANG, MA 'KHRUL PA'I PHYIR RO, ,MDO SDE PA'I GZHUNG LTAR NA GZUGS MED PA'I KHAMS NI SEMS DANG SEMS LAS BYUNG BA TZAM DU ZAD PAS KHAMS GNYIS PA ZHES MI BYA'AM ZHE NA MA YIN TE, NOR BAR BSTAN PA'I PHYIR RO, ,GZUGS 'BA' ZHIG MED PAS RNAM PAR RIG PA TZAM NI MA YIN GYI DON THAMS CAD MED PAS SO, ,MDO SDE PA RNAMS NI GZUGS MED PA RNAMS KYI DMIGS PA NOR BAR KHAS MI LEN TO, ,DGONGS PA NGES PAR 'GREL PA YANG SA BCU PA BZHIN DU'AM, CHOS MNGON PA'I MDOR BSDUS BYAS PA BZHIN DU BSHAD PAR BYA'O, ,TING NGE 'DZIN NI SEMS RTZE GCIG TU BYED PA SEMS LAS BYUNG BA'I CHOS SO, ,DE'I SPYOD YUL NI YUL LO, ,GZUGS BRNYAN NI GZUGS DNGOS LTAR SNANG BA'O, ,DMIGS PA RNAM PAR RIG PA TZAM GYIS RAB TU PHYE BA CAN ZHES BYA BA NI PHYI ROL GYI DMIGS PA MED PA'O, ,RNAM PAR SHES PA DMIGS PA YIN PAR NGAS BSHAD DO, ,ZHES BYA BA NI 'DI LTAR DMIGS PA DE RNAM PAR RIG PA TZAM GYIS RAB TU PHYE BA NI DE'I NGO BO NYID CES BYA BA'I THA TSIG STE, RNAM PAR SHES PA NI DMIGS PAR SNANG BA TZAM GYIS RAB TU PHYE BA YIN PAR BSHAD DO ZHES BYA BA'I THA TSIG GO, ,SEMS DE NYID KYIS ZHES BYA BA LA SOGS PA NI BDAG NYID LA BYED PA 'GAL BAR STON PA'O, ,BYAMS PA CHOS GANG YANG ZHES BYA BA LA SOGS PA NI LAN 'DEBS PA STE, CHOS THAMS CAD NI BYED PA MED PAS BYED PA DANG BYED PA PO MI 'THAD PA'I PHYIR RO, ,DE LTAR SKYES PA ZHES BYA BA NI RTEN CING 'BREL PAR 'BYUNG BA'I CHE BA NYID KYIS NI GCIG KHO NA RNAM PA GNYIS SU SNANG BA'I TSUL BRJOD PA'O, ,DPER NA GZUGS KYI GZHI PO RANG GI BZHIN NYID LA BRTEN NAS ME LONG LA SOGS PA'I NANG DU DE NYID SNANG YANG GZUGS BRNYAN MTHONG NGO SNYAM DU LOG PAR SEMS TE, ME LONG LA SOGS PA RGYU'I MTHUS DON GZHAN DU MED KYANG SNANG BA'I PHYIR RO, ,DE BZHIN DU @222A *, ,DRAN PA DANG KUN DU RTOG PA LA SOGS PA'I RKYEN GYIS MTHUS GANG THA DAD PA MA YIN YANG THA DAD PAR SNANG BA TING NGE 'DZIN GYI SPYOD YUL GYI GZUGS BRNYAN DE DE BZHIN DU SKYES SO, ,LUNG DE NI TSAD MA DANG BCAS PAR BCOM LDAN 'DAS NYID KYIS GTAN LA PHAB PO, ,'DI LTAR SEMS MNYAM PAR GZHAG PA NA ZHES BYA BA LA SOGS PAS NI RIGS PA GZHAN NYE BAR 'GOD DO, ,JI LTAR 'DOD PA BZHIN DU SNANG BA'I PHYIR RNAM PAR BSNGOS PA LA SOGS PA NI SEMS LAS GZHAN MA YIN TE, RNAM 'BYOR PA'I RMI LAM DU RNAM PAR BSNGOS PA LA SOGS PA RMIS PA BZHIN NO, ,DRAN PA'I RNAM PAR SHES PA'ANG MI RUNG STE ZHES BYA BA NI GZHAN GYI DOGS PA BSAL BA'I PHYIR SMOS PA STE, SU 'DI SNYAM DU TING NGE 'DZIN GYI SPYOD YUL GYI GZUGS BRNYAN NI DUR KHROD LA SOGS PA NA MTHONG BA'I KENG RUS MONG PO MYONG BA'I RGYU LAS BYUNG BAS DRAN NO SNYAM DU SEMS PA DE LA, 'DI NI DE LTA MA YIN NO ZHES SEL TO, ,DMIGS PA DE MDUN DU GZHAG NA SNANG BA'I PHYIR RO ZHES BYA BA NI GAL TE DE DRAN PA YIN NA NI JI LTAR YUL NA MTHONG BA DE'I YUL NGES PAR 'DI JI LTAR MYONG BA BZHIN DU DRAN PA'I RIGS NA DE NI DE LTA YANG MA YIN NO, ,DE'I PHYIR DE LTAR MNGON SUM DU GRUB PA BSGOMS PA LAS BYUNG BA'I SHES PA DE NI DRAN PA MA YIN NO, ,'O NA THOS PA DANG BSAMS PA LAS BYUNG BA'I DNGOS PO LA RNAM PAR SHES PA GANG 'BYUNG BA DE DRAN PA YIN PAS DE'I SPYOD YUL NI RNAM PAR SHES PA DANG THA DAD PAR 'GRUB PAR 'GYUR RO, ,ZHE NA, DE YANG DE LTAR MA YIN TE, 'DI LTAR THOS PA LA SOGS PA LAS BYUNG BA LA DRAN PA GANG YIN PA DE NI 'DAS PA LA DMIGS PA'I PHYIR RO, ,'DAS PA NI MED PA'I PHYIR DER SNANG BA NI RNAM PAR RIG PA TZAM NYID DU 'GYUR TE, DRAN PAR BYAS PAS STONG PA'I PHYIR RO, ,DE LTA BAS NA DE LTAR SNANG BA'I PHYIR 'DI NI RNAM PAR RIG PA TZAM STE, RNAL 'BYOR PAS MDUN DU KENG RUS DMIGS PA DE'I GZUGS BRNYAN BZHIN NO, ,RJES SU DPAG PA 'DIS ZHES BYA BA LA SOGS PA NI GSAL BA'I PHYIR RNAM PAR DGROL BAR MI 'BAD DO, ,GANG RMI LAM LTA BU'I RNAM PAR RIG PA SNA TSOGS ZHES BYA BA NI LUS DANG LUS CAN LA SOGS PA'I RNAM PAR RIG PA RNAMS SO, ,DE DAG LAS @222B MIG GI RNAM PAR SHES PA LA SOGS PA'I RNAM PAR RIG PA RNAMS NI ZHES BYA BA LA SOGS PA SMOS PAS NI LUS CAN DANG ZA BA PO'I RNAM PAR RIG PA BSDU'O, ,DE DAG NI RNAM PAR RIG PA TZAM NYID DU RIGS TE RNAM PAR SHES PA'I NGO BO NYID YIN PA'I PHYIR RO, ,MIG LA SOGS PA'I RNAM PAR RIG PA GZUGS CAN RNAMS ZHES BYA BA LA SOGS PA SMOS PAS NI DPYAD PAR BYA BA'I RNAM PAR RIG PA BSDU'O, ,JI LTAR RNAM PAR RIG PA TZAM NYID DU ZHES BYA BA NI GZUGS CAN YIN PAS MI SRID PA 'DZIN PA'O, ,DE DAG KYANG ZHES BYA BA LA SOGS PA LA LUNG NI SA BCU PA DANG, DGONGS PA NGES PAR 'GREL PA LAS GSUNGS PA'O, ,RIGS PA NI TING NGE 'DZIN GYI SPYOD YUL GYI GZUGS BRNYAN DANG RMI LAM LA SOGS PA'O, ,SNGA MA BZHIN NO ZHES BYA BA NI MTSUNGS PAR SBYAR BA'O, ,GAL TE DE DAG KYANG ZHES BYA BA NI MTSUNGS PA LA, BRTAN PAR RGYUN GYIS 'JUG PA'I RGYU 'DRI BA STE, DE LA MTSUNGS PA NI 'DRA BA'O, ,BRTAN PA NI BAR MA DOR RGYUN CHAD PAR MI MTHONG BA'O, ,DE NYID RGYUN TE RGYUN CHAGS PA'I PHYIR RO, ,PHYIN CI LOG LA SOGS PA'I KUN NAS NYON MONGS PA'I GZHI'I GNAS YIN PA'I PHYIR RO, ,ZHES BYA BA LA SOGS PA SMOS PAS NI NYON MONGS PA DANG LAS DANG SKYE BA BSDU'O, ,MIG LA SOGS PA'I RNAM PAR REG PA RNAMS NI PHYIN CI LOG LA SOGS PA'I KUN NAS NYON MONGS PA'I GZHI'I GNAS NYID YIN TE, RGYU'I DNGOS POR GNAS PA NYID YIN PA'I PHYIR RO, ,PHYIR RO ZHES BYA BA NI DGOS PA 'DRI BA LA LTOS NAS LAN BTAB PA STE, GANG GI PHYIR MIG LA SOGS PA DANG GZUGS LA SOGS PA'I DON MED BZHIN DU DE DAG TU SNANG BA'I RNAM PAR RIG PA RNAMS MTSUNGS PA DANG, BRTAN PAR RGYUN GYIS 'JUG PA DE KHO NA'I PHYIR PHYIN CI LOG RNAMS 'BYUNG NGO, ,GZHAN DU NA ZHES BYA BA NI GAL TE JI LTAR MI 'BYUNG NA DON MED PA LA DON DU PHYIN CI LOG TU MI 'GYUR RO, ,PHYIN CI LOG MED NA RGYU MED PA'I PHYIR, NYON MONGS PA DANG SHES BYA'I SGRIB PAS KUN NAS NYON MONGS PA MED PAR 'GYUR RO, ,KUN NAS NYON MONGS PA MED DU ZIN NA, RNAM PAR BYANG BA YANG MED PAR 'GYUR TE, DE LDOG PAS RAB TU PHYE BA'I PHYIR RO, ,DE'I PHYIR @223A *, ,DE LTAR 'DI DAG CES BYA BA'I DON NI BRDA PHRAD PAR ZAD DO, ,DGOS PA'I DBANG GIS 'BYUNG BA NI MA YIN GYI, RGYU'I DBANG GIS 'BYUNG BA MA LEN NAM ZHE NA MA YIN TE, JI LTAR DRIS BA BZHIN LAN BTAB PA'I PHYIR TE, GZHAN GYIS NI DGOS PA DRIS KYI, SA BON ZHES BYA BA'I RGYU NI MA DRIS TE, DE NI KUN GZHI RNAM PAR SHES PA LA GNAS PA THOG MA MED PA CAN YIN PAR SHES PAS MA DRIS SO, ,'KHRUL PA'I RGYU NI GZUGS SU SNANG BA'I RNAM PAR RIG PAR 'DOD DO, ,'KHRUL PA NI GZUGS CAN MA YIN PA'I RNAM PAR RIG PAR 'DOD DO, ,DE BAS NA GAL TE GZUGS SU SNANG BA GZUGS CAN GYI RNAM PAR RIG PA MED DU ZIN NA 'KHRUL PA GZUGS CAN MA YIN PA'I RNAM PAR RIG PA YANG MED PAR 'GYUR TE, YUL MED PA'I YUL CAN NI MI RUNG NGO, ,CI'I PHYIR LUS LA SOGS PA'I RNAM PAR RIG PA LHAN CIG 'BYUNG ZHES BYA BA LA SOGS PAS NI SNGA MA BZHIN DU 'DRI BAR BYED DO, ,SKYE BA DANG NYE BAR SPYOD PA YONGS SU RDZOGS PAR MNGON PA'I PHYIR RO ZHES BYA BA NI LAN 'DEBS PA STE, SNGA MA BZHIN NO, ,'DI LTAR RNAM PAR RIG PA LNGA PO 'DI DAG LUS THAMS CAD LA ZHUGS NA NYE BAR SPYAD PA DANG BCAS PA'I LUS MTHA' DAG MNGON TE, YAN LAG GANG YANG RUNG BA ZHIG MTSANG NA DER MI 'GYUR RO, ,CI'I PHYIR DUS KYI RNAM PAR RIG PA LA SOGS PA ZHES BYA BA LA SOGS PA NI 'DRI BA STE, SNGA MA BZHIN NO, ,SOGS PA SMOS PA NI GRANGS DANG, YUL DANG, THA SNYAD DANG, BDAG DANG, GZHAN DANG, BDE 'GRO DANG, NGAN 'GRO DANG, 'CHI 'PHO DANG, SKYE BAR SNANG BA'I RNAM PAR RIG PA DRUG BSDU'O, ,THOG MA MED PA'I DUS KYI 'KHOR BA'I RGYUN MI 'CHAD PA ZHES BYA BA LA SOGS PA NAS, SKYE BA DANG RGA SHI MYONG BA'I RAB TU DBYE BA DPAG TU MED PA'I PHYIR RO, ,ZHES BYA BA'I BAR NI DGOS PA DRUG PO DAG GIS DUS LA SOGS PA'I RNAM PAR RIG PA 'CHI 'PHO DANG, SKYE BA'I RNAM PAR RIG PA LA THUG PA DAG 'BYUNG BAR STON TE GO RIMS BZHIN NO, ,JI LTAR RNAM PAR RIG PA 'DI DAG CES BYA BA LA SOGS PAS RIGS PA'I SKABS KYIS 'THAD PA GZHAN DANG SGRUB PA 'DRI BA'O, ,DE TZAM DU ZAD PAS ZHES @223B BYA BA NI DON MED CES BYA BA'I THA TSIG STE, DON MED PA'I PHYIR RO ZHES 'BYUNG BA'I PHYIR RO, ,DE LTAR NA TZAM SMOS PAS NI DON DGAG PA'I DON BSHAD PA YIN NO, ,JI LTAR DON MED PA DE LTAR LUNG GIS KYANG BSTAN TO, ,RIGS PA NI KHA CIG NI BSHAD ZIN KHA CIG NI 'CHAD PAR 'GYUR RO, , GNYIS KYIS ZHES BYA BA LA SOGS PA NI RGYU MTSAN DANG LTA BA NI RGYU MTSAN DANG LTA BA DAG GO, ,DE GNYIS DANG LHAN CIG PA NI RNAM PAR RIG PA RGYU MTSAN DANG LTA BA DANG BCAS PA STE, MIG LA SOGS PA ZHES BYA BA NAS LUS KYI RNAM PAR RIG PA LA THUG PA RNAMS SO, ,BDAG NYID JI LTA BA BZHIN DU GZUGS LA SOGS PAR SNANG BA'I RNAM PAR RIG PA'I RGYU MTSAN GYIS NI RGYU MTSAN DANG BCAS PA'O, ,MIG GI RNAM PAR SHES PA LA SOGS PA YUL SO SOR RNAM PAR RIG PA SNANG BA'I LTA BAS NI LTA BA DANG BCAS PA'O, ,YANG NA GZUNG BA'I CHA NI RGYU MTSAN, 'DZIN PA'I CHA NI LTA BA STE GNYIS SO, ,SNA TSOGS KYI RNAM PA 'BYUNG BA'I PHYIR TE ZHES BYA BA NI RI MO'I GDING BA LA SOGS PA LA SNA TSOGS KYI RNAM PA'I RNAM PAR SHES PA GCIG KHO NA CHA GCIG NI GZUNG BA DANG, CHA GCIG NI 'DZIN PAR CIG CAR 'BYUNG NGO, ,GANG DAG DE'I SKYE BA RIM GYIS 'BYUNG BAR 'DOD PA DE DAG GI LTAR NA GZHI CHEN PO LA YANG NYIN GCIG TU YANG SNA TSOGS KYI BLO 'BYUNG BAR MI 'GYUR RO, ,YID KYI RNAM PAR RIG PA NI MIG LA SOGS PA NAS CHOS LA THUG PA'I RNAM PAR RIG PA THAMS CAD KYIS ZHES BYA BA LA SOGS PA NI DON THAMS CAD DMIGS PA LA YID KYI RNAM PAR SHES PA DBANG BYED PA MIG LA SOGS PA'I RNAM PAR RIG PA NAS CHOS KYI RNAM PAR RIG PA LA THUG PA'I BAR DAG RGYU MTSAN NYID DU RNAM PAR GNAS TE, DE DAG GIS DE RGYU MTSAN DANG BCAS PA'O, ,YID KYI RNAM PAR SHES PA'I RNAM PAR RIG PAS NI LTA BA DANG BCAS PA STE, 'DI LTAR DE DAG THAMS CAD LA RNAM PAR RTOG PAR BYED PA DANG, RNAM PAR RIG PA THAMS CAD KYI RNAM PAR 'BYUNG BA'I TSUL CAN YANG YIN TE, DE LTA BAS NA YID KYI RNAM PAR SHES PA DE 'DIR LTA BA ZHES BYA'O, ,'DIR TSIGS SU BCAD PA ZHES @224A *, ,BYA BAS NI DE TZAM NYID DANG GNYIS DANG SNA TSOGS NYID DU RTOGS PAS, DE TZAM GNYIS DANG SNA TSOGS NYID, ,RNAL 'BYOR PA RNAMS RTOGS PAR 'DOD, ,CES BYA BA STE, RNAL 'BYOR SPYOD PA RNAMS KYIS YONGS SU SHES PAR 'DOD DO, ,DE DANG BRAL NA ZHES BYA BA LA SOGS PA LA BRAL BAR GYUR PAS BRAL BA STE, DMIGS PA MED PA'O, ,DMIGS PA RNAM PAR BSHIG PA DE MED NA RNAM PAR RIG PA TZAM NYID DANG BRAL BA NYE BAR GNAS TE, RNAM PAR RIG PA RNAM PAR SHES PAR BYED PA NYID DU MED PA'I PHYIR RO, ,SHES BYA MED NA SHES PAR BYED PA MI DU STE; RGYU YUL MED PA'I YUL CAN DU 'GYUR DU 'ONG NGO, ,GZUNG BA DANG 'DZIN PAR RNAM PAR BRTAG PAR BYA BA MA YIN PA'I DNGOS PO 'PHAGS PA'I SO SO RANG GI YE SHES KYIS RIG PA BEMS PO MA YIN PA'I DNGOS PO 'DI NI GNAS SO, ,YID KYI RNAM PAR SHES PA DE NYID CES BYA BA LA SOGS PAS NI LTA BA'I BYE BRAG BRJOD DE, YID KYI RNAM PAR SHES PA GCIG KHO NA MIG LA SOGS PA RTEN DE DANG DE NAS SKYE BA NA MIG GI RNAM PAR SHES PA NAS YID KYI RNAM PAR SHES PA ZHES BYA BA'I BAR DE DANG DE'I MING 'THOB STE, RIGS GZHAN DU GYUR PA'I RNAM PAR SHES PA GZHAN NI MED DO SNYAM DU BYANG CHUB SEMS DPA' KHA CIG SEMS SO, ,CI DANG 'DRA ZHE NA SEMS PA DPER BRJOD DE, DPER NA SEMS PA GCIG LUS LA GNAS TE, LUS 'JUG PAR BYED PA NA LUS KYI LAS ZHES BYA, NGAG LA GNAS TE NGAG 'JUG PAR BYED PA NA NGAG GI LAS ZHES BYA, YID DANG MTSUNGS PAR LDAN PA NA YID KYI LAS ZHES BYA BA LTA BU'O, ,GAL TE YID KYI RNAM PAR SHES PA DE LTA BU NI RNAM PAR MI RTOG PAR 'GYUR TE, GNAS KYI RIGS KYIS MIG GI RNAM PAR SHES PA BZHIN NO, ,GNAS PA NI GNAS KYI RJES SU BYED DE, 'DI LTAR NYON MONGS PA CAN GYI YID KUN NAS NYON MONGS PA'I GNAS KYIS YID KYI RNAM PAR SHES PA 'BYUNG BA NA NYON MONGS PA CAN NYID DU 'GYUR RO ZHE NA, RTEN THAMS CAD DU 'BYUNG BA NA ZHES BYA BA LA SOGS PAS LAN 'DEBS TE, MIG LA SOGS PA GNAS THAMS CAD DU 'BYUNG BA NI SKYE BA'O, ,SNA @224B TSOGS KYI RNAM PAS GNYIS SU SNANG BA 'BYUNG STE, ZHES BYA BA NI 'DZIN PAR RNAM PAR RTOG PA'I BDAG NYID SNA TSOGS KYI RNAM PAS GNYIS SU SNANG STE, RNAM PAR SHES PA GCIG PO LAS CHA GCIG NI DON TZAM DU SNANG BAR 'GYUR, DE'I CHA GCIG NI DON LA RNAM PAR RTOG PA'I RNAM PAR 'BYUNG NGO, ,DE LTA BAS NA RNAM PAR MI RTOG PA NYID KYI SKYON DU MI 'GYUR RO, ,GZUGS CAN GYI KHAMS NA ZHES BYA BA NI GZUGS MED PA'I KHAMS NA MA YIN PA'O, ,DE CI'I PHYIR ZHE NA, YID KYI RNAM PAR SHES PA LUS LA GNAS PA'I PHYIR ZHES BYA BA LA SOGS PA'O, ,DPER NA MIG LA SOGS PA'I DBANG PO LUS LA GNAS PA BZHIN DU ZHES BYA BA NI DES BYAS PA'I PHAN PA DANG GNOD PA LUS KYI YANG YIN PA DE BZHIN DU GZUGS CAN GYI KHAMS NA YID KYI RNAM PAR SHES PA LUS LA GNAS PA'I PHYIR DES BYAS PA'I MYONG BA LUS KYI YANG YIN NO, ,GNAS THAMS CAD DU YANG REG BYA LA 'DZIN PAR SNANG BA YANG 'BYUNG NGO ZHES BYA BA NI MNYAM PAR GZHAG PA KHONG LCI BA DANG, YANG NA MYONG BA YONGS SU GCOD PA'I PHYIR RO, ,GCIG BUR SMRA BA'I BYANG CHUB SEMS DPA' LUNG SMOS PA, GANG ZHIG LUS MED CES BYA BA LA SOGS PA STE, LUS MED CES BYA BA NI KHOG PA MED PA'I PHYIR RO, ,PHUG GNAS ZHES BYA BA NI NANG NA YOD PA'I PHYIR RO, ,RING DU 'GRO ZHES BYA BA NI SHES BYA THAMS CAD DU 'GRO BA'I PHYIR RO, ,GCIG PU RGYU ZHES BYA BA DE NI KHUNGS TE, GNYIS PA MED PA'I PHYIR RO, ,GDUL DKA' ZHES BYA BA NI DMU RGOD DO, ,'DUL BYED CES BYA BA NI DBANG DU BYED PA'O, ,LUNG GNYIS PA YANG DBANG PO LNGA PO 'DI DAG GI ZHES BYA BA LA SOGS PA STE, SPYOD YUL GYI YUL NI YID KYIS MYONG STE, ZHES BYA BA LA YID KYA RNAM PAR SHES PAS ZHES BYA BA'I THA TSIG GO, ,YID NI 'DI DAG GI RTON PA'O, ,ZHES BYA BA NI DE'I DBANG GIS 'GRUB PA'I PHYIR RO, ,YANG KHUNGS GSUM PA SMOS SO, ,RNAM PAR SHES PA'I TSOGS DRUG NI YID KYI SKYE MCHED DO ZHES BYA BA NI YID KYI RNAM PAR SHES PA'I SKYE MCHED CES BYA BA'I THA TSIG GO, ,GANG DU YANG KUN GZHI RNAM PAR SHES PA'I RNAM PAR RIG PA NI DON GYI RNAM PAR RIG PAR RNAM PAR 'JOG PA ZHES @225A *, ,BYA BA NI DON GYI RNAM PAR SHES PA'I RGYU YIN PAS DE LTAR RNAM PAR 'JOG CES BYA BA'I THA TSIG GO, ,DE LAS GZHAN BA ZHES BYA BA NI LUS LA SOGS PA'I RNAM PAR RIG PA RNAMS SO, ,RGYU MTSAN ZHES BYA BA NI DMIGS PA YIN TE, RNAM PAR BYANG BA YIN PA'I PHYIR RO, ,YID KYI RNAM PAR SHES PA'I RNAM PAR RIG PA RTEN DANG BCAS PA NI ZHES BYA BA NI 'DAS MA THAG PA'I YID DANG NYON MONGS PA CAN DANG BCAS PA STE, DE GNYIS SKYED PA DANG KUN NAS NYON MONGS PA'I GNAS YIN PA'I PHYIR RO, ,LTA BA NI RNAM PAR RTOG PA'I PHYIR RO, ,DE'I LTA BA 'BYUNG BA'I RGYU MTSAN YIN PA'I PHYIR ZHES BYA BA NI KUN GZHI RNAM PAR SHES PA DE'I LTA BA RNAM PA SNA TSOGS 'BYUNG BA'I RGYU MTSAN YIN PA'I PHYIR RO, ,MIG LA SOGS PA'I RNAM PAR RIG PA DAG DON LTAR SNANG BA NI YID KYI RNAM PAR RIG PA'I LTA BA DE DANG, RTZA BA'I RNAM PAR SHES PA 'BYUNG BA'I RTEN GYI BYA BA BYED DO, , YANG DON MED PAR BSTAN PA'I PHYIR LUNG GZHAN DANG RIGS PA GZHAN BRJOD DE, BYANG CHUB SEMS DPA' CHOS BZHI DANG LDAN NA ZHES BYA BA LA SOGS PA'O, PHAN TSUN MI MTHUN PA 'GAL PA'I RNAM PAR SHES PA RNAMS KYI RGYU MTSAN GYI DNGOS PO NI RNAM PAR SHES PA 'BYUNG BA'I RGYU MTSAN NYID DE, PHYI ROL GYI DON NI RGYU MTSAN NYID DU MI RUNG BA'I PHYIR DE SHES PAS NI DON MED PAR KHONG DU CHUD PAR BYA'O, ,YI DAGS DANG, DUNG 'GRO DANG MI ZHES BYA BA LA SOGS PA NI CHU KLUNG GANG LA YI DAGS RNAMS KYI RANG GI LAS KYI RNAM PAR SMIN PA'I DBANG GIS RNAG LA SOGS PAS GANG BAR MTHONG BA DE NYID LA DUD 'GRO NYA LA SOGS PAS BTUNG BA DANG GNAS YIN PA'I BLOS GNAS PAR BYED DO, ,MI RNAMS NI DNGAR BA DANG DAD BA DANG BSIL BA'I CHUR RTOG CING KHRUS BYED DO, ,'THUNG NGO, ,'JUG GO, ,NAM MKHA' MTHA' YAS SKYE MCHED LA SNYOMS PAR 'JUG PA'I LHA RNAMS KYIS NI NAM MKHAR MTHONG STE, GZUGS KYI 'DU SHES RNAM PAR BSHIG PA'I PHYIR RO, ,DNGOS PO GCIG LA PHAN TSUN MI MTHUN PA'I RNAM PAR SHES PA DU MA 'BYUNG BA DE NI MI RUNG BA STE, CHU KLUNG DE NYID RNAG DANG GCIN DANG PHYI SA SA GANG BA DANG, DBYUG PA DANG RAL GRI THOGS PA'I MIS BSRUNGS PA YIN PA DRI ZHIM PA DANG BSIL BA'I CHU DANG, GNAS DANG, @225B BTUNG BA LA SOGS PA'I BYA BA'I 'OS DANG NAM MKHA'I BDAG NYID DU JI LTAR 'GYUR TE, PHYI ROL GYI DON MED DO, ,BRTAGS PAS DER SNANG BAR NI RUNG STE, JI SKAD DU, ,BUD MED LUS NI GCIG PU LA, ,RO DANG 'DOD BYA ZA BA ZHES, ,KUN RGYU 'DOD CAN KHYI RNAMS KYI, ,RNAM PAR RTOG PA RNAM GSUM MO, ,ZHES BSHAD PA LTA BU'O, ,'DAS PA DANG MA'ONGS PA LA NI MDO SDE PA'I LTAR NA RNAM PAR SHES PA DMIGS PA MED PAR GRUB PO, ,RMI LAM YANG GRAGS SO, ,TING NGE 'DZIN GYI SPYOD YUL GYI GZUGS BRNYAN NI BRJOD ZIN TE, MDUN NA SNANG BA'I PHYIR DE NI DRAN PAR MI RUNG NGO ZHES BSHAD PA YIN NO, ,ME LONG LA SOGS PA'I NANG DU BZHIN LA SOGS PA'I GZUGS BRNYAN SNANG BA YANG JI LTAR CI YANG MA YIN PA DE LTAR SNGAR BSHAD ZIN TE, DE DAG LA RNAM PAR SHES PA DMIGS PA MED PA NYID DU GRUB BO, ,'BAD PA MED PAR YANG PHYIN CI LOG MED PAR 'GYUR BA NI GSAL BA'I PHYIR RNAM PAR DGROL BAR KHO BOS 'BAD PA MA BYAS SO, ,GAL TE JI LTAR DMIGS PA BZHIN, ,DON RNAMS YANG DAG NYID RTOGS NA, ,YANG DAG MTHONG BAS LUS CAN RNAMS, ,'BAD PA MED PAR DGROL BAR 'GYUR, ,BSAM GTAN PA ZHES BYA BA NI NYAN THOS DANG, RANG SANGS RGYAS RNAMS TE; BSAM GTAN NI SEMS RTZE GCIG PA DGE BA'O, ,'DI DAG LA BSAM GTAN BYED PA'I NGANG TSUL YOD PA NI BSAM GTAN PA'O, ,SEMS LA DBANG THOB PAS RNAMS LA ZHES BYA BA NI SEMS LAS SU RUNG BA NYID THOB PA RNAMS SO, ,MOS PA NI MO PAR BYED PA STE, YID CHES PA'O, ,DE'I DBANG GIS ZHES BYA BA NI JI LTAR MOS PA BZHIN DUS LA SOGS PA CHU LA SOGS PA'I DNGOS POR SNANG BA'I PHYIR RO, ,ZHI GNAS THOB PA ZHES BYA BA NI TING NGE 'DZIN THOB PA RNAMS TE, ZHI GNAS DANG TING NGE 'DZIN NI DON GCIG GO, ,'DIS SEMS G-YENGS PA ZHI BAR BYED PAS ZHI GNAS SO, ,RNAL 'BYOR PA ZHES BYA BA NI STONG PA NYID LA DMIGS PA'AM, 'PHAGS PA'I BDEN PA BZHI LA DMIGS PA'I ZHI GNAS DANG LHAG MTHONG ZUNG DU 'BREL PAR 'JUG PA RANG GI NGANG GIS 'JUG PA DANG LDAN PA NI RNAL 'BYOR PA STE, DE SU DAG LA YOD PA DE DAG NI RNAL 'BYOR PA'O, ,DE DAG GI RJES LA THOB PA MED PA @226A *, ,LA SOGS PA'I CHOS LA LHAG MTHONG ZHES BYA BA NI SHES RAB BO, ,DE LA BRTZON PA RNAMS ZHES BYA BA NI MNGON PAR BRTZON PA RNAMS SO, ,MDO LA SOGS PA'I CHOS LA LHAG MTHONG BYED PA NA MI RTAG PA LA SOGS PA'I DON GCIG PU LA YANG JI LTA JI LTAR SKAD CIG MAR 'JIG PA LA SOGS PA'I DNGOS POR YID LA BYED PA RNAMS KYI YUL DU 'GYUR BA DE LTA DE LTAR RNAM PA DU MAR SNANG NGO, ,RNAM PAR MI RTOG PA'I YE SHES THOB STE, DE LA GNAS PA RNAMS LA DON THAMS CAD MI SNANG NGO ZHES BYA BA LA RNAM PAR MI RTOG PA'I YE SHES NI 'OG NAS 'CHAD DO, ,DON DE YOD NA RNAM PAR MI RTOG PAR MI RUNG STE, RNAM PAR BRTAG PAR BYA BA YOD NA RNAM PAR MI RTOG PA NYID DU MI 'THAD DO, ,GAL TE DON YANG DAG PA YIN DU ZIN NA RNAM PAR MI RTOG PA'I YE SHES BYUNG YANG DE MI SNANG BAR MI 'GYUR TE, YANG DAG PA'I DON LA DMIGS PA'I PHYIR RO, ,DE LTAR NA ZHES BYA BA NI RIGS PA SMOS MA THAG PA DANG RGYUD SNGAR BSHAD PA RNAMS KYIS KYANG DON MED DO ZHES MJUG SDUD PA'O, ,DE JI LTAR NA GZHAN GYI DBANG YIN ZHES BYA BA NI BDAG RANG GIS SHES PAR BYA ZHES BYA BA'I THA TSIG GO, ,CI'I PHYIR ZHE NA, ZHES BYA BA NI GZHAN LA BRJOD CES BYA BA'I THA TSIG GO, ,DE BZHIN DU NGO BO NYID GNYIS PO LA YANG DRI BA GNYIS GNYIS SO, ,DRI BA DE DAG GI LAN KYANG GNYIS GNYIS SO, ,RANG GI BAG CHAGS KYI SA BON ZHES BYA BA LA SOGS PA NI KUN BRTAGS PAR BRJOD PA'I BAG CHAGS SU BSTAN TE, RANG GI SA BON DES DBANG DU BYAS PA'I PHYIR GZHAN GYI DBANG STE, BDAG RANG GIS SHES PAR BYA BA YIN NO, ,SKAD CIG LAS LHAG PAR MI GNAS PA'I PHYIR GZHAN LA BRJOD DO, ,SA BON GYI GZHAN GYI DBANG DANG, SKYE BA DANG 'JIG PA GZHAN GYI DBANG GI PHYIR TE GO RIMS BZHIN NO, ,DE LA GNAS PA'I ZHES BYA BA NI GZHAN GYI DBANG LA BRTEN PA'O, ,DON MED PA ZHES BYA BA GAL TE MED NA DON ZHES JI SKAD BYA ZHE NA, LEN 'DEBS TE, SNANG BA ZHES BYA BA NI DE MNGON PAR BRJOD PA'I SA BON LAS YOD PA MA YIN YANG DON BZHIN DU SNANG BA STE, DES NA DON ZHES BRJOD DO, ,SNANG BA NI GSAL BA DANG MNGON PA DANG RAB TU GSAL BA ZHES BYA BA'I THA TSIG GO, ,DPAG TU MED PA'I RNAM @226B PA CAN GYI ZHES BYA BA NI BDAG DANG CHOS RNAM PA SNA TSOGS MTHA' YAS PA YUL DU SNANG BA'I YID KYI RNAM PAR SHES PA ZHES BYA BA KUN DU RTOG PA'O, ,PHYIN CI LOG CES BYA BA NI 'KHRUL PA STE, GZUNG BA DANG 'DZIN PA'I DON GYI RNAM PAR 'BYUNG BA'I RGYU YIN PA'I PHYIR KUN DU BRTAGS PA STE, DE LA DON DU KUN DU RTOG PA'I PHYIR RO, ,RANG GI MTSAN NYID MED LA KUN DU RTOG PA TZAM DU DMIGS PAS ZHES BYA BA NI, BDAG DANG CHOS DAG MED PA LA RTOG PA'I DE'I RNAM PAR SNANG BAS KUN BRTAGS PA ZHES BYA'O, ,GZHAN DU MI 'GYUR BA NI 'GYUR BA MED PAR YONGS SU GRUB PAS YONGS SU GRUB PAR SHES PAR BYA'O, ,RNAM PAR DAG PA'I DMIGS PA YIN PA DANG, DGE BA'I CHOS THAMS CAD KYI MCHOG YIN PA GNYIS KYI YONGS SU GRUB PA ZHES BRJOD DO, ,YANG KUN DU RTOG PA YOD CING ZHES BYA BA LA SOGS PA KUN BRTAGS PA DPYOD DO, ,YID KYI RNAM PAR SHES PA NI KUN DU RTOG PA STE, RNAM PAR RTOG PA CAN GYI PHYIR RO, ,ZHES BYA BA NI NGES PAR RTOG PA DANG RJES SU DRAN PA'I RNAM PAR RTOG PA DANG 'BREL BA'I PHYIR RO, ,RANG BRJOD PA'I BAG CHAGS KYI SA BON LAS BYUNG BA ZHES BYA BA NI YID KYI RNAM PAR SHES PA YID KYI RNAM PAR SHES PA ZHES THOG MA MED PA'I 'KHOR BA NA THA SNYAD DU BRJOD PA STE, DE'I BAG CHAGS NI 'DI'I SA BON NO, ,RNAM PAR RIG PA THAMS CAD KYI BRJOD PA'I BAG CHAGS KYI SA BON LAS BYUNG BA ZHES BYA BA NI 'DI LTAR GZUGS LA SOGS PA MTHA' YAS PAR SNANG BA'I RNAM PAR RIG PA BRJOD PA'I BAG CHAGS KYI RGYU LAS BYUNG BA STE, DER SNANG BAR 'BYUNG BA'I TSUL CAN YIN PA'I PHYIR RO, ,DE'I PHYIR YID KYI RNAM PAR SHES PA NI RNAM PAR MTHA' YAS PA'I RNAM PAR RTOG PA THAMS CAD KYIS 'BYUNG BA'O, ,GZHAN GYI DBANG GI NGO BO NYID NI KUN DU BRTAGS PAR BYA'O ZHES BYA BA NI DE'I PHYOGS GCIG MIG LA SOGS PA YUL DU GYUR PA'O, ,RNAM PA GANG DU GZHAN GYI DBANG GI NGO BO NYID LA KUN DU BRTAGS PA DE NI DE LA KUN BRTAGS PA'I NGO BO NYID DO ZHES BYA BA NI RNAM PAR RGYUR GYUR PA KUN BRTAGS PA NYID DU BSTAN TO, ,KUN DU RTOG PAS JI LTAR KUN DU RTOG CES BYA BA NI RNAM PA'I RAB TU DBYE BA DRIS NAS, KUN BRTAGS PA'I RAB @227A *, ,TU DBYE BA STON TO, ,MING GIS DMIGS PA ZHES BYA BA NI LHA SBYIN ZHES BYA BA LA SOGS PA'I MING THOS NAS DON LA KUN DU RTOG PAR BYED KYI MING MA THOS PAR NI DON LA RNAM PAR RTOG PAR BYED MI NUS SO, ,GZHAN GYI DBANG GI NGO BO NYID LUS LA SOGS PA LA DER MTSAN MAR 'DZIN PA ZHES BYA BA NI RANG GI MTSAN MA LA MNGON PAR ZHEN ZHES BYA BA'I THA TSIG GO, ,MTSAN MAR 'DZIN PA NI 'DU SHES TE, JI LTAR 'DU SHES SU 'GYUR BA DE LTAR RJES SU THA SNYAD 'DOGS SO, ,YANG NA GZHAN GYI DBANG GI NGO BO NYID MIG LA SOGS PA LA'O, ,LTA BA RNAM PA LNGA NGES PAR RTOG PA'I RNAM PAR 'JUG PAS SO, ,DE LA MNGON PAR ZHEN PA ZHES BYA BA NI MTSAN MAR BYAS PAS MNGON PAR ZHEN PA'I PHYIR TE MTSAN MA LA MNGON PAR ZHEN PA'I DBANG GIS ZHES BYA BA'I THA TSIG GO, ,LTA BAS NGES PAR BRTAGS PA'I DON LAS 'DI NI DE BZHIN NO ZHES MNGON PAR ZHEN NAS GZHAN DAG LA STON PAR 'DOD PA NA RTOG PA DANG DPYOD PA DAG GIS NGAG KUN NAS SLONG STE, MA BRTAGS MA DPYAD PAR TSIG MI SMRA'O ZHES JI SKAD GSUNGS PA LTA BU'O, ,MTHONG BA LA SOGS PA ZHES BYA BA NI MTHONG BA DANG THOS PA DANG, BYE BRAG PHYED PA DANG, RNAM PAR SHES PA THA SNYAD RNAM PAR BZHI PO DAG GIS TE, JI LTAR SPRUL GYI MING LA DMIGS PA NA THAG PA LA SPRUL GYI MTSAN MA KYAG KYOG LA SOGS PA MTSAN MAR BYED CING DE LA MNGON PAR ZHEN NAS GZHAN LA BSTAN PA'I PHYIR SPRUL MTHONG NGO ZHES TSIG TU SMRA BA DE DANG MTSUNGS SO, ,THA DAD PA YANG MA YIN ZHES BYA BA NI KUN BRTAGS PA DANG GZHAN GYI DBANG GNYIS YOD PA DANG MED PA'I PHYIR RO, ,YOD PA LAS YOD PA NYID NI GZHAN MA YIN TE, RI BONG GI RVA LA SOGS PA MED PA NI YOD PA LAS GZHAN MA YIN NO, ,THA DAD PA MA YIN PA YANG MA YIN ZHES BYA BA NI YOD PA DANG MED PA GCIG PA NYID DU MI 'THAD PA'I PHYIR TE, DE BZHIN DU GZHAN GYI DBANG DANG YONGS SU GRUB PA GNYIS KYANG RANG BZHIN GYIS DAG PA DANG MA DAG PA'I NGO BO YIN PA'I PHYIR RO, ,'DIR DGONGS PA'I RNAM GRANGS LA BRTEN NAS NI 'DI DAG GCIG PAR YANG 'GYUR, DU MAR YANG 'GYUR BAS RNAM GRANGS KYIS GZHAN GYI DBANG NYID KUN BRTAGS PAR BSTAN TE, @227B KUN DU RTOG PA'I RGYU MTSAN YIN PA DANG DES KUN BRTAGS PA'I PHYIR RO, ,ZHES BYA BA NI 'DI LTAR BDAG DANG GZUGS LA SOGS PA KUN BRTAGS PA'I RTEN YIN PA DANG, KUN DU RTOG PA ZHES BYA BA YID KYI RNAM PAR SHES PA BDAG DANG GZUGS LA SOGS PA'I DNGOS POR KUN DU RTOG STE, DGONGS PA DES KUN BRTAGS PA ZHES NYE BAR 'DOGS PAR MDZAD DO, ,RNAM GRANGS KYIS NI DE NYID YONGS SU GRUB PA'O ZHES BYA BA NI JI LTAR SNANG BA GTAN DU MED PA'I PHYIR RO, ,BAG CHAGS KYI SA BON GYI GZHAN GYI DBANG ZHES BYA BA NI RGYU LA RAG LAS PAS GZHAN GYI DBANG NGO, ,KUN NAS NYON MONGS PA DANG RNAM PAR BYANG BA'I NGO BO NYID YONGS SU MA GRUB PA GZHAN GYI DBANG ZHES BYA BA NI 'DI LTAR RNAM PAR BRTAG PAR BYA BA'I TSE NI KUN NAS NYON MONGS PAR 'GYUR RO, ,RNAM PAR BRTAG PAR BYA BA MA YIN PA'I TSE NI RNAM PAR BYANG BAR 'GYUR TE, DE LTAR RNAM PA GNYIS LA RAG LUS PAS GZHAN GYI DBANG NGO, ,DE LTAR NA RE ZHIG NGO BO NYID RNAM PA GSUM PO DE DAG GI TSUL NI LTOS PA'I BYE BRAG GIS THA DAD PA YANG MA YIN, THA DAD PA MA YIN PA YANG MA YIN TE, BAG CHAGS KYI SA BON LAS BYUNG BA LA SOGS PA LA LTOS PA GANG GIS GZHAN GYI DBANG YIN PA DE NYID KYIS GNYIS PO DAG NI MA YIN NO, , KUN DU RTOG PA'I RGYU MTSAN DANG, DES KUN BRTAGS PA NYID LA, LTOS PA GANG GIS KUN BRTAGS PA YIN PA DE NYID KYIS GNYIS PO DAG NI MA YIN NO, ,KUN BRTAGS PA GTAN MED PA LA LTOS PA GANG GIS YONGS SU GRUB PA YIN PA DE NYID KYIS GNYIS PO DAG NI MA YIN NO, ,JI LTAR GZHAN GYI DBANG GI RNAM PAR GNYIS YIN PA LTA KUN BRTAGS PA YANG DE BZHIN TE, DE LA NGO BO NYID DU KUN DU RTOG PA NI MIG LA SOGS PA STE, DNGOS PO TZAM NYE BAR 'DZIN PA'O, ,KHYAD PAR DU KUN DU RTOG PA NI MI RTAG PA NYID LA SOGS PA'I CHOS LA RTOG PA'O, ,RANG BZHIN GYIS YONGS SU GRUB PA NI DRI MA DANG BCAS PA'I DE BZHIN NYID DU BSTAN TO, ,RNAM PAR DAG PAR YONGS SU GRUB PA NI DRI MA MED PA'I DE BZHIN NYID DO, ,BYA BA NI THA SNYAD LA MKHAS PA RNAMS KYI ZHES BYA BA NI TSIG SNGON DU BTANG NAS RANG GI BSAM PA BRJOD PA DANG 'BREL PA'O, ,MA BYANG BA MI BZLOG PA STE, ,BA LANG LA SOGS PA @228A *, ,RNAMS KYI'O, ,MING LA BRTEN TE MING GI NGO BO NYID LA KUN DU RTOG PA ZHES BYA BA NI DPER NA NA LI KE RA'I GLING NA GNAS PAS BA LANG GI SGRA THOS NAS DE'I DON MA RTOGS NAS BA LANG GI SGRA'I MING GIS MING LA KUN DU RTOG PA'O, ,MING MA RTOGS PA'I DON ZHES BYA BA NI MING DANG MING CAN 'BREL BAR MA BYAS PA DE NYID KYIS BA LANG GI LUS MTHONG NAS PHYIR ZHING DON LA RTOG PA'O, ,DE GNYI GA LA BRTEN PA NI BRDA SHES PAR BYA BA BRJOD PA DANG, BRJOD PAR BYA BA GNYIS LA BRTEN NAS RTOG PA'O, ,RTZA BA'I RNAM PAR RTOG PA NI RNAM PAR RTOG PA DE LAS GZHAN PA DAG GI RTZA BA YANG YIN LA, RANG YANG RNAM PAR RTOG PAS NA RTZA BA'I RNAM PAR RTOG PA STE, KUN GZHI RNAM PAR SHES PA'O, ,MTSAN MA'I RNAM PAR RTOG PA NI 'DI LTA STE, GZUGS LA SOGS PA STE, 'DI'O ZHES MTSAN MAR BYED PA'I PHYIR RO, ,MTSAN MAR SNANG BA'I RNAM PAR RTOG PA NI 'DI LTA STE, RTEN DANG BCAS PA'I MIG GI RNAM PAR SHES PA LA SOGS PA'I RNAM PAR RIG PA'O ZHES BYA BA NI MTSAN MAR SNANG BA'I PHYIR RO, ,MTSAN MAR 'GYUR BA'I RNAM PAR RTOG PA ZHES BYA BA NI GZUGS LA SOGS PAR SNANG BA'I RNAM PAR RIG PA'I 'GYUR BA STE, DE NYID RNAM PAR RTOG PA'O, ,RGA BA LA SOGS PA ZHES BYA BA NI RGA BA LA SOGS PAS GZUGS LA SOGS PAR SNANG BA'I RNAM PAR RIG PA RNAMS 'GYUR BAR BYED PA'I PHYIR TE, 'DI LTAR RGAS NA PHYI DANG NANG GI GZUGS LA SOGS PAR 'GYUR RO, ,SOGS PA SOGS PAS NI BDE BA LA SOGS PA'I TSOR BA BSDU STE, BDE BA'I MING DANG BZHIN GSAL BA'I PHYIR TE, KHROS PAR GYUR PA LA SOGS PA'I MDOG MI SDUG CES JI SKAD GSUNGS PA LTA BU'O, ,GNOD PA DANG DUS KYIS YONGS SU 'GYUR BA LA SOGS PA ZHES BYA BA NI GSAD PA DANG BCING BA LA SOGS PAS LUS LA SOGS PA'I 'GYUR BA SKYED PA'I PHYIR LA, GRANG BA DANG, TSA BA DANG, CHAR PA LA SOGS PAS KYANG PHYI DANG NANG GI LUS DANG SHING LA SOGS PA'I GZUGS LA SOGS PA GZHAN DU 'GYUR TE, GRANG BA'I TSE GRANG BAS NYEN PA ZHES BYA BA LA SOGS PA JI SKAD GSUNGS PA LTA BU'O, ,SEMS CAN DMYAL BA'I 'GRO BA LA SOGS PA ZHES BYA BA LA SOGS PA SMOS PAS NI NGAN 'GRO THAMS @228B CAD BSDUS TE, DE DAG TU GZUGS LA SOGS PA 'GYUR BA NI GRAGS PA YIN NO, ,'DOD PA'I KHAMS LA SOGS PA ZHES BYA BA LA SOGS PA SMOS PAS NI GZUGS KYI KHAMS BSDUS TE, GZUGS MED PA'I KHAMS NA GZUGS LA SOGS PAR SNANG BA'I RNAM PAR RIG PA MED PA'I PHYIR RO, , BSAM GTAN BZHI PO DAG NA SEMS CAN DANG SNOD KYI GZUGS LA SOGS PA NOR BU'I 'OD LTAR DANG BA YIN DU ZIN KYANG 'GYUR BA YOD PA NYID DE, GNAS PA GZHAN DU 'GYUR BA YANG SNANG NGO ZHES GSUNGS PA'I PHYIR RO, ,MTSAN MAR SNANG BA 'GYUR BA'I RNAM PAR RTOG PA ZHES BYA BA NI MIG GI RNAM PAR SHES PA LA SOGS PA'I RNAM PAR RIG PA GZUGS LA SOGS PA'I MTSAN MAR SNANG BA RNAMS TE, RTEN MIG LA SOGS PA DANG BCAS TE 'GYUR BA'O, ,DE NYID RNAM PAR RTOG PA STE, ,JI SKAD SMOS PA RGA BA LA SOGS PA 'DI DAG GIS JI LTAR MTHUN MTHUN DU 'GYUR BAR BYED PA'I PHYIR RO; ,'DI LTAR RGAS NA MIG LA SOGS PA NYAMS PA NYID DANG, RTUL BA NYID CES BYA BA LA SOGS PA 'BYUNG STE, GNAS GYUR PA'I PHYIR DE LA GNAS PA'I RNAM PAR RIG PA RNAMS KYANG 'GYUR RO, ,DE BZHIN DU BDE BA LA SOGS PA'I TSOR BA LA SOGS PAS KYANG GZHAN DU 'GYUR TE, BDE BAR GYUR BA'I SEMS MNYAM PAR 'JOG PA DANG, SDUG BSNGAL BAR GYUR BA'I SEMS RNAM PAR 'KHRUG PA'I PHYIR RO, ,DE BZHIN DU GNOD PA BSAD PA LA SOGS PA DANG, DUS KYI YONGS SU 'GYUR BA DANG, 'DOD PA LA SOGS PA'I KHAMS RNAMS KYI GNAS DANG BCAS PA'I RNAM PAR RIG PAR 'GYUR TE, JI LTAR MTHUN MTHUN DU SBYOR RO, ,GZUGS MED PA'I KHAMS NA NI BDE BA LA SOGS PA'I TSOR BAS BYAS PA'I RNAM PAR RIG PAR 'GYUR BA'I RNAM PAR RTOG PA'O, ,GZHAN GYIS BSTAN PA'I RNAM PAR RTOG PA ZHES BYA BA NI DAM PA DANG, DAM PA MA YI PA'I BSHAD GNYEN DANG PHRAD NAS DAM PA DANG DAM PA MA YIN PA'I CHOS MNYAN PA'I RGYU LAS BYUNG BA'I RNAM PAR RTOG PA'O, ,'DI NYID PHYIR ROL PA SER SKYA LA SOGS PA DANG, CHOS 'DI BAS BDE BAR GSHEGS PA PA RNAMS KYI NI TSUL BZHIN MA YIN PA ZHES BYA BA YIN TE, YANG DAG PA DANG LOG PA'I @229A *, ,LTA BA DANG MTSUNGS PAR LDAN PA'I PHYIR CI RIGS SU SBYAR RO, ,TSUL ZHES BYA BA NI RIGS PA STE, DE LA DE YOD PAS TSUL BZHIN NO, ,'JIG TSOGS LA LTA BA'I RGYU LAS BYUNG BA LTA BAR SONG BA DRUG CU RTZA GNYIS DANG MTSUNGS PAR LDAN PA'I RNAM PAR RTOG PA ZHES BYA BA NI SNGON DANG, PHYI MA DANG, DBUS LA RTOG PA'I RNAM PA STE, ,TSANGS PA'I DRAN BA'I MDO LAS 'BYUNG BA'I TSUL DU CI BDAG 'DAS PA'I DUS NA 'BYUNG BA ZHIG GAM ZHES BA BA LA SOGS PA'O, ,LTA BA LA MNGON PAR ZHEN PA DE NYID RNAM PAR RTOG PA'O, ,SONG BA ZHES BYA BA'I SGRA NI RNAM PA'I DON TO, , RNAM PAR G-YENG BA'I RNAM PAR RTOG PA ZHES BYA NI RNAM PAR G-YENG BAR BYED PAR BYED PAS RNAM PAR G-YENG BA STE, DE NYID RNAM PAR RTOG PA'O, ,GANG LAS RNAM PAR G-YENG BAR BYED CE NA, RNAM PAR MI RTOG PA'I YE SHES LAS SO, ,CI MNGON ZHE NA, ZHES RAB KYI PHA ROL TU PHYIN PA'I MI MTHUN PA'I PHYOGS YIN PA'I PHYIR RO, ,RNAM PAR MI RTOG PA'I YE SHES NI SHES RAB KYI PHA ROL TU PHYIN PA STE, DE NYIS LHUR NA RNAM PAR RTOG PA RNAM PA BCUS SEL BA YIN NO, DNGOS KYI STON NAS DE KHO NA RTOGS PA'AM, BRJOD PAR MI NUS PA'I PHYIR TE, DE LTA BAS NA SHES RAB KYI PHA ROL TU PHYIR PA THAMS CAD DU RNAM PAR RTOG PA RNAM PA BCU'I GNYEN PO NYID BSTAN TO, ,'DI LTA STE, BYANG CHUB SEMS DPAS JI LTAR SHES RAB KYI PHA ROL TU PHYIN PA LA SPYAD PAR BYA ZHES NA, SH'A RI'I BU 'DI LA BYANG CHUB SEMS DPA' NI BYANG CHUB SEMS DPA' NYID DU YOD BZHIN DU BYANG CHUB SEMS DPA' DPA' YANG DAG PAR RJES SU MI MTHONG NGO, ,BYANG CHUB SEMS DPA'I MING YANG DAG PAR RJES SU MI MTHONG NGO, ,SHES RAB KYI PHA ROL TU PHYIN PA YANG DAG PAR RJES SU MI MTHONG, SPYOD CES BYA BAR YANG DAG PAR RJES SU MI MTHONG, MI SPYOD CES BYA BAR YANG DAG PAR RJES SU MI MTHONG, GZUGS YANG DAG PAR RJES SU MI MTHONG, TSOR BA DANG, 'DU SHES DANG, 'DU BYED DANG, RNAM PAR SHES PA YANG DAG PAR RJES SU MI MTHONG NGO, ,DE CI'I PHYIR ZHE NA, 'DI LTAR MING NI MING GI NGO BO NYID KYIS STONG, GZUGS NI GZUGS KYI NGO BO NYID KYIS STONG STE, @229B STONG PA NYID KYIS NI MA YIN NO, ,GZUGS KYI STONG BA NYID GANG YIN PA DE GZUGS MA YIN NO, ,GZUGS NI STONG PA NYID LAS GZHAN MA YIN TE, GZUGS NYID STONG PA NYID DO, ,STONG PA NYID GZUGS SO, ,DE CI'I PHYIR ZHE NA, SH'A RI'I BU 'DI LTA STE, GZUGS ZHES BYA BA 'DI NI MING TZAM STE, NGO BO NYID KYIS MI SKYE MI 'GAG, KUN NAS NYON MONGS PA MA YIN, RNAM PAR BYANG BA MA YIN TE, MING BCOS MA YIN LA CHOS DE DAG SO SOR BRTAGS NAS GLO BUR GYI MING GIS RJES SU THA SNYAD 'DOGS PA'I PHYIR RO, ,JI LTAR JI LTAR RJES SU THA SNYAD 'DOGS PA DE LTA DE LTAR MNGON PAR ZHEN TO, ,BYANG CHUB SEMS DPA' NI DE DAG THAMS CAD KYI THAMS CAD DU YANG DAG PAR RJES SU MI MTHONG NGO, ,YANG DAG PAR RJES SU MI MTHONG BAS MNGON PAR ZHEN PA MED DO, ,GZUGS LA JI LTAR BAR RNAM PAR SHES PA'I BAR DU YANG DE BZHIN DU BLTA BAR BYA'O, ,DE LA DNGOS PO MED PA'I MTSAN MA'I RNAM PAR G-YENG BA'I RNAM PAR RTOG PA'I GNYEN POR BKA' STZAL PA, BYANG CHUB SEMS DPA' NYID DU YOD BZHIN DU ZHES BYA BA LA SOGS PA STE, BYANG CHUB SEMS DPA' LA STONG PA NYID KYI RANG BZHIN YOD PA'I PHYIR RO, ,DNGOS PO'I MTSAN MAR RNAM PAR RTOG PA'I GNYEN POR BKA' STZAL PA, BYANG CHUB SEMS DPA' YANG DAG PAR RJES SU MI MTHONG BA ZHES BYA BA LA SOGS PA STE, KUN BRTAGS PA'I BDAG NYID DU MED PA'I PHYIR RO, ,SGRO 'DOGS PA'I RNAM PAR RTOG PA'I GNYEN POR BKA' STZAL, 'DI LTAR MING NI NGO BO NYID KYIS STONG NGO ZHES BYA BA LA SOGS PA'I BAR DU STE, BRTAGS PAS SO ZHES BYA BAR DGONGS PA'O, ,SKUR PA 'DEBS PA'I RNAM PAR RTOG PA'I GNYEN POR BKA' STZAL PA, STONG PA NYID KYIS NI MA YIN NO ZHES BYA BA STE, CHOS NYID YOD PA'I PHYIR RO, ,GCIG PA NYID DU RNAM PAR RTOG PA DGAG PA'I DON DU BKA' STZAL PA, GZUGS KYI STONG PA NYID GANG YIN PA DE GZUGS MA YIN NO ZHES BYA BA LA SOGS PA STE, DAG PA DANG MA DAG PA LA DMIGS PA'I PHYIR RO, ,THA DAD PA NYID DU RNAM PAR RTOG PA DGAG PA'I DON DU BKA' STZAL PA, GZUGS NI STONG PA NYID LAS GZHAN PA YANG @230A *, ,MA YIN ZHES BYA BA LA SOGS PA STE, KUN BRTAGS PA'I GZUGS KYI DNGOS PO MED PA NYID STONG PA NYID CES BYA BA'I THA TSIG GO, ,NGO BO NYID RNAM PAR RTOG PA DGAG PA'I DON DU BKA' STZAL PA, 'DI LTA STE, GZUGS ZHES BYA BA 'DI NI MING TZAM MO ZHES BYA BA LA SOGS PA'O, ,KHYAD PAR DU RNAM PAR RTOG PA DGAG PA'I DON DU BKA' STZAL PA, NGO BO NYID NI MI SKYE MI 'GAG CES BYA BA LA SOGS PA'O, ,MING JI LTA BA BZHIN DU YANG DAG PA'I DON DU RNAM PAR RTOG PA DGAG PA'I DON DU BKA' STZAL PA, MING BCOS MA LA CHOS DE DAG SO SOR BRTAGS NAS MING GLO BUR GYIS RJES SU THA SNYAD 'DOGS ZHES BYA'O, ,DON JI LTA BA BZHIN DU MING DU RNAM PAR RTOG PA DGAG BA'I DON DU BKA' STZAL PA, BYANG CHUB SEMS DPAS MING DE DAG THAMS CAD YANG DAG PAR RJES SU MI MTHONG NGO, ,YANG DAG PAR RJES SU MI MTHONG BAS MNGON PAR ZHEN PA MED DO ZHES BYA BA STE, DON JI LTA BA BZHIN DU ZHES BYA BAR DGONGS PA'O ZHES BYA BA'O, ,RNAM PAR G-YENG BA BCU PO 'DI DAG GI ZHES BYA BA NAS BZUNG STE, DES KUN BRTAGS MA YIN ZHES BYA BA'I BAR NI TSIG DE NYID KYIS BSHAD ZIN TE, BRDA PHRAD PAR ZAD DO, ,JI LTAR GZHAN GYI DBANG KUN BRTAGS PA PA'I CHAR SNANG YANG DE'I BDAG NYID MA YIN PA DE BZHIN DU KHONG DU CHUD PAR BYA BA'I PHYIR MING GI SNGO ROL NA BLO MED PAS ZHES BYA BA SMOS TE, GAL TE GZHAN GYI DBANG NYID KUN BRTAGS PA YIN DU ZIN NA MING SMOS PA MED PAR YANG KUN BRTAGS PA LA BLO 'BYUNG BA'I RIGS SO, ,GANG LTAR DMIGS PA DE YOD PAS GZHAN GYI DBANG LA MING LA MI LTOS PAR BLO 'BYUNG BA ZHI NA DE NI YOD PA MA YIN TE, DE'I PHYIR GZHAN GYI DBANG NI KUN BRTAGS PA'I BDAG NYID DU 'GAL LO, ,MING MANG POS ZHES BYA BA NI MING GI DBANG GIS GZHAN GYI DBANG GI NGO BO NYID DON NYID DU RTOG STE, DON GCIG LA MING MANG PO YOD PA NI SGRA NGES PAR SBYOR BA LAS RNAM GRANGS 'BYUNG BA, 'GRO BA DANG BZOD PA DANG SA DANG SRA BAR GYUR PA ZHES BYA BA LA SOGS PA STE, GCIG LA DU MA'I NGO BO NYID MED PAS 'GAL BA'I PHYIR GZHAN GYI DBANG DANG KUN BRTAGS PA GNYIS GCIG TU MI RUNG @230B NGO; ,MING NGES PA MED PAS ZHES BYA BA NI DPER NA 'GRO LDING BA RNAMS RNA BA LA MING CES ZER BA DANG, 'BRAS CHAN LA TSOM RKUN ZHES ZER BA DANG, MCHU LA THA DAD PA ZHES ZER BA LTA BU'O, ,GAL TE MING DANG DON GNYIS GCIG PAR GYUR DU ZIN NA, DE'I PHYIR RNA BA LA SOGS PA'I DON 'TSOL BAR 'GYUR TE, DE YANG MED PAS JI LTAR BRJOD PA BZHIN DU DON MED DO, ,DON MED PA DE NYID TSIG TU SBYAR BAS SDUD DE, BDE BLAG TU BLANG BA DANG ZIN PAR BYA BA'I PHYIR RO, ,JI LTAR CHOS RNAMS MED PA'ANG YIN LA DMIGS PAR YANG 'GYUR BA DANG, JI LTAR KUN NAS NYON MONGS PA YANG MI 'GYUR LA, RNAM PAR BYANG BAR YANG 'GYUR ZHES GTAN LA DBAB PA'I PHYIR TSIGS SU BCAD PA SMOS TE, CHOS RNAMS MED LA DMIGS PA DANG, ,ZHES BYA BA LA SOGS PA'O, SGYU MA LA SOGS PA'I GLANG PO CHE LA SOGS PA BZHIN DU MED KYANG DON DU SNANG BA DANG, JI LTAR NAM MKHA' RNAM PAR DAG PAS SPRIN LA SOGS PAS NYON MONGS PAR MA GYUR KYANG DE DANG BRAL NA RNAM PAR DAG PA ZHES BYA BA BZHIN NO, ,THAMS CAD KYI THAMS CAD DU MED PAR CI'I PHYIR MI 'GYUR ZHES BYA BA LA THAMS CAD KYI ZHES BYA BA NI SNANG BA'I GNAS DANG, RTZA NAS BTON PAS DMIGS PA MED PA'I PHYIR RO; ,THAMS CAD DU ZHES BYA BA NI DUS THAMS CAD DU'O, ,YONGS SU GRUB PA MED CES BYA BA DE GNYI MED NA YONGS SU GRUB PA SHIN TU 'GRUB PA MA YIN NAM ZHE NA, RANG BZHIN GYIS RNAM PAR BYANG BA NI 'GRUB KYI, DRI MA MED PA'I RNAM PAR BYANG B'A NI MED DO ZHES LAN 'DEBS SO, ,TSIGS SU BCAD PA NI TSIG DE NYID KYIS BSHAD ZIN TO, ,THEG PA ZHEN PO BSTAN PA LA SBYOR BAS GZHAN GYI DBANG LA SOGS PA MTSON PA'I PHYIR DRI BA SNGON DU BTANG STE, MED PA LA SOGS PA'I RNAM GRANGS STON TO, ,SGYU MA LA SOGS PA DPE RNAMS KYI DON THA DANG PA NI 'OG NAS 'CHAD DO, ,RANG BZHIN GYIS RNAM PAR BYANG BA NI SO SO'I SKYE BO RNAMS KYI NGO BO NYID YANG DAG PA GANG YIN PA'O, ,DE BZHIN NYID NI GZHAN DU MI 'GYUR BA'I PHYIR CHOS THAMS CAD KYI SPYI'I MTSAN NYID YIN TE, DE NYID LA BRTEN NAS SEMS CAN THAMS CAD NI DE BZHIN GSHEGS PA'I SNYING PO'O ZHES GSUNGS RAB LAS @231A *, ,'BYUNG NGO, ,STONG PA NYID CES BYA BA NI KUN BRTAGS PA MED PA'O, ,YANG DAG PA'I MTHA' ZHES BYA BA NI BDEN PA'I MUR THUG PA'O, ,MTSAN MA MED PA NI GZUGS LA SOGS PA'I MTSAN MA THAMS CAD DANG BRAL BA'I PHYIR RO, ,DON DAM PA NI YE SHES MCHOG GIS THOB PAR BYA BA'I PHYIR RO, ,CHOS KYI DBYINGS NI RNAM PAR BYANG BA'I CHOS RNAMS KYI RGYU YIN PA'I PHYIR RO, ,DBYINGS KYI SGRA NI 'DIR RGYU'I TSIG STE, GSER LA SOGS PA'I 'BYUNG KHUNGS BZHIN NO, ,DRI MA MED PAS RNAM PAR BYANG BA ZHES BYA BA NI TSIG DE NYID KYIS BSHAD ZIN TO, ,DE 'THOB PA'I LAM RNAM PAR BYANG BA ZHES BYA BA NI STONG PA NYID THOB PAR BYA BA'I PHYIR TE, LAM NYID RNAM PAR BYANG BAR ZHES BYA BA'I THA TSIG GO, ,BYANG CHUB NI NYON MONGS PA DANG SHES BYA'I SGRIB PA SPANGS PA DRI MA MED CING THOGS PA MED PA'I YE SHES KYI RANG BZHIN NO, ,DE'I RJES SU MTHUN PA'I PHYIR DRAN PA NYE BAR GZHAG PA LA SOGS PA'I MING DU SUM CU RTZA BDUN LA, RDZAS SU BCU DANG, SHES RAB LA SOGS PA PHA ROL TU PHYIN PA 'OG NAS 'BYUNG BA RNAMS SO, ,DE SKYED PA'I PHYIR DMIGS PA RNAM PAR BYANG BA ZHES BYA BA LA DE ZHES BYA BA NI LAM DANG SBYAR TE, BYANG CHUB KYI PHYOGS LA SOGS PA'O, , LHAG MA RNAMS NI TSIGS SU BCAD PA GNYIS DANG BCAS TE, TSIG DE NYID KYIS BSHAD ZIN TO, ,NOR BA NYID DU SOM NYI ZA BA LAS BZLOG PA'I PHYIR RO ZHES BYA BA NI NOR BA NYID DU SOM NYI ZA BA STE, JI LTAR DON MED PA KUN BRTAGS PA SPYOD YUL DU 'GYUR SNYAM DU SEMS PA DE DAG GI SOM NYI DE BZLOG PA'I DON DU SGYU MA LTA BU NYID DE, JI LTAR SGYU MA LA GLANG PO CHE MED KYANG DMIGS PA DE BZHIN DU GZUGS LA SOGS PA MED KYANG GZHAN GYI DBANG LA SKYE MCHED DRUG NYID DU RNAM PAR RTOG PA NI YUL DU 'GYUR RO, ,SMIG RGYU LTA BU NYID NI JI LTAR NYI MA'I SMIG RGYU G-YO BA NA CHU MED KYANG DE'I BLO 'BYUNG BA LTAR PHYIR ROL GYI SNOD KYI 'JIG RTEN YANG DE BZHIN NO, ,RMI LAM NI GNYID KYIS SEMS DANG SEMS LAS BYUNG BA'I TSOGS BSDUS PAR 'GYUR BA'O, ,DE DANG 'DRA BA NI JI LTAR DE NI GOS LA SOGS PA'I DON MED PAR YANG SDUG PA DANG MI SDUG PA'I YUL LA NYE BAR SPYOD PA LTAR GNYID KYIS MA LOG PA'I SPYOD PA YANG DE @231B BZHIN NO, ,GZUGS BRNYAN LTA BU NYID NI JI LTAR ME LONG LA SOGS PA'I NANG DU GZUGS KYI NGO BO NYID SNANG GI, GZUGS BRNYAN MED KYANG GZUGS BRNYAN MTHONG NGO SNYAM DU SEMS PA DE BZHIN DU MNYAM PAR MA BZHAG PA'I DGE BA DANG MI DGE BA'I SEMS PA LAS KYI NGO BO LA BRTEN NAS MED BZHIN DU YANG 'BRAS BU 'GRUB PA'O, ,MIG YOR NI BAG 'DRA BA'I RTZED MO STE, DE DANG 'DRE BA NYID NI MNYAM PAR MA BZHAG PA'I RNAM PAR SHES PA SNA TSOGS RNAMS DE MA YIN PA'I BDAG NYID DON MED PA RNAMS LA 'BYUNG BA'I PHYIR RO, ,BRAG CA LTA BU NYID NI JI LTAR BRAG CA MED BZHIN DU RNAM BA'I YUL MANG POR GNAS PA DE BZHIN DU NGAG GI LAS MED BZHIN DU YANG THA SNYAD RNAM PAR SNA TSOGS SU GNAS SO, ,CHU ZLA NI CHU'I NANG GI ZLA BA STE, JI LTAR CHU GSHER BA DANG, DANG BA'I PHYIR ZLA BA MED BZHIN DU YANG DE'I NANG NA YOD PAR 'DZIN PA DE BZHIN DU YANG DAG PA'I DON LA DMIGS PA NYID DU YID CHES PA'I RLAN GYIS BDAG NYID KYI TING NGE 'DZIN DANG LDAN PA'I YID KYANG DMIGS PA'I DON MED BZHIN DU 'JUG GO, ,'DI GZUGS BRNYAN DANG BYE BRAG CI YOD CE NA, MNYAM PAR BZHAG PA DANG, MNYAM PAR MA BZHAG PA NYID DU BRJOD PAR 'DOD PA'O, ,GAL TE 'DI SNYAM DU BZHIN LA SOGS PA RKYEN TSOGS PA'I CHE BA NYID KYIS CHU DANG ME LONG LA SOGS PA DE LTAR BYUNG BA LA 'DZIN TE, DPER NA NYE BAR GZHAG PA LA SOGS PA'I DBANG GIS SHEL LA SOGS PA LTA BU'O SNYAM DU SEMS NA, DE NI MA YIN TE, THA DAD DU 'DZIN PA'I PHYIR RO, KHRON PA'I NANG LTAR BZHIN DANG ZLA BA LA SOGS PA'I GZUGS BRNYAN MED LONG DANG CHU DANG THA DAD PAR DMIGS PA LTAR SHES LA SOGS PA NI DE LTAR MA YIN TE MI 'DRA'O, ,KHO BO CAG GI GZHUNG LA NI CHU LA SOGS PA'I DON YOD PA MA YIN PAS CHOS CAN MI 'GRUB BO, ,SPRUL PA BYAS PA GANG YIN PA DE NI SPRUL PA STE, DE DANG 'DRA BA NI JI LTAR SPRUL PA MED BZHIN DU YANG SPRUL PA BYED PA LA NOR BA MED PA DE'I PHYIR 'BAD PA BYED PA DE BZHIN DU BYANG CHUB SEMS DPA' RNAMS KYANG BRTAGS PA'I DON MED BZHIN DU GZHAN GYI DBANG GIS SEMS CAN RJES SU BZUNG BAR 'DOD PAS SKYE BA'I GNAS DE DANG DE DAG TU LUS YONGS SU 'DZIN TO, ,'DI NI DE TZAM DU @232A *, ,ZAD DE, 'DI LTA STE, NAD DANG PHYI'I'O, ,DE'I DBYE BA NI NYE BA SPYOD PA LUS KYI LAS DANG NGAG GI LAS DANG, YID KYI LAS RNAM PA GSUM DANG, MNYAM PAR MA BZHAG PA'I SA DANG, MNYAM PAR BZHAG PA'I SA DANG, NOR BA MED PA'O, ,DON BRGYAD PO 'DI DAG GI DPE BRGYAD DE, JI SKAD DU BCOM LDAN 'DAS KYIS SKYES DU MKHAS PA KHA CIG NI DPES BSHAD PA'I DON SHES PAR 'GYUR RO ZHES GSUNGS PA LTA BU'O, ,BCOM LDAN 'DAS KYIS CI LAS DGONGS TE ZHES BYA BA NAS BZUNG STE, 'DI LAS DGONGS NAS BKA' STZAL TO ZHES BYA BA'I MDO GNYIS KA'I TSIG KYANG TSIG DE NYID KYIS BSHAD ZIN TO, ,'KHOR BA DANG MYA NGAN LAS 'DAS PA GNYIS BYE BRAG MED PA LA DGONGS NAS ZHES BYA BA NI RNAM PAR RTOG PA MA LUS PAR RNAM PAR BSHIG PAS 'KHOR BA MI DMIGS SO, ,DE MI DMIGS NA GANG GI 'GOG PA LA MYA NGAN LAS 'DAS PAR LTA; GZHAN NYID DU YONGS SU GRUB PA MED PA NI 'DIR BYE BRAG MED PA NYID DE, BYIS PAS MNGON PAR ZHEN PA'I KHYAD PAR LAS BZLOG PA'I PHYIR RO, ,NGO BO NYID GNYIS KYI DBANG DU GYUR PA NYID GANG YIN PA DE NYID GNYIS GZHAN GYI DBANG GI DON GYI MCHOG GO, ,DPER NA SA KHONG NA GSER YOD PA LA NI SA'I KHAMS DANG, SA DANG GSER DANG GSUM DMIGS SO ZHES BYA BA LA SA'I KHAMS NI SRA BA NYID DO, ,SA NI KHA DOG DANG DBYIBS TE, 'BYUNG BA DANG, 'BYUNG BA LAS GYUR PA DANG GO RIMS BZHIN NO, ,GSER ZHES BYA BA NI GSER GYI SA BON NO, ,SAR SNANG BA NA LOG PAR SNANG NGO ZHES BYA BA NI DE'I BDAG NYID MA YIN PA'I PHYIR RO, ,GSER DU SNANG BA NA DE BZHIN NYID DU SNANG BA ZHES BYA BA NI DE'I BDAG NYID YIN PA'I PHYIR RO, ,SA'I KHAMS NI GNYI GA'I CHAR GTOGS PA'O ZHES BYA BA NI SA DANG GSER GNYIS KYI CHA DANG LDAN PA STE, GZHAN GYI DBANG GI DPE'O, ,SA DANG GSER NI KUN BRTAGS PA DANG YONGS SU GRUB PA'I DPE'O, ,DE BZHIN DU ZHES BYA BA NI DPE DANG BSTUN PAR BYA BA LA DPE GTOD PA STE, RNAM PAR RIG PA TZAM NYID NI GZHAN GYI DBANG GI NGO BO NYID DO, BRTAGS PA DANG YONGS SU GRUB PA GNYIS KYI CHA DANG LDAN PA'O, ,DE LA RNAM PAR MI RTOG PA'I @232B YE SHES KYI MES REG PA NA YANG DAG PA DANG YANG DAG PA MA YIN PA'I CHA SNANG BA DANG MI SNANG BA GO RIMS BZHIN NO, ,BCOM LDAN 'DAS KYIS LA LAR NI CHOS THAMS CAD RTOG GO ZHES BSTAN PA ZHES BYA BA LA SOGS PA LA GZHAN GYI DBANG GI CHOS NYID DE BZHIN NYID GANG YIN PA DES DE RTAG GO, , KUN BRTAGS PA'I CHAS MI RTAG PA STE, DE LA RTAG PA MED PA'I PHYIR RO, ,RTAG PA MED PA NI MI RTAG PA'O ZHES NGES PA'I TSIG GO, ,GNYI GA'I CHAS RTAG PA YANG MA YIN MI RTAG PA YANG MA YIN ZHES BYA BA NI GNYIS SU MED PA NYID DO, ,YONGS SU GRUB PA'I CHOS BDE BA DAG GO, ,KUN BRTAGS PA'I CHAS SDUG BSNGAL DAG GO, ,GZHAN GYI DBANG GI CHAS GNYIS SU MED DO, ,DE BZHIN DU DGE BA DANG MI DGE BA DAG DANG, STONG PA DANG MI STONG PA DAG DANG, BDAG DANG BDAG MED PA DAG DANG, ZHI BA DANG MA ZHI BA DAG DANG, NGO BO NYID YOD PA DAG DANG, NGO BO NYID MED PA DAG DANG, SKYES PA DANG MA SKYES PA DAG DANG, 'GAGS PA DANG MA 'GAGS PA DAG DANG, MYA NGAN LAS 'DAS PA DANG MYA NGAN LAS MA 'DAS PA DAG KYANG GNYIS SU MED DO ZHES BYA BA LA SOGS PA YANG CI RIGS SU NGO BO NYID GSUM LA BRTEN TE SBYAR BAR BYA'O, ,BDE BLAG TU BLANG BAR BYA BA DANG ZIN PAR BYA BA'I PHYIR, ,JI LTAR CHOS RNAMS YOD MIN ZHING, ,JI LTAR RNAM PA DU MAR SNANG ZHES BYA BA LA SOGS PA SMOS TE, RKYANG PA DANG TSIGS SU BCAD PA SBYAR BA DAG GIS GSAL BAR BYED PA'I PHYIR RO, ,JI LTAR SNANG BA BZHIN DU MED PAS CHOS RNAMS YOD PA MA YIN NO, ,SNANG BAS NA CHOS RNAMS MED PA YANG MA YIN NO, ,GANG GI PHYIR CHOS KYANG MA YIN, CHOS MED PA YANG MA YIN PA DE'I PHYIR GNYIS SU MED PA'I DON DU BSTAN TO, ,DE LTAR NA CHA RES DE DAG MED PA DANG YOD PA ZHES KYANG BSHAD PAR BYA STE, JI LTAR SNANG BA BZHIN DU MED PA DANG SNANG BA'I PHYIR RO, ,GNYI GA'I CHAS NI CHAS NI YOD MIN ZHING, ,MED PA'ANG MIN ZHES BRJOD PA MDZAD, ,CES BYA BA NI GNYIS SU MED PA'I PHYIR TE, ,SNGA MA BZHIN NO, ,JI LTAR SNANG BA DE BZHIN MED, ,CES BYA BA BYA BA NI BDAG DANG CHOS SAM GZUNG BA DANG 'DZIN PA'I DNGOS POR MED PA NYID DE, TSAD MA MED PA'I PHYIR RO, ,GANG PHYIR DE LTAR SNANG GYUR BA, ,ZHES BYA BA NI BDAG DANG BDAG GI LA SOGS PA MED @233A *, ,BZHIN DU YANG 'JIG TSOGS LA LTA BA BZHIN DU THOG MA MED PA'I DUS KYI MNGON PAR BRJOD PA'I BAG CHAGS YONGS SU SMIN PA'I DBANG GIS SO, ,DE'I PHYIR YOD CES BRJOD PA MDZAD, ,CES BYA BA NI SNANG BA'I SGO NAS SGRA 'JUG PA'I PHYIR RO, ,RNAM PA JI LTA BA BZHIN DU MA YIN PAS GNYIS SU MED PA NYID DO, ,DE LTA NA GCER BU PA'I SMRA BA LTAR MI 'GYUR RAM ZHE NA, 'BREL PA CI ZHIG YOD DE, DE DAG NI LOG PAR LTA BA TSOGS PAR YOD PA LA YANG DAG PAR LTA BA'O ZHES LTA BA THAMS CAD DANG MI MTHUN PA LA BRTEN NAS GCIG PU 'GAL BA DU MA'I BDAG NYID CAN DU 'DOD DO, ,'DIR NI GNYI GA MA YIN PA'I BDAG NYID DE, DE LTAR SNANG BAS BDAG NYID GCIG TU BRJOD PAR MI NUS PAS GZHAN GYI DBANG NI GNYIS SU MED PA'O ZHES BYA'O, ,DE DAG NI GNYIS SU BRJOD PAS MI MTHUN NO, ,RANG DANG BDAG NYID MED PA'I PHYIR, ,ZHES BYA BA LA RANG MED PA NI RKYEN GYI KHA NA LAS PA'I PHYIR RO, ,BDAG NYID KYIS MED PA NI SNGAR 'GAGS PA'I SKAD CIG RNYING PA MED PA DANG GSAR PA NI YOD PA'I PHYIR RO, ,RANG GI DNGOS LA MI GNAS PHYIR, ,ZHES BYA BA NI SKAD CIG GI 'OG TU 'JIG PA'I PHYIR RO, ,'DI NI NYAN THOS DANG THUN MONG BA'I BDAG NYID MED PA'O, , GZUNG BA BZHIN DU MED PHYIR, ,ZHES BYA BA NI THUN MONG MA YIN PA'I BDAG MED PA BSTAN PA STE, RTAG PA LA SOGS PAR PHYIN CI LOG TU BZUNG BA LTA BU DANG, GZUGS LA SOGS PAR PHYIN CI LOG TU BZUNG BA LTA BU MED PA'I PHYIR RO, ,BYIS PA RNAMS KYIS JI LTAR BZUNG BA DE BZHIN DU MED PAS THEG PA CHEN PO LA NGO BO NYID MED PAR 'DOD DO, ,NGO BO NYID MED PAS 'DIS KYANG SKYE BA MED PA DANG, 'GAG PA MED PA LA SOGS PAR GRUB BO, ,PHYI MA PHYI MA BRTEN BYAS TE, ,ZHES BYA BA NI GANG GI PHYIR NGO BO NYID MED PA DE'I PHYIR MA SKYES PA'O, ,GANG GI PHYIR MA SKYES PA DE'I PHYIR MA 'GAGS PA'O, , GANG GI PHYIR MA 'GAGS PA DE'I PHYIR GZOD MA NAS ZHI BA'O, ,GANG GI PHYIR GZOD MA NAS ZHI BA DE'I PHYIR RANG BZHIN GYIS YONGS SU MYA NGAN LAS 'DAS PA STE, TSIG SNGA MA SNGA MA LA BRTEN NAS TSIG PHYI MA PHYI MA BSHAD PAR RIG PAR BYA'O, ,DGONGS PA NI YID LA GZHAG PA TZAM YIN GYI PHA ROL @233B LTOS PAR NI KHAS MI LEN NO, ,LDEM POR DGONGS PA NI DE NYID PHA ROL GZUD PA LA LTOS PA'O, ,MNYAM PA NYID LA DGONGS PA NI SANGS RGYAS THAMS CAD KYI CHOD MNYAM PA'I PHYIR, NGA NYID DE'I TSE DE'I DUS NA ZHES BYA BA LA SOGS PA STE, DPER NA 'GA' ZHIG MTSUNGS PA YID LA BSAMS NAS 'DI GANG YIN PA DE NGA'O ZHES BYA BA LTA BU YIN GYI, RNAM PAR GZIGS PA GANG YIN PA DE NYID SH'A-KYA THUB PA NI MA YIN PA'O, ,DUS GZHAN LA DGONGS PA ZHES BYA BA NI LE LO CAN GANG DAG CHOS 'DI LA MI SBYOR BA DE DAG LA LTOS NAS DE BZHIN GSHEGS PA RIN CHEN MANG GI MTSAN BZUNG BA NGES PAR 'GYUR BA DANG, SMON LAM BTAB PA TZAM GYIS BDE BA CAN DU SKYE BAR BSTAN TO, ,DE DAG SNGON DU BTANG BA'I DGE BA'I RTZA BA LA DGONGS PA STE, DPER NA 'JIG RTEN NA PA NI GCIG GIS STONG BSGRUBS SO ZHES BYA BA LTA BU'O, ,DON GZHAN LA DGONGS PA ZHES BYA BA NI LUNG GI MTSAN NYID KYI THEG PA CHEN PO'I CHOS LAS RTOGS PA'I MTSAN NYID KYI THEG PA CHEN PO'I CHOS NI DON GZHAN TE, DE LA DGONGS NAS SANGS RGYAS GANG G'A'I KLUNG GI BYE MA SNYED 'DI SNYED CIG LA BSNYEN BKUR BYAS NAS THEG PA CHEN PO'I CHOS KYI DON KHONG DU CHUD PAR 'GYUR RO ZHES BYA BA GSUNGS TE, 'PHAGS PA SO SO RANG GIS RIG PA'I CHOS NI RTOGS PAR DKA' BA'I PHYIR RO, ,'DIS NI THEG PA CHEN PO LA SGRA JI BZHIN NYID BSTZAL PAR RIG PAR BYA'O, ,GANG ZAG GI BSAM PA LA DGONGS PA NI 'CHAL BA'I TSUL KHRIMS CAN GANG YIN PA DE LA TSUL KHRIMS BSNGAGS PA DANG, TSUL KHRIMS DANG LDAN PA LA DGE BA'I PHYOGS RGYA CHEN PO LA GZHUG PA'I PHYIR TSUL KHRIMS MI BSNGAGS PA'O, ,BSGOM PA KHA CIG CES BYA BA NI 'JIG RTEN PA'I'O, ,GZHUG PA LA LDEM POR DGONGS PA ZHES BYA BA NI GZHAN GZHUD PA'I PHYIR GANG DU GANG ZAG DANG, CHOS NYID KYI NGO BO NYID DANG KHYAD PAR KUN RDZOB TU BSTAN PA STE; DPER NA NYAN THOS KYI THEG PA LA GZHUG PA'I PHYIR RDZUS TE BYUNG BA'I SEMS CAN YOD DO ZHES BYA BA LA SOGS PA DANG, THEG PA CHEN PO LA GZHUG PA'I PHYIR GZUGS STONG PA ZHES BYA BA LA SOGS PA LTA BU STE, CHAD PAR 'GYUR GYIS 'JIGS PA'I SKYE BO'I DBANG GIS SO, ,MTSAN NYID LA @234A *, ,LDEM POR DGONGS PA ZHES BYA BA NI SHES BYA'I MTSAN NYID LA GZHUG PA'I PHYIR RO, ,GNYEN PO LA LDEM POR DGONGS PA NI 'DOD CHAGS LA SOGS PA LA SPYOD PA MI MTHUN PA'I PHYOGS 'GAL BA BRGYAD KHRI BZHI STONG ZHES BYA BA LA SOGS PA STE, TSIG DE NYID KYIS BSHAD ZIN TO, ,BSGYUR BA LA LDEM POR DGONGS PA NI YI GE'I DON GZHAN DU BSGYUR BA'I PHYIR TE, SNYING PO MED PA LA SNYING POR SHES, ,ZHES BYA BA LA SOGS PA'O, ,'PHRO BAR BYED PAS 'PHRO BA STE RNAM PAR G-YENG BA'O, ,MI 'PHRO BAS NA 'PHRO BA MED PA NI RNAM PAR MI G-YENG BA STE, TING NGE 'DZIN TO, ,DE LA SNYING POR 'DU SHES PA NI SHES RAB BRTAN PA'O, PHYIN CI LOG CES BYA BA NI PHYIN CI LOG BZHI STE, DE DAG LA SHIN DU GNAS ZHES BYA BA NI 'DI DAG PHYIN CI LOG GO ZHES BYA BAR NGES TE MI 'GYUR BA'I PHYIR RO, ,NYON MONGS KUN NAS RAB NYON MONGS, ,ZHES BYA BA NI SHA THANG BZHIN DU SEMS CAN GYI DON BYED PA STE, DUB BA ZHES BYA BA'I THA TSIG GO, ,JI SKAD DU, ,THUGS RJE'I PHYIR MI 'BA' ZHIG GIS, ,'KHOR BAR YUN RING KHYOD 'O BRGYAL, ,ZHES BYA BA LA SOGS PA SMRAS PA LTA BU'O, ,BYANG CHUB DAM PA THOB PAR 'GYUR, ,ZHES BYA BA NI SANGS RGYAS KYI BYANG CHUB THOB PAR 'GYUR ZHES BYA BA'I THA TSIG GO,, ,,BAM PO BZHI PA, 'CHAD PAR BYED PA RNAMS KYI BSHAD PA'I RIGS PA BYE BRAG TU BSTAN PA'I DBANG DU BYAS NAS, MDOR BSDU NA RNAM PA GSUM GYIS BSHAD PAR BYA STE ZHES BYA BA LA SOGS PA SMOS TE, RTEN CING 'BREL PAR 'BYUNG BA BSTAN PA ZHES BYA BA LA SOGS PA'O, ,DE LA RTEN CING 'BREL PAR 'BYUNG BA DANG, RTEN CING 'BREL PAR 'BYUNG BA'I CHOS RNAMS NI SHES BYA'I GNAS BSHAD PA'I SKABS SU RTEN CING 'BREL PAR 'BYUNG BA RNAM PA GSUM GYI MTSAN NYID RAB TU RNAM PAR PHYE BA'I SGO NAS MTSAN NYID KYIS RNAM PAR PHYE ZIN TO, ,'DIR NI SBYOR BAS YANG KUN GZHI DANG, 'JUG PA'I RNAM PAR SHES PA DAG PHAN TSUN DU RGYU DANG, PHUN TSUN DU RGYU DANG LDAN PA'I DNGOS POR TSIGS SU BCAD PAS STON TE, ,CHOS RNAMS BRJOD PA'I BAG CHAGS LAS, ,ZHES BYA BA LA SOGS PA'O, ,RGYU MTSAN DANG @234B LTA BA DANG BCAS PA'I RNAM PAR RIG PA'I NGO BO NYID DO ZHES BYA BA NI JI SKAD DU SNGAR BSHAD PA LTA BU STE, RGYU MTSAN DANG BCAS PA'I RNAM PAR RIG PA'I NGO BO NYID NI GZUGS KYI RNAM PAR RIG PA LA SOGS PA'O, ,LTA BA DANG BCAS PA'I RNAM PAR RIG PA'I NGO BO NYID NI MIG GI RNAM PAR RIG PA LA SOGS PA DANG, MIG LA SOGS PA'I RNAM PAR SHES PA LA SOGS PA'O, ,DE DAG KYANG GNAS KYI MTSAN NYID DANG ZHES BYA BA NI GZHAN GYI DBANG GI MTSAN NYID DAG STE, DE NI GNYI GA'I GNAS YIN PA'I PHYIR RO, ,KUN BRTAGS PA'I MTSAN YID CES BYA BA NI DE DAG GNYIS DER YONGS SU BRTAG PAR BYA BA'I PHYIR RO, ,CHOS NYID KYI MTSAN NYID CES BYA BA NI DE'I CHAR RNAM PAR GZHAG PA'I PHYIR RO, ,DON DE NYID TSIGS SU BCAD PA PHYED KYIS STON TE, ,RGYU MTSAN LTA DANG BCAS PA LAS, ,DE DAG MTSAN NYID GSUM SHES BYA, ,ZHES BYA BA'O, ,DE KHO NA MA MTHONG PA DANG, MTHONG BAS DUS GCIG TU ZHES BYA BA NI GANG GI TSE DE KHO NA MA MTHONG BAS GZHAN GYI DBANG GI NGO BO NYID LA YONGS SU GRUB PA NI MED PAR MTHONG LA, KUN BRTAGS PA NI YOD PAR MTHONG BA DE NYID KYI TSE, DE KHO NA MTHONG BAS KUN BRTAGS PA NI MED PAR DMIGS LA, YONGS SU GRUB PA NI YOD PAR DMIGS SO, ,DE CI'I PHYIR ZHE NA, 'DI LTAR, ,GZHAN DBANG LA NI BRTAGS PA MED, ,CES BYA BA'O, ,'O NA DE LA CI YOD CE NA, ,YONGS SU GRUB PA DE NI YOD, ,CES BYA BA SMOS SO, ,DE LA YANG DAG PA MA MTHONG BA NI BYIS PA RNAMS TE, MED PA LA YOD PAR 'DZIN PA DANG, YOD PA LA MED PAR 'DZIN PAS PHYIN CI LOG TU DMIGS SO, ,DE KHO NA MTHONG BA NI YANG DAG PA MTHONG BA STE, GANG MED PA DE YANG MED PA DANG, GANG YANG YOD PA DE YANG YOD PAR KHONG DU CHUD DO, ,DON DE NYID TSIGS SU BCAD PA PHYED KYIS STON TE, ,DE PHYIR DE LA GNYI GA YANG, ,MI DMIGS PA MNYAM PA YIN, ,ZHES BYA BA'O, ,'DI NI RE ZHIG 'CHAD PAR BYED PA'I BSAM PA LA MI LTOS PAR BSHAD PAR BYA'O, ,BSHAD ZIN PA'I DON BSHAD PA NI 'CHAD PAR BYED PA'I BSAM PA'I NGOR BYA BA'O, ,YON TAN GYI DBANG DU BYA BA'AM DON GYI DBANG DU BYA BAS ZHES BYA BA NI YON TAN GYI BSAM PA DANG, DON GYI BSAM PAS SO, ,BZLAS @235A *, ,SHING BAS YIN PA NI YON TAN RNAMS TE, GANG BDAG LA LEGS SU 'DOD PA RNAMS KYIS LAM BZHIN DU GOMS PAR BYA BA'O, ,RTOGS PAR BYA BA YIN PAS DON DE SHES PAR BYA BA NYID YIN GYI GDON MI ZA BAR GOMS PAR BYA BA NI MA YIN TE, SDUG BSNGAL NYID BZHIN NO, , SHIN DU RNAM PAR DAG PA'I BLO MNGA' BA, ,ZHES BYA BA'I TSIG DANG PO 'DI NI TSIG LHAG MA RNAMS PAR DGROL BAS STE, ,GAL TE YON TAN MANG POS YON TAN GCIG BSHAD NA, ,DE LTA NA LEGS PAR BSHAD PA YIN NO, ,SHES BYA LA SHIN DU SGRIB PA MED PAR 'JUG PA'I YON TAN ZHES BYA BA NI KUN DU SPYOD PA GNYIS MI MNGA' BA ZHES BYA BA 'GREL TE, DNGOS PO'I BYE BRAG THAMS CAD LA CHAGS PA MED CING THOGS PA MED PA'I PHYIR YE SHES SHIN DU SGRIB PA MED PA STE, JI LTAR NYAN THOS LA SOGS PA KHA CIG TU NI SGRIB PA DAG BCAS PA LA, KHA CIG TU NI SGRIB PA MED PAS KUN TU SPYOD PA GNYIS DANG LDAN PA DE LTA BU NI MA YIN GYI, 'DI'I 'AM 'DI LA KUN DU SPYOD PA GNYIS MI MNGA' BAS KUN DU SPYOD PA GNYIS MI MNGA' BA'O, ,DES NA SHIN DU RNAM PAR DAG PA'I BLO MNGA' BA'O ZHES BYA BAR SBYAR TE, YE SHES DANG SPANGS PA PHUN SUM TSOGS PA'I PHYIR RO, ,DE BZHIN DU TSIG 'OG MA RNAMS LA YANG SBYAR BAR BYA'O, ,MTSAN NYID MED PA'I CHOS LA MCHOG TU GZHOL PAR MDZAD PA ZHES GANG GSUNGS PA DE'I 'GREL PA NI YOD PA DANG MED PA GNYIS SU MED PA'I MTSAN NYID CES BYA BA LA SOGS PA STE, BDAG NYID KYIS YOD PA'I PHYIR YOD PA'I MTSAN NYID DO, ,KUN BRTAGS PA MED PA'I PHYIR MED PA'I MTSAN NYID DO, ,RIGS PA 'DI NYID KYIS MED PA'I PHYIR YOD PA MA YIN PA'I MTSAN NYID DANG, YOD PA'I PHYIR MED PA MA YIN PA'I MTSAN NYID PAS GNYIS SU MED PA'I MTSAN NYID DO, ,MCHOG TU RNAM PAR DAG PA SHES PAR MDZAD PA'I YON TAN ZHES BYA BA NI DE BZHIN NYID MCHOG TU RNAM PAR DAG PA STE, GLO BUR GYI DRI MA THAMS CAD DANG BRAL BA'I PHYIR MCHOG TU DRI MA MED PA'O, ,DE RANG GIS KYANG THUGS SU CHUD LA, GZHAN DAG LA YANG KHONG DU CHUD PAR MDZAD PAS MCHOG TU RNAM PAR DAG PA ZHES PAR MDZAD PA ZHES BYA STE, DE NYID YON TAN NO, ,DES NA SNGA MA BZHIN DU DE DANG SBYAR BAR BYA STE, @235B BDAG KYANG RNAM PAR DAG LA GZHAN YANG RNAM PAR SBYOR ZHES BYA BA'I THA TSIG GO, ,SANGS RGYAS KYI GNAS PAS GNAS PA ZHES BYA BA 'DI'I RNAM PAR BSHAD PA NI, SANGS RGYAS KYI MDZAD PA LHUN GYIS GRUB PA RGYUN MI GCOD PAR GNAS PA'I YON TAN TE, BSGRIM MI DGOS PAR SANGS RGYAS KYI MDZAD PA SEMS CAN GYI DON LA SOGS PA LA 'PHAGS PA DANG LHA DANG, TSANGS PA'I GNAS PA RNAMS KYIS RGYUN MI 'CHAD PAR JI LTAR MTHUN MTHUN DU GNAS PA'I PHYIR TE, NYAN THOS LTAR RAB TU BSGRIMS TE BSGRUBS NAS GNAS PA NI MA YIN PAS KHYAD PAR DU 'PHAGS SO, ,SANGS RGYAS THAMS CAD DANG MNYAM PA NYID BRNYES PA ZHES BYA BA 'DI'I RNAM PAR 'GREL PA NI, CHOS KYI SKUL GNAS DANG DGONGS PA DANG PHRIN LAS THA DAD PA MED PA'I YON TAN ZHES BYA BA STE, GNAS THA DAD PA MED PA NI THAMS CAD KYANG YE SHES RNAM PAR DAG PA'I BDAG NYID YIN PA'I PHYIR RO, ,DGONGS PA THA DAD PA MED PA NI THAMS CAD KYANG SEMS CAN THAMS LA PHAN PA DANG BDE BA MDZAD PAR DGONGS PA'I PHYIR RO, ,PHRIN LAS THA CHOS GNYIS GZHAN DAG GIS PHYIR BZLOG MI NUS PA'I PHYIR TE, DE SPRUL PA GNYIS KYIS GZHAN GYI DON BSGRUBS PA'I PHYIR TE, NYAN THOS LA SOGS PA LTAR BSAM PA TZAM 'BA' ZHIG NI MA YIN NO, ,SGRIB PA MI MNGA' BAS RTAG PAR THUGS SU CHUD PA ZHES BYA BA 'DI'I BSHAD PA NI SGRIB PA THAMS CAD KYI GNYEN PO BSGOMS PA'I YON TAN ZHES BYA BA STE, NYON MONGS PA DANG, SHES BYA'I SGRIB PA THAMS CAD KYI GNYEN PO 'PHAGS PA'I LAM RNAM PA THAMS CAD MKHYEN PA NYID DANG, SANGS RGYAS LA DBANG BA'I BDAG NYID CAN GOMS PAR MDZAD PAS SGRIB PA THAMS CAD KYI DRI MA RNAMS KYIS MA BSGRIBS PA'I RTOGS PA BRTAN PA ZHES BYA BA THUGS SU CHUD PA STE, BRNYES PA ZHES BYA BA'I THA TSIG GO, ,PHYIR MI BZLOG PA'I CHOS DANG LDAN PA ZHES BYA BA 'DI'I 'GREL PA NI, MU STEGS CAN THAMS CAD KYIS MI THUB PA'I YON TAN ZHES BYA BA STE, BSTAN PA DANG THUGS SU CHUD PA'I CHOS GNYIS GZHAN DAG GIS PHYIR BZLOG MI NUS PA'I PHYIR TE, DE LAS CHES KHYAD PAR DU 'PHAGS PA'I CHOS MED CES BYA BA'I THA TSIG GO, ,SPYOD YUL GYIS MI 'PHROGS @236A *, ,PA ZHES BYA BA 'DI'I BSHAD PA NI, 'JIG RTEN DU SKYES KYANG 'JIG RTEN GYI CHOS KYIS MI 'PHROGS PA'I YON TAN ZHES BYA BA STE, GANG LA SU SPYOD PA DE DE'I SPYOD YUL YIN PA DANG 'DRA BAS SPYOD YUL YIN PA DANG 'DRA BAS SPYOD YUL TE, RJES SU CHAGS PA DANG KHONG KHRO BA LA SOGS PA MED PA'I PHYIR DE LA RNYED PA DANG MA RNYED PA LA SOGS PA'I 'JIG RTEN GYI CHOS BRGYAD KYIS 'PHROGS PAR MI NUS TE, JI SKAD DU GANG ZHIG SA LA 'JIG RTEN CHOS BRGYAD RLUNG GI STOBS KYIS MI BSKYOD PA, ZHES BYA BA LA SOGS PA BSHAD PA LTA BU'O, ,RNAM PAR GZHAG PA BSAM GYIS MI KHYAB PA ZHES BYA BA 'DI'I RNAM PAR BSHAD PA NI, CHOS RNAM PAR GZHAG PA'I YON TAN ZHES BYA STE, MDO LA SOGS PA GSUNGS RAB YAN LAG BCU GNYIS PO DE DANG DE'I RANG DANG SPYI'I MTSAN NYID BSHAD PA RNAM PAR 'JOG PA'O, ,DE BSAM GYIS MI KHYAB PA NI BRTAG TU MED PA'I PHYIR TE, BYIS PA'I BLO'I SPYOD YUL MA YIN PA'I PHYIR DANG, 'JIG RTEN LAS 'DAS PA'I PHYIR RO, ,DE'I RNAM PAR GZHAG PA BSAM GYIS MI KHYAB PAS NA RNAM PAR GZHAG PA BSAM GYIS MI KHYAB PA STE, DE NYID YON TAN NO ZHES SNGA MA BZHIN NO, ,DUS GSUM MNYAM PA NYID DU THUGS SU CHUD PA ZHES BYA BA 'DI'I RNAM PAR BSHAD PA NI; LUNG STON PA'I YON TAN ZHES BYA BA STE, DUS GSUM PO DAG LA MNYAM PA NYID DU THUGS SU CHUD PAR GYUR PA'AM, DUS GSUM MNYAM PA NYID DU THUGS SU CHUD CES BYA BA'I TSIG RNAM PAR SBYAR BA'O, ,DA LTAR GYI BZHIN DU 'DAS PA DANG MA 'ONGS PA'I DUS KYI DON RNAMS KYANG 'BYUNG NGO, ,'BYUNG BAR 'GYUR RO ZHES LUNG STON PA'I PHYIR RO, ,'JIG RTEN GYI KHAMS THAMS CAD DU ZHUGS PA'I SKU DANG LDAN PA ZHES BYA BA 'DI'I BSHAD PA NI, 'JIG RTEN GYI KHAMS THAMS CAD DU LONGS SPYOD RDZOGS PA DANG, SKUL PA'I SKU STON PA'I YON TAN ZHES BYA BA STE, PHYOGS BCU'I ZHING THAMS CAD DU SKU GNYIS GDUL BA JI LTA BA BZHIN DU KUN DU STON PA'I PHYIR RO, ,CHOS THAMS CAD LA THE TZOM MED PA'I YE SHES MNGA' BA ZHES BYA BA 'DI'I RNAM PAR BSHAD PA NI THE TZOM GCOD PA'I YON TAN ZHES BYA BA STE, BDAG NYID KYIS GTAN LA PHEBS PA BZHIN DU GZHAN LA YANG GTAN LA 'BEBS PA'I PHYIR RO, , @236B BDAG NYID LA NGES PA MED PAR GZHAN GYI THE TSOM NGES PAR BYED MI NUS TE, NGES PA MED PAR THE TSOM GCOD PA MED DO, ,SPYOD PA THAMS CAD DANG LDAN PA'I BLO MNGA' BA ZHES BYA BA'I RNAM PAR BSHAD PA NI SPYOD PA SNA TSOGS KYIS 'JUG PAR MDZAD PA'I YON TAN ZHES BYA BA STE, RIGS DANG GNAS SPYOD DANG YANG MTSAN CAN THAMS CAD KYI SPYOD PA DANG 'DRA BA RNAMS KYI SEMS CAN SKAL PA YOD PA RNAMS 'DZUD PA'I PHYIR TE, SKAL PA MNYAM PA'I GANG DU 'GRO BA'I MDO LAS 'BYUNG BA BZHIN NO, ,GZUGS NI GANG DANG GANG GIS SU, ,LUS CAN DAG NI 'DUL 'GYUR BA, , THUGS RJES NON NAS DE DANG DE, ,THUGS BRTZE BDAG NYID STON PA MDZAD, ,CES KYANG BSHAD DO, ,CHOS MKHYEN PA LA NEM NUR MED PA ZHES BYA BA 'DI'I BSHAD PA NI, PHYI MA LA CHOS 'BYUNG BA MKHYEN PA'I YON TAN ZHES BYA BA STE, 'PHAGS PA NYAN THOS RNAMS KYIS GANG LA 'DI NI DGE BA'I RTZA BA MED PA'O ZHES SMRAS PA DE LA SANGS RGYAS BCOM LDAN 'DAS RNAMS KYIS MA 'ONGS PA'I DUS NA 'BYUNG BAR 'GYUR BA'I DGE BA'I CHOS 'BYUNG BA MKHYEN TE, TSE RABS GZHAN DANG 'BREL BA'I DGE BA PHRA MO MNGON SUM DU MDZAD PA'I PHYIR RO, ,RNAM PAR MA BRTAGS PA'I SKU MNGA' BA ZHES BYA BA 'DI'I BSHAD PA NI, MOS PA JI LTA BA BZHIN DU STON PA'I YON TAN ZHES BYA BA STE, MOS PA JI LTA BA BZHIN DU GSER LA SOGS PA'I RANG BZHIN DU SNANG YANG SKUL RNAM PAR RTOG PA MI MNGA' BA'I PHYIR NOR BU DANG SIL SNYAN LA SOGS PA BZHIN TE, DE BZHIN GSHEGS PA'I GSANG BA'I MDO LAS JI SKAD GSUNGS PA LTA BU'O, ,YE SHES BYANG CHUB SEMS DPA' THAMS CAD KYIS YANG DAG PAR MNOS PA ZHES BYA BA 'DI'I BSHAD PA NI, SKU DPAG TU MED PA SEMS CAN 'DUL BAR SPYOD PA'I YON TAN ZHES BYA BA STE, BYANG CHUB SEMS DPA' YE SHES THOB PA KHYAD PAR CAN RNAMS KYIS BYANG CHUB SEMS DPA'I LUS DPAG TU MED PAS SEMS CAN 'DUL BA'I DON DU SBYOR BA CHOS MNYAN PA SNGON DU BTANG BA GANG YIN PA DE NI SANGS RGYAS KYI DBANG GIS PHAN GDAGS PA DANG, YONGS SU GTAD PA GNYIS KYIS RGYUN MI 'CHAD PAR GCIG NAS GCIG TU BRGYUD DE @237A *, ,'BYUNG NGO, ,BYANG CHUB SEMS DPA' THAMS CAD KYIS YANG DAG PAR MNOS PA NI BDAG NYID DU BYAS PA'O, ,SANGS RGYAS KYI GNAS PA GNYIS SU MED PA DAM PA'I PHA ROL TU PHYIN PA ZHES BYA BA 'DI'I BSHAD PA NI, CHOS KYI SKU MNYAM PA NYID LA PHA ROL TU PHYIN PA RNAMS GRUB PA'I YON TAN ZHES BYA BA STE, GNYIS SU MED PA'I PHYIR MNYAM PA NYID DO, ,CHOS KYI SKU MNYAM PA LA PHA ROL TU PHYIN PA RNAMS GRUB PA NI 'BRAS BU'I GNAS SKABS YIN PA'I PHYIR RO, ,YANG NA MNYAM PA NI LHAG CHAD MED PA STE, CHOS KYI PHA ROL TU PHYIN PA THAMS CAD GRUB PA STE, SA DAG LA BYANG CHUB SEMS DPA' RNAMS KYI LTAR DE LA NI LHAG CHAD CI YANG MED DO, ,PHA ROL TU PHYIN PA ZHES BYA BA NI PHA ROL TU PHYIN PA ZHES BYA BA'I THA TSIG GO, ,DE BZHIN GSHEGS PA MA 'DRES PA'I RNAM PAR THAR PAR MDZAD PA'I YE SHES KYI MTHAR PHYIN PA ZHES BYA BA 'DI'I BSHAD PA NI, MOS PA JI LTA BA BZHIN DU SANGS RGYAS KYI ZHING MA 'DRES PA STON PA'I YON TAN ZHES BYA BA STE, DBYER MED PAS SANGS RGYAS KYI ZHING GCIG YIN YANG SEMS CAN RNAMS KYI MOS PA LA LTOS NAS MKHYEN BZHIN DU BCOM LDAN 'DAS KYIS GSER LA SOGS PA'I RANG BZHIN DU MOS PAR MDZAD NAS MA 'DRES PAR KUN DU STON TO, ,DE'I PHYIR SANGS RGYAS MA 'DRES PA'I MOS PA'I YE SHES KYI MTHAR PHYIN PA ZHES BYA BAR TSIG RNAM PAR SBYAR TE, RNAM PAR THAR PA ZHES BYA BA NI 'DIR MOS PAR BSHAD DO, ,MTHA' DANG DBUS MED PA'I SANGS RGYAS KYIS MNYAM PA NYID DU THUGS SU CHUD PA ZHES BYA BA 'DI'I BSHAD PA NI, SANGS RGYAS KYI SKU GSUM GYI YUL YONGS SU MA CHAD PA'I YON TAN ZHES BYA BA STE, YUL YONGS SU MA CHAD PA'I YON TAN GYIS NI 'JIG RTEN GYIS KHAMS BZHIN DU SANGS RGYAS KYIS MTHA' MED CING DBUS MED PA RNAMS SU'AM, YANG NA SA NI 'DIR 'JIG RTEN GYI KHAMS TE, DE NYID YUL LO, ,MTHA' DANG DBUS MED PA'I SKU GSUM GYI BDAG NYID CAN GYI SANGS RGYAS RNAMS KYIS NI 'JIG RTEN GYI KHAMS MA LUS PA THAMS CAD DU MNYAM PAR GSHEGS TE, CHOS KYI SKU LA SEMS PA NI 'JIG RTEN GYI KHAMS 'DI TZAM DU ZAD KYI, GZHAN DU NI MA YIN NO @237B ZHES BYA BAR YONGS SU CHAD PA MED PA'I PHYIR RO, ,YANG NA CHOS KYI SKU LA SOGS PA MTHA' DANG DBUS MED PA MNGA' BA'I SANGS RGYAS DAG PA RNAMS SU MNYAM PAR THUGS SU CHUD PA ZHES BYA BAR TSIG RNAM PAR SBYAR BA STE, THAMS CAD DU YANG SEMS CAN GYI DON KUN DU STON PA'I PHYIR DANG; CHOS KYI SKU YANG RANG BZHIN GYIS MTHA' DANG DBUS MED PA'I PHYIR RO, ,CHOS KYI DBYINGS KYIS KLAS PA ZHES BYA BA 'DI'I BSHAD PA NI, 'KHOR BA'I MTHA' JI TZAM PAR SEMS CAN THAMS CAD LA PHAN PA DANG BDE BA NYE BAR GNAS PA'I YON TAN ZHES BYA BA STE, CHOS KYI DBYINGS KYI DON NI BSHAD ZIN TO, ,'DI'I DES KLAS PA NA SHIN DU RNAM PAR DAG PA'I PHYIR RO, ,DE'I RGYU MTHUN PA MDO LA SOGS PA'I CHOS RNAMS NI DA LTAR DANG, PHYI MA LA JI LTAR MTHUN MTHUN DU SEMS CAN THAMS CAD LA PHAN PA DANG BDE BA'I PHYIR NYE BAR GNAS SO, ,MAM MKHA'I KHAMS KYI MTHAS GTUGS PA ZHES BYA BA 'DI'I BSHAD PA NI, MI ZAD PA NYID KYI YON TAN ZHES BYA BA STE, NAM MKHA' NI SGRIB PA MED PA'I NGO BO NYID DE, THOGS PA DANG BCAS PA'I RDZAS RNAMS LA MI SGRIB PA'I LAS CAN NO, ,DE NYID KHAMS TE, RANG GI MTSAN NYID 'DZIN PA'I PHYIR RO, ,KHUNG BU DANG SNANG BA DANG MUN PA'I NGO BO NYID NI MA YIN TE, MTHA' YOD PAR 'GYUR BA'I PHYIR RO, ,JI LTAR NAM MKHA' MTHA' YAS MU MED CING ZAD PA MED PA LA 'JIG PA DANG SKYE BA'I 'GYUR BA MED CING RTAG TU LUS CAN RNAMS LA SKABS 'BYED PAR NYE BAR GNAS PA DE BZHIN DU CHOS KYI SKU YANG SEMS CAN THAMS CAD LA PHAN PA DANG BDE BA NYE BAR GNAS PA'I MTSAN NYID DE, SEMS CAN GYI KHAMS JI SRID PAR 'GRO BA THAMS CAD KYI DON MDZAD PA RGYUN MI GCOD DO, ,BLO PHUL DU BYUNG BA'I PHYIR YON TAN DES NA SHIN TU RNAM PAR DAG PA'I BLO MNGA' BA ZHES BYA'O, ,BCOM LDAN 'DAS NI NYAN THOS DANG BYANG CHUB SEMS DPA' RNAM LAS BLO PHUL DU BYUNG BA'I PHYIR KHYAD PAR DU 'PHAGS SO, ,JI LTA ZHE NA, KUN DU SPYOD PA GNYIS MI MNGA' BA ZHES BYA BA SMOS TE, NYAN THOS LA SOGS PA NI SHES BYA LA GNYIS KUN DU 'BYUNG STE, YE SHES DANG NYON MONGS PA CAN MA YIN PA'I MI SHES PA'O, ,DE MED PA'I @238A *, ,PHYIR SANGS RGYAS KYI YE SHES PHUN SUM TSOGS SO, ,SPANGS PA PHUN SUM TSOGS PA'I DBANG DU BYAS NAS, MTSAN NYID MED PA'I CHOS LA MCHOG TU GZHOL BAR MDZAD PA ZHES BYA BA SMOS TE, 'KHOR BA DANG MYA NGAN LAS 'DAS PA'I MTSAN NYID DANG MI MTHUN PA'I MTSAN NYID MI GNAS PA'I MYA NGAN LAS 'DAS PA'I PHYIR RO, ,DE THABS GANG GIS BRNYES SHES NA, ,SANGS RGYAS KYI GNAS BAG GNAS PA ZHES BYA BA SMOS TE, STONG PA NYID DANG THUGS RJE CHEN PO LA GNAS PA'I PHYIR BCOM LDAN 'DAS NI 'KHOR BA LA YANG MI GNAS, MYA NGAN LAS 'DAS PA LA YANG MI GNAS SO, ,SANGS RGYAS KYI GNAS PA 'DI CI ZHIG GZHAN DAG DANG THUN MONG MA YIN NAM ZHE NA, MA YIN TE, SANGS RGYAS THAMS CAD DANG MNYAM PA NYID BRNYES PA ZHES SMOS PA STE, SANGS RGYAS RNAMS NI PHAN TSUL 'DRES PAR RNAM PA THAMS CAD DU GNAS PA'I PHYIR RO, , DA LTAR RANG GI DON PHUN SUM TSOGS PA GZHAN GYI DON MDZAD PA LA GDUL BA RNAMS KYI SGRIB PA THAMS CAD KYI GNYEN PO'I DBANG DU BYAS NAS SGRIB PA MI MNGA' BAR RTOGS PAR THUGS SU CHUD PA ZHES BYA BA SMOS SO, ,DE LA BAR CHAD BYED PA BDUD LA SOGS PAS DE LAS PHYIR MI ZLOGS PA'I DBANG DU BYAS NAS PHYIR MI ZLOGS PA'I CHOS DANG LDAN PA ZHES BYA BAS SMOS SO, ,SEMS CAN GANG DAG GI DON MDZAD PA NA DE DAG GI SPYOD PAS MTHON DMAN DU 'GYUR BA MED PAS SPYOD YUL GYIS MI 'PHROGS PA'O, ,THABS GANG GIS SEMS CAN GYI DON MDZAD PA DE'I DBANG DU BYAS NAS RNAM PAR GZHAG PA BSAM GYIS MI KHYAB PA ZHES BYA BA SMOS SO, ,CING SANGS RGYAS RNAMS KYI SO SO'I SBYOR BA THA DAD DAM ZHE NA, MA YIN TE, CI'I PHYIR ZHE NA, DUS GSUM MNYAM PA NYID DU NGES PAR 'BYUNG BA SMOS PA STE, DUS GSUM RNAMS SU SANGS RGYAS THAMS CAD DON THAMS CAD MDZAD PAR MTHUN PAR NGES PAR 'BYUNG BA'I PHYIR RO, ,DE DE LTAR SEMS CAN GYI DON MDZAD NA 'JIG RTEN GYI KHAMS RE RER RIM GYIS MDZAD DAM ZHE NA, MA YIN TE, CI'I PHYIR ZHE NA, 'JIG RTEN GYI KHAMS THAMS CAD DU ZHUGS PA'I SKU DANG LDAN PA ZHES BYA BA SMOS PA STE, 'JIG @238B RTEN GYI KHAMS THAMS CAD DU SANGS RGYAS 'BYUNG BA KUN DU STON PA'I PHYIR RO, ,DE DANG DER THE TZOM SKYES SHING SKYES PA RNAMS GCOD PA'I MTHU MNGA' BAR BRJOD PA'I PHYIR, CHOS THAMS CAD LA THEG TZOM MI MNGA' BA'I MKHYEN PA CAN ZHES BYA BA SMOS PA'O, ,GDUL BA RNAMS KYI RIGS THA DAD PA'I PHYIR CI RIGS SU THEG PA LA 'DUL BA LA MKHAS PA'I DBANG DU BYAS NAS, SPYOD PA THAMS CAD DANG LDAN PA'I MNGA' BA ZHES BYA BA SMOS SO, ,GDUL BA DE DAG NYID LA SKAL PA YOD PA'AM, SKAL PA MED PA LA MKHAS PA'I DBANG DU BYAS NAS, CHOS LA NEM NUR MI MNGA' BA'I MKHYEN PA DANG LDAN PA ZHES BYA BA SMOS SO, ,YANG DAG PA DANG, LOG PA DANG, DE GNYI GA SGRUB PA DAG LDAN PA'I GDUL BA DE DAG LA DGA' BA LA SOGS PA'I RNAM PA'I RNAM PAR RTOG PA MI MNGA' BA'I DBANG DU BYAS NAS, RNAM PAR MA BRTAGS PA'I SKU MNGA' BA ZHES BYA BA SMOS SO, ,MA NGES PA'I RIGS KYI NYAN THOS DANG, BYANG CHUB SEMS DPA' RNAMS DRANG BA DANG, YANG DAG PA GZUNG BA'I PHYIR DANG, THEG PA CHEN PO YANG DAG PAR BSNGAGS PA'I DBANG DU BYAS NAS, YE SHES BYANG CHUB SEMS DPA' THAMS CAD KYIS YANG DAG PAR MNOS PA ZHES BYA BA SMOS SO, , THAMS CAD MKHYEN PA YIN NAM MA YIN ZHES STON PA LA 'DUL BA RNAMS THE TZOM ZA BA'I SKABS KYI DBANG DU BYAS NAS, SANGS RGYAS KYIS GNAS PA GNYIS SU MED PA DAM PA'I PHA ROL TU PHYIN PA ZHES BYA BA SMOS TE, SANGS RGYAS THAMS CAD MNYAM PA NYID BRNYES PA ZHES GSUNGS PA'I PHYIR RO, ,THAMS CAD GCIG TU THAL BAR 'GYUR BA SPANGS PA'I PHYIR, DE BZHIN GSHEGS PA MA 'DRES PA'I RNAM PAR THAR PAR MDZAD PA'I YE SHES KYI MTHAR PHYIN PA ZHES BYA BA SMOS SO, ,GAL TE GCIG PA YANG MA YIN, THA DAD PA YANG MA YIN NA MTSAN NYID CI 'DRA ZHE NA, MTHA' DANG DBUS SU MED PA'I SANGS RGYAS KYIS MNYAM PA NYID DU THUGS SU CHUD PA ZHES BYA BA SMOS SO, ,RTAG PA DANG MI RTAG PA NYID LA SOGS PA THAMS CAD MTHA' YIN NA DE'I MTSAN NYID MED PA SPANGS PA'I PHYIR CHOS KYI DBYINGS KYIS KLAS PA ZHES BYA BA SMOS TE, CHOS KYI DBYINGS KYI MTSAN NYID YONGS @239A *, ,SU DAG PA STE, SPROS PA DANG BRAL PA ZHES BYA BA'I THA TSIG GO, ,DE LTA YIN NA DUS JI SRID CIG TU SEMS CAN GYI DON MDZAD CE NA, NAM MKHA'I KHAMS KYI MTHA' GTUGS PA ZHES BYA BA SMOS SO, ,DON SUM CU RTZA GNYIS PO DAG NI, LAS BCU DRUG GIS RAB TU DBYE BAR RIG PAR BYA'O ZHES BYA BA LA, LAS NYID NI BYA BA YIN PA NYID DU BSTAN PA'I PHYIR RO, ,PHAN PA DANG BDE BAR BYA BA'I LHAG PA'I BSAM PA ZHES BYA BA LA PHAN PA NI PHYI MA LA BDE BA STE, DPER NA 'DOD CHAGS KYI SHAS CHE BA TSANGS BAR SPYOD PA LTA BU'O, ,BDE BA NI DA LTAR GYI DGA' BAS STE, DPER NA 'DOD PA CAN RNAMS KHA NA MA THO BA DANG BCAS PA'I YUL LA NYE BAR SPYOD PA LTA BU'O, ,PHAN PA DANG BDE BA NI DA LTAR DANG MA 'ONGS PA NA DGA' BA STE, DPER NA 'DOD CHAGS CHUNG NGU'I TSANGS PAR SPYOD PA DE NYID LTA BU'O, ,DE LA BYANG CHUB SEMS DPA' RNAMS NI DA LTAR DANG MA 'ONGS PA NA LUS CAN RNAMS BDE BA BLA NA MED PA LA BRTEN PAR JI LTAR 'GYUR ZHIG GU SNYAM DU DAD PA DANG 'DUN PA'I NGO BO NYID KYI BSAM PA SHAS CHE BA NI LHAG PA'I BSAM PA'O, ,THAMS CAD MKHYEN PA'I YE SHES LA 'DZUD PA ZHES BYA BA NI GCIG NAS GCIG TU BRGYUD PA'I LAS KYIS STON TE, MAR ME LAS MAR ME STONG DU MCHED PAR BYED PA BZHIN DU GCIG NAS GCIG TU BRGYUD PA'I LAS KYIS PHAN PA DANG BDE BAR BYA BA'I LHAG PA'I BSAM PA BSTAN PA YIN TE, DE BZHIN DU TSIG 'OG MA THAMS CAD LA YANG PHAN PA DANG BDE BAR BYA BA'I LHAG PA'I BSAM PA'I BSHAD PA SBYAR BAR BYA'O, ,LA LA NI PHAN PA DANG BDE BAR BYA BA'I LHAG PA'I BSAM PA CAN YIN YANG PHYIN CI LOG TU 'GYUR BA YOD PAS, BDAG CI RI ZHES BYA BA'I SHES PAS PHYIN CI LOG MED PA'I LAS BSTAN TE, BDAG SHES PA NI PHYIN CI MA LOG PAR SBYOR BA'I PHYIR RO, ,JI SKAD DU, BDAG SHES PA'I YON TAN MTSUNGS PA MED, BDAG MI SHES PA'I DRI MA MTSUNGS PA MED, LHA DANG MIR BCAS PA'I 'GRO BA 'DI, CHA 'DI GNYIS KYIS BRGYAD CING GNOD PAR 'GYUR ZHES BSHAD PA LTA BU'O, ,DE SKAD DU, BDAG SHES PA NI SNYING GI RTZA LAG GYUR PA YIN ZHES BYA BA LA SOGS PAS KYANG BSHAD DO, ,NGA RGYAL BCOM PA ZHES BYA BA NI, @239B GZHAN GYIS BYED DU MA BCUG PAR BDAG NYID SBYOR BA'I LAS KYIS BSHAD DE, GSOL BA 'DEBS PA LA MI SDOD PAR CHOS STON PAR 'JUG PA'I PHYIR RO, ,LHAG PA'I BSAM PA BSTAN PA ZHES BYA BA NI MI 'KHRUGS PA'I LAS KYIS STON TE, 'KHOR BA'I SDUG BSNGAL RNAMS KYIS SEMS SKO BAR BYED MI NUS PA'I PHYIR RO, ,BCOS MA YIN PAR BYAMS PA DANG, MDZA' BA DANG, MI MDZA' BA LA SEMS SNYOMS PA DANG, MYA NGAN LAS 'DAS PA'I MTHA' BAR DU GTAN DU MDZA' BA ZHES BYA BA GSUM NI ZANG ZING MED PA'I LAS RNAM PA GSUM GYIS 'CHAD DE, DE LA ZANG ZING DANG MA 'BREL PA ZHES BYA BA LA, ZANG ZING GI PHYIR BYAMS PA DE NI BCOS PA STE, ,RNYED PA YOD KYI BAR DU BYAMS PA'I PHYIR RO, ,ZANG ZING MED PAR BYAMS PA NI BCOS MA MA YIN PA STE, DUS THAMS CAD DU MED PAR MI 'GYUR BA'I PHYIR RO, ,SU GANG ZANG ZING LA RAG LUS TE MDZA' BA NI MDZA' BA DANG MI MDZA' BA LA RJES SU CHAGS PA DANG KHONG KHRO BA DANG LDAN TE, SEMS SNYOMS PAR MI 'GYUR RO, ,ZANG ZING MED PA'I SEMS DANG LDAN PA NI GNYI GA LA YANG SEMS SNYOMS PAR 'JUG GO, ,ZANG ZING GIS BYAS PA'I MDZA' BA LA MTHUN PAR BYED PA NI JI SRID 'TSO'I BAR DU MTHUN PAR BYED PA STE, GTAN DU MA YIN NO, ,BYANG CHUB SEMS DPA' NI ZANG ZING MED PAR BYAMS PA STE, TSE RABS GZHAN DAG NA YANG RJES SU MTHUN PAR BYED PAS MYA NGAN LAS 'DAS PA LA THUG GI BAR DU GTAN DU BYAMS SO, ,TSIGS RAN PA DANG 'DZUM PA'I BZHIN GYIS GSONG BAR SMOS BA BZHES BYA BA 'DI GNYIS NI PHAN PA DANG BDE BAR BYA BA'I LHAG PA'I BSAM PA DANG MTHUN PA'I NGAG DANG LUS KYIS LAS KYIS BSHAD DO, ,SNYING RJE CHEN PO YONGS SU MA CHAD PA ZHES BYA BA NI BDE BA DANG SDUG BSNGAL GNYIS SU MED PAR MNYAM PA NYID KYI LAS KYIS BSHAD DE, SU DAG SDUG BSNGAL BA NYID DAG LA SNYING RJE 'JUG GI, BDE BA RNAMS LA NI MA YIN PA DE'I LAS NI MA SNYOMS PA STE, GZHAN DU MI 'JUG PA'I PHYIR RO, ,BYANG CHUB SEMS DPA' NI BDE BA DANG SDUG BSNGAL DANG SDUG BSNGAL BA YANG MA YIN PA BDE BA YANG MA YIN PA YANG RUNG, SEMS CAN DU BSDUS PA RNAMS 'DU BYED KYI SDUG @240A *, ,BSNGAL NYID DANG LDAN PAS DE DAG LA BYE BRAG MED PAR SNYING RJE BA'I PHYIR LAS MNYAM PA YIN NO, ,KHUR BLANGS PA RNAMS LA SGYID LUG PA MED PA ZHES BYA BA NI MI ZHUM PA'I LAS KYIS BRJOD DO, ,SEMS CAN THAMS CAD BSGRAL BA'I BUR LA BRTZON PAR BYAS PA'I RTZOL BA YONGS SU MI GTONG BA'I PHYIR JI LTAR DAM BCAS PA SGRUB PA'I PHYIR RO, ,YID YONGS SU MI SKYO BA ZHES BYA BA NI MI BZLOG PA'I LAS KYI RNAM PAR 'GREL TE, SEMS CAN LOG PA BSGRUBS PAS PHAN PA DANG BDE BAR BYA BA'I LHAG PA'I BSAM PA DANG MTHUN PA'I LAS LAS BZLOG PAR MI NUS PA'I PHYIR RO, ,THOS PA DANG DON GYIS NGOMS MI MYONG ZHES BYA BA NI, THABS YONGS SU 'DZIN PA'I LAS KYIS RNAM PAR 'BYED DO, ,MNYAN PA YIN PAS THOS PA STE, MDO LA SOGS PA'I CHOS RNAMS YIN GYI MNYAN PAR BYA BA GANG CI YANG RUNG BA MA YIN NO, ,DON NI DE DAG NYID KYIS BRJOD PAR BYA BA'O, ,THOS PA DANG, DON GNYIS LA NGOMS MI MYONG BA NI CHOG MI SHES PA STE, DE NI SEMS CAN YONGS SU SMIN PAR BYA BA'I THABS YONGS SU 'DZIN PA'I LAS TE, THOS PA DANG DON GYIS MI NGOMS PA NI SKAL PA JI LTA BA BZHIN DU TSIG DANG YI GE 'DREL PA RNAMS KYIS CHOS STON PA'I PHYIR RO, , TSIG GNYIS KYIS MI MTHUN PA'I PHYOGS LAS 'DUN PA BZLOG PA'I LAS ZHES BYA BA NI, BDAG GI 'KHRUL PA RNAMS LA NYES PAR LTA BA DANG, GZHAN GYI 'KHRUL PA RNAMS LA MI GSHE BAR BSGO BA ZHES BYA BA 'DI GNYIS KYIS SO, ,DE LA MI MTHUN PA'I PHYOGS NI 'DOD CHAGS SOGS PA'O, , DE LA LAS 'DUN PA BZLOG PA NI PHYIR BZLOG PA STE, BDAG GI 'KHRUL PA'I SKYON YANG DAG PAR MTHONG NA DE LAS LDOG GO, ,LEGS PA BSDAMS PAS KYANG TSIG GZUNG BAR 'OS PAS GZHAN DAG BYA BA MA YIN PA LAS BZLOG PAR NUS KYI GZHAN DU NI MA YIN TE, JI SKAD DU, GNAS MA YIN ZHING GO SKABS MED DE, GANG BDAG LOG PAR ZHUGS PA LA ZHES BYA BA LA SOGS PA MDO LAS JI SKAD GSUNGS PA LTA BU'O, ,'JIG RTEN NA YANG, ,RANG GI NYES LA NYES SHES NA, ,DUS ZHIG NA NI 'BRAL BAR 'GYUR, ,DE LA YON TAN 'DZIN PA YI, ,NGA RGYAL CAN LA 'BRAL MI 'GYUR, ,ZHES BRJOD DO, ,SU ZHIG LTUNG @240B BA 'BYUNG BA LA PHAN PAR 'DOD PA'I PHYIR MA YIN GYI, KHROS TE GLENG NA DE'I TSIG DE YANG GZUNG BAR 'OS PA MA YIN PAS JE MI MTHUN ZHING LOG PAR SGRUB PAR 'GYUR GYI, BU GCIG PA DANG 'DRA BAR BYAMS PA SKYES PA NI LHUNG BA YANG GLENG BAR BYED LA, PHYIN CAD MI BYA BA'I SDOM PA YANG 'DZIN TU 'JUG GO; ;SPYOD LAM THAMS CAD DU BYANG CHUB KYI SEMS YONGS SU SBYONG BA ZHES BYA BA NI, RGYUN MI 'CHAD PAR DE YID LA BYED PA'I LAS KYIS DE SHES PAR BYED DO, ,DE ZHES BYA BA NI PHAN PA DANG BDE BAR BYA BA'I LHAG PA'I BSAM PA DANG SBYAR RO, ,BYED PA THAMS CAD DU BYANG CHUB KYI SEMS YONGS SU SBYONG BA'I PHYIR TE, SPYOD YUL YONGS SU DAG PA'I MDO LAS JI SKAD DU, 'DUG PA NA 'DI LTAR SEMS CAN THAMS CAD KYANG CHUB KYI SNYING PO LA 'DUG PAR GYUR CIG CES SEMS BSKYED DO ZHES BYA BA LA SOGS PA GSUNGS PA LTA BU'O, ,TSIG BDUN GYIS KHYAD PAR DU 'GRO BA'I LAS ZHES BYA BA NI, RNAM PAR SMIN PA LA MI RE BA'I SBYIN PA ZHES BYA BA NAS, BSDU BA'I DNGOS PO BZHIS ZIN PA'I THABS ZHES BYA BA'I BAR RO, ,GONG NAS GONG DU RAB TU DGA' BA LA SOGS PA'I SA'I GNAS SKABS PA'I PHA ROL TU PHYIN PA DRUG PO JI SKAD SMOS PA'I MI MTHUN PA'I PHYOGS MA LUS PAR BSAL BA RNAMS DANG, BSDU BA'I DNGOS PO RNAMS NI KHYAD ZHUGS PAR KHYAD PAR DU 'GRO BA 'PHEL BA 'THOB PA'I RGYU'O, ,LAS NI BYA BA YIN PA'I PHYIR RO, ,PHA ROL TU PHYIN PA BZHI NI TSIG DE NYID KYIS BSHAD ZIN TO, GANG LA KHYAD GPAR YOD PA DE BSHAD PAR BYA STE, DE NA SEMS CAN GYI DON BYA BA MI MTHONG BA'I PHYIR BYANG CHUB SEMS DPA' NI GZUGS MED PA'I KHAMS SU MI SKYE'O, ,DE NA BYANG CHUB SEMS DPA'I BSAM GTAN GANG YIN PA NI, GZUGS MED PA'I KHAMS RNAM PA BSAL BA STE, SPANGS ZHES BYA BA'I THA TSIG GO, ,THAMS LA MKHAS PA NI SNYING RJE DANG LDAN PA'I SHES RAB STE, DES SEMS CAN GYI DON BYED PA'I PHYIR RO, ,DE MED NA SEMS CAN GYI DON MED PAR 'GYUR TE, SANGS RGYAS NYID NI SEMS CAN GYI DON NO, ,JI SKAD DU KHYOD NI SHES RAB THUGS RJE ZUNG 'BREL BAS, ,ZIN NAS GZHAN LA PHAN PA MDZAD PAR GYUR, ,GZHAN GYI DON DU YANG DAG SPYOD PA NI, ,BYANG CHUB BGROD PA @241A *, ,GCIG PU'I LAM LAGS SO, ,ZHES BSHAD PA LTA BU'O, ,BSDU BA'I DNGOS PO BZHI NI SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA'O, ,SBYIN PA NI PHAN 'DOGS PA'I PHYIR SBYIN PA LA 'JUG PA'O, ,SNYAN PAR SMRA BA NI BYE BRAG TU RTOGS PA'I PHYIR TE, CHOS STON PA'I MTSAN NYID YIN PA'I PHYIR RO, ,DON SPYOD PA NI DGE BA LA 'DZUD PA'I PHYIR TE, YANG DAG PA LEN DU 'JUG PA'I NGO BO NYID YIN PA'I PHYIR RO, ,DON MTHUN PA NI MTHUN PAR 'JUG PA'I PHYIR TE, YON TAN MTSUNGS PA NYID KYI NGO BO NYID YIN PA'I PHYIR RO, ,YANG NA SBYIN PAS NI CHOS KYI SNOD DU BYED DO, ,SNYAN PAR SMRA BAS NI CHOS LA MOS PAR BYED DO, ,DON SPYOD PAS NI CHOS LA MOS PA SGRUB PAR BYED DO, ,DON MTHUN PAS NI ZHUGS PA SBYOR BAR BYED DE, YANG DANG YANG DU BGRA[?] BAR BYED PA'I PHYIR RO, ,DE DAG NYID THABS TE, NGO BO NYID KYIS BSDUD PA'I PHYIR RO, ,TSIG DRUG GIS GRUB PAR SBYOR BA'I LAS ZHES BYA BA LA GRUB PAR BYA BA'I PHYIR SBYOR BA NI GRUB PAR SBYOR BA'O, ,GANG GIS GRUB PA DE NI LAS SO, ,SKYES BU DAM PA LA BRTEN PA DANG ZHES BYA BA NAS, GROGS KYI YON TAN ZHES BYA BA DE DAG NI MDO'I TSIG BRGYAD PA'O, ,TSUL KHRIMS DANG LDAN PA DANG, TSUL KHRIMS 'CHAL PA RNAMS LA GNYIS SU MED PA'I BYAMS PA ZHES BYA BA NAS, DGE BA'I BSHES GNYEN LA BRTEN PA ZHES BYA BA'I BAR GYIS BSHAD DE, YID LA BYED PA'I YON TAN DANG GROGS KYI YON TAN GNYIS TSIG GNYIS GNYIS KYIS BSHAD PA'I PHYIR RO, ,'DI DAG LA TSUL KHRIMS YOD PA'I PHYIR TSUL KHRIMS DANG LDAN PA'O, ,TSUL KHRIMS SDIG PA CAN NI TSUL KHRIMS 'CHAL PA'O, ,DE DAG LAS CHOS NYAN PA NA CHOS LA GUS PA'I PHYIR DE GNYIG LA YANG BSHES GNYEN BZANG POR 'DU SHES NAS DE DAG LA BRTEN TO, ,TSUL KHRIMS 'CHAL PA LA SKYES BU THA SHAL ZHES BRNYAS PAR MI BYED DE, JI SKAD DU, ,MKHAS PA TSUL KHRIMS NGAN YANG MI DMAN ZHING, ,PHAN PAR SMRA LA GSAL BAR SMRA BA LA, ,BLA MA CI 'DRA DE BZHIN GUS PAR BYED, ,DE YIS LEGS PAR SMRA LA BYAMS DE 'DRA, ,ZHES BSHAD PA LTA BU'O, ,GUS PAR BYAS TE CHOS NYAN ZHES BYA BA NI JI SKAD DU, DON RNAM PA BCU @241B DRUG GIS CHOS MNYAN PAR BYA'O, ,ZHES BSHAD PA LTA BU'O, ,GNAS NAS RGYANG GRAGS GCIG PHAN CHAD NI DGON PA'O, ,GUS PAR BYAS TE ZHES BYA BA NI JI LTA BA BZHIN DU GUS PA'O, ,RNAM PAR RTOG PA BZANG PO MA YIN PA NI 'DOD PA LA SOGS PA DANG LDAN PA STE, GAR BYED PA DANG, GAR BYED DU 'JUG PA DANG, GLU LEN PA LA SOGS PA 'JIG RTEN GYI SNA TSOGS LA MI DGA' BAS DE DAG YONGS SU SPONG NGO, ,YID LA BYED PA'I YON TAN NI NYAN THOS DANG RANG SANGS RGYAS KYI THEG PA 'DOD PA 'DOR BA DANG, THEG PA CHEN PO'I YON TAN 'DOD PA DANG LDAN PA'I PHYIR RO, ,GROGS KYI YON TAN NI SDIG PA'I GROGS PO YONGS SU SPONG BA DANG, DGE BA'I BSHES GNYEN LA BRTEN PA'O, ,GSUM GYIS GRUB PA LAS ZHES BYA BA NI GRUB PA'I RTAGS SO, ,LAS KYI SGRA NI 'DIR RTAGS KYI RNAM GRANGS SU GTOGS PA STE, TSAD MED PA DANG, MTHU DANG, RTOGS PA'I YON TAN RNAMS KYIS DE DAG BSHAD DO, ,TSANGS PA'I GNAS PA BZHI YONGS SU SBYONG BA ZHES BYA BA LA SOGS PA LA, TSAD MED PA BZHI PO BYAMS PA DANG, SNYING RJE DANG, DGA' BA DANG, BTANG SNYOMS NI TSANGS PA'I GNAS PA'O, ,DE DAG NI GRUB PA NA RNAM PAR DAG PA BAG LA ZHA BA BZHIN DU SHES PAR BYED PAS RTAGS KYI SGRA 'THOB BO, ,MTHU ZHES BYA BA NI MTHU STOBS TE, MNGON PAR SHES PA LNGA PO DAG GIS RNAM PAR ROL PA'I PHYIR RDZU 'PHRUL CHE BA NYID DO, ,ZAG PA ZAD PA'I MNGON PAR SHES PA NI MTHU MA YIN TE, SHES RAB KYIS RNAM PAR GROL BA RDZU 'PHRUL CHE BA MA YIN PA'I PHYIR RO, ,YANG NA BYANG CHUB SEMS DPA'I SKABS YIN PAS DE MA SMOS TE, 'DI YANG GRUB PA'I RTAGS SO, ,RTOGS PA NI MNGON SUM DU BYED PA DANG, DE MNGON SUM DU BYED PA'I DBANG STE, YE SHES LA RTON PA ZHES BYA BAS STON TE, SO SO RANG GIS RIG PA BDAG NYID KYIS MNGON SUM PA'I YE SHES SO, , RTON PA NI PHUG STE TSAD MAR BSHAD PA YIN GYI, DON TZAM RNAM PAR SHES PA NI MA YIN TE, DES ZHI BAR MI 'GYUR BA'I PHYIR RO, ,TSIG BZHIS DES 'JOG PA'I LAS ZHES BYA BA NI PHAN BA DANG BDE BAR BYA BA'I LHAG PA'I BSAM PA DES 'JOG PA NI DES 'JOG PA'O, ,DE NYID LAS TE, SGRUB PA DANG @242A *, ,LOG PAR SGRUB PA LA GNAS PA'I SEMS CAN RNAMS ZHES BYA BA NAS RDZOGS PA'I BAR RO, ,'DI DAG GI BSHAD PA NI, TSOGS YONGS SU SDUD PA'I YON TAN ZHES BYA BA NAS BZUNG STE, THA MAR THUG GI BAR TE, TSUL KHRIMS 'CHAL BA MI DGE BA'I GNAS LAS BSKYOD DE, DGE BA LA 'JOG GI, PHYUG BAR NI MI BYED DO, ,TSIG GCIG TU CHAD PA NI THE TSOM MED PAR GYUR PA'I GDAMS PA DANG RJES SU BSTAN PA TSIG GZUNG BAR 'OS PA YIN PA'I PHYIR, THE TSOM CAN GYI TSIG NI GZUNG BAR 'OS PA MA YIN PA'I PHYIR RO, ,BDEN PA GCES SU BYED PA ZHES BYA BA NI, CHOS DANG ZANG ZING GI SDUD PA ZHES BYA BAS 'CHAD DE BSGO BA DANG, GANG YANG RUNG BA DANG, GNYI GA LAS YANG DAG PAR BGO BSHA' BYA BAR DAM BCAS NAS CHOS DANG ZANG ZING GNYIS KYIS DE BZHIN DU SGRUB PA'I PHYIR RO, ,'DI YANG LAS YIN NO, ,BYANG CHUB KYI SEMS SNGON DU 'GRO BA NI DES YONGS SU BZUNG BAS SEMS KUN NAS NYON MONGS PA MED PAR BYED DE, BSNYEN BKUR BYED PA LA SOGS PA TSE 'DI'I 'BRAS BU LA CHAGS PAR MI SEMS PA'I PHYIR DANG, BYANG CHUB CHEN PO THOB PAR BYA BAR SEMS PA'I PHYIR RO, ,TSIGS SU BCAD PA'I DON NI BRDA PH-PAD[?] PAR ZAD DO, , DE LTA BU'I LAS DANG LDAN PA'I BYANG CHUB SEMS DPAS SHES BYA'I MTSAN NYID JI LTAR MNGON PAR RTOGS PAR BYED PA DE LTAR BRJOD PAR BYA'O, ,MANG DU THOS PAS BSGOS PA'I GNAS ZHES BYA BA NI THEG PA CHEN PO'I SKABS YIN PA'I PHYIR RO, ,THEG PA CHEN PO'I CHOS DANG DON MANG DU THOS PAS SEMS DANG SEMS LAS BYUNG BA'I RGYUD BSGOS PA YIN TE, MANG DU MA THOS PA LA NI MNGON PAR RTOGS PA MED PA'I PHYIR RO, ,'DI LTAR BCOM LDAN 'DAS LA 'PHAGS PA SGRA GCAN ZIN GYIS GSOL PA, BCOM LDAN 'DAS KYIS BDAG LA MNGON PAR RTOGS PAR BGYI BA'I SLAD DU, GDAMS SU GSOL, BKA' STZAL PA, SGRA GCAN ZIN KHYOD KYIS PHUNG PO PA BZUNG NGAM, DES GSOL PA, ,BCOM LDAN 'DAS MA BZUNG LAGS SO, ,BCOM LDAN 'DAS KYIS BKA' STZAL PA, ,SGRA GCAN ZIN DE LTA BAS NA PHUNG PO BA NYID JE ZUNG SHIG, KUN CHUB PAR GYIS SHIG CES BYA BA LA @242B SOGS PA'O, ,KUN GZHI RNAM PAR SHES PAS BSDUS PA MA YIN ZHES BYA BA NI CHOS KYI DBYINGS SHIN DU RNAM PAR DAG PA'I RGYU MTHUN PA DANG, DE'I GNYEN PO YIN PA'I PHYIR, ,DE'I RANG BZHIN MA YIN TE, ,'GAL BA'I PHYIR DES BSDUS PA MA YIN NO, ,KUN GZHI RNAM PAR SHES PA LTAR SA BON YIN PA ZHES BYA BA NI JI LTAR KUN GZHI RNAM PAR SHES PA KUN NAS NYON MONGS PA'I CHOS RNAMS KYI RGYU YIN PA DE BZHIN DU GNAS 'DI YANG RNAM PAR BYANG BA'I CHOS RNAMS KYI RGYU YIN TE, RGYU'I DNGOS PO TZAM DU DPE DANG BSTUN PA YIN GYI, GZHAN DU NI MA YIN NO, ,CHOS NI MDO LA SOGS PA'O; ,DON NI DE DAG NYID KYI BRJOD PAR BYA BA BDAG MED PA LA SOGS PA'O, ,'DI DAG NI DE'I RNAM PAR 'BYUNG BA'I NGANG TSUL CAN YIN PAS DER SNANG BA 'BYUNG BA'I TSUL CAN NO, ,GZUNG BA'I DNGOS PO'I GNAS LTA BU ZHES BYA BA NI DE DANG 'DRA BAR SNANG BA'I PHYIR RO, ,LTA BA DANG BCAS PA ZHES BYA BA NI RNA BA'I RNAM PAR SHES PA DANG BCAS PA'O, ,YID KYI BRJOD PA RNAMS ZHES BYA BA NI YID KYI RNAM PAR SHES PA RNAMS SO, ,YANG NA LTA BA'I CHA DANG BCAS PA'I GZUNG BA DANG 'DZIN PA'I DNGOS POR RNAM PAR GZHAG PA RNAMS TE, JI SKAD SNGAR BSHAD PA BZHIN NO, ,'JUG PA SU ZHE NA, ZHES BYA BA NI 'JUG PAR BYED PA MNGON PAR RTOGS PAR BYED PA PO DPYOD PAS 'DRI BA GLENG SLONG NGO, ,SEMS KYI RGYUD THEG PA CHEN PO CHOS MANG DU THOS PAS BSGOS PA ZHES BYA BA LA SOGS PA LA, SANGS RGYAS 'BYUNG BA TSAD MED PA MNYES PAR BYA BA NI MNGON DU BYED PA STE, 'DIS DE THOB PAS SANGS RGYAS 'BYUNG BA TSAD MED PA MNGON DU BYED PA THOB CES BYA BA'I THA TSIG GO, ,GCIG TU MOS PA CAN ZHES BYA BA NI GANG THEG PA CHEN PO'I CHOS LA MNGON PAR YID CHES TE, BSHES GNYEN NGAN PA GANG GIS KYANG DBYER MI PHYED PA'O, ,THEG PA CHEN PO MANG DU THOS PA LA SOGS PA RNAM PA 'DI GSUM GYIS, DGE BA'I RTZA BA LEGS PAR BSAGS PA'I PHYIR BSOD RNAMS DANG YE SHES KYI TSOGS LEGS PAR BSAGS PA'I BYANG CHUB SEMS DPA'O, ,GANG DU 'JUG CE NA ZHES BYA BA NI YUL DMIGS KYIS DBYE BA LHUR LEN PAS 'DRI BA'O, ,LTA BA DANG BCAS PA'I CHOS ZHES @243A *, ,BYA BA LA SOGS PA LA, THEG PA CHEN PO'I CHOS KYI RGYU LAS DE'I RNAM PAR 'BYUNG BA 'JUG PA PO'I YID KYI BRJOD PA NI 'JUG PAR BYA BA'I YUL YIN PAS GZHI NYID DU BRJOD PAR 'DOD PA'O, ,YID KYI BRJOD PA DE LA 'JUG PA KHA CIG NI, MOS PAS SPYOD PA'I SA LA 'JUG STE, THOS PA TZAM GYIS CHOS THAMS CAD RNAM PAR RIG PA TZAM NYID DU MOS PA'I PHYIR RO, ,KHA CIG NI MTHONG BA'I LAM LA 'JUG STE, JI LTA BA BZHIN DU YID KYI BRJOD PA RAB TU RTOGS PA'I PHYIR RO, ,DE LA JI LTA BA BZHIN DU RAB TU RTOGS PA NI 'DI YIN TE, 'DI LTAR SEMS CAN MED PA DANG, CHOS MED PA DANG, GZUNG BA MED PA DANG, 'DZIN PA MED PAR RAB TU RTOGS PA'O, ,KHA CIG NI BSGOM PA'I LAM LA 'JUG STE, NYON MONGS PA DANG, SHES BYA'I SGRIB PA THAMS CAD KYI GNYEN PO NYID DU BSGOMS PAS DE RNAM PAR DAG PA'I PHYIR RO, ,KHA CIG NI MTHAR PHYIN PA'I LAM LA 'JUG STE, SGRIB PA MED PA'I PHYIR RO, ,DE LTAR NA RAB TU RTOGS PA RNAM PA BZHI'O, ,GANG GIS 'JUG CE NA ZHES BYA BA NI RGYU YONGS SU 'DRI BA STE, THAB GANG GIS 'JUG CE NA ZHES BYA BA'I THA TSIG GO, ,DGE BA'I RTZA BA'I STOBS BSKYED PA ZHES BYA BA LA SOGS PAS NI DE STON TO, ,DGE BA'I RTZA PA'I STOBS CAN DU GYUR DU ZIN KYANG SEMS ZHUM PA YANG YOD DO SNYAM PA LA, RNAM PA GSUM GYIS SEMS SBYONG BA ZHES BYA BA SMOS SO, ,'JIG RTEN GYI KHAMS DPAG TU MED PA RNAMS KYI ZHES BYA BA LA SOGS PA LA SEMS SBYONG BA DANG PO'O, ,ZHES BYA BA NI GSAL BAR BYED PA STE, BSHAD PA NYID KYIS GSAL BAR BYAS ZIN TO, ,BSAM PA DE BDAG GIS THOB PA STE ZHES BYA BA NI BGEGS MED CES BYA BA'I THA TSIG GO, ,GANG GI PHYIR DE SER SNA MED PA DANG, 'DOD PA LA RNAM PAR RTOG PA MED PA DANG, GNOD SEMS MED PA DANG, LE LO MED PA DANG, GNYID DANG RMUGS PA MED PA DANG, ,MA RIG PA MED PA DE'I PHYIR, TSEGS CHUNG DUS PHA ROL TU PHYIN PA DRUG PO DAG BSGOM PA YONGS SU RDZOGS PAR 'GYUR RO SNYAM PA NI SEMS SBYONG BA GNYIS PA STE, BSAM PA KHYAD PAR DU 'PHAGS PA THOB NA SBYIN PA LA SOGS PA RANG GI NGANG GIS 'BYUNG BA'I PHYIR @243B RO; ;DGE BA SGRIB PA DANG BCAS PA YANG ZHES BYA BA NI 'JIG RTEN PA'I DGE BA STE, DE DANG LDAN PA'O, ,DE NI MI MTHUN PA'I PHYOGS MA SPANGS PA'I PHYIR SGRIB PA DANG BCAS PA'O, ,BDAG NI MI MTHUN PA'I PHYOGS SPANGS PA SGRIB PA MED PA'I DGE BAS DGE BA CAN YIN NAM, SANGS RGYAS NYID DU PHUN SUM TSOGS PAR CI'I PHYIR MI 'GYUR SNYAM PA NI SEMS SBYONG BA RNAM PA GSUM PA STE, SEMS RAB TU 'DZIN CING RNON POR BYED CES BYA BA'I THA TSIG GO, ,DON DE NYID TSIGS SU BCAD PA RNAMS KYIS SDUD DE, ,GANG PHYIR SEMS CAN DPAG MED PA, ,MIR 'GYUR SKAD CIG RE RE LA, , RDZOGS PA'I BYANG CHUB THOB GYUR PA, ,ZHES BYA BA LA SOGS PA'O, ,ZHUM PA ZHES BYA BA NI SEMS GANG BA'O, ,DE MI BYA ZHES BYA BA'I THA TSIG STE, BDAG GIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS SO SNYAM DU BDAG LA NUS PA MED PAR BSAM PAR MI BYA BA STE, JI SKAD DU, GANG DAG KHA CIG BDE BAR GSHEGS PA'I GO 'PHANG THOB GYUR PA, ,DE YANG SHIN DU DMAN PA'I GNAS SKABS DER NI LHUNG BAR GYUR, ,KHYOD NI NYAM NGAR LTUNG YANG BDAG LA SMAD PAR MDZAD MA GYUR, ,BDAG SMOD RO YIN SKYES BU SKYID PA 'JIG PAR BYED, ,CES BSHAD PA LTA BU'O, ,BSAM PA GANG GIS ZHES BYA BA'I BSAM PA DE NI SNGAR BSHAD ZIN TO, ,CHAGS PA MED PAR SBYIN PA LA 'JUG PA'I RGYU YIN NO, ,LEGS YID KYIS ZHES BYA BA NI DGE BA'I SEMS RNAMS KYIS YIN GYI, MI DGE BA DANG LUNG DU MA BSTAN PA'I SEMS RNAMS KYIS NI MA YIN TE; JI LTAR 'JIG RTEN PA DGE BA DANG MI DGE BA DANG LUNG DU MA BSTAN PA RNAM PAR G-YENGS PA'I SEMS DANG LDAN PA RNAMS KYANG SRID PA DANG LONGS SPYOD 'DOD PAS SBYIN PA LA SOGS PA LA 'JUG PA LTAR, BYANG CHUB SEMS DPA' RNAMS NI DE LTA MA YIN TE, BLA NA MED PA YANG DAG PAR RDZOGS PA'I BYANG CHUB DON DU GNYER BA'I PHYIR RO, ,BSAM PA DE THOB CES BYA BA NI RANG GI NGANG GIS 'BYUNG BA'I BSAM PA JI SKAD SMOS PA GANG GIS PHA ROL TU PHYIN PA RNAMS SGOM PA DE THOB PA'O, ,BRTAN RNAMS KYI ZHES BYA BA NI BYANG CHUB SEMS DPA' RNAMS KYI STE, GANG GI PHYIR, SBYIN @244A *, ,PA LA SOGS PA NYID DU BRJOD PA YIN GYI DE NI MI MTHUN PA'I PHYOGS NI MA YIN PAR NGES PAR BYAS BAS MI MTHUN PA'I PHYOGS SPONG BAS BSGRIM MI DGOS PAR 'JUG PA NYID BSTAN TO, ,SOGS PA SMOS PA NI TSUL KHRIMS LA SOGS PA'I PHA ROL TU PHYIN PA KHONG DU CHUD PAR BYA'O, ,DGE BA DANG LDAN PA SHI MA THAG CES BYA BA NI 'JIG RTEN PA'I DGE BAS DGE BA CAN SHI BA'O, ,'DOD BZHIN PHUN SUM TSOGS LUS THOB, ,CES BYA BA NI 'JIG RTEN PA RNAMS SRID PA'I RTZE MO'I BAR DU YANG SKYE BAR 'GYUR ZHES BYA BA'I THA TSIG GO, ,SPANGS PA DGE LDAN ZHES BYA BA NI SGRIB PA SPANGS PA'I DGE BAS DGE BA DANG LDAN PA RNAMS ZHES BYA BA'I THA TSIG GO, ,PHUN SUM TSOGS DE ZHES BYA BA NI JI LTAR 'DOD PA'I SANGS RGYAS NYID DO, ,GNAS BZHI SPONG BA ZHES GANG SMOS PA'I SPANG BAR BYA BA DE DAG STON TE, YID LA BYED PA SPANGS PAS ZHES BYA BA NI, NYAN THOS DANG RANG SANGS RGYAS KYI THEG PA YID LA BYED PA 'DOR BA'I PHYIR RO, ,YID GNYIS DANG SOM NYI SPANGS PAS ZHES BYA BA NI, THEG PA CHEN PO'I ZAB PA NYID DANG RGYA CHE BA NYID LA YID GNYIS PHYIN CI LOG DANG THEG TZOM MED PAR BYA'O, ,CHOS LA MNGON PAR ZHEN PA SPANGS PAS ZHES BYA BA NI, THOS PA DANG BSAMS PA'I CHOS LA NGAR 'DZIN PA DANG NGA YIR 'DZIN PAR MNGON PAR ZHEN PA SPANG BAR BYA STE, MNGON PAR RTOGS PA'I BAR DU GCOD PA'I PHYIR NGAS NYAN TO, ,NGAS KHONG DU CHUD DO, ,NGA'I THOS PA'O, ,NGA'I DON TO ZHES MNGON PAR ZHEN PAR MI BYA'O, ,RNAM PAR RTOG PA SPANGS PAS ZHES BYA BA NI GANG MDUN NA BSTZAL MI DGOS PAR RANG GI NGANG[?] GIS GZUGS LA SOGS PA GNAS PA DANG, GANG YANG TING NGE 'DZIN 'DOD PAS BSGRIMS TE, RNAM PAR BYANG BA BA'I KENG RUS LA SOGS PA BZHAG PA DMIGS PAR GYUR PA'I MTSAN MA DE THAMS CAD YID LA MI BYED PAS RNAM PAR MI RTOG PAR SPONG BA'AM, PHA ROL TU PHYIN PA LA SOGS PA NAS SANGS RGYAS DANG, BYANG CHUB SEMS DPA'I MTSAN MA'I BAR LA, DE NI 'DI YIN NO ZHES MNGON PAR ZHEN NAS RNAM PAR RTOG PAR MI BYED PA'O, ,TSIGS SU BCAD PA NI TSIG DE NYID KYIS BSHAD ZIN TO, ,GANG GIS JI LTAR 'JUG CE NA, ,ZHES BYA BA NI BYED PA DANG 'DI LTAR BYA BA 'DRI BA'O, ,'DI LTAR 'JUG PAR BYED PA PO LAS 'JUG PAR BYED PA NA, BYED PA PO DANG MNGON PAR RTOGS PA'I MTSAN NYID KYI BYA BA 'DI LTA BU DANG 'DI LTA BU BYA'O ZHES BYA BA 'DI LTAR BYA BA GDON MI ZA BAR DGOS @244B PAR 'GYUR TE, DES NA GNYI GA STON TO, ,THOS PA'I BAG CHAGS KYI RGYU LAS BYUNG BA ZHES BYA BA LA SOGS PAS NI BYED PA STON TO, YONGS SU TSOL BA BZHI DANG, YANG DAG PA JI LTA BA BZHIN DU YONGS SU SHES PA BZHI ZHES BYA BAS NI 'DI LTAR BYA BA STON TO, ,SBYOR BA'I DUS NA NI YONGS SU TSOL BA STE, NGES PAR RTOG PA'I RNAM PA'I LTA BA DMIGS PA MED PA'I RNAM PAR 'JUG PA'I YONGS SU RTOG PA'O, ,DMIGS PA MED PAR NGES PA'I YE SHES NI 'BRAS BU'I RANG BZHIN TE, YANG DAG PA JI LTA BA BZHIN DU YONGS SU SHES PA'O, ,DE LA MING NI GZUGS ZHES BYA BA LA SOGS PA'I THA TSIG GO, ,MING DE YONGS SU TSOL BA NI YID KYI BRJOD PA TZAM NYID DU RTOG PA STE, YID KYI BRJOD PA LAS GUD NA MED PAS BRTAGS PAR YOD PA'I PHYIR RO, ,DNGOS PO YONGS SU TSOL BA NI JI LTAR MING GI TSOGS LA SOGS PAS PHUNG PO DANG KHAMS LA SOGS PAR BRJOD PA DE BZHIN DU YONGS SU GRUB PA MED PAR RTOG PA STE, RIGS DANG RIGS CAN GYI 'BREL PA THA DAD NA DE DANG LDAN PA'I BRJOD PA MI RUNG BA'I PHYIR RO, ,MING GI DNGOS PO BRJOD PAR BYA BA'I DON GANG YIN PA MING LA BRTEN PA'I BRJOD PAR BYA BA DE LA YANG YID KYI BRJOD PA TZAM DU ZAD PAR RTOG PAR BYED DE, PHYI ROL GYI RNAM PAR 'DZIN PA LAS ZLOG CING, NANG GI YAN LAG TU NYE BAR RTOG PAR BYED DO, ,GZUGS LA SOGS PA ZHES BYA BA'I TSIG DE YANG YANG NA NI NGO BO NYID DU BRTAGS PA'I RANG BZHIN DU 'GYUR TE, LUS DANG TSOR BA ZHES BYA BA LA SOGS PA STE, GANG ZAG BRTAGS PA LTAR MED BZHIN DU YANG NGO BO NYID DU 'DOGS PA'I PHYIR RO, ,YANG NA NI KHYAD PAR DU GDAGS PA'I MTSAN NYID DE, MI RTAG PA DANG SDUG BSNGAL BA ZHES BYA BA LA SOGS PA STE, MED BZHIN DU KHYAD PAR 'DOGS PA'I PHYIR RO, ,MING DANG BCAS PA'I DON ZHES BYA BA NI MING DANG BRJOD PAR BYA BA DANG BCAS PA'O, ,NGO BO NYID DANG KHYAD PAR DU BTAGS PA DANG BCAS SHING ZHES BYA BA NI NGO BO NYID DANG KHYAD PAR GYI SGRA GNYIS DANG BCAS PA'O, ,NGO BO NYID DANG KHYAD PAR DU BCAS PA ZHES BYA BA NI DON GNYIS DANG BCAS PA STE, 'DI THAMS CAD DON GYI MTSAN NYID DU MI DMIGS PA NA ZHES BYA BA LA SOGS PA NI KUN BRTAGS PA'I DON MI DMIGS PAR NGES PAR SEMS PA'I RNAM PA YONGS SU TSOL BA BZHI PO THABS SU GYUR PA RNAMS KYI 'BRAS BU YANG DAG PA JI LTA BA BZHIN DU SHES PA RNAM PA BZHI NYID DO, ,DE DAG MI DMIGS PA'I PHYIR RO ZHES BYA BA NI @245A *, ,MING LA SOGS PAR MI DMIGS PAR NGES PA'I PHYIR RO ZHES BYA BA'I THA TSIG GO, ,NGES PAR RTOG PA'I YONGS SU TSOL BA'I 'BRAS BU NI MI DMIGS PA STE, MING YONGS SU TSOL BA'I 'BRAS BU NI MING MI DMIGS PA'I SHES PA'O, ,DNGOS PO YONGS SU TSOL BA'I 'BRAS BU NI DNGOS PO MI DMIGS PA'I SHES PA'O, ,DE BZHIN DU NGO BO NYID DANG KHYAD PAR DU GDAGS PA LA YANG BRJOD PAR BYA'O, ,GAL TE DON MED PA'I PHYIR RNAM PAR RIG PA TZAM NYID LA 'JUG NA, RNAM PAR RIG PA TZAM NYID DE LA 'JUG CES JI SKAD BYA ZHES BYA BAS SPONG BAR BYED DE, DE NYID 'DI'I DON YIN PAR BSAMS PA'O, ,DE DGAG PA'I PHYIR DE TZAM NYID CES BYA BA SMOS SO, ,RNAM PAR RIG PA'I DON GYIS KYANG DON MED PA NYID YIN GYI, PHYI ROL 'BA' ZHIG GIS NI MA YIN NO, ,GAL TE DON MED PA NYID YIN NA SKYE MCHED BCU GNYIS LA SOGS PA BSHAD PA DANG, 'JIG RTEN PA'I DON GYI THA SNYAD KYI RJES SU ZHUGS PA JI LTA BU ZHE NA, DE'I PHYIR RGYU MTSAN DANG LTA BA DANG BCAS PA GNYIS ZHES BYA BA 'DI SMOS TE, DON MED BZHIN DU YANG PHYIR ROL GYI DON DU SNANG BA'I RNAM PAR RIG PA NI DON MNGON PAR BRJOD PA'I BAG CHAGS KYI DBANG GIS 'GRUB LA, RNAM PAR RIG PA SNANG BA YANG LTA BA ZHES BYA BA BTAGS PAS 'GAL BA MED DO, CI RGYU MTSAN DANG LTA BAR SNANG BA'I RNAM PAR RIG PA 'DI DAG RIGS GZHAN DU GYUR BA NYID CES 'JUG PAR BYED DAM, 'ON TE MA YIN ZHE NA, DE'I PHYIR SNA TSOGS KYI RNAM PA NYID LA 'JUG CES BYA BA SMOS TE, RNAM PAR SHES PA GCIG NYID GZUNG BA DANG 'DZIN PA'I DNGOS POR RNAM PA THA DAD PAS DUS GCIG TU RNAM PA SNA TSOGS SU SNANG NGO ZHES 'JUG GO, ,SNA TSOGS ZHES BYA BA NI SHES PA GCIG NYID RNAM PA MANG POR RANG GIS RIG GO, ,RTOG PA RNAM PA 'DI GSUM RNAM PAR DGROL BA'I SKABS KYIS MING LA SOGS PA DON RNAM PA DRUG DON MED PA NYID CES BYA BA LA SOGS PA GSUM BSTAN TO, ,CI 'DRA BAR NI 'JUG CES GANG SMOS PA DE'I DPER, MUN KHUNG NA SPRUL DU SNANG BA'I THAG PA BZHIN DU 'JUG CES BYA BA LA SOGS PA SMOS TE, DPES NGO BO NYID GSUM RTOGS PAR STON TO, ,DPER NA MED PA'I PHYIR THAG PA LA SPRUL NI NOR PA STE, DE BZHIN DU MING LA SOGS PA DON RNAM PA DRUG GIS YI GE DANG DON DU SNANG BA'I YID KYI @245B BRJOD PA GZHAN GYI DBAR LA MING LA SOGS PA YANG NOR BA YIN NO, ,DE LA JI LTAR THAG PA'I BLO LA BRTEN NAS MED PA LA 'KHRUL PA'I PHYIR SPRUL GYI BLO LDOG PA MED PA DE BZHIN DU GZHAN GYI DBANG LA BRTEN NAS MING LA SOGS PA KUN BRTAGS PA'I DON RNAM PA DRUG GI BLO RNAM PAR LDOG GO, ,JI LTAR KHA DOG DANG DRI LA SOGS PA LA BRTEN NAS CHA SHAS SU BSHIG NA THAG PA'I BLO YANG LDOG STE, DE SKAD DU, ,THAG PA SPRUL DU SHES PA LAS, ,THAG PAR MTHONG NAS DON MED DO, ,DE YI CHA MTHONG DE LA YANG, ,SHES PA SPRUL LTAR RNAM PAR 'KHRUL, ,CES BSHAD DO, ,DE BZHIN DU RNAM PA DRUG LA YANG DAG PA'I DON BSTZAL NA ZHES BYA BA LA, BSTZAL BA NI PHRAL BA STE, ,MED CES BYA BA'I THA TSIG GO, ,DON YANG DAG PA MA YIN PA RNAM PA DRUG PO MED PA'I MTSAN NYID YONGS SU GRUB PA LA BRTEN NAS GZHAN GYI DBANG 'KHRUL PA YANG BZLOG PAR BYA BA YIN TE, BSTZAL BAR BYA BA YIN NO, ,YID KYI BRJOD PAR SNANG BA'I DON GYI MTSAN NYID LA 'JUG PAS ZHES BYA BA NI YID KYI BRJOD PA 'DI DON DU SNANG GI, KUN BRTAGS PAR BYA BA'I DON NI MED DO, ,ZHES KUN BRTAGS PA LA 'JUG GO, ,RNAM PAR RIG PA TZAM LA 'JUG PAS ZHES BYA BA NI RNAM PAR RIG PA TZAM 'DI MA RIG PA'I DBANG GIS 'KHRUL TE DON MED BZHIN DU 'KHRUL PA DON GYI RNAM PAR SNANG NGO ZHES GZHAN GYI DBANG LA 'JUG GO, ,YONGS SU GRUB PA LA 'JUG PA'I SKABS KYI DON GYI 'DU SHES RNAM PAR BSHIG PA ZHES BYA BA SMOS TE, DON GYI 'DU SHES BSTZAL ZHES BYA BA'I THA TSIG GO, ,DON DU SNANG BA THAMS CAD 'BYUNG BA'I GNAS SKABS MED PA YIN NO, ,ZHES BYA BA NI DON DU SNANG BA GANG GIS KYANG SKYED MI NUS SO ZHES BYA BA'I THA TSIG GO, ,DES NA RNAM PAR RIG PA TZAM DU SNANG BA YANG MI 'BYUNG ZHES BYA BA NI GZUNG BA MED NA 'DZIN PA MED PA'I PHYIR TE, RNAM PAR RIG PA TZAM DON DU BYAS NAS MI 'BYUNG ZHES BYA BA'I THA TSIG GO, ,DON THAMS CAD LA RNAM PAR MI RTOG PA'I MING LA GNAS SHING ZHES BYA BA LA SOGS PAS NI MING GI SPYOD YUL MDO LA SOGS PA'I CHOS GANG YIN PA DE DAG GIS MA 'BAGS PA LA 'DI THAMS CAD NI MING TZAM MO ZHES BYA BAR RNAM PAR GNAS SHING STE, JI SKAD DU, ,THAMS CAD MING TZAM KHO NA STE, ,RTOG PA THAMS CAD 'JUG PA MED, ,MING DU SNANG BA'I RNAM RIG LA, , @246A *, ,MING ZHES NYE BAR 'DOGS PAR BYED, ,CES BSHAD PA LTA BU'O, ,CHOS KYI DBYINGS LA MNGON SUM GYI TSUL GYIS GNAS SO ZHES BYA BA NI SO SO RANG GIS MNGON SUM DU BYED PAS GNAS KYI MOS PAS NI MA YIN NO, ,DMIGS PAR BYA BA DANG, DMIGS PAR BYED PA MNYAM PAS MNYAM PA'I YE SHES BYA BA NI JI LTAR DMIGS PAR BYA BA MED PA DE BZHIN DU DMIGS PAR BYED PA YANG MED PAS DMIGS PAR BYA BA DANG DMIGS PAR BYED PA GNYIS MNYAM PAS MNYAM PA NYID DO, ,DE LTAR NA 'DI YONGS SU GRUB PA'I NGO BO NYID LA ZHUGS PA YIN NO ZHES BYA BA NI 'JUG PA'I BYED PA PO'I SPYOD PA MED PAR GYUR PA'I MTHAR THUG PA STON TO; ;BRTAGS PA DANG GZHAN GYI DBANG LA 'JUG PA NI LHAG MA DANG BCAS PA'I PHYIR 'JUG PA'I BYA BA MTHAR THUG PA MA YIN PAS BYED PA PO NYID DU BRJOD PAR 'DOD PAS 'JUG PAR BSTAN PA YIN NO, ,DON THAMS CAD LA RNAM PAR MI RTOG PA'I MING LA ZHES GANG BSHAD PA YUL DANG BCAS PA'I MING DE RAB TU DBYE BA NI TSIGS SU BCAD PAS STON TE, CHOS ZHES BYA BA NI GJUGS LA SOGS PA'O, ,GANG ZAG CES BYA BA NI LHA SBYIN DANG, DAD PAS RJES SU 'BRANG ZHES BYA BA LA SOGS PA'O, ,CHOS ZHES BYA BA NI SANGS RGYAS KYI GSUNG RAB MDO SDE DANG, DBYANGS KYIS BSNYAD PA'I SDE LA SOGS PA'O, ,DON ZHES BYA BA NI DE'I BRJOD PAR BYA BA STE, ,PHA DANG MA NI GSAD BYAS SHING, ,RGYAL PO GTZANG SBRA CAN GNYIS DANG, ,YUL 'KHOR 'KHOR DANG BCAS BCOM NAS, ,MI NI DAG PA NYID DU 'GYUR, ,ZHES BYA BA LA SOGS PA'O, ,BSDUS PA ZHES BYA BA NI CHOS THAMS CAD BDAG MED PA ZHES BYA BA LA SOGS PA'O, ,RGYAS PA ZHES BYA BA NI GZUGS BDAG MED PA ZHES BYA BA LA SOGS PA'O, ,RIGS ZHES BYA BA NI YI GE'I 'BRU AA ZHES BYA BA LA SOGS PA STE, TSIG DANG NGAG GI RGYU YIN PA'I PHYIR RO, ,MA DAG PA ZHES BYA BA NI SO SO'I SKYE BO RNAMS TE, NYON MONGS PAS DRI MA CAN DU GYUR PA'I PHYIR RO, ,DAG PA ZHES BYA BA NI 'PHAGS RNAMS TE, DRI MA SPANGS PA'I PHYIR RO, ,MTHA' ZHES BYA BA NI BSDUS PA LA DMIGS PA STE, SHES RAB KYI PHA ROL TU PHYIN PA DANG, SA BCU LA SOGS PA BSDUS PA'I DON LA DMIGS PA'I PHYIR RO, ,CHOS KYI DBYINGS LEGS PAR RTOGS PA YIN ZHES BYA BA NI DE MNGON SUM DU @246B BYED PA'I PHYIR RO, ,DE BZHIN GSHEGS PA'I RIGS SU SKYES PA YIN ZHES BYA BA LA, DE BZHIN GSHEGS PA'I RIGS NI CHOS KYI DBYINGS YIN TE, DE RTOGS PA DANG DE LA DMIGS PA'I YE SHES KHYAD PAR CAN BSKYED PA DANG, SNGON GYI GNAS GYUR PA DANG GNAS GZHAN BSKYED PA'I PHYIR DER SKYES PA YIN TE; PHAL PA RIGS MTHUN PAR SKYES PA BZHIN DU SANGS RGYAS NYID DU NYING MTSAMS SBYOR BA'O, ,GANG GI PHYIR SA DANG PO MNGON PAR RTOGS NAS DE BZHIN GSHEGS PA'I RIGS SU SANGS RGYAS KYI SRAS SU SKYES PA DE NYID KYI PHYIR 'PHAGS PA BYAMS PAS BCU LA GNAS PA SH'A-KYA THUB PAS SRAS KYI THU BO NYID DU BYE BRAG TU BYAS TE SPOBS PA'I RGYAN GYIS BSTOD PA LAS, ,GANG PHYIR KHYED NI DA LTAR YON TAN GYIS, ,DE DAG BSTAN PA KUN GYI SPYI BOR GNAS, ,DE PHYIR KHYOD NYID SH'A-KYA THUB PA YI, ,SRAS KYI THU BO YON TAN RNAMS KYIS LEGS, ,ZHES RGYA CHER 'BYUNG NGO, ,SEMS CAN THAMS CAD LA SEMS MNYAM PA THOB PA YIN ZHES BYA BA NI THAMS CAD LA BDAG MED PAR MNYAM PAR NYID DU MTHONG BA'I PHYIR TE, JI SKAD DU, SEMS CAN THAMS CAD NI DE BZHIN GSHEGS PA'I SNYING PO'O ZHES GSUNGS PA LTA BU'O, ,BYANG CHUB SEMS DPA' THAMS CAD LA SEMS MNYAM PA ZHES BYA BA NI DE DAG GI GNAS GANG YIN PA DE BDAG GI YANG YIN NO SNYAM PA'I PHYIR RO, ,SANGS RGYAS THAMS CAD LA SEMS MNYAM PA THOB PA YIN TE ZHES BYA BA NI DE DAG CHOS KYI SKU GANG YIN PA DE BDAG GIS KYANG THOB BO SNYAM PA'I PHYIR RO DE NI DE'I MTHONG BA'I LAM YIN NO ZHES BYA BA NI NYAN THOS KYI MTHONG BA'I LAM BZHIN DU CHOS KYI DBYINGS SNGON MA MTHONG BA MTHONG BA'I PHYIR RO, ,CI'I PHYIR YANG RNAM PAR RIG PA TZAM DE LA 'JUG CE NA ZHES BYA BA NI DGONGS PA 'DRI BA STE, THAMS CAD MKHYEN PA'I YE SHES THOB PAR BYA BA'I PHYIR RO ZHES BRJOD PA'I RIGS PA LAS DE'I GO RIMS SMOS PA NI BYANG BAR BYA BA'I PHYIR TE, JI LTAR BSTAN PA BZHIN DU SBYAR BAR BYA'O ZHES GDUL BA'I TSOGS SKAL BA YOD PA LA PHAN 'DOGS PA'O, ,'DRES PA'I CHOS LA DMIGS PA ZHES BYA BA NI DE BZHIN NYID KYI RANG BZHIN YIN PAS THEG PA CHEN PO BSTAN PA'I CHOS THAMS CAD BSDUS TE DMIGS PA'O, ,GZHAN DU NA NI DUS RING MO ZHIG TU RNAM PAR MI RTOG PA'I YE SHES SKYE BAR MI @247A *, ,'GYUR RO, ,'JIG RTEN LAS 'DAS PA NI ZAG PA MED PA DANG RNAM PAR MI RTOG PA'I PHYIR RO, ,ZHI GNAS DANG LHAG MTHONG GI SHES PA ZHES BYA BA NI DE SKAD CES BYA BA'I MNYAM PAR GZHAG PA PHYIN CI MA LOG PA'I SHES PAS SO, ,SNA TSOGS KYI RNAM PAR RIG PA'I SHES PAS ZHES BYA BA NI CHOS RNAMS KYI RGYU DANG 'BRAS BU'I DNGOS PO BLA NA YOD PA DANG, BLA NA MED PAR RNAM PAR 'JOG PA STE, GZUNG BA DANG 'DZIN PA'I RNAM PA CAN GYIS ZHES BYA BA'I THA TSIG GO, ,KUN GZHI RNAM PAR SHES PA'I SA BON RGYU MTSAN DANG BCAS PA THAMS CAD CES BYA BA NI GZUGS LA SOGS PAR SNANG BA'I BAG CHAGS SGO BAR BYED PA DANG BCAS PA RNAMS TE, RGYU DANG 'BRAS BUR BCAS PA'I SA BON RNAMS SPANGS PA BSTAN TO, ,CHOS KYI SKU LA RIG PA'I SA BON ZHES BYA BA NI THEG PA CHEN PO MANG DU THOS PA'I BAG CHAGS RNAMS TE, DE NI CHOS KYI SKU THOB PA'I SNGON DU 'DREN PA'I PHYIR RO, ,GNAS GYUR NAS ZHES BYA BA NI DE BZHIN NYID RTOG PAS SEMS DANG SEMS LAS BYUNG BA RNAMS DRI MA MED PAR 'BYUNG BA'AM, DE BZHIN NYID RNAM PAR DAG PAS TE, STOBS DANG MI 'JIGS PA LA SOGS PA, SANGS RGYAS KYI CHOS THAMS CAD 'GRUB PA'I SGO NAS SO, ,THAMS CAD MKHYEN PA'I YE SHES THOB PAR BYA BA'I PHYIR RO ZHES BYA BA NI DRI MA MED CID THOGS PA MED PA'I YE SHES BRNYES PAR BYA BA'I PHYIR RO, ,RJES LA THOB PA'I YE SHES DE ZHES BYA BA LA SOGS PA LA KUN GZHI RNAM PAR SHES PA THAMS CAD RAB TU SKYE BA ZHES BYA BA NI RGYUR GYUR PA RNAMS SO, ,RNAM PAR RIG PA'I MTSAN MA THAMS CAD LA ZHES BYA BA NI 'BRAS BUR GYUR PA RNAMS LA STE, GZHAN GYI DBANG GI NGO BO NYID JI LTA BA BZHIN DU MTHONG BA'I PHYIR GZUNG BA DANG 'DZIN PAR SNANG BA RNAMS LA PHYIN CI LOG DANG NOR BA MED PAR RTOG GO, ,JI LTAR SGYU MA MKHAN NI DE LA GLANG PO CHE LA SOGS PA MED PAR MTHONG BA'I PHYIR RTZVA LA SOGS PA SGYUR MA'I RGYU RNAMS LA PHYIN CI LOG MED KYI, GZHAN DAG NI RTZVA LA SOGS PA LA GLANG PO CHE LA SOGS PAR MTHONG BA'I PHYIR 'KHRUL PA DE BZHIN DU DE KHO NA MTHONG BAS GZUNG BA DANG 'DZIN PA MED PA'I NGO BO NYID YONGS SU GRUB PA MNGON SUM DU BYAS NAS LANGS PA NA YANG @247B RJES LA DAG PAS DAG PA STON PA'I DUS NA CHOS RNAMS KYI RGYU DANG 'BRAS BU STON PA KUN NAS SLONG BAR BYED PA KUN RDZOB KYI SHES PA DUS THAMS CAD DU PHYIN CI MA LOG PAR GNAS SO, ,NYAN PA PO DAG NI PHYIN CI LOG STE, DE DAG KYANG SEMS KYI RGYUD LA THOS PA'I BAG CHAGS BSGOS TE, DES BYA BA SGRUB PA'I PHYIR RIM KYIS KHAD KYIS KHAD KYIS PHYIN CI LOG MED PAR 'GYUR RO, ,RJES LA THOB PA NI RNAM PAR MI RTOG PA YANG MA YIN, RNAM PAR RTOG PA DANG BCAS PA YANG MA YIN TE, NYON MONGS PA CAN DU THAL BAR 'GYUR BA'I PHYIR RO, ,DE'I PHYIR LHAG PA'I SHES RAB KYI BSLAB PA BSTAN PA'I GNAS SU RNAM PAR MI RTOG PA RJES DANG DNGOS DANG 'JUG PA'I BYE BRAG GIS RNAM PAR MI RTOG PA RNAM PA GSUM DU 'CHAD PAR 'GYUR RO, ,MNGON PAR RTOGS PA THAMS CAD LA NGES PAR DBYED BA'I CHA DANG MTHUN PA RNAMS 'BYUNG STE, DE NI SNGA MA'I RANG BZHIN YIN PA'I PHYIR DE DAG BSTAN TO, , YONGS SU TSOL BA BZHI PO DAG GIS ZHES BYA BA NI MING DANG DON DANG NGO BO NYID DANG KHYAD PAR DU BRTAGS PA NGES PAR RTOG PA'I BDAG NYID CAN JI SKAD BSTAN PA RNAMS KYIS SO, ,DON MED PAR BZOD PA CHUNG NGU'I TSE ZHES BYA BA NI DON MED PAR BZOD PA CHUNG NGU'O, ,SNANG BA NI GSAL BA STE, DON MED PAR SHES PAR BYA'O, ,DE 'DOD PA'I PHYIR THOB PA STE, DES NA SNANG BA THOB PA'I TING NGE 'DZIN NI SNANG BA THOB CES BYA BA'I THA TSIG GO, ,DRO BAR GYUR PA ZHES BYA BA NI DRO BA LTA BU'I DGE BA'I RTZA BA STE, GTZUB SHING GTZUBS PA LAS ME 'BYUNG BAR 'GYUR BA BZHIN DU DE KHO NA SHES PA'I ME'I SNGA ROL GYI YANG RANG BZHIN GYI GNAS RGYU ZHES BYA BA'I THA TSIG GO, ,NGES PAR 'BYED PA NI MNGON PAR RTOGS PA'O, ,DE'I CHA NI CHOS BDAG MED PAR BZOD PA'O, ,DE LA PHAN PA DAG NI DE'I CHA DANG MTHUN PA DAG GO, ,RTZE MO NI DGE BA'I RTZA BA G-YO BA'I RTZE MOR PHYIN PA'I PHYIR RO, ,YANG DAG PA JI LTA BA BZHIN DU YONGS SU SHES PA BZHI PO MING LA SOGS PA MI DMIGS PAR NGES PA GONG DU SMOS PA RNAMS LA GNAS PA NI MING LA SOGS PA NI RNAM PAR RIG PA TZAM DU ZAD KYI, DON NI GANG YANG MED DO ZHES BYA BAR NGES PAR NI DE KHO NA'I DON GYI PHYOGS GCIG LA ZHUGS PA'I TING NGE 'DZIN TO, ,GZUNG BA TZAM GYI DNGOS PO 'GOG PA'I @248A *, ,PHYIR PHYOGS GCIG NYID DE, 'DI LTAR DON MED PAR KHONG DU CHUD PA YIN GYI, RNAM PAR RIG PA TZAM YANG MED PAR NI MA YIN NO, ,DE NYID KYI PHYIR DE NI BDEN PA'I RJES SU MTHUN PA'I BZOD PA'I GNAS YIN NO, ,RJES SU MTHUN PA NI NYE BA'I PHYIR TE, DES GZUNG BA MED PA LA BRTEN NAS 'DZIN PA YANG MED PAR RTOGS PAR 'GYUR BA'I PHYIR RO, ,TING NGE 'DZIN 'DI DAG NI MNGON PAR RTOGS PA DANG NYE BA YIN PAR ZHES BYA BA NI MNGON PAR RTOGS PA'I DUS NA 'BYUNG BA YIN PAR ZHES BYA BA'I THA TSIG GO, ,JI LTAR RNAM PAR GNAS PA BSTAN PA ZHES BYA BA NI RANG DANG SPYI'I MTSAN NYID DANG, RTAGS LA SOGS PA SPROS PA GANG DANG GANG GIS SA BCU PAR SA RNAMS BSTAN PA DE DAG LA 'DRES PA'I CHOS MA DMIGS PA NYID NI 'DRES PAR BYAS NAS DMIGS PA'I PHYIR RO, ,GZHAN DU NA TSOGS BSAGS SU ZIN KYANG RNAM PAR MI RTOG PA'I YE SHES MI SRID PA'I PHYIR RO, ,'JIG RTEN LAS 'DAS PA ZHES BYA BA NI RNAM PAR MI RTOG PA'O, ,DE'I RJES LA THOB PA RNAMS PAR 'JOG PAR BYED PA DANG, RJES LA DAG PAS DAG PA 'JIG RTEN PAS KYANG DE YUL DU BYAS PA'I PHYIR RO, ,DE GNAS GYUR NAS ZHES BYA BA NI RNAM PAR MI RTOG PA DANG RJES LA THOB PA GNYIS KYIS GNAS SEMS DANG SEMS LAS BYUNG BA'I RGYUD RNAM PAR DAG NAS TE, SANGS RGYAS KYI SKU RNAM PA GSUM THOB PAR BYA BA'I PHYIR ZHES 'OG NAS 'CHAD DO, ,KHYAD PAR GYI GNAS SKABS NAS BCUS ZHES BYA BA LA SOGS PA LA, DMIGS PA'I KHYAD PAR NI THEG PA CHEN PO'I CHOS LA BYANG CHUB SEMS DPA' THOS PA LAS BYUNG BA LA SOGS PA'I SHES RAB GSUM GYIS DMIGS TE, NYAN THOS KYI THEG PA'I CHOS LA NI MA YIN NO, ,BSOD NAMS KYI TSOGS KYI SBYIN PA DANG TSUL KHRIMS DANG BZOD PA LA SBYOR BA RNAMS SO, ,YE SHES KYI TSOGS NI THOS PA LA SOGS PA STE, DE DAG BSKAL PA MI NYUNG BAR BSAGS PA DAG GIS BSTAN NAS KHYAD SAR DES BYANG CHUB DPA' LA BYANG CHUB SEMS DPA'I MNGON PAR RTOGS PA'I STOBS BSKYED PA'O, ,RTOGS PA'I KHYAD PAR NI NYAN THOS NI GANG ZAG LA BDAG MED PA TZAM MNGON PAR RTOGS PAR BYED DO, ,BYANG CHUB SEMS DPA' NI GANG ZAG DANG CHOS LA BDAG MED PA MNGON PAR RTOGS PAR BYED DO, ,MYA NGAN @248B LAS 'DAS PA'I KHYAD PAR NI BYANG CHUB SEMS DPA' RNAMS KYI NI MI GNAS PA'I MYA NGAN LAS 'DAS PA STE, SHES RAB DANG SNYING RJES THABS KYIS YONGS SU ZIN PAS 'KHOR BA DANG MYA NGAN LAS 'DAS PA'I MTHA' LA MI GNAS PA'I PHYIR RO, ,NYAN THOS NI 'DUS MA BYAS KYI MYA NGAN LAS 'DAS PA LA GNAS SO, ,SA'I KHYAD PAR NI BYANG CHUB SEMS DPA' NI SA BCU PO DAG GIS NGES PAR 'BYUNG NGO, ,NYAN THOS RNAMS LA NI SA RNAM PAR GZHAG PA MED DO, ,YONGS SU DAG PA'I KHYAD PAR NI BYANG CHUB SEMS DPA' RNAMS KYI NI NYON MONGS PA YANG BAG CHAGS DANG BCAS PAR SPONG LA, SANGS RGYAS KYI ZHING YANG GSER LA SOGS PA'I RANG BZHIN DU RNAM PAR DAG GO, ,NYAN THOS RNAMS LA NI BAG CHAGS DANG BCAS PAR SPONG BA YANG MED LA, SANGS RGYAS KYI ZHING YONGS SU DAG PA YANG MED DO, ,BAG CHAGS ZHES BYA BA NI NYON MONGS PA MED DU ZIN KYANG NYON MONGS DANG BCAS PA BZHIN DU G-YO BAR BYED PA'O, , SEMS CAN THAMS CAD DANG BDAG SEMS MNYAM PAR NYID THOB PA'I KHYAD PAR NI BYANG CHUB SEMS DPA' NI BDAG DANG GZHAN MNYAM PA NYID THOB PAS SEMS CAN YONGS SU SMIN PAR BYA BA'I SBYOR BA RGYUN MI GCOD DO, ,NYAN THOS NI BDAG DANG GZHAN THA DAD DU PHYE BAS BDAG GI DON NYID LA SBYOR GYI, GZHAN GYI DON LA MI SBYOR RO, ,SKYE BA'I KHYAD PAR NI BYANG CHUB SEMS DPA' NI DE BZHIN GSHEGS PA'I RIGS CHOS KYI DBYINGS SU SKYES NAS SANGS RGYAS SU 'GYUR TE, 'KHOR LOS SGYUR BA'I RIGS SU SKYES PA'I GZHON NU MTSAN DANG LDAN PA BZHIN NO, ,NYAN THOS NI DE LTA MA YIN TE, MA RABS KYI RIGS GRAN KHOL GYI BU BZHIN NO, ,SKYE 'BYUNG GI KHYAD PAR NI BYANG CHUB SEMS DPA' NI PAD-MA'I SNYING PO LA SKYIL MO KRUNG BCAS TE 'DUG PAR RDZUS TE SKYES NAS SANGS RGYAS NYID THOB KYI BAR DU DUS THAMS CAD DU DE BZHIN GSHEGS PA'I 'KHOR GYI DKYIL 'KHOR RNAMS SU SKYE'O, ,SANGS RGYAS KYI 'KHOR GYI DKYIL 'KHOR NI ZAG PA MED PA'I DBYINGS TE, SANGS RGYAS KYI YUL LO, ,NYAN THOS NI MA'I MNGAL DU SKYES TE PHAL PA BZHIN NO, ,'BRAS BU'I KHYAD PAR NI BYANG CHUB SEMS DPA'I 'BRAS BU NI STOBS LA SOGS PA YON TAN GYI TSOGS KYIS BRGYAN PA LHUN GYIS GRUB PAR SEMS CAN GYI DON BYED NUS PA CHOS KYI @249A *, ,SKU THOB PA'O, ,CIG SHOS KYI 'BRAS BU NI ZAG PA DANG BCAS PA'I SKYE BA MED PA'O, ,YONGS SU TSOL BA DANG DE'I 'BRAS BU BDE BLAG TU RTOGS PAR BYA BA'I PHYIR TSIGS SU BCAS PA GNYIS KYIS SDUD DO, ,MING DANG DNGOS GNYIS PHAN TSUN DU, ,GLO BUR YIN PAR YONGS SU BTZAL, , ZHES BYA BA NI MING LA DNGOS PO GLO BUR PA DANG, DNGOS PO LA'ANG MING GLO BUR BA ZHES BYA BA YIN GYI, JI LTAR KHA CIG SGRA DANG DON RTAG TU 'BREL BA NI LHAN CIG SKYES PA'O ZHES BYA BA LA SOGS PAR SEMS PA LTA BU NI MA YIN NO, ,DE TZAM NYID DU BTZAL BAR BYA, YUL GANG DU ZHE NA, BTAGS PA RNAMS PA GNYIS PO LA ZHES BYA BA SMOS TE, NGO BO NYID DU BTAGS PA DANG KHYAD PAR DU BTAGS PA'O, ,JI LTAR ZHE NA, 'DI NI BTAGS PA TZAM STE THA SNYAD BTAGS PAR ZAD KYI 'DI LA NGO BO NYID DANG KHYAD PAR DU BTAGS PA NI MED DO ZHES BYA BAR SBYAR RO, ,YANG DAG JI BZHIN YONGS SHES PAS, ,YONGS SU TSOL BA BZHI PO 'DIS SO, ,DON MED PAR ZHES BYA BA NI DON DANG BRAL BA'O, ,RTOG GSUM ZHES BYA BA NI MING DU RTOG PA DANG, NGO BO NYID DU BTAGS PAR RTOG PA DANG, KHYAD PAR DU BTAGS PAR RTOG PA'O, ,DE MED PHYI ZHES BYA BA NI DON MED PA'I PHYIR RO, ,DON MED PAR ZHES BYA BA NI RTOG PA RNAM PA GSUM MED PAR MTHONG BA'O, ,GSUM LA 'JUG PAR YIN ZHES BYA BA NI NGO BO NYID GSUM LA 'JUG PA'O, ,TSIGS SU BCAD PA DANG PO'I PHYED KYIS NI MING DANG DNGOS PO GNYIS GCIG LA GCIG GLO BUR YIN PAR MTHONG NAS KUN BTAGS PA'I NGO BO NYID LA ZHUGS PA YIN NO, ,TSIGS SU BCAD PA DANG PO'I PHYED 'OG MAS NI NGO BO NYID DANG, KHYAD PAR DU BTAGS PA RTOG PA TZAM NYID DU MTHONG NAS GZHAN GYI DBANG GI NGO BO NYID MNGON PAR RTOGS PA YIN NO, ,TSIGS SU BCAD PA GNYIS PA RANGS PAS NI RTOG PAR ZAD KYI, DNGOS PAR NI MA YIN NO ZHES RTOG PA RNAMS KYANG MED PAR MTHONG BAS YONGS SU GRUB PA LA 'JUG GO, , GZHAN DU NA NI DAG PA DANG MA DAG PA MED PAS BCINGS PA DANG THAR PA MI 'GRUB PO, ,SU ZHIG DE LTAR YONGS SU TSOL NAS 'BRAS BU THOB PA DANG SU LA DE SKAD BSTAN PA DE'I DBANG DU BYAS NAS TSIGS SU BCAD PA, BYANG CHUB SEMS DPA' MNYAM GZHAG PAS, ,GZUGS BRNYAN YID DU MTHONG BA NI, , @249B ZHES BYA BA LA SOGS PA'O, ,CHOS DANG DON DU SNANG BA TING NGE 'DZIN GYI GZUGS BRNYAN GANG YIN PA DE NYID YIN PAR MTHONG BA STE, JI SKAD DU RNAM PAR SHES PA NI DMIGS PA RNAM PAR RIG PAS RAB TU PHYE BA CAN NO, ZHES NGAS BSHAD PA LTA BU'O, ,SUS MTHONG ZHE NA BYANG CHUB SEMS DPA' MNYAM PAR GZHAG PAS ZHES BYA BA STE, SEMS RTZE GCIG PAS SO, ,DON GYI 'DU SHES BZLOG NAS SU, ,ZHES BYA BA NI GZUGS BRNYAN DE LAS DON GYI 'DU SHES BSAL NAS SO, ,RANG GI 'DU SHES NGES PAR GZUNG, ,ZHES BYA BA NI BDAG GI MNYAM PAR GZHAG PA'I SEMS 'DI NYID CHOS DANG DON LTA BUR SO SOR SNANG NGO SNYAM DU'O, ,DE LTAR NANG DU SEMS GNAS SO ZHES BYA BA NI DE'I TSE DE'I SEMS NYID LA SEMS GNAS PA YIN NO ZHES BYA BA'I THA TSIG GO, ,GZUNG BA MED PAR RAB RTOGS BYOS, ,ZHES BYA BA NI GZUNG BA MED PAR SHES PAR BYA BYA'O, ,DE'I PHYIR 'DZIN PA MED RTOGS KYIS, ,ZHES BYA BA NI GZUNG BA MED NA 'DZIN PA MI MTHONG BA'I PHYIR RO, ,DES NA DMIGS PA MED LA REG ,CES BYA BA NI DE GNYI GA'I NGO BO NYID DMIGS PA DANG BRAL BA'I DE BZHIN NYID KHONG DU CHUD DE RAB TU RTOGS PA'O, ,BSOD NAMS KYI TSOGS NI SBYIN PA LA SOGS PA PHA ROL TU PHYIN PA GSUM MO, ,YE SHES KYI TSOGS NI SHES RAB KYI PHA ROL TU PHYIN PA'O, ,BRTZON 'GRUS NI GNYI GAR GTOGS SO, ,BSAM GTAN NI TSAD MED PA LA DMIGS PA NI BSOD NAMS KYI TSOGS SO, ,GZHAN NI YE SHES KYI YAN LAG GO, ,MTHA' YAS PHA ROL MED CES BYA BA NI MTHA' YAS SHING PHA ROL MED PA STE, MANG BA DANG RGYANG RING BA'I PHYIR GO RIMS BZHIN NO, ,GLU DBYANGS DANG SIL SNYAN MTHA' YAS PA DANG 'DRA'O, ,RGYA MTSO PHA MTHA' MED PA DANG 'DRA'O, ,BSAGS TE ZHES BYA BA NI YONGS SU RDZOGS PAR BYAS TE ZHES BYA BA'I THA TSIG GO, ,CHOS LA SEMS PA LEGS PAR RNAM NGES PHYIR, ,ZHES BYA BA NI TING NGE 'DZIN GYI RJES LA MDO'I SDE LA SOGS PA LA SHIN TU NGES PA'I PHYIR TE, THE TSOM MED PA'I PHYIR RO, ,DON GYI RNAM PA BRJOD PA'I RGYUS 'BYUNG RTOGS, ,ZHES BYA BA NI DON RNAMS KYI RGYU NI YID KYI BRJOD PA YIN PAR SHES PA STE, JI SKAD DU CHOS RNAMS BRJOD PA'I BAG CHAGS LAS BYUNG STE ZHES BYA BA LA SOGS PA GSUNGS PA LTA BU'O, ,RTOG PA DE YIS BSGOS PA YIS, ,RTOG PA YID BYED DE'I GNAS NI, ,ZHES @250A *, ,KYANG BSHAD DE, TSIGS SU BCAD PA 'DIS NI TSOGS KYI LAM BSTAN TO, ,DE 'DRA BA'I SEMS TZAM NYID LA GNAS ZHES BYA BA NI DON GYI RNAM PA LA STE, 'DI LTAR DE 'DI SNYAM DU SEMS 'DI NYID DON GYI RNAM PAR YONGS SU GYUR TO SNYAM DU SEMS SO, ,DE BAS GNYIS KYI MTSAN NYID BRAL BA YI; ,CHOS KYI DBYINGS NI MNGON SUM NYID DU 'GYUR, ,ZHES BYA BA NI DON MED PAR RTOGS PA SNGON DU 'GRO BA'I SEMS TZAM LA GNAS NAS BZUNG BA DANG 'DZIN PA'I MTSAN NYID GNYIS DANG BRAL BA GNYIS SU MED PA'I CHOS KYI DBYINGS MNGON SUM DU 'GYUR TE, DES PAR SKYES PA'I PHYIR RO, ,TSIGS SU BCAD PA 'DIS NI SBYOR BA'I LAM BSTAN TO, ,JI LTAR MNGON SUM DU 'GYUR PA DE LTAR STON TE, SEMS LAS GZHAN MED PAR NI BLOS RTOGS NAS, ,DE PHYIR SEMS KYANG MED PA NYID DU RTOGS, ,ZHES BYA BA NI SEMS LAS GZHAN PA DMIGS PAR BYA BA'I DON MED DE, DE MED PAS DMIGS PAR BYED PA YANG MI 'THAD DE ZHES BYA BAR SBYAR RO, ,BLO DANG LDAN PA ZHES BYA BA NI SHES RAB KYI KHYAD PAR DANG LDAN PA'I PHYIR RO, ,GNYIS PO MED RTOGS NAS ZHES BYA BA NI NGES PAR GYUR PA'O, ,DE DANG MI LDAN CHOS KYI DBYINGS LA GNAS, ,ZHES BYA BA NI GZUNG BA DANG 'DZIN PA DANG BRAL BA LA ZHES BYA BA'I THA TSIG GO, ,GNAS ZHES BYA BA NI GNAS PAR BYED PA'O, ,TSIGS SU BCAD PA 'DIS NI MTHONG BA'I LAM BSTAN TO, ,RTOGS MED SHES STOBS ZHES BYA BA NI RNAM PAR MI RTOG PA'I YE SHES KYI MTHUS SO, ,MNYAM PA'I RJES SONG BA ZHES BYA BA NI JI LTAR GZUNG BA MED PA DE LTAR 'DZIN PA YANG MED DO ZHES MNYAM PA NYID KYI RJES SU SONG NAS MDO'I SDE LA SOGS PA'I CHOS RNAMS NAM MKHA' LTAR MNYAM PA NYID DU MTHONG BA'I PHYIR RO, ,KUN NAS ZHES BYA BA NI PHYI DANG NANG NAS SO, ,RTAG PAR YANG ZHES BYA BA NI DUS THAMS CAD DU'O, ,DE'I GNAS THIBS PO NYES PA BSAGS PA ZHES BYA BA NI KUN NAS NYON MONGS PA'I CHOS DE DAG GI RGYU'O, ,THIBS PO NI SHES PAR DKA' ZHING RTOGS PAR DKA' BA STE, KUN NAS NYON MONGS PA'I CHOS KYI BAG CHAGS KYI MDZOD KUN GZHI'O, ,RTZI SMAN CHEN POS DUG NI SEL BA BZHIN, ,ZHES BYA BA NI GO SLA BSAM BSHAD DO, ,TSIGS SU BCAD PA 'DIS NI BSGOM PA'I LAM BSTAN TO, , @250B THUB PAS GSUNGS PA'I LEGS CHOS LEGS GZHAG PA, ,ZHES BYA BA NI THUB PAS GSUNGS PA'I CHOS BZANG PO MDZES PAR RNAM PAR GZHAG PA'O, ,RTZA BA CHOS KYI DBYINGS ZHES BYA BA NI TSIG BSDUS PA LA DMIGS PA'O, ,RTZA BA ZHES BYA BA NI SA BCU PA STE, MDO SDE THAMS CAD KYI MA MO YIN PA'I PHYIR RO, , DE'I CHOS RNAMS NI CHOS GANG DAG LA DE 'JUG PA'O, ,CHOS DE DAG GI DBYINGS NI STONG PA NYID DE, DE LA RJES LA THOB PA'I YE SHES KYIS DRAN PA GZHAG STE'O, ,DRAN PA'I RGYUD NI RTOG PA TZAM SHES NAS, ,ZHES BYA BA NI DRAN PA'I RGYUD NI RTZA BA'I CHOS KYI DBYINGS LA 'JUG PA'O, ,DE RTOG PA TZAM DU SHES PA PHYIR DE DLTA MA YIN TE, DUS GSUM BRTAG PA LAS JI SKAD DU, STE, MDO'I SDE LA SOGS PA'I CHOS DRAN PAS PHA ROL TU PHYIN PA LA SOGS PA 'BRAS BU DANG BCAS PA DRAN PAR BYA BA RNAMS KUN BRTAGS PA'I BDAG NYID DU MED PA'I PHYIR RO, ,MNGON PAR RTOGS PA'I GO RIMS 'DIS RNAM PAR MI RTOG PA DANG RJES SU THOB PA GNYIS KYIS, YON TAN RGYA MTSO'I PHA ROL BRTAN MYUR 'GRO, ,ZHES BYA BA STE, YON TAN PHUN TSOGS THAMS CAD KYI GNAS SANGS RGYAS NYID KYIS 'THOB STE, JI SKAD DU, MNGON PAR BYANG CHUB DUS NA YON TAN MTHA' YAS DE DAG CIG CAR DU, ,BYA RNAMS GNAS 'CHA' SLAD DU SHING LTAR KHYOD KYIS JI ZHIG LTAR BRNYES GYUR, ,CES BSHAD PA LTA BU'O, ,BRTAN PA ZHES BYA BA NI RNAM PAR MI RTOG PA DANG DE'I RJES LA THOB PA'I DE GNYID GA 'DZIN PA'O, ,DE SU ZHE NA BYANG CHUB SEMS DPA' ZHES SBYAR BAR BYA'O, ,MYUR DU ZHES BYA BA NI SKYEN PAR RO, ,BSKAL PA CHEN PO GRANGS MED PA GSUM GYI DUS CHEN PO ZHES BRJOD NA DE MYUR DU ZHES JI SKAD DU BYA ZHE NA, RTOG PA TZAM DU ZAD PA'I PHYIR DE LTA MA YIN TE, DUS GSUM BRTAG PA LAS JI SKAD DU, ,RMI LAM NA NI LO GCIG KUN, ,YUD TZAM GYIS KYANG DMIGS PA STE, ,DES NA DPAG MED DU DAG KYANG; ,SKAD CIG NYID DU 'DU BAR 'GYUR, ,CES BSHAD PA LTA BU'O, ,BRTZON 'GRUS SBYANGS PA'I YANG PHYIR TE, ,JI SKAD DU, LEGS PHYIR DUS THUNG BA YANG BRTZON 'GRUS LHOD PA RNAMS LA RING DU SNANG, ,RAB TU BRTZON PA KHYOD LA DPAG TU MED PA'I DUS KYANG THUNG NGUR 'DAS, ,ZHES @251A *, ,BYA BA LA SOGS PA SMRAS PA LTA BU'O,, ,,BAM PO LNGA PA, RNAM PAR RIG PA TZAM NYID LA 'JUG PA'I RGYU NI PHA ROL TU PHYIN PA DRUG GO SBYOR BA'I DUS NA 'JIG RTEN PA STE, DE DAG STON TO, ,'DI LA BYANG CHUB SEMS DPA' LONGS SPYOD RNAMS LA KUN DU MA CHAGS PA ZHES BYA BA NI SBYIN PA'I PHA ROL TU PHYIN PA'O, ,KUN DU CHAGS PA NI GTONG BA'I MI MTHUN PA'I PHYOGS CHAGS PA STE, DE NYID RNAM PAR G-YENG BA'O, ,'OG MA LA YANG DE BZHIN DU BRJOD PAR BYA'O, ,TSUL KHRIMS RNAMS LA LTUNG BA MED PA ZHES BYA BA NI TSUL KHRIMS KYI PHA ROL TU PHYIN PA'O, ,LTUNG BA NI RNAM PAR G-YENG BA'O, ,SDUG BSNGAL RNAMS LA 'KHRUG PA MED PA ZHES BYA BA NI BZOD PA'I PHA ROL TU PHYIN PA'O, ,'KHRUL PA NI RNAM PAR G-YENG BA'O, ,BSGOM PA LA LE LO MED PA ZHES BYA BA NI BRTZON 'GRUS KYI PHA ROL TU PHYIN PA'O, ,LE LO NI RNAM PAR G-YENG BA'O, ,RNAM PAR G-YENG PA'I RGYU 'DI DAG LA MI 'JUG PA ZHES BYA BA NI MI MTHUN PA'I PHYOGS RNAM PAR G-YENG BA'I RGYU DAG LA MI 'JUG PA STE, YONGS SU SPANGS PA'I PHYIR RO, ,SEMS RTZE GCIG TU BYAS NAS ZHES BYA BA NI SEMS MNYAM PAR GZHAG NAS TE, BSAM GTAN GYI PHA ROL TU PHYIN PA'O, ,TSUL BZHIN DU CHOS RNAMS LA RAB TU RNAM PAR 'BYED CES BYA BA NI SHES RAB KYI PHA ROL TU PHYIN PA STE, PHA ROL TU PHYIN PA DRUG PO 'DI DAG GIS RNAM PAR RIG PA TZAM NYID LA 'JUG GO, ,ZHUGS PAS NI LHAG PA'I BSAM PA DAG PAS YONGS SU ZIN PA'I PHA ROL TU PHYIN PA DRUG PO 'BRAS BUR GYUR PA DAG 'THOB STE; 'DI LTAR 'DI'I PHA ROL TU PHYIN PA DRUG LA KUN DU SPYOD PA'I SBYOR BA MED KYANG RTAG PAR RGYUN DU RGYUN MI 'CHAD PA'I TSUL DU PHA ROL TU PHYIN PA DRUG BSGOM PA YONGS SU RDZOGS PAR 'GYUR RO ZHES BYA BA GAL TE BYANG CHUB SEMS DPA' 'DI TSUL KHRIMS KYI PHA ROL TU PHYIN PA LA MI SBYOR NA TSUL KHRIMS 'CHAL BAR MI 'GYUR RAM ZHE NA, MA YIN TE, RAB TZAM DU MI SBYOR BA'I PHYIR RO, ,TSUL KHRIMS LA MI SBYOR NA NI SKYON 'DI 'BYUNG NA, RAB TZAM DU MI SBYOR BA'I PHYIR NYES PA MA YIN TE, 'DI LTAR BSTAN PA LA MOS PA LA SOGS PAS SBYOR BAS DE'I PHYIR NYES PA MED DO, ,DE LA @251B BSTAN PA LA MOS PA NI GANG PHA ROL TU PHYIN PA DANG RAB TU LDAN PA'I BSTAN PA ZAB MO RNAMS LA YANG DAD PA'O, ,RO MYANG BA YID LA BYED PA NI PHA ROL TU PHYIN PA RNAMS LA YON TAN DU LTA BA'O, ,RJES SU YI RANG BA YID LA BYED PA NI GZHAN LA GNAS PA'AM, BDAG LA GNAS PA'I PHA ROL TU PHYIN PA RNAMS LA GZHAN NAM BDAG GI PHYIR RAB TU DGA' BA'O, ,MNGON PAR DGA' BA YID LA BYED PA NI RTAG TU KHYAD PAR DU 'PHAGS PAR GYUR CIG CES DE DANG MI 'BRAL BAR SMON PA'O, ,LHAG PA'I BSAM PA DAG PA NI TSOGS DANG BZOD PA DANG, DMIGS PA DANG YID LA BYED PA DANG, GNYEN PO DANG NGO BO NYID DANG; RTAGS DANG PHAN YON GYIS BRJOD PAR BYA'O, ,DE LA MOS PAS SPYOD PA'I SA LA NI TSOGS LEGS PAR BSAGS PA'I PHYIR TE, DKAR PO'I CHOS RNAMS KUN RDZOGS DANG, ,ZHES BYA BA NI TSOGS KYIS SO, ,BZOD RNON THOB CES BYA BA NI CHUNG DU DANG, 'BRING PO BSAL NAS CHOS LA NGES PAR RTOG PA'I BZOD PA CHEN PO LA 'JUG PA STE, BZOD PAS SO, ,RANG GI THEG CES BYA BA LA SOGS PA NI DMIGS PA STE, ZAB PA NI PHRA BA'I DON NYID DE CHOS LA BDAG MED PA NYID DO, ,RGYA CHE BA NI MTHU DANG LDAN PA STE, NAM MKHA' MDZOD LA SOGS PA'I TING NGE 'DZIN TO, ,RTOG PA TZAM DU RTOGS PA'I PHYIR; ,ZHES BYA BA NI YID LA BYED PAS TE, CHOS THAMS CAD RTOGS PA TZAM DU SHES PA'I PHYIR RO, ,MI RTOG YE SHES THOB PA'I PHYIR, ,ZHES BYA BA NI GNYEN POS SO, ,'DOD PA DANG NI MOS PA DAG ,CES BYA BA NI NGO BO NYID KYIS TE, DAD PA DANG 'DUN PA'I NGO BO NYID YIN PA'I PHYIR RO, ,SNGA LOGS SU YANG CHOS RGYUN DER, ,SANGS RGYAS RNAMS NI MTHONG BAS NA, ,ZHES BYA BA NI RTAGS KYIS SO, ,GANG GI SNGA LOGS SU ZHE NA, DAG PA'I SNGA ROL DU'O, ,CHOS RGYUN CES BYA BA NI TING NGE 'DZIN NYID DU BSTAN TO, ,DER ZHES BYA BA NI TING NGE 'DZIN LA STE, MNYAM PAR GZHAG PAS SANGS RGYAS MTHONG NGO, ,DE MTHONG BA'I PHYIR BYANG CHUB DANG NYE BAR RTOGS SO, ,NYE BAR RTOGS KYANG TSEGS CHEN POS 'THOB PA'AM SNYAM PA BZLOG PA'I PHYIR, TSEGS MED PAR NI THOB PHYIR RO, ,ZHES BYA BA SMOS TE, 'DI NI PHAN YON NO, ,DE'I GNAS SKABS NI DE THOB PAR BYA BA'I THABS RNYED PAS BYANG CHUB @252A *, ,DANG NYE BAR YANG MTHONG LA, TSOGS GOMS PAR BYAS PAS YONGS SU SMIN PA'I SHUGS KYI MTHUS TSEGS MED PAR YANG 'THOB BO, ,DE BAS NA TSIGS SU BCAD PA GSUM PO 'DI DAG GIS LHAG PA'I BSAM PA DAG PA RNAM PA BRGYAD BSHAD DO, ,DE DAG GRANGS DANG DE YI MTSAN NYID DANG, ,GO RIMS NGES TSIG GOMS BYA YON TAN DANG, ,ZHES BYA BA LA SOGS PA NI 'OG NAS 'BYUNG BA'I DON GLENG SLONG BA'I TSIGS SU BCAD PA'O, ,GRANGS RNAM PAR GZHAG PA'I DBANG DU BYAS NAS, MI MTHUN PA'I PHYOGS DANG GNYEN PO RNAM PAR GZHAG PA ZHES BYA BA LA SOGS PA SMOS SO, ,RGYU GSUM GYIS PHA ROL TU PHYIN PA RNAM PA DRUG NYID DE MI NYUNG MI MANG NGO, ,MI MTHUN PA'I PHYOGS DANG GNYEN PO RNAM PAR GZHAG PA RNAMS KYIS RNAM PAR 'GREL PA NI, MI 'PHAGS PA'I RGYU'I GNYEN POR SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA STE, ,ZHES BYA BA NAS SPAGS NAS MI LDOG PA'I CHUD ZA BA'I RGYU'I GNYEN POR BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA STE ZHES BYA BA'I BAR DU'O, ,CHUD ZA BA'I RGYU NI RNAM PAR G-YENG BA DANG, 'CHAL PA'I SHES RAB BO ZHES BYA BA LA SMAD PA'I SHES RAB CAN RNAMS KYIS PHYIN CI LOG TU BZUNG BA NI CHUD ZA BA STE, MU STEGS CAN BZHIN NO, ,LHAG MA NI GO BAR SLA STE BSHAD PA NYID KYIS LEGS PAR RNAM PAR PHYE ZIN TO, ,SANGS RGYAS KYI CHOS THAMS CAD YANG DAG PAR 'GRUB PA'I GZHI'I GNAS KYIS ZHES BYA BA NI GRANGS RNAM PAR GZHAG PA'I RGYU GNYIS PA STE, SANGS RGYAS KYI CHOS THAMS CAD KYI RGYU YIN PA'I PHYIR PHA ROL TU PHYIN PA DRUG NYID DE MI NYUNG MI MANG NGO, ,JI LTA ZHE NA, RNAM PAR MI G-YENG BA'I RGYU SBYIN PA LA SOGS PA BZHIS PHA ROL TU PHYIN PA RNAM PAR MI G-YENG BA GCIG 'GRUB BO ZHES BYA BA NI MI MTHUN PA'I PHYOGS RNAM PAR G-YENG BA MED PA'I PHYIR RO, ,RNAM PAR MI G-YENG BA ZHES BYA BA NI BSAM GTAN GYI PHA ROL TU PHYIN PA'O, ,RNAM PAR MI G-YENG BA DE LA BRTEN NAS ZHES BYA BA NI BSAM GTAN GYI PHA ROL TU PHYIN PA DE NYID LA BRTEN NAS SO, ,CHOS KYI DE KHO NA JI LTA BA BZHIN DU MNGON DU YANG DAG PAR RTOGS @252B PA'I PHYIR ZHES BYA BA NI DE BZHIN NYID LA DMIGS PA'I SHES RAB KYI PHA ROL TU PHYIN PAS SANGS RGYAS KYI CHOS STOBS LA SOGS PA YANG DAG PAR 'GRUB STE, 'GRUB PAR 'GYUR RO, ,SEMS CAN THAMS CAD YONGS SU SMIN PAR BYA BA DANG MTHUN PAS ZHES BYA BA NI GRANGS RNAM PAR GZHAG PA'I RGYU GSUM PA'O; ;SBYIN PA'I PHA ROL TU PHYIN PAS SEMS CAN LA PHAN 'DOGS PA NI BDE BA SKYED PA'O, ,TSUL KHRIMS KYI PHA ROL TU PHYIN PAS SEMS CAN LA GNOD PA MI BYED PA NI SDUG BSNGAL MI SKYED PA'O, ,BZOD PA'I PHA ROL TU PHYIN PAS GNOD PA LA JI MI SNYAM PA NI MI MJED PA STE, MI MJED NA GNOD PA MI BYED PA'I PHYIR GZHAN LA PHAN 'DOGS SO, ,BRTZON 'GRUS KYI PHA ROL TU PHYIN PAS BYA BA BYED PAR 'GYUR BA'I PHYIR ZHES BYA BA NI DE DAG LA PHAN 'DOGS PA'I PHYIR DANG, GNOD PA MI BYED PA'I PHYIR RO, ,SEMS MNYAM PAR MA BZHAG PA MNYAM PAR GZHAG PA'I PHYIR ZHES BYA BA NI BSAM GTAN GYI PHA ROL TU PHYIN PAS SO, ,SEMS MNYAM PAR BZHAG PA RNAM PAR THAR PAR BYA BA'I PHYIR ZHES BYA BA NI SHES RAB KYI PHA ROL TU PHYIN PAS SO, ,GDAMS PAR BYA BA RNAMS ZHES BYA BA NI GDAMS NGAG GI YUL DU GYUR PA RNAMS SO, ,YONGS SU SMIN PAR 'GYUR ZHES BYA BA NI YONGS SU SMIN PAR BYA BA'I YUL DU 'GYUR BA'O, ,MTSAN NYID KYI SKABS KYIS, DAM PA DRUG GIS BLTA BAR BYA STE, GNAS DAM PA NI ZHES BYA BA LA SOGS PA SMOS TE, RE RE LA YANG DAM PA DRUG STE, PHAL CHER NI BSHAD PA NYID KYIS RNAM PAR BKROL BAS GO BAR BLA'O, ,DES NA CHUNG ZAD TZAM ZHIG RNAM PAR DGROL LO, ,MTHA' DAG KUN DU SPYOD PA'I PHYIR, ,ZHES BYA BA NI PHYI DANG NANG GI DNGOS PO RNAM PA THAMS CAD YONGS SU GTONG BA'I PHYIR RO, ,RNAM PAR MI RTOG PA'I YE SHES KYIS YONGS SU ZIN PA'I PHYIR RO ZHES BYA BA NI SBYIN PAR BYA BA DANG, SBYIN PAR BYED PA DANG, LEN PA LA RNAM PAR RTOG PAR MI BYED PAS 'KHOR GSUM YONGS SU DAG PA'O, ,LHAG MA NI GO SLA BAS MA BSHAD DO, ,SBYIN PA YIN LA PHA ROL TU PHYIN PA MA YIN PA 'ANG YOD CES BYA BA NI DAM PA DRUG DANG BRAL BA'O, ,PHA ROL TU PHYIN PA YIN LA SBYIN PA MA YIN PA YANG YOD CES BYA BA NI DAM PA DRUG DANG LDAN PA'I @253A *, ,TSUL KHRIMS LA SOGS PA'O, ,SBYIN PA YANG YIN LA PHA ROL TU PHYIN PA YANG YIN PA 'ANG YOD CES BYA BA NI DAM PA DRUG DANG LDAN PA'I SBYIN PA LA SOGS PA'O, ,SBYIN PA YANG MA YIN LA PHA ROL TU PHYIN PA YANG MA YIN PA YANG YOD CES BYA BA NI DAM PA DRUG DANG BRAL BA'I TSUL KHRIMS LA SOGS PA'O, ,JI LTAR SBYIN PA LA MU BZHI YOD PA DE BZHIN DU PHA ROL TU PHYIN PA GZHAN LNGA PO DAG LA YANG CI RIGS SU SBYAR BAR BYA'O, ,DE NYID KYI PHYIR, BSE RU LTA BU RNAMS LA NI, ,PHA ROL TU PHYIN DRUG MING YANG MED, ,BCOM LDAN NYAG GCIG PHA ROL TU PHYIN, ,DRUG GI SPYI LA BZHUGS PA LAGS, ,ZHES GSUNGS SO, ,DE'I PHYI MA 'BYUNG BA DANG MTHUN PA'I PHYIR RO, ,ZHES BYA BA NI LONGS SPYOD RNAMS LA MA CHAGS NA TSUL KHRIMS SRUNG NUS SO, ,TSUL KHRIMS DANG LDAN NA BZOD DO, ,BZOD NA MI MTHUN PA LA MI MJED PAS BRTZON 'GRUS RTZOM MO, ,BRTZON 'GRUS BRTZAMS NA SEMS MNYAM PAR 'JOG GO, ,SEMS MNYAM PAR GZHAG NA YANG DAG PA JI LTA BA BZHIN DU RAB TU SHES TE, GO RIMS KYI DGOS PA'O, ,'JIG RTEN PA DANG, NYAN THOS DANG, RANG SANGS RGYAS KYI SBYIN PA LA SOGS PA'I DGE BA'I RTZA BA THAMS CAD LAS PHUL DU BYUNG BAR PHA ROL DU 'GRO BA'I PHYIR ZHES BYA BA NI 'DI DAG GI SPYI'I NGES PA'I TSIG STE, 'DIR PHUL GYI TSIG GI DON NI PHA ROL LA BYA'O, ,SER SNA DANG DBUL BA 'JOMS PA ZHES BYA BA LA SOGS PA NI SO SO'I BYE BRAG GI NGES PA'I TSIG GO, ,DE LA SER SNA DANG DBUL BA 'JOMS ZHES BYA BA NI RGYU'I DUS NA'O, ,LONGS SPYOD CHEN PO DANG BSOD NAMS KYI TSOGS THOB PAR BYED PA ZHES BYA BA NI 'BRAS BU'I DUS NA'O, ,'CHAL PA'I TSUL KHRIMS DANG, NGAN 'GRO ZHI BAR BYED PA ZHES BYA BA NI RGYU'I DUS NA'O, ,BDE 'GRO DANG TING NGE 'DZIN 'THOB PAR BYED BZHES BYA BA NI 'BRAS BU'I DUS NA'O, ,KHRO BA NI ZHE SDANG MNGON DU GYUR BA STE, 'PHRAL DU GNOD PA BYED PA'I GZHI'O, ,'KHON PA NI MDUD PAR 'DZIN PA STE, ,ZHES SDANG MI 'DOR BA'O, ,DE GNYI GA ZAD PAR BYED PA NI RGYU'I DUS NA'O, ,BDAG DANG GZHAN LA BDE BAR BYED PA NI 'BRAS BU'I DUS NA'O, ,NGES PA'I TSIG 'OG MA RNAMS LA YANG DE BZHIN DU BLTA BAR BYA STE, BSHAD PA NYID KYIS LEGS PAR RNAM PAR PHYE ZIN TO, , @253B BSGOM PA NI GOMS PAR BYA BA STE LHUR LEN PA'O, ,KUN DU SPYOD PA LA SOGS PA'I BYE BRAG GIS RNAM PA LNGAR DBYE'O, ,KUN DU SPYOD PA LA SBYOR BA BSGOM PA ZHES BYA BA NI SBYIN PA LA SOGS PA LA LEGS PAR 'JUG PA STE, DAD SOGS SBYIN PHOD KHYAD PAR 'PHAGS, ,ZHES BYA BA DANG, BSTI STANG BYAS NAS DUS SU LAG DAR TE, ,SBYIN ZHES JI SKAD BSHAD PA LTA BU'O, ,YANG JI SKAD DU, NUS PA CHUNG YANG GZHAN PHAN SBYOR, ,RNAM PA KUN DU GTANG MI BYA, ,GNAS SKABS KUN DU NUS MTHUN PAR, ,SEMS CAN RNAMS LA PHAN GDAGS SO, ,ZHES BSHAD PA LTA BU'O, ,MOS PA BSGOM PA NI DAD PA DANG 'DOD PA GNYIS KYIS SBYIN PA LA SOGS PA LA MNGON PAR YID CHES PA DANG, SBYIN PA 'DOD PA LA SOGS PA SKYED PA'I PHYIR TE, JI SKAD DU, GZHAN PHAN LAS LA MTHU MED KYANG, ,DE YI BSAM PA RTAG TU BYA, ,GANG LA BSAM PA DE YOD PA, ,DE NI DE LA DON GYIS ZHUGS, ,ZHES BSHAD PA LTA BU'O, , YID LA BYED PA BSGOM PA NI RO MYANG BA DANG, RJES SU YI RANG BA DANG, MNGON PAR DGA' BA YID LA BYED PAS BSDUS PA STE SNGA MA BZHIN NO, ,THABS LA MKHAS PA BSGOM PA NI RNAM PAR MI RTOG PA'I YE SHES KYIS YONGS SU ZIN PA'I PHYIR TE SNGA MA BZHIN NO, ,BYA BA SGRUB PA BSGOM PA NI DE BZHIN GSHEGS PA PHA ROL TU PHYIN PA DRUG YONGS SU RDZOGS PA'I CHOS DANG LDAN PA RNAMS SNGON GYI 'PHEN PAS BSGRIM MI DGOS PAR SKAL BA JI LTA BA BZHIN DU SBYIN PA LA SOGS PAS GZHAN GYI DON NAN TAN DU MDZAD PA'O, ,BSGOM PA NI DE NYID BSGOM PA'AM, DE'I PHYIR BSGOM PA'O, ,NI ZHES BYA BA'I SGRA NI YID LA BYED PA BSGOM PA LAS KHYAD PAR DU BSTAN TO, ,BSAM PA DRUG GIS YONGS SU ZIN PAS BSGOM PA ZHES BYA BA NI MI NGOMS PA'I BSAM PA LA SOGS PA STE, BSHAD PA NYID KYIS SHIN TU LEGS PAR RNAM PAR PHYE ZIN MOD KYI, 'GA' ZHIG CUNG ZAD BSHAD PAR BYA'O, , MI NGOMS PA NI CHOG PAR MI 'DZIN PA'O, ,DE RNYED KYI DUS SKAD CIG MA GCIG TU BYAS PA'I SKAD CIG RE RE LA ZHES BYA BA NI GAL TE DE GRANGS MED PA GSUM GYI TSAD KYI DUS SKAD CIG GCIG TU GYUR LA, DE 'DRA BA'I SKAD CIG GI DUS JI SRID KYIS BYANG CHUB BA DE SNYED KYI DUS SU SKAD CIG RE RE LA ZHES @254A *, ,BYA BA LA SOGS PA'I DON NI BRDA PHRAD PAR ZAD DO, ,MES YONGS SU GANG BA ZHES BYA BA NI GNAS DANG MI LDAN PA'O, ,YO BYAD THAMS CAD DANG MI LDAN YANG ZHES BYA BA NI PHYIR BCOS SU MED PA STE, YO BYAD DANG BCAS PA NI SDUG BSNGAL LA PHYIR BCOS PAR RTZOM PA'O, ,SPYOD LAM BZHI SMOS PAS NI SHIN TU RGYA CHE BA NYID DU STON TE, GNAS DANG YO BYAD DANG MI LDAN PA YANG SPYOD LAM BZHI PO DAG GIS TSUL KHRIMS LA SOGS PA PHA ROL TU PHYIN PA RNAMS MNGON DU BYED PA'I PHYIR RO, ,RGYUN RING PO NYID NI DUS RING POR RGYUN MI GCOD PA'I PHYIR RO, ,PHAN 'DOGS PA'I BSAM PAS SLONG BA NI BYANG CHUB SEMS DPA'I DGE BA'I BSHES GNYEN NO ZHES BYA BA LA SOGS PA'O, ,'DOD PA'I 'BRAS BU RNAM PAR SMIN PA ZHES BYA BA NI 'DOD PA'I 'BRAS BU RNAM PAR SMIN PAR BYA BA'I PHYIR RO, ,CHE BA'I BDAG NYID KYI BSAM PA NI CHE BA'I BDAG NYID DANG LDAN PA'I BSAM PA'O, ,SU ZHIG BDAG 'BYOR BAR BYA BA'I PHYIR YONGS SU BSNGO BA DE'I BSAM PA NI BDAG 'TSO BA'I PHYIR CHUNG BA'O, ,SU ZHIG SEMS CAN THAMS CAD KYI DON DU YONGS SU BSNGO BA'I BSAM PA DE'I CHE BA NYID NI GZHAN LA PHAN 'DOGS PA'I SKABS YIN PA'I PHYIR RO, ,DGE BA NI KHA NA MA THO BA MED PA DANG, DAG PA DANG, BKRA SHIS PA DANG DON GCIG GO, ,SU ZHIG SRID PA DANG LONGS SPYOD PHUN SUM TSOGS PAR BYA BA'I PHYIR SBYIN PA LA SOGS PA YONGS SU BSNGO BA DE'I BSAM PA NI SDUG BSNGAL DON DU GNYER PA'I PHYIR KHA NA MA THO BA DANG BCAS PA'O, ,SU ZHIG SEMS CAN THAMS CAD SANGS RGYAS NYID THOB PAR BYA BA'I PHYIR YONGS SU BSNGO BA DE'I BSAM PA NI KHA NA MA THO BA MED PA'I PHYIR DGE BA'O, ,BSAM PA DRUG PO 'DI DAG GIS YONGS SU ZIN PA'I RO MYANG BA YID LA BYED PA SGOM MO ZHES BYA BA'I DON NI BRDA PHRAD PAR ZAD DO, ,RJES SU YI RANG BA DANG MNGON PAR DGA' BA YID LA BYED PA'I RNAM PAR 'GREL PA NI BSHAD PA NYID KYIS LEGS PAR RNAM PAR PHYE ZIN TO, ,BSHIG PAR 'GYUR ZHES BYA BA NI 'BRAS BU MED PAR BYED CES BYA BA'I THA TSIG STE, NGAN 'GRO'I GNYEN PO YIN PA'I PHYIR RO, ,RE RE LA YANG GSUM GSUM DU DBYE BAS RAB TU DBYE BA STON TO, ,CHOS SBYIN YANG DAG JI BZHIN DU, ,MDO @254B SOGS NYON MONGS CAN MIN STON, ,ZANG ZING GI SBYIN PA NI 'TSO BA'I YO BYAD YONGS SU GTONG BA'O, ,MI 'JIGS PA'I SBYIN PA NI GSOD PA LA SOGS PA BZLOG PA'I PHYIR TE, MI 'JIGS PA'I SBYIN BAS MGRON DU GNYER BA'I PHYIR RO, ,CHOS KYI SBYIN PA NI DGE BA'I RTZA BA RTON PA'I PHYIR RO, ,ZANG ZING GI SBYIN PA NI LUS RTOEN PA'I PHYIR RO, ,MI 'JIGS PA'I SBYIN PA NI SEMS RTON PA'I PHYIR RO, ,SDOM PA'I TSUL KHRIMS NI MI DGE BA RNAMS LAS SDOM PA YANG DAG PAR BLANGS PA STE, 'DIS LUS DANG, NGAG SDIG PA'I LAS RNAMS LAS SDOM PAS NA SDOM PA'O, ,DE NYID TSUL KHRIMS TE, TSUL KHRIMS 'OG MA GNYIS KYI RTEN TO, ,SDOM PA'I BDAG NYID CAN GYIS SANGS RGYAS LA MCHOD PA LA SOGS PA, DGE BA'I CHOS SDUD PA'I TSUL KHRIMS NI STOBS LA SOGS PA SANGS RGYAS KYI CHOS THAMS CAD THOB PAR 'GYUR BA'O, ,SEMS CAN GYI DON BYA BA'I TSUL KHRIMS NI SEMS CAN YONGS SU SMIN PAR BYA BA'I PHYIR CHOS DANG MTHUN PA'I GROGS BYED PA DANG, ,KHA NA MA THO BA MED PA YANG DAG PAR 'GED PA LA SOGS PA'O, ,DE LA GNOD PA BYED PA LA JI MI SNYAM PA'I BZOD PA NI SEMS CAN YONGS SU SMIN PAR BYA BA LAS MI LDOG PA'I RGYU'O, ,GNYIS PA NI SANGS RGYAS NYID LAS MI LDOG PA'I RGYU STE; GRANG BA DANG, TSA BA DANG, BKRES PA DANG, SKOM PA LA SOGS PA'I SDUG BSNGAL RNAMS KYIS MI ZLOGS PA'I PHYIR RO, ,GSUM PA NI BZOD PA SNGA MA GNYIS KYI RTEN TE, ZAB PA DANG RGYA CHE BA'I CHOS LA BZOD PA'I PHYIR RO, ,GO CHA'I BRTZON 'GRUS NI 'DI LTA BU DANG 'DI LTA BU BYA'O ZHES THOG MAR BRTZON PA STE, MTHU DANG LDAN BAR GNAS ZHES BYA BA'I MDO'I TSIG 'DIS BSTAN TO, ,SBYOR BA'I BRTZON 'GRUS NI BSAM PA JI LTA BA BZHIN DU SBYOR BA'I DUS NA BRTZON PA STE, BRTZON 'GRUS DANG LDAN PA ZHES BYA BA MDO'I TSIG 'DIS BSTAN TO, ,MI ZHUM ZHING MI 'KHRUGS LA CHOG PAR MI 'DZIN PA'I BRTZON 'GRUS NI BSAM PA DANG MTHUN PA'I SPYOD PA DE BYANG CHUB KYI SNYING PO LA 'DUG GI BAR DU YONGS SU MI GTONG BA'O, ,BDAG NYID SKYO BAS SPRO BA NYAMS PAR MI BYED PA NI MI ZHUM PA'O, ,GZHAN GYI GNOD PA RNAMS KYIS MI ZLOGS PA NI MI 'KHRUGS PA'O, ,BYANG CHUB LA THUG GI BAR DU @255A *, ,PAR MA DOR YONGS SU MI GTONG BA NI CHOG PAR MI 'DZIN PA STE, DGE BA'I CHOS RNAMS LA SPRO BA DANG, RTUL BA DANG, BRTZON PA MI 'DOR BA ZHES BYA BA'I LUNG GIS NI GO RIMS BZHIN DU MI ZHUM PA LA SOGS PA'I 'GREL BA'O, ,GNAS PA'I BSAM GTAN NI MTHONG BA'I CHOS LA BDE BAR GNAS PAR BYA BA'I PHYIR TE, NGA RGYAL DANG, LTA BA DANG SRED PA LA SOGS PA SPANGS PAS DAG PA CAN YIN PA'I PHYIR RO, ,GNYIS PA NI MNGON PAR SHES PA LA SOGS PA YON TAN MNGON PAR SGRUB PA'I PHYIR RO, ,GSUM PA NI SEMS CAN GYI DON BYA BA BSGRUB PA'I PHYIR TE, BSAM GTAN BYAS NA MU GE DANG NAD KYI 'JIGS PA LA SOGS PA ZHI BAR 'GYUR BA'I PHYIR RO, ,RNAM PAR MI RTOG PAR BYA BA'I PHYIR SBYOR BA NI RNAM PAR MI RTOG PAR SBYOR BA STE, DE'I TSOGS YIN PA'I PHYIR RO, ,RNAM PAR MI RTOG PA NI DNGOS GZHI'O, ,DE'I RJES LA THOB PA NI MNGON PAR RTOGS PA'I MTHU LAS BYUNG BA STE, KUN RDZOB SHES PA'I BDAG NYID CAN CHOS STON PA KUN NAS SLONG BA'O, ,'DI DAG BSDUS PAR JI LTAR BA LTA ZHE NA ZHES BRJOD PA, 'DI DAG GIS DGE BA'I CHOS THAMS CAD BSDUS PA'I PHYIR RO ZHES BSTAN PA NI MI RIGS TE, BSTAN PA BZHIN MA BYAS PA'I PHYIR RO, ,'DI NI NYES PA MA YIN TE; GAL TE 'DI DAG GIS DGE PA'I CHOS THAMS CAD BSDUS NA DON DU DGE BA'I CHOS THAMS CAD KYIS KYANG 'DI DAG BSDUS PAR BSTAN PA YIN NO, ,DGE BA'I CHOS THAMS CAD NI GSUM STE, SBYIN PA LA SOGS PA DANG, DAD PA LA SOGS PA DANG, DRAN PA NYE BAR GZHAG PA LA SOGS PA NAS STOBS LA THUG PA RNAMS SO, ,DE LA DE'I MTSAN NYID KYIS BSDUS PA NI SBYIN PA LA SOGS PA NYID DO, ,SBYIN PA LA SOGS PAS DAD PA LA SOGS PA DGE BA'I SA MANG PO PA SBYIN PA LA SOGS PA DGE BA'I SEMS 'BYUNG BA RNAMS NI DE DANG MTHUN PAS BSDUS TE, DAD PA LA SOGS PA DANG LDAN NA SBYIN PA LA SOGS PA LA 'JUG PA'I PHYIR RO, ,BYANG CHUB KYI PHYOGS RNAMS DANG, NYON MONGS PA MED PA LA SOGS PA DANG, STOBS LA SOGS PA NI DE'I 'BRAS BUR BSDUS PA STE, PHA ROL TU PHYIN PA'I 'BRAS BU YIN PA'I PHYIR RO, ,JI SKAD DU, SA DANG PHA ROL PHYIN PA NI, ,SANGS RGYAS CHOS KYI @255B GNAS YIN NO, ,GNAS GYUR PA NI 'BRAS BU STE, ,CHOS KYI SKU ZHES BRJOD PA YIN, ,ZHES BSHAD PA LTA BU'O, ,'DI DAG GI MI MTHUN PA'I PHYOGS SER SNA DANG, 'CHAL PA'I TSUL KHRIMS DANG KHRO BA DANG, LE LO DANG, RNAM PAR G-YENG BA DANG, 'CHAL PA'I SHES RAB RNAMS KYIS, KUN NAS NYON MONGS PA THAMS CAD JI LTAR BSDUS PAR BLTA ZHE NA, DE'I MTSAN NYID KYIS ZHES BYA BA NI SER SNA LA SOGS PA NYID DE, GZHAN GYI DNGOS PO DANG BRAL BA'I PHYIR NGO BO NYID KYIS BSDUS PA'O, ,DE'I GZHI ZHES BYA BA NI MA DAD PA LA SOGS PA NAS LOG PAR LTA BA LA THUG PA RNAMS TE, SER SNA LA SOGS PA'I RGYU YIN PA'I PHYIR RO, ,DE'I 'BRAS BUS ZHES BYA BA NI G-YO LA SOGS PA STE, SER SNA LA SOGS PA'I 'BRAS BU YIN PA'I PHYIR RO, ,PHA ROL TU PHYIN PA RNAMS KYI PHAN YON GYI DBANG DU BYAS NAS, DBANG PHYUG BSDUS PA ZHES BYA BA SMOS PA NI SBYIN PA'I PHA ROL TU PHYIN PA'I PHAN YON NYON MONGS PA CAN MA YIN ZHING, KHA NA MA THO BA MED PA STE, PHAN YON MNGON PAR MTHO BA KHA NA MA THO BA MED PA ZHES BYA BA NI THAMS CAD DANG SBYAR BAR BYA'O, ,CHEN POR SKYE BA BSDUS PA NI TSUL KHRIMS KYI PHA ROL TU PHYIN PA STE, BDE 'GRO YIN PA'I PHYIR RO, ,PHYOGS DANG G-YOG 'KHOR CHEN PO BSDUS PA NI BZOD PA'I PHA ROL TU PHYIN PA STE, PHYOGS NI NYE DU'I TSOGS SO, ,G-YOG 'KHOR NI BRAN PHO DANG BRAN MO LA SOGS PA'I TSOGS SO, ,LAS KYI MTHA' CHEN PO LA SBYOR BA 'GRUB PAS YONGS SU BZUNG BA NI BRTZON 'GRUS KYI PHA ROL TU PHYIN PA STE, LAS KYI MTHA' CHEN PO'I MTHA' NI 'KHOR LOS SGYUR BA'I RGYAL SRID LA SOGS PA'O, ,DE DAG LA SBYOR BA NI RAB TU 'BAD PA'O, ,DE 'GRUB PA NI MNGON PAR 'GRUB PA'O, ,DES YONGS SU BZUNG BA NI THOGS PA MED PA'I PHYIR RO, ,GNOD PA MED PA DANG NYON MONGS PA CHUNG BA'I SA BON YONGS SU BZUNG BA NI BSAM GTAN GYI PHA ROL TU PHYIN PA STE, BSAM GTAN GYIS DE'I MTHU 'JOMS PA'I PHYIR RO, ,BZO DANG BSTAN BCOS DANG RIG PA'I GNAS THAMS CAD LA MKHAS PA YONGS SU BZUNG BA MNGON PAR MA THO BA KHA NA MA THO BA MED PA NI 'JIG RTEN BA'I MNGON PAR MA THO BA LTAR KHA NA MA THO BA LTAR KHA NA MA THO BA DANG BCAS PA MA YIN PA'O, ,KHA NA MA THO BA MED PA YIN YOD DUS YONGS @256A *, ,SU CHAD PA MA YIN NO, ,'O NA CI ZHE NA, BYANG CHUB KYI SNYING PO LA GNAS KYI BAR DU'O, ,'JIG RTEN PA RNAMS KYI BDAG GI DON BYED PA LTA BU YANG MA YIN NO, ,'O NA CI ZHE NA, ,SEMS CAN THAMS CAD KYI DON BYA BAR NYE BAR GNAS PA STE, PHA ROL TU PHYIN PA THAMS CAD RE RE LA YANG MNGON PAR MTHO BA'I KHYAD PAR 'DI BZHIN DU BRJOD PAR BYA BA'O, ,LA LAR NI SBYIN PA'I SGRAR BSTAN CES BYA BA NI RDO RJE GCOD PA LA SOGS PA'I MDO DAG LAS GCIG BSTAN GYI, THAMS CAD MA BSTAN PA DE CI LAS DGONGS ZHES LDE MA POR DGONGS 'DRI BA'O, ,PHA ROL TU PHYIN PA THAMS CAD LA SBYOR BA NI 'DI DAG THAMS CAD KYI SPYOD PA 'GRO BA LAS LDE MA POR DGONGS PA STE, 'DI LTAR SNGO MA PA DANG, BZOD PA DANG LDAN PA DANG, SBRO BA DANG LDAN PA DANG, SEMS RTZE GCIG PA DANG, LAS DANG 'BRAS BUR 'BREL PA RIG PA DANG LDAN PA SBYIN PA LA 'JIG GI, GZHAN DU NI MA YIN NO, ,DE BZHIN DU SER SNA DANG, KHRO BA DANG, LE LO DANG, RNAM PAR G-YENG BA DANG, LOG PAR LTA BA SPANGS PA TSUL KHRIMS LA 'JUG GI, GZHAN DU MA YIN NO, ,DE BZHIN DU PHA ROL TU PHYIN PA GZHAN DAG LA YANG BRJOD PAR BYA'O, ,YANG SMRAS PA, SBYIN 'DOD NYID KYIS CHAGS PA SEL BAR BYED, BYAMS PAS ZHE SNANG GUS BYIN NGA RGYAL STE, ,PHAG DOG LDAN PA SLONG LA BDE 'DOD PAS, MED CAN BYIN PA YOD PAR LTA BAS SEL, ,ZHE'O, ,YANG JI SKAD DU, CHOS DANG ZANG ZING MI 'JIGS TSUL DU RNAM PAR 'BYED PA NA, ,PHA ROL TU PHYIN PA DRUG PO DAG NI SBYIN PA'I BDAG NYID YIN, ,ZHES BSHAD DO, , SHES BYA'I MTSAN NYID LA 'JUG PA'I RGYU DANG, 'BRAS BU BSTAN PA BSHAD ZIN TE, ,SHES BYA'I MTSAN NYID LA 'JUG PA'I RGYU DANG 'BRAS BUR GYUR PA PHA ROL TU PHYIN PA 'DI DAG CI RIGS SU MTHONG BA DANG, SGOM PAS SPANG BAR BYA BA'I GTI MUG SPANG BA'I PHYIR BSGOM PAR BYA BAS NA DE BSGOM PA RAB TU DBYE BA'I DBANG DU BYED DO, ,SA BCU RNAMS SU ZHES BYA BA NI BYANG CHUB SEMS DPA' RNAMS KYI MNGON PAR RTOGS PA DANG, SDOM PA DANG, 'DOD CHAGS DANG BRAL BA DANG, BYANG CHUB KYI PHYOGS BSGOM PA DANG, BDEN PA LA LTA BA DANG, RTEN CING 'BREL PAR 'BYUNG BA LA SO SO RTOG PA @256B DANG; RTZOL BA DANG BCAS PA DANG, LHUN GYIS GRUB PAR MTSAN MA MED PAR GNAS PA DANG, SO SO YANG DAG PAR RIG PA DANG, DBANG BSKUR BA'I SHES BYA'I SGRIB PA DANG, NYON MONGS PA 'DI DAG TU SEL BAS NAS RNAMS SO, ,CHOS KYI DBYINGS NI KUN DU 'GRO BA LA SOGS PA RNAM PA BCUR YONGS SU SHES PAR BYA'O, ,RNAM PA BCU PO DE DAG GI MI MTHUN PA'I PHYOGS MA RIG PA RNAM PA BCU NYID DE, DE SPANG BAR BYA BA'I PHYIR YONGS SU SHES PA RNAMS BCU 'CU'O, ,DE YONGS SU SHES PAS SA BCU DAG LA 'JUG STE, CHOS BDAG MED PA SHES PA'I GNAS SKABS NI SA RNAMS SO, ,SA DANG PO LA NI KUN DU 'GRO BA'I DU DU SHES PAR BYA'O ZHES BYA BA LA SOGS PA LA, CHOS THAMS CAD STONG PA'I PHYIR GANG MI STONG PA'I CHOS DE MED DO ZHES DE LTAR SA DANG PO LA ZHUGS PA YIN NO, ,GNYIS PA LA NI MCHOG GI DON DU STE, 'DI NI CHOS THAMS CAD KYI MCHOG YIN PAS DPER NA 'DOD CHAGS DANG BRAL BA'I MCHOG CES GSUNGS PA LTA BU STE, DE LTAR SA GNYIS PA LA ZHUGS PA YIN NO, ,GSUM PA LA NI RGYU MTHUN PA DON GYI MCHOG TU STE, BSTAN PA'I CHOS NI 'DI'I RGYU MTHUN PA'I MCHOG GO ZHES GSUM PA LA ZHUGS PA STE, 'DI LTAR LEGS PAR GSUNGS PA GCIG GI DON DU YANG BDAG NYID YONGS SU 'DOR RO, ,BZHI PA LA NI YONGS BZUNG BA MA YIN PA'I DON DU STE, 'DI NI BDAG GAM GZHAN GANG GI YONGS SU BZUNG BA YANG MA YIN NO ZHES BDAG GI MED PAS BZHI PA LA ZHUGS PA YIN TE, MDO'I SDE LA SOGS PA'I CHOS LA SRED PA RNAM PAR BZLOG PA'I PHYIR RO, ,LNGA PA LA NI RGYUD THA DAD PA MED PA'I DON DU STE, JI LTAR GZUGS LA SOGS PA RGYUD THA DAD PA LTAR 'DI NI DE LTA MA YIN NO ZHES LNGA PA LA ZHUGS PA YIN NO, ,DRUG PA LA NI KUN NAS NYON MONGS PA DANG RNAM PAR BYANG BA MA YIN PA'I DON DU STE, 'DI NI RANG BZHIN GYIS KUN NAS NYON MONGS PA CAN MA YIN NA RNAM PAR DAG PAR YANG LTA GA LA 'GYUR, RNAM PAR BYANG BA NI KUN NAS NYON MONGS PA SNGON DU 'GRO BA'I PHYIR RO ZHES DRUG PA LA ZHUGS PA YIN NO, ,BDUN PA LA NI CHOS SNA TSOGS THA DAD PA MED PA'I DON DU STE, JI LTAR MDO'I SDE LA SOGS PA CHOS 'DI DAG SNA TSOGS PA LTAR 'DI NI DE LTA MA @257A *, ,YIN NO ZHES BDUN PA LA ZHUGS PA YIN NO, ,BRGYAD PA LA NI BRI BA MED CING LHAG PA MED PA'I DON ZHES BYA BA LA, BRI BA MED PA NI CHOS THAMS CAD DU CHAD PA'I PHYIR RO, ,LHAG PA MED PA NI CHOS LA LHAG PAR GNAS PA MED PA'I PHYIR RO, ,YANG NA KUN NAS NYON MONGS PA 'BRU PAN 'BRI BAR MI 'GYUR BA DANG, RNAM PAR BYANG BA 'PHEL BAN 'PHEL BAR MI 'GYUR BA'O, ,MTSAN MA LA DBANG BA'I GNAS KYI DON DANG, ZHING LA DBANG BA'I GNAS KYI DON DU CHOS KYI DBYINGS SU BRGYAD PA NYID LA RTOGS TE, DE THOB PA NI JI LTA BUR GANG 'DOD PA 'THOB BO, ,DE THOB PA NI ZHING GSER LAS GRUB PA PA'AM GZHAN JI LTA BUR MOS PA DE BZHIN DU SNANG NG, ,SA GONG MA RNAMS LA NI MTSAN MA MED PAR GNAS PA BSGRIMS TE BSGRUBS PA YOD DO, ,SA BRGYAD PA NI LHUN GYIS GRUB PAS 'DOD PA TZAM LA RAG LAS PA'I PHYIR TE, DE LTAR SA BRGYAD PA LA ZHUGS PA YIN NO, ,DGU PA LA NI YE SHES LA DBANG BA'I GNAS KYI DON DU STE, DE LA BRTEN NAS SO SO YANG DAG PAR RIG PA THOB PA'I PHYIR RO, ,YE SHES KYI TSOGS KYI PHA ROL TU PHYIN PA YANG THOB PAS CHOS THAMS CAD LA SGRA JI BZHIN MA YIN PAR DGONGS PA'I DON SHES TE, JI LTA BA BZHIN DU SEMS CAN YONGS SU SMIN PAR BYA BA DANG, CHOS LA RDZOGS PAR LONGS SPYOD PA SO SOR MYONG BA'I PHYIR DE LTAR DGU PA LA ZHUGS PA YIN NO, ,BCU PA LA NI LAS LA DBANG BA'I GNAS KYI DON DANG, GZUNGS DANG TING NGE 'DZIN GYI SGO LA DBANG BA'I GNAS KYI DON DU STE, JI LTAR 'DOD PA BZHIN DU LUS DANG, DAG DANG YID KYI LAS THOB BA'I PHYIR RO, ,MNGON PAR SHES PA LNGA PO DAG GIS RANG RANG GI LAS JI LTA BA BZHIN DU BSGRUB PA'I PHYIR RO, ,GZUNGS NI GANG GI TSIG DANG DON LA SOGS PA 'DZIN PA'O, ,DBANG NI DE LA DBANG BA 'AM DES DBANG BYED PA STE, SANGS RGYAS KYIS GSUNGS PA THAMS CAD KYI TSIG DANG DON 'DZIN PA'I PHYIR RO, ,TING NGE 'DZIN GYI SGO LA DBANG BA NI SNYOMS PAR 'JUG PA THAMS CAD KYI SGRIB PA SPANGS PAS JI LTAR 'DOD PA DE BZHIN DU NAM MKHA' MDZOD LA SOGS PA'I TING NGE 'DZIN LA SNYOMS PAR 'JUG PAR BYA BA'I PHYIR RO, ,CHOS KYI DBYINGS NI DBANG 'DI GNYIS KYI GNAS KYI DON DUS BCU PA @257B LA RAB TU RTOGS SO, ,MA RIG PA 'DI YANG NYAN THOS RNAMS KYI NI NYON MONGS PA CAN MA YIN GYI ZHES BYA BA NI SPANG BAR BYA BA MA YIN PA'I PHYIR RO, ,DE MI SPONG BA NI DE'I GNYEN PO'I SA LA 'JUG PA'I SKABS MA YIN PA DANG, MYA NGAN LAS 'DAS PA LA BGEGS MI BYED PA'I PHYIR RO, ,BYANG CHUB SEMS DPA' RNAMS KYI NI NYON MONGS PA CAN TE ZHES BYA BA NI SPANG BAR BYA BA'I PHYIR RO, ,SPONG BA NI DE'I GNYEN PO'I SA LA 'JUG PA'I SKABS YIN PA DANG, RNAM PA THAMS CAD MKHYEN PA NYID KYI BGEGS BYED PA'I PHYIR RO, ,SA DANG PO LA 'JUG PA NYID NA CHOS KYI DBYINGS NI RNAM PA THAMS CAD RAB TU THOB PA YIN NA GONG NAS GONG DU RNAM PA CI'I PHYIR BRJOD CE NA, CHOS KYI DBYINGS THOB NAS GNAS PA'I RNAM PA'I DAG GIS GNAS TE, THOB PA TZAM GYIS CHOS PAR 'DZIN CING GI NA 'JUG PA MA YIN PAR JI LTAR SHES PAR 'GYUR ZHES GNAS PA'I KUN DU SPYOD PA YANG DAG PAR BSTAN PA'I PHYIR RO, ,SGRA 'JUG PA'I RGYU MTSAN GYI DBANG DU BYAS NAS, BDAG DANG GZHAN GYI DON SGRUB NUS PA THOB PA'I PHYIR RO ZHES BYA BA SMRAS TE, JI LTAR MNGON PAR RTOGS PA'I BYANG CHUB SEMS DPA' GNYI GA'I DON SGRUB NUS PA THOB PA'I PHYIR RAB TU DGA' BA DE LTAR NYAN THOS LA SOGS PA NI MA YIN TE, RANG GI DON TZAM SGRUB NUS PA THOB PA'I PHYIR RO; ,DE'I PHYIR DE DAG GIS NI RAB TU DGA' BA ZHES MI BYA'O, ,SA DANG PO MI RIGS PAS SA GONG MA RNAMS KYANG MI RIGS TE, DE SNGON DU 'GRO BA'I PHYIR RO, ,DRI MA MED PA NI 'CHAL PA'I TSUL KHRIMS KYI DRI MA THAMS CAD BRAL BAS RANG BZHIN GYIS TSUL KHRIMS DANG LDAN PA'I PHYIR RO, ,'OD NI CHOS KYI SNANG BA STE, DE BYED PA'O, ,TING NGE 'DZIN DANG SNYOMS PAR 'JUG PA NYAMS PA MED PA'I GNAS YIN ZHES BYA BA LA, TING NGE 'DZIN RNAMS NI BSAM GTAN RNAMS SO, ,SNYOMS PAR 'JUG PA RNAMS NI GZUGS MED PA'O, ,YANG NA TING NGE 'DZIN SEMS RTZE GCIG PA'I MTSAN NYID KYI MNYAM PAR 'JIG PA NI SNYOMS PAR 'JUG PA STE, MNGON SUM DU BYED PA'O, ,MI NYAMS PAS NA NYAMS PA MED PA'O, ,CHOS KYI SNANG BA CHEN PO'I GNAS NI 'DI LTAR BYANG CHUB SEMS DPA' SA DE LA TING NGE 'DZIN DANG SNYOMS PAR 'JUG PA RNAMS DANG BRAL BA MA YIN TE, DE DANG MA BRAL BAS NA THEG PA CHEN @258A *, ,PO'I MDO'I SDE LA SOGS PA'I CHOS RNAMS LA SNANG BA 'THOB BO, ,DE'I GNAS YIN PA DANG RGYU YIN PA'I PHYIR 'OD BYED PA ZHES BYA'O, ,DE LA 'OD 'PHRO BA YOD BAS NA 'OD 'PHRO BA CAN TE, DE CI ZHE NA, BYANG CHUB KYI PHYOGS RNAMS SO, ,DE DAG GI 'OD 'PHRO BA NI SGRIB PA THAMS CAD BSREGS PA'I PHYIR RO, ,SA DE LA BYANG CHUB KYI PHYOGS RNAMS KYIS MANG DU GNAS PA'I PHYIR DE DAG GI NYON MONGS PA DANG NYE BA'I NYON MONGS PA THAMS CAD THAL PAR RLOG GO, ,SHIN TU SBYANG BAR BYA DKA' BAS NA SHIN TU SBYANG DKA' STE, SA DE LA KUN RDZOB DANG DON DAM PA'I BDEN PA LA MKHAS PA'I PHYIR BDEN BA SHES PA RNAM PAR MI RTOG PA DANG, 'JIG RTEN PA'I YE GE DANG, LAG RTZIS DANG, BZO DANG BSTAN BCOS LA SOGS PA SHES PA RNAM PAR RTOG PA DANG BCAS PA YANG DAG PAR SGRUB PO, ,KUN RDZOB DANG DON DAM PA'I BDEN PA LA MKHAS PA MI MTHUN PA GNYIS KYIS BSGRUB PAR DKA' BA'I PHYIR RO, ,MNGON DU GYUR PA NYID NI SHES RAB KYI PHA ROL TU PHYIN PA LA GNAS MNGON DU GYUR PA'I PHYIR RO, ,SA DE LA RTEN CING 'BREL PAR 'BYUNG BA LA GNAS PA YIN PAS RKYEN NYID 'DI PA ZHES BYA BA SHES PA'I STOBS KYIS RNAM PAR MI RTOG PAR SHES RAB KYI PHA ROL TU PHYIN PA LA GNAS PA MNGON DU BYED DO; ;CHOS RNAMS KUN NAS NYON MONGS PA'AM, RNAM PAR DAG PAR BYE BRAG MI 'BYED DO, ,RING DU SONG BA NI SBYOR BA LAS BYUNG BA'I SPYOD PA'I MTHAR 'GRO BA'I PHYIR TE, GANG GIS SA DE LA SBYOR BA'I SPYOD PA YONGS SU RDZOGS PAR 'GYUR BA DE RTZOL BA DANG LDAN PAR 'BAD NAS CHOS THAMS CAD KYI MTSAN MA LA MI G-YO BA YIN NO, ,MI G-YO BA NYID NI MTSAN MA THAMS CAD DANG MNGON PAR 'DU BYED PA THAMS CAD KYIS SA DE LA G-YOS PAR MI NUS PA'I PHYIR RO, ,SA BDUN PA LA YANG KUN DU MI SPYOD PAS MTSAN MA THAMS CAD KYIS MI G-YOS PAR 'DOD MOD KYI, MNGON PAR 'DU BYED PA MED CING RANG GI NGANG GIS MA YIN LA, BRGYAD PA LA NI BSGRIM MI DGOS PAR RANG GI NGANG GIS 'JUG PAS 'DI NI KHYAD PAR RO, ,DE'I BLO GROS LEGS PA YIN PAS, LEGS PA'I BLO GROS TE, SO SO YANG DAG PAR RIG PA BZHI THOB PA'I PHYIR RO, ,DE NI DANG PO YANG YIN LA SO SO YANG DAG PAR @258B RIG PA'I SHES PA YANG YIN PAS, SO SO YANG DAG PAR RIG PA'I SHES PA DANG PO'O, ,SHES PA NI BLO GROS ZHES BYA BA DANG DON GCIG STE, CHOS DANG DON DANG NGES PA'I TSIG DAR SPOBS PA SO SO YANG DAG PAR RIG PA'O, ,'DI DAG THOB PAS, CHOS KYI TSIG KUN MNGON PAR MKHYEN, ,DON RNAMS KUN GYI TSUL LA MKHAS, ,SKAD KUN RNAM PAR 'BYED PA MKHYEN, ,PHYOGS RNAMS KUN DU SPOBS DANG LDAN, ,ZHES BYA BA YIN NO, ,DANG PO NI THOG MA STE, SO SO YANG DAG PAR RIG PA'I MTSAN NYID SHES PA SNGON MA THOB PA'I PHYIR RO, ,CHOS KYI SPRIN NI 'DRES PA LA DMIGS PA ZHES BYA BA LA SOGS PA NI 'DI 'DRES PA LA DMIGS PA YIN PAS 'DRES PA LA DMIGS PA STE, DE NI 'DRES PA LA DMIGS PA YANG YIN LA CHOS THAMS CAD SHES PA YANG YIN PAS 'DRES PA LA DMIGS PA CHOS THAMS CAD SHES PA'O, ,DE BZHIN NYID LAS GZHAN MA YIN PAS MDO'I SDE LA SOGS PA CHOS THAMS CAD BSDUS PA LA DMIGS TE, CHOS THAMS CAD KYI SPYI'I MTSAN NYID KYI YUL SHES PA DE NI SBRIN LTA BU'O, ,DE'I KHOR NA NI SPRIN LA CHU JI LTA BAR TING NGE 'DZIN DANG GZUNGS KYI SGO CHU LTA BU DAG YOD DE, DE DAG SKYED PAR NUS PA'I PHYIR RO, ,JI LTAR SPRIN GYI NAM MKHA' LA SGRIB PAR BYED KHABS PAR BYAD PA DE BZHIN DU CHOS THAMS CAD BSDUS PA LA DMIGS PA'I SHES PA DES KYANG NYON MONGS PA DANG SHES BYA'I SGRIB PA CHEN PO NAM MKHA' LTA BU RGYA CHE ZHING MU MED PA LA SGRIB PAR BYED PA SEL BAR BYED DE, ,SPONG BAR BYED CES BYA BA'I THA TSIG GO, ,YANG JI LTAR SPRIN GYIS NAM MKHA' CHUS KUN DU 'GENGS PA DE BZHIN DU YE SHES DES KYANG YON TAN GYI TSOGS KYI GNAS CHOS KYI SKU YONGS SU RDZOGS PAR BYED DO, ,THOB PA'I DBANG DU BYAS NAS, RNAM PAR BZHIS BLTA STE ZHES BYA BA SMOS SO, ,MOS PA THOB PA NI SA'I DBANG DU BYA BA BSTAN PA'I CHOS LA 'DI NI DE ZHIN NO ZHES NGES PAR 'DZIN PA'I PHYIR RO, ,SPYOD PA THOB PAS ZHES BYA BA NI SA DANG RAB TU LDAN PA'I BSTAN PA'I CHOS SPYOD PA BCU THOB PA'I PHYIR RO ZHES BYA BA LAS BSTAN PA'I CHOS SPYOD PA BCU NI, YI GE 'DRI MCHOD SBYIN PA DANG, ,NYAN DANG KLOG DANG 'DZIN PA DANG, ,'CHAD DANG KHA TON BYED PA DANG, DE SEMS PA DANG SGOM PA'O, ,RTOGS PA THOB PAS @259A *, ,NI SA DANG PO LA ZHES BYA BA LA SOGS PA NI SA DANG PO YANG DAG PAR RTOGS PA LAS THAMS CAD RTOGS PA YIN TE, DE DANG RIGS GCIG PA'I PHYIR TE, JI SKAD DU, JI LTAR SMYUG TSIGS DANG PO PA, BKAS PA'I TSUL LTAR THAMS CAD KYANG, ,DE LTAR MYUR DU 'GAS PAR 'GYUR, , DE BZHIN YE SHES GCIG NAS GCIG ,CES BSHAD PA LTA BU'O, ,'GRUB PA THOB PAS NI BSGOM PA'I MTHAR PHYIN PAR 'GRO BA'I PHYIR RO, ,SA DANG SA ZHES BYA BA NI SA RE RE LA STE ZLOS PA'O, ,ZHI GNAS NI TING NGE 'DZIN TE, RNAM PAR G-YENG BA'I GNYEN PO'O, ,LHAG MTHONG NI PHYIN CI LOG GI GNYEN PO STE SHES RAB BO, ,DE GNYIS SGOM PA NI SO SO LA BRTZON PA STE, RNAM PA LNGAS NI GOMS PAR BYED PA'O, ,'DRES PAR BSGOM PA ZHES BYA BA LA SOGS PA LA 'DRES PA NI BSDUS PA STE, SA GCIG KHO NA LA THAMS CAD NGON PAR BSDUS TE GOMS PAR BYED PA'I PHYIR RO, ,GZHAN YANG SGOM PA NA DMIGS PA KENG RUS LA SOGS PA LA THAMS CAD 'DES PAR BYED DO SNYAM PA DE BSAL BA'I PHYIR MTSAN MA MED PAR SGOM PA ZHES BYA BA SMOS TE, MTSAN MA THAMS CAD DANG BRAL BA'I CHOS KYI DBYINGS DBYER MED PA BSGOM PA'I PHYIR RO, ,MTSAN MA MED PA SGOM PA YANG RTZOL BA DANG BCAS SHING 'BAD PAS 'JUG PAR 'GYUR RO SNYAM PA GSAL BA'I PHYIR, LHUN GYIS GRUB PAR SGOM PA ZHES BYA BA SMOS TE BSGRIM MI DGOS PAR RANG GI NGANG GIS 'JUG PA'I PHYIR RO, ,LHUN GYIS GRUB PAR SGOM PA YANG MCHOG DANG MCHOG MA YIN PAS RNAM PA GNYIS SU 'GYUR RO SNYAM PA BSAL BA'I PHYIR, ,'BAR BAR SGOM PA ZHES BYA BA SMOS TE, 'BAR BA DANG MCHOG CES BYA BA NI DON GCIG GO, ,LA LA 'BAR BAR BSGOM PA THOB NAS 'DIS THAMS CAD BYAS ZIN NA GZHAN GYIS CI ZHIG BYA ZHES CHOG PAR 'DZIN PAR 'GYUR RO SNYAM PA BSAL BA'I PHYIR, CHOG PAR MI 'DZIN PAR SGOM PAS SO ZHES BYA BA SMOS TE, ,MTSAN MA MED PA 'BAR BAR BSGOMS SO ZHES MI SBYOR BAR MI BYA'I, ,KHYAD PAR THOB PAR BYA BA'I PHYIR BSGOM PA LA BRTZON PAR BYA'O, ,GNAS NGAN LEN GYI GNAS THAMS CAD 'JIG PAR BYED CES BYA BA LA GNAS NGAN LEN GYI GNAS NI KUN GZHI RNAM PAR SHES PA'O, ,DE 'JIG PAR BYED PA @259B NI TSOGS SU MI BYED PA STE, TSOGS 'JIG PA'I PHYIR DPER NA SMAN BCUD KYIS LEN GYIS NAD KYI TSOGS BZLOG PA BZHIN NO, ,SNA TSOGS KYI 'DU SHES DANG BRAL TE CHOS KYI KUN DGA' LA DGA' BA THOB BA ZHES BYA BA NI BDAG DANG CHOG DANG SANGS RGYAS RGYAS LA SOGS PA'I 'DU SHES KYI MTSAN MA DANG BRAL BA'I PHYIR RO, ,'DIR KUN NAS DGA' BAS NA KUN DGA' STE, CHOS NYID KUN DGA' YIN PAS CHOS KYI KUN DGA'O, ,CHOS NI 'DIR CHOS KYI DBYINGS SO, ,DER DGA' BA NI TSIM PA STE, DPER NA YUL CAN NAM THUB PA 'GA' ZHIG PHYIR ROL GYI KUN DGA' RA BA 'AM, SKYED MOS TSAL LAM NAGS SU DGA' BA BZHIN NO, ,THAMS CAD DU TZAM MED CES BYA BA NI, PHYOGS BCUR 'DIR TZAM ZHES YONGS SU MA CHAD PA DANG, RNAM PA TSAD MED PA'I PHYIR RNAM PA YONGS SU MA CHAD PA'I CHOS KYI SNANG BA YANG DAG PAR RNAM PAR SHES TSE, GZHUNG GOMS PA LA LTA BA BZHIN NO, ,RNAM PAR DAG PA'I CHA DANG MTHUN PA'I MTSAN MA RNAM PAR BTAGS PA MA YIN PA RNAMS DE LA KUN DU 'BYUNG ZHES BYA BA LA RNAM PAR DAG PA'I CHA DANG MTHUN PA NI SANGS RGYAS NYID DU 'GYUR BA'I CHA LA PHAN PA STE, RNAM PAR DAG PA MA SKYES SU ZIN KYANG SANGS RGYAS DANG, 'KHOR LOS SGYUR BA DANG, GDUGS DKAR PO LA SOGS PA'I MTSAN MA RNAM PAR GTAGS PA MA YIN PA RNAMS KUN DU 'BYUNG NGO, ,CHOS KYI SKU YONGS SU RDZOGS PAR BYA BA NI SA BCU PA LA'O, ,DE NYID GRUB PA NI SA BCU GCIG PAS SANGS RGYAS KYI LA LA'O, ,GONG MA BAS CHES GONG MA NI GONG NAS GONG DU STE, SANGS RGYAS KYI SA'I RGYU MDZES PA NYID DE, RGYU SHIN TU BSAGS PA'I PHYIR RO, ,DE LTAR BSGOM PA RNAM PA LNGA'I 'BRAS BU RNAM PA 'DI LNGA GO RIMS BZHIN DU BRJOD NAS GTZOR NAS BCU DAG TU PHA ROL TU PHYIR PA BCU BSGOM PAR 'GYUR TE ZHES BYA BA LA SOGS PA NI BSGOM PA RNAM PAR DBYE BA'I NGES PA NYID BRJOD DO, ,SA SO SO LA YANG PHA ROL TU PHYIN PA BCU CHAR SGOM PAR MI 'GYUR RAM, SA 'DI LA PHA ROL TU PHYIN PA 'DI SGOM PAR 'GYUR RO ZHES NGES PAR BYA BA NI MI RIGS SO ZHE NA, ,GTZOR NA ZHES BYA BA SMOS PAS NYES PA MED DE, GANG LA GTZOR GANG SGOM PAR 'GYUR BA DE DE LA STON @260A *, ,GYI; DER GZHAN YANG SGOM PAR 'GYUR BA DGAG PA NI MED DE, MDO LAS JI SKAD DU SA RAB DU DGA' BA DE LA SBYIN PA'I PHA ROL TU PHYIN PA LHAG PAR CHE BA YIN TE, LHAG MA RNAMS KYANG YANG DAG PAR MI SGRUB PA NI MA YIN NO ZHES BYA BA LA SOGS PA GSUNGS PA YIN NO, , DRUG TU NI DRUG CES BYA BA NI RAB TU DGA' BA LA SOGS PA LA SBYIN PA LA SOGS PA'O, ,PHYI MA BZHIR NI BZHI STE ZHES BYA BA NI RID DU SONG BA LA SOGS PA LA THABS LA SOGS PA'O, ,THABS LA MKHAS PA'I PHA ROL TU PHYIN PA ZHES BYA BA LA SOGS PA LA, 'DIR THABS LA MKHAS PA GANG ZHE NA, GANG 'KHOR BA YANG YONGS SU MI GTONG LA MYA NGAN LAS 'DAS PA YANG DON DU GNYER BA DE THABS LA MKHAS PA STE, DGE BA'I RTZA BA 'DIS SEMS CAN THAMS CAD KYI DON BYA'O SNYAM NAS SEMS CAD THAMS CAD DANG THUN MONG DU BYED DES SEMS CAN RNAMS YONGS SU MI GTONG BAS 'KHOR BA YONGS SU MI GTONG NGO, ,GANG YANG BYANG CHUB MNGON PAR RDZOGS PAR 'TSANG RGYA BAR BYA'O, ,SNYAM NAS YANG DAG PAR RDZOGS PA'I BYANG CHUB TU YONGS SU SNGO BAR BYED PA 'DI NI MYA NGAN LAS 'DAS PA DON DU GNYER BA'O, ,SMON LAM GYI PHA ROL TU PHYIN PA NI PHYI MA LA ZHES BYA BA 'DI NI PHA ROL TU PHYIN PA'I RKYEN SDUD CES BYA BA DANG SBYAR RO, ,SMON LAM SNA TSOGS MNGON PAR SGRUB PA NI SMON PA'I DON MNGON PAR 'DU BYED PA'I PHYIR TE, SANGS RGYAS SU GRUB SHIG ,SEMS CAN THAMS CAD KYI DON BYED PAR GSOG SHIG CES BYA BA LA SOGS PAS DE MNGON PAR SGRUB PA'I PHYIR GANG LA PHA ROL TU PHYIN PA RNAMS KYI RKYEN YOD PA DER SKYE'O, ,STOBS KYI PHA ROL TU PHYI PA NI SO SOR RTOG PA DANG, BSGOM PA'I STOBS KYIS ZHES BYA BA LA SOGS PA LA, SO SOR RTOG PA'I STOBS NI BSGOM PA'I STOBS MED PA'I DUS NA'O, ,YOD PA'I DUS NA NI GNYI GA YANG YOD DE, STOBS CIG SHOS KYANG DE NA YOD PA'I PHYIR RO, ,YE SHES KYI PHA ROL TU PHYIN PA NI PHA ROL TU PHYIN PA DRUG PO DAG RNAM PAR 'JOG PA GANG YIN PA STE, GRANGS DANG DE'I MTSAN NYID LA SOGS PA'I RNAM PA'I BYE BRAG GIS, CHO LA LONGS SPYOD PAS MYONG NGO, ,'DI NI SBYIN PA'O, ,'DI NI TSUL KHRIMS SO, ,'DI NI BZOS PA STE, @260B MTSAN NYID 'DI LTA BU'O ZHES BYA BA LA SOGS PA SHES PAS SGRA JI BZHIN MA YIN PAR CHO KHONG DU CHUD PA'I PHYIR SEMS CAN YONGS SU SMIN PAR BYED DO, ,YANG PHA ROL TU PHYIN PA BZHI PO 'DI DAG NI SHES RAB KYI PHA ROL TU PHYIN PA ZHES BYA BA NI BCU PA RNAM PAR MI RTOG PA'I YE SHES DANG DE'I RJES LA THOB PA NYID PHA ROL TU PHYIN PA BCU RNAM PAR GZHAG PA 'DIR NI THABS LA SOGS PA PHA ROL TU PHYI PA NYID DU BSTAN TO, ,GANG GI TSE PHA ROL TU PHYIN PA DRUG TU RNAM PAR GZHAG PA DE'I TSE NI RNAM PAR MI RTOG PA DANG DE'I RJES LA THOB PA SHES RAB KYI PHA ROL TU PHYIN PA STE, BZHI PO DAG DER 'DUS PA'I PHYIR RO, ,SA BCU PA'I CHOS KYI RNAM GRANGS DE PHA ROL TU PHYIN PA'I SDE SNOD KYIS BSDUS PA'I PHYIR ZHES BYA BA LA PHA ROL TU PHYIN PA SDE SNOD NI THAG PA CHEN PO'I CHO THAMS CAD DE, DES SA BCU PA 'DI BSDUS SO, ,DE LTA BAS NAS THAMS CAD DU PHA ROL TU PHYIN PA BSGOM PAR MI 'GYUR PA YANG MA YIN ZHES KHUNGS BRJOD DO, ,GANG ZAG LNGA NI BSKAL PA GRANGS MED PA GSUM GYIS RDZOGS PAR 'GYUR TE ZHES BYA BA NI GANG ZAG GCIG NYID LA GNAS SKABS THA DAD PO MOS PAS SPYOD PA LA SOGS PA'I BYE BRAG GIS RNAM PA LNGAR 'GYUR RO, ,DE LA LHAG PA'I BSAM PA DAG PA LA SPYOD PA YANG RNAM PA GNYIS TE, MTSAN MA LA SPYOD PA DANG, MTSAN MA MED PA LA SPYOD PA'O, ,MTSAN MA MED PA LA SPYOD PA YANG RNAM PA GNYIS TE, MNGON PAR 'DU BYED PA DANG MNGON PAR 'DU MI BYED PA LA SPYOD PA'I PHYIR RO, ,DE LA MOS PAS SPYOD PA NI BSKAL PA GRANGS MED PA DANG POS SA DANG PO YONGS SU RDZOGS PAR 'GYUR TE, DE LAS DE KHO NA RTOGS PA'I PHYIR RO, ,LHAG PA'I BSAM PA DAG PAS LA SPYOD PAS DRUG PO DAG TU MTSAN MA DANG BCAS PA LA SPYOD PA DANG, BDUN PA LA MTSAN MA MED PA LA SPYOD PA NI BSKAL PA GRANGS MED PA GNYIS PAS YONGS SU RDZOGS PAR 'GYUR RO, ,DE NYID MNGON PAR 'DU BYED PA MED PAR SPYOD PA NI DE YAN CHAD SA BCU PA'I BAR DU BSKAL PA GRANGS MED PA GSUM PAS BSGOM PA YONGS SU RDZOGS PAR 'GYUR TE, BRGYAD PA LA NI MNGON PAR 'DU BYED PA MED PAR SPYOD PA NYID YONGS SU GRUB BO, ,DGU PA DANG BCU PA LA NI MNGON PAR 'DU BYED PA MED PAR SPYOD PA NYID DO, , @261A *, ,GANG ZAG GCIG KHO NA LA GNAS SKABS GZHAN DANG LDAN PAS THA DAD DE, RGYUN DU ZHUGS PA LA SOGS PA BZHIN NO, ,'O NA THOG MA MED PA'I 'KHOR BA LA GANG NAS BZUNG STE, GRANGS MED PA GSUM GYI RTZOM PA BGRANG ZHES DRI BA KHONG DU BZHAG STE TSIGS SU BCAD PAS STON TO; ,BZANG DANG SMON PA'I STOBS CAN DANG, ,ZHES BYA BA LA BZANG PO NI DGE BA STE, DE STOBS DANG LDAN PAR GYUR PA NI BZANG PO'I STOBS CAN TE, DE LA DE YOD PA'I PHYIR RO, ,SMON PA NI 'DIR SMON LAM DU 'DOD DE, DE LA DE YOD PAS SMON LAM GYI STOBS CAN NO, ,DE LA DGE BA'I RTZA BA'I STOBS CAN NI MI MTHUN PA'I PHYOGS KYIS ZIL GYIS MI NON PA'I PHYIR RO, ,SMON LAM GYI STOBS CAN NI RTAG TU DGE BA'I BSHES GNYEN DANG PHRAD PA'I PHYIR RO, ,SEMS BRTAN PA NYID NI MI DGE BA'I GROGS POS MOS PA BZLOG KYANG BYANG CHUB KYI SEMS YONGS SU MI GTONG PA'I PHYIR RO, ,KHYAD PAR 'GRO BA NI MTHONG BA'I CHOS DANG TSE RABS PHYI MA LA DGE BA'I CHOS 'PHEL BA DANG, YONGS SU MI NYAMS PA'I PHYIR RO, ,DE LTAR GANG GI TSE DGE BA'I RTZA BA DANG, SMON LAM GYI STOBS CAN DANG, SEMS BRTAN TE BAR MDOR MI LDOG PA DANG, KHYAD PAR DU 'GRO STE, YON TAN CUNG ZAD KYIS CHOG PAR MI 'DZIN PA DE NAS BZUNG STE, GRANGS MED PA GSUM BRTZAM MO, ,RGYU DANG 'BRAS BU RAB TU DBYE BA BSHAD ZIN TO, ,TSUL KHRIMS KYI DBANG DU BYAS TE BSLAB PA NI LHAG PA'I TSUL KHRIMS KYI BSLAB PA STE, BYANG CHUB SEMS DPA'I SA LAS JI SKAD BSHAD PA LTA BU ZHES BYA BA LA SOGS PA LA DER JI SKAD BSHAD SNYAM PA LA, MDOR BSDU NA KHYAD PAR RNAM PA BZHIS ZHES BYA BA LA SOGS PA SMOS SO, ,RAB TU DBYE BA'I KHYAD PAR NI SDOM PA DANG DGE BA'I RTZA BA SDUD PA DANG SEMS CAN GYI DON BYA BA'I TSUL KHRIMS THA DAD PA'I PHYIR RO, ,SDOM PA'I TSUL KHRIMS NI RNAM PA THAMS CAD DU MI DGE BA SPONG BA YANG DAG PAR 'DZIN PA'O, ,DGE BA'I CHOS SDUD PA'I TSUL KHRIMS NI RNAM PA THAMS CAD DU DGE BA'I CHOS YANG DAG PAR SGRUB PA'O, ,SEMS CAN GYI DON BYA BA'I TSUL KHRIMS NI BDAG GI BDE BA LA MI CHAGS MI LTA BAR RNAM PA THAMS CAD DU SEMS CAN GYI @261B DON BYED PA'O, ,TSUL KHRIMS GNYIS KYI RTEN GYI DON DU RIG PAR BYA'O ZHES BYA BA NI RGYU YIN PA'I PHYIR TE, LUS DANG NGAG DANG YID BSDAMS NA SANGS RGYAS KYI CHOS STOBS LA SOGS PA YANG DAG PAR SGRUB PA DANG, YANG DAG PAR PHUL DU PHYIN PA THOB PAR BYED KYANG NUS LA, THEG PA GSUM LA 'DZUD PAS SEMS CAN YONGS SU SMIN PAR BYED PA'I SKAL BA CAN DU YANG 'GYUR GYI, GZHAN DU NI MA YIN NO, ,'DI NI BYANG CHUB SEMS DPA'I TSUL KHRIMS KYI KHYAD PAR TE, NYAN THOS LA SOGS PA LA BSLAB PA GNYIS MED PA'I PHYIR RO, ,SDOM PA'I TSUL KHRIMS KYANG KHYAD PAR DU 'PHAGS PA'O ZHES BSTAN TE, BSLAB PA THUN MONG DANG THUN MONG MA YIN PA'I KHYAD PAR ZHES BYA BA DE LA BSLAB PA THUN MONG BA NI RANG BZHIN GYIS KHA NA MA THO BA DANG BCAS PA RNAMS TE, BKAG PA BCAS PA MED PAR YANG MI 'DOD PA'I 'BRAS BU CAN SROG GCOD PA LA SOGS PA NYAN THOS DANG, BYANG CHUB SEMS DPA' GNYI GAS MI BYA BAR NGES PAR MTHUN PA'O, ,BSLAB PA THUN MONG MA YIN PA NI BCAD PAS BKAG PA BCAS PA'I KHA NA MA THO BA DANG BCAS PA RNAMS TE, DBYAR GYI NANG LOGS SU 'GRO BA LA SOGS PA KUN DU SPYOD PA'I PHYIR RO, ,BSLAB PA DE LA NI ZHES BYA BA NI BSLAB PA PHYI MA BCAS PA'I KHA NA MA THO BA KUN DU SPYOD PA LA'O, ,GANG DU DBYAR GYI NANG LOGS SU SONG NA NYAN THOS KYI LTUNG BAR 'GYUR PA DE LA NI DBYAR BCAD KYANG GDUL BA LA LTA BAS YUL GZHAN RU 'GRO BA'I BYANG CHUB SEMS DPA' LA LTUNG BA MED DE, GZHAN GYI DON GTZO BO YIN PA'I PHYIR RO, ,GANG DU SEMS CAN GYI DON BYAR YOD KYANG DBYAR CHAD PAS 'JIGS NAS YUL GZHAN DU MI 'GRO BA'I PHYIR BYANG CHUB SEMS DPA' LA LTUNG BAR 'GYUR BA DE LA NYAN THOS LA LTUNG BAR MI 'GYUR TE, SNYING RJE CHUNG BA'I PHYIR RO, ,BYANG CHUB SEMS DPA' RNAMS KYI TSUL KHRIMS SEMS KYI YIN PA NI 'DI LTAR 'DOD PA LA 'DUN PA DANG GNOD SEMS LA SOGS PA'I RNAM PAR RTOG PA NI BYANG CHUB SEMS DPA'I 'CHAL PA'I TSUL KHRIMS YIN GYI, NYAN THOS KYI NI MA YIN TE, BDUN SPONG BA YANG DAG PAR BLANGS PA'I PHYIR RO, ,DE'I PHYIR NYAN THOS RNAMS KYI TSUL KHRIMS NI LUS KYI DANG NGAG GI YIN GYI SEMS KYI NI MA YIN NO, , @262A *, ,MDOR BSDU NA GANG KHA NA MA THO BA MED PAR SEMS CAN THAMS CAD LA PHAN 'DOGS PA ZHES BYA BA NI SEMS CAN THAMS CAD LA PHAN 'DOGS PA KHA NA MA THO BA MED CES BYA BA'I THA TSIG STE, JI LTAR BA GROD PAR BYA BA MA YIN PAR 'GRO BA LA SOGS PA LTA BU NI MA YIN NO, ,DE NI PHAN 'DOGS PA YIN YANG KHA NA MA THO BA MED PA MA YIN TE, DE LTA BU SPANG PA'I PHYIR KHA NA MA THO BA MED PA SMOS SO, ,LHAG PA'I TSUL KHRIMS LA SOGS PA BSLAB PA GSUM MO, ,PHA ROL TU PHYIN PA RNAMS KYI NANG DU MA 'DUS SAM, CI'I PHYIR LOGS SHIG TU BRJOD CE NA, RNAM PAR GZHAG PA GZHAN GYI NGOR BYA BA'I PHYIR TE, SNGA PHYI RGYU DANG 'BRAS BU'I DNGOS POR BSTAN PA'I PHYIR RO, ,JI SKAD DU TSUL KHRIMS KYI PHUNG PO LA BRTEN NAS TING NGE 'DZIN GYI PHUNG PO 'BYUNG NGO, ,BSAM GTAN NAS BRTEN NAS SHES RAB KYI PHUNG PO 'BYUNG NGO, ,DE LAS RNAM PAR GROL BA DANG RNAM PAR GROL BA'I YE SHES MTHONG BA'I PHUNG PO 'BYUNG NGO ZHES GSUNGS PA LTA BU'O, ,RGYA CHE BA NYID KYI KHYAD PAR ZHES BYA BA NI BYANG CHUB SEMS DPA' RNAMS KYI BSLAB PA NI SNA TSOGS DANG TSAD MED PA STE, 'DI LTAR DE DAG GIS SEMS CAN RJES SU BZUNG BA'I PHYIR DE LTA BU DANG DE LTA BU YANG BSLAB PAR BYA'O; ;BSOD NAMS TSAD MED PA RGYA CHE BA YONGS SU 'DZIN PA NYID NI SNYING RJE CHEN PO YONGS SU MA CHAD PA'I PHYIR BSOD NAMS TSAD MED PA YONGS SU 'DZIN TO, ,SEMS CAN THAMS CAD LA PHAN PA DANG BDE BA BYA BA'I BSAM PA YONGS SU 'DZIN PA RGYA CHE BA NYID CES BYA BA LA DGE BA LA YANG DAG PAR 'DZUD PA NI PHAN PA'I BSAM PA'O, ,DE NYID LA LAM BDE PAS SBYOR BA NI BDE PA'I BSAM PA'O, ,YANG NA PHYI MA LA BDE BAR SMON PA NI PHAN PA'I BSAM PA'O, ,BLA NA MED PA YANG DAG PAR RDZOGS PA'I BYANG CHUB LA BRTEN PA NI DMIGS PA'I PHYIR RO, ,NYAN THOS LA SOGS PA LA 'DI THAMS CAD MED PAS RGYA CHE BA NYID KYI KHYAD PAR RO, ,ZAB PA'I KHYAD PAR GYI DBANG DU BYAS NAS, GANG BYANG CHUB SEMS DPA' THABS LA MKHAS PA DE LTA BUS ZHES BYA BA LA SOGS PA SMOS SO, ,SROG GCOD PA LA SOGS PA'I LAS GANG GI GNAS SKABS SU SPYOD CE NA, GAL TE DE GZHAN MI DGE @262B PA'I LAS LA 'JUG PAR MNGON DU PHYOGS PAR SHES SHING DE'I SEMS KYANG RIG PAR GYUR LA, DE RNAM PA GZHAN GYIS KYANG MI ZLOGS PA DANG, NGAN SONG DU YANG 'GRO BA DANG, DE BSAD NA BDE 'GROR SKYE BA YANG MTHONG NAS BDAG LAS 'DIS NGAN SONG DU 'GRO BA NI BLA'I, 'DI DAG SDUG BSNGAL GYI PHUNG PO CHEN PO DANG LDAN PAR GYUR NA MI RUNG NGO SNYAM PA'I BSAM PA KHYAD PAR DU 'PHAGS PA THOB PAS MI GTONG ZHING SMAN PA LTA BUR PHAN PAR 'DOD PAS SROG GCOD PA'I LAS BYED NA KHA NA MA THO BA MED PAR 'GYUR TE, BSOD NAMS TSAD MED PA YANG SKYED CING BLA NA MED PA YANG DAG PAR RDZOGS PA'I BYANG CHUB KYANG MYUR DU MNGON PAR RDZOGS PAR 'TSANG RGYA STE, GZHAN DU NI MA YIN NO, ,ZAB PA NYID NI RTOGS PAR DKA' BA'I PHYIR RO, ,YANG LUS DANG NGAG GI LAS RTOGS PAR DKA' BA NI DES RGYAL SRID KYANG BYED CES BYA BA LA SOGS PA STE, DPER NA RGYAL PO ME'I SPYOD PA GSHED MA DANG GNOD PA DANG GSOD PAR BSGO PA'I RNAM PAR RIG PA RNAMS LTA BU DANG, 'PHAGS PA 'JAM DPAL LA SOGS PA BYANG CHUB SEMS DPA' RNAMS KYI SROG GCOD PA SPRUL PA LTA BU YIN NO, ,GZHAN DU NA SDIG PA'I LAS LAS SEMS CAN MI ZLOGS SO, ,SEMS CAN GDUL PA'I PHYIR SEMS CAN LA GTZE BA RNAM PA SNA TSOGS DE DAG KYANG SPRUL PA BYED DO, ,SKYES PA'I RABS SNA TSOGS BSTAN PAS ZHES BYA BA NI SPRUL PA'I LUS DANG NGAG GI LAS RTOGS PAR DKA' BA'I PHYIR ZAB CES BYA BA DANG SBYAR TE, DPER NA THAMS CAD SGROL LA SOGS PA'I SKYES PA'I RABS LAS BRAM ZE LA BU GNYIS LA SOGS PA BYIN PA SPRUL PA LTA BU'O; ;CI'I PHYIR ZHE NA, BYANG CHUB SEMS DPA' NI SEMS CAN GZHAN LA GNOD PAS SEMS CAN GZHAN LA PHAN 'DOGS PA MI MDZAD PA'I PHYIR RO, ,GAL TE DE LTA NA SPRUL PA'I SBYIN PA LA SOGS PAS PHA ROL TU PHYIN PA RNAMS JI LTAR RDZOGS PAR 'GYUR ZHE NA, LEN PA PO LA SPRUL PA DANG, MA SPRUL PAS PHAN BTAGS PA MTSUNGS PA'I PHYIR RO, ,JI STE LEN PA PO YANG SPRUL PAR GYUR NA DE LTAR NA YANG NYES PA MED DE, 'DI LTA BU'I SBYIN PAS PHA ROL TU PHYIN PA RNAMS 'GRUB PA NI MA YIN NO, ,'O NA CI ZHE NA, SBYIN PA LA SOGS PA LA SEMS CAN SEMS DANG BA SNGON DU 'GRO BA'I YONGS SU @263A *, ,SMIN PAR BYA BA'I PHYIR RO, ,RAB TU DBYE BA 'DIS NI ZHES BYA BA NI LHAG PA'I TSUL KHRIMS KYI RAB TU DBYE BAS SO, ,BSLAB PA'I RAB TU DBYE BA TSAD MED CES BYA BA NI JI LTAR 'DUL BA BSNYAD PA THEG PA CHEN PO'I MDO LAS KHYAD PAR BZHI PO 'DI DAG SPROS PA DANG BCAS PAR STONG PHRAG BRGYAS BSHAD PA LTA BU'O, ,LHAG PA'I TSUL KHRIMS KYI BSLAB PA'I RNAM PAR 'GREL PA'O,, ,,LHAG PA'I SEMS KYI BSLAB PA'I DBANG DU BYAS NAS, MDOR BSDU NA RAB TU DBYE BA DRUG GIS RAB TU BLTA BAR BYA STE ZHES BYA BA SMOS SO, ,SEMS KYI SGRA NI 'DIR SEMS LAS BYUNG BA'I TING NGE 'DZIN DU BRJOD DE, SEMS KYIS BRIS ZHES BYA BA'I SEMS PA LA BYA BA BZHIN NO, ,TING NGE 'DZIN DE DMIGS PA DANG BCAS PA'I PHYIR DMIGS PA LA SOGS PAS RAB TU DBYE'O, ,THEG PA CHEN PO'I CHOS LA DMIGS PA'I PHYIR RO ZHES BYA BA NI NYAN THOS KYI CHOS LA DMIGS PA SEL TO, ,SNA TSOGS KYIS RAB TU DBYE BA NI THEG PA CHEN PO SNANG BA ZHES BYA BA LA SOGS PA STE, GANG LA SNYOMS PAR ZHUGS NA THEG PA CHEN PO'I CHOS MTHA' DAG SNANG BA DE THEG PA CHEN PO SNANG BA'I TING NGE 'DZIN TO, ,GANG DU BSOD NAMS THAMS CAD YANG DAG PAR BSAGS TE, BDAG GIR BYAS PAR GYUR PA DE NI BSOD NAMS THAMS CAD YANG DAG PAR BSAGS PA ZHES BYA'O, ,TING NGE 'DZIN GYI RGYAL PO BZANG SKYONG NI, 'JIG RTEN GYI RGYAL PO BZHIN DU TING NGE 'DZIN THAMS CAD KYI BDAG PO STE, GANG YOD NA PHYOGS BCU RNAMS SU DA LTAR BYUNG BA'I DUS KYI SANGS RGYAS BCOM LDAN 'DAS RNAMS MNGON SUM DU MTHONG BAR 'GYUR RO, ,DPA' BAR 'GRO BA NI TING NGE 'DZIN RNAMS KYI MCHOG STE, DMAG MI RNAMS KYI NANG NA DMAG DPON DPA' BO BZHIN DU BDUD KYI TSOGS 'JOMS PAR NUS PA'O, ,GNYEN POS RAB TU DBYE BA NI CHOS THAMS CAD 'DRES PA LA DMIGS PA DANG LDAN PAS SGRIB PA THAMS CAD KYI GNYEN PO'I DNGOS POR GNAS PA'O, ,DE BZHIN NYID DU CHOS THAMS CAD 'DRES PAR BYED DE, DE LAS GUD NA MED PA'I PHYIR RO, ,KHYE'US KHYE'U DBYUNG BA'I TSUL DU ZHES BYA BA NI KHYE'U SNGA MA KHYE'U PHYI MAS DBYUNG BA'I TSUL DU ZHES BYA BA'I THA TSIG STE, DPER NA KHYE'U PHRA MOS KHYE'U SBOM PO 'BYIN PA DE BZHIN DU KUN GZHI RNAM @263B PAR SHES PA LA NYON MONGS PA DANG SHES BYA'I SGRIB PA'I SA BON BAG CHAGS KYI BDAG NYID RAGS PA GNAS PA THAMS CAD DE BZHIN NYID LA DMIGS PA GNYEN PO'I SHES PA DANG LDAN PA'I TING NGE 'DZIN PHRA MOS 'BYIN TO, ,LAS SU RUNG BA NYID KYIS RAB TU DBYE BA NI BSAM GTAN GYIS DE BA DAG GIS GNAS NAS BSAM GTAN LAS YONGS SU MA NYAMS PA BZHIN DU JI LTAR 'DOD PA GANG DU SEMS CAN GYI DON MTHONG BA DER SKYE STE, TING NGE 'DZIN LAS SU RUNG BA'I PHYIR RO, ,'DI 'DRA BA'I TING NGE 'DZIN KYI LAS SU RUNG BA NYID NI NYAN THOS LA SOGS PA NYID LA MED DO, ,MNGON PAR BSGRUB PAS RAB TU DBYE BA NI TING NGE 'DZIN GYI YON TAN GYIS 'JIG RTEN GYI KHAMS DPAG TU MED PA RNAMS SU THOGS PA MED PA'I MNGON PAR SHES PA SKYED DO, ,DE LA G-YO BA LA SOGS PA'I RNAM PAR 'PHRUL PA 'BYUNG STE, 'JIG RTEN GYI KHAMS TSAD MED PA G-YO BAR BYED PA NI TING NGE 'DZIN GYI MTHUS 'GUL BAR BYED PA STE, 'BAR PAR BYED PA DANG KHYAB PAR BYED PA YANG DE BZHIN NO, ,'JIG RTEN GYI KHAMS MTHONG BAR MI NUS PA MTHA' YAS PA GZHAN DAG GAM SANGS RGYAS LA SOGS PA YANG STON TO, ,SA LA SOGS PA YANG PA YANG CHU LA SOGS PA'I DNGOS POR GZHAN DU SGYUR RO, ,SKAD CIG GIS 'JIG RTEN GYI KHAMS DU MAR 'GRO'O, , 'ONG NGO; ;RDUL PHRA RAB GCIG GI NANG DU 'JIG RTEN GYI KHAMS MANG PO SDUD KYANG CHER MI SKYE BAR BYED DO, ,'JIG RTEN GYI KHAMS MTHA' YAS PA RNAMS SU RDUL GCIG GIS RGYAS PAR BYED DE, KHYAB PAR BYED DO, ,RANG GI LUS SU GZUGS KYI LUS THAMS CAD 'JUG GO, ,GDUL PA'I PHYIR GANG GI GZUGS GANG YIN PA DE'I GAN DU GZUGS DE NYID KYIS 'GRO'O, ,SNANG BAR BYED PA NI MNGON PAR BYED PA'O, ,MI SNANG BAR BYED PA NI MI MNGON PAR BYED PA'O, ,DBANG NYID DU BYED PA NI BDUD SANGS RGYAS NYID DU SGYUR BA'O, ,GZHAN GYI RDZU 'PHRUL RAB TU 'JOMS PA NI GZHAN GYI RDZU 'PHRUL ZIL GYIS GNON PA'O; ;SPOBS PA MED PA RNAMS LA SPOBS PA SBYIN PAR BYED DO, ,BRJED NGAS PA RNAMS LA DRAN PA SBYIN PAR BYED DO, ,GANG DAG GIS BYANG CHUB SEMS DPA' RNAMS LA 'GUG PAR 'GYUR BA PHO NYA LTA BU'I 'OD ZER GTONG STE, GANG DAG NYAN THOS LA SOGS PA LA MED PA'I RDZU 'PHRUL CHEN PO 'DI DAG @264A *, ,MNGON PAR 'DU BYED DO, ,GANG DKA' BA SPYOD PA'I BYANG CHUB SEMS DPA' ZHES BRJOD PA DKA' BA SPYOD PA RNAM PA BCU PO DE DAG STON TO, ,KHAS BLANG BAR DKA' BA SPYOD PA NI BYANG CHUB CHEN POR SMON LAM 'DEBS PA KHAS LEN PA'I PHYIR TE, DKA' PA NI BDAG GI BDE BA LA MI LTA BAR GZHAN GYI DON BYED PAR DAM 'CHA' BA'I PHYIR RO, ,MI LDOG PAR DKA' BA SPYOD PA NI 'KHOR BA'I SDUG BSNGAL GRANG BA DANG RLUNG LA SOGS PAS MI ZLOGS PA'I PHYIR RO, ,PHYIR MI PHYOGS PA NI SEMS CAN LOG PAR SGRUB PA DANG LDAN PA RNAMS KYI DON BYA DKA' BA LAS PHYIR MI PHYOGS PA STE, GANG DAG MA LA SOGS PA LA LOG PAR SGRUB PA DANG, BRTZE BA'I PHYIR MI DGOS PAR YANG MIG BSLANGS NAS RKANG PA GNYIS KYIS 'DRIL BA DE'I DON BYA DKA' BA'O, ,MNGON DU PHYOGS PAR DKA' PA NI GNOD PA BYED PA'I SEMS CAN RNAMS KYI DON BYA BA BYA DKA' BA'O, ,'JIG RTEN DU SKYES KYANG 'JIG RTEN PA'I CHOS RNYED PA LA SOGS PA BRGYAD KYIS MI GOS PA NI DKA' BA'O, ,RTOGS PA MED PAR YANG THEG PA CHEN PO'I DON PHRA ZHING MTHU'I KHYAD PAR CAN LA MOS SHING DAD PAR DKA' BA'O, ,RTOGS PA NI MNGON PAR RTOGS PA STE, YANG DAG PAR KHONG DU CHUD CES BYA BA DANG DON GCIG GO, ,GANG ZAG DANG CHOS MED PA'I NGO BO NYID KUN BRTAGS PA DGAG PA'I SGO NAS BYA DKA' BA'O, ,KHONG DU CHUD PA NI DGONGS TE GSUNGS PA'O, ,DKA' BA NI THOS PA'I DON BTANG STE, MA THOS PA'I DON RJES SU RTOGS PA'I PHYIR RO, ,'KHOR BA YANG YONGS SU MI GTONG LA DE'I NYES PAS KYANG KUN NAS NYON MONGS PA CAN MA YIN PA NI DKA' BA STE, DE GNYIS MI 'BYED PA'I PHYIR RO, ,SBYOR BAR DKA' BA NI NYON MONGS PA DANG SHES BYA'I SGRI PA THAMS CAD LAS RNAM PAR GROL BA SPANGS PA LA ZHUGS PA'I DE BZHIN GSHEGS PA RNAMS SEMS CAN GYI DON MDZAD PA'I KHYAD PAR RO, ,GAL TE SBYIN PA CUNG ZAD MI SBYIN LA ZHES BYA BA NI BDAG DANG GZHAN MNYAM PA NYID DU RTOGS PAS SEMS CAN THAMS CAD BDAG GIR BYAS TE SBYIN PA DE BYANG CHUB SEMS DPAS SBYIN PA'I PHYIR TE, THAMS CAD LA THAMS CAD SBYIN PAR DGONGS PA'O, ,YANG NA SBYIN PAR BYA BA DANG SBYIN PAR BYED PA DANG, LEN PA PO MI DMIGS PA'I PHYIR 'KHOR GSUM YONGS SU DAG PAS @264B SO; ;GAL TE SBYIN PA THAMS CAD LA 'DOD PAR MI BYED PA'O ZHES BYA BA NI BKAG PA LA 'DOD PA MED CES BYA BA'I THA TSIG STE, NYE BA LA SBYIN PA DANG, BDAG LA SBYIN PA BYIN PA DANG, BDAG LA SBYIN PA BYIN PAR 'GYUR BA DANG, BDAG GI SNGA RABS RNAMS KYIS BYIN PAS SBYIN NO SNYAM PA DE LA 'DOD PAR MI BYED KYI, MYA NGAN LAS 'DAS PA LA DMIGS PA DANG, DNGOS PO LA MI GNAS PAR 'DOD PAR BYED PA'O, ,GAL TE DE BZHIN GSHEGS PA RNAMS LA DAD PAS MI 'GRO BA'O ZHES BYA BA NI SO SO RANG GIS RIGS PAR BYA BA'I CHOS NYID KHONG DU CHUD NAS RANG GI RTOGS PAS SBYIN PAR BYED CES BYA BA'I THA TSIG GO, ,GAL TE BDAG SBYIN PA LA 'JUG PAR MI BYED PA ZHES BYA BA NI RANG GI NGANG GIS 'JUG PAS SBYIN PA'I PHYIR DE LA BDAG NYID 'JUG MI DGOS PA'O, ,GZHAN NI 'JUG PAR BYED DE, YANG DAG PAR 'DZIN DU 'JUG PA'I PHYIR RO GAL TE LAN 'GA' SBYIN PA CI YANG SBYIN PAR MI BYED PA'O ZHES BYA BA NI RTAG TU THAMS CAD SBYIN PAR BYED CES BYA BA'I THA TSIG GO, ,GAL TE SBYIN PA LA SNYING PO MED PA'I 'DU SHES SU GYUR PA'O ZHES BYA BA LA MI 'PHRO BA NA TING NGE 'DZIN TE, ,DES SEMS RNAM PAR MI 'PHRO BA'I PHYIR RO, ,DER 'DU SHES PA NI MNYAM PAR BZHAG PAS SBYIN PAR BYED CES BYA BA'I THA TSIG GO, ,GAL TE SER SNA 'BYUNG BAR BYED PA'O ZHES BYA BA NI RTZA NAS 'BYIN CES BYA BA'I THA TSIG GO, ,GAL TE MTHA' LA MI GNAS PAR GYUR PA'O ZHES BYA BA NI ZHI BAR BGROD PA GCIG PU LA NYAN THOS LTAR GNAS PA MA YIN PA'O, ,GAL TE SBYIN PA LA DBANG BYED PA MA YIN PA'O ZHES BYA BA NI SBYIN PA'I MI MTHUN PA'I PHYOGS SER SNA LA SOGS PA DBANG BYED PA MA YIN ZHES BYA BA'I THA TSIG GO, ,GAL TE MI ZAD PA LA MI GNAS PAR GYUR PA'O ZHES BYA BA NI PHUN SUM TSOGS PA PHUL DU BYUNG BA'I MTHAR THUG PA SANGS RGYAS NYID THOB NAS DE NYID DU MI GNAS KYI, SPRUL PA RNAMS KYIS GZHAN LA PHAN GDAGS PA'I PHYIR SBYIN PA LA 'JUG CES BYA BA'I THA TSIG GO, ,SBYIN PA LA JI LTA BA DE BZHIN DU TSUL KHRIMS LA SOGS PA LA YANG CI RIGS SU ZHES BYA BA NI SNGA MA BZHIN DU SBYAR BA STE, JI LTAR NA TSUL KHRIMS DANG LDAN PA YIN ZHE NA, GAL TE TSUL KHRIMS CHUNG ZAD MI SRUNG @265A *, ,PA STE, BDAG DANG GZHAN MA NYAM PA NYID DU MTHONG BA'I PHYIR GZHAN GYI TSUL KHRIMS DANG LDAN PAR 'GYUR BA'O, ,MDO GANG LAS, DGE SLONG DAG NGA NI SROG GCOD PA'O ZHES BYA BA LA SOGS PA 'BYUNG BA DER DGONGS PA STON TE, GAL TE SROG CHAGS RNAMS 'KHOR BA LAS SHIN TU ZLO BA'O ZHES BYA BA NI 'DA' BAR BYED CES BYA BA'I THA TSIG GO, ,GAL TE SUS KYANG MA BYIN PAR ZHES BYA BA NI MA SPRUL PAR RO, ,BDAG NYID KYIS SEMS CAN THAMS CAD LEN PA'O ZHES BYA BA NI GZHAN GYIS BYED DU MA BCUG PAR ZHES BYA BA'I THA TSIG GO, ,'DOD PA RNAMS LA LOG PA'O ZHES SPYOD PA'O ZHES BYA BA NI YUL GYI 'DOD PA RNAMS DANG KUN DU RTOG PA'I 'DOD PA RNAMS 'KHRUL PA TZAM GYI PHYIR TE, JI SKAD DU, 'DOD CHAGS ZHE SDANG GTI MUG NI, ,KUN DU RTOG LAS 'BYUNG ZHES BRJOD, ,SDUG DANG MI SDUG LOG PA LAS, ,BRTEN NAS KUN DU 'BYUNG BA YIN, ,SDUG DANG MI SDUG LOG PA LAS, ,BRTEN NAS GANG DAG 'BYUNG BA NI, ,DE CAG NGO BO NYID KYIS MED , ,DE BAS 'DOD PA YANG DAG MIN, ,ZHES BSHAD PA LTA BU'O, ,GANG BRDZUN PA DE LA BRDZUN NO ZHES SMRA BA'O ZHES BYA BA NI, JI SKAD DU, BCOM LDAN 'DAS KYIS SLU CHOS ZHES, ,GANG GSUNGS DE NI BRDZUN PA STE, ,'DU BYED THAMS CAD BSLU BA'I CHOS, DES NA DE DAG BRDZUN ZHES BYA, ,ZHES BSHAD PA LTA BU'O, ,STONG PA NYID LA GNAS PA'I MCHOG GIS ZHES BYA BA NI NGES PA'I TSIG GI TSUL LO, ,SHES BYA'I PHA ROL TU GNAS PA ZHES BYA BA NI 'DUG CES BYA BA'I THA TSIG STE, SHES BYA'I PHA ROL NI THAMS CAD MKHYEN PA NYID DO, ,GAL TE CHOS THAMS CAD YANG DAG PAR RNAM PAR PHYE STE SMRA BA'O ZHES BYA BA NI TSIG DE NYID KYIS BSHAD ZIN TO, ,GAL TE RGYUN DU BLA NA MED PA'I BSAM GTAN THOB PAR BYED PA'O ZHES BYA BA NI NGES PA'I TSIG GI TSUL DU SNGA MA BZHIN TE, SANG RGYAS KYI THUGS KYI RGYUD LA MNGA' BA'I BSAM GTAN NI BLA NA MED PA'O, ,SEMS LA NYON MONGS PAR BYED PA THAMS CAD LA 'DIS GNOD PAR BYAS PA YIN NO ZHES BYA BA NI BKAG PA STE, SPONG DU BCUG CES BYA BA'I THA TSIG GO, ,THAMS CAD NA THAMS CAD LA 'DUG PA'I LOG PA ZHES BYA BA NI YANG DAG PA MA YIN PA KUN DU RTOG PA'O, ,YANG DAG PA JI LTA BA BZHIN DU MTHONG BA ZHES BYA BA NI MA NOR BA @265B NYID DU MTHONG BA'O, ,SANGS RGYAS KYI CHOS RNAMS ZAB BO ZHES MDO LAS GSUNGS PA DE DAG GANG ZHE NA, GANG MDO GZHAN LAS 'BYUNG BA RTAG PA'I CHOS RNAMS NI SANGS RGYAS KYI CHOS RNAMS TE ZHES BYA BA NAS GOS PA MED PA'I CHOS RNAMS NI SANGS RGYAS KYI CHOS RNAMS SO ZHES BYA BA DER DGONGS PA STON TE, CHOS KYI SKU RTAG PA'I PHYIR RO ZHES BYA BA LA, CHOS KYI SKU NI GNAS GYUR PA'I MTSAN NYID DE, SGRIB PA THAMS CAD DANG BRAL BA DE BZHIN NYID DO, ,RTAG PA NI 'GYUR BA MED PA'I PHYIR RO, ,DRI MA MED CING THOGS PA MED PA'I YE SHES BLA NA MED PA YANG YIN TE, ZAG PA MED PA'I PHYIR GZUGS MED PA LTAR RNAM PAR SMIN PA NI MA YIN NO, ,DE RTAG PA NI DE BZHIN NYID DANG 'DRES PA'I PHYIR RO, ,LAS DANG NYON MONGS PAS MNGON PAR 'DUS MA BYAS PA'I PHYIR RO, ,SEMS CAN GYI SPYOD PA BRGYAD KHRI BZHI STONG NI 'DOD CHAGS DANG ZHE SDANG DANG GTI MUG DANG MNYAM PA LA SPYOD PA RNAMS RE RE LA YANG GRANGS NYI KHRI CHIG STONG YOD PA'I PHYIR RO, ,GNYEN PO DANG BCAS PA NI CHOS KYI PHUNG PO BRGYAD KHRI BZHI STONG RNAMS SO, ,'DOD CHAGS DANG BCAS PA'I CHOS RNAMS DANG, ZHE SDANG DANG BCAS PA'I CHOS RNAMS DANG, GTI MUG DANG BCAS PA'I CHOS RNAMS ZHES BYA BA NI BSHAD PA NYID KYIS RNAM PAR BKROL ZIN TO, ,MI GOS PA'I CHOS RNAMS ZHES BYA BA NI SHIN TU RNAM PAR DAG PA'I DE BZHIN NYID LA SGRIB PA THAMS CAD KYIS MI GOS PA'I PHYIR RO, ,'JIG RTEN DU SKYES KYANG 'JIG RTEN PA'I CHOS RNAMS KYIS NYE BAR GOS PA MED PA'I DON NI BRDA PHRAD PAR ZAD DO, ,DGONGS TE GSUNGS PA'I 'BRAS BU CI YIN ZHE NA, STEN PA POS GZHAG BLA PA STE, DON YONGS SU BSDUS PA'I PHYIR RO, ,GZHAN DAG LA YANG BSHAD BLA PA'O, ,DE NYID KYI PHYIR NYAN PA POS GZUNG SLA'O, ,DE NYID KYI PHYIR BSTAN PA BZUNG BAS TSOGS YONGS SU RDZOGS PAR BLA BA'O, ,TSOGS YONGS SU RDZOGS PAS BDE BAR CHOS NYID RTOGS PAR BYED DO; ,SANGS RGYAS LA SHES NAS DAD PA 'THOB STE, DE'I CHE BA NYID DMIGS PA'I PHYIR RO, ,CHOS DANG DGE BDUN LA YANG DE BZHIN NO, ,MTHONG BA'I CHOS LA BDE BAR GNAS PA'I MCHOG KYANG 'THOB STE, DE RTOGS PA'I PHYIR RO, ,'BEL PA'I GTAM GTAN LA 'BEBS PAS MKHAS PA RNAMS @266A *, ,KYI MNGU NAN MKHAS PA MKHAS PA ZHES BYA BA'I GRANGS SU 'GRO STE, DGONGS NAS GSUNGS PA'I DGONGS PA NI BCU PO 'DI DAG GO, ,DE NYID KYI PHYIR NYAN THOS KYI THEG PAR YANG, PHA DANG MA NI GSAD BYAS SHING, ,ZHES BYA BA LA SOGS PA BSTAN TO, ,BYANG CHUB SEMS DPA' RNAMS KYI TING NGE 'DZIN RNAMS KYI LAS NI RNAM PA BZHI STE, PHA ROL TU PHYIN PA BSGOM PA DANG, DE LA BRTEN NAS JI LTAR 'DOD PA BZHIN DU GSER LA SOGS PA'I RANG BZHIN DU BSGYUR BA'I PHYIR SANGS RGYAS KYI ZHING YONGS SU DAG PAR BYED PA DANG, STOBS LA SOGS PA SANGS RGYAS KYI CHOS YANG DAG PAR SGRUB PA DANG, RDZU 'PHRUL LA SOGS PAS 'DUN PAR BYAS NAS SEMS CAN RNAMS 'DZUD CING YONGS SU SMIN PAR BYED PA'O, ,JI SKAD BSHAD PA LTA BU'I TING NGE 'DZIN MED PAR NI PHA ROL TU PHYIN PA SGOM PA LA SOGS PA BZHI SGRUB PAR MI NUS TE, NYAN THOS BZHIN NO, ,LHAG PA'I SEMS KYI BSLAB PA BSHAD ZIN TO,, ,,BAM PO DRUG PA, SEMS MNYAM PAR GZHAG NA YANG DAG PA JI LTA BA BZHIN RAB TU SHES SO ZHES 'BYUNG BAS TING NGE 'DZIN GYI 'OG TU LHAG PA'I SHES RAB KYI BSLAB PA BRJOD PAR BYA'O, ,BSLAB PA NI RIG PA 'DZIN PA YIN PAS SHES RAB DANG BSLAB PA GNYIS THA DAD PA MED PA MA YIN NAM ZHE NA GAL TE DE LTA NA LHAG PA'I SHES RAB NYID BSLAB PA'O ZHES GZHI MTHUN PAR BYA'O, ,DE LTAR NA YANG DBANG DU BYA STE ZHES BYA BA'I DON MED DE, DE LAS GZHAN PA CI'I DBANG DU BYAS NAS LHAG PA'I SHES RAB CES BYA, JI LTAR BSLAB PA SNGA MA GNYIS TSUL KHRIMS KYI DBANG DU BYAS, SEMS KYI DBANG DU BYAS NAS BSLAB PA SHES RAB GZHAN YOD PA LTAR LHAG PA'I SHES RAB CES BYA BA 'DIR NI DE LTA MA YIN NO ZHE NA, DE LTA NA 'O NA NI SBYOR BA LAS BYUNG BA'I SHES RAB NI DNGOS GZHI'I DBANG DU BYAS PA'O, ,DNGOS GZHI NI DE'I RJES LA THOB PA'I DBANG DU BYAS PA STE, ,GNYI GA YANG YE SHES BLA NA MED PA'I DBANG DU BYAS PA'O, ,LHAG PA'I SHES RAB KYI BSLAB PA DE GANG ZHE NA, RNAM PAR MI RTOG PA'I YE SHES TE, DE NI NGO BO NYID LA SOGS PA ZAB PA NYID LA THUG PA'I BAR DAG GIS BSHAD DO, ,NGO BO NYID KYI DBANG DU BYAS NAS RNAM PA LNGA RNAM PAR SPANGS PA ZHES BYA BA SMOS SO, ,BZLOG @266B PA'I SGO NAS MTSAN NYID STON TE, DMUS LONG LA GZUGS BSNYAD PA BZHIN DU BSGRUB PA'I SGO NAS BRJOD PAR MI NUS PA'I PHYIR RO, ,RNAM PAR RTOG PA BSTZAL PA'I SGO NAS RNAM PAR MI RTOG PA'I YE SHES BSGRUB TU RUNG GI GZHAN DU NA RNAM PAR RTOG PA DANG BCAS PAR 'GYUR RO, ,RNAM PAR MI RTOG PA DE DAG GANG ZHE NA, YID LA MI BYED PA ZHES BYA BA LA SOGS PA RGYAS PAR SMOS PA'O, ,GAL TE YID LA MI BYED PA NYID RNAM PAR MI RTOG PA'I YE SHES YIN DU ZIN NA, GNYID KYIS LOG PA DANG RA RO BA LA SOGS PA YID LA CI YANG MI BYED PA YANG RNAM PAR MI RTOG PA'I YE SHES SU 'GYUR RO, , DE YANG 'DOD PA MA YIN TE 'BAD PA MED PAR YANG THAMS CAD PHYIN CI LOG MED PAR THAL PAR 'GYUR PA'I PHYIR RO, ,RTOG PA DANG BCAS SHING DPYOD PA DANG BCAS PA ZHES BYA BA LA SOGS PA NI GAL TE RTOG PA DANG DPYOD PA LAS 'DAS PA RNAM PAR MI RTOG PA'I YE SHES YIN NA NI DES NA BSAM GTAN GNYIS PA YAN CHAD KYI SO SO'I SKYE BO DANG, NYAN THOS LA SOGS PA YANG RNAM PAR MI RTOG PA'I YE SHES SU 'GYUR BAS DE YANG 'THAD PA MA YIN NO, ,'DU SHES DANG TSOR BA 'GOG PA ZHES BYA BA LA SOGS PA YANG GAL TE 'DU SHES DANG TSOR BA RNAM PAR ZHI BA RNAM PAR MI RTOG PA YIN NA NI DES NA RNAM PAR MI RTOG PA'I YE SHES NYID DU RNAM PAR MI 'GYUR TE, SEMS MED PAR SEMS LAS BYUNG BA RNAMS MI 'BYUNG BA'I PHYIR RO, ,'GOG PA'I SNYOMS PAR 'JUG PA LA SOGS PA LA YID KYI RNAM PAR SHES PAS SEMS DANG BCAS PA NYID DU 'GAL TE, SEMS LAS BYUNG BA MED PAR NI, ,SEMS NI NAMS KYANG MI 'BYUNG STE, ,NYI MA DANG NI 'OD ZER BZHIN, ,DE DAG NYID DANG LHAN CIG 'BYUNG, ,ZHES JI SKAD BSHAD PA LTA BU'O, ,GZUGS KYI NGO BO NYID YONGS SU SPANGS PA ZHES BYA BA NI GAL TE RNAM PAR MI RTOG PA'I GZUGS LA SOGS PA LTA BU YIN NA NI DES NA YE SHES NYID DU MI 'GYUR TE, 'BYUNG BA LAS GYUR PA YIN PA'I PHYIR RO, ,DE KHO NA'I DON LA BKRA BAR 'DZIN PA ZHES BYA BA LA SOGS PA NI GAL TE DE KHO NA'I DON LA RNAM PAR MI RTOG PA BKRA BAR 'DZIN PA 'BYUNG BA GANG YIN PA DE RNAM PAR MI RTOG PA YIN NA NI DE RNAM PAR MI RTOG @267A *, ,PA NYID DU MI 'GRUB STE, BKRA BAR 'DZIN PA NYID RNAM PAR RTOG PA'I PHYIR RO, ,RNAM PA LNGA PO 'DI DAG NYID TSIGS SU BCAD PA RTZA BA GSUM GYIS BKAG NAS RTZA BA BZHI PAS RNAM PAR MI RTOG PA'I YE SHES KYI NGO BO NYID STON TE, YANG DAG DON LA BKRAR 'DZIN MED, ,CES BYA BA NI BKRA BAR MI 'DZIN PA'I NGO BO NYID CES BYA BA'I THA TSIG GO, ,'DI LTAR GNAS BRTAN PAR 'DOD NAS TSIGS SU BCAS PAS SMRAS PA, BYANG CHUB SEMS DPA' RNAMS KYI SHES, ,RNAM PAR RTOG PA MED PA'I GNAS, ,ZHES BYA BA LA SOGS PA STE, YE SHES NI SEMS LAS BYUNG BA YIN PAS SEMS NI GNAS SU 'GYUR PA YIN NO, ,SEMS GNAS YIN DANG RNAM PAR MI RTOG PA NI MI RUNG STE, SEMS KYI SGRA NI SEMS DPA'I RGYU LAS BYUNG BA'I PHYIR RO, ,JI STE SEMS MED PA GNAS YIN NA NI DES NA YE SHES NYID DU MI 'GYUR TE, GZUGS BZHIN NO ZHE NA, NYIS 'GEG GI THAG PA 'DI TSIGS SU BCAD PA PHYED KYIS LAN 'DEBS SO, ,DON LA MI SEMS RGYUS BYUNG PHYIR, ,ZHES BYA BA NI RNAM PAR MI RTOG PA DE'I GNAS SEMS MA YIN TE, 'DI LTAR DON LA MI SEMS PA'I PHYIR RO, ,SEMS MED PA YANG DE'I GNAS MA YIN TE, SEMS KYI RGYU LAS BYUNG BA'I PHYIR RO, , 'DI LTAR DE NI SEMS KYI RGYU LAS BYUNG BA STE, BSGOMS PA'I DBANG GIS GANG NA SEMS DANG SEMS MED PAR RNAM PAR RTOG PA LAS SHIN TU 'DAS PA'I GNAS ZHES BRJOD PA'I GNAS SKABS DE 'THOB BO, ,GZHI ZHES BYA BA NI RGYU STE, BYED RGYU'O, ,DE'I DBANG DU BYAS NAS, THOS PA'I BAG CHAGS BRJOD BCAS PA'I, ,ZHES BYA BA SMOS SO, ,GZHAN DAG LAS SGRA THOS PA DE NI MNYAN PAR BYA BA YIN PA'I PHYIR THOS PA STE, GZHAN NI MA YIN NO, ,DE GOMS PA'I PHYIR NUS PA KHYAD PAR CAN NI BAG CHAGS TE, DE'I RGYU LAS BYUNG BA YID KYI BRJOD PA YID LA BYED PA'O, ,DE NI TSUL BZHIN ZHES BYA BA NI RIGS PA STE, RNAM PAR BYANG BA ZHES BYA BA'I THA TSIG GO, ,DMIGS PA DANG BCAS PA'I PHYIR YE SHES KYI DMIGS PA STON TE, BYANG CHUB SEMS DPA' RNAMS KYI SHES, ,RNAM RTOG MED PA'I DMIGS PA NI, ,CHOS RNAMS BRJOD DU MED PA NYID, ,CES BYA BA LA SOGS PA'O, , @267B BRJOD DU MED PA NYID CES BYA BA NI BRJOD PA RANG BZHIN MED PA NYID DE, BRJOD PA KUN BRTAGS PA'I NGO BO NYID DANG BRAL BA'O, ,BDAG MED DE BZHIN NYID KYANG DE, ZHES BYA BA NI GRAGS PA'I TSIG GNYIS KYIS GSAL BAR BYED PA STE, GANG ZAG DANG CHOS MED PA'I NGO BO NYID SGRO BTAGS PA DANG SKUR BA 'DEBS PA'I MTHA' LAS GROL BA NI RNAM PAR MI RTOG PA'I YE SHES KYI DMIGS PA'O, ,DMIGS PA DANG BCAS PA'I CHOS RNAMS NI RNAM PA DANG BCAS PA'I PHYIR DMIGS PA 'DZIN PAR BYED DO, ,RNAM PAR MI RTOG PA'I YE SHES KYI RNAM PA NI DE BZHIN NYID LA DMIGS PAR BRJOD DO, ,MTSAN MA MED PA GANG YIN PA'O ZHES BYA BA NI MTSAN MA THAMS CAD YID LA MI BYED PA STE, RNAM PA MED PA NYID RNAM PA'O ZHES BSTAN PAR 'GYUR RO, ,GAL TE RNAM PAR BRTAG PAR BYA BA'I DON MED NA RNAM PAR BRTAG PAR BYA BA 'DI CI ZHE NA, DE'I DON BSTAN PA'I PHYIR, SBYOR LAS BYUNG BA'I RANG BZHIN TE, ,ZHES BYA BA LA SOGS PA SMOS TE, YI GE'I 'BRU PHAN TSUN DU SBYOR BAS RTA LCAG CES BYA BA LA SOGS PA RGYUN MA CHAD PAR BRJOD PA BRDA LA 'DRIS PA LA, LTOS NAS DON KUN BRTAGS PA'O, ,DE LAS GZHAN DU MIN ZHES BYA BA NI SBYOR BA LAS BYUNG BA DE LAS GZHAN DU MA YIN PA STE, 'BREL PA BRJOD PA MED NA DE MED PA'I PHYIR DON DAM PA MA YIN ZHES BYA BA'I THA TSIG STE, BRJOD DU MED PA ZHES BYA BA JI LTAR BRJOD DU MED CES BYA BA'I 'THAD PA SMOS PA, RJOD PA MED PAR BRJOD BYA LA SHES PA 'JUG PA MA YIN NO ZHES BYA BA LA SOGS PA STE, GAL TE BRJOD PAR BYA BA'I DON ZHIG YOD NA NI RJOD PA MED PAR YANG DE SHES PAR 'GYUR PA'I RIGS NA BRJOD PA LA MA BYANG BA NI BRJOD PAR BYA BA YOD KYANG DE'I BLO MI 'BYUNG BAS BRJOD PAR BYA BA'I DON MED PAR NGES SO, ,JI STE RJOD PA LA BRJOD PAR BYA BA'I BLO 'BYUNG NGO SNYAM NA, DE SPANG BA'I DON 'GAL BA'I PHYIR BRJOD LA MIN ZHES BYA BA SMOS TE, MTSAN NYID MI 'DRA BA ZHES BYA BA'I THA TSIG GO, ,DBANG PO THA DAD PAS GZUNG BA YIN PAS RJOD PA NI BRJOD PAR BYA BA DANG MTSAN NYID MI 'DRA BA YIN NA DE JI LTAR BRJOD PAR BYA BAR RUNG, DE'I PHYIR THAMS CAD BRJOD DU MED CES BYA BA LA, THAMS CAD CES BYA BA SMOS PAS NI BRJOD PA DANG BRJOD PAR BYA BA DANG, @268A *, ,GNYIG SMOS PAS MJUG SDUD DO, ,RNAM PAR MI RTOG PA'I YE SHES DE GANG GI RTEN YIN ZHE NA, RNAM PAR MI RTOG YE SHES TE, ,BYANG CHUB SEMS DPA'I DE RJES LA, ,THOB PA SPYOD PA'I RTEN YIN TE, ,ZHES BYA BA SMOS TE, YE SHES DE NI RNAM PAR MI RTOG PA'I YE SHES KYI RJES LAS BYANG CHUB SEMS DPA'I SPYOD PA GANG THOB PA DE'I RTEN TE GNAS YIN NO, ,DE NI 'PHEL BAR 'GYUR PHYIR RO, ,ZHES BYA BA NI BYANG CHUB SEMS DPA'I SPYOD PA DE 'PHEL BAR 'GYUR BA'I PHYIR TE, RTEN GYI DGOS PA BSTAN TO, ,GCIG PUS NI MI NUS PA'I PHYIR YE SHES DE'I GROGS GANG ZHE NA, BYANG CHUB SEMS DPA' RNAMS KYI SHES, ,RNAM PAR RTOG PA MED PA'I GROGS, ,LAM GNYIS SU NI BRJOD PA STE, ,ZHES BYA BA SMOS TE, TSOGS KYI LAM DANG, RTEN GYI LAM MO, ,PHA ROL TU PHYIN PA LNGA'I RANG BZHIN NO ZHES BYA BA NI DE'I NGO BO NYID DO, ,DE LA PHA ROL TU PHYIN PA BZHI NI TSOGS KYI LAM MO, ,BSAM GTAN GYI PHA ROL TU PHYIN PA NI RTEN GYI LAM MO, ,SEMS MNYAM PAR GZHAG PA SNGAR BSHAD PA'I PHA ROL TU PHYIN PA'I DGE BAS BRTAN PA LA SHES RAB KYI PHA ROL TU PHYIN PA PHA ROL TU PHYIN PA ZHES BRJOD PA'I RNAM PAR MI RTOG PA'I YE SHES 'BYUNG NGO, ,JI SRID DU SANGS RGYAS NYID MA THOB PA DE SRID DU RNAM PAR MI RTOG PAS GANG DU RNAM PAR SMIN PAR BYED SNYAM PA LA, BYANG CHUB SEMS DPA' RNAMS KYIS SHES, ,RNAM RTOG MED PA'I RNAM SMIN NI, SANGS RGYAS DKYIL 'KHOR GNYIS SU STE, ,ZHES BYA BA SMOS TE, LONGS SPYOD RDZOGS PA'I DKYIL 'KHOR DANG, ,SPRUL PA'I DKYIL 'KHOR RO, ,SBYOR BA DANG NI THOB PAS SO, ,ZHES BYA BA NI RNAM PAR SMIN PA'I DON BRJOD KYI, 'DI RNAM PAR SMIN PA'I RGYU NI MA YIN TE, DE'I GNYEN PO YIN PA'I PHYIR RO, ,'DI NI RNAM PAR SMIN PA'I DON GZHAN YIN TE, 'DI LTA STE, BDAG PO'I DON TO, ,GAL TE RNAM PAR MI RTOG PA'I DON DU BRTZON PAR GYUR NA NI DE'I TSE DE'I DBANG GIS SPRUL PA'I DKYIL 'KHOR DU SKYE'O, ,JI STE RNAM PAR MI RTOG PA THOB PAR GYUR NA NI, DE'I TSE LONGS SPYOD RDZOGS PA'I DKYIL 'KHOR DU SKYE'O, ,YE SHES DE'I RGYU MTHUN PA GANG YIN SNYAM PA LA, BYANG CHUB SEMS DPA' RNAMS KYIS SHES, ,RNAM RTOG MED PA'I RGYU MTHUN NI, ,PHYI MA PHYI MA'I TSE RNAMS SU, ,ZHES BYA BA LA SOGS PA SMOS TE, DKYIL 'KHOR GNYIS PO DE NYID DU TSE RABS PHYI MA PHYI MA DAG LA RNAM PAR MI RTOG PA'I YE SHES DE NYID KHYAD ZHUGS PAR KHYAD ZHUGS PAR DU 'GYUR TE, PHYIS SKYES PA'I @268B KHYAD PAR DE NYID DE'I RGYU MTHUN PA'O, ,DE'I NGES PAR 'BYUNG BA JI LTA BU SNYAM PA LA, BYANG CHUB SEMS DPA' RNAMS KYIS SHES, ,RNAM RTOG MED PA'I NGES 'BYUNG NI, ,SA BCU DAG TU SHES BYA STE, ,THOB PA DANG NI GRUB PHYIR RO, ,ZHES BYA BA SMOS TE, SA DANG PO LA ZHUGS NA MTHONG BA'I LAM GYI GNAS SKABS SU SA THAMS CAD THOB PA'I PHYIR RNAM PAR MI RTOG PA NGES PAR 'BYUNG NGO, ,BSGOM PA'I LAM LA NI DE DAG NYID DU GRUB BO, ,MTHAR PHYIN PA'I DBANG DU BYAS NAS, DAG PA'I SKU GSUM THOB PHYIR DANG, ,ZHES BYA BA SMOS TE, DAG PA SMOS PA NI 'DI LTAR SA DANG PO NYID LA SKU GSUM THOB CING SA BCU PA LA NI DAG PA YIN TE, DES NA GANG GI TSE DAG PA'I SKU GSUM THOB PAR 'GYUR GYI, SKU GSUM TZAM DU MI ZAD LA DE THOB PAS KYANG DBANG DAM PA BCU YANG THOB PA YIN GYI, DAG PA'I SKU GSUM 'BA' ZHIG THOB PA NI MA YIN PA DE'I TSE RNAM PAR MI RTOG PA'I YE SHES KYI MTHAR PHYIN TO, ,YE SHES DE, GANG DAG GIS CI 'DRA BAR GANG GIS GOS PA MED SNYAM PA LA, RNAM RTOG MED PA'I YE SHES DE, ,DAD PA TZAM DANG MOS PA YIS, ,SDIG PA SNA TSOGS DRAG RNAMS KYIS, ,GOS PA MED DE NAM MKHA' BZHIN, ,ZHES BYA BA SMOS SO, ,GANG DAG GIS SHES PA GANG SMOS PA NI SDIG PA SNA TSOGS DRAG PO RNAMS KYIS SO, ,CI 'DRA BAR ZHES BYA BA NI DE NAM MKHA' LTA BUR GYUR PA'O, ,GANG GIS ZHES GANG SMOS PA NI, ,DAD PA TZAM DANG MOS PAS NI, ,DAD PA TZAM GYI SHES RAB DANG, ,MOS PA'I RGYUS MI GOS PA'O, ,SGRIB PA KUN LAS GROL PA'I PHYIR, ,ZHES BYA BA NI NYON MONGS PA'I SGRIB PA DANG SHES BYA'I SGRIB PA DANG BRAL PA'I PHYIR RO, ,THOB DANG GRUB DANG LDAN PAS NA, ZHES BYA BA NI SA DANG PO LA NI THOB PO, ,SANGS RGYAS KYI SA LA NI GRUB PO, ,'JIG RTEN DAG NA RNAM RGYU YANG, ,'JIG RTEN CHOS KYIS RTAG MI GOS, ,ZHES BYA BA NI SKYE BA'I GNAS THAMS CAD DU SKYE BA STON KYANG RNYED PA LA SOGS PA 'JIG RTEN GYI CHOS BRGYAD PO DAG DANG MI 'DRE BAS 'JIG RTEN LAS 'DAS PA STE, PAD-MA BZHIN NO, ,'O NA SBYOR BA LAS BYUNG BA DANG, DNGOS GZHI DANG RJES LAS THOB PA RNAM PAR MI RTOG PA'I YE SHES RNAM PA GSUM KHYAD PAR CI YOD CE NA, KHYAD PAR BSTAN PA'I PHYIR, LKUGS PAS DON NI MYONG 'DOD DANG, ,ZHES BYA BA LA SOGS PA SMOS TE, DPER NA LKUGS PAS DON MYONG BAR 'DOD @269A *, ,PA LA RE ZHIG MI MYONG BA DE BZHIN DU SBYOR BA LAS BYUNG BAR BLTA'O, ,DPER NA LKUGS PAS DON MYONG YANG MI RJOD PA DE BZHIN DU DNGOS BZHI BLTA'O, ,JI LTAR MA LKUGS PAS DON MYONG ZHING SMRA BA DE BZHIN DU DE'I RJES LA THOB PAR BLTA'O, ,RMONGS PAS DON NI MYONG 'DOD DANG, ,ZHES BYA BA NI TSIGS SU BCAD PA 'DI'ANG DE BZHIN DU BSHAD PAR BYA'O, ,RNAM PAR SHES PA LNGA POS DON NI MYONG 'DOD DANG, ,ZHES BYA BA NI DON MYONG BAR MOS SHING DON MYONG BAR 'DUN PA ZHES BYA BA'I THA TSIG STE, DE LTA BUR NI SBYOR BA LAS BYUNG BAR BLTA'O, ,DPER NA RNAM PAR SHES PA LNGA PO DAG GI DON MYONG YANG RNAM PAR MI RTOG PA DE LTA BU NI DNGOS GZHI'O, ,DPER NA YID KYI RNAM PAR SHES PA DGOS PA GNYI GA CAN GYIS NI DON MYONG ZHING RNAM PAR RTOG PAR YANG BYED DE, DE LTA BUR NI DE'I RJES LA THOB PA'O, ,DE BZHIN DU BSTAN BCOS MI SHES PA BSTAN BCOS SHES PAR 'DOD PA DANG, BSTAN BCOS BRJOD PA NA TSIG 'BRU MYONG BA DANG, DE NYID NYAN PAS CHOS KYI DON RTOGS PAR 'GYUR TE, DPE GSUM PO DAG GIS SBYOR BA LA SOGS PA GSUM GO RIMS BZHIN DU DPE DANG BSTUN TO, ,MI ZHIG MIG NI BTZUMS PA LTAR, ,ZHES BYA BA LA SOGS PA NI DNGOS GZHI DANG RJES LA THOB PA'I DPE STE, RNAM RTOG MED PA'I SHES DE NI, ,NAM MKHA' BZHIN DU SHES PAR BYA, ,ZHES BYA BA DANG TSIGS SU BCAS PA 'DI GNYIS KYIS NI DNGOS GZHI DANG RJES LA THOB PA'I KHYAD PAR BSTAN TO, ,DE LA GZUGS NI SNANG BA LTAR, ,ZHES BYA BA NI NAM MKHA' LA'O, ,DE'I RJES LA THOB PA'I YE SHES NI DE LTAR BLTA BAR BYA BA STE, RNAM PAR BRTAG PAR BYA BA DANG RNAM PAR RTOG PA ZHES BYA BA'I THA TSIG GO, ,SBYOR BA LAS BYUNG BA NI RNAM PAR MI RTOG PA'I RGYU YIN PAS RNAM PAR MI RTOG PA'O, ,RJES LA THOB PA NI DE'I RGYU LAS BYUNG BA'I PHYIR RO, ,GAL TE SANGS RGYAS NYID RNAM PAR MI RTOG PA'I YE SHES KYIS RAB TU PHYE BA YIN NA SEMS CAN DU RNAM PAR RTOG PA MI MNGA' BAR SEMS CAN GYI DON JI LTAR MDZAD CE NA, NOR BU DANG SIL SNYAN LA SOGS PA'I DPE RNAMS KYIS LHUN GYIS GRUB PAR MDZAD PAR STON TO, ,JI LTAR NOR BU SIL SNYAN DAG ,CES BYA BA LA SOGS PA'O, ,DE DAG NI SEMS PA MED PA'I PHYIR 'DI SNYAM DU BDAG @269B CAG GIS 'BAR BAR BYA'O, ,SGRA 'BYUNG BAR BYA'O SNYAM DU MI SEMS MOD KYI, 'ON KYANG YID BZHIN GYI NOR BU RNAMS DANG LHA'I SIL SNYAN MA DKROL BA RNAMS DER SKYES PA'I SEMS CAN GYI DBANG GIS 'BAR RO, ,SGRA 'BYUNG NGO, ,DE BZHIN DU SANGS RGYAS BCOM LDAN 'DAS RNAMS KYI MDZAD PA YANG SEMS CAN LA SOGS PA'I RNAM PAR RTOG PA MI MNGA' BAR GDUL BA JI LTA BA BZHIN DU PHAN 'DOGS PA SNA TSOGS 'BYUNG NGO, ,RNAM PAR MI RTOG PA DE NYID KYI ZAB PAR BRJOD DE, JI LTA ZHE NA, 'DI LA RNAM PAR MI RTOG PA'I YE SHES GZHAN GYI DBANG ZHES BYA BA RNAM PAR RTOG PA LA DMIGS PA ZHIG GAM, DE LAS GZHAN PA'AM, DE BZHIN DU SHES PA ZHIG GAM, MI SHES PA ZHIG CE NA, 'DIS CI ZHIG BYA, GAL TE GZHAN GYI DBANG RNAM PAR RTOG PA LA DMIGS NA JI LTAR RNAM PAR MI RTOG PAR 'GYUR, JI STE DE LAS GZHAN PA ZHIG CES BYAR NI DE MED PA NYID DO, ,GAL TE MI SHES PA ZHIG NA NI RNAM PAR MI RTOG PA'I YE SHES KYANG JI SKAD DU BYA, JI STE SHES PA YIN NA YANG DE'I SHES BYA DGOS PAR 'GYUR PAS RNAM PA THAMS CAD DU YANG NYES PAR 'GYUR RO ZHE NA, DE LA MA YIN GZHAN LA MIN, ,ZHES BYA BA LA SOGS PAS DE'I LAN 'DEBS SO, ,RE ZHIG RNAM PAR MI RTOG PA'I PHYIR GZHAN GYI DBANG ZHES BYA BA RNAM PAR RTOG PA LA 'JUG CES BYA BAR NI MI RUNG STE, RNAM PAR RTOG PA LA DMIGS PA NI RNAM PAR MI RTOG PAR MI SRID PA'I PHYIR RO, ,DE LAS GZHAN PA LA YANG MA YIN TE, 'DI LTAR RNAM PAR RTOG PA DE NYID KYI CHOS NYID LA DMIGS PA'I PHYIR TE, CHOS NYID NI CHOS LAS DE NYID DANG GZHAN NYID DU BRJOD DU MED PA'I PHYIR RO, ,YE SHES KYANG RNAM PAR RTOG PA DANG, RNAM PAR MI RTOG PA LA DMIGS PA NYID DU BRJOD DU MED DO, ,SBYOR BA LAS BYUNG BA DANG RJES LA THOB PA LTAR SHES PA YANG MA YIN TE, RNAM PAR MI RTOG PA'I PHYIR RO, ,MI SHES PA YANG MA YIN TE, SBYOR BA LAS BYUNG BA'I SHES PA SNGON DU 'GRO BA'I PHYIR RO, ,SHES BYA DANG NI KHYAD MED PA'I, ,SHES GANG DE NYID MI RTOG NYID, ,CES BYA BA NI GZUNG BA DANG 'DZIN PAR RNAM PAR DBYE BAR YONGS SU CHAD PA MED PA'I PHYIR 'DI NI SHES PA'O, ,'DI NI SHES BYA'O ZHES KHYAD PAR MED PA GANG YIN PA DE YE SHES DE'I RNAM PAR MI RTOG PA NYID DE, GANG SHES BYA DANG THA DAD PA @270A *, ,MA YIN PA DE NI NAM MKHA' DANG SNANG BA BZHIN NO, ,RNAM PAR BRTAG BYA MED PAS NA, ,ZHES BYA BAS NI MDO'I SDE GZHAN DAG LAS CHOS THAMS CAD RANG BZHIN GYIS RNAM PAR MI RTOG PA'O ZHES GANG 'BYUNG BA DE STON TE, GANG GI PHYIR RNAM PAR BRTAG PAR BYA BA KUN BRTAGS PA'I DON MED PAS DE'I PHYIR RANG BZHIN GYIS RNAM PAR MI RTOG PA'O ZHES MDO LAS 'BYUNG NGO, ,GAL TE CHOS THAMS CAD RANG BZHIN GYIS RNAM PAR MI RTOG PA YIN NA DE'I CHED DU 'BAD MI DGOS PAS CI'I PHYIR SROG CHAGS THAMS CAD MA GROL ZHE NA, 'DI LTAR DE DAG LA CHOS DE DAG NI 'DI LTA BU'O ZHES MNGON SUM DU RTOGS PA'I YE SHES MA SKYES PA'I PHYIR RO, ,RNAM PAR RTAG PAR BYA BA MED PA'I PHYIR BYANG CHUB SEMS DPA' RNAMS LA NI SHES PA DE SKYE STE, DE'I PHYIR DE DAG NYID RNAM PAR GROL GYI, GZHAN DAG NI MA YIN NO, ,RGYU DANG 'PHEN PA DANG GOMS PAS LAS BYUNG BAS RAB TU DBYE BA'I PHYIR RO ZHES BYA BAS NI SBYOR BAS BYUNG BA LA SOGS PA RE RE LA YANG RNAM PA GSUM DU STON TO, ,LA LA'I RIGS NI 'DI LTA BU YIN TE, GANG ZHIG RKYEN RNYED NAS MYUR DU DE LA SBYOR BA LAS BYUNG BA SKYE BA DE'I RIGS LAS DE 'BYUNG NGO, ,RIGS NI THOG MA MED PA'I DUS KYI SKYE MCHED DRUG BYE BRAG CAN SANGS RGYAS KYI SNOD DU GYUR PA'O, ,SU LA SNGON GYI RGYU YOD PA DE LA TSE RABS SNGA MA LA GOMS PAR BYAS PA'I 'PHEN PA'I STOBS KYIS 'BYUNG BAR 'GYUR RO, ,KHA CIG NI DA LTAR BYUNG BA'I TSE LA GOMS PAR BYAS PAS SKYES BU BYED PA'I STOBS KYIS 'BYUNG NGO, ,CHOG SHES PA'I PHYIR RNAM PAR MI RTOG PA NI CHOG SHES PAS RNAM PAR MI RTOG PA STE, DON NYUNG NGUS CHOG PAR BZUNG NAS GONG MA'I KHYAD PAR LA RNAM PAR MI RTOG PA'I PHYIR TE, DPER NA 'JIG RTEN PA RNAMS KYI THOS PA DANG, BSAMS PA LAS BYUNG BA'I SHES PA GNYIS KYIS DON 'GA' ZHIG LA DAD PAR BYAS SAM, NGES PAR BYAS SAM, BSGOMS NAS SRID PA'I RTZE MO'I BAR DU THOB NAS LDOG PA LTA BU STE, DE NYID LA THAR PA SNYAM DU MNGON PAR ZHEN PA'I PHYIR RO, ,PHYIN CI LA MOG PAS RNAM PAR MI RTOG PA NI 'PHAGS PA NYAN THOS RNAMS KYI STE, DE DAG NI BSGOMS PA LAS BYUNG BA'I SHES RAB KYI SDUG BSNGAL LA SOGS PA'I BDEN PA LA MI RTAG PA LA SOGS @270B PA PHYIN CI MA LOG PA BZHIS DMIGS KYI, DE PHAN CHAD MI RTAG PA LA SOGS PA LA NI PHYIN CI LOG TU RNAM PAR MI RTOG GO, ,SPROS PA MED PAS RNAM PAR MI RTOG PA NI BYANG CHUB SEMS DPA' RNAMS KYI STE, DE DAG NI MI RTAG PA LA SOGS PAS KYANG RNAM PAR MI RTOG CING BYANG CHUB CES BYA BA'I BAR DU YANG SPROS PAR MI BYED DE, DE KHO NA NYID DAG GI LAM LAS 'DAS PA DANG, 'JIG RTEN PA'I SHES PA LAS 'DAS PA'I PHYIR RO, ,SPROS PA ZHES BYA BA LA SOGS PA NI KUN RDZOB STE SKRA DANG 'JIG RTEN PA'I SHES PAS BSDUS PA STE, DE MED PA'I PHYIR SPROS PA MED PA NYID DO, ,DE'I RJES LA THOB PA NI RNAM PA LNGA STE, RTOG PA DANG, RJES SU DRAN PA DANG, RNAM PAR GZHAG PA LA SOGS PA 'BRAS BU THA DAD PA'I PHYIR RO, ,DPYOD PA ZHES BYA BA'I SGRA NI RE RE DANG SBYAR RO, ,DE LA RTOG PA LA DPYOD PA ZHES BYA BA LA RTOG PA NI MNGON PAR RTOGS PA DANG DE KHO NA GTAN LA PHEBS PA STE, TING NGE 'DZIN LA DE'I RJES LA THOB PAS 'DI NI DE LTA BU'O ZHES SO SO RANG RANG GI DPYOD PA'O, ,DE NYID RJES SU DRAN PA LA DPYOD PA NI DE'I 'OG TU BDAG GIS 'DI LTA BU RTOGS SO ZHES RTOG PA RJES SU DRAN PA'I PHYIR RO, ,RNAM PAR GZHAG PA LA DPYOD PA NI LANGS NAS GZHAN DAG LA JI LTAR RTOGS PA BZHIN DU BRJOD PA'I PHYIR RO, ,'DRES PA LA DPYOD PA NI CHOS THAMS CAD BZLUMS NAS DMIGS PA'I PHYIR TE, GANG GIS GNAS 'GYUR BA'O, ,GNAS GYUR NAS, 'BYOR BAR BYA BA'I DPYOD PA NI YE SHES MNGON DU GYUR PA CAN GYIS GANG BSAMS PA DE THAMS CAD 'BYOR BAR 'GYUR TE, DES SA LA SOGS PA YANG GSER LA SOGS PA NYID DU 'GYUR RO, ,DPYAD PA NI 'DIR SHES PA ZHES BYA BA'I SGRAR 'DOD DO, ,RNAM PAR RTAG PAR BYA BA MED PA'I PHYIR RNAM PAR MI RTOG PA'O ZHES BSHAD PA JI LTAR RNAM PAR BRTAG PAR BYA BA'I DON DE MED CE NA, DE MED PAR TSIGS SU BCAD PA RNAMS KYIS BSGRUB STE, YI DAGS DUD 'GRO MI RNAMS DANG, ,ZHES BYA BA LA SOGS PA STE, GANG LA MI RNAMS CHU'I BLO 'BYUNG BA DE LA YI DAGS RNAMS KYIS THANG BUR MTHONG NGO, ,GANG LA MI RNAMS KYIS MI GTZANG BA'I BLO 'BYUNG BA DE LA DUD 'GRO RNAMS KYIS KHA ZAS KYI BLO 'BYUNG NGO, ,GANG LA YI DGAS RNAMS DANG DUD 'GRO RNAMS GTZANG BA'I BLO 'BYUNG BA DE LA MI RNAMS MI GTZANG BA'I BLO 'BYUNG NGO, ,GANG LA MI RNAMS KHA ZAS KYI BLO @271A *, ,'BYUNG BA DA LA LHA RNAMS KYIS MI GTZANG BAR MTHONG STE, 'GAL BA RNAMS NI GCIG LA MI SRID PAS KUN BRTAGS PA'I DON MED DO, ,GAL TE MED NA DMIGS PA MED PA'I SHES PA JI LTAR KUN DU 'BYUNG ZHE NA, 'DI LA DRI BA CI YOD CE NA, MDO SDE PA KHYOD KYI LTAR NA YANG 'DAS PA DANG MA 'ONGS PA LA DMIGS PA MED PA'I SHES PA JI LTAR 'JUG ,RMI LAM NA YANG ZHES BYA BA NI KHYIM NGAN BA CHUNG NGU'I NANG NA NYAL BA'I RMI LAM GYI SHES PA'I DANG CHUNG GLUNG DANG GLANG PO CHE PO'I SHES PA DANG, RANG GI MGO GCOD PAR MTHONG PA YANG DMIGS PA DANG BCAS PA MA YIN NO, ,GZUGS BRNYAN RNAM PA GNYIS PO LA, ,ZHES BYA BA NI ME LONG DANG TING NGE 'DZIN GYI SPYOD YUL ZHES BYA BA LA STE, RANG GI SEMS KYI GZUGS BRNYAN LA DMIGS PA'I PHYIR DMIGS PA MED PA'O, ,DE LA DMIGS PA DANG LDAN PA'I PHYIR ZHES BYA BA NI MJUG SDUD PA STE, 'DAS PA DANG MA 'ONGS PA LA SOGS PA LA DMIGS PA DANG LDAN PA'I PHYIR ZHES BYA BA'I THA TSIG GO, ,DON NI DON DU GRUB NA NI, ,YE SHES RTOG PA MED MI 'GYUR, ,ZHES BYA BA NI GAL TE DON NGO BO NYID KYIS DON DU GRUB PAR GYUR NA RNAM PAR MI RTOG PA'I YE SHES MI 'GRUB STE, RNAM PAR BRTAG PAR BYA BA YOD PA'I PHYIR RO, ,RNAM PAR MI RTOG PA MED PA'I PHYIR, SANGS RGYAS NYID MED PAR 'GYUR ZHES BYA BA NI RTZA BA LA GNOD PA'I SKYON NOM, ,DE LTA BAS NA NGES PAR DON MI 'GRUB PAR SHES PAR BYA'O, ,'DI'I PHYIR YANG DON MED DE 'DI LTAR BYANG CHUB SEMS DPA' DBANG THOB DANG ZHES BYA BA LA SOGS PA STE, DBANG RNYED PA CAN ZHES BYA BA'I THA TSIG GO, ,BSAM GTAN PA'I ZHES BYA BA NI BYANG CHUB SEMS DPA' LAS GZHAN PA NYAN THOS LA SOGS PA RNAMS TE, DE DAG BSAM GTAN BYED PA'I TSUL CAN YIN PAS BSAM GTAN PA'O, ,MOS PA'I DBANG GIS ZHES BYA BA NI BSAM PA'I DBANG GIS SO, ,'DI LTAR SA LA SOGS PA DAG, ,DNGOS PO DE LTAR DMIGS PAR 'GYUR, ,ZHES BYA BA NI GSER LA SOGS PA'I DNGOS POR ZHES BYA BA'I THA TSIG GO, ,'DI LA RNAM PAR 'BYED GRUB PA, ,ZHES BYA BA NI SHES RAB GRUB PA ZHES BYA BA'I THA TSIG GO, ,BLO LDAN ZHES BYA BA NI GLO GRUB PA DANG LDAN PA'I PHYIR TE, BYANG CHUB SEMS DPA' NYID BLO LDAN NO, ,ZHI BA THOB PA'I ZHES BYA BA NI TING NGE 'DZIN THOB PA'O, , @271B CHOS KUN YID LA BYED PA LA, ,ZHES BYA BA NI MDO'I SDE DANG DBYANGS KYIS BSNYAD PA'I SDE LA SOGS PA'I CHOS THAMS CAD DO, ,DE LTAR DON DU SNANG PHYIR RO, ,ZHES BYA BA NI JI LTAR JI LTAR MDO'I SDE LA SOGS PA BDAG MED PA LA SOGS PA'I RNAM PAR YID LA BYED PA DE LTA DE LTAR DE DAG GI DON SNANG BAR 'GYUR BA'I PHYIR TE, YID LA BYED PA NYID GZUNG BA DANG 'DZIN PA NYID DU DE LA SNANG BAR 'GYUR GYI, PHYIR RO GYI DON GANG YANG MED PAR MNGON NO, ,YE SHES RGYU BRTOG MED LA, ,ZHES BYA BA LA SOGS PA NI DON DU GRUB PA MED CES BYA BAR SBYAR TE, GANG GI PHYIR RNAM PAR MI RTOG PA'I YE SHES MNGON DU GYUR PA LA DON THAMS CAD MI SNANG BAS DE'I PHYIR YANG DON MED PAR KHONG DU CHUD PAR BYA'O, ,DE MED PAS NA RNAM RIG MED, ,CHES BYA BA NI DON MED PA'I PHYIR TE, DE'I PHYIR RNAM PAR RIG PA YANG MED PAR KHONG DU CHUD PAR BYA'O, ,RNAM PAR SHES PAR BYA BA'I DON MED NA RNAM PAR RIG PAR MI RUNG NGO ZHES SHES BYA'I MTSAN NYID BSHAD PA NYID DU SNGAR LEGS PAR RNAM PAR PHYE ZIN TO, ,SHES RAB KYI PHA ROL TU PHYIN PA DANG RNAM PAR MI RTOG PA'I YE SHES NI KHYAD PAR MED DE ZHES BYA BA NI MTSUNGS PA STE, RNAM PAR MI RTOG PA'I YE SHES GANG YIN PA DE NYID SHES RAB KYI PHA ROL TU PHYIN PA STE, 'DI LTAR DE NYID LAS KYANG; BYANG CHUB SEMS DPA' SHES RAB KYI PHA ROL TU PHYIN PA LA MI GNAS PA'I TSUL GYIS GNAS NAS DE LAS GZHAN PA'I PHA ROL TU PHYIN PA RNAMS BSGOMS PAS YONGS SU RDZOGS PAR 'GYUR RO ZHES 'BYONG NGO, ,DE JI LTA BU ZHE NA, GNAS RNAM PA LNGA YONGS SU SPONG BA'I PHYIR ZHES BYA BA SMOS TE, SU STEGS CAN GYI NGAR 'DZIN PA'I GNAS YONGS SU SPONG ZHES BYA BA LA SOGS PAS GNAS LNGA BSTAN TO, ,'DI LA GZHAS PAS GNAS TE BDAG CHAG GI SHES RAB KYI BDAG CAG GIS RAB TU SHES SO ZHES MU STEGS CAN RNAMS NGAR 'DZIN PA LA GNAS SO, ,GNAS DE NI BYANG CHUB SEMS DPA' YONGS SU SPONG STE, NGA DANG NGA'I ZHES BYA BA SHES RAB LA MI 'BYUNG NGO, ,DE YONGS SU SPANGS PA'I PHYIR MI GNAS PA'I TSUL GYIS SHES RAB KYI PHA ROL TU PHYIN PA LA GNAS PA YIN NO, ,DE KHO NA MA MTHONG BA'I BYANG CHUB SEMS DPA' NI SHES RAB KYI PHA ROL TU PHYIN PA RNAM PAR MI RTOG PA YIN NA SHES RAB @272A *, ,KYI PHA ROL TU PHYIN PA ZHES RNAM PAR RTOG PA LA GNAS PA LTA BU STE, GNAS DE BYANG CHUB SEMS DPAS YONGS SU SPONG NGO, ,DE LTAR NA MI GNAS PA'I TSUL GYIS DE LA GNAS PA YIN TE, JI SKAD DU, ,KHYOD NYID MTHONG BA 'CHING BA STE, MA MTHONG BA YANG 'CHING BAR 'GYUR, ,KHYOD NYID MTHONG BA GROL BA STE, MA MTHONG BA YANG GROL BAR 'GYUR, ,ZHES BSHAD PA LTA BU'O, ,'KHOR PA DANG MYA NGAN LAS 'DAS PA'I MTHA' GNYIS KYI GNAS YONGS SU SPONG BA ZHES BYA BA NI JI LTAR 'JIG RTEN PA DAG NGA RGYAL DANG BCAS PA'I PHYIR 'KHOR BA'I MTHA' LA GNAS PA DANG, JI LTAR 'PHAGS PA NYAN THOS DAG NYON MONGS PA SPANGS PA'I PHYIR MYA NGAN LAS PA'I MTHA' LA GNAS PA LTAR, BYANG CHUB SEMS DPA' RNAMS NI DE LTA MA YIN TE, DE LTA BAS NA MTHA' DE GNYI GA'I GNAS YONGS SU SPANGS PAS MI GNAS PA'I TSUL DU'O, ,NYON MONGS PA'I SGRIB PA SPANGS PA TZAM GYIS CHOG PAR 'DZIN PA'I GNAS ZHES BYA BA NI NYAN THOS RNAMS KYI STE, DE TZAM GYIS DON BYAS PAR SEMS DPA'I PHYIR RO, ,DE NI SEMS CAN GYI DON GYI BAR CHAD BYED PAS BYANG CHUB SEMS DPA' RNAMS KYIS YONGS SU SPONG STE, JI SKAD DU, ,DMYAL BAR 'GRO BA BYANG CHUB LA, GTAN DU BGEGS BYED MA YIN GYI, RANG SANGS RGYAS KYIS DANG NI, ,NYAN THOS SA DAG BGEGS BYED DO, ,ZHES BSHAD PA LTA BU STE, GNAS DE YONGS SU SPANGS PAS MI GNAS PA'I TSUL DU'O, ,SEMS CAN GYI DON LA MI LTA BA PHUNG PO'I LHAG MA MED PA'I MYA NGAN LAS 'DAS PA'I DBYINGS KYI GNAS ZHES BYA BA NI NYAN THOS RNAMS, SEMS CAN GYI DON LA MI LTA BAR PHUNG PO'I LHAG MA MED PA'I MYA NGAN LAS 'DAS PA LA GNAS TE, SHING TSIG PA'I ME BZHIN DU MYA NGAN LAS 'DAS PA'O, ,DE NI BYANG CHUB SEMS DPA' RNAMS KYIS YONGS SU SPONG STE, SHES RAB DANG SNYING RJES MI GNAS PA'I MYA NGAN LAS 'DAS PA'I PHYIR RO, , DE YONGS SU BOR BAS MI GNAS PA'I TSUL DU BSHAD PAR BYA'O, ,NYAN THOS KYI YE SHES LAS BYANG CHUB SEMS DPA'I YE SHES RNAM PA LNGAS KHYAD PAR DU STON TE, RNAM PAR MI RTOG PA'I KHYAD PAR ZHES BYA BA NI NYAN THOS RNAMS NI PHYIN CI LOG BZHI LA RNAM PAR MI RTOG GO, ,BYANG CHUB SEMS DPA' @272B RNAMS NI BYANG CHUB CES BYA BA'I BAR DU CHOS THAMS CAD LA RNAM PAR MI RTOG GO, ,NYI TSE BA MA YIN PA'I KHYAD PAR NI RNAM PA GSUM STE, DE KHO NA RTOGS PA NYI TSE BA MA YIN PA NI NYAN THOS RNAMS DE KHO NA'I PHYOGS GCIG GANG ZAG LA BDAG MED PAR RTOGS PA'O, ,BYANG CHUB SEMS DPA' RNAMS NI GANG ZAG DANG CHOS GNYI GA LA BDAG MED PAR RTOGS SO, ,SHES BYA'I NYI TSE BA MA YIN PA NI NYAN THOS RNAMS SDUG BSNGAL LA SOGS PA'I BDEN PA TZAM LA SHES PA SKYED DE, DE TZAM GYIS DON BYAS PA'I PHYIR RO, ,BYANG CHUB SEMS DPA' RNAMS NI SHES BYA THAMS CAD LA NI SHES PA BSKYED DE, SEMS CAN RNAMS LA NYI TSE BA MA YIN PA NI NYAN THOS RNAMS NI BDAG GI DON DU ZAD PA DANG MI SKYE BA SHES PA LA SBYOR BA'O, ,BYANG CHUB SEMS DPA' RNAMS NI SEMS CAN THAMS CAD KYI CHED DU BYANG CHUB CHEN POR SBYOR TE, RNAM PA 'DI GSUM NI NYAN THOS DANG BYANG CHUB SEMS DPA' GNYIS KYI NYI TSE BA MA YIN PA'I KHYAD PAR RO, ,MI GNAS PA NYID KHYAD PAR YIN PAS MI GNAS PA'I KHYAD PAR TE, NYAN THOS RNAMS NI MYA NGAN LAS 'DAS PA LA GNAS SO, ,BYANG CHUB SEMS DPA' RNAMS NI SNYING RJE DANG YE SHES KYI DBANG GIS MYA NGAN LAS 'DAS PA LA MI GNAS SO, ,GTAN DU BA'I KHYAD PAR ZHES BYA BA NI NYAN THOS DANG BYANG CHUB SEMS DPA'I MYA NGAN LAS 'DAS PA'I KHYAD PAR STON TE, NYAN THOS RNAMS NI MAR ME'I 'OD BZHIN DU PHUNG PO'I LHAG MA MED PA'I MYA NGAN LAS 'DAS PAR ZAD PAR 'GYUR RO, ,BYANG CHUB SEMS DPA' RNAMS NI SANGS RGYAS SU GYUR NAS GZUGS MED PA BZHIN DU CHOS KYI SKUS 'KHOR BA JI SRID PAR GNAS SO, ,GONG NA MED PA'I KHYAD PAR ZHES BYA BA'I KHYAD PAR 'DIS KYANG DE DAG GI YE SHES KHYAD PAR DU 'PHAGS TE, NYAN THOS RNAMS KYI GONG NA NI RANG SANGS RGYAS KYI THEG PA DANG, THEG PA CHEN PO YANG YOD DO, ,BYANG CHUB SEMS DPA' RNAMS KYI SANGS RGYAS KYI THEG PA'I GONG NA NI THEG PA GZHAN MED PAS RNAM PA LNGA PO 'DI DAG NI NYAN THOS DANG BYANG CHUB SEMS DPA'I YE SHES KYI KHYAD PAR DU RIG PAR BYA'O, ,DON DE NYID TSIGS SU BCAD PAS SDUD DE, SNYING RJE'I BDAG NYID YE SHES KYIS, ,RNAM LDAN KHYAD PAR 'PHAGS PA RNAMS, ,ZHES BYA BA LA SOGS PA STE, RNAM @273A *, ,PA LNGA BSHAD ZIN TO, ,'JIG RTEN 'DAS PA YI, ,ZHES BYA BA NI 'JIG RTEN PA DANG 'JIG RTEN LAS 'DAS PA STE, 'JIG RTEN PA'I PHUN SUM TSOGS PA NI BSAM GTAN DANG GZUGS MED PA RNAMS SO, ,'JIG RTEN LAS 'DAS PA NI MYA NGAN LAS 'DAS PA KHYAD PAR DU 'PHAGS PA'O, ,DE'I BGEGS SU GYUR BA'I LAS MTHONG BA'I PHYIR ZHES BYA BA NI BYANG CHUB SEMS DPA' RNAMS LA MTHU MNGA' YANG CI'I PHYIR GZHAN LA NOR LA SOGS PA MI SGRUB PA DE BRJOD DE, DE'I ZHES BYA BA NI LONGS SPYOD RNAMS DANG SBYAR RO, ,LONGS SPYOD RNAMS KYI BAR DU GCOD PA'I LAS MTHONG NAS SPYAD DU MED PA'I PHYIR SBYIN PA 'BRAS BU MED PAR 'GYUR DU 'ONG ZHES DE DAG LA MI SBYIN TE, GAL TE DE DAG LA LONGS SPYOD PHUN SUM TSOGS PA BSGRUBS KYANG LONGS SPYOD MI NUS PAS 'DI BSGRUBS KYANG CI PHAN SNYAM MO, ,DPER NA, MA NI BYIS PA'I BU RNAMS LA, NU ZHO BLUD PAR NUS MOD KYI, ,KHA YI BU GA ZUMS PA YIN, ,BU LA MAS NI JI LTAR BYA, ZHES BSHAD PA LTA BU'O, ,LONGS SPYOD DE NYE BAR SGRUB NA DGE BA'I CHOS SKYE BA'I BAR DU GCOD PA NYID DU MTHONG BA'I PHYIR ZHES BYA BA NI LONGS SPYOD BSGRUBS PA LA SPYOD PA'I BGEGS SU GYUR PA'I LAS MED DU ZIN KYANG, GAL TE 'DI LTAR DE LONGS SPYOD PHUN SUM TSOGS PA RNYED NAS BAG MED PAS DGE BA'I CHOS SKYE BAR MI 'GYUR BAR MTHONG NA MI SGRUB STE, 'DI NI MTHONG BA'I CHOS LA DBUL POR GYUR PA NI BLA'I, 'DI TSE RABS GZHAN DAG NA YANG LONGS SPYOD PHUN SUM TSOGS PA DANG BRAL BAR GYUR NA MI RUNG NGO ZHES MI SGRUB PO, ,'DI LTA BUS KYANG MI SGRUB STE, KUN DU SKYO BA MNGON DU GYUR PAR MTHONG BA'I PHYIR, ,ZHES BYA BA'O, ,BDAG NI DBUL PO'O ZHES GANG ZHIG KUN DU SKYO BA MNGON DU GYUR PAR MTHONG NA DE LA YANG MI SGRUB STE, LONGS SPYOD BSGRUBS PAS BDE BAR GYUR NA KUN DU SKYO BA MNGON DU GYUR BA MED PAR 'GYUR TE, DES KYANG DGE BA'I CHOS RNAMS MI SKYE BAR GYUR NA MI RUNG NGO SNYAM MO, ,MI DGE BA'I CHOS SOGS PA'I RGYU NYID DU MTHONG BA'I PHYIR ZHES BYA BA NI GANG LONGS SPYOD CHEN PO BSGRUBS PHUN SUM TSOGS PA DES RGYAGS NAS MI DGE BA'I CHOS LA SOGS PAR MTHONG BA DE LA YANG MI SGRUB STE, DPER NA BLO GROS YANGS PA RNAMS LA NOR MED DGER @273B 'GYUR TE, ,NYIS NA DBUL BAR GYUR NYID BLA YI SDIG SPYOD DE LTA MIN, MA RABS SEMS RGYAGS GYUR NA DBANG PO'I RTA 'KHRUL TE, ,RIGS PA MIN DANG PHONGS PA KUN GYI SNOD DU 'GYUR, ,ZHES BSHAD PA LTA BU'O, ,SEMS CAN CHES MANG BA DAG LA GNOD PA'I RGYU NYID DU MA THOB PA'I PHYIR ZHES BYA BA NI SU DBANG PHYUG THOB NAS SEMS CAN SHIN TU MANG PO DAG LA GNOD PAR BYED PA DE LA YANG MI SGRUB STE, 'DI GCIG PU DBUL BA'I SDUG BSNGAL MYONG BA NI BLA'I, 'DIS GZHAN MANG PO LA GNOD PA BYAS NA MI RUNG NGO SNYAM MO, ,DON DE NYID TSIGS SU BCAS PAS SDUD DE, LAS DANG SGRIB DANG MNGON GYUR DANG, ,ZHES BYA BA LA SOGS PA'O, ,LHAG PA'I SHES RAB KYI BSLAB PA BSHAD ZIN TO, ,MI MTHUN PA'I PHYOGS SPANG PA'I PHYIR RNAM PAR MI RTOG PA'I YE SHES NI GNYEN PO NYID YIN PAS DE'I 'OG TU SPONG BA'I KHYAD PAR BRJOD DO, ,MI GNAS PA'I MYA NGAN LAS 'DAS PA ZHES BYA BA NI 'JIG RTEN PA DANG NYAN THOS LTAR 'KHAR BA DANG MYA NGAN 'DAS PA LA MI GNAS PA'I PHYIR RO, ,NYON MONGS PA YONGS SU BTANG BA DANG BCAS PA ZHES BYA BA NI KUN NAS NYON MONGS PA RNAMS DANG, DE YONGS SU BTANG BA DANG BCAS PA STE, DE'I MTHU LA GNOD PA'I PHYIR RO, ,'KHOR BA YONGS SU MI GTONG PA'I GNAS TE, GNAS GYUR PA ZHES BYA BA NI GNAS GYUR PA DE LA GZUGS MED PA BZHIN DU GNAS PA NI SHES RAB KYI KHYAD PAR DANG LDAN PA'I PHYIR NYON MONGS PA RNAMS KYI SKABS KYANG MI 'BYED LA, SNYING RJE'I GZHAN GYI DBANG GIS 'KHOR BA YANG MI 'DOR RO, ,GNAS NI GANG DE'I GYUR PA NI GANG ZHE NA, 'KHOR BA NI GZHAN GYI DBANG GI NGO BO NYID DE ZHES BYA BAS STON TO, ,'KHOR BA NI 'KHRUL BA'I SEMS DANG SEMS LAS BYUNG BA RNAMS TE, SKYE BA DANG 'CHI BA'I DBYANGS THAG LA 'PHYANG MO NYUG BA'I RGYUN MI 'CHAD PA'I PHYIR RO, ,KUN NAS NYON MONGS PA' CHA ZHES BYA BA NI KUN BRTAGS PA'I RNAM PA'I CHOS SO, ,MYA NGAN LAS 'DAS PA NI DE NYID RNAM PAR BYANG BA'I CHAR GTOGS PA STE, KUN BRTAGS PA'I DNGOS PO MED PA'I CAR GTOGS PA'O, ,GNAS NI DE NYID GNYI GA'I CHAR GTOGS PA STE, GZHAN GYI DBANG NGO, ,GANG GI GNAS SHE NA, GYUR BA'I STE 'BREL PA'I PHYIR RO, ,DE GYUR PA NI DE YONGS SU @274A *, ,GYUR PA'O; ;YANG NA SANGS RGYAS KYI CHOS RNAMS KYI GNAS TE, JI SKAD DU SA DANG PHA ROL TU PHYIN PA NI, ,SANGS RGYAS CHOS KYI GNAS YIN NO, ,GNAS GYUR PA NI 'BRAS BU STE, ,CHOS KYI SKU ZHES BRJOD PA YIN, ,ZHES BSHAD PA LTA BU'O, ,JI LTAR NI 'GYUR GYUR PA DE GANG YIN SNYAM PA LA, GZHAN GYI DBANG 'KHRUL PA'I BDAG NYID DE'I GNYEN PO SKYES NA ZHES BYA BA SMOS TE, RNAM PAR MI RTOG PA'I YE SHES SKYES NA'O, ,KUN NAN NYON MONGS PA'I CHA LDOG CING ZHES BYA BA NI 'KHRUL PA'I CHA GZUNG BA DANG 'DZIN PA NYID DE, LDOG PA NI GZHAN DU GYUR PA'O, , RNAM PAR BYANG BA'I CHAR GYUR PA, ,ZHES BYA BA NI GZUNG BA DANG 'DZIN PA MED PA'I DNGOS POR TE, GZUNG BA DANG 'DZIN PA MED PA NYID NI SO SO RANG GIS RIG PAR BYA BA BRJOD DU MED PA'O, ,NYAM CHUNG BAR BYED CING RGYAS PAR GYUR PA STE, MOS PA'I DBANG GIS THOS PA'I BAG CHAGS BSKYED PA'I STOBS KYIS RNAM PAR SMIN PA'I RNAM PAR SHES PA LA GNAS PA'I NYON MONGS PA'I BAG CHAGS NYAM CHUNG BAR BYED CING RNAM PAR BYANG BA RGYAS PAR 'GYUR BA'O, ,MOS PA DANG THOS PA'I BAG CHAGS GNAS PAS 'DZEMS PA DANG BCAS PA LA NYON MONGS PA CHUNG NGU KUN DU 'BYUNG BA'AM KUN DU MI 'BYUNG BAR 'GYUR RO ,RTOGS NAS GYUR PA NI SAR CHUD PA'I BYANG CHUB SEMS DPA' RNAMS KYI STE ZHES BYA BA LA SOGS PA STE, DE KHO NA DANG DE KHO NA YIN PA SNANG BA STE, BAR CHAD DANG BCAS PA DANG, BAR CHAD MED PAR RNAM PAR MI RTOG PA'I YE SHES KUN DU 'BYUNG BA'I PHYIR DE LA RES 'GA' NI DE KHO NA SNANG, RES 'GA' NI DE KHO NA MA YIN PA SNANG STE, LANGS PA'I 'OG TU STE SA DRUG PA'I BAR DU'O, ,BSGOMS PAS GYUR PA NI SGRIB PA DANG BCAS PA RNAMS KYI STE ZHES BYA BA LA SOGS PA NI SHES BYA'I SGRIB PA DANG BCAS PAR GYUR PA'I MTSAN MA THAMS CAD MI SNANG BA DANG, DE KHO NA NYID SNANG BAR GNAS GYUR PA GANG YIN PA DE STE, SA BCU PA'I BAR DU'O, ,'BRAS BU YONGS SU RDZOGS PAR GYUR PA NI SGRIB PA MED PA RNAMS KYI YE SHES ZHES BYA BA LA SOGS PA NI GANG SGRIB PA THAMS CAD KYIS SGRIB PA MED PAR GYUR PA'I MTSAN MA THAMS CAD MI SNANG BAR GYUR PA DANG, SGRIB PA THAMS CAD MED PA'I PHYIR DE SHIN TU RNAM PAR DAG @274B PA'I DE KHO NA SNANG BA DANG MTSAN MED DAG NYID LA DBANG THOB PAR GYUR BA'I GNAS YIN TE, 'DI LTAR MTSAN MA LA DBANG THOB PA DE NYID KYIS JI LTAR 'DOD PA BZHIN DU SEMS CAN GYI DON BYED DO, ,GYUR PA DAM PA NI GO BLA STE, BSHAD PA NYID KYIS DE BSHAD PA YIN NO, ,GYUR PA RGYA CHE BA NI BYANG CHUB SEMS PHYUG THOB NAS SEMS CAN SHIN TU MANG PO DAG LA GNOD PAR BYED PA DE LA YANG MI SGRUB STE, 'DI GCIG PU DBUL BA'I SDUG BSNGAL MYONG BA NI BLA'I, 'DI SA GZHAN MANG PO LA GNOD PA BYAS NA MI RUNG NGO SNYAM MO, ,DON DE NYID TSIGS SU BCAD PAS SDUD DE, LAS DANG SGRIB DANG MNGON GYUR DANG, ,ZHES BYA BA LA SOGS PA'O, ,LHAG PA'I SHES RAB KYI BSLAB PA BSHAD ZIN TO, ,MI MTHUN PA'I PHYOGS SPANG BA'I PHYIR RNAM PAR MI RTOG PA'I YE SHES NI GNYEN PO NYID YIN PAS DE'I 'OG TU SPONG BA'I KHYAD PAR BRJOD DO, ,MI GNAS PA'I MYA NGAN LAS 'DAS PA ZHES BYA BA NI 'JIG RTEN PA DANG NYAN THOS LTAR 'GAR BA DANG MYA NGAN LAS 'DAS PA LA MI GNAS PA'I PHYIR RO, ,NYON MONGS PA YONGS SU BTANG BA DANG BCAS PA ZHES BYA BA NI KUN NAS NYON MONGS PA RNAMS DANG, DE YONGS SU BTANG BA DANG BCAS PA STE, DE'I MTHU LA GNOD PA'I PHYIR RO, ,'KHOR BA YONGS SU MI GTONG PA'I GNAS TE, GNAS GYUR PA ZHES BYA BA NI GNAS GYUR PA DE LA GZUGS MED PA BZHIN DU GNAS PA NI SHES RAB KYI KHYAD PAR DANG LDAN PA'I PHYIR NYON MONGS PA RNAMS KYI SKABS KYANG MI 'BYED LA, SNYING RJE'I GZHAN GYI DBANG GIS 'KHOR BA YANG MI 'DOR RO, ,GNAS NI GANG DE'I GYUR PA NI GANG ZHE NA, 'KHOR BA NI GZHAN GYI DBANG GI NGO BO NYID DE ZHES BYA BAS STON TO, ,'KHOR BA NI 'GRUL BA'I SEMS DANG SEMS LAS BYUNG BA RNAMS TE, SKYE BA DANG 'CHI BA'I DBYANGS THAG LA 'PHYANG MO NYUG PA'I RGYUN MI 'CHAD PA'I PHYIR RO, ,KUN NAS NYON MONGS PA'I CHA ZHES BYA BA NI KUN BRTAGS PA'I RNAM PA'I CHOS SO, ,MYA NGAN LAS 'DAS PA NI DE NYID RNAM PAR BYANG BA'I CHAR GTOGS PA STE, KUN BRTAGS PA'I DNGOS PO MED PA'I CHAR GTOGS PA'O, ,GNAS NI DE NYID GNYI GA'I CHAR GTOGS PA STE, GZHAN GYI DBANG NGO, ,GANG GI GNAS SHE NA, GYUR BA'I STE 'BREL PA'I PHYIR RO, ,DE GYUR PA NI DE YONGS SU @275A *, , SPYOD PAS GROL NGA ZHES BYA'O, ,'KHOR BA DANG NI MYA NGAN LAGS, ,MTSUNGS PAR SHES PA NAM SKYE BA, ,ZHES BYA BA LA, 'KHOR BA ZHES BYA BA NI KUN BRTAGS PA'I NGO BO NYID DO, ,DE YANG DNGOS PO MED PA NYID NI STONG PA NYID DE, STONG PA NYID NI MYA NGAN LAS 'DAS PA ZHES BYA'O, ,DE LTAR NA GTONG BA MA YIN TE, 'DI LTAR 'KHOR BA NYID DE'I MYA NGAN LAS 'DAS PAR 'GYUR RO, ,MI GTONG MIN TE, 'DI LTAR DE YANG 'KHOR BA LA 'KHOR BA'I 'DU SHES MI 'JUG GO, ,THOB PA MA YIN TE, 'DI LTAR 'KHOR BA LAS GUD NA MYA NGAN LAS 'DAS PA MI RNYED DO, ,MI 'THOB MIN TE, 'DI LTAR DE NYID DE'I MYA NGAN LAS 'DAS PA'O, ,SPONG BA'I RNAM PAR 'GREL BA'O, ,SPONG BAR BYA BA SPANGS PAS YE SHES DRI MA MED CING THOGS PA MED PAR 'GYUR BAS NA SPONG BA'I KHYAD PAR GYI 'OG TU YE SHES KYI KHYAD PAR BRJOD DO, ,NGO BO NYID KYI ZHES BYA BA NI BCOS MA MA YIN PA'I PHYIR RO, ,SKU NI BSTZAG PA LTA BU STE, CHOS RNAMS KYI SKU NI CHOS NYID KYI SKU'O, ,CHOS THAMS CAD LA DBANG SGYUR BA'I GNAS YIN PA'I PHYIR RO ZHES BYA BA NI 'DI NI CHOS THAMS CAD LA DBANG SGYUR BA'I GNAS DANG LDAN PA'I PHYIR RO, ,YANG NA CHOS THAMS CAD LA DBANG SGYUR BA YANG YIN LA GNAS KYANG YIN NO, ,LONGS SPYOD RDZOGS PA'I SKU NI GANG SANGS RGYAS KYI 'KHOR GYI DKYIL 'KHOR SNA TSOGS KYIS RAB TU PHYE BA STE, BDE BA CAN LA SOGS PAS RAB TU PHYE BA'O, ,CHOS KYI SKU LA BSTAN PA ZHES BYA BA NI DE YOD NA DE YOD PA'I PHYIR RO, ,SANGS RGYAS KYI ZHING YONGS SU DAG PAR BYA BA'I PHYIR THEG PA CHEN PO'I MDO LA SOGS PA'I CHOS MYONGS STE, DE'I DON RTOGS PA'I PHYIR RO, ,YANG NA SANGS RGYAS KYI ZHING YONGS SU DAG PA GSER LA SOGS PA'I RANG BZHIN CAN DANG CHOS MYONG BAR MDZAD PA STE, SNGON GYI TSOGS KYI 'PHEN PA'I MTHUS SO, ,RNAM PAR MI RTOG CING DRI MA MED LA THOGS PA MED PA'I YE SHES SNGON DU 'GRO BA'I YE SHES DE'I DBANG GIS RNAM PAR THAR PA BSAM GYIS MI KHYAB PA LA GNAS PAS SA CHEN POR CHUD PA'I BYANG CHUB SEMS DPA' RNAMS LA SANGS RGYAS KYI ZHING YONGS SU DAG PAR DANG, THEG PA CHEN PO'I CHOS LA LONGS SPYOD PAR SNANG BA'I YE SHES KYE'O, ,SPRUL PA'I SKU NI GANG CHOS KYI SKU LA BRTEN PA NYID @275B DE SNGA MA BZHIN NO, ,YE SHES KYI KHYAD PAR DE'I MTHUS DGA' LDAN GYI GNAS NA BZHUGS PA NAS BZUNG STE, YONGS SU MYA NGAN LAS 'DAS PA, ,ZHES BYA BA'I BAR SKAL BA CAN RNAMS KYI RGYUD GZHAN DAG LA MING DANG SKAL BA MNYAM PAR SNANG BA'I RNAM PAR RIG PA RNAMS 'BYUNG NGO, ,'DIR SNGOM GYI TSOGS SU BCAD PA ZHES BYA BA NI BSDOMS PA'I DON BSTAN PA NI SDOM MO, ,MTSAN NYID DANG NI THOB PA DANG, ,ZHES BYA BA LA SOGS PA LA, MTSAN NYID LNGA ZHES BYA BA NI BSTAN PA'O, ,GNAS GYUR PA'I MTSAN NYID CES BYA BA LA SOGS PA NI BSHAD PA'O, ,SGRIB PA THAMS CAD KUN NAS NYON MONGS PA'I CHAR GTOGS PA'I GZHAN GYI DBANG GI NGO BO NYID RNAM PAR LOG NA ZHES BYA BA NI GZHAN GYI DBANG GI KUN NAS NYON MONGS PA'I CHA GZUNG BA DANG, 'DZIN PA'I DNGOS PO GANG YIN PA DE'I GZUNG BA DANG 'DZIN PA RNAM PAR LOG PAR GYUR NA SGRIB PA LAS RNAM PAR GROL BA'I PHYIR RO, ,CHOS THAMS CAD LA DBANG SGYUR BA NYE BAR GNAS PA RNAM PAR BYANG BA'I CHAR GTOGS PA'I GZHAN GYI DBANG GI NGO BO NYID DU YONGS SU GYUR TE, GZUNG BA DANG 'DZIN PA'I DNGOS PO'I NGO BO NYID LAS GYUR PA'O, ,DKAR PO'I CHOS KYI RANG BZHIN GYI MTSAN NYID NI NYAN THOS RNAMS KYI GNAS GYUR PA NI NYON MONGS PA SPANGS PA TZAM GYIS RAB TU PHYE BA'I PHYIR DKAR PO'I CHOS KYI RANG BZHIN MA YIN GYI, BYANG CHUB SEMS DPA' RNAMS NI PHA ROL TU PHYIN PA YONGS SU RDZOGS PA DKAR PO'I CHOS KYI RANG BZHIN NYID DE, DE LA NI LUNG DU MA BSTAN PA'I GNAS SKABS KYANG GANG YANG MED NA NYON MONGS PA CAN GYI GNAS SKABS LTAG LA YOD, DBANG BCU STON TE, TSE LA DBANG BA NI JI LTAR 'DOD PA BZHIN DU 'CHI BA'I PHYIR RO, ,SEMS LA DBANG BA NI GANG 'KHOR BA KUN NAS NYON MONGS PA MED PA DANG, GZHAN DAG GI BSAM PA JI LTA BA BZHIN DU YO BYAD KYANG SGRUB CING DE LA DE DAG GI SEMS GTONG PA'O, ,YO BYAD LA DBANG BA NI ZAS LA SOGS PA'I YO BYAD RNAMS JI LTAR BSAMS PA BZHIN DU GNAS PA'I PHYIR RO, ,YO BYAD NI 'TSOG CHAS ZHES BYA BA DANG DON GCIG STE, BSAM PA JI LTAR BA BZHIN DU SEMS CAN RNAMS LA YO BYAD SBYIN PA'I PHYIR RO, ,SBYIN PA'I PHA ROL TU PHYIN PA YONGS SU RDZOGS PA'I PHYIR RO ZHES BYA BA NI GSUM @276A *, ,CHAR YANG DE'I 'BRAS BU YIN PA'I PHYIR RO, ,LAS LA DBANG BA NI LUS DANG NGAG GI LAS JI LTAR BSAMS PA BZHIN DU GNAS PA'I PHYIR TE, SEMS CAN RNAMS KYANG DE LA 'DZUD PA'I PHYIR RO, ,SKYE BA LA DBANG BA NI JI LTAR BSAMS PA BZHIN DU 'GRO BA RNAMS SU SKYE BA'I PHYIR TE; ;JI SKAD DU, TSUL KHRIMS DANG LDAN PA'I SMON PA 'GRUB PO ZHES GSUNGS PA LTA BU'O, ,MOS PA LA DBANG BA NI JI LTAR MOS PA BZHIN DU SA LA SOGS PA GSER LA SOGS PAR BSGYUR BAS DE'I MOS PA'I RJES SU 'JUG PA'I PHYIR RO, ,BZOD PA'I PHA ROL TU PHYIN PA'I 'BRAS BU NI, JI LTAR SNGON SEMS CAN THAMS CAD KYI SEMS DANG MTHUN PAR BYAS PA DE BZHIN DUS LA SOGS PA YANG DE'I MOS PA'I RJES SU MTHUN PAR 'GYUR RO, ,SMON LAM LA DBANG BA JI LTAR SMON LAM BTAB PA BZHIN DU DON 'GRUB PA'I PHYIR RO, ,BRTZON 'GRUS KYI PHA ROL TU PHYIN PA'I 'BRAS BU NI SNGON SEMS CAN GYI DON LA BRTZON 'GRUS MA BTANG PA'I PHYIR RO, ,MNGON PAR SHES PA LNGAS BSDUS PA'I RDZU 'PHRUL LA DBANG BA NI JI LTAR BSAMS PA BZHIN DU MNGON PAR SGRUB PA'I PHYIR RO, ,BSAM GTAN GYI 'BRAS BU NI SNGON SEMS CAN RNAMS KYI DGOS PA JI LTA BA BZHIN DU BSAM GTAN LA SNYOMS PAR ZHUGS PA'I PHYIR RO, ,YE SHES LA DBANG BA NI JI LTAR BZHED PA BZHIN YE SHES MNGON SUM DU MDZAD PA'I PHYIR RO, ,CHOS LA DBANG BA NI MDO'I SDE DANG DBYANGS KYIS BSNYAD PA'I SDE LA SOGS PA BSAM PA JI LTA BA BZHIN DU STON PA'I PHYIR TE, SNGON GZHAN DAG LA JI LTAR 'DOD PA BZHIN DU YE SHES BTANG BA'I PHYIR RO, ,SHES RAB KYI PHA ROL TU PHYIN PA'I 'BRAS BU'I KHYAD PAR RO, ,YOD PA DANG MED PA GNYIS SU MED PA'I MTSAN NYID KYIS ZHES BYA BA LA YOD PA'I MTSAN NYID MA YIN PA NI, CHOS THAMS CAD DNGOS PO MED PA'I BDAG NYID YIN PA'I PHYIR RO, ,MED PA'I MTSAN NYID MA YIN PA NI, STONG PA NYID KYI NGO BO NYID YIN PA'I PHYIR RO, ,'DUS BYAS DANG 'DUS MA BYAS GNYIS SU MED PA'I MTSAN NYID CES BYA BA NI, LAS DANG NYON MONGS PA RNAMS KYIS MNGON PAR 'DUS MA BYAS PA'I PHYIR 'DUS BYAS KYI MTSAN NYID MA YIN NO, ,CHOS 'DUS BYAS SU SNANG BA KUN DU STON @276B PA LA DBANG 'BYOR PA THOB NAS DE DAG LA YANG DANG YANG STON PA'I PHYIR 'DUS MA BYAS KYI MTSAN NYID MA YIN NO, ,THA DAD PA DANG LHAN CIG PA GNYIS SU MED PA'I MTSAN NYID CES BYA BA NI CHOS KYI SKU GCIG PA'I PHYIR THA DAD PA'I MTSAN NYID MA YIN NO, ,GNAS TSAD MED PA DAG GIS 'THOB PA'I PHYIR GCIG PA'I MTSAN NYID MA YIN NO, ,'DI GNYIS LAS GANG YANG RUNG BA GCIG MED PA'I PHYIR GNYIS SU MED PA'O, ,RTOGS PAR SLA BAR BYA BA'I PHYIR DON DE NYID TSIGS SU BCAD PA GNYIS KYIS SDUD DE, BDAG TU 'DZIN PA MED PA'I PHYIR, ,ZHES BYA BA LA SOGS PA'O, ,GANG LA NGA'O SNYAM DU 'DZIN PA YOD PA DE LA NI 'DI NI GZHAN NO ZHES BYA BA YOD LA, GANG LA GZHAN ZHES BYA BA NI RNAM PAR GCOD PA YOD PA DE NA THA DAD PA YOD KYI CHOS KYI SKU LA NI BDAG TU 'DZIN PA GANG YANG MED PAS THA DAD PA MED DO, ,GAL TE THA DAD PA MED NA JI LTAR SANGS RGYAS NYID MANG SNYAM PA LA, SNGON GYI RJAS SU 'BRANG BAS NA, DE LA GDAGS PA THA DAD BYED, ,CES BYA BA SMOS TE, BYANG CHUB SEMS DPA'I GNAS SKABS KYI RJES SU 'GRO BAS 'DI NI SH'A KYA THUB PA'O, ,'DI NI RNAM PAR GZIGS SO ZHES THA SNYAD DANG MTHUN PAR BYAS PA'I PHYIR RO, ,THA DAD RIGS PHYIR SANGS RGYAS NYID GCIG MA YIN NO, ,RIGS NI SKYE MCHED DRUG GI KHYAD PAR TE, DE NI THA DAD DE, RANG BZHIN DU GNAS PA DANG YANG DAG PAR BSGRUBS PA'I PHYIR RO, ,DE THA DAD PAS SBYOR BA YANG THA DAD DE, DE LAS SANGS RGYAS NI GCIG YIN GYI, GZHAN DU MA YIN NO ZHES BYA BA MI RIGS SO, ,DON MED PHYIR ZHES BYA BA NI SANGS RGYAS NYID MANG PO NYID CES BYA BAR SBYAR TE, SANGS RGYAS NYID GCIG TU ZAD NA NI SO SO'I TSOGS RNAMS DON MED PAR 'GYUR RO, ,KUN PHYIR ZHES BYA BA NI SANGS RGYAS RNAMS NI THEG PA GSUM PO DAG LA 'GOD PA'I PHYIR SO SOR SEMS CAN GYI DON MTHA' DAG LA NAN TAN MDZAD DO, ,GAL TE SANGS RGYAS GCIG KHO NA YIN NA NI SANGS RGYAS GNYIS PA MED PA'I PHYIR DE SEMS CAN RNAMS SANGS RGYAS NYID LA 'JOG PAR MI MDZAD PAS SANGS RGYAS KYI MDZAD PA MTHA' DAG MDZAD PAR MA GYUR TE, DE'I PHYIR SANGS RGYAS NYID MANG PO NYID DU SHES PAR BYA'O, ,THOG MA MED PA'I PHYIR ZHES BYA BA NI 'KHOR BA BZHIN DU @277A *, ,SANGS RGYAS BCOM LDAN 'DAS RNAMS LA YANG THOG MA'I MTHA' MED PAR 'DOD DE, SANGS RGYAS GZHAN LA BSNYEN BKUR MA BYAS PA'I BYANG CHUB SEMS DPA'I SANGS RGYAS NYID NI RGYU MED PA LAS BYUNG BAR GYUR DU 'ONG NGO, ,DE LTA BAS NA GCIG PA MA YIN NO, ,MANG PO YANG MA YIN TE; DRI MA MED PA'I GNAS LA THA DAD PA MED PA'I PHYIR RO, ,DRI MA MED PA'I GNAS NI 'DIR CHOS KYI DBYINGS SU 'DOD DE, YE SHES KYI BYE BRAG GIS GLO BUR DRI MA SPANGS PA'I PHYIR TE, DE LA THA DAD PA MED DO, ,RTAG PA'I MTSAN NYID CES BYA BA NI THER ZUG GI MTSAN NYID DO, ,DE BZHIN NYID RNAM PAR DAG PA DE NI RTAG PA STE, GZHAN DU NA DE BZHIN NYID CES BYA BA YANG MED PAR 'GYUR RO, ,SNGON GYI SMON LAM GYI SHUGS KYI PHYIR ZHES BYA BA NI DES SNGON 'DI SKAD DU SEMS CAN TSAD MED PA DAG YONGS SU MYA NGAN LAS BZLA'O ZHES SMON LAM BTAB PA YANG RTAG PA NYID MED DU ZIN NA DE GRUB PAR MI 'GYUR RO, ,SMON LAM BTAB TU ZIN KYANG SEMS CAN MTHA' YAS PA'I PHYIR BYA BA YONGS SU RDZOGS PAR MI 'GYUR TE, SEMS CAN JI SRID PAR GNAS PA'I PHYIR RTAG PA NYID DO, ,BSAM GYIS MI KHYAB PA'I MTSAN NYID NI DE BZHIN NYID RNAM PAR DAG PA DE SO SO RANG GIS RIG PAR BYA BA ZHES BYA BA LA SOGS PA LA, BSAM PA ZHES BYA BA NI RIGS PA NGES PAR SEMS PA LAS BYUNG BA'I SHES PA STE, RTOG GER RTOGS PA DPER SHES PAR BYA STE, DE'I SPYOD YUL MA YIN PAS RTOG GE'I SA LA YANG DAG PAR 'DAS PA'I PHYIR BSAM GYIS MI KHYAB PA NYID DO, ,CHOS KYI SKU NI MOS PA DANG CHOS SPYOD PA RNAMS KYIS KYANG THOG MA NYID DU 'THOB PAS NA REG PAS 'THOB CES BYE BRAG TU BYAS TE, 'THOB PAS RNYED PA YIN NO, ,RTAG PA'I PHYIR BSKYED PA ZHES NI MI BRJOD DO, ,THEG PA CHEN PO'I CHOS 'DRES PA LA DMIGS PA RNAM PAR MI RTOG PA ZHES BYA BA LA SOGS PA'I DON NI BRDA PHRAD PAR ZAD DE, ,RNAM PA LNGA LEGS PAR BSGOMS PA ZHES BYA BA LA, RNAM PA LNGA NI SKAD CIG RE RE LA GNAS NGAN LEN GYI GNAS THAMS CAD 'JIG PAR BYED PA DANG, SNA TSOGS KYI 'DU SHES DANG BRAL TE, CHOS KYI KUN DGA' LA DGA' BA THOB PA DANG, CHOS KYI SNANG BA THAMS CAD DU TSAD MED CING RNAM PA YONGS SU MA CHAD PA @277B PA YANG DAG PAR SHES PA DANG, RNAM PAR DAG PA'I CHA DANG MTHUN PA'I MTSAN MA RNAM PAR BRTAGS PA MA YIN PA RNAMS DE LA KUN DU 'BYUNG BA DANG, CHOS KYI SKU YONGS SU RDZOGS PA DANG YONGS SU RDZOGS PA DANG YONGS SU GRUB PAR BYA BA'I PHYIR GONG MA BAS CHES GONG MA'I RGYU YANGS SU 'DZIN PAR BYED PA'O, ,SGRIB PA SRAB MO GZHIG PAR DKA' BA SHIGS PA'I PHYIR ZHES BYA BA NI RDO RJE LTA BU'I MTSAN MA STON TE, DPER NA RDO RJES NI SHIN TU SRA BA GZHIG PAR DKA' BA'I RDO RJE YANG PHIGS SO, ,DE BZHIN DU TING NGE 'DZIN 'DI YANG DE LAS GZHAN PA'I SHES PA RNAMS KYIS GZHIG PAR DKA' BAS NYON MONGS PA CAN MA YIN PA'I MI SHES PA'I RNAM PA SHIN TU SRA BA GZHIG PA'I PHYIR YE SHES KYI DE MA THAG PA'I LAM YIN PAS RDO RJE DANG BSTUN PA STE, TING NGE 'DZIN DES NI SGRIB PA THAMS CAD DANG BRAL LO, ,DE DAG GIS GNAS GYUR PAS 'THOB BO ZHES BYA BA NI RNAM PAR MI RTOG PA DANG DE'I RJES LA THOB PA'I YE SHES DE GNYIS KYIS GNAS GYUR PA CHOS KYI SKU 'THOB BO, ,'BYOR PA RNAM PA LNGAS ZHES BYA BA NI PHUNG PO LNGA GYUR PAS SO, ,NYAN THOS NI SDUG BSNGAL GYIS 'JIGS PA'I PHYIR MDZE CAN LUS 'DOR BA BZHIN DU PHUNG PO'I RGYUN GCOD DO, ,BYANG CHUB SEMS DPA' NI THABS YONGS SU BZUNG BA'I PHYIR MDZE CAN SGRIN PO SMAN BCUD KYIS LEN LA BRTAN PA BZHIN DU KHA NA MA THO BA MED PA NYID DU SGYUR RO, ,DE LA GZUGS KYI PHUNG PO GYUR PAS SANGS RGYAS KYI ZHING LA DBANG 'BYOR TE, JI LTAR 'DOD PA BZHIN DU GSER LA SOGS PA'I RANG BZHIN DU STON PA'I PHYIR RO, ,LUS BSTAN PA LA DBANG 'BYOR TE, JI LTAR BSAMS PA BZHIN DU LUS 'GYUR BA DANG 'KHOR GYI DKYIL 'KHOR THA DAD PA RNAMS SU SKAL BA JI LTA BA BZHIN DU SEMS CAN RNAMS LA STON PA'I PHYIR RO, ,MTSAN DANG DPE BYAD BZANG PO LA DBANG 'BYOR TE, MTSAN DE DANG DPE BYAD BZANG PO DE DANG DE JI LTAR 'DOD PA BZHIN DU RAB TU STON PA'I PHYIR RO, ,SANGS RGYAS KYI GSUNG DBYANGS MTHA' YAS PA DANG, SPYI GTZUG BLTAR MI MTHONG BA LA YANG DBANG 'BYOR TO, ,TSOR BA'I PHUNG PO GYUR PAS NI KHA NA MA THO BA MED CING TSAD MED LA, RGYA CHE BA'I BDE BAR GNAS PA LA DBANG 'BYOR PA 'THOB STE, DE LA KHA NA MA THO BA MED PA NI NYON MONGS PA MED PA'I PHYIR RO, ,TSAD MED PA NI SNA TSOGS KYI @278A *, ,PHYIR RO; ;RGYA CHE BA NI KHAMS GSUM PA'I BDE BA LAS SHIN TU 'DAS PA'I PHYIR RO, ,'DU SHES KYI PHUNG PO GYUR PAS NI BSTAN PA LA SOGS PA LA DBANG 'BYOR BA THOB STE, 'DI LTAR 'DU SHES NI MTSAN MAR 'DZIN PA'I BDAG NYID DE, DON YONGS SU GCOD PA'O, ,JI LTAR 'DU SHES SU 'GYUR BA DE LTA BU MING GI CHOGS LA SOGS PAS RJES SU THA SNYAD 'DOGS SO, ,'DU BYED KYI PHUNG PO GYUR PAS NI SPRUL PA DANG BSGYUR BA DANG, 'KHOR BA BSDU BA DANG, DKAR PO'I CHOS BSDU BA LA DBANG 'BYOR BA THOB STE, DE LA SPRUL PA LA DBANG 'BYOR BA NI JI LTAR 'DOD PA BZHIN DU SPRUL PA'I PHYIR RO, ,BSGYUR BA LA DBANG 'BYOR BA NI SA LA SOGS PA JI LTAR 'DOD PA BZHIN DU GSER LA SOGS PA DNGOS POR BSGYUR PA'I PHYIR RO, ,'KHOR BSDU BA LA DBANG 'BYOR PA NI JI LTAR BSAMS PA BZHIN DU LHA LA SOGS PA'I 'KHOR 'GUGS PA'I PHYIR RO, ,DKA' PO'I CHOS BSDU BA LA DBANG 'BYOR PA NI JI LTAR BSAMS PA BZHIN DU ZAG PA MED PA'I CHOS MNGON DU BYED PA'I PHYIR RO, ,RNAM PAR SHES PA'I PHUNG PO GYUR PAS NI ME LONG LTA BU DANG, MNYAM PA NYID DANG, SO SOR RTOG PA DANG, BYA BA SGRUB PA'I YE SHES LA DBANG 'BYOR PA THOB STE, DE LA ME LONG LTA BU'I YE SHES NI DMIGS PA MNGON DU MA GYUR KYANG BSNYEL PA MI MNGA' BA'O, ,MNYAM PA NYID KYI YE SHES NI SEMS CAN THAMS CAD LA MNYAM PAR GZIGS PA GANG LAS BYUNG BA'O, ,SO SOR RTOG PA'I YE SHES NI GANG GIS TING NGE 'DZIN DANG, GZUNGS KYI SGO RNAMS DANG, SHES BYA GZHAN DAG KYANG JI LTAR BZHED PA BZHIN DU THOGS PA MED PAR MKHYEN PA'O, ,BYA BA SGRUB PA'I YE SHES NI GANG GIS DGA' LDAN LA SOGS PA NA GNAS PA NAS BZUNG STE, MYA NGAN LAS 'DAS PA'I BAR DU DE DAG KUN DU STON PAS SANGS RGYAS KYI MDZAD PA SGRUB PA'O, ,CHOS JI SNYED CIG GI GNAS YIN ZHES BYA BA NI 'DRI BAR SMRAS PA'O, ,MDOR BSDUN GSUM GYIS GNAS TE ZHES BYA BA NI RGYAS PAR BYA NA YON TAN TSAD MED PA RNAMS KYI GNAS SO, ,MDOR BSDU NA NI GSUM GYI GNAS TE, SANGS RGYAS KYI GNAS PA SNA TSOGS KYIS GNAS ZHES BYA BA NI 'DI LTAR CHOS KYI SKU LA BRTEN NAS GNAS PA RNAM PA SNA TSOGS LHA DANG @278B 'PHAGS PA DANG TSANGS PA'I GNAS PA RNAMS KYIS GNAS TE, DE'I PHYIR DE NI DE DAG GI GNAS SO, ,DE LA LHA'I GNAS PA RNAMS KYI NANG NA NI BSAM GTAN BZHI PA LA DE BZHIN GSHEGS PA RNAMS LAN MANG DU GNAS PA MDZAD DO, ,'PHAGS PA'I GNAS PA RNAMS KYI NANG NA NI STONG PA NYID LA GNAS SO, ,TSANGS PA'I GNAS PA RNAMS KYI NANG NA NI SNYING RJE LA GNAS SO, ,SNA TSOGS 'DI DAG GIS NYAN THOS LA SOGS PA LAS KHYAD PAR DU 'PHAGS SO, ,NYAN THOS KYI MYA NGAN LAS 'DAS PA LAS KHYAD PAR DU BSTAN PA'I PHYIR, GANG PHYIR SANGS RGYAS RANG GIS DBYINGS BRNYES NAS, ,ZHES BYA BA LA SOGS PA SMOS SO, ,RANG GI DBYINGS BRNYES ZHES BYA BA NI CHOS KYI DBYINGS BRNYES PA'O, ,DGA' DANG BRAL ZHES BYA BA NI NYAN THOS RNAMS CHOS KYI DBYINGS DE MA RNYED PAS RNAM PA LNGA'I BDAG NYID KYI DGA' BA DANG BRAL TE, MGO BCAD PA DANG 'DRA BA'I MYA NGAN LAS 'DAS PAR MYA NGAN LAS 'DA' BAS DGA' BA DANG BRAL BA'O, ,DE'I PHYIR, DE 'DOD PAS NI DE THOB BYED, ,CES BYA BA NI DGA' BA RNAM PA LNGA 'DOD PA'I BYANG CHUB SEMS DPAS CHOS KYI DBYINGS DE YANG DAG PAR THOB PAR BYED DO, ,RNAM PA LNGA'I BDAG NYID KYI DGA' BA DE GANG ZHE NA, MTHU DANG BYA BA GRUB DANG CHOS RO DANG, ,ZHES BYA BA LA SOGS PA SMOS TE, DGA' BA'I RGYU THA DAD PA'I PHYIR RO, ,MTHU NI NUS PA STE, DE'I DPAG TU MED PA NI DE DE BZHIN GSHEGS PA MTHU DANG LDAN PA GANG G'A'I KLUNG DU MA'I BYE MA BGRANG BA LAS 'DAS PA RNYED KYI CHOS KYI SKU LA THA DAD PA MED PA'I PHYIR TE, THAMS CAD KYANG MTHU MTSUNGS PA'I PHYIR RO, , GANG DAG LA MTHU DPAG TU MED PA MNGA' BA DE DAG LA DGYES PA SKYE'O, ,DANG ZHES BYA BA'I SGRA NI BSDU BA'I DON TO, ,BYA BA NI BYED PA STE, SEMS CAN GYI DON TE, SKAL BA JI LTA BA BZHIN DU THEG PA GSUM LA 'GOD PA'O, ,DE GRUB PA DPAG TU MED PA NI DUS GSUM PO DAG LA YANG THOGS PA MED PA'I PHYIR RO, ,DE'I PHYIR MTHU DPAG TU MED PA DANG BYA BA GRUB PA DPAG TU MED PA LAS DGYES PA SKYE BA'O, ,CHOS KYI RO NI MDO'I SDE DANG DBYANGS KYIS BSNYAD PA'I SDE'I CHOS DANG LDAN PA'O, ,DPAG TU MED PA NI 'DRES PA'I PHYIR RO, ,DE'I DON NI MDO'I SDE LA SOGS PA'I CHOS KYIS BRJOD PAR @279A *, ,PAR BYA'O; ;DE'I 'BYOR PA NI JI LTAR YID LA BYED PA BZHIN DU SNANG BA'I PHYIR RO, ,CHOS KYI RO DPAG TU MED PA DANG, DON 'BYOR PA DPAG TU MED PA LAS DGYES PA SKYE'O, ,YON TAN RNAMS NI MNGON PAR SHES PA LA SOGS PA STE, DE DAG GI 'BYOR PA DPAG TU MED PA LAS DGYES PA SKYE'O, ,KHA CIG NA RE DON NI MYA NGAN LAS 'DAS PA'AM JI LTAR 'DOD PA'O, ,YON TAN NI STOBS LA SOGS PA ZHE'O, ,RTAG TU MI ZAD GZIGS PAS ZHES BYA BA NI MTHU LA SOGS PA BDAG LA YOD PA DE BZHIN NYID DANG RO GCIG PA DE DAG NYID MYA NGAN LAS 'DAS PAR YANG YONGS SU ZAD PA MED PAR GZIGS NAS DGYES PA SKYE'O, ,MCHOG NI KHAMS GSUM PA LAS YANG DAG PAR 'DAS PA'I PHYIR RO, ,KHA NA MA THO BA MED PA NI BAG CHAGS DANG BCAS PA'I NYON MONGS PA DANG SHES BYA'I SGRIB PA SPANGS PA'I PHYIR RO, ,CHOS KYI SKU NI LONGS SPYOD RDZOGS PA'I SKU'I GNAS NYID DE DE YOD NA KUN DU STON PA 'BYUNG BA'I PHYIR RO, ,DE NI NYI MA DANG 'OD ZER GYI TSUL LTA BU YIN NO, ,SPRUL PA'I SKU'I GNAS ZHES BYA BA NI 'DIR YANG DE NYID GNAS KYI DON TO, ,PHAL CHER ZHES BYA BA LA SOGS PAS NI MOS PAS SPYOD PA'I BYANG CHUB SEMS DPA' BSDU BA'I PHYIR RO, ,NYAN THOS RNAMS NI DMAN PA LA MOS PA STE, DE DAG DANG LAS DANG PO PA'I BYANG CHUB SEMS DPA' RNAMS NI SANGS RGYAS MTHONG BA MED PAR YONGS SU SMIN PAR MI 'GYUR RO, ,SA CHEN POR CHUD PA RNAMS NI CHOS ZAB CING RGYA CHE BA RTOGS PA'I PHYIR SPRUL PA'I SKUS YONGS SU SMIN PAR BYA BA MA YIN NO, ,BSDUS PA NGO BO NYID KYIS BSDUS PA NI, SANGS RGYAS KYI CHOS RNAM PAR DAG PAS ZHES BYA BA STE, CHOS KYI SKU'I NGO BO NYID GANG YIN PA DE STON TE, CHOS KYI SKU SHIN TU RNAM PAR DAG PA'I PHYIR RO, ,GANG ZHIG RNAM PAR DAG PA'AM, GANG ZHIG GYUR PAS YIN SNYAM PA LA, KUN GZHI RNAM PAR SHES PA GYUR NAS ZHES BYA BA SMOS TE, KUN NAS NYON MONGS PA THAMS CAD KYI SA BON CAN DE GNYEN POS BSTZAL NA YON TAN KHA NA MA THO BA MED PA MANG PO THAMS CAD DANG MTHUN PAR 'GYUR TE, ,DPER NA SMAN NANG MED KYIS DUG BSAL NA SMAN NAD MED DU 'GYUR BA BZHIN DU GYUR PA BRJOD @279B PAR BYA'O, ,RNAM PAR SMIN PAS ZHES BYA BA NI SANGS RGYAS KYI CHOS KYIS BSDUS ZHES BYA BAR SBYAR RO, ,MIG LA SOGS PA'I DBANG PO GYUR NAS ZHES BYA BA NI DE DAG RNAM PAR SMIN PA YIN PA'I PHYIR RO, ,DE GYUR PA YANG SNGON BYUNG BA'I TSUL GYIS RNAM PAR SMIN PA NYID DU GNAS TE, SNGON BYUNG BA'I TSUL NYID KYIS RNAM PAR SMIN PA'I YE SHES THOB BO, ,GNAS PAS ZHES BYA BA NI SANGS RGYAS KYI CHOS KYIS BSDUS PA'O, ,'DOD PA LA SPYOD A LA SOGS PA LA GNAS GYUR NAS ZHES BYA BA LA SOGS PA SMOS PAS NI MOS PAS SPYOD PA LA SOGS PA BSDU'O, ,DE GYUR PAS GNAS PA'I YE SHES 'THOB BO, ,YE SHES TSAD MED PAS GNAS PA THOB PA'I PHYIR RO ZHES BYA BA NI GANG GIS LHA LA SOGS PA'I GNAS PA SNA TSOGS RNAMS KYIS GNAS SO, ,DBANG 'BYOR BAS SA NI YONGS SU 'DZIN PA'I LAS SNA TSOGS GYUR NAS ZHES BYA BA NI 'JIG RTEN NA ZHING LAS DANG CHONG LA SOGS PA YONGS SU 'DZIN PA'I LAS SNA TSOGS GANG YIN PA DE GYUR NAS 'JIG RTEN GYI KHAMS THAMS CAD DU THOGS PA MED PA'I MNGON PAR SHES PA'I YE SHES 'THOB BO, ,THA SNYAD PAS ZHES BYA BA NI 'JIG RTEN NA MTHONG BA LA SOGS PA'I THA SNYAD GANG YIN PA DE DAG GYUR NAS MTHONG BA DANG THOS PA LA SOGS PA LA DBANG 'BYOR BA THOB STE, DES SEMS CAN THAMS CAD KYI SEMS TSIM PAR BYED PA'I YE SHES THOB BO, ,SEL BA BAS[?] ZHES BYA BA NI GANG 'JIG RTEN NA MDZA' BO DANG NOR GYI STOBS KYIS RGYAL PO'I PHO BRANG 'KHOR BA LA SOGS PA NAS BYUNG BA'I GNOD PA ZHI BAR BYED PA STE, DE GYUR NAS SEMS CAN THAMS CAD KYI GNOD PA THAMS CAD ZHI BAR BYED PA'I YE SHES 'THOB BO, ,RNAM PA DRUG PO 'DI DAG GYUR PAS SANGS RGYAS KYI CHOS DRUG 'THOB BO, ,GNAS DANG DGONGS PA DANG PHRIN LAS THA DAD PA MED PA GSUM GYIS SANGS RGYAS THAMS CAD KYI CHOS KYI SKU DBYER MED DO, ,GNAS THA DAD PA MED PA NI DE BZHIN NYID THA DAD PA MED PA'I PHYIR RO, ,DGONGS PA THA DAD PA MED PA NI THAMS CAD KYANG PHAN PA DANG BDE BAR DGONGS PA'I PHYIR RO, ,PHRIN LAS THA DAD PA MED PA NI THAMS CAD KYANG 'GRO BA'I DON MDZAD PA'I PHYIR TE, MNGON PAR RDZOGS PAR BYANG CHUB PA DANG YONGS SU MYA NGAN LAS @280A *, ,'DAS PA STON PA'I PHRIN LAS CAN YIN PA'I PHYIR RO, ,LUS TSAD MED PA MNGON PAR RDZOGS PAR BYANG CHUB PAR BYA BA'I PHYIR THA DAD PA ZHES BYA'O ZHES BYA BA NI 'DI LTAR LUS GZHAN DANG GZHAN TSAD MED PA RNAMS KYIS BYANG CHUB SEMS DPA' DAG MNGON PAR RDZOGS PAR SANGS RGYAS PA STE, DE'I PHYIR THA DAD PA MED PA MA YIN TE, JI SKAD DU SNGAR, BDAG TU 'DZIN PA MED PA'I PHYIR, ,GNAS PA THA DAD YOD MA YIN, ,SNGON GYI RJES SU 'BRANG BAS NA, ,DE LA GDAGS PAS THA DAD BYED, ,CES BSHAD PA LTA BU'O, ,DE BZHIN DU GNYIS PA LA YANG BRJOD PAR BYA STE, DE GNYIS KYI GNAS NI CHOS KYI SKU YIN LA, DGONGS PA DANG PHRIN LAS DAG KYANG THA DAD PA MED DO, ,THA DAD PA 'DI NI 'KHOR GYI DKYIL 'KHOR GZHAN NO, ,'DI NI GZHAN NO ZHES BYA BA DANG, 'DI NI SH'A-KYA THUB PA'O, ,'DI NI RNAM PAR GZIGS SO ZHES BYA'O, ,BCOM LDAN 'DAS KYIS SLOB MA LA SOGS PA DANG THUN MONG MA YIN PA'I YON TAN RNAMS KYANG SHIN TU SBYANGS PA'I PHYIR, KHYAD PAR DU 'PHAGS PA BRJOD DE, SHIN TU YONGS SU DAG PA ZHES BYA BA NI NYON MONGS PA DANG SHES BYA'I SGRIB PA SPANGS PA'I RGYUD LA YOD PA'I PHYIR RO, ,TSAD MED PA ZHES BYA BA NI SEMS CAN TSAD MED PA LA DMIGS PA'I BYAMS PA DANG, SNYING RJE DANG DGA' BA DANG BTANG SNYOMS RNAMS SO, ,SO SO YANG DAG PAR RIG PA BZHI NI CHOS DANG DON DANG NGES PA'I TSIG DANG, SPOBS PA SO SO YANG DAG PAR RIG PA'O, ,MNGON PAR SHES PA DRUG PA 'DI NI BSRUNG BA MED PA DANG PO'O, ,SKU' NG, SEMS KYI RNAM GRANGS SHES PA DANG, SNGON GYI GNAS RJES SU DRAN PA'I SHES PA DANG, 'CHI 'PHO DANG SKYE BA SHES PA DANG, ZAG PA ZAD PA SHES PA'I BDAG NYID DO, ,SKYES BU CHEN PO'I MTSAN SUM CU RTZA GNYIS NI PHYAG DANG ZHABS KYI MTHIL LA 'KHOR LO YOD PA LA SOGS PA'O, ,DPE BYAD BZANG PO BRGYAD CU NI SEN MO MTHO BA LA SOGS PA STE, MOD LAS JI SKAD DU 'BYUNG BA BZHIN NO, ,DE DAG NI CHOS KYI SKU DANG LDAN PA STE, DE YOD NA DE DAG KUN DU STON PA'I PHYIR RO ZHES BSHAD PA YIN NO, ,RNAM PA THAMS CAD YONGS SU DAG PA BZHI ZHES BYA BA NI GNAS YONGS SU DAG PA DANG, DMIGS PA YONGS SU DAG PA DANG, THUGS YONGS SU DAG PA DANG, @280B MKHYEN PA YONGS SU DAG PA'O, ,STOBS BCU NI GNAS DANG GNAS MA YIN PA MKHYEN PA'I STOBS DANG, LAS BDAG GIR BYA BA MKHYEN PA'I STOBS DANG, BSAM GTAN DANG RNAM PAR THAR PA DANG, TING NGE 'DZIN DANG SNYOMS PAR 'JUG PA MKHYEN PA'I STOBS DANG, DBANG PO MCHOG DANG MCHOG MA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, 'CHI 'PHO DANG SKYE BA MKHYEN PA'I STOBS DANG, ZAG PA ZAD PA MKHYEN PA'I STOBS SO, ,MI 'JIGS PA BZHI NI NGA YANG DAG PAR RDZOGS PAR SANGS RGYAS PA LA NGA LA CHOS 'DI DAG MNGON PAR RDZOGS PAR SANGS MA RGYAS SO ZHES 'DIR NGA LA SU YANG RGOL BA'I MTSAN MA YANG DAG PAR MI MTHONG ZHES BYA BA NI MI 'JIGS PA DANG PO'O, ,NGA ZAG PA ZAD PA LA NGA ZAG PA 'DI DAG MA ZAD DO ZHES 'DIR NGA LA SU YANG RGOL BA'I MTSAN MA YANG DAG PAR MI MTHONG NGO ZHES BYA BA NI MI 'JIGS PA GNYIS PA'O, ,NGAS NYAN THOS RNAMS LA NGES PAR 'BYUNG BA'I LAM BSHAD PA DE NI DE BYED PA'I SDUG BSNGAL YANG DAG PAR ZAD PAR NGES PAR 'BYUNG BA MA YIN NO ZHES 'DIR NGA LA SU YANG RGOL BA'I MTSAN MA YANG DAG PAR MI MTHONG NGO ZHES BYA BA NI MI 'JIGS PA GSUM PA'O, ,NGAS NYAN THOS RNAMS LA BAR DU GCOD PA'I CHOS GANG DAG BSHAD PA DE DAG BSTAN KYANG BAR DU GCOD PAR MI 'GYUR RO ZHES 'DI RANG LA SU YANG RGOL BA'I MTSAN MA YANG DAG PAR MI MTHONG NGO ZHES BYA BA NI MI 'JIGS PA BZHI PA'I, ,MTSAN MA YANG DAG PAR RJES SU MI MTHONG BAS BDE BA THOB PA BAG TSA BA MED PA THOB, MI 'JIGS PA THOB NAS GNAS SO ZHES BYA BA ZHIG KUN LA YANG BRJOD PAR BYA'O,, ,,BAM PO 'DUN PA STE THA MA, BSRUNG BA MED PA GSUM NI DE BZHIN GSHEGS PA'I SKU'I PHRIN LAS KYI SBYONG BA YONGS SU DAG PA STE, DE BZHIN GSHEGS PA LA MA LTOS TE GZHAN GYIS SHES PAR GYUR NA MI RUNG NGO ZHES BCAS PAR BYA BA SKU'I PHRIN LAS YONGS SU MA DAG PA MED PA 'DI NI BSRUNG BA MED PA DANG PO'O, ,SKU'I PHRIN LAS JI LTA BA DE BZHIN @281A *, ,DU GSUNG GI PHRIN LAS DANG, THUGS KYI PHRIN LAS KYANG BRJOD PAR BYA'O, ,DRAN PA NYE BAR GZHAG PA GSUM NI DE BZHIN GSHEGS PA CHOS STON PA NA KHA CIG GUS PAR NYAN CING RNA BA GTOD PA DANG, KUN SHES PAR BYED PA'I SEMS NYE BAR 'JOG PA DANG, CHOS KYI RJES SU MTHUN PA'I CHOS SGRUB KYANG DES DE BZHIN GSHEGS PA DGYES PAR MI 'GYUR, YID BDE BAR MI 'GYUR, THUGS YA YA POR MI 'GYUR BA DANG, BZLOG STE KHA CIG GUS PAR MI NYAN CES BYA BA RGYAS PAR SBYAR TE, DES DE BZHIN GSHEGS PA KUN NAS MNAR SEMS SU MI 'GYUR, MI BZOD PAR MI 'GYUR, THUGS MI CHES PAR MI 'GYUR BA DANG, KHA CIG GUS PAR BYAS TE NYAN PA DANG, KHA CIG GUS PAR MI NYAN KYANG DES DE BZHIN GSHEGS PA DGYES PA DANG KUN NAS MNAR SEMS GNYE GAR MI 'GYUR TE, DE BZHIN GSHEGS PA NI THAMS CAD DU YANG DRAN PA DANG LDAN ZHING MKHYEN BZHIN DU BTANG SNYOMS CAN DU BZHUGS SO, ,BSNYEL BA MI MNGA' BA'I CHOS NYID NI BAG CHAGS LEGS PAR BCOM PA KHO NA'I PHYIR TE, 'OG NAS 'CHAD DO, ,SANGS RGYAS KYI CHOS MA 'DRES PA BCO BRGYAD CES BYA BA LA, THUN MONG MA YIN PA'I DON NI MA 'DRES PA'I DON TO, ,DE BZHIN GSHEGS PA LA 'KHRUL PA MED PA NI 'DI LTA STE, DGE SLONG DGRA BCOM PA ZAG PA ZAD PA BSOD SNYOMS KYI PHYIR GRONG RGYU BA NA RES 'GA' GLANG PO CHE GTUM PO DANG, RTA GTUM PO DANG, BA RDUNG KHUS MA DANG, KHYI ZA BA DANG, LHAN CIG 'GRO BA DANG, TSANG TSED MAS 'DZINGS PAR 'GRO BA DANG, SGRUL LA RKANG PA GNYIS KAS BRDZIS PA DANG, GANG DU BUD MED MI RIGS PA SKYES PAS BOS PA'I KHYIM DE LTA BUR 'JUG PA DANG, DGON PAR LAM NOR NAS LAM LOG PAR 'GRO BA DANG CHOS RKUN RNAMS DANG, RKUN PO RNAMS DANG, SENG GE DANG, STAG DANG, SBYANG KI DANG LHAN CIG 'GRO BA DANG; DE LTA BU LA SOGS PA DGRA BCOM PA'I 'KHRUL PA DE DE BZHIN GSHEGS PA LA THAMS CAD KYI THAMS CAD DU MI MNGA'O, ,GZHAN YANG DGRA BCOM PA RES 'GA' DGON PA NA NAGS KHROD CHEN POR RGYU BA NA LAM NOR TE GRONG STONG DU PHYIN NAS SGRA 'BYIN PA DANG, SGRA SGROGS PA DANG, KU @281B CO CHER 'DON PA DANG, BAG CHAGS KYI NYES PA LA BRTEN NAS NYON MONGS PA CAN GYI GAD MO RTA GAD MO SNANG BAR DGOD BA NYE BAR STON PA DE LTA BU'I DGRA BCOM PA'I CA CO DE, DE BZHIN GSHEGS PA LA THAMS CAD KYI THAMS CAD DU MI MNGA'O, ,DE BZHIN GSHEGS PA LA BSNYEL BA MI MNGA' BA STE NYON MONGS PA MED PAR YUN RING PO NAS MDZAD PA DANG GSUNGS PA RJES SU DRAN PA'I PHYIR RO, ,GZHAN YANG DGRA BCOM PA NI SNYOMS PAR ZHUGS NA MNYAM PAR GZHAG PAR 'GYUR GYI, LANGS NA MNYAM PAR GZHAG PA MA YIN NO, ,DE BZHIN GSHEGS PA LA NI GNAS SKABS THAMS CAD DU SEMS MNYAM PAR MA BZHAG PA MED DO, ,GZHAN YANG DGRA BCOM PA NI PHUNG PO LA SHIN TU MI MTHUN PA'I 'DU SHES SU MI 'GYUR ZHING, PHUNG PO MED PA'I MYA NGAN LAS 'DAS PA LA ZHI BA'I 'DU SHES SU 'GYUR RO, ,DE BZHIN GSHEGS PA LA NI PHUNG PO DANG MYA NGAN LAS 'DAS PA LA THA DAD PA'I 'DU SHES MI MNGA'O, ,GZHAN YANG DGRA BCOM PA LA NI SO SOR MA BRTAGS PAR SEMS CAN GYI DON YAL BAR 'DOR RO, ,DE BZHIN GSHEGS PA LA NI SO SOR MA BRTAGS PA'I BTANG SNYOMS DE LTA BU MI MNGA'O, ,GZHAN YANG DGRA BCOM PA NI SHES BYA'I SGRIB PA RNAM PAR DAG PA LAS BRTZAMS TE, 'DUN PA LAS KYANG MA THOB PA'I YONGS SU NYAMS PAS YONGS SU NYAMS SO; ;BRTZON 'GRUS DANG DRAN PA DANG TING NGE 'DZIN DANG SHES RAB DANG RNAM PAR GROL BA LAS KYANG YONGS SU NYAMS, ,DE BZHIN GSHEGS PA LA NI YONGS SU NYAMS PA RNAM PA 'DI DRUG MED DO, ,GZHAN YANG DGRA BCOM PA NI RES 'GA' LUS KYI LAS DGE BA LA 'JUG ,RES 'GA' LUNG DU MA BSTAN PA LA 'JUG GO, ,LUS KYI LAS JI LTA BAR NGAG GI LAS DANG YID KYI LAS KYANG DE BZHIN NO, ,DE BZHIN GSHEGS PA'I PHRIN LAS GSUM PO NI YE SHES SNGON DU 'GRO BA DANG, YE SHES KYI RJES SU 'BRANG BA'I PHYIR LUNG DU MA BSTAN PA'I LAS MED DO, ,DE LA YE SHES KYIS KUN NAS BSLANG BA'I PHYIR YE SHES SNGON DU 'GRO BA'O, ,YE SHES DANG LHAN CIG RGYU BA'I PHYIR YE SHES KYI RJES SU 'BRANG BA'O, ,GZHAN YANG DGRA BCOM PA NI RTZOL BA TZAM GYIS DUS GSUM GYI SHES BYA'I DNGOS PO RTOGS PAR MI NUS TE, DES NA DE'I YE SHES MTHONG BA CHAGS PAR GYUR RO, ,THAMS @282A *, ,CAD RTOGS PAR YANG MI 'GYUR TE, DES NA DE'I YE SHES MTHONG BA THOGS PAR 'GYUR RO, ,DE BZHIN GSHEGS PA NI RTZOL BA TZAM GYIS DUS GSUM GYI SHES BYA'I DNGOS PO THAMS CAD RTOGS TE, DE LTA BAS NA DE DAG NI SNGAS RGYAS KYI CHOS MA 'DRES PA BCO BRGYAD CES BYA'O, , RNAM PA'I MCHOG THAMS CAD MKHYEN PA NYID NI LUNG PO DANG KHAMS DANG SKYE MCHED RNAMS LA YOD PA'I RNAM PA'I MCHOG THAMS CAD MKHYEN PA STE DE'I NGO BO'O, ,'DIR TSIGS SU BCAD PA ZHES BYA BA NI CHOS KYI SKU LA GNAS PA'I YON TAN THUN MONG MA YIN PA RNAM PAR 'GREL PA 'DIR BSTOD PA'I SGO, , MAS [?] TSIGS SU SBYAR BA BYAS TE, DES YON TAN 'DI DAG RNAM PAR 'GREL TO, ,SEMS CAN RNAMS LA THUGS BRTZE BA, ,ZHES BYA BA NI TSAD MED PA BZHI BO DAG SNYING BRTZE BA'I NGO BO NYID YIN PA'I PHYIR BSHAD PA'O, ,SDUG BSNGAL YANG MA YIN BDE BA YANG MA YIN PA'I DUS NA BDE BA DANG PHRAD PAR SHOG CIG CES PA'I BSAM PA NI BYAMS PA'I [?], ,SDUG BSNGAL GYI DUS NA DE DANG BRAL BAR SHOG CIG PA'I BSAM PA NI SNYING RJE'O, ,BDE BA'I DUS NA DE DANG MI 'BRAL BAR SHOG CIG PA'I BSAM PA NI DGA' BA'O, ,DGONGS PA CAN ZHES BYA BA NI BOD PA'O, ,BDE BA DANG PHAN DGONGS PA ZHES BYA BA NYID BTANG SNYOMS TE, BTANG SNYOMS NI BRTUL CES BYA BA'I THA TSIG STE, GZHAN DAG GI NYON MONGS PA MI SKYE BAR BYA BA'I PHYIR KUN NAS NYON MONGS PA MED PA'I BSAM PA'I MTSAN NYID DO, ,GANG GI PHYIR KHYOD NYID YON TAN YIN PA DE'I PHYIR, KHYOD LA PHYAG 'TSAL LO ZHES PHYAG 'TSAL BA THAMS CAD DANG SBYAR RO, ,SGRIB PA KUN LAS NGES PAR GROL, ,ZHES BYA BA NI NYAN THOS RNAMS LAS BCOM LDAN 'DAS KYI RNAM PAR THAR PA KHYAD PA BSTAN PA'O, ,THUB PAS 'JIG RTEN KUN ZIL MAN NA, ,ZHES BYA BA 'DI NI ZIL GYIS GNON PA'I SKYE MCHED KYI KHYAD PAR YONGS SU STON TO, ,KHYOD KYI MKHYEN PAS SHES BYA KHYAB, ,CES BYA BA NI ZAD PAR GYI SKYE MCHED YONGS SU STON TE, NYAN THOS KYI THEG PA LAS BYUNG BA LTA BU'I RNAM PAR THAR PA BRGYAD DANG, ZIL GYIS GNON PA'I SKYE MCHED BRGYAD DANG, ZAD BAR GYI SKYE BCHED BCU NI MA YIN GYI, RNAM PAR GZHAG PA 'DI NI RNAM PAR @282B THAR ZIL GYIS GNON PA'I SKYE MCHED DANG, ZAD PAR GYI SKYE MCHED RNAMS KYI SNGON DU 'GRO BA'I PHYIR RO, ,NYON MONGS PA MED PA NI KUN RDZOB KYI MKHYEN PA'I BDAG NYID DO, ,DE'I KHYAD PAR DU BYED DE, NYAN THOS KYI NYON MONGS PA MED PA NI GRONG NGAM 'BROG GANG SU SONG NA SEMS CAN GCIG 'GA' LA 'THAB PA DANG, NYON MONGS PA BDAG DANG GZHAN LA GNOD PA 'BYUNG BA DER YANG MI 'JUG GO, ,SANGS RGYAS NI DE LTA MA YIN TE, DE NI NYON MONGS PA SKYE YANG SKAL PA YOD PA RNAMS 'DUL BAR GZIGS, GSHEGS NAS NYON MONGS PA 'DUL TE, DE NI, SEMS CAN KUN GYI NYON MONGS KUN, ,MA LUS PA DAG 'DUL MDZAD PA, ,ZHES BYA BAS 'BREL TO, ,JI LTAR NYON MONGS PA MED PA LA GNAS PA GZHAN DAG LAS NYON MONGS PA 'GA' ZHIG SKYE BA'I RKYEN TZAM SPONG BA DANG, 'DOD PA NA SPYOD PA'I NYON MONGS PA GZHI DANG BCAS PA 'DUL GYI GZHAN NI MI 'DU BA LTAR; SANGS RGYAS NI DE LTAR MA YIN TE, DE NI NYON MONGS PA THAMS CAD SPONG NGO, ,NYON MONGS PA SEL BA YIN GYI, NYON MONGS PA CAN SPONG BA NI MA YIN ZHING NYON MONGS PA CAN RNAMS LA RTAG TU THUGS BRTZE BA DANG BCAS PA STE, JI SKAD DU, GDON GYIS ZIN LA GNOD GSAL PHYIR NI SMAN PA BRDEG PA DANG, ,TSIGS RTZUB SMRA BA SPYOD BYED ZIN PA BRDEG PAR MI BYED LTAR, ,DE BZHIN NYON MONGS RNAMS LA THUGS RJE 'JUG PA MI MNGA' ZHING, ,NYON MONGS ZIN PA'I SKYE BO'I CHED DU KHYOD NI BZHUGS PAR 'GYUR, ,ZHES BSHAD PA LTA BU'O, ,SMON NAS SHES PA YANG RNAM PA LNGAS KHYAD PAR DU 'PHAGS TE; LHUN GYIS GRUB PA DANG, CHAGS PA MI MJA' BA DANG, THOGS PA MI MNGA' BA DANG, RTAG TU MNYAM PAR GZHAG PA DANG, THE TSOM THAMS CAD GCOD PAS SO, ,NYAN THOS NI SHES PA GANG LA SMON NAS MNYAM PAR GZHAG PA DE KHO NA SHES KYI, GZHAN DU MA YIN NO, ,SANGS RGYAS NI DE LTA MA YIN TE, BSGRIM MI DGOS PAR LHUN GYIS GRUB PAR MKHYEN PAS NOR BU DANG SIL SNYAN BZHIN NO, ,SHES PAR BYA BA MKHYEN PAR GYUR ZIN PAS MKHYEN PA LA CHAGS PA MI MNGA' STE, NYON MONGS PA'I SGRIB PA BAG CHAGS DANG BCAS TE SPANGS PA'I PHYIR RO, ,SHES BYA'I @283A *, ,SGIB PA SPANGS PA'I PHYIR MKHYEN PA THOGS PA MI MNGA'O, ,SNYOMS PAR 'JUG PA'I SGRIB PA SPANGS PA'I PHYIR RTAG TU MNYAM PAR GZHAN PA STE, SKYON MED BZHUD KYANG MNYAM PAR GZHAG ,CES BYA BA LA SOGS PA 'BYUNG NGO, ,GANG GI PHYIR DE LTA BUR GYUR BA DE'I PHYIR KHYOD RTAG TU 'DRI BA THAMS CAD KYI LAN LDON PA ZHES BYA'O, ,SO SO YANG DAG PAR RIG PA'I 'GREL BA'I TSIGS SU BCAD PA NI, GNAS DANG GNAS PA BSHAD BYA DANG, ,ZHES BYA BA LA SOGS PA'O, ,DE LA GNAS NI BSTAN PA'I CHOS TE, MDO'I SDE LA SOGS PA'O, ,GNAS PA NI DE'I BRJOD PAR BYA BA'I DON TO, ,DE NI GNYIS KYIS BSHAD PAR BYA BA YIN PAS STON PA GNYIS TE, TSIG DANG, SHES PA STE, NGAG KUN DU SLONG BAR BYED PA'I PHYIR RO, ,DE DAG LA BLO GROS MI THOGS PA NI MKHYEN PA LDOG PA MED PA'O, ,DE LA GNAS PA BLO GROS THOGS PA MED PA NI, CHOS SO SO YANG DAG PAR RIG PA STE, RNAM GRANGS SU GTOGS PA RNAMS LA THOGS PA MED PA'I PHYIR RO, ,GNAS PA BLO GROS THOGS PA MED PA NI DON SO SO YANG DAG PAR RIG PA STE, RANG DANG SPYI'I MTSAN NYID DANG, CHOS RNAMS KYI DON GZHAN LA SOGS PA'I DGONGS PA LA THOGS PA MED PA'I PHYIR RO, ,TSIG LA BLO GROS THOGS PA MED PA NI NGES PA'I TSIG SO SO YANG DAG PAR RIG PA STE, YUL GYI SKAD THA DAD PAR RANG RANG DANG PHAN TSUN MING BZHAN GYIS THA SNYAD 'DOGS PA DANG, CHOS KYI NGES PA'I TSIG LA THOGS PA MED PA'I PHYIR RO, ,CHOS RAB TU DBYE BA'I SHES PA LA BLO GROS THOGS PA MED PA NI SPOBS PA SO SO YANG DAG PAR RIG PA'O, ,MNGON PAR SHES PA RNAM PAR 'BYED PA'I TSIGS SU BCAS PA NI, CHED DU BZHUD DANG DE DAG GI, ,ZHES BYA BA LA SOGS PA'O, ,LEGS 'DOMS ZHES BYA BA'I SGRA NI RE RE DANG SBYAR TE, DE NI MDZES PAR 'DOMS PA YI PAS LEGS PAR 'DOMS SO, ,BYE BAG KHONG DU CHUD PAR BYA BA'I PHYIR SMRA BA NI 'DOMS PA'O, ,CHED DU BZHUD NAS LEGS PAR 'DOMS, ,ZHES BYA BA NI RDZU 'PHRUL GYI MNGON PAR SHES PAS 'DUL BA JI LTA BA BZHIN DU BZHUD PA'I PHYIR RO, ,DE DAG GI TSIG RNAMS KYIS LEGS PAR 'DOMS ZHES BYA BA NI LHA'I RNA BA'I @283B MNGON PAR SHES PAS 'GRO BA THAMS CAD PA'I 'DUL PA RNAMS KYIS SMRAS PA'I SGRA DON DANG LDAN PA'I RGYANG RING PO YANG GNAS NAS JI LTAR MTHUN PAR CHOS STON PA'I PHYIR RO, ,SPYOD PA MKHYEN NAS LEGS PAR 'DOMS, ,ZHES BYA BA NI SEMS KYI RNAM GRANGS KYI MNGON PAR SHES PAS DBANG PO MCHOG DANG MCHOG MA YIN PA RTOGS PA'I PHYIR RO, ,'ONGS PA LA LEGS PAR 'DOMS ZHES BYA BA NI SNGON GYI GNAS RJES SU DRAN PA'I SHES PA STE, DES 'ONGS PA RTOGS PA'I PHYIR RO, ,'GRO BA LA LEGS PAR 'DOMS PA ZHES BYA BA NI 'CHI 'PHO DANG SKYE BA SHES PA STE, DES 'GRO BA RTOGS PA'I PHYIR RO, ,NGES PAR 'BYUNG BA LA LEGS PAR 'DOMS ZHES BYA BA NI ZAG PA ZAD PA'I MNGON PAR SHES PAS NYON MONGS PA SPANGS PA RTOGS PA'I PHYIR RO, ,CHOS KYI SKU NI MTSAN DANG DPE BYAD BZANG PO KUN DU STON PA'I GNAS YIN PAS DE DANG LDAN PA LTA BUR STON TO, ,SEMS CAN KUN GYIS KHYOD MTHONG NA, , SKYES BU MCHOG TU RTOGS PAR 'GYUR, ,ZHES BYA BA NI SKYES BU CHEN PO KHONG DU CHUD PAR 'GYUR BA STE, MTSAN DANG DPE BYAD DANG LDAN PA KHYOD MTHONG NA KYE MA BCOM LDAN 'DAS NI SKYES BU CHES PO'O ZHES RTOGS PAR 'GYUR RO, ,MTHONG BA TZAM GYIS DAD PAR 'GYUR, ,ZHES BYA BA NI DAD PA SKYED PAR MDZAD PA'O, ,YONGS SU DAG PA BZHI'I RNAM PAR 'GREL PA'I BSTOD PA NI, LEN DANG GNAS DANG GTONG BA DANG, SPRUL PA DANG NI BSGYUR BA DANG, ,ZHES BYA BA LA SOGS PA'O, ,GNAS YONGS SU DAG PA NI BSAM GTAN LA BRTEN NAS JI LTAR BZHED PA DANG, JI SRID DU BZHED PA BZHIN DU SKU LUS LEN PA DANG, BZHUGS PA DANG 'DOR BA LA MNGA' BRNYES PA'O, ,DMIGS PA YONGS SU DAG PA NI SNGON MED PA'I GZUGS SPRUL PA DANG, SNGON BYUNG BA'I GZUGS GSER LA SOGS PA'I DNGOS POR BSGYUR BA DANG, RNAM PA THAMS CAD DU THUGS SU CHUD PA MNGA' BRNYES PA'O; ;THUGS YONGS SU DAG PA NI JI LTAR BZHED DU TING NGE 'DZIN GYI SGO LA DBANG BSGYUR BA STE, SKAD CIG RE RE LA JI LTAR BZHED PA BZHIN DU TING NGE 'DZIN GZHAN LA SNYOMS PAR 'JUG PA'I PHYIR RO, ,MKHYEN PA YONGS SU DAG PA NI JI LTAR BZHED PA BZHIN DU GZUNGS KYI SGO KUN DU 'DZIN @284A *, ,PA YANG DAG PAR 'BYOR BA'O, ,STOBS KYI RNAM PAR 'GREL PA'I BSTOD PA NI, THABS DANG SKYABS DANG DAG PAR DANG, ,ZHES BYA BA LA SOGS PA STE, BDE 'GRO DANG NGAN 'GRO DANG LAS DANG DAG PA DANG, THEG PA CHEN PO DANG, DON BZHI PO DAG LA SEMS CAN RNAMS SLU BA'I PHYIR BDUD GANG YIN PA DE 'JOMS PAR BYED PAS STOBS BCU RNAMS KYI LAS BRJOD DO, ,DE LA DGE BA NI BDE 'GRO'I THABS SO, ,MI DGE BA NI NGAN 'GRO'I THABS SO ZHES DE STON PA LA BSLU BA'I PHYIR BDUD NYE BAR GNAS TE, 'DI NI DE LTA MA YIN GYI, 'DI NI LOG PA STE, MI DGE BA LAS BDE 'GRO'O, ,BDE BA LAS NI NGAN 'GRO ZHE 'AM, ,YANG NA THAMS CAD NI RGYU MED PA 'AM, DBANG PHYUG LA SOGS PA'I RGYU LAS BYUNG BA'O ZHES ZER BA LA BCOM LDAN 'DAS KYIS GNAS DANG GNAS MA YIN PA MKHYEN PA'I STOBS KYIS 'GRO BA RGYU MED PA LAS BYUNG BA DANG, MI MTHUN PA'I RGYU LAS BYUNG BA NI GNAS MA YIN ZHING GO SKABS MED DE, 'DI YOD PAS 'DI 'BYUNG, 'DI SKYES PA'I PHYIR 'DI SKYE BA STE, 'DI LTAR MA RIG PA'I RKYEN GYIS 'DU BYED RNAMS 'BYUNG GI ,RIM LA SOGS PAS DBANG PHYUG LA SOGS PA LA MA YIN NO ZHES 'JOMS TE, GNAS DANG THABS ZHES BYA BA NI DON GCIG GO, , SKYABS ZHES BYA BA NI LAS TE, JI SKAD DU, 'JIG RTEN 'DI NI LAS BDAG GIR BYA BA LAS KYI BGO SKAL LA SPYOD PA ZHES BYA BA LA SOGS PA GSUNGS PA LTA BU'O, ,'DIR YANG SLU BA NI SNGA MA BZHIN NO, ,DE YANG BDUD GANG YIN PA DE BCOM LDAN 'DAS KYIS LAS KYI RNAM PAR SMIN PA MKHYEN PA'I STOBS THOGS PA MED PA SEMS CAN NI LAS KYIS MTHON PO DANG, DMA' BA DANG, NGAN PA DANG, BZANG POR RNAM PAR PHYE BA YIN GYI, DBANG PHYUG LA SOGS PA LAS BYUNG BA NI MA YIN, GLO BUR DU BYUNG BA MA YIN NO ZHES BYA BA LA SOGS PA SNGA MA BZHIN DU 'JOMS SO, ,DAG PA ZHES BYA BA NI DAG PA RNAM PA GNYIS TE, 'JIG RTEN PA DANG 'JIG RTEN LAS 'DAS PA STE, RNAM PAR GNON PA DANG BAG LA NYAL YANG DAG PAR 'JOMS PA BSAM GTAN DANG TING NGE 'DZIN DANG SNYOMS PAR 'JUG PAS DAG PA DANG, 'PHAGS PA'I LAM GYIS DAG PA'I PHYIR RE ZHIG PA DANG GTAN @284B DU BA'O; ;'DI LA YANG SLU BA NI SNGA MA BZHIN NO, ,DER YANG BDUD GANG YIN PA DE BCOM LDAN 'DAS KYI TING NGE 'DZIN DANG SNYOMS PAR 'JUG PA MKHYEN PA'I STOBS KYIS 'JOMS SO, ,NGES 'BYUNG THEG PA CHEN PO LA, ,ZHES BYA BA NI STOBS LHAG MA'I LAS STON TO, ,SANGS RGYAS NYID DU NGES PAR 'BYUNG BAR BYA'I PHYIR THEG PA CHEN PO STON PA NA SLU BA'I PHYIR BDUD NYE BAR 'DUG STE, BLA NA MED PAR YANG DAG PAR RDZOGS PA'I BYANG CHUB NI RNYED PAR DKA' BAS, NYAN THOS NYID DU NGES PAR 'BYUNG YANG BLA'O ZHES ZER PA DE LA, BCOM LDAN 'DAS KYI STOBS RNAM PA BDUN GYIS 'JOMS SO, ,MI 'JIGS BA RNAMS RNAM PAR 'BYED PA NI BSTOD PA'I SGO NAS, YE SHES DANG NI SPANGS PA DANG, NGES 'BYUNG BGEGS BYED STON MDZAD PA'I, ,ZHES BYA BA LA SOGS PA SMOS TE, NGA YANG DAG PAR RDZOGS PA'I SANGS RGYAS PA ZHES BYA BA NI YE SHES SO, ,ZAG PA 'DI DAG SPANGS SO ZHES BYA BA NI SPANGS PA STE, 'DI GNYIS NI RANG GI DON GYI DBANG DU BYA'O, ,NGAS NYAN THOS RNAMS LA NGES PAR 'BYUNG BA'I CHOS GANG DAG BSHAD PA ZHES BYA BA NI NGES PAR 'BYUNG BA STON PA'O, ,DE DAG NYID LA BAR DU GCOD PA'I CHOS GANG DAG BSTAN PA ZHES BYA BA NI BGEGS BYED PA STE, BAR DU GCOD PA DANG BGEGS BYED PA ZHES BYA BA NI DON GCIG GO, ,'DI GNYIS NI GZHAN GYI DBANG LAS BRTZAMS PA STE, DE'I PHYIR, BDAG GZHAN DON LA BU STEGS GZHAN, ,MI TSUGS KHYOD LA PHYAG 'TSAL LO, ,ZHES BYA BA SMOS TE, 'JIGS PA MED CING MI TSUGS PA'I PHYIR 'JIGS PA DANG BRAL BAR STON TO, ,BSRUNG BA MED PA DANG DRAN PA NYE BAR GZHAG PA RNAM PAR 'BYED PAS BSTOD PA'I TSIGS SU BCUD PA, 'KHOR DU TSAR BCAD GSUNG MDZAD PA, ZHES BYA BA NI BSRUNG BA MED PA RNAMS STON TE, SU LA BSRUNG BAR BYA BA LUS LA SOGS PA'I LAS SRA BAR BYA BA YOD PA DES NI SPYOD LAM NGAN PA LA SOGS PA'I 'JIGS PAS 'KHOR GYI NANG DU TSAR BCAD NAS SMRA BAR MI NUS SO, ,KUN NAS NYON MONGS GNYIS SPANGS PA, ,ZHES BYA BA NI GUS PAR NYAN PA DANG, GUS PAR MI NYAN PA DANG, GNYI GA LA RJES SU CHAGS PA DANG, KHONG KHRO BA MED PA'I PHYIR RO, ,SLOB @285A *, ,MA'I TSOGS SDUD PA NI DRAN PA NYE BAR GZHAG PA'I PHYIR TE, DE'I PHYIR BSNYEL BA MI MNGA' ZHES BYA BA LA SOGS PA SMOS TE, BOD PA'I TSIG GO, ,BAG CHAGS LEGS PAR BCOM PA'I DBANG DU BYAS TE BSTOD PA, GSHEGS BZHUGS KUN DU RTAG PAR YANG, ,ZHES BYA BA LA SOGS PA STE, GRONG NGAM GRONG KHYER GANG DU BSOD SNYOMS KYI PHYIR GSHEGS PA DE NI GSHEGS PA'O, ,BZHUGS PA NI SHING DRUNG LA SOGS PA GANG DU SPYOD LAM BZHI PO DAG GIS BZHUGS PA'O, ,KUN MKHYEN MA LEGS SPYOD MI MNGA', ,ZHES BYA BA NI NYON MONGS PA ZAD KYANG BAG CHAGS KYI RJES SU BCING BAS BYAS PA'I RGOD PA LA SOGS PA STE, DPER NA GNAS BRTAN MOOD GAL GYI BU CHEN PO TSE RABS LNGA BRGYAR SPRE'UR GYUR PA'I BAG CHAGS KYI RJES SU 'CHING BA YOD PAS NYON MONGS PA MED PAR GYUR KYANG SPRE'U LTAR MCHOD ZHING 'GRO'O ZHES GRAGS PA DANG, RANG SANGS RGYAS GCIG TSE RABS MANG POR SMAD 'TSONG PAR GYUR PA'I BAG CHAGS KYI LHAG MAS BDAG CHA BAR BYED PA RNAM PA DE LTA BU THAMS CAD MKHYEN PA MA YIN PA'I SPYOD PA DE BCOM LDAN 'DAS LA MI MNGA' BAS THUN MONG MA YIN PA'I YON TAN BRJOD, ,KHYED NI YANG DAG DON DU NA, ,KUN MKHYEN KHYOD LA PHYAG 'TSAL LO, ,ZHES BYA BA NI JI LTAR RDZOGS BYED LA SOGS PA GZHAN THAMS CAD MKHYEN PA MA YIN PAR THAMS CAD MKHYEN PA LTAR 'CHOS PA LTAR BCOM LDAN 'DAS NI DE LTA MA YIN TE, DE'I PHYIR BDEN PA'I DON DU THAMS CAD MKHYEN PA'O, ,YANG NA YANG DAG PA'I DON DU NA ZHES BYA BA DANG, KUN MKHYEN ZHES BYA BA GNYI GA SO SOR BOD PA'I TSIG GO, ,BSNYEL BA MED PA'I CHOS NYID KYIS BSTOD PA NI, SEMS CAN KUN GYI DON MDZAD LA, ,KHYOD NI DUS LAS YOL MI GDA', ,ZHES BYA BA LA SOGS PA'O, ,GANG GI TSE GANG GI BYA BA YOD PA DE'I TSE DE LA BCOM LDAN 'DAS NYE PAR BZHUGS SHING DUS LAS YOL BAR MI MDZAD DE, JI SKAD DU, CHU SRIN GNAS PA'I RGYA MTSO NI, ,DUS LAS YOL BAR 'GYUR YANG SRID, ,BE'U LTA BU'I 'DUL BA LA, ,SANGS RGYAS DUS LAS YOL MI 'GYUR, ,ZHES GSUNGS PA LTA BU'O, ,RTAG TU 'BRAS BU YOD MDZAD PA, ,ZHES BYA BA NI DE'I MDZAD PA 'BRAS @285B BU YOD PAR MDZAD PAS 'BRAS BU YOD PA STE, MDZAD PA DON MED PA MA YIN ZHES BYA BA'I THA TSIG GO, ,DE LA BSNYEL BA MI MNGA' BAS MI BSNYEL LO, ,THUGS RJE CHEN POS BSTOD PA, 'JIG RTEN KUN LA GDUGS ZHAG GCIG ,CHES BYA'O, ,THUGS RJE CHEN PO NI KUN RDZOB KYI MKHYEN PA STE, DES SU NI 'PHEL SU NI 'GRIG BU NI YONGS SU SMIN PAR BYA BA YIN, SU NI RNAM PAR GROL BAR BYA BA YIN ZHES BYA BA LA SOGS PAR BCOM LDAN 'DAS NYID MTSAN LAN DRUG 'JIG RTEN LA SO SOR RTOG GO, ,THUGS RJE CHEN PO DE YANG 'JIG RTEN THAMS CAD LA SO SOR RTOG PA'I LAS CAN DANG, PHAN PAR BYA BA BSAM PA'I NGO BO NYID DO, ,DE'I CHEN PO NYID NI BSOD NAMS MAS DANG YE SHES KYI TSOGS CHEN PO YANG DAG PAR SDUD PA DANG, SDUG BSNGAL NYID GSUM DANG BRAL BA'I RNAM PA DANG, KHAMS GSUM PA'I SEMS CAN LA DMIGS PA DANG, SEMS CAN THAMS CAD LA MTSUNGS PAR 'JUG PA DANG, DE BAS CHES KHYAD PAR DU 'PHAGS PA MED PA'I PHYIR RO, ,SANGS RGYAS KYI CHOS MA 'DRES PA BCO BRGYAD PO DAG GIS BSTOD PA, GSHEGS DANG THUGS SU CHAD PA DANG, ,ZHES BYA BA LA SOGS PA STE, GSHEGS PA ZHES BYA BAS NI DE BZHIN GSHEGS PA LA 'KHRUL PA MED PA ZHES BYA BA NAS BZUNG STE, SO SOR MA BRTAGS PA'I BTANG SNYOMS MED PA ZHES BYA BA'I BAR CHOS DRUG BSTAN TO, ,THUGS SU CHUD PA ZHES BYA BA 'DIS KYANG DRAN PA NYAMS PA MED PA ZHES BYA BA NAS BZUNG STE, RNAM PAR GROL BA NYAMS PA MED PA ZHES BYA BA'I BAR DRUG STON TO, ,MKHYEN PA DANG ZHES BYA BA 'DIS NI DUS GSUM LA MA CHAGS MA THOGS PA'I YE SHES MTHONG BA 'JUG CES BYA BA GSUM STON TE, PHRIN LAS KYIS ZHES BYA BA 'DIS KYANG GSUM BSTAN TE, SKU DANG GSUNG DANG THUGS KYI PHRIN LAS 'JUG PAR BYED PA DANG, RJES SU 'BRANG BA'I YE SHES DANG LDAN PA'I PHYIR RO, ,NYAN THOS DANG NI RANG SANGS RGYAS, ,KUN MCHOG CES BYA BA NI MA 'DRES PA'I YON TAN DANG LDAN PA'I PHYIR RO, ,RNAM PA THAMS CAD MKHYEN PA NYID KYI DBANG DU BYAS NAS BSTOD PA, BYANG CHUB CHEN PO RNAM PA KUN, ,SKU GSUM DAG GIS BRNYES GYUR PA, ,ZHES BYA BA LA SOGS PA STE, @286A *, ,RNAM PA RNAMS KYI MCHOG THAMS CAD MKHYEN PAS RNAM PA'I MCHOG THAMS CAD MKHYEN PA STE, DE'I NGO BO NI RNAM PA'I MCHOG THAMS CAD MKHYEN PA NYID DO, ,RNAM PA'I KHYAD PAR THAMS CAD DU 'PHAGS PA THAMS CAD KYIS SHES BYA THAMS CAD MKHYEN PA'O, ,SKU GSUM NI NGO BO NYID KYI SKU LA SOGS PA STE, DE DAG GIS BYANG CHUB CHEN PO DRI MA MED CING THOGS PA MED PA'I YE SHES KYI NGO BO NYID RNAM PA THAMS CAD DU BRNYES PAS SANGS RGYAS BCOM LDAN 'DAS KYIS GANG MKHYEN PAR MA GYUR PA'I RNAM PA DE MED DO, ,DE'I PHYIR 'JIG RTEN THAMS CAD NA LHA DANG MI LA SOGS PA SEMS CAN THAMS CAD KYI THE TSOM THAMS CAD GCOD PA'I PHYIR DOGS PA THAMS CAD GCOD PA STE, SOM NYI THAMS CAD KYI MDUD PA 'GREL PA LA MKHAS PA NYID KYI BYED PAS RNAM PA THAMS CAD MKHYEN PA NYID BYE BRAG DU BYAS SO, ,PHA ROL TU PHYIN PA RNAMS KYIS BSTOD PA, SRI PA MI MNGA' SKYON MI MNGA', ,ZHES BYA BA LA SOGS PA STE, SRI PA MI MNGA' BA NI SBYIN PA'I PHA ROL TU PHYIN PA'O, ,SKYON MI MNGA' BA NI TSUL KHRIMS KYI PHA ROL TU PHYIN PA'O, ,RNYOG PA MI MNGA' BA NI BZOD PA'I PHA ROL TU PHYIN PA STE, RNYOG PA'I RGYU GNOD SEMS KYI SEMS DE MED PAS RNYOG PA MED PA'O, ,BZHUGS MI MNGA' BA ZHES BYA BA NI SPRO BA SNGON DU DRANGS PA'I SBYOR BAS BSKYED PA'I BRTZON 'GRUS KYIS MI BZHUGS PA'O, ,G-YO BA MI MNGA' BA NI BSAM GTAN GYI PHA ROL TU PHYIN PA STE MNYAM PAR GZHAG PAS MA G-YENGS PA NI MI G-YO BA'O, ,CHOS KUN LA MA SPROS ZHES BYA BA NI SHES RAB STE, RNAM PAR MI RTOG PA'I YE SHES SO, ,SHES RAB DE YANG CHUNG ZAD KYANG SPROS PA MI BYED PA STE, LHAG MA NI SNGA MA BZHIN NO, ,CHOS KYI SKU NI GZHAN YANG NGO BO NYID DANG ZHES BYA BA LA SOGS PA YON TAN DRUG DANG LDAN NO ZHES BSTAN NAS TSIGS SU BCAD PA 'DI DAG GIS 'CHAD DO, ,KHYOD NI DAM PA'I DON GRUB STE, ,ZHES BYA BA NI RNAM PAR DAG PA'I DE BZHIN NYID KYIS RAB TU PHYE BA'I PHYIR NGO BO NYID KYIS CHOS KYI SKU YONGS SU GRUB PA'I PHYIR RO, ,BRJOD PAR 'DOD PA'I DBANG GIS NA NGO BO NYID KHO NA BCOM LDAN 'DAS KYI YON TAN NYID DU STON TE, @286B DPER NA YON TAN BRJOD PAR 'DOD PA LA ME'I TSA BA ZHES BYA BA LTA BU'O, ,SA RNAMS GYIS 'BYUNG BA LAGS ZHES BYA BA NI RAB TU DGA' BA LA SOGS PA SA BCU THAMS CAD KYIS NGES PAR 'BYUNG BA ZHES BYA BA'I THA TSIG STE, 'DIS NI DON DAM PA 'GRUB PA'I RGYU STON TO, ,SEMS CAN KUN GYI MCHOG NYID BRNYES, , ZHES BYA BA NI 'BRAS BU BSTAN PA STE, 'BRAS BU NI SEMS CAN THAMS CAD KYI MCHOG THAMS CAD MKHYEN PA NYID DO, ,SEMS CAN THAMS CAD RNAM 'GREL BA, ,ZHES BYA BAS NI LAS STON TO, ,MI PAS MTSUNGS PA MA MCHIS PA'I, ,YON TAN LDAN ZHING ZHES BYA BA NI LDAN PA STE, STOBS LA SOGS PA THUN MONG MA YIN PA'I YON TAN MTHA' YAS PA DAG DANG LDAN PA'I PHYIR YON TAN DANG 'BREL PA YIN NO, ,'JIG RTEN DANG, 'KHOR MA GDA' LA RNAM KUN DU, ,LHA MIS MTHONG BAS YANG MA LAGS, ,ZHES BYA BA LA, YANG GI SGRA NI MTHONG BA SDUD DO, ,RNAM PA KUN DU LHA MI RNAMS KYIS MTHONG BA YANG MA LAGS ZHES BYA BA NI SKU GSUM GYIS BCOM LDAN 'DAS KYI TSUL BSTAN PA STE, GNYIS KYIS NI MTHONG BA'I PHYIR RO, ,GCIG GIS NI MI MTHONG BA'I PHYIR RO, ,ZAB PA ZHES BYA BAS NI NGO BO NYID STON TO, ,MCHOG TU ZAB PA ZHES BYA BAS NI KHYAD PAR STON TO, ,'JIG RTEN GYI MKHAS PA'I BLO'I SPYOD YUL MA YIN PA'I PHYIR GANG RTOGS PAR DKA' BA 'DI NI CHOS KYI SKU'I NGO BO NYID DO, ,NYAN THOS LA SOGS PA'I BLO'I SPYOD YUL MA YIN PA'I PHYIR GANG MCHOG TU ZAB PA 'DI NI DE'I KHYAD PAR RO, ,ZAB PA NYID RNAM PA BCU GNYIS PO 'DI NI TSIGS SU BCAD PA RNAMS KYIS SDUD DE, DE LA SKYE BA ZAB PA NYID DE, SKYE MED SANGS RGYAS SKYE BA STE, ,ZHES BYA BA LA, SANGS RGYAS KYI SKYE BA NI GZHAN NYON MONGS PA RNAMS KYI SKYE BA MED PA STE, DE DAG SKYE BA MED PA NI SANGS RGYAS RNAMS KYI SKYE BA YIN PAS SKYE MED SKYE BA'O, ,MYA NGAN LAS 'DAS PA ZAB PA NYID NI, MI GNAS PA LA RAB TU BZHUGS, ,ZHES BYA BA'O, ,'KHOR BA DANG MYA NGAN LAS 'DAS PA LA MI GNAS PA LA RAB TU BZHUGS PA STE, MI GNAS PA'I MYA NGAN LAS 'DAS PA ZHES BYA BA'I THA TSIG GO, ,PHRIN LAS ZAB PA NYID NI LHUN GYIS GRUB PAR THAMS CAD MDZAD CES BYA BA STE, NOR BU DANG SIL SNYAN LA SOGS PA BZHIN DU 'BAD PA YANG MED LA SEMS CAN @287A *, ,GYI DON YANG MDZAD DO, ,GNAS PA ZAB PA NYID NI, ZAS BZHI PO NI GSOL PA LAGS, ,ZHES BYA BA STE, ZAS RNAM PA BZHI LA MA DAG PA'I RTEN GNAS PAR BYED PA NI KHAM GYI ZAS TE, ,NYON MONGS PA'I 'CHING BCAN MTHA' DAG GNAS PAR 'GYUR BA'O, ,DAG PA DANG MA DAG PA'I RTEN GNAS PAR BYED PA NI GZUGS DANG, GZUGS MED PAR SKYES PA RNAMS KYI REG PA DANG, YID LA SEMS PA DANG, RNAM PAR SHES PA STE, KHAM GYI ZAS LAS 'DOD CHAGS DANG BRAL BA RNYED PA'I PHYIR RO, ,RGYUN DU ZHUGS PA LA SOGS PA LA YANG LUS DAG PA DANG MA DAG PA STE, SLOB PA'I PHYIR RO, ,DE DAG NI ZAS RNAM PA BZHI CHAR GYIS GNAS PAR 'GYUR RO, ,RNAM PAR DAG PA'I RTEN GNAS PAR BYED PA NI DGRA BCOM PA RNAMS KYI STE, BZHI PO DE DAG NYID DO, ,ZAS KYIS GNAS PA LTAR STON PA SANGS RGYAS BCOM LDAN 'DAS RNAMS KYI ZAS KYANG KHAM GYI ZAS LA SOGS PA BZHI PO DE DAG NYID DO, ,DE DAG NI DE DAG MI GSOL LA, DE DAG GIS DE DAG GNAS PA'ANG MA YIN MOD KYI, 'JIG RTEN DANG MTHUN PAR DE LTAR STON CING GNAS PAR YANG MDZAD DO, ,THA DAD MED CES BYA BA NI RNAM PAR GNAS PA ZAB PA NYID DO, ,DPAG TU MED CES BYA BA NI GRANGS ZAB PA NYID DE CHOS KYI SKU DBYER MED PA DANG, SKU MANG PO MNGON PAR RDZOGS PAR BYANG CHUB PA'I PHYIR TE GO RIMS BZHIN NO, ,DPAG TU MED PA YIN YANG PHRIN LAS THA DAD PA MA YIN NO, ,'O NA CI ZHE NA, PHRIN LAS GCIG PA DAG PA STE, SPRUL PA DANG LONGS SPYOD RDZOGS PAS GZHAN GYI DON GRUB PA'I PHYIR RO, ,DE'I PHYIR, MI BRTAN PA BRTAN PA'I PHRIN LAS CAN ZHES BYA BA STE, GNYIS KYIS NI MI BRTAN NO, ,NGO BO NYID KYIS NI BRTAN TE, 'DI NI PHRIN LAS ZAB PA NYID GZHAN NO, ,GANG YANG MNGON RDZOGS SANGS RGYAS MED, ,CES BYA BA LA SOGS PA NI MNGON PAR BYANG CHUB PA ZAB PA NYID DO, ,JI LTAR MNGON PAR RDZOGS PAR SANGS RGYAS PA MED CE NA, GZHAN GYI DBANG KUN BRTAGS PA NYID DU MED PA'I PHYIR RO, ,THAMS CAD SANGS RGYAS MA YIN MIN, ,ZHES BYA BA NI GZHAN GYI DBANG GI NGO BO NYID YONGS SU GRUB PAR YOD PA'I PHYIR RO, ,SKAD CIG RE LA DPAG TU MED, ,CES BYA BA NI GANG @287B G'A'I KLUNG GI BYE MA'I GRANGS LAS 'DAS PA SNYED KYI 'JIG RTEN GYI KHAMS RNAMS SU MNGON PAR RDZOGS PAR BYANG CHUB PA'I PHYIR RO, ,DNGOS PO'I DNGOS MED RAB TU PHYE, ,ZHES BYA BA NI DNGOS PO RNAMS KYI DNGOS PO MED PA STONG PA NYID KYIS SANGS RGYAS NYID PHUL DU PHYIN PA'I GO 'PHANG BRNYES PAR BYAS PA'O, ,'DOD CHAGS DANG BRAL BA ZAB PA NYID NI, ,CHAGS PA MA YIN MI CHAGS MIN, ,ZHES BYA BA STE, JI LTAR CHAGS PA MA YIN ZHE NA, GZHAN GYI DBANG KUN BRTAGS PA NYID DU MED PA'I PHYIR RO, ,GANG GI PHYIR CHAGS PA MA YIN PA DE NYID KYI PHYIR MI CHAGS PA MA YIN TE, 'DOD CHAGS YOD NA 'DOD CHAGS MED PA 'BYUNG BA'I PHYIR RO, ,'DOD CHAGS NYID KYIS 'BYUNG BA YIN, ,ZHES BYA BA NI STONG PA NYID LA CHAGS PA GANG YIN PA DGE BA'I CHOS LA 'DUN PA ZHES BYA BA'I RGYU DES BYUNG BA YIN NO, ,YANG NA 'DOD CHAGS KYIS KUN NAS DKRIS PA NI SPANGS LA, 'DOD CHAGS KYI BAG LA NYAL MI SEL BA STE, DE NYID YO BYAD DU BYAS NAS BYANG CHUB CHEN PO THOB PA'O, ,GAL TE BAG LA NYAL SEL NA NYAN THOS BZHIN DU YONGS SU MYA NGAN LAS 'DA' PAR 'GYUR RO, ,'DOD CHAGS 'DOD CHAGS MIN MKHYEN NAS, ,ZHES BYA BA NI KUN BRTAGS PA'I 'DOD CHAGS 'DOD CHAGS MA YIN PA NYID DU MKHYEN NAS SO, ,'DOD CHAGS CHOS NYID LA YANG BZHUGS, ,ZHES BYA BA NI DE BZHIN NYID LA STE, DE LA 'JUG PA NI MNGON SUM DU BYED PA'O, ,PHUNG PO SPANGS PA ZAB PA NYID NI, ,SANGS RGYAS PHUNG PO RNAMS LAS 'DAS, ,ZHES BYA BA STE, KUN BRTAGS PA'I GZUGS LA SOGS PA PHUNG PO LNGA LA KUN MA BRTAGS PAS 'DAS TE, DE MI DMIGS PA'I PHYIR RO, ,PHUNG PO RNAMS LA'ANG RNAM PAR BZHUGS, ,ZHES BYA BA NI CHOS NYID KYI PHUNG PO RNAMS LA'O, ,DE LAS GZHAN MIN ZHES BYA BA NI KUN BRTAGS PA'I PHUNG PO RNAMS LAS CHOS NYID KYI PHUNG PO RNAMS GZHAN MA YIN TE, KUN BRTAGS PA MED PA'I PHYIR RO, ,GZHAN MIN YIN ZHES BYA BA NI KUN BRTAGS PA RNAMS KUN NAS NYON MONGS PA YIN PA'I PHYIR, CHOS DANG CHOS CAN GZHAN DANG GZHAN MA YIN PA NYID LAS GROL BA'I YANG PHYIR RO, ,DE MA BTANG BAS LEGS PAR 'DAS, , @288A *, ,ZHES BYA BA NI CHOS NYID KYI PHUNG PO YONGS SU MA BTANG BAS SHIS PAR MYA NGAN LAS 'DAS PA'O, ,YONGS SU SMIN PAR MDZAD PA ZAB PA NYID NI, ,KUN KYANG 'DRES PA'I PHRIN LAS CAN, ,ZHES BYA BA STE, SEMS CAN GYI DON GYI PHYIR PHAN TSUN DU YAN LAG GI DNGOS POR 'DRE BA'I PHYIR SPYOD PA 'DRES PA DANG NYE BAR 'DRES PA DAG GO, ,CI 'DRA ZHE NA, RGYA MTSOR CHU 'DRA ZHES BYA BA SMOS TE, DPER NA RGYA MTSO CHEN POR BAB PA'I KLUNG GI CHU RNAM PAR DBYE BA MED PAR NYA LA SOGS PA'I DON BYED PA DE BZHIN NO, ,BYAS SO BYED DO BYA'O ZHES, ,GZHAN GYI DON LA DGONGS PA MED, ,CES BYA BA NI SEMS MNGON PAR 'DU BYA BA MED PAR BSGRIM MI DGOS PAR MDZAD PA STE, BRGYA BYIN LA SOGS PA BZHIN NO, ,GAL TE DE BZHIN GSHEGS PA RNAMS KYI SKU RTAG PA YIN NA CI'I PHYIR RTAG TU MI SNANG SNYAM PA LA SEMS CAN NYES PAS MI SNANG STE, SNOD CHAG PA'I YI ZLA BA BZHIN, ,ZHES BYA BA SMOS TE, DPER NA SNOD CHAG PA'I NANG DU ZLA BA MI SNANG BA NI SNOD KYI NYES PAS CHU MI GNAS PA'I PHYIR RO, ,DE BZHIN DU ZHI GNAS KYI RLAN MED PA DAG GI RGYUD RNAMS LA SANGS RGYAS MI SNANG STE, RGYUD KYI NYES PA'I PHYIR RO, ,CHU LTA BU NI TING NGE 'DZIN TE, MNYEN PA'I BDAG NYID YI PA'I PHYIR RO, ,DE BZHIN GSHEGS PA NI DGE BA'I CHOS ZAG PA MED PA'I GZUGS BRNYAN LTA BU'O ZHES BYA BA LA SOGS PA YANG GSUNGS PAS SO, ,GANG DAG SKAL BA YOD PA DE DAG GIS NI MTHONG NGO, ,DE DAG MI SNANG DU ZIN KYANG PHRIN LAS RNAMS MTHONG STE, 'DI LTAR, 'JIG RTEN KUN LA NYI BZHIN DU, ,DE DAG CHOS 'DOD KHYAB PAR MDZAD, , MDO'I SDE LA SOGS PA DAM PA'I CHOS DAG GI RANG BZHIN GYI 'OD ZER STONG GI PHRED PA DANG LDAN PA'I SANGS RGYAS NYI MA RNAMS NI BSHAD PAS 'JIG RTEN MNGON PAR KHYAB PAR MDZAD NAS, YONGS SU SMIN PAR MDZAD PA LA SOGS PA PHRIN LAS MDZAD PA NYID DO, ,RDZOGS PAR BYANG CHUB PA DANG MYA NGAN LAS 'DAS PA KUN DU STON PA ZAB PA NYID NI, LA LAR RDZOGS PAR BYANG CHUB STON, ,LA LAR ME BZHIN MYA NGAN 'DAS, ,ZHES BYA BA STE, DPER NA ME NI KHA CIG TU 'BAR LA, KHA CIG TU 'CHI BA DE BZHIN DU SANGS RGYAS RNAMS KYANG YONGS SU SMIN PA KHA CIG LA RDZOGS PAR BYANG CHUB PA STON TE, DE RNAM PAR @288B THAR PAR BYA BA'I PHYIR RO, ,YONGS SU MA SMIN PA KHA CIG TU MYA NGAN LAS 'DAS TE MDZAD PA MED PA'I PHYIR RO, ,NAM YANG MED PA MA YIN TE, ,ZHES BYA BA LA SOGS PA'I DON NI BRDA PHRAD PAR ZAD DO, ,BZUGS PA LA ZAB PA NYID NI, SANGS RGYAS 'PHAGS MIN CHOS RNAMS DANG, ,ZHES BYA BA LA SOGS PA'O, , 'PHAGS PA MA YIN PA RNAMS KYI CHOS NI MI DGE BA RNAMS TE, DE DAG LA YANG BDAG NYID MCHOG DANG BZHUGS PA MCHOG YIN TE, STONG PA NYID DANG, SMIN PA MED PA DANG, MTSAN MA MED PA ZHES BYA BA'I GNAS PAS MI DGE BA'I CHOS LA DMIGS NAS BZHUGS PA'I PHYIR RO, ,MI DANG NGAN SONG BA RNAMS LA YANG BDAG NYID DANG BZHUGS PA MCHOG RNAMS YIN TE, BSAM GTAN DANG SNYOMS PAR 'JUG PA LHA'I GNAS PAS DE LA DMIGS NAS BZHUGS PA'I PHYIR RO, ,TSANGS SPYOD MA YIN CHOS RNAMS LA YANG BDAG NYID DANG BZHUGS PA MCHOG RNAMS YIN TE, TSAD MED PA BZHI ZHES BYA BA'I TSANGS PA'I GNAS PAS DE LA DMIGS NAS BZHUGS PA'I PHYIR RO, ,DE LA MCHOG NI CHOS KYI DBYINGS SO, ,DE'I BDAG NYID DE, DE BZHIN GSHEGS PA RNAMS NI DE'I NGO BO NYID YIN NO, ,DE NYID KYI PHYIR RTAG PA'O, ,SKU KUN DU STON PA ZAB PA NYID NI, DE DAG KUN DU RNAM PAR DPYOD, ,CES BYA BA STE, RNAM PAR MI RTOG PA'I RJES LA THOB PA'I YE SHES KYIS RNAM PAR DPYOD PA NI 'DIR RNAM PAR DPYOD PA'O, ,GANG DU ZHE NA, KUN DU STE, DGE BA DANG MI DGE BA DANG LUNG DU MA BSTAN PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG 'DUS MA BYAS LA SOGS PA SHES BYA THA DAD PA LA LO, , GANG DU'ANG RNAM PAR DPYOD MI MNGA', ,ZHES BYA BA NI RNAM PAR MI RTOG PAS TE, DE RNAM PAR DPYOD PA DANG BRAL BA'I PHYIR RO, ,GNAS RNAMS KUN DU'ANG SNANG MOD KYI, ,ZHES BYA BA NI SKUS SKYE BA LA SOGS PA KUN DU STON PA'I PHYIR RO, ,DBANG PO DRUG GI SPYOD YUL MIN, ,ZHES BYA BA NI DON DAM PAR CHOS KYI SKU NI SKYE BA'I SKYE MCHED SEMS CAN DMYAL BA LA SOGS PA DANG SKAL PA MNYAM PA RNAMS KYI MI RTOGS PA'I PHYIR RO, ,NYON MONGS PA SPANGS PA ZAB PA NYID NI, NYON MONGS THUL LA SPANGS PA MED, ,CES BYA BA STE, THUL PA NI BYANG CHUB SEMS DPA'I GNAS SKABS NA DE DAG GI NYON MONGS @289A *, ,PA MA SPANGS PA STE, 'DI LTAR, SNGAGS KYIS BSAD PA'I DUG DANG 'DRA, ,DPER NA SNGAGS KYIS BSAD PA'I DUG NI NAD PA RNAMS KYI YO BYAD DU 'GYUR PA DE BZHIN DU DE DAG GI NYON MONGS PA RNAMS KYANG KUN NAS DKRIS PA MED CING BAG LA NYAL LUS PA'I PHYIR RO, ,CI'I PHYIR BAG LA NYAL LHAG MA 'JOG CE NA, NYAN THOS KYI THEG PAS MYUR DU YONGS SU MYA NGAN LAS 'DAS NA MI RUNG NGO SNYAM MO, ,DE'I PHYIR NYON MONGS PA NYID NYON MONGS PA ZAD PA THAMS CAD MKHYEN PA'I RGYU STE, JI SKAD DU, DRAN DANG SHES PAS ZIN PA'I NYON MONGS YON TAN SNA TSOGS YONGS 'GRUB PAS, ,YANG PAR GYUR PA KHYOD KYI BYANG CHUB YO BYAD RNAMS SU 'GYUR PA LAGS, ,ZHES BSHAD PA LTA BU'O, ,BSAM GYIS MI KHYAB PA ZAB PA NYID NI JI LTAR NA, DE DAG GI NYON MONGS PA BYANG CHUB KYI YAN LAG TU 'GYUR ZHING 'KHOR BA YANG ZHI BA'I BDAG NYID DU 'GYUR PA DANG, DE'I 'BRAS BU CI YIN ZHES DE LTAR RIGS PAS NAM YANG SANGS RGYAS RNAMS BSAM PAR MI NUS PA'O, ,ZAB PA NYID RNAM PA BCU GNYIS BSHAD ZIN TO, ,ZAB PA'I DON NI RTOGS PAR DKA' BA'I DON TO, ,SANGS RGYAS RJES SU DRAN PA'I DBANG DU BYAS NAS, SANGS RGYAS BCOM LDAN 'DAS NI CHOS THAMS CAD LA DBANG SGYUR BA'I DANG CAN ZHES BYA BA SMOS TE, CHOS THAMS CAD LA DBANG SGYUR PA'I NGANG TSUL CAN YIN PAS DBANG SGYUR PA'I DANG CAN TE, BZHED PA TZAM LA RAG LAS PAR YON TAN PHUN SUM TSOGS PA THAMS CAD MNGON DU 'GYUR PA'I PHYIR RO, ,DE'I PHYIR, 'JIG RTEN GYI KHAMS MTHA' YAS MU MED PA THAMS CAD DU THOGS PA MED PA'I MNGON PAR SHES PA BRNYES PA'I PHYIR ZHES BYA BA SMOS SO, ,GAL TE DE BZHIN GSHEGS PA RNAMS KYI MNGON PAR SHES PA 'JIG RTEN GYI KHAMS THAMS CAD DU THOGS PA MED PA YIN NA CI'I PHYIR SEMS CAN THAMS CAD YONGS SU MYA NGAN LAS MI ZLO ZHE NA, CHOS THAMS CAD LA DBANG SGYUR PA SPYIR GTANG BA DMIGS KYIS BSAL BAR TSIGS SU BCAD PAS STON TE, BSGRIBS SHING RGYU DANG MI LDAN LA, ,ZHES BYA BA LA SOGS PA'O, ,DE LA BSGRIBS PA NI NYON MONGS PA DANG, LAS DANG, RNAM PAR SMIN PA'I SGRIB PA RNAMS KYIS TE, NYON MONGS PA SHAS CHE BA YIN, ,MTSAMS MED PA'I LAS BYED PA YIN, BLUN ZHING LKUGS PA YIN @289B NO; ;RGYU DANG MI LDAN PA NI YONGS SU MYA NGAN LAS MI 'DA' BA'I RIGS CAN TE, LOG PA NYID DU NGES PA'O, ,NGES PA GNYIS NI LAS BYED PAR NGES PA DANG, RNAM PAR SMIN PA MYONG BAR NGES PA'O, ,YUL 'DI LA NI YONGS SU MYA NGAN LAS 'DA' BAR SANGS RGYAS RNAMS LA MNGA' DBANG MI MNGA'O, ,DE LA LAS BYED PAR NGES PA NI YANG DANG YANG DU GOMS PA'I PHYIR SKAL PA MNYAM PA'I RGYU LAS GDON MI ZA BAR RGYU MTHUN PA'I 'BRAS BU 'BYUNG BA'I PHYIR TE, DPER NA RGYAL PO MA SKYES DGRAS PHA BSAD PA LTA BU'O, ,RNAM PAR SMIN PA MYONG BAR NGES PA NI NGES PAR RNAM PAR SMIN PA'I LAS KYI 'BRAS BU MYONG BAR 'GYUR PAS TE, DPER NA SH'A-KYA PA RNAMS 'PHAGS SKYES POS GNOD PA BYAS TE BSAD PA LTA BU'O, ,SANGS RGYAS BCOM LDAN 'DAS RNAMS CHOS THAMS CAD LA DBANG SGYUR PA'I NGANG CAN ZHES SPYIR BTANG BA GANG YIN PA DE NI DMIGS KYIS BSAL PA'I YUL 'DI BYAS TE, MTSAMS MED PA YI LAS RNAMS DANG, ,NYON MONGS DRAG DANG NGAN 'GRO DANG, ,MI SNYAN SEMS CAN 'DU SHES MED, ,SGRIB PA GSUM DU 'DOD PA YIN, ,ZHES KYANG BSHAD DO, ,DE BZHIN GSHEGS PA RNAMS KYI SKU RTAG PA'O ZHES BYA BA NI SHIN TU RNAM PAR DAG PA'I DE BZHIN NYID KYI NGO BO NYID YIN PA'I PHYIR RO, ,DE YANG GZHAN DU MI 'GYUR PAS 'GYUR BA MED PA'I PHYIR RO, ,DE BZHIN GSHEGS PA RNAMS MCHOG TU KHA NA MA THO BA MI MNGA'O ZHES BYA BA NI NYON MONGS PA DANG SHES BYA'I SGRIB PA KHA NA MA THO BA SPANGS PA'I PHYIR RO, ,DE BZHIN GSHEGS PA RNAMS LHUN GYIS GRUB PA'O ZHES BYA BA'I DON NI BRDA PHRAD PAR ZAD DE, RNAM PA NI SIL SNYAN LA SOGS PA LTA BU'O, ,DE BZHIN GSHEGS PA RNAMS LA LONGS SPYOD CHEN PO MNGA' BA'O ZHES BYA BA NI SANGS RGYAS KYI ZHING GI YON TAN BKOD PA'I RGYAN NI LONGS SPYOD CHE BA'I PHYIR RO, ,GOS PA MED PA'I RNAM PA'I DON YANG BRDA PHRAD PAR ZAD DE PAD-MA BZHIN NO, ,DE BZHIN GSHEGS PA RNAMS DON CHEN PO'O ZHES BYA BA NI SEMS CAN GYI DON CHE BA'I PHYIR TE, SKAL PA JI LTA BA BZHIN DU RDZOGS PAR BYANG CHUB PA DANG, MYA NGAN LAS 'DAS PAR KUN DU STON PAS YONGS SU SMIN PA DANG, RNA PAR GROL PAR MDZAD PA'I PHYIR RO, ,SANGS RGYAS RJES SU DRAN PA RNAM PA BDUN PO 'DI NYID TSIGS SU BCAD PA GNYIS KYIS SDUD @290A *, ,DE RANG GI SEMS LA RAG LAS DANG, ,ZHES BYA BA LA SOGS PA'O, ,RANG GI SEMS LA RAG LAS PA'I PHUN SUM TSOGS PA ZHES BYA BA 'DIS NI CHOS THAMS CAD LA DBANG SGYUR BA'I RNAM PA STON TE, RTAG PA PHUN SUM TSOGS PA ZHES BYA BA NI RANG GI SGRA NYID KYIS RTAG PA'I RNAM PA STON TO, ,DGE LDAN PHUN SUM TSOGS PA ZHES BYA BAS NI MCHOG TU KHA NA MA THO BA MI MNGA' BA STON TO, ,BRTZAL MI DGOS PA PHUN SUM TSOGS PA ZHES BYA BA 'DIS NI LHUN GYIS GRUB PA'I RNAM PA STON TO, ,CHOS KYI LONGS SPYOD CHEN PO RNAMS, ,RJES SU SBYIN MDZAD PHUN SUM TSOGS, ,ZHES BYA BA 'DIS NI LONGS SPYOD CHEN PO'I RNAM PA STON TO, ,DBANG DU MA GYUR RAB TU RGYU, ,PHUN SUM TSOGS PA ZHES BYA BA 'DIS NI 'JIG RTEN GYI CHOS THAMS CAD KYIS MI GOS PA STON TO, ,SKYE BO MANG POR 'DIR 'DOD PA, ,PHUN SUM TSOGS PA ZHES BYA BA 'DIS NI DON CHEN PO MDZAD PA'I PHYIR RO, ,SANGS RGYAS KUN GYI 'DI DAG KUN, ,CES BYA BA NI SANGS RGYAS THAMS CAD KYI PHUN SUM TSOGS PA RNAM PA BDUN PO 'DI DAG THAMS CAD BLO LDAN BYANG CHUB SEMS DPA' RNAMS KYIS RJES SU DRAN PAR BYAS STE, BSAM PAR BYA, RJOD PAR BYA ZHING, BRJOD PAR MI BYA'O ZHES BYA BA'I THA TSIG GO, , SANGS RGYAS KYI ZHING YONGS SU DAG PA'I DBANG DU BYAS NAS, BCOM LDAN 'DAS GZHAL MED KHANG CHEN PO RIN PO CHE SNA BDUN MCHOG TU 'BAR BA BKOD PA ZHES BYA BA LA SOGS PA SMOS TE, RIN PO CHE MCHOG TU 'BAR BA SNA BDUN GYIS BKOD PA STE SPRAS PA'I BYE BRAG GO, ,YANG NA BKOD PA DE NYID DE DAG GIS MCHOG TU 'BAR BA'O, ,DE LA RIN PO CHE SNA BDUN NI GSER DANG, DNGUL DANG, BEE d'UR-YA DANG, SHEL DANG, RDO'I SNYING PO DANG, MU TIG DMAR PO'O, ,RDO'I SNYING PO NI AINDA RNYIL DANG, MTHON KHA DANG, MTHON KHA CHEN PO LA SOGS PA'O, ,MU TIG DMAR PO NI SROG CHAGS DMAR PO PA ZHES BYA BA'I RIGS KYI STE, DE'I KHONG NAS BYUNG BA'I MU TIG NI MU TIG DMAR PO ZHES BYA'O, ,DE LTAR MCHOG TU 'BAR BA DE NI GANG 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO SHIN TU 'BYUNG BA STE, 'JIG RTEN GYI KHAMS @290B DPAG TU MED PA DAG RGYAS PAR 'GENGS PAS, 'JIG RTEN GYI KHAMS DPAG TU MED PAR RGYAS PAR 'GANGS PA STE, DE DAG NI 'JIG RTEN GYI KHAMS DPAG TU MED PA RGYAS PAR 'GENGS PA YANG YIN LA, 'OD ZER CHEN PO YANG YIN PAS 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER DAG STE, DE NA ZHES BYA BAR TSIG RNAM PAR SBYAR TE, 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO SHIN TU 'BYUNG BA DE NA'O, ,DE LTA BAS NA 'DIS NI SANGS RGYAS KYI ZHING YONGS SU DAG PA'I KHA DOG PHUN SUM TSOGS PA BSTAN TO, ,'DIR GNAS KYI BYE BRAG SHIN TU RNAM PAR PHYE BA TSAD MED PA DAG RNAM PAR GZHAG PAS, GNAS KYI BYE BRAG SHIN TU RNAM PAR PHYE BA TSAD MED PA RNAM PAR GZHAG PA STE, SHIN TU RNAM PAR PHYE BA NI BLO SNGON DU BTANG NAS CHA RNAM PAR GZHAG STE BKOD PA'I PHYIR RO, ,'DIS NI DBYIBS PHUN SUM TSOGS PA BSTAN TO, ,DKYIL 'KHOR YONGS SU MA CHAD PA, ,ZHES BYA BA NI DKYIL 'KHOR DAG 'DI TZAM MO ZHES YONGS SU MA CHAD PA'AM, YANG NA GANG GI DKYIL 'KHOR YONGS SU CHAD PA DE NI DKYIL 'KHOR YONGS SU CHAD PA'O DE NA STE, 'DIS NI TSAD PHUN SUM TSOGS PA BSTAN TO, ,DE'I GNAS SAM YUL KHAS GSUM PA LAS YANG DAG PAR 'DAS PA'I SPYOD YUL YIN PAS, KHAMS GSUM PA LAS YANG DAG PAR 'DAS PA'I SPYOD YUL NI SANGS RGYAS KYI ZHING STE, KHAMS GSUM NA SPYOD PA'I SRED PA RNAMS KYI RNAM PAR SMIN PA MA YIN PA'I PHYIR RO, ,'DIS NI YUL PHUN SUM TSOGS PA BSTAN TO, ,GAL TE RNAM PAR SMIN PA MA YIN NA DE'I RGYU GANG YIN SNYAM PA LA, 'JIG RTEN LAS 'DAS PA DE'I BLA MA'I DGE BA'I RTZA BA LAS BYUNG BA ZHES BYA BA SMOS SO, ,'JIG RTEN LAS 'DAS PA'I DGE BA'I RTZA BA NI RNAM PAR MI RTOG PA'O, ,DE'I BLA MA'I DGE BA'I RTZA BA NI DE'I RJES LA THOB PA STE, RGYU DES 'BYUNG BA YIN GYI, RGYU MED PA LAS BYUNG BA'AM, DBANG PHYUG LA SOGS PA'I RGYU LAS BYUNG BA NI MA YIN NO, ,'DIS NI RGYU PHUN SUM TSOGS PA BSTAN TO, ,DBANG SGYUR BA'I RNAM PAR RIG PA SHIN TU RNAM PAR DAG PA'I MTSAN NYID CES BYA BA NI DE DBANG SGYUR PA'I RNAM PAR RIG PA SHIN TU RNAM PAR DAG PA GANG YIN PA DE'I @291A *, ,MTSAN YID YIN TE, DE RNAM PAR RIG PA TZAM GYI PHYIR RO, ,DE NA RNAM PAR RIG PA LAS GZHAN PA'I RIN PO CHE LA SOGS PA MED KYI, RNAM PAR RIG PA DE NYID SHIN TU RNAM PAR DAG PAS DE LTAR SNANG STE, 'DIS NI 'BRAS BU PHUN SUM TSOGS PA BSTAN TO, ,DE BZHIN GSHEGS PA'I GNAS ZHES BYA BA 'DIS NI BDAG PO PHUN SUM TSOGS PA BSTAN TE, BDAG PO KYAD PAR CAN SANGS RGYAS BCOM LDAN 'DAS KYI GNAS YIN GYI, GZHAN GYI NI MA YIN NO, ,BYANG CHUB SEMS DPA' CHEN PO'I RTEN, ,ZHES BYA BA NI PHYOGS PHUN SUM TSOGS PA STE, DER NI CHOS POR CHUD PA'I BYANG CHUB SEMS DPA' RNAMS PHYOGS YIN GYI, NYAN THOS RNAMS NI MA YIN NO, ,LHA DANG KLU DANG GNOD SBYIN DANG, DRI ZA DANG LHA MA YIN DANG NAM MKHA' LDING DANG MI 'AM CI DANG LTO 'PHYE CHEN PO DANG MI MA YIN PA TSAD MED PA RNAM PAR RGYU BA ZHES BYA BAS NI ZHABS 'BRING BA PHUN SUM TSOGS PA BSTON TE, DER NI LHA LA SOGS PA ZHABS 'BRING BA YIN GYI, GANG YANG RUNG BA NI MA YIN NO, ,LTO 'PHYE CHEN PO NI SPRUL LO, ,LHAG MA NI GO BLA BSAM BSHAD DO, ,CHOS KYI RO'I DGA' BA DANG BDE BA CHEN POS BRTAN PA ZHES BYA BA NI DON CHOS KYI RO'I DGA' BA DANG BDE BA CHEN POS BRTAN PA YOD PAS ZHES TSIG RNAM PAR SBYAR RO, ,BRTAN PA NI ZAS TE 'DIS NI DE'I PHUN SUM TSOGS PA BSTAN TO, ,SEMS CAN THAMS CAD KYI DON THAMS CAD MDZAD PAS NYE BAR GNAS PA ZHES BYA BA NI PHRIN LAS PHUN SUM TSOGS PA STE, SEMS CAN GYI DON MDZAD PA'I PHYIR RO, ,NYON MONGS PA'I GNOD PA THAMS CAD DANG BRAL BA ZHES BYA BA NI PHAN 'DOGS PA PHUN SUM TSOGS PA STE, NYON MONGS PA LAS GYUR BA'I GNOD PA MED PA'I PHYIR RO, ,BDUD THAMS CAD YONGS SU SPANGS PA ZHES BYA BA NI 'JIGS PA MED PA PHUN SUM TSOGS PA STE, PHUNG PO DANG NYON MONGS PA DANG 'CHI BDAG DANG LHA'I BU'I BDUD KYI DGRA'I 'JIGS PA MED PA'I PHYIR RO, ,THAMS CAD KYI BKOD PA LAS LHAG PA DE BZHIN GSHEGS PA'I BYIN GYI RLABS KYIS BKOD PA ZHES BYA BA NI BYANG CHUB SEMS DPA' THAMS CAD KYI BKOD PA GANG DAG YIN PA DE DAG PAS LHAG PA DE BZHIN GSHEGS PA'I BYIN GYI RLABS KYIS DER BKOD PA @291B ZHES BYA BA'I PHYIR RO, ,'DIS NI RTEN PHUN SUM TSOGS PA BSTAN TE, GNAS THAMS CAD KYI MCHOG YIN PA'I PHYIR RO, ,DRAN PA DANG BLO GOS DANG RTOGS PA CHEN POS NGES PAR 'BYUNG BA ZHES BYA BA LA DRAN PA CHEN PO THOS PA LAS BYUNG BA'I SHES RAB GANG YIN PA'O, ,BLO GROS CHEN PO NI BSAMS PA LAS BYUNG BA'I SHES RAB PO, ,RTOGS PA CHEN PO RI BSGOMS PA LAS BYUNG BA'I SHES RAB STE, 'DIS NI LAM PHUN SUM TSOGS PA BSTAN TO, ,LAM NI NGES PAR 'BYUNG BA'I RNAM GRANGS SU GTOGS PA'I PHYIR RO, ,ZHI GNAS DANG LHAG MTHONG CHEN PO'I THEG PA ZHES BYA BA NI LAM NAS GANG LA ZHON TE 'GRO BA DE THEG PA STE ZHI GNAS DANG LHAG MTHONG GNYIS KYIS 'GRO BA'I PHYIR RO, ,CHEN PO NYI NYAN THOS DANG RANG SANGS RGYAS DANG BYANG CHUB SEMS DPA' RNAMS LAS KHYAD PAR DU 'PHAGS PA'I PHYIR TE, 'DIS NI BZHON BA PHUN SUM TSOGS PA BSTAN TO, ,RNAM PAR THAR PA'I SGO CHEN PO STONG PA NYID DANG, MTSAN MA MED PA DANG, SMON PA MED PA NAS 'JUG PA ZHES BYA BAS NI SGO PHUN SUM TSOGS PA STON TO, ,SGO NI SGO MO DANG DON GCIG GO, ,'JIG RTEN GYI GRONG KHYER DANG MTHUN PAR RNAM PAR THAR PA'I SGO GSUM PO DAG NAS DER 'JUG PA'I PHYIR RO, ,CHEN PO NI SNGA MA BZHIN NO, ,YON TAN GYI TSOGS TSAD MED PAS BRGYAN PA RIN PO CHE PAD-MA'I RGYAL PO CHEN PO'I BKOD PA LA BRTEN PA ZHES BYA BA NI GZHI PHUN SUM TSOGS PA BSTAN TE, DPER NAS NI RUNG GI DKYIL 'KHOR LA BRTEN PA DE BZHIN DU YON TAN GYI TSOGS TSAD MED PAS BRGYAN PA YANG PAD-MA CHEN PO'I RGYAL PO LA BRTEN TO, ,RGYAL PO BKOD PA NI PAD-MA GZHAN THAMS CAD PAS MCHOG TU GYUR PA'I PHYIR RO, ,YANG NA RGYAL PO CHEN PO NI SANGS RGYAS RNAMS TE, CHOS KYI RGYAL PO YIN PA'I PHYIR RO, ,DE DAG GI PAD-MA BKOD PA'I BRTEN PA DE LA DUS DANG MTHUN PAR BZHUGS SO, ,SANGS RGYAS KYI ZHING YONGS SU DAG PA DE'I LONGS SPYOD NI SHIN TU DAG PA STE, BSHAD GCI DANG BRAL BAS MI GTZANG BA MED PA'I PHYIR RO, ,SHIN TU BDE BA STE, SDUG BSNGAL DANG TSOR BA BAR MA MED PA'I PHYIR RO, ,SHIN TU KHA NA MA THOB MED PA STE, MI DGE BA DANG LUNG DU MA BSTAN PA MED PA'I PHYIR RO, ,SHIN TU DBANG SGYUR BA CAN TE, @292A *, ,SEMS BSKYED PA TSAM LA RAG LAS PAS RKYEN LA MI LTOS PA'I PHYIR RO, ,CHOS KYI DBYINGS DE NI ZHES BYA BA NI CHOS KYI SKU'O, ,PHRIN LAS LNGA DANG LDAN PA ZHES BYA BA LA, GNOD PA YONGS SU SKYOB PA'I PHRIN LAS CAN ZHES BYA BA LA, GNOD PA NI SMOS PA DANG 'ON BA LA SOGS PA STE, JI SKAD DU SANGS RGYAS MTHONG BAS LONG BA RNAMS KYIS NI MIG RNYED, 'ON PA RNAMS KYIS NI RNA BAS THOS, SMYON PA RNAMS KYIS NI DRAN PA RNYED CES BYA BA LA SOGS PA GSUNGS PA LTA BU'O, ,CHOS KYI SKU NI DBANG PO DRUG GI SPYOD YUL MA YIN NO ZHES BSHAD PA MA YIN NAM, LONG BA 'AM GZHAN DAG GIS MTHONG BA ZHES BYA BA DE JI LTA BU ZHE NA, CHOS KYI SKU MTHONG ZHES MI SMRA'I, 'ON KYANG SNGON GYI SMON LAM GYI SHUGS KYI DBANG GIS RNAM PAR MI RTOG BZHIN DU DE DAG GI SPRUL PA'I SKU'I 'JUG PA YOD PA DE LTAR LONG BA LA SOGS PAS MIG LA SOGS PA 'THOB PA GANG YIN PA DE CHOS KYI SKU SGRUB PA'I PHRIN LAS TE, TSOGS KYI SHUGS KYI MTHUS 'KHOR LO BSKOR BA BZHIN NO, ,NGAN SONG LAS YONGS SU SKYOB PA'I PHRIN LAS CAN ZHES BYA BA NI MI DGE BA'I GNAS NAS BSLANG STE, DGE BA'I GNAS LA 'JOG PA'I PHYIR RO, ,DON GYIS NA NGAN SONG LAS YONGS SU SKYOB PAR 'GYUR TE, RGYU MED NA 'BRAS BU MED PA'I PHYIR RO, ,THABS MA YIN PA LAS YONGS SU SKYOB PA'I PHRIN LAS CAN ZHES BYA BA NI BSHAD PA DE NYID KYIS BKROL ZIN TO, ,'JIG TSOGS LAS YONGS SU SKYOB PA'I PHRIN LAS CAN ZHES BYA BA LA 'JIG TSOGS NI 'JIG PA'I BDAG NYID KYI TSOGS SO, ,KHAMS GSUM PA GANG DU 'JIG TSOGS LA LTA BA 'JUG PA DE LAS 'DA' BA'I PHYIR SPRUL PA'I SKUS CHOS STON PAS YONGS SU SKYOB BO, ,THEG PA LAS YONGS SU SKYOB PA'I PHRIN LAS CAN ZHES BYA BA NI MA NGES PA'I RIGS CAN NYID NI BYANG CHUB SEMS DPA' DANG NYAN THOS RNAMS DANG SBYAR TE, DE DAG THEG PA CHEN PO LA 'JOG PA NI PHRIN LAS LNGA PA'O, ,LNGA PO DE DAG LA SANGS RGYAS RNAMS PHRIN LAS MTSUNGS PAR BLTA BAR BYA'O, ,JI LTA ZHE NA, RGYU DANG GNAS DANG BYA BA DANG NI BSAM PA DANG ZHES BYA BA LA SOGS PA'I TSIGS SU BCAD PA SMOS PA'O, ,RGYU THA DAD PAS 'JIG RTEN NA @292B LAS THA DAD PAR 'GYUR TE, 'DI LTA STE, RGYU GZHAN GYIS LHAR 'GYUR RO, ,GZHAN GYIS MIR 'GYUR RO, ,DE THA DAD PAS LHA LA SOGS PA'I LAS THA DAD DO, ,SANGS RGYAS RNAMS NI DE LTA MA YIN TE, TSOGS THA DAD PA MED PA'I PHYIR, RGYU THA DAD PA MED DO, ,GNAS NI LUS TE KHOG PA'O, ,DE THA DAD PAS KYANG LAS THA DAD PAR 'GYUR TE, 'DI LTA STE, LHA SPYIN GYI LUS KYANG GZHAN, MCHOD SPYIN GYI LUS KYANG GZHAN NO, ,SANGS RGYAS RNAMS NI DE LTA MA YIN TE, CHOS KYI SKU THA DAD PA MED PA'I PHYIR SKU THA DAD PA MED DO, ,BYA BA NI BYED PA STE, DGOS PA ZHES BYA BA DANG DON GCIG GO, ,DE THA DAD PA'I PHYIR YANG LAS THA DAD DE, 'DI LTA STE, TSONG BA RNAMS KYI LAS KYANG GZHAN, ZHING RMED PA RNAMS KYI LAS KYANG GZHAN, RGYAL PO'I ZHABS 'BRING BYED PA RNAMS KYI LAS KYANG GZHAN NO, ,SANGS RGYAS RNAMS NI DE LTA MA YIN TE, 'GRO BA'I DON SPYOD PA'I MDZAD PA THA DAD PA MED PA'I PHYIR RO, , BSAM PA NI SEMS PA STE, DE THA DAD PAS KYANG LAS THA DAD DE 'DI LTA STE, PHAN PA'I BSAM PA'I LAS KYANG GZHAN, PHAN PA MA YIN PA'I BSAM PA'I LAS KYANG GZHAN NO, ,SANGS RGYAS RNAMS NI DE LTA MA YIN TE, PHAN PA DANG BDE BA MDZAD PAR DGONGS PA'I PHYIR RO, ,'DU BYED NI RTZOL BA STE, DE THA DAD PAS KYANG LAS THA DAD PAR 'GYUR TE, 'DI LTA STE, RTZOL BA CHUNG NGU'I LAS NI CHUNG BA DANG, RTZOL BA CHEN PO'I LAS NI CHE BA'O, ,SANGS RGYAS RNAMS NI DE LTA MA YIN TE, DE MI MNGA' BA'I PHYIR DE DAG NI MDZAD PA THAMS CAD LHUN GYIS GRUB PA'O, ,DE BAS NA RGYU LA SOG PA THA DAD PA LNGA PA MED PA'I PHYIR LNGA PO DAG LAS PHRIN LAS THA DAD PA MI MNGA' BA NI LEGS PAR BRJOD PA YIN NO, ,THEG PA GCIG BSTAN PA'I DGONGS PA, KHA CIG DAG NI DRANG PHYIR DANG, ,ZHES BYA BA LA SOGS PA TSIGS SU BCAD PAS STON TO, ,MA NGES PA'I RIGS CAN GYI NYAN THOS RNAMS KYIS RNAM PA GZHAN GYIS THAR PAR MI 'GYUR BAR RTOGS NAS THEG PA CHEN PO NYID KYIS NGES PAR 'BYUNG BAR BYA BA DANG, MA NGES PA'I RIGS CAN GYI BYANG CHUB SEMS DPA' GZHAN YANG KUN DU BZUNG BA'I PHYIR TE, DE DAG SPRO BA MED PAR GYUR KYANG THEG PA GCIG THOS PAR BYAS PAS KUN DU BZUNG NA NYAN @293A *, ,THOS KYI THEG PAS YONGS SU MYA NGAN LAS 'DA' BAR MI 'GYUR BAR BYA BA YIN NO, ,CHOS MTHUN PA'I PHYIR ZHES BYA BA LA CHOS NI 'DIR DE BZHIN NYID DE, 'DI NI NYAN THOS LA SOGS PA THAMS CAD DANG YANG THUN MONG NGO, ,DE'I PHYIR LAS SU SGRUB PAR THEG PA'I SGRA SMOS TE, DE BZHIN NYID GCIG PA'I PHYIR THEG PA GCIG GO, ,BDAG MED PA MTHUN PA'I PHYIR ZHES BYA BA NI GANG ZAG LA BDAG MED PA MTHUN PA'I PHYIR RO, ,GANG ZAG GI RDZAS THA DAD PA YIN NA NI 'DI NI NYAN THOS SO, ,'DI NI BYANG CHUB SEMS DPA'O ZHES THEG PA THA DAD PAR 'GYUR BA ZHIG NA DE MED PA'I PHYIR THEG PA GCIG PA NYID DO, ,GROL BA MTHUN PHYIR ZHES BYA BA NI NYON MONGS PA'I SGRIB PA LAS RNAM PAR GROL BA THA DAD PA MED PA'I PHYIR TE, JI SKAD DU, BCOM LDAN 'DAS KYIS RNAM PAR GROL BA DANG RNAM PAR GRAL BA NI THA DAD DU DBYER MED DO ZHES GSUNGS PA LTA BU'O, ,DGONGS PA DES NA THEG PA GCIG PA NYID NYID DO, ,RIGS NI THA DAD GYUR PA'I PHYIR, ,ZHES BYA BA NI 'DI LTAR RIGS MA NGES PA'I PHYIR RO, ,BYANG CHUB TU BSNGOS PA DAG NI NYAN THOS KYI RIGS YIN DU ZIN KYANG SANGS RGYAS KYI RIGS SU 'GYUR TE, DE'I PHYIR THEG PA GCIG NYID DO, ,BSAM GNYIS BRNYES PHYIR ZHES BYA BA NI BSAM PA RNAM PA GNYIS THOB PA'I PHYIR TE, SANGS RGYAS RNAMS NI BDAG GANG YIN PA DE DAG GO ZHES SEMS CAN THAMS CAD LA BDAG GI SKUR DGONGS PA BRNYES SO, ,DES NA MNGON PAR RDZOGS PAR SANGS RGYAS PA DES DE DAG KYANG MNGON PAR RDZOGS PAR SANGS RGYAS PAR 'GYUR TE, RE ZHIG 'DI NI BSAM PA BRNYES PA GCIG GO, ,GNYIS PA NI SANGS RGYAS BCOM LDAN 'DAS KYIS DAM PA'I CHOS PAD-MA DKAR PO LAS SH'A RI'I BU LA SOGS PA NYAN THOS RNAMS LUNG BSTAN PA STE, BDAG CAG KYANG SANGS RGYAS DANG MTSUNGS SO SNYAM PA'I BSAM PA 'DZIN DU GZHUG PA'I PHYIR RO, ,YANG NA MING DE SKAD CES BYA BA'I BYANG CHUB SEMS DPA' RNAMS 'KHOR DER DE SKAD LUNG BSTAN TO, ,DE'I PHYIR SANGS RGYAS RNAMS KYI GSUNG GCIG LA RNAM PA GNYIS TE, NYAN THOS RNAMS KYANG SANGS RGYAS RNAMS KYANG SANGS RGYAS DANG MTSUNGS PAR THOB PA'I BSAM PA 'DZIN DU BCUG PA DANG, @293B BYANG CHUB SEMS DPA' RNAMS KYANG LUNG BSTAN TO, ,SPRUL BA'I PHYIR ZHES BYA BA NI DGE SLONG DAG NGAS MNGON PAR SHES TE, NYAN THOS NYID DU LAN BRGYA PHRAG DU MA BYAS NAS MYA NGAN LAS 'DAS SO ZHES GSUNGS PA LTA BU'O, ,SANGS RGYAS SU GYUR NAS JI LTAR NYAN THOS NYID DU MYA NGAN LAS 'DA' BAR 'GYUR TE, DE LA DGONGS PA NI 'DUL BA RNAMS LA LUS DE DANG DER SPRUL NAS NGAS DGOS PA BYAS TE MYA NGAN LAS 'DAS PA BSTAN TO SNYAM PA 'DI YIN NO, ,DE'I PHYIR DON DU NYAN THOS DANG RANG SANGS RGYAS KYI THEG PA GANG YIN PA DE NYID THEG PA CHEN PO YIN PAS THEG PA GCIG PA NYID DU GYUR TO, ,MTHAR PHYIN PAS ZHES BYA BA NI MTHAR PHYIN PAR ZHAL GYIS BZHES NAS THEG PA GCIG CES GSUNGS KYI GZHAN DAG MED PA NI MA YIN NO, ,'O NA CI ZHE NA, DE'I GONG NA THEG PA MED PA'I PHYIR THEG PA GCIG STE KHYAD PAR CAN MED PA'I PHYIR RO, ,THEG PA GZHAN DAG NI KHYAD PAR CAN DANG BCAS PA'O, ,KHAMS GCIG NA NI GNYIS MED PHYIR, ,ZHES BYA BA NI 'JIG RTEN GYI KHAMS GCIG NA SANGS RGYAS GNYIS MED PA'I PHYIR RO, ,'O NA GCIG NYID DU 'GYUR RO SNYAM PA DE BZLOG PA'I PHYIR, DPAG MED LHAN CIG TSOGS BSAGS PHYIR, ,ZHES BYA BA SMOS SO, ,'O NA NI 'JIG RTEN GYI KHAMS GCIG TU SANGS RGYAS MANG PO RIM GYIS 'BYUNG NGO SNYAM PA DE'I PHYIR, RIM GYIS 'BYUNG BAR MI RIGS PHYIR, ,ZHES BYA BA SMOS TE, TSOGS YONGS SU RDZOGS PA RNAMS LA RIM GYIS 'BYUNG BA'I RGYU CI YANG MED DO, ,'DI LA KHA CIG THEG PA CHEN PO PA NYID DU GYUR KYANG PHUNG PO'I LHAG MA MED PA'I MYA NGAN LAS 'DAS PA'I DBYINGS KYI BSAM PAS SANGS RGYAS RNAMS GTAN DU YONGS SU MYA NGAN LAS 'DA' BAR 'DOD DO, ,KHA CIG NI PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS KYI BSAM PAS GTAN DU YONGS SU MYA NGAN LAS 'DAS PA MA YIN PAR 'DOD DO, ,DE GNYI GA YANG MI RUNG STE, SANGS RGYAS RNAMS NI GTAN DU YONGS SU MYA NGAN LAS 'DAS PA YANG MA YIN, GTAN DU YONGS SU MYA NGAN LAS 'DAS PA MA YIN PA YANG MA YIN TE, DGONGS PA RAGS NI GTAN DU YONGS SU MYA NAN LAS 'DAS SO, ,DGONGS PA 'GAS NI GTAN DU YONGS SU MYA NGAN LAS MA 'DAS SO, , @294A *, ,SGRIB PA KUN LAS NGES GROL PHYIR, ,GTAN DU YONGS SU MYA NGAN LAS 'DAS SO, ,MDZAD PA RNAMS KYANG MA RDZOGS PHYIR, ,YONGS SU MYA NGAN LAS 'DAS PA MA YIN NO, ,DE GZUGS KYI SKUR SNANG BA'I PHYIR ZHES BYA BA NI LONGS SPYOD RDZOGS PAR SNANG BA'I PHYIR RO, ,NGO BO NYID NI GZUGS KYI SKUR SNANG BA MA YIN NO, ,SANGS RGYAS KYI LA BOR GYI DKYIL 'KHOR TSAD MED PA DAG NA LONGS SPYOD RDZOGS PA THA DAD PA SNANG GI NGO BO NYID THA DAD PA MED DO, ,MOS PA JI LTA BA BZHIN DU MTHONG BAS MA NGES PA'I NGO BO NYID DU SNANG BA'I PHYIR ZHES BYA BA NI 'DI LTAR KHA CIG LONGS SPYOD RDZOGS PA'I SANGS RGYAS LA BSGRES PAR MTHONG NGO, ,KHA CIG GIS GZHON NUR MTHONG, KHA CIG GIS DANG LA BAB BAR MTHONG YANG NGO BO NYID LA NI MA NGES PA MED DO, ,G-YO BA'I NGO BO NYID DU SNANG BA'I PHYIR ZHES BYA BA NI MTHONG BA PO GCIG NYID KYIS KYANG LONGS SPYOD RDZOGS PA DE, RES 'GA' NI RNAM PA GZHAN DU MTHONG YANG, NGO BO NYID LA NI G-YO BA MED DO, ,BYANG CHUB SEMS DPA' DANG NYAN THOS DANG LHA LA SOGS PA DANG, LONGS SPYOD RDZOGS PA'I SKU RTAG TU 'DRES PA YIN YANG NGO BO NYID LA NI 'DRES PAR MI RUNG NGO, ,GNAS GYUR PA MI RIGS PAR SNANG PA'I PHYIR RO ZHES BYA BA LA, KUN GZHI RNAM PAR SHES PA GYUR BA NI NGO BO NYID DO, ,'JUG PA'I RNAM PAR SHES PA GYUR PA NI LONGS SPYOD RDZOGS PA'O, ,MI RIGS PA DRUG PO 'DI DAG GIS NGO BO NYID NI LONGS SPYOD RDZOGS PAR MI RUNG NGO, ,SPRUL PA NI RNAM PA BRGYAD KYIS NGO BO NYID DU MI RUNG STE, BYANG CHUB SEMS DPA' YUN RING PO NAS MI NYAMS PA'I TING NGE 'DZIN THOB PA YONGS SU MA NYAMS PA RNAMS DGA' LDAN GYI LHA DANG MI'I NANG DU 'DOD PA NA SPYOD PA RNAMS SU SKYE BAR MI RIGS TE, SKAL PA MI RUNG BAR TING NGE 'DZIN LAS MI NYAMS BA'I 'BRAS BU NI 'DOD PA NA SPYOD PAR MI RIGS SO, ,DE'I PHYIR SPRUL PA DE NI NGO BO NYID LAS GZHAN ZHES BYA BAR GRUB PO, ,SKYE BA DRAN PA RNAMS ZHES BYA BA NAS BZUNG STE, DKA' BA SPYOD PA MI RIGS SO, ,ZHES BYA BA RI BAR NI 'GREL PA LA MI LTOS PAR TSIG DE NYID KYIS BSHAD ZIN TO, ,'DZAM BU'I GLING BYE BA PHRAG BRGYA BOR TE, GCIG TU MNGON PAR RDZOGS PAR BYANG CHUB DANG, CHOS KYI 'KHOR LO BSKOR @294B PA MI RIGS SO ZHES BYA BA NI SPRUL PA NI RIGS TE, THAMS CAD DU MTHUN PA'I PHYIR RO, ,DE'I PHYIR SPRUL BA NI NGO BO NYID DU MI RUNG NGO, ,JI STE 'DZAM BU GLING GZHAN RNAMS SU MNGON PAR RDZOGS PAR BYANG CHUB PA BSTAN PA MED PAR 'DZAM BU'I GLING GCIG TU MNGON PAR RDZOGS PAR SANGS RGYAS NAS LHAG MA RNAMS SU SPRUL PA RNAMS KYIS SANGS RGYAS KYI MDZAD PA MDZAD PAR 'DOD NA, DE'I PHYIR DGA' LDAN NYID DU MNGON PAR RDZOGS PAR SANGS RGYAS PAR CI'I PHYIR MI 'DOD, ,GAL TE KHYOD KYI LUGS LTAR 'DZAM BU GLING GCIG TU MNGON PAR RDZOGS PAR SANGS RGYAS LA, LHAG MA RNAMS SU SPRUL PA STON PAR RUNG NA, DE'I PHYIR DGA' LDAN NYID DU MNGON PAR RDZOGS PAR SANGS RGYAS LA, DE NYID NA BZHUGS BZHIN DU GLING BZHI BA'I 'DZAM BU'I GLING THAMS CAD DU SPRUL PA STON PAR CI'I PHYIR MI RUNG STE, GLING BZHI BA'I 'DZAM BU'I GLING THAMS CAD DU MNGON PAR RDZOGS PAR BYANG CHUB PA MED DO ZHES GANG GI STOBS KYIS 'DZAM BU'I GLING GANG DU YANG SANGS RGYAS 'BYUNG BA MI SNANG BAR SHES PAR BYA BA'I LUNG YANG MED LA, RIGS PA YANG MED DO, ,'ON TE DE BZHIN GSHEGS PA GNYIS SNGA PHYI MED PAR 'JIG RTEN GYI KHAMS GCIG TU 'BYUNG BA NI, GNAS MA YIN ZHING GO SKABS MED DO ZHES GANG GSUNGS PA'I MDO DANG MI 'GAL BAM, 'DZAM BU'I GLING THAMS CAD DU SANGS RGYAS CIG CAR BYUNG BAR GYUR NA DE DANG 'GAL LO ZHE NA, DE BZHIN GSHEGS PA GNYIS ZHES BYA BA LA SOGS PAS LAN 'DEBS TE, MDO 'DIR NI 'JIG RTEN GYI KHAMS GLING BZHI BAR BRJOD PAR BZHED PA YIN GYI, STONG GSUM PA NI MA YIN NO, ,'KHOR LOS SGYUR BA'I RGYAL PO GNYIS MI 'BYUNG BA GZHIN NO ZHES BYA BA NI JI LTAR DE BZHIN GSHEGS PA CIG CAR DU MI 'BYUNG BA DE BZHIN DU 'KHOR LOS SGYUR BA YANG CIG CAR DU MI 'BYUNG NGO ZHES MDO LAS GSUNGS LA, DE DAG NI GLING BZHI BA GCIG TU MI 'BYUNG GI ,STONG GSUM DU NI MA YIN PAS, SANGS RGYAS KYANG DE BZHIN DU SBYAR BAR BYA'O, ,'DIR TSIGS SU BCAD PA ZHES BYA BA NI MNGON PAR RDZOGS PAR BYANG CHUB PA DE, SANGS RGYAS SPRUL PA PHRA BA NI, ,ZHES BYA BA LA SOGS PA'I TSIGS SU BCAD PAS STON PA'I, ,JI LTAR SANGS RGYAS SPRUL PA'I SKU, ,YUM GYI @295A *, ,LHUMS SU MANG LA DU 'JUG PA DE BZHIN DU DE'I ZHABS 'BRING BA GNAS BRTAN SH'A RI'I BU LA SOGS PA NYAN THOS MANG PO DAG KYANG, RANG RANG GI SPRUL PAS, RANG RANG GI JI LTA BAR BZHIN MA'I MNGAL DU ZHUGS SO, ,MTSUNGS PAR ZHES BYA BA NI DUS MTHUN PA STE, DE LTAR NA RNAM PA THAMS CAD MNGON PAR RDZOGS PAR BYANG CHUB PAR RAB TU BSTAN PA YIN NO, ,SEMS CAN THAMS CAD KYI DON DU SMON LAM BTAB PA DANG, SGRUB PA GNYIS KYIS ZHES BYA BAS NI JI LTAR GTAN DU YONGS SU MYA NGAN LAS 'DAS PA DE LTAR MI RUNG BAR BSTAN TO, ,SEMS CAN THAMS CAD KYI DON BYA'O SKAM DU SMON LAM BTAB CING SGRUB PAS SEMS CAN GYI DON NYID MDZAD DO, ,GAL TE GTAN DU YONGS SU MYA NGAN LAS 'DA' BAS YONGS SU MYA NGAN 'DA' NA, DE GNYIS 'BRAS BU MED PAR 'GYUR RO ZHES BYA BAS NI YONGS SU MYA NGAN LAS 'DA' BAR MI 'THAD PA'I RGYU BAR DU CHOD PA DE BRJOD DO, ,KHA CIG TU DE BZHIN GSHEGS PA RNAMS KYI SKU NI RTAG PA'O ZHES GANG GSUNGS PA DE NI LONGS SPYOD RDZOGS PA DANG, SPRUL PA'I SKU NI MI RTAG PA'I PHYIR RO, ,GAL TE DE GNYIS MI RTAG NA SKU RTAG PA'O ZHES JI SKAD DU ZHE NA, DE GNYIS KYANG RTAG PA YIN TE, RGYU MTHUN PA DANG SPRUL PA'I SKU GNYIS CHOS KYI SKU RTAG PA LA BRTEN PA'I PHYIR RO, ,RNAM GRANGS KYI RTAG PA NYID DU STON TE, CHOS KYI SKU LA LTOS NAS DE DAG GI SKU RTAG PA'O ZHES TSIG RNAM PAR SBYAR RO, ,SKU GZHAN GNYIS LA LTOS NAS, DE DAG GI SKU MI RTAG PA LA GNAS PA'O ZHES TSIGS RNAM PAR SBYAR RO, ,YANG LONGS SPYOD RDZOGS PA NI, LONGS SPYOD RDZOGS PAR RGYU NA MA CHAD PA ZHES BYA BA NI, LONGS SPYOD RDZOGS PA RGYUN MA CHAD CING RGYUN DU 'JUG PAS RTAG PA'O, ,RTAG TU BDE BA SPYOD DE ZHES BYA BA BZHIN NO ZHES BYA BA NI RE ZHIG DPER NA RGYUN MA CHAD PAR BDE BA SPYOD PA MA YIN MOD KYI, 'ON KYANG RGYUN MI 'CHAD PA'I PHYIR 'DI RTAG TU BDE BA SPYOD DO ZHES BYA BA DE BZHIN DU LONGS SPYOD RDZOGS PA'I SKU YANG GTAN DU GNAS PA MA YIN MOD KYI, 'ON KYANG RTAG PA ZHES BYA STE, BYANG CHUB SEMS DPA'I 'KHOR GYI DKYIL 'KHOR DE DANG DER RGYUN MI 'CHAD PAR STON PA'I PHYIR RO, ,SPRUL PA NI YANG DAG YANG STON PA'I DGOS PAS RTAG PA STE, RTAG TU ZAS SBYIN @295B NO ZHES BYA BA BZHIN NO, ,DPER NA RTAG TU ZAS SBYIN PA MA YIN MOD KYI, YANG DAG YANG DU SBYIN PA'I PHYIR RNYED SLA BA LA DGONGS NAS, RTAG TU ZAS SBYIN PA ZHES BYA BA DE BZHIN DU SPRUL PA'I SKU YANG SKYE BA DANG 'JIG PA MED PAS RTAG PA MA YIN MOD KYI, 'DUL BA JI LTA BA BZHIN DU YANG DAG YANG STON TO, ,RNYED SLA BA'I PHYIR RTAG PA ZHES BYA'O, ,MYA NGAN 'DAS PA LA 'DUN PA MED PA'I PHYIR RO ZHES BYA BA NI YONGS SU MYA NGAN LAS 'DAS PA KUN DU STON PA'I DGOS PA BSTAN TO, DE BZHING SHEGS PA RTAG PAR RIG NA, SANGS RGYAS KYI SKU RTAG PA DON DU GNYER TE, MYA NGAN LAS 'DAS PA LA MI PHYOGS PAR 'GYUR BAS BCOM LDAN 'DAS KYIS DE BSTAN NA DE LA 'DOD PAR 'GYUR RO, ,CHOS ZAB MO BSTAN PA KHONG DU MA CHUD PA LA ZHES BYA BA NI, SANGS RGYAS BZHUGS NA 'DI RTAG GO, ,ZHES CHOS ZAB MO BSTAN PA KHONG CHUD PAR BYA BA LA 'BAD PA MED PAR 'GYUR TE, GAL TE DE LTAR KHONG DU MA CHUD KYANG DUS SHIG NA RTOGS PAR 'GYUR GRANG SNYAM MO, ,YANG DANG YANG 'DRI 'AM 'DZIN NA BRNYAS PA SKYE BAR 'GYUR TE, BDAG GIS LOG PAR ZIN NA, DE LA 'DIS DE SKAD BSHAD DO ZHES ZER RO, ,MI BZHUGS NA NI BRNYAS PA MI KSKYED DO, ,DE'I DGONGS PA BDAG CAG GIS MA ZIN GYIS, BCOM LDAN 'DAS NI YONGS SU MYA NGAN LAS MA 'DAS NA, BDAG CAG LA KHONG DU CHUD PAR BYED PA SU YOD CES CHOS RTOGS PAR BYED PA LHUR LEN PAR 'GYUR RO, ,STON PA MI DMIGS PA ZHES BYA BA NI, BCOM LDAN 'DAS YONGS SU MYA NGAN LAS 'DAS NA, BDAG CAG KYANG BRTZON 'GRUS LA GNAS TE, STON PA MED PA'I 'GRO BA LA STON PA THOB PAR BYA BA'I RIGS SO SNYAM MO, ,GZHAN DU NA NI BCOM LDAN 'DAS STON PA 'GRO BA'I MGON MDZAD DO ZHES BRTZON 'GRUS MI RTZOM PAR 'GYUR RO, ,SO SO RANG BRTZON 'GRUS MI 'DOR BAS ZHES BYA BA NI BRTZON 'GRUS BRTZAMS PA RNAMS BRTZON 'GRUS 'DOR PA YONGS SU SPANG BA'I PHYIR TE, JI SRID DU BCOM LDAN 'DAS BZHUGS PA DE SRID DU DGE BA'I RTZA BA YONGS SU SMIN PAR BYA'O SNYAM MO, ,RGYU DRUG JI SKAD BSTAN PA BSDU BA'I TSIGS SU BCAD PA NI, MDZAD PA RDZOGS PAR 'GYUR PA'I PHYIR, ,ZHES BYA BA LA SOGS PA'O, ,GAL TE CHOS KYI SKUS SANGS RGYAS @296A *, ,GTAN DU DPAG TU MED NA SANGS RGYAS KYIS PHONGS PA CUNG ZAD KYANG MED KYI, DE'I DON DU 'BAD CI DGOS ZHES RGOL BA'I SKABS RIG NAS, SANGS RGYAS RNAMS KYI CHOS KYI SKU, THOG MA MED PA'I DUS NAS ZHES BYA BA LA SOGS PA SMOS SO, ,KHA CIG 'DI SNYAM DU SEMS TE, SANGS RGYAS GCIG PO NAS SEMS CAN THAMS CAD KYI DGOS PA SGRUB PAR SPYOD KYIS, DE NI DON LA 'BAD CI DGOS SNYAM DU SEMS PA DE'I BLO BSAL BA'I PHYIR, GAL TE SANGS RGYAS BRNYES PA KHYAD MED DPAG MED PA, ,ZHES BYA BA LA SOGS PA SMOS SO, ,GAL TE CHOS KYI SKU LA SANGS RGYAS NYID THOB PA DUS THAMS CAD DU KHYAD PAR MED PA, SANGS RGYAS NYID LA 'BAD PA LDOG PA'I RGYUR 'GYUR NA SANGS RGYAS NYID THOB PAR RTAG TU RGYU MED PA LAS BYUNG BAR 'GYUR BAS, SNGON GYI SANGS RGYAS DE DAG KYANG BSGRIM PA MED PAR SANGS RGYAS NYID DU 'GYUR BAR THAL PAR 'GYUR RO, ,JI STE DE DAG RGYU MED PA LAS 'BYUNG BAR MI 'DOD NA, RGYU'I RGYUN GCOD PA NI RIGS PA'I TSUL MA YIN, SANGS RGYAS NYID THOB PA DUS THAMS CAD DU KHYAD PAR MED PA NI, 'BAD PA NYAMS PA'I RGYUR MI 'GYUR RO, ,BSHAD 'DI NGO BO NYID MED PA, ,SANGS RGYAS NYID DU SMON BYAS SHING, ,LUNG RIGS DAG PAS DAG PA'I BLOR, ,SNYING RJER BRTUL PA'I YID GYIS BYAS, ,THEG CHEN ZAB MO 'DI LA NI, ,SEMS NI MNYAM GZHAG MA YIN ZHING, ,DA LTAR GYI NI CHA MTHONG BA'O, ,BDAG 'DRA'I RTOG PA CI ZHIG 'DRA, ,'ON KYANG GRUB MTHA' LA BRTEN NAS, ,DGE BA GOMS PA SNGON 'GRO BA'I, ,BSOD NAMS KYIS NI 'JIG RTEN RNAMS, ,RNAM KUN MCHOG MKHYEN THOB PAR SHOG, ,THEG PA CHEN PO BSDUS PA'I BSHAD SBYAR SLOB DPON DGE BSNYEN BTZUN PA NGO BO NYID MED PA CHOS RNAMS LA SGYU MA LTA BU'I NGO BO NYID DU THUGS SU CHUD PAS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LEN DRA BO DHI DANG, ZHU CHEN GYI LO TZ'A BA PAN DE YE SHES SDES BSGYUR CING ZHUS TE GTAN LA PHAB PA, DGE SLONG DPAL BRTZEGS KYIS ZHUS TE GTAN LA PHAB PA'O, ,'DI LA SH'O KA NI NYIS STONG BDUN BRGYA BDUN CU RTZA BZHI YOD,, ,,BAM PO BDUN DU BYAS SO,, ,, @296B #, ,RGYA GAR SKAD DU, BI BRi TTI GU HY'A RTHA PIN-dA BY'A KHY'A, BOD SKAD DU, DON GSANG BA RNAM PAR PHYE BA BSDUS TE BSHAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,RNAL 'BYOR SPYOD PA'I SA NI, NYAN THOS LA SOGS PA DANG, THUN MONG DANG, THUN MONG MA YIN PA'I YANG DBANG DU MDZAD NAS MDZAD DO, ,RAB TU BYED PA 'DI NI NYAN THOS LA SOGS PA DANG THUN MONG MA YIN PA'I TSIG GI DON BCUS THEG PA CHEN PO MTHA' DAG BSDU BAR BZHED NAS BRTZAMS TE, GZHI GCIG GIS KYANG MA YIN, KUN RDZOB DANG DON DAM PA'I BDEN PA DANG GNYIS KYIS KYANG MA YIN, BRTAGS PA LA SOGS PA GSUM GYIS KYANG MA YIN, DUS GSUM DANG 'DUS MA BYAS DANG BZHIS KYANG MA YIN, MING LA SOGS PA LNGAS KYANG MA YIN NO, ,THEG PA CHEN PO LA SHIN TU ZHUGS PA ZHES BYA BA NI, BRTAGS PA'AM YON TAN PHUN SUM TSOGS PA YIN TE, THEG PA CHEN PO NYID NI DER 'GRO BAS NA DE BZHIN NYID CES BYA BA'I DMIGS PA YIN NO, ,DER ZHUGS PA NI SA DANG PO NYID LA'O, ,SHIN TU ZHUGS PA NI, KUN DU 'GRO BA LA SOGS PA'I SGRIB PA SPANGS PA'I PHYIR SA BCU PA LA YIN NO, ,RJOD PA DANG BRJOD PAR BYA BA'I BDAG NYID KYI THEG PA CHEN PO NI MI BZUNG STE, MTHAR MA PHYIN PA YANG DE LA ZHUGS PA'I PHYIR RO, ,GZHAN YANG CHOS KYI DBYINGS LA ZHUGS PA KHO NAS DE LA LEGS PAR ZHUGS PA YIN NO, ,PHA ROL TU PHYIN PA'I NGO BO NYID MA YIN TE, DE LA 'JUG PA'I THABS YIN PA'I PHYIR RO, ,GZHAN YANG DE DAG KYANG DE RTOGS PA KHO NAS RNAM PAR DAG PAR 'GYUR RO, ,BYANG CHUB SEMS DPA'I SKABS YIN PA'I PHYIR 'BRAS BU'I BDAG NYID NI MA YIN NO, ,DE LTAR NA SHIN TU ZHUGS PA ZHES SMOS PA YANG GZHAN DU MI SMRA BA'I PHYIR TE, YANG DAG PAR MA ZHUGS PA NI BCOM LDAN 'DAS KYI SPYAN SNGAR YANG BRGYA BYIN BZHIN DU LOG PAR YANG SMRA STE, JI SKAD DU, BRGYA BYIN GYIS, MJUG TU BDAG NI NYAMS GYUR NAS, ,ZHES BYA BA LA SOGS PA SMRAS PA LTA BU'O, ,GAL TE RDZAS GCIG BSTAN PA MDZAD NA NI DE 'BA' ZHIG BCU PA STON NUS PAR YID CES KYIS, SA BCU'I DBANG PHYUG GZHAN LA NI MA YIN NO, ,SPYIR BRJOD NA NI DE 'DRA BA'I PHYIR GZHAN LA YANG YID CHES PAR 'GYUR RO, , @297A *, ,BYANG CHUB SEMS DPA' ZHES BYA BA NI, BYANG CHUB DANG SEMS CAN LA DMIGS PAS NA THA SNYAD DU BTAGS TE, MI SDUG PA LA SOGS PA BZHIN NO, ,RNAM PA GCIG TUN 'DI LA BYANG CHUB TU SEMS DPA' YOD PA STE, SEMS DPA' ZHES BYA BA'I SGRA BSAM PA YIN PA'I PHYIR BYANG CHUB SEMS DPA'O; ;THEG PA CHEN PO'I BDAG NYID BRJOD PA'I PHYIR ZHES BYA BA 'DIR THEG PA CHEN PO SMOS PA NI, RJOD PA DANG BRJOD PAR BYA BA DANG, PHA ROL TU PHYIN PA RNAMS DANG DE BZHIN NYID DANG, 'BRAS BU LA YOD PA YONGS SU BZUNG STE, 'DI THAMS CAD KYI CHE BA'I BDAG NYID NI ZAB PA DANG RGYA CHE BA BDAG GIS BLA NA MED PA NYID DO, ,BDAG NYID CES BYA BA'I SGRA NI RANG BZHIN DANG 'BRAS BU'I TSIG TU GRAGS TE, DPER NA ME NI TSA BA'I BDAG NYID, DUG NI GSOD PA'I BDAG NYID CES BYA BA LTA BU'O, ,BCOM LDAN 'DAS KYI SPYAN SNGAR ZHES BYA BA NI, SANGS RGYAS KYIS GNANG BA NYID KYIS YID CHES PA NYID DU STON TE, STON PA DANG NYEN GZHAN DU MI SMRA BA'I PHYIR RO, ,STON PA DANG MI NYE BA NI SGRIB PA'I LHAG MA DANG BCAS PA'I PHYIR LOG PAR SMRA BAR YANG 'GYUR RO, ,'DI LTAR STE ZHES BYA BA'I SGRA NI TSIG GI DON BCU PO NYE BAR DGOD PA'I PHYIR RO, ,'DIR YANG THEG PA CHEN PO ZHES SMOS PA NI, BRJOD PA'I BDAG NYID KYI THEG PA CHEN CHEN PO LA BSNYAG STE, 'CHAD PAR 'GYUR PA'I KHYAD PAR RNAM PA BCUS THA DAD PA'I DE BZHIN GSHEGS PA'I BKA' THEG PA CHEN PO GANG YIN PA DE'I DBANG DU MDZAD PA YIN PAS, DE BAS NA 'DIR NI TSIG GI RANG BZHIN GYI THEG PA CHEN PO LA BYA BAR MNGON NO, ,'ON KYANG CI'I PHYIR YANG THEG PA CHEN PO ZHES BYA BA SMOS SHE NA, TSIG GI DON BCUS THUN MONG MA YIN PAR BSDU PAR BSTAN PA'I PHYIR RO, ,GAL TE DE NI DON GYI BDAG NYID LA YANG MTSUNGS PAS 'ON KYANG SMOS PAR MI BYA STE, THEG PA CHEN PO'I BDAG NYID BRJOD NA GDON MI ZA BAR BCU PA YANG DE SDUD PA YIN PA KHO NAR 'GYUR RO ZHE NA, MA YIN TE, 'BRAS BU'I SGO NAS KYANG CHE BA'I BDAG NYID DU SEMS SO, ,'DI LTAR THEG PA CHEN PO'I 'BRAS BU NI RNAM PA BCU LA MA GTOGS PA NYAN THOS KYI THEG PA MU STEGS CAN DANG THUN MONG MA YIN PA ZHIG YOD LA DES KHYAD PAR DU 'PHAGS SO ZHES BYA BAR YANG 'DZIN PAS, NYAN THOS DANG THUN MONG MA YIN PAR @297B NGES PAR 'CHAD PAR 'GYUR BAS THEG PA CHEN PO KHO NA BSDUS SO ZHES BYA BAR DE'I DON DU YANG THEG PA CHEN PO ZHES SMOS PAR BYA STE, DE BSDUS PAR BSTAN PA'I PHYIR RO, ,CHOS MNGON PA THEG PA CHEN PO'I MDO LAS ZHES BYA BA 'DIS NI TSIG GI DON BCU PO LUNG DANG LDAN PA NYID DU STON TE, GZHI MTHUN PA NYID KYI GZHI'I BDUN PA YIN NO, ,'DI LTAR GSUNG RAB LAS MDO NI SANGS RGYAS KYI BKA' NYID DU GRAGS LA, CHOS MNGON PA YANG SMOS PA'I DON STON PAR BYED PA NYID DU GRAGS SO, ,GAL TE DE LTAR NA MDO ZHES SMOS PA KHO NAS CHOG MOD CE NA, DE NI MA YIN TE, MDO RNAMS NI DRANG BA'I DON GYI PHYIR YANG YIN PAS TSIG GI DON BCU PO YANG DE BZHIN DU GDUL BA'I DBANG GIS DGONGS PA CAN GYI DON STON PAS DRANG BA'I DON NYID YIN PAR 'DZIN PAR 'GYUR RO, ,CHOS MNGON PA NI SMOS PA'I DON STON PA LHUR LEN PA'I PHYIR NGES PA'I DON YIN NO, ,GAL TE DE LTA NA CHOS MNGON PA ZHES SMOS PA KHO NAS CHOG MOD CE NA, DE NI MA YIN TE, YE SHES LA 'JUG PA LA SOGS PA BZHIN DU GTZUG LAG MA YIN PA NYID DU THAL PAR 'GYUR RO, ,RNAM PA GCIG TU NA GANG GI PHYIR CHOS MNGON PA ZAG PA MED PA'I SHES RAB YIN PA DE'I PHYIR CHOS MNGON PA NI PHYI'I MTSAN NYID KYIS RAB TU PHYE BA YIN TE, ZAG PA MED PA'I SHES RAB KYI YUL NI PHYI'I MTSAN NYID DE BZHIN NYID YIN PA'I PHYIR RO, ,RANG GI MTSAN NYID KYIS RAB TU PHYE BA GANG YIN PA DE NI MDO YIN TE, GDUL PA'I DBANG GIS THUN MONG MA YIN PA YANG GTZO BOR BSTAN PA'I PHYIR RO, ,DE BAS NA CHOS MNGON PA'I MDO NI GNYI BA'I MTSAN NYID KYIS RAB TU PHYE BA YIN LA, DE DANG 'BREL PAS RAB TU BYED PA YANG GNYI GA'I BDAG NYID YIN NO ZHES BYA BAR STON TO, ,RNAM PA GCIG TU NA CHOS MNGON PA NI RAB TU RNAM PAR 'BYED PA'I PHYIR LHAG PA'I SHES RAB KYI BSLAB PAS RAB TU PHYE BA YIN LA, DE YANG GTZO BOR MYA NGAN LAS 'DAS PA 'DREN PAR BYED PA YIN GYI, BSLAB PA GZHAN GNYIS NI, GTZOR 'DREN PAR BYED PA NYID MA YIN NO, ,MDO NI BSLAB PA GSUM CHAR GYIS RAB TU PHYE BA YIN TE, GDUL PA'I DBANG GIS GSUM CHAR BSTAN PA'I PHYIR RO, ,DE BAS NA DE NI CHOS MNGON PA DANG MDO ZHES BYA BA'I TSIG GNYI GAS THA SNYAD GDAGS KYI 'DUL PAS NI MA YIN NO, ,DE NI GCIG @298A *, ,TU LHAG PA'I TSUL KHRIMS DANG, LHAG PA'I SEMS KYIS RAB TU PHYE BA'I PHYIR TE, TSUL KHRIMS KYIS NI RANG GI DNGOS SU YIN LA, MNYAM PAR GZHAG PAS NI 'BRAS BU'I SGO NAS YIN GYI BAR DU CHOD PA'I PHYIR SHES RAB KYIS NI MA YIN NO, ,DE BAS NA RAB TU PHYED PA 'DI NI CHOS MNGON PA'I MDO DANG 'BREL GYI, 'DUL PA'I SDE SNOD DANG 'BREL PA NI MA YIN NO ZHES BYA BA'I THA TSIG GO, ,THEG PA CHEN PO ZHES SMOS PA NI NYAN THOS LA SOGS PA DANG THUN MONG MA YIN PA NYID DU BSTAN PA'I PHYIR RO, ,NYAN THOS LA SOGS PA DANG THUN MONG MA YIN PA'I PHYIR RNAM PA BCU PO 'CHAD PAR 'GYUR BAS DE DAG NYID KHYAD PAR DU ZHUGS PA YIN TE, DE DAG GI KHYAD PAR DU 'PHAGS PA'I GSUNG NGO, ,BRJOD PAR BYA BA MED PA'I BRJOD PA NI THAMS CAD KHYAD PAR MED DE, DE LTA BAS NA SHES BYA'I GNAS ZHES BYA BA LA SOGS PA DON RNAMS KYIS KHYAD PAR DU BYED DO, ,SHES BYA NI YONGS SU GRUB PA LA SOGS PA'I BYE BRAG GIS RNAM PA GSUM MO, ,YONGS SU GRUB PA YANG RNAM PA GNYIS TE, RTAG PA DANG MI RTAG PA'O, ,RTAG PA GANG YIN PA DE NI DE BZHIN NYID CES BYA STE, DE NI CHOS CAN GYI CHOS NYID YIN PA'I PHYIR GNAS NI CHOS CAN NO, ,CHOS CAN DU 'DRA YANG BRTAN PA'I PHYIR KUN GZHI RNAM PAR SHES PA KHO NAS GNAS SU RNAM PAR GZHAG GI, ,MI BRTAN PA'I PHYIR 'JUG PA'I RNAM PAR SHES PA NI MA YIN NO, ,DE LTA BAS NA 'DIS NI DE BZHIN NYID NI CHOS CAN GYI CHOS NYID YIN PA'I PHYIR, NAM MKHA'I ME TOG LA SOGS PA BZHIN DUG GTAN MED PA MA YIN NO ZHES BSHAD PA YIN NO, , MI RTAG PA GANG YIN PA DE YANG RNAM PA GNYIS TE, YANG DAG PA'I YE SHES KYI BDAG NYID DANG SA BON GYI BDAG NYID DO, ,YANG DAG PA'I YE SHES GANG YIN PA DE NI KUN GZHI'I RNAM PAR SHES PA LA RAG LAS TE, 'BYUNG BA'I PHYIR GNAS KHO NA YIN NO, ,SA BON GYI BDAG NYID KYANG RANG BZHIN DU GNAS PA DANG YANG DAG PAR BSGRUBS PA DANG RNAM PA GNYIS TE, GNYIS KA YANG LEN PA'I RNAM PAR SHES PA DANG LTAN CIG 'JUG PA'I PHYIR DE DAG GI GNAS YIN PA NYID DO, ,GZHAN GYI DBANG YANG RNAM PA GNYIS TE, KUN NAS NYON MONGS PA DANG DAG PA 'JIG RTEN PA'O, , @298B DAG PA 'JIG RTEN PA NI LEN PA'I RNAM PAR SHES PA DANG 'BREL PA'I PHYIR DE'I GNAS YIN PA KHO NA'O, ,KUN NAS NYON MONGS PA YANG RNAM PA GNYIS TE, RNAM PAR SHES PA BDUN GYI TSOGS KYIS BSDUS PA DANG, KUN GZHI RNAM PA SHES PAS BSDUS PA'O, ,RNAM PAR SHES PA BDUN GYI TSOGS KYIS BSDUS PA GANG YIN PA DE NI, KUN GZHI RNAM PAR SHES PA DANG 'JUG PA'I RNAM PAR SHES PA DAG PHAN TSUN RGYU DANG 'BRAS BU'I DNGOS PO DAG YIN YANG LEN PA'I RNAM PAR SHES PA NI BRTAN PA'I PHYIR, LEN PA'I RNAM PAR SHES PA KHO NA GNAS YIN GYI RNAM PAR SHES PA GZHAN NI MA YIN TE, MI BRTAN PA'I PHYIR RO, ,KUN GZHI RNAM PAR SHES PA YANG SA BON DANG RNAM PAR SMIN PA'I BYE BRAG GIS RNAM PA GNYIS SU DBYE STE, DE GNYIS LAS GANG YANG RUNG BA ZHIG GNAS NYID DU RNAM PAR GZHAG LA CIG SHOS NI DE LA BRTEN PAR RNAM PAR BRTAG PAR BYA'O, ,YANG NA SKAD CIG MA SNGA PHYI 'JUG PA'I SGO NAS GNAS DANG BRTEN PA NYID DANG, RGYU NYID DANG, 'BRAS BU NYID KYIS THA DAD PA NYID YIN NO, ,SEMS LAS BYUNG BA GANG DAG RNAM PAR SHES PA DANG MTSUNGS PAR LDAN PA DE DAG GI GNAS KYANG RNAM PAR SHES PA KHO NA YIN TE, DES NYE BAR BSTAN PA'I YUL LA KHYAD PAR 'DZIN PA NYID DU ZHUGS PAS DE DAG GTZO BO MA YIN PA'I PHYIR DANG DE NI GTZO BO YIN PA'I PHYIR RO, ,DE BAS NA BRTEN PA YIN PA'I PHYIR DE DAG KHO NAS DE LA BSGO PAR BYED KYI, DES NI DE DAG LA MA YIN NO, ,KUN BRTAGS PA YANG KUN BRTAGS PAR BYA BA'I DNGOS PO'I GZHI CAN NYID YIN PAS KUN GZHI RNAM PAR SHES PA'I GZHI GANG LA BRTAGS PA DE NI DNGOS SU DE'I GNAS NYID YIN NO, ,RNAM PAR SHES PA GZHAN GYI GZHI CAN GYI GNAS SU YANG BRTAN PA NYID YIN PA'I PHYIR BRGYUD PA'I SGO NAS DE NYID RNAM PAR GZHAG GO, ,'DIR RNAM PA BCU PO DAG GI RNAM PAR DBYE BA NI 'DI YIN TE, 'JUG DANG RGYU DANG 'BRAS BU DAG DANG DE DAG BSGOM PA'I RAB TU DBYE BA DANG, BSLAB PA GSUM ZHES BYA BA RNAM PA 'DI DRUG NI THEG PA CHEN PO'I SPYOD PA'I NGO BO NYID YIN NO, ,DE YI DMIGS PA NI SHES BYA'I GNAS DANG SHES BYA'I MTSAN NYID DO, ,DE LA YANG SHES BYA'I MTSAN NYID NI GDON MI ZA BAR SHES PAR @299A *, ,BYA BA YIN PA NYID KYIS DNGOS SU RANG GI NGO BOS DMIGS PA YIN NO, ,SHES BYA'I GNAS NI DE'I GNAS YIN PA NYID KYIS SO, ,SPYOD PA DE NYID KYI 'BRAS BU NI SPANGS PA DANG YE SHES KYI KHYAD PAR GYI RNAM PA DAG YIN PAS DE'I PHYIR THA MAR BSTAN TO, ,DE LTA BAS NA 'DI LAS NI THEG PA CHEN PO'I DMIGS PA GANG YIN PA DANG, THEG PA CHEN PO GANG YIN PA DANG, THEG PA CHEN PO'I 'BRAS BU GANG YIN PA DE DAG BSTAN TO, ,DKYUS MA NYID DPYAD PAR BYA STE, SHES BYA'I MTSAN NYID NI NGO BO NYID GSUM MO, ,DE LA YONGS SU GRUB PA NI RTAG PA DANG MI RTAG PA'I MTSAN NYID DE BZHIN NYID DANG YANG DAG PA'I YE SHES KYI NGO BO NYID DE, DON DAM PA DANG RANG RIG PA'I SGO NAS 'JIG RTEN LAS 'DAS PA'I YE SHES KYIS SHES PAR BYA BA YIN NO, ,GZHAN GYI DBANG NI 'JIG RTEN LAS 'DAS PA'I RJES LA THOB PA'I YE SHES KYIS SHES PAR BYA BA DANG SO SO'I SKYE BO'I SHES PAS KYANG RANG RIG PA'I SGO NAS SHES PAR BYA BA YIN NO, ,'O NA YONGS SU GRUB PA DE MA MTHONG BAR GZHAN GYI DBANG MI MTHONG NGO ZHES 'BYUNG BA GANG YIN PA DE JI LTA BU ZHE NA, DE NI GZHAN GYI DANG MA LUS PAR MNGON SUM PA DGAG PA LHUR BYA BA YIN PAS NYES PA MED DO, ,RNAM PA GCIG TU NA KUN BRTAGS PAS DPEN PAR NGES PAR MI BZUNG BA'I PHYIR TE, GZHAN GYI DBANG RANG RIG PA YOD KYANG GCIG TU NGES PAR MA ZIN PA'I PHYIR, YONGS SU GRUB PA 'DI MA MTHONG BA ZHES BYA BA LA SOGS PA SMOS SO, ,KUN BRTAGS PA NI SO SO'I SKYE BO'I SHES PAS SHES PAR BYA BA KHO NA YIN TE, DE NI GCIG TU MNGON PAR ZHEN PA'I YUL YIN PA'I PHYIR RO, ,RNAM PAR GTAN LA DBAB PA BSDUS PA LAS, BRTAGS PA NI SHES PA GANG GI DMIGS PA YANG MA YIN NO ZHES BSHAD PA GANG YIN PA NI, MED PA'I PHYIR GANG GI RTEN DU YANG MI 'GYUR RO ZHES BYA BA'I DON YIN GYI, SGRO BRTAGS PAR YANG YUL DU MI 'GYUR BA NI MA YIN TE, 'DI LTAR DE NYID LAS SO SO'I SKYE BO'I SHES PA'I DMIGS PA'O ZHES 'BYUNG BA DE'I PHYIR YANG DE LTA BU YIN NO, ,THEG PA CHEN PO'I SKABS MA YIN NAM, SO SO'I SKYE BO'I SKABS SU CI 'BAB CE NA, ZHAR LA SMOS PA'I PHYIR NYES PA MED DO, ,RNAM PA GCIG TU @299B MOS PAS SPYOD PA'I YUL YIN PA'I PHYIR DANG, ZAG PA MED PA'I YE SHES LAS LANGS PA'I SEMS DANG LDAN PA RNAMS KYI YANG DAM PA'I CHOS NYAN PA LA SOGS PA NA YUL NYID DU NYE BAR 'GRO BA'I PHYIR SKABS SU 'BAB STE 'GAL BA MED DO, ,DE BZHIN GSHEGS PA'I GNAS SKABS NA NI 'JIG RTEN LAS 'DAS PA'I RJES LA THOB PA'I YUL YANG MA YIN TE, MNGON PAR ZHEN PAR THAMS CAD SPANGS PA'I PHYIR LA, BRTAGS PA YANG MNGON PAR ZHEN PAS BYA BA'I PHYIR RO, ,DE BZHIN GSHEGS PA GANG GI TSE GZHAN GYI SEMS KYIS BZUNG BA'I KUN BRTAGS PA YONGS SU GCOD PA DE'I TSE YANG PHYIN CI MA LOG PA'I DE KHO NA NYID KYI BDAG NYID YUL DU 'GYUR GYI, JI LTAR BRTAGS PA DE LTAR NI YUL DU MI 'GYUR RO, ,BYANG CHUB SEMS DPA'I SPYOD PA YANG GANG ZAG GI GNAS SKABS KYI RIM PA DANG BSGRUB PA MNGON PAR 'GRUB PA'I RIM PA'I SGO NAS THA DAD DO, ,GANG ZAG GI GNAS SKABS KYI RIM PA'I SGO NAS NI RNAM PA GSUM STE, 'JUG PA DANG DE'I RGYU DANG 'BRAS BU DAG DANG BSGOM PA'I BAR DU DBYE BA'O, ,DE LA YANG DANG PO GNYIS NI NYE BAR LEN PA YIN LA GSUM PA NI NYE BAR BLANG BA YIN TE, 'DI LTAR GANG ZAG ZHUGS PA RGYU DANG 'BRAS BU DAG LA GNAS PA GANG YIN PA NI DE LA BRTEN NAS SA BCU RAB TU DBYE BA YIN NO, ,BSGRUB PA'I RIM PA NI BSLAB PA GSUM GYIS BSTAN TE, BSGRUB PA'I RIM PA 'DIS NI GANG ZAG GI GNAS SKABS GSUM PO 'DI DAG RAB TU 'BYED DO, ,DE LA YANG NI DE BZHIN GSHEGS PA'I GNAS SKABS NA SHES BYA LA 'JUG PA PHYIN CI MA LOG PA YIN MOD KYI; 'DIR NI 'JUG PA DANG PO LA DGONGS PA YIN NO, ,PHYIN CI MA LOG PA DE YANG GANG DU YONGS SU RDZOGS SHE NA, 'DI LTAR BZOD PA 'BRING GI GNAS SKABS NA NI KUN BRTAGS PA'I PHYOGS GCIG PO GZUNG BA'I RNAM PA YANG DAG PAR RTOGS SO, ,CHEN PO DANG CHOS KYI MCHOG GI GNAS SKABS DAG NA NI 'DZIN PA'O, ,DE'I MJUG THOGS SU MTHONG BA'I LAM GYI SKAD CIG MA DANG PO LA NI DE BZHIN NYID DO, ,DE LAS GZHAN PA'I SA RAB TU DGA' BA LA NI 'JUG PA YONGS SU RDZOGS PA YIN NO, ,'JUG PA DE'I RGYU DANG 'BRAS BU ZHES BYA BAR TSIG RNAM PAR SBYAR TE, MOS PAS @300A *, ,SPYOD PA'I SA LA NI RGYU'O, ,RAB TU DGA' BA LA SOGS PA'I GNAS SKABS NA NI 'BRAS BU'O, ,DE YI RGYU DANG 'BRAS BU SGOM PA RAB TU DBYE, ,ZHES BYA BA NI, GTZO BO YIN PA'I PHYIR 'BRAS BU KHO NA'I RAB TU DBYE BA MDZAD DO, ,ZHAR LA BSKAL PA GRANGS MED PA RNAMS KYI RNAM PAR DBYE BA BSTAN PAR RGYU'I RNAM PAR DBYE BAR MDZAD PAR 'GYUR RO, ,LHAG PA'I TSUL KHRIMS ZHES BYA BA LA SOGS PA NI GTZO BO YIN PA'I PHYIR BSLAB PA GSUM SMOS SO, ,ZHAR LA NI GZHAN PHA ROL TU PHYIN PA RNAMS KYANG SMOS TE, SBYIN PA DANG TSUL KHRIMS ZHES BYA BA LA SOGS PA'I SGRA'I BYE BRAG GIS DE SKAD DU BSTAN TO, ,GANG GI TSE SEMS CAN GYI DON BYA BA'I TSUL KHRIMS LA SOGS PA SMOS PA DE'I TSE NI DNGOS KHO NAR YIN NO, ,LHAG PA'I SEMS ZHES BYA BA LA SOGS PA NI, SA DANG PO GSUM LA NI THEG PA CHEN PO RAB TU SNANG BA'I TING NGE 'DZIN TO, ,SA BZHI PA DANG LNGA PA DANG DRUG PA DANG BDUN PA DAG LA NI BSOD NAMS THAMS CAD SDUD PA'I TING NGE 'DZIN TO, ,DGU PA DANG BRGYAD PA LA NI TING NGE 'DZIN GYI RGYAL PO BZANG SKYONG NGO, ,BCU PA LA NI DPA' PAR 'GRO BA DANG NAM MKHA' MDZOD LA SOGS PA'O, ,LHAG PA'I SHES RAB CES BYA BA LA SOGS PA NI, GTZO BO YIN PA'I PHYIR DNGOS GZHI SMOS TE, SBYOR BA PO DANG RJES KYI DAG NI PHYIS STON TO, ,SPANGS PA'I KHYAD PAR ZHES BYA BA LA SOGS PA LA MYA NGAN LAS 'DAS PA NI RNAM PA BZHI STE, PHUNG PO DANG BCAS PA DANG PHUNG PO MED PA DANG, RANG BZHIN GYIS MYA NGAN LAS 'DAS PA DANG DE PHYIR RO, ,YE SHES KYI KHYAD PAR ZHES BYA BA LA SOGS PA DE LA LA 'DIR NI GSUM NI NYAN THOS LA SOGS PA DANG THUN MONG YIN PA'I PHYIR MI GZUNG GI ,MI GNAS PA'I MYA NGAN LAS 'DAS PA DE BZHIN NYID SGRIB PA GNYIS DANG BRAL BA KHO NA THUN MONG MA YIN PA'I PHYIR GZUNG NGO, ,YE SHES KYI KHYAD PAR ZHES BYA BA LA SOGS PA DE LA CHOS NI STOBS LA SOGS PA'O, , DE DAG GI SKU STE RTEN NI CHOS KYI SKU'O, ,DE NYID DE BZHIN NYID YONGS SU DAG PA YIN TE, SANGS RGYAS KYI CHOS RNAMS NI DE LA RAG LAS TE 'BYUNG BA'I PHYIR RO, ,KUN ZHES BYA BA'I SGRA YANG RTEN DU GRAGS TE, LUS KYI DBANG PO BZHIN TE, BSAGS PA NYID YIN YANG MIG LA SOGS PA'I RTEN YIN PA'I @300B PHYIR RO; ;RNAM PA GCIG TU NA SKU NI RANG GI MTSAN NYID KHO NA YIN LA RANG GI MTSAN NYID YIN PA'I PHYIR CHOS SO, ,'DI NI SKU YANG YIN LA CHOS KYANG YIN PAS CHOS KYI SKU STE, DE YANG DE BZHIN NYID YONGS SU DAG PA YIN NO, ,SKU ZHES BYA BA NI SGRA YANG RANG GI MTSAN NYID DU YANG GRAGS TE, RNAM PAR SHES PA'I LUS BZHIN TE, GZUGS CAN MA YIN PA RNAMS LA BSAGS PA MED PA'I PHYIR RO, ,CHOS KYI SKU DE NI YE SHES KYI RGYU YIN PA'I PHYIR YE SHES KYI KHYAD PAR TE, DE NYID NGO BO NYID KYI SKU YIN NO, ,DE BZHIN GSHEGS PA'I YE SHES THAMS CAD NI NYID KYI LONGS SPYOD RDZOGS PAR DGONGS PA'I PHYIR LONGS SPYOD RDZOGS PA'I SKU YIN NO, ,STOBS LA SOGS PA'I NGO BO NYID GANG YIN PA DANG, MTSAN DANG DPE BYAD BZANG PO NYID DU GYUR PA GANG YIN PA DE DAG KYANG DE BZHIN GSHEGS PA'I YE SHES KYI NGO BO NYID YIN PA'I PHYIR YE SHES KYI KHYAD PAR YIN NO, ,DE'I DBANG GIS BYANG CHUB SEMS DPA' RNAMS LA SO SOR MTSAN DANG DPE BYAD BZANG PO LA SOGS PAR SNANG BA SEMS DANG SEMS LAS BYUNG BA DAG LA KHYAB PA GANG YIN PA DE YANG GZHAN LONGS SPYOD RDZOGS PAR DGOS PA'I PHYIR LONG SPYOD RDZOGS PA'I SKU YIN NO, ,DE BZHIN GSHEGS PA'I YE SHES KYI DBANG KHO NAS BYANG CHUB SEMS DPA' MOS PA SPYAD PA SPYOD PA DANG, NYAN THOS LA SOGS PA'I RGYUD LA SO SOR MTSAN DANG DPE BYAD BZANG PO LA SOGS PAR SNANG BA'I SKU NI YUN THUNG NGUR GNAS PA'I PHYIR SPRUL PA STE, YE SHES KYI 'BRAS BU YIN PA'I PHYIR YE SHES KYI KHYAD PAR YIN NO, ,SANGS RGYAS BCOM LDAN 'DAS RNAMS ZHES BYA BA BSHAD PAR BZHED NAS, THEG PA CHEN PO SANGS RGYAS KYI BKA' NYID DU BRJOD PA'O ZHES BYA BA LA SOGS PA SMOS SO, ,JI LTA ZHE NA GANG DAG NYAN THOS KYI THEG PA NYID THEG PA CHEN PO YIN NO ZHES BYA BAR RTOGS PA DE DAG NI SANGS RGYAS KYI GSUNG DE THEG PA CHEN PO YIN PAR YANG BRJOD DO, , DE'I PHYIR NYAN THOS KYI THEG PA NI THEG PA CHEN PO NYID DU SANGS RGYAS KYI BKA' MA YIN TE, RNAM PA BCU BSTAN PA DANG BRAL PA'I PHYIR GRANGS CAN LA SOGS PA'I BSTAN BCOS BZHIN NO, ,NYAN THOS KYI THEG PA LAS KHYAD PAR DU BYAS PA ZHES BYA BA NI, GSUNG KHYAD PAR RNAM PA BCUS KHYAD PAR DU @301A *, ,'PHAGS PA ZHES BYA BA DE STON TE, GANG GI PHYIR NYAN THOS KYI THEG PA LAS NI, SHES BYA'I GNAS LA SOGS PA YONGS SU MA RDZOGS PAR BSTAN LA, 'DI LAS NI SHES BYA'I GNAS LA SOGS PA RNAM PA THAMS CAD BSTAN PA DE'I PHYIR NYAN THOS KYI THEG PA LAS KHYAD PAR DU BYA BA RNAM PA BCUS DE BZHIN GSHEGS PA'I GSUNG KHYAD PAR DU SPOG PA YIN NO, ,MCHOG NYID KYI PHYIR YANG KHYAD PAR DU 'PHAGS SO, ,JI LTAR MCHOG NYID YIN ZHE NA, MCHOG NYID DU BSTAN PA'I PHYIR RO, ,MCHOG NYID DU BSTAN PA NYID JI LTAR ZHE NA, JI LTAR BCOM LDAN 'DAS KYIS BYANG CHUB SEMS DPA' RNAMS LAS BRTZAMS NAS BSTAN PA YIN PAS SO, ,'DIS NI GDUL BA MCHOG NYID KYI PHYIR MCHOG NYID DO ZHES BYA BA'I THA TSIG GO, ,'DI LTAR GDUL BA'I DBANG GIS KYANG BSTAN PA DMAN PA DANG MCHOG NYID YIN TE, DPER NA SO SO'I SKYE BO YIN PA'I PHYIR TSONG PA GA GON DANG MDZES LDAN DAG GI CHED DU NI DMAN PA BSTAN, 'PHAGS PA'I SKABS YIN PAS LNGA SDE'I DBANG DU MDZAD NAS NI 'BRING, BYANG CHUB SEMS RNAMS KYI DBANG DU MDZAD NAS NI, SHES RAB KYI PHA ROL TU PHYIN PA RNAM PA BRGYAD BSTAN TE, BRTAGS PA'I RNAM PA DGAG PA'I SGO NAS MCHOG GO, ,RNAM PA BRGYAD NI SHES RAB KYI PHA ROL TU PHYIN PA SUM BRGYA PA DANG, LNGA BRGYA BA DANG, BDUN BRGYA PA DANG, NYIS STONG LNGA BRGYA PA DANG, BRGYAD STONG PA DANG, KHRI BRGYAD STONG PA DANG, NYI KHRI LNGA STONG PA DANG, 'BUM PA BSTAN PA YIN NO, ,DAM PA'I CHOS PAD-MA DKAR PO LA SOGS PA BSTAN PA NI RAB KYI MCHOG YIN TE, 'DI LTAR DE LAS NI THEG PA GCIG BSTAN PAS MA NGES PA'I RIGS CAN RNAMS KYANG DE LAS 'DREN TO, ,MYA NGAN LAS 'DAS PA CHEN PO'I MDO LA SOGS PA BSTAN PA NI RAB KYI PHUL YIN TE, 'DI LTAR DE LAS NI DE BZHIN GSHEGS PA RNAMS 'KHOR BA JI SRID PAR BZHUGS SHING SEMS CAN GYI DON MDZAD PAR BSTAN TO, ,SANGS RGYAS PHAL PO CHE'I MDO BSTAN PA NI RAB KYI PHUL GYI MCHOG YIN TE, 'DI LTAR MDO DE NI DE BZHIN GSHEGS PA MNGON PAR RDZOGS PAR SANGS RGYAS NAS RING PO MA LON PAR PHYOGS BCU NA GNAS PA'I BYANG CHUB SEMS DPA' SA BCU'I DBANG PHYUG RNAMS LA LAN CIG @301B RAB TU BSTAN TO, ,GONG DU NYAN THOS KYI THEG PA CHEN PO NYID DU SANGS RGYAS KYI GSUNG YIN PA NYID DGAG PA'I PHYIR GTAN TSIGS RNAM PA BCU BSTAN PA DANG BRAL BA'I PHYIR ZHES BYA BA DE NI MA GRUB STE, NYAN THOS KYI THEG PA LAS KYANG KUN DU DGA' BA ZHES BYA BA LA SOGS PAS SHES BYA'I GNAS BSTAN PA'I PHYIR RO, ,SEMS CAN RDZUS TE SKYE BA YOD DO ZHES BYA BA LA SOGS PAS KUN BRTAGS PA YANG BSTAN PA'I PHYIR RO, ,'DI LAS SEMS CAN MED DO ZHES BYA BA LA SOGS PAS YONGS SU GRUB PA YANG BSTAN PA'I PHYIR RO, ,CHOS 'DI DAG NI RGYU DANG BCAS ZHES BYA BA LA SOGS PAS GZHAN GYI DBANG YANG BSTAN PA'I PHYIR RO, ,SHES BYA BA LA 'JUG PA YANG MIG DANG GZUGS LA SOGS PA ZHES BYA BA LA SOGS PAS BSTAN PA'I PHYIR RO, ,DE'I RGYU DANG 'BRAS BU BSTAN PA YANG YOD DE, PHA ROL TU PHYIN PA DRUG BSTAN PA'I PHYIR RO, ,BSGOM PA RAB TU DBYE BA YANG DGE 'DUN PHAL CHEN SDE'I DE BA LAS SA'I RNAM PAR DBYE BA'I MTSAN NYID BSTAN PA'I PHYIR RO, ,BSLAB PA GSUM YANG BSTAN PA'I PHYIR RO, ,MYA NGAN LAS 'DAS PA YANG ZAD PA DANG 'DOD CHAGS DANG BRAL BA ZHES BYA BA LA SOGS PAS BSTAN PA'I PHYIR RO, ,CHOS KYI SKU MI SLOB PA'I CHOS KYI NGO BO NYID DANG, LONGS SPYOD RDZOGS PA'I SKU CHOS KYI 'KHOR LO BSKOR BAR MDZAD PA DANG, DES SKYE BA SPRUL PA'I SKU BSTAN PA'I PHYIR SKU GSUM YANG BSTAN TO SNYAM PA'I BSAM PA 'DI JI LTAR NA 'DIS ZHES BYA BA LA SOGS PA SMOS SO, ,'DI LTAR GNAS BCU PO 'DI DAG CES BYA BA LA SOGS PA 'DIS NI GTAN TSIGS SGRUB PAR BYED DO, ,RNAM PA BCU RDZOGS PAR BSTAN PA DANG BRAL BA'I PHYIR RO ZHES GTAN TSIGS STON PA'I PHYIR RO, ,'DI LTAR NYAN THOS KYI THEG PA LAS NI SHES BYA'I GNAS KYANG RGYU'I BYE BRAG DANG MTSUNGS PAR LDAN PA'I BYE BRAG DANG, DMIGS PA BSTAN PA DANG BAG CHAGS KYI RTEN NYID LA SOGS PA'I DBYE BSAM BSTAN NO, ,KUN BRTAGS PA YANG GZUGS LA SOGS PA'I BYE BRAG DANG YONGS SU GRUB PA YANG CHOS LA BDAG MED PA'I MTSAN NYID DANG GZHAN GYI DBANG GI DNGOS PO YANG RNAM PAR SHES PA BRGYAD KYI TSOGS KYI MTSAN NYID RAB TU RNAM PAR MA PHYE'O, ,SHES BYA LA 'JUG PA YANG JI SKAD BSTAN PA'I KUN BRTAGS PA LA SOGS PA LA @302A *, ,'JUG PA'I MTSAN NYID MA BSTAN TO, ,DE MED PAS 'KHOR GSUM RNAM PAR DAG PA'I PHA ROL TU PHYIN PA DAG KYANG RNAM PAR MA PHYE LA SEMS CAN GYI DON BYA BA'I TSUL KHRIMS LA SOGS PA YANG MA BSTAN TO, ,DGE 'DUN PHAL CHEN SDE RNAMS LA SA'I DBYE BA BSTAN PA GANG YIN PA DE YANG PHYOGS KYI KHONGS SU GTOGS PA YIN NO, ,LHAG PA'I TSUL KHRIMS KYI BSLAB PA YANG SEMS CAN GYI DON BYA BA'I TSUL KHRIMS KYI MTSAN NYID RNAM PAR MA PHYE'O, ,LHAG PA'I SEMS KYANG THEG PA CHEN PO RAB TU SNANG BA'I MTSAN NYID KYI TING NGE 'DZIN LA SOGS PA'I DBYE BA DANG, LHAG PA'I SHES RAB KYANG BDAG MED PA GNYI GA RTOGS PA'I DBYE BA DANG, MI GNAS PA'I MYA NGAN LAS 'DAS PA YANG JI SKAD 'CHAD PAR 'GYUR PA DANG, SKU GSUM YANG JI LTAR BZHED PA BZHIN RNAM PAR MA PHYE'O, ,BYANG CHUB CHEN PO KUN DU SGRUB PAR BYED PA STE ZHES BYA BA LA SOGS PAS NI RANG GI PHYOGS SGRUB PAR BYED DO, ,'PHAGS PA SHES RAB KYI PHA ROL TU PHYIN PA LA SOGS PA'I MDO NI THEG PA CHEN PO NYID DU SANGS RGYAS KYI GSUNG YIN TE, BYANG CHUB CHEN PO KUN DU SGRUB PAR BYED PA'I DON STON PA'I PHYIR GNYI GA LA GRAGS PA SKYES PA'I RABS KYI SDE LA SOGS PA BSTAN PA BZHIN NO, ,'DOD DO ZHES BYA BA'I SGRA TSIGS SU BCAD PA LAS 'BYUNG BA 'CHAD PAR 'GYUR BA DANG, SBYOR BA'I PHYIR MA GRUB PA NYID KYANG MA YIN TE, BYANG CHUB CHEN PO KUN DU SGRUB PAR BYED PA'I DON STON PAR 'DOD PA'I PHYIR RO ZHES BYA BA'I THA TSIG GO, ,BYANG CHUB CHEN PO NI 'DIR DE BZHIN NYID DRI MA MED PA'O, ,DE KUN DU SGRUB PA NI MNGON SUM DU BYED PA'O, ,DE CI'I PHYIR ZHE NA, THAMS CAD MKHYEN PA'I YE SHES THOB PAR BYA BA'I PHYIR RO, ,MI GNAS PA'I MYA NGAN LAS 'DAS PA DANG SKU GSUM PO BYANG CHUB CHEN PO'I GNAS SKABS KHO NA YIN NA JI LTAR BYANG CHUB CHEN PO KUN DU SGRUB PAR BYED PA YIN ZHE NA, RGYUD GZHAN DAG LA CHOS KYI DBYINGS KYI RGYU MTHUN PA THOS PA'I BAG CHAGS KYI RIM GYIS SO, ,YONG NI BYANG CHUB YE SHES YIN MOD KYI, 'ON KYANG TSIG PHYE NAS SBYAR BAR BYA STE, GANG GI PHYIR 'DI DAG BYANG CHUB CHEN PO KUN DU SGRUB PAR BYED PA DE'I PHYIR THAMS CAD MKHYEN PA'I YE SHES THOB PAR BYED PA YIN NO, ,BYANG CHUB CHEN PO KUN @302B DU SGRUB PAR BYED PA DE YANG SHIN TU 'THAD PA ZHES BYA BA LA SOGS PA TSIG GSUM GYIS KHYAD PAR DU BYED DE, DE LA SHIN DU 'THAD PA NI DMIGS PA'I NGO BO NYID KYI THEG PA CHEN PO GANG YIN PA SHES BYA'I GNAS DANG, SHES BYA'I MTSAN NYID DE PHYIN CI MA LOG PA'I PHYIR RO, ,MTHUN PA NI SPYOD PA'I NGO BO NYID KYI THEG PA CHEN PO GANG YIN PA SHES BYA LA 'JUG PA LA SOGS PA RNAM PA DRUG STE, 'BRAS BU'I RJES SU MTHUN PA'I PHYIR RO, ,'GAL BA MED PA NI 'BRAS BU'I NGO BO NYID KYI THEG PA CHEN PO GANG YIN PA SPANGS PA DANG, YE SHES KYI KHYAD PAR GYI NGO BO STE, RGYU DANG MI 'GAL BA'I PHYIR RO, ,RNAM PA GCIG TU NA RNAM PA BCU PO NGO BO NYID GSUM GYI NANG DU 'DUS PA'I PHYIR NGO BO NYID GSUM GYI DBYE BAS SHIN TU 'THAD PA LA SOGS PA YIN TE, DE LA SHIN TU 'THAD PA NI YONGS SU GRUB PA STE, TSAD MA DANG MI 'GAL BA'I PHYIR RO, ,MTHUN PA NI GZHAN GYI DBANG STE, RNAM PAR BYANG BA DANG MTHUN PA'I PHYIR RO, , 'GAL BA MED PA NI KUN BRTAGS PA STE, THA SNYAD DANG MI 'GAL BA'I PHYIR RO, ,RNAM PA GCIG TU NA RNAM PA BCU CHAR MNGON SUM GYI TSAD MA DANG LDAN PA'I PHYIR SHIN TU 'THAD PA'O, ,RJES SU DPAG PA DANG LDAN PA'I PHYIR MTHUN PA'O, ,SNGON GYI SANGS RGYAS KYI LUNG DANG MI 'GAL BA'I PHYIR 'GAL BA MED PA'O; ;RNAM PA GCIG TU NA MNGON SUM DANG RJES SU DPAG PA DANG LUNG RNAMS DANG LDAN PA'I PHYIR SHIN TU 'THAD PA'O, ,RNAM PAR BYANG BA DANG MTHUN PA'I PHYIR MTHUN PA'O, ,'GAL BA KUN NAS NYON MONGS PA'I DGRA BOR GYUR PA'I PHYIR 'GAL BA MED PA'O, ,RNAM PA GCIG TU NA BDEN PA GSUM GYI SKABS KYI MTSAN NYID KYI BDEN PA'I DBANG DU BYAS NAS SHIN TU 'THAD PA'O, ,DON DAM PA'I BDEN PA'I DBANG DU BYAS NAS MTHUN PA'O, ,KUN RDZOB KYI BDEN PA'I DBANG DU BYAS NAS 'GAL BA MED PA'O, ,RNAM PA GCIG TU NA RNAM PA BCU PO BSKAL PA GRANGS MED PA DANG POS BSDUS PA NI SHIN TU 'THAD PA STE, SA GONG MA DANG MTHUN PA'I PHYIR RO, ,BSKAL PA GRANGS MED PA GNYIS PAS BSDUS PA NI MTHUN PA STE, LHAG PA'I BSAM PA RNAM PAR DAG PA'I PHYIR RO, ,BSKAL PA GRANGS MED PA GSUM PAS BSDUS PA NI 'GAL BA MED PA STE, MNGON PAR 'DU BYA BA MED PAR 'JUG PA'I PHYIR @303A *, ,RO; ,RNAM PA GCIG TU NA RANG BZHIN DU GNAS PA'I RIGS KYIS BSDUS PA NI SHIN TU 'THAD PA'O, ,YANG DAG PAR BSGRUB PA'I RIGS KYIS BSDUS PA NI MTHUN PA'O, ,'BRAS BU'I GNAS SKABS KYIS BSDUS PA NI 'GAL BA MED PA'O, ,DE LA 'DIR GNAS BCU PO 'DI DAG GI GO RIMS NI BSTAN ZIN PA NYID DE, DMIGS PA'I NGO BO NYID GANG YIN PA DE NI RGYU YIN PA'I PHYIR DANG POR BSTAN TO, ,DMIGS PA JI LTA BA BZHIN SHES BYA LA 'JUG PA LA SOGS PA DRUG NI DE'I 'BRAS BU YIN PA'I PHYIR PHYIS SO, ,SPANGS PA DANG YE SHES KYI KHYAD PAR DAG NI DE'I 'BRAS BU YIN PA'I PHYIR DE BAS KYANG PHYIS SO, ,DMIGS PA DAG LA YANG SNGA PHYI NI SHES BYA'I GNAS NI RGYU YIN PA'I PHYIR RO, ,SHES BYA'I MTSAN NYID NI 'BRAS BU YIN PA'I PHYIR RO, ,SHES BYA LA 'JUG PA LA SOGS PA DRUG LA YANG GSUM TSAN DANG PO GANG YIN PA DE NI GANG ZAG GI GNAS SKABS KYIS RAB TU PHYE BA YIN PA'I PHYIR DANG POR BSTAN TO, ,GSUM TSAN GNYIS PA SPYOD PA'I NGO BO NYID NI DE LA BRTEN PA YIN PA'I PHYIR PHYIS BSTAN TO, ,GSUM TSAN DANG PO LA YANG RNAM PA DANG PO GNYIS GANG YIN PA DE NI NYE BAR LEN PA YIN PA'I PHYIR SNGAR BSTAN TO, ,RNAM PA GSUM PA GANG YIN PA DE NI NYE BAR BLANG BAR BYA BA YIN PA'I PHYIR PHYIS SO, ,RNAM PA DANG PO GNYIS LA YANG SHES BYA LA 'JUG PA NI RGYU YIN PA'I PHYIR DANG POR RO, ,RNAM PA GNYIS PA NI 'BRAS BU YIN PA'I PHYIR PHYIS SO, ,SGRUB PA LA YANG MI MTHUN PA'I PHYOGS JI LTAR RAGS PA BZHIN GO RIMS YIN TE, 'DI LTAR 'CHAL PA'I TSUL KHRIMS NI BRTAG SLA BA'I PHYIR CHES RAGS PAS, DE'I GNYEN POR LHAG PA'I TSUL KHRIMS KYI BSLAB PA'O, ,DE BZHIN DU RGOD PA DANG, RNAM PAR G-YENG BA LA SOGS PA RAGS PA DE DAG GI GNYEN POR LHAG PA'I SEMS KYI BSLAB PA'O, ,DE BZHIN DU GNAS NGAN LEN GYI SA BON RJES SU 'BREL PA NI PHRA BAS DE'I GNYEN POR LHAG PA'I SHES RAB KYI BSLAB PA'O, ,RNAM PA GCIG TU NA SA'I RIM PAS GO RIMS SU BSLAB PA YIN TE, 'DI LTAR SA GNYIS PA NI LHAG PA'I TSUL KHRIMS KYI BSLAB PAS RAB TU PHYE BA YIN TE, DE LA TSUL KHRIMS KYI PHA ROL TU PHYIN PA YONGS SU RDZOGS PA'I PHYIR RO, ,SA GSUM PA NI LHAG PA'I SEMS KYI @303B BSLAB PAS RAB TU PHYE BA YIN TE, 'JIG RTEN PA'I BSAM GTAN DANG TING NGE 'DZIN DANG SNYOMS PAR 'JUG PAS GNAS PA'I PHYIR RO, ,BZHI PA LA SOGS PA NI LHAG PA'I SHES RAB KYI BSLAB PAS RAB TU PHYE BA YIN TE, BYANG CHUB KYI PHYOGS DANG MTHUN PA LA SOGS PA RAB TU RNAM PAR 'BYED BAS GNAS PA'I PHYIR RO, ,SPANGS PA DANG YE SHES DAG KYANG BDEN PA JI LTAR BSTAN PA BZHIN GO RIMS YIN TE, 'DI LTAR MI GNAS PA'I MYA NGAN LAS 'DAS PA NI 'GOG PA'I BDEN PAS BSDUS PA YIN LA, DE'I 'BRAS BUR GYUR PA YE SHES NI LAM GYI BDEN PAS BSDUS PA YIN TE, YE SHES KYI KHYAD PAR NI SPANGS PA SNGON DU 'GRO BA CAN YIN PA'I PHYIR GO RIMS DE LTAR BSTAN TO, ,BSTAN BCOS MDZAD PAS NI GO RIMS GZHAN DU BSTAN PA'I PHYIR, CHOS RNAMS KYI RGYU LA MKHAS PA LA BRTEN NAS ZHES BYA BA LA SOGS PA SMOS TE, RGYU MED PA DANG MI MTHUN PA'I RGYU YONGS SU SPANGS PA'I PHYIR RGYU LA MKHAS PA'O, ,DE'I CHED DU SHES BYA'I GNAS BSTAN TE, CHOS THAMS CAD NI KUN GZHI RNAM PAR SHES PA LA RAG LAS PA'I PHYIR RO, ,RTEN CING 'BREL PAR 'BYUNG BA LA MKHAS PAR ZHES BYA BA NI SDUG PA DANG MI SDUG PA'I 'GRO BA RNAM PAR 'BYED PA DANG NYE BAR SPYOD PA PA'I RTEN CING 'BREL PAR 'BYUNG BA BSTAN PA'I PHYIR RO, ,RGYU LA MKHAS PA ZHES BYA BA SMOS PA NI, NGO BO NYID RNAM PAR 'BYED PA PA'I RTEN CING 'BREL BAR 'BYUNG BA RAB TU BSTAN PA'I PHYIR TE, 'DIR YANG GZHAN LA MKHAS PA NI NGO BO NYID RNAM PAR 'BYED PA PA'I RTEN CING 'BREL PAR 'BYUNG BA LA MKHAS PA SNGON DU 'GRO BA CAN YIN PA'I PHYIR, RTEN CING 'BREL PAR 'BYUNG BA LA MKHAS PAR PHYIS BSTAN TO, ,DE'I 'OG TU RTEN CING 'BREL PAR 'BYUNG BA LA MKHAS NA CHOS RNAMS KYI MTSAN NYID LA 'JUG PAR NUS PAS SHES BYA'I MTSAN NYID BSTAN TO, ,SGRO 'DOGS PA DANG SKUR PA'I MTHA'I NYES PA YONGS SU SPANGS PA ZHES BYA BA DE LA KUN BRTAGS LA SGRO 'DOGS PA NI BYE BRAG TU SMRA BA LA SOGS PA LTA BU STE, GZUGS LA SOGS PA LA DE KHO NA NYID DU KHAS LEN PA'I PHYIR RO, ,GZHAN GYI DBANG LA SKUR PA 'DEBS PA NI BDAG NYID THAMS CAD DU GDAGS PA'I GZHI SPANG BA'I PHYIR RO, ,YONGS SU GRUB PA LA SKUR PA 'DEBS PA YANG KHA @304A *, ,CIG TU MED PAR RTOGS PA'AM, KUN RDZOB TU YOD PAR RTOGS PA'I PHYIR RO, ,RE ZHIG GCIG TU MED PA NI MA YIN TE, DE BZHIN NYID RDZAS KYI CHOS YIN PA'I PHYIR RO, ,GDAGS PA'I NYE BAR LEN PA MED PAR NI BTAGS PA'I NGO BOS STONG PA'I DE BZHIN NYID NGES PAR GZUNG BAR MI NUS SO, ,MI RTAG PA NYID LA SOGS PA BZHIN DU BTAGS PA'I YOD PA YANG MA YIN TE, DE DAG NI GNAS SKABS KYI BYE BRAG LA BTAGS PAS 'KHRUL PA'I PHYIR LA, DE BZHIN NYID NI GNAS SKABS THAMS CAD DU MI 'KHRUL PA'I PHYIR RO, ,DE BAS NA BSTAN PA'I PHYIR RDZAS YIN LA, RDZAS KYI CHOS YIN PA'I PHYIR MED PA NYID KYANG MA YIN NO, ,DE LTAR NA BRTAGS PA LA SGRO 'DOGS PAR MI BYED PA'I PHYIR DANG, GZHAN GYI DBANG DANG YONGS SU GRUB PA DAG LA SKUR PA 'DEBS PAR MI BYED PA'I PHYIR SGRO 'DOGS PA DANG SKUR PA'I NYES PA SPANGS PA NYID DO, ,YANG NA NGO BO NYID RE RE LA YANG SGRO 'DOGS PA DANG SKUR BA'I NYES PA SPANGS PA NYID SBYAR TE DE LA BRTAGS PA LA SGRO 'DOGS PA NYID SNGA MA BZHIN NO, ,SKUR PA 'DEBS PA NI THAMS CAD KYI THAMS CAD DU KUN RDZOB TU YANG SEL BA'I PHYIR RO, ,GZHAN GYI DBANG LA SGRO 'DOGS PA NI MDO SDE PA LA SOGS PA LTA BU STE, DE KHO NA NYID KHO NAR KHAS LEN PA'I PHYIR RO, ,'DI LTAR SEMS DANG SEMS LAS BYUNG BA RNAMS RIGS MTHUN PA'I DNGOS PO DANG BRAL BA'I PHYIR DE KHO NA'I BDAG NYID DU NI BSGRUB PAR NI MI NUS KYI, DE NI 'JIG RTEN GYI THA SNYAD KYIS GZHI MED PAR MA BRTAGS PAS RTEN CING 'BREL PA NYID DU KHAS BLANG BA 'BA' ZHIG TU ZAD DO, ,GZUGS NI 'JIG RTEN GYI THA SNYAD KYIS SEMS DANG SEMS LAS BYUNG BA LAS GUD NA YOD PAR BRTAGS TE, RMI LAM LA SOGS PA LA 'KHRUL PA'I PHYIR DANG, SHIN TU BRTAGS MI BZOD PA'I PHYIR RTEN CING 'BREL PAR 'BYUNG BA NYID YIN PA BSAL LO, ,SKUR PA 'DEBS PA NI SNGA MA BZHIN SBYAR RO, ,YONGS SU GRUB PA LA SGRO 'DOGS PA NI JI LTAR BRJOD PA DE KHO NA BZHIN DU DE KHO NA NYID DU YONGS SU 'DZIN PA'I PHYIR RO, ,SKUR PA 'DEBS PA NI SNGA MA BZHIN NO, ,GZHAN DAG NI GZHAN GYI DBANG LA SGRO 'DOGS PA BZHIN DU 'CHAD DE, JI LTAR 'DZIN PA'I BDAG NYID DU GRAGS PA DE LTAR MNGON PAR ZHEN PA'I @304B PHYIR YIN GYI, YOD PA'I PHYIR GZUNG BA DANG 'DZIN PAS DBEN PA'I BDAG NYID DU NI MA YIN TE, DE LTAR SGRO 'DOGS PA'I PHYIR SGRO 'DOGS PA YIN NO ZHES SO, ,RTEN CING 'BREL PAR 'BYUNG BA'I CHOS DE DAG LA ZHES BYA BAS 'DIR BRGAL BA, GAL TE RTEN CING 'BREL PAR 'BYUNG BA DAG LA SGRO 'DOGS PA DANG SKUR PA 'DEBS PA SPANGS PA NYID KYIS MTSAN NYID LA MKHAS PA YIN NA BRTAGS PA DANG YONGS SU GRUB PA DAG LA MKHAS PA GO SKABS SU CI 'BAB STE, GCIG NI MED PA NYID KYIS RTEN CING 'BREL PAR 'BYUNG BA MA YIN PA'I PHYIR LA, CIG SHOS DE BZHIN NYID KYI MTSAN NYID KYANG RTAG PA'I PHYIR RO, ZHE NA DE NI MA YIN TE, MTSAN NYID LA MKHAS PA ZHES BSHAD PA MTSAN NYID NI, 'DIS MTSON PAS NA GZHAN GYI DBANG LA KUN BRTAGS PA DANG YONGS SU GRUB PA YIN TE, 'DI LTAR SEMS CAN MA DAG PA RNAMS KYIS NI BRTAGS PA'I BDAG NYID DU DAG PA RNAMS KYIS NI BDAG MED PA'I BDAG NYID DU MTSON TO, , GZHAN GYI DBANG RANG NYID NI MTSON PAR BYA BA YIN PAS NA MTSAN NYID DE DE NYID SBYAR BAR BYA'O, ,'DI LA THAMS CAD KYI KUN RDZOB KYI BDEN PA BZHI DANG, DON DAM PA'I BDEN PA BZHI'O, ,DE LA 'JIG RTEN GYI KUN RDZOB TU NI BRTAGS PA LA SGRO YANG MI 'DOGS SKUR PA YANG MI 'DEBS SO, ,RIGS PA'I KUN RDZOB TU NI SEMS DANG SEMS LAS BYUNG BA'I NGO BO NYID GZHAN GYI DBANG LA SGRO YANG MI 'DOGS SKUR BA YANG MI 'DEBS SO, ,RTOGS PA'I KUN RDZOB TU NI BDEN PA'I LUGS JI LTAR RNAM PAR GZHAG PA LA MNGON PAR ZHEN PA NYID KYIS SGRO YANG MI 'DOGS LA, MNGON PAR RTOGS PA DANG MTHUN PA MED PAR SKUR PA YANG MI 'DEBS SO, ,DON DAM PA'I KUN RDZOB TU NI JI SKAD BRJOD PA'I YONGS SU GRUB PA LA, SGRO YANG MI 'DOGS SKUR PA YANG MI 'DEBS TE, DE BZHIN DU 'JIG RTEN GYI DON DAM PA DANG RIGS PA'I DON DAM PA DANG, RTOGS PA'I DON DAM PA DANG, DON DAM PA'I DON DAM PAS DE KHO NA BZHIN DU SGRO 'DOGS PA DANG, SKUR PA 'DEBS PA SPANGS PA NYID SBYAR BAR BYA'O, ,GZHAN DAG NI PHUNG PO LA SOGS PA RTEN CING 'BREL PAR 'BYUNG BA RNAMS LA BDE BA DANG SDUG BSNGAL BA DANG RMONGS PA YONGS SU 'GYUR BA LA SOGS PA NYID DU SGRO 'DOGS PA'I PHYIR SGRO 'DOGS PA'O, , @305A *, ,BDAG NYID THAMS CAD DU MED PAR RTOGS PA'I PHYIR SKUR PA 'DEBS PA'O ZHES BRJOD DE, BRTAGS PA LA SOGS PA NGO BO NYID GSUM DANG SBYOR BAS NI MA YIN NO, ,RTOGS PAR BYA STE ZHES BYA BA LA SOGS PA LA, MKHAS PA DANG PO LA NI PHAN YON RTEN CING 'BREL PAR 'BYUNG BA LA MKHAS PA YIN LA, GNYIS PA LA YANG MTHA' GNYIS SPANG BA LA MKHAS PA MA YIN NAM, KHAS PA NI SHES PA YIN PAS DE NYID RTOGS PA YIN NO ZHE NA, DE NI MA YIN TE, MKHAS PA NI MOS PAS SPYOD PA'I THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA ZAG PA DANG BCAS PA YIN PAR BZHED LA, RTOGS PA NI ZAG PA MED PA'I YE SHES YIN NO, ,DES SGRIB PA RNAMS LAS ZHES BYA BA LA SOGS PA NI, DE LA DRO BA'I GNAS SKABS NA NI PHA ROL TU PHYIN PA'I MI MTHUN PA'I PHYOGS SER SNA LA SOGS PA RNAM PAR GNON PA'I SPONG BAS KUN DU MI 'BYUNG BA TZAM RNAM PAR GROL BA YIN TE, DE DAG NI BSGOM PAS SPANG BAR BYA BA YIN PA'I PHYIR RO, ,RTZE MO DANG BZOD PA DANG CHOS KYI MCHOG GI GNAS SKABS NA NI, MTHONG BAS SPANG BAR BYA BA'I NYON MONGS PA'I SGRIB PA DANG, SHES BYA'I SGRIB PA KUN BRTAGS PA RNAM PAR GNON PA RNAM PAR GROL BA YIN NO, ,MTHONG BA'I LAM GYI GNAS SKABS NA NI SGRIB PA RNAM PA DE GNYI GA'I SA BON YANG DAG PAR BCOM PA RNAM PAR GROL BA YIN NO, ,DE YAN CHAD RDO RJE LTA BU'I TING NGE 'DZIN GYI BAR DU NI SHES BYA'I SGRIB PA'I SA BON LHAN CIG SKYES PA RIM GYIS YANG DAG PAR 'JOMS TE, 'JIG TSOGS LA LTA BA DANG MTHAR 'DZIN PAR LTA BA LHAN CIG SKYED PA YID KYI RNAM PAR SHES PA DANG MTSUNGS PAR LDAN PA DAG NI SA BZHI PA LA THAMS CAD KYI THAMS CAD DU RNAM PAR MNAN TO, ,DE LAS GZHAN PA 'DOD CHAGS DANG ZHE SDANG DANG GTI MUG RNAMS RNAM PA THAMS CAD DU RNAM PAR MNAN PA DANG, NYON MONGS PA CAN GYI YID NI SA BRGYAD PA LA RNAM PAR MNAN TO, ,THAMS CAD KYI SA BON DANG NYON MONGS PAS 'PHANGS PA'I BAG CHAGS NI RDO RJE LTA BU'I TING NGE 'DZIN GYIS CIG CAR KUN NAS 'JOMS SO, ,LHAG PA'I BSAM PA DAG PA LA BRTEN NAS ZHES BYA BA NI, SA BCU PA LAS BSTAN PA DRANG PO'I BSAM PA NYID LA @305B SOGS PAS SO, ,SNGAR SBYOR BA CAN GYI ZHES BYA BA LA SOGS PA NI, RGYUN GCIG PA'I PHYIR DE SKAD BRJOD DE, RGYUR GYUR PA GANG DAG YIN PA DE DAG RTOGS PA'I SGO NAS BSGRUB PAR BYA BA YIN NO, ,RTOGS PAR BSGRUB PA YANG PHA ROL TU PHYIN PA'I MI MTHUN PA'I PHYOGS SER SNA LA SOGS PA'I SA BON BCOM PA DANG, 'KHOR GSUM YONGS SU DAG PAS YONGS SU ZIN PA'I SGO NAS PHA ROL TU PHYIN PA RNAMS GAGS MED PAR 'JUG PA GANG YIN PA'O, ,DE'I 'OG TU LHAG PA'I BSAM PA DAG PA'I RGYU CAN SA BCU'I MTSAN NYID BSGOM PA RAB TU DBYE BA YIN PAS DE BSTAN TO, ,DE YANG YONG NI BSKAL PA GRANGS MED PA GNYIS KYIS YIN MOD KYI, 'ON KYANG GSUM NYID NI DER YONGS SU RDZOGS PA YIN PAS GRANGS MED PA GSUM DU ZHES BSHAD DO, ,BSLAB PA YONGS SU RDZOGS PA NI SA LA BRTEN PA YIN PA'I PHYIR, DE'I 'OG TU BSLAB PA GSUM STE, 'DI DAG GI NANG GO RIMS NI SNGA MA BZHIN NO, , LHAG MA'I GO RIMS KYANG SNGA MA BZHIN NO, ,THEG PA CHEN PO THAMS CAD YONGS SU RDZOGS PA YIN NO ZHES BYA BA NI, DMIGS PA LA SOGS PA'I BYE BRAG CI SKAD BSHAD PA'I SGO NAS SO, ,'DI NI BCU PO MDOR BSDUS NAS RNAM PAR BSHAD PA YIN TE, ,RGYAS PAR NI 'DI MAN CHAD NAS STON TO, ,DER YANG RNAM GRANGS DANG RANG GI MTSAN NYID DANG RIGS PA DANG RAB TU DBYE BA DANG RNAM PA BZHI RNAM PAR BSHAD PAR BYA STE, NYAN PA PO RNAMS KYIS BYE BRAG TU RTOGS PAR BYA BA'I PHYIR DANG POR RNAM GRANGS TZAM ZHIG BSNYAD DO, ,DE'I 'OG TU BRJOD PAR BYA BAR 'DOD PA RNAMS LA MTSAN NYID BRJOD DO, ,RANG GI MTSAN NYID RAB TU GRUB PAR BYA BA'I PHYIR RIGS PA RGYAS PA'O, ,RIGS PAS BSGRUBS PA RANG GI GRUB PA'I MTHA' LA RNAM PAR GNAS PAR BYA BA'I PHYIR RAB TU DBYE BA'O, ,RNAM GRANGS LA YANG KHYAD PAR RNAM PA BZHI STE, THEG PA CHEN PO'I THUN MONG MA YIN PA DANG, NYAN THOS KYI THEG PA DANG THEG PA CHEN PO THUN MONG PA DANG, NYAN THOS KYI THEG PA'I THUN MONG MA YIN PA DANG, DE'I BRTZAD PA'O, ,DE LA BRTZAD PA NI 'DI YIN TE, CI 'JUG PA'I RNAM PAR SHES PA'I RGYUD LA KUN GZHI RNAM PAR SHES PA ZHES BYA BAS RNAM GRANGS SHIG YIN NAM 'ON TE DE DANG THA DAD PA ZHIG YIN ZHES BYA BA'O, ,DE LA @306A *, ,RE ZHIG RNAM GRANGS DANG PO'I DBANG DU MDZAD NAS, BCOM LDAN 'DAS KYIS KUN GZHI RNAM PAR SHES PA ZHES BSTAN PAS KUN GZHI'I RNAM PAR SHES PA GANG DU ZHES BYA BA LA SOGS PA SMOS SO, ,'DIR NI 'DRI BA'I LAN 'CHAD PAR 'GYUR BA DANG SBYAR NA 'DRI BA 'DI THEG PA CHEN PO PA MI MKHAS PA ZHIG YIN PAR MNGON TE, 'DI LTAR DRIS PA'I DON THEG PA CHEN POR GTOGS PA'I MDO BRJOD PAS GTAN LA DBAB PA MDZAD DO, ,'ON TE SDE PA ZHIG 'DRIN 'ON KYANG NYES PA MED DE, 'DI LTAR DE LTAR TSAD MAS THEG PA CHEN PO SANGS RGYAS KYI GSUNG YIN PAR KHAS LEN DU BCUG PAS SO, , YANG NA SLOB DPON NYID KYIS MA 'ONGS PA'I SKYE BO LA BLTAS NAS, BDAG NYID KYIS DRIS NAS LAN GDAB PA BYAS PA YIN NO, ,THOG MA MED PA'I ZHES BYA BA LA SOGS PA NI, 'DIR YANG KUN GZHI RNAM PAR SHES PA ZHES BYA BA'I RNAM GRANGS 'DI BRIS NA SHES BYA'I GNAS ZHES BYA BA'I SGRA CHOS KUN GYI GNAS YIN PA NYID DU STON PA MDZAD DE, KUN GZHI RNAM PAR SHES PA DRIS NA, DE YANG DRI BA BYAS PA YIN NO SNYAM DU DGONGS PAS SO, ,DE'I PHYIR 'DI NI SKABS SU MA BAB PA MA YIN GYI SKABS SU BAB PA YIN NO, ,RNAM PA GCIG TU NA KUN GZHI'I RNAM PAR SHES PA'I LAN GDAB PAR MDZAD PA YIN NA YANG CI LTAR SNGAR SHES BYA'I GNAS BSTAN NAS KUN GZHI'I RNAM PAR SHES PA BSTAN PA DE BZHIN DU 'DIR YANG SHES BYA'I GNAS KYI NGO BO NYID DPYAD PAS KUN GZHI RNAM PAR SHES PA'I SGRA DPYOD PAR MDZAD PA YIN NO, ,RNAM GRANGS KYI SKABS SU DON GYI SKABS LA CI 'BAB CES BRJOD PAR YANG MI NUS TE, RANG GI MTSAN NYID BSTAN PA 'DI LTAR MA YIN PA NI 'OG NAS 'CHAD PAR 'GYUR PA'I PHYIR RO, ,THOG MA MED PA'I DUS KYI ZHES BYA BA NI GLO BUR DU BYUNG BA MA YIN NO ZHES BYA BA'I DON TO, ,DBYINGS ZHES BYA BA NI RGYU ZHES BYA BA'I THA TSIG GO, ,CHOS RNAMS KUN GYI 'DRI BA'I GNAS, ,ZHES BYA BA NI, 'DI LA RE ZHIG LAS DGE BA DANG MI DGE BA NI GNAS MA YIN NO, ,DE DAG GNAS SHIG YIN NA RNAM PAR SMIN PA'I 'BRAS BU'I YIN PAR 'GYUR GRANG NA RNAM PAR SMIN PA'I 'BRAS BU LHAN CIG PA'AM, DE MA THAG PA NI MED PAS GANG GI TSE 'BRAS BU DE BYUNG BA NA LAS DE 'DAS SO, ,'DAS PA YANG GNAS MA YIN TE BYED PA ZHIG PA'I PHYIR NAM MKHA'I ME TOG BZHIN NO, , @306B SKAL BA MNYAM PA DANG SROG GI DBANG PO DAG KYANG GNAS NYID MA YIN TE, RDZAS SU MED PA'I PHYIR RO, ,GAL TE DE THAMS CAD YIN PA ZHIG TU GYUR NA YANG TSAD YOD PA ZHIG GI GNAS YIN PAR 'GYUR RO, ,BGEGS MI BYED PA'I NGO BO TZAM GYIS KUN GYI GNAS SO ZHES BRTAGS PAR YANG MI NUS TE, 'DI LTAR GNAS MED PA YANG GNAS NYID DU THAL PAR 'GYUR RO, ,DE BZHIN DU RANG GI SDE PAS KUN BRTAGS PA GZHAN YANG GNAS YIN PA NYID DGAG PA DANG, SHUGS KYIS CHOS KUN GYI GNAS NI KUN GZHI'I RNAM PAR SHES PA YIN NO, ,KUN GZHI GANG GI GNAS YIN PA'I KUN DE BRTAGS PA'I PHYIR, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR, ,ZHES BYA BA SMOS TE, 'GRO KUN ZHES BYA BA NI KUN NAS NYON MONGS PA'I GNAS NYID YIN PAS SO, ,MYA NGAN 'DAS PA'ANG THOB PAR 'GYUR, ,ZHES BYA BA NI, THOS PA DANG BSAMS PA LA SOGS PA'I RIM GYIS RNAM PAR BYANG BA'I GNAS NYID YIN PAR STON TO, , RGYU MED PAR SMRA BA DGAG PA'I PHYIR THOG MA MED PA'I DUS ZHES BYA BA SMOS SO, ,SMRA BA GANG DAG KHA CIG MI MTHUN PA'I RGYU GTZO BO LA SOGS PA RTAG PA NYID KYIS THOG MA MED PA'I DUS PAR RTOG PA YOD PA DE DAG YONGS SU SPANG BA'I PHYIR 'DRA BA'I GNAS ZHES BYA BA SMOS SO, ,'BRAS BU DAG DANG 'DRA NA GNAS YIN NO ZHES BYA BA'I DON TE, JI LTAR 'BRAS BU SKYE BA DANG 'BREL PA DE KHO NA BZHIN DU RGYU GANG ZHIG SKYE BA DANG 'JIG PA DANG LDAN PA DE NI 'BRAS BU DANG 'DRA BAR DGONGS PA YIN NO, ,DE BZHIN DU SMRA BA GANG KHA CIG RGYU RTAG PA LAS KYANG 'BRAS BU SKYE LA, RGYU NI BYED PA DANG LDAN PA NYID DU RTOGS PAR BYED PA YOD DE, DPER NA BYE BRAG PA DAG LTA BU'O, ,DE DGAG PA'I PHYIR DE YOD PAS NA ZHES BYA BA SMOS TE, BYED PA MED PA KHO NAR YOD PA TZAM GYIS RGYU YIN NO ZHES BYA BA'I THA TSIG GO, ,'DIR YANG DE KHO NA YOD PAS ZHES BYA BA DANG DE YOD PA KHO NAS SHES, GNYI GAR NGES PAR GZUNG BAR BYA RIG PAS BYA STE, GANG DAG RGYU RTAG PA YIN LA BDAG LA SOGS PA'I RDZAS DANG GZHAN GTZO BO LAS 'BRAS BU 'BYUNG BAR RTOG PAR BYED PA DE DAG NI NGES PAR BZUNG BA DANG BOS BSAL TO, ,GANG DAG YOD PA TZAM DANG BYED PA DANG LDAN PA NYID KYIS RGYU'I DNGOS POR RTOG PAR BYED PA DE DAG NI NGES PAR GZUNG BA GNYIS PAS SO, ,YANG @307A *, ,DPYAD PAR BYA STE 'DIR GANG GI TSE KUN NAS NYON MONGS PA'I GNAS NYID KYIS KUN GZHI RNAM PAR SHES PAR THA SNYAD GDAGS TE, JI SKAD DU KUN NAS NYON MONGS PA'I CHOS THAMS CAD SBYOR BA ZHES 'CHAD PAR 'GYUR PA LTA BU ZHIG YIN NA NI PHYOGS DE LA NI THOG MA MED PA'I DUS KYI DBYINGS ZHES BYA BA KUN NAS NYON MONGS PA'I GNAS NYID KYIS DBYINGS YIN PAR DGONGS TE, DE'I TSE NI RGYU'I RKYEN YIN PA'I PHYIR DE YOD PAS NA 'GRO KUN DANG ZHES BYA'O, ,RNAM PAR BYANG BA LA LTOS NA NI KUN NAS NYON MONGS PA'I SA BON TE, BDAG PO'I RKYEN YIN TE MI MTHUN PA'I PHYOGS MED PAR GNYEN PO MED PA'I PHYIR RO, ,DE BAS NA BDAG PO'I RKYEN YIN PA'I PHYIR MYA NGAN LAS 'DAS PA'ANG THOB PAR 'GYUR ZHES GSUNGS SO, ,GANG GI TSE KUN NAS NYON MONGS PA'I SA BON LA YANG LTOS RNAM PAR BYANG BA RANG BZHIN GYI RIGS LA YANG LTOS NAS KUN GZHI'I RNAM PAR SHES PAR THA SNYAD GDAGS TE, DPAL PHRENG SENG GE'I NGA RO'I MDO LAS, RNAM PAR BYANG BA'I SA BON LA LTOS NAS SEMS CAN THAMS CAD DE BZHIN GSHEGS PA'I SNYING PO CAN NO ZHES 'BYUNG BA DANG, MYA NGAN LAS 'DAS PA CHEN PO'I MDO LAS, KUN GZHI RNAM PAR SHES PA DANG, 'JUG PA'I RNAM PAR SHES PA DAG GIS LONGS SPYOD RDZOGS PA'I SKU BSDUS SO ZHES GANG 'BYUNG BA LTA BU ZHIG YIN NA NI DE'I PHYIR 'DI LTA BU YIN TE, THOG MA MED PA DUS KYI DBYINGS, ,ZHES BYA BA GNYI GA'I SA BON LA LTOS TE THA SNYAD GDAGS SO, ,DE'I TSE YANG BDE 'GROR 'GYUR PA'I KUN NAS NYON MONGS PA'I SA BON RGYU'I RKYEN YIN PA'I PHYIR DANG, THAR PA'I CHA DANG MTHUN PA THOS PA LAS BYUNG BA LA SOGS PA'I DGE BA'I RTZA BA BSAGS PA RNAM PAR BYANG BA'I SA BON 'PHEL ZHING KUN NAS NYON MONGS PA'I SA BON YANG BSAL PAR BYAS NAS, SKAD CIG MA BCU GNYIS 'DUS PAS NYE BAR GZUNG BA'I BDAG GI NGO BO MNGON PAR GRUB PA'I SGO NAS RNAM PAR BYANG BA'I SA BON BDAG PO'I RKYEN YIN PA'I PHYIR, DE YOD PAS NA 'GRO KUN DANG, ,ZHES BYA BA GSUNGS LA KUN NAS NYON MONGS PA MI MTHUN PA'I PHYOGS KYI NGO BOS BDAG PO'I RKYEN YIN PA'I PHYIR DANG, RNAM PAR BYANG BA'I SA BON RGYU'I RKYEN YIN PA'I PHYIR, MYA NGAN 'DAS PA'ANG THOB PAR 'GYUR, ,ZHES BYA BA GSUNGS SO, , @307B YANG NA KUN NAS NYON MONGS PA'I SA BON RGYU'I RKYEN YIN PA'I PHYIR DANG, RNAM PAR BYANG BA'I SA BON YANG RNAM PAR BYANG BA'I RGYU'I RKYEN YIN PA'I PHYIR GO RIMS BZHIN DU SBYAR BA NYID DU, DE YOD PAS NA 'GRO KUN DANG, ,MYA NGAN 'DAS PA'ANG 'THOB PAR 'GYUR, ,ZHES GSUNGS SO, ,RNAM PA GCIG TU RGYU RTAG PA DGAG PA'I PHYIR, THOG MA MED PA'I DUS ZHES BYA BA GSUNGS TE, DUS ZHES BYA BA NI SKYE BA DANG 'JIG PA'I MTSAN NYID DO, ,GANG LA DE RGYUN CHAGS PAR 'JUG PA'I SGO NAS, THOG MA MED PA YOD PA DE NI THOG MA MED PA'I DUS KYI DBYINGS, GZHAN GYIS KUN BRTAGS PA'I GTZO BO LA SOGS PA NI DE LTAR BU MA YIN NO, ,KHA CIG NI SNGON BYAS PA'I RGYUR SMRA BA KHAS LEN LA RANG GI SDE PA NYID DAG LA YANG KHA CIG RGYU NI SNGA LA 'BRAS BU NI 'PHYI BAR RTOG PAR BYED DE, 'DI GNYI GA'ANG RGYU DANG 'BRAS BU DAG SNGA PHYI YOD PA NYID DU MNGON PAR ZHEN TO, ,'DAS PA DANG MA 'ONGS PA'I LTA BA NGAN PA DE DAG BSAL PA'I PHYIR, CHOS RNAMS KUN GYI 'DRA BA'I GNAS, ,ZHES BYA BA GSUNGS SO, ,DUS MNYAM PA'I GNAS NI 'DRA BA'I GNAS TE, 'BRAS BU DANG DUS MNYAM DU RGYU YOD PA ZHES BYA BA'I DON YIN NA, DE LA YANG NGES PAR MI ZIN TE, LA LAS RGYU DANG 'BRAS BU'I DNGOS PO DUS THA DAD PAR YANG KHAS BLANGS PA'I PHYIR RO, ,CHAD PAR SMRA BA GANG DAG KHA CIG 'DI SKAD DU, 'DI NYID DU BDAG 'DI CHAD PAR 'GYUR RO ZHES ZER BA YOD PAS DE DGAG PA'I PHYIR, ,DE YOD PAS NA 'GRO KUN DANG, ,ZHES BYA BA GSUNGS TE, DE YOD PAS 'GRO BA THAMS CAD DU 'PHO BAR 'GYUR RO ZHES BYA BA'I DON TO, ,RTAG PAR SMRA BA GANG DAG KHA CIG 'KHOR BA'I BTZON RA BA'I BDAG NI RTAG PA NYID DU RTOG PAR BYED PA YOD PAS DE DGAG PA'I PHYIR, MYA NGAN 'DAS PA'ANG THOB PAR 'GYUR, ,ZHES BYA BA GSUNGS SO, ,YANG NA SHES BYA'I GNAS DPYAD PAS KUN GZHI RNAM PAR SHES PA'I SGRA DPYOD PAR MDZAD PA YIN ZHES BSHAD PA SHES BYA'I GNAS DE NI RANG GI NGO BOS SHES BYA'I MTSAN NYID RNAM PA GSUM GYI GNAS YIN LA, DE YANG TSIGS SU BCAD PAS STON TO, ,THOG MA MED PA DUS KYI DBYINGS, ,ZHES BYA BA NI RANG GI NGO BO'O, ,CHOS RNAMS KUN GYI 'DRA BA'I GNAS, ,ZHES BYA BA NI, GZHAN GYI DBANG SEMS DANG SEMS LAS BYUNG BA THAMS CAD KYI GNAS @308A *, ,YIN PA'O, ,DE YOD PAS NA 'GRO KUN DANG, ,ZHES BYA BA NI BRTAGS PA'I BDAG NYID DE, KUN NAS NYON MONGS PA'I CHOS KUN BRTAGS PA NYID DO ZHES 'CHAD PAR YANG 'GYUR RO, ,MYA NGAN 'DAS PA'ANG THOB PAR 'GYUR, ,ZHES BYA BA NI YONGS SU GRUB PA'I RTEN NYID DE, RNAM PAR BYANG BA'I CHOS YONGS SU GRUB PA NYID DO ZHES 'CHAD PAR YANG 'GYUR RO, ,CHOS KUN SA BON THAMS CAD PA, ,ZHES BYA BA LA SOGS PA NI NYAN THOS KYI THEG PA LAS GRAGS PA KUN GZHI LA KUN DU DGA' BA ZHES BYA BA 'DI NYID SBYAR BAR BYA BA MA YIN NAM ZHE NA, 'DI LAS RNAM PAR SHES PA SMOS PA MI 'BYUNG BA SNGAR NI RNAM PAR SHES PA DRIS TE, DE LTA BAS NA GANG LAS RNAM PAR SHES PA SMOS PA 'BYUNG BA DE NYID NYE BAR SBYAR RO, ,DE LTAR NA 'O NA DGE 'DUN PHAL CHEN SDE LAS GRAGS PA SRID PA'I YAN LAG GI RNAM PAR SHES PA NYE BAR SBYAR BAR BYA BA MA YIN NO ZHE NA, DE LAS KYANG KUN GZHI SMOS PA MI 'BYUNG LA SNGAR NI KUN GZHI DRIS TE, DE LTA BAS NA GANG LAS GNYI GA 'BYUNG BA DE KHO NA THEG PA CHEN PO'I THUN MONGS MA YIN PAR BSHAD DO, ,CHOS KUN ZHES BYA BA NI KUN NAS NYON MONGS PA THAMS CAD KYI'O, ,GRANGS CAN GYIS BRTAGS PA GTZO BO LA SOGS PA YANG DE LTA BU YIN PAS DE RNAM PAR BCAD PA'I PHYIR RNAM PAR SHES PA ZHES BYA BA GSUNGS SO, , 'DI DE DAG GI GNAS SU 'GYUR BA NI RTEN DANG BRTEN PA NYID KYI GNAS SU 'GYUR RAM ZHE NA, SA BON THAMS CAD PA'I ZHES BYA BA GSUNGS TE, RGYU NYID KYIS GNAS SU 'GYUR RO ZHES BYA BA'I DON TO, ,GAL TE RNAM PAR SHES PA YIN NA 'DI'I DMIGS PA CI ZHIG YIN ZHE NA, SA BON DANG MIGS LA SOGS PA DANG YUL GZUGS LA SOGS PA'O, ,SA BON DE YANG RNAM PA GNYIS TE, DGE BA DANG MI DGE BA DANG LUNG DU MA BSTEN PA'I SA BON YONGS SU SMIN PA DANG YONGS SU MA SMIN PA'O, ,SA BON RNAM PA DE DAG GNYI GA YANG KHAMS GSUM NA 'DI'I DMIGS PA YIN NO, ,MIG LA SOGS PA DANG, GZUGS LA SOGS PA NI 'DOD PA DANG GZUGS KYI KHAMS KHO NA'O, ,MIG LA SOGS PA ZHES BYA BA YANG MIG LA SOGS PA GANG DAG YIN ZHE NA MIG LA SOGS PA'I SA BON YONGS SU MA SMIN PA 'KHOR BA THOG MA MED PA NAS PA GANG GI TSE YONGS SU SMIN PAR GYUR PA DE'I TSE MIG LA SOGS PA ZHES @308B BYA'O; ;YANG JI LTAR YONGS SU SMIN PAR 'GYUR ZHE NA, MIG LA SOGS PA 'GRUB PAR 'GYUR PA'I LAS SRID PA'I YAN LAG GI BAG CHAGS DANG, MIG MIG CES BYA BA NAS LUS LUS ZHES BYA BA'I BAR GYI MNGON PAR BRJOD PA'I BAG CHAGS LA YANG BRTEN NAS GANG GI TSE GZUGS CAN GYI KHAMS SU SNGON BO LA SOGS PA'I RNAM PAR SHES PA RNAMS KYI BDAG PO'I RKYEN GYI DNGOS POR YONGS SU GYUR PA DE'I TSE YONGS SU SMIN PA ZHES BYA'O, ,YANG DE LTAR SA BON YONGS SU SMIN PA RNAMS MIG LA SOGS PA'I RNAM PAR SHES PA RNAMS LA KHYAD PAR CI ZHIG BYAD CE NA, RE ZHIG DGE BA DANG MI DGE BA DANG LUNG DU MA BSTAN PA'I SA BON LAS MIG GI RNAM PAR SHES PA DGE BA DANG MI DGE BA DANG LUNG DU MA BSTAN PA'I NGO BOR SKYE BA LA MIG YONGS SU SMIN PA SGRA LA SOGS PA'I YUL LA LDOG PAS RANG GI YUL LA 'JUG PA'I KHYAD PAR BYED DO, ,YANG MTHONG BAR 'GYUR PA'I SRID PA'I YAN LAG GI BAG CHAGS MIG GIS SA BON LA CI ZHIG BYED NA YONGS SU SMIN PAR BYED CES BYA ZHE NA, BDE 'GRO DANG NGAN 'GRO'I NGO BOR BYED PA LA DE SKAD CES BYA'O, ,MIG MIG CES MNGON PAR BRJOD PA'I BAG CHAGS KYI MTHUN LAS NI CI NAS KYANG MIG MIG CES THA SNYAD 'DOGS PA'I RGYUR 'GYUR NA DE LTAR MIG GIS SA BON YONGS SU 'GYUR RO, ,MIG GI RNAM PAR SHES PA NI; ;MIG GI RNAM PAR SHES PA'I MIG GI RNAM PAR SHES PA ZHES MNGON PAR BRJOD PA'I BAG CHAGS KYI KHYAD PAR DE DANG, GZUGS GZUGS ZHES MNGON PAR BRJOD PA'I BAG CHAGS KYI KHYAD PAR DE LAS JI LTA JI LTAR 'DZIN PAR MNGON PAR ZHEN PA DANG, GZUNG BA MNGON PAR ZHEN PA'I RGYUR 'GYUR PA DE LTA DE LTAR YONGS SU 'GYUR BAR 'GYUR TE, DE BZHIN DU RNA BA'I RNAM PAR SHES PA LA SOGS PA LA YANG BSAM PA 'DI BYA'O, ,KUN GZHI RNAM PAR SHES PA'I DMIGS PA MIG LA SOGS PA YIN NO ZHES BSHAD PA CI RANG GI RGYUD DU GTOGS PA KHO NA DMIGS SAM ZHE NA, SMRAS PA MA YIN TE, GZHAN GYI RGYUD DU GTOGS PA DAG LA YANG DMIGS TE, DE SKAD DU SEMS CAN DU SNANG BA NI DBANG PO LNGAR RANG DANG GZHAN GYI RGYUD DAG LA YANG YIN PA'O ZHES BSHAD DO, ,YANG JI LTAR MIG LA SOGS PA DMIGS PAR 'GYUR ZHE NA, KUN GZHI RNAM PAR SHES PA DE NI RANG GI MIG LA SOGS PA DANG 'BREL PA DANG, GZHAN @309A *, ,DANG 'BREL PAR 'GYUR PA'I LAS KYIS GANG GIS NA 'KHRUL PA CAN GYI RANG GI RGYUD LA NI SEMS CAN GYI RNAM PAR RIG PA GZHAN GYI RGYUD LA NI SEMS CAN GZHAN DU RNAM PAR RIG PA'I RGYUD 'GYUR BA DE LTA BUR SO SOR SNANG BA'I KHYAD PAR CHAN DU 'GYUR RO, ,KHA DOG DANG DBYIBS NYID 'BA' ZHIG DMIGS PAR BYAS PA MA YIN NAS ZHE NA, DE NI MA YIN TE DE DAG LA DMIGS KYANG DE DAG DANG THA MI DAD PAR GRAGS PA LA SOGS PA YANG DMIGS PAR BYAS SO ZHES THA SNYAD GDAGS SO, ,'O NA GAL TE GZHAN GYI RGYUD DU GTOGS PA'I MIG LA SOGS PA YANG DMIGS PA YIN LA, DE DAG KYANG NUS PAS RAB TU BYA BA YIN NA GO, ,CI'I PHYIR RANG GI RGYUD LAS GZHAN GYI MIG GI RNAM PAR SHES PA LA SOGS PA SKYE BAR MI 'GYUR TE, DMIGS PAR BYAS PA MIG LA SOGS PA'I NUS PA YOD PA'I PHYIR RO ZHE NA, DE NI MA YIN TE, DPER NA YID KYI RNAM PAR SHES PA GZHAN GYI MIG LA SOGS PAR SKYE LA, MIG GI RNAM PAR SHES PA LA SOGS PA'I RGYU MA YIN PA DANG YANG DPER NA RANG GI RGYUD LA YANG KUN GZHI RNAM PAR SHES PA'I RNAM PA MIG LA SOGS PA'I NUS PAR SNANG BA'I DMIGS PA LA DE DANG MTSUNGS PAR LDAN PA'I RIG PA LA SOGS PA DMIGS PA MTSUNGS PA NYID KYIS DMIGS LA, MIG GI RNAM PAR SHES PA LA SOGS PA'I RGYU YANG MA YIN PA LTAR 'DI YANG DE DANG 'DRA BAR 'GYUR RO, ,NUS PA'I RTEN NYID KYANG GZHAN DU YIN LA DMIGS PA'I DNGOS PO YANG GZHAN DU YIN TE, RTEN NYID KYIS NI MIG LA SOGS PA'I RNAM PAR SHES PA'I RGYU YIN NO, ,'O NA GAL TE RNAM PAR SHES PA YIN NA 'DI LA SEMS LAS 'BYUNG BA DAG KYANG YOD PAR 'GYUR RO ZHE NA, DE LTAR YIN TE, REG PA LA SOGS PA LNGA KUN DU 'GRO BA YOD DO, ,CI'I PHYIR REG PA LA SOGS PA KHO NA YIN ZHE NA, THAMS CAD DU 'GRO BA YIN PA'I PHYIR RO, ,KHA CIG NI REG PA MA 'ONGS PA KHO NA DBANG PO DANG YUL DANG RNAM PAR SHES PA RNAMS PHAN TSUN 'BREL PA'I PHYIR PA SEMS THAMS CAD LA BYUNG BAS KUN DU 'GRO BA NYID YIN PAR KHAS LEN TO, ,DE NI RIGS PA MA YIN TE, MA 'ONGS PA LA SKYES BU'I BYED PA MED PA'I PHYIR RO, ,DE LTA BAS NA REG PA NI YUL GYI KHYAD PAR PHAN PA DANG GNOD PA DANG, GNYI GA LAS BZLOG PA'I MTSAN NYID KHO NA LA REG PA DBANG PO 'GYUR BA @309B BYED PAS 'BYUNG BA YIN LA, DE YANG PHAN PA DANG GNOD PA DANG, BAR MAR GNAS PA'I YUL RNAMS LAS GANG YANG RUNG BA ZHIG LA NGES PAR 'BYUNG BA'I PHYIR KUN DU 'GRO BA YIN NO, ,TSOR BA YANG BYE BRAG TU SMRA BA KHA CIG SEMS DANG SEMS LAS BYUNG BA THAMS CAD LA 'BYUNG BA YUL NYAMS SU MYONG BA'I MTSAN NYID YONGS SU GCOD PA YIN LA, RANG RIG PA KHAS MI LEN PA'I PHYIR RANG NYAMS SU MYONG BA YONGS SU BOR NAS PHAN PA DANG, GNOD PA DANG GNYI GA LAS BZLOG PA'I YUL YONGS SU GZUNG BA'I RNAM PA CAN GYI REG PA'I GZUGS BRNYAN GYI TSUL DU RNAM PAR RJES SU BYED PA MYONG BA'I MTSAN NYID YIN PAR BRJOD DE, DE'I PHYIR REG PA'I RKYEN GYIS TSOR BA YIN NO ZHE'O, ,DE YANG RIGS PA MA YIN TE, TSOR BA REG PA'I RJES SU BYED PA NYID KYIS DE LA DMIGS PAR THAL PAR 'GYUR DU 'ONG NGO, ,SEMS DANG SEMS LAS BYUNG BA RNAMS NI PHAN TSUN MI DMIGS TE, DMIGS PA NYID NYAMS PAR THAL PAR 'GYUR BA'I PHYIR RO, ,DE LTA BAS NA TSOR BA NI REG PAS YONGS SU BCAS PA'I YUL GYI KHYAD PAR PHAN PA DANG GNOD PA DANG, GNYI GA LAS BZLOG PA'I MTSAN NYID KHO NA RANG GIR BYED PA NYAMS SU MYONG BA'I MTSAN NYID YIN TE, REG PA'I RKYEN CAN ZHES KYANG BYA LA, DE YANG RANG GIR BYED PA MED NA MI 'BYUNG BA YIN PAS THAMS CAD DU 'GRO BA NYID DO, ,'DU SHES NI GZHAN SEL PAR SGRUB PAR BYED PA MNGON PAR BRJOD PA'I BAG CHAGS YONGS SU SMIN PA LAS BYUNG BA, RANG GI YUL LA YUL GZHAN SEL BAR BYED CING 'JUG PA'O ZHES BYA BAR THAMS CAD KYIS SHES PA NYID DO, ,YUL GZHAN SEL PA YANG DMIGS PAR BYA BA'I YUL THAMS CAD LA YOD PAS KUN DU 'GRO BA NYID YIN NO, ,YID LA BYED PA YANG BYE BRAG TU SMRA BA RNAMS KYI LTAR NA CHOS THAMS CAD BZHI TSAN DU NGES PA'I PHYIR RNAM PAR SHES PA YUL GZHAN DANG PHRAL NAS YUL GZHAN LA GTOD PA MA YIN GYI 'ON KYANG RANG GI YUL LA 'JUG PA TZAM ZHIG BYED PAR ZAD DO, ,RNAL 'BYOR SPYOD PA RNAMS KYI LTAR NA YANG, GZUNG BA DANG 'DZIN PA'I SA BON LAS BYUNG BA'I RNAM PAR SHES PA LA BDAG PO'I RKYEN NYID KYIS GZUNG BAR SNANG BA LA GTOD PA YIN TE, DON 'DIS NA SEMS KYIS 'JUG PA ZHES BYA'O, ,DON 'DI YANG THAMS CAD DU 'BYUNG BAS @310A *, ,THAMS CAD DU 'GRO BA NYID YIN NO, ,SEMS PA YANG DGE BA DANG MI DGE BA DANG GNYI GA LAS BZLOG PA'I RNAM PAR MNGON PAR 'DU BYED CING 'BYUNG BA YIN PAS THAMS CAD DU 'GRO BA NYID LAS MI 'DA'O, ,LUNG YANG YOD DE GSUM 'DUS PA GANG YIN PA DE NI REG PA'O, ,REG PA DANG LHAN CIG SKYES PA NI TSOR BA DANG SEMS DANG 'DU SHES YIN PAS DBANG PO THA MI DAD PA YIN LA, DE LAS BYUNG BA YID LA BYED PA YANG NYE BAR GNAS PAR 'GYUR RO ZHES BYA BA LA SOGS PA YIN NO, ,YANG BYE BRAG TU SMRA BAS 'DUN PA LA SOGS PA KUN DU 'GRO BA GZHAN SNGAR BSHAD PA GANG YIN PA DE DAG CI'I PHYIR MI 'BYUNG ZHE NA, YUL NGES PA NYID KYIS KUN DU 'GRO BA NYID MED PA'I PHYIR RO, ,DE DAG GI LTAR NA 'DUN PA NI BYED 'DOD PA NYID DE YUL LA GTOD PA YIN NA DE YANG YID LA BYED PA LAS MTSAN NYID THA DAD PA MA YIN PAS DE LTA BU YIN PAR MI BZUNG NGO, ,DE LTA BAS NA BSAMS PA'I DNGOS PO LA 'DOD PA NI 'DUN PA YIN NA, DE YANG MI 'DOD PA DANG BAR MAR GNAS PA'I DMIGS PA DAG LA MI 'BYUNG BAS KUN DU 'GRO BA MA YIN NO, ,MOS PA NI LHAG PAR MOS PA STE, NGES PA ZHES BYA BA'I DON TO, ,DE YANG BYE BRAG TU SMRA BA RNAMS KYI LTAR NA THE TSOM YOD PA'I GNAS SKABS NI THEG TSOM DANG MTSUNGS PAR LDAN PA'I SEMS LA YANG 'BYUNG STE, YUL GZHAN LAS LDOG PA'I RNAM PA CAN YIN PAR YONGS SU GZUNG BA'I PHYIR RO, ,DE NI MTSAN NYID DE LTA BU MA YIN TE, 'DU SHES KYI BYED PA KHO NAS GRAGS PA'I PHYIR RO, ,DE LTA BAS NA MOS PA NA MOS PA NI THE TSOM LOG PA NGES PA'I DNGOS PO LA DE KHO NA BZHIN DU NGES PAR 'DZIN PA YIN TE, DE BAS NA KUN DU 'GRO BA MA YIN NO, ,TING NGE 'DZIN YANG KHA CIG NI RTZEN GCIG PA NYID KYI MTSAN NYID SKAD CIG MA GCIG GNAS PA YIN PAR SEMS SO, ,DE NI DE LTA YIN PAR MA BZUNG STE, SEMS LA RANG GIS SKAD CIG MA GCIG GNAS PA YOD PA'I PHYIR RO, ,GZHAN DAG NI SEMS DANG SEMS LAS BYUNG BA RNAMS YUL SO SO LA GYES PA YONGS SU SPONG BAS YUL GCIG LA SDUNG CING 'JOG PA NI TING NGE 'DZIN YIN PAR SEMS SO, ,DE YANG DE LTAR YIN PAR MI GZUNG STE, 'DU SHES KHO NAS GRAGS PA'I PHYIR RO, ,DE LTA BAS NA TING NGE 'DZIN NI BRTAG PAR BYA BA'I YUL KHO NA SKAD CIG MA GCIG DANG, GNYIS DANG GSUM LA SOGS PA'I RGYUN 'JUG PA NYID KYIS SEMS RTZE GCIG @310B PA NYID KYI RGYU YIN PAR KHAS BLANGS LA, DE YANG BRTAG PAR BYA BA MA YIN PA'I YUL LA RGYUN DANG BRAL BA'I GNAS SKABS NA MI 'BYUNG BAS KUN DU 'GRO BA MA YIN NO, ,NGAN PA NI BYE BRAG TU SMRA BA RNAMS KYI LTAR NA SEMS KYI MNGON PAR BRJOD PA NYID DE, DE YANG YUL GSAL BAR BYED PA'AM, MTSAN MAR 'DZIN PA GCIG YIN GANG NA, GNYIG LTAR NA YANG SHES RAB DANG 'DU SHES DAG GI DON GRAGS PA'I PHYIR DE NI YANG DAG PA MA YIN NO, ,DE BAS NA DRAN PA NI YUL 'DRIS PA LA DE'I RJES SU 'GRO BA'I SEMS KYI MNGON PAR BRJOD PA YIN LA, DE YANG MA 'DRIS PA LA MED PAS KUN DU 'GRO BA MA YIN NO, ,DE LTAR NA YANG DRAN PA YANG DAG BYANG CHUB KYI YAN LAG TU MI 'GYUR TE, MTHONG BA'I LAM LA DE BZHIN NYID SNGON NYAMS SUM MYONG BA'I PHYIR RO ZHE NA, DE NI NYES PA MED DE, SKAD CIG MA DANG PO LA DRAN PA YANG DAG BYANG CHUB KYI YAN LAG YOD PA MA YIN NO, ,GNYIS LA SOGS PA LA NI YOD DO, ,DE'I TSE NI DE BZHIN NYID SNGAR NYAMS SU MYONG BA NYID DO, , MTHONG BA'I LAM LA BYANG CHUB KYI YAN LAG BDUN ZHES BSHAD PA NI RGYUN LAS DGONGS PA YIN GYI, SKAD CIG MA NI MA YIN PAS 'GAL BA MED DO, ,YANG NA SBYOR BA'I DUS NA DE BZHIN NYID SPYI'I RNAM PA NYAMS SU MYONG BAS SKAD CIG MA DANG PO LA YANG DRAN PA YANG DAG BYANG CHUB KYI YAN LAG MI 'GAL LO, ,SHES RAB KYANG BYE BRAG TU SMRA BA RNAMS KYI LTAR NA CHOS RAB TU RNAM PAR 'BYED PA YIN NO, ,RAB TU 'BYED PA YANG GAL TE YUL YONGS SU GCOD PA TZAM ZHIG YIN NA DE NI SEMS DANG SEMS LAS BYUNG BA THAMS CAD LA MTSUNGS SO, ,DE LTA BAS NI SHES RAB NI NYE BAR BRTAG PAR BYA BA KHO NA LA RIGS PA DANG RIGS PA MA YIN PA DANG GNYI GA LAS BZLOG PA'I MTSAN NYID KYI RAB TU RNAM PAR 'BYED PA YIN TE, DE BAS NA SHES RAB NI KUN DU 'GRO BA MA YIN NO, ,DE NYID KYI PHYIR MIG LA SOGS PA'I RNAM PAR SHES PA'I TSOGS NYE BAR GNAS PA LAS BYUNG BA RNAMS LA SHES RAB MI SRID DE, DE DAG YONGS SU RTOGS PAR MI NUS PA'I PHYIR RO, ,MTSUNGS PA DE MA THAG PA YID KYI RNAM PAR SHES PAS 'PHANGS PA RNAMS NI YOD DO, ,KUN DU 'GRO BA MA YIN PA DE DAG KYANG RNAM PAR SHES PA GSAL BA DANG MTSUNGS PAR LDAN PA'I PHYIR KUN GZHI RNAM PAR SHES PA MI GSAL BA DANG LHAN CIG MTSUNGS PAR MI LDAN NO, ,'PHEN PAR BYED @311A *, ,PA'I LAS KYI RNAM PAR SMIN PA KUN GZHI RNAM PAR SHES PA NI MA BSGRIBS LA LUNG DU MA BSTAN PA YIN PA'I PHYIR 'DOD CHAGS LA SOGS PA NYON MONGS PA CAN DANG DAD PA LA SOGS DGE BA RNAMS KYANG MI SRID DO, ,GNYID LA SOGS PA MA NGES PA GZHAN BZHI PO GANG DAG YIN PA DE DAG YANG MTSUNGS PAR MI LDAN TE, RE ZHIG GNYID NA NYE BA'I NYON MONGS PA'I NGO BO NYID GANG YIN PA DE NI GTI MUG GI KHYAD PAR 'GA' KHO NA LA GDAGS TE, MI GSAL BA'I NGO BO NYID KYIS SEMS MNGON PAR SDUD PAR BYED PA'I PHYIR RO, ,DGE BA DANG LUNG DU MA BSTAN PA'I GNAS SKABS KYI GANG YIN PA DE YANG SHES RAB KYI RDZAS MA NGES PA GNYI GA'I GNAS SKABS SU 'BYUNG BA LA GDAGS TE, MA NGES PA NYID KYI PHYIR DANG GSAL BA NYID DU 'BYUNG BA'I PHYIR RO, ,'GYOD PA YANG RTOG PA'I RNAM PAR YID LA GCAGS PA 'DREN PA'I PHYIR SHES RAB KHO NA LA GDAGS SO, ,RTOG PA DANG DPYOD PA DAG KYANG RTOG PA'I RNAM PAR ZHUGS PA YIN PAS DE DAG KYANG SHES RAB KHO NA LA GDAGS SO, ,SHES RAB KYANG MA RIG PA DAG NI KUN GZHI RNAM PAR SHES PA DANG MTSUNGS PAR LDAN PA MA YIN TE, NYON MONGS PA CAN MA YIN PA'I PHYIR DANG KUN DU 'GRO BA MA YIN PA'I PHYIR RO, ,RTOG PA DANG DPYOD PA DAG SEMS PA LA GDAGS PA DE DAG KYANG THAMS CAD LAM YIN GYI, TSOL ZHING SO SOR RTOG PA'I RNAM PA CAN LA YIN NA SEMS PA DE LTA BU NI KUN GZHI RNAM PAR SHES PA DANG MTSUNGS PAR LDAN PA MA YIN TE, MI GSAL PA'I PHYIR RO, ,SPROS PA BTANG LA DE DKYUS MA KHO NA BRJOD PAR BYA STE, YANG NA CHOS RNAMS KYI KUN GZHI NI ZHES BYA BA 'DI LA KUN GZHI RNAM PAR SHES PA NI RNAM PA GNYIS TE, 'BRAS BU'I GNAS SKABS RNAM PAR SMIN PA GANG YIN PA DANG, RGYU'I GNAS SKABS RNAM PAR SMIN PA GANG YIN PA STE, RNAM PAR SMIN PA'I DBANG DU MDZAD NAS, CHOS RNAMS KUN GYI KUN GZHI NI, ,ZHES BYA BA GSUNGS SO, ,RNAM PAR MA SMIN PA'I DBANG MDZAD NAS, SA KHO NA KUN BA'I ZHES BYA BA GSUNGS SO, ,GNYI GA'I DBANG DU MDZAD NAS, DE BAS KUN GZHI RNAM SHES TE, ,ZHES BYA BA GSUNGS SO, ,DE LA DMIGS PAR GYUR BA MIG LA SOGS PA DANG, GZUGS LA SOGS PA GANG DAG YIN PA DE DAG NI DE'I SO SOR SNANG BA'I NGO BO YIN PA NYID KYIS KUN GZHI @311B RNAM PAR SHES PA DE RTEN NYID KYIS KUN GZHI YIN NO, ,RANG DANG MTSUNGS PAR LDAN PA'I TSOR BA LA SOGS PA DANG, RNAM PAR SHES PA BDUN GYI TSOGS RNAMS KYI NI DE LA RAG LAS TE, SKYE BA NYID KYI PHYIR KUN GZHI YIN NO, ,SKYE BA CAN KUN NAS NYON MONGS PA'I CHOS THAMS CAD 'BRAS BU'I DNGOS POR DER SBYOR BA'AM ZHES BYA BA NI, PHAL CHE BA'I PHYIR DE SKAD BRJOD DE, SEMS CAN GYI KHAMS NI PHAL CHER KUN NAS NYON MONGS PAR 'GYUR RO, ,KHA CIG KUN NAS NYON MONGS PAR MI 'GYUR BA NI MI SLOB PA RNAMS DANG, BYANG CHUB SEMS DPA' SA BRGYAD PA LA GNAS PA LA SOGS PA RNAMS TE, DE DAG GI KUN GZHI RNAM PAR SHES PA GYUR PA DE RNAM PAR BYANG BA'I CHOS KYI RTEN DU MI 'GYUR BA NI MA YIN NO, ,GANG YANG KUN NAS NYON MONGS PA'I GNAS SKABS NA RANG BZHIN DU GNAS PA'I RIGS DANG YANG DAG PAR BSGRUBS PA DE YANG RNAM PAR BYANG BA'I CHOS KYI RGYU NYID YIN YANG KUN GZHI NYID DU NI MI 'DOD DE, GNAS SKABS DE NA GTZO BO MA YIN PA'I PHYIR DANG RDZAS SU MED PA'I PHYIR RO, ,GANG GI PHYIR KUN GZHI ZHES BYA BA'I THA SNYAD BYE BRAG MED PA'I RGYU'I DNGOS PO TZAM LA BTAGS PAR SNANG BA DE'I TSE NI YONGS SU GYUR PA LA YANG BYA BA NYID DE, YONGS SU MYA NGAN LAS 'DAS PA CHEN PO'I MDO LAS JI SKAD DU, KUN GZHI RNAM PAR SHES PA DANG 'JUG PA'I RNAM PAR SHES PA DAG GIS LONGS SPYOD RDZOGS PA'I SKU BSDUS SO ZHES BYUNG BA LTA BU'O, ,'DIR YANG GAL TE GZHAN DAG DER SBYOR RO ZHE 'AM, DE GZHAN DU SBYOR RO ZHES BYAS KYANG RUNG, GNYI GA LTAR NA YANG KUN GZHI NI RGYU'I NGO BO KHO NA YIN TE, SGRA 'JUG PA'I RGYU MTSAN NGES PA'I TSIG GIS BYAS PA THA SNYAD PAR ZAD DO, ,'JUG PA'I RNAM PAR NGES PA DAG DANG, LHAN CIG PHAN TSUN RGYU DANG 'BRAS BU'I NGO BO YIN PA NI RKYEN RNAM PAR DPYOD PAR 'GYUR RO, ,SEMS CAN RNAMS LA DE'I BDAG NYID DU SBYOR BAS ZHES BYA BA NI GNAS PA STE, SGRA 'JUG PA'I RGYU MTSAN RNAM PAR SHES PA'I NGO BOR GNAS SO, ,JI LTAR ZHE NA, BDAG NYID DU ZHES BYA BA SMOS TE, BDAG NYID YIN PA'I PHYIR RO, ,DE NI SEMS CAN RNAMS KYI BDAG NYID YIN TE, BDAG NYID SHIN TU DUL BA YIS, ,ZHES 'BYUNG BA'I PHYIR RO, ,GZHAN 'JUG PA'I RNAM PAR SHES PA LA NI BDAG CES NYE @312A *, ,BAR MI 'DOGS TE, SKABS SKABS SU RGYUN 'CHAD PAS BDAG DANG CHOS MI MTHUN PA'I PHYIR RO, ,RNAM PAR GCIG TU NA SEMS CAN RNAMS DE'I BDAG NYID DU SBYOR BAS ZHES BYA BA NI, NYON MONGS PA CAN GYI YID DANG MTSUNGS PAR LDAN PA'I 'JIG TSOGS LA LTA BAS DMIGS PA YIN NO, ,RNAM PA GANG DU ZHE NA, BDAG NYID DU STE, BDAG GI RNAM PA ZHES BYA BA'I THA TSIG GO, ,'JUG PA'I RNAM PAR SHES PA GZHAN DANG GZHAN DAG KYANG NYE BAR LEN PA'I PHUNG PO LNGA'I KHONGS SU MA GTOGS PA MA YIN PA'I PHYIR YID KYI RNAM PAR SHES PA DANG MTSUNGS PAR LDAN PA'I 'JIG TSOGS LA LTA BA RNAM PA NYI SHUS BDAG TU DMIGS PA MA YIN NAM, DE DAG KYANG KUN GZHI YIN PAR 'GYUR RO ZHE NA, PHAL CHER DMIGS PA LA KUN GZHIR DGONGS PA YIN NA YID KYI RNAM PAR SHES PA DANG MTSUNGS PAR LDAN PA'I 'JIG TSOGS LA LTA BA NI PHAL CHER DMIGS PA MA YIN TE, DUS DPAG TU YOD PA ZHIG TU KUN DU 'BYUNG BA'I PHYIR RO; ,YANG NYON MONGS PA CAN GYI YID KYIS KUN GZHI RNAM PAR SHES PA LA JI LTAR DMIGS SHE NA, DE'I DBANG GIS BDAG GI RNAM PAR SKYE BA'I SGO NAS YIN GYI, RANG GI NGO BO 'JOG PA'I SGO NAS NI MA YIN NO, ,YANG 'DIR GANG DAG 'DI SKAD DU MIG LA SOGS PA NI KUN GZHI'I NGO BO NYID MA YIN TE, DBANG PO YIN PA'I PHYIR YID KYI DBANG PO BZHIN NO ZHES ZER BA DE NI KUN GZHI'I NGO BO NYID MA YIN PA YID KYI DBANG PO DANG DE'I NGO BO NYID YIN NA SROG GI DBANG POS MA NGES PA YIN NO, ,MIG LA SOGS PA NI RNAM PAR SHES PA'I NGO BO NYID MA YIN TE, RNAM PAR SHES PA GRAGS PA'I RTEN YIN PA'I PHYIR YID KYI DBANG PO BZHIN NO ZHES KYANG BRJOD PAR MI NUS SO, ,DGONGS PA NGES PAR 'GREL PA'I MDO LAS ZHES BYA BA LA DGONGS PA NI LDEM POR DGONGS PA'O, ,DE LA NYAN THOS RNAMS KYI DBANG DU MDZAD NAS BSTAN PA GANG YIN PA DE NI DE LAS GZUGS LA SOGS PA BRTAGS PA YIN PAR LDEM POR DGONGS PA MA BKROL LO, , GANG YANG SHES RAB KYI PHA ROL TU PHYIN PA RNAM PA BRGYAD BSTAN PA DE YANG, 'DI NI KUN BRTAGS PA DGAG PA LHUR MDZAD PA YIN NO ZHES BYA BAR LDEM POR DGONGS PA MA BKROL LO, ,'DI LAS NI LDEM POR DGONGS PA BKROL BAS NA DGONGS PA NGES PAR 'GREL PA ZHES BYA'O, ,DE LA ZAG PA NI RNAM @312B PAR SMIN PA GANG YIN PA STE, 'JIG RTEN GYI MKHAS PA RNAMS KYIS GTING DPAG PAR MI NUS PA'I PHYIR RO, ,PHRA BA NI SA BON GYI GNAS SKABS GANG YIN PA STE, RDZAS SU MED PAS DE NYID DANG GZHAN NYID DAG TU BRJOD PAR BYA BA MA YIN PA NYID KYIS BRTAGS PAR DKA' BA'I PHYIR RO, ,RNAM PA GCIG TU NA THOS PA LAS BYUNG BA DANG BSAMS PA LAS BYUNG BA DANG, SKYES NAS THOB PA'I SHES PA DAG GIS MNGON SUM DU MA BYAS PA'I PHYIR ZAB PA'O, ,'JIG RTEN PA'I BSGOMS PA LAS BYUNG BA'I MNGON SUM MA YIN PA'I PHYIR PHRA BA'O, ,RNAM PA GCIG TU NA NYAN THOS DANG RANG SANGS RGYAS DANG, SO SO'I SKYE BO THAMS CAD KYI SHES PAS YONGS SU MA SHES PA'I PHYIR ZAB PA'O, ,BYANG CHUB SEMS DPA' MOS PAS SPYOD PA'I SHES PAS SHES PAR DKA' BA'I PHYIR PHRA BA'O, ,SA BON THAMS CAD CES BYA BA 'DIS NI, GRANGS CAN GYI SMRA BA SEL TE, SA BON RNAMS DANG LHAN CIG SKYE BA DANG 'GAG PA'I TSUL GYIS SA BON BZUNG BA BYAS PA RNAM PAR SHES PA DE SA BON GYI DNGOS POR 'GYUR GYI, GTZO BO BZHIN DU GZHAN LA MI LTOS PAR SA BON YONGS SU 'DZIN PAR NI MA YIN NO, ,RLUNG GI RGYUN SHUGS DRAG PO CHU'I RLABS 'BYUNG BA DANG MTHUN PA NI CHU BO'O, ,DE BZHIN DU KUN GZHI RNAM PAR SHES PA SKAD CIG MA BRGYUD PA BRENG CHAGS PA'I RGYUN YANG RIM DANG RIG CAR DAG TU 'JUG PA'I RNAM PAR SHES PA BDUN GYI RLABS 'BYUNG BA DANG MTHUN PA'I PHYIR CHU BO'O, ,RNAM PA GCIG TU NA RANG GI SDE PA KHA CIG RGYU DANG 'BRAS BU DAG DE NYID DANG GZHAN NYID DU SEMS PA DE'I GNYEN POR CHU BO BZHIN DU ZHES GSUNGS PA YIN TE, JI LTAR KLUNG GI CHU BO LAS DE NYID DANG GZHAN DU BRJOD PAR BYA BA MA YIN PA RLABS 'BYUNG BA DE BZHIN DU KUN GZHI'I RNAM PAR SHES PA'I RGYUN GYI RGYUN LAS KYANG DE NYID DANG GZHAN NYID DU BRJOD PAR BYA BA MA YIN PA SEMS DANG SEMS LAS BYUNG BA'I RLABS RNAMS 'BYUNG NGO, ,'DI LTAR RGYU LAS 'BRAS BU GZHAN NYID DU NI BRJOD PAR MI NUS TE, THAMS CAD LAS THAMS CAD 'BYUNG BAR THAL PAR 'GYUR DU 'ONG BAS SO, ,GZHAN MA YIN PA NYID KYANG MA YIN TE, GRANGS CAN GYI SMRA BAR THAL PAR 'GYUR DU 'ONG BAS SO, ,BYIS PA RNAMS LA ZHES BYA BA LA, BYIS PA NI 'DIR NYAN GTHOS KYI RIGS CAN GANG DAG DE'I DUS KYI @313A *, ,SKAL PA MED PA KUN GZHI RNAM PAR SHES PA'I LDEM POR DGONGS PA NGES PAR 'GREL PA BSTAN PA'I DON LA LOG PAR BRTAGS PAS MA THOB PAR YONGS SU NYAMS PA'I SGO NAS RANG GI 'BRAS BU LAS YONG SU NYAMS PAR 'GYUR PA DE DAG YIN NO, ,DBANG PO GZUGS CAN THAMS CAD NYE BAR LEN PAR BYED PA DE NYID CES BYA BA 'DIS NI, NYID MTSAMS SBYOR BA SPREL PA'I 'OG ROL GYI DBANG PO GZUGS CAN TSE JI SRID PA GANG DAG YIN PA DE DAG NYE BAR LEN PA STON TE, NYID MTSAMS SBYOR BA SPREL PA'I SKAD CIG MA NYE BAR LEN PA NI MJUG THOGS KYI TSIG GIS STON PA'I PHYIR RO, ,DBANG PO GZUGS CAN THAMS CAD NI 'DIR RTEN DU GYUR PA'I 'BYUNG BA CHEN PO DAG DANG, DE DAG DANG THA MI DAD PAR 'DUG PA YUL GZUGS LA SOGS PA DANG BCAS PA LA DGONGS PA YIN NO, ,LUS THAMS CAD NYE BAR LEN PA'I GNAS SU GYUR PA NYID CES BYA BA 'DIS NI NYID MTSAMS SBYOR BA SPREL PA'I SKAD CIG MA MA LUS SKYE BA RIL DANG 'BREL PA MIG LA SOGS PAS BSDUS PAS BON GYI SGO NAS DANG, LUS KYI DBANG PO RANG GI NGO BO'I SGO NAS NYE BAR LEN PA STON TO, ,'DI LTAR TSE JI SRID PAR RJES SU 'JUG PA'I BAR DU DES DBANG PO GZUGS CAN DAG CES BYA BA LA SOGS PAS NI TSIG DANG PO'I NYE BAR LEN PA'I DON RNAM PAR 'GREL TE, 'JIG PA'I GAGS SU BDAG GIR BYAS SO ZHES BYA BA'I THA TSIG GO, ,YANG JI LTAR MIG LA SOGS PA BDAG GIR BYAS SHE NA, PHAN PA DANG GNOD PA DAG GIS BDE BA DANG SDUG BSNGAL LA SOGS PA'I RTEN NYID DU SNANG BA'I PHYIR RO, ,BDAG GIR MA BYAS PAR SNANG BA GANG YIN PA DE NI MA ZHIN PA YIN TE, DPER NA SNOD KYI 'JIG RTEN DANG; SHI BA'I RO LA SOGS PA LTA BU'O, ,DPER NA RMI LAM NA YID KYI RNAM PAR SHES PA GCIG LAS THA DAD PA MA YIN YANG LUS BDE BA DANG SDUG BSNGAL LA SOGS PA'I RTEN DU SNANG BA GANG YIN PA DE NI ZIN PA'O ZHES 'KHRUL PA'I RGYUR GRAGS LA, KHANG BZANGS LA SOGS PAR SNANG BA GANG YIN PA DE NI MA ZIN PA'O ZHES GRAGS PA LTAR 'DI LA YANG TSUL NI DE DANG 'DRA'O, ,NYID MTSAMS SBYOR BA SPREL PA NA YANG ZHES BYA BA LA SOGS PAS NI, TSIG GNYIS PA'I NYE BAR LEN PA'I DON RNAM PAR 'GREL TE, NYID MTSAMS SBYOR BA SPREL PA SKYE BA RIL DANG 'BREL PA'I LUS KYI SA BON DU GTOGS PA STE MNGON PAR BSGRUBS PA'I @313B SGO NAS LUS BZUNG BA YIN NO ZHES BYA BA'I DON TO, ,YANG CI'I PHYIR BYE BRAG TU NYE BAR LEN PA GNYIS STON CE NA, RTZOD PA'I PHYIR TE, RANG GI SDE PA RNAMS KYI LTAR NA, CHANG DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA DANG, ,YID KYI RNAM SHES KHO NAR 'DOD, ,CES 'BYUNG BAS NYID MTSAMS SBYOR BA'I 'OG ROL TU NI MIG LA SOGS PA'I RNAM PA SHES PA KHO NA NYE BAR LEN PA PO YIN PAR GRAGS LA, NYID MTSAMS SBYOR BA SPREL PA NA NI YID KYI RNAM PAR SHES PA NYE BAR LEN PA PO YIN PAR GRAGS SO, ,DE GNYI GA YANG JI LTAR MI SRID PA DE BZHIN DU SKYE BA'I KUN NAS NYON MONGS PA SPYOD PA NAS STON PAR 'GYUR RO, ,DE NYID KYI PHYIR DE'I GNYEN POR BYE BRAG TU NYE BAR LEN PA GNYIS BSTAN TO, ,DE LA DBANG PO GZUGS CAN THAMS CAD NYE BAR LEN PAR BYED PA NYID NI 'DOD PA DANG GZUGS KYI KHAMS DAG TU YIN PAR RIG PAR BYA'O, ,GZUGS MED PA'I SEMS CAN RNAMS LA YANG DBANG PO GZUGS CAN NI SRID NA, CI'I PHYIR 'DOD PA DANG GZUGS KYI KHAMS DAG TU ZHES BYA STE, 'DI LTAR GZUGS MED PA'I SEMS CAN RNAMS KYI GZHAL MED KHANG DAG DANG, BCOM LDAN 'DAS LA YANG CHOS MNYAN PA DANG LTA BA DANG, RIM GRO BYA BA'I PHYIR 'ONG BAR MDO GZHAN DAG LAS BYUNG NGO ZHE NA, LAS LAS SKYES PA'I DBANG PO GZUGS CAN NYE BAR LEN PAR BYED PA NYID LAS BSAMS TE SMRAS PA'I PHYIR NYES PA MED DO, ,GZUGS MED PA NA SPYOD PA RNAMS KYI MIG LA SOGS PA NI TING NGE 'DZIN LAS SKYES PA YIN NO, ,'ON TE DE LTA NA GO GZUGS CAN GYI KHAMS NA YANG LHA'I MIG DANG RNA BA YANG TING NGE 'DZIN LAS SKYES PA'I PHYIR MA ZIN PAR 'GYUR RO, , DE LTAR NA 'O NA NI, ,'DOD PA DANG GZUGS NA SPYOD PA'I DBANG PO GZUGS CAN LAS BSAMS TE SMRAS PAS NYES PA MED DE, DE NA NI DBANG PO GZUGS CAN YOD PA NYID DU RANG GI SDE PA RNAMS LA GRAGS SO, ,NYID MTSAMS SBYOR BA SPREL PA NA LUS THAMS CAD NYE BAR LEN PA'I GNAS SU GYUR PA NYID NI KHAMS GSUM CHAR NA YIN PAR RIG PAR BYA STE, RANG GI SDE PA NI KHAMS GSUM CHAR NA YANG YID KYI RNAM PAR SHES PA KHO NAS NYID MTSAMS SBYOR RO ZHES BYA BAR LOG PAR RTOGS PAR BYA BA'I PHYIR RO, ,THUN MONG MA YIN PA'I RNAM GRANGS BRJOD PA RDZOGS SO,, ,,THUN MONG GI DBANG DU MDZAD @314A *, ,NAS; DE NI SEMS ZHES KYANG BYA STE ZHES BYA BA LA SOGS PA SMOS SO, ,DE LA KHYAD PAR NI 'DI YOD DE THEG PA CHEN PO LAS NI RE 'GA' NI RNAM PAR SHES PA BRGYAD NI TSOGS SEMS DANG YID DANG RNAM PAR SHES PA ZHES BYA BA'I SGRA SBYOR LA, RES 'GA' NI SEMS ZHES BYA BA'I SGRA NI GTZOR KUN GZHI RNAM PAR SHES PA KHO NA LA, YID CES BYA BA'I SGRA NI NYON MONGS PA CAN GYI YID LA RNAM PAR SHES PA ZHES BYA BA'I SGRA NI RNAM PAR SHES PA DRUG LA'O, ,NYAN THOS KYI THEG PA LAS NI SGRA 'DI GSUM CHAR YANG GTZOR RNAM PAR SHES PA DRUG KHO NA LA SBYOR RO ZHES BRJOD CING 'DI RNAMS KYI NGES PA'I TSIG DBYE BA YANG 'DI SKAD DU BRJOD DE, SOGS PAS NA SEMS SO, ,RTOGS PAS NI YID DO, ,RNAM PAR SHES PAS NA RNAM PA SHES PA'O, ,YANG NA DUS KYI BYE BRAG YIN TE MA 'ONGS PA NI SEMS SO, ,'DAS PA NI YID DO, ,DA LTAR BYUNG BA NI RNAM PAR SHES PA'O, ,YANG NA BYED PA'I BYED BRAG YIN TE, RING DU 'GRO BA NI SEMS SO, ,SNGON DU 'GRO BA NI YID DE CHOS THAMS CAD NI YID SNGON DU 'GRO BA CAN NO ZHES 'BYUNG BA'I PHYIR RO, ,NYID MTSAMS SBYOR BA'I BYED PA'I BYE BRAG GIS RNAM PAR SHES PA STE, 'DU BYED KYI RKYEN GYIS RNAM PAR SHES PA'O ZHES 'BYUNG BA'I PHYIR RO, ,YANG NA BSTAN PA'I BYE BRAG YIN TE, KHAMS BSTAN PAR NI SEMS TE, SEMS KYI KHAMS BDUN ZHES 'BYUNG BA'I PHYIR RO, ,SKYE MCHED BSTAN PAR NI YID DE YID KYI SKYE MCHED CES 'BYUNG BA'I PHYIR RO, ,PHUNG PO BSTAN PAR NI RNAM PAR SHES PA STE, RNAM PAR SHES PA'I PHUNG PO ZHES BSTAN PA'I PHYIR RO, ,YANG NA LDAN PA MA YIN PA'I MING GI BYE BRAG YIN NO, ,YANG NA SGRA TZAM ZHIG THA DAD PAR ZAD DO ZHES ZER TE, DE THAMS CAD NI RUNG BA MA YIN NO, ,DE LA RE ZHIG SOGS PAS NA SEMS SO ZHES SMRAS PA GANG YIN PA, GAL TE RANG GI NUS PA STZOGS PA YIN NA NI SEMS LAS BYUNG BA RNAMS DANG GZUGS LA YANG THAL PAR 'GYUR RO, ,'ON TE 'BRAS BU STZOGS PAS SO ZHE NA, LAS KHO NA YIN PAR 'GYUR TE, LAS KYANG KUN GZHI RNAM PAR SHES PA MED PAR MI SOGS SO ZHES 'CHAD PAR 'GYUR RO, ,DE BZHIN DU GAL TE RNAM PAR SHES PA GANG YIN PA DE NYID RTOGS PA YIN NO ZHES BYA NA NI SGRA TZAM ZHIG THA DAD PAR 'GYUR PA 'BA' ZHIG TU ZAD KYI RGYU MTSAN NI MA YIN NO, ,'ON TE GZHAN ZHIG LA @314B BYA'O ZHEN DE YANG MA BSHAD DO, ,RNAM PAR SHES PAS NA RNAM PAR SHES PA ZHES BYA BA NI KHAS LEN PA NYID DO, ,BCOM LDAN 'DAS KYIS GRE SKYES KYI MDO LAS GSUNGS PA'I PHYIR RO, ,DE BZHIN DU MA 'ONGS PA NI SEMS SO ZHES BYA BA JI LTAR NA SEMS ZHES BYA, GAL TE SEMS LAS BYUNG BA'I TSIGS BSAGS NAS DA LTAR GYI DUS SU 'ONG BAS SO ZHE NA, DE NI RNAR MI 'ONG STE MA 'ONGS PA MED PA'I PHYIR DANG BYED PA MED PA'I PHYIR RO, ,DE BZHIN DU 'DAS PA YANG JI LTAR YID YIN, GAL TE MTSUNGS PA DE MA THAG PA'I RKYEN GYI DNGOS POS 'BRAS BU 'BYIN BA DANG 'DZIN PAR NUS PA'I PHYIR YIN LA DE YANG YANG DAG PA NYID KHO NAR KHAS LEN NA KHYIM BYA SHI BA YANG SKAD 'BYIN PAR 'GYUR BAS DE NI RNAR MI 'ONG STE, RNAM PAR SHES PA NI DA LTAR BYUNG BA YIN PAR KHAS LEN PA NYID DO, ,DE BZHIN DU BYED PA'I BYE BRAG LA YANG THAG RING PO 'DZIN PA'I PHYIR SEMS YIN NA SEMS LAS BYUNG BA DAG LA YANG THAL BAR 'GYUR RO, ,YID SNGON DU 'GRO BA ZHES BYA BA 'DI LA YANG GNAS SKABS GANG NA LAS BYED PA DE'I SNGON ROL NA DNGOS SU YID MA YIN TE 'DAS PA MED PA'I PHYIR RO, ,NYID MTSAMS SBYOR BA YANG 'JUG PA'I RNAM PAR SHES PAS MI SRID KYI KUN GZHI RNAM PAR SHES PAS NI SRID DO ZHES STON PAR 'GYUR RO, ,DE BZHIN DU SEMS KYI KHAMS BDUN ZHES BYA BA YANG SEMS KYI SGRA SNGA MA BZHIN DU BRTAG MI BZOD DO, ,SKYE MCHED BSTAN PAR YANG YID KYI SGRA SKYE MCHED DU MI SRID PA'I PHYIR DANG 'DAS PA YANG MED PA'I PHYIR RO, ,DE BZHIN DU PHUNG PO BSTAN PAR RNAM PAR SHES PA ZHES BYA BA'I SGRA 'BYUNG BAR BRJOD DE, PHUNG PO LA SOGS PA NI GANG ZAG GDAGS PA'I RGYU YIN LA, GDAGS PA'I RGYUR YANG DA LTAR GYI RNAM PAR SHES PA RUNG NGO ZHES 'DON TO, ,DE YANG 'THAD PA MA YIN TE, 'DAS PA LA SOGS PAS THA DAD PA LA RNAM PAR SHES PA'I PHUNG POR 'BYUNG BA'I PHYIR RO, ,GDUL BA 'GA' ZHIG LA RNAM GRANGS 'GA' ZHIG GIS YID CHES PAR BYA BA'I PHYIR DANG, SO SO YANG DAG PAR RIG PA BSKYED PA'I PHYIR MING GI SGRA TZAM ZHIG THA DAD PAR KHAS LEN PA NYID YIN NA RNAM GRANGS THA DAD PA DE NYID RGYU MTSAN GANG GIS YIN PA NI MA SGRAS PAS DE YANG RUNG BA MA YIN NO, ,DE LTA BAS NA THEG PA CHEN PO PA RNAMS KYI CI LTA BA DE LTAR NA BZANG STE, GANG GI TSE RNAM PAR SHES PA @315A *, ,BRGYAD CAR GYI TSOGS LA BYA BA DE'I TSE NI KUN GZHI'I RNAM PAR SHES PA NI SOGS PAS NA SEMS SO, ,NYON MONGS PA CAN GYI YID NI DON SEMS PAS NA SEMS SO, ,RNAM PAR SHES PA DRUG GI TSOGS NI SNA TSOGS LA DMIGS PA'I PHYIR SEMS SO, ,RNAM PAR SHES PA'I TSOGS BRGYAD CAR YANG MTSUNGS PA DE MA THAG PA'I DON TAM, RTOGS PA'I DON GYIS GDAGS PA'I SGO NAS YID YIN NO, ,RNAM PAR SHES PA'I TSOGS BRGYAD CAR YANG YUL SO SOR RNAM PAR RIG PA'I DON GYIS RNAM PAR SHES PA YIN NO, ,GANG GI TSE GTZOR BYA BA DE'I TSE NI SNA TSOGS PA'I PHYIR DANG DON SEMS PA'I PHYIR KUN GZHI'I RNAM PAR SHES PA KHO NA SEMS YIN GYI GZHAN NI MA YIN TE, RGYU GSUM MI SRID PA'I PHYIR RO, ,DUS RTAG TU GSAL BA'I RNAM PAR RLOM PA'I PHYIR NYON MONGS PA CAN GYI YID KHO NA YID YIN GYI GSAL BA'I PHYIR KUN GZHI'I RNAM PAR SHES PA YANG MA YIN LA, RGYUN 'CHAD PA'I PHYIR RNAM PAR SHES PA GZHAN DAG KYANG MA YIN NO, ,SNA TSOGS GSAL BA'I NAM PA CAN YIN PA'I PHYIR 'JUG PA'I RNAM PAR SHES PA KHO NA RNAM PAR SHES PA YIN GYI, MI GSAL BA'I PHYIR KUN GZHI'I RNAM PAR SHES PA YANG MA YIN LA SNA TSOGS CAN MA YIN PA'I PHYIR NYON MONGS PA CAN GYI YID KYANG MA YIN NO, ,DE LA GTZOR SEMS LA BRTEN NA SEMS ZHES KYANG BYA STE ZHES BYA BA SMOS SO, ,KHYAD PAR NYID DU NA YANG KHUNGS BCOM LDAN 'DAS KYIS SEMS DANG YID DANG RNAM PAR SHES PA ZHES JI SKAD GSUNGS PA LTA BU'O ZHES BYA BA SMOS SO, ,DE LA GTZOR NI SEMS KUN GZHI'I RNAM PAR SHES PA KHO NA YIN PAR STON PAR 'GYUR RO, , YID NI KHYAD PAR DU BSTAN PA'I PHYIR, DE LA YID NI RNAM PA GNYIS TE ZHES BYA BA SMOS SO, ,DE MA THAG PA'I RKYEN BYED PAS GNAS SU GYUR PA'I PHYIR ZHES BYA BA NI ZHAR LA SPYIR YID KUN RDZOB PA DE STON PAR MDZAD PA YIN NO, ,'DIR YANG DRUG PO KHO NA LAS 'DAS MA THAG PA GANG YIN PA DE GZUNG GI PHAN TSUN DAG TU NI MA YIN TE, LHAN CIG KYANG 'BYUNG BA'I PHYIR, ,DNGOS BSTAN PA'I PHYIR, GNYIS PA NYON MONGS PA CAN GYI YID CES BYA BA SMOS SO, ,NYON MONGS PA BZHI PO ZHES BYA BA NI KUN GZHI'I RNAM PAR SHES PA LA BDAG NYID DU 'DZIN PA'I PHYIR 'JIG TSOGS LA LTA BA'O, ,BDAG NYID DU GZUNG BA @315B GANG YIN PA DES KHENGS PAR 'GYUR PA'I PHYIR NGA'O SNYAM PA'I NGA RGYAL LO, ,GANG GIS KHENGS PAR 'GYUR BA DE LA MNGON PAR ZHEN PA'I PHYIR BDAG LA CHAGS PA'O, ,DE DAG THAMS CAD KYANG MA RIG PA LAS 'GYUR BAS MA RIG PA'O, ,DE NI RNAM PAR SHES PA KUN NAS NYON MONGS PA'I GNAS SO ZHES BYA BA NI RNAM PAR SHES PA DRUG CAR GYI YANG ZAG PA DANG BCAS PA NYID KYI GNAS YIN NO ZHES BYA BA'I THA TSIG STE, KUN NAS NYON MONGS PA ZHES BYA BA'I SGRA NI ZAG PA DANG BCAS PA'I RNAM GRANGS YIN PA'I PHYIR SKYE BA'I KUN NAS NYON MONGS PA BZHIN NO, ,DE LTAR MA YIN NA MA BSGRIBS LA LUNG DU MA BSTAN PA'I SKYE BA JI LTAR KUN NAS NYON MONGS PA YIN PAR 'GYUR, YID KYI RNAM PAR SHES PA LA LTOS NA NI 'CHAD PAR 'GYUR BA SKYED PA'I RKYEN NYID KYANG YOD DE, MTSUNGS PA DE MA THAG PA DANG, THUN MONG MA YIN PA'I PHYIR KUN NAS NYON MONGS PA'I GNAS NYID DANG POR BSTAN TO, ,YANG NYON MONGS PA CAN GYI YID JI LTAR NA ZAG PA DANG BCAS PA NYID KYI RGYU YIN ZHE NA, DE LA RE ZHIG GANG GI TSE RNAM PAR SHES PA DRUG GI TSOGS NYON MONGS PA CAN YIN PA DE'I TSE NI RANG DANG MTSUNGS PAR LDAN PA'I ZAG PA DAG KHO NA DANG LHAN CIG 'BYUNG BA'I PHYIR DE DAG ZAG PA DANG BCAS PA NYID DU GRUB NA, GANG GI TSE NYON MONGS PA CAN MA YIN PA DE'I TSE GO JI LTAR YIN, ZAG PA'I SA BON DANG 'BREL PA'I GNAS LAS SKYE BA'I PHYIR RO ZHES BRJOD PAR YANG MI NUS TE LAM GYI BDEN PA LA YANG THAL PAR 'GYUR DU 'ONG BAS SO, ,NYON MONGS PA CAN GYI YID KHAS LEN NA NI DE DANG MTSUNGS PAR LDAN PA'I ZAG PA DAG KHO NA DANG LHAN CIG 'BYUNG BA'I PHYIR ZAG PA DANG BCAS PA NYID YIN NO, ,DE LTA NA 'O NA NI 'GOG PA DANG 'JIG RTEN LAS 'DAS PA'I LAM LA SNYOMS PAR 'JUG PA'I GNAS SKABS NA KUN GZHI'I RNAM PAR SHES PA ZAG PA DANG BCAS PA NYID DU MI 'GYUR TE, DE NI DE'I TSE NYON MONGS PA RNAMS DANG LHAN CIG MI 'JUG GO ZHE NA, DE NI MA YIN TE, DE NI ZAG PA'I RGYU YIN PA'I PHYIR ZAG PA DANG BCAS PA NYID YIN NO, ,DE LA NYON MONGS PA BZHI DANG SNGAR BSTAN PA'I KUN DU 'GRO BA LNGA DANG MTSUNGS PAR LDAN PA'I PHYIR 'DI'I SEMS LAS BYUNG BA NI DGU KHO NA YIN NOM, ,YUL SO SOR NGES PA RNAMS KYI NANG @316A *, ,NAS RE ZHIG 'DUN PA NI MI 'BYUNG NGO, ,DE NI RNAM PA GSUM STE DON DU GNYER BA'I 'DUN PA DANG, 'PHRAD PA'I 'DUN PA'O, ,RE ZHIG DON DU GNYER BA'I 'DUN PA NI MA YIN TE, YID KYI YUL NI NYE BA'I PHYIR RO, ,MA BRAL BAR RNAM PAR SNANG BA'I PHYIR 'PHRAD PA'I 'DUN PA YANG MA YIN TE 'PHRAD PA'I 'DUN BA NI DNGOS PO THAG RING BA'I YUL CAN YIN PAS SO, ,MI 'BRAL BA'I 'DUN PA YANG MA YIN TE, DE NI BRAL GYIS DOGS PAS RAB TU PHYE BA YIN PA'I PHYIR LA NYON MONGS PA CAN GYI YID LA NI DE MED PA'I PHYIR RO, ,MOS PA YANG MI 'BYUNG STE, NGES PA'I BDAG NYID KYI MOS PA NI THE TSOM RNAM PAR CHAD PA SNGON DU 'GRO BA CAN YIN PA'I PHYIR DANG YUL NYAMS SU MYONG BA CAN YIN PA'I PHYIR LA, YID NI NGO BO GCIG PA NYID DU 'JUG PA'I PHYIR THE TSOM YANG MI SRID LA DA LTAR BYUNG BA'I YUL CAN YIN PA'I YANG PHYIR RO, ,DRAN PA YANG YUL NYAMS SU MYONG BA CAN YIN PA'I PHYIR MA YIN TE, NYON MONGS PA CAN GYI YID NI SKAD CIG RE RE LA SNGON MED PA'I RDZAS LA DMIGS PA'I PHYIR RO, ,TING NGE 'DZIN YANG MA YIN NO, ,CI'I PHYIR TE 'DI LTAR BRTAG PAR BYA BA'I DNGOS PO LA SEMS RTZE GCIG PA NYID DO ZHES BSHAD PA, 'DI LA YANG BRTAG PAR BYA BA'I DNGOS PO YANG YOD LA RTZE GCIG PA NYID KYANG YOD DE KUN GZHI'I RNAM PAR SHES PA LA DMIGS PA'I PHYIR RO ZHE NA, DE NI MA YIN TE GANG LA RNAM PAR G-YENG BA YOD PA LAS SEMS KYIS SEMS MNYAM PAR 'JOG PA DE LA TING NGE 'DZIN YOD NA, NYON MONGS PA CAN GYI YID NI DE LTA BUR MNYAM PAR 'JOG PA MA YIN TE, 'KHOR BA JI SRID PAR NGO BO GCIG PA NYID DU 'JUG PA'I PHYIR RO, ,YANG NA DMIGS PA'I SKAD CIG MA SNGA MA NYAMS SU MYONG BA GANG YIN PA DE NYID LA YANG DANG YANG DU 'BYUNG BA NI TING NGE 'DZIN DANG MTSUNGS PAR LDAN PA YIN NA NYON MONGS PA CAN GYI YID NI DE LTA BU MA YIN TE, SKAD CIG RE RE ZHING SNGON MED PA'I RDZAS LA DMIGS PA'I PHYIR RO, ,YANG NA DBANG PO GZUGS CAN GYI RNAM PAR SHES PA RNAM MA GTOGS PA MNYAM PAR MA BZHAG PA'I SEMS DANG MTSUNGS PAR LDAN PA'I SHES RAB GANG YANG RUNG BA DE THAMS CAD NI MNGON PAR RTOGS PA'I RTOG PA YIN NA, DE YANG NYON MONGS PA CAN GYI YID LA YOD DE, BDAG TU LTA BA DANG MTSUNGS PAR LDAN PA'I PHYIR @316B RO; ;MNGON PAR RTOGS PA'I RNAM PAR RTOG PAS RNAM PAR RTOG PA DANG BCAS PA'I SEMS GANG YIN PA DE NI, TING NGE 'DZIN DANG MTSUNGS PAR LDAN PAR RUNG STE, DE'I BYED PA SNANG BA'I PHYIR RO, ,SHES RAB KYANG KHAS BLANGS DGOS PA NYID DE BDAG TU LTA BA DANG MTSUNGS PAR LDAN PA'I PHYIR RO, ,RTZA BA'I NYON MONGS PA BCU PO'I NANG NAS DE LAS GZHAN PA'I LTA BA RNAMS DANG NI MTSUNGS PAR MI LDAN TE, SHES RAB GZHAN DANG MTSUNGS PAR MI LDAN PA'I PHYIR RO, ,RNAM GRANGS KYIS MTSUNGS PAR LDAN PA YANG MA YIN TE, DE LAS RNAM PAR BRTAGS PA NYID KYI LTA BA GSUM PO GANG DAG YIN PA DE DAG NI MTSUNGS PAR MI LDAN TE YID NI BSGOM PAS SPANG BAR BYA BA YIN PA'I PHYIR RO, ,BSGOM PAS SPANG BAR BYA BA MTHAR 'DZIN PA DANG YANG MTSUNGS PAR MI LDAN TE, BDAG TU 'DZIN PA SNGON DU 'GRO BA CAN YIN PA'I PHYIR RO, ,NYON MONGS PA CAN GYI YID NI NGO BO GCIG PA YIN PA'I PHYIR BDAG NYID DU BZUNG NAS RTAG PA NYID DU 'DZIN PAR NUS PA MA YIN NO, ,BDAG TU LTA BA RNAM PA GNYIS LAS KYANG BDAG GI'I RNAM PA CAN DE MI SRID DE, BDAG TU LTA BA SNGON DU 'GRO BA CAN YIN PA'I PHYIR RO, ,ZHE SDANG NI MI DGA' BA'I RNAM PA CAN YIN PA'I PHYIR LA, YID NI DGA' BA'I RNAM PA CAN DU 'JUG PA'I PHYIR RO, ,DGA' BA'I RNAM PA CAN NYID YIN YANG SEMS PA'I TSOR BA CAN NI MA YIN TE, GANG DU SKYES PA DE'I 'O GZHAN ZHES 'BYUNG BA'I PHYIR REG PA LA SOGS PA JI LTAR SKABS SU BAB PA DAG KHO NA BSGRES PA'I PHYIR RO, ,'ON TE TSOR BA GZHAN YANG YOD NA NI KHYAD PAR DU BYAS PAR 'GYUR RO, , MI RUNG BA'I YANG PHYIR TE, YID BDE BA DANG MI LDAN TE KUN BRTAGS PA'I DBANG GIS 'BYUNG BA'I PHYIR RO, ,YID NI MNGON PAR RTOGS PA'I RNAM PAR RTOG PA YOD KYANG GTI MUG PA'I RNAM PA CAN GYIS YONGS SU RTOG PA NI MED DO, ,BDE BA YANG MA YIN TE, RTAG TU YOD PA'I NYES PAR THAL BAR 'GYUR BA'I PHYIR RO, ,'O NA BTANG SNYOMS PA YIN NA JI LTAR DGA' BA'I RNAM PA CAN YIN ZHE NA, BDAG LA CHAGS PA DANG MTSUNGS PAR LDAN PA'I PHYIR RO, ,THE TSOM YANG DNGOS PO GNYIS SU BYED PA'I YUL CAN NYID KYIS SHES RAB KHO NA LA BTAGS PA YIN NA, DE DANG YANG MI LDAN TE, YID NI RIGS @317A *, ,GCIG PA'I RNAM PA CAN YIN PA'I PHYIR RO, ,RIGS GCIG PA'I RNAM PA CAN NYID KYIS RE ZHIG MA RIG PA DANG MTSUNGS PAR LDAN PAR MI RUNG NA, 'DOD CHAGS LA SOGS PA PHAN TSUN DU GO JI LTAR ZHE NA, 'DIR SDE PA'I GSUNGS RAB KYI LUGS LTA BUR DGONGS PA NI MA YIN GYI 'DIR NI 'JUG PA'I RNAM PAR SHES PA RNAMS LA YANG 'DOD CHAGS LA SOGS PA MI 'GAL BA RNAMS PHAN TSUN MTSUNGS PAR LDAN PAR ZHAL GYIS BA ZHES SO, ,RTZA BA'I NYON MONGS PA 'DI DAG NI MA RIG PA MED PAR NYON MONGS PA GZHAN DANG MTSUNGS PAR LDAN PA YANG MA YIN TE, MA RIG PA YANG RTZA PA'I NYON MONGS PA YIN PA'I PHYIR RTZA BA'I NYON MONGS PA MA YIN PA DANG 'DRA'O, ,NYE BA'I NYON MONGS PA RNAMS LAS KYANG KHRO BA DANG RNAM PAR 'TSE BA DANG, KHON DU 'DZIN PA DANG, PHRAG DOG DANG, 'TSIG PA GANG DAG YIN PA DE DAG NI MI DGA' BA'I RNAM PAR 'JUG PA'I PHYIR DANG, KHA PHYIR BLTAS PA'I PHYIR MTSUNGS PAR MI LDAN NO, ,RGYAGS PA DANG SGYU DANG G-YO DANG 'CHAB PA DANG SER SNA DAG NI, 'DOD CHAGS DANG GTI MUG GI CHAR GTOGS PA NYID YIN YANG KHA PHYIR BLTAS PA'I PHYIR RO, ,NGO TSA MED PA DANG KHREL MED PA DAG NI GCIG TU MI DGE BA YIN PA'I PHYIR RO, ,SHES BZHIN MA YIN PA NI KHA PHYIR BLTAS PA'I PHYIR RO, ,RNAM PAR G-YENG BA NI NGAR 'DZIN CING NGA'O SNYAM PA'I NGA RGYAL GYI GNAS NGAN LEN GYI G-YENG BA YIN PA'I PHYIR MTSUNGS PAR LDAN NO, ,BAG MED PA NI 'DOD CHAGS DANG GTI MUG GI CHAR GTOGS PA'I PHYIR RO, ,RGOD PA NI 'DOD CHAGS KYI CHAR GTOGS PA'I PHYIR RO, ,MA DAD PA DANG LE LO DANG RMUGS PA RNAMS GTI MUG GI CHAR GTOGS PA'I PHYIR RO, ,YANG NA MTSUNGS PAR MI LDAN PA NYID DE 'DOD CHAGS LA SOGS PA NI SNGAR GSAL BA'I RNAM PAR ZHUGS PA YIN LA, DE'I RJES LA SHAS KYIS BRI BAR ZHUGS PA NA NYE PA'I NYON MONGS PA RNAMS ZHES GDAGS NA, ,YID LA NI DE LTA BU MI SRID DE, NGO BO GCIG PA NYID DU ZHUGS PA'I PHYIR RO, ,BRJED NGAS PA YANG MA YIN TE, 'DRES PA'I DNGOS PO LA DMIGS PA'I PHYIR RO, ,GNYID KYANG MA YIN TE GZUGS DANG GZUGS MED PA'I KHAMS DANG 'GAL BA'I @317B PHYIR RO; ;'GYOD PA YANG MA YIN TE, MI DGA' BA'I RNAM PA CAN YIN PA'I PHYIR RO, ,RTOG PA DANG DPYOD PA DAG KYANG MA YIN TE TSOL BA DANG, SO SOR RTOG PA'I RNAM PA CAN YIN PA'I PHYIR RO, ,YID 'DI NI LUNG SIL BU'I MDO LAS DE NI NYON MONGS PA RNAMS LAS NGES PAR GROL PAR MA GYUR MI 'GYUR RO, , ZHES BYA BA LA SOGS PA 'BYUNG BA DANG, DGONGS PA NGES PAR 'GREL PA LA SOGS PA'I MDO LAS KYANG GRUB PO, ,RIGS PAS KYANG BSGRUB PAR MI RIG PA MA 'DRES PA ZHES BYA BA LA SOGS PA SMOS SO, ,MA 'DRES PA NI MA RIG PA RANG DBANG CAN YIN GYI, RTZA BA'I NYON MONGS PA GZHAN DANG MTSUNGS PAR MI LDAN PAS NI MA YIN TE, KHRO BA LA SOGS PA DANG MTSUNGS PAR LDAN PA YANG DER THAL BAR 'GYUR DU 'ONG BAS SO, ,NYON MONGS PA DANG NYE BA'I NYON MONGS PA THAMS CAD DANG MTSUNGS PAR MI LDAN PAS DER THAL BAR 'GYUR BA MA YIN TE, DE MED PAR THAL BA NYID DU 'GYUR BAS SO, ,DE LTA BAS NA RTZA BA'I NYON MONGS PA DANG MTSUNGS PAR LDAN PA DANG, DE LAS GZHAN PA'I SEMS DANG SEMS LAS BYUNG BA'I TSOGS LAS YANG RDZAS GZHAN DANG MA 'DRES PA'I PHYIR RANG DBANG CAN NI MA 'DRES PA YIN GYI, THUN MONG MA YIN PA'I DON GYIS NI MA YIN TE, RNAM PAR SHES PA GZHAN DANG MTSUNGS PAR LDAN PAS, DER THAL BAR 'GYUR DU 'ONG BAS SO, ,'DI NI SDE PA DAG GI LTAR NA RNAM PA GCIG KHO NA STE, 'JUG PA'I RNAM PAR SHES PA DANG MTSUNGS PAR LDAN PA BDEN PA MTHONG BA'I GAGS BYED PA YIN TE, DE NI MTHONG BAS SPANG PAR BYA BA YIN PA'I PHYIR RO, ,THEG PA CHEN PO'I LTAR NA NI RNAM PA GNYIS TE DUS NGES PAR KUN DU 'BYUNG BA'I PHYIR, 'JUG PA'I RNAM PAR SHES PA DANG MTSUNGS PAR LDAN PA NI GCIG GO, ,GNYIS PA NI DUS THAMS CAD DU KUN DU 'BYUNG BA'I PHYIR 'CHAD PAR 'GYUR BA'I SGRUB PAS RAB TU GRUB PA YIN NO, ,DE NI 'JUG PA'I RNAM PAR SHES PA RNAMS LA MA YIN TE, DE RNAMS NI RGYUN 'CHAD PA'I PHYIR, YANG KHYAD PAR DU DPYAD PAR BYA STE RE ZHIG RNAM PAR SHES PA'I TSOGS LNGA LA NI MA YIN TE, ,GANG NA MI MTHUN PA YOD PA DE NA GNYEN PO YOD PA'I PHYIR RO, ,NYON MONGS PA CAN GYI YID LA YANG GNYEN PO MED PA'I PHYIR DE MED PAR THAL BAR 'GYUR BA MA YIN NAM ZHE NA, @318A *, ,DE NI MA YIN TE 'DI NI SGRUB PA MA YIN GYI 'ON KYANG 'DI NI MA BSLABS PA SDE PA DAG GIS KHAS BLANGS PA SUN 'BYIN PA YIN NO, ,GAL TE PHA ROL PO RNAM PAR SHES PA'I TSOGS LNGA LA YANG MA 'DRES PA YOD DO ZHES SMRA BAR BYED NA, DE LA BRJOD PAR BYA STE, RNAM PAR SHES PA GANG LA MTHONG BA'I LAM YOD PA DE LA MI MTHUN PA'I PHYOGS YOD PAR KHYOD KYIS KHAS BLANGS NA RNAM PAR SHES PA'I TSOGS LNGA LA NI LAM MED DE DE KHA PHYIR BLTAS PA'I PHYIR RO, ,YANG NA GANG LA ZHES BYA BA NI YUL DANG SBYAR RO, ,YUL BDEN PA BZHI'I NGO BO NYID GANG LA GNYEN PO YOD PA DE KHO NA LA DE'I DMIGS PA NYID DU DE'I MI MTHUN PA'I PHYOGS MTHONG BAS SPANG BAR BYA BA YOD NA, RNAM PAR SHES PA'I TSOGS LNGA NI MA YIN TE KHA PHYIR BLTAS PA'I PHYIR RO, ,RANG GI LTA BAS KYANG TSIG 'DI LA 'DI LTAR DRANG STE, GANG LA ZHES BYA BA 'DI NI YUL DU GYUR PA DE GZHAN NYID DANG SBYAR RO, ,DE LA YANG BSTAN PA'I PHYIR KUN GZHI'I RNAM PAR SHES PA LA DE DANG 'BREL PAR STON TO, ,DE NYID LA NYON MONGS PA CAN GYI RNAM PAR SHES PA DANG MTSUNGS PAR LDAN PA'I MA RIG PA YANG YOD DE, KUN GZHI'I RNAM PAR SHES PA LA BDAG MED PAR MTHONG PA'I GAGS SU GYUR PA'I PHYIR RO, ,GNAS SKABS DANG YANG SBYAR TE, GNAS SKABS GANG NA MTHONG BA'I LAM GYI SKAD CIG MA DANG PO YOD PA'I GNAS SKABS DE NA SRANG MDA'I MTHON DMAN BZHIN DU MI MTHUN PA'I PHYOGS CHOS KYI MCHOG RNAMS DANG LHAN CIG 'GAG PA YIN NA 'DI THAMS CAD NI RNAM PAR SHES PA'I TSOGS LNGA LA MI SRID DE, GCIG TU MNYAM PAR MA BZHAG PA YIN PA'I PHYIR RO, ,DUS THAMS CAD DU KUN DU 'BYUNG BA DE NYID KYI RNAM PAR SHES PA LA YANG RUNG BA MA YIN TE, GCIG LA CHOS GNYIS RANG DBANG CAN MI SRID PA'I PHYIR RE ZHIG 'DOD CHAGS LA SOGS PA SEMS LAS BYUNG BA RANG DBANG CAN LA NI MA YIN NO, ,NYON MONGS PA CAN MA YIN PA LA YANG MA YIN TE, DE DANG 'GAL BA'I PHYIR NA, CHE CHUNG GI RIM PAS SBYOR PA'I LAM BSGOM PA NYAMS PAR 'GYUR BA'I YANG PHYIR RO, ,DES NA SHUGS KYIS GANG LA DUS THAMS CAD DU KUN DU 'BYUNG BA DE YOD PAR 'GYUR BA RNAM PAR SHES PA GZHAN BDUN PA KHAS BLANG DGOS TE, DE NI NYON MONGS PA CAN GYI YID YIN NO, ,DE LA NI MA RIG PA DANG RANG DBANG CAN YOD DE DE'I STOBS KYIS DE DANG @318B MTSUNGS PAR LDAN PA 'DOD CHAGS LA SOGS PA DRANGS PA'I PHYIR RO, ,'JUG PA'I RNAM PAR SHES PA RNAMS LA NI, SNGAR KUN DU RMONGS PA LA DE LAS GZHAN PA'I NYON MONGS PA 'BYUNG BA'I PHYIR SNGAR SPYAD PA GTZO BO YIN PA'I PHYIR DE'I 'OG TU 'DOD CHAGS LA SOGS PA DANG MTSUNGS PA LDAN NA RES 'GA' RANG DBANG CAN MA YIN PAR YANG 'GYUR RO, ,LNGA PO DAG DANG 'DRA BA MED PA'I SKYON DU YANG 'GYUR TE ZHES BYA BA NI RI ZHIG BYE BRAG TU SMRA BA RNAMS KYI LTAR RNAM PAR SHES PA'I TSOGS LNGA'I RTEN NI MIG LA SOGS PA LHAN CIG SKYE BA YIN NO, ,DMIGS PA NI GZUGS PA LA SOGS PA'O, ,MTSUNGS PA DE MA THAG PA'I RTEN NI YID 'DAS PA KHO NA YIN NO, ,YID KYI RNAM PAR SHES PA'I RTEN NI YID 'DAS PA KHO NA YIN NO, ,DMIGS PA NI DUS GSUM DANG DUS KYIS MA BSDUS PA YIN NO, ,GNAS BRTAN PA RNAMS KYI LTAR NA RNAM PAR SHES PA'I TSOGS LNGA'I THAMS CAD BYE BRAG TU SMRA BAS BSHAD PA BZHIN NO, , YID KYI RNAM PAR SHES PA'I LHAN CIG SKYE BA'I RTEN NI SNYING GI PHYOGS KYI BU GA GCIG DANG GNYIS DANG GSUM DANG BZHI NAS BU GA DGU'I BAR YIN NO, ,DMIGS PA NI SNGA MA BZHIN NO, ,DGE 'DUN PHAL CHEN SDE RNAMS KYI LTAR NA YANG RNAM PAR SHES PA'I TSOGS LNGA'I RTEN NI TSUL DE DANG 'DRA'O, ,LHAN CIG SKYE BA'I RTEN GZHAN NI RTZA BA'I RNAM PAR SHES PA YIN NO, ,YID KYI RNAM PAR SHES PA'I LHAN CIG SKYE BA'I RTEN NI DE KHO NA YIN NO, ,MTSUNGS PA DE MA THAG PA'I RKYEN NI SNGA MA BZHIN NO, ,SA STON SDE RNAMS KYI LTAR NA RTZA BA'I RNAM PAR SHES PA ZHES BYA BA'I SGRA BTANG STE 'KHOR BA JI SRID PA'I PHUNG PO ZHES BYA BA'I SGRA SBYAR BAR BYA'O, ,GZHAN THAMS CAD NI DE KHO NA DANG 'DRA'O, ,MDO SDE PA RNAMS KYI LTAR NA RNAM PAR SHES PA'I TSOGS LNGA LA DBANG PO DANG DON DAG NI SNGA LA, RNAM PAR SHES PA NI 'PHYI STE MI GSAL BAS DE DAG GA DBANG GIS SKYE BA'I PHYIR RO, ,MTSUNGS PA DE MA THAG PA'I RKYEN NI SNGA MA BZHIN NO, ,YID KYI RNAM PAR SHES PA'I RTEN NI YID 'DAS MA THAG PA KHO NA YIN NO, ,'DI NI GSAL BA'I PHYIR SKYE BA YUL GYIS BYAS PA'I NGES PA NI MED DO, ,DMIGS PA NI SNGA MA BZHIN NO, ,RNAM PAR SHES PA'I TSOGS DRUG CAR GYI YANG RGYU'I RKYEN NI DBANG PO GZUGS CAN LA @319A *, ,YOD PA DANG, SEMS LA YOD PA'I SA BON YIN NO, ,BDAG PO'I RKYEN NI MA YIN TE, BYE BRAG TU SMRA BA'I SROG GI DBANG PO LA SOGS PA LTA BUR DE 'GYUR BA'I RJES SU BYED PA MED PA'I PHYIR RO, ,'DIR NI RNAM PAR SHES PA'I TSOGS LNGA'I RTEN DANG DMIGS PA DAG NI BYE BRAG TU SMRA BA DANG 'DRA'O, ,SA BON GYI RTEN GYI DNGOS PO NI LHAN CIG SKYE BA YIN NO, ,YID KYI RNAM PAR SHES PA'I YANG DMIGS PA NI DE DANG 'DRA'O, ,YID 'DAS MA THAG PA YANG SNGA MA BZHIN NO, ,BDAG PO'I RKYEN LHAN CIG SKYE BA NI NYON MONGS PA CAN GYI YID YIN NO, ,DE LA 'DIR BYE BRAG TU SMRA BA RNAMS LA BRJOD PAR BYA STE, 'JUG PA'I RNAM PAR SHES PA NYID DU MTSUNGS PA LAS CI'I PHYIR RNAM PAR SHES PA DRUG PA'I RTEN 'DAS MA THAG PA KHO NA YIN GYI, RTEN LHAN CIG SKYE BA NI MA YIN, RNAM PAR SHES PA DRUG PA NI RTEN 'DAS PA CAN KHO NA MA YIN TE 'JUG PA'I RNAM PAR SHES PA YIN PA'I PHYIR MIG LA SOGS PA'I RNAM PAR SHES PA YIN NO ZHES BYA BA'I RJES SU DPAG PAS GNOD DO, ,DGE 'DUN PHAL CHEN SDE RNAMS DANG SA STON SDE RNAMS KYI LTAR NA RTZA BA'I RNAM PAR SHES PA DANG 'KHOR BA JI SRID PA'I PHUNG PO ZHES BYA BA RNAM PAR SHES PA DRUG CHAR GYI THA MI DANG PA'I RGYU YIN PA DE DAG LA YANG BRJOD PAR BYA STE, YID KYI RNAM PAR SHES PA NI RTEN THUN MONG CAN KHO NA MA YIN TE, 'JUG PA'I RNAM PAR SHES PA YIN PA'I PHYIR DE DAG BZHIN NO, ,GANG DAG GI SNYING GI PHYOGS THUN MONG MA YIN PAR RTOG PA DE DAG GI LTAR NA YANG SEMS LAS BYUNG BA'I TSOR BA NYID NYAMS PAR 'GYUR TE, RDUL PHRA RAB BSAGS PA LA BRTEN PA'I PHYIR THAMS CAD LUS KYI KHO NA YIN PAR 'GYUR RO, ,RJES SU DPAG PAS KYANG 'GAL TE 'DOD PA DANG GZUGS KYI KHAMS KYI YID KYI RNAM PAR SHES PA'I RTEN NI GZUGS CAN MA YIN TE, YID KYI RNAM PAR SHES PA YIN PA'I PHYIR GZUGS MED PA'I KHAMS NA SPYOD PA'I YID KYI RNAM PAR SHES PA BZHIN NO, ,MDO SDE PA LA YANG BRJOD PAR BYA STE, LHAN CIG CES BYA BA'I SGRA DE MA THAG BRJOD PAR BYED PA LA BRTEN NAS, LHAN CIG CES BYA BA'I SGRA DE MA THAG PA LA YANG MTHONG STE, DPER NA BYAMS PA ZHES BYA BA LA SOGS PA LTA BU'O, ,DE LA YANG @319B DMIGS KYIS BSAL BA NI BYA DGONGS SO, ,CI'I PHYIR RTEN LHAN CIG SGYE BA KHO NA MA YIN ZHE NA, 'GOG PA'I SNYOMS PAR 'JUG PA LA SOGS PA LAS LDANG BA'I TSE MTSUNGS PA DE MA THAG PA'I RKYEN LHAN CIG SKYE BA MA YIN PA'I PHYIR RO, ,RANG GI GZHUNG LUGS GYIS KYANG BRJOD PAR BYA STE, YID KYI RNAM PAR SHES PA NI SKYE BA'I RTEN RANG GI MING GIS NYE BAR MTSON PA'I SKYE MCHOD THUN MONG MA YIN PA CAN YIN TE, RGOL BA LA RAB TU GRAGS PA'I 'JUG PA'I RNAM PAR SHES PA'I KHONGS SU GTOGS PA'I RNAM PAR SHES PA YIN PA'I PHYIR MIG GI RNAM PAR SHES PA BZHIN NO, ,DE LA SKYE BA'I RTEN CES BYA BA'I SGRA NI, KUN NAS NYON MONGS PA'I RTEN RNAM PAR GCAD PA'I PHYIR TE, DE NI DRUG CAR LA YANG KHYAD PAR MED PA'I PHYIR RO, ,MDO SDE PA LA DPE GRUB PAR BYA BA'I YANG PHYIR TE, LHAN CIG SKYE BA'I RTEN SMOS NA NI, DER SNANG BA NYID YIN PAR 'GYUR RO, ,THUN MONG MA YIN PA SMOS PA NI, MTSUNGS PA DE MA THAG PA'I RTEN RNAM PAR DPYAD PA'I PHYIR DANG, RTZA BA'I RNAM PAR SHES PA LA SOGS PA RNAM PAR DPYAD PA'I YANG PHYIR TE, DE NI DE DAG GIS SA BON GYI KHYAD PAR MED PAR YANG RNAM PAR SHES PA'I TSOGS DRUG CAR GYI YANG THUN MONG GI RTEN NYID DU BRTAGS SO, ,RANG GI MING GIS NYE BAR MTSON PAR ZHES SMOS PA NI GNAS BRTAN PAS RAB TU BRTAGS PA SNYING GI PHYOGS RNAM PAR DPYAD PA'I PHYIR RO, ,DE NI MING GIS NYE BAR MTSON PA MED DE, YID KYI RNAM PAR SHES PA LA YID CES BYA BA'I SGRAR BRJOD PA MED PA'I PHYIR RO, ,'ON TE DE NYID YID YIN NO ZHES ZER NA SKYE MCHED CES SMOS PAS DE RNAM PAR DPYAD DO, ,DE NYID SKYE MCHED YIN NO ZHES BRJOD PAR YANG MI NUS TE, DGE SLONG YID NI MANG GI SKYE MCHED DE GZUGS CAN MA YIN PA BSTAN DU MED PA, THOGS PA MED PA'O ZHES BYA BA LA SOGS PA'I LUNG GIS GNOD PA'I PHYIR RO, ,'JUG PA'I RNAM PAR SHES PA'I KHONG SU GTOGS PA ZHES BRJOD NA, YANG RNAM PAR SHES PA ZHES BRJOD PA NI RNAM PAR SHES PA'I PHUNG PO YIN PAR BSTAN PAS LDAN PA MA YIN PA RNAM PAR DPYOD PA'I PHYIR RO, ,PHYIR RGOL BA LA GRAGS PA DMYAL BA'I SRUNG MA LA SOGS PA'I YID KYI RNAM PAR SHES PAS MA NGES PA YANG MA YIN TE, GTAN TSIGS RGOL BA LA @320A *, ,GRAGS PA NYID KYIS KHYAD PAR DU BYAS PA'I PHYIR DE DANG 'DRA BA MA YIN NO, ,LHAN CIG SKYE BA'I RTEN NYON MONGS PA CAN GYI YID KYI NGO BO NYID LA SOGS PA MTHA' YAS PA BSGRUB PAR BYA BA DANG 'GAL BA'I CHOS 'GRUB PA DANG 'GAL BA KHAMS GZHAN NA GNAS PA'I SEMS CAN GYI YID KYI RNAM PAR SHES PA DANG SEMS CAN GYI TSOGS GSUM PAS BSDUS PA RNAMS KYIS KYANG MA NGES PA'I PHYIR RO, ,DE NI KHAMS GZHAN DU GTOGS PAS KHYAD PAR DU BYAS PAS 'GRUB PA YANG MA YIN TE, SEMS CAN GYI TSOGS GSUM PAS BSDUS PA DAG KHO NAS MA NGES PA'I PHYIR RO, ,YANG DAG PAR RDZOGS PA'I SANGS RGYAS 'DAS PA'I YID KYI RNAM PAR SHES PA'I PHYOGS SU BYAS PA'I PHYIR 'GAL BA RANG LA RTEN MA GRUB PA'I PHYIR RO, ,ZAG PA DANG BCAS PA NYID KHYAD PAR DU BYED NA NI, CHOS THAMS CAD LA REG PA'I PHYIR SGRUB PA SGRUB PA'I NYES PA DANG LDAN NO, ,'JIG RTEN LAS 'DAS PA'I SNYOMS PAR 'JUG PA SLOB PA'I GNAS SKABS KYI YID KYI RNAM PAR SHES PAS MA NGES PA YANG MA YIN TE, DE'I TSE YANG YID GYUR PA GNAS PA'I PHYIR RO, ,DGONGS PA NGES PAR 'GREL PA'I MDO LAS NI, RES 'GA' NI GCIG DANG STE GANG GI TSE YID DANG ZHES 'BYUNG BA'O, ,RES 'GA' NI GNYIS DANG STE, YID DANG YID KYI RNAM PAR SHES PA DANG ZHES 'BYUNG BA'I PHYIR RO, ,GAL TE YANG DE'I TSE GYUR PA YANG YID MA YIN PA ZHIG TU GYUR NA NI 'DI YANG YID MA YIN PAR 'GYUR LA, 'DI SKAD DU RES 'GA' NI GCIG DANG STE GANG GI TSE YID KYI RNAM PAR SHES PA DANG ZHES KYANG BSHAD PAR 'GYUR RO, ,GZHAN YANG BRGYA LA BA LA SOGS PA LA 'JUG PA'I RNAM PAR SHES PA'I TSOGS YUL LA RAG LAS TE SKYE BA RNAMS DE MI NYE BA'I PHYIR RGYUN 'CHANG NGO ZHES BYA BA NI RIGS NA, YID 'KHOR BA JI SRID PAR RIGS GCIG PA DANG DMIGS PA NYE BA KUN GZHI RNAM PAR SHES PA LAS 'BYUNG BA GO JI LTAR RGYUN 'CHANG, YID DE YANG KHA CIG NA RE GNAS SKABS DE NA ZAG PA MED PA YIN TE, 'DI LTAR NYON MONGS PA CAN GANG YIN PA DE NI 'PHAGS PA'I LAM LA SNYOMS PAR 'JUG PAS RGYUN KUN DU MI 'BYUNG BAS SA BON GYI GNAS SKABS PAR 'JOG GO ZHES ZER RO, ,ZAG PA MED PA NI THOG MA MED PA'I RANG GI RIGS LAS @320B BDAG MED PA MNGON SUM DU BYAS PA'I 'PHAGS PA'I LAM BZHIN DU KUN GZHI RNAM PAR SHES PA DANG 'BYUNG NGO, ,YANG ZAG PA MED PA LAS LANGS PA LA ZAG PA DANG BCAS PA'I SEMS PA MNGON DU GYUR BA'I TSE NYON MONGS PA CAN KHYAD PAR MED PA GANG YIN PA SKYE BAR 'GYUR RO, ,'ON TE SLOB PA'I GNAS SKABS NA SA BON BCOM PA'I PHYIR NAM YANG NYON MONGS PA CAN GYI YID MED NA NI ZAG PA MED PA KHO NA 'BYUNG STE, DE NYID KYI PHYIR DGRA BCOM PA NI BYA BA THAMS CAD LA SPYOD PA RAB TU ZHI BA'O ZHES 'BYUNG NGO, ,KHA CIG NA RE ZAG PA DANG BCAS PA STE, 'DI LTAR NUS PA GNYIS DANG LDAN PA'I PHYIR PO ZHES ZER RO, ,CIG CAR BDAG MED PA GNYI GA MTHONG BA'I GAGS SU GYUR PA'I MA RIG PA GANG YIN PA DE LA BRTEN NAS THAG PA'I SRID KYI DBYIBS LA RTOG PA SNGON DU 'GRO BA CAN GYI SPRUL DU RAB TU RTOGS PA BZHIN DU NYON MONGS PA CAN GYI YID DANG MTSUNGS PAR LDAN PA'I LTA BA CIG CAR CHOS DANG GANG ZAG TU RAB TU RTOG PAR BYED PAR 'BYUNG NGO, ,'JIG RTEN LAS 'DAS PA'I LAM SKYES NA NI, 'PHAGS PA NYAN THOS GANG ZAG LA BDAG MED PA MTHONG BA'I PHYIR GANG ZAG TU SGRO 'DOGS PA MED PAR YID DE CHOS RNAMS LA MI GSAL BA DANG SGRO 'DOGS PA'I NGO BO NYID GTI MUG DANG LTA BA DANG MTSUNGS PAR LDAN PAR 'BYUNG NGO, ,NYON MONGS PA CAN MA YIN PA DE YANG NYAN THOS KYI 'BRAS BU LA GAGS MI BYED PA'I PHYIR DANG, 'DOD PA'I 'BRAS BU'I RGYU YIN PA'I PHYIR DANG, MYA NGAN LAS 'DAS PA THOB PAR BYED PA YIN PA'I PHYIR TE, DON DAM PA MA YIN PA'I PHYIR DGE BA NI MA YIN NO, GZHAN YANG LAS LAS SKYES PA YIN YANG SPYOD LAM PA DANG SPRUL PA PA NYID DU MI RUNG BA NYID KYIS MA BSGRIBS LA LUNG DU MA BSTAN PA'I PHYIR RNAM PAR SMIN PA LAS SKYES PA NYID DU BSHAD DO, ,ZAG PA RNAMS DANG LHAN CIG SKYE BA DANG 'GAG PAS RANG GI SA BON YONGS SU RGYAS PA'I SGO NAS 'BYUNG BA'I PHYIR ZAG PA DANG BCAS PA YIN NO, ,CHOS NYON MONGS PA CAN MA YIN PA LA CHAGS PA DANG NGA RGYAL DAG DANG YANG MTSUNGS PAR LDAN NO, ,DE NYID KYI PHYIR 'PHAGS PA NYAN THOS KHA CIG LA NYON MONGS PA LAS BYUNG BA LTAR BU'I SBYOD PA SNANG STE, DE NI BAG CHAGS ZHES BYA'O, , @321A *, ,'ON TE GAL TE BYANG CHUB SEMS DPA' BYANG CHUB TU YONGS SU BSNGO BA'AM NGES PA'I RIGS CAN ZHIG YIN PAR GYUR NA NI, GNAS SKABS DE NA BDAG MED PA GNYIS MNGON SUM PA'I ZAG PA MED PA KHO NA 'BYUNG NGO, ,LHAN CIG 'BYUNG BA'I RTEN ZHES BYA BA NI, BYE BRAG TU SMRA BA'I PHYOGS LTAR NA LHAN CIG CES BYA BA'I SGRA CIG CAR YIN PAR BSHAD PAR BYA'O, ,MDO SDE PA'I PHYOGS LTAR NA NI, ,DE MA THAG PA YIN TE BYAMS PA DANG LHAN CIG PAR GYUR PA ZHES BYA BA BZHIN NO, ,JI LTAR CIG CAR RAM DE MA THAG TU YANG RUNG MIG LA SOGS PA'I SKYE BA'I RTEN LHAN CIG SKYE BA THUN MONG MA YIN PA LTAR; YID KYI RNAM PAR SHES PA'I YANG DE DANG 'DRA'O ZHES BYA'I THA TSIG GO, ,NGES PA'I TSIG MED PA'I SKYON DU YANG 'GYUR RO ZHES BYA BA 'DI NI SUN 'BYIN PA YIN NO, ,GZHAN GYIS NGES PA'I TSIG YANG DAG PA NYID DU KHAS BLANGS PA GANG YIN PA DE NI 'JUG PA'I RNAM PAR SHES PA RNAMS LA MI RUNG GI NYON MONGS PA CAN GYI YID LA NI RUNG STE DE NI GONG DU BSTAN ZIN TO, ,'DU SHES MED PA DANG 'GOG PA'I SNYOMS PAR 'JUG PA ZHES BYA BA NI, 'GOG PA DANG 'DU SHES MED PA'I SNYOMS PAR 'JUG PA DAG GO, ,KHA CIG NI SO SOR BRTAGS PAS 'GOG PA'I KHYAD PAR GYI RANG GI NGO BO SEMS DANG SEMS LAS BYUNG BA MI SKYE BA TZAM KHO NA YIN PAR 'DOD DO, ,KHA CIG NI SEMS DANG LDAN PA MA YIN PA'O, ,KHA CIG NI RTEN GYI SEMS DANG SEMS LAS BYUNG BA DANG 'GOG PA'I GNAS SKABS DANG, 'GAG PA NA SEMS DANG SEMS LAS BYUNG BA 'JUG PAS DRANGS PA'I BAG CHAGS TE, LANGS PA YANG DE DANG LDAN PA'I PHYIR, RNAM PAR THAR PA BRGYAD DANG LDAN PA ZHES BYA BA SNANG BA'I PHYIR RO, ,DE LA 'DU BYED KYI PHUNG PO'I ZHES SMOS PA'I PHYIR DANG, LDAN PA MA YIN PA RNAMS KYANG BSAL PA'I PHYIR YONGS SU RTOG PA DANG PO DANG GNYIS PA SPANGS SO, ,RTOG PA GZHAN GNYIS LAS KYANG 'GOG PA'I SNYOMS PAR 'JUG PA LAS 'DU SHES MED PA'I SNYOMS PAR 'JUG PA SBYOR BA LA SOGS PA'I KHYAD PAR YOD KYANG 'DU SHES MED PA'I SNYOMS PAR 'JUG PA NI NGAR 'DZIN PA'I NGA'O SNYAM PA'I NGA RGYAL DANG, BDAG LA CHAGS PA KUN DU 'BYUNG BA'I PHYIR MA ZHI BA NYID YIN NO, ,DE GNYIS @321B 'PHAGS PA DANG 'PHAGS PA MA YIN PA'I RGYUD KYI KHYAD PAR GZHAN YANG 'DOD DE, 'PHAGS PA RNAMS KYIS G-YANGS BZHIN DU YONGS SU SPANGS PA'I PHYIR RO, ,SNYOMS PAR 'JUG PA GNYI GA LA SEMS DANG SEMS LAS BYUNG BA NYE BAR ZHI BA KHYAD PAR MED PA'I PHYIR JI LTAR 'DIR 'GYUR, DE LTA BAS NA NYON MONGS PA CAN GYI YID KHAS BLANG DGOS TE, DE 'GAGS PA'I PHYIR 'GOG PA'I SNYOMS PAR 'JUG PA ZHI BA NYID YIN LA, DE MA 'GAGS PA'I PHYIR 'DU SHES MED PA'I SNYOMS PAR 'JUG PAR NGAR 'DZIN PA DANG NGA'O SNYAM PA'I NGA RGYAL DANG, BDAG LA CHAGS PA KUN DU 'BYUNG BA'I PHYIR MA ZHI BA NYID YIN NO, ,DE LTA MA YIN NA 'DI GNYIS LA 'PHAGS PA DANG 'PHAGS PA MA YIN PA'I RGYUD KYIS BYAS PA'I KHYAD PAR YOD PAR MI 'GYUR RO, ,'DU SHES MED PA PAR ZHES BYA BA LA SOGS PA NI GAL TE NYON MONGS PA CAN GYI YID MED NA, CI'I PHYIR 'PHAGS PA RNAMS 'DU SHES MED PA PA NYON MONGS PA CAN MA YIN PA MI KHOM PAR SKYE BA'I GNAS NYID KYIS SPONG BAR MDZAD, 'JUG PA'I RNAM PAR SHES PA NYE BAR ZHI BA TZAM NI MI KHOM PA'I GNAS MA YIN TE 'GOG PA'I SNYOMS PAR 'JUG PA BZHIN NO, ,NYON MONGS PA CAN GYI YID YOD NA NI NGAR 'DZIN PA LA SOGS PA KUN DU 'BYUNG BAS PHYIN CI LOG GIS YUN RING MO ZHIG TU GNAS DGOS PAS MI KHOM PA'I GNAS NYID DU 'GYUR RO, ,DUS THAMS CAD DU ZHES BYA BA LA SOGS PA NI NGA SBYIN PA SBYIN NO, ,NGA SROG CHAGS GSOD DO, ,NGA RI MO 'DRI'O ZHES NGAR 'DZIN PA DGE BA LA SOGS PA'I SEMS MNGON DU GYUR PA'I DUS NA KUN DU 'BYUNG BAR GRAGS SO, ,NGAR 'DZIN PA KUN DU 'BYUNG BA DANG, SKAD CIG MA THA DAD PA LAS DUS THA DAD PA NYID CHA PHRA BA'I PHYIR 'KHRUL PAS DGE BA LA SOGS PA'I SEMS DANG DUS MNYAM PA NYID DU YONGS SU BZUNG BAR ZAD PA MA YIN NAM ZHE NA, MA YIN TE NGAR 'DZIN PA NI GDON MI ZA BAR DUS THAMS CAD DU KUN DU 'BYUNG NGO ZHES BYA BAR KHAS BLANG DGOS SO, ,DE LTA MA YIN NA JI LTAR DGE BA DANG LUNG DU MA BSTAN PA DAG ZAG PA DANG BCAS PA NYID YIN, RE ZHIG RANG GI RGYUD LA YOD PA'I ZAG PA LA DMIGS PA NYID KYIS NI MA YIN TE, DE'I GNAS SKABS NA DE DAG 'DAS PA NYID @322A *, ,DANG; MA 'ONGS PA NYID KYIS MED PA'I PHYIR RO, ,MED PA NI ZAG PA RNAMS RGYAS PAR YANG MI 'GYUR RO, ,GZHAN GYI RGYUD LA YOD PA'I ZAG PA LA DMIGS PA NYID KYIS KYANG MA YIN TE PHYI'I DMIGS PA BTZAL PA'I PHYIR RO, ,BDAG PO TZAM GYIS YIN NA NI ZAG PA MED PA LA THAL BAR 'GYUR RO; ;YANG NA ZAG PA MED PA LA MI DMIGS PA'I PHYIR RTAG TU 'GYUR RO, ,DE DANG RIGS MTHUN PA NYID KYIS YIN NA NI NYE BAR BTAGS PA'I SKYON DU 'GYUR RO, ,ZAG PA DANG BCAS PA'I SA BON DANG 'BREL PA NYID KYIS KYANG MA YIN TE, LAM GYI BDEN PA LA YANG THAL BA'I NYES PAR 'GYUR PA'I PHYIR RO, , NYON MONGS PA CAN GYI YID YOD NA NI ZAG PA DANG BCAS PA LHAN CIG 'BYUNG BA'I PHYIR ZAG PA DANG BCAS PA NYID DU 'GRUB BO, ,GZHAN DU NA ZHES BYA BA LA SOGS PA LA BYE BRAG TU SMRA BA'I PHYOGS LTAR NA NGAR 'DZIN PA BSGRIBS LA LUNG DU MA BSTAN PA YIN PA'I PHYIR DE JI LTAR MI DGE BA'I SEMS LA KUN DU 'BYUNG, MDO SDE PA'I PHYOGS DANG RANG GI PHYOGS LTAR NA NGAR 'DZIN PA DANG NGA'O SNYAM PA'I NGA RGYAL LHAN CIG SKYE BA DAG BSGRIBS PA KHO NA LA KUN DU 'BYUNG BA'I PHYIR DE DAG JI LTAR MI DGE BA'I SEMS LA KUN DU 'BYUNG BA MA YIN NAM ZHE NA, DE NI MA YIN TE, MI DGE BA NI 'DIR DGE BA'I MI MTHUN PA YIN NO, ,BSGRIBS PA YANG YIN TE RNAM PAR SMIN PA MI 'DOD PA CAN YIN PAR DGONGS PA NI MA YIN NO, ,BYE BRAG TU SMRA BA'I LTA BUR NGAR 'DZIN PA DANG NGA'O SNYAM PA'I NGA RGYAL DU GRAGS PA GANG YIN PA DE NI RANG GI PHYOGS LTAR NA KUN BRTAGS PA KHO NA LA YIN TE, MI DGE BA'I SEMS KHO NA LA 'BYUNG BAS MI DGE BA'I SEMS ZHES SMOS SO, ,LHAN CIG 'BYUNG BAR KUN DU 'BYUNG BA DANG ZHES BYA BA NYON MONGS PA CAN GYI YID DANG MTSUNGS PAR LDAN PA'I NGAR 'DZIN PA DANG, MTSUNGS PAR LDAN PAR KUN DU 'BYUNG BA LA ZHES BYA BA 'JUG PA'I RNAM PAR SHES PA DGE BA DANG MTSUNGS PAR LDAN PA YIN NA NYES PA 'DI DAG DU MI 'GYUR TE, DUS THAMS CAD DU NGAR 'DZIN PA KUN DU 'BYUNG BA MED PA'I NYES PA'O, ,GZHAN DAG NI MTSUNGS PAR LDAN PAR KUN DU MI 'BYUNG BA LA ZHES BYA BAR 'DOD DE, TSIG DE GNYIS NI DON RNAM PA DRUG CAR GYI MJUG SDUD PA YIN NO, ,NYON MONGS PA CAN @322B GYI YID YOD NA NI NGAR 'DZIN PA LA SOGS PA 'JUG PA'I RNAM PAR SHES PA DRUG DANG LHAN CIG KUN DU 'BYUNG BAR 'GYUR GYI DE DAG DANG MTSUNGS PAR LDAN PA NI MA YIN NO, ,LHAN CIG 'BYUNG BAR KUN DU 'BYUNG BA ZHES BSHAD NA MTSUNGS PAR LDAN PAR YANG 'GYUR BAS MTSUNGS PAR LDAN PAR KUN DU MI 'BYUNG BA LA ZHES BYA BA SMOS SO, ,KUN DU 'BYUNG BA NI SKAD CIG MA THA DAD PAR YANG YIN PAS LHAN CIG 'BYUNG BAR KUN DU 'BYUNG BA ZHES BYA BA SMOS SO, ,NYON MONGS CAN GYI YID MED NA ZHES BYA BA LA SOGS PA'I TSIGS SU BCAD PAS NI TSIGS SU BCAD PA GNYIS BSHAD PA'I DON NYID SDUD PA YIN NO, ,GNYIS MED CES BYA BA NI MA RIG PA MA 'DRES PA DANG, LNGA PO DANG 'DRA BA'O, ,GSUM PO 'GAL BAR 'GYUR ZHES BYA BA NI SNYOMS PAR 'JUG PA'I KHYAD PAR DAG DANG, NGES PA'I TSIG DANG, NGAR 'DZIN PA'I SKYE BA DANG GSUM MO, ,MA RIG PA MA 'DRES PA NI MI BRTAN PA DANG BRTAN PA STE, MI BRTAN PA NI YID KYI RNAM PAR SHES PA DANG MTSUNGS PAR LDAN PA KHO NA YIN TE, KHA NANG DU BLTAS PAS RANG DBANG CAN YIN PA'I PHYIR RO, ,DE YANG MTHONG BAS SPANG BAR BYA BA KHO NA YIN NO, ,GANG ZHIG NYON MONGS PA CAN GYI YID SGRUB PA'I PHYIR GONG DU NYE BAR BKOD PA GANG YIN PA DE NI BSTAN PA DANG BSGOM PAS SPANG PAR BYA BA YANG YIN NO, ,DA NI DE CHOS MNGON PA'I MDO LAS GSUNGS PA'I TSIGS SU BCAD PAS STON PAR BYED DO, ,THEG PA CHEN PO SANGS RGYAS KYI GSUNG YIN PA NYID DU GONG DU RAB TU BSGRUBS PA'I PHYIR SIL BU'I MDO'I TSIGS SU BCAD PA, LHAN CIG TU NI SKYE ZHING 'GAG ,CES BYA BA LA SOGS PA CI'I PHYIR NYE BAR MA BKOD CE NA, 'DI LAS MA RIG PA DNGOS SU MA BSTAN PA'I PHYIR RO, ,DE LA YANG DAG PA NYID DON YIN TE, 'PHAGS PA'I BDEN PA BZHI'I NGO BO NYID YIN NO, ,DE LA DMIGS PAR BYED PA NYID DU SEMS 'JUG PA'O, ,BGEGS SU RTAG GYUR PA NI JI SRID ZAG PA DANG BCAS PA'I SEMS KUN DU 'BYUNG BA'I BAR DU'O, ,DE NI BYE BRAG TU SMRA BA RNAMS DANG MDO SDE PA RNAMS KYI LTAR NA RES 'GA' MNGON DU MI 'GYUR YANG THOB PA DANG SA BON GYI SGO NAS YANG DAG PAR MTHONG BA'I BGEGS SU GYUR PAS DUS THAMS CAD DU KUN DU 'BYUNG BA YIN NO @323A *, ,ZHES BYA STE, GANG GI PHYIR MNGON SUM DU GYUR PA BZHIN DU BGEGS SU GYUR PA DE'I TSE DUS THAMS CAD DU 'BYUNG BA YIN PAR KHAS BLANG BAR BYA'O ZHE'O, ,THOB PA NI RE ZHIG DE GSAL BA'I PHYIR DANG SNGA MA DANG PHYI MAR YANG KHYAD PAR MED PA'I PHYIR BGEGS SU GYUR PA MA YIN PAR YANG RIGS NA, SA BON GO JI LTAR DE 'DI LTAR DE MA NYAMS PA NI YANG DAG PAR MTHONG BA'I BGEGS SU GYUR PA YIN LA SDUG BSNGAL LA CHOS SHES PA'I BZOD PA'I SKAD CIG LA NYAMS PA NI DE'I BGEGS SU GYUR PA MA YIN NO, ,DE NYID KYI PHYIR SLOB PA LA SA BON NYAMS PA YOD PA'I PHYIR SPRIN DANG BCAS PA'I NYIN MO GZUGS MTHONG BA BZHIN DU CHOS MTHONG BA YIN LA MI SLOB PA'I NI SPANGS PA'I PHYIR SPRIN MED PA'I NYIN MO GZUGS MTHONG BA BZHIN DU CHOS MTHONG BA YIN NO, ,YANG NA MTHONG BAS SPANG BAR BYA BA'I MI SHES PA NYID NYON MONGS PA CAN GYI GNAS SKABS DANG DGE BA ZAG PA DANG BCAS PA DANG LUNG DU MA BSTAN PA'I GNAS SKABS NA MNGON DU GYUR PA DANG, SA BON GYI SGO NAS YANG DAG PAR MTHONG BA'I GAGS SU GYUR PA YIN NO, ,DE 'GAGS NA NI MUN PA 'GAGS NA SNANG BA 'BYUNG BA BZHIN DU YANG DAG PAR MTHONG BA 'BYUNG STE, DE'I PHYIR MA RIG PA'I KHYAD PAR GZHAN BRTAG PAR MI BYA'O ZHE NA, DE NI RIGS PA MA YIN TE GANG ZHIG MI GSAL PA'I NGO BO NYID KYI SGRIB PA'I BDAG NYID YIN PA DE NI YANG DAG PA MTHONG BA'I GAGS SU GYUR PA YIN NO, ,MUN PA MNGON DU GYUR PA NI SGRIB PA'I BDAG NYID YIN GYI SA BON GYI GNAS SKABS NI MA YIN TE PHYI'I MUN PA DANG CHOS MTHUN PAS SO, ,PHYI'I MUN PA'I SA BON NI MTHONG BA'I BGEGS BYED PAR GRAGS PA YIN NO, ,SA BON NI MNYAMS PA DANG NYAMS PA RANG GI 'BRAS BU SKYE BA DANG MI SKYE BA LA BYA BA BYED KYI, RIGS GZHAN GYI BGEGS BYED PA LA NI MA YIN NO, ,SKAL PA MNYAM PA'I RGYU MA BSAGS PA NYID DANG, BSAGS PA NYID KYIS YONGS SU MA RGYAS PA'I PHYIR DANG, YONGS SU SMIN PA'I PHYIR SPRIN DANG BCAS PA DANG, SPRIN MED PA'I NYIN MO GZUGS MTHONG BA BZHIN DU SLOB PA DANG MI SLOB PA'I LTA BA DAG GIS CHOS MTHONG BA YIN GYI SA BON BGEGS SU GYUR @323B PA'I PHYIR NI MA YIN NO, ,'O NA NI MI DGE BA'I SA BON YONGS SU MA RGYAS PA DANG YONGS SU RGYAS PA DE NYID LAS YANG DAG PA MA MTHONG BA DANG MTHONG BAR 'GYUR RO ZHE NA, DE NI MA YIN TE MI SHES PA KUN DU 'BYUNG BA'I GNAS SKABS PA KHO NA MTHONG BA'I BGEGS BYED PA YIN NO ZHES DE NI BSHAD ZHIN TO, , BGEGS BYED PA MED NA NI, DGE BA ZAG PA DANG BCAS PA'I SEMS PA CHUNG NGUS KYANG YANG DAG PAR MTHONG BA'I PHYIR NYON MONGS PA ZAD PAR 'GYUR RO, ,DE LTAR BAS NA RTAG TU KUN DU 'BYUNG BA'I MI SHES PAS KHAS BLANG BAR BYA'O, ,DE YANG RNAM PAR SHES PA GZHAN MED PA MA YIN TE, DGE BA DANG LUNG DU MA BSTAN PA'I GNAS SKABS NA DE MI SRID PAR THAL PAR 'GYUR PA'I PHYIR RO, ,DE'I PHYIR NYON MONGS PA CAN GYI YID NI GRUB PA YIN NO, ,NYON MONGS PA CAN YIN PA'I PHYIR ZHES BYA BA LA SOGS PAS NYON MONGS PA CAN NYID GYI YANG DAG PA MTHONG BA LA SGRIB PA'I PHYIR BSGRIBS PA STE; GZUGS DANG GZUGS MED PA NA SPYOD PA'I NYON MONGS PA BZHIN DU DUS THAMS CAD DU LDAN PA'I PHYIR RO, ,DUS THAMS CAD DU LDAN PA NYID NI KHA NANG DU BLTAS PA NYID KYIS PHRA BA'I PHYIR MI 'GAL PAS SO, ,DGE BA DANG MI 'GAL PA'I PHYIR LUNG DU MA BSTAN PA YIN TE, DPER NA GZUGS DANG GZUGS MED PA NA SPYOD PA'I NYON MONGS PA ZHI GNAS DANG MTHUN PA LUNG DU MA BSTAN PA DE DANG 'DRA'O, ,ZHAR LA 'ONGS PAR RDZOGS SO,, ,,DKYUS MA NYID KYI DBANG DU MDZAD NAS SEMS KYI LUS GSUM PA ZHES BYA BA SMOS TE, BSTAN PA'I SGO NAS GSUM PA NYID MA YIN GYI 'ON KYANG BSHAD PA'I SGO NAS YIN NO, ,KUN GZHI'I RNAM PAR SHES PA MA GTOGS PAR ZHES BYA BA NI, 'JUG PA'I RGYU MTSAN THUN MONG MA YIN PA'I DBANG DU MDZAD NAS GSUNGS PA YIN NO, ,SEMS ZHES BYA BA NI RNAM PAR SHES PA LAS GZHAN PA'I DON RJOD PAR BYED PA YIN TE, SEMS DANG YID DANG RNAM PAR SHES PA ZHES BYA BA'I TSIG 'DI'I PHYOGS GCIG YIN PA'I PHYIR, DPER NA BSGRUBS PA'I YID CES BYA BA DANG 'DRA'O, ,GTAN TSIGS DE NYID KYI PHYIR YID KYANG DON GZHAN RJOD PAR BYED PA YIN TE, RNAM PAR SHES PA ZHES BYA BA BZHIN NO, ,KUN GZHI'I RNAM @324A *, ,SHES PA GRUB PA DE CIR DGOS SHE NA, DE'I PHYIR SA BON THAMS CAD PA DE LAS YID DANG RNAM PAR SHES PA 'BYUNG NGO ZHES BYA BA SMOS SO, ,DA NI CHOS KYI BAG CHAGS KYI SA BON BSAGS PA RNAMS KYIS ZHES BYA BA LA SOGS PAS RGYU MTSAN THUN MONG MA YIN PA DE STON TO, ,SNA TSOGS NYID DANG SEMS PA NI THUN MONG MA YIN PA'I PHYIR NYE BAR MA BKOD DE, GANG TSE SEMS ZHES BYA BA'I SGRA SEMS DANG SEMS LAS BYUNG BA DANG SEMS DANG LDAN PA MA YIN PA ZHES BYA BA DE LTA BU LA SOGS PA LA SBYOR BA DE'I TSE NI RGYU MTSAN THUN MONG LA BRTEN TO, ,YANG CI'I PHYIR ZHES BYA BA NI THEG PA CHEN PO'I THUN MONG MA YIN PA'I RNAM GRANGS STON PA YIN NO, ,SHES BYA PHRA MO BSDU BA'I PHYIR, ,ZHES BYA BA NI SHES BYA NI RNAM PA GNYIS TE, PHRA MO DANG RAGS PA'O, ,PHRA MO NI SPYI'I MTSAN NYID KYI SGO NAS CHOS LA BDAG MED PA DANG, RANG GI MTSAN NYID KYI SGO NAS SHES PAR DKA' BA NYID KYIS KUN GZHI'I RNAM PAR SHES PA'O, , RAGS PA NI SPYI'I MTSAN NYID KYI SGO NAS GANG ZAG LA BDAG MED PA DANG, RANG GI MTSAN NYID KYI SGO NAS GZUGS LA SOGS PA'O, ,DE LA NYAN THOS RNAMS NI SPYI'I MTSAN NYID DANG RANG GI MTSAN NYID RAGS PA THOS PA DANG BSAMS PA DAG GIS GOMS PAR BYAS NAS GO RIMS BZHIN DU 'PHAGS PA'I LAM DANG DE'I RJES LA THOB PA'I SHES PAS MNGON SUM DU BYA BAR NUS TE, DE'I PHYIR DE RNAMS LA DE KHO NA BSTAN TO, ,DE'I PHYIR ZHE NA, SHES PA NI ZHAR YIN PA'I PHYIR LA MYA NGAN LAS 'DAS PA NI GTZO BO YIN PA'I PHYIR RO, ,DE NYID SHES BYA THAMS CAD SHES PA LA RTOGS PA MA YIN NO ZHES BYA BAS STON TE, DE BAS NA DE DAG NI BLO MI GSAL BA'I PHYIR SHES BYA THAMS CAN SHES PAS RTOGS PAR BYA BA'I PHYIR ZHUGS BA MA YIN GYI RAGS PA KHO NA SHES PAR NUS PA DE TZAM GYIS DE DAG GI RNAM PAR GROL BA 'GRUB PA'O, ,DE'I PHYIR DE DAG NI ZHES BYA BA LA SOGS PAS NI DON DE NYID STON TO, ,BYANG CHUB SEMS DPA' RNAMS NI ZHES BYA BA LA SOGS PA NI MED NA MED PA YIN PA'I PHYIR LA THAMS CAD MKHYEN PA'I YE SHES NI GTZO BO YIN PA'I PHYIR RO, ,NUS PA YANG YOD LA DON DU YANG GNYER BA'I PHYIR SHES BYA THAMS CAD SHES PA LA GTOGS PA YIN NO, ,DE'I PHYIR 'PHAGS @324B PA'I LAM GYIS SPYI'I MTSAN NYID RAGS PA DANG PHRA MO DANG, DE'I RJES LA THOB PA'I YE SHES KYIS RANG GI MTSAN NYID RAGS PA DANG PHRA MO MNGON SUM DU BYAS NAS DGOS PA'I GTZO BO MA THOB PAR 'KHOR BA NYID NA YONGS SU RGYU'O, ,DE BAS NA DE'I PHYIR DE DAG LA DE BSTAN TE ZHES BYA BA LA SOGS PA SMOS TE, 'DI LTAR GANG KHO NA THOS PA DANG BSAMS PA DAG GIS YUL DU BYAS PA DE KHO NA PHYIS MNGON SUM DU BYED DO, ,NYAN THOS KYI THEG PA DANG THUN MONG MA YIN PA'I DBANG DU MDZAD NAS, YANG ZHES BYA BA LA SGOS PA SMOS TE, THAMS CAD YOD PAR SMRA BA RNAMS KYI YIN NO, ,KUN GZHI LA KUN DU DGA' BA ZHES BYA BA LA SOGS PA TSIG BZHI NI RNAM GRANGS TZAM DU ZAD DE, DBANG PO RTUL PO RNAMS KYIS RTOGS PAR BYA BA'I PHYIR RAM, GDUL BA 'GA' ZHIG RNAM GRANGS 'GA' ZHIG GIS DON GRAGS PA RTOGS PAR BYA BA'I PHYIR RAM, GDUL BA RNAMS LA SO SO YANG DAG PAR RIG PA'I SA BON BSKYED PA'I PHYIR RO, ,YANG NA KUN GZHI LA KUN DU DGA' BA ZHES BYA BA NI BSTAN PA YIN NO, ,LHAG MA NI DUS KYI KHYAD PAR GYIS DE'I BSHAD PA YIN NO, ,'DAS PA DANG DA LTAR BYUNG BA DANG MA 'ONGS PA'I YUL GYI KHYAD PAR GYIS GO RIMS BZHIN NO, ,YANG NA 'DOD PA DANG GZUGS DANG, GZUGS MED PA'I BYE BRAG GIS TSIG GSUM GO RIMS BZHIN DU DE'I BSHAD PA YIN NO, ,YANG NANG NA SONG GI 'GRO BA DANG LHA MA YIN GYI 'GRO BA DANG, LHA'I 'GRO BA LAS BRTZAMS NAS TSIG GSUM GO RIMS BZHIN DU BSHAD PA YIN NO, ,GO RIMS BZHIN DU 'PHEN PAR BYED PA DANG RDZOGS PAR BYED PA, YI DAGS DANG LHA'I 'GRO BAS BSDUS PA DAG GIS MNGON PAR 'GRUB PA'I PHYIR LHA MA YIN GYI 'GRO BA GZHAN DU RNAM PAR GZHAG GO, ,YANG NA MNGAL NAS SKYE BA DANG SGO NGA LAS SKYE BA DANG DROD GSHER LAS SKYE BA DANG, RDZUS TE SKYE BA'I SKYE GNAS KYI DBANG DU MDZAD NAS TSIG BZHI GO RIMS BZHIN NO, ,YANG NA 'DOD PA NA SPYOD PA DANG, GZUGS KYI SRED PA DANG, GZUGS MED PA'I SRED PA DANG, 'JIGS PA'I SRED PA LAS BRTZAMS NAS SO, ,YANG NA PHYIN CI LOG BZHI LAS BRTZAMS NAS SO, ,NYAN 'DOD LA ZHES BYA BA LA SOGS PA TSIG BZHI NI, SKYES BU DAM PA LA BRTEN PA DANG, THOS PA DANG, BSAMS @325A *, ,BA DANG; BSGOMS PA LAS BYUNG BA'I SHES RAB KYI DBANG DU MDZAD NAS GO RIMS BZHIN NO, ,DE LA SKYES BU DAM PA LA BRTEN PA NI GSUM GYI SBYOR BA YIN NO, ,YANG NA THOS PA LAS BYUNG BA'I SHES RAB KYI KHYAD PAR YIN NO, ,YANG NA BSNYEN BKUR BYED PA'I GNAS SKABS NA SKYES NAS THOB PA'I SHES RAB YIN NO, ,CHOS KYI RJES SU MTHUN PA'I CHOS ZHES BYA BA LA CHOS NI BDEN PA MTHONG BA'O, ,RJES SU MTHUN PA'I CHOS NI DE'I SBYOR BA'I LAM MO, ,RNAM PA GCIG TU NA CHOS NI MI SLOB PA'I LAM MO, ,RJES SU MTHUN PA'I CHOS NI SLOB PA'I LAM MO, ,RNAM PA GCIG TU NA CHOS NI DON DAM PA MYA NGAN LA 'DAS PA'O, ,RJES SU MTHUN PA'I CHOS NI ZAG PA MED PA'I LAM THAMS CAD DO, ,LUNG RNAMS LAS ZHES MANG PO'I TSIG SMOS PA NI, ,LUNG MANG PO LAS 'BYUNG BA'I PHYIR RO, ,RTZA BA'I RNAM PAR SHES PA ZHES BYA BA NI YID KYI RNAM PAR SHES PA GZHAN BSTAN PA ZHIG YIN NO ZHES BYA BA DE LTAR RTOGS SO, ,DE NI KUN DU RTOG PA TZAM DU ZAD DE YID KYI RNAM PAR SHES PA'I RGYUD GZHAN NYID MI RUNG BA'I PHYI MIG GI RNAM PAR SHES PA'I RGYUD GZHAN BZHIN NO, ,RTZA BA LA BRTEN PA'I SHING LJON PA BZHIN NO ZHES BYA BA NI, DE LAS GZHAN PA'I RNAM PAR SHES PA RNAMS KYI RTZA GYUR PA'I PHYIR RO, ,'KHOR BA JI SRID PA'I ZHES BYA BA NI JI SRID 'TSO'I BAR DU 'JUG STE DPER NA SROG LTA BU'O, ,LA LA NI SKAD CIG TZAM STE DPER NA 'JUG PA'I RNAM PAR SHES PA LTA BU'O, ,KUN GZHI'I RNAM PAR SHES PA NI MYA NGAN LAS 'DAS PA'I BAR DU 'JUG GO, ,LA LAR RES 'GA' ZHES BYA BA NI GZUGS MED PA'I KHAMS DANG, 'GOG PA LA SOGS PA'I SNYOMS PAR 'JUG PA'I GNAS SKABS NA GO RIMS BZHIN DU GZUGS DANG SEMS DAG GI RGYUD 'CHAD PA MTHONG BA'I PHYIR RO, ,'DI LA DE DAG NI LDAN PA MA YIN PA'I 'DU BYED KYI KHYAD PAR ZHIG 'KHOR BA JI SRID PA YIN PA NYID DU RTOGS TE, LDAN PA MA YIN PA RNAMS BSAL BA'I PHYIR DE NI RIGS PA MA YIN NO, ,GANG SHES BYA'I GNAS ZHES BYA BA NGO BO NYID BSTAN PA DANG, LEN PA'I RNAM PA SHES PA LA SOGS PA ZHAR LA THEG PA CHEN PO'I THUN MONG @325B MA YIN PA'I RNAM GRANGS BRJOD PA DANG, NYAN THOS KYI THEG PA DANG THUN MONG GI TSIG GSUM DANG, DE NI KUN GZHI'I RNAM PAR SHES PA STE ZHES BYA BA THUN MONG MA YIN PAR BSHAD PAR BYA BA'I RNAM GRANGS BSTAN PAS NI DE MJUG SDUD PA YIN NO, ,DANG 'KHOR BA JI SRID PA'I PHUNG PO NYID CES BYA BA LA DANG ZHES BYA BA'I SGRA NI GONG MA RNAMS BSDU BA'I DON TO, ,YANG NA SDE BA GZHAN DAG 'DON PA BSDU BA'I PHYIR TE, DPER NA MANG POS BKUR BA'I SDE RNAMS MIG LA SOGS PA'I RNAM PAR SHES PA DRUG BSTAN NAS RNAM PAR SMIN PA'I RNAM PAR SHES PA STON PA LTA BU DANG, GNAS BRTAN PA RNAMS DE KHO NA BZHIN DU BSTAN NAS, SRID PA'I YAN LAG GI RNAM PAR SHES PA STON PA LTA BU STE, DE DAG KYANG RNAM PAR SHES PA DRUG LAS RIGS GZHAN DU GYUR PA'I PHYIR KUN GZHI'I RNAM PAR SHES PA YIN NO, ,LAM PO CHE BTANG BA KHO NA YIN NO ZHES BYA BA NI DPER NA RGYAL PO CHEN PO'I GSHEGS SHUL LONG BA RNAMS KYIS MI MTHONG ZHING MI NGAN PAS BGROD PAR BYA BA MA YIN PA DE BZHIN DU KUN GZHI'I RNAM PAR SHES PA SKAL BA MED PA RNAMS KYI YUL MA YIN PA'AM, DPER NA 'KHOR LOS SGYUR PA'I RGYAL PO CHEN PO GSHEGS PA SHUL GSER GYI BYE MAS G-YOGS PA DE DBANG THANG MED PA RNAMS LA MI SNANG BA LTAR 'DI YANG DE DANG 'DRA'O, ,BRTZAD PA'I DBANG DU MDZAD NAS 'DIR TSIG 'BRU THA DAD DO ZHES BYA BA SMOS SO, ,SNGAR BSHAD PA RNAM PA DRUG GI NI MING KHYAD PAR YOD PA NYID 'BA' ZHIG TU ZAD DO ZHES STON PAR BYED DE TSIG 'BRU NI MING GI RTEN YIN PA'I PHYIR RO, ,YID DANG RNAM PA SHES PA GNYIS DON THA DAD PAR DMIGS PA'I PHYIR RO ZHES BYA BA NI DE DAG GI GZHUNG LUGS NYID KYI 'DAS PA NI YID DE RGYUR GYUR PA YI PA LA DA LTAR BYUNG BA NI RNAM PAR SHES PA STE 'BRAS BUR GYUR PA YIN NO, ,DE LTAR BAS NA SEMS ZHES BYA BA'I SGRA NI RNAM PAR SHES PA LAS DON GZHAN RJOD PAR BYED PA YIN TE, TSIG DE DAG GI PHYOGS GCIG YIN PA'I PHYIR YID CES BYA BA'I SGRA BZHIN NO, ,MA 'ONGS PA SEMS YIN PAR RNAM PAR GZHAG PA YANG MI NUS TE, NGES PA'I TSIG MI SRID PA'I PHYIR RO, ,YANG NA DON THA DAD PAR DMIGS PA'I PHYIR RO ZHES BYA BA NI SNGAR BSGRUBS PA'I TSAD MA'I LUGS @326A *, ,KYIS DE SKAD DU BRJOD PA YIN NO, ,YANG KHA CIG NI ZHES BYA BA NI BTZUN PA DBYIG BSHES SO, ,NYE BAR LEN PA'I PHUNG PO LNGA PO DAG CES BYA BA NI, DE'I LTA BA LA GRAGS PA KUN GZHI'I RNAM PAR SHES PA LA MA GTOGS PA GANG DAG YIN PA'O, ,GZHAN DAG CES BYA BA NI SNGAR BTZUN PA MI'U THUNG STE, 'DOD CHAGS DANG BCAS PA ZHES BYA BA NI 'DOD CHAGS DANG MTSUNGS PAR LDAN PA'O, ,YANG NA 'DOD CHAGS DANG DUS MNYAM PA STE, PHYOGS 'DI LA NA 'DOD CHAGS LA DMIGS PAR BYED PA YANG BSDU'O, ,GZHAN DAG CES BYA BA NI BTZUN PA DBYANGS SGROGS TE, DON DE DAG GSUM CHAR YANG 'DOD CHAGS KYI RANG GIR BYED PA'I PHYIR KUN GZHI ZHES BYA'O, ,LUNG DANG ZHES BYA BA NI, DE LAS RNAM PAR PHYE STE BSTEN PA'I PHYIR RO, ,RTOGS PAS ZHES BYA BA NI SGRI'I MTSAN NYID RAGS PA RTOGS PA'I PHYIR DANG, DE'I RJES LA THOB PA'I SHES PAS RANG GI MTSAN NYID GZUGS LA SOGS PA RAGS PA KHO NA RTOGS KYI PHRA MO NI MA YIN PAS SO, ,NYAN THOS KYI THEG PA RNAM PAR GZHAG PA NI SHES BYA RAGS PA'I DBANG DU MDZAD PA YIN PAS DE DAG GI YONGS SU RTOG PA DE YANG SHES BYA RAGS PA LA ZHUGS PA RNAMS LA RUNG BA NYID DO, , CHOS BZANG NGO ZHES BYA BA NI, NYING MTSAMS SBYOR BAR BYED PA SEMS CAN THAMS CAD LA KHYAB PAR BYED PA YIN PA'I PHYIR RO, ,DE YANG GZHAN GYI LTA BA LA MI SRID PA DANG, RANG GI LTA BA LA SRID PAS SGRUB PAR MDZAD DE, 'DI LTAR ZHES BYA BA LA SOGS PA NI GZHAN GYI LTA BA LA MI SRID PAR STON PA YIN NO, ,BYE BRAG TU SMRA BA RNAMS KYI LTAR NA 'PHEN PAR BYED PA DANG RDZOGS PAR BYED PA'I LAS MI DGE BA KHO NA DMYAL BA RNAMS SU LUS 'GRUB PA'I PHYIR, ,RNAM PAR SMIN PA LAS SKYES PA'I TSOR BA SIM PA DANG BDE BA YANG MA YIN SDUG BSNGAL YANG MA YIN PA MED DE, ,MNAR MED PA LA GTOGS PA TSA BA DANG GRANG BA DAG NA NI RLUNG BSIL BA DANG DRO BA'I REG PAS RGYU MTHUN PA LAS BYUNG BA'I BDE PA YOD DO, ,YI DAGS DANG DUD 'GRO DAG NA NI, MI DGE BA KHO NAS 'PHANGS MOD KYI RES 'GA' ZHIG LA LAR RDZOGS PAR BYED PA DGE BA YIN PAS RNAM PAR SMIN PA LAS SKYES @326B PA BDE BA DANG BDE BA YANG MA YIN, SDUG BSNGAL YANG MA YIN PA YOD DO, ,DE LTA BAS NA MNAR MED PA NI SHIN TU SDUG BSNGAL BA'I NGAN 'GRO YIN NO, ,MDO SDE BA GZHAN RNAMS KYI LTAR NA, MNAR MED PA MA GTOGS PA DMYAL BA DAG NA YANG RGYU MTHUN PA LAS BYUNG BA'I BDE BA MED DE, RLUNG GI REG PAS NI SDUG BSNGAL NYE BAR ZHI BA TZAM 'BA' ZHIG TU ZAD DO, ,BDE BA YANG MA YIN SDUG BSNGAL YANG MA YIN PA NI YOD MOD KYI, MI DGA' BA'I RNAM PA CAN YIN PA'I PHYIR DE NI 'DOD CHAGS DANG MTHUN PA MA YIN NO, ,YI DGAS DANG DUD 'GRO KHA CIG NA YANG DE DANG 'DRA'O, ,DE LTA BAS NA GNYI GA LA GRAGS PA'I NYE BAR LEN PA'I PHUNG PO DE DAG LA 'DOD CHAGS KYI SBYOR BA MED DE, DE DAG DANG 'BRAL BAR 'DOD PA'I PHYIR RO, ,BSAM GTAN BZHI PA YAN CHAD CES BYA BA LA SOGS PA NI MDO SDE PA KHA CIG NI BSAM GTAN BZHI PA'I BAR LA MIG LA SOGS PA'I RNAM PAR SHES PA SRID PA'I PHYIR BDE BA DANG SDUG BSNGAL YOD LA, SRID PA'I RTZE MO'I BAR LA YID KYI RNAM PAR SHES PA SRID PA'I PHYIR YID BDE BA YOD PAR 'DOD DO, ,DE DAG GI LTA BA DE NI MTHAR GYIS SNYOMS PAR 'JUG PA BSTAN PA'I MDO LA SOGS PA DANG 'GAL BA'I PHYIR GONG MA LA MED DE ZHES BYA BA'O, ,DE DANG LDAN BA ZHES BYA BA NI, BSAM GTAN BZHI BA LA SOGS PA DANG LDAN PA'O, ,'JIG TSOGS LA LTA BA ZHES BYA BA LA 'JIG TSOGS LA LTA BA NI RNAM PA GNYIS TE, KUN BRTAGS PA DANG LHAN CIG SKYES PA'O, ,KUN BRTAGS PA GANG YIN PA DE NI SLOB PA RNAMS KYI NI SPONGS PA'I PHYIR LA, SBYOR BA'I LAM LA GNAS PA'I SO SO'I SKYE BO RNAMS KYI NI KUN DU MI 'BYUNG BA'I PHYIR MI MTHUN PA YIN NO, ,LHAN CIG SKYES PA NI GNYI GA LA KUN DU 'BYUNG MOD KYI BDAG MED PA LA MOS PA'I PHYIR DE LA CHAGS PA NI MA YIN NO, ,RANG GI LTA BA LA SRED PA'I DBANG DU MDZAD NAS, KUN GZHI'I RNAM PAR SHES PA LA ZHES BYA BA LA SOGS PA SMOS SO, ,NANG GI ZHES BYA BA NI NANG DU'O, ,RNAM PAR GZHIG PAR 'DOD PAR NI NAM YANG MI 'GYUR RO ZHES BYA BA NI BTANG SNYOMS KYI TSOR BA DANG MTSUNGS PAR LDAN PAS MI MTHUN PA MED PA'I PHYIR RO, ,'DI LTAR SDUG BSNGAL GYI @327A *, ,PHUNG PO 'DI DAG RNAM GRANGS MED PAR MED KYANG CI MA RUNG SNYAM DU SEMS KYI, BDAG NYID MED KYANG CI MA RUNG SNYAM DU NI MA YIN TE, BDAG TU LTA BA'I GNYEN PO MED PA'I PHYIR DANG, NYON MONGS PA CAN GYI YID DANG MTSUNGS PAR LDAN PA'I 'DOD CHAGS KYANG 'DI LA SBYOR BAS SO, ,YANG JI LTAR MI DGE BA'I LAS KYI 'BRAS BU BDE BA YANG MA YIN NA SDUG BSNGAL YANG MA YIN PA'I TSOR BA YANG YIN ZHE NA, DE NI MA YIN TE, 'DIR BDE BA'I LTA BA LTA BU NI MA YIN NO, ,'DIR NI BDE BA DANG YID BDE BA NI DGE BA'I LAS KYI RNAM PAR SMIN PA LAS SKYES PA YIN LA, SDUG BSNGAL DANG YID MI BDE BA NI MI DGE BA'I LAS KYI RNAM PAR SMIN PA LAS SKYES PA YIN NO, ,BDE BA YANG MA YIN SDUG BSNGAL YANG MA YIN PA NI, GNYI GA'I RNAM PAR SMIN PA LAS SKYES PA YIN NO, ,MI DGE BA'I RNAM PAR SMIN PA LAS SKYES PA GANG YIN PA DE NI, MI DGE BA'I RNAM PA CAN NYID MA YIN TE, MI GSAL BAS DE LA NYON MONGS PA CAN GYI YID SBYOR BA SRID DO, ,RNAM GRANGS BSTAN PA RDZOGS SO,, ,,DA NI MTSAN NYID RNAM PAR GZHAG PA'I SKABS LA BAB PO, ,'DIR YANG DNGOS PO BDUN NYE BAR BKOD DE, MTSAN NYID DANG, BAG CHAGS DANG, DE'I DE NYID DANG, GZHAN NYID DANG, PHAN TSUN DU RKYEN NYID DANG, SNA TSOGS DANG SNA TSOGS MA YIN PA NYID DANG RTEN CING 'BREL BAR 'BYUNG BA DANG, RKYEN RNAM PAR GZHAG PA'O, ,'DI THAMS CAD NI MTSAN NYID KYI ZHAR LA YIN PA'I PHYIR MTSAN NYID DU RNAM PAR GZHAG GO, ,DNGOS PO DANG PO'I DBANG DU MDZAD NAS, DE NAS 'DI'I MTSAN NYID RNAM PAR GZHAG PA JI LTAR ZHES BYA BA SMOS SO, ,MDOR BSDU NA ZHES BYA BA NI RGYAS PAR NI RNAM PAR GTAN LA DBAB BA BSDU BA LAS JI SKAD 'BYUNG BA BZHIN NO, ,DE LA RANG GI MTSAN NYID NI KHA CIG NA RE GANG LA RGYU SA BON YONGS SU MA SMIN PA DANG, SA BON YONGS SU SMIN PA YOD PA DE NI GZHAN GYI DBANG RTEN CING 'BREL PAR 'BYUNG BA'I SA BON YIN TE, GZHAN GYI DBANG DE NI 'BRAS BU YIN NO ZHES ZER RO, ,DE SKYE BA'I RGYU MTSAN NYID DO ZHES 'BYUNG BA'I PHYIR DE NI RUNG BA MA YIN TE, MA SMIN PA NI SKYE BA'I RGYU MTSAN MA YIN NO, ,KHA CIG NA RE GZHAN GYI DBANG @327B RTEN CING 'BREL PAR 'BYUNG BA'I RANG GI MTSAN NYID NI 'BRAS BU LA LTOS NA SA BON TE RGYU YIN LA, DE NYID SGO BAR BYED PA'I CHOS LA LTOS NA NI 'BRAS BU YIN NO ZHES ZER RO, ,DE YANG RIGS PA MA YIN TE, DE SKYE BA'I RGYU MTSAN NYID DE ZHES 'BYUNG BA'I PHYIR DANG, BAG CHAGS LA BRTEN NAS 'BYUNG BA ZHES 'BYUNG BA'I PHYIR RO, ,DE LTA BAS NA YONGS SU SMIN PA DANG YONGS SU MA SMIN PA DBYE BA MA BYAS PAR SA BON GYI CHA DANG RNAM PAR SMIN PA'I CHA BSDUS NAS RANG GI MTSAN NYID CES BYA BA STE, RNAM SMIN SA BON THAMS CAD PA, ,ZHES 'BYUNG BA'I PHYIR DANG, 'OG NAS MDOR BSDU NA KUN GZHI'I RNAM PAR SHES PA ZHES BYA BA LA SOGS PA 'BYUNG BA'I PHYIR RO, ,DE NYID DE LA KUN GZHI'I RNAM PAR SHES PA'I RANG GI MTSAN NYID NI ZHES BYA BA LA SOGS PAS STON TO, ,BAG CHAGS LA BRTEN NAS ZHES BYA BA NI 'DIR 'BYUNG BA ZHES BYA BA KHONG NAS DBYUNG STE, 'DIS NI RNAM PAR SMIN PA'I CHA RTEN CING 'BREL BAR 'BYUNG BA BSHAD DO, ,DE SKYE BA'I RGYU MTSAN NYID DO ZHES BYA BA NI, DE NYID KUN NAS NYON MONGS PA'I CHOS DE RNAMS SKYE BA'I RGYU MTSAN NYID YIN PA'O, ,YANG JI LTAR RGYU MTSAN NYID YIN ZHE NA, SA BON YONGS SU 'DZIN PA DANG LDAN PAS ZHES BYA BA SMOS SO; ,'DI NI GTZO BO LA SOGS PA RNAM PAR DPYAD PA'I PHYIR TE, 'DI LTAR SA BON YONGS SU 'DZIN PA DANG LDAN PA NI SKYE BA DANG LDAN PA RNAMS DANG LHAN CIG SKYE BA DANG 'GAG PA DAG GIS BAG CHAGS YONGS SU 'DZIN PA YIN NO, ,'DIS NI SA BON GYI CHA BSTAN TO, ,DE LA KUN NAS NYON MONGS BA THAMS CAD KYI BAG CHAGS NI 'DI YIN TE, MNGON PAR BRJOD PA'I BAG CHAGS DANG, SRID PA'I YAN LAG GI BAG CHAGS DANG, 'JIG TSOGS LA LTA BA'I BAG CHAGS SO, ,MNGON PAR BRJOD PA'I BAG CHAGS NI RGYU'I RKYEN YIN TE, KUN GZHI'I RNAM PAR SHES PA'I RANG GI NGO BO MNGON PAR 'GRUB PA'I RGYU YIN PA'I PHYIR RO, ,SRID PA'I YAN LAG GI BAG CHAGS NI BDAG PO'I RKYEN YIN TE, BDE 'GRO DANG NGAN 'GROR 'GYUR BA'I RGYU YIN PA'I PHYIR RO, ,'JIG TSOGS LA LTA BA'I BAG CHAGS KYANG BDAG PO'I RKYEN YIN TE, BDAG DANG GZHAN DU 'BYED @328A *, ,PA'I RGYU YIN PA'I PHYIR RO, ,DE LTA MA YIN NA SEMS CAN THAMS CAD GCIG NYID DU 'GYUR RO, ,SA BON GYI CHA DE NYID RNAM PAR PHYE NAS, KUN NAS NYON MONGS PA'I CHOS DE DAG NYID KYI ZHES BYA BA LA SOGS PAS RGYU'I MTSAN NYID DU BSTAN TO, ,RNAM PAR SMIN PA'I CHA YANG GANG KUN GZHI'I RNAM PAR SHES PA ZHES BYA BA LA SOGS PAS 'BRAS BU NYID DU BSTAN TO, ,BAG CHAGS KYI DBANG DU MDZAD NAS, BAG CHAGS ZHES BYA BA 'DI CI ZHIG CES BYA BA LA SOGS PA SMOS TE, CHOS MTHUN PA GANG GIS NA BAG CHAGS ZHES BYA, BAG CHAGS DE NI CI YIN ZHES DRI BAG NYIS KYI DON YIN NO, ,BSGO BAR BYA BA KUN GZHI'I RNAM PAR SHES PA DE SGO BAR BYED PA'I CHOS RNAMS DANG LHAN CIG SKYE BA DANG 'GAG PAR GYUR NAS SGO BAR BYED PA'I CHOS DE RNAMS KYIS MA 'ONGS PA SKYE BA'I RGYU MTSAN DU GYUR PA NI BAG CHAGS TE, DPER NA 'JIG RTEN NA TIL RNAMS ME TOG DANG PHRAD NAS LHAN CIG SKYE BA DANG 'GAG PA LA BRTEN NAS DE DANG 'DRA BA'I DRI 'BYUNG BA'I RGYU MTSAN DU 'GYUR BA LTA BU 'AM, DPER NA BSTAN BCOS LA KUN NAS NYON MONGS PA'I PHYOGS DANG MTHUN PA 'DOD CHAGS LA SOGS PA DANG, RNAM PAR BYANG BA'I PHYOGS DANG MTHUN PA MANG DU THOS PAS YONGS SU BSDUS PA DRAN PA DANG SHES RAB LA SOGS PA DANG LHAN CIG SKYE BA DANG 'GAG PAR 'GYUR BA'I SEMS DE DAG DANG 'DRA BA SKYE BA'I RGYU MTSAN DU 'GYUR BA BAG CHAGS YIN PA LTA BU'O, ,'DIR YANG SKAD CIG MA'I BYE BRAG LA BSGO BAR BYA BA DANG SGO BAR BYED PA NYID DGAG PA CHAD PAR 'GYUR BA'I PHYIR RGYUN GYI TSUL DU KUN GZHI'I RNAM PAR SHES PA NYID RNAM PAR GZHAG LA, RANG GI TSOGS DANG MTSUNGS PAR LDAN PA'I SEMS LA PHA ROL BAG CHAGS KHAS LEN DU BCUG LA, LHAN CIG 'BYUNG ZHING 'GAGS NA ZHES BRJOD DO, ,DE 'BYUNG BA'I RGYU MTSAN NYID CES BYA BA NI, DRI BA GNYIS PA'I LAN YIN NO, ,SGO BAR BYED PA'I MTHUN PA NYID KYIS BAG CHAGS ZHES BYA BAS SHUGS KYI SA NI DRI BA DANG PO'I LAN YANG YIN NO, ,'DI LA RNAM PAR RTOG PA GSUM STE, KHA CIG NA RE BAG CHAGS NI SGO BAR BYED PA LA NI MI LTOS PAR CHOS NYID @328B KYI GNAS LA 'DOD CHAGS LA SOGS PA LA LHAN CIG SKYE BA DANG 'GAG PAS NI YONGS SU GSO BA 'BA' ZHIG TU ZAD KYI SKYE BA NI MA YIN NO ZHES ZER RO, ,DE NI DE LTAR YIN TE, 'DI LTAR KUN GZHI'I RNAM PAR SHES PA DANG, 'PHAGS PA'I LAM SKYE BA'I RGYU MTSAN NYID NI RANG BZHIN GYI RIGS TE, RGYU'I RKYEN NYID DU BAG CHAGS YIN PAR KHAS LEN NA, DE DAG NI LHAN CIG SKYE BA DANG 'GAG PAS RANG GI BAG CHAGS SKYED BAR MI SRID DE, KUN GZHI'I RNAM PAR SHES PA GNYIS PHRAD PA MED PA'I PHYIR DANG 'PHAGS PA'I LAM YANG 'DRIS PA MA YIN PA'I PHYIR RO, ,YONGS SU GSO BAR BYED PAN MI 'DRA BAR YANG 'GYUR BAS DE NI MI 'GAL LO, ,GZHAN DAG NI TIL LA SOGS PA LA BAG CHAGS SGO BAR BYED PA LA LTOS PAS MTHONG NAS SGO BAR BYED PAS SNGON MED PA SKYE BA DANG, SGO BAR BYED PAS SNGON BSKYED PA YONGS SU GSO BAR YANG 'DOD DE NANG GI SKYE MCHED LA DMIGS PA'I YID KYI RNAM PAR SHES PA DE'I KHONGS SU GTOGS PA KUN GZHI'I RNAM PAR SHES PA LA YANG DMIGS PAR 'DRA BAS KUN GZHI'I RNAM PAR SHES PA BSKYED PAR BYA BA LA BAG CHAGS RGYU'I RKYEN DU GYUR PA SKYED PAR YANG SEMS SO, ,'PHAGS PA'I LAM GYI RIGS KYANG ZAG PA MED PA'I LAM GYI BDAG NYID MA YIN GYI, 'ON KYANG RGYUD GANG LA NYON MONGS PA DANG SHES BYA'I SGRIB PA'I SA BON SRAB PA'I PHYIR SPANG DU RUNG BA DE NI BYANG CHUB SEMS DPA'I RIGS YIN LA, GANG LA NYON MONGS PA'I SGRIB PA'I SA BON YOD PA DE NYID NYAN THOS DANG RANG SANGS RGYAS KYI RIGS YIN, GANG LA GNYI GA'I SA BON CHE BA'I PHYIR SPANG DU MI RUNG BA YOD PA DE NI RIGS MED PA YIN NO, ,'PHAGS PA'I LAM GYI SKAD CIG MA DANG PO LA NI RGYU'I RKYEN MED DO, ,RKYEN GZHI ZHES BYA BA NI JI LTAR SRID PAR GSUNGS PA'I PHYIR RO ZHES ZER RO, ,GZHAN DAG NA RE BAG CHAGS NI CHOS NYID KYIS GNAS PA YONGS SU GSO BAR BYA BA DANG, SNGON MED PA BSKYED PAR BYA BA YANG YIN TE, BSKYED PA'I BAG CHAGS DU MA NI LHAN CIG BYED PA'I RGYU NYID KYI CHOS NYID BAG CHAGS KYI BDAG PO'I RKYEN YIN LA, CHOS NYID KYI BAG CHAGS GANG YIN PA DANG, SNGON MED PA BSKYED PA @329A *, ,PA'I BAG CHAGS DU MA YANG BYE BRAG TU SMRA BA BRTAGS PA SKAL BA MNYAM PA'I RGYU BZHIN DU SKAD CIG MA GCIG PA'I 'BRAS BU SKYE BA'I YANG RGYU'I RKYEN NYID DU SEMS SO, ,DE LA RNAM PAR RTOG PA DANG PO LA GLENG BAR BYA STE, 'DOD CHAGS LA SOGS PA NI YONGS SU GSO BA TZAM DU NYE BAR GNAS PA'I PHYIR RGYU'I RKYEN DU MI 'GRUB STE, DPER NA 'DU BYED KYI RKYEN GYIS RNAM PAR SHES PA ZHES BYA BA 'DI LA 'DU BYED RNAM PAR SHES PA'I SA BON YONGS SU GSO BAR BYED PA YIN PA'I PHYIR BDAG PO'I RKYEN NYID YIN PA LTA BU'O, ,'O NA RTEN CING 'BREL PAR 'BYUNG BA GNYIS PA LA GANG GI RKYEN ZHES BYA ZHE NA, BDAG PO'I RKYEN TO ZHES 'BYUNG BA'I YANG PHYIR TE, DES NA KUN GZHI'I RNAM PAR SHES PA JI LTA BA DE BZHIN DU KUN NAS NYON MONGS PA'I CHOS RNAMS KYANG RGYU'I RKYEN YIN NO ZHES BYA BA 'DI 'GAL LO, ,DE NI MA YIN TE, RIGS MTHUN PA'I SA BON YONGS SU GSOS PAS RGYU'I RKYEN NYID YIN TE, DPER NA BYE BRAG TU SMRA BA'I SKAL BA MNYAM PA'I RGYU RDZAS GZHAN NYID SKAL BA MNYAM PA'I PHYIR RDZAS GZHAN GYI YIN PA LTA BU'O, ,BDAG PO'I RKYEN NI MI 'DRA BA'I BAG CHAGS YONGS SU GSOS PA'I PHYIR YIN NO, ,'ON TE TIL LA SOGS PA LA DE LTA BU MA MTHONG BA'I PHYIR JI LTAR CHOS NYID KYI GNAS PA'I BAG CHAGS SU 'GYUR ZHE NA, DE NI RIGS PA MA YIN TE, SGOG SKYA'I RNGO LA SOGS PA LA ME TOG DANG PHRAD KYANG DE'I DRI MI 'DZIN PA SNANG BA'I PHYIR TIL LA SOGS PA LA CHOS NYID KHO NAS DRI 'DZIN PA'I NUS PA YOD DO ZHES BYA BAR SHES SO; ;GZHAN YANG SEMS DANG SEMS LAS BYUNG BA LAS MA GTOGS PA'I DNGOS PO MED PA'I PHYIR TIL LA SOGS PA NI MED PA KHO NA'I, 'JIG RTEN GYI GRAGS PAR BAG CHAGS KYI RTEN NYID DU GRAGS PAS BAG CHAGS 'BYUNG BA LA SOGS PA'I DPE TZAM DU BYAS PA 'BA' ZHIG TU ZAD NA NA JI LTAR DE DANG 'DRA BAR THAL BAR 'GYUR, RNAM PAR RTOG PA GNYIS PA LA YANG KHA CIG GLENG BA, KUN GZHI'I RNAM PAR SHES PA NI KUN GZHI'I RNAM PAR SHES PA GZHAN DANG LHAN CIG SKYE BA DANG 'GAG PA MED PA'I PHYIR DE SKYE BA'I RGYU MTSAN GYI BAG CHAGS SU MI 'GYUR RO ZHE'O, , @329B DMIGS PA 'DRA BA'I YID KYI RNAM PAR SHES PAS BAG CHAGS BSKYED DO ZHES BSHAD PA MA YIN NAM ZHE NA, DE NI RIGS PA MA YIN TE, DMIGS PA NI RNAM PA GNYIS TE, SEMS DANG SEMS LAS BYUNG BA'I NGO BO NYID RDZAS DANG, GZUGS KYI BDAG NYID RDZAS SU MED PA'O, ,DE LA SEMS DANG SEMS LAS BYUNG BA LA DMIGS PA'I YID KYI RNAM PAR SHES PA GANG YIN PA DES NI, DE DAG KHO NA BSKYED PAR BYA BA'I PHYIR BAG CHAGS SKYED LA, GZUGS LA DMIGS PA GANG YIN PA DES KYANG DE KHO NA BSKYED PAR BYA BA'I PHYIR RO, ,SEMS TZAM NYID KYI LUGS KYIS NI GNYI GA LTAR YANG DMIGS PA DANG RNAM PA MA GRUB PA'I PHYIR JI LTAR NA DMIGS PA'I SGO NAS 'DRA BAR 'GYUR, 'ON TE MNGON SUM DU DMIGS PA DANG BRGYUD PA'I SGO NAS GZHAN DU RNAM PA GNYIS TE, DE LA MNGON SUM GYI DMIGS PA NI GZUNG BA'I RNAM PA GANG YIN PA'O, ,BRGYUD PA'I DMIGS PA NI KUN GZHI'I RNAM PAR SHES PA STE, DE'I DBANG GIS GZUNG BA'I RNAM PAR SNANG BA'I PHYIR RO, ,DE BAS NA BRGYUD PA'I DMIGS PA'I SGO NAS RDZAS SU YOD PA LA DMIGS PA NI JI LTAR NA DMIGS PA'I SGO NAS MI 'DRA SNYAM DU SEMS NA, RTOG PA 'DI LA YANG GZHAN GYI SEMS DANG SEMS LAS BYUNG BA'I DBANG GIS KYANG YID KYI RNAM PAR SHES PA DMIGS PA DANG RNAM PA YONGS SU 'DZIN PAR SKYED PA'I PHYIR, DES BSKYED PA'I BAG CHAGS GZHAN GYI SEMS DANG SEMS LAS BYUNG BA RNAM KYI RGYU'I RKYEN DU 'GYUR BAS SEMS CAN THAMS CAD RGYUD GCIG PA NYID DU THAL PAR 'GYUR RO, ,RGYUD DE DMIGS PA NYID YIN NA YANG DMIGS PA DANG RNAM PA YONGS SU MA GRUB PA'I PHYIR DMIGS PA DANG RNAM PA MI 'DRA BA DE'I SO NA 'DUG GO, ,GANG YANG RANG BZHIN GYI RIGS NYON MONGS PA DANG SHES BYA'I SGRIB PA SRAB PA YIN NO, ,'PHAGS PA'I LAM LA RGYU'I RKYEN MED DO ZHES SMRAS PA GANG YIN PA DE YANG RIGS PA MA YIN TE, RANG BZHIN DU GNAS PA'I RIGS NI SKYE MCHED DRUG GI KHYAD PAR RO ZHES 'BYUNG BA'I PHYIR DANG, SDE BA THAMS CAD LAS KYANG SEMS DANG SEMS LAS BYUNG BA THAMS CAD RKYEN BZHIS SKYE BAR 'BYUNG BA'I PHYIR RO, ,RNAM PAR GTAN @330A *, ,LA DBAB PA BSDU BA LAS 'BYUNG BA NI SGRIB PA'I SA BON SRAB PA NYID KYI CHOS NYID KYI SA BON ZAG PA MED PA YOD PA NYID DU BSTAN PA YIN NO ZHES BYA BAR DGONGS PA YONGS SU BRTAG PAR NUS SO, ,DE NYID DANG GZHAN NYID KYI LE'U YI GE DBANG DU MDZAD NAS, KUN GZHI'I RNAM PAR SHES PA DANG KUN NAS NYON MONGS PA'I CHOS KYI SA BON DE DAG CI ZHES BYA BA LA SOGS PA SMOS SO, ,KUN NAS NYON MONGS PA ZHES BYA BA NI ZAG PA DANG BCAS PA'I CHOS KYI SA BON DAG CES BYA BA'I THA TSIG GO, ,ZAG PA MED PA'I SA BON DAG KYANG YOD PA MA YIN NAM ZHE NA, 'DI LA RNAM PAR RTOG PA GNYIS PA SMRA BA RNAMS NA RE, SO SO'I SKYE BO'I RGYUD KYI CHOS KYI SA BON DAG GI DBANG DU MDZAD NAS BSHAD PA YIN NA, DE DAG LA NI ZAG PA MED PA'I SA BON YANG MED DO ZHES ZER RO, ,DE NI RIGS PA MA YIN TE, RNAM PAR RTOG PA DE SPANG BA'I PHYIR RO, ,DE LTA BAS NA SO SO'I SKYE BO'I RGYUD LA SA BON GANG DAG DAG SDE PA DAG LAS GRAGS PA DE DAG GI DBANG DU MDZAD NAS BSHAD PA YIN LA, SDE PA DAG LAS NI ZAG PA DANG BCAS PA'I SA BON GRAGS SO, ,YANG NA ZAG PA MED PA'I SA BON 'CHAD PAR 'GYUR BA KUN GZHI MA YIN PA ZHIG BYA BA LAS KUN GZHI'I RNAM PAR SHES PAR BSDUS PA GANG YIN PA DE'I DBANG DU MDZAD PA DE BSHAD PA YIN PAS NYES PA MED DO, ,SO SO'I THA DAD DAM ZHES BYA BA NI KUN GZHI'I RNAM PAR SHES PA LAS RDZAS SU GZHAN PA NYID DU GNAS PA ZHIG GAM, GAL TE DE LTAR GZHAN NYID GCIG YIN NA NI, GZUGS NI BSAL BA'I PHYIR SA BON DE DAG SEMS DANG SEMS LAS BYUNG BA'I NGO BO NYID YIN PAR 'GYUR RO, ,DES MA RTEN GCIG LA YANG SEMS CAN GYI RGYUD MANG PO ZHIG TU THAL BAR 'GYUR RO, ,JI LTAR SKAD CIG MA GCIG LA SEMS DANG SEMS LAS BYUNG BA MANG PO ZHIG 'BYUNG LA, RGYUD DU MA NYID KYANG MA YIN PA LTA BU MA YIN ZHE NA, 'DI LA NI NYES PA MED DE, SEMS LAS BYUNG BA RNAMS LA RAG LAS TE 'BYUNG BA'I PHYIR RO, ,'O NA JI LTAR SKAD CIG MA GCIG LA 'JUG PA'I RNAM PAR SHES PA BDUN 'BYUNG LA, RGYUD DU MA NYID KYANG MA YIN PA LTA BU YIN NO ZHE NA, 'DI LA NYES PA MED DE, DE DAG NI KUN GZHI RNAM PAR SHES @330B PA GCIG LA RAG LAS TE 'BYUNG BA'I PHYIR RO, ,SA BON RNAMS NI SEMS DANG SEMS LAS BYUNG BA'I NGO BO NYID GCIG YIN NA, KUN GZHI'I RNAM PAR SHES PA LAS RANG DBANG DU GNAS PA'I PHYIR RGYUD DU MAR THAL PA SO NA 'DUG GO, ,'ON TE KUN GZHI RNAM PAR SHES PA LAS SA BON RNAMS THA MI DAD PA ZHIG DU GYUR NA NI, DE MA BSGRIBS LA LUNG DU MA BSTAN PA'I PHYIR, ,SA BON RNAMS KYANG MA BSGRIBS LA LUNG DU MA BSTAN PAS MA BSGRIBS LA LUNG DU MA BSTAN PA'I CHOS 'BYUNG BA KHO NAR 'GYUR GYI, MA BSGRIBS LA LUNG DU MA BSTAN PA LAS DGE BA DANG MI DGE BA'I CHOS 'BYUNG BAR NI RIGS PA MA YIN NO, ,DE LTAR PHYOGS GNYI GA LA YANG NYES PA GNYIS SNANG BAS, DE LA GNAS PA DE DAG DANG RDZAS SU THA DAD PA YANG MA YIN ZHES BYA BA LA SOGS PA SMOS TE, KUN GZHI RNAM PAR SHES PA LAS DE NYID DANG GZHAN NYID DU BRJOD PAR BYA BA MA YIN PA RNAMS YIN NO ZHES BYA BA'I DON TO, ,DE LTA BUR GRAGS PA GZHAN YANG CHUD ZAD LTA YOD DAM ZHE NA, SMRAS PA YOD DE DPER NA BYE BRAG TU SMRA BA'I DA LTAR GYI RDZAS LA 'BRAS BU 'DZIN PA'I MTSAN NYID LTA BU'O, ,DE NI RDZAS LAS GZHAN PA YANG MA YIN TE, RDZAS BYED PAS STONG PA'I PHYIR DA LTAR MA YIN PAR THAL BAR 'GYUR DU 'ONG BAS SO, ,GZHAN MA YIN PA YANG MA YIN TE, RDZAS KYI RANG GI MTSAN NYID LAS THA MI DAD PA'I PHYIR 'DAS PA'I DUS NA YANG BYED PA YOD PAS DA LTAR NYID DU THAL BAR 'GYUR DU 'ONG BAS SO, ,YANG DPER NA MDO SDE PA'I GZUGS MED PA'I KHAMS SU 'PHAGS PA ZAG PA MED PA'I SEMS MNGON DU GYUR NA, SEMS DE LAS KUN NAS NYON MONGS PA'I SA BON RNAMS DE NYID DU BRJOD PAR BYA BA YANG MA YIN TE, DE DANG 'DRA BAR ZAG PA MED PA NYID DU THAL PAR 'GYUR DU 'ONG BAS SO, ,GZHAN NYID DU YANG BRJOD PAR BYA BA MA YIN TE, ,SNGA MA BZHIN DU RGYUD DU MAR THAL BAR 'GYUR DU 'ONG BA LTA BU YIN NO, ,DE BZHIN DU GRUB PA'I MTHA' GZHAN DAG LA YANG SBYAR BAR BYA'O, ,MOD KYI ZHES BYA B ALA SOGS PAS NI, DON DE NYID KYI MJUG SDUD CING SA BON GYI RANG BZHIN NGO BO STON TO, ,'BYUNG BA'I MTHU YI KHYAD PAR CAN, ,ZHES BYA BA 'DIS NI MTHU'I KHYAD PAR YIIN PA'I @331A *, ,PHYIR; KUN GZHI'I RNAM PAR SHES PA'I BDAG NYID KYANG MA YIN NO ZHES BYA BA'I THA TSIG GO, ,DE BZHIN DU 'BYUNG BA ZHES BYA BA 'DIS NI, KUN GZHI'I RNAM PAR SHES PA LAS GZHAN PA YANG MA YIN TE, KUN GZHI'I RNAM PAR SHES PA KHO NA RGYUR BYAS NAS MA YIN NO ZHES BYA BA'I DON TO; ,SA BON THAMS CAD PA ZHES BYA BA 'DIS NI, DE LTA BU'I SA BON GYI SA BON THAMS CAD BA ZHES BYA BAR STON TO, ,PHAN TSUN RKYEN GYI LE'U'I DBANG DU MDZAD NAS, KUN GZHI'I RNAM PAR SHES PA DANG, ,ZHES BYA BA LA SOGS PA SMOS TE, 'DIR YANG KUN RTAS NYON MONGS PA ZHES SMOS PA NI SNGA MA BZHIN DU BSHAD PAR BYA'O, ,MDO SDE PA YANG 'DI LA DE BZHIN DU RGOL ZHING RTOG STE, DE'I LTAR NA RKYEN SKAD CIG MA THA DAD PAR RNAM PAR 'JOG GO, ,DE GAL TE DUS MI MNYAM PA DAG KHO NA RGYU DANG 'BRAS BU NYID YIN NO ZHES SGRUB KYANG RUNG, 'ON TE DUS MNYAM PA DAG 'GOG KYANG RUNG STE, GNYI GA LTAR NA YANG MA NGES PA NYID DU RAB DU BSTAN PA'I PHYIR, ME LCE DANG TSIG PA DANG MDUNG KHYIM DAG BSHAD PAR BYA'O, ,DE LA RE ZHIG TSIG PA SNGA LA ME LCE 'PHYI BA NI MA YIN TE, 'DI LTAR TSIG PA ZHES BYA BA NI, BUD SHING MES BYAS PA'I 'GYUR BA YIN NO, ,DE LTA BAS NA ME LCE MED PAR SNGAR TSIG PA MED DO, ,DE NYID KYI PHYIR ME LCE 'PHYI BA YANG MA YIN NO, ,DE BZHIN DU ME LCE SNGA LA TSIG PA 'PHYI BA YANG MA YIN TE, 'BAR BA BZHIN DU BUD SHING 'GYUR BA MED PAR THAL PAR 'GYUR DU 'ONG BAS SO, ,JI LTAR NA BUD SHING MA TSIG PA KHO NAR ME LCE'I RTEN DU 'GYUR TE, DE LTA BAS NA TSIG PA DANG ME LCE DAG NI DUS MNYAM PA NYID DO, ,KUN GZHI'I RNAM PAR SHES PA NI, SA BON GYI CHAR BSDUS PA DANG, RNAM PAR SMIN PA'I CHAR BSDUS PA DANG RNAM PA GNYIS ZHES BSHAD DO, ,SA BON YANG RNAM PAR RTOG PA GSUM PA LTAR NA SNYING DANG SKYED PA DANG RNAM PA GNYIS SO, ,DE LA SKAD CIG MA GANG KHO NA LAS SA BON SNYING LAS 'JUG PA'I RNAM PAR SHES PA SKYE BA SKAD CIG MA DE KHO NA LA KUN GZHI'I RNAM PAR SHES PA LA SA BON GSAR SKYED DE, GSAR DANG RNYING NYID DBYE BA MA BYAS PAR SPYIR 'JUG PA'I RNAM PAR SHES PA'I SA BON YIN LA 'JUG PA'I RNAM PAR SHES PA @331B YANG SA BON GYI RGYU YIN NO ZHES BYA BA'I DON 'DI DAG RAB TU GRUB PAR BYA BA'I PHYIR DPE DANG PO'O, ,RNAM PAR RTOG PA DANG BO LTAR NA SA BON GANG KHO NA LAS 'BYUNG BA DE NYID YONGS SU GSO LO ZHES BYA BA'I DON 'DIR RAB TU GRUB PAR BYA BA'I PHYIR DNGOS KHO NAR DPE DANG PO'O, ,RNAM PAR SMIN PAR BSDUS PA GANG YIN PA DE NI 'JUG PA'I RNAM PAR SHES PA'I YIN LA, 'JUG PA'I RNAM PAR SHES PA YANG RNAM PAR SMIN PA BSDUS PA'I BDAG PO'I RKYEN YIN TE, PHAN TSUN RAG LAS TE 'BYUNG BA'I PHYIR BYE BRAG TU SMRA BA'I TSE LA SOGS PA PHAN TSUN LTA BU'O ZHES BYA BA'I DON 'DI RAB TU 'GRUB PAR BYA BA'I PHYIR MDUNG KHYIM GYI DPE'O, ,JI LTAR MDUNG KHYIM PHAN TSUN BSTEN PAS MI 'GYEL PA DE BZHIN DU, KUN GZHI'I RNAM PAR SHES PA DANG 'JUG PA'I RNAM PAR SHES PA DAG PHAN TSUN GYI DBANG GIS MI 'JIG GO, ,'DI YANG 'GOG PA'I SNYOMS PAR 'JUG PA LA SOGS PA LA NYON MONGS PA CAN GYI YID KUN DU 'CHAD PA'I PHYOGS LA NI, ZAG PA DANG BCAS PA'I GNAS SKABS NA ZHES BSHAD PAR BYA'O, ,GZHAN DU GYUR PA'I PHYOGS LA NI SPYIR ZHES BSHAD PAR BYA'O, ,DE LTAR RGYU'I RKYEN DU RNAM PAR GZHAG STE ZHES BYA BA'I GZHUNG GANG YIN PA DE NA SA BON GYI CHA DANG, 'JUG PA'I RNAM PAR SHES PA'I DBANG DU MDZAD PA YIN NO ZHES DRANG BAR BYA STE, RNAM PAR SMIN PA'I CHA GANG YIN PA DE NI SA BON GYI CHA'I RTEN TZAM GYIS BDAG PO'I RKYEN YIN LA SA BON GANG YIN PA DE NI SA BON GYI CHA MNGON PAR 'GRUB PA'I RGYU YIN PA'I PHYIR RGYU'I RKYEN YIN NO, ,SA BON RNAM PA GSUM ZHES BSHAD PA DE LA 'JIG TSOGS LA LTA BA'I BAG CHAGS KYI SA BON GANG YIN PA DE NI DUS MNYAM PA DANG DUS MI MNYAM PA'I BDAG PO'I RKYEN YIN NO, ,SRID PA'I YAN LAG GI BAG CHAGS KYI SA BON GANG YIN PA DE NI DUS MI MNYAM PA KHO NA'I BDAG PO'I RKYEN YIN NO, ,SPROS PA'I BAG CHAGS KYI SA BON RGYU'I RKYEN CES BYA BA BSHAD PA GANG YIN PA DE NI, KHA CIG NA RE DUS MNYAM PA NYID DU GCIG GI RGYU NYID DU GCIG GI RGYU NYID DU GCIG 'GYUR ZHES 'BYUNG BA'I PHYIR, ,DUS MNYAM PA KHO NA'I RKYEN YIN TE, 'BRAS BU DA LTAR 'BYUNG BA YIN NA, 'DAS PA NI MED PAS NAM MKHA'I ME TOG BZHIN DU RGYU NYID @332A *, ,DU MI 'THAD PA'I PHYIR DANG, RGYU DA LTAR BYUNG BA YIN NA 'BYUNG BAR 'GYUR BA NI MED PAS 'BRAS BU NYID DU MI 'THAD PA'I PHYIR RO ZHES ZER RO, ,GZHAN DAG NA RE RNAM PAR GTAN LA DBAB PA BSDU BA LAS, DUS MI MNYAM PA KHO NA'I RKYEN DU 'BYUNG BAS RGYU'I RKYEN NI SRID PA'I YAN LAG GI SA BON BZHIN DU DUS MI MNYAM PA KHO NA YIN NO, ,DUS MNYAM DU GCIG GI RGYU NYID DU 'GYUR ZHES BYA BA GANG YIN PA DE NI 'DI LTAR DRANG STE, RGYU SA BON NI DA LTAR BYUNG BA YIN LA, 'BRAS BU 'BYUNG BAR 'GYUR BA NI MA 'ONGS PA YIN MOD KYI, 'ON KYANG RGYUD LTAR BYUNG BA GANG YIN PA DE NYID 'BRAS BU MA 'ONGS PA YIN NO, ,DE BZHIN DU 'JUG PA'I RNAM PAR SHES PA SKYES PA NI SA BON MA 'ONGS PA 'BRAS BU 'BYUNG BAR 'GYUR BA'I RGYU YIN LA, RGYU DA LTAR BYUNG BA GANG YIN PA DE NYID 'BRAS BU MA 'ONGS PA YIN PAS DUS MNYAM PA NYID YIN TE, RIM PA 'DIS NA SA BON NI RGYUN 'JUG PA'I RNAM PAR SHES PA'I RGYU YIN LA, 'JUG PA'I RNAM PAR SHES PA YANG RGYUN 'JUG PAS SA BON GYI YIN PAS GCIG GI RGYU NYID DU GCIG 'GYUR BAR RIG PAR BYA STE, DPE GNYIS LA YANG DE BZHIN DU SBYAR BAR BYA'O ZHES ZER RO, ,KHA CIG NA RE DUS MNYAM DU GCIG GI RGYU NYID DU GCIG 'GYUR ZHES 'BYUNG BA'I PHYIR DANG, RNAM PAR GTAN LA DBAB PA BSDU BA LAS DUS MI MNYAM PA'I RGYU'I RKYEN NYID DU 'BYUNG BA'I PHYIR, RGYU'I RKYEN NI DUS MNYAM PA DANG DUS MI MNYAM PA GANG YIN NO ZHES ZER RO, ,YANG RE ZHIG RNAM PAR RTOG PA DANG PO LA GLENG PAR BYA STE, SA BON DANG 'JUG PA'I RNAM PAR SHES PA DAG NI DUS MNYAM DU RGYU'I RKYEN NYID DU RUNG NGO, ,SA BON SNGA MA NI RGYUN 'JUG PAS SA BON PHYI MA'I DUS THA DAD PA KHO NA'I RGYU'I RKYEN YIN NO, ,BDAG PO'I RKYEN NI MA YIN TE, SKAL PA MNYAM PA MNGON PAR 'GRUB PA'I RGYU YIN PA'I PHYIR RO, ,MTSUNGS PA DE MA THAG PA'I RKYEN YANG MA YIN TE, SEMS DANG SEMS LAS BYUNG BA'I NGO BO NYID MA YIN PA'I PHYIR RO, ,DMIGS PA'I RKYEN YANG MA YIN TE, SA BON LA DMIGS PA MED PA'I PHYIR RO, ,SA BON RGYUN 'JUG PAS MI 'BYUNG NGO ZHES BRJOD PAR YANG MI NUS TE, BYAS PA CHUD ZA BAR THAL PAR 'GYUR PA'I PHYIR RO, ,RNAM PAR RTOG PA GNYIS @332B PA YANG GZHUNG YI GE DANG MI MTHUN PAR BSHAD PA YIN TE, GZHUNG NI SA BON DANG KUN NAS NYON MONGS PA'I CHOS RNAMS DA LTAR BYUNG BA'I DUS KHO NAR DUS MNYAM PA NYID YIN LA, DE NYID LA GCIG GI RGYU NYID DU GCIG 'GYUR BAR BSHAD PA YIN NO, ,DE LTA BAS NA RNAM PAR RTOG PA GSUM PA KHO NA BZANG STE, DE LA RGYU'I RKYEN NYID DUS MNYAM PA NI SA BON DANG 'JUG PA'I RNAM PAR SHES PA DAG GO, ,DUS MI MNYAM PA NI SA BON RGYUN 'JUG PAS SA BON GYI'O, ,DUS MNYAM DU GCIG GI RGYU NYID DU GCIG 'GYUR ZHES BYA BA GANG YIN PA 'DI NI SA BON DANG 'JUG PA'I RNAM PAR SHES PA PHAN TSUN GYI DBANG DU MDZAD NAS GSUNGS PA YIN NO, ,GANG YANG RGYU DA LTAR BYUNG BA'I YIN NA 'BYUNG BAR 'GYUR BA NI MED PAS 'BRAS BU NYID DU MI 'THAD PA'I PHYIR RO ZHES SMRAS PA NI, DON DAM PA BSAM PA LA NI DE DE LTAR YANG YIN NO, ,KUN RDZOB TU NI RGYU RKYEN DU RNAM PAR GZHAG PA DUS MNYAM PA DANG MI MNYAM PA YANG MA YIN TE, SA BON DANG MYU GU LTA BU DANG, MAR ME DANG 'OD LTA BU'O, ,DNGOS PO DANG DNGOS PO MED PA DAG KYANG DE DANG LDAN PA'I PHYIR DANG, DE LA RAG LAS PAS TE 'JUG PA'I PHYIR DE LTA BUR GRAGS SO, ,DON 'DI NYID MJUG BSDU BAR JI LTAR KUN GZHI'I RNAM PAR SHES PA ZHES BYA BA LA SOGS PA SMOS SO, ,'DI LA KHA CIG NA RE KUN NAS NYON MONGS PA'I CHOS NI KUN GZHI'I RNAM PAR SHES PA DANG MTSUNGS PAR LDAN PA'I REG PA LA SOGS PA YANG GZUNG STE, 'DI LTAR DE DAG NI RANG GI BAG CHAGS 'JOG PA NA KUN GZHI'I RNAM PAR SHES PA'I RGYU YIN LA KUN GZHI'I RNAM PAR SHES PA YANG DE DAG GI BSKYED PA'I SA BON YONGS SU SMIN PA'I SGO NAS DE DAG BSKYED PAR BYA BA DE DAG GI YANG RGYU YIN NO ZHES ZER RO, ,GZHAN DAG NA RE DE DANG MTSUNGS PAR LDAN PA RNAMS NI GZUNG STE, 'DI LTAR RNAM PAR SMIN PA NYID KYIS LUNG DU MA BSTAN PAS MI GSAL PA'I PHYIR BAG CHAGS SKYENG MI NUS KYI, LAS KYI 'PHEN PA'I DBANG KHO NAS 'BYUNG NGO, ,BYUNG BA RNAMS KYANG RGYU MTHUN PA'I 'BRAS BU BSKYED PA'I PHYIR BAG CHAGS MI 'JOG STE, 'DI LTAR LAS KYI 'PHEN PA KHO NAS MA SHI'I BAR DU 'BYUNG NGO ZHES ZER RO, ,RGYU'I RKYEN GZHAN @333A *, ,MI DMIGS PA'I PHYIR RO ZHES BYA BA NI SEMS DANG SEMS LAS BYUNG BA LA MA GTOGS PA GZUGS CAN DANG LDAN PA MA YIN TE, 'DI LTAR GNYI GA YANG RDZAS NYID DU MI RUNG BA'I PHYIR SEMS DANG SEMS LAS BYUNG BA'I GNAS SKABS DAG LA GDAGS SO, ,DE'I PHYIR GTZOR[?] NI SEMS DANG SEMS LAS BYUNG BA RNAMS KHO NA PHAN TSUN RGYU'I RKYEN YIN LA, DE'I SGO NAS NI KHA CIG GZUGS CAN RNAMS KYANG SA BON SKYED PA'I RIM GYIS RGYU'I RKYEN NYID DU KHAS LEN TO, ,GZHAN DAG NI BRTAGS PA NI MED PA DANG 'DRA'O SNYAM DU KHAS MI LEN TO, ,YANG NA RGYU'I RKYEN GZHAN MI DMIGS PA'I PHYIR RO ZHES BYA BA NI SDE PA GZHAN DAG GIS KUN BRTAGS PA RGYU ZHES BYA BA RGYU LNGA NYID CES BYA BA 'DI'O, ,JI LTAR MI DMIGS SHE NA, RE ZHIG LHAN CIG 'BYUNG BA DANG MTSUNGS PAR LDAN PA'I RGYU DAG NI PHAN TSUN RIGS MI MTHUN PA'I PHYIR RO, ,GAL TE DUS THA MI DAD PA NYID LA RIGS MI MTHUN PA RNAMS MED NA MI 'BYUNG BA'I PHYIR RGYU'I RKYEN NYID YIN NA NI, BDAG PO'I RKYEN THA DAD PA MED PAR 'GYUR TE, DES NA MIG LA SOGS PA YANG DE DAG GI RNAM PAR SHES PA RNAMS KYI RGYU'I RKYEN NYID DU 'GYUR RO, ,DE LTA BAS NA RGYU'I RKYEN NI RIGS MTHUN PA'I 'BRAS BU MNGON PAR 'GRUB PA LA LTOS PA YIN NO, ,DE YANG SA BON DANG RDZAS KYI SGO NAS RNAM PA GNYIS LA RE ZHIG SA BON GYI SGO NAS NI MA YIN NO, ,LHAN CIG 'BYUNG BA DANG MTSUNGS PAR LDAN PA RNAMS PA RANG SKYE BAR BYA BA'I PHYIR PHAN TSUN SA BON 'JOG PA NI MED DE, GZUGS CAN RNAMS DANG LDAN PA MA YIN PA RNAMS GSAL BA'I PHYIR DANG, 'JUG PA'I RNAM PAR SHES PA LA SA BON 'JOG PA 'GOG PA'I PHYIR DANG, GZHAN YANG KHAS MI LEN PA'I PHYIR RO, ,GZHAN NI LHAN CIG 'BYUNG BA DANG MTSUNGS PAR LDAN PA RNAMS RANG GI SA BON LAS 'BYUNG ZHING RANG GI SA BON 'JOG PAS LHAN CIG 'BYUNG BA DANG MTSUNGS PAR LDAN PA'I RGYU ZHES SO ZHES KHANG MI LEN TO, ,RDZAS KYI SGO NAS KYANG MA YIN TE, LHAN CIG 'BYUNG BA DANG MTSUNGS PAR LDAN PA RNAMS NI PHAN TSUN RIGS THA DAD PA'I PHYIR SNGA MA BZHIN NO, ,SKAL PA MNYAM PA DANG KUN DU 'GRO BA'I RGYU DAG RGYU'I RKYEN NYID @333B DU 'GYUR NA, RDZAS 'DRA BA DANG SA BON 'DRA BA'I SGO NAS RNAM PA GNYIS SHIG TU GYUR GRANG NA, RE ZHIG RDZAS 'DRA BA NI MA YIN TE, 'DAS NAS RING ZHIG LON PA RNAMS LA SKYES BU'I BYED PA MED PA'I PHYIR DANG, SKAL PA MNYAM PA DANG, KUN DU 'GRO BA 'GAGS MA THAG PA YANG RGYU'I RKYEN DU RUNG BA MA YIN TE, MTSUNGS PA DE MA THAG PA'I RKYEN GYIS 'PHANGS PA'I PHYIR RO, ,SA BON MED PAR NI DNGOS PO RNAMS KYI RANG GI MNGON PAR 'GRUB PAR YANG RUNG BA MA YIN NO, ,'GAGS MA THAG PA'I SKAD CIG MA NYID SA BON GYI RTEN KYANG MA YIN TE, 'JUG PA'I RNAM PAR SHES PA DAG LA SA BON 'JOG PA 'GOG PA'I PHYIR RO, ,SA BON NI 'BRAS BU MNGON PAR 'GRUB PAR BYA BA LA NYE BA YIN NA, DE YANG KUN GZHI'I RNAM PAR SHES PA KHO NA LA SRID PAS DE KHO NA RGYU'I RKYEN NYID YIN NO, ,DE LTAR NA GZHAN GYI LTA BA LA SKAL PA MNYAM PA DANG KUN DU 'GRO BA'I RGYU DAG SA BON GYI SGO NAS KYANG RKYEN NYID DU MI RUNG NGO, ,RNAM PAR SMIN PA'I RGYU YANG RANG GI NGO BO'I SGO NAS NI, 'DAS NAS RING ZHIG LON PA NYID KYIS MED PA'I PHYIR RO, ,SA BON GYI SGO NAS KYANG RIGS MI MTHUN PA NYID KYIS BDAG PO'I RKYEN GYIS 'PHANGS PA'I PHYIR RGYU'I RKYEN NYID DU MI RUNG NGO, ,YANG NA RGYU'I RKYEN GZHAN ZHES BYA BA NI DUS THA DAD PA STE, RE ZHIG SEMS DANG SEMS LAS BYUNG BA 'GAGS MA THAG PA DAG NI RGYU'I RKYEN MA YIN TE, MTSUNGS PA DE MA THAG PA'I RKYEN GYIS 'PHANGS PA'I PHYIR DANG, SA BON GYI RTEN MA YIN PA'I PHYIR RO, ,GANG GI TSE KUN GZHI'I RNAM PAR SHES PA DE'I TSE YANG SKAD CIG MA SNGA MAS BSDUS PA'I SA BON NI RNAM PAR SHES PA PHYI MA'I RKYEN MA YIN TE, NAS KYI SA BON DANG MYU GU LA SOGS PA BZHIN NO, ,'DI LTAR GANG NA RGYU ZHIG NAS 'BRAS BU YIN PA DE NI, RGYU GANG DANG 'BRAS BU DAG SNGA PHYI NYID DU 'GYUR LA, GANG LA RGYU'I BYED RGYU MA ZHIG PAR 'BRAS BU YIN PA DE NI RGYU DANG 'BRAS BU DAG DUS THA MI DAD PA KHO NA STE, DPER NA AUT-PA LA'I RTZA BA LA SOGS PA LTA BU'O, ,SA BON KUN GZHI'I RNAM PAR SHES PA MA 'GAGS PAR YANG 'BRAS BU RNAM PAR SHES PA ZHES BYA BA YIN NO, ,DE LTA BAS NA SA BON KUN GZHI'I RNAM PAR SHES PA NI 'BRAS BU DANG DUS @334A *, ,MNYAM PA KHO NAR RGYU'I RKYEN YIN TE, 'BRAS BU DANG MI 'GAL BA'I PHYIR AUT-PA LA'I RTZA BA LA SOGS PA BZHIN NO, ,JI LTAR MI 'GAL ZHE NA, DE'I GAGS BYED PA MA YIN PA'I PHYIR RO, ,KUN GZHI'I SA BON GYI RGYU NYID NI 'JUG PA'I RNAM PAR SHES PA MA YIN TE, DE'I RGYUN YIN PA'I PHYIR SKAD CIG SNGA MAS BSDUS PA'I SA BON NI SA BON PHYI MA'I RGYU'I RKYEN DU 'GYUR RO, ,'O NA DE LTAR NA RGYU'I RKYEN GZHAN MI DMIGS PA'I PHYIR RO ZHES BYA BA 'DI 'GAL BAR 'GYUR RO ZHE NA, 'DI NI 'JUG PA'I RNAM PAR SHES PA'I DBANG DU MDZAD NAS GSUNGS PA YIN PAS MI 'GAL LO, , SNA TSOGS DANG SNA TSOGS MA YIN PA'I LE'U'I DBANG DU MDZAD NAS, BAG CHAGS THA DAD PA MA YIN ZHING ZHES BYA BA LA SOGS PA SMOS SO, ,JI LTAR NA BAG CHAGS NI KUN GZHI'I RNAM PAR SHES PA RGYUR BYAS NA 'JUG PA'I PHYIR THA DAD PA MA YIN ZHING, DGE BA DANG MI DGE BA NYID DU MI DMIGS PA'I PHYIR SNA TSOGS MA YIN LA, DE LAS BYUNG BA'I CHOS RNAMS PHAN TSUN RANG GI MTSAN NYID THA DAD PA'I PHYIR DANG, DGE BA DANG MI DGE BA LA SOGS PA NGO BOR MNGON PA'I PHYIR THA DAD PA DANG, SNA TSOGS PA YIN, 'DI SKAD DU NAS KYI SA BON SNA TSOGS MA YIN PA LAS S'A LU DANG NAS DANG GRO LA SOGS PA THA DAD CING SNA TSOGS PA DAG SKYE BA NI MA MTHONG NGO ZHES STON TO, ,DPER NA TSI GU RTZI SNA TSOGS KYIS ZHES BYA BA LA SOGS PA LA, TSI GU RTZI NI TSON GYI KHYAD PAR BYE BRAG MI MNGON PA ZHIG GO, ,YANG NA TI GU RTZI NI THA GUS BCING PA'I KHYAD PAR BYE BRAG MI MNGON PA YIN NO, ,DE BZHIN DU SGO BAR BYED PA NA TSOGS KYIS BSKYED PA'I BAG CHAGS SNA TSOGS KYANG BAG CHAGS KYI DUS NA SNA TSOGS SU MI MNGON NO, ,'BRAS BU 'GRUB PA NYID TSON GYI SNOD DE DER BCUG PA'O, ,RKYEN NYID DU RNAM PAR GZHAG PA'I PHYIR GOS LTA BU NI KUN GZHI'I RNAM PAR SHES PA YIN TE, TSON LTA BU'I CHOS SNA TSOGS STON PA'I PHYIR RO, ,RTEN CING 'BREL PAR 'BYUNG BA'I LE'U'I DBANG DU MDZAD NAS, 'DI NI THEG PA CHEN PO LA ZHES BYA BA LA SOGS PA SMOS TE, PHRA BA NI SO SO'I SKYE BO RNAMS KYIS SHES PAR DKA' BA'I PHYIR RO, ,MCHOG TU ZAB PA NI NYAN THOS DANG @334B RANG SANGS RGYAS KYIS GTENG DPOGS PAR DKA' BA'I PHYIR RO, ,YANG NA PHRA BA NI NYAN THOS LA SOGS PAS SHES PAR DKA' BA'I PHYIR RO, ,MCHOG TU ZAB PA NI MOS PAS SPYOD PA SPYOD PA'I BYANG CHUB SEMS DPAS GTING DPOGS PAR DKA' BA'I PHYIR RO, ,YANG NA PHRA BA NI MNYAM PAR MA BZHAG PAS SHES PAR DKA' BA'I PHYIR RO, ,MCHOG TU ZAB PA'I MNYAM PAR ZHAG PA'I SHES PAS KYANG GTING DPOGS PAR DKA' BA'I PHYIR RO, GANG GI PHYIR DE LTART KUN GZHI'I RNAM PAR SHES PA LA BRTEN NAS CHOS SNA TSSOGS 'BYUNG BA SHES PAR DKA' ZHING DPOGS PAR DKA'[ BA DE'I PHYIR 'DI NI THEG PA CHEN PO KHO NA LAS BSTAN TO, ,NYE BAR SPYOD PA CAN GYI RTEN CING 'BREL PAR 'BYUNG BA NGO BO NYID RNAM PAR 'BYED PA CAN GYI NANG DU BSDUS NAS MDOR BSDU NA ZHES BYA BA SMOS SO, ,DE LA NGO BO NYID RNAMS PAR 'BYED PAR NUS PA'ANG DER DGOS PA NI, NGO BO NYID RNAM PAR 'BYED PA CAN NO, ,DE BZHIN DU SDUG PA DANG MI SDUG PA'I 'GRO BA RNAM PAR 'BYED PAR NUS PA'ANG DER DGOS PA NI SDUG PA DANG MI SDUG PA'I 'GRO BA RNAM PAR 'BYED PA CAN NO, ,NGO BO NYID SNA TSOGS RNAM PAR DBYE BA'I PHYIR RKYEN GYIS DNGOS POR GYUR PA'I PHYIR RO ZHES BYA BA NI 'DI LAS 'BYUNG BAS NA RTEN CING 'BREL PAR 'BYUNG BA'O ZHES BYA BA'I PHYIR TE, DE YANG SPROS PA'I CAG CHAGS KYI NGO BO NYID DO, ,BDE 'GRO DANG NGAN 'GRO DAG TU ZHES BYA BA LA, BDE 'GRO DANG NGAN 'GRO NI MING DANG GZUGS LA SOGS PA TSOR BA LA THUG PA RNAMS DANG SKYE BA LA SOGS PA STE, DE LA LAS DANG NYON MONGS PA'I NGO BO NYID KYI YAN LAG RNAMS RKYEN DU GYUR PAS NA SDUG PA DANG MI SDUG PA'I 'GRO BA RNAM PAR 'BYED PA CAN NYID YIN NO, ,YANG NA BDE 'GRO DANG NGAN 'GRO NI YAN LAG BCU GNYIS NYID YIN TE, YAN LAG SNGA MA SNGA MA LA BRTEN NAS, YAN LAG PHYI MA PHYI MA 'BYUNG BA'I PHYIR RO, ,RIM PA 'DIS NI YAN LAG BCU GNYIS PO NYID BDE 'GRO DANG NGAN 'GRO DAG TU RGYU NYID DU 'GYUR RO, ,DE LA RTEN CING 'BREL BAR 'BYUNG BA DANG PO NI PHRA BA'I PHYAIR DANG ZAB PA'I PHYIR HTEG PA CHEN PO KHO NA LAS BSTAN ETE KUN GZHI RNAM PAR SHES PA DE LAS BSTAN PA'I @335A *, ,PHYIR RO, ,GNYIS PA NI KUN GZHI'I RNAM PAR SHES PA RNAM PAR MA PHYE BA'I PHYIR DE LTAR ZAB PA MA YIN PAS NYAN THOS KYI THEG PA LAS KYANG BSTAN TO, ,DE DAG LA LA LA ZHIG GIS GLANG PO CHE ZHES BYA BA NI KUN GZHI'I RNAM PAR SHES PA JI LTAR SNGON SANGS RGYAS KYIS BSTAN PA DE BZHIN DU, DE BZHIN GSHEGS PA RNAMS KYIS MU STEGS CAN DAG LA BSTAN PA NA'O, KHA CIG GIS NI GLANG PO CHE'I SNA LA ZHES BYA BA NI DPER NA KUN GZHI'I RNAM PAR SHES PA DE NYID LA MU STEGS CAN DE NYID KYI SA BON THAMS CAD PA LA SOGS PA'I DNGOS POR THOS PA LTA BU'O, ,KHA CIG NA RE ZHES BYA BA NI DPER NA MU STEGS CAN DE DAG NYID KYIS NUS PA BSAGS PA TZAM DU DMIGS NAS LOG PAR RANG BZHIN LA SOGS PA RGYU NYID DU RTOG PAR BYED PA LTA BU'O, ,SA BON THAMS CAD PA ZHES BYA BA 'DIR SA BON ZHES BYA BA BSHAD PAS DE'I ZHAR LA SA BON BYE BRAG TU SHES PAR BYA BA'I PHYIR PHYI DANG NANG DANG ZHES BYA BA LA SOGS PA SMOS TE, PHYI'I SA BON S'A LU DANG AUT-PA LA'I RTZA BA LA SOGS PA'I'O, ,NANG GI KUN GZHI'I RNAM PAR SHES PAS BSDUS PA'O, ,MI GSAL BA GNYIS ZHES BYA BA NI DGE BA DANG MI DGE BA GNYIS SAM KUN NAS NYON MONGS PA DANG RNAM PAR BYANG BA GNYIS MI GSAL ZHING YONGS SU MI GSAL BA STE, LUNG DU MA BSTAN PA ZHES BYA BA'I THA TSIG GO, ,KHA CIG NI GNYIS SU ZHES 'DON TE SA BON NI DGE BA DANG MI DGE BA GNYIS SU SPYAD NA'AM, KUN NAS NYON MONGS PA'AM RNAM PAR BYANG BA GNYIS SU DPYAD NA MI GSAL TE LUNG DU MA BSTAN TO ZHES BYA BA'I DON TO, ,DE LA PHYI'I SA BON NI LUNG DU BSTAN PA STE LUNG DU MA BSTAN PA NYID KYIS MI GSAL BA YIN NO, ,NANG GI YANG DGE BA LA SOGS PA'I NGO BOR MI DMIGS PA'I PHYIR MI GSAL BA YIN NO, ,YANG NA PHYI'I SA BON NI LUNG DU MA BSTAN PA'I PHYIR RO, ,NANG GI YANG CHUNG ZAD CIG MI GSAL TE NANG GI DGE BA DANG MI DGE BA'I CHOS KYIS SKYED PA GANG YIN PA DE NI DGE BA DANG MI DGE BA YIN PA'I PHYIR RO, ,GNYIS DANG KUN RDZOB CES BYA BA NI PHYI'I STE THA SNYAD PA'I SHES PA'I YUL YIN PA'I PHYIR @335B YONGS SU MA GRUB PA YIN NO, ,DAM PA'I DON NI NANG GI STE, BRTAG BZOD PA GNYIS KYIS YONGS SU GRUB PA'I PHYIR RO, ,SKAD CIG PA DANG ZHES BYA BA LA SOGS PAS NI SA BON RNAM PA DRUG STON TO, ,DE LA RTAG PA LAS 'BRAS BU MI DMIGS PA'I PHYIR PHYI DANG NANG GI SA BON GNYI GA SKAD CIG MA YIN NO, ,NANG GI 'BRAS BU DANG LHAN CIG 'BYUNG NGO ZHES SNGAR BSGRUBS ZIN TO, ,PHYI'I YANG CHUNG ZAD CIG LHAN CIG 'BYUNG BAR GRAGS TE DPER NA AUT-PA LA'I RTZA BA DANG CHU SHEL DANG SGRON MA DANG GRIB PA MA DANG MYU GU LA SOGS PA LTA BU'O, ,YANG NA PHYI'I SA BON THAMS CAD KYANG 'BRAS BU DANG LHAN CIG 'BYUNG BA YIN NO, ,SA BON DANG MYU GU LA SOGS PA GANG LA RGYU DANG 'BRAS BU'I DNGOS POR DUS MI MNYAM PA'I NGO BOR GRAGS PA DER YANG MYU GU'I GNAS SKABS NA SA BON S'A LU'I A'BRU'I RGYUN 'JUG PAS 'BYUNG NGO, ,DE NI DE LTA YIN TE 'DI LTAR MYU GU LA SOGS PA'I RGYUN GYI MTHAR THUG PA'I DUS SU YANG 'BRAS BU MNGON PAR 'GRUB PAS SO, ,RGYUN GYIS 'JUG PAS 'BYUNG BA DE YANG MYU GU LA SOGS PA MED NA MI 'BYUNG BA'I PHYIR MTSUNGS PAR LDAN PA'I RGYU BZHIN DU RGYU YANG YIN LA, LHAN CIG 'BYUNG BA YANG YIN TE MI 'GAL LO, ,PHYI'I SA BON NI 'GAL BA'I RGYU DANG MA PHRAD KYI BAR DU RJES SU 'JUG PA TZAM GYIS RGYUN CHAGS SU 'BYUNG BA YIN NO, ,NANG GI YANG SRID PA'I YAN LAG GI BAG CHAGS KYI SA BON NI RNAM PAR SMIN PA'I 'BRAS BU MA BYUNG GI BAR DU'O, ,'JIG TSOGS LA LTA BA'I SA BON DANG NYON MONGS PA CAN GYI SPROS PA'I BAG CHAGS KYI SA BON NI GNYEN PO MA BYUNG GI BAR DU'O, ,DGE BA DANG LUNG DU MA BSTAN PA'I SPROS PA'I BAG CHAGS KYI SA BON YANG NYAN THOS DANG RANG SANGS RGYAS DAG GI YONGS SU MYA NGAN LAS MA 'DAS KYI BAR DU'O, ,DE BZHIN GSHEGS PA'I NI RDO RJE LTA BU'I BAR DU RGYUN 'JUG PA TZAM GYIS RGYUN CHAGS SU 'BYUNG NGO, ,DE LTA BAS NA 'DIS NI SA BON LHAN CIG 'BYUNG BA YIN YANG GLOG BZHIN DU SKAD CIG MA GCIG GAM GNYIS SAM GSUM DU GNAS PA NI MA YIN NO ZHES STON PAR BYED DO, ,GAL TE RGYUN CHAGS SU 'BYUNG NA THAMS CAD TZAD LAS THAMS CAD CI STE MI 'BYUNG ZHE NA, NGES @336A *, ,DANG ZHES BYA BAS LAN 'DEBS TE 'BRAS BU 'GA' KHO NA LA RGYU LA LA NGES SO ZHES BYA BA'I DON TO, ,NGES KYANG CI'I PHYIR DUS THAMS CAD DU 'BRAS BU MI 'BYUNG ZHE NA, RKYEN LA LTOS PA DANG ZHES BYA BAS LAN 'DEBS TE, RKYEN RTAG TU NYE BA MA YIN PAS NYES PA MA YIN NO, ,'O NA SA BON DE'I SA BON GANG YIN ZHE NA, DE'I PHYIR RANG GI 'BRAS BUS BSGRUBS PA'O ZHES BYA BA SMOS TE, SA BON DANG SA BON CAN DAG THOG MA MED PA'I PHYIR 'DI'I 'BRAS BU GANG YIN PA DE NYID SA BON NO, ,'DIS NI GTZO BO LA SOGS PA SA BON NYID YIN PA SEL TE, JI SKAD BSHAD PA'I SA BON GYI CHOS DANG MI LDAN PA'I PHYIR RO, ,SA BON DANG SA BON CAN GYI DNGOS PO NI 'DIR BSGO BAR BYA BA DANG SGO BAR BYED PA LA LTOS PA YIN PAR BZHED PAS BRTAN ZHES BYA BA LA SOGS PAS BSGO BAR BYA BA DPYOD PAR BYED DO, ,DE LA BRTAN PA NI MI 'GYUR PA STE, TI LA LA SOGS PA BZHIN DU RGYU RGYUN CHAGS SU 'BYUNG BA YIN GYI RLUNG BZHIN DU G-YO BA NI MA YIN NO, ,RLUNG NI 'BREL PAS DRI 'DZIN PA KHO NAR ZAD KYI RANG GI NGO BOS DRI 'BYUNG BAR BYA BA'I PHYIR BAG CHAGS 'DZIN PA NI MA YIN NO, ,SGRA BZHIN DU CHAD PA YANG MA YIN NO, ,BRTAN PA YANG GANG ZHIG LUNG DU MA BSTAN PA DRI MNYAM PA YIN GYI SGOG SKYA DANG TZAN DAN LA SOGS PA LTA BU DRI MI ZHIM PA DANG ZHIM PA NI MA YIN NO, ,SGO BYA BA ZHES BYA BA NI YAN LAG MNYEN PA'I PHYIR BSGO BAR 'OS PA 'AM BSGO BAR NUS PA GANG YIN PA DE BSGO BAR BYA BA YIN, YAN LAG SRA BA'I PHYIR RDO LA SOGS PA NI MA YIN NO, ,BSGO BAR BYA BA YANG SGO BAR BYED PA DANG 'BREL PA GANG YIN PA DE LA SGO BAR BYED KYI MA 'BREL PA SO SO NA GNAS PA LA NI MA YIN NO, ,DE BZHIN DU KUN GZHI'I RNAM PAR SHES PA KHO NA BRTAN PA'I PHYIR BSGO BAR BYA BA YIN GYI GZUGS NI MA YIN TE, GZUGS MED PA'I GNAS SKABS NA 'CHAD PA'I PHYIR RO, ,'O NA NI KUN GZHI'I RNAM PAR SHES PA YANG PHUNG PO MED PA'I MYA NGAN LAS 'DAS PAR 'CHAD PA'I PHYIR BSGO BAR BYA BA MA YIN PAR 'GYUR RO ZHE NA, DE NI MA YIN TE, 'DI NI DUS JI SRID DU SGO BAR BYED PA YOD PA'I DUS DE SRID DU BSGO BAR BYA BA RGYUN CHAGS SU 'BYUNG BA'I @336B BSTAN PA LA DGONGS PA YIN NO, ,GZUGS MED PA'I KHAMS NA NI SGO BAR BYED PA YOD KYANG BSGO BAR BYA BA GZUGS MED DO, ,DE BZHIN DU LUNG DU MA BSTAN PA'I PHYIR KUN GZHI'I RNAM PAR SHES PA KHO NA YIN GYI 'JUG PA'I RNAM PAR SHES PA NI MA YIN TE, DE'I RGYUN NI BAR CHAD DANG BCAS PA DANG BAR CHAD MED PAR DGE BA DANG MI DGE BA KUN DU SPYOD PA NYID DU SHES CHE BAS GCIG TU MA BSTAN PA MA YIN PA'I PHYIR RO, ,YANG ME LONG LTA BU'I YE SHES LA SGO BAR BYED DAM 'ON TE SGO BAR MI BYED, GAL TE SGO BAR BYED NA NI SNGON GYI DE BZHIN GSHEGS PA DUS MI THUNG BAR BAG CHAGS CAN DAG PAS DA LTAR GYI DE BZHIN GSHEGS PA RNAMS BAG CHAGS NYUNG BA NYID KYIS MTHU DMAN PAR YANG THAL PAR 'GYUR LA, DGE BA BSGO BAR BYA BAR YANG THAL PAR 'GYUR TE, SANGS RGYAS KYI CHOS RNAMS NI GCIG TU DGE BA'I PHYIR RO, ,'ON TE SGO BAR MI BYED NA NI JI LTAR SKAD CIG MA'I RGYUN GYI SO SOR RTOG PA'I YE SHES LA SOGS PA 'BYUNG BAR 'GYUR RO ZHE NA, SGO BAR MI BYED DO ZHES BYA BA 'DI KHO NA BZANG NGO, ,SO SOR RTOG PA'I YE SHES LA SOGS PA 'BYUNG BA NI SNGON GYI SA BON GYI RGYUN RDO RJE LTA BU'I DUS NYID NA CIG CAR YONGS SU RGYAS PA LAS YIN GYI SNGON MED PA LAS NI MA YIN NO, ,DE BZHIN GSHEGS PA LAS GZHAN PA RNAMS KYI NI BAG CHAGS MED PAR NYON MONGS PA CAN DANG NYON MONGS PA CAN MA YIN PA'I CHOS RNAMS KHYAD PAR CAN DU 'BYUNG BAR MI 'GYUR BAS GDON MI ZA BAR BSGO BAR BYA BA YIN PAR KHAS BLANG DGOS SO, , DE BZHIN DU MI RTAG PA'I PHYIR KUN GZHI'I RNAM PAR SHES PA KHO NA LAS BSGO BAR 'OS PA 'AM BSGO BAR NUS KYI, BRTAN PA'I PHYIR NAM MKHA' DANG SO SOR BRTAGS PA'I 'GOG PA DAG LA NI MA YIN NO, ,RANG GI RGYUD DU GTOGS PA'I KUN GZHI'I RNAM PAR SHES PA SGO BAR BYED PA RNAMS DANG LHAN CIG SKYE BA DANG 'BREL PA YIN GYI 'DAS PA DANG MA 'ONGS PA DANG, RGYUD GZHAN DU GTOGS PA YANG MA YIN PA 'DI YANG 'DIR BSGO BAR BYA BA'I MTSAN NYID DU BRJOD PAR BYA LA, RTEN BSGO BAR BYA BA YIN GYI BRTEN PA REG PA LA SOGS PA NI MA YIN NO, ,SDE PA LA MA GRAGS PA'I PHYIR @337A *, ,DE SKAD DU MA BSTAN TE, SDE PA LA NI KUN GZHI'I RNAM PAR SHES PA DANG MTSUNGS PAR LDAN PA'I REG PA LA SOGS PA MA GRAGS SO, ,BSGO BAR BYA BA'I MTSAN NYID 'DI NI GZHAN LA GRAGS PA'I BSGO BAR BYA BA DGAG PAS RNAM PAR GZHAG PA YIN TE, DGAG PA RGYAS PAR NI 'CHAD PAR 'GYUR RO, ,DE NI BAG CHAGS KYI MTSAN NYID DO ZHES BYA BA NI BAG CHAGS NI BSGO BAR BYA BA'I CHOS YIN PAS BSGO BAR BYA BA'I MTSAN NYID GANG YIN PA DE YANG BAG CHAGS KYI YIN PA'I PHYIR RO, ,MDO SDE PA GANG DAG RNAM PAR SHES PA'I TSOGS LNGA DANG DBANG PO RTEN DANG BCAS PA'I GZUGS BSGO BAR BYA BA YIN PAR SEMS DPA DE DAG GI DGAG PA 'CHAD PAR 'GYUR RO, ,GANG DAG RNAM PAR SHES PA'I TSOGS DRUG KHO NA BSGO BAR BYA BA YIN GYI GZUGS NI MA YIN NO ZHES BYA BAR SEMS PA DE DAG GI DGAG PA NI LUNG DU MA BSTAN PA MA YIN PA'I PHYIR ZHES BYA BAR BSHAD ZIN MOD KYI, DE'I ZHAR LA DRUG PO DAG LA ZHES BYA BA LA SOGS PAS DGAG PA GZHAN BRTZAM MO, ,DE LA KHA CIG NA RE 'JUG PA'I RNAM PAR SHES PA DRUG PO DAG NI PHAN TSUN BAG CHAGS 'JOG PA MA YIN TE, GZHAN KHAS LEN PA NYID KYIS LHAN CIG SKYE BA DANG 'GAG PA'I MTSAN NYID KYIS 'BREL PA MED PA'I PHYIR RO, ,YANG GZHAN GYI JI LTAR DE LTAR KHAS BLANGS SHE NA, THA DAD GSUM DANG 'GAL PA'I PHYIR, ,'DI LTAR GSUM PO RTEN DANG DMIGS PA DANG YID LA BYED PA DAG NI RNAM PAR SHES PA'I TSOGS DRUG LA SO SO THA DAD PAR MTHONG STE, GAL TE CIG CAR SKYE BAR GYUR NA DE DANG 'GAL BAR 'GYUR RO ZHES ZER RO, ,DE NI RIGS PA MA YIN TE, DBANG PO LA SOGS PA THA DAD PA NYID MA YIN YANG CIG CAR SKYE BAR MA MTHONG BA'I PHYIR DANG, GANG DANG ZLA BA LA LTA BA LA SOGS PA LA SROG CHAGS RNAMS KYI DBANG PO LA SOGS PA THA DAD KYANG CIG CAR SKYE BA MTHONG BA'I PHYIR RO, ,DE LTA BAS NA GZHAN DU RNAM PAR BYA STE, 'JUG PA'I RNAM PAR SHES PA DRUG PO DAG NI 'BREL PA MED PA'I PHYIR PHAN TSUN BSGO BAR BYA BA MA YIN NO, ,RE ZHIG GZUGS CAN MA YIN PA'I PHYIR PHRAD PA'I 'BREL PA NI MED DO, ,DUS MNYAM DU SKYE BA TZAM GYIS 'BREL @337B PA YANG MA YIN TE, RGYUD GZHAN LA YANG BAG CHAGS 'JOG PAR THAL PAR 'GYUR PA'I PHYIR RO, ,MTSUNGS PA DE MA THAG PA'I RKYEN GCIG GIS BYAS PA'I 'BREL PA YANG MA YIN TE, DE NI GO 'BYED PA TZAM LA NYE BAR SBYOR GYI, 'BRAS BU RNAMS PHAN TSUN SBYOR BA LA NI MA YIN NO, ,GANG GI TSE 'JUG PA'I RNAM PAR SHES PA DRUG CAR GYI MJUG THOGS SU 'JUG PA'I RNAM PAR SHES PA DRUG CAR CIG CAR RIM GYIS SKYE BA DE'I TSE MTSUNGS PA DE MA THAG PA'I RKYEN CIG MED PA'I YANG PHYIR RO, ,RTEN DANG DMIGS PA DANG YID LA BYED PA GCIG SKYE BAS 'BREL PA YANG MA YIN TE, THA DAD GSUM 'GAL BA'I PHYIR, 'JUG PA'I RNAM PAR SHES PA DRUG GI RTEN DANG DMIGS PA DANG, YID LA BYED PA NI SO SOR THA DAD PAR MTHONG STE, DE LTA YIN NA 'GAL BAR 'GYUR RO, ,'JUG PA'I RNAM PAR SHES PA DRUG PO 'DI NI RTEN LA SOGS PA THA DAD PA'I PHYIR PHAN TSUN 'BREL PA MED PA YIN TE, RGYUD GZHAN BZHIN NO ZHES GZHAN LA RJES SU DPAG PAS GNOD PA YIN NO, ,SEMS CAN GCIG GI RGYUD DU GTOGS PA NYID KYIS 'BREL PA YANG MA YIN TE, RTEN PA LA SOGS PA THA DAD PA NYID KYIS SEMS CAN GCIG GI RGYUD DU GTOGS PA NYID BSGRUB PAR DKA' BA'I PHYIR RO, ,'JUG PA'I RNAM PAR SHES PA DANG, KUN GZHI'I RNAM PAR SHES PA DAG NI MDUNG KHYIM BZHIN GCIG LA GCIG RTEN PA'I PHYIR 'BREL PA YIN NO, ,GAL TE RTEN GCIG PA NYID KYIS 'BREL PA'I PHYIR MIG GI RNAM PAR SHES PA SNGA MA NI MIG GI RNAM PAR SHES PA PHYI MA'I SGO BAR BYED PA YIN NO ZHE NA, DE'I PHYIR SKAD CIG LHAN CIG MED PA'I PHYIR ZHES BYA BA SMOS SO, ,'DI DAG NI BSGO BAR BYA BA DANG SGO BAR BYED PA NYID MA YIN TE, DUS THA DAD PA'I PHYIR DUS THA DAD PA'I TIL DANG ME TOG BZHIN NO, ,GAL TE YANG SNGA MA DANG PHYI MA DAG RGYUN GCIG PA NYID KYIS RIGS GCIG PA'I PHYIR BSGO BAR BYA BA SGO BAR BYED PA YIN NO ZHE NA, DE'I PHYIR, RIGS LA BYA NA GZHAN DU THAL, ,ZHES BYA BA SMOS TE, GZUGS CAN GYI DBANG PO YANG RIGS GCIG PA'I PHYIR GZUGS CAN GYI DANG PO SKAD CIG MA SNGA MA BSGO BAR BYA BA NYID DU 'GYUR RO, ,DES NA SEMS KYI @338A *, ,RGYUD KHO NA BSGO BAR BYA BA YIN NO ZHES BRJOD PAR MI BYA'O, ,GANG GI PHYIR DE LTAR DPYAD NA KUN GZHI'I RNAM PAR SHES PA LAS GZHAN PA NI BSGO BAR BYA BAR RUNG BA MA YIN PAS, DE LAS GZHAN PA LA SGO BAR MI BYED PA'I PHYIR PHYI DANG NANG GI ZHES BYA BA LA SOGS PA SMOS SO, ,PHYI DANG NANG GI SA BON DE GNYI GA YANG SKYED PAR BYED PA DANG 'PHEN PAR BYED PA YIN TE, PHYI'I SA BON NI MYU GU'I MNGON SUM DU SKYED PAR BYED PA YIN NO, ,SDONG BU LA SOGS PA BRGYUD PA SBYANG NA 'DUG PA'I BAR GYI NI 'PHEN PAR BYED PA YIN NO, ,NANG GI SA BON KUN GZHI'I RNAM PAR SHES PA YANG MING DANG GZUGS KYI NI MNGON SUM DU SKYED PAR BYED PA YIN NO, ,BRGYUD PA RGA SHI'I BAR GYI NI 'PHEN PAR BYED PA YIN NO, ,RE ZHIG SKYED PAR BYED PA NI YIN LA REG NA YANG 'PHEN PAR BYED PA KHO JI LTAR YIN ZHE NA, MA BTAB SHI BA 'PHEN PA'I PHYIR, ,ZHES BYA BA SMOS TE, GAL TE SKYED PAR BYED PA KHO NA YIN GYI 'PHEN PAR BYED PA MA YIN PAR GYUR NA, NAS LA SOGS PA'I SA BON SBYANG LA SOGS PA NA 'DUG PA MA BTAB PA RNAMS KYI RGYUN DUS RING POR 'BREL PAR MI 'GYUR RO, ,MA BTAB PA ZHES SMOS PA NI BTAB PA NI CHU LA SOGS PAS BSGYUR PA'I PHYIR DE 'PHANGS PA MA YIN PAS SO, ,SHI BA'I LUS RNAMS KYI RGYUN YANG RJES SU 'JUG PAR MI 'GYUR RO, ,'O NA CI ZHE NA SHI MA THAG TU 'JIG PAR 'GYUR RO, ,GAL TE YANG SA BON MA BTAB PA DANG SHI BA'I RO RANG GI RGYUN KHO NAS 'JUG GI 'PHEN PAR BYED PA'I DBANG GIS NI MA YIN NO ZHE NA, RANG GI NGANG GIS MTHAR 'JIG BZHIN, ,ZHES BYA BA SMOS TE, 'DI LTAR PHYI'I RKYEN LA LTOS PAR SNYING PO DANG SNUM ZAD PA'I MAR ME 'JIG PA'I TSUL DU RANG GI NGANG GIS MTHAR YONGS SU 'GYUR BAS 'JIG PA MTHONG NGO, ,DES NA GDON MI ZA BAR 'PHEN PAR BYED PA ZAD DE DE'I PHYIR DE 'DU BYED KYI RGYUN GZHAN RGYUN CHAGS PAR MI 'GYUR RO ZHES BYA BAR RJES SU DPAG GO, ,DE LTAR PHYI DANG NANG GI SA BON DAG 'DRA BA NYID DU BSTAN NAS, PHYI ROL SA BON MA BSGOS PA'AM ZHES BYA BA LA SOGS PAS MI 'DRA BA NYID BRJOD DO, ,'AM ZHES BYA BA'I SGRAS NI BSGOS PA YANG YIN @338B PAS TE, BSGOS PA'I SA BON NYID NI MA TU LUNG GA'I SA BON RGYA SKYEGS KYI KHU BAS BSKUS PA RNAMS SO, ,MA BSGOS PA'I SA BON NYID NI NAS KYI SA BON LA SOGS PA'O, ,NANG NI 'DOD PA MA YIN TE, GAL TE SNGON MED PA SKYED PA STE, JI SKAD DU RNAM PAR RTOG PA GNYIS PA LAS BRJOD PA LTA BU YANG RUNG GAL TE CHOS NYID KYIS GNAS PA'I SA BON YONGS SU GSOS PA YANG RUNG STE, RNAM PA THAMS CAD DU BSGOS PA SA BON NYID YIN NA PHYI ROL GYI NI DE LTA YANG MA YIN NO, ,NANG LA SOGS PA RANG DANG MTHUN PA'I 'BRAS BU BSKYED PA'I PHYIR CHU LA SOGS PAS YONGS SU GSOS SHING NUS PA BZHAG PA YANG SA BON GYI KHYAD PAR YONGS SU GSOS PA ZHES NI BYA'O, ,GZHAN DAG NI PHYI ROL SA BON MA BTAB PA'AM ZHES BYA BAR 'DON TE, MA BTAB PA'I SA BON NYID NI DPER NA TIL DANG AUT-PA LA'I RTZA BA DANG D'UR BA LA SOGS PA LA GO RIMS BZHIN DU SOL BA DANG, BA LANG GI LCI BA DANG, LUG BAL LA SOGS PA'I LTA BU STE, SOL BA LA SOGS PA LA TIL LA SOGS PA'I SA BON BTAB PA NI MA YIN NO, ,BTAB PA'I SA BON NYID NI NAS LA SOGS PA'I'O, ,PHYI'I SA BON 'DI NI RNAM PAR BTAGS PA'I YIN TE, NANG GI CHOS NYID KYIS GNAS PA'I PHYIR RO; ;SNGON MED PA BZHAG PAS SA BON BTAB PA NYID YIN NA, SOL BA LA SOGS PA LA NI DE LTAR BTAB PA YANG MA YIN TE, GRAGS PA MED PA'I PHYIR RO, ,NANG GI NI BSGOS PA KHO NA 'AM BTAB PA KHO NA SA BON NYID YIN ZHE NA BSHAD PA, THOS SOGS BAG CHAGS MED NA NI, DE 'BRAS TE, 'BRAS BU MANG DU THOS PA DANG, MNGON PAR SHES PA LA SOGS PA MA MTHONG BA'I PHYIR RO, ,GZHAN YANG GAL TE MA BSGOS PAR TIL DANG AUT-PA LA'I RTZA BA LA SOGS PA BZHIN DU, GLO BUR DU 'BRAS BU 'BYUNG BAR 'GYUR NA NI GTONG BA CAN DBUL POR 'GYUR LA, SER SNA CAN YANG DBANG PHYUG NYID DU 'GYUR TE, DES NA BYAS DANG MA BYAS 'JIG DANG 'PHRAD, ,NYES PAR 'GYUR PHYIR GRUB PA'I MTHA' DANG 'GAL BAR 'GYUR RO, ,BYAS PA SBYIN PA'I SA BON 'JIG PA'I PHYIR DANG, MA BYAS PA DBUL PO NYID DANG PHRAD CING 'BYUNG BAR 'GYUR BA'I PHYIR @339A *, ,RO; ;GAL TE PHYI'I SA BON KUN GZHI'I RNAM PAR SHES PA LAS THA DAD PA YIN NA, SNGAR KUN GZHI'I RNAM PAR SHES PA NI SA BON THAMS CAD PA NYID DO ZHES BSHAD PA LA JI LTAR GNOD PAR MI 'GYUR BA ZHE NA, NANG NI PHYI ROL RKYEN YIN TE, ,ZHES BYA BA LA SOGS PAS LAN 'DEBS TE, 'DI LTAR S'A LU LA SOGS PA'I SA BON DE DAG LA NYE BAR SPYOD PAR BYED PA'I SROG CHAGS RNAMS KYI LAS KYI BAG CHAGS KYI SA BON KUN GZHI'I RNAM PAR SHES PA LA YOD PA DAG GIS DE DAG TU SNANG BA NYID DU BSGRUBS PA YIN NO, ,DE BAS NA DE LAS THA DAD PA MA YIN NO, ,THUN MONG DANG THUN MONG MA YIN PA'I RTEN CING 'BREL PAR 'BYUNG BA'I ZHAR LA 'ONGS PA SA BON RDZOGS SO,, ,,THUN MONG MA YIN PA'I RTEN CING 'BREL PAR 'BYUNG BA'I KHONGS SU GTOGS PA NYE BAR SPYOD PA CAN GYI RTEN CING 'BREL PAR 'BYUNG BA GANG YIN PA DE BSTAN PAR YANG ZHES BYA BA SMOS SO, ,'JUG PA'I RNAM PAR SHES PA ZHES BYA BA NI 'JUG PA'I RNAM PAR SHES PA DRUG PO DAG YIN TE, YANG RNAM PAR SHES PA DRUG PO DAG CES 'BYUNG BA'I PHYIR RO, ,CI'I PHYIR DRUG PO KHO NA YIN ZHE NA 'DI LTAR LUS DANG 'GRO BA THAMS CAD DU YUL 'DOD PA DANG MI 'DOD PA DANG PHRAD NA NYE BAR SPYOD PA GTZO BAR BDE BA DANG SDUG BSNGAL BA DANG BTANG SNYOMS GSAL BA YIN PAS SO, ,KUN GZHI'I RNAM PAR SHES PA LA NI MI SRID DE MI GSAL BA'I PHYIR RO, ,NYON MONGS PA CAN GYI YID KYANG GSAL BA YIN MOD KYI, DE NI GTZOR LTA BA GTZO BOR GYUR PA YIN GYI TSOR BA NI MA YIN NO, ,DE LTA BAS NA NYE BAR SPYOD PA NI GTZOR TSOR BAS RAB TU PHYE BA YIN PA'I PHYIR 'JUG PA'I RNAM PAR SHES PA DRUG KHO NA NYE BAR SPYOD PA CAN YIN NO, ,JI SKAD GSUNGS PA LTA BU'O, ,ZHES BYA BA NI NYE BAR SPYOD PA CAN NYID KYI KHUNGS SO, ,GCIG NI RKYEN GYI RNAM PAR SHES, ,ZHES BYA BA NI KUN GZHI'I RNAM PAR SHES PA 'BRAS BU NYID KYANG YIN MOD KYI SA BON GYI RTEN NYID KYIS NI CHOS RNAMS KYI RANG GI NGO BO'I RGYU YIN PA'I PHYIR RKYEN GYIS RAB TU PHYE BA YIN PA LA RKYEN GYI RNAM PAR SHES PA ZHES BYA'O, ,'JUG PA'I RNAM PAR SHES PA NI NYE BAR SPYOD PAS RAB TU PHYE BA YIN PA'I PHYIR NYE BAR SPYOD PA CAN ZHES BYA'O, ,NYE BAR SPYOD PA NI GTZOR 'JUG @339B PA'I RNAM PAR SHES PA DANG MTSUNGS PAR LDAN PA KHO NA'I TSOR BA YIN NO, ,DE LA MTSAN MAR 'DZIN PA NI YONGS GCOD DO, ,NYE BAR SPYOD PA DE LA 'JUG PAR BYED PA NI DE DAG LAS GZHAN PA'I DU BYED RNAMS TE GTZOR 'JUG PA'I RNAM PAR SHES PA DANG MTSUNGS PAR LDAN PA'I SEMS LAS BYUNG BA RNAMS YIN NO, ,DE LTA BAS NA 'DIS NI PHYI'I DNGOS PO MED KYANG SROG CHAGS RNAMS KYI NYE BAR SPYOD PA 'BYUNG BA SRID PAR STON TO, ,SNGAR GCIG GI RKYEN GCIG YIN PAR BSHAD PA DE LUNG GIS BSTAN PAR CHOS MNGON PA'I MDO LAS TSIGS SU BCAD PA ZHES BYA BA SMOS SO, ,RKYEN GYI RNAM PAR SHES PA ZHES BSHAD PAS GZHAN RNAMS NI RKYEN MA YIN PA NYID DU DOGS PA DE GSAL BA'I PHYIR DANG, ZHAR LA 'OG NAS 'BYUNG BA'I RKYEN BSTAN PA'I PHYIR YANG 'DIR BKOD DO, ,CHOS KUN RNAM PAR SHES PA LA SBYOR ZHES BYA BA NI, RNAM PAR GTAN LA DBAB PA BSDU BA LAS JI SKAD DU KUN GZHI RNAM PAR SHES PA NI 'JUG PA'I RNAM PAR SHES PA GNYIS KYI RKYEN BYED DE, SA BON GYI NGO BO DANG, RTEN SBYIN PA'I SGO NAS SO, ,DE LA SA BON GYI SGO NAS NI 'JUG PA'I RNAM PAR SHES PA DANG DGE BA DANG MI DGE BA DANG LUNG DU MA BSTAN PA GANG CHUNG ZAD 'BYUNG BA DE THAMS CAD NI KUN GZHI'I RNAM PAR SHES PA'I SA BON CAN YIN PA'O, ,DE LA RTEN SBYIN PA'I SGO NAS NI KUN GZHI'I RNAM PAR SHES PAS ZIN PA'I GZUGS CAN GYI DBANG PO RNAMS LA BRTEN NAS RNAM PAR SHES PA'I TSOGS LNGA 'BYUNG BAR 'GYUR GYI MA ZIN PA DAG LA MA YIN PA DANG, MIG LA SOGS PA'I RTEN BZHIN DU KUN GZHI'I RNAM PAR SHES PA YOD NA RNAM PAR SHES PA'I TSOGS LNGA DANG, YID DANG YID KYI RNAM PAR SHES PA 'BYUNG BAR 'GYUR GYI, ,MED NA MA YIN PA'O, ,DE LA 'JUG PA'I RNAM PAR SHES PA NI KUN GZHI'I RNAM PAR SHES PA LA RNAM PA GNYIS KYIS RKYEN BYED DE MTHONG BA'I CHOS LA SA BON YONGS SU GSO BA DANG TSE PHYI MA LA DE MNGON PAR GRUB PAR BYA BA'I PHYIR SA BON YONGS SU 'DZIN PA 'JOG PA'I SGO NAS SO, ,DE'I PHYIR MTHONG BA'I CHOS LA SA BON YONGS SU RGYAS NA JI LTA JI LTAR KUN GZHI'I RNAM PAR SHES PA LA BRTEN PA'I 'JUG PA'I RNAM PAR SHES PA DGE BA DANG MI @340A *, ,DGE BA LUNG MA BSTAN PA 'BYUNG BA DE LTA DE LTAR RANG GI RTEN LA LHAN CIG 'BYUNG BA DANG 'GAG PAS SGO BAR BYED DO, ,RGYU DANG RKYEN DES NA 'JUG PA'I RNAM PAR SHES PA PHYI MA RNAMS DGE BA LA SOGS PA'I NGO BOR CHES RGYAS PA DANG CHES SBYANGS PA DANG CHES GSAL BAR 'BYUNG BAR 'GYUR RO ZHES BYA BA LA SOGS PA BSHAD PA LTA BU'O, ,RKYEN GYI LE'U'I DBANG DU MDZAD NAS GAL TE RTEN CING 'BREL PAR 'BYUNG BA DANG PO LA RNAM PAR SHES PA DE DAG CES BYA BA LA SOGS PA SMOS TE, GANG GI TSE KUN GZHI'I RNAM PAR SHES PA NGO BO NYID RNAM PAR 'BYED PAR NYE BAR GNAS PA DE'I TSE NI SA BON DE LA BRTEN NAS NI 'JUG PA'I RNAM PAR SHES PA YIN LA, DE LA YANG BRTEN NAS NI MNGON PAR 'DU BYA BA LAS BYUNG BA'I KUN GZHI'I RNAM PAR SHES PA YIN PAS DE LTAR RTEN CING 'BREL PAR 'BYUNG BA NGO BO NYID RNAM PAR 'BYED PA CAN RNAM PAR SHES PA DE DAG DANG PHAN TSUN RGYU'I RKYEN NYID YIN NO, ,DES NA SHUGS KYIS NI RTEN CING 'BREL PAR 'BYUNG BA DANG PO NI CHOS THAMS CAD LA RGYU'I RKYEN YIN NO ZHES BSHAD PAR 'GYUR RO, ,KUN GZHI'I RNAM PAR SHES PA NI DE RNAMS LA MTSUNGS PA DE MA THAG PA DANG, DMIGS PA DANG, BDAG PO'I RKYEN GYI NGO BOR YANG GNAS PA'I PHYIR DE MTSUNGS PA DE MA THAG PA LA SOGS PA'I RKYEN NYID DU YANG BRJOD PAR BYA BA MA YIN NAM ZHE NA, RE ZHIG MTSUNGS PA DE MA THAG PA'I RKYEN NYID NI BRJOD PAR MI BYA STE, RNAM PAR SHES PA GANG ZHIG MNGON DU GYUR NA RNAM PAR SHES PA GZHAN SKYE BA'I GAGS BYED PA LA 'GAGS NA SKYABS 'BYED PAS SKYE BA DANG MTHUN PAR 'GYUR BA DE NI MTSUNGS PA DE MA THAG PA'I RKYEN YIN NA KUN GZHI'I RNAM PAR SHES PA NI 'JUG PA'I RNAM PAR SHES PA RNAMS LA DE LTAR YANG MA YIN TE, KUN GZHI'I RNAM PAR SHES PA MNGON DU GYUR GZHIN DU 'JUG PA'I RNAM PAR SHES PA SKYE BA'I PHYIR RO, ,DMIGS PA'I RKYEN NYID DU YANG BRJOD PAR MI BYA STE, MIG LA SOGS PA'I RNAM PAR SHES PAS MNGON SUM DU MI DMIGS PA NYID KYIS DMIGS PA'I RKYEN DNGOS MA YIN PA'I PHYIR RO, ,BDAG PO'I RKYEN NYID DU YANG BRJOD PAR MI BYA STE, MI SGRIB PA'I NGO BO TZAM GYIS GTZO BO MA YIN PA'I PHYIR RO, ,'DI NI NGO BO NYID KYI RNAM PAR @340B 'BYED PAR NUS PA YANG MA YIN TE RTEN TZAM GYIS PHAN 'DOGS PA'I PHYIR RO, ,SNGAR PHAN TSUN RKYEN YIN PAR BSGRUBS PA'I PHYIR DANG CHOS MNGON PAR LAS KYANG TSIGS SU BCAD DE BSTAN PA'I PHYIR GRUB PAR BYAS NAS, GAL TE RTEN CING 'BREL PAR 'BYUNG BA DANG PO LA RNAM PAR SHES PA DE DAG PHAN TSUN DU RGYU'I RKYEN YIN NA ZHES BYA BA SMOS SO, ,RTEN CING 'BREL PAR 'BYUNG BA GNYIS PA LA ZHES BYA BA NI SDUG PA DANG MI SDUG PA'I 'GRO BA CAN LA'O, ,YANG JI LTAR SDUG PA DANG MI SDUG PA'I 'GRO BA 'GRUB CE NA, SDUG BSNGAL LA KUN DU RMONGS PA BDAG NYID BDE BAR BYA BA'I PHYIR 'DU BYED RNAM PA GSUM LA 'JUG STE, DE DAG NI MA RIG PA'I RKYEN GYIS 'DU BYED RNAMS YIN NO, ,DE DAG KUN DU SPYOD PAS MA 'ONGS PA'I 'BRAS BU RNAM PAR SHES PA'I SA BON MA 'ONGS PA'I RNAM PAR SHES PA SKYE BA DANG MTHUN PAR RNAM PAR GZHAG PA NI 'DU BYED KYI RKYEN GYIS RNAM PAR SHES PA ZHES BYA'O; ;DE DE LTAR RNAM PAR 'JOG PA NA MING DANG GZUGS KYI SA BON YANG MA 'ONGS PA'I MING DANG GZUGS SKYE BAR BYA BA'I PHYIR RNAM PAR 'JOG PA NI RNAM PAR SHES PA'I RKYEN GYIS MING DANG GZUGS ZHES BYA'O, ,DE YANG DE LTAR RNAM PAR 'JOG PA NI SKYE MCHED DRUG GI SA BON YANG MA 'ONGS PA'I SKYE MCHED DRUG SKYE BAR BYA BA'I PHYIR RNAM PAR 'JOG PAR BYED PA NI MING DANG GZUGS KYI RKYEN GYIS SKYE MCHED DRUG CES BYA'O, ,DE YANG DE LTAR RNAM PAR 'JOG PA NA REG PA'I SA BON YANG MA 'ONGS PA'I REG PA'I SKYE BAR BYA BA'I PHYIR RNAM PAR 'JOG PAR BYED PA NI SKYE MCHED DRUG GI RKYEN GYIS REG PA ZHES BYA'O, ,DE YANG DE LTAR RNAM PAR 'JOG PA NA TSOR BA'I SA BON MA 'ONGS PA'I TSOR BA SKYE BAR BYA BA'I PHYIR, RNAM PAR 'JOG PAR BYED NA REG PA'I RKYEN GYIS TSOR BA ZHES BYA STE, SA BON DE CIG CAR YONGS SU GSOS KYANG 'BRAS BUR GYUR PA RNAM PAR SHES PA LA SOGS PA SNGA MA LA PHYI MA BRTEN PA NYID DU DMIGS PA'I PHYIR GANG JI LTAR SMOS PA'I GO RIMS BZHIN RKYEN DU RNAM PAR GZHAG PAR BRJOD DO, ,TSE RABS GZHAN GYI LAS KYIS MNGON PAR GRUB PA'I TSOR BA KUN DU SPYOD PA'I GNAS SKABS LA BRTEN NAS DE LA DMIGS PA'AM DE DANG @341A *, ,MTHUN PA'I DNGOS PO LA DMIGS PA'I SRED PA CHUNG NGU SKYE BA NI TSOR BA'I RKYEN GYIS SRED PA ZHES BYA'O, ,DE LA YANG BRTEN NAS 'DUN PA'I 'DOD CHAGS 'DOD PA LA SOGS PA LA DMIGS PA NI SRED PA'I RKYEN GYIS LEN PA ZHES BYA'O, ,'DUN PA'I 'DOD CHAGS KYIS YONGS SU GSOS PA BSOD NAMS LA SOGS PA'I SA BON GANG YIN PA DE NI SRID PA'O, ,'BRAS BUR GYUR PA RNAM PAR SHES PA LA SOGS PA TSOR BA LA THUG PA'I SA BON YIN TE, DE NI SPROS PA'I BAG CHAGS KYI NGO BO NYID RNAM PAR 'BYED PA'I RGYU YIN PA NYID KYIS NGO BO NYID RNAM PAR 'BYED PA'I RTEN CING 'BREL PAR 'BYUNG BA'I KHONGS SU BSDUS PA'I PHYIR DANG, SDUG PA DANG MI SDUG PA'I 'GRO BA'I RGYU YIN PA'I PHYIR RO, ,RIS MTHUN PA GZHAN DU 'BRAS BUR GYUR PA RNAM PAR SHES PA LA SOGS PA TSOR BA LA THUG PA SRID PA SNGON DU 'GRO BA CAN RIM GYIS MNGON PAR 'GRUB PA NI SKYE BA'O, ,DE YOD NA SKRA NYAMS PA DANG MDOG MI SDUG PA DANG PAGS PA 'KHUMS PA LA SOGS PA'I NGO BOR YONGS SU GYUR PA'I GNAS SKABS DANG SROG 'CHAD PA'I GNAS SKABS NI RGA SHI ZHES BYA STE, BDEN PA MTHONG BA LA 'PHEN PA MED DO SRED PA DANG BRAL BA LA SRID PA MED DO ZHES 'BYUNG BA'I PHYIR RMONGS PA NI 'DIR MTHONG BAS SPANG BAR BYA BA'I MA RIG PA YIN NO, ,DE LA JI LTAR PHYIR MI 'ONG BA'I MI G-YO BA'I LAS BSAM GTAN SPEL MA DANG MTSUNGS PAR LDAN PA TSE RABS GZHAN MA 'DRIS PAS GNAS GTZANG MA LNGA PA 'PHEN CE NA, DE NI MA YIN TE BSAM GTAN BZHI PA'I SNYOMS PAR 'JUG PA'I SA BON ZAG PA DANG BCAS PA CHEN PO 'KHOR BA THOG MA MED PA NAS 'DRIS PA 'BRAS BU CHE BAR SKYE BA 'PHEN PAR BYED PA GNAS PA BSAM GTAN SPEL MA'I MTHUS MI CHE BA LA SOGS PAR SKYE BA BSKYUNG BAR BYED DE YAN LAG DE NI SA 'OG MA'I MI MTHUN PA'I PHYOGS KYIS MI G-YOS PA'I PHYIR MI G-YO BA NYID YIN GYI MYA NGAN LAS 'DAS PA BZHIN RNAM PAR SMIN PA LA MI G-YO BA'I PHYIR NI MA YIN NO, ,PHYIR MI 'ONG BA RNAMS NI KHYAD PAR DU 'GRO BA YIN PA'I PHYIR GNAS KYI KHYAD PAR GCIG TU SKYE BA GCIG KHO NA MA YIN NAM SKYE BA GNYIS PA LA @341B SOGS PA NI SO SOR MA BRTAGS PA'I 'GOG PAS 'GAGS PA'I PHYIR 'BRAS BU CHE BA DAG TU SKYE BA LNGA MED NA JI LTAR MI CHE BA LA SOGS PAR RNAM PA LNGA SGYUR BAR BYED CE NA, DE NI MA YIN TE 'BRAS BU CHE BA DAG KHO NAR SO SOR MA BRTAGS PA'I 'GOG PAS 'GAGS PA'I PHYIR RO, ,DE LA 'DIR MA RIG PA LA SOGS PA NI YAN LAG PHYI MA RNAMS KYI DMIGS PA DANG MTSUNGS PA DE MA THAG PA'I RKYEN NYID DU 'KHRUL PA'I PHYIR DANG NGO BO NYID DANG RNAM PA'I KHYAD PAR DAG GIS KYANG RIGS THA DAD PA'I PHYIR RGYU DANG DMIGS PA DANG MTSUNGS PA DE MA THAG PA'I RKYEN NYID DU KHAS MI LEN GYI KHYAB PA'I PHYIR DANG RIGS THA DAD PA'I PHYIR BDAG PO'I RKYEN NYID KHO NAR RNAM PAR GZHAG GO, ,YANG RNAM PAR SHES PA DRUG PO DAG CES BYA BA NI NYE BAR SPYOD PA CAN GYI RTEN CING 'BREL PAR 'BYUNG BA'I STE, BDAG PO'I RKYEN NI MIG LA SOGS PA DBANG PO DRUG GO, ,DMIGS PA'I RKYEN NI YUL GZUGS LA SOGS PA'O, ,MTSUNGS PA DE MA THAG PA'I RKYEN NI DRUG PO 'GAGS MA THAG PA'O, ,'DI DAG LA RGYU'I RKYEN BDAG NYID JI LTA BA BZHIN DGE BA LA SOGS PA'I SA BON YANG YOD PA MA YIN NAM, DE CI'I PHYIR MI BRJOD CE NA, KHA CIG NA RE DE NI MA KHYAB PA'I PHYIR MA BRJOD DE 'DI LTAR 'PHAGS PA'I LAM NI 'DRIS PA MA YIN PA'I PHYIR SKAD CIG MA DANG PO SKYE BA SA BON MED PA CAN YIN NO ZHES ZER RO, ,DE NI RIGS PA MA YIN TE, RANG BZHIN GYI RIGS SNGAR BSGRUBS ZIN PA'I PHYIR RO, ,'ON TE YANG BYE BRAG TU SMRA BA RNAMS SKAL PA MNYAM PA'I RGYU KHAS MI LEN PA'I PHYIR 'PHAGS PA'I LAM GYI SKAD CIG MA DANG PO'I RGYU'I RKYEN MED PA CAN DU 'DOD DE, DE DANG MTHUN PAR DE MA BRJOD DO ZHE NA DE LTA NA YANG RIGS PA MA YIN TE DE'I LUGS KYIS DE LA YANG LHAN CIG 'BYUNG BA DANG MTSUNGS PAR LDAN PA'I MTSAN NYID KYI RGYU'I RKYEN YOD PA'I PHYIR RO, ,'ON TE NYE BAR SPYOD PA CAN NI NYE BAR SPYAD PAR BYA BA LA LTOS PA YIN LA, NYE BAR SPYOD PAR BYA BA YANG SEMS DANG SEMS LAS BYUNG BA DANG MIG LA SOGS PA LUS SU BSDUS PA DANG 'GRO BA DE DANG DE DAG NA YUL GZUGS LA SOGS PA YIN TE, DE LTAR NA NYE BAR SPYAD PAR BYA BA NYID NI GSUM @342A *, ,PA'I BDAG NYID DE KHO NA ZHES DE NYID KYI RKYEN GSUM GYIS RNAM PAR PHYE STE BSTAN TO SNYAM NA, DE YANG RIGS PA MA YIN TE KUN GZHI'I RNAM PAR SHES PA'I KHONGS SU GTOGS PA SA BON YONGS SU SMIN PA LUS SU BSDUS PA NYID KYIS NYE BAR SPYAD PAR BYA BA NYID YIN PAS, DE'I RGYU RKYEN YANG BRJOD PAR THAL BAR 'GYUR RO, ,DE LTA BAS NA NGO BO NYID RNAM PAR BYED PA'I SKABS KYI RTEN CING 'BREL PAR 'BYUNG BA DANG PO LA RGYU'I RKYEN BSTAN ZIN PA'I PHYIR DANG, NYE BAR SPYOD PA YANG SKAD CIG MA SNGA MA DANG PHYI MA 'GAG PA DANG SKYE BA'I RIM GYIS RGYUN GYIS RAB TU PHYE BA YIN PA'I PHYIR DANG, MIG LA SOGS PA'I RTEN NYID DU GZUGS LA SOGS PA NI DMIGS PA NYID DU GRAGS PA'I PHYIR MTSUNGS PA DE MA THAG PA'I RKYEN LA SOGS PA KHO NA BSTAN GYI RGYU'I RKYEN NI MA YIN NO ZHES BYAS NA LEGS SO, ,'DI DAG YIN NO ZHES BYA BA NI KHA CIG NA RE GO RIMS BZHIN DU JI SKAD BSTAN PA'I RTEN CING 'BREL PAR 'BYUNG BA GSUM GYI RKYEN RNAMS MDOR BSDUS NAS MJUG SDUD PA YIN NO ZHES ZER RO, ,GZHAN DAG NA RE SNGAR NI GTZOR RKYEN RNAM PAR GZHAG PA MDZAD PA YIN NO, ,DA NI YON TAN GTZO BO'I NGO BO LA MA BRTEN PAR RTEN CING 'BREL PAR 'BYUNG BA RE RE'I RKYEN GZHI'I NGO BO NYID RKYEN BZHI LAS SKYE BAR STON TO ZHES ZER RO, ,DE LA SPROS PA'I BAG CHAGS DBYE BA MA BYAS PAR SPYIR 'KHOR BA JI SRID PAR GNAS PA'I SGO NAS RTEN CING 'BREL BAR 'BYUNG BA DANG PO KUN GZHI RNAM PAR SHES PA NI DE LAS GZHAN PA RNAMS KYI RKYEN GZHIR 'GYUR TE SA BON GYI RTEN DANG MI SGRIB PA DANG DMIGS PA DANG RANG GI RIGS KYI SKAD CIG MA LA SKAD CIG MA SNGA MA 'GAGS PAS MTSUNGS PA DE MA THAG PA'I RTEN SBYIN PA'I SGO NAS SO, ,DE YANG RKYEN GZHI KHO NA LAS SKYE STE RANG GI RGYUD DANG 'BREL CING LHAN CIG 'BYUNG BA'I SA BON GYI SGO NAS RNAM PAR SHES PA'I TSOGS BDUN LAS DE DANG 'DRA PA'I BAG CHAGS DANG 'BREL PA SKYE BA NA RGYU'I RKYEN DANG RTEN DANG BCAS PA'I DBANG PO LA DMIGS PA'I PHYIR DMIGS PA'I RKYEN DANG, RANG LAS GZHAN PA MI SGRIB PAR GYUR PA DAG LAS TE BDAG PO'I RKYEN DANG, RANG GI RIGS KYI SKAD CIG MA 'GAGS PA MTSUNGS PA DE MA THAG PA'I @342B RKYEN LAS SO, ,NYING MTSAMS SBYOR BA 'BREL PA NI 'JUG PA'I RNAM PAR SHES PA DRUG KUN DU 'BYUNG BA DANG 'GAL BA'I PHYIR DANG, DE 'GAGS PA NYID MTSAMS SBYOR BA SPREL PA DANG MTHUN PA'I PHYIR TE DE BAS NA SRID PA BAR MA'I YID KYI RNAM PAR SHES PA NYON MONGS PA CAN THA MA YANG DE'I MTSUNGS PA DE MA THAG PA'I RKYEN YIN NO, ,DE BZHIN DU MA RIG PA LA SOG PA YANG SO SOR RIGS MI MTHUN PA'I 'BRAS BU SKYE BA LA LTOS NAS RKYEN GZHI'I NGO BO NYID KYI RKYEN BZHI LAS SKYE BAR CI RIGS PAR BSHAD PAR BYA'O, ,SA BON DU GYUR PA RNAMS DANG GZUGS CAN GYI YAN LAG RNAMS LA RKYEN BZHI RIL MI SRID PAS 'JUG PA'I RNAM PAR SHES PA'I TSOGS DRUG PO DAG RKYEN GZHI'I NGO BO NYID KYIS RKYEN BZHI LAS SKYE BAR BSHAD PAR BYA'O, ,RNAM GRANGS ZHES BYA BA NI THUN MONG MA YIN PA ZHES BYA BA LA SOGS PA'I MING NGO, ,MTSAN NYID KYIS ZHES BYA BA NI LE'U BDUN GYIS SO, ,JI LTAR NA ZHES BYA BA NI JI SKAD SMOS PA'I RNAM PAR 'GOD PA YIN TE 'JUG PA'I RNAM PAR SHES PA RNAMS KHO NA LA BSAMS NAS GZHAN RGOL ZHING RTOG PAR BYED DO, ,DE LA 'JIG RTEN PA RNAMS LA RNAM PA'I RAB TU DBYE BA MTHA' YAS PA ZHIG SRID MOD KYI 'DAS MA THAG PA SDUG PA DANG MI SDUG PA'I 'GRO BA KUN NAS NYON MONGS PA GSUM GYI GNAS SKABS KYI RTEN CING 'BREL PAR 'BYUNG BA NYE BAR BSTAN PA NYON MONGS PA'I KUN NAS NYON MONGS PA LA SOGS PA GSUM GYI BYE BRAG KHO NA NYE BAR 'GOD DO, ,'JIG RTEN PA'I RNAM PAR BYANG BA NI DAG PA PA'I BSAM GTAN DANG GZUGS MED PA'I MTSAN NYID DO, ,'JIG RTEN LAS 'DAS PA NI 'PHAGS PA'I LAM GYI MTSAN NYID DANG 'GOG PA'I SNYOMS PAR 'JUG PA'I MTSAN NYID DANG, GNAS GYUR PA'I MTSAN NYID DO, ,'DI DAG NI 'JIG RTEN LAS 'DAS PA NYID YIN PA NI 'PHAGS PA'I LAM GYI STOBS KYIS SNYOMS PAR 'JUG PA'I PHYIR DANG, 'PHAGS PA'I LAM SNGON DU 'GRO BA CAN NYID KYI PHYIR RO, ,DE LTAR NA KUN NAS NYON MONGS PA DANG RNAM PAR BYANG BA SPYIR NA RNAM PA BDUN YIN NO, ,NYON MONGS PA RNAMS YANG DANG YANG DU BYUNG BA NI NYON MONGS PA'I KUN NAS NYON MONGS PA STE, DE @343A *, ,YANG NYON MONGS PA MANG BA'I PHYIR 'DOD PA'I KHAMS YIN NO, ,DE NA YOD PA NYID RNAM PA GSUM DU DBYE STE, RGYUN CHAGS SU KUN NAS NYON MONGS PA 'BYUNG BA DANG 'DU SHES MED PA'I SNYOMS PAR 'JUG PA LAS LANGS PA LA KUN NAS NYON MONGS PA 'BYUNG BA DANG 'PHAGS PA'I LAM LAS LANGS PA KUN NAS NYON MONGS PA 'BYUNG BA'O, ,DE NI RANG GI BA SKYED PA'I BAG CHAGS DANG 'BREL PA YIN NA DE YANG KUN GZHI'I RNAM PAR SHES PA MED NA MI RUNG NGO, ,DE LA KUN NAS NYON MONGS PA DANG PO LA NI 'DOD CHAGS LA SOGS PAS MIG GI RNAM PAR SHES PA'AM MIG GI RNAM PAR SHES PA 'DOD CHAGS LA SOGS PA'AM, 'DOD CHAGS LA SOGS PA'I BAG CHAGS YONGS SU GZUNG BA'I MIG GI RNAM PAR SHES PAS RNA BA'I RNAM PAR SHES PA LA SOGS PA'AM, 'DOD CHAGS LA SOGS PA'I BAG CHAGS YONGS SU GZUNG BA'I MIG GI RNAM PAR SHES PAS MIG GI RNAM PAR SHES PA PHYI MA GZHAN LA BSGO BAR 'GYUR GRANG NA, DE LA 'DOD CHAGS LA SOGS PAS MIG GI RNAM PAR SHES PA LA BSGO BA NYID DGAG PA'I DBANG DU MDZAD NAS, 'DI LTAR MIG GI RNAM PAR SHES PA GANG ZHES BYA BA LA SOGS PA DE NYID DE DAG GI SA BON GYI DNGOS POR BAG CHAGS BSGOS PAR 'GYUR GYI ZHES BYA BA'I BAR SMOS SO, ,'DI JI LTAR MI RUNG ZHE NA, DGOS PA MED PA'I PHYIR DE BAG CHAGS 'JOG PAR BYED PA NI RANG DANG MTHUN PA'I 'BRAS BU SKYED PA'I CHED YIN NA DE NI LTA BA 'DI LA RUNG BA MA YIN NO ZHES MIG GI RNAM PAR SHES PA 'GAGS PA RNAM PAR SHES PA GZHAN GYIS BAR DU CHOD PA DE LA NI ZHES BYA BA LA SOGS PAS BSTAN TO, ,RNAM PAR SHES PA GZHAN GYIS BAR DU CHOD PA ZHES BYA BA NI RNA BA'I RNAM PAR SHES PA LA SOGS PAS BAR DU CHOD PA'O, ,BAG CHAGS MED CING BAG CHAGS KYI GNAS KYANG MI DMIGS ZHES BYA BA NI 'DOD CHAGS LA SOGS PA'I BAG CHAGS RTEN DANG BCAS TE 'GAGS PA'I PHYIR SA BON MED PAS DE LAS 'DOD CHAGS LA SOGS PA DANG MTSUNGS PAR LDAN PA'I MIG GI RNAM PAR SHES PA SKYE BAR MI 'GYUR BA'O, ,RGYUD GCIG TU GTOGS PA'I PHYIR RNA BA'I RNAM PAR SHES PA MJUG @343B THOGS SU SKYE BA NYID KUN GZHI'I RNAM PAR SHES PA'I RGYUN BZHIN DU MIG GI RNAM PAR SHES PAS ZIN PA'I BAG CHAGS YONGS SU 'DZIN CING SKYE BA MA YIN NAM ZHE NA, DE NI MA YIN TE, RTEN THA DAD PA'I PHYIR RGYUD GCIG TU GTOGS PA NYID BSGRUB PAR DKA'O ZHES DE NI, THA DAD GSUM DANG 'GAL BA'I PHYIR, ,ZHES BYA BA DER RNAM PAR PHYE ZIN TO, ,JI STE YANG 'DI NI RGYUD GCIG TU GTOGS PA KHO NA YIN TE, 'DI LTAR RNAM PAR SHES PA GCIG PO NYID MIG LA SOGS PA'I RTEN DE DANG DE NAS SKYE BA NA DE DANG DE'I MING THOB PAR ZAD DO SNYAM NA, DE LTAR NA YANG RIGS PA MA YIN TE LHAN CIG SKYE BA DANG 'GAG PA'I NGO BOS SKAD CIG MA SNGA MAS SKAD CIG MA PHYI MA LA BAG CHAGS 'JOG PAR MI SRID PA'I PHYIR DANG, BAG CHAGS CHOS NYID KYIS GNAS NA YANG YONGS SU GSO BA MED PAR SKYE BAR MI RUNG BA'I PHYIR DANG, SEMS MED PA'I GNAS SKABS NA SEMS KYI RGYUD CHAD PA NYID KYIS JI SKAD BSHAD PA'I SKYON DU THAL PAR 'GYUR BA'I PHYIR DANG RTEN THA DAD PA NYID KYIS RGYUD KYI RDZAS GCIG PA NYID BSGRUB DKA' BA'I YANG PHYIR RO, ,YANG 'DIR BRGYAL BYE BRAG TU SMRA BA NYON MONGS PA 'DAS PA LAS NYON MONGS PA YIN LA DE YANG MIG GI RNAM PAR SHES PA SKYE BA YIN NO ZHES ZER NA, DE'I PHYIR MED PA 'DAS PA DE LAS 'DOD CHAGS DANG BCAS PA 'BYUNG DU MI RUNG ZHES BYA BA SMOS SO, ,'DAS PA'I LAS LAS ZHES BYA BA NI RNAM PAR SMIN PA'I 'BRAS BU PHYUNG ZIN GANG YIN PA DE NA DPER DGOD PAR BYA'O, ,SKAL BA MNYAM PA'I RGYU SKAD CIG MAS BAR DU CHOD PA NI RANG GI 'BRAS BU MI 'BYIN TE, ,'DAS NAS YUN RING DU LEN PA'I PHYIR RNAM PAR SMIN PA'I 'BRAS BU PHYUNG ZIN PA LTA BU'O, ,YANG 'DAS PA'I LAS LAS ZHES BYA BA 'DI NI 'OD[?] SRUNGS PA'I LTA BA YIN TE DE DAG GI LTAR NA 'DAS PA CHUNG ZAD CIG NI YOD DE SKAL BA MNYAM PA'I RGYU THAMS CAD DANG RNAM PAR SMIN PA'I RGYU 'BRAS MA PHYUNG BA'O, ,CHUNG ZAD CIG NI MED DE RNAM PAR SMIN PA'I RGYU 'BRAS BU PHUNG ZIN PA'O, ,DE NI DE DAG GI PHYIR DE SKAD BSHAD PA YIN TE, DE NI MDO SDE BA'I SKABS DGAG PA'I PHYIR YANG DE SKAD DU BRJOD PAR BYA'O, ,MIG GI RNAM PAR SHES PAS 'DOD CHAGS LA @344A *, ,SOGS PA LA SGO BAR BYED PA DGAG PAR MIG GI RNAM PAR SHES PA 'DOD CHAGS LA SOGS PA DANG LHAN CIG 'BYUNG STE ZHES BYA BA LA SOGS PA SMOS SO, ,MIG GI RNAM PAR SHES PA NI MTSUNGS PAR LDAN PA'I SGO NAS NYON MONGS PA CAN GYI YIN PAS DE LTA BU'I 'BRAS BU'I SKYE PAR BYA BA'I PHYIR RANG LA BRTEN PA'I 'DOD CHAGS LA SOGS PA LA BAG CHAGS 'JOG GO ZHE NA, DE NI RIGS PA MA YIN NO, ,DE LA RTEN PA'I PHYIR ZHES BYA BA NI 'DIR SEMS LA BYUNG BA RNAMS GANG LA BRTEN PA'I RTEN NYID KYIS SGO BAR MI BYED DO ZHES BYA BA DE LTAR NI GZUNG BAR MI BYA STE, 'JUG PA'I RNAM PAR SHES PA BDUN GYI KUN GZHI'I RNAM PAR SHES PA DANG MTSUNGS PAR LDAN PA'I REG PA LA SOGS PA LA SGO BAR BYED PA NYID DU THAL BAR GYUR NA MI RUNG BAS SO, ,DE LTA BAS NA 'DI SKAD DU 'DOD CHAGS LA SOGS PA LA SGO BAR BYED PA NI MA YIN TE SKAD CIG RE RE LA GZHAN LA RAG LAS TE SKYE BA'I RGYU CAN YIN PA'I PHYIR SGRA LA SOGS PA BZHIN NO ZHES RNAM PAR DBYE BAR BYA'O, ,MI BRTAN PA'I PHYIR RO ZHES BYA BA NI 'DOD CHAGS PA LA SGO BAR MI BYED DE RGYU MI BRTAN PA'I PHYIR SGRA DANG GLOG LA SOGS PA BZHIN NO, ,'DOD CHAGS LA SOGS PA'I BAG CHAGS YONGS SU GZUNG BA'I MIG GI RNAM PAR SHES PAS RNA BA'I RNAM PAR SHES PA LA SOGS PA LA SGO BAR BYED PA NYID DGAG PA'I DBANG DU MDZAD NAS RNAM PAR SHES PA GZHAN DAG LA YANG MA YIN TE ZHES BYA BA LA SOGS PA SMOS SO, ,'DI LA KHA CIG NA RE MIG LA SOGS PA'I RNAM PAR SHES RNAMS GYI GNAS THA DAD PA'I RGYUS GZHAN GYI LTA BAS LHAN CIG 'BYUNG BA DANG 'GAG PA MED DO, ,GANG DAG RTEN GCIG PA CAN DU 'JUG PA CAN DE DAG NI CIG CAR SKYE STE, DPER SEMS DANG SEMS LAS GYUR PA RNAMS LTA BU'O SNYAM DU BSAMS PA'I PHYIR RO, ,DE'I PHYIR MIG GI RNAM PAR SHES PAS RNA BA'I RNAM PAR SHES PA LA SOGS PA LA SGO BAR BYED PA MA YIN TE, LHAN CIG SKYE BA DANG 'GAG PA DANG BRAL BA'I PHYIR 'DAS NAS RING ZHIG LON PAS DA LTAR LTA BU DANG MA 'ONGS PA LTA BU DANG RGYUD GZHAN DU GTOGS PA RNAM PAR SHES PA DUS THA DAD PA LTA BU'O ZHES ZER RO, ,GZHAN DAG NA DE DANG LHAN CIG 'BYUNG BA DANG @344B 'GAG PA MED PA'I PHYIR RO ZHES DANG ZHES BYA BA'I SGRA'I DON TO, ,DES NA MIG GI RNAM PAR SHES PAS RNA BA'I RNAM PAR SHES PA LA SOGS PA LA SGO BAR BYED PA NI MA YIN TE, GNAS THA DAD PA'I PHYIR RGYUD GZHAN GYI RNAM PAR SHES PA BZHIN NO, ,LHAN CIG 'BYUNG BA DANG 'GAG PA MED PA'I PHYIR RO ZHES BYA BA 'DIS NI GZHAN GYI LTA BA KHO NAS GZHAN LA RJES SU DPAG PAS GNOD PAR BRJOD PAR BYA'O, ,RNAM PAR RTOG PA BZHI PA DGAG PA'I DBANG DU MDZAD NAS RANG GI DNGOS PO LA YANG MA YIN TE ZHES BYA BA LA SOGS PA SMOS SO, ,DE LA MIG GI RNAM PAR SHES PA NI MIG GI RNAM PAR SHES PA'I PHYI MA'I RANG GI RIGS YIN PA'I PHYIR RANG GI DNGOS PO YIN LA 'DOD CHAGS LA SOGS PA PHYI MA'I YIN NO, ,DE DAG LA SGO BAR BYED PA MA YIN TE, LHAN CIG 'BYUNG BA DANG, 'GAG PA DANG BRAL BA'I PHYIR SNGA MA BZHIN NO, ,RDZAS GCIG GI RGYU YIN PA'I PHYIR KUN GZHI'I RNAM PAR SHES PA BZHIN DU RANG GI NUS PA RJES SU 'JUG PAR 'GYUR BA MA YIN NAM ZHE NA, MA YIN TE NUS PA YOD KYANG 'BRAS BU MNGON PAR 'GRUB PA NI YONGS SU GSO BA LA RAG LAS PA YIN NO, ,DE LTA MA YIN NA 'DOD CHAGS LA SOGS PA RTAG TU 'BYUNG BA'AM CIG CAR 'BYUNG BA KHO NAR 'GYUR RO, ,YONGS SU GSO BA YANG LHAN CIG 'BYUNG BA DANG 'GAG PA LA RAG LAS PA YIN TE, DPER NA TIL LA SOGS PA'I ME TOG GI DRI'I BAG CHAGS YONGS SU GZUNG BA ME TOG DANG LHAN CIG 'BYUNG BA DANG 'GAG PAR BYAS PA BZHIN NO, ,DE LTA BAS NA MIG GI RNAM PAR SHES PA LA ZHES BYA BA NI RNAM PAR RTOG PA DANG PO 'GAG PA'I MJUG SDUD PA YIN NO, ,RNAM PAR SHES PA DE LA RNAM PAR SHES PAS BSGOS PAR YANG MI RUNG NGO ZHES BYA BA NI RNAM PAR RTOG PA BZHI PA DGAG PA'O, ,DGAG PAR MA DGAG PA NI GTZO BO MA YIN PA'I PHYIR MJUG BSDU BA MA BYAS SO, , DE BZHIN DU 'JUG PA'I RNAM PAR SHES PA LHAG MA RNAMS LA YANG ZHES BYA BA NA DPYAD PA MTHUN PA'I PHYIR MTHUN PAR BSGRE BA YIN NO, ,NYON MONGS PA'I KUN NAS NYON MONGS PA GNYIS PA DGAG PA'I DBANG DU MDZAD NAS GANG YANG SA GONG MA 'DU SHES MED PA NAS SHI 'PHOS TE ZHES BYA @345A *, ,BA LA SOGS PA SMOS TE, GONG MA ZHES BYA BA'I SGRA NI 'DU SHES MED PA'I ZHES BYA BA'I SGRA DANG GO BAR BYED PA YIN PA'I PHYIR KHYAD PAR DANG NUS PA MED PA'I TSIG BSDU BA YIN PAR YANG RIG PAR BYA'O, ,'DIR SKYES BA RNAMS KYI ZHES BYA BA NI 'DOD PA'I KHAMS YIN PAR STON TO, ,NYON MONGS PAR GYUR PA THOG MA NYID DU SKYE BA DE YANG ZHES BYA BA NI BYE BRAG TU SMRA BA RNAMS KYI LTAR NA SRID PA BAR MAR NYING MTSAMS SBYOR BA'I SEMS GDON MA ZA BAR NYON MONGS PA CAN YIN PAS DE DANG POR NYON MONGS PA CAN YIN NO, ,MDO SDE PA RNAMS KYI LTAR NA SRID PA BAR MA'I SEMS THA MA GDON MI ZA BAR 'DOD CHAGS LA SOGS PA GANG YANG RUNG BA ZHIG DANG MTSUNGS PAR LDAN PA'I PHYIR DE DANG POR NYON MONGS PA CAN YIN NO, ,DE LA SA BON MED PA'I PHYIR SKYE BAR YANG MI RUNG STE 'DOD PA SPYOD PA'I NYON MONGS PA'I SA BON RTEN BCAS TE 'GAGS PA'I PHYIR RO, ,NYON MONGS PA'I SA BON DE GZUGS KYI RGYUD LA YANG MA YIN TE, GZUGS LA SGO BAR BYED PA NYID DU GZHAN KHAS MI LEN PA'I PHYIR DANG, RNAL 'BYOR SPYOD PA LA GZUGS MA GRUB PA'I YANG PHYIR RO, ,GNAS GZHAN NAS 'DIR SKYES PA RNAMS LA YANG JI SKAD BSTAN PA'I TSUL GYI SA BON MED PA'I PHYIR NYON MONGS PA CAN GYI SEMS DANG POR SKYE BA DE MI RUNG MOD KYI SEMS KYI RGYUN CHAD PA NYID KYIS GLAGS MED PA'I PHYIR 'DU SHES MED PA PA KHO NA NAS 'CHI 'PHO BA NYE BAR BKOD DO, ,KUN NAS NYON MONGS PA GSUM PA DGAG PA'I DBANG DU MDZAD NAS, NYON MONGS PA'I GNYEN PO'I RNAM PAR SHES PA BYUNG NA ZHES BYA BA LA SOGS PA SMOS TE, NYON MONGS PA'I GNYEN PO RNAM PAR SHES PA ZHES BYA BA NI SDUG BSNGAL LA CHOS SHES PA'I BZOD PA DANG MTSUNGS PAR LDAN PA'O, ,'GAGS NA ZHES BYA BA NI ZAG PA DANG BCAS PA NYID DU MTSUNGS PA'I PHYIR NGES PAR 'BYED PA'I CHA DANG MTHUN PA DAG LA NYON MONGS PA'I SA BON YOD PAR 'GYUR RO ZHE NA, DE DGAG PA'I PHYIR 'GAGS NA ZHES SMOS PA YIN NO, ,DE LA YANG GTAN LUNG MA BSTAN ZHES BYA BA LA SOGS PAS RUNG BA MA YIN MOD KYI GZHAN DANG MTHUN PAR DE SKAD DU BSHAD DO, ,GAL TE YANG 'JIG RTEN PA'I CHOS KYI MCHOG 'GAG PA KHO NA 'PHAGS @345B PA'I LAM GYI SKAD CIG MA DANG PO LA SA BON 'JOG GO SNYAM DU SEMS NA, DE'I PHYIR NGO BO NYID KYIS RNAM PAR GROL BA'I PHYIR ZHES BYA BA SMOS SO, ,LA LA NI NGO BO NYID KYIS RNAM PAR GROL BA KHO NA YIN TE ZAG PA MED PA SLOB PA'I SEMS GANG YIN PA'O, ,LA LA NI NGO BO NYID KYIS RNAM PAR GROL BA DANG RGYUD RNAM PAR GROL BA YANG YIN TE ZAG PA MED PA MI SLOB PA'I SEMS GANG YIN PA'O, ,'DI GNYIS KA YANG NYON MONGS PA'I SA BON GYI RTEN MA YIN PA'I PHYIR DANG DMIGS PA DANG MTSUNGS PAR LDAN PA DAG GIS NYON MONGS PA RNAMS RGYAS PAR MI 'GYUR BA'I PHYIR RNAM PAR GROL BA YIN NO, ,DE BAS NA SLOB PA'I GANG ZAG PA MED PA'I SEMS NI NYON MONGS PA'I SA BON DANG LDAN PA MA YIN TE NGO BO NYID KYIS RNAM PAR GROL BA NYID DU 'DOD PA'I PHYIR DGRA BCOM PA'I SEMS BZHIN NO, ,LHAN CIG 'BYUNG BA DANG 'GAG PA MED PA'I PHYIR RO ZHES BA BA NI 'DI SKAD DU STON PA YIN TE ZAG PA MED PA'I SEMS NI NYON MONGS PA'I SA BON GYI RTEN MA YIN TE DE DANG 'GAL PA'I PHYIR RO, ,GANG ZHIG GANG DANG 'GAL BA DE NI DE'I SA BON GYI RTEN MA YIN TE DPER NA MUN PA'I SNANG BA LTA BU'O, ,'GAL BA NYID JI LTAR ZHE NA, MI MTHUN PA DANG GNYEN POR GYUR BA'I PHYIR TE DE YANG LHAN CIG 'BYUNG BA DANG 'GAG PA MED PAR GRAGS SO, ,GANG DAG RES 'GA' LHAN CIG 'BYUNG BA DANG 'GAG PAR GRAGS PA DE DAG NI MI MTHUN PA'I PHYOGS DANG GNYEN PO'I NGO BOR YANG MA GRAGS SO, ,DE LTAR NI RIM PA 'DIS NI DGE BA ZAG PA DANG BCAS PA'I SEMS KYANG NYON MONGS PA'I SA BON GYI RTEN MA YIN NA ZAG PA MED PA LTA SMOS KYANG CI DGOS, DE'I 'OG TU YANG ZHES BYA BA NI MTHONG BA'I LAM LAS LANGS PA'O, ,'DAS NAS YUN RING STE ZHES BYA BA LA SOGS PA NI DON GO BAR ZAD DO, ,BYE BRAG TU SMRA BA'I THOB PA'I PHYOGS NI MDO SDE LA RNAMS NYID KYIS BSAL ZIN BAS DE NI SKABS MA YIN NO, ,MDO SDE PA'I YANG BAG CHAGS KYI RTEN MED PA'I NYES PA DANG LDAN PA NYID YIN NO, ,DE LTA BAS NA KUN GZHI'I RNAM PAR SHES PA MED NA NYON MONGS PA DANG 'NYE BA'I NYON MONGS PA'I SA BON MI RUNG NGO ZHES RIGS PAS GTAN LA PHAB @346A *, ,NAS MJUG SDUD PA YIN NO, ,'DU BYED KYI RKYEN GYIS RNAM PAR SHES PA ZHES BYA BA LA KHA CIG GI LTA BA NI TSE RABS GSUM PA'I GNAS SKABS PA'I RTEN CING 'BREL PAR 'BYUNG BA KHAS BLANG BA LA NYING MTSAMS SBYOR BA RNAM PAR SHES PA KHO NA 'DU BYED KYI RKYEN CAN YIN NO, ,DE NI MDO SDE PA RNAMS KHO NAS BKAG STE, DE JI LTAR BKAG PA NI RTEN CING 'BREL PAR 'BYUNG BA'I SKABS NAS NGES PAR GZUNG BAR BYA'O, ,DE LTA BAS NA MDO SDE PA'I LTA BAS KYANG BSOD NAMS LA SOGS PA'I 'DU BYED KYIS YONGS SU BSGOS PA'I RNAM PAR SHES PA 'BYUNG BA KHO NA 'DU BYED KYI RKYEN GYIS RNAM PAR SHES PA ZHES BYA'O, ,GANG GI PHYIR DE LTA YIN PA DE'I PHYIR LAS KYI KUN NAS NYON MONGS PA'I SKABS SU RNAM PAR SHES PA'I YAN LAG BSTAN TO, ,'DU BYED KYI BAG CHAGS 'JOG PA DE YANG DGAG PA JI SKAD SMOS PA DANG RTEN CING 'BREL PAR 'BYUNG BA'I SKABS SU RNAM PAR SHES PA'I YAN LAG BSTAN PA LAS NA 'JUG PA'I RNAM PAR SHES PA RNAMS LA MI SRID DO ZHES BYA BAR NGES PAR GZUNG BAR BYA'O, ,DE LTA BAS NA 'DU BYED KYIS YONGS SU BSGOS PA'I KUN GZHI'I RNAM PAR SHES PA 'BYUNG BA KHO NA LA 'DU BYED KYI RKYEN GYIS RNAM PAR SHES PA ZHES BYA'O, ,SNGAR NI NGO BO NYID RNAM PAR SHES PA THUN MONG MA YIN PA'I BDAG PO'I RKYEN GYI SKABS KYIS MA 'ONGS PA'I RNAM PAR SHES PA KHO NA LAS 'DU BYED KYI RKYEN GYIS RNAM PAR SHES PA ZHES BSHAD DO, ,DA NI LAS KYI KUN NAS NYON MONGS PA'I SKABS YIN PA'I PHYIR DE SKAD DU MA BSHAD DO, ,'DU BYED KYI SA BON DANG RNAM PAR SHES PA MA 'ONGS PA'I SA BON 'DI GNYI GA YANG SPYIR RNAM PAR SHES PA'I YAN LAG YIN NO, ,GAL TE RNAM PAR SHES PA'I YAN LAG KUN GZHI'I RNAM PAR SHES PA YIN NA MDO LAS RNAM PAR SHES PA'I YAN LAG 'JUG PA'I RNAM PAR SHES PA DRUG YIN PAR RNAM PAR PHYE BA DANG 'GAL BA MA YIN NAM ZHE NA, DE NI MA YIN TE DER NI RJES SU 'JUG PA'I TSUL GYIS 'BRAS BUS RGYU STON TE DPER NA BKRES PA DANG SKOM PA DAG GIS REG BYA'I KHYAD PAR LTA BU'O SNYAM DU DGONGS PA YIN NO, ,DE LTAR NA KUN GZHI'I RNAM PAR SHES PA MED NA 'PHEN PAR BYED @346B PA'I LAS KYIS KUN NAS NYON MONGS PA MI RUNG NGO, ,DE MED NA ZHES BYA BA KUN GZHI'I RNAM PAR SHES PA MED NA'AM, BAG CHAGS KYI MTSAN NYID KYI SA BON MED NA LAS KYI SA BON DE GANG NA GNAS SHING MA 'ONGS PA MNGON PAR GRUB PAR BYA BA LA MNGON DU PHYOGS PAR BYED PA NI LEN PA YIN PAR 'GYUR TE, 'DIS NI MNGON PAR GRUB PAR BYED PA'I LAS KYI KUN NAS NYON MONGS PA MED PAR STON TO, ,SKYE BA'I KUN NAS NYON MONGS PA NI RNAM PAR SMIN PA'I MTSAN NYID DO, ,DE YANG 'CHI 'PHO BA'I GNAS SKABS DANG 'CHI 'PHO BA'I GNAS SKABS MA YIN PA'O, ,'CHI 'PHO GNAS SKABS MA YIN PA YANG RNAM PAR GNYIS TE NYING MTSAMS SBYOR BA SPREL PA'I SKABS DANG NYING MTSAMS SBYOR BA SPREL PA'I 'OG GNAS PA'I GNAS SKABS SO, ,NYING MTSAMS SBYOR BA SPREL PA'I GNAS SKABS KYANG KHAMS GSUM PA'I BYE BRAG GIS RNAM PA GSUM MO, , DE THAMS CAD NI KUN GZHI'I RNAM PAR SHES PA MED NA MI RUNG NGO, ,DE LA 'DOD PA'I KHAMS KYI NYING MTSAMS SBYOR BA SPREL PA MI RUNG BAR BSTAN PA'I PHYIR MNYAM PAR MA BZHAG PA'I SA NAS ZHES BYA BA SMOS SO, ,'DI LA YANG BYED BRAG TU SMRA BA RNAMS KYI LTA BA NI NYING MTSAMS SBYOR BA'I SEMS NI NYON MONGS PA CAN YIN NO ZHES BYA BA YIN NO, ,DE NI MDO SDE PA RNAMS KHO NAS NYING MTSAMS SBYOR BA'I SEMS NI NYING MTSAMS SBYOR BA SPREL PA'I SKAD CIG MAS BSDUS PA YIN PA'I PHYIR LUS KYI DBANG PO BZHIN TE RNAM PAR SMIN PA LAS SKYES PA YIN NO ZHES BYA BA DE LTA BU LA SOGS PA'I RNAM PAS BSAL TO, ,DE LTA BAS NA MDO SDE PA RNAMS KHO NAS KHAS BLANGS PA SRID PA BAR MA'I SEMS THA MA NI RJES SU CHAGS PA LA SOGS PA GANG YANG RUNG BA ZHIG DANG MTSUNGS PAR LDAN PA'I PHYIR NYON MONGS PA CAN YIN LA DE SNGON DU 'GRO BA CAN MA'I MNGAL DU NYID MTSAMS SBYOR BA'I SEMS RNAM PAR SMIN PA'I BDAG NYID KYANG KHU CHU DANG KHRAG DANG LHAN CIG GRUB PA DANG BDE BA GCIG PA'I NUR NUR PO NYID DU 'CHAGS SO, ,DE NI LUS KYI RNAM PAR SHES PA YANG MA YIN TE LUS KYI DBANG PO ZHEN PA'I PHYIR RO, ,DE LAS GZHAN PA'I DBANG PO @347A *, ,GZUGS CAN MED PA'I PHYIR DBANG PO GZUGS CAN GYI RNAM PAR SHES PA GZHAN YANG MA YIN PAS SHUGS KYIS NA YID KYI RNAM PAR SHES PA YIN NO ZHE NA'O, ,DE LA YANG BTZUN PA DPAL LEN NA RE RNAM PAR SMIN PA RNAM PAR SHES PA DE NI PHYIS DGE BA LA SOGS PA'I SEMS KUN DU 'BYUNG BA NA 'GAG LA, ,DE DAG BA LA SOGS PA'I SEMS 'GAGS NAS YANG MTSAMS SBYOR RO ZHES ZER RO, ,DE NI RIGS PA'I RJES SU 'BREL PA NYID LAS BAR SKABS SU TSE GZHAN DU BRJE ZHING RNAM PAR SMIN PA'I RGYUD 'CHAD PA'I NYING MTSAMS SBYOR BA NI MED DE LUS KYI DBANG PO BZHIN NO ZHES BKAG LA, DGE BA LA SOGS PA'I SEMS 'GAGS NAS RNAM PAR SMIN PA'I SEMS SU YANG 'DOD DE, DE LTA BAS NA NYID MTSAMS SBYOR BA NAS BZUNG STE MA SHI'I BAR DU RNAM PAR SMIN PA'I RGYUD 'JUG GO ZHES DE LTAR GZHAN GYI LTA BA NGES PAR BYAS NAS GAL TE YID KYI RNAM PAR SHES PA NYID CES BYA BAR SMOS SO, ,'O NA MNGAL NA 'DUG PA LA DGE BA DANG MI DGE BA'I YUL LA RNAM PAR RTOG PA'I SEMS MNGON DU GYUR NA YID KYI RNAM PAR SHES PA'I KHYAD PAR GZHAN DU 'GYUR RO ZHE NA, DE SPANG BAR GZHAN GYI LTA BA NYID KYIS DE LA BRTEN NAS ZHES BYA BA SMOS SO, ,YID KYI RNAM PAR SHES PA DGE BA DANG NYON MONGS PA CAN NI RNAM PAR SMIN PA'I YID KYI RNAM PAR SHES PAS THA DAD MA YIN GYI 'ON KYANG RNAM PAR SMIN PA'I RNAM PAR SHES PA NYID KYI GNAS SKABS KYI KHYAD PAR 'GA' ZHIG LA MNGON PAR YID CHES PA'I RNAM PAR YONGS SU 'DZIN PA DANG KUN DU CHAGS PA LA SOGS PA'I BDAG NYID KYIS RNAM PAR SHES PA DGE BA DANG NYON MONGS PA CAN ZHES BYA STE, DE YANG RIGS PA'I RJES SU 'BRANG BA KHO NA LAS RNAM PAR PHYE'O, ,GNAS SKABS KYI KHYAD PAR YANG GNAS SKABS GZHAN LA BRTEN PA YIN PAS DE SKAD CES BSHAD DO, , 'DI YANG NYING MTSAMS SBYOR BA'I SKAD CIG MA'I 'OG MA LA BYA STE, NYING MTSAMS SBYOR BA'I SKAD CIG MA NI GCIG TU MA BSGRIBS LA LUNG DU MA BSTAN PA YIN PA'I PHYIR RO, ,'DIR BSHAD PA MNGON PAR YID CHES PA LA SOGS PA'I RNAM PA CAN GANG YIN PA DE CI RNAM PAR SMIN PA'I RNAM PAR SHES @347B PA 'DZIN PA'I RNAM PA CAN LAS GZHAN ZHIG GAM 'ON TE GZHAN MA YIN PA ZHIG YIN, GAL TE GZHAN MA YIN NA NI DGE BA DANG NYON MONGS PA CAN NYID YIN PA NYAMS TE RNAM PAR SHES PA 'DZIN PA'I RNAM PA CAN BZHIN NO, ,LAS KYI MNGON PAR GRUB PA'I LUNG DU MA BSTAN PA NI MI GSAL PA'I PHYIR PHYIN CI MA LOG PAR YONGS SU GCOD PA'AM PHYIN CI LOG TU BRTAG PAR NUS PA MA YIN NO, ,'ON TE GZHAN YIN NA NI DAD PA LA SOGS PA RNAM PAR SMIN PA'I RNAM PAR SHES PA LAS THA DAD PAR 'GYUR TE 'DZIN PAR BYED PA'I RNAM PA THA DAD PA'I PHYIR TSOR BA DANG 'DU SHES DANG SEMS PA BZHIN NO ZHES BYA BAR GYUR TO, ,'DI LTAR MDO SDE PA RNAMS KYI LTAR NA TSOR BA LA SOGS PA SEMS LAS BYUNG BA GSUM RDZAS NYID DU MNGON PAR 'DOD DO, ,'ON TE KUN GZHI'I RNAM PAR SHES PA'I SA BON BZHIN DU MNGON PAR YID CHES PA'I RNAM PA DE NYID DU BRJOD PAR BYA BA MA YIN NO ZHE NA, DE NI YANG DAG PA MA YIN TE 'DZIN PAR BYED PA NYID DU 'DOD PA'I PHYIR RO, ,DMIGS PA 'DZIN PAR BYED PA NI BRJOD PAR BYA BA MA YIN PAR GRAGS PA MED LA KUN GZHI'I SA BON YANG DMIGS PA 'DZIN PAR BYED PA YIN PAR MI 'DOD DO, ,DE LTAR NA PHYOGS 'DIS REG PA LA SOGS PA'I DBANG SHES PAS NYAMS SU MYONG BA'I YUL LA RNAM PAR RTOG PAR BYED PA MNGON PAR BRJOD PA LA SOGS PA DANG MTSUNGS PAR LDAN PA'I RNAM PAR SHES PA GZHAN YANG GZHAN NYID YIN PAR BSGRUB PAR BYA'O, ,DE'I PHYIR YID KYI RNAM PAR SHES PA GZHAN GNYIS PAR GYUR TO ZHES BYA BAR NGES PAR BYAS NAS, DES NA YID KYI RNAM PAR SHES PA GNYIS ZHES BYA BA LA SOGS PA SMOS SO, ,THAL PA 'DI NI MNGAL NAS BYUNG BA LA YANG SRID MOD KYI MA'I MNGAL DU ZHES BYA BA 'DIS NI NYING MTSAMS SBYOR BA'I SKABS YIN PA'I PHYIR DE DANG NYE BA'I GNAS SKABS THAL PA STON PAR BYED DO, ,DE NA GZHAN MA YIN NA ZHES BYA BA LA SOGS PA DANG RING DU 'GRO ZHES BYA BA LA SOGS PA MDO DANG 'GAL LO, ,JI STE YANG MDO DE NI DGE BA'AM MI DGE BA'I RIGS MTHUN PA GNYIS CIG CAR SKYES PA MED PA LA BYA'O ZHES DE LTAR DRANG NGO SNYAM DU SEMS NA, YID KYI @348A *, ,RNAM PAR SHES PA CHAGS PA DE NI ZHES BYA BA LA SOGS PA SMOS SO, ,NYON MONGS PA CAN GNAS YIN PA'I PHYIR ZHES BYA BA NI 'DIR DPYAD PAR BYA STE, GAL TE RE ZHIG NYON MONGS PA GZHI DANG MTSUNGS PAR LDAN PA'I YID NYON MONGS PA CAN GNAS YIN PA'I PHYIR DE YID KYI RNAM PAR SHES PA MA YIN TE 'DOD CHAGS LA SOGS PA BZHIN NO ZHE NA, GTAN TSIGS MA GRUB PA'I DON NYID YIN TE, NYON MONGS PA CAN GYI YID MA GRUB PA'I PHYIR RO, ,'ON TE BSGRUBS ZIN TO SNYAM DU SEMS NA, DE LTAR YANG PHYOGS GZHAN DU 'GRO BAR 'GYUR BAS RNAM PA THAMS CAD DU GTAN TSIGS KYIS MA NGES PA NYID LDOG PA MED DE, YID KYI RNAM PAR SHES PA YANG SRID PA'I PHYIR RO, ,'ON TE RNAM PAR SHES PA NYON MONGS PA CAN MTSUNGS PA DE MA THAG PA'I RKYEN YIN PA'I PHYIR ZHES GTAN TSIGS KYI DON DE LTA BUR BRTEN TE NYING MTSAMS SBYOR BA'I SEMS 'DI LA YANG MTSUNGS PA DE MA THAG PA'I RKYEN SRID PA BAR MA'I SEMS THA MA NYON MONGS PA CAN YOD DO ZHE NA, DE LTA YANG MA NGES PA NYID YIN TE YID KYI RNAM PAR SHES PA MTSUNGS PA DE MA THAG PA'I RKYEN RNAM PAR SHES PA NYON MONGS PA CAN YANG YOD PA'I PHYIR RO, ,'ON TE GTAN TSIGS 'DI NGES PAR BZUNG BA YIN NO ZHE NA, DE LTA NA MA GRUB PA NYID YIN TE NYING MTSAMS SBYOR BA'I SEMS 'DI NI MTSUNGS PA DE MA THAG PA'I RTEN CAN KHO NA MA YIN TE SA BON GYI RTEN YANG KHAS BLANGS PA'I PHYIR RO, , MA NGES PA NYID KYANG YIN TE YID KYI RNAM PAR SHES PA DGE BA'I RTZA BA KUN DU GCOD PAR BYED PA MED PAR LTA BA DGU PA DANG MTSUNGS PAR LDAN PA MTSUNGS PA DE MA THAG PA'I RKYEN NYON MONGS PA CAN GYI RTEN CAN DU NGE4S PA LA YANG RGYU YOD PA'I PHYIR RO, ,DE LTA NA 'ON SRID PA BAR MA'I SEMS THA MA KHO NA 'DIR NYON MONGS PA CAN DU BZUNG STE DE YANG NYID MTSAMS SBYOR BA'I SEMS 'PHEN PAR BYED PA YIN PA'I PHYIR BDAG PO'I RKYEN NYID KYI RTEN YIN TE, 'DI LTAR SKYE BA'I NYING MTSAMS SBYOR BA THAMS CAD NI NYON MONGS PA CAN GYI SEMS SNGON DU 'GRO BA CAN KHO NA YIN PAR DMIGS SO, ,DUS RTAG TU ZHES BYA BA SMOS PA YANG DON 'DI NYID NYE BAR BSTAN PA'I PHYIR TE, GAL TE NYON MONGS PA CAN GYI SEMS @348B DE SKABS 'BYED PA TZAM NYID KYIS MTSUNGS PA DE MA THAG PA'I RKYEN GYI NGO BOR NYE BAR SBYOR NA CI'I PHYIR NYING MTSAMS SBYOR BA'I SEMS THAMS CAD LA NGES PAR NYE BAR GNAS PAR 'GYUR, SKABS 'BYED PA TZAM LA NI NYON MONGS PA CAN DANG NYON MONGS PA CAN MA YIN PA DAG KHYAD PAR 'GA' YANG MED DO, , DE LTA BAS NA NYING MTSAMS SBYOR BA'I SEMS NYID KYI 'PHEN PA BYED PA NYON MONGS PA CAN GYI SEMS YIN ZHES TE YID KYI RNAM PAR SHES PA YIN PA LA NI CUNG ZAD KYANG MI PHAN TE DE LTAR NYON MONGS PA CAN GYI SEMS NGES PAR 'PHANG BAR BYA BA NI SEMS CAN GYI RGYUD DU MA LA GRAGS SO, ,DE'I PHYIR NYID MTSAMS SBYOR BA'I SEMS NI YID KYI RNAM PAR SHES PA YIN TE DUS RTAG TU SRID PA BAR MA'I SEMS THA MA NYON MONGS PA CAN GYIS 'PHANGS PA'I PHYIR LUS KYI DBANG PO BZHIN NO, ,GZHAN DAG NI LUS RTAG TU ZHES BYA BA SMOS PA LOGS SHIG TU GNAS TSIGS KYI KHYAD PAR NYID DU NYE BAR 'GOD DE; NYING MTSAMS SBYOR BA'I SEMS DE NI YID KYI RNAM PAR SHES PA MA YIN TE DUS RTAG TU MA SHI BAR DU RNAM PAR SMIN PA'I NGO BOR RJES SU 'JUG PA'I PHYIR LUS KYI DBANG PO BZHIN NO ZHE'O, ,YID KYI RNAM PAR SHES PA'I DMIGS PA'I RNAM PA MI DMIGS PA'I PHYIR RO ZHES BYA BA NI YID KYI RNAM PAR SHES PA'I DMIGS PA'I RNAM PA GANG YIN ZHE NA, GSAL BA'I RNAM PAR YONGS SU GCOD PA NYID DO DE MED PA'I PHYIR DMIGS PA'I RNAM PA YONGS SU MA CHAD PA NYID YIN NO, ,DE'I PHYIR YID KYI RNAM PAR SHES PA MA YIN TE DMIGS PA'I RNAM PA YONGS SU MA CHAD PA'I PHYIR LUS KYI DBANG PO BZHIN NO ZHES BYA BAR GRAGS SO, ,'DI GZHAN LA MA GRUB PA MA YIN NAM ZHE NA, DE NI MA YIN TE MDO SDE PAS BRGYAL BA DANG 'DU SHES MED PA DANG 'GOG PA'I SNYOMS PAR 'JUG PA LA SOGS PA LA YID KYI RNAM PAR SHES PA'I DMIGS PA'I RNAM PA YONGS SU MA CHAD PA NYID DU KHAS BLANGS PA'I PHYIR RO, ,MA NGES PA NYID KYANG MA YIN TE 'DU SHES MED PA LA SOGS PA'I SEMS KYANG PHYOGS KHO NA YONGS SU 'DUS PA'I PHYIR RO, ,BYE BRAG TU SMRA BA GANG ZHIG NYING MTSAMS SBYOR BA'I RNAM PAR SHES PA DMIGS PA'I RNAM PA DMIGS PA CAN DU SEMS PA DE LA YANG DE BZHIN DU LAN GDAB PAR BYA STE, YID KYI @349A *, ,RNAM PAR SHES PA'I DMIGS PA NI RNAM PA BZHI STE, 'DAS PA DANG MA 'ONGS PAR DANG 'DUS MA BYAS PA DANG DA LTAR BYUNG BA'O, ,RE ZHIG NYING MTSAMS SBYOR BA'I SEMS DE 'DAS PA LA DMIGS PA LA NI MA YIN TE, MNGON PAR SHES PA MED PAR NYID MTSAMS SBYOR BA'I SNGON ROL GYI LUS RJES SU DRAN PA NI MED DO, ,MA 'ONGS PA DANG 'DUS MA BYAS LA DMIGS PA YANG MA YIN TE, MTHONG BA DANG THOS PA MED PA'I PHYIR RO, ,MTHONG BA DANG THOS PA DAG GIS BRTAGS NAS MA 'ONGS PA DANG 'DUS MA BYAS LA DMIGS PA DE NI NYING MTSAMS SBYOR BA'I GNAS SKABS NA MI SRID DO, ,DA LTAR BYUNG BA NI RNAM PA GNYIS TE RANG GI RGYUD DU GTOGS PA DANG GZHAN GYI RGYUD DU GTOGS PA'O, ,DE LA GZHAN GYI RGYUD LA NI MI DMIGS TE RTOG PA'I RGYUD MED PA'I PHYIR SNGA MA BZHIN NO, ,RANG GI RGYUD DU GTOGS PA YANG DBANG PO GZUGS LA NI MI DMIGS TE DE KHO NA BZHIN DU RTOG PAR MI RUNG BA'I PHYIR RO, ,YUL GYI GZUGS LA YANG DMIGS PAR RUNG BA MA YIN GZUGS LA SOGS PA LA MIG LA SOGS PA'I DBANG PO RNAM PAR SHES PAS DRANGS PA'I YID KYI RNAM PAR SHES PA KHAS LEN GYI MNGON SUM DU BYED PA NI MA YIN NA MIG LA SOGS PA'I RNAM PAR SHES PA DE YANG NYING MTSAMS SBYOR BA'I GNAS SKABS NA MED DO ZHES SNGAR BSTAN ZIN TO, ,YID KYI RNAM PAR SHES PA DE BRGYAL BA YIN DU CHUG NA YANG ZHES BYA BA LA SOGS PA NI YID KYI RNAM PAR SHES PA GNYIS SU 'GYUR RO ZHES BSHAD PA LA RE ZHIG CIG NI KHAS LEN PA NYID DE DGE BA LA SOGS PAR ZHUGS PA GANG YIN PA'O, ,CIG SHOS KYANG RNAM PAR SMIN PAR GYUR PA BRGYAL BA GANG YIN PA'O, ,DE LA MI TZAM LA BRTZAD PAS KHO BO CAG LA CI BYA, DNGOS PO'I DE KHO NA NYID BRTAG PAR BYA STE, YID KYI RNAM PAR SHES PA DE BRGYAL BA YIN DU CHUG NA YANG ZHES BYA BA LA SOGS PA NI KHYOD NYON MONGS PA CAN DANG NYON MONGS PA CAN MA YIN PA'I CHOS RNAMS SA BON LA RAG LAS TE SKYE BAR KHAS LEN PA SA BON DE GAL TE RNAM PAR SHES PA BRGYAL BA'I RTEN CAN NYID YIN LA RGYU'I RKYEN GYIS BDAG PO NYID KYI SA BON DE LAS KYANG NYON MONGS PA CAN DANG NYON MONGS PA CAN MA YIN PA'I BDAG NYID DE SKYE BA @349B NA DE LA BRTEN NAS SKYE'O ZHES KHAS LEN NA RNAM PAR SHES PA BRGYAL BA DE SA BON THAMS CAD PA YIN PA'I PHYIR KUN GZHI'I RNAM PAR SHES PA NYID YIN PAR SHUGS KYIS SMRAS PAR 'GYUR TE KUN GZHI'I RNAM PAR SHES PA'I DNGOS PO RNAM GRANGS GZHAN GYIS BSGRUBS PA'I PHYIR RO ZHES BYA BA DE STON TO, , 'ON TE GANG DE LA BRTEN NAS ZHES BYA BA LA SOGS PAS NI RNAM PAR SHES PA BRGYAL BA YIN PA DE NI SA BON THAMS CAD PA YIN PA'I PHYIR NYON MONGS PA CAN DANG, NYON MONGS PA CAN MA YIN PA'I RNAM PAR SHES PA'I BDAG PO TZAM GYIS RTEN CES BYA BA 'BA' ZHIG TU ZAD KYI, DE LA BRTEN PA NYON MONGS PA CAN DANG NYON MONGS PA CAN MA YIN PA'I RNAM PAR SHES PA GANG YIN PA DE KHO NA SA BON THAMS CAD PA'O ZHES BRJOD PAR NUS PA YANG MA YIN NO, ,CI'I PHYIR ZHE NA, DE LA BRTEN PA'I RNAM PAR SHES PA MI BRTEN PA'I PHYIR DANG, BRTEN PA YIN PA'I PHYIR DANG, LUNG DU BSTAN PA'I PHYIR DANG, SGO BAR BYED PA RNAMS LHAN CIG SKYE BA DANG 'GAG PA MED PA LA SOGS PA'I PHYIR RO ZHES DE STON PAR BYED DO, ,SKYE BA'I KUN NAS NYON MONGS PA NYING MTSAMS SBYOR BA SPREL PA'I 'OG GNAS PA'I GNAS SKABS PA YANG RNAM PA GSUM STE DBANG PO GZUGS CAN LEN PAR BYED PA DANG; MING DANG GZUGS LA LTOS NAS RKYEN DANG 'BRAS BU DANG, SEMS CAN RNAMS KYI ZAS SO, ,DE LA RNAM PA DANG PO'I DBANG DU MDZAD NAS NYING MTSAMS SBYOR BA SPREL ZIN PA RNAMS KYI ZHES BYA BA LA SOGS PA SMOS SO, ,'DI YANG 'DOD PA DANG GZUGS KYI KHAMS DAG NA SRID MOD KYI MNYAM PAR MA BZHAG PA'I SKABS YIN PA'I PHYIR 'DOD PA NA SPYOD PA KHO NA GZUNG NGO, ,DE LAS GZHAN ZHES BYA BA NI 'JUG PA'I RNAM PAR SHES PA'O, ,DBANG PO GZUGS CAN 'DZIN PAR BYED PA ZHES BYA BA NI 'DIR DBANG PO ZHES SMOS PAS DBANG PO DANG THA MI DAD PAR 'DUG PA'I GZUGS LA SOGS PA YANG GZUNG STE, 'DI LTAR ZIN PA GANG YIN PA DE 'DZIN PAR BYED PA YIN NA ZIN PA YANG GZHAN MA YIN TE, DGU RNAM GNYIS ZHES 'BYUNG BA'I PHYIR RO, ,'DI LA ZAG PA MED PA'I RNAM PAR SHES PA GANG YIN PA DE NI DBANG PO 'DZIN PAR BYED PA MA YIN TE 'GAL BA'I @350A *, ,PHYIR MYA NGAN LAS 'DAS PA BZHIN NO, ,DGE BA ZAG PA DANG BCAS PA GANG YIN PA DE YANG 'DZIN PAR BYED PA MA YIN TE DGE BA'I PHYIR LAM BZHIN NO, ,MI DGE BA YANG 'DZIN PAR BYED PA MA YIN TE, LUNG DU BSTAN PA'I DGE BA BZHIN NO, ,LUNG DU MA BSTAN PA GZHAN SPYOD LAM DANG BZO BA'I GNAS PA DANG SPRUL PA BAS BSDUS PA GANG YIN PA YANG 'DZIN PAR BYED PA MA YIN TE, RNAM PAR SMIN PA MA YIN PA'I PHYIR DGE BA BZHIN NO, ,RNAM PAR SMIN PA'I RNAM PAR SHES PA DBANG PO DANG LHAN CIG LAS GCIG GIS 'PHANGS PA'I PHYIR GRUB PA DANG BDE BA NYID DANG 'DRA BAR GYUR PA NI GCIG LA GCIG BSTAN PAS DBANG PO 'DZIN PAR BYED PA YIN PAR 'GYUR RO, ,RANG GI LTA BAS 'JUG PA'I RNAM PAR SHES PA RNAM PAR SMIN PA'I BDAG MA YIN MOD KYI GZHAN GYI LTA BAS NI KHAS BLANGS NAS RNAM PAR SMIN PA'I RNAM PAR SHES PA ZHES BRJOD DE 'JUG PA'I RNAM PAR SHES PA DE JI LTAR 'DZIN PAR BYED PA YIN, GAL TE DMIGS PA'I DNGOS POR RANG GIR BYED PA'I PHYIR RO ZHE NA, PHYI ROL YANG ZIN PAR 'GYUR RO, ,'ON TE RTEN GYI DNGOS POR YONGS SU BZUNG BA'I PHYIR RO ZHE NA, DBANG PO NI ZIN PAR 'GYUR GYI DBANG PO DANG THA MI DAD PAR 'DUG PA'I GZUGS NI MA YIN NO, ,RTEN GYI DNGOS PO KHO NAR YONGS SU BZUNG BA'I PHYIR 'DZIN PAR BYED PA YIN LA DBANG PO DANG THA MI DAD PAR 'DUG PA'I GZUGS NI DBANG PO DANG THA MI DAD PAR 'DUG PA KHO NAS ZIN PA YIN NO ZHE NA, 'JUG PA'I RNAM PAR SHES PA DE NI RIM PA 'DIS KYANG 'DZIN PAR BYED PAR MI 'THAD DO ZHES BSTAN PA'I PHYIR GNAS SO SOR NGES PA'I PHYIR ZHES BYA BA SMOS SO, ,'JUG PA'I RNAM PAR SHES PA NI GNAS SO SOR NGES PA'I PHYIR RNAM PAR SHES PA GZHAN GYI GNAS RNAM PAR BCAD DE RANG GI GNAS 'DZIN PAR BYED PA YIN PAS RNAM PAR SHES PA GCIG CIG MNGON DU GYUR NA RNAM PAR SHES PA GZHAN GYI RTEN MA ZIN PA'I PHYIR SHI BA'I LUS KYI BZHIN DU DBANG PO GZHAN RNAM PAR 'CHAD PAS YANG RGYUD MED PAR THAL PAR 'GYUR RO, ,YID KYI RNAM PAR SHES PA NI PHYI'I GZUGS BZHIN DU DBANG PO GZUGS CAN LA MI BRTEN PA'I PHYIR, DBANG PO GZUGS @350B CAN GANG GI YANG 'DZIN PAR BYED PA MA YIN PAS GZHAN LA RJES SU DPAG PAS GNOD PA YIN NO, ,DBANG PO GZHAN GYI RNAM PAR SHES PAS DBANG PO GZHAN GYI RTEN 'DZIN PAR BYED PAR KHAS BLANGS KYANG 'JUG PA'I RNAM PAR SHES PA NI 'DZIN PAR BYAD PA NYID DU MI SRID PAR BSTAN PA'I PHYIR MI BRTAN PA'I PHYIR RO ZHES BYA BA SMOS TE, GANG GI TSE SEMS MED PA'I GNYID DANG BRGYAL BA DANG SNYOMS PAR 'JUG PA'I GNAS SKABS NA, 'JUG PA'I RNAM PAR SHES PA THAMS CAD 'GAGS PAS 'DZIN PAR BYED PA'I RNAM PAR SHES PA DANG BRAL BA NYID KYIS DBANG PO RNAMS MA ZIN PA'I PHYIR DE'I RNAM PAR CHAD PA'I THAL BA SON 'DUG PAS 'JUG PA'I RNAM PAR SHES PA NI 'DZIN PAR BYED PAR RUNG BA MA YIN NO, ,GAL TE YANG DE'I TSE LUS KYI DBANG PO LUS THAMS CAD LA KHYAB PA'I PHYIR DBANG PO GZHAN 'DZIN PAR BYED PA YIN NO SNYAM NA, DE NI YIN TE LUS DBANG PO DE 'DZIN PAR BYED PA GZHAN DANG BRAL BA NYID KYIS MA ZIN PA NYID DU THAL PAR 'GYUR RO, ,'ON TE LAS KYI 'PHEN PA'I DBANG KHO NAS DBANG PO GZUGS CAN THAMS CAD 'JUG PA'I RNAM PAR SHES PA 'GAGS KYANG RJES SU 'JUG PAR 'GYUR RO SNYAM NA, RNAM PAR SHES PA MED PA'I ZHES BYA BA LA SOGS PA SMOS TE, LAS KYI 'PHEN PA YOD KYANG RNAM PAR SHES PA DANG BRAL BA'I PHYIR MA ZIN PA SO NA 'DUG STE BUM PA LA SOGS PA BZHIN NO ZHES BYA BA'I THA TSIG GO, ,YANG NA RNAM PAR SHES PA MED PA'I DBANG PO GZUGS CAN NI MI RUNG NGO ZHES BYA BA NI RANG GI LTA BAS BSHAD PA YIN TE SEMS DANG SEMS LAS BYUNG BA LA MA GTOGS PA'I DNGOS PO GSAL NA PHYI DANG NANG GI GZUGS 'DI THAMS CAD SEMS DANG SEMS LAS BYUNG BA'I GNAS SKABS KYI KHYAD PAR DAG LA GDAGS PA YIN NO, ,GNAS SKABS DE NA YANG 'JUG PA'I RNAM PAR SHES PA THAMS CAD 'GAGS PAS GAL TE KUN GZHI'I RNAM PAR SHES PA KHAS MI LEN NA MIG LA SOGS PA GNAS SKABS KYI KHYAD PAR GANG ZHIG GIS RAB TU PHYE BAR 'GYUR, YANG NA DE'I TSEG NYID LOG PA DANG BRGYAL BA DANG SNYOMS PAR 'JUG PA PO YONGS SU DAG GCIG YIN, 'ON NI KUN GZHI'I RNAM PAR SHES PA YANG DBANG PO GZUGS CAN LA BRTEN PA @351A *, ,PA YIN PAS JI LTAR 'DZIN PAR BYED PA YIN ZHE NA DE NI MA YIN TE, 'DIR NI BRTEN PA'I PHYIR 'DZIN PAR BYED PA MA YIN GYI, 'ON KYANG RTEN GYI PHYIR YIN LA KUN GZHI'I RNAM PAR SHES PA NI CHOS THAMS CAD KYI RTEN YIN PA'I PHYIR DBANG PO GZUGS CAN GYI RTEN YANG YIN NO, ,GZHAN YANG 'DI LTA STE, DBANG PO GZUGS CAN 'DZIN PAR BYED PA NYID 'DI YANG 'DI'I 'BRAS BU YIN NO, ,GZHAN YANG JI LTAR RANG GI LTA BA LTAR GZUGS CAN RNAMS ZIN PA NYID YIN PA DE BZHIN DU DBANG PO GZUGS CAN THAMS CAD 'DZIN PAR BYED PA NYID YIN PAR NYE BAR LEN PA'I PHYIR ZHES BYA BA DER RNAM PAR PHYE ZIN TO, ,SKYO BA'I KUN NAS NYON MONGS PA'I GNAS SKABS KYI RNAM PA GNYIS PA YANG KUN GZHI'I RNAM PAR SHES PA MED NA MI 'THAD PAR BSTAN PA'I PHYIR RNAM PAR SHES PA DANG ZHES BYA BA LA SOGS PA SMOS SO, ,MDO 'DIR NI MING PHUNG PO BZHI'I NGO BO NYID YIN PAR BZUNG STE MING DANG GZUGS RNAMS RNAM PAR DBYE BA LAS DE LTAR BSTAN PA'I PHYIR RO, ,DE'I PHYIR GAL TE KUN GZHI'I RNAM PAR SHES PA MED NA RNAM PAR SHES PA GZHAN GANG ZHIG MING GI KHONGS SU GTOGS PA'I 'JUG PA'I RNAM PAR SHES PA'I RKYEN DU 'GYUR, MING DANG GZUGS KYI KHONGS SU GTOGS PA'I 'JUG PA'I RNAM PAR SHES PA DE YANG RNAM PAR SHES PA GANG GI RKYEN DU 'GYUR, RGYUN 'JUG PAS MING SNGA MA YANG 'JUG PA'I RNAM PAR SHES PA PHYI MA'I 'JUG PA'I RNAM PAR SHES PA SNGA MA YANG MING PHYI MA'I RKYEN YIN NO ZHES KHAS BLANGS PAR YANG MI NUS TE, MDUNG KHYIM GYI DPES MING DANG GZUGS DANG RNAM PAR SHES PA DUS MNYAM PA DAG KHO NA CIG GI RKYEN GCIG YIN PAR BSGRUBS PA'I PHYIR RO, ,RANG GI LTA BAS NYON MONGS PA CAN GYI YID GANG YIN PA DE YANG CHOS THAMS CAD KYI GNAS MA YIN PA'I PHYIR DANG, CHOS THAMS CAD KYIS YONGS SU GSO BAR BYA BA MA YIN PA'I PHYIR; 'JUG PA'I RNAM PAR SHES PA RNAMS DANG GZUGS KYI RGYU YANG MA YIN PAS KHONGS SU GTOGS PAR RUNG BA MED PA NYID DO, ,SKYE BA'I KUN NAS NYON MONGS PA GNAS PA'I GNAS SKABS PA GSUM PA YANG THA MI DAD PAR YANG BSTAN PA'I PHYIR, RNAM PAR SHES PA GZHAN NI SEMS @351B CAN 'BYUNG BO RNAMS KYI ZAS SU YANG ZHES BYA BA LA SOGS PA SMOS SO, ,ZAS NI BZHI STE ZHES BYA BA'I MDO DE LA KHA MA GYI ZAS NI 'DOD PA'I KHAMS KHO NA NA'O, ,REG PA LA SOGS PA NI KHAMS GSUM CAN PA YIN NO, ,DE LA 'JUG PA'I RNAM PAR SHES PA NI KHAMS GSUM MTHA' DAG KHYAB PA MI SRID PAS, RNAM PAR SHES PA DRUG PO RNAMS LAS GANG YANG RUNG BAS ZHES BYA BA NI ZAS BYED PA ZHES BYA BA STON PA YIN NO, , GNAS SKABS GANG NA MI SRID CE NA, SEMS MED PA'I GNYID DANG BRGYAL BA DANG SNYOMS PAR 'JUG PA DANG 'DU SHES MED PA'I GNAS SKABS NA'O, ,REG PA DANG SEMS PA DAG KYANG DE NA MED PA'I PHYIR DE DAG KYANG ZAS NYID DU MI RUNG BAR BRJOD PAR BYA BA MA YIN NAM ZHE NA, BRJOD PAR BYA BA MA YIN TE 'JUG PA'I RNAM PAR SHES PA MI SRID PAR BSTAN PA BYAS NA DE MTSUNGS PAR LDAN PA RNAMS KYANG DON GYIS BYAS PA KHO NA YIN PAS LOGS SHIG TU MI BRJOD DO, ,DE'I PHYIR GNAS SKABS DE NA ZA SA MED PAR GNAS PA MI 'THAD DO, ,'DI LA MDO SDE PA NA RE YID LA SEMS PA'I ZAS NI RNAM PA GNYIS TE, MNGON DU GYUR PA'I SEMS PA DANG LDAN PA'I SEMS PA RNAM PAR SMIN PA'I RGYUS BSKYED PA'I BAG CHAGS RNAM PAR SMIN ZIN PAS BZUNG BA'O, ,SEMS MED PA'I GNAS SKABS NA SEMS PA DANG PO MI SRID DU CHUG ,GNYIS PO GO CI'I PHYIR MI SRID CES ZER TE, DE NI KUN GZHI'I RNAM PAR SHES PA LA MA GTOGS PA'I BSGO BAR BYA BA DGAG PA BSGRUBS PAS LAN GDAB PAR BYA'O, ,GZHAN YANG ZHES BYA NANG GI YIN PA'I LTA BA LA GAL TE SEMS DANG SEMS LAS BYUNG BA RIL MED NA DE'I GNAS SKABS KYI KHYAD PAR LUS KYANG MED PA'I PHYIR LAS KYIS 'PHANGS PA'I NUS PA DE CIL BRTEN PAR 'GYUR, GNAS SKABS DE NA YANG KUN GZHI RNAM PAR SHES PA NI PHAN 'DOGS PAR BYED PA NYID DU YOD DO ZHES BYA BAR CI'I PHYIR KHAS MI BLANG, YANG NA SEMS DANG BCAS PA'I GNAS SU BSAM PAR BYA STE, KHAM GYI ZAS NI RGYAS PA'I RGYU YIN PA'I PHYIR LA, 'JUG PA'I RNAM PAR SHES PA DANG MTSUNGS PAR LDAN PA'I REG PA BDE BA MYONG BAR 'GYUR BA DANG, MNGON PAR 'DOD PA'I YUL DON DU GNYER BA'I MTSAN NYID YID LA SEMS PA NI @352A *, ,LUS LA PHAN 'DOGS PA'I RGYU YIN PA'I PHYIR RNAM PAR SMIN PA'I 'BRAS BU YONGS SU GSO BAR BYED PA NYID KYIS ZAS NYID DU YANG RIGS NA, 'JUG PA'I RNAM PAR SHES PA GO JI LTAR, GAL TE PHAN 'DOGS PAR BYED PA'I PHYIR RO ZHE NA, DE NI MA YIN TE BDE BA LA SOGS PA MYONG BAR GYUR PA'I REG PA DANG RE BA'I SEMS PA MA GTOGS PA DE LOGS SHIG TU PHAN 'DOGS PA NYID DU MI RUNG BA'I PHYIR RO, ,'ON TE GAGS MI BYED PA TZAM GYIS SO ZHE NA, DE NI MA YIN TE DE LTA NA MIG LA SOGS PA YANG ZAS NYUNG NGU THAL BAR 'GYUR RO, ,'ON TE YUL YONGS SU GCOD PA TZAM GYIS SO ZHE NA, DE NI MA YIN TE 'PHAGS PA'I LAM LA YANG THAL BAR 'GYUR BA'I PHYIR RO, ,'ON TE MTHUN PA'I PHYIR RO ZHE NA, JI LTAR MTHUN PA NYID YIN ZHES DE NYID DPYAD PAR BYA'O, ,DE LTA BAS NA MIG LA SOGS PA NI RNAM PAR SMIN PA'I RNAM PAR SHES PA DANG LHAN CIG LAS GCIG GIS 'PHANGS PA STE DE DANG LHAN CIG GRUB PA DANG BDE BA NYID GCIG PAR GYUR CING, DE LA RAG LAS TE GNAS PA YIN PAS KUN GZHI'I RNAM PAR SHES PA ZAS NYID YIN PAR RIGS SO ZHES DE LTAR NGES PAR BYAS NAS, RNAM PAR SMIN PA'I RNAM PAR SHES PA MED NA ZHES BYA BA LA SOGS PA SMOS SO, ,KUN GZHI'I RNAM PAR SHES PA NI DBANG PO GZUGS CAN 'DZIN PAR BYED PA YIN NO ZHES BYA BA 'DI KHO NAS DON GO BA'I PHYIR ZLOS BUR 'GYUR BA MA YIN NAM ZHE NA, MA YIN TE ZAS NI BZHI STE ZHES BYA BA 'DIR KUN GZHI'I RNAM PAR SHES PA KHO NA RNAM PAR SHES PA'I ZAS NYID DU DGONGS SO ZHES BSTAN PAR GTZIGS CHE BA'I PHYIR RO, ,SKYE BA'I KUN NAS NYON MONGS PA GZUGS KYI KHAMS SU NYING MTSAMS SBYOR BA'I DBANG DU MDZAD NAS, 'DI NAS SHI 'PHOS TE ZHES BYA BA LA SOGS PA SMOS SO, ,YID KYI RNAM PAR SHES PA ZHES BYA BA NI DE NYING MTSAMS SBYOR BA DANG MTHUN PA'I PHYIR RO, ,NYON MONGS PA CAN ZHES BYA BA NI SRID PA BAR MA'I SEMS THA MA'O, ,MNYAM PAR MA BZHAG PA ZHES BYA BA NI RO MYONG BA DANG MTSUNGS PAR LDAN PA'I BSAM GTAN YANG NYON MONGS PA CAN YIN NO, ,DE NI MNYAM PAR BZHAG PA DANG 'DRA BAS DE RNAM PAR BCAD PA'I PHYIR RO, , @352B NYING MTSAMS SBYOR BA SPREL PA ZHES BYA BA NI SKYE BA'I SRID PA'O, ,DE LA MNYAM PAR MA BZHAG BA ZHES BYA BA LA SOGS PAS NI SRID PA BAR MA'I SEMS THA MA NYON MONGS PA CAN NI NYON MONGS PA DPYAD PA JI SKAD SMOS PA LTAR NA 'JUG PA'I RNAM PAR SHES PA'I SA BON THA DAD PAR MI 'THAD DO ZHES BYA BAR STON PAR BYED DO, ,'DI NI NYON MONGS PA'I KUN NAS NYON MONGS PA'I DBANG DU BYAS PA KHO NAR SKABS SU BAB PAR BYAS ZIN MOD KYI SKYE BA'I KUN NAS NYON MONGS PA DANG MTHUN PA'I PHYIR 'DIR YANG NYE BAR BKOD DE 'DI LTAR SRID PAR NYING MTSAMS SBYOR BA THAMS CAD NI NYON MONGS PA CAN GYI SEMS SNGON DU 'GRO BA CAN YIN PAS SO, ,GAL TE DE LTAR YIN DAN 'DI THAMS CAD 'DOD PA'I KHAMS NA SPYOD PAR NYING MTSAMS SBYOR BA LA YANG BRJOD PAR BYA STE, SGO GNYIS SU BSTAN PA KHO NAS DON GO BA'I PHYIR RO, ,JI LTAR 'DIR SA BON MED PA'I PHYIR NYON MONGS PA CAN GYI SEMS MI 'THAD PAS SRID PAR NYING MTSAMS SBYOR BA MED PAR 'GYUR BA DE BZHIN DU DER YANG DER THAL BAR BYA LA, JI LTAR DER YID KYI RNAM PAR SHES PA GNYIS CIG CAR 'BYUNG BAR 'GYUR RO ZHES BYA BA DE BZHIN DU 'DIR YANG THAL BAR BYA'O, ,YANG DE'I SA PA ZHES BYA BA CI'I PHYIR SMOS SHE NA, SKYE BA'I SA PAS GANG YIN PA DA MNGON PAR 'GRUB PAR BYED PA'I NYON MONGS PA YANG NGES PAR DE'I SA PA KHO NA YIN NO ZHES NYE BAR BSTAN PA'I PHYIR RO, ,MNGON PAR 'GRUB PAR BYED PA'I NYON MONGS PA DE YANG RNAM PA GNYIS TE DUS SNGA MA'I SRID PA'I SRID PA DANG, LEN PA'I MTSAN NYID DANG GZUGS CAN GYI KHAMS SKYE BA'I SRID PA BAR MA'I SEMS THA MA DANG MTSUNGS PAR LDAN PA'O, ,'PHEN PAR BYED PA'I NYON MONGS PA NI MA NGES TE RES 'GA' NI SA MTSUNGS PA YIN TE, GANG GI TSE 'DOD PA NA SPYOD PA'I MA RIG PAS 'DOD PA NA SPYOD PA KHO NA'I 'DU BYED DAG TU KUN NAS SLONG BAR BYED NA'O, ,RES 'GA' NI SA MI MTSUNGS PA YIN TE GANG GI TSE 'JIG RTEN PA'I BSAM GTAN DANG PO'I NYER BSDOGS BAR CHAD MED PA'I LAM DANG MTSUNGS PAR LDAN PA'I LAS KUN NAS SLONG BAR BYED PA NA MTHONG BAS SPANG BAR BYA BA'I GTI MUG 'DOD PA NA SPYOD PA STE, 'DOD CHAGS PA DANG MA BRAL BA RNAMS SA GONG @353A *, ,MA GANG YIN PA'I NYON MONGS PA KUN TU MI SPYOD PA'I PHYIR DANG, 'DOD CHAGS DANG BRAL BA'I GNAS SKABS NA YANG BAR CHAD MED PA'I LAM MNGON DU MI BYED PA'I PHYIR DANG, BAR CHAD MED PA'I LAM KHO NAS GONG DU YANG SKYE BA'I PHYIR RO, ,GAL TE NYING MTSAMS SBYOR BA SPREL BAS SA MTSUNGS PA'I NYON MONGS PAS BYAS PA KHO NA YIN NA, 'O NA GANG GI TSE GZUGS CAN GYI KHAMS NAS SHI 'PHOS NAS GZUGS MED PA'I KHAMS DAG TU SKYE BA DE'I TSE GZUGS MED PA NA SPYOD PA'I SKYE BA'I SRID PA MNGON PAR GRUB PAR BYED PA'I SEMS NYON MONGS PA CAN DE GANG ZHIG YIN ZHE NA, 'DI LA MDO SDE PA RNAMS KYI LTA BA NI GZUGS KYI 'DOD PA DANG BRAL BA GZUGS CAN GYI KHAMS SU 'CHI BA LA GANG GIS NA GZUGS MED PA'I KHAMS NA SPYOD PA'I SRID PAR NYING MTSANG SA SBYOR BAR 'GYUR BA 'CHI BA'I SEMS THA MA GZUGS NA SPYOD PA'I NYON MONGS PA CAN 'BYUNG STE, DE BZHIN DU NAM MKHA' MTHA' YAS SKYE MCHED DU 'CHI BA'I SA GONG MA PA YANG BRJOD PAR ZHES BYA BA YIN NO, ,THEG PA CHEN PO LAS NI 'CHI BA'I SEMS THAMS CAD MA BSGRIBS LA LUNG DU MA BSTAN PA YIN PAR BRJOD NA DER JI LTA BU ZHE NA, DER YANG 'DOD CHAGS DANG BRAL BA 'CHI BA LA JI SRID DU 'CHI BA'I SEMS THA MA 'BYUNG BA DE SRID DU GANG ZHIG 'CHI BA'I SEMS THA MAS BAR DU CHOD KYANG BRGYUD PAS GZUGS MED PAR SKYE BA'I SRID PA MNGON PAR GRUB PAR BYED PAS GONG MA PA'I LUS LA MNGON PAR DGA' BA DANG MTSUNGS PAR LDAN PA'I SEMS NYON MONGS PA CAN 'BYUNG NGO, ,GANG YANG 'DI SKAD DU DE'I TSE PHYIR MI 'ONG BA LA DE MED DO ZHES BSHAD PA NI SA GANG LAS 'DOD CHAGS DANG BRAL BAS DE BA'I DON DU GNYER BA MI 'BYUNG BA LA DGONGS TE GSUNGS PA YIN NO, ,DE LTAR NA GZUGS MED PA'I NYING MTSAMS SBYOR BA NI BAR DU CHOD PA'I RGYU CAN LAS DGONGS NAS NYON MONGS PA CAN GNAS YIN PA'I PHYIR ZHES BRJOD DO, ,'O NA GANG GI TSE SRID PA'I RTZE MO NAS SHI 'PHOS NAS RNAM SHES MTHA' YAS SKYE MCHED KYI BAR NAS SHI 'PHOS NAS CI YANG MED PA'I SKYE MCHED LA SOGS PAS GSUM DU NYING MTSAMS SBYOR BA DE NA 'CHI BA LA NYON MONGS PA CAN GYI SEMS GANG GI DBANG GIS NA 'OG MAR NYING @353B MTSAMS SBYOR BAR 'GYUR BA DANG, NYON MONGS PA CAN GNAS YIN PA'I PHYIR ZHES KYANG BRJOD PAR 'GYUR BAS GANG PA ZHIG YIN SRID PA'I RTZE MO LA SOGS PA'I SA PA'I NYON MONGS PAS 'OG MAR NYING MTSAMS SBYOR BAR BYED PA NI MA YIN LA, SA GONG MA PA'I RKYEN GYIS SA 'OG MA PA'I NYON MONGS PA MNGON DU BYED PAR YANG RUNG BA MA YIN NO ZHE NA, DE NI MA YIN TE DE NA YANG 'CHI BA LA NYON MONGS PA'I SA BON GANG GI DBANG GIS NA 'OG MAR NYING MTSAMS SBYOR BAR 'GYUR ZHING NYON MONGS PA GNAS YIN PA'I PHYIR ZHES KYANG BRJOD PAR 'GYUR BAS 'OG MA PA RGYAS PAR 'GYUR RO, ,DE LTAR NA RNAM PA 'DIS GZUGS MED PA'I NYING MTSAMS SBYOR BA NI DON GO PA'I PHYIR LOGS SHIG TU NYE BAR DGONG PAR MI BYA'O, ,NYING MTSAMS SBYOR BA SPREL ZIN PA RNAMS KYI ZHES BYA BA LA SOGS PAS NI 'DOD PA NA SPYOD PA'I NYING MTSAMS SBYOR BA'I DBANG DU MDZAD NAS 'DOD PA'I KHAMS KHO NAR SKYE BA'I KUN NAS NYON MONGS PA GNAS SKABS RNAM PA GSUM SO SOR BSTAN TE KHAMS GSUM PA'I SEMS CAN 'BYUNG PO RNAMS KYI ZHES BYA BA'I ZHAR LA SMOS PA YIN NO, ,DE'I 'OG TU NI GZUGS NA SPYOD PA'I NYING MTSAMS SBYOR BA BSTAN TO, ,DA NI SKYE BA'I KUN NAS NYON MONGS PA GNAS PA'I GNAS SKABS PA 'DOD PA DANG, GZUGS NA SPYOD PA DANG THUN MONG MA YIN PA BSTAN PA'I PHYIR, YANG GZUGS MED PA'I KHAMS SU SKYES PA ZHES BYA BA LA SOGS PA SMOS SO, ,'DIS NI 'DI STON PAR BYED DE GZUGS MED PAR SPYOD PA RNAMS LA GLO BUR DU 'DOD CHAGS LA SOGS PA DAD DAD PA LA SOGS PA SKYE BA DE DAG SA BON GZUGS NA SPYOD PA'I SEMS NYON MONGS PA CAN THOG MA MED PA'I 'KHOR BA NAS NYE BAR BSTZAGS PA SNGON DU 'GRO BA CAN YIN PAR NI MI 'THAD DE 'DAS PA NI MED PA'I PHYIR RO, ,SA BON RANG MTSUNGS PAR LDAN PA'I SEMS SNGON DU 'GRO BA CAN YANG MA YIN TE, RGYU DANG 'BRAS BU DUS MNYAM PA KHAS MI LEN PA'I PHYIR DANG DGRA BCOM PA'I SEMS KYANG NYON MONGS PA CAN DU THAL BAR 'GYUR BA'I PHYIR RO, ,MIG LA SOGS PA RNAM PAR SHES PA DE'I SA BON YANG MA YIN TE, DE DAG NI GZUGS MED PA'I KHAMS NA MED PA'I PHYIR RO, ,SA BON YID KYI RNAM PAR @354A *, ,SHES PA LUNG DU MA BSTAN PA 'GAGS MA THAG PA CAN YANG MA YIN TE, LUNG DU MA BSTAN PA DE NI GANG GIS NA 'DOD CHAGS LA SO PA 'AM DAD PA LA SO PA DE'I SA BON CAN DU 'GYUR BA NYON MONGS PA CAN DANG DGE BA DAG GIS LHAN CIG SKYE BA DANG 'GAG PAS BSGOS PA YIN NO, ,LUNG DU MA BSTAN PA DE CHOS NYID KYI SA BON DANG BCAS PA MA YIN TE, RIGS GCIG PA'I RGYUN CHAGS PA MED PA'I PHYIR RO, ,YID KYI RNAM PAR SHES PA LUNG DU MA BSTAN PA DE NI 'KHOR BA THOG MA MED PAS NAS RGYUN CHAGS PA MA YIN TE, 'DOD PA DANG GZUGS NA SPYOD PA'I YID KYI RNAM PAR SHES PA NYON MONGS PA CAN DGE BA LA SOGS PA DU MA DANG MIG GI RNAM PAR SHES PA LA SOGS PA RTEN GYI KHYAD PAR THA DAD PA CAN DAG GIS BAR DU CHOD PA'I PHYIR RO, ,DES NA SA BON DE RNAM PAR 'CHAD PA'I PHYIR SA BON DE SNGON DU 'GRO BA CAN MA YIN NO, ,SA BON MED PAR SKYE BAR KHAS BLANGS PAR YANG MI NUS TE, DGRA BCOM PA'I SEMS KYANG NYON MONGS PA CAN DU THAL BAR 'GYUR PA'I PHYIR RO, ,DE LTA BAS NA 'DI'I RGYU'I RKYEN MED PAR RAB TU BSTAN TO, ,'DI GZUGS CAN GYI KHAMS SU YANG BRJOD PAR BYA BA MA YIN NAM ZHE NA, DE NI MA YIN TE DER NI GAL TE NA DBANG PO GZUGS CAN RTEN DANG BCAS PA LA SA BON NYID DU BRTEN PAR SEMS PAS NYE BAR BKOD DO, ,GZHAN YANG DGE BA DANG NYON MONGS PA CAN DU BYUNG BA DE DAG RTEN MED PAR YANG 'GYUR TE, KHAMS GANG NA YANG RNAM PAR SMIN PA'I 'BRAS BU'I RGYUN LA MA BRTEN PAR NYON MONGS PA CAN DANG DGE BA'I SEMS DUS MNYAM DU 'BYUNG BA NI MTHONG NGO, , SKYE BA'I KUN NAS NYON MONGS PA'I SKABS YIN PA'I PHYIR 'DI SKABS SU MA BAB PAR BRJOD PA MA YIN NAM ZHE NA, 'DI NI SKABS SU MA BAB BA MA YIN TE, DE LTA BAS NA NYON MONGS BA CAN DANG DGE BA'I SEMS KYI SA BON GYI GNAS DANG RTEN DU GYUR PA SKYE BAR BSDUS PA RNAM PAR SMIN PA ZHES BYA BA NI KUN GZHI'I RNAM PAR SHES PA KHAS BLANG BAR BYA'O SNYAM DU DGONGS PA YIN NO, ,DE NYID NA ZHES BYA BA LA SOGS PA 'DIS KYANG 'DI STON TE 'JIG RTEN PA'I 'JUG PA'I RNAM PAR SHES PA DANG 'GAL BAR LAM GYI BDEN PA @354B MNGON DU BYED PA, GAL TE KUN GZHI'I RNAM PAR SHES PA RGYUN CHAGS PAR 'BYUNG BA KHAS MI LEN NA, DES NA GZUGS MED PA NA SPYOD PA'I 'PHAGS PA'I 'JIG RTEN LAS 'DAS PA LAM LA SNYOMS PAR ZHUGS PA RNAMS KYI 'GRO BA MA BSGRIBS LA LUNG DU MA BSTAN PA'I MTSAN NYID LOG PA KHO NAR 'GYUR BA ZHIG NA, BAG LA NYAL BA'I LHAG MA DANG BCAS PA'AM PHUNG PO MED PA'I MYA NGAN LAS 'DAS PAS YONGS SU MYA NGAN LAS 'DAS PA'I 'GRO BA NI LDOG PAR YANG KHAS MI LEN TO, ,MDO SDE PA LA 'GRO BAR YONGS SU RTAG PA'I RGYU LDAN PA MA YIN PA'I SROG DANG RIS SU MTHUN PA LA SOGS PA YANG YOD PA MA YIN NO, ,NAM MKHA' MTHA' YAS SKYE MCHED LA SOGS PAS GSUM NA NI, RANG GI SA PA'I 'PHAGS PA'I LAM YOD PA SRID DO, ,'DU SHES MED 'DU SHES MED MIN GYI SKYE MCHED NA NI 'DU SHES ZHAN PA'I PHYIR RANG GI SA PA'I 'PHAGS PA'I LAM MED DA, DE'I PHYIR SA GSUM DANG MI MTHUN PAS 'DU SHES MED 'DU SHES MED MIN SKYE MCHED LOGS SHIG TU DPYAD PAR, 'DU SHES MED 'DU SHES MED MIN SKYE MCHED CES BYA BA LA SOGS PA SMOS SO, ,'DIS NI 'DI STON TE SRID PA'I RTZE MOR SKYES PA CI YANG MED PA'I SKYE MCHED KYI LAM MNGON DU BYED PA NA, RE ZHIG CI YANG MED PA'I SKYE MCHED NI 'GRO BA'I RTEN MA YIN TE, DE LAS 'DOD CHAGS DANG BRAL BA'I PHYIR RO, ,SRID PA'I RTZE MO YANG 'GRO BA'I RTEN MA YIN TE DE'I SA PA'I SEMS DANG SEMS LAS BYUNG BA MED PA'I PHYIR RO, ,'GRO BA'I RTEN MED PAR NI SEMS CAN 'GA' YANG GNAS PAR MA GRAGS SO, ,'PHAGS PA'I LAM DE NYID KYANG 'GRO BA MA YIN TE 'GRO BA'I GNYEN PO YIN PA'I PHYIR RO, ,'ON TE GAL TE MYA NGAN LAS 'DAS PA'I RTEN YIN NO SNYAM NA, DE'I PHYIR, MYA NGAN LAS 'DAS PA'I 'GRO BA YANG ZHES BYA BA SMOS TE 'GRO BA ZHES BYA BA'I SGRA NI 'DIR NGO BO NYID YIN NO, ,YANG CI'I PHYIR MYA NGAN LAS 'DAS PA RTEN MA YIN ZHE NA MYA NGAN LAS 'DAS PA NI RNAM PA GNYIS TE, PHUNG PO'I LHAG MA DANG BCAS @355A *, ,PA DANG PHUNG PO'I LHAG MA MED PA'O, ,'DI GNYI GA YANG MI SRID PA'I PHYIR RTEN DU RUNG BA MA YIN NO, ,'PHAGS PA'I LAM GYI SKAD CIG MA DANG PO KHO NA LA PHUNG PO LHAG MA DANG BCAS PA'I MYA NGAN LAS 'DAS PA NI MA YIN TE, PHRA RGYAS LHAG MA DANG BCAS PA'I PHYIR RO, , PHUNG PO'I LHAG MA MED PA'I MYA NGAN LAS 'DAS PA YANG MA YIN TE GSON PO'I GNAS SKABS YIN PA'I PHYIR RO, ,YANG NA MYA NGAN LAS 'DAS PA NI NYON MONGS PA DANG SKYE BA MI SKYE BA TZAM YIN NA MI SKYE BA YANG MED PA YI PAS MED PA NI GANG GI YANG RTEN YIN PAR MA MTHONG NGO, ,DE LTA BAS NA 'GRO BAR BSDUS PA 'PHAGS PA'I LAM GYI RTEN DU 'GYUR BA GANG YIN PA KUN GZHI'I RNAM PAR SHES PA KHAS BLANG BAR BYA'O, ,SKYE BA'I KUN NAS NYON MONGS PA 'CHI 'PHO'I GNAS SKABS PA'I DBANG DU MDZAD NAS, LEGS PAR BYA BA BYED PA'AM NYES PAR BYA BA BYED PA 'CHI 'PHO BA NA ZHES BYA BA LA SOGS PA SMOS TE, SMAD DAM STOD NAS ZHES BYA BA 'DIS NI 'CHI BA NA LEGS PAR BYA BA BYED PA'I LUS NI RKANG MTHIL NAS BZUNG STE, RIM GYIS DROD YAL BAR 'GYUR LA, NYES PAR BYA BA BYED PA'I NI SPYI BO NAS BZUNG STE, RIM GYIS DROD YAL BAR 'GYUR RO ZHES BYA BA DE STON PAR BYED DO, ,DE LTAR RNAM PAR SHES PAS RIM GYIS LUS YONGS SU 'DOR BAR KHAS BLANGS PA DE LA RNAM PAR SHES PA GANG GIS ZHES BYA BA DPYOD PAR BYA BA'O, ,DE LA RE ZHIG LUS KYI RNAM PAR SHES PAS NI MA YIN TE MA SHI'I BAR GNAS SKABS KYI YAN LAGS GANG DANG GANG GIS LUS KYI RNAM PAR SHES PA MI SKYE BA'I YAN LAG DE DANG DE LUS KYI RNAM PAR SHES PAS YONGS SU BOR BA'I PHYIR, DBANG PO 'GAGS NA DROD YAL BA NYID DU THAL BAR 'GYUR DU 'ONG BAS SO, ,DE BZHIN DU MIG GI RNAM PAR SHES PA LA SOGS PA YANG BRJOD PAR BYA'O, ,YID KYI RNAM PAR SHES PAS KYANG MA YIN TE CI'I PHYIR ZHE NA, 'DI LTAR DE LUS LA BRTEN PA MA YIN TE YID LA BRTEN PA'I PHYIR RO, ,LUS KYANG DE LA BRTEN PA MA YIN TE DE'I 'BRAS BU MA YIN PA'I PHYIR RO, ,RANG GI RTEN LA MI SKYE BA'AM RANG GI 'BRAS BU MI BYED NA YONGS SU 'DOR BA ZHES BYA NA DE GNYI GA @355B YANG YID KYI RNAM PAR SHES PA DANG LUS SU LHAN CIG MI SRID DO, ,'ON TE YOD PA TZAM GYIS YONGS SU MI 'DOR BA YIN LA, MED PAS NI YONGS SU 'DOR RO SNYAM DU SEMS NA, DE YANG RIGS PA MA YIN TE SROG THA MA CHAD PA TSUN CHAD RTAG TU YID KYI RNAM PAR SHES PA YOD PAS RIM GYIS LUS YONGS SU 'DOR BA MED PAR THAL PAR 'GYUR BA'I PHYIR RO, ,DE NI GANG GIS NA LUS THAMS CAD LA KHYAB PAR GNAS LA PHYIS RIM GYIS ZHUM PA'AM CHA SHAS KYIS 'GAG PA NA RIM KHO NAS RANG GI YAN LAG RNAMS MED PA'I LUS KYI PHYOGS DE YONGS SU 'DOR BAR 'GYUR BA YAN LAG DANG BCAS PA YANG MA YIN NO, ,GZHAN YANG YID KYI RNAM PAR SHES PA NI RTAG TU YOD PA'I PHYIR DE'I DBANG GIS LUS YONGS SU MI 'DOR BA'AM YONGS SU 'DOR BAR RUNG BA MA YIN NO, ,DE LTA MA YIN NA SEMS MED PA'I GNYID LA SOGS PA'I GNAS SKABS DANG DBANG PO GZHAN GYI RNAM PAR SHES PA KUN DU 'BYUNG BA'I GNAS NA 'CHI BAR THAL PAR 'GYUR TE DE MED PA'I PHYIR RO, ,'ON TE LAS KYI 'PHEN PA RIM GYIS ZAD PA'I PHYIR RIM GYIS DBANG PO RNAMS 'GAG GO SNYAM DU SEMS NA, DE NYID DPYAD PAR BYA STE, CI RNAM PAR SHES PAS RANG GIR MA BYAS PA'I DBANG PO KHO NA DUS RE ZHIG CIG GNAS NAS RANG NYID LAS KYI MTHU ZAD NAS 'GAG PAR 'GYUR BA ZHIG GAM, 'ON TE RNAM PAR SHES PAS RANG GIR BYAS PA DUS RE ZHIG CIG GNAS NAS LAS KYI MTHU ZAD NAS RNAM PAR SHES PAS YONGS SU 'DOR BA NA 'GAG PAR 'GYUR BA ZHIG YIN, GAL TE RTOG PA DANG PO YIN NA DE NI GRAGS PA MA YIN TE, BRGYAL BA LA SOGS PA'I GNAS SKABS NA YANG SEMS KHAS LEN PA'I BYING RNAM PAR SHES PA MED PA'I DBANG PO NI GANG DU YANG MA GRAGS SO, ,TSE DANG DROD DANG RNAM SHES KYIS, ,ZHES BYA BA LA SOGS PA'I MDO DANG YANG 'GAL BAR 'GYUR TE, DE LAS NI RNAM PAR SHES PAS YONGS SU BOR BAS DBANG PO RNAMS MI GNAS PAR GSUNGS SO, ,'ON TE RTOG PA GNYIS PA YIN NO ZHE NA, DE NYID RNAM PAR SHES PA GANG GIS YONGS SU BOR NA 'GAG PAR 'GYUR ZHES DPYAD NA RNAM PA THAMS CAD DU 'JUG PA'I RNAM PAR SHES PA DAG GIS DE RUNG BA MA YIN NO, , @356A *, ,YANG KUN GZHI'I RNAM PAR SHES PA YOD NA JI LTAR RUNG ZHE NA, DE LA NI DBANG PO THAMS CAD BRTEN TO, ,DE'I PHYIR DBANG PO'I PHYOGS GANG DANG GANG ZHIG LAS KYI 'PHAN PA YONGS SU ZAD PAS RNAM PAR SMIN PA'I RNAM PAR SHES PA DE SKYE BA DANG MI MTHUN PAR 'GYUR BA'I SA PHYOGS DE DANG DE'I DBANG PO 'GAGS PAS DROD YAL BA NYID YIN NO, ,RIM PA 'DIS NA DBANG PO MA LUS PAR YONGS SU BOR BAS LUS RIL DROD YAL BA'I BAR DU 'GYUR BAS DE LTAR NA RUNG STE, 'DI NI RE ZHIG PHYI ROL GYI DON KHAS BLANGS PA'I TSUL CAN NO, ,SHES BYA NANG GI YIN PAR LTA BA LA NI GANG GI TSE KUN GZHI'I RNAM PAR SHES PA LUS MTHA' DAG DU SNANG BAR SKYE BA DE'I TSE LUS THAMS CAD ZIN PA YIN LA, GANG GI TSE LUS KYI PHYOGS LA LA NI BDAG TU, LA LA NI PHYI ROL GYI RNAM PAR SNANG BA DE'I TSE GANG ZHIG BDAG TU SNANG BA'I RNAM PA CAN DE NI ZIN PA YIN LA, PHYI ROL GYI RNAM PA CAN NI MA ZIN PA'I PHYIR DROD YAL BA YIN TE, DE YANG GNAS PA'I SKABS SU 'DZIN PAR BYED PA'I SKABS KHO NAR BSTAN ZIN TO, ,NYON MONGS PA KUN NAS NYON MONGS PA LA SOGS PA DPYAD PA KHO NAS SA BON MED PA'I PHYIR GZUGS NA SPYOD PA'I NYON MONGS PA DANG DGE BA'I SEMS MI 'THAD PAR SHUGS KYIS BSHAD ZIN PA NYID DO, ,YANG RNAM PAR BYANG BA'I SKABS KYIS BSTAN PAR BYA BA YIN PAS, JI LTAR NA 'JIG RTEN PA'I ZHES BYA BA LA SOGS PAS 'JIG RTEN PA'I RNAM PAR BYANG BA STON TO, ,'DOD PA LAS 'DOD CHAGS DANG MA BRAL BA GAL TE NA NYER BSDOGS THOB PA YIN NO SNYAM PA LA GZUGS NA SPYOD PA'I SEMS MA THOB PA ZHES BYA BA SMOS SO, ,'DOD PA NA SPYOD PA'I DGE BA'I ZHES BYA BA NI THOS PA LAS BYUNG BA DANG BSAMS PA LAS BYUNG BA DAG GIS SO, ,SBYOR BA LAS BYUNG BA'I SEMS ZHES BYA BA NI BSAMS PA LAS BYUNG BA RAB KYI THA MA LA GNAS PA DE GANG GIS MJUG THOGS SU GZUGS NA SPYOD PA'I SBYOR BA LAS BYUNG BA SKYE BA'O, ,DA NI GZUGS NA SPYOD PA'I SEMS KYI SA BON DU MI RUNG STE, JI LTAR BSTAN PA'I TSUL GYIS NA SA BON YONGS SU 'DZIN PAR MI RUNG BA'I PHYIR RO, ,'ON TE GZUGS NA SPYOD PA'I SEMS 'KHOR BA THOG MA MED PA NAS 'DRIS PA GANG YIN PA DE SA BON YIN NO SNYAM DU SEMS NA, GZUGS NA SPYOD PA'I SEMS TSE RABS DU MAR 'DOD PA NA @356B SPYOD PA'I SEMS TSE RABS DU MAS BAR DU CHOD PA DE NI 'DAS PA NYID KYIS MED PA'I PHYIR SA BON DU RUNG BA MA YIN NO, ,KUN GZHI'I RNAM PAR SHES PA'I PHYOGS LA NI GZUGS NA SPYOD PA'I SEMS KYI SA BON 'KHOR BA THOG MA MED PA NAS CHOS NYID KYIS GNAS PA'AM BSKYED PA'ANG RUNG RNAM PAR BAR MA CHAD PAR BRGYAD DE 'ONGS PA RNAM PAR SMIN PAR GYUR PA GZUGS NA SPYOD PA'I SKAL BA MNYAM PA'I RGYU YIN PA'I PHYIR, RGYU'I RKYEN YIN LA 'DOD PA NA SPYOD PA'I SBYOR BA LAS BYUNG BA'I SA BON DE YONGS SU GSO BAR BYED PA YIN PA'I PHYIR DANG, MA BSGRIBS PA'I NGO BO YIN PA'I PHYIR BDAG PO'I RKYEN YIN NO, ,YANG CI'I PHYIR 'DOD PA NA SPYOD PA MTSUNGS PA DE MA THAG PA'I RKYEN NYID DU YANG BRJOD PAR MI BYA STE, 'DI LTAR DE NI 'GAGS MA THAG PA YIN NO ZHE NA, MA KHYAB PA'I PHYIR BRJOD PAR MI BYA STE, 'DI LTAR 'GAGS MA THAG PA GANG YIN PA DE KHO NA MTSUNGS PA DE MA THAG PA'I RKYEN YIN GYI GZHAN NI MA YIN NO, ,BDAG PO'I RKYEN NI RTZOL BA NAS BZUNG STE, THOS PA LAS BYUNG BA LA SOGS PA'I SEMS THAMS CAD YIN TE, 'DI LTAR DE DAG GIS RIM GYIS SA BON YONGS SU GSO BAR BYED PA NA MJUG TU GZUGS NA SPYOD PA'I SEMS PAR CHAD MED PAR 'BYUNG NGO, , DE BZHIN DU 'DOD CHAGS DANG BRAL BAR BYA BA'I PHYIR SNYOMS PAR 'JUG PA'I SA BSAM GTAN GNYIS PA LA SOGS PA THAMS CAD LA YANG CI RIGS SU SBYAR BAR BYA'O, ,'JIG RTEN LAS 'DAS PA'I RNAM PAR BYANG BA DANG PO'I DBANG DU MDZAD NAS, CI LTAR 'JIG RTEN LAS 'DAS PA'I ZHES BYA BA LA SOGS PA SMOS TE, GZHAN GYI SGRA ZHES BYA BA NI SANGS RGYAS DANG DE'I NYAN THOS LA SOGS PA CHOS BSTAN PA'O, ,SO SO RANG GI ZHES BYA BA NI RNA BA'I RNAM PAR SHES PAS TSIG NGES PAR BZUNG NAS DE'I RJES LA THOB PA RJOD PA DANG BRJOD PAR BYA BA'I RNAM PA PHYIN CI MA LOG PA'I BDAG NYID DU YONGS SU GCOD PAR BYED PA NYE BAR RTOG PA'I RNAM PAR ZHUGS PA'I RNAM PAR SHES PA NI RIGS PA DANG LDAN PA'I YID LA BYED PA GTZOR 'GYUR BA'I PHYIR SO SO RANG GI TSUL BZHIN YID LA BYED PA ZHES BYA'O, ,DE'I RGYU LAS YANG DAG PA'I LTA BA 'BYUNG NGO ZHES BYA BA NI ZAG PA MED PA'I SHES PA THAMS CAD KYI DANG PO'O, ,GZHAN GYI SGRA LAS YID @357A *, ,LA BYED PA DES ZHES BYA BA LA SOGS PAS NI DE YANG JI LTAR GZHAN GYI LTA BA LA RGYU DANG BDAG PO'I RKYEN MED PAS MI SKYE BA DE STON PAR BYED DE, DE LA JI RE ZHIG BDAG PO'I RKYEN CHOS KYI MCHOG CES BYA BA SEMS KYI RAB TU GYUR PA DE MED PAR STON PAR BYED DO, ,DE LA SO SO RANG GI TSUL BZHIN YID LA BYED PA DES RNA BA'I RNAM PAR SHES PA 'BA' ZHIG GAM YID KYI RNAM PAR SHES PA 'BA' ZHIG GNYI GA 'DUS PA LA BAG CHAGS BSGO BAR 'GYUR GRANG, SNGA MA GNYIS LA MI 'THAD NA GNYI GA YANG BSGO BAR BYA BA NYID DU MI 'THAD PAR BSTAN PAR 'GYUR BAS SNGA MA GNYIS KHO NA BSTAN PAR DE LA CHOS DE DAG CES BYA BA LA SOGS PA SMOS SO, ,RE ZHIG RNA BA'I RNAM PAR SHES PA NI MED PA'I PHYIR SGO BAR MI BYED DO, ,YID KYI RNAM PAR SHES PA YANG TSUL BZHIN YID LA BYED PA DANG MTSUNGS PAR LDAN PA GANG YIN PA DE TSUL BZHIN YID LA BYED PA DE DANG LHAN CIG GYE PA DANG 'GAG PAS SGO BAR BYED MOD KYI 'ON KYANG RANG GI RIGS DANG MTHUN PA'I 'BRAS BU BSKYED PAR NUS PA NI MA YIN NO, ,CI'I PHYIR ZHE NA, DE'I MJUG THOGS SU CHOS KYI MCHOG SKYE BA NI MA YIN TE, CHOS KYI MCHOG RNAMS NI DUS RING MO ZHIG TU MNGON DU BYA BA YIN PA'I PHYIR RO, ,GANG ZHIG MYUR DU THAR PA DE YANG TSE GCIG TU THAR PA'I CHA DANG MTHUN PA THOS PA LAS BYUNG BA GOMS PAR BYAS PAS YIN NO, ,DE LTA BAS NA TSUL BZHIN YID LA BYED PA DANG MTSUNGS PAR LDAN PA'I YID KYI RNAM PAR SHES PA SGRA LA DMIGS PA DE NI, DE LAS GZHAN PA'I RNAM PAR SHES PA RNAM PAR G-YENG BA NYON MONGS PA CAN DANG LUNG DU MA BSTAN PA DAG GIS YUN RING MO ZHIG BAR DU CHOD DO, ,TSUL BZHIN YID LA BYED PA DANG MTSUNGS PAR LDAN PA'I SEMS ZHES BYA BA NI CHOS KYI MCHOG CES BYA BA'I SEMS GANG YIN PA DE ZHES BYA BA'I DON TO, ,'DIS NI STON TE 'JIG RTEN LAS 'DAS PA'I YANG DAG PA'I LTA BA'I BDAG PO'I RKYEN GYI CHOS KYI MCHOG CES BYA BA'I SEMS YIN LA, DE'I YANG SA BON NI GZHAN GYI LTA BAS SGRA YID LA BYED PA DANG MTSUNGS PAR LDAN PA'I SEMS YIN NO, ,GAL TE SA BON NYID DU RTOG NA DE NI RUNG BA MA YIN TE, 'GAGS NAS YUN RING DU LON PA'I PHYIR RO, ,DE'I PHYIR BDAG PO'I RKYEN SA BON MED PAR CI LTAR RUNG BAR 'GYUR, BDAG PO'I RKYEN MED PA'I PHYIR YANG DAG PA'I LTA BA YANG MED DE DE LTAR @357B RE ZHIG BDAG PO'I RKYEN MED PAR BSHAD PA YIN NO, ,RGYU'I RKYEN YANG MED PAR BSTAN PA'I PHYIR, GANG YANG TSUL BZHIN YID LA BYED PA DANG MTSUNGS PAR LDAN PA'I 'JIG RTEN PA'I SEMS DE NI ZHES BYA BA LA SOGS PA SMOS SO, ,DE LA TSUL BZHIN YID LA BYED PA DANG MTSUNGS PAR LDAN PA'I 'JIG RTEN PA'I SEMS CHOS KYI MCHOG CES BYA BA DE NI SA BON YONGS SU 'DZIN PAR MI RUNG BAS 'JIG RTEN LAS 'DAS PA'I SEMS KYI BAG CHAGS MA BSGOS PA'I PHYIR DE'I SA BON MA YIN PAS 'JIG RTEN LAS 'DAS PA'I SEMS KYI SA BON MED PA'I PHYIR RGYU'I RKYEN MED DO, ,GAL TE YANG THOS PA'I BAG CHAGS SGRA YID LA BYED PAS BSKYED PA BRGYUD NAS CHOS KYI MCHOG RNAMS LA 'ONGS PA GANG YIN PA DE 'JIG RTEN LAS 'DAS PA'I SEMS KYI SA BON DU 'GYUR RO SNYAM NA, DE LA THOS PA'I BAG CHAGS KYI ZHES BYA BA LA SOGS SMOS PA THOS PA'I BAG CHAGS NI CHOS KYI MCHOG DE LA 'JIG RTEN LAS 'DAS PA DE'I CHED DU SA BON NYID DU YONGS SU 'DZIN PAR RUNG BA MA YIN TE JI SKAD SNGAR BSTAN PA BZHIN NO, ,DE LTA BAS NA 'DIR KUN GZHI'I RNAM PAR SHES PA'I PHYOGS LA RGYU DANG BDAG PO'I RKYEN DAG MA TSANG BA MED PAR GZHAN LA BSTAN PAR BYA GNAS PA DE BRJOD PAR BYA BA NYUNG BA'I PHYIR DANG RGYU'I RKYEN DPYAD PA'I SKABS 'DAS MA THAG PA YIN PA'I PHYIR DANG GZHAN 'DOD PA'I KLAN KA SPANG BA'I SGO NAS KYANG RE ZHIG RJES RGYU'I RKYEN KHO NA BSTAN PAR BYA'O, ,DE LA RE ZHIG GZHAN GYI KLAN KA NI TSUL BZHIN YID LA BYED PA DANG MTSUNGS PAR LDAN PA 'JIG RTEN PA'I SEMS NI 'JIG RTEN LAS 'DAS PA'I SA BON DU MI RUNG NGO ZHES BSTAN PAS, DON GYIS NA DE'I SA BON KUN GZHI'I RNAM PAR SHES PA YIN NO ZHES KHAS BLANGS PAR 'GYUR RO, ,DE'I PHYIR JI LTAR KUN GZHI'I RNAM PAR SHES PA KUN NAS NYON MONGS PA'I RGYU YIN PA RANG GI GNYEN PO'I SA BON DU RUNG STE, DUG NI BDUD RTZI'I SA BON DU RUNG BA MA YIN NO ZHES BYA BA YIN NO, ,KLAN KA GZHAN YANG TSUL BZHIN YID LA BYED PA DANG MTSUNGS PAR LDAN PA 'JIG RTEN LAS 'DAS PA'I SEMS NI 'JIG RTEN LAS 'DAS PA'I SEMS DANG LHAN CIG SKYE BA DANG 'GAG PA MED PA'I PHYIR DE'I SA BON DU MI RUNG NGO ZHES BSTAN PAS DON GYIS NA KUN GZHI'I RNAM PAR SHES PA NI 'JIG RTEN LAS @358A *, ,'DAS PA'I SEMS DANG LHAN CIG SKYE BA DANG 'GAG PAR RUNG BAS DE'I SA BON YIN NO ZHES BYA BAR KHAS BLANGS PAR 'GYUR RO, ,DE'I PHYIR JI LTAR 'JIG RTEN LAS 'DAS PA'I SEMS 'DRIS PA MA YIN PA KUN GZHI'I RNAM PAR SHES PA DANG, LHAN CIG SKYE BA DANG 'GAG PA'I TSUL GYIS RANG GI BDAG NYID BSKYED PA'I PHYIR BAG CHAGS 'JOG PAR 'GYUR ZHES BYA BA YIN TE KLAN KA GNYI GA SPANG BA'I PHYIR CHOS KYI DBYINGS SHIN TU RNAM PAR DAG ZHES BYA BA LA SOGS PA SMOS SO, ,DE LA CHOS KYI DBYINGS NI DE BZHIN NYID DO, ,DE NI RANG BZHIN GYIS YONGS SU DAG PA YANG YIN PAS GNAS SKABS RNAM PAR DAG PA NYID KYI DBANG DU MDZAD NAS SHIN TU RNAM PAR DAG PA ZHES BYA BA SMOS SO, ,DE LA YANG NYAN THOS DANG RANG SANGS RGYAS RNAMS KYI RNAM PAR DAG PA YIN NO, ,DE BZHIN GSHEGS PA RNAMS KYI NI SGRIB PA GNYI GA DANG BRAL BA'I PHYIR SHIN TU RNAM PAR DAG PA YIN NO, ,DE'I PHYIR DE BZHIN NYID SHIN TU RNAM PAR DAG PA LA DMIGS PA'I 'JIG RTEN LAS 'DAS PA'I YE SHES DE'I RJES LA THOB PA DAG PA 'JIG RTEN PA'I YE SHES KHA CIG GI GZHUNG LUGS KYIS NI DMIGS PA'I RNAM PA DANG BRAL LA BYED RGYU TZAM GYI DBANG GIS, KHA CIG GI GZHUNG LUGS KYIS NI GSUNG RAB YAN LAG BCU GNYIS KYI RNAM PAR SNANG BA DANG LDAN LA RNAM PAR 'DRA BA'I RGYU NYID KYI DBANG GIS GDUL BA'I RGYUD DAG PA RNA BA'I RNAM PAR SHES PA DANG DE'I RJES LA THOB PA YID KYI RNAM PAR SHES PA LA GSUNGS RAB KYI RNAM PA YONGS SU GRUB PA'I NGO BO NYID SNANG BA NI 'DRA BAS BRGYUD PA'I CHOS KYI DBYINGS KYI RGYU MTHUN PA ZHES KYANG BYA THOS PA ZHES KYANG BYA'O, ,DES KUN GZHI'I RNAM PAR SHES PA LA BAG CHAGS BZHAG PA GANG YIN PA DE NI BSAMS PA LAS BYUNG BA'I SA BON YIN LA DE YANG RIM GYIS DRO BAR GYUR PA'I SA BON YIN PA NAS DE YANG CHOS KYI MA CHAGS PAR GYI SA BON YIN ZHING CHOS KYI MCHOG GIS GZHAG PA'I SA BON NI 'JIG RTEN LAS 'DAS PA YIN NO, ,ZAG PA DANG BCAS PA JI LTAR ZAG PA MED PA'I SA BON DU 'GYUR BA MA YIN NAM ZHE NA, 'DI LA KHA CIG NA RE SNGAR GZHAN GYI LTA BA LA BDAG PO'I RKYEN MED PAR BSTAN PA DE'I GNYEN POR RANG GI LTA BA LA BDAG PO'I RKYEN RIM PA 'DIS BSTAN TE, DE LA CHOS KYI MCHOG NI @358B BYED PA PO YIN PA'I PHYIR DANG GO SKABS 'BYED PA'I RGYU YIN PA'I PHYIR BDAG PO'I RKYEN DANG MTSUNGS PA DE MA THAG PA'I RKYEN YIN NO, ,DES BSKYED PA'I SA BON NI BDAG PO'I RKYEN KHO NA YIN NO, ,DE BZHIN NYID NI DMIGS PA'I RKYEN TE DE LTAR NA ZAG PA MED PA'I DANG PO NI RKYEN GSUM GYIS SKYE'O, ,DE LTAR BYAS NA DE BZHIN NYID DMIGS PA'I RKYEN GYI SA BON CAN NO ZHES BYA BA DANG MTHUN PAR BYAS PA YIN NO ZHES ZER TE, RGYU'I RKYEN MED DO SNYAM DU BSAMS PA'I PHYIR RO, ,GZHAN DAG NA RE ZAG PA MED PA'I SA BON CHOS NYID KYI GNAS PA CHOS KYI DBYINGS KYI RGYU MTHUN PA THOS PA'I BAG CHAGS KYI RIM PAS YONGS SU GSO BAR BYA BA YIN PAR BSTAN TO, ,PHRA BA'I PHYIR DNGOS SU LHANG POR NI MA BSTAN TE, 'DU BYED KYI RKYEN BSTAN PA LA KUN GZHI'I RNAM PAR SHES PA BZHIN NO, ,DE LTAR BAS NA RKYEN BZHI KHO NAS SKYE'O, ,DE BZHIN NYID DMIGS PA'I RKYEN GYI SA BON CAN ZHES 'BYUNG BA GANG YIN PA DE NI CHOS KYI DBYINGS KYI RGYU MTHUN PA THOS PA'I BAG CHAGS KYI SA BON PA ZHES BYA BA'I RIM PA 'DI KHO NA LAS DGONGS NAS BSTAN PA YIN NO ZHES ZER RO, ,GZHAN DAG NA RE RNA BA'I RNAM PAR SHES PA LA SOGS PA'I SA BON ZAG PA MED PA CHOS NYID KYIS GNAS PA LA BRTEN NAS JI SKAD SMOS PA'I TSUL GYIS BSHAD PAR SNANG BA'I RNA BA'I RNAM PAR SHES PA SKYE'O, ,DE NAS DE'I MJUG THOGS SU RANG GI SA BON ZAG PA MED PA KHO NA LAS DE LA DMIGS PA'I YID KYI RNAM PAR SHES PA ZAG PA MED PA BSAMS PA LAS BYUNG BAS BSDUS PA'O, ,DE NAS RIM PA 'DIS ZAG PA MED PA'I SEMS GZUGS NA SPYOD PA CHOS KYI MCHOG GIS BSDUS PA'I BAR SKYE'O, ,DE NAS DES BSKYED PA'I SA BON LAS 'DAS PA SDUG BSNGAL LA CHOS SHES PA'I BZOD PA DANG MTSUNGS PAR LDAN PA'I SEMS SO, ,THOS PA LAS BYUNG BA LA SOGS PA CHOS KYI MCHOG LA THUG PA THAR PA'I CHA DANG MTHUN PA DANG, NGES PAR 'BYED PA DANG MTHUN PA 'DI RNAMS KYANG LDAN PA MA YIN MOD KYI BSOD NAMS KYI CHA DANG MTHUN PAR 'DRA BA'I PHYIR NYE BAR GDAGS PA'I SGO NAS 'DOD PA DANG, GZUGS NA SPYOD PA NYID YIN LA NYON MONGS PA CAN GYI YID DANG LHAN CIG 'DUG PA'I PHYIR ZAG PA DANG BCAS PA NYID KYANG YIN TE, 'DI LTAR 'DI NI KUN GZHI MA YIN PA'I RNAM PAR SHES PAS BSDUS @359A *, ,PAR 'CHAD PAR 'GYUR RO, ,MI GSAL BA'I PHYIR DE KHO NA NYID MA MTHONG BA YIN TE DE LTA BAS NA RIM PA 'DI NI DNGOS KHO NA LA BRTEN NAS BSTAN PA YIN NO ZHES ZER RO, ,DE LA PHYOGS DANG PO LTAR NA NI GZHUNG DANG 'GAL TE 'DI LTAR 'DIR NI RGYU RKYEN SGRUB PA KHO NAR SNANG NGO, ,GAL TE YANG RGYU'I RKYEN MED PAR YANG SKYE BAR 'GYUR NA NI DGRA BCOM PA YANG NYON MONGS PA CAN GYI SEMS SU 'GYUR RO, ,PHYOGS GNYIS PA LTAR NA YANG ZAG PA DANG BCAS PA JI LTAR ZAG PA MED PA'I RGYU YIN ZHES BYA BA'I LAN THEBS PAR DKA'O, ,PHYOGS PAR MA DE NI NYES PA MED PAR SNANG NGO, ,DE LTA BAS NA RIM PA 'DIS NI ZAG PA DANG BCAS PA'I SA BON RGYU'I RKYEN NYID DU KHAS BLANGS PA'I PHYIR DANG, RANG BZHIN GYI SA BON ZAG PA MED PA'I THOS PA LAS BYUNG BA LA SOGS PA'I RIM GYIS YONGS SU GSOS PA YANG RGYU'I RKYEN NYID DU KHAS BLANGS PA'I PHYIR GO RIMS BZHIN DU KLAN KA DANG PO DANG GNYIS PA SPANG BAR RIG PAR BYA STE, DE LTAR NA RE ZHIG RGYU RKYEN BSGRUBS PA YIN NO, ,THOS PA'I BAG CHAGS GANG YIN PA DE YANG ZHES BYA BA LA SOGS PA'I GZHUNG NI KHA CIG NA RE BDAG PO'I RKYEN NI DRO BAR GYUR PA LA SOGS PA'I RIM GYIS CHOS KYI MCHOG YIN PAR DON GYI NGES PAR GZUNG BA NYID, DE YANG BSGRUB PAR BYA MI DGOS PAS THOS PA LA SOGS PA'I BAG CHAGS DE NYID KYI RAB TU DBYE BA BSTAN PA'I PHYIR RO ZHES ZER RO, , KHA CIG NA RE GZHUNG 'DI NI BDAG PO'I RKYEN SGRUB PA'I PHYIR RO ZHES ZER RO, ,GAL TE KUN GZHI'I RNAM PAR SHES PA'I NGO BO NYID YIN NA NI ZAG PA DANG BCAS PA'I PHYIR BDAG PO'I RKYEN NYID YIN RGYU'I RKYEN DU MI 'GRUB PAS, JI LTAR DE'I GNYEN PO SA BON DU RUNG ZHES BYA BA SMOS SO, ,JI STE DE'I NGO BO NYID MA YIN NA RGYU'I RKYEN NYID DU NI GRUB NA, GANG ZHIG DE'I RTEN NYID DU NYE BAR GNAS SHING 'JIG RTEN LAS 'DAS PA'I LAM LA YANG BYA BA BYED PAR 'GYUR BA BDAG PO'I RKYEN NI BRJOD DGOS SO ZHE NA, SANGS RGYAS RNAMS KYI ZHES BYA BA LA SOGS PAS KUN GZHI'I RNAM PAR SHES PA KHO NA RTEN YIN NO ZHES STON PAR BYED DO, ,BYANG CHUB LA BRTEN NAS ZHES BYA BA 'DIS KYANG KHA CIG NA RE CHOS KYI DBYINGS KYI RGYU MTHUN PA THOS PA'I RIM PA JI SKAD BSTAN PA NYID STON TO ZHES ZER RO, ,KHA CIG NA RE BYANG CHUB THOB KYI BAR DU BYUNG CHUB LA BRTEN NAS TE CHED DU ZHES BYA BA YIN NO ZHES ZER RO, ,GNAS GANG LA ZHES BYA BA NI SEMS CAN GYI RGYUD GANG LA'O, ,LHAN CIG 'DUG PA'I TSUL GYIS RNAM PAR SMIN PA'I RNAM PAR SHES @359B PA LA 'JUG STE ZHES BYA BA LA KUN GZHI'I RNAM PAR SHES PA SMOS PA NI MI KHYAB PA'I PHYIR TE 'DI LTAR DE NI SA BRGYAD PA LA SOGS PA LA GNAS PA'I BYANG CHUB SEMS DPA'I RGYUD DANG, DGRA BCOM PA DANG, RANG SANGS RGYAS RNAMS KYI RGYUD LA MED KYI RNAM PAR SMIN PA'I RNAM PAR SHES PA NI YOD DO, ,THOS PA'I BAG CHAGS DE NI RTEN GCIG TU GTOGS PA'I PHYIR KUN NAS NYON MONGS PA'I SA BON DANG GCIG PA NYID DU 'GYUR BA YANG MED DE, 'O NA DANG CHU BZHIN DU RANG GI MTSAN NYID THA DAD PA'I PHYIR RO, ,'DI LTAR BSOD NAMS KYI CHA DANG MTHUN PA'I SA BON 'DOD CHAGS LA SOGS PA'I SA BON DANG MTSAN NYID THA DAD PA'I PHYIR 'O MA DANG CHU BZHIN DU 'DUG NA 'DI LA KHYAD ZHUGS PA CI ZHIG YOD CE NA, DE'I PHYIR DE NI KUN GZHI RNAM PAR SHES PA YANG MA YIN ZHES BYA BA SMOS TE, GNYEN PO'I NGO BOS DE MTSAN NYID THA DAD PA NYID DU DGONGS PA YIN GYI 'BRAS BU THA DAD PA TZAM GYIS NI MA YIN NO ZHES BYA BA'I DON TO, ,BSOD NAMS KYI CHA DANG MTHUN PA NI KUN GZHI'I RNAM PAR SHES PA'I GNYEN PO YANG YIN NO, ,JI LTAR RTEN GCIG NA DUG DANG SMAN DUG SEL DAG 'DUG PA LTAR 'DI YANG DE DANG 'DRA BAR RIG PAR BYA'O, ,KUN GZHI'I RNAM PAR SHES PA LAS DE NYID DANG GZHAN NYID DU BRJOD PAR BYA BA MA YIN PA'I PHYIR BAG CHAGS KUN NAS NYON MONGS PA'I GNYEN POR YANG MI RUNG NGO ZHES KYANG BRJOD PAR MI NUS TE DE BZHIN NYID KYIS MA NGES PA'I PHYIR RO, ,YANG RIM PAS GANG GIS GNYEN PO DE 'PHEL BAR 'GYUR ZHE NA, DE LA BAG CHAGS CHUNG NGU LA BRTEN NAS ZHES BYA BA LA SOGS PAS 'PHEL BA'I RIM PA STON TO, ,SO SOR THOS PA DANG BSAM PA DANG, BSGOM PA LAN MANG DU BYA BA DANG LDAN PA'I PHYIR TE CHUNG NGU GANG YIN PA DE NYID CHUNG NGU'I 'BRING PO NAS CHEN PO'I CHEN POR 'GYUR GYI BAR DU DGE BA'I CHOS RNAMS BSGOM PAR BYA BA YIN PA'I PHYIR RO, ,DE LTA MA YIN GYI GAL TE CHUNG NGU LA SOGS PA RGYUD SO SO THA DAD PA ZHIG TU GYUR NA MNGON PAR 'PHEL BAR BYA BA'I PHYIR BSGOM PA DGOS PA MED PAR 'GYUR RO, ,'DOD CHAGS LA SOGS PA'I BAG CHAGS KYI RGYUN NI CHUNG NGU'I RGYUN NAS BAG CHAGS CHEN PO'I RGYUN GYI BAR DU YANG GZHAN KHO NA YIN TE DE LTAR BYAS NA RIM GYIS SPONG NGO, ,DE LTA MA YIN GYI CHUNG NGU GANG YIN PA DE NYID GNAS SKABS DE BOR NAS CHEN PO'I CHEN PO'I BAR DU GYUR NA CIG CAR SPANG BAR 'GYUR GYI RIM GYIS NI MA YIN NO, ,THOS @360A *, ,PA'I BAG CHAGS KYI SA BON CHUNG NGU DANG, 'BRING PO DANG, CHEN PO DE YANG ZHES BYA BA NI, GZHAN GYI LTA BA LTAR NA CHOS KYI SKU ZAG PA MED PA'I TSUL KHRIMS KYI PHUNG PO LA SOGS PA'I MTSAN NYID YIN TE, DE NI DE'I SKYED PA BYED PA NYID KYI SA BON YIN NO, ,RANG GI LTA BA LTAR NA NI CHOS KYI SKU DE BZHIN NYID KYI MTSAN NYID YIN TE, DE NI DE'I THOB PAR BYED PA NYID KYI SA BON YIN PAR RIG PAR BYA'O, ,CI'I PHYIR DE LTAR RIG PAR BYA ZHE NA, KUN GZHI'I RNAM PAR SHES PA'I NGO BO NYID MA YIN PAR BSDUS PA ZHES BYA BAS JI SKAD SMOS PA'I RGYU NYID STON PAR BYED DO, ,KUN GZHI'I RNAM PAR SHES PA'I NGO BO NYID MA YIN PAR BSDS PA NYID 'DI DE'I GNYEN PO SA BON YI PA'I PHYIR RO ZHES BSHAD NA, DE'I GNYEN PO'I SA BON JI LTAR YIN ZHE NA, DE'I PHYIR 'JIG RTEN PA YIN YANG 'JIG RTEN LAS 'DAS PA CHOS KYI DBYINGS SHIN TU RNAM PAR DAG PA'I RGYU MTHUN PA YIN PAS ZHES BYA BA LA SOGS PA SMOS SO, ,DE LA 'JIG RTEN PA NYID YIN PA NI DE KHO NA MTHONG BA'I GNAS SKABS NA KUN DU SPYOD PA'I PHYIR RO, ,SA BON DE NI YON TAN GYI KHYAD PAR BYED PA NA GNYEN PO 'DREN PAR BYED PAS DE'I PHYIR DE NI 'JIG RTEN LAS 'DAS PA'I SEMS MA BYUNG DU ZIN KYANG ZHES BYA BA LA SOGS PA SMOS TE, 'DIS NI NYON MONGS PA DANG SKYE BA DANG LAS KUN NAS NYON MONGS PA'I GNYEN PO NYID GROGS NYID YIN PAR BSTAN TO, ,DE LA NYON MONGS PA'I KUN NAS DKRIS PA'I GNYEN PO ZHES BYA BA 'DIS NI NYON MONGS PA'I GNYEN PO NYID BSTAN TE, JI LTA JI LTAR CHOS PA LA SOGS PA LAN MANG DU BYED PA DE LTA DE LTAR 'DOD CHAGS LA SOGS PA NYE BAR BCOM PA'I PHYIR NYON MONGS PA KUN DU MI 'BYUNG NGO, ,BAG MED PAS KUN DU BYUNG NAS YANG MYUR BAR RNAM PAR GNON TE, RE ZHIG NYE BAR GZHOM PA LA NUS PA YOD PAS DE SKAD CES BSTAN TO, ,DE BZHIN DU 'OG MA DAG LA YANG GNYEN PO SRID PA'I DBANG DU BYAS NAS RNAM PAR BSHAD PAR BYA'O, ,DE LA NGAN SONG GI 'GRO BA'I GNYEN PO ZHES BYA BA 'DIS NI SKYE BA'I KUN NAS NYON MONGS PA'I GNYEN PO STE, JI LTA JI LTAR THOS PA LA SOGS PA LAN MANG DU BYED PA DE LTA DE LTAR NGAN SONG SPROS PA'I BAG CHAGS KYI SA BON NYE BAR BCOM PAS RING MO ZHIG TU NGAN SONG DU MI 'GRO'O, ,'ON TE JI ZHIG @360B LHAR SONG NA YANG MYUR DU THAR PA DANG, DE NA YANG SKYO BA DANG BCAS SHING SEMS CAN SMIN PAR BYED DO, ,DE NYID KYI PHYIR, 'JIG RTEN PA YI YANG DAG LTA, ,CHEN PO GANG LA YOD GYUR PA, ,DE NI BSKAL PA STONG PHRAG DU'ANG, ,NGAN 'GROR 'GRO BAR MI 'GYUR RO, ,ZHES GSUNGS SO, ,DE LA NYES PAR BYAS PA THAMS CAD DE NGAS PAR BYED PA'I GNYEN PO ZHES BYA BA 'DIS NI LAS KUN NAS NYON MONGS PA'I GNYEN PO STE, DE BZHIN DU THOS PA LA SOGS PA LAN MANG DU BYAS PAS NGAN SONG PAR 'GYUR BA'I LAS SNGON BYAS PA RNAMS GANG GIS NA RANG GI RNAM PAR SMIN PA 'BYIN PAR NYE BAR 'JOMS SO, ,JI STE BAG MED PAS SDIG PA'I LAS KUN DU SPYOD NA YANG MYUR DU NYE BAR 'JOMS SO, ,'ON TE LAS DES NGAN SONG DU 'GRO NA YANG RING MO ZHIG NA NGAN SONG DU 'GRO'O ZHES BYA BA DE LTA BU LA SOGS PA SBYAR BAR BYA'O, ,DE LA SANGS RGYA DANG BYANG CHUB SEMS DPA' DANG PHRAD PA'I RJES SU MTHUN PA'O ZHES BYA BA 'DIS NI GROGS NYID BSTAN TE, THOS PA LA SOGS PA'I BAG CHAGS KYI GROGS YONGS SU BZUNG BAS BDE 'GROR SKYE BAR 'GYUR BA'I LAS DGE BA ZAG PA DANG BCAS PA GANG GIS NA DE DAG DANG PHRAD PAR 'GYUR BA SANGS RGYAS DANG BYANG CHUB SEMS DPA' DANG MA BRAL BA'I GNAS KYI KHYAD PAR DAG TU RNAM PAR SMIN PAR 'GYUR RO, ,SNGAR CHOS KYI SKU'I SA BON ZHES BSHAD PA DE LA DE GANG DAG CHOS KYI SKU'I SA BON YIN ZHE NA, DE'I PHYIR BYANG CHUB SEMS DPA' LAS DANG PO PA RNAMS KYI 'JIG RTEN PA YIN YANG ZHES BYA BA LA SOGS PA SMOS TE CHOS KYI SKU'I RGYU YI PA'I PHYIR CHOS KYI SKUR BSDUS PA ZHES BSHAD DO, ,DE LA DE BZHIN NYID NYON MONGS PA DANG SHES BYA'I SGRIB PA BAG CHAGS DANG BCAS PA LAS RNAM PAR GROL BA NI STOBS DANG MI 'JIGS PA LA SOGS PA'I CHOS KYI RTEN YIN PA'I PHYIR CHOS KYI SKU ZHES BYA'O, ,NYAN THOS DANG RANG SANGS RGYAS KYI RIGS CAN GYI LAS DANG PO PA RNAMS KYI YANG GANG GI LUS SU BSDUS PA YIN ZHE NA, RNAM PAR GROL BA'I LUS SU BSDUS PA ZHES BYA BA LA SOGS PA SMOS TE, DE LA NYON MONGS PA'I SGRIB PA LAS RNAM PAR GROL BA'I NGO BO NYID YIN PA'I PHYIR RNAM PAR GROL BA'I LUS ZHES BYA'O, ,RNAM PAR SMIN PA'I SHES PA GANG 'BRI ZHES BYA BA NI RDO RJE LTA BU'I TING NGE 'DZIN GYI GNAS SKABS NA'O, ,GNAS KYANG 'GYUR RO ZHES BYA BA NI DE BZHIN NYID KYI MTSAN @361A *, ,NYID KYI CHOS KYI SKU NYID DU 'GYUR RO ZHES BYA BA'I THA TSIG STE, 'DI YANG DE BZHIN GSHEGS PA RNAMS LAS BRTZAMS NAS BSHAD PA YIN NO, ,GNAS RNAM PA THAMS CAD DU GYUR NA ZHES BYA BA NI DE BZHIN NYID KYI GNAS RNAM PAR GROL BA'I SKU NYID DU GYUR NA ZHES BYA BA'I DON TO, ,RNAM PAR SMIN PA'I RNAM PAR SHES PA SA BON THAMS CAD PA YANG SA BON MED PAR GYUR PA ZHES BYA BA NI KUN NAS NYON MONGS PA'I SA BON THAMS CAD SPANGS PA ZHES BYA BA'I THA TSIG GO, ,'DI YANG NYAN THOS DANG RANG SANGS RGYAS MI SLOB PA RNAMS KYI PHUNG PO'I LHAG MA DANG BCAS PA'I MYA NGAN LAS PAS PA'I DBANG DU BYAS NAS BSHAD PA YIN TE, DE NA RNAM PAR SMIN PA THAMS CAD KYI THAMS CAD DU MI SRID PA'I PHYIR RO, ,LHAN CIG 'DUG PA'I TSUL GYIS 'JUG, ,CES KYANG BSHAD, MJUG THOGS SU RNAM PAR SMIN PA'I RNAM PAR SHES PA YANG 'BRI ZHES KYANG BSHAD PAS, DE'I PHYIR YANG JI LTAR NA ZHES BYA BA LA SOGS PA GLENG SLONG BAR BYED DO, ,NGANG PAS CHU LAS 'O MA MTHUNGS PA LTA BU ZHES BYA BA 'DI NI GRAGS PA YIN TE, LHAN CIG PA'I NGO BOR 'JUG KYANG LA LA NI RIL GYIS ZAD LA, LA LA NI MA NYAMS PAR BSDUS SO ZHES BYA BA'I THA TSIG GO, ,'JIG RTEN PA'I 'DOD CHAGS BRAL BA NI ZHES BYA BA LA SOGS PAS NI JI LTAR KUN GZHI RNAM PAR MA BZHAG PA LA RTEN GCIG LA 'DOD PA NA SPYOD PA'I KUN NAS NYON MONGS PA'I BAG CHAGS MNYAM PAR MA BZHAG PA'I SA'I BAG CHAGS DANG, LHAN CIG PA'I NGO BOR 'JUG PA'I 'JIG RTEN PA'I LAM GYI NYE BAR BCOM PAS NYAMS PAR 'GYUR BA DANG, MNYAM PAR BZHAG PA'I SA'I BAG CHAGS 'PHEL BAR BYAS NAS GNAS 'GYUR BA DE BZHIN DU KUN GZHI'I RNAM PAR SHES PA RNAM PAR GZHAG PA LA YANG 'JIG RTEN LAS 'DAS PA DANG KUN NAS NYON MONGS PA'I SA BON DAG RNAM PAR THAMS CAD 'PHEL BA DANG, MA LUS PAR SPONG BAR RIG PAR BYA'O ZHES STON PAR BYED DO, ,GNAS GYUR PA BZHIN YIN NO ZHES BYA BA NI DE BZHIN NYID GNAS GYUR PA YIN PAR SEMS TE, JI LTA JI LTAR 'JIG RTEN PA'I LAM GOMS PAS KUN NAS NYON MONGS PA'I BAG CHAGS BCOM PA'I PHYIR, 'DOD CHOGS LA SOGS PA MI 'BYUNG BA DE LTA DE LTAR DE BZHIN MNGON SUM DU MA BYAS KYANG CHA DE YONGS SU 'GYUR RO ZHE'O, ,KHA CIG NA RE GNAS NGAN LEN GYI GNAS GYUR YIN PAR SEMS SO, ,CI 'GYUR PA RDZOGS SO,, ,,