@1A [DD] #, ,RGYA GAR SKAD DU, PANYTZA SKANDHA BI BA RA nA, BOD SKAD DU, PHUNG PO LNGA'I RNAM PAR 'GREL PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,PHUNG PO LNGA ZHES [DD] BYA BA 'DI NI CHOS MNGON PA'I BSTAN BCOS SO, ,BSTAN BCOS 'DI LA THOG MAR 'BREL PA DANG, DGOS PA DANG, RANG GI STON PA LA MCHOD PAR BRJOD PA DANG GSUM BSNYAD PAR BYA'O, ,MCHOD PAR BRJOD PA NI MDZOD KYI BSTAN BCOS LA SOGS PA LAS SMOS PA DE NYID 'DIR BLTA BAR BYA STE, BSAM PA DES NA SLOB DPON GYIS 'DIR MCHOD PAR BRJOD PA MA BYAS SO, ,'DI'I 'BREL PA NI BCOM LDAN 'DAS KYIS CHOS MNGON PA STONG PHRAG BRGYA PA LA SOGS PA GSUNGS PA DE SROG CHAGS RNAMS KYIS RTOGS PAR MI NUS PAS DE'I PHYIR JI LTAR BSTAN BCOS NYUNG DUS SROG CHAGS RNAMS KYIS CHOS MNGON PA KHONG DU CHUD PAR 'GYUR SNYAM PA 'DI NI 'BREL BA'O, ,'DI'I DGOS PA NI CHOS RAB TU RNAM PAR 'BYED PA'I PHYIR TE, CHOS NI 'DIR ZAG PA DANG BCAS PA DANG, ZAG PA MED PA'I PHUNG PO LNGA DAG GO, ,DE DAG RANG GI MTSAN NYID DANG, SPYI'I MTSAN @2A #, ,NYID DU BYE BRAG TU 'BYED PA NI, RAB TU RNAM PAR 'BYED PA STE, 'PHAGS PA'I LAM DANG SBYAR RO, ,DE CI'I PHYIR ZHE NA, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,ZHES BYA BA DANG, BCOM LDAN 'DAS KYIS KYANG CHOS GCIG MNGON PAR MA SHES SHING YONGS SU MA SHES NA YANG YANG DAG PAR SDUG BSNGAL ZAD PAR 'GYUR BAR NGA MI SMRA'O ZHES GSUNGS PA LTA BU STE, MNGON PAR MA SHES PA NI MTHONG BA'I LAM GYIS MNGON PAR MA SHES PA'O, ,YONGS SU MA SHES PA NI BSGOM PA'I LAM GYIS YONGS SU MA SHES PA STE, DE LTAR DGOS PAR 'THAD DO, ,DE LA CHOS MNGON PA NI MDOR BSDU NA RNAM PA GNYIS SU BLTA STE, THA SNYAD PA DANG, DON DAM PA'O, ,DE LA DON DAM PA NI ZAG PA MED PA'I PHUNG PO LNGA STE, TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG PA'I PHUNG PO'O, ,THA SNYAD PA NI SHES RAB MTSUNGS PAR LDAN PA DANG BCAS PA STE, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA DANG, SKYE BAS THOB PA DANG, BSTAN BCOS TE, DE LTAR 'DI NI @2B RGYAS PAR BYA NA RNAM PA DRUG GI BDAG NYID LA CHOS MNGON PA ZHES BSTAN PA YIN NO, ,NGES PA'I TSIG TU BYA NA MYA NGAN LAS 'DAS PA LA MNGON DU PHYOGS PA'I CHOS DANG, RANG DANG SPYI'I MTSAN NYID LA MNGON DU PHYOGS PA'I CHOS LA CHOS MNGON PA ZHES BRJOD DO, ,'DIR BSTAN BCOS SU 'DOD PA GANG ZHE NA; DE'I DON GYI YI GE'I RNAM PA DANG, SGRA'I SPYI STE MI LDAN PA'I 'DU BYED DANG SBYAR RO, ,NGES PA'I TSIG GI TSUL DU NA NYON MONGS PA'I DGRA 'CHOS PA DANG, NGAN 'GRO DANG, SRID PA'I 'JIG PA LAS SKYOB PA'I PHYIR BSTAN BCOS TE, DE LTA YIN BAS MNGON PAR MTHO BA DANG, NGES PAR LEGS PA RAB TU BSTAN PAR 'GYUR RO ZHES BRJOD PAR 'GYUR RO, ,NGAN 'GRO LAS SKYOB PAS NI, MNGON PAR MTHO BA RAB TU BSTAN PAR 'GYUR RO, ,NYON MONGS PA'I DGRA 'CHOS PA DANG, SRID PA LAS SKYOB PAS NI NGES PAR LEGS PA RAB TU BSTAN PAR 'GYUR TE, SLOB DPON 'PHAGS PA LHAS KYANG, NYON MONGS DGRA RNAMS MA LUS 'CHOS PA DANG, ,NGAN 'GRO SRID LAS SKYOB PA GANG YIN TE, ,'CHOS SKYOB YON TAN PHYIR YANG BSTAN BCOS TE, ,GNYIS PO 'DI DAG GZHAN GYI LUGS LA MED, ,CES BRJOD PA LTA BU'O, ,DE LA PHUNG PO LNGA NI GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,CI'I PHYIR PHUNG PO'I GO RIMS 'DI LTAR MDZAD, SMRAS PA, GZUGS NI THOGS PA DANG BCAS PA DANG, RNAM PAR SHES PA'I TSOGS LNGA'I GNAS YIN PA DANG, RNAM PAR SHES PA'I TSOGS DRUG GI DMIGS PA YIN PA'I PHYIR; GZUGS NI THAMS CAD PAS CHES RAGS PA STE, DE'I PHYIR DE THOG MAR SMOS KYI TSOR BA LA SOGS PA NI MA YIN NO, ,TSOR BA NI RGYU BA RAGS PA'I PHYIR GSUM PAS CHES RAGS TE, 'DI LTAR 'JIG RTEN NA NGA GLAD PA NA'O, ,NGA GLAD PA PHYED NA'O ZHES THA SNYAD DU BYA'O, ,'DU SHES NI MTSAN MAR 'DZIN PA STE, RNAM PAR SHES PAR SLA BA'I PHYIR GNYIS PAS CHES RAGS PA STE, 'JUG PA SHIN TU RTOGS PAR SLA BA'I PHYIR RO ZHES BYA BA'I THA TSIG GO, ,'DU BYED RNAMS NI MNGON PAR 'DU BYED PA'I MTSAN NYID YIN PAS 'DOD CHAGS LA SOGS PA KUN TU 'BYUNG BA GSAL @3A *, ,BAR RTOGS PA'I PHYIR RNAM PAR SHES PA BAS CHES RAGS SO, ,RNAM PAR SHES PA NI SHIN TU PHRA BA'I PHYIR THA MAR BSTAN TO, ,YANG NA SNOD LA SOGS PAS PHUNG PO'I GO RIMS BSTAN TE, GZUGS KYI PHUNG PO NI SNOD LTA BU'O, ,TSOR BA'I PHUNG PO NI ZAS LTA BU STE, TSOR BA NI SEMS CAN GYI LUS LA PHAN PA DANG, GNOD PAR BYED PA'I PHYIR ZAS DANG 'DRA STE, DE NI MYANG PAR BYA BA'O, ,'DU SHES KYI PHUNG PO NI TSOD MA LTA BU STE, DGRA DANG MDZA' BSHES DANG THA MAL PA LA BDE BA LA SOGS PAR MTSAN MAR 'DZIN PA DANG 'DRA BA'I PHYIR RO, ,'DU BYED RNAMS NI BYAN PO LTA BU STE, DE'I DBANG GIS 'DOD PA DANG MI 'DOD PA'I RNAM PAR SMIN PA MNGON PAR 'GRUB PA'I PHYIR RO, ,RNAM PAR SHES PA NI ZA BA LTA BU STE, DE DAG LA BDAG TU 'DZIN PA'I PHYIR RO, ,SDUG BSNGAL DANG BDE BA RNAM PAR SHES PA STE, RNAM PAR SHES PA'I PHYIR RNAM PAR SHES PA ZHES BYA'O, ,YANG NA KUN NAS NYON MONGS PA'I DBANG DU BYAS NAS RIM PAR GZHAG STE, 'DI LTAR THOG MA MED PA CAN GYI 'KHOR BA NA SKYES PA DANG, BUD MED RNAMS PHAN TSUN MNGON PAR DGA' STE, KHA DOG DANG DBYIBS LA MNGON PAR DGA' ZHES BYA BA'I THA TSIG GO, ,DE'I PHYIR GZUGS KYI PHUNG PO LAS THOG MAR KUN NAS NYON MONGS PA 'BYUNG BAS GZUGS KYI PHUNG PO THOG MAR SMOS SO, ,DE'I SGO NAS TSOR BA LA CHAGS TE, DE LA CHAGS PA NI TSOR BA'I RO MYANG BA'I PHYIR TE, MNGON PAR DGA' BA'I PHYIR RO ZHES BYA BA'I THA TSIG GO, ,DE LA CHAGS PA NI BDE BA'I TSOR BA LA MNGON PAR CHAGS PA STE, DE LA MNGON PAR DGA' PA YIN PAS DE'I 'OG TU TSOR BA'I PHUNG PO SMOS SO, ,TSOR BA'I SGO NAS 'DU SHES PHYIN CI LOG MYUNG STE JI LTA ZHE NA, BDE BA LA SOGS PAR MTSAN MAR 'DZIN PA'I PHYIR ZHES BYA BA'I THA TSIG STE, DE'I PHYIR DE'I 'OG TU 'DU SHES KYI PHUNG PO'O, ,PHYIN CI LOG DE NYID NYON MONGS PA DANG SBYAR TE, 'DU BYED KYI PHUNG PO LA GNAS PA DE'I 'OG TU 'DU BYED KYI PHUNG PO BSTAN TO, ,NYON MONGS RNAMS KYI 'GRO BA GZHAN LA SOGS PAR RNAM PAR SHES PA KUN NAS NYON MONGS PAR 'GYUR BA'I PHYIR TE PHYIS BSTAN TO, ,GO RIMS BSHAD ZIN TO, ,CI'I PHYIR PHUNG PO LNGA KHO NA STE, MI MANG MI NYUNG BA 'DI BRJOD DGOS SO, , @3B SMRAS PA; 'DI LTAR PHUNG PO LNGA PO DAG NYID KYIS BDAG GI BA'I DNGOS PO DANG BDAG GI DNGOS PO BRJOD DE, DE LA BDAG GI BA'I DNGOS PO NI PHUNG PO BZHIS BRJOD DE, GZUGS DANG, TSOR BA DANG, 'DU SHES DANG, 'DU BYED CES BYA BA RNAMS KYIS SO, ,JI LTA ZHE NA, GZUGS KYI PHUNG POS NI YONGS SU 'DZIN PA DANG BCAS PA LUS KYI BDAG NYID KYI DNGOS PO BRJOD DO, ,TSOR BA'I PHUNG POS NI LONGS SPYOD KYI BDAG NYID KYI DNGOS PO BRJOD DO, ,'DU SHES KYI PHUNG POS NI THA SNYAD KYI BDAG NYID KYI DNGOS PO BRJOD DO, ,'DU BYED KYI PHUNG POS NI CHOS DANG, CHOS MA YIN PA'I MNGON PAR 'DU BYED PA'I BDAG NYID KYI DNGOS PO BRJOD DO, ,RNAM PAR SHES PA'I PHUNG POS NI DE DAG GI GNAS KYI BDAG NYID KYI DNGOS PO BRJOD DO, ,'DI LTAR 'JIG RTEN NA PHAL CHER RNAM PAR SHES PA LA NI BDAG TU 'DZIN, LHAG MA RNAMS LA NI BDAG GIR 'DZIN TE, DE'I PHYIR PHUNG PO LNGA NYID DU 'THAD DO, ,DE LTAR 'DI LTA BU'I RANG BZHIN CAN GANG YIN PA'I BDAG DE KHAS LEN NA GRANGS CAN DAG RTAG PA DANG, YAN LAG MED PA DANG, BYED PA PO MA YIN GYI ZAB PO LA SOGS PAR SMRA BA DANG, BYE BRAG PA DAG BYED PA PO DANG ZA BA PO LA SOGS PAR SMRA BA DANG, GCER BU PA DAG BUM PA'I MAR ME BZHIN DU ZHUM PA DANG RGYAS PAR SMRA BA JI LTAR 'THAD DE, DE SKAD SMRA BA DAG GI LTAR NA DGE BA DANG MI DGE BA'I LAS KYI 'BRAS BU MED PAR 'GYUR RO, ,CI'I PHYIR ZHE NA, BDAG RTAG PA'I PHYIR TE, DGE BA DANG MI DGE BA'I LAS DE DAG GIS BDAG LA PHAN PA DANG GNOD PA ZHIG BYA GRANG NA PHAN PA DANG GNOD PA GNYI GA YANG BDAG LA MI 'BYUNG STE, NAM MKHA' LTAR RTAG PA'I PHYIR RO, ,JI LTAR NAM MKHA' LA RTAG PAR 'GYUR BA MED PA LA PHAN PA DANG GNOD PA MED PA DE BZHIN DU BDAG LA YANG DGE BA DANG MI DGE BA'I LAS KYI 'BRAS BU DON MED PAR 'DIR 'THAD DO, ,YANG SMRAS PA, MKHA' LA 'CHAR NYIS CI ZHIG BYA, ,DE GNYIS 'BRAS BU PAG SA LA YOD, ,GAL TE PAGS 'DRA DE MI RTAG ,GAL TE MKHA' 'DRA 'BRAS BU MED, ,YANG NA BYA ROG GI SO BRTAG PA LTA BU 'DIS CI ZHIG BYA, DKYUS MA LA 'JUG PAR BYA'O, ,DE LA PHUNG PO LNGA NI CHOS MNGON PA'I BSTAN BCOS SO ZHES SMRAS PA DE LA THOG MAR GZUGS KYI PHUNG PO BSTAN PAS DE'I MTSAN NYID BSTAN PA 'BA' @4A *, ,ZHIG LA BRTZAM MO, ,DE LA SMRAS PA, GZUGS GANG ZHE NA, GZUGS GANG YIN PA CI YANG RUNG STE, DE DAG THAMS CAD 'BYUNG BA CHEN PO BZHI DANG 'BYUNG BA CHEN PO BZHI DAG RGYUR BYAS PA'O, ,'DI NI GZUGS KYI PHUNG PO MDOR BSDUS PA'O, ,'BYUNG BA CHEN PO BZHI ZHES BYA BA'I DON GANG YIN, CI ZHIG THE TSOM ZA ZHE NA, 'BYUNG BA'I SGRA NI DON DU MAR 'JUG PA'I PHYIR TE, 'DI LTA STE, 'BYUNG BA'I SGRA NI SKYE BA LA YANG YOD DE, ZAS BZHIN SEMS CAN 'BYUNG PO RNAMS GNAS PAR BYA BA'I PHYIR RO ZHES 'BYUNG BA'I PHYIR TE SKYE BA ZHES BYA BAR MNGON NO, ,BDEN PA LA YANG YOD DE, YANG DAG PAR SMRA BA ZHES BYA BA'I PHYIR RO; ,YOD PA LA YANG YOD DE, BDAG JI LTAR GYUR PA BZHIN DU BRJOD PA'O, ,SEMS CAN LA YANG YOD DE, 'BYUNG PO RNAMS LA DBYIG PA SPANGS NAS ZHES BYA BA'O, ,'DAS PA RNAMS LA YANG YOD DE, SNGON BYUNG BA ZHES BYA BA'O, ,MI MA YIN PA LA YANG YOD DE, 'DIR NI 'BYUNG PO GANG DAG 'ONGS GYUR NA, ,ZHES BYA BA DANG DE BZHIN DU 'BYUNG POS ZIN TO, ,'BYUNG PO YI CHAD DO ZHES BYA BA'O, ,CUNG ZAD MA RDZOGS PA LA YANG YOD DE, PHA DANG 'DRA ZHES BYA BA'O, ,'DIR 'BYUNG BA'I SGRA GANG LA BYA ZHE NA, SA LA SOGS PA LA BLTA STE, 'BYUNG BA CHEN PO BZHI DAG GO, ,BZHI GANG ZHE NA, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS SO ZHES BYA BA'I PHYIR RO, ,SKYE DANG BDEN DANG DE BZHIN YOD, ,SEMS CAN 'DAS DANG MI MA YIN, ,CUNG ZAD LUS DANG SA LA SOGS, ,'BYUNG BA'I SGRAR NI MKHAS PAS RTOGS, DE DAG NI 'BYUNG BA YANG YIN LA CHEN PO YANG YIN BAS 'BYUNG BA CHEN PO DAG GO, ,DE DAG GI CHE BA NI DE LAS GZHAN PA RGYUR BYAS PA'I GZUGS KYI GNAS YIN PA'I PHYIR RO, ,YANG NA SA DANG, CHU DANG, ME DANG, RLUNG GI PHUNG PO DE DAG GI SHAS CHE BA LA BRTEN PA DANG, SDUD PA DANG, SMIN PAR BYED PA DANG, G-YO BA'I SKABS KYI LAS KYIS CHEN POR GNAS PAR 'GYUR BA'I PHYIR RO, ,YANG NA SA CHEN POR GNAS PAR SNANG BA NYID DO, ,CHU DANG, ME DANG, RLUNG NI 'JIG PA GSUM GYI TSE CHEN POR GNAS PA NYID DU GSAL TE, 'DI LTAR MES 'JIG PA NA BSAM GTAN DANG BO'I BAR DU TSIG GO, ,CHUS 'JIG PA NA BSAM GTAN GNYIS PA'I @4B BAR DU G-YENGS SO, ,RLUNG GIS 'JIG PA NA BSAM GTAN GSUM PA'I BAR DU 'JIG GO, ,'BYUNG BA ZHES BYA BA'I DON GANG YIN, 'BYUNG BA SNA TSOGS 'GRUB PA LA DE DANG DE DAG GI RNAM PAR 'BYUNG BA'I PHYIR 'BYUNG BA DAG GO, ,YANG NA 'BYUNG BA'I PHYIR 'BYUNG BA STE, 'BYUNG BA YOD PAR BYED PA'I PHYIR 'BYUNG BA DAG PA STE, 'BYUNG BA'I YOD PA RGYA CHER BYED, ,CES BYA BA'I THA TSIG GO, ,KHAMS ZHES BYA BA'I DON GANG ZHE NA, RANG GI MTSAN NYID DANG RGYUR BYAS PA'I GZUGS 'DZIN PA'I PHYIR KHAMS SO, ,DE LA SA'I KHAMS GANG ZHE NA, SRA BA NYID DO ZHES BYA BA NI GANG LUS LA SRA BA YOD PA GANG YIN PA DE SA'I KHAMS SO, ,CHU'I KHAMS GANG ZHE NA, GSHER BA NYID DO ZHES BYA BA NI GANG LUS LA GSHER BAR BYED PA'O, ,ME'I KHAMS GANG ZHE NA, TSA BA NYID DO ZHES BYA BA NI GANG LUS LA DRO BA NYID YOD PA'O, ,PHYI ROL GYI 'BYUNG BA CHEN PO RNAMS LA YANG MTSAN NYID DE LTAR BLTA BAR BYA'O; ,RLUNG GI KHAMS GANG ZHE NA, YANG ZHING G-YO BA NYID DO ZHES BYA BA LA YANG BA NYID KYIS CHOG GI ,G-YO BA SMOS CI DGOS, SMRAS PA, RGYUR BYAS PA'I GZUGS KYANG YANG BA ZHES BYA BA'I PHYIR RO, ,DE LTAR NA G-YO BA NYID CES BYA BAS CHOG MOD, DE LTAR NA YANG SEMS PA LA YANG THAL DU 'ONG STE, SEMS PA YANG G-YO BA'I BDAG NYID YIN PA'I PHYIR RO, ,DE LTA BAS NA GNYI GA GSAL BA'I PHYIR CHOS GANG YANG BA NYID DU GYUR CING G-YO BA'I BDAG NYID YIN PA NI RLUNG GI KHAMS ZHES BYA'O, ,G-YO BA NI BSKYOD PA STE, GANG YUL GZHAN DU PHYIN PAR BYED CES BYA BA'I THA TSIG GO; ,'O NA LNGA PA NAM MKHA' JI LTAR 'BYUNG PA CHEN PO MA YIN ZHE NA, 'BYUNG BA'I MTSAN NYID DU MI 'THAD PA'I PHYIR TE, 'BYUNG BA DAG NI SEMS CAN RNAMS LA PHAN PA DANG, GNOD PA BYED PA YIN NA NAM MKHA' NI DE LTA BU MA YIN TE, SNOD DANG ZHIG PA LA BYE BRAG MED PA'I PHYIR RO, ,GZHAN YANG 'BYUNG BA CHEN PO DAG NI SA BON LA SOGS PA'I GNAS SKABS LAS 'GYUR BA NI MYU GU'I GNAS SKABS KYI RKYEN GYIS DNGOS POR 'GYUR NA, NAM MKHA' NI RTAG PA'I PHYIR DE LTAR 'GYUR BA MA YIN TE, DNGOS PO GZHAN SKYED PA MA YIN NO, DE'I PHYIR 'BYUNG BA CHEN PO MA YIN TE, DE LTA BAS NA @5A *, ,LUS NI 'BYUNG BA CHEN PO BZHI PO NYID DU 'THAD DO, ,'BYUNG BA CHEN PO DAG BSHAD ZIN TO, ,DE DAG NI PHAN TSUN MED NA MI 'BYUNG BA NYID DU BLTA STE, JI LTA ZHE NA SHING DANG, RDO LA SOGS PA LA SDUD PA DANG, ME 'BYUNG BA DANG, 'PHEL BA DANG, LTUNG BA YOD PAS CHU DANG ME DANG RLUNG DANG LDAN PAR MNGON NO, ,CHU LA YANG GRU 'DZIN PA DANG, DRO BA DANG, G-YO BA DMIGS PAS SA DANG ME DANG RLUNG DANG LDAN PAR MNGON NO, ,ME LCE LA YANG 'DEGS PA DANG, SDUD PA DANG G-YO BA DMIGS PAS SA DANG CHU DANG, RLUNG DANG LDAN PAR MNGON NO, ,RLUNG LA YANG 'DEGS PA DANG, GRANG BA DANG TSA BA'I REG PA DMIGS PAS SA DANG CHU DANG ME DANG LDAN PAR MNGON NO, ,'DIR DPE NI PHYE DANG LAN TSVA DANG, PHYE MA DANG, SKOM SBYAR BA LTA BUR BLTA BAR BYA'O, ,DA NI RGYUR BYAS PA'I GZUGS BRJOD PAR BYA STE, DE'I PHYIR SMRAS PA, RGYUR BYAS PA'I GZUGS GANG ZHE NA ZHES BYA BA STE, DE YANG RNAM PA BCU GCIG NYID DO, ,JI LTAR ZHE NA, DBANG PO LNGA DANG, YUL LNGA DANG, RNAM PAR RIG BYED MA YIN PA ZHES BYA BA'O, ,DE LA 'BYUNG BA CHEN PO BZHI NI GZUGS SKYE BA NA RNAM PA LNGAS RGYUR 'GYUR TE, SKYED PA DANG, GNAS PA DANG, BRTEN PA DANG, RTON PA DANG; 'PHEL BAR BYED PA ZHES BYA BA'O, ,DE LA SKYED PA'I RGYU NI SKYE BA'I RGYU NYID DO, ,DE DAG MED NA MI 'BYUNG BA'I PHYIR RO, ,GNAS KYI RGYU NI RTEN GYI RGYU NYID DE, 'BYUNG BA DAG BOR NA RGYUR BYAS PA'I GZUGS LOGS SHIG TU YUL NA GNAS PA'I MTHU MED PA'I PHYIR RO, ,RTEN GYI RGYU NI RJES SU 'JUG PA'I RGYU NYID DE 'BYUNG BDAG GYUR NA DE LA BRTEN PA RGYUR BYAS PA'I GZUGS KYANG 'GYUR PA'I PHYIR RO, ,RTON PA'I RGYU NI GNAS PA'I RGYU STE, 'DRA BAR 'BYUNG BA'I DUS NA 'BYUNG BA RNAMS KYIS RGYUR BYAS PA'I GZUGS KYI RGYUN MI CHAD PA'I TSUL NI 'DZIN PA'I PHYIR RO, ,'PHEL BAR BYED PA'I RGYU NI 'PHEL BA'I DUS NA 'BYUNG BA RNAMS KYIS RGYUR BYAS PA'I GZUGS BRTAS PAR BYED PA'I PHYIR RO, ,DE LTAR NA 'BYUNG BA CHEN PO BZHI PO DE DAG NI RNAM PA LNGAS RGYUR BYAS PA'I GZUGS RNAM PA BCU GCIG GI RGYU YIN NO, ,DE LA MIG GI DBANG PO GANG ZHE NA, YUL KHA DOG GZUGS DANG BA'O, ,BLTA BAS @5B NA MIG STE, DBANG BYED PA'I DON NI DBANG PO'I DON TO, ,DE DAG GANG ZHIG GANG LA DBANG BYED CE NA MIG GI DBANG PO NI MIG GI RNAM PAR SHES BA MTSUNGS PAR LDAN PA DANG BCAS PA 'BYUNG BA NA DBANG BYED DO, ,RNA BA'I DBANG PO NI RNA BA'I RNAM PAR SHES PA MTSUNGS PAR LDAN PA DANG BCAS PA 'BYUNG BA NA DBANG BYED DO, ,DE BZHIN DU SNA DANG LCE DANG LUS KYI DBANG PO RNAMS KYANG SNA DANG LCE DANG LUS KYI RNAM PAR SHES PA MTSUNGS PAR LDAN PA DANG BCAS PA 'BYUNG BA NA DBANG BYED DO, ,YUL KHA DOG GZUGS DANG BA ZHES BYA BA NI YUL GZUGS KYI YUL CAN MIG GI DBANG PO STON TO, ,DBANG PO DE NI DANG BA'I BDAG NYID DE, GZUGS DANG BA ZHES BYA BA NI MIG GI 'BRAS BU PHYOGS GSAL BA STE, ZHO GA CHU LTA BU'O, ,GANG YOD NA MIG GI RNAM PAR SHES PA 'BYUNG GI MED NA MI 'BYUNG BA DE NI MIG GI DBANG PO GZUGS DANG BA'I BDAG NYID DU RIG PAR BYA'O, ,RNA BA'I DBANG PO GANG ZHE NA, YUL SGRA GZUGS DANG BA'O ZHES BYA BA NI, YUL SGRAS YUL CAN RNA BA'I DBANG PO STON TO, ,DBANG PO DE NI DANG BA'I BDAG NYID DE, GZUGS DANG BA ZHES BYA BA NI RNA BA'I 'BRUG GI PHYOGS GSAL BA DE ZHOG CHU DANG BA LTA BU'O, ,GANG YOD NA RNA BA'I RNAM PAR SHES PA 'BYUNG GI MED NA MI 'BYUNG BA DE NI RNA BA'I DBANG PO'I GZUGS DANG BA'I BDAG NYID DU RIG PAR BYA'O, ,DE BZHIN DU SNA'I DBANG PO NI SNA'I TSIGS KYI NANG ROL NA'O, ,LCE'I DBANG PO NI LCE'I DBUS NA SKRA'I RTZE MO TZAM MA GTOGS SO, ,GZHAN DAG NA RE ZLA BA KHAM PA LTA BU'O ZHE'O, ,LUS KYI DBANG PO NI THAMS CAD DU KHYAB PO; ,GAL TE DE LTAN GANG LA LCE'I DBANG PO YOD PA DE LA LUS KYI DBANG PO YANG YOD DO ZHE NA, GANG GI YUL DRAG PA'O, ,MNYAM PAR GYUR NA, LCE'I DBANG PO YUL SNGAR 'DZIN TE, ZA 'DOD PAS PHUNG PO'I RGYUN ZA 'DOD PAR CHUMS PA'I PHYIR RO, ,DBANG PO RNAMS BSHAD ZIN TO, ,YUL LNGA BRJOD PAR BYA STE, SMRAS PA, GZUGS GANG ZHE NA, MIG GI YUL TE, KHA DOG DANG DBYIBS DANG RNAM PAR RIG BYED DO ZHES BYA BA NI 'DIR YUL CAN DBANG POS YUL STON TE, MIG GI DBANG PO'I SPYOD YUL GYI DON GANG YIN PA DE GZUGS ZHES BYA BA'I THA TSIG GO, ,DE LA KHA DOG NI RNAM PA @6A *, ,BZHI STE, SNGON PO DANG, SER PO DANG, DMAR PO DANG, DKAR PO'O, ,DE'I DBYE BA NI 'DI LTA STE, GRIB MA DANG, NYI MA DANG, SNANG BA DANG, MUN PA DANG, SPRIN DANG, DU BA DANG, RDUL DANG, KHUG RNA DANG, NAM MKHA'O, ,DBYIBS NI RNAM PA BRGYAD DE, LHAM PA DANG; ZLUM PO DANG, MTHO BA DANG, DMA' BA DANG, PHYA LE BA DANG, PHYA LE BA MA YIN PA DANG, RING PO DANG, THUNG DU'O, ,LHAM PA NI GRU BZHI PA'O, ,KUN TU DKYIL 'KHOR NI ZLUM PA'O, ,RI LA SOGS PA NI MTHO BA'O, ,KHRON PA LA SOGS PA NI DMA' BA'O, ,DBYIBS MNYAM PA NI PHYA LE BA'O, ,DBYIBS MI MNYAM PA NI PHYA LE BA MA YIN PA'O, ,RING PO DANG THUNG DU NI LTOS PA'O, ,GAL TE LTOS PAS THA DAD PA'I PHYIR YONGS SU MI 'GRUB PO ZHE NA, LTOS PAS THA DAD PAR MI RUNG BA MED DE, PHA DANG BU BZHIN NO, ,DPER NA PHA LA LTOS NAS NAM DU YANG BU PHAR MI 'GYUR, BU LA LTOS NAS NAM DU YANG PHA BUR MI 'GYUR BA DE BZHIN DU GANG LA LTOS NAS GANG RING BA DE DE LA LTOS NAS NAM DU YANG THUNG NGUR MI 'GYUR RO, ,GANG LA LTOS NAS THUNG BA DE DE LA LTOS NAS NAM YANG RING POR MI 'GYUR TE, RING PO DANG THUNG NGUR 'THAD DO, ,GZUGS BSHAD ZIN TO, ,DA NI SGRA BRJOD PAR BYA STE, DE SMRAS PA, SGRA GANG ZHE NA, RNA BA'I YUL STE ZIN PA DANG, MA ZIN PA DANG, GNYIS KA'I STE, 'BYUNG BA CHEN PO'I RGYU LAS BYUNG BA'O, ,ZIN PA ZHES BYA BA DON GANG ZHE NA, SEMS DANG SEMS LAS BYUNG BA RNAMS KYIS RTEN GYI DNGOS POR GZUNG BA STE PHAN PA DANG GNOD PA GNYIS KYI PHAN TSUN RJES SU 'JUG PA'I PHYIR 'JIG RTEN NA GANG SEMS YOD PA DE ZIN PA ZHES BRJOD DO, ,DE LTAR ZIN PA'I 'BYUNG BA CHEN PO RNAMS KYIS BSKYED PA'I SGRA DE ZIN PA'I 'BYUNG BA'I RGYU LAS BYUNG BA ZHES BYA BA STE, LAG PA DANG NGAG GI SGRA'O, ,MA ZIN PA'I 'BYUNG BA CHEN PO'I RGYU LAS BYUNG BA NI RLUNG DANG NAGS TSAL LA SOGS PA'I SGRA'O, ,GNYI GA'I SGRA 'BYUNG BA CHEN PO'I RGYU LAS BYUNG BA NI LAG PA DANG RNGA LA SOGS PA'I SGRA'O, ,DE YANG BSHAD PA'I BYE BRAG GIS RNAM PA BZHIR 'GYUR TE, 'JIG RTEN GYI GRAGS PA DANG, YONGS SU BRTAGS PA DANG, GRUB PAS BSTAN PA DANG, THA SNYAD @6B BTAGS PA'O, ,'JIG RTEN GYI GRAGS PA NI 'JIG RTEN PA'I BRJOD PA STE, 'DI LTA STE, BUM PA DANG SNOM BU DANG SHING RTA ZHES BYA BA LA SOGS PA'O, ,YONGS SU BRTAGS PA NI MU STEGS CAN RNAMS KYIS BRJOD PA STE, 'DI LTA STE, GTZO BO NI BYED PA ZHES BYA BA LA SOGS PA'O, ,GRUB PAS BSTAN PA NI 'PHAGS PAS BSTAN PA STE, 'DU BYED THAMS CAD NI MI RTAG PA'O ZHES BYA BA LA SOGS PA'O, ,THA SNYAD PA NI 'PHAGS PA DANG 'PHAGS PA MA YIN PA'I STE, MTHONG BA DANG MA MTHONG BA LA SOGS PA'I THA SNYAD KYI DBANG DU BYAS PAR RIG PAR BYA'O, ,GRUB PA'I MTHA' LAS NI RNA BA'I YUL 'BYUNG BA CHEN PO BZHI LAS GRUB PA'I GZUGS ZHES 'BYUNG NGO, ,SGRA BSHAD ZIN TO, ,DRI GANG ZHE NA, SNA'I YUL TE DRI ZHI MA PA DANG, DRI NGA BA DANG, DE LAS GZHAN PA'O, ,DRI ZHIM PA NI GANG MAN MA NA PHUNG PO'I RGYUN RGYAS PAR 'GYUR BA'O, ,DRI NGA BA NI GANG BSNAMS NA PHUNG PO'I RGYUN NYAMS PAR 'GYUR RO, ,DRI MNYAM PA NI GANG DE GNYI GAR MI 'GYUR BA'O, ,DE YANG LHAN CIG SKYES PA DANG SBYAR BA DANG GYUR BA'O, ,DRI BSHAD ZIN TO, ,RO GANG ZHE NA, LCE'I YUL TE, MNGAR BA DANG, SKYUR BA DANG, LAN TSVA DANG, TSA BA DANG, KHA BA DANG, BSKA BA ZHES BYA'O, ,MYANG BAR BYA BA'I PHYIR RO ZHES BYA BA STE, RO MYANG BA ZHES BYA BA'I THA TSIG GO, ,DE LA MNGAR BA NI BU RAM DANG, SHA KHA RA LA SOGS PA'O, ,SKYUR BA NI TSA DANG SKYUR RTZI LA SOGS PA'O, ,LAN TSVA NI LAN TSVA LNGA'O, ,TSA BA NI TSA BA GSUM MO, ,KHA BA NI PA TO LA'I LO MA LA SOGS PA'O, ,BSKA BA NI SHING 'DZAM BU'I SHUN PA LA SOGS PA'O, ,DE YANG YID DU 'ONG BA DANG, YID DU MI 'ONG BA DANG, GNYI GA MA YIN PA DANG, LHAN CIG SKYES PA DANG, SBYAR BA DANG GYUR PA'O, ,RO BSHAD ZIN TO, ,REG BYA'I PHYOGS GCIG GANG ZHE NA, LUS KYI YUL TE, 'BYUNG BA CHEN PO BZHI BZHAG STE, 'JAM PA DANG, RTZUB PA DANG, LCI BA DANG, YANG BA DANG, GRANG BA DANG, BKRES PA DANG, SKOM PA'O ZHES BYA BA LA 'JAM PA NI GNYEN ZHING MNAN PAR 'OS PA STE, PAGS PAS BSHUD NAS DE RTOG PA'I PHYIR RO, ,RTZUB PA NI RUNG RUD PO STE, REG BYA TZAM DU ZAD CING BZUNG BAS REG PA'I PHYIR RO, , @7A *, ,LCIB DANG YANG BA NI SRANG GIS BCAL BAS DE RTOGS PA'I PHYIR RO, ,GRANG BA NI RLUNG GI 'DUS TE REG PA'I PHYIR TE, DE NI DRO BA 'DOD PAR BYED PA'O, ,BKRES PA NI ZA 'DOD PA'O, ,SKOM PA NI 'THUNG 'DOD PA'O, ,GAL TE DE LTA NA BKRES PA DANG, SKOM PA NI SEMS LAS BYUNG BA YIN PA'I PHYIR RGYUR BYAS PA'I GZUGS SU MI 'GRUB PO, ,SMRAS PA, RGYU LA 'BRAS BU GDAGS PHYIR TE, ,DPER NA, SANGS RGYAS RNAMS NI 'BYUNG BA BDE, ,CHOS BSTAN PA YANG BDE BA'O, ,DGE 'DUN MTHUN PA BDE BA YIN, ,MTHUN PA RNAMS KYI DKA' THUB BDE, ,ZHES BYA BA LTA DU STE, 'DI LA ME DANG RLUNG GI SHAS CHE STE, ZAS DANG SKOM PA BZHU BA'I SKABS NAS LUS NYAMS DMA' STE, ME DANG RLUNG ZHES BYA BA'I REG BYA DE LA BRTEN NAS 'BRAS BUR GYUR PA, GNYEN PO 'DOD PAS BKRES PA DANG, SKOM PA 'BYUNG STE, RGYU REG BYA DE LA BKRES PA DANG SGOM PA GDAGS SO, ,DE LTAR REG BYA RNAM PA BDUN PO 'DI DANG, GONG DU SMOS PA 'BYUNG BA CHEN PO BZHI DANG 'DI DAG NI BCU GCIG GI BDAG NYID YIN NO, DA NI RNAM PAR RIG BYED MA YIN PA BRJOD PAR BYA STE, DE SMRAS PA, RNAM PAR RIG BYED MA YIN PA GANG ZHE NA, RNAM PAR RIG BYED DANG, TING NGE 'DZIN LAS BYUNG BA'I GZUGS TE, BSTAN DU MED LA THOGS PA MED PA'O, ,GZUGS DANG BYA BA'I RANG BZHIN YIN DU ZIN KYANG, RNAM PAR RIG BYED BZHIN DU GZHAN LA RNAM PAR RIG PAR MI BYED PAS NA, RNAM PAR RIG BYED MA YIN PA'O, ,RNAM PAR RIG BYED LAS BYUNG BA ZHES BYA BA NI RNAM PAR RIG BYED GNYIS TE, LUS KYI RNAM PAR RIG BYED DANG, NGAG GI RNAM PAR RIG BYED DO, ,DE YANG DGE BA DANG MI DGE BA STE, DGE PA NI SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, PHRA MA DANG TSIG 'KHYAL PA DANG, DAG RTZUB MO SPANGS PA'I SEMS ZHES BYA'O, ,SEMS NYID LAS YIN TE, BCOM LDAN 'DAS KYIS BKA' STZAL PA, DGE SLONG DAG SEMS PA NI LAS SU NGA SMRA'O ZHES GSUNGS PA LTA BU'O, ,DES BSKYED PA'I RNAM PAR RIG BYED MA YIN PA NI DGE BA DAG GO, ,MI DGE BA'I RNAM PAR RIG BYED NI @7B SROG GCOD PA NAS TSIG 'KHYAL PA ZHES BYA BA'I BAR GYI SEMS PA STE, DES BSKYED PA'I RNAM PAR RIG BYED MA YIN PA NI, MI DGE BA DAG GO, ,TING NGE 'DZIN LAS BYUNG BA'I RNAM PAR RIG BYED MA YIN PA NI BSAM GTAN BZHIS BSKYED PA'I RNAM PAR RIG BYED MA YIN PA GANG YIN PA DE NI TING NGE 'DZIN LAS BYUNG BA'O, ,DE LTAR RNAM PAR RIG BYED MA YIN PA 'DI NI SDOM PA DANG SDOM PA MA YIN PA ZHES BYA BA RGYUR BYAS PA'I GZUGS YIN TE, LAS KYI BAG CHAGS ZHES BYA BA'I THA TSIG GO, ,RNAM PA DU MA DE DAG KYANG GZUGS RNAM PA GSUM DU GYUR TE, BSTAN DU YOD LA THOGS PA DANG BCAS PA DANG, BSTAN DU MED LA THOGS PA DANG BCAS PA DANG, BSTAN DU MED LA THOGS PA YANG MED PA'O, ,DE LA BSTAN DU YOD LA THOGS PA DANG BCAS PA NI KHA DOG DANG DBYIBS DANG, RNAM PAR RIG BYED DO, ,YUL BSTAN PAS 'DI NI 'DI NA'O, ,PHA BI NI PHA BI NA'O ZHES BSTAN DU RUNG BA'I PHYIR RO, ,BSTAN DU MED LA THOGS PA DANG BCAS PA NI MIG DANG, RNA BA DANG, SNA DANG, LCE DANG, LUS KYI DBANG PO DANG, SGRA DANG, DRI DANG, RO DANG, REG BYA'O ZHES BYA BA'O, ,BSTAN DU MED LA THOGS PA MED PA NI RNAM PAR RIG BYED MA YIN PA'I GZUGS SO, ,CI'I PHYIR RNAM PAR RIG BYED MA YIN PA'I BAR 'DI LA GZUGS KYI PHUNG PO ZHES BYA ZHE NA GZUGS SU YOD PA'I PHYIR GZUGS TE, BCOM LDAN 'DAS KYIS BKA' STZAL PA, DGE SLONG DAG GZUGS SU RUNG BA GZUGS SU RUNG BAS DE'I PHYIR GZUGS NYE BAR LEN PA'I PHUNG PO ZHES BYA'O, ,CIS GZUGS SU RUNG ZHE NA, GZUGS RNAM PA GNYIS KYIS GZUGS TE REG PAS GZUGS SU RUNG BA DANG YUL BRTAGS PAS GZUGS SU RUNG BA STE REG PAS GZUGS SU RUNG BA GANG ZHE NA, LAG PA'I 'DUS TE REG PAS REG PA DANG, DBYIGS PA'I 'DUS TE REG PA DANG, GRANG BA DANG, TSA BA DANG, BKRES PA DANG, SKOM PA DANG, SBRANG BU DANG, SHA SBRANG DANG, RLUNG DANG, NYI MA DANG, SDIG SPRUL RNAMS KYIS REG NA GNOD PAR 'GYUR BA'O, ,YUL BRTAGS PAS GZUGS SU RUNG BA NI GZUGS 'DI DANG 'DI ZHES BYA BA DANG, GZUGS 'DI LTA BU DANG 'DI LTA BU ZHES BYA BA STE, @8A *, ,MNYAM PAR GZHAG PA'I YID DAM, MNYAM BAR MA BZHAG PA'I YID RTOG PA DANG MTSUNGS PAR LDAN PAS MNGON RTAGS SU 'DZIN PA'O, ,YUL ZHES BYA BA MNGON SUM DU GYUR PA'I PHYOGS LA 'DI DANG 'DI ZHES BYA BA DANG, KENG RUS LA SOGS PA SHES BYA'I DNGOS PO DANG 'DRA BA'I GZUGS BRNYAN LA 'DI LTA BU DANG 'DI LTA BU ZHES KHA DOG DANG, DBYIBS KYI BYE BRAG GO, ,MNGON RTAGS SU 'DZIN ZHES BYA BA NI DE BZHIN DU SHES PA'O, ,DE SKAD DU DON GYI SDE TSAN LAS KYANG GSUNGS TE, GAL TE 'DOD PA TSOL BYED CING, ,'DOD PA SKYES PA'I LUS CAN DE, , 'DOD PA DE DAG MA 'BYOR NA, ,ZUG RDU ZUG BZHIN GNOD PAR GYUR, ,ZHES GSUNGS TE, SEMS DANG LDAN PA LA NI GNOD PAR RUNG NA SEMS MED PA LA NI JI LTAR GNOD PAR RUNG, SMRAS PA, GYUR PA 'BYUNG BA DAG NA GZHAN DANG GZHAN DU GYUR ZHES BYA BA'I THA TSIG GO, ,GZUGS KYI PHUNG PO BSHAD ZIN TO, ,TSOR BA BRJOD PAR BYA STE, DE SMRAS PA, TSOR BA GANG ZHE NA, MYONG BA RNAM PA GSUM STE, BDE BA DANG, SDUG BSNGAL BA DANG, SDUG BSNGAL BA YANG MA YIN, BDE BA YANG MA YIN PA STE ZHES BYA BA NI TSOR BA'I PHUNG PO ZHES BYA BA'I THA TSIG GO, ,RNAM PA GSUM ZHES BYA BA NI MDOR BSDU NA RNAM PA GSUM ZHES BYA BA'I THA TSIG GO, ,MYONG BA ZHES BYA BA NI NYAMS SU MYONG BAS NA MYONG BA'O, ,YANG NA MYONG BAR BYED PAS NA MYONG BA'O, ,BDE BA NI GANG 'GAG NA PHRAD PAR 'DOD PA'O ZHES BYA BA LA BDE BA MYONG BA 'GAG PA NI MED PAR 'GYUR BA'O, , PHRAD PAR 'DOD PA NI MYONG BA 'DOD PA'O, ,SDUG BSNGAL NI GANG BYUNG NA BRAL BAR 'DOD PA'O ZHES BYA BA LA BRAL BA NI SO SOR GYES PA'O, ,'DOD PA NI MNGON PAR 'DOD PA'O, ,SDUG BSNGAL BA YANG MA YIN BDE BA YANG MA YIN PA NI DE GANG BYUNG NA GNYI GAR 'DOD PAR MI 'GYUR BA'O ZHES BYA BA NI PHRAD PAR YANG MI 'DOD 'BRAL BAR YANG MI 'DOD CES BYA BA'I THA TSIG GO, ,TSOR BA NI GNAS DANG RANG BZHIN DANG, GNAS BSDU BA DANG, KUN NAS NYON MONGS PA DANG, RNAM PAR BYANG BAS RNAM PAR GZHAG STE, DE LA GNAS NI MIG GI 'DUS TE REG PA LAS BYUNG BA NAS, YID KYI @8B 'DUS TE REG PA LAS BYUNG BA'I TSOR BA'I BAR DU'O, ,RANG BZHIN NI BDE BA DANG, SDUG BSNGAL DANG, SDUG BSNGAL BA YANG MA YIN BDE BA YANG MA YIN PA'O, ,GNAS BSDU BA NI GZUGS CAN DANG, GZUGS MED PAR GNAS BSDU BA STE, GZUGS CAN DU GNAS BSDU BA NI RNAM PAR SHES PA LNGA DANG, MTSUNGS PAR LDAN PA LUS KYI TSOR BA'O, ,GZUGS MED PAR GNAS BSDU BA NI SEMS KYI TSOR BA STE, YID KYI RNAM PAR SHES PA DANG MTSUNGS PAR LDAN PA'O, ,KUN NAS NYON MONGS PA NI ZANG ZING DANG BCAS PA'I TSOR BA DANG, ZHEN PA LA GNAS PA'O, ,ZANG ZING DANG BCAS PA NI LUS LA SRED PA DANG LDAN PA'O, ,ZHEN PA LA GNAS PA NI 'DOD PA'I YON TAN LNGA LA SRED PA DANG LDAN PA'O, ,'DOD PA'I YON TAN LNGA NI GZUGS DANG, SGRA DANG DRI DANG RO DANG REG BYA ZHES BYA BA'O, ,'DOD PAR BYED PAS 'DOD PAS TE, DON DU GNYER ZHES BYA BA'I THA TSIG GO; ,RNAM PAR BYANG BA NI ZANG ZING MED PA DANG, MNGON PAR 'BYUNG BA LA BRTEN PA STE, ZANG ZING MED PA NI BDAG LA SRED PA DANG BRAL BA ZHES BYA BA'I THA TSIG GO, ,MNGON PAR 'BYUNG BA LA BRTEN PA ZHES BYA BA LA MNGON PAR BYUNG BA NI ZAG PA ZAD PA'I LAM MO, ,DE LA BRTEN PA'I TSOR BA NI MNGON PAR BYUNG BA LA BRTEN PA'I TSOR BA'O, ,DE YANG MTSAN NYID CI ZHE NA, MYONG BA'I MTSAN NYID DE, MYONG BA RNAM PA JI LTA BUS DGE BA DANG, MI DGE BA'I LAS RNAMS KYI 'BRAS BU RNAM PAR SMIN PAR SO SOR MYONG BA'O, ,JI LTAR SO SOR MYONG ZHE NA, LAS DGE BA RNAMS KYI 'BRAS BU RNAM PAR SMIN PA NI BDE BA MYONG BA'O, ,MI DGE BA RNAMS KYI SDUG BSNGAL MYONG BA'O, ,GNYI GA RNAMS KYI NI 'BRAS BU RNAM PAR SMIN PA SDUG BSNGAL BA YANG MA YIN BDE BA YANG MA YIN PA STE, DGE BA DANG MI DGE BA'I LAS RNAMS KYI KUN GZHI RNAM PAR SHES PA JI LTA BA BZHIN NO, ,TSOR BA'I PHUNG PO BSHAD ZIN TO, ,TSOR BA'I 'OG TU 'DU SHES BRJOD PAR BYA STE, DE SMRAS PAR 'DU SHES GANG ZHE NA YUL LA MTSAN MAR 'DZIN PA'O ZHES BYA BA STE, DMIGS PA LA MTSAN MAR 'DZIN ZHES BYA BA'I THA TSIG GO, ,DE LA KHA CIG GOL TE, GAL TE 'DU SHES RGOL SA CHAD DMIGS @9A *, ,PA LA MTSAN MAR 'DZIN PA YIN NA, MTSAN MA MED PA'I 'DU SHES DANG, MTSAN MA DANG BCAS PA'I 'DU SHES DANG, CHUNG DU'I 'DU SHES DANG, RGYA CHEN POR GYUR PA'I 'DU SHES DANG, TSAD MED PA'I 'DU SHES DANG, CI YANG MED PA'I SKYE MCHED KYI 'DU SHES ZHES BYA BA'I MDO DANG 'GAL LO ZHES ZER RO, ,MTSAN MA MED PA'I 'DU SHES NI THA SNYAD LA MI MKHAS PA DANG, MTSAN MA MED PA'I DBYINGS LA SNYOMS PAR ZHUGS PA DANG, 'DU SHES MED 'DU SHES MED MIN LA SNYOMS PAR ZHUGS PA'I 'DU SHES GANG YIN PA'O, ,THA SNYAD LA MI MKHAS PA NI MING MA BSLABS PAS GZUGS KYI 'DU SHES NI YOD KYI, GZUGS SO ZHES BYA BAR NI MI SHES BA STE, DE'I PHYIR MTSAN MA MED PA'I 'DU SHES ZHES BYA'O, ,MTSAN MA MED PA'I DBYINGS LA SNYOMS PAR ZHUGS PA NI, GZUGS DANG SGRA DANG DRI DANG RO DANG REG BYA DANG, MIG LA SOGS PA DBANG PO LNGA PO THAMS CAD KYI MTSAN MA DANG BRAL BA'O, ,MTSAN MA MED PA MYA NGAN LAS 'DAS PA LA 'DU SHES PA NI MTSAN MA MED PA'I 'DU SHES SO, ,SRID PA'I RTZE MO LA SNYOMS PAR ZHUGS PA NI DMIGS PA LA MTSAN MAR MANG DU MI BYED PAS MTSAN MA MED PA'I 'DU SHES SO; ,MTSAN MA MED PA'I 'DU SHES BSHAD ZIN TO, ,MTSAN MA DANG BCAS PA'I 'DU SHES NI GANG THA SNYAD LA MKHAS PA'O, ,CHUNG DU'I 'DU SHES GANG ZHE NA, CHUNG DU'I NI 'DOD PA'I KHAMS TE NGAN PA'I PHYIR RO, ,DE LA 'DU SHES PA NI CHUNG DU'I 'DU SHES TE, GANG GIS 'DOD PA'I KHAMS SHES PA'O, ,RGYA CHEN POR GYUR PA'I 'DU SHES GANG ZHE NA, GANG GI GZUGS KYI KHAMS SHES PA'O, ,'DI LTAR GZUGS KYI KHAMS NI RGYA CHEN POR GYUR PA STE, DE NI MCHOG YIN PA'I PHYIR RO, ,TSAD MED PA'I 'DU SHES GANG ZHE NA, GANG GIS NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED SHES PA STE, DE NYID MTHA' YAS PA'I PHYIR RO, ,CI YANG MED PA'I 'DU SHES GANG ZHE NA, GANG GIS CI YANG MED PA'I SKYE MCHED SHES PA'O, ,DE LTA BAS NA 'GAL BA MED DE, CHOS MNGON PA LAS DMIGS PA DANG RNAM PA'I BYE BRAG 'DZIN @9B PA'I 'DU SHES ZHES 'BYUNG BA'I PHYIR RO, ,GAL TE DE LTAR 'DU SHES KYANG YONGS SU GCOD PA'I BDAG NYID YIN NA RNAM PAR SHES PA DANG 'DI GNYIS BYE BRAG CI YOD, SMRAS PA, BYE BRAG PHYE STE RNAM PAR SHES PA NI GZUGS LA SOGS PA'I DON TZAM 'DZIN TO, ,'DU SHES NI YUL DE NYID YONGS SU BCAD NAS NGES PAR 'DZIN PA STE, 'DI NI BYE BRAG GO, ,'DI'I MTSAN NYID NI 'DUS TE SHES PAR BYED PA'I MTSAN NYID DE, MTSAN MAR 'DZIN PA DANG, MNGON RTAGS SU 'DZIN PA CI 'DRA BA BAS JI LTAR MTHONG BA DANG, THOS PA DANG BYE BRAG PHYED PA DANG, RNAM PAR SHES PA'I DON THA SNYAD 'DOGS PA'O; ,MTHONG BA GANG MIG GIS MYONG BA'O, ,THOS PA NI GANG RNA BAS MYONG BA'O, ,BYE BRAG PHYED PA NI GANG BDAG GIS 'DI LTA BU DANG 'DI LTA BU ZHES DPYOD PA'O, ,RNAM PAR SHES PA NI BDAG NYID KYIS MYONG BA'O, ,THA SNYAD 'DOGS PA ZHES BYA BA NI BRJOD PA DAG GIS GO BAR BYED CES BYA BA'I THA TSIG GO, ,'DU SHES KYI PHUNG PO BSHAD ZIN TO, ,'DU SHES KYI PHUNG PO'I 'OG TU 'DU BYED KYI PHUNG PO BRJOD PAR BYE STE, 'DIR SMRAS PA, 'DU BYED RNAMS GANG ZHE NA ZHES BYA BA STE, 'DU BYED KYI PHUNG PO ZHES BYA BA'I THA TSIG GO, ,TSOR BA DANG 'DU SHES LAS GZHAN PA SEMS LAS BYUNG BA'I CHOS RNAMS DANG, SEMS DANG LDAN PA MA YIN PA RNAMS SO ZHES BYA BA NI TSOR BA YANG SEMS LAS BYUNG BA'I CHOS YIN LA 'DU SHES KYANG SEMS LAS BYUNG BA'I CHOS YIN PAS DE GNYIS BTON TE, SEMS LAS BYUNG BA'I CHOS GZHAN GANG DAG REG PA DANG, YID LA BYED PA LA SOGS PA DANG, THOGS PA LA SOGS PA LDAN PA MA YIN PA JI SNYED PA DE DAG THAMS CAD 'DU BYED KYI PHUNG PO ZHES BYA BA'I THA TSIG GO, ,GAL TE DE LTAR NA TSOR BA DANG 'DU SHES GNYIS SEMS LAS BYUNG BAR 'DRA BA LAS CI'I PHYIR PHUNG PO RE RES BYAS LA, REG PA DANG YID LA BYED PA LA SOGS PA PHUNG PO RE RER MA BYAS, SMRAS PA, TSOR BA DANG 'DU SHES GNYIS PHUNG PO RE RER SO SOR BYA DGOS TE, CI'I PHYIR ZHE NA, RTZOD PA'I RTZA BA DANG, 'KHOR BA'I RGYUR 'GYUR BA'I PHYIR RO, ,RTZOD PA'I RTZA BA GNYIS TE, 'DOD PA LA LHAG PAR ZHEN PA DANG, LTA BA LA LHAG PAR ZHEN PA'O,, @10A *, ,JI SKAD DU 'DOD PA LA 'DOD CHAGS PA DANG, LHAG PAR ZHEN PA DANG, RNAM PAR BCING BA DANG, YONGS SU ZHEN PA DANG, KUN TU 'DOD CHAGS PA'I RGYUS KHYIM PA RNAMS DANG KHANG KHYIM PA RNAMS RTZOD DO, ,LTA BA LA 'DOD CHAGS PA DANG LHAG PAR ZHEN PA DANG, RNAM PAR ZHEN PA DANG, RNAM PAR BCING BA DANG, YONGS SU ZHEN PA DANG, KUN TU 'DOD CHAGS PA'I RGYUS RAB TU BYUNG BA RNAMS DANG, RAB TU BYUNG BA RNAMS RTZOD DO ZHES GSUNGS PA LTA BU'O, ,DE LA SNGA MA NI TSOR BAS BSKYED PA'O, ,CIG SHOS NI 'DU SHES KYIS BSKYED PA'O, ,TSOR BA LA RO MYONG BA'I DBANG GIS 'DOD PA RNAMS LA MNGON PAR CHAGS SO, ,'DU SHES PHYIN CI LOG GI GI DBANG GIS BDAG TU LTA BA STE, CHOS SU 'DU SHES PA DANG, BDAG MED PA LA SOGS PA LA BDAG TU 'DU SHES PA NI LTA BA DE DANG DE DAG LAS MNGON PAR CHAGS SO, ,TSOR BA LA ZHEN PA DANG, 'DU SHES PHYIN CI LOG GI DBANG GIS 'KHOR RO ZHES BYA BA NI SRID PA LA SPYOD PA'I TSOR BA LA ZHEN PA NI TSOR BA'I DBANG GIS 'KHOR RO, ,LTA BA LA SPYOD PA NI 'DU SHES PHYIN CI LOG GI DBANG GIS 'KHOR RO, ,DE LTAR NA SRED PA LA SBYOR BA'I TSOR BA DANG, LTA BA LA SPYOD PA'I 'DU SHES NI 'KHOR BA'I RGYUS ZHES BYA BA'O, , YANG NA TSOR BA LA ZHEN PA DANG, 'DU SHES PHYIN CI LOG CES BYA BA NI PHYIN CI LOG RNAM PA BZHI'I 'DU SHES KYIS 'KHOR RO ZHES BYA BA'I THA TSIG GO, ,DE LTA BAS NA 'DI GNYIS SO SOR PHUNG POR BYA BAR 'THAD DE, TSOR BA DANG, 'DU SHES LAS GZHAN PA, REG PA DANG YID LA BYED PA LA SOGS PA 'DU BYED KYI PHUNG PO ZHES BYA NA, GAL TE DE LTA NA NI MDO DANG 'GAL TE BCOM LDAN 'DAS KYIS NI SEMS PA'I TSOGS DRUG LA 'DU BYED RNAMS TE, MIG GI 'DUS TE REG PA LAS BYUNG BA SEMS PA NAS YID KYI 'DUS TE REG PA LAS BYUNG BA'I SEMS PA'I BAR DU'O ZHES GSUNGS SO, ,DER NI BCOM LDAN 'DAS KYIS GTZO BOR SEMS PA LA 'DU BYED DU GSUNGS TE, DE NI SEMS MNGON PAR 'DU BYED PA'I PHYIR GTZO BO ZHES BYA'O, ,JI SKAD DU DGE BA LA YANG SEMS GTONG NGO ZHES BYA BA LA SOGS PA GSUNGS PA LTA BU STE, DE BAS NA REG PA LA SOGS PA YANG 'DU BYED KYI PHUNG PO'I NANG DU 'DUS @10B PAR 'THAD DO, ,'JIG RTEN NA YANG GTZO BO BSTAN PAR MTHONG STE, DPER NA RGYAL PO GSHEGS SO ZHES BYA BA LA RGYAL PO 'BA' ZHIG 'ONG BA MA YIN GYIS DE DANG MA BRAL BA'I GLANG PO CHE DANG, RTA DANG SHING RTA LA SOGS PA YANG 'ONG STE, NYES PA MED DO, ,DE LA SEMS LAS BYUNG BA'I CHOS RNAMS KYANG GANG ZHE NA, CHOS GANG DAG SEMS DANG MTSUNGS PAR LDAN PA RNAMS SO, ,CI'I PHYIR MTSUNGS PAR LDAN ZHE NA, MTSUNGS PA RNAM PA LDAS MTSUNGS PAR LDAN PA RNAMS TE, GNAS DANG DMIGS PA DANG, RNAM PA DANG, DUS DANG RDZAS MTSUNGS PA RNAMS KYIS SO, ,DBANG PO LA GNAS PA'I PHYIR RO; ,DMIGS PA LA 'DZIN PA'I PHYIR RO, ,DMIGS PA DE NYID KYI RNAM PA LA 'DZIN PA'I PHYIR TE, SDON PO LA SOGS PA'I RNAM PAR ZHES BYA BA'I THA TSIG GO, ,MTSUNGS PAR LHAN CIG DUS GCIG TU 'BYUNG BA'I PHYIR RO, ,RDZAS MTSUNGS PAR NI THAMS CAD KYANG RDZAS RE RE'I PHYIR TE, RGYU DE DAG GIS MTSUNGS PAR LDAN PA YIN NO, ,SEMS NI SEMS GZHAN DANG MTSUNGS PAR LDAN BA MA YIN TE, MI 'PHRAD PA'I PHYIR RO, ,DE DAG NI REG PA NAS DPYOD PA'I BAR DU'O, ,DE RNAMS LAS LNGA NI KUN TU 'GRO BA'O, ,LNGA NI YUL SO SOR NGES PA'O, ,BCU GCIG NI DGE BA'O, ,DRUG NI NYON MONGS PA'O; ,LHAG MA NI NYE BA'I NYON MONGS PA'O, ,BZHI NI GZHAN DU YANG 'GYUR BA'O ZHES BYA BA DE LA, LNGA DU KUN TU 'GRO BA NI TSOR BA DANG, 'DU SHES DANG, SEMS PA DANG, REG PA DANG, YID LA BYED PA STE, DE DAG NI SEMS THAMS CAD DANG, DGE BA DANG MI DGE BA DANG, LUNG DU MA BSTAN PA LA YANG 'BYUNG NGO; ,DE LA SEMS DGE BA NI DAD PA LA SOGS PA DANG MTSUNGS PAR LDAN PA'O, ,MI DGE BA NI 'DOD CHAGS LA SOGS PA DANG MTSUNGS PAR LDAN PA'O, ,DE GNYI GA MA YIN PA NI LUNG DU MA BSTAN PA'O, ,YUL SO SOR NGES PA LNGA NI 'DUN PA DANG, MOS PA DANG, ADRAN PA DANG, TING NGE 'DZIN DANG, SHES RAB STE, MOS PA GANG DU 'BYUNG BA DER GDON MI ZA BAR 'DUN PA DANG, DRAN PA DANG, TING NGE 'DZIN DANG, SHES RAB KYANG 'BYUNG BAR 'GYUR TE, DE DAG NI PHAN TSUN MED NA MI 'BYUNG BA'I PHYIR YUL SO SOR NGES PA ZHES BYA BA'O, ,BCU GCIG DGE BA NI DAD PA NAS RNAM PAR MI 'TSE BA'I BAR DU'O, , @11A *, ,NYON MONGS PA DRUG NI 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, THE TSOM GYI MTSAN NYID DO, ,NYE BA'I NYON MONGS PA DAG NI KHRO BA NAS SHES BZHIN MA YIN PA'I BAR DU 'O, ,BZHI NI GZHAN DU YANG 'GYUR RO ZHES BYA BA NI 'GYOD PA NAS DPYOD PA'I BAR DU'O, ,GZHAN DU ZHES BYA BA NI DON GANG, SMRAS PA, BZHI PO 'DI DAG NI NYE BA'I NYON MONGS PA 'BA' ZHIG MA YIN TE CI ZHE NA, DGE BA DANG MI DGE BA DANG, LUNG DU MA BSTAN PA LA YANG 'BYUNG NGO, ,'DI NI SEMS LAS BYUNG BA RNAMS BSDUS PA STE, MDOR BSDU NA LNGA BCU RTZA GCIG YOD DO, ,DE LA REG PA LA SOGS PA NI MTSAN NYID DANG, LAS KYIS BSTAN PAR LTA'O, ,MTSAN NYID NI REG PA GANG ZHE NA, GSUM 'DUS NAS YONGS SU GCAD PA'O, ,GSUM ZHES BYA BA NI MIG DANG GZUGS DANG RNAM PAR SHES PA RNAMS SO, ,DA DAG 'DUS NAS SEMS LAS BYUNG BA'I CHOS GANG 'BYUNG BA DE REG PA LA SOGS PA STE, DBANG PO'I 'GYUR BA YONGS SU GCOD PA'O, ,TSOR BA'I RTEN BYED PA'I LAS CAN NO, RNAM PAR SHES PA 'BYUNG NAS BDE BA LA SOGS PA'I TSOR BA DANG, MTHUN PA DBANG PO'I 'GYUR BA GANG YIN PA DE REG PA YIN PAR RIG PAR BYA'O, ,YID LA BYED PA GANG ZHE NA, GANG SEMS KYI 'JUG PA'O; ,RTZOL BAR BYED PAS 'JUG PA STE, SEMS DANG SEMS LAS BYUNG BA GTOD CING MA LUS PAR SEMS PA NI YID LA BYED PA'O, ,DMIGS PA LA SEMS 'DZIN PA'I LAS CAN NO, ,SEMS PA GANG ZHE NA YON TAN DANG, NYES PA DANG GNYI GA MA YIN PA LA SEMS MNGON PAR 'DU BYED PA NI YID KYI LAS SO, ,GANG YOD NA DMIGS PA LA SEMS RNAM PAR SHES PAS GZHOL BA YIN TE, KHAB LONG GI DBANG GIS LCAGS G-YO BA BZHIN NO, ,GANG DGE BA DANG MI DGE BA DANG, LUNG DU MA BSTAN PA LA YANG SEMS GTONG BA NI LAS BSTAN PA'I STE, 'DI LTAR JI LTAR MNGON PAR 'DU BYED PA BZHIN DU DGE BA LA SOGS PA'I CHOS RNAMS LA SEMS 'JUG PAR 'GYUR RO, ,KUN TU 'GRO BA LNGA BSHAD ZIN TO, ,'DUN PA GANG ZHE NA, BSAM PA'I DNGOS PO LA 'DOD PA'O, ,BSAM PA'I DNGOS PO ZHES BYA BA NI GANG 'DOD PA'I DNGOS PO DE LA LTA BA DANG, NYAN PA LA SOGS PA BYED 'DOD PA'O, ,BRTZON 'GRUS BRTZON @11B PA'I RTEN BYED PA'I LAS CAN NO, ,MOS PA GANG ZHE NA, NGES PA'I DNGOS PO LA DE BZHIN DU 'DZIN PA'O, ,NGES PA'I DNGOS PO ZHES BYA BA NI PHUNG PO LNGA'I TSOGS TE, JI SKAD DU, GZUGS NI DBU BRDOS PA 'DRA, ,TSOR BA CHU YI CHU BUR 'DRA, ,'DU SHES SMIG RGYU LTA BU STE, ,'DU BYED RNAMS NI CHU SHING 'DRA, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES GSUNGS PA LTA BU'O, ,DE LTAR NA MOS PA NI PHUNG PO RNAMS LA MOS PA'O, ,YANG NA DNGOS PO JI LTAR GNAS PA DE BZHIN DU, DE DAG LA MOS PA NI MOS PA STE, NGES PAR 'DZIN ZHES BYA BA'I THA TSI GA GO, ,MI 'PHROGS PA NYID KYI LAS CAN TE, DE LTAR NA DE GCES SU BYED PA NI GZHAN GYIS 'PHROGS PAR MI NUS SO, ,DRAN PA GANG ZHE NA, 'DRIS PA'I DNGOS PO NYID MA BRJED PA STE, SEMS KYI MNGON PAR BRJOD PA NYID DO, ,'DRIS PA'I DNGOS PO NI SNGON MYONG BA YIN PAR RIG PAR BYA'O, ,RNAM PAR MI G-YENG BA NYID DU DRAN PAR DMIGS PA GSAL BAR GYUR NA SEMS RNAM PAR MI G-YENG BA'I LAS CAN NO, ,TING NGE 'DZIN GANG ZHE NA, BRTAGS PA'I DNGOS PO LA SEMS RTZE GCIG PA NYID DO, ,BRTAGS PA'I DNGOS PO ZHES BYA BA NI PHUNG PO NI PHUNG PO LDA'I TSOGS TE, MI RTAG PA NYID DANG, SDUG BSNGAL BA NYID DANG, STONG PA NYID DANG, BDAG MED PA NYID DO, ,DE LA GANG SEMS RTZE GCIG PA NI RNAM PAR MI G-YENG BA ZHES BYA BA'I THA TSIG GO, ,SHES PA'I RTEN BYED PA'I LAS CAN NO, ,RTEN BYED PA NI MNYAM PAR GZHAG PA NI YANG DAG PA JI LTA BA BZHIN DU SHES PA'I PHYIR RO, ,SHES RAB GANG ZHE NA, DE DAG NYID LA RAB TU RNAM PAR 'BYED PA STE, RIGS PA DANG RIGS PA MA YIN PA SKYED PA DANG GZHAN PA'O, ,BRTAG PA'I DNGOS PO ZHES BYA BA'I PHUNG PO LNGA'I TSOGS DNGOS PO DE NYID LA CHOS RNAMS RANG GI MTSAN NYID DANG SPYI'I MTSAN NYID KYIS RAB TU RNAM PAR 'BYED PA'O, ,SOM NYI ZLOG PA'I LAS CAN TE, SHES RAB KYIS CHOS RAB TU RNAM PAR PHYE NA, NGES PA RNYED PAS SOM NYI ZLOG GO, , RIGS PAS BSKYED PA NI CHOS 'DI PA RNAMS KYI'O, ,RIGS PA MA YIN PAS BSKYED PA NI GRANGS CAN DANG BYE BRAG PA RNAMS KYI'O, ,GZHAN PA NI SKYE BAS THOB PA DANG, 'JIG RTEN GYI THA SNYAD SHES PA'O, ,YUL SO SOR NGES PA BSHAD ZIN TO, ,DGE BA BCU GCIG BRJOD PAR BYA STE, DE DAG SMRAS PA, @12A *, ,DAD PA GANG ZHE NA, LAS DANG, 'BRAS BU DANG, BDEN PA DANG, DKON MCHOG LA MNGON PAR YID CHES PA DANG, SEMS DANG PA'O ZHES BYA BA'O, ,LAS NI RNAM PA GSUM STE, BSOD NAMS DANG BSOD NAMS MA YIN PA DANG, MI G-YO BA'I MTSAN NYID DO, ,BSOD NAMS NI DGE BA BCU'I LAS KYI LAM MO, ,BSOD NAMS MA YIN PA NI MI DGE BA BCU'I LAS KYI LAM STE SBYOR BA DANG, DNGOS GZHI DANG MJUG BSDU BA DANG BCAS PA'O, ,GZHAN YANG GANG 'DI DAG GIS MA BSDUS PA, GSOD PA DANG, 'CHING BA DANG, GO RAR 'JUG PA DANG, RDEG PA LA SOGS PA'O, ,MI G-YO BA'I LAS NI GANG BSAM GTAN BZHI DANG, GZUGS MED PA'I SNYOMS PAR 'JUG PA BZHI STE LAS 'DI NI RNAM PAR SMIN PA MI G-YO BA'I PHYIR MI G-YO BA'O, ,'BRAS BU NI RNAM PA BZHI GSUNGS TE, RGYUN TU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID KYI 'BRAS BU'O, ,'DIR 'BRAS BU NI NYON MONGS PA DANG BRAL BA'O, ,YANG NA LAS DGE BA'I 'BRAS BU NI 'DOD PA'O, ,MI DGE BA'I 'BRAS BU NI MI 'DOD PA'O, ,'PHAGS PA'I BDEN PA NI BZHI STE, SDUG BSNGAL BA DANG, KUN 'BYUNG BA DANG, 'GOG PA DANG LAM MO, ,DE LA SDUG BSNGAL GYI BDEN PA NI 'BRAS BUR GYUR PA STE, NYE BAR LEN PA'I PHUNG PO LNGA'O, ,KUN 'BYUNG BA'I BDEN PA NI RGYU STE, SRED PA'I NYE BAR LEN PA SNGON DU 'GRO BA'I LUS DANG NGAG DANG YID YONGS SU G-YO BA'O, ,MDOR BSDU NA YANG 'BYUNG BA'I LAS DANG LDAN PA'I NYON MONGS PA RNAMS SO, ,'KHOR BA'I PHYOGS KYI DBANG DU BYAS PA'O, ,'GOG PA'I BDEN PA NI 'BRAS BU STE, 'GOG PA NI NYON MONGS PA DANG BRAL BA'O, ,LAM GYI BDEN PA NI RGYU STE, BRAL BA DE NYID THOB PAR BYED PA'I THABS ZHES BYA BA'I THA TSIG GO, ,RNAM PAR BYANG BA'I PHYOGS KYI DBANG DU BYAS PA'O, ,'PHAGS PA'I BDEN PA ZHES BYA BA'I DON GANG ZHE NA, 'DI DAG 'PHAGS PA RNAMS LA BDEN PA STE, DE LTA BAS NA 'PHAGS PA'I BDEN BA ZHES MDO NYID LAS GSUNGS SO, ,CI GZHAN RNAMS LA 'DI DAG BRDZUN NAM 'DI DAG NI THAMS CAD LA YANG BDEN PA STE, PHYIN CI MA LOG PA'I PHYIR RO, ,'PHAGS PA RNAMS KYIS NI DE DAG JI LTA BA BZHIN @12B GZIGS SO, ,GZHAN DAG GIS NI DE LTA MA YIN NO DE LTA BAS NA DE DAG NI 'PHAGS PA RNAMS LA BDEN PA ZHAS BYA'O, ,'PHAGS PA MA YIN BA RNAMS LA NI MA YIN TE, PHYIN CI LOG TU MTHONG BA'I PHYIR RO, ,'PHAGS PAS BDE BAR GANG GSUNGS PA, ,DE NI GZHAN GYI SDUG BSNGAL RTOGS, ,GZHAN GYIS BDE BAR GANG SMRAS PA, ,DE NI 'PHAGS PAS SDUG BSNGAL RTOGS, ,ZHES TSIGS SU BCAD PA'O, ,DE LA PHUNG PO LNGA NI SDUG BSNGAL GSUM GYI SDUG BSNGAL BA STE, SDUG BSNGAL GYI SDUG BSNGAL NYID DANG, 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID KYIS SO, ,SEMS CAN DMYAL BA DANG; DUD 'GRO RNAMS KYI SDUG BSNGAL GYI SDUG BSNGAL NYID DO, ,GZUGS CAN GYI LHA RNAMS DANG MI RNAMS LA NI 'GYUR BA'I SDUG BSNGAL NYID DO, ,GZUGS MED PA RNAMS LA NI 'DU BYED KYI SDUG BSNGAL NYID DO, ,'PHAGS PA RNAMS KYIS NI 'DU BYED THAMS CAD 'DU BYED KYI SDUG BSNGAL NYID KYIS SDUG BSNGAL BAR GZIGS TE, 'DIR SMRAS PA, LAG MTHIL SPU NYAG GCIG GZHAG PA, ,MI RNAMS KYIS NI MI RTOGS LA, ,MIG TU SONG NA DE NYID KYIS, ,MI DGA' BA DANG GNOD BSKYED BZHIN, ,BYIS PA DAG NI LAG MTHIL 'DRA, ,'DU BYED SDUG BSNGAL SPU MI RTOGS, ,'PHAGS PA RNAMS NI MIG DANG 'DRA, ,DE YIS SHIN TU YID KYANG 'BYUNG, ,JI LTAR 'PHAGS PA RNAMS NI SRED PA RTZE MO LA YANG SDUG BSNGAL GYI BLO 'JUG PA STE DE LTAR BYIS PA RNAMS NI MTSAMS MED PA'I PHUNG PO RNAMS LA YANG SDUG BSNGAL GYI BLO YIS MI 'JUG GO, ,DKON MCHOG NI GSUM STE, SANGS RGYAS DKON MCHOG DANG, CHOS DKON MCHOG DANG, DGE 'DUN DKON MCHOG GO, ,DE LA SANGS RGYAS DKON MCHOG NI BAG CHAGS DANG, SGRIB PA THAMS CAD LAS RNAM PAR GROL BA RNAM PA THAMS CAD DU THAMS CAD THUGS SU CHUD PA'I BDAG NYID 'BYOR PA THAMS CAD KYI GNAS, RNAM PAR MI RTOG PA'I YE SHES KHYAD PAR 'PHAGS PA CHOS KYI SKUR GYUR PA'O, ,DE YANG YON TAN JI SNYED CIG DANG LDAN PAR RIG PAR BYA ZHE NA, SHIN TU YONGS SU DAG PA'I TSAD MED PA BZHI DANG, SHIN TU YONGS SU DAG PA'I RNAM PAR THAR PA BRGYAD DANG, DE BZHIN DU ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BCU DANG, @13A *, ,NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA BZHI DANG, MNGON PAR SHES PA DRUG DANG, SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU DANG, RNAM PA THAMS CAD YONGS SU DAG PA BZHI DANG, STOBS BCU DANG, MI 'JIGS PA BZHI DANG, BSRUNG BA MED PA BZHI DANG, DRAN PA NYE BAR GZHAG PA GSUM DANG, BAG CHAGS YANG DAG PAR BCOM PA DANG, BSNYEL BA MI MNGA' BA'I CHOS CAN DANG, THUGS RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG, RNAM PA THAMS CAD KYI MCHOG GI YE SHES DANG LDAN BA STE; YON TAN GYI TSOGS 'DI NI SANGS RGYAS BCOM LDAN 'DAS SO, ,MDOR BSDU NA ZAG PA MED PA'I PHUNG PO LNGA STE, TSUL KHRIMS KYI PHUNG PO DPAG TU MED PA DANG, DE BZHIN DU TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO DPAG TU MED PA STE, 'DI DAG KYANG GNAS GYUR PA'I MTSAN NYID DU BLTA BAR BYA'O, ,CHOS NI RNAM PA GSUM STE, BSTAN PA'I CHOS DANG, LAM GYI CHOS DANG, DON DAM PA'I CHOS SO, ,DE LA BSTAN PA'I CHOS NI MDO'I SDE DANG, DBYANGS KYIS BSNYAD PA'I SDE LA SOGS PA'O, ,LAM GYI CHOS NI 'PHAGS PA'I LAM YAN LAG BRGYAD PA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DON DAM PA'I CHOS NI MYA NGAN LAS 'DAS PA STE, SO SOR BRTAGS PA'I 'GOG PA, NYON MONGS PA DANG BRAL BA ZHES BYA BA PHUNG PO'I LHAG MA DANG BCAS PA DANG PHUNG PO'I LHAG MA MED PA LAS DANG NYON MONGS PA DANG, SKYE BA DANG BRAL BA'I RANG BZHIN NO, ,DGE 'DUN NI 'PHAGS PA'I SKYES BU GANG ZAG YA BRGYAD DO, RGYUN DU ZHUGS PA MNGON SUM DU BYA BA'I PHYIR ZHUGS PA DANG, RGYUN DU ZHUGS PA DANG, LAN CIG PHYIR 'OD BA MNGON SUM DU BYA BA'I PHYIR ZHUGS PA DANG, LAN CIG PHYIR 'ONG BA DANG, PHYIR MI 'ONG BA MNGON SUM DU BYA BA'I PHYIR ZHUGS PA DANG, PHYIR MI 'ONG BA DANG DGRA BCOM PA NYID MNGON SUM DU BYA BA'I PHYIR @13B ZHUGS PA DANG, DGRA BCOM PA'O, ,DE LA RGYUN DU ZHUGS PA'I 'BRAS BU LA ZHUGS PA NI, MTHONG BA'I LAM LA GNAS PA STE, MTHONG BA'I LAM NI SKAD CIG MA BCO LNGA LA BYA'O, ,BCU DRUG PA LA NI 'BRAS BU GNAS PA STE, RGYU DU ZHUGS PA ZHES BYA BA'I THA TSIG GO, ,RGYUN DU ZHUGS PA ZHES BYA BA'I DON GANG ZHE NA, LAM NI MYA NGAN LAS 'DAS PA'I RGYUN TE, DE DE NAS 'GRO BA'I PHYIR RO, ,DE DER ZHUGS SHING PHYIN LA THOB PA'I PHYIR RGYUN DU ZHUGS PA'O, ,DE NI RNAM PA GNYIS TE, RE LTAR THOGS NA SRID PA LAN BDUN PA DANG, RIGS NAS RIGS SU SKYE BA'O, ,KUN TU SBYOR BA BDUN LUS TE, THA MA'I CHA DANG MTHUN PA NYID DANG, GONG MA'I CHA DANG MTHUN PA LNGA LUS PA'I PHYIR RO, ,RIGS NAS RIGS SU SKYE BA RNAM PA GNYIS TE, LHA'I RIGS NAS RIGS SU SKYE BA NI LHA'I NANG DU RIGS LAN GNYIS SAM GSUM BLANGS NAS YONGS SU MYA NGAN LAS 'DAS PA'O, ,MI'I RIGS NAS RIGS SU SKYE BA NI GANG MI'I NANG DER RAM; GLING GZHAN DU YONGS SU MYA NGAN LAS 'DA' BA'O, ,DE NYID 'BRAS BU LA GNAS PA ZHES BYA'O, ,RNAM PA LNGA'I BAR BCOM PA LA LAN CIG PHYIR 'ONG BA LA ZHUGS PA ZHES BYA'O, ,RNAM PA DAG ZAD PA NI LAN CIG PHYIR 'ONG BA NYID YIN TE, LAN CIG PHYIR 'ONG BA'I 'BRAS BU LA GNAS PA ZHES BYA BA'I THA TSIG GO, ,LHA'I NANG DU SONG STE MI'I 'JIG RTEN DU LAN CIG PHYIR 'ONG BA DANG LAN CIG PHYIR MI 'ONG PHAN CHAD SKYE BA MED PA'I PHYIR TE, DE NYID 'BRAS BU LA GNAS PA'O, ,NYES CHA BDUN DANG BRGYAD ZAD PA PHYIR MI 'ONG BA'I 'BRAS BU LA ZHUGS PA ZHES BYA'O, ,DE NYID BAR CHAD GCIG CES BYA STE, TSE GCIG LAS PA'I PHYIR RO, ,GSUM PA'I 'BRAS BU LA ZHUGS PA ZHES BYA BA'I THA TSIG GO, ,DE DGU PA ZAD PAS PHYIR MI 'ONG BA RNAM PA DGU ZAD PAS PHYIR MI 'ONG BAR BA LTA'O, ,'DOD PA'I KHAMS SU PHYIR MI 'ONG BA'I PHYIR PHYIR MI 'ONG BA ZHES BRJOD DO, ,SRID RTZE'I BAR CHA BRGYAD ZAD PA DGRA BCOM PA NYID LA ZHUGS PA STE, PHYIR MI 'ONG BA DE NYID BSAM GTAN DANG PO'I RNAM PA GCIG LA 'DOD CHAGS DANG BRAL BAR GYUR BA NAS SRID PA'I RTZE MO'I BAR GYI BRGYAD SPANGS PA NI DGRA BCOM PA NYID LA ZHUGS PA YIN NO, ,DGU PA'I BAR CHAD MED PA'I LAM LA YANG DGRA BCOM PA NYID LA ZHUGS PA NYID LA BLTA'O, ,BAR @14A *, ,CHAD MED PA'I LAM DE NI RDO RJE LTA BU'I TING NGE 'DZIN ZHES BYA STE, BAG LA NYAL BA THAMS CAD SHIGS PA'I PHYIR RO, ,RDO RJE LTA BU'I TING NGE 'DZIN GYI 'OG TU PHYI MA RNAM PAR GROL BA'I LAM STE, DE NYID ZAD PA SHES PA'O, ,ZAG PA THAMS CAD ZAD PA THOB PA DANG, LHAN CIG SKYES PA'I PHYIR DE ZAD PA'I SHES PA STE, THOG MAR MI SLOB PA YIN NO, ,DGRA BCOM PA DANG DGRA BCOM PA NYID KYI 'BRAS BU THOB PA YANG YIN NO, ,'BRAS BU GZHAN THOB PAR BYA BA'I PHYIR BSLAB PA MED PAS MI SLOB PA'O, ,BDAG DANG GZHAN GYI DON BYED PAR 'OS PA DANG, 'DOD CHAGS DANG BCAS PA THAMS CAD KYIS MCHOD PAR 'OS PA'I PHYIR DGRA BCOM PA ZHES BYA'O, ,DE LTAR MDOR BSDU NA SKYES BU GANG ZAG BRGYAD PO DE DAG NI DGE 'DUN NO, ,LAS DAD 'BRAS BU DANG, BDEN PA DANG, DKON MCHOG DE DAG LA MNGON PAR YID CHES PA NI DAD PA STE, DAD PA DANG 'DOD PA'O, ,'DUN PA'I RTEN BYED PA'I LAS CAN NO, , DAD PA BSHAD ZIN TO, ,NGO TSA SHES PA GANG ZHE NA, BDAG GAM CHOS KYI DBANG DU BYAS TE, KHA NA MA THO BAS 'DZEM PA'O, ,BDAG NYID GYI DBANG DU BYAS PA NI, BDAG RIGS KYI BU YIN NA JI LTAR SDIG PA BYA SNYAM PA'O, ,CHOS KYI DBANG DU BYED PA NI NGAN 'GROS 'JIGS PA'I RGYUS BDAG NYID KHA NA MA THO BAS 'DZEM PA'O, ,KHA NA MA THO BA ZHES BYA BA NI DAM PA RNAMS KYIS SMAD PA'I PHYIR SDIG PA'O, ,'DZEM PA NI SDIG PA MI BYED PA'O, ,NYES PAR SPYOD PA LEGS PAR SDOM PA'I RTEN BYED PA'I LAS CAN NO, ,KHREL YOD PA GANG ZHE NA, 'JIG RTEN PA'I DBANG DU BYAS TE, KHA NA MA THO BAS 'DZEM PA'O, ,MED PA DANG PHA ROL GYIS BYAS PAS 'JIGS PA'I PHYIR PHA ROL LA SDIG PAS 'DZEM PA'O, ,DE NYID KYI LAS CAN NO, ,MA CHAGS PA GANG ZHE NA, CHAGS PA'I GNYEN PO STE, ,YID BYUNG ZHING MI LEN PA'O, ,CHAGS PA ZHES BYA BA NI SRID PA DANG SRID PA'I YO BYAD RNAMS LA KUN TU CHAGS PA GANG YIN PA'O, ,DE'I GNYEN PO NI MA CHAGS PA STE, SRID PA DANG SRID PA'I YO BYAD RNAMS LA KUN TU CHAGS PA MED CES BYA BA'I THA TSIG GO, ,YID BYUNG BA NI 'KHOR BA'I NYES DMIGS YONGS SU SHES PA'O, ,NYES PAR SPYOD PA LA MI 'JUG PA'I RTEN DU BYED PA'I LAS CAN NO, ,ZHE SDANG MED PA GANG ZHE NA, ZHE SDANG GI GNYEN @14B PO STE BYAMS PA'O, ,SEMS CAN RNAMS LA RNAM BA KUN NAS MNAR SEMS MED CES BYA BA'I THA TSIG GO, ,NYES PAR SPYOD PA LA MI 'JUG PA'I RTEN BYED PA'I LAS CAN NO, ,GTI MUG MED PA GANG ZHE NA, GTI MUG GI GNYEN PO STE, YANG DAG PA LA YANG DAG PAR RTOGS PA'O, ,GTI MUG NI MI SHES PA'O, ,YANG DAG PA NI MDOR BSDU NA 'PHAGS PA'I BDEN PA BZHI'O, ,RGYAS PAR BYA NA RTEN CING 'BREL BAR 'BYUNG BA YAN LAG BCU GNYIS PA'O, ,DE RTOGS PA NI SHES PA'O, ,RNAM PAR SMIN PA'I RTOGS PA NI SKYE BAS THOB PA'I SHES PA'O, ,THOS PA LAS BYUNG BA DANG BSAMS PA LAS BYUNG BA NI LUNG LAS SO, ,BSGOMS PA LAS BYUNG BA NI THOB PA LAS SO, ,SO SOR BRTAGS PA ZHES BYA STE, SHES RAB DANG BRTZON 'GRUS DANG LDAN PAR YANG BLTA'O, ,NYES PAR SPYOD PA LA MI 'JUG PA'I RTEN BYED PA'I LAS CAN NO, ,BRTZON 'GRUS GANG ZHE NA, LE LO'I GNYEN PO STE, DGE BA LA SEMS MNGON PAR SPRO PA'O, ,GO CHA DANG, SBYOR BA DANG, MA ZHUM PA NYID DANG, MI LDOG PA DANG, CHOG PAR MI 'DZIN PA'O, ,DGE BA'I PHYOGS YONGS SU RDZOGS PAR BYED PA DANG, YONGS SU GRUB PA'I LAS CAN NO, ,SHIN TU SBYANGS PA GANG ZHE NA, GNAS NGAN LEN GYI GNYEN PO STE, LUS DANG SEMS LAS SU RUNG BA NYID DO, ,GNAS DAN LEN NI MI DGE BA BCU'I LAS KYI LAM STE, DE DAG SHIN TU SBYANGS PA'O, ,SGRIB PA THAMS CAD SEL BA'I LAS CAN NO, ,SGRIB PA THAMS CAD SEL BA NI DE'I DBANG GIS GNAS GYUR BAR BLTA BA'O, ,BAG YOD PA GANG ZHE NA, BAG MED PA'I GNYEN PO STE, MA CHAGS PA NAS BRTZON 'GRUS KYI BAR DE DAG LA GNAS NAS MI DGE BA'I CHOS SPONG ZHING DGE BA'I CHOS RNAMS KYANG BSGOMS PA'O, ,BAG MED PA NI CHAGS PA DANG, ZHE SDANG DANG, GTI MUG DANG, LE LO ZHES BYA BA'O, ,DE'I GNYEN PO NI BAG YOD PA STE, MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS DANG CHOS BZHI PO DE DAG LA GNAS TE, MI DGE BA'I CHOS RNAMS SPONG BA'O, ,DE DAG NI ZAG PA DANG BCAS PA'I CHOS RNAMS TE, 'DIR NI ZAG PA RNAMS DANG, ZAG PA'I GNAS YUL RNAMS YIN PAR RIG PAR BYA'O, ,DE'I GNYEN PO DGE BA'I CHOS RNAMS KYANG @15A *, ,BSGOMS PA NI MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS KYI MTSAN NYID CES BYA BA'I THA TSIG STE, DE DAG LA BAG YOD PA GDAGS SO, ,'JIG RTEN PA DANG 'JIG RTEN LAS 'DAS PA'I PHUN SUM TSOGS PA THAMS CAD YONGS SU RDZOGS PA'I LAS CAN NO, ,BTANG SNYOMS GANG ZHE NA, MA CHAGS PA NAS BRTZON 'GRUS KYI BAR DE DAG NYID LA GNAS SHING, SEMS MNYAM PA NYID DANG, SEMS RNAL DU 'DUG PA NYID DANG, SEMS LHUN GYIS GRUB PA YANG THOB PA STE, GANG GIS NYON MONGS PA CAN GYI CHOS RNAMS BSAL NAS NYON MONGS PA CAN MED PAR GNAS PA YIN NO, ,MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS KYI MTSAN NYID KYI CHOS DE DAG NYID KYI GNAS SKABS GZHAN LA BTANG SNYOMS ZHES BYA STE, 'DI LTAR BTANG SNYOMS DANG LDAN PA'I SEMS LA BYID BA LA SOGS PA'I MI MNYAM PA MED PAS 'DIR SEMS MNYAM PA NYID DO, ,DE'I 'OG TU MNGON PAR 'DU BYED PA MED PAR 'JUG PAS RNAL DU 'JUG PA'O, ,DE'I 'OG TU KUN NAS NYON MONGS PA'I DOGS PA MED PAS LHUN GYIS GRUB PAR GNAS PA ZHES BYA'O, ,DE NI NYON MONGS PA DANG NYE BA'I NYON MONGS PA THAMS CAD KYI SKABS MI PHYED PA'I RTEN BYED PA'I LAS CAN NO, ,RNAM PAR MI 'TSE BA GANG ZHEN, RNAM PAR 'TSE BA'I GNYEN PO STE, SNYING RJE BA'O, ,RNAM PAR 'TSE BA NI SEMS CAN LA RNAM PAR THO 'TSAMS PA STE, DE'I GNYEN POR GYUR PA ZHE SDANG MED PA'I CHA CAN SNYING RJE BA'I SEMS NYID DO, ,RNAM PAR THO MI 'TSAMS PA'I LAS CAN NO, RNAM PAR MI 'TSE BA YANG ZHE SDANG MED PA LAS GUD NA MED PAS BTAGS PA'I YOD PAR RIG PAR BYA'O, ,DGE BA RNAMS BSHAD ZIN TO, ,NYON MONGS PA DRUG BRJOD PAR BYA STE, DE DAG SMRAS PA, 'DOD CHAGS GANG ZHEN, NYE BAR LEN PA'I PHYUNG PO LNGA LA ZHEN PA DANG, LHAG PAR CHAGS PA'O, ,NYE BAR LEN PA LAS BYUNG BA'I PHYIR NYE BAR LEN PA'I PHUNG PO RNAMS TE; RTZVA DANG SOG MA'I ME BZHIN NO, ,DE DAG LAS NYE BAR LEN PA RNAMS 'BYUNG BAS NYE BAR LEN PA'I PHUNG PO RNAMS TE, ME TOG DANG 'BRAS BU'I SHING BA ZHIN NO, ,NYE BAR LEN PA LA RAG LAS PAS RGYAL PO'I MI BZHIN NO, ,DE'I PHYIR NYE BAR LEN PA'I PHUNG PO GANG YIN PA DE DAG NI PHUNG PO RNAMS KYANG @15B YIN LA; PHUNG PO GANG YIN PA DE DAG NI GDON MI ZA BAR NYE BAR LEN PA'I PHUNG PO MA YIN PAR 'GRUB PA STE, DGRA BCOM PA'I PHUNG PO RNAMS NI ZAG PA MED PA'O, ,DE LTA BU'I RANG BZHIN CAN DE DAG LA CHAGS PA NI KHAMS GSUM PA'I RJES SU CHAGS PA ZHES BYA BA'I THA TSIG GO, ,SDUG BSNGAL KUN BSKYED PA'I LAS CAN NO, ,SRID PA'I DBANG GIS NYE BAR LEN PA'I PHUNG PO 'GRUB PA'I PHYIR RO, ,KHONG KHRO BA GANG ZHEN, SEMS CAN RNAMS LA KUN NAS MNAR SEMS PA'O, ,THOGS PA DANG 'DRA BAS KHONG KHRO BA'O, ,PHUNG PO LNGA'I TSOGS KYI RGYUN LA SEMS CAN ZHES BTAGS TE, SEMS CAN DE DAG LA KUN NAS MNAR SEMS PA'O, ,JI SKAD DU BDAG LA GNOD PA BYAS SO BYED DO, ,BYED PAR 'GYUR RO ZHES KUN NAS MNAR SEMS 'BYUNG STE, RAB TU 'KHRUG GO, ,GANG BDAG GI MDZA' BO DE LA GNOD PAR BYAS SO, ,BYED DO BYED PAR 'GYUR RO ZHES KUN NAS MNAR SEMS 'BYUNG STE, RAB TU 'KHRUG GO; ,GANG BDAG GI MI MDZA' BA DE'I DON BYAS SO, ,DON BYED DO, ,DON BYED PAR 'GYUR RO ZHES KUN NAS MNAR SEMS 'BYUNG STE, RAB TU 'KHRUG GO ZHES GSUNGS PA LTA BU'O, ,BDE BA LA REG BAR MI GNAS PA DANG NYE BAR SPYOD PA'I RTEN BYED PA'I LAS CAN NO, ,REG PAR MI GNAS PA NI KUN NAS MNAR SEMS KYI SEMS DANG LDAN PA DANG SDUG BSNGAL BAR GNAS PA'I PHYIR RO, ,NGA RGYAL GANG ZHE NA, NGA RGYAL RNAM PA BDUN TE, NGA RGYAL DANG, CHE BA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, CUNG ZAD SNYAM PA'I NGA RGYAL DANG, LOG PA'I NGA RGYAL LO, ,NGA RGYAL THAMS CAD KYI MTSAN NYID NI 'JIG TSOGS LA LTA BA LA BRTEN NAS SEMS KHENGS PAR NGA RGYAL THAMS CAD KYI MTSAN NYID BYE BRAG MED DO, ,MI GUS PA 'BYUNG BA'I RTEN BYED PA'I LAS CAN NO, ,MI GUS PA NI BLA MA RNAMS DANG YON TAN CAN RNAMS LA 'GYING BA'O, ,BYE BRAG GI MCHAN NYID KYI DBANG DU BYAS TE SMRAS PA, NGA RGYAL GANG ZHE NA, CHUNG BA BAS KYANG BDAG CHE BA 'AM, MTSUNGS PA DANG MTSUNGS SO SNYAM DU SEMS KHENGS PA GANG YIN BA'O ZHES BYA'O, ,BDAG CHE SNYAM PA 'AM, MTSUNGS PA LA MTSUNGS SO SNYAM PA GNYI GAR SEMS KHENGS PA YANG NGA RGYAL LO, ,CHE BA'I @16A *, ,NGA RGYAL GANG ZHE NA, MTSUNGS PA BAS BDAG CHA BA 'AM, CHE BA DANG MTSUNGS SO SNYAM DU SEMS KHENGS PA GANG YIN PA'O, ,'DIR YANG MTSUNGS PA BAS BDAG KHYAD PAR DU 'PHAGS PA 'AM, MTSUNGS SO SNYAM PA GNYI GAR SEMS KHENGS PA YANG CHE BA'I NGA RGYAL LO, ,NGA RGYAL LAS KYANG NGA RGYAL GANG ZHE NA, CHE BABS KYANG BDAG CHE 'O SNYAM PA'I SEMS KHENGS PA GANG YIN BA'O, ,DGE BSNYEN PAS NI DGE TSUL CHE NA, DGE BSNYEN DE 'DI SNYAM DU DGE TSUL BAS KYANG BDAG KHYAD PAR DU 'PHAGS SO SNYAM DU SEMS KHENGS BAR BYED PA 'DI NI NGA RGYAL LAS KYANG NGA RGYAL ZHES BYA'O, ,NGA'O SNYAM PA'I NGA RGYAL GANG ZHE NA, NYE BAR LEN PA'I PHUNG PO LNGA PO RNAMS LA BDAG GAM BDAG GIR YANG DAG PAR RJES SU LTA BA'I SEMS KHENGS PA GANG YIN PA'O, ,GZUGS LA SOGS PA LA 'DUN PA DANG, 'DOD CHAGS NI NYE BAR LEN PA STE, DE LA 'DUN PAS NI MA 'ONGS PA'I LUS 'DOD PA'I SGO NAS LEN TE, DES MA 'ONGS PA'I PHUNG PO 'GRUB PO, ,'DOD CHAGS KYIS NI DA LTAR GYI LUS LA LHAG PAR ZHEN PA'I SGO NAS LEN TE, DES DA LTAR GYI PHUNG PO MI 'DOR RO, ,DE LTABS NA 'DI GNYIS NI NYE BAR LEN PA ZHES BYA'O, ,DE DAG DANG LDAN PA NI PHUNG PO RNAMS TE, DE LTAR BDAG MED PA'I PHUNG PO DE DAG LA BDAG YOD DO SNYAM DU RLOM SEMS PA'AM, BDAG GI PHUNG PO'O SNYAM DU SEMS PA DE NI NGA'O SNYAM PA'I NGA RGYAL LO, ,MNGON PA'I NGA RGYAL GANG ZHE NA, GONG MA'I KHYAD PAR THOB PAR BYA BA MA THOB PAR BDAG GIS THOB BO SNYAM DU SEMS KHENGS PA GANG YIN PA'O, ,GONG MA'I KHYAD PAR THOB BAR BYA BA NI 'BRAS BU DANG, BSAM GTAN DANG, SNYOMS PAR 'JUG PA ZHES BYA BA LA SOGS PA'O, ,DE MA THOB PAR BDAG GIS BRTZAL 'BAD DE THOB BO SNYAM DU SEMS KHENGS PA GANG YIN PA'O, ,JI SKAD DU BCOM LDAN 'DAS KYIS MI'I CHOS BLA MA NI LTUNG BAR 'GYUR TE, MNGON BA'I NGA RGYAL NI MA GTOGS SO ZHES GSUNGS PA LTA BU'O, ,CUNG ZAD SNYAM PA'I NGA RGYAL GANG ZHE NA, KHYAD CHES 'PHAGS PA BAS BDAG CUNG ZAD CIG GIS CHUNG NGO SNYAM DU SEMS KHENGS PA GANG YIN PA'O, ,MTSUNGS PA 'AM, LHAG SNYAM PA'I NGA RGYAL DU RUNG NA GANG BDAG CHUNG SNYAM PA DE JI LTAR NGA RGYAL DU 'GYUR, SMRAS PA, 'JIG @16B RTEN NA DNGOS PO NGAN PA LA YANG KHENGS PA MTHONG STE, NGA NI RGYAL BO'I MI YIN GYI NGA MI PHAL BA NI MA YIN NO SNYAM PA'O, ,LOG PA'I NGA RGYAL GANG ZHE NA, YON TAN MA YIN PA DANG LDAN PA LA BDAG YON TAN DANG LDAN NO SNYAM DU SEMS KHENGS PA GANG YIN PA'O, ,LOG PA'I NGA RGYAL ZHES BYA BA NI BRDZUN PA'I NGA RGYAL LO, , YON TAN MA YIN PA DANG LDAN PA ZHES BYA BA NI YON TAN DANG LDAN PA MA YIN PA STE, YON TAN DANG LDAN PA MA YIN BA DE LA MI DGAG PA'O, ,YON TAN NI SBYIN PA DANG, TSUL KHRIMS LA SOGS PA STE, DE DAG BDAG LA MED BZHIN DU BDAG TSUL KHRIMS DANG LDAN NO, ,YON TAN DANG LDAN NO SNYAM DU GANG SEMS KHENGS PA NI LOG PA'I NGA RGYAL LO, ,MA RIG PA GANG ZHE NA, LAS DANG 'BRAS BU DANG BDEN PA DANG, DKON MCHOG RNAMS MI SHES PA STE, KHENG DU MI CHUD PA DANG, MNGON PAR MI RTOGS PA DANG, MUN PA DANG, KUN TU GTI MUG PA DANG, MUN NAG CES BYA BA 'DI DAG NI MA RIG PA'I RNAM GRANGS SU GTOGS PA'O, , LAS NI RNAM PA GSUM STA BSOD NAMS DANG BSOD NAMS MA YIN PA DANG, MI G-YO BA'I MTSAN NYID DO, ,'BRAS BU NI RNAM PA BZHI STE, RGYUN DU ZHUGS PA LA SOGS PA'O, ,BDEN PA NI BZHI STE SDUG BSNGAL LA SOGS PA'O, ,DKON MCHOG NI GSUM STE, DE DAG MI SHES PA NI MA RIG PA'O, ,LHAN CIG SKYES PA NI MA 'DRES PA'O, ,KUN TU BRTAGS PA NI 'DOD CHAGS LA SOGS PA DANG MTSUNGS PAR LDAN PA'O, ,YANG NA KUN TU BRTAGS PA NA BYE BRAG PA LA SOGS PA RNAMS KYI'O, ,LOG PAR NGES PA DANG, THE TSOM DANG, KUN NAS NYON MONGS PA 'BYUNG BA'I BRTEN BYED PA'I LAS CAN NO, ,LOG PAR NGES PA NI PHYIN CI LOG TU SHES PA'O, ,THE TSOM NI NEM NUR RO, ,NYON MONGS PA 'BYUNG BA NI, 'DOD CHAGS LA SOGS PA LA KUN TU SPYOD PA'O, ,DE'I RTEN BYED PA NI NYON MONGS PA THAMS CAD 'BYUNG BAR RIG PAR BYA'O, 'DOD PA NA SPYOD PA'I 'DOD CHAGS DANG, KHONG KHRO BA DANG, 'DOD PA NA SPYOD PA'I MA RIG PA DE DAG NI MI DGE BA'I RTZA BA GSUM STE, CHAGS PA DANG, ZHE SDANG DANG, GTI MUG MI DGE BA'I RTZA BA'O, ,LTA BA GANG ZHE NA, LTA BA LNGA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, , @17A *, ,'JIG TSOGS LA LTA BA GANG ZHE NA, NYE BAR LEN PA'I PHUNG PO RNAMS LA BDAG GAM BDAG GIR YANG DAG PAR RJES SU LTA BA'I SHES RAB NYON MONGS PA CAN GANG YIN PA'O ZHES BYA BA NI 'JIG PAR 'GYUR BAS 'JIG PA'O, ,BSAGS PAS TSOGS TE, 'JIG TSOGS NI MANG PA'O, ,DE LA LTA BA NI BDAG PHUNG PO LAS GUD NA YOD PA DANG, PHUNG PO RNAMS NI BDAG GI YIN PAR LTA BA'O, ,CI'I PHYIR DE SKAD BSHAD, SMRAS PA, 'JIG CES BYA BA NI RTAG PA'I 'DU SHES SPANG BAR BYA BA'I PHYIR RO, ,TSOGS ZHES BYA BA NI GCIG PA'I 'DU SHES SPANG PA'I PHYIR TE, 'DIR NI MI RTAG PA 'DUS PA YIN PAS 'DI LA BDAG MED DO ZHES BSTAN PA'O, ,LTA BAR GYUR PA THAMS CAD KYI RTEN BYED PA'I LAS CAN NO, ,MTHAR 'DZIN PAR LTA BA GANG ZHE NA, DE NYID KYI DBANG DU BYAS NAS RTAG PA 'AM CHAD PAR YANG DAG PAR RJES SU LTA BA'I SHES RAB NYON MONGS PA CAN GANG YIN PA'O, ,'JIG TSOGS LA LTA BA'I DBANG DU BYAS ZHES BYA BA NI BDAG POR BYAS PA'O, ,RTAG PA ZHES BYA BA NI MTHA' STE, BDAG THAMS CAD DU SONG BA DANG, RTAG PA DANG, GTZO BO ZHES BYA BA LA SOGS PA'O, ,LUS RNAMS NI RTZVA DANG 'JIM PA LTA BU STE, 'DI NI RTAG PA'I MTHA' CAN GYI MTHAR 'DZIN PAR LTA BA'O, ,CHAD PA'I BDAG NYID NI NANG NA BYED PA'I SKYES BU YOD PA DE SHI PHAN CHAD MED DE, DPER NA BUM PA CHAG NAS YANG MI 'BYUNG BA BZHIN NO, ,DBU MA'I LAM GYIS NGES PAR BYUNG BA'I BAR DU GCOD PA'I LAS CAN NO, ,LOG PAR LTA BA GANG ZHE NA, RGYU 'AM 'BRAS BU 'AM BYED PA LA SKUR BA 'DEBS PA DANG, YOD PA'I DNGOS PO 'JIG PA'I SHES RAB NYON MONGS PA CAN GANG YIN PA'O, ,RGYU NI LAS DANG NYON MONGS PA'O, ,DE DAG KYANG YAN LAG LNGAR 'GYUR TE, NYON MONGS PA NI MA RIG PA DANG, SRID PA DANG LEN PA'O, ,LAS NI 'DU BYED DANG SRID PA'O, ,YANG NA 'DIR KUN GZHI RNAM PAR SHES PA LA GNAS PA'I BAG CHAGS TE, JI SKAD DU BCOM LDAN 'DAS KYIS KUN DGA' BO LAS KYI RNAM PAR SMIN PA GANG MA 'ONGS PA NA 'BRAS BU 'BYIN NUS PA DE YANG SRID PA ZHES BYA'O ZHES GSUNGS PA LTA BU'O, ,'DI LA SKUR PA 'DEBS PA NI RGYU LA SKUR PA 'DEBS PA'O, ,'BRAS BU LA YAN LAG BDUN TE, RNAM PAR SHES PA DANG, MING DANG @17B GZUGS DANG, SKYE MCHED DRUG DANG, REG PA DANG, TSOR BA DANG, SKYE BA DANG, RGA SHI ZHES BYA BA RNAMS SO, ,'DI LA SKUR BA 'DEBS PA NI 'BRAS BU LA SKUR PA 'DEBS PA'O, ,YANG NA MDOR BSDU NA LEGS PAR SPYAD PA YANG MED NYES PAR SPYAD PA YANG MED DO ZHES BYA BA 'DI NI RGYU LA SKUR PA 'DEBS PA'O, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO ZHES BYA BA NI 'BRAS BU LA SKUR BA 'DEBS PA'O, ,'JIG RTEN 'DI NI MED DO, ,'JIG RTEN PHA ROL MED DO, ,PHA MED DO, ,MA MED DO, ,SEMS CAN 'BYUNG BA MED DO ZHES BYA BA NI BYED PA LA SKUR BA 'DEBS PA'O, ,'JIG RTEN GZHAN DU 'GRO BA DANG, 'ONG BA'I BYED PA DANG, SA BON 'DEBS PA'I BYED PA DANG, NYING MTSAMS SBYOR BA'I BYED PA LA SKUR BA 'DEBS PA'I PHYIR RO, ,'JIG RTEN NA DGRA BCOM PA MED DO ZHES BYA BA LA SOGS PA NI YOD PA'I DNGOS PO 'JIG PA'O, , DGE BA'I RTZA BRGYUN GCOD PA'I LAS CAN DANG, MI DGE BA'I RTZA BA DAM DU 'DZIN PA'I LAS CAN DANG, MI DGE BA LA 'JUG PA'I LAS CAN DANG, DGE BA LA MI 'JUG PA'I LAS CAN NO, ,LTA BA MCHOG TU 'DZIN PA GANG ZHE NA, LTA BA RNAM PA GSUM PO DE DAG NYID DANG, DE'I GNAS PHUNG PO RNAMS LA MCHOG DANG, GTZO BO DANG, KHYAD PAR DU 'PHAGS PA DANG, DAM PAR YANG DAG PAR RJES SU LTA BA'I SHES RAB NYON MONGS PA CAN GANG YIN PA'O ZHES BYA BA LA, LTA BA RNAM PA GSUM BZHES BYA BA NI 'JIG TSOGS LA LTA BA DANG, LOG PAR LTA BA DANG MTHAR 'DZIN PAR LTA BA'O, ,DE'I GNAS PHUNG PO ZHES BYA BA NI LTA BA'I GNAS ZHES BYA BA'I THA TSIG GO, ,MCHOG DANG, GTZO BO DANG, KHYAD PAR DU 'PHAGS PA DANG, DAM PAR SHES RAB KYIS YANG DAG PAR RJES SU MTHONG ZHES BYA BA'I THA TSIG GO, ,SHES RAB NYON MONGS PA CAN ZHES BYA BA NI NYON MONGS PA DANG LDAN ZHES BYA BA'I THA TSIG GO, ,LTA BA NGAN PA LA MNGON PAR ZHE NA PA'I RTEN BYED PA'I LAS CAN NO, ,TSUL KHRIMS DANG BRTUL ZHUGS MCHOG TU 'DZIN PA GANG ZHE NA, TSUL KHRIMS DANG BRTUL ZHUGS DANG, DE'I GNAS PHUNG PO RNAMS LA 'DAG PA DANG, GROL BA DANG, NGES PAR 'BYIN PA YANG DAG PAR RJES SU LTA BA'I SHES RAB NYON @18A *, ,MONGS BA CAN GANG YIN PA'O ZHES BYA BA NI TSUL KHRIMS DANG BRTUL ZHUGS NI LTA BA NGAN BA SNGON DU SONG BAR RIG PAR BYA'O, ,TSUL KHRIMS NI BDUN SPANGS PA'O, ,BRTUL ZHUGS NI KHYI DANG BA LANG GI BRTUL ZHUGS DANG, DBYU GU RTZE GSUM PA DANG MGO 'BREG PA LA SOGS BA DANG; GRANGS CAN GYI RNAL 'BYOR SHES PA LA SOGS PA NI, THAR PA'I LAM GYI RGYU MA YIN, DBANG PHYUG CHEN PO DANG, SKYE DGU'I BDAG PO DANG, ME DANG CHUR 'JUG PA LA SOGS PA NI MTHO RIS KYI RGYU MA YIN NA DE DAG LA RGYUR LTA BA'O, ,DE'I GNAS PHUNG PO RNAMS ZHES BYA BA NI TSUL KHRIMS LA SOGS PA'I GNAS ZHES BYA BA'I THA TSIG GO, ,'DAG PA ZHES BYA BA NI GONG DU SMOS PA DES 'DAG BAR 'GYUR ZHES BYA BA'I THA TSIG GO, ,GROL BA ZHES BYA BA NI THABS 'DIS NYON MONGS PA RNAMS LAS GROL BAR 'GYUR BA'O, ,NGES PAR 'BYIN PA ZHES BYA BA NI 'KHOR BA LAS BYUNG BA ZHES BYA BA'I THA TSIG GO; ,NGAL BA 'BRAS BU MED PA'I RTEN BYED PA'I LAS CAN TE, NGAL BA 'BRAS BU MED PA NI NGES NGES PAR MI 'BYUNG BA'I PHYIR RO, ,THE TSOM GANG ZHE NA, BDEN PA LA SOGS PA LA YANG YID GNYIS ZA BA'O ZHES BYA BA LA SOGS PA SMOS PA NI LAS DANG 'BRAS BU DANG, BDEN PA DANG, DKON MCHOG RNAMS LA SBYAR RO, ,DE DAG LA YOD NGAM MED CES YID GNYIS SU 'GYUR ZHES BYA BA'I THA TSIG GO, ,DGE BA'I PHYOGS LA MI 'JUG PA'I RTEN BYED PA'I LAS CAN NO, ,DES DGE BA'I PHYOGS LA MI 'JUG PA STE, NGES PA MA RNYED PAS BAR SKABS NAS MI RTZOM PA'I PHYIR RO, ,NYON MONGS PA DE DAG LAS LHAN CIG SKYES PA NI DU, KUN TU BRTAGS PA NI DU ZHE NA, SMRAS PA, LTA BA 'OG MA GSUM DANG, THE TSOM NI KUN TU BRTAGS PA'O ZHES BYA BA NI LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM STE, DE DAG NI KUN TU BRTAGS PA NYID DO, ,LHAG MA NI LHAN CIG SKYES PA DANG KUN TU BRTAGS PA'O ZHES BYA BA NI 'DOD CHAGS DANG, KHONG KHRO BA DANG, NGA RGYAL DANG MA RIG PA DANG, 'JIG TSOGS LA LTA BA DANG MTHAR 'DZIN PAR LTA BA DANG SBYAR RO, 'DI DAG GI RNAM GRANGS NI BAG LA NYAL BA DANG, KUN NAS DKRIS PA DANG, @18B NYON MONGS PA DANG, ZAG PA DANG BCAS PA DANG, RNYOG PA DANG, CHU BO DANG, SBYOR BA DANG, YON PO DANG, BSKUS BA ZHES BYA BA LA SOGS PA'O, ,NYON MONGS PA RNAMS BSHAD ZIN TO, ,NYE BA'I NYON MONGS PA RNAMS BRJOD PAR BYA STE, DE DAG SMRAS PA, KHRO BA GANG ZHE NA, , 'PHRAL DU GNOD PAR BYED PA LA GNAS TE, GANG SEMS KYIS KUN NAS MNAR SAMS PA'O ZHES BYA BA LA, 'PHRAL DU ZHES BYA BA NI DA LTAR BYUNG BA STE, DE LA GNOD BAR BYED PA'I RGYU DE LA KHONG KHRO BA'I CHAR GTOGS PA'I SEMS KYIS KUN NAS MNAR SEMS PA'O, ,DBYIG PA DANG, RDEG PA DANG, MTSON GYIS 'DEBS PA LA SOGS PA NYES PA RTZOM PA'I RTEN BYED PA'I LAS CAN NO, ,KHRO BA LA SOGS PA YANG KHONG KHRO BA LA SOGS PA LAS GUD NA MED PA'I PHYIR BRTAGS PA'O, ,KHO NA DU 'DZIN PA GANG ZHE NA, MDUD PAR 'DZIN PA'O, KHROS PA'I 'OG TU KHONG KHRO BA'I CHAR GTOGS PA NYID MDUD PAR 'DZIN PA MI GTONG BA'O, ,MI BZOD PA'I RTEN BYED PA'I LAS CAN TE, MI BZOD PA NI DANG DU MI LEN PA'O, ,'CHAB PA GANG ZHE NA, BDAG GI KHA NA MA THO BA MA KHYUD PA'O, ,YANG DAG BAR BSKUL BA NA GTI MUG GI CHAR GTOGS PAS KHA NA MA THO BA MKHYUD PA'O, ,'GYOD PAS REG PAR MI GNAS BA'I RTEN BYED PA'I LAS CAN NO, ,'DI NI CHOS NYID DE KHA NA MA THOB 'CHAB NA 'GYOD PAR 'GYUR TE, DES NA REG PAR MI GNAS SO, ,'TSIG PA GANG ZHE NA, TSIG BA RLANG POS ZHER 'DEBS PA NYID DO ZHES BYA BA NI KHRO BA DANG KHON DU 'DZIN PA SNGON DU 'GRO BA'O, ,SEMS KYIS KUN NAS MNAR SEMS PA STE, TSIG BRLANG BO NI GTUM TSIG GO, ,NGAG RTZUB MO'I RTEN BYED PA'I LAS BYED PA'I LAS CAN DANG, BSOD NAMS MA YIN PA SKYES PA 'BYIN PA'I LAS CAN DANG, REG BAR MI GNAS PA 'BYIN BA'I LAS CAN NO, ,GTUM TSIG DANG, DAG RTZUB MO DE NI PHAN TSUN MTSANG LA 'DEBS PA'I TSUL GYIS MNGON SUM DU SMRA BA STE, 'DI NYID 'TSIGS PA'O, ,PHRAG DOG GANG ZHE NA, GZHAN GYI PHUN SUM TSOGS PA LA SEMS KHONG NAS 'KHRUGS PA'O, ,GZHAN DAG GI PHUN SUM TSOGS PA NI GZHAN GYI PHUN SUM TSOGS PA STE, GZHAN GYI PHUN SUM TSOGS PA DE LA RNYED PA @19A *, ,NYID DANG, BKUR STI LA LHAG PAR CHAGS PAS MI BZOD PAR BYAS PA'I SEMS KYIS KHONG NAS 'KHRUGS PA'O, ,YID MI BDE BAS REG PAR MI GNAS PA'I LAS CAN NO, ,SER SNA GANG ZHE NA, SBYIN PA DANG, MI MTHUN PA'I SEMS KYIS KUN TU 'DZIN PA'O, ,GANG GIS RGYUD LAS MA 'GRO ZHIG, CES BYA BA NI SER SNA STE, RNYED PA DANG BKUR STI LA LHAG PAR CHAGS PA NYID KYIS 'DOD CHAGS KYI CHAR GTOGS PA'I SEMS KYI YO BYAD RNAMS KUN TU 'DZIN PA'O, ,DE NYID SBYIN PA DANG MI MTHUN PA'O, ,YO BYAD BSNYUNGS PA MA YIN PA'I RTEN BYED PA'I LAS CAN TE, YO BYAD BSNYUNGS PA MA YIN PA NI SER SNAS MI KHOM PA'I YO BYAD RNAMS SOGS PAR RIG PAR BYA'O, ,SGYU GANG ZHE NA, GZHAN LA SLU BA'I YANG DAG PA MA YIN PA'I DON STON PA'O, ,RNYED PA DANG BKUR STIL CHAGS PA NYID KYIS 'DOD CHAGS DANG GTI MUG GI CHAR GTOGS PAS YANG DAG PA MA YIN PA'I DON STON PA STE, LOG PAR 'TSO BA'I RTEN BYED PA'I LAS CAN NO, ,G-YO GANG ZHE NA, BDAG GI NYES PA BCAB PA'I LAS THABS BZUNG STE, SEMS GYA GYU'O ZHES BYA BA LA RANG GI NYES PA RNAMS NI RANG GI SKYON TE, RNYED BA DANG BKUR STI LA CHAGS BAS DE DAG BCAB PAR 'DOD NAS 'DOD CHAGS DANG, ZHE SDANG DANG, GTI MUG GI CHAR GTOGS PAS NYES PA BYUNG BA DE NGOS MI ZIN PAR GZHAN NAS GZHAN DU BRGYUD PAR RIG BAR BYA'O, ,YANG DAG PA'I GDAMS GANG THOB PA'I BAR DU GCOD PA'I LAS BYAS TE, BDAG YANG DAG PA JI LTA BA BZHIN MA SMRAS PAS GDAMS DAG GI 'OS MA YIN PA'I PHYIR RO, ,RGYAGS PA GANG ZHE NA, BDAG GI PHUN SUM TSOGS PA LA CHAGS BA'I RAB TU DGA' BA STE, SEMS YONGS SU 'DZIN PA'O, ,DE NI RNAM PA DU MA STE, RIGS DANG, STOBS DANG, GZUGS DANG, YID GZHUNGS PA DANG, BLO DANG, LONGS SPYOD DANG, DBANG PHYUG LA SOGS PAR RIG PAR BYA'O, ,BDAG GI PHUN SUM TSOGS PA ZHES BYA BA NI ZAG PA DANG BCAS PA'I PHUN SUM TSOGS PA GANG YANG RUNG BA'O, ,CHAGS PA'I RAB TU DGA' BA ZHES BYA BA NI DGA' BA'I YID BDE BA STE, NYON MONGS PA CAN GYA DGA' BA'I BYE BRAG 'DOD CHAGS KYI CHAR GTOGS PA'O, ,YONGS SU 'DZIN PA ZHES BYA BA NI DGE PA'I RTZA BA THAMS CAD SEL @19B BA'O; ,NYON MONGS PA DANG NYE BA'I NYON MONGS PA THAMS CAD KYI RTEN BYED PA'I LAS CAN NO, ,RNAM PAR 'TSE BA GANG ZHE NA, SEMS CAN RNAMS LA THO 'TSAMS PA'O ZHES BYA BA NI KHONG KHRO BA'I CHAR GTOGS PA, SNYING BRTZE BA MED PA SNYING RJE BA MED PA'O, ,SEMS CAN RNAMS LA RNAM PAR THO 'TSAMS PA NI THAL LCAG DANG KHUR TSUR GYIS BRDEG PA LA SOGS PA BYED PA STE, 'DI NI DE'I LAS CAN NO, ,NGO TSA BA MED PA GANG ZHE NA, KHA NA MA THO BAS BDAG LA MI 'DZEM PA'O, ,NGO TSA BA MI SHES BA NI NGO TSA MED PA STE, NGO TSA SHES PA DANG MI MTHUN PA'I CHOS SO, ,NGO TSA SHES PA NI 'DOD CHAGS DANG ZHE SDANG DANG GTI MUG GI CHAR GTOGS PA'O, ,KHA NA MA THOBS BDAG LA MI 'DZEMS PA'O ZHES BYA BA LA BDAG LA ZHES BYA BA NI RANG LA 'O, ,KHA NA MA THO BA NI SDIG PA'O, ,DES MI 'DZOM PA NI SDIG LA BYED CES BYA BA'I THA TSIG GO, ,NYON MONGS PA DANG NYE BA'I NYON MONGS BA THAMS CAD KYI GROGS BYED PA'I LAS CAN NO, ,KHREL MED PA GANG ZHE NA, KHA NA MA THOBS GZHAN LA MI 'DZEM PA'O, ,KHREL MED PAS NI KHREL YOD PA MA YIN TE, KHREL YOD PA DANG, MI MTHUN PA'I CHOS NI KHREL MED BA'O, ,KHA NA MA THO BAS GZHAN LA MI 'DZEM PA ZHES BYA BA NI GZHAN NAM GZHAN RNAMS LA MI 'DZEM PAR SDIG PA BYED PA'O, , NYON MONGS PA DANG NYE BA'I NYON MONGS PA THAMS CAD KYI GROGS BYED PA'I LAS CAN NO, ,RMUGS PA GANG ZHE NA, SEMS LAS SU MI RUNG BA STE BLONG BA NYID DO ZHES BYA BA LA, GTI MUG GI CHAR GTOGS PAS SEMS LAS SU MI RUNG BA'O, ,RMUGS PA NI NYON MONGS PA DANG NYE BA'I NYON MONGS PA THAMS CAD KYI GROGS BYED PA'I LAS CAN NO, ,RGOD PA GANG ZHE NA, SEMS RNAM PAR MA ZHI BA'O ZHES BYA BA NI SDUG PA'I MTSAN MA'I RJES SU 'BRANG BA STE, 'DOD CHAGS KYI CHAR GTOGS PAS SEMS RNAM PAR MA ZHI BA'O, ,SDUG PA'I MTSAN MA'I RJES SU 'BRANG BA NI 'DOD CHAGS DANG MTHUN BA STE; SNGON DGOD PA DANG, RTZE RTZE BRJES SU DRAN PA'I PHYIR SEMS RNAM PAR MA ZHI BAR RIG PAR BYA STE, ZHI GNAS KYI BAR DU GCOD PA'I LAS CAN NO, ,MA DAD PA GANG ZHE NA, LAS DANG 'BRAS BU DANG, BDEN PA DANG, DKON MCHOG RNAMS LA YID MI CHES PA DANG, SEMS MA DANG BA STE, DAD PA'I @20A *, ,MI MTHUN PA'I PHYOGS SO, ,GONG DU SMOS PA'I LAS DANG 'BRAS BU DANG BDEN PA DANG, DKON MCHOG LA SOGS PA LA YID MI CHES PA STE, DE NI SEMS MA DANG BA'O, ,YID MI CHES PA NI MI 'DOD PA STE, DAD BA'I MI MTHUN PA'I PHYOGS SO, ,LE LO'I RTEN BYED PA'I LAS CAN NO, ,DANG PA MED NA SBYOR BAR 'DUN PA MED BA'I PHYIR RO, ,LE LO GANG ZHE NA, DGE BA LA SEMS MNGON PAR SPRO BA MED PA STE, BRTZON 'GRUS KYI MI MTHUN PA'I PHYOGS SO ZHES BYA BA LA, DGE BA LA SEMS DAD PA LA SOGS PA DANG MTSUNGS PAR LDAN PA DE LA SEMS MI SPRO BA STE, NYAL BA DANG, SNYES PA DANG, 'PHRES PA'I BSOD NYAMS LA BRTEN NAS, GTI MUG GI CHAR GTOGS PA BRTZON 'GRUS GYI MI MTHUN PA'I PHYOGS SO, ,DGE BA'I PHYOGS LA SBYOR BA'I BAR DU GCOD PA'I LAS CAN NO, ,BAG MED PA GANG ZHE NA, CHAGS PA DANG ZHE SDANG DANG, GTI MUG DANG LE LO GANG YIN PA DE DAG GIS NYON MONGS PA LAS SEMS MI BSRUNG BA DANG, DGE BA MI BSGOM PA'O, ,BAG MED PA NI 'DIR CHOS BZHI STE, CHAGS PA DANG, ZHE SDANG DANG, GTI MUG DANG, LE LO ZHES BYA BA'O, ,DE DAG GIS ZIL GYIS NON NA NYON MONGS PA RNAMS LAS SEMS 'DOD CHAGS DANG BRAL BAR MI BYED PA'O, ,DE DAG LA GNAS PA NI MA CHAGS PA LA SOGS PA'I DGE BA'I RTZA BA SGOM PAR MI BYED PA'O, ,MI DGE BA 'PHEL BA DANG, DGE BA YONGS SU 'GRIB PA'I RTEN BYED BA'I LAS CAN NO, ,BRJED NGAS BA GANG ZHE NA, DRAN PA NYON MONGS PA CAN TE, DGE BA MI GSAL BA'O, ,DRAN PA NYON MONGS PA CAN ZHES BYA BA NI NYON MONGS PA DANG MTSUNGS BAR LDAN PA'O, ,DGE BA MI GSAL BA ZHES BYA BA NI YANG DAG PA'I GDAMS NGAG BRJED CES BYA BA'I THA TSIG GO, ,RNAM PAR G-YENG BA'I RTEN BYED PA'I LAS CAN NO, ,RNAM PAR G-YENG BA GANG ZHE NA, 'DOD CHAGS DANG, ZHE SDANG DANG, GTI MUG GI SHAS KYIS 'DOD PA'I YON TAN LNGA PO DAG LA GANG SEMS RNAM PAR 'PHRO BA'O, ,DE YANG RANG BZHIN GYIS SEMS RNAM PAR G-YENG BA DANG, PHYI ROL DU RNAM PAR G-YENG BA DANG, NANG GI RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYIS RNAM PAR G-YENG BA DANG, YID LA BYED PA'I RNAM @20B PAR G-YENG BA'O; ,RANG BZHIN GYIS RNAM PAR G-YENG BA NI RNAM PAR SHES PA'I TSOGS LNGA STE, DE DAG NI RANG BZHIN GYIS NANG DU MNYAM PAR GZHOG MI NUS PA'I PHYIR RO, ,PHYI ROL DU RNAM PAR G-YENG BA NI DGE BA LA ZHUGS PA NA 'DOD PA'I YON TAN LNGA LA SEMS RNAM PAR 'PHRO BA STE, THOS PA LA SOGS PA DGE BA LA SBYOR BA NA, DMIGS PA DE LAS PHYI ROL DU 'DOD PA'I YON TAN LNGA LA SEMS 'GRO BAR RIG BAR BYA'O, ,NANG GI RNAM PAR G-YENG BA NI DGE BA LA ZHUGS PA'I TSE BYING BA DANG, RGOD PA DANG, RO MYONG BAR BYED PA STE, TING NGE 'DZIN LA ZHUGS PA'I TSE BYING BA DANG, RGOD PA DANG, RO MYONG BAR BYED PA'O, ,TING NGE 'DZIN DU LTUNG BA'I PHYIR NYES PA'O, ,MTSAN MA'I RNAM PAR G-YENG BGANG ZHE NA, PHA ROL YID CHES PAR BYA BA SNGON DU BTANG NAS DGE BA LA SBYOR BA STE, GZHAN GYIS BDAG LA YON TAN DANG LDAN PAR YID CHES PAR 'GYUR RO SNYAM PA'O, ,DE'I MTSAN MA NI DE'I RGYU STE; DGE BA LA ZHUGS PA DGE BA LAS YONGS SU NYAMS PAR RIG PAR BYA'O, ,GNAS NGAN LEN GYIS RNAM PAR G-YENG BA GANG ZHE NA, NGAR 'DZIN PA DANG, NGA YIR 'DZIN PA DANG, NGA'O SNYAM PA'I NGA RGYAL GYI PHYOGS KYI GNAS NGAN LEN LA BRTEN NAS, DGE BA LA ZHUGS PA'I TSOR BA 'BYUNG ZHING, BYUNG BA RNAMS LA NGA ZHES BYA BA DANG, NGA YIR ZHES BYA BAR 'DZIN TE, 'DREN MAR 'BYUNG ZHING MTSAN MAR BYED PA'O, ,YID LA BYED PA'I RNAM PAR G-YENG BA GANG ZHE NA, TING NGE 'DZIN GZHAN NAM, THEG PA GZHAN LA SNYOMS PAR 'JUG PA 'AM, GNAS PAR BYED PA NA RNAM PAR 'PHRO BAR BYED PA GANG YIN PA'O, ,'DOD CHAGS DANG BRAL BA'I BAR DU GCOD PA'I LAS CAN NO, ,SHES BZHIN MA YIN PA GANG ZHE NA, NYON MONGS PA DANG MTSUNGS PAR LDAN PA'I SHES RAB STE, DES LUS DANG, NGAG DANG, YID KYI SPYOD PA LA MI SHES BZHIN DU 'JUG PA'O ZHES BYA BA LA LUS DANG, DAG DANG, YID KYI SPYOD PA LA MI SHES PA NI 'GRO BA DANG LDOG PA LA SOGS PA LA LEGS PAR SO SOR MA BRTAGS PAR 'JUG PAR RIG PAR BYA'O, ,LTUNG BA'I RTEN BYED PA'I LAS CAN NO, DE LTAR BYA BA DANG, MI BYA BA MI SHES PAS NYES PA 'BYUNG NGO, ,NYE BA'I NYON MONGS PA RNAMS BSHAD ZIN TO, , @21A *, ,BZHI GZHAN DU YANG 'GYUR RO ZHES SMOS PA LA, 'GYOD PA GANG ZHE NA, YID LA GCAGS PA'O ZHES BYA BA NI SMAD PAR BYAS PA STE, NGAN PA BYAS PA'I DNGOS PO ZHES BYA BA'I THA TSIG GO, ,NGAN PA GANG BYAS PA'I DE 'DIR SBYAR TE, YID LA GCAGS PA NI MA YIN NO, ,'DIR NI YID LA GCAGS PA LA 'GYOD PA ZHES BYA STE, DE LA DMIGS PA'I PHYIR RO, ,DPER NA STONG PA NYID LA DMIGS PA'I SEMS RNAM PAR DAG PA LA RNAM PAR THAR PA ZHES BYA BA LTA BU'O, ,YANG NA 'BRAS BU LA RGYU GDAGS PA STE, 'DI LA 'GYOD PA'I 'BRAS BU NI YID LA GCAGS PA'O, ,DE GNYI GA YANG GNYI GA'I RTEN TE, DGE BA DANG MI DGE BA SO SO'I, GANG DGE BA MA BYAS PAS 'GYOD PA DE NI DGE BA'I RTEN NO, ,GANG MI DGE BA BYAS PAS 'GYOD PA DE YANG DGE BA'I RTEN NO, ,DE BZHIN DU MI DGE BA GNYI GA'I RTEN DE BZLOG PA'O, ,GANG MI DGE BA MA BYAS PAS 'GYOD PA DE NI MI DGE BA'I RTEN TO, , DGE BA BYAS PAS 'GYOD PA DE YANG MI DGE BA'I RTEN TO, SEMS GNAS PA'I BAR DU GCOD PA'I LAS CAN NO, ,GNYID GANG ZHE NA, 'JUG PA RANG DBANG MED PAR SEMS SDUD PA'O, ,GNYID KYI RGYU LA BRTEN NAS GTI MUG GI CHAR GTOGS PA SEMS LAS BYUNG BA'I CHOS KYI SEMS RANG DBANG MED PA SKYED DO, ,RANG DBANG MED PA DE NI SEMS MNGON PAR SDUD PA STE, DGE BA DANG MI DGE BA DANG, LUNG DU MA BSTAN PA DANG, DUS DANG DUM MA YIN PAR YANG RUNG STE, SEMS MNGON PAR SDUD PA'O, ,BYA BA SHOR BA'I RTEN BYED PA'I LAS CAN NO, ,RTOG PA GANG ZHE NA, KUN TU CHOL BA'I RTEN GYI BRJOD PA STE, SEMS PA DANG, SHES RAB KYI BYE BRAG GANG SEMS RTZING BA'O, ,KUN TU TSOL BA ZHES BYA BA NI TSOR BAR BYED PA'O, ,YID KYI BRJOD PA ZHES BYA BA NI YID KYI RNAM PAR SHES PA'O, ,DE NI SEMS BA 'AM, SHES RAB LA BRTEN NAS GANG SEMS RTZING BSTE; RAGS PA BUM PA DANG SNAM BU DANG SHING RTA LA SOGS PA LA 'DZIN PA'O, ,SPYOD PA GANG ZHE NA, SO SOR RTOGS PA'I YID KYI BRJOD PA STE, DE BZHIN DU GANG SEMS ZHIB PA'O, ,GZHAN NI SNGAR SMOS PA DANG SBYAR RO, ,SEMS ZHIB PA ZHES BYA BA NI BUM PA LA SOGS PA DE NYID LA CHOS @21B SAM MA TSOS ZHES BYA BA LA SOGS PAR 'DZIN PA'O, ,GNYI GA YANG REG PA DANG, REG PA MA YIN PAR GNAS PA'I RTEN BYED PA'I LAS CAN NO, ,YANG NA DGE BA'I CHOS RNAMS KYI LAS NI RANG GI MI MTHUN PA'I PHYOGS SPONG BA'I LAS CAN DANG, NYON MONGS PA DANG NYE BA'I NYON MONGS PA THAMS CAD KYI RANG GI GNYEN PO'I BAR DU GCOD PA'I LAS CAN NO SEMS LAS BYUNG BA RNAMS BSHAD ZIN TO, ,SEMS DANG MI LDAN PA RNAMS BRJOD PAR BYA STE, DE DAG SMRAS PA, SEMS DANG MI LDAN PA MA YIN PA'I 'DU BYED RNAMS GANG ZHE NA ZHES BYA BA'O, ,'DI NI 'DRI BA STE, 'DI'I LAN BTAB PA NI; GANG ZAG GZUGS DANG SEMS DANG SEMS LAS BYUNG BA'I GNAS SKABS LA GDAGS PA STE ZHES BYA BA STE, GZUGS KYI GNAS SKABS DANG, SEMS KYI GNAS SKABS DANG, SEMS LAS BYUNG BA'I GNAS SKABS LA GDAGS KYI, RDZAS SU YOD PA NI MA YIN NO, ,SEMS NI MA BSHAD NA 'DI JI LTAR SEMS KYI GNAS SKABS LA GDAGS, SMRAS PA, MA 'ONGS PA LA LTOS PA STE, DE LA RIG PA'I PHYIR NYES PA MED DO, ,DE DAG KYANG CI'I GZUGS DANG SEMS DANG SEMS LAS BYUNG BA'I GANG DAG YIN PA DE DAG NYID MI LDAN PA RNAMS YIN NAM, 'ON TE GZHAN LA 'AM BRJOD PAR BYA BA MA YIN PA ZHIG GAM ZHE NA, DE NI DE LTA MA YIN TE, JI LTAR ZHE NA, DE'I PHYIR, DE NYID DANG GZHAN DU MI GDAGS SO ZHES BYA BA SMRAS TE, KHU TSUR BZHIN NO, ,DPER NA KHU TSUR NI SOR MO LAS GZHAN YANG MA YIN NO, ,GZHAN MA YIN PA YANG MA YIN NO, ,BRJOD PAR BYA BA MA YIN PA LA YANG MA YIN NO, ,GAL TE SOR MO RNAMS LAS GZHAN YIN PAR 'GYUR NA NI LOGS SHIG TU BZUNG BAR 'GYUR TE, CI STE GZHAN MA YIN NA NI SOR MO BRKYANG BA RNAMS LA YANG BZUNG BAR 'GYUR RO, ,BRJOD PAR BYA BA MA YIN PA LA YANG MI BYA STE, 'DI LTAR KHU TSUR ZHES BRJOD PA'I PHYIR RO; ,DE LTA BAS NA DE NYID DANG GZHAN DANG BRJOD PAR BYA BA MA YIN PA LA MI GDAGS BAR 'THAD DO, ,DE DAG KYANG GANG ZHE NA, THOB PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA DANG, SROG GI DBANG BO DANG, @22A *, ,RIS MTHUN PA DANG, SKYE BA DANG, RGA BA DANG, GNAS PA DANG, MI RTAG PA NYID DANG, MING GI TSOGS DANG, TSIG GI TSOGS DANG, YI GE'I TSOGS DANG, SO SO'I SKYE BO NYID DANG, DE LTA BU'I CHA DANG MTHUN PA DAG GO ZHES BYA BA LA, DE LTA BU'I CHA DANG MTHUN PA DAG CES SMOS PA NI 'JUG PA DANG, SO SOR NGES PA DANG, 'BYOR 'BREL PA DANG, MGYOGS PA DANG, GO RIMS DANG, DUS DANG, YUL DANG, GRANGS DANG, GRANGS MED PA DANG, TSOGS PA STE, DE DAG BSDU BA'I PHYIR RO, ,CHOS DE DAG NI SEMS DANG 'BREL PA MA YIN PA'I BYED PA CAN YIN PAS SEMS DANG MI LDAN PA ZHES BYA'O, ,GZUGS KYI RANG BZHIN YANG MA YIN NO, ,SEMS LAS BYUNG BA BZHIN DU SEMS DANG LHAN CIG TU DMIGS PA LA MI 'JUG CES BYA BA'I THA TSIG GO, ,DE LA THOB PA GANG ZHE NA, RNYED PA DANG LDAN PA'O, ,GANG SNGON MA THOB PA THOB PA DE LA RNYED PA ZHES BYA STE, BYE BRAG BSTAN TO, ,THOB PA RNAMS SKAD CIG PHYI MA LA SOGS PA YANG MI 'BRAL BA NI LDAN PA ZHES BYA STE, KHYAD PAR BSTAN TO, ,DE YANG SA BON DANG, DBANG DANG, MNGON DU GYUR PA DANG, CI RIGS SU SBYAR RO ZHES BYA BA NI GRANGS BZHIN DU MA YIN NO, ,SA BON ZHES BYA BA NI THOB PA'O, ,DBANG DANG SNGON DU GYUR PA NI LDAN PA'O, ,'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL BA LA GONG MA'I MA YIN BA 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BSTAN PA MA YIN PA RNAMS 'GOG PA GANG YIN PA'O, ,'DU SHES MED PA RNAMS KYI SNYOMS PAR 'JUG PA NI 'DU SHES PA'I SNYOMS PAR 'JUG PA STE, 'DU SHES MED PA'I LHA RNAMS KYI ZHES BYA BA MNGON NO, ,YANG NA BDAG NYID 'DU SHES MED PA STE, KUN TU MI 'BYUNG BA'I PHYIR RO, ,SNYOMS PAR 'JUG PA NI RGYU ZHES BYA BA'I THA TSIG GO, ,DGE RGYAS KYI 'DOD CHAGS DANG BRAL ZHES BYA BA NI 'DOD PA'I KHAMS GNAS NYI SHU LA 'DZAM BU'I GLING GI 'OG NA SEMS CAN DMYAL BA CHEN PO BRGYAD DE, MNAR MED PA DANG, RAB TU TSA BA DANG, TSA BA DANG, NGU 'BOD CHEN PO DANG NGU 'BOD DANG, BSDUS 'JOMS DANG, THIG NAG DANG, YANG SOS ZHES BYA BA STE, GO @22B RIMS BZHIN DU GONG NAS GONG DU GNAS PAR RIG PAR BYA'O, ,GZHAN YANG GRANG BA'I SEMS CAN DMYAL BA BRGYAD DE, CHU BUR CAN DANG, CHU BUR RDOL BA DANG, SO THAMS THAMS PA DANG, KYI HUD ZER BA DANG, AA CHU ZER BA DANG, AU TPAL LTAR GAS PA DANG, PADMA LTA RAGS PA DANG; PADMA LTAR GAS PA CHEN PO STE, SEMS CAN DE DAG NI GRANG BA DRAG POS NYEN NAS LUS DANG SGRA'I 'GYUR BA'I TSUL LA MING 'DI DAG BTAGS SO, ,DE DAG KYANG SEMS CAN THAMS CAD KYI LAS KYI DBANG GIS 'DZAM BU GLING GI 'OG TU GRUB BO, ,NYI TSE'I SEMS CAN DMYAL BA RNAMS NI RANG RANG GI LAS KYIS GRUB PA DAG STE, MANG PO 'AM GNYIS SAM GCIG GI LAS KYIS GRUB BA YIN PAS GNAS MA NGES TE, CHU DANG RI DANG MYA NGAN GYI PHYOGS LA SOGS PA'O, ,DUD 'GRO NI, THANG DANG CHU DANG, NAM MKHA'I SPYOD YUL BA DE DAG GI GNAS NI RGYA MTSO STE DE NAS SO SOR GYES SO, , YI DAGS RNAMS KYI RGYAL PO NI GSHIN RJE STE, 'DZAM BU'I GLING 'DI'I 'OG NAS DPAG TSAD LNGA BA RGYAS CHOD PA'I 'OG NA RGYAL PO'I PHO BRANG YOD DE, DE DAG GI RTZA BA'I GNAS TE, DE NAS SO SOR GYES SO, ,GLING BZHIN NI 'DZAM BU'I GLING DANG, NUB KYI BA LANG SPYOD DANG, BYANG GI SGRA MI SNYAN DANG; SHAR GYI LUS 'PHAGS ZHES BYA BA'O, ,'DOD PA'I KHAMS SU SKYES PA'I LHA DRUG LA RGYAL CHEN BZHI'I RIS RNAMS DANG, SUM CU RTZA GSUM PA RNAMS DANG, 'THAB BRAL RNAMS DANG, DGA' LDAN RNAMS DANG, 'PHRUL DGA' RNAMS DANG, GZHAN 'PHRUL DBANG BYED RNAMS TE, DE DAG 'DOD PA LA SPYOD PA NI GNYIS SPROD PA DANG, 'KHYUD PA DANG, LAG CHANG DANG, 'DZUM PA DANG, LTA BA LAS 'GYUR TE, 'DI NI 'DOD KHAMS SO, ,GZUGS KYI KHAMS TSANGS RIS DANG, TSANGS PA'I MDUN NA 'DON DANG, TSANGS CHEN NI BSAM GTAN DANG PO'O, ,'OD CHUD DANG, TSAD MED 'OD DANG, 'OD GSAL NI BSAM GTAN GNYIS PA'O, ,DGE CHUNG DANG, TSAD MED DGE DANG, DGE RGYAS NI BSAM GTAN GSUM PA'O, ,SPRIN MED DANG BSOD NAMS SKYES DANG, 'BRAS BU CHE DANG, GNAS DE RNAMS NI SO SO'I SKYE BO'I GNAS SO, ,GNAS @23A *, ,GTZANG MA LNGA PO MI CHE BA DANG, MI GDUNG BA DANG, GYA NOM SNANG BA DANG, SHIN TU MTHONG DANG, 'OG MIN ZHES BYA BA RNAMS NI BSAM GTAN BZHI PA STE, 'DI DAG NI GZUGS KYI KHAMS SO, ,NAM MKHA' MTHA' YAS SKYE MCHED DU NYO BAR 'GRO BA DANG, RNAM SHES MTHA' YAS SKYE MCHED DU NYE BAR 'GRO BA DANG, CI YANG MED PA'I SKYE MCHED DU NYE BAR 'GRO BA DANG, 'DU SHES MED 'DU SHES MED MIN SKYE MCHED DU NYE BAR 'GRO BA 'DI NI GZUGS MED PA'I KHAMS TE, 'DI DAG NI KHAMS GSUM DU BLTA'O, ,DE LA 'DI NI DGE RGYAS KYI LHA'I RIS KYI 'DOD CHAGS DANG BRAL LA, GONG MA'I 'DOD CHAGS DAD MA BRAL BA'O, ,YID LA BYED PA GANG GIS SNYOMS PAR 'JUG PA 'DI LA SNYOMS PAR 'JUG CE NA, SMRAS PA, 'BYUNG BA'I 'DU SHES SNGON DU GTANG BA'I YID LA BYED BA'O ZHES SMOS PA'O, ,SNYOMS PAR 'JUG PA DE NI SEMS DANG SEMS LAS BYUNG BA'I CHOS BSTAN PA MA YIN PA RNAMS 'GOG PA'O, ,DE DAG NI 'JUG PA'I RNAM PAR SHES PA MTSUNGS PAR LDAN PA DANG BCAS PA DRUG STE, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG; LUS KYI RNAM PAR SHES PA DANG, YID KYI RNAM PAR SHES PA'O, ,BSTAN PA NI KUN GZHI RNAM PAR SHES PA DANG, NYON MONGS PA CAN GYI YID DO, ,'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL BA, SRID PA'I RTZE MO LAS GYEN DU BSKYOD PA'I GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BSTAN PA MA YIN PA RNAMS DANG, BSTAN PA RNAMS LAS KYANG KHA CIG 'GOG PA GANG YIN PA'O, ,'DI LA 'DI NI BYE BRAG YIN TE, GNAS PA'I 'DU SHES SNGON DU BTANG BA'I YID LA BYED PAS 'DI LA SNYOMS PAR 'JUG PA'O, ,BSTAN PA RNAMS LAS KYANG KHA CIG 'GOG PA ZHES BYA BA NI NYON MONGS PA CAN GYI YID MTSUNGS PAR LDAN PA DANG BCAS PA 'GOG PA'O, ,SNGA MA NI 'JIG RTEN PA RNAMS KYI SNYOMS PAR 'JUG PA'O, ,'GOG @23B PA'I SNYOMS PAR 'JUG PA NI CHOS 'DI PA RNAMS KYI STE, PHYIR MI 'ONG BA DANG, DGRA BCOM PA SNYOMS PAR 'JUG PA'O, ,DE DAG LA SOGS PA NI DE DAG GI KHYAD PAR RGYAS PA'O, ,'DU SHES MED PA GANG ZHE NA, 'DU SHES MED PA'I SNYOMS PAR 'JUG PA'I 'BRAS BU STE, 'DU SHES MED PA'I SEMS CAN GYI KHROD LHA RNAMS KYI NANG DU SKYES PA'I SEMS DANG SEMS LAS BYUNG BA'I CHOS BSTAN PA MA YIN PA RNAMS 'GOG PA'O, ,BSTAN PA MA YIN PA ZHES BYA BA NI 'JUG PA'I RNAM PAR SHES PA DRUG DGA' 'GOG PA GANG YIN PA'O, ,'DU SHES MED PA 'DI NI 'DU SHES MED PA'I SNYOMS PAR 'JUG PA'I 'BRAS BU'O, ,'BRAS BU CHE BA'I PHYOGS GCIG GI KHROD NA 'DU SHES MED PA'I LHA RNAMS 'KHOD DE, BSAM GTAN KHYAD PAR CAN DANG MTSUNGS SO, ,SROG GI DBANG PO GANG ZHE NA, RIS MTHUN PA RNAMS SU SNGON GYI LAS KYIS 'PHANGS PAS GANG 'DU BYED RNAMS KYI GNAS PA'I DUS NGES PA'O, ,SNGON GYI LAS KYI BAG CHAGS KYIS 'PHANGS PA'I RNAM PAR SMIN PA'I RGYUN GZHAN GYI MTHU LA SROG GI DBANG PO ZHES BYA'O, ,DE'I DBANG GIS JI SRID LAS YOD KYI BAR DU RIS 'DRA BA'I RGYUN 'CHAD PA ZHES BYA BA'I 'CHI BAR MI 'GYUR RO, , RIS MTHUN PA GANG ZHE NA, GANG SEMS CAN RNAMS KYI LUS 'DRA BA'O, ,SEMS CAN GYI RIS DE DANG DE DAG NA SEMS CAN DE DANG DE DAG GI LUS DANG DBANG PO DANG DBYIBS DANG G-YO BA DANG KHA ZAS LA SOGS PA MTHUN PAR BYED PA DANG, PHAN TSUN DU MNGON PAR DGA' BA'I 'BRAL PA'I RGYU'O, , DE LA 'GRO BA 'DRA BA NI 'DRA BA STE, LUS MTSUNGS PA NYID KYIS 'DRA BA NI 'DRA BA'O, ,SKYE BA GANG ZHE NA, RIS MTHUN PAR GANG 'DU BYED RNAMS MA BYUNG BA LAS BYUNG BA GANG YIN PA'O, ,RIS 'DRA BA NI MTHUN PA'O, ,DER 'DU BYED GZUGS LA SOGS PA MA BYUNG BA LAS NUR NUR PA LA SOGS PA'I DBANG PO LA SKYE BA ZHES GDAGS SO, ,RGA BA GANG ZHE NA, DE LTAR DE DAG GI RGYUN GZHAN DU GYUR PA'O, ,'DU BYED BYUNG BA DE DAG GI NUR NUR PO LA SOGS PA'I GNAS SKABS RNAMS LA RGA BA GDAGS SO, ,GNAS PA GANG ZHEN, DE LTAR DE DAG RGYUN RGYUD CHAGS PA'O, ,'DU BYED @24A *, ,'BYUNG BDE DAG GI SKAD CIG GCIG NAS GCIG TU BRGYUD PA MA SHI'I BAR DU NGES PAR GNAS PA LA GNAS PA GDAGS SO, ,MI RTAG PA NYID GANG ZHE NA, DE LTAR DE DAG GI RGYUN 'CHAD PA'O, ,'DU BYED RNAMS KYI SKAD CIG GCIG NAS GCIG TU BRGYUD PA NGES PAR 'BYUNG BAR GANG SHIN TU RGYUD CHAD PA DE LA MI RTAG PA NYID CES BYA'O, ,DE'I PHYIR 'CHI BA RNAM PA GNYIS SU 'GRUB PAR 'GYUR TE, RGA BA DANG GNAS PA'I DUS NA SKAD CIG MA 'CHI BA DANG, PHUNG PO ZHIG STE RGYUN 'CHAD PA'I 'CHI BA'O, ,BZHI PO DE DAG NI 'DUS BYAS KYI MTSAN NYID RNAMS SO, ,MING GI TSOGS GANG ZHE NA, CHOS RNAMS KYI NGO BO NYID KYI TSIG BLA DAGS SO, ,'DI LTA STE MIG GI CES BYA BA LA SOGS PA'O, ,TSIG GI TSOGS GANG ZHE NA, CHOS RNAMS KYI KHYAD PAR GYI TSIG BLA DAGS SO, ,'DI LTA STE KYE MA 'DU BYED MI RTAG STE ZHES BYA BA LA SOGS PA'O, ,JI TZAM GYIS BRJOD PAR 'DOD PA'I DON YONGS SU RDZOGS PA STE, GANG GIS PHYED PA DANG YON TAN DANG, DUS KYI 'BREL PA'I KHYAD PAR RNAMS RTOGS PAR BYED CES BYA'I THA TSIG GO, ,'DI LTA STE BUM PA BYAS ZHES BYA BA'I DAG 'DIS NI BYED PA'I 'BREL PA'I KHYAD PAR RTOGS PAR BYED DO, ,LHA SBYIN NAG PO DKAR PO SDO BA SANGS ZHES BYA BA NI YON TAN GYI 'BREL PA'I KHYAD PAR RO, ,LHA SBYIN 'TSED DO 'TSED BAR 'GYUR RO, ,BTZOS SO ZHES BYA BA 'DIS NI DUS KYI 'BREL BA'I KHYAD PAR RTOGS PAR BYED DO, ,DE LTAR RANG GI MTSAN NYID MNGON PAR BRJOD PA ZHES BYA STE, BYED PA DANG YON TAN DANG DUS KYI 'BREL BA'I KHYAD PAR BRJOD PA'I TSIG CES BYA'O, ,YI GE'I TSOGS GANG ZHE NA, YI GE RNAMS TE DE GNYI GA GSAL BAR BYED PA'I PHYIR RO ZHES BYA BA LA, GNYI GA NI CHOS RNAMS KYI NGO BO NYID DANG KHYAD PAR RO, ,GSAL BAR BYED CES BYA BA NI MNGON PAR BYED CES BYA BA'I THA TSIG GO, ,BRJOD PA YANG DE DAG YIN TE, MING DANG TSIG LA BRTEN NAS DON BRJOD PA'I PHYIR RO ZHES BYA BA LA, MING NI MIG CES BYA BA LA SOGS PA'O, ,TSIG NI MIG MI RTAG CES BYA BA LA SOGS PA'O, ,DE GNYI GA LA BRTEN NAS DON GYI RANG BZHIN DANG, BYE BRAG CES BYA BA BRJOD PA'I PHYIR BRJOD PA'O, , @24B YI GE YANG RNAM GRANGS GZHAN DU MI 'GYUR BAR BYED PA'I PHYIR RO ZHES BYA BA NI AA ZHES BYA BA 'DI RNAM GRANGS GZHAN GYIS BRJOD PAR MI NUS PA'I PHYIR RO, ,AA ZHES BYA BA LA SOGS PA YANG RIG PAR BYA'O, ,SO SO SKYE BO NYID GANG ZHE NA, 'PHAGS PA'I CHOS RNAMS MA THOB PA'O ZHES BYA BA NI GANG DAG SDIG PA MI DGE BA'I CHOS RNAMS LA THAG RING DU LOG PA DE DAG 'PHAGS PA RNAMS TE, DE DAG GI CHOS RNAMS MA THOB PA'O, ,'PHAGS PA NI SANGS RGYAS DANG, RANG SANGS RGYAS DANG, 'PHAGS PA NYAN THOS RNAMS YIN NA, DE DAG GANG GIS MA THOB, SMRAS PA, BYE BRAG TU MA PHYE BAS THAMS CAD KYIS MA THOB CES BSTAN PAR 'GYUR RO, ,MA THOB PA NI 'DIR THOB PA MED PAR BLTA'O, ,'DU BYED KYI PHUNG PO NI BSHAD ZIN TO, ,'DU BYED KYI PHUNG PO'I 'OG TU RNAM PAR SHES PA'I PHUNG PO BRJOD PAR BYA STE, DE SMRAS PA, RNAM PAR SHES PA GANG ZHE NA ZHES BYA BA STE; RNAM PAR SHES PA'I PHUNG PO ZHES BYA BA'I THA TSIG GO, ,DMIGS PA RNAM PAR RIG PA'O ZHES BYA BA LA, DMIGS PA NI RNAM PA DRUG STE, GZUGS DANG SGRA DANG DRI DANG RO DANG, REG BYA DANG, CHOS RNAMS SO, ,DE DAG KHONG DU CHUD PA NI RNAM PAR RIG PA STE RNAM PAR SHES PA'O, , DE DAG KYANG 'JUG PA'I RNAM PAR SHES PA DRUG GO, ,DE LA MIG GI RNAM PAR SHES PA GANG ZHE NA, MIG NI RTEN, GZUGS NI DMIGS PA STE, SO SOR RNAM PAR RIG PA'O, ,RNA BA'I RNAM PAR SHES PA GANG ZHE NA, RNA BA NI RTEN, SGRA NI DMIGS PA STE, SO SOR RNAM PAR RIG PA'O, , SNA'I RNAM PAR SHES PA GANG ZHE NA, SNA NI RTEN, DRI NI DMIGS PA STE, SO SOR RNAM PAR RIG PA'O, ,LCE'I RNAM PAR SHES PA GANG ZHE NA, LCE NI RTEN, RO NI DMIGS PA STE, SO SOR RNAM PAR RIG PA'O, ,LUS KYI RNAM PAR SHES PA GANG ZHE NA, LUS NI RTEN, REG BYA NI DMIGS PA STE, SO SOR RNAM PAR RIG PA'O, ,YID KYI RNAM PAR SHES PA GANG ZHE NA, YID NI RTEN, CHOS NI DMIGS PA STE, SO SOR RNAM PAR RIG PA'O, ,RNAM GRANGS BSTAN PA'I PHYIR 'DI SKAD BRJOD DO, ,SEMS DANG YID KYANG DE YIN TE, ,ZHES BYA'O, ,RNAM GRANGS KYI DON NO, ,SNA TSOGS PA DANG YID @25A *, ,RTEN BYED PA'I PHYIR RO ZHES BYA'O, ,DE LA SNA TSOGS PA'I PHYIR ZHES BYA BA NI SEMS TE, SNA TSOGS PA NI MIG GI RNAM PAR SHES PA LA SOGS PA GZUGS LA SOGS PA RNAM PA DU MA'I BYE BRAG GIS THA DAD PA RNAMS LA JI SNYED PA DE SNYED DE, GZUGS LA SOGS PA'I RNAM PA NYID CES BYA BA'I THA TSIG GO, ,DE'I PHYIR DE'I DBANG PO LAS BYUNG NAS YUL RNAM PAR SHES PA ZHES BYA STE, DBANG PO LA NI MA YIN NO, ,YID RTEN BYED CES BYA BA NI 'JUG PA'I RNAM PAR SHES PA DRUG YIN LA GNAS PA STE, JI SKAD DU, DRUG PO 'GAG MA THAG PA YI, ,RNAM SHES GANG YIN DE YID DO, ,ZHES BSHAD PA STE, GANG DANG GANG 'GAGS MA THAG PA DE LA YID CES BYA'O, ,DPER NA BU DE NYID GZHAN GYI PHA ZHES BYA BA DANG, 'BRAS BU DE NYID GZHAN GYI SA BON ZHES BYA BA DE BZHIN DU 'JUG PA'I RNAM PAR SHES PA'I 'BRSA BU DRUG PO DE DAG NYID 'GAGS PA NA GANG GI TSE RNAM PAR SHES PA GZHAN BYUNG BA'I RTEN DU GYUR PA DE'I TSE RTEN BYED CES BYA'O, ,DE LTAR 'JUG PA'I RNAM PAR SHES PA DRUG LA SEMS ZHES BSTAN TO, ,DNGOS SU NA, SEMS NI KUN GZHI RNAM PAR SHES PA STE, ,ZHES BYA BAR BLTA'O, ,DNGOS SUN SEMS NI KUN GZHI RNAM PAR SHES PA NYID YIN GYI, 'JUG PA'I RNAM PAR SHES PA DRUG MA YIN PAR CI MNGON ZHE NA, DE'I PHYIR 'DI LTAR 'DI NI 'DU BYED THAMS CAD KYI SA BON BSAGS PA'O ZHES BYA BA SMOS SO, ,'DU BYED THAMS CAD NI KUN NAS NYON MONGS PA'I CHOS RNAMS SO, ,DE DAG NI RKYEN BZHIS 'BYUNG STE, DE LA RGYU'I RKYEN NI KUN GZHI RNAM PAR SHES PA LA GNAS PA'I BAG CHAGS RNAMS SO, ,BDAG PO 'I KYEN NI DBANG PO DRUG PO RNAMS SO, ,MTSUNGS PA DE MA THAG PA'I RKYEN NI YOD DO, ,DMIGS PA'I RKYEN NI GZUGS LA SOGS PA'O, ,DE DAG 'BYUNG BA'I GO RIMS NI MIG LA SOGS PA RNAMS LA YANG BRTEN GZUGS LA SOGS PA LA YANG BRTEN NAS MIG GI RNAM PAR SHES PA LA SOGS PA 'BYUNG NGO, ,BYUNG MA THAG TU YID KYI RNAM PAR SHES PA YUL RNAMS LA RTOG GO, ,RNAM PAR RTOG PA LAS 'DOD CHAGS LA SOGS PA NYON MONGS PA 'BYUNG @25B DO; ,DE LA BSOD NAMS DANG BSOD NAMS MA YIN PA DANG, MI G-YO BA'I MTSAN NYID 'DU BYED CES BYA BA'I LAS 'BYUNG NGO, ,'DU BYED NI 'DIR SEMS PAR BLTA'O, ,SKYES PA'I LAS DE 'GAGS PA NA KUN GZHI RNAM PAR SHES PA LA BAG CHAGS SKYED PAR BYED DO, ,DE BZHIN DU KUN NAS NYON MONGS PA'I CHOS RNAMS KYANG KUN GZHI RNAM BAR SHES PA LA BAG CHAGS SKYED PAR BYED DO, ,BAG CHAGS KYI SA BON THAMS CAD GONG NAS GONG DU SOGS PA SA SEMS SO, ,JI LTAR KUN GZHI RNAM PAR SHES PA KUN NAS NYON MONGS PA'I 'DU BYED THAMS CAD KYI RGYU YIN PA DE BZHIN DU DE DAG KYANG KUN GZHI RNAM PAR SHES PA'I RGYU YIN NO, ,KUN GZHI RNAM PAR SHES PA DE NI RNAM PA GNYIS SU 'GYUR TE, RGYU ZHES BYA BA DANG, 'BRAS BU ZHES BYA'O, ,RGYU ZHES BYA BA NI BAG CHAGS SO, 'BRAS BU ZHES BYA BA NI RNAM PAR SMIN PA STE, SNGON GYI LAS KYI BAG CHAGS KYIS SKYED CES BYA BA'I THA TSIG GO, ,'DI LTAR GCIG GI RGYU LAS GCIG 'BYUNG BAR BLTA'O, ,DPER NA MAR ME 'BAR BA DANG, RAS TSIG PAR BYED PA 'BYUNG BA PHAN TSUN DUS MNYAM PA DANG, MDUNG KHYIM DUS GCIG BA GCIG GIS GCIG BRTEN TE MI 'GYEL BA LTAR 'BYUNG BA'I RGYU GANG YIN PA DE NI KUN GZHI RNAM PAR SHES PA YIN PAR KHONG DU CHUD PAR BYA'O, ,CI'I PHYIR KUN GZHI RNAM PAR SHES PA ZHES BYA BA DMIGS PA NI GANG, RNAM PA NI GANG ZHE NA, SMRAS PA, DE YANG DMIGS PA DANG, RNAM PA YONGS SU MA CHAD PA'O ZHES BYA BA'O, ,DE YANG CI DGE BA 'AM, MI DGE BA ZHIG SMRAS PA, MA YIN TE, RIGS GCIG BA DANG ZHES BYA BA STE, LUNG DU MA BSTAN PA'I RANG BZHIN ZHES BYA BA'I THA TSIG GO, ,SKAD CIG PA 'AM, SKAD CIG PA MA YIN PA ZHE NA, SMRAS PA, RGYUN CHAGS PAR 'JUG PA'O, ,ZHES BYA BA STE, SKAD CIG MA ZHES BYA BA'I THA TSIG GO, ,RANG BZHIN GCIG PA DE YOD PAR JI LTAR SHES PAR BYA ZHE NA, LUNG DANG RIGS PA LAS TE, LUNG GI BCOM LDAN 'DAS KYIS CHOS MNGON PA'I MDO LAS TSIGS SU BCAD DE GSUNGS PA, THOG MA MED PA'I DUS KYI DBYINGS, ,CHOS RNAMS @26A *, ,KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG THOB BAR 'GYUR, ,ZHES BYA'O, ,RIGS PA NI, 'DI LTAR 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA RNAMS LAS LANGS NAS YUL RNAM PAR RIG PA ZHES BYA BA 'JUG PA'I RNAM PAR SHES PA 'BYUNG BA DANG DMIGS PA'I RKYEN LA LTOS NAS ZHES BYA BA STE, 'DI LTAR ZHES BYA BA NI, GANG GI PHYIR ZHES BYA BA'I THA TSIG GO, ,'GOG PA'I SNYOMS PAR 'JUG PA LA SNYOMS PAR ZHUGS PA NA, 'JUG PA'I RNAM PAR SHES PA DRUG 'GAG GO, ,DE BZHIN DU 'DU SHES MED PA'I SNYOMS PAR 'JUG PA LA SNYOMS PAR ZHUGS PA DANG, 'DU SHES MED PA PA LAS LANGS NAS YANG YUL RNAM PAR RIG PA ZHES BYA BA 'JUG PA'I RNAM PAR SHES PA 'BYUNG BA GANG GI PHYIR ZHES BYA BA'I SKABS DANG SBYAR TE, DE'I RGYU NI KUN GZHI RNAM PAR SHES PA LA GNAS PA'I BAG CHAGS SO, ,DMIGS PA'I RKYEN LA LTOS NAS ZHES BYA BA LA, DMIGS PA NI YUL DRUG STE, GZUGS DANG, SGRA DANG, DRI DANG, RO DANG, REG BYA DANG, CHOS ZHES BYA'O, ,GAL TE KUN GZHI RNAM PAR SHES PA KHAS MI LEN NA 'JUG PA'I RNAM PAR SHES PA DRUG RGYU GANG LAS 'BYUNG BAR 'GYUR, DE LTA BAS NA KUN GZHI RNAM PAR SHES PA KHAS BLANG BAR BYA'O, ,RNAM PA GZHAN DU 'JUG PA NYID CES BYA BA NI MIG GI RNAM PAR SHES PA LA SOGS PAS SNGON PO LA SOGS PA'I RNAM PAR BYUNG BA NA, GANG LAS BYUNG BA DE KUN GZHI RNAM PAR SHES PA YIN NO, ,CHAD NAS YANG 'BYUNG BA ZHES BYA BA NI GNYID KYIS LOG PA DANG, BRGYAL BA LA SOGS PA'I DUS NA 'JUG PA'I RNAM PAR SHES PA RGYUN CHAD PA RNAMS GANG LAS 'BYUNG BAR 'GYUR BA DE KUN GZHI RNAM PAR SHES PA'O, ,'KHOR BAR 'JUG PA DANG LDOG PA'I PHYIR RO ZHES BYA BA LA, 'KHOR BA NI NYE BAR LEN PA'I PHUNG PO LNGA STE, DE DAG GI 'JUG PA DANG LDOG PA NI 'ONG BA DANG 'GRO BA'I DNGOS PO'O, ,DE LTA BU'I RANG BZHIN CAN GYI LUS KYI RGYU'I BYE BRAG NI KUN GZHI RNAM PAR SHES PA ZHES BYA'O, ,KUN GZHI RNAM PAR SHES PA DE @26B NYID NI SA BON THAMS CAD KYI GZHI NYID DANG, LUS KYI KUN GZHI DANG RGYU NYID CES BYA BA NI 'DI LTAR KUN NAS NYON MONGS PA'I CHOS THAMS CAD KYI SA BON GANG YIN PA DE DAG DE LA GNAS TE, DE'I PHYIR KUN GZHI RNAM PAR SHES PA ZHES BYA'O, ,YANG NA DE DE DAG LA RGYU'I DNGOS POR GNAS PA'O,, LUS LA GNAS PA NYID KYI PHYIR RO ZHES BYA BA NI 'DI LTAR RNAM PAR SHES PA DE LUS LA GNAS PA DE, DE'I PHYIR KUN GZHI RNAM PAR SHES PA ZHES BYA'O, ,LEN PA'I RNAM PAR SHES PA YANG DE YIN TE, LUS LEN PA'I PHYIR RO ZHES BYA BA NI KUN GZHI RNAM PAR SHES PA NYID LEN PA'I RNAM PAR SHES PA YIN TE, DGONGS PA NGES PAR 'GREL PA'I MDO LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO BZHIN DU 'BAB, ,BDAG TU RTOG PAR GYUR NA MI RUNG ZHES, ,'DI NI BYIS PA RNAMS LA NGAS MA BSTAN, ,CES GSUNGS PA LTA BU'O, ,DE'I PHYIR LEN PA'I RNAM PAR SHES PA ZHES BYA STE, DBANG PO GZUGS CAN THAMS CAD LEN PA DANG, LUS THAMS CAD LEN PA'I GNAS YIN PA DANG, LUS LEN PA'I PHYIR TE, 'DI LTAR DES DBANG PO GZUGS CAN DAG ZIN NA JI SRID 'TSO'I BAR DU MI 'CHI BAR GNAS SO, ,NYING MTSAMS SBYOR BAR BYED PA NA, YANG DE MNGON PAR 'GRUB PA DANG, LEN PAS LUS ZIN PA YIN TE, DE'I PHYIR, LUS LEN PA NYID KYI PHYIR RO ZHES SMOS SO, ,DNGOS SU NA YID NI KUN GZHI RNAM PAR SHES PA LA DMIGS TE ZHES BYA BA NI, KUN GZHI RNAM PAR SHES PA LA BDAG TU DMIGS ZHES BYA BA'I THA TSIG GO, ,DE NI RTAG TU RLOM SEMS BA'I BDAG NYID DE, RTAG TU BDAG TU RMONGS PA DANG, BDAG TU LTA BA DANG, BDAG TU NGA RGYAL BA DANG, BDAG TU 'CHAG PA LA SOGS PA DANG MTSUNGS PAR LDAN PA YIN TE, DE'I PHYIR DE NI KUN TU 'GRO BA ZHES BSHAD DE, DGE BA DANG MI DGE BA DANG LUNG DU MA BSTAN PA LA YANG 'BYUNG NGO, ,RNAM PAR SHES PA STE, RIGS GCIG BA ZHES BYA BA NI NYON MONGS PA CAN GYI RANG BZHIN ZHES BYA BA'I THA TSIG GO, ,RGYUN CHAGS PAR 'JUG PA STE ZHES BYA BA NI SKAD CIG PA ZHES BYA BA'I THA TSIG GO, ,DE NI KUN TU 'GRO BA @27A *, ,YIN YANG; DGRA BCOM PA DANG 'PHAGS PA'I LAM DANG, 'GOG PA'I SNYOMS PAR 'JUG PA'I DUS MA GTOGS SO, ,'PHAGS PA'I LAM GYI DUS DANG 'GOG PA'I SNYOMS PAR 'JUG PA'I DUS NA BAG CHAGS SKYED NAS 'GAG GO, ,LANGS NAS YANG SA BON DE LAS 'BYUNG NGO, ,DGRA BCOM PA'I DUS NA YONGS SU 'GAG GO, ,DE LTAR NA 'JUG PA'I RNAM PAR SHES PA DRUG DANG, KUN GZHI RNAM PAR SHES PA DANG, NYON MONGS PA CAN GYI YID DANG RNAM PAR SHES PA BRGYAD PO DE DAG NI RNAM PAR SHES PA'I PHUNG POR BSHAD PA YIN NO, ,RNAM PAR SHES PA'I PHUNG PO BSHAD ZIN TO, ,DE CI'I PHYIR PHUNG PO ZHES BYA ZHE NA, ZHES BYA BA BRJOD PAR BYA STE, SMRAS PA, SPUNGS PA'I PHYIR TE ZHES BYA BA'O, ,SPUNGS PA'I PHYIR ZHES BYA BA DE YANG JI LTAR SHES PAR BYA ZHE NA, 'DIR SMRAS PA DUS DANG, RGYUD DANG, RNAM PA DANG, 'GRO BA DANG, YUL THA DAD PA'I GZUGS LA SOGS PA MDOR BSDUS PA NYID KYI PHYIR RO ZHES BYA BA STE, SPUNGS PA'I DON DU RIG PAR BYA'O, ,DUS THA DAD PA'I GZUGS LA SOGS PA ZHES BYA BA NI DE BZHIN DU SO SOR SBYAR BAR BYA'O, ,SOGS PA SMOS PAS NI TSOR BA DANG, 'DU SHES DANG, 'DU BYED DANG, RNAM PAR SHES PA BSDU BAR RIG PAR BYA'O, ,DE LA 'DAS PA'I GZUGS NI 'DAS PA'I DUS TE, RGYU DANG 'BRAS BU SBYAD ZIN PA'I PHYIR RO, ,DA LTAR BYUNG BA'I GZUGS NI DA LTAR BYUNG BA'I DUS TE, RGYU NI SBYAD ZIN LA 'BRAS BU NI SPYAD MA ZIN PA'I PHYIR RO, ,MA 'ONGS PA'I GZUGS NI, MA 'ONGS PA'I DUS TE, RGYU DANG 'BRAS BU SPYAD MA ZIN PA'I PHYIR RO, ,RGYUD CES BYA BA NI SO SO'I RGYUD DE, GZUGS LA SOGS PA BSDU BAR RIG PAR BYA'O, ,RNAM PA ZHES BYA BA NI SNGON PO DANG SER PO LA SOGS PA'I RNAM PAR RIG PAR BYA'O, ,'GRO BA ZHES BYA BA NI 'GRO BA LNGA STE, SEMS CAN DMYAL BA DANG, YI DVAGS DANG, DUD 'GRO DANG, MI DANG, LHA'I 'GRO BA RNAMS SO, ,LHA MA YIN GYI 'GRO BA NI, LHA DANG YI DVAGS KYI 'GRO BAR 'DUS PA'I PHYIR GUD DUM SMOS SO, ,'GRO BA 'DI DAG NI GZUGS LA SOGS PA GANG DAG YOD PA DE @27B DAG NI 'GRO BA THA DAD PAS THA DAD PAR RIG PAR BYA'O, ,YUL THA DAD PA'I GZUGS LA SOGS PA NI NUB KYI BA LANG SPYOD LA SOGS PAS THA DAD PAR RIG PAR BYA'O, ,DE LTAR NA GZUGS LA SOGS PA RNAM PA DU MA MDOR BSDUS PA'I PHYIR GZUGS LA SOGS PA'I PHUNG PO ZHES BYA'O, ,CI'I PHYIR PHUNG PO'I DON DE SKAD BRJOD CE NA, 'JIG RTEN NA MTHONG BA'I PHYIR TE, DPER NA GANG DU MA ZLUM PA DE LA PHUNG PO ZHES BYA STE, 'BRU'I PHUNG PO BZHIN NO, ,PHUNG PO RNAMS NI BTAGS PA'I YOD PAR BSTAN PA YIN NO, ,SKYE MCHED BCU GNYIS NI MIG GI SKYE MCHED NAS, CHOS KYI SKYE MCHED KYI BAR DU'O, ,MIG LA SOGS PA NI SNGA MA BZHIN DU BSHAD DO ZHES BYA BA NI 'DI SKAD DU GZUGS KYI PHUNG POR GANG MIG LA SOGS PA DBANG PO LNGA BSTAN PA DE DAG NYID MIG LA SOGS PA'I SKYE MCHED DU BLTA BAR BYA'O, ,DE NYID DU GZUGS LA SOGS PA GANG DAG YUL LNGA BSTAN PA DE DAG NI GZUGS KYI SKYE MCHED NAS, REG BYA'I SKYE MCHED KYI BAR GYI SKYE MCHED LNGAR BLTA BAR BYA'O ZHES BSTAN PAR 'GYUR RO, ,DAR REG BYA'I SKYE MCHED NI 'BYUNG BA CHEN PO BZHI GANG YIN PA DANG, 'JAM PA LA SOGS PA REG BYA'I PHYOGS GCIG BSHAD PA GANG YIN PA DE LTAR REG BYA RNAM PA BCU GCIG PO DE DAG NI REG BYA'I SKYE MCHED DU RIG PAR BYA'O, ,YID KYI SKYE MCHED NI RNAM PAR SHES PA'I PHUNG PO GANG YIN PA STE, RNAM PAR SHES PA'I PHUNG PO GANG GONG DU BSHAD PA DE NYID YID KYI SKYE MCHED DU RIG PAR BYA'O, ,CHOS KYI SKYE MCHED NI GANG TSOR BA DANG, 'DU SHES DANG, 'DU BYED DANG, RNAM PAR RIG BYED MA YIN PA DANG, 'DUS MA BYAS SO ZHES BYA BA NI 'DI SKAD DU, CHOS KYI SKYE MCHED NI RDZAS BRGYAD PO STE, TSOR BA'I PHUNG PO DANG, 'DU SHES KYI PHUNG PO DANG, 'DU BDE KYI PHUNG PO DANG, RNAM PAR RIG BYED MA YIN PA DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, DE BZHIN NYID CES BSTAN PAR 'GYUR RO, ,DE LTAR NA PHUNG PO GSUM DANG, RNAM PAR RIG BYED MA YIN PA BSHAD ZIN TO, ,'DUS MA BYAS MA BSHAD PAS 'DIR SMRAS @28A *, ,PA; 'DUS MA BYAS GANG ZHE NA, NAM MKHA' DANG, SO SOR BRTAGS PA MA YIN PA'I 'GOG PA DANG, SO SOR BRTAGS PA'I 'GOG PA DANG, DE BZHIN NYID DO ZHES BYA BA STE, GANG RKYEN RNAMS LAS MA BYUNG BA DE NI 'DUS MA BYAS SU RIG PAR BYA'O, ,BZLOG PA NI 'DUS BYAS SO, ,DE LA NAM MKHA' GANG ZHE NA, GZUGS KYI GO 'BYED PA'O, ,'DI'I NANG DU DNGOS PO SHIN TU SNANG BAS NAM MKHA' STE, DE NI GZUGS KYI GO 'BYED PA TZAM DU BLTA BAR BYA'O, ,SO SOR BRTAGS PA MA YIN PA'I 'GOG PA GANG ZHE NA, GANG 'GOG PA BRAL BA MA YIN PA STE, DE NI GANG NYON MONGS PA'I GNYEN PO MED PAR PHUNG PO RNAMS GTAN DU MI SKYE'O ZHES BYA BA LA, SO SOR BRTAGS PA MED PA NI SO SOR BRTAGS PA MA YIN PA'O, ,GANG DES 'GOG PA NI SO SOR BRTAGS PA MA YIN PAS 'GOG PA STE, BLO SNGON DU MA BTANG ZHES BYA BA'I THA TSIG GO, ,'DI LTA STE, YUL GCIG LA BLO GTAD PA NA DE'I TSE DE LAS GZHAN PA YUL GZUGS LA SOGS PA 'GAGS NA RTEN DE DANG DMIGS PA LA RAG LAS TE SKYE BA'I MIG LA SOGS PA'I RNAM PAR SHES PA MA 'ONGS PA RNAMS RGYU DANG DMIGS PA DANG BDAG PO'I RKYEN TSOGS SU ZIN KYANG BZHI PA MTSUNGS PA DE MA THAG PA'I RKYEN MED PA'I PHYIR RO, ,MI SKYE BA GANG YIN PA DE NI SO SOR BRTAGS PA MA YIN PA'I 'GOG PA STE, DE NI BRAL BA MA YIN NO, ,CI'I PHYIR ZHE NA, NYON MONGS PA RNAMS KYI GNYEN PO MED PA'I PHYIR RO, ,DE YANG PHUNG PO RNAMS GTAN DU MI SKYE BAR BLTA STE, CI'I PHYIR ZHE NA, RNAM PAR SHES PA'I TSOGS LNGA'I YUL NI DE LTAR YIN PA'I PHYIR TE, DE DAG 'DAS PA'I YUL LA DMIGS PAR MI NUS SO, ,SO SOR BRTAGS PA'I 'GOG PA GANG ZHE NA, GANG 'GOG PA DE NI BRAL BA STE, DE NI GANG NYON MONGS PA'I GNYEN POS PHUNG PO RNAMS GTAN DU MI SKYE BA'O, ,SO SOR BRTAGS PA ZHES BYA BA NI 'BAD PAS GRUB PA'I SHES RAB STE, DES BDEN PA BZHI LA SO SOR RTOG GO, ,YANG NA SO SOR RANG GI BDEN PA SO SOR YANG DAG PAR RTOGS PA NI, SO SOR BRTAGS PA STE, MNGON SUM DU BYED BYA BA'I THA TSIG GO, ,DES THOB PA'I 'GOG PA NI SO SOR BRTAGS PAS 'GOG PA'O, ,YANG NA SO SOR @28B RTOGS PA NYID SO SOR BRTAGS PA STE, SHES RAB KYI BYE BRAG GO, ,DES THOB PAR BYA BA STE, THOB PA'I SGRA NI TSIG PAR MI MNGON PAR BYAS PA'I PHYIR RO, ,DPER NA GLANG DANG LDAN PA'I SHING RTA LA GLANG GI SHING RTA ZHES BYA BA BZHIN TE, LDAN PA'I SGRA MI MNGON PAR BYAS PA'I PHYIR RO, ,DE NI ZAG PA DANG BCAS PA'I CHOS RNAMS DANG BRAL BA STE, DE'I PHYIR DE NI GANG NYON MONGS PA'I GNYEN POS MI SKYE BA'O ZHES BYA BA SMRAS SO, ,THAR PA ZHES BYA BA DE THOB NA NYON MONGS PA RNAMS GTAN DU MI SKYE STE, NGES PAR 'GOG PA'I PHYIR RO, ,SO SOR BRTAGS PAS 'GOG PA ZHES BYA'O, ,DE BZHIN NYID GANG ZHE NA, GANG CHOS RNAMS KYI CHOS NYID DANG, CHOS BDAG MED PA NYID DO, ,GZHAN MA YIN PA'I PHYIR DE BZHIN NYID DO, ,CHOS RNAMS ZHES BYA BA NI GZUGS LA SOGS PA'O, ,CHOS NYID CES BYA BA NI GANG DE DAG GI NGO BO NYID DO, ,CHOS BDAG MED PA JI LTAR NGO BO NYID DU 'GYUR, 'DI LTAR SNAM BU ZHES BYA BA LA SOGS PA'I CHOS RNAMS RNAM PAR SPYAD NA NGO BO NYID DU MI GNAS SO, ,JI LTAR SNAM BU SNAM BU'I NGO BOR MA GRUB PA DE BZHIN DU RGYU SKUD PA YANG RGYU SKUD PA'I NGO BOR MA GRUB STE, CI'I PHYIR ZHE NA, CHA SHAS KYI BDAG NYID YIN PA'I PHYIR RO, ,CHA SHAS RNAMS KYANG CHA SHAS RNAMS KYI NGO BOR MA GRUB STE, CI'I PHYIR ZHE NA, NYAG MA'I CHA'I BDAG NYID YIN PA'I PHYIR RO, ,NYAG MA'I CHA LA SOGS PA YANG DE BZHIN DU RIG PAR BYA STE, DE LTAR CHOS THAMS CAD NGO BO NYID MED PAR BLTA'O, ,CI'I PHYIR SKYE MCHED CES BYA ZHE NA, RNAM PAR SHES PA SKYE BA'I SGO'I PHYIR RO ZHES BYA BA NI GANG GI PHYIR SKYE MCHED BCU GNYIS PO DE DAG MTSUNGS PAR LDAN PA DANG BCAS PA'I 'JUG PA'I RNAM PAR SHES PA DRUG SKYE BA'I SGOR GYUR PA DE'I PHYIR SKYE MCHED CES BYA'O, ,NGES PA'I TSIG TU NA SEMS DANG SEMS LAS BYUNG BA ZHES BYA BA SKYE BA MCHED PAR BYED PAS SKYE MCHED DO; ,MCHED PA NI RGYAS PA STE, RGYAS BAR BYED CES BYA BA'I THA TSIG GO, ,SKYE MCHED RNAMS BSHAD ZIN TO, ,KHAMS BCO BRGYAD NI ZHES BYA BA BRJOD PAR BYA STE, DE DAG SMRAS PA, MIG GI KHAMS DANG ZHES BYA BA RGYA CHER 'BYUNG BA'O, ,MIG LA SOGS PA'I KHAMS DANG GZUGS LA @29A *, ,SOGS PA'I SKYE MCHED RNAMS JI LTA BA BZHIN NO ZHES BYA BA NI 'DI SKAD DU GANG DAG MIG LA SOGS PA'I SKYE MCHED LNGA DANG, GANG YANG YUL GZUGS LA SOGS PA DE DAG SKYE MCHED DU BSTAN PA DE DAG NYID MIG LA SOGS PA'I KHAMS DANG, GZUGS LA SOGS PA'I KHAMS SU BLTA BAR BYA'O ZHES BSTAN PAR 'GYUR RO, ,SOGS PA SMOS PAS NI RNA BA DANG SNA DANG, LCE DANG LUS ZHES BYA BA BSDU'O, ,YUL RNAMS LA YANG SGRA DANG DRI DANG RO DANG REG BYA ZHES BYA BA'I SKYE MCHED RNAMS BSDU'O, ,RNAM PAR SHES PA'I KHAMS DRUG PO 'DI DAG NI MIG LA SOGS PA DAG LA BRTEN TE GZUGS LA SOGS PA DMIGS PA RNAM PAR RIG PA'O ZHES BYA BA NI 'DI SKAD DU MIG DANG, RNA BA DANG, SNA DANG, LCE DANG, LUS DANG, YID CES BYA BA'I KHAMS RNAMS NI MIG LA SOGS PA'I RNAM PAR SHES PA'I KHAMS DRUG GI RTEN YIN LA, PHYI ROL GYI KHAMS DRUG GZUGS DANG, SGRA DANG, DRI DANG, RO DANG, REG BYA DANG, CHOS ZHES BYA BA NI DMIGS PAR BSTAN PAR 'GYUR TE, DE NI 'DI SKAD DU DRUG PA GNYIS LAS RNAM PAR SHES PA'I KHAMS DRUG 'BYUNG NGO ZHES STON PAR 'GYUR RO, ,YID KYI KHAMS ZHES SMOS PA 'JUG PA'I RNAM PAR SHES PA DRUG LAS KYI YID KYI KHAMS ZHES BYA BA GUD NA YOD DAM SMRAS PA, GZHAN GANG YANG MED DE, DE DAG NYID 'GAG MA THAG PA STE, 'JUG PA'I RNAM PAR SHES PA'I KHAMS DRUG GI RGYUR 'GYUR TE, RNAM PAR SHES PA GZHAN SKYED PA LA YID KYI KHAMS ZHES BYA'O; ,GZHAN DU NA NI GCIG GI NANG DU GCIG 'DUS PA'I PHYIR KHAMS BCU BDUN NAM KHAMS BCU GNYIS SU 'GYUR RO, ,MIG GI RNAM PAR SHES PA LA SOGS PA LNGA'I RTEN NI MIG DANG, RNA BA DANG, SNA DANG, LCE DANG, LUS ZHES BYA BA YIN NA RNAM PAR SHES PA DRUG PA GANG LA BRTEN NAS 'BYUNG BA'I GNAS GANG YANG MED PAS, DE'I PHYIR RNAM PAR SHES PA DRUG PA'I RTEN BSTAN PA DANG, KHAMS BCO BRGYAD DU BSKANG BA'I PHYIR YID KYI KHAMS 'DOD DO, ,DE LTAR NA GZUGS KYI PHUNG PO GANG YIN PA DE NI SKYE MCHED DANG, KHAMS BCU DANG, CHOS KYI SKYE MCHED @29B DANG KHAMS KYI PHYOGS GCIG GO ZHES BYA BA NI PHUNG PO RNAM PAR GZHAG PA LA GZUGS KYI PHUNG PO'O, ,DE NYID SKYE MCHED RNAM PAR GZHAGS PA NA SKYE MCHED BCU STE, MIG DANG, RNA BA DANG, SNA DANG, LCE DANG, LUS DANG, GZUGS DANG, SGRA DANG, DRI DANG, RO DANG, REG BYA'I SKYE MCHED RNAMS SO, ,CHOS KYI SKYE MCHED DANG, KHAMS KYI PHYOGS GCIG CES BYA BA NI DER RNAM PAR RIG BYED MA YIN PA'I GZUGS SO, ,DE DAG NYID KHAMS BCU GCIG TU RIG PAR BYA STE, MIG GI KHAMS NAS REG BYA'I KHAMS KYI BAR DU'O, ,DE LTAR GZUGS KYI PHUNG PO RNAM PAR DBYE'O, ,RNAM PAR SHES PA'I PHUNG PO GANG YIN PA DE NI YID KYI SKYE MCHED DANG, SEMS KYI KHAMS BDUN NO ZHES BYA BA NI PHUNG PO RNAM PAR GZHAG PA LA RNAM PAR SHES PA'I PHUNG PO'O, ,DE NYID SKYE MCHED RNAM PAR GZHAG PA NA YID KYI SKYE MCHED DO, ,SEMS KYI KHAMS BDUN NI MIG GI RNAM PAR SHES PA'I KHAMS DANG, RNA BA'I RNAM PAR SHES PA'I KHAMS DANG, SNA'I RNAM PAR SHES PA'I KHAMS DANG, LCE'I RNAM PAR SHES PA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, YID KYI RNAM PAR SHES PA'I KHAMS SO, ,DE LTAR RNAM PAR SHES PA'I PHUNG PO YANG, KHAMS DANG SKYE MCHED DU RNAM PAR GZHAG PAR RIG PAR BYA'O, ,GZHAN PHUNG PO GSUM PO GANG YIN PA TSOR BA DANG, 'DU SHES DANG, 'DU BYED CES BYA BA DANG, GZUGS KYI PHUNG PO'I PHYOGS GCIG RNAM PAR RIG BYED MA YIN PA ZHES BYA BA DANG; 'DUS MA BYAS RNAM PA BZHI PO NAM MKHA' DANG, SO SOR BRTAGS PA MA YIN PA'I 'GOG PA DANG, SO SOR BRTAGS BA'I 'GOG PA DANG, DE BZHIN NYID DANG, DE LTAR RDZAS BRGYAD PO 'DI NI CHOS KYI SKYE MCHED DANG, CHOS KYI KHAMS SU RIG PAR BYA'O, ,DE LTAR PHUNG PO LNGA PO DAG SKYE MCHED BCU GNYIS DANG, KHAMS BCO BRGYAD DU BSTAN PA YIN NO, ,CI'I PHYIR KHAMS ZHES BYA ZHE NA, BYED PA MED LA RANG GI MTSAN NYID 'DZIN PA'O, ,BYED PA MED PA NI MIG GI KHAMS GANG GI TSE MIG GI KHAMS GZHAN SKYED PA DE'I TSE DE 'DI SNYAM DU BDAG GIS MIG GI KHAMS @30A *, ,BSKYED PAR BYA'O SNYAM DU MI SEMS PA'O, ,KHAMS BCU BDUN LA YANG DE BZHIN DU BLTA BAR BYA'O, ,CI'I PHYIR PHUNG PO LA SOGS PA BSHAD CE NA ZHES BYA BA NI GZHAN 'DI SNYAM DU SEMS TE, 'DI LTAR PHUNG PO LAS GUD NA SKYE MCHED RNAMS DANG, KHAMS RNAMS MED DO, DE'I PHYIR PHUNG PO BSHAD PA NYID KYIS YONGS SU RDZOGS PA, SKYE MCHED DANG KHAMS BSHAD PAR MI BYA'O SNYAM DU SEMS PA LA SMRAS PA, BDAG TU 'DZIN PA RNAM PA GSUM GYI GNYEN POR BYA BA NYID DE, BDAG TU 'DZIN PA RNAM PA GSUM NI GCIG PUR 'DZIN PA DANG, ZA BAR 'DZIN PA DANG BYED PAR 'DZIN PA'O, ,GCIG PUR 'DZIN ZHES BYA BA NI PHUNG PO LA RIL POR BDAG TU 'DZIN PA'I DON GANG YIN PA'O, ,ZA BAR 'DZIN PA NI GANG YUL LA SPYOD PA DE LA BDAG YIN PAR 'DZIN PA'O, ,BYED PAR 'DZIN ZHES BYA BA NI GANG BYED BA DANG LDAN PAS BYED PA DE BDAG CES BYA BA'O, ,DE LTAR BDAG TU 'DZIN PA RNAM PA GSUM BZLOG PA'I PHYIR GO RIMS BZHIN DU SANGS RGYAS BCOM LDAN 'DAS RNAMS KYIS PHUNG PO DANG, SKYE MCHED DANG, KHAMS BSHAD PAR KHONG DU CHUD PAR BYA'O, ,KHAMS BCO BRGYAD LA GZUGS CAN DU ZHE NA ZHES BYA BA NI DRI BA'O, ,GANG DAG GZUGS KYI PHUNG PO'I NGO BO NYID DO ZHES BYA BA NI MIG GI KHAMS NAS REG BYA'I KHAMS KYI BAR DU'O, GZUGS CAN MA YIN PA DU ZHE NA, LHAG MA RNAMS SO BYA BA NI BRGYAD DE MIG GI RNAM PAR SHES PA'I KHAMS NAS CHOS KYI KHAMS KYI PHYOGS GCIG GI BAR DU'O, ,KHAMS BCVA BRGYAD PO DE DAG LA BSTAN DU YOD PA DU ZHE NA ZHES BYA BA NI DRI BA'O, ,GZUGS KYI KHAMS GCIG STE, YUL BSTAN DU YOD PA'O ZHES BYA BA NI YUL BSTAN DU YOD PA STE, 'DI NI 'DI NA'O, ,PHA BI NI PHA BI NA'O ZHES BSTAN PAR NUS PA'I PHYIR RO, ,KHAMS BCU BDUN NI BSTAN DU MED PA ZHES BYA BAR GRUB PA YIN NO; ,KHAMS BCO BRGYAD PA DE DAG LA THOGS PA DANG BCAS PA DU ZHE NA, GZUGS CAN BCU STE, GANG LA GANG THOGS PA'O ZHES BYA BA NI GZHAN LA MI 'JUG PA'O, ,GZUGS NI MIG LA YANG THOGS TE, DBANG PO GZHAN GYI YUL GYI DNGOS POR MI 'GRO BA'I PHYIR RO, ,DE BZHIN DU @30B GZHAN BRGYAD LA YANG RIG PAR BYA STE, RNA BA NAS REG BYA'I BAR DU'O, ,GZHAN NI THOGS PA MED PA STE, MIG GI RNAM PAR SHES PA NAS CHOS KYI KHAMS KYI BAR DU'O, ,KHAMS BCO BRGYAD PO DE DAG ZAG PA DANG BCAS PA DU ZHE NA ZHES BYA BA NI DRI BA'O, ,BCO LNGA NI ZAG BA DANG BCAS PA'O, , THA MA GSUM GYI CHA NI THA MAR BSTAN PAS THA MA STE, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS SO, ,DE DAG GI PHYOGS GCIG NI ZAG PA MED PA STE, 'DUS MA BYAS ZHES BYA'O, ,KHAMS BCO LNGA NI MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS NAS, DE BZHIN DU LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS KYI BAR DU'O, ,ZAG PA DANG LHAN CIG BYUNG BAS ZAG PA DANG BCAS PA'O, ,ZAG PA RNAMS NI NYON MONGS PA RNAMS SO, ,DE DAG JI LTAR ZAG PA RNAMS DANG BCAS PA ZHES BYA ZHE NA, DE DAG NYON MONGS PA SKYE BA'I MNGON SUM GYI SPYOD YUL GYI PHYIR RO ZHES BYA BA NI MIG LA BRTEN, GZUGS LA BRTEN NAS MIG GI RNAM PAR SHES PA 'BYUNG STE, MIG GI RNAM PAR SHES PAS MYONG BA'I GZUGS RNAMS YID KYI RNAM PAR SHES PAS RTOG GO, ,RNAM PAR RTOG PA LAS NYON MONGS PA RNAMS 'BYUNG NGO, ,LHAG MA RNAMS LA YANG DE BZHIN DU BRJOD PAR BYA'O, ,ZAG PA MED PA DU ZHE NA, THA MA GSUM GYI CHA'O ZHES BYA BA NI YID KYI KHAMS DANG, YID KYI RNAM PAR SHES PA'I KHAMS DANG, CHOS KYI KHAMS DANG, DE GSUM GYI CHA NI CHOS KYI KHAMS KYI PHYOGS GCIG STE, 'DUS MA BYAS ZHES BYA'O, ,YANG NA GANG GI TSE DE DAG 'PHAGS PA'I LAM GYIS BSDUS PAR GYUR PA DE'I TSE ZAG PA MED PAR 'GYUR RO, ,KHAMS BCO BRGYAD PO DE DAG LA 'DOD PA DANG, RAB TU LDAN PA DU ZHE NA ZHES BYA BA LA SOGS PA NI 'DRI BA'O, ,'DOD PA DANG, RAB TU LDAN PA DU ZHES BYA BA NI 'DOD PA'I KHAMS DANG LDAN PA ZHES BYA BA'I THA TSIG GO, ,LDAN PA NI ZIN PA STE, RAB TU LDAN PA ZHES BYA BA'I THA TSIG GO, ,THAMS CAD DO ZHES BYA BA NI BCO BRGYAD DO, ,GZUGS DANG RAB TU LDAN PA DU ZHE NA, BCU BZHI STE, DRI DANG, RO DANG, SNA DANG, LCE'I RNA @31A *, ,PAR SHES PA MA GTOGS PA'O ZHES BYA BA NI 'DI SKAD DU GZUGS KYI KHAMS NA DRI'I KHAMS DANG, RO'I KHAMS MED DE, DE DAG KHAM GYIS ZA BA'I 'DOD CHAGS DANG BRAL BA'I PHYIR RO, ,DRI DANG RO MED PA'I PHYIR DE LA 'DZIN PA'I SNA DANG, LCE'I RNAM PAR SHES PA'I KHAMS YANG MED DO, , LHAG MA BCU BZHI NI YOD DO, ,GZUGS MED PA DANG RAB TU LDAN PA DU ZHE NA, THA MA GSUM MO ZHES BYA BA NI YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS SO, ,MI LDAN PA DU ZHE NA GSUM GYI CHA 'O ZHES BYA BA NI GANG DAG ZAG PA MED PA'O, ,'DIR PHUNG POR BSDUS PA DU ZHE NA, 'DUS MA BYAS MA GTOGS PA'O, ,NYE BAR LEN PA'I PHUNG POR BSDUS PA DU ZHE NA, GANG DAG ZAG PA DANG BCAS PA RNAMS SO, ,DGE BA DU MI DGE BA DU LUNG DU MA BSTAN PA DU ZHE NA ZHES BYA BA NI DRI BA'O, ,BCU NI RNAM PA GSUM CHAR TE ZHES BYA BA LA, BCU NI DGE BA DANG, MI DGE BA DANG, LUNG DU MA BSTAN PA DANG YANG YIN NO, ,BCU GANG ZHE NA, SEMS KYI KHAMS BDUN NI MIG GI RNAM PAR SHES PA'I KHAMS NAS, YID KYI KHAMS KYI BAR DANG, GZUGS KYI KHAMS DANG, SGRA'I KHAMS DANG, CHOS KYI KHAMS SO, ,LHAG MA BRGYAD NI LUNG DU MA BSTAN PA'O ZHES BYA BA NI MIG DANG, RNA BA DANG, SNA DANG, LCE DANG, LUS DANG, DRI DANG, RO DANG, REG BYA ZHES BYA BA RNAMS TE, DGE BA DANG, MI DGE BAR LUNG DU BSTAN DU MED PA'I PHYIR LUNG DU MA BSTAN PA ZHES BYA'O, ,NANG GI DU ZHE NA, BCU GNYIS TE, MIG DANG, RNA BA DANG, SNA DANG, LCE DANG, LUS DANG, MIG GI RNAM PAR SHES PA'I KHAMS NAS YID KYI KHAMS KYI BAR DU'O, ,BDAG YOD PA MA YIN NA NANG DANG PHYI ZHES JI SKAD DU BYA, SO SO'I LUS KYI SEMS KYI RGYUD DE LA NGA'O SNYAM PA'I NGA RGYAL BSKYED PA NI BDAG STE, DE'I DBANG DU BYAS NAS NANG ZHES BYA'O, ,DMIGS PA DANG BCAS PA DU ZHE NA ZHES BYA BA NI DE DAG, LA DMIGS PA YOD PA'I PHYIR TE, 'DI LA RNAM PAR SHES PA LNGA'I KHAMS NI YUL DMIGS PA YONGS SU GCOD PA STE, YUL SO SOR NGES PA'I PHYIR RO, ,YUL LA BRDA MI BYED PA YANG YIN TE, MING DANG YI GER BYED MI NUS PA'I PHYIR RO, ,DE LAS BZLOG PA NI YID KYI RNAM PAR SHES PA'I KHAMS SU RIG @31B PAR BYA'O; ,DE DAG KYANG SEMS KYI KHAMS BDUN ZHES BYA BA NI MIG GI RNAM PAR SHES PA'I KHAMS NAS YID KYI KHAMS KYI BAR DU'O, ,CHOS KYI KHAMS KYI PHYOGS GCIG KYANG YIN TE, GANG SEMS LAS BYUNG BA'O ZHES BYA BA NI TSOR BA DANG, 'DU SHES DANG, 'DU BYED KYI PHUNG PO RNAMS SO, ,DMIGS PA MED PA DU ZHE NA, LHAG MA BCU NI GZUGS CAN DANG, CHOS KYI KHAMS KYI PHYOGS TE, SEMS LAS BYUNG BA'I RANG BZHIN MA YIN PA'O, ,KHAMS BCO BRGYAD PO DE DAG LA, RNAM PAR RTOG PA DANG BCAS PA DU ZHE NA ZHES BYA BA NI DRI BA'O, ,YID KYI KHAMS DANG, YID KYI RNAM PAR SHES PA'I KHAMS DANG; CHOS KYI KHAMS KYI PHYOGS SO ZHES BYA BA NI TSOR BA DANG, 'DU SHES DANG, 'DU BYED KYI PHUNG PO'O, ,ZIN PA DU ZHE NA, NANG GI LNGA NI MIG DANG, RNA BA DANG, SNA DANG, LCE DANG, LUS ZHES BYA BA'O, ,BZHI NI PHYOGS TE ZHES BYA BA LA, PHYOGS NI GZUGS DANG, DRI DANG, RO DANG, REG BYA RNAMS KYI'O, ZHES BYA BA NI LUS LA GZUGS LA SOGS PA YOD PA DE DAG ZIN PA'O, ,GANG DAG PHYI ROL DU GYUR PA DE DAG NI ZIN PA MA YIN PA'O, ,BSTEN PA MTSUNGS PA DU ZHE NA, NANG GI GZUGS CAN LNGA STE, MIG DANG, RNA BA DANG, SNA DANG, LCE DANG, LUS ZHES BYA BA RNAMS SO, ,RANG GI RNAM PAR SHES PA DAG GIS RANG GI YUL DANG MTHUN PA NYID KYI PHYIR RO ZHES BYA BA NI DBANG PO DANG YUL DANG RNAM PAR SHES PA RNAMS KYI BSTAN PA NI MTSUNGS PA STE, DE'I DBANG DU BYAS NAS 'DZIN PA'I PHYIR RO, ,CHA MTSUNGS PA DANG, RIG PA MTSUNGS PA ZHES BYA BA'I THA TSIG GO, ,DE NI 'DI SKAD DU GANG RNAM PAR SHES PA DANG BCAS PA'I MIG DE LA MTSUNGS PA ZHES BYA BAR BSTAN PAR 'GYUR RO, ,DE DAG DANG MTSUNGS PA DU ZHE NA, DE DAG NYID RANG GI RNAM PAR SHES PAS STONG PA STE, RANG GI RIGS DANG MTHUN PA'I PHYIR RO ZHES BYA BA NI RNAM PAR SHES PA MED PA'I MIG LA DE DANG MTSUNGS PA ZHES BYA'O, ,RNA BA DANG, SNA DANG, LCE DANG, LUS LA YANG DE BZHIN DU RIG BAR BYA'O, ,PHUNG PO LNGA'I 'GREL PA SLOB DPON YON TAN 'OD KYIS MDZAD PA RDZOGS SO,, ,,RGYA GAR GYI MKHAN PO DZIN MI TRA DANG, D'A NA SH'I LA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA,, ,, @32A #, ,RGYA GAR SKAD DU, PANYTZA SKAN DHA BH'A shYAm, BOD SKAD DU, BUNG PO LNGA'I BSHAD PA, 'JAM DPAL GZHON NUR GYUR PA LA PHYAG 'TSAL LO, ,RAB TU BYED PA 'DI BSHAD PA LA DON RNAM PA BZHI DANG POR BSTAN DGOS TE, DON RNAM PA BZHI NI MCHOD PA'I CHO GA BRJOD PA DANG; 'BREL PA DANG, DGOS PA DANG, DGOS PA'I YANG DGOS PA'O, ,DE LA MCHOD PA'I CHO GA BRJOD PA NI BDAG GANG LA DAD PA'I LHA'I YON TAN BSTOD CING BRJOD PA STE, DE YANG SKYES BU DAM PA RNAMS KYI LUGS DANG MTHUN PAR BYA BA DANG, BGEGS KYIS BAR CHAD MA BYAS PAR GTZUG LAG BRTZAMS PA MTHAR PHYIN PAR BYA BA'I PHYIR DANG POR MI BRJOD DU MI RUNG NGO, ,DE LA GTZUG LAG 'DI YANG MNGON PA'I CHOS MDZOD LA 'JUG PA'I SGO LTA BUR GYUR BA DANG DE'I YAN LAG TU GTOGS PA, BSTOD PA'I CHO GA NI MNGON PA'I CHOS MDZOD KYI MGOR GLENGS ZIN PAS, DER 'DUS PA'I PHYIR LOGS SHIG TU MA BSHAD DO, ,'BREL PA NI BCOM LDAN 'DAS KYIS SEMS CAN RNAMS KYI DON DU MNGON PA'I CHOS LE'U 'BUM GSUNGS TE, DE NI GZHUNG MANGS PAS KUN GYIS KHONG DU CHUD PAR MI 'GYUR LA, YI GE NYUNG NGU GTZUG LAG CHUNG NGU 'DI TZAM KHONG DU CHUD PAS MNGON PA'I CHOS 'BUM GYI MTSAN NYID LA MKHAS PAR 'GYUR TE, DE LTAR NA MNGON PA'I CHOS 'BUM DANG GTZUG LAG 'DIR 'BREL TO, ,DGOS PA NI CHOS RNAMS KYI MTSAN NYID LA MKHAS PAR BYA BA'I PHYIR GTZUG LAG 'DI BRTZAMS TE, CHOS KYI MTSAN NYID LA MKHAS PAR BYA BA NYID DGOS PA'O; ,DE LA CHOS RNAM PA GNYIS TE, ZAG PA MED PA'I PHUNG PO LNGA DANG, ZAG PA DANG BCAS PA'I PHUNG PO LNGA'O, ,DE LA ZAG PA DANG BCAS PA'I PHUNG PO LNGA NI GZUGS KYI PHUNG PO NAS RNAM PAR SHES PA'I PHUNG PO'I BAR DU LNGA'O, ,ZAG PA MED PA'I PHUNG PO LNGA NI TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO'O, ,CHOS RNAMS KYI MTSAN NYID KYANG RNAM PA GNYIS TE, RANG GI MTSAN NYID DANG, SPYI'I MTSAN NYID DO, ,DE LA RANG GI MTSAN NYID NI DPER NA @32B SA'I RANG GI MTSAN NYID SRA BA DANG, CHU'I RANG GI MTSAN NYID GSHER BA DANG, ME'I RANG GI MTSAN NYID TSA BA DANG, RLUNG GI RANG GI MTSAN NYID G-YO BA'O, ,SPYI'I MTSAN NYID NI MI RTAG PA DANG, SDUG BSNGAL BA DANG, STONG PA DANG, BDAG MED PA STE, GTZUG LAG 'DI THOS NA CHOS DE DAG GI RANG DANG SPYI'I MTSAN NYID LA MKHAS PAR 'GYUR RO, ,CHOS RNAMS KYI RANG DANG SPYI'I MTSAN NYID LA MKHAS PA NI MNGON PA'I CHOS MDZOD DANG RNAL 'BYOR SPYOD PA'I SA LAS KYANG DPYAD ZIN PAS NA 'DI BRTZAMS PA DON MED DO ZHE NA, LAN DU SLOB MA RNAM PA GNYIS TE, SPROS PAS SHES PA DANG, GLENGS PAS SHES PA'O, ,DE LA SPROS PAS SHES PA NI GZHUNG ZHIB TU BSHAD NA, DON RTOGS PAR 'GYUR BA STE, DE DAG GI DON DU NI MNGON PA'I CHOS MDZOD LA SOGS PA YANG DGOS PAR 'GYUR RO, ,GLENGS PAS SHES PA NI MDO TZAM DU BSTAN NA DON MANG DU KHONG DU CHUD PAR 'GYUR BA STE, DE'I PHYIR GTZUG LAG 'DI BRTZAMS PAS NA BRTZAMS PA DON MED PA MA YIN NO, ,YANG NA KHYIM NA GNAS PA KHA CIG CHOS KYI MTSAN NYID LA YANG DAG PAR MKHAS PAR 'DOD LA ZHING DANG TSONG LA SOGS PA 'PHRAL GYI BYA BA LA THOGS PAS GZHUNG MANG POR NYAN PAR MI NUS PA DANG, RAB TU BYUNG BA RNAL 'BYOR YID LA BYED PA KHA CIG GZHUNG MANG PO MNYAN NA, RNAL 'BYOR GYI BAR CHAD DU 'ANG 'GYUR DU DOGS LA, CHOS KYI MTSAN NYID LA'ANG MKHAS PAR 'DOD PA YOD DE, DE DAG GI PHYIR 'DI BRTZAMS PAS BRTZAMS PA DON MED PA MA YIN NO, ,CHOS KYI MTSAN NYID LA MKHAS PA NA YANG JI DGOS SHE NA, CHOS KYI MTSAN NYID LA MKHAS PAR MA BYAS NA, NYON MONGS PA SPANG BAR BYA BA'I THABS MED DO, ,NYON MONGS PA MA SPANGS NA 'KHOR BA'I BRTZON RA LAS MI THAR RO, ,'KHOR BA LAS MTHAR NA MYA NGAN LAS 'DAS PA'I GNAS MI THOB BO, ,DE BAS NA CHOS KYI MTSAN NYID LA MKHAS NA NYON MONGS PA SPONG BAR 'GYUR RO, ,NYON MONGS PA SPANGS NA, 'KHOR BA'I BRTZON RA LAS 'BYUNG NGO, ,'KHOR BA'I BRTZON RA LAS BYUNG NA MYA NGAN LAS 'DAS PA'I GNAS THOB STE, DE NI DGOS PA'I YANG DGOS PA'O, ,YANG NA GTZUG LAG 'DIS @33A *, ,MGO NAS MJUG TU DON RNAM PA BZHI STON TE, GRANGS DANG, MING DANG, RAB TU DBYE BA DANG MTSAN NYID DO, ,DE LA PHUNG PO LNGA ZHES BYA BAS GRANGS STON TO, ,GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO ZHES BYA BAS MING BSTAN TO, ,GZUGS GANG ZHE NA ZHES BYA BA NAS, ME'I KHAMS DANG RLUNG GI KHAMS ZHES BYA BA YAN CHAD KYIS RAB TU DBYE BA BSTAN TO, ,SA'I KHAMS GANG ZHE NA, SRA BA ZHES BYA BA LA SOGS PAS MTSAN NYID BSTAN TO, ,TSOR BA LA SOGS PA'I PHUNG PO LA'ANG CI RIGS PAR BYA'O, ,PHUNG PO LNGA NI ZHES BYA BA LA SMRAS PA, PHUNG PO DRUG LA SOGS PAR MANG DU YANG MA BSHAD, BZHIR NYUNG DU YANG MA BSHAD PAR CI'I PHYIR LNGA KHO NAR GRANGS NGES PAR BSTAN, DE'I YANG LAN DU BDAG DANG BDAG GI DNGOS PO BSTAN PAR BYA BA'I PHYIR PHUNG PO LNGA PO KHO NA LAS MANG DU YANG MA BSHAD NYUNG DU YANG MA BSHAD DO, ,DE LA GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO BZHI NI BDAG GI BA'I DGOS PA DNGOS PO STE, SEMS CAN DAG PHAL CHER DE LA BDAG GI YIN NO ZHES CHAGS SO, ,RNAM PAR SHES PA'I PHUNG PO NI BDAG CES BYA BA'I DNGOS PO STE, SEMS CAN DAG DE LA BDAG CES 'DZIN PA'I PHYIR RO, ,YANG NA SNOD DANG, ZAS DANG, TSAG TZEG DANG, BYED PA PO DANG, ZAB PO'I DNGOS PO BSTAN PA'I PHYIR PHUNG PO LNGA NYID DU BSHAD KYI DRUG DANG BZHI LA SOGS PA MA BSTAN TO, ,DE LA SNOD LTA BUR GYUR PA NI GZUGS KYI PHUNG PO STE, SNOD LA KHA ZAS BRTEN PA DANG 'DRA BAR TSOR BA DANG, 'DU SHES LA SOGS PA'I PHUNG PO YANG GZUGS KYI PHUNG PO LA BRTEN PA'I PHYIR RO, ,ZAS LTA BUR GYUR PA NI TSOR BA'I PHUNG PO STE, KHA ZAS BZA' BAR BYA BA YIN PA BZHIN DU TSOR BA BDE BA DANG, SDUG BSNGAL YANG MYONG BAR BYA BA'I DNGOS PO YIN PA'I PHYIR RO, ,CHAG TZEG LTA BUR GYUR PA NI 'DU SHES KYI PHUNG PO STE, KHA ZAS TSOD MA LA SOGS PA TSAG TZEG DANG BSRES NA LHAG PAR BZA' BAR NUS PA BZHIN DU MI GTZANG BA LA GTZANG BA DANG SDUG BSNGAL LA BDE BAR 'DZIN PA'I 'DU @33B SHES PHYIN CI LOG YOD NA LHAG PAR TSOR BA'I PHUNG PO LA CHAGS PAR BYED PAS SO, ,BYED PA PO LTA BUR GYUR BA NI 'DU BYED KYI PHUNG PO STE, LAS DGE BA DANG, MI DGE BA DANG, DE'I 'BRAS BU BDE BA DANG SDUG BSNGAL 'DU BYED KYI PHUNG PO SGRUB PAR BYED PA'I PHYIR RO, ,ZA BA BOR GYUR PA NI RNAM PAR SHES PA'I PHUNG PO STE, LAS DGE BA DANG MI DGE BA'I 'BRAS BU BDE BA DANG SDUG BSNGAL YANG MJUG TU RNAM PAR SHES PAS MYONG BA'I PHYIR RO, ,'O NA DANG POR GZUGS KYI PHUNG PO BSHAD, DE'I 'OG TU TSOR BA, DE'I 'OG TU 'DU SHES, DE'I 'OG TU 'DU BYED, DE'I 'OG TU RNAM PAR SHES PA STE, RIM PA 'DI LTAR CI'I PHYIR BKOD CE NA, SMRAS PA, JI LTAR SPOM RIM MAM RAGS RIM GYIS RIM PA 'DI LTAR BKOD DE, GZUGS KYI PHUNG PO NI THOGS PA DANG BCAS PA DANG, MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA LNGA'I RTEN DU GYUR PA DANG, MIG NAS YID KYI RNAM PAR SHES PA'I BAR DU RNAM PAR SHES PA DRUG GI DMIGS PAR GYUR PA'I PHYIR THAMS CAD PAS RAGS SHING SBOM PAS NA DANG POR GZUGS KYI PHUNG PO BSHAD DO, ,GZUGS MED PA'I PHUNG PO BZHI LAS 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO BAS TSOR BA'I PHUNG PO RAGS TE, BDAG GI MGO NA BAR TSOR RO, ,RKANG PA NA BAR TSOR RO ZHES 'JIG RTEN PA DAG GSAL BAR THA SNYAD DU 'DOGS PAS NA DE'I 'OG TU TSOR BA'I PHUNG PO BSHAD DO, ,'DU BYED KYI PHUNG PO DANG RNAM PAR SHES PA'I PHUNG PO BAS 'DU SHES KYI PHUNG PO RAGS TE, 'DI NI BUD MED 'DI NI SKYES PA ZHES YUL LA MTSAN MAR 'DZIN PA RTOGS PAR SLA BAS NA DE'I 'OG TU 'DU SHES KYI PHUNG PO BSHAD DO, ,RNAM PAR SHES PA PAS 'DU BYED KYI PHUNG PO RAGS TE, LAS DGE BA DANG MI DGE BA MNGON PAR 'DU BYED PA'I MTSAN NYID KHONG DU CHUD PAR SLA ZHING 'DOD CHAGS DANG ZHE SDANG LA SOGS PA SEMS LAS BYUNG ZHING SKYES PA NA 'DOD CHAGS SHIG SKYES SO, ,ZHE SDANG ZHIG SKYES SO ZHES ZHE SDANG TSOR ZHING SHES PAR SLA BAS DE'I 'OG TU 'DU BYED KYI PHUNG PO BSHAD DO, ,RNAM PAR SHES PA NI THAMS CAD PAS PHRA BA YIN PA'I PHYIR 'JUG TU SMOS SO, ,YANG NA KHAMS GSUM GYI @34A *, ,RIM PAS PHUNG PO LNGA'I RIM PA DE LTAR BKOD DE, KHAMS GSUM NI 'DOD PA'I KHAMS DANG GZUGS KYI KHAMS DANG, GZUGS MED PA'I KHAMS SO, ,DE LA 'DOD PA'I KHAMS NA NI RNAM PAR SHES PA GZUGS LA BRTEN PAS DANG POR GZUGS KYI PHUNG PO BSHAD DO, , GZUGS KYI KHAMS KYI BSAM GTAN BZHI NI RNAM PAR SHES PA BSAM GTAN GYI BDE BA'I TSOR BA LA BRTEN PAS DE'I 'OG TU TSOR BA'I PHUNG PO BSTAN TO, ,GZUGS MED PA'I KHAMS NA NI NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CUNG ZAD MED PA'I SKYE MCHED NA NI RNAM PAR SHES PA 'DU SHES LA BRTEN PAS DE'I 'OG TU 'DU SHES KYI PHUNG PO BSTAN TO, ,SRID PA'I RTZE MO CUNG ZAD MED CUNG ZAD MED MIN SKYE MCHED NA NI RNAM PAR SHES PA SEMS LAS BYUNG BA'I TSOGS 'DU BYED KYI CHOS LA BRTEN PAS DE'I 'OG TU 'DU BYED KYI PHUNG PO BSTAN TO, ,RNAM PAR SHES PA NI DE DAG KUN TU 'GRO BA'I PHYIR MJUG TU SMOS SO, ,GZUGS KYI PHUNG PO RAB TU DBYE BA BSTAN PA'I PHYIR GZUGS GANG ZHE NA ZHES DRIS SO, ,BRGAL BA GONG DU MING TZAM DU BSTAN PA'I TSE NI GZUGS KYI PHUNG BO ZHES SMRAS LA, 'DIR GZUGS KYI PHUNG PO GANG ZHE NA ZHES MI 'DRI BAR CI'I PHYIR GZUGS GANG ZHE NA ZHES 'DRI, SMRAS PA, GZUGS LAS MA GTOGS PAR PHUNG PO LOGS SHIG NA MED DE, NAS DANG 'BRAS LA SOGS PA'I PHUNG PO BZHIN NO, ,DPER NA NAS DANG 'BRAS GRUB NA PHUNG PO YANG ZLA LA GRUB PA DANG 'DRA BAR GZUGS GRUB NA PHUNG PO YANG ZLA LA GRUB BAS GZUGS GANG ZHE NA ZHES DRIS KYANG NYES PA MED DO, ,YANG NA GZUGS KYI DON SNGAR BSTAN NAS PHUNG PO'I DON PHYIS 'CHAD PAS GZUGS GANG ZHE NA ZHES DRIS KYI GZUGS KYI PHUNG PO GANG ZHE NA ZHES MA DRIS SO, ,CUNG ZAD GZUGS GANG YIN PA DE DAG THAMS CAD CES BYA BA NI GANG GZUGS KYI RNAM GRANGS SU GZHAG PA 'DAS PA'I GZUGS DANG, MA 'ONGS PA'I GZUGS DANG, DA LTAR GYI GZUGS DANG, GZUGS BZANG PO DANG, GZUGS NGAN PA DANG, GZUGS RING BA DANG, GZUGS THUNG BA DANG, GZUGS PHRA BA DANG, GZUGS SBOM PO ZHES BYA BA DE DAG THAMS CAD @34B 'BYUNG BA CHEN PO BZHI'I GZUGS DANG, 'BYUNG BA CHEN PO BZHI DAG RGYUR BYAS PA'I GZUGS SU 'DUS SO ZHES BYA BA'I DON TO, ,DE NAS GZUGS RNAM PA GNYIS PA BSTAN TE, RGYU'I GZUGS DANG, 'BRAS BU'I GZUGS SO, ,DE LA 'BYUNG BA CHEN PO BZHI ZHES BYA BAS RGYU'I GZUGS BSTAN TE; GZUGS THAMS CAD KYI RGYU NI 'BYUNG BA CHEN PO BZHI YIN PA'I PHYIR RO, ,'BYUNG BA CHEN PO BZHI DAG RGYUR BYAS PA'I GZUGS ZHES BYA BAS 'BRAS BU'I GZUGS BSTAN TO, ,DE LA 'BYUNG BA'I DON CI DKAR PO DANG, SER PO LA SOGS PA'I GZUGS RNAM PA SNA TSOGS CHEN PO DE DAG DE LAS 'BYUNG ZHING SKYE BAS NA 'BYUNG BA'O, ,RGYUR BYAS PA'I GZUGS BCU GCIG LA KHYAB PAS NA CHEN PO'O, ,YANG NA SKYE ZHING 'JIG PA'I CHOS CAN YIN BAS NA 'BYUNG PA'O, ,YANG NAS DANG CHU DANG ME DANG RLUNG 'DI DAG SEMS CAN GYI LAS KYIS 'BYUNG BAS NA 'BYUNG BA'O, ,CHEN PO NI SA'I KHAMS 'DI DAG GNAS PA CHE STE, THOG THAG TU KHYAB PAR MNGON SUM DU SNANG BA'I PHYIR RO, ,CHU'I KHAMS KYANG CHE STE, NAM SEMS CAN RNAMS 'DOD CHAGS KYI SHAS CHE BA NA, CHU'I BSKAL PA BYUNG BAS BSAM GTAN DANG PO PA MAN CHAD 'JIG PAR BYED DO, ,ME'I KHAMS 'DI YANG CHE STE, NAM SEMS CAN ZHE SDANG GI SHAS CHE BA NA, ME'I BSKAL PAS BSAM GTAN GNYIS PA MAN CHAD SREG PAR BYED DO, ,RLUNG GI KHAMS KYANG CHE STE, NAM SEMS CAN GTI MUG BDO BA NA RLUNG GI BSKAL PAS BSAM GTAN GSUM PA MAN CHAD 'JIG PAR BYED DO, ,'O NA CI'I PHYIR 'BYUNG BA CHEN PO BZHI KHO NAR BSHAD LA LNGA DANG GSUM LA SOGS PAR BSHAD, SMRAS PA, SA BON GYI RTEN DANG, SA BON BRLAN PA DANG, SA BON SMIN PA DANG, 'PHEL BAR 'DI BZHI KHO NAS BYED DE, LNGAR BSHAD DU NI DGOS PA MED GSUM DU BSHAD NA MI NUS PAS KHRI'I RKANG PA BZHIN TE BZHI KHO NAR BSHAD DO, ,DE LA SA BON GYI RTEN NI SA'I KHAMS KYIS BYED DO, ,SA BON BRLAN BAR NI CHU'I KHAMS KYIS BYED DO, ,SA BON SMIN PAR NI ME'I KHAMS KYIS BYED DO, ,SA BON 'PHEL BAR NI RLUNG GI KHAMS KYIS BYED DO, ,BSKAL PA NAM MKHA'I KHAMS KYANG SA BON SKYE BA @35A *, ,LA GO SKABS 'BYED BAR BYED NA DES BSNAN TE CI'I PHYIR 'BYUNG BA CHEN PO LNGAR ME GZHAG ,SMRAS PA, GO SKABS 'BYED PAR BYED PA NI GZUGS CAN GYI CHOS KYIS BYED LA NAM MKHA' LA NI GZUGS MED PAS GO SKABS 'BYED PA MED PA DANG, 'BYUNG BA CHEN PO BZHI NI SKYE BA DANG; 'JIG PA'I CHOS CAN YIN LA NAM MKHA' LA SKYE BA DANG, 'JIG PA MED PAS 'BYUNG BA CHEN PO ZHES MI BYA'O, ,'BYUNG BA CHEN PO BZHI DAG RGYUR BYAS PA'I GZUGS ZHES BYA BA LA, 'BYUNG BA CHEN PO BZHI'I RGYU LAS SKYES PA 'AM, 'BYUNG BA CHEN PO 'DI DAG LAS MTHONG BA'I GZUGS NI 'BYUNG BA CHEN PO BZHI DAG RGYUR BYAS PA ZHES BYA STE, DE'ANG MIG GI DBANG PO LA SOGS PA RNAM PA BCU GCIG GO ZHES 'OG NAS 'CHAD DO, ,DE LAS 'BYUNG BA CHEN PO BZHI DAG NI RGYU RNAM PA LNGAS 'BYUNG BA CHEN PO LAS GYUR PA'I GZUGS KYI RGYU BYED DE, RGYU RNAM PA LNGA NI SKYED PA DANG; BRTEN PA DANG, GNAS PA DANG, RTON PA DANG, 'PHEL BA'O, ,DE LA SA BON MED NA MYU GU MI SKYE BA BZHIN DU 'BYUNG BA CHEN PO BZHI MED NA RGYUR BYAS PA'I GZUGS MI SKYE BAS NA SKYED PA'I RGYU BYED DO, ,'BYUNG BA CHEN PO BZHI LA MA BRTEN PAR RGYUR BYAS PA'I GZUGS DAG LOGS SHIG TU GNAS PA'I MTHU MED DE, DE BAS NA BRTEN PA'I RGYU BYED DO, ,SHING BCAD NA GRIB MA MED PAR 'GYUR BA DE BZHIN DU, 'BYUNG BA CHEN PO BZHI DAG NYAMS SAM SNANG RMAS NA RGYUR BYAS PA'I GZUGS RNAMS KYANG NYAMS PAR 'GYUR BAS NA GNAS PA'I RGYU BYED DO, ,'BYUNG BA CHEN PO BZHI DPER NA RGAN PO 'KHAR BA LA BRTEN NAS 'GRO BA DANG 'DRA BAR SKAD CIG MA'I RGYUN GYIS SKYE BA DANG, RGYUR BYAS PA'I GZUGS RNAMS KYI SKAD CIG MA'I RGYUN KYANG RGYUN MI 'CHAD PAR SKYE BAR BYED PAS NA RTON PA'I RGYU BYED DO, ,'BYUNG BA CHEN PO BZHI BRTAS SHING SMIN NA RGYUR BYAS PA'I GZUGS KYANG BRTAS PAR 'GYUR BAS NA 'PHEL BA'I RGYU BYED DO, ,'BYUNG BA CHEN PO BZHI GRANGS TZAM BSTAN PA DMIGS KYIS PHYE STE, BSHAD PAR BYA BA'I PHYIR 'BYUNG BA CHEN PO BZHI DAG GANG ZHE NA ZHES DRIS NAS, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS SO ZHES @35B BSHAD DO, ,'BYUNG BA CHEN PO BZHI'I MTSAN NYID BSTAN PAR BYA BA'I PHYIR, SA'I KHAMS GANG ZHE NA SRA BA NYID DO ZHES BYA BA LA SOGS PA SMOS TE, SA'I KHAMS GANG ZHE NA ZHES BYA BA NI SA'I KHAMS KYI MTSAN NYID GANG ZHE NA ZHES DRIS PA'I THA TSIG GO, ,GANG SRA BA DANG, MKHRANG BA DANG, LCI BA NI SA'I KHAMS KYI MTSAN NYID DO, ,CHU'I KHAMS GANG ZHE NA ZHES BYA BA LA, CHU'I KHAMS KYI MTSAN NYID GANG ZHE NA ZHES DRIS PA'I DON TO, ,GSHER BA NYID DO ZHES BYA BA NI GANG GSHER BA DANG SNUM PA DANG BRLAN PA NI CHU'I KHAMS KYI MTSAN NYID DO, ,ME'I KHAMS GANG ZHE NA ZHES BYA BA LA, MA'I KHAMS KYI MTSAN NYID GANG ZHE NA ZHES DRIS PA'O, ,TSA BA NYID DO ZHES BYA BA NI GANG TSA BA DANG, DRO BA DANG TSIG PAR BYED PA NI ME'I KHAMS KYI MTSAN NYID DO, ,RLUNG GI KHAMS GANG ZHE NA ZHES BYA BA NI, RLUNG GI KHAMS KYI MTSAN NYID GANG ZHE NA ZHES DRIS PA'O, ,YANG ZHING G-YO BA NYID NI RLUNG GI KHAMS KYI MTSAN NYID DE YANG BA NI 'GUL BAR BYED PA'O, ,G-YO BA NI DNGOS PO'I RGYUN YUL GZHAN DU PHYIN CING SKYE BAR BYED PA'O, ,BRGAL BAS SA DANG CHU DANG ME'I GSUM LA MTSAN NYID RE RE BSTAN LA, RLUNG GI KHAMS LA NI YANG BA DANG G-YO BA STE, CI'I PHYIR MTSAN NYID GNYIS SU BSHAD, LAN DU GAL TE YANG BA 'BA' ZHIG SMOS LA, G-YO BA MA SMOS NA NI RGYUR BYAS PA'I GZUGS LUS KYI YUL DU GYUR BA LA YANG 'JAM PA DANG, RTZUB PA DANG, LCI BA DANG, YANG BA ZHES BYA BA'I RGYUR BYAS PA'I GZUGS YOD PA STE, RLUNG GI KHAMS SU 'GYUR DU DOGS PA'I SKYON DU 'GYUR RO, ,GAL TE G-YO BA 'BA' ZHIG SMOS KYI YANG BA MA SMOS NA NI SEMS LAS BYUNG BA'I CHOS BSHAD PA'I SKABS SU SEMS PA GANG ZHE NA, GANG SEMS G-YO BA'O ZHES 'BYUNG BA'I SEMS PA DE RLUNG GI KHAMS SU 'GYUR DU DOGS PA'I SKYON DU 'GYUR TE, DE BAS NA GANG YANG BA DANG G-YO BA'I CHOS GNYIS GANG YOD PA DE NI RLUNG GI KHAMS KYI MTSAN NYID DO, ,'BYUNG BA CHEN PO BZHI'I MTSAN NYID BSHAD NAS LAS BSTAN PAR BYA STE, DE LA LAS NI BRTAN PA DANG, SDUD PA DANG, SMIN PA DANG, 'PHEL BAR BYED PA'O, ,SA'I KHAMS KYI LAS NI BRTAN PAR BYED PA'O, , @36A *, ,CHU'I KHAMS KYI LAS NI SDUD PAR BYED PA'O, ,ME'I KHAMS KYI LAS NI SMIN PAR BYED PA'O, ,RLUNG GI KHAMS KYI LAS NI 'PHEL BAR BYED PA'O, ,'O NA KHAMS KYI DON CI, KHAMS KYI DON NI 'DZIN PAR BYED PA'I DON TO STE, RGYUR BYAS PA'I GZUGS BCU GCIG 'DZIN PAS NA, SA'I KHAMS CHU'I KHAMS ME'I KHAMS RLUNG GI KHAMS ZHES BYA'O, ,YANG NA RANG DANG SPYI'I MTSAN NYID 'DZIN PAS NA KHAMS ZHES BYA'O, ,SA SRA BA'I MTSAN NYID 'DZIN PA DANG CHU GSHER BA'I MTSAN NYID 'DZIN PA LA SOGS PA DANG, MI RTAG PA DANG SDUG BSNGAL BA DANG, STONG PA DANG; BDAG MED PA STE, SPYI'I MTSAN NYID 'DZIN PAS SO, ,YANG NA GANG NA 'BYUNG BA CHEN PO BZHI GCIG YOD PA DE NI GCIG GI NANG NA YANG BZHI CHAR YANG YOD DO, ,DPER NA SA GANG NA YOD PA NA CHU DANG ME DANG RLUNG YANG YOD, CHU GANG NA YOD PA NA SA DANG ME DANG RLUNG YANG YOD PA LAS DE NA GANG MTHU CHE ZHING SHAS CHE BA DE NI SA ZHES DNGOS SU MING GIS SMOS LA, CHU DANG, ME DANG, RLUNG LTA BU SHAS CHUNG ZHING MTHU CHUNG BAR GNAS PA LA NI KHAMS ZHES BYA'O, ,DE'ANG DPER NA PHYE PHUL GANG DANG LDAN TSVA PHUL GANG BSRES PA LAS LAN TSVA MTHU CHE ZHING SHAS CHE BAR GYUR PAS LAN TSVA KHA ZHING DNGOS SU MING GIS 'BYIN KYANG PHYE DE NA KHAMS KYI MTSAN NYID DU MED PA MA YIN TE YOD DO, ,'BYUNG BA CHEN PO GCIG YOD PA NA KUN YOD PAR CI MNGON, LAN DU BCOM LDAN 'DAS KYI LUNG MDO LAS KYANG 'BYUNG LA RIGS PAS BRTAGS NA YANG MNGON NO, ,LUNG LAS 'BYUNG BAS NI MNGAL DU 'PHO BA'I MDOR DGA' BO PHA DANG MA'I MI GTZANG PA SKA BA LAS LUS SU GYUR PA LA SA DANG CHU DANG ME DANG RLUNG RNAMS SRA BA DANG SDUD PA DANG, SMIN PA DANG 'PHEL BA'I BYA BA BYED CING GNAS SO, ,GAL TE DGA' BO DE NA SA'I KHAMS YOD LA CHU'I KHAMS MED NA NI PHYE'AM THAL BA'I CHANG BU BZHIN DU SKAMS PA'AM 'THUL BAR 'GYUR TE, CHUS BSDUS PAS NA MI 'THUL ZHING MI 'JIG GO, ,GAL TE CHU YOD LA SA MED NA NI 'BRU MAR RAM YUNGS MAR BZHIN DU 'DZAG CING 'BO BAR 'GYUR RO, ,GAL TE SA DANG CHU YOD LA ME MED NA SHA RUL BZHIN DU MYAGS PAR 'GYUR RO, ,GAL TE SA DANG CHU DANG ME YOD LA RLUNG MED NA @36B NI JI TZAM DU GNAS PA LAS 'PHEL ZHING RGYAS PAR MI 'GYUR RO ZHES GSUNGS SO, ,RIGS PAS BRTAGS NA YANG GCIG GANG NA YOD PA NA KUN YOD PAR MNGON TE RDO BA DANG SHING LA SOGS PA 'BYAR ZHING SO SOR MA GYES PAS NA SA'I KHAMS LA CHU'I KHAMS YOD PAR MNGON NO, ,RDO DANG SHING LA SOGS PA G-YO ZHING 'GUL BAS NA RLUNG GI KHAMS YOD DO, ,RDO GNYIS PHAN TSUN DU PHRAD PA LAS ME STAG 'BYUNG BAS NA ME'I KHAMS YOD DO, ,CHU'I KHAMS LA YANG GRU DANG 'DAB MA LA SOGS PA 'DZIN CING RTEN BYED PAS NA CHU'I KHAMS LA YANG SA'I KHAMS YOD PAR MNGON NO, ,CHU'I NANG DU SHING GI 'DAB MA DANG RTZVA LHUNG BA 'DRUL ZHING CHU DRON PO DAG KYANG DMIGS PAS NA CHU'I NANG NA ME YOD PAR MNGON NO, ,THUR DU 'BAB CING G-YO BAS NA RLUNG YOD PAR MNGON NO, ,RLUNG GI KHAMS LA YANG 'DAB MA DANG RTZVA 'DZIN CING 'DEGS PAS NA SA'I KHAMS YOD PAR MNGON NO, ,RLUNG DRO BA DAG KYANG DMIGS LA RDZAS BRLAN PA RNAMS RLUNG LA PHYAR NA SKAM PAR 'GYUR BAS ME'I KHAMS YOD PAR MNGON NO, ,TSUB MA DANG RLUNG GCIG TU 'DUS SHING 'GYUR ZHING 'BYUNG BAS NA, CHU'I KHAMS KYANG YOD PAR MNGON NO, ,ME'I KHAMS LA YANG ME LCE GCIG GIS GCIG 'DZIN PA DANG, ME LCES 'DAB MA DANG RTZVA LA SOGS PA 'DEGS SHING 'DZIN PAS NA SA'I KHAMS YOD PAR YANG MNGON NO, ,ME LCE RNAMS KYANG SO SOR MI 'GYES PAR GCIG TU 'BAR BAS NA CHU'I KHAMS YOD PAR MNGON NO, ,'GUL ZHING G-YO BAS NA RLUNG GI KHAMS KYANG YOD PAR MNGON NO, ,'BYUNG BA CHEN PO BZHI DAG BSHAD NAS, RGYUR BYAS PA'I GZUGS LA PHYE NA GRANGS DU YOD PA DANG MING GIS GANG DANG GANG YIN PA DANG DE DAG GI MTSAN NYID BSTAN PAR BYA BA'I PHYIR, RGYUR BYAS PA'I GZUGS GANG ZHE NA ZHES DRIS TE, DE'I DON NI RGYUR BYAS PA'I GZUGS LA GRANGS NI DU ZHIG YOD, MING GIS NI GANG DANG GANG YIN, GZUGS NAS REG BYA'I PHYOGS MTSAN NYID NI JI LTA BU ZHES DRIS PA'I THA TSIG GO, ,DE DAG BSTAN PAR BYA BA'I PHYIR, MIG GI DBANG PO DANG ZHES BYA BA LA SOGS PA SMOS TE, RGYUR BYAS PA'I GZUGS KYI GRANGS NI MIG GI DBANG PO NAS LUS KYI DBANG PO'I BAR DU DBANG @37A *, ,PO LNGA DANG; GZUGS NAS REG BYA'I PHYOGS GCIG GI BAR DU YUL LNGA DANG, RNAM PAR RIG BYED MA YIN PAS BSNAN TE BCU GCIG GO, ,DE DAG GI MING YANG, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO DANG, GZUGS DANG; SGRA DANG, DRI DANG, RO DANG, REG BYA'I PHYOGS GCIG DANG RNAM PAR RIG BYED MA YIN PA'O ZHES MING GIS SMOS PA RNAMS SO, ,DE DAG GI MTSAN NYID BSTAN PAR BYA BA'I PHYIR, MIG GI DBANG PO GANG ZHE NA ZHES DRIS TE, DE YANG MIG GI DBANG PO'I MTSAN NYID GANG ZHE NA ZHES DRIS PA'I DON TO, ,DE'I MTSAN NYID BSTAN PAR BYA BA'I PHYIR, YUL KHA DOG GZUGS DANG BA'O ZHES BSHAD DO, ,MIG GI DBANG PO'I YUL NI SNGON PO DANG, SER PO DANG, DKAR PO DANG, DMAR PO LA SOGS PA YIN LA, DPER NA ME LONG DANG SHEL DANG CHU LA SOGS PA GZUGS DANG ZHING GSAL BAS GZUGS BRNYAN SNANG BA 'BYUNG BA BZHIN DU, MIG GI DBANG PO YANG GZUGS DANG ZHING GSAL STE, GZUGS DANG PHRAD PAR 'GYUR PA NA, GZUGS KYI GZUGS BRNYAN 'BYUNG BAR 'GYUR NAS GZUGS KYI RANG BZHIN JI LTA BU YIN PA DE DANG MTHUN PA KHO NAR MIG GI RNAM PAR SHES PA SKYE BA'I RGYU BYED DE, DE BAS NA GZUGS DANG BA ZHES BYA'O, ,MIG GI DBANG PO'I YUL RDUL PHRA RAB NI MIG GI SPRIN GYI NANG NA ZAR MA'I ME TOG KHA 'BUS LTAR GNAS SO, ,SMRAS PA, DE LTAR NA DANG BA'I SGRA SMOS PAS CHOG MOD GZUGS KYI SGRA SMOS PA JI DGOS, SMRAS PA, GZUGS KYI SGRA MA SMOS PAR DANG BA 'BA' ZHIG SMOS PA NA NI SEMS LAS BYUNG BA BSHAD PA'I SKABS SU DAD PA GANG ZHE NA, SEMS DANG BA'O ZHES BSHAD PA DE MIG GI DBANG PO YIN NO SNYAM DU YID GOL BAR 'GYUR BAS GZUGS KYI SGRA SMOS TE, DAD PA DANG BA YIN YANG SEMS PA NI GZUGS KYI RANG BZHIN MA YIN LA, MIG GI DBANG PO NI GZUGS KYI RANG BZHIN YANG YIN NO, ,DANG BA'I RANG BZHIN YANG YIN PAS SO, ,SMRAS PA, 'O NA GZUGS ZHES SMOS PAS CHOG MOD, DANG BA'I SGRA SMOS JI DGOS LAN DU GZUGS 'BA' ZHIG SMOS LA DANG BA MA SMOS NA RDO DANG SHING LA SOGS PA'I @37B GZUGS KYANG MIG GI DBANG PO YIN NO SNYAM DU YID GOL BAR 'GYUR BA DANG, LING TOG GIS KHEBS PA DANG DMUS LONG DAG LA YANG MIG GI DBANG PO YOD PA'I SKYON DU 'GYUR BAS NA DANG BA'I SGRA SMOS TE, RDO DANG SHING LA SOGS PA DANG LING RTOG GIS KHEBS PA DANG DMUS LONG LA SOGS PA LA GZUGS YIN DU ZIN KYANG DAD PA MED PA'I PHYIR MIG GI DBANG PO MA YIN NO, ,YANG SMRAS PA DE LTAR NA, GZUGS DANG BA ZHES SMOS PAS CHOG MOD YUL KHA DOG ZHES SMOS PA'I SGRA JI DGOS, LAN DU DE YANG DGOS PA RNAM PA GNYIS KYI PHYIR YUL KHA DOG CES MI BRJOD DU MI RUNG STE, GZUGS DANG BA 'BA' ZHIG SMOS LA YUL KHA DOG MA SMOS NA, RNA BA LA SOGS PA'I DBANG PO YANG GZUGS DANG BA YIN PAS DE MIG GI DBANG PO YIN NO SNYAM DU YID GOL BAR 'GYUR BA DANG, ME LONG DANG, SHEL DANG CHU LA SOGS PA YANG GZUGS DANG BA YIN PAS, DE DAG MIG GI DBANG PO YIN NO SNYAM DU YID GOL BAR 'GYUR TE, DE DAG GZUGS DANG BA YIN DU ZIN KYANG YUL KHA DOG MA YIN NO, ,DE BAS NA GANG YUL KHA DOG KYANG YIN GZUGS KYANG YIN DANG BA YANG YIN PA DE NI MIG GI DBANG PO'I MTSAN NYID DO ZHES BYA BA'I DON TO, ,DE BZHIN DU RNA BA LA SOGS PA'I DBANG PO LHAG MA LA YANG SO SOR CI RIGS PAR SBYAR ZHING BSHAD DO, ,RNA BA'I DBANG PO'I MTSAN NYID BSTAN PA'I PHYIR, RNA BA'I DBANG PO GANG ZHE NA ZHES DRIS TE, RNA BA'I DBANG PO'I MTSAN NYID GANG ZHE NA ZHES DRIS PA'I DON TO, ,DE'I MTSAN NYID BSTAN PA'I PHYIR, YUL SGRA GZUGS DANG BA'O ZHES BYA BA SMOS TE, RNA BA'I DBANG PO'I YUL NI SGRA SNYAN PA DANG, MI SNYAN PA LA SOGS PA YIN LA DE'I GZUGS KYANG SHEL DANG ME LONG LA SOGS PA DANG 'DRA BA DANG ZHING GSAL BA YIN LA, DE LTAR GSAL BA'I MTHUS RNA BA'I RNAM PAR SHES PA SKYED PA'I RGYU BYED DO, ,DE'I RDUL PHRAN NI GROG GCUS PA'I MDUD PA 'DRA BAR RNA BA'I NANG NA GNAS SO, ,SNA'I DBANG PO'I MTSAN NYID BSTAN PA'I PHYIR, SNA'I DBANG PO GANG ZHE NA ZHES DRIS TE, DE YANG SNA'I DBANG PO'I MTSAN NYID GANG ZHE NA ZHES DRIS PA'I DON TO, ,DE'I LAN DU YUL DRI GZUGS DANG BA'O ZHES BYA BA SMOS TE, SNA'I DBANG PO'I YUL NI DRI ZHIM PA DANG, MI ZHIM @38A *, ,PA LA SOGS PA YIN LA, DE'ANG SHEL DANG ME LONG LA SOGS PA LTAR GZUGS DANG ZHING GSAL BA STE, DE'I PHYIR NA SNA'I RNAM PAR SHES PA SKYED PA'I RGYU BYED DO, ,DE'I RDUL PHRAN NI MIG SMAN BSKU BA'I LCAGS THUR LTAR MTSUL BA'I NANG THOG THAG GNAS SO, ,LCE'I DBANG PO'I MTSAN NYID BSTAN PAR BYA BA'I PHYIR, LCE'I DBANG PO GANG ZHE NA ZHES DRIS TE, LCE'I DBANG PO'I MTSAN NYID GANG ZHE NA ZHES DRIS PA'I DON TO, ,DE'I LAN DU YUL RO GZUGS DANG BA'O ZHES BYA BA SMOS TE, LCE'I DBANG PO'I YUL NI RO MNGAR BA DANG SKYUR BA LA SOGS PA YIN LA, DE'ANG ME LONG DANG SHEL LA SOGS PA BZHIN DU GZUGS DANG ZHING GSAL BA STE, DE'I RGYUS NA LCE'I RNAM PAR SHES PA SKYED PA'I RGYU BYED DO, ,LCE'I DBANG PO'I RDUL PHRAN NI ZLA BA PHYED PA 'DRA BAR LCE'I DBUS THOG THAG SKRA'I KHYON TZAM ZHIG DBANG POS MA KHYAB PAR GNAS TE, DE'ANG DBANG POS KHYAB NA NI GLAD RGYAS RGYUN DU 'DZAG PAS SNYING PO'I PHYIR YI GA 'CHUS PAR 'GYUR RO, ,LUS KYI DBANG PO'I MTSAN NYID BSTAN PA'I PHYIR, LUS KYI DBANG PO GANG ZHE NA ZHES DRIS TE, LUS KYI DBANG PO'I MTSAN NYID GANG ZHE NA ZHES DRIS PA'I DON TO, ,DE'I LAN DU, YUL REG BYA GZUGS DANG BA'O ZHES BYA BA SMOS TE, LUS KYI DBANG PO'I YUL NI 'JAM PA DANG, RTZUB PA LA SOGS PA'I REG BYA YIN LA, DE'ANG SHEL DANG ME LONG LA SOGS PA BZHIN DU GZUGS DANG ZHING GSAL BA STE, DE'I RGYUS NI LUS KYI RNAM PAR SHES PA SKYED PA'I RGYU BYED DO, ,DE'I RDUL PHRAN NI PAGS PA'AM KO BA BZHIN DU LUS THOG THAG KHYAB PAR GNAS SO; ,KHA CIG NA RE BEE d'URYA'I KHA DOG 'DRA BAR LUS KYI DBUS NAS YAR GNAS TE, GANG DU REG BYA BYUNG BA DER RGYUG GO ZHES ZER RO, ,DBANG PO'I DON CI BDAG PO BYED PA'AM DBANG BYED PA'I DON NI DBANG PO'I DON TE CI LA DBANG BYED CE NA, GZUGS LA SOGS PA SO SO'I YUL LA DBANG BYED DE, DPER NA GZUGS KYANG MIG GI DBANG POS MTHONG GI RNA BA'I DBANG PO LA SOGS PA GZHAN GYIS MI MTHONG BA DANG, SGRA YANG RNA BA'I DBANG POS THOS KYI MIG LA SOGS PA GZHAN GYIS MI THOS PAS, SO SO'I YUL LA DBANG BYED DO, ,DBANG PO LNGA BSHAD ZIN TO, ,DA YANG YUL LNGA BSTAN TE, DE LA YANG @38B GZUGS KYI MTSAN NYID BSTAN PA'I PHYIR, GZUGS GANG ZHE NA ZHES DRIS TE, GZUGS KYI MTSAN NYID GANG ZHE NA ZHES DRIS PA'I DON TO, ,LAN DU MIG GI YUL TE ZHES BYA BA SMOS TE, GZUGS NI MIG GI DBANG PO DANG MIG GI RNAM PAR SHES PA'I YUL YIN GYI RNA BA LA SOGS PA DBANG PO GZHAN GYI YUL MA YIN NO ZHES THUN MONG MA YIN PAR STON TO, ,GZUGS LA PHYE NA DU YOD PA BSTAN PA'I PHYIR, KHA DOG DANG DBYIBS DANG RNAM PAR RIG BYED DO ZHES BYA BA SMOS TE, MIG GI YUL DU GYUR PA GZUGS LA PHYE NA GSUM STE, KHA DOG DANG DBYIBS DANG RNAM PAR RIG BYED DO, ,SMRAS PA, GZUGS KYI YUL LA RNAM PA GSUM DU CI'I PHYIR PHYE STE BSHAD, LAN DU GZUGS KYI RAB TU DBYE BA LA THE TSOM ZA BA DANG, PHYIN CI LOG TU 'DZIN PA DANG, MI SHES PA RNAMS LA GZUGS LA PHYE NA RNAM PA GSUM YOD DO ZHES BSTAN PA'I PHYIR, KHA DOG DANG DBYIBS DANG RNAM PAR RIG BYED DO ZHES GSUM DU PHYE STE BSTAN TO, ,DE LA THE TSOM ZA BA NI KHA DOG DANG DBYIBS DANG RNAM PAR RIG BYED GZUGS YIN NAM 'ON TE MA YIN ZHES YID GNYIS ZA BA'O, ,LOG PAR 'DZIN PA NI KHA DOG DANG DBYIBS DANG RNAM PAR RIG BYED NI GZUGS MA YIN GYI GZUGS ZHES BYA BA NI GZHAN ZHIG YOD DO SNYAM DU SEMS PA'O, ,MI SHES PA NI GZUGS LA PHYE NA DU YOD, GZUGS ZHES BYA BA GANG LA BYA MI SHES PA'O, ,DE DAG LA KHA DOG DANG DBYIBS DANG, RNAM PAR RIG BYED GZUGS YIN NO ZHES BSTAN PAS THE TSOM ZA BA DANG, LOG PAR 'DZIN PA DANG, MI SHES PA MED PAR 'GYUR TE; DE'I PHYIR GZUGS LA RNAM PA GSUM DU PHYE STE BSHAD DO, ,DE LA KHA DOG LA PHYE NA RNAM PA BCU BZHI YOD DE, SNGON PO DANG, SER PO DANG, DMAR PO DANG, DKAR PO DANG, SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA'I 'OD DANG, SNANG BA DANG; MUN PA DANG, BLA GAB MED PA DANG, NAM MKHA'O, ,DE LA KHUG RNA NI LHO 'UR MO'O, ,GRIB MA NI GANG NA GZUGS SNANG BA'O, ,NYI MA'I 'OD NI NYI ZER RO, ,SNANG BA NI ZLA BA DANG SKAR MA DANG SMAN DANG NOR BU'I 'OD DO, ,MUN PA NI GANG NA GZUGS MI SNANG BA'O, ,BLA GAB MED PA @39A *, ,NI THOGS PA DANG BCAS PA GZUGS KYI BAR GANG CI'ANG THOGS PA MED PA'O, ,NAM MKHA' NI GANG STONG PA'I GONG NA GANG KHA DOG SNGON POR SNANG BA'O, ,LHAG MA SLA BA RNAMS NI DNGOS SU BRDA PHRAD PAR SLA BAS MA BSHAD DO, ,DBYIBS NI BRGYAD DE, RING BA DANG, THUNG BA DANG, LHAM PA DANG, ZLUM PO DANG, SGANG DANG, GSHONG DANG, MNYAM PA DANG, MI MNYAM PA'O, ,DE LA RING BA DANG, THUNG BA GNYIS NI LTOS PA LAS GDAGS TE, DPER NA, PHA LA LTOS NAS BU ZHES GDAGS, BU LA LTOS TE PHA ZHES GDAGS PA BZHIN DU RING PO LA LTOS TE THUNG NGU ZHES GDAGS, THUNG NGU LA LTOS TE RING PO ZHES GDAGS SO, ,LHAM PA NI KUN TU DKYIL 'KHOR RAM GRU BZHI PA'O, ,ZLUM PO NI RIL RIL PO'O, ,SGANG NI RI LA SOGS PA MTHO BA'O, ,GSHONG NI KHRON PA LA SOGS PA DMA' BA'O, ,MNYAM PA NI NGOS THAG THUG MED PA LA PHYA LE 'DUG PA'O, ,MI MNYAM PA NI DBYIBS MI MNYAM PA STE THAG THUG CAN NO, ,RNAM PAR RIG BYED NI TSE RABS SNGA MA LA DGE BA'I CHOS LA GOMS PAS THAL MO SBYOR BA DANG, PHYAG 'TSAL BA LA SOGS PA'I LUS KYI LAS DANG, TSE RABS SNGA MA LA MI DGE BA LA GOMS PAS KHU TSUR BCANGS PA DANG, RDEG PA LA SOGS PAS LUS KYI LAS LA RNAM PAR RIG BYED CES BYA'O, ,CI'I PHYIR DE LA RNAM PAR RIG BYED CES GDAGS SHE NA, THAL MO SBYOR BA LA SOGS PA LUS KYI LAS KYI SGO NAS DE'I SEMS DANG BA ZHIG SKYES SO ZHES GZHAN GYIS RIG PAR 'GYUR BA DANG, KHU TSUR BCANGS PA LA SOGS PA LUS KYI LAS KYI SGO NAS, DE'I SEMS ZHE SDANG BA ZHIG SKYES SO ZHES GZHAN GYIS RIG PAS NA RNAM PAR RIG PA ZHES BYA'O, ,SGRA'I MTSAN NYID BSTAN PA'I PHYIR RO, ,SGRA GANG ZHE NA ZHES DRIS TE, SGRA'I MTSAN NYID GANG ZHE NA ZHES DRIS PA'I DON TO, ,LAN DU RNA BA'I YUL TE ZHES BYA BA SMOS TE, SGRA NI RNA BA'I DBANG PO DANG, RNA BA'I RNAM PAR SHES PAS SHES PA'I YUL YIN GYI MIG LA SOGS PA DBANG PO GZHAN GYI YUL MA YIN NO ZHES THUN MONG MA YIN PAR STON TO, ,SGRA LA PHYE NA RNAM PA DU YOD PA BSTAN PA'I PHYIR, ZIN PA DANG MA ZIN PA DANG GNYI GA STE, 'BYUNG BA CHEN PO BZHI'I RGYU LAS BYUNG BA'O ZHES BYA BA @39B SMOS TE; SGRA LA PHYE NA RNAM PA GSUM STE, ZIN PA 'BYUNG BA CHEN PO BZHI'I RGYU LAS BYUNG BA DANG, MA ZIN PA 'BYUNG BA CHEN PO BZHI'I RGYU LAS BYUNG BA DANG, GNYI GA'I 'BYUNG BA CHEN PO BZHI'I RGYU LAS BYUNG BA'O, ,DE LA ZIN PA NI SEMS DANG SEMS LAS BYUNG BAS YONGS SU BZUNG BA STE, GANG LUS SU GTOGS PA SEMS CAN RNAMS KYI LAG PA DANG NGAG GI SGRA NI ZIN PA 'BYUNG BA CHEN PO BZHI'I RGYU LAS BYUNG BA'I SGRA ZHES BYA'O, ,MA ZIN PA NI SEMS DANG SEMS LAS BYUNG BAS YONGS SU MA BZUNG BA STE, GANG RLUNG DANG NAGS TSAL DANG CHU'I SGRA NI MA ZIN PA 'BYUNG BA CHEN PO BZHI'I RGYU LAS BYUNG BA'I SGRA ZHES BYA'O, ,GNYI GA NI GANG ZIN PA'I 'BYUNG BA CHEN PO BZHI YANG YOD LA MA ZIN PA 'BYUNG BA CHEN PO BZHI'I RGYU YANG YOD PA LAS BYUNG BA STE, DE YANG LAG PA DANG, RNGA LA SOGS PA PHRAD PA LAS BYUNG BA'I SGRA NI GNYI GA'I 'BYUNG BA CHEN PO BZHI'I RGYU LAS BYUNG BA'I SGRA ZHES BYA'O, ,DRI'I MTSAN NYID BSTAN PA'I PHYIR, DRI GANG ZHE NA ZHES DRIS TE, DRI'I MTSAN NYID GANG ZHE NA ZHES DRIS PA'I DON TO, ,LAN DU SNA'I YUL TE ZHES BYA BA SMOS TE, DRI NI SNA'I DBANG PO DANG, SNA'I RNAM PAR SHES PA'I YUL YIN GYI DBANG PO GZHAN GYI YUL MA YIN NO ZHES THUN MONG MA YIN PAR STON TO,, DRI LA PHYE NA DU YOD PA BSTAN PA'I PHYIR, DRI ZHIM PA DANG, DRI MI ZHIM PA DANG, DE LAS GZHAN PA'O ZHES BYA BA SMOS TE, DE LA PHYE NA RNAM PA GSUM DU GZHAG GO, ,DE LA DRI ZHIM PA NI DBANG PO DANG 'BYUNG BA CHEN PO BZHI LA PHAN PAR BYED PA STE, GLA RTZI DANG TZANDAN DANG GUR GUM LA SOGS PA'I DRI'O, ,DRI MI ZHIM PA NI DBANG PO DANG 'BYUNG BA CHEN PO BZHI LA GNOD PAR BYED PA STE, NGAN SKYUGS LA SOGS PA'I DRI'O, ,DE LAS GZHAN PA NI DBANG PO LNGA DANG 'BYUNG BA CHEN PO BZHI LA PHAN PAR YANG MI BYED GNOD PAR YANG MI BYED PA STE, DRI ZHIM PA YANG MA YIN DRI MI ZHIM PA YANG MA YIN PA'O, ,DE YANG DUNG PHOR DANG NYA PHYIS LA SOGS PA'I DRI'O, ,DRI ZHIM PA LA YANG RNAM PA GSUM STE, LHAN CIG SKYES PA DANG SBYAR BA DANG SMIN PA'O, ,DE LA TZANDAN DANG, GUR GUM LA SOGS PA'I DRI NI LHAN CIG SKYES PA'O, ,BDUG PA'I RIL BU LA SOGS PA @40A *, ,RNAMS NI SBYAR PA'O, ,AA MRA'I 'BRAS BU SMIN PA LA SOGS PA'I DRI NI SMIN PA'O, ,DRI MI ZHIM PA LA YANG LHAN CIG TE, RO'I MTSAN NYID GANG ZHE NA ZHES DRIS PA'I DON TO, ,LAN RO, ,RO'I MTSAN NYID BSTAN PA'I PHYIR RO GANG ZHE NA ZHES DRIS TE, RO'I MTSAN NYID GANG ZHE NA ZHES DRIS PA'I DON TO, ,LAN DU LCE'I DBANG PO STE ZHES BYA BA SMOS TE, RO NI LCE'I DBANG PO DANG, LCE'I RNAM PAR SHES PA'I YUL YIN GYI, DBANG PO GZHAN GYI YUL MA YIN NO ZHES THUN MONG MA YIN PAR BSTAN TO, ,ROL PHYE NA DU YOD PA BSTAN PA'I PHYIR, MNGAR BA DANG, SKYUR BA DANG, LAN TSVA DANG, KHA BA DANG, TSA BA DANG, BSKA BA'O ZHES SMOS TE, ROL PHYE BA RNAM PA DRUG GO, ,DE LA MNGAR BA NI, KA RA DANG, BU RAM DANG, SBRANG RTZI LA SOGS PA'O, ,SKYUR BA NI TSA DANG SKYUR RTZI LA SOGS PA'O, ,LAN TSVA NI BRO BA STE LAN TSVA RNAM PA LNGA'O, ,KHA BA NI MKHRIS PA DANG; TIG TA LA SOGS PA'O, ,TSA BA NI PI PI LING DANG, NA LE SHAM DANG SGA LA SOGS PA'O, ,BSKA BA NI AA RU RA DANG BA RU RA LA SOGS PA'O, ,REG BYA'I PHYOGS GCIG GI MTSAN NYID BSTAN PA'I PHYIR, REG BYA'I PHYOGS GCIG GANG ZHE NA ZHES DRIS PA'I TSIG STE, REG BYA'I PHYOGS GCIG GI MTSAN NYID GANG ZHE NA ZHES DRIS PA'I DON TO, ,LAN DU LUS KYI YUL TE ZHES BYA BA SMOS TE, REG BYA RNAMS NI LUS KYI DBANG PO DANG, LUS KYI RNAM PAR SHES PA'I YUL YIN GYI DBANG PO GZHAN GYI YUL MA YIN NO ZHES THUN MONG MA YIN PAR BSTAN TO, ,REG BYA LA PHYE NA DU YOD PA BSTAN PA'I PHYIR, 'BYUNG BA CHEN PO BZHI PO GZHAG STE, 'JAM PA DANG, RTZUB PA DANG, LCI BA DANG, YANG BA DANG, GRANG BA DANG, BRU BA DANG, SKOM PA'O ZHES BYA BA SMOS TE, LUS KYI YUL REG BYA LA PHYE NA 'BYUNG BA CHEN PO BZHI'I STENG DU 'JAM PA NAS SKOM PA'I BAR DU RGYUR BYAS PA'I GZUGS BDUN GYIS BSNAN TE BCU GCIG YOD DO, ,SMRAS PA, 'BYUNG BA CHEN PO BZHI GZHAG STE, ZHES BYA BA'I TSIG STE CIR DGOS, LAN DU DE LA DGOS PA RNAM PA GNYIS YOD DE, 'BYUNG BA CHEN PO BZHI'I MTSAN NYID GONG DU BSHAD ZIN PAS DA 'DIR BSHAD MI @40B DGOS PA'I PHYIR GZHAG PA DANG, 'DIR RGYUR BYAS PA'I GZUGS BSHAD PA'I SKABS YIN GYI 'BYUNG BA CHEN PO BSHAD PA'I SKABS MA YIN PAS GZHAG GO, ,SMRAS PA, 'BYUNG BA CHEN PO BZHI GONG DU BSHAD ZIN PAS DA BSHAD MI DGOS NA YANG MA SMOS PAS MI CHOG GAM, LAN DU YANG MI SMOS SU NI 'BYUNG BA CHEN PO BZHI YANG LUS KYI YUL REG BYA'I NANG DU GTOGS PAR BSTAN DGOS PAS MI SMOS SU MI RUNG NGO, ,DE LTAR NA REG BYA RNAM PA GNYIS TE 'BYUNG BA CHEN PO BZHI DANG, 'BYUNG BA CHEN PO BZHI'I RGYU LAS SKYES PA RTZUB PA LA SOGS PA BDUN NO, ,DE LA 'JAM PA NI MNYEN PA MI RTZUB PA REG PAR BZOD PA'O, ,RTZUB PA NI MI MNYEN PA REG PAR MI BZOD PA'O, ,LCI BA NI GANG GI DBANG GIS SRANG GI MGO MTHUR DU DMA' BAR 'GYUR BA'O, ,YANG BA NI BONG CHER ZIN KYANG BONG CHUNG DU LCI BA LA LJID KYIS MI THUB STE, SRANG GI MGO MTHO LA MJUG DMA' BAR 'GYUR BA'O, ,GRANG BA NI GANG GIS NYEN NA DRO BAR 'DOD PA'O, ,BRU BA NI GANG ZA BAR 'DOD PA SKYE BA'O, ,SKOM PA NI GANG 'THUNG 'DOD PA SKYE BA'O, ,BRGAL BA, ZA 'DOD PA DANG 'THUNG 'DOD PA NI, SEMS LAS BYUNG BA'I CHOS YIN NA, DE JI LTAR LUS KYI DBANG PO'I YUL REG BYA'I PHYOGS GCIG 'BYUNG BA CHEN PO BZHI LAS SKYES PA'I CHOS SU GZHAG ,LAN DU 'DI NI RGYU LA 'BRAS BU BTAGS PA STE, DPER NA, SANGS RGYAS 'BYUNG BA BDE BA DANG, ,CHOS BSTAN PA YANG BDE BA'O, ,ZHES GSUNGS PA BZHIN NO, ,TSIGS BCAD 'DI YANG RGYU LA 'BRAS BU BTAGS PA YIN TE, SANGS RGYAS 'JIG RTEN DU 'BYUNG ZHING SKYE BA NI SKYE BA THAMS CAD DU SDUG BSNGAL BAR BSHAD PAS BDE BA MA YIN MED KYI, SANGS RGYAS 'JIG RTEN DU BYUNG BAS DAM PA'I CHOS BSTAN PA'I RGYU LAS SEMS CAN RNAMS BDE 'GRO DANG MYA NGAN LAS 'DAS PA'I 'BRAS BU THOB PAR 'GYUR BAS LHA DANG MI'I BDE 'GRO DANG MYA NGAN LAS 'DAS PA'I 'BRAS BU THOB PA DE RGYU SANGS RGYAS 'BYUNG BA LA BTAGS NAS, SANGS RGYAS 'BYUNG BA BDE BA DANG, ,ZHES GSUNGS SO, ,CHOS BSHAD PA YANG, 'BAD PA CHEN POS BYA DGOS PAS BDE BA MA YIN MOD KYI, RGYU DE LAS BDE 'GRO DANG MYA NGAN LAS 'DAS PA'I 'BRAS BU BDE BA 'THOB PA'I BDE BA 'BYUNG STE, 'BRAS BU DE RGYU @41A *, ,CHOS BSTAN PA LA BTAGS NAS, CHOS BSTAN PA YANG BDE BA'O, ,ZHES GSUNGS SO, ,DE DANG 'DRA PAR RLUNG GI KHAMS KYI SHAS CHE BAR GYUR NA LTO'I NANG DU PHO BA KHA 'BYAR BA'I REG BYA'I KHYAD PAR ZHIG 'BYUNG STE, DES RGYU BYAS NAS ZA 'DOD PA SKYE'O, ,PHO BA KHA 'BYAR BA NI ZA 'DOD PA'I RGYU YIN LA ZA 'DOD PA NI DE'I 'BRAS BU YIN TE, ZA 'DOD PA'I 'BRAS BU'I MING DE RGYU LA BTAGS NAS, PHO BA KHA 'BYAR BA LA ZA 'DOD PA ZHES BSHAD DO, ,DE BZHIN DU ME'I KHAMS KYI SHAS CHE BAR GYUR NA, LTO'I NANG DU LGANG PA KHA 'BYAR BA'I REG BYA'I KHYAD PAR SKYE STE, DE'I RGYU LA 'THUNG 'DOD PA SKYE'O; ,DE LA LGANG PA KHA 'BYAR BA NI DE'I RGYU'O, ,'THUNG 'DOD PA NI 'BRAS BU STE, 'BRAS BU 'THUNG 'DOD PA'I MING LGANG PA KHA 'BYAR BA LA BTAGS NAS 'THUNG 'DOD PA'O ZHES BSHAD DE, RGYU LA 'BRAS BU BTAGS PAS NA NYES PA MED DO, ,DE LA CHU DANG ME'I SHAS CHE BA NI 'JAM PA'O; ,SA DANG RLUNG GI SHAS CHE PA NI RTZU BA PA'O, ,SA DANG CHU'I SHAS CHE PA NI LCI BA'O, ,ME DANG RLUNG GI SHAS CHE PA NI YANG PA'O, ,CHU DANG RLUNG GI SHAS CHE BA NI GRANG PA'O, ,RLUNG GI SHAS CHE BA NI BRU PA'O, ,ME'I SHAS CHE BA NI SGOM PA'O, ,YUL LNGA BSHAD ZIN TO, ,RNAM PAR RIG BYED MA YIN PA'I MTSAN NYID BSTAN PA'I PHYIR, RNAM PAR RIG BYED MA YIN PA GANG ZHEN ZHES DRIS TE, RNAM PAR RIG BYED MA YIN PA'I MTSAN NYID GANG ZHEN ZHES DRIS PA'I DON TO, , RNAM PAR RIG BYED MA YIN PA'I RGYU GANG YIN PA DANG RANG BZHIN JI LTA BU YIN PA BSTAN PA'I PHYIR, RNAM PAR RIG BYED PA DANG; TING NGE 'DZIN LAS SKYES PA'I GZUGS TE, BLTAR MED PA THOGS PA MED PA'O ZHES BYA BA SMOS TE, RNAM PAR RIG BYED PA DANG, TING NGE 'DZIN RNAM PAR RIG BYED MA YIN PA'I RGYU'O, ,DE'I RANG BZHIN NI BLTAR MED PA THOGS PA MED PA'O, ,DE LA RNAM PAR RIG BYED NI RNAM PA GNYIS TE; LUS KYI RNAM BAR RIG BYED DANG, NGAG GI RNAM PAR RIG BYED DO, ,LUS KYI RNAM PAR RIG BYED LA YANG RNAM PA GSUM STE, DGE BA DANG MI DGE BA DANG LUNG DU MI STON PA'O, ,DE LA SROG MI GCOD PA DANG, MA BYIN PAR MI LEN PA DANG, MI TSANGS BAR MI SPYOD PA NI LUS KYI @41B RNAM PAR RIG BYED DGE BA'O, ,SROG GCOD PA DANG, MA BYIN PAR LEN PA DANG, MI TSANGS PAR SPYOD PA NI LUS KYI RNAM PAR RIG BYED MI DGE BA'O, ,RI MO 'DRI BA DANG BTZEM 'DRUB BYED PA LA SOGS PA BZO'I LAS RNAMS NI LUS KYI RNAM PAR RIG BYED LUNG DU MI STON PA'O, ,NGAG GI RNAM PAR RIG BYED LA YANG RNAM PA GSUM STE, DGE BA DANG MI DGE BA DANG LUNG DU MI STON PA'O, ,DE LA BRDZUN DANG, PHRA MA DANG, NGAG 'KHYAL PA DANG, TSIG RTZUB PO SPANGS PA NI NGAG GI RNAM PAR RIG BYED DGE BA'O, ,BRDZUN DANG, PHRA MA DANG, TSIG RTZUB MO DANG, NGAG 'KHYAL PA SMRA BA DAG NI NGAG GI RNAM PAR RIG BYED MI DGE BA'O, ,'JIG RTEN GYI THA SNYAD PHAR SONG TSUR SHOG CES BYA BA LA SOGS PA SMRA BA NI NGAG GI RNAM PAR RIG BYED LUNG DU MI STON PA'O, ,TING NGE 'DZIN LA YANG RNAM PA GNYIS TE, ZAG PA DANG BCAS PA DANG, ZAG PA MED PA'I TING NGE 'DZIN TO, ,DE LAS 'OG MA LA SKYON DU LTA ZHING SA GONG MA LA YON TAN DU LTA BA'I 'JIG RTEN PA'I BSAM GTAN MI LCOGS SU MI RUNG BA DANG, BSAM GTAN DANG PO DANG BSAM GTAN KHYAD PAR CAN DANG, BSAM GTAN GNYIS PA DANG, GSUM PA DANG, BZHI PA DANG, DRUG NI ZAG PA DANG BCAS PA'I TING NGE 'DZIN TO; ,'PHAGS PA'I LAM YAN LAG BRGYAD LA SNYOMS PAR ZHUGS PA NI ZAG PA MED PA'I TING NGE 'DZIN TO, ,RNAM PAR RIG BYED MA YIN PA YANG RNAM PA GSUM STE, 'DOD PAR GTOGS PA'I RNAM PAR RIG BYED MA YIN PA DANG, GZUGS SU GTOGS PA'I RNAM PAR RIG BYED MA YIN PA DANG, ZAG PA MED PA'I RNAM PAR RIG BYED MA YIN PA'O, ,DE LA 'DOD PAR GTOGS PA'I RNAM PAR RIG BYED MA YIN PA LA RNAM PA BZHI STE, SO SOR THAR PA'I SDOM PA DANG, BYANG CHUB SEMS DPA'I SDOM PA DANG, SDOM PA MED PA DANG, SDOM PA YANG MA YIN MI SDOM PA YANG MA YIN PA'O, ,DE LA SO SOR THAR PA'I SDOM PA NI LUS DANG NGAG GI SGO NAS GZHAN LA GNOD PAR BYED PA LAS SLAR LDOG PA STE, DE YANG DGE SLONG PHA DANG, DGE SLONG MA DANG, DGE SBYONG PHA DANG, DGE SBYONG MA DANG, DGE SLOB MA DANG, DGE BSNYEN PHA DANG, DGE BSNYEN MA DANG, DUS KHRIMS @42A *, ,PA DANG BRGYAD DO, ,BYANG CHUB SEMS DPA'I SDOM PA NI BDAG GI LUS DANG SROG LA YANG PHANGS PA MED PAR LUS DANG NGAG DANG YID GSUM GYI SGO NAS RNAM PA THAMS CAD DU GZHAN LA PHAN 'DOGS PAR ZHUGS PA'O, ,SDOM PA MED PA NI LUS DANG NGAG DANG YID GSUM GYI SGO NAS RNAM PA THAMS CAD DU GZHAN LA GNOD PA BYED PAR ZHUGS PA STE, DE'ANG BYA BA DANG, NYA PA DANG, RNGON PA DANG, SHAN PA DANG, BRTZON SRUNG DANG, GSHED MA PA LA SOGS PA'O, ,SDOM PA YANG MA YIN MI SDOM PA YANG MA YIN PA NI PHAN PA DANG, GNOD PA PHYOGS RE RE LA ZHUGS PA STE PHAN PA PHYOGS GCIG LA ZHUGS PA NI YANG NYIN RE ZHING DKYIL 'KHOR MA BYAS PAR ZAN MI BZA'O ZHES DAM BCAS PAS 'CHA' 'AM ZAN CHANG GCIG TZAM YANG GZHAN LA MA BYIN PAR ZAN MI BZA'O ZHES DAM 'CHA' BA'O, ,GNOD PA PHYOGS GCIG LA ZHUGS PA NI NYIN RE ZHING MI 'GA' GZHAN LA MI BRDEG PAR ZAN MI BZA'O ZHES DAM BCAS PA 'CHA' BA'O, ,DE LA SO SOR THAR PA'I SDOM PA DANG, BYANG CHUB SEMS DPA'I SDOM PA DANG, PHAN PA PHYOGS GCIG LA ZHUGS PA NI SKYABS SU 'GRO BA DANG, BRDZUN LA SOGS PA LAS LDOG PA NGAG GI RNAM PAR RIG BYED DGE BA DANG, SROG GCOD PA LA SOGS PA LAS LDOG PA LUS KYI RNAM PAR RIG BYED DGE BA'I RGYU LAS 'BYUNG NGO, ,SDOM PA MED PA DANG, GNOD PA PHYOGS GCIG LA ZHUGS PA NI BRDZUN ZER BA LA SOGS PA NGAG GI RNAM PAR RIG BYED MI DGE B DANG, SROG GCOD PA LA SOGS PA LUS KYI RNAM PAR RIG BYED MI DGE BA'I RGYU LAS 'BYUNG NGO, ,GZUGS SU GTOGS PA'I RNAM PAR RIG BYED MA YIN PA NI GZUGS KYI KHAMS KYI BSAM GTAN BZHI DANG, MI LCOGS SU MI RUNG BA DANG, BSAM GTAN ZAG PA CAN LA SNYOMS PAR 'JUG PA'I TSE SDOM PA'I GZUGS SKYE BA STE, DE NI BSAM GTAN GYI SDOM PA ZHES BYA'O, ,ZAG PA MED PA'I RNAM PAR RIG BYED MA YIN PA NI ZAG PA MED PA'I TING NGE 'DZIN 'PHAGS PA'I LAM YAN LAG BRGYAD LA SNYOMS PAR ZHUGS PA LAS, GANG SDOM PA'I GZUGS SKYE BA STE, DE NI ZAG PA MED PA'I @42B SDOM PA ZHES BYA'O, ,DE BAS NA GZUGS SU GTOGS PA'I RNAM PAR RIG BYED MA YIN PA DANG, ZAG PA MED PA'I RNAM PAR RIG BYED MA YIN PA GNYIS NI TING NGE 'DZIN LAS SKYES PA'I GZUGS ZHES BYA STE, GZUGS SU GTOGS PA'I RNAM PAR RIG BYED MA YIN PA NI ZAG PA DANG BCAS PA'I TING NGE 'DZIN LAS SKYES PA'I GZUGS SO, ,ZAG PA MED PA'I RNAM PAR RIG BYED MA YIN PA NI ZAG PA MED PA'I TING NGE 'DZIN LAS SKYES PA'I GZUGS SO, ,SMRAS PA, SO SOR THAR PA'I SDOM PA DANG, BYANG CHUB SEMS DPA'I SDOM PA DANG SDOM PA MED PA DANG, SDOM PA YANG MA YIN MI SDOM PA YANG MA YIN PA DANG, TING NGE 'DZIN LAS SKYES PA'I SDOM PA DANG, ZAG PA MED PA'I SDOM PA 'DI DAG LA CI'I PHYIR RGYUR BYAS PA'I GZUGS ZHES BYA, SMRAS PA, DE DAG KYANG 'BYUNG BA CHEN PO BZHI LA BRTEN NAS, 'BYUNG ZHING 'BYUNG BA CHEN PO BZHI'I MTHU MA NYAMS SHING DE RNAMS GTONG BAR BYED PA'I RGYU MED KYI BAR DU SEMS 'KHRUGS PA DANG, MA 'KHRUGS PA DANG SEMS MED PA RNAMS KYI DUS NA YANG CHU'I RGYUN BZHIN DU RGYUN MI 'CHAD PAR 'BYUNG BAS NA RGYUR BYAS PA'I GZUGS ZHES BYA'O, ,DE LA SO SOR THAR PA'I SDOM PA GTONG BA'I RGYU NI RNAM PA BZHI STE, BSLAB PA PHUL BA DANG, SHI 'PHOS PA DANG, MTSAN GNYIS SKYES PA DANG, LTA BA LOG PA LA ZHUGS PA'O, ,DUS KHRIMS PA'I SDOM PA GTONG BA'I RGYU NI GONG MA BZHI'I STENG DU NYIN ZHAG ZAD PAS BSNAN TE LNGA'O, ,BYANG CHUB SEMS DPA'I SDOM PA GTONG BA'I RGYU NI GNYIS TE, SDOM PA PHUL BA DANG, LOG PA'I LTA BA LA ZHUGS PA'O, ,SDOM PA MED PA'I GTONG BA'I RGYU NI BZHI STE, SDOM PA BLANGS PA DANG, CHOS NYID KYI LTA BA THOB PA BDEN PA MTHONG BA DANG, SHI 'PHOS PA DANG, MTSAN GNYIS SKYES PA'O, ,SDOM PA YANG MA YIN MI SDOM PA YANG MA YIN PA'I GTONG BA'I RGYU GCIG STE, DAM BCAS PA BTANG BA'O, ,TING NGE 'DZIN GYI SDOM PA DANG ZAG PA MED PA'I SDOM PA GTONG BA'I RGYU GCIG STE, TING NGE 'DZIN LAS LANGS PA'O, ,RNAM PAR RIG BYED MA YIN PA'I GZUGS KYI RANG BZHIN NI BLTAR MED LA THOGS PA MED PA'O, ,DE LA KHA DOG DANG DBYIBS DANG RNAM PAR RIG @43A *, ,BYED DAG 'DI LTA BU ZHIG GNAS 'DI NA 'DUG CES BDAG GIS KYANG BLTAR RUNG LA, GZHAN LA YANG BSTAN DU RUNG BLTAR RNAM PAR RIG BYED MA YIN PA DE 'DI LTA BU ZHIG GNAS 'DI DAG NA GNAS SO ZHES BDAG GIS KYANG BLTAR MED GZHAN LA YANG BSTAN DU MED PAS NA BSTAN DU MED PA ZHES BYA'O, ,RANG GNAS PA'I PHYOGS SU DNGOS PO GZHAN SKYE BA SKYER MI STER ZHING GEGS BYED PA NI THOGS PA DANG BCAS PA ZHES BYA LA, RNAM PAR RIG BYED MA YIN BA DE LA RANG GI GNAS SU GZHAN 'BYUNG BA LA GEGS BYED MI SRID PAS THOGS PA MED PA ZHES BYA'O, ,DE LTAR NA GZUGS THAMS CAD NI RNAM PA GSUM DU 'DUS TE, BLTAR SNANG LA THOGS PA DANG BCAS PA'I GZUGS DANG, BLTAR MI SNANG LA THOGS PA DANG BCAS PA'I GZUGS DANG BLTAR YANG MI SNANG LA THOGS PA YANG MED PA'I GZUGS SO, ,DE LA BLTAR SNANG LA THOGS PA DANG BCAS PA'I GZUGS NI MIG GI DBANG PO'I YUL DU GZHAG PA KHA DOG DANG DBYIBS DANG RNAM PAR RIG BYED DO, ,BLTAR YANG MI SNANG LA THOGS PA DANG BCAS PA'I GZUGS NI MIG LA SOGS PA'I DBANG PO LNGA DANG, SGRA DANG DRI DANG RO DANG REG BYA DANG YUL BZHI STE DGU'O, ,BLTAR YANG MI SNANG LA THOGS PA YANG MED PA'I GZUGS NI RNAM PAR RIG BYED MA YIN PA'I GZUGS SO, ,SDOM PA'I GZUGS TE DE DAG LA CI'I PHYIR RNAM PAR RIG BYED MA YIN PA ZHES GDAGS SHE NA, SMRAS PA, JI LTAR RNAM PAR RIG BYED GZUGS KYI RANG BZHIN YIN LA, THAL MO SBYOR BA LA SOGS PA LUS KYI LAS KYI SGO NAS, NANG GI SEMS KYI NGO BO RIG PAR RUNG BZHIN DU RNAM PAR RIG BYED MA YIN BA DE YANG GZUGS KYI RANG BZHIN KYANG YIN MOD KYI, DE'I SGO NAS NANG GI SEMS KYI NGO BO RIG PAR BYAR MI RUNG BAS NA RNAM PAR RIG BYED MA YIN PA ZHES BYA'O, ,'BYUNG BA CHEN PO BZHI NAS RNAM PAR RIG BYED MA YIN PA'I BAR DE DAG LA CI'I PHYIR GZUGS ZHES BYA, SMRAS PA, GZHIG CING GNOD PAR BYED RUNG BAS NA GZUGS ZHES BYA STE, BCOM LDAN 'DAS KYIS KYANG DGE SLONG DAG GZHIG CING GZHOM DU YOD PA'I PHYIR GZUGS NYE BAR LEN PA'I PHUNG PO ZHES BYA'O ZHES GSUNGS SO, ,SMRAS PA, @43B 'O NA RNAM PAR RIG BYED MA YIN PA BLTAR MED LA THOGS PA MED PAS GZHIG CING GNOD PA BYAR MI RUNG NA DE JI LTAR GZUGS SU 'GYUR, SMRAS PA, RNAM PAR RIG BYED MA YIN PA NYID LA GZHIG CING GNOD PA BYAR MI RUNG YANG SHING BCAD NA GRIB MA MED PAR 'GYUR PA DANG NOR BU RIN PO CHE BCAG NA 'OD MED PAR 'GYUR BA BZHIN DU 'BYUNG BA CHEN PO BZHI NYAMS PAR BYAS NA RNAM PAR RIG BYED MA YIN PA'I GZUGS KYANG NYAMS PAR 'GYUR BAS GZUGS ZHES BYAS PA LA NYES PA MED DO, ,GZUGS KYI PHUNG PO BSHAD PA RDZOGS SO,, ,,GZUGS KYI PHUNG PO BSHAD ZIN PA'I 'OG TU TSOR BA'I PHUNG PO SMOS PAS DE BSHAD PA'I SKABS SU BAB PA'I PHYIR, TSOR BA GANG ZHE NA ZHES DRIS TE, TSOR BA'I PHUNG PO'I MTSAN NYID GANG ZHE NA ZHES DRIS PA'I DON TO, ,'DIR TSOR BA'I PHUNG PO GANG ZHE NA ZHES MA DRIS KYI, TSOR BA GANG ZHE NA ZHES CI'I PHYIR 'DRI ZHE NA, YANG GZUGS KYI PHUNG PO'I SKABS SU LAN BTAB PA BZHIN DU BSHAD PAR BYA'O, ,DRIS PA'I LAN DU, MYONG BA RNAM PA GSUM STE ZHES BYA BA SMOS TE, TSOR BA ZHES BYA BA NI MYONG BA LA BYA STE, YUL GYI RANG BZHIN SIM PA DANG, YUL GYI RANG BZHIN GDUNG BA DANG, YUL GYI RANG BZHIN SIM PA YANG MA YIN, GDUNG BA YANG MA YIN PA'I NGO BO RNAM PA GSUM MYONG ZHING MNGON SUM DU BYED PAS NA TSOR BA ZHES BYA'O, ,YANG NA LAS DGE BA DANG LAS MI DGE BA DANG LUNG DU MA BSTAN PA'I 'BRAS BU BDE BA DANG, SDUG BSNGAL DANG BDE BA YANG MA YIN SDUG BSNGAL YANG MA YIN PA GSUM MYONG BAR BYED PAS NA TSOR BA ZHES BYA'O; ,TSOR BA LA YANG PHYE NA DU YOD PA BSTAN PA'I PHYIR, BDE BA DANG, SDUG BSNGAL DANG SDUG BSNGAL YANG MA YIN PA BDE BA YANG MA YIN PA'O ZHES BYA BA SMOS TE, TSOR BA LA PHYE NA RNAM PA GSUM STE, BDE BA'I TSOR BA DANG, SDUG BSNGAL GYI TSOR BA DANG, SDUG BSNGAL YANG MA YIN PA'I TSOR BA'O, ,SMRAS PA, BDE BA'I TSOR BA DANG SDUG BSNGAL GYI TSOR BA GNYIS NI SO SOR RANG GI RIG PAR 'BYUNG BA YOD PAR MNGON NO, ,DE GNYIS LAS MA GTOGS PAR BDE BA YANG MA YIN SDUG BSNGAL YANG MA YIN PA'I TSOR BA YOD PAR CI MNGON, LAN DU, DE NI BCOM LDAN @44A *, ,'DAS KYI LUNG LAS KYANG 'BYUNG LA, RIGS PAS BRTAGS NA YANG BDE BA YANG MA YIN SDUG BSNGAL YANG MA YIN PA'I TSOR BA YOD PAR MNGON NO, ,LUNG LAS 'BYUNG BA NI MOD SDE LAS TSOR BA RNAM PA GSUM STE, BDE BA'I TSOR BA DANG SDUG BSNGAL GYI TSOR BA DANG, BDE BA YANG MA YIN SDUG BSNGAL YANG MA YIN PA'I TSOR BA'O ZHES 'BYUNG NGO, ,YANG MDO SDE GZHAN DAG LAS BDE BA YANG SPANGS SDUG BSNGAL YANG SPANGS NAS DANG PO NYID DU YID BDE BA DANG YID MI BDE BA GNYIS 'GAG PAR 'GYUR TE, BDE BA YANG MA YIN SDUG BSNGAL YANG MA YIN PA'I TSOR BA SO SOR MYONG BA BSAM GTAN BZHI BA LA SNYOMS PAR ZHUGS NAS GNAS SO ZHES GSUNGS SO, ,RIGS PAS BRTAGS NA YANG NAM YANG TSOR BA DANG BRAL BA'I SEMS 'BYUNG MI SRID LA BAR SKABS SU BDE BA'I TSOR BA YANG MI 'BYUNG SDUG BSNGAL GYI TSOR BA YANG MI 'BYUNG BA'I SEMS DMIGS PAS NA; DE'I SKABS SU NI BDE BA YANG MA YIN, SDUG BSNGAL YANG MA YIN PA'I TSOR BA 'BYUNG BAR RIG PAR BYA'O, ,BDE BA'I TSOR BA'I MTSAN NYID BSTAN PA'I PHYIR, BDE BA NI GANG 'GAG PA LAS GANG PHRAD PAR 'DOD PA'O ZHES BYA BA SMOS TE, DNGOS PO GANG ZHIG DANG PHRAD PA LAS BRAL BAR 'GYUR BA DANG, YANG DE DANG SLAR PHRAD PAR 'DOD PA NI BDE BA'I TSOR BA ZHES BYA'O, ,'GAG CES BYA BA NI BRAL BA LA BYA'O, ,SDUG BSNGAL GYI TSOR BA'I MTSAN NYID BSTAN PA'I PHYIR, SDUG BSNGAL NI BYUNG BA LAS GANG BRAL BAR 'DOD PA'O ZHES BYA BA SMOS TE, BYUNG BA LAS ZHES BYA BA 'DI DNGOS PO GANG DANG PHRAD PAR GYUR BA LAS DE DANG PHYIS BRAL BAR 'DOD CING MI PHRAD PAR 'DOD PA NI SDUG BSNGAL GYI TSOR BA ZHES BYA'O, ,SDUG BSNGAL YANG MA YIN BDE BA YANG MA YIN BA'I TSOR BA'I MTSAN NYID BSTAN PA'I PHYIR, SDUG BSNGAL YANG MA YIN BDE BA YANG MA YIN PA NI GANG GNYI GAR 'DOD BAR MI 'GYUR PA'O ZHES BYA BA SMOS TE, DNGOS PO GANG DANG PHRAD KYANG BRAL BAR 'DOD PA YANG MI SKYE DNGOS PO GANG DANG BRAL YANG SLAR PHRAD PAR 'DOD PA YANG MI SKYE A NI SDUG BSNGAL YANG MA YIN BDE BA YANG MA YIN PA'I TSOR BA ZHES BYA'O, ,YANG NA DNGOS PO GANG DANG @44B PHRAD PA'I TSE NI 'BRAL BAR MI 'DOD LA BRAL BA'I TSE NI SLAR PHRAD PAR 'DOD PA SKYE BA DE NI BDE BA'I TSOR BA'O, ,DNGOS PO GAN DANG PHRAD PA'I TSE NI, BRAL BAR 'DOD LA BRAL BA'I TSE NI SLAR PHRAD PAR MI 'DOD PA DE NI SDUG BSNGAL GYI TSOR BA'O, ,BTANG SNYOMS KYI TSOR BA NI SNGAR BSHAD PA BZHIN NO, , YANG NA BDE BA'I TSOR BA NI LUS BRTAS PA DANG SEMS BRTAN PAR BYED PA DANG YID DANG MTHUN PAR BYED PAS NYAMS SU LEN PA'I PHYIR DE 'GAGS NA YANG SLAR DE DANG PHRAD PAR 'DOD PA SKYE'O, ,SDUG BSNGAL GYI TSOR BA NI LUS NYAMS PAR BYED PA DANG SEMS NYAMS PAR BYED PA DANG, YID DU MI 'ONG BAS NYAMS SU GNOD PAR BYED PA'I PHYIR DE DANG PHRAD NA YANG SLAR 'BRAL BA'I 'DOD PA SKYE'O, ,SDUG BSNGAL YANG MA YIN BDE BA YANG MA YIN PA'I TSOR BA NI SDUG BSNGAL GYI TSOR BA BZHIN DU LUS DANG SEMS LA GNOD PAR BYED CING YID DU MI 'ONG BAR BYED PA YANG MED, BDE BA'I TSOR BA BZHIN DU LUS LA PHAN PAR BYED CING YID DU 'ONG BAR BYED PA YANG MED PAS DE DANG PHRAD NA YANG 'BRAL BAR 'DOD PA NI MI SKYE LA, BRAL NA YANG PHRAD PAR 'DOD PA MI SKYE BA'O, ,TSOR BA'I PHUNG PO BSHAD PA RDZOGS SO,, ,,TSOR BA'I PHUNG PO'I 'OG TU 'DU SHES KYI PHUNG PO SMOS PA DE BSHAD PA'I SKABS SU BAB PA'I PHYIR, 'DU SHES GANG ZHE NA ZHES DRIS TE, 'DU SHES KYI PHUNG PO'I MTSAN NYID GANG ZHE NA ZHES DRIS PA'I DON TO, ,DE'I MTSAN NYID BSTAN PA'I PHYIR, YUL LA MTSAN MAR 'DZI PA'O ZHES BYA BA SMOS TE, DE LA YUL NI GZUGS DANG SGRA DANG DRI DANG RO LA SOGS PA'I YUL LNGA'O, , YUL DE'I MTSAN NYID YUL GYI KHYAD PAR LA BYA STE, SNGON PO DANG SER PO DANG DMAR PO LA SOGS PA'O, ,'DZIN PA NI 'DI NI SNGON PO NYID YIN GYI SER PO MA YIN ZHES BYE BRAG TU RTOG PA'O, ,SMRAS PA, DE LAR NA MIG GI RNAM PAR SHES PA DANG 'DU SHES GNYIS LA KHAD PAR CI YOD, SMRAS PA; SPYIR GZUGS TZAM MO ZHES SHES PA NI RNAM PAR SHES PA'O, ,GZUGS KYANG 'DI NI SNGON PO NYID YIN GYI SER PO NI MA YIN NO ZHES BYE BRAG TU 'BYED PA NI 'DU SHES TE DE BAS NA KHYAD PAR YOD DO, ,'DU SHES KYI PHUNG PO LA PHYE NA DU YOD PA BSTAN PA'I PHYIR, DE NI RNAM PA GSUM STE, @45A *, ,PHRA BA DANG CHEN POR GYUR PA DANG TSAD MED PA'O ZHES BYA BA SMOS TE, 'DU SHES LA PHYE NA RNAM PA GSUM MO, ,DE LA 'DOD PA'I KHAMS KYI 'DU SHES NI PHRA BA ZHES BYA STE, GZUGS LA SOGS PA'I 'DOD PA'I YON TAN LNGA TZAM LA DMIGS SHING KHAMS GZHAN LA LTOS NA NGAN PAR GYUR PA'I PHYIR RO, ,GZUGS KYI KHAMS KYI 'DU SHES NI CHEN POR GYUR PA ZHES BYA STE, 'DOD PA'I KHAMS KYI 'DU SHES PAS MCHOG TU GYUR PA DANG, TING NGE 'DZIN GYI YUL LA DMIGS PA'I PHYIR RO, ,GZUGS MED PA'I KHAMS KYI 'DU SHES NI TSAD MED PA ZHES BYA STE, NAM MKHA' NI MTHA' YAS SO ZHES BYA BA LA SOGS PA'I RNAM PAR TSAD MED PAR DMIGS PA'I PHYIR RO, ,YANG NA SLOB DPON KHA CIG NA RE YUNGS KAR LA SOGS PA LA DMIGS BA'I 'DU SHES NI PHRA BA ZHES BYA'O, ,RI RAB LA SOGS PA LA DMIGS PA'I 'DU SHES NI CHEN POR GYUR PA ZHES BYA'O; ,NAM MKHA' LA SOGS PA LA DMIGS PA'I 'DU SHES NI TSAD MED PA ZHES 'CHAD DO, ,'DU SHES KYI PHUNG PO BSHAD PA RDZOGS SO, , , ,'DU SHES KYI PHUNG PO'I 'OG TU 'DU BYED KYI PHUNG PO SMOS PAS, DE BSHAD PA'I SKABS SU BAB BA'I PHYIR, 'DU BYED RNAMS GANG ZHE NA ZHES DRIS TE; 'DU BYED KYI PHUNG PO RNAMS KYI MTSAN YID DANG RANG BZHIN GANG ZHE NA ZHES DRIS PA'I DON TO, ,DE LA RGYU DANG RKYEN RNAMS 'DUS SHIG TSOGS NAS BYAS SHIG BSKYED PA'I PHYIR 'DU BYED CES BYA'O, ,SMRAS PA, GONG DU GZUGS DANG TSOR BA LA SOGS PA'I SKABS SU NI GZUGS GANG ZHE NA, TSOR BA GANG ZHE NA ZHES DRIS KYI GZUGS RNAMS GANG ZHE NA, TSOR BA RNAMS GANG ZHE NA ZHES MA DRIS LA, 'DIR 'DU BYED KYI PHUNG PO BSHAD PA'I SKABS SU 'DU BYED GANG ZHE NA ZHES MI 'DRI BAR CI'I PHYIR 'DU BYED RNAMS GANG ZHE NA ZHES 'DRI, SMRAS PA, GZUGS DANG TSOR BA'I PHUNG PO BSHAD PA'I SKABS PAS 'DU BYED KYI PHUNG PO BSHAD PA'I SKABS SU CHOS MANG DU BSTAN CING 'CHAD PAS NA 'DU BYED RNAMS GANG ZHE NA ZHES DRIS SO, ,LAN DU TSOR BA DANG 'DU SHES LAS GZHAN PA SEMS LAS BYUNG BA'I CHOS RNAMS DANG SEMS DANG MI LDAN PA RNAMS SO ZHES BYA BA SMOS TE, GZHAN @45B PA ZHES BYA BA NI BZHAG STE ZHES BYA BA'I DON TAM BKOL LAM ZHES BYA BA'I DON TE, MDOR NA TSOR BA DANG 'DU SHES GNYIS GZHAG GAM BKOL TE SEMS LAS 'BYUNG BA'I CHOS JI SNYED YOD PA DANG SEMS DANG MI LDAN PA'I CHOS JI SNYED YOD PA LA 'DU BYE KYI PHUNG PO ZHES PA'I DO TO, ,SMRAS PA, TSOR BA DANG 'DU SHE LAS GZHAN PA ZHES BYA BA DE'I TSIG SMOS PA DE CIR DGOS, LAN DU DE GNYIS KYI MTSAN NYID GONG DU BSHAD ZIN TO, ,DA 'DIR BSHAD MI DGOS PAS NA GZHAN PA ZHES BYA BA'I TSIG SMOS TE, DE GNYIS 'DIR MI BSHAD DO ZHES BYA BA'I DON TO, ,SMRAS PA DE GNYIS KYI MTSAN NYID LTAR GU BSHAD ZIN TO, ,'DIR BSHAD MI DOGS NA YOD YE MA SMOS PAS MI CHOG GAM, LAN DU DE GNYIS KYANG SEMS LAS BYUNG BA'I CHOS SU GTOGS TE, 'DU BYED KYI CHOS SU GTOGS PA'I SEMS LAS BYUNG BA'I CHOS YIN NO ZHES BSTAN DOGS PA'I PHYIR 'DIR MING SMOS SU MI RUNG NGO, ,SMRAS PA, SEMS LAS BYUNG BA LA NGA BCU RTZA GCIG YOD PA LAS GZHAN NI 'DU BYED KYI PHUNG PO ZHES PHUNG PO GCIG TU BSDUS LA TSOR BA DANG 'DU SHES GNYIS CI'I PHYIR LOGS SHIG TU BKAR TE, PHUNG PO RE RER CI'I PHYIR BSHAD, SMRAS PA, TSOR BA NI MYONG BAR BYED PA'I RANG BZHIN TE, DE LA DGE BA DANG, MI DGE BA'I RNAM PAR SMIN PA, BDE BA DANG, SDUG BSNGAL MYONG BAR BYED PAS NA BKAR TE LOGS SHIG TU PHUNG POR BSHAD PA DANG, 'DU SHES NI THA SNYAD DU 'DOGS PA'I DNGOS PO STE, 'DU SHES KYI MTHONG BA DANG THOS PA DANG RTOGS PA LA SOGS PA'I DON RNAMS LA MTSAN MAR BZUNG NAS MTHONG NGO THOS SO RTOGS SO ZHES 'JIG RTEN PA RNAMS THA SNYAD DU 'DOGS PAS NA LOGS SHIG TU BKAR TE PHUNG PO RE RER BYAS TE BSHAD DO, ,YANG MA STSOR BA DANG 'DU SHES GNYIS NI RTZOD PA'I RTZA BA BYED PA DANG 'KHOR BA'I RGYUR GYUR PAS, SEMS LAS BYUNG BA GZHAN PAS KYANG NYON MONGS PA'I RGYU LHAG PAR BYED PAS NA SEMS LAS BYUNG BA'I CHOS YIN DU ZIN KYANG LOGS SHIG TU PHUNG PO RE RE BYAS STE BSHAD DO, ,DE LA RTZOD PA'I RTZA BA GNYIS TE, 'DOD PA LA CHAGS PA DANG LTA BA LA CHAGS PA'O, ,RTZOD PA YANG PHYOGS RNAM PAR @46A *, ,GNYIS TE, KHYIM NA GNAS PA'I PHYOGS DANG RAB TU BYUNG PA'I PHYOGS SO, ,DE LA KHYIM NA GNAS PA'I PHYOGS NI 'DOD PA LA CHAGS PA'I RGYUS RTZOD DO, ,MDO LAS KYANG 'DOD PA'I 'DOD CHAGS LA CHAGS SHING RNAM PAR BCINGS PA DANG RAB TU ZHEN PA'I RGYUS KHYIM PA RNAMS KYANG KHYIM PA DANG LHAN CIG RTZOD DO ZHES GSUNGS TE, DE LTAR NA KHYIM NA GNAS PA RNAMS RTZOD PA'I RTZA BA NI TSOR BAS BYED DO, ,RAB TU BYUNG BA RNAMS NI LTA BA LA KUN TU CHAGS PA'I RGYUS RTZOD DE, MDO LAS KYANG LTA BA LA KUN TU CHAGS SHING RNAM PAR BCINGS PA DANG, KUN TU ZHEN PA'I RGYUS RAB TU BYUNG BA RNAMS KYANG RAB TU BYUNG BA DANG, LHAN CIG RTZOD DO ZHES GSUNGS TE, RAB TU BYUNG BA RNAMS LTA BA LAS RTZOD PA'I RTZA BA YANG BDAG TU 'DZIN PA DANG, RTAG PAR 'DZIN PA LA SOGS PA'I 'DU SHES PHYIN CI LOG YIN PAS DE GNYIS LOGS SHIG TU PHUNG PO RE RER GZHAG GO, 'KHOR BA'I RGYU NI GANG ZAG RNAM PA GNYIS TE, SRED PA LA SPYOD PA DANG LTA BA LA SPYOD PA'O, ,SRED PA LA SPYOD PA'I GANG ZAG RNAMS NI TSOR BA LA CHAGS PA'I RGYUS 'KHOR BAR 'KHOR LA, LTA BA LA CHAGS PA'I GANG ZAG RNAMS NI BDAG MED PA LA BDAG TU 'DU SHES PA LA SOGS PA 'DU SHES PHYIN CI LOG GI RGYUS 'KHOR BAR 'KHOR BAS NA, DE GNYIS 'KHOR BA'I RGYU YIN PA'I PHYIR LOGS SHIG TU PHUNG PO RE RER BSHAD DO, ,SMRAS PA, JI STE TSOR BA DANG 'DU SHES GNYIS LAS GZHAN PA REG PA LA SOGS PA SEMS LAS BYUNG BA'I CHOS RNAMS DANG, RNYED PA LA SOGS PA SEMS DANG MI LDAN PA'I CHOS RNAMS 'DIR 'DU BYED KYI PHUNG POR BSHAD NA MDO DANG 'GAL TE, MDO LAS KYANG 'DU BYED RNAMS KYI PHUNG PO GANG ZHE NA, SEMS PA'I TSOGS DRUG STE, MIG GI KUN TU REG PA LAS BYUNG BA'I SEMS PA NAS, YID KYI KUN TU REG PA NAS BYUNG BA'I SEMS PA'O ZHES 'BYUNG BA DANG 'GAL LO, ,LAN DU MDO LAS SEMS PA DRUG LA 'DU BYED KYI PHUNG POR GSUNGS PA NI GTZO BO'I DBANG DU BYAS TE, GSUNGS PAS 'GAL BA MED DO, ,JI LTAR GTZO BO ZHE NA, SEMS PA NI SEMS MNGON PAR 'DU BYED CING G-YO BAR BYED PAS NA GTZO BO STE, SEMS @46B PA'I DBANG GIS DGE BA LA YANG SEMS 'JUG PAR BYED, MI DGE BA LA YANG SEMS 'JUG PAR BYED DE, LUNG DU MI STON PA LA YANG SEMS 'JUG PAR BYED PA'I PHYIR RO, ,YID LA BYED PA LA SOGS PA YANG SEMS PA'I RJES SU 'BRANG ZHING 'BYUNG BA YIN PAS MDO LAS SEMS PA'I TSOGS DRUG 'BA' ZHIG SMOS PA DER GZHAN YANG ZHAR GYIS GSUNGS PA YIN PAR RIG PAR BYA'O, ,GTZO BO'I DBANG DU BYAS PA NI DPER NA RGYAL PO GSHAGS ZHES SMRAS PA LTA BU STE, GZHAN ZHAM 'BRING 'ONG NGO ZHES MA SMRAS KYANG DE DAG KYANG DE NA MA 'ONGS PA MA YIN PA LTA BU'O, ,'DU BYED KYI PHUNG POR SEMS LAS BYUNG BA'I CHOS DANG SEMS DANG MI LDAN PA'I CHOS RNAM PA GNYIS BSDUS PA LAS SEMS LAS BYUNG BA'I CHOS ZHES BYA BA DNGOS SU GANG LA BYA MI SHES TE, DE BSTAN PA'I PHYIR SEMS LAS BYUNG BA'I CHOS RNAMS GANG ZHE NA ZHES DRIS NAS LAN DU CHOS GANG SEMS DANG LDAN PA RNAMS SO ZHES BSHAD DO, ,SEMS LAS SKYES SHING SEMS LAS 'THON PAS NA SEMS LAS BYUNG BA ZHES BYA STE, DE YANG CHOS GANG SEMS DANG LDAN BA RNAMS LA NI SEMS LAS BYUNG BA'I CHOS ZHES BYA'O, ,DE LA SEMS DANG LDAN PA'I DON CI ZHE NA, RIG PA NAS SPYOD PA'I BAR DU CHOS 'DI DAG GNAS MNYAM PA DANG DMIGS PA MNYAM PA DANG, RNAM PA MNYAM PA DANG, DUS MNYAM PA DANG, RDZAS MNYAM PA STE, MNYAM PA LNGAS MNYAM DU SKYE ZHING SEMS KYI RJES SU 'BRANG BAS NA SEMS DANG LDAN PA ZHES BYA'O, ,GNAS MNYAM PA NI MIG GI RNAM PAR SHES PA MIG GI DBANG PO LA GNAS SHING BRTEN NA, REG PA LA SOGS PA DE'I RJES SU 'BRANG BA'I SEMS LAS BYUNG BA RNAMS KYANG MIG GI DBANG PO NYID LA BRTEN CING GNAS KYI GZHAN RNAMS LA MI GNAS SO, ,DMIGS PA MNYAM PA NI MIG GI RNAM PAR SHES PA GZUGS LA DMIGS NA REG PA LA SOGS PA DE'I RJES SU 'BRANG GI SEMS LAS BYUNG BA RNAMS KYANG GZUGS NYID LA DMIGS KYI SGRA LA SOGS PA GZHAN LA MI DMIGS SO, ,RNAM PAR MNYAM PA NI MIG GI RNAM PAR SHES PA SNGON PO'I RNAM PA LTA BUR SKYES NA REG PA LA SOGS PA DE'I RJES SU 'BRANG BA YANG SNGON @47A *, ,PO'I RNAM PA LTA BUR SKYE'I SER PO'I RNAM PA LTA BUR MI SKYE'O, ,DUS MNYAM PA NI GANG GI SKAD CIG MA LA MIG GI RNAM PAR SHES PA SKYES PA DE'I SKAD CIG MA NYID LA REG PA LA SOGS PA SEMS LAS BYUNG BA 'ANG DE NYID KYI SKAD CIG MA LA SKYE'I SKAD CIG MA PHYI MA LA MI SKYE'O, , RDZAS MNYAM PA NI MIG GI RNAM PAR SHES PA RDZAS GCIG BYUNG NA REG PA LA SOGS PA 'ANG REG PA RDZAS GNYIS MI 'BYUNG GI REG PA'I RDZAS GCIG 'BYUNG NGO, ,'DU BYED SEMS DANG LDAN PA DE DAG KYANG GANG DANG GANG YIN PA MI SHES PA DANG GRANGS SU YOD PA MI SHES TE, DE BAS NA DE DAG GANG ZHE NA ZHES DRIS TE, DE'I DON NI SEMS DANG LDAN PA'I CHOS DE DAG MING GIS NI GANG DANG GANG YIN, GRANGS NI DU ZHIG YOD CES BYA BA'I DON TO, ,DE'I PHYIR SMRAS PA REG PA DANG YID LA BYED PA ZHES BYA BA LA SOGS PA SMOS TE, DE DAG GI MING NI REG PA DANG, YID LA BYED PA DANG TSOR BA ZHES DNGOS SU MING GIS SMOS PA'O, ,GRANGS NI RIG PA NAS BRTZAMS TE, DPYOD PA'I BAR DU LNGA BCU RTZA GCIG STE, LNGA BCU RTZA GCIG PO LA 'DU BYED SEMS DANG LDAN PA ZHES BYA'O, ,DE DAG LAS KUN TU 'GRO BA NI DU, YUL SO SOR NGES PA NI DU, DGE BA NI DU, NYON MONGS PA NI DU, NYE BA'I NYON MONGS PA NI DU, GZHAN PA NI DU YIN PA BSTAN PA'I PHYIR, DE RNAMS LAS LNGA NI KUN TU 'GRO BA'O ZHES BYA BA LA SOGS PA SMOS TE, SEMS DANG LDAN PA'I CHOS LNGA BCU RTZA GCIG LAS REG PA NAS SEMS PA'I BAR DU LNGA NI KUN TU 'GRO BA ZHES BYA STE, KUN TU 'GRO BA'I DON NI 'DOD PA DANG GZUGS DANG GZUGS MED PA'I KHAMS KYI KHAMS GSUM GYI SEMS CAN GYI SEMS THAMS CAD KYI RJES SU 'GRO BAS NA KUN TU 'GRO BA ZHES BYA'O, ,YANG NA MIG GI RNAM PAR SHES PA NAS KUN GZHI'I RNAM PAR SHES BA'I BAR DU RNAM PAR SHES PA BRGYAD CAR GYI RJES SU 'GRO BAS NA KUN TU 'GRO BA ZHES BYA'O, ,YANG NA DGE BA'I SEMS DANG MI DGE BA'I SEMS DANG LUNG DU MA BSTAN PA'I SEMS DANG ZAG PA MED PA'I SEMS THAMS CAD KYI RJES SU 'JUG BAS NA KUN TU 'GRO BA ZHES BYA'O, ,LNGA NI YUL SO SOR NGES PA'O ZHES PA LA, 'DUN PA NAS SHES @47B RAB KYI BAR DU LNGA NI YUL SO SOR NGES BA ZHES BYA STE YUL SO SOR NGES ZHES BYA BA YANG DE DAG GI YUL SO SOR NGES SHING CHAD PA YIN GYI YUL THAMS CAD DE DAG GI YUL MA YIN ZHING YUL THAMS CAD LA DE DAG MI 'JUG PAS NA YUL SO SOR NGES BA ZHES BYA'O, ,KHA CIG NA RE YUL GANG DU LNGA PO LAS GCIG 'BYUNG BA DER LNGA CAR GDON MI ZA BAR 'BYUNG BAS NA YUL SO SOR NGES PA'O ZHES 'CHAD DO, ,BCU GCIG NI DGE BA'O ZHES PA LA DAD PA NAS BRTZAMS TE, MI 'TSE BA'I BAR DAG TU BCU GCIG LA NI DGE BA ZHES BYA STE, DGE BA'I DON NI MA DAD PA LA SOGS PA NAG PO'I PHYOGS KYI GNYEN PAR GYUR PA DANG, 'DOD MI CHAGS PA DANG, ZHE MI SDANG BA DANG, GTI MI MUG PA'I DGE BA'I RTZA BA DANG LDAN PA'I PHYIR DGE BA ZHES BYA'O, ,DRUG NI NYON MONGS PA ZHES PA LA 'DOD CHAGS NAS BRTZAMS TE, THE TSOM GYI BAR DU DRUG NI NYON MONGS PA ZHES BYA STE, DE DAG GIS LUS DANG SEMS LA SDUG BSNGAL ZHING NYON MONGS PAR BYED PA DANG, SEMS DRI MA CAN DU BYED PAS NA NYON MONGS PA ZHES BYA'O, ,LHAG MA NI NYE BA'I NYON MONGS PA'O ZHES BYA BA LA KHRO BA NAS BRTZAMS TE, SHES BZHIN MED PA'I BAR DU LHAG MA NYI SHU NI NYE BA'I NYON MONGS PA ZHES BYA STE, NGAN SKYUGS DANG DE LAS BYUNG BA'I KHU BA DANG 'DRA BAR NYON MONGS PA LAS SKYES SHING BYUNG BAS NA NYE BA'I NYON MONGS PA ZHES BYA'O, ,NGAN SKYUGS LTA BUR GYUR PA NI NYON MONGS PA DRUG GO, ,DE LAS BYUNG BA'I KHU BA LTA BU NI LHAG MA NYI SHU'O, ,YANG NA NYI SHU PO DE DAG NYON MONGS PA DRUG GI YAN LAG TU GTOGS PA DANG, NYON MONGS PA DRUG BZHIN DU LUS DANG SEMS LA GNOD PA BYED CING SEMS DRI MA CAN DU BYED PAS NA NYE BA'I NYON MONGS PA ZHES BYA'O, ,BZHI NI GZHAN DU YANG NGO ZHES BA LA 'GYOD PA NAS DPYOD PA'I BAR DU BZHI NI GZHAN DU YANG ZHES BYA STE, DE BZHI LA NYE BA'I NYON MONGS PA 'BA' ZHIG GI RANG BZHIN YIN PAR MA ZAD KYI, DGE BA'I RANG BZHIN YANG YOD, ,MI DGE BA'I RANG BZHIN YANG YOD LUNG DU MA BSTAN PA'I RANG BZHIN YANG YOD PAS NA GZHAN DU YANG NGO ZHES BYA'O, ,DA NI SEMS DANG MI LDAN PA'I 'DU BYED DE DAG GI MTSAN NYID BSHAD PAR BYA'O, , @48A *, ,SUM CU PA'I GTZUG LAG DANG MNGON PA'I CHOS BSDUS PA'I GTZUG LAG LAS SEMS LAS BYUNG BA LNGA BCU RTZA GCIG PO RNAMS KYI RANG BZHIN DANG LAS GNYI GA BSHAD PA LTAR, PHUNG PO LNGA'I GTZUG LAG 'DI GLENGS PAS SHES PA 'DUL BA'I DON DU BYAS TE, MDO TZAM DU BSTAN PAS NA RANG BZHIN 'BA' ZHIG BSHAD NAS LAS MA BSTAN MOD KYI, SLOB MA RNAMS CHOS KYI MTSAN NYID LA MKHAS PAR BYA BA DANG, SEMS LAS BYUNG BA DE DAG RANG BZHIN BRDA PHRAD PAR SLA BAR BYA BA'I PHYIR BDAG GIS NI RANG BZHIN DANG LAS GNYI GA BSTAN NO, ,LNGA KUN TU 'GRO BA LAS TSOR BA DANG 'DU SHES GNYIS GONG DU BSHAD ZIN PAS NA BSHAD MI DGOS TE, DA NI REG PA DANG YID LA BYED PA DANG SEMS PA GSUM BSHAD DO, ,DE LA REG PA'I RANG BZHIN BSTAN PAR BYA BA'I PHYIR, REG PA GANG ZHE NA ZHES DRIS TE, REG PA'I RANG BZHIN NAM MTSAN NYID GANG ZHE NA ZHES DRIS PA'I DON TO, ,LAN DU GSUM 'DUS NAS YONGS SU GCOD PA'O ZHES BYA BA SMOS TE, GSUM NI DBANG PO DANG YUL DANG RNAM PAR SHES PA GSUM MO, ,DE DAG RGYU DANG 'BRAS BU'I DNGOS POR LHAN CIG TU TSOGS PA NI 'DUS PA ZHES BYA STE, YUL DANG DBANG PO DANG RNAM PAR SHES PA GSUM NI RGYU YIN NO, ,DE'I RGYU LAS BYUNG BA'I REG PA NI 'BRAS BU YIN TE, GSUM 'DUS PA'I RGYU LAS GANG BYUNG BA'I SEMS LAS BYUNG BA DE LA REG PA ZHES BYA'O, ,DE LA YUL DANG DBANG PO DANG RNAM PAR SHES PA GSUM DUS GCIG TU 'DUS PA LAS, DE NYID KYI DUS NA TSOR BA BDE BA DANG SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA GSUM SKYE BAR BYED PA DANG RJES SU MTHUN PA 'AM TSOR BA GSUM SKYE BA'I RGYU LTA BUR DBANG PO YONGS SU 'GYUR RO, ,CI LTAR DBANG PO TSOR BA BDE BA LA SOGS PA SKYE BAR 'GYUR BA DANG RJES SU MTHUN PAR 'GYUR BA 'AM; TSOR BA SKYE BA'I RGYU LTA BUR 'GYUR BA DE DANG 'DRA BAR YUL DANG TSOR BA BDE BA LA SOGS PA SKYE BAR 'GYUR BA DANG RJES SU MTHUN PAR YONGS SU GYUR PA 'AM, TSOR BA SKYE BA'I RGYU LTA BUR YONGS SU 'GYUR BA'I YUL GYI RNAM PA JI LTA BU YIN PAS GCOD PAR BYED PA NI REG PA ZHES BYA'O, , @48B DE'I LAS NI TSOR BA'I RTEN BYED PA STE, TSOR BA SKYE BA'I RGYU BYED PA'I DON TO, ,DE BAS NA DE MDO LAS KYANG REG PA'I RKYEN GYIS TSOR BA 'BYUNG ZHES BSHAD PA DANG MDO GZHAN DAG LAS TSOR BA MYONG BA'I REG PA LA BRTEN NAS, BDE BA'I TSOR BA SKYE'O ZHES GSUNGS SO, ,YID LA BYAD PA'I RANG BZHIN BSTAN PA'I PHYIR, YID LA BYED PA GANG ZHES DRIS TE, YID LA BYED PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU SEMS KYI 'JUG PA'O ZHES BYA BA SMOS TE, 'JUG PA ZHES BYA BA NI SEMS YUL LA 'GRO BAR BYED PA 'AM DER LTA BAR BYED PA STE, BSGOM PAR BYA BA YUL DMIGS PA'I KHYAD PAR LA SOGS PA DMIGS PAR BYA BA'I YUL GANG YANG RUNG BA LA SEMS MNGON DU LTA ZHING DER PHYOGS PAR BYED PAS NA SEMS KYI 'JUG PA ZHES BYA STE, DE LTA BUR BYED PA DE LA YID LA BYED PA ZHES BYA'O, ,DE'I LAS NI DMIGS PA LA SEMS 'DZIN PA'O, , DMIGS PA LA SEMS 'DZIN CES BYA BA'I DON YANG JI LTA BU ZHE NA, KENG RUS LA SOGS PA DMIGS PA'I YUL LA SEMS YANG NAS YANG DU 'JOG PAR BYED PA NI SEMS 'DZIN PA ZHES BYA'O, ,DE BAS NA DMIGS PA'I YUL LA SEMS KYI SKAD CIG MA'I RGYUN DU DMIGS PA DE NI DE'I LAS SU BSHAD KYI, ,SEMS KYI SKAD CIG MA GCIG DE LA DMIGS NAS, SKAD CIG MA GNYIS PA LA SOGS PA'I TSE SKAD CIG MA GZHAN LA DMIGS PA DE NI DE'I LAS SU MI GZHAG GO, ,SEMS PA'I RANG BZHIN BSTAN PA'I PHYIR, SEMS PA GANG ZHE NA ZHES DRIS TE, SEMS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU YON TAN DANG NYES PA DANG GNYI GA MA YIN PA LA SEMS MNGON PAR 'DU BYED PA YID KYI LAS SO ZHES BYA BA SMOS TE, DE LA DGE BA'I CHOS RNAMS NI YON TAN NO, ,MI DGE BA'I CHOS RNAMS NI NYES PA ZHES BYA'O, ,LUNG DU MA BSTAN PA'I CHOS RNAMS LA NI GNYI GA MA YIN PA ZHES BYA'O, ,SEMS MNGON PAR 'DU BYED PA ZHES BYA BA NI SEMS G-YO BAR BYED 'GUL BAR BYED CES BYA BA'I DON TE, SEMS 'DI CI 'ANG MI BYED CING MI G-YO BA YIN NA SEMS PA ZHES BYA BA SEMS LAS BYUNG BAS BSKYOD NAS, SEMS DGE BA @49A *, ,LA YANG MNGON PAR 'DU BYED CING DGE BA BYED PA LA YANG 'JUG ,SEMS MI DGE BA LA YANG MNGON PAR 'DU BYED CING MI DGE BA BYED PA LA YANG 'JUG ,SEMS LUNG DU MA BSTAN PA LA YANG MNGON PAR 'DU BYED CING LUNG DU MA BSTAN PA LA YANG 'JUG PAR BYED PA NI SEMS PA ZHES BYA STE, DPER NA KHAB MI G-YO ZHING BYED PA MED MOD KYI, RDO KHAB LONG GI DBANG GIS KHAB G-YO ZHING 'GUL BA BZHIN NO, ,YANG NA DGE BA'I CHOS RNAMS LA NI SEMS YON TAN CAN DU SEMS SHING LTA BA DANG MI DGE BA'I CHOS RNAMS LA NI NYES PA CAN DU SEMS SHING LTA BA DANG GNYI GA MA YIN PA STE, LUNG DU MA BSTAN PA'I CHOS RNAMS LA NI YON TAN CAN DANG NYES PA CAN GNYI GAR MI SEMS MI LTA BAR BYED PA NI SEMS PA ZHES BYA'O, ,YANG NA PHAN 'DOGS PA RNAMS LA NI YON TAN DU LTA ZHING SEMS, GNOD PA BYED PA LA NI NYES PAR LTA ZHING SEMS, BAR MA LA NI GNYI GAR YANG MI SEMS MI LTA BAR BYED PA NI SEMS PA ZHES BYA'O, ,SMRAS PA, YID KYI LAS ZHES BYA BA YANG SEMS G-YO BAR BYED PA LA BYA BAS YID KYI LAS ZHES MA BRJOD KYANG, SEMS MNGON PAR 'DU BYED CES BRJOD PAS YID KYI LAS YIN NO ZHES ZHAR GYIS THOB NA, YID KYI LAS ZHES BRJOD PA CIR DGOS, LAN DU RNAM PAR RTOG PA DANG, DPYOD PA LA SOGS PA YANG, SEMS MNGON PAR 'DU BYED PA'I RANG BZHIN TE, SEMS G-YO BAR BYED PA YIN DU ZIN KYANG YID KYI LAS MA YIN TE, RNAM PAR SHES PA MI G-YO BA'I CHOS LAS G-YO BA BZHIN DU BYED PA NI SEMS PAS BYED KYI SEMS LAS BYUNG PA GZHAN GYIS MI BYED PAS NA YID KYI LAS ZHES BYA STE, DES NI SEMS LAS BYUNG BA GZHAN BKAR BA YIN NO, ,DE LA YID KYI LAS ZHES BYA BAS SEMS PA'I RANG BZHIN BSTAN TO, ,YON TAN DANG NYES PA GNYI GA MA YIN PA LA SEMS MNGON PAR 'DU BYED PA NI DE'I LAS YIN PAR BSTAN TO, ,LNGA KUN TU 'GRO BA BSHAD ZIN TO, ,LNGA YUL SO SOR NGES PAR BSTAN PAR BYA STE, DE LA YANG 'DOD PA'I RANG BZHIN BSTAN PA'I PHYIR, 'DOD PA GANG ZHE NA ZHES DRIS TE, 'DOD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU 'DOD PA'I DNGOS PO LA 'DOD PA'O @49B ZHES BYA BA SMOS TE, 'DOD PA YANG 'DOD PA'I DNGOS PO NYID LA 'DOD PA SKYE'O, 'DOD PA MA YIN PA'I DNGOS PO LA 'DOD PA MI SKYE BAS YUL NGES PA'O, ,DE LA 'DOD PA'I DNGOS PO NI BLTA BAR 'DOD PA'I DNGOS PO GZUGS DANG MNYAN PAR 'DOD PA'I DNGOS PO SGRA LA SOGS PA'O, ,'DOD PA NI BLTA BAR BYA BA'I YUL DANG MNYAN PAR BYA BA'I YUL DE LA JI LTAR BLTA JI LTAR MNYAN SNYAM STE, BLTA BAR BYA BA DANG MNYAN PAR BYA BA'I YUL LA MTHONG ZHING THOS KYANG JI MA RUNG SNYAM DU SMON PA NI 'DOD PA ZHES BYA'O, ,SMRAS PA, 'DOD PA NI 'DOD PA'I DNGOS PO LA 'DOD PA YIN NA DE LTA NA NI SRID PA YANG 'DOD PA'I DNGOS PO LA 'DOD PA YIN PAS SRID PA DANG DE GNYIS LA KHYAD PAR CI YOD, SMRAS PA, SRED PA NI 'DOD PA'I DNGOS PO LA CHAGS SHING ZHEN PA'I BDAG NYID YIN LA, 'DOD PA NI DNGOS PO LA GCIG TU ZHEN PA MED KYI, ,SMON PA TZAM DU ZAD PAS NA KHYAD PAR YOD DO, ,DE'I LAS NI BRTZON 'GRUS KYI RTEN BYED PA STE, 'DOD PA YOD NA BRTZON 'GRUS RTZOM PA'I PHYIR RO, ,MOS PA'I RANG BZHIN BSTAN PA'I PHYIR, MOS PA GANG ZHEN ZHES DRIS TE, MOS PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU NGES PA'I DNGOS PO NYID LA DE BZHIN DU 'DZIN PA'O ZHES BYA BA SMOS TE, MOS PA'I YUL NI NGES PA'I DNGOS PO KHO NA YIN GYI, MA NGES PA'I DNGOS PO LA MOS PA MI 'JUG PAS NA YUL NGES PAR BSTAN TO, ,MI SLU BA'I LUNG DANG MNGON SUM DANG RJES SU DPAG PA'I RIGS PAS DNGOS PO RNAMS LA MI RTAG PA DANG, SDUG BSNGAL BA DANG BDAG MED PA'I RANG BZHIN DU GTAN LA DBAB PAR BYAS SHING THE TSOM MED PAR BYAS PA NI NGES PA'I DNGOS PO'O, ,DE BZHIN DU 'DZIN CES BYA BA NI MI RTAG PA DANG SDUG BSNGAL BA LA SOGS PAR GTAN LA PHAB CING YID CHES PAR BYAS PA DE LA DNGOS PO RNAMS NI MI RTAG PA DANG, SDUG BSNGAL BA LA SOGS PA KHO NAR BDEN PA'I RTAG PA LA SOGS PA NI MA YIN NO ZHES 'DZIN PA NI NGES PA ZHES BYA'O, ,YANG NA PHUNG PO LNGA LA GZUGS NI DBU BA'I GONG BU LTA BU TSOR BA NI CHU'I CHU BUR DANG 'DRA BA, 'DU SHES NI SMIG RGYU LTA BU, 'DU BYED NI CHU SHING GI SNYING PO DANG 'DRA BA, @50A *, ,RNAM PAR SHES PA NI SGYU MA LTA BU YIN PAR YID CHES PAR BYAS NAS DE LA DE BZHIN DU BDEN NO ZHES 'DZIN PA NI NGES PA'I DNGOS PO LA DE BZHIN DU 'DZIN BA ZHES BYA STE, DE LA MOS PA ZHES BYA'O, ,DE BAS NA BCOM LDAN 'DAS KYIS KYANG, GZUGS NI DBU BA LTA BU STE, ,TSOR PA CHU YI CHU BUR 'DRA, ,SMIG RGYU LTA BU 'DU SHES TE, ,'DU BYED CHU SHING 'DRA BA'O, ,RNAM SHES SGYU MA 'DRA BAR NI, ,NYI MA'I GNYEN GYIS RAB TU GSUNGS, ,ZHES BSHAD DO, ,DE'I LAS NI MI 'PHROGS PAR BYED PA STE, DNGOS PO RNAMS LA MI RTAG PA LA SOGS PAR YID CHES PAR GYUR NA, RANG GI LTA BA LAS MU STEGS CAN LA SOGS PA RGOL BA GZHAN GYIS LTA BA GZHAN DU BSGYUR BAR MI NUS PA'I PHYIR RO, ,DRAN PA'I RANG BZHIN BSTAN PA'I PHYIR, DRAN PA GANG ZHE NA ZHES DRIS TE, DRAN PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU; 'DRIS PA'I DNGOS PO MA BRJED PA STE, SEMS LA GSAL BA'O ZHES BYA BA SMOS TE, DRAN PA YANG 'DRIS PA'I DNGOS PO LA SEMS MA BRJED PAR 'BYUNG GI MA 'DRIS PA'I DNGOS PO LA, SEMS MA BRJED PA MI 'BYUNG BAS YUL NGES PAR BSTAN TO, ,SNGON MTHONG BA DANG THOS PA LA SOGS PA'I SGO NAS MYONG BAR BYAS PA'I DNGOS PO NI 'DRIS GCIG PA PO ZHES BYA'O, ,MA BRJED PA NI SNGON MYONG BA'I DNGOS PO SEMS LA BZUNG BA DE MED PAR MA GYUR CING BRJED PA DANG CHUNG ZA BAR MA GYUR PA NI MA BRJED BA ZHES BYA'O, ,MA BRJED PA'I DON NYID GSAL BAR BYA BA'I PHYIR, SEMS LA GSAL BA'O ZHES BYA BA SMOS TE, SNGON MYONG BA'I DNGOS PO DE LA YANG DANG YANG DU GOMS PAR BYAS PAS SMRA LA RAG PA BZHIN DU GSAL BAR DRAN PA'I PHYIR GSAL BA ZHES BYA STE, MA BRJED PA DANG GSAL BA GNYIS DON THA DAD PA NI MA YIN NO, ,DE'I LAS NI G-YENG BA MED PA STE; 'DRIS PA'I DNGOS PO SEMS LA GSAL BAR GYUR NA, GZUGS LA DMIGS PA LAS DMIGS PA GZHAN SGRA LA DMIGS PAR MI 'GYUR BA DANG, DKAR PO'I RNAM PA LA DMIGS PA LAS SNGON PO LA SOGS PA'I RNAM PA GZHAN LA SEMS G-YENG BAR MI 'GYUR BAS NA @50B G-YENG BA MED PA'I LAS CAN ZHES BYA'O, ,TING NGE 'DZIN GYI RANG BZHIN BSTAN PA'I PHYIR, TING NGE 'DZIN GANG ZHE NA ZHES DRIS TE, TING NGE 'DZIN GYI RANG BZHIN DANG, MTSAN NYID GANG ZHE NA ZHES DRIS PA'I DON TO, ,DE'I LAN DU, BRTAGS PA'I DNGOS PO LA SEMS RTZE GCIG PA'O ZHES BYA BA SMOS TE, 'DIR TING NGE 'DZIN KYANG BRTAGS PA'I DNGOS PO NYID SEMS RTZE GCIG TU 'GYUR GYI MA BRTAGS PA'I DNGOS PO LA SEMS RTZE GCIG TU MI 'GYUR BAS NA YUL NGES PAR BSTAN TO, ,BRTAGS PA'I DNGOS PO ZHES BYA BA NI YON TAN GYI DNGOS PO DANG NYES PA'I DNGOS PO GNYIS LA BYA'O; ,DE 'ANG BDEN PA BZHI LAS 'GOG PA DANG LAM GYI DNGOS PO LA NI YON TAN GYI DNGOS POR BRTAGS, SDUG BSNGAL DANG KUN 'BYUNG GI DNGOS PO LA NI NYES PA'I DNGOS POR BRTAGS SO, ,DE LA 'GOG PA DANG LAM LA YON TAN GYI DNGOS POR RTAG PA YANG 'GOG PA'I BDEN PA LA NI ZHI BA DANG 'GOG PA DANG GYA NOM PA DANG NGES PAR 'BYUNG BA'I TSUL LTA BUR YON TAN DU BRTAG PA LAM GYI BDEN PA LA YANG LAM DANG RIGS PA DANG, ,BSGRUB PAR BYA BA DANG NGES PAR 'BYUNG BAR BYED PA'I TSUL LTA BUR YON TAN DU BRTAG GO, ,SDUG BSNGAL DANG KUN 'BYUNG GI BDEN PA LA NYES PAR BRTAG PA YANG SDUG BSNGAL GYI BDEN PA LA MI RTAG PA DANG SDUG BSNGAL BA DANG, STONG PA DANG, BDAG MED PA'I TSUL DU NYES PAS BRTAG GO, ,KUN 'BYUNG BA'I BDEN PA LA YANG RGYU DANG KUN 'BYUNG BA DANG RKYEN DANG RAB TU 'BYUNG BA'I TSUL LTA BUR NYES PAR BRTAGS PAS NA BDEN PA BZHI LA BRTAG PA'I DNGOS PO ZHES BYA'O, ,RTZE GCIG CES BYA BA NI DMIGS PA GCIG PAR BYAS PA STE, BDEN PA BZHI 'BA' ZHIG LA DMIGS KYI GZHAN DU SEMS MA G-YENGS PA LA SEMS RTZE GCIG CES BYA'O, ,DE'I LAS NI SHES RAB KYI RTEN BYED PA STE SEMS MNYAM PAR BZHAG NA YANG DAG PA JI LTA BA BZHIN DU SHES PA'I SHES RAB SKYE BA'I PHYIR RO, ,SHES RAB KYI RANG BZHIN BSTAN PA'I PHYIR SHES RAB GANG ZHE NA ZHES DRIS TE, SHES RAB KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, DE DAG NYID RANG BZHIN DU 'BYED PA STE ZHES BYA BA SMOS TE, DE DAG @51A *, ,NYID CES BYA BA NI BRTAG BAR BYA BA'I DNGOS PO BDEN PA BZHI NYID LA BYA'O, ,RAB TU 'BYED CES BYA BA NI MA NOR BAR 'BYED CING SHES PA 'AM PHYIN CI MA LOG PAR 'BYED CING SHES PA STE, BDEN PA BZHI PO DE DAG GI RANG DANG SPYI'I MTSAN NYID MA 'DRES KYANG 'DRES PA 'DRA BAR GNAS PA LA 'DI NI RANG GI MTSAN NYID 'DI NI SPYI'I MTSAN NYID DO ZHES PHYIN CI MA LOG PAR SHES PAR 'GYUR BA 'AM, YANG DAG PA'I CHOS LA YANG YANG DAG BA NYID DO ZHES SHES, LOG PA'I CHOS LA YANG LOG PA NYID DO ZHES SHES PA NI SHES RAB CES BYA'O, ,JI LTAR TING NGE 'DZIN GYI YUL BRTAG PA'I DNGOS PO NYID YIN GYI GZHAN LA MA YIN PAR YUL NGES PA DE BZHIN DU SHES RAB KYANG BRTAGS PA'I NGO BO NYID RAB TU 'BYED KYI GZHAN MI 'BYED PAS NA YUL NGES PAR BSTAN PA YIN NO, ,SHES RAB LA PHYE NA RNAM PA DU YOD BSTAN PA'I PHYIR, RIGS PA DANG MI RIGS PAS BSKYED BA DANG GZHAN YANG ZHES BYA BA SMOS TE, SHES RAB LA PHYE NA RNAM PA GSUM STE, RIGS PAS BSKYED PA'I SHES RAB DANG MI RIGS PAS BSKYED PA'I SHES RAB DANG, GZHAN YANG STE RIGS PAS BSKYED PA YANG MA YIN MI RIGS PAS BSKYED PA YANG MA YIN BA'I SHES RAB BO, ,DE LA MI SLU BA'I LUNG DANG, RJES SU DPAG PA'I TSAD MA DANG, MNGON SUM GYI TSAD MA GSUM LA RIGS PA ZHES BYA STE, RIGS PA DE GSUM MNYAN BSAMS BSGOMS PA LAS BYUNG BA'I SHES RAB NI RIGS PAS BSKYED BA'I SHES RAB CES BYA'O, ,NYON MONGS PA KUN SPANGS PA DANG SDUG BSNGAL THAMS CAD SPANGS PA DANG DES BSHAD PA'I TSIG LA GOMS PAR BYAS NA, NYON MONGS PA RNAMS SPONG BAR BYED PAR 'GYUR BA'I SKYES BU'I TSIG NI MI SLU BA'I LUNG ZHES BYA'O, ,RJES SU DPAG PA NA YOD PA DANG PHYOGS DANG MTHUN PA NA YOD PA DANG, PHYOGS DANG MI MTHUN PA NA MED PA NI RJES SU DPAG PAR BYA BA'I TSAD MA ZHES BYA'O, ,DE LA RJES SU DPAG PA NA YOD PA NI GANG NA DU BA 'THU LA BAR SNANG PA DE NA ME YOD PAR DPAG PA'O, ,PHYOGS DANG MTHUN PA DE NA YOD PA NI GANG NA DU BA 'THUL BA DE NA ME YOD PAR CI MNGON ZHE NA, DPER NA TSANG MANG CHEN PO NA DU BA @51B 'THUL BAR MTHONG BAS DE NA ME YOD PAR SNANG BA'O, ,PHYOGS DANG MI MTHUN PA NA MED PA NI ME DANG CHUR MI MTHUN PA STE, DE BAS NA GANG NA ME YOD PA DE NA DU BA YOD KYI GANG NA CHU YOD PA DE NA DU PA MI 'THUL LO, ,MNGON SUM NI MIG GI DBANG POS BUM PA MNGON SUM DU MTHONG BA LTA BU STE, DE 'ANG RNAL 'BYOR PA'I SEMS DANG DBANG PO'I RNAM PAR SHES PA RNAMS DANG, YID KYI RNAM PAR SHES PA DANG, SEMS DANG SEMS LAS BYUNG BA'I CHOS RNAMS KYI DNGOS PO SO SOR RANG GIS RIG PA DANG BZHI'O, ,MI RIGS PA ZHES BYA BA NI MI SLU BA MA YIN PA'I LUNG DANG RJES SU DPAG PAR SNANG BA DANG, LOG PAR BSHAD PA'I TING NGE 'DZIN LA MI RIGS PA ZHES BYA STE, DE GSUM MNYAN PA DANG BSAMS PA DANG BSGOMS PA LAS BYUNG BA'I SHES RAB NI MI RIGS PA BSKYED PA'I SHES RAB CES BYA'O, ,DE LA BRDZUN GYI RGYU NYON MONGS PA THAMS CAD MA SPANGS PA DANG SDUG BSNGAL THAMS CAD MA SPANGS PA DANG, DE'I TSIG BSGOMS NA YANG NYON MONGS PA SPONG BAR MI 'GYUR BA STE, MU STEGS PA GRANGS CAN DANG BYE BRAG PA LA SOGS PA'I TSIG NI MI SLU BA MA YIN PA'I LUNG ZHES BYA'O, ,RJES SU DPAG PAR SNANG BA NI RJES SU DPAG PA DNGOS PO MA YIN GYI RTAGS KYIS RJES SU DPAG PA DANG TSUL 'DRA BA STE, DPER NA AA MRA'I SHING GI YAL GA 'DI LA 'BRAS BU GCIG SMIN PAS NA THAMS CAD SMIN TO ZHES DPOG PA LTA BU'O, ,LOG PAR BSHAD PA'I TING NGE 'DZIN NI BDAG MED PA LA BDAG TU BSHAD PA'I CHOS LA SEMS RTZE GCIG TU 'JOG PA'O; ,RIGS PAS BSKYED PA YANG MA YIN MI RIGS PAS BSKYED PA YANG MA YIN PA'I SHES RAB NI GANG SKYES MA THAG TU THOB PA'I SHES RAB DANG, TSEM DRUB LA SOGS PA 'JIG RTEN NA BZO SNA TSOGS SHES PA'I SHES RAB BO, ,DE'I LAS NI THE TSOM SEL BAR BYED PA STE, SHES RAB KYIS CHOS RNAMS KYI RANG DANG SPYI'I MTSAN NYID RAB TU PHYE NAS, PHYIN CI MA LOG PAR SHES PAR BYAS NAS DE YIN NAM MA YIN SNYAM PA'I THE TSOM MED PAR 'GYUR RO, ,LNGA YUL SO SOR NGES PA BSHAD ZIN TO, ,BCU GCIG DGEB BSHAD PAR BYA STE, DE LA DAD PA'I RANG BZHIN BSTAN @52A *, ,PA'I PHYIR, DAD PA GANG ZHE NA ZHES DRIS TE, DAD BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU, LAS DANG 'BRAS BU DANG, BDE BA DANG, DKON MCHOG LA MNGON PAR YID CHES SHING ZHES BYA BA SMOS TE, DE LA LAS NI RNAM PA GSUM STE, BSOD NAMS KYI LAS DANG BSOD NAMS MA YIN PA'I LAS DANG MI G-YO BA'I LAS SO, ,BSOD NAMS KYI LAS NI GANG 'DOD BA'I KHAMS NYID DU GTOGS PA'I DGE BA'I LAS LA BYA STE, DE YANG SROG GCOD PA LAS PHYIR LDOG PA LA SOGS PA DGE BA BCU LA BYA'O, ,BSOD NAMS MA YIN PA'I LAS KYANG 'DOD PA'I KHAMS SU GTOGS PA'I MI DGE BA'I LAS LA BYA STE, DE YANG SROG GCOD PA LA SOGS PA'I MI DGE BA BCU'I LAS LA BYA'O, ,MI G-YO BA'I LAS NI GZUGS SU GTOGS PA'I BSAM GTAN BZHI DANG GZUGS MED PAR GTOGS PA'I SNYOMS PAR 'JUG PA BZHI'I DGE BA'I LAS KYI RANG BZHIN LA BYA STE, DE DAG LA RTAG TU TING NGE 'DZIN LA GNAS PA LAS RNAM PAR RTOG PA'I RLUNG GIS G-YO BAR MI NUS SHING BSKYOD PAR MI NUS PAS MI G-YO BA'I LAS ZHES BYA'O, ,YANG NA 'DOD PA'I KHAMS KYI LAS DGE BA DANG MI DGE BA NI SNGAR LAS GCIG TU BYAS TE 'BRAS BU 'PHANGS PA LAS PHYIS LAS GZHAN BYAS NA SNGA MA'I LAS KYI 'BRAS BU BSKYOD NAS LAS PHYIS BYAS PA'I 'BRAS BU SMIN PAR 'GYUR BAS RNAM PAR SMIN PAR 'GYUR BA LA G-YO BA YOD PA LTAR, GZUGS DANG GZUGS MED PAR GTOGS PA'I LAS SNGAR BYAS TE, 'BRAS BU 'PHANGS NA PHYIS LAS GANG BYAS KYANG SNGAR BYAS PA'I 'BRAS BU NYID SMIN PAR 'GYUR GYI LAS PHYI MAS SNGA MA'I 'BRAS BU BSKYOD PAR MI NUS PAS NA MI G-YO BA'I LAS ZHES BYA'O, ,'BRAS BU RNAM PA GNYIS TE, YID DU 'ONG BA DANG YID DU MI 'ONG BA'O, ,YID DU MI 'ONG BA NI SEMS CAN DMYAL BA DANG, YI DAGS DANG BYOL SONG NGO, ,YID DU 'ONG BA NI LHA DANG MI'O, ,DE LA 'DOD PAR GTOGS PA LAS BSOD NAMS MA YIN PA'I LAS BYAS NA NI NGAN SONG GSUM DU 'BRAS BU RNAM PAR SMRIN PAR 'GYUR RO, ,'DOD PAR GTOGS PA'I BSOD NAMS KYI LAS BYAS PAS @52B NI 'DOD PA'I KHAMS NYID DU LHA DANG MI'I 'BRAS BU RNAM PAR SMIN PA YID DU 'ONG BA THOB PAR 'GYUR RO, ,GZUGS DANG GZUGS MED PAR GTOGS PA'I MI G-YO BA'I LAS DGE BA'I RANG BZHIN BYAS PA LAS NI, GZUGS DANG GZUGS MED PAR GTOGS PA'I LHA'I NAD DU 'BRAS BU RNAM PAR SMIN PA YID DU 'ONG BA 'THOB PAR 'GYUR RO, ,DE LA LAS DGE BA BYAS NA NI 'BRAS BU YID DU 'ONG BA RNAM PAR SMIN PA LA LAS MI DGE BA BYAS NA NI 'BRAS BU YID DU MI 'ONG BA RNAM PAR SMIN PAR YID CHES PAS LAS KYANG YOD LA 'BRAS BU YANG YOD CES DE GNYI GA YOD PAR MNGON PAR YID CHES PA NI DAD PA ZHES BYA'O, ,BDEN PA NI RNAM BA BZHI STE, SDUG BSNGAL GYI BDEN PA DANG, KUN 'BYUNG GI BDEN PA DANG, 'GOG PA'I BDEN PA DANG, LAM GYI BDEN PA'O, ,DE LA LAS DANG NYON MONGS PAS BSKYED PAS GZUGS LA SOGS PA NYE BAR LEN PA'I PHUNG PO LNGA 'BRAS BUR GYUR PA LA NI SDUG BSNGAL GYI BDEN PA ZHES BYA STE, DE DAG LAS KYANG MI RTAG PA DANG SDUG BSNGAL BA DANG STONG PA DANG BDAG MED PA'I MTSAN NYID DU MA NOR CING PHYIN CI MA LOG PA'I PHYIR BDEN PA ZHES BYA'O, ,LAS DANG NYON MONGS PA GNYIS LA NI KUN 'BYUNG GI BDEN PA ZHES BYA STE, DE DAG KYANG RGYU DANG KUN 'BYUNG BA DANG RKYEN DANG RAB TU 'BYUNG BA'I MTSAN NYID DU MA NOR CING PHYIN CI MA LOG PAS NA BDEN PA ZHES BYA'O, ,LAS DANG NYON MONGS PA YANG SPANGS NYA BAR LEN PA'I PHUD PO LNGA YANG BKAG PA LA NI 'GOG PA'I BDEN PA ZHES BYA STE, DE 'ANG 'GOG PA DANG ZHI BA DANG GYI[?] NOM PA DAD DES PAR 'BYUNG BAR PHYIN CI MA LOG CING MA NOR BAS NA BDEN PA ZHES BYA'O, ,DE THOB PAR BYED PA'I THABS 'PHAGS PA'I LAM GYI YAN LAG BRGYAD LA LAM GYI BDEN PA ZHES BYA STE, DE 'ANG LAM DANG RIGS PA DANG BSGRUB PAR BYA BA DANG DES PAR 'BYUNG BAR BYED PAR PHYIN CI MA LOG CING MA NOR BAS NA BDEN PA ZHES BYA'O, ,DE LA SDUG BSNGAL DANG, KUN 'BYUNG GI BDEN PA GNYIS LA SDUG BSNGAL YOD DE, KUN 'BYUNG YOD DO ZHES MNGON PAR YID CHES PA DANG 'GOG PA DANG LAM GYI BDEN PA GNYIS LA 'GOG PA NI THOB PAR BYA BAR NUS, LAM NI BSGRUB PAR BYA NUS SO ZHES MNGON @53A *, ,PAR YID CHES PA NI DAD PA ZHES BYA'O, ,DKON MCHOG CES BYA BA LA DKON MCHOG GSUM STE, SANGS RGYAS DANG CHOS DANG DGE 'DUN NO, ,DE GSUM NOR BU RIN PO CHE DANG 'DRA BA'I PHYIR DKON MCHOG CES BYA STE, DPER NA NOR BU RIN PO CHE DKON PA DANG RIN CHE BA DANG DGA' BAR BYED PA DANG, PHAN 'DOGS PA DANG MI MA YIN PA'I GNOD PA MED PAR BYED PA BZHIN DU SANGS RGYAS DANG CHOS DANG DGE 'DUN GYIS KYANG RNAM PA DE LNGA BYED PAS NA DKON MCHOG CES BYA'O, ,JI LTAR NOR BU RIN BO CHE DKON TE DUS THAMS CAD DU MI 'BYUNG BA DE BZHIN DU SANGS RGYAS KYANG, BYANG CHUB SEMS DPA' RNAMS KYIS LUS DANG SROG LA YANG MI PHONGS PAR RGYUN DU BSOD NAMS DANG YE SHES KYI TSOGS BSGRUB KYANG BSKAL PA GRANGS MED PA GSUM GYIS 'TSANG RGYA BAR 'GYUR BAS NA, DKON PA STE DE BAS NA MDO LAS KYANG SANGS RGYAS 'BYUNG BA NI AU DUM B'A RA'I ME TOG 'BYUNG BA BZHIN NO ZHES GSUNGS SO, ,SANGS RGYAS 'BYUNG BA DKON PAR GYUR PAS CHOS DANG DGE 'DUN DKON MCHOG GNYIS KYANG DKON PA NYID DO, SANGS RGYAS 'BYUNG BA LA RAG LAS PAS DE LA BRTEN NAS DE GNYIS 'BYUNG BA'I PHYIR RO, ,JI LTAR NOR BU RIN PO CHE RIN CHE BA BZHIN DU SANGS RGYAS DE YANG BSOD NAMS DANG YE SHES KYI TSOGS KYIS BSGRUBS PAS 'THOB PAS NA RIN PO CHE RIN CHE BA'O, ,DE LA PHA ROL TU PHYIN PA DRUG LAS SBYIN PA DANG TSUL KHRIMS DANG BZOD PA'I PA ROL TU PHYIN PA GSUM NI BSOD NAMS KYI TSOGS SO, ,BSAM GTAN DANG SHES RAB KYI PHA ROL TU PHYIN PA GNYIS NI YE SHES KYI TSOGS SO, ,BRTZON 'GRUS KYI PHA ROL TU PHYIN PA NI GNYI GA'I GROGS SU GYUR PA'O, ,CHOS DKON MCHOG CES BYA BA NI MYA NGAN LAS 'DA' BA LA BYA STE, DE YANG 'JIG RTEN THAMS CAD KYIS PHANGS PAR BRTZI BA'I PHUNG PO LNGA SPANGS PAS 'THOB PAS NA RIN CHE BA ZHES BYA'O, ,DGE 'DUN DKON MCHOG KYANG 'KHOR BAR SKYES PA'I BSOD NAMS DANG YE SHES LTA BU NI MA YIN GYI, 'KHOR BA LAS 'BYUNG BAR 'GYUR BA'I BSOD NAMS DANG YE SHES KYI TSOGS BSGRUBS PAS 'THOB PAS NA RIN CHE BA'O, ,JI LTAR NOR BU RIN PO CHE BDOG NA DGA' BAR BYED PA DE BZHIN DU DKON MCHOG @53B GSUM PO 'DI MTHONG YANG RUNG THOS KYANG RUNG, RJES SU DRAN PAR BYAS KYANG RUNG DGA' BA'I RGYUR 'GYUR BAS NA DGA' BAR BYED PA'O, ,JI LTAR NOR BU RIN PO CHE BDOG NA NOR BU GZHAN YANG 'DU BAS PHAN 'DOGS PAR BYED PA DE BZHIN DU DKON MCHOG 'DI GSUM LA BSU BA DANG BSNYEN BKUR BYA BA DANG, YONGS SU SHES PAR BYAS NA, LHA DANG MI'I 'BRAS BU 'THOB PA NAS, MYA NGAN LAS 'DA' BA'I BAR DU 'THOB PAR BYED PAS BDOG PA DON CHEN PO 'GRUB PA'I PHYIR PHAN 'DOGS PA'O, ,DPER NA NOR BU RIN PO CHE YOD NA MI MA YIN PA'I GNOD PAS MI TSUGS PA DE BZHIN DU DKON MCHOG GSUM RJES SU DRAN PAR BYAS NA YANG MI MA YIN PA'I GNOD PAS MI TSUGS PAS NA MI MA YIN PA'I GNOD PA MED PAR BYED PA'O, ,DE LA SANGS RGYAS ZHES BYA BA YANG DNGOS SU NA NYON MONGS PA DANG SHES BYA'I SGRIB PA SPANGS NAS, PHUNG PO LNGA GNAS GZHAN DU GYUR TE, SKU GSUM LHUN GYIS GRUB NAS STOBS DANG MI 'JIGS PA LA SOGS PA'I YON TAN PHUN SUM TSOGS PA DANG LDAN PA LA SANGS RGYAS ZHES BYA'O, ,DE LA SANGS RGYAS DE NI NYES PA THAMS CAD SPANGS BA YON TAN THAMS CAD PHUN SUM TSOGS PA YIN PAS THOS KYANG RUNG, , BDAG GIS SHES KYANG RUNG, DE'I SGO NAS MCHI MA DKU BA DANG BA SPU LDANG BAL SOGS PA'I DAD BA SEMS LAS G-YOS PA NI DAD PA ZHES BYA'O, ,CHOS ZHES BYA BA LA CHOS RNAM PA GSUM STE, BSHAD PA'I CHOS DANG, BSGRUB PA'I CHOS DANG, DON DAM PA'I CHOS SO, ,DE LA GSUNG RANG YAN LAG BCU GNYIS NI BSHAD PA'I CHOS SO, ,'PHAGS PA'I LAM GYI YAN LAG BRGYAD NI SGRUB PA'I CHOS SO, ,MYA NGAN LAS 'DA' BA NI DON DAM PA'I CHOS SO, ,DE LA DON NGAM PA'I CHOS NI KUN 'BYUNG DANG SDUG BSNGAL SPANGS PA'I BDAG NYID YIN NO, ,SGRUB PA'I CHOS NI DE THOB PAR BYED PA'I RGYU YIN NO, ,BSHAD PAR BYA BA'I CHOS NI DE GNYIS KYI DON GSAL BAR STON PAR BYED PA YIN NO ZHES SEMS DANG BA NI DANG BA ZHES BYA'O, ,DGE 'DUN ZHES BYA BA LA DGE 'DUN YANG SKYES BU GANG ZAG BRGYAD LA BYA STE, BDUD LA SOGS PAS MI PHYED PA DANG, MU STEGS LA SOGS PAS @54A *, ,SANGS RGYAS KYI BSTAN PA 'DI LAS BZLOG NAS, BIshnU LA SOGS PA'I BSTAN PA GZHAN LA GZHAG PAR MI NUS PAS NA GANG ZAG BRGYAD PO LA DGE 'DUN ZHES BYA'O, ,DGE 'DUN DE DAG KYANG 'KHOR BA'I RDZAB LAS BRGAL BA DANG 'KHOR BA'I RDZAB LAS BRGAL BAR 'GYUR BA'I LAM LA GNAS PA BSOD NAMS KYI ZHING DU GYUR BA'O ZHES SEMS DANG BA NI DAD PA ZHES BYA'O, ,DE LTAR NA DAD PA 'DI RNAM PA GSUM DU 'JUG STE, YOD PA'I DNGOS PO LA MNGON PA YID CHES PA'I RNAM PAR 'JUG PA DANG, YON TAN DANG LDAN PA LA DANG PA'I SEMS RNAM PAR 'JUG PA DANG, YON TAN DANG LDAN ZHING YOD PA THOB PAR BYA BA DANG, SKYED PAR NUS PA'I DNGOS PO LA 'DOD PA'I RNAM PAR 'JUG GO, ,DE LA LAS DANG LAS KYI 'BRAS BU DANG BDEN PA BZHI NI YOD PA'I DNGOS PO ZHES BYA STE, YOD PA LA YOD PA NYID DU YID CHES PA NI YOD PA'I DNGOS PO LA MNGON PAR YID CHES PA'I RNAM PAR 'JUG PA ZHES BYA'O, ,DKON MCHOG GSUM NI YON TAN DANG LDAN BA ZHES BYA STE, DE LA YANG YON TAN DANG LDAN PA NYID DU SEMS DGA' BA NI YON TAN DANG LDAN PA LA SEMS DANG BAR 'JUG PA'I RNAM PA ZHES BYA'O, ,MYA NGAN LAS 'DAS PA NI YON TAN DANG LDAN ZHING THOB PAR BYA NUS PA YIN LA; DE'I LAM NI BSGRUB PAR BYA NUS PA YIN TE, DE BAS NA MYA NGAN LAS 'DAS PA NI JI LTAR THOB PAR BYA, LAM NI JI LTAR BSGRUB PAR BYA ZHES 'DOD PA SKYES PA NI MNGON PAR 'DOD PA'I RNAM PAR RIN PO CHE 'JUG PA ZHES BYA'O, ,DAD PA'I YON TAN BSTAN PA'I PHYIR TE, SEMS DANG BA'O ZHES BYA BA SMOS TE, DPER NA CHU DANGS PAR BYED PA'I NOR BU CHU RNYOG PA CAN GYI NANG DU BCUG NA CHU RNYOG PA DANGS PAR BYED PA DE BZHIN DU DANGS PA ZHES BYA BA'I SEMS LAS BYUNG BA'I NOR BU RIN PO CHE 'DI SEMS KYI RGYUD LA BYUNG BA NA SEMS LA YOD PA'I NYON MONGS PA DANG, NYE BA'I NYON MONGS PA'I RNYOG PA DANGS SHING GSAL BAR BYED PAS NA SEMS DANG BA ZHES BYA'O, ,SMRAS PA, YID CHES SHING DANG BA ZHES BYA BA SMOS PAS CHOG MOD SEMS ZHES BYA BA'I SGRA SMOS JI DGOS, SMRAS PA, DANGS PA NI GZUGS CAN GYI CHOS SHEL DANG ME LONG LA SOGS PA YANG YOD PAS, @54B SEMS MA SMOS NA DE DAG LA DANG BA YIN NO SNYAM DU 'DZIN PA 'BYUNG BA'I PHYIR SEMS DANG BA ZHES BYA BA SMOS TE, ME LONG LA SOGS PA DE DAG NI GZUGS DANG BA'I RANG BZHIN YIN GYI, DAD PA NI SEMS DANG BA'I RANG BZHIN NO, ,DE'I LAS NI 'DOD PA'I RTEN BYED PA STE, DAD PA YOD NA 'DOD PA SKYE BAR 'GYUR BA'I PHYIR RO, ,NGO TSA SHES PA'I RANG BZHIN BSTAN PA'I PHYIR, NGO TSA SHES PA GANG ZHE NA ZHES DRIS TE, NGO TSA SHES PA'I RANG BZHIN DANG MTSAN NYID GANG ZHEN ZHES DRIS BA'I DON TO, ,DE'I LAN DU, BDAG GAM CHOS KYI DBANG DU BYAS TE, KHA NA MA THO BAS NGO TSA BA'O, ,ZHES BYA BA SMOS TE, 'PHAGS PA RNAMS KYIS SMAD PA DANG, SEMS CAN DMYAL BA LA SOGS PAR 'BRAS BU YID DU MI 'ONG BA RNAM PAR SMIN PAR 'GYUR BAS NA SROG GCOD PA LA SOGS PA SDIG PA'I LAS LA KHA NA MA THO BA ZHES BYA'O, ,YANG NA MKHAN PO 'AM, SLOB DPON NAM SKYES BU DAM PA RNAMS KYI MDUN DU SMRA BAR MI 'OS SHING BRJOD DU MI RUNG BA'I SDIG PA'I LAS LA KHA NA MA THO BA ZHES BYA'O, ,SDIG PA'I LAS DE BYAS KYANG RUNG MA BYAS KYANG RUNG BDAG GAM CHOS KYI DBANG DU BYAS NAS GANG SEMS BAG 'KHUMS PAR GYUR PA DE NI NGO TSA SHES PA ZHES BYA'O, ,DE LA BDAG GI DBANG DU BYAS ZHES BYA BA NI BDAG LA LTOS ZHES BYA BA'I DON TO, ,JI LTAR BDAG LA LTOS SHE NA, SDIG PA'I DNGOS PO DE LA 'DI LTAR DPYOD DO, ,LAS NGAN PA 'DI NI 'PHAGS PA DANG SKYES BU DAM PA RNAMS KYIS SMAD PA YIN LA BDAG KYANG CHO RIGS 'DI LTA BU LAS BYUNG BA YIN LA, MKHAS SHING SHES PA YIN PAS 'DI BDAG GIS BYA BA'I MI RIGS SO SNYAM NAS SDIG PA'I LAS LA SEMS BAG 'KHUMS PA NI BDAG GI DBANG DU BYAS NAS KHA NA MA THO BAS NGO TSA BA'O, ,JI LTAR CHOS KYI DBANG DU BYAS NAS, KHA NA MA THO BAS NGO TSAB YIN ZHE NA, SDIG PA'I DNGOS PO 'DI BYAS NA 'JIG RTEN PHA ROL DU 'BRAS BU YID DU MI 'ONG BA SMIN PAR 'GYUR BAR GSUNG RAB DANG CHOS KYI LUGS LAS KYANG 'BYUNG STE, 'DI SPYAD NA CHOS KYI LUGS DANG 'GAL BAS MI RIGS SO SNYAM NAS SEMS BAG LA BUMS PAR 'GYUR BA NI CHOS KYI DBANG DU BYAS NAS KHA NA MA THO BAS NGO TSA BA'O, ,'DI'I @55A *, ,LAS NI LOG PAR SPYOD PA LAS SDOM PA'I RTEN BYED PA STE, NGO TSA SHES PA YOD NA SDIG PA LAS SDOM ZHING SDIG PA'I LAS MI BYED PA'I PHYIR RO, ,KHREL YOD PA'I RANG BZHIN BSTAN PA'I PHYIR, KHREL YOD PA GANG ZHE NA ZHES DRIS TE, KHREL YOD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, 'JIG RTEN GYI DBANG DU BYAS NAS KHA NA MA THO BAS NGO TSA BA'O ZHES BYA BA SMOS TE, 'JIG RTEN GYI DBANG DU BYAS NAS ZHES BYA BA 'DI NI 'JIG RTEN GYI DBANG DU BYA BA LA LTOS NAS ZHES BYA BA'I DON TO, JI LTAR 'JIG RTEN LA LTOS SHE NA, LAS 'DI BYAS NA 'JIG RTEN PAS SMAD PA DANG, BRDEG NA LOG PAR SPYOD PA SDOM PA'I RTEN BYED PA'O, ,MA CHAGS PA'I LAS 'DI BYAS NA BDAG LA 'DI 'JIG RTEN PA RNAMS SMOD PA DANG, BCING BA DANG, BRDEG PA LA SOGS PA BYED DU 'ONG NGO SNYAM NAS, GANG SEMS BAG 'KHUMS PA NI 'JIG RTEN GYI DBANG DU BYAS NAS, KHA NA MA THO BAS NGO TSA BA'O, ,'DI'I LAS KYANG LOG PAR SPYOD PA LA SDOM PA'I RTEN BYED PA STE, NGO TSA SHES PA DANG KHREL YOD PAR GYUR NA SDIG PA'I LAS MA BYAS NA NI MI BYED LA, BYAS NA YANG PHYIN CHAD KYANG MI BYED PAR SDOM PAS NA LOG PAR SPYOD PA SDOM PA'I RTEN BYED PA'O, ,MA CHAGS PA'I RANG BZHIN BSTAN PA'I PHYIR, MA CHAGS PA GANG ZHE NA ZHES DRIS TE, MA CHAGS PA'I RANG BZHIN DANG, MTSAN NYID DANG ZHE NA ZHES DRIS PA'I DON TO, ,DE LA MA CHAGS PA'I DON NI RNAM PA GSUM DU 'JUG STE, MED PA DANG, GZHAN DANG GNYEN PO RNAMS SO, ,MED PA NI DPER NA GRAGS PA MED PA TZAM LA MA GRAGS ZHES BYA BA BZHIN DU CHAGS PA MED PA TZAM LA MA CHAGS PA ZHES BYA'O, ,DON GZHAN DU 'JUG PA NI 'DI LTAR CHAGS PA LAS GZHAN PA NI ZHE SDANG STE, ZHE SDANG BA LA YANG MA CHAGS PA ZHES BYA'O, , GNYEN PO'I DON DU 'JUG PA NI CHAGS PA'I GNYEN POR GYUR PA LA MA CHAGS PA ZHES BYA STE, 'DIR NI GNYEN PO'I DON DU 'GYUR BAR RIG PAR BYA'O, ,DE BAS NA LAN DU, CHAGS PA'I GNYEN PO STE, SKYO ZHING MI LEN PA'O ZHES BYA BA SMOS TE, CHAGS PA SNGAR BSHAD NA, MA CHAGS PA KHONG DU @55B CHUD SLA BAR 'GYUR BAS NA, CHAGS PA JA BSHAD PAR BYA'O, ,DE LA SRID PA DANG SRID PA'I LONGS SPYOD LA ZHEN PA NI CHAGS PA'O, ,SRID PA ZHES BYA BA NI 'KHOR BA'I PHUNG PO LNGA LA BYA'O, ,SRID PA'I LONGS SPYOD NI BZA' BA DANG BTUNG BA LA SOGS PA LA BYA'O, ,MA CHAGS PA NI SRID PA DANG, SRID PA'I LONGS SPYOD LA ZHEN PA MED PA'O, ,DPER NA ME'I GNYEN PO CHU YIN BAS CHU BYUNG NA ME MED PAR 'GYUR BA DANG, MUN PA'I GNYEN PO SNANG BA YIN PAS SNANG BA BYUNG NA MUN PA MED PAR 'GYUR BA BZHIN DU MA CHAGS PA BYUNG NA CHAGS PA MED PAR 'GYUR BAS CHAGS PA'I GNYEN PO ZHES BYA'O, ,DON DE NYID BSTAN PA'I PHYIR SKYO ZHING MI LEN PA'I TSIG SMOS TE, SRID PA DANG SRID PA'I LONGS SPYOD KYI SKYON SKYE BA DANG, RGA BA'I CHOS CAN YIN PAR RIG NAS DE LA YID 'BYUNG BA NI SKYO BA ZHES BYA'O, ,DE LTAR YID BYUNG BAR GYUR NAS SRID PA DANG SRID PA'I LONGS SPYOD MI SDUD CING DE DANG BRAL BAR 'DOD KYI PHRAD PAR 'DOD PA MI 'BYUNG ZHING CHAGS PA DANG ZHEN PA MED PA NI MI LEN PA ZHES BYA'O, ,'DI'I LAS KYANG LOG PAR SPYOD PA LA MI 'JUG PA'I RTEN BYED PA STE, SRID PA DANG SRID PA'I LONGS SPYOD LA MA CHAGS NA DE'I DON DU SDIG PA'I LAS MI BYED PA'I PHYIR RO, ,ZHE MI SDANG BA'I RANG BZHIN BSTAN PA'I PHYIR, ZHE MI SDANG BA GANG ZHE NA ZHES DRIS TE ZHE MI SDANG BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,'DIR YANG ZHE SDANG GI GNYEN POR GYUR PA LA ZHE MI SDANG BA ZHES BYA BA'I DON DU BLTA'O, ,LAN DU ZHE SDANG GI GNYEN PO STE BYAMS PA'O ZHES BYA BA SMOS TE, ZHE SDANG SNGAR BSHAD NA ZHE MI SDANG BA KHONG DU CHUD SLA BAS ZHE SDANG JE BSHAD PAR BYA'O, ,DE LA SEMS CAN DANG SDUG BSNGAL GYI GNAS LA GNOD PAR SEMS PA NI ZHE SDANG NGO, ,SEMS CAN NI DGRA LA SOGS PA'O, ,SDUG BSNGAL GYI GNAS NI MTSON CHA DANG, DUG DANG, TSER MA LA SOGS PA'O, ,GNOD PAR SEMS PA NI GSAD PAR BYA BAR SEMS PA'O ,ZHE MI SDANG BA NI SEMS CAN DANG SDUG BSNGAL GYI GNAS LA GNOD PAR MI SEMS PA STE, SNANG BA BYUNG NA MUN PA BYUNG BA MED PAR 'GYUR BA BZHIN DU ZHI MI SDANG BA BYUNG NA ZHE SDANG MED PAR 'GYUR BAS NA, ZHE SDANG GI GNYEN PO ZHES BYA'O, ,DE'ANG DNGOS SU BYAMS PA LA BYA STE, SEMS CAN LA @56A *, ,PHAN 'DOGS PA'I RNAM PAR ZHUGS PA'I BYAMS PA LA ZHE MI SDANG BA ZHES BYA'O, ,YANG NA ZHE MI SDANG BA YANG ZHE SDANG GI GNYEN PO YIN LA, ZHE SDANG GI GNYEN PO NI GZHAN YANG YOD PAR BSTAN PA'I PHYIR BYAMS PA SMOS TE, SEMS CAN DANG SDUG BSNGAL GYI GNAS LA GNOD PAR MI SEMS PA'I ZHE MI SDANG BA YANG ZHE SDANG GI GNYEN PO YIN LA, SEMS CAN LA PHAN 'DOGS PA'I RNAM PAR ZHUGS PA'I BYAMS PA YANG ZHE SDANG GI GNYEN PO YIN NO, ,'DI'I LAS KYANG NGAN PAR SPYOD LA MI 'JUG PA'I RTEN BYED PA STE, ZHE MI SDANG BA YOD NA SROG GCOD PA LA SOGS PA SDIG PA'I LAS LA MI 'JUG PA'I PHYIR RO, ,GTI MI MUG PA'I RANG BZHIN BSTAN PA'I PHYIR RO, ,GTI MI MUG PA GANG ZHE NA ZHES DRIS TE, GTI MI MUG PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU, GTI MUG GI GNYEN PO STE ZHES BYA BA SMOS TE, GTI MUG SNGAR BSHAD NA; GTI MI MUG PA BRDA PHRAD PAR SLA BAR 'GYUR BA'I PHYIR GTI MUG JE BSHAD PAR BYA'O, ,DE LA BDEN PA BZHI DANG, RTEN CING 'BREL BAR 'BYUNG BA'I YAN LAG BCU GNYIS LA SOGS PA MI SHES PA NI GTI MUG CES BYA'O, ,BDEN PA BZHI DANG, RTEN CING 'BREL TE 'BYUNG BA'I YAN LAG BCU GNYIS LA SOGS PA SHES PA NI GTI MI MUG PA STE, SNANG BA BYUNG NA MUN PA MED PAR 'GRO BA BZHIN DU GTI MI MUG PA SKYES NA GTI MUG MED PAR 'GRO BAS GTI MUG GI GNYEN PO ZHES BYA'O, ,DGE BA'I CHOS THAMS CAD KYANG GTI MUG GI GNYEN PO YIN PAS DGE BA'I CHOS KUN LA GTI MI MUG PA YIN NO SNYAM DU 'DZIN PA DGAG PA'I PHYIR, YANG DAG PA LA YANG DAG PAR RTOGS PA'O ZHES BYA BA SMOS TE, YANG DAG PA NI 'PHAGS PA'I BDEN PA BZHI LA SOGS PA'I RANG DANG SPYI'I MTSAN NYID LA BYA'O, ,YANG DAG PAR RTOGS PA NI BDEN PA BZHI'I RANG DANG SPYI'I MTSAN NYID PHYIN CI MA LOG PAR RTOGS PA STE, DGE BA'I CHOS KUN GTI MUG GI GNYEN PO YIN MOD KYI DE DAG LA GTI MI MUG PA ZHES MI BYA'I, GANG BDEN PA BZHI PHYIN CI MA LOG PAR RTOGS PA'I SHES RAB LA GTI MUG GI GNYEN PO ZHES BYA'O, ,DE YANG RNAM PA GNYIS TE, YE SHES DANG SO SOR RTOG PA'O, , @56B DE LA YE SHES KYANG RNAM PA BZHI STE, RNAM PAR SMIN PA DANG, RTOGS PA DANG, BSAMS PA DANG, CHUD PA'O, ,DE LA GANG SKYES MA THAG TU THOB PA'I SHES RAB NI RNAM PAR SMIN PA'I YE SHES ZHES BYA'O, ,GANG THOS PA LAS BYUNG BA'I SHES RAB NI RTOGS PA'I YE SHES ZHES BYA'O, ,BSAMS PA LAS BYUNG BA'I SHES RAB NI BSAMS PA'I YE SHES ZHES BYA'O, ,BSGOMS PA LAS BYUNG BA'I SHES RAB NI CHUNG PA'I YE SHES ZHES BYA'O, ,SO SOR RTOG PA YANG BRTZON 'GRUS DANG LDAN PA'I SHES RAB BAM, TING NGE 'DZIN DANG LDAN PA'I SHES RAB LA BYA STE, DE'I MTHUS NYON MONGS PA'I SA BON RTZA NAS MA BTON MA BCOM DU ZIN KYANG NYON MONGS PA RNAMS SKYE BA'I SKABS MI 'BYED PA NI SO SOR RTOG PA ZHES BYA'O, ,DON DU NA 'PHAGS PA'I BDEN PA BZHI RANG DANG SPYI'I MTSAN NYID YANG DAG PA JI LTA BA BZHIN DU SHES PA'I YE SHES BZHI DANG, SO SOR RTOG PA'I BDAG NYID KYI SHES RAB LA GTI MI MUG PA ZHES GDAGS SO, ,SMRAS PA, SHES RAB LA GTI MI MUG PA ZHES BYA NA, SHES RAB NI LNGA YUL SO SOR NGES PA'I SKABS SU BSHAD ZIN PAS, DA YANG BZLAS TE BSHAD CI DGOS, SMRAS PA, DER NI SHES RAB KYI MTSAN NYID SPYIR BSHAD PA DANG, CHOS KYI MTSAN NYID PHYIN CI MA LOG PAR SHES PA'I SHES RAB DE DGE BA ZHIG YIN NAM MI DGE BA ZHIG YIN NAM, LUNG DU MA BSTAN PA ZHIG YIN PA DMIGS KYIS PHYE STE MA BSTAN TO, ,DA 'DIR NI CHOS KYI MTSAN NYID LA MKHAS PA'I SHES RAB DE DGE BA'I NANG DU GTOGS PAR BSTAN PA'I PHYIR GTI MI MUG PA'I SGRAR BTAGS NAS DGE BA BCU GCIG GI NANG DU BSHAD DO, ,DE'I LAS KYANG NYES PAR SPYOD PA LA MI 'JUG PA'I RTEN BYED PA STE, GTI MUG MED PA'I GANG ZAG RNAMS NI SROG GCOD PA LA SOGS PA'I LAS LA MI 'JUG PA'I PHYIR RO, ,BRTZON 'GRUS KYI RANG BZHIN BSTAN PA'I PHYIR, BRTZON 'GRUS GANG ZHE NA ZHES DRIS TE, BRTZON 'GRUS KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU LE LO'I GNYEN PO STE ZHES BYA BA SMOS TE, 'DIR YANG LE LO SNGAR BSTAN NA BRTZON 'GRUS RTOGS PAR SLA BAR 'GYUR BAS LE LO JE BSHAD PAR BYA'O, ,DE LA LE LO RNAM PA GNYIS TE, SMAD PA'I DNGOS PO LA SPRO BA'I @57A *, ,LE LO DANG, SNYOM LAS KYI MTSAN NYID KYI LE LO'O, ,DE LA SMAD PA'I DNGOS PO LA BRTZON PA'I LE LO NI SROG GCOD PA LA SOGS PA'I MI DGE BA'I LAS BYA BA LA BRTZON PA STE, DE LA YANG LE LO ZHES BYA'O, ,SNYOM LAS KYI MTSAN NYID KYI LE LO NI 'PHRES PA DANG, NYAL BA LA SOGS PA LA DGA' ZHING DGE BA DANG MI DGE BA GANG LA YANG SEMS 'JUG PAR MI SBRO BA STE, DE LA YANG LE LO ZHES BYA'O, ,BRTZON 'GRUS YOD NA LE LO RNAM PA GNYIS MED PAR 'GYUR BAS BRTZON 'GRUS NI LE LO'I GNYEN PO ZHES BYA'O, ,SMAD PA LA SPRO BA'I LE LO DANG, SNYOM LAS KYI MTSAN NYID KYI LE LO GNYI GA YANG LE LO NYID YIN GYI BRTZON 'GRUS MA YIN PA DANG, BRTZON 'GRUS KYI MTSAN NYID GANG YIN PA BSTAN PA'I PHYIR RO, ,DGE BA LA SEMS MNGON PAR SPRO BA'O ZHES BYA BA SMOS TE, GANG MNYAN PA DANG BSAM PA LA SOGS PA DGE BA'I LAS BYA BA LA ZHUGS NAS SEMS NUR BA DANG LDOG PA MED PA NI BRTZON 'GRUS ZHES BYA'O, ,DE BAS NA MI DGE BA'I CHOS LA SEMS SPRO BA NI NGAN PAR SPYOD PA LA ZHUGS PAS LE LO NYID CES BYA BA'I BRTZON 'GRUS ZHES MI BYA'O, ,DE BAS NA BCOM LDAN 'DAS KYIS KYANG GSUNG RAB 'DI LAS GZHAN PA GANG PHYI ROL PA RNAMS KYI BRTZON 'GRUS NI LE LO NYID DO ZHES GSUNGS SO, , DE'I LAS NI DGE BA'I PHYOGS RDZOGS PAR BYED PA DANG, 'GRUB PAR BYED PA STE, BRTZON 'GRUS YOD NA DGE BA'I PHYOGS 'GRUB PA DANG RDZOGS PAR 'GYUR BA'I PHYIR RO, ,SHIN TU SBYANGS PA'I RANG BZHIN BSTAN PA'I PHYIR RO, ,SHIN TU SBYANGS PA GANG ZHE NA ZHES DRIS TE, SHIN TU SBYANGS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, GNAS NGAN LEN GYI GNYEN PO STE, LUS DANG SEMS LAS SU RUNG BA'O ZHES BYA BA SMOS TE, DE LA GNAS NGAN LEN ZHES BYA BA NI NYON MONGS PA DANG NYE BA'I NYON MONGS PA RNAMS KYI SA BON DANG SHES BYA'I SGRIB PA'I SA BON LA BYA'O, ,DE LA NYON MONGS PA DANG NYE BA'I NYON MONGS PA RNAMS KYI SA BON NI NYAN THOS RNAMS LA SGRIB PO, ,SHES BYA'I SGRIB PA'I SA BON NI BYANG CHUB SEMS DPA' LA SGRIB PO, ,SHIN TU SBYANGS ZHES BYA BA NI LUS DANG SEMS LAS SU RUNG BA LA BYA STE, NYON MONGS PA DANG SHES BYA'I SGRIB PA'I SA BON DANG BRAL NA LUS LAS SU @57B RUNG BA DANG SEMS LAS SU RUNG BA 'BYUNG BAS SHIN TU SBYANGS BA NI GNAS NGAN LEN GYI GNYEN PO YIN NO, ,DE LA LUS SHIN TU SBYANGS PA'I MTSAN NYID NI, LUS DANG SEMS LAS SU RUNG BA STE, LUS LAS SU RUNG BA NI DGE BA'I PHYOGS BSGRUB PAR BYA BA LA MYUR DU 'GRUB PAR BYED CING LUS ZO MDOG BDE ZHING; LCI BA MED BA'O, ,SEMS LAS SU RUNG BA NI RNAL 'BYOR YID LA BYED PA'I TSE, SEMS MI GSAL BA MED CING DMIGS PA'I YUL LA SEMS THOGS PA MED PAR 'JUG PA'O, ,SMRAS PA, LUS LAS SU RUNG BA NI REG BYA'I KHYAD PAR YIN TE, REG BYA'I KHYAD PAR NI YANG NA 'BYUNG BA CHEN PO BZHI'I RANG BZHIN YIN, YANG NA RGYUR BYAS PA'I GZUGS KYI RANG BZHIN YIN LA, 'DIR NI SEMS LAS BYUNG BA SHIN TU SBYANGS PA BSHAD PA'I SKABS YIN NA, LUS KYI REG BYA'I KHYAD PAR LA JI LTAR NA SHIN TU SBYANGS PA ZHES BYA, SMRAS PA, LUS KYI REG BYA LUS LAS SU RUNG BA DE SEMS LAS SU RUNG BA MA YIN DU ZIN KYANG LUS LAS SU RUNG BA DES RGYU BYAS NAS SEMS LAS SU RUNG BA SKYED PAS NA, RGYU LUS LA SEMS SHIN TU SBYANGS PA'I MING BTAGS NAS LUS LA SHIN TU SBYANGS PA ZHES BSHAD DO, ,'DI'I LAS KYANG DE'I DBANG GIS GNAS 'PHOS PA RNYED CING NYON MONGS PA'I SGRIB PA MA LUS PAR SPYOD PA'O, ,SHIN TU SBYANGS PA YOD NA SNGON LUS DANG SEMS LAS SU MI RUNG BA LAS, PHYIS LUS DANG SEMS LAS SU RUNG BA'I MTSAN NYID DU GNAS 'PHOS PA RNYED NAS, LUS DANG SEMS LAS SU RUNG BA'I GNAS 'PHOS NAS LAS SU RUNG BA'I MTHUS NYON MONGS PA'I SGRIB PHA MA LUS PAR SPONG BAR 'GYUR BA'I PHYIR RO, ,BAG YOD PA'I RANG BZHIN BSTAN PA'I PHYIR, BAG YOD PA GANG ZHE NA ZHES DRIS TE, BAG YOD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU, BAG MED PA'I GNYEN PO STE ZHES BYA BA SMOS TE, 'DIR YANG BAG MED PA SNGAR BSTAN NA BAG YOD PA BRDA PHRAD PAR SLA BAR 'GYUR BAS BAG MED PA JI BSTAN TO, ,'DOD CHAGS DANG ZHE SDANG DANG, GTI MUG DANG, LE LO LA BRTEN TE 'DOD CHAGS LA SOGS PA'I NYON MONGS PA LA SEMS 'JUG PA SRUNG ZHING, DE'I GNYEN PO DAD PA LA SOGS PA DGE BA'I CHOS RNAMS MI SGOM PA NI BAG @58A *, ,MED PA ZHES BYA'O, ,NYON MONGS PA LA SEMS 'JUG PA SRUNG BAR BYED CING DE'I GNYEN PO DAD PA LA SOGS PA DGE BA'I CHOS RNAMS SGOM PA NI BAG YOD PA ZHES BYA STE, BAG YOD PA SKYES NA BAG MED PAR MI 'GYUR BA'I PHYIR BAG YOD PA NI BAG MED PA'I GNYEN POR BSHAD DO, ,BAG YOD PA'I GZHI DANG, RGYU DANG, DE'I RANG BZHIN BSTAN PA'I PHYIR, MA CHAGS PA NAS BRTZON 'GRUS KYI BAR DU DE DAG LA GNAS TE MI DGE BA'I CHOS SPONG ZHING DE'I GNYEN PO DGE BA'I CHOS RNAMS SGOM PA'O ZHES BYA BA SMOS TE, MA CHAGS PA NAS BRTZON 'GRUS KYI BAR DU ZHES BYA BA NI MA CHAGS PA DANG; ZHE MI SDANG BA DANG, GTI MI MUG PA DANG, BRTZON 'GRUS DANG BZHI'O, ,DE DAG LA GNAS TE ZHES BYA BA NI CHOS GONG MA BZHI LA BRTEN NAS ZHES BYA BA'I DON TE, MA CHAGS PA DANG, ZHE MI SDANG BA DANG, GTI MI MUG PA GSUM NI BAG YOD PA'I RGYU'O, ,BRTZON 'GRUS NI BAG YOD PA'I GZHI'O; ,MI DGE BA'I CHOS SPONG BA ZHES BYA BA LA, MI DGE BA'I CHOS RNAM PA GNYIS TE, ZAG PA DANG BCAS PA'I CHOS DANG, ZAG PA'I GNAS KYI YUL LO, ,DE LA ZAG PA DANG BCAS PA'I CHOS NI 'DOD CHAGS LA SOGS PA NYON MONGS PA'I CHOS RNAMS SO, ,ZAG PA'I GNAS KYI YUL NI GZUGS DANG; SGRA DANG, DRI DANG, RO LA SOGS PA'O, ,ZAG PA DANG BCAS PA'I CHOS RNAMS RNAM PAR SEL BA DANG, RNAM PAR 'JOMS PA DANG SA BON YANG DAG PAR 'DON PAR BYED PA NI MI DGE BA'I CHOS SPONG BA ZHES BYA'O, ,DE LA 'JIG RTEN PA'I LAM GYIS NYON MONGS PA BCIL BA NI RNAM PAR SEL BA'O, ,MTHONG BA'I LAM GYIS NYON MONGS PA SPANGS PA NI RNAM PAR 'JOG PA'O, ,BSGOM PA'I LAM GYIS NYON MONGS PA BAG LA NYAL TSUN CHANG SPANGS PA NI SA BON YANG DAG PAR 'DON PA ZHES BYA'O, ,ZAG PA'I GNAS KYI YUL RNAMS KYANG MI BSNYEN PAR THAG BSRINGS TE BTANG BA NI SPONG BA'O; ,DE'I GNYEN PO DGE BA'I CHOS RNAMS BSGOM PA ZHES BYA BA LA NI DE'I SGRA MI DGE BA'I CHOS DANG SBYAR TE, MI DGE BA'I CHOS DE DAG GI GNYEN PO ZHES BYA BA'I DON TO, ,MI DGE BA'I CHOS KYI GNYEN PO YANG DGE BA STE, DE'ANG ZAG PA DANG BCAS PA'I DGE BA DANG, ZAG PA MED PA'I DGE BA STE RNAM PA @58B GNYIS SO, ,DE LA DAD PA DANG, SBYIN PA DANG, TSUL KHRIMS LA SOGS PA NI ZAG PA DANG BCAS PA'I DGE BA'O, ,'PHAGS PA'I LAM YAN LAG BRGYAD BO NI ZAG PA MED PA'I DGE BA'O, ,BSGOM PA ZHES BYA BA NI CHOS DE DAG LA 'DRIS PAR BYED, YANG NAS YANG DU CHOS DE DAG MNGON SUM DU BYED PA STE, MI DGE BA'I CHOS SPONG ZHING DGE BA'I CHOS LA GOMS PAR BYED PA NI BAG YOD PA'I RANG BZHIN NO, ,DE'I LAS KYANG 'JIG RTEN DANG, 'JIG RTEN LAS 'DAS PA'I PHUN SUM TSOGS PA THAMS CAD YONGS SU RDZOGS PAR BYED PA'O, ,DE LA 'JIG RTEN GYI PHUN SUM TSOGS PA NI LHA DANG MIR SKYES PA DANG, LONGS SPYOD PHUN SUM TSOGS PA'O, ,'JIG RTEN LAS 'DAS PA'I PHUN SUM TSOGS PA NI, NYAN THOS KYI BYANG CHUB DANG, RANG SANGS RGYAS KYI BYANG CHUB DANG, BLA NA MED PA'I BYANG CHUB 'THOB PA'O, ,BTANG SNYOMS KYI RANG BZHIN BSTAN PA'I PHYIR, BTANG SNYOMS GANG ZHE NA ZHES DRIS TE, BTANG SNYOMS KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE LA BTANG SNYOMS RNAM PA GSUM STE, TSOR BA BTANG SNYOMS DANG, TSAD MED PA BTANG SNYOMS DANG 'DU BYED KYI BTANG SNYOMS SO, ,TSOR BA RNAM PA GSUM LAS TSOR BA BDE BA YANG MA YIN, SDUG BSNGAL YANG MA YIN PA NI TSOR BA BTANG SNYOMS ZHES BYA'O, ,BYAMS PA DANG, SNYING RJE DANG, DGA' BA DANG, BTANG SNYOMS ZHES SMOS PA LA 'JUG GI BTANG SNYOMS ZHES SMOS PA NI TSAD MED PA'I BTANG SNYOMS TE, DE'ANG GANG LA 'ANG CHAGS PA MED PA SU LA YANG ZHE SDANG BA MED PA'I MTSAN NYID DO, ,RNAL 'BYOR YID LA BYED PA NA ZHUM RGOD GNYIS SPANGS NA SEMS LHUN GYIS GRUB PAR 'JUG PA NI 'DU BYED KYI BTANG SNYOMS ZHES BYA STE, 'DIR NI 'DU BYED KYI BTANG SNYOMS BSHAD PAR RIG PAR BYA'O, ,DE'I LAN DU MA CHAGS PA NAS BRTZON 'GRUS KYI BAR DU DE DAG NYID LA GNAS SHING ZHES BYA BA SMOS TE, JI LTAR BAG YOD PA'I RGYU DANG; GZHI MA CHAGS PA DANG, ZHE MI SDANG BA DANG, GTI MI MUG PA DANG BRTZON 'GRUS YIN PA DE BZHIN DU, BTANG SNYOMS KYI RGYU DANG, GZHI YANG MA CHAGS PA DANG, ZHE MI SDANG BA DANG, GTI MI MUG PA DANG, BRTZON 'GRUS YIN TE, DE DAG NYID LA GNAS ZHES BYA BA NI CHOS DE @59A *, ,BZHI LA BRTEN NAS BTANG SNYOMS 'BYUNG ZHES BYA BA'I DON TO, ,CHOS DE BZHI LA BRTEN NAS BTANG SNYOMS 'BYUNG NA CI ZHIG 'BYUNG, CI 'THOB PAR 'GYUR ZHE NA, DE'I PHYIR SEMS MNYAM PA DANG SEMS ZHI BA DANG RNAL DU BAB PA DANG SEMS LHUN GYIS GRUB PA YANG 'THOB PA STE ZHES BYA BA SMOS TE, TSIG DE GSUM GYIS BTANG SNYOMS KYI DANG PO'I GNAS DANG BAR GYI GNAS DANG THA MA'I GNAS BSTAN TO, ,DE LA ZHUM PA DANG RGOD PA NI SEMS MTHO BA 'AM DMA' BAR BYED PAS NA MI MNYAM PA ZHES BYA'O, ,DE LA DANG POR ZHUM PA DANG, RGOD PA SPANGS NAS SEMS MTHON DMAN MED PAR GYUR PA NI SEMS MNYAM PA STE, DES BTANG SNYOMS KYI DANG PO'I GNAS BSTAN TO, ,DER ZHUM RGOD DANG POR SPANGS TE, SEMS MNYAM PAR GYUR PA LAS, DE NAS SEMS MNGON PAR 'DU BYA ZHING BSGRIM MI DGOS PAR SNGAR SEMS MNYAM PAR GZHAG PA DE'I NGANG DE BZHIN DU RGYUN DU 'BYUNG BA NI, SEMS RNAL DU 'DUG PA ZHES BYA STE, DES NI BTANG SNYOMS KYI BAR GYI GNAS BSTAN TO, ,SEMS RNAL DU 'DUG PA DE'I TSE YANG BSGOMS NAS RING PO MA LON PA'I PHYIR ZHUM PA DANG RGOD PA GNYIS 'BYUNG DU DOGS PA'I SEMS SKYE'O, ,DE'I 'OG TU SGOM PA LA DUS RING DU BYAS PAS BSGOMS PA MTHAR PHYIN PAR 'GYUR TE, BTANG SNYOMS KYI MI MTHUN PA'I PHYOGS ZHUM PA DANG, RGOD PA YANG RING DU SPANGS NA YANG ZHUM RGOD SKYE BAR 'GYUR BA'I DOGS PA YANG MED PAR SEMS MNYAM PA NYID LA 'BAD MI DGOS PAR GNAS PA NI, SEMS LHUN GYIS GRUB PA ZHES BYA STE, DES BTANG SNYOMS KYI THA MA'I GNAS BSTAN TO, ,DE DAG THOB NAS YANG CIR 'GYUR BSTAN PA'I PHYIR, GANG GIS NYON MONGS PA CAN GYI CHOS RNAMS BSAL[?] NAS, NYON MONGS PA MED PAR GNAS PA YIN NO ZHES BYA BA SMOS TE, GANG GIS ZHES BYA BA NI THABS SAM RGYUR GYUR PA'I BTANG SNYOMS LA BYA STE, BTANG SNYOMS GANG GIS ZHES BYA BA'I DON TO, ,NYON MONGS PA'I CHOS NI 'DOD CHAGS DANG ZHE SDANG LA SOGS PA'I TSOGS RNAMS LA BYA'O, ,BSAL NAS ZHES BYA BA NI NYON MONGS PA'I CHOS RNAMS SEMS LA MI SKYE BAR BYA'O, ,JI LTAR SEMS LA MI SKYE BAR BYED CE NA, BTANG SNYOMS NI 'DOD CHAGS LA SOGS @59B PA NYON MONGS PA'I TSOGS LA 'GAL BA YIN PAS, BTANG SNYOMS SKYES PAR GYUR NA GDON MI ZA BAR NYON MONGS PA RNAMS SKYE BA'I BGEGS BYED PAR 'JUG PAS NA BSAL BA ZHES BYA'O, ,GANG GI PHYIR BTANG SNYOMS LA GNAS PA'I DUS NA, NYON MONGS PA RNAMS 'BYUNG BA'I SKABS MED PAS BTANG SNYOMS LA GNAS PA NI NYON MONGS PA MED PAR GNAS PA YIN NO ZHES BYA'O, ,DE LTAR BTANG SNYOMS KYI NYON MONGS PA SEL BAR BYED PA DANG, NYON MONGS PA MED PAR GNAS SHING SPYOD PA YIN PAS NA, BTANG SNYOMS KYI LAS KYANG NYON MONGS PA SKYE BA'I SKABS MED PAR BYED PA'I RTEN BYED PA'O, , RNAM PAR MI 'TSE BA BSTAN PA'I PHYIR, RNAM PAR MI 'TSE BA GANG ZHE NA ZHES DRIS TE, RNAM PAR MI 'TSE BA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU RNAM PAR MI 'TSE BA'I GNYEN PO STE ZHES BYA BA SMOS TE, 'DIR YANG RNAM PAR 'TSE BA SNGAR BSTAN NA RNAM PAR MI 'TSE BA RTOGS PAR SLA BAR 'GYUR BAS RNAM PAR 'TSE BA JE BSHAD DO, ,DE LA SEMS CAN LA BRDEG PA DANG, BCING PA LA SOGS PA'I GNOD PA SNA TSOGS PA BYED PA NI RNAM PAR 'TSE BA'O, ,SEMS CAN LA BRDEG PA DANG BCING BA LA SOGS PA GNOD PAR MI BYED PA NI RNAM PAR MI 'TSE BA'O, ,RNAM PAR MI 'TSE BA SKYES NA RNAM PAR 'TSE BA MED PAR 'GYUR BAS RNAM PAR MI 'TSE BA NI RNAM PAR 'TSE BA'I GNYEN PO ZHES BYA'O, ,RNAM PAR MI 'TSE BA'I DNGOS PO GANG YIN PA BSTAN PA'I PHYIR, SNYING RJE'O ZHES BYA BA SMOS TE, SEMS CAN RNAMS KYI SDUG BSNGAL SEL BAR BYED PA NI SNYING RJE STE, SNYING RJE LA RNAM PAR MI 'TSE BA ZHES BYA'O, ,YANG NA SNYING RJE LA RGYA GAR SKAD DU, K'A RU nA ZHES 'BYUNG STE, DE LA K'A'I DON NI BDE BA LA BYA LA RU nA ZHES BYA BA'I DON NI 'GOG PA LA BYA STE, GZHAN SDUG BSNGAL BA MTHONG NAS BDAG KYANG SDUG BSNGAL BAR GYUR PA STE, GZHAN GYI SDUG BSNGAL BSAL BAR BYA BA'I DON DU BDAG NYID 'BAD PA SNA TSOGS KYIS SDUG BSNGAL SNA TSOGS NYAMS SU LEN PAR BYED PAS NA BDAG GI SDIG SGRIB CES KYANG BYA'O, ,JI LTAR 'DOD MA CHAGS PA DANG, ZHE MI SDANG BA DANG, GTI MI MUG PA DANG, BRTZON 'GRUS BZHI LAS BAG YOD PA 'BYUNG BAS RDZAS SU MED KYI BTAGS PAR YOD PA BZHIN DU RNAM @60A *, ,PAR MI 'TSE BA YANG ZHE MI SDANG BA'I CHA LAS 'BYUNG BAS NA RDZAS SU MED KYI BTAGS PAR YOD PA ZHES BYA'O, ,DE'I LAS KYANG BCING BA DANG BRDEG PA LA SOGS PA'I GNOD PA SNA TSOGS KYIS 'TSE BAS SEMS CAN LA MI 'TSE BAS NA RNAM PAR MI 'TSE BA'I LAS BYED PA'O, ,DGE BA BCU GCIG BSHAD PA RDZOGS SO,, ,,NYON MONGS PA DRUG BSHAD PAR BYA STE, DE LA YANG 'DOD CHAGS KYI RANG BZHIN BSTAN PA'I PHYIR, 'DOD CHAGS GANG ZHE NA ZHES DRIS TE, 'DOD CHAGS KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, NYE BAR LEN PA'I PHUNG PO LNGA LA CHAGS SHING ZHEN PA'O ZHES BYA BA SMOS TE, SRED PA'I DBANG GIS KHAMS GSUM DU SKYE BA LEN PAR BYED PAS SRED PA LA LEN PA ZHES BYA BA 'AM, SRID PA 'DIS KHAMS GSUM DU SKYE BA'I LAS LEN CING LAS SKYE BAR BYED PAS NA SRED PA LA MING DU NYE BAR LEN PA ZHES BYA'O, ,DPER NA RTZVA DANG PHUB MA LAS BYUNG BA'I ME LA RTZVA'I ME PHUB MA'I ME ZHES BYA BA BZHIN DU SRED PA LAS BYUNG BA'I PHUNG PO LNGA LA NYE BAR LEN PA'I PHUNG PO ZHES BYA'O, ,YANG NA SHING GANG LAS ME TOG 'BYUNG BA DANG, 'BRAS BU 'BYUNG BA'I SHING DE LA ME TOG GI SHING 'BRAS BU'I SHING ZHES BYA BA BZHIN DU PHUNG PO GANG LAS NYON MONGS PA'I MTSAN NYID SRED PA 'BYUNG BAR BYED PA'I PHUNG PO LA NYE BAR LEN PA'I PHUNG PO ZHES BYA'O, ,YANG NA RGYAL POS BKA' GAR STZAL BA'I BKA' BZHIN BYED PA'I MI DE LA RGYAL PO'I SKYES BU ZHES BYA BA BZHIN DU NYON MONGS PA'I MTSAN NYID SRED PAS GANG DU BTANG BA BZHIN DU 'JUG PAR BYED PA'I PHUNG PO LA NYE BAR LEN PA'I PHUNG PO ZHES BYA STE, NYE BAR LEN PA'I PHUNG PO LNGA NI GZUGS DANG, TSOR BA DANG 'DU SHES DANG 'DU BYED DANG, RNAM PAR SHES PA'I PHUNG PO STE LNGA'O, ,ZHEN BA ZHES BYA BA LA 'DOD CHAGS 'DI SNUM DANG 'DRA BAR ZHEN PA'I RANG BZHIN YIN PAS NA ZHEN PA ZHES BYA STE, DPER NA 'BRU MAR LA SOGS PA'I SNUM GYIS GOS LA SOGS PA'I GNAS SU ZHUGS NAS KUN TU MCHED PAR 'GYUR TE, MCHED PAR GYUR PA DE LA 'BAD PA DANG, BRTZAL BA CHEN POS KYANG DBYUNG BAR BKA' BA DE BZHIN DU 'DOD CHAGS 'DIS KYANG CHAGS PAR BYA BA'I RANG GI YUL LA ZHEN TAM, PHUNG PO 'DI LA ZHEN NAS CHAGS PA MCHED PAR GYUR NA, @60B 'BAD PA DANG BRTZAL BA CHEN POS KYANG DBRAL BAR DKA' BAS NA ZHEN PA ZHES BYA'O, ,ZHEN PA NI RGYUR BYAS PA'I GZUGS SNUM LA YANG ZHEN PA ZHES BYA BAS SNUM LA 'DOD CHAGS ZHES BYA'O SNYAM DU LOG PAR 'DZIN PA DGAG PA'I PHYIR 'DOD CHAGS ZHES BYA BA SMOS TE, CHAGS PA NI NYE BAR LEN PA'I PHUNG PO LNGA LA PHONGS PAR 'DZIN CING GANG YONGS SU GTONG MI PHOD PA'O, ,DE BAS NA SNUM NI PHYI'I GOS LA SOGS PA LA SNUM ZHEN PAR BYED PAR ZAD KYI PHUNG PO LNGA LA GTONG MI PHOD PAR BYED PA'I MTSAN NYID MA YIN PAS 'DOD CHAGS ZHES MI BYA'O, ,DE'I LAS KYANG SDUG BSNGAL SKYED PAR BYED PA STE, SDUG BSNGAL NI KHAMS GSUM GYI PHUNG PO LNGA LA BYA'O, ,DE LA 'DOD PA'I KHAMS KYI 'DOD CHAGS KYIS NI 'DOD PA'I KHAMS KYI PHUNG PO LNGA SKYED DO, ,GZUGS KYI KHAMS KYI 'DOD CHAGS KYIS NI GZUGS KYI KHAMS KYI PHUNG PO LNGA SKYED, GZUGS MED PA'I KHAMS NA, GZUGS KYI PHUNG PO NI MED KYI TSOR BA DANG 'DU SHES DANG 'DU BYED DANG, RNAM PAR SHES PA'I PHUNG PO BZHI YOD PAS GZUGS MED PA'I KHAMS KYI 'DOD CHAGS KYIS NI GZUGS MED PA'I KHAMS KYI PHUNG PO BZHI BSKYED PAS NA, DE'I LAS KYANG SDUG BSNGAL SKYED PAR BYED PA'O, ,KHONG KHRO BA'I RANG BZHIN BSTAN PA'I PHYIR, KHONG KHRO BA GANG ZHE NA ZHES DRIS TE, KHONG KHRO BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU SEMS CAN RNAMS LA GNOD PA'O ZHES BYA BA SMOS TE, GNOD PA NI SEMS CAN RNAMS LA SEMS RTZUB PA STE, SEMS CAN RNAMS LA GSAD PA DANG, BRDEG PA DANG, BCING BA LA SOGS PA PHAN PA MA YIN PA BYA BAR SEMS PA NI KHONG KHRO BA ZHES BYA'O, ,DE'I LAS KYANG RNAM PA GNYIS BYED DE, REG PA MED PAR GNAS PA DANG, LOG PAR SPYOD PA'I RTEN BYED PA'O, ,DE LA REG PA ZHES BYA BA NI BDE BA LA BYA STE, BDE BA DANG LHAN CIG TU GNAS PA NI REG PAR GNAS PA'O, ,BDE BA MED PAR GNAS PA NI REG PA MED PAR GNAS PA STE, RTAG TU SDUG BSNGAL DANG LHAN CIG TU GNAS ZHES BYA BA'I DON TO, ,JI LTAR SDUG BSNGAL DANG LHAN CIG GNAS SHE NA, ZHE SDANG CAN NI RTAG TU SEMS 'KHRUG PAS RGYUN DU YANG SEMS LA GDUNG BA DANG BCAS SO, ,SEMS KYI RJES SU LUS 'BRANG BA'I PHYIR LUS KYANG GDUNG BAR 'GYUR TE, @61A *, ,DE BAS NA SPYOD LAM THAMS CAD DU LUS DANG SEMS SDUG BSNGAL DANG LHAN CIG TU GNAS PAR 'GYUR RO, ,ZHE SDANG CAN DAG NI GSAD PA DANG BCING BA LA SOGS PA'I LAS KYANG GDON MI ZA BAR BYED PAS, DE'I LAS LOG PAR SPYOD PA'I RTEN BYED PAR YANG BSHAD DO, ,NGA RGYAL GYI RANG BZHIN BSTAN PA'I PHYIR NGA RGYAL GANG ZHE NA ZHES DRIS TE, NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,NGA RGYAL THAMS CAD KYANG 'JIG TSOGS SU LTA BA LA BRTEN NAS 'BYUNG ZHING PHUNG PO LNGA BDAG DANG BDAG GI MED PA LA BDAG DANG BDAG GIR SGRO BTAGS NAS GZHAN GYI PHUNG PO BAS BDAG GI PHUNG PO KHYAD ZHUGS PAR 'PHAGS SO SNYAM DU LHAG PAR RLOM ZHING SEMS KHENGS PA'I MTSAN NYID DO, ,DE'I LAS KYANG GNYIS BYED DO, ,BSTI STANG MED PA DANG SDUG BSNGAL SKYED PA'I RTEN BYED PA'O, ,BSTI STANG MED BA NI MKHAN PO DANG, SLOB DPON DANG MKHAS SHING TSUL KHRIMS DANG LDAN PA'I GANG ZAG YON TAN CAN LA LUS MA GUS PA DANG, NGAG MA GUS PA DANG, SEMS MA GUS PA'O, ,DE LA LUS MA GUS PA NI LUS KYIS 'DUD CING PHYAG 'TSAL BAR MI BYED PA'O, ,DAG MA GUS PA NI DE DAG GI YON TAN MI BRJOD PA'O, ,SEMS MA GUS PA NI DE DAG LA DGA' BAR MI SEMS SHING TSOD YOD PAR SEMS PA'O, ,SDUG BSNGAL SKYED PA'I RTEN BYED PA YANG NGA RGYAL GYI DBANG GIS TSE RABS PHYI MA'I PHUNG PO SKYED PAR BYED PA'I PHYIR RO, ,NGA RGYAL THAMS CAD KYANG SEMS KHENGS PA'I MTSAN NYID DU THA MI DAD DU ZIN MOD KYI NGA RGYAL GYIS DMIGS PAR BYA BA'I YUL THA DAD PA'I SGO NAS NGA RGYAL RNAM PA BDUN DU 'GYUR BAR BSTAN PA'I PHYIR, NGA RGYAL BDUN TE, NGA RGYAL DANG CHE BA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, CHUNG BA'I NGA RGYAL DANG, LOG PA'I NGA RGYAL LO ZHES BYA BA SMOS TE, NGA RGYAL BDUN LAS NGA RGYAL GYI RANG BZHIN BSTAN PA'I PHYIR; NGA RGYAL GANG ZHE NA ZHES DRIS TE, NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, LAN DU CHUNG DU BAS BDAG CHE BA'AM MTSUNGS PA DANG MTSUNGS SO SNYAM DU GANG SEMS KHENGS PA'O ZHES BYA BA SMOS TE, GANG ZAG 'GA' ZHIG RIGS DANG SHES NYEN DANG NOR LA SOGS PA BDAG @61B PAS CHUNG LA, BDAG NI RIGS DANG SHES NYEN DANG NOR LA SOGS PA DE BAS CHE BA LAS RIGS DANG SHES NYEN DANG NOR LA SOGS PA CHUNG DU LA BLTAS NAS, NGA NI RIGS DANG SHES NYEN DANG NOR LA SOGS PAS 'DI BAS 'PHAGS SHING CHE'O ZHES GANG SEMS KHENGS PA NI NGA RGYAL ZHES BYA'O, ,YANG NA GANG ZAG 'GA' ZHIG RIGS DANG SHES NYEN DANG NOR LA SOGS PAS BDAG DANG MTSUNGS SHING 'DRA BA LAS 'DRA BA DE LA BLTAS NAS, 'DI DANG BDAG RIGS DANG SHES NYEN DANG NOR LA SOGS PAS 'DRA STE MI 'DRA BA MED DO SNYAM NAS GANG SEMS KHENGS PAR GYUR PA NI NGA RGYAL ZHES BYA'O, ,CHE BA'I NGA RGYAL GYI RANG BZHIN BSTAN PA'I PHYIR, CHE BA'I NGA RGYAL GANG ZHE NA ZHES DRIS TE, CHE BA'I NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU MTSUNGS PA PAS BDAG CHE BA'AM CHE BA DANG MTSUNGS SO SNYAM DU GANG SEMS KHENGS PA'O ZHES BYA BA SMOS TE, GANG ZAG KHA CIG RIGS DANG SHES NYEN DANG NOR LA SOGS PA CIS KYANG MI MTSUNGS PA MED DE MTSUNGS NA MTSUNGS SO SNYAM DU MI SEMS KYI, 'DI DANG BDAG RIGS DANG SHES NYEN DANG NOR LA SOGS PAS MTSUNGS KYANG, 'DI BAS BDAG GTONG BA DANG TSUL KHRIMS DANG NYAMS RTZAL GYIS 'PHAGS TE BDAG CHE'O SNYAM NAS, GANG SEMS KHENGS PA NI CHE BA'I NGA RGYAL ZHES BYA'O, ,YANG NA GANG ZAG KHA CIG RIGS DANG SHES NYEN DANG NOR LA SOGS PA BDAG PAS CHE BA LA CHE'O SNYAM DU MI SEMS KYI, 'DI DANG BDAG RIGS DANG SHES NYEN DANG NOR LA SOGS PA MTSUNGS SO SNYAM NAS GANG SEMS KHENGS PAR GYUR PA DE NI CHE BA'I NGA RGYAL ZHES BYA'O, NGA RGYAL LAS KYANG NGA RGYAL GYI RANG BZHIN BSTAN PA'I PHYIR, NGA RGYAL LAS KYANG NGA RGYAL GANG ZHE NA ZHES DRIS TE, NGA RGYAL LAS KYANG NGA RGYAL GYI RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU, CHE BA BAS KYANG BDAG CHE 'O SNYAM DU GANG SEMS KHENGS PA'O ZHES BYA BA SMOS TE, GANG ZAG KHA CIG RIGS DANG, SHES NYEN DANG NOR LA SOGS PA BDAG PAS KHYAD ZHUGS PAR 'PHAGS TE CHE NA, BDAG PAS KHYAD ZHUGS PAR 'PHAGS TE CHE BAR NI MI SEMS KYI RIGS DANG SHES NYEN DANG NOR LA SOGS PAS 'PHAGS TE CHE BA DE BAS KYANG BDAG RIGS DANG SHES NYEN DANG NOR LA SOGS PAS @62A *, ,'PHAGS TE CHE'O SNYAM NAS, GANG SEMS KHENGS PAR GYUR PA NI NGA RGYAL LAS KYANG NGA RGYAL ZHES BYA'O, ,NGA'O SNYAM PA'I NGA RGYAL GYI RANG BZHIN BSTAN PA'I PHYIR, NGA'O SNYAM PA'I NGA RGYAL GANG ZHE NA ZHES DRIS TE, NGA'O SNYAM PA'I NGA RGYAL GYI RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU NYE BAR LEN PA'I PHUNG PO LNGA RNAMS LA BDAG GAM BDAG GIR YANG DAG PA'I RJES SU LTA ZHING GANG SEMS KHENGS PA'O ZHES BYA BA SMOS TE, NYE BAR LEN PA ZHES BYA BA NI 'DOD PA DANG 'DOD CHAGS GNYIS LA BYA'O, ,DE LA MA 'ONGS PA'I LUS KYI DNGOS PO LA CHAGS PA NI 'DOD PA'O, ,DA LTAR GYI LUS KYI DNGOS PO LA CHAGS PA NI 'DOD CHAGS SO, ,'DOD PA DANG 'DOD CHAGS GNYIS LA, CI'I PHYIR NYE BAR LEN PA'I PHUNG PO ZHES BYA ZHE NA, 'DOD PAS MA 'ONGS PA'I LUS KYI DNGOS PO LA CHAGS PA'I RGYUS MA 'ONGS PA'I PHUNG PO LEN PAR BYED PA DANG, 'DOD CHAGS KYIS DA LTAR GYI PHUNG PO LA CHAGS PA'I RGYUS DA LTAR GYI PHUNG PO MI GTONG ZHING 'DZIN PA DANG LEN PA DANG LEN PAR BYED PAS NA, DE BAS NA DE GNYIS LA NYE BAR LEN PA ZHES BYA'O, ,'DOD PA DANG, 'DOD CHAGS GNYIS DANG LDAN PA'I PHUNG PO RNAMS LA NYE BAR LEN PA'I PHUNG PO ZHES BYA STE, NYE BAR LEN PA'I PHUNG PO LNGA NI GZUGS KYI PHUNG PO NAS, RNAM PAR SHES PA'I PHUNG PO'I BAR DU'O, ,PHUNG PO DE DAG BDAG DANG BDAG GI MED PA LA RNAM PAR SHES PA'I PHUNG PO LA NI BDAG LHAG MA BZHI LA NI BDAG GIS ZHES MNGON PAR CHAGS NAS, BDAG DE BDAG GIS SHES PA LTA BUR GZHAN GYIS MI SHES SO ZHES GANG SEMS KHENGS PA NI NGA'O SNYAM PA'I NGA RGYAL ZHES BYA'O, ,MNGON PA'I NGA RGYAL GYI RANG BZHIN BSTAN PAR BYA BA'I PHYIR, MNGON PA'I NGA RGYAL GANG ZHE NA ZHES DRIS TE, MNGON PA'I NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU GONG MA'I BYE BRAG MA THOB PAR BDAG GIS THOB PO SNYAM DU GANG SEMS KHENGS PA'O ZHES BYA BA SMOS TE, GONG MA'I BYE BRAG NI LHA LA SOGS PA'I CHOS LA BYA BAS GONG MA'I BYE BRAG BSTAN PAR BYA BA'I PHYIR MI'I CHOS JE BSHAD DO, ,DE LA 'DOD CHAGS DANG ZHE SDANG DANG, GTI MUG LA SOGS PA DANG LDAN ZHING DE'I RGYUS LUS DANG NGAG DANG YID GSUM GYI @62B SGO NAS MI DGE BA SPYOD PA NI MI'I CHOS SO, ,MI'I CHOS DE'I GNYEN POR GYUR PA GZUGS KYI KHAMS KYI BSAM GTAN BZHI DANG, 'PHAGS PA'I LAM GYI YAN LAG BRGYAD LA SOGS PA DANG, RGYUN DU ZHUGS PA LA SOGS PA'I 'BRAS BU NI GONG MA'I BYE BRAG CES BYA'O, ,MA THOB PA NI YON TAN DE DAG MA RNYED MNGON SUM DU MA BYAS PA STE, YON TAN DE DAG MA THOB PAR YANG MTSAN MA CUNG ZAD TZAM YOD PA LA BRTEN NAS, GANG THOB PO SNYAM DU SEMS SHING SEMS KHENGS PA NI MNGON PA'I NGA RGYAL ZHES BYA'O, ,CHUNG BA'I NGA RGYAL GYI RANG BZHIN BSTAN PA'I PHYIR CHUNG BA'I NGA RGYAL GANG ZHE NA ZHES DRIS TE, CHUNG BA'I NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU BYE BRAG MANG POS 'PHAGS PA BAS BDAG CUNG ZAD CIG GIS CHUNG NGO SNYAM DU GANG SEMS KHENGS PA'O ZHES BYA BA SMOS TE, GANG ZAG KHA CIG RIGS DANG SHES NYEN DANG, NOR LA SOGS PA BDAG PAS KHYAD ZHUGS PAR 'PHAGS LA, BDAG RIGS DANG SHES NYEN DANG NOR LA SOGS PA KHYAD ZHUGS PAR DE BAS DMA' BA YIN NA, DE KHYAD ZHUGS PAR 'PHAGS PAR NI MI SEMS KYI 'DI SNYAM DU SEMS TE, 'DI BAS RIGS DANG SHES NYEN DANG NOR LA SOGS PA CUNG ZAD CIG GIS BDAG CHUNG NGO SNYAM DU SEMS SHING GANG SEMS KHENGS PA NI CHUNG BA'I NGA RGYAL ZHES BYA'O, ,LOG PA'I NGA RGYAL GYI RANG BZHIN BSTAN PA'I PHYIR LOG PA'I NGA RGYAL GANG ZHE NA ZHES DRIS TE, LOG PA'I NGA RGYAL GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU YON TAN DANG MI LDAN PAR BDAG YON TAN DANG LDAN NO SNYAM DU GANG SEMS KHENGS PA'O ZHES BYA BA SMOS TE, SBYIN PA DANG TSUL KHRIMS DANG BZOD PA LA SOGS PA PHA ROL TU PHYIN PA DRUG LA YON TAN ZHES BYA STE, YON TAN DE LTA BU SU LA MED PA DE LA YON TAN DANG MI LDAN PA ZHES BYA'O, ,YANG NA TSUL KHRIMS ZHIG CING SDIG PA'I LAS GANG BYED PA DE LA YON TAN DANG MI LDAN PA ZHES BYA STE, YON TAN NI MED KYI SKYON DANG LDAN PA ZHES BYA BA'I DON TO, ,SBYIN PA DANG TSUL KHRIMS LA SOGS PA'I YON TAN MED PAR DE DAG YOD DO ZHES KHAS LEN PA'AM, TSUL KHRIMS NYAMS PA LA SOGS PA'I SKYON YOD PA LA SKYON YOD DO SNYAM DU MI SEMS KYI, @63A *, ,BDAG YON TAN DANG LDAN NO ZHES KHAS LEN PA NI KHAS BLANGS NAS BDAG YON TAN DANG LDAN NO, ,'PHAGS SO SNYAM NAS, GANG SEMS KHENGS PA NI LOG PA'I NGA RGYAL ZHES BYA'O, ,'DIR YANG DNGOS PO YON TAN GYI DNGOS PO MED KYI NYES PA'I DNGOS PO NYID DU YON TAN DU BZUNG NAS; SEMS KHENGS PAS NA LOG PA'I NGA RGYAL ZHES BYA'O, ,SMRAS PA, MNGON PA'I NGA RGYAL GYI SKABS SU YANG GONG MA'I BYE BRAG MA THOB PAR THOB BO SNYAM DU SEMS KHENGS PA YIN LA, LOG PA'I NGA RGYAL 'DI YANG YON TAN DANG MI LDAN PAR BDAG LDAN NO SNYAM DU SEMS KHENGS PA YIN TE, GNYI GA YANG MED PA LA YOD PAR NGA RGYAL BYED PA YIN PAS NA KHYAD PAR CI YOD SMRAS PA, MNGON PA'I NGA RGYAL GYI SKABS SU NI GDENG CUNG ZAD YOD PA LA BRTEN NAS, BDAG GIS KUN THOB PO SNYAM DU NGA RGYAL BYED KYI, LOG PA'I NGA RGYAL NI GDENG CHUNG ZAD KYANG MED DE, SKYON DANG LDAN PA LA YON TAN DANG LDAN NO SNYAM DU NGA RGYAL BYED PAS NA BYE BRAG YOD DO, ,MA RIG PA'I RANG BZHIN BSTAN PA'I PHYIR MA RIG PA GANG ZHE NA ZHES DRIS TE, MA RIG PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, LAS DANG 'BRAS BU DANG, BDEN PA DANG, DKON MCHOG MI SHES PA DE ZHES BYA BA SMOS TE, DE LA LAS NI RNAM PA GSUM STE, BSOD NAMS KYI LAS DANG, BSOD NAMS MA YIN PA'I LAS DANG, MI G-YO BA'I LAS SO, ,'BRAS BU RNAM PA GNYIS TE, YID DU 'OD BA DANG, YID DU MI 'ONG BA'O, ,DE LA LHA DANG MI'I BDE 'GROR SKYES PA NI YID DU 'ONG BA'O, ,NGAN SONG GSUM DU SKYES PA NI YID DU MI 'ONG BA'O, ,YANG NA 'BRAS BU BZHI STE, RGYUN DU ZHUGS PA'I 'BRAS BU DANG, LAN CIG PHYIR 'OD BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA'I 'BRAS BU'O, ,BDEN PA RNAM PA BZHI STE, SDUG BSNGAL DANG, KUN 'BYUNG DANG, 'GOG PA DANG, LAM MO; ,DKON MCHOG RNAM PA GSUM STE, SANGS RGYAS DANG, CHOS DANG, DGE 'DUN NO, ,MING GIS SMOS PA'I CHOS DE DAG YOD PAR MA RTOGS SHING KHONG DU MA CHUD PA 'AM, CHOS DE DAG GI MTSAN NYID MA RTOGS SHING KHONG DU MA CHUD PA DE NI MA RIG PA ZHES BYA'O, ,MA RIG PA LA PHYE NA DU @63B YOD BA BSTAN PA'I PHYIR, DE 'ANG LHAN CIG SKYES PA DANG, YONGS SU BRTAGS PA STE ZHES BYA BA SMOS TE, DE'ANG ZHES BYA BA'I SGA NI MA RIG PA DANG SBYAR TE, MA RIG PA DE'ANG ZHES BYA BA'I DON TO, ,DE LA MA RIG PA RNAM PA GNYIS TE, LHAN CIG SKYES PA'I MA RIG PA DANG, YONGS SU BRTAGS PA'I MA RIG PA'O, ,DE LA NYON MONGS PA GZHAN DANG MI LDAN ZHING MA 'DRES PA'I MA RIG PA NI LHAN CIG SKYES PA'I MA RIG PA ZHES BYA STE, DE 'ANG LAS DANG 'BRAS BU DANG BDEN PA DANG DKON MCHOG RNAMS YOD PAR KHONG DU MA CHUD CING MI SHES PA NI LHAN CIG SKYES PA'I MA RIG PA ZHES BYA'O, ,THE TSOM DANG, LOG PA'I LTA BA DANG, TSUL KHRIMS DANG, BRTUL ZHUGS BSNYEMS PA DANG, 'DOD CHAGS DANG, KHONG KHRO BA LA SOGS PA NYON MONGS PA GZHAN DANG 'DRIS SHING 'GROGS PA'I MA RIG PA NI YONGS SU BRTAGS PA'I MA RIG PA ZHES BYA'O, ,DE LA DE BSOD NAMS DANG BSOD NAMS MA YIN PA DANG MI G-YO BA LA SOGS PA YOD DAM MED SNYAM DU YID GNYIS ZA BA NI THE TSOM DANG 'DRES PA'I MA RIG PA STE, DE'ANG YONGS SU BRTAGS PA'I MA RIG PA ZHES BYA'O, ,BSOD NAMS DANG BSOD NAMS MA YIN PA DANG, MI G-YO BA'I LAS RNAMS MED DO ZHES SKUR PA 'DEBS PA NI LOG PA'I LTA BA DANG 'DRES PA'I MA RIG PA STE, DE YANG YONGS SU BRTAGS PA'I MA RIG PA ZHES BYA'O, ,SBYIN PA DANG TSUL KHRIMS LA SOGS PA NI BSOD NAMS KYI LAS YIN NA, SBYIN PA DANG TSUL KHRIMS LA BSOD NAMS MA YIN PAR 'DU SHES SHING BSOD NAMS MA YIN PA PHYUGS BSAD CING SBYIN SREG BYED PA DANG, ME'I NANG DU LUS 'DOR BA LA SOGS LA BSOD NAMS SU 'DU SHES NAS PHYUGS BSAD DE SBYIN SRED BYAS PA DANG LUS MER BOR NAS MTHO RIS SU SKYE'O ZHES RTOG PA DANG, TSUL KHRIMS LA BRTEN NAS 'PHAGS PA'I LAM BSGOMS PAS THAR PAR GYUR PA YIN NA, TSUL KHRIMS DANG BRTUL ZHUGS NYI TSE CAN GYIS THAR PAR 'GYUR RO ZHES LTA BA NI, TSUL KHRIMS DANG BRTUL ZHUGS BSNYEMS PA DANG LDAN PA'I MA RIG PA STE, DE'ANG YONGS SU BRTAGS PA'I MA RIG PA ZHES BYA'O, ,'GRO BA BZANG PO TSUL DU SHIS PA LA BRTAGS NAS 'DOD CHAGS SKYE BA DANG, DGRA LA BRTAGS NAS ZHE SDANG SKYE BA YANG YONGS SU @64A *, ,BRTAGS PA'I MA RIG PA ZHES BYA'O, ,MA RIG PA'I LAS KYANG RNAM PA GSUM BYED DE, LOG PAR GTAN LA 'BEBS PA DANG THE TSOM SKYED PA DANG KUN NAS NYON MONGS PA SKYE BA'I GNAS SBYIN PA'I LAS CAN NO, ,DE LA LOG PAR GTAN LA 'BEBS BA NI MA RIG PA'I DBANG GIS MI RTAG PA LA RTAG PAR 'DZIN PA DANG BDAG MED PA LA BDAG TU 'DZIN PA'I PHYIR RO, ,THE TSOM SKYED PA NI MA RIG PA'I DBANG GIS NA LAS DANG 'BRAS BU LA SOGS PA YOD PA ZHIG GAM MED PA ZHIG CES YID GNYIS SKYE BAR BYED PA'I PHYIR RO, ,KUN NAS NYON MONGS PA SKYE BA'I RTEN BYED PA NI MA RIG PA YOD PA LAS 'DOD CHAGS DANG KHONG KHRO BA DANG NYON MONGS PA GZHAN BYUNG BA'I PHYIR RO, ,MI DGE BA'I RTZA BA GSUM NI 'DOD PA'I KHAMS NYID NA LDAN GYI, GZUGS DANG GZUGS MED PA'I KHAMS DANG MI LDAN PAR BSTAN PA'I PHYIR RO, ,'DOD PA NA SPYOD PA'I 'DOD CHAGS DANG KHONG KHRO BA DANG 'DOD PA NA SPYOD PA'I MA RIG PA DE DAG NI MI DGE BA'I RTZA BA GSUM STE, CHAGS PA NI MI DGE BA'I RTZA BA DANG ZHE SDANG DANG GTI MUG GO ZHES BYA BA SMOS TE, 'DOD PA NA SPYOD CES BYA BA NI 'DOD PA'I KHAMS SU GTOGS PA ZHES BYA BA'I DON TO, ,'DOD PA'I KHAMS SU GTOGS PA'I 'DOD CHAGS DANG, 'DOD PA'I KHAMS SU GTOGS PA'I KHONG KHRO BA DANG, 'DOD PA'I KHAMS SU GTOGS PA'I MA RIG PA DE DAG GSUM LA MI DGE BA'I RTZA BA GSUM ZHES BYA STE, 'DOD PA NA SPYOD PA'I 'DOD CHAGS LA NI CHAGS PA MI DGE BA'I RTZA BA ZHES BYA'O, ,'DOD PA NA SPYOD PA'I KHONG KHRO BA LA NI ZHE SDANG MI DGE BA'I RTZA BA ZHES BYA'O, ,'DOD PA NA SPYOD PA'I MA RIG PA LA NI GTI MUG MI DGE BA'I RTZA BA ZHES BYA'O, ,'DOD PA NA SPYOD PA'I 'DOD CHAGS BA DANG KHONG KHRO BA DANG MA RIG PA DE DAG RANG NYID KYANG MI DGE BA YIN LA SROG GCOD PA LA SOGS PA NI DGE BA GZHAN GYI YANG RGYU BYED PAS MI DGE BA'I RTZA BA ZHES BYA'O, ,GZUGS DANG GZUGS MED PA'I KHAMS KYI 'DOD CHAGS DANG MA RIG PA LA SOGS PA'I NYON MONGS PA RNAMS NI 'DOD PA'I YON TAN LA KHA PHYIR BLTAS PA MA YIN GYI KHA NANG DU BLTAS SHING DE DAG GI NYON MONGS PA NI SROG GCOD BA LA SOGS PA MI DGE BA GZHAN GYI RGYU YANG MI BYED PAS NA MI DGE BA'I RTZA BA ZHES MI BYA'I, GZUGS DANG GZUGS @64B MED PA'I KHAMS KYI NYON MONGS PA THAMS CAD LA LUNG DU MI STON PA ZHES BYA'O, ,LTA BA'I RANG BZHIN BSTAN PA'I PHYIR, LTA BA GANG ZHE NA ZHES DRIS TE, LTA BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE LA SHES RAB KYIS 'DI DANG 'DI LTA BU ZHIG CES RNAM PAR RTOG CING DPYOD PA'I BDAG MTSAN NYID LA LTA BA ZHES BYA'O, ,DE'ANG RNAM PA GSUM STE, 'JIG RTEN GYI YANG DAG PA'I LTA BA DANG, ZAG PA MED PA'I LTA BA DANG, NYON MONGS PA DANG BCAS PA'I LTA BA'O, ,DE LA YANG LAS KYI 'BRAS BU YOD, TSE 'DI YOD, TSE PHYI MA YOD CES LTA BA NI 'JIG RTEN GYI YANG DAG PA'I LTA BA ZHES BYA'O; ,'PHAGS PA RNAMS GANG ZAG DANG CHOS LA BDAG MED PAR LTA BA NI ZAG PA MED PA'I LTA BA ZHES BYA'O, ,MU STEGS PA RNAMS BDAG RTAG PA LA SOGS PAR LTA BA NI NYON MONGS PA DANG BCAS PA'I LTA BA ZHES BYA STE, 'DIR NYON MONGS PA BSHAD PA'I SKABS YIN PAS, 'JIG RTEN GYI YANG DAG PA'I LTA BA DANG; ZAG PA MED PA'I LTA BA LA NI MI BYA'O, ,NYON MONGS PA DANG BCAS PA'I LTA BA LNGA LA BYA BA'I PHYIR, LTA BA LNGA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BA BSNYEMS PA DANG, TSUL KHRIMS DANG BRTUL ZHUGS BSNYEMS PA'O ZHES BYA BA SMOS TE, LTA BA LNGA PO DE DAG KYANG NYON MONGS PA CAN GYI RANG BZHIN DU KHYAD PAR MED MOD KYI LTA BA DE DAG GIS DMIGS PAR BYA BA'I YUL LA RNAM PA THA DAD PAR DMIGS PA'I SGO NAS LTA BA RNAM PA LTAR GZHAG GO, ,LTA BA DE DAG GIS DMIGS PAR BYA BA'I YUL NI PHUNG PO LNGA YIN TE, PHUNG PO LNGA LA 'JIG TSOGS LA LTA BAS NI BDAG DANG BDAG GIR RNAM PAR LTA, PHUNG PO LNGA LA MTHAR 'DZIN PAR LTA BAS NI RTAG PA DANG CHAD PA'I RNAM PAR LTA, LOG PA'I LTA BAS NI PHUNG PO LNGA LA MED PA'I RNAM PAR LTA, PHUNG PO LNGA LA LTA BA BSNYEMS PAS NI MCHOG DANG DAM PA'I RNAM PAR LTA, PHUNG PO LTA LA TSUL KHRIMS DANG BRTUL ZHUGS BSNYEMS PAS NI PHUNG PO LNGA PO DE NYID KYIS DAG PA DANG GROL BA'I RNAM PAR LTA'O, ,LTA BA LNGA LAS 'JIG TSOGS SU LTA BA'I RANG BZHIN BSTAN PA'I PHYIR, 'JIG TSOGS LA LTA BA GANG ZHE NA ZHES DRIS TE, 'JIG TSOGS LA LTA BA'I RANG BZHIN DANG MTSAN NYID @65A *, ,GANG ZHE NA ZHES DRIS PA'I DON TO, ,DE LA 'JIG PAR 'GYUR ZHING MI RTAG PA'I CHOS YIN PAS NA 'JIG PA ZHES BYA STE, DES NI RTAG PAR LTA BA ZLOG GO, ,CHOS SU MA BRTZAMS PA LAS GYUR PAS NA TSOGS ZHES BYA STE, DES NI GCIG PU'I RANG BZHIN DU LTA BA ZLOG GO, ,DON DU NA MI RTAG PA DU MI'I RANG BZHIN LA BDAG RTAG PA GCIG PUR LTA BA NI 'JIG TSOGS LA LTA BA ZHES BYA'O, ,'JIG TSOGS LA LTA BA DE DNGOS SU GANG LA LTA BA BSTAN PA'I PHYIR, NYE BAR LEN PA'I PHUNG PO LNGA PO RNAMS LA BDAG GAM BDAG GIR YANG DAG PAR RJES SU LTA BA STE, GANG SHES RAB NYON MONGS PA CAN NO ZHES BYA BA SMOS TE, NYE BAR LEN PA'I PHUNG PO LNGA NI, GZUGS KYI PHUNG PO NAS, RNAM PAR SHES PA'I PHUNG PO'I BAR DU LNGA'O, ,RJES SU LTA BA ZHES BYA BA NI NGES PAR 'DZIN PAR BYED PA'O, ,DE LA PHUNG PO LNGA NI MI RTAG PA DANG DU MA'I RANG BZHIN YIN PAS BDAG DANG BDAG GI MED PA YIN NA, RANG GI RGYUD DU GTOGS PA'I PHUNG PO LNGA LA NI BDAG TU NGES PAR 'DZIN CING LTA, GZHAN GYI RGYUN DU GTOGS PA'I PHUNG PO LNGA LA NI BDAG GIR NGES PAR 'DZIN CING LTA BA NI 'JIG TSOGS LA LTA BA ZHES BYA'O, ,YANG NA PHUNG PO LNGA LAS RNAM PAR SHES PA'I PHUNG PO LA NI BDAG TU LTA, PHUNG PO LHAG MA GZUGS DANG TSOR BA DANG 'DU SHES DANG, 'DU BYED LA NI BDAG GIR LTA STE, DE LTAR LTA BA NI 'JIG TSOGS LA LTA BA ZHES BYA'O, ,YANG NA BDAG CES BYA BA PHUNG PO LNGA LAS MA GTOGS PAR RTAG PA GCIG PU ZHIG LOGS SHIG NA YOD LA, PHUNG PO LNGA NI BDAG DE'I RTEN NAM GNAS SU GYUR PA YIN BAS PHUNG PO NI BDAG DE'I PHUNG PO'O ZHES BYA BA NI 'JIG TSOGS LA LTA BA ZHES BYA'O, ,'DI LTAR RMONGS PA NYON MONGS PA'AM GTI MUG PA DANG LDAN PA LA NI BDAG DANG BDAG GIR LTA BA 'BYUNG GI GTI MUG MED CING SHES RAB CAN RNAMS LA BDAG DANG BDAG GIR LTA BA'I NYON MONGS PA NI MI 'BYUNG BAS 'JIG TSOGS LA LTA BA 'DI GTI MUG DANG LDAN PA YIN PA DANG, BDAG MED PA LA BDAG TU MNGON PAR ZHEN PAS, PHYIN CI LOG DANG LDAN PA'I PHYIR SHES RAB NYON MONGS PA CAN ZHES BYA'O, ,SMRAS PA, BDAG DANG BDAG GIR LTA BA 'DI, ,BDAG DANG DNGOS PO YOD PAR LTA BA NI MA YIN GYI NYE BAR LEN PA'I PHUNG PO @65B LNGA LA BDAG DANG BDAG GIR LTA BAR CI MNGON, LAN DU, MDO LAS 'BYUNG BAS NA BDAG DANG BDAG GIR LTA BA 'DI NYE BAR LEN PA'I PHUNG PO LNGA NYID LA LTA BAR MNGON NO, ,MDO LAS KYANG DGE SPYOD NGAM BRAM ZE 'AM GANG SU DAG BDAG DANG BDAG GIR RJES SU LTA ZHING RJES SU MTHONG BA DE DAG NI NYE BAR LEN PA'I PHUNG PO LNGA PO 'DI NYID LA LTA'O ZHES GSUNGS SO, ,'DI'I LAS KYANG LTA BA THAMS CAD KYI GNAS BYED PA STE, 'JIG TSOGS LA LTA BA BYUNG BAR GYUR NA, DE'I RGYUS MTHAR 'DZIN PA LA SOGS PA'I LTA BA GZHAN YANG 'BYUNG BAS NA LTA BA THAMS CAD KYI GNAS BYED PA'O, ,MTHAR 'DZIN PAR LTA BA'I RANG BZHIN BSTAN PA'I PHYIR, MTHAR 'DZIN PAR LTA BA GANG ZHE NA ZHES DRIS TE, MTHAR 'DZIN PA'I LTA BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, DE DAG NYID KYI DBANG DU BYAS NAS RTAG PA 'AM CHAD PAR YANG DAG PAR RJES SU LTA BA STE, GANG SHES RAB NYON MONGS PA CAN NO ZHES BYA BA SMOS TE, DE NYID CES BYA BA'I SGRA NYE BAR LEN PA'I PHUNG PO LNGA DANG SBYAR TE, RTAG PA 'AM CHAD PAR LTA BA YANG NYE BAR LEN PA'I PHUNG PO LNGA LA DMIGS NAS 'BYUNG BAS NA, DE NYID KYI DBANG DU BYAS NAS ZHES BYA'O, ,YANG NA DE NYID KYI SGRA 'JIG TSOGS LA LTA BA DANG SBYAR TE; 'JIG TSOGS LA LTA BA'I RGYUS RTAG PA DANG CHAD PA'I LTA BA 'BYUNG BAS NA DE NYID KYI DBANG DU BYAS NAS ZHES BYA STE, 'JIG TSOGS SU LTA BAS PHUNG PO LNGA LA BDAG DANG BDAG GIR BLTAS PA DE LA ZHES BYA BA'I DON TO, ,DE LA RTAG PA ZHES BYA BA NI THER ZUG LA BYA STE, DPER NA SBRUL GYI GSOB BOR BA BZHIN DU LUS BOR NAS BDAG DE YOD PAR LTA BA'O, ,CHAD PAR LTA BA NI TSE GCIG NAS GCIG TU 'PHO BA NA YANG PHUNG PO LNGA BOR BAR ZAD KYI, BDAG CES BYA BA DE NI RTAG PA STE, DE LA ZHIG PA 'AM SHI BA MED CING THER ZUG TU GNAS SO ZHES LTA BA NI RTAG PAR LTA BA'O, ,DPER NA SHING MES TSIG NAS THAL BAR GYUR PA SLAR SHING DU MI 'GYUR BA BZHIN DU 'DIR SHI PHAN CHAD RGYUN CHAD DE PHUNG PO GZHAN LEN PA MED DO ZHES LTA BA NI CHAD PAR LTA BA ZHES BYA'O, ,YANG DAG PAR RJES SU LTA BA ZHES BA NI DE LTAR NGES PAR 'DZIN CING DE LTAR RTOG CING DPYOD DO ZHES BYA BA'I DON TO, ,GTI MUG DANG LDAN ZHING @66A *, ,RMONGS PA DANG BCAS PA LA NI RTAG PA DANG CHAD PAR LTA BA 'BYUNG GI, ,GTI MUG MED PA'I SHES RAB CAN RNAMS LA RTAG PA DANG CHAD PAR LTA BA MI 'BYUNG BAS RTAG PA DANG CHAD PAR LTA BA 'DI YANG GTI MUG DANG LDAN PA DANG RTAG CHAD MED PA'I CHOS LA RTAG PA DANG CHAD PAR PHYIN CI LOG TU 'DZIN PAS NA SHES RAB NYON MONGS PA CAN ZHES BYA'O, ,DE'I LAS KYANG DBU MA'I LAM NAS 'BYUNG BA LA BGEGS BYED DO, ,DE LA DBU MA'I LAM NI RTAG PA DANG CHAD PAR 'DZIN PA RNAMS SPANGS NAS RTEN CING 'BREL TE 'BYUNG BA SHES PA STE, DBU MA'I LAM NGES 'KHOR BA NAS BYUNG NAS MYA NGAN LAS 'DAS PA'I LAM THOB PAR BYED PAS DBU MA'I LAM NAS 'BYUNG BA ZHES BYA'O, ,RTAG PA DANG CHAD PAR BLTAS NA DBU MA'I LAM DE RTOG PAR MI 'GYUR BAS NA DBU MA'I LAM NAS 'BYUNG BA LA BGEGS BYED PA'O, ,LOG PA'I LTA BA'I RANG BZHIN BSTAN PA'I PHYIR, LOG PA'I LTA BA GANG ZHE NA ZHES DRIS TE, LOG PA'I LTA BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU RGYU 'AM 'BRAS BU 'AM BYED PA LA SKUR NAS YOD PA'I DNGOS PO 'JIG PA STE, GANG SHES RAB NYON MONGS PA CAN NO ZHES BYA BA SMOS TE, SKUR ZHES BYA BA'I SGRA NI RGYU LA SKUR PA 'AM, 'BRAS BU LA SKUR PA 'AM, BYED PA LA SKUR ZHES TSIG RE RE DANG SBYAR RO, ,DE LA SBYIN PA MED, SBYIN SREG MED, LAS LEGS PAR BYAS PA MED, LAS NYES BAR BYAS BA MED CES SMRA BA NI RGYU LA SKUR BA'O, ,LAS DE DAG GI 'BRAS BU BDE BA DANG SDUG BSNGAL MYONG BA MED CES SMRA BA NI 'BRAS BU LA SKUR BA ZHES BYA'O, ,'JIG RTEN 'DI MED, 'JIG RTEN PHA ROL MED, PHA MED, MA MED, SEMS CAN RDZUS TE SKYE BA MED CES SMRA BA NI BYED PA LA SKUR PA STE, DE LA BYED PA YANG RNAM PA GSUM MO, ,BYED PA RNAM PA GSUM NI 'JIG RTEN GZHAN DU 'GRO BAR BYED PA DANG, SA BON 'JOG PAR BYED PA DANG, MTSAMS SBYOR BAR BYED PA'O, ,'JIG RTEN GZHAN DU 'GRO BAR BYED PA NI TSE 'DI NAS SHI 'PHOS NAS TSES PHYI MAR SKYE BAR BYED PA STE, 'JIG RTEN 'DI MED, 'JIG RTEN PHYI MA MED CES SMRA BAS 'JIG RTEN GZHAN DU 'GRO BAR BYED PA LA SKUR PA'O, ,SA BON 'JOG PAR BYED PA NI @66B LUS KYI RGYU PHA'I KHU BA DANG MA'I MI GTZANG BA 'JOG PAR BYED PA STE, PHA MED MA MED CES SMRA BAS NI SA BON 'JOG PAR BYED PA LA SKUR PA'O, ,MTSAMS SBYOR BAR BYED BA NI SEMS CAN GANG DAG PADMO LA SOGS BA'I NANG DU RDZUS TE SKYES PA 'AM, RNAM PAR SHES PA MA'I MNGAL DU 'PHOS PA STE, SEMS CAN RDZUS TE SKYES PA MED CES SMRA BAS NI MTSAMS SBYOR BAR BYED PA LA SKUR PA'O, ,'JIG RTEN NA DGRA BCOM PA MED CES SMRA BA NI YOD PA'I DNGOS PO CHUD ZA BAR BYED PA STE, DE LTAR LAS DANG 'BRAS BU DANG BYED PA DANG DGRA BCOM PA LA SOGS PA MED PAR LTA BA LA LOG PA'I LTA BA ZHES BYA'O, ,YANG NA 'PHAGS PA'I BDEN PA BZHI LA SKUR PA STE, KUN 'BYUNG MED CES SMRA BA NI RGYU LA SKUR PA'O, ,SDUG BSNGAL MED CES SMRA BA NI 'BRAS BU LA SKUR PA'O, ,LAM MED CES ZER BA NI BYED PA LA SKUR PA'O, ,'GOG PA MED CES ZER BA NI YOD PA'I DNGOS PO 'JIG PA'O, ,YANG NA RTEN CING 'BREL BAR 'BYUNG BA YAN LAG BCU GNYIS NYON MONGS PA DANG LAS DANG SDUG BSNGAL GSUM DU GZHAG GO, ,DE LA MA RIG PA DANG SRED PA DANG LEN PA GSUM NI NYON MONGS PA'I YAN LAG TU GZHAG STE, DE MED CES SMRA BA NI RGYU LA SKUR PA'O, ,RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG TSOR BA DANG SKYE BA DANG RGA SHI DANG BDUN NI SDUG BSNGAL GYI YAN LAG STE, DE MED CES SMRA BA NI 'BRAS BU LA SKUR PA'O, ,'DU BYED DANG SRID PA GNYIS NI LAS KYI YAN LAG STE, DE MED CES SMRA BA NI BYED PA LA SKUR PA'O, ,MA RIG PA 'GAGS NA RIG PA SKYE BAR 'GYUR BA YIN NA DE DAG MED CES SMRA BA NI YOD PA'I DNGOS PO 'JIG PAR BYED PA'O, ,MA RIG PA 'GAGS PAS 'DU BYED 'GAG PA NAS, SKYE BA 'GAGS PAS RGA SHI 'GAGS PA'I BAR DU MA RIG PA 'GAGS NA RIG PA SKYE BAR 'GYUR BA YIN NA, DE DAG MED CES SMRA BA NI YOD PA'I DNGOS PO 'JIG PAR BYED PA'O, ,GTI MUG DANG LDAN ZHING RMONGS PA DANG BCAS PA RNAMS LA NI THAMS CAD MED DO ZHES SKUR PA 'DEBS PA 'BYUNG GI, ,RMONGS PA MED CING SHES RAB DANG LDAN PA RNAMS LA THAMS CAD MED DO ZHES SKUR PA 'DEBS PA MI 'BYUNG BAS LOG PA'I LTA BA 'DI GTI MUG DANG LDAN PA DANG YOD PA'I CHOS RNAMS LA MED DO ZHES PHYIN CI @67A *, ,LOG TU BZUNG BAS PHYIN CI LOG DANG LDAN PA'I PHYIR SHES RAB NYON MONGS PA CAN ZHES BYA'O, ,SMRAS PA, 'JIG TSOGS SU LTA BA YANG BDAG DANG BDAG GI MED PA LA BDAG DANG BDAG GIR PHYIN CI LOG TU LTA BA DANG, MTHAR 'DZIN PA YANG RTAG PA DANG CHAD PA MED PA LA RTAG PA DANG CHAD PA PHYIN CI LOG TU LTA BAS NA LTA BA LNGA CHAR YANG LOG PA'I LTA BA YIN PA LAS CI'I PHYIR MED PAR LTA BA 'BA' ZHIG LA LOG PA'I LTA BA ZHES BTAGS PA LTA BA GZHAN LA LOG PA'I LTA BA ZHES MI BYA, SMRAS PA, SHIN TU LOG PAR LTA BA LA ZHUGS PA'I LTA BA DANG, SHIN TU SDIG PA'I RGYUR 'GYUR BA 'GA' ZHIG LA LTA BA 'BA' ZHIG LA LOG PA'I LTA BA ZHES BYA BA'I LTA BA GZHAN LA LOG PA'I LTA BA ZHES MI BYA STE, DPER NA MAR GYI DRI MI ZHIM PA DANG GDOL BU SDIG CAN ZHES BYA BA BZHIN NO, ,'DI LTAR MAR KUN KYANG DRI MI ZHIM PA YIN MOD KYI GANG LHAG PAR DRI MI ZHIM PA DE LA MAR DRI MI ZHIM PA ZHES BYA BA DANG, GDOL BU KUN KYANG SDIG PA'I LAS CAN YIN MOD KYI GANG LHAG PAR GZHAN PAS GSAD GCAD LA DGA' BA'I GDOL BU LA GDOL BU SDIG CAN ZHES BYA BA BZHIN DU LTA BA GZHAN YANG LOG PAR LTA BA YIN MOD KYI DE DAG PHUNG PO LNGA LA MED PAR SKUR PA MI 'DEBS SHING DE LAS LHAG PAR BDAG LA SOGS PA YOD PAR SGRO 'DOGS PA'I RNAM PAR ZHUGS PA YIN PAS SHIN TU LOG PAR ZHUGS PA YANG MA YIN LA SHIN TU SDIG PA'I RGYU BYED PA YANG MA YIN BAS LTA BA GZHAN LA LOG PA'I LTA BA ZHES MA BTAGS KYI, THAMS CAD MED PAR LTA BA 'DI NI THAMS CAD MED DO ZHES SKUR BA'I RNAM PAR ZHUGS PAS SHIN TU LOG PAR ZHUGS PA DANG, SHIN TU LOG PA SDIG PA'I RGYU BYED PA'I PHYIR LOG PAR LTA BA ZHES BTAGS SO, ,'DI'I LAS NI DGE BA'I RTZA BA GCOD CING MI DGE BA'I RTZA BSKYED 'PHEL BAR BYED BA'I RTEN BYED BA STE, LOG PAR LTA BA SKYES NA SNGON DGE BA'I RTZA BA BSAGS PA THAMS CAD KYANG MED PAR 'GYUR LA MI DGE BA'I RTZA BA THAMS CAD 'PHEL ZHING RGYAS PAR 'GYUR BA'I PHYIR RO, ,DE LA LTA BA BSNYEMS PA'I RANG BZHIN BSTAN PA'I PHYIR, LTA BA BSNYEMS BA GANG ZHEN ZHES DRIS TE, LTA BA BSNYEMS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU, LTA BA RNAM PA GSUM PO DE DAG NYID DANG, DE'I GNAS PHUNG PO @67B RNAMS LA MCHOG DAM PA GTZO BOR YANG DAG PAR RJES SU LTA BA STE, GANG SHES RAB NYON MONGS PA CAN NO ZHES BYA BA SMOS TE, LTA BA RNAM PA GSUM PO DE DAG NYID CES BYA BA NI GONG GONG DU BSHAD PA'I 'JIG TSOGS SU LTA BA DANG, MTHAR 'DZIN PAR LTA BA DANG LOG PAR LTA BA STE GSUM MO, ,DE'I GNAS PHUNG PO RNAMS LA ZHES BYA BA NI LTA BA GSUM PO DE DAG KYANG PHUNG PO LNGA LA DMIGS PA LAS 'BYUNG BAS LTA BA GSUM 'BYUNG BA'I RGYU PHUNG PO LNGA YIN PA'I PHYIR RO, ,PHUNG PO LNGA NI DE'I GNAS ZHES BYA'O, ,MCHOG DANG DAM PA DANG GTZO BO'I DON GSUM DON GCIG TU 'DRA MOD KYI GCIG GIS GCIG BSHAD PA LTA BUR RIG PAR BYA STE, JI LTAR MCHOG CE NA, DAM PA'I PHYIR MCHOG GO, ,CI LTAR DAM PA ZHE NA, GTZO BOR GYUR PA'I PHYIR DAM PA'O ZHES BSHAD PAR BYA'O, ,YANG DAG PAR RJES SU LTA BA NI 'DI KHO NA YIN NO ZHES NGES PAR 'DZIN PA'O, ,DON DU NA 'JIG TSOGS SU LTA BA DANG, MTHAR 'DZIN PAR LTA BA DANG, LOG PAR LTA BA GSUM LA LTA BA 'DI DAG NI MCHOG DAM PA'I GTZO BO YIN NO ZHES SEMS NGES PAR 'DZIN PA DANG, LTA BA DE DAG SKYE BA'I GNAS KYI PHUNG PO LNGA LA YANG PHUNG PO LNGA PO 'DI DAG NI MCHOG DAM PA GTZO BO YIN NO ZHES NGES PAR 'DZIN PAR BYED PA LA LTA BA BSNYEMS PA ZHES BYA'O; ,RMONGS PA DANG BCAS SHING GTI MUG DANG LDAN PA RNAMS LA NI LTA BA NGAN PA GSUM DANG, DE'I GNAS KYI PHUNG PO LA MCHOG DANG DAM PAR 'DZIN PA 'BYUNG GI, ,RMONGS PA MED CING SHES RAB CAN RNAMS LA LTA BA NGAN PA DANG, DE'I GNAS KYI PHUNG PO LA MCHOG DANG DAM PAR 'DZIN PA MI 'BYUNG BAS LTA BA BSNYEMS PA 'DI YANG GTI MUG DANG LDAN PA DANG, MCHOG MA YIN PA'I CHOS LA MCHOG TU PHYIN CI LOG TU 'DZIN PAS PHYIN CI LOG DANG LDAN PA'I PHYIR SHES RAB NYON MONGS PA CAN ZHES BYA'O, ,DE'I LAS KYANG LTA BA NGAN PA LA MNGON PAR ZHEN PA'I RTEN BYED PA STE, LTA BA NGAN PA LA MNGON PAR ZHEN PA NI 'JIG TSOGS SU LTA BA DANG, MTHAR 'DZIN PAR LTA BA DANG LOG PA'I LTA BA LA YON TAN DU GZUNG BAS DE MI GTONG BAR BYED PAS NA LTA BA NGAN BA LA MNGON PAR ZHEN PA'I RTEN BYED PA'O, ,TSUL KHRIMS DANG BRTUL ZHUGS BSNYEMS PA'I RANG BZHIN BSTAN PA'I PHYIR, ,TSUL KHRIMS DANG BRTUL ZHUGS BSNYEMS PA GANG @68A *, ,ZHE NA ZHES DRIS TE, TSUL KHRIMS DANG BRTUL ZHUGS BSNYEMS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU TSUL KHRIMS DANG BRTUL ZHUGS DANG, DE'I GNAS KYI PHUNG PO RNAMS LA DAG PA DANG GROL BA DANG, 'BYUNG BAR YANG DAG PAR RJES SU LTA BA STE; GANG SHES RAB NYON MONGS PA CAN NO ZHES BYA BA SMOS TE, DE LA SROG GCOD PA LA SOGS PA MI DGE BA'I LAS BYED PA LAS SLAR LDOG PA NI TSUL KHRIMS SO, ,MGO BREGS PA DANG, SGREN MOR 'PHYAN PA LA SOGS PA'I LUS KYI CHA LUGS 'DZIN PA DANG, KHA ZAS GCOD PA DANG, BA LANG DANG KHYI LA SOGS PA'I SPYOD LAM 'DZIN PA NI BRTUL ZHUGS SO, ,TSUL KHRIMS DANG BRTUL ZHUGS KYANG PHUNG PO LNGA LA BRTEN NAS 'BYUNG BA STE, TSUL KHRIMS DANG BRTUL ZHUGS BSNYEMS PA 'BYUNG BA'I RGYU PHUNG PO LNGA YIN PAS NA PHUNG PO LNGA NI DE'I GNAS ZHES BYA'O, ,TSUL KHRIMS DANG BRTUL ZHUGS DANG, DE'I GNAS KYI PHUNG PO LA BRTEN NAS SROG GCOD PA LA SOGS PA'I SDIG PA BYAS PA'I LAS SBYONG ZHING DAG PAR 'GYUR RO ZHES 'DZIN PA NI YANG DAG PAR RJES SU LTA BA'O, ,TSUL KHRIMS DANG BRTUL ZHUGS DANG PHUNG PO 'DIS 'DOD CHAGS LA SOGS PA'I NYON MONGS PA'I BCING BA LAS GROL BAR BYED DO ZHES 'DZIN PA NI GROL BAR YANG DAG PAR RJES SU LTA BA'O, ,TSUL KHRIMS DANG BRTUL ZHUGS DANG DE'I GNAS KYI PHUNG PO 'DIS 'KHOR BA LAS 'BYUNG ZHING MYA NGAN LAS 'DAS PA'I LAM THOB PAR BYED DO ZHES 'DZIN PA NI 'BYUNG BAR YANG DAG PAR RJES SU LTA BA ZHES BYA STE, DON DUN TSUL KHRIMS DANG BRTUL ZHUGS DANG, DE'I GNAS KYI PHUNG PO LA BRTEN NAS 'KHOR BA LAS 'BYUNG ZHING MYA NGAN LAS 'DAS PA 'THOB PO ZHES 'DZIN PA NI TSUL KHRIMS DANG BRTUL ZHUGS BSNYEMS PA ZHES BYA'O, ,GTI MUG DANG LDAN ZHING RMONGS PA DANG BCAS PA RNAMS LA TSUL KHRIMS DANG BRTUL ZHUGS TZAM GYIS THAR BAR 'GYUR ZHES 'DZIN PA 'BYUNG GI , RMONGS PA MED CING SHES RAB RNAMS LA TSUL KHRIMS DANG BRTUL ZHUGS TZAM GYIS THAR PAR 'GYUR ZHES 'DZIN PA MI 'BYUNG BAS TSUL KHRIMS DANG BRTUL ZHUGS BSNYEMS PA 'DI GTI MUG DANG LDAN PA YIN PA'I PHYIR SHES RAB NYON MONGS PA CAN ZHES BYA'O, ,SMRAS PA, BCOM LDAN 'DAS KYI GSUNG RAB @68B KYI GZHUNG LAS TSUL KHRIMS LA BRTEN NAS TING NGE 'DZIN BSGOMS TE SHES RAB BSKYED NAS RNAM PAR GROL BAR 'GYUR RO ZHES GSUNGS PAS, TSUL KHRIMS DANG BRTUL ZHUGS NI DAG PA'I RGYU YIN NA CI'I PHYIR TSUL KHRIMS DANG BRTUL ZHUGS BSNYEMS PA ZHES BYA, SMRAS PA, YANG DAG PA'I LTA BA DANG LDAN PA'I TSUL KHRIMS DANG BRTUL ZHUGS NI THAR PA'I RGYUR 'GYUR BAS NA, TSUL KHRIMS DANG BRTUL ZHUGS BSNYEMS PA ZHES MI BYA'I, ,'JIG TSOGS SU LTA BA 'AM, MTHAR 'DZIN PAR LTA BA 'AM LOG PAR LTA BAS YONGS SU ZIN PA'I TSUL KHRIMS DANG BRTUL ZHUGS NI THAR PA'I RGYUR MI 'GYUR GYI BCINGS PA'I RGYUR 'GYUR BAS NA TSUL KHRIMS DANG BRTUL ZHUGS BSNYEMS PA ZHES BYA'O, ,'DI'I LAS KYANG LUS SHA THANG CHAD PA'I 'BRAS BU DON MED PAR BYED PA STE, LTA BA LOG PA DANG LDAN PA'I TSUL KHRIMS DANG BRTUL ZHUGS BSRUNGS KYANG THAR PA THOB PAR MI 'GYUR BAS NA LUS SHA THANG CHAD PA'I 'BRAS BU DON MED PAR BYED PA ZHES BYA'O, ,LTA BA LNGA PO DE DAG LAS LTA BA DU ZHIG NI SGRO BTAGS PA'I RANG BZHIN, LTA BA DU ZHIG NI SKUR PA 'DEBS PA'I RANG BZHIN ZHE NA, 'JIG TSOGS SU LTA BA DANG MTHAR 'DZIN PA'I LTA BA LAS RTAG PAR LTA BA DANG LTA BA BSNYEMS PA DANG TSUL KHRIMS DANG BRTUL ZHUGS BSNYEMS PA RNAMS NI SGRO 'DOGS PA'I RANG BZHIN NO, ,LOG PA'I LTA BA DANG, MTHAR 'DZIN PA LAS CHAD PAR LTA BA NI SKUR BA 'DEBS PA'I RANG BZHIN NO, ,THE TSOM GYI RANG BZHIN BSTAN PA'I PHYIR, THE TSOM GANG ZHE NA ZHES DRIS TE, THE TSOM GYI RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU, BDEN PA LA SOGS PA LA GANG YID GNYIS ZA BA'O ZHES BYA BA SMOS TE, BDEN PA NI SDUG BSNGAL LA SOGS PA'I BDEN PA BZHI'O, ,SOGS BA'I SGRAS NI LAS DANG 'BRAS BU DANG, DKON MCHOG LA SOGS PA BSDU'O, ,YID GNYIS ZA BA NI LAM KHA BRAG DANG RTZVA'I MI LA BLO GNYIS SU 'JUG PA BZHIN DU GANG BLO GNYIS SU 'JUG PA'O, ,DPER NA LAM KHA BRAG TU 'DUG PA LAS MA DU RA'I GRONG KHYER DU 'JUG PA'I LAM 'DI YIN NAM 'ON TE 'DI MIN ZHES BLO YID GNYIS SU 'JUG PA YIN PA DANG, RTZVA'I MI LA 'DI NI RTZVA'I MI YIN NAM, 'ON TE MI YANG DAG BA YIN ZHES @69A *, ,YID GNYIS SU 'JUG PA BZHIN DU LAS DANG 'BRAS BU DANG, BDEN PA DANG DKON MCHOG LA SOGS PA LA DE DAG YOD PA YIN NAM ZHES BLO GNYIS SU 'JUG PA YIN PA DANG, 'ON TE MED PA YIN ZHES BLO GNYIS SU 'JUG PA NI THE TSOM ZHES BYA'O, ,DE'I LAS KYANG DGE BA'I PHYOGS LA MI 'JUG PA'I RTEN BYED PA STE, THE TSOM YOD NA DGE BA'I PHYOGS LA RGYUN DU 'JUG PAR MI BYED PA'I PHYIR RO, ,NYON MONGS PA DRUG GI RANG BZHIN DANG LAS BSTAN NAS, DA 'DI DPYAD PAR BYA STE, NYON MONGS PA DRUG LAS DU ZHIG NI YONGS SU BRTAG BA 'BA' ZHIG YIN LA, DU ZHIG NI LHAN CIG SKYES PA YANG YIN LA YONGS SU BRTAG PA YANG YIN ZHE NA, DE DAG GZHAN LA MNYAN NAS 'PHRAL DU BSAMS TE SKYES PA RNAMS NI YONGS SU BRTAGS PA ZHES BYA'O, ,'KHOR BA'I THOG MA MED BA NAS RANG BZHIN GYIS SKYES YOD PA NI LHAN CIG SKYES PA ZHES BYA'O, ,DE'I LAN DU NYON MONGS PA DE DAG LAS LTA BA 'OG MA GSUM DANG, THE TSOM NI YONGS SU BRTAGS PA'O ZHES BYA BA SMOS SO, ,NYON MONGS PA DE DAG LAS ZHES BYA BA NI 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, THE TSOM STE, DRUG PO DE DAG GI NANG NAS ZHES BYA BA'I DON TO, ,LTA BA 'OG MA GSUM DANG ZHES BYA BA LA LTA BA LNGA STE, 'JIG TSOGS SU LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BA BSNYEMS PA DANG, TSUL KHRIMS DANG, BRTUL ZHUGS BSNYEMS PA DANG LNGA LAS LOG PAR LTA BA DANG, LTA BA BSNYEMS PA DANG, TSUL KHRIMS DANG, BRTUL ZHUGS BSNYEMS PA GSUM LA NI LTA BA 'OG MA GSUM ZHES BYA STE, LTA BA DE GSUM YANG GZHAN NAS GTZUG LAG MNYAN NAS 'PHRAL DU BSAMS PA LAS 'BYUNG BAS NA YONGS SU BRTAGS PA LAS 'BYUNG BA ZHES BYA'O, ,THE TSOM YANG GZHAN LA GTZUG LAG MNYAN NAS 'PHRAL DU BSAMS PA LAS 'BYUNG BAS NA YONGS SU BRTAGS PA ZHES BYA'O, ,LHAG MA NI LHAN CIG SKYES PA DANG YONGS SU BRTAGS PA'O ZHES BYA BA LA, LTA BA GSUM DANG THE TSOM BSHAD PA'I LHAG MA NI 'DOD CHAGS DANG, KHONG KHRO DANG, MA RIG PA DANG, NGA RGYAL DANG, 'JIG TSOGS SU LTA BA DANG, MTHAR 'DZIN PAR @69B LTA BA RNAMS TE, DE DAG LA LHAN CIG SKYES PA YOD LA YONGS SU BRTAS PA YANG YOD DO, ,DE LA 'KHOR BA THOG MA MED PA NAS RANG BZHIN GYIS YOD PA'I 'DOD CHAGS PA DANG KHONG KHRO BA DNAG, MA RIGS PA DANG, NGA RGYAL DNAG, 'JIG TSEGS SU LTA BA DNAG, MTHAR 'DZIN PAR LTA BA RNAMS NI LHAN CIG SKYES PA ZHES BYA'O, ,GZHAN LAS GTZUG LAG THOS NAS 'PHRAL DU BSAMS NAS SKYES PA'I 'DOD CHAGS DANG KHONG KHRO BA DANG, MA RIG PA DANG, NGA RGYAL DANG, 'JIG TSOGS SU LTA BA DANG, MTHAR 'DZIN PAR LTA BA RNAMS NI YONGS SU BRTAGS PA'O, ,NYON MONGS PA DRUG BSHAD ZIN TO, ,DA NI NYE BA'I NYON MONGS PA RNAMS BSHAD PAR BYA'O, ,DE LA NYAN THOS RNAM PAR SMRA BA PA RNAMS NI NYE BA'I NYON MONGS PA RNAMS KYANG RDZAS SU YOD PAR 'DOD MOD KYI, RNAM PAR RIG PA TZAM DU SMRA BA'I RNAM PAR SHES PAR LTA BAS NYE BA'I NYON MONGS PA RNAMS NYON MONGS PA DRUG GI SHAS LAS 'BYUNG BAS NA DE DAG BRTAGS PA TZAM DU YOD KYI RDZAS SU MED PAR RIG PAR BYA'O, ,KHRO BA'I RANG BZHIN BSTAN PA'I PHYIR, KHRO BA GANG ZHE NA ZHES DRIS TE, KHRO BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU 'PHRAL DU GNOD PA BYED PA LA GNAS TE GANG SEMS KYIS GNOD PAR BYED PA'I ZHES BYA BA SMOS TE, 'PHRAL DU GNOD PAR BYED PA BZUNG BAS NI 'DAS PA DANG MA 'ONGS PA'I DUS SU GNOD PA BYAS PA DGAG PA STE, DA LTAR GYI DUS NYID NA GNOD PAR BYAS PA LA BYA'O, ,GNOD PAR BYED PA NI SEMS CAN DANG SEMS CAN MA YIN BAS MI DBEN PA DANG MI BDE BA ZHES BYAS PA'O, ,GNAS TE ZHES BYA BA NI GNOD PAR BYAS PA DANG, PHRAD PAR BYAS PA'O, ,GANG SEMS KYIS GNOD PAR BYED PA'O ZHES BYA BA NI SEMS CAN DANG SEMS CAN MA YIN PAS 'PHRAL DU GNOD PAR BYAS PA DANG PHRAD NAS SEMS CAN DANG SEMS CAN MA YIN BA LA GANG SEMS KYIS GNOD PAR BYA BAR SEMS PA STE, DE NI KHRO BA ZHES BYA 'O, ,SEMS KYIS GNOD PAR BYED PA SMOS PAS LUS KYIS GNOD PAR BYED PA BKAG PA YIN TE, LUS KYIS GNOD PAR BYED PA NI KHRO BA'I 'BRAS BU YIN BAS NA DE LA KHRO BA ZHES MI BYA'O, ,KHRO BA 'DI YANG KHONG KHRO BA'I SHAS @70A *, ,LAS 'BYUNG BAS NA BTAGS PAR YOD KYI RDZAS SU MED PAR RIG PAR BYA'O, ,DE'I LAS NI DBYIG PAS RDEG PA LA SOGS PA'I RTEN BYED PA'I LAS CAN TE, KHRO BA BYUNG NAS SEMS CAN LA BRDEG PA DANG BCING BA LA SOGS PA GDON MI ZA BAR 'BYUNG BAR BYED PA'I PHYIR RO,, KHAN DU 'DZIN PA'I RANG BZHIN BSTAN PA'I PHYIR KHON DU 'DZIN PA GANG ZHE NA ZHES DRIS TE, KHON DU 'DZIN PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU MDUD PAR 'DZIN PA'O ZHES BYA BA SMOS TE, DANG POR MI DBEN PA 'AM GNOD PAR BYAS PA DANG PHRAD DO, ,DE NAS KHROS SO; ,DE NAS KHRO BA'I 'OG TU 'DIS BDAG LA GNOD PA 'DI LTA BU ZHIG BYAS PAS LAN MA LON BAR DU MI GTONG NGO SNYAM DU SEMS SHING ZHE SDANG GI BSAM PA RGYUN DU SEMS LA 'JOG CING MDUD PAR 'DZIN PA MI GTONG BA NI KHON DU 'DZIN PA ZHES BYA'O, ,YANG NA 'DIS BDAG LA GNOD PA SNGON BYAS, DA LTAR BYED; PHYIS BYED PAR 'GYUR, 'DIS BDAG GI MDZA' BO LA GNOD PA SNGON BYAS, DA LTAR BYED, PHYIS BYED PAR 'GYUR, 'DIS BDAG GI DGRA LA SNGON PHAN BTAGS, DA LTAR PHAN 'DOGS PAR BYED, PHYIS PHAN 'DOGS PAR BYED PAS 'DI LA GNOD PAR MI BYA BAR MI GTONG NGO SNYAM DU ZHE SDANG GI BSAM PA RGYUN DU MI GTONG BA NI KHON DU 'DZIN PA ZHES BYA'O, ,'DI YANG ZHE SDANG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS KYANG MI BZOD PAR BYED BA'I RTEN BYED PA STE, GNOD PAR BYED PAS JI BYAS KYAGN MI BZOD CING PHYIS DE LA GNOD PAR BYED PAR 'DOD PAS NA DE'I LAS NI MI BZOD PA'I RTEN BYED PA ZHES BYA'O, ,'CHAB PA'I RANG BZHIN BSTAN PA'I PHYIR, 'CHAB PA GANG ZHE NA ZHES DRIS TE, 'CHAB PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU BDAG GI KHA NA MA THO BAR MKHYUD BA'O ZHES BYA BA SMOS TE, KHA NA MA THOB NI SROG GCOD PA LA SOGS PA'I SDIG PA'I LAS BYAS PA'O, ,MKHAN PO 'AM SLOB DPON LA SOGS PAS GLENG BA'O, ,'DOD CHAGS DANG ZHE SDANG DANG GTI MUG LA SOGS PA'I DBANG DU MI 'GRO ZHING, 'JIGS PA'I PHYIR SMRA BA YIN PA LA 'DIS SDIG PA MA BSHAGS NA SDUG BSNGAL GYI @70B RGYUR 'GYUR RO ZHES DE LA PHAN PAR 'DOD PA DES MANG PO'I MDUN DU MI GLENG PAR SKABS SU BAB PAR BYAS NAS, KHYOD KYI SDIG PA 'DI LTA BU ZHIG BYAS KYI SHOGS SHIG CES BYAS PA DANG SDIG PA MA BSHAGS NA SDUG BSNGAL GYI RGYUR 'GYUR BAR MI SHES PA'I GTI MUG GI DBANG DU SONG NAS BDAG GIS SDIG PA MA BYAS SO ZHES NAS KHA NA MA THO BA BYAS PA MA KHYUD CING BSNYON PA NI 'CHAB PA ZHES BYA'O, ,'DI YANG GTI MUG GI SHAS LAS BYUNG BAS NA RDZAS SU MED KYI BTAGS BAR YOD PAR RIG PAR BYA'O, ,'DI'I LAS KYANG RNAM PA GNYIS BYED DE, 'GYOD PA DANG MI BDE BAR GNAS PA'I RTEN BYED PA'O, ,CHOS NYAD KYIS GANG GIS KHA NA MA THO BA MKHYUD PA DE LA 'GYOD PA SKYE BAR 'GYUR RO, ,'GYOD PA SKYES NAS GDON MI ZA BAR YID MI BDE BA DANG LDAN PAR 'GYUR BA'I PHYIR MI BDE BAR GNAS PAR YANG 'GYUR RO, ,'TSIG PA'I RANG BZHIN BSTAN PAR BYA BA'I PHYIR, 'TSIG PA GANG ZHE NA ZHES DRIS TE, 'TSIG PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, TSIG BRLANG PO ZHER 'DEBS PA NYID DO ZHES BYA BA SMOS TE, TSIG BRLANG PO NI SHIN TU MI BZAD PA'I TSIG LA BYA STE, TSIG GANG SMRAS NA SEMS CAN GZHAN GYI GNAD DU 'PHEN CING YID MI BDE BAR 'GYUR BA'I TSIG RTZUB PO LA TSIG BRLANG PO ZHES BYA'O, ,DPER NA SPRUL GDUG PAS ZOS NA LUS LA GNOD PAR 'GYUR BA BZHIN DU DANG PO GZHAN GYIS GNOD PA BYAS PA DANG PHRAD DO, ,DE NAS KHROS SO, ,DE NAS KHON DU BZUNG NGO, ,DE NAS RIGS DANG RUS LA SOGS PA SMOS PA'I TSIG RTZUB POS GZHAN GYI ZHER 'DEBS SHING GZHAN GYI YID MI BDE BA SKYED PA NI 'TSIG PA ZHES BYA'O, ,'DI YANG KHONG KHRO BA'I SHAS LAS BYUNG BAS NA RDZAS SU MED KYI BTAGS PAR YOD PAR ZAD DO, ,'DI'I LAS KYANG RNAM PA GNYIS BYED DE, TSIG NGAN PA 'BYIN PAR BYED PA DANG, MI BDE BAR GNAS PAR BYED PA'O, ,TSIG NGAN 'BYIN PAR BYED PA NI RUS DANG RIGS LA SOGS PA SMOS PA'I TSIG RTZUB PO 'BYIN PAR BYED PA'O, ,MI BDE BAR GNAS PAR BYED PA NI TSIG GDUG BAR SMRA BA'I GANG ZAG DE DANG LHAN CIG TU GNAS PA'I GANG ZAG GZHAN DAG KYANG MI BDE BAR GNAS PAR 'GYUR BA'I PHYIR RO, ,PHRAG DOG GI RANG BZHIN BSTAN PA'I PHYIR, PHRAG DOG @71A *, ,GANG ZHE NA ZHES DRIS TE, PHRAG DOG GI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, PHA ROL PO'I PHUN SUM TSOGS PA LA SEMS KHYAD PAR 'KHRUGS PA'O ZHES BYA BA SMOS TE, PHA ROL PO'I PHUN SUM TSOGS PA NI GZHAN GYI 'BYOR PA LA BYA STE, SEMS CAN GZHAN CHOS GOS LA SOGS PA'I RNYED PA DANG LDAN PA DANG, PHYAG 'TSAL BA LA SOGS PA'I BKUR STI DANG LDAN PA DANG, RIGS MTHO BA DANG TSUL KHRIMS DANG, THOS PA LA SOGS PA'I YON TAN DANG LDAN PA'O, ,SEMS KHYAD PAR 'KHRUGS PA ZHES BYA BA NI ZHE SDANG GI SHAS KYIS SEMS MI BZOD PAR GYUR PA STE, PHA ROL PO RNYED PA DANG BKUR STI DANG, RIGS DANG TSUL KHRIMS DANG THOS PA LA SOGS PA'I YON TAN DANG LDAN PA MTHONG BA DANG DE LA MI DGA' ZHING SEMS 'KHRUG LA MI BZOD PA NI PHRAG DOG CES BYA'O, ,'DI YANG ZHE SDANG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,DE'I LAS NI MI BDE BAR GNAS PA'I RTEN BYED PA STE, PHRAG DOG DANG LDAN PA NI GZHAN GYI YON TAN YOD PAR MTHONG BA DANG, DUS THAMS CAD DU BDAG GI SEMS MI BDE ZHING 'KHRUG PA SKYE BAR 'GYUR BAR BYED PA'I PHYIR RO, ,SER SNA'I RANG BZHIN BSTAN PA'I PHYIR, SER SNA GANG ZHE NA ZHES DRIS TE, SER SNA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU SBYIN PA DANG MI MTHUN PA'I SEMS KYIS KUN TU 'DZIN PA'O ZHES BYA BA SMOS TE, BDAG GIR BYAS PA'I DNGOS PO CHOS DANG ZANG ZHING LA SOGS PAS MCHOD PA DANG, PHAN GDAGS PAR 'DOD PAS 'DOD PA DANG MI 'DOD PA LA YONGS SU GTONG BAR BYED PA NI SBYIN PA ZHES BYA'O, ,BDAG GIR BYAS PA'I DNGOS PO ZHES BYA BA NI BDAG DBANG BA 'AM BDAG LA BYA BA'I DNGOS PO'O, ,CHOS NI GSUNG RAB KYI DON DANG TSIG 'CHAD PA LA MKHAS PA'O, ,ZANG ZING NI LHUNG BZED DANG CHOS GOS LA SOGS PA'I YO BYAD DO, ,MCHOD RTEN LA SOGS PA LA NI MCHOD PAR 'DOD PA'I PHYIR YONGS SU GTONG NGO, ,PHONGS PA RNAMS LA NI PHAN 'DOGS PAR 'DOD PA'I PHYIR YONGS SU GTONG NGO, ,DGE 'DUN LA NI MCHOD PA DANG PHAN GDAGS PAR 'DOD PA'I PHYIR YONGS SU GTONG NGO, ,YE PHONGS PA DANG DGE @71B 'DUN LA YONGS SU GTONG BA NI 'DOD PA LA SBYIN PA ZHES BYA'O, ,SANGS RGYAS LA SOGS PA'I 'PHAGS PA LA YONGS SU GTONG BA NI MI 'DOD PA LA SBYIN PA ZHES BYA'O, ,SER SNA YOD NA CHOS DANG ZANG ZING GZHAN LA GTONG BA'I MTSAN NYID KYI SBYIN PA MI BYED CING MED PAR 'GYUR BAS NA SER SNA NI SBYIN PA DANG MI MTHUN PA ZHES BYA'O, ,SEMS KYI KUN TU 'DZIN PA ZHES BYA BA NI RNYED PA DANG BKUR STI LA CHAGS PAS 'DOD CHAGS KYI SHAS KYIS CHOS GOS DANG LHUNG BZED LA SOGS PA 'TSO BA'I YO BYAD RNAMS DANG, DNGOS PO GANG MI MKHO BA DANG NGAN PA YANG GZHAN LA GTONG MI PHOD CING ZANG ZING RNAMS SDUD PAR BYED PA LA NI SER SNA ZHES BYA'O, ,'DI YANG 'DOD CHAGS KYI SHAS LAS 'BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,DE'I LAN NI CHOG MI SHES PA'I RTEN BYED PA STE, SER SNA DANG LDAN PA RNAMS NI 'TSO BA'I YO BYAD ZANG ZING RNAMS SDUD PA LA CHOG MI SHES PA'I PHYIR RO, , SGYU'I RANG BZHIN BSTAN PA'I PHYIR, ,SGYU GANG ZHE NA ZHES DRIS TE, SGYU'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, PHA ROL PO SLU BA YANG DAG PA MA YIN PA'I DON STON PA'O ZHES BYA BA SMOS TE, BDAG GANG TSUL KHRIMS DANG MI LDAN MKHAS PA MA YIN KYANG TSUL KHRIMS DANG LDAN PA 'DRA BA 'AM MKHAS PA DANG 'DRA BAR GZHAN LA STON CING SGROGS PA NI GZHAN LA SLU BA'O, ,TSUL KHRIMS DANG MI LDAN PA 'DRA BAR BSTAN NA GZHAN GYIS RNYED PA DANG BKUR STI MI STER DU DOGS NAS RNYED PA DANG BKUR STI LA CHAGS PAS RNYED PA DANG BKUR STI LA CHAGS PA'I RGYUS BDAG TSUL KHRIMS DANG MI LDAN PAR GNAS PA YIN YANG TSUL KHRIMS DANG LDAN PA 'DRA BAR GNAS PAR DON GZHAN DU STON CING SGROGS PA DANG, BDAG MKHAS PA MA YIN YANG MKHAS PA 'DRA BAR YANG DAG PAR DON MA YIN BA STON CING SGROGS PA NI SGYU ZHES BYA'O, ,'DI YANG 'DOD CHAGS DANG GTI MUG GI SHAS KYIS YON TAN YOD PA MA YIN KYANG YON TAN CAN DU STON CING SGROGS PAR BYED PAS 'DOD CHAGS DANG GTI MUG GI SHAS LAS BYUNG BA'I PHYIR RDZAS SU MED KYI BTAGS PAR YOD PAR RIG PAR BYA'O, ,'DI'I LAS NI LOG PAR 'TSO BA'I RTEN BYED PA STE, YON TAN MED KYANG LUS DANG NGAG GI SGO NAS YON TAN CAN 'DRA BAR @72A *, ,TSUL BCOS NAS CHOS GOS DANG MAL STAN LA SOGS PA G-YO SGYUS BTZAL BA LA SPYOD PAR BYED PAS NA LOG PAR 'TSO BA'I RTEN BYED PA ZHES BYA'O, ,G-YO'I RANG BZHIN BSTAN PA'I PHYIR, G-YO GANG ZHEN ZHES DRIS TE, G-YO'I RANG BZHIN DANG MTSAN NYID GANG ZHE NA ZHES DRIS PA'I DON TO; ,DE'I LAN DU, BDAG GI NYES PA 'CHAB PA'I THABS GZUNG BA STE, SEMS GYA GYU BA'O ZHES BYA BA SMOS TE, BDAG NYID KYIS SROG GCOD PA LA SOGS PA'I SKYON BYAS PA NI BDAG GI NYES PA'O, ,BDAG GI NYES PA 'CHAB PA NI BDAG GI NYES PA MKHYUD PA 'AM SBED PA'O, ,TSUL CIS NYES PA BCABS SHE NA, THABS GZUNG BA STE, THABS KYIS GZUNG BAS NYES PA 'CHAB CES BYA BA'I DON TO, ,THABS GZUNG BA ZHES BYA BA NI GZHAN MGO RMONGS PAR BYED PA STE, DE'ANG GZHAN DAG GIS KHYOD KYIS NYES PA 'DI LTA BU ZHIG MA BYAS SAM ZHES DRIS NA, BDAG MA DU RA'I GRONG KHYER NAS RGYAL PO'I KHAB TU MCHIS ZHES BYA BA LA SOGS PA'I GTAM GZHAN NAS GZHAN DU SKYONG ZHING GTAM RLUNG SKUR BAR BYED PA 'AM, SMRA NA MI GSAL BAR NYES PA BYAS SAM MA BYAS GTOL MED CING CI SMRAS GTOL MED PAR SMRA BA NI G-YO ZHES BYA'O, ,G-YO DANG LDAN PA'I GANG ZAG RNAMS DRANG POR MI SEMS SHING DRANG POR MI SMRA BAS NA SEMS GYA GYU BA ZHES BYA'O, ,'DI YANG RNYED PA DANG BKUR STI LA CHAGS PA DANG NYES PA BCABS NA SDUG BSNGAL GYI RGYUR 'GYUR BAR MI SHES PA'I GTI MUG GI DBANG GIS 'BYUNG BAS NA 'DOD CHAGS DANG GTI MUG GI SHAS LAS 'BYUNG BA'I PHYIR RDZAS SU MED KYI BTAGS PAR YOD PAR RIG PAR BYA'O, ,DE'I LAS KYANG YANG DAG PA'I LUNG BSGO BA 'THOB PA'I BGEGS BYED PA STE, SU NYES PA 'CHAB BA'I G-YO DANG CHAGS PA DE LA MKHAN PO DANG SLOB DPON GYIS YANG DAG PA'I LUNG BSGO BAR MI BYED CING SNGAR LUNG BSGO BA THOB PA RNAMS KYANG G-YO YOD PAS TSUL BZHIN MA YIN PA YID LA BYED PAS LOG PAR BYAS PA'I PHYIR YANG DAG PAR LUNG BSGO BA THOB PA'I BGEGS BYED PA ZHES BYA'O, ,SMRAS PA, 'CHAB PA YANG BDAG GI KHA NA MA THO BA 'CHAB PA YIN LA G-YO YANG RANG GI NYES PA 'CHAB PA'I THABS 'DZIN PA YIN BAS DE GNYI GA NYES PA 'CHAB PA BYED PAR @72B ZAD NA KHYAD PAR JI YOD, SMRAS PA, 'CHAB PA NI BDAG GIS NYES PA MA BYAS SO ZHES DNGOS SU GSAL BAR KHA NA MA THO BA MKHYUD PAR BYED KYI G-YO NI DNGOS SU MA BYAS SO ZHES GSAL BAR MI SMRA BA'I THABS KYIS MA BYAS PA 'DRA BAR NYES PA MKHYUD PAR BYED PAS NA KHYAD PAR YOD DO, ,RGYAGS PA'I RANG BZHIN BSTAN PA'I PHYIR, RGYAGS PA GANG ZHEN ZHES DRIS TE, RGYAGS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, BDAG GI PHUN SUM TSOGS PA LA CHAGS NAS RAB TU DGA' BA'I SEMS KYIS YONGS SU 'DZIN PA'O ZHES BYA BA SMOS TE, BDAG GI PHUN SUM TSOGS PA NI BDAG LA YOD PA 'BYOR PA LA BYA STE, RIGS CHEN PO DANG, LUS NAD MED PA DANG, GZUGS MDZES PA DANG, LANG TSO DAR LA BAB PA DANG, STOBS CHE BA DANG, DBANG DANG, PHYUG PA DANG, BLO DANG, YID RNO BA LA SOGS PA GZHAN PAS KHYAD ZHUGS PAR 'PHAGS SHING PHUL DU BYUNG PA LA NI BDAG GI PHUN SUM TSOGS PA ZHES BYA'O, ,MING GIS SMOS PA'I BDAG GI PHUN SUM TSOGS PA LA ZHEN NAS GTONG MI PHOD PA NI CHAGS PA STE, CHAGS NAS ZHES BYA BA NI CHAGS PA DES RGYU BYAS NAS ZHES BYA BA'I DON TO, ,RAB TU DGA' BA'I SEMS KYIS ZHES BYA BA NI MGU BA DANG LDAN PA'I SEMS SAM RLOM PA DANG BCAS PA'I SEMS SAM YID BDE BA'I KHYAD PAR DANG LDAN PA'I SEMS KYIS ZHES BYA BA'I DON TO, ,DON DE BSTAN PA'I PHYIR SEMS KYIS YONGS SU 'DZIN PA ZHES BYA BA SMOS TE, BDAG GI PHUN SUM TSOGS PA LA CHAGS SHING RLOM PA DANG BCAS PA'I SEMS KYIS SEMS RANG DBANG MED PAR BYAS NAS, LONGS SPYOD TSOGS PA 'BA' ZHIG LA SEMS 'DZIN CING MI GTONG GI DGE BA'I SEMS 'JUG PA'I DBANG MED PAR BYAS PA NI RGYAGS PA ZHES BYA'O, ,'DI YANG 'DOD CHAGS KYI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS KYANG NYON MONGS PA THAMS CAD SKYE BA'I RTEN BYED PA'I LAS CAN TE, RGYAGS PA'I RGYUS NYON MONGS PA DRUG DANG, NYE BA'I NYON MONGS PA GZHAN YANG SKYE BAR 'GYUR BA'I PHYIR RO, ,RNAM PAR 'TSE BA'I RANG BZHIN BSTAN PA'I PHYIR RNAM PAR 'TSE BA GANG ZHE NA ZHES DRIS TE, RNAM PAR 'TSE BA'I RANG @73A *, ,BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, SEMS CAN RNAMS LA RNAM PAR THO 'TSAMS PA'O ZHES BYA BA SMOS TE, SEMS CAN RNAMS KYI LUS LA SDUG BSNGAL BSKYED PA DANG, YID MI BDE BA SKYED PA'I PHYIR, SEMS CAN RNAMS LA BCING BA DANG, BRDEG PA DANG, BSDIGS PA LA SOGS PA RNAMS GNOD PA SNA TSOGS KYIS THO 'TSAMS SHING MI BDE BA SKYED PAR BYED PA LA RNAM PAR 'TSE BA ZHES BYA'O, ,RNAM PAR 'TSE BA DE YANG MING DU NA BRTZE BA MED PA DANG, SNYING RJE MED PA DANG BZOD PA MED PA ZHES BYA BA STE, DE GSUM NI RNAM PAR 'TSE BA'I MING GI RNAM GRANGS SO, ,YANG NA BDAG NYID SEMS CAN RNAMS LA BCING BA LA SOGS PA'I LAS BYED PA NI BRTZE BA MED PA ZHES BYA'O, ,GZHAN DAG LA SEMS CAN DAG BCING DU BCUG PA LA SOGS PA BYED DU BCUG PA NI SNYING RJE MED PA ZHES BYA'O, ,GZHAN DAG SEMS CAN LA BCING BA'I LAS BYED PA MTHONG NA DGA' ZHING DE LA LEGS SO ZHES RJES SU YI RANG BA NI BZOD PA MED PA ZHES BYA'O, ,'DI YANG KHONG KHRO BA'I SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS NI SEMS CAN LA SEMS RTZUB PAR BYED CING BCING BA DANG RNGEG PA LA SOGS PAS SEMS CAN RNAMS LA RNAM PAR 'TSE BA'I LAS CAN NO, ,NGO CHA MI SHES PA'I RANG BZHIN BSTAN PA'I PHYIR, NGO TSA MI BYED PA GANG ZHE NA ZHES DRIS TE, NGO TSA MI SHES PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,DE'I LAN DU KHA NA MA THO BAS BDAG LA NGO MI TSA'O ZHES BYA BA SMOS TE; SANGS RGYAS LA SOGS PA DAM PA RNAMS KYIS SMAD PA YIN PAS SROG GCOD PA LA SOGS PA'I LAS NGAN PA LA KHA NA MA THO BA ZHES BYA'O, ,NGO TSA SHES PA BSHAD NA NGO TSA MI SHES PAS MJAL BRNGA PHRAD SLA BAR 'GYUR BAS NGO TSA SHES PA JE BSTAN TO, ,DE LA BDAG NI CHO RIGS 'DI LTA BU LAS BYUNG STE, SHES RAB DANG YON TAN 'DI LTA BU DAG DANG LDAN PA YIN PAS LAS NGAN PA 'DI 'DRA BA BDAG GIS BYA BAR MI RIGS SO ZHES BDAG LA BLTAS TE, SDIG PA'I LAS LA BAG BYED CING BDAG MED PAR MI 'JUG PA NI NGO TSA SHES PA ZHES BYA'O, ,BDAG CHO RIGS 'DI LTA BU LAS BYUNG BA SHES PA DANG YON TAN 'DI LTA BU DANG @73B LDAN BAS LAS NGAN PA 'DI 'DRA BA BDAG GIS SPYAD PA'I CHA MA YIN PAR SHES KYANG BDAG GIS BDAG KHREL BA MED DE SDIG PA'I LAS LA 'DZEM PA MED PAR SPYAD PA NI NGO TSA MI SHES PA ZHES BYA'O, ,'DI YANG 'DOD CHAGS DANG ZHE SDANG DANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DOD CHAGS DANG ZHE SDANG GNYIS DUS GCIG TU 'BYUNG MI SRID PAS YANG NA NI GTI MUG DANG 'DOD CHAGS KYI DBANG GIS NGO TSA MI SHES PA 'BYUNG STE, GANG MA BYIN PAR LEN PA DANG, MI TSANGS PAR SPYOD PA LA 'DZEM PA MED PAR SPYOD PA'I TSE NA'O, ,YANG NA NI GTI MUG DANG ZHE SDANG GI DBANG GIS NGO TSA MI SHAS PA 'BYUNG STE, NAM SROG GCOD PA LA SOGS PA'I LAS LA 'DZEM PA MED PAR ZHUGS PA'I TSE NA'O, ,'DI'I LAS KYANG NYON MANGS PA DRUG DANG G-YO DANG SGYU LA SOGS PA NYE BA'I NYON MONGS PA RNAMS SKYE BA'I RGYU 'AM GROGS BYED PA'O, ,KHREL MED PA'I RANG BZHIN BSTAN PA'I PHYIR, KHREL MED PA GANG ZHE NA ZHES DRIS TE, KHREL MED PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,LAN DU KHA NA MA THO BAS GZHAN LA MI 'DZEM PA'O ZHES BYA BA SMOS TE, KHREL YOD PA SNGAR BSTAN NA KHREL MED PA MJAL CHUNG SLA BAR 'GYUR BA'I PHYIR KHREL YOD PA JE BSTAN PAR BYA'O, ,DE LA SDIG PA MI DGE BA'I LAS NGAN PA 'DI DAG BYAS NA 'JIG RTEN PA RNAMS 'PHYA BA DANG BRDEG PA DANG BCING BA LA SOGS PA'I GNOD PA BYED PAR 'GYUR RO ZHES 'JIG RTEN PAS DPYAS PA DANG BCING BA DANG, GNOD PA BYAS PAR DOGS NAS SDIG PA'I LAS LA MI 'JUG CING 'DZEM PA NI KHREL YOD PA ZHES BYA'O, ,SDIG PA'I LAS 'DI DAG BYAS NA 'JIG RTEN PAS DBYAS PA DANG BCING BA DANG BRDEG PA LA SOGS PA'I GNOD PA BYED PAR 'GYUR BAR SHES KYANG GZHAN GYIS DBYAS PA DANG, GNOD PA BYAS PA LA 'DZEM PA MED PAR SDIG PA'I LAS LA 'JUG PA NI KHREL MED PA ZHES BYA'O, ,'DI YANG NGO TSA MI SHES PA DANG 'DRA BAR 'DOD CHAGS DANG ZHE SDANG DANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS KYANG NYON MONGS PA DRUG DANG, NYE BA'I NYON MONGS PA RNAMS SKYE BA'I GROGS SAM RGYU BYED PA'O, ,RMUGS PA'I RANG BZHIN @74A *, ,BSTAN PA'I PHYIR, RMUGS PA GANG ZHE NA ZHES DRIS TE, RMUGS PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, SEMS LAS SU MI RUNG BA STE BLONG BA'O ZHES BYA BA SMOS TE, DGE BA'I CHOS LA DMIGS PA'I TSE DMIGS PAR BYA BA'I YUL SEMS KYIS RTOGS PAR MI NUS SHING DMIGS PAR BYA BA SEMS LA GSAL BAR 'JOG MI NUS PA NI SEMS LAS SU MI RUNG BA ZHES BYA'O, ,SEMS LAS SU MI RUNG BA'I DON NYID BSTAN PA'I PHYIR BLONG BA ZHES BYA BA SMOS TE, PAGS PA BANGS NA LNGAR BAR 'GYUR BA DANG 'DRA BAR SEMS BLUN PA 'AM SEMS SLU BA 'AM SEMS MI GSAL BAR 'GYUR BA NI BLONG BA STE, SEMS MI GSAL BA'I MTSAN NYID DU GYUR PA LA RMUGS PA ZHES BYA'O, ,'DI YANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS KYANG NYON MONGS PA DANG NYE BA'I NYON MONGS PA SKYE BA'I GROGS BYED PA'O, ,RGOD PA'I RANG BZHIN BSTAN PA'I PHYIR, RGOD PA GANG ZHE NA ZHES DRIS TE, RGOD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, SEMS MA ZHI BA'O ZHES BYA BA SMOS TE, DE LA SEMS ZHI BA ZHES BYA BA NI ZHI GNAS DANG TING NGE 'DZIN RTZE GCIG PA LA BYA STE, GANG SEMS G-YENGS PA NI TING NGE 'DZIN RTZE GCIG PA DANG MI MTHUN PA'I CHOS LA SEMS MA ZHI BA ZHES BYA'O, ,DE YANG 'DOD CHAGS KYIS RGYU BYAS NAS SNGON BGAD PA DANG, RTZED MO BYAS PA LA SOGS PA RJES SU DRAN TE, DER SEMS 'PHROS NAS SEMS YENG YENG POR MA ZHI BAR BYED PA'I RGYU BYED PA LA RGOD PA ZHES BYA'O, ,'DI YANG 'DOD CHAGS KYI SHAS LAS BYUNG BAS NA RDZAS SU MED KYI, BTAGS PAR YOD PAR RIG PAR BYA'O, ,'DI'I LAS NI ZHI GNAS DANG MI MTHUN PAR BYED PA STE, SEMS RGOD PA MA ZHI BA'I MTSAN NYID BYUNG NAS SEMS RTZE GCIG PA'I TING NGE 'DZIN MED PAR 'GYUR BAS NA ZHI GNAS DANG MI MTHUN PA'I RTEN BYED PA ZHES BYA'O, ,MA DAD PA'I RANG BZHIN BSTAN PA'I PHYIR, MA DAD PA GANG ZHE NA ZHES DRIS TE, MA DAD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,LAN DU LAS DANG, 'BRAS BU DANG, BDEN PA DANG, @74B DKON MCHOG LA YID MI CHES SHING SEMS MA DAD PA STE, DAD PA DANG MI MTHUN PA'I PHYOGS SO ZHES BYA BA SMOS TE, DE LA LAS NI BSOD NAMS DANG, BSOD NAMS MA YIN BA DANG, MI G-YO BA'I MTSAN NYID DANG GSUM MO, ,'BRAS BU NI YID DU 'ONG BA DANG, YID DU MI 'ONG BA STE GNYIS SO, , BDEN PA NI SDUG BSNGAL LA SOGS PA BZHI'O, ,DKON MCHOG NI SANGS RGYAS LA SOGS PA GSUM MO, ,DE LA LAS DANG 'BRAS BU DANG BDEN PA LA SOGS PA YOD PAR YID MI CHES BA DANG, DKON MCHOG LA YON TAN DU SEMS DANG BA MED PA NI MA DAD PA ZHES BYA'O, ,DAD PA'I MI MTHUN PA'I PHYOGS ZHES BYA BA NI LAS DANG 'BRAS BU DANG BDEN PA DKON MCHOG LA SOGS PA LA YOD PAR YID CHES PA DANG, DKON MCHOG GSUM LA YON TAN CAN DU SEMS DANG BA DANG LDAN PA DANG, MYA NGAN LAS 'DAS PA NI THOB PAR BYA BAR NUS, 'PHAGS PA'I LAM NI BSGRUB PAR NUS PA LA GANG 'DOD PA SKYE BA NI DAD PA ZHES BYA'O, ,MA DANG PA NI LAS DANG 'BRAS BU DANG, BDEN PA LA YID CHES PA MED DKON MCHOG GSUM LA SOGS PA LA YON TAN CAN DU SEMS DANG BA MED, MYA NGAN LAS 'DAS PA DANG, 'PHAGS PA'I LAM LA 'DOD PA MED PAS NA MA DAD PA NI DAD PA DANG MI MTHUN PA'I PHYOGS ZHES BYA'O, , 'DI YANG GTI MUG GI SHAS LAS BYUNG BAS NA RDZAS SU MED KYI, BTAGS PAR YOD PAR RIG PAR BYA'O, ,DE'I LAS NI LE LO'I RTEN BYED PA STE, MA DAD PA YOD PA NA MA DAD PA'I SHUGS KYIS MNYAN PA DANG BSAM PA LA SOGS PA DGE BA BYED MI 'DOD PAS LE LO'I RTEN BYED PA'O, ,LE LO'I RANG BZHIN BSTAN PA'I PHYIR, ,LE LO GANG ZHE NA ZHES DRIS TE, LE LO'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, DGE BA LA SEMS MI SBRO BA STE, BRTZON 'GRUS DANG MI MTHUN PA'I PHYOGS SO ZHES BYA BA SMOS TE, NYAL BA'I BDE BA DANG 'PHRES PA'I BDE BA LA CHAGS NAS LUS DANG NGAG DANG YID KYI SGO NAS MNYAN PA DANG BSAM PA LA SOGS PA'I DGE BA BYA BA LA SEMS MI SPRO ZHING DGE BA'I LAS LA SEMS 'JUG PAR MI 'DOD PA NI LE LO ZHES BYA'O, ,BRTZON 'GRUS KYI MI MTHUN PA'I PHYOGS ZHES BYA BA LA, DGE BA'I LAS SPYAD PA LA SEMS SPRO BA NI BRTZON 'GRUS @75A *, ,ZHES BYA BA LA, LE LO NI DGE BA'I LAS BYA BA LA SEMS SPRO BA MED PAS BRTZON 'GRUS KYI MI MTHUN PA'I PHYOGS SO, ,'DI YANG GTI MUG GI SHAS LAS BYUNG BAS NA RDZAS SU BTAGS SU MED KYI BTAGS PAR YOD PAR RIG PAR BYA'O, ,'DI'I LAS KYANG DGE BA'I PHYOGS RAB TU SBYOR BA LA BGEGS BYED PA'O, ,BAG MED PA'I RANG BZHIN BSTAN PA'I PHYIR, BAG MED PA GANG ZHE NA ZHES DRIS TE, BAG MED PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, CHAGS PA DANG, ZHE SDANG DANG, GTI MUG DANG, LE LO GANG YIN PA DAG GIS NYON MONGS PA'I SEMS MI BSRUNG BA DANG, DGE BA LA MI BSGOM PA'O ZHES BYA BA SMOS TE, 'DOD CHAGS DANG, ZHE SDANG DANG, GTI MUG DANG, LE LO STE, CHOS 'DI BZHI'I DBANG DU BYAS SAM CHOS DE BZHI LA GNAS SHING BRTEN NAS 'DOD CHAGS LA SOGS PA'I NYON MONGS PA LA SEMS ZHUGS PA LAS NI MI SRUNG MI GLON, DAD PA LA SOGS PA'I DGE BA'I CHOS RNAMS LA NI SGOM PAR MI BYED PA LA BAG MED PA ZHES BYA'O, ,'DI YANG 'DOD CHAGS DANG ZHE SDANG DANG GTI MUG DANG LE LO STE, CHOS 'DI BZHI'I SHAS LAS BYUNG BAS NA RDZAS SU MED KYI, BTAGS PAR YOD PAR RIG PAR BYA'O, ,'DI'I LAS NI MI DGE BA 'PHEL BA DANG DGE BA NYAMS PAR BYED PA'I RTEN BYED PA'I LAS CAN TE, MI DGE BA LA SEMS ZHUGS PA LAS MA BSRUNGS PAS NI MI DGE BA 'PHEL BAR 'GYUR RO, ,DRAN PA NYAMS PA'I RANG BZHIN BSTAN PA'I PHYIR, DRAN PA NYAMS PA GANG ZHE NA ZHES DRIS TE, DRAN PA NYAMS BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, DRAN PA NYON MONGS PA CAN TE, DGE BA LA SEMS MI GSAL BA'O ZHES BYA BA SMOS TE, DRAN PA GANG 'DOD CHAGS DANG ZHE SDANG DANG GTI MUG LA SOGS PA'I NYON MONGS PA DANG LDAN PA'I DRAN PA LA NI, DRAN PA NYON MONGS PA CAN ZHES BYA'O, ,DE'I DGE BA'I SEMS MI GSAL BA ZHES BYA BA NI DPER NA SBRANG RTZI DANG KHAR ZAB LAS GOMS PA LA SOGS PA'I SROG CHAGS RNAMS KYANG TIG TA LA SOGS PA'I KHA ZAS RDZAS ZA BAR MI NUS PA DE BZHIN DU, DRAN PA GANG 'DOD CHAGS LA SOGS PA'I NYON MONGS PA DANG LDAN PAS 'DOD @75B CHAGS LA SOGS PA'I YUL BUD MED LA SOGS PA GANG YIN PA DE NYID SEMS LA DRAN GYI DGE BA SEMS LA MI GSAL TE, YANG DAG BA'I GDAMS NGAG LA SOGS PA'I DGE BA'I SEMS MI DRAN TE, BRJED PAR GYUR PA LA NI DRAN PA NYAMS PA ZHES BYA'O, ,'DI YANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,'DI'I LAS NI RNAM PAR G-YENG BA'I RTEN BYED PA'I LAS CAN TE, DRAN PA NYAMS PA RNAMS NYON MONGS PA'I YUL BUD MED LA SOGS PA 'BA' ZHIG LA SEMS 'JUG PA'I PHYIR RO, ,RNAM PAR G-YENG BA'I RANG BZHIN BSTAN PA'I PHYIR, RNAM PAR G-YENG BA GANG ZHEN ZHES DRIS TE, RNAM PAR G-YENG BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, 'DOD CHAGS DANG ZHE SDANG DANG GTI MUG GI DBANG GI SHAS KYI 'DOD PA'I YON TAN LNGA PO DGAL GANG SEMS YENG PA'O ZHES BYA BA SMOS TE, 'DOD PA'I YON TAN LNGA NI GZUGS DANG SGRA DANG, DRI DANG RO DANG REG GO, ,'DOD CHAGS DANG ZHE SDANG DANG GTI MUG GI SHAS KYIS RGYU BYAS NAS GANG SEMS TING NGE 'DZIN DU RTZE GCIG TU DMIGS PA'I TSE 'AM THOS PA LA SOGS PA'I DGE BA'I CHOS SEMS LA SEMS PA'I TSE GZUGS LA SOGS PA 'DOD PA LNGA'I YUL LA SEMS 'PHROS PA 'AM SEMS YENG BAR SONG BA LA RNAM PAR G-YENG BA ZHES BYA'O, ,DE'ANG 'DOD CHAGS DANG ZHE SDANG DANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,DE LA 'DOD CHAGS DANG ZHE SDANG DUS GCIG TU MI 'BYUNG BA'I PHYIR YANG NA NI 'DOD CHAGS DANG GTI MUG GI DBANG GIS G-YENG BA 'BYUNG, YANG NA NI ZHE SDANG DANG GTI MUG GIS G-YENG BA 'BYUNG BAR RIG PAR BYA'O, ,'DI'I LAS KYANG 'DOD CHAGS DANG BRAL BA LA BAR DU GCOD PA'I LAS CAN TE, 'DOD PA LNGA'I YON TAN LA SEMS LA SEMS G-YENGS PAR GYUR PA RNAMS LA KHAMS GSUM GYI 'DOD CHAGS SPANG BAR BYA BA LA BAR DU GCOD CING BGEGS BYED PA'I PHYIR RO, ,MDO DAG LAS NI G-YENG BA RNAM PA DRUG TU BSHAD DO, ,G-YENG BA RNAM PA DRUG NI RANG BZHIN GYIS G-YENG BA DANG, PHYI ROL DU G-YENG BA DANG, NANG DU G-YENG BA DANG, MTSAN MA'I G-YENG BA DANG, @76A *, ,GNAS NGAN LEN GYI G-YENG BA DANG, YID LA BYED PA'I G-YENG BA DANG, DE LA MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA LNGA'I TSOGS LA NI RANG BZHIN GYIS G-YENG BA ZHES BYA STE, RNAM PAR SHES PA LNGA PO DE DAG NI RANG BZHIN GYIS NANG DU RTZE GCIG PAR 'JOG MI NUS PA'I RANG BZHIN YIN PA'I PHYIR RO, ,DGE BA'I CHOS LA ZHUGS PA'I TSE 'DOD PA LNGA'I YON TAN LA SEMS 'PHROS PA NI PHYI ROL DU G-YENG BA ZHES BYA'O, ,TING NGE 'DZIN DU ZHUGS PA'I TSE SEMS RMUGS PA DANG RGOD PA'I DBANG DU BTANG BA NI NANG DU G-YENG BA ZHES BYA'O, ,TING NGE 'DZIN LA SOGS PA DGE BA BSGOMS NA GZHAN DAG GIS BDAG LA YON TAN CAN YIN NO SNYAM DU 'DZIN PA'I DBANG DU BYAS NAS DGE BA LA ZHUGS PA NI MTSAN MA'I G-YENG BA ZHES BYA'O, ,TING NGE 'DZIN BSGOMS PA'I TSE BDAG DANG BDAG GIR RTOG PA 'BYUNG BA NI GNAS NGAN LEN GYI G-YENG BA ZHES BYA'O, ,SNGAR TING NGE 'DZIN GCIG BSGOMS BSGOMS PA LAS DE'I 'OG TU TING NGE 'DZIN GZHAN SGOM PAR BYED PA NI YID LA BYED PA'I G-YENG BA ZHES BYA'O, ,'DIR G-YENG BA DRUG LAS PHYI ROL GYI G-YENG BA 'BA' ZHIG BSHAD MOD KYI, G-YENG BA GZHAN DAG KYANG RNAM PAR G-YENG BA'I MTSAN NYID YIN PAR RIG PAR BYA'O, ,SHES BZHIN MED PA'I RANG BZHIN BSTAN PA'I PHYIR, SHES BZHIN MED PA GANG ZHE NA ZHES DRIS TE, SHES BZHIN MED PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, NYON MONGS PA DANG RAB TU LDAN PA'I SHES RAB STE LUS DANG NGAG DANG YID GYI RGYU BA RNAMS LA DBANG MED PAR SPYOD PA'O ZHES BYA BA SMOS TE, SHES RAB GANG 'DOD CHAGS DANG ZHE SDANG LA SOGS PA'I NYON MONGS PA DANG BCAS SHING NYON MONGS PA'I DBANG DU GYUR CING NYON MONGS PA DANG 'DRES PA'I SHES RAB LA NYON MONGS PA DANG RAB TU LDAN PA'I SHES RAB CES BYA'O, ,DE LTAR SHES RAB NYON MONGS PA'I DBANG DU GYUR BAS LUS KYI SPYOD PA 'GRO 'DUG LDANG NYAL DANG, NGAG GI SPYOD PA SMRA BA DANG MI SMRA BAR BYA BA DANG, YID KYI SPYOD PA BSAM PA DANG MI BSAM PAR BYA BA RNAMS LA BDAG DA LTAR 'DI BYED CING 'DUG GO ZHES MI SHES PA DANG, BYA BA DANG MI BYA BA'I DMIGS MI SHES PAN SHES BZHIN MED PA ZHES BYA'O, ,'DI YANG GTI MUG GI SHAS LAS BYUNG BAS NA RDZAS SU MED KYI BTAGS PAR @76B YOD PAR RIG PAR BYA'O, ,'DI'I LAS KYANG NYES PA 'BYUNG BA'I RTEN BYED PA STE, LUS DANG NGAG DANG YID KYI SGO NAS BYA BA DANG MI BYA BA MI SHES BAS RTAG TU SKYON DANG LTUNG BA SHA STAG 'BYUNG BA'I PHYIR RO, ,NYE BA'I NYON MONGS PA RNAMS BSHAD ZIN TO, ,BZHI NI GZHAN DU YANG BSHAD PAR BYA STE, DE YANG 'GYOD PA'I RANG BZHIN BSTAN PA'I PHYIR, 'GYOD PA GANG ZHE NA ZHES DRIS TE, 'GYOD PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU YID LA GCAGS PA'O ZHES BYA BA SMOS TE, SROG GCOD PA LA SOGS PA'I MI DGE BA BYAS PA MTSAR BYAS SHE 'AM, MA LEGS PA ZHES BYAS SO ZHES PHYIS YID LA GDUNG ZHING YID LA GCAGS PA DANG, SBYIN PA LA SOGS PA'I DGE BA BYAS PA MTSAR BYAS SO ZHE 'AM, MA LEGS PA NI BYAS SO ZHES PHYIS MI DGA' ZHING YID LA GCAGS PA 'AM, BTZEM DRUB LA SOGS PA'I LAS BYAS PA MTSAR BYAS SHE 'AM MA BYAS PA MTSAR BYAS SO ZHES PHYIS YID LA GDUNG ZHING YID LA GCAGS PA LA 'GYOD PA ZHES BYA'O, ,'GYOD PA DE YANG RNAM PA GSUM STE, DGE BA DANG MI DGE BA DANG, LUNG DU MA BSTAN PA'O, ,DE LA SBYIN PA LA SOGS PA'I DGE BA BYAS PA LA DGE BA BYAS PA MA YIN PA ZHIG BYAS SO ZHE 'AM, NYES PA ZHIG BYAS ZHES 'GYOD PA NI 'GYOD PA MI DGE BA'O, ,YANG NA SROG GCOD PA LA SOGS PA'I MI DGE BA MA BYAS PAR MA LEGS PA ZHIG BYAS SO ZHES 'GYOD PA NI 'GYOD PA MI DGE BA'O, ,SROG GCOD PA LA SOGS PA MI DGE BA'I LAS BYAS PA NYES PA ZHIG BYAS SO ZHE 'AM, MA LEGS PA ZHIG BYAS SO ZHES 'GYOD PA NI 'GYOD PA DGE BA'O; ,YANG NA SBYIN PA LA SOGS PA DGE BA MA BYAS PA MA LEGS PA ZHIG BYAS SO ZHES 'GYOD PA DE DAG NI 'GYOD PA DGE BA'O, ,BTZEM DRUB LA SOGS PA'I LAS MA BYAS PA MTSAR BYAS SHE 'AM DE DAG BYAS PA NYES PA ZHIG BYAS SO ZHES 'GYOD PA NI 'GYOD PA LUNG DU MA BSTAN PA'O, ,'GYOD PA GSUM LAS 'GYOD PA MI DGE BA DANG, 'GYOD PA LUNG DU MA BSTAN PA GNYIS NI GTI MUG GI SHAS LAS BYUNG BA 'GYOD PA DE DAG NI GTI MUG MED PA'I SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,DE'I LAS NI SEMS BDE BAR GNAS PA DANG, MI MTHUN PAR BYED PA STE, SEMS @77A *, ,LA 'GYOD PA 'AM, GDUNG BA SKYE BAR 'GYUR NA SEMS TING NGE 'DZIN DU RTZE GCIG TU GNAS PA'I BAR CHAD BYED PA'I PHYIR RO, ,GNYID KYI RANG BZHIN BSTAN PA'I PHYIR, GNYID GANG ZHE NA ZHES DRIS TE, GNYID KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, RANG DBANG MAD PAR 'JUG PA SEMS MNGON PAR SDUD PA'O ZHES BYA BA SMOS TE, 'JUG PA NI GZUGS LA SOGS PA'I YUL LA SEMS ZHUGS SHING DMIGS PA'O, ,GNYID KYI DBANG DU SONG NAS SEMS PHYI ROL GYI YUL LA 'JUG PA'I DBANG MED PAS NI RANG DBANG MED PA ZHES BYA STE, SEMS YUL LA 'JUG PA'I RANG DBANG MED PA DANG SEMS KYIS LUS 'DZIN PAR MI NUS PAR GYUR BAS NA LUS SA LA 'GYEL BAR 'GYUR BA LA GNYID CES BYA'O, ,SEMS RANG DBANG MED PAR BYED PA NI GNYID 'BA' ZHIG TU YANG MA ZAD KYI GZHAN YANG YOD DE, DBYIG PA LA SOGS PAS PHOG STE BRGYAL BA NA YANG SEMS PHYI ROL TU 'JUG PA'I DBANG MED LA LUS 'DZIN KYANG MI NUS PAS BRGYAL BA LA GNYID CES BYA'O SNYAM DU 'DZIN PA DGAG PA'I PHYIR SEMS MNGON PAR SDUD PA'O ZHES BYA BA'I TSIG SMOS TE, SEMS MNGON PAR SDUD CES BYA BAS NI SEMS MIG LA SOGS PA DBANG PO'I SGO NAS PHYI ROL GYI YUL LA MI 'JUG GI SEMS NANG DU BSDUS PA ZHES BYA BA'I DON TO, ,SEMS NANG DU SDUD PA NI GNYID 'BA' ZHIG TU MA ZAD KYI 'GOG PA DANG, 'DU SHES MED PA'I SNYOMS PAR 'JUG PA'I DUS NA YANG SEMS NANG DU SDUD PAR BYED PAS 'GOG PA DANG 'DU SHES MED PA'I SNYOMS PAR 'JUG PA LA YANG GNYID CES BYA'O SNYAM DU 'DZIN PA DGAG PA'I PHYIR RANG DBANG MED CES BYA BA'I TSIG SMOS TE, GANG SEMS RANG DBANG MED PAR YANG BYED LA SEMS NANG DU SDUD PAR YANG BYED PA DE LA GNYID CES BYA'O, ,GNYID DE YANG RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, ,DE LA DGE BA LA SOGS PA BYED PA RMI LAM DU RMI BA NI GNYID DGE BA'O, ,SROG GCOD PA LA SOGS PA MI DGE BA RMI LAM DU RMI BA NI GNYID MI DGE BA'O, ,BTZEM DRUB LA SOGS PA'I LAS BYED PAR RMI LAM DU RMI NA NI GNYID LUNG DU MA BSTAN PA'O, ,YANG NA SBYIN PA LA SOGS PA DGE BA YID LA BYED PA LAS NI GNYID LOG PA NI GNYID @77B DGE BA'O; ,SROG GCOD PA LA SOGS PA'I LAS YID LA BYED BYED PA LAS GNYID KYIS LOG NA NI GNYID MI DGE BA'O, ,BTZEM DRUB LA SOGS PA'I LAS YID LA BYED PA LAS GNYID KYIS LOG PA NI GNYID LUNG DU MA BSTAN PA'O, ,YANG NA DGE BA'I LAS YID LA BYED PA LAS SEMS DE GNYID KYIS NON NA GNYID MI DGE BA ZHES BYA'O, ,MI DGE BA YID LA BYED PA LAS SEMS DE GNYID KYIS NON NA GNYID DGE BA ZHES BYA'O, ,LUNG DU MA BSTAN PA'I LAS YID LA BYED PA LAS SEMS DE GNYID KYIS NON NA GNYID DE LUNG DU MA BSTAN PA ZHES BYA'O, ,GNYID KYI RGYU NI RID DE NYAM CHUNG BA DANG, LUS NGAL BAR GYUR PA DANG, DPYID KYI DUS LA BAB PA DANG, KHA ZAS KYIS 'GRANGS TE LUS LCI BAR GYUR BA DANG, MUN PA'I 'DU SHES YID LA BYAS PA LAS GNYID SKYE BAR 'GYUR RO, ,'DI YANG GTI MUG GI SHAS LAS BYUNG BAS NA RDZAS SU MED KYI BTAGS PAR YOD PAR RIG PAR BYA'O, ,KHA CIG NA RE MI DGE BA'I GNYID DANG LUNG DU MA BSTAN PA'I GNYID NI GTI MUG GI SHAS LAS BYUNG GI DGE BA'I GNYID NI GTI MUG GI SHAS LAS BYUNG BA MA YIN NO ZHES 'CHAD DO, ,'DI'I LAS NI BYA BA MI 'GRUB PA'I RTEN BYED PA STE, GNYID KYIS LOG NAS LAS SU BYA BA THAMS CAD MI 'GRUB CING NYAMS PAR 'GYUR BA'I PHYIR RO; ,RTOG PA'I RANG BZHIN BSTAN PA'I PHYIR RTOG PA GANG ZHE NA ZHES DRIS TE, RTOG PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU TSOL BA YID KYIS BRJOD PA STE, SEMS PA DANG SHES RAB KYI BYE BRAG GANG SEMS RTZING BA'O ZHES BYA BA SMOS TE, DE LA 'DI GO RDZA MA ZHIG YIN NAM SNAM BU ZHIG YIN NAM CI ZHIG YIN ZHES SPYI TZAM RTOG PA'I RNAM BAR ZHUGS PA LA TSOL BA ZHES BYA'O, ,TSOL BA DE YANG YID KYIS BRJOD PA STE, YID KYI RNAM PAR SHES PA'I RANG BZHIN GYI RTOG PA'O ZHES BYA BA'I DON TO, ,DE LA YID KYIS BRJOD PA ZHES BYA BA NI YID LA SMRA BAR BYED CES BYA BA'I DON TO, ,DPER NA TSIG GIS 'DI NI SNAM BU 'DI NI BUM PA ZHES DON SMRA BAR BYED PA DE BZHIN DU YID KYI RNAM PAR SHES PAS 'DI NI SNAM BU 'DI NI BUM PA'O ZHES YID LA SMRA ZHING YID KYIS RTOG PA NI YID KYIS BRJOD PA ZHES BYA'O, ,'DIS NI RTOG PA'I LAS BSTAN TO, ,RTOG PA DE YANG GANG GI PHA LAS BYUNG ZHE NA, DE'I PHYIR SEMS @78A *, ,PA DANG SHES RAB KYI BYE BRAG CES BYA BA SMOS TE, SEMS PA NI SEMS G-YO ZHING 'GUL BAR BYED PA'I RANG BZHIN YIN LA, SHES RAB NI 'DI NI YON TAN CAN, 'DI NI NYES PA CAN ZHES RNAM PAR 'BYED PA'I RANG BZHIN CAN YIN PAS SEMS KYI RTOG PA YANG DE GNYIS KYI DBANG GIS 'BYUNG BA'I PHYIR, SEMS PA DANG, SHES RAB GNYIS KYIS BYE BRAG LAS RTOG PA GDAGS PAS NA RTOG PA 'DI YANG RDZAS SU MED KYI BTAGS PAR YOD PAR RIG PAR BYA'O, ,DE LA BAR BAR NI SEMS DANG SEMS PA GNYIS LA RTOG PA GDAGS TE, NAM RTOG PA DE MI RTOG PA'I TSUL DU GNAS PA'I DUS NA'O; ,BAR BAR NI SHES RAB DANG SEMS GNYIS LA RTOG PA GDAGS TE, NAM RTOG PA DE RNAM PAR RTOG PA'I TSUL DU ZHUGS PA'I DUS NA'O, ,YANG NA SEMS PA DANG SHES RAB GNYIS PO NYID LA RTOG PA ZHES GDAGS TE, DE GNYIS KYI DBANG GIS 'DI NI BUM PA 'DI NI SNAM BU ZHES ZHIB TU RTOG PA 'BYUNG BA'I PHYIR RO; ,YANG NA SEMS 'BA' ZHIG LA RTOG PA GDAGS TE, NAM RTOG PA DE MI RTOG PA'I TSUL DU GNAS PA'I DUS NA'O, ,YANG NA SHES RAB 'BA' ZHIG LA RTOG PA GDAGS TE, NAM RTOG PA DE RTOG PA'I TSUL DU ZHUGS PA'I TSE NA'O, ,GANG SEMS RTZING BA'O ZHES BYA BA NI BUM PA'I NANG NA DMAR PO ZHE 'AM LEGS PA ZHE 'AM MA LEGS PA ZHES ZHIB TU MI 'JUG PA'I 'DI NI BUM PA 'DI NI SNAM BU ZHES SPYI TZAM DU RTOG PAS NA SEMS RTZING BA ZHES BYA'O, ,'DIS NI RTOG PA'I RANG BZHIN BSTAN TO, ,RTOG PA DE LA 'ANG RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, , DE LA KHAMS GSUM NAS 'BYUNG BAR BYED PA'I CHOS LA RTOG PAR BYED PA NI RTOG PA DGE BA'O, ,'DOD PA LNGA'I YON TAN LA RTOG PA MI DGE BA'O, ,BZO'I GNAS RNAM PA SNA TSOGS LA RTOG PA NI RTOG PA LUNG DU MA BSTAN PA'O, ,YANG NA 'DI'I LAS KYANG RNAM PA GNYIS BYED DE, BDE BA DANG MI BDE BAR GNAS PA'I RTEN BYED PA'O, ,DE LA KHAMS GSUM LAS BYUNG BA'I CHOS LA RTOG PA NI DGE BA BDE BA'I RGYUR 'GYUR BAS NA BDE BAR GNAS PA'I RTEN BYED PA'O, ,'DOD PA LNGA'I YON TAN LA RTOG PA NI MI DGE BA'I RGYUR 'GYUR BAS NA MI BDE BAR GNAS PA'I RTEN BYED PA'O, ,DPYOD PA'I RANG BZHIN BSTAN PA'I PHYIR @78B DPYOD PA GANG ZHE NA ZHES DRIS TE, DPYOD PA'I RANG BZHIN DANG MTSAN NYID GANG ZHE NA ZHES DRIS PA'O DON TO, ,DE'I LAN DU SO SOR RTOG PA YID KYIS BRJOD PA STE, DE BZHIN DU GANG SEMS ZHIB PA'O ZHES BYA BA SMOS TE, SNGAR RTOG PAS 'DI NI BUM PA, 'DI NI SNAM BU ZHES BRTAGS PA LAS PHYIS BUM PA'I NANG NA YANG DMAR PO ZHIG CE 'AM, NAG PO ZHIG CE'AM, PHUM PA NGOS 'DI NI DMAR RO ZHE 'AM, BUM PA 'DI NI LEGS, 'DI NI MA LEGS ZHES ZHIB TU DPYOD PAR BYED PA LA SO SOR RTOG PA ZHES BYA'O, ,SO SOR RTOG PA DE YANG YID KYIS BRJOD PA STE, YID KYI RNAM PAR SHES PAS ZHIB TU RNAM PAR RTOG PAR BYED PA'I RANG BZHIN ZHES BYA BA'I DON TO, ,YID KYIS BRJOD CES BYA BA NI YID LA ZHIB TU SMRA ZHES BYA BA'I DON TO, ,DPER NA TSIG GIS DON GYI DNGOS PO SMRA BA BZHIN DU YID KYIS KYANG BUM PA 'DI NI LEGS, 'DI NI MA LEGS ZHES ZHIB TU SMRA ZHING RTOG PAR BYED PAS YID KYIS BRJOD PA ZHES BYA STE DE'I LAS BSTAN TO, , DPYOD PA DE YANG CI LA GDAGS SHE NA, DE'I PHYIR DE BZHIN DU ZHES BYA BA'I TSIG SMOS TE, JI LTAR RTOG PA SEMS PA DANG, SHES RAB KYI BYE BRAG LA GDAGS PA BZHIN DU DPYOD PA 'DI YANG SEMS PA DANG SHES RAB KYI BYE BRAG LAS GDAGS TE, DE NYID KYI SHAS LAS 'BYUNG BAS NA 'DI YANG RDZAS SU MED KYI BTAGS PAR YOD PAR RIG PAR BYA'O, ,DE LA BAR BAR NI SEMS DANG SEMS PA LA DPYOD PA GDAGS TE, NAM DPYOD PA DE MI DPYOD PA'I DUS SU GNAS PA'I TSE NA'O, ,BAR BAR NI SEMS DANG SHES RAB GNYIS LA DPYOD PA GDAGS TE, NAM DPYOD PA DE BZHIN DU DPYOD PA'I TSUL DU ZHUGS PA'I TSE NA'O,, YANG NA SEMS 'BA' ZHIG LA DPYOD PA GDAGS TE NAM DPYOD PA DE MI DPYOD PA'I TSUL DU ZHUGS PA'I TSE NA'O, ,YANG NA SHES RAB 'BA' ZHIG LA DPYOD PA GDAGS TE, NAM DPYOD PA DE ZHIB TU DPYOD PA'I TSUL DU ZHUGS PA'I TSE NA'O, ,GANG SEMS ZHIB PA'O ZHES BYA BA NI SNGAR RTOG PAS BUM PA TZAM ZHIG TU BRTAGS PA'I 'OG TU DPYOD PA 'DI NI BUM PA'I NANG NA LEGS PA ZHIG YIN, 'DI NI MA LEGS PA ZHIG YIN ZHES PHRAR RTOG PAR BYED PAS NA SEMS ZHIB PA ZHES BYA STE DES NI RANG BZHIN BSTAN TO, ,DPYOD PA LA YANG RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, , @79A *, ,DE LA SEMS CAN GZHAN LA PHAN GDAGS NA THABS 'DI DANG 'DIS PHAN GDAGS SO ZHES GZHAN LA PHAN 'DOGS PA'I RNAM PA SNA TSOGS LA RTOG PAR BYED PA NI DPYOD PA DGE BA'O, ,GZHAN LA GNOD PAR BYA BA'I THABS SNA TSOGS LA RTOG PA NI DPYOD PA MI DGE BA'O, ,BTZEM DRUB LA SOGS PA BZO'I GNAS RNAMS ZHIB TU RTOG PA NI DPYOD PA LUNG DU MA BSTAN PA'O, ,YANG NA 'DI'I LAS KYANG BDE BA DANG MI BDE BAR GNAS PA'I RTEN BYED PA STE, GZHAN LA PHAN GDAGS PA'I THABS RNAM PA SNA TSOGS LA DPYOD PA NI, BDE BA'I RGYUR 'GYUR BAS NA BDE BAR GNAS PA'I RTEN BYED PA'O, ,GZHAN LA GNOD PAR BYA BA'I THABS LA DPYOD PA NI MI BDE BA'I RGYUR 'GYUR BAS NA MI BDE BAR GNAS PA'I RTEN BYED PA'O, ,RTOG PA DANG DPYOD PA GNYIS SEMS PA DANG, SHES RAB KYI BYE BRAG LA GDAGS PAR 'DRA NA KHYAD PAR CI YOD, SMRAS PA, DE GNYIS LA KHYAD PAR YOD DE, DE GNYI GA SEMS PA DANG, SHES RAB KYI BYE BRAG LA GDAGS PAR 'DRA NA YANG RTOG PA NI SEMS RTZING BA'I RANG BZHIN DPYOD PA NI SEMS ZHIB PA'I RANG BZHIN YIN PA'I PHYIR RO, ,BZHI GZHAN DU YANG BSHAD ZIN TO, ,GONG DU 'DU BYED KYI PHUNG PO BSHAD PA'I SKABS SU 'DU BYED RNAMS GANG ZHE NA ZHES DRIS NAS, LAN DU TSOR BA DANG 'DU SHES LAS GZHAN PA SEMS LAS BYUNG BA'I CHOS RNAMS KYI BDAG NYID DANG, SEMS DANG MI LDAN PA'I 'DU BYED RNAMS KYI BDAG NYID DO ZHES GLENGS PA LAS 'DU BYED SEMS LAS BYUNG BA RNAMS NI BSHAD ZIN TO, ,DA NI SEMS DANG MI LDAN PA'I 'DU BYED RNAMS BSHAD DGOS TE, DE'I PHYIR SEMS DANG MI LDAN PA'I 'DU BYED RNAMS GANG ZHE NA ZHES DRIS SO, ,GNAS PA DANG, DMIGS PA DANG, RNAM PA DANG, DUS DANG, RDZAS MNYAM PAS SEMS DANG MNYAM DU SKYE ZHING SEMS KYI RJES SU 'BRANG BA MED PA'I PHYIR SEMS DANG MI LDAN PA'I 'DU BYED CES BYA'O, ,NYAN THOS RNAM PAR SMRA BA PA RNAMS NI SEMS DANG MI LDAN PA'I 'DU BYED THAMS CAD RE RE NAS RDZAS SU YOD PAR 'DOD KYANG, RNAM PAR RIG PA TZAM DU LTA BA'I TSUL GYIS DE DAG BTAGS PA TZAM DU YOD PAR ZAD KYI RDZAS SU YOD PA MA YIN PAR BSTAN CING, DE DAG BTAGS PA TZAM DU YOD PAR YANG JI LA GDAGS PA BSTAN PA'I PHYIR, GANG DAG, @79B GZUGS DANG SEMS DANG SEMS LAS BYUNG BA'I DUS SU GDAGS PA STE, DE DAG NI SEMS DANG MI LDAN PA'I 'DU BYED YIN NO ZHES MA SMOS SU ZIN KYANG SEMS DANG MI LDAN PA'I 'DU BYED BSHAD PA'I SKABS YIN PAS GANG GZUGS KYI DUS LA GDAGS PA DANG, SEMS KYI DUS LA GDAGS PA DANG, SEMS LAS BYUNG BA'I DUS LA GDAGS PA DE DAG NI 'DU BYED SEMS DANG MI LDAN PA'O ZHES BYA BA'O, ,DE LA 'DU BYED SEMS DANG MI LDAN PA MANG DU YOD PA LAS KHA CIG NI GZUGS KYI DUS LA GDAGS, KHA CIG NI SEMS KYI DUS LA GDAGS, KHA CIG NI SEMS LAS BYUNG BA'I DUS LA GDAGS TE; DE BAS NA DE DAG BTAGS PAR YOD KYI RDZAS SU MED DO ZHES BYA BA'I DON TO, ,YANG NA 'DU BYED SEMS DANG MI LDAN PA RNAMS GZUGS DANG SEMS DANG SEMS LAS BYUNG BA'I MTHU LAS SKYES PA'AM, DE GSUM GYI YAN LAG TU GTOGS PA NA GZUGS DANG, SEMS DANG, SEMS LAS BYUNG PA'I DUS LA GDAGS PA ZHES BYA STE, 'DU BYED SEMS DANG MI LDAN PA DE DAG GZUGS DANG SEMS DANG SEMS LAS BYUNG BA'I NGAG GIS BSKYED NAS NAM BDAG GI NGO BO THOB PAR GYUR PA'I DUS NA CHOS DE DAG NYID KYI MING DU BTAGS TE, DPER NA 'GOG PA'I SNYOMS PAR 'JUG PA YANG GZUGS DANG, SEMS DANG SEMS LAS BYUNG BA'I MTHUS BSKYED PAR BRTZAMS TE, NAM SEMS 'GAGS PA'I TSE MTSAN NYID THOB BAR GYUR PA'I SKAD CIG MA GNYIS PA PHAN CHAD 'GOG PA'I SNYOMS PAR 'JUG PA ZHES GDAGS BA BZHIN DU 'DU BYED SEMS DANG MI LDAN PA GZHAN YANG GZUGS DANG SEMS DANG SEMS LAS BYUNG BA DE DAG GIS THOB PAR BYA BAR BTZAL NAS, NAM THOB PAR GYUR PA'I DUS PHAN CHAD SO SO'I MING DU GDAGS PAR RIG PAR BYA'O, ,'DI LTAR GZUGS DANG SEMS DANG SEMS LAS BYUNG BA'I MTHUS BSKYED PA'I 'DU BYED SEMS DANG MI LDAN PA'I RNAMS NYAN THOS RNAM PAR SMRA BA RNAMS NI GZUGS DANG SEMS DANG SEMS LAS BYUNG BA LA MA GTOGS PAR RDZAS SU LOGS SHIG NA YOD PAR RTOG STE, DE NYID RDZAS SU LOGS SHIG NA YOD PA MA YIN PAR BSTAN CING 'DU BYED SEMS DANG MI LDAN PA'I RNAMS GZUGS DANG SEMS DANG SEMS LAS BYUNG BA'I DUS SU GDAGS SO ZHES BSHAD NA, KHA CIG @80A *, ,GZUGS DANG SEMS DANG SEMS LAS BYUNG BA'I RANG BZHIN NYID DE YIN PAR GDAGS SAM, 'ON TE GZUGS LA SOGS PA LAS GUD NA THA DAD PA YOD SNYAM DU DOGS PA BSAL BA'I PHYIR, DE NYID DANG GZHAN DU MI GDAGS SO ZHES BYA BA SMOS TE, GZUGS DANG SEMS DANG SEMS LAS BYUNG BA'I BDAG GIS BSKYED PA'I 'DU BYED SEMS DANG MI LDAN PA DE DAG GZUGS DANG SEMS DANG SEMS LAS BYUNG BA'I NGO BO NYID YIN NO ZHES KYANG MI GDAGS, GZUGS DANG SEMS DANG SEMS LAS BYUNG BA LAS GZHAN DU LOGS SHIG NA YOD DO ZHES KYANG MI GDAGS TE, RTEN DANG BRTAN PA GCIG NA YANG SKYON DU GYUR BA 'AM THA DAD NA 'ANG SKYON DU GYUR PAS DPER NA BUM PA DANG SA GCIG PAR YANG MI GDAGS THA DAD PAR YANG MI GDAGS PA DANG, KHU TSUR DANG SOR MO GCIG BAR YANG MI GDAGS THA DAD PAR YANG MI GDAGS PA BZHIN NO, ,'DI LTAR BUM PA DANG SA RANG BZHIN GCIG BAR YANG GDAGS SU MI RUNG STE, DUM PA NI LTO ZLUM PO SKYE SDENG SDENG PO LA CHU 'DZIN PA'I BYA BA BYED PA'I DBYIBS CAN YIN LA SA'I DBYIBS KYANG RNAM PA GZHAN DU 'DUG BAS SA DANG GCIG PA ZHES GDAGS SU YANG MI RUNG BA LAS BUM PA THA DAD PA ZHES KYANG GDAGS SU MI RUNG STE, BUM PA SA LAS BYAS PA'I PHYIR RO, ,DE NYID DU SOR MO DANG KHU TSUR GCIG PA ZHES GDAGS SU YANG MI RUNG STE, SOR MO DANG KHU TSUR GCIG PAR GYUR NA NI SOR MO BRKYANG BA'I TSE NA YANG SOR MO RE RE LA KHU CHUR GYI DBYIBS 'DRA BAR SNANG BAR GYUR PA'I RIGS NA, SOR MO BRKYANG BA'I TSE SOR MO RE RE LA KHU TSUR GYI DBYIBS 'DRA BA MI SNANG BAS GCIG PA ZHES GDAGS SU YANG MI RUNG NGO, ,SOR MO DANG KHU TSUR THA DAD PA ZHES KYANG GDAGS SU YANG MI RUNG STE, KHU TSUR NI SOR MO BSDUS PA LAS GYUR PA'I PHYIR RO, ,DE DANG 'DRA BAR 'DIR YANG RTEN NI GZUGS DANG SEMS DANG SEMS LAS BYUNG BA'O, ,BRTEN PA NI 'DU BYED SEMS DANG MI LDAN PA RNAMS SO, ,GZUGS DANG SEMS DANG SEMS LAS BYUNG BA DANG, 'DU BYED SEMS DANG MI LDAN PA GCIG CES GDAGS SU MI RUNG STE, BUM PA DANG CHU GCIG PAR MI RUNG BA BZHIN DU RTEN DANG BRTEN BAR RANG BZHIN GCIG PAR YANG MI RUNG BAR RIGS PA'I PHYIR RO, ,GZUGS DANG SEMS @80B DANG SEMS LAS BYUNG BA DANG, 'DU BYED SEMS DANG MI LDAN PA THA DAD PA ZHES BYA BAR YANG MI RUNG STE, GAL TE DE DAG THA DAD PAR GYUR NA NI 'DU BYED SEMS DANG MI LDAN PA'I RNAMS GZUGS DANG SEMS DANG SEMS LAS BYUNG BA LA BRTEN MI DGOS KYI DE DAG LA MA BRTEN PAR YANG 'BYUNG BA'I RIGS NA GZUGS DANG SEMS DANG SEMS LAS BYUNG BA LA MA BRTEN PAR 'DU BYED SEMS DANG MI LDAN PA MI 'BYUNG BAS NA DE DAG THA DAD PA ZHES GDAGS SU YANG MI RUNG NGO, ,'DI LTAR 'DU BYED SEMS DANG MI LDAN PA GANG ZHE NA ZHES DRIS NAS, GANG DAG GZUGS DANG SEMS DANG SEMS LAS BYUNG BA'I DUS SU GDAGS PA STE, DE NYID DANG GZHAN DU MI GDAGS SO ZHES SPYI TZAM DU BSTAN PA DE DAG KYANG KHYAD PAR DU NA MING GIS GANG DANG GANG YIN PA MI SHES PAS KHYAD PAR SHES PAR 'DOD NAS DE DAG KYANG GANG ZHE NA ZHES DRIS TE, GZUGS DANG SEMS DANG SEMS LAS BYUNG BA'I DUS SU GDAGS PA DE NYID DANG GZHAN DU MI GDAGS PA'I 'DU BYED SEMS DANG MI LDAN PA DE DAG GANG ZHE NA ZHES DRIS PA'I DON TO, ,'DE'I LAN DU RNYED PA DANG ZHES BYA BA SMOS TE, DE LTA BU'I TSUL CAN DAG GO ZHES BYA BA'I BAR DU BSTAN TO, ,DE LTA BU'I TSUL CAN DAG CES BYA BA NI RNYED PA LA SOGS PA MING GIS SMOS PA'I CHOS DE DAG DANG RANG BZHIN 'DRA BA'AM, RIGS 'DRA BA'AM, GZHAN YANG GZUGS DANG, SEMS DANG SEMS LAS BYUNG BA'I DUS SU GDAGS PA YANG SEMS DANG MI LDAN PA'I 'DU BYED YIN PAR BSDU'O, ,DE DAG KYANG GANG ZHE NA 'DIR MA SMOS PA 'JUG PA DANG, SO SOR NGES PA DANG, SBYOR BA DANG, MGYOGS PA DANG, GO RIMS DANG, DUS DANG, YUL DANG, GRANGS DANG, TSOGS PA ZHES BYA BA LA SOGS PA RNAMS SO, ,RNYED PA'I RANG BZHIN BSTAN PA'I PHYIR DE LA RNYED PA GANG ZHE NA ZHES DRIS TE, 'DU BYED SEMS DANG MI LDAN PA DE DAG GI NANG NAS RNYED PA'I RANG BZHIN JI LTA BU YIN ZHES DRIS PA'I DON TO, ,DE'I LAN DU THOB PA DANG LDAN PA'O ZHES BYA BA SMOS TE DGE BA'AM; MI DGE BA'I CHOS SNGON MA RNYED CING BDAG LA MED PA LAS DANG PO NYID DU RNYED PAR GYUR PA LA NI THOB PA ZHES BYA'O, ,DE LTAR SKAD CIG MA DANG PO LA DGE BA 'AM, MI DGE BA'I CHOS MA RNYED PA RNYED NAS SKAD CIG MA GNYIS PA PHAN CHAD NAS CHOS DE DAG BDAG LA YOD CING DE DAG DANG LDAN PA LA NI LDAN @81A *, ,PA ZHES BYA'O, ,DE LTAR NA THOB PA DANG LDAN PA GNYIS LA RNYED PA ZHES BYA'O ZHES BSTAN PA YIN NO, ,RNYED PA DE LA PHYE NA DU YOD PA BSTAN PA'I PHYIR, DE 'ANG SA BON DANG, DBANG DANG, MNGON DU GYUR PA DANG CI RIGS PAR SBYOR RO ZHES BYA BA SMOS TE, RNYED PA DE LA'ANG PHYE NA RNAM PA GSUM YOD DE, SA BON RNYED PA DANG, DBANG RNYED PA DANG, MNGON DU GYUR PA RNYED PA'O, ,DE LA SA BON RNYED PA NI MA 'ONGS PA NA BDAG DANG 'DRA BA'I DGE BA DANG, MI DGE BA DANG, LUNG DU MA BSTAN PA'I CHOS BSKYED PA'I PHYIR DGE BA DANG MI DGE BA DANG LUNG DU MI STON PA'I CHOS RNAMS KYIS RNAM PAR SHES PA'I RGYU LA DGE BA DANG, MI DGE BA DANG, LUNG DU MI STON PA'I CHOS KYIS BSKRUN CING BAG CHAGS GZHAG PA LA SA BON RNYED PA ZHES BYA'O, ,DE LTAR RGYU BSKRUN PAS DES BRTAS PAR GYUR NAS BDAG GI 'BRAS BU BSKYED PAR BYA BA LA MTHU DANG LDAN PAR GYUR TE, GZHAN GANG GIS KYANG BAR DU GCAD MI NUS PAR 'BRAS BU BSKYED PA'I MTHA' MA'I SKAD CIG MA 'BRAS BU SKYES NI MA SKYES, 'BRAS BU SKYED NUS PA'I MTSAN NYID DU GNAS PA DE LA NI DBANG RNYED PA ZHES BYA'O, ,DE NAS DE LAS RANG GI 'BRAS BU GRUB STE, 'BRAS BU SKYES ZIN PAR GYUR PA LA NI MNGON DU GYUR BA RNYED PA ZHES BYA'O, ,CI RIGS PAR SBYAR RO ZHES BYA BA LA DE 'DI LTAR SBYAR BA'I RIGS TE, JI LTAR SBYAR BA'I RIGS SHE NA, BAR 'GA' NI SA BON LA RNYED PA ZHES BYA'O, ,BAR 'GA' NI DBANG LA RNYED PA ZHES BYA, BAR 'GA' NI MNGON DU GYUR PA LA RNYED PA ZHES BYA'O, ,DE LA SKAD CIG MA DANG PO MA RNYED PA LAS RNYED PA NAS BRTZAMS TE, SKAD CIG MA GNYIS PA DANG GSUM PA MAN CHAD NAS DBANG GI GNAS RNYED KYI BAR DAG LA SA BON ZHES BYA BA NI DBANG DANG THOB PAR LDAN PA RNYED PA GNYIS LA BYA'I, ,DBANG DANG MNGON DU GYUR PA LA NI LDAN PA 'BA' ZHIG TU GDAGS PAR ZAD KYI SA BON RNYED PA THOB PA ZHES MI BYA'O, ,YANG NA SA BON RNYED PA NI 'DOD PA'I 'DOD CHAGS DANG MA BRAL BA'I RNAMS DGE BA DANG MI DGE BA DANG LUNG DU BSTAN DU MED PA'I CHOS KYI SA BON SEMS KYI RGYUD LA RNYED PA LA BYA'O, ,DBANG RNYED PA ZHES BYA BA NI 'DOD PA'I 'DOD CHAGS DANG BRAL BA RNAMS KYIS NAM 'DOD PA NA SPYOD PA'I TING NGE 'DZIN DANG MNGON PAR SHES PA RNAMS MNGON SUM DU BYA BA LA DBANG YOD PAR GYUR PA LA NI DBANG RNYED PA ZHES BYA'O, , @81B MIG GI DBANG PO NAS LUS KYI DBANG PO'I BAR DU, DBANG PO LNGA LAS SO SO'I YUL MNGON SUM DU BYED PA NI MNGON SUM DU GYUR PA RNYED PA ZHES BYA'O, ,CI RIGS PAR SBYOR RO ZHES BYA BA NI 'DI LTAR RIGS TE, SA BON NI RNYED PA DANG SBYAR, DBANG NI THOB PA DANG SBYAR, MNGON DU GYUR PA NI LDAN PA DANG SBYAR RO, ,'DU SHES MED PA'I SNYOMS PAR 'JUG PA'I RANG BZHIN BSTAN PA'I PHYIR, 'DU SHES MED PA'I SNYOMS PAR 'JUG PA GANG ZHE NA ZHES DRIS TE, 'DU SHES MED PA'I MTSAN NYID DU SNYOMS PAR 'JUG PA'AM 'DU SHES MED PA NI 'DU SHES MED PA'I LHA RNAMS KYI NANG DU SKYES PA RNAM PAR SMIN PA'I 'BRAS BU YIN TE, RNAM PAR SMIN PA 'DU SHES MED PA DE THOB PAR BYA BA'I PHYIR SNYOMS PAR 'JUG PA LA 'DU SHES MED PA'I SNYOMS PAR 'JUG PA ZHES BYA STE, DE'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU DGE RGYAS KYI 'DOD CHAGS DANG BRAL LA GONG MA'I MA YIN PA ZHES BYA BA LA SOGS PA SMOS SO, , DE LA 'DOD PA'I KHAMS KYI GNAS NI NYI SHU STE 'DZAM BU GLING 'DI'I 'OG NA TSA BA'I SEMS CAN DMYAL BA BRGYAD DANG, GLING BZHI DANG, 'DOD PA'I KHAMS KYI LHA DRUG DANG, BYOL SONG DANG, YI DAGS SO, ,DE LA TSA BA'I SEMS CAN DMYAL BA BRGYAD NI MNAR MED PA DANG, RAB TU GDUNG BA DANG, GDUNG BA DANG, 'O DOD CHER 'BOD PA DANG, 'O DOD 'BOD PA DANG, 'DUS 'JOMS DANG, THIG NAG DANG, YANG SOS SO, ,GLING BZHI NI LHO'I 'DZAM BU'I GLING DANG, NUB KYI BA LANG SBYOD DANG, BYANG GI SGRA MI SNYAN DANG, SHAR GYI LUS 'PHAGS SO, ,'DOD PA'I KHAMS KYI LHA DRUG NI RGYAL CHEN RIS BZHI'I RIGS DANG, SUM CU RTZA GSUM DANG, 'THAB BRAL THUN SBYOMS DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DO, ,GZUGS KYI KHAMS NA BSAM GTAN DANG PO LA GNAS GSUM STE, TSANGS RIS DANG, TSANGS PA'I MDUN NA 'DON DANG, TSANGS CHEN NO; ,BSAM GTAN GNYIS PA LA GNAS GSUM STE, 'OD CHUNG DANG, TSAD MED 'OD DANG, 'OD GSAL LO, ,BSAM GTAN GSUM PA LA GNAS GSUM STE, DGE CHUNG DANG, TSAD MED DGE DANG, DGE RGYAS SO, ,BSAM GTAN BZHI PA LA GNAS BRGYAD DE, SPRIN MED DANG, BSOD NAMS @82A *, ,'PHEL DANG, 'BRAS BU CHE BA DANG, MI CHE BA DANG, MI GDUNG BA DANG, SHIN TU LEGS PAR MTHONG BA DANG, GYA NOM SNANG DANG, 'OG MIN NO, ,GZUGS MED PA'I KHAMS NA SKYE MCHED PA RNAM PA BZHI STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG; CUNG ZAD MED PA'I SKYE MCHED DANG, CUNG ZAD MED CUNG ZAD MED MIN SKYE MCHED DO, ,DE LA DGE RGYAS KYI 'DOD CHAGS DANG BRAL BA ZHES BYA BA NAS, BSAM GTAN GSUM PA LA GNAS GSUM STE, DGE CHUNG DANG, TSAD MED DGE DANG, DGE RGYAS LAS, DGE RGYAS KYI 'DOD CHAGS DANG BRAL BA NI BSAM GTAN GSUM PA MAN CHAD KYI 'DOD CHAGS KUN SPANGS ZHES BYA BA'I DON TO, ,GONG MA'I MA YIN PA ZHES BYA BA LA BSAM GTAN GSUM PA'I GONG MA NI BSAM GTAN BZHI PA DANG GZUGS MED PA'I KHAMS TE, DON DU NA BSAM GTAN BZHI PA DANG, GZUGS MED PA'I SNYOMS PAR 'JUG PA'I 'DOD CHAGS DA DUNG MA SPANGS ZHES BYA BA'I THA TSIG GO, ,'DU SHES MED PA'I SNYOMS PAR 'JUG PA DE DANG PO'I BSAMS PA'AM, 'DU SHES GANG GIS SNYOMS PAR 'JUG CE NA, DE'I PHYIR 'BYUNG BA'I 'DU SHES SNGON DU 'GRO BA'I YID LA BYED PAS ZHES BYA BA SMOS TE, GANG ZAG SO SO'I SKYE BO 'DU SHES MED PA'I TING NGE 'DZIN LA SNYOMS PAR 'JUG PAR 'DOD PA DES DANG PO SNYOMS PAR 'JUG PA'I TSE NA 'DU SHES SUN 'BYIN TE, 'DU SHES 'DI NI ZUG RDU YIN, 'DU SHES 'DI NI NAD YIN, 'DU SHES 'DI NI SHU BA YIN, 'DU SHES MED BA 'DI NI ZHI BA YIN, GYA NOM PA YIN, 'BYUNG BA YIN NO ZHES 'DU SHES SUN PHYUNG NAS DE'I 'OG TU SNYOMS PAR 'JUG PAS NA, 'BYUNG BA'I 'DU SHES SNGON DU 'GRO BA'I YID LA BYED PAS ZHES BYA BA'AM, 'DU SHES MED PA'I SNYOMS PAR 'JUG PA 'DI NI THAR PAR 'GYUR BA'I LAM YIN LA, DE'I 'BRAS BU 'BRAS BU CHE GNAM ZHES BYA BA'I LHA RNAMS KYI NANG DU 'DU SHES MED PA'I SEMS CAN DU SKYES PA NI THAR PA YIN GYI MYA NGAN LAS 'DAS PA YIN NO ZHES YID LA BYA BA SNGAR BYAS NAS, 'DU SHES LA SOGS PA'I SEMS DANG SEMS LAS BYUNG BA'I 'GOG PAR BYED PAS NA, 'BYUNG BA'I 'DU SHES SNGON DU 'GRO BA'I YID LA BYED PA ZHES BYA'O, ,DE LA SEMS DANG SEMS LAS BYUNG @82B BA LA RNAM PA GNYIS TE, MI BRTAN PA DANG BRTAN PA'O, ,DE LA MIG GI RNAM PAR SHES PA NAS YID KYI RNAM PAR SHES PA'I BAR DU RNAM PAR SHES PA DRUG NI MI BRTAN PA'I SEMS DANG SEMS LAS BYUNG BA ZHES BYA STE, DE CI'I PHYIR ZHE NA, RNAM PAR SHES PA 'DU SHES MED PA'I SNYOMS PAR 'JUG PA DANG, SEMS MED PA'I SNYOMS PAR 'JUG PA DANG, SEMS MED PA'I BRGYAL BA DANG, GNYID STUG POS NON PA LA SOGS PA SEMS MED PA'I DUS DE DAG NA YANG RGYUN CHAD DE MED PA DANG, SEMS DANG BCAS PA'I DUS NA YANG NAM DGE BA LA DMIGS PA'I TSE NA MI DGE BA'I SEMS DANG LUNG DU MA BSTAN PA'I SEMS MI GNAS TE MED, NAM MI DGE BA LA DMIGS PA'I TSE NA DGE BA'I SEMS DANG LUNG DU MA BSTAN PA'I SEMS MI GNAS TE MED, NAM LUNG DU MA BSTAN PA LA DMIGS PA DE'I TSE NA DGE BA'I SEMS DANG MI DGE BA'I SEMS MI GNAS TE MED PAS NA 'JUG PA'I RNAM PAR SHES PA DRUG NI MI BRTAN PA'I SEMS DANG SEMS LAS BYUNG BA ZHES BYA'O, ,KUN GZHI RNAM PAR SHES PA DANG NYON MONGS PA'I YID GNYIS NI BRTAN PA'I SEMS DANG SEMS LAS BYUNG BA ZHES BYA STE, CI'I PHYIR ZHE NA, KUN GZHI YANG NAM DGRA BCOM PA THOB PA'I DUS NA MED DU ZIN GYI 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, SEMS MED BA'I BRGYAL BA LA SOGS PA SEMS MED PA'I DUS THAMS CAD NA YANG YOD LA, DGE BA DANG MI DGE BA LA SOGS PA LA DMIGS PA'I SEMS DANG BCAS PA'I DUS NA YANG RTAG PAR YOD PAS NA BRTAN PA'I SEMS DANG SEMS LAS BYUNG BA ZHES BYA LA, NYON MONGS PA'I YID KYANG ZAG PA MED PA'I LAM GYI BDEN PA'I DUS DANG, 'GOG PA'I SNYOMS PAR 'JUG PA'I DUS DANG, MI SLOB PA'I DUS RNAMS NA MED PAR ZAD KYI, DE LAS MA GTOGS PA'I DUS THAMS CAD DU YOD PAS NA BRTAN PA'I SEMS DANG SEMS LAS BYUNG BA ZHES BYA'O,, DE LTAR NA DON GYI SHUGS KYIS 'DI 'DRA BAR 'GYUR TE, ZAG PA MED PA'I LAM GYI DUS NA NYON MONGS PA'I YID MED CES BSHAD NA ZAG PA CAN 'JIG RTEN PA RNAMS KYI LAM GYI DUS NA NYON MONGS PA'I YID YOD DO ZHES BSTAN PA YIN NO, ,'GOG PA'I SNYOMS PAR 'JUG PA'I DUS NA NYON MONGS PA'I YID MED @83A *, ,CES BSHAD NA 'DU SHES MED PA'I SNYOMS PAR 'JUG PA DANG 'DU SHES MED PA'I TSE NYON MONGS PA'I YID YOD DO ZHES BSTAN PA YIN NO, ,MI SLOB PA'I DUS NA NYON MONGS PA'I YID MED CES BSHAD NA SLOB PA'I DUS NA YOD DO ZHES BSTAN PA YIN NO, ,DE LTAR SEMS DANG SEMS LAS BYUNG BA GNAS PA DANG, MI GNAS PA RNAM PA GNYIS YOD PA LA 'DU SHES MED PA'I SNYOMS PAR 'JUG PA'I TSE NA SEMS DANG SEMS LAS BYUNG BA GANG 'GAGS SHE NA, DE'I PHYIR, SEMS DANG SEMS LAS BYUNG BA'I CHOS MI BRTAN PA RNAMS GANG 'GAGS PA'O ZHES BYA BA SMOS TE, SO SO'I SKYE BO RNAL 'BYOR PA DES DANG PO 'DU SHES NI ZUG RDU, 'DU SHES NI NAD CES 'DU SHES SUN PHYUNG NAS, 'DU SHES SUN 'BYIN PA'I BSAM PA DES SEMS DE MA THAG TU GNYIS LA SOGS PA 'BYUNG BA DANG MI MTHUN ZHING 'GAL BAR GYUR PA'I LUS SKYED DO, ,DE LAS SEMS GZHAN 'BYUNG BA DANG MI MTHUN PA'I LUS DES MIG GI RNAM PAR SHES PA NAS, YID KYI RNAM PAR SHES PA'I BAR DU RNAM PAR SHES PA'I TSOGS DRUG SEMS LAS BYUNG BA'I 'KHOR DANG BCAS PAR 'BYUNG BA'I BGEGS BYAS NAS RIL GYIS MI 'BYUNG BAS BKAG PAS NA, SEMS DANG SEMS LAS BYUNG BA'I CHOS MI GNAS PA RNAMS GANG 'GOG PA ZHES BYA'O; ,DE LTAR NA LUS KYI RNAM PAR SHES PA DRUG GI TSOGS SEMS LAS BYUNG BA DANG BCAS TE RGYU BKAG PAS NA 'DU SHES MED PA'I SNYOMS PAR 'JUG PA ZHES BYA BA YANG GZUGS KYI DUS KYI KHYAD PAR LA GDAGS KYI RDZAS SU MED DO, ,'GOG PA'I SNYOMS PAR 'JUG PA'I RANG BZHIN BSTAN PA'I PHYIR, 'GOG PA'I SNYOMS PAR 'JUG PA GANG ZHE NA ZHES DRIS TE, 'GOG PA'I SNYOMS PAR 'JUG PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,DE'I LAN DU CUNG ZAD MED PA'I SKYE MCHED KYI 'DOD CHAGS DANG BRAL BA, SRID PA'I RTZE MO NAS GYEN DU BSKYOD PA ZHES BYA BA SMOS TE, GZUGS MED PA NA SKYE MCHED BZHI LA NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CUNG ZAD MED PA'I SKYE MCHED DANG, CUNG ZAD MED CUNG ZAD MED MIN SKYE MCHED LAS 'PHAGS PA 'GOG PA'I SNYOMS PAR 'JUG PA DES CUNG ZAD MED PA'I SKYE MCHED MAN CHAD KYI NYON MONGS PA DANG 'DOD @83B CHAGS KUN SPANGS PA NA CUNG ZAD MED PA'I SKYE MCHED KYI 'DOD CHAGS DANG BRAL BA ZHES BYA'O, ,'PHAGS PA CUNG ZAD MED PA'I 'DOD CHAGS DANG BRAL BA DE SRID PA'I RTZE MO CUNG ZAD MED CUNG ZAD MED MIN SKYE MCHED KYI NYON MONGS PA SPONGS PA'I PHYIR CHAS SHING NYON MONGS PA SPANG BA'I PHYIR BRTZON PA NAS SRID PA'I RTZE MO NAS GYEN DU BSKYOD PA ZHES BYA'O, ,DE LA SO SO'I SKYE BO 'JIG RTEN PA'I LAM LA SNYOMS PAR 'JUG PA RNAMS SRID PA'I RTZE MO'I 'DOD CHAGS DANG MA BRAL YANG CUNG ZAD MED PA'I SKYE MCHED KYI 'DOD CHAGS DANG BRAL PA YOD PAS SRID PA'I RTZE MO LAS GYEN DU BSKYOD PA ZHES BYA BA SMOS TE, SO SO'I SKYE BO 'JIG RTEN PA'I LAM LA SNYOMS PAR ZHUGS PA RNAMS NI CUNG ZAD MED PA'I SKYE MCHED KYI 'DOD CHAGS DANG BRAL BA YANG SRID PA'I RTZE MO'I NYON MONGS PA MTHONG BAS SPANG BA DANG, BSGOM PAS SPANG BA CUNG ZAD KYANG MA SPANGS PAS SRID PA'I RTZE MO LAS GYEN DU BSKYOD CES BYA BA'I TSIG GIS SO SO'I SKYE BO RNAMS KYIS NI 'GOG PA'I SNYOMS PAR 'JUG MI NUS SO ZHES BSHAD PA YIN NO, ,KHA CIG SRID PA'I RTZE MO MTHONG BAS SPANG BAR BYA BA'I 'DOD CHAGS DANG BRAL BA YIN KYANG CUNG ZAD MED PA'I SKYE MCHED BSGOM PAS SPANG BAR BYA BA'I NYON MONGS PA MA SPANGS TE, DE'ANG GANG ZHE NA, RGYUN DU ZHUGS PA'I 'BRAS BU LA GNAS PA DANG, LAN CIG PHYIR 'ONG BA'I 'BRAS BU LA GNAS PA'I 'PHAGS PA'I BDEN PA DE DAG STE, DE DAG GIS SRID PA'I RTZE MO'I MTHONG BAS SPANG BAR BYA BA'I NYON MONGS PA SPANGS PAS SRID PA'I RTZE MO LAS GYEN DU BSKYOD KYANG BSGOM PAS SPANG BAR BYA BA'I NYON MONGS PA 'DOD PA'I KHAMS KYI DANG YANG MA BRAL BAS CUNG ZAD MED PA'I SKYE MCHED KYI BSGOM PAS SPANG BAR BYA BA YANG MA SPANGS TE, DE'I PHYIR CUNG ZAD MED PA'I SKYE MCHED KYI 'DOD CHAGS DANG BRAL ZHES SMRAS TE, DON DU NA 'PHAGS PA PHYIR MI 'ONG BA'I 'BRAS BU RNYED PA DANG, DGRA BCOM PA GNYIS KYIS 'GOG PA'I SNYOMS PAR 'JUG NUS KYI 'PHAGS PA'I RGYUN DU ZHUGS PA'I 'BRAS BU LA GNAS PA DANG, LAN CIG PHYIR 'ONG BA'I 'BRAS BU LA GNAS PA DANG, SO SO'I SKYE BOS NI 'GOG PA'I SNYOMS PAR 'JUG MI NUS SO ZHES BSTAN PA YIN NO, ,SO SO'I SKYE BO NI 'DU SHES MED PA'I SNYOMS PAR 'JUG PA RNAMS 'BYUNG BA'I 'DU SHES SNGON DU BYAS NAS 'DU SHES MED PA LA SNYOMS @84A *, ,PAR 'JUG NA, 'PHAGS PA 'GOG PA'I SNYOMS PAR 'JUG PA DE DAG BSAM PA'AM 'DU SHES CI 'DRA BA ZHIG ,DANG POR BYAS NAS 'GOG PA'I SNYOMS PAR 'JUG CE NA, DE'I PHYIR, GNAS PA'I 'DU SHES SNGON DU 'GRO BA'I YID LA BYED PAS ZHES BYA BA SMOS TE, 'PHAGS PA'I 'GOG PA'I SNYOMS PAR 'JUG PA DE DAG 'DU SHES MED PA'I SNYOMS PAR 'JUG PA BZHIN DU 'GOG PA'I SNYOMS PAR 'JUG PA DE LA 'BYUNG BA'I 'DU SHES SNGON DU YID LA BYAS NAS SNYOMS PAR 'JUG PA MA YIN GYI, GNAS PA'I 'DU SHES SNGON DU YID LA BYAS NAS SNYOMS PAR 'JUG PA STE, DE DAG 'GOG PA LA CI'I PHYIR 'BYUNG BA'I 'DU SHES SU SNGON DU YID LA MI BYED CE NA, 'GOG PA'I SNYOMS PAR 'JUG PA DE NI SRID PA'I RTZE MO'I SAR GTOGS PA YIN LA SRID PA NI KHAMS GSUM PAR GTOGS PA YIN PAS KHAMS GSUM PA LA 'PHAGS PA RNAMS 'BYUNG BA DANG, MTHAR 'BYIN PA'I 'DU SHES MI SKYE BA'I PHYIR RO,, 'O NA 'GOG PA DE LA CI 'DRA BA'I 'DU SHES SKYE ZHE NA, 'DI LTAR 'PHAGS PA PHYIR MI 'ONG BA DANG, DGRA BCOM PA DE DAG TSOR BA DANG, 'DU SHES KYIS SKYO NAS DANG PO SNYOMS PAR 'JUG PA'I TSE TSOR BA DANG, 'DU SHES NI NAD DO, ,SKRAN NO, ,ZUG RDU STE, TSOR BA DANG 'DU SHES MED PA'I 'GOG PA 'DI NI MYA NGAN LAS 'DAS PA'I DNGOS PO MA YIN YANG MYA NGAN LAS 'DAS PA DANG 'DRA BAR BDE BA YIN TE, BDE BA 'DI LA THANG CIG GCIG GNAS PAR BYA'O SNYAM PA'I SNYOMS PAR 'JUG PA'I 'DU SHES SNGAR BTANG NAS, DE NAS SRID PA'I RTZE MO'I SEMS PHRA MO BSKYED DO, ,DE NAS DE'I 'OG TU DE BAS KYANG PHRA BAR BYAS SO, ,DE NAS DE BAS KYANG SEMS SHIN TU PHRA BA BSKYED NAS SEMS THAMS CAD 'GAG PA'I MTSAN NYID 'GOG PA'I SNYOMS PAR 'JUG PA MNGON SUM DU BYED PAS NA GNAS PA'I 'DU SHES SNGON DU YID LA BYED PAS ZHES BYA'O, ,SEMS DANG SEMS LAS BYUNG BA LA RNAM PA GNYIS TE, BRTAN PA DANG MI BRTAN PA LAS 'GOG PA'I SNYOMS PAR 'JUG PA'I TSE NA GANG 'GAGS SHE NA, DE'I PHYIR SEMS DANG SEMS LAS BYUNG BA MI BRTEN PA RNAMS DANG ZHES BYA BA SMOS TE, SEMS DANG SEMS LAS BYUNG BA MI BRTAN PA NI, MIG GI RNAM PAR SHES PA NAS YID KYI RNAM PAR SHES PA'I BAR DU SEMS LAS @84B BYUNG BA'I 'KHOR DANG BCAS PA DRUG LA BYA STE, GAL TE RNAL 'BYOR PA 'PHAGS PA PHYIR MI 'ONG BA'AM DGRA BCOM PA DE 'DOD PA DANG, GZUGS DANG GZUGS MED PA'I KHAMS LA BRTEN NAS 'GOG PA LA SNYOMS PAR 'JUG NA 'JUG PA'I RNAM PAR SHES PA DRUG DANG BZHI DANG GCIG RNAMS RIM BZHIN DU 'GOG PAR BYED DO, ,DE LA PHYIR MI 'ONG BA'I 'BRAS BU THOB PA'AM DGRA BCOM PA DE 'DOD PA'I KHAMS KYI GNAS SA MA LUS LA BRTEN TE 'GOG PA LA SNYOMS PAR 'JUG NA NI MI GNAS YID KYI BAR DU 'JUG PA'I RNAM PAR SHES PA DRUG 'GAG GO, ,RNAL 'BYOR PA PHYIR MI 'ONG BA 'AM DGRA BCOM PA DE GZUGS KYI KHAMS KYI GNAS SA MA LUS LA BRTEN TE 'GOG PA LA SNYOMS PAR 'JUG NA NI MIG DANG RNA BA DANG LUS DANG YID DE, 'JUG PA'I RNAM PAR SHES PA BZHI 'GAG STE, DE NA ZAS KHAM GYIS ZA BA'I 'DOD CHAGS DANG BRAL BAS SNA DANG LCE'I RNAM PAR SHES PA GNYIS MED PA'I PHYIR RO, ,GAL TE RNAL 'BYOR PA DE DAG GZUGS MED PA'I KHAMS LA BRTEN NAS 'GOG PA LA SNYOMS PAR 'JUG NA NI 'JUG PA'I RNAM PAR SHES PA GCIG 'GAG STE, YID KYI RNAM PAR SHES PA 'GAGS PAS NA SEMS DANG SEMS LAS BYUNG BA MI GNAS PA RNAMS GANG 'GAG PA ZHES BYA'O, ,DE LA 'GOG PA'I SNYOMS PAR 'JUG PA'I TSE SEMS DANG SEMS LAS BYUNG BA MI BRTAN PA 'BA' ZHIG 'GAG GI BRTAN PA MI 'GAG GAM SNYAM PA LA BRTAN PA YANG 'GAG PAR BSTAN PA'I PHYIR, BRTAN PA RNAMS LAS KYANG KHA CIG GANG 'GOG PA'O ZHES BYA BA SMOS TE, SEMS DANG SEMS LAS BYUNG BA GNAS PA LA RNAM PA GNYIS TE, KUN GZHI RNAM PAR SHES PA DANG, NYON MONGS PA'I YID GNYIS LA BRTAN PA GCIG 'KHOR DANG BCAS TE 'GAGS SO ZHES BYA BA'I DON TO, ,'DIR SEMS BRTAN PA GNYIS LAS 'GOG PA'I TSE 'DI KHO NA 'GAGS SO ZHES DMIGS KYIS MA PHYIR ZIN KYANG NYON MONGS PA'I YID DE'I TSE NA 'GAGS PAR RIG PAR BYA'O, ,DE LTAR NA RNAL 'BYOR PA DE 'DOD PA'I KHAMS LA GNAS SHING SNYOMS PAR ZHUGS NA NI 'JUG PA'I RNAM PAR SHES PA GONG MA DRUG GI STENG DU NYON MONGS PA'I YID KYIS BSNAN TE BDUN 'GAG GO, ,GZUGS KYI KHAMS SU SNYOMS PAR ZHUGS NA NI GONG MA BZHI'I STENG DU NYON MONGS PA'I YID KYIS BSNAN NAS LNGA @85A *, ,'GAG GO, ,GZUGS MED PA'I KHAMS SU SNYOMS PAR ZHUGS NA NI YID KYI RNAM PAR SHES PA'I STENG DU NYON MONGS PA'I YID KYIS BSNAN NAS GNYIS 'GAG GO, ,DE LA 'GOG PA 'DI YANG SEMS KYI DUS KYI KHYAD PAR LA GDAGS PAR ZAD DO, ,JI LTA ZHE NA, DANG PO SNYOMS PAR 'JUG PA'I TSE 'DU SHES DANG TSOR BA GNYIS SU NA 'BYIN TO, ,'DU SHES DANG TSOR BA GNYIS SUN PHYUNG NAS SEMS JE PHRA JE PHRAR GTANG BA DANG SEMS DES KUN GZHI RNAM PAR SHES PA LA 'JUG PA'I RNAM PAR SHES PA DRUG DANG, NYON MONGS PA'I YID KYI SA BON YOD PA MTHU NYAMS PAR BYA'O, , SA BON MTHU NYAMS PAR BYAS PAS KUN GZHI LA 'JUG PA'I RNAM PAR SHES PA DRUG DANG NYON MONGS PA'I YID 'BYUNG BAR MI 'GYUR TE, DE LTAR NA KUN GZHI'I SA BON NYAMS PA LA 'GOG PA'I SNYOMS PAR 'JUG PA ZHES BYA BAR ZAD PAS NA DE SEMS KYI DUS LA GDAGS PAR ZAD KYI RDZAS SU YOD PA NI MA YIN NO; ,'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA GNYIS LA KHYAD PAR CI ZHIG GIS DBYE ZHE NA, KHYAD PAR LNGAS PHYE STE, LNGA NI GANG ZAG DANG, SA DANG YID LA BYED PA DANG, RANG BZHIN DANG, GDAGS PA'O, ,DE LA 'DU SHES MED PA'I SNYOMS PAR 'JUG PA NI SO SO'I SKYE BO 'JUG LA, 'GOG PA'I SNYOMS PAR 'JUG PA NI 'PHAGS PA 'JUG PAS NA DE LTAR GANG ZAG GIS KHYAD ZHUGS SO, ,'DU SHES MED PA'I SNYOMS PAR 'JUG PA NI DGE RGYAS KYI 'DOD CHAGS DANG BRAL ZHING GONG MA'I 'DOD CHAGS DANG BRAL BA MA YIN PA, DE LAS 'CHI 'PHOS NAS KYANG 'BRAS BU CHE GNAM GYI LHA RNAMS KYI NANG DU SKYE LA, 'GOG PA'I SNYOMS PAR 'JUG PA NI CUNG ZAD MED PA'I SKYE MCHED KYI 'DOD CHAGS DANG BRAL ZHING SRID PA'I RTZE MO'I NYON MONGS PA SPANG BAR BYA BA'I PHYIR BRTZON LA, SA YANG SRID PA'I RTZE MO NYID DU GNAS PAR GTOGS PAS SAS KHYAD ZHUGS SO, , 'DU SHES MED PA'I SNYOMS PAR 'JUG PA NI DANG PO 'BYUNG BA'I 'DU SHES SNGON DU 'GRO BA'I YID LA BYED PAS SNYOMS PAR 'JUG LA, 'GOG PA'I SNYOMS PAR 'JUG PA NI GNAS PA'I 'DU SHES SNGON DU 'GRO BA'I YID LA BYED PAS SNYOMS PAR 'JUG PAS YID LA BYED PAS KHYAD ZHUGS SO, ,'DU SHES MED @85B PA'I SNYOMS PAR 'JUG PA'I TSE NA NI MI GNAS YID KYI BAR DU RNAM PAR SHES PA DRUG 'KHOR DANG BCAS PAR 'GOG PA'I RANG BZHIN YIN LA, 'GOG PA'I SNYOMS PAR 'JUG PA NI RNAM PAR SHES PA DRUG GI STENG DU NYON MONGS PA'I YID KYIS BSNAN TE RNAM PAR SHES PA BDUN 'KHOR DANG BCAS TE 'GOG PA'I RANG BZHIN YIN PAS RANG BZHIN KHYAD ZHUGS SO, ,'DU SHES MED PA'I SNYOMS PAR 'JUG PA NI GZUGS KYI DUS KYI KHYAD PAR LA GDAGS LA, 'GOG PA'I SNYOMS PAR 'JUG PA NI SEMS KYI KHYAD PAR LA GDAGS PAS GDAGS PA KHYAD ZHUGS SO, ,'DU SHES MED PA'I RANG BZHIN BSTAN PA'I PHYIR, 'DU SHES MED PA GANG ZHE NA ZHES DRIS TE, 'DU SHES MED PA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU 'DU SHES MED PA'I SNYOMS PAR 'JUG PA'I 'BRAS BU STE ZHES BYA BA SMOS TE, GANG ZAG 'DOD PA'I KHAMS SU 'DU SHES MED PA'I TING NGE 'DZIN LA SNYOMS PAR ZHUGS NAS TSE 'PHOS PA DANG LAS DES 'PHANGS NAS 'DU SHES MED PA'I RNAM PAR SMIN PA 'THOB PAR 'GYUR BAS 'DU SHES MED PA NI 'DU SHES MED PA'I SNYOMS PAR 'JUG PA'I 'BRAS BU ZHES BYA'O, ,'BRAS BU DE YANG DNGOS SU GANG YIN ZHE NA, DE'I PHYIR, 'DU SHES MED PA'I SEMS CAN LHA RNAMS KYI NANG DU SKYES PA ZHES BYA BA SMOS TE, BSAM GTAN BZHI PA LA GNAS BRGYAD YOD PA LA SPRIN MED DANG, BSOD NAMS 'PHEL DANG, 'BRAS BU CHE GSUM NI, SO SO'I SKYE BO'I SA YIN LA, MI CHE BA DANG, MI GDUNG BA DANG, GYA NOM SNANG BA DANG, SHIN TU MTHONG DANG, 'OG MIN DANG LNGA NI 'PHAGS PA'I SA YIN PA LAS BSAM GTAN BZHI PA SO SO'I SKYE BO'I GNAS GSUM PA'I MTHA' MA 'BRAS BU CHE GNAM ZHES BYA BA LHA RNAMS GNAS PA'I PHYOGS GCIG NA 'DU SHES MED PA'I LHA RNAMS GNAS TE, LHA DE'I NANG DU SKYES PA NI 'DU SHES MED PA'I SNYOMS PAR ZHUGS PA'I RNAM PAR SMIN PA'I 'BRAS BU YIN NO, , DE'I TSE SEMS DANG SEMS LAS BYUNG BA 'GAGS NA SEMS DANG SEMS LAS BYUNG BA BRTAN PA DANG MI BRTAN PA GNYIS LAS GANG 'GOG CE NA, DE'I PHYIR SEMS DANG SEMS LAS BYUNG BA'I CHOS MI GNAS PA RNAMS GANG 'GOG PA'O ZHES BYA BA SMOS TE, 'DU SHES MED PA'I LHA'I NANG DU SKYES PA'I DE DAG DANG PO SKYES PA'I TSE @86A *, ,'DU SHES ZHIG BYUNG NAS, DE NAS MI BRTAN PA'I SEMS DANG SEMS LAS BYUNG BA RNAMS RANG GI LUS LA MI BRTAN PA'I SEMS DANG SEMS LAS BYUNG BA RANG GI RIGS PHYI MA SKYE BA DANG 'DRA BA'I MI BRTAN PA'I SEMS DANG SEMS LAS BYUNG BA'I SA BON YOD PA 'JOMS PA NA DANG POR SEMS PHRA BA SKYE'O, ,DE'I 'OG TU SEMS DE BAS KYANG PHRA BA SKYE'O, ,DE'I 'OG TU SEMS SHIN TU PHRA BA SKYES NAS SHIN TU PHRA BAR GYUR PA DANG SEMS THA MA DES SEMS GZHAN SKYE BAR MTSAMS SBYOR BAR MI NUS TE, CI'I PHYIR ZHE NA, RANG GI LUS LA SEMS DANG SEMS LAS BYUNG BA'I SA BON YOD PA MTHU NYAMS PAR BYAS PAS NA SEMS THA MA DES BDAG DANG 'DRA BA'I SEMS GZHAN BSKYED PAR MI NUS TE, RNAM PAR SHES PA DRUG RNAMS 'GAGS PAR GYUR PAS NA MI BRTAN PA'I SEMS DANG SEMS LAS BYUNG BA 'GAG PA ZHES BYA'O, ,DE BAS NA 'DU SHES MED PA ZHES BYA BA YANG GZUGS KYI DUS KYI KHYAD PAR LA GDAGS TE, DE'I PHYIR, DE BTAGS PAR YOD PAR ZAD KYI RDZAS SU MED DO, ,CI LTAR GZUGS KYI DUS KYI KHYAD PAR LA GDAGS SHE NA, LUS LA RNAM PA GNYIS TE, SEMS DANG BCAS PA'I LUS DANG SEMS MED PA'I LUS SO, ,DE LTAR LUS RNAM PA GNYIS LAS 'DU SHES MED PA NI, SEMS DANG SEMS LAS BYUNG BA'I SA BON NYAMS PA'I LUD KYI DUS LA GDAGS PAS NA, GZUGS KYI DUS KYI KHYAD PAR LA GDAGS PA ZHES BYA'O, ,'DU SHES MED PA NI SA DANG YID LA BYED PA GNYIS GZHAG STE, GANG ZAG DANG RANG BZHIN DANG BTAGS PA GSUM GYIS BSTAN TO, ,SA DANG YID LA BYED PA CI'I PHYIR GZHAG CE NA; 'DU SHES MED PA'I SNYOMS PAR 'JUG PA BZHIN DU 'DU SHES MED PA LA DGE RGYAS KYI 'DOD CHAGS DANG BRAL LA GONG MA'I MA YIN PA ZHES BYA BA MED PAS SA GZHAG GO, ,'DU SHES MED PA'I SNYOMS PAR 'JUG PA BZHIN DU 'DU SHES MED PA LA 'BYUNG BA'I 'DU SHES SNGON DU 'GRO BA'I YID LA BYED PA ZHES BYA BA MED PAS YID LA BYED PA GZHAG GO, ,PHYI MA GSUM GYIS BSHAD PA NI 'DU SHES MED PAR SO SO'I SKYE BO'I GANG ZAG SNYOMS PAR 'JUG PAS GANG ZAG GIS BSHAD PA DANG, 'JUG PA'I RNAM PAR SHES PA DRUG 'GAGS PA'I RANG BZHIN YIN PAS RANG BZHIN GYIS BSHAD PA DANG, GZUGS KYI DUS KYI KHYAD @86B PAR LA GDAGS PAS BSHAD DO, ,SROG GI DBANG PO'I RANG BZHIN BSTAN PA'I SROG GI DBANG PO GANG ZHE NA ZHES DRIS TE, SROG GI DBANG PO'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE LA SROG CES KYANG BYA, 'TSO BA ZHES KYANG BYA STE, JI SRID MA SHI BAR GNAS KYI BAR DU 'TSO BAR BYED PAS NA SROG CES BYA LA, DE NYID SEMS CAN RIS 'DRA BA RNAMS SU GNAS PA LA DBANG BYED PAS NA DBANG PO ZHES BYA'O, ,DE'I LAN DU RIS 'DRA BA RNAMS SU SNGON GYI LAS KYIS 'PHANGS PAS GANG 'DU BYED RNAMS KYIS GNAS PA'I DUS NGES PA'O ZHES BYA BA SMOS TE, RIS ZHES BYA BA NI MI DANG LHA LA SOGS PA'I SEMS CAN GYI TSOGS MANG PO LA BYA'O, ,RIS MTSUNGS PAR GYUR PA LA RIS 'DRA BA ZHES BYA STE, JI LTAR MTSUNGS SHE NA, LHA DANG MI DANG LHA MA YIN DANG BYOL SONG LA SOGS PA 'GRO BA THA DAD PA DANG, LAS DGE BA DANG, MI DGE BA THA DAD PA'I RGYUS KHA CIG SNGON GYI LAS KYIS 'PHANGS NAS RGYAL POR BYED PA DANG, KHA CIG NI SNGON GYI LAS KYIS 'PHANGS NAS SPRANG PO BYED PA LA SOGS PA SEMS CAN SO SOR SKYES PA DE DAG KUN KYANG TSE RE RE YOD PA LAS SO SO'I PHUNG PO LNGA RGYUN 'DRA BA LA RIS 'DRA BA ZHES BYA STE, RIS 'DRA BA RNAMS SU ZHES BYA BA NI SEMS CAN PHUNG PO 'DRA BA 'DZIN PA RNAMS KYI NANG GNAS SU SKYES ZHES BYA BA'I DON TO, ,DE'ANG CIS SKYES SHE NA, TSE RABS SNGA MA'I LAS DGE BA DANG, MI DGE BA DANG, MI G-YO BA'I LAS KYIS BSKYED PA NA LAS KYIS 'PHANGS PA ZHES BYA'O, ,DE LA MI DGE BA'I LAS KYIS NI NGAN SONG GSUM DU SKYE BAR BYED DO, ,DGE BA'I LAS KYIS NI MI DANG 'DOD PA'I KHAMS KYI LHA DRUG GI NANG DU SKYE PAR BYED DO, ,MI G-YO BA'I LAS KYIS NI GZUGS DANG GZUGS MED PA'I KHAMS SU SKYE BAR BYED DO, ,'DU BYED RNAMS KYI ZHES BYA BA NI PHUNG PO LNGA RNAMS KYI ZHES BYA BA'I DON TO, ,GNAS PA ZHES BYA BA NI DANG PO SKYE BA'I SKAD CIG MA NAS BRTZAMS TE SHI BA'I BAR DU PHUNG PO LNGA'I RGYUN RGYUN MA CHAD PA LA GNAS PA ZHES BYA'O; ,DUS NGES PA ZHES BYA BA NI RIS MTHUN PA RNAMS SU SNGON GYI LAS DGE BA DANG MI DGE BA'I RGYUS LO BRGYA ZHIG GNAS PAR 'GYUR BA'AM, LO STONG ZHIG GNAS PAR 'GYUR BA LA SOGS PA TSE'I TSAD RING THUNG LA DUS NGES PA ZHES BYA STE, KHA CIG TSE RING BAR DUS NGES KHA CIG TSE THUNG BAR DUS NGES PA'O, ,DE YANG @87A *, ,DPER NA BYANG GI SGRA MI SNYAN GYI SEMS CAN PHUNG PO LNGA'I RGYUN LO STONG GI BAR DU GNAS PAR DUS 'CHAD PA STE, DE LA SROG GI DBANG PO ZHES BYA'O, ,DE LTAR NA PHUNG PO LNGA RNAMS GNAS PA'I DUS NGES PA LA SROG GI DBANG PO ZHES BYA BAR ZAD PAS SROG GI DBANG PO YANG GZUGS DANG SEMS DANG SEMS LAS BYUNG BA GSUM GYI DUS LA GDAGS PAR ZAD KYI RDZAS SU LOGS SHIG NA YOD PA NI MA YIN NO, ,RIS 'DRA BA'I RANG BZHIN BSTAN PA'I PHYIR, RIS 'DRA BA GANG ZHE NA ZHES DRIS TE, RIS 'DRA BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU GANG SEMS CAN RNAMS KYI LUS 'DRA BA'O, ZHES BYA BA SMOS TE, LHA DANG MI DANG BYOL SONG DANG YI DVAGS DANG, SEMS CAN DMYAL BA STE, 'GRO BA LNGAR SKYES PA LA SEMS CAN ZHES BYA'O, ,SEMS CAN DE DAG DNGOS PO GANG LA BDAG GAM BDAG GIR 'DZIN PA'I DNGOS PO DE LA LUS ZHES BYA STE, 'DOD PA DANG GZUGS KYI KHAMS NA NI PHUNG PO LNGA LA BDAG TU 'DZIN; GZUGS MED PA'I KHAMS NA NI PHUNG PO BZHI LA BDAG TU 'DZIN PAS DON DU NA PHUNG PO LNGA LA LUS ZHES BYA'O, ,SO SO'I PHUNG PO LNGA CHAR MTHUN PA LA LUS 'DRA BA ZHES BYA STE, MI YANG MI RNAMS DANG PHUNG PO LNGA 'DRA, LHA YANG LHA RNAMS DANG PHUNG PO LNGA 'DRA, BYOL SONG YANG BYOL SONG RNAMS DANG PHUNG PO LNGA MTHUN PA LA RIS 'DRA BA ZHES BYA'O, ,DE LA DBYE NA PHUNG PO LNGA MTHUN PA 'BA' ZHIG LA RIS 'DRA BA ZHES GDAGS PAR MA ZAD KYI RGYAL PO SO SO'I CHA LUGS DANG SPYOD PA MTHUN PA LA YANG RIS 'DRA BA ZHES BYA BA DANG, SKYES PA YANG SKYES PAR CHA LUGS MTHUN, BUD MED KYANG BUD MED DANG CHA LUGS MTHUN, MA NING YANG MA NING DANG CHA LUGS MTHUN, DGE SLONG PHA YANG DGE SLONG PHA DANG CHA LUGS MTHUN, DGE SLONG MA YANG DGE SLONG MAR CHA LUGS MTHUN, DGE BSNYEN PHA YANG DGE BSNYEN PHAR CHA LUGS MTHUN, DGE BSNYEN MA YANG DGE BSNYEN MAR CHA LUGS MTHUN PA DANG, BYOL SONG YANG NANG DBYE NA RTA YANG RTAR CHA LUGS MTHUN PA LA SOGS PA CHA LUGS MTHUN PA ZHES BYA'O, ,DE LTAR NA PHUNG PO LNGA MTHUN PA LA RIS 'DRA BA ZHES BYA BAS RIS 'DRA BA YANG GZUGS DANG, SEMS DANG, SEMS LAS BYUNG BA'I DUS LA GDAGS PAR ZAD KYI RDZAS SU MED DO, ,SKYE BA'I RANG BZHIN BSTAN PA'I PHYIR, SKYE BA GANG ZHE NA ZHES @87B DRIS TE; SKYE BA'I RANG BZHIN DANG MTSAN NYID GANG ZHE NA ZHES DRIS PA'I DON TO, DE'I LAN DU RIS MTHUN PA GANG 'DU BYED RNAMS MA BYUNG BA LAS BYUNG BA'O ZHES BYA BA SMOS TE, GANG ZHES BYA BA NI SEMS CAN GANG ZHES BYA BA'I DON TO, ,RIS MTHUN PAR ZHES BYA BA NI SEMS CAN SEMS CAN SO SO'I PHUNG PO LNGA MTHUN PA'I NANG DU TSE RABS SNGA MA'I LAS KYIS 'PHANGS NAS PHUNG PO LNGA SKYES PA LA SKYE BA ZHES BYA BA'I DON TO, ,RI MTHUN PA SMOS PAS NI 'DU BYED RNAM PA GNYIS TE, RTZVA SHING LA SOGS PA PHYI'I 'DU BYED DANG, PHUNG PO LNGA STE NANG GI 'DU BYED LAS, 'DIR NANG GI 'DU BYED SKYES PA LA SKYE BA ZHES BYA BAR 'DOD KYI, PHYI'I 'DU BYED SKYES PA RNAMS 'DIR BSHAD PA'I SKYE BA'I NANG DU MI BSDU'O, ,DE LA NYAN THOS RNAM PAR SMRA BA PA RNAMS NI PHUNG PO LNGA SKYES TE 'GAGS PA DANG, MA SKYES TE MA 'ONGS PA DANG, MA ZHIG STE DA LTAR GNAS PA LAS MA GTOGS PAR SKYE BA ZHES BYA BA'I RDZAS ZHIG LOGS SHIG NA YOD PAR RTOGS TE, LTA BA DE BSAL BAR BYA BA'I PHYIR, 'DU BYED RNAMS MA BYUNG BA LAS BYUNG BA'O ZHES BYA BA SMOS TE 'DU BYED RNAMS ZHES BYA BA NI PHUNG PO LNGA LA BYA'O, ,RIS MTHUN PA RNAMS SU PHUNG PO LNGA SNGON MA SKYES PA LAS PHYIS SKYES PA LA SKYE BA ZHES GDAGS BAR ZAD KYI, DE LAS MA GTOGS PA'I SKYE BA'I RDZAS LOGS SHIG NA YOD PA MA YIN NO ZHES BYA BA'I DON TO, ,RGA BA'I RANG BZHIN BSTAN PA'I PHYIR, RGA BA GANG ZHE NA ZHES DRIS TE, RGA BA'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, DE LTAR DE DAG GI RGYUN GZHAN DU GYUR PA'O ZHES BYA BA SMOS TE, DE LTAR ZHES BYA BA NI GONG DU BSHAD PA LTAR TE, RIS MTHUN PA RNAMS SU PHUNG PO LNGA SKYES PA'O, ,DE DAG GI ZHES BYA BA NI PHUNG PO LNGA RNAMS DAG GI'O, ,RGYUN ZHES BYA BA LA DANG PO MA'I MNGAL DU RNAM PAR SHES PA MTSAMS SBYOR TE, BRGYAL BA NAS BRTZAMS TE, MER MER PO DANG, NUR NUR PO DANG LTAR LTAR PO DANG, SKA BA DANG, YAN LAG DOD PA DANG; BYIS PA DANG, GZHON NU DANG, NGAR LA BAB PA DANG, RGAS PA LA SOGS PA RIM GYIS 'BYUNG BA LAS, THA MAR 'CHI BA'I SRID PA PHUNG PO LA THUG GI BAR DU SKAD CIG MAR GNAS PA LA SKAD CIG MA SNGA MA SNGA MA NI RGYU SKAD CIG MA PHYI MA PHYI MA NI 'BRAS BUR GYUR PA'I SKAD CIG MA RNAMS RGYUN MA CHAD PA LA RGYUN @88A *, ,CES BYA BA'AM, MER MER PO LA SOGS PA SNGA MA NI RGYU YIN LA LTAR LTAR PO LA SOGS PA PHYI MA PHYI MA'I NI 'BRAS BU YIN PA'I RGYU DANG 'BRAS BUR GNAS PA RGYUN MA CHAD PA LA RGYUN ZHES BYA'O, ,SNGA MA'I NGO BO LAS PHYI MI'I NGO BO MI 'DRA BAR SKYES PA LA GZHAN DU GYUR PA ZHES BYA STE, MER MER PO'I DUS LAS NUR NUR PO'I TSE GZHAN DU GYUR PA DANG, BYIS PA'I DUS LAS GZHON NU'I DUS GZHAN DU GYUR PA NAS, DAR LA BAB PA'I DUS LAS RGA BA'I DUS GZHAN DU GYUR PA LA RGA BA ZHES BYA'O ZHES BYA BA'I DON TO, ,JI LTAR MER MER PO LAS NUR NUR PO DUS GZHAN DU GYUR PA LA RGA BA ZHES GDAGS PA DE BZHIN DU MER MER PO LA YANG SKAD CIG MA MANG PO YOD PA LAS SKAD CIG MA SNGA MA DANG MI 'DRA BA'I SKAD CIG MA PHYI MA GZHAN SKYES PA LA GZHAN DU GYUR PA ZHES BYA STE, DE LA YANG RGA BA ZHES BYA'O, ,DE LTAR NA PHUNG PO LNGA'I RGYUN GZHAN DU GYUR PA LA RGA BA ZHES GDAGS PAS RGA BA 'DI YANG GZUGS DANG SEMS DANG SEMS LAS BYUNG BA'I DUS LA GDAGS PA TZAM DU ZAD KYI LOGS SHIG NA RDZAS SU YOD PA NI MA YIN NO ZHES BSTAN PA YIN NO, ,DE LTA BAS NA RGYUN GZHAN DU GYUR PA LA RGA BA ZHES GDAGS PAS NYAN THOS RNAM PAR SMRA BA PA RNAMS SKAD CIG MA GCIG LA SKYE BA DANG, GNAS PA DANG, RGA BA DANG, 'CHI BA KUN YOD LA, DE DAG KYANG PHUNG PO LNGA LAS MA GTOGS PAR LOGS SHIG NA RDZAS SU YOD DE, ,SKYE BA'I RDZAS LOGS SHIG NA YOD PAS NI DNGOS PO SKYED PAR BYED, GNAS PA'I RDZAS LOGS SHIG NA YOD PAS NI DNGOS PO GNAS PAR BYED, RGA BA'I RDZAS LOGS SHIG NA YOD PAS NI DNGOS PO RGA BAR BYED; 'CHI BA'I RDZAS LOGS SHIG NA YOD PAS NI DNGOS PO ZHIG PAR BYED DE ZHES RTOG PA SEL TE, PHUNG PO LNGA'I RGYUN GZHAN DU GYUR PA LA RGA BA ZHES GDAGS KYI SKAD CIG MA GCIG LA YANG RGA BA ZHES MI BYA LA RGA BA ZHES BYA BA'I RDZAS LOGS SHIG NA YANG YOD PA MA YIN ZHES BYA BA'I DON TO, ,YANG NA RIS MTHUN PA RNAMS SU PHUNG PO LNGA SKYES NAS SKAD CIG MA'I RGYUN DU GNAS PA LAS SKRA DKAR DANG, SGUR BA DANG, GNYER MA CAN DANG, 'KHAR BA LA BRTEN PA'I MTSAN NYID DU GZHAN DU GYUR PA LA RGA BA ZHES BYA'O, ,GNAS PA'I RANG BZHIN BSTAN PA'I PHYIR GNAS PA GANG ZHE NA ZHES DRIS TE, GNAS PA'I RANG BZHIN @88B DANG MTSAN NYID GANG ZHE NA ZHES DRIS PA'I DON TO, ,DE'I LAN DU DE LTAR DE DAG GI RGYUN RJES SU 'BRANG BA'O ZHES BYA BA SMOS TE, DE LTAR ZHES BYA BA NI GONG DU BSHAD PA LTAR TE, RIS MTHUN PA RNAMS SU PHUNG PO LNGA SKYES PA'O, ,DE DAG GIS ZHES BYA BA NI PHUNG PO LNGA RNAMS KYI'O, ,RGYUN ZHES BYA BA NI DANG PO MA'I MNGAL DU RNAM PAR SHES PA MTSAMS SBYOR BA NAS BRTZAMS TE, NAM MA SHI'I BAR DU PHUNG PO LNGA SKAD CIG MA'I MTSAN NYID DU GNAS PA LA RGYUN ZHES BYA'O, ,DE LTAR NA SKAD CIG MA'I MTSAN NYID DE DAG SKAD CIG MA SNGA MA'I RJES SU PHYI MA 'BRANG STE, RJES SU 'BRANG BA RGYUN MA CHAD PA LA GNAS PA ZHES BYA'O, ,DE LTAR NA PHUNG PO LNGA RGYUN MA CHAD PA LA GNAS PA ZHES BYA BAS GNAS PA ZHES BYA BA YANG GZUGS DANG, SEMS DANG SEMS LAS BYUNG BA'I DUS SU GDAGS PAR ZAD KYI NYAN THOS RNAM PAR SMRA BA BA RNAMS KYI SKAD CIG MA GCIG LA YANG GNAS PA YOD LA GNAS PA ZHES BYA BA'I RDZAS DE YANG PHUNG PO LNGA LAS MA GTOGS PAR LOGS SHIG NA YOD DO ZHES BRTAGS PA LTA BUR NI YOD PA MA YIN NO ZHES BSTAN PA YIN NO, ,MI RTAG PA'I RANG BZHIN BSTAN PA'I PHYIR, MI RTAG PA GANG ZHE NA ZHES DRIS TE, MI RTAG PA'I RANG BZHIN DANG, MTSAN NYID GANG ZHE NA ZHES DRIS PA'I DON TO, ,DE'I LAN DU DE LTAR DE DAG GI RGYUN 'JIG PA'O ZHES BYA BA SMOS TE; DE LTAR ZHES BYA BA NI GONG DU BSHAD PA LTAR TE, RIS MTHUN PA RNAMS KYI NANG DU PHUNG PO LNGA SKYES PA'O, ,DE DAG GI ZHES BYA BA NI PHUNG PO LNGA DAG GI'O, ,RGYUN ZHES BYA BA NI PHUNG PO LNGA PO SKYES PA NAS BRTZAMS TE, MA SHI BA'I BAR DU SKAD CIG MA'I MTSAN NYID BRENG MA CHAD PA LA RGYUN ZHES BYA'O, , 'JIG PA NI RIS MTHUN PA'I PHUNG PO LNGA'I SKAD CIG MA'I RGYUN CHAD NAS SKAD CIG MA SNGA MA'I RJES SU PHYI MA MI 'BRANG BA BYUNG STE, RIS MI MTHUN PA'I SKAD CIG MA'I GZHAN SKYES PA LA 'JIG PA ZHES BYA STE, DE NYID LA MI RTAG PA ZHES GDAGS SO, ,DON DU NI MI LA SOGS PA RIS MTHUN PAR SKYES PA'I PHUNG PO RGYUN CHAD DE SHI NAS BYOL SONG LA SOGS PA'I PHUNG BO RIS MI MTHUN PA'I PHUNG PO GZHAN BLANGS PA LA MI RTAG PA ZHES BYA'O, ,DE LTAR RIS MI MTHUN PA'I PHUNG PO LNGA RGYUN CHAD PA LA MI RTAG PA ZHES BYA BA LAS MI RTAG PA ZHES BYA BA YANG GZUGS DANG, SEMS DANG SEMS LAS BYUNG BA'I DUS LA GDAGS PAR @89A *, ,ZAD DE, DE LTA BAS NA NYAN THOS KYIS BRTAGS PA LTAR SKAD CIG MA GCIG LA MI RTAG PAR BRTAGS BA LTA BU YANG MI RTAG PA MA YIN PA RIS MTHUN PA'I PHUNG PO LNGA'I RGYUN 'JIG PA LA MA GTOGS PAR MI RTAG PA'I RDZAS LOGS SHIG NA YOD PA YANG MA YIN NO ZHES BSTAN PA YIN NO; ,SMRAS PA PHYI'I 'DU BYED RTZVA SHING LA SOGS PA DANG, NANG GI 'DU BYED PHUNG PO LNGA STE, GNYI GA LA YANG SKYE BA DANG, RGA BA DANG, GNAS PA DANG MI RTAG PA YOD PAR 'DRA BAR SMRA BA LAS NANG GI 'DU BYED 'BA' ZHIG LA SKYE BA DANG, RGA BA DANG, GNAS PA DANG MI RTAG PA YOD PAR BSHAD DE, PHYI'I 'DU BYED RNAMS LA CI'I PHYIR SKYE BA DANG, RGA BA DANG, GNAS PA DANG, MI RTAG PA YOD PAR MA BSHAD, SMRAS PA, BCOM LDAN 'DAS KYIS 'DU BYED RNAMS KYI MTSAN NYID SKYE BA DANG, RGA BA DANG, GNAS PA DANG, MI RTAG PAR GSUNGS PA GANG YIN PA DE NI SEMS CAN GYI GRANGS SU GTOGS PA NANG GI 'DU BYE DKYI DBANG DU BYAS TE GSUNGS KYI RTZVA SHING LA SOGS PA PHYI'I 'DU BYED KYI DBANG DU BYAS TE MA GSUNGS PAS, SLOB DPON GYIS KYANG SKYE BA DANG, RGA BA LA SOGS PA NANG GI 'DU BYED LA YOD PAR BSHAD KYI PHYI'I 'DU BYED LA YOD PAR MA BSHAD DO, ,SMRAS PA, PHYI NANG GI 'DU BYED GNYI GA LA YANG SKYE BA DANG RGA BA LA SOGS PA YOD PAR 'DRA BA LAS BCOM LDAN 'DAS KYIS NANG GI 'DU BYED 'BA' ZHIG LA SKYE BA DANG, RGA BA YOD PAR GSUNGS TE, PHYI'I 'DU BYED RNAMS LA CI'I PHYIR SKYE BA DANG, RGA BA YOD PAR MA GSUNGS, SMRAS PA, 'JIG RTEN PA DANG MTHUN PAR BYA BA'I PHYIR TE 'DI LTAR 'JIG RTEN NA NI PHYI'I 'DU BYED RNAMS KYI SKYE BA DANG RGA BA LA SOGS 'BYUNG BA DANG, 'JIG PA ZHES MA GRAGS LA NANG GI 'DU BYED RNAMS LA SKYE BA DANG 'JIG PA LA NI SKYE BA DANG, RGA BA DANG, GNAS PA DANG, MI RTAG PAR GRAGS PAS 'JIG RTEN DU GRAGS PA DANG MTHUN PAR BYA BA'I PHYIR BCOM LDAN 'DAS KYIS KYANG PHYI'I 'DU BYED RNAMS KYI SKYE BA DANG, RGA BA LA NI 'BYUNG BA DANG 'JIG PAR MA GSUNGS, NANG GI 'DU BYED RNAMS KYI SKYE BA DANG, 'JIG PA LA NI SKYE BA DANG, GNAS PA DANG, RGA BA DANG, MI RTAG PAR GSUNGS SO, ,MING GI TSOGS KYI RANG BZHIN DE LA MING ZHES BYA BA'I DON BSTAN PA'I PHYIR, @89B MING GI TSOGS GANG ZHE NA ZHES DRIS TE, MING GI TSOGS KYI RANG BZHIN DANG, MTSAN NYID GANG ZHE NA ZHES DRIS PA'I DON TO, ,DE LA MING GI BUM PA DANG, SNAM BU DANG, GZUGS DANG, SGRA ZHES BYA BA LA SOGS PA'O, ,DE LA MING ZHES BYA BA'I DON CI ZHE NAN, DON LA RNAM PAR SHES PA GZHOL ZHING 'JUG PAR BYED PA'AM RNAM PAR SHES PA'I DON RTOGS PAR BYED PA'I RJOD PAR BYED PA DANG, RJOD PAR BYED PA LA MING ZHES BYA'O, ,DE LA RJOD PAR BYED PA NI MA DANG BUM PA LA SOGS PA'I DNGOS PO'O, ,BRJOD PA NI ME ZHES BYA BA'I SGRA DANG BUM PA ZHES BYA BA'I SGRA LA BYA STE, ME DANG BUM PA ZHES BYA BA'I SGRA DE BRJOD PAS RNAM PAR SHES PAS ME DANG DU MA PA'I DON DE RTOGS SHING SHES PAR 'GYUR BAS NA ME DANG BUM PA ZHES BYA BA'I SGRA LA MING ZHES GDAGS SO, ,DON DU NA MED DANG BU MA PA LA SOGS PA'I DON BRDA PHRAD PAR BYED PA'I YI GE AA DANG KA LA SOGS PA MANG PO TSOGS PA LA MING ZHES BYA'O ZHES BANG DON TO; ,TSOGS ZHES BYA BA NI MING YANG YI GE AA DANG KA LA SOGS PA MANG PO 'DUS PA LAS GYUR PAS NA TSOGS ZHES BYA BA'AM, YANG NA LHA SBYIN ZHE 'AM, MCHOD SBYIN ZHE 'AM, GZUGS SHE 'AM SGRA ZHES BYA BA LA SOGS PA'I MING NYID GRANGS KYIS MANG BA'I PHYIR TSOGS ZHES BYA'O, ,DE'I LAN DU, CHOS RNAMS KYI NGO BO NYID KYI TSIGS BLA DAGS SO ZHES BYA BA LA SOGS PA SMOS TE, DE LA SNAM BU DANG, BUM PA DANG, GZUGS DANG, SGRA LA SOGS PA DANG, YANG SA DANG CHU DANG, ME DANG, RLUNG LA SOGS PA LA TSOGS RNAMS ZHES BYA'O, ,CHOS DE DAG GI NGO BO NYID NI CHOS DE DAG GI SO SO'I MTSAN NYID LA BYA STE, DPER NA SA'I MTSAN NYID NI SRA BA DANG, CHU'I MTSAN NYID NI GSHER BA DANG, ME'I MTSAN NYID NI TSA BA LTA BU'O, ,DE LA CHOS RNAMS KYI RANG BZHIN NI TSIG GIS BSTAN CING BRJOD PAR MI NUS PA YIN TE, GAL TE CHOS RNAMS KYI MTSAN NYID TSIG GIS BRJOD PAR NUS NA NI MI 'GYUR BAS NI ME ZHES BRJOD PA TZAM GYIS LCE TSIG PAR 'GYUR LA, CHU ZHE BRJOD PAS SKOM NGOMS PAR 'GYUR BA'I RIGS NA, ME ZHES BRJOD PA TZAM GYIS KYANG LCE TSIG PAR MI 'GYUR LA, CHU ZHES BRJOD PA TZAM GYIS KYANG SKOM NGOMS PAR MI 'GYUR BAS CHOS RNAMS KYI MING SA DANG, @90A *, ,CHU LA SOGS PAR BLA DAGS SU BTAGS PA YIN PAS NA CHOS RNAMS KYI NGO BO NYID KYI TSIG BLA DAGS ZHES BYA'O, ,DE LTAR CHOS RNAMS KYI MTSAN NYID BRJOD DU MED KYANG 'DI NI SA 'DI NI CHU ZHES BRJOD PA'I TSIG DE LA MING ZHES BYA'O, ,DE BAS NA MING GI TSOGS 'DI YANG GZUGS DANG, SEMS DANG SEMS LAS BYUNG BA'I DUS LA GDAGS PAS BTAGS PAR YOD KYI RDZAS SU MED DO, ,TSIG GI TSOGS KYI RANG BZHIN BSTAN PA'I PHYIR TSIG GI TSOGS GANG ZHE NA ZHES DRIS TE, TSIG GI TSOGS KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU CHOS RNAMS KYI KHYAD PAR GYI TSIG BLA DAGS SO ZHES BYA BA SMOS TE, CHOS NI BUM PA DANG, SNAM BU DANG, GZUGS DANG, SGRA LA SOGS PA'O, ,CHOS RNAMS KYI KHYAD PAR NI CHOS DE DAG GI BYE BRAG STE, MI RTAG PA DANG, SDUG BSNGAL LA SOGS PA'I MTSAN NYID DO, ,TSIG CES BYA BA'I DON KYANG TSIG CES BYA BA 'DIS DON DANG BCAS PA'I KHYAD PAR KHONG DU CHUD PAR BYED CING STON PAR BYED PAS NA TSIG CES BYA BA'AM KHYAD PAR CAN GYI DON STON CING KHONG DU CHUD PAR BYED PAS NA TSIG CES BYA'O, ,DE LTAR TSIG GI DON GYI KHYAD PAR STON PAR BYED PAS NA, MING DANG 'JIG RTEN GYI TSIG LAS GTUG LAG TU BYAS PA'I TSIG BYE BRAG YOD PAR STON TO, ,CI LTAR ZHE NA, MING GIS NI CHOS RNAMS KYI NGO BO NYID STON LA, TSIG GIS NI CHOS RNAMS KYI KHYAD PAR NYID STON TE, MING GIS MI ZHES BRJOD PA TZAM DU BSTAN PA LAS TSIG GIS ME TSA BA ZHES BRJOD NA, ME TSA BA'I MTSAN NYID DU KHYAD PAR DU STON PAR BYED PA DANG; MING GIS 'DUS BYAS ZHES BRJOD NA TSIG GIS 'DUS BYAS MI RTAG PA ZHES BRJOD PAS 'DUS BYAS MI RTAG PA'I MTSAN NYID DU STON PAR BYED PAS NA MING DANG TSIG GNYIS LA BYE BRAG YOD DO, ,GTZUG LAG GI TSIG NI 'JIG RTEN GYI TSIG LAS KYANG BYE BRAG YOD PAR STON TO, ,JI LTA ZHE NA LHA SBYIN 'BRAS TSOS ZHES PA LA, 'JIG RTEN PA RNAMS LHA SBYIN ZHES BYA BA LA YANG TSIG GCIG TU LTA, 'BRAS ZHES BYA BA LA YANG TSIG GCIG TU LTA, CHOS ZHES BYA BA YANG TSIG GCIG TU LTA LA, GTZUG LAG LAS NI 'DU BYED KUN MI RTAG CES PA LA TSIG GCIG TU 'DZIN TE, DES 'DUS BYAS KUN MI RTAG @90B PA YIN ZHES KHYAD PAR GYI DON STON PAR BYED PAS NA, 'JIG RTEN GYI TSIG DANG YANG BYE BRAG YOD PAR STON TO, ,SMRAS PA, LHA SBYIN ZHES BYA BA'I MING YANG LA DANG HA LA SOGS PA'I YI GE TSOGS PA LAS GYUR PA YIN, 'DUS BYAS MI RTAG CES BYA BA'I TSIG KYANG DE DANG BA LA SOGS PA'I YI GE TSOGS PA LAS GYUR PA YIN NA, DE GNYIS LA KHYAD PAR CI YOD, SMRAS PA, MING DANG TSIG GNYIS YI GE 'DUS PA YIN PAR KHYAD PAR MED DU ZIN KYANG, DON GYI KHYAD PAR LAS KHYAD PAR DU DBYE STE, MING GIS NI CHOS RNAMS KYI RANG BZHIN TZAM STON LA, TSIG GIS NI CHOS RNAMS KYI KHYAD PAR STON PAR BYED PA'I PHYIR RO; ,DE BAS NA CHOS RNAMS KYI RANG GI MTSAN NYID TZAM STON PA LA MING ZHES BYA LA, CHOS DE RTAG PA YIN NAM MI RTAG PA YIN PA LA SOGS PA DON GYI KHYAD PAR DU STON PAR BYED PA LA TSIG GI TSOGS ZHES BYA'O, ,SMRAS PA, MING DANG TSIG GI TSOGS GNYIS LAS TSIG GI TSOGS PAS CI'I PHYIR MING GI TSOGS SNGAR BSHAD, SMRAS PA, CHOS RNAMS RTAG PA DANG MI RTAG PA LA SOGS PA'I TSIG GI GNAS NI MING YIN TE, BUM PA ZHES BYA BA DANG, SNAM BU ZHES BYA BA'I MING LA BRTEN NAS BUM PA RTAG PA ZHE'AM BUM PA MI RTAG PA ZHES BYA BA'I TSIG 'JUG PAR 'GYUR BAS NA TSIG PAS MING SNGAR BSHAD DO, ,CHOS RNAMS KYI KHYAD PAR ZHES BYA BA LA, KHYAD PAR GYI DON JI LTA BU ZHE NA, BUM PA ZHES BYA BA NI MING YIN LA, BUM PA NI MI RTAG PA ZHES BYA BA NI KHYAD PAR YIN PA'AM BUM PA RTAG PA ZHES BYA BA NI KHYAD PAR YIN NO, ,YANG NA 'DUS BYAS THAMS CAD MI RTAG PA ZHES BRJOD PA DANG, JI SNYED KYI 'DUS BYAS THAMS CAD NI MI RTAG PA YIN ZHES KHONG DU CHUD LA, DE DANG MI MTHUN PA'I 'DUS MA BYAS NI MI RTAG PA MA YIN TE, MI RTAG PA LA SOGS PAS RTAG PA YIN PAR STON PA'I TSIG NI CHOS RNAMS KYI KHYAD PAR GYI TSIG CES BYA STE, TSIG DE'ANG GANG ZHE NA 'DI LTA STE, 'DUS BYAS THAMS CAD NI MI RTAG PA'O, ,CHOS THAMS CAD NI BDAG MED PA'O, ,ZHI BA NI MYA NGAN LAS 'DAS PA'O ZHES GSUNGS PA LTA BU'O, ,'DUS BYAS ZHES BYA BA NI RANG BZHIN GYI DON TE MING YIN LA, 'DUS BYAS BSDUS NAS 'DUS BYAS THAMS CAD MI RTAG PAR BSTAN PA NI KHYAD PAR GYI DON TE TSIG CES BYA'O, , @91A *, ,CHOS ZHES BYA BA NI RANG BZHIN GYI DON TE MING YIN LA, BSDUS NAS CHOS THAMS CAD BDAG MED PAR BSTAN PA NI, ,KHYAD PAR GYI DON TE TSIG YIN NO, ,MI RTAG PA LA SOGS PA'I KHYAD PAR GYI DON YANG TSIG GIS BSTAN CING BRJOD PAR MI NUS PA LAS 'DUS BYAS MI RTAG CES BRJOD PA 'DI BLA DAGS SU SGRO BTAGS PA YIN PAS NA TSIG BLA DAGS ZHES BYA'O, ,TSIG DE LA YANG GRANGS KYIS MANG DU YOD PA'I PHYIR TSIG GI TSOGS ZHES BYA'O, ,DE BAS NA TSIG 'DI NI GZUGS DANG, SEMS DANG SEMS LAS BYUNG BA'I DUS SU GDAGS PAS BTAGS PAR YOD KYI RDZAS SU MED PAR RIG PAR BYA'O, YI GE'I TSOGS KYI RANG BZHIN BSTAN PA'I PHYIR, YI GE'I TSOGS GANG ZHE NA ZHES DRIS TE, YI GE'I TSOGS KYI RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU, YI GE'I 'BRU RNAMS TE ZHES BYA BA SMOS TE, YI GE NI AA DANG KA LA SOGS PA'O, , AA DANG KA NAS BRTZAMS TE KshA'I BAR DU YI GE'I 'BRU THAMS CAD LA YI GE'I TSOGS ZHES BYA'O, ,YI GE DE LA MING RNAM PA GSUM DU GRAGS TE 'BYED PA DANG, BRJOD PA DANG, YI GE'O, ,YI GE'I DON DA LA CI'I PHYIR 'BYED PA ZHES BYA ZHE NA, DE'I LAN DU DE GNYI GA 'DU BYED PA'I PHYIR RO ZHES BYA BA SMOS SO; ,GONG DU BSHAD MA THAG PA'I LHA SBYIN ZHES BYA BA'I MING DANG, GONG DU BSHAD MA THAG PA'I 'DUS BYAS MI RTAG CES BYA BA'I TSIG GNYI GA YI GES GSAL BAR STON PAR BYED PAS NA YI GE LA 'BYED PA ZHES BYA'O, ,JI LTAR NA YI GES MING DANG TSIG GSAL BAR BYED CE NA, NAM YI GE RNAMS 'DUS NAS BUM PA DANG, SNAM BU ZHES BYA BA LA SOGS PA'I NGO BO NYID KYI TSIG BLA DAGS SU GYUR PA'I TSE NA NI YI GE LA MING GI TSOGS ZHES BYA LA, NAM YI GE RNAMS 'DUS NAS 'DUS BYAS MI RTAG CES BYA BA'I KHYAD PAR GYI TSIG BLA DAGS SU GYUR BA'I TSE NA NI YI GE DE NYID LA TSIG GI TSOGS ZHES BYA BAS NA YI GE NI MING DANG TSIG GI TSOGS GSAL BAR BYED PA YIN NO, ,SMRAS PA, DE ZHES BYA BA'I SGRA SMOS PAS CHOG MOD GNYI GA ZHES SMOS PA'I SGRA CI DGOS SHE NA, LAN DU GAL TE DE ZHES BYA BA'I SGRA 'BA' ZHIG SMOS KYI GNYI GA'I SGRA MA SMOS NA NI YI GE BSHAD MA THAG PA'I TSIG GI TSOGS 'BA' ZHIG GSAL BAR BYED PA @91B LTA BUR SNYEMS KYI TSIG GI TSOGS KYI GONG DU BSHAD PA MING GI TSOGS LA GSAL BAR BYED PAR MI SNYEMS PAR 'GYUR RO, ,SMRAS PA, DE LTA NA GNYI GA ZHES SMOS PAS CHOG MOD DE ZHES BYA BA'I SGRA SMOS CI DGOS SHE NA LAN DU GAL TE GNYI GA ZHES BYA BA'I SGRA 'BA' ZHIG SMOS LA, DE ZHES BYA BA'I SGRA MA SMOS NA NI GNYI GA ZHES BYA BA DE GONG DU BSHAD PA'I MING DANG, TSIG GNYIS LA BYA BA'AM 'ON TE DE MA YIN PA'I CHOS GZHAN ZHIG GNYIS LA BYA GANG LA BYA GTOL MED PAR 'GYUR TE, DE BAS NA GONG DU BSHAD PA'I MING DANG TSIG GNYIS GSAL BAR YI GES 'BYED DE ZHES BSTAN PA'I PHYIR DE ZHES BYA BA'I TSIG DANG, GNYI GA ZHES BYA BA'I TSIG SMOS SO, ,YI GE'I MING GNYIS BSTAN PA'I PHYIR, BRJOD PA YANG DE DAG YIN TE ZHES BYA BA SMOS TE, YI GE DE DAG LA MING DU BRJOD PA ZHES KYANG BYA BA'I DON TO, ,YI GE LA CI'I PHYIR BRJOD PA ZHES BYA ZHE NA, DE'I PHYIR MING DANG TSIG DE LA GNAS NAS, DON YANG DAG PAR RJOD PAR BYED PA'I PHYIR RO ZHES BYA BA SMOS TE, YI GE'I 'BRU LA BRTEN NAS LHA SBYIN ZHES BYA BA'I MING BYUNG STE, LHA SBYIN ZHES BYA BA'I MING GIS LHA SBYIN ZHES BYA BA'I RANG BZHIN GYI DON BRJOD CING STON PAR BYED PA DANG, YI GE 'DUS PA LA BRTEN NAS 'DUS BYAS MI RTAG CES BYA BA'I TSIG 'BYUNG STE, TSIG DES 'DUS BYAS MI RTAG PA'I MTSAN NYID DU STON PA'I KHYAD PAR GYI DON BRJOD CING STON PAR BYED PAS NA YI GE LA MING DU BRJOD PA ZHES BYA'O, ,YANG NA YI GE LA BRTEN NAS MING DANG TSIG BYUNG MING DANG TSIG GIS NI DON MA NOR BAR STON PAR BYED PAS NA YI GE LA RJOD PAR BYED PA ZHES BYA'O, ,YI GE MING GSUM PA BSTAN PA'I PHYIR, YI GE YANG RNAM GRANGS GZHAN DU MI 'GYUR BAR BYED PA'I PHYIR ZHES BYA BA SMOS TE, AA LA SOGS PA'I YIG 'BRU LA, YI GE ZHES BYA BA YANG JI LTAR MING GI TSOGS MIG CES BYA BA DANG, LAG PA ZHES BYA BA DANG, RKANG PA ZHES BYA BA LA SOGS PA LA MING GZHAN BRJOD PA'I SGO NAS RNAM GRANGS GZHAN DU 'GYUR TE, MIG CES KYANG BYA, SPYAN ZHES KYANG BYA LA, MIG CES KYANG BYA BA'I DON RNAM GRANGS GZHAN SPYAN ZHES BYA BAS SHES PAR RUNG BA LTAR, YI GE AA LA SOGS PA LA AA ZHES BRJOD PA LAS MA GTOGS PAR AA'I MING GI RNAM GRANGS GZHAN MED LA, AA GO BAR BYA BA'I PHYIR @92A *, ,AA GO BAR BYED PA'I AA'I RNAM GRANGS GZHAN MED DE, RNAM GRANGS GZHAN DU MI 'GYUR BAS NA YI GE ZHES BYA'O, ,'DI YANG GZUGS LA SOGS PA'I DUS LA GDAGS PAS BTAGS PAR YOD PAR ZAD KYI RDZAS SU MED DO, ,DE CI'I PHYIR MING DANG TSIG DANG YI GE RNAMS BSHAD CE NA, NGO BO NYID LA THA SNYAD MKHAS PAR BYA BA DANG, KHYAD PAR LA THA SNYAD MKHAS PAR BYA BA DANG, DE GNYI GA LA THA SNYAD MKHAS PAR BYA BA'I PHYIR, DE GSUM BSHAD DE, CHOS RNAMS KYI NGO BO NYID LA THA SNYAD MKHAS PAR BYA BA'I PHYIR NI MING GI TSOGS BSTAN TO, ,CHOS RNAMS KYI KHYAD PAR LA THA SNYAD MKHAS PAR BYA BA'I PHYIR NI TSIG GI TSOGS BSTAN TO, ,DE GNYI GA LA THA SNYAD MKHAS PAR BYA BA'I PHYIR NI YI GE'I TSOGS BSTAN PA'O, ,SO SO'I SKYE BO'I RANG BZHIN BSTAN PA'I PHYIR, SO SO'I SKYE BO NYID GANG ZHE NA ZHES DRIS TE, SO SO SKYE BO'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU 'PHAGS PA'I CHOS RNAMS MA THOB PA'O ZHES BYA BA SMOS TE, 'PHAGS PA'I CHOS RNAMS MA RNYED PA'I MTSAN NYID DANG LDAN PA LA SO SO'I SKYE BO ZHES BYA'O, ,DE LA SDIG PA MI DGE BA'I CHOS RNAMS RING DU SPANGS PA LA NI 'PHAGS PA ZHES BYA STE, DE'ANG SLOB PA DANG MI SLOB PA STE RNAM PA GNYIS SO; ,DE LA THEG PA CHUNG NGU'I TSUL GYIS NI RGYUN DU 'JUG PA DANG, RGYUN DU 'JUG PA'I 'BRAS BU 'THOB PA DANG, LAN CIG PHYIR 'ONG BA LA 'JUG PA DANG, LAN CIG PHYIR 'ONG BA'I 'BRAS BU 'THOB PA DANG, PHYIR MI 'ONG BA LA 'JUG PA DANG PHYIR MI 'ONG BA'I 'BRAS BU THOB PA DANG, DGRA BCOM PA LA 'JUG PA'I BAR DU BDUN NI SLOB PA ZHES BYA'O, ,DGRA BCOM PA'I 'BRAS BU THOB PA NI MI SLOB PA ZHES BYA'O, ,THEG PA CHEN PO'I TSUL GYIS NI MOS PAS SPYOD PA'I SA PA NAS BRTZAMS TE, SA BCU PA MAN CHAD KYI BYANG CHUB SEMS DPA' LA SLOB PA ZHES BYA'O, ,'PHAGS PA DE DAG GI CHOS NI RNAM PA GSUM STE, MTHONG BA'I LAM DANG, BSGOM PA'I LAM DANG MI SLOB PA'I LAM STE, CHOS DE GSUM MA THOB PA LAS SO SO'I SKYE BO NYID CES BYA'O, ,DE LA THEG PA CHUNG NGU'I TSUL GYIS NI RGYUN DU 'JUG PA THOB PA'I TSE NI MTHONG BA'I LAM ZHES BYA'O, ,RGYUN DU 'JUG PA'I 'BRAS BU THOB @92B PA NAS DGRA BCOM PA LA 'JUG PA'I BAR DU, DRUG GI TSE NA NI BSGOM PA'I LAM ZHES BYA'O, ,DGRA BCOM PA'I 'BRAS BU THOB PA'I TSE NA NI MI SLOB PA'I LAM ZHES BYA'O, ,THEG PA CHEN PO'I TSUL GYIS NAS DANG PO'I TSE NA NI MTHONG BA'I LAM ZHES BYA'O, ,SA GNYIS PA NAS SA BCU MAN CHAD KYI TSE NI BSGOM PA'I LAM ZHES BYA'O, ,SANGS RGYAS KYI SA'I TSE NA NI MI SLOB PA'I LAM ZHES BYA'O, ,MA THOB CES BYA BA NI 'PHAGS PA'I CHOS DE RNAMS SEMS KYI RGYUD DAM, PHUNG PO'I RGYUD LAM SKYES PA LA BYA STE, DE LTAR 'PHAGS PA'I CHOS MA SKYES PA'I SEMS KYI RGYUD DAM PHUNG PO'I RGYUD LA NI SO SO'I SKYE BO ZHES BYA LA; PHUNG PO'I RGYUD LA SKYES PA LA NI 'PHAGS PA ZHES BYA BAS, 'PHAGS PA'I CHOS MA SKYES PA'I SEMS CAN GYI SEMS KYI RGYUD DAM PHUNG PO'I RGYUD LA NI SO SO'I SKYE BO ZHES BYA LA, 'PHAGS PA'I CHOS DE DAG PHUNG PO'I RGYUD DAM SEMS KYI RGYUD LA SKYES PA LA NI 'PHAGS PA ZHES BYA BAS SO SO'I SKYE BO ZHES BYA BA YANG, GZUGS DANG SEMS DANG SEMS LAS BYUNG BA'I DUS LA GDAGS PAR ZAD KYI, NYAN THOS RNAM PAR SMRA BA RNAMS KYI BTAGS PA LTA BUR SO SO'I SKYE BO ZHES BYA'I RDZAS LOGS SHIG NA YOD PA NI MA YIN NO ZHES BYA BAR STON TO, ,DA NI DE DANG 'DRA BA'I TSUL CAN GYI 'DU BYED SEMS DANG MI LDAN PA RNAMS BSHAD PAR BYA'O, ,DE LA 'JUG PA GANG ZHE NA, PHYI NANG GI 'DUS BYAS RNAMS SKAD CIG MA'I RANG BZHIN DU GNAS PA LA SKAD CIG MA SNGA MA NI RGYU YIN LA SKAD CIG MA PHYI MA NI 'BRAS BU YIN PA'I RGYU DANG 'BRAS BU'I SKAD CIG MA RGYUN MA CHAD PAR 'BYUNG BA LA 'JUG PA ZHES BYA'O, , DE BAS NA 'DI YANG GZUGS DANG SEMS DANG SEMS LAS BYUNG BA'I DUS LA GDAGS PAR ZAD KYI RDZAS SU NI MED DO, ,SO SOR NGES PA GANG ZHE NA, RGYU RNAM PA SNA TSOGS DANG 'BRAS BU RNAM PA SNA TSOGS LA SO SOR NGES PA ZHES BYA STE, RGYU RNAM PA SNA TSOGS NI 'BRAS BU YID DU 'ONG BA SKYED PA'I RGYU GROG MI GCOD PA DANG, MA BYIN PAR MI LEN PA LA SOGS PA LEGS PAR SPYAD PA MANG PO DANG, 'BRAS BU YID DU MI 'ONG BA BSKYED PA'I RGYU SROG GCOD PA DANG, MA BYIN PAR LEN PA LA SOGS PA NYES PAR SPYAD PA RNAM PA MANG PO'O, ,SO SOR NGES PA 'DI YANG PHUNG PO LNGA LA GDAGS PAS GZUGS DANG SEMS @93A *, ,DANG SEMS LAS BYUNG BA'I DUS LA GDAGS PAR ZAD KYI RDZAS SU MED DO, ,SBYOR BA GANG ZHE NA, RGYU DANG 'BRAS BU RJES SU MTHUN PA LA SBYOR BA ZHES GDAGS TE, 'DI LTAR SBYIN PA LAS NI 'BRAS BU LONGS SPYOD PHUN SUM TSOGS PAR SBYOR BA DANG, TSUL KHRIMS LAS NI LHA DANG MI'I BDE 'GROR 'GRO BAR SBYOR BA DANG BZOD PA LAS NI BYAD GZUGS BZANG POR 'GYUR BAR SBYOR BAR BYED PAS NA SBYOR BA ZHES BYA STE, 'DI YANG PHUNG PO LNGA LA BTAGS PAS GZUGS DANG, SEMS DANG SEMS LAS BYUNG BA'I DUS LA GDAGS PAR ZAD KYI RDZAS SU MED DO, ,MGYOGS PA GANG ZHE NA, RGYUS 'BRAS BU MYUR DU SKYED PAR BYED PA'AM, SKAD CIG MA RNAMS LA SKAD CIG MA SNGA MA'I RJES SU BAR CHAD MED PAR PHYI MA SKYED 'BYUNG BA LA MGYOGS PA ZHES BYA STE, 'DI YANG PHUNG PO LNGA LA GDAGS PAS GZUGS DANG, SEMS DANG SEMS LAS BYUNG BA'I DUS LA GDAGS PAR ZAD KYI RDZAS SU MED DO, , GO RIMS GANG ZHE NA, RGYU DANG 'BRAS BU RIM PAR 'JUG PA GO RIMS ZHES BYA STE, RGYU SNGAR BYUNG BA 'BRAS BU PHYIS 'BYUNG BA'O, ,'DI YANG PHUNG PO LNGA LA BTAGS PAS, GZUGS DANG SEMS DANG SEMS LAS BYUNG BA'I DUS GDAGS PAR ZAD KYI RDZAS SU MED DO, ,DUS GANG ZHE NA RGYU DANG 'BRAS BU 'BREL BAR 'JUG PA LA DUS ZHES BYA STE, JI LTA ZHE NA, RGYU DANG 'BRAS BU BYUNG STE 'GAG PA DE NI 'DAS PA'I DUS ZHES BYA'O, ,RGYU DANG 'BRAS BU MA BYUNG MA 'GAGS PA LA NI MA 'ONGS PA'I DUS ZHES BYA'O, ,RGYU DANG 'BRAS BU BYUNG LAM 'GAGS PA LA NI DA LTAR GYI DUS ZHES BYA'O, ,DE BAS NA 'DI YANG PHUNG PO LNGA LA BTAGS PAS GZUGS DANG SEMS DANG SEMS LAS BYUNG BA'I DUS LA GDAGS PAR ZAD KYI RDZAS SU MED DO, ,YUL GANG ZHE NA, GZUGS KYI PHUNG PO RGYU DANG, 'BRAS BU'I MTSAN NYID DU GYUR PA SHAR DANG, NUB DANG, LHO DANG, BYANG DANG, 'OG DANG, STENG LA SOGS PA PHYOGS BCU NA GNAS PA LA YUL ZHES BYA STE, SHAR GYI PHYOGS NA GZUGS DANG RGYU DANG 'BRAS BU'I MTSAN NYID DU GNAS PA LA SHAR GYI YUL ZHES BYA STE, DE BZHIN DU PHYOGS LHAG MA DANG YANG SBYAR RO, ,GZUGS MED PA'I KHAMS NA NI GZUGS MED PAS YUL DU RNAM PAR GZHAG PA MED DO, ,DE BAS NA 'DI YANG @93B GZUGS KYI DUS LA GDAGS PAR ZAD KYI RDZAS SU MED DO, ,GRANGS GANG ZHE NA, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA LA SOGS PA SO SO THA DAD PA LA GCIG GNYIS ZHES GRANGS SU BZHAG STE, CI'I PHYIR ZHE NA, THA DAD PA LA GRANGS SU GZHAG TU RUNG GI THA MI DANG CING GCIG PA'I BDAG NYID DU GNAS PA LA GNYIS SU BGRANG DU MI RUNG BA'I PHYIR RO, ,DE BAS NA 'DI YANG PHUNG PO LNGA LA GDAGS PAS GZUGS DANG, SEMS DANG SEMS LAS BYUNG BA'I DUS LA GDAGS PAR ZAD KYI RDZAS SU MED DO, ,TSOGS PA GANG ZHE NA, RNAM PAR SHES PA RNAMS SKYE BA'I RGYU DANG RKYEN 'DUS PA LA TSOGS PA ZHES GDAGS TE, DE BAS NA 'DI YANG PHUNG PO LNGA LA GDAGS PAS BTAGS PA'I YOD PAR ZAD KYI RDZAS SU MED DO, ,DE LTAR NA SEMS DANG MI LDAN PA'I 'DU BYED 'DI DAG NI GZUGS DANG SEMS DANG SEMS LAS BYUNG BA'I DUS LA GDAGS PAS BTAGS PAR YOD PAR RIG PAR BYA'O, ,'DU BYED KYI PHUNG PO BSHAD NAS, MJUG BSDU BAR BYA BA'I PHYIR, 'DI NI 'DU BYED KYI PHUNG PO ZHES BYA'O ZHES BYA BA SMOS TE, GONG DU SMOS PA'I 'DU BYED SEMS DANG LDAN PA LNGA BCU RTZA GCIG DANG, PANYTZA SKANDHA'I NANG DU BYUNG BA 'DU BYED SEMS DANG MI LDAN BA BCU BZHI'I STENG DU, DE DANG TSUL 'DRA BA 'DU BYED SEMS DANG MI LDAN PA DGUS BSNAN TE, 'DI DAG LA 'DU BYED KYI PHUNG PO ZHES BYA BA'I DON TO, ,'DU BYED KYI PHUNG PO RNAMS BSHAD ZIN TO, ,'DU BYED KYI PHUNG PO'I 'OG TU RNAM PAR SHES PA'I PHUNG PO SMOS PAS DE BSHAD PA'I SKABS SU BAB PA'I PHYIR, RNAM PAR SHES PA GANG ZHE NA ZHES DRIS TE, RNAM PAR SHES PA'I PHUNG PO'I RANG BZHIN DANG MTSAN NYID GANG ZHE NA ZHES DRIS PA'I DON TO, ,DE'I LAN DU DMIGS PA SO SOR RNAM PAR RIG PA'O ZHES BYA BA SMOS TE, DMIGS PA NI SEMS DANG SEMS LAS BYUNG BA'I YUL GZUGS DANG, SGRA DANG, DRI DANG, RO DANG, REG BYA DANG CHOS KYI BAR DU DRUG GO, ,RNAM PAR RIG PA NI, DMIGS PA DE DAG 'DZIN PA'AM, RTOGS PA'AM, KHONG DU CHUD PA LA BYA STE, DMIGS PAR BYA BA GANG YIN PA RIG CING SHES PAS NA RNAM PAR RIG PA ZHES BYA'O, ,DMIGS PA RNAM PAR RIG PA'I SHES PA DE LA YANG RNAM PA DRUG YOD DE, @94A *, ,MIG GI RNAM PAR SHES PA NAS YID KYI RNAM PAR SHES PA'I BAR DU, 'JUG PA'I RNAM PAR SHES PA DRUG GO, ,'JUG PA'I RNAM PAR SHES PA DRUG PO DES JI LTAR DMIGS PAR RNAM PAR RIG CE NA, DE LA MIG GI RNAM PAR SHES PA NI MIG GI DBANG PO LA BRTEN NAS GZUGS LA GZUGS TZAM DU RIG CING SHES SO, ,RNA BA'I RNAM PAR SHES PA NI RNA BA'I DBANG PO LA BRTEN NAS SGRA LA SGRA TZAM DU RIG CING SHES SO, ,SNA'I RNAM PAR SHES PA NI SNA'I DBANG PO LA BRTEN NAS DRI LA DRI TZAM DU RIG CING SHES SO, ,LCE'I RNAM PAR SHES PA NI LCE'I DBANG PO LA BRTEN NAS RO LA RO TZAM DU RIG CING SHES SO, , LUS KYI RNAM PAR SHES PA NI LUS KYI DBANG PO LA BRTEN NAS, REG BYA LA REG BYA TZAM DU RIG CING SHES SO, ,YID KYI RNAM PAR SHES PA NI YID KYI DBANG PO LA BRTEN NAS CHOS RNAMS RIG CING SHES PAS NA, RNAM PAR SHES PA DRUG PO DAG LA DMIGS PA RNAM PAR RIG PA ZHES BYA'O, ,DE LTAR RNAM PAR SHES PA'I RANG BZHIN BSHAD NAS, DE DAG GI MING GI RNAM GRANGS BSTAN PAR BYA BA'I PHYIR, SEMS DANG YID DANG DE BZHIN TE ZHES BYA BA SMOS SO, ,'JUG PA'I RNAM PAR SHES PA DRUG LA RNAM PAR SHES PA ZHES KYANG BYA, DMIGS PAS RNAM PAR RIG PAS RNAM PAR SHES PA ZHES BYA BA STE DE LA SEMS ZHES KYANG BYED LA YID CES KYANG BYA, DPER NA DMIGS PA RNAM PAR RIG PAS RNAM PAR SHES PA ZHES BYA BA DE BZHIN DU, DE LA SEMS ZHES BYA BA DANG, YID CES KYANG BYA'O, ,YANG CI'I PHYIR DE SKAD CES BYA BA'I RNAM GRANGS KYI DON BSTAN PA'I PHYIR, SNA TSOGS PA DANG YID RTEN BYED PA'I PHYIR BYA BA SMOS TE; SEMS KYI DON NI SNA TSOGS KYI DON TE, SNA TSOGS KYI RANG BZHIN BSTAN PA YIN PA'I PHYIR RO, ,SEMS ZHES BYA LA SEMS DE MA THAG TU 'BYUNG BA'I RTEN BYED PA'I PHYIR YID CES KYANG BYA BA'I DON TO, ,DE LA 'JUG PA'I RNAM PAR SHES PA RNAMS LA NI CI'I PHYIR SNA TSOGS ZHES BYA ZHE NA; DE LTAR 'JUG PA'I RNAM PAR SHES PA RNAMS TE, GZUGS LA SOGS PA DMIGS PA SO SO'I RANG BZHIN YIN PA DANG, GZUGS LA SOGS PA'I YUL YANG SER PO DANG, DKAR PO LA SOGS PA SNA TSOGS KYI RANG BZHIN YIN LA, DE LA DMIGS PA'I MIG GI RNAM PAR SHES @94B PA YANG SNGAR SNGON PO LA DMIGS NA SNGON PO'I RNAM PAR SKYE, DE NAS SER PO LA DMIGS NA SER PO'I RNAM PAR SKYE, DE NAS DMAR PO LA DMIGS NA DMAR PO'I RNAM PAR SKYE, DE NAS DKAR PO LA DMIGS NA DKAR PO'I RNAM PAR SKYE STE, YUL SNA TSOGS PA BZHIN DU RNAM PAR SHES PA YANG SNA TSOGS SU SKYE BAS NA RNAM PAR SHES PA DRUG LA SEMS ZHES KYANG BYA'O, ,'DI LTAR RNAM PAR SHES PA DRUG DMIGS PA SNA TSOGS LA DMIGS PA'I PHYIR SNA TSOGS YIN PAS NA SEMS ZHES BSHAD PA YANG YUL SNGON PO DANG, SER PO LA SOGS PA MANG PO RNAM PAR SHES PAS SKAD CIG MAR RIM GYIS 'DZIN PA'I RIGS KYI DBANG DU BYAS NAS SNA TSOGS ZHES BYA'I SKAD CIG MA GCIG LA NI SNA TSOGS ZHES MI BYA STE, CI'I PHYIR ZHE NA SKAD CIG MA GCIG LA NI YUL NGES PA DANG, RNAM PAR NGES PA'I PHYIR RNAM PA SNA TSOGS MED DO, ,JA LTAR YUL NGES SHING RNAM PA NGES SHE NA, SKAD CIG MA'I TSE NA NI SNA TSOGS ZHES MI BYA STE, SNGON PO 'BA' ZHIG LA DMIGS KYI SER PO LA MA DMIGS PA DANG, SNGON PO LA DMIGS PA'I TSE SNGON PO'I RNAM PA NYID DU SKYES KYI SER PO'I RNAM PAR MA SKYES PA'I PHYIR SNA TSOGS MED DO, ,RNAM PAR SHES PA DRUG PO SEMS DE MA THAG PA'I RTEN BYED PA'I PHYIR YID CES BYA BA 'DI YANG MIG LA SOGS PA'I RNAM PAR SHES PA DRUG SKYES NAS 'GAG GO, ,'GAGS MA THAG TU DE'I RJES LA YID KYI RNAM PAR SHES PA SKYES PA'AM, RNAM PAR SHES PA PHYI MA DRUG GZHAN SKYES PAS, DRUG PO SNGA MA 'GAGS MA THAG PA DE NYID RNAM PAR SHES PA DE MA THAG PA PHYI MA GZHAN SKYE BA'I RTEN BYED PA'I PHYIR NA DRUG PO SNGA MA 'GAGS PA DE NYID LA YID CES BYA'O, ,DE LTAR RNAM PAR SHES PA DRUG GI RANG BZHIN DANG MIG GI RNAM GRANGS BSTAN NAS, DNGOS SU 'AM GTZO NA SEMS ZHES BYA BA GANG LA BYA BSTAN PA DANG, RNAM PAR SHES PA'I GTZO BO GANG YIN BSTAN PAR BYA BA'I PHYIR; DNGOS SU NA SEMS NI KUN GZHI RNAM PAR SHES PA STE ZHES BYA BA SMOS TE, 'JUG PA'I RNAM PAR SHES PA RNAM PA SNA TSOGS KYI RANG BZHIN GYI PHYIR SEMS ZHES BSHAD PA DE NI SEMS GTZO BO ZHES MI BYA'I DNGOS SU MNGON SUM NA 'AM GTZO BO NA KUN GZHI RNAM PAR SHES PA LA SEMS ZHES BYA'O @95A *, ,ZHES BYA BA'I DON TO, ,YANG NA SEMS KYI GTZO BO NI KUN GZHI RNAM PAR SHES PA YIN NO ZHES BYA BA'I DON TO, ,GTZO BO NA KUN GZHI LA SEMS ZHES CI'I PHYIR BYA BA DANG, KUN GZHI CI'I PHYIR SEMS RNAMS KYI GTZO BO YIN PAR BSTAN PAR BYA BA'I PHYIR 'DI LTAR DE NI 'DU BYED THAMS CAD KYI SA BON BSAGS PA'O ZHES BYA BA SMOS TE, 'DI LTAR ZHES BYA BA NI, 'OG NAS 'BYUNG BA'I GTAN TSIGS LTAR NA ZHES BYA BA'I DON TO, ,DE NI ZHES BYA BA'I SGRA NI KUN GZHI DANG SBYAR TE, KUN GZHI RNAM PAR SHES PA DE NI ZHES BYA BA'I THA TSIG GO, ,KUN GZHI RNAM PAR SHES PA DE SKAD CIG MA'I RGYUN GYIS 'BYUNG BA LA SKAD CIG MA RE RE LA YANG 'DUS BYAS THAMS CAD KYI SA BON BSAGS SHING BSLAD PAS NA BSAGS PA'I DON DANG LDAN PA'I PHYIR GTZO BO 'AM DNGOS SU NA KUN GZHI LA SEMS ZHES BYA BA'I DON TO, ,KUN GZHI'I SKAD CIG MA RE RE LA YANG 'DUS BYAS RNAMS KYI SA BON BSAGS PA YANG JI LTAR SOGS SHE NA; KUN GZHI DE LA SNGON SA BON YOD PA RNAMS, 'DU BYED RNAMS KYIS YANG NAS YANG DU BRTAS PAR BYAS PAS NA DE DAG GI SA BON BSAGS PA ZHES BYA BA'AM YANG NA KUN GZHI DE 'DUS BYAS KYI SA BON BRTAS PA DANG 'BREL ZHING LDAN PAS NA DE DAG GI SA BON BSAGS PA ZHES BYA BA'O, ,DE'I DON KYANG ZHIB TU BSHAD PAR BYA'O, ,'DI JI LTAR RGYU DANG RKYEN GYIS BYAS PA RNAMS LA 'DUS BYAS ZHES BYA BAS LAM GYI BDEN PA YANG RGYU RKYEN GYIS BYAS PA'I PHYIR, ZAG PA MED PA'I 'DUS BYAS ZHES BYA LA, RGYU RKYEN GYIS BYAS PA'I PHYIR GZUGS LA SOGS PA ZAG PA CAN GYI 'DUS BYAS KYANG YOD NA 'DIR 'DUS BYAS GANG LA BYA ZHE NA, 'DI'I SKABS SU 'DUS BYAS ZHES BYA BA NI ZAG PA DANG BCAS PA'I 'DUS BYAS RNAMS LA BYA BAR RIG PAR BYA'O, ,YANG NA 'DUS BYAS THAMS CAD KYI SA BON BSAGS PA ZHES 'BYUNG BAS ZAG PA DANG BCAS PA'I 'DUS BYAS DANG, ZAG PA MED PA'I 'DUS BYAS GNYI GA LA BYA BAR RIG PAR BYA'O, ,'DUS BYAS DE DAG SKYE BA YANG RKYEN BZHI LAS SKYE STE, RKYEN BZHI NI RGYU'I RKYEN DANG, BDAG PO'I RKYEN DANG, DE MA THAG PA'I RKYEN DANG, MIG GI DBANG PO'I RKYEN TO, ,DE LA RGYU'I RKYEN NI KUN GZHI RNAM PAR SHES PA LA BSGOS PA'I BAG CHAGS TE, 'DIR @95B GZHI DANG GNAS LTA BUR BAG CHAGS DANG KUN GZHI BSHAD MOD KYI BSGO BAR BYA BA DANG, SGO BAR BYED PA GNYIS THA MI DAD PAS KUN GZHI NYID NI 'DU BYED RNAMS KYI RGYU'I RKYEN TO, ,BDAG PO'I RKYEN NI MIG GI DBANG PO NAS, YID KYI DBANG PO'I BAR DU DBANG PO DRUG GO, ,DE MA THAG PA'I RKYEN NI MIG LA SOGS PA'I RNAM PAR SHES PA DRUG KYANG SNGA MA 'GAGS PA DE YID KYI RNAM PAR SHES PA'AM RNAM PAR SHES PA DRUG PHYI MA SKYE BA'I RTEN BYED PAS NA SNGA MA 'GAGS PA NYID NI, PHYI MA'I DE MA THAG PA'I RKYEN TO, ,DMIGS PA'I RKYEN NI GZUGS NAS BRTZAMS TE CHOS KYI BAR DU YUL DRUG GO, ,'DI LTA BUR 'DUS BYAS RNAMS RKYEN BZHI LAS SKYES PAR JI MNGON ZHE NA, MDO LAS GSUNGS PAS NA MNGON TE, MDO SDE LAS KYANG MIG MA NYAMS PAR GYUR LA GZUGS RNAMS KYANG SNANG BAR GYUR PA DANG, DE SKYED PA YID LA BYED PA NYE BAR GNAS PAR GYUR NA DE LTAR DE DAG LAS SKYES PA'I MIG GI RNAM PAR SHES PA 'BYUNG BAR 'GYUR RO ZHES GSUNGS PAS RKYEN BZHI LA 'DUS BYAS 'BYUNG BAR MNGON NO, ,DE'I DON KYANG MIG MA NYAMS PA ZHES BYA BA NI MIG GI DBANG PO LING TOG LA SOGS PAS MA KHEBS SHING MA GOD PA'O, ,GZUGS RNAMS KYANG SNANG BAR GYUR CES BYA BA NI, MIG GI YUL DU GYUR PA'I GZUGS RNAMS KYANG RTZIG PA LA SOGS PAS MCHOD CES BYA BA'I DON TO, ,DE SKYED PA'I YID LA BYED PA NYE BAR GNAS PA ZHES BYA BA NI RNAM PAR SHES PA SNGA MA 'GAGS MA THAG PA RNAMS PHYI MA SKYED PA'I DE MA THAG PA'I RKYEN YIN PAS DE MA THAG PA'I RKYEN KYANG NYE BAR GNAS PA ZHES BYA BA'I DON TO, ,DE LTA NA MIG DANG GZUGS DANG DE MA THAG PA'I RKYEN LAS MIG GI RNAM PAR SHES PA SKYE BAR 'GYUR RO ZHES BYA BA'I THA TSIG GO, ,DE BZHIN DU RNA BA DANG, SGRA DANG, DE MA THAG PA'I RKYEN LAS RNA BA'I RNAM PAR SHES PA SKYE'O ZHES BYA BA PHYI MA RNAMS LA YANG RIM BZHIN DU SBYAR BAR BYA'O, ,SMRAS PA, KHYOD KYIS NI RKYEN BZHI LAS 'DUS BYAS SKYE BAR BSHAD LA MDO LAS NI RKYEN GSUM LAS 'DUS BYAS SKYE BAR BSHAD NA, JI LTAR MI 'GAL, SMRAS PA, RGYU'I RKYEN KUN GZHI RNAM PAR SHES PA NI DUS THAMS CAD DU YOD LA, DMIGS PA DANG RNAM PA MI GSAL BAR GCOD PA BAS SHES PAR DKA' BA'I PHYIR MDO LAS MA GSUNGS @96A *, ,SO; DE LTAR RKYEN BZHI LAS MIG GI RNAM PAR SHES PA SKYE BA'I 'OG TU KHYIM 'DI NA BUM PA BRGYA ZHIG YOD DAM, JI TZAM ZHIG YOD CES TSOL BA'I YID KYI RNAM PAR SHES PA 'BYUNG NGO, ,TSOL BA'I YID KYI RNAM PAR SHES PA BYUNG BA'I 'OG TU 'DI NI SNGON PO ZHIG YIN NO ZHES RNAM PAR 'JOG PA'I YID KYI RNAM PAR SHES PA 'BYUNG NGO, ,RNAM PAR 'JOG PA'I YID KYI RNAM PAR SHES PA'I 'OG TU 'DI NI SNGON PO NYID YIN GYI SER PO MA YIN NO ZHES RNAM PAR RTOG PA'I YID KYI RNAM PAR SHES PA 'BYUNG NGO, ,DE NAS YID KYI RNAM PAR SHES PA DE YANG YUL LA DMIGS NAS, YANG NA NI 'DOD CHAGS LA SOGS PA KUN NAS NYON MONGS PA SKYE, YANG NA NI YUL LA DMIGS NAS 'KHOR BA LA SKYO BA LA SOGS PA RNAM PAR BYANG BA 'BYUNG BA'I PHYOGS SKYE BAR 'GYUR RO, ,DE LTAR NA YID KYI RNAM PAR SHES PA NYON MONGS PA SKYES PA'I DUS NA BSOD NAMS DANG BSOD NAMS MA YIN PA DANG, MI G-YO BA'I 'DU BYED RNAMS MNGON PAR 'DU BYED DO, ,MNGON PAR 'DU BYED PA DE DAG GIS MNGON PAR 'DU BYAS NAS 'DU BYED DE DAG 'GAGS NA NI MA 'GAGS PAR BYED NA KUN GZHI LA BAG CHAGS GNYIS BSGO ZHING BRTAS PAR BYED DO, ,BAG CHAGS GNYIS NI RGYU MTHUN PA'I BAG CHAGS DANG, RNAM PAR SMIN PA'I BAG CHAGS SO, ,DE LA RGYU MTHUN PA'I BAG CHAGS ZHES BYA BA NI LAS CI 'DRA BA BYAS PA 'BRAS BU YANG DE 'DRA BA SMIN PAR 'GYUR BA STE, DPER NA TSE 'DIR SBYIN PA BYAS NA TSE RABS GZHAN DU YANG 'BRAS BU SBYIN PA LA DGA' BA'O, ,RNAM PAR SMIN PA'I BAG CHAGS NI SBYIN PA'I RGYUS LHA DANG MI'I NANG DU KUN GZHI RNAM PAR SHES PA SKYES NAS LONGS SPYOD CHEN POR 'GYUR BA'O, ,DE LA KUN GZHI LA DGE BA DANG MI DGE BA DANG MI G-YO BA'I 'DU BYED RNAMS KYI RGYU MTHUN PA'I BAG CHAGS YOD PA LA BRTEN NAS NI TSE RABS GZHAN DU YANG BSOD NAMS DANG BSOD NAMS MA YIN PA DANG, MI G-YO BA'I 'DU BYED NYID SKYE BAR 'GYUR RO, ,RNAM PAR SMIN PA'I BAG CHAGS YOD PA LA BRTEN NAS NI, LHA DANG MI LA SOGS PA'I RIGS MTHUN PA GZHAN DAG TU KUN GZHI RNAM PAR SHES PA NYID SKYE ZHING SMIN PAR 'GYUR RO, ,SPYOD LAM DANG SPRUL BA DANG, @96B BZO'I GNAS LA SOGS PA LUNG DU MA BSTAN PA'I 'DU BYED RNAMS KYIS NI MA 'ONGS PA NA YANG BDAG DANG 'DRA BA'I CHOS SKYED PA'I PHYIR KUN GZHI RNAM PAR SHES PA LA RGYU MTHUN PA'I BAG CHAGS SOGS SHING BRTAS PAR BYED DE, LUNG DU MA BSTAN PA'I CHOS LA RNAM PAR SMIN PA'I BAG CHAGS NI MED DO,, CI'I PHYIR ZHE NA, DGE BA DANG MI DGE BA'I CHOS NI MTHU CHE BAS RNAM PAR SMIN PA YOD KYI, LUNG DU MA BSTAN PA NI ZHING BA TSA CAN DANG 'DRA BAS MTHU CHUNG BA'I PHYIR RNAM PAR SMIN PA SKYED PAR MI NUS SO, ,RGYU MTHUN PA'I BAG CHAGS LA ZHIB TU DPYAD PAR BYA STE, RGYU MTHUN PA'I BAG CHAGS LA BRTEN NAS KUN GZHI'I 'BRAS BU NGO BO NYID DANG KUN GZHI'I RGYU'I NGO BO STE RNAM PA GNYIS SU GZHAG GO, ,JI LTA ZHE NA, 'DI LTAR 'DU BYED DGE BA DANG, MI DGE BA DANG, LUNG DU MA BSTAN PA'I 'DU BYED RNAMS BDAG DANG 'DRA BA'I RGYU MTHUN PA'I SA BON KUN GZHI LA 'JUG PA'I TSE KUN GZHI'I RNAM PAR SHES PA KHYAD PAR CAN SKYED PA'I RGYU LTA BUR 'DU BYED RNAMS GNAS PAS 'DU BYED RNAMS NI RGYU YIN LA, KUN GZHI RNAM PAR SHES PA NI 'BRAS BU'I MTSAN NYID DU GNAS SO, ,'DI LTAR DGE BA DANG, MI DGE BA DANG LUNG DU MA BSTAN PA'I 'DU BYED RNAMS KYANG RANG GI RGYU MTHUN PA'I SA BON KUN GZHI LA YOD PA LA BRTEN NAS KUN GZHI LAS 'DU BYED DE DAG 'BYUNG BAS NA KUN GZHI RGYU LTA BUR GNAS LA, 'DU BYED RNAMS NI 'BRAS BU LTA BUR GNAS SO, ,RNAM PAR SMIN PA'I BAG CHAGS KYI DBANG DU BYAS NAS DPYAD PAR BYA STE, 'DI LTAR DGE BA DANG MI DGE BA'I 'DU BYED RNAMS KYI NI KUN GZHI 'BRAS BU NYID DU GZHAG GO, ,KUN GZHI DGE BA DANG MI DGE BA YI BAG CHAGS KYI RGYUR NI MI GZHAG GO, ,CI'I PHYIR RGYUR MI GZHAG CE NA, KUN GZHI LA RNAM PAR SMIN PA'I BAG CHAGS YOD PA DE LAS MA 'ONGS PA NA DGE BA DANG, MI DGE BA'I RNAM PAR SMIN PA GZHAN BSKYED PA MED PAS NA DGE BA DANG MI DGE BA'I 'DU BYED KYI RGYUR KUN GZHI MI GZHAG GO, ,DGE BA DANG MI DGE BA DANG 'BRAS BU LTA BUR KUN GZHI GZHAG PA NI RNAM PAR SMIN PA'I BAG CHAGS LA BRTAN NAS LHA DANG MI LA SOGS PA'I RIS MTHUN PA GZHAN DU KUN GZHI SKYE ZHING SMIN PA'I PHYIR RO, ,SMRAS PA, DMIGS PA'I YUL @97A *, ,DANG RNAM PA MED PA'I RNAM PAR SHES PA YANG YOD MI SRID DE, DPER NA 'JUG PA'I RNAM PAR SHES PA RNAMS KYI DMIGS PA'I YUL NI GZUGS LA SOGS PA YIN LA, DE YANG SNGON PO LA SOGS PA'I RNAM PAR SKYE NA, GAL TE KUN GZHI RNAM PAR SHES PA ZHES BYA BA 'JUG PA'I RNAM PAR SHES PA DRUG LAS MA GTOGS PAR LOGS SHIG NA YOD NA DE DMIGS PA NI CI LA DMIGS, YUL LA DMIGS NA YANG, JI LTAR DMIGS ZHES PA'I LAN DU, DE YANG DMIGS PA DANG RNAM PA YONGS SU MI GCOD PA STE ZHES BYA BA SMOS TE, DE YANG ZHES BYA BA'I SGRA NI KUN GZHI DANG SBYAR TE; KUN GZHI RNAM PAR SHES PA DE YANG ZHES BYA BA'I DON TO, ,'JUG PA'I RNAM PAR SHES PA DRUG RNAMS NI DMIGS PA DANG RNAM PA YONGS SU CHAD PA STE, JI LTA ZHE NA, 'DI LTAR 'JUG PA'I RNAM PAR SHES PA DRUG LA MIG GI RNAM PAR SHES PA GZUGS LA DMIGS KYI SGRA LA MI DMIGS PA DANG, RNA BA'I RNAM PAR SHES PA NI SGRA LA DMIGS KYI GZUGS LA MI DMIGS PA NAS, YID KYI RNAM PAR SHES PA CHOS LA DMIGS PAS NA DMIGS PA YONGS SU GCOD DO, ,MIG GI RNAM PAR SHES PA SNGON PO LA DMIGS PA'I TSE SNGON PO'I RNAM PAR SKYE'I SER PO'I RNAM PAR MI SKYE BA DANG; SER PO LA DMIGS PA'I TSE SER PO'I RNAM PAR SKYE'I, SNGON PO'I RNAM PAR MI SKYE BAS RNAM PA YONGS SU GCOD PA'O, ,YANG NA 'JUG PA'I RNAM PAR SHES PA DRUG RNAMS NI GZUGS LA DMIGS PA NA YANG 'DI NI GZUGS SO ZHES DMIGS PA LA YANG GSAL PAR GCOD PA DANG; 'DI NI SNGON PO ZHES RNAM PA LA GSAL BAR GCOD PA LTA BUR KUN GZHI RNAM PAR SHES PA NI DMIGS PA DANG RNAM PA YONGS SU MI GCOD PA STE, DES DMIGS PA LA YANG GSAL BAR GCOD MI NUS, RNAM PA LA YANG GSAL BAR GCOD MI NUS PA'I PHYIR RO, ,CI'I PHYIR KUN GZHI RNAM PAR SHES PA DMIGS PA DANG RNAM PA GSAL BAR GCOD MI NUS SHE NA, 'DI LTAR KUN GZHI RNAM PAR SHES PA'I DMIGS PA'I YUL NI RNAM PA GNYIS TE, NANG GI NYE BAR LEN PA'I RNAM PA DANG, PHYI ROL GYI SNOD LA RNAM PAR RIG PA'I RNAM PA YONGS SU MA CHAD PA'O, ,NANG GI NYE BAR LEN @97B PA'I RNAM PA YANG RNAM PA GNYIS TE, KUN BRTAGS KYI RANG BZHIN LA MNGON PAR CHAGS PA'I BAG CHAGS DANG, GNAS DANG BCAS PA'I DBANG PO'I GZUGS SO, ,KUN BRTAGS KYI RANG BZHIN LA MNGON PAR CHAGS PA'I BAG CHAGS LA RNAM PA GNYIS TE, BDAG DANG SEMS CAN DANG SROG LA SOGS PA YOD PAR KUN TU BRTAGS PA LA MNGON PAR BRTAGS PA'I BAG CHAGS DANG, RNAM PAR SHES PA LAS MA GTOGS PAR GZUGS DANG SGRA LA SOGS PA'I CHOS LOGS SHIG NA YOD PAR CHOS LA KUN TU BRTAGS PA'I RANG BZHIN LA MNGON PAR CHAGS PA'I BAG CHAGS SO, ,GNAS DANG BCAS PA'I DBANG PO'I GZUGS NI MIG GI DBANG PO LA SOGS PA DBANG PO DANG BCAS PA'I LUS LA BYA'O, ,PHYI ROL GYI SNOD LA RNAM PAR RIG PA'I RNAM PA YONGS SU MA BCAD PA NI KUN GZHI RNAM PAR SHES PA SNOD KYI 'JIG RTEN LA DMIGS PA NA NI 'DI TZAM TSUN CHAD NI DMIGS KYI DE PHAN CHAD MI DMIGS ZHES TSAD CHAD PA MED PAR SNOD KYI 'JIG RTEN RNAM PAR RIG PA'O, ,DPER NA NYIN PAR SRIN BU ME KHYER 'PHUR BA NI DE LA 'ONG MED PA MA YIN GYI NYI MA LA SOGS PA'I 'OD BZHIN DU DE'I 'OD GSAL BAR SNANG BA MA YIN PA DANG 'DRA PAR KUN GZHI RNAM PAR SHES PA YANG NANG GI NYE BAR LEN PA'I RNAM PA STE, KUN BRTAGS KYI RANG BZHIN LA MNGON PAR ZHEN PA'I BAG CHAGS DANG, GNAS DANG BCAS PA'I DBANG PO LA DMIGS PA'I CHEN YANG MI GSAL BAR DMIGS SAM, PHRA BAR DMIGS PA'AM, ZHAN PAR DMIGS PA DANG, PHYI'I SNOD KYI 'JIG RTEN LA DMIGS PA NA YANG MI GSAL BAR DMIGS PA DANG, PHRA BAR DMIGS PA DANG, ZHAN PAR DMIGS PAS RANG SANGS RGYAS DANG, NYAN THOS DANG, 'JIG RTEN NA MKHAS PA RNAMS KYIS KYANG KUN GZHI YUL LA JI LTAR DMIGS PA RTOGS SHING SHES PAR DKA' BAS DE'I PHYIR NA DMIGS PA DANG, RNAM PA YONGS SU MI GCOD PA ZHES BYA STE, KUN GZHI YUL LA DMIGS PA MED PA DANG YUL LA MI DMIGS PA NI MA YIN NO, ,RNAM PAR SHES PA GZHAN NI GSAL BAR DMIGS SHING SBOM POR DMIGS PAS NA DMIGS PA DANG, RNAM PA YONGS SU GCOD DO, ,SMRAS PA, DMIGS PA DANG RNAM PA YONGS SU MI GCOD PA'I RNAM @98A *, ,PAR SHES PA NI YOD PAR NI MI RIGS TE, DPER NA MIG LA SOGS PA 'JUG PA'I RNAM PAR SHES PA RNAMS RNAM PAR SHES PA YIN PAS GZUGS LA SOGS PA'I DMIGS PA DANG RNAM PA GSAL BAR GCOD PA BZHIN DU 'JUG PA'I RNAM PAR SHES PA LAS MA GTOGS PA'I KUN GZHI RNAM PAR SHES PA YOD NA DE YANG DMIGS PA DANG, RNAM PA GSAL BA YONGS SU GCOD PAR 'GYUR RO, ,GAL TE DMIGS PA DANG RNAM PA YONGS SU MI GCOD NA NI, KUN GZHI RNAM PAR SHES PA ZHES PA'I RNAM PAR SHES PA YOD PAR MI RIGS SO, ,SMRAS PA, DPER NA NYAN THOS MDO SDE PA DAG 'GOG PA'I SNYOMS PAR ZHUGS PA DANG, 'DU SHES MED PA'I SNYOMS PAR ZHUGS PA DANG, 'DU SHES MED PA DANG, GNYID STUG POS NON PA DANG, RA RO BA DANG, BRGYAL BA'I DUS NA YID KYI RNAM PAR SHES PA YOD KYANG YOD LA DMIGS PA DANG, RNAM PA YONGS SU MI GCOD PA ZHES SMRAS PA DE BZHIN DU 'JUG PA'I RNAM PAR SHES PA DRUG LAS MA GTOGS PAR KUN GZHI RNAM PAR SHES PA YOD KYANG DMIGS PA DANG, RNAM PA YONGS SU MI GCOD DE DE 'DRA'O, ,DE LA CHOS RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O; ,DE LA DGE BA NI DAD PA LA SOGS PA BCU GCIG GO, ,MI DGE BA NI 'DOD CHAGS LA SOGS PA NYON MONGS PA DRUG DANG, KHRO BA LA SOGS PA NYE BA'I NYON MONGS PA NYI SHU'O, ,YANG NA DGE BA NI SROG MI GCOD PA LA SOGS PA DGE BA BCU'O, ,MI DGE BA NI SROG GCOD PA LA SOGS PA MI DGE BA BCU'O, ,LUNG DU MI STON PA'I CHOS LA RNAM BA GNYIS TE, MA BSGRIBS LA LUNG DU MI STON PA DANG, BSGRIBS LA LUNG DU MI STON PA'O, ,NGA DANG BDAG GIR RTOG PA'I RANG BZHIN MA YIN ZHING DE'I DRI MAS MA BSGOS PA NA KUN GZHI RNAM PAR SHES PA RANG BZHIN MA BSGRIBS LA DGE BA DANG MI DGE BA'I RANG BZHIN MA YIN PAS NA LUNG DU MI STON PA'O, ,NGA DANG BDAG GIR RTOG BA'I RANG BZHIN YIN LA DE'I DRI MAS BSGOS PAS NA BSGRIBS PA'O, ,DGE BA DANG MI DGE BA'I RANG BZHIN MA YIN BAS NA LUNG DU MI STON PA'O, ,DE LTAR CHOS BZHI YOD PA LAS KUN GZHI RNAM PAR SHES PA @98B DGE BA'I RNAM PA DANG RANG BZHIN YIN NAM, MI DGE BA'I RNAM PA DANG RANG BZHIN YIN NAM, MA BSGRIBS LA LUNG DU MI STON PA'I RNAM PA DANG RANG BZHIN YIN NAM, BSGRIBS LA LUNG DU MI STON PA'I RNAM PA DANG, RANG BZHIN YIN ZHES DRIS PA'I LAN DU, RIGS GCIG PA DANG ZHES BYA BA SMOS TE, 'JUG PA'I RNAM PAR SHES PA DRUG RNAMS NI DGE BA'I RANG BZHIN DANG RNAM PA YANG YIN, MI DGE BA'I RANG BZHIN DANG RNAM PA YANG YIN, LUNG DU MA BSTAN PA'I RNAM PA DANG RANG BZHIN YANG YIN PAS RIGS GCIG PA MA YIN NO, ,JI LTA ZHE NA 'JUG PA'I RNAM PAR SHES PA DRUG PO NAM DAD PA LA SOGS PA SEMS LAS BYUNG BA DGE BA BCU GCIG DANG LDAN PA'I TSE NA NI DGE BA'I RANG BZHIN ZHES KYANG BYA, 'JUG PA'I RNAM PAR SHES PA RNAMS NAM 'DOD CHAGS LA SOGS PA NYON MONGS PA DANG, NYE BA'I NYON MONGS PA'I SEMS LAS BYUNG BA DANG LDAN PA'I TSE NA NI, MI DGE BA'I RANG BZHIN ZHES BYA'O, , NAM DPYOD LAM DANG BZO'I GNAS LA SOGS PA DANG LDAN PA'I TSE NA NI LUNG DU MA BSTAN PA'I RANG BZHIN ZHES BYA'O, ,KUN GZHI RNAM PAR SHES PA NI RIGS GCIG PA YIN TE MA BSGRIBS LA LUNG DU MI STON PA'I RANG BZHIN YIN GYI DGE BA'I RANG BZHIN YANG MA YIN MI DGE BA'I RANG BZHIN YANG MA YIN, BSGRIBS LA LUNG DU MI STON PA'I RANG BZHIN YANG MA YIN NO, ,DE LA NGA DANG BDAG GIR RTOG PA'I NYON MONGS PA'I YID KYI DRI MAS MA BSGOS SHING DE'I RANG BZHIN MA YIN BAS NA MA BSGRIBS PA'O, ,DGE BA DANG MI DGE BA'I RANG BZHIN MA YIN BAS NA LUNG DU MI STON PA'O, ,CI'I PHYIR ZHE NA, GAL TE KUN GZHI RNAM PAR SHES PA DGE BA'I RANG BZHIN ZHIG YIN NA NI MI DGE BA BYED PA'I GANG ZAG RNAMS LA KUN GZHI RNAM PAR SHES PA MED PA'I SKYON DU 'GYUR TE, DGE BA BYED PA'I GANG ZAG RNAMS LA YANG KUN GZHI RNAM PAR SHES PA YOD PAS NA KUN GZHI RNAM PAR SHES PA MI DGE BA'I RANG BZHIN YANG MA YIN NO, ,GAL TE KUN GZHI RNAM PAR SHES PA MI DGE BA'I RANG BZHIN ZHIG YIN NA NI DGE BA BYED PA'I GANG ZAG RNAMS LA KUN GZHI RNAM PAR SHES PA MED PA'I SKYON DU 'GYUR TE, DGE BA BYED PA'I GANG ZAG RNAMS LA YANG KUN GZHI RNAM PAR SHES PA YOD PAS, KUN GZHI RNAM @99A *, ,PAR SHES PA MI DGE BA'I RANG BZHIN YANG MA YIN NO, ,NGA DANG BDAG GIR RTOG PA'I MTSAN NYID MA YIN PAS BSGRIBS LA LUNG DU MA BSTAN PA'I RANG BZHIN YANG MA YIN NO, ,YANG NA DAD PA LA SOGS PA SEMS LAS BYUNG BA'I DGE BA BCU GCIG DANG, KUN GZHI RNAM PAR SHES PA MI LDAN MI 'GROGS PAS NA DGE BA'I RANG BZHIN YANG MA YIN NO, ,'DOD CHAGS LA SOGS PA NYON MONGS PA DANG, NYE BA'I NYON MONGS PA SEMS LAS BYUNG BA RNAMS DANG KUN GZHI RNAM PAR SHES PA MI LDAN MI 'GROGS PAS NA MI DGE BA'I RANG BZHIN YANG MA YIN NO, ,NYON MONGS PA'I YID KYIS 'KHOR GYI SEMS LAS BYUNG BA BDAG TU GTI MUG PA DANG, BDAG TU LTA BA DANG, BDAG TU NGA RGYAL DANG, BDAG LA CHAGS PA STE, SEMS LAS BYUNG BA BZHI DANG KUN GZHI RNAM PAR SHES PA MI LDAN MI 'GROGS PAS NA BSGRIBS LA LUNG DU MA BSTAN PA'I RANG BZHIN YANG MA YIN NO; ,KUN GZHI RNAM PAR SHES PA DE DGE BA'I SEMS LAS BYUNG BA DANG YANG MI LDAN, MI DGE BA'I SEMS LAS BYUNG BA DANG YANG MI LDAN, NYON MONGS PA'I YID KYIS 'KHOR GYI SEMS LAS BYUNG BA DANG YANG MI LDAN NA SEMS LAS BYUNG BA GANG DANG LDAN ZHE NA, DE YID LA BYED PA DANG, REG PA DANG, TSOR BA DANG, 'DU SHES DANG, SEMS PA STE LNGA KUN TU 'GRO BA DANG LDAN NO, ,KUN GZHI RNAM PAR SHES PA NI TSE RABS SNGA MA'I LAS DGE BA DANG, MI DGE BA DANG, MI G-YO BA'I LAS KYI RGYU LAS BYUNG BA YIN PAS NA GCIG TU RNAM PAR SMIN PA YIN PA'I PHYIR MA BSGRIBS LA LUNG DU MI STON PA'I MTSAN NYID DU RIGS GCIG PA NYID DO, ,'DI LTAR LNGA KUN DU 'GRO BA YANG 'JUG PA'I RNAM PAR SHES PA DGE BA DANG 'GROGS PA'I TSE NA NI LNGA KUN DU 'GRO BA YANG DGE BA ZHES BYA, NAM 'JUG PA'I RNAM PAR SHES PA MI DGE BA DANG 'GROGS PA'I TSE NA NI LNGA KUN TU 'GRO BA'I RANG BZHIN MI DGE BA ZHES BYA'O, ,NAM NYON MONGS PA'I YID DANG 'GROGS PA'I TSE NA NI BSGRIBS LA LUNG DU MA BSTAN PA'I RANG BZHIN ZHES BYA'O, ,NAM KUN GZHI RNAM PAR SHES PA DANG 'GROGS PA'I TSE NA NI MA BSGRIBS LA LUNG DU MA BSTAN PA'I RANG BZHIN ZHES BYA'O, ,SMRAS PA, KHYED RNAM @99B PAR RIG PA TZAM DU SMRA BAS KUN GZHI RNAM PAR SHES PA DUS THAMS CAD DU YOD PAR KHAS BLANGS NAS KUN GZHI DE RTAG PA THER ZUG PA'I MTSAN NYID DU RTAG PAR YOD DAM SKAD CIG MA'I RGYUN GYI RANG BZHIN DU RTAG PAR YOD CES BYA BA'I LAN DU RGYUN DU YANG 'JUG GO ZHES BYA BA SMOS TE, KUN GZHI RNAM PAR SHES PA DE LHA DANG MI LA SOGS PA'I RIGS MTHUN PA'I GNAS SU DANG PO MTSAMS SBYAR BA NAS BRTZAMS TE SKAD CIG MA'I RGYUN GYIS RGYUN MI 'CHAD PAR 'JUG PA'I RNAM PAR SHES PA BZHIN DU BAR BAR DU RGYUN 'CHAD PA YANG MA YIN PAS KUN GZHI NI MI RTAG PA YIN PA'I PHYIR RTAG PA THER ZUG PA'I RANG BZHIN DU RTAG PAR YOD PA NI MA YIN GYI MI RTAG PA'I RANG BZHIN DU RTAG PAR YOD DO ZHES BYA BA'I DON TO, ,JI LTAR NA 'JUG PA'I RNAM PAR SHES PA RNAMS BAR BAR DU RGYUN 'CHAD PA YIN ZHE NA, JI LTAR SNGAR MIG GI RNAM PAR SHES PA SKYES NAS DE'I RGYUN CHAD DE, DE'I 'OG TU RNA BA'I RNAM PAR SHES PA SKYES PA'I 'OG TU RGYUN CHAD DE DE'I 'OG TU MIG GI RNAM PAR SHES PA SKYE STE, DE BZHIN DU SNA LA SOGS PA'I RNAM PAR SHES PA LHAG MA RNAMS LA YANG SBYAR BAR BYA'O, ,GZHAN YANG 'JUG PA'I RNAM PAR SHES PA RNAMS NI, SANGS RGYAS LA SOGS PA LA DMIGS NAS DGE BA'I RANG BZHIN DU SKYES PA LAS BUD MED DANG DGRA LA SOGS PA'I RNAM PA'I GZUGS MTHONG BA DANG SNGA MA'I RANG BZHIN RGYUN CHAD DE MI DGE BA'I RANG BZHIN DU SKYE'O, ,BUD MED LA SOGS PA'I GZUGS LA DMIGS NAS MI DGE BA'I RANG BZHIN DU SKYES PA LAS DGE BA'I BSHES GNYEN GYIS BSHAD PA THOS TE; DAD PA SKYES PA DANG SNGA MA 'GAGS NAS DGE BA'I RANG BZHIN DU SKYE'O, ,DGE BA'I SEMS KYI RANG BZHIN LAS DE RGYUN CHAD NAS LUNG DU MA BSTAN PA'I SEMS KYI RANG BZHIN DU SKYE'O, ,GZHAN YANG 'JUG PA'I RNAM PAR SHES PA RNAMS NI KHAMS CHUNG NGU STE, 'DOD PA'I KHAMS KYI SEMS KYI 'OG TU KHAMS BAR MA STE GZUGS KYI KHAMS KYI SEMS 'BYUNG NGO, ,KHAMS BAR MA'I SEMS KYI 'OG TU KHAMS RAB STE, GZUGS MED PA'I KHAMS KYI SEMS 'BYUNG BAS BAR BAR DU CHAD PA'O, ,NYAN THOS RNAM PAR SMRA BA LAS BRGAL BA, 'JUG PA'I RNAM PAR @100A *, ,SHES PA DRUG LAS MA GTOGS PAR KUN GZHI RNAM PAR SHES PA ZHES BYA BA YOD PAR CI MNGON, GTAN TSIGS CI YOD, DE'I LAN DU 'JUG PA'I RNAM PAR SHES PA DRUG LAS MA GTOGS PAR KUN GZHI RNAM PAR SHES PA ZHES BYA BA YOD PAR LUNG LAS KYANG 'BYUNG LA RIGS PAS BRTAGS NA YANG MNGON TE DE BAS NA GTAN TSIGS YOD DO, ,DE LA LUNG GI GTAN TSIGS NI BCOM LDAN 'DAS KYIS CHOS MNGON PA'I MDO LAS, THOG MA MED PA'I DUS LDAN KHAMS, ,CHOS RNAMS KUN GYI GNAS GYUR PA, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR; ,ZHES GSUNGS PAS KUN GZHI RNAM PAR SHES BA YOD PAR MNGON NO, ,LUNG GI TSIGS SU BCAD PA DE'I DON YANG 'KHOR BA LA THOG MA'I MTHA' DANG, ,THA MA'I MTHA' YOD PA MA YIN PAS, ,THOG MA MED PA ZHES BYA'O, ,'KHOR BA'I THOG MA MED PA DANG, THA MA MED PA'I BAR DU KUN GZHI RNAM PAR SHES PA RTAG TU YOD PAS NA THOG MA MED PA'I DUS LDAN ZHES BYA'O, ,KUN GZHI RNAM PAR SHES PA DE THOG MA MED PA'I DUS NAS, KUN NAS NYON MONGS PA'I CHOS THAMS CAD KYI RGYU YIN PAS NA KHAMS ZHES BYA STE, KHAMS ZHES BYA BA NI RGYU LA BYA'O, ,DON DE NYID GSAL BAR BSTAN PAR BYA BA'I PHYIR, CHOS RNAMS KUN GYI GNAS GYUR PA, ,ZHES BYA BA SMOS TE, KUN GZHI RNAM PAR SHES PA DE KUN NAS NYON MONGS PA'I CHOS THAMS CAD KYI SA BON GYI RTEN DU GYUR PA DANG, RGYUR GYUR PAS NA, ,CHOS RNAMS KUN GYI GNAS GYUR PA, ,ZHES BYA'O, ,DE YOD PAS NA 'GRO KUN DANG; ,MYA NGAN LAS 'DAS PA'ANG 'THOB PAR 'GYUR, ,ZHES BYA BA NI CHOS RNAMS KUN GYI GNAS GYUR PA'I KUN GZHI RNAM PAR SHES PA DE YOD PAS 'GRO BA LNGA PO KUN DU SKYE BA YANG YOD LA MYA NGAN LAS 'DAS BA THOB PAR GYUR PA YANG YOD DO ZHES BYA BA'I DON TO, ,YANG NA KUN GZHI RNAM PAR SHES PA DE 'KHOR BA THOG MA MED PA NAS KUN NAS NYON MONGS PA'I CHOS THAMS CAD KYI RGYU DANG GZHI BYED BAS NA THOG MA MED PA'I DUS LDAN KHAMS ZHES BYA BA SMOS SO, ,KUN GZHI RNAM PAR SHES PA DE RNAM PAR BYANG BA'I CHOS THAMS CAD KYI SA BON GYI GZHI DANG RTEN DU BYED PAS NA, CHOS RNAMS KUN @100B GYI GNAS GYUR PA, ,ZHES BYA'O, ,DE LTAR KUN GZHI DE KUN NAS NYON MONGS PA RNAMS KYI RGYU BYED PA DE YOD PAS NA, 'GRO BA LNGA PO KUN DU SKYE BA YANG YOD DO, ,KUN GZHI RNAM PAR SHES PA DE RNAM PAR BYANG BA'I CHOS RNAMS KYI GZHI BYED PAS NA MYA NGAN LAS 'DAS PA YANG DES THOB PAR 'GYUR RO ZHES BYA BA'I DON TO, ,LUNG GI GTAN TSIGS GZHAN GYIS KYANG KUN GZHI RNAM PAR SHES PA DE YOD PAR BSTAN TE, 'PHAGS PA DGONGS PA NGES PAR 'GREL BA'I MDO LAS, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,DE NI BYIS PA RNAMS LA NGAS MA BSTAN, ,ZHES GSUNGS PAS NA 'JUG PA'I RNAM PAR SHES PA DRUG LAS MA GTOGS PAR KUN GZHI RNAM PAR SHES PA YOD PAR MNGON NO, ,KUN GZHI RNAM PAR SHES PA 'DIS TSE GCIG NAS GCIG TU LUS LEN CING RANG GI YUL GANG YIN PA SHES PAR BYED PAS KUN GZHI RNAM PAR SHES PA LA MING DU LEN PA'I RNAM PAR SHES PA ZHES BYA'O, ,KUN GZHI RNAM PAR SHES PA DE SO SO'I SKYE BO RNAMS KYIS MI RIGS PAS NA ZAB PA'O, ,'PHAGS PA NYAN THOS DANG RANG SANGS RYGAS RNAMS KYIS MI RIGS PAS NA PHRA BA'O, ,YANG NA KUN GZHI DE SANGS RGYAS DANG BYANG CHUB SEMS DPA' RNAMS KYI SPYOD YUL YIN PAS NA ZAB PA'O, ,NYAN THOS DANG RANG SANGS RGYAS RNAMS KYI SPYOD YUL MA YIN PAS NA PHRA BA'O, ,KUN GZHI LA KUN NAS NYON MONGS PA THAMS CAD KYI SA BON GYI RTEN BYED PAS NA SA BON THAMS CAD PA ZHES BYA'O, ,'O NA KUN GZHI DE RTAG PA ZHIG YIN NAM MI RTAG PA ZHIG YIN NAM SNYAM PA LA, CHU BO BZHIN DU 'BAB CES BYA BA SMOS TE, DPER NA CHU BOS SHING DANG RDOL SOGS PA KHYER NAS SAKD CIG MA'I RGYUN GYIS 'BAB PA DE BZHIN DU KUN GZHI NRAM PAR SHES PA YANG LNGA KUN TU 'GRO BA DANG 'GROGS NAS SKAD CIG MA'I RGYUN DU RGYUN MI 'CHAD PAR 'KHOR BAR 'JUG PAS NA MI RTAG PA YIN PA'I PHYIR CHU BO BZHIN DU 'BAB PA ZHES BYA'O, ,DE LTAR KUN GZHI RNAM PAR SHES PA YOD NA CI'I PHYIR BDAG CAG LA MA BSTAN MA BSHAD SNYAM PA LA, ,DE NI BYIS PA RNAMS LA NGAS MA BSTAN, ,ZHES BYA BA SMOS TE, SO SO'I SKYE BO DANG @101A *, ,RANG SANGS RGYAS DANG DGRA BCOM PA'I RIGS CAN PA RNAMS LA BYIS PA ZHES BYA STE, KUN GZHI DE YOD KYANG BYIS PA DE DAG LA NGAS MA BSHAD DO ZHES BYA BA'I DON TO, ,KUN GZHI DE YOD NA CI'I PHYIR BYIS PA RNAMS LA MI BSHAD SNYAM PA LA, BDAG TU RTOG PAR GYUR NA MI RUNG NGO, , ZHES BYA BA SMOS TE, KUN GZHI DE BSHAD NA 'KHOR BA'I THA MA'I MTHA'I BAR DU RGYUN MI 'CHAD PAR 'BYUNG BAS BDAG CES BYA BA YANG DE YIN NO SNYAM DU KUN GZHI LA BDAG TU 'DZIN PAR 'GYUR TE, BYIS PA RNAMS KYIS KUN GZHI LA BDAG TU BZUNG NA MI RUNG BAS BDAG TU 'DZIN PAR MI GZHUG PA'I PHYIR NGAS MA BSHAD DO ZHES BYA BA'I DON TO, ,RIGS PA'I GTAN TSIGS GNYIS KYIS KUN GZHI YOD PAR BSTAN PA'I PHYIR GANG GI PHYIR 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA PA LAS LANGS NAS YANG YUL RNAM PAR RIG PA 'JUG PA'I RNAM PAR SHES PA 'BYUNG BA DANG ZHES BYA BA SMOS TE, RTZA BA LAS MA BYUNG MOD KYI DE BAS NA 'JUG PA'I RNAM PAR SHES PA DRUG LAS MA GTOGS PAR KUN GZHI RNAM PAR SHES PA YOD PAR MNGON NO ZHES BYA BA'I TSIG LHAG MA LUS PA'O, ,'DI LTAR 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA PAR GYUR NAS 'JUG PA'I RNAM PAR SHES PA DRUG RNAMS MA LUS PAR 'GAGS NA PHYIS DE DAG LAS LANGS PA'I TSE KUN GZHI RNAM PAR SHES PA MED NA 'JUG PA'I RNAM PAR SHES PA RNAMS CI LAS SKYES TE SKYE PAR MI RUNG NGO, ,DE BAS NA 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA PA LAS LANGS PA'I TSE NA YANG 'JUG PA'I RNAM PAR SHES PA RNAMS SKYE ZHING 'BYUNG BAS NA KUN GZHI RNAM PAR SHES PA YOD PAR MNGON NO, ,DE SKAD DU BSHAD PA DANG, NYAN THOS RNAM PAR SMRA BA PA RNAMS KYIS SMRAS PA, 'DI LTAR BDAG CAG NI 'DAS PA YANG RDZAS SU YOD PAR 'DOD PAS TING NGE 'DZIN DE DAG LA DANG PO SBYOR BA'I SEMS 'GOG PA LA ZHUGS PA DE YANG PHYIS LDANG BA'I SEMS KYIS DE MA THAG PA'I RKYEN DU 'DOD DE, DE BAS NA SBYOR BA'I SEMS KYI DE MA @101B THAG PA'I RKYEN DE LAS LANGS PA'I TSE 'JUG PA'I RNAM PAR SHES PA RNAMS SKYE BAS KUN GZHI MI DGOS SO, ,RNAM PAR RIG PA TZAM DU SMRA BAS BRGAL BA, DANG PO SBYOR BA'I SEMS DE BYUNG BAS 'GAGS PA'I 'OG TU SNYOMS BAR 'JUG PA'I RDZAS MANG POS BAR DU CHOD DE SNGA MA 'GAGS NAS RING DU LON NAS PHYIS LDANG BA'I TSE JI LTAR NA SNGA MA 'GAGS PA'I SEMS DE LAS 'JUG PA'I RNAM PAR SHES PA SKYE, NYAN THOS RNAM PAR SMRA BA PA RNAMS KYIS LAN SMRAS PA, BAR DU CHOD CES PA'I DON NI RIGS 'DRA BA'I RDZAS MANG POS BAR DU CHOD PA NI BAR DU CHOD PA'I DON DU 'DOD PAS DE MA THAG PA'I RKYEN DU MI RUNG GI RIGS MI 'DRA BA'I RDZAS MANG POS BAR DU CHOD PA NI BAR DU CHOD BA MA YIN BAS DE MA THAG PA'I RKYEN DU 'DOD DE, DE BAS NA DANG PO SBYOR BA'I SEMS DANG THA MA LDANG BA'I SEMS GNYIS KYI BAR NA TING NGE 'DZIN GYI RDZAS RIGS MI MTHUN PAS MA CHOD PA'I PHYIR, SNGA MA SBYOR BA'I SEMS LAS PHYI MA LDANG BA'I TSE 'JUG PA'I RNAM PAR SHES PA SKYE BAS NA 'GAL BA MED DO, ,RNAM PAR RIG PA TZAM DU SMRA BAS SMRAS PA, DANG PO SBYOR BA'I SEMS DE LAS LANGS BA'I SEMS SKYE BAR NI MI RIGS TE, CI'I PHYIR ZHE NA, DANG PO'I SBYOR BA'I SEMS 'GAGS NAS BAR DU TING NGE 'DZIN GYI RDZAS MANG POS CHOD DE YUN RING DU LON PA LAS GANG 'GAGS PA DE NI YOD PA MA YIN TE, CUNG ZAD KYANG MED PAS NA 'GAG PA MED PA LAS LDANG BA'I TSE SEMS 'BYUNG BAR MI RIGS TE, DPER NA NAM MKHA'I ME TOG DANG BDAG DANG GTZO BO LA SOGS PA BZHIN NO, ,'DI LTAR NAM MKHA'I ME TOG DANG, MU STEGS CAN GYIS BRTAGS PA'I BDAG DANG GTZO BO LA SOGS PA YOD PA MA YIN PAS MED PA'I CHOS DE DAG NI CHOS GANG GI RGYU YANG MI BYED LA, DE DAG LAS 'BRAS BU GANG YANG MI 'BYUNG BA BZHIN DU DANG PO SBYOR BA'I SEMS NI 'GAGS TE MED PA YIN PAS MED PA DE NI CHOS GANG GI RGYU YANG MI BYED LA, DE LAS 'BRAS BU GANG YANG 'BYUNG BAR MI 'GYUR RO, ,DE LTAR NYAN THOS RNAM PAR SMRA BA PA RNAMS SUN BYUNG BA DANG, MDO SDE PAS SMRAS PA, RNAM PAR SMRA BA PA RNAMS KYI SBYOR BA'I SEMS DES 'GOG PA'I SEMS BSKYED NAS SEMS 'GAGS PA'I 'OG TU SNYOMS PAR 'JUG PA'I RDZAS MANG POS BAR DU CHOD NAS SBYOR BA'I @102A *, ,SEMS LAS LDANG BA'I TSE 'JUG PA'I RNAM PAR SHES PA SKYE BAR MI RUNG NA YANG, 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA'I TSE NA LUS YOD PAS LUS LAS PHYIS LDANG BA'I TSE SEMS BSKYED PAS NA KUN GZHI DGOS PA MED DO, ,JI LTAR SEMS LUS LAS SKYES SHE NA, 'DI LTAR DBANG PO DANG BCAS PA'I GZUGS DANG SEMS GNYIS NI GCIG LA GCIG SA BON 'JOG STE, BAR 'GA' NI DBANG PO DANG BCAS PA'I GZUGS LA SEMS KYI SA BON 'JOG PAS GZUGS LAS SEMS 'BYUNG STE, GANG GI TSE ZHE NA; RNAL 'BYOR PA 'GOG PA'I SNYOMS PAR 'JUG PA 'AM, 'DU SHES MED PA'I SNYOMS PAR 'JUG PA 'AM, 'DU SHES MED PA'I TSE NA GZUGS LA SEMS KYI SA BON GZHAG PAS, NAM LANGS PA'I DUS NA DBANG BO DANG BCAS PA'I GZUGS LAS SEMS SKYE BAS NA GZUGS LA SEMS KYI SA BON GNAS SO, ,BAR 'GA' NI SEMS LA GZUGS KYI SA BON 'JOG STE, GANG GI TSE ZHE NA, RNAL 'BYOR BA 'DOD PA'I KHAMS NAS SHI 'PHOS TE GZUGS MED PA'I KHAMS SU SKYES PA DANG, GZUGS MED PA'I KHAMS SU GZUGS THAMS CAD MA LUS PA MED PAR 'GYUR RO, , DE NAS RNAL 'BYOR PA DE GZUGS MED PA'I KHAMS NAS SHI 'PHOS TE, 'DOD PA'I KHAMS SU SKYES PAS NA GZUGS 'GAGS TE RING DU LON MOD KYI SEMS NYID LAS DBANG PO DANG BCAS PA'I GZUGS 'BYUNG BAS NA SEMS LA GZUGS KYI SA BON GNAS SO, ,DE LTAR LUS DANG SEMS GNYIS GCIG GI RGYU GCIG GIS BYED PAS 'GOG PA'I SNYOMS PAR 'JUG PA LA SOGS PA'I DUS NA YANG LDANG BA'I TSE LUS LAS SKYE BAS NA KUN GZHI MI DGOS SO, ,SMRAS PA, YONG NI SEMS CAN GYI SEMS KYI RGYUD GCIG TU ZAD NA, DE LTAR BSHAD NA NI SEMS CAN RE RE LA YANG SEMS KYI RGYUD GNYIS GNYIS YOD PAR 'GYUR RO, ,GANG ZHE NA SEMS KYI RGYUD GCIG NI DBANG PO DANG BCAS PA'I GZUGS LAS 'BYUNG BA STE, NAM 'GOG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA'I TSE NA'O, ,SEMS KYI RGYUD GNYIS PA NI SEMS GZHAN LAS @102B 'BYUNG BA STE, 'DI JI LTAR SKAD CIG MA SNGA MA'I RGYUS SKAD CIG MA PHYI MA'I SEMS SKYA BA'O, ,YONG NI SEMS CAN GYI RGYUD NI GCIG TU ZAD DE SEMS DE NYID LAS SEMS NYID SKYE BAR ZAD NA, DE LTA NA NI SEMS CAN RE RE LA YANG SEMS KYI RGYUD GNYIS GNYIS YOD PAR 'GYUR RO, ,JI LTA ZHE NA; SEMS KYI RGYUD GCIG NI LUS YIN TE, NAM 'GOG PA LA SOGS PA LA SNYOMS PAR ZHUGS NAS LANGS PA'I TSE NA'O, ,SEMS KYI RGYUD GCIG NI SEMS NYID YIN TE, GANG SEMS KYI SKAD CIG MA SNGA MA 'GAGS PA LAS SKAD CIG MA PHYI MA'I SEMS SKYE BA NA'O, ,GZHAN YANG LUS LAS SEMS SKYE NA NI 'DI LTAR 'DOD PA DANG GZUGS KYI KHAMS SU RNAL 'BYOR BA SNYOMS PAR ZHUGS PA'I TSE NA DBANG PO DANG BCAS PA'I LUS LAS SEMS SKYE BAR RUNG NA, NAM RNAL 'BYOR PA GZUGS MED PA'I KHAMS SU 'GOG PA LA SNYOMS PAR ZHUGS PA DE'I TSE GZUGS MED PAS PHYIS JI LTAR LDANG ZHING SEMS SKYE STE LDANG BA MED PAR 'GYUR RO, ,MA LANGS PA NA MYA NGAN LAS 'DAS PAR 'GYUR TE, DE BAS NA LUS LAS SEMS SKYE ZHES BYA BA 'DI YANG MI RIGS SO, ,YANG LUNG GI GTAN TSIGS KYIS KUN GZHI RNAM PAR SHES PA YOD PAR BSTAN TE, MDO LAS KYANG 'GOG PA LA SNYOMS PAR ZHUGS PA NA RNAM PAR SHES PA NI LUS DANG MA BRAL LO ZHES GSUNGS PAS NA KUN GZHI RNAM PAR SHES PA YOD PAR MNGON NO, DE SKAD DU BSHAD PA DANG, SLOB DPON BA SU MI TRAS SMRAS PA, 'GOG PA LA SNYOMS PAR ZHUGS PA'I TSE YID KYI RNAM PAR SHES PA MI GSAL BA DE'I MTSAN NYID DU DE NA YOD DE, DE BAS NA MDO LAS KYANG 'GOG PA LA SNYOMS PAR ZHUGS PA NA RNAM PAR SHES PA NI LUS DANG MA BRAL BA'O ZHES GSUNGS KYI KUN GZHI LA NI MI BYA'O ZHES SMRA'O, ,LAN DU 'GOG PA LA SNYOMS PAR ZHUGS PA'I TSE YID KYI RNAM PAR SHES PA MI GSAL BAR GNAS PAS RNAM PAR SHES PA LUS LAS MA BRAL LO ZHES BYA BAR MI RIGS TE, DE BAS NA KUN GZHI RNAM PAR SHES PA NYID 'GOG PA LA SNYOMS PAR ZHUGS PA'I TSE LUS LAS MA BRAL BAR RIGS SO, ,SLOB DPON PA SU MI TRAS SMRAS PA, 'GOG PA LA SNYOMS PAR ZHUGS PA'I TSE KUN GZHI LAS MA GTOGS PAR YID KYI RNAM PAR @103A *, ,SHES PA LUS DANG MA BRAL BAR CI'I PHYIR MI RIGS, LAN DU SMRAS PA, 'GOG PA LA SNYOMS PAR ZHUGS PA'I TSE YID KYI RNAM PAR SHES PA YOD PAR KHAS BLANGS NA NI NYES PA DANG PO SKYON DU 'GYUR RO, ,JI LTAR ZHE NA, YID KYI RNAM PAR SHES PA DE NA YOD PA DANG, SKAD CIG MA'I NGANG LA GNAS PAS DE MA THAG PA'I RKYEN KYANG YOD LA 'GOG PA LA SOGS PA'I DUS NA DBANG PO MA NYAMS PAS MIG LA SOGS BA'I DBANG PO YANG YOD DO, ,YUL MED PAR RNAM PAR SHES PA GNAS MI SRID PAS YUL YANG YOD PAR 'GYUR TE, DE LTAR NA YUL DANG DBANG PO DANG RNAM PAR SHES PA GSUM 'DUS PAS REG PA SKYE'O, ,REG PA'I RKYEN GYIS TSOR BA 'BYUNG NGO, ,TSOR BA'I RKYEN GYIS 'DU SHES DANG, SEMS PA 'BYUNG BAS NA 'GOG PA LA SNYOMS PAR ZHUGS PA'I TSE YID KYI RNAM PAR SHES PA YOD PAR MI RIGS SO, ,GAL TE GZHAN NA RE, 'GOG PA LA SNYOMS PAR ZHUGS PA'I TSE YID KYI RNAM PAR SHES PA YOD PAS REG PA'I RKYEN GYIS TSOR BA DANG, 'DU SHES LA SOGS PA YOD PAR GYUR NA YANG NYES PA CI YOD, LAN DU 'GOG PA LA SNYOMS PAR ZHUGS PA'I TSE 'DU SHES DANG, TSOR BA LA SOGS PA YOD PAR KHAS BLANGS NA NI 'GOG PA NI 'DU SHES TSOR BA 'GOG PAR BYED PA'O ZHES BSHAD PA NYID DON MED PAR 'GYUR RO, ,DE LTA BAS NA KUN GZHI RNAM PAR SHES PA NI DUS THAMS CAD DU GNAS LA, 'JUG PA'I RNAM PAR SHES PA SKYE BA'I SA BON YANG KUN GZHI LA YOD PAS 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'DU SHES MED PA PA LAS LANGS PA'I TSE, KUN GZHI RNAM PAR SHES PA NYID LAS 'JUG PA'I RNAM PAR SHES PA SKYE BAR KHAS BLANG DGOS SO, ,RIGS PA'I GTAN TSIGS GZHAN GYIS KYANG KUN GZHI RNAM PAR SHES PA YOD PAR BSTAN PA'I PHYIR, YANG DMIGS PA'I RKYEN LA LTOS NAS RNAM PA GZHAN DU 'JUG PA NYID DANG ZHES BYA BA SMOS TE, PHYIR RO ZHES BYA BA'I TSIG 'JUG NAS 'BYUNG BA 'DI YANG SBYAR TE, YANG DMIGS PA'I RKYEN LA LTOS NAS RNAM PA GZHAN DU 'JUG PA NYID KYI PHYIR 'JUG PA'I RNAM PAR SHES PA LAS MA GTOGS PA KUN GZHI RNAM PAR @103B SHES PA YOD PAR MNGON NO ZHES BYA BA'I DON TO, ,DE LA DMIGS PA'I RKYEN GYI DON NI RKYEN BZHI LAS MIG GI RNAM PAR SHES PA'I YUL GZUGS NAS LUS KYI RNAM PAR SHES PA'I YUL REG BYA STE LNGA DANG, YID KYI RNAM PAR SHES PA'I YUL CHOS THAMS CAD DE DRUG LA DMIGS PA'I RKYEN ZHES BYA'O, , DMIGS PA'I RKYEN DE DAG KYANG RANG BZHIN THA DAD DE GZUGS KYI RANG BZHIN DANG RNAM PA LAS SGRA'I RANG BZHIN DANG RNAM PA GZHAN YIN PA DANG, SGRA'I RANG BZHIN DANG RNAM PA LAS GZUGS KYI RANG BZHIN DANG RNAM PA GZHAN YIN PAS RNAM PA GZHAN ZHES BYA BA DANG, GZUGS KYI RANG BZHIN LA YANG SNA TSOGS THA DAD DE, SER PO'I RANG BZHIN DANG RNAM PA LAS SNGON PO'I RANG BZHIN DANG RNAM PA GZHAN YIN PA DANG, SNGON PO'I RANG BZHIN DANG RNAM PA LAS DKAR PO'I RANG BZHIN DANG RNAM PA GZHAN YIN PAS RNAM PA GZHAN ZHES BYA'O, ,DE LA MIG GI DBANG PO RNAM PAR SHES PA GZUGS KYI RANG BZHIN DANG RNAM PAR SKYES PA LAS SGRAS RKYEN BYAS NAS SGRA LA BRTEN TE, RNA BA'I RNAM PAR SHES PA SGRA'I RNAM PAR SKYES PA NI DMIGS PA'I RKYEN LA LTOS NAS RNAM PA GZHAN DU 'JUG PA ZHES BYA BA'AM, MIG GI RNAM PAR SHES PA DKAR PO'I RNAM PAR SKYES PA LAS SER POS RKYEN BYAS NAS SER PO'I RNAM PAR SKYES PA NI DMIGS PA'I RKYEN LA LTOS NAS RNAM PA GZHAN DU 'JUG PA ZHES BYA'O, ,DE LTAR RNAM PAR SHES PA SNGON PO'I RNAM PAR SKYES PA LAS YUL SER POS RKYEN BYAS NAS SER PO'I RNAM PA GZHAN SKYE BA DANG, MIG GI RNAM PAR SHES PA GZUGS KYI RNAM PAR SKYES PA LAS DMIGS PA'I RKYEN SGRAS RKYEN BYAS NAS RNA BA'I RNAM PAR SHES PA SGRA'I RNAM PAR SKYE BA DANG, DMIGS PA'I RKYEN LA LTOS NAS RNAM PA GZHAN DU SKYE ZHING 'JUG GO, ,DMIGS BA'I RKYEN LA MA LTOS MA BRTEN PAR RNAM PA GZHAN DU 'JUG CING SKYE PAR MI NUS TE, DE BAS NA 'JUG PA'I RNAM PAR SHES PA RNAMS KYI DMIGS PA'I RKYEN DGOS SO, ,DPER NA MYU GU BSKYED PA LAS CHU ME RLUNG LA SOGS PA'I GROGS BYED PA YOD KYANG RGYU'I RKYEN SA BON MED NA MYU GU MI SKYE STE, SA BON DGOS PA DE BZHIN DU 'JUG PA'I RNAM PAR SHES PA RNAMS LA DMIGS PA'I RKYEN YOD NA DE DAG RGYU'I @104A *, ,RKYEN KYANG MED DU MI RUNG STE, GDON MI ZA BAR RGYU'I RKYEN KYANG DGOS SO, ,DE LA 'JUG PA'I RNAM PAR SHES PA RNAMS KYI RGYU'I RKYEN NI KUN GZHI RNAM PAR SHES PA YIN TE, DE BAS NA 'JUG PA'I RNAM PAR SHES PA LAS MA GTOGS PAR KUN GZHI RNAM PAR SHES PA ZHES BYA BA 'JUG PA'I RNAM PAR SHES PA RNAMS KYI SA BON GYI GZHIR GYUR PA ZHIG YOD PAR SHES PAR BYA'O, ,DE LA MIG GI RNAM PAR SHES PA RNA BA'I RNAM PAR SHES PA LAS RNAM PA DANG RANG BZHIN GZHAN YIN PA DANG, RNA BA'I RNAM PAR SHES PA LAS SNA'I RNAM PAR SHES PA RNAM PA DANG RANG BZHIN GZHAN YIN TE, 'JUG PA'I RNAM PAR SHES PA RNAMS RANG BZHIN THA DAD PA YANG DE DAG GI DMIGS PA DANG, RNAM PA'I RKYEN THA DAD PA'I SGO NAS DE DAG GI RANG BZHIN YANG THA DAD PAR GZHAG GI DE MA THAG PA'I RKYEN DANG BDAG PO'I RKYEN THA DAD PAS DE DAG THA DAD PAR GZHAG PA NI MED DO, ,DE LTAR DMIGS PA'I RKYEN THA DAD PA'I SGO NAS DE DAG GI RANG BZHIN THA DAD PAR 'GYUR BA'I PHYIR DMIGS PA'I RKYEN LA LTOS NAS RNAM PA GZHAN DU 'JUG PA NYID DO, ,DMIGS PA'I RKYEN THA DAD PA'I SGO NAS RNAM PAR SHES PA THA DAD PAR 'GYUR BA YANG GZUGS KYI RNAM PA LAS SGRA'I RNAM PA GZHAN YIN PA DANG; SGRA'I RNAM PA LAS DRI'I RNAM PA GZHAN YIN PAS NA MIG GI RNAM PAR SHES PA'I DMIGS PA'I RKYEN GZUGS YI TE, GZUGS LA RNAM PAR SHES PA DMIGS NAS GZUGS KYI RNAM PAR SKYE BA DANG, RNA BA'I RNAM PAR SHES PA'I DMIGS PA'I RKYEN SGRA YIN TE, SGRA LA DMIGS NAS SGRA'I RNAM PAR SKYE BA LA SOGS PA RANG BZHIN THA DAD PAR GZHAG PA YANG YUL THA DAD PA'I SGO NAS THA DAD PAR GZHAG DGOS PAR ZAD DO, ,DE MA THAG PA'I RKYEN THA DAD PA'I SGO NAS 'JUG PA'I RNAM PAR SHES PA RNAMS THA DAD PAR GZHAG PA NI MED DE, CI'I PHYIR ZHE NA, RNAM PAR SHES BA SNGA MA 'GAG PA DE DAG 'DI KHO NA BSKYED PA'I RKYEN RGYU NI BYED PA GZHAN SKYED PA'I RKYEN MI BYED DO ZHES NGES PA MED DE, DPER NA, MIG GI RNAM PAR SHES PA SNGAR 'GAGS NA SNGAR 'GAGS PA DE GAL TE MIG GI RNAM PAR SHES PA PHYI MA SKYE BA'I DE MA THAG PA'I RKYEN BYED, GAL TE RNA BA'I RNAM PAR SHES PA PHYI MA @104B SKYED PA'I RKYEN BYED PAS 'DI KHO NA BSKYED PA'I RTEN RKYEN BYED CES NGES PA MED PAS NA DE MA THAG PA'I RKYEN LAS NI RNAM PAR SHES PA THA DAD PAR GZHAG PA MED DO, ,DE BZHIN DU BDAG PO'I RKYEN THA DAD PAS RNAM PAR SHES PA THA DAD PAR GZHAG PA YANG MED DE, CI'I PHYIR ZHE NA, DPER NA, MIG GI DBANG PO LTA BU MIG GI RNAM PAR SHES PA SNGO PO'I RNAM PAR LTA BU SKYE BA'I RKYEN KYANG BYED LA, MIG GI RNAM PAR SHES PA SER PO'I RNAM PA LTA BU SKYE BA'I RKYEN KYANG BYED DE, YUL MANG PO'I SGO NAS MIG GI RNAM PAR SHE PA RNAM PA SNA TSOGS SU SKYE BA KUN GYI RKYEN BYED PAS NA BDAG PO'I RKYEN THA DAD PA'I SGO NAS RNAM PAR SHE PA THA DAD PAR GZHAG PA MED DO, ,DE LTAR YUL RNAM PA THA DAD PAS RNAM PAR SHES PA RNAM PA GZHAN DU 'JUG PA DE YANG DMIGS PA'I RKYEN LA MI LTOS PAR 'JUG MI SRID DE, DMIGS PA'I RKYEN LA LTOS DGOS PA DE BZHIN DU 'JUG PA'I RNAM PAR SHES PA DE DAG SKYE RGYU'I RKYEN LA MI LTOS PAR SKYE MI SRID PAS RGYU'I RKYEN YANG DOGS SO, ,GAL TE NYAN THOS RNAM PAR SMRA BA BA RNAMS NA RE, 'JUG PA'I RNAM PAR SHES PA RNAMS LA DMIGS PA'I RKYEN MED PAR MI RIGS PA DE BZHIN DU DE DAG LA RGYU'I RKYEN YANG MED PAR MI RIGS PA NI BDEN MOD KYI 'JUG PA'I RNAM BAR SHES PA DE DAG GI NI RKYEN REG PA DANG, YID LA BYED PA LA SOGS PA SEMS LAS BYUNG BA DANG, LHAN CIG 'GROGS PA RNAMS YIN NAM, 'ON TE RGYU'I RKYEN GZHAN ZHIG YOD PAR DPYAD DGOS SO ZHE NA LAN DU, RGYU'I RKYEN ZHES BYA BA NI CHOS GANG LA MIG LA SOGS PA'I RNAM PAR SHES PA'I SA BON YOD CING DE'I SA BON GYI GZHI YOD PAR BYED PA LA RGYU'I RKYEN ZHES BYA STE, DE BAS NA MIG LA SOGS PA'I SA BON NI KUN GZHI RNAM PAR SHE PA LA YOD PAS KUN GZHI RNAM PAR SHE PA NYID RGYU'I RKYEN YIN NO, ,DE SKAD DU BSHAD PA LA, NYAN THOS RNAM PAR SMRA BA PA RNAMS KYIS SMRAS PA, SKAD CIG MA SNGA MA LA RNA BA'I RNAM PAR SHES PA SKYE SNAS, BDAG 'GAGS PA'I DUS NA MA 'ONGS PA NA BDAG DANG 'DRA BA'I RNA BA'I RNAM PAR SHES PA BSKYED PAR BYA BA'I PHYIR MIG RNAM PAR SHE PA SKAD CIG MA PHYI MA SKYE BA LAS SA BON 'JOG STE, DE @105A *, ,LTAR 'JUG PA'I RNAM PAR SHE PA NYID GCIG LA GCIG SA BON 'JOG GI KUN GZHI RNAM PAR SHE PA DGOS PA MED DO ZHES LAN DU 'JUG PA'I RNAM PAR SHES PA RNAMS LA NI GCIG LA GCIG SA BON 'JOG PAR MI RIGS TE, BAG CHAGS SOG BAR BYED PA DANG BSGO BAR BYA BA GNYIS DUS MNYAM PAR YOD PAR 'DOD DE, GANG GI TSE SGO BAR BYED PA YOD PA DE'I TSE BSO BAR BYA BA YANG YOD NA GCIG GI GCIG LA BSGO BAR 'DOD PA LAS 'JUG PA'I RNAM PAR SHES PA RNAMS NI DGE BA DANG, MI DGE BA DANG, LUNG DU MI STON PA DANG, KHAMS THA MA DANG BAR MA DANG, RAB RNAMS DANG; 'JIG RTEN DANG, 'JIG RTEN LAS 'DAS PA DANG, ZAG PA BCAS PA DANG, ZAG PA MED PA RNAMS RIM PA BZHIN DU 'BYUNG BA'I PHYIR DE DAG NANG GCIG LA GCIG BSGO BAR MI RUNG NGO, ,JI LTA ZHE NA, RNA BA'I RNAM PAR SHES PA SNGA MA 'GAGS PA DES MIG GI RNAM PAR SHES PA PHYI MA SKYE BA LA BAG CHAGS BSGO ZHES BYA BAR GANG GI TSE, RNA BA'I RNAM PAR SHES PA SKYES PA DE'I TSE MIG GI RNAM PAR SHES PA MA SKYES NA GANG LA LA BAG CHAGS BSGO, GANG GI STE MIG GI RNAM PAR SHES PA SKYE BA DE'I TSE RNA BA'I RNAM PAR SHES PA 'GAGS NA PHYI MA LA SUS SGO BAR BYED DE MI RIGS SO, , GZHAN YANG 'JUG PA'I RNAM PAR SHES PA RNAMS NI DGE BA'I RANG BZHIN YANG YIN, MI DGE BA'I RANG BZHIN YANG YIN, LUNG DU MI STON PA'I RANG BZHIN YANG YIN PA LAS CHOS DE DAG NI PHAN TSUN ME DANG CHU BZHIN DU 'GAL BA YIN PA'I PHYIR DUS GCIG TU MI BDE BZHIN DU MI 'BYUNG STE, GANG GI TSE DGE BA BYUNG BA DE'I TSE MI DGE BA MI 'BYUNG, GANG GI TSE MI DGE BA BYUNG BA NA DE'I TSE LUNG DU MI STON PA MI 'BYUNG NGO, ,DE LTAR NA SKAD CIG MA SNGA MA LA 'JUG BA'I RNAM PAR SHES PA DGE BA'I RANG BZHIN ZHIG BYUNG NAS, DGE BA DES MA 'ONGS PA NA BDAG DANG 'DRA BA'I DGE BA BSKYED PA'I PHYIR SKAD CIG MA GNYIS PA LA 'JUG PA'I RNAM PAR SHES PA MI DGE BA'I RANG BZHIN BYUNG BA LA BAG CHAGS BSGO ZHES BYA BAR YANG GANG GI TSE SKAD CIG MA LA DAG BA BYUNG BA DE'I SKAD CIG MA LA MI DGE BA'I RANG BZHIN GYIS 'JUG PA'I RNAM PAR SHES PA MA BYUNG BAS NA GANG GI TSE BAG CHAGS BSGO, GANG GI TSE @105B MI DGE BA SKYES PA DE NA DGE BA SNGA MA 'GAGS PAS GANG GIS PHYI MA DE LA BAG CHAGS BSGO STE DE LTAR MI RIGS SO, ,DE BZHIN DU LUNG MA BSTAN PA LA YANG PHAN TSUN DU SBYAR RO, ,DE LA KHAMS THA MA NI 'DOD PA'I KHAMS SO, ,KHAMS 'BRING PO NI GZUGS KYI KHAMS SO, ,KHAMS RAB NI GZUGS MED PA'I KHAMS SO, ,KHAMS DE DAG GI 'JUG PA'I RNAM PAR SHES PA RNAMS KYANG RIM GYIS 'BYUNG BA'I PHYIR GCIG LA GCIG BSGO BAR MI RIGS TE, 'DOD PA'I KHAMS KYI SBYOR BA'I SEMS KYIS GZUGS KYI TING NGE 'DZIN BSKYED PA'I LAS SNGA MA SA PHYI MA LA BSGO ZHES BYA BAR YANG GANG GI TSE 'DOD PA'I KHAMS KYI SBYOR BA'I SEMS BYUNG BA NA GZUGS KYI KHAMS KYI TING NGE 'DZIN MA SKYES NA GANG LA BSGO, GANG GI TSE GZUGS KYI KHAMS KYI TING NGE 'DZIN SKYES PA NA 'DOD PA'I KHAMS KYI SBYOR BA'I SEMS 'GAGS NA GANG GIS PHYI MA LA BSGO STE MI RIGS SO; ,DE BZHIN DU GZUGS MED PA'I KHAMS LA SOGS PA LA YANG SBYAR BAR BYA'O, ,'DI LTAR 'JIG RTEN DANG 'JIG RTEN LAS 'DAS PA'I SEMS KYANG RIM GYIS 'BYUNG BAS NA GCIG LA GCIG BSGO BAR MI RIGS TE, JI LTA ZHE NA 'JIG RTEN PA'I SEMS 'JIG RTEN PA'I CHOS MCHOG TU 'BYUNG BA'I 'OG TU 'JIG RTEN LAS 'DAS PA'I SEMS SDUG BSNGAL LA CHOS SHES PA 'BYUNG BAS NA SNGA MAS PHYI MA LA BSGO ZHES BYA BAR YANG GANG GI TSE 'JIG RTEN PA'I SEMS 'JIG RTEN PA'I CHOS MCHOG 'BYUNG BA NA 'JIG RTEN LAS 'ANGS PA'I SEMS SDUG BSNGAL LA CHOS SHES PA MA BYUNG BAS NA GANG LA BSGO, GANG GI TSE 'JIG RTEN LAS 'DAS PA'I SEMS SDUG BSNGAL LA CHOS SHES PA BYUNG BA NA 'JIG RTEN GYI CHOS MCHOG GI SEMS 'GAGS PAS NA GANG GIS PHYI MA LA BSGO STE MI RIGS SO, ,ZAG PA DANG BCAS PA DANG ZAG PA MED PA'I SEMS RNAMS KYANG RIM GYIS 'BYUNG BAS NA GCIG LA GCIG BAG CHAGS BSGO BAR MI RIGS SO, ,DE LAS SA GOD MA LA NI YON TAN DU LTA, SA 'OG MA LA NI SKYON DU LTA BA NI ZAG PA DANG BCAS PA'I LAM MO, ,MTHONG BA DANG BSGOM PA'I LAM NI ZAG PA MED PA'I LAM MO, ,DE LA GANG GI TSE ZAG PA CAN GYI LAM BYUNG BA DE'I TSE ZAG PA @106A *, ,MED PA'I LAM MA BYUNG BAS GANG LA BSGO, GANG GI TSE ZAG PA MED PA'I LAM BYUNG BA DE'I TSE ZAG PA DANG BCAS PA'I LAM 'GAGS PAS NA PHYI MA LA SU BSGO STE MI RIGS SO, ,DE SKAD DU BSHAD PA DANG, GAL TE GZHAN GYIS SMRAS PA, DE LTAR NA SEMS NYID KYIS NYID LA BSGO STE, 'DI LTAR SKAD CIG MA GCIG LA DGE BA'I SEMS 'BYUNG BA DE NYID KYIS SEMS DE NYID LA BSGO BAS KUN GZHI MI DGOS SO ZHE NA YANG RAL GRI SO JI LTAR RNON YANG SO DE NYID KYIS SO DE MI CHOD PA BZHIN DU BDAG LA BDAG BYED PAR 'GAL BAS SEMS DE NYID KYIS DE NYID LA BSGO BAR MI RIGS SO DE LTAR NI MI RIGS KYI 'DI LTAR RIGS TE, ME TOG TZAM PA KA DANG TIL 'BRU GNYIS SKYES KYANG MNYAM DU SKYES 'GAG KYANG MNYAM DU 'GAGS LA, GANG GI TSE ME TOG YOD PA DE'I TSE TIL 'BRU YANG YOD DE, ME TOG GI SKAD CIG MA DES TIL 'BRU'I SKAD CIG MA LA ME TOG GI DRIS SGO BAR BYED PA DE BZHIN DU; RNAM PAR SMIN PA'I RNAM PAR SHES PA, KUN GZHI RNAM PAR SHES PA DANG, 'JUG PA'I RNAM PAR SHES PA RNAMS LHAN CIG TU SKYES PA LHAN CIG TU 'GAGS TE, GANG GI TSE KUN GZHI RNAM PAR SHES PA YOD PA DE'I TSE 'JUG PA'I RNAM PAR SHES PA RNAMS KYANG YOD DE, KUN GZHI RNAM PAR SHES PA'I SKAD CIG MA DE LA DE DANG LHAN CIG TU 'BYUNG BA'I 'JUG PA'I RNAM PAR SHES PA NI MA 'ONGS PA NA BDAG DANG 'DRA BA'I 'JUG PA'I RNAM PAR SHES PA SKYED PA'I PHYIR BAG CHAGS SGO BAR BYED DE, KUN GZHI BAG CHAGS DANG LDAN PA DE LAS 'JUG PA'I RNAM PAR SHES PA RNAMS SKYE'O ZHES DE LTAR KHAS BLANGS DGOS SO, , DE LTA BAS NA 'JUG PA'I RNAM PAR SHES PA LAS MA GTOGS PA'I KUN GZHI RNAM PAR SHES PA ZHES BYA BA 'DUS BYAS THAMS CAD KYI SA BON DANG LDAN PA LOGS SHIG NA YOD PAR GRUB PO, ,RIGS PA'I GTAN TSIGS GZHAN GYIS KYANG 'JUG PA'I RNAM PAR SHES PA LAS MA GTOGS PAR KUN GZHI YOD PAR BSGRUB PA'I PHYIR, CHAD NAS YANG 'JUG PA DANG ZHES BYA BA SMOS TE, PHYIR RO ZHES BYA BA'I TSIG MJUG NAS 'BYUNG BA 'DIR YANG SBYAR TE, CHAD NAS YANG 'JUG PA'I PHYIR 'JUG PA'I RNAM PAR SHES PA LAS MA GTOGS PAR KUN GZHI RNAM PAR SHES PA ZHES BYA BA YANG YOD @106B PAR RIG PAR BYA'O ZHES BYA BA'I DON TO, ,CHAD PA NI SEMS MED PA'I GNYID KYIS LOG PA DANG, RA ROB DANG, BRGYAL BA LA SOGS PA'I DUS NA 'JUG BA'I RNAM PAR SHES PA DRUG RNAMS RGYU'I RGYUN CHAD DE MI 'BYUNG BAS NA CHAD PA ZHES BYA'O, ,DE LA GNYID RNAM PA GNYIS TE, SEMS DANG BCAS PA'I GNYID DANG, SEMS MED PA'I GNYID DO, ,SEMS DANG BCAS PA'I GNYID NI MIG LA SOGS PA'I RNAM PAR SHES PA LNGA 'GAGS KYI YID KYI RNAM PAR SHES PA RMI LAM DANG BCAS PA'O, ,SEMS MED PA'I GNYID NI GNYID STUG POS NON PAS YID KYI RNAM PAR SHES PA RMI LAM MED PA'O, ,SEMS MED PA'I GNYID KYIS LOG PA DANG BRGYAL BA LA SOGS PA'I DUS NA 'JUG PA'I RNAM PAR SHES PA RNAMS RGYU BA RGYUN CHAD DE MED PA LAS, GAL TE KUN GZHI RNAM PAR SHES PA MED DU ZIN NA SEMS MED PA'I GNYID KYIS LOG PA DANG, BRGYAL BA LA SOGS PA LAS LANGS PA'I TSE 'JUG PA'I RNAM PAR SHES PA RNAMS PHYIS CI LAS SKYE STE SKYE BAR MI RUNG NGO, ,'GOG PA'I SNYOMS PAR 'JUG PA LA BRGAL BA BZHIN DU 'DIR YANG DANG PO GNYID LDOG DU BYED PA'I SEMS DE'I 'OG TU GNYID KYI RDZAS MI 'DRA BAS CHOD PAS DANG PO'I SEMS DE LAS LDANG BA'I SEMS SKYE'O ZHEN YANG DANG PO'I SEMS DE NI 'GAGS TE MED PA YIN NA MED PA NI CHOS GANG YANG SKYE BA'I RGYUR MI RUNG BAS NA MI RIGS SO, ,GAL TE MDO SDE PA NA RE LUS DANG SEMS GNYIS GCIG LA GCIG SA BON 'JOG PAS DE'I TSE DBANG PO DANG BCAS PA'I LUS YOD PA'I PHYIR LUS LAS SEMS SKYE'O ZHEN YANG, DE LTAR NA SEMS CAN GCIG LA SEMS KYI RGYUD GNYIS YOD PAR 'BYUNG BAR 'GYUR TE, LUS LAS SKYE BA'I SEMS KYI RGYUD DANG SEMS NYID LAS SKYE BA'I SEMS KYI RGYUD DE GNYIS YOD PAR MI RIGS SO, ,GAL TE AA TZ'ARYA BA SU MI TRA NA RE BRGYAL BA LA SOGS PA'I DUS NA YID KYI RNAM PAR SHES PA MI GSAL BAR GNAS PAS LDANG PA'I TSE YID KYI RNAM PAR SHES PA DE LAS 'JUG PA'I RNAM PAR SHES PA SKYE BAS NA KUN GZHI DGOS SO ZHE NA, ,YANG YID KYI RNAM PAR SHES PA YOD PA DANG, GSUM 'DUS PA YOD PAS REG PA 'BYUNG NGO, ,REG PA 'BYUNG BA DANG, TSOR BA DANG 'DU SHES DANG SEMS @107A *, ,PA LA SOGS PA YANG 'BYUNG BAS DE'I TSE SEMS 'GAGS ZHES BYAR MI RUNG NGO, ,YANG RIGS PA'I GTAN TSIGS GZHAN GYIS 'JUG PA'I RNAM PAR SHES PA LAS MA GTOGS PAR KUN GZHI RNAM PAR SHES PA YOD PAR BSTAN PA'I PHYIR, 'KHOR BAR 'JUG PA DANG LDOG PA'I PHYIR RO ZHES BYA BA SMOS TE, 'DI LTAR 'KHOR BAR 'JUG PA YOD PA DANG 'KHOR BA LAS LDOG PA YOD PAS NA 'JUG PA'I RNAM PAR SHES PA LAS MA GTOGS PAR KUN GZHI RNAM PAR SHES PA ZHES BYA BA YOD PAR MNGON NO ZHES BYA BA'I DON TO, ,DE LA LHA LA SOGS PA'I RIS MTHUN PA'I GNAS SU NYE BAR LEN PA'I PHUNG PO LNGA RNAMS SKAD CIG MA'I RGYUN DU RGYUN MA CHAD PAR 'BYUNG ZHING SKYE BA NI 'KHOR BA'O, ,DE YANG LHA LA SOGS PA'I RIS MTHUN PA LAS SHI 'PHOS NAS RIS MI MTHUN PA GZHAN DU TSE'I MTSAMS SBYOR BA NI 'KHOR BAR 'JUG PA ZHES BYA'O, ,PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS THOB PA DANG PHUNG PO'I LHAG MA MA LUS PA'I MYA NGAN LAS 'DAS PA'I DBYINGS THOB PA NI 'KHOR BA LAS LDOG PA ZHES BYA'O, ,DE LA 'KHOR BAR 'JUG PA YANG MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA LA SOGS TE, RTEN CING 'BREL BAR 'BYUNG BA YAN LAG BCU GNYIS KYI TSUL GYIS 'JUG PA YIN NA, GAL TE NYAN THOS RNAM PAR SMRA BA PA KHYED KUN GZHI RNAM PAR SHES PA YOD PAR KHAS MI LEN NA NI KUN GZHI LAS MA GTOGS PAR 'DU BYED KYI RKYEN GYIS RNAM PAR SHES PA ZHES BYA BA'I RNAM PAR SHES PA GZHAN MED PAS 'KHOR BAR 'JUG CING SKYE BAR MI RUNG NGO, ,GAL TE NYAN THOS RNAM PAR SMRA BA PA RNAMS NA RE KUN GZHI RNAM PAR SHES PA YOD PAR KHAS MA BLANGS NA, 'DU BYED KYI RKYEN GYIS RNAM PAR SHES PA MED PAS 'KHOR BAR 'JUG PA MED DO ZHES DAM BCAS PA DE KUN GZHI KHAS MA BLANGS KYANG JI LTAR NA 'DU BYED KYI RKYEN GYIS RNAM PAR SHES PA MED PAS 'KHOR BAR 'JUG PA MED PAR 'GYUR ZHE NA, LAN DU KUN GZHI KHAS MI LEN NA 'DU BYED KYI RKYEN GYIS RNAM PAR SHES PA ZHES BYA BAR RNAM PA GNYIS LTAR BRTAG GRANG STE, NYAN THOS RNAM PAR SMRA BA PA RNAMS KYIS SMRAS PA'I YID @107B KYI RNAM PAR SHES PA GANG GI TSE MA'I MNGAL DU MTSAMS SBYOR BA DE'I TSE 'DU BYED KYI RKYEN GYIS RNAM PAR SHES PA ZHES BYA'O ZHES BRTAG GRANG NGAM, YANG NA NI MDO SDE PAS SEMS PA ZHES BYA BA SEMS LAS BYUNG BAS BSKYOD DE 'JUG PA'I RNAM PAR SHES PA RNAMS KYIS DGE BA DANG MI DGE BA DANG MI GSO BA'I 'DU BYED BYAS NAS 'JUG PA'I RNAM PAR SHES PA SKAD CIG MA GNYIS PA 'BYUNG BA LA BAG CHAGS SGO BAR BYED DE, DE 'DU BYED KYI RKYEN GYIS RNAM PAR SHES PA'O ZHES BRTAGS PA LTAR BRTAG GRANG NA PHYOGS GNYI GA LTAR YANG RIGS PA MA YIN NO, ,DE LA YID KYI RNAM PAR SHES PA MA'I MNGAL DU MTSAMS SBYOR BA DE LA 'DU BYED KYIS RNAM PAR SHES PA'O ZHES LTA BA'I PHYOGS DE JI LTAR MI RIGS PAR SUN 'BYIN TO, ,'DI LTAR TSE RABS SNGA MA'AM DA LTAR GYI TSE LA LAS DGE BA DANG MI DGE BA LA SOGS PA'I 'DU BYED BYAS PA DE NI SHI NAS TSE PHYI MAR YID KYI RNAM PAR SHES PA MA'I MNGAL DU MTSAMS SBYOR BAR BYED PA'I RKYEN DU MI RUNG STE, DE BAS NA MTSAMS SBYOR BA'I YID KYI RNAM PAR SHES PA DE LA YANG 'DU BYED KYI RKYEN GYIS RNAM PAR SHES PA ZHES BYAR MI RUNG NGO, ,CI'I PHYIR ZHE NA TSE RABS SNGA MA DANG, DA LTAR GYI DUS SU LAS DGE BA LA SOGS PA'I 'DU BYED BYAS PA RNAMS NI BYAS NAS DUS RING ZHIG LON TE 'DU BYED DE DAG 'GAGS PA'I 'OG TU GDOD YID KYI RNAM PAR SHES PA MA'I MNGAL DU MTSAMS SBYOR BAR BYED PAS NA GANG 'GAGS NAS DUS RING MO ZHIG LON PA'I 'DU BYED DE NI RNAM PAR SHES PA PHYI MA SKYED PA'I RKYEN DU MI RUNG NGO, ,GAL TE NYAN THOS RNAM PAR SMRA BA PA RNAMS NA RE, BDAG CAG NI 'DAS PA YANG RDZAS SU YOD PAR 'DOD PAS SNGON BYAS TE 'GAGS PA'I 'DU BYED DE DAG KYANG RDZAS SU YOD PA'I PHYIR YID KYI RNAM PAR SHES PA MA'I MNGAL DU MTSAMS SBYOR BA'I RKYEN BYED DO ZHE NA YANG MI RUNG STE, DPER NA BYA SNGON SHI BA DE PHYIS SGO NGA 'BYUNG BA'I RKYEN DU MI RUNG BA DANG, RDZA MA CHAG STE MED PAR GYUR PA CHU SNOD KYI RKYEN DU MI RUNG BA BZHIN DU SNGAR 'GAGS PAR NI MED PA YIN PAS RDZAS SU YOD CES BYA BAR YANG MI RUNG STE, DE BAS NA SNGON BSAGS TE 'GAGS PA'I 'DU BYED DE DAG YID KYI RNAM PAR SHES PA PHYIS MTSAMS SBOR BA'I RKYEN DU MI RUNG NGO, ,DE SKAD BSHAD PA DANG, @108A *, ,NYAN THOS RNAM PAR SMRA BA PAS SMRAS PA, GAL TE KHYED KYI LTAR BYAS TE SNGON LAS BYAS TE 'GAGS PA RNAMS RKYEN DU MI 'DOD NA DE LTA NA NI LAS BYAS PA RNAMS DON MED CING 'BRAS BU MED PAR 'GYUR TE, CI'I PHYIR ZHE NA, GANG GI TSE DA LTAR LAS BYAS PA DE DAG NI 'GAGS PAS TSE RABS GZHAN GYI DUS NA LAS DE DAG MED PA'I PHYIR DA LTAR LAS BYAS PA STE TSE PHYI MA'I 'BRAS BU SKYE BA'I RKYEN DU MI 'GYUR RO, ,LAN DU, DE LTAR NI MA YIN TE, KUN GZHI RNAM PAR SHES PA DANG, 'JUG PA'I RNAM PAR SHES PA MGO MNYAM DU BYUNG BA LAS 'JUG PA'I RNAM PAR SHES PA RNAMS KYIS LAS DGE BA DANG MI DGE BA BYAS NAS KUN GZHI LA BAG CHAGS BSAGS TE, KUN GZHI'I BAG CHAGS DE JE BRTAS SU GYUR PA DANG, KUN GZHI RNAM PAR SHES PA NYID MA 'ONGS PA NA LAS KYI 'BRAS BU SMIN PAR 'GYUR BAS NA 'BRAS BU MED PAR YANG MI 'GYUR LA, NYAN THOS RNAM PAR SMRA BA PA RNAMS KYIS BRTAGS PA LTAR SNGON 'GAGS PA'I LAS KYANG RNAM PAR SMIN PA 'BRAS BU MYONG BAR MI 'GYUR RO, ,YID KYI RNAM PAR SHES PA MA'I MNGAL DU MTSAMS SBYOR BA DE 'DU BYED KYI RKYEN GYIS RNAM PAR SHES PA ZHES BYA'O ZHES SMRAS PA'I PHYOGS 'DI LA NYES PA GZHAN YOD DE; 'DI LTAR MA'I MNGAL DU MTSAMS SBYOR BA NI RNAM PAR SHES PA 'BA' ZHIG YOD PA MA YIN GYI, DE'I TSE NA MING DANG GZUGS KYANG YOD PAS MTSAMS SBYOR BA'I TSE NA 'DU BYED KYI RKYEN GYIS RNAM PAR SHES PA NYID CES BYA BA'I 'DU BYED KYI RKYEN GYIS MING DANG GZUGS ZHES MI BYA BA LA RIGS PA CI YOD DE RIGS PA MED DO, ,DE BAS NA MTSAMS SBYOR BA'I TSE RNAM PAR SHES PA 'BA' ZHIG TU MA ZAD DE MING DANG GZUGS KYANG YOD PAS NA 'DU BYED KYI RKYEN GYIS MING DANG GZUGS ZHES BYA BA'I 'DU BYED KYI RKYEN GYIS RNAM PAR SHES PA ZHES NI MI BYA'O, ,DE SKAD DU BSHAD PA DANG, NYAN THOS RNAM PAR SMRA BA PA RNAMS KYIS SMRAS PA, 'DU BYED KYI RKYEN GYIS RNAM PAR SHES PA ZHES CI'I PHYIR MI BYA STE, GANG GI TSE MA'I MNGAL DU YID KYI RNAM PAR SHES PA MTSAMS SBYOR BA DE NYID 'DU BYED KYI RKYEN GYIS RNAM PAR SHES PA'O ZHES BYA'O ZHE NA, LAN DU MTSAMS SBYOR BA'I YID KYI RNAM PAR SHES PA DE LA 'DU @108B BYED KYI RKYEN GYIS RNAM PAR SHES PA ZHES BYA BAR 'DOD NA MTSAMS SBYOR BA'I RNAM PAR SHES PA DE LAS MA GTOGS PA'I MING DANG GZUGS GANG ZHIG YOD DE, GANG GI PHYIR 'DU BYED KYI RKYEN GYIS RNAM PAR SHES PA ZHES BYA BA LA RNAM PAR SHES PA'I RKYEN GYIS MING DANG GZUGS ZHES BYA BA'I MING DANG GZUGS GANG YIN PA SMROS SHIG ,DE SKAD DU BSHAD PA DANG, NYAN THOS RNAM PAR SMRA BA PA RNAMS KYIS SMRAS PA, 'DI LTAR SKAD CIG MA DANG PO LA MA'I MNGAL DU RNAM PAR SHES PA MTSAMS SBYOR BA'I TSE MING DANG GZUGS NI 'DU BYED KYI RKYEN GYIS RNAM PAR SHES PA ZHES BYA BA LA SKAD CIG MA GNYIS PA DANG, GSUM PA PHAN CHAD KYIS MING DANG GZUGS LA NI RNAM PAR SHES PA'I RKYEN GYIS MING DANG GZUGS ZHES BYA'O ZHES BYA BA'I LAN DU, 'DI LTAR GANG GI TSE MA'I MNGAL DU MTSAMS SBYOR BA'I MING DANG GZUGS DE YANG MING DANG GZUGS YIN LA, SKAD CIG MA GNYIS PA DANG GSUM PA PHAN CHAD KYI MING DANG GZUGS KYANG MING DANG GZUGS YIN TE, MING DANG GZUGS 'DRA BA LAS KHYAD CI ZHIG ZHUGS NA SKAD CIG MA PHYI MA LA 'BYUNG BA'I MING DANG GZUGS LA NI RNAM PAR SHES PA'I RKYEN GYIS MING DANG GZUGS ZHES BYA LA, SNGA MA MTSAMS SBYOR BA'I MING DANG GZUGS LA RNAM PAR SHES PA'I RKYEN GYIS MING DANG GZUGS ZHES CI'I PHYIR MI BYA, GZHAN YANG SNGA PHYI GNYI GA MING DANG GZUGS 'DRA BA LAS MTSAMS SBYOR BA'I MING DANG GZUGS LA NI 'DU BYED KYI RKYEN GYIS RNAM PAR SHES PA ZHES BYA BA NA, PHYI MA SKAD CIG MA GNYIS PA LA SOGS PA LAS BYUNG BA'I MING DANG GZUGS LA CI'I PHYIR 'DU BYED KYI RKYEN GYIS RNAM PAR SHES PA ZHES MI BYA STE, 'DI LA RIGS PA CI YOD, DE LTAR SNGA PHYI KUN KYANG MING DANG GZUGS TZAM DU ZAD PAS NA 'DU BYED KYI RKYEN GYIS MING DANG GZUGS ZHES BYA BAS CHOG GI 'DU BYED KYI RKYEN GYIS RNAM PAR SHES PA ZHES BYA BA'I RTEN CING 'BREL TE 'BYUNG BA YAN LAG BCU GNYIS LA RNAM PAR SHES PA'I YAN LAG GZHAN BRTAG MI DGOS SO, ,NYAN THOS RNAM PAR SMRA BA PA RNAMS KYIS SMRAS PA, YID KYI RNAM PAR SHES PA MA'I MNGAL DU MTSAMS SBYOR BA 'DU BYED KYI RKYEN GYIS RNAM PAR SHES PA ZHES BYA BAR MI RIGS NA, KHYED RNAM PAR RIG PA TZAM DU @109A *, ,SMRA BA PA LA 'DU BYED KYI RKYEN GYIS RNAM PAR SHES PA ZHES BYA BA GANG YIN PA SMROS SHIG ,LAN DU BDAG CAG GI LTA BA LTAR NA 'DU BYED KYI RKYEN GYIS RNAM PAR SHES PA ZHES BYA BA YOD DE, 'DI LTAR LAS DANG 'BRAS BU MI SHES PA'I MA RIG PA'I DBANG GIS LAS DGE BA DANG MI DGE BA LA SOGS PA BYAS PA NI MA RIG PA'I RKYEN GYIS 'DU BYED CES BYA'O, ,LAS BYED PA'I TSE LAS KYI BAG CHAGS KUN GZHI RNAM PAR SHES PA LA BRLAN PA NI 'DU BYED KYI RKYEN GYIS RNAM PAR SHES PA ZHES BYA'O, ,BAG CHAGS DANG BCAS PA'I KUN GZHI RNAM PAR SHES PA MA'I MNGAL DU MTSAMS SBYOR BA NI RNAM PAR SHES PA'I RKYEN GYIS MING DANG GZUGS ZHES BYA BA STE, TSUL 'DI LTAR NI SKYON MED DO, ,DE LTAR PHYOGS SNGA MA SUN PHYUNG BA DANG, MDO SDE PAS SMRAS PA, YID KYI RNAM PAR SHES PA MA'I MNGAL DU MTSAMS SBYOR BA DE 'DU BYED KYI RKYEN GYIS RNAM PAR SHES PAR MI RUNG NA SEMS LAS BYUNG BA SEMS PAS BSKYED NAS 'JUG PA'I RNAM PAR SHES PA DRUG GI LAS DGE BA DANG MI DGE BA DANG, MI G-YO BA BYAS PA'I BAG CHAGS SKAD CIG MA GNYIS PA LA SOGS PA LA BYUNG BA'I 'JUG PA'I RNAM PAR SHES PA DRUG LA SGO BAR BYED DE, DE LA 'DU BYED KYI RKYEN GYIS RNAM PAR SHES PA ZHES BYA BAS KUN GZHI RNAM PAR SHES PA DGOS PA MED DO ZHE NA, LAN DU SKAD CIG MA SNGA MA LA 'JUG PA'I RNAM PAR SHES PA RNAMS KYIS LAS DGE BA LA SOGS BA BYAS PA SKAD CIG MA PHYI MA'I 'JUG PA'I RNAM PAR SHES PA LA BAG CHAGS BSGOS PA DE LA 'DU BYED KYI RKYEN GYIS RNAM PAR SHES PA ZHES BYA BA 'DI YANG MI RUNG STE, PHYOGS 'DI YANG BSGRUB TU MA 'GRUB BO, ,CI'I PHYIR ZHE NA, 'DI LA YANG RNAM PA GNYIS SU BRTAG DGOS TE, YANG NA NI MIG LA SOGS PA'I RNAM PAR SHES PA DE DAG RANG NYID KYIS DGE BA DANG MI DGE BA LA SOGS PA'I LAS BYAS NAS BDAG NYID LA BAG CHAGS SGO BAR BYED PAS NA 'DU BYED KYI RKYEN GYIS RNAM PAR SHES PA ZHES BRTAG GRANG, YANG NA NI SKAD CIG MA SNGA MA LA MIG LA SOGS PA'I RNAM PAR SHES PAS LAS BYAS NAS, SKAD CIG MA PHYI MA 'JUG PA'I RNAM PAR SHES PA LA BAG CHAGS BSGOS PAS NA DE 'DU BYED KYI RKYEN GYIS RNAM PAR SHES PA @109B ZHES BYA GRANG NA, PHYOGS GNYI GA LTAR YANG MI 'GRUB PO, ,JI LTA ZHE NA, MIG LA SOGS PA'I RNAM PAR SHES PA NYID KYIS DGE BA LA SOGS PA'I LAS BYAS NAS, BDAG NYID LA BDAG NYID KYIS RNAM PAR SMIN PA'I BAG CHAGS DANG RGYU MTHUN PA'I BAG CHAGS BSGO BAR MI NUS TE, DPER NA DRAM ZE'I BU JI LTAR MNYEN LA GOMS KYANG, RANG NYID KYI PHRAG PA LA YANG BZHON PAR MI NUS PA BZHIN DU BDAG LA BDAG BYED PAR MI SRID PAS BDAG LA BAG CHAGS BSGO BAR MI RUNG NGO, ,DE LTAR BSHAD PA DANG, GAL TE GZHAN NA RE BDAG LA BDAG BAG CHAGS BSGO BAR MI RUNG NA SKAD CIG MA SNGA MA'I 'JUG PA'I RNAM PAR SHES PA RNAMS KYI SKAD CIG MA PHYI MA'I 'JUG PA'I RNAM PAR SHES PA RNAMS LA BAG CHAGS BSGO'O ZHE NA YANG MI RUNG STE, CI'I PHYIR ZHE NA, SKAD CIG MA SNGA MA LA 'JUG PA'I RNAM PAR SHES PA DGE BA LA SOGS PA BYED PA'I TSE SKAD CIG MA PHYI MA'I 'JUG PA'I RNAM PAR SHES PA DA DUNG MA SKYES TE, MA SKYES PA NI MED PA YIN PAS NA SNGA MAS PHYI MA LA BSGO BAR MI RUNG NGO, ,GAL TE GZHAN NA RE DE LTA NA SKAD CIG MA PHYI MA'I 'JUG PA'I RNAM PAR SHES PA DE SKYES NAS DA LTAR GYI DUS SU PHYIN PA DE LA SKAD CIG MA SNGA MA LAS BYUNG BA'I 'JUG PA'I RNAM PAR SHES PA RNAMS KYIS BAG CHAGS SGO BAR BYED DO ZHE NA YANG MI RUNG STE, CI'I PHYIR ZHE NA, NAM SKAD CIG MA PHYI MA'I 'JUG PA'I RNAM PAR SHES PA RNAMS SKYES NAS DA LTAR GYI DUS SU PHYIN PA NA SKAD CIG MA SNGA MA'I 'JUG PA'I RNAM PAR SHES PA RNAMS SKYES NAS 'GAGS TE, MED PAS NA SUS BAG CHAGS BSGO STE MI RIGS SO, , DE BAS NA PHYOGS 'DI LTAR 'DZIN PA YANG RUNG BA MA YIN NO, ,'DI DE LTAR THANG CIG SKAD CIG MA SNGA MA'I 'JUG PA'I RNAM PAR SHES PA RNAMS SKAD CIG MA PHYI MA'I 'JUG PA'I RNAM PAR SHES PA LA BAG CHAGS BSGO BAR MI RUNG BA DANG, 'JUG PA'I RNAM PAR SHES PA DE DAG RANG NYID LA RANG NYID BAG CHAGS BSGO BAR MI RUNG BAR SUN PHYUNG NAS PHYOGS DE KHAS BLANGS TE, SKAD CIG MA SNGA MAS PHYI MA LA BSGO BA DANG, DE NYID KYIS DE NYID LA BSGOR CHUG NA YANG 'DI LTAR LTA BA'I PHYOGS 'DI LA 'DU BYED KYI RKYEN GYIS RNAM PAR SHES PA ZHES BYA BA MI 'GRUB BO, ,JI LTA ZHE NA, SEMS MED PA'I @110A *, ,GNYID DANG BRGYAL BA LA SOGS PA'I TSE RNAM PAR SHES PA DRUG GI TSOGS RNAMS MA LUS PAR 'GAGS TE MED PAR GYUR PAS SNGON 'DU BYED KYIS BSGOS PA'I RNAM PAR SHES PA RNAMS KYANG DE'I TSE 'GAGS TE, MED PA DE'I TSE NA YANG RNAM PAR SHES PA DRUG 'GAGS PAS RNAM PAR SHES PA LA 'DU BYED KYI BAG CHAGS BSGOR MED PAR GYUR TO, ,SEMS MED PA'I GNYID LA SOGS PA'I TSE 'DU BYED KYIS BSGOS PA'I RNAM PAR SHES PA MED PAS 'DU BYED KYI RKYEN GYIS RNAM PAR SHES PA ZHES BYA BA MED DO, ,RNAM PAR SHES PA MED PAS MING DANG GZUGS MED DO, ,MING DANG GZUGS MED PAS SKYE MCHED DRUG MED PA NAS, RGA SHI'I BAR DU YANG MED PAR GYUR PAS NA 'KHOR BAR 'JUG PA YANG MED PAR 'GYUR BA'I PHYIR 'KHOR BAR 'JUG CES SMRA BA DANG YANG 'GAL LO, ,'DI LTAR KUN GZHI RNAM PAR SHES PA MED NA 'KHOR BA LAS LDOG PAR YANG MI RUNG MI RIGS SO, , CI'I PHYIR ZHE NA, PHUNG PO LNGA TSE GCIG NAS GCIG TU RGYUN MI 'CHAD PAR SKYE BA NI 'KHOR BA STE, 'KHOR BA DE'I RGYU NI GNYIS TE, LAS DANG NYON MONGS PA'O, ,DE GNYIS LAS KYANG 'KHOR BA'I RGYU'I GTZO BO NI NYON MONGS PA YIN TE, CI'I PHYIR ZHE NA, NYON MONGS PAS GROGS BYAS TE, NYON MONGS PA DANG LDAN NA GDOD NYON MONGS PA'I MTHA' LAS KYI SRID PA PHYI MA 'PHEN PAR NUS KYI NYON MONGS PA MED NA LAS YOD KYANG LAS DES SRID PA PHYI MA 'PHEN PAR MI NUS PA'I PHYIR RO, ,'PHAGS PA DE DAG TSE BDUN GYI SKYE BA DE LTAR NA NYON MONGS PA MED PA'I LAS KYIS SRID PA PHYI MA 'PHEN PAR MI NUS PAS NA 'PHAGS PA'I BDEN PA MTHONG BA RGYUN DU ZHUGS PA DANG, LAN CIG PHYIR 'ONG BA LA SOGS PA TSE 'DUN GYI BAR DU SKYE BA'I LAS DANG NYON MONGS PA YOD PAS, 'PHAGS PA DE DAG TSE BDUN GYI BAR DU NI SKYE'I TSE BRGYAD DU SKYE BA'I LAS MA NGES PA YOD KYANG TSE BRGYAD DU SKYE BA'I NYON MONGS PA MTHONG BAR BYA BA'I PHYIR LAM GYIS SPANG BAR BYA BA'I NYON MONGS PA MED PAS NA TSE BRGYAD DU NI SKYE BAS NYON MONGS PA NI 'KHOR BAR SKYE BA'I RGYU'I GTZO BO YIN NO, ,YANG NA 'PHAGS PA DE DAG LA NGAN SONG DU SKYE BA'I LAS MA NGES PA YOD KYANG NGAN SONG DU SKYE BA'I NYON MONGS PA MTHONG BA'I LAM GYIS SPANG BAR BYA BA'I NYON MONGS SPANGS @110B PAS NA 'PHAGS PHA DE DAG LAS DES NGAN SONG DU MI SKYE STE, DE BAS NA MDO LAS KYANG, BZOD PA THOB PA NGAN SONG MED, ,CES GSUNGS TE, BZOD PA THOB PA NI SDUG BSNGAL LA CHOS SU BZOD PA THOB PA'O, ,DE BAS NA NYON MONGS PA NI 'KHOR BAR SKYE BA'I RGYU'I GTZO BO YIN NO, ,GZHAN YANG KHAMS GSUM GYI 'DOD CHAGS DANG BRAL BA DGRA BCOM PA RNAMS TSE SNGA MA LA LAS BYAS PAS TSE 'DIR SKYES NAS, TSE 'DIR NYON MONGS PA SPANGS PA DANG, TSE PHYI MAR SKYE BA'I LAS TSE 'DIR BYAS KYANG LAS DES 'PHAGS PA DE DAG TSE PHYI MAR 'PHEN MI NUS TE, TSE PHYI MAR MI SKYE BAS NA NYON MONGS PA NI 'KHOR BAR SKYE BA'I RTZA BA YIN NO, ,DE LTA BAS NA 'KHOR BAR SKYE BA'I RGYU NYON MONGS PA SPANGS PA DANG 'KHOR BAR SKYE BA LAS LDOG PAR 'GYUR GYI, NYON MONGS PA MA SPANGS PAR NI 'KHOR BA LAS LDOG PAR MI 'GYUR RO, ,DE LA YANG KUN GZHI RNAM PAR SHES PA MED NA NI NYON MONGS PA SPANG BAR MI RUNG NGO; ,CI'I PHYIR ZHE NA, 'DI LTAR NYAN THOS RNAM PAR SMRA BA PA KHYED CAG NYON MONGS PA SPONG BAR 'DOD NA RNAM PA GNYIS SU BRTAG STE, YANG NA NI NYON MONGS PA MNGON DU GYUR NAS 'JUG PA'I RNAM PAR SHES PA RNAMS NYON MONGS PA LA MNGON SUM DU SPYOD PA'I NYON MONGS PA DE SPANG GRANG, YANG NA NYON MONGS PA BAG CHAGS SA BON DU GNAS TE MNGON SUM DU MA GYUR PA YANG SPANG GRANG NA, KUN GZHI KHAS MA BLANGS PAS PHYOGS GNYIG LTAR YANG MI RIGS SO, ,CI'I PHYIR ZHE NA, NYON MONGS PA MNGON SUM DU GYUR PA SPONG ZHES BYA BAR YANG, GANG GI TSE NYON MONGS PA MNGON SUM DU GYUR TE; 'JUG PA'I RNAM PAR SHES PA RNAMS NYON MONGS PA LA SPYOD CING NYON MONGS PA'I RANG BZHIN DU GYUR PA DE NA 'JUG PA'I RNAM PAR SHES PA RNAMS NI ZAG PA CAN DU GYUR TE, ZAG PA MED PA'I LAM GYI MTSAN NYID DU MA GYUR PAS DE'I TSE NYON MONGS PA SPONG BA'I LAM MED PA'I PHYIR NYON MONGS PA SPANG DU MI RUNG NGO, ,DE SKAD BSHAD PA DANG, GAL TE GZHAN NA RE, NYON MONGS PA MNGON DUM BYUNG GI SA BON GYI DUS NA GNAS PA SPONG BAR BYED DO ZHE NA YANG, LAN DU, KUN GZHI RNAM PAR SHES PA YOD PAR KHAS MI LEN NA NYON MONGS PA SA BON GYI DUS NA GNAS PA YANG SPANG DU @111A *, ,MI RUNG NGO, ,CI'I PHYIR ZHE NA, MIG NAS LUS KYI BAR DU RNAM PAR SHES PA LNGA LA NI 'PHAGS PA'I LAM DU 'GYUR NGA MED LA, 'PHAGS PA'I LAM DU NI YID KYI RNAM PAR SHES PAR 'GYUR TE, GANG GI TSE YID KYI RNAM PAR SHES PA 'PHAGS PA'I LAM DU GYUR PA DE NA MIG LA SOGS PA'I RNAM PAR SHES PA LNGA NI 'GAGS TE MED KYI YID KYI RNAM PAR SHES PA 'BA' ZHIG YOD DO, ,YID KYI RNAM PAR SHES PA 'PHAGS PA'I LAM DU GYUR PA'I NGO BO NYID DES NYON MONGS PA'I SA BON SBONG ZHES BYA GRANG NA, YID KYI RNAM PAR SHES BA ZAG PA MED PA 'PHAGS PA'I LAM GNYEN PO'I MTSAN NYID DU GYUR PA DE NA 'PHAGS PA'I LAM DES SPANG BAR BYA BA'I KUN GZHI ZHE 'AM, CHOS GZHAN NYON MONGS PA'I SA BON GYI RTEN DANG GZHIR GYUR PA YOD PAR KHYED KYIS CUNG ZAD KYANG KHAMS MA BLANGS TE, NYON MONGS PA'I SA BON GYI GNAS YID KYI RNAM PAR SHES PA LAM DU GYUR BAS SPANG BAR BYA BAR KHAS MA BLANGS PAS NYON MONGS PA SPANGS DU MED DE, DE BAS NA SA BON GYI GNAS KYANG SPANG DU MI RUNG NGO, ,DE SKAD DU BSHAD PA DANG, GAL TE GZHAN NA RE GNYEN PO'I SEMS YID DE NYID LA NYON MONGS PA'I BAG CHAGS GNAS PA GNYEN PO'I SEMS DE NYID KYIS SPONG NGO ZHE NA YANG MI RIGS TE, DPER NA ME DANG CHU GNYIS 'GAL BAS GANG NA ME GNAS PA DE NA CHU MI GNAS PA DE BZHIN DU GNYEN PO DANG NYON MONGS PA GNYIS NI MI MTHUN PA YIN PAS, GANG NYON MONGS PA'I BAG CHAGS KYIS ZHE NA PA DE NYID GNYEN PO'I SEMS ZAG PA MED PA YIN PAR MI RIGS LA, GANG GNYEN PO'I SEMS ZAG PA MED PA DE NYID NYON MONGS PA'I SA BON DANG LDAN PAR YANG MI RIGS PAS NYON MONGS PA SPANGS DU MI RUNG NGO, ,DE SKAD BSHAD PA DANG, GAL TE GZHAN NA RE, SEMS DANG NYON MONGS PA'I SA BON DANG LDAN PA DE NYID KYIS NYON MONGS PA'I SA BON MI SPONG STE SPONG BAR MI BYED DO ZHE NA, LAN DU, DE LTAR KHYOD KYIS LTA BA'I TSUL LTAR BYAS NA NYON MONGS PA'I SA BON MA SPANGS PAS MYA NGAN LAS 'DAS PA THOB PA MED PA'I PHYIR 'KHOR BA LAS LDOG PAR YANG MI RIGS SO, ,DE LTA BSAN 'DI LTAR RIGS TE, KUN GZHI RNAM PAR SHES PA DE LA KUN GZHI LAS GZHAN PA 'JUG PA'I RNAM PAR SHES PA DANG LHAN @111B CIG TU 'GROGS PA'I NYON MONGS PA DANG NYE BA'I NYON MONGS PA RNAMS KYIS KUN GZHI LA SA BON BSGOS NAS, SA BON DE DAG BRTAS PAR GYUR PA DANG KUN GZHI NYID LAS NYON MONGS PA DANG NYE BA'I NYON MONGS PA RNAMS 'BYUNG NGO, ,NYON MONGS PA DANG NYE BA'I NYON MONGS PA'I SA BON KUN GZHI LA GNAS PA DE YANG KUN GZHI DANG LHAN CIG 'BYUNG BA YID KYI RNAM PAR SHES PA 'PHAGS PA'I LAM DU GYUR PA DES KUN GZHI LA YOD PA'I BAG CHAGS SPONG ZHING SEL BAR BYED DO, ,DE LTA BAS NA GNYEN PO DANG NYON MONGS PA GNYIS GNAS SO SO NAS 'BYUNG DGOS TE, KUN GZHI NI NYON MONGS PA THAMS CAD KYI BAG CHAGS KYI GNAS SO, ,YID KYI RNAM PAR SHES PA NI DE'I TSE LAM DU GYUR NAS YID KYI RNAM PAR SHES PA DE LAM DU GYUR PA DE DAG KUN GZHI LA NYON MONGS PA'I BAG CHAGS SPONG ZHING SEL TO ZHES DE LTAR KHAS BLANG BAR BYA'O, ,DE LTAR KUN GZHI LA NYON MONGS PA DANG NYE BA'I NYON MONGS PA'I BAG CHAGS 'PHAGS PA'I LAM GYIS BSTZAL NA KUN GZHI RNAM PAR SHES PA DE LAS PHYIS NYON MONGS PA DANG NYE BA'I NYON MONGS PA MI SKYE STE, DE BAS NA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS SU THOB PA ZHES BYA'O, ,DE LTAR NYON MONGS PA SPANGS BAS TSE RABS GZHAN GYIS 'PHANGS PA'I TSE 'DI NYID KYANG 'GAGS LA PHUNG PO YANG SPANGS PA DANG, TSE RABS GZHAN DU SKYE BA'I MTSAMS MI SBYOR ZHING PHUNG PO MI LEN PAS NA PHUNG BO'I LHAG MA MA LUS PAR SPANGS PA'I MYA NGAN LAS 'DAS PA'I DBYINGS THOB PA ZHES BYA'O, ,DE LTAR KUN GZHI RNAM BAR SHES PA YOD BAS 'KHOR BAR 'JUG PA DANG LDOG PAR YANG RUNG GI, ,KUN GZHI RNAM PAR SHES PA MED NA 'KHOR BAR 'JUG PA DANG LDOG PAR MI RUNG BAS GDON MI ZA BAR KUN GZHI RNAM PAR SHES PA YOD PAR KHAS BLANG BAR BYA'O, ,KUN GZHI RNAM BAR SHES PA YOD BAR LUNG DANG, RIGS PAS BSGRUBS NAS RTZOD PA MED PAR BYAS TE, KUN GZHI RNAM PAR SHES PA LA CI'I PHYIR KUN GZHI RNAM PAR SHES PA ZHES BYA BA'I DON BSTAN PAR BYA BA'I PHYIR, KUN GZHI RNAM PAR SHES PA NYID NI SA BON THAMS CAD KYI KUN GZHI DANG ZHES BYA BA SMOS TE, RANG GI YUL DMIGS PAR BYA BA'I YUL SHES PAS NA RNAM PAR SHES PA'O, ,YUL SHES PA YANG KUN @112A *, ,GZHI NYID KYIS SHES PAR ZAD KYI DE LAS MA GTOGS PAR SHES PAR BYED PA'I BYED PA PO DANG, BYED PA PO LA SOGS PA BDAG MED PA SAN KUN GZHI NYID CES BYA'O, ,SA BON THAMS CAD KYI KUN GZHI ZHES BYA BA LA 'DOD CHAGS LA SOGS PA KUN NAS NYON MONGS PA THAMS CAD KYI SA BON JI SNYED YOD PA'I GNAS DANG RTEN BYED PAS NA KUN GZHI ZHES BYA STE, KUN GZHI ZHES BYA BA DANG, GNAS ZHES BYA BA DANG, RTEN ZHES BYA BA NI DON GCIG STE MING GI RNAM GRANGS SU ZAD DO, ,YANG NA MA BSGRIBS LA LUNG DU MI STON PA DANG, BSGRIBS LA LUNG DU MI STON PA DANG, DGE BA DANG; MI DGE BA DANG, ZAG PA DANG BCAS PA DANG, ZAG PA MED PA'I CHOS THAMS CAD KYI SA BON GYI GNAS DANG, KUN GZHI BYED PAS NA KUN GZHI ZHES BYA'O, ,YANG NA KUN GZHI ZHES BYA BA NI YUL LA BYA STE, NYON MONGS PA'I YID KYI YUL BYED PAS NA KUN GZHI ZHES BYA'O, ,YANG NA KUN GZHI ZHES BYA BA'I TSIG GI DON NI 'DRE BA 'AM 'BREL BA'AM 'JUG PA LA BYA STE, KUN GZHI RNAM PAR SHES PA DE CHOS THAMS CAD LA 'BRAS BU'I DNGOS PO'I NGO BOR 'DRE ZHING 'BREL PAS KUN GZHI ZHES BYA BA 'AM KUN GZHI DE CHOS THAMS CAD KYI RGYU'I DNGOS POR 'DRE ZHING 'BREL BAS NA KUN GZHI ZHES BYA'O, ,DE LA CHOS THAMS CAD LA 'BRAS BU'I NGO BOR 'BRE ZHING 'BREL BA NI NAM DGE BA DANG MI DGE BA LA SOGS PA'I CHOS RNAMS KYIS KUN GZHI LA BAG CHAGS SOGS PA NA, KUN GZHI BAG CHAGS DANG BCAS PA'I MTSAN NYID KHYAD PAR CAN DU BYAS PA YIN PAS CHOS RNAMS NI RGYU YIN LA KUN GZHI NI 'BRAS BU YIN TE, DE LTAR NA KUN GZHI DE CHOS RNAMS LA 'BRAS BU'I DNGOS POR 'DRE ZHING 'BREL PA ZHES BYA'O, ,KUN GZHI DE CHOS RNAMS LA RGYU'I DNGOS POR 'DRE ZHING 'BREL PA NI NAM KUN GZHI BAG CHAGS DE LAS CHOS RNAMS BYUNG BAS NA KUN GZHI NI RGYU LTAR GNAS LA CHOS RNAMS 'BRAS BU LTAR GNAS PAS NA KUN GZHI DE CHOS THAMS CAD KYI RGYU'I DNGOS POR 'DRE ZHING 'BREL PA ZHES BYA'O, ,KUN GZHI ZHES BYA BA'I TSIG GI DON GZHAN YANG BSTAN PA'I PHYIR, LUS KYI KUN GZHI DANG RGYU DANG LUS LA GNAS PA'I PHYIR RO ZHES BYA BA SMOS TE, DE LA LUS KYI KUN GZHI ZHES BYA BA LA TSOR BA DANG, 'DU @112B SHES DANG, 'DU BYED DANG, RNAM PAR SHES PA STE, MING GI PHUNG PO BZHI DANG, GZUGS KYI PHUNG PO STE PHUNG PO LNGA LA LUS ZHES BYA'O, ,LUS DE YANG KUN GZHI LA GNAS SHING KUN GZHI LA BRTEN LA KUN GZHI'I MTHUS RGYUN MA CHAD PAR 'BYUNG STE, LUS KYI GNAS DANG GZHI BYED PA'I PHYIR YANG KUN GZHI ZHES BYA'O, ,LUS KYI RGYU DANG RTEN BYED PAS NA KUN GZHI ZHES BYA STE, JI LTA ZHE NA, PHUNG PO LNGA'I SA BON KUN GZHI LA YOD PA BRTAS PAR GYUR PA DANG, MA'I MNGAL DU KUN GZHI RNAM PAR SHES PAS MTSAMS SBYAR NAS, LUS DE MING DANG GZUGS 'BYUNG ZHING 'GRUB PAR KUN GZHIS BYED PAS NA LUS KYI RGYU BYED PA'I PHYIR YANG KUN GZHI ZHES BYA'O, ,LUS LA GNAS PA'I PHYIR ZHES BYA BA LA LUS KYI MIG LA SOGS PA'I DBANG PO DANG BCAS PA'I GZUGS LA BYA'O, ,'DI LTAR MIG LA SOGS PA'I RNAM PAR SHES PA DRUG GIS NI LUS MTHA' DAG LA KHYAB PAR GNAS PA MA YIN GYI KUN GZHI RNAM PAR SHES PA NI LUS MTHA' DAG LA KHYAB PAR GNAS TE, KUN LA KHYAB PA'I MTSAN NYID DU LUS DANG KUN GZHIR 'BREL PAS NA LUS KUN LA KHYAB PAR GNAS PA'I PHYIR YANG KUN GZHI ZHES BYA'O, ,KUN GZHI RNAM PAR SHES PA DE LA MING DU KUN GZHI ZHES BYA BAR YANG MA ZAD KYI MING GZHAN YANG YOD PAR BSTAN PA'I PHYIR; LEN PA'I RNAM PAR SHES PA YANG DE YIN TE ZHES BYA BA SMOS TE, KUN GZHI DE LA MING DU LEN PA'I RNAM PAR SHES PA ZHES BYA'O ZHES BYA BA'I DON TO, ,KUN GZHI DE LA CI'I PHYIR MING DU LEN PA'I RNAM PAR SHES PA ZHES BYA ZHE NA, DE'I GTAN TSIGS SU, LUS LEN PA'I PHYIR RO ZHES BYA BA SMOS TE, KUN GZHI 'DIS LUS LEN PA DANG, 'DZIN PA DANG, LUS MI GTONG BAR BYED PAS NA LEN PA'I RNAM PAR SHES BA ZHES BYA'O, ,GAL TE GZHAN NA RE, LUS NI SEMS KYIS MA BLANGS KYI MU STEGS KYIS BRTAGS PA'I BDAG GIS LUS LEN TO ZHE NA, 'JIG RTEN NA LUS NI SEMS KYIS LEN PAR GRAGS KYI BDAG GIS LEN PAR MA GRAGS PA DANG, BDAG NI RTAG PA YIN PAS RTAG PA LA NI LUS LEN PA DANG MI LEN PA GNYIS SU MI RIGS LA, BDAG DE LUS LEN PA DANG MI LEN PA GNYIS BYED NA NI MI LEN PA LAS LEN PA'I MTSAN NYID DU GZHAN DU GYUR PAS RTAG PAR MI RUNG STE, DE BAS NA BDAG GIS @113A *, ,LUS LEN PAR MI RIGS SO, ,SEMS KYIS LUS LEN PA YANG KUN GZHI RNAM PAR SHES PA LA TSE RABS SNGA MA'I 'DU BYED KYI BAG CHAGS BSAGS PAS BAG CHAGS DE'I RGYUS MA'I MNGAL DU KHU BA DANG KHRAG GI NANG DU KUN GZHI RNAM PAR SHES PA BRGYAL BA'I DUS NA SEMS DES LUS BLANGS TE, KUN GZHI'I MTHUS MING DANG GZUGS YOD PAR BYAS NAS SEMS DE NYID KYIS NAM MA SHI BA'I BAR DU LEN CING 'JIN PAR BYED PAS NA LEN PA'I RNAM PAR SHES PA ZHES BYA BAR 'DOD DO, ,KUN GZHIS LUS LEN GYI MIG LA SOGS PA'I RNAM PAR SHES PA LNGAS NI KHRAG DANG KHU BA'I TSE LUS LEN PAR MI BYED LA RNAM PAR SHES PA LNGA'I RJES LAS BYUNG BA'I YID KYI RNAM PAR SHES PAS KYANG MA'I MNGAL DU KHRAG DANG KHU BA'I TSE LUS LEN PAR MI BYED DO, ,CI'I PHYIR ZHE NA, MIG LA SOGS PA'I RNAM PAR SHES PA NI, MA'I MNGAL DU KHRAG DANG KHU BA'I DUS NA MED KYI KHRAG DANG KHU BA'I MA'I MNGAL GYI DUS 'DAS NAS MNGAL NAS BYUNG BA DANG, GDOD SO SO'I RKYEN DANG PHRAD NAS MIG LA SOGS PA'I RNAM PAR SHES PA RNAMS 'BYUNG BAS NA MNGAL GYI TSE NA DE DAG MED PA'I PHYIR LUS MI LEN TO, ,DE'I RJES LAS BYUNG BA'I YID KYI RNAM PAR SHES PA YANG RKYEN GYI MTHU LAS SKYE STE, MIG GI RNAM PAR SHES PA'I RJES LAS BYUNG BAS NA MA'I MNGAL GYI TSE NA NI MED KYI PHYIS GDOD 'BYUNG BAS NA LUS MI LEN TO, ,GZHAN DAG GIS BRGAL BA LA, BDEN TE KHRAG DANG KHU BA'I DUS NA MIG LA SOGS PA'I RNAM PAR SHES PA NI MED DE, DE DAG SO SO'I RKYEN LAS SKYE BA YIN PAS NA LUS MI LEN KYANG DE DAG LAS MA GTOGS PA'I YID KYI RNAM PAR SHES PA RNAM PAR SMIN PA'I RANG BZHIN 'DU BYED KYI RKYEN GYIS BYUNG BA DE NI 'DU BYED KYI RKYEN GYIS RNAM PAR SHES PA ZHES BYA BA DE LA BYA BAS DES KHRAG DANG KHU BA'I DUS NA LUS LEN TO ZHES BYA BA'I LAN DU, 'DI LTAR MIG LA SOGS PA'I RNAM PAR SHES PA LNGA DANG, DE'I RJES LAS BYUNG BA'I YID KYI RNAM PAR SHES PA MA GTOGS PAR GZHAN RNAM PAR SMIN PA'I RNAM PAR SHES PA ZHES BYA BA 'DU BYED KYI RKYEN GYIS 'BYUNG BA'I YID KYI RNAM PAR SHES PA ZHES BYA BA KHRAG DANG KHU BA'I DUS NA LUS LEN PAR BYED PA NI CUNG ZAD KYANG YOD PA MA YIN TE DE MED DO, ,DE CI'I PHYIR ZHE NA, 'DI LTAR MIG LA SOGS @113B PA'I RJES LAS BYUNG BA'I YID KYI RNAM PAR SHES PA LAS MA GTOGS PA'I YID KYI RNAM PAR SHES PA YOD NA, YANG NA NI DGE BA'I RANG BZHIN ZHIG YIN, YANG NA NI MI DGE BA'I RANG BZHIN ZHIG YIN PAR 'GYUR RO, ,GAL TE GZHAN NA RE, YID DE DGE BA DANG MI DGE BA'I RANG BZHIN YIN NA NI NYES SNYAM PA DANG, DE LTA NA NI MI RUNG STE, 'DI LTAR 'DU BYED KYI RKYEN GYIS BYUNG BA'I RNAM PAR SHES PA DE RTAG TU RNAM PAR SMIN PA'I RANG BZHIN YIN PAS GCIG TU LUNG DU MA BSTAN PA YIN LA, RNAM PAR SHES PA DRUG LAS MA GTOGS PA'I YID DE NI DGE BA DANG, MI DGE BA'I RANG BZHIN YIN PA'I PHYIR RNAM PAR SMIN PA'I RANG BZHIN DU MI RUNG BAS DE LA 'DU BYED KYI RKYEN GYIS RNAM PAR SHES PA ZHES BYA BAR MI RUNG NGO, ,DE BAS NA DES KHRAG DANG KHU BA'I DUS NA LUS LEN PAR YANG MI RIGS SO, ,GZHAN YANG KHYED KYI LTA BA LTAR NA SEMS CAN THAMS CAD NI SEMS KYI RGYUD GCIG STE, DE BAS NA RNAM PAR SHES PA DRUG GI TSOGS KYANG RIM GYIS 'BYUNG GI CIG CAR MI 'BYUNG NGO ZHES LTA'O, ,'DI LTA STE, GANG GI TSE DGE BA'I NGO BO'I RNAM PAR SHES PA BYUNG BA DE'I TSE MI DGE BA'I NGO BO'I RNAM PAR SHES PA MI 'BYUNG BA GANG GI TSE MI DGE BA'I CHOS NGO BO'I RNAM PAR SHES PA BYUNG BA DE'I TSE DGE BA'I NGO BO DANG, LUNG DU MA BSTAN PA'I NGO BO'I RNAM PAR SHES PA MI 'BYUNG STE, DE DAG RIM GYIS 'BYUNG NGO, ,DE LA GANG RNAM PAR SMIN PA'I RANG BZHIN DE DAG NI LAN CIG CHAD NAS SLAR MTSAMS MI SBYOR TE, DPER NA MIG GI DBANG PO 'DI DAG RNAM PAR SMIN PA'I RANG BZHIN YIN PAS NA LAN CIG CHAD PA DANG, PHYIS MI 'BYUNG BA BZHIN DU GAL TE 'JUG PA'I RNAM PAR SHES PA DRUG LAS MA GTOGS PA'I YID KYI RNAM PAR SHES PA ZHES BYA BA RNAM PAR SMIN PA'I RANG BZHIN YOD NA RNAM PAR SMIN PA'I RANG BZHIN DE CHAD NAS 'BYUNG BA'I SKYON DU 'GYUR TE, CI'I PHYIR ZHE NA, RNAM PAR SHES PA DE DGE BA DANG MI DGE BA'I RANG BZHIN DU KHAS BLANGS PAS NAM DGE BA BYUNG BA'I TSE NA MI DGE BA'I SEMS MA BYUNG LA MI DGE BA'I TSE NA DGE BA'I SEMS MA BYUNG STE, DGE BA DANG MI DGE BA'I SEMS KYANG MI DGE BA'I SEMS SNGAR 'BYUNG BA 'GAGS TE CHAD NAS GDOD DGE BA'I SEMS 'BYUNG BA'I RNAM PAR SMIN PA LA CHAD PA YOD PA'I @114A *, ,SKYON DU 'GYUR BAS MI RIGS SO, ,DE BAS NA KUN GZHI RNAM PAR SHES PA LAS MA GTOGS PA'I YID KYI RNAM PAR SHES PA RNAM PAR SMIN BA'I RANG BZHIN DANG, GCIG TU LUNG MA BSTAN PA'I MTSAN NYID NI YOD PA MA YIN TE MED DO, ,DE LA LAN PA'I RNAM PAR SHES PA ZHES BYA BA NI LUS THAMS CAD KHYAB PAR LEN PA LA DE'ANG RGYUN MI 'CHAD PAR LUS LEN PA LA LEN PA'I RNAM PAR SHES PA ZHES BYA NA, 'JUG PA'I RNAM PAR SHES PA DRUG GI CHOGS RNAMS NI GNAS SO SOR NGES PAR 'JUG STE, LUS KUN LA KHYAB PAR MI 'JUG PA DANG, RTAG TU LUS MI LEN GYI RGYUN 'CHAD NAS 'JUG PA'I PHYIR LUS THAMS CAD LA LEN PA MA YIN NO, ,JI LTAR GNAS SO SOR NGES PAR 'JUG CE NA, MIG GI RNAM PAR SHES PAS KYANG MIG GI DBANG PO'I GNAS 'BA' ZHIG BLANGS KYI, GNAS GZHAN MA BLANGS PA NAS, LUS KYI RNAM PAR SHES PAS KYANG GANG DU REG BYA 'BYUNG BA'I LUS DE NYID TSE BLANGS KYI, GZHAN MA BLANGS PAS NA LUS KUN LEN PA MA YIN NO, ,RGYUN CHAD NAS 'JUG PA NI 'JUG PA'I RNAM PAR SHES PA RNAMS LAS MIG GI RNAM PAR SHES PA SKYES NAS DE'I RGYUN CHAD DE GDOD SNA'I RNAM PAR SHES PA SKYE BA DANG, SNA'I RNAM PAR SHES PA SKYES NAS CHAD DE GDOD MIG GI RNAM PAR SHES PA SKYE BAS NA RTAG TU LUS LEN PA MA YIN NO, ,GZHAN YANG SEMS MED PA'I GNYID DANG, BRGYAL BA LA SOGS PA'I DUS NA 'JUG PA'I RNAM PAR SHES PA RNAMS RIL GYIS 'GAGS PAS DE'I TSE LUS MA BLANGS PAS RTAG TU LUS LEN PA MA YIN NO, ,DE LTABS NA KUN GZHI RNAM PAR SHES PA NI MA'I MNGAL DU NYID MTSAMS SBYOR BA'I TSE MING DANG GZUGS KYI MTSAN NYID KYI LUS BLANGS NAS NAM MA SHI'I BAR DU LUS LEN CING 'DZIN PAR BYED PAS NA LEN PA'I RNAM PAR SHES PA ZHES BYA'O, ,KUN GZHI RNAM PAR SHES PA BSHAD PA RDZOGS SO,, ,,DA NI NYON MONGS PA CAN GYI YID BSHAD PAR BRTZAMS TE; DE BSAN DE BSHAD DO, ,GAL TE 'JUG PA'I RNAM PAR SHES PA DRUG LAS MA GTOGS PA'I NYON MONGS PA'I YID CES BYA BA YOD NA DMIGS PA'I YUL MED PA'I RNAM PAR SHES PAS NI MI SRID PAS NYON MONGS PAS YID DE CI LA DMIGS PA BSTAN PA DANG, GONG DU SEMS ZHES BYA BA @114B DNGOS SU 'JUG PA'I RNAM PAR SHES PA RNAMS LA MI BYA'I DNGOS SU KUN GZHI RNAM PAR SHES PA LA SEMS ZHES BYA BA DE BZHIN DU, 'DIR YANG DNGOS SU YID CES BYA BA RNAM PAR SHES PA SNGA MA 'GAGS PA DRUG PO LA MI BYA'I YID CES BYA BA YANG DNGOS SU NYON MONGS PA'I YID LA BYA'O ZHES BSTAN PA'I PHYIR, DNGOS SU NA YID CES BYA BA SMOS TE, DNGOS SAM GTZO NA NYON MONGS PA'I YID LA YID CES BYA BA'I RNAM PAR SHES PA SNGA MA 'GAGS PA DRUG PO LA NI DNGOS SU NI YID CES MI BYA'O ZHES BYA BA'I DON TO, ,NYON MONGS PA'I YID DE CI LA DMIGS SHE NA, DE'I PHYIR KUN GZHI RNAM PAR SHES PA LA DMIGS TE ZHES BYA BA SMOS TE, NYON MONGS PA'I YID NI RTAG TU KUN GZHI RNAM PAR SHES PA LA DMIGS TE, DE BAS NA DE YUL NI KUN GZHI RNAM PAR SHES PA YIN NO, ,NYON MONGS PA'I YID KUN GZHI LA JI LTAR DMIGS SHE NA, NYON MONGS PA'I YID DES KUN GZHI RNAM PAR SHES PA LA BDAG CES BYA BA NI 'DI YIN NO ZHES KUN GZHI LA BDAG TU DMIGS PA'I PHYIR RO, ,YANG NA NYON MONGS PA'I YID DE YUL GZHAN NA YANG DMIGS MOD KYI YUL GZHAN PAS KUN GZHI LA GCOR BDAG TU DMIGS PAS DNGOS SU NA YID NI KUN GZHI RNAM PAR SHES PA LA DMIGS TE ZHES BYA'O, ,NYON MONGS PA'I YID DE CI'I PHYIR KUN GZHI RNAM PAR SHES PA LA BDAG TU DMIGS PA BSTAN PA DANG, NYON MONGS PA'I YID DE SEMS YIN NA, SEMS LAS BYUNG BA'I CHOS DANG MI LDAN PA'I SAMS YOD MI SRID PAS NYON MONGS PA'I YID DE SEMS LAS BYUNG BA DU DANG LDAN PA BSTAN PAR BYA BA'I PHYIR, RTAG TU BDAG TU GTI MUG PA DANG, BDAG TU LTA BA DANG, BDAG TU NGA RGYAL BA DANG, BDAG LA CHAGS PA LA SOGS PA DANG MTSUNGS PAR LDAN ZHES BYA BA SMOS TE, NYON MONGS PA'I YID DE RTAG TU SEMS LAS BYUNG BAS NYON MONGS PA CAN BDAG TU GTI MUG PA DANG, BDAG TU LTA BA DANG, BDAG TU NGA RGYAL BA DANG, BDAG LA CHAGS PA STE SAMS LAS BYUNG BA BZHI DANG LDAN PAS KUN GZHI RNAM PAR SHES PA LA BDAG NI 'DI YIN NO SNYAM DU DMIGS SO, ,RTAG TU ZHES BYA BA NI JI SRID DU DGRA BCOM PA DANG, 'PHAGS PA'I LAM DANG, 'GOG PA'I SNYOMS PAR 'JUG PA'I DUS LAS MA GTOGS PA DGE BA DANG MI DGE BA DANG @115A *, ,LUNG DU MA BSTAN PAR BYED PA'I DUS DANG, 'DU SHES MED PA'I SNYOMS PAR 'JUG PA DANG, 'DU SHES MED PA PA DANG, SEMS MED PA'I GNYID DANG, BRGYAL BA LA SOGS PA'I TSE DUS THAMS CAD DU KUN GZHI LA BDAG TU LTA ZHING DMIGS PA RGYUN MCHAD PAR BYED PAS NA RTAG TU ZHES BYA'O, ,DE LTAR NA NYON MONGS PA'I YID RTAG TU NGA DANG BDAG GO ZHES RLOM SAMS PA'I RANG BZHIN YIN PAS NA DNGOS SU NA DE LA YID CES BYA'O, ,GZHAN DAG GIS SMRAS PA, DE LTAR DNGOS SU NA NYON MONGS PA'I YID LA YID CES BYA NA RNAM PAR SHES PA DRUG PO 'GAGS MA THAG PA DE LA DON GANG GIS NA YID CES BYA ZHES BYA BA'I LAN DU, GANG YANG MIG GI RNAM PAR SHES PA NAS, YID KYI RNAM PAR SHES PA'I BAR DU DRUG PO 'GAGS MA THAG PA LA YID CES BYA BA YANG MIG NAS LUS KYI BAR DU RNAM PAR SHES PA LNGA'I RTEN NI MIG GI DBANG PO NAS LUS KYI DBANG PO'I BAR DU LNGA YIN PAR GRAGS NA, YID KYI RNAM PAR SHES PA'I RTEN TAM DBANG PO MA GRAGS PAS DE'I RTEN GRAGS PAR BYA BA'I PHYIR RNAM PAR SHES PA DRUG PO SNGA MA 'GAGS PA LA YID CES BYA BAR BTAGS PAR ZAD DE, GANG DAG DANG BDAG GIR RLOM SEMS PA DE LA DNGOS SU YID CES BYA BAS RNAM PAR SHES PA SNGA MA 'GAGS PA NI BDAG DANG BDAG GIR RLOM SEMS PA'I RANG BZHIN MA YIN PAS DNGOS SU DE LA YID CES MI BYA'O, ,DE LA KUN GZHI BDAG MED PA LA BDAG MED PAR KHONG DU MA CHUD PA NI BDAG TU GTI MUG PA ZHES BYA'O, ,DE LTAR BDAG MED PAR KHONG DU MA CHUD PAS KUN GZHI LA BRTAG PA NI 'DI YIN NO SNYAM DU 'DZIN PA NI BDAG TU LTA BA ZHES BYA'O, ,BDAG TU BLTAS PA'I RGYU DES SEMS MTHO BA DANG KHENGS PAR GYUR PA NI BDAG TU NGA RGYAL BA ZHES BYA'O, ,BDAG TU GTI MUG PA DANG, BDAG TU LTA BA DANG, BDAG TU NGA RGYAL BA GSUM LAS, BDAG DE LA CHAGS SHING PHANGS PAR 'DZIN PA NI BDAG LA CHAGS PA ZHES BYA STE, NYON MONGS PA'I YID DE SEMS LAS BYUNG BA'I NYON MONGS PA CAN BZHI DANG LDAN NO ZHES BYA BA'I DON TO, ,SOGS PA'I SGRAS NI SEMS LAS BYUNG BA BZHI PO DE 'BA' ZHIG 'BYUNG BAR MA ZAD KYI RIG PA DANG YID LA BYED PA LA SOGS PA LNGA KUN TU @115B 'GRO BA YANG LDAN PAR STON TO, ,DE BAS NA NYON MONGS PA'I YID DE SEMS LAS 'BYUNG BA'I NYON MONGS PA CAN BZHI DANG, LNGA KUN TU 'GRO BAS BSNAN TE SEMS LAS BYUNG BAS DGU DANG LDAN NO, ,NYON MONGS PA'I YID DE YOD PAR NYAN THOS RNAM PAR SMRA BA PA RNAMS LA MA GRAGS TE, DE BAS NA DE DAG LA YOD DO ZHES BSTAN PA DANG, NYON MONGS PA'I YID DE YANG SEMS KYI RANG BZHIN GYI YIN GYI SEMS LAS BYUNG BA'I RANG BZHI NA MA YIN NO ZHES BSTAN PA'I PHYIR, RNAM PAR SHES PA ZHES BYA BA SMOS TE, NYON MONGS PA'I YID DE RNAM PAR SHES PA'I RANG BZHIN YIN PAS SEMS KYI RANG BZHIN YIN GYI SEMS LAS BYUNG BA'I RANG BZHIN MA YIN NO ZHES BYA BA'I DON TO, ,NYON MONGS PA'I YID DE SEMS KYI RANG BZHIN YIN NA CHOS RNAM PA BZHI LA DGE BA DANG, MI DGE BA DANG, MA BSGRIBS LA LUNG DU MA BSTAN PA DANG BSGRIBS LA LUNG DU MA BSTAN PA LAS CHOS DE BZHI GANG GI RANG BZHIN YIN ZHEN; DE'I PHYIR, RIGS GCIG PA DANG ZHES BYA BA SMOS TE, CHOS RNAM PA BZHI LAS NYON MONGS PA'I YID DE NI BSGRIBS LA LUNG DU MA BSTAN PA'I RANG BZHIN YIN GYI DGE BA'I RANG BZHIN YANG MA YIN, MI DGE BA'I RANG BZHIN YANG MA YIN, MA BSGRIBS LA LUNG DU MA BSTAN PA'I RANG BZHIN YANG MA YIN PAS RIGS GCIG PA ZHES BYA'O, ,NYON MONGS PA'I YID DE BDAG TU GTI MUG PA LA SOGS PA SEMS LAS BYUNG BA NYON MONGS PA CAN BZHI DANG LDAN PAS NA BSGRIBS PA ZHES BYA'O, ,DGE BA'I RANG BZHIN YANG MA YIN MI DGE BA'I RANG BZHIN YANG MA YIN PAS NA LUNG DU MA BSTAN PA ZHES BYA'O, , CI'I PHYIR DGE BA DANG MI DGE PA'I RANG BZHIN MA YIN ZHE NA, GAL TE NYON MONGS PA'I YID DE DGE BA'I RANG BZHIN ZHIG YIN PAR GYUR NA NI MI DGE BA'I RANG BZHIN BYED PA RNAMS LA DGE BA MED PAS NGA MI DGE BA BYED DO SNYAM DU NGAR 'DZIN PA'I NYON MONGS PA'I YID DE MED PAR 'GYUR BA'I RIGS NA, MI DGE BA BYED PA RNAMS LA YANG NGA MI DGE BA BYED DO SNYAM DU 'DZIN PA'I RANG BZHIN YOD PAS NA NYON MONGS PA'I YID DE DGE BA'I RANG BZHIN YANG MA YIN NO, ,GAL TE NYON MONGS PA'I PYID DE MI DGE BA'I RANG BZHIN YIN NA NI DGE BA BYED PA RNAMS LA MI DGE BA BYED PAS NYON MONGS PA'I YID MED PA'I PHYIR BDAG DGE @116A *, ,BA SPYOD DO SNYAM DU BDAG TU SEMS PA MED PA'I RIGS NA, DGE BA BYED PA RNAMS KYANG BDAG DGE BA BYED DO SNYAM DU BDAG TU 'DZIN PA YOD PAS NYON MONGS PA'I YID DE MI DAG BA'I RANG BZHIN YANG MA YIN NO, ,YANG NA NYON MONGS PA'I YID DE NYON MONGS PAR RIGS GCIG PAR YIN GYI DGE BA DANG MI DGE BA DANG, MA BSGRIBS LA LUNG DU MI STON PA'I RANG BZHIN NI MA YIN TE, CI'I PHYIR NYON MONGS PAR RIGS GCIG CE NA, RTAG PAR BDAG TU GTI MUG PA LA SOGS PA NYON MONGS PA BZHI DANG LDAN PA'I PHYIR NYON MONGS PA RIGS GCIG GO, ,SMRAS PA, DE LTAR NA NYON MONGS PA'I YID DE RTAG GAM MI RTAG PA ZHIG YIN SNYAM PA LA, RGYUN TU 'JUG PA STE ZHES BYA BA SMOS TE, SKAD CIG MA'I RGYUN GYIS RGYUN MI 'CHAD PAR 'JUG PAS RGYUN DU 'JUG PA ZHES BYA STE, DE NI MI RTAG PAR BSTAN TO, ,DE LTAR 'JUG PA BSTAN NAS, DE 'GOG PA STON TE, NYON MONGS PA'I SKAD CIG MA'I RGYUN GYIS RGYUN MI 'CHAD PAR 'JUG NA, GANG GI DUS KYI TSE NYON MONGS PA'I YID MED PAR 'GYUR SNYAM PA LA, DE'I PHYIR DGRA BCOM PA DANG, 'PHAGS PA'I LAM DANG, 'GOG PA'I SNYOMS PAR 'JUG PA'I DUS MA GTOGS SO ZHES BYA BA SMOS TE, DGRA BCOM PAS NI KHAMS GSUM GYI NYON MONGS PA'I CHOS KUN MA LUS PAR SPANGS PAS NYON MONGS PA'I YID KYANG SPANGS PA'I PHYIR DGRA BCOM PA'I DUS NA NYON MONGS PA'I YID MED DO, ,'PHAGS PA'I LAM NI GANG ZAG DANG CHOS LA BDAG MED PAR BSGOMS PA STE, DON DAM PAR BSGOM PA DE BDAG TU LTA BA DANG MI MTHUN PA YIN LA, BDAG TU LTA BA'I GNYEN PO YIN PAS 'PHAGS PA'I LAM LA SNYOMS PAR ZHUGS PA'I TSE NYON MONGS PA'I YID MED DE, LAM LAS LANGS NAS NI NYON MONGS PA'I YID KYANG 'BYUNG NGO, ,DE CI'I PHYIR ZHE NA, 'PHAGS PA SLOB PA'I GANG ZAG RNAMS LAM LA SNYOMS PAR 'JUG STE, SLOB PA RNAMS KYI NI NYON MONGS PA KUN MA LUS PAR MA SPANGS PA'I PHYIR NYON MONGS PA'I YID KYI BAG CHAGS KYANG BAG CHAGS DA DUNG MA BYANG BAS LANGS PA'I TSE KUN GZHI RNAM PAR SHES PA LAS KYANG 'BYUNG NGO, ,'DU SHES MED PA'I SNYOMS PAR 'JUG PA'I DUS NA NI NYON MONGS PA'I @116B YID YOD PAS ZHIB MA YIN GYI 'GOG PA'I SNYOMS PAR 'JUG PA'I DUS NA NYON MONGS PA'I YID MED PAS TSES ZHI BA ZHES BYA STE, 'GOG PA'I SNYOMS PAR 'JUG PA DE CHES ZHI BAR GYUR PA'I PHYIR 'GOG PA'I SNYOMS PAR 'JUG PA'I DUS NA NYON MONGS PA'I YID MED DO, ,DE GSUM GYI DUS LAS MA GTOGS PAR DGE BA DANG MI DGE BA DANG LUNG DU MA BSTAN PA'I DUS DANG, 'DU SHES MED PA'I SNYOMS PAR 'JUG PA DANG, 'DU SHES MED PA PA DANG, SEMS MED PA'I GNYID DANG, BRGYAL BA LA SOGS PA'I DUS NA RTAG TU YOD DO ZHES BSTAN PA YIN NO, ,MDOR NA NYON MONGS PA'I YID KYI SKABS SU DON BZHI SA BSTAN TE, YID KYI NGES PA'I TSIG DANG, DMIGS PA DANG, LDAN PA DANG, DUS JI SRID DU YOD PA'O, ,DE LA BDAG DANG BDAG GIR SEMS PA ZHES BYA BAS YID KYI NGES PA'I TSIG BSTAN, KUN GZHIL DMIGS PA ZHES BYA BAS DMIGS PA BSTAN, SEMS LAS BYUNG BA'I NYON MONGS PA BZHI DANG, LNGA KUN TU 'GRO BA DANG LDAN PAS ZHES BYA BAS LDAN PA BSTAN, DGRA BCOM PA LA SOGS PA'I DUS GSUM LAS MA GTOGS PAR DUS GZHAN DU 'JUG CES BYA BAS DUS CI SRID DU GNAS PA BSTAN NO, ,NYON MONGS PA'I YID BSTAN PA RDZOGS SO,, ,, GZUGS LA SOGS PA LA PHUNG PO ZHES BTAGS PA LA PHUNG PO ZHES BYA BA'I DON BSTAN PA YANG, GONG DU GZUGS LA SOGS PA NI JE BSHAD KYI PHUNG PO'I DON PHYIS BSTAN TO ZHES GLENGS PA DE YANG BSTAN PA'I PHYIR, CI'I PHYIR PHUNG PO ZHES BYA ZHE NA ZHES DRIS TE, GZUGS LA SOGS PA'I CHOS LA CI'I PHYIR PHUNG PO ZHES GDAGS ZHES DRIS PA'I DON TO, ,DE'I LAN DU, SPUNGS PA'I PHYIR TE ZHES BYA BA SMOS TE, GANG CUNG ZAD GZUGS SU BGRANG BA 'DAS PA DANG, MA 'ONGS PA DANG, DA LTAR BYUNG BA DANG, NANG GI DANG, PHYI'I DANG, CHEN PO DANG, CHUNG DU DANG, NGAN PA DANG, BZANG PO DANG, NYE BA DANG, RING PA GANG YIN PA DE DAG THAMS CAD DNGOS POR BSDUR MI RUNG YANG TSIG GIS BSDUS TE, CHOS MANG PO DE DAG GCIG TU BSDUS TE SPUNGS PA LA, GZUGS KYI PHUNG PO ZHES BYA BA DANG, DE BZHIN DU GANG CUNG ZAD RNAM PAR SHES PA'I MTSAN NYID DU BGRANG BA, 'DAS PA DANG MA @117A *, ,'ONGS PA ZHES BYA BA NAS, NYE BA DANG RING BA GANG YIN PA DE DAG DNGOS POR BSDUR MI RUNG YANG TSIG GIS BSDUS TE SPUNGS BA LA RNAM PAR SHES PA'I PHUNG PO ZHES BYA'O ZHES PA'I DON TO, ,DON DE NYID BSTAN PAR BYA BA'I PHYIR, DUS DANG, RGYUD DANG, RNAM PA DANG, 'GRO BA DANG, YUL THA DAD PA'I GZUGS LA SOGS PA'I MDOR BSDUS PA'I PHYIR RO ZHES BYA BA SMOS TE, THA DAD PA ZHES BYA BA'I TSIG KUN DANG YANG SBYAR TE, DUS THA DAD PA DANG, RGYUD THA DAD PA DANG, RNAM PA THA DAD BA DANG, 'GRO BA THA DAD PA DANG, YUL THA DAD PA'I GZUGS JI SNYED YOD PA RNAMS GCIG TU BSDUS TE SPUNGS PA LA PHUNG PO ZHES BYA BA'I DON TO, ,RNAM PAR SHES PA LA SOGS PA PHUNG PO LHAG MA LA YANG DE BZHIN DU SBYAR RO, ,DE LA 'DAS PA DANG MA 'ONGS PA DANG DA LTAR BYUNG BA ZHES BYA BAS DUS THA DAD PA'I GZUGS BSTAN TO, ,PHYI DANG NANG GI ZHES BYA BAS RGYUD THA DAD PA'I GZUGS BSTAN TE, GANG GI PHYIR MIG LA SOGS PA'I DBANG PO'I RANG GI RGYUD LA YOD PA LA NI NANG GI GZUGS ZHES BYA'O, ,GANG GI PHYIR RANG GI RGYUD LAS GZHAN PA RTZIG PA LA SOGS PA LA NI PHYI'I GZUGS ZHES BYA'O, ,YANG NA RANG GI LUS LA YOD PA MIG LA SOGS PA'I SKYE MCHED RNAMS LA NI NANG GI GZUGS ZHES BYA'O, , SEMS CAN GZHAN GYI RGYUD LA YOD PA'I SKYE MCHED RNAMS LA NI PHYI'I GZUGS ZHES BYA'O, ,CHEN PO DANG CHUNG NGU ZHES BYA BAS RNAM PA THA DAD PA PHYE BA'I GZUGS BSTAN TE, CHEN PO DANG CHUNG NGU'I GZUGS NI PHAN TSUN DU LTOS NA CHEN PO DANG CHUNG NGUR GZHAG STE, CHEN PO LA LTOS NA CHUNG NGU ZHES BYA, CHUNG NGU LA LTOS NA CHEN PO ZHES BYA, YANG NA THOGS PA DANG BCAS PA'I GZUGS RNAMS LA NI CHEN PO ZHES BYA'O, ,RNAM PAR RIG BYED MA YIN PA LTA BU THOGS PA MED PA LA NI CHUNG NGU ZHES BYA'O, ,NGAN PA DANG BZANG PO DANG ZHES BYA BAS 'GRO BA THA DAD PAS PHYE BA'I GZUGS BSTAN TE, NGAN SONG GSUM GYI 'GRO BAR SKYES PA'I GZUGS LA NI NGAN PA ZHES BYA'O, ,LHA DANG MIR SKYES PA'I GZUGS LA NI BZANG PO ZHES BYA'O, ,NYE BA DANG RING BA ZHES BYA BAS YUL THA DAD PAS PHYE BA'I GZUGS BSTAN TE, GANG LTAR SNANG BA STE, MNGON SUM DU MTHONG NGU RUNG BA'I YUL NA GNAS PA'I GZUGS LA NI NYE BA ZHES @117B BYA'O; ,GZUGS LA SOGS PA LTAR MI SNANG BA'I YUL NA GNAS PA LA NI RING BA ZHES BYA'O, ,CHOR BA LA SOGS PA'I PHUNG PO LHAG MA LA YANG GANG 'DAS PA DANG, MA 'ONGS PA DANG, DA LTAR BYUNG BA'I TSOR BA DANG, 'DU SHES LA SOGS PA'I PHUNG PO LA NI DUS THA DAD PA ZHES BYA'O, ,BDAG NYID KYI RGYUD DU GTOGS PA'I TSOR BA DANG, 'DU SHES LA SOGS PA NI NANG ZHES BYA'O, ,SEMS CAN GYI RGYUD DU GTOGS PA'I TSOR BA DANG, 'DU SHES LA NI PHYI ZHES BYA STE, 'DI NI RGYUD THA DAD PA'O, ,MIG GI DBANG PO DANG, LUS KYI DBANG PO LA BRTEN PA'I TSOR BA DANG, 'DU SHES LA SOGS PA NI CHEN PO ZHES BYA'O, ,YID KYI DBANG PO LA BRTEN PA'I TSOR BA DANG, 'DU SHES LA SOGS PA LA NI CHUNG NGU ZHES BYA STE, 'DI NI RNAM PA THA DAD PA'O, ,NGAN SONG GSUM DU GTOGS PA'I TSOR BA DANG, 'DU SHES LA SOGS PA NI NGAN PA ZHES BYA'O, ,LHA DANG MI'I RGYUD DU GTOGS PA'I TSOR BA DANG, 'DU SHES NI BZANG PO ZHES BYA STE, 'DI NI RGYUD THA DAD PA'O, ,TSOR BA LA SOGS PA LA YANG NYE BA DANG RING BAR GZHAG PA NI TSOR BA LA SOGS PA'I RTEN LUS LTAR SNANG MI SNANG LAS NYE RING DU GZHAG STE, LUS LTAR SNANG BA LA BRTEN PA'I TSOR BA NI NYE BA ZHES BYA'O, ,LUS LTAR MI SNANG BA LA BRTEN PA'I TSOR BA LA NI RING BA ZHES BYA STE, 'DI NI YUL THA DAD PA'O, ,PHUNG PO LNGA BSHAD PA RDZOGS SO,, ,,ZAG PA DANG BCAS PA DANG, ZAG PA MED PA'I 'DUS BYAS THAMS CAD NI PHUNG PO LDAR 'DUS, ZAG PA DANG BCAS PA'I PHUNG PO LNGA NI NYE BAR LEN PA'I PHUNG PO LNGAR 'DUS, 'DUS BYAS DANG 'DUS MA BYAS KYI CHOS THAMS CAD NI SKYE MCHED BCU GNYIS DANG, KHAMS BCO BRGYAD DU 'DUS SO ZHES BSTAN PA DANG, MDO SDE LAS PHUNG PO'I 'OG TU SKYE MCHED BCU GNYIS BSHAD DE, DE BAS NA MDO SDE BZHIN DU PHUNG PO BSHAD PA'I 'OG TU SKYE MCHED BSHAD PAR BYA STE, DE LA SKYE MCHED RNAMS LA GRANGS SU NI DU ZHIG YOD PA DANG, DE DAG DNGOS SU NI GANG DANG GANG YIN PA DANG, SKYE MCHED CES BYA BA'I TSIG GI DON CI YIN PA BSTAN PAR BYA BA'I PHYIR, SKYE MCHED BCU GNYIS NI ZHES BYA BA SMOS TE, SKYE MCHED LA GRANGS NI BCU GNYIS YOD DO ZHES BYA BA'I DON TO, ,DE DAG DNGOS PO GANG DANG GANG @118A *, ,YIN PA BSTAN PAR BYA PA'I PHYIR, MIG GI SKYE MCHED NAS CHOS KYI SKYE MCHED DO ZHES BYA BA'I BAR DU SMOS SO, ,PHUNG PO LNGA LAS GZUGS KYI PHUNG PO'I SKABS SU RGYUR BYAS PA'I GZUGS LAS BCU GCIG TU BSHAD DO, ,DBANG PO LNGA DANG YUL LNGA DANG, RNAM PAR RIG BYED MA YIN PA DANG BCU GCIG TU BSHAD PA LAS, DBANG PO LNGA DANG, YUL LNGA LA 'DIR SKYE MCHED BCU ZHES BYA'O ZHES BSTAN PAR BYA BA'I PHYIR, MIG LA SOGS PA DANG, GZUGS DANG SGRA DANG DRI DANG RO'I SKYE MCHED RNAMS KYANG SNGA MA BZHIN BSHAD DO ZHES BYA BA SMOS TE, GZUGS KYI PHUNG PO BSHAD PA'I SKABS SU MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO'I RANG BZHIN JI LTAR BSHAD PA LNGA PO DE NYID LA SKYE MCHED KYI SKABS SU YANG MIG GI SKYE MCHED DANG, RNA BA'I SKYE MCHED DANG, SNA'I SKYE MCHED DANG, LCE'I SKYE MCHED DANG, LUS KYI SKYE MCHED CES SKYE MCHED LDAR BZHAG LA, SKYE MCHED DE DAG GI RANG BZHIN YANG DBANG PO'I SKABS SU BSHAD PA BZHIN DU BSHAD PAR BYA'O, ,JI LTA ZHE NA, MIG GI SKYE MCHED GANG ZHE NA, YUL KHA DOG GZUGS DANG BA'O, ,RNA BA'I SKYE MCHED GANG ZHE NA, YUL SGRA GZUGS DANG BA'O, , SNA'I SKYE MCHED GANG ZHE NA, YUL DRI GZUGS DANG BA'O, ,LCE'I SKYE MCHED GANG ZHEN, YUL RO GZUGS DANG BA'O, ,LUS KYI SKYE MCHED GANG ZHEN, YUL REG BYA GZUGS DANG BA'O, ,GZUGS KYI PHUNG PO'I SKABS SU GZUGS DANG, SGRA DANG, DRI DANG, RO DANG, BZHI BSHAD PA LA, SKYE MCHED KYI SKABS SU GZUGS KYI SKYE MCHED DANG, SGRA'I SKYE MCHED DANG, DRI'I SKYE MCHED DANG, RO'I SKYE MCHED CES SKYE MCHED BZHIR GZHAG CING, DE DAG GI RANG BZHIN YANG GZUGS KYI PHUNG PO'I SKABS SU BSHAD PA BZHIN DU 'DIR YANG BSHAD PAR BYA STE, JI LTA ZHE NA, GZUGS KYI SKYE MCHED GANG ZHE NA, MIG GI YUL TE, ,BA DOG DANG, DBYIBS DANG, RNAM PAR RIG BYED PA'O, ,SGRA'I SKYE MCHED GANG ZHE NA, RNA BA'I YUL TE, ZIN PA DANG MA ZIN PA DANG, GNYI GA'I STE 'BYUNG BA CHEN PO BZHI'I RGYU LAS BYUNG BA'O, ,DRI'I SKYE MCHED GANG ZHE NA, SNA'I YUL TE, DRI ZHIM PA DANG, DRI MI ZHIM PA DANG, DE LAS GZHAN PA'O, ,RO'I SKYE MCHED GANG ZHE NA, @118B LCE'I YUL TE, MNGAR BA DANG, SKYUR BA DANG; LAN TSVA BA DANG, KHA BA DANG, TSA BA DANG, BSKA BA'O ZHES BSHAD PAR BYA'O, ,REG BYA'I SKYE MCHED KYANG GZUGS KYI PHUNG PO BSHAD PA'I SKABS SU REG BYA'I BSHAD PA NYID LA NI REG BYA'I SKYE MCHED CES BYA'O ZHES BSTAN PAR BYA BA'I PHYIR, REG BYA'I SKYE MCHED NI 'BYUNG BA CHEN PO BZHI DAG DANG GANG REG BYA'I PHYOGS GCIG BSHAD PA'O ZHES BYA BA SMOS TE, GONG DU GZUGS KYI PHUNG PO BSHAD PA'I SKABS SU LUS KYI REG BYA'I RGYU 'BYUNG BA CHEN PO BZHI'I STENG DU RGYUR BYAS PA'I GZUGS 'JAM PA DANG, RTZUB PA DANG, LCI BA DANG, YANG BA DANG, GRANG BA DANG, BKRES PA DANG, SKOM PA DANG BDUN GYIS BSNAN TE, BCU GCIG PO DE NYID LA REG BYA'I SKYE MCHED CES BYA'O, ,SKYE MCHED BCU'I MTSAN NYID BSHAD NAS, YID KYI SKYE MCHED GANG LA BYA BA BSHAD PAR BYA BA'I PHYIR, YID KYI SKYE MCHED NI RNAM PAR SHES PA'I PHUNG PO'O ZHES BYA BA SMOS TE, RNAM PAR SHES PA'I PHUNG PO BSHAD PA'I SKABS SU RNAM PAR SHES PA BRGYAD LA RNAM PAR SHES PA'I PHUNG PO ZHES BYA'O ZHES BSHAD PA'I RNAM PAR SHES PA BRGYAD LA YID KYI SKYE MCHED CES BYA'O, ,RNAM PAR SHES PA BRGYAD KYANG 'JUG PA'I RNAM PAR SHES PA DRUG GI STENG DU KUN GZHI RNAM PAR SHES PA DANG, NYON MONGS PA'I YID KYIS BSNAN TE BRGYAD DO; ,DE BAS NA SKYE MCHED BSHAD PA'I SKABS SU NI RNAM PAR SHES PA'I PHUNG PO LA YID KYI SKYE MCHED CES BYA'O, ,CHOS RNAM PA BRGYAD LA CHOS KYI SKYE MCHED CES BYA'O ZHES BSTAN PA'I PHYIR, CHOS KYI SKYE MCHED NI GANG TSOR BA DANG, 'DU SHES DANG, 'DU BYED DANG, RNAM PAR RIG BYED MA YIN PA DANG, 'DUS MA BYAS SO ZHES BYA BA SMOS TE, CHOS KYI SKYE MCHED NI RNAM PA BRGYAD YOD DE, ,TSOR BA DANG, 'DU SHES DANG, 'DU BYED DANG, RNAM PAR RIG BYED MA YIN PA DANG, 'DUS MA BYAS BZHI STE BRGYAD DO, ,DE LA TSOR BA DANG, 'DU SHES DANG, 'DU BYED KYI PHUNG PO DANG, RNAM PAR RIG BYED MA YIN PA LA SOGS PA'I RANG BZHIN NI GONG DU PHUNG PO BSHAD PA'I SKABS SU BSHAD ZIN PAS DA MI BSHAD KYI PHUNG PO'I SKABS SU 'DUS MA BYAS MA BSHAD PAS DA 'DUS MA BYAS KYI RANG BZHIN BSTAN PAR BYA BA DANG, 'DUS MA BYAS BZHI PO GANG DANG GANG YIN PA BSTAN PAR BYA BA'I PHYIR, 'DUS MA BYAS @119A *, ,GANG ZHE NA ZHES DRIS NAS, NAM MKHA' DANG, SO SOR BRTAGS PA MA YIN PAS 'GOG PA DANG, SO SOR BRTAGS PAS 'GOG PA DANG, DE BZHIN NYID DO ZHES BYA BA SMOS SO, ,DE LA LAS DANG NYON MONGS PA'I RGYU DANG RKYEN GYI MTHU LAS SKYAS PA'I RANG BZHIN NI 'DUS BYAS ZHES BYA'I LAS DANG NYON MONGS PA'I RGYU RKYEN LA BRTEN NAS SKYE BA'I RANG BZHIN MA YIN PA LA NI 'DUS MA BYAS ZHES BYA STE, DE YANG NAM MKHA' LA SOGS PA BZHI'O, ,DE LA NAM MKHA'I RANG BZHIN JI LTA BU YIN PA MI SHES NAS DE'I RANG BZHIN SHES PAR 'DOD NAS, NAM MKHA' GANG ZHE NA ZHES DRIS TE, NAM MKHA'I RANG BZHIN GANG ZHE NA ZHES DRIS PA'I DON TO, ,DE'I LAN DU, GZUGS KYI GO 'BYED PA'O ZHES BYA BA SMOS TE, THOGS PA DANG BCAS PA'I GZUGS RNAMS GNAS PA DANG, YUL GANG DU THOGS PAR MI BYED PA'I GNAS DANG, YUL DE NI THOGS PA DANG BCAS PA'I GZUGS GZHAN GYI GO 'BYED PA YIN TE, DE BAS NA GZUGS RNAMS PHAN TSUN 'GRO BA'I GO 'BYED PA LA NAM MKHA' ZHES BYA'O, ,YANG NA GZUGS RNAMS SKYE BA LA BGEGS MI BYED PA NI NAM MKHA' ZHAS BYA'O, ,YANG NA NAM MKHA' 'DI'I BAR NA DNGOS PO RNAMS SHIN TU SNANG BAS NA NAM MKHA' ZHES BYA'O, ,NAM MKHA'I 'OG TU SO SOR BRTAGS PA MA YIN PAS 'GOG PA SMOS NA SO SOR BRTAGS PA MA YIN PAS 'GOG PA'I RANG BZHIN RTOGS PAR 'DOD NAS, SO SOR BRTAGS PA MA YIN PAS 'GOG PA GANG ZHE NA ZHES DRIS TE, SO SOR BRTAGS PA MA YIN PAS 'GOG PA'I RANG BZHIN GANG ZHE NA ZHES DRIS PA'I DON TO, ,DE LA SO SOR BRTAGS PA ZHES BYA BA LA BRTAGS PA ZHES BYA BA DANG, 'JAL BA ZHES BYA BA DANG, RNAM PAR 'BYED PA ZHES BYA BA DANG, SHES RAB CES BYA BA DAG NI TSIG GI RNAM GRANGS SU ZAD KYI DON GCIG GO, ,SO SOR ZHES BYA BA NI 'DI LTAR SDUG BSNGAL DANG, KUN 'BYUNG DANG, 'GOG PA DANG, LAM GYI BDEN PA BZHI PO SO SO LA NI SDUG BSNGAL GYI BDEN PA LA NI SHES RAB KYIS MI RTAG PA DANG, SDUG BSNGAL BA DANG, STONG PA DANG, BDAG MED PA YIN NO ZHES BRTAGS SHING SHES PAR BYAS, KUN 'BYUNG GI BDEN PA LA NI RGYU DANG, RKYEN DANG, KUN 'BYUNG BA DANG, RAB TU 'BYUNG BA ZHES BRTAGS SHING SHES PAR BYAS, 'GOG PA'I @119B BDEN PA LA NI 'GOG PA DANG, ZHI BA DANG, GYA NOM PA DANG, BYUNG BA ZHES BRTAGS SHING SHES PAR BYAS, LAM GYI BDEN PA LA NI LAM DANG, RIGS PA DANG, BSGRUB PAR BYA BA DANG 'BYUNG BAR BYED PAR BRTAGS SHING SHES PAR BYAS TE, BDEN PA BZHI PO SO SO LA BRTAGS GZHAL NAS NYON MONGS PA SPANGS TE PHUNG PO MI SKYE PAR 'GAG PA NI SO SOR BRTAGS TE 'GOG PA ZHES BYA STE, DON DU NA, BDEN PA BZHI SHES PA'I SHES RAB KYI KHYAD PAR LA SO SOR BRTAGS PA ZHES BYA BA'O, ,SO SOR BRTAGS PA MED PAR 'GAG PA NI SO SOR BRTAGS PA MA YIN PAS 'GOG PA ZHES BYA STE, DON DU NA SHES RAB MAD PAR PHUNG PO LA SOGS PA'I CHOS MI SKYE BAR GYUR PA NI SO SOR BRTAGS PA MA YIN PAS 'GAG PA ZHAS BYA'O, ,DE YANG RKYEN DANG MI LDAN PA STE, GANG MA 'ONGS PA'I CHOS SKYE BAR 'GYUR BA DE SKYE BAR 'GYUR BA'I CHOS RGYU DANG RKYEN DANG MI LDAN ZHING RKYEN MED PAS MA SKYES TE MA 'ONGS PA'I DUS SU LUS NAS NAMS KYANG MI SKYE BAR 'GYUR BA NI SO SOR BRTAGS PA MA YIN PAS 'GAG PA ZHES BYA'O, ,DE'I LAN DU, GANG 'GOG PA MI 'BRAL BA STE ZHES BYA BA SMOS TE, YANG NYON MONGS PA MA SKYES LA MI 'BRAL BA DANG, NYON MONGS PA SKYES LA 'BRAL BA GNYIS YOD PA LAS, SO SOR BRTAGS PA MA YIN PAS 'GOG PA NI PHUNG PO MI SKYE BAR 'DOD PA NI YIN GYI RNAM PAR BRAL BA NI MA YIN NO ZHES BYA BA'I THA TSIG GO, ,DON DU NA SO SOR BRTAGS PA MA YIN PAS 'GOG PA DE PHUNG PO SHIN TU MI SKYE BA'I RANG BZHIN YIN GYI NYON MONGS PA SPANGS PA'I RANG BZHIN NI MA YIN NO ZHES BSTAN PA YIN NO, ,DE LA 'GOG PA'I SGRA SO SOR BRTAGS PA MA YIN PAS 'GOG PA 'BA' ZHIG LA 'GOG PA ZHES BYA BAR MA ZAD KYI GSUNG RAB LA SO SOR BRTAGS TE 'GOG PA LA YANG 'GOG PA ZHES BYA'O, ,'DU SHES MED PA'I SNYOMS PAR 'JUG PA LA YANG 'GOG PA ZHES BYA, 'DU SHES MED PA LA YANG 'GOG PA ZHES BYA, CHOS RNAMS MI RTAG STE SKYES NAS 'GAGS PA MI RTAG PA LA YANG 'GOG PA ZHES BYA BA GSUNGS TE, DE LAS KYANG 'DIR SO SOR BRTAGS TE 'GOG PA MI 'CHAD DO ZHES BSAL BAR BYA BA'I PHYIR MI 'BRAL BA ZHES BYA BA SMOS TE, SO SOR BRTAGS TE 'GOG PA NI 'BRAL BA'I RANG BZHIN YIN LA SO SOR MA BRTAGS PA'I RANG BZHIN NI MI @120A *, ,'BRAL BA YIN PAS MI 'BRAL BA ZHES BYA BA'I TSIG GIS SO SOR BRTAGS TE 'GOG PA BSAL BA YIN NO, ,DE LA MI 'BRAL BA ZHES BYA BA LA 'BRAL BA'I DON JE BSTAN TO, ,NYON MONGS PA'I GNYEN PO SHES RAB KYIS SEMS KYI RGYUD LA NYON MONGS PA'I SA BON RTZA BA NAS BTON PAS NYON MONGS PA DANG PHUNG PO PHYIS RAB TU MI SKYE BAR 'GYUR BA GANG YIN PA DE NI 'BRAL BA ZHES BYA'O, ,SEMS KYI RGYUD LA NYON MONGS PA'I SA BON YOD PA DE DAG SHES RAB KYIS MA BTON MA BSAL KYANG CHOS DE DAG SKYE BA'I RKYEN DANG MI LDAN TE, RKYEN MED PAS MA 'ONGS PA'I CHOS RNAMS RAB TU MI SKYE STE DE RNAMS KYANG SKYE BAR MI 'GYUR BA DE NI SO SOR BRTAGS PA MA YIN PAS 'GOG PA ZHES BYA'O, ,DE LTAR BSHAD PA DANG, BRGAL BA, 'DI LTAR 'PHAGS PA DGRA BCOM PA DAG LA LHA 'AM MI 'AM SEMS CAN DMYAL BA LA SOGS PA'I RIS MTHUN PA'I GNAS SU PHUNG PO SKYE BAR 'GYUR BA'I LAS MA NGES PA'I SA BON SEMS KYI RGYUD LA YOD PA 'PHAGS PA DGRA BCOM PA DE DAG GI PHUNG PO DE MA 'ONGS PA NI MI SKYE STE, NAMS KYANG MI SKYE BA THOB PA DE YANG SO SOR BRTAGS PA MA YIN PAS 'GOG PA MA YIN PA'I SKYON DU 'GYUR BAR DOGS PA BSAL BA'I PHYIR, DE LA GANG NYON MONGS PA'I GNYEN PO MED PAR PHUNG PO RNAMS RAB TU MI SKYED PA'O ZHES BYA BA SMOS TE; 'PHAGS PA DGRA BCOM PA'I PHUNG PO MI SKYE BA DE LAS DGE BA BYAS PAS LAS DES MA 'ONGS PA'I PHUNG PO 'PHEN PAR 'GYUR BA'I LAS KYI SA BON YOD PA DANG, LAS LUNG DU MA BSTAN PA BYAS PAS MA 'ONGS PA NA BZO SHES PA'I LUS SKYE BAR 'GYUR BA'I RGYU MTHUN PA'I LAS KYI SA BON YOD PA 'PHAGS PA DGRA BCOM PA DES SA BON MA SPANGS TE, YOD KYANG MA 'ONGS PA NA PHUNG PO MI SKYE BA DANG, NYON MONGS PA MI SKYE BA DE NYON MONGS PA'I GNYEN PO MED PAR MI SKYE BA MI 'GRUB STE, GNYEN PO DGOS PAS GANG PHUNG PO'I SA BON YOD KYANG SA BON YOD PA DE NYON MONGS PA'I GNYEN POS PHUNG PO MI SKYE BAR BYAS PA NI SO SOR BRTAGS TE 'GOG PA DE NYID DE, DE BAS NA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS DANG, PHUNG PO'I LHAG MA MA LUS PA'I MYA NGAN LAS 'DAS PA'I DBYINGS NI SO SOR BRTAGS PAS 'GOG PA YIN PAR BSHAD DO, ,CI'I PHYIR ZHE NA, SHES RAB KYIS NYON MONGS PA SPANGS PA LAS GDOD @120B MYA NGAN LAS 'DAS PA GNYIS THOB PAS NA SO SOR BRTAGS PAS 'GOG PAR GZHAG GO, ,NYON MONGS PA'I GNYEN PO ZHES BYA BA NI 'DI'I SKABS SU ZAG PA MED PA 'PHAGS PA'I LAM LA NI MI BYA STE, NYON MONGS PA'I GNYEN PO'I 'PHAGS PA'I LAM GYIS NYON MONGS PA SPANGS NAS PHUNG PO MI SKYE BAR BYAS PA LTA BU NI MA YIN GYI, NYON MONGS PA'I GNYEN PO MED PAR MA 'ONGS PA'I CHOS RGYU RKYEN DANG MI LDAN PAS PHUNG PO DE RAB TU MI SKYED DE, NAMS KYANG SKYE BAR MI 'GYUR BA NI SO SOR BRTAGS PA MA YIN PAS 'GOG PA ZHES BYA'O, ,DE LA SHIN TU ZHES BYA BA'I SGRA SMOS PA 'DU SHES MED PA'I SNYOMS PAR 'JUG PA'I 'GOG PA DANG, 'DU SHES MED PA'I 'GOG PA LAS DBYE BAR BYED DE CI'I PHYIR ZHE NA, DE DAG GI TSE DUS JI SRID CIG TU CHOS MI SKYE BAR BYED PA YIN GYI SHIN TU MI SKYE BAR BYED PA NI MA YIN TE, 'DU SHES MED PA'I SNYOMS PAR 'JUG PA DANG, 'DU SHES MED PA PA'I TSE SEMS DANG SEMS LAS BYUNG BA 'GAGS NAS DE LAS LANGS PA DANG, YANG PHYIS SEMS DANG SEMS LAS BYUNG BA 'BYUNG BAR 'GYUR BA'I PHYIR RO, ,MA 'ONGS PA'I CHOS MI SKYED CES BYA BAS MI RTAG PA'I 'GOG PA LAS 'BYED PAR BYED DE, CI'I PHYIR ZHE NA, MI RTAG PA'I 'GOG PA NI DA LTAR GYI DUS KYI CHOS SKYES PA LA 'GOG PAR BYED KYI MA 'ONGS PA'I CHOS MI SKYED CING 'GOG PAR MI BYED PA'I PHYIR RO, ,DE LA DNGOS SU 'DI LTAR GZUGS KYI RNAM PA GCIG LA MIG GI RNAM PAR SHES PA ZHEN NAS YENGS PA NA GZUGS KYI RNAM PA DKAR PO DANG DMAR PO DANG SER PO LA SOGS PA DANG, SGRA DANG, DRI DANG, RO DANG, REG LA SOGS PA'I CHOS RNAMS DUS GCIG TU BYUNG BA LAS GZUGS KYI RNAM PA SNGON PO LA MIG GI RNAM PAR SHES PA ZHEN NAS YENGS PA DANG, GZUGS KYI RNAM PA DKAR PO DANG DMAR PO LA SOGS PA NI SKAD CIG MA YIN PAS 'GAGS TE 'DAS PA'I DUS SA SONG LA, DE LA DMIGS PA'I RNAM PAR SHES PA LNGA PO RNAMS NI RKYEN MED PAS MA SKYES TE, MA 'ONGS PA'I DUS SU LUS NAS NAM YANG MI SKYE BAR 'GYUR BA DE LA SO SOR BRTAGS PA MA YIN PAS 'GAG PA ZHES BYA'O, ,CI'I PHYIR ZHE NA, SKAD CIG MA DE MA THAG PA'I RKYEN DE NI RNAM PA GCIG LA ZHEN PA'I RNAM PAR SHES PA'I DE MA THAG PA'I RKYEN BYAS KYI RNAM PAR SHES PA GZHAN GYI DE MA THAG PA'I RKYEN MA @121A *, ,BYAS PAS DE MA THAG PA'I RKYEN MED PA DANG, DE DAG GI DMIGS PA'I YUL LNGA YANG 'DAS PA'I DUS SU SONG BAS DMIGS PA'I RKYEN MED DE RKYEN GNYIS DANG MI LDAN PAS NA RNAM PAR SHES PAD DAG MA SKYES TE MA 'ONGS PA'I DUS SU LUS SO, ,SO SOR BRTAGS PA MA YIN PA'I 'OG TU SO SOR BRTAGS PA SMOS TE; DE BAS NA SO SOR BRTAGS PAS 'GOG PA'I RANG BZHIN SHES PAR 'DOD NAS, SO SOR BRTAGS PAS 'GOG PA GANG ZHE NA ZHES DRIS TE, SO SOR BRTAGS PAS 'GOG PA'I RANG BZHIN GANG ZHE NA ZHES DRIS PA'I DON TO, ,DE LA SO SOR BRTAGS PA ZHES PA LA BRTAGS PA DANG 'BYED PA DANG SHES RAB CES BYA BA DAG DON GCIG STE, GANG DE MA THAG PA'I LAM DU GTOGS PA'I SHES RAB KYI KHYAD PAR LA BRTAGS PA ZHES BYA STE, SDUG BSNGAL DANG KUN 'BYUNG BA DANG 'GOG PA DANG LAM STE, BDEN PA BZHI LA SHES RAB DES SO SOR MI RTAG PA DANG, SDUG BSNGAL BA LA SOGS PAR SHES PAR BYAS NAS NYON MONGS PA SPANGS PAS THOB STE, NYON MONGS PA SPANGS PAS PHUNG PO MI SKYE BAR 'GAG PA NI SO SOR BRTAGS PAS 'GOG PA ZHES BYA'O, ,DE'I LAN DU, GANG 'GOG LA DE NI BRAL BA'O ZHES BYA BA SMOS TE, SO SOR BRTAGS PAS 'GOG PA DE PHUNG PO MI SKYE BAR 'GOG PAS NA 'GOG PA ZHES BYA LA, DE YANG NYON MONGS PA'I MTSAN NYID YIN PAS DE NI BRAL BA ZHES BYA'O, ,DE LA 'GOG PA'I TSIG 'BA' ZHIG SMOS KYI 'BRAL BA'I TSIG MA SMOS NA NI SO SOR BRTAGS PA MA YIN PA'I 'GOG PA DANG, 'DU SHES MED PA'I SNYOMS PAR 'JUG PA'I 'GOG PA DANG, 'DU SHES MED PA DANG, MI RTAG PA'I 'GOG PA YANG BYA BA'I SKYON DU 'GYUR BAS DE'I PHYIR; DE NI BRAL BA'O ZHES BYA BA SMOS TE, SO SOR BRTAGS PA MA YIN PA LA SOGS PA'I 'GOG PA BZHI NI 'GOG PA YIN KYANG NYON MONGS PA DANG BRAL BA'I RANG BZHIN MA YIN TE, DE BAS 'BRAL BA'I TSIG GIS 'GOG PA LHAG MA BZHI BKAR BA YIN NO, ,GANG 'GOG LA BRAL BA ZHES BYA BA'I DON DE NYID GSAL BAR BSTAN PAR BYA BA'I PHYIR, DE YANG GANG NYON MONGS PA'I GNYEN POS PHUNG PO RNAMS RAB TU MI SKYED PA'O ZHES BYA BA SMOS SO, ,YANG NA MTHONG BA'I LAM DANG BSGOM PA'I LAM GYIS NYON MONGS PA RNAMS MED PAR BKAG PA NI GANG 'GOG PA ZHES BYA'O, ,NYON MONGS PA SNGAR 'GAGS PAS PHYIS NYON MONGS PA DANG @121B BRAL BA'I SEMS KYI RGYUD THOB PA NI 'BRAL BA ZHES BYA STE, 'BRAS BU DANG BRAL BA BSTAN PA'I PHYIR DE YANG GANG NYON MONGS PA RNAMS SPANGS PAS NYON MONGS PA MED PA'I PHYIR PHUNG PO LNGA TSE RABS GZHAN DU MI SKYE BAR 'GYUR BA NI NYON MONGS PA'I GNYEN POS PHUNG PO RNAMS RAB TU MI SKYED PA ZHES BYA STE, DON DU KUN 'BYUNG BA DANG, SDUG BSNGAL GYI BDEN PA GNYIS SPANGS TE, BKAG PA LA SO SOR BRTAGS PAS 'GOG PA ZHES BYA'O, ,DE'I DON ZHIB TU DPYAD PAR BYA'O, ,YONG NI LUS LA GNAS PA ZHES BYA BA MED KYI, LUS DANG LONGS SPYOD DANG, GNAS KUN KYANG KUN GZHI LA SNANG BAS KUN GZHI LA GNAS ZHES BYA, DE LA 'DOD PA'I KHAMS KYI GNAS 'DI NI, KHAMS GSUM GYI MTHONG BA DANG, BSGOM PAS SPANG BAR BYA BA'I NYON MONGS PA'I SA BON DANG LDAN PA YIN NO, ,GZUGS KYI GNAS NI GZUGS KYI KHAMS DANG GZUGS MED PA'I KHAMS KYI NYON MONGS PA'I SA BON DANG LDAN PA YIN NO, ,GZUGS MED PA'I KHAMS NI KHAMS GCIG GI NYON MONGS PA'I SA BON DANG LDAN TE, GZUGS MED PA'I KHAMS KYI SA BON DANG LDAN NO, ,KHAMS GSUM LAS 'DOD PA'I KHAMS NA NYON MONGS PA'I GNYEN POS NYON MONGS PA SPANGS PAS PHUNG PO MI SKYED PA JE DPYAD PAR BYA'O, ,DE LA 'DOD PA'I KHAMS NA BDEN PA BZHI LAS SDUG BSNGAL MTHONG BAS SPANG BAR BYA BA'I NYON MONGS PA BCU STE, 'JIG TSOGS SU LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BSNYEMS PA DANG, TSUL KHRIMS DANG BRTUL ZHUGS SNYEMS PA DANG, THE TSOM DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA'O, ,KUN 'BYUNG MTHONG BAS SPANG BAR BYA BA'I NYON MONGS PA BDUN TE, SNGAM BCU LAS 'JIG TSOGS SU LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS SNYEMS PA GSUM BKOL NAS, LOG BAR LTA BA DANG, LTA BA SNYEMS PA DANG, THE TSOM DANG, 'DOD CHAGS DANG; KHONG KHRO BA DANG, NGA RGYAL DANG, MA RIG PA STE BDUN NO, ,'GOG PA MTHONG BAS SPANG BAR BYA BA'I PHYIR SPANG BAR BYA BA'I NYON MONGS PA BDUN TE, KUN 'BYUNG MTHONG BAS SPANG BAR BYA BA'I NYON MONGS PA BDUN PO NYID DO, ,LAM MTHONG BAS SPANG BAR BYA BA'I NYON MONGS PA BRGYAD DE, SNGA MA BDUN GYI STENG @122A *, ,DU TSUL KHRIMS DANG, BRTUL ZHUGS SNYEMS PAS BSNAN NAS BRGYAD DO, ,DE LTAR 'DOD PA'I KHAMS KYI MTHONG BAS SPANG BAR BYA BA'I NYON MONGS BSDOMS NA NYON MONGS BA SUM CU RTZA GNYIS SO, ,'DOD PA'I KHAMS KYI BSGOM PAS SPANG BAR BYA BA'I NYON MONGS PA 'DOD CHAGS DANG, KHONG KHRO BA DANG, NGA RGYAL DANG, MA RIG PA BZHI LA NI DGUR DBYE STE, CHEN PO'I CHEN PO DANG, CHEN PO'I 'BRING PO DANG, CHEN PO'I CHUNG DU DANG, 'BRING BO'I CHEN PO DANG, 'BRING BO'I 'BRING PO DANG, 'BRING BO'I CHUNG DU DANG, CHUNG DU'I CHEN PO DANG, CHUNG DU'I 'BRING BO DANG, CHUNG DU'I CHUNG DU'O, ,'DOD PA'I KHAMS KYI MTHONG BAS SPANG BAR BYA BA'I NYON MONGS PA'I GNYEN PO LA YANG BZHI STE, SDUG BSNGAL LA CHOS SHES PA'I BZOD PA DANG, KUN 'BYUNG LA CHOS SHES PA'I BZOD PA DANG, 'GOG PA LA CHOS SHES PA'I BZOD PA DANG, LAM LA CHOS SHES PA'I BZOD PA'O, ,SDUG BSNGAL LA MI RTAG PA LA SOGS PA RNAM PA BZHIR SHES PA NI, SDUG BSNGAL LA CHOS SHES PA'I BZOD PA'O ZHES BYA'O, ,KUN 'BYUNG BA LA KUN 'BYUNG BA LA SOGS PA RNAM PA BZHIR SHES PA'I KUN 'BYUNG LA CHOS SHES PA'I BZOD PA ZHES BYA'O, ,'GOG PA LA 'GOG PA LA SOGS PA RNAM BA BZHIR SHES PA NI 'GOG PA LA CHOS SHES PA'I BZOD PA ZHES BYA'O, ,LAM LA LAM LA SOGS PA RNAM PA BZHIR SHES PA NI LAM LA CHOS SHES PA'I BZOD PA ZHES BYA'O, ,'DOD PA'I KHAMS KYI BSGOM PAS SPANG BAR BYA BA'I NYON MONGS PA RNAM PA DGUR PHYE BA'I GNYEN POR YE SHES KYANG DGU YOD DE, YE SHES CHEN PO'I YANG CHEN PO DANG, YE SHES CHEN PO'I 'BRING PO DANG, YE SHES CHEN PO'I CHUNG DU DANG, YE SHES 'BRING PO'I CHEN PO DANG, YE SHES 'BRING PO'I 'BRING BO DANG, YE SHES 'BRING PO'I CHUNG DU DANG, YE SHES CHUNG DU'I CHEN PO DANG, YE SHES CHUNG DU'I 'BRING PO DANG, YE SHES CHUNG DU'I CHUNG DU'O, ,DE LA MTHONG BA DANG BSGOM PA'I LAM DE DAG LA MING DU DE MA THAG PA'I LAM ZHES BYA'O, ,DE LA 'DOD PA'I KHAMS GYI GNAS LA MTHONG BA DANG BSGOM PAS SPANG BAR BYA BA'I NYON MONGS PA GANG DANG GANG YOD PA DE DAG DE'I GNYEN PO DE MA THAG PA'I LAM GYI SKAD CIG MA GANG DANG GANG SKYES SHING BYUNG BAR GYUR NA GNYEN PO DES NYON MONGS PA DE DANG DE @122B DAG SPANG ZHING DE DANG BRAL BAR BYED DO, JI LTA ZHE NA, SDUG BSNGAL LA CHOS SHES PA'I BZOD PA SKYES NAS SDUG BSNGAL MTHONG BAS SPANG BAR BYA BA'I NYON MONGS PA BCU SPANGS SHING DE DANG BRAL BAR 'GYUR RO, ,KUN 'BYUNG LA CHOS SHES PA'I BZOD PA SKYES NAS KUN 'BYUNG MTHONG BAS SPANG BAR BYA BA'I NYON MONGS PA BDUN DANG BRAL BAR 'GYUR RO, ,'GOG PA LA CHOS SHES PA'I BZOD PA SKYES NAS 'GOG PA MTHONG BAS SPANG BAR BYA BA'I NYON MONGS PA BDUN DANG BRAL BAR 'GYUR RO, LAM LA CHOS SHES PA'I BZOD PA SKYES NAS LAM MTHONG BAS SPANG BAR BYA BA'I NYON MONGS PA BRGYAD DANG BRAL BAR 'GYUR RO, ,BSGOM PAS SPANG BAR BYA BA'I NYON MONGS PA DGU DANG, YE SHES DGU YANG DE MA THAG PA'I LAM YE SHES CHUNG NGU'I CHUNG DUS NI NYON MONGS PA CHEN PO'I CHEN PO SPONG BAR BYED PAS NA DE MA THAG PA'I LAM YE SHES CHEN PO'I YANG CHEN POS NI NYON MONGS PA CHUNG NGU'I YANG CHUNG NGU SPONG BAR BYED DO, ,DE LTAR SKAD CIG MA DANG PO LA NYON MONGS PA'I GNYEN PO LAM DANG BCAS PA'I LUS SKYES PAS NYON MONGS PA SPANGS NAS SKAD CIG MA PHYI MA PHAN CHAD MTHONG BA DANG BSGOM PAS SPANG BAR BYA BA'I NYON MONGS PAS BON 'BREL BA'I LUS GZHAN SKYED PAR BYED PAR MI NUS TE, GNYEN PO DANG BCAS PA'I LUS SKAD CIG MA PHYI MA MI SKYED CING NYON MONGS PA DANG BCAS PA'I LUS PHYI MA'I RGYU MI BYED PAS NYON MONGS PA'I GNYEN POS PHUNG PO RNAMS RAB TU MI SKYED PA ZHES BYA'O, ,'PHAGS PA'I LAM DANG BCAS PA'I LUS NYON MONGS PA MED PA SNGA MA DES NYON MONGS PA DANG BCAS PA'I LUS PHYI MA CI'I PHYIR MI SKYED CE NA, 'PHAGS PA'I LAM DANG 'GROGS PA'I LUS NYON MONGS PA MED PA LUS SKAD CIG MA SNGA MA LA BYUNG BA DE LUS NYON MONGS PA DANG BCAS PA PHYIS 'BYUNG BA DANG 'GAL BA YIN TE, DE BAS NA LUS SNGA MA DE NYON MONGS PA DANG BCAS PA'I LUS PHYI MA SKYE BA'I RGYU MI BYED CING PHYI MA SKYED PAR MI BYED DO, ,LUS NYON MONGS PA MED PA SNGA MA DE NYON MONGS PA DANG BCAS PA'I LUS PHYI MA SKYED PA'I RGYU MI BYED NA, LUS GANG GIS RKYEN BYED CE NA, DE NI MTHONG BA DANG BSGOM PAS SPANG BAR BYA BA'I NYON MONGS PA'I SA BON DANG BRAL BA'I LUS PHYI MA SKYE BA'I RGYU NI MED DO, NYON MONGS PA MED PA'I LUS SNGA MA DE NYON MONGS PA MED PA'I LUS PHYI MA DE SKYED PA DANG MTHUN PA'I RKYEN YIN PAS NA NYON @123A *, ,MONGS PA MED PA'I LUS PHYI MA NI SKYED PA'O, ,DE BAS NA GNYEN POS NYON MONGS PA BSAL NA NYON MONGS PA MED PA'I LUS PHYI MA NI SKYED KYI NYON MONGS PA DANG BCAS PA'I LUS PHYI MA NI MI SKYED PAS NA GNYEN POS PHUNG PO RAB TU MI SKYED PA ZHES BYA BA STE, DE LA SO SOR BRTAGS PAS 'GOG PA ZHES GDAGS SO, ,DA NI GZUGS DANG GZUGS MED PA'I KHAMS NA NYON MONGS PA'I GNYEN POS NYON MONGS PA SPANGS NAS PHUNG PO MI SKYED PAR BSHAD PAR BYA'O, ,DE LA SNGA MA GZUGS KYI KHAMS NA SDUG BSNGAL MTHONG BAS SPANG BAR BYA BA'I NYON MONGS PA DGU STE, SNGA MA BCU LAS KHONG KHRO BA PHRI NAS 'JIG TSOGS SU LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BA SNYEMS PA DANG, TSUL KHRIMS DANG BRTUL ZHUGS SNYEMS PA DANG, THE TSOM DANG, 'DOD CHAGS DANG, NGA RGYAL DANG, MA RIG PA'O, ,KUN 'BYUNG MTHONG BAS SPANG BAR BYA BA DRUG STE, 'JIG TSOGS SU LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS SNYEMS PA DANG, KHONG KHRO BA BZHI BKOL TE, LOG PAR LTA BA DANG, LTA BA SNYEMS PA DANG, THE TSOM DANG, 'DOD CHAGS DANG, NGA RGYAL DANG, MA RIG PA'O, ,'GOG PA MTHONG BAS SPANG BAR BYA BA'I NYON MONGS PA DRUG STE SNGAR BSHAD PA'I DRUG PO NYID DO, ,LAM MTHONG BAS SPANG PAR BYA BA'I NYON MONGS PA BDUN TE, LOG PAR LTA BA DANG, LTA BA SNYEMS PA DANG, TSUL KHRIMS DANG BRTUL ZHUGS SNYEMS PA DANG, THE TSOM DANG, 'DOD CHAGS DANG, NGA RGYAL DANG, MA RIG PA'O, ,GZUGS KYI KHAMS KYI MTHONG BAS SPANG BAR BYA BA'I NYON MONGS PA BSDOMS NAS NYON MONGS PA NYI SHU RTZA BRGYAD YOD DO, ,GZUGS KYI KHAMS KYI BSGOM PAS SPANG BAR BYA BA'I NYON MONGS PA 'DOD CHAGS DANG, NGA RGYAL DANG, MA RIG PA GSUM CHEN PO'I CHEN PO LA SOGS PA RNAM PA DGUR DBYE'O, ,GZUGS MED PA'I KHAMS NA YANG BDEN PA BZHI MTHONG BAS SPANG BAR BYA BA'I NYON MONGS PA LA YANG GZUGS KYI KHAMS DANG 'DRA STE NYON MONGS PA NYI SHU RTZA BRGYAD DO, ,GZUGS MED PA'I KHAMS NA BSGOM PAS SPANG BAR BYA BA'I NYON MONGS PA YANG GZUGS KYI KHAMS DANG 'DRA STE, 'DOD CHAGS DANG, NGA RGYAL DANG, @123B MA RIG PA GSUM LAS RNAM PA DGUR DBYE'O, ,KHAMS GNYIS KYI BSGOM PAS SPAD BAR BYA BA'I NYON MONGS PA RNAMS SPANG BA'I GNYEN PO YANG BZHI STE, SDUG BSNGAL LA RJES SU SHES PA'I BZOD PA DANG, KUN 'BYUNG LA RJES SU SHES PA'I BZOD PA DANG, 'GOG PA LA RJES SU SHES PA'I BZOD PA DANG, LAM LA RJES SU SHES PA'I BZOD PA'O, ,DE LA KHAMS GONG MA GNYIS KYI SDUG BSNGAL MI RTAG PA LA SOGS PA BZHIR SHES PA NI, SDUG BSNGAL LA RJES SU SHES PA'I BZOD PA ZHES BYA'O, ,KHAMS GONG MA GNYIS KYI KUN 'BYUNG RNAM PA BZHI LTAR SHES PA NI KUN 'BYUNG KYI BSGOM PAS SPANG BAR BYA BA'I NYON MONGS PA RNAM PA DGU 'GOG PA LA RNAM PA BZHI LTAR SHES PA NI 'GOG PA LA RJES SU SHES PA'I BZOD PA ZHES BYA'O, ,KHAMS GONG MA GNYIS KYI LAM LA RNAM PA BZHI LTA BUR SHES PA NI LAM LA RJES SU SHES PA'I BZOD PA ZHES BYA'O, ,KHAMS GONG MA GNYIS KYI BSGOM PAS SPANG BAR BYA BA'I NYON MONGS PA RNAM PA DGU DGUR PHYE BA'I GNYEN PO YE SHES KYANG DGU DGU YOD DO, ,CHEN PO'I CHEN PO LA SOGS PA SNGA MA BZHIN NO, ,DE LA MTHONG BA DANG BSGOM PAS SPANG BAR BYA BA'I LAM DE DAG LA MING DU DE MA THAG PA'I LAM ZHES BYA'O, ,DE LA KHAMS GNYIS KYI GNAS SAM LUS LA MTHONG BA DANG, BSGOM PAS SPANG BAR BYA BA'I NYON MONGS PA GANG DANG GANG YOD PA DE DANG DE DAG DE'I GNYEN PO DE MA THAG PA'I LAM GYI SKAD CIG MA GANG DANG GANG SKYES SHING BYUNG BAR GYUR NA GNYEN PO DES NYON MONGS PA DE DANG DE DAG SPONG ZHING DE DAG BRAL BAR BYED DO, ,JI LTA ZHE NA, SDUG BSNGAL LA RJES SU SHES PA'I BZOD PA SKYES NAS KHAMS GNYIS KYI SDUG BSNGAL MTHONG BAS SPANG BAR BYA BA'I NYON MONGS PA DGU DGU YOD PA SPANG BAR 'GYUR RO, ,KUN 'BYUNG LA RJES SU SHES PA'I BZOD PA SKYES NAS KHAMS GNYIS KYI KUN 'BYUNG MTHONG BAS SPANG PAR BYA BA'I NYON MONGS PA DRUG DRUG YOD PA DANG BRAL BAR 'GYUR RO, ,'GOG PA LA RJES SU SHES PA'I BZOD PA SKYES NAS KHAMS GNYIS KYI 'GOG PA MTHONG BAS SPANG BAR BYA BA'I NYON MONGS PA DRUG DRUG YOD PA DANG BRAL BAR 'GYUR RO, ,LAM LA RJES SU SHES PA'I BZOD PA SKYES NAS KHAMS GNYIS KYI LAM MTHONG BAS SPANG BAR BYA BA'I NYON MONGS PA BDUN BDUN YOD PA SPONG BAR 'GYUR @124A *, ,RO; ,BSGOM PAS SPANG BAR BYA BA'I NYON MONGS PA DGU YANG DE MA THAG PA'I LAM YE SHES CHUNG NGU'I YANG CHUNG DUS NI NYON MONGS PA CHEN PO'I YANG CHEN PO SPONG BAR BYED PAS NA YE SHES CHEN PO'I YANG CHEN POS NI NYON MONGS PA CHUNG DU'I YANG CHUNG DU SPONG BAR BYED DO, ,DE LTAR SKAD CIG MA DANG PO LA NYON MONGS PA'I GNYEN PO'I LAM DANG BCAS PA'I LUS SKYES PAS NYON MONGS PA SPANGS NA SKAD CIG MA PHYI MA PHAN CHAD MTHONG BA DANG, BSGOM PAS SPANG BAR BYA BA'I NYON MONGS PA'I SA BON DANG 'BREL PA'I LUS GZHAN SKYED PAR MI NUS TE, NYON MONGS PA MED PA'I LUS KYI SKAD CIG MA SNGA MA DES NYON MONGS PA MED PA'I LUS PHYI MA'I SKAD CIG MA NI SKYED KYI NYON MONGS PA DANG BCAS PA'I LUS PHYI MA NI MI SKYED PAS NA NYON MONGS PA'I GNYEN POS PHUNG PO RAB TU MI SKYED PA ZHES BYA STE, DE LA SO SOR BRTAGS PAS 'GOG PA ZHES BYA'O, ,SO SOR BRTAGS PAS 'GOG PA'I 'GOG TU DE BZHIN NYID SMOS TE, DE BAS NA DE BZHIN NYID KYI RANG BZHIN KHONG DU CHUD PAR BYA BA'I PHYIR, DE BZHIN NYID GANG ZHE NA ZHES DRIS TE, DE BZHIN NYID KYANG RANG BZHIN GANG ZHE NA ZHES DRIS PA'I DON TO, ,RTAG TU STONG PA NYID KYI RANG BZHIN DE BZHIN DU GNAS TE, RANG BZHIN GZHAN DU MI 'GYUR BAS NA DE BZHIN NYID CES BYA'O, ,DE'I LAN DU, GANG CHOS RNAMS KYI CHOS NYID DANG ZHES BYA BA SMOS TE, CHOS RNAMS ZHE BYA BA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA RNAMS LA BYA'O, ,CHOS DE DAG GI CHOS NYID NI CHOS DE DAG GI RANG BZHIN NA MA CHOS DE DAG GI NGO BO NYID LA BYA STE, CHOS DE DAG GI NGO BO NYID NI GZUNG BA DANG 'DZIN PAS STONG PA NYID DE, GZUNG 'DZIN DANG BRAL BA'I STONG PA NYID LA CHOS NYID CES BYA'O, ,DE LA CHOS NYID NI GZHAN YANG YOD DO, MI RTAG PA DANG, SDUG BSNGAL BA LA YANG CHOS NYID CES BYA BAS MI RTAG PA SDUG BSNGAL BA'I CHOS NYID LA BYA'O SNYAM DU 'DZIN PA BZLOG PA'I PHYIR; GANG CHOS BDAG MED PA'O ZHES BYA BA SMOS TE, 'DI LTAR GZUGS DANG SGRA LA SOGS PA'I CHOS RNAMS NI GZUNG BA DANG, 'DZIN PA'I RANG BZHIN YIN PAS SHIS PA DANG BRJOD PA'I YUL DU GYUR PA STE, GZUNG BA DANG 'DZIN PA'I NGO BOR SHES PA DANG BRJOD PA'I YUL DU GYUR PA LA CHOS ZHES BYA'O, , @124B CHOS BDAG MED PA NI GZUNG 'DZIN GYI DNGOS PO DANG BRAL BA SHES PA DANG BRJOD PA'I YUL DU MA GYUR PA'I STONG PA NYID LA CHOS BDAG MED PA ZHES BYA'O, ,DON DU KUN BRTAGS KYI DNGOS PO RNAMS RANG BZHIN GYIS STONG PA YIN PA LA CHOS BDAG MED PA ZHES BYA STE, DE LA CHOS ZHES BYA BA'I MI RTAG PA LA SOGS PA LA NI CHOS NYID CES MI BYA'O, ,YANG NA CHOS THAMS CAD NI 'DUS BYAS DANG 'DUS MA BYAS GNYIS SU 'DUS LA, DE DAG KYANG MTSAN NYID GSUM DU GZHAG STE, KUN TU BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID DO, ,GZUNG BA DANG 'DZIN PA'I CHOS RNAMS LA GZUNG 'DZIN GYI DNGOS PO YOD PAR BRTAGS PA NI KUN BRTAGS PA'I MTSAN NYID DO, ,KUN GZHI RNAM PAR SHES PA NI GZHAN DBANG GI MTSAN NYID DO, ,KUN GZHI GZUNG 'DZIN GYI DRI MA DAG NAS CHOS KYI SKUR GRUB PA NI YONGS SU GRUB PA'I MTSAN NYID DO, ,DE LA KUN GZHI RNAM PAR SHES PA LA GZUNG 'DZIN GYI DRI MA DAG STE, MED PAR GYUR NAS YONGS SU RDZOGS PA'I MTSAN NYID DU GYUR TE, CHOS KYI SKU THOB PA LA CHOS BDAG MED PA ZHES KYANG DE LA BYA BA DE BZHIN NYID CES KYANG DE LA BYA'O, ,SKYE MCHED KYI GRANGS DANG DNGOS PO GANG YIN PA BSTAN NAS, MIG DANG RNA BA LA SOGS PA DANG GZUGS DANG SGRA LA SOGS PA LA MING DU SKYE MCHED CES BTAGS PA CI'I PHYIR SKYE MCHED CES BYA BA MI SHES NAS, CI'I PHYIR SKYE MCHED CES BYA ZHE NA ZHES DRIS TE, MIG DANG RNA BA LA SOGS PA LA MING DU SKYE MCHED CES BTAGS PA DON GANG GIS SKYE MCHED CES BTAGS SHE NA ZHES DRIS PA'I DON TO, ,DE'I LAN DU, RNAM PAR SHES PA SKYE BA'I SGO'I PHYIR RO ZHES BYA BA SMOS TE, RNAM PAR SHES PA'I SGO NI RNAM PAR SHES PA SKYE ZHING 'BYUNG BA'I BDAG NYID DU GYUR PA'O, ,RNAM PAR SHES PA SKYE BA'I SGO ZHES BYA BA NI RNAM PAR SHES PA SKYE BA RNAMS SKYE BA'I RGYU DANG RKYEN DANG GNAS BYED CES BYA BA'I DON TO, ,RNAM PAR SHES PA RNAMS SKYE BAR BYA BA'I PHYIR MIG LA SOGS PA DE DAG RGYU DANG RKYEN DANG GNAS SU GYUR BAS NI MIG LA SOGS PA LA SKYE MCHED CES BYA'O, ,DE LTAR YANG CI MNGON ZHE NA, MDO LAS SKYE MCHED KYI NGES PA'I TSIG TU BSHAD PA SEMS DANG SEMS LAS BYUNG BA RNAMS SKYE ZHING 'PHEL BAR BYED PA'I PHYIR SKYE MCHED @125A *, ,CES BYA'O ZHES GSUNGS SO, ,DE BAS NA MIG DANG GZUGS NI MIG GI RNAM PAR SHES PA SEMS LAS BYUNG BA'I 'KHOR DANG BCAS PA SKYE BA'I SGO DANG, RGYU BYED BA'I PHYIR MIG GI SKYE MCHED PHYIR, HYIR, BO BRGYAD NI ZHES BYA BA SMOS TE, KHAMS LA GRANGS KYI RNAM PAR SHES PA 'KHOR DANG BCAS PA'I SKYE BA'I SGO DANG RGYU BYED PA'I PHYIR YID KYI SKYE MCHED DANG, CHOS KYI SKYE MCHED CES BYA BA'I BAR DU'O, ,SKYE MCHED BCU GNYIS BSHAD PA RDZOGS SO,, ,,MDO SDE LAS SKYE MCHED BCU GNYIS KYI 'OG TU KHAMS BCO BRGYAD BSHAD DE, DE BAS NA MDO DANG MTHUN PAR 'DIR YANG SKYE MCHED KYI 'OG TU KHAMS BSHAD PAR BYA'O, ,DE LA KHAMS LA GRANGS NI DU YOD, DE DAG DNGOS SU GANG DANG GANG YIN PA BSTAN PA DANG, CI'I PHYIR KHAMS ZHES PA'I DON BSTAN PA'I PHYIR, KHAMS BCO BRGYAD NI ZHES BYA BA SMOS TE, KHAMS LA GRANGS NI BCO BRGYAD YOD, ,CES BYA BA'I DON TO; ,DE DAG DNGOS GAD YIN PA BSTAN PA'I PHYIR, MIG GI KHAMS DANG ZHES BYA BA NAS YID KYI RNAM PAR SHES PA'I KHAMS DANG ZHES BYA BA'I BAR DU SMOS SO, ,DE LA MIG GI KHAMS DANG, RNA BA'I KHAMS DANG, SNA'I KHAMS DANG, LCE'I KHAMS DANG, LUS KYI KHAMS LNGA DANG, GZUGS KYI KHAMS DANG; SGRA'I KHAMS DANG, DRI'I KHAMS DANG, RO'I KHAMS DANG, REG BYA'I KHAMS TE, KHAMS BCU PO DE DAG GANG LA BYA DNGOS GANG YIN BSTAN PA'I PHYIR, MIG LA SOGS PA'I KHAMS DANG, GZUGS LA SOGS PA'I KHAMS NI SKYE MCHED JI LTA BA BZHIN NO ZHES BYA BA SMOS TE, GZUGS KYI PHUNG PO BSHAD BA'I SKABS SU RGYUR BYAS PA'I GZUGS BCU GCIG LAS MIG DANG, RNA BA DANG, SNA DANG, LCE DANG, LUS RNAMS NI DBANG PO YIN PAR BSHAD LA, GZUGS DANG, SGRA DANG, DRI DANG, RO DANG, REG BYA RNAMS NI YUL LNGA YIN PAR BSHAD PA LAS SKYE MCHED BSHAD PA'I SKABS SU YANG MIG LA SOGS PA'I DBANG PO NYID LA MIG GI SKYE MCHED NAS LUS KYI SKYE MCHED KYI BAR DU SKYE MCHED LDAR BSHAD LA, GZUGS LA SOGS PA'I YUL LNGA NI SKYE MCHED KYI SKABS SU GZUGS KYI SKYE MCHED NAS REG BYA'I SKYE MCHED CES SKYE MCHED LNGA BSHAD DO, ,KHAMS BSHAD PA'I SKABS SU YANG SKYE MCHED BCU PO NYID LA KHAMS BCU ZHES BYA @125B STE; MIG GI SKYE MCHED LA MIG GI KHAMS ZHES BYA BA DANG, RNA BA'I SKYE MCHED LA RNA BA'I KHAMS ZHES BYA BA DANG, SNA'I SKYE MCHED LA SNA'I KHAMS ZHES BYA BA DANG, LCE'I SKYE MCHED LA LCE'I KHAMS ZHES BYA BA DANG, LUS KYI SKYE MCHED LA LUS KYI KHAMS ZHES BYA BA DANG, GZUGS KYI SKYE MCHED LA GZUGS KYI KHAMS ZHES BYA BA DANG, SGRA'I SKYE MCHED LA SGRA'I KHAMS ZHES BYA BA NAS REG BYA'I SKYE MCHED LA REG BYA'I KHAMS ZHES BYA BAR ZAD PAS NA, MIG LA SOGS PA'I KHAMS DANG, GZUGS LA SOGS PA'I KHAMS NI SKYE MCHED JI LTA BA BZHIN NO ZHES BYA BA SMRAS SO, ,CHOS KYI KHAMS ZHES BYA BA YANG CHOS KYI SKYE MCHED KYI SKABS SU TSOR BA DANG, 'DU SHES DANG, 'DU BYED DE PHUNG PO GSUM GYI STENG DU RNAM PAR RIG BYED MA YIN PAS BSNAN TE BZHI DANG, 'DUS MA BYAS BZHI DANG BRGYAD LA CHOS KYI SKYE MCHED CES BYA BA BSHAD PA'I CHOS BRGYAD PO DE NYID LA CHOS KYI KHAMS ZHES BYA'O, ,SKYE MCHED BSHAD PA'I SKABS SU RNAM PAR SHES PA'I PHUNG PO STE, RNAM PAR SHES PA BRGYAD LA YID KYI SKYE MCHED CES BSHAD PA, KHAMS BSHAD PA'I SKABS SU NI YID KYI SKYE MCHED DU BSDUS PA'I CHOS BRGYAD LA YID KYI KHAMS ZHES MI BYA'I KHAMS BSHAD PA'I TSE SEMS KYI KHAMS BDUN ZHES BYA STE, DE BAS NA DE'I DON BSTAN PAR BYA BA'I PHYIR, RNAM PAR SHES PA DRUG GI KHAMS NI MIG LA SOGS PA LA GNAS TE, GZUGS LA SOGS PA LA DMIGS PA RNAM PAR RIG PA'O ZHES BYA BA SMOS TE, DE LA MIG LA SOGS PA LA GNAS TE ZHES BYA BA NI MIG GI RNAM PAR SHES PA'I KHAMS NAS, YID KYI RNAM PAR SHES PA'I KHAMS KYI BAR DU DRUG PO DE DAG NI MIG GI SKYE MCHED NAS YID KYI SKYE MCHED KYI BAR DU SKYE MCHED DRUG LA BRTEN TE, MIG GI RNAM PAR SHES PA NI MIG GI SKYE MCHED LA BRTEN PA NAS YID KYI RNAM PAR SHES PA NI YID KYI SKYE MCHED LA BRTEN PAS NA RNAM PAR SHES PA DRUG GI KHAMS NI MIG LA SOGS I PA GNAS PA ZHES BYA'O, ,GZHUGS LA SOGS PA LA DMIGS PA RNAM PAR RIG PA ZHES BYA BA LA MIG GI RNAM PAR SHES PA'I KHAMS LA SOGS PA'I RNAM PAR SHES PA DRUG GI YUL NI GZUGS DANG, SGRA DANG, DRI DANG, RO DANG, REG BYA DANG, CHOS RNAMS SO, ,DMIGS PA @126A *, ,ZHES BYA BA NI YUL DE DAG GI RANG BZHIN SHES PAR BYED PA LA BYA STE, GZUGS KYI RANG BZHIN SHES PAR BYED PA'I MIG GI RNAM PAR SHES PA LA MIG GI RNAM PAR SHES PA'I KHAMS ZHES BYA BA NAS, CHOS KYI RANG BZHIN SHES PAR BYED PA'I YID KYI RNAM PAR SHES PA LA YID KYI RNAM PAR SHES PA'I KHAMS ZHES BYA BAR ZAD DO, ,DE LTAR KHAMS BCU BDUN BSHAD NAS, YID KYI KHAMS ZHES BYA BA RNAM PAR SHES PA DRUG PO NYID LA BYA 'AM 'ON TE DE LAS MA GTOGS PA'I YID KYI KHAMS GZHAN ZHIG YOD SNYAM PA LA, RNAM PAR SHES PA DRUG PO NYID LA YID KYI KHAMS ZHES BYA BAR ZAD KYI DE LAS MA GTOGS PAR YID KYI KHAMS ZHES BYA BA MED DO, ,YID KYI KHAMS NI DE DAG 'GAGS MA THAG PA STE ZHES BYA BA SMOS TE, RNAM PAR SHES PA DRUG GI KHAMS DE DAG SNGAR 'GAGS MA THAG PA LA YID KYI KHAMS ZHES BYA BAR ZAD KYI DE MA GTOGS PAR YID KYI KHAMS ZHES BYA BA MED DO ZHES BYA BA'I DON TO, ,BRGAL BA, RNAM PAR SHES PA SNGA MA 'GAGS PA LA YID KYI KHAMS ZHES BYA BA NI YANG NA KHAMS BCU BDUN DU 'GYUR, YANG NA KHAMS BCU GNYIS SU 'GYUR GYI DE LTA NA KHAMS BCO BRGYAD DU MI 'GYUR RO, ,JI LTA ZHE NA, RNAM PAR SHES PA DRUG PO SNGA PHYI 'GAGS BA RNAMS PHAN TSUN BSDUS PA'I PHYIR TE, RNAM PAR SHES PA SNGA MA DRUG PO YID DU BTAGS PA RNAM PAR SHES PA'I KHAMS DRUG GI RANG BZHIN LAS LHAG PAR BYED PAS DE'I NANG DU 'DUS PA'I PHYIR KHAMS BCU BDUN DU 'GYUR RO, ,YANG NA RNAM PAR SHES PA'I KHAMS DRUG YID KYI KHAMS SU BSDUS NA NI KHAMS BCU GNYIS SU 'GYUR TE, KHAMS BCO BRGYAD DU MED DO ZHES DOGS PA BSAL BA'I PHYIR, RNAM BAR SHES PA DRUG PA'I GNAS BSTAN PA'I PHYIR DE LTAR BCO BRGYAD DU RNAM PAR GZHAG GO ZHES BYA BA SMOS TE, MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA LNGA'I RTEN NAM GNAS NI MIG GI SKYE MCHED NAS LUS KYI SKYE MCHED KYI BAR DU SKYE MCHED LNGA LA BYA BAR GRAGS NA YID KYI RNAM PAR SHES PA'I GNAS DANG RTEN GRAGS BAS DE'I PHYIR GNAS DANG RTEN BSTAN PAR BYA BA'I PHYIR RNAM BAR SHES PA DRUG PO 'GAGS MA THAG PA LA YID KYI KHAMS ZHES BSHAD PA DANG @126B KHAMS BCO BRGYAD DU 'GYUR RO, ,GONG DU PHUNG PO LNGAR BSHAD PA'I CHOS DE NYID SKYE MCHED BCU GNYIS SU BSHAD PA DANG, SKYE MCHED BCU GNYIS SU BSHAD PA'I CHOS DE NYID KHAMS BCO BRGYAD DU BSHAD PA'I DON BSDUS PA'I PHYIR, GZUGS KYI PHUNG PO GANG YIN PA NI SKYE MCHED DANG, KHAMS BCU DANG; CHOS KYI SKYE MCHED DANG, CHOS KYI KHAMS KYI PHYOGS GCIG GO ZHES BYA BA SMOS TE, GZUGS KYI PHUNG PO BSHAD PA'I SKABS SU RGYUR BYAS PA'I GZUGS RDZAS BCU GCIG TU BSHAD DE, MIG LA SOGS PA'I DBANG PO LNGA DANG, GZUGS LA SOGS PA'I YUL LNGA DANG, RNAM BAR RIG BYED MA YIN PA DANG, BCU GCIG LAS DBANG PO LNGA DANG, YUL LNGA STE BCU LA SKYE MCHED BSHAD PA'I SKABS SU SKYE MCHED BCUR BSHAD DO, ,MIG GI SKYE MCHED NAS LUS KYI SKYE MCHED KYI BAR DU LNGA DANG, GZUGS KYI SKYE MCHED NAS REG BYA'I SKYE MCHED KYI BAR DU LNGA STE BCU'O; ,KHAMS BSHAD PA'I SKABS SU YANG KHAMS BCUR BSHAD DE, MIG GI KHAMS NAS LUS KYI KHAMS KYI BAR DU LNGA DANG, GZUGS KYI KHAMS NAS REG BYA'I KHAMS KYI BAR DU LNGA STE BCU'O, ,RGYUR BYAS PA'I GZUGS SU RNAM PAR RIG BYED MA YIN PA BSHAD PA NI SKYE MCHED KYI SKABS SU CHOS KYI SKYE MCHED KYI PHYOGS GCIG CES BYA'O, ,KHAMS BSHAD PA'I SKABS SU YANG CHOS KYI KHAMS KYI PHYOGS GCIG CES BYA STE, CHOS KYI SKYE MCHED DANG, CHOS KYI KHAMS LA RDZAS BRGYAD YOD PA LAS RNAM PAR RIG BYED MA YIN PA RDZAS GCIG YIN PAS NA CHOS KYI SKYE MCHED KYI PHYOGS GCIG DANG, CHOS KYI KHAMS KYI PHYOGS GCIG CES BYA'O, ,GANG RNAM PAR SHES PA'I PHUNG PO GANG YIN PA DE YID KYI SKYE MCHED DANG SEMS KYI KHAMS BDUN NO ZHES BYA LA, PHUNG PO LNGA LAS RNAM PAR SHES PA BRGYAD LA RNAM PAR SHES PA'I PHUNG PO ZHES BSHAD PA'I RNAM PAR SHES BA'I PHUNG PO LA SKYE MCHED BSHAD PA'I SKABS SU RNAM PAR SHES BA BRGYAD CAR LA YID KYI SKYE MCHED CES BYA'O, ,RNAM PAR SHES PA BRGYAD LAS KHAMS BSHAD PA'I SKABS SU KUN GZHI RNAM PAR SHES PA DANG, NYON MONGS PA'I YID GNYIS BKOL TE, PHYI NA RNAM PAR SHES PA DRUG LA SEMS KYI KHAMS @127A *, ,BDUN ZHES BYA STE, MIG GI RNAM PAR SHES PA'I KHAMS NAS YID KYI RNAM PAR SHAS PA'I KHAMS KYI BAR DU SEMS DRUG DANG RNAM PAR SHES PA DRUG PO SNGA MA 'GAGS PA NYID LA YID KYI KHAMS ZHES BTAGS TE, YID KYI KHAMS DANG SEMS KYI KHAMS BDUN NO, , GANG DAG PHUNG PO GSUM DANG GZUGS KYI PHUNG PO'I PHYOGS GCIG PO DE DAG DANG 'DUS MA BYAS DANG BCAS PA NI CHOS KYI SKYE MCHED DANG, CHOS KYI KHAMS SO ZHES BYA BA LA, PHUNG PO'I SKABS SU TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO GSUM PHUNG PO RE RER BSHAD PA'I PHUNG PO DE DANG, GZUGS KYI PHUNG PO'I PHYOGS GCIG RNAM PAR RIG BYED MA YIN PAS BSNAN TE DE DANG BZHI'I STENG DU NAM MKHA' LA SOGS PA'I 'DUS MA BYAS BZHI DANG BRGYAD LA SKYE MCHED KYI SKABS SU NI CHOS KYI SKYE MCHED CES BYA LA, KHAMS KYI SKABS SU NI BRGYAD PO DE NYID LA CHOS KYI KHAMS ZHES BYA'O ZHES BYA BA'I DON TO, ,MIG DANG GZUGS LA SOGS PA LA KHAMS ZHES BTAGS PA DON GANG DANG GANG GIS KHAMS ZHES BA TAGS ZHES BYA BA'I DON TO, ,DE'I LAN DU, MI BYED LA RANG GI MTSAN NYID 'DZIN PA'I PHYIR RO ZHES BYA BA SMOS TE, CHOS THAMS CAD CI YANG BYED PA MED PAS NA MI BYED PA ZHES BYA STE, CI'I PHYIR ZHE NA, CHOS RNAMS NI SKAD CIG MA YIN TE SKYES MA THAG TU ZHIG PAS CI YANG BYED PAR MI NUS PA'I PHYIR RO, ,DE LTAR MI BYED KYANG RANG GI MTSAN NYID 'DZIN PA'I PHYIR KHAMS ZHES BYA STE, DPER NAS SRA BA'I RANG GI MTSAN NYID 'DZIN PAS SA'I KHAMS ZHES BYA BA DANG 'DRA BAR CHOS DE DAG KYANG SO SO RANG GI MTSAN NYID 'DZIN PAS NA KHAMS ZHES BYA'O, ,'DI LTAR PHUNG POR BSHAD PA'I CHOS GANG YIN PA DE NYID SKYE MCHED DANG KHAMS KYI SKABS SU YANG CHOS DE DAG BSHAD DE, PHUNG PO BSHAD PA'I SKABS SU SKYE MCHED KYI CHOS KYANG BSHAD PAS SKYE MCHED 'DAS TE BSHAD MI DGOS LA, SKYE MCHED BSHAD PA'I SKABS SU KHAMS KYI CHOS KUN KYANG BSHAD ZIN PAS KHAMS LOGS SHIG BSHAD MI DGOS NA CHOS DE DAG YANG NAS YANG DU BZLAS TE BSHAD PA LA DGOS PA CI YOD PA 'DRI BA'I PHYIR, CI'I PHYIR ZHE NA, PHUNG PO LA SOGS PA BSHAD CE NA @127B ZHES BYA BA SMOS TE, SANGS RGYAS BCOM LDAN 'DAS KYIS CHOS BSTAN PA THAMS CAD NI SEMS CAN GYI DON DU 'GYUR BA DANG, NYON MONGS PA'I GNYEN PO YIN PAS DGOS PA DANG BCAS PA YIN NA PHUNG BOR BSHAD PA'I CHOS DE DAG NYID YANG NAS YANG DU MING SKYE MCHED DANG, KHAMS ZHES GZHAN DANG GZHAN DU BRJES TE BSTAN PA LA DGOS PA CI YOD CES BYA BA'I DON TO, ,DGOS PA YOD PAR BSTAN PA'I PHYIR, BDAG TU 'DZIN PA RNAM PA GSUM GYI GNYEN POR RIM PA BZHIN NO ZHES BYA BA SMOS TE, MU STEGS PA BDAG TU 'DZIN PA RNAM PA GSUM YOD DE, BDAG TU 'DZIN PA RNAM PA GSUM SPANG BAR BYA BA'I GNYEN PO PHUNG PO DANG SKYE MCHED DANG KHAMS RIM BZHIN DU BSHAD DE DE NI DGOS PA'O, ,BDAG TU 'DZIN PA RNAM PA GSUM PO YANG GANG YIN MI SHES NAS GSUM PO DE GANG YIN BSTAN PAR BYA BA'I PHYIR, BDAG TU 'DZIN PA RNAM PA GSUM NI GCIG TU 'DZIN PA DANG, ZA BAR BYED PA DANG BYED PAR 'DZIN PA'O ZHES BYA BA SMOS SO, ,DE GCIG TU 'DZIN PAR BYED PA'I GNYEN POR NI PHUNG PO LNGA BSHAD DE, PHUNG PO LNGA'I RANG BZHIN BSHES NA GCIG TU 'DZIN PA MED PAR 'GYUR RO, ,BRA BAR 'DZIN PA'I GNYEN POR SKYE MCHED BCU GNYIS BSHAD DE, SKYE MCHED BCU GNYIS KYI RANG BZHIN SHES NA BRA BAR 'DZIN PA MED PAR 'GYUR RO, ,BYED PAR 'DZIN PA'I GNYEN POR KHAMS BCO BRGYAD BSHAD DE, KHAMS BCO BRGYAD KYI RANG BZHIN SHES NA BYED PAR 'DZIN PA MED PAR 'GYUR RO, ,DE LA BDAG TU SMRA BA BYE BRAG PA DANG GRANGS CAN LA SOGS PA NI CHOS MANG PO 'DUS PA MI RTAG PA'I PHUNG PO 'DI LA BDAG GCIG PUR 'DZIN TO, ,YANG NA BDAG TU SMRA BA DE DAG PHUNG PO LNGA LAS MA GTOGS PA'I BDAG CES BYA BA GCIG PU ZHIG LOGS SHIG NA GZUGS KYANG BDAG DES MTHONG BAR BYED LA, SGRA YANG BDAG DES THOS BAR BYED, DRI YANG BDAG DES SNOM, RO YANG BDAG DES MYONG BA NAS; TSOR BA YANG BDAG DES TSOR ZHING MYONG BAR BYED, YUL LA MTSAN MAR 'DZIN BA YANG BDAG DES 'DZIN CING SHES BAR BYED, DGE BA LA SOGS PA'I LAS KYANG BDAG DES MNGON PAR 'DU BYED, GZUGS LA SOGS PA'I RANG BZHIN RNAM PAR SHES PA YANG BDAG DES SHES PAR @128A *, ,BYED DE, BDAG DE NI GCIG BU RTAG PA'O ZHES GCIG TU 'DZIN TO, ,DE'I LAN DU SEMS CAN RNAMS KYI LUS KYI DNGOS PO LNGA LAS MA GTOGS PAR GZUGS LA SOGS PA LA MTHONG BAR BYA BA'I BDAG GCIG BU BA'I RANG BZHIN NI GANG YANG MED DO, ,CI'I PHYIR ZHE NA, GZUGS NI MIG NYID KYIS MTHONG BAR BYED PAR ZAD KYI MIG LAS MA GTOGS PAR MTHONG BAR BYED PA'I BDAG GZHAN NI MED DO, ,DE BZHIN DU SGRA LA SOGS PA YANG RNA BA LA SOGS PA NYID KYIS THOS PAR BYED DO ZHES BYA BAR SBYOR RO, ,GZHAN GYIS BRGAL BA, MIG LAS MA GTOGS PA'I BDAG MTHONG BAR BYED BA MED KYI MIG NYID KYIS MTHONG BAR 'GYUR RO ZHES BSHAD NA MIG NI RDUL PHRAN LAS GYUR BA YIN TE, BLUN PO'I RANG BZHIN YIN NA DES JI LTAR GZUGS MTHONG BAR BYED, LAN DU, GZUGS NI MIG GI RNAM PAR SHES PAS MTHONG BA STE, MIG GI RNAM PAR SHES PAS GZUGS MTHONG BA'I RGYU THUN MONG MA YIN PA MIG GI DBANG POS BYED PAS MIG GI RNAM PAR SHES PAS MTHONG YANG MIG GIS MTHONG NGO ZHES BTAGS SO, ,DE BZHIN DU TSOR BA'I PHUNG PO NYID MYONG BAR BYED PA'I RANG BZHIN YIN PAS TSOR BA'I PHUNG PO NYID KYIS TSOR ZHING MYONG BAR BYED PAR ZAD KYI TSOR BA MYONG BAR BYED PA'I BDAG GZHAN MED DO, ,'DU SHES KYANG YUL LA MTSAN MAR 'DZIN PA'I BDAG NYID YIN PAS YUL GYI MTSAN MA YANG 'DU SHES NYID KYIS 'DZIN GYI BDAG GCIG PU MED DO, ,DE BZHIN DU RNAM PAR SHES PA LA SOGS PA LA YANG SBYOR RO, ,DE BZHIN DU 'DU BYED KYANG LAS DGE BA DANG MI DGE BA MNGON PAR 'DU BYED PA YIN PAS LAS DGE BA DANG MI DGE BA YANG 'DU BYED KYIS BYED PAR ZAD KYI BDAG GCIG PU DES LAS DGE BA DANG MI DGE BA BYED PA MA YIN NO, ,RNAM PAR SHES PA YANG GZUGS DANG, SGRA LA SOGS PA'I YUL SHES PAR BYED PA'I RANG BZHIN YIN PAS GZUGS MIG GI RNAM PAR SHES PAS SHES BAR BYED BAS NA CHOS NI YID KYI RNAM BAR SHES BAS SHES BAR BYED KYI BDAG GCIG PU DES SHES PAR BYED BA NI MA YIN NO ZHES DE LTAR SBYAR BAR BYA'O, ,DE LTA BAS NA SEMS CAN RNAMS KYI LUS KYI DNGOS PO NI PHUNG PO LNGA'I BDAG NYID YIN PAS GZUGS DANG, TSOR BA DANG, 'DU SHES DANG, 'DU BYED @128B DANG; RNAM PAR SHES PA STE DNGOS PO DU MA'I RANG BZHIN YIN LA, LTA BA LA SOGS PA YANG PHUNG PO LNGA NYID BYED PAR ZAD KYI PHUNG PO RNAMS MA GTOGS PAR BDAG GCIG PU ZHES BYA BA MED DE ZHES KHONG DU CHUD NA BDAG GCIG PUR 'DZIN PA LAS RNAM PAR LDOG PAR 'GYUR RO, ,GCIG PUR 'DZIN PA LAS LOG PAR GYUR NA GCIG PUR 'DZIN PA'I RGYU LAS BYUNG BA BDAG TU 'DZIN PA LAS KYANG LOG PAR 'GYUR TE, DE BAS NA GCIG PUR 'DZIN PA'I GNYEN POR PHUNG PO LNGA BSHAD DO, ,ZA BAR 'DZIN PA YANG BDAG TU SMRA BA RNAMS NI GANG LAS DGE BA'I 'BRAS BU BDE BA DANG, LAS MI DGE BA'I 'BRAS BUR SDUG BSNGAL YANG BDAG DES MYONG ZHING LAS KYI 'BRAS BU LA BDAG ZA BAR BYED BA DANG, GZUGS DANG SGRA LA SOGS PA'I YUL YANG BDAG DES MYONG ZHING YUL LA BDAG CES ZA BAR BYED DO ZHES 'DZIN TO, ,DE LTAR BDAG LA ZA BA POR 'DZIN PA'I GNYEN POR SKYE MCHED RNAMS BSHAD PA YIN TE, LAS DGE BA DANG MI DGE BA'I 'BRAS BUR BDE BA'AM, SDUG BSNGAL BA DANG, GZUGS DANG SGRA LA SOGS PA'I YUL RNAMS ZA BAR BYED CES BYA BA NI LAS KYI 'BRAS BU DANG YUL DU DMIGS PAR BYED PA STE, LAS KYI 'BRAS BU LA DMIGS PAR BYED PA YANG LAS GANG GIS BYAS PA DE NYID KYI LAS DGE BA DANG MI DGE BA'I 'BRAS BU LA SPYOD CING DMIGS PAR BYED DE, LAS DGE BA DANG MI DGE BA YANG SKYE MCHED KYI SGO NAS RNAM PAR SHES PAS BYAS PAS DE'I 'BRAS BU BDE BA DANG SDUG BSNGAL YANG MIG GI RNAM PAR SHES PA NAS, YID KYI RNAM PAR SHES PA'I BAR DAG GIS MYONG ZHING DMIGS PAR BYED BAR ZAD KYI LAS KYI 'BRAS BU LA SPYOD PAR BYED PA'I BDAG NI MED PA DANG, GZUGS LA SOGS PA'I YUL LA DMIGS SHING ZA BAR BYED BA YANG SKYE MCHED NYID KYIS ZA BAR BYED DE, 'DI LTAR GZUGS MIG GI SKYE MCHED KYIS MYONG ZHING DMIGS PAR BYED PA NAS, CHOS KYANG YID KYI SKYE MCHED KYIS MYONG ZHING DMIGS PAR BYED PAR ZAD KYIS DE LAS MA GTOGS PA'I LAS KYI 'BRAS BU DANG, YUL MYONG ZHING ZA BAR BYED PA'I BDAG NI YOD PA MA YIN NO, ,DE LTAR LAS KYI 'BRAS BU DANG, GZUGS LA SOGS PA'I YUL MYONG ZHING ZA BAR BYED PA NI MIG LA SOGS PA'I SKYE MCHED YIN GYI DE LAS @129A *, ,GZHAN PA'I BDAG CES BYA BA'I 'BRAS BU DANG, YUL ZA BAR BYED PA MED DO ZHES KHONG DU CHUD NA ZA BAR 'DZIN PA LAS LOG PAR 'GYUR TE, DE'I PHYIR ZA BAR 'DZIN PA'I GNYEN POR SKYE MCHED BCU GNYIS BSHAD PA YIN NO, ,BYED PAR 'DZIN PA YANG BDAG TU SMRA BA RNAMS LAS DGE BA DANG MI DGE BA YANG BDAG DES BYAS LA MCHOD PA DANG 'GRO BA LA SOGS PA'I LAS KYANG BDAG BYED DO, ,BDAG DE NI PHUNG PO LAS MA GTOGS PAR LOGS SHIG NA YOD PAR 'DZIN TO, ,DE LTAR BDAG DE LA BYED PA POR 'DZIN PA'I GNYEN POR KHAMS BCO BRGYAD BSHAD PA YIN TE, DE LAS DGE BA DANG MI DGE BA YANG MIG LA SOGS PA'I KHAMS KYIS BYED PAR ZAD KYI DE LAS MA GTOGS PA'I LAS BYED PA PO'I BDAG MED LA, KHAMS NYID KYANG BYED PA PO'I RANG BZHIN MA YIN TE, DE'I PHYIR BYED PA MED CING RANG GI MTSAN NYID 'DZIN PA'I PHYIR KHAMS ZHES BSHAD PA YIN NO, ,DE LTAR BDAG BYED PA PO YANG MED LA KHAMS NYID BYED PA PO MA YIN YANG RGYU DANG 'BRAS BU GCIG LA GCIG SKYE BA NI RGYU YOD PA 'BRAS BU SKYED PAR BYED PA PO DANG, 'BRAS BU SKYE BA YANG RGYU YOD PA TZAM LA LTOS PAR ZAD KYI 'BRAS BU DANG RGYU'I RANG BZHIN LAS MA GTOGS PAR BDAG BYED PA PO'O ZHES BYA BA GZHAN NI YOD PA MA YIN NO, ,DE LTAR LAS KYANG KHAMS BCO BRGYAD KYIS BYED PAR ZAD KYI DE LAS GZHAN PA'I BDAG BYED PA PO MED DO ZHES KHONG DU CHUNG NA BYED PA POR 'DZIN PA LAS LOG PAR 'DZIN PAR 'GYUR TE, DE BAS NA BYED PA POR 'DZIN PA'I GNYEN POR KHAMS BCO BRGYAD BSHAD PA YIN NO, ,DE LTAR PHUNG PO DANG, KHAMS DANG, SKYE MCHED RNAMS KYI RANG BZHIN BSHAD NAS, DA NI SLOB MA RNAMS CHOS KYI MTSAN NYID RAB TU DBYE BAS PHAN GDAGS PAR BYA BA'I PHYIR KHAMS BCO BRGYAD NYID NAS BRTZAMS NAS PHUNG PO DANG, SKYE MCHED DANG, KHAMS KYI SKABS SU BSHAD PA'I CHOS RNAMS LA GZUGS CAN DU, GZUGS MED PA DU, BLTAR YOD PA DU, BLTAR MED PA DU ZHES BYA BA LA SOGS PA RAB TU DBYE BA BRTZAMS SHING BSAM PAR BYA'O, ,DE LTAR RAB TU DBYE BA BSAM PA YANG KHAMS BCO BRGYAD KYI CHOS NYID LA GZUGS CAN DU, GZUGS MED PA DU ZHES BYA BA DBYE BA BRTZAM GYI PHUNG PO LNGA DANG, SKYE MCHED BCU GNYIS @129B KYI CHOS LAS BRTZAMS TE NI RAB TU DBYE BA MI BRTZAM MO, ,CI'I PHYIR ZHE NA, 'DI LTAR PHUNG BO LNGA BSHAD PA'I SKABS SU PHUNG PO LNGA GANG ZHE NA, GZUGS KYI PHUNG PO DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BSTAN PA LA TSOR BA DANG, 'DU SHES DANG, 'DU BYED DANG, RNAM PAR SHES PAR SEMS RNAM PA BZHIR PHYE STE BSTAN KYANG GZUGS LA SPYIR GZUGS KYI PHUNG PO ZHES BSDUS TE BSTAN GYI GZUGS RNAM PAR MA PHYE BAS GZUGS CAN DU ZHES BYA BA LA SOGS PA RNAM PAR DBYE BA RTOGS PAR BYA BA DKA' BA DANG, SKYE MCHED BCU GNYIS SU YANG MIG GI SKYE MCHED NAS LUS KYI SKYE MCHED KYI BAR DU LNGA DANG, GZUGS KYI SKYE MCHED NAS REG BYA'I SKYE MCHED KYI BAR DU LNGA STE, GZUGS BCUR PHYE YANG SEMS RNAM PAR MA PHYE STE, RNAM PAR SHES PA BRGYAD CAR YID KYI KHAMS SU BSDUS PAS GZUGS CAN DU ZHES BYA BA LA SOGS PA RNAM PAR DBYE BRTOGS PAR DKA'I, KHAMS KYI SKABS SU NI GZUGS DANG, SEMS GNYIS RNAM PAR PHYE STE, GZUGS LA YANG MIG GI KHAMS NAS LUS KYI KHAMS KYI BAR DU LNGA DANG, GZUGS KYI KHAMS NA REG BYA'I KHAMS KYI BAR DU BCUR PHYE LA, SEMS LA YANG MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR DU DRUG DANG, YID KYI KHAMS KYIS BSNAN TE SEMS KYI KHAMS BDUN DU PHYE BAS GZUGS CAN DU ZHES BYA BA LA SOGS PA'I RAB TU DBYE BA NAS BRTZAMS PA BDE BLAG TU RTOG PAR 'GYUR BAS NA KHAMS NYID LAS BRTZAMS TE RAB TU DBYE BA BSAM PAR BYA'I, PHUNG PO DANG SKYE MCHED LAS BRTZAMS NAS RAB TU DBYE BA BSAM PAR MI BYA STE, DE'I PHYIR, GZHUNG LAS KYANG KHAMS BCO BRGYAD LA GZUGS CAN DU ZHE NA ZHES BYA BA LA SOGS PA SMOS SO, ,KHAMS BCO BRGYAD LA ZHES BYA BA NI KHAMS BCO BRGYAD KYI NANG NA GZUGS DANG BCAS PA NI DU ZHIG YOD CES BYA BA'I DON TO, ,DE LA GZHIG TU RUNG BA'AM, GNOD PAR BYAR RUNG BAS NA GZUGS ZHES BYA STE, RANG GI GNAS SU GZHAN SKYE BA'I BAR CHAD DANG BGEGS BYED PA'I MTSAN NYID KYIS GNOD PAR BYED PAS GZUGS @130A *, ,ZHES BYA'O, ,YANG NA GNAS PA DANG GNAS KYI MTSAN NYID KYI GZUGS GANG LA YOD PAS BDAG GI GNAS SU GZHAN SKYE BA'I BGEGS BYED PA GZUGS CAN ZHES BYA STE, MIG GI KHAMS NAS LUS KYI KHAMS KYI BAR DU NI GNAS PA'O, ,BRGAL BA, GNAS DANG GNAS PA'I SGO NAS BDAG GI GNAS SU GZHAN SKYE BA'I BGEGS BYED PA LA GZUGS CAN ZHES BYA NA DE LTA NA NI MIG GI RNAM PAR SHES PA YANG MIG GE DBANG PO LA GNAS NA BDAG GI GNAS SU GZHAN SKYE BA'I BGEGS BYED BAS MIG GI RNAM PAR SHES PA YANG GZUGS CAN DU 'GYUR BA'I SKYON DU 'GYUR RO ZHE NA, LAN DU, MIG GI RNAM BAR SHES PA GZUGS CAN GYI SKYON DU MI 'GYUR TE, 'DI LTAR GZHONG PA'I STENG NA SHING THOG GNAS TE, RANG GI GNAS SU GZHAN 'ONG BA'I BGEGS BYED PA LTA BUR MIG GI DBANG PO LA MIG GI RNAM PAR SHES PA GNAS PA NA RANG GI GNAS SU SKYE BA'I BGEGS MI BYED PAS NA RNAM PAR SHES PA RNAMS GZUGS CAN GYI SKYON DU MI 'GYUR RO, ,LAN DU, GANG DAG GZUGS KYI PHUNG PO'I NGO BO NYID DO ZHES BYA BA SMOS TE, GANG GZUGS KYI PHUNG POR BSHAD PA MIG GI KHAMS NAS LUS KYI KHAMS KYI BAR DU LNGA DANG, GZUGS KYI KHAMS NAS REG BYA'I KHAMS KYI BAR DU LNGA STE, BCU NI RANG GI GNAS SU GZHAN SKYE BA'I BGEGS BYED PAS NA GZUGS CAN ZHES BYA'O, ,BRGAL BA, GAL TE GZUGS KYI PHUNG POR GTOGS PA LA GZUGS CAN ZHES BYA NA, KHAMS BCO BRGYAD KYI NANG NA GZUGS KYI PHUNG POR GTOGS PA RNAM PAR RIG BYED MA YIN PA'I GNAS LTA BU CHOS KYI KHAMS SU BSDUS PAS CHOS KYI KHAMS KUN KYANG GZUGS CAN DU 'GYUR BA'I SKYON DU 'GYUR RO ZHE NA, CHOS KYI KHAMS KYI NANG NA GZUGS CAN RNAM PAR RIG BYED MA YIN PA YOD KYANG CHOS KYI KHAMS GZUGS CAN GYI SKYON DU MI 'GYUR TE, DE CI'I PHYIR ZHE NA, RNAM PAR RIG BYED MA YIN BA DE RTEN DANG BRTEN PA'I SGO NAS RANG GI GNAS SU GZHAN SKYE BA'I BGEGS CAN GYI GZUGS MA YIN PAS NA GZUGS CAN ZHES MI BYA LA, TSOR BA LA SOGS PA GZHAN YANG RTEN DANG BRTEN PA'I SGO NAS RANG GI GNAS SU GZHAN @130B SKYE BA'I BGEGS BYED PA MA YIN PAS GZUGS CAN ZHES MI BYA STE, DE BAS NA GZUGS KYI KHAMS GZUGS CAN GYI SKYON DU MI 'GYUR RO, ,GZUGS MED PA DU ZHES BYA BA NI DE LTAR NA KHAMS BCU GZUGS CAN NA GZUGS MED PA'I KHAMS SU DU YOD CES BYA BA'I DON TO, ,LHAG MA RNAMS SO ZHES BYA BA LA, KHAMS BCU BSHAD PA'I LHAG MA NI KHAMS BRGYAD DU LUS PA STE, KHAMS BRGYAD LA GZUGS MED PA ZHES BYA'O ZHES PA'I DON TO, ,KHAMS BRGYAD PO DE YANG GANG ZHE NA, MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR DU, DRUG DANG YID KYI KHAMS TE BDUN DANG, CHOS KYI KHAMS KYIS BSNAN NAS BRGYAD DE, DE DAG NI RTEN DANG BRTEN PA'I SGO NAS RANG GI GNAS SU GZHAN SKYE BA'I BGEGS BYED PA MA YIN PAS GZUGS MED PA ZHES BYA'O, ,BLTAR YOD PA DU ZHES BYA BA LA, KHAMS BCO BRGYAD BSHAD PA'I SKABS YIN PAS NA, KHAMS BCO BRGYAD KYI NANG NAS KHAMS DU ZHIG NI BLTAR YOD PA YIN ZHES BYA BA'I DON TO, ,DE LA BLTAR YOD PA DU ZHIG BYA BA NI GNAS 'DI NA GZUGS 'DI LTA BU ZHIG YOD DO ZHES MIG GIS BLTAR YOD PA DANG BCAS PA LA YOD DO, ,LAN DU, GZUGS KYI KHAMS GCIG STE ZHES BYA BA SMOS TE, GZUGS KYI KHAMS NI DBANG PO LNGA DANG, YUL LNGA DANG BCU LAS KHAMS GCIG STE, MIG GI YUL GZUGS KYI KHAMS GCIG PU NI BLTAR YOD PA ZHES BYA'O, ,BLTAR YOD PA'I DON NYID GANG YIN PA BSTAN PAR BYA BA'I PHYIR, YUL BLTAR YOD PA'I ZHES BYA BA SMOS TE, YUL LAM GNAS GANG NA DNGOS PO GANG YIN BA MIG GIS BLTAR RUNG BA NI BLTAR YOD PA ZHES BYA STE, MIG GI KHAMS KYI YUL GZUGS KYI KHAMS NI GZUGS 'DI GNAS 'DI NA GNAS SO, ,MIG GIS BLTAR RUNG BAS NA BLTAR YOD PA ZHES BYA'O, ,BLTAR MED PA DU ZHES BYA BA NI KHAMS BCO BRGYAD KYI NANG NAS MIG GIS BLTAR MI RUNG BA NI DU YOD CES BYA BA'I DON TO, ,LHAG MA RNAMS SO ZHES BYA BA NI MIG GI YUL GZUGS GCIG PO BLTAR YOD PAR BSHAD PA DANG, PHYIN LHAG MA KHAMS BCU BDUN LUS PA NI BLTAR MED PA'O ZHES BYA BAR GRUB STE, @131A *, ,BCU BDUN PO GANG ZHE NA, MIG DANG, RNA BA DANG, SNA DANG, LCE DANG, LUS DANG, SGRA DANG, DRI DANG, RO DANG, REG BYA DGU'I STENG DU, CHOS KYI KHAMS KYIS BSNAN TE BCU DANG, SEMS KYI KHAMS BDUN GYIS BSNAN TE BCU BDUN NO, ,DE NGAG NI GNAS 'DI NA GZUGS 'DI 'DRA BA ZHIG GNAS ZHES MIG GIS BLTAR MI RUNG BAS BLTAR MED PA'O ZHES BYA'O, ,THOGS PA DANG BCAS PA DU ZHES BYA BA LA, KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS THOGS PA DANG BCAS PA DU YOD CES BYA BA'I DON TO, ,BDAG GANG NA GNAS PA'I GNAS SU GZHAN GNAS PA'I GO GCOD CING BGEGS BYED PA LA THOGS PA DANG BCAS PA ZHES BYA'O, ,DMIGS PA THOGS PA DANG BCAS PA NI MIG GI RNAM BAR SHES PA GZUGS LA DMIGS TE THOGS PA MED KYANG SGRAL MI DMIGS TE THOGS PA DANG, RNA BA'I RNAM PAR SHES PA SGRA LA DMIGS TE THOGS PA MED KYANG GZUGS LA MI DMIGS TE THOGS PA LTA BU'O, ,BAR DU GCOD PA'I THOGS PA DANG BCAS PA NI RANG GNAS PA'I GNAS SU GZHAN SKYE ZHING 'BYUNG BA'I BGEGS BYED CING GO GCOD PA'O, ,DE LTAR THOGS PA DANG BCAS PA RNAM PA GSUM LAS 'DI'I SKABS SU YUL THOGS PA DANG BCAS PA DANG, DMIGS PA THOGS PA DANG BCAS PA LA NI MI BYA'I, BAR DU GCOD PA'I THOGS PA DANG BCAS PA LA NI BYA BAR BSTAN PA'I PHYIR TE, GANG LA GANG THOGS PA'O ZHES BYA BA SMOS TE, BAR DU GCOD PA'I THOGS PA DANG BCAS PA NI RANG GI PHYOGS SU GZHAN 'BYUNG BA LA BGEGS BYED PA STE, DNGOS PO GANG RANG GI GNAS PA LAS RANG GI PHYOGS SU DNGOS PO GZHAN 'BYUNG BA LA BAR CHAD BYED PA DANG, DNGOS PO GZHAN DER 'ONGS PA YANG DE LA BAR DU GCOD PA GNYI GA LA THOGS PA DANG BCAS PA ZHES BYA'O, ,MIG LA SOGS PA'I KHAMS BCU PO YANG DE NGAG GCIG LA GCIG RANG GI PHYOGS SU BYUNG BA LA BGEGS BYED CING BAR DU GCOD PAR BYED PAS NA THOGS PA DANG BCAS PA ZHES BYA'O, ,KHAMS BCU THOGS PA DANG BCAS SO ZHES BSHAD NA GZHUNG LAS MA BYUNG YANG SEMS KYI KHAMS BDUN DANG, CHOS KYI KHAMS KYIS BSNAN TE BRGYAD @131B NE THOGS PA MED PA YIN PAR ZHAR GYIS GRUB BO, ,CI'I PHYIR ZHE NA, DE DAG RANG GI PHYOGS SU GZHAN 'ONG BA'I BGEGS DANG BAR CHAD DU MI BYED PA'I PHYIR THOGS PA MED PA ZHES BYA'O, ,ZAG PA DANG BCAS PA DU ZHES BYA BA LA, KHAMS BCO BRGYAD BSHAD PA'I SKABS YIN BAS KHAMS BCO BRGYAD KYI NANG NAS ZAG PA DANG BCAS PA'I KHAMS DU YOD CES BYA BA'I DON TO, ,NYON MONGS PA DANG BCAS PA NI ZAG PA DANG BCAS PA ZHES BYA'O, ,BCO LNGA DANG THA MA GSUM GYI CHA'O ZHES BYA BA LA MIG GI DBANG PO NAS LUS KYI DBANG PO'I BAR DU DBANG PO LNGA'I KHAMS DANG, GZUGS NAS REG BYA'I BAR DU YUL LNGA'I KHAMS DANG, MIG GI RNAM PAR SHES PA'I KHAMS NAS LUS KYI RNAM PAR SHES PA'I BAR DU RNAM PAR SHES PA LNGA'I KHAMS TE, BCO LNGA PO 'DI DAG NI GCIG TU ZAG PA DANG BCAS PA ZHES BYA STE, DE DAG LA NAM DU YANG ZAG PA MED PA'I RANG BZHIN MI SRID KYI, DUS THAMS CAD DU ZAG PA DANG BCAS PA 'BA' ZHIG GI RANG BZHIN NO, , GZHAN YANG THA MA GSUM GYI CHA NI ZAG PA DANG BCAS PA STE, GSUM NYI TSE'I TSIG SMOS KYI, THA MA'I TSIG MA SMOS NA NI THOG MA GSUM YANG YOD DE, MIG DANG GZUGS DANG, MIG GI RNAM PAR SHES PA'I KHAMS THOG MA GSUM YANG YOD PAS DE'I PHYIR THA MA GSUM GYI TSIG SMOS SO, ,KHAMS BCO BRGYAD LA MIG LA SOGS PA RTEN DRUG GI THA MA NI YID KYI KHAMS YIN LA, GZUGS LA SOGS PA DMIGS PA DRUG GI THA MA NI CHOS KYI KHAMS YIN PA DANG, BRTEN PA MIG GI RNAM PAR SHES PA LA SOGS PA RNAM PAR SHES PA DRUG GI THA MA NI YID KYI RNAM PAR SHES PA'I KHAMS YIN TE, DE BAS NA YID KYI KHAMS DANG CHOS KYI KHAMS DANG, YID KYI RNAM PAR SHES PA'I KHAMS GSUM LA THA MA GSUM ZHES BYA'O, ,MIG LA SOGS PA'I KHAMS BCO LNGA JI LTAR GCIG TU ZAG PA CAN 'BA' ZHIG YIN GYI, ZAG PA MED PA'I RANG BZHIN NAM YANG MI SRID PA LTAR THA MA GSUM GYI CHA LA ZAG PA CAN 'BA' ZHIG TU GZHAG PAR MA ZAD KYI, ZAG PA MED PA'I RANG BZHIN YANG YOD DE, DE BAS NA ZAG PA DANG BCAS PA'I SHAS KYI THA MA GSUM LA NI ZAG PA DANG BCAS PA ZHES BYA'O, ,DE LA 'PHAGS PA'I LAM LA DMIGS PA'AM, 'PHAGS PA'I LAM DU GTOGS PA'I YID KYI KHAMS DANG, CHOS KYI KHAMS DANG YID KYI RNAM PAR SHES PA'I KHAMS DANG, CHOS KYI KHAMS KYI 'DUS MA BYAS PA RNAM PA BZHI NI @132A *, ,ZAG PA MED PA STE, DE LAS MA GTOGS PA'I SO SO SKYE BO'I YID KYI KHAMS DANG, CHOS KYI KHAMS LA 'DUS MA BYAS BZHI BKOL BA'I PHYIR NA TSOR BA LA SOGS PA'I SO SO SKYE BO'I CHOS KYI KHAMS DANG, SO SO SKYE BO'I YID KYI RNAM PAR SHES PA'I KHAMS KYI CHA RNAMS NI ZAG PA DANG BCAS PA ZHES BYA STE, CHOS DE DAG RTAG TU ZAG PA DANG LHAN CIG GNAS PAS NA ZAG PA DANG BCAS PA ZHES BYA'O, ,DE BAS NA DE DAG LAS NYON MONGS PA SKYE BA'I PHYIR TE ZHES BYA BA SMOS TE, MIG LA SOGS PA'I KHAMS BCO LNGA DANG, THA MA GSUM GYI CHA LAS RTAG TU 'DOD CHAGS LA SOGS PA'I NYON MONGS PA SKYE BAR 'GYUR BA'I PHYIR DE DAG LA ZAG PA DANG BCAS PA ZHES BYA'O, ,BRGAL BA, MIG LA SOGS PA'I DBANG PO LNGA DANG, GZUGS LA SOGS PA'I YUL LNGA DANG, MIG GI RNAM PAR SHES PA NAS LUS KYI RNAM PAR SHES PA'I BAR DU LNGA STE, BCO LNGA NI BLUN PO'I RANG BZHIN YIN PAS GZUGS BZANG NGAN LA RTOG PAR MI NUS NA DE DAG GIS GZUGS LA DMIGS NAS JI LTAR NYON MONGS PA SKYE BAR 'GYUR ZHES PA'I LAN DU, MIG LA SOGS PA'I RNAM PAR SHES PA'I KHAMS MIG GI DBANG PO DANG BCAS PA'I GZUGS LA DMIGS PA TZAM GYIS NI NYON MONGS PA SKYE ZHES MI SMRA'I, GZHAN DU NA, MNGON SUM PA'I SPYOD YUL YIN PA'I PHYIR ZHES BYA BA SMOS TE, MIG GI RNAM PAR SHES PA MIG GI KHAMS LA BRTEN NAS GZUGS LA MNGON SUM DU DMIGS TE, MIG GI RNAM PAR SHES PA SKYE BAR 'GYUR RO, ,MIG GI RNAM PAR SHES PAS YUL MYONG BA'I RJES LA YID KYI RNAM PAR SHES PA SKYES NAS GZUGS BZANG NGAN DU BRTAGS PAS NYON MONGS PA SKYE BAR 'GYUR TE, DE BAS NA DE DAG LA ZAG PA DANG BCAS PA ZHES BYA'O, ,DE BZHIN DU RNA BA LA SOGS PA LA YANG SBYAR BAR BYA'O, ,ZAG PA MED PA DU ZHES BYA BA NI KHAMS BCO BRGYAD LAS ZAG PA MED PA'I KHAMS DU YOD CES BYA BA'I DON TO, ,THA MA GSUM GYI CHA'O ZHES BYA BA LA THA MA GSUM NI YID DANG CHOS DANG YID KYI RNAM PAR SHES PA'I KHAMS GSUM STE, GANG 'PHAGS PA SLOB PA DANG MI SLOB PA RNAMS KYI YID KYI KHAMS DANG, YID KYI RNAM PAR SHES PA'I KHAMS 'PHAGS PA'I LAM DU GTOGS PA DANG, 'DUS MA BYAS BZHI NI ZAG PA MED PA ZHES BYA'O, ,'DOD PA DANG LDAN PA DU ZHES BYA BA KHAMS BCO BRGYAD BSHAD PA YIN PAS KHAMS BCO BRGYAD KYI NANG NAS 'DOD PA'I KHAMS SU GTOGS PA NI @132B DU ZHIG YOD CES BYA BA'I DON TO, ,DE LA GZUGS DANG, SGRA DANG, DRI DANG, RO DANG, REG BYA STE, YUL LA 'DOD PA ZHES BYA LA, 'DOD PA DE LA GTZO BOR 'DZIN CING SPYOD PA'I KHAMS LA 'DOD PA'I KHAMS ZHES BYA'O, ,LAN DU, THAMS CAD DO ZHES BYA BA SMOS TE, KHAMS BCO BRGYAD LA MIG GI KHAMS NAS, YID KYI KHAMS KYI BAR DU DBANG PO DRUG GI KHAMS DANG, GZUGS KYI KHAMS NAS REG BYA'I KHAMS KYI BAR DU YUL DRUG GI KHAMS DANG, MIG GI RNAM PAR SHES PA NAS YID KYI RNAM PAR SHES PA'I BAR DU RNAM PAR SHES PA'I KHAMS DRUG STE, 'DOD PA'I KHAMS NA NI KHAMS BCO BRGYAD KUN YOD DO ZHES BYA BA'I DON TO, ,GZUGS DANG LDAN BA DU ZHES BYA BA NI KHAMS BCO BRGYAD KYI NANG NAS GZUGS KYI KHAMS SU GTOGS PA'AM GZUGS KYI KHAMS DANG LDAN PA'I KHAMS DU YOD CES BYA BA'I DON TO, ,BCU BZHI STE ZHES BYA BA LA, GZUGS KYI KHAMS NA NI, MIG GI KHAMS DANG, RNA BA'I KHAMS DANG, SNA'I KHAMS DANG, LCE'I KHAMS DANG, LUS KYI KHAMS DANG, YID KYI KHAMS TE, DBANG PO DRUG GI KHAMS DANG, GZUGS DANG, SGRA DANG, REG DANG, CHOS TE YUL BZHI'I KHAMS DANG, MIG GI RNAM PAR SHES PA'I KHAMS DANG, RNA BA'I RNAM PAR SHES PA'I KHAMS DANG, LUS KYI RNAM PAR SHES PA'I KHAMS DANG, YID KYI RNAM PAR SHES PA'I KHAMS TE BCU BZHI NI GZUGS KYI KHAMS DANG YANG LDAN TE, GZUGS KYI KHAMS NA YANG DE DAG YOD DO ZHES BYA BA'I DON TO, ,DRI DANG RO DANG SNA DANG LCE'I RNAM PAR SHES PA MA GTOGS SO ZHES BYA BA NI GZUGS KYI KHAMS NA DRI'I KHAMS DANG, RO'I KHAMS TE YUL GYI KHAMS GNYIS DANG, SNA'I RNAM PAR SHES PA DANG, LCE'I RNAM PAR SHES PA GNYIS TE KHAMS BZHI NI GZUGS KYI KHAMS NA MED DO ZHES BYA BA'I DON TO, ,DE CI'I PHYIR ZHE NA, GZUGS KYI KHAMS NA NI DRI DANG, RO GNYIS DANG, SNA DANG LCE'I RNAM PAR SHES PA'I KHAMS GNYIS MED CE NA, 'DI LTAR DRI DANG RO GNYIS NI ZA BA'I RANG BZHIN YIN TE, RO YANG ZAS DUM BU DUM BUR BCAD DE KHAM GYIS ZA BA DANG, DRI YANG NANG NAS DBUGS KYIS DRANGS NAS KHONG DU DUM BU DUM BUR BCUG PA'I RANG BZHIN YIN PAS, KHAM GYIS ZA BA'I RANG BZHIN YIN LA KHAM GYIS ZA BA'I 'DOD CHAGS DANG BRAL BA RNAMS GZUGS KYI KHAMS SU SKYE BAS GANG GI 'DOD CHAGS DANG BRAL BA GNAS GANG DU SKYES PA DES YUL DE DANG, RNAM PAR SHES @133A *, ,PA DE DAG GNAS DE NA MED DO, ,DPER NA GZUGS KYI 'DOD CHAGS DANG BRAL BA'I RNAMS GZUGS MED PA'I KHAMS SU SKYES NA MIG GI KHAMS NAS LUS KYI KHAMS KYI BAR DU DBANG PO LNGA DANG, GZUGS KYI KHAMS NAS REG BYA'I KHAMS KYI BAR DU YUL LNGA MED PAS MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA'I KHAMS LNGA YANG MED PA DE BZHIN DU GZUGS KYI KHAMS NA ZAS KHAM GYIS ZA BA'I 'DOD CHAGS DANG BRAL BA'I DRI DANG RO GNYIS MED DE, YUL GNYIS MED PAS NA DE LA DMIGS PA'I SNA DANG LCE'I RNAM PAR SHES PA'I KHAMS GNYIS KYANG MED DO, ,GZUGS MED PA DANG LDAN PA DU ZHES BYA BA NI GZUGS MED PA'I KHAMS DANG LDAN PA'I KHAMS DU YOD CES BYA BA'I DON TO, ,THA MA GSUM STE ZHES BYA BA LA YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS GSUM NI GZUGS MED PA'I KHAMS DANG LDAN PA'O ZHES BYA BA'I DON TO, ,CI'I PHYIR ZHE NA, GZUGS KYI KHAMS LAS 'DOD CHAGS DANG BRAL BA'I RNAMS GZUGS MED PA'I KHAMS SU SKYE STE, DE BAS NA GZUGS MED PA'I KHAMS SU MIG NAS LUS KYI KHAMS KYI BAR DU LNGA DANG, GZUGS NAS REG BYA'I KHAMS KYI BAR DU LNGA STE, GZUGS KYI RANG BZHIN GYI KHAMS BCU DANG, DE DAG LA BRTEN CING DMIGS PA'I MIG GI RNAM PAR SHES PA'I KHAMS DANG LUS KYI RNAM PAR SHES PA'I KHAMS LNGA'I BAR DU STE, BCO LNGA NI GZUGS MED PA'I KHAMS NA MED DO, ,YID DANG CHOS DANG YID KYI RNAM PAR SHES PA'I KHAMS GSUM LA ZAG PA DANG BCAS PA'I RANG BZHIN YANG YOD, ZAG PA MED PA'I RANG BZHIN YANG YOD PA LAS GZUGS MED PA'I KHAMS NA PHUNG PO ZAG PA DANG BCAS PA'I YID DANG LDAN NA ZAG PA MED PA DANG YANG LDAN NAM SNYAM PA LA GANG ZAG PA DANG BCAS PA'O ZHES BYA BA SMOS TE, GZUGS MED PA'I KHAMS NA NI SO SO SKYE BO'I YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS ZAG PA DANG BCAS PA GSUM PO DANG LDAN NO ZHES BYA BA'I DON TO, ,MI LDAN PA DU ZHES BYA BA LA, KHAMS GSUM DU MA GTOGS PA 'AM, 'DOD PA DANG, GZUGS DANG, GZUGS MED PA'I KHAMS KYI SRED @133B PAS MA ZIN SRED PAS MA DMIGS PA NI MI LDAN PA ZHES BYA STE, KHAMS BCO BRGYAD LAS KHAMS GSUM GANG DANG YANG MI LDAN PA'I KHAMS DU YOD CES BYA BA'I DON TO, ,DE NYID ZAG PA MED PA'O ZHES BYA BA LA, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS THA MA GSUM PO DAG NYID GANG 'PHAGS PA'I LAM DU GTOGS PA'I YID KYI KHAMS DANG CHOS KYI KHAMS DANG, YID KYI RNAM PAR SHES PA'I KHAMS ZAG PA MED PA DANG, CHOS KYI KHAMS LAS 'DUS MA BYAS BZHI ZAG PA MED PA'I RANG BZHIN DE GSUM NI KHAMS GSUM DANG MI LDAN PA ZHES BYA'O, ,PHUNG POR BSDUS BA DU ZHES BYA BA NI KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS PHUNG PO LNGAR KHAMS DU BSDUS ZHES BYA BA'I DON TO, ,'DUS MA BYAS MA GTOGS SO ZHES BYA BA NI 'DUS MA BYAS BZHI PHUNG PO'I NANG DU MA BSHAD PAS 'DUS MA BYAS BZHI BKOL TE, MIG GI KHAMS NAS YID KYI BAR DU DRUG DANG, MIG GI RNAM PAR SHES PA'I KHAMS NAS YID KYI RNAM PAR SHES PA'I BAR DU DRUG DANG, GZUGS KYI KHAMS NAS REG BYA'I KHAMS KYI BAR DU LNGA DANG, CHOS KYI KHAMS LA 'DUS MA BYAS BZHI GZHAG STE, TSOR BA DANG, 'DU SHES DANG, 'DU BYED DANG, RNAM PAR RIG BYED MA YIN PA DANG BZHI STE, DE RNAMS NI PHUNG PO LNGAR 'DUS SO, ,NYE BAR LEN PA'I PHUNG POR BSDUS PA DU ZHES BYA BA NI KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS ZAG PA DANG BCAS PA'I PHUNG POR BSDUS PA'I KHAMS SU YOD CES BYA BA'I DON TO, ,GANG DAG ZAG PA DANG BCAS PA'I RNAMS SO ZHES BYA BA LA, KHAMS BCO BRGYAD LAS GANG ZAG PA DANG BCAS PA'I KHAMS NI NYE BAR LEN PA'I PHUNG POR BSDUS SO, ,GANG ZHE NA, DBANG PO LNGA DANG, YUL LNGA DANG, RNAM PAR SHES PA LNGA DANG, YID DANG CHOS DANG YID KYI RNAM PAR SHES PA'I KHAMS THA MA GSUM LA GANG ZAG PA DANG BCAS PA'I RANG BZHIN DANG, ZAG PA MED PA'I RANG BZHIN YOD PA LAS GANG ZAG PA DANG BCAS PA'I RANG BZHIN GSUM STE, DE RNAMS NI NYE BAR LEN PA'I PHUNG POR BSDUS SO, ,DGE BA DU MI DGE BA DU LUNG DU MA BSTAN PA DU ZHES BYA BA LA, KHAMS BCO BRGYAD BSHAD PA'I @134A *, ,SKABS YIN PAS KHAMS DU ZHIG NI DGE BA YIN, KHAMS DU ZHIG NI MI DGE BA YIN, KHAMS DU ZHIG NI LUNG DU MA BSTAN PA YIN ZHES BYA BA'I DON TO, ,DE LA SROG GCOD PA LA SOGS PA'I LAS NGAN PA SPANGS PA NI DGE BA'O, ,SROG GCOD PA LA SOGS PA'I LAS NGAN PA MA SPANGS PA NI MI DGE BA'O, , ,DGE BA'I RANG BZHIN YANG MA YIN MI DGE BA'I RANG BZHIN YANG MA YIN PA NI LUNG DU MA BSTAN PA'O, ,DE LA DGE BA LA RNAM PA BZHI YOD DE, RANG BZHIN GYIS DGE BA DANG, LDAN PA'I DGE BA DANG, BSKYED PA'I DGE BA DANG, DON DAM PA'I DGE BA'O, ,'DI LTAR 'DOD MA CHAGS PA DANG; ZHE MI SDANG BA DANG, GTI MI MUG PA'I DGE BA'I RTZA BA DANG, NGO TSA SHES PA DANG, KHREL YOD PA DANG, LNGA NI RANG BZHIN GYIS DGE BA'O ZHES BYA'O, ,DGE BA DE LNGA DANG LDAN PA'I SEMS DANG SEMS LAS BYUNG BA RNAMS NI LDAN PA'I DGE BA ZHES BYA'O, ,DGE BA DANG LDAN PA'I SEMS DANG SEMS LAS BYUNG BAS BSKYED PA'I LUS KYI SGO NAS THAL MO SBYAR BA DANG, NGAG GI SGO NAS BSTOD PA DANG, KHA TON KLOG PA NI BSKYED PA'I DGE BA ZHES BYA'O, ,SO SOR BRTAGS PAS 'GOG PA DANG, DE BZHIN NYID NI DON DAM PAR DGE BA ZHES BYA'O, MI DGE BA LA YANG RNAM PA BZHI YOD DE, RANG BZHIN GYIS MI DGE BA DANG, LDAN PAS MI DGE BA DANG, BSKYED PAS MI DGE BA DANG, DON DAM PAR MI DGE BA'O, ,DE LA RANG BZHIN GYIS MI DGE BA NI 'DOD CHAGS DANG, ZHE SDANG DANG GTI MUG MI DGE BA'I RTZA BA DANG, NGO TSA MI SHES PA DANG, KHREL MED PA DANG LNGA'O, ,CHOS DE LNGA DANG LDAN PA'I RANG BZHIN SEMS DANG SEMS LAS BYUNG BA RNAMS NI LDAN PA'I MI DGE BA'O, ,MI DGE BA DANG LDAN PA'I SEMS DANG SEMS LAS BYUNG BAS BSKYED PA'I LUS KYI SGO NAS GZHAN LA BRDEG PA DANG, NGAG GI SGO NAS TSIG RTZUB MO SMRA BA LA SOGS PA NI BSKYED PA'I MI DGE BA ZHES BYA'O, ,'KHOR BA NI DON DAM PAR MI DGE BA ZHES BYA'O, ,LUNG DU MA BSTAN PA YANG RNAM PA BZHI YOD DE, RANG BZHIN GYIS LUNG DU MA BSTAN PA DANG, LDAN PA'I LUNG DU MA BSTAN PA DANG, BSKYED PA'I LUNG DU MA BSTAN PA DANG, DON DAM PA'I LUNG DU MA BSTAN PA'O, ,DE LA MIG NAS LUS KYI BAR DU DBANG PO LNGA DANG, DRI DANG, @134B RO DANG, REG BYA STE, CHOS BRGYAD RNAMS NI RANG BZHIN GYIS LUNG DU MA BSTAN PA'O, ,SPYOD LAM DANG BZO'I GNAS LA SOGS PA DANG LDAN PA'I SEMS DANG SEMS LAS BYUNG BA RNAMS NI LDAN PA'I LUNG DU MA BSTAN PA'O, ,LUNG DU MA BSTAN PA DANG LDAN PA'I SEMS DANG SEMS LAS BYUNG BAS BSKYED PA'I LUS KYI SGO NAS TSEM DRUB BYED PA DANG, NGAG GI SGO NAS TSEM DRUB KYI GTAM SMRA BA NI BSKYED PA'I LUNG DU MA BSTAN PA ZHES BYA'O, ,SO SOR BRTAGS PA MA YIN PAS 'GOG PA DANG NAM MKHA' NI DON DAM PAR LUNG DU MA BSTAN PA ZHES BYA'O, ,BCU NI RNAM PA GSUM CHAR TE ZHES BYA BA LA KHAMS BCO BRGYAD LAS KHAMS BCU LA NI GSUM CHAR GYI RANG BZHIN YOD DE, BCU PO DE DAG LA DGE BA YANG YOD, MI DGE BA YANG YOD, LUNG DU MA BSTAN PA YANG YOD DO ZHES BYA BA'I DON TO, ,KHAMS BCO BRGYAD KYI NANG NAS BCU ZHES BYA BA GANG LA BYA MI SHES NAS, DE BAS NA BCU PO GANG YIN PA BSTAN PA'I PHYIR, SEMS KYI KHAMS BDUN DANG, GZUGS DANG, SGRA DANG, CHOS KYI KHAMS RNAMS SO ZHES BYA BA SMOS TE, MIG GI RNAM PAR SHES PA'I KHAMS NAS YID KYI RNAM PAR SHES PA'I BAR DU SEMS KYI KHAMS DRUG DANG YID KYI KHAMS KYIS BSNAN TE BDUN DANG, GZUGS KYI KHAMS TE BRGYAD SGRA'I KHAMS TE DGU DANG, CHOS KYI KHAMS KYIS BSNAN TE BCU LA NI DGE BA YANG YOD MI DGE BA YANG YOD LUNG DU MA BSTAN PA YANG YOD DO ZHES BYA BA'I DON TO, ,DE LA JE SEMS KYI KHAMS BDUN LA RNAM PA GSUM JI LTAR YOD PA BSTAN TE, SEMS KYI KHAMS BDUN NI DGE BA DANG MI DGE BA DANG LDAN PA'I SGO NAS DGE BA DANG MI DGE BAR GZHAG GI DGE BA DANG MI DGE BA'I RANG BZHIN NI MA YIN NO, ,DE LA 'DOD MA CHAGS PA LA SOGS PA'I DGE BA DANG LDAN PA'I SEMS KYI KHAMS BDUN LA NI DGE BA ZHES BYA'O, ,'DOD CHAGS LA SOGS PA MI DGE BA DANG LDAN PA'I SEMS KYI KHAMS BDUN NI MI DGE BA ZHES BYA'O, ,BZO LA SOGS PA'I LAS DANG LDAN PA'I SEMS KYI KHAMS BDUN NI LUNG DU MA BSTAN PA ZHES BYA'O, ,GZUGS KYI KHAMS DANG, SGRA'I KHAMS LA RNAM PA GSUM DU GZHAG PA YANG DGE BA LNGA DANG LDAN PA'I SEMS KYIS BSKYED PA'I SANGS RGYAS LA SOGS @135A *, ,PA LA PHYAG 'TSAL BA'I LUS KYI LAS NI DGE BA ZHES BYA'O, ,MI DGE BA LNGA DANG LDAN PA'I SEMS KYIS BSKYED PA'I GZHAN LA BRDEG PA DANG, SREG GCOD PA LA SOGS PA'I LUS KYI LAS NI MI DGE BA ZHES BYA'O, ,SPYOD LAM DANG BZO'I GNAS BYED PA'I LUS KYI LAS NI LUNG DU MA BSTAN PA ZHES BYA'O, ,SGRA YANG DGE BA'I LAS KYIS BSKYED NAS SANGS RGYAS LA BSTOD PA LA SOGS PA SMRA BA NI DGE BA ZHES BYA'O, ,MI DGE BA'I SEMS KYIS BSKYED PA'I GSHE PA LA SOGS PA DAG GI LAS LA NI MI DGE BA ZHES BYA'O, ,THA MAL PA'I GTAM DANG BZO'I GTAM SMRA BA LA NI LUNG DU MA BSTAN PA ZHES BYA'O, ,CHOS KYI KHAMS LA RNAM PA GSUM DU GZHAG PA YANG CHOS KYI KHAMS TSOR BA DANG, 'DU SHES DANG, 'DU BYED DANG, RNAM PAR RIG BYED MA YIN PA DANG, 'DUS MA BYAS BZHI STE BRGYAD YOD PA LAS 'DU BYED KYI PHUNG PO LA DGE BA BCU GCIG GI NANG NAS 'DOD MA CHAGS PA DANG, ZHE MI SDANG BA DANG, GTI MI MUG PA DANG, NGO TSA SHES PA DANG, KHREL YOD PA NI RANG BZHIN GYIS DGE BA ZHES BYA'O, ,TSOR BA DANG, 'DU SHES DGE BA DANG LDAN PA DANG, BRTZON PA LA SOGS PA DGE BA GZHAN YOD PA NI LDAN PA'I DGE BA ZHES BYA'O, ,'DU BYED SEMS DANG MI LDAN PA SKYE BA DANG, RGA BA LA SOGS PA DGE BA DANG LDAN PA'I SEMS KYIS BSKYED PA NI BSKYED PA'I DGE BA ZHES BYA'O, ,SO SOR BRTAGS PAS 'GOG PA DANG, DE KHO NA NYID NI DON DAM PA'I DGE BA ZHES BYA'O, ,'DU BYED KYI PHUNG PO LA 'DOD CHAGS DANG, ZHE SDANG DANG, GTI MUG DANG, NGO TSA MI SHES PA DANG, KHREL MED PA DANG LNGA NI RANG BZHIN GYIS MI DGE BA ZHES BYA'O, ,TSOR BA DANG 'DU SHES MI DGE BA'I CHOS DANG LDAN PA DANG, RNAM PAR 'TSE BA LA SOGS PA NYE BA'I NYON MONGS PA YOD PA RNAMS NI LDAN PA'I MI DGE BA ZHES BYA'O, ,MI DGE BA'I SEMS KYIS BSKYED PA'I SKYE BA DANG, RGA BA LA SOGS PA'I 'DU BYED SEMS DANG MI LDAN PA NI BSKYED PA'I MI DGE BA ZHES BYA'O, ,'DU BYED KYI PHUNG PO LA BZHI GZHAN DU YANG ZHES BYA BA LAS LUNG DU MA BSTAN PA'I CHAR BSHAD PA @135B RNAMS NI LDAN PA'I LUNG DU MA BSTAN PA ZHES BYA'O, ,SO SOR BRTAGS PA MA YIN PAS 'GOG PA DANG NAM MKHA' NI DON DAM PAR LUNG DU MA BSTAN PA ZHES BYA'O, ,LHAG MA BRGYAD NI LUNG DU MA BSTAN PA'O ZHES BYA BA KHAMS BCO BRGYAD KYI NANG NAS BCU RNAM PA GSUM CHAR YIN NO ZHES BSTAN PA YIN NO ZHES BSHAD PA'I PHYIR LHAG MA BRGYAD LUS TE, DE YANG GANG ZHE NA, DRI DANG, RO DANG, REG BYA DANG, MIG DANG, RNA BA DANG, SNA DANG, LCE DANG, LUS KYI KHAMS TE BRGYAD DO, ,BRGYAD PO DE DAG NI LUNG DU MA BSTAN PA NYID YIN GYI DE DAG LA, RANG BZHIN DANG LDAN PA DANG, BSKYED PA DANG, DON DAM PAR DGE BA YANG MED LA, RANG BZHIN DANG LDAN PA DANG, BSKYED PA DANG, DON DAM PAR MI DGE BA YANG MED PA NI LUNG DU MA BSTAN PA GCIG PUR GZHAG GO, ,NANG GI DU ZHES BYA BA NI KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS NANG GI KHAMS SU GTOGS PA DU YOD CES BYA BA'I DON TO, ,NANG ZHES BYA BA NI BDAG GI LUS SU GTOGS PA LA BYA'O, ,BCU GNYIS TE ZHES BYA BA NI KHAMS BCO BRGYAD LAS KHAMS BCU GNYIS NI NANG GIR ZHES BYA BA'I DON TO, ,NANG GIR GTOGS PA'I KHAMS BCU GNYIS PO DE YANG GANG YIN MI SHES PAS DE'I PHYIR, GZUGS DANG, SGRA DANG, DRI DANG, RO DANG, REG BYA DANG, CHOS KYI KHAMS MA GTOGS SO ZHES BYA BA SMOS TE, GZUGS DANG, SGRA DANG, DRI DANG, RO DANG, REG BYA DANG, CHOS TE PHYI'I YUL GYI CHOS BKOL NAS, DE'I PHYIR NA, MIG GI KHAMS NAS YID KYI KHAMS KYI BAR DU DBANG PO DRUG GI KHAMS DANG, MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR DU RNAM PAR SHES PA DRUG GI KHAMS BCU GNYIS LA NANG GI ZHES BYA'O, ,PHYI ROL GYI DU ZHES BYA BA LA, LUS LAS MA GTOGS PA NI PHYI ROL ZHES BYA STE, KHAMS BCO BRGYAD LAS PHYI ROL DU GTOGS PA'I KHAMS DU YOD CES BYA BA'I DON TO, ,GANG DAG MA GTOGS PA DRUG GO ZHES BYA BA LA, GANG DU NANG GIR MA GTOGS TE BKOL BA'I GZUGS DANG, SGRA @136A *, ,DANG; DRI DANG, RO DANG, REG BYA DANG, CHOS TE PHYI'I YUL DRUG PO DE LA PHYI ROL GYI ZHES BYA'O, ,DMIGS PA DANG BCAS PA DU ZHES BYA BA LA, KHAMS BCO BRGYAD BSHAD PA'I SKABS YIN PAS, KHAMS BCO BRGYAD KYI NANG NAS BDUN NI DMIGS PA DANG BCAS PA YIN NO, ,KHAMS BDUN PO DE YANG GANG YIN PA MI SHES NAS, DE GANG YIN PA BSTAN PA'I PHYIR, SEMS KYI KHAMS BDUN DANG ZHES BYA BA SMOS TE, SEMS KYI KHAMS BDUN NI DMIGS PA DANG BCAS PA YIN NO ZHES BYA BA'I DON TO, ,SMRAS PA, CI SEMS KYI KHAMS BDUN NYI TSE LA DMIGS PA DANG BCAS PA ZHES BYA BA, DMIGS PA DANG BCAS PA GZHAN MED DAM SNYAM PA LA, DMIGS PA DANG BCAS PA NI SEMS KYI KHAMS BDUN DU MA ZAD KYI, GZHAN YANG YOD PAR BSTAN PA'I PHYIR, CHOS KYI KHAMS KYI PHYOGS GCIG STE ZHES BYA BA SMOS TE, CHOS KYI KHAMS KYI RDZAS BRGYAD YOD PA LAS KUN NI DMIGS PA DANG BCAS PA YIN GYI, DE LA PHYOGS GCIG NI DMIGS PA DANG BCAS PA YIN NO ZHES BYA BA'I DON TO, ,DON DU NA SEMS KYI KHAMS BDUN DANG, CHOS KYI KHAMS KYI PHYOGS GCIG NI, DMIGS PA DANG BCAS PA YIN NO ZHES BYA BA'I DON TO, ,DE LA DMIGS PA DANG BCAS PA'I ZHES BYA BA NI YUL DANG BCAS SPYOD YUL DANG BCAS ZHES BYA BA'I DON TO, ,CHOS KYI KHAMS KYI PHYOGS GCIG PO DE YANG GANG YIN MI SHES PAS BSTAN PA'I PHYIR, GANG SEMS LAS BYUNG BA'O ZHES BYA BA SMOS TE, CHOS KYI KHAMS LA CHA GNYIS SU GZHAG STE, SEMS LAS BYUNG BA'I RANG BZHIN DANG, SEMS LAS BYUNG BA MA YIN PA'I RANG BZHIN NO, ,DE LA TSOR BA DANG, 'DU SHES DANG, 'DU BYED KYI PHUNG PO LA 'DU BYED SEMS DANG LDAN PA LNGA BCU RTZA GCIG NI SEMS LAS BYUNG BA'I RANG BZHIN ZHES BYA'O, ,RNAM PAR RIG BYED MA YIN PA DANG, 'DUS MA BYAS BZHI DANG, 'DU BYED KYI PHUNG PO LA 'DU BYED SEMS DANG MI LDAN PA RNAMS NI SEMS LAS BYUNG BA MA YIN PA'I RANG BZHIN NO, ,DE LA CHOS KYI KHAMS KYI PHYOGS GCIG SEMS LAS BYUNG BA'I @136B RANG BZHIN RNAMS NI DMIGS PA DANG BCAS PA RNAMS ZHES BYA'O, ,DON DU NA MIG GI RNAM PAR SHES PA NAS YID KYI RNAM PAR SHES PA'I KHAMS KYI BAR DU SEMS KYI KHAMS DRUG DANG, YID KYI KHAMS KYIS BSNAN TE SEMS KYI KHAMS BDUN DANG, CHOS KYI KHAMS KYI PHYOGS GCIG SEMS LAS BYUNG BA'I RANG BZHIN RNAMS NI DMIGS PA DANG BCAS PAR BSHAD DO, ,DMIGS PA MED PA DU ZHES BYA BA LA, KHAMS BCO BRGYAD LAS DMIGS PA MED PA'I KHAMS DU ZHIG YOD CES BYA BA'I DON TO, ,LHAG MA BCU DANG, CHOS KYI KHAMS KYI PHYOGS GCIG GO ZHES BYA BA LA, KHAMS BCO BRGYAD LAS SEMS KYI KHAMS BDUN DANG, CHOS KYI KHAMS KYI PHYOGS GCIG SEMS LAS BYUNG BA'I RANG BZHIN DMIGS PA DANG BCAS PAR BSHAD PA'I LHAG MA MIG GI KHAMS NAS LUS KYI KHAMS KYI BAR DU DBANG PO LNGA DANG, GZUGS KYI KHAMS NAS REG BYA'I KHAMS KYI BAR DU YUL LNGA STE BCU DANG, CHOS KYI KHAMS LAS SEMS LAS BYUNG BA'I RANG BZHIN DANG, SEMS LAS BYUNG BA MA YIN PA'I RANG BZHIN GNYIS YOD PA LAS NI GANG CHOS KYI KHAMS KYI PHYOGS GCIG SEMS LAS BYUNG BA'I RANG BZHIN MA YIN PA 'DU BYED SEMS DANG MI LDAN PA THAMS CAD DANG, RNAM PAR RIG BYED MA YIN PA DANG, 'DUS MA BYAS BZHI NI DMIGS PA MED PA ZHES BYA'O, ,DON DU NA SEMS DANG SEMS LAS BYUNG BA LA NI DMIGS PA'I YUL YOD PAR BSHAD KYI, SEMS DANG SEMS LAS BYUNG BA MA YIN PA RNAMS LA NI, DMIGS PA'I YUL MED PAR BSHAD DO, ,RTOG PA DANG BCAS PA DU ZHES BYA BA LA, KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS RTOG PA DANG BCAS PA'I KHAMS DU YONG CES BYA BA'I DON TO, ,YID KYI KHAMS DANG; YID KYI RNAM PAR SHES PA'I KHAMS DANG, CHOS KYI KHAMS KYI PHYOGS GCIG GO ZHES BYA BA LA, KHAMS BCO BRGYAD KYI NANG NAS YID KYI KHAMS DANG, YID KYI RNAM PAR SHES PA'I KHAMS DANG, CHOS KYI KHAMS LA CHA GNYIS TE, SEMS LAS BYUNG BA'I RANG BZHIN @137A *, ,DANG; SEMS LAS BYUNG BA MA YIN PA'I RANG BZHIN GNYIS YOD PA LAS, CHOS KYI KHAMS KYI PHYOGS GCIG SEMS LAS BYUNG BA'I RANG BZHIN RNAMS NI RTOG PA DANG BCAS PA ZHES BYA'O, ,CI'I PHYIR ZHE NA, YID KYI KHAMS DANG, YID KYI RNAM PAR SHES PA'I KHAMS DANG, CHOS KYI KHAMS KYI PHYOGS GCIG LA, RTOG PA DANG BCAS PA ZHES BYA ZHE NA, 'DI LTAR RTOG PA RNAM PA GSUM YOD DE, RANG BZHIN GYIS RTOG PA DANG, RJES SU DRAN PA'I RTOG PA DANG, GTAN LA 'BEBS PA'I RTOG PA'O, ,DE LA RANG BZHIN GYIS RTOG PA NI MIG GI RNAM PAR SHES PAS GZUGS LA GZUGS TZAM DU SHES PA DANG, RNA BA'I RNAM PAR SHES PAS SGRA LA SGRA TZAM DU SHES PA'O, ,RJES SU DRAN PA'I RTOG PA NI SNGON MTHONG BA DANG, THOS PA LA SOGS PA PHYIS MA BRJED CING, DRAN PA MA NYAMS PA'O, ,GTAN LA 'BEBS PA'I RTOG PA NI KHAMS GSUM DANG DUS GSUM GYI DNGOS PO RNAMS LAS KHA CIG MIG GIS MNGON SUM DU MTHONG BA DANG, KHA CIG MIG GIS MNGON SUM DU MTHONG BA YANG RNA BAS THOS PA LA SOGS PA LAS SHES RAB DANG SEMS PA'I KHYAD PAR GYIS 'DI NI YIN 'DI NI MA YIN ZHES RTOG PA NI GTAN LA 'BEBS PA'I RTOG PA ZHES BYA'O, ,DE BAS NA MNGON PA'I CHOS BSDUS PA'I GTZUG LAG LAS KYANG RJES SU DRAN PA'I RTOG PA GANG ZHE NA, SNGON RJES SU MYONG BA'I 'DU BYED RNAMS 'DZIN PA GANG YIN PA'O, ,GTAN LA 'BEBS PA'I RTOG PA GANG ZHE NA, 'DAS PA DANG, MA 'ONGS PA DANG, DA LTAR BYUNG BA RNAMS LA MNGON SUM DU MA GYUR PAR RTOG PA'I RNAM PAR RTOG PA'O ZHES GSUNGS SO, ,DE LA KHRI RKANG PA GCIG YOD KYANG GSUM MED NA KHRI RKANG PA MED PA ZHES BYA BA DANG 'DRA BAR RANG BZHIN GYIS RNAM PAR RTOG PA YOD KYANG RJES SU DRAN PA'I RTOG PA DANG, GTAN LA 'BEBS PA'I RTOG PA GNYIS MED NA RNAM PAR MI RTOG PA ZHES BYA'O, ,DE BAS NA YID KYI KHAMS DANG, YID KYI RNAM PAR SHES PA'I KHAMS DANG, CHOS KYI KHAMS KYI PHYOGS GCIG SEMS LAS BYUNG BA'I RANG BZHIN RNAMS NI RJES SU DRAN PA'I @137B RTOG PA DANG, GTAN LA 'BEBS PA'I RTOG PA GNYIS DANG LDAN PAS RTOG PA DANG BCAS PA ZHES BYA'O, ,GZHUNG LAS MA SMOS KYANG KHAMS LHAG MA RNAMS NI RNAM PAR MI RTOG PAR GRUB STE, DE DAG KYANG GANG ZHE NA, MIG GI KHAMS NAS LUS KYI KHAMS KYI BAR DU DBANG PO LNGA DANG, GZUGS DANG REG BYA'I BAR DU YUL LNGA DANG, MIG GI RNAM PAR SHES PA'I KHAMS NAS LUS KYI RNAM PAR SHES PA'I BAR DU LNGA STE, BCO LNGA DANG, CHOS KYI KHAMS KYI PHYOGS GCIG SEMS LAS BYUNG BA MA YIN PA RNAMS NI RNAM PAR MI RTOG PA NYID DU GZHAG GO,, ZIN PA DU ZHES BYA BA LA, KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS ZIN PA'I KHAMS NI DU ZHIG YOD CES BYA BA'I DON TO, ,DE LA SEMS DANG SEMS LAS BYUNG BA DANG 'BREL PA'AM, SEMS DANG SEMS LAS BYUNG BAS ZIN PA'I GZUGS LA ZIN PA ZHES BYA'O, ,NANG GI LNGA DANG ZHES BYA BA LA, NANG GI DBANG PO LNGA NI ZIN PA ZHES BYA STE, DE YANG GANG ZHE NA, MIG GI KHAMS DANG, RNA BA'I KHAMS DANG, SNA'I KHAMS DANG, LCE'I KHAMS DANG, LUS KYI KHAMS SO, ,CI'I PHYIR MIG LA SOGS PA'I LNGA NYI TSE LA ZIN PA ZHES BYA BAR ZAD KYI ZIN PA GZHAN YANG MED SNYAM PA LA YOD PAR BSTAN PA'I PHYIR, BZHI'I PHYOGS TE, GZUGS DANG, DRI DANG, RO DANG, REG BYA RNAMS KYI'O ZHES BYA BA SMOS TE, 'DI LTAR GZUGS DANG, DRI DANG, RO DANG, REG BYA STE BZHI PO DE RNAMS LA RNAM PA GNYIS YOD DE ZIN PA DANG MA ZIN PA'O, ,DE LA GZUGS DANG, DRI DANG, RO DANG, REG BYA ZIN PA'I PHYOGS GANG YIN PA NI ZIN PA ZHES BYA'O, ,DE YANG GANG ZHE NA, MIG LA SOGS BA'I DBANG PO DANG, THA MI DAD CING MIG LA SOGS PA'I DBANG PO DANG, LHAN CIG TU GNAS PA'I GZUGS DANG; DRI DANG, RO DANG, REG BYA RNAMS DBANG PO SEMS DANG, SEMS LAS BYUNG BA ZIN PA BZHIN DU, DBANG PO LA YOD PA'I BZHI PO'I PHYOGS DE DAG KYANG SEMS DANG SEMS LAS BYUNG BAS GZUNG BAS NA ZIN PA ZHES BYA'O, ,'DI LTAR LUS LA YOD PA'I GZUGS LA SOGS PA YANG @138A *, ,SKRA DANG, SPU DANG, SEN MO DANG, SO'I RTZA BA MA GTOGS PA GZHAN SKRA DANG, SPU DANG, SEN MO DANG, BSHAD BA DANG, GCI BA DANG, MCHIL MA DANG, SNABS DANG, KHRAG LA SOGS PA NI MA ZIN PA ZHES BYA'O, ,ZIN PA ZHES BYA BA'I DON JI LTA BUR SEMS DANG SEMS LAS BYUNG BAS 'DI NI BDAG GI YUL SA YIN NO ZHES BYA BA'I TSUL DU BZUNG LA, LUS DANG SEMS GNYIS KYANG GCIG LA GCIG PHAN PA DANG, GNOD PAS RJES SU 'BREL BAR BYED DE, LUS LA PHAN NA YANG SEMS LA PHAN PA DANG, SEMS LA PHAN NA YANG LUS LA PHAN PA DANG, LUS LA GNOD NA YANG SEMS LA GNOD PA DANG, SEMS LA GNOD NA YANG LUS LA GNOD PAR BYED PA NI ZIN PA ZHES BYA'O, ,MA ZIN PA DU ZHES BYA BA LA, KHAMS BCO BRGYAD KYI NANG NAS MA ZIN PA'I KHAMS DU YOD CES BYA BA'I DON TO, ,LHAG MA DGU DANG BZHI PO'I PHYOGS SO ZHES BYA BA LA, DBANG PO LNGA DANG LHAN CIG 'GROGS PA'I GZUGS DANG, DRI DANG, RO DANG, REG BYA RNAMS ZIN PAR BSHAD PA'I LHAG MA NI SEMS KYI KHAMS BDUN DANG, CHOS KYI KHAMS DANG, SGRA'I KHAMS TE DGU YANG MA ZIN PA ZHES BYA'O, ,BZHI'I PHYOGS TE; MIG LA SOGS PA'I DBANG PO LNGA DANG, THA MI DAD PAR GNAS PA MA YIN PA'I GZUGS DANG, DRI DANG, RO DANG, REG BYA'I PHYOGS KYANG MA ZIN ZHES BYA LA, RTZA BA LAS MA GTOGS PA'I SKRA DANG, SPU DANG, SEN MO DANG, SO DANG, BSHAD BA DANG, GCI BA DANG, MCHIL MA DANG, SNABS DANG, KHRAG LA SOGS PA NI MA ZIN PA ZHES BYA'O, ,CHA MTSUNGS PA DU ZHES BYA BA LA, RNAM PAR SHES PA DANG DBANG PO LHAN CIG TU 'GROGS PA LAS DBANG PO RNAM PAR SHES PA SKYED PA'I RGYU BYED PA LA NI CHA MTSUNGS PA ZHES BYA STE, KHAMS BCO BRGYAD BSHAD PA'I SKABS YIN PAS KHAMS BCO BRGYAD KYI NANG NAS CHA MTSUNGS PA'I KHAMS DU YOD CES BYA BA'I DON TO, ,NANG GI GZUGS CAN LNGA STE ZHES BYA BA LA, NANG GI GZUGS CAN GYI KHAMS LNGA NI CHA MTSUNGS PA ZHES BYA'O, ,DE LA NANG GI KHAMS NI BCU GNYIS SU BSHAD DE, MIG @138B GI KHAMS NAS YID KYI KHAMS KYI BAR DU DRUG DANG, MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR DU DRUG STE, NANG GI LNGA PO GANG LA BYA MI SHES TE, DE BAS NA BSTAN PA'I PHYIR, GZUGS CAN ZHES BYA BA SMOS TE, 'DI LTAR NANG GI DBANG PO NI MIG DANG; RNA BA DANG, SNA DANG, LCE DANG, LUS KYI KHAMS DANG LNGA STE, DE LNGA NI CHA MTSUNGS BA ZHES BYA'O, ,CHOS GANG DANG CHA MTSUNGS PA DANG, CHA MTSUNGS PA ZHES BYA BA'I DON JI LTA BU YIN PA MI SHES NAS BSTAN PAR BYA BA'I PHYIR, RANG GI RNAM PAR SHES PA DAG YUL DANG MTHUN PA'I PHYIR RO ZHES BYA BA SMOS TE, MIG GI KHAMS KYI RANG GI RNAM PAR SHES PA NI MIG GI RNAM PAR SHES PA STE, MIG GI DBANG PO'I YUL GZUGS YIN PA DE NYID RNAM PAR SHES PA'I YUL YANG GZUGS DE NYID YIN TE, MIG GI DBANG PO DANG, MIG GI RNAM PAR SHES PA GZUGS LA MTSUNGS PAR 'JUG PA NI, CHA MTSUNGS PA ZHES BYA'O, ,YANG NA MIG GI RNAM PAR SHES PA'I YUL GZUGS YIN PA BZHIN DU DBANG PO'I YUL YANG GZUGS YIN PAR CHA MTSUNGS TE, JI LTAR GZUGS KYIS MIG GI RNAM PAR SHES PA SKYED PA'I RGYU BYED PA BZHIN DU MIG GI DBANG POS KYANG MIG GI RNAM PAR SHES PA SKYED PA'I RGYU BYED DE, GZUGS DANG MIG GI DBANG PO GNYI GA MIG GI RNAM PAR SHES PA SKYE BA DANG RJES SU MTHUN PAR GNAS PA NI CHA MTSUNGS PA ZHES BYA'O, ,DON DU MIG LA SOGS PA'I DBANG PO RNAMS MIG GI RNAM PAR SHES PA DANG 'GROGS SHING LDAN PA'I TSE NA CHA MTSUNGS PA ZHES BYA'O, , DE DANG MTSUNGS PA DU ZHES BYA BA LA, RNAM PAR SHES PA DANG MI LDAN PA'I DBANG PO RNAMS LA DE DANG MTSUNGS PA ZHES BYA'O, ,KHAMS BCO BRGYAD KYI NANG NAS DE DANG MTSUNGS PA'I KHAMS DU YOD CES BYA BA'I DON TO, ,DE DANG MTSUNGS PA ZHES BYA BA JI LTA BU YIN PA BSTAN PA'I PHYIR, DE NYID RNAM PAR SHES PAS STONG PA ZHES BYA BA SMOS TE, MIG LA SOGS PA'I DBANG PO DE DAG NYID NAM MIG LA SOGS PA'I RNAM PAR SHES PAS STONG STE, DBANG PO DE DAG GIS RANG GI RNAM PAR SHES PA SKYED PA'I RGYU MI BYED CING BRGYAL BA DANG NYAL BA LA SOGS PA'I DUS NA DBANG PO 'BA' ZHIG YOD PA DE DANG MTSUNGS PA ZHES BYA'O, ,RANG GI RNAM PAR SHES @139A *, ,PAS STONG PA'I DBANG PO DE DAG LA CI'I PHYIR DE DANG MTSUNGS PA BYA ZHE NA, DE'I PHYIR, RANG GI RIGS DANG MTHUN PA'I PHYIR RO ZHES BYA BA SMOS TE, MIG LA SOGS PA'I DBANG PO RANG GI RNAM PAR SHES PAS STONG PA DE DAG MIG LA SOGS PA'I DBANG PO RANG GI RNAM PAR SHES PAS STONG PA GZHAN DAG DANG, RIGS MTHUN PAS DE DANG MTHUN PA ZHES BYA'O, ,YANG NA RANG GI RNAM PAR SHES PAS STONG PA'I MIG LA SOGS PA'I DBANG PO DE DAG RANG GI RNAM PAR SHES PA DANG LDAN PA'I MIG LA SOGS PA'I DBANG PO DANG MIG GI DBANG POR GNYI GA RIGS 'DRA BAS NA DE DANG MTSUNGS PA ZHES BYA STE, NAM LHA SBYIN GYI MIG GI RNAM PAR SHES PA SKYED PAR BYED PA DANG, NAM LHA SBYIN GYI MIG GI DBANG POS MIG GI RNAM PAR SHES PA MI SKYED PA'I MIG GNYI GA YANG MIG GI DBANG POR RIGS 'DRA BAS NA DE DANG MTSUNGS PA ZHES BYA'O, ,MIG GI DBANG PO MIG GI RNAM PAR SHES PAS STONG STE DE DANG MTSUNGS PA GNYI GA YANG, MIG GI RNAM PAR SHES PA SKYED PA'I THUN MONG MA YIN PA'I RGYU BYED PAS NA, CHA MTSUNGS PA DANG MTSUNGS PA ZHES BYA'I, GZUGS DANG SGRA LA SOGS PA'I YUL NI MTSUNGS PA DANG DE DANG MTSUNGS PA ZHES MI BYA STE, CI'I PHYIR ZHE NA, NAM GZUGS DES LHA SBYIN GYI MIG GI RNAM PAR SHES PA SKYED PA'I RGYU BYED PAS CHA MTSUNGS PA ZHES BYA LA, DE NYID KYI DUS NA MCHOD SBYIN GYI MIG GI RNAM PAR SHES PA SKYED PAS DE DANG CHA MTSUNGS PAR 'GYUR BAS NA, DUS GCIG TU CHA MTSUNGS PA DANG, DE DANG MTSUNGS PA GNYIS SU 'GYUR BA'I PHYIR CHA MTSUNGS PA ZHE'AM, DE DANG MTSUNGS PA ZHES GZHAG TU MED LA, GZUGS LA SOGS PA NI LHA SBYIN GYI MIG GI RNAM PAR SHES PA SKYED PA BZHIN DU MCHOD SBYIN GYI MIG GI RNAM PAR SHES PA YANG SKYED PAS THUN MONG DU GYUR PA YIN PA'I PHYIR, DE DANG CHA MTSUNGS PA ZHES BYA'O, ,PHUNG PO LNGA BSHAD PA SLOB DPON SA'I RTZA LAG GIS MDZAD PA RDZOGS SHO,, ,,RGYA GAR MKHAN PO DZI NA MI TRA DANG, D'A NA SH'I LA DANG, BOD KYI LO TZ'A BA BAN DE YE SHES SDE LA SOGS PAS BSGYUR CING ZHUS TE GTAN LA PHAB PA'O,, ,, @139B #, ,RGYA GAR SKAD DU, BY'A KHY'A YUKTI t'I KA ,BOD SKAD DU, RNAM PAR BSHAD PA RIGS PA'I BSHAD PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,GTI MUG GNYID GNYIS ZAD PHYIR DANG, ,ZHES BYA BA NI, GTI MUG NYID GNYID YIN PAS GTI MUG GNYID DO, ,DON RTOGS PA'I BGEGS SU GYUR PA'I PHYIR RO, ,GTI MUG GI GNYID NI GTI MUG GNYID GNYIS SO, ,DE ZAD PA NI GTI MUG GNYID GNYIS ZAD PA'O, ,DE'I PHYIR DE NYON MONGS PA CAN DANG NYON MONGS PA CAN MA YIN PA'I KUN DU RMONGS PA DANG, GTAN DU BRAL BA'I PHYIR RO ZHES BYA BA'I THA TSIG GO, ,BLO RGYAS PHYIR NA ZHES BYA BA NI, SHES BYA THAMS CAD LA RAB TU RNAM PAR 'PHROS PA'I PHYIR RO ZHES BYA BA'I THA TSIG GO, ,THUB LA SPYI BOS PHYAG 'TSAL TE, ,ZHES BYA BA NI NGES PA'I TSIG GI TSUL GYIS NA GROL BA'I PHYIR DANG, MYA NGAN LAS 'DAS PA'I PHYIR THUB PA STE, THUB PA DE LA DAD PA SNGON DU 'GRO BA'I MGO BOS BTUD NAS ZHES BYA BA'I THA TSIG GO, ,DE DAG LA, DE LA PHAN PAR BYA BA'I PHYIR NI MDO RNAM PAR 'CHAD PAR 'DOD PA DE DAG LA RNAM PAR BSHAD PA LA PHAN PAR BYA BA'I PHYIR RO, ,CHOS GANG DAG THOG MAR DGE BA ZHES BYA BA MDO LAS RGYA CHER ZHES BYA BA JI LTA BU ZHE NA, CHOS GANG DAG THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA, TSANGS PAR SPYOD PA, MNGON PAR BRJOD PAS MNGON PAR RJOD PAR BYED PA'I CHOS DE LTA BU MANG PO THOS PA DANG, GZUNG BA DANG, KHA TON BYA BA DANG, YID KYIS BRTAGS PA DANG, MTHONG BAS SHIN TU RTOGS PA YIN NO ZHES BYA BA YIN NO, ,DE LA TSANGS PA'I NI MCHOG TU GTZO BO YIN PA'I DON GYIS ZHES BYA BA NI GTZO BO STE, DPER NA LAM LTA BU YANG YOD PAS DE'I PHYIR DE NI MCHOG TU GTZO BO YIN NO ZHES BYA BA'I THA TSIG GO, ,TSUL KHRIMS DANG LDAN PA YIN ZHES RGYA CHER GSUNGS PA JI LTA BU ZHE NA TSUL KHRIMS DANG LDAN PAR GNAS PA DANG, SO SOR THAR PA'I SNGOM PAS BSDAMS PA DANG, CHO GA DANG SPYOD YUL PHUN SUM TSOGS PA DANG, KHA NA MA THO BA PHRA RAB TZAM DAG LA YANG 'JIGS PAR LTA BA DANG, @140A *, ,BSLAB PA'I GZHI DAG YANG DAG PAR BLANGS TE SLOB PA'O, ,'DOD PA DAG LAS DBEN PA ZHES BYA BA NAS RGYAS PAR BSAM GTAN BZHI PA'I BAR DU RDZOGS PAR BYAS TE GNAS PA YIN ZHES BYA BA JI LTA BU ZHE NA, 'DOD PA DAG LAS DBEN PA SDIG PA MI DGE BA'I CHOS RNAMS LAS DBEN PA, RTOG PA DANG BCAS PA DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS SO, ,DE RTOG PA DANG DPYOD PA DANG BRAL ZHING NANG YONGS SU DANG STE, SEMS KYI RGYUD GCIG TU GYUR PAS RTOG PA MED PA DPYOD PA MED PA TING DE 'DZIN LAS SKYES PA'I DGA' BA DANG, BDE BA CAN BSAM GTAN GNYIS PA RDZOGS PAR BYAS TE GNAS SO, ,DE DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG SHES BZHIN CAN YIN TE, BDE BA LUS KYIS MYONG LA 'PHAGS PA RNAMS KYIS GANG DE DRAN PA DANG LDAN PA BDE BA LA GNAS PA BTANG SNYOMS PA'O ZHES BRJOD PA STE, DGA' BA MED PA'I BSAM GTAN GSUM PA RDZOGS PAR BYAS TE GNAS SO, ,DE BDE BA YANG SPANGS TE SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS BDE BA YANG MA YIN SDUG BSNGAL YANG MA YIN PA BTANG SNYOMS DANG, DRAN PA YONGS SU DAG PA BSAM GTAN BZHI PA RDZOGS PAR BYAS TE GNAS SO, ,'DI NI SDUG BSNGAL 'PHAGS PA'I BDEN PA'O ZHES BYA BAR YANG DAG PA JI LTA BA BZHIN DU RAB TU SHES PA DANG, 'DI NI SDUG BSNGAL KUN 'BYUNG BA, 'DI NI SDUG BSNGAL 'GOG PA, 'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES BYA BAR YANG DAG PA JI LTA BA BZHIN DU RAB TU SHES TE, DE DE LTAR SHES SHING DE LTAR MTHONG BA DANG, 'DOD PA'I ZAG PA LAS SEMS RAB TU RNAM PAR 'GROL, SRID PA'I ZAG PA DANG, MA RIG PA'I ZAG PA LAS SEMS RAB TU RNAM PAR 'GROL ZHING DE RNAM PAR GROL BA LA RNAM PAR GROL LO SNYAM PA'I YE SHES MTHONG BAR 'GYUR RO ZHES RGYA CHER 'BYUNG NGO, ,GO RIMS BZHIN DU PHYIN CI MA LOG PA DANG, GO BAR BYED PA GNYIS KYIS ZHES BYA BA LA, PHYIN CI MA @140B LOG PA NYID KYIS NI BRJOD PAR BYA BA PHUN SUM TSOGS PA YIN NO, ,GO BAR BYED PA NYID KYIS NI BRJOD PA PHUN SUM TSOGS PA YIN NO, ,MA 'DRES PA LA SOGS PA NI GO RIMS BZHIN NO ZHES BYA BA JI LTA BU ZHE NA, MA 'DRES PA NI THUN MONG MA YIN PA'I PHYIR RO, ,YONGS SU RDZOGS PA NI NYON MONGS PA THAMS CAD KYI GNYEN PO'I PHYIR TE, SRID PA'I RTZE MO PA'I NYON MONGS PA DAG NI 'JIG RTEN PA'I LAM GYIS MI SPONG BAS SO, ,YONGS SU DAG PA NI 'DI LTAR ZAG PA MED PA NI NGO BO NYID KYIS RNAM PAR GROL BAS RNAM PAR GROL BA'I PHYIR RO, ,YONGS SU BYANG BA NI RGYUD RNAM PAR GROL BAS RNAM PAR GROL BA'I PHYIR TE, ZAG PA ZAD PA'I RGYUD LA 'BYUNG BA'I PHYIR RO, ,GZHAN YANG ZHES BYA BA RGYA CHER 'BYUNG BA NI RNAM GRANGS GZHAN YANG THOG MAR DGE BA NI DON BZANG PO YIN PA'I PHYIR RO, ,BAR DU DGE BA NI TSIG 'BRU BZANG PO YIN PA'I PHYIR RO, ,THA MAR DGE BA NI MA 'DRES PA LA SOGS PA YIN PA'I PHYIR RO ZHES BYA BA NI MA 'DRES PA DANG, YONGS SU RDZOGS PA DANG, YONGS SU DAG PA DANG, YONGS SU BYANG BA YIN PA'I PHYIR RO, ,MA 'DRES PA YANG MA YIN TE, GZHAN DANG THUN MONG YIN PA'I PHYIR RO ZHES BYA BA NI 'DI LTAR DE'I TSANGS PAR SPYOD PA NI THOD PA CAN LA SOGS PA GZHAN RNAMS DANG MI MTHUN PA YIN PAS SO, ,YONGS SU RDZOGS PA YANG MA YIN TE, NYI TSE'I GNYEN PO YIN PA'I PHYIR RO ZHES BYA BA NI NYON MONGS PA THAMS CAD KYI GNYEN PO MA YIN PA'I PHYIR RO ZHES BYA BA'I THA TSIG STE, 'JIG RTEN PA'I LAM NI SA 'OG MA NYID KYI GNYEN PO YIN LA; ZAG PA MED PA MI LCOGS PA MED PA LA SOGS PAS BSDUS PA NI THAMS CAD KYI YIN NO, ,YONGS SU DAG PA YANG MA YIN TE, RANG GI SA PA'I NYON MONGS PA KUN DU SPYOD PA'I DON DU GYUR PA'I PHYIR RO ZHES BYA BA NI RANG GI SA PA'I NYON MONGS PA KUN DU SPYOD PA STE, NYON MONGS PA MNGON DU GYUR PA'I RTEN DU GYUR PA'I PHYIR TE, DMIGS PAR GYUR PA'I PHYIR RO ZHES BYA BA'I THA TSIG GO, ,YONGS SU BYANG BA YANG MA YIN TE ZHES BYA BA RGYA CHER 'BYUNG BA LA YONGS SU BYANG BA YANG MA YIN TE, SA GZHAN PA'I NYON MONGS PA'I BAG LA NYAL SA BON GYI MTSAN NYID DANG LDAN PA'I PHYIR TE, MA BRAL BA'I PHYIR @141A *, ,RO; ,'DI BA'I CHOS RNAMS NI DE LAS BZLOG PA YIN NO ZHES BYA BA NI JI SKAD BSHAD MA THAG PA LTA BU'O, ,DE LAS NI DON DANG BCAS PA DANG, TSIG 'BRU DANG BCAS PAR DGE BA YIN PAR STON TO ZHES BYA BA JI LTAR BYAS PAS SHE NA, DON DANG BCAS PA DANG, TSIG 'BRU DANG BCAS PAR THOG MAR DGE BA, BAR DU DGE BA, THA MAR DGE BA'O, ,DE KUN NAS SLONG BAR BYED PA'I ZHES BYA BA RGYA CHER 'BYUNG BA LA, DE KUN NAS SLONG BAR BYED PA'I CHOS RNAMS NI BSTAN PA'I CHOS KUN NAS SLONG BAR BYED PA SEMS DANG SEMS LAS BYUNG BA RTOG PA DANG DPYOD PA DANG BCAS PA RNAMS SO; ,NGAG GI RANG BZHIN MA YIN PA'I PHYIR RANG GIS DON GO BAR BYED MI NUS KYI BRGYUD PAS GO BAR BYED DO ZHES BYA BA NI BSTAN PA'I CHOS GANG DAG GI DON DE GO BAR BYED PA DE DAG KUN DU SLONG BAR BYED DO, ,GZHAN YANG ZHES RGYA CHER 'BYUNG BA LA, GZHAN YANG ZHES BYA BA NI RNAM PA GZHAN NO, ,GANG DAG DE'I RANG BZHIN YIN PA'I PHYIR ZHES BYA BA NI MNGON PAR BRJOD PA'I RANG BZHIN YIN PA'I PHYIR TSANGS PAR SPYOD PA STE MNGON PAR BRJOD PAS MNGON PAR RJOD PAR BYED PA YIN GYI YI GE BSGYUR TE RNAM PAR BSHAD PAS MNGON PAR BRJOD PAS NI MA YIN TE ZHES BYA BA NI YI GE RNAMS BSGYUR NAS RNAM PAR BSHAD PA NI YI GE BSGYUR TE RNAM PAR BSHAD PA STE, YI GE BSGYUR TE RNAM PAR BSHAD PA DES MNGON PAR BRJOD PAS MNGON PAR RJOD PAR BYED PA MA YIN NO, ,CI'I PHYIR ZHE NA, HA CANG THAL BAR GYUR NA MI RUNG BA STE, JI LTAR BDUD KYIS SMRAS PA'I TSIGS SU BCAD PA LAS, MI RNAMS TSE NI RING BA STE, ,ZHES BYA BA RGYA CHER 'BYUNG BA GANG YIN PA NI 'DI NI DE'I RANG BZHIN YIN PA'I PHYIR BDUD KYIS BSAMS PA'I DON MNGON PAR BRJOD PAS MNGON PAR RJOD PAR BYED PA YIN PA LAS, SLOB DPON GYIS YI GE BSGYUR TE RNAM PAR BSHAD PAS MNGON PAR BRJOD PAS DON DE KHO NA LAS DON GZHAN DU MNGON PAR RJOD PAR BYED PA YIN PA DANG, JI LTAR BYE BRAG PA'I MDO LA SOGS PA SANGS RGYAS PA KHA CIG YI GE BSGYUR TE RNAM PAR BSHAD PAS SANGS RGYAS KYI GSUNG GI DON DU BSHAD PA LTA BU DE LTAR HA CANG THAL BAR GYUR NA MI RUNG BAS SO, ,BDUD KYIS, MI RNAMS TSE NI RING BA STE, ,ZHES @141B BYA BA TSIGS SU BCAD PA RGYA CHER SMRAS PA 'DI NI BCOM LDAN 'DAS KYIS DGE SLONG DAG MI RNAMS TSE NI THUNG BA YIN TE SKYES NA MI 'CHI BA MED PAS TSE PHYI MAR 'GRO BA LA PHAN PA'I DGE BA BYA ZHING TSANGS PAR SPYOD PA SPYAD PAR BYA'O ZHES GSUNGS PA GANG YIN PA DE'I GNYEN POR SMRAS PA YIN TE, DE LA MI RNAMS NI TSE THUNG BA YIN TE ZHES GSUNGS PA GANG YIN PA DE'I GNYEN POR NI, MI RNAMS TSE NI RING BA STE, ,ZHES BYA BA SMRAS SO, ,SKYES BU DAM BA SLU MI BYED, ,CES BYA BA NI TSE DE NYID SKYES BU BZANG PO RNAMS LA SLU BAR MI BYED DE, SKYES BU DAM PA RNAMS LA MI BSLU'O ZHES BYA BA'I THA TSIG STE; DE BZHIN DU 'OS 'OS SU SBYAR BAR BYA'O, ,NYAN PA ZHES BYA BA RGYA CHER 'BYUNG BA LA, NYAN PA LAS NI THOS PA 'BYUNG NGO, ,'DZIN PA LAS NI GZUNG BA 'BYUNG NGO, ,'JUG PAR BYED PA LAS NI KHA TON BYANG BA 'BYUNG NGO, ,DON SEMS PA LAS NI YID KYIS BRTAGS PA 'BYUNG NGO, ,DE DMIGS KYIS PHYED PA LAS NI MTHONG BAS SHIN TU RTOGS PA 'BYUNG NGO, ,DE LTAR NA GO RIMS BZHIN NO, ,DE GNYIS KYIS NI MANG DU THOS PA DANG, THOS PA'I GZHI CAN YIN NO ZHES BYA BA NI MDO LA SOGS PA'I CHOS DE DAG NYAN PA LAS NI MANG DU THOS PA 'BYUNG LA, 'DZIN PA LAS NI THOS PA'I GZHI CAN 'BYUNG STE, GANG LA GZHI THOS PA YOD PA DE NI THOS PA'I GZHI CAN YIN NO, ,LHAG MA 'JUG PAR BYED PA LA SOGS PA GSUM PO RNAMS KYIS NI THOS PA BSTZAGS PA YIN TE, DE JI LTAR ZHE NA, BRTAN POR BYED PA'I PHYIR RO, ,GANG LA THOS PA BSTZAGS PA YOD PA DE NI THOS PA BSTZAGS PA YIN NO, , BSHAD PA 'DI NI ZHES BYA BA NI CHOS GANG DAG CES BYA BA RGYA CHER BSHAD PA GANG YIN PA 'DI NI'O, ,GANG LAS ZHES BYA BA RGYA CHER 'BYUNG BA LA, GANG LAS JI LTAR NA MANG DU THOS PA LA SOGS PA YIN PA ZHES BYA BA NI MDO SDE LA SOGS PA GANG LAS SO, ,JI LTAR NA MANG DU THOS PA LA SOGS PA YIN BA ZHES BYA BA NI NYAN PA DANG 'DZIN PA LA SOGS PA RNAM PA GANG GIS MANG DU THOS PA DANG, THOS PA'I GZHI CAN DANG, THOS PA BSTZAGS PA YIN PA'O, ,DE YONGS SU STON PA YIN PAR RIG PAR BYA'O ZHES BYA BA NI DE GNYI GA RAB TU STON PAR BYED PA YIN PAR SHES PAR BYA'O ZHES BYA BA'I THA TSIG @142A *, ,GO; ,DGOS PA BSDUS PA'I DON BCAS DANG, ,ZHES BYA BA RGYA CHER 'BYUNG BA NI MDO SDE'I DGOS PA BSDUS PA'I DON DANG BCAS PA BSNYAD PAR BYA BA STE, BSDUS PA'I DON DANG BCAS PA NI BSDUS PA'I DON DANG BCAS TE, BRGAL LAN BCAS PAR ZHES BYA BA'I BAR DU DGOS PA DE NYID DANG SBYAR BAR BYA'O, NYAN PA PO NI GUS BYED PAS, ,GANG LA ZHE NA, NYAN PA DANG NI 'DZIN PA LA'O, ,NYAN PA PO NI GUS BYED PAS, ,THOG MAR DGOS PA BRJOD PAR BYA, ,DE 'GRUB NI DGOS PA 'GRUB PA'O, ,GANG LAS SHE NA, DE'I BSDUS DON LAS SO ZHES BYA BA NI MDO SDE'I BSDUS DON LAS SO, ,BSDUS PA'I DON NI TSIG DON LAS SO, ,'GRUB PO ZHES BYA BA'I SKABS SO, ,GO RIMS RIGS PA SNGA PHYI DAG ,MI 'GAL BA NI GO RIMS MI 'GAL BA DANG, RIGS PA MI 'GAL BA DANG, SNGA PHYI MI 'GAL TE GNYIS LAS SO, ,GO RIMS MI 'GAL BA NI MTSAMS SBYOR BA LAS SO, ,RIGS PA MI 'GAL BA DANG, SNGA PHYI MI 'GAL BA NI BRGAL BA DANG LAN LAS SO, ,GZHAN YANG ZHES BYA BA NI RNAM GRANGS GZHAN NO, ,DON GYI DBANG DU BYAS PA YIN LA ZHES BYA BA NI DON 'DI'I DBANG DU BYAS PA YIN NO ZHES SHES PAR 'GYUR BA'O, ,TSIG GI DON BRJOD PA LAS NI ZHES BYA BA RGYA CHER 'BYUNG BA NI TSIG GI DON BRJOD PA LAS BSDUS PA'I DON DANG, CHOS KYI MTSAN NYID DANG, DGONGS PA'I MTSAN NYID SHES PAR 'GYUR RO, ,'BRAS BU PHUN SUM DBANG BYAS DANG, ,ZHES BYA BA RGYA CHER 'BYUNG BA LA DBANG DU BYAS PA NI DBANG BYAS SO, ,'BRAS BU PHUN SUM TSOGS PA DANG DBANG DU BYAS PA NI 'BRAS BU PHUN SUM DBANG BYAS DANG NGO, ,DE LA 'BRAS BU PHUN SUM TSOGS PA NI DGOS PA BRJOD PA LAS YIN LA, DBANG DU BYAS PA NI BSDUS PA'I DON BRJOD PA LAS SHES PAR 'GYUR RO ZHES 'CHAD DO, ,DE BZHIN BSDUS DON LA SOGS GSUM, , SHES PAR 'GYUR TE, BSDUS PA'I DON DANG, CHOS KYI MTSAN NYID DANG, DGONGS PA'I MTSAN NYID 'DI GSUM MO, ,GANG LAS SHES PAR 'GYUR ZHE NA, TSIG GI DON LAS SO, ,'BREL DANG MI 'GAL SHES PAR 'GYUR, ,GANG LAS SHE NA, MTSAMS SBYAR BA BRJOD PA LAS SO, ,RANG @142B DANG SPYI'I MTSAN NYID KYI DON BSTAN PA NA ZHES BYA BA LA, RANG GI MTSAN NYID NI GZUGS SU RUNG BAS GZUGS YIN LA, SPYI'I MTSAN NYID NI MI RTAG PA LA SOGS PA STE DE BSTAN PA NA'O, ,ZAG PA DANG BCAS PA DANG 'DU BYED KYI SDUG BSNGAL LAS DGONGS PA YIN NO ZHES BYA BA LA, ZAG PA DANG BCAS PA NI MI RTAG PA GANG YIN PA DE NI SDUG BSNGAL BA'O ZHES DGONGS PA'O, ,ZAG PA MED PA'I GZUGS LA SOGS PA MI RTAG PA YIN YANG SDUG BSNGAL BA MA YIN PA'O, ,'DU BYED KYI SDUG BSNGAL LAS DGONGS PA YIN NO ZHES BYA BA NI ZAG PA DANG BCAS PA THAMS CAD NI 'DU BYED KYI SDUG BSNGAL GYIS KHYAB PA DE LTA BU'I PHYIR RO, ,DGONGS PAS MTSON PA NI DGONGS PA'I MTSAN NYID DO, ,DE BZHIN DU RNYED PA DANG BKUR STIS NI ZHES BYA BA RGYA CHER 'BYUNG BA'I MDO SDE'I DUM BU 'DI'I GZHUNG NI RE ZHIG DGE SLONG DAG RNYED PA DANG BKUR STIS NI MI ZAD PA MCHOG TU MI ZAD PA MA THOB PA THOB PAR BYA BA DANG, MA RTOGS PA RTOGS PAR BYA BA DANG, MNGON SUM DU MA BYAS PA MNGON SUM DU BYAS PA'I BAR DU GCOD PAR BYED PA BGEGS BYED PA YIN NO, ,DGE SLONG DAG RNYED PA DANG BKUR STIS NI PAGS PA 'CHAD PAR BYED DO, ,PAGS PA CHAD NAS SHA 'CHAD DO, ,SHA CHAD NAS RGYUS PA 'CHAD DO, ,RGYUS PA CHAD NAS RUS PA 'GYES SO, ,RUS PA GYES NAS RKANG LA THUG STE 'DUG GO ZHES BYA BA 'DI YIN NO, ,MDO SDE'I DUM BU 'DIR DBANG PO LNGA PO DAG PAGS PA LA SOGS PA LTA BUR DGONGS PA YIN NO, ,DBANG PO LNGA PO DAG GANG ZHE NA, DAD PA'I DBANG PO DANG; BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO'O, ,DAD PA LA SOGS PA NI PAGS PA LA SOGS PA BZHIN DU 'OG MA NI NANG DU GYUR PA'I PHYIR RO ZHES BYA BA NI JI LTAR PAGS PA LA SOGS PA 'OG MA 'OG MA DAG NANG YIN PA NI SHA NI PAGS PA BAS NANG YIN PA NAS RKANG GI BAR DU RUS PA BAS NANG YIN PA DE BZHIN DU DAD PA LA SOGS PA YANG 'OG MA 'OG MA NANG YIN PA'I PHYIR TE, BRTZON 'GRUS NI DANG PA BAS NANG YIN PA NAS SHES RAB KYI BAR DU TING NGE 'DZIN PAS NANG YIN TE, DE LTAR NA 'OG MA @143A *, ,'OG MAR CHOS MTHUN PA NYID KYIS DAD PA LA SOGS PA DBANG PO LNGA PO DAG NI PAGS PA LA SOGS PA BZHIN DU RNYED PA DANG BKUR STIS 'CHAD DO, ,CHES GTZO BO YIN PA'I PHYIR RO ZHES BYA BA NI DAD PA LA SOGS PA DBANG PO LNGA DAG NI PAGS PA LA SOGS PA BZHIN DU 'OG MAR CHES GTZO BO YIN PA'I PHYIR RO ZHES BYA BAR DGONGS SO, ,LUNG LAS KYANG DAD PA TZAM NI PAGS PA LTA BU YIN TE, SRAB PA'I PHYIR RO ZHES BYA BA NI RNYED PA DANG BKUR STIS 'CHAD DO ZHES BYA BAR DGONGS PA'O, ,DE BZHIN DU BRTZON 'GRUS NI SHA LTA BU YIN TE ZHES BYA BA DE LTA BU LA SOGS PA SBYAR BAR BYA'O, ,BRTZON 'GRUS NI RTAG TU RTZOM PAS SDUG PA YIN NO, ,SHES RAB NI RKANG LTA BU YIN TE, MNYAM PAR GZHAG PA'I SEMS LA GNAS PA'I PHYIR RO ZHES BYA BA JI LTAR RKANG NI RUS PA LA GNAS PA DE BZHIN DU 'DI LTAR SHES RAB KYANG MNYAM PAR GZHAG PA'I SEMS LA GNAS SO; ,JI LTAR RIGS PAR ZHES BYA BA NI JI LTAR 'OS PAR ZHES BYA BA'I THA TSIG GO, ,DE DANG DE LAS ZHES BYA BA NI MDO SDE LAS SO, ,LE LO DANG, 'DUN PA MED PA DANG, G-YEN SPYO BA DANG LDAN PA'I PHYIR RO ZHES BYA BA NI LE LO DANG LDAN PA'I PHYIR DANG, 'DUN PA MED PA DANG LDAN PA'I PHYIR DANG, G-YEN SPYO BA DANG LDAN PA'I PHYIR RO, ,KUN DU ZHUM PA RNAMS NI ZHES BYA BA RGYA CHER 'BYUNG BA NI KUN DU ZHUM PA RNAMS NI DMAN PA LA MOS PA DANG LDAN PA'I PHYIR DANG, ,BDAG NYID MI NUS PAR SEMS PA DANG LDAN PA'I PHYIR TE, BDAG NYID LA NUS PA MED PAR SEMS ZHES BYA BAR TSIG RNAM PAR SBYAR RO, , 'GYOD PA DANG LDAN PA'I PHYIR DANG, BYA BA MANG POS 'JIGS PA DANG LDAN PA'I PHYIR RO, ,YANG DAG PAR ZHUGS PA RNAMS NI ZHES BYA BA RGYA CHER 'BYUNG BA NI YANG DAG PAR ZHUGS PA RNAMS NI PHYIN CI MA LOG PA'I BRTZON 'GRUS SGRUB PA DANG LDAN PA'I PHYIR DANG, MNYAM PA'I BRTZON 'GRUS SGRUB PA DANG LDAN PA'I PHYIR TE, BRTZON 'GRUS MNYAM PA YANG HA CANG RTZOM PA YANG MA YIN HA CANG ZHUM PA YANG MA YIN PA DANG, CHOG MI SHES PA'I BRTZON 'GRUS SGRUB PA DANG LDAN PA'I PHYIR RO, ,DE LDOG PA LA ZHES BYA BA NI NAG PO'I PHYOGS LDOG PA LA'O, ,DE LTA BU LA SOGS PA @143B ZHES BYA BA LA SOGS BA'I SGRAS NI SGOM PA'I DON TAM, SO SOR BSHAD PA'I DON TAM, SMRAS PA YONGS SU SPONG BA'I DON TAM DE LTA BU LA SOGS PA'O, ,CI RIGS PAR BYA'O ZHES BYA BA NI JI LTA BAR 'OS PAR RIG PAR BYA'I GRANGS BZHIN DU MA YIN NO ZHES BYA BA'I THA TSIG STE, 'DI LTAR YANG DAG PAR BSTAN PA NI RES 'GA' YON TAN GYI KHYAD PAR GYI DON DANG, RES 'GA' YONGS SU SPONG BAR BYED PA'I YON TAN GYI KHYAD PAR GYI DON DU STE, MDO SDE GANG LAS MI DGE BA'I LAS KYI LAM DAG BSHAD PA'O, ,RES 'GA' STON PAR BYED PA'I YON TAN GYI KHYAD PAR GYI DON DU STE, MDO SDE GANG LAS DGE PA BSHAD PA'O, ,RES 'GA' SKYO BA'I YON TAN GYI KHYAD PAR GYI DON DU STE, MDO SNGE GANG LAS MI DGE BA'I LAS KYI RNAM PAR SMIN PA BSHAD PA'O, ,RES 'GA' DANG BA'I YON TAN GYI KHYAD PAR GYI DON DU STE, MDO SDE GANG LAS SANGS RGYAS KYI YON TAN RNAMS BSHAD PA'O, JI SKAD DU BSTAN PA'I DON RNAMS LA KUN TU RMONGS PA DAG LA DE LTA BU LA SOGS PA YON TAN GYI KHYAD PAR RNAMS KYI DON DU YANG DAG PAR BSTAN PA YIN NO, ,DE BZHIN DU YANG DAG PAR LEN DU GZHUG PA YANG RES 'GA' YONGS SU SPOD BAR BYED PA'I YON TAN GYI KHYAD PAR GYI DON DANG, RES 'GA' SKYO BA'I ZHES BYA BA DE LTAR RGYA CHER SBYAR BAR BYA ZHING YANG DAG PAR DGA' BA'I BAR DU CI RIGS PAR SBYAR BAR BYA'O, ,JI LTAR NA YANG DAG PAR BSTAN PA LA SOGS PA KHO NA MDO SDE'I DGONGS PA DAG TU 'GYUR ZHE NA ZHES BYA BA NI 'DUL BAR BYED PA LA SOGS PA YANG DE'I DGONGS PA YIN PA'I PHYIR RO, ,DE NYID KYI SA MA YIN ZHE NA ZHES BYA BA NI JI LTAR DANG POR BSTAN PA LTA BUS SO, ,TSIG GCIG LA DON DU MA 'BYUNG BAS DON GZHAN DU RTOG PA BSAL BA'I PHYIR ZHES BYA BA NI TSIG GCIG LA YANG DON DU MAR 'DREN PA'I PHYIR JI LTAR NA RNAM GRANGS DANG PO GSAL BAR BYED PA RNAM GRANGS GNYIS PA LA SOGS PAS RNAM GRANGS DANG PO'I DON SHES PAR 'GYUR ZHIG GU ZHES DON GZHAN DU RTOG PA BSAL BA'I PHYIR RNAM GRANGS SU GSUNGS SO, ,NYID LA CHOS SO SO YANG DAG PAR RIG BA MNGA' BAR BSTAN PA'I PHYIR ZHES BYA BA NI DE BZHIN GSHEGS PA'I CHOS BSTAN PA NI DE LTAR DPAG TU MED PA YIN, @144A *, ,CHOS KYI TSIG DANG YIG 'BRU YANG DE LTAR DPAG TU MED PA YIN, SHES RAB DANG SPOBS PA 'PHAGS PA YANG DE LTAR DPAG TU MED PA YIN ZHES BCOM LDAN 'DAS NYID LA CHOS SO SO YANG DAG PAR RIG PA MNGA' BAR BSTAN PA'I PHYIR RO, ,GZHAN DAG LA DE'I SA BON SKYED PA'I PHYIR ZHES BYA BA NI NYAN PA PO GZHAN DAG LA RNAM GRANGS GSUNGS PA'I SA BON BSKYED PA'I PHYIR RO ZHES BYA BA'I THA TSIG GO, ,JI LTAR NA MDO SDE LAS DGOS BA MANG PO MI 'BYUNG ZHE NA ZHES BYA BA NI 'DUL BAR BYED PA LA SOGS PA'I DON THA DAD PA'I PHYIR DGOS PA BDUN DU 'GYUR RO ZHE NA, 'DIR MI 'BYUNG NGO ZHES BYA BA GSUNGS SO, ,CI'I PHYIR ZHE NA, 'DUL BAR BYED PA LA SOGS PA RNAMS KYI 'BRAS BU NI NYE BAR 'DUN PAR BYED PA YIN PA'I PHYIR RO ZHES BYA BA NI 'DI LTAR 'DUL BAR BYED PA DANG, 'DZUD PAR BYED PA DANG, RAB TU 'JOG PAR BYED PA RNAMS KYI 'BRAS BU NI NYE BAR 'DUN PAR BYED PA YIN LA, NYE BAR 'DUN PAR BYED PA YANG YANG DAG PAR LEN DU 'JUG PA KHO NA YIN NO, ,RNAM GRANGS KYIS ZHES BYA BA RGYAS PAR SMRAS TE, 'O NA RNAM GRANGS KYIS NYE BAR 'DUN PAR BYED PA 'DI LTA STE, SBYOR BAR BYA BA NI RIGS SO ZHES BYA BA RGYAS PAR 'BYUNG BA LA NYE BAR 'DUN PAR BYED PA NI TSIG NYID KYIS MA YIN PAR SBYOR BAR BYA BA NI RIGS SO ZHES RGYAS PAR 'BYUNG BA DANG, DE BZHIN DU RNAM GRANGS KYIS 'DUN PA ZLOG PAR BYED PA NI KUN DGA' BO DGE SLONG 'DU 'DZI LA KUN DGA' BA DANG ZHES BYA BA RGYAS PAR 'BYUNG BA LA, 'DUN PA ZLOG PAR BYED PA YANG TSIG DE NYID KYIS MA YIN PAR KUN DGA' BO 'DU 'DZI LA KUN DGA' BA DANG ZHES BYA BA RGYAS PAR 'BYUNG BA GANG YIN PA DE DAG CI DGOS PA BZHI LAS GZHAN DGOS PA LNGA PA 'AM DRUG PA GZHAN ZHIG TU 'GYUR RAM, 'ON TE YANG DAG PAR BSTAN PA LA SOGS PA DE DAG LAS GANG YANG RUNG BA ZHIG TU 'DUS SAM ZHE NA, 'DIR DE DAG KYANG ZHES BYA BA GSUNGS TE, NYE BAR 'DUN PAR BYED PA DANG, 'DUN PA ZLOG PAR BYED PA DAG KYANG NGO, ,'DUL BA BAG MED PA'I RANG BZHIN CAN GYI ZHES BYA BA NI 'DUL BA BAG MED PA'I RIGS CAN GYI'O, ,DBANG DU MDZAD NAS YANG DAG PAR LEN DU 'JUG PA YIN LA ZHES BYA BA NI SBYOR BAR BYA BA'I RIGS SO ZHES @144B BYA BA RGYAS PAR 'BYUNG BA STE NYE BAR 'DUN PAR BYED PA NI YANG DAG PAR LEN DU 'JUG PA YIN NO, ,KUN DGA' BO DGE SLONG 'DU 'DZI LA KUN DGA' BA DANG ZHES PA 'DUN PA ZLOG PAR BYED PA YANG YANG DAG PAR LEN DU 'JUG PA KHO NA YIN TE, 'DI LTAR 'JUG PA LA 'DUN PA ZLOG PA'I PHYIR LDOG PA YANG DAG PAR LEN DU 'JUG PA YIN NO, ,KUN DU RMONGS PA'I DBANG DU MDZAD NAS NI YANG DAG PAR BSTAN PA ZHES BYA BA NI GDUL BA MI SHES PA LA SOGS PAS KUN DU RMONGS BA'I RANG BZHIN CAN GYI DBANG DU MDZAD NAS NI NYE BAR 'DUN PAR BYED PA YANG YANG DAG PAR BSTAN PA YIN LA, 'DUN PA ZLOG PAR BYED PA YANG DAG PAR BSTAN PA YIN NO, ,SMRAS PA, JI LTAR BYAS PAS SHE NA, SBYOR BAR BYA BA NI RIGS SO ZHES BYA BA RGYAS PAR 'GYUR BAS NYE BAR 'DUN PAR BYED PA NI YANG DAG PAR BSTAN PA YIN LA, DE BZHIN DU KUN DGA' BO DGE SLONG 'DU 'DZI LA KUN DGA' BA DANG ZHES BYA BA RGYAS PAR 'BYUNG BAS 'DUN PA ZLOG PAR BYED PA NI YANG DAG PAR BSTAN PA YIN TE, 'DIR RIGS PA DANG RIGS PA MA YIN PA NYID GNYIS YANG DAG PAR STON PA'I PHYIR RO ZHES BYA BA GSUNGS SO, ,RIGS PA DANG RIGS PA MA YIN PA NI RIGS PA DANG RIGS PA MA YIN PA'O, , DE'I DNGOS PO NI RIGS PA DANG RIGS PA MA YIN PA NYID DE, DE GNYIS YANG DAG PAR STON PA'I PHYIR RO, ,'DI LTAR MDO SDE'I DUM BU DANG POS NI RMONGS PA'I DBANG DU MDZAD NAS RIGS PA YANG DAG PAR BSTAN PA YIN NO, ,JI LTAR BYAS PAS SHE NA, SBYOR BAR BYA BA NI RIGS SO ZHES BYA BA SMOS TE, 'DI LTAR DON 'DI NI SBYOR BAR BYA BA NI RUNG NGO ZHES BYA BA NI 'DI YIN PAR MNGON TE, SBYOR BA'I SGRA'I DON NI BRTZON 'GRUS YIN PA'I PHYIR LA RIGS PA'I SGRA'I DON NI RUNG BA YIN PA'I PHYIR RO, ,DE NAS 'DI SKAD DU BRTZON 'GRUS LA SBYOR BAR BYA BA NI RUNG BA YIN NO ZHES BSTAN PA YIN NO, ,BAG YOD PAR BYA BA NI RIGS SO ZHES BYA BA NI BAG YOD PAR BYA BA NI RUNG BA YIN TE, MI MTHUN PA'I PHYOGS YONGS SU SPANGS PA ZHES BYA BA'I THA TSIG GO, ,STON PA'I BSTAN PA LA RNAL 'BYOR DU BYA BA NI RIGS SO ZHES BYA BA NI STON PA'I BSTAN PA LA MI MTHUN PA'I PHYOGS KYIS @145A *, ,GNYEN PO BSTEN PA NI RUNG BA YIN NO ZHES BYA BA'I THA TSIG GO, ,KUN DGA' BO DGE SLONG 'DU 'DZI LA KUN DGA' BA DANG ZHES BYA BA LA SOGS PA MDO SDE'I DUM BU GNYIS PAS KYANG RIGS PA MA YIN PA NYID YANG DAG PAR BSTAN PA'I PHYIR TE, 'DI LTAR KUN DGA' BO DGE SLONG 'DU 'DZI LA KUN DGA' BA NI RUNG BA MA YIN NO ZHES BYA BAR MNGON NO, ,DE LTAR NA DE DAG NI YANG DAG PAR LEN DU 'JUG PA DANG, YANG DAG PAR BSTAN PAR 'DUS TE DGOS PA GZHAN GNYIS SU MI 'GYUR RO, ,CI LA BRTEN NAS SHE NA, BRTZON 'GRUS BRTZAMS PA LA'O ZHES BYA BA NI SPYOR BAR BYA BA NI RIGS SO ZHES BYA BA'I TSIG 'DIS NYE BAR 'DUN PAR BYED DO, ,CI ZHIG BYA ZHE NA, MI MTHUN PA'I PHYOGS SPANGS PA DANG ZHES BYA BA NI BAG YOD PAR BYA BA NI RIGS SO ZHES BYA BA'I TSIG 'DIS NYE BAR LEN PAR BYED LA, GNYEN PO'I PHYOGS BSTEN PAR BYA'O ZHES BYA BA NI STON PA'I BSTAN PA LA RNAL 'BYOR DU BYA BA NI RIGS SO ZHES BYA BA'I TSIG 'DIS NYE BAR 'DUN PAR BYED DO, ,GZHAN YANG GDUL BA LE LO CAN GYI DBANG DANG ZHES BYA BA RGYAS PAR 'BYUNG BA LA, GZHAN YANG ZHES BYA BA NI RNAM GRANGS GZHAN YANG NGO, ,GDUL BA LE LO CAN GYI RANG BZHIN CAN LAS BRTZAMS NAS NYE BAR 'DUN PAR BYED PA NI 'DI YIN TE, SBYOR BAR BYA BA NI RIGS SO ZHES BYA BA'I TSIG 'DIS RIG PAR BYA'O, ,GDUL BA RNYED PA DANG BKUR STI'I DON DU THOS PA DANG BSAM PA LA BRTZON PA'I RANG BZHIN CAN LAS BRTZAMS NAS NYE BAR 'DUN PAR BYED PA NI 'DI YIN TE, BAG YOD PAR BYA BA NI RIGS SO ZHES BYA BA'I TSIG 'DIS RIG PAR BYA'O, ,GDUL BA TING NGE 'DZIN TZAM GYIS CHOG PAR 'DZIN PA'I RANG BZHIN CAN LAS BRTZAMS NAS NYE BAR 'DUN PAR BYED PA 'DI YIN TE, STON PA'I BSTAN PA LA RNAL 'BYOR DU BYA BA NI RIGS SO ZHES BYA BA'I TSIG 'DIS RIG PAR BYA'O, , GZHAN YANG ZHES BYA BA RGYAS PAR 'BYUNG BA LA TING NGE 'DZIN LA NYE BAR 'DUN PAR BYED PA NI SBYOR BAR BYA BA NI RIGS SO ZHES BYA BA TSIG DANG PO 'DIS SO, ,DE LA RO MYANG BA MED PA ZHES BYA BA NI TING NGE 'DZIN LA RO MYANG BA MED PAR TE, BAG YOD PAR BYA BA NI RIGS SO ZHES BYA BA'I TSIG GNYIS PA 'DIS @145B SO; ,DE TZAM GYIS CHOG MI SHES PA NI STON PA'I BSTAN PA LA RNAL 'BYOR DU BYA BA NI RIGS SO ZHES BYA BA'I TSIG GSUM PA 'DIS 'DUN PAR BYED PA YIN NO, ,LUNG LAS NI GO RIMS BZHIN DU ZHES BYA BA RGYAS PAR 'BYUNG BA NI LHAG PA'I TSUL KHRIMS LAS BRTZAMS NAS NI SBYOR BAR BYA BA NI RIGS SO ZHES BYA BA'I TSIG DANG PO 'DIS NYE BAR 'DUN PAR BYED DO, ,LHAG PA'I SEMS LAS BRTZAMS NAS NI TSIG GNYIS PAS SO, ,LHAG PA'I SHES RAB LAS BRTZAMS NAS NI TSIG GSUM PAS SO, ,TSIG GSUM PO DE DAG RIG PAR BYA STE ZHES BYA BA NI GO RIMS BZHIN DU DA LTAR BYUNG BA'I 'DU 'DZI LAS BRTZAMS NAS NI KUN DGA' BO DGE SLONG 'DU 'DZI LA KUN DGA' BA ZHES BYA BA'I TSIG DANG PO 'DI YIN PAR RIG PAR BYA'O, ,'DAS PA'I 'DU 'DZI LAS BRTZAMS NAS NI 'DU 'DZI LA DGA' BA ZHES BYA BA'I TSIG GNYIS PA 'DI YIN PAR RIG PAR BYA'O, ,MA 'ONGS PA'I 'DU 'DZI LAS BRTZAMS NAS NI 'DU 'DZI LA KUN DGA' BA'I SBYOR BA LA RJES SU BRTZON ZHING GNAS PA NI LEGS PA MA YIN NO ZHES BYA BA'I TSIG GSUM PA 'DI YIN PAR RIG PAR BYA'O, ,DE LA DGA' BA DANG, RO MYONG BAR BYED PA DANG, MNGON PAR DGA' BA'I PHYIR RO ZHES BYA BA NI 'DI LTAR DA LTAR BYUNG BA'I 'DU 'DZI LA NI DGA', 'DAS PA LA NI RO MYONG BAR BYED, MA 'ONGS PA LA NI MNGON PAR DGA' STE, DE'I PHYIR 'DAS PA LA SOGS PA'I 'DU 'DZI LAS BRTZAMS NAS TSIG GSUM DAG RIG PAR BYA'O, ,SPONG BA LA KUN DGA' BA ZHES BYA BA DE LA YANG DE BZHIN NO ZHES BYA BA NI DA LTAR BYUNG BA DANG, 'DAS PA DANG MA 'ONGS PA'I SPONG BA LAS BRTZAMS NAS TSIG GSUM PO DAG RIG PAR BYA STE, SPONG BA LA KUN DGA' BA DANG, SPONG BA LA DGA' BA DANG, SPONG PA LA KUN DGA' BA'I SBYOR BA LA RJES SU BRTZON PA YIN ZHES BYA BA RGYAS PAR 'BYUNG BA MDO SDE'I DUM BU 'DI YIN NO,, SPONG BA LA KUN DGA' BA ZHES BYA BA NI DA LTAR BYUNG BA'I SPONG BA LAS BRTZAMS NAS SO, ,SPONG BA LA DGA' BA ZHES BYA BA NI 'DAS PA LAS SO, ,SPONG BA LA KUN DGA' BA'I SBYOR BA LA RJES SU BRTZON PA ZHES BYA BA NI MA 'ONGS PA LAS SO, ,'DI LTA STE ZHES BYA BA RGYAS PAR 'BYUNG BA NI 'DI LTA STE, YANG @146A *, ,DAG PAR LDAN PA'I LUNG LAS DGE SLONG DAG GZUGS YOD PA 'DI LA MI RTAG PAR YANG DAG PAR RJES SU LTA BA DE LA NI YANG DAG PA'I LTA BA DE 'BYUNG STE, YANG DAG PAR MTHONG NA SKYO ZHING DGA' BA ZAD PA'I PHYIR 'DOD CHAGS ZAD PAR 'GYUR LA, DGA' BA DANG 'DOD CHAGS ZAD PA LAS SEMS SHIN TU RNAM PAR GROL BA YIN NO ZHES SMRA'O, ,DGE SLONG DAG DGE SLONG TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YOD PA 'DI LA MI RTAG PAR YANG DAG PAR RJES SU LTA BA DE LA NI YANG DAG PA'I LTA BA DE 'BYUNG STE, YANG DAG PA MTHONG NA SKYO ZHING DGA' BA ZAD PA'I PHYIR 'DOD CHAGS ZAD PAR 'GYUR LA, DGA' BA DANG 'DOD CHAGS ZAD PA LAS SEMS RAB TU RNAM PAR GROL BA YIN NO ZHES SMRA'O, ,DE LTAR DGE SLONG SEMS YANG DAG PAR SHIN TU RNAM PAR GROL NA, GAL TE 'DOD NA BDAG NYID KYIS BDAG NYID LA BDAG GI SKYE BA ZAD DO, ,TSANGS PAR SPYOD PA SPYAD DO, ,BYA BA BYAS SO, ,'DI LAS SRID PA GZHAN MI SHES SO ZHES LUNG STON PAR BYED DO ZHES BYA BA LA SOGS PA'I MDO SDE STE, CI ZHIG YONGS SU SHES PAR BYA ZHE NA, GZUGS LA SOGS PA SDUG BSNGAL GYI BDEN PAS BSDUS PA'O ZHES BYA BA BSTAN PA STE, TSIG GANG GIS SHE NA, GZUGS NAS RNAM PAR SHES PA ZHES BYA BA'I BAR 'DIS SO, ,JI LTAR YONGS SU SHES PAR BYA ZHE NA MI RTAG PAR RO ZHES BYA BA NI, MI RTAG PAR ZHES BYA BA'I TSIG 'DIS BSTAN TO, ,YONGS SU SHES PA GANG ZHE NA, YANG DAG PA'I LTA BA'O, ,TSIG GANG GIS BSTAN ZHE NA, DE LA YANG DAG PA'I LTA BA DE 'BYUNG STE ZHES BYA BA 'DIS SO, ,YONGS SU SHES PA'I 'BRAS BU GANG YIN ZHE NA, SKYO BA LA SOGS PA'I RIM GYIS SEMS SHIN TU RNAM PAR GROL BA NYID DO, ,JI LTAR NA SKYO BA LA STZOGS PA'I RIM GYIS SHE NA, YANG DAG PAR MTHONG NA SKYO ZHING DGA' BA ZAD PA'I PHYIR 'DOD CHAGS ZAD PAR 'GYUR LA, DGA' BA CAN DANG 'DOD CHAGS ZAD PA LAS SEMS SHIN TU RNAM PAR GROL BA YIN NO ZHES SMRA'O ZHES BYA BA STE, DE LTA BU NI SKYO BA LA SOGS PA RIM GYIS SO, ,TSIG 'DI DAG GIS NI YONGS SU SHES PA'I 'BRAS BU @146B BSTAN TO, ,DE RJOD PAR BYED PA GANG YIN ZHE NA, KUN DU STON PAR BYED PA GANG YIN PA DE YIN TE, BDAG NYID KYIS BDAG NYID LA BDAG GI SKYE BA ZAD DO ZHES BYA BA DE LTA BU LA SOGS PAR LUNG STON PAR BYED DO ZHES BYA BA'I TSIG 'DIS SO, ,DE RJOD PAR BYED DE ZHES BYA BA NI SEMS SHIN TU RNAM PAR GROL BA NI LUNG STON PA'O ZHES BYA BA'I TSIG GO, ,BSDU NA ZHES BYA BA RGYAS PAR 'BYUNG BA NI BSDU NA MDO SDE 'DIR YANG DAG PA JI LTA BA BZHIN DU MTHONG BA YIN BAR BSTAN TE, TSIG GANG GIS SHE NA DE LAS YANG DAG PA'I LTA BA DE 'BYUNG STE ZHES BYA BA 'DIS SO, ,SKYO BA BSTAN PA NI TSIG GANG GIS SHE NA, YANG DAG PA MTHONG NA SKYO ZHING ZHES BYA BA 'DIS SO, ,'DOD CHAGS DANG BRAL BA BSTAN PA NI TSIG GANG GIS SHE NA, DGA' BA ZAD PA'I PHYIR 'DOD CHAGS ZAD PAR 'GYUR LA ZHES BYA BA 'DIS SO, ,RNAM PAR GROL BA BSTAN PA NI TSIG GANG GIS SHE NA SEMS SHIN TU RNAM PAR GROL BA YIN NO ZHES SMRA'O ZHES BYA BA 'DIS SO, ,RNAM PAR GROL BA'I YE SHES MTHONG BA BSTAN PA NI TSIG GANG GIS SHE NA, BDAG GI SKYE BA ZAD DO ZHES BYA BA RGYAS PAR 'BYUNG BAS SO, ,DE LTAR NA SEMS MNYAM PAR GZHAG NA YANG DAG PA JI LTA BA BZHIN DU RAB TU SHES YANG DAG PA JI LTA BA BZHIN DU MTHONG NGO, ,YANG DAG PA JI LTA BA BZHIN DU SHES, YANG DAG PA JI LTA BA BZHIN DU MTHONG NA SKYO BAR 'GYUR, SKYO NA 'DOD CHAGS DANG BRAL BAR 'GYUR, 'DOD CHAGS DANG BRAL NA RNAM PAR GROL BAR 'GYUR, RNAM PAR GROL NA BDAG GI SKYE BA ZAD DO ZHES BYA BA NAS RGYAS PAR RNAM PAR GROL BA NYID DU SHES PA MTHONG BA 'BYUNG NGO ZHES BYA BA'I MDO SDE 'DI THAMS CAD BSTAN PA YIN NO, ,RE ZHIG GCIG LA DU MA 'BYUNG BA ZHES BYA BA RGYAS PAR 'BYUNG BA LA SEMS KYI RNAM GRANGS MNGON PAR SHES PA BSTAN PA LAS SEMS 'DOD CHAGS DANG BCAS NA SEMS 'DOD CHAGS DANG BCAS SO SNYAM DU YANG DAG PA JI LTA BA BZHIN DU RAB TU SHES SEMS 'DOD CHAGS DANG BRAL NA SEMS 'DOD CHAGS DANG BRAL LO SNYAM DU YANG DAG PA JI LTA BA BZHIN DU RAB TU SHES SO, ,'DOD CHAGS DANG BCAS PA DANG, 'DOD CHAGS DANG BRAL BA JI LTA BA DE BZHIN DU ZHE SDANG DANG BCAS PA DANG, @147A *, ,ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, BSDUS PA DANG, RNAM PAR G-YENGS PA DANG, ZHUM PA DANG, RAB TU GZUNG BA DANG, RGOD PA DANG, RGOD PA MA YIN PA DANG, NYE BAR MA ZHI BA DANG, NYE BAR ZHI BA DANG, MNYAM PAR MA BZHAG PA DANG, MNYAM PAR BZHAG PA DANG, MA BSGOMS PA DANG, BSGOMS PA DANG, SEMS RNAM PAR MA GROL BA LA SEMS RNAM PAR MA GROL LO SNYAM DU YANG DAG PA JI LTA BA BZHIN DU RAB TU SHES, SEMS RNAM PAR GROL BA LA SEMS RNAM PAR GROL LO SNYAM DU YANG DAG PA JI LTA BA BZHIN DU RAB TU SHES SO ZHES BYA BA STE, DE LAS NI TSIG DE DAG 'BYUNG NGO, RE ZHIG TSIG GCIG LA DON DU MA BYUNG BA NI, 'DOD CHAGS DANG BRAL BA DANG, ZHE SDANG DANG BRAL BA DANG, GTI MUG DANG BRAL BA ZHES BYA BA TSIG 'DI RNAMS LA NI RE RE LA YANG DON DU MA BYUNG NGO, ,DE DAG DANG MI LDAN PAR SHES PAR BYA STE ZHES BYA BA NI 'DOD CHAGS LA SOGS PA DAG DANG MI LDAN PA YIN PAR SHES PAR BYA'O ZHES BYA BA'I THA TSIG GO, ,JI LTAR SHES SHE NA, KUN DU CHAGS PA MA YIN PA'I CHOS CAN ZHES BYA BA LA SOGS PA GSUNGS PA'I PHYIR ZHES BYA BAR RGYAS PAR 'BYUNG BA'O, ,JI LTAR BYAS PAS SHE NA, MA ZLA BA'I BU MO'I BU'I MDO LAS RGYAS PAR BKA' STZAL NAS MA ZLA BA'I BU MO'I BU LHAS BYIN DGE SLONG RNAMS LA 'DI LTAR TSE DANG LDAN PA DAG DGE SLONG SEMS KYIS SEMS SHIN TU SBYANGS PA DE'I SEMS DE NI 'DOD CHAGS DANG BRAL BA DANG, ZHE SDANG DANG BRAL BA DANG, GTI MUG DANG BRAL BA YIN TE, KUN DU CHAGS PA MA YIN PA'I CHOS CAN, KUN DU ZHE SDANG BA MA YIN PA'I CHOS CAN, KUN DU GTI MUG PA MA YIN PA'I CHOS CAN, 'DOD PA'I SRID BA DANG, GZUGS KYI SRID PA DANG, GZUGS MED PA'I SRID PAR MI LDOG PA'I CHOS CAN YIN NO ZHES CHOS DANG MI LDAN PA'I GTAM DE LTA BU MI STON PA'I DGE SLONG DE BDAG GI SKYE BZAD DO, ,TSANGS PAR SPYOD PA SPYAD DO, ,BYA BA BYAS SO, ,'DI LAS SRID BA GZHAN MI SHES SO ZHES LUNG BSTAN PAR RUNG BA YIN NAM, TSE DANG LDAN PA SH'A RI'I BU MA YIN NO ZHES 'BYUNG BA STE, DE LTAR NA @147B KUN DU CHAGS PA MA YIN PA'I CHOS CAN ZHES BYA BA LA SOGS PA GSUNGS PA'I PHYIR DANG, PHYIR MI LDOG PA'I CHOS CAN ZHES GSUNGS PA'I PHYIR TE, YONGS SU NYAMS PA MED PA DANG, PHYIR LDOG PA MED PAS ZHES BYA BA SMOS TE, YONGS SU NYAMS PA MED PA'I DBANG DU MDZAD NAS GSUNGS PA'I PHYIR DANG, PHYIR LDOG PA MED PA'I DBANG DU MDZAD NAS GSUNGS PA'I PHYIR RO ZHES BYA BA'I THA TSIG GO, ,'DI SKAD DU YONGS SU NYAMS PA MED PA'I DBANG DU MDZAD NAS KUN DU 'DOD CHAGS MA YIN PA'I CHOS CAN GSUNGS PA'I PHYIR DANG, KUN DU ZHE SDANG MA YIN PA'I CHOS CAN GSUNGS PA'I PHYIR DANG, KUN DU GTI MUG MA YIN PA'I CHOS CAN GSUNGS PA'I PHYIR DE DAG DANG MI LDAN PAR SHES PAR BYA'O, ,DE BZHIN DU PHYIR MI LDOG PA MED PA'I DBANG DU MDZAD NAS NI PHYIR MI LDOG PA'I CHOS CAN ZHES GSUNGS PA'I PHYIR TE, 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PAR MI LDOG PA'I CHOS CAN YIN PAS DE DAG DANG MI LDAN PAR SHES PAR BYA'O, ,CI'I PHYIR KUN DU CHAGS PA MA YIN PA'I CHOS CAN ZHES BYA BA LA SOGS PA GSUNGS PA'I PHYIR DANG ZHES DE LTAR RGYAS PAR BSTAN ZHE NA, PHYI ROL PA'I 'DOD CHAGS DANG BRAL BA DANG CHOS DANG MI MTHUN PA'I PHYIR TE, PHYI ROL PA'I 'DOD CHAGS DANG BRAL BA LAS NYAMS PAR 'GYUR LA, GAL TE DE'I SA'I 'DOD CHAGS DANG BRAL BA LAS DE'I TSE YONGS SU NYAMS PAR 'GYUR, YANG GDON MI ZA BAR DE DAG LAS SA 'OG MAR LDOG PAR NI 'GYUR RO, ,DE DANG CHOS MI MTHUN PA NI SLOB PA STE, DE'I PHYIR DE LTAR BSTAN TO, ,MA CHAGS PA LA SOGS PA DAG DANG, MTSUNGS PAR LDAN PAR SHES PAR BYA'O ZHES BYA BA NI DGE BA'I RTZA BA MA CHAGS PA DANG, ZHE SDANG MED PA DANG, GTI MUG MED PA RNAMS DANG MTSUNGS PAR LDAN PAR SHES PAR BYA'O ZHES BYA BA'I THA TSIG GO, ,'DOD CHAGS LA SOGS PA DAG DANG MI LDAN PA YANG MA YIN LA LUNG DU MA BSTAN PA YANG MA YIN PAR SHES PAR BYA'O, ,CI'I PHYIR ZHE NA, SO SOR THAR PA'I DBANG DU MDZAD PA'I PHYIR TE, YAN LAG LNGA PA'I PHYVA MKHAN GYI MDO LAS RGYAS PAR GSUNGS NAS, MI DGE BA'I NGANG TSUL DE DAG GANG DU @148A *, ,LHAG MA 'GAG CING GANG DU LHAG MA MA LUS PAR YONGS SU ZAD PA DANG, YONGS SU GTUGS PAR 'GYUR RO ZHE NA, PHYVA MKHAN 'DI LA DGE SLONG TSUL KHRIMS DANG LDAN PA, SO SOR THAR PA'I SDOM PAS BSDOMS PA, SPYOD YUL DANG CHO GA PHUN SUM TSOGS PA, KHA NA MA THOB PHRA RAB TZAM LA YANG 'JIGS PAR LTA BA, BSLAB PA'I GZHI RNAMS YANG DAG PAR BLANGS NAS SLOB PA YIN ZHES RGYAS PAR 'BYUNG PAS DE LTAR NA SO SOR THAR PA'I SDOM PA'I DBANG DU MDZAD PA'I PHYIR MA CHAGS PA LA SOGS PA DAG DANG MTSUNGS PAR LDAN PAR SHES PAR BYA'O ZHES BYA BA RGYAS PAR GSUNGS SO, ,'DOD CHAGS LA SOGS PA DAG DANG MTSUNGS PAR LDAN PA MA YIN PAR SHES PAR BYA'I ZHES BYA BA NI 'DOD CHAGS LA SOGS PA MNGON DU MA GYUR PA YIN PAR SHES PAR BYA'O ZHES BYA BA'I THA TSIG GO, ,GDON MI ZA BAR MA CHAGS PA LA SOGS PA DANG MTSUNGS PAR LDAN PA YANG MA YIN PAR SHES PAR BYA STE, CI'I PHYIR ZHE NA, GAL TE DGE BA ZAG PA DANG BCAS PA MA YIN YANG LUNG DU BSTAN PAR 'GYUR BAS SO, ,CI'I PHYIR MI LDAN PA MA YIN ZHE NA ZHES BYA BA RGYAS PAR RNAM PAR GTAN LA DBAB PA RTZOM MO, ,DE LOGS SHIG TU BSTAN PAR MI 'GYUR LA ZHES BYA BA NI SEMS RNAM PAR GROL BA LA SEMS RNAM PAR GROL LO SNYAM DU YANG DAG PA JI LTA BA BZHIN DU RAB TU SHES SO ZHES BYA BAR 'DOD CHAGS LA SOGS PA DANG MI LDAN PA'I SEMS DE LOGS SHIG TU BSTAN PAR MI 'GYUR RO, ,MNGON PAR SHES PA BYI BO DAG TU YANG ZHES BYA BA NI 'DI LAS PHYI ROL PA RNAMS KYI MNGON PAR SHES PA LNGA PO GANG DAG YIN PA DE DAG NI MNGON PAR SHES PA BYI BO DAG CES BYA STE, DE DAG TU YANG 'DOD CHAGS LA SOGS PA DANG BRAL BA SMOS PAR MI 'GYUR TE RNAM PAR GROL BA BZHIN NO ZHES BYA BA NI JI LTAR DER SEMS RNAM PAR GROL BA LA SEMS RNAM PAR GROL LO SNYAM DU YANG DAG PA JI LTA BA BZHIN DU RAB TU SHES SO ZHES BYA BA 'DI SMOS BA MED PA DE BZHIN DU 'DOD CHAGS LA SOGS PA DANG BRAL BA YANG SMOS PAR MI 'GYUR TE, CI'I PHYIR ZHE NA 'DOD CHAGS LA SOGS PA DANG BRAL BA GANG YIN PA DE NYID RNAM PAR GROL BA YIN PAS @148B SO; ,GZHAN YANG GAL TE 'DOD CHAGS LA SOGS PA DANG BRAL BA DE DANG MI LDAN PA YIN NA ZHES BYA BA NI 'DOD CHAGS LA SOGS PA DANG MI LDAN PA YIN ZHES BYA BA'I THA TSIG GO, ,'DOD CHAGS DANG BCAS PA LA SOGS PA DE DAG DANG LDAN PA YIN GYI ZHES BYA BA NI 'DOD CHAGS LA SOGS PA'I 'THOB PA DANG 'BREL PA YIN GYI ZHES BYA BA'I THA TSIG GO, ,'DI NI 'DOD CHAGS DANG BCAS PA'O, ,'DI NI ZHE SDANG DANG BCAS PA'O, ,'DI NI GTI MUG DANG BCAS PA'O ZHES THA DAD PAR SMOS PAR MI 'GYUR TE, CI'I PHYIR ZHE NA, GCIG LA YANG GSUM CHAR DANG LDAN PA'I PHYIR TE, 'DI LTAR 'DOD CHAGS LA SOGS PA DANG BCAS PA NI GANG YANG RUNG BA CIG LA YANG 'DOD CHAGS DANG ZHE SDANG DANG GTI MUG GSUM CHAR DANG LDAN PA NYID DO, ,GZHAN YANG SEMS RNAM PAR MA GROL BA LA SEMS RNAM PAR MA GROL BA'O SNYAM DU YANG DAG PA JI LTA BA BZHIN DU RAB TU SHES SO ZHES BYA BA'I RNAM PAR MA GROL BA YANG LOGS SHIG TU SMOS PAR MI 'GYUR RO, ,DE CI'I PHYIR ZHE NA, 'DOD CHAGS LA SOGS PA DANG BCAS PA GANG YIN PA DE NYID RNAM PAR MA GRAL BA YIN PAS SO, ,DE LTAR BKAG NA JI LTAR NA SEMS 'DOD CHAGS DANG BCAS PA LA SEMS 'DOD CHAGS DANG BCAS SO SNYAM DU YANG DAG PA JI LTA BA BZHIN DU RAB TU SHES SO ZHES RGYAS PAR GANG GSUNGS PA 'DOD CHAGS DANG BCAS PA LA SOGS PA THA DAD PAR SMOS PAR 'GYUR LA, SEMS 'DOD CHAGS DANG BRAL BA LA, SEMS 'DOD CHAGS DANG BRAL LO SNYAM DU YANG DAG PA JI LTA BA BZHIN DU RAB TU SHES SO ZHES RGYAS PAR GANG GSUNGS PA 'DOD CHAGS DANG BRAL BA LA SOGS PA YANG DE DANG MI LDAN PAR 'GYUR, 'DI SKAD DU GAL TE NAG PO'I PHYOGS DANG MTHUN PA DE DANG MTSUNGS PAR LDAN PA YIN LA ZHES BYA BA SMOS TE, 'DOD CHAGS LA SOGS PA DANG MTSUNGS BAR LDAN PA YIN LA ZHES BYA BA'I THA TSIG GO, ,DKAR PO'I PHYOGS DANG MTHUN PA NI DE DANG MI LDAN PA YIN NA ZHES BYA BA NI ZAG PA DANG BCAS PA 'AM, ZAG PA MED PA NI 'DOD CHAGS LA SOGS PA DANG MI LDAN PA YIN NO ZHES BYA BA'I THA TSIG GO, ,BSHAD PA CIR 'GYUR ZHE NA @149A *, ,ZHES SMRAS PA GANG YIN PA LA, SEMS RNAM PAR GROL BA LA SEMS RNAM PAR GROL LO SNYAM DU YANG DAG PA JI LTA BA BZHIN DU RAB TU SHES SO ZHES BYA BA'I RNAM PAR GROL BA LOGS SHIG TU SMOS PAR MI 'GYUR ZHING, 'DOD CHAGS LA SOGS PA DANG ZHES BYA BA RGYAS PAR SMOS PA'I SKYON 'DI YANG YOD DE, 'DOD CHAGS DANG ZHE SDANG DANG GTI MUG RNAMS DANG MTSUNGS PAR LDAN PA YANG MA YIN LA MI LDAN PA YANG MA YIN PA GANG YIN PA STE, 'DOD CHAGS LA SOGS PA'I 'THOB PA MA CHAD PA'O, ,CI 'DRA BA ZHIG CE NA, DGE BA ZAG BA DANG BCAS PA DANG, LUNG DU MA BSTAN PA GANG YIN PA STE, DE YANG SMOS PAR MI 'GYUR RO, ,DE NI NAG PO'I PHYOGS DANG MTHUN PA YANG MA YIN TE, 'DOD CHAGS LA SOGS PA DANG MTSUNGS PAR MI LDAN PA'I PHYIR RO, ,DKAR PO'I PHYOGS DANG MTHUN PA YANG MA YIN TE, DE DANG MI LDAN PA MA YIN PAS SO, ,RE ZHIG CES BYA BA RGYAS PAR 'BYUNG BA LA, RE ZHIG 'DOD CHAGS LA SOGS PA LAS GZHAN PA THE TSOM LA SOGS PA NYON MONGS PA GZHAN DANG, NGO TSA MED PA LA SOGS PA NYE BA'I NYON MONGS PA THAMS CAD DANG MTSUNGS PAR LDAN PA'I SEMS KYANG JI LTAR SMOS PAR 'GYUR TE, DER NI THE TSOM DANG BCAS PA'I SEMS LA THE TSOM DANG BCAS PA'I SEMS ZHES RGYAS PAR MA GSUNGS LA, DE YANG DAG PA JI LTA BA BZHIN DU RAB TU MI SHES PA YANG MA YIN NO, ,DGE BA ZAG PA DANG BCAS PA DANG, LUNG DU MA BSTAN PA SMOS PA DE LA YANG DE BZHIN DU 'GYUR TE, DE YANG SHES PAR 'GYUR RO ZHE NA, DE LTA MA YIN TE, CI'I PHYIR ZHE NA, TSOR BA RNAM PA GSUM LA GNAS PA'I SEMS KYI ZHES BYA BA RGYAS PAR GSUNGS TE, TSOR BA RNAM PA GSUM LA GNAS PAS NA, TSOR BA RNAM PA GSUM LA GNAS PA'O, ,DE DANG MTSUNGS PAR LDAN PA ZHES BYA BA NI TSOR BA RNAM PA GSUM LA GNAS PA'I SEMS DE NGANG MTSUNGS PAR LDAN PA'I ZHES BYA BA'I THA TSIG GO, ,NYON MONGS PA'I RTZA BA GSUM PO DAG SMOS PA'I PHYIR ZHES BYA BA NI 'DOD CHAGS DANG, ZHE SDANG DANG GTI MUG GSUM PO DAG SMOS PA'I PHYIR RO ZHES BYA BA'I THA @149B TSIG GO, ,DE LA GNAS PA'I SEMS DANG MTSUNGS PAR LDAN PA ZHES BYA BA NI TSOR BA RNAM PA GSUM LA GNAS PA'I SEMS DANG MTSUNGS PAR LDAN PAS NA TSOR BA RNAM PA GSUM LA GNAS PA'I SEMS DANG MTSUNGS PAR LDAN PA STE DE'I NYON MONGS PA DANG, NYE BA'I NYON MONGS BA ZHES BYA BA DE LA NYON MONGS PA RNAMS NI 'DOD CHAGS LA SOGS PA GSUM PO LAS GZHAN PA RNAMS YIN LA NYE BA'I NYON MONGS PA RNAMS NI THAMS CAD YIN PAS NYON MONGS PA DANG, NYE BA'I NYON MONGS PA DE DAG SMOS PA KHO NA YIN TE, DE DANG MTSUNGS PAR LDAN PA'I SEMS MA SMOS PA MA YIN NO,, 'ON TANG CI ZHE NA SMOS PA KHO NA'O, ,DE'I PHYOGS DANG MTHUN PA GZHAN RNAMS KYANG ZHES BYA BA LA DE'I PHYOGS NI 'DOD CHAGS LA SOGS PA'I PHYOGS SO, ,'DOD CHAGS LA SOGS PA'I PHYOGS LA YOD PA DAG NI DE'I PHYOGS DANG MTHUN PA STE, DE RNAMS NI DE'I PHYOGS DANG MTHUN PA RNAMS SO; ,GANG GIS CI'I PHYIR MI LDAN PA MA YIN ZHE NA ZHES SMOS PA DE NYID NA RE GAL TE 'O NA 'DOD CHAGS DANG MTSUNGS PAR LDAN PA MA YIN PA NI 'DOD CHAGS DANG BRAL BA YIN NA ZHE SDANG DANG MTSUNGS PAR LDAN PA YANG 'DOD CHAGS DANG BRAL BA YIN NO ZHE NA ZHES ZER TE, DE YANG 'DOD CHAGS DANG MTSUNGS PAR LDAN PA MA YIN NO ZHE NA, 'DOD CHAGS DANG MTSUNGS PRA LDAN PA DE LA 'DOD CHAGS DANG BRAL BA ZHES DE LTAR GZUNG BA GO BA MA YIN TE, ZHE SDANG DANG MTSUNGS PAR LDAN PA DE LA NI ZHE SDANG DANG BCAS PA NYID DU GZUNG STE, JI LTA BU DANG MTSUNGS PAR LDAN PAR GZUNG BA'I PHYIR TE, GANG DANG GANG GIS MTSUNGS PAR LDAN PA NI JI LTA BU DANG MTSUNGS PAR LDAN PA'O, ,JI LTA BU DANG MTSUNGS PAR LDAN PA DE GZUNG BA'I PHYIR 'DOD CHAGS DANG BCAS PA DANG, ZHE SDANG DANG BCAS PA DANG, GTI MUG DANG BCAS PA'O ZHES DE LTAR BSTAN TO, ,SMRAS PA, GAL TE DE LTA YIN NA 'DOD CHAGS DANG BRAL BA JI LTAR 'DZIN ZHE NA, 'DOD CHAGS LA SOGS PA DANG BRAL BA NI ZHES BYA BA RGYAS PAR GSUNGS TE, 'DOD CHAGS LA SOGS PA GZHAN DANG YANG MTSUNGS PAR LDAN PA MA YIN PA LAS SO, ,THA DAD PA MA YIN PA YANG GZUNG STE, 'DOD @150A *, ,CHAGS LA SOGS PA THAMS CAD DANG MTSUNGS PAR MI LDAN PA LAS SO, ,'DI GNYIS LA BYE BRAG NI 'DI YOD DE, SNGA MA NI NYON MONGS PA CAN GYIS BAR DU CHOD PA'I PHYIR DGE BA ZAG PA DANG BCAS PA RGYUN DANG MI LDAN PA BAR CHAD DANG BCAS PA YIN PAR GZUNG NGO,, PHYI MA NI ZAG PA DANG BCAS PA RGYUN DANG LDAN PA YIN PAR GZUNG NGO, ,DES DMIGS PA'AM, DE'I THOB PA'I SGO NAS YIN GRANG NA ZHES BYA BA NI 'DOD CHAGS DES DMIGS PA'I PHYIR RAM, 'DOD CHAGS DE'I THOB PA LAS DE DANG LDAN PA YIN GRANG NA, DE GNYIS KYANG DES MI 'DZIN TE ZHES BYA STE, 'DOD CHAGS DE DANG THOB PA DE GNYIS KYANG PHA ROL GYI SEMS SHES PAS MI 'DZIN TO ZHES BYA BA'I THA TSIG GO, ,CI'I PHYIR ZHE NA, PHA ROL GYI SEMS SHES PAS ZHES BYA BA RGYAS PAR GSUNGS SO, ,DE LA DMIGS PA CAN DANG, SEMS DANG MI LDAN PA LA ZHES BYA BA NI PHA ROL GYI SEMS DE LA MI DMIGS PA'O, ,DE 'DOD CHAGS GANG LA YOD PA NI DE LA DMIGS PA CAN NO, ,DE LA DMIGS PA CAN DANG, SEMS DANG MI LDAN PA NI DE LA DMIGS PA CAN DANG SEMS DANG MI LDAN PA DAG STE, DE GNYIS LA DMIGS PA PHA ROL GYI SEMS SHES PA GANG LA YOD PA DE NI DE LA DMIGS PA CAN DANG SEMS DANG MI LDAN PA LA DMIGS PA CAN NO, ,DE LA YANG DE BZHIN DU 'GYUR RO ZHES BYA BA NI 'DOD CHAGS DANG BCAS PA LA BYUNG NGO, ,YANG DPER BRJOD PAR BYA STE ZHES BYA BA NI YANG TSIG GCIG LA DON DU MA 'BYUNG BA ZHES RGYAS PAR 'BYUNG BA'I DPER BRJOD PAR BYA STE'O, ,'DIR GZUGS KYI 'DOD CHAGS ZHES BYA BA 'DI NI DPER BRJOD PA YIN NO, ,THA CHAD DO ZHES BYA BAR MNGON NO ZHES BYA BA NI SMAD PA ZHES BYA BAR MNGON NO ZHES BYA BA'I THA TSIG GO, ,TSIGS KYI SA BON ZHES BYA BA NI TSIGS KYI SA BON NO, ,MANG PO LA NI KHROM GYI RU ZHES BYA BA NI KHROM GYI TSOGS ZHES BYA BAR MNGON NO, ,YID BREL BA ZHES BYA BA NI DMIGS PA SNA TSOGS PA ZHES BYA BA'I THA TSIG GO, ,MGU BA NYID DU GYUR, YI RANGS PA NYID DU GYUR CES BYA BA NI YID BDE BAR GYUR CES BYA BAR MNGON TE, 'DI YANG 'DIR DPER BRJOD PA YIN TE, JI SKAD DU MDO LAS, TSE @150B DANG LDAN PA 'DUN PA MGU BA NYID DU GYUR, YI RANGS PA NYID DU GYUR CES GSUNGS PA LTA BU'O, ,AUTA DANG, SAm DANG, PRA TI ZHES BYA BA 'DI DAG NI NYE BAR BSGYUR BA DAG GO, ,CHOS KYI BGO SKAL LA SPYOD CING ZHES BYA BA NI CHOS KYI BGO SKAL LA SPYOD PAR BYED CING NGO, ,ZANG ZING GI BGO SKAL LA SBYONG BA YANG DE BZHIN NO, ,ZANG ZING ZHES BYA BA NI RNYED PA YIN TE, RNYED PA'I BGO SKAL LA SPYOD PA NI MA YIN NO ZHES BSTAN PA YIN NO, ,BGO SKAL GYI SGRA NI SBYIN PA'I DON TO, ,BYUNG BA LA ZHES BYA BA NI 'DUS BYAS LA ZHES BYA BA'I THA TSIG GO, ,BDAG NYID LA JI LTAR YOD BA BZHIN DU ZHES BYA BA NI BDAG NYID LA JI LTAR BDOG PA BZHIN DU ZHES BYA BA'I THA TSIG GO, ,DE NI YID KHO NA'I YUL YIN ZHING ZHES BYA BA NI MIG LA SOGS PA NAS LUS KYI DBANG PO LA THUG PA RNAMS KYIS MA YIN PA STE, DE LTAR NA GZUGS LA SOGS PA BSAL BA YIN NO, ,MIG GI RNAM PAR SHES PA LA SOGS PA DAG KYANG DE LTAR THAL BAR 'GYUR NA MI RUNG BAS YUL KHO NA YIN GYI RTEN NA MA YIN NO ZHES BYA BA 'DI SMOS TE, MIG GI RNAM PAR SHES PA LA SOGS PA NI YID KYI RTEN YANG YIN PAS SO, ,MTHONG BA'I CHOS LA MYONG BAR 'GYUR BA ZHES BYA BA NI MTHONG BA'I TSE LA MYONG BAR 'GYUR BA'O, ,DE LTA BU'I CHOS SO ZHES BYA BA NI DE LTAR 'GYUR BA'O ZHES BYA BA'I THA TSIG GO, ,RGA BA'I CHOS CAN YIN NO ZHES BYA BA NI LUS 'DI RGA BAR 'GYUR BA'O ZHES BYA BAR MNGON NO,, ,,RNAM PAR BSHAD PA'I RIGS PA'I BSHAD PA BAM PO GNYIS PA, SPANGS PA LA SOGS PA'I SPANGS PA ZHES BYA BA LA SPANGS PA ZHES BYA BA NI SPANGS BA LA SOGS PA DAG LA YANG YONG PA YIN NO ZHES BYA BA'I THA TSIG GO, ,'DOD PA'I 'DUN PA SPANGS NAS ZHES BYA BA NI RE ZHIG GI DUS SU RNAM PAR MNAN NAS ZHES BYA BAR MNGON NO, ,KUN DU SBYOR BA GSUM SPANGS PA LA ZHES BYA BA LA, KUN DU SBYOR BA GSUM NA 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,NYAN THOS LA BSHAD PA'I MDO SDE GNYIS LAS RNAM PA GNYIS SU RNAM PAR PHYE'O ZHES BYA BA NI SDE CAN NO, ,MDO SDE GNYIS LAS JI LTAR RNAM PAR PHYE ZHE NA, RE ZHIG MDO @151A *, ,SDE KHA CIG LAS RGYAS PAR GSUNGS NAS SPANGS PAS SPONG BA GANG ZHE NA, SDIG PA MI DGE BA'I CHOS SKYES PA RNAMS SPANG BA'I PHYIR ZHES RGYAS PAR 'BYUNG BA DANG, SDOM PAS SPONG BA GANG ZHE NA, SDIG PA MI DGE BA'I CHOS MA SKYES PA RNAMS MI BSKYED PA'I PHYIR ZHES RGYAS PAR 'BYUNG BA DANG; RJES SU BSRUNG BAS SPONG BA GANG ZHE NA, DGE BA'I CHOS MA SKYES PA RNAMS BSKYED PA'I PHYIR ZHES RGYAS PAR 'BYUNG BA DANG, BSGOM PAS SPONG BA GANG ZHE NA, DGE BA'I CHOS SKYES PA RNAMS GNAS PA DANG, PHYIR ZHING 'BYUNG BA DANG, NYAMS PAR MI 'GYUR BA DANG ZHES RGYAS PAR 'BYUNG LA, MDO SDE CIG SHOS LAS KYANG RGYAS PAR GSUNGS NAS SPANGS PAS SPONG BA GANG ZHE NA, SDIG PA MI DGE BA'I CHOS SKYES PA RNAMS SPANG BA'I PHYIR ZHES RGYAS PAR 'BYUNG BA NAS, DGE BA'I CHOS SKYES PA RNAMS GNAS PA DANG, PHYIR ZHING 'BYUNG BA DANG, NYAMS PAR MI 'GYUR BA DANG, ZHES RGYAS PAR 'BYUNG LA, 'DI NI SPANGS PAS SPONG BA YIN NO ZHES 'BYUNG ZHING, SDOM PAS SPONG BA GANG ZHE NA, MIG GIS GZUGS RNAMS MTHONG NAS MTSAN MAR MI 'DZIN CING MNGON RTAGS SU MI 'DZIN PA YIN ZHES RGYAS PAR 'BYUNG LA, RJES SU BSRUNG BAS SPONG BA GANG ZHE NA, DGE SLONG 'DI LA DGE SLONG GIS TING NGE 'DZIN MTSAN MA BZANG PO GANG YANG RUNG BA ZHES RGYAS PAR 'BYUNG ZHING, BSGOM PAS SPONG BA GANG ZHE NA, DRAN PA NYE BAR GZHAG PA BZHI RNAMS SGOM PAR BYED CES RGYAS PAR 'BYUNG BA LTA BU'O, ,'PHAGS PA'I TSUL GYI SGRA ZHES RGYAS PAR 'BYUNG BA LA, 'PHAGS PA'I TSUL GYI SGRA NI BDEN PA RNAMS LA YANG MTHONG STE, JI LTA ZHE NA, RE ZHIG MDO SDE KHA CIG LAS RGYAS PAR GSUNGS NAS, JI LTAR NA 'DIS 'PHAGS PA'I TSUL YANG DAG PA JI LTA BA BZHIN DU YANG DAG PA'I SHES RAB KYIS MTHONG BA YIN ZHE NA, 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES ZHES RGYAS PAR 'BYUNG BA DANG, MDO SDE GZHAN LAS KYANG RGYAS PAR GSUNGS NAS, JI LTAR NA 'DIS 'PHAGS PA'I TSUL YANG DAG PA JI LTA BA BZHIN DU YANG DAG PA'I SHES RAB KYIS MTHONG BA YIN ZHE NA, 'DI LTA STE, YANG DAG PA'I LTA BA ZHES RGYAS PAR 'BYUNG BA DANG, MDO SDE @151B GZHAN DAG LAS KYANG RGYAS PAR GSUNGS NAS, JI LTAR NA 'DIS 'PHAGS PA'I TSUL YANG DAG PA JI LTA BA BZHIN DU YANG DAG PA'I SHES RAB KYIS MTHONG BA YIN ZHE NA, 'DIS RTEN CING 'BREL BAR 'BYUNG BA'I YAN LAG BCU GNYI SA LUGS SU 'BYUNG BA DANG LUGS LAS BZLOG PA YANG DAG PA JI LTA BA BZHIN DU YANG DAG PA'I SHES RAB KYIS MTHONG BA YIN TE, 'DI LTA STE 'DI YOD PAS ZHES RGYAS PAR 'BYUNG BA LTA BU'O, ,BRAM ZE NGA NI 'PHAGS PA'I CHOS 'DUL BA 'DI LA 'PHAGS PA'I TSUL GYIS ZHES BYA BA NI 'PHAGS PA NYID TSUL YIN TE, MI SLOB PA'I RIGS PA GSUM PA DAG GO, ,DRAN PA NYE BAR GZHAG PA BZHI RNAMS DANG MI MTHUN PAR BYED PA ZHES BYA BA NI 'GAL BAR BYED PA ZHES BYA BA'I THA TSIG GO, ,'PHAGS PA'I TSUL LA DE DAG GIS MI MTHUN PAR BYAS PA YIN NO ZHES BYA BA NI 'GAL BAR BYAS PA YIN NO ZHES BYA BA'I THA TSIG GO, ,TSUL NYID KYIS CHOS NI MYA NGAN LAS 'DAS PA NI ZHES BYA BA'I THA TSIG GO, ,SBOM PA DANG LDAN PA ZHES BYA BA NI SDONG PO DANG LDAN PA ZHES BYA BA'I THA TSIG GO, ,SKYE MCHED BCU DANG GCIG GI PHYOGS KYIS BSDUS SO ZHES BYA BA NI SKYE MCHED BCU DANG GCIG GI PHYOGS KYI RANG BZHIN YIN NO ZHES BYA BAR MNGON NO, ,BSDU BA ZHES BYA BA LA, RANG BZHIN DANG RJES SU MTHUN PA LA NI JI LTAR BYAS PAS SHE NA, MDO SDE LAS RGYAS PAR GSUNGS NAS 'PHAGS PA PHUNG PO GSUM PO DAG CES KYANG BGYI LA 'PHAGS PA'I LAM YAN LAG BRGYAD CES KYANG BGYI BA 'PHAGS PA'I PHUNG PO GSUM PO DAG GIS 'PHAGS PA'I LAM YAN LAG BRGYAD BSDUS SAM, 'ON TE 'PHAGS PA'I LAM YAN LAG BRGYAD KYIS PHUNG PO GSUM BSDUS SHE NA, TSE DANG LDAN PAS GA 'PHAGS PA'I LAM YAN LAG BRGYAD KYIS NI PHUNG PO GSUM PO DAG MA BSDUS KYI, 'ON KYANG PHUNG PO GSUM PO DAG GIS NI 'PHAGS PA'I LAM YAN LAG BRGYAD BSDUS SO, ,'PHAGS PA DPE JI LTAR NA PHUNG PO GSUM PO DE DAG GIS 'PHAGS PA'I LAM YAN LAG BRGYAD BSDUS KYI, 'PHAGS PA'I LAM YAN LAG BRGYAD KYIS NI PHUNG PO GSUM PO DAG MA BSDUS SHE NA, TSE DANG LDAN PA SA G-YANG DAG PA'I NGAG GANG YIN PA DANG, YANG DAG PA'I LAS KYI MTHA' GANG YIN @152A *, ,BA DANG, YANG DAG PA'I 'TSO BA GANG YIN PA DE NI BCOM LDAN 'DAS KYIS TSUL KHRIMS KYI PHUNG POR GSUNGS SO, ,YANG DAG PA'I DRAN PA DANG, YANG DAG PA'I TING NGE 'DZIN GANG YIN PA DE NI BCOM LDAN 'DAS KYIS TING NGE 'DZIN GYI PHUNG POR GSUNGS SO, ,YANG DAG PA'I LTA BA DANG, YANG DAG PA'I RTOG PA DANG, YANG DAG PA'I RTZOL BA GANG YIN PA DE NI BCOM LDAN 'DAS KYIS SHES RAB KYI PHUNG POR GSUNGS SO, ,TSE DANG LDAN PA SA GA DE LTAR NA PHUNG PO GSUM PO DAG GIS 'PHAGS PA'I LAM YAN LAG BRGYAD BSDUS KYI, 'PHAGS PA'I LAM YAN LAG BRGYAD KYIS NI PHUNG PO GSUM PO DAG MA BSDUS SO ZHES 'BYUNG BA LTA BU STE, DE LTAR NA TSUL KHRIMS DANG TING NGE 'DZIN DANG SHES RAB KYI PHUNG PO GSUM DAG LAS TSUL KHRIMS KYI PHUNG POS NI 'PHAGS PA'I LAM YAN LAG BRGYAD LAS YANG DAG PA'I NGAG DANG LAS KYI MTHA' DANG, 'TSO BA RANG BZHIN GYIS BSDUS PA YIN TE, DE'I RANG BZHIN KHO NA YIN PA'I PHYIR RO, ,TING NGE 'DZIN GYI PHUNG POS NI YANG DAG PA'I TING NGE 'DZIN RANG BZHIN GYIS BSDUS PA YIN TE, DE'I RANG BZHIN KHO NA YIN PA'I PHYIR RO, ,SHES RAB KYI PHUNG POS NI YANG DAG PA'I LTA BA RANG BZHIN GYIS BSDUS PA YIN TE, DE'I RANG BZHIN KHO NA YIN PA'I PHYIR RO, ,RE ZHIG DE LTAR NA BSDUS PA ZHES BYA BA RANG BZHIN LA YOD PA YIN NO, ,RJES SU MTHUN PA LA YANG YOD DE, YANG DAG PA'I DRAN PA NI TING NGE 'DZIN GYI PHUNG PO'I RJES SU MTHUN PA KHO NA'I PHYIR TING NGE 'DZIN GYI PHUNG POS BSDUS SO; ,YANG DAG PA'I RTOG PA DANG, YANG DAG PA'I RTZOL BA NI SHES RAB KYI PHUNG PO'I RJES SU MTHUN PA NYID KYI PHYIR SHES RAB KYI PHUNG POS BSDUS SO, ,BSDU BA'I DNGOS PO BZHI PO DAG CES BYA BA NI DGA' BA'I DNGOS PO BZHI PO DAG CES BYA BAR MNGON TE DE DAG KYANG MDO SDE LAS JI SKAD 'BYUNG BA LTA BU'O, ,'DI NI DBANG PO LNGA PO DAG CES BYA BA NI DAD PA'I DBANG PO LA SOGS PA'O, ,SDUD PAR BYED PA YIN TE ZHES BYA BA NI YONGS SU NYAMS PA MED PA'I RGYU YIN PAR MNGON TE, DGA' BA'I DNGOS PO BZHI PO 'DI LTAR SHES RAB KYI PHUNG POS NI DAD PA LA SOGS PA LAS NYAMS @152B PAR MI 'GYUR RO, ,SRID PA'I YAN LAG BCU GNYIS PA'I TSIG RNAMS GYIS ZHES BYA BA NI MA RIG PA DANG 'DU BYED LA SOGS PA RNAMS KYIS SO, ,DON BSDUS PA GANG YIN PA STE, JI LTAR MA RIG PA LA SOGS PA SRID PA'I YAN LAG BCU GNYIS PA'I TSIG RNAMS KYI MDOR KUN NAS NYON MONGS PA GSUM PO NYON MONGS PA DANG, LAS DANG, SKYE BA'I KUN NAS NYON MONGS PA RNAMS YONGS SU BSTAN PA NI NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA STE, NYON MONGS PA NYID KUN NAS NYON MONGS PA MA YIN PAS NYON MONGS PA'I KUN NAS NYON MONGS PA STE, LAS DANG SKYE BA'I KUN NAS NYON MONGS PA GNYIS KYANG DE BZHIN NO, ,DE LA YAN LAG GSUM PO MA RIG PA DANG, SRID PA DANG LEN PA DAG NI NYON MONGS PA'I KUN NAS NYON MONGS PA YIN NO, ,'DU BYED DANG, SRID PA DANG YAN LAG GNYIS NI LAS KYI KUN NAS NYON MONGS PA YIN NO, ,RNAM PAR SHES PA LA SOGS PA YAN LAG LHAG MA RNAMS NI SKYE BA'I KUN NAS NYON MONGS PA YIN NO, ,SHES RAB 'CHAL BA NI SHES RAB PHUN SUM TSOGS PA LA ZHES BYA BA'I BAR ZHES BYA BA JI LTA BU ZHE NA, MA DAD PA NI DAD PA PHUN SUM TSOGS PA LA YANG DAG PAR LEN DU 'JUG; 'DUL BAR BYED, 'DZUD PAR BYED RAB TU 'JOG PAR BYED CING TSUL KHRIMS 'CHAL BA NI TSUL KHRIMS PHUN SUM TSOGS PA DANG, SER SNA CAN NI GTONG BA PHUN SUM TSOGS PA DANG, SHES RAB 'CHAL BA NI SHES RAB PHUN SUM TSOGS PA LA YANG DAG PAR LEN DU 'JUG ,'DUL BAR BYED, 'DZUD BAR BYED, RAB TU 'JOG PAR BYED PA YIN NO, ,MDOR NA ZHES BYA BA RGYAS PAR 'BYUNG BA NI MDOR NA 'JUG PA DANG BCAS PA'I MNGON PAR MTHO BA'I RGYU YANG DAG PAR LEN DU 'JUG PA BSTAN CING MDOR NA 'JUG PA DANG BCAS PA'I NGES PAR LEGS PA'I RGYU BSTAN PA YIN TE, RAB TU BSTAN TO ZHES BYA BA'I THA TSIG GO; ,'DI LTAR DAD PAS NI TSUL KHRIMS LA SOGS PA LA 'JUG LA ZHES BYA BA NI GANG GI PHYIR DAD PAS NI TSUL KHRIMS DANG, GTONG BA DANG, SHES RAB LA 'JUG PAR BYED LA ZHES BYA BA'I THA TSIG GO, ,TSUL KHRIMS DANG GTONG BA GNYIS KYIS NI ZHES BYA BA RGYAS PAR 'BYUNG BA NI TSUL KHRIMS KYIS NI @153A *, ,LUS PHUN SUM TSOGS PAS BSDUS PA'I MNGON PAR MTHO BA THOB LA, GTONG BAS NI LONGS SPYOD PHUN SUM TSOGS PAS BSDUS PA'I MNGON PAR MTHO BA THOB CING SHES RAB KYIS NI NGES PAR LEGS PA 'THOB STE, DE LTA BU LA SOGS PA NI DON THA DAD PA'I TSIG RNAMS KYI DON BSDUS PA YIN PAR SBYAR RO, ,LHAG MA NI BSHAD PA'O, ,JI LTA ZHE NA, KUN DGA' BO 'DI LA DGE SLONG LUS LA LUS KYI RJES SU LTA ZHING GNAS LA DE LUS LA LUS KYI RJES SU LTA ZHING GNAS PA NA LUS KYI ZHUM PA DANG SEMS LAS BYUNG BA'I RMUGS PA 'BYUNG STE, KUN DGA' BO DGE SLONG DES DANG BAR 'GYUR BA SDUG PA'I MTSAN MA 'GA' ZHIG YID LA BYA'O, ,KUN DGA' BO DGE SLONG DES DANG BAR 'GYUR BA SDUG PA'I MTSAN MA 'GA' YID LA BYED PA NAS RAB TU DGA' BA SKYE'O, ,RAB TU DGA' NA DGA' BA SKYE'O, ,YID DGA' NA LUS SHIN TU SBYANGS PAR 'GYUR RO, ,LUS SHIN TU SBYANGS NA BDE BA MYONG BAR 'GYUR RO, ,BDE BA MYONG NA SEMS MNYAM PAR 'JOG PAR 'GYUR RO, ,SEMS MNYAM PAR BZHAG NA KUN DGA' BO 'DI LTAR SLOB STE, BDAG GANG GI DON DU YID PHYI ROL DU GZHAG PA'I BDAG GI DON DE RJES SU THOB NAS, MA LA BDAG GIS BSDU BAR BYA'O ZHES RGYAS PAR 'BYUNG BA'O, ,RANG BZHIN DANG, DUS KYI KHYAD PAR GNYIS KYIS ZHES RGYAS PAR 'BYUNG BA NI RANG BZHIN GYI KHYAD PAR GYIS SHIN TU GZHON PA NYID RDZOGS PAR BSHAD PA'I PHYIR RO, ,DUS KYI KHYAD PAR GYIS KYANG SHIN TU GZHON PA NYID RDZOGS PAR BSHAD PA'I PHYIR RO, ,SANGS RGYAS BCOM LDAN 'DAS RNAMS KYI SHIN TU GZHON PA NYID NI BDE BAS BSKRUN PA NYID YIN NO, ,LHAG MA ZHES BYA BA RGYAS PAR 'BYUNG BA NI NGA DGA' ZHING RTZE BA'I PHYIR NGA'I YAB SH'AKYA ZAS GTZANG MA DES PHO BRANG DU KHAS BZANGS BRTZIGS SO ZHES RGYAS PAR 'BYUNG BAS BDE BA PHUN SUM TSOGS PA YANG DAG PAR BSNGAGS PA NI RGYAS PAR BSHAD PA YIN NO, ,DE BZHIN DU ZHES RGYAS PAR 'BYUNG BA NI TSE DANG LDAN PA DAG BCU GNYIS PO 'DI DAG NI KHOM PAR GYUR PA YIN NO, ,BCU GNYIS PO GANG ZHE NA, BDAG PHUN SUM TSOGS PA DANG GZHAN PHUN SUM TSOGS PA DANG, MIR GYUR PA DANG, YUL DBUS SU @153B SKYES PA DANG DBANG PO MA TSANG BA MED PA NYID DANG, LOG PA'I LAS KYI MTHA' MED PA NYID DANG, SKYE MCHED KYI GNAS LA DAD PA DANG, SANGS RGYAS RNAMS 'BYUNG BA DANG, DAM PA'I CHOS STON PA DANG, BSTAN PA'I CHOS RNAMS GNAS PA DANG, CHOS GNAS PA RNAMS KYI RJES SU 'JUG PA DANG, GZHAN LA SNYING BRTZE BA NYID DO, ,DE LA KHOM PAR GYUR PA ZHES BYA BA NI RANG GI DON BYA BA'I DUS NYE BAR GNAS PA NYID DO, ,BSTAN PA DANG BSHAD PA GNYIS KYIS BCU GNYIS SU 'GYUR TE, JI LTA ZHE NA, BDAG PHUN SUM TSOGS PA ZHES BYA BA NI BSTAN PA'O, ,DE'I RGYAS PAR BSHAD PA NI MIR GYUR PA DANG, YUL DBUS SU SKYES PA DANG, DBANG PO MA TSANG BA MED PA NYID DANG, LOG PA'I LAS KYI MTHA' MED PA NYID DANG, SKYE MCHED KYI GNAS LA DAD PA ZHES BYA BA'I TSIG LNGA PO 'DI RNAMS KYIS SO, ,DE BZHIN DU GZHAN PHUN SUM TSOGS PA ZHES BYA BA NI BSTAN PA'O, ,DE'I RGYAS PAR BSHAD PA NYID NI SANGS RGYAS RNAMS 'BYUNG BA DANG ZHES BYA BA LA SOGS PA RGYAS PAR 'BYUNG BA'I TSIG LNGA PO 'DI RNAMS KYIS SO, ,DE'I DON GYI NUS PA NYID CES BYA BA NI TSIG GI DON RNAMS KYI NUS PA NYID CES BYA BA'I THA TSIG GO, ,DE LA RNAM GRANGS GSUNGS PA DAG GI DGOS PA'I DON NI SNGAR BSHAD PAR ZAD PA JI LTAR ZHE NA, DGOS PA DAG NI BRGYAD DE ZHES RGYAS PAR 'BYUNG BAS SO, ,DE LAS GZHAN PA RNAMS LA ZHES RGYAS PAR 'BYUNG BA NI MGO SMOS PAS GO BA DE LAS GZHAN PA RNAMS TE, DE RNAMS GANG DAG YIN ZHE NA, RNAM PAR SPROS NA GO BA TSIG LA 'CHEL BA GANG DAG YIN PA'O, ,DE RNAMS LA TSE PHYI MA LA SKYE BA GZHAN DU MGO SMOS PAS GO BA NYID KYI RGYU BSAGS PA'I PHYIR RO ZHES BYA BA'I THA TSIG GO, ,GZHAN PA RNAMS ZHES BYA BA NI SANGS RGYAS LAS GZHAN PA RNAMS SO, ,DE LTA BU LA GOMS PA LAS ZHES BYA BA NI BSTAN PA DANG BSHAD PA LA GOMS PA LAS ZHES BYA BA'I THA TSIG GO, ,DE'I SA BON BSKYED PA'I PHYIR RO ZHES BYA BA NI BSDUS PA DANG RGYAS PAR BSHAD PA BSTAN PA'I SA BON BSKYED PA'I PHYIR RO ZHES BYA BA'I THA TSIG GO, ,GANG LA LA'I SEMS ZHES BYA BA RGYAS PAR 'BYUNG BA NI GANG LA LA'I SEMS NYE BA'I NYON MONGS PA NYI SHU @154A *, ,RTZA GCIG GIS NYE BAR NYON MONGS PA CAN YIN NA, 'DI LTAR DE NI 'DI SNYAM DU BDAG NI DAG CING MCHOG TU DAG PA DANG LDAN PA YIN NO SNYAM DU SEMS KYI SA NGAN SONG NGAN 'GROR YANG 'GRO ZHING DMAN PA'I LUS SU YANG SKYE'O, ,NYI SHU RTZA GCIG PO GANG DAG GIS SHE NA, LOG PAR LTA BA DANG, MI RIGS PAR CHAGS PA DANG, BRNAB SEMS DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM GYIS SEMS NYE BAR NYON MONGS PA CAN YIN, KHRO BA DANG KHON DU 'DZIN PA DANG, 'CHAB PA DANG, 'TSIG PA DANG, PHRAG DOG DANG, SER SNA DANG, G-YO DANG, SGYU DANG, RGYAGS PA DANG, NGO TSA MED PA DANG, KHREL MED PA DANG, NGA RGYAL DANG, CHE BA'I NGA RGYAL DANG, BAG MED PAS SEMS NYE BAR NYON MONGS PA CAN YIN NO, ,CHOS GCIG NI GCES SBRAS BYED PA YIN TE ZHES BYA BA NAS BCU'I BAR DU ZHES BYA BA NI TSE DANG LDAN PA DAG CHOS GCIG NI GCES SPRAS BYED PA YIN TE, 'DI LTA STE DGE BA'I CHOS RNAMS LA BAG YOD PA YIN NO ZHES BYA BA NAS, CHOS BCU DAG NI GCES SPRAS BYED PA, CHOS BCU DAG NI MGON BYED PA YIN TE, TSE DANG LDAN PA DAG 'DI LA DGE SLONG DE BZHIN GSHEGS PA LA DAD PA DAG GNAS PA YIN NO ZHES BYA BA NI RGYAS PAR MDO SDE LAS JI SKAD 'BYUNG BA LTA BU'O, ,DE BZHIN DU DGE SLONG DAG CHOS GCIG SPONGS SHIG DANG, KHYED PHYIR MI 'ONG BAR 'GYUR BAR KHAS LEN TE, 'DI LTAR CHAGS PA'O, ,DGE SLONG DAG CHAGS PA SPONGS SHIG DANG ZHES BYA BA RGYAS PAR MDO SDE LAS 'BYUNG BA LTA BU'O, ,'DI DAG NI LNGA DAG TU GYUR NA ZHES BYA BA NI DBANG PO LNGA DAG TU GYUR PA'O, ,GSUM DAG TU 'GYUR LA ZHES BYA BA NI BDE BA'I DBANG PO DANG, SDUG BSNGAL GYI DBANG PO DANG, BTANG SNYOMS KYI DBANG PO'O, ,JI LTAR BYAS PAS SHE NA, BDE BA'I DBANG PO GANG YIN PA DANG, YID BDE BA'I DBANG PO GANG YIN PA DE NI BDE BA'I TSOR BAR BLTA BAR BYA'O, ,SDUG BSNGAL GYI DBANG PO GANG YIN PA DANG, YID MI BDE BA'I DBANG PO GANG YIN PA DE NI SDUG BSNGAL GYI TSOR BAR BLTA BAR BYA'O, ,DE BZHIN DU GSUM DAG TU 'GYUR NA, LNGA DAG TU GYUR TE, BDE BA @154B DANG SDUG BSNGAL GYI DBANG PO GNYIS LA RNAM PA GNYIS GNYIS SU PHYE BA'I PHYIR RO, ,BZANG PO'I SDE BA DRUG CU DAG GI TSOGS ZHES BYA BA NI MI DRUG CU PO KHA CIG GI TSOGS ZHES BYA BA'I THA TSIG GO, ,BYA BA DANG, ZAS DANG, GNYEN PO MTSUNGS PA'I PHYIR NA ZHES BYA BA NI CHOS GNYIS KYI BYA BA DANG, ZAS MTSUNGS PA'I PHYIR DANG, GNYIN PO MTSUNGS PA'I PHYIR RO, ,DPER NA SGRIB PA LNGA RNAMS ZHES BYA BA NI 'DIR SGRIB PA LNGA PO 'DOD PA LA 'DUN PA DANG, GNOD SEMS DANG RMUGS PA DANG GNYID DANG, RGOD PA DANG 'GYOD PA DANG, THE TSOM RNAMS LAS CHOS GNYIS PO RMUGS PA DANG, GNYID GNYIS KYI BYA BA DANG, ZAS DANG GNYEN PO NI MTSUNGS PA NYID YIN LA, RGOD PA DANG 'GYOD PA GNYIS KYANG DE BZHIN NO, ,JI LTAR BYAS PAS SHE NA, RE ZHIG MDO SDE LAS RMUGS PA DANG GNYID GNYIS KYI ZAS DANG ZAS MA YIN PA GCIG TU GSUNGS TE, RMUGS PA DANG GNYID KYI SGRIB PA'I ZAS NI CHOS LNGA DAG STE, SNYOM PA DANG, SKYO BA DANG, GLAL PA DANG, ZAS LA TSOD MI 'DZIN PA DANG, SEMS ZHUM PA NYID DO, ,RMUGS PA DANG GNYID KYI ZAS MA YIN PA GANG YIN ZHE NA, SNANG BA'I 'DU SHES SO, ,'DI GNYI GA'I BYA BA YANG GCIG PA YIN TE, 'DI GNYI GAS SEMS ZHUM PAR BYED PA'I PHYIR RO, ,RGOD PA DANG 'GYOD PA GNYIS KYI ZAS KYANG CHOS BZHI RNAMS SO ZHES GCIG TU GSUNGS TE, NYE DU LA RNAM PAR RTOG PA DANG, YUL LA RNAM PAR RTOG PA DANG, MI 'CHI BAR RNAM PAR RTOG PA DANG, SNGON DGOD DGOD PA DANG RTZE RTZE BA RJES SU DRAN PA YIN NO, ,RGOD PA DANG 'GYOD PA'I SGRIB PA'I ZAS MA YIN PA GANG YIN ZHE NA, ZHI GNAS SO, ,'DI GNYIS KYI BYA BA YANG GCIG STE, 'DI GNYI GAS SEMS RNAM PAR MA ZHI BAR BYED DO, ,DE LTAR NA KHA CIG NI DNGOS PO GCIG TU SHES PAR BYA BA'I PHYIR GRANGS GSUNGS PA YIN NO, ,KHA CIG NI ZHES BYA BA RGYAS PAR 'BYUNG BA LA, GRANGS GSUNGS PA KHA CIG NI SANGS RGYAS BCOM LDAN 'DAS NYID LA SNGA NAS SO SO YANG DAG PAR RIG BAR GYUR PA'I DON GSUNGS PA NYID DU YANG DAG PAR BSTAN PA'I PHYIR TE ZHES BYA BA 'DI LA SNGA NAS SO SO YANG DAG PAR RIG PAR GYUR PA'I DON GSUNGS PA'I NGANG TSUL MDA' @155A *, ,BAS 'DI NI SNGA NAS SO SO YANG DAG PAR RIG PAR GYUR PA'I DON GSUNGS PA'O, ,DE'I DNGOS PO NI SNGA NAS SO SO YANG DAG PAR RIG PAR GYUR PA'I DON GSUNGS PA NYID DE, DE YANG DAG PAR BSTAN PA'I PHYIR RO, ,JI SKAD DU BSHAD PA'I GANG RIGS PA'AM, GZHAN LAS KYANG RUNG STE, GANG RIGS PA NI RE ZHIG PHUNG PO LNGA RNAMS DANG, NANG GI SKYE MCHED DRUG RNAMS ZHES JI SKAD GSUNGS PA NI RIGS PA'O, ,GSUNG RAB GZHAN LAS BDEN PA BZHI RNAMS DANG, 'PHAGS PA'I LAM YAN LAG BRGYAD DANG, BSAM GTAN BZHI RNAMS DANG, GZUGS MED PA BZHI RNAMS DANG, DE LTA BU LA SOGS PA NI GANG RIGS PA'O, ,'GROL BA LA SOGS PAS ZHES BYA BA LA, SOGS PA'I SGRAS NI BSNYEN BKUR DANG PHYAG BYA BA LA SOGS PA GZUNG NGO, THAN PA LA SOGS PA'I ZHES BYA BA LA, SOGS PA'I SGRAS NI MI MA YIN PA LA SOGS PA'I 'JIGS PA GZUNG NGO, , NAD CHAGS GNOD PA'I PHYIR ZHES BYA BA LA, CHAGS ZHES BYA BA NI 'DOD CHAGS SO, ,GDUL BAS NGA'I SHES ZHES BYA BA RGYAS PAR 'BYUNG BA LA, GDUL BAS NGA'I SHES MI NUS PA NI CHOS BSTAN PA LA DBANG PO MA SMIN PA'I PHYIR RO, ,CHOS BSTAN PA MNYAN PA LA GUS PA DANG BCAS PA'AM MED PAS NA RGYU DES NA BSTAN PAR MI BYA BAR MKHYEN ZHING DE DAG SKOM PAR BYA BA'I PHYIR ZLA BA PHYED DANG GSUM DAG TU ZHES BYA BA RGYAS PAR GSUNGS SO, ,BYAS GZO ZHES BYA BA NI BYAS PA GZO BA ZHES BYA BA'I THA TSIG GO, ,DE DANG GZHAN LA SNYING BRTZE DANG ZHES BYA BA LA, DE LA SNYING BRTZE BA NI GANG DANG GANG GI DRUNG DU 'GRO BA LA'O, ,GZHAN LA SNYING BRTZE BA NI DE DANG 'BREL PA LA'O, ,DE GNYIS LA SNYING BRTZE BAS SO, ,RNAM PAR BSHAD PA'I RIGS PA'I BSHAD PA LAS LE'UR BCAD PA DANG PO'O,, ,,TSIG GI DON BSHAD PA LAS MKHAS PA NYID BSKYED PA'I PHYIR ZHES BYA BA LA TSIG GI DON NI TSIG GI DON TO; ,DE BSHAD PA NI TSIG GI DON BSHAD PA'O, ,TSIG GI DON BSHAD PA LA MKHAS PA CAN NI TSIG GI DON BSHAD PA LA MKHAS PA NYID DO, ,TSIG GI DON BSHAD PA LA MKHAS PA NYID SKYED PA'I PHYIR NI 'PHEL BAR BYA BA'I PHYIR TE, TSIG GI DON BSHAD PA LA MKHAS PA NYID BSKYED PA'I PHYIR NI 'DI @155B LTAR YANG BCOM LDAN 'DAS DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA LHA DANG MI RNAMS KYI STON PA, SANGS RGYAS BCOM LDAN 'DAS SO ZHES BYA BA STE, BGEGS BCOM NAS ZHES BYA BA RGYAS PAR 'BYUNG BA NI BGEGS BCOM NAS ZHES BYA BA 'DI YONGS SU BSTAN TO, ,STON PA NYID PHUN SUM TSOGS PA GANG DU ZHES BYA BA YONGS SU BSTAN TO, ,GANG GIS ZHES BYA BA 'DI YONGS SU BSTAN TO, ,JI LTAR GSHEGS PA ZHES BYA BA 'DI YONGS SU BSTAN TO, ,STON PA'I PHRIN LAS GANG YIN PA ZHES BYA BA 'DI YONGS SU BSTAN TO, ,GANG DAG GIS YONGS SU BZUNG BAS ZHES BYA BA 'DI YONGS SU BSTAN TO, ,BGEGS ZHES BYA BA LA, BGEGS KYI RGYU NI BGEGS SO, ,BDUD SDIG CAN DU 'DOD SCES BYA BA 'DI NI BDUD KYI MING 'DI YIN TE, NGES PA'I TSIG GI TSUL GYIS NA SDIG BYED PA BDAG GIR 'DOD PA NI BDUD SDIG 'DOD DO, ,NGES PA'I TSIG GI TSUL GYIS NA DE BCOM PA DANG LDAN PA'I PHYIR BCOM LDAN 'DAS SO, ,GO RIMS BZHIN DU ZHES BYA BA JI LTA BU ZHE NA, MA NOR BAR GSUNGS PA'I PHYIR NI JI LTA BA BZHIN DU GSUNGS PA NYID DO, ,SPANGS PA DANG MKHYEN PA PHUN SUM TSOGS PA'I PHYIR NI SGRUB PA NYID DO, ,JI LTAR NA SPANGS PA PHUN SUM TSOGS PA YIN ZHE NA, NYON MONGS PA MA LUS PA SPANGS PA'I PHYIR RO, ,JI LTAR NA MKHYEN PA PHUN SUM TSOGS PA YIN ZHE NA, THAMS CAD MKHYEN PA NYID KYIS YANG DAG PA JI LTA BA BZHIN DU RDZOGS PAR BYANG CHUB PA'I PHYIR RO, ,GZHAN YANG NI RNAM GRANGS GZHAN YANG NGO, ,STON PA NYID PHUN SUM TSOGS PA NI MA NOR BA ZHES BYA BA RGYAS PAR 'BYUNG BA STE, MA NOR BAR GSUNGS PA NYID DANG, NYON MONGS CAN MA YIN PAR GSUNGS PA NYID DANG, JI TZAM DU GSUNG BAR BYA BA GSUNG BA NYID NI STON PA NYID PHUN SUM TSOGS PA NYID DO, ,DE LTAR NA RNAM GRANGS GNYIS PAS NI GSUNG BA NYID PHUN SUM TSOGS PAS STON PA NYID PHUN SUM TSOGS PA BSTAN PA YIN TE, SGRUB PA NYID PHUN SUM TSOGS PAS NI MA YIN NO, ,DE NI ZHES BYA BA RGYAS BAR @156A *, ,'BYUNG BA NI STON PA NYID PHUN SUM TSOGS PA DE NI'O, ,DE BZHIN GSHEGS PA LA SOGS PA NYID KYI ZHES BYA BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA STE, 'DIS NI JI LTA BA BZHIN DU GSUNG PA NYID DANG, JI LTA BA BZHIN DU SGRUB PA NYID RNAM PA GNYI GA YANG YIN PAR BSTAN PAR BYA'O, ,JI LTAR BYAS PAS SHE NA, RE ZHIG RNAM GRANGS DANG POS NI STON PA NYID PHUN SUM TSOGS PA JI LTA BA BZHIN DU GSUNG BA NYID MA NOR BA GSUNG BA'I PHYIR NA DE BZHIN GSHEGS PA ZHES BYA BA'I TSIG 'DIS STON PAR BYED DO, ,JI LTA ZHE NA, DE BZHIN TE, MA NOR BAR GSUNGS PAS NA DE BZHIN GSHEGS PA STE, DE'I PHYIR DES PA'I TSIG GI TSUL GYIS NA YI GE GSHEGS PA ZHES BYA BA GSUNG PAR SGYUR BA'I PHYIR DE BZHIN GSHEGS PA YIN NO ZHES MDO LAS GSUNGS PA'I PHYIR TE, MDO LAS GSUNGS PA NI RGYAS PAR GSUNGS NAS DGE SLONG DAG BYANG CHUB SEMS DPA' MTSAN MO GANG LA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, DE BZHIN GSHEGS PA MTSAN MO GANG LA PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PAR 'GYUR BA DE'I BAR DU DE BZHIN GSHEGS PAS GANG CHUNG ZAD BSTAN PA DANG GSUNGS PA DANG BSHAD PA DANG RAB TU BSHAD PA DE THAMS CAD NI DE BZHIN NYID DANG, MA NOR BA DANG, GZHAN MA YIN PA DANG, YANG DAG PA DANG, BDEN PA DANG, DE KHO NA NYID DANG, MA LOG PA JI LTA BA BZHIN DANG, PHYIN CI MA LOG PA YIN TE, DES NA DE BZHIN GSHEGS PA ZHES BYA'O ZHES GSUNGS SO, ,DGRA BCOM PA ZHES BYA BA ZHES PAS KYANG SPANGS PA PHUN SUM TSOGS PAS JI LTA BA BZHIN DU SGRUB PA NYID KYIS STON PA NYID PHUN SUM TSOGS PA STON PAR BYED DO, ,YANG DAG PAR RDZOGS PA'I SANGS RGYAS ZHES BYA BA 'DIS KYANG YE SHES PHUN SUM TSOGS PAS JI LTA BA BZHIN DU SGRUB PA NYID STON TO, ,RNAM GRANGS GNYIS PAS KYANG MA NOR PA DANG, NYON MONGS PA CAN MA YIN PA DANG, JI TZAM DU GSUNG PAR BYA BA GSUNG PA NYID KYIS JI LTA BA BZHIN DU GSUNGS PA NYID KYIS STON @156B PA NYID PHUN SUM TSOGS PA'O, ,DE BZHIN GSHEGS PA LA SOGS PA NYID KYIS TE, DE BZHIN GSHEGS PA ZHES BYA BA'I TSIG 'DI DANG, DGRA BCOM PA ZHES BYA BA 'DI DANG, YANG DAG PAR RDZOGS PA'I SANGS RGYAS ZHES BYA BA 'DIS STON PAR BYED DO, ,GANG GIS ZHES BYA BA RGYAS PAR 'BYUNG LA, GANG GIS GSHEGS PA ZHES BYA BA NI LAM GANG GIS GSHEGS PA STE, RIG PA DANG ZHABS SU LDAN PA NYID KYIS SO, ,DE NI RIG PA DANG ZHABS SU LDAN PA ZHES BYA BA'I TSIG 'DIS YONGS SU BSTAN TO, ,LAM GYI YAN LAG LHAG MA DAG NI YANG DAG PA'I RTOG PA LA SOGS PA'O, ,DE'I ZHABS NI ZHES BYA BA NI SHES RAB DE'I TSOGS ZHES BYA BA'I THA TSIG GO, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA BSLAB PA GSUM PO LHAG PA'I TSUL KHRIMS DANG, LHAG PA'I SEMS DANG LHAG PA'I SHES RAB KYI BSLAB PA GSUM PO 'DI DAG GIS GSHEGS PA YIN PAR BSTAN PA YIN TE, RIG PA DANG ZHABS SU LDAN PA ZHES BYA BA'I THA TSIG 'DIS SO, ,SHES RAB SNGAR SMOS PA JI LTAR ZHE NA, RIG PA DANG ZHABS SU LDAN PA ZHES BYA BA STE, RIG PA YANG YANG DAG PA JI LTA BA BZHIN PA'I SHES RAB YIN NO, ,DE'I DBANG GIS TSUL KHRIMS LA SOGS PA RTZOM PA RNAM PAR DAG PA'I PHYIR LA ZHES BYA BA NI SHES RAB KYI DBANG GIS TSUL KHRIMS DANG TING NGE 'DZIN RTZOM PA RNAM PAR DAG PA'I PHYIR RO ZHES BYA BA'I THA TSIG GO, ,GZHAN YANG ZHES BYA BA RGYAS PAR 'BYUNG BA NI RNAM GRANGS GZHAN YANG MI SLOB PA'I RIG PA GSUM DAG NI RIG PA ZHES BYA BA STE, GSUM GANG ZHE NA, SNGON GYI GNAS RJES SU DRAN PA SHES PA MNGON SUM DU BYA BA'I MNGON PAR SHES PA DANG 'CHI 'PHO DANG SKYE BA SHES PA MNGON SUM DU BYA BA'I MNGON PAR SHES PA DANG, ZAG PA ZAD BA SHES PA MNGON SUM DU BYA BA'I MNGON PAR SHES PA STE, DE DAG NI MI SLOB PA'I RIG PA GSUM DAG GO, ,ZHABS NI TSUL KHRIMS NAS BZUNG NAS MNGON PAR SHES PA GSUM PO'I BAR DAG STE ZHES BYA BA LA, JI LTAR NA TSUL KHRIMS NAS BZUNG NAS SHE NA, ,TSUL KHRIMS DANG, DBANG PO'I SGO BSDAMS @157A *, ,PA NYID DANG SHES BZHIN DU GNAS PA NYID DANG, GNAS MAL DBEN PAR GNAS PA DANG, BSAM GTAN BZHI DANG, MNGON PAR SHES PA GSUM PO RDZU 'PHRUL GYI YUL SHES PA MNGON SUM DU BYA BA'I MNGON PAR SHES PA DANG, LHA'I RNA BA SHES PA MNGON SUM DU BYA BA'I MNGON PAR SHES PA DANG, SEMS KYI RNAM GRANGS SHES PA MNGON SUM DU BYA BA'I MNGON PAR SHES PA'O, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA RIG PA GSUM PO'I TSOGS TSUL KHRIMS NAS BZUNG NAS MNGON PAR SHES PA GSUM PO'I BAR DAG GI TSOGS DANG BCAS PA JI SKAD DU BSHAD PA RNAMS KYIS STON PA NYID PHUN SUM TSOGS PA BRNYES PAR BSTAN PA YIN TE, RIG PA DANG ZHABS SU LDAN PA ZHES BYA BA'I TSIG 'DIS SO, ,JI LTAR GSHEGS PA ZHES BYA BA RGYAS PAR 'BYUNG BA LA, STON PA NYID PHUN SUM TSOGS PAR RNAM PA GANG GIS GSHEGS PA NI JI LTAR GSHEGS PA STE, GANG DU PHYIR MI LDOG PAR GSHEGS PA DANG, JI TZAM DU GSHEGS PAR BYA BAR GSHEGS PA ZHES BYA BAR SBYAR RO, ,NYAN THOS DANG RANG SANGS RGYAS GNYIS LA NI BGROD PAR BYA BA STE, THOB PAR BYA BA YANG YOD DE, NYAN THOS LA NI RANG SANGS RGYAS NYID THOB PAR BYA BA YOD LA, RANG SANGS RGYAS LA YANG SANGS RGYAS NYID THOB PAR BYA BA YOD KYI, SANGS RGYAS NYID DU GYUR NAS NI THOB PAR BYA BA DANG RTOGS PAR BYA BA CUNG ZAD KYANG MED DE, DE'I PHYIR JI TZAM DU GSHEGS PAR BYA BAR GSHEGS PA YIN NO; ,YANG NA JI TZAM DU GSHEGS PAR BYA BAR GSHEGS PA ZHES BYA BA NI JI TZAM DU THUGS SU CHUD PAR BYA BA DANG, THOB PAR BYA BAR ZHES BYA BA'I THA TSIG GO, ,NYAN THOS DANG RANG SANGS RGYAS NI JI TZAM DU BGROD PAR BYA BAR MA SON CING, JI TZAM DU RTOGS PAR BYA BA DANG, THOB PAR BYA BAR MA SON TO, ,DES NA BDE BAR GSHEGS PA ZHES BYA BA STE, PHYI ROL PA'I ZHES BYA BA RGYAS PAR 'BYUNG BA NI PHYI ROL BA'I 'DOD CHAGS DANG BRAL BA DAG LAS KHYAD PAR DU BYA BA'I PHYIR BDE PAR GSHEGS PA ZHES BYA BA STE, DE DAG NI PHYIR LDOG PA CAN YIN NO, ,PHYI ROL PA'I @157B 'DOD CHAGS DANG BRAL BA DE LAS GZHAN PA DGRA BCOM PA DAG LAS KHYAD PAR DU BYA BA'I PHYIR BDE BAR GSHEGS PA ZHES BYA STE, DE DAG NI GAL TE PHYIR MI LDOG PA YIN YANG SANGS RGYAS KYI YON TAN RAB TU PHUL MA THOB CING JI TZAM DU BGROD PAR BYA BAR MA SON PA DAG YIN NO, ,GDUL BA GDUL BA YANG STON PA NYID KYI PHRIN LAS GNYIS PA YIN TE, RGYU DES NA SKYES BU 'DUL BA'I KHA LO SGYUR BA BLA NA MED PA ZHES BYA'O, ,BLA NA MED PA NYID KYANG SKYES BU 'DUL BA ZHES BYA BA RGYAS PAR 'BYUNG STE, CHU KLUNG 'OD SRUNGS LA SOGS PA 'DOD CHAGS DANG ZHE SDANG DANG GTI MUG GI SHAS CHE BA'I PHYIR GDUL DKA' BA DE DAG KYANG GO RIMS BZHIN DU 'DUL BA'I PHYIR BLA NA MED PA'O, ,GZHAN YANG GTAN DU MA YIN PA JI SRID KYI DUS KYI BLA NA MED PA'I CHED DU THABS DKA' BA KHA NA MA THO BAS GDUL DKA' BA RNAMS 'DUL PAR BYED DU ZIN KYANG SANGS RGYAS BCOM LDAN 'DAS NI THABS SLAB ZHES BYA BA RGYAS PAR SMOS SO, ,DE NI ZHES GSUNGS PA JI LTA BU ZHE NA, 'DI LTAR YANG BCOM LDAN 'DAS DE NI ZHES BYA BA'O, ,RGYAS PA NI TSIG DGU PO DAG GIS JI SKAD GSUNGS PA LTA BU ZHE NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA ZHES BYA BA'O, ,NGES PA'I TSIG GI TSUL GYIS NA SHES BYA THAMS CAD THUGS SU CHUD PA'I PHYIR NA SANGS RGYAS SO, ,BDUD DANG PHAS KYI RGOL BA THAMS CAD RAB TU 'JOMS PA'I PHYIR NA BCOM LDAN 'DAS SO, ,SMRAS PA, TSIG THAMS CAD KYI DON NI BSHAD NA 'DI LTAR YANG ZHES BYA BA 'DI'I DON NI CI ZHIG YIN ZHE NA, DE BZHIN GSHEGS PA'I RNAM PAR RJES SU DRAN PA LTAR TE, JI LTAR ZHE NA, RGYAS PAR JI SKAD DU GSUNGS PA, 'DI LTAR YANG STE 'DI LTAR BYAS NAS ZHES BYA BA'I THA TSIG GO, ,MDO SDE'I DUM BU GNYIS PA LAS 'BYUNG BA NI DE'I TSE NGA NI LHA DANG BCAS PA'I 'JIG RTEN DANG, BDUD DANG BCAS PA DANG, TSANGS PA DANG @158A *, ,BCAS PA DANG, DGE SBYOD DANG BRAM ZER BCAS PA'I SKYE DGU DANG, LHA DANG MIR BCAS PA'I TSOGS LAS GROL BA DANG, NGES PAR 'BYUNG BA DANG, BRAL BA DANG, RAB TU RNAM PAR GROL BA DANG, SEMS PHYIN CI MA LOG PA LAN MANG DU GNAS SHING, DE'I TSE BDAG NI BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR SHES SO ZHES BYA BA GANG YIN PA DE YIN NO, ,SHES BYA'I SGRIB PA LAS KYANG RNAM PAR GROL BA'I KHYAD PAR STON TO, ,DE LAS ZHES BYA BA NI LHA DANG BCAS PA'I 'JIG RTEN LAS SO, ,RNAM PAR GROL BA LA SOGS PAS STON TO ZHES BYA BA NI GROL BA NYID KYANG NGES PAR 'BYUNG BA NYID DANG, BRAL BA NYID DANG, RAB TU RNAM PAR GROL BA NYID KYIS SO, ,DE LAS GZHAN PA NYID CES BYA BA NI LHA GTZO BO BDUD DANG TSANGS PA RNAMS DANG MI GTZO BO DGE SBYONG DANG BRAM ZE RNAMS LAS GZHAN PA LHA DANG MI RNAMS DANG BCAS PA'I SKYE DGU GANG YIN PA DE NI LHA DANG MI'I GTZO BO MA YIN PA RNAMS SO, ,BAG LA NYAL RJES SU 'BRANG BA'I PHYIR RO ZHES BYA BA NI NYON MONGS PA'I SA BON MA BTON PA'I PHYIR RO ZHES BYA BA'I THA TSIG GO, ,RAB TU RNAM PAR GROL BA DAG GI NGES PA'I TSIG NI SLAR 'OD BA DANG BRAL BAR 'GROL BA NI RAB TU RNAM PAR GROL BA DAG YIN PAS SO ZHES BYA BA GSUNGS PA'O, ,DE DAG DANG CHOS MI MTHUN PAS ZHES BYA BA RGYAS PAR 'BYUNG BA NI PHYI ROL PA'I 'DOD CHAGS DANG BRAL BA YONGS SU MI NYAMS PA'I CHOS CAN GROL BA DANG, NGES PAR 'BYUNG BA DANG DE DAG DANG CHOS MI MTHUN PAS NA BCOM LDAN 'DAS KYIS NYID KYI GROL BA LA SOGS PA NYID STON PAR MDZAD PA NI GROL BA DANG, NGES PAR 'BYUNG BA DANG, BRAL BA DANG, RAB TU RNAM PAR GROL BA'O, DGRA BCOM BA DANG, CHOS MI MTHUN PAS NI MA YIN TE, DE DANG RNAM PAR GROL BA THUN MONG YIN PA'I PHYIR RO, ,SA DE PA'I ZHES BYA BA RGYAS PAR 'BYUNG BA NI SA DE DAG LA YOD PA'I SA DE DAG NI SA DE PA'O, ,DE DAG NI SA DE PA DAG KYANG YIN LA NYON MONGS PA DAG KYANG YIN PAS SA DE PA'I NYON MONGS PA'O, ,SA DE PA'I NYON MONGS PA RNAMS KYI KUN NAS DKRIS PA STE @158B MNGON DU GYUR PA NI SA DE PA'I NYON MONGS PA KUN NAS DKRIS PA'O, ,DE NYID 'CHING BA YIN PAS SA DE PA'I NYON MONGS PA KUN NAS DKRIS PA'I 'CHING BA'O, ,DE CHAD PA NI SA DE PA'I NYON MONGS PA KUN NAS DKRIS PA'I 'CHING BA CHAD PA STE, DE LAS NI SA DE PA'I NYON MONGS PA KUN NAS DKRIS PA'I 'CHING BA CHAD PA LAS SO, ,SA DE PA'I BTZON RA NAS ZHES BYA BA NI SKYE BA DE'I GNAS NAS ZHES BYA BA'I THA TSIG GO, ,KUN DU SBYOR BA GSUM RNAMS KYIS ZHES BYA BA NI 'JIG TSOGS LA LTA BA DANG, TSUL KHRIMS DANG, BRTUL ZHUGS MCHOG TU 'DZIN PA DANG, THE TSOM RNAMS KYIS SO, ,RNAM PAR GROL BA RNAM PA BZHI STON PAR MDZAD PA NI GROL BA ZHES BYA BA RGYAS PAR 'BYUNG BAS SO, ,SDUG BSNGAL LAS KYANG RAB TU RNAM PAR MA GROL BA DAG YIN PA NI YANG 'DOD PA'I KHAMS SU SKYE BA'I PHYIR RO, ,DE DAG LAS KHYAD PAR DU BYA BA'I PHYIR YANG GROL BA ZHES BYA BA RGYAS PAR 'BYUNG BA SNGA MA BZHIN NO, ,'DI LTAR YANG YIN TE ZHES BYA BA NI SHIN TU BZHED PA'I RNAM GRANGS GSUNGS PA YIN NO, ,BAG LA NYAL DANG 'BREL BA'I PHYIR RO ZHES BYA BA NI SA DE PA'I NYON MONGS PA'I SA BON DANG 'BREL PA'I PHYIR RO ZHES BYA BA'I THA TSIG GO, ,SNGA MA BZHIN DU BCOM LDAN 'DAS KYIS NYID KYI RNAM PAR GROL BA RNAM PA BZHI STON PAR MDZAD DO, ,DE DAG NI SO SO'I SKYE BO LA SOGS PA'O, ,DE MI MNGA' BA'I PHYIR ZHES BYA BA NI PHYIN CI LOG MI MNGA' BA'I PHYIR TE, SEMS PHYIN CI MA LOG PAS LAN MANG DU GNAS PA YIN NO, ,NYON MONGS PA'I SGRIB PA LAS ZHES BYA BA NI NYON MONGS PA NYID SGRIB PA YIN PAS NA NYON MONGS PA'I SGRIB PA STE, DE LAS SO, ,RNAM PAR GROL BA DE KHO NA MKHYEN PAS 'DOD CHAGS LA SOGS PA BSAL BAS THUGS DRI MA MED PA NYID DO, ,SHES BYA'I SGRIB PA LAS ZHES BYA BA NI SHES BYA LA SGRIB PAS SHES BYA'I SGRIB PA STE, DE YANG YE SHES DAM PA SKYE BA'I BGEGS TE, GNAS NGAN LEN DANG SEMS LAS SU MI RUNG BA NYID CES BYA BA NI RNAM GRANGS SO, ,THUGS SU CHUD PAR MKHYEN PA'I PHYIR RO ZHES BYA BA NI RANG GI BDAG NYID DU MKHYEN PAR GYUR TO ZHES BYA BA'I THA TSIG STE, RTOG GE PA'I SHES PAS KYANG MA YIN LA @159A *, ,GZHAN LA THOS PAS KYANG MA YIN NO, ,MDO SDE'I DUM BU GSUM PA LAS 'BYUNG BA NI RGYAS PAR GSUNGS NAS, BTZUN PA BCOM LDAN 'DAS NI MA DUL BA RNAMS DUL BAR MDZAD PA, MA ZHI BA RNAMS ZHI BAR MDZAD PA, DBUGS MA PHYIN PA RNAMS DBUGS PHYIN PAR MDZAD PA, YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR MDZAD PA ZHES BYA BA GANG YIN PA DE YIN NO, ,ZHI BAR MDZAD PA NI ZHES BYA BA RGYAS PAR 'BYUNG BA NI SNYOMS PAR 'JUG PA'I BDE BAR GNAS PA NI SNYOMS PAR 'JUG PA'I BDE BAR GNAS PA'O, ,ZHI BA YANG YIN LA SNYOMS PAR 'JUG PA'I BDE BAR GNAS PA YANG YIN PAS ZHI BA'I SNYOMS PAR 'JUG PA'I BDE BAR GNAS PA STE, DE LA RAB TU 'JOG PAR MDZAD PA'I PHYIR RO, ,SNYOMS PAR 'JUG PA DAG NI BSAM GTAN DANG, GZUGS MED PA DAG GO, ,DE GNYIS DANG LDAN PA'I PHYIR ZHES BYA BA NI NYON MONGS PA SPANGS PA DANG, ZHI BA'I SNYOMS PAR 'JUG PA'I BDE BAR GNAS PA DANG LDAN PA'I PHYIR ZHES BYA BA'I THA TSIG GO, ,MDO SDE GZHAN LAS THUGS DUL BA DANG RNAM PAR ZHI BA DANG RNAM PAR ZHI BA MCHOG DANG LDAN PA ZHES GSUNGS SO ZHES BYA BA NI NYON MONGS PA SPANGS PA DANG LDAN PA'I PHYIR THUGS DUL BA MCHOG DANG LDAN PA YIN LA, ZHI BA'I SNYOMS PAR 'JUG PA'I BDE BAR GNAS PA DANG LDAN PA'I PHYIR RNAM PAR ZHI BA MCHOG DANG LDAN PA YIN NO, ,MDOR NA NI DUL BA DANG DUL BA'I PHAN YON LA RAB TU 'JOG PAR MDZAD PA NYID DU BSTAN PA YIN TE ZHES BYA BA NI MA DUL BA RNAMS DUL BAR MDZAD PA ZHES BYA BA'I TSIG 'DIS NI DUL BA LA RAB TU 'JOG PAR MDZAD PA NYID DU BSTAN LA, LHAG MA GSUM PO DAG GIS NI DUL BA'I PHAN YON LA STE, DUL BA'I PHAN YON NI MTHONG BA'I CHOS LA ZHI BA'I BDE BAR GNAS PA STE, MA ZHI BA RNAMS ZHI BAR MDZAD PA ZHES BYA BA'I TSIG 'DIS BSTAN TO, ,TSE PHYI MA LA NGAN SONG DANG YANG SRID PA MI 'BYUNG BA NI TSIG GNYIS KYIS BSTAN PA YIN TE, DBUGS MA PHYIN PA RNAMS DBUGS PHYIN PAR MDZAD PA ZHES BYA BA'I TSIG 'DIS NI TSE PHYI MA LA NGAN SONG GI SDUG BSNGAL MI 'BYUNG BA BSTAN TO, ,YONGS SU MYA NGAN LAS @159B 'DAS PA RNAMS YONGS SU MYA NGAN LAS 'DAS PAR MDZAD PA ZHES BYA BA 'DIS NI TSE PHYI MA LA YANG SRID PA MI 'BYUNG BA BSTAN TO, ,GO RIMS BZHIN DU ZHES BYA BRGYAS PAR BYA BA NI NYON MONGS PA RNAMS LAS GROL BAR MDZAD PA'I PHYIR MA DUL BA RNAMS DUL BAR MDZAD PA'O, ,SDUG BSNGAL LAS GROL BAR MDZAD PA'I PHYIR MA ZHI BA RNAMS ZHI BAR MDZAD PA'O, ,NYON MONGS PA RNAMS DANG SDUG BSNGAL LAS GTAN DU GROL BAR MDZAD PA'I PHYIR DBUGS MA 'BYIN PA RNAMS DBUGS PHYIN PAR MDZAD PA'O, ,DE RNAMS NYID LAS MA LUS PAR GROL BAR MDZAD PA'I PHYIR YONGS SU MYA NGAN LAS MA 'DAS PA RNAMS YONGS SU MYA NGAN LAS 'DAS PAR MDZAD PA'O, ,PHYI ROL PA DAG NI GAL TE NYON MONGS PA RNAMS DANG SDUG BSNGAL LAS RNAM PAR GROL BAR BYED PA YIN YANG GTAN DU GROL BAR BYED PA DAG MA YIN TE, DE'I 'DOD CHAGS DANG BRAL BA LAS YONGS SU NYAMS PA'I PHYIR DANG, YANG SLAR LDOG PA'I PHYIR RO, ,MA LUS PAR GROL BAR BYED PA DAG KYANG MA YIN TE, SRID PA'I RTZE MO PA'I NYON MONGS PA RNAMS NI DE'I GNAS SKABS NYID YIN PA'I PHYIR RO, ,LUS NGAG CES BYA BA RGYAS PAR 'BYUNG BA NI LUS DANG NGAG DANG DBANG PO DUL BA LA 'JOG PAR MDZAD PA'I PHYIR TE, TSUL KHRIMS KYI PHUNG PO LA 'JOG PAR MDZAD PA'I PHYIR ZHES BYA BA'I THA TSIG GO, ,BSAM GTAN LA 'JOG PAR MDZAD PA'I PHYIR DANG, BDEN PA MTHONG BA LA 'JOG PAR MDZAD PA'I PHYIR NI 'PHAGS PA'I BDEN PA MTHONG BA LA 'JOG PAR MDZAD PA'I PHYIR ZHES BYA BA'I THA TSIG GO, ,ZAD PA LA 'JOG BAR MDZAD PA'I PHYIR NI MYA NGAN LAS 'DAS PA LA 'JOG PAR MDZAD PA'I PHYIR ZHES BYA BA'I THA TSIG GO, ,'DUL MDZAD LA SOGS NYID RIG BYA, ,ZHES BYA BA NI MA DUL BA RNAMS DUL BAR MDZAD PA ZHES BYA BA DE LTA BU LA SOGS PAR RIG PAR BYA'O ZHES BYA BA'I THA TSIG GO, ,JI LTAR RNAM PA GANG GIS RIG BAR BYA ZHE NA, N+YA GRO DHA'I MDO BZHIN TE, JI LTAR N+YA GRO DHA'I MDO LAS 'BYUNG BA LTA BU'O, ,JI LTAR ZHE NA, DE LAS RGYAS PAR GSUNGS NAS, TSUL KHRIMS DANG LDAN PAR GNAS PA DANG, SO SOR THAR PA'I SDOM PAS BSDAMS PA DANG, CHO GA DANG SBYOD LAM PHUN SUM TSOGS PA DANG ZHES BYA BA NAS BZUNG @160A *, ,NAS; DE 'PHAGS PA'I TSUL KHRIMS KYI PHUNG PO 'DI DANG LDAN PA DANG, DBANG PO'I SGO BSDAMS PA 'DIS ZHES BYA BA'I BAR DU 'BYUNG BAS LUS DANG NGAG DANG DBANG PO DUL BA LA 'JOG PAR MDZAD PA YIN PAR RIG BAR BYA'O, ,DE'I PHYIR MA DUL BA RNAMS DUL BAR MDZAD PA'O, ,'GRO BA DANG LDOG PA LA SHES BZHIN DU GNAS PA YIN, MDUN DU BLTA BA DANG, G-YAS G-YON DU BLTA BA NAS BZUNG NAS, BSAM GTAN BZHI PA NYE BAR RDZOGS PAR BYAS TE GNAS ZHES BYA BA'I BAR DU 'BYUNG BAS BSAM GTAN LA 'JOG PAR MDZAD PAR RIG PAR BYA'O, ,DE'I PHYIR MA ZHI BA RNAMS ZHI BAR MDZAD PA'O, ,DE LTAR SEMS MNYAM PAR BZHAG CING YONGS SU DAG STE YONGS SU BYANG NA ZHES BYA BA NAS BZUNG NAS, 'DI NI SDUG BSNGAL 'PHAGS PA'I BDEN PA'O SNYAM DU YANG DAG PA JI LTA BA BZHIN DU RAB TU SHES, 'DI NI SDUG BSNGAL KUN 'BYUNG BA 'DI NI SDUG BSNGAL 'GOG PA, 'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O SNYAM DU YANG DAG PA JI LTA BA BZHIN DU RAB TU SHES SO ZHES BYA BA'I BAR DU 'BYUNG BAS BDEN PA MTHONG BA LA 'JOG PAR MDZAD PA YIN PAR RIG PAR BYA'O, ,DE'I PHYIR DBUGS MA PHYIN PA RNAMS DBUGS PHYIN PAR MDZAD PA STE, NGAN 'GRO'I 'JIGS PA SEL BAR MDZAD PA'I PHYIR RO, ,DE DE LTAR SHES SHING DE LTAR MTHONG BA NA 'DOD PA'I ZAG PA DANG, SRID PA'I ZAG PA DANG MA RIG PA'I ZAG PA LAS SEMS RNAM PAR GROL BAR 'GYUR ZHES BYA BA NAS BZUNG NAS, RNAM PAR GROL BA LA RNAM PAR GROL BA NYID DU YE SHES MTHONG BA 'BYUNG STE, BDAG GI SKYE BA ZAD DO, ,TSANGS PAR SBYOD PA SBYAD DO, ,BYA BA BYAS SO, ,'DI LAS SRID PA GZHAN MI SHES SO ZHES BYA BA'I BAR DU 'BYUNG BAS SPANGS PA LA 'JOG PAR MDZAD PA YIN PAR RIG PAR BYA'O, ,DE'I PHYIR YONGS SU MYA NGAN LAS MA 'DAS PA RNAMS YONGS SU MYA NGAN LAS 'DAS PAR MDZAD PA'O; ,DE LA BSAM GTAN NI SHES BZHIN DU GNAS PA NAS BZUNG NAS ZHES BYA BA NI SHES BZHIN PAR GNAS PA NI SHES BZHIN DU GNAS PA STE, DE NAS YIN PAS NA SHES BZHIN DU GNAS PA NAS BZUNG NAS SO, ,JI LTAR ZHE NA, DBANG PO'I SGO BSDAMS PA 'DIS 'GRO BA DANG LDOG PA LAS SHES @160B BZHIN DU GNAS PA YIN ZHES BYA BA 'DI NAS BZUNG NAS BSAM GTAN BZHI DAG GI BAR DAG YIN PAR RIG BAR BYA STE, CI'I PHYIR ZHE NA, SBYOR BA DANG BCAS PAS BZUNG BA'I PHYIR TE, 'DI LTAR SHES BZHIN DU GNAS PA YIN ZHING G-YAS G-YON DU LTA BA DANG RNAM PAR LTA BA ZHES BYA BA DE LTA BU LA SOGS PA'I SBYOR BA DANG BCAS PA'I BSAM GTAN NI BSAM GTAN DAG TU BZUNG BA YIN NO, ,DBUGS PHYIN PA DANG, DBUGS MCHOG TU PHYIN PA GNYIS LA RAB TU 'JOG PAR MDZAD PA'I PHYIR RO ZHES BYA BA DE LA, DBUGS PHYIN PA NI KUN DU SBYOR BA GSUM PO DAG SPANGS PA RGYUN DU ZHUGS PA'I 'BRAS BU STE, MDO LAS JI SKAD 'BYUNG BA BZHIN NO, ,DBUGS MCHOG TU PHYIN PA NI LAN CIG PHYIR 'ONG BA'I 'BRAS BU STE MDO LAS JI SKAD 'BYUNG BA BZHIN NO, ,DE NYID KYIS BSIL BAR GYUR PA DANG, MCHOG TU BSIL BAR GYUR PA GNYIS LA RAB TU 'JOG PAR MDZAD PA'I PHYIR RO ZHES BYA BA NI SHES RAB RNAM PAR DAG PA DE NYID KYIS BSIL BAR GYUR PA PHYIR MI 'ONG BA'I 'BRAS BU LA, RAB TU 'JOG PAR MDZAD PA'I PHYIR DANG, SHES RAB RNAM PAR DAG PA DE NYID KYIS MCHOG TU BSIL BAR GYUR PA DGRA BCOM PA NYID KYI 'BRAS BU LA RAB TU 'JOG PAR MDZAD PA'I PHYIR 'BRAS BU 'DI GNYI GA YANG BSIL BAR GYUR PA DANG, MCHOG TU BSIL BAR GYUR BA YIN TE, MDO LAS JI SKAD 'BYUNG BA BZHIN NO, ,RGYU DANG BCAS PA'I ZHES BYA BA RGYAS PAR 'BYUNG BA LA, RGYU DANG BCAS PA NI RGYU DANG BCAS PA STE, RGYU NI DBANG PO DUL BA'O, ,BSLAB PA GSUM YONGS SU RDZOGS PA ZHES BYA BA LA BSLAB PA GSUM NI LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB STE, DE YONGS SU RDZOGS PA LA RAB TU RDZOGS PAR MDZAD PA NYID DU BSTAN BA YIN NO, ,MDO SDE'I DUM BU BZHI PA LAS 'BYUNG BA NI DE BZHIN GSHEGS PA NI LAM MKHYEN PA LAM THUGS SU CHUD PA LAM STON PA, LAM GSUNGS PA LAM YONGS SU 'DREN PA LAGS SO ZHES BYA BA GANG YIN BA DE YIN NO, ,TSIG DANG PO GNYIS PO LAM MKHYEN PA DANG, LAM THUGS SU CHUD PA ZHES BYA BA GNYIS KYIS NI RANG GI DON PHUN SUM TSOGS PA YONGS SU BSTAN TO, ,LHAG MA GSUM DAG GIS NI GZHAN GYI DON SGRUB PA PHUN SUM TSOGS PA @161A *, ,YONGS SU BSTAN TO, ,LAM DANG LAM MA YIN PA GNYIS MKHYEN PA'I PHYIR RO ZHES BYA BA NI LAM MKHYEN PA'I PHYIR DANG, LAM MA YIN PA MKHYEN PA'I PHYIR, LAM DANG LAM MA YIN PA GNYIS YANG DAG PAR RAB TU STON PA'I PHYIR RO ZHES BYA BA NI LAM DANG LAM MA YIN PA YANG DAG PAR RAB TU STON PA'I PHYIR RO, ,RNAM GRANGS GNYIS PAR LAM YONGS SU 'DREN PA ZHES BYA BA'I TSIG 'DI'I DON 'CHAD DO, ,DE CI'I PHYIR ZHE NA, RNAM GRANGS GNYIS PAR YANG 'DI GZHAN GYI DON SGRUB PA PHUN SUM TSOGS PA KHO NAR 'CHAD PAS RNAM PAR BSHAD PA GCIG CIG MDZAD DO; ,'JIG TSOGS KUN 'BYUNG BA DANG, 'GOG PAR 'GYUR BA GNYIS KYI SGRUB PA GNYIS ZHES BYA BA NI 'JIG TSOGS KUN 'BYUNG BAR 'GYUR BA'I LAM DANG, 'JIG TSOGS 'GOG PAR 'GYUR BA'I LAM MO, ,DE LA 'JIG TSOGS NI NYE BAR LEN PA'I PHUNG PO LNGA'I MTSAN NYID SDUG BSNGAL YIN NO, ,'JIG TSOGS DE KUN 'BYUNG BA NA SKYE BA YIN PAS 'JIG TSOGS KUN 'BYUNG BA YIN NO, ,'DI LA 'JIG TSOGS KUN 'BYUNG BAR 'GYUR BA'I NGANG TSUL YOD PAS 'DI NI 'JIG TSOGS KUN 'BYUNG BAR 'GYUR BA'O, ,'DI NI 'JIG TSOGS KUN 'BYUNG BAR 'GYUR BA YANG YIN LA SGRUB PA YANG YIN PAS 'JIG TSOGS KUN 'BYUNG BAR 'GYUR BA'I PHYIR RO, ,'DIS SGRUB PAR BYED PAS SGRUB PA LAM YIN TE, SRID PA'I MTSAN NYID NI SDUG BSNGAL 'BYUNG BA'I RGYU YIN NO, ,'JIG TSOGS 'GOG PAR GYUR PA'I SGRUB PA YANG DE BZHIN TE, DE YANG 'PHAGS PA'I LAM YAN LAG BRGYAD PA YIN NO, ,SGRUB PA DE GNYIS YONGS SU MKHYEN PA'I PHYIR DANG, THUGS SU CHUD PA'I PHYIR DANG, YANG DAG PAR RAB TU STON PA'I PHYIR LAM MKHYEN PA ZHES BYA BA RGYAS PAR 'BYUNG BA DANG GO RIMS BZHIN NO, ,JI LTAR ZHE NA, 'JIG TSOGS KUN 'BYUNG BAR 'GYUR BA'I LAM YONGS SU MKHYEN PA'I PHYIR LAM MKHYEN PA'O, ,'JIG TSOGS 'GOG PAR 'GYUR BA'I SGRUB PA THUGS SU CHUD PA'I PHYIR MNGON SUM DU MDZAD PA BRNYES PA'I PHYIR LAM THUGS SU CHUD PA STE, THUGS SU CHUD PA NI BRNYES PA'I DON YIN PA'I PHYIR RO, ,SGRUB PA DE GNYIS GO RIMS BZHIN DU YANG DAG PAR @161B RAB TU STON PA'I PHYIR TE, 'JIG TSOGS KUN 'BYUNG BAR 'GYUR BA'I LAM YANG DAG PAR RAB TU STON PA'I PHYIR LAM STON PA'O, ,'JIG TSOGS 'GOG PAR 'GYUR BA'I SGRUB PA YANG DAG PAR RAB TU STON PA'I PHYIR LAM GSUNG BA'O, ,LAM YONGS SU 'DREN PA ZHES BYA BA NI MTHAR THUG PAR 'DREN PA ZHES BYA BA'I THA TSIG GO, ,JI LTA ZHE NA, LAM GYI GONG NAS GONG DU KHYAD PAR DU 'GRO BAS LAM GYI MTHAR THUG PAR 'DREN PA'I PHYIR RO, ,JI LTA BU ZHE NA, NGES PAR 'BYED PA'I CHAD DANG MTHUN PA'I GNAS SKABS KYI SBYOR BA NAS BRTZAMS NAS MI SLOB PA'I LAM GYI KHYAD PAR RO, ,LAM NYID DU THUGS SU CHUD PAS NA LAM THUGS SU CHUD PA'O ZHES BYA BA LA, LAM MO SNYAM PA NI LAM NYID DU STE, DE BRNYES PAS NA LAM 'DI KHO NA YIN NO ZHES DE LTAR THUGS SU CHUD PA STE, DANG POS NI MKHYEN PA 'GA' ZHIG TU ZAD KYI LAM MO SNYAM DU MKHYEN PA NI MA YIN NO, ,BSAM PA YONGS SU SMIN PA RNAMS LA ZHES BYA BA NI DGE BA'I RTZA BA YONGS SU SMIN PA RNAMS LA'O, ,RNAM PAR GROL BA YONGS SU SMIN PAR BYED PA'I ZHES BYA BA NI RNAM PAR GROL BA YONGS SU SMIN PAR BYED PAS RNAM PAR GROL BA YONGS SU SMIN PAR BYED PA STE, DE 'BYUNG BA'I RGYU'I GNAS SKABS YIN PA'I PHYIR RO, ,YONGS SU SMIN PAR MDZAD PA'I PHYIR RO ZHES BYA BA NI DE 'BYUNG BA DANG RJES SU MTHUN PAR 'JOG PAR MDZAD PA'I PHYIR RO ZHES BYA BA'I THA TSIG GO, ,DE NAS 'GRO BA'I BAR DU GCOD PA SEL BA'I PHYIR RO ZHES BYA BA NI LAM NAS 'GRO BA'I BAR DU GCOD PA KUN NAS NYON MONGS PA'I PHYOGS SEL BA'I PHYIR RO ZHES BYA BA'I THA TSIG GO, ,DE LA MDO SDE DUM BU DANG PO LAS 'BYUNG BA NI BCOM LDAN 'DAS KYIS CHOS NI LEGS PAR GSUNGS PA, YANG DAG PAR MTHONG BA, NAD MED PA DUS CHAD PA MED PA, NYE BAR GTOD PA, 'DI MTHONG BA LA DON YOD PA, MKHAS PA RNAMS KYIS RANG GIS RIG PAR BYA'O ZHES BYA BA GANG YIN PA DE YIN TE, DUS CHAD PA MED PA ZHES BYA BA NI DUS NGES BA MED PA ZHES BYA BA'I THA TSIG GO, ,'DI MTHONG BA RNAMS LA YOD PA'I PHYIR RO ZHES BYA BA NI 'DI MTHONG BA NI CHOS 'DI PA RNAMS SO, ,DE LAS BZLOG PA'I PHYIR NI PHYIN CI LOG TU 'CHAD PA'I PHYIR DANG, DON MA MTHONG BA'I PHYIR DANG ZHES BYA BA DE LTA BU LA SOGS PA NI BZLOG @162A *, ,PA'O; ,JI SKAD DU SANGS RGYAS KYI GSUNG NI 'GRO BA DANG 'GRENG BA DANG 'DUG PA DANG NYAL BA NA YANG BYA SLA BA YIN TE, DE YANG SHES RAB DANG LDAN PA LA YIN NO ZHES BYA BA RGYAS PAR GSUNGS PA LTA BU'O, ,JI SKAD DU, NGA'I NYAN THOS KYI DGE SLONG G-YO MED PA SGYU MED PA DRANG PO DRANG PO'I RANG BZHIN CAN TSUR SHOG SHIG DANG NGAS DE LA GDAMS PAR BYA, NGAS DE LA RJES SU BSTAN PAR BYA'O, ,NGAS DE LA CHOS BSTAN PAR BYA'O ZHES BYA BA RGYAS PAR GSUNGS PA LTA BU'O, ,LHAG MA NI SNGA MA BZHIN TE, PHYIN CI MA LOG PAR YANG DAG PAR GSUNGS PA'I PHYIR LEGS PAR GSUNGS PA'O, ,DON MA MTHONG BA'I PHYIR YANG DAG PAR MTHONG BA YIN GYI ZHES BYA BA DE LTA BU LA SOGS PA BZHIN NO, ,YANG DAG DON DANG ZHES BYA BA RGYAS PAR 'BYUNG BA LA, YANG DAG DON NI 'PHAGS PA'I LAM YAN LAG BRGYAD PO STE, PHYI CI MA LOG PAR YANG DAG PAR GSUNGS PA'I PHYIR RO, ,DON NI MTHONG BA YANG 'PHAGS BA'I LAM GYI YAN LAG BRGYAD PO STE DON MTHONG BA NYID KYI PHYIR RO, ,GNYEN PO YANG DE NYID YIN TE NYON MONGS PA'I BAG LA NYAL GYI GNYEN PO YIN PA'I PHYIR RO, ,GTAN KYANG DE NYID YIN TE, YONGS SU MI NYAMS PA'I PHYIR RO, ,BAG LA NYAL MA LUS PA'I YANG GNYEN PO'O, ,'PHAGS PA'I LAM GYI YAN LAG BRGYAD PO STE, SDUG BSNGAL MA LUS PA LAS NGES PAR 'BYUNG BA LA NYE BAR GTOD PA'I PHYIR RO, ,THUN MONG MIN DANG RTOG GE'I YUL MIN DANG, ,ZHES BYA BA LA THUN MONG MA YIN PA YANG 'PHAGS PA'I LUS GYI YAN LAG BRGYAD PO YIN TE, THUN MONG MA YIN PA KHO NA YIN PA'I PHYIR RO, ,RTOG GE PA'I YUL MA YIN PA YANG DE NYID YIN TE, ,BRTAG MI NUS PA'I PHYIR RO, ,GANG GI PHYIR DE LTA BU YIN PA DE'I PHYIR LEGS PAR GSUNGS PA ZHES BYA BA RGYAS PAR 'BYUNG BA YIN NO,, ,,RNAM PAR BSHAD PA'I RIGS PA'I BSHAD PA BAM PO GSUM PA, RNAM GRANGS GNYIS PA NI GZHAN YANG DE NI DUS CHAD PA MED PA'I PHYIR ZHES BYA BA RGYAS PAR 'BYUNG BA NI DUS CHAD PA MED PAS BYA SLA BAR RIG PAR BYA STE, DE YANG 'PHAGS PA'I LAM YAN LAG BRGYAD PO YIN NO, ,TSUR SHOG LTOS SHIG CES, SLOB DPON DPE MKHYUD BRAL BA YANG 'PHAGS PA'I LAM YAN LAG BRGYAD PO DE NYID YIN NO, ,LHAG MA @162B SNGA MA STE PHYIN CI MA LOG PAR YANG DAG PAR GSUNGS PA'I PHYIR ZHES BYA BA DE LTA BU LA SOGS PA BZHIN DU SHES PAR BYA'O, ,YANG DAG PAR MTHONG BA NI MNGON SUM DU GYUR PA ZHES BYA BA'I THA TSIG GO, ,MDO SDE'I DUM BU GNYIS PA LAS 'BYUNG BA NI BCOM LDAN 'DAS KYIS LEGS PAR GSUNGS PA'I CHOS 'DUL BA NI LEGS PAR BSTAN PA, NGES PAR 'BYUNG BA RDZOGS PA'I BYANG CHUB TU 'GRO BAR BYED PA NI, MI MTHUN PA MED CING 'DUS PA DANG LDAN PA ZHES BYA BA, BRTEN PA YOD PA ZHES BYA BA NI 'DI STON PA DE BZHIN GSHEGS BA DGRA BCOM PA YANG DAG PAR RDZOGS PA'I SANGS RGYAS SO ZHES BYA BA GANG YIN PA DE YIN NO, ,NYES PAR BSTAN PA NYID KYIS ZHES BYA BA NI NYES PAR GDAGS PA NYID KYIS ZHES BYA BA'I THA TSIG GO, ,RDZOGS PA'I BYANG CHUB TU 'GRO BAR MI 'GYUR BA NYID KYIS NGES PAR MI 'BYUNG BA NI 'DI LTAR BYANG CHUB GSUM PO GANG YANG RUNG BA NI PHYI ROL BA'I CHOS KYIS RDZOGS PA'I BYANG CHUB TU MI 'GRO STE, DE'I PHYIR NGES PAR MI 'BYUNG BA YIN NO, ,'DUS PA DANG MI LDAN PA NYID KYIS MI MTHUN PA NI MA TSOGS PA NYID KYIS ZHES BYA BA'I THA TSIG GO, ,DE BZHIN GSHEGS PA LA SOGS PA MA YIN PA NYID NI DE BZHIN GSHEGS PA MA YIN PA DANG DGRA BCOM PA MA YIN PA DANG, YANG DAG PAR RDZOGS PA'I SANGS RGYAS MA YIN PA'O, ,MDOR NA ZHES BYA BA RGYAS PAR 'BYUNG BA LA, MDOR NA SKYON RNAM PA 'DI BZHI BSTAN PA YIN TE, BSTAN PA'I CHOS LA DON PHYIN CI LOG PA NYID KYI SKYON NI BSTAN PA'I CHOS NI DE DAG GI CHOS KYI BSTAN BCOS GRANGS CAN GYI RNAL 'BYOR SHES PA LA SOGS PA STE, BSTAN PA'I CHOS DE NI NYES PAR BSTAN PA NYID KYIS DON PHYIN CI LOG PA NYID KYI SKYON YONGS SU BSTAN TO, ,SGRUB PA'I CHOS LA MYA NGA LAS 'DAS PAR MI 'GRO BA NYID KYI SKYON NI RDZOGS PA'I BYANG CHUB TU 'GRO BAR MI 'GYUR BA NYID KYIS YONGS SU BSTAN PA YIN TE, SGRUB PA'I CHOS KYANG DE DAG GIS 'JIG RTEN PA'I LAM YIN TE NGES SO, ,NYAN PA PO RNAMS LA BLO DU MA DANG LDAN PA NYID KYI SKYON NI 'DUS PA DANG MI LDAN PA NYID KYIS YONGS SU BSTAN PA YIN TE, 'DI LTAR DE DAG LAS KHA CIG NI THAR PA'I THABS LA TSIG GI DON DRUG YONGS SU SHES PA LA SOGS PA'I BSTAN BCOS YIN NO ZHES STON PAR BYED PAS SO, ,STON PA LA THE TSOM @163A *, ,THAMS CAD GCOD MI NUS PA'I SKYON NI STON PA DE BZHIN GSHEGS PA LA SOGS PA MA YIN PA NYID KYIS YONGS SU BSTAN PA YIN NA, DE LTAR GZHAN GYI BSTAN BCOS DANG ZHES BYA BA RGYAS PAR 'BYUNG BA NI JI SKAD DU BSHAD PA'I RNAM GRANGS GNYIS PO DE LTAR RO, ,'DI LAS PHYI ROL BA GZHAN GYI BSTAN BCOS NI RNAM GRANGS DANG PO NYES PAR BSHAD PA NYID DANG, NGES PAR MI 'BYUNG BA NYID KYI SKYON DANG LDAN PA YIN NO, ,SLOB MA RNAMS NI MI MTHUN PA NYID KYI SKYON DANG LDAN PA YIN NO, ,STON PA YANG DE BZHIN GSHEGS PA LA SOGS PA MA YIN PA NYID KYI SKYON DANG LDAN PA YIN NO,, GNYIS PAS KYANG GZHAN GYI BSTAN BCOS SKYON DANG LDAN PA YIN TE, 'DI LTAR, TSIG 'BRU BZANG MIN DON BZANG MIN, ,GROL DANG RIG PA'I THABS MA YIN, ,SNGA MA PHYI MA'I 'GAL BA YIN PA'I PHYIR RO, ,SLOB MA YANG SKYON DANG LDAN PA YIN TE, 'DI LTAR GZHAN GYI CHOS 'DUL BA LA DE DAG 'DUL BAR BYED PA'I CHOS 'DUL BA DE NI BSDU BA BZHIS SPANGS PA YIN TE, BSDU BA'I DNGOS PO BZHI RNAMS KYIS SPANGS ZHES BYA BA'I THA TSIG GO, ,BSDU BA'I DNGOS PO BZHI PO DE DAG KYANG SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA STE MDO LAS JI SKAD 'BYUNG BA LTA BU'O, ,DE BAS NA NGES MA BSDUS PA'I PHYIR SKYON STON PA YIN NO, ,DE DAG GI CHOS 'DUL BA DE NI BRTAN PA BZHI DAG GIS SPANGS PA'I PHYIR YANG DE DAG SKYON DANG LDAN PA YIN NO, ,BRTAN PAR BYA BA NAS BRTAN PA STE RTON PA ZHES BYA BA'I THA TSIG GO, ,DE DAG KYANG CHOS LA RTON PA YIN GYI GANG ZAG LA MA YIN PA DANG, DON LA RTON PA YIN GYI TSIG 'BRUL MA YIN PA DANG, NGES PA'I DON GYI MDO SDE LA RTON PA YIN GYI BKRI BA'I DON LA MA YIN PA DANG, YE SHES LA RTON PA YIN GYI RNAM PAR SHES PA LA MA YIN PA'O, ,DE'I PHYIR DE LA RTON PA MED PA'I PHYIR LTA BA PHYIN CI LOG DE LA BRTEN PAS NA SLOB MA DE NGAG NI SKYON DANG LDAN PA YIN NO, ,GZHAN GYI RTON PA YANG SKYON DANG LDAN PA YIN TE, JI LTA BA BZHIN DU SMRA BA NYID PHUN SUM TSOGS PA MED PA'I PHYIR RO, ,CHOS 'DUL BA 'DI NI DE LAS BZLOG PAS SKYON MED PA YIN NO, ,JI LTAR BYAS PAS SHE NA, RE ZHIG RNAM GRANGS DANG PO LAS NYES PAR BSTAN PA NYID KYIS NYES PAR BSHAD @163B PA YIN NO ZHES BYA BA 'DI LAS BZLOG PA NI LEGS PAR GSUNGS PA DANG, LEGS PAR BSTAN PA YIN NO, ,RDZOGS PA'I BYANG CHUB TU 'GRO BAR MI 'GYUR BA NYID KYIS NGES PAR MI 'BYUNG BA YIN NO ZHES BYA BA 'DI LAS BZLOG PA NI NGES PAR 'BYUNG BA DANG, RDZOGS PA'I BYANG CHUB TU 'GRO BAR BYED PA'O, , 'DUS PA DANG MI LDAN PA NYID KYIS MI MTHUN PA YIN ZHES BYA BA 'DI LAS BZLOG PA NI MI MTHUN PA MED CING 'DUS PA DANG LDAN PA ZHES BYA'O, ,STON PA DE BZHIN GSHEGS PA LA SOGS PA MA YIN PA NYID KYIS BRTEN PA MED PA YIN ZHES BYA BA 'DI LAS BZLOG PA NI BRTEN PA YOD PA ZHES BYA BA DANG, 'DI STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SO, ,MDOR NA SKYON RNAM PA 'DI BZHI BSTAN PA YIN TE ZHES BYA BA 'DI LAS BZLOG PA NI MDOR NA YON TAN RNAM PA BZHI BSTAN PA YIN TE, BSTAN PA'I CHOS LA DON PHYIN CI MA LOG PA NYID KYI YON TAN DANG, SGRUB PA'I CHOS LA MYA NGAN LAS 'DAS PAR 'GRO BA NYID KYI YON TAN DANG, NYAN THOS RNAMS LA BLO MTHUN PA NYID KYI YON TAN DANG STON PA LA THE TSOM THAMS CAD GCOD PA'I YON TAN NO, ,DE LTA BU NI RE ZHIG RNAM GRANGS DANG PO LAS BZLOG PA YIN NO, ,GNYIS PA LAS KYANG TSIG 'BRU BZANG MIN ZHES BYA BA 'DI LAS BZLOG PA NI LEGS PAR GSUNGS PA'O, ,DON BZANG MIN ZHES BYA BA 'DI LAS BZLOG PA NI LEGS PAR BSTAN PA'O, ,GROL DANG RIG PA'I THABS MA YIN, ,ZHES BYA BA 'DI LAS BZLOG PA NI NGES PAR 'BYUNG BA DANG, RDZOGS PA'I BYANG CHUB TU 'GRO BA'O, ,NGES PAR 'BYUNG BA NI NGES PAR 'BYUNG BA NYID DE RNAM PAR GROL BA 'DUS MA BYAS SO, ,CHOS 'DUL BA 'DI LA DGOS PA NGES PAR 'BYUNG BA DE YOD PAS 'DI NI NGES PAR 'BYUNG BA'O, ,DE LTAR NA BZLOG NA RNAM PAR GROL BA'I THABS YIN NO, ,RDZOGS PA'I BYANG CHUB KYANG ZAD PA MKHYEN PA DANG MI SKYE BA MKHYEN PA YIN TE, DE NYID RIG PA ZHES BYA'O, ,RDZOGS PA'I BYANG CHUB DER 'GRO BAR BYED PAS RDZOGS PA'I BYANG CHUB TU 'GRO BAR BYED PA STE, DE BZLOG NA RIG PA'I THABS KYANG YIN NO, ,SNGA MA PHYI MA 'GAL BA YIN, ,ZHES BYA BA 'DI LAS BZLOG PA NI MI MTHUN PA MED CING BLO GCIG PA YIN PA'I PHYIR RO, ,BSDU BA BZHI SPANGS PA 'DI LAS @164A *, ,BZLOG PA NI 'DUS PA DANG LDAN PA ZHES BYA'O, ,BRTAN PA BZHI DAG SPANGS PA ZHES BYA BA 'DI LAS BZLOG PA NI BRTEN PA YOD PA ZHES BYA'O, ,STON PA BZLOG PA NI 'DI STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SO, ,CHOS 'DUL BA ZHES BYA BA'I DON NI RIGS PA YIN PA'I PHYIR ZHES BYA BA RGYAS PAR 'BYUNG BA'O, ,DE LTAR NA ZHES BYA BA RGYAS PAR 'BYUNG BA NI JI LTAR CHOS DANG 'DUL BA'I DON BSHAD PA DE LTAR RO, ,SANGS RGYAS KYI BSTAN PA NI YANG DAG PA'I YE SHES 'DREN PA NYID YIN PAR BSTAN PA YIN TE, PHYIN CI MA LOG PA, NYID KYIS RIGS PA YIN PA'I PHYIR CHOS ZHES BYA BAS SO, ,SPANGS PA 'DREN PA NYID YIN PAR BSTAN PA NI NYON MONGS PA 'DUL BA'I PHYIR 'DUL BA'O ZHES BYA BAS SO, ,MDO SDE DUM BU GSUM PA LAS 'BYUNG BA NI DGE SLONG DAG NGA'I CHOS NI LEGS PAR GSUNGS PA, GSAL BA, PHYE BA, RGYU BA BCAD PA, LHA DANG MI'I BAR DAG LA YANG DAG PAR SHIN TU BSTAN ZHES BYA BA GANG YIN PA DE YIN PA'O, ,RNAM PA DRUG GIS CHOS KYI YON TAN YONGS SU BSTAN PA YIN TE ZHES BYA BA NI TSUL DRUG GIS YONGS SU BSTAN PA YIN TE ZHES BYA BA'I THA TSIG GO, ,JI LTAR 'OS PA'I 'DUL BA LA BSTAN PA NYID CES BYA BA LA JI LTAR 'OS PA'I 'DUL BA RNAMS LA BSTAN PA NI JI LTAR 'OS PA'I 'DUL BA LA BSTAN PA'O, ,DE'I DNGOS PO NYID NI DE 'DOD CHAGS SPYOD PA GANG YIN PA DE LA NI MI SDUG PA KHO NA BSTAN GYI, BYAMS PA LA SOGS PA BSTAN PA MA YIN NO ZHES BYA BA DE LTA BU LA SOGS PA'O, ,BDE BAR 'JUG PA NYID NI GSAL BA NYID KYIS YIN TE GSAL BA ZHES BYA BA'O, ,PHYE BA NYID KYIS KYANG BDE BAR 'JUG PA 'DI YIN PA NI PHYE BA'O ZHES BYA'O, ,LHAG MA GSUM NI ZHES BYA BA RGYAS PAR 'BYUNG BA LA LHAG MA GSUM GANG ZHE NA, LHA DANG MIS YANG DAG PAR BZUNG BA NYID DANG, JI LTAR 'OS PA LA GDUL BA LA BSTAN PA NYID DANG, SLOB DPON GYI DPE MKHYUD MED PAR RGYUN DU BSTAN PA NYID KYIS TE, LHAG MA 'DI GSUM NI GO RIMS BZHIN DU LHA DANG MI'I BAR DAG LA YANG DAG PAR SHIN TU BSTAN PA LAS RIG PAR BYA'O, ,JI LTAR ZHE NA LHA DANG MIS YANG DAG PAR BZUNG BA NYID NI LHA DANG MI'I BAR @164B DAG LA ZHES BYA BA LAS RIG PAR BYA STE, YANG DAG PAR SHIN TU BSTAN PA'I PHYIR RO, ,JI LTAR 'OS PA'I GDUL BYA LA BSTAN PA NYID NI YANG DAG PAR BSTAN PA LAS RIG PAR BYA'O, ,SLOB DPON GYI DPE MKHYUD MED PAR RGYUN DU BSTAN PA NYID NI SHIN TU BSTAN PA LAS RIG PAR BYA'O, ,DE NYID DON NI LEGS GSUNGS PHYIR, ,ZHES BYA BA RGYAS PAR 'BYUNG BA LA, DE NYID DON NI LEGS GSUNGS PHYIR NI LEGS PAR GSUNGS PA'O, ,BDE BAR 'JUG PHYIR NI GSAL BA DANG PHYE BA'O, ,BLA MED PHYIR NI RGYU BA BCAD PA'O, ,RAB TU BZUNG PHYIR NI LHA DANG MI'I BAR DAG LA'O, ,JI LTAR 'OS, MA LUS PAR NI BSTAN PHYIR RO NI YANG DAG PAR SHIN TU BSTAN PA'O, ,'DI LAS BZLOG PA'I PHYIR TE ZHES BYA BA LA, BZLOG PA NI PHYI ROL BA DAG GI CHOS NI MI GSAL BA DANG, MA PHYE BA'O ZHES BYA BA DE LTA BU LA SOGS PA'O, ,BCOM LDAN 'DAS KYI NYAN THOS KYI DGE 'DUN NI LEGS PAR ZHUGS PA RIGS PAR ZHUGS PA, DRUNG POR ZHUGS PA, MTHUN PAR ZHUGS PA, CHOS DANG RJES SU MTHUN PAR SPYOD PA'O ZHES BYA BA NI MDO SDE'I DUM BU'O, ,'DIS NI ZHES BYA BA RGYAS PAR 'BYUNG BA NI MDO SDE'I DUM BU 'DIS SO, ,NYAN THOS KYI DGE 'DUN ZHES BYA BA NAS DGE SBYONG GI TSUL BSTAN PA LAS BRTZAMS NAS LEGS PAR ZHUGS PA NYID KYI BAR NI BCOM LDAN 'DAS KYI NYAN THOS KYI DGE 'DUN NI LEGS PAR ZHUGS PA NYID DU STON TO, ,BRTZAMS NAS NI DBANG DU BYAS NAS DANG, CHED DU ZHES BYA BA'I THA TSIG GO, ,RIGS PA'I CHOS NI BLA NA MED PA ZHES BYA BA NI MYA NGAN LAS 'DAS PA'I CHOS BLA NA MED PA ZHES BYA BA'I THA TSIG GO, , NGES PA'I TSIG TU NA ZHES BYA BA NI NGES PA'I TSIG GI TSUL GYIS NA'O, ,GNAS PAR BYA BA NI RTEN ZHES BYA BA'I THA TSIG GO, ,MTHUN PA ZHES BYA BA NI YANG DAG PA'I RANG BZHIN DU GYUR PAS NA YANG DAG PA'I RANG BZHIN YIN TE MTHUN PA'O, ,BYAMS PA'I LUS LA SOGS PA'I LAS KYIS ZHES BYA BA NI DGE BA'I LUS DANG NGAG DANG YID KYI LUS KYI ZHES BYA BA'I THA TSIG GO, ,LONGS SPYOD DANG TSUL KHRIMS DANG LTA BA MTHUN PA NYID KYIS KYANG YANG DAG PA'I RANG BZHIN NO, ,DE LA LONGS SPYOD MTHUN PA NYID NI ZANG ZING NGO, ,TSUL KHRIMS MTHUN PA NYID NI TSUL KHRIMS SO, ,LTA BA MTHUN PA NYID NI LTA BA'O, ,RNAM GRANGS @165A *, ,GZHAN YANG DON GYI MCHOG CES BYA BA RGYAS PAR 'BYUNG BA NI DON GYI MCHOG SGRUB PA LAS BRTZAMS NAS LEGS PAR ZHUGS PA NYID DU STON PA NI RIGS PAR ZHUGS PA ZHES BYA BA'I TSIG 'DIS SO, ,PHYIN CI MA LOG PAR SGRUB PA LAS BRTZAMS NAS LEGS PAR ZHUGS PA NYID DU STON PA NI DRANG POR ZHUGS PA ZHES BYA BA'I TSIG 'DIS SO, ,THA MI DAD PAR SGRUB PA LAS BRTZAMS NAS LEGS PAR ZHUGS PA NYID DU STON PA NI MTHUN PAR ZHUGS PA ZHES BYA BA'I TSIG 'DIS SO, ,JI LTAR RJES SU BSTAN PA BZHIN SGRUB PA LAS BRTZAMS NAS LEGS PAR ZHUGS PA NYID DU STON PA NI CHOS DANG RJES SU MTHUN PAR SPYOD PA ZHES BYA BA'I TSIG 'DIS SO, ,DGE SLONG GANG TSUL KHRIMS 'CHAL BA SDIG PA'I CHOS CAN, KHONG MYAGS PA, 'DZAG PA, SHING RUL LTA BU, BONG DU LTAR KUN DU SPYOD PA, DGE SBYONG MA YIN PAR DGE SBYONG DU KHAS 'CHE BA, TSANGS PAR SPYOD PA CAN MA YIN PAR TSANGS PAR SPYOD PA CAN DU KHAS 'CHE BA DE NI ZHES BYA BA NI MDO SDE'I DUM BU'O, ,SDIG PA'I CHOS CAN NI NGO TSA SHES PA DANG, KHREL YOD PA CHUD GZON PA'I PHYIR RO ZHES BYA BA NI KHREL MED PA NI SDIG PA YIN PAS SO, ,DE KUN DU SPYOD PA MI SPONG BA NYID KYI PHYIR RO ZHES BYA BA NI SDIG PA KUN DU SPYOD PA MI SPONG BA'I PHYIR RO ZHES BYA BA'I THA TSIG GO, ,SHING RUL NI SHING RUL PA'O, ,JI SKAD DU LUNG BONG GI MDO LAS GSUNGS PA LTA BU NI DGE SLONG DAG DPER NA LUNG BONG NI BA LANG GI TSOGS CHEN PO'I PHYI BZHIN 'BRANG ZHING NGA YANG BA LANG YIN NO, ,NGA YANG BA LANG YIN NO SNYAM MOD KYI, DE LA JI LTAR BA LANG LTA BU'I CHU ZHED GAB PA MED CING, JI LTAR BA LANG LTA BU'I KHA DOG BA ZANG PO YANG MED LA, JI LTAR BA LANG LTA BU'I SKAD KYI NGA RO YANG MED DO, ,DGE SLONG DAG DE BZHIN DU 'DI NA SKYES BU GTI MUG CAN KHA CIG DGE SLONG GI DGE 'DUN CHEN PO'I PHYI BZHIN 'BRANG ZHING NGA YANG DGE SLONG NGO, ,NGA YANG DGE SLONG NGO SNYAM MOD KYI, DE NI DUS DUS SU MOS PA RGYA CHEN PO YANG MED CING, DUS DUS SU LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI BSLAB PA LA MI SLOB BO, ,DGE SLONG DAG GZHAN YANG SKYES BU GTI MUG CAN DE @165B NI DGE SLONG GI DGE 'DUN CHEN PO'I PHYI BZHIN 'BRANG YANG 'ON KYANG DE NI DGE SLONG GI DGE 'DUN LAS RING BA YIN LA, DGE SLONG GI DGE 'DUN YANG DE LAS RING BA YIN NO ZHES 'BYUNG BA YIN NO, ,DON DAM PA'I DGE SBYONG GI TSUL KHAS 'CHE BA'I PHYIR ZHES BYA BA NI DON DAM PAR DGE SBYONG GI TSUL YIN PA NI DON DAM PA'I DGE SBYONG GI TSUL TE, 'PHAGS PA'I LAM YAN LAG BRGYAD DE, DE KHAS 'CHE BA'I PHYIR RO, ,'BRAS BU GANG YANG RUNG BA YANG KHAS 'CHES PA YIN TE, DE'I PHYIR DGE SBYONG MA YIN PAR DGE SBYONG DU KHAS 'CHE BA'O, ,DE'I PHYIR BONG BU LTAR KUN DU SPYOD PA'O, ,'KHRIG PA SPONG PA KHAS 'CHE BA'I PHYIR NI TSANGS PAR SPYOD PA CAN MA YIN PAR TSANGS PAR SPYOD PA CAN DU KHAS 'CHE BA STE, DE'I PHYIR YANG BONG BU LTA BUR KUN DU SPYOD PA'O, ,SBYOR BA LOG PA'I SKYON NI TSUL KHRIMS 'CHAL BA ZHES BYA BA'I TSIG 'DIS YONGS SU BSTAN TO, ,BSAM PA LOG BA'I SKYON NI SDIG PA'I CHOS CAN ZHES BYA BA 'DIS SO, ,KHA NA MA THO BA DE LAS MI LDANG BA'I SKYON NI KHONG MYAGS PA ZHES BYA BA 'DIS SO, ,THAL BA'I SKYON NI 'DZAG PA ZHES BYA BA 'DIS SO, ,RTOGS PA'I SKAL BA MED PA NYID KYI SKYON NI SHING RUL LTA BU ZHES BYA BA 'DIS SO, ,LOG PAR 'TSO BA'I SKYON NI BONG BU LTAR KUN DU SPYOD PA NAS, TSANGS PAR SPYOD PA CAN MA YI PAR TSANGS PAR SPYOD PA CAN DU KHAS 'CHE BA ZHES BYA BA'I TSIG 'DI'I BAR GYIS YONGS SU BSTAN TO, ,KHONG MYAGS PA NI RTOG PA MI ZAD PA SPRANG RKYAG LA GNAS PAR BYED PA'I PHYIR RO ZHES BYA BA NI JI SKAD DU MDO LAS JI LTAR NA, SBRANG RKYAG MI SEL BA YIN ZHES NA, 'DOD PA LA RNAM PAR RTOG PA BYUNG BA DANG DU LEN PAR BYED, MI SPONG BAR BYED, SEL BAR MI BYED, MTHAR MI BYED, GNOD SEMS LA !RNAM PAR RTOG PA BYUNG BA DANG DU LEN PAR BYED PA NAS, MTHAR MI BYED PA'I BAR DE LTA BU NI SBRANG RKYAG SEL BAR MI BYED PA YIN NO ZHES GSUNGS PA LTA BU'O, ,RNAM GRANGS 'DIS NI ZHES BYA BA RGYAS PAR 'BYUNG BA NI KHONG MYAGS PA ZHES BYA BA 'DI DANG, 'DZAG PA ZHES BYA BA TSIG 'DI GNYIS KYI RNAM GRANGS 'DIS NI MDO SDE'I DUM BU 'DI'I BSDUS PA'I DON GZHAN NYID DU YONGS SU BSTAN PA YIN TE, GANG ZHE NA, LOG PA RNAM PA DRUG YONGS SU BSTAN PA YIN TE, @166A *, ,SBYOR BA LOG PA NI TSUL KHRIMS 'CHAL BA NYID KYIS SO, ,BSAM PA LOG PA NI SDIG PA'I CHOS CAN NYID KYIS SO, ,GNAS PA LOG PA NI KHONG MYAGS NYID KYIS TE, GNAS PA NI NAM GYI CHA STOD LA SOGS PA DAG TU SPYOD LAM LA RNAM PAR RTOG PA'O, ,RGYU BA LOG PA NI 'DZAG PA NYID KYIS TE, RGYU BA YANG BSOD SNYOMS KYI CHED DU KHYIM DU 'GRO BA STE, DE LOG PA NI DBANG PO RNAMS KYI SGO MA BSDAMS PA NYID DO, ,SKAL BA LOG PA NI SHING RUL LTA BU NYID KYIS SO, ,'TSO BA LOG PA NI BONG BU LTAR KUN DU SPYOD PA NYID KYIS TE, SDIG PA 'DOD PA LA BRTEN NAS DON DAM PA'I DGE SBYONG GI TSUL KHAS 'CHE BA'I PHYIR RAM, 'KHRIG PA SPONG BA KHAS 'CHE BA'I PHYIR RO, ,BTZUN PA BDAG CAG RES 'GA' NI YAN LAG BRGYAD DANG LDAN PA'I BSNYEN GNAS LA NYE BAR GNAS SO, ,RES 'GA' NI NYE BAR MI GNAS SO, ,RES 'GA' NI CHO 'PHRUL GYI PHYOGS LA MI NYAL BAR BRTZON NO, ,RES 'GA' NI MI NYAL BAR MI BRTZON NO, ,GOO TA MA DAG KHYED NI SKYE DGU NYON MONGS PA CAN, SDUG BSNGAL CAN, MYA NGAN CAN, 'KHRUGS PA CAN YIN NA, KHYED CAG LA RNYED PA DAG NI CI DAG YOD DE, LEGS PAR RNYED PA DAG NI CI DAG YOD NA, RES 'GA' NI YAN LAG BRGYAD DANG LDAN PA'I BSNYEN GNAS LA NYE BAR GNAS, RES 'GA' NI NYE BAR MI GNAS ZHES BYA BA NI MDO SDE'I DUM BU'O, ,MI LA SOGS PA RNYED PA'I SOGS PA'I SGRAS NI YUL DBUS SU SKYES PA DANG, DBANG PO RNAMS MA TSANG BA MED PA NYID CES BYA BA DE LTA BU LA SOGS PA'O, ,NYON MONGS PA LA SOGS PA CAN NYID KYIS ZHES BYA BA RGYAS PAR 'BYUNG BA LA SOGS PA'I SGRAS NI SDUG BSNGAL CAN DANG, MYA NGAN CAN DANG, 'KHRUGS PA CAN NO, ,SDUG BSNGAL GYI RGYU LA NI NYON MONGS PA CAN NYID KYIS SO, ,SDUG BSNGAL LA NI SDUG BSNGAL CAN NYID DANG, MYA NGAN CAN NYID DANG, 'KHRUGS PA CAN NYID KYIS SKYE DGU GNAS PAR STON TO, ,JI LTAR PHAL CHER THAMS CAD CHOM RKUN DU GYUR TO ZHES BYA BA NI CHOM RKUN PHAL CHE BA NYID KYI PHYIR RO, ,'KHRUGS PA NI YID MI BDE BA STE DE'I PHYIR RO, ,DE NI ZHES BYA BA RGYAS PAR 'BYUNG BA'I PHYIR SKYE DGU DE NI DUS GSUM DAG TU SDUG BSNGAL LA SOGS PA CAN YIN TE, @166B DUS GSUM PO GANG DAG TU ZHE NA, MI SDUG PA'I DNGOS PO DANG PHRAD PA DANG ZHES BYA BA RGYAS PAR 'BYUNG BA'O, ,NYON MONGS PA CAN NI DUS DE DAG GSUM CHAR LA KHONG KHRO BA STE, MI SDUG PA'I DNGOS PO DANG PHRAD PA DANG, SDUG PA'I DNGOS PO DANG BRAL BA DANG, SDUG PA'I DNGOS PO DANG MI LDAN PA'O, ,SDUG PA'I DNGOS PO DANG PHRAD PA LA 'DOD CHAGS PAS KYANG NYON MONGS PA CAN NO, ,SDUG BSNGAL LA SOGS PA CAN DANG GO RIMS BZHIN DU RIG PAR BYA STE, JI LTAR ZHE NA, DBUL BA NI SDUG BSNGAL CAN NO, ,PHYUG PA NI MYA NGAN CAN NO, ,'BRING NI 'KHRUGS PA CAN NO, ,JI LTAR BYAS PAS SHE NA, 'TSO BAS PHONGS PAS NI DBUL BA SDUG BSNGAL CAN NO, ,RGUD PA DES DOGS PAS NI 'BYOR PA MYA NGAN CAN NO RGUD PA DANG DOGS PA'O, ,DES KYI SGRAS NI RGUD PA KHO NA DANG SBYAR RO, ,RGUD PA DANG DES DOGS PA DE GNYIS KYIS NA RGUD PA DANG DES DOGS PAS SO, ,TSEGS CHEN POS 'TSO BA 'BYOR PAS NI 'BRING 'KHRUGS PA CAN NO, ,TSEGS CHEN POS 'TSO BA 'BYOR PA NI TSEGS CHEN POS 'TSO BA 'BYOR PA'O, ,TSEGS CHEN POS 'TSO BA 'BYOR PAS NA TSEGS CHEN POS 'TSO BA 'BYOR PAS SO, ,DE LTAR NA GO RIMS BZHIN NO, ,DGE SLONG DAG DGE SBYONG NGAM BRAM ZE GANG LA LA MIG RO MYONG BAR BYED PA DE DAG NI DGE SBYONG NGAM BRAM ZE BDUD SDIG 'DOD KYI DBANG DU SHAS KYIS SONG BA DANG, DBANG DU SONG BA DANG, LAG TU SONG BA DANG, BDUD KYI CI 'DOD DGUR BYA BA DANG, BDUD GYI 'CHING BA DAG GIS BCINGS PA DANG, BDUD KYI ZHAGS PA DAG LAS YONGS SU MA GROL BA ZHES BYA'O, ,RNA BA DANG SNA DANG LCE DANG LUS DANG YID KYI YANG DE BZHIN NO ZHES BYA BA NI MDO SDE'I DUM BU'O, ,DE DANG DU LEN PA'I PHYIR ZHES BYA BA NI NYON MONGS PA DANG DU LEN PA'I PHYIR RO, ,DE'I DBANG GIS ZHES BYA BA NI NYON MONGS PA'I DBANG GIS SO, ,DES MI 'DZEM PA'I PHYIR ZHES BYA BA NI LAS DES MI 'DZEM PA'I PHYIR RO, ,GNAS SKABS DE THAMS CAD DU ZHES BYA BA NI DE BDUD KYIS 'CHING BA DAG GIS NYON MONGS PA KUN DU SPYOD PA'I GNAS SKABS DANG, DE DANG DU LEN PA'I GNAS SKABS DANG, DE'I DBANG GIS LAS KUN NAS SLONG BAR BYED PA'I GNAS SU BCINGS PA'O, ,MNGON SUM DU GYUR PA YIN YANG ZHES BYA BA NI NYON MONGS PA KUN DU SPYOD PA LA SOGS PA'I GNAS SKABS DAG GO, , @167A *, ,THAMS CAD LA ZHES BYA BA RGYAS PAR 'BYUNG BA NI DGE SBYONG DANG BRAM ZE THAMS CAD LA RNAM PA NYON MONGS PAR KUN DU SPYOD PA LA SOGS PA'I RNAM PA THAMS CAD 'BYUNG BA MA YIN GYI MIG RO MYONG BAR BYED PA DAG LA DE 'BYUNG BA'I PHYIR NI NYON MONGS PA KUN DU SBYOD PA LA SOGS PA 'BYUNG BA'I PHYIR, LA LA ZHES BYA BA GSUNGS PA YIN NO, ,BCINGS PA NYID KYI RGYUS 'KHOR BA LAS SKYO BAR BYA BA'I PHYIR RO, ,MDOR NA ZHES BYA BA RGYAS PAR 'BYUNG BA NI MDOR NA MDO SDE'I DUM BU 'DIR NYON MONGS PA'I RTEN GYI DBYE BA DANG, DMIGS PA'I DBYE BA DANG, RANG BZHIN GYI DBYE BA DANG, GNAS SKABS KYI DBYE BA LAS NYES DMIGS BSTAN PA NI DGE SLONG DAG DGE SBYONG NGAM BRAM ZE GANG LA LA MIG RO MYONG BAR BYED PA ZHES BYA BA'I TSIG 'DI DAG GIS SO, ,GNAS SKABS KYI DBYE BA NI RNAM PA DRUG STE, KUN DU SPYOD PA'I GNAS SKABS KYI DBYE BA LAS MDO SDE'I DUM BU DE LAS NYES DMIGS BSTAN PA NI TSIG GANG GIS SHE NA, BDUD SDIG 'DOD KYI DBANG DU SHAS KYIS SONG BA ZHES BYA BA 'DIS SO, ,DANG DU LEN PA'I GNAS SKABS KYI DBYE BA LAS NYES DMIGS BSTAN PA NI TSIG GANG GIS SHE NA, DBANG DU SONG BA ZHES BYA BA'I TSIG 'DIS SO, ,ZIL GYIS GNON PA'I GNAS SKABS KYI DBYE BA LAS NYES DMIGS BSTAN PA NI TSIG GANG GIS SHE NA, LAG TU SONG BA ZHES BYA BA 'DIS SO, ,YON TAN DU LTA BA'I GNAS SKABS KYI DBYE BA LAS NYES DMIGS BSTAN PA NI TSIG GANG GIS SHE NA, BDUD KYI CI 'DOD DGUR BYA BA ZHES BYA BA'I TSIG 'DIS SO, ,MNGON DU GYUR PA'I DBYE BA LAS NYES DMIGS BSTAN PA NI TSIG GANG GIS SHE NA, BDUD KYI 'CHING BA DAG GIS BCINGS PA ZHES BYA BA 'DIS SO, ,MA SPANGS PA'I GNAS SKABS KYI DBYE BA LAS NYES DMIGS BSTAN PA NI TSIG GANG GIS SHE NA, BDUD KYI ZHAGS PA DAG LAS YONGS SU MA GROL BA ZHES BYA BA 'DIS SO, ,MI DGE BA'I CHOS RNAMS YANG DAG PAR BLANGS PA'I RGYUS MTHONG BA'I CHOS NYID LA SDUG BSNGAL BAR GNAS PA DANG, SDUG BSNGAL DANG BCAS PA DANG, PHONGS PA DANG BCAS PA DANG, GNOD PA DANG BCAS PA DANG, YONGS SU GDUNG BA DANG BCAS PAR GNAS PA DANG, LUS ZHIG NAS NGAN 'GROR 'GYUR BAR RIG PAR BYA'O ZHES BYA BA NI MDO SDE'I DUM BU'O, ,MI DGE BA'I CHOS RNAMS NI @167B SROG GCOD PA LA SOGS PA STE, DE DAG YANG DAG PAR LEN PA NI MI DGE BA 'DI DAG GIS YANG DAG PAR BLANGS TE GNAS PAR BYA'O SNYAM PA'O, ,YANG DAG PAR BLANGS PA NYID RGYU YIN PAS DE'I RGYUS SO, ,JI LTAR RGYAS PAR 'BYUNG BAS SHE NA, GRANG BA NA LHAGS PAS SBREBS PA DANG, TSA BA NA TSA BAS GDUNGS PA DANG, BKRES SKOM GYIS NYEN PA DANG, SBRANG BU DANG, SHA SBRANG DANG, RLUNG DANG, NYI MA DANG, SDIG SBRUL GYI 'DUS TE REG PA DAG GIS GZIR BA ZHES 'BYUNG BA'O, ,MYA NGAN DANG, MI TSIM PA DANG, YID LA GCAGS PA'I YONGS SU GDUNG BA DANG LDAN PA'I PHYIR ZHES BYA BA NI MYA NGAN GYI GDUNG BA DANG LDAN PA'I PHYIR DANG, MI TSIM PA'I YONGS SU GDUNG BA DANG LDAN PA'I PHYIR DANG, YID LA GCAGS PA'I YONGS SU GDUNG BA DANG LDAN PA'I PHYIR RO, ,DUS GANG DU ZHE NA, RGUD PA DANG LONGS SPYOD DANG, 'CHI BA'I DUS DAG TU STE, GO RIMS BZHIN NO, ,JI LTAR ZHE NA, RGUD PA'I DUS NI MYA NGAN GYI YONGS SU GDUNG BA DANG LDAN PA'I PHYIR RO, ,LONGS SPYOD KYI DUS NA NI MI TSIM PA'I YONGS SU GDUNG BA DANG LDAN PA'I PHYIR RO, ,'CHING BA'I DUS NA NI YID LA GCAGS PA'I YONGS SU GDUNG BA DANG LDAN PA'I PHYIR RO, ,SROG GCOD PA KUN DU BSTEN CING BSGOMS LA LAN MANG DU BYAS PAS, SEMS CAN DMYAL BA RNAMS SU SKYE BAR 'GYUR RO ZHES BYA BA NI MDO SDE'I DUM BU'O, ,BSGOMS PA LAN MANG DU BYAS PAS ZHES BYA BA NI BSTZAGS PA NYID DU STON TO, ,JI LTAR BYAS PAS SHE NA, DE LA BRTZON PA DANG PHYIR ZHING BYED PA GNYIS KYIS BSAM PA DANG SBYOR BAS DE RGYAS PAR BYED PA'I PHYIR TE BRTZON PA'I BYED PAS NI BSAM PAS TE 'DUN PAS DE BRTAS PAR BYED PA'I PHYIR LAS DE BRTAS PAR BYED PA'I PHYIR BSGOMS LA ZHES BYA BAS NI BSTZAGS PA NYID DU STON TO, ,PHYIR ZHING BYED PAS NI SBYOR BAS DE BRTAS PAR BYED PA'I PHYIR YAN LAG MANG DU BYAS PAS ZHES BYA BA BSTZAGS PA NYID DU STON TO, ,'DI LA BSGOM PA BYAS PA ZHES BYA BA NI SROG GCOD PA'I LAS 'DI LA BSGOM PA STE, BSAM PA BYAS PAS NA BSGOM PA'AM 'DI LA BSGOM PA BYUNG BAS NA YANG BSGOM PA STE, JI LTAR NAM MKHA' DE LA SKAR MA BYUNG ZHES BYA BA LTA BU STE, DE NI NAM MKHA' LA SKAR MA SHAR BA ZHES BYA BA YIN NO, ,DE LTA BU NI RE ZHIG BRDA SPROD PA PA'I @168A *, ,TSUL GYIS TSIG GI DON BSHAD PA YIN NO, ,GZHAN YANG NGES PA'I TSIG GI TSUL GYIS BSGOM PAR GYUR PAS NA STE, GYUR PA NI SON PA ZHES BYA BA'I THA TSIG STE, BSAM PA NYID KYIS SO, ,YANG DANG YANG DU BYED PA DANG 'DUN PAR BYED PAS NI BSTZAGS PA YIN PAR STON TO ZHES BYA BAR GNAS SO, ,JI LTAR STON CE NA, KUN DU BSTZAGS PA'I RNAM GRANGS KYIS YIN TE, SDIG PA KUN BSTZAGS ZHES BYA BA'I TSIG 'DIS SO, ,KHA CIG LA NI BYAS PAR YANG 'GYUR TE, SKAL BA CHUNG BA'I PHYIR LAS DE RNAM PAR SMIN PA NGES PAR 'GYUR TE, SEMS KYI RGYUD DE BSOD NAMS DAG GIS YONGS SU MA BSGOS PA'I LAS DE NI RNAM PAR SMIN PA NGES PA DANG MTHUN PAR GNAS PAS SO, ,ZHING DANG SEMS PA'I KHYAD BAR LAS KYANG KHA CIG LAS BYAS PA YANG RNAM PAR SMIN PA YANG NGES PAR 'GYUR RO, ,JI LTAR RUNG ZHE NA, JI LTAR MI RUNG, LAS MA YIN PA'I RANG BZHIN GYI CHOS MI SDUG PA LA SOGS PA NI BYAS PA DANG BSTZAGS PA'I SGRAR BSHAD PA YIN TE, LAS GANG YIN PA DE NI BYAS PA DANG BSAGS PA ZHES BYA BAS SO, ,DE LA SKYE BA DANG, GNAS PA DANG, 'PHEL BA DANG LDAN PAR YANG STON TO, ,MI SDUG PA DE LA SKYE BA DANG LDAN PAR STON PA NI MI SDUG PA KUN DU BSTEN CING ZHES BYA BA'I TSIG 'DIS SO, ,GNAS PA DANG LDAN PAR STON PA BSGOMS LA ZHES BYA BA 'DIS TE, GNAS PA YANG RGYUN NO, ,'PHEL BA DANG LDAN PAR STON PA NI LAN MANG DU BYAS PAS ZHES BYA BA'I TSIG 'DIS SO, ,GZHAN YANG SBYOR BA DANG, RNYED PA DANG, GRUB PA'I GNAS SKABS KYANG YIN PAR STON TE, KUN DU BSTEN CING ZHES BYA BA LA SOGS PA DANG GO RIMS BZHIN NO, ,YID LA BYED PA RNAM PA BZHI STE, STOBS 'BYUNG BA DANG, SKABS DANG BCAS PA 'BYUNG BA DANG, SKABS MED PA 'BYUNG BA DANG, LHUN GYIS GRUB PA 'BYUNG BA'O, ,MI SDUG PA KUN DU BSTEN CING BSGOMS LA LAN MANG DU BYAS PAS NI 'BRAS BU CHEN POR 'GYUR RO ZHES BYA BA LA, KUN DU BSTEN CING ZHES BYA BA LA SOGS PA TSIG GSUM DAG GIS STOBS DANG, SKABS DANG BCAS PA DANG, SKABS MED PA 'BYUNG BA'I YID LA BYED PA'I GNAS SKABS STON TE, TING NGE 'DZIN MA THOB PA DANG, THOB PA DANG, GOMS PA NA STE, GO RIMS @168B BZHIN NO, ,LHUN GYIS GRUB PA'I YID LA BYED PA NI TING NGE 'DZIN LA BYA BA NA YIN PAS SO, ,GZHAN YANG RNAL 'BYOR SPYOD PA RNAM PA GSUM GYI GNAS SKABS YIN PAR STON TE, KUN DU BSTEN CING ZHES BYA BA LA SOG SPA'I TSIG GSUM DAG GIS TE, KUN TU BSTEN PA NI LAS DANG PO PA'I GNAS SKABS NA'O, ,BSGOMS PA NI YONGS SU SBYANG BA BYAS PA'I GNAS SKABS NA'O, ,LAN MANG DU BYAS PA NI YID LA BYED PA LAS 'DAS PA'I GNAS SKABS NA'O, ,MNGON SUM DU BYED PA'I PHYIR DANG ZHES BYA BA RGYAS PAR 'BYUNG BA NI SROG GCOD PA DANG MI SDUG PA DE MNGON SUM DU BYED PA'I PHYIR RO, ,SEMS LA DE'I SA BON BRTAS PAR BYED PA'I PHYIR NI DE NYID KYI SA BON NI DE'I SA BON TO, ,SEMS LA DE BRTAS PAR BYED PA'I PHYIR RO, ,BRTAS PA YANG CHEN PO NYID YIN NO, ,BRTAS PA DE'I PHYIR ZHING MNGON SUM DU GYUR PA NYID KYI PHYIR NI SA BON BRTAS PA DE'I PHYIR ZHING STE, YANG DANG YANG DU MNGON SUM DU GYUR PA'I PHYIR KUN DU BSTEN PA LA SOGS PA GSUM YIN TE, MNGON SUM DU BYED PA'I PHYIR NI KUN DU BSTEN PA YIN NO, ,SEMS LA DE'I SA BON BRTAS PAR BYED PA'I PHYIR NI BSGOMS PA YIN NO, ,BRTAS PA DE'I PHYIR ZHING MNGON SUM DU GYUR PA NYID KYI PHYIR NI LAN MANG DU BYAS PA YIN NO, ,BRJOD PAR BYA BA RNAM PA DU MA YIN KYANG BRJOD PA NI GCIG YIN NO ZHES BYA BA NI BSGRUBS ZIN TO, ,JI LTAR ZHE NA, GZUGS ZHES BYA BA GZUGS PHUNG DANG, ,KHA DOG BSAM GTAN RNAM PAR 'DREN, ,ZHES BYA BA DE LTA BU LA SOGS PA'O, ,DE BAS NA MDO SDE'I DUM BU DANG POR KUN DU BSTEN PA LA SOGS PA BRJOD PA DAG GIS BRJOD PAR BYA BA YANG GZHAN NYID YIN LA, MI SDUG PA KUN DU BSTEN PA LA SOGS PA DAG GIS YANG GZHAN NYID YIN PAS DER GAL TE KUN DU BSTEN PA LA SOGS PAS ZHES BYA BA RGYAS PAR 'BYUNG BA DE LTAR MI 'GYUR RO, ,SGRIB PA LNGA PO SEMS NYE BAR NYON MONGS PAR BYED PA DAG NI 'DOD PA LA 'DUN PA'I SGRIB PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM GYI SGRIB PA'O ZHES BYA BA NI MDO SDE'I DUM BU'O, ,NYON MONGS PA THAMS CAD KYANG SGRIB PA NYID YIN PAS DE LA LNGA KHO NA'I DGOS PA NI DGE BA'I CHOS SKYE BA'I BGEGS SU GYUR PA NYID KYIS SO, ,SEMS NANG DU @169A *, ,SDUD PA'I PHYIR ZHES BYA BA NI SEMS NANG DU SDUD PA'I PHYIR NA SEMS NANG DU SDUD PA'I PHYIR TE, RMUGS PA DANG GNYID KYI SGRIB PA'O, ,PHYI ROL DU RNAM PAR G-YENG BA'I PHYIR NI RGOD PA DANG 'GYOD PA'I SGRIB PA'O, ,YANG DAG PAR SBYOR BA LA NGES PA MI RNYED PA'I PHYIR NI DE LA YANG DAG PAR SBYOR BA NI SDUD PA DANG RNAM PAR G-YENG BA DANG ZHUM PA NYID LA SOGS PA MNYAM PA NYID DU SGRUB PA STE, YANG DAG PAR SBYOR BDE LA NGES PA MI RNYED PA'I PHYIR THE TSOM GYI SGRIB PA YIN NO, ,ZHI GNAS NI TING NGE 'DZIN GYI KHYAD PAR KHON YIN TE, RNAL 'BYOR PA RNAMS KYI RANG GI MNGON SUM KHO NA YIN NO, , LHAG MTHONG NI SHES RAB KYI KHYAD PAR RO, ,ZHI GNAS KYI SGRIB PA NI GCIG YIN TE, RMUGS PA DANG GNYID KYI SGRIB PA'O, ,LHAG MTHONG LA ZHUGS PA'I NI RNAM PAR MA ZHIG PA DANG, MA NGES PA'I SKYON YOD PA'I PHYIR NI RNAM PAR MA ZHI BA'I SKYON YOD PA'I PHYIR DANG, MA NGES PA'I SKYON YOD PA'I PHYIR RO, , LHAG MTHONG GI SGRIB PA NI GNYIS TE, RGOD PA DANG 'GYOD PA DANG, THE TSOM STE GO RIMS BZHIN NO, ,TSUL KHRIMS KYI SGRIB PA NI SGRIB PA GCIG YIN TE, 'DOD PA LA 'DUN PA'O, ,CI'I PHYIR ZHE NA, TSANGS PAR SPYOD PA LAS NYAMS PAR BYED PA'I PHYIR RO, ,GDAMS NGAG GI SGRIB PA YANG GCIG YIN TE, GNOD SEMS KYI SGRIB PA'O, ,CI'I PHYIR ZHE NA, DES TSIG MI BZOD PA'I PHYIR RO, ,TSIG LA BZOD PA NI TSIG BZOD PA'O, ,TSIG LA MI BZOD PA NI TSIG MI BZOD PA STE, DE'I DNGOS PO STE DE'I PHYIR RO, ,ZHI GNAS DANG, RAB TU 'DZIN PA DANG, BTANG SNYOMS KYI DUS DAG TU NI ZHI GNAS KYI DUS DANG, RAB TU 'DZIN PA'I DUS DANG, BTANG SNYOMS KYI DUS SO, ,RAB TU 'DZIN PA NI DBANG PO SBYONG BA STE, ,DBANG PO DE DAG LHUNG BA RNAMS RAB TU 'DZIN PAR BYED PAS NA RAB TU 'DZIN PA'O, ,DE 'GRUB PA'I SGRIB PA NI ZHI GNAS LA SOGS PA RNAMS 'GRUB PA'I SGRIB PA ZHES BYA BA'I THA TSIG STE, SGRIB PA GSUM DANG GO RIMS BZHIN NO, ,ZHI GNAS KYI RGYU DANG, RAB TU 'DZIN PA'I RGYU DANG, BTANG SNYOMS KYI RGYU DE YANG NYAN THOS KYI SA LAS 'DI NI ZHI GNAS SO, ,'DI NI ZHI GNAS KYI RGYU'O ZHES BYA BA NAS, DE BZHIN DU BTANG SNYOMS KYI BAR DU RGYAS PAR 'BYUNG BAR SHES PAR BYA'O, ,SGYU RTZAL SHES DAG GSUM @169B PO 'DI DAG NI SEMS CAN RNAMS KYI LAS KYI GZHI DANG KUN 'BYUNG BA DAG YIN PAR RIG PAR BYA STE, SGYU RTZAL SHES DAG GSUM PO GANG ZHE NA, CHAGS PA NI SEMS CAN RNAMS KYI LAS KYI GZHI DANG KUN 'BYUNG BA YIN PAR RIG PAR BYA'O, ,SGYU RTZAL SHES DAG ZHE SDANG DANG GTI MUG NI SEMS CAN RNAMS KYI LAS KYI GZHI DANG KUN 'BYUNG BA YIN PAR RIG PAR BYA BA STE, SGYU RTZAL SHES DAG CHAGS PA CAN DANG, CHAGS PAS ZIN GYIS GNOD PA DAG NI LUS KYIS NYES PAR SPYAD PA SPYOD PA DANG, NGAG DANG YID KYIS NYES PAR SPYAD PA SPYOD CING, DES LUS KYIS NYES PAR SPYAD PA SPYOD LA, NGAG DANG YID KYIS NYES PAR SPYAD PA SPYOD NA RGYU DE DANG, RKYEN DES LUS ZHI GNAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,ZHE SDANG CAN DANG, ZHE SDANG GIS ZIL GYIS NON PA DANG, GTI MUG CAN DANG, GTI MUG GIS ZIL GYIS NON PA DAG KYANG DE BZHIN NO ZHES BYA BA NI MDO SDE'I DUM BU'O, ,SGYU RTZAL SHES DAG GSUM PO 'DI DAG NI SEMS CAN RNAMS KYI LAS KYI GZHI ZAD PAR BYED PAR RIG PAR BYA STE, SGYU RTZAL SHES DAG GSUM PO GANG ZHE NA, MA CHAGS PA DANG, ZHE SDANG MED PA DANG, GTI MUG MED PA NI SEMS CAN RNAMS KYI LAS KYI GZHI ZAD PAR RIG PAR BYA STE, SGYU RTZAL SHES DAG CHAGS PA MED PA DANG, CHAGS PAS ZIL GYIS GNON PA NI LUS KYIS LEGS PAR SPYAD PA SPYOD, NGAG DANG YID KYIS LEGS PAR SPYAD PA SPYOD CING, DES LUS KYIS LEGS PAR SPYAD PA SPYOD LA, NGAG DANG YID KYIS LEGS PAR SPYAD PA SPYOD NA, RGYU DE DANG RKYEN NGES LUS ZHIG NAS SHI BA'I 'OG TU BDE 'GRO MTHO RIS KYI 'JIG RTEN LHA RNAMS SU SKYE BAR 'GYUR RO, ,ZHE SDANG MED PA DANG, ZHE SDANG GIS ZIL GYIS MA NON PA DANG, RMONGS PA MED PA DANG, GTI MUG GIS ZIL GYIS MA NON PA YANG DE BZHIN NO, ,DE LA LAS KYI GZHI DANG KUN 'BYUNG BA DAG CES BYA BA NI LAS KYI GZHI DAG DANG KUN 'BYUNG BA DAG STE, CHAGS PA LA SOGS PA YIN NO ZHES BYA BA'I THA TSIG GO, ,RAB TU 'JUG PAR BYED PA DANG, RJES SU 'JUG PAR BYED PA'I RGYU YIN PAR STON TE ZHES BYA BA NI LAS KYI GZHI DAG CES BYA BA 'DIS NI RAB TU 'JUG PAR BYED PA'I RGYU STON TO, ,LAS KYI KUN 'BYUNG BA DAG CES BYA BA 'DIS @170A *, ,NI RJES SU 'JUG PAR BYED PA'I RGYU STON TO, ,CHAGS PA LA SOGS PA GANG ZHES BYA BA RGYAS PAR 'BYUNG BA NI CHAGS PA LA SOGS PA GANG DANG DU LEN PA NA NYES PAR SPYOD PA KUN NAS SLONG BAR BYED PA NI RAB TU 'JUG PAR BYED PA'I RGYUS SO, ,CHAGS PA LA SOGS PA GANG GIS MI 'DZEM PA NA NYES PAR SPYOD PA LAS MI LDOG PA NI RJES SU 'JUG PAR BYED PA'I RGYUS SO, ,DE LTAR NA JI SKAD BSHAD PA'I RAB TU 'JUG PAR BYED PA DANG, RJES SU 'JUG PAR BYED PA'I RGYU GNYIS KYIS NA NYES PAR SPYAD PA DES BYAS PA DANG BSAGS PA YIN NO, ,GZHAN YANG ZHES BYA BA RGYAS PAR 'BYUNG BA NI CHAGS PA LA SOGS PA NI KUN DU SPYOD PA'I GNAS SKABS YIN PAR STON PA NI LAS KYI GZHI ZHES BYA BA'I TSIG 'DIS SO, ,CHAGS PA LA SOGS PA ZIL GYIS GNON PA'I GNAS SKABS KYANG YIN PAR STON PA NI LAS KYI KUN 'BYUNG BA ZHES BYA BA'I TSIG 'DIS SO, ,GZHAN YANG CHAGS PA LA SOGS PA NI SBYOR BA'I GNAS SKABS DANG, MTHAR THUG PA'I GNAS SKABS KYANG YIN PAR STON TE, LAS KYI GZHI DANG KUN 'BYUNG BA ZHES BYA BA DANG GO RIMS BZHIN TE, LAS KYI GZHI ZHES BYA BAS NI CHAGS PA LA SOGS PA GSUM SBYOR BA'I GNAS SKABS YIN PAR STON LA, KUN 'BYUNG BA ZHES BYA BAS NI MTHAR THUG PA'I GNAS SKABS TE, 'DI YANG RNAM GRANGS 'DIR NI CHAGS PA LA SOGS PA DAG ZIL GYIS GNON PA'I GNAS SKABS YIN PAR YANG RIG PAR BYA'O, ,KUN DU SPYOD PA TZAM NI MA YIN TE, 'DI LTAR DE DAG GIS ZIL GYIS GNON LA, LAS DE LA SBYOR ZHING PHYIS LAS DE MTHAR THUG BAR BYED PAS SO, ,SMRAS PA, LUS KYIS NYES PAR SPYOD PA DANG NGAG GIS NYES PAR SPYOD PA LA NI SBYOR BA'I GNAS SKABS DANG, MTHAR THUG PA'I GNAS SKABS KYANG YOD PAS CHAGS PA LA SOGS PA DE SBYOR BA'I GNAS SKABS DANG, MTHAR THUG PA'I GNAS SKABS YIN PAR RIGS NA, YID KYIS NYES PAR SPYOD PA NI BRNAB SEMS LA SOGS PA MNGON DU GYUR PA TZAM LAS 'BYUNG BA YIN NA, JI LTAR NA DE LA CHAGS PA LA SOGS PA YOD PA SBYOR BA'I GNAS SKABS DANG, MTHAR THUG PA'I GNAS SKABS YIN PAR BSTAN ZHE NA, DE'I PHYIR 'DI SKAD DU YID KYIS NYES PAR SPYOD PA LA ZHES BYA BA RGYAS PAR GSUNGS SO, ,GZHAN YANG CHAGS PA LA SOGS PA NI CHAGS PA DANG ZHE SDANG DANG GTI @170B MUG GO, ,LUS DANG NGAG DANG YID BYED PA DANG SMRA BA DANG RTOG PA'I GZHI SEMS KYI ZHES BYA BA NA LUS KYI LAS BYED PA'I GZHI SEMS DANG, NGAG GI LAS SMRA BA'I GZHI SEMS DANG, YID KYI LAS RTOG PA'I GZHI SEMS KYI'O, ,KUN 'BYUNG BA DAG NI 'DI LAS KUN 'BYUNG BAS NA KUN 'BYUNG BA'O, ,DE LTAR NA RNAM GRANGS DANG PO DAG TU CHAGS PA LA SOGS PA 'BYUNG BA NI GZHI NYID KYANG YIN LA KUN 'BYUNG BA YANG YIN NO, ,DE LTA NA NI ZHES BYA BA RGYAS PAR 'BYUNG BA NI JI SKAD DU LUS DANG NGAG DANG YID KYI GZHI ZHES BYA BA RGYAS PAR BSTAN PA DE LTA NA'O, ,DE DKAR PO'I PHYOGS LA YANG KUN 'BYUNG BA SMOS PAR 'GYUR RO, , JI LTAR ZHE NA, SGYU RTZAL SHES DAG GSUM PO 'DI DAG NI SEMS CAN RNAMS KYI GZHI DANG KUN 'BYUNG BA ZAD PAR BYED PAR RIG PAR BYA STE ZHES BYA BAR RO, ,RNAM GRANGS DANG PO DAG TU STE, DE LA LAS KYI GZHI DANG KUN 'BYUNG BA DAG CES BYA BA NI RAB TU 'JUG PAR BYED PA DANG RJES SU 'JUG PAR BYED PA'I RGYU STON PAR BYED PA YIN TE ZHES BYA BA DE LTA BU LA SOGS PA DAG TU NI GZHI ZAD PA ZHES 'BYUNG BA NYID KYIS KUN 'BYUNG BA ZAD PA YANG RAB TU GRUB PA'I PHYIR NA, DE LTA NA NI DKAR BA'I PHYOGS LA NI KUN 'BYUNG BA SMOS PAR 'GYUR RO ZHES BYA BA GANG SMRAS PA LTAR MI 'GYUR TE, DER NI GZHI YANG RGYU YIN KUN 'BYUNG BA YANG RGYU YIN TE, 'DI LAS KUN 'BYUNG BA'I PHYIR RO, ,SMRAS PA, DKAR PO'I PHYOGS LAS BRTZAMS TE MA CHAGS PA LA SOGS PA YANG DGE BA'I RTZA BA YIN PA'I PHYIR, LAS KYI GZHI DANG KUN 'BYUNG BA DAG CES CI'I PHYIR MI SMOS, JI LTAR ZHE NA, SGYU RTZAL SHES DAG GSUM PO 'DI DAG NI LAS KYI GZHI DANG KUN 'BYUNG BA DAG STE ZHES BYA BAR TE, LAS DKAR PO'I GZHI RNAMS DANG KUN 'BYUNG BA RNAMS TE, ZAD PA ZHES MA SMOS NA NI'O, ,DE LTAR NA RNAM PAR RTOG PA 'DI DAG NI MI DGE BA RNAMS DANG, SDUG BSNGAL BA RNAMS DANG, 'PHAGS PA MA YIN PA RNAMS DANG, DON MED PA DANG LDAN PA RNAMS SO ZHES BYA BA NI MDO SDE'I DUM BU'O, ,RNAM PAR BYANG BA DANG, 'GAL BA CAN NYID YIN PA'I PHYIR RO ZHES BYA BA DE LA RNAM PAR BYANG BA NI BYANG CHUB KYI PHYOGS DANG MTHUN PA'I CHOS SUM CU RTZA BDUN PO RNAMS TE, 'DI RNAMS KYIS RNAM PAR BYANG BAR BYED RNAM PAR DAG PAR BYED PA'I PHYIR RO, ,'GAL BA NI DE SKYE BA'I BGEGS BYED PA'O, ,'GAL BA LA YOD PAS @171A *, ,'GAL BCAN NO, ,DE'I DNGOS PO NI 'GAL BA CAN NYID DE'I PHYIR NA 'GAL BA CAN NYID YIN PA'I PHYIR RO, ,DON GANG GIS 'GAL BA CAN YIN ZHE NA, DGE BA'I CHOS YONGS SU NYAMS PAR 'GYUR BA NYID KYIS SO, ,MI DAG GI 'DOD PA RNAMS NI MI GTZANG BA RNAMS DANG, DRI MI ZHIM PA RNAMS DANG, DRI NGA BA RNAMS DANG, MI MTHUN PA RNAMS YIN NO, ,LHA DAG GI 'DOD PA RNAMS NI LHAG PAR CHES 'PHAGS PA DANG, CHES GYA NOM PA RNAMS YIN NO ZHES BYA BA NI MDO SDE'I DUM BU YIN NO, ,'KHRIG PA'I GZHI'I 'DOD PA RNAMS NI ZHES BYA BA LA 'KHRIG PA NI GNYIS KYIS GNYIS SPROD PA'O, ,DE'I GZHI NI YUL GZUGS LA SOGS PA SEMS CAN DU STON PA DAG GO, ,DE DAG NI 'DOD PAR BYA BA YIN PAS 'DOD BA RNAMS SO, ,BKRU BAR 'OS PA'I PHYIR RO, ,DON GANG GIS BKRU BAR 'OS SHE NA, LUS DRI MA CAN DU 'GYUR BA NYID KYIS TE, DRI MAR 'GYUR BA NI RTEN GYI DON DU 'GRO BAS NA, DRI MA CAN DU 'GYUR BA'O, ,DE'I DNGOS PO NI NYID KYIS SO, ,RDZAS RE RE YANG SKYUG BRO BA'I GZHI YIN PA'I PHYIR DANG 'KHRIG PA BSTEN PA'I MJUG TU MI MTHUN PA SKYE BA'I PHYIR NA MI MTHUN PA RNAMS SO, ,DE LTAR NA TSIG GCIG DANG ZHES BYA BA RGYAS PAR 'BYUNG BA NI JI LTAR BSTAN PA DE LTAR NA 'DOD PA RNAMS KYI 'BREL PA'I SKYON YONGS SU BSTAN PA NI TSIG GCIG PU MI GTZANG BA ZHES BYA BA 'DI LTA STE, 'BREL PA NI DRI MA DANG NGO, ,'DOD PA RNAMS KYI 'DZAG PA'I SKYON YONGS SU BSTAN PA YANG TSIG GCIG BU DRI MI ZHIM PA ZHES BYA BA 'DIS SO, ,'DOD PA RNAMS KYI RANG GI MTSAN NYID KYI SKYON YONGS SU BSTAN PA NI TSIG GNYIS SO, , DRI NGA BA RNAMS DANG MI MTHUN PA RNAMS ZHES BYA BA 'DI DAG GIS SO, ,'DI LTAR 'DOD PA MI GTZANG BA RNAMS ZHES BYA BA RGYAS PAR 'BYUNG BAS NI DON 'DI NYID BSDUS PA YIN NO, ,NYON MONGS PA MI GTZANG BA NYID NI JI SKAD DU MI GA CHUNG GANG DAG DANG LDAN NA 'DI NA KHA CIG LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR BA'I CHOS GNAG PA RNAM PAR SMIN PA GNAG PA MI GTZANG BA BYED PA, LCI BA 'OG MA'I PHYOGS SU 'GRO BAR 'GYUR BA RNAMS KYANG YOD DO, ,MI GA CHUNG GANG DAG DANG LDAN NA 'DI NI KHA CIG LUS ZHIG NAS SHI BA'I 'OG TU BDE 'GRO MTHO RIS KYI 'JIG @171B RTEN LHA RNAMS SU SKYE BAR 'GYUR BA'I CHOS DKAR BA RNAM PAR SMIN PA DKAR BA GTZANG BAR BYED PA, YANG BA GONG MA'I PHYOGS SU 'GRO BAR 'GYUR BA RNAMS KYANG YOD DO, ,MI GA CHUNG GANG DAG DANG LDAN NA 'DI NA KHA CIG LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR BA'I CHOS GNAG PA RNAM PAR SMIN PA GNAG PA, MI GTZANG BA MI GTZANG BA BYED PA, LCI BA 'OG MA'I PHYOGS SU 'GRO BAR 'GYUR BA RNAMS GANG ZHE NA, 'DI NA SROG GCOD BAR BYED BA KHA CIG CES BYA BA NAS RGYAS BAR LTA BA LOG PAR ZHES BYA BA'I PAR RO ZHES 'BYUNG BA LTA BU'O, , JI SKAD DU GSUNGS PA 'DI LA 'DI LTAR SHES PAR BYA STE, NYON MONGS PA DANG NYE BA'I NYON MONGS PA THAMS CAD NI MI GTZANG BA RNAMS KHO NA'O, ,SEMS KYI DRI MA MI DGE BA'I LAS KYI LAM BCU PO DE RNAMS LAS GZUGS CAN BDUN DAG NI NYON MONGS PA'I MI GTZANG BAS KUN NAS BSLANG BA'I DBANG GIS MI GTZANG BA RNAMS SO, ,GNOD SEMS LA SOGS PA GSUM NI NGO BO NYID GYIS SO, ,MI MTHUN PA RNAMS NI SNGA MA BZHIN NO, ,JI LTAR ZHE NA, RDZAS RE RE YANG SKYUG BRO BA'I GZHI YIN PA'I PHYIR DANG, 'KHRIG PA BSTEN PA'I MJUG TU MI MTHUN PA SKYE BA'I PHYIR RO ZHES 'BYUNG BA'O, ,MI DAG GI 'DOD PA RNAMS NI MI GTZANG BA RNAMS DANG ZHES BYA BA'O, ,MI GTZANG BA MA BRJOD NA NI STE, JI LTAR BRJOD PAR BYA ZHE NA, MI DAG GI 'DOD PA RNAMS NI DRI MI ZHIM PA RNAMS DANG, DRI NGA BA RNAMS DANG, MI MTHUN PA RNAMS ZHES BYA BAR RO, ,'DI NI RNAMS GRANG GNYIS PA'I DBANG DU MDZAD NAS BSTAN PA YIN NO, ,MI DAG GI 'DOD PA RNAMS NI MI GTZANG BA RNAMS DANG, DRI MI ZHIM PA RNAMS DANG ZHES BYA BA'I DRI MI ZHIM PA MA BRJOD NA NI STE, JI LTAR BRJOD PAR BYA ZHE NA, MI DAG GI 'DOD PA RNAMS NI MI GTZANG BA RNAMS DANG, DRI NGA BA RNAMS DANG, MI MTHUN PA RNAMS ZHES BYA BAR RO, ,YONGS SU 'GYUR BA NYID KYIS MI MTHUN PA RNAMS TE ZHES BYA BAS NI 'KHRIG PA BSTEN PA'I MJUG TU'O, ,'DOD PA'I RGYU DANG, 'DOD PA'I GZHI DANG, 'DOD BA'I DBANG DU BYA BA DANG, 'DOD PA RNAMS KHO NA'I RGYUS MA DANG BU DANG, BU DANG MA DANG, PHA DANG BU DANG, BU DANG PHA DANG, MING PO DANG SRING MO DANG, SRING MO DANG MING PO DANG, GROGS PO DANG, @172A *, ,GROGS POR RTZOD PAR BYED NA, SKYE BO DANG SKYE BOR LTA CI SMOS ZHES BYA BA 'DI NI MDO SDE'I DUM BU'O, ,NYON MONGS PA'I 'DOD PA ZHES BYA BA NI 'DOD PAR BYED PAS 'DOD PA STE, NYON MONGS PA NYID 'DOD PA YIN PAS NYON MONGS PA'I 'DOD PA'O, ,'DUN PA DANG 'DOD CHAGS SO, ,DE LA 'DUN PA NI YUL MA RNYED PA LA'O, ,'DOD CHAGS NI RNYED PA LA'O, ,GZHI'I 'DOD PA LA YANG RNAM PA GNYIS TE ZHES BYA BA LA, GZHI NI YUL GZUGS LA SOGS PA DAG GO, ,GZHI NYID 'DOD PA YIN PAS GZHI'I 'DOD PA STE, 'DOD PAR BYA BA YIN PA'I PHYIR RO, ,DE LA ZHES BYA BA RGYAS PAR 'BYUNG BA NI, DE LA 'DOD PA'I RGYU NI YUL MA THOB PA LA 'DUN PA'I RGYU'O, ,'DOD PA'I GZHI NI YUL THOB PA LA 'DOD CHAGS KYI GZHI YIN TE, MA DANG BUR RTZOD PAR BYED CES BYA BAR RGYAS PAR 'BYUNG BA LTA BU'O, ,DE LTAR NA RE ZHIG NYON MONGS PA'I 'DOD PA RNAM PA GNYIS KYIS MA DANG BU DANG ZHES BYA BA NAS SKYE BO DANG SKYE BOR LTA CI SMOS ZHES BYA BA'I BAR BSGRUBS ZIN TO, ,'DOD PA'I DBANG DU BYA BA DANG ZHES BYA BA RGYAS PAR 'BYUNG BA LA 'DOD PA'I DBANG DU BYA BA NI GZHI'I 'DOD PA MA THOB PA'I DBANG DU BYAS NAS SO, ,'DOD PA RNAMS KHO NA'I RGYUS NI GZHI'I 'DOD PA THOB PA RNAMS KYI DON DU STE, MA DANG BU DANG ZHES BYA BA RGYAS PAR 'BYUNG BA'O, ,DE LTAR NA RGYU GANG GIS DANG ZHES BYA BA RGYAS PAR 'BYUNG BA NI JI SKAD BSTAN PA DE LTAR NA NYON MONGS PA'I 'DOD PA RNAM PA GNYIS KYI RGYU GANG GIS RTZOD PAR BYED PA DANG, GANG GI DON DU STE, GZHI'I 'DOD PA RNAM PA GNYIS KYI DON DU'O, ,DE YONGS SU BSTAN PA NI RAB TU BSTAN PA YIN NO, ,DGE SLONG DAG NGAS JI LTAR SKYES PA BUD MED KYI GZUGS LA ZHEN PAR 'GYUR BA DANG, RGYAGS PAR 'GYUR BA DANG, 'DOD PAR 'GYUR BA DANG, SDUG PAR 'GYUR BA DANG, DGA' BAR 'GYUR BA DANG, CHAGS PAR 'GYUR BA DANG, BRGYAL BAR 'GYUR BA DANG, 'CHING BAR 'GYUR BA DANG, KUN DU SBYOR BAR 'GYUR BA LTA BU'I GZUGS NI GCIG KYANG MA MTHONG STE, SKYES PA NI BUD MED KYI GZUGS LA CHAGS PA DANG, ZHEN PA DANG, 'CHUMS PA DANG, MDUD PA BOR BA DANG, BRGYAL BA DANG, LHAG PAR CHAGS PA DANG, LHAG PAR ZHEN PAR GYUR PA ZHES BYA BA NI MDO SDE'I DUM BU YIN NO, ,'DOD CHAGS KYI @172B KUN NAS DKRIS PA SKYES PA'I PHYIR NI CHAGS PA'O, ,SKYES PA DANG DU LEN PA'I PHYIR NI 'DOD CHAGS KYI KUN NAS DKRIS PA SKYES PA DANG DU LEN PA'I PHYIR NI ZHEN PA'O, ,THOB PA DANG LONGS SPYOD 'DOD PA'I PHYIR NI BUD MED KYI GZUGS DE THOB PAR 'DOD PA'I PHYIR DANG, THOB NAS KYANG LONGS SPYOD PAR 'DOD PA'I PHYIR NI 'CHUMS PA'O, ,DE'I THABS LA LAN MANG DU RJES SU RNAM PAR RTOG PA'I PHYIR NI THOB PA'I THABS LA LAN MANG DU RJES SU RNAM PAR RTOG PA'I PHYIR NI MDUD PA BOR BA'O, ,'DOD CHAGS KYI KUN NAS DKRIS PA LA SOGS PA LA NYES DMIGS MI MTHONG PA'I PHYIR NI BRGYAL BA'O, ,YONGS SU BZUNG BA LA KUN DU 'DZIN PA SKYE BA'I PHYIR NI BUD MED KYI GZUGS YONGS SU BZUNG BA LA KUN DU 'DZIN PA NI YONGS SU BZUNG BA LA KUN DU 'DZIN PA'O, ,DE SKYE BA DE'I PHYIR LHAG PAR CHAGS PA'O, ,DE BSTEN PA LA ZHES BYA BA RGYAS PAR 'BYUNG BA NI BUD MED KYI GZUGS DE BSTEN PA LA SEMS GZHOL BAS LAN MANG DU GNAS PA'I PHYIR, LHAG PAR ZHEN PAR GYUR PA'O, ,JI LTAR ZHE NA MI TSIM PA NYID KYI RGYU STE, MI TSIM PA NYID KYI PHYIR RO, ,KYE K'A TY'A'I BU GANG GIS NA RGYAL PO RNAMS DANG, RGYAL PO RNAMS SU RTZOD PAR BYED PA DANG, BRAM ZE RNAMS DANG BRAM ZE RNAMS SU RTZOD PAR BYED PA DANG, KHYIM BDAG RNAMS DANG, KHYIM BDAG RNAMS SU RTZOD PAR BYED PA'I RGYU NI GANG, RKYEN NI GANG, BRAM ZE 'DOD PA LA 'DOD CHAGS DANG, LHAG PAR ZHEN PA DANG, RNAM PAR BCINGS PA DANG YONGS SU ZHEN PA DANG, KUN DU 'DOD CHAGS KYI RGYUS RGYAL PO RNAMS DANG RGYAL PO RNAMS SU RTZOD PAR BYED, BRAM ZE RNAMS DANG, BRAM ZE RNAMS SU RTZOD PAR BYED, KHYIM BDAG RNAMS DANG, KHYIM BDAG RNAMS SU RTZOD PAR BYED DO, ,KYE K'A TY'A'I BU GANG GIS NI RAB TU BYUNG BA RNAMS DANG RAB TU BYUNG BA RNAMS SU RTZOD PAR BYED PA'I RGYU NI GANG, RKYEN NI GANG, BRAM ZE LTA BA LA 'DOD CHAGS DANG, LHAG PAR ZHEN PA DANG, RNAM PAR BCINGS PA DANG, YONGS SU ZHEN PA DANG, KUN DU 'DOD CHAGS KYI RGYUS RAB TU BYUNG BA RNAMS DANG, RAB TU 'BYUNG BA RNAMS SU RTZOD PAR BYED DO ZHES BYA BA NI MDO SDE'I DUM BU YIN NO, ,GO RIMS BZHIN NI KUN DU SPYOD PA NI 'DOD PA LA 'DOD CHAGS SO, ,DANG DU LEN PA NI LHAG PAR ZHEN PA'O, ,ZIL GYIS GNON @173A *, ,PA NI RNAM PAR BCINGS PA'O, ,DES MI 'DZEM PA NI 'DOD PA LA 'DOD CHAGS KYIS ZIL GYIS GNON PA DES MI 'DZEM PA STE, YONG SU ZHEN PA'O, ,DE LA KUN DU DGA' BA NYID NI KUN NAS DGA' BAS KUN DU DGA' BA'O, ,'DOD PA'I 'DOD CHAGS DE LA KUN DU DGA' BA NI DE LA KUN DU DGA' BA'O, ,DE'I DNGOS PO NI DE LA KUN DU DGA' BA NYID DE KUN DU 'DOD CHAGS SO, ,RGYUS KYI SGRAS NI TSIG THAMS CAD LA SBYAR BAR BYA STE, JI LTAR ZHE NA, 'DOD PA LA 'DOD CHAGS KYI RGYUS RGYAL PO RNAMS DANG RGYAL PO RNAMS SU RTZOD PAR BYED DO ZHES RGYAS PAR BYA BA DANG, DE BZHIN DU 'DOD PA LA 'DOD CHAGS LA LHAG PAR ZHEN PA'I RGYUS ZHES BYA BA NAS KUN DU 'DOD CHAGS KYI RGYUS ZHES BYA BA'I BAR DU'O, ,RANG GI 'DOD PA LA MNGON PAR DGA' BA DANG, YONGS SU GZUNG BA DANG MI 'BRAL BAR 'DOD PA DANG ZHES BYA BA NI RANG GI 'DOD PA GZUGS DANG SGRA LA SOGS PA LA MNGON PAR DGA' BA DANG, YONGS SU GZUNG BA DANG MI 'BRAL BAR 'DOD PA NI, RANG GI 'DOD PA LA MNGON PAR DGA' BA DANG, YONGS SU GZUNG BA DANG MI 'BRAL BAR 'DOD PA'O, ,GZHAN GYI 'DOD PA LA MNGON PAR DGA' BAR BYED PA DANG, KUN DU 'DOD CHAGS PA GNYIS NI GZHAN GYI 'DOD PA RNAMS LA MNGON PAR DGA' BAR BYED PA DANG, KUN DU 'DOD CHAGS NI GZHAN GYI 'DOD PA LA MNGON PAR DGA' BAR BYED PA DANG, KUN DU 'DOD CHAGS PA GNYIS SO, ,'DOD PA LA 'DOD CHAGS DANG, LHAG PAR ZHEN PA DANG, RNAM PAR BCINGS PA DANG, YONGS SU ZHEN PA DANG, KUN DU 'DOD CHAGS DANG GO RIMS BZHIN NO, ,JI LTAR ZHE NA, RANG GI 'DOD PA LA MNGON PAR DGA' BA NI 'DOD PA LA 'DOD CHAGS SO, ,RANG GI 'DOD PA LA YONGS SU GZUNG BA NI LHAG PAR ZHEN BA'O, ,RANG GI 'DOD PA LA MI 'BRAL BAR 'DOD PA NI RNAM PAR BCINGS PA'O, ,GZHAN GYI 'DOD PA LA MNGON PAR DGA' BAR BYED PA NI YONGS SU ZHEN PA STE, 'DOD PA NI YONGS SU ZHEN PA'O, ,GZHAN GYI 'DOD PA LA KUN DU 'DOD CHAGS PA NI KUN DU 'DOD CHAGS PA KHO NA'O, ,LTA BA RNAMS LA YANG ZHES RGYAS BAR 'BYUNG BA DE LA LTA BA RNAMS NI 'JIG TSOGS LA LTA BA LA SOGS PA LNGA'O, ,DE RNAMS LA YANG LTA BA LA 'DOD CHAGS PA DANG, LHAG @173B PAR ZHEN PA DANG, RNAM PAR BCINGS PA NI JI LTAR RNAM GRANGS GNYIS PA LAS 'BYUNG BA DE BZHIN NO, ,JI LTAR ZHE NA, RANG GI LTA BA LA MNGON PAR DGA' BA DANG, YONGS SU GZUNG BA DANG MI 'BRAL BAR 'DOD PA DANG, LTA BA LA 'DOD CHAGS DANG, LHAG PAR ZHEN PA DANG, RNAM PAR BCINGS PA DANG GO RIMS BZHIN NO, ,LTA BA MI MTHUN PA RNAMS YIN NA NI RANG GI LTA BAR MNGON PAR DGA' BAR BYED PAS YONGS SU ZHEN PA NI 'DI DAG JI LTAR NA BDAG GI LTA BAR 'GYUR ZHIG GU SNYAM PA'O, ,LTA BA MTHUN PA DAG YIN NA NI DE'I LTA BA LA RJES SU CHAGS PA NI LTA BA MTHUN PA DE DAG GI LTA BA NI DE'I LTA BA'O, ,DE'I LTA BA LA RJES SU CHAGS PA NI DE'I LTA BA LA RJES SU CHAGS PA STE, KUN DU 'DOD CHAGS SU RIG PAR BYA'O, ,'DIR YANG LTA BA LA 'DOD CHAGS KYI RGYUS ZHES BYA BA NAS, LTA BA KUN DU 'DOD CHAGS KYI RGYUS RAB TU BYUNG BA RNAMS DANG RAB TU BYUNG BA RNAMS SU RTZOD PAR BYED DO ZHES RE RE LA SBYAR BAR BYA'O, ,YANG NA LTA BA LA 'DOD CHAGS DANG, LHAG PAR ZHEN PA DANG, RNAM PAR BCINGS PA NI JI LTAR RNAM GRANGS DANG PO LAS KUN DU SPYOD PA DANG, DANG DU LEN PA DANG, ZIL GYIS GNON PA ZHES 'BYUNG BA DANG GO RIMS BZHIN NO, ,SNGAR JI SKAD BSHAD PA LTA BU NI DGOS PA DAG NI BRGYAD DE, RNAM GRANGS GSUNGS PA NI 'DUL BA THA DAD PA'I PHYIR TE, DE'I TSE DANG PHYI MA'I TSE KHA CIG LA LA LAS KHONG DU CHUD PAR BYA BA'I PHYIR DANG ZHES BYA BA DE LTA BU LA SOGS PA'O, ,DGE SLONG DAG SEMS CAN DE DAG LA NI DON SPYOD PA MED, CHOS SPYOD BA MED, BSOD NAMS SPYOD PA MED, DGE BA SPYOD PA MED, DGE LEGS SPYOD PA MED DO ZHES BYA BA NI MDO SDE'I DUM BU YIN NO, ,DE GNYIS KA LA BRTEN NAS ZHES BYA BA NI DON DANG CHOS SPYOD PA LA BRTEN NAS ZHES BYA BA'I THA TSIG GO, ,BSOD NAMS KYI LAS BYED PA NI BSOD NAMS KYI LAS BYED PA'O, ,MI G-YO BA'I LAS BYED PA ZHES BYA BA NI GZUGS DANG GZUGS MED PA NA SPYOD PA'I LAS NI MI G-YO BA'O, ,DE BYED PA NI BYED PA PO'O, ,DGE BA SPYOD PA STE, MI DGE BA SPANGS PA'I PHYIR TE, 'DI LTAR DES MI DGE BA SPANGS PA YIN NO, ,JI LTAR NA DES MI DGE BA SPANGS PA YIN ZHE NA, GNYEN PO YIN PA'I PHYIR RO, ,NGES PAR LEGS PA ZHES BYA BA RGYAS PAR 'BYUNG BA NI NGES PAR LEGS PA'I CHED DU BYANG CHUB KYI PHYOGS DANG MTHUN PA @174A *, ,SUM CU RTZA BDUN PO DAG SGOM PA NI DGE LEGS SPYOD PA'O, ,CI'I PHYIR ZHE NA, GSER BZHIN DU DRI MA MED PA'I PHYIR DANG, 'GYUR BA MED PA'I PHYIR RO, ,BYANG CHUB KYI PHYOGS DANG MTHUN PA RNAMS KYI DRI MA MED PA NYID KYANG CI ZHIG YIN, 'GYUR BA MED PA NYID KYANG CI ZHIG YIN ZHE NA, DRI MA MED PA NYID NI ZAG PA MED PA NYID YIN NO, ,'GYUR BA MED PA NYID NI DE RNAMS LAS YONGS SU MI NYAMS PA NYID KYIS RIG PAR BYA'O, ,GZHAN LA MI GNOD PA'I PHYIR RO ZHES BYA BA NI 'DI LTAR TSUL KHRIMS DANG LDAN PA NI GZHAN DAG LA GNOD PA MI BYED DE, SROG GCOD PA LA SOGS PA RNAMS SPONG BA YANG DAG PAR BLANG BA'I PHYIR RO, ,DON SPYOD PA DANG, CHOS SPYOD PA NI SNGA MA KHO NA BZHIN NO,, ,,RNAM PAR BSHAD PA RIGS PA'I BSHAD PA, BAM PO BZHI PA, DGE SLONG DAG BYIS PA SO SO'I SKYE BO THOS BA DANG MI LDAN PA DAG NI RGYA MTSO ZHES TSIG TU BRJOD BAR BYED DO, ,'PHAGS BA'I CHOS 'DUL BA LA NI DE RGYA MTSO DANG, DGE SLONG DAG DE NI CHU GTER CHEN PO DANG, CHU'I CHU BO CHEN PO DANG, CHU'I TSOGS CHEN PO DANG, CHU'I CHU CHEN PO MA YIN GYI, DGE SLONG DAG SKYES BU'I MIG NI RGYA MTSO YIN NO ZHES BYA BA RGYAS BAR 'BYUNG BA NI MDO SDE'I DUM BU YIN NO, ,RTAG TU CHUR 'DUG PA'I PHYIR RO ZHES BYA BA NI RTAG PAR CHU YOD PA'I PHYIR RO ZHES BYA BA'I THA TSIG GO, ,CHU CHEN PO SDUD PA'I DON GYIS NA CHU GTER CHEN PO STE, SKAD KYI DBYINGS LAS 'DZIN PA'I DON DU 'BYUNG BA'I PHYIR RO, ,MI SKYE BA'I DON GYIS NA CHU'I CHU BO CHEN PO STE, CHU'I CHU BO CHEN PO KHO NAR SNANG BA'I PHYIR RO, ,SKYE BAR MI MNGON PA'I PHYIR GCIG TU 'GYUR BA'I DON GYIS NA CHU'I TSOGS CHEN PO STE, KUN NAS 'BAB PA'I CHU GCIG TU 'GYUR BAS GNAS PA'I PHYIR RO, ,MI ZAD PA'I DON GYIS NA CHU'I CHU CHEN PO STE, CHU CHEN PO DE NI NAM YANG YONGS SU ZAD BAR MI 'GYUR BAS SO, ,DGE SLONG DAG KHYED LA GANG GIS NA SKYE DGU 'DI SGRIB PA DANG, CHOD PA DANG, G-YOGS PA DANG, KUN NAS G-YOGS PA DANG, BKAG BA DANG, YOG PA DANG, KUN NAS DKRIS PA DANG, THAGS 'KHRUGS PA LTA BU DANG, DRU BU 'DZINGS PA LTA BU DANG, RTZVA MUN DZA DANG BA LA BA DZA LTA BUR 'ONG BA DANG 'GRO BAR GYUR CING 'JIG RTEN 'DI NAS 'JIG RTEN PHA ROL DANG 'JIG RTEN @174B PHA ROL NAS 'JIG RTEN 'DIR KUN DU RGYUG PAR BYED 'KHOR BAR BYED, 'KHOR BA LAS MI 'DA' BAR BYED PA'I SRED PA BSHAD PAR BYA ZHES BYA BA NI MDO SDE'I DUM BU YIN NO, ,DE DANG 'BREL PA'I RNAM PAR RTOG PA MANG DU BYED PA'I PHYIR ZHES BYA BA NI NOR DANG, KHYIM DANG, BU DANG, CHUNG MA LA SOGS PA DANG 'BREL PA'I RNAM PAR RTOG PA MANG DU BYED PA'I PHYIR ZHES BYA BA'I THA TSIG GO, ,'KHOR BA LAS RNAM PAR GROL BAR DKA' BA NYID KYIS SKYE DGU 'DI NI DRU BU 'DZINGS PA LTA BU STE, DRU BU 'DZINGS PA NI DRUB 'GUL 'KHRUGS PA'O, ,DE YONGS SU GZUNG BA LA KUN DU 'DZIN PAS ZHES BYA BA RGYAS PAR 'BYUNG BA NI NOR DANG, KHYIM DANG, BU DANG, CHUNG MA LA SOGS PA DE DAG YONGS SU BZUNG BA NI DE YONGS SU BZUNG BA'O, ,DE YONGS SU BZUNG BA LA KUN DU 'DZIN PA NI BDAG GIR 'DZIN PA YIN PAS DE YONGS SU BZUNG BA LA KUN DU 'DZIN PA STE, DE YONGS SU BZUNG BA LA KUN DU 'DZIN PA DES SO, ,SDUG BSNGAL MANG BOS GZIR BA'I RTEN DU GYUR PA NYID KYI PHYIR NI SDUG BSNGAL MANG PO DAG GIS GZIR BA NI SDUG BSNGAL MANG POS GZIR BA'O, ,DE'I RTEN NI GZHI YIN PAS SDUG BSNGAL MANG POS GZIR BA'I RTEN DU GYUR PA STE, DE'I DNGOS PO NYID KYI PHYIR RO, ,RTZVA MUN DZA DANG BAL BA DZA LTA BUR GYUR PA NI RTZVA MUN DZA LTA BUR GYUR BA DANG, BAL BA DZA LTA BUR GYUR PA STE, JI LTAR RTZVA MUN DZA DANG BAL BA DZA GDUG PA'I GZHI YIN PA BZHIN NO, ,LTA BU DANG GYUR PA'I SGRA GNYIS NI RNAM PA'I DON DU YANG RIG PAR BYA STE, JI LTAR ZHE NA, THAGS 'KHRUGS PA LTA BU NI THAGS 'KHRUGS PA LTA BU'O, ,DRU BU 'DZINGS PA LTA BU YANG DRU BU 'DZINGS BA'I RNAM PA'O, ,DE LTA BU DANG GYUR PA'I SGRA GNYIS NI DPE'I DON KYANG YIN TE, JI LTAR ZHE NA, THAGS BZHIN DU 'KHRUGS PAS THAGS 'KHRUGS PA LTA BU'O, ,DRU BU 'DZINGS PA 'DRA BAS DRU BU 'DZINGS PA LTA BU STE, DPER NA MA LTA BU ZHES BYA BA YANG MA DANG 'DRA ZHES BYA BA STE DPE'I DON DU GO'O, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA 'DUN PA DANG LDAN PA'I PHYIR THAGS 'KHRUGS PA LTA BUR RIG PAR BYA'O, ,RNAM PAR RTOG PA DANG LDAN PA'I PHYIR DRU BU 'DZINGS PA LTA BUR RIG PAR BYA'O, ,LHAG PAR ZHEN PA DANG LDAN PA'I PHYIR NA RTZVA MUN DZA DANG BAL BA DZA LTA BUR GYUR PAR RIG PAR BYA'O, ,GZHAN YANG @175A *, ,ZHES BYA BA RGYAS PAR 'BYUNG BA NI PHRAD PA LA SRED PA DANG LDAN PA'I PHYIR THAGS 'KHRUGS PA LTA BU'O, ,MI 'BRAL BA LA SRED PA DANG LDAN PA'I PHYIR DRU BU 'DZINGS PA LTA BU'O, ,NYES DMIGS KYI GNOD PA DANG LDAN PA'I PHYIR NA RTZVA MUN DZA DANG BAL BA DZA LTA BUR GYUR PA STE, NYES DMIGS DAG GIS GNOD PA NI NYES DMIGS KYI GNOD PA STE, DE DANG LDAN PA'I PHYIR RO, ,DGE SLONG DAG BYIS PA SO SO'I SKYE BO THOS PA DANG MI LDAN PA NI LUS LA REG BA'I TSOR BA SDUG BSNGAL BA, MI ZAD PA, RTZUB PA, TSA BA, YID DU MI 'ONG BA, SROG 'PHROG BA DAG GIS MYA NGAN BYED, DUM BUR BYED, SMRE SNGAGS 'DON PAR BYED, BRANG RDUNG BAR BYED, DU BAR BYED, KUN DU RMONGS BAR BYED JOD ZHES BYA BA NI MDO SDE'I DUM BU YIN NO, ,RTAG TU RTZE MI 'JIL BA'I RGYUN NYID KYIS ZHES BYA BA NI RTZUB PA GANG YIN PA DE NI RTZE MI 'JIL BA STE, RTAG TU MI 'BRAL BA'I RGYUN YIN PAS RTAG TU RTZE MI 'JIL BA'I RGYU NYIN NO, ,DE'I DNGOS PO NI NYID KYIS YIN NO, ,YID DU MI 'ONG BA NI DRAN PA'I DUS NA BRJED DU MI STO BA NYID KYIS SO ZHES BYA BA NI SDUG BSNGAL GYI TSOR BA LA DMIGS PA DRAN PA'I DUS NA DE LAS PHYIR PHYOGS BA NYID KYI PHYIR YID DU MI 'ONG BA ZHES BYA BA'I THA TSIG GO, ,MDOR NA ZHES BYA BA RGYAS PAR 'BYUNG BA NI BSDU NA RANG BZHIN GYI KHYAD PAR GYIS TSOR BA'I KHYAD BAR STON PAR BYED PA NI SDUG BSNGAL BA ZHES BYA BA'I TSIG 'DIS SO, ,RNAM PAR KHYAD BAR GYIS TSOR BA'I KHYAD PAR STON PAR BYED PA NI MI BZAD PA ZHES BYA BA'I TSIG 'DIS SO, ,GNAS PA'I KHYAD PAR GYIS TSOR BA'I KHYAD PAR STON PAR BYED PA NI RTZUB PA ZHES BYA BA'I TSIG 'DIS SO, ,LAS KYI KHYAD PAR GYIS TSOR BA'I KHYAD PAR STON PAR BYED PA NI TSIG LHAG MA LUS PA GSUM DAG GIS SO, ,DE LA TSOR BA RNAMS KYI LAS KYI KHYAD PAR NI LUS DANG SEMS DANG SROG LA GNOD PA NYID KYIS RIG PAR BYA STE, TSA BA ZHES BYA BA NI LUS LA GNOD PA STON PAR BYED DO, ,YID DU MI 'ONG BA ZHES BYA BAS NI SEMS LA GNOD PA STON PAR BYED DO, ,SROG 'PHROG BA ZHES BYA BAS NI SROG LA GNOD PA STON PAR BYED DO, ,GANG LAS DRAG PA, SDUG BSNGAL BA ZHES 'BYUNG BA NI MDO SDE'I DUM BU GANG LAS TSE DANG LDAN PA BDE LDAN CI KHYOD LA ZAD BAR 'GYUR BA YOD DAM, CI KHYOD LA DRAG PA, SDUG BSNGAL BA, MI BZAD PA, RTZUB @175B PA, TSA BA, YID DU MI 'ONG BA, SROG 'PHROG PA SKYES PA LUS LAS 'BRAL ZHING MI SKYE LA DE BRAL ZHING MI SKYE BAR MNGON PA YIN NAM, TSE DANG LDAN PA DAG LA ZHES BYA BA RGYAS BAR 'BYUNG BA NI MDO SDE'I DUM BU GANG YIN PA DE YIN NO, ,MDO SDE'I DUM BU DER NI RANG BZHIN LA SOGS PA'I KHYAD PAR GYIS TE, RANG BZHIN DANG, RNAM PA DANG, GNAS PA DANG, LAS KYI KHYAD PAR GYIS DRAG PA NYID KHYAD PAR DU BYED DO, ,JI LTAR ZHE NA, SDUG BSNGAL BA ZHES BYA BA NI RANG BZHIN GYI KHYAD PAR GYIS DRAG PA NYID KHYAD PAR DU BYED PA YIN NO, ,MI BZAD PA ZHES BYA BA NI RNAM PA'I KHYAD PAR GYIS SO, ,RTZUB BA ZHES BYA BA NI GNAS KYI KHYAD PAR GYIS SO, ,YID DU MI 'ONG BA ZHES BYA BA NI LAS KYI KHYAD PAR GYIS DRAG PA NYID KHYAD PAR DU BYED PA YIN NO, ,TSOR BA DE BRAL BA'AM MI LDAN BAR 'DRI BA NI GO RIMS BZHIN NO, ,SKABS SKABS SU DE YOD PAR 'DRI BA'O, ,ZHES BYA BA NI SKABS SKABS SU BRAL BA YOD PAR 'DRI BA NI DE 'BRAL ZHING ZHES BYA BA 'DIS SO, ,SKABS SKABS SU DE MI LDAN PA YOD PA YIN PAR 'DRI BA NI MI SKYE BAR MNGON PA YIN NAM ZHES BYA BA 'DIS SO, ,SDUG BSNGAL NYID GSUM STE, SDUG BSNGAL GYI SDUG BSNGAL NYID DANG, 'DU BYED KYI SDUG BSNGAL NYID DANG, 'GYUR BA'I SDUG BSNGAL NYID DO ZHES BYA BA NI MDO SDE'I DUM BU YIN NO, ,'DU BYED RNAMS KYI ZHES BYA BA RGYAS PAR 'BYUNG BA LA, 'DU BYED RNAMS KYI RANG GI MTSAN NYID MI MTHUN PA NYID KYIS SDUG BSNGAL GYI SDUG BSNGAL NYID NI SDUG BSNGAL NYID SDUG BSNGAL YIN PAS NA SDUG BSNGAL GYI SDUG BSNGAL TE, BSKA BA'I SKA BA BZHIN NO, ,SDUG BSNGAL GYI SDUG BSNGAL NYID YIN NO, ,SPYI'I MTSAN NYID 'BYUNG BA DANG 'JIG PA MI MTHUN PA NYID NI SPYI'I MTSAN NYID 'BYUNG BA DANG 'JIG PA MI MTHUN PA NYID DE, DE NI SPYI'I MTSAN NYID 'BYUNG BA DANG 'JIG PA MI MTHUN PA NYID KYIS 'DU BYED KYI SDUG BSNGAL NYID DE, 'DU BYED KYI SDUG BSNGAL YIN PAS NA 'DU BYED KYI SDUG BSNGAL LO, ,DE'I DNGOS PO NI 'DU BYED KYI SDUG BSNGAL NYID YIN NO, ,DE BZHIN DU GZHAN DU GYUR PA'I MTSAN NYID MI MTHUN PA NYID KYIS 'GYUR BA'I SDUG BSNGAL NYID DE, 'GYUR BA NYID SDUG BSNGAL YIN PAS NA 'GYUR BA'I SDUG BSNGAL NYID YIN NO, ,GANG ZHIG CES BYA BA RGYAS PAR 'BYUNG BA NI TSOR BA'I KHYAD PAR GANG @176A *, ,ZHIG SDUG BSNGAL YANG MA YIN BDE BA YANG MA YIN BA DANG, BDE BA LA SDUG BSNGAL NYID CES BYA BA NI DGONGS PA CAN YIN GYI, RANG GI MTSAN NYID KYIS MA YIN PA'O, ,DE'I DGONGS PA STON PA NI JI SKAD DU RANG DANG SPYI'I MTSAN NYID GNYIS KYIS RGYAS PAR BSTAN MA THAG PA LTA BU'O, , RANG GI MTSAN NYID KYIS RANG BZHIN GYI SDUG BSNGAL BA'I DBANG DU MDZAD DE SDUG BSNGAL GYI SDUG BSNGAL NYID GSUNGS PA YIN LA, SPYI'I MTSAN NYID KYIS RANG BZHIN GYIS SDUG BSNGAL BA'I DBANG DU MDZAD DE, 'DU BYED KYI SDUG BSNGAL NYID GSUNGS LA, 'GYUR BA'I SDUG BSNGAL NYID NI 'DU BYED YID DU 'ONG BA RNAMS 'GYUR BA'O, ,DE LTAR NA SDUG BSNGAL GYI TSOR BA DANG DE MYONG BAR 'GYUR BA'I 'DU BYED RNAMS NI SDUG BSNGAL GYI SDUG BSNGAL NYID KYIS SDUG BSNGAL BA YIN NO, ,SDUG BSNGAL YANG MA YIN BDE BA YANG MA YIN PA'I TSOR BA DANG DE MYONG BAR 'GYUR BA'I 'DU BYED RNAMS NI 'DU BYED RNAMS KYI SDUG BSNGAL NYID KYIS SDUG BSNGAL BA MA YIN NO, ,BDE BA'I TSOR BA DANG DE MYONG BAR 'GYUR BA'I 'DU BYED RNAMS NI 'GYUR BA'I SDUG BSNGAL 'DI NYID KYIS SDUG BSNGAL BA YIN NO, ,DE LTAR NA ZAG PA DANG BCAS PA'I 'DU BYED THAMS CAD SDUG BSNGAL BA YIN NO ZHES BSTAN PA YIN NO, ,SROG GCOD PA DANG, DRAG SHUL CAN DANG, LAG PA KHRAG DMAR BA DANG, GSOD PA DANG, RAB TU GSOD PA LA GNAS PA DANG, SEMS CAN SROG CHAGS SU GYUR PA LA NGO TSA MED CING, SNYING MI BRTZE BA LA ZHUGS BA YIN LA, THA NA SROG CHAGS SRIN BU DANG, SPRE'U DANG, GROG SBUR YAN CHAD KYI SROG GCOD PA MI SPONG BA YIN NO ZHES BYA BA NI MDO SDE'I DUM BU YIN NO, ,DE LA ZHES BYA BA RGYAS PAR 'BYUNG BA NI DE LA GSAD PA'I BSAM PA NYID KYIS SROG GCOD PA YONGS SU BSTAN PA NI DRAG SHUL CAN ZHES BYA BA'I TSIG 'DIS SO, ,GSAD PAR SBYOR BA NYID KYIS NI LAG PA KHRAG DMAR BA ZHES BYA BA 'DIS SO, ,DE GNYI GA LA MNGON PAR DGA' BA NYID NI BSAM PA DANG SBYOR BA LA MNGON PAR DGA' BA NYID KYIS TE, GSOD PA DANG, RAB TU GSOD BA LA GNAS PA ZHES BYA BA 'DI GNYIS KYIS SO, ,DE'I GZHI NYID KYIS NI SEMS CAN SROG CHAGS SU GYUR PHA LA NGO TSA MED CING, SNYING MI BRTZE BA LA ZHUGS PA YIN ZHES BYA BA 'DI GNYIS KYIS SO, ,DE DANG RJES SU 'BREL BA NYID KYIS NI THAN @176B ZHES BYA BA NAS BRTZAMS NAS LHAG MAS SROG GCOD PA YONGS SU BSTAN PA YIN NO, ,RNAM GRANGS GZHAN YANG SROG GCOD PA DANG ZHES BYA BA NI DRAG SHUL CAN NYID KYIS NI SHAN PA LA SOGS PA'I SROG GCOD PA NYID KHYAD PAR DU BYED PA YIN NO ZHES BYA BA BSTAN PA GANG YIN PA DE YIN TE, DRAG SHUL CAN ZHES BYA BA'I TSIG 'DIS SO, ,DRAG SHUL CAN NYID KYANG ZHES BYA BA RGYAS PAR 'BYUNG BA NI DRAG SHUL CAN NYID KYANG LUS DRAG SHUL CAN NYID DANG, SEMS DRAG SHUL CAN NYID DANG, DER GCIG TU NGES PA NYID DANG, DER GTAN DU BA NYID KYIS STON PAR BYED DE, ,JI LTAR BYAS PAS SHE NA, NGO TSA MED PA NYID DANG, SNYING MI BRTZE BA DANG LDAN PA NYID KYIS TE, NGO TSA MED CING SNYING MI BRTZE BA LA ZHUGS PA YIN ZHES BYA BA 'DI GNYIS KYIS NI DER GCIG TU NGES PA NYID YIN PAR RIG PAR BYA'O, ,NGO TSA MED PA DANG, SNYING MI BRTZE BA MED PA NI NGO TSA MED PA DANG SNYING MI BRTZE BA'O, ,DE DAG GANG LA YOD PA DE NI NGO TSA MED PA DANG, SNYING MI BRTZE BA DANG LDAN PA'O, ,DE'I DNGOS PO NI NGO TSA MED PA DANG, SNYING MI BRTZE BA DANG LDAN PA NYID DE, DES NA NGO TSA MED PA DANG, SNYING MI BRTZE BA DANG LDAN PA NYID KYIS SO, ,MI SPONG BA NYID KYIS TE, SROG GCOD PA MI SPONG BA YIN NO ZHES BYA BA'I TSIG 'DIS NI DER GTAN DU BA NYID YIN PAR RIG PAR BYA'O, ,LUS DRAG SHUL CAN NYID NI LAG PA KHRAG DMAR ZHES BYA BA'I TSIG 'DIS RIG PAR BYA'O, ,SEMS DRAG SHUL CAN NYID NI GSOD PA DANG, RAB TU GSOD PA LA GNAS PA ZHES BYA BA 'DIS SO, ,DGE SLONG DAG SROG RNAMS LAS GNYID LOG PA NI STONG PA DANG, GSOG DANG, 'BRAS BU MED PA DANG, DON MED PA DANG, PHAN YON MED PA YIN NO ZHES BYA BA NI MDO SDE'I DUM BU YIN NO, ,GANG DAG LA GNYID MI 'BYUNG BA ZHES BYA BA NI GSON PA'I BYA BA GANG DAG LA GNYID MI 'BYUNG BA ZHES BYA BA'I THA TSIG GO, ,DE DAG MED PA'I PHYIR ZHES BYA BA RGYAS PAR 'BYUNG BA LA, DE DAG NI BRTZON 'GRUS DANG BRTZON 'GRUS DE LAS 'BRAS BU DANG, DGE SBYONG GI TSUL GYI DON TE, DGE SBYONG GI TSUL NI DRI MA MED PA'I LAM STE, DE'I 'BRAS BU MYA NGAN LAS 'DAS PA'I DANG, TSE 'DI'I BDE BA DE DAG MED PA'I PHYIR SROG NI GSOG DANG ZHES BYA BA RGYAS PAR 'BYUNG BA DANG GO RIMS BZHIN NO, ,PHAL CHER RNAM PAR SMIN PAR MI 'GYUR BA'I PHYIR 'BRAS @177A *, ,BU MED PA'O ZHES BYA BA NI GNYID LOG PA NA SROG GCOD PA LA SOGS PA LA ZHUGS PA NA CHE GZHAN GYI LAS DANG, DE'I RKYEN GYIS SAMS CAN DMYAL BA LA SOGS PAR 'GRUB BAR 'GYUR TE, DE'I PHYIR PHAL CHER ZHES BYA BA LA SOGS PA SMOS SO, ,GZHAN YANG STONG PA'I SGRA'I DON THA DAD PA NYID DU BSTAN PA NI SROG RNAMS LAS GNYID KYI GNAS SKABS SEMS MED PA'I GNYID LOG PA NI STONG PA YIN LA, GNYID KYI GNAS SKABS SEMS DANG BCAS PA'I NI LHAG MA STE SNGA MA BZHIN NO, ,JI LTAR ZHE NA, GSOG DANG 'BRAS BU MED PA DANG, DON MED PA DANG, PHAN YON MED PA YIN NO, ,TSIG BZHI PO 'DI RNAMS KYI DON KYANG SNGA MA BZHIN NO, ,MI SHES PA DANG, THE TSOM DANG, LOG PA'I SHES PA DANG LDAN PA'I PHYIR NI MI SHES PA DANG LDAN PA'I PHYIR RMONGS PA'O, ,THE TSOM DANG LDAN PA'I PHYIR MI GSAL BA'O, ,LOG PA'I SHES PA DANG LDAN PA'I PHYIR MI MKHAS PA'O, ,CI'I PHYIR NA LOG PA'I SHES PA DANG LDAN PA'I PHYIR MI MKHAS PA YIN LA, MI SHES PA DANG THE TSOM DANG LDAN PA'I PHYIR MA YIN ZHE NA, TSUL BZHIN MA YIN PA LA MKHAS PA NI MI MKHAS PA STE, TSUL BZHIN MA YIN PA LA ZHES BYA BA NI PHYIN CI LOG LA MKHAS PA ZHES BYA BA'I THA TSIG GO, ,BYIS PA NI NYES PAR BSAMS PA SEMS PA LA SOGS PAS SO ZHES BYA BA NI DGE SLONG DAG BYIS PA NI NYES PAR BSAMS PA SEMS PA YIN, NYES PAR SMRA BA SMRA BA YIN, NYES PAR BYED PA'I LAS BYED PA YIN NO ZHES MDO SDE LAS 'BYUNG BA'I PHYIR RO, ,SMRAS PA, BSGOMS PA LAS BYUNG BA'I SHES RAB DANG MI LDAN PA'I PHYIR MI MKHAS PA YIN GYI THOS PA DANG BSAMS PA LAS BYUNG BA'I SHES RAB GNYIS NI MA YIN NO ZHES BYA BA 'DI CI'I PHYIR ZHE NA, MI DGE BA'I GNYEN PO NI BSGOMS PA LAS BYUNG BA'I SHES RAB YIN GYI, THOS PA DANG BSAMS PA LAS BYUNG BA'I SHES RAB DE GNYIS NI MA YIN NO, ,DE'I PHYIR DE DANG MI LDAN PA NYID KYE PHYIR MI MKHAS PA ZHES BYA BAR RIGS SO, ,GZHAN YANG ZHES BYA BA RGYAS PAR 'BYUNG BA NI SHES RAB MA BYANG BA NYID KYIS BYIS PA'I RANG BZHIN CAN NO, ,SHES RAB ZHEN PA NYID KYIS RMONGS PA'I RANG BZHIN CAN NO, ,SHES RAB LOG PA NYID KYIS SHAS RAB 'CHAL BA'I RANG BZHIN CAN NO, ,THOS @177B KYANG LEGS PAR GSUNGS PA DANG NYES PAR BSHAD PA'I CHOS DE RNAMS KYI DON SHES PAR MI NUS PA NYID KYI PHYIR NA RMONGS PA'I RANG BZHIN CAN NO, ,DE BZHIN DU DE DAG RNAMS LA PHYIN CI LOG TU MNGON PAR ZHEN PA'I PHYIR SHES RAB 'CHAL BA'I RANG BZHIN CAN YIN NO, ,GRO BZHIN SKYES DGE SLONG NGAM BRAM ZE GANG LA LA DAG GZUGS MI RTAG PA, MI BRTAN PA, YID BRTAN DU MI RUNG BA, 'GYUR BA'I CHOS CAN GYIS CHE BA YIN NO SNYAM DU RLOM PAR BYED, MI 'DRA'O SNYAM DU RLOM PAR BYED, DMAN PA MA YIN NO SNYAM DU RLOM PAR BYED DE, GRO BZHIN SKYES DGE SLONG NGAM BRAM ZE DE THAMS CAD NI DE LTAR YANG DAG PA JI LTA BA BZHIN DU MA MTHONG BA'I PHYIR RO, ,GRO BZHIN SKYES DGE SBYONG NGAM BRAM ZE TSOR BA MI RTAG PA DANG, 'DU SHES MI RTAG PA DANG, 'DU BYED RNAMS MI RTAG PA DANG, RNAM PAR SHES PA MI RTAG PA, MI BRTAN PA ZHES BYA BA SNGA MA BZHIN NO ZHES BYA BA NI MDO SDE'I DUM BU YIN NO, ,GNAS SKABS MI 'DRA BA NYID KYI 'JIG PA NYID YIN TE, GNAS SKABS MI 'DOD PA GZHAN DU 'GRO BA'I PHYIR RO, ,'DI LTAR 'DUG PA DANG DE LAS GZHAN GNAS SKABS MI 'DOD PA GZHAN DU 'GRO STE, SPYOD LAM GZHAN BSTEN PA'I PHYIR RO, ,'DI LTAR YANG LANG TSO LA BAB PA'I GNAS SKABS NAS KYANG RGA BA'I GNAS SKABS GZHAN DU 'GRO BAR BYED CING ZHES BYA BA DE LTA BU LA SOGS PA'O, ,GCIG GIS NI ZHES BYA BA RGYAS PAR 'BYUNG BA NI MDO SDE'I DUM BU GZUGS MI RTAG PA NAS RNAM PAR SHES PA'I BAR GYI MI RTAG PA ZHES BYA BA'I TSIG GCIG GIS SO, ,DE SKAD CES 'BYUNG BA NI LUS NYE BAR LEN PA'I PHUNG PO LNGA'I MTSAN NYID NI 'DUS BYAS KYI MTSAN NYID GNYIS DANG LDAN PAR STON PAR BYED DE, 'DUS BYAS KYI MTSAN NYID SKYE BA DANG, 'JIG PA DANG NGO, ,GNYIS KYI NI ZHES BYA BA RGYAS PAR 'BYUNG BA NI MI BRTAN PA DANG, YID BRTAN DU MI RUNG BA ZHES BYA BA'I TSIG GNYIS KYIS TE, GZUGS MI BRTAN PA NAS RNAM PAR SHES PA MI BRTAN PA'I BAR DANG, DE BZHIN DU YID BRTAN DU MI RUNG BA ZHES 'BYUNG BAS NI GNAS PA'I KHYAD PAR STON PAR BYED DO, ,JI LTAR ZHE NA, RGYUN NI YUN MI RING BA DANG, DUS MA NGES PA NYID KYI PHYIR TE, RGYUN GYIS GNAS PA NI DUS YUN MI RING BA'I PHYIR MI BRTAN PA ZHES BYA BA 'DIS SO, ,DUS @178A *, ,MA NGES PA NYID KYI PHYIR NI YID BRTAN DU MI RUNG BA ZHES BYA BA 'DIS SO, ,BZHI BAS NI ZHES BYA BA RGYAS PAR 'BYUNG BA NI BZHI PA 'GYUR BA'I CHOS CAN GYIS TE, 'GYUR BA'I CHOS CAN ZHES 'BYUNG BA NI GNAS PA'I RGYUN GYI MTSAN NYID DE NYID GZHAN DU 'GYUR BA NYID DU STON PAR BYED DE, MI 'DOD PA'I GNAS SKABS GZHAN DU 'GRO BA'I PHYIR RO, ,GZHAN YANG GCIG GIS NI LUS MI 'JIG PA 'GOG PAR BYED LA ZHES BYA BA RGYAS PAR 'BYUNG BA NI MDO SDE'I DUM BU DANG PO GZUGS MI RTAG PA NAS RNAM PAR SHES PA'I BAR MI RTAG PA ZHES BYA BA'I TSIG GCIG PO 'DIS LUS NYE BAR LEN PA'I PHUNG PO LNGA'I MTSAN NYID MI 'JIG PA'I 'GOG PAR BYED PA YIN NO, ,GNYIS PAS TE MI BRTAN PA ZHES BYA BA 'DIS NI YUN RING PO NAS 'JIG PA 'GOG PAR BYED PA YIN NO, ,GSUM PAS TE YID BRTEN DU MI RUNG BA ZHES BYA BA 'DIS NI DUS NGES PAR 'JIG PA 'GOG PAR BYED PA YIN NO, ,BZHI PAS TE 'GYUR BA'I CHOS CAN ZHES BYA BA 'DIS NI 'GYUR BA MED PAR 'JIG PA 'GOG PAR BYED PA YIN NO, ,GZHAN YANG ZHES BYA BA RGYAS PAR 'BYUNG BA NI GZHAN YANG GCIG GIS NI STE GZUGS MI RTAG PA NAS RNAM PAR SHES PA'I BAR MI RTAG PA 'DIS SO, ,GNYIS KYIS NI STE MI BRTAN PA, YID BRTAN DU MI RUNG BA ZHES BYA BA 'DI GNYIS KYIS TE GO RIMS BZHIN DU RIGS MTHUN PA LA BRTEN NAS YUN RING DU MI GNAS PA NYID KYI PHYIR DANG, DUS MA YIN PAR 'CHI BA SRID PA'I PHYIR NA MI BRTAN PA, YID BRTAN DU MI RUNG BA GNYIS KYI RGYUN 'JIG PA'I MI RTAG PA NYID STON PAR BYED DO, ,BZHI PAS NI STE 'GYUR BA'I CHOS CAN ZHES BYA BA 'DIS SO, ,DANG PO NA ZHES BYA BA RGYAS PAR 'BYUNG BA NI SKAD CIG MAR 'JIG PA'I MI RTAG PA NYID DO, ,RANG GI SGRAS BSTAN PA NI GZUGS MI RTAG PA NAS RNAM PAR SHES PA'I BAR MI RTAG PA NYID KYIS YIN GYI RGYUN 'JIG PA'I MI RTAG PA NYID DANG, 'GYUR BA'I MI RTAG PA NYID NI RANG GI SGRAS BSTAN PA MA YIN NO, ,DON DAM PA PA YIN PA'I PHYIR RO ZHES BYA BA NI SKAD CIG MAR 'JIG PA'I MI RTAG PA NYID DON DAM PA MA YIN TE, SKAD CIG MA LAS LOGS SHIG NA RGYUN DANG 'GYUR BA MED PAS DE GNYIS NI RANG GI SGRAS MA BSTAN TO, ,'DIR SMRAS PA NI RGYAS PAR BSHAD PA'I DON MI 'JIG PA @178B YUN RING ZHES BYA BRGYAS PAR 'BYUNG BA'I TSIGS SU SBYAR BA STE, MI 'JIG PA BKAG PA DANG, YUN RING POR 'JIG PA BKAG PA DANG, DUS SU 'JIG PA BKAG PA DANG, 'GYUR BA MED PA 'JIG PA BKAG PA YIN NO, ,JI SKAD DU BSTAN PA, SKAD CIG DANG NI TSE DANG NI, ,'GYUR ZAD RNAM PA GSUM YANG BSTAN PA YIN TE, SKAD CIG MAR ZAD PAS NI SKAD CIG MAR 'JIG PA'I MI RTAG PA NYID BSTAN PA YIN NO, ,TSE ZAD PAS NI RGYUN 'JIG PA'I MI RTAG PA NYID BSTAN PA YIN NO, ,'GYUR BA ZAD PAS NI 'GYUR BA'I MI RTAG PA NYID BSTAN PA YIN NO, ,DE NAS DGE SLONG ZHIG GCIG PU DBEN PAR SONG STE NANG DU YANG DAG GZHAG PA DANG, 'DI LTA BUR SEMS LA GZUGS GANG RTAG PA DANG, BRTAN PA DANG, THER ZUG DANG, MI 'GYUR BA'I CHOS CAN DANG, YANG DAG PAR DE BZHIN DU GNAS PAR 'GYUR BA'I GZUGS DE LTA BU 'GA' YOD DAM, TSOR BA DANG, 'DU SHES DANG, 'DU BYED DE LTA BU 'GA' YOD DAM, RNAM PAR SHES PA GANG RTAG PA DANG, BRTAN PA DANG, THER BRUG DANG, MI 'GYUR BA'I CHOS CAN DANG, YANG DAG PAR DE BZHIN DU GNAS PAR 'GYUR BA'I RNAM PAR SHES PA DE LTA BU YOD DAM ZHES SEMS KYIS YONGS SU RTOGS PA 'BYUNG NGO ZHES BYA BA NI MDO SDE'I DUM BU YIN NO, , RNAM PA SNGA MA MI SRID NA PHYI MA 'DRI BA YIN PA NI MI RTAG PA LA SOGS PA RNAM PA SNGA MA MI SRID NA BRTAN PA LA SOGS PA PHYI MA 'DRI BA YIN NO, ,JI LTAR ZHE NA, GAL TE GZUGS RTAG PA 'GA' YANG MED NA SKAD CIG MAR 'JIG PA MED BA'I PHYIR DUS GZHAN DU GNAS PA MED PA'I PHYIR BRTAN PA YOD DAM, 'ON TE DUS GZHAN DU GNAS PA BRTAN PA MED NA RGYUN 'JIG PA MED PA'I PHYIR THER ZUG YOD DE, TSE RABS TSE RABS SU MI LA SOGS PA'I RIGS GANG YIN PA KHO NA'I RGYUD YIN GYI GZHAN NI MA YIN NO ZHES BYA BA'I THA TSIG GO, ,'ON TE JI SKAD DU BSHAD PA'I THER ZUG MED NA 'GYUR BA MED PA'I PHYIR TSE DE NYID LA SKAD CIG SKAD CIG LA YANG GZHAN ZHIG SKYE BZHIN DU 'GYUR BA MED PAR SKYE BA GANG YIN PA MI 'GYUR BA'I CHOS CAN ZHIG YOD DAM ZHES BYA BA YIN NO, ,SKAD CIG MAR 'JIG PA LA SOGS PA ZHES RGYAS PAR 'BYUNG BA NI SKAD CIG MAR 'JIG PA MED PA'I PHYIR BRTAN PA ZHES BYA BA'I TSIG 'DIS GZUGS RTAG PA @179A *, ,'GA' YOD DAM ZHES BSTAN PAS RTAG PA NYID 'DRI BAR BYED PA YIN NO, ,DANG PO'I SKAD CIG MAR 'JIG PA LA SOGS PA MED PA'I PHYIR DANG, GNYIS PA BRTAN PA LA SOGS PA'I SGRAS NI THER ZUG CES BYA BA'I TSIG 'DIS RGYUD 'JIG PA MED PA'I PHYIR THER ZUG NYID DU RTAG PA NYID 'DRI BAR BYED PA YIN LA, MI 'GYUR BA'I CHOS CAN ZHES BYA BA 'DIS NI 'GYUR BA MED PA'I PHYIR, 'GYUR BA MED PA NYID DU RTAG PA NYID 'DRI BAR BYED PA YIN NO, ,DE LTAR NA MI RTAG PA NYID GSUM PO SKAD CIG MAR 'JIG PA MI RTAG PA NYID DANG, RGYUD 'JIG PA MI RTAG PA NYID DANG 'GYUR PA MI RTAG PA NYID MED PA'I PHYIR BRTAN PA LA SOGS PA'I TSIG GSUM DAG GIS GZUGS GANG RTAG PA DE LTA BU 'GA' YOD DAM ZHES YANG DAG PAR DE BZHIN DU GNAS PAR 'GYUR BA ZHES BYA BAS DRIS PA YIN NO, ,RNAM GRANGS GZHAN YANG RTAG PA NI ZHES BYA BA RGYAS PAR 'BYUNG BA NI 'DIR 'DI LTAR SHES PAR BYA STE, GO RIMS BZHIN DU BSTAN PA'I TSIG GNYIS NI BSHAD PA'I TSIG GNYIS KYIS GO RIMS BZHIN DU RNAM PAR BSHAD PA YIN NO, ,TSIG NYIS NI TSIG GNYIS KYIS RNAM PAR BSHAD PA YIN PAR YANG 'OG NAS BSTAN PAR BYA'O, ,JI LTAR ZHE NA, RES 'GA' TSIG GNYIS NI TSIG GZHAN GNYIS KYIS RNAM PAR 'CHAD DE, DPER NA SEMS MGU BA DANG, SEMS NYAMS BDE BA ZHES BYA BA NI SEMS DGA' BA DANG, SEMS DRI MA MED PA ZHES BYA BA 'DIS SO ZHES 'BYUNG BA LTA BU'O, ,'PHAGS PA NYAN THOS SHES NAS DAD PA BZHI DAG DANG LDAN PA NI, 'TSO BA DAG GIS DBUL BA MA YIN, BKREN PA MA YIN, PHONGS PA MA YIN PAR 'TSO ZHING PHYUG PA DANG NOR MANG BAS LONGS SPYOD CHE BA YIN NO ZHES BYA BA NI MDO SDE'I DUM BU YIN NO, ,'PHAGS PA'I NOR BDUN DANG LDAN PA'I PHYIR ZHES BYA BA LA, 'PHAGS PA'I NOR BDUN PO DAG NI DAD PA'I NOR DANG, TSUL KHRIMS KYI NOR DANG, NGO TSA SHES PA'I NOR DANG, KHREL YOD PA'I NOR DANG, THOS PA'I NOR DANG, GTONG BA'I NOR DANG, SHES RAB KYI NOR RO, ,'JIGS PA LNGA DAG STE, 'TSO BA MED PA'I 'JIGS PA DANG, TSIGS SU BCAD PA MED PA'I 'JIGS PA DANG, 'KHOR GYI NANG DU BAG TSA BA'I 'JIGS PA DANG, 'CHI BA'I 'JIGS PA DANG, NGAN 'GRO'I @179B 'JIGS PA'O, ,'JIGS PA LNGA PO DAG LAS 'TSO BA MED PA'I 'JIGS PA SPANG BA'I PHYIR BKREN PA MA YIN PAR 'TSO BA'O, ,TSIGS SU BCAD PA MED PA'I 'JIGS PA ZHES BYA BA NI SNYAN PA MED PA'I 'JIGS PA'O, ,'KHOR GYI NANG DU BAG TSA BA'I 'JIGS PA NI 'KHOR GYI NANG NA BAG TSA BAS BAG 'KHUMS PA STE, DES 'JIGS PA'O, ,NOR DANG, SEMS DANG, 'TSO BA NGAN PA DANG LDAN PA'I PHYIR NI NOR NGAN PA DANG LDAN PA'I PHYIR DANG, SEMS NGAN PA DANG LDAN PA'I PHYIR DANG, 'TSO BA NGAN PA DANG LDAN PA'I PHYIR GO RIMS BZHIN DU DBUL BA DANG, BKREN PA DANG, PHONGS PA NYID DU RIG PAR BYA'O, ,GAL TE TING NGE 'DZIN DU BYED PAS ZIN CING CHU BZHIN DU 'CHOR BA LA CHOS NYID KYIS ZIN CING, ZHI BA MA YIN PA DANG, GYA NOM PA MA YIN PA DANG, LAM BAG YANGS SU GYUR PA THOB PA MA YIN PA DANG, SEMS RGYUD GCIG TU GYUR PA RTOGS PA MA YIN PA'I TING NGE 'DZIN DE NI 'DI LTA STE, ZAG PA RNAMS ZAD PAR BYA BA'I PHYIR YANG DAG PAR LEGS PAR MNYAM PAR MI 'JOG PA YIN NO, ,GAL TE TING NGE 'DZIN 'DU BYED PAS ZIN CING, CHU BZHIN DU 'CHOR BA MA YIN LA, CHOS NYID KYIS ZIN CING, ZHI BA DANG, GYA NOM PA DANG, LAM BAG YANGS SU GYUR PA THOB PA DANG, SEMS RGYUD GCIG TU GYUR PA RTOGS PA DE LTA BU'I TING NGE 'DZIN DE NI 'DI LTA STE BRAG PA RNAMS ZAD PAR BYA BA'I PHYIR YANG DAG PAR LEGS PAR MNYAM PAR 'JOG PA YIN NO ZHES BYA BA NI MDO SDE'I DUM BU YIN NO, ,'DU BYED PAS ZIN PA ZHES BYA BA NI 'BAD PA DANG BCAS PAS ZIN PA ZHES BYA BA'I THA TSIG STE, YUN RING PO NA MNGON DU 'GYUR BA'I PHYIR RO, ,CHOS NYID KYIS ZIN PA ZHES BYA BA LA CHOS NYID NI BAG YOD PA'O, ,NYON MONGS PA SHIN TU MA THUL BA'I PHYIR RO ZHES BYA BA NI NYON MONGS PA THAG BSRING BA'I GNYEN POS THAG MA BSRINGS PA'I PHYIR RO ZHES BYA BA'I THA TSIG GO, ,RANG GI SA PA'I NYON MONGS PA DANG 'DRES PA NYID KYI PHYIR RO ZHES BYA BA NI 'DI LTAR SKABS SKABS SU RO MYANG BA DANG MTSUNGS PAR LDAN PAS DAG PA LA RO MYONG BAR BYED PAS SO, ,LAM BAG YANGS SU GYUR PA THOB PA MA YIN PA ZHES BYA BA NI DE'I BAG YANGS SU GYUR PA STE, LHUN GYIS GRUB PAR 'BYUNG BA YANG YIN LA, THOB PA YANG YIN PAS BAG YANGS SU @180A *, ,GYUR PA THOB PA'O, ,DE NYID LAM YIN PAS LAM BAG YANGS SU GYUR PA THOB PA'O, ,CI'I PHYIR LAM BAG YANGS SU GYUR PA THOB PA MA YIN ZHE NA, RANG GI DANG GIS MI 'BYUNG BA'I PHYIR TE, LHUN GYIS GRUB PAR MI 'GYUR BA'I PHYIR RO ZHES BYA BA'I THA TSIG GO, ,JI LTAR NA RANG GI NGANG GIS MI 'BYUNG ZHE NA, SHIN TU MA GOMS PA NYID KYI RGYUS TE, SHIN TU MA GOMS PA NYID LA BRTEN NAS SEMS RGYUD GCIG TU GYUR PA RTOGS PA MA YIN PA ZHES BYA BA LA, RGYUD GCIG NI RNAM PA YIN PAS RGYUD GCIG GO, ,DER GYUR PA NI RGYUD GCIG TU GYUR PA'O, ,DE RTOGS PA NI RGYUD GCIG TU GYUR PA RTOGS PA STE, SEMS RNAM PA GCIG TU GYUR PA MA THOB PA YIN ZHES BYA BA'I THA TSIG GO, ,CI'I PHYIR ZHE NA, G-YO BA DANG BCAS PA NYID KYI PHYIR TE, SKYON DANG BCAS PA'I PHYIR RO ZHES BYA BA'I THA TSIG GO, ,DE LA G-YO BA NI BSAM GTAN DANG PO NA NI RTOG PA DANG DPYOD PA YIN GNYIS PA NA NI DGA' BA YIN, GSUM BAN NI BDE BA YIN NO, ,DE LTAR NA RTOG PA LA SOGS PA'I SKYON MED PA'I PHYIR BZHI PA NI RGYUD GCIG TU GYUR PA RTOGS PA YIN TE, MI G-YO BA YIN ZHES BYA BA'I THA TSIG GO, ,MA ZHI BA LA SOGS PA'I RGYUS ZHES BYA BA NI MA ZHI BA NYID NAS SEMS RGYUD GCIG TU GYUR PA RTOGS PA MA YIN PA'I BAR GYIS SO, ,DKAR PO'I PHYOGS NI DE LAS BZLOG PAS RIG PAR BYA'O ZHES BYA BA JI LTA BU ZHE NA, GAL TE TING NGE 'DZIN 'DU BYED PAS MA ZIN CING ZHES BYA BA NI MDO SDE'I DUM BU'O, ,'DU BYED PAS MA ZIN PA NI MYUR DU MNGON DU 'GYUR BA'I PHYIR RO, ,CHU BZHIN DU 'CHOR BA YIN PA NI MYUR BAR MI 'BREL BA'I PHYIR RO, ,CHOS NYID KYIS MA ZIN PA NI RTAG TU BAG YOD PAS BSRUNG BAR BYA BA MA YIN PA'I PHYIR RO, ,ZHI BA NI DE'I MI MTHUN PA'I PHYOGS SA 'OG MA PA'I NYON MONGS PA SHIN TU THUL BA'I PHYIR RO, ,GYA NOM PA NI RANG GIS PA'I NYON MONGS PA DANG MA 'DRES PA NYID KYI PHYIR RO, ,LAM BAG YANGS SU GYUR BA THOB PA NI SHIN TU GOMS PA NYID KYI RGYUS RANG GI NGANG GIS 'BYUNG BA'I PHYIR RO, ,SEMS RGYUD GCIG PAR GYUR PA RTOGS PA NI MI G-YO BA'I PHYIR RO, ,DE LA RTAG TU BAG YOD PAS BSRUNG BAR BYA BA NYID MA YIN PA NI ZHI BA LA SOGS PA'I RGYUS RIG PAR BYA'O, 'DIR SMRAS PA NI BZLOG PA'I DKAR PO'I @180B PHYOGS DE'I BSDU BA YIN NO, ,MYUR DU MNGON SUM DU 'GYUR BA DANG ZHES BYA BA RGYAS PAR 'BYUNG BA LA, 'DU BYED ZIN PA LA SOGS PA MIN GYI DON CI ZHE NA, MYUR DU MNGON DU 'GYUR BA DANG ZHES BYA BA DE LTA BU LA SOGS PA'I DON TSIGS SU BCAD PAS BSTAN PA'I RGYU SMOS PA YIN NO, ,JI LTAR ZHE NA, 'DI LTAR 'DU BYED PAS MNGON PAR ZIN PHA MA YIN PA DE'I PHYIR MYUR DU MNGON DU 'GYUR BA'O, ,STZOGS PA'I SGRAS NI GANG GI PHYIR CHU BZHIN DU 'CHOR BA MA YIN PA DE'I PHYIR MYUR BAR 'BRAL BA YANG MA YIN NO, ,GANG GI PHYIR CHOS NYID KYIS ZIN PA MA YIN PA DE'I PHYIR RTAG TU BA G-YOD PAS BSRUNG BAR BYA BA NYID MA YIN NO, ,ZHI BA MA YIN PA MA YIN TE, CI'I PHYIR ZHE NA, DE'I MI MTHUN PA'I PHYOGS BCOM PA'I PHYIR RO, ,GYA NOM PA MA YIN PA MA YIN TE, DE CI'I PHYIR ZHE NA, RANG GI NYON MONGS PA DANG MA 'DRES PA'I PHYIR RO, ,LAM BA G-YANGS SU GYUR PA THOB PA YIN TE, CI'I PHYIR ZHE NA, SHIN TU GOMS PAS BSGRIM PA MED PAR 'BYUNG BA'I PHYIR RO, ,RGYUD GCIG PA YIN TE, CI'I PHYIR ZHE NA, MI G-YO BA'I PHYIR RO, ,GZHAN YANG TSIGS SU SBYAR BAS LUNG SMRAS PA NI, MYUR BAR MNGON 'GYUR NYID KYI PHYIR, ,ZHES BYA BA RGYAS PAR 'BYUNG BA NI, MYUR BAR MNGON 'GYUR NYID KYI PHYIR, ,'DU BYED PAS MA ZIN BA YIN NO, ,MI NYAMS PHYIR CHU BZHIN 'CHOR BA MA YIN NO, ,RTAG BSRUNG PHYIR CHOS NYID KYIS ZIN PA YIN NO, ,NYON MONGS MIN PHYIR ZHI BA YIN NO, ,DGE NYID PHYIR GYA NOM PA YIN NO, ,NGANG GIS 'BYUNG PHYIR LAM BAG YANGS SU GYUR PA THOB PA YIN NO, ,YONGS RDZOGS PHYIR RGYUD GCIG TU GYUR BA RTOGS PA YIN TE, BSAM GTAN DANG PO NAS BZHI PA'I BAR NI YONGS SU RDZOGS PA YIN NO, ,GZHAN YANG DNGOS GZHI DANG DAG PA PA YIN NO, ,DE LTAR NA LUNG LAS GO RIMS BZHIN DU 'DU BYED PAS MA ZIN PA NAS RGYUD GCIG TU GYUR PA RTOGS PA'I BAR DU YIN NO ZHES 'BYUNG BA YIN NO, , DE DE LTAR NA SEMS MNYAM PAR GZHAG PA YONGS SU DAG PA DANG, DYONGS SU BYANG BA DANG, NYON MONGS PA MED PA DANG, NYE BA'I NYON MONGS PA DANG BRAL BA DANG, DRANG POR GYUR PA DANG, LAS SU RUNG BA DANG, GNAS PA DANG MI G-YO BA THOB NA ZHES BYA BA NI MDO SDE'I DUM BU YIN NO, ,DE LTAR @181A *, ,NA ZHES BYA BA RGYAS PAR 'BYUNG BA NI DE LTAR NA TING NGE 'DZIN DE NI DGE BA NYID RNAM GRANGS KYI MTSAN NYID DANG BCAS PA YONGS SU BSTAN PA YIN TE, YONGS SU DAG PA ZHES BYA BA'I TSIG 'DI NI DGE BA NYID YIN LA, YONGS SU BYANG BA ZHES BYA BA 'DI NI RNAM GRANGS KYI MTSAN NYID YIN NO, , JI LTAR NA DE DGE BA NYID YIN PA RNAM GRANGS KYI MTSAN NYID DANG BCAS PA YANG YONGS SU BSTAN PA YIN TE, NYON MONGS PA MED PA DANG, NYE BA'I NYON MONGS PA DANG BRAL BA ZHES BYA BA'I TSIG 'DI GNYIS DANG GO RIMS BZHIN NO, ,DBANG DU BYAS PA NYID RNAM GRANGS KYI MTSAN NYID DANG BCAS PA YANG YONGS SU BSTAN PA YIN TE DRANG POR GYUR BA DANG, LAS SU RUNG BA ZHES BYA BA'I TSIG 'DI GNYIS DAG GO RIMS BZHIN NO, ,YONGS SU GRUB PA NYID RNAM GRANGS KYI MTSAN NYID DANG BCAS PA YANG YONGS SU BSTAN PA YIN TE, GNAS PA DANG, MI G-YO BA THOB NA ZHES BYA BA'I TSIG 'DI GNYIS KYIS SO, ,DE LA SEMS YONGS SU DAG PA NI YONGS SU BYANG BA'I DON GYIS ZHES BYA BA DE LTA BU LA SOGS PA'I TSIG GZHAN GCIG GIS RNAM PAR BSHAD PA BYAS NAS, RES 'GA' TSIG GNYIS NI ZHES BYA BA RGYAS PAR 'BYUNG BAS 'DI BYE BRAG TU SGRUB PAR BYED DE, DPER NA SEMS MGU BA DANG, SEMS NYAMS BDE BA ZHES BYA BA NI SEMS DGA' BA DANG, SEMS SGRIB PA MED PA YIN NO, ,SEMS SGRIB PA MED PA NI SEMS NYAMS BDE BA YIN NO, ,DE NI SEMS SGRIB PA DANG BRAL BA STE, DE GANG LA YOD PA NI SEMS SGRIB PA MED PA STE, SEMS SGRIB PA MED PA DE'O, ,DE BZHIN DU RES 'GA' TSIG GCIG TSIG GZHAN GCIG GIS YIN PA NI SKAL PA YOD CING NUS PA YIN ZHES BYA BA YIN TE, SKAL PA YOD CING ZHES BYA BA'I TSIG 'DI NI NUS PA YIN ZHES BYA BA'I TSIG GZHAN GYIS RNAM PAR 'CHAD DO, ,SKAL PA YOD CING NUS PA 'DI DON GANG LAS 'BYUNG ZHE NA, YANG DAG PHUL GYI CHOS BSTAN PA KUN DU SHES PAR RO, ,DON DE NYID TSIGS SU SBYAR BAS 'DIR SMRAS PA, MI MTHUN PHYOGS DRI GROL PHYIR DANG, ,ZHES BYA BA RGYAS PAR 'BYUNG BA NI MI MTHUN PA'I PHYOGS KYI DRI MA DANG GROL BA'I PHYIR TSIG GNYIS KYIS YONGS SU DAG PA NYID DU RIG PAR BYA STE, YONGS SU DAG PA DANG, YONGS SU BYANG BA ZHES @181B BYA BA 'DI GNYIS KYIS SO, ,NYON MONGS PA MED PA'I PHYIR TSIG 'DI GNYIS KYIS NYON MONGS PA MED PA NYID DU RIG PAR BYA STE, NYON MONGS PA MED PA DANG, NYE BA'I NYON MONGS PA DANG BRAL BA ZHES BYA BA 'DI GNYIS KYIS SO, ,SGRIB PA MED PAR 'BYUNG BA'I PHYIR TSIG GNYIS KYIS DRANG PO NYID DU RIG PAR BYA STE, DRANG POR GYUR PA DANG, LAS SU RUNG BA ZHES BYA BA 'DI GNYIS KYIS SO, ,G-YO BA MED PA'I PHYIR TSIG GNYIS KYIS GNAS PA NYID DU RIG PAR BYA STE, GNAS PA DANG, MI G-YO BA THOB NA ZHES BYA BA 'DI GNYIS KYIS SO, ,DE LTAR NA TING NGE 'DZIN DE NI DGE BA NYID DANG ZHES BYA BA RGYAS PAR JI SKAD BSTAN PA DE YANG DE BZHIN DU TSIGS SU SBYAR BAS BSDUS PA NI GNYIS DANG GNYIS KYIS TING NGE 'DZIN GYI ZHES BYA BA RGYAS PAR 'BYUNG BA YIN TE, GNYIS KYIS TING NGE 'DZIN GYI DGE BA NYID MTSAN NYID DANG BCAS PA RAB TU BSTAN PA YIN TE, YONGS SU DAG PA DANG, YONGS SU BYANG BA ZHES BYA BA 'DI GNYIS KYIS SO, ,GNYIS KYIS NI TING NGE 'DZIN GYI DGE BA NYID DE, DE LTA BU YIN PA MTSAN NYID DANG BCAS PAR RAB TU BSTAN PA YIN TE, NYON MONGS PA MED PA DANG NYE BA'I NYON MONGS PA DANG BRAL BA ZHES BYA BA 'DI GNYIS KYIS SO, ,GNYIS KYIS NI TING NGE 'DZIN GYI DBANG DU BYA BA NYID MTSAN NYID DANG BCAS PAR RAB TU STON PA YIN TE, DRANG POR GYUR PA DANG, LAS SU RUNG BA ZHES BYA BA 'DI GNYIS KYIS SO, ,GNYIS KYIS NI TING NGE 'DZIN GRUB PA NYID MTSAN NYID DANG BCAS PAR RAB TU BSTAN PA YIN TE, GNAS PA DANG, MI G-YO BA THOB NA ZHES BYA BA 'DIS SO, ,YONGS SU DAG PA NI NYON MONGS PA MED PA DANG, NYE BA'I NYON MONGS PA DANG BRAL BA NYID KYIS TE ZHES BYA BA NI NYON MONGS PA MED PA NYID KYIS DANG, NYE BA'I NYON MONGS PA DANG BRAL BA NYID KYIS SO, ,RNYED PA DANG BKUR STI DANG TSIGS SU BCAD PA DANG LDAN PA'I 'DOD PA RGYU BA DAG DANG BRAL BA'I PHYIR NI RNYED PA DANG LDAN PA DANG, BKUR STI DANG LDAN PA DANG, TSIGS SU BCAD PA DANG LDAN PA'I 'DOD PA RGYU BDAG STE, 'DOD PA 'BYUNG BA DAG DANG BRAL BA'I PHYIR NYON MONGS PA MED PA NYID KYIS YONGS SU DAG PA YIN TE, TSE DANG LDAN PA DGA' BYED NYON MONGS PA ZHES BYA BA DE NI SDIG PA 'DOD PA RNAM BA DU MA RGYU BA DAG GI TSIG BLA DGAS YIN NO ZHES MDO @182A *, ,SDE LAS BYUNG BA'I PHYIR RO, ,SRED PA DANG, LTA BA DANG, NGA RGYAL DANG, THE TSOM GYI NYE BA'I NYON MONGS PA DAG DANG BRAL BA'I PHYIR NYE BA'I NYON MONGS PA DANG BRAL BA NYID KYIS YONGS SU DAG PA YIN NO, ,JI SKAD BSTAN PA DE LTAR NA GO RIMS BZHIN NO, ,CI'I PHYIR SRED PA LA SOGS PA KHO NA'I NYON MONGS PA DANG NYE BA'I NYON MONGS PA DANG BRAL BA NYID KYIS YONGS SU DAG PA ZHES BSTAN PA YIN ZHE NA, DE DAG KHO NAR YANG MA ZAD MOD KYI, BSAM GTAN PA SRED PA SHAS CHE BA DAG DANG, BSAM GTAN PA LTA BA SHAS CHE BA DAG DANG, BSAM GTAN PA THE TSOM SHAS CHE BA KHA CIG YOD PA DE'I PHYIR NYE BA'I NYON MONGS PA 'DI DAG DANG BRAL BA'I PHYIR DE'I SEMS DE YONGS SU DAG PA YIN NO ZHES BSTAN TO, ,YONGS SU BYA BAR NI DRANG POR GYUR PA LA SOGS PA NYID KYIS TE, DRANG POR GYUR PA NYID KYIS DANG, LAS SU RUNG BA NYID KYIS DANG, GNAS PA NYID KYIS DANG, MI G-YO BA THOB PA NYID KYIS YONGS SU BYANG BA YIN NO, ,SHIN TU THUL BA'I PHYIR RO, ,JI LTAR SHIN TU THUL CE NA, 'BAD PA MED PAR 'BYUNG BA NYID KYIS SO, ,G-YO BA THAMS CAD DANG BRAL BA'I PHYIR RO ZHES BYA BA NI SKYON BRGYAD DANG BRAL BA'I PHYIR RO ZHES BYA BA'I THA TSIG GO, ,SKYON BRGYAD PO DE DAG KYANG RTOG PA DANG DPYOD PA GNYIS DANG, DBUGS 'BYUNG BA DANG RDUB[?] PA GNYIS DANG, BDE BA LA SOGS PA BZHI'O, ,DON DE NYID 'DIR SMRAS PA, GNYIS KYIS YONGS DAG YIN LA ZHES BYA BA NI NYON MONGS PA MED PA NYID DANG, NYE BA'I NYON MONGS PA DANG BRAL BA NYID KYIS SO, ,TSIG GZHAN DAG GIS NI DRANG POR GYUR PA LA SOGS PA DAG GIS SO, ,DON DRUG DAG GIS GO RIMS BZHIN, ,NYON MONGS MED STZOGS NYID SHES BYA, ,JI LTAR BYAS PAS SHE NA, RNYED 'DOD LA SOGS SRED LA SOGS, ,BRAL BA'I PHYIR TE, RNYED PA 'DOD PA LA SOGS PA DANG BRAL BA'I PHYIR NYON MONGS PA MED PA NYID DU SHES PAR BYA'O, ,SRED PA LA SOGS PA DANG BRAL BA'I PHYIR NYE BA'I NYON MONGS PA DANG BRAL BA NYID DU SHES PAR BYA'O, ,SHIN TU THUL BA'I PHYIR DRANG POR GYUR PAR SHES PAR BYA'O, ,MNGON SHES YON TAN RUNG NYID PHYIR, ,LAS SU RUNG BA NYID DU SHES BAR BYA'O, ,NYAMS MED PHYIR GNAS PA NYID DU SHES PAR BYA'O, , @182B G-YO ZAD PA'I PHYIR MI G-YO BA RNYED PA NYID DU SHES PAR BYA'O, ,DE KUN DU RGYU BA THAG RING DU BYAS PA'I PHYIR RO ZHES BYA BA NI RANG GI SA PA'I NYON MONGS PA DANG NYE BA'I NYON MONGS PA DE RNAMS KUN DU RGYU BA THAG RING DU BYAS PA'I PHYIR RO ZHES BYA BA'I THA TSIG GO, ,'BAD PA MED PA DANG, JI LTAR 'DOD PAR 'BYUNG BA'I PHYIR RO ZHES BYA BA NI 'BAD PA MED PAR 'BYUNG BA'I PHYIR DANG, JI LTAR 'DOD PAR 'BYUNG BA'I PHYIR RO ZHES BYA BA'I THA TSIG GO, ,MI G-YO BA THOB PA NI SNGA MA BZHIN NO, ,JI LTAR ZHE NA, BSAM GTAN BZHI PA NI G-YO BA THAMS CAD DANG BRAL BA'I PHYIR RO ZHES BYA BA'O, ,SDOM GYI TSIGS SU BCAD PA JI LTA BU ZHE NA, TING NGE 'DZIN DANG GNAS DANG LDANG, ,NYAMS BDE BA DANG SPYOD YUL DANG, ,MNGON PAR SGRUB DANG 'PHROD PA DANG, ,MI 'PHROD DE BZHIN GNYI GA DANG, ,SKYE DANG 'BRING DANG DE BZHIN THABS, ,ZHI GNAS PAR 'DZIN BTANG SNYOMS SO, ,TING NGE 'DZIN DANG GNAS PA DANG, ,LDANG BA LA SOGS PA'I TSIG 'DI NYID RNAMS KYIS BSDUS PA NI MDO SDE LAS 'BYUNG BA STE, BSAM GTAN PA DAG NI BZHI STE, BSAM GTAN PA TING NGE 'DZIN LA MNYAM PAR 'JOG PA LA MKHAS LA SNYOMS PAR 'JUG PA LA MA YIN PA YANG YOD CES PA NAS, DE BZHIN DU RGYAS PAR GSUNGS NAS, YANG BKA' STZAL PA, BSAM GTAN BA SNYOMS PAR 'JUG PA LA GNAS PA MKHAS LA TING NGE 'DZIN LA GNAS PA MI MKHAS PA YANG YOD, BSAM GTAN PA TING NGE 'DZIN LA GNAS PA MKHAS LA SNYOMS PAR 'JUG PA LA GNAS PA MI MKHAS PA YANG YOD, BSAM GTAN PA TING NGE 'DZIN LA GNAS PA YANG MKHAS LA SNYOMS PAR 'JUG PA LA GNAS PA MKHAS PA YANG YOD, BSAM GTAN PA TING NGE 'DZIN LA GNAS PA YANG MI MKHAS LA SNYOMS PAR 'JUG PA LA GNAS PA MI MKHAS PA YANG YOD CES RGYAS PAR 'BYUNG BA NAS, BSAM GTAN PA TING NGE 'DZIN LA MKHAS PA YANG YOD CES BYA BA'I BAR DU RGYAS PAR MU BZHIR BRJOD PAR BYA'O, ,SA GZHAN BA'I NI SEMS MNGON DU GYUR PA'O, ,'PHROD PA NI RNYED PA DANG MTHUN PA YIN NO ZHES BYA BA NI GANG ZHIG TING NGE 'DZIN THOB PA DANG MTHUN PA DE NI 'PHROD PA STE, 'DIS 'PHROD PAR BYA BA'I PHYIR RO, ,MI 'PHROD PA NI DE DANG MI MTHUN PA YIN NO ZHES BYA BA NI THOB PA DANG MI @183A *, ,MTHUN PA YIN NO, ,SRED PA YANG SRED PA 'BYUNG BAR BYED BA DGA' BA'I 'DOD CHAGS DANG LDAN PA DE DANG DE LA MNGON PAR DGA' BA DE MA LUS PAR SPANGS PA DANG, BOR BA DANG, BSAL BA DANG, ZAD PA DANG, 'DOD CHAGS DANG BRAL BA DANG, 'GOG PA DANG, RNAM PAR ZHI BA DANG, NUB PA GANG YIN ZHES BYA BA NI MDO SDE'I DUM BU YIN NO, ,CI'I PHYIR LHAG MA NI BSHAD PA YIN ZHE NA, GNAS SKABS THAMS CAD KYI SPONG BA KUN DU BSTAN PA'I PHYIR TE, SEL BA'I GNAS SKABS SPONG BA ZHES BYA BA NI THAMS CAD LA SBYAR BAR BYA'O, ,DE YANG BOR BA ZHES BYA BA NI TSIG 'DIS STON PAR BYED DO, , SEL BA NI NYON MONGS BA SKYES PA LA PHYIR PHYOGS PA'I DNGOS POS SPONG BA YIN NO, ,RNAM PAR GNON PA'I GNAS SKABS SPONG BA NI BSAL BA ZHES BYA BA 'DIS SO, ,MTHONG BA'I LAM GYI GNAS SKABS SPONG BA NI ZAD PA ZHES BYA BA 'DIS SO, ,BSGOM PA'I LAM GYI GNAS SKABS SPONG BA NI 'DOD CHAGS DANG BRAL BA ZHES BYA BA 'DIS SO, ,MI SLOB PA'I LAM GYI GNAS SKABS SPONG BA NI 'GOG PA ZHES BYA BA 'DIS SO, ,KUN NAS DKRIS PA DANG BRAL BA'I GNAS SKABS SPONG BA DANG, BAG LA NYAL BA DANG BRAL BA'I GNAS SKABS SPONG BA NI SRED PA LANGS PA NI ZHES BYA BA RGYAS PAR 'BYUNG BAS GO BAR BYED DO, ,RNAM PA GCIG KYANG MA BRJOD NA ZHES BYA BA NI BOR BA LA SOGS PA RNAM PA GCIG KYANG ZHES BYA BA'I THA TSIG GO, ,DE LTA BU'I TSIG RNAMS NI RNAM GRANGS SU BRJOD PA YIN YANG ZHES BYA BA RGYAS PAR 'BYUNG BA NI GAL TE BOR BA LA SOGS PA'I TSIG DE DAG RNAM GRANGS SU BRJOD PA YIN YANG SKYON MED PAR SNGAR JI SKAD BSTAN PA LTA BU YIN NO, ,JI SKAD DU ZHE NA GAL TE SANGS RGYAS RNAMS KYIS RNAM GRANGS GSUNGS PA DGOS PA MED BA ZHIG YIN NA NI SKYON DER 'GYUR RO, ,'DIR DGOS PA CI ZHIG YIN ZHE NA, DGOS PA DAG NI BRGYAD DE ZHES BYA BA RGYAS PAR 'BYUNG BAS SO, ,RTOG GE PA YIN, DPYOD PA PA DANG, RTOG GE LA ZHUGS PA DANG, RANG GI SPOBS PA DANG LDAN PA NYID DANG, SO SO'I SKYE BO DANG LDAN PA NYID DANG, DPYOD PA'I RJES SU DPYOD PA'I SA LA GNAS PA YIN ZHES BYA BA NI MDO SDE'I DUM BU YIN NO, ,DE'I SPYOD YUL LAS MI 'DA' BA NYID KYIS ZHES BYA BA NI RTOG GE'I SPYOD YUL LAS MI 'DA' BA'I PHYIR RTOG GE PA YIN NO ZHES @183B BYA BA'I THA TSIG GO, ,DES NA DPYOD BA PA DANG ZHES BYA BA RGYAS PAR 'BYUNG BA NI RGYU GANG GIS DE'I SPYOD YUL LAS MA 'DAS PA DES NA DPYOD PA PA DANG, RTOG GE LA ZHUGS PA'I SA LA GNAS PA ZHES 'BYUNG BA SMOS PA YIN TE, RANG GI SPOBS PA DANG LDAN PA RNAMS KYI SA ZHES 'OG NAS 'CHAD DE, RANG GI SPOBS PA DANG LDAN PA ZHES BYA BA'I TSIG 'DIS GO BAR BYED DO, ,SO SO'I SKYE BO RNAMS KYI ZHES BYA BA 'DI LA YANG SA SBYAR BAR BYA'O, ,DE YANG SO SO'I SKYE BO DANG LDAN PA ZHES BYA BA'I TSIG 'DIS TE, SO SO'I SKYE BO LA YOD PA'I PHYIR SO SO'I SKYE BO DANG LDAN PA STE DE DANG NGO, ,SA MNGON PAR RTOGS PA DANG LDAN PA DE YANG DPYAD PA'I RJES SU DPYOD PA'I ZHES BYA BA'I TSIG 'DIS BSTAN TO, ,DE KHO NA'I LUNG DANG LDAN PA MA YIN PA NI DE KHO NA'I 'AM DE KHO NA LA YOD PA'I LUNG NI DE KHO NA'I LUNG NGO, ,DE KHO NA'I LUNG DE DANG MI LDAN PA NI DE KHO NA'I LUNG DANG LDAN PA MA YIN PA'O, ,DE LTAR NA TSIG GCIG NI ZHES BYA BA RGYAS PAR 'BYUNG BA NI JI LTAR RNAM PAR BSHAD PA DE LTAR NA TSIG GCIG NI BSTAN PA KHO NA YIN TE, RTOG GE PA YIN ZHES BYA BA YIN NO, ,GNYIS NI BSHAD PA YIN TE, DPYOD PA DANG RTOG GE LA ZHUGS PA'I SA LA GNAS PA ZHES BYA BA YIN NO, ,TSIG GSUM PA NI BSTAN PA YIN TE, RTOG GE BA LA ZHUGS BA'I SA LA GNAS BA ZHES BYA BA YIN NO, ,DE NYID KYI BSHAD PA NI GSUM YIN NO ZHES BRJOD PAR BYA'O, ,GSUM PO GANG DAG CIG CEN, RANG GI SPOBS PA DANG LDAN PA DANG, SO SO'I SKYE BO DANG LDAN PA DANG, DPYOD PA'I RJES SU DPYOD PA'I SA LA GNAS PA YIN ZHES BYA BA YIN NO, ,DE YANG TSE RABS SNGA MA LA ZHES BYA BA RGYAS PAR 'BYUNG BA NI RTOG GE LA ZHUGS PA'I SA DE YANG TSE RABS SNGA MA RTOG GE LA GOMS PAS BSGOS PA'I SEMS KYI RGYUD NI SPOBS PA DANG LDAN PA ZHES BYA BA'I TSIG 'DIS STON PAR BYED DO, ,DE KHO NA MTHONG BA DANG 'BRAL BA ZHES BYA BA LA DE KHO NA MTHONG BA NI DE KHO NA MA MTHONG BA STE, DE DANG BRAL BA'O, ,SA DE NI RGYUD CES BYA BA STE, SO SO'I SKYE BO DANG LDAN PA ZHES BYA BA 'DIS STON PAR BYED DO, ,SA DE NI RTOG GE LA 'DRES PAR BYAS PA THOG MA MED PA NAS ZHUGS PA STE, DBANG PO MED PA NAS ZHUGS PA KHO NA STE, DPYOD PA'I RJES SU MTHUN PA'I SA LA GNAS ZHES BYA BA'I TSIG 'DIS STON @184A *, ,BAR BYED DO, ,GZHAN YANG LUNG LAS NI ZHES BYA BA RGYAS PAR 'BYUNG BA LA RTOG GE PA NI DE'I NGANG TSUL YIN PA'I PHYIR YANG RIG PAR BYA STE, RTOG GE'I NGANG TSUL CAN NI RTOG GE BA STE, DPYOD PA PA ZHES BYA BA'I TSIG 'DIS RIG PAR BYA'O, ,BRTAG RTOG PHYIR YANG RIG PAR BYA STE, GANG LA RTOG GE'I YUL MED PA NYID NI BRTAG PAR BYA BA MA YIN PA LA RTOG PA'I PHYIR NA MA YIN NO, ,DE YANG RTOG GE LA ZHUGS PA'I SA LA GNAS PA ZHES BYA BA 'DIS SO, ,SNGON GOMS PHYIR YANG RTOG GE BAR RIG PAR BYA STE, RANG GI SPOBS PA DANG LDAN PA ZHES BYA BA'I TSIG 'DIS SO, ,MNGON SUM DU MA BYAS PHYIR YANG RTOG GE PAR RIG PAR BYA STE, SO SO'I SKYE BO DANG LDAN PA ZHES BYA BA'I TSIG 'DIS SO, ,MNGON SUM DU MA BYAS PA NYID KYANG DE KHO NA MNGON SUM DU MI BYED PA STE, SO SO'I SKYE BO YANG DE KHO NA MNGON SUM DU MI BYED PAS SO, ,LUNG LA MI BRTEN NYID PHYIR ZHES BYA BA LA LUNG LA MI BRTEN PA NI LUNG LA MI BRTEN PA STE, DE'I DNGOS PO DE'I PHYIR RTOG GE BAR RIG PAR BYA STE, DPYOD PA DANG 'BREL PA'I SA LA GNAS PA YIN ZHES BYA BA'I TSIG 'DIS RIG PAR BYA'O, ,BRTZON PHYIR ZHES BYA BA RGYAS PAR 'BYUNG BA NI BRTZON PA'I PHYIR RTOG GE PHUN SUM TSOGS PA YIN PA NAS YONGS SU BYANG BAR BYAS PA'I PHYIR GYI BAR GYIS RTOG GE PHUN SUM TSOGS PA YIN NO, ,DE DANG LDAN PA NI RTOG GE PA YIN NO ZHES BYA BA NI RTOG GE PHUN SUM TSOGS PA RNAM PA LNGA PO DE DANG LDAN PA NI RTOG GE PA YIN NO ZHES BYA BA'I THA TSIG GO ,RTOG GE PHUN SUM TSOGS PA RNAM PA LNGA PO DE YANG DPYOD PA PA ZHES BYA BA DE LA SOGS PA TSIG LNGA RNAMS DANG GO RIMS BZHIN NO, ,TSAD MA'I RIGS PA RNAM PA GSUM YONGS SU GZUNG BA'I PHYIR RO ZHES BYA BA NI TSAD MA RNAM PA GSUM PO MNGON SUM DANG, RJES SU DPAG PA DANG LUNG NGO, ,TSAD MA RNAM PA GSUM DE NYID RIGS PA YIN PAS TSAD MA'I RIGS PA RNAM PA GSUM STE, DE YONGS SU GZUNG BA DE'I PHYIR RO, ,DE NI SO SO'I SKYE BO RNAMS KYI SA YIN NA ZHES BYA BA NI SA GANG LA TSAD MA'I RIGS PA RNAM PA GSUM YONGS SU GZUNG BA YOD PA'O, ,DGE SLONG DAG SKYES BU GANG ZAG YID LA GCAGS PA CAN GYI 'CHI BA NI BZANG PO MA YIN, DUS BYED PA NI BZANG PO MA YIN, TSE PHYI MA NI BZANG PO @184B MA YIN NO ZHES BYA BA NI MDO SDE'I DUM BU YIN NO, ,GO RIMS BZHIN DU ZHES BYA BA RGYAS PAR 'BYUNG BA NI SEMS NYAMS PAS 'CHI BA'I PHYIR DANG, RMONGS PAS 'CHI BA'I PHYIR 'CHI BA NI BZANG PO MA YIN PAR RIG PAR BYA'O, ,'CHI BA NI 'CHI BA'I SKAD CIG NYID YIN PAR RIG PAR MI BYA'O, ,'O NA CI ZHE NA, 'CHI BAR NGES PA'I YIN NO, ,DE LTA BU NI SEMS NYAMS PA LA SOGS PA'I GNAS SKABS YIN NO, ,BSOD NAMS MA BYAS PAR 'CHI 'PHO BA'I PHYIR NA DUS BYED PA NI BZANG PO MA YIN PAR RIG PAR BYA'O, ,DUS BYED PA YANG 'CHI BA'I SRID PA'I PHUNG PO DANG BRAL BA STE 'CHI 'PHO BA YIN NO, , 'GRO BA MI 'DOD PAR 'GRO BA'I PHYIR NA TSE PHYI MA NI BZANG PO MA YIN PAR RIG PAR BYA'O, ,TSE PHYI MA YANG SRID PA'I KUN DU SBYOR BA MA ZAD PA RNAMS KYI 'GRO BA KHO NA YIN NO, ,BZANG PO GSUM YIN NO ZHES BYA BA NI 'CHI BA DANG, DUS BYED PA DANG, TSE PHYI MA YIN TE, 'DIR YANG SHING SHUN CAN KHYOD LA 'DUN PA'AM, 'DOD CHAGS MED PAS KHYOD KYI 'CHI BA NI BZANG PO YIN, DUS BYED PA NI BZANG PO YIN, TSE PHYI MA NI BZANG PO YIN NO ZHES MDO SDE LAS GSUNGS PA'I PHYIR RO, ,DE LTAR NA PHUNG PO RNAMS DANG BRAL BA TZAM NI DUS BYED PA ZHES BYA BAR GRUB STE, DGRA BCOM PA NI PHUNG PO GZHAN DU NYING MTSAMS MI SBYOR BA'I PHYIR RO, ,DE'I MYA NGAN LAS 'DAS PA NI TSE PHYI MA ZHES BYA BAR GRUB STE, DGRA BCOM PA NI 'GRO BA THAMS CAD BCAD PA'I PHYIR RO ZHES RGYAS PAR GSUNGS SO, ,DGE SLONG DAG DE'I PHYIR KHYED KYIS TSER MA PHYUNG BA RNAMS DANG, TSER MA DKRUGS PA RNAMS DANG, TSER MA DANG BRAL BA RNAMS DANG, TSER MA MED PA RNAMS GANG YIN PAR 'GYUR BAR BYA'O SNYAM DU DE LTAR BSLAB PAR BYA'O, ,CI'I PHYIR ZHEN, DGRA BCOM PA NI TSER MA MED PA RNAMS YIN NO ZHES BYA BA NI MDO SDE'I DUM BU YIN NO, ,SO SOR RTOG PA'I STOBS LA BRTEN NAS ZHES BYA BA NI SHES RAB KYI KHYAD PAR GYI STONG PA LA BRTEN NAS SO, ,BSGOM PA'I STOBS LA BRTEN NAS ZHES BYA BA NI TING NGE 'DZIN GYI KHYAD PAR GYI STOBS LA BRTEN NAS SO, ,MTHONG BA'I LAM GYI BAG LA NYAL GYI PHYOGS YANG DAG PAR BCOM PA'I PHYIR ZHES BYA BA NI MTHONG BA'I LAM GYIS THA[?] RGYAS BRGYAD YANG DAG PAR BCOM PA'I PHYIR @185A *, ,TSER MA DANG BRAL BA RNAMS SO, ,'BRAS BU DANG PO LA ZHES BYA BA NI RGYUN DU ZHUGS PA'I 'BRAS BU LA'O, ,GNYIS PA LA YANG 'BRAS BU ZHES BYA BAR GNAS PA YIN, DE YANG LAN CIG PHYIR 'ONG BA'I 'BRAS BU YIN NO, ,GSUM PA LA NI PHYIR MI 'ONG BA'I 'BRAS BU LA STE, DE MTHA' DAG SPANGS PA'I PHYIR ZHES BYA BA'I THA TSIG GO, ,,RNAM PAR BSHAD PA RIGS PA'I BSHAD PA, BAM PO LNGA PA, DANG BA SKYES NAS 'GRO BAR BYED, ,SONG NAS CHOS NYAN PAR BYED DO, ,DES CHOS DE THOS NAS SEMS PAR BYED DO, ,BSAMS NAS 'JAL BAR BYED DO, ,BCAL NAS NYE BAR RTOG PAR BYED LA, BDEN PA DE YANG LUS KYIS MNGON SUM DU BYED CING, SHES RAB KYIS SO SOR 'BIGS PAR BYED DO ZHES BYA BA NI MDO SDE'I DUM BU YIN NO, ,'JAL BAR BYED PA NI RIGS PAS TE, LEGS PAR GSUNGS PA NYID KYI KHYAD PAR DMIGS KYIS 'BYED PA'I PHYIR RO, ,DE LA RIGS PA TSAD MA RNAM PA GSUM GYIS YIN PAS NA RIGS PAS TE'O, ,LEGS PAR GSUNGS PA NYID NI PHYIN CI MA LOG PA NYID DE, DE'I KHYAD PAR DMIGS KYIS 'BYED PA'I PHYIR RO, ,KHYAD PAR YANG 'PHAGS PA'I BDEN PA DANG MTHUN PA BSTAN PA'O, ,SANGS RGYAS BCOM LDAN 'DAS RNAMS KYI NI DPER NA BYANG GI SGRA MI SNYAN PA RNAMS YIN NO ZHES GSUNGS PA LTA BU STE, THAMS CAD KYANG LEGS PAR GSUNGS PA NYID YIN PAS DE'I PHYIR DE'I KHYAD PAR BSTAN PA NI JI SKAD SMOS PA LTA BU YIN NO, ,YANG NA LEGS PAR GSUNGS PA NYID NI GZHAN DAG GI CHOS RNAMS LAS KHYAD PAR YIN NO, ,BSGOM PA'I RNAM PAS TE ZHES BYA BA NI MNYAM PAR GZHAG PA'I RNAM PAS TE'O, ,BDEN PA DE YANG ZHES BYA BA NI 'GOG PA'I BDEN PA'O, ,YANG DAG PA JI LTA BA BZHIN DU MNGON PAR RTOGS PA'I PHYIR RO ZHES BYA BA NI YANG DAG PA JI LTA BA BZHIN DU MNGON PAR RDZOGS PAR BYANG CHUB PA'I PHYIR RO ZHES BYA BA'I THA TSIG GO, ,SEMS PAS NI BSAMS PA LAS BYUNG BA'I SHES PA STON PAR BYED DO, ,'JAL BA DANG NYE BAR RTOGS PA NYID KYIS NI MTHONG BA DANG BSGOM PA'I LAM GYI BSGOMS PA LAS BYUNG BA'I SHES BA STON PAR BYED DO, ,JI LTAR BYAS PAS MTHONG BA DANG BSGOM PA'I LAM GNYIS KYIS 'JAL BAR BYED CE NA, MTHONG BA'I LAM GYIS NI ZHES BYA BA @185B RGYAS PAR 'BYUNG BA STE, DE LA DE BZHIN NYID NI GANG ZAG DANG CHOS LA BDAG MED PA'O, ,DE SO SOR RTOG PA NI MNGON PAR RDZOGS PAR BYANG CHUB PA'O, ,SGRO 'DOGS PA MED PA DANG SKUR PA 'DEBS PA MED PA NYID KYIS TE, BDAG GAM BDAG GI 'O ZHES SGRO 'DOGS PA MED PA DANG, RNAM PAR SMIN PA MED DO, ,SDUG BSNGAL LA SOGS PA'I BDEN PA MED DO ZHES SKUR BA MI 'DEBS PAS MNYAM PA LA 'JOG PAR BYED PA'I PHYIR DE LTAR NA 'JAL BAR BYED PA YIN NO, ,GNAS GYUR PA NYID KYIS TE, RNAM PAR GROL BA THOB PA'I PHYIR RO, ,GNAS GYUR PAS NA GNAS GYUR PA NYID KYIS SO, ,JI LTAR NA GNAS GYUR PA NYID KYIS SHE NA, RNAM PAR GROL BA THOB PA'I PHYIR RO, ,RNAM PAR GROL BA YANG SEMS NYON MONGS PA'I BAG LA NYAL GYI GNAS NGAN LEN DANG BRAL BA'O, ,RNAM PAR GROL BA'I YE SHES KYIS SO ZHES BYA BA NI RNAM PAR GROL BA'I MTSAN NYID JI SKAD BSTAN PA LA YE SHES 'BYUNG BA NI RNAM PAR GROL BA'I YE SHES TE, RNAM PAR GROL BA LA DMIGS PA'I YE SHES GANG YIN PA'O, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTA NA'O, ,DAD PA LA BRTEN NAS ZHES BYA BA NI DAD PA SKYES NAS 'GRO BAR BYED CES BYA BA'I TSIG 'DIS STON PAR BYED DO, , TSOGS DANG BCAS PA'I LAM STON PAR BYED PA NI CHOS NYAN PAR BYED DO, ,DES CHOS DE THOS NAS SEMS PAR BYED DO ZHES BYA BA'I TSIG 'DI GNYIS KYIS NI TSOGS STON PAR BYED DO, ,BSAMS NAS 'JAL BAR BYED DO, ,BCAL NAS NYE BAR RTOG PAR BYED LA ZHES BYA BA 'DIS NI LAM GNYI GA KUN DU STON PAR BYED DO, ,LAM GYI 'BRAS BU RNAM PAR GROL BA KUN DU STON PAR BYED PA NI BDEN PA DE YANG LUS KYIS MNGON SUM DU BYED CING ZHES BYA BA'I TSIG 'DIS SO, ,RNAM PAR GROL BA'I YE SHES KUN DU STON PAR BYED PA NI SHES RAB KYIS SO SOR 'BIGS PAR BYED DO ZHES BYA BA'I TSIG 'DIS SO, , DGE SLONG TSUL KHRIMS DANG LDAN PA DGE BA'I CHOS CAN GYIS GANG GI BSOD SNYOMS YONGS SU SPYOD NAS SEMS LA TSAD MED PA'I TING NGE 'DZIN LUS KYIS MNGON SUM DU BYAS NAS RDZOGS PAR BYAS TE GNAS NA GZHI DE LAS SBYIN PA PO DANG SBYIN BDAG GI BSOD NAMS RGYUN RGYAS PA DANG, DGE BA @186A *, ,RGYUN RGYAS PA DANG, BDE BA 'DREN PA TSAD MED PA YOD PAR RIG PAR BYA'O ZHES BYA BA NI MDO SDE'I DUM BU YIN NO, ,DAD PA LA SOGS PA'I SGRAS NI BAG YOD PA DANG, SHIN TU SBYANGS PA DANG BTANG SNYOMS LA SOGS PA DGE BA MANG PO PA RNAMS SO, ,DE'I ZHES BYA BA NI SBYIN BDAG GI 'O, ,DE GNYIS ZHES BYA BA NI JI SKAD BSTAN PA'I BAG CHAGS GNYIS SO, ,GO RIMS BZHIN DU ZHES BYA BA NI 'BRAS BU RNAM PAR SMIN PA YID DU 'ONG BA 'GRUB BAR BYED PA'I BAG CHAGS BRTAS PA'I KHYAD PAR DU 'GRO BA DAG NI BSOD NAMS RGYUN BYAS PA TSAD MED PA YIN PAR RIG PAR BYA'O, ,DAD PA LA SOGS PA DGE BA'I CHOS KYI RGYU MTHUN PA'I 'BRAS BU 'GRUB PAR BYED PA'I BAG CHAGS BRTAS PA'I KHYAD PAR DU 'GRO BA DAG NI DGE BA RGYUN RGYAS PA TSAD MED PA YIN PAR RIG PAR BYA'O, ,RGYUN RGYAS PA YANG RGYUN 'PHEL BA'O, ,DE RGYUN RGYAS PA YANG ZHES BYA BA NI BAG CHAGS DE GNYIS NYID DO, ,DE GNYIS KYI KHAMS BRTAS PA ZHES BYA BA NI SBYIN PA LAS BYUNG BA'I BSOD NAMS DANG, DE RAB TU 'JUG PAR BYED PA'I DGE BA YANG DAG PA'I LTA BA DE GNYIS KYI SA BON BRTAS PA'O, ,YANG DAG PA'I LTA BA THAMS CAD DGE BA YIN NA DGE BA YANG DAG PA'I LTA BA ZHES DGE BA SMOS PA NI DGE BA RGYUN RGYAS PA ZHES BYA BA'I TSIG 'DI DANG 'DRA BA NYID DU BYA BA'I PHYIR RO, ,JI LTAR NA DE'I DE GNYIS KYI KHAMS BRTAS PA YIN ZHE NA, YON GNAS KYI KHYAD PAR GYIS SBYIN PAR BYA BA'I DNGOS PO YONGS SU SPYAD PA'I PHYIR RO, ,DE GNYIS KYI ZHES BYA BA RGYAS PAR 'BYUNG BA NI BSOD NAMS RGYUN RGYAS PA DANG, DGE BA RGYUN RGYAS PA GNYIS KYI 'BRAS BU'I SA BON BRTAS PA NI BDE BA 'DREN PA YIN TE, 'DIS 'DREN PAR BYED PAS 'DREN PA STE, SBYIN PA LAS BYUNG BA'I BSOD NAMS RGYUN RGYAS PA 'BRAS BU YID DU 'ONG BA'I RNAM PAR SMIN PA'I RGYU YIN PA'I PHYIR TE, 'DI LTAR 'BRAS BU YID DU 'ONG BA'I RNAM PAR SMIN PA'I RGYU YIN PAS SO, ,RDZU 'PHRUL GYI YUL RNAM PA MANG PO NYAMS SU MYONG BAR BYED DE, GCIG TU GYUR NAS MANG POR 'GYUR, MANG POR GYUR NAS GCIG TU 'GYUR LA, SNANG BAR GYUR CING MI SNANG BAR 'GYUR BA YANG SHES PA DANG MTHONG BAS NYAMS SU MYONG BAR BYED PA DANG, RTZIG PA LA YANG THAD KAR 'GRO, ,RI LA YANG @186B THAD DKAR 'GRO, RAB LA YANG THAD KAR 'GRO STE, LUS KYIS MI THOGS PAR 'GRO LA, ,SA LA YANG STENG DU 'BYUNG BA DANG BYI'U ZUL BYED DE, DPER NA CHU LA BYA BA BZHIN NO, ,CHU LA YANG MI NUB PA'I RGYUN GYIS 'GRO STE, DPER NAS LA BYA BA BZHIN NO, ,NAM MKHA' LA YANG SKYIL MO KRUNG GIS 'GRO STE, DPER NA 'DAB CHAGS BYA BZHIN NO, ,NYI MA DANG ZLA BA 'DI GNYIS NI 'DI LTAR RDZU 'PHRUL CHE BA 'DI LTAR MTHU CHE BA 'DI LTAR GZI BRJID CHE BA LA YANG LAG PAS 'DZIN CING NYUG PAR BYED, KUN DU NYUG PAR BYED DO, ,TSANGS PA'I 'JIG RTEN GYI BAR DU SEMS CAN RNAMS LA LUS KYIS DBANG BSGYUR RO ZHES BYA BA NI MDO SDE'I DUM BU YIN NO, ,DE NYAMS SU MYONG BAR STON TE ZHES BYA BA NI RDZU 'PHRUL GYI YUL RNAM PA MANG PO NYAMS SU MYONG BAR STON TO ZHES BYA BA'I THA TSIG GO, ,DE RGYAS PAR BYED PA DANG SDUD PA'I PHYIR RO ZHES BYA BA NI RDZU 'PHRUL RGYAS PAR BYED PA DANG SDUD PA'I PHYIR RO ZHES BYA BA'I THA TSIG STE, GCIG TU GYUR NAS MANG POR 'GYUR MANG POR GYUR NAS GCIG TU 'GYUR LA ZHES BYA BA 'DIS BSTAN TO, ,RE ZHIG 'DI NI DBANG RNAM PA DANG PO'O, ,STON PA DANG MI STON PA LA DBANG BA NI JI LTA BU ZHE NA, LUS SNANG BAR BYED PA DANG, SNANG BAR MI BYED PA'I PHYIR RO ZHES BYA BA NI SNANG BAR BYED PA'I PHYIR DANG, SNANG BAR MI BYED PA'I PHYIR RO, ,TSIG GANG GIS BSTAN ZHE NA, SNANG BAR GYUR CING MI SNANG BAR 'GYUR BA YANG SHES PA DANG MTHONG BAS NYAMS SU MYONG BAR BYED PA ZHES BYA BAS SO, ,DE LA LUS SNANG BAR BYED PA NI SNANG BAR GYUR PA'O, ,SNANG BAR MI BYED PA NI MI SNANG BAR 'GYUR BA YANG SHES PA DANG MTHONG BAS NYAMS SU MYONG BAR BYED PA'O, ,BDAG SNANG BAR GYUR BA NI GZHAN GYI SHES PAS DANG MTHONG BAS TE, YID KYI RNAM PAR SHES PA DANG MIG GI RNAM PAR SHES PAS NYAMS SU MYONG BAR BYED CES BYA BA'I THA TSIG GO, ,SHES PA SMOS PA NI GTZO BO NYID YIN PA'I PHYIR RO, ,MI SNANG BAR 'GYUR BA YANG DE BZHIN NO, ,'DI NI DBANG RNAM BA GNYIS PA'O, ,THAD KAR DANG BLA DANG 'OG THOGS PA CAN LA YANG 'GRO BA'I PHYIR RO ZHES BYA BA LA, THAD KAR 'GRO BA NI RTZIG PA LA YANG THAD KAR 'GRO, RIL YANG THA DKAR 'GRO, RAB LA YANG THA DKAR 'GRO STE ZHES GSUNGS PA'I PHYIR RO, ,BLA DANG 'OG LA NI SA @187A *, ,LA YANG STENG DU 'BYUNG BA DANG BYI'U ZUL BYED DE ZHES GSUNGS PA'I PHYIR RO, ,'DI NI DBANG RNAM PA GSUM PA'O, ,GNAS PA LA DBANG BA NI THOGS PA MED PA LAS KYANG MI LTUNG BA'I PHYIR RO ZHES BYA BA NI CHU LA YANG MI NUB PA'I RGYUN GYIS 'GRO STE, DPER NAS LA BYA BA BZHIN NO, , NAM MKHA' LA SKYIL MO KRUNG GIS 'GRO STE, DPER NA 'DAB CHAGS BYA BA BZHIN NO ZHES BYA BA'I TSIG 'DIS BSTAN TE, 'DI NI DBANG RNAM PA BZHI PA'O, ,'GRO BA DANG KHAMS KHYAD PAR DU 'PHAGS PA'I GNAS GNYIS SU ZHES BYA BA RGYAS PAR 'BYUNG BA NI 'GRO BA KHYAD PAR DU 'PHAGS PA'I GNAS SU RANG GI LUS 'JUG PA LA DBANG BA DANG, KHAMS KHYAD PAR DU 'PHAGS PA'I GNAS SU RANG GI LUS 'JUG PA LA DBANG BA STE, 'DI GNYI GA BSDUS NAS DBANG RNAM PA LNGA BA'O, ,NYI MA DANG ZLA BA 'DI GNYIS ZHES BYA BA RGYAS PAR 'BYUNG BAS NI 'GRO BA KHYAD PAR DU 'PHAGS PA'I GNAS SU RANG GI LUS 'JUG BA LA DBANG BSTAN TO, TSANGS PA'I 'JIG RTEN GYI BAR DU SEMS CAN RNAMS LA LUS KYIS DBANG BSGYUR RO ZHES GSUNGS PAS NI KHAMS KHYAD PAR DU 'PHAGS PA'I GNAS SU RANG GI LUS 'JUG PA LA DBANG BA BSTAN TO, ,TSANGS PA'I 'JIG RTEN NI LHA'I 'GRO BAR 'GRO BA'I PHYIR KHAMS KYI KHYAD PAR DU DBYI STE, GZUGS KYI KHAMS SU GTOGS PA'I PHYIR RO, ,NYI MA DANG ZLA BA GNYIS NI 'DOD PA'I KHAMS SU GTOGS PA'I PHYIR RO, ,RTZIG PA DANG RI DANG RAB DAG SMOS PA STE, RTZIG PA LA YANG THAD KAR 'GRO, RI LA YANG THAD KAR 'GRO, RAB LA YANG THAD KAR 'GRO ZHES BYA BA NI, GTZUG LAG KHANG DANG RI DANG GRONG NA GNAS PA NA RIG PAR BYA STE, RTZIG PA LA YANG THAD KAR 'GRO STE, LUS KYIS MI THOGS PAR 'GRO BA NI GTZUG LAG KHANG NA GNAS PA'O, ,GRONG NA GNAS PA'I BAR LA YANG DE BZHIN NO, ,'JIG TSOGS 'GOG PA MYA NGAN LAS 'DAS PA LA SEMS 'JUG PAR BYED, DAD PAR BYED, KUN DU GNAS PAR BYED, RNAM PAR GROL BAR BYED CES BYA BA NI MDO SDE'I DUM BU YIN NO, ,'JIG TSOGS ZHES BYA BA NI NYE BAR LEN PA'I PHUNG PO LNGA YIN PAR DGONGS SO, ,DE LA ZHES BYA BA RGYAS PAR 'BYUNG BA NI MYA NGAN LAS 'DAS PA DE LA MI SKRAG PA'I PHYIR NA SEMS 'JUG PAR BYED CES BYA @187B BAR SHES PAR BYA STE, ,DE LA RAB TU 'JUG PAR BYED CES BYA BA'I THA TSIG GO, ,DE LA MNGON PAR DGA' BA'I PHYIR NA DAD PAR BYED CES BYA BAR SHES PAR BYA'O, ,RTZE GCIG BA NYID KYI PHYIR NA KUN DU GNAS PAR BYED CES BYA BAR SHES PAR BYA'O, ,MA CHAGS PAR 'BYUNG BA'I PHYIR NA RNAM PAR GROL BAR BYED CES BYA BAR SHES PAR BYA'O, ,BZLOG PA'I PHYIR NI BZLOG PA YIN NO, ,JI LTAR ZHE NA, MYA NGAN LAS 'DAS PA LA SKRAG PA'I PHYIR 'JUG PAR MI BYED PA NAS, MA CHAGS PAR MI 'BYUNG BA'I PHYIR RNAM PAR GROL BAR MI BYED CES BYA BA'I BAR DU SHES PAR BYA'O, ,DE LTA NA NI RGYU BA BSTAN PA YIN GYI, JI LTAR RNAM GRANGS DANG POS 'JUG PAR BYED CES BYA BA LA SOGS PA'I TSIG RNAMS KYE DON MI SKRAG PHYIR DANG ZHES BYA BA LA SOGS PA YIN PAR BSTAN PA LTAR DON NI MA YIN TE, BRJOD PAR BYA BA NI MA YIN NO ZHES BYA BA'I THA TSIG GO, ,THOS PA LA SOGS PA DE NI RGYU YANG MA YIN NO, ,CI'I PHYIR ZHE NA, 'DI LTAR MDO LAS, TSE DANG LDAN PA 'DUN PAS KYANG ZHES BYA BA RGYAS PAR 'BYUNG BA STE, 'ON KYANG BDAG 'DU BYED THAMS CAD ZHI BAR GNAS PA DANG, STONG PA NYID DU DMIGS PA DANG, SRED PA ZAD PA DANG, 'DOD CHAGS DANG BRAL BA DANG, 'GOG PA DANG, MYA NGAN LAS 'DAS PA LA SEMS 'JUG PAR MI BYED, DAD PAR MI BYED DO ZHES 'BYUNG PA'O, ,DE LA THOS PA LAS BYUNG BA DANG, BSAMS PA LAS BYUNG BA'I SHES RAB KYANG MED PA NI MA YIN TE, JI LTAR SHES SHE NA, 'DI LTAR GNAS BRTAN BDAG KYANG ZHES RGYAS PAR GSUNGS PA YIN NO, ,GSUNGS PA DE KHO NA'I PHYIR MANG DU THOS PA NYID YIN TE, MANG DU THOS PA NYID KYI PHYIR NI THOS PA LAS BYUNG BA'I SHES RAB BO, ,RGYUD YONGS SU SMIN PA NYID KYI PHYIR NI GNYIS KA YANG YOD DE, THOS PA LAS BYUNG BA DANG, BSAMS PA LAS BYUNG BA'I SHES RAB MED PAR NI RGYUD YONGS SU SMIN PAR 'GYUR BA NI MA YIN PAS SO, ,DE LTA BAS NA ZHES BYA BA RGYAS PAR 'BYUNG BAS NI MA JUG SDUD PAR MDZAD DO, ,BAR CHAD DANG BCAS PA DANG BAR CHAD MED PAR KUN DU RGYU BA'I PHYIR TE, BAR CHAD DANG BCAS PA NI RGYUN RING DU BAR CHAD PA'O, ,BAR CHAD MED BA NI YUN THUNG NGUR BAR CHAD PA'O, ,DE NYID KYI PHYIR ZHES BYA BA RGYAS PAR 'BYUNG BA NI DE NYID KYI PHYIR YID PHYIR @188A *, ,LDOG STE, 'DI LTAR NGA'O SNYAM PA'I NGA RGYAL RAGS PA BAR CHAD DANG BCAS PA DANG, BAR CHAD MED PA KUN DU RGYU BA'I PHYIR RO, ,DE NYID KYI PHYIR MYA NGAN LAS 'DAS PA LAS YID PHYIR LDOG GO, ,YID NYID YID DO, ,YONGS SU YI CHAD PA'I RGYUS TE YONGS SU YI 'CHAD PA NI 'DOD PA'I KHAMS KYI 'DOD CHAGS DANG BRAL BA RNAMS LA YID BDE BA'I RNAM PA 'BYUNG GI ,YID MI BDE BA NI MA YIN TE, DE'I KHAMS KYI 'DOD CHAGS DANG BRAL BA'I PHYIR RO, ,YONGS SU YI CHAD PA'I RGYUS NI BRTEN NAS TE, DE'I RGYU LAS BYUNG ZHES BYA BA'I THA TSIG GO, ,JI LTAR YID PHYIR LDOG CE NA, 'O NA DA NGA'I BDAG GANG YIN SNYAM DU'O, ,DE LA MI SKRAG PA LA SOGS PA DANG LDAN PA'I PHYIR GYI SOGS PA'I SGRAS NI MNGON PAR DGA' BA DANG, RTZE GCIG PA NYID DANG, MA CHAGS PAR 'BYUNG BA'I PHYIR RO, ,DGE SLONG DAG 'DI LA MIG GI DBANG PO BSRUNG BA'I PHYIR DANG, SBA BA'I PHYIR DANG, DUL BAR GNAS PAR BYA BA'I PHYIR RAB TU ZHUGS PA YIN NO, ,YID KYI DBANG PO'I BAR DU YANG DE BZHIN NO ZHES BYA BA NI MDO SDE'I DUM BU YIN NO, ,JI LTAR NA GO RIMS BZHIN DU ZHE NA, DRAN PA LA BRTEN NAS MIG GI DBANG PO BSRUNG BA'I PHYIR RAB TU ZHUGS PA YIN NO, ,TING NGE 'DZIN LA BRTEN NAS SBA BA'I PHYIR RAB TU ZHUGS PA YIN NO, ,SHES RAB LA BRTEN NAS DUL BAR GNAS PAR BYA BA'I PHYIR RAB TU ZHUGS PA YIN NO, ,DUL BA NYID DUL BAR GNAS PA STE ZHI GNAS BZHIN NO, ,GZHAN YANG ZHES BYA BRGYAS PAR 'BYUNG BA NI YUL GANG LA MIG GI DBANG PO DE 'JUG PAR BYA BA'I YUL DE LA BSRUNG BAR BYA BA'I PHYIR RAB TU ZHUGS PA YIN TE DRAN PAS BYIN GYIS BRLABS PA'I PHYIR RO, ,YUL GANG LA MIG GI DBANG PO DE 'JUG PAR BYA BA MA YIN PA DE LA NI SBA BA'I PHYIR RAB TU ZHUGS PA YIN TE, DE MI 'JUG PA'I PHYIR RO ZHES BYA BA NI MIG GI DBANG PO DE MI 'JUG PA'I PHYIR RO ZHES BYA BA'I THA TSIG STE DRAN PAS BYIN GYIS BRLABS PA'I PHYIR RO, ,DE'I SGO NAS NYON MONGS PA KUN DU RGYU BA'I NI MIG GI SGO DE NAS KUN DU RGYU BA STE, DE'I SGO NAS NYON MONGS PA KUN DU RGYU BA DE NI DE'I SGO NAS NYON MONGS PA KUN DU RGYU BA'I BAG LA NYAL YANG DAG PAR GZHOM PA'I PHYIR ZHES BYA BA RGYAS PAR SMOS SO, ,DGE SLONG @188B DAG DBANG PO DRUG PO 'DI DAG SHIN TU DUL BA DANG, SHIN TU SPAS PA DANG, SHIN TU BSRUNGS PA DANG, SHIN TU BSDAMS PA DANG, SHIN TU BSGOMS PA NI PHYI MA LA BDE BA 'DREN PA YIN NO, DRUG PO GANG DAG CE NA, MIG GI DBANG PO NAS YID KYI DBANG PO'I BAR ZHES BYA BA NI MDO SDE'I DUM BU YIN NO, ,DRAN PA DANG SHES BZHIN NYID KYIS TE, SHES BZHIN NI SHES RAB BO, ,DE LTAR NA ZHES RGYAS PAR 'BYUNG BA NI JI SKAD BSTAN PA DE LTAR NA SHIN TU DUL BA ZHES BYA BA'I TSIG 'DIS SEMS DUL BA YONGS SU BSTAN PA YIN NO, ,CI'I PHYIR ZHE NA, MIG GI DBANG PO SEMS KUN DU RGYU BA DUL BAR BYED PA'I PHYIR MIG GI DBANG PO LA SOGS PA DAG NI SHIN TU DUL BA YIN NO, ,SHIN TU SPAS PA DANG ZHES BYA BA'I TSIG DE LA SOGS PA RNAMS KYIS NI SEMS DUL BA'I THABS YONGS SU BSTAN BA YIN NO, ,'DI YANG SMRAS PA ZHES BYA BA RGYAS PAR 'BYUNG BA NI DRAN PAS NYON MONGS PA'I KUN NAS DKRIS PA MA SKYES PA'I PHYIR NA SPAS PA YIN NO, ,SHES BZHIN GYIS NI NYON MONGS PA'I KUN NAS DKRIS PA SKYES PA LAS TE BYUNG BA LAS BSRUNGS PA YIN NO, ,GNON DANG RTZA BA BCOM GNYIS KYIS, ,BSDAMS DANG BSGOMS PA YIN PAR 'DOD, ,RNAM PAR GNON PAS NI SHIN TU BSDAMS PA YIN PAR 'DOD DO, ,RNAM PAR GNON PA YANG 'JIG RTEN PA'I BSGOM PA'I LAM GYIS SO, ,RTZA BA BCOM PAS SHIN TU BSGOMS PA YIN PAR 'DOD DO, ,RTZA BA NI BAG LA NYAL LO, ,RTZA BA BCOM PA YANG 'JIG RTEN LAS 'DAS PA'I LAM GYIS SO, ,LUNG LAS NI 'JUG PAR BYA BA MA YIN PA LA MI 'JUG PA'I PHYIR TE, 'JUG PAR BYA BA MA YIN PA'I DNGOS PO GANG LA MIG GI DBANG PO DE 'JUG PAR BYA BA MA YIN PA DE LA MI 'JUG BA'I PHYIR SHIN TU SPAS PA YIN NO, ,'JUG PAR BYA BA LA DRAN PA SHIN TU NYE BAR GZHAG PAS 'JUG PA'I PHYIR TE, 'JUG PAR BYA BA'I DNGOS PO LA DRAN PA SHIN TU NYE BAR GZHAG PAS 'JUG PA'I PHYIR DE SHIN TU BSRUNGS PA YIN NO, ,RANG NYID KUN NAS NYON MONGS PAR MI 'GYUR BA'I PHYIR SHIN TU BSGOMS PA YIN NO ZHES BYA BA NI DON GYI DBANG GIS MIG GI DBANG PO DE ZHUGS NA YANG CHAGS PAR 'GYUR BA 'AM, ZHE SDANG BAR 'GYUR BA'I DNGOS PO LA RANG NYID KUN NAS NYON MONGS PAR MI 'GYUR BA'I PHYIR TE, SO SOR @189A *, ,RTOG PA'I STOBS KYIS NI MA YIN NO, ,'O NA CI ZHE NA, BSGOMS PA'I STOBS KHO NAS TE, DE LTAR NA DE SHIN TU BSGOMS PA YIN NO, ,DE LTAR NA SHIN TU DUL BA YIN NO ZHES 'BYUNG NGO ZHES BYA BA NI JI SKAD BSTAN PA DE LTAR NA 'JUG PAR BYA BA MA YIN PA LA MI 'JUG PA'I PHYIR ZHES RGYAS PAR 'BYUNG BAS MIG GI DBANG PO LA SOGS PA STE, SHIN TU DUL BA YIN NO, ,DE BYAMS PA DANG LDAN PA'I SEMS KHON MED PA, 'GRAN ZLA MED PA, GNOD PA MED PA, YANGS PA RGYA CHEN POR GYUR PA, TSAD MED PA, SHIN TU BSGOMS PAS PHYOGS GCIG TU SMOS TE KHYAB PAR BYAS NAS RDZOGS PAR BYAS TE GNAS SO ZHES BYA BA NI MDO SDE'I DUM BU YIN NO, ,PHAN PA DANG BDE BA'I BSAM PA NI BYAMS PA'O ZHES BYA BA NI PHAN PA'I BSAM PA DANG BDE BA'I BSAM PA NI BYAMS PA'O BSAM PA NI SEMS PA STE, ZHE SDANG MED PA'I NGO BO'O, ,DE NI ZHES BYA BA NI BYAMS PA DANG LDAN PA'I SEMS DANG SBYAR BAR BYA'O, ,NYE BA'I NYON MONGS PA RNAM PA GSUM GYI GNYEN PO YIN PA'I PHYIR KHON MED PA DANG, 'GRAN ZLA MED PA DANG, GNOD PA MED PA DANG, JI LTAR BYAS PAS SHE NA, KHON DU 'DZIN PA'I GNYEN PO YIN PA'I PHYIR KHON MED PA'O, ,PHRAG DOG GI GNYEN PO YIN PA'I PHYIR 'GRAN ZLA MED PA'O, ZHE SDANG GI GNYEN PO YIN PA'I PHYIR GNOD PA MED PA YIN NO, ,GNOD PA BYED PA DAG LA KHON DU 'DZIN PA ZHES PA NI GNOD PA BYED PA DAG LA KUN NAS MNAR SEMS KYI DNGOS PO LAN MANG DU BYED PA ZHES BYA BA'I THA TSIG GO, ,GNOD PA MI BYED PA DAG LA PHRAG DOG CES BYA BA NI SEMS CAN MNYAM PA DANG KHYAD PAR DU 'PHAGS PA GNOD PA MI BYED PA DE DAG LA SEMS KHONG NAS 'KHRUGS PA ZHES BYA BA'I THA TSIG GO, ,DE NYID DANG LDAN BA'I DMAN PA DAG LA NI ZHES BYA BA RGYAS PAR 'BYUNG BA NI SEMS CAN GNOD PA BYED PA DANG GNOD PA MI BYED PA DE GNYIS DANG LDAN PA DMAN PA DAG LA ZHE SDANG GANG GIS NA DE GNYIS DANG LDAN PA DMAN PA DE DAG LA GNOD PAR 'GYUR BA'I ZHE SDANG YIN NO, ,MI MTHUN PA'I PHYOGS SHIN TU THUL BA'I PHYIR ZHES BYA BA NI MI MTHUN PA'I PHYOGS DE NI NYE BA'I NYON MONGS PA RNAM PA GSUM PO YIN NO, ,DE LTAR NA ZHAS BYA BA RGYAS PAR 'BYUNG BA NI JI LTAR BSTAN PA DE LTAR NA BYAMS PA DANG LDAN PA'I SEMS DE @189B GNYEN PO NYID KYIS TE, TSIG GSUM PO KHON MED PA 'GRAN ZLA MED PA GNOD PA MED PAS YONGS SU BSTAN PA YIN NO, ,SAMS DE 'BRAS BU NYID KYIS TE, YANGS PA ZHES BYA BA'I TSIG 'DIS YONGS SU BSTAN PA YIN NO, ,SEMS DE GNYIS KYIS TE, RGYA CHEN POR GYUR PA ZHES BYA BA'I TSIG 'DIS YONGS SU BSTAN PA YIN NO, ,SEMS DE DMIGS PA NYID KYIS TE, TSAD MED PA ZHES BYA BA'I TSIG 'DIS YONGS SU BSTAN PA YIN NO, ,SEMS DE RNAM PAR DAG PA NYID KYIS TE, SHIN TU BSGOMS PA ZHES BYA BA'I TSIG 'DIS YONGS SU BSTAN PA YIN NO, ,GNAS KYIS GNAS PA PO BSTAN PA YIN TE ZHES BYA BA NI PHYOGS KYIS SEMS CAN RNAMS STON PAR BYED DO ZHES BYA BA'I THA TSIG GO, ,DPER NA KHRI DGA' BOD DO, ,RI DAG TSIG GO ZHES BYA BA LTA BU'O ZHES BYA BA NI KHRI'I STENG NA 'DUG PA'I MI DAG 'BOD PA DANG, RI'I STENG NA 'DUG PA DAG MES TSIG PA YIN NO, ,MOS PA YID LA BYED PA NYID STON PA YIN GYI, DE KHO NA NYID YID LA BYED PA NI MA YIN NO, ,CIG CAR DU MTHA' DAG LA MOS PA'I PHYIR RO ZHES BYA BA NI MNYAM DU SEMS CAN THAMS CAD LA SMOS PA'I PHYIR RO ZHES BYA BA'I THA TSIG GO, ,DE STON PA YIN NO ZHES BYA BA NI BYAMS PA STON PA YIN NO, ,DUS GZHAN DU YANG RJES SU 'JUG PAR STON PA YIN NO ZHES BYA BA NI YUN THUNG NGUR MA YIN GYI DUS YUN RING POR RJES SU 'JUG PAR STON PA YIN NO, ,DE DE LTAR SHES SHING DE LTAR MTHONG BA NA BRTZON 'GRUS BRTZAMS ZHING ZHUM PA MED PA YIN, LUS SHIN TU SBYANGS SHING NYES PAR BRTZAMS PA MED PA YIN, DRAN PA NYE BAR GZHAG CING KUN DU RMONGS PA MED PA YIN, SEMS MNYAM PAR GZHAG CING RTZE GCIG PA YIN ZHES BYA BA NI MDO SDE'I DUM BU YIN NO, ,TSIG PHYI MAS RNAM PAR BSHAD PA DANG BCAS PA ZHES BYA BA NI TSIG PHYI MA ZHUM PA MED PA YIN PA LA SOGS PA RNAMS KYIS TSIG BZHI PO BRTZON 'GRUS BRTZAMS SHING ZHES BYA BA LA SOGS PA DE DAG RNAM PAR BSHAD PA DANG BCAS PA NI TSIG PHYI MAS RNAM PAR BSHAD PA DANG BCAS PA'O, ,JI LTAR NA GO RIMS BZHIN DU YIN ZHE NA, SEMS HA CANG ZHUM PA'I GNYEN POR BRTZON 'GRUS BRTZAMS SHING ZHUM PA MED PA YIN ZHES BYA BA NI TSIG PHYI MAS RNAM PAR BSHAD PA DANG BCAS PA 'DI YIN NO, ,HA CANG RAB TU BZUNG @190A *, ,BA'I GNYEN POR LUS SHIN TU SBYANGS SHING NYES PAR BRTZAMS PA MED PA YIN ZHES BYA BA 'DI YIN NO, ,NYES PAR BRTZAMS PA MED PA NYID KYANG LUS MA NYEN ZHING LUS LAS SU RUNG BA NYID DU RIG PAR BYA'O, ,NANG DU BSDUS PA ZHES BYA BA 'DI NI DRIN PA NYE BAR GZHAG CING KUN DU RMONGS PA MED PA YIN ZHES BYA BA NI 'DI YIN NO, ,PHYI ROL DU RNAM PAR G-YENGS PA ZHES BYA BA 'DI NI SEMS MNYAM PAR GZHAG CING RTZE GCIG PA YIN ZHES BYA BA'I TSIG PHYI MAS RNAM PAR BSHAD PA DANG BCAS PA 'DI YIN NO, ,HA CANG ZHUM PA LA SOGS PA 'DI RNAMS KYI MTSAN NYID NI MDO LAS JI LTAR SEMS HA CANG ZHUM PA YIN ZHE NA, SEMS LE LO DANG LDAN PA'O, ,JI LTAR NA SEMS HA CANG RAB TU BZUNG BA YIN ZHE NA, SEMS RGOD PA DANG LDAN PA GANG YIN PA'O, ,JI LTAR NA SEMS NANG DU BSDUS PA YIN ZHE NA, SEMS RMUGS PA DANG GNYID DANG LDAN PA GANG YIN PA STE, SEMS NANG DU 'GOG PA DANG LDAN PA YIN GYI, LHAG MTHONG DANG LDAN PA NI MA YIN TE, DE LTAR NA SEMS NANG DU BSDUS PA YIN NO, ,JI LTAR NA SEMS PHYI ROL DU RNAM PAR G-YENGS PA YIN ZHE NA, 'DOD PA'I YON TAN LNGA RNAMS LA RJES SU RNAM PAR G-YENGS PA DANG RJES SU 'PHROS PA GANG YIN PA DE, DE LTAR NA SEMS PHYI ROL DU RNAM PAR G-YENGS PA YIN NO ZHES 'BYUNG BA YIN NO, ,DE KHO NA'I ZHES RGYAS PAR 'BYUNG BA NI SEMS RNAM PA BZHI PO DE KHO NA'I GNYEN PO SONG BA'I 'DU BYED RNAM PA GNYIS GNYIS YIN TE, RE RE LA YANG GNYIS GNYIS YIN PAS DE LTAR NA SPONG BA'I 'DU BYED BRGYAD DU 'GYUR RO, ,BRGYAD GANG ZHE NA, MDO LAS SHIN TU RGYAS PAR GSUNGS NAS 'DUN PA GANG YIN PA DANG, RTZOL BA GANG YIN PA DANG, DAD PA GANG YIN PA DANG, SHIN TU SBYANGS PA GANG YIN PA DANG, DRAN PA GANG YIN PA DANG, SHES BZHIN GANG YIN PA DANG, SEMS PA GANG YIN PA DANG, BTANG SNYOMS GANG YIN PA STE, 'DI DAG SPONG PA'I 'DU BYED RNAMS ZHES BYA'O ZHES 'BYUNG BA YIN NO, ,DE LA HA CANG ZHUM PA'I GNYEN POR NI 'DUN PA DANG RTZOL BA GNYIS TE, LE LO'I GNYEN PO YIN PA'I PHYIR RO, ,HA CANG RAB TU BZUNG BA'I NI DAD PA DANG, SHIN TU SBYANGS PA YIN TE DAD PA YOD NA SHIN TU SBYANGS PA GNYEN BOR 'GYUR BAS SO, ,NANG DU @190B BSDUS PA'I NI DRAN PA DANG, SHES BZHIN GNYIS TE, DE GNYIS KYIS NI RMUGS PA DANG GNYID DU YANG MI 'GYUR LA, LHAG MTHONG YANG NYE BAR GNAS PAR BYED DO, ,PHYI ROL DU RNAM PAR G-YENGS PA'I GNYEN POR NI SEMS PA DANG, BTANG SNYOMS YIN NO, ,JI LTAR BYAS PAS SHE NA, SEMS PA NI MNGON PAR 'DU BYED PA YIN TE, LUS 'DI NYID RKANG MTHIL NAS SBYI BO DANG, SKRA DANG, KLAD PA NAS 'OG TU PAGS PA LA THUG PAR MI GTZANG PA RNAM PA SNA TSOGS KYIS GANG BAR SO SOR RTOG STE, LUS 'DI LA SKRA DANG, SPU DANG ZHES BYA BA RGYAS PAR 'BYUNG BA YIN NO, ,DE NAS 'DU BYED DE DAG LA BTANG SNYOMS KYIS BTANG SNYOMS SU BYED DO, ,GZHAN YANG ZHES BYA BA RGYAS PAR 'BYUNG BA NI MNYAM PAR GZHAG PA'I GNAS SKABS NI RNAM PAR RTOG PA RNAMS KYIS SEMS RNAM PAR G-YENG ZHING RNAM PAR MA ZHI LA RGOD PAR GYUR PA NA DMIGS PA LA BYED PA MED PA NYID DANG, ZHI BAR 'GYUR BA NYID DANG, LHUN GYIS GRUB PAR 'BYUNG BA NI ZHI GNAS SO, ,RAB TU 'DZIN PA NI ZHUM PAR 'GRO BA NA MCHOG TU DGA' BA'I GZHI LA DMIGS PAS DE LA SBYANGS PA'O, ,DE NYID KYIS NYE BA'I NYON MONGS PA'I GNYEN POR TSIG NYID YIN TE, BRTZON 'GRUS BRTZAMS SHING ZHUM PA MED PA YIN, LUS SHIN TU SBYANGS SHING NYES PAR BRTZAMS PA MED PA YIN ZHES BYA BA'I TSIG 'DI GNYIS SO, ,CI'I PHYIR ZHE NA, GO RIMS BZHIN DU ZHUM PA DANG RGOD PA'I GNYEN PO YIN PA'I PHYIR LA ZHUM PA DANG RGOD PA DE GNYIS KYANG ZHI GNAS DANG RAB TU 'DZIN PA KHO NA'I NYE BA'I NYON MONGS PA YIN PAS SO, ,ZHUM PA ZHES BYA BA NI GANG GIS NA TSOGS DE HA CANG ZHAN PAR 'GYUR BA'I SEMS LAS BYUNG BA'I CHAS 'GA' ZHIG YOD PA YIN PA'O, ,DE BZHIN DU RGOD PA YANG GANG GIS NA RGOD PAR GYUR PA'O, ,BTANG SNYOMS KYI NYE BA'I NYON MONGS PA'I GNYEN POR YANG TSIG GNYIS YIN TE, DRAN PA NYE BAR GZHAG CING KUN DU RMONGS PA MED PA YIN, SEMS MNYAM PAR GZHAG CING RTZE GCIG PA YIN ZHES BYA BA 'DI DAG GO, ,BTANG SNYOMS KYANG GAL TE SEMS ZHUM PA YANG MA YIN, RGOD PA YANG MA YIN TE MNYAM PAR GYUR PA DE'I TSE DE BTANG SNYOMS SU BYED PAS BTANG SNYOMS SO, ,TSIG BZHI DAG YIN NO ZHES BYA BA'I TSIG PHYI MAS RNAM @191A *, ,PAR BSHAD PA DANG BCAS PA'I TSIG DE DAG NYID YIN NO, ,RGYU GANG GIS NA LUS NYES PAR BRTZAMS PA DANG ZHES BYA BA RGYAS PAR 'BYUNG BA YIN NO, ,DE NYID KYI PHYIR TE, GANG GI PHYIR BRTZON 'GRUS MA BRTZAMS NA SEMS ZHU MA PAR 'GYUR BA NAS SEMS NYAMS PA'I BAR DE NYID KYI PHYIR DE'I GNYEN PO NYID YANG DAG PAR BSTAN PA'I PHYIR NI SEMS ZHUM PA DANG, LUS DUB PA DANG, BRJED NGAS PA DANG, SEMS NYAMS PA DE DAG GI GNYEN PO NYID YANG DAG PAR BSTAN PA'I PHYIR BRTZON 'GRUS LA SOGS PA STE, BRTZON 'GRUS DANG, SHIN TU SBYANGS PA DANG, DRAN PA DANG, TING NGE 'DZIN TSIG PHYI MAS KHYAD PAR DU BYED PA CAN YIN TE, TSIG PHYI MA PHYI MAS KHYAD PAR DU BYED BA CAN YIN PAR RIG PAR BYA'O, ,JI LTAR ZHE NA, BRTZON 'GRUS BRTZAMS SHING ZHUM PA MED PA YIN ZHES BYA BA NAS, SEMS MNYAM PAR GZHAG CING RTZE GCIG PA YIN ZHES BYA BA'I BAR RO, ,DGE SLONG DAG 'DI NI SDUG BSNGAL 'PHAGS PA'I BDEN PA'O ZHES SNGAR MA THOS PA'I CHOS RNAMS LA TSUL BZHIN YID LA BYED PA NA MIG SKYES SHING, SHES PA DANG, RIG PA DANG, BLO SKYES PA YIN NO ZHES BYA BA NI MDO SDE'I DUM BU YIN NO, ,NGES PA'I TSIG GI CHOS NYID KYI RGYUS NA RNAM PAR DAG PA'I PHYIR YIG GE BSGYUR NA BLO YIN NO, ,DE LTAR NA NGES PA'I TSIG GI CHOS NYID KYI RGYUS SO, ,MIG LA ZHAN PA DANG, NOR BA DANG RNYOG PA NYID MED PA YANG DAG PAR BSTAN PA'I PHYIR RNAM PA GSUM GYIS KHYAD PAR DU BYED PA YIN NO ZHES BYA BA NI SHES RAB KYI MIG DE LA ZHAN PA NYID MED PA YANG DAG PAR BSTAN PA'I PHYIR SHES PA ZHES BYA BAS KHYAD PAR DU BYED DE, SHA'I MIG NI THE TSOM DU GZUGS MTHONG BA'I PHYIR ZHAN PA ZHES BYA BA STE, GTAN LA PHEBS PA'I SHES PA MED PA'I PHYIR RO, ,NOR BA NYID MED PA YANG DAG PAR BSTAN PA'I PHYIR RIG PA ZHES BYA BAS KHYAD PAR DU BYED DO, ,SHA'I MIG NI YANG DAG PA JI LTA BA BZHIN MA MTHONG BA'I PHYIR NOR BA ZHES BYA'O, ,RNYOG PA NYID MED PA YANG DAG PAR BSTAN PA'I PHYIR BLO ZHES BYA BAS KHYAD PAR DU BYED DE, SHA'I MIG NI RNAM PAR DAG PA MA MTHONG BA'I PHYIR RNYOG PA CAN NO ZHES BYA'O, ,DE LTAR NA RNAM PA GSUM GYIS KHYAD PAR DU BYED PA NI SHA'I MIG DANG CHOS MI MTHUN PA'I PHYIR RO, ,BDEN PA RNAMS @191B LA NGAN PAR LTA BA DANG, THE TSOM DANG, MA RIG PA RNAMS KYI GNYEN PO MA YIN PA ZHES BYA BA NI BDEN PA LA DMIGS PA DANG, LOG PAR LTA BA DANG, THE TSOM DANG, MA RIG PA RNAMS KYI GNYEN PO MA YIN NO ZHES BYA BA'I THA TSIG GO, ,DE LAS KHYAD PAR DU BYA BA'I PHYIR MIG LA SOGS PA SMOS SO ZHES BYA BA NI PHYI ROL PA RNAMS KYI LTA BA DE LAS KHYAD PAR DU BYA BA'I PHYIR MIG DANG, SHES PA DANG, RIG PA DANG, BLO SMOS SO, ,JI LTAR ZHE NA, TSUL BZHIN YID LA BYED PA NA MIG SKYES SHING, SHES PA DANG, RIG PA DANG, BLO SKYES PA YIN NO ZHES 'BYUNG BA YIN TE, ZAG PA MED PA'I SHES RAB KYI MIG DE NI DON MNGON SUM DU GYUR PA'I PHYIR LOG PAR LTA BA'I GNYEN PO YIN NO, ,DE NYID THE TSOM MED PA'I PHYIR SHES PA STE, THE TSOM GYI GNYEN PO YIN NO, ,DE NYID YANG DAG PAR DON DU GYUR PA'I PHYIR RIG PA STE, MA RIG PA'I GNYEN PO YIN NO, ,BZLAS PA GSUM DAG LA THOG MAR MTHONG BA NI MIG GO ZHES BYA BA NI MTHONG BA'I LAM LA 'DI NI SDUG BSNGAL 'PHAGS PA'I BDEN PA ZHES BYA BA NAS, 'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES BYA BA'I BAR THOG MAR MTHONG BA GANG YIN PA DANG, BSGOM PA'I LAM LA SDUG BSNGAL 'PHAGS PA'I BDEN PA'O, ,MNGON PAR SHES PAS YONGS SU SHES PAR BYA ZHES BYA BA NAS SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE MNGON PAR SHES PAS BSGOM PAR BYA ZHES BYA BA'I BAR THOG MAR MTHONG BA GANG YIN PA DANG, MI SLOB PA'I LAM GANG YIN PA LA SDUG BSNGAL 'PHAGS PA'I BDEN PA DE BDAG GIS MNGON PAR SHES PAS YONGS SU SHES SO ZHES BYA BA NAS SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE DAG GIS MNGON PAR SHES PAS BSGOMS SO ZHES BYA BA'I BAR THOG MAR MTHONG BA GANG YIN PA STE, BSLAB PA GSUM PO 'DI DAG LA THOG MAR MTHONG BA 'DI NI MIG GO, ,JI LTAR MTHONG BA LA RNAM PAR DBYOD PA NI SHES PA'O ZHES BYA BA NI LAM GSUM PO 'DI DAG LA SDUG BSNGAL LA SOGS PA 'PHAGS PA'I BDEN PA JI LTAR MTHONG BA RNAMS LA RNAM PAR 'JOG PA'I YE SHES DANG, RNAM PAR MI 'JOG PA'I YE SHES 'JIG RTEN LAS 'DAS PA'I RJES LAS THOB PAR RANG DANG SPYI'I MTSAN @192A *, ,NYID GNYIS SU RNAM PAR DPYOD PA STE, SO SOR RTOG PA NI SHES PA ZHES BYA'O, ,DE YANG ZAG PA MED PA'I YE SHES YIN PAR RIG PAR BYA STE, DE LA ZAG PA RGYAS PAR MI 'GYUR BAS SO, ,DE YANG 'DI LTAR SHES PAR BYA STE, LAM GSUM CHAR LA YANG THOG MAR RNAM PAR MI 'JOG PA 'JIG RTEN LAS 'DAS PA SKYE LA, DE NAS DE'I RJES LA RNAM PAR 'JOG PA SKYE'O, ,RNAM PA MI 'JOG PA DANG RNAM PAR 'JOG PA'I YE SHES DE GNYIS KYI RAB TU DBYE BA RGYAS PA DANG BCAS PA NI RNAL 'BYOR SPYOD PA'I SAR BLTA BAR BYA'O, ,GNYIS PO DE NYID KYIS BYA BA RGYAS PAR 'BYUNG BA NI MIG DANG SHES PA GNYIS PO DE NYID DO, ,DE SNYED YOD PA CAN NYID LA BRTEN NAS TE, DNGOS PO JI SNYED PA 'PHAGS PA'I BDEN PA BZHI PO 'DI LA YOD PAS DE NI JI SNYED YOD PA CAN NO, ,DE'I DNGOS PO DE NI JI SNYED YOD PA CAN NYID DE, DE LA NI JI SNYED YOD PA CAN NYID LA BRTEN NAS TE, BRTAN PA NAS DE LA DMIGS PAR BYED PA NA GNYIS PO DE RIG PA'O, ,CI'I PHYIR ZHE NA, JI SNYED YOD PA LA 'DZIN PA'I PHYIR RO, ,'DI LTAR SDUG BSNGAL 'DAS PA DANG, DA LTAR BYUNG BA DANG, MA 'ONGS PA DANG, DE KUN 'BYUNG BA DANG, DE 'GOG PA DANG, DE'I LAM JI SNYED YOD PA DE 'DZIN PAS DE'I PHYIR DE GNYIS KA RIG PA'O, ,JI LTAR YOD BCAN NYID LA BRTEN NAS BLO STE, SDUG BSNGAL NYID LA SOGS PA'I RNAM PA JI LTAR YOD PA NI JI LTAR YOD PA'O, ,DE 'PHAGS PA'I BDEN PA BZHI PO GANG LA YOD PA DE NI JI LTAR YOD PA CAN NO, ,DE'I DNGOS PO NI JI LTAR YOD PA CAN NYID DO, ,DE LA NI JI LTAR YOD PA CAN NYID LA BRTEN NAS TE, DE LA DMIGS PAR BYED PA NA DE GNYIS KA BLO'O, ,CI'I PHYIR ZHEN, YANG DAG PA JI LTA BA BZHIN DU RTOGS PA'I PHYIR RO, ,'DI LTAR SDUG BSNGAL LA SOGS PA'I BDEN PA DE YANG DAG PA JI LTA BA BZHIN DU RTOGS PA'I PHYIR RO, ,GZHAN YANG ZHES BYA BA RGYAS PAR 'BYUNG BA NI CHOS MA THOS PA RNAMS LA THOS PA LAS BYUNG BA'I SHES PA MED PAS RJES SU DPAG PA CAN YIN NO SNYAM DU SEMS NA DE RJES SU DPAG PA CAN MA YIN PAS, DE DGAG PA'I PHYIR MIG CES BYA BA GSUNGS SO, ,GAL TE THOS PA LAS BYUNG BA YANG MA YIN, RJES SU DPAG PA CAN YANG MA YIN NA MOS PA LAS BYUNG BA'I @192B MTHONG BA YIN TE, JI LTAR MI SDUG PA BSGOMS PA NA RUS PA DANG RUS GONG DU MOS PA'I PHYIR MOS PA YID LA BYED PAS RUS PA DANG RUS GONG RNAMS KYIS SA GANG BAR MTHONG BA LTA BU YIN NO SNYAM DU SEMS NA DE'I PHYIR MOS PA LAS BYUNG BA'I MTHONG BA DGAG PA'I PHYIR SHES PA'O ZHES BYA BA GSUNGS SO,, GAL TE DE THOS PA LAS BYUNG BA YANG MA YIN, RTOG GE PA YANG MA YIN MOS PA LAS BYUNG BA YANG MA YIN NA MNGON PA'I NGA RGYAL CAN YIN TE, MNGON PA'I NGA RGYAL CAN RNAMS NI BDAG GIS MTHONG NGO SNYAM DU SEMS PA YIN NO SNYAM DU SEMS NA DE'I PHYIR MNGON PA'I NGA RGYAL DGAG PA'I PHYIR RIG PA'O, ,GAL TE DE RNAMS MA YIN YANG ZAG PA DANG BCAS PA YIN NO SNYAM DU SEMS NA DE'I PHYIR ZAG PA DANG BCAS PA NYID DGAG PA'I PHYIR BLO ZHES BYA BA GSUNGS SO, ,CI'I PHYIR ZHE NA, RNAM PAR DAG PA'I DON GYIS SO, ,RNAM PAR DAG PA DE NI DRI MA MED PA YIN NO, ,KHA CIG NA RE ZHES BYA BA NI BYE BRAG TU SMRA BA PA RNAMS SO, ,DE NI ZHES BYA BA RGYAS PAR 'BYUNG BA NI BZOD PA NI MTHONG BA NYID YIN PA'I PHYIR MIG YIN LA ZHES BYA BA DE NI'O, ,BZLAS PA GSUM DAG LA 'THAD PA MA YIN TE ZHES BYA BA NI RIGS PA MA YIN TE, CI'I PHYIR ZHE NA, MIG LA SOGS PA DE DAG NI MTHONG BA DANG, BSGOM PA DANG MI SLOB PA'I LAM GYIS BSDUS PA'I PHYIR TE, BSGOM PA'I LAM DANG, MI SLOB PA'I LAM LA YANG BZOD PA MED PA MA YIN PAS SO, ,DGE SLONG DAG 'DI NI KHYOD LA PHAN PA'I PHYIR DANG, 'DI NI BDE BA'I PHYIR DANG, 'DI NI PHAN PA DANG BDE BA'I PHYIR ZHES BYA BA NI MDO SDE'I DUM BU YIN NO, ,'DOD PA'I BSOD NYAMS KYI RJES SU SBYOR BA NI 'DOD PA'I BDE BA LA RO MYONG BA'I RJES SU 'JUG PA'O, ,BDAG NYID DUB PAR GNAS PA'I RJES SU SBYOR BA NI DUB PA NYID DUB PAR GNAS PA YIN PAS BDAG NYID DUB PAR GNAS PA'O, ,GDUNG BAR BYED PA DANG, YONGS SU GDUNG BAR BYED PA DANG, SKRA 'PHAL BA LA SOGS PA LAS SKYES PA'I SDUG BSNGAL NI BDAG NYID DUB PAR GNAS PA'O, ,BDAG NYID DUB PAR GNAS PA LA RJES SU SBYOR BA STE, RJES SU 'JUG PA NI BDAG NYID DUB PAR GNAS PA'I RJES SU SBYOR BA'O, ,GNYI GA'I MTHA' SPANGS NAS ZHES BYA BA NI 'DOD PA'I BSOD NYAMS KYI RJES SU SBYOR BA'I MTHA' @193A *, ,DANG, BDAG NYID DUB PAR GNAS PA'I RJES SU SBYOR PA'I MTHA' SPANGS NAS ZHES BYA BA'I THA TSIG GO, ,DBU MA'I LAM BSGOMS PA YIN NO ZHES BYA BA NI 'PHAGS PA'I LAM YAN LAG BRGYAD PA STE, DE NI DBU MA'I LAM YIN NO, ,GZHAN YANG PHAN PA'I PHYIR NI SDUG BSNGAL DANG BCAS PA'I NYE BA'I NYON MONGS PA'I GNYEN PO BSTEN PA STE, JI LTAR 'DOD CHAGS SHAS CHE BA RNAMS SO SOR BRTAGS SHING TSANGS PAR SPYOD PA BSTEN PA LTA BU'O, ,BDE BA'I PHYIR NI NYON MONGS PA RNAMS MED PAR SDUG BSNGAL GYI GNYEN PO BSTEN PA YIN TE, JI SKAD DU MDO LAS, BRNAB SEMS KYIS SGRUB PA'I SDUG BSNGAL GYIS BDAG NYID LA GNOD PAR YANG MI 'GYUR LA, CHOS KYIS RNYED PA'I BDE BA YANG YONGS SU NYAMS PAR MI 'GYUR RO ZHES GSUNGS PA LTA BU'O, ,PHAN PA DANG BDE BA'I PHYIR NI BDE BA DANG BCAS PA'I NYON MONGS PA'I GNYEN PO BSTEN PA YIN TE, JI LTAR 'DOD CHAGS CHUNG BA RNAMS TSANGS PAR SPYOD PA BSTEN PA LTA BU'O, ,GZHAN YANG ZHES BYA BA RGYAS PAR 'BYUNG BA NI GZHAN YANG PHAN PA'I PHYIR NI LHAG PA'I SEMS MTHONG BA'I CHOS LA BDE BAR GNAS PA RNAMS MA GTOGS PA MI LCOGS PA MED PA LA BRTEN NAS NYON MONGS PA ZAD PA'I LAM MO, ,DE DAG KYANG BSAM GTAN BZHI RNAMS SO, ,NYON MONGS PA ZAD PA'I LAM MA GTOGS PA ZHES BYA BA NI SPONG BA'I LAM MA GTOGS PA'O, ,LHAG PA'I SEMS MTHONG BA'I CHOS LA BDE BAR GNAS PA RNAMS DANG BCAS PA ZHES BYA BA NI GANG GI TSE ZAG PA MED PA'I BSAM GTAN LA BRTEN SA NYON MONGS PA RNAMS SPONG BA DE'I TSE NYON MONGS PA SPONG BA ZAD PA'I LAM DE DAG PHAN PA DANG BDE BA'I PHYIR YIN NO, ,GZHAN YANG ZHES BYA BA RGYAS PAR 'BYUNG BA NI GZHAN YANG PHAN PA'I PHYIR NI SLOB PA RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA RNAMS KYI DKA' BA'I LAM STE, DE YANG MI LCOGS PA MED PA DANG BSAM GTAN KHYAD PAR CAN DANG GZUGS MED PAS BSDUS PA'I LAM STE, CI RIGS PAR SBYAR RO, ,DKA' BA YANG YAN LAG GIS YONGS SU MA ZIN PA'I PHYIR DANG, ZHI GNAS DANG LHAG MTHONG MA TSANG BA'I PHYIR RO, ,ZHI GNAS MA TSANG BA NI MI LCOGS PA MED PA DANG, BSAM GTAN KHYAD PAR CAN @193B GNYIS SO, ,LHAG MTHONG MTSANG BA NI GZUGS MED PA RNAMS SO, ,BDE BA'I PHYIR NI MI SLOB PA DGRA BCOM PA RNAMS KYI SLA BA'I LAM STE, DNGOS GZHI'I BSAM GTAN GYIS BSDUS PA'I LAM MO, ,SLA BA YANG YAN LAG GIS YONGS SU ZIN PA DANG, ZHI GNAS DANG LHAG MTHONG DANG LDAN PA GNYIS KYIS 'BAD PA MED PAR 'BYUNG BA'I PHYIR RO, ,DGRA BCOM PA RNAMS KYI LAM DE NI KHAMS GSUM PA'I NYON MONGS PA THAMS CAD SPANGS PA'I PHYIR SLA BA MA YIN NO, ,PHAN PA DANG BDE BA'I PHYIR NI SLOB PA RNAMS KYI SLA BA'I LAM STE, PHAN PA'I PHYIR NI NYON MONGS PA'I GNYEN PO YIN PA'I PHYIR RO, ,BDE BA'I PHYIR NI DNGOS GZHI ZAG PA MED PA'I BSAM GTAN RTEN YIN PA'I PHYIR RO, ,SHING THAGS BTZUGS PA NI ZAB RING BA, LEGS PAR BTZUGS PA, SRA BA, BRTAN PA, MKHREGS PA DANG LDAN PA, MI G-YO BA MI 'CHAG PA YIN NO ZHES BYA BA NI MDO SDE'I DU MA BU YIN NO, ,SHUN PA MED PA DANG, KHOR NA LU MED PA'I PHYIR, SHUN PA MED PA'I PHYIR DANG, KHONG NA LU MED PA'I PHYIR RO, ,LU NI MI SRA BA'O, ,MI 'CHAG PA NI MI CHOG BA'I PHYIR TE ZHES BYA BA NI GCAG PAR MI NUS PA'I PHYIR TE ZHES BYA BA'I THA TSIG GO, ,GZHI DANG RANG BZHIN GYI KHYAD PAR DE GNYIS DANG ZHES BYA BA RGYAS PAR 'BYUNG BA NI DE GNYIS DANG STE, GZHI'I KHYAD PAR GYIS MI G-YO BA YIN LA RANG BZHIN GYI KHYAD PAR GYIS MI 'CHAG PA YIN TE, DE LTAR NA GO RIMS BZHIN YIN NO, ,DE LTAR NA DE DAG NI ZHES BYA BA RGYAS PAR 'BYUNG BA NI DE LTAR NA SHING THAGS DE DAG GO, ,RNAM PA GNYIS KYIS NI TSUL GNYIS KYIS TE, ZAB RING BA NYID KYI RNAM PA DANG, LEGS PAR BTZUGS PA NYID KYI RNAM PAS TE, ZAB RING BA, LEGS PAR BTZUGS PA ZHES GSUNGS PA'I PHYIR GZHI NYID DE, GZHIS PHUN SUM TSOGS PA NI GRONG KHYER LAS PHYI ROL PA DES DE LAS RGAL BAR 'DOD PA DE RNAMS KYIS GNAS MI TSUGS PAS NA PHYI ROL PA RNAMS KYIS GNAS MI THOD PA YIN NO, ,RNAM PA GSUM NI SRA BA NYID KYI RNAM PAS TE, SRA BA ZHES GSUNGS PA'I PHYIR DANG, BRTAN PA NYID KYI RNAM PAS TE, BRTAN PA ZHES GSUNGS PA'I PHYIR DANG, MKHREGS PA NYID KYI RNAM PAS TE, MKHREGS PA DANG LDAN ZHES GSUNGS PA'I PHYIR TE, RANG BZHIN @194A *, ,NYID KYIS PHUN SUM TSOGS PA NI PHYI ROL PA RNAMS KYIS GNAS MI THOD PA YIN NO, ,RNAM BA GNYIS KYIS NI MI G-YO BA NYID KYI RNAM PA DANG, MI 'CHAG PA NYID KYI RNAM BAS TE, MI G-YO BA ZHES GSUNGS PA'I PHYIR DANG, MI 'CHAG BA ZHES GSUNGS PA'I PHYIR DES BYAS PA'I PHAN YON GYIS TE, GZHI DANG RANG BZHIN GYI KHYAD PAR DE GNYIS KYIS BYAS PA'I PHAN YON NI DES BYAS PA'I PHAN YON TE, DES BYAS PA'I PHAN YON GYI PHYIR NA DES BYAS PA'I PHAN YON GYI PHYIR PHUN SUM TSOGS PA NI PHYI ROL PA RNAMS KYIS GNAS MI THOD PA YIN NO, ,RGYAS PAR GSUNGS NAS, DES LONGS SPYOD PA DANG, BRTZON 'GRUS KYIS THOB BA, LAG MTHUS BSGRUBS PA, RDUL ZHING DRI MA CHAGS CHAGS SU BSGRUBS PA, CHOS DANG LDAN ZHING CHOS KYIS THOB PA DE DAG GIS BDAG NYID DANG, PHA MA DANG, BU DANG, CHUNG MA DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG, GROGS PO DANG, BLON PO DANG, NYE DU DANG, SNAG GI GNYEN MTSAMS DAG LEGS PAR BDE BAR TSIM PAR BYED PA DANG DUS DUS SU DGE SPYONG DANG BRAM ZE RNAMS LA YON TSE PHYI MA LA 'GRO BA GONG MAR 'GYUR BA DANG, BSKAL BA BZANG POR 'GYUR BA DANG, RNAM PAR SMIN PA BDE BAR 'GYUR BA DANG, MTHO RIS 'GRUB PAR BYED PA 'BUL BAR BYED DO ZHES BYA BA 'DI NI MDO SDE'I DUM BU GNYIS PA YIN NO, ,DE LA ZHES RGYAS PAR 'BYUNG BA NI DE LA SPYOD PA DANG BRTZON 'GRUS KYIS THOB BA ZHES BYA BA NI SPYOD PAS THOB PA DANG, BRTZON 'GRUS KYIS THOB PA STE, GNYI GAS KYANG SEMS KYI RTZAL GYIS BSGRUBS PA NYID DU YONGS SU BSTAN PA YIN NO, ,SEMS KYI RTZAL GYI BRTZON 'GRUS NI SEMS KYI RTZAL TE, DES BSGRUBS PA DE'I DNGOS PO'O, ,DE YANG SNGAR NI 'DI DANG 'DI LTA BU ZHIG TU BYA'O ZHES NYE BAR SPYOD PAR BYED LA, PHYIS BYED PA'I TSE NI BRTZON 'GRUS RTZOM PAR BYED DO, ,BDE BA NI GSUM STE, GNYID KYI BDE BA DANG, GLOS 'BEBS PA'I BDE BA DANG, NYAL BA'I BDE BA'O, ,DE LA GNYID KYI BDE BA NI GNYID KYI BDE BA'O, ,GLOS 'BEBS PAS BDE BA NI GLOS 'BEBS PA'I BDE BA'O, ,NYAL BAS BDE BA NI NYAL BA'I BDE BA'O, ,GNYID KYI BDE BA'I GNYEN POR SPYOD PA PA ZHES BYA BA STON TO, ,GLOS 'BEBS PA DANG, NYAL @194B BA'I BDE BA GNYIS KYI GNYEN POR NI BRTZON 'GRUS KYIS THOB PA ZHES BYA BA BSTAN TO, ,DE LTAR NA GO RIMS BZHIN NO, ,JI LTAR THEG PA LA SOGS BA RNAMS KYI LONGS SPYOD DAG LUS KYI RTZAL GYIS BSGRUBS PA YIN YANG SHIN TU NGAL BAS BSGRUBS PA MA YIN PAS DE LAS KHYAD PAR DU BYA BA'I PHYIR RDUL CING DRI MA CHAGS CHAGS SU ZHES BYA BA GSUNGS TE GOS GOS SU DANG, 'DRES 'DRES SU DANG, PHOG PHOG TU'O, ,SANGS RGYAS LA SOGS PAR GTOGS PA NYID MA YIN PA'I PHYIR ZHES BYA BA NI SANGS RGYAS KYI MA YIN PA DANG, CHOS KYI MA YIN PA DANG, DGE 'DUN GYI MA YIN PA ZHES BYA BA'I THA TSIG GO, , BSKAL PA BZANG POR 'GYUR BA NI YON GANG LA 'BRAS BU BSKAL PA BZANG PO YOD PA DE NI BSKAL PA BZANG POR 'GYUR BA YIN NO, ,GZHAN YANG 'GRO BA GONG MAR 'GYUR BA DE NYID LHAG MAS TE BSKAL BA BZANG POR 'GYUR BA ZHES BYA BA DE LA SOGS PAS GSAL BAR BYED PA YIN NO, ,DGE SLONG DAG NGAS KHYED LA SKYES BU DAM PA'I 'GRO BA BDUN DAG DANG, LEN PA MED PAR MYA NGAN LAS 'DAS PA BSHAD PAR BYA'O, ,SKYES BU DAM PA'I 'GRO BA BDUN DAG GANG ZHE NA, DGE SLONG DAG 'DI LA DGE SLONG NI 'DI LTAR BDAG MA BYUNG YANG RUNG BDAG GI MA BYUNG YANG RUNG, BDAG MI 'BYUNG BAR 'GYUR RO, ,BDAG GI MI 'BYUNG BAR 'GYUR RO SNYAM DU ZHUGS PA YIN NO, ,DE DE LTAR NA GANG YOD PA DANG, GANG 'BYUNG BA DE SPANG NGO SNYAM DU BTANG SNYOMS 'THOB LA ZHES BYA BA NI MDO SDE'I DUM BU YIN NO, ,BDUN NYID NI MYA NGAN LAS 'DAS PA THOB PA'I DUS KYI DBYE BA LAS SO, ,JI LTAR BYAS PAS SHE NA, BAR MA DOR YONGS SU MYA NGAN LAS 'DA' BA LA RNAM PA GSUM GSUM DU DBYE BA'I PHYIR RO, ,BAR MA DOR YONGS SU MYA NGAN LAS 'DA' BA NI RE ZHIG DPE GSUM GYIS MYUR BA DANG, MYUR BA MA YIN PA DANG, YUN RING BAS YONGS SU MYA NGAN LAS 'DA' BA'I PHYIR RO, ,SKYES NAS YONGS SU MYA NGAN 'DA' BA LA YANG DPE GSUM GYIS SKYES PA DANG, MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I PHYIR RO, ,DE LTAR NA PHYIR MI 'ONG BA DE DAG DRUG DANG BDUN DANG GONG DU 'PHO BA YIN NO, ,DE LTAR NA MYA NGAN LAS 'DAS PA 'THOB PA'I DUS KYI DBYE BA LAS BDUN KHO NA YIN NO, ,DPE DE @195A *, ,DAG KYANG MOD SDE 'DI KHO NA LAS BLTA BAR BYA'O, ,CI'I PHYIR SKYES BU DAM PA'I 'GRO BA BDUN PO 'DI DAG KHO NAR ZAD KYI SLOB PA'I 'GRO BA GZHAN DAG MA YIN, GZHAN DE DAG KYANG SKYES BU DAM BA NI YIN TE, JI SKAD DU MDO LAS, DGE SLONG DAG SKYES BU DAM PA DANG, SKYES BU DAM PA'I 'GRO BA DAG BSHAD PAR BYA'O, ,SKYES BU DAM BA GANG ZHE NA, SLOB PA'I YANG DAG PA'I LTA BA DANG LDAN PA DANG ZHES RGYAS PAR GSUNGS PA LTA BU YIN TE, DE'I 'GRO BA RNAMS KYANG SKYES BU DAM PA'I 'GRO BA YIN NO ZHE NA, ,'DIR BSHAD PA, 'PHAGS BA MA YIN PA YANG ZHES BYA BA RGYAS PAR 'BYUNG BA NI 'PHAGS PA MA YIN PA YANG SRID PA BDUN DAG GIS YONGS SU MYA NGAN LAS 'DAS PA'I PHYIR RO, ,DE'I PHYIR 'BRAS BU DANG PO LA GNAS PA BKAG PA'O, ,LAN CIG PHYIR 'ONG BA ZHES BYA BA NI 'PHAGS PA MA YIN PA DE NYID RGYUD YONGS SU SMIN PAS 'DIR LAN CIG 'ONGS NAS YONGS SU MYA NGAN LAS 'DA' BA'I PHYIR RO, ,DE'I PHYIR 'BRAS BU GNYIS PA LA GNAS PA BKAG GO, ,JI LTAR GZUGS KYI KHAMS PHYIR MI 'ONG BA LTAR BAR MA DOR YONGS SU MYA NGAN LAS 'DA' BA YANG MA YIN, SKYES NAS YONGS SU MYA NGAN LAS 'DA' BA YANG MA YIN, MNGON PAR 'DU BYED PA DANG BCAS PAR YONGS SU MYA NGAN LAS 'DA' BA YANG MA YIN, MNGON PAR 'DU BYED PA MED PAR YONGS SU MYA NGAN LAS 'DA' BA YANG MA YIN, GONG DU 'PHO BA YANG MA YIN NO, ,DE'I PHYIR 'DI DAG KHO NA SKYES BU DAM PA'I 'GRO BA BDUN DAG YIN GYI, SLOB PA'I 'GRO BA GZHAN DAG NI MA YIN NO, ,MTSAN MA MED PA LA SBYOR BA ZHES BYA BA NI MTSAN MA MED PA'I TING NGE 'DZIN LA SBYOR BA'O, ,MTSAN MA MED PA'I TING NGE 'DZIN GANG YIN PA DE NI 'GOG PA'I RNAM PA BZHIN NO, ,SMON PA MED PA LA SBYOR BA ZHES BYA BA NI SMON PA MED PA'I TING NGE 'DZIN LA SBYOR BA DE YIN NO, ,SMON PA MED PA'I TING NGE 'DZIN GANG YIN PA DE NI MI RTAG PA LAS SOGS PA'I RNAM PA YIN NO, , RNAM GRANGS GZHAN YANG SMON PA DANG NGES PA'I DUS GNYIS SU ZHES BYA BA NI SMON PA'I DUS SU DANG, NGES PA'I DUS SU'O, ,DE LA SMON PA NI DON DU GNYER BA'O, ,SMON PA'I DUS NI BDAG MA BYUNG YANG RUNG, BDAG GI YANG SRID PA MA BYUNG YANG RUNG ZHES BYA BA YIN NO, ,NGES PA'I DUS NI BDAG MI 'BYUNG @195B BAR 'GYUR, ,BDAG GI LUS 'DI MI 'BYUNG BAR 'GYUR RO ZHES BYA BA YIN NO, ,DUS 'DI GNYIS SU MYA NGAN LAS 'DAS PA LA SEMS RAB TU 'JUG PAR BYED PA'I PHYIR TE, SEMS RAB TU GTOD PA'I PHYIR 'DI NI MTSAN MA MED PA LA SBYOR BA YIN NO, ,'DUS BYAS MI RTAG PA TZAM 'GOG PAR MTHONG BA'I PHYIR NI 'DUS BYAS MI RTAG PA TZAM ZHIG 'GOG PAR MTHONG BA'I PHYIR ZHES BYA BA'I THA TSIG GO, ,DGE SLONG DAG NGAS KHYED LA SKYES BU DAM PA'I 'GRO BA BDUN DANG, LEN PA MED PAR MYA NGAN LAS 'DAS BA BSHAD PAR BYA'O ZHES GANG GSUNGS PA DE LA, LEN PA MED PAR MYA NGAN LAS 'DAS PA NI MDO KHA CIG LAS NI PHUNG PO'I LHAG MA MED PAR YIN PAR 'BYUNG BA STE, DPER NA RNAM PAR GROL BA'I RGYUS LEN PA MED PAR YONGS SU MYA NGAN LAS 'DAS PA YIN NO ZHES 'BYUNG BA LTA BU'O, ,LEN PA MED PAR YONGS SU MYA NGAN LAS 'DAS PA 'DI LA RNAM PAR GROL BA'I RGYUS TE 'BYIN PAR BYED PA YOD PA DE NI RNAM PAR GROL BA'I RGYUS LEN PA MED PAR YONGS SU MYA NGAN LAS 'DAS PA YIN NO, ,KHA CIG LAS NI PHUNG PO'I LHAG MA DANG BCAS PA ZHES BYA BA RGYAS PAR 'BYUNG BA NAS 'DIR NI PHUNG PO'I LHAG MA MED PA LA BYA BAR MNGON TE ZHES BYA BA NI MDO 'DIR NI PHUNG PO'I LHAG MA MED PA LA LEN PA MED PAR MYA NGAN LAS 'DAS PA ZHES BYA BAR MNGON TE, PHUNG PO THAMS CAD YONGS SU ZAD PAS MYA NGAN LAS 'DAS PA GANG YIN PA DE LA BYA BAR MNGON TE ZHES BYA BA'I THA TSIG GO, ,JI LTAR MNGON ZHE NA, TSE PHYI MA'I 'GRO BA'I DBANG DU MDZAD PA'I PHYIR TE, GANG GI PHYIR SKYES BU DAM PA'I 'GRO BA BDUN DANG TSE PHYI MA STE, TSE RABS GZHAN GYI 'GRO BA'I DBANG DU MDZAD PA DE'I PHYIR, TSE PHYI MA'I 'GRO BA GANG YIN PA DE LEN PA MED PAR MYA NGAN LAS 'DAS PA ZHES BYA BAR GRUB BO, ,GZHAN YANG MDO SDE 'DI LAS SHAR PHYOGS SU 'GRO BAR MI SMRA ZHING ZHES BYA BA RGYAS PAR GSUNGS PA'I PHYIR RO, U,JI SKAD 'BYUNG ZHE NA, SHAR PHYOGS SU 'GRO BAR MI SMRA ZHING, LHO PHYOGS SU MA YIN, NUB PHYOGS SU MA YIN, BYANG PHYOGS SU MA YIN, STENG DU MA YIN, 'OG TU MA YIN, PHYOGS MTSAMS RNAMS SU MA YIN TE, GZHAN DU NA MTHONG BA'I CHOS LA DRI MA MED PA DANG, MYA NGAN LAS 'DAS PA DANG, ZHI BA DANG, BSIL BAR GYUR @196A *, ,PA DANG, TSANGS PAR GYUR PA YIN NO ZHES DE LTA BUR RGYAS PAR GSUNGS PA'I PHYIR 'DIR NI PHUNG PO'I LHAG MA MED PA LA BYA BAR MNGON TE ZHES BYA BAR GRUB BO, ,NGA'I NYAN THOS KYI DGE SLONG G-YO MED PA, SGYU MED PA, DRANG PO, DRANG PO'I RANG BZHIN CAN TSUR SHOG DANG, DE NI NGAS NANG PAR GDAMS NGAG PHOG NA NI NUB MO KHYAD PAR DU 'GYUR LA, NUB MO GDAMS NGAG PHOG NA NI NANG PAR KHYAD PAR DU 'GYUR, YOD PA LA YANG YOD PA NYID DANG, MED PA LA YANG MED PA NYID DANG, BLA MA DANG BCAS PA LA YANG BLA MA DANG BCAS PA NYID DANG, BLA NA MED PA LA YANG BLA NA MED PA NYID DU SHES PAR 'GYUR ZHES BYA BA NI MDO SDE'I DUM BU YIN NO, ,YOD PA LA YANG YOD PA NYID DU SHES PAR 'GYUR ZHES BYA BA NI 'DUS BYAS DANG 'DUS MA BYAS KYI DNGOS PO YOD PAR SHES PAR 'GYUR ZHES BYA BA'I THA TSIG GO, ,MED PA LA YANG MED PA NYID DU SHES PAR 'GYUR ZHES BYA BA NI MED PA NI BDAG GI RDZAS TE, 'DUS BYAS DANG 'DUS MA BYAS TE, BDAG GI MTSAN NYID DU MED PAS MED DO ZHES BYA BAR SHES PAR 'GYUR ZHES BYA BA'I THA TSIG GO, ,DE LTAR GANG GIS SHES PAR 'GYUR ZHE NA, STONG PA NYID KYI TING NGE 'DZIN GYIS SO, ,DE LTA DE LTAR SHES NAS YANG BLA MA DANG BCAS PA LA YANG BLA MA DANG BCAS PA NYID DU STE, BLA MA DANG BCAS PA DE NI 'DUS BYAS ZAG PA DANG BCAS PA DANG ZAG PA MED PA STE, MYA NGAN LAS 'DAS PA BLA MA GTZO BOS BLA MA DANG BCAS PA MA YIN PAR SMON PA MED PA'I TING NGE 'DZIN GYIS SHES PAR 'GYUR ZHES BYA BA'I THA TSIG GO, ,BLA NA MED PA LA YANG BLA NA MED PA NYID DU SHES PAR 'GYUR TE, BLA NA MED PA NI MYA NGAN LAS 'DAS PA STE, SDUG BSNGAL SPANGS PA'I PHYIR NA BLA NA MED PA YIN PAR MTSAN MA MED PA'I TING NGE 'DZIN GYIS SHES PAR 'GYUR ZHES BYA BA'I THA TSIG GO, ,JI LTAR NA STONG PA NYID LA SOGS PA'I TING NGE 'DZIN SHES PA'I NGO BO MA YIN PA RNAMS KYIS DE LTAR SHES PAR 'GYUR ZHE NA, STONG PA NYID LA SOGS PA'I TING NGE 'DZIN RNAMS KYIS DE LTAR SHES PA NI MA YIN TE, 'ON KYANG STONG PA NYID LA SOGS PA'I TING NGE 'DZIN LA BRTEN NAS SHES RAB KYIS SHES PAR 'GYUR PAS STONG PA NYID LA SOGS PA'I TING NGE 'DZIN DE RNAMS KYIS SHES ZHES THA SNYAD DU GDAGS TE, DE RNAMS GTZO BO NYID YIN PA'I PHYIR RO, , @196B DE DE LTAR SHES NAS SMON PA MED PAS NI BLA MA DANG BCAS PA LA YID SMON PAR MI BYED DO, ,MTSAN MA MED PAS NI BLA NA MED PA LA SMON PAR BYED PAS STONG PA NYID LA SOGS PA DE RNAMS KYI GO RIMS NI DE KHO NA'I PHYIR RO, ,DON 'DI NYID TSIGS SU BCAD PAS NYE BAR SBYAR BA NI, DE LA ZHES BYA BA RGYAS PAR 'BYUNG BA YIN NO, ,DE LA YOD PA LA NI YOD PAR SHES LA, MED PA LA NI MED PAR SHES SO, ,GANG GIS SHE NA, STONG PA NYID KYIS TE, DE GNYI GA STONG PA NYID KYI TING NGE 'DZIN GYIS SO ZHES BYA BA'I THA TSIG GO, ,DE NAS DE LTAR SHES NAS, GNYIS KYI BLA BCAS BLA MED RIG ,SMON PA MED PA DANG MTSAN MA MED PA GNYIS KYI BLA MA DANG BCAS PA DANG BLA NA MED PA NYID DU'O ZHES BYA BA'I THA TSIG GO, ,JI LTAR GANG YOD LA STE, 'DUS BYAS DANG, 'DUS MA BYAS PA'O, ,'DUS BYAS NI BLA MA DANG BCAS PA'O, ,'DUS MA BYAS PA NI BLA NA MED PA'O, ,DE NYID KYI PHYIR RO ZHES BYA BA NI GANG GI PHYIR SNGAR STONG PA NYID KYIS YOD PA LA YOD PA NYID DU DANG, MED PA LA MED PA NYID DU SHES PAR BYED DO, ,DE NAS MJUG THOGS SU GNYIS KYIS YOD PA LA BLA MA DANG BCAS PA DANG, BLA NA MED PAR SHES PAR BYED PA DE KHO NA'I PHYIR STONG PA NYID LA SOGS PA'I TING NGE 'DZIN RNAMS KYI STE, STONG PA NYID DANG SMON PA MED PA DANG MTSAN MA MED PA'I TING NGE 'DZIN RNAMS KYI GO RIMS BZHIN NO, ,GZHAN YANG SMRAS PA NI STONG PA NYID LA SOGS PA'I TING NGE 'DZIN DE RNAMS JI LTAR NA GNYEN PO NYID YIN PA DANG, JI LTAR NA GSUM YIN PA DANG GO RIMS JI LTA BU YIN PA'O, ,MDO SDE'I DUM BU'I TSIG RNAMS KYI DON NI BSHAD ZIN TO, ,GSUM PO DE'I GNYEN POR NI, ,STONG NYID LA SOGS TING 'DZIN RNAMS, ,ZHES BYA BA NI BDAG TU 'DZIN BA DANG, SRID PA LA SRED PA DANG, SRED PA ZAD PA MI 'DOD PA DE GSUM GYI GNYEN POR STONG PA NYID LA SOGS PA'I TING NGE 'DZIN RNAMS SO, ,GZHAN YANG MDO SDE'I DUM BU'I TSIG DE RNAMS LAS TING NGE 'DZIN GANG GIS GANG ZHIG JI LTAR RIG PAR BYA BA DANG, DE RNAMS GSUM NYID YIN PA DANG, ,GO RIMS JI LTA BU YIN PA DE SMRAS PA, ,GCIG GIS NI STONG PA NYID KYI TING NGE 'DZIN GYIS SO, ,YOD DANG MED PA RIG PA NI JI LTAR BSTAN PA LTA BU'O, ,GNYIS KYIS NI SMON PA MED PA @197A *, ,DANG, MTSAN MA MED PAS SO, ,YOD LA SKYON YOD RIG PA NI JI SKAD BSTAN MA THAG PA LTA BU'O, ,DE'I PHYIR NI RGYU'I PHYIR GSUM MO, ,DE DAG GI RIM PA NI SNGAR STONG PA NYID KYI TING NGE 'DZIN DE NAS SMON PA MED PA DANG, DE NAS MTSAN MA MED PA'O ZHES BYA BA NI SNGA MAS PHYI MA DRANGS TE, 'DI LTAR GO RIMS NI TING NGE 'DZIN SNGA MAS TING NGE 'DZIN PHYI MAS PHYI MAS PHYI MA DRANGS PAS SO, ,LUNG LAS NI MED DANG ZHES BYA BA RGYAS PAR 'BYUNG BAS NI MED PA'I DNGOS PO LA NI BDAG MED PA'I MTSAN NYID DE MED PA'I DNGOS PO DE LA'O, ,DE BZHIN ZHES BYA BA NI TSIG GI PHRAD DO, ,SKYON LDAN GYI DNGOS PO NI MI RTAG PA LA SOGS PA'I SKYON RNAMS KYIS SO, ,YON TAN LDAN DNGOS LA NI YON TAN DANG LDAN PA'I DNGOS PO NI MYA NGAN LAS 'DAS PA'O, ,DNGOS PO RNAM PA DE GSUM LA, YOD 'DZIN YON TAN LDAN 'DZIN DANG, ,YON TAN MI LDAN 'DZIN GZHOM PHYIR, ,GO RIMS BZHIN DU STONG PA NYID LA SOGS PA'I TING NGE 'DZIN RNAMS SO ZHES 'BYUNG BA NI MED PA'I DNGOS PO LA YOD PAR 'DZIN PA GZHOM PA'I PHYIR NI, STONG PA NYID KYI TING NGE 'DZIN TO, ,SKYON DANG LDAN PA'I DNGOS PO LA YON TAN DANG LDAN PAR 'DZIN PA GZHOM PA'I PHYIR NI SMON PA MED PA'I TING NGE 'DZIN TO, ,YON TAN DANG LDAN PA'I DNGOS PO LA YON TAN MA YIN PA DANG LDAN PAR 'DZIN PA GZHOM PA'I PHYIR NI MTSAN MA MED PA'I TING NGE 'DZIN TO,, ,,RNAM PAR BSHAD PA RIGS PA'I BSHAD PA, BAM PO DRUG PA, DGE SLONG DAG GANG GI PHYIR 'PHAGS PA NYAN THOS THOS PA DANG LDAN PAS 'JIG RTEN KUN 'BYUNG BA DANG, 'JIG RTEN 'GOG PA YANG DAG PA'I SHES RAB KYIS YANG DAG PA JI LTA BA BZHIN DU DE 'DI LTAR LEGS PAR MTHONG BA DANG, LEGS PAR RIG PA DANG, LEGS PAR YID LA BYAS PA DANG, LOGS PAR BSTEN PA DANG, LEGS PAR RTOGS PA YIN ZHES BYA BA NI MDO SDE'I DUM DU YIN NO, ,DGA' BA DANG BCAS PA YIN PA'I PHYIR RO, ,GANG GI PHYIR SHES RAB KYI DGA' BA DANG BCAS PA YIN PA DE'I PHYIR LEGS PAR BSTEN PA ZHES BYA STE, BSTEN PA'I SKAD KYI DBYINGS NI DGA' BA ZHES BYA BA YIN PAR 'DOD PA'I PHYIR RO, ,DON DAM PA LA 'JUG PHYIR RO, ,DON DAM PA BDAG MED PA NYID RTOGS PA'I PHYIR TE, 'DI LTAR MDO LAS, 'JIG @197B RTEN KUN 'BYUNG BA DANG, 'JIG RTEN 'GOG PA NI RTEN CING 'BREL PAR 'BYUNG BA YIN PAR BSTAN PAS SO, ,DGE SLONG DAG BZHI PO 'DI DAG NI YANG DAG PA'I SPONG BA DAG GO, ,BZHI GANG DAG CE NA, 'DI LA DGE SLONG SDIG PA MI DGE BA'I CHOS SKYES PA RNAMS SPANG BA'I PHYIR 'DUN PA SKYED PAR BYED, RTZOL BAR BYED, BRTZON 'GRUS RTZOM PAR BYED, SEMS RAB TU 'DZIN PAR BYED, RAB TU 'JOG PAR BYED DO, ,SDIG PA MI DGE BA'I CHOS MA SKYES PA RNAMS MI SKYE BA'I PHYIR SNGA MA BZHIN NO, ,DGE BA'I CHOS MA SKYES PA RNAMS SKYED PA'I PHYIR SNGA MA BZHIN NO, ,DGE BA'I CHOS SKYES PA RNAMS GNAS PA DANG, NYAMS PAR MI 'GYUR BA DANG, BSGOM PA YONGS SU RDZOGS PA DANG, PHYIR ZHING 'BYUNG BA DANG, 'PHEL ZHING RGYAS PA DANG, YE SHES KYIS MNGON SUM DU BYA BA'I PHYIR 'DUN PA SKYED PAR BYED CES RGYAS PAR 'BYUNG BA YIN NO, ,DE DAG GO RIMS BZHIN DU RIG PAR BYA'O ZHES BYA BA NI 'DUN PA LA SOGS PA LNGA PO'O, ,SPANG BA LA SOGS PAR 'DOD PA NYID KYI PHYIR ZHES BYA BA NI SDIG PA MI DGE BA'I CHOS SKYES PA RNAMS SPANG BAR 'DOD PA'I PHYIR 'DUN PA SKYED PAR BYED DO, ,DE DAG MA SKYES PA RNAMS MI SKYED PAR 'DOD PA'I PHYIR 'DUN PA SKYED PAR BYED DO, ,DE BZHIN DU DGE BA'I CHOS MA SKYES PA RNAMS SKYED PAR 'DOD PA'I PHYIR 'DUN PA SKYED PAR BYED DO, ,SKYES PA RNAMS GNAS PAR 'DOD PAS 'DUN PA SKYED PAR BYED DO, ,DE'I THABS YONGS SU GZUNG BA NYID KYI PHYIR ZHES BYA BA NI SPONG BA LA SOGS PA DE RNAMS KYI THABS YONGS SU BZUNG BA'I PHYIR RTZOL BAR BYED DO, ,DE LAN MANG DU BYA BA DANG, BRTAN POR BYA BA NYID KYI PHYIR ZHES BYA BA NI DE'I THABS YONGS SU BZUNG BA DE LAN MANG DU BYA BA DANG, BRTAN POR BYA BA STE, DE GNYIS KYI PHYIR NI DE LAN MANG DU BYA BA DANG, BRTAN POR BYA BA DE NYID KYI PHYIR BRTZON 'GRUS RTZOM PAR BYED DO, ,DE LA LAN MANG DU BYA BA NI RTAG TU BYA BA NYID DO, ,BRTAN POR BYA BA NI GUS PAR BYA BA NYID DO, ,ZHUM PA DANG RGOD PA'I GNYEN PO BSGOM PA NYID KYI PHYIR ZHES BYA BA NI ZHUM PA'I GNYEN PO BSGOM PA'I PHYIR SEMS RAB TU 'DZIN PAR BYED DO, ,RGOD PA'I GNYEN PO BSGOM PA'I PHYIR SEMS RAB TU 'JOG PAR BYED DO ZHES BYA BAR SBYAR RO, ,GZHAN YANG SPANG BA LA SOGS PAR 'DOD PA NYID KYI PHYIR ZHES BYA BA NI RNAM @198A *, ,GRANGS DANG PO DANG DON MTHUN NO, ,DE DAG LA SBYOR BA NYID KYI PHYIR ZHES BYA BA NI SPANG BA LA SOGS PA DE DAG LA SBYOR BA'I PHYIR RTZOL BAR BYED DO, ,RNAM GRANGS GZHAN 'DI YANG RNAM GRANGS SNGA MA DANG DON MTHUN NO, ,DE LA BRTZON PA'I ZHES BYA BA RGYAS PAR 'BYUNG BA NI SPANG BA LA SOGS PA DE DAG LA BRTZON PA'I LUS DANG SEMS DUB PAR BYED NA STE, LUS DUB PAR GYUR PA DANG, SEMS DUB PAR GYUR PA NA BRTZON 'GRUS RGYUN MI 'CHAD PA'I PHYIR BRTZON 'GRUS RTZOM PAR BYED DO, ,ZHI GNAS ZHES BYA BA RGYAS PAR 'BYUNG BA STE, ZHI GNAS KYIS NYE BA'I NYON MONGS PA SPANG BA'I PHYIR SEMS RAB TU 'DZIN PAR BYED DO, ,LHAG MTHONG GIS NYE BA'I NYON MONGS PA SPANG BA'I PHYIR RAB TU 'JOG PAR BYED DO, ,NYE BA'I NYON MONGS PA DE DAG GANG ZHE NA, ZHUM PA DANG RGOD PA GNYIS SO, ,GZHAN YANG ZHES BYA BA RGYAS PAR 'BYUNG BA NI RNAM GRANGS GZHAN YANG RTZOL BAR BYED PA NI SO SOR RTOGS PA'I DUS NA STE, SO SOR RTOG PA NI MI MTHUN PA'I PHYOGS DANG, GNYEN PO GNYIS DANG, NYES DMIGS DANG, PHAN YON LA LTA BA YIN PAR MDO LAS GSUNGS PA'I PHYIR TE, DGE SLONG DAG LE LO CAN NI SDUG BSNGAL BAR GNAS SHING SDIG PA MI DGE BA'I CHOS KUN NAS NYON MONGS PA CAN YANG 'BYUNG BAR RIMS NAD DANG SDUG BSNGAL GYI RNAM PAR SMIN PA DANG BCAS PA TSE PHYI MA LA SKYE BA DANG RGA SHI RNAMS DANG 'DRES PA YIN LA, DE'I DON CHEN PO YANG YONGS SU NYAMS PAR 'GYUR RO, ,BRTZON 'GRUS BRTZAMS PA NI SDIG PA MI DGE BA'I CHOS RGYAS PAR 'BYUNG BA RNAMS DANG MA 'DRES PA YIN NO ZHAS[?] 'BYUNG BA YIN NO, ,SGOM PA'I DUS NA TING NGE 'DZIN LA BRTEN PA NYID KYI PHYIR TE, JI LTAR NA DUS 'DI GNYIS SU 'DI GNYIS LA BRTEN PA'I PHYIR RTZOL BAR BYED PA YIN ZHE NA, SEMS ZHUM PA RAB TU BZUNG NAS NANG DU RAB TU 'JOG PA'I PHYIR NA DGE SLONG MA'I MDO SDE LAS 'BYUNG BA BZHIN NO, ,DGE SLONG MA'I MDO SDE LAS SHIN TU RGYAS PAR GSUNGS NAS, DE LUS LA LUS KYI RJES SU LTA ZHING GNAS PA NA LUS KYI RMUGS PA DANG, SEMS KYI ZHUM PA NYID DU 'BYUNG NA KUN DGA' BO DGE SLONG DES DANG BAR 'GYUR BA'I SDUG PA'I MTSAN MA 'GA' ZHIG YID LA BYA'O, ,DE DANG BAR 'GYUR BA'I SDUG PA'I MCHAN MA 'GA' @198B ZHIG YID LA BYED PA NA MCHOG TU DGA' BA NYID SKYE'O, ,MCHOG TU DGA' BA LAS DGA' BA SKYE'O ZHES RGYAS PAR 'BYUNG BA YIN NO, ,DE NAS GZHAN MU STEGS CAN KUN DU RGYU BA RAB TU MANG PO RTOG KHANG DU 'DUS TE 'KHOD PA DAG GTAM 'DI LTA BU DAG KUN DU RJOD PAR GYUR TO, ,SHES LDAN DAG 'ONG SRUNGS RDZOGS BYED 'DI NI 'DUS PA DANG LDAN PA, TSOGS DANG LDAN PA TSOGS KYI SLOB DPON SKYE BO MANG POS DGE BA'I RANG BZHIN DU KUN DU SHES PA, TSOGS CHEN POS MDUN GYIS BDAR BA'O ZHES BYA BA RGYAS PAR 'BYUNG BA NI MDO SDE'I DUM BU YIN NO, ,GO RIMS BZHIN NI NYAN PA PO'I TSOGS 'DUS PA NI 'DUS PA DANG LDAN PA STE, 'DI LA 'DUS PA YOD PAS SO, ,'KHOD PA STE, YUL GZHAN LA 'KHOD PA NI TSOGS DANG LDAN PA STE, 'DI LA TSOGS YOD PAS SO, ,DE RNAMS LA RANG GI BSTAN BCOS KYIS RJES SU STON PA'I PHYIR RO, ,NYAN PA PO DE RNAMS LA RANG GI BSTAN BCOS KYIS RJES SU STON PA'I PHYIR TE, 'DUL BA'I PHYIR TSOGS KYI SLOB DPON YIN NO, ,YID CHES PA PHUN SUM TSOGS PA NI KUN DU SGROGS PAR BYED PA MANG PO RNAMS KYIS RTOGS PA LA YID CHES PA NYID YIN PA'I PHYIR YIN GYI GZHAN DU NA BZO'I LAS LA NI MA YIN NO, ,'OD SRUNGS RDZOGS BYED JI LTA BA BZHIN DU KUN DU RGYU GANG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM SKRA'I LA BA CAN DANG, KA TYA'I BU NOG CAN DANG, GCER BU PA GNYEN GYI BU YANG DE BZHIN DU 'DUS PA DANG LDAN PA, CHOGS DANG LDAN PA, TSOGS KYI SLOB DPON ZHES BYA BA SNGA MA BZHIN NO, ,DMAG LDAN CHOS 'DI NI ZAB PA, ZAB PAR SNANG BA, MTHONG BAR DKA' BA, KHONG DU CHUD PAR DKA' BA, BRTAG MI NUS PA, RTOG GE'I SPYOD PA MA YIN PA, ZHIB MO BRTAG PA MKHAS PA DANG, MDZANGS PAS RIG PAR BYA BA YIN NO ZHES BYA BA NI MDO SDE'I DUM BU YIN NO, ,DE NAS BCOM LDAN 'DAS KYIS CHOS BDAG MED PA THUGS SU CHUD PA GANG YIN PA DE'I DBANG DU MDZAD PA'I PHYIR RO ZHES BYA BA NI DMAG LDAN GYI MDO DE LAS CHOS BDAG MED PA DE'I DBANG DU MDZAD PA NYID YIN PA'I PHYIR TE, SKABS DANG SBYAR BA'I PHYIR RO, ,JI LTAR NA DE LAS DE'I DBANG DU MDZAD PA YIN ZHE NA, RGYAS PAR GSUNGS NAS DMAG LDAN DE'I PHYIR KHYOD NYID LA DRIS, KHYOD @199A *, ,NYID KYIS JI LTAR BZOD PA DE LTAR LAN THOB SHIG ,DMAG LDAN JI SNYAM DU SEMS, KHYOD GZUGS DE BZHIN GSHEGS PA YIN PAR YANG DAG PAR RJES SU LTA'AM, KYE GOO TA MA MA LAGS SO, ,KHYOD TSOR BA DANG 'DU SHES DANG 'DU BYED RNAMS DANG, RNAM PAR SHES PA DE BZHIN GSHEGS PA YIN PAR YANG DAG PAR RJES SU LTA'AM, KYE GOO TA MA MA LAGS SO, ,DMAG LDAN KHYOD JI SNYAM DU SEMS, KHYOD GZUGS LA DE BZHIN GSHEGS PA YOD PAR YANG DAG PAR RJES SU LTA'AM, KYE GOO TA MA MA LAGS SO, ,KHYOD TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA DE BZHIN GSHEGS PA YOD PAR YANG DAG PAR RJES SU LTA'AM, KYEE GOO TA MA MA LAGS SO, ,KHYOD GZUGS LAS GZHAN DANG, TSOR BA LAS GZHAN DANG, 'DU SHES LAS GZHAN DANG, 'DU BYED RNAMS LAS GZHAN DANG, RNAM PAR SHES PA LAS GZHAN PA ZHIG NA DE BZHIN GSHEGS PA YOD PAR YANG DAG PAR RJES SU LTA'AM, KYE GOO TA MA MA LAGS SO, ,KHYOD GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RNAMS LA DE BZHIN GSHEGS PA YOD PAR YANG DAG PAR RJES SU LTA'AM, KYE GOO TA MA MA LAGS SO, ,'O NA DE BZHIN GSHEGS PA DE 'DI LTAR YIN NAM, KHYOD GZUGS MED PA, TSOR BA MED PA, 'DU SHES MED PA, 'DU BYED MED PA, RNAM PAR SHES PA MED PA ZHIG DE BZHIN GSHEGS PA YIN PAR YANG DAG PAR RJES SU LTA'AM, KYE GOO TA MA MA LAGS SO ZHES 'BYUNG BAS SO, ,STON PA NA RTOG GE'I SPYOD PA MA YIN TE ZHES BYA BA NI CHOS BDAG MED PA DE STON PA NA RTOG GE'I SPYOD PA MA YIN TE, DES NA KHONG DU CHUD PAR DKA' BA YIN NO, ,CI'I PHYIR RTOG GE'I SPYOD PA MA YIN ZHE NA, DE NI RTOG GE'I LA MA GRAGS PA ZHES BYA BA NYID YIN PA'I PHYIR RO, ,'DI LTAR DE NI RTOG GE'I BSTAN BCOS 'GA' LA YANG MA GRAGS PA YIN TE, CHOS BDAG MED PA DE MA BSTAN TO ZHES BYA BA'I THA TSIG GO, ,DON DAM PAR MTHONG BAR DKA' BA NYID KYI PHYIR ZAB PA'O ZHES BYA BA NI 'JIG RTEN LAS 'DAS PA'I YE SHES DAM PA'I DON TE, YUL YIN PAS DON DAM PA'O, ,DER MTHONG BAR DKA' BA NYID KYI PHYIR ZAB PA'O, ,KUN RDZOB KYI @199B DON DU ZHES BYA BA RGYAS PAR 'BYUNG BA NI KUN RDZOB STE, BSTAN PA'I DON NI KUN RDZOB KYI DON TE, DON GANG ZHIG KUN RDZOB KYI KHONG DU CHUD PAR BYA'O, ,KUN RDZOB KYI DON DAM PA'I YE SHES DANG MTHUN PA DE LTA BUR KHONG DU CHUD PAR DKA' BA NYID KYI PHYIR ZAB BAR SNANG BA'O, ,DON DAM PAR BRTAG PAR MI NUS PA NYID KYI PHYIR MTHONG BAR DKA' BA STE, YE SHES DAM PA'I DON GANG YIN PA DER BRTAG PAR MI NUS PA NYID KYI PHYIR MTHONG BAR DKA' BA'O, ,DE BZHIN DU KUN RDZOB KYI DON DU RTOG GE'I SPYOD YUL MA YIN PA NYID KYI PHYIR KHONG DU CHUD PAR DKA' BA'O, ,CI'I PHYIR ZHE NA, BDAG MED PA BSTAN PA'I CHOS DE NI RTOG GE LA RGYU BA MA YIN PA'I PHYIR RO, ,CI'I PHYIR RTOG GE LA RGYU BA MA YIN ZHE NA, DON DAM PA'I DBANG DU MDZAD PA STE, GANG GI PHYIR MDO SDE 'DI LAS DON DAM PA'I DBANG DU MDZAD PA YIN TE, DMAG LDAN DE'I PHYIR KHYOD NYID LA DRIS ZHES RGYAS PAR 'BYUNG BAS SO, ,DE LTAR NA JI LTAR NA ZAB PA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA, JI LTAR NA ZAB PA STE, RNAM PA GANG LTAR CHOS BDAG MED PA DE ZAB PA DANG, JI LTAR NA ZAB PAR SNANG BA DE TSIG GNYIS KYIS YONGS SU BSTAN PA NI MTHONG BAR DKA' BA DANG, KHONG DU CHUD PAR DKA' BA ZHES BYA BA DANG GO RIMS BZHIN NO, ,RGYU GANG GIS MTHONG BAR DKA' BA DANG, KHONG DU CHUD PAR DKA' BA DE YANG BRTAG PAR MI NUS PA DANG, RTOG GE'I SPYOD PA MA YIN PA ZHES BYA BA TSIG GNYIS KYIS BSTAN TO, ,DE KHO NA'I DON LA 'JUG PA NYID DANG, DE RNAMS KYI DON MTHA' DAG LA 'JUG PA NYID KYANG JI LTA BA BZHIN DANG, JI SNYED YOD PA NYID CAN GYI RGYUS SO ZHES BYA BA NI JI LTA BA BZHIN YOD PA NYID CAN GYI RGYUS DANG, JI SNYED YOD PA NYID CAN GYI RGYUS TE GO RIMS BZHIN NO, ,DE GNYIS KYANG ZHES BYA BA RGYAS PAR 'BYUNG BA NI ZHIB MO DANG, BRTAG PA DE GNYIS KYANG RNAM PA GNYIS TE, MKHAS PA RNAMS TE, SO SO'I SKYE BO GANG DAG SNGON BLO YONGS SU SMIN PAR BYAS PA SKYE BAS THOB PA DON DE GNYI GA LA 'JUG NUS PA STE, DE KHO NA'I DON LA 'JUG NUS PA DANG, DON MTHA' DAG LA 'JUG NUS PA'I SHES RAB DANG LDAN PA STE, GO RIMS BZHIN NO, ,ZHIB MO DANG, BRTAG PA DE GNYIS NI MDZANGS PA RNAMS KYANG YIN TE, BDEN PA MTHONG BA RNAMS SO, ,JI LTAR NA DE DAG MDZANGS PA @200A *, ,NYID YIN ZHE NA, DE RNAMS NI ZHES BYA BA RGYAS PAR SMOS TE, BDEN PA MTHONG BA DE RNAMS NI DE GNYI GA'I DON LA ZHUGS PA'I SHES PA CAN NYID YIN PA'I PHYIR TE, DE GNYIS KA'I DON PHRA BA DANG MTHA' DAG LA ZHUGS PA'I SHES PA CAN NYID YIN PA'I PHYIR MDZANGS PA RNAMS SO,, DE BZHIN GSHEGS PAS PHAN YON BCU GZIGS NAS 'DUL BA LA NYAN THOS RNAMS KYI BSLAB PA'I GZHI 'CHA' BAR MDZAD DO, ,BCU GANG ZHE NA, 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR BYA BA'I PHYIR DANG, MNGON PAR MA DAD PA RNAMS DAD PAR BYA BA'I PHYIR DANG, MNGON PAR DAD PA RNAMS PHYIR ZHING 'BYUNG BAR BYA BA'I PHYIR DANG, GANG ZAG GNOD MI BKUR BA RNAMS TSAR GCOD PA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR DANG, MTHONG BA'I CHOS KYI ZAG PA RNAMS BSDAM PA'I PHYIR DANG, TSE RABS PHYI MA'I ZAG PA RNAMS BZLOG PA'I PHYIR DANG, TSANGS PAR SPYOD PA RJES SU GZUNG BA'I PHYIR DANG, TSANGS PAR SPYOD PA YUN RING DU GNAS PAR BYA BA'I PHYIR TE, DA'I TSANGS PAR SPYOD PA YUN RING DU GNAS PAR 'GYUR BA DANG, SKYE BO MANG PO LA PHAN PA DANG RGYAS PA DANG LHA DANG MI RNAMS KYI BAR DAG LA YANG DAG PAR LEGS BAR RAB TU BSTAN PA'O ZHES BYA BA NI MDO SDE'I DUM BU YIN NO, ,YANG DAG PAR BLANG BA DANG, RJES SU BSRUNG BA DANG, SOR GZHUG PA RNAMS NI SLOB PA YIN NO, ,DE LA YANG DAG PAR BLANG BA NI RANG BZHIN GYI KHA NA MA THO BA DANG BCAS PA DANG, BCAS PA'I KHA NA MA THO BA DANG BCAS PA SROG GCOD PA SPANG BA LA SOGS PA BLANG BA'O, ,YANG DAG PAR BLANG BA RNAMS NI RJES SU BSRUNG BA'O, ,RAL PA RNAMS SOR GZHUG PA NI MTHOL BA'O, ,BSLAB PAS NA BSLAB PA STE SGRUB PA YIN NO, ,BYA BA MA YIN PA DANG ZHES BYA BA NI RGYAS PAR 'BYUNG BA NI BYA BA MA YIN PA DANG, BYA BA YANG DAG PAR BLANG BAR BYA BA NI BSLAB PA'I GZHI YIN NO, ,DE LA BYA BA MA YIN PA NI RANG BZHIN GYI KHA NA MA THOB BA DANG BCAS PA RNAMS DANG BCAS PA'I KHA NA MA THO BA DANG BCAS PA RNAMS SO, ,BYA BA NI KUN DU SPYAD PAR BYA BA'I CHOS GOS GSUM BGO BA LA SOGS PA RNAMS SO, ,BYA BA DANG BYA BA MA YIN PA RJES SU BSRUNG BAR BYA BA YANG @200B BSLAB PA'I GZHI'O, ,BYA BA DANG BYA BA MA YIN PA SOR GZHUG PAR BYA BA YANG BSLAB PA'I GZHI YIN NO, ,BSLAB PA DAG GI GZHI NI BSLAB PA'I GZHI STE, BSLAB PA'I RTEN CES BYA BA'I THA TSIG GO, ,GZHAN YANG ZHES BYA BA RGYAS PAR 'BYUNG BA NI SPANG BA DANG, BLANG BA DANG, SO SOR BSHAGS PA DANG, NYIN MTSAN DU SLOB PA NI SPANG BA DANG, BLANG BA DANG, SO SOR BSHAGS PA DANG, NYIN MTSAN DU SLOB PA NI BSLAB PA YIN TE, SGRA GCAN ZIN GYI MDO SDE LAS BYUNG BA BZHIN NO, ,JI SKAD 'BYUNG ZHE NA, RGYAS PAR GSUNGS NAS, SGRA GCAN ZIN GAL TE KHYOD DE LTAR SO SOR RTOG PA NI LUS KYI LAS 'DI BDAG DANG GZHAN LA GNOD PA DANG LDAN PA MI DGE BA SDUG BSNGAL 'BYUNG BA, SDUG BSNGAL RNAM PAR SMIN PA CAN YIN PAR SHES NA, SGRA GCAN ZIN KHYOD KYIS LUS 'DI LAS DE SPANGS SHIG ,SGRA GCAN ZIN GAL TE KHYOD DE LTAR SO SOR RTOG PA NA BDAG GIS LUS KYI LAS BYA BAR GANG BSAMS PA'I LUS KYI LAS DE BDAG DANG GZHAN LA MI GNOD PA CAN YIN NA LONG SHIG CES 'BYUNG BA NI SPANG BA DANG BLANG BA'O, ,SO SOR BSHAGS PA YANG RGYAS PAR GSUNGS NAS SGRA GCAN ZIN KHYOD KYIS LUS KYI LAS DE STON PA DANG, TSANGS BA MTSUNGS PAR SPYOD PA MKHAS PA RNAMS LA SO SOR BSHAGS PAR BYA ZHING PHYIN CHAD BSDAM PAR BYA'O ZHES 'BYUNG BA DANG, NYIN MTSAN DU SLOB PA YANG RGYAS PAR GSUNGS NAS SGRA GCAN ZIN GAL TE, KHYOD DRAN PA DANG, SHES BZHIN GYIS DGA' BA DANG, MCHOG TU DGA' BA DE KHO NAS NYIN MTSAN DU SLOB PA LA LAN MANG DU GNAS BAR BYA'O ZHES 'BYUNG BA YIN NO, ,TSUL KHRIMS KYI YAN LAG RNAMS TE, ,SROG GCOD PA SPONG BA LA SOGS PA RNAMS NI BSLAB PA'I GZHI YIN NO, ,BSLAB PA NYID GZHI YIN TE, BSLAB PA 'DOD PA RNAMS KHYAD PAR DU 'GYUR BA'I PHYIR RO ZHES BYA BA NI MYA NGAN LAS 'DAS PA'I BAR DU THOB PA'I PHYIR RO ZHES BYA BA'I THA TSIG GO, ,BSLAB PA MTHUN PA NYID KYIS NI GCIG GIS GCIG BSDUS PA YIN NO, ,DE'I PHYIR DE BZHIN GSHEGS PAS NYAN THOS RNAMS KYI BSLAB PA'I GZHI 'CHA' BAR MDZAD DO, ,DGE 'DUN LEGS PAR BYA BA'I PHYIR NI DGE 'DUN LEGS PAR BYA BA'I CHED DU'O, ,DON GANG GIS SHE NA, MDZES PA NYID KYIS SO, ,DGE 'DUN @201A *, ,BDE BAR BYA BA'I PHYIR NI DGE 'DUN BDE BAR BYA BA'I CHED DU'O, ,DON GANG GIS SHE NA, YANG DAG PAR BLANG BA SGRUB PAS MCHOG TU DGA' BA MANG BA NYID KYIS SO, ,YANG DAG BAR BLANG BA SGRUB PA DES MCHOG TU DGA' BA NI YANG DAG PAR BLANG BA SGRUB PAS MCHOG TU DGA' BA STE, DE MANG BA NYID NI YANG DAG PAR BLANG BA SGRUB PAS MCHOG TU DGA' BA MANG BA NYID DE, ,PHYIR ZHING 'BYUNG BAR BYA BA'I PHYIR ZHES BYA BA NI PHYIR ZHING SKYE BA NYID YIN PAS PHYIR ZHING 'BYUNG BA STE, 'PHEL BA ZHES BYA BA'I THA TSIG GO, ,DE BYA BA'I PHYIR NA PHYIR ZHING 'BYUNG BAR BYA BA'I PHYIR RO, ,DE NYID KYIS DE 'PHEL PAR BYED PA NYID KYIS SO ZHES BYA BA NI MDZES PA DE NYID KYIS DE 'PHEL BAR BYED PA DE NYID KYIS TE, DAD PA 'PHEL BAR BYED PA NYID KYIS SO, ,GANG ZAG GNONG MI BKUR BA ZHES BYA BA RGYAS PAR 'BYUNG BA NI GANG ZAG GNOD MI BKUR BA STE, NGO TSA MI SHES PA RNAMS TSAR BCAD PA'I PHYIR RO, ,DON GANG GIS SHE NA, BSLAB PA LAS 'DA' BAS MI 'DZEM PA RNAMS TE, BSLAB PA MI 'DOD PA RNAMS GNAS NAS DBYUNG BA DANG BSKRAD PA NYID KYIS SO, ,GANG DAG BSLAB PA LAS 'DA' BAS 'DZEM PAR MI BYED PA DE RNAMS NI BSLAB PA LAS 'DA' BAS MI 'DZEM PA RNAMS TE, BSLAB PA MI 'DOD PA RNAMS GNAS NAS DBYUNG BA NYID KYIS DANG, BSKRAD PA NYID KYIS SO, ,NYES PAR BYED PA DE KHA CIG NI DGE 'DUN GYI NANG NAS GNAS NAS DBYUNG NGO, ,KHA CIG NI BSKRAD PAR BYA'O, ,NGO TSA SHES PA RNAMS BDE BAR GNAS PAR BYA BA'I PHYIR NI NGO TSA SHES PA RNAMS BDE BAR GNAS PAR BYA BA'I CHED DU'O, ,DON GANG GIS SHE NA, BSLAB PA 'DOD PA RNAMS TSUL KHRIMS MTSUNGS PA NYID KYIS TE, TSUL KHRIMS 'DRA BA NYID KYIS BSKYOD PA MED PAR 'GROGS NA BDE BA NYID KYIS SO, ,BSKYOD PA MED PA RNAMS 'GROGS NA BDE BA NYID KYIS DE BZHIN GSHEGS PA NYAN THOS RNAMS KYI BSLAB PA'I GZHI 'CHA' BAR MDZAD DE ZHES BYA BAR SKABS DANG SBYAR RO, ,BSDAM PA'I PHYIR NI BZLOG PA'I PHYIR RO, ,DA LTAR BYUNG BA'I ZHES BYA BA NI MTHONG BA'I CHOS KYI ZHES BYA BA'I THA TSIG GO, ,GANG RNAM PA ZHES BYA BA NI ZAG PA RNAMS SO, ,TSE RABS PHYI MA'I ZHES BYA BA NI MA 'ONGS PA STE, TSE RABS GZHAN GYI ZHES BYA BA'I THA TSIG @201B GO, ,GANG DAG LA ZHES BYA BA NI ZAG PA DAG LA ZHES BYA BA'I THA TSIG GO, ,TSANGS PAR SPYOD PA RJES SU GZUNG BA'I PHYIR DANG, TSANGS PAR SPYOD PA YUN RING DU GNAS PAR BYA BA'I PHYIR TE ZHES BYA BA PHAN YON BCU'I TSIG GNYIS PO 'DI'I RNAM PAR BSHAD PA NI NGA'I TSANGS PAR SPYOD PA YUN RING DU GNAS PAR 'GYUR BA ZHES BYA BA 'DI YIN NO, ,JI LTAR NA YUN RING DU GNAS PAR 'GYUR ZHE NA, TSANGS PAR SPYOD PA BRDA CAN DANG, DON DAM PA PA'I RJES SU 'JUG PAS SO, ,DE LA TSANGS PAR SPYOD PA BRDA CAN NI 'KHRIG PA'I CHOS LAS LDOG PA'O, ,BRDA CAN NI THA SNYAD CAN ZHES BYA BA'I THA TSIG STE, DE'I RJES SU 'JUG PAS DANG, TSANGS PAR SPYOD PA DON DAM PA'I RJES SU 'JUG PAS SO, ,TSANGS PAR SPYOD PA DON DAM PAR NI 'PHAGS PA'I LAM YAN LAG BRGYAD DO, ,JI LTAR NA DE'I RJES SU 'JUG PA YIN ZHE NA, RAB TU BYUNG BA DANG, RTOGS PA BRGYUD PA GNYIS KYIS SO, ,RAB TU BYUNG BA BRGYUD PA DANG, RTOGS PA BRGYUD PAS SO, ,DE RNAMS LAS GCIG NI ZHES BYA BA RGYAS PAR 'BYUNG BA NI PHAN YON BCU PO DE RNAMS LAS DGE 'DUN BSDU BA'I PHYIR ZHES BYA BA PHAN YON GCIG PO 'DI NI BSTAN PA MI BYED PAR BYA BA'I DBANG DU MDZAD NAS YIN NO, ,DGE 'DUN LEGS PAR BYA BA'I PHYIR ZHES BYA BA GCIG PO 'DI NI KHA NA MA THOB MED PA NYID KYI DBANG DU MDZAD NAS SO, ,DGE 'DUN BDE BAR BYA BA'I PHYIR ZHES BYA BA GCIG PO 'DI NI RGYU PHUN SUM TSOGS PA'I DBANG DU MDZAD NAS TE, RGYU PHUN SUM TSOGS PA'I CHED DU MDZAD NAS ZHES BYA BA'I THA TSIG GO, ,JI LTAR BYAS PAS SHE NA, MDO LAS TSUL KHRIMS DANG LDAN PA NI YID LA GCAGS PA MED PAS YIN NO, ,YID LA GCAGS PA MED NA MCHOG TU DGA' BA SKYE'O, ,MCHOG TU DGA' NA DGA' BA SKYE'O, ,YID DGA' NA LUS SHIN TU SBYANGS PAR 'GYUR RO, ,LUS SHIN TU SBYANGS NA BDE BA MYONG NGO, ,SEMS BDE NA MNYAM PAR 'JOG PAR 'GYUR RO, ,SEMS MNYAM PAR BZHAG NAS YANG DAG PA JI LTA BA BZHIN DU RAB TU SHES PA YIN NO ZHES GSUNGS PA YIN NO, ,GNYIS NI ZANG ZING GI LONGS SPYOD PHUN SUM TSOGS PA'I DBANG DU MDZAD NAS SO, ,GNYIS PO GANG DAG CE NA, MNGON PAR MA DAD PA RNAMS DAD PAR BYA BA'I PHYIR DANG MNGON PAR DAD PA RNAMS PHYIR @202A *, ,ZHING 'BYUNG BAR BYA BA'I PHYIR ZHES BYA BA 'DI GNYIS TE, KHYIM PA DE DAG NI DE RNAMS LA SEMS DANG BAS DE RNAMS LA BKUR STI BYED DO, ,GNYIS NI CHOS KYI LONGS SPYOD PHUN SUM TSOGS PA'I DBANG DU MDZAD NAS SO, ,GNYIS PO GANG DAG CE NA, ,GANG ZAG GNONG MI BKUR BA RNAMS TSAR GCAD PA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR ZHES BYA BA 'DI GNYIS SO, ,DE RNAMS NI BSLAB PA LAS 'DAS PAS MI 'DZEM PA RNAMS TE, BSLAB PA MI 'DOD PA RNAMS GNAS NAS DBYUNG BA DANG, BSKRAD PA NYID KYIS YIN LA, BSLAB PA 'DOD PA RNAMS NI TSUL KHRIMS MTSUNGS PA NYID KYIS BSKYOD PA MED PAR 'GROGS NA BDE BA NYID KYIS CHOS KYI LONGS SPYOD NYAMS SU MYONG BAR 'GYUR RO, ,GNYIS NI MYA NGAN LAS 'DAS PA THOB PA PHUN SUM TSOGS PA'I DBANG DU MDZAD NAS TE, MYA NGAN LAS 'DAS PAR PHYIN PA'I DBANG DU MDZAD NAS ZHES BYA BA'I THA TSIG GO, ,GNYIS PO GANG DAG CE NA, MTHONG BA'I CHOS KYI ZAG PA RNAMS BSDAM PAR BYA BA'I PHYIR DANG, TSE RABS PHYI MA'I ZAG PA RNAMS BZLOG PA'I PHYIR ZHES BYA BA 'DI GNYIS SO, ,DE RNAMS NI DE'I GNYEN POR GNAS PA NA MYUR DU YONGS SU MYANG NA LAS 'DA' BAR BYED DO, PHAN YON GCIG NI BSTAN PA'I DON CHE BA NYID PHUN SUM TSOGS PA'I DBANG DU MDZAD NAS SO, ,GANG ZHE NA, TSANGS PAR SPYOD PA RJES SU GZUNG BA'I PHYIR DANG, TSANGS PAR SPYOD PA YUN RING DU GNAS PAR BYA BA'I PHYIR TE ZHES BYA BA 'DIS TE, BSTAN PA'I DON CHE BA NYID KYI PHYIR DU MDZAD NAS BCA' BA MDZAD DO, ,JI LTAR NA DE'I DON CHE BA NYID YIN ZHE NA, RAB TU BYUNG BA DANG, RTOGS PA BRGYUD PA GNYIS KYIS SO, ,SKYE BO MANG PO LA PHAN PA NI SKYE BO MANG PO LA BRTEN PAS SO, ,RGYAS PA NI RGYA CHE BA'O, ,LHA DANG MI RNAMS KYI BAR DAG LA ZHES BYA BA NI MI RNAMS 'BA' ZHIG LA MA YIN PA'O, ,DGE SLONG DGRA BCOM PA ZAG PA ZAD PA'I SDUG BSNGAL GANG YIN PA DE 'GAGS PA DANG, DE NYE BAR ZHI BA DANG, DE BSIL BAR GYUR PA DANG, DE NUB PA ZHES BYA BA NI MDO SDE'I DUM BU YIN NO, ,YANG 'BYUNG BA PA ZHES BYA BA NI YANG 'BYUNG BA LA YOD PAS YANG 'BYUNG BA PA'O, ,'JIG RTEN PA'I 'GOG PA LAS @202B KHYAD PAR DU BYA BA'I PHYIR NYE BAR ZHI BA SMOS PA NI 'JIG RTEN PA'I 'DOD CHAGS DANG BRAL BA RNAMS LA NI YANG 'BYUNG BA'I SDUG BSNGAL 'GOG PA YOD PA DANG, DE GTAN DU MI SKYE BA'I CHOS NYID MA YIN NO, ,DE'I PHYIR DE LAS KHYAD PAR DU BYA BA'I CHOS NYID MA YIN NO, ,DE'I PHYIR DE LAS KHYAD PAR DU BYA BA'I PA ZHES BYA BA'I 'GOG PA SMOS PAR MI BYA'O ZHE NA, BSRABS PA'I DNGOS PO NYE BAR ZHI BA LAS KHYAD PAR DU BYA BA'I PHYIR 'GOG PA SMOS PA NI SDUG BSNGAL BSRABS PAR GYUR PA LA YANG NYE BAR ZHI BA ZHES BYA BAS SO, ,NYON MONGS PA'I BAG LA NYAL GYI DROD DANG BRAL BA'I PHYIR NA ZHES BYA BA NI, NYON MONGS PA'I BAG LA NYAL NYID DROD YIN PAS, NYON MONGS PA'I BAG LA NYAL GYI DROD YIN TE, DE DANG BRAL BA NI NYON MONGS PA'I BAG LA NYAL GYI DROD DANG BRAL BA STE DE'I PHYIR NA'O, ,BUM PA'I GYO MO TSA BA BSIL BAR GYUR PA BZHIN NO, ,JI LTAR BUM PA'I GYO MO TSA BA DROD DANG BRAL NA BSIL BAR GYUR PA ZHES BYA BA DE BZHIN NO,, BAG LA NYAL LUS PA'I PHYIR RO ZHES BYA BA NI NYON MONGS PA'I SA BON LUS PA'I PHYIR RO ZHES BYA BA'I THA TSIG GO, ,DGRA BCOM PA'I NI DE LAS BZLOG PA'I PHYIR NYE BAR ZHI BA YIN TE, PHYIS MI SKYE BA'I CHOS NYID YIN PA'I PHYIR RO, ,BSIL BAR GYUR PA YIN TE, BAG LA NYAL SPANGS PA'I PHYIR RO, ,NUB PA YIN TE, SA GONG MA PA'I SDUG BSNGAL 'GAGS PA'I PHYIR RO, ,DE'I RNAM PA DANG MTHUN PAR ZHES BYA BA RGYAS PAR 'BYUNG BA NI 'PHAGS PA RNAMS KYI SDUG BSNGAL 'GOG PA DE'I RNAM PA ZHI BA LA SOGS PA NI DE'I RNAM PA RNAMS SO, ,DE'I RNAM PA DANG MTHUN PA STE, RJES SU MTHUN PA DER NI DE'I RNAM PA DANG RJES SU MTHUN PAR RO, ,DGRA BCOM PA'I SDUG BSNGAL 'GAGS PA DANG, NUB PA ZHES BYA BA'I BAR YIN PAR BSTAN PA NI DE LA 'GAGS PA ZHES BYA BA NI 'GOG PA'I RNAM PA'O, ,NYE BAR ZHI BA ZHES BYA BA NI ZHI BA'I RNAM PA'O, ,BSIL BAR 'GYUR BA ZHES BYA BA NI GYA NOM PA'I RNAM PA'O, ,NUB PA ZHES BYA BA NI NGES PAR 'BYUNG BA'I RNAM PA STE, DE LTAR NA DE DANG RJES SU MTHUN PAR BSTAN TO, ,BRAM ZE NI 'DI LTA STE, SOM NYI MED CING, 'GYOD PA CHAD PA DANG, 'BYUNG BA DANG 'JIG PA LA SRED PA DANG BRAL BA DANG, CHAGS PA RGYAS PAR MI 'GYUR BA YIN NO ZHES BYA BA NI MDO SDE'I DUM BU YIN @203A *, ,NO, ,YE SHES DANG SPANGS PA PHUN SUM TSOGS PAS BSTAN PA NI YE SHES PHUN SUM TSOGS PA DANG, SPANGS PA PHUN SUM TSOGS PAS DON DAM PA'I BRAM ZE'I MTSAN NYID BSTAN TO, ,DE LA YE SHES PHUN SUM TSOGS PAS NI DON DAM PA DANG, RANG GIS THOB PA LA SOM NYI MED PA'I PHYIR RO ZHES BYA BA NI DON DAM PA SDUG BSNGAL LA SOGS PA'I BDEN PA RNAMS LA THE TSOM DANG BA'I PHYIR DANG RANG GIS THOB PA RGYUN DU ZHUGS PA LA SOGS PA'I 'BRAS BU LA CI BDAG GIS 'BRAS BU DE THOB PA MA 'THOB SNYAM DU DE LTAR THE TSOM MED PA'I PHYIR RO, ,LHAG MAS NI SPANGS PA PHUN SUM TSOGS PA STE, LHAG MA GANG GIS SHE NA, 'GYOD PA 'CHAD PA DANG, 'BYUNG BA DANG 'JIG PA SRED PA DANG BRAL BA DANG, CHAGS PA RGYAS PAR MI 'GYUR BA YIN NO ZHES BYA BA 'DIS NI SPANGS PA PHUN SUM TSOGS PAS DE BSTAN TO, ,SPANGS PA PHUN SUM TSOGS PA YANG JI LTA BU ZHE NA NGAN SONG BA DANG, YANG 'BYUNG BA PA'I KUN NAS NYON MONGS PA SPANGS PA'I PHYIR TE, NGAN SONG BA'I KUN NAS NYON MONGS PA SPANGS PA'I PHYIR DANG, YANG 'BYUNG BA PA'I KUN NAS NYON MONGS PA SPANGS PA'I PHYIR RO ZHES BYA BA'I THA TSIG GO, ,NGAN SONG DU 'GYUR BA'I KUN NAS NYON MONGS PA NI NGAN SONG BA'O, ,YANG 'BYUNG PA BA YANG DE BZHIN NO, ,DE GNYIS SPANGS PA YANG JI LTA BU ZHE NA, RE ZHIG NGAN SONG BA'I KUN NAS NYON MONGS PA NI 'GYOD PA CHAD PA NYID KYIS TE 'GYOD PA CHAD PA ZHES BYA BA'I THA TSIG 'DIS SO, ,JI LTAR NA 'GYOD PA CHAD PA NYID KYIS SHE NA, NYON MONGS PAR 'GYUR BA'I LAS SPANGS PA'I PHYIR TE; NYON MONGS PAR 'GYUR BA'I LAS NI LUS DANG NGAG GIS NYES PAR SPYAD PA STE, DE BYAS NA NYON MONGS PAR 'GYUR BAS SO, ,LHAG MAS NI YANG 'BYUNG BA BA'I KUN NAS NYON MONGS PA SPANGS PA NI 'BYUNG BA DANG 'JIG PA LA SRID PA DANG BRAL BA DANG, CHAGS PA RGYAS PAR MI 'GYUR BA YIN NO, , ZHES BYA BA'I LHAG MA 'DIS SO, ,JI LTAR BYAS PAS SHE NA, 'DUN PA DANG 'DOD CHAGS SPANG BAR YONGS SU BSTAN PA'I PHYIR RO, ,'DUN PA SPANG BAR YONGS SU BSTAN PA'I PHYIR NI 'BYUNG BA DANG, 'JIG PA LA SRED PA DANG BRAL BA ZHES BYA BA'I TSIG 'DIS SO, ,'DOD CHAGS SPANG BAR YONGS SU BSTAN @203B PA'I PHYIR NI CHAGS PA RGYAS PAR MI 'GYUR BA YIN NO ZHES BYA BA'I TSIG 'DIS SO, ,'DUN PA NI GANG YIN, 'DOD CHAGS NI GANG YIN ZHE NA, DE GNYIS KYI MTSAN NYID NI 'BYUNG BA DANG 'JIG PA LA ZHES BYA BA RGYAS PAR GSUNGS PA YIN NO, ,CHAGS PA RGYAS PAR MI 'GYUR BA YIN NO ZHES BYA BA NI MTSUNGS PAR LDAN PAS SAM, SA BON GYI SGO NAS 'CHING BAR MI 'GYUR BA YIN NO ZHES BYA BA'I THA TSIG GO, ,SRED PA THAMS CAD CES BYA BA'I RGYAS PAR 'BYUNG BA'I TSIGS SU BCAD PA 'DI DANG YANG SBYAR BAR BYA STE, JI LTAR ZHE NA, SRED PA THAMS CAD RNAM SPANGS NAS, ,ZHES BYA BA NI 'BYUNG BA DANG, 'JIG PA LA SRED PA DANG BRAL BA ZHES BYA BA 'DI DANG SBYAR BAR BYA'O, ,'DU BYED THAMS CAD ZAD PHYIR DANG, ,ZHES BYA BA NI 'GYOD PA CHAD PA ZHES BYA BA 'DI DANG NGO, ,PHUNG PO THAMS CAD YONGS SHES NAS, ,ZHES BYA BA DE LA PHUNG PO NI NYE BAR LEN PA LNGA'I MTSAN NYID KYI SDUG BSNGAL TE, DE ZAG PA MED PA'I YE SHES KYIS YONGS SU SHES PAR BYA BA YIN NO, ,'DI YANG SOM NYI MED PA NYID DANG SBYAR BAR BYA STE, DON MTHUN PA NYID DU BYA'O, ,GO RIMS THA DAD PA TZAM ZHIG KHYAD PAR YOD DE, JI SKAD BSTAN PA'I TSIGS SU BCAD PA 'DI LAS KYANG MDOR NA YE SHES PHUN SUM TSOGS PA DANG, SPANGS PA PHUN SUM TSOGS PA BSTAN TO, ,LAS DANG SRED DANG ZHES BYA BA'I TSIGS SU BCAD PA 'DI DANG YANG SBYAR BAR BYA'O, ,JI LTAR ZHE NA, TSIGS SU BCAD PA LAS LAS DANG SRED PA DANG MA RIG PA GSUM 'BYUNG BA GANG YIN PA DE'I GNYEN POR MDO SDE'I DUM BU SBYAR BAR BYA'O, ,DE LA 'GYOD PA CHAD PA ZHES BYA BA NI LAS KYI GNYEN POR SBYAR BAR BYA'O, ,'BYUNG BA DANG 'JIG PA LA SRED PA DANG BRAL BA ZHES BYA BA NI SRED PA'I GNYEN POR RO, ,SOM NYI MED PA ZHES BYA BA NI MA RIG PA'I GNYEN POR RO, ,JI SKAD BSTAN PA 'DI LA YANG GO RIMS THA DAD PA TZAM ZHIG KHYAD PAR YOD DO, ,GZHAN YANG ZHES BYA BA RGYAS PAR 'BYUNG BA NI SOM NYI MED PA NYID KYIS NI SHES NAS DAD PA GSUM THOB PAR STON LA ZHES BYA BA NI SANGS RGYAS DANG CHOS DANG DGE 'DUN LA SHES NAS DAD PA THOB PAR STON TO, ,GANG GI TSE DANG DE THOB CE NA, BDEN PA MNGON PAR RTOGS PA'I TSE STE, MTHONG BA'I LAM NAS LANGS PA NA 'DI LTAR KYE MA @204A *, ,BCOM LDAN 'DAS NI YANG DAG PAR RDZOGS PA'I SANGS RGYAS SO, ,DE'I CHOS NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO ZHES MNGON SUM DU BYED DO, ,SHES NAS DAD PA ZHES BYA BA'I DON CI ZHEN BDEN PA YANG DAG PA JI LTA BA BZHIN DU RTOGS NAS DAD PA NI SHES NAS DAD PA'O, ,MTHONG BA'I LAM KHO NA LA 'GYOD PA CHAD PA NYID KYIS NI 'PHAGS PA DGYES PA'I TSUL KHRIMS THOB BO, ,'PHAGS PA DGYES PA'I TSUL KHRIMS DE DAG KYANG ZAG PA MED PA'I SDOM PA YIN NO, ,'PHAGS PA DGYES PA ZHES BYA BA NI ZAG PA MED PA NI 'PHAGS PA RNAMS DGYES PA STE, THUGS SU 'THAD PA YIN PA'I PHYIR 'PHAGS PA DGYES PA DAG GO, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA MTHONG BA'I LAM GYI BRAM ZE'I TSUL GYIS TE, SOM NYI MED PA NYID DANG 'GYOD PA CHAD PA NYID KYIS TE, GO RIMS BZHIN DU SHES NAS DAD PA DANG, 'PHAGS PA DGYES PA'I TSUL KHRIMS GNYIS KYIS SLOB PA'I BRAM ZE'I MTSAN NYID YONGS SU BSTAN TO, ,LHAG MAS DE 'BYUNG BA DANG, 'JIG PA LA SRED PA DANG BRAL BA DANG, CHAGS PA RGYAS PAR MI 'GYUR BA YIN NO ZHES BYA BA 'DIS NI, MI SLOB PA'I BRAM ZE'I MTSAN NYID YONGS SU BSTAN PA, JI LTAR ZHE NA, 'DUN PA DANG 'DOD CHAGS SPANGS PAR YONGS SU BSTAN PA'I PHYIR RO ZHES BYA BA NI 'DUN PA SPANGS PAR YONGS SU BSTAN PA'I PHYIR DANG, 'DOD CHAGS SPANGS PAR YONGS SU BSTAN PA'I PHYIR RO, ,DE LA 'BYUNG BA DANG 'JIG PA LA SRED PA DANG BRAL BA BZHIN BYA BA'I TSIG 'DIS NI GSON PA DANG 'CHI BA LA MNGON PAR MI DGA' BA'I PHYIR GO RIMS BZHIN DU 'DUN PA SPANGS PA YIN PAR RIG PAR BYA'O, ,JI LTAR BYAS PAS SHE NA, 'BYUNG BA LA SRED PA DANG BRAL BA NI GSON PA LA MNGON PAR MI DGA' BA'I PHYIR 'DUN PA SPANGS PA YIN NO, ,'JIG PA LA SRED PA DANG BRAL BA NI 'CHI BA LA MNGON PAR MI DGA' BA'I PHYIR 'DUN PA SPANGS PA YIN TE, JI SKAD DU GNAS BRTAN MA 'GAGS PAS, 'CHI LA MNGON PAR MI DGA' LA, ,GSON LA'ANG MNGON PAR MI DGA'O, ,SHES BZHIN DANG NI DRAN PA YIS, ,LUS LA SO SOR BRTAGS PAR BYA, ,ZHES TSIGS SU BCAD PA GSUNGS PA LTA BU YIN NO, , @204B MNGON PA'I NGA RGYAL CAN NI ZHES BYA BA RGYAS PAR 'BYUNG BA NI MNGON PA'I NGA RGYAL CAN NI ZAB MO LA STE, CI 'DRA BA ZHIG LA ZHE NA, ,STONG PA NYID DANG LDAN PA'I GTAM BRJOD PA NA SOM NYI ZA STE, YID GNYIS 'BYUNG NGO, ,STONG PA NYID DANG LDAN PA'I GTAM YANG RTEN CING 'BREL PAR 'BYUNG BA RKYEN 'DI BA NYID DANG MTHUN PA'O, ,MA RIG PA LA SOGS PA'I YAN LAG RNAMS LA BYED PA MED PA'I PHYIR 'DU BYED LA SOGS PA'I MTSAN NYID KYI CHOS 'DI LA RKYEN MA RIG PA LA SOGS PA'I MTSAN NYID KYI CHOS 'DI YOD PAS DE NI RKYEN 'DI PA STE, DE'I DNGOS PO NI RKYEN 'DI PA NYID DO, ,RTEN CING 'BREL PAR 'BYUNG BA NYID RKYEN 'DI PA NYID YIN PAS RTEN CING 'BREL PAR 'BYUNG BA RKYEN 'DI PA NYID DO, ,DE DANG MTHUN PA STE, RJES SU MTHUN PA NI RTEN CING 'BREL PAR 'BYUNG BA RKYEN 'DI PA NYID DANG MTHUN PA'O, ,PHYIS KYANG YID LA GCAGS PAR 'GYUR TE, JI SKAD DU LHA'I MDO LAS GSUNGS PA LTA BU YIN ZHING ZHES BYA BA NI RGYAS PAR GSUNGS NAS MA THOB PAR THOB PA'I 'DU SHES CAN DANG, MA RTOGS PAR RTOGS PA'I 'DU SHES CAN DANG, MNGON SUM DU MA BYAS PAR MNGON SUM DU BYAS PA'I 'DU SHES CAN DE NI DE LAS PHYIS RNAM PAR NYAMS SHING PHONGS PAR 'GYUR RO ZHES 'BYUNG BA LTA BU STE, DE LTAR YID LA GCAGS PA YIN NO, , MNGON PA'I NGA RGYAL CAN DE LUS SAM SNYAMS PAR 'JUG PA LA SRED PA KUN DU 'BYUNG LA, MNGON PA'I NGA RGYAL CAN DE NYID LA 'DOD CHAGS KYI BAG LA NYAL YANG RTAG TU RJES SU 'BRANG BA KHO NA NYID YIN NO, ,DE LTAR NA MDO SDE'I DUM BU 'DI RNAMS KYIS NI MNGON PA'I NGA RGYAL CAN GYI NYE BA'I NYON MONGS PA JI SKAD DU BSTAN PA RNAMS KYI GNYEN POR BRAM ZE NYID LA MNGON PA'I NGA RGYAL CAN DE NYID LA 'DOD CHAGS KYI BAG LA NYAL MED PA NYID DU YONGS SU BSTAN PA YIN NO, ,JI LTAR BYAS PAS SHE NA, SOM NYI'I NYE BA'I NYON MONGS PA'I GNYEN POR SOM NYI MED PA ZHES BYA BA GSUNGS TE, 'DES KYANG BRAM ZE NYID LA MNGON PA'I NGA RGYAL MED PA NYID DU YONGS SU BSTAN TO, ,YID LA GCAGS PA'I NYE BA'I NYON MONGS PA'I GNYEN POR 'GYOD PA CHAD PA ZHES BYA BA GSUNGS TE, 'DIS KYANG BRAM ZE NYID LA MNGON PA'I NGA RGYAL MED PA NYID DU YONGS SU BSTAN TO, ,SRED PA PA'I NYE BA'I NYON MONGS PA'I GNYEN POR 'BYUNG BA @205A *, ,DANG 'JIG PA LA SRED PA DANG BRAL BA ZHES BYA BA GSUNGS TE, 'DIS KYANG BRAM ZE NYID LA MNGON PA'I NGA RGYAL MED PA NYID DU YONGS SU BSTAN TO, ,'DOD CHAGS KYI NYE BA'I NYON MONGS PA'I GNYEN POR CHAGS PA RGYAS PAR MI 'GYUR BA YIN NO ZHES BYA BA GSUNGS TE, 'DIS KYANG BRAM ZE NYID LA MNGON PA'I NGA RGYAL MED PA NYID DU YONGS SU BSTAN TE BSHAD DO ZHES BYA BA'I THA TSIG GO, ,DGE SLONG DAG MI RTAG PA'I 'DU SHES SGOMS SHIG ,DGE SLONG DAG MI RTAG PA'I 'DU SHES KUN DU BSTEN CING BSGOMS LA LAN MANG DU BYAS, BGROD PAR BYAS, RTAN DU BYAS, NAN TAN DU BYAS, SHIN TU RDZOGS PAR BYAS SHING LEGS PAR BRTZAMS PA NI 'DOD PA'I 'DOD CHAGS THAMS CAD YANG DAG PAR 'JOMS SHING, GZUGS KYI 'DOD CHAGS THAMS CAD DANG, GZUGS MED PA'I 'DOD CHAGS THAMS CAD DANG, RGOD PA DANG, NGA RGYAL DANG, MA RIG PA THAMS CAD MANG DAG PAR 'JOMS TE, DPER NA KHYIM BDAG ZHING PA DBYAR 'DAS NAS STON GYI DUS KYI TSE GSHOL CHEN POS ZHING RNAMS RMED PA NA RAM PA'I RTZA RGYUS THAMS CAD GCOD PAR BYED, KUN DU GCOD PAR BYED MNGON DU GCOD PAR BYED PA DE BZHIN DU DGE SLONG DAG MI RTAG PA'I 'DU SHES BSTAN ZHING BSGOMS LA LA MANG DU BYAS BGROD BAR BYAS ZHES BYA BA SNGA MA BZHIN NO, ,DGE SLONG DAG DPER NA MI RTZVA BA LA BA DZA JA BZHIG GIS RTZVA BA LA BA JA CHUNG ZHING NYUNG LA MI MANG BA SHAS CIG MCHOG NAS BZUNGS TE, SPUG CING BAR BUR THAMS CAD SEL BAR BYED PA DE BZHIN DU MIR TAG PA'I 'DU SHES KUN DU BSTEN ZHING ZHES BYA BA NAS NGA RGYAL DANG MA RIG PA'I BAR DU YANG DAG PAR 'JOMS SO, ,DPER NA SHING THOG AA MRA'I DOG PA LA AA MRA GANG YIN PA DE THAMS CAD NI RTZA RGYUS DANG LDAN PA, RTZA RGYUS LA BRTEN PA, RTZA RGYUS DANG 'BREL PA, RTZA RGYUS DANG 'DU BA, RTZA RGYUS DANG MA BRAL BA DAG YIN ZHING, DE DAG LAS BYUNG BA YIN PA DE BZHIN DU MI RTAG PA'I 'DU SHES KUN DU BSTEN ZHING ZHES BYA BA SNGA MA BZHIN NO, ,DPER NA GTZANG KHANG BYUR BU'I PHYAM DGU BO GANG JI SNYED PA DE THAMS CAD SPYI RTEN LA GNAS, SPYI RTEN LA BRTEN, SPYI RTEN LA RAG LAS, SPYI RTEN LA GZHOL BAS, SPYI RTEN NI DE RNAMS KYI MCHOG YIN PAR BSTAN TE, 'DI LTA STE, KUN DU 'DZIN PA'I @205B PHYIR RO, ,DE BZHIN DU MI RTAG PA'I 'DU SHES KYANG SNGA MA BZHIN NO, ,DPER NA SROG CHAGS DUD 'GRO'I SKYE GNAS SU GTOGS PA'I 'GRO BA RNAMS KYI RJES GANG JI SNYED PA DE THAMS CAD GLANG PO CHE'I RJES SU 'DUS SHING KHONGS SU CHUD PAS GLANG PO CHE'I RJES NI DE RNAMS KYI MCHOG TU BSTAN TE, 'DI LTA STE, CHE BA NYID KYI PHYIR RO, ,DE BZHIN DU MI RTAG PA'I 'DU SHES KYANG SNGA MA BZHIN NO, ,DPER NA 'DZAM BU'I GLING GI 'BAB CHU GANG JI SNYED YOD PA DE THAMS CAD NI RGYA MTSOR GZHOL BA, RGYA MTSOR 'BAB PA, RGYA MTSOR BAB PA YIN PAS RGYA MTSO NI DE RNAMS KYI MCHOG YIN PAR BSTAN TE, 'DI LTA STE, KUN DU SDUD PA'I PHYIR RO, ,DE BZHIN DU MI RTAG PA'I 'DU SHES KYANG SNGA MA BZHIN NO, ,DPER NA GNAM LAS NYI MA SHAR BA NI GNAM LA YOG MA'I MUN PA THAMS CAD 'OD KYIS ZIL GYIS MNAN NAS, LHAM ME LHAN NE LHAG GE'O, ,DE BZHIN DU MI RTAG PA'I 'DU SHES KYANG SNGA MA BZHIN NO, ,DPER NA 'KHOR LOS SGYUR BA'I RGYAL PO NI KHAMS KYI RGYAL PO GANG JI SNYED PA DE RNAMS KYI MCHOG YIN TE, 'DI LTA STE, DBANG BYED PA NYID KYIS SO, ,DE BZHIN DU MI RTAG PA'I 'DU SHES KUN DU BSTEN ZHING BSGOMS LA LAN MANG DU BYAS, BGROD PAR BYAS, RTEN DU BYAS, NAN TAN DU BYAS, SHIN TU RDZOGS PAR BYAS SHING LEGS PAR BRTZAMS PA NI 'DOD PA'I 'DOD CHAGS THAMS CAD YANG DAG PAR 'JOMS SHING, GZUGS KYI 'DOD CHAGS THAMS CAD DANG, GZUGS MED PA'I 'DOD CHAGS THAMS CAD DANG, RGOD PA DANG, NGA RGYAL DANG MA RIG PA THAMS CAD YANG DAG PAR 'JOMS SO, ,ZHING PA LA SOGS PA'I DPE DANG BCAS PA ZHES BYA BA NI ZHI BA DANG, RTZVA BA LA BA DZA LA SOGS PA'I DPE DANG BCAS PA STE, LDAN PA NI ZHING PA LA SOGS PA'I DPE DANG BCAS PA'O, ,NYON MONGS PA MA BYUNG BA DANG, BYUNG BA'I DBANG DU BYAS PA'I PHYIR RO ZHES BYA BA NI ZHING PA'I DPES NI NYON MONGS PA MA BYUNG BA BAG LA NYAL GYI GNAS SKABS KYI DBANG DU MDZAD PA'I PHYIR GNYEN PO NYID DU YONGS SU BSTAN TO, ,RTZVA BA LA BA DZA'I DPES NI NYON MONGS PA BYUNG BA'I DBANG DU BYAS PA'I PHYIR KUN NAS DKRIS PA'I GNYEN PO NYID DU'O, ,DE LAS GZHAN PA ZHES BYA BA NI MI RTAG PA'I 'DU SHES DE ILAS GZHAN PA STE, DE DAG NI DE LAS GZHAN @206A *, ,PA'O, ,SMON PA MED PA DANG, STONG PA NYID DANG, MTSAN MA MED PA'I 'DU SHES DAG CES BYA BA NI DE LA SMON PA MED PA'I 'DU SHES NI MI RTAG PA DANG, SDUG BSNGAL BA DANG, RGYU DANG, KUN 'BYUNG BA DANG, RAB TU SKYE BA DANG, RKYEN DANG, LAM DANG, RIG PA DANG, SGRUB PA DANG, NGES PAR 'BYIN PA'I RNAM PA'I 'DU SHES SO, ,STONG PA NYID KYI 'DU SHES NI STONG PA NYID DANG, BDAG MED PA'I RNAM PA'I 'DU SHES SO, ,MTSAN MA MED PA'I 'DU SHES NI 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA'I 'DU SHES DE DAG STE, AA MRA'I DOG PA'I DPES NI DE LAS GZHAN PA'I 'DU SHES DAG 'DREN PAR BYED PA YIN NO, ,DE LAS GZHAN PA ZHES BYA BA NI MI RTAG PA'I 'DU SHES LAS GZHAN NI DE LAS GZHAN PA STE DE DAG GO, ,MI SDUG PA LA SOGS PA'I 'DU SHES DAG NI MI SDUG PA DANG, NAD DANG, 'BRAS DANG, ZUG RDU DANG, BYAMS PA DANG, SNYING RJE DANG, DGA' BA DANG, BTANG SNYOMS LA SOGS PA'I 'DU SHES DAG GO, ,JI LTAR NA MI SDUG PA LA SOGS PA'I 'DU SHES DAG KUN DU 'DZIN PAR BYED PA NYID DU BSTAN ZHE NA, YONGS SU MI NYAMS PAR 'GYUR BA'I PHYIR RO, ,'DI LTAR MI SDUG PA LA SOGS PA'I 'DU SHES DE DAG LAS YONGS SU MI NYAMS PAR 'GYUR BAS SO, ,DE DAG NYID CES BYA BA NI SMON PA MED PA LA SOGS PA'I 'DU SHES DE DAG NYID MI RTAG PA'I 'DU SHES KYI SPYOD YUL GYI NANG DU CHUD PA NYID YIN PAR YONGS SU BSTAN TO ZHES BYA BAR SKABS DANG SBYAR RO, ,DE LA MI RTAG PA'I 'DU SHES KYI SPYOD YUL TE DMIGS PA NI MI RTAG PA'I 'DU SHES KYI SPYOD YUL LO, ,MI RTAG PA'I 'DU SHES KYI SPYOD YUL GYI NANG DU CHUD PAR BYED PAS NA MI RTAG PA'I 'DU SHES KYI SPYOD YUL GYI NANG DU CHUD PA'O, ,MI RTAG PA'I 'DU SHES KYI SPYOD YUL GYI NANG DU CHUD PA RNAMS KYI DNGOS PO NI MI RTAG PA'I SPYOD YUL GYI NANG DU CHUD PA NYID DO, ,CI'I PHYIR ZHE NA, MI RTAG PA NYID DU YONGS SU RTAG PAR BYA BA NYID YIN PA'I PHYIR RO, ,'DI LTAR SMON PA MED PA LA SOGS PA'I 'DU SHES DE DAG NI MI RTAG PA'O ZHES YONGS SU RTAG PAR BYA BA YIN PA'I PHYIR RO, ,DE LAS GZHAN PA SUN 'BYIN PA'I RNAM PA DAG CES BYA BA NI MI RTAG PA'I 'DU SHES DE LAS SO, ,GZHAN PA SUN 'BYIN PA'I RNAM PA @206B DAG CES BYA BA NI NAD NYID DANG, 'BRAS NYID DANG, ZUG RDU NYID DANG, DE LTA BU LA SOGS PA'I RNAM PA DAG GO, ,DER THUG PA NYID CES BYA BA NI MI RTAG PA'I 'DU SHES SU THUG PA NYID DU YONGS SU BSTAN PA YIN TE ZHES BYA BA'I THA TSIG GO, ,JI LTAR BYAS PAS SHE NA, 'DU BYED KYI SDUG BSNGAL NYID LA 'JUG PA NYID YIN PA'I PHYIR RO, ,MI RTAG PA'I 'DU SHES NI 'DU BYED KYI SDUG BSNGAL NYID LA 'JUG PAS SO, ,JI LTAR NA MI RTAG PA'I 'DU SHES 'DU BYED KYI SDUG BSNGAL NYID LA 'JUG PA YIN ZHE NA, GANG MI RTAG PA DE NI SDUG BSNGAL BA YIN NO ZHES DE LTAR MOS PA'I PHYIR RO, ,'DU BYED KYI SDUG BSNGAL NYID KYIS KYANG ZAG PA DANG BCAS PA'I DNGOS PO THAMS CAD LAS 'DOD CHAGS DANG BRAL BAR 'GYUR GYI, RNAM PAR SUN 'BYIN PA GZHAN RNAMS KYIS NI MA YIN PAS SO, ,DE LTAR NA DER THUG PA NYID YIN NO, ,'DU BYED KYI SDUG BSNGAL NYID CES BYA BA NI 'DU BYED KYI SDUG BSNGAL BAS NA 'DU BYED KYI SDUG BSNGAL TE, DE'I DNGOS PO NI 'DU BYED KYI SDUG BSNGAL NYID DO, ,GO RIMS BZHIN DU ZHES BYA BA NI NYI MAS NI MI SLOB PA'I GNAS SKABS NA MI SLOB PA'I MI RTAG PA'I 'DU SHES NI MI BRJED PA'I CHOS NYID DU BYED PA YIN PAR YONGS SU BSTAN TO, ,KHAMS KYI RGYAL PO GZHAN GYIS NI MI SLOB PA'I GNAS SKABS NA MI SLOB PA'I 'DU SHES NI, 'JIG RTEN PA'I 'DU SHES GZHAN LAS DBANG SGYUR BA NYID YIN PAR YONGS SU BSTAN PA YIN TE, DE DAG JI LTAR 'DOD PAR MNGON SUM DU BYED PA'I PHYIR RO, ,'JIG RTEN PA'I 'DU SHES DE DAG KYANG MI SDUG PA DANG, DBUGS RDUB PA DANG 'BYUNG BA DRAN PA DANG, NAD DANG, 'BRAS DANG, ZUG RDU LA SOGS PA DAG GO, ,DE LTAR NA ZHES BYA BA RGYAS PAR 'BYUNG BA NA DE LTAR ZHING PA'I DPE DANG, RTZVA BAL BA DZA'I DPES NI JI LTAR NA, MI RTAG PA'I 'DU SHES NI MTHA' DAG NI GNYEN PO YIN PA YANG YIN TE, BAG LA NYAL BA DANG, KUN NAS DKRIS PA'I GNYEN PO NYID YIN PA'I PHYIR NA DE YONGS SU BSTAN TE, AA MRA'I DOG PA'I DPES NI JI LTAR NA GNYEN PO'I RTZA BA YIN PA YANG YIN TE, GNYEN PO GZHAN 'DREN PA'I PHYIR NA DE YONGS SU BSTAN TO, ,JI LTAR NA MI RTAG PA'I 'DU SHES NI KUN NAS DKRIS PA'I GNYEN PO GZHAN TE, MI SDUG PA LA SOGS PA'I 'DU SHES RNAMS LAS KHYAD PAR RNAM PA GSUM DAG GIS KHYAD @207A *, ,PAR DU 'PHAGS PA YIN PA YANG YIN NO, ,GANG DAG GIS SHE NA, SBYI RTEN GYIS NI DE LAS GZHAN PA ZHES BYA BA RGYAS PAR 'BYUNG BA DANG, GLANG PO CHE'I RJES KYIS NI DE DAG NYID CES BYA BA RGYAS PAR 'BYUNG BA DANG, 'BAB CHU RNAMS KYIS DE NI LAS GZHAN PA ZHES BYA BA RGYAS PAR 'BYUNG BA STE, KHYAD PAR 'DI DAG GIS DE YONGS SU BSTAN TO, ,JI LTAR NA GNYEN PO BLA NA MED PA NYID YIN PA NI MA RIG PA DANG, RIG PA GZHAN THAMS CAD ZIL GYIS GNON PA'I PHYIR RO, ,MA RIG PA THAMS CAD ZIL GYIS GNON PA'I PHYIR DANG, RIG PA THAMS CAD ZIL GYIS GNON PA'I PHYIR NYI MA DANG KHAMS KYI RGYAL POS GO RIMS BZHIN DU DE YONGS SU BSTAN TO, ,TSE DANG LDAN PA DAG DGE SLONG CHOS SGROGS PAS CHOS KYI GTAM BYED PA NA RNAM PA NYI SHU DANG LDAN PAS GTAM BYA STE, DUS SU DANG, BSGRIMS PA DANG, GO RIMS DANG, MTSAMS SBYAR BA DANG, RJES SU MTHUN PA DANG, DGA' BAR BYA BA DANG, 'DOD PAR BYA BA DANG, MGU BAR BYA BA DANG, SPRO BA MI SKYED PA DANG, MI SMAD PA DANG, RIG PA DANG, 'BREL PA DANG, MA 'DRES PA DANG, CHOS DANG LDAN PA DANG, 'KHOR JI LTA BA BZHIN DANG, BYAMS PA'I SEMS DANG, PHAN PA'I SEMS DANG, SNYING BRTZE BA'I SEMS DANG, RNYED PA DANG BKUR STI DANG TSIGS SU BCAD PA LA MI BRTEN PA DANG, GTAM DE DAG BRJOD PA NAS BDAG LA BSTOD PAR MI BYA ZHING GZHAN LA SMAD PAR MI BYA BAR GTAM BYA BA STE, RNAM PA NYI SHU PO 'DI DAG DANG LDAN PAS GTAM BYA'O ZHES BYA BA NI MDO SDE'I DUM BU YIN NO, ,KA TYA'I BU MO SMYUG MA CAN BZHIN NO, JI LTAR KA TYA'I BU MO SMYAG MA CAN ZHES GNAS BRTAN 'CHAR KAS PHYIS NYAN 'DOD PA NYID DANG, BSHAD PA'I 'OS SU GYUR PA NYID DU MKHYEN NAS CHOS BSTAN PA MDZAD KYI SNGAR NI MA YIN PA LTA BU'O, ,JI LTAR SNGAR BSHAD PA'I 'OS SU MA GYUR LA, PHYIS BSHAD PA'I 'OS SU GYUR PA NI KA TYA'I BU MO'I MDO DE NYID LAS RGYAS PAR KHONG DU CHUD PAR BYA'O, ,SENG GE MCHONG BA BZHIN DGE SLONG DAG GAL TE RI DAGS KYI RGYAL PO SENG GE RI BONG LA MCHONG NA BSGRIMS NAS MCHONG GI MA BSGRIMS PAR NI MA YIN NO, ,GAL TE BYI LA DANG GLANG PO CHE LA MCHONG NA NI BSGRIMS NAS MCHONG GI MA BSGRIMS PAR NI MA YIN NO ZHES @207B RGYAS PAR 'BYUNG BA STE DE DANG 'DRA'O, ,SBYIN PA LA SOGS PA'I GTAM ZHES BYA BA NI SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, DE LTA BU LA SOGS PA STE, MDO LAS JI SKAD 'BYUNG BA BZHIN NO,, ,,RNAM PAR BSHAD PA RIGS PA'I BSHAD PA, BAM PO BDUN PA, YANG DAG PHUL CAN ZHES BYA BA NI 'PHAGS PA'I BDEN PA'I GTAM MO, ,BRTZAMS NAS SO ZHES BYA BA NI GTAM RNAM PA 'DI GNYIS KYI CHED DU BYAS NAS SO, ,GO RIMS ZHES BYA BA 'DI NI MAN NGAG YIN NO, ,MTSAMS SBYAR BA ZHES BYA BA RGYAS PAR 'BYUNG BA LA MTSAMS SBYAR BA ZHES BYA BA 'DI NI MAN NGAG YIN NO, ,MDO SDE RNAM PAR BSHAD PA LAS BRTZAMS NAS NI MDO SDE RNAMS RNAM PAR BSHAD PA'I CHED DU BYAS NAS ZHES BYA BA'I THA TSIG GO, ,MTSAMS SBYAR BA YANG RNAM PA GNYIS TE, DON SNGA MA DANG PHYI MAR SBYAR BA'I MTSAMS SBYAR BA DANG RIM PA SNGA MA DANG PHYI MA MTSAMS SBYAR BA STE, 'DI GNYIS KYANG SLOB DPON GYIS PHYIS RNAM PAR 'CHAD DO, ,RJES SU MTHUN PA ZHES BYA BA NI MAN NGAG GO, ,'DRI BA LUNG STON PA LAS BRTZAMS NAS TE, MGO GCIG TU LUNG BSTAN PA LA SOGS PA RNAMS NI MGO GCIG TU LUNG BSTAN PA DANG RNAM PAR PHYE STE LUNG BSTAN PA DANG, DRIS NAS LUNG BSTAN PA DANG, GZHAG PAR LUNG BSTAN PA NI 'DRI BA STE, 'DI RNAMS LA DE BZHIN DU LUNG STON PA'I PHYIR TE, GANG LA JI LTAR LUNG BSTAN PAR BYA BA DE BZHIN DU LUNG STON PA'I PHYIR RO, ,JI LTAR BYAS PAS SHE NA, CI SEMS CAN THAMS CAD 'CHI BAR 'GYUR RAM ZHE NA, 'CHI BAR 'GYUR RO ZHES MGO GCIG TU LUNG BSTAN PAR BYA'O, ,CI SHI BA THAMS CAD SKYE BAR 'GYUR RAM ZHE NA, NYON MONGS PA DANG BCAS PA RNAMS NI SKYE BAR 'GYUR RO, ,NYON MONGS PA MED PAR NI MI 'GYUR RO ZHES RNAM PAR PHYE STE LUNG BSTAN PAR BYA'O, ,CI MI DMAN PA'AM KHYAD PAR DU 'PHAGS PA YIN ZHE NA, GANG GI DBANG DU BYAS NAS 'DRI ZHES DRIS NAS LUNG BSTAN PAR BYA'O, ,GAL TE LHA LAS SO ZHE NA, DMAN PA YIN NO ZHES LUNG BSTAN PAR BYA'O, ,'ON TE NGAN SONG LAS SO ZHE NA KHYAD PAR DU 'PHAGS PA YIN NO ZHES LUNG BSTAN PAR BYA'O, ,CI SEMS CAN PHUNG PO RNAMS LAS GZHAN NAM GZHAN MA YIN ZHE NA, GZHAG PA STE, SEMS CAN GYI RDZAS MED PA'I PHYIR MO @208A *, ,GSHAM GYI BU SNGO BSANGS DANG DKAR SHAM GNYIS BZHIN NO, ,'DI JI LTAR LUNG BSTAN PA YIN ZHE NA, 'DI NI LUNG BSTAN DU MED DO ZHES LUNG BSTAN PA'I PHYIR RO, ,GANG SU DAG 'DI 'DRA BA THAMS CAD CES BYA BA RGYAS PAR 'BYUNG BA NI GANG SU DAG DKAR PO'I PHYOGS LA GNAS PA DANG NAG PO'I PHYOGS LA GNAS BA 'DI 'DRA BA 'DI THAMS CAD NI YANG DAG PAR ZHUGS PA YIN NO ZHES SAM LOG PA LA ZHUGS PA YIN NO ZHES 'KHOR DE DAG LA SPRO BA MI SKYED LA SMAD PAR MI BYA'O, ,JI SKAD DU NYON MONGS PA MED BA'I MDO LAS GSUNGS PA LTA BU STE, DE LAS JI SKAD GSUNGS SHE NA, RGYAS PAR GSUNGS NAS SPRO BA SKYED PA DANG, SMAD PA YANG SHES PAR BYA'O, ,SPRO BA SKYED PA DANG, SMAD PA YANG SHES NAS SPRO BA BSKYED PAR YANG MI BYA LA, SMAD PAR YANG MI BYA STE, CHOS KHO NA BSHAD PAR BYA'O ZHES GSUNGS SO, ,CI'I PHYIR ZHE NA, GDUL BA'I KHYAD PAR MNGON PAR MI SHES PA DE LTAR BYED PA STE, SPRO BA BSKYED PA DANG SMAD PAR BYA'O, ,DES GDUL BA MA YIN PA RNAMS TE, SPRO BA BSKYED PA DANG SMAD PA DE GNYIS KYIS, GDUL BA MA YIN PA DE RNAMS NI DES GDUL BA MA YIN PA RNAMS TE, SNYING NA BSKYED BAR 'GYUR RO, ,RIGS PA NI TSAD MA DANG MI 'GAL BAR BYA BA'I PHYIR TE, MNGON SUM DANG, RJES SU DPAG PA DANG, YID CHES PA'I LUNG GI TSAD MA RNAMS DANG MI 'GAL BA'I PHYIR RO, ,GZHAN YANG ZHES BYA BA RGYAS PAR 'BYUNG BA NI RNAM GRANGS GZHAN YANG BYAMS PA'I SEMS DANG, PHAN PA'I SEMS DANG, SNYING BRTZE BA'I SEMS ZHES BYA BA'I TSIG 'DI RNAMS DGE BA DANG, MI DGE BA LA PHYOGS PA DANG, THA MAL PA DAG LA STE, DGE BA LA PHYOGS PA DANG, MI DGE BA LA PHYOGS PA DANG, THA MAL PA LA BYAMS PA LA SOGS PA'I SEMS KYIS TE, GO RIMS BZHIN DU'O, ,JI LTAR ZHE NA, DGE BA LA PHYOGS PA LA NI BYAMS PA'I SEMS KYIS GTAM BYA, MI DGE BA LA PHYOGS PA LA NI PHAN PA'I SEMS KYIS GTAM BYA ZHING, THA MAL PA LA NI SNYING BRTZE BA'I SEMS KYIS SO, ,RNYED PA DANG, BKUR STI DANG TSIGS SU BCAD PA LA MI BRTEN PA NI RNYED PA DANG BKUR STI NI RNYED PA DANG BKUR STI GNYIS TE, RNYED PA DANG BKUR STI DE GNYIS DANG, TSIGS SU BCAD PA STE, GRAGS PA NI RNYED PA DANG BKUR STI DANG TSIGS @208B SU BCAD PA STE, RNYED PA DANG BKUR STI DANG TSIGS SU BCAD PA LA MI BRTEN PA'O, ,JI LTAR NA DE LA MI BRTEN PA YIN ZHE NA, DE 'DOD PA NYID SPANGS PAS SO, ,RNYED PA DANG BKUR STI DANG TSIGS SU BCAD PA 'DOD PA NYID SPANGS PAS SO ZHES BYA BA'I THA TSIG GO, ,BDAG LA BSTOD PAR MI BYA ZHING GZHAN LA SMAD PAR MI BYA BA'I DON CI ZHE NA, SMRA BA PO NYID KYIS BDAG LA LHAG PAR YID CHES PAR BYED 'DOD PA NYID SPANGS PAS TE, DES NA DE'I PHYIR BDAG LA STOD CING GZHAN LA SMOD PAR BYED DO, ,DE LTAR NA JI LTA BUR DANG, GANG GI DON DU DANG ZHES BYA BA RGYAS PAR 'BYUNG BA NI JI SKAD BSTAN PA DE LTAR NA'O, ,JI LTA BUR NI RNAM PA GANG GIS GTAM BYA BA STE, DE YANG TSIG LNGA DAG GIS YONGS SU BSTAN TO, ,LNGA PO GANG DAG GIS SHE NA, DUS SU DANG, BSGRIMS PA DANG, GO RIMS DANG, MTSAMS SBYAR BA DANG, RJES SU MTHUN PA ZHES BYA BA 'DI RNAMS KYIS SO, ,GANG GI DON DU NI GANG GI CHED DU GTAM BYA BA ZHES BYA BA'I THA TSIG GO, ,DE YANG TSIG LNGA DAG GIS YONGS SU BSTAN TO, ,LNGA PO GANG DAG GIS SHE NA, DGA' BAR BYA BA DANG, 'DOD PAR BYA BA DANG, MGU BAR BYA BA DANG, SPRO BA MI SKYED PA DANG, MI SMAD PA ZHES BYA BA 'DI RNAMS KYIS SO, ,GTAM GANG 'DRA BAS GTAM BYA BA DE YANG TSIG LNGA DAG GIS YONGS SU BSTAN TE, GANG DAG GIS SHE NA, RIGS PA DANG, 'BREL PA DANG, MA 'DRES PA DANG, CHOS DANG LDAN PA DANG, 'KHOR JI LTA BA BZHIN ZHES BYA BA 'DI RNAMS KYIS SO, ,GANG 'DRA BAS GTAM BYA BA DE DAG TSIG LNGA DAG GIS YONGS SU BSTAN TO, ,GANG DAG GIS SHE NA, BYAMS PA'I SEMS DANG, PHAN PA'I SEMS DANG, SNYING BRTZE BA'I SEMS DANG, RNYED PA DANG BKUR STI DANG TSIGS SU BCAD PA LA MI BRTEN PA DANG, GTAM DE DAG BRJOD PA NA BDAG LA BSTOD PAR MI BYA ZHING GZHAN LA SMAD PAR MI BYA ZHES BYA BA NI GCIG TU BYAS NAS 'DI RNAMS KYIS SO, ,RNAM PA NYI SHU PO ZHES BYA BA NI BYE BRAG NYI SHU BO ZHES BYA BA'I THA TSIG GO, ,SNOD MA YIN PA LA BRJOD PA'I SKYON ZHES BYA BA RGYAS PAR 'BYUNG BA LA, SNOD MA YIN PA LA BRJOD PA NI SNOD MA YIN PA LA BRJOD PA STE DE NYID SKYON YIN NO, ,BRJOD PA YONGS SU MA RDZOGS PA NI BRJOD PA YONGS SU MA RDZOGS PA STE DE NYID SKYON YIN NO, ,BRJOD PA @209A *, ,BAR CHAD PA NI BRJOD PA BAR CHAD PA STE, DE NYID SKYON YIN NO, ,BRJOD PA GO BAR MI BYED PA NI BRJOD PA GO BAR MI BYED PA STE DE NYID SKYON YIN NO, ,GTZUG LA GNYID YIN PA'I PHYIR BRDA SPROD PA RNAMS KYIS NI DE LTAR BSGRUB PAR BYA BA YIN NO, ,'DI LA MCHOD PAR 'GYUR BA MED PAS NA 'DI NI MCHOD PAR MI 'GYUR BA YIN PAR SBYAR RO, ,'DI LA DON 'THAD PA MED PAS 'DI NI DON 'THAD PA MED PA'O, ,DON 'THAD PA MED PA BRJOD PA NI DON 'THAD PA MED PA BRJOD PA STE DE NYID SKYON YIN NO, ,SPYOD YUL MA YIN PA LA BRJOD PA NI SBYOD YUL MA YIN PA LA BRJOD PA DE NYID SKYON YIN NO, ,RNAM PAR G-YENGS TE BRJOD PA NI RNAM PAR G-YENGS NAS BRJOD PA STE DE NYID SKYON YIN NO, ,DON MED PA DANG LDAN PA STE, MTSUNGS PAR LDAN PA 'BREL PA NI DON MED PA DANG LDAN PA'O, ,DON MED PA DANG LDAN PA'I BRJOD PA NI DON MED PA DANG LDAN PA BRJOD PA STE, DE NYID SKYON YIN NO, ,MI 'TSAM PAR BRJOD PA NI MI 'TSAM PAR BRJOD PA STE DE NYID SKYON YIN NO, ,NYON MONGS PA CAN GYI BSAM PA STE, SEMS PA NI NYON MONGS PA CAN GYI BSAM PA'O, ,NYON MONGS PA CAN GYI BSAM PAS BRJOD PA NI NYON MONGS PA'I BSAM PA CAN GYIS BRJOD PA STE, DE NYID SKYON YIN PAS NYON MONGS PA CAN GYI BSAM PAS BRJOD PA'I SKYON YIN NO, ,SNOD MA YIN PAR BRJOD PA'I SKYON ZHES GANG BSTAN PA STE, DE LA SNOD MA YIN PA NI SPYOD LAM MI SDUG PAR 'DUG PA STE, KA TYA'I BU MO SMYUG MA CAN GYI MDO LAS JI LTAR GSUNGS PA LTA BU STE, DE'I GNYEN POR DUS SU GTAM BYA BA'I RNAM PA YIN NO, ,BRJOD PA YONGS SU MA RDZOGS PA'I SKYON GYI GNYEN POR BSGRIMS PA ZHES BYA BA'I RNAM PA YIN NO, ,BRJOD PA BAR MA CHAD PA'I SKYON GYI GNYEN POR NI GO RIMS LA SOGS PA RNAM PA GSUM PO DE DAG YIN PAR RIG PAR BYA BA YIN TE, GO RIMS DANG, MTSAMS SBYAR BA DANG, RJES SU MTHUN PA ZHES BYA BA 'DI DAG YIN NO, ,RNAM PA 'DI DAG CI'I DBANG DU MDZAD NAS SHE NA, BSTAN PA DANG, RGOL BA'I TSIG DANG, LAN GYI TSIG GI DBANG DU MDZAD NAS TE, DE LA BSTAN PA'I DBANG DU MDZAD NAS NI GO RIMS KYI RNAM PA'O, ,BSTAN PA NI DPER NA SDUG BSNGAL GYI BDEN PA NAS LAM GYI BDEN PA ZHES BYA BA'I BAR LTA BU YIN NO, ,RGOL BA'I DBANG DU MDZAD NAS NI MTSAMS @209B SBYAR BA'I RNAM PA YIN NO, ,RGOL BA'I TSIG KYANG CI'I PHYIR SDUG BSNGAL GYI BDEN PA DANG POR BSTAN ZHES BYA BA NAS, LAM GYI BDEN PA NI PHYIS YIN NO ZHES BYA BA'I BAR RO, ,LAN GYI TSIG GI DBANG DU MDZAD NAS NI RJES SU MTHUN PA'I RNAM PA YIN NO, ,LAN KYI TSIG KYANG MDO LAS JI SKAD GSUNGS PA LTA BU YIN BRJOD PA GO BAR MI BYED PA'I SKYON GYI GNYEN POR DRUG PA DANG, BDUN PA DANG, BRGYAD PA DAG STE, RNAM PA DAG CES BYA BA'I DKYUS DANG SBYAR RO, ,RNAM PA DRUG PA DANG, BDUN PA DANG, BRGYAD PA DE DAG KYANG DGA' BAR BYA BA DANG, 'DOD PAR BYA BA DANG, MGU BAR BYA BA ZHES BYA BA 'DI DAG YIN NO RNAM PA 'DI DAG GANG GI DBANG DU MDZAD NAS SHE NA, DAD PA CAN DANG, ZHE 'GRAS PA DANG, BAR NA GNAS PA'I DBANG DU MDZAD NAS TE GO RIMS BZHIN NO, ,BRJOD PA MCHOD PAR MI 'GYUR BA'I SKYON GYI GNYEN POR RNAM PA DGU PA DANG, BCU PA RNAM PA GNYIS TE, SDIG PA'I LAS CAN LA NI SPRO BA BSKYED PAR 'OS PA MA YIN LA, SMAD NA YANG MCHOD PAR MI 'GYUR BA'I SKYON DU 'GYUR BAS SO, ,DE'I PHYIR SPRO BA MI SKYED PA DANG, MI SMAD PAR GTAM BYA'O, ,DON 'THAD PA MED PAR BRJOD PA'I SKYON GYI GNYEN POR RIGS PA ZHES BYA BA'I RNAM PA YIN NO, ,SPYOD YUL MA YIN PA BRJOD PA'I SKYON GYI GNYEN POR 'BREL BA ZHES, BYA BA'I RNAM PA YIN NO, ,SPYOD YUL MA YIN PA NI DON ZAB MO STE DBANG PO THA MA LA'O, ,GSAL BA NI SPYOD YUL YIN PAS DE LTAR BYAS NA 'BREL PA YIN NO, ,RNAM PAR G-YENGS NAS BRJOD PA'I SKYON GYI GNYEN POR MA 'DRES PA ZHES BYA BA'I RNAM PA YIN TE, GTAM GZHAN DANG 'DRES PA NI RNAM PAR G-YENGS PA YIN PAS SO, ,DON MED PA DANG LDAN PA BRJOD PA'I SKYON GYI GNYEN POR CHOS DANG LDAN PA ZHES BYA BA'I RNAM PA YIN NO, ,MI 'TSAM PAR BRJOD PA'I SKYON GYI GNYEN POR 'KHOR JI LTA BA BZHIN ZHES BYA BA'I RNAM PA YIN NO, ,NYON MONGS PA CAN GYI BSAM PAS BRJOD PA'I SKYON GYI GNYEN POR BYAMS PA'I SEMS LA SOGS PA'I RNAM PA LHAG MA LUS PA THAMS CAD DO, ,JI LTAR BYAS PAS SHE NA, NYON MONGS PA CAN GYI BSAM PA NI RNAM PA GSUM STE, YID CHES PAR BYA BA'I BSAM PA DANG, DAD NAS BKUR STI BYED PA'I BSAM PA DANG, PHRAG DOG GI BSAM PAS SO, ,DANG PO STE YID CHES PAR BYA BA'I BSAM @210A *, ,PA'I GNYEN POR BYAMS PA DANG, PHAN PA DANG, SNYING BRTZE BA'I SEMS KYI RNAM PA DAG YIN TE, BYAMS PA'I SEMS DANG, PHAN PA'I SEMS DANG, SNYING BRTZE BA'I SEMS ZHES BYA BA 'DI DAG GO, ,RNAM PA GSUM PO 'DI DAG BSAM PA GANG GIS BYA ZHE NA, MYA NGAN LAS 'DAS PA DANG, DE'I LAM RTOGS PAR BYA BA'I BSAM PA NYID DANG, BSHAD PA'I DON KHONG DU CHUD PAR BYA BA'I BSAM PA NYID KYIS SO, ,JI LTAR BYAS PAS SHE NA, BYAMS PA'I SEMS NI MYA NGAN LAS 'DAS PA RTOGS PAR BYA BA'I BSAM PA NYID KYIS BYA'O, PHAN PA'I SEMS NI DE'I LAM RTOGS PAR BYA BA'I BSAM PA NYID KYIS SO, ,SNYING BRTZE BA'I SEMS NI BSHAD PA'I DON KHONG DU CHUD PAR BYA BA'I BSAM PA NYID KYIS SO, ,DAD NAS BKUR STI BYED PA'I BSAM PA'I GNYEN POR RNYED PA DANG, BKUR STI DANG TSIGS SU BCAD PA LA MI BRTEN PA ZHES BYA BA'I RNAM PA YIN TE, DAD PA CAN DE DAG DAD NAS CHOS GOS DANG BSOD SNYOMS LA SOGS PAS BKUR STI BYED PAR GYUR NA MI RUNG NGO ZHES BYA BA DE LTA BU'O, ,PHRAG DOG GI BSAM PA'I GNYEN POR BDAG LA BSTOD PAR MI BYA ZHING GZHAN LA SMAD PAR MI BYA ZHES BYA BA'I RNAM PA YIN NO, ,GZHAN YANG MDOR NA ZHES BYA BA RGYAS PAR 'BYUNG BA NI GZHAN YANG MDOR BSDU NA MDO SDE LAS GTAM GYI SBYOR BA LAS BSAMS NAS RNAM PA LNGAR RIG PAR BYA STE, DUS SU GTAM BYA BA NAS, RJES SU MTHUN PA ZHES BYA BA'I BAR 'DI DAG YIN NO, ,GTAM GYI LAS BRTZAMS NAS KYANG RNAM PA LNGAR RIG PAR BYA STI, DGA' BAR BYA BA NAS MI SMAD PA ZHES BYA BA'I BAR 'DI DAG GO, , GTAM GYI YON TAN LAS BRTZAMS NAS KYANG RNAM PA LNGAR RIG PAR BYA'O, ,RIGS PA NAS 'KHOR JI LTA BA BZHIN ZHES BYA BA'I BAR 'DI DAG YIN NO, ,SMRA BA PO'I YON TAN LAS BRTZAMS NAS KYANG 'DIR RNAM PA LNGAR RIG PAR BYA STE, BYAMS PA'I SEMS NAS GZHAN LA SMAD PAR MI BYA BA'I BAR 'DI DAG YIN NO, ,TSE DANG LDAN PA DAG CHOS NYAN PAR 'DOD PAS NI, RNAM PA BCU DRUG DAG DANG LDAN PAS CHOS MNYAN PAR BYA STE, DUS SU CHOS MNYAN PAR BYA BA DANG, BKUR STI DANG NYAN PAR GUS PA DANG, MA RANGS PA MED PA DANG, BSGO BA BZHIN BYED PA DANG, KLAN KA MI TSOL BA DANG, CHOS LA GUS @210B PA NYE BAR GZHAG PA DANG, GANG ZAG CHOS SMRA BA LA GUS PA NYE BAR GZHAG PA DANG, CHOS LA BRNYAS PA MED PA NYID DANG, GANG ZAG CHOS SMRA BA LA BRNYAS PA MED PA NYID DANG, BDAG NYID LA BRNYAS PA MED PA NYID DANG, KUN DU SHES PAR BYA BA'I SEMS DANG, SEMS RTZE GCIG TU BYA BA DANG RNA BLAGS PA DANG, SEMS KUN DU BTUD PA DANG, SEMS THAMS CAD KYIS BSAMS NAS CHOS MNYAN PAR BYA STE, TSE DANG LDAN PA DAG RNAM BA BCU DRUG PO 'DI DAG DANG LDAN PAS CHOS MNYAN PAR BYA'O ZHES BYA BA NI MDO SDE'I DUM BU YIN NO, ,SMRA BA PO LA BDAG NYID KYIS BSKYOD PA DANG SPYOD LAM GYI SKYON GYI GNYAN POR DUS SU CHOS MNYAN PAR BYA BA ZHES BYA BA'I RNAM PA 'DI YIN PAR RIG PAR BYA'O, ,'GYING BA'I SKYON GYI GNYEN POR BKUR STI'I RNAM PA YIN NO, ,DON DU MI GNYER BA NYID KYI SKYON GYI GNYEN POR NYAN PAR GUS PAS ZHES BYA BA'I RNAM PA 'DI YIN NO, ,NYAN PAR GUS PA NI NYAN PAR 'DOD PA ZHES BYA BA'I THA TSIG GO, ,GZHAN GYI PHYOGS BYED PAS SNYING NA BA'I SKYON GYI GNYEN POR MA RANGS PA MED PAS ZHES BYA BA'I RNAM PA YIN NO, ,MCHOD PAR MI 'GYUR BAS SMRA BA PO RAB TU MI 'DZIN PA'I SKYON GYI GNYEN POR BSGOM PA BZHIN BYED PA ZHES BYA BA'I RNAM PA YIN NO, ,SUN CI PHYIN DU BRGAL BA'I BSAM PA'I SKYON GYI GNYEN POR KAN KA MI TSOL BA ZHES BYA BA'I RNAM PA 'DI YIN NO, ,CHOS DANG CHOS SMRA BA LA YON TAN YID LA MI BYED PA'I PHYIR RIM GRO MED PA'I SKYON GYI GNYEN POR GO RIMS BZHIN DU CHOS LA GUS PA NYE BAR GZHAG PA DANG, GANG ZAG CHOS SMRA BA LA GUS PA NYE BAR GZHAG PA ZHES BYA BA'I RNAM PA 'DI GNYIS YIN NO, ,SKYON YID LA BYED PA'I PHYIR BRNYAS PA'I SKYON GYI GNYEN POR CHOS LA BRNYAS PA MED PA NYID DANG, GANG ZAG CHOS SMRA BA LA BRNYAS PA MED PA NYID CES BYA BA'I RNAM PA 'DI GNYIS YIN NO, ,SMOD PA'I SKYON GYI GNYEN POR BDAG NYID LA BRNYAS PA MED PA NYID CES BYA BA'I RNAM PA YIN NO, ,RNYED PA DANG BKUR STI 'DOD PA NYID KYI SKYON GYI GNYEN POR KUN DU SHES PAR BYA BA'I SEMS ZHES BYA BA'I RNAM PA 'DI YIN TE, DE LA NI KUN DU SHES PAR BYA BA STE, KHONG DU CHUD PAR BYA BA'I SEMS 'BYUNG GI RNYED PA DANG BKUR STI 'DOD PA NYID NI MI 'BYUNG NGO, ,RNAM PAR G-YENGS PA DANG, BSDUS PA GNYIS KYIS MI NYAN @211A *, ,PA'I SKYON GYI GNYEN POR GO RIMS BZHIN DU SEMS RTZE GCIG TU BYA BA DANG, RNA BLAGS PA ZHES BYA BA'I RNAM PA 'DI GNYIS YIN NO, ,LEGS PAR YID LA MI BYED PA'I SKYON GYI GNYEN POR SEMS KUN DU BTUD PA ZHES BYA BA'I RNAM PA 'DI YIN NO, ,SEMS KUN DU BTUD PA ZHES BYA BA NI SEMS DANG BAR BYAS PA ZHES BYA BA'I THA TSIG GO, ,SEMS NYID SEMS SO, ,RAB TU YID LA MI BYED PA'I SKYON GYI GNYEN POR SEMS THAMS CAD KYIS BSAMS NAS CHOS MNYAN PAR BYA STE ZHES BYA BA'I RNAM PA 'DI YIN NO, ,DE LA ZHES BYA BA RGYAS PAR 'BYUNG BA NI DE LA SKYON JI SKAD BSTAN PA RNAMS LAS SKYON GYI TSIG KHA CIG SLOB DPON GYIS RNAM PAR BSHAD PA MDZAD PA YIN NO, ,SMRA BA PO NANG DU YANG DAG 'JOG PA'I TSE NYAN PA PO NYAN PA'I PHYIR DANG, NYAN PA PO SPYOD LAM MI SDUG PAS NYAN PA'I PHYIR KATYA'I BU MO SMYUG MA CAN GYI MDO LAS GSUNGS PA LTA BU'O, ,'DI NI SKYON DANG PO YIN TE, SMRA BA PO LA BDAG NYID KYIS BSKYOD PA DANG, SPYOD LAM GYI SKYON ZHES BYA BA 'DI YIN NO, ,RIGS MTHON PO NYID LA SOGS PAR NGA RGYAL 'BYUNG BA'I PHYIR SKYON NO, ,SOGS PA'I SGRAS NI RIGS PA DANG, RUS DANG, NA TSOD DANG, BYAD GZUGS DANG, THOS PA LA SOGS PA BSDUS SO, ,CHOS DANG CHOS SMRA BA LA ZHES BYA BA RGYAS PAR BSTAN PA GANG YIN PA DE'I RNAM PAR BSHAD PA NI, CHOS LA NI YON TAN LEGS PAR GSUNGS PA NYID DU DANG, 'BRAS BU CHEN PO NYID DU STE, LEGS PAR GSUNGS PA NYID DU DANG, 'BRAS BU CHEN PO NYID DU'O, ,CHOS SMRA BA LA NI YON TAN DGE BA'I BSHES GNYEN NYID YIN PAR RO, ,SKYON YID LA BYED PA'I PHYIR BRNYAS PA'I SKYON ZHES BYA BA BSTAN PA GANG YIN PA DE'I RNAM PAR BSHAD PA YANG, CHOS LA SKYON NI ZHES BYA BA RGYAS PAR 'BYUNG BA YIN NO, ,RNAM PAR G-YENGS PA DANG, BSDUS PA GNYIS KYIS MI NYAN PA'I SKYON ZHES BSTAN PA GANG YIN PA 'DI'I RNAM PAR BSHAD PA YANG, RNAM PAR G-YENGS PA NI ZHES RGYAS PAR 'BYUNG BA YIN NO, ,LEGS PAR YID LA MI BYED PA'I SKYON ZHES BSTAN PA GANG YIN PA 'DI'I RNAM PAR BSHAD PA YANG DGONGS PA DANG, CHOS NYID LA ZHES BYA BA RGYAS PAR GSUNGS PA YIN NO, ,JI LTAR NA LEGS PAR YID LA MI BYED PA YIN ZHE NA, DGONGS @211B PA DANG, CHOS NYID LA PHYIN CI MA LOG PA NYID KYIS TE, DGONGS PA LA PHYIN CI LOG PA NYID KYIS DANG, CHOS NYID LA PHYIN CI LOG PA NYID KYIS SO, ,DE LA DGONGS PA LA PHYIN CI LOG PA NYID NI TSOR BA GANG CI YANG RUNG BA DE NI 'DIR SDUG BSNGAL BA'O ZHES BYA BA DANG, PHA DANG MA NI BSAD BYAS SHING, , ZHES BYA BA DE LTA BU LA SOGS PA LA SGRA JI BZHIN DU 'DZIN PA'O, ,CHOS NYID LA PHYIN CI LOG PA NYID NI MA RIG PA'I RKYEN GYIS RNAM PAR SHES PA ZHES BYA BA DANG, 'GRO BA'I RGYU NI RANG BZHIN DANG, SKYES BU DANG DBANG PHYUG LA SOGS PA YIN NO ZHES DE LTA BU LA SOGS PAR RGYU PHYIN CI LOG TU BSTAN TO, ,RAB TU YID LA MI BYED PA'I SKYON ZHES BSTAN PA GANG YIN PA 'DI'I RNAM PAR BSHAD PA YANG RAB TU YID LA MI BYED PA NI 'DUN PA DANG, 'JUG PA ZHAN PA NYID KYIS TE, 'DUN PA ZHAN PA NYID KYIS DANG, 'JUG PA ZHAN PA NYID KYIS SO, ,'DUN PA NI BYED PAR 'DOD PA NYID KYIS SO, ,'JUG PA NI YID LA BYED PA'O, ,LAS KYI SKYON ZHES BYA BA RGYAS PAR 'BYUNG BA NI LAS NYID SKYON YIN PAS SO, ,LAS KYI SKYON YIN PA NAS, 'DZIN PA'I BAR NYID SKYON YIN PAS 'DZIN PA'I SKYON YIN NO, ,LUS KYI LAS KYI SKYON NI SPYOD LAM MI SDUG PAR 'DUG PA'I PHYIR RO, ,SKYON DE'I GNYEN POR DUS SU CHOS MNYAN PAR BYA ZHES BYA BA'I RNAM PA 'DI YIN NO, ,LUS DANG NGAG GI LAS KYI SKYON JI LTA BU ZHE NA, DE GNYIS KYIS SKUL BAR MI BYED PA'I PHYIR TE, LUS KYIS SKUL BAR MI BYED PA'I PHYIR DANG, NGAG GIS SKUL BAR MI BYED PA'I PHYIR RO, ,DE'I GNYEN POR BKUR STI ZHES BYA BA'I RNAM PA YIN NO, ,YID KYI LAS KYI SKYON NI NYAN PAR MI 'DOD PA NYID KYIS SO, ,DE'I GNYEN POR NYAN PAR GUS PA ZHES BYA BA'I RNAM PA 'DI YIN NO, ,MOS PA MED PA'I SKYON GYI GNYEN POR MA RANGS PA MED PA ZHES BYA BA'I RNAM PA 'DI YIN NO, ,MCHOD BAR MI 'GYUR BA'I SKYON GYI GNYEN POR BSGO BA BZHIN BYED PA ZHES BYA BA'I RNAM PA YIN NO, ,BSGO BA BZHIN BYED BA NI MIG RTZA DANG BZHIN LA SOGS PAS DANG BAR STON PA'O, ,BSAM PA'I SKYON JI LTA BU ZHE NA, GZHAN LA KLAN KA BTZAL BA DANG, 'DI LTA BU ZHIG TU RGOL BA LAS THAR BAR BYA BA'I BSAM BA NYID KYIS TE, GZHAN LA KLAN KA BTZAL BA'I BSAM PA NYID KYIS DANG, 'DI LTA BU ZHIG TU RGOL BA LAS @212A *, ,THAR BAR BYA BA'I BSAM PA NYID KYIS SO, ,'DI LTA BU ZHIG TU RGOL BA LAS THAR BAR BYA BA'I BSAM PA NI 'DI LTA BU ZHIG TU RGOL BA LAS THAR BAR BYA BA'I BSAM PA STE, DE'I DNGOS PO NI NYID KYIS SO, ,'DI SKAD DU GANG ZHIG GRANGS CAN LA SOGS PA'I RGOL BA RNAM PA 'DI LTA BU ZHIG TU RGOL BA LAS THAR BAR BYA'O SNYAM PA'I BSAM PA 'DIS NYAN GYI YANG DAG PA JI LTA BA BZHIN DU KHONG DU CHUD PAR BYA BA'I PHYIR CHOS 'DOD PA NYID KYIS NI MA YIN NO ZHES BSTAN PA YIN NO, ,RGOL BA DE'I GNYEN POR KLAN KA BTZAL BA'I BSAM PA MED PA ZHES BYA BA'I RNAM PA YIN NO, ,MI MTHUN PA NYID KYI SKYON NI RNAM PA LNGA DAG STE, DE LA CHOS LA NI NGES PAR 'BYIN PA MA YIN PAR GO BA NYID KYIS GUS PA MI SKYED PA STE, DE'I GNYEN POR CHOS LA GUS PA NYE BAR GZHAG BA ZHES BYA BA'I RNAM PA YIN NO, ,BSTAN PA'I CHOS DE NYID LA TSIG DANG YI GE MA 'BREL PA NYID KYIS BRNYAS PA STE, DE'I GNYEN POR CHOS LA BRNYAS PA MED PA NYID CES BYA BA'I RNAM PA YIN NO, ,DE LTAR NA RE ZHIG CHOS LA MA GUS PA DANG, BRNYAS PA'I SKYON GNYIS KYI GNYEN POR TSIG GNYIS BSTAN PA YIN NO, ,GANG ZAG LA NI TSUL KHRIMS DANG, TSIG DANG TSIG 'BYIN PA'I SKYON GYIS GUS PA MED PA YIN TE, TSUL KHRIMS KYI SKYON GYIS DANG, TSIG DANG TSIG 'BYIN PA'I SKYON GYIS SO, ,DE'I GNYEN POR GANG ZAG CHOS SMRA BA LA GUS PA NYE BAR GZHAG PA ZHES BYA BA'I RNAM PA YIN NO, ,RIGS KYI SKYON GYIS BRNYAS PA STE, DE'I GNYEN POR GANG ZAG CHOS SMRA BA LA BRNYAS PA MED PA NYID CES BYA BA'I RNAM PA YIN NO, ,KHONG DU CHUD PA DANG, SGRUB PA'I NUS PA MI 'BYUNG NGO SNYAM PA'I PHYIR BDAG NYID LA BRNYAS PA NI KHONG DU CHUD PA'I NUS PA MI 'BYUNG NGO SNYAM PA'I PHYIR DANG, SGRUB PA'I NUS PA MI 'BYUNG NGO SNYAM PA'I PHYIR BDAG LA BRNYAS PA YIN NO ZHES BYA BA'I THA TSIG GO, ,DE'I GNYEN POR BDAG NYID LA BRNYAS PA MED PA NYID CES BYA BA'I RNAM PA YIN NO, ,'DZIN PA'I SKYON YANG RNAM PA LNGA STE, LOG PAR 'DZIN PA STE, DE'I GNYEN POR KUN DU SHES PAR BYA BA'I SEMS ZHES BYA BA'I RNAM PA YIN NO, ,DON MI 'DZIN PA STE, DE'I GNYEN POR SEMS RTZE GCIG TU BYA BA ZHES BYA BA'I RNAM PA YIN NO, ,TSIG 'BRU MI 'DZIN PA STE, DE'I GNYEN @212B BOR RNA BLAGS PA ZHES BYA BA'I RNAM PA YIN NO, ,BRDA MA PHRAD PAR 'DZIN PA STE, DE'I GNYEN POR SEMS KUN DU BTUNG PA ZHES BYA BA'I RNAM PA YIN NO, ,MA LUS PAR MI 'DZIN PA STE, DE'I GNYEN POR SEMS THAMS CAD KYIS BSAMS NAS CHOS MNYAN PAR BYA BA'I RNAM PA YIN NO, ,LHAG MA NI GO SLA BA'I PHYIR RNAM PAR MA PHYE'O, ,LHAG MA GANG ZHE NA, RE ZHIG SKYON BCU GSUM DANG POR BSTAN PA RNAMS LAS DON DU MI GNYER BA NYID KYI SKYON DANG, GZHAN GYI PHYOGS BYED PAS SNYING NA BA'I SKYON DANG, MCHOD PAR MI 'GYUR BAS SMRA BA PO RAB TU MI 'DZIN PA'I SKYON DANG, SUN CI PHYIN DU BRGAL BA'I BSAM PA'I SKYON ZHES BYA BA 'DI NI LHAG MA STE GO SLA BA'I PHYIR RNAM PAR MA PHYE'O, ,SKYON DRUG PO RNAMS LAS KYANG LHAG MA MOS PA MED PA'I SKYON DANG, MCHOD PAR MI 'GYUR BA'I SKYON ZHES BYA BA 'DI YANG GO SLA BA'I PHYIR RNAM PAR MA PHYE'O, ,GSUNG GRONG KHYER PA DANG GSUNG GSAL BA DANG, SNYAN CING 'JEBS PA DANG, RNAM PAR GSAL BA DANG, RNAM PAR SHES PAR BYA BA DANG, MNYAN PAR 'OS PA DANG, MI BRTEN PA DANG, MI MTHUN PA MED PA DANG YONGS SU GTUGS PA MED PAS CHOS STON PAR MDZAD DO ZHES BYA BA NI MDO SDE'I DUM BU YIN NO, ,DE LA ZHES BYA BA RGYAS PAR 'BYUNG BA LAS, DE LA RNAM PA GNYIS KYIS TE, KHYAD PAR GNYIS KYIS GSUNG SNYAN PA NYID DU RIG PAR BYA STE, GSUNG RGYA CHE BA NYID KYIS TE 'KHOR LA CHUB PAR MDZAD PA'I PHYIR DANG STE, 'DI LTAR GSUNG DES 'KHOR LA CHUB PAR MDZAD PA DANG, GSUNG 'JAM PA NYID KYIS SO, ,DE LA GSUNG RGYA CHE BA NYID KYIS NI GSUNG YON TAN DANG PO STE, GSUNG SNYAN PA NYID DANG LDAN PAR YANG DAG PAR SDUD PAR BYED PA RNAMS KYIS GSUNG GSAL BA ZHES BYA BA'I TSIG 'DIS YONGS SU BSTAN PA YIN TE, RAB TU STON PA YIN NO, ,GSUNG 'JAM PA NYID KYIS KYANG GSUNG YON TAN DANG PO NYID DE, GSUNG SNYAN PA NYID DANG LDAN PAR YANG DAG PAR SDUD PAR BYED PA RNAMS KYIS SNYAN CING 'JEBS PA ZHES BYA BA'I TSIG 'DIS YONGS SU BSTAN PA YIN NO, ,RNAM PA GNYIS KYIS NA TSIG 'BRU BZANG PO NYID YIN PAR RIG PAR BYA STE, TSIG 'BRU NGES PA'I TSIG LEGS PA NYID DANG, BRJOD PA GO BAR MDZAD PA NYID KYIS SO, ,TSIG 'BRU NGES PA'I TSIG @213A *, ,LEGS PA NYID KYIS NA GSUNG YON TAN GNYIS PA NYID DE, TSIG 'BRU BZANG PO NYID DANG LDAN PAR YANG DAG PAR SDUD PAR BYED PA RNAMS KYIS RNAM PAR GSAL BA ZHES BYA BA'I TSIG 'DIS YONGS SU BSTAN PA YIN NO, ,BRJOD PA GO BAR MDZAD PA NYID KYIS KYANG GSUNG YON TAN GNYIS PA NYID DE, TSIG 'BRU BZANG PO NYID DANG LDAN PAR YANG DAG PAR SDUD PAR BYED PA RNAMS KYIS RNAM PAR SHES PAR BYA BA ZHES BYA BA'I TSIG 'DIS YONGS SU BSTAN PA YIN NO, LHAG MA RNAMS NI RE RES TE, YON TAN LHAG MA DON BZANG PO NYID LA SOGS PA BZHI NI RNAM PA RE RES RIG PAR BYA'O, ,JI LTAR BYAS PAS SHE NA, RIGS PA'I DON DANG LDAN PA NYID KYIS TE MNYAN PAR 'OS PA'I PHYIR NA DON BZANG PO NYID DU RIG PAR BYA STE, 'DIS NI GSUNG YON TAN GSUM PA STE, DON BZANG PO NYID DANG LDAN PAR MNYAN PAR 'OS PA ZHES BYA BA'I TSIG 'DIS YONGS SU BSTAN PA YIN NO, ,RNYED PA LA SOGS PA'I BZHED PA DANG MI LDAN PA NYID KYIS TE, RNYED PA DANG BKUR STI DANG TSIGS SU BCAD PA'I BZHED PA DANG MI LDAN PA NYID KYIS ZANG ZING MED PA NYID DU RIG PAR BYA STE, 'DIS NI GSUNG YON TAN BZHI PA STE, ZANG ZING MED PA NYID DANG LDAN PAR MI BRTEN ZHES BYA BA'I TSIG 'DIS YONGS SU BSTAN PA YIN NO, ,'KHOR JI LTA BA BZHIN DU SBYOR BA NYID KYIS NA JI LTAR 'OS PA NYID YIN PAR RIG PAR BYA'O, ,'DIS NI GSUNG YON TAN LNGA PA STE, JI LTAR 'OS PA NYID CES BYA BA'I TSIG 'DIS YONGS SU BSTAN PA YIN NO, ,'KHOR JI LTA BA BZHIN DU SBYOR BA NYID KYANG GANG ZHIG SBYIN PA LA SOGS PA'I GTAM RNAMS LAS GTAM GANG GIS GDUL BAR BYA BA DE GTAM DE'I SBYOR BAS GDUL BAR BYA BA YIN NO, ,SPOBS PA DPAG TU MED PA DANG LDAN PA NYID KYIS NA RGYA CHE BA NYID YIN PAR RIG PAR BYA'O, ,'DIS KYANG GSUNG YON TAN DRUG PA STE, RGYA CHE BA NYID DANG LDAN PAR YANG DAG PAR SDUD PAR BYED PA DE DAG GIS YONGS SU GTUGS PA MED PA ZHES BYA BA'I TSIG 'DIS YONGS SU BSTAN PA YIN NO, ,MYA NGAN LAS 'DAS BA'I GRONG KHYER GYI DBANG DU MDZAD PA NYID CES BYA BA RGYAS PAR 'BYUNG BA NI MYA NGAN LAS 'DAS PA NYID GRONG KHYER YIN PAS GSUNG 'DI MYA NGAN LAS 'DAS PA'I GRONG KHYER GYI DBANG DU MDZAD PA YIN PAS 'DI NI MYA NGAN LAS 'DAS @213B PA'I GRONG KHYER GYI DBANG DU MDZAD PA STE, MYA NGAN LAS 'DAS PA'I GRONG KHYER LA BRTEN PA ZHES BYA BA'I THA TSIG GO, ,DE'I DNGOS PO NI MYA NGAN LAS 'DAS PA'I GRONG KHYER GYI DBANG DU MDZAD PA NYID DO, ,MYA NGAN LAS 'DAS PA'I GRONG KHYER GYI DBANG DU MDZAD PA DE NYID KYI RGYUS GRONG KHYER PA ZHES KYANG BYA STE, GRONG KHYER LA YOD PA'I PHYIR TE, DE'I DBANG DU MDZAD PA'I DON GYIS SO, ,GSUNG 'JAM PA NYID KYI RGYUS NI SNYAN CING 'JEBS PA YIN NO, ,TSIG 'BRU'I NGES PA'I TSIG LEGS PA NYID KYI RGYUS NA RNAM PAR GSAL BA YIN TE, JI SKAD DU BCOM LDAN 'DAS KYIS DGE SLONG DAG TSIG DANG YIG 'BRU'I NGES PA'I TSIG MA LEGS PA NI DON YANG DRANG BAR DKA' BA YIN NO ZHES GSUNGS PA LTA BU YIN NO, ,GO BAR MDZAD PA NYID KYI RGYUS NA RNAM PAR SHES PAR BYA BA YIN NO, ,CHOS DANG DON DANG LDAN PA NYID KYI RGYUS NA MNYAN PAR 'OS PA YIN NO, ,DAD NAS BKUR STI BYED PA LA MI BRTEN PA NYID KYI RGYUS NA MI BRTEN PA YIN NO, ,RAN PAR GSUNGS PA NYID KYI RGYUS NA MI MTHUN PA MED PA YIN NO, ,RGYA CHE ZHING THABS MKHAS PA NYID KYI RGYUS NA RGYA CHE BA NYID DANG, THABS MKHAS PA NYID KYI RGYUS TE, YONGS SU GTUGS PA MED PA YIN NO, ,DE LA RGYA CHE BA NYID NI GSUNG MANG BA YIN NO, ,THABS MKHAS PA NI GSUNG TSIG DANG YIG 'BRU 'BREL PA YIN NO, ,GSUNG YONGS SU GTUGS PA MED PA NYID NI YONGS SU ZAD MI SHES PA NYID YIN NO, ,'DI NI ZHES BYA BA NI GSUNG RNAM PA BRGYAD DANG LDAN PA 'DI NI'O, ,MYA NGAN LAS 'DAS PA'I GRONG KHYER GYI DBANG DU MDZAD PA LA SOGS PA'I RNAM PA RNAMS KYIS MDOR NA STE BSDU NA YON TAN GSUM DANG LDAN PAR RIG PAR BYA STE, JI LTAR BYAS PAS SHE NA, DBANG DU MDZAD PA NYID NI MYA NGAN LAS 'DAS PA'I GRONG KHYER GYI DBANG DU MDZAD PA'I PHYIR RNAM PA GCIG GIS TE, GSUNG GRONG KHYER PA ZHES BYA BA'I TSIG 'DIS NI YON TAN DANG PO DANG LDAN PAR RIG PAR BYA'O, ,RANG BZHIN NYID NI RNAM PA GNYIS KYIS TE, SNYAN CING 'JEBS PA DANG, RNAM PAR GSAL BA ZHES BYA BA 'DI GNYIS KYIS NI YON TAN GNYIS BA DANG LDAN PAR RIG PAR BYA'O, ,'DI'I RANG BZHIN YANG GANG ZHE NA, 'JAM PA NYID DO, ,SBYOR BA NYID NI RNAM PA LHAG MA RNAMS KYIS TE, RNAM PAR SHES PAR BYA BA ZHES BYA BA DANG, DE LA @214A *, ,SOGS PA RNAMS KYIS SO, ,SBYOR BA PO DES JI LTAR RNAM PAR SHES PAR BYA BA DANG, MNYAN PAR 'OS PA DANG RNYED PA DANG, BKUR STI DANG TSIGS SU BCAD PA 'DOD BA LA MI BRTEN PA DANG, MI MTHUN PA MED PA DANG, YONGS SU GTUGS PA MED PAR DE SBYOR BA DE LTA BUR NI SBYOR BA NYID YIN TA, LHAG MA RNAMS KYIS YON TAN GSUM DANG LDAN PAR RIG PAR BYA'O, ,DE NAS TSE DANG LDAN PAS GA DGE SLONG RAB TU MANG PO DAG RIM GRO'I GNAS SU TSOGS SHING 'DUS PAR GYUR PA DAG LA SKAD GSAL BA DANG, SNYAN CING 'JEBS PA DANG, RNAM PAR GSAL BA DANG, RNAM PAR SHES PAR BYA BA DANG, MNYAN PAR 'OS PA DANG, MI BRTEN PA DANG, MI MTHUN PA MED PA DANG, YONGS SU GTUGS PA MED PAS CHOS STON PAR BYED PA DANG, DE LA DGE SLONG DE DAG GIS BKUR STIR BYAS, BLA MAR BYAS, GCES PAR BYAS, YID LA BYAS, SEMS RTZE GCIG TU BYAS TE, RNA BLAGS SHING SEMS THAMS CAD KYIS BSAMS NAS CHOS NYAN BAR BYED DO ZHES BYA BA NI MDO SDE'I DUM BU YIN NO, ,'DIS NI ZHES BYA BA RGYAS PAR 'BYUNG BA NI BSHAD PA 'DIS NI BKUR STIR BYAS NAS CHOS NYAN PA SKYON DRUG DANG BRAL BAR BSTAN PA YIN NO, ,JI LTAR BYAS PAS SHE NA, DE LA BLA MAR BYAS ZHES BYA BA'I TSIG 'DIS NI BKUR STIR BYAS NAS NYAN PA NGA RGYAL GYI SKYON DANG BRAL BAR BSTAN TO, ,DE BZHIN DU SEMS THAMS CAD KYIS BSAMS NAS ZHES BYA BA'I BAR GYI TSIG 'DIS NI BKUR STIR BYAS NAS NYAN PA SKYO BA'I SKYON DANG BRAL BAR BSTAN TO, ,DRI MA ZHES BYA BA NI SKYON ZHES BYA BA'I THA TSIG GO, ,CHOS MNGON PA DANG 'DUL BA MNGON BA LAS DRI BA DRIS PA YANG SHES SHING, TSIG DANG YIG 'BRU RIGS PA DANG, 'BREL BA DANG, RJES SU MTHUN PA DANG, 'BYOR PA DANG, THABS DANG LDAN PA DANG, 'TSAM PA DANG, MTHUN PA DANG, RTAG TU 'GRUS SKYONG GI YAN LAG GI TSOGS RNAMS KYIS LAN LDON PAR YANG BYED DO ZHES BYA BA NI MDO SDE'I DUM BU YIN NO, ,SHES LA LAN LDON PAR YANG BYED DO ZHES BYA BA NI 'DRI BA DE DAG SHES PA STE, ,KHONG DU CHUD PA 'BA' ZHIG TU MA ZAD KYI, 'O NA CI ZHE NA, LAN LDON PAR YANG BYED DO, ,LUNG STON PAR BYED DO ZHES BYA BA'I THA TSIG GO, ,'DI LAS NI ZHES BYA BA RGYAS PAR 'BYUNG BA @214B NI MDO SDE'I DUM BU 'DI LAS NI 'DRI BA RNAM PA GSUM LA LAN GDAB PA YON TAN BRGYAD DANG LDAN PA STE, TSIG DANG YIG 'BRU RIGS PA DANG ZHES BYA BA DE LA SOGS PA YON TAN BRGYAD DAG DANG LDAN PA YONGS SU BSTAN PA YIN NO, ,DON DANG MTSAMS SBYAR BA'I DBANG DU BYAS NAS ZHES BYA BA NI DON GYI DBANG DU BYAS NAS DANG, MTSAMS SBYAR BA'I DBANG DU BYAS NAS SO, ,MI SHES TE 'DRI BA DE LA NI MI SHES NAS 'DRI BA LA NI STE, DE'I LAN GDAB PAR YONGS SU BSTAN PA YIN NO, ,JI LTAR BYAS PAS SHE NA, DON GYI DBANG DU BYAS NAS NI DON PHYIN CI MA LOG PA NYID KYIS TE, TSIG DANG YIG 'BRU RIGS BA ZHES BYA BA'I TSIG 'DIS SO, ,MTSAMS SBYAR BA'I DBANG DU MDZAD NAS NI MTSAMS SBYAR BA 'BREL PAR BYED PA NYID KYIS TE, 'BREL PA ZHES BYA BA'I TSIG 'DIS SO, ,DE LTAR NA RE ZHIG MI SHES NAS 'DRI BA DANG PO RNAM PA GNYIS LA DE'I LAN GDAB PA TSIG GNYIS KYIS YONGS SU BSTAN PA YIN NO, ,CHOS NYID DANG SNGA PHYI'I DBANG DU MDZAD NAS NI GNYIS PAS TE, DE LA CHOS NYID NI CHOS RNAMS KYI RANG BZHIN TE, DPER NA MA RIG PA LA SOGS PA NI 'DU BYED LA SOGS PA'I RKYEN GYI DNGOS PO YIN PA LTA BU STE, CHOS NYID DE'I DBANG DU BYAS NAS 'GAL BA 'DRI BA 'BYUNG NGO, ,'GAL BA'I DBANG DU BYAS NAS 'DRI BA'AM, 'GAL BAS 'DRI BA NI 'GAL BA 'DRI BA STE, CI'I PHYIR MA RIG PA LA SOGS PA 'DU BYED LA SOGS PA'I RKYEN YIN ZHES BYA BA LTA BU'O, ,SNGA PHYI'I DBANG DU BYAS NAS 'GAL BA 'DRI BA 'BYUNG BA NI CI'I PHYIR NA, TSOR BA GANG CI YANG RUNG BA DE NI 'DIR SDUG BSNGAL BA'O ZHES KYANG GSUNGS LA, TSOR BA NI GSUM STE, BDE BA'I TSOR BA DANG, SDUG BSNGAL GYI TSOR BA DANG, BDE BA YANG MA YIN SDUG BSNGAL BA YANG MA YIN PA'I TSOR BA'O ZHES KYANG GSUNGS ZHES BYA BA LTA BU'O, ,'GAL BA 'DRI BA RNAM PA GNYIS PO 'DI LAS RE ZHIG DANG PO'I LEN GDAB PA NI CHOS NYID KYI RJES SU MTHUN PA NYID KYIS TE, ,RJES SU MTHUN PA ZHES BYA BA'I TSIG 'DIS SO, ,GNYIS PA NI DGONGS PA BSTAN PA NYID KYIS TE, 'BYOR BA ZHES BYA BA'I TSIG 'DIS SO, ,'BYOR PA ZHES BYA BA NI DGONGS PA BSTAN PA GANG YIN PA'O, ,'DRI BA GNYI GA LA YANG STE, MI SHES NAS 'DRI BA DANG, @215A *, ,'GAL BA 'DRI BA LA YANG GO BAR BYED PA NYID KYIS TE, THABS DANG LDAN PA ZHES BYA BA'I TSIG 'DIS LAN GDAB PA YIN NO, ,'DIS 'GRUB PAS NA THABS SO, ,THABS NYID THABS DANG LDAN PA STE, GDUL BA DANG LDAN BA ZHES BYA BA BZHIN NO, ,'DRI BA GNYI GA LA YANG GDUL BA JI LTA BA BZHIN DU 'CHAD PA NYID KYIS KYANG YIN TE, 'TSAM PA ZHES BYA BA'I TSIG 'DIS LAN GDAB PA YIN NO, ,RTOGS PA'I DBANG DU BYAS NAS NI GDAMS NGAG 'DRI BA STE, GSUM PA YIN NO, ,DE LA RTOGS PA NI 'JIG RTEN LAS 'DAS PA'I CHOS THOB PA'O, ,DE'I DBANG DU BYAS NAS NI CHED DU BYAS NAS ZHES BYA BA'I THA TSIG GO, ,GDAMS NGAG THOB PAR BYA BA'I PHYIR 'DRI BA NI GDAMS NGAG 'DRI BA STE, GDAMS NGAG 'DRI BA LA NI 'JIG RTEN PA'I YON TAN MNGON PAR SGRUB PA DANG RJES SU MTHUN PA NYID KYIS TE, ,'JIG RTEN PA RNAMS KYI YON TAN RNAMS NI BSAM GTAN DANG, GZUGS MED PA DANG, TSAD MED PA DANG, RNAM PAR THAR PA LA SOGS PA ZAG PA DANG BCAS PA RNAMS SO, ,MNGON PAR SGRUB PA DANG, RJES SU MTHUN PA NYID KYIS NI SKYES PA DANG MTHUN PA NYID KYIS TE, MTHUN PA ZHES BYA BA'I TSIG 'DIS LAN GDAB PA YIN NO, ,'JIG RTEN LAS 'DAS PA'I YON TAN MNGON PAR SGRUB PA DANG RJES SU MTHUN PA NYID KYIS NI 'JIG RTEN LAS 'DAS PA'I YON TAN RNAMS TE, YANG DAG PA'I LTA BA LA SOGS PA 'PHAGS PA'I LAM YAN LAG BRGYAD PA RNAMS MNGON BAR SGRUB PA DANG RJES SU MTHUN PA NYID KYIS TE, RTAG 'GRUS SKYONG GI YAN LAG GI TSOGS RNAMS KYIS ZHES BYA BA'I TSIG 'DIS LAN GDAB PA YIN PAR YONGS SU BSTAN PA YIN NO, ,'JIG RTEN LAS 'DAS PA'I YON TAN MNGON BAR SGRUB PA DANG RJES SU MTHUN PA NYID KYIS YIN PAR JI LTAR SHES SHE NA, RTAG 'GRUS SKYONG GI YAN LAG 'PHAGS PA'I LAM GYI YAN LAG GI TSOGS YIN PA'I PHYIR RO, , 'DI LTAR RTOG PA THOB PAR BYA BA'I PHYIR 'DRI BA LA NI RTAG 'GRUS SKYON STE, SLOB PA'I YAN LAG 'PHAGS PA'I LAM GYI YAN LAG GI TSOGS RNAMS GYIS LAN GDAB PA YIN PAS SO, ,RTAG TU NAS BYA BA RGYAS PAR 'BYUNG BA NI RTAG PA STE RTAG TU DANG 'GRUS PA STE, BSGRIMS PAS ZAG PA RNAMS LAS @215B TE, NYON MONGS PA RNAMS LAS SEMS BSRUNG BA'I PHYIR RO, ,GZHAN YANG ZHES BYA BA NI RNAM GRANGS GZHAN YANG RIGS PA NYID NI 'BREL PA NYID KYIS GSAL BAR BYED PA STE, TSIG DANG YIG 'BRU RIGS PA DANG 'BREL PA ZHES BYA BA'O, ,JI LTAR 'BREL PA YIN ZHE NA, SNGA PHYI MA 'BREL PA MED PA NYID KYIS SO, ,RJES SU MTHUN PA NYID NI 'BYOR PA NYID KYIS GSAL BAR BYED PA YIN TE, RJES SU MTHUN PA DANG, 'BYOR PA ZHES BYA BA'I TSIG 'DIS SO, ,DON GANG GIS SHE NA, CHOS NYID DANG MI MTHUN PA MED PA NYID KYIS SO, ,THABS DANG LDAN PA NYID NI 'TSAM PA NYID KYIS GSAL BAR BYED PA YIN TE, THABS DANG LDAN PA DANG, 'TSAM PA ZHES BYA BA'O, ,JI LTA ZHE NA, GDUL BA DANG RJES SU MTHUN PAR 'CHAD PA NYID KYIS SO, ,MTHUN PA NYID NI RTAG 'GRUS SKYONG GI YAN LAG GI TSOGS NYID KYIS GSAL BAR BYED PA YIN TE, MTHUN PA DANG, RTAG 'GRUS SKYONG GI YAN LAG GI TSOGS RNAMS ZHES BYA'O, ,JI LTA ZHE NA, TSANGS PAR SPYOD PA'I RJES SU MTHUN PA NYID KYIS SO, ,DE LTAR GSUNG DBYANGS YAN LAG LNGA DANG LDAN PA'I BSHAD PA LAS 'BYUNG BA LTA BU STE, TSIG SNGA MA PHYI MAS GSAL BAR BYED PA YIN NO, ,JI SKAD 'BYUNG ZHE NA, KYE MKHAN PO GOO TA MA SHES LDAN DE NI 'KHOR RNAMS LA CHOS STON PA NA GSUNG DBYANGS YAN LAG LNGA DANG LDAN PA ZHAL NAS 'BYUNG BA STE, BRJID PA DANG, 'BRUG LTAR SGROGS PA DANG, SNYAN CING 'JEBS PA DANG, RNAR SNYAN PA DANG, SNYING DU 'THAD PA DANG, DGA' BAR BYED PA DANG, GSAL BA DANG, RNAM PAR SHES PAR BYA BA DANG, MNYAN PAR 'OS PA DANG, MI MTHUN PA MED PA'O ZHES 'BYUNG BA STE, TSIG SNGA MA PHYI MAS GSAL BAR BYED PA YIN NO, ,TSIG PHYI MAS RNAM PAR BSHAD PA DANG BCAS PA ZHES BYA BA RGYAS PAR 'BYUNG BA NI TSIG PHYI MA PHYI MAS RNAM PAR BSHAD PA DANG BCAS PA TSIG DANG YIG 'BRU RIGS PA DANG 'BREL PA DANG ZHES BYA BA DE LA SOGS PA'I TSIG 'DI RNAMS KYIS SO, ,TSIG PHYI MAS RNAM PAR BSHAD PA NI TSIG PHYI MAS RNAM PAR BSHAD PA'O, ,TSIG GANG DAG TSIG PHYI MAS RNAM PAR BSHAD PA'ANG LHAN CIG PA NI TSIG PHYI MAS RNAM PAR BSHAD PA DANG BCAS PA STE DE RNAMS KYIS SO, ,'DRI BA THAMS CAD LA STE MI SHES NAS 'DRI BA DANG 'GAL BA @216A *, ,'DRI BA DANG, GDAMS NGAG 'DRI BA RNAM PA THA DAD PA DU MA LA LAN GDAB PA YON TAN BZHI DANG LDAN PAR BSTAN PA YIN TE, SNGA PHYI MI 'GAL BAR LAN GDAB PA NI TSIG 'BRU RIGS PA DANG 'BREL PA ZHES BYA BA'I TSIG PHYI MAS RNAM PAR BSHAD PA DANG BCAS PA'I TSIG 'DIS BSTAN PA YIN NO, ,CHOS NYID DANG MTHUN PAR LAN GDAB BA NI RJES SU MTHUN PA DANG 'BYOR PA ZHES BYA BA'I TSIG PHYI MAS RNAM PAR BSHAD PA DANG BCAS PA'I TSIG 'DIS BSTAN PA YIN NO, ,GDUL BA DANG MTHUN PA STE, GDUL BA DANG MTHUN PAR RJES SU MTHUN PAR LAN GDAB PA NI THABS DANG LDAN PA DANG 'TSAM PA ZHES BYA BA'I TSIG PHYI MAS RNAM PAR BSHAD PA DANG BCAS PA'I TSIG 'DIS BSTAN PA YIN NO, ,DON GYI MCHOG DANG MTHUN PAR LAN GDAB PA NI MTHUN PA DANG RTAG 'GRUS SKYONG GI YAN LAG GI TSOGS RNAMS KYIS ZHES BYA BA'I TSIG PHYI MAS RNAM PAR BSHAD PA DANG BCAS PA'I TSIG 'DIS BSTAN PA YIN NO, ,YON TAN BRGYAD DAG NI ZHES BYA BA RGYAS PAR 'BYUNG BA LA, DON LA 'JUG PA NGES PAR 'BYIN PA NYID NI TSIG DANG YIG 'BRU BRJOD PAR BYA BA'I DON LA 'JUG PA STE, RTOGS PA NI DON LA 'JUG PA'O, ,'DIS NGES PAR 'BYIN PAS NA NGES PAR 'BYIN PA STE, DE'I DNGOS PO NI NGES PAR 'BYIN PA NYID DO, ,DON LA 'JUG PA NI NGES PAR 'BYIN PA NYID YIN PAS DON LA 'JUG PA NGES PAR 'BYIN PA NYID DO, ,LAN GDAB PA NI DON LA 'JUG PA NGES PAR 'BYIN PA NYID KYI YON TAN DANG PO 'DI DANG YANG LDAN PA YIN TE, TSIG DANG YIG 'BRU RIGS PA ZHES BYA BA TSIG DANG PO 'DIS YONGS SU BSTAN PA YIN NO, ,'JIG RTEN LA GRAGS PA'I TSIG DANG YIG 'BRU DANG 'BREL PA NYID NI 'JIG RTEN LA GRAGS PA'I TSIG DANG YIG 'BRU RNAMS DANG 'BREL PA NYID YIN TE, LAN GDAB PA NI YON TAN GNYIS PA 'DI DANG YANG DAG PA YIN TE, 'BREL PA ZHES BYA BA'I TSIG GNYIS PA 'DIS YONGS SU BSTAN PA YIN NO, ,RGOL BA 'GAL BA'I RJES SU MTHUN PA NYID NI RGOL BAS 'GAL BA NI RGOL BA 'GAL BA'AM, RGOL BA NYID 'GAL BA YIN PAS RGOL BA 'GAL BA STE, DE'I RJES SU MTHUN PA NYID NI RGOL BA 'GAL BA'I RJES SU MTHUN PA NYID YIN NO, ,LAN GDAB PA NI YON TAN GSUM PA 'DI DANG YANG LDAN PA YIN TE, @216B RJES SU MTHUN PA ZHES BYA BA'I TSIG GSUM PA 'DIS YONGS SU BSTAN PA YIN NO, ,TSIG ZAB MO'I DON NGES PAR BYAS PA NYID NI TSIG ZAB MO RNAMS KYI DON GSAL BAR BYAS PA NYID NI TSIG ZAB MO'I DON NGES PAR BYAS PA NYID DO, ,LAN GDAB PA NI TSIG ZAB MO'I DON NGES PAR BYAS PA NYID KYI YON TAN BZHI PA 'DI DANG YANG LDAN PA YIN TE, 'BYOR PA ZHES BYA BA'I TSIG BZHI PA 'DIS YONGS SU BSTAN PA YIN NO, ,NYAN PA PO LA PHAN 'DOGS PA'I TSIG DANG YIG 'BRU RNAM PAR G-YENG BA MED PA'I GZHIR GNAS PA NYID CES BYA BA LA, RNAM PAR G-YENG BA MED PA'I GZHIR GNAS PA NYID NI RTEN YIN NO, ,LAN BTAB PA NI YON TAN GYI TSIG LNGA PA 'DI DANG YANG LDAN PA YIN TE, THABS DANG LDAN PA ZHES BYA BA'I TSIG LNGA PA 'DIS YONGS SU BSTAN PA YIN NO, ,GDUL BA'I BSAM BA DANG MOS PA JI LTA BA BZHIN DU RAB TU RNAM PAR PHYE BA NYID NI GDUL BA'I BSAM PA JI LTA BA BZHIN TE, SEMS PA JI LTA BA BZHIN DANG MOS PA JI LTA BA BZHIN DAG LA RAB TU RNAM PAR PHYE BA NYID NI RAB TU RNAM PAR PHYE BA BYAS PA NYID DE, YON TAN DRUG PA YIN NO, ,LAN GDAB PA NI YON TAN DRUG PA 'DI DANG YANG LDAN PA YIN TE, 'TSAM PA ZHES BYA BA'I TSIG DRUG PA 'DIS YONGS SU BSTAN PA YIN NO, ,'DI SKAD DU BSAM PA JI LTA BA BZHIN DANG, MOS PA JI LTA BA BZHIN DU TSIG DANG YIG 'BRU 'TSAM PA RNAMS KYIS DRI BA'I LAN 'DEBS PA YIN NO ZHES BSTAN PA YIN NO, ,LUNG 'BOGS PA DANG ZHES BYA BA RGYAS PAR 'BYUNG BA LA, LUNG 'BOGS PA DANG, KHA TON BYED PA DANG, MOS PA DANG, SEMS PA DANG, SGOM PA NI LUNG 'BOGS PA DANG, KHA TON BYED PA DANG, MOS PA DANG, SEMS PA DANG, SGOM PA RNAMS SO, ,DE RNAMS DANG MTHUN PA NYID NI RJES SU MTHUN PA NYID DE, LUNG 'BOGS PA DANG, KHA TON BYED PA DANG, MOS PA DANG, SEMS PA DANG, SGOM PA DANG MTHUN PA NYID DO, ,LAN GDAB PA NI YON TAN BDUN PA 'DI DANG YANG LDAN PA YIN TE, MTHUN BA ZHES BYA BA'I TSIG BDUN PA 'DIS YONGS SU BSTAN PA YIN NO, ,SGRA JI LTA BA BZHIN DU MNGON PAR MI ZHEN PAR BSTAN PA NYID NI SGRA JI LTA BA BZHIN LA MNGON PAR MI ZHEN PA'O, ,SGRA JI LTA BA BZHIN DU MNGON PAR MI ZHEN PAR GTAN LA DBAB PAR BSTAN PA NI SGRA JI LTA BA BZHIN DU MNGON PAR MI ZHEN PAR @217A *, ,GTAN LA DBAB PAR BSTAN PA YIN NO, ,DE'I DNGOS PO NI SGRA JI LTA BA BZHIN DU MNGON PAR MI ZHEN PAR GTAN LA DBAB PAR BSTAN PA NYID DO, ,LAN GDAB PA NI SGRA JI LTA BA BZHIN DU MNGON PAR MI ZHEN PAR GTAN LA DBAB PAR BSTAN PA NYID KYI YON TAN BRGYAD PA 'DI DANG YANG LDAN PA YIN TE, ,RTAG 'GRUS SKYONG GI YAN LAG GI TSOGS RNAMS KYIS ZHES BYA BA'I TSIG BRGYAD PA 'DIS YONGS SU BSTAN PA YIN NO, ,DGE SLONG DAG GTAM LA 'JUG PAR BYA NA 'DUN BA DANG, ZHE SDANG DANG, NGA RGYAL DANG, 'CHAB BA DANG, KUN NAS MNAR SEMS DANG, MI BZOD PA DANG, YID MI CHES PA YANG SPANGS LA, SEMS KYI THA BA DANG, 'CHAB PA'I GZHI YANG BOR TE, LTA BA'I YONGS SU GDUNG BA YANG BSAL NAS, HA CANG SMRA BAR YANG MI BYA ZHING, 'GAL BAR YANG MI BYA LA, TSIG RTZUB MO SMRA BAR YANG MI BYA STE, DON DANG CHOS STON PAR BYA, KUN DU SHES PAR BYA, YANG DAG PAR SHES PAR BYA, NGES PAR SEMS SU GZHUG PAR BYA ZHING MGU BAR BYA, YANG DAG PAR MGU BAR BYA, YONGS SU MGU BAR BYA LA, DANG BAR BYA ZHING DAD PA BSKYED PAR BYA STE, 'PHAGS PA RNAMS NI DE LTAR BRJOD NA 'PHAGS PA RNAMS KYI BRJOD PA NI DE LTA BU YIN NO ZHES BYA BA NI MDO SDE'I DUM BU YIN NO, ,DE LA ZHES BYA BA NI DON BKOD PA LA'O, ,KUN NAS NYON MONGS PA CAN GYI GTAM GYI GZHI NI RGYU STE, RNAM PA DGU'O, ,RANG GI PHYOGS RGYAL BAR 'DOD PA ZHES BYA BA KUN NAS NYON MONGS PA CAN GYI GTAM GYI GZHI 'DI YONGS SU SPANG BA NI 'DUN PA YANG SPANGS LA ZHES BYA BA'I TSIG 'DIS YONGS SU BSTAN PA YIN NO, ,PHYIR RGOL BA LA KHONG KHRO BA NYID CES BYA BA 'DI NI ZHE SDANG YANG ZHES BYA BA 'DIS SO, ,RANG GI PHYOGS GRUB PA NA SEMS KHENGS PA NYID CES BYA BA 'DI NI NGA RGYAL YANG ZHES BYA BA 'DIS SO, ,PHYIR RGOL BAS SKYON BYUNG BA GLENGS NA DE BCAB PAR 'DOD PA NYID CES BYA BA 'DI NI 'CHAB PA YANG ZHES BYA BA 'DIS SO, ,SKYON MA BYUNG BA GLENGS NA KHRO BA ZHES BYA BA 'DI NI KUN NAS MNAR SEMS KYANG ZHES BYA BA 'DIS SO, ,KHROS NA SHA GLAN PA'I PHYIR KHON DU 'DZIN PA ZHES BYA BA 'DI NI MI BZOD PA YANG ZHES BYA BA 'DIS SO, ,KHON DU 'DZIN PA ZHES BYA BA NI 'JIG RTEN NA MDUD PAR 'DZIN PA ZHES BYA BA GANG YIN PA'O, ,PHAM NA YID MI BDE BA'I MTSAN NYID SEMS MI GSAL BA NYID @217B CES BYA BA KUN NAS NYON MONGS PA CAN GYI GTAM GYI GZHI 'DIS YONGS SU SPANG BA NI YID MI CHED PA YANG SPANGS TE ZHES BYA BA'I TSIG 'DIS YONGS SU BSTAN PA YIN NO, ,DE LTAR NA RE ZHIG KUN NAS NYON MONGS PA CAN GYI GTAM GYI GZHI BDUN DAG NI TSIG BDUN PO DAG KHO NAS YONGS SU SPANGS PA YIN NO, , LHAG MA LUS PA LAS BRTZAMS NAS 'DI THAMS CAD KYI RTZOD PA'I RTZA BA'I ZHES BYA BA RGYAS PAR SMOS TE, KUN NAS NYON MONGS PA BDUN PO DANG KHONG KHRO BA LA SOGS PA 'DI THAMS CAD KYI RTZOD PA'I RTZA BA'I SNGON DU 'GRO BA NI KUN NAS NYON MONGS PA'I THOG MA'I RGYU NI ZHES BYA BA'I THA TSIG GO, ,RAB TU BYUNG BA'I YANG SEMS KYI THA BA DANG 'CHAB PA'I GZHI NI ZAG PA'I GNAS DANG MTHUN PA RNYED PA DANG, BKUR STI DANG LDAN PA'I YUL RNAMS TE, RNYED PA DANG BKUR STI DANG 'BREL PA'I YUL RNAMS SO, ,SEMS KYI THA BA DANG 'CHAB PA'I GZHI NI SEMS KYI THA BA'I GZHI DANG, 'CHAB BA'I GZHI ZHES BYA BA'I THA TSIG GO, ,JI LTAR BYAS PAS SHE NA, DE LA LTOS PA DANG BCAS PA STE, RNYED PA DANG BKUR STI DANG LDAN PA'I YUL LA LTOS PA DANG BCAS PA NI DE'I DGRA BOR GYUR PA DAG LA STE, YUL DE'I PHYIR RGOL BAR GYUR PA DAG LA ZHE SDANG SKYED PA'I PHYIR DANG, BDAG NYID KYI SKYON 'CHAB PA'I PHYIR RO, ,DE'I PHYIR NA YUL DE DAG NI SEMS KYI THAB DANG 'CHAB PA'I GZHI YIN NO, ,DE LTAR NA THA BA NI ZHE SDANG YIN NO, ,KHA NA MA THOB 'CHAB PAR BYED PA DE NI 'CHAB PA YIN NO, ,GZHI NI RGYU YIN NO, ,DE LA MI LTOS PA NYID KYI STE, YUL DE LA MI LTOS PA NYID KYIS NI DE SPANGS PAS NA STE, SEMS KYI THA BA DANG 'CHAB PA'I GZHI SPANGS BAS NA ZHES BYA BA'I THA TSIG GO, ,RTZOD PA'I RTZA BA DANG PO STE, KUN NAS NYON MONGS PA CAN GYI GTAM GYI GZHI BRGYAD PA YONGS SU SPANGS PA YIN NO, ,RTZOD PA'I RTZA BA GNYIS PA STE, KUN NAS NYON MONGS PA CAN GYI GTAM GYI GZHI DGU PA YONGS SU SPANGS PA NI LTA BA'I YONGS SU GDUNG BA BSAL BA'I PHYIR TE, LTA BA'I YONGS SU GDUNG BA YANG BSAL NAS ZHES GSUNGS PA'I PHYIR RO, ,LTA BA NGAN PA NI 'JIG TSOGS LA LTA BA LA SOGS PA STE SEMS YONGS SU GDUNG BA YIN NO, ,CI'I PHYIR ZHE NA, DE DAG NI RAB TU MA ZHI BA'I MTSAN NYID YIN PA'I PHYIR RO, ,'DIR YANG SMRAS PA ZHES BYA BA NI DON 'DI TSIGS SU BCAD PAR SBYAR @218A *, ,BAS SO, ,RGYAL DANG PHAM BYED 'DOD CES BYA BA RGYAS PAR 'BYUNG BA NI RGYAL BA LA SOGS PA 'DI DAG LA 'DUN PA LA SOGS PA BDUN SPANGS TE, GTAM DE BSTAN PAR BYA'O, ,JI LTAR BYAS BAS SHE NA, RGYAL BAR 'DUN PA SPANGS NAS DANG, PHAM BYED 'DOD DE PHAM PAR BYED 'DOD PA LA ZHE SDANG DANG, GRUB NA NGA RGYAL DANG, SKYON 'BYUNG BA LA GLENGS NA 'CHAB PA DANG MA BYUNG BA GLENGS NA KUN NAS MNAR SEMS DANG, PHAM NA MI BZOD PA SPANGS SO, ,RTZOD PA'I GZHI GNYIS NI SNGA MA JI SKAD BSTAN PA GNYIS SO, ,GANG LAS SKYON 'DI 'BYUNG BA ZHES BYA BA NI RTZOD PA'I RTZA BA'I SNGON DU 'GRO BA RNYED PA DANG, BKUR STI DANG LDAN PA'I YUL DANG, LTA BA NGAN PA'I MTSAN NYID GANG LAS 'DUN PA LA SOGS PA'I SKYON 'DI 'BYUNG BA'O, ,DE LA KUN NAS NYON MONGS PA CAN GYI GTAM NI RNAM PA GSUM DAG GIS YONGS SU BSTAN PA YIN TE, JI LTA ZHE NA, MA ZHI ZHING TSOD MI 'DZIN PAR SMRA BA NYID KYI PHYIR DANG STE, MA ZHI BAR SMRA BA NYID KYI PHYIR DANG, TSOD MI 'DZIN PAR SMRA BA NYID KYI PHYIR HA CANG SMRA BAR YANG MI BYA BA ZHES BYA BA'I TSIG 'DIS NI DE'I GNYEN POR GYUR PAS KUN NAS NYON MONGS PA CAN GYI GTAM DE YANG YONGS SU BSTAN PA YIN TE, 'DI LTAR MA ZHI BAR SMRA BA GANG YIN PA DE NI HA CANG SMRA BA YIN TE, GZU LUMS CHE BA YIN NO, ,TSOD MI 'DZIN PA NI HA CANG MANG BA YIN NO, ,GRUB PA'I MTHA' LAS 'DAS PAR BYED PA NYID KYI PHYIR NA 'GAL BAR YANG MI BYA LA ZHES BYA BA'I TSIG 'DIS KYANG DE'I GNYEN POR GYUR PAS KUN NAS NYON MONGS PA CAN GYI GTAM DE YANG YONGS SU BSTAN PA YIN NO, ,GZHAN LA SMOD PA NYID KYI PHYIR NI TSIG RTZUB MO SMRA BAR YANG MI BYA STE ZHES BYA BA'I TSIG 'DIS KYANG GNYEN POR GYUR PAS KUN NAS NYON MONGS PA CAN GYI GTAM DE YANG YONGS SU BSTAN PA YIN NO, ,SMOD PA NI TSIG RTZUB PO'O, ,DON DANG CHOS TE ZHES BYA BA 'DI NI DON DANG, CHOS BSTAN PAR BYA ZHES BYA BA'I TSIG 'DI GNYIS KYI RNAM PAR BSHAD PA YIN NO, ,DE LA DON NI BRJOD PAR BYA BA YIN NO, ,CHOS NI MDO'I SDE LA SOGS PA'I MTSAN NYID BSTAN PA YIN NO, ,GANG GI DON DU GNYER BA'AM ZHES BYA BA NI DON NAM CHOS SO, ,GANG GI CHOS LA BAB PA'O ZHES BYA BA NI DON NAM CHOS KYI'O, ,GZHAN DAG LA SHES RAB RNAM PA GSUM NYA BAR BSGRUBS @218B PAS ZHES BYA BA NI THOS PA DANG BSAMS PA DANG BSGOMS PA LAS BYUNG BA'I SHES RAB RNAM PA GSUM GO RIMS BZHIN DU KUN DU SHES PAR BYA, YANG DAG PAR SHES PAR BYA, NGES PAR SAMS SU GZHUG PAR BYA ZHES BYA BA'I TSIG GSUM PO 'DI RNAMS KYIS NYE BAR BSGRUBS PAS BZOD PA CHUNG DU DANG, 'BRING DANG, CHEN PO BSKYED PA'I PHYIR GO RIMS BZHIN DU MGU BAR BYA, YANG DAG PAR MGU BAR BYA, YONGS SU MGU BAR BYA'O, ,BDAG DANG GZHAN GNYIS LA DAD PA BSKYED PA'I PHYIR NI GO RIMS BZHIN DU DAD PAR BYA ZHING, DAD PA BSKYED PAR BYA'O, ,'DI NI ZHES BYA BA RGYAS PAR 'BYUNG BA NI 'PHAGS PA RNAMS NI DE LTAR RJOD CING ZHES BYA BA 'DI NI GANG ZAG NGES PAR GZUNG BA YIN PAR RIG PAR BYA BA 'PHAGS PA RNAMS KYI RJOD PA NI DE LTA BU YIN NO, ,'DI LTA BU'I DON DU YIN TE, ,'DI LTA STE, ZAG PA RNAMS ZAD PAR BYA BA'I PHYIR RO ZHES GSUNGS PA LTA BU'O, ,DE LAS NI ZHES BYA BA RGYAS PAR 'BYUNG BA NI MDO SDE DE LAS SO, ,MDO SDE'I DUM BU 'DIS DGE SLONG GI SEMS YONGS SU DAG PA DANG, NGAG YONGS SU DAG PA YONGS SU BSTAN PA YIN TE, DGE SLONG DAG GTAM LA 'JUG PAR BYA NA, 'DUN PA DANG ZHE SDANG DANG ZHES BYA BA GANG YIN PA 'DI STE, MDO SDE'I DUM BU 'DIS YONGS SU BSTAN TO, ,JI LTAR BYAS PAS SHE NA, PHYIR RGOL BA NI RGOL BA LA ZHES BYA BA RGYAS PAR 'BYUNG BA STE, DE PHAM PAR 'DUN PA SPANGS SHING ZHES BYA BA NI PHYIR RGOL PA PHAM PAR 'DUN PA SPANGS SHING ZHES BYA BA'I THA TSIG GO, ,PHYIR RGOL BA DE NYID LA YANG ZHES BYA BA NI PHYIR RGOL BA'I SBYOR BA BYUNG NA YANG NGO,, ,,RNAM PAR BSHAD PA RIGS PA'I BSHAD PA, BAM PO BRGYAD PA, MA BYUNG BA DANG BYUNG BA'I SKUR PA GNYIS KYIS ZHES BYA BA NI MA BYUNG BA'I SKUR PA DANG, BYUNG BA'I SKUR PAS SO, ,KUN NAS MNAR SEMS TE, SEMS 'KHRUGS PA SPANGS LA'O, ,MI BZOD PA STE, MTSAN NYID CI ZHE NA, SLAR GSHE PA DANG, ,BRO BA LA SOGS PA 'DOD PA NYID DE, SPANGS LA ZHES 'OG NAS 'CHAD DO, ,SOGS PA'I SGRAS NI RDEG PA DANG MTSANG 'DRU 'DOD PA NYID SPANGS LA'O, ,YID MI CHES PA STE, MTSAN NYID CI ZHE NA, RANG GI SEMS KYI YANG DAG PAR SDOM PA MA NGES PA YANG SPANGS LA'O ZHES BYA BA YIN NO, ,'DI LTA STE, SLOB DPON @219A *, ,GYI DPE MKHYUD LAS BYUNG BA BAR CHAD DANG BCAS PAR BSTAN PA'I BSAM PA DANG, DAD NAS BKUR STI BYED 'DOD PA YANG BOR TE'O, ,CI'I PHYIR ZHE NA, SEMS KYI THA BA STE, SEMS KYI THA BA DANG, 'CHAB PA'I GZHI STE, RGYU NI 'DIR SLOB DPON GYI DPE MKHYUD LAS BYUNG BA BAR CHAD DANG BCAS PAR BSTAN PA'I BSAM PA DANG, DAD NAS BKUR STI BYED 'DOD PA NYID YIN NO, ,RANG GI LTA BA MCHOG TU 'DZIN PA ZHES BYA BA NI RANG GI LTA BA STE, 'JIG TSOGS KYI LTA BA RNAMS LAS GANG YANG RUNG BA ZHIG MCHOG NYID DU 'DZIN PA NI RANG GI LTA BA MCHOG TU 'DZIN PA STE, RANG GI LTA BA MCHOG TU 'DZIN PA DE BSAL BA BYAS NAS SO, ,HA CANG BRJOD PAR YANG MI BYA ZHING ZHES BYA BA RGYAS PAR 'BYUNG BA NI KHA CIG HA CANG BRJOD PAR YANG MI BYA ZHING ZHES BYA BAR 'DON GYI HA CANG SMRA BAR YANG MI BYA ZHES BYA BAR MI 'DOD PAS SO, ,HA CANG BRJOD PAR YANG MI BYA ZHES BYA BA'I TSIG 'DIS NI PHYIR RGOL BA DANG LHAN CIG GTAM LA ZHUGS PA NA NYES RTZOM GYI TSIG LAS ZLOG PAR BYED PA YIN NO, ,DE BZHIN DU 'GAL BAR YANG MI BYA LA, TSIG THE TSOM CAN DANG, BYE BRAG MI PHYED PA LAS BRTZAMS NAS TE, THE TSOM CAN LAS BRTZAMS NAS NI DON BSTAN PAR BYA LA, BYE BRAG MI PHYED PA LAS BRTZAMS NAS NI MDO SDE LA SOGS PA'I CHOS BSTAN PAR BYA BA YIN NO, ,DE LA BSAM GYIS MI KHYAB PA'I GNAS LA SEMS PA LA NI ZHES BYA BA LA BSAM GYIS MI KHYAB PA'I GNAS DAG NI BZHI DAG STE, JI SKAD DU MDO SDE LAS, DGE SLONG DAG BSAM GYIS MI KHYAB PA'I GNAS BZHI PO 'DI DAG LA SEMS PA NI SMYO BA DANG, KUN DU RMONGS PA DANG, SEMS RNAM PAR G-YENG BAR 'GYUR RO, ,BZHI PO GANG DAG CE NA, BDAG LA SEMS PA DANG, 'JIG RTEN PA DANG SEMS CAN RNAMS KYI LAS KYI RNAM PAR SMIN PA LA SEMS PA DANG, BSAM GTAN PA RNAMS KYI BSAM GTAN PA'I YUL DANG, RDZU 'PHRUL CAN RNAMS KYI RDZU 'PHRUL GYI YUL YIN NO ZHES GSUNGS PA LTA BU'O, ,DE LA BDAG LA SEMS PA NI CI BDAG 'DAS PA'I DUS NA BYUNG NGAM, 'ON TE MA BYUNG ZHES BYA BA LA SOGS PA'O, ,BDAG MED PA NYID NI BSAM PA YIN TE, BDAG GZUGS LA SOGS PA ZHIG NAS THA DAD PA ZHIG GAM, THA DAD PA MA YIN ZHES BSAM PAR BYA'O, ,'JIG RTEN @219B LA SEMS PA NI 'JIG RTEN NI RTAG PA YIN, 'JIG RTEN NI MI RTAG PA YIN, 'JIG RTEN NI RTAG KYANG RTAG LA, MI RTAG KYANG MI RTAG PA YIN ZHES BYA BA LA SOGS PA STE, BSAM GYIS MI KHYAB PA YIN NO, ,BSAM GYIS MI KHYAB PA GZHAN NI, BSAM GTAN BA RNAMS KYI BSAM GTAN GYI YUL DANG, RDZU 'PHRUL CAN RNAMS KYI RDZU 'PHRUL GYI YUL TE, RNAM PA THAMS CAD DU BSAM PAR MI BYA BA YIN NO, ,RTOGS PAR BYA BA RTOGS PAR BYA BA'I PHYIR ZHES BYA BA NI MNGON SUM DU BYA BA THOB PAR BYA BA'I PHYIR RO, ,DE DAG KHO NA ZHES BYA BA RGYAS PAR 'BYUNG BA NI KUN DU SHES PAR BYA, YANG DAG PAR SHES PAR BYA, NGES PAR SEMS SU GZHUG PAR BYA BA DE DAG KHO NAS MCHOG TU DGA' BA RNAM PA GSUM SKYED PA'I PHYIR NA GO RIMS BZHIN DU MGU BAR BYA, YANG DAG PAR MGU BAR BYA, YONGS SU MGU BAR BYA BA YIN NO, ,JI LTA ZHE NA, SEMS G-YENGS PA SPONG BA'I MCHOG TU DGA' BA SRED PA'I PHYIR NI MGU BAR BYA BA YIN NO, ,THE TSOM GCOD PA'I MCHOG TU DGA' BA SKYED PA'I PHYIR NI YANG DAG PAR MGU BAR BYA BA YIN NO, ,'BRAS BU YONGS SU 'DZIN PA'I MCHOG TU DGA' BA SKYED PA'I PHYIR NI YONGS SU MGU BAR BYA BA YIN NO, ,'BRAS BU YONGS SU 'DZIN PA NI 'BRAS BU RNAM PA LNGA 'PHEN PA'O, ,'BRAS BU RNAM PA LNGA NI NYON MONGS PA ZAD PA DANG, SKYE BA'I BSAM GTAN DANG, MTHONG BA'I CHOS LA BDE BAR GNAS PA DANG, YON TAN MNGON PAR SGRUB PA DANG, DBANG PO 'PHO BA'O, ,'DIR YANG SMRAS PA, NYON MONGS ZAD DANG SKYE BA DANG, ,BDER GNAS YON TAN MNGON BAR SGRUB, ,DBANG PO 'PHO BA BCAS PA NI, ,BSAM GTAN DGOS RNAM LNGA PA YIN, ,LEGS PAR YONGS SU DRI BA'I PHYIR TE, 'DI LTAR 'DI NI LEGS PAR YONGS SU 'DRI BAS DE'I PHYIR 'DI'I SEMS YONGS SU DAG PA YIN NO, ,LEGS PAR LUNG STON PA'I PHYIR TE, 'DI LTAR 'DI NI 'DI LTA BU YIN NO ZHES LOGS PAR LUNG STON PAS SO, ,DGE SLONG DAG BDAG NYID GLING DU 'GYUR BA DANG, BDAG NYID SKYABS SU 'GYUR BA DANG, CHOS NYID GLING DU 'GYUR BA DANG, CHOS NYID SKYABS SU 'GYUR BA DANG, GLING GZHAN MA YIN PA DANG, SKYABS GZHAN MA YIN PAR GNAS PAR GYIS SHIG CES BYA BA NI MDO SDE'I DUM BU YIN NO, ,NANG GI SEMS KYI ZHI GNAS LA BRTZON @220A *, ,PA'I PHYIR RO ZHES BYA BA NI NANG GI YIN GYI PHYI ROL GYI MA YIN PA'O, ,SEMS KYI STE SEMS KYI ZHI GNAS TING NGE 'DZIN KHYAD PAR CAN LA BRTZON BA'I PHYIR TE RTEN PA'I PHYIR RO, ,SMRAS PA, TING NGE 'DZIN NAM ZHIG GI TSE NA TING NGE 'DZIN KHYAD PAR CAN DU 'GYUR ZHE NA, GANG GI TSER MIGS PAR BYED PA LAS YONGS SU SKYO STE SEMS NANG DU SDUD PAR BYED PA NA'O, ,LHAG MTHONG NI SHES RAB KHYAD PAR CAN YIN NO, ,DE'I MI MTHUN PA'I PHYOGS ZHES BYA BA RGYAS PAR 'BYUNG BA NI ZHI GNAS DANG LHAG MTHONG DE GNYIS KYI MI MTHUN PA'I PHYOGS GNYIS NI DE'I MI MTHUN PA'I PHYOGS SO, ,DE'I MI MTHUN PA'I PHYOGS 'DOD PA'I BSOD NYAMS DANG, BDAG NYID DUB PAR GNAS PAR BRTZON PA DE GNYIS YONGS SU SPANGS PA'I PHYIR TE, ZHI GNAS KYI MI MTHUN PA'I PHYOGS 'DOD PA'I BSOD NYAMS LA BRTZON PA YONGS SU SPANGS PA'I PHYIR DANG, LHAG MTHONG GI MI MTHUN PA'I PHYOGS BDAG NYID DUB PAR GNAS PA LA BRTZON PA DE DAG YONGS SU SPANGS PA'I PHYIR RO, ,DE LA 'DOD PA'I BSOD NYAMS NI 'DOD PA'I BDE BA NYON MONGS PA CAN 'DOD PA NYID DO, ,BRTZON PA'I BSGRUB PA DANG NAN TAN DU BYED PA DANG BSTAN PA YIN NO, ,BDAG NYID DUB PAR GNAS PA NI BDAG NYID DUB PA NYID DE, KUN DU GDUNGS PA DANG, YONGS SU GDUNGS PA'I BRTUL ZHUGS LA SOGS PA'I MTSAN NYID DO, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA DE'I MI MTHUN PA'I PHYOGS TE, ZHI GNAS DANG LHAG MTHONG GI MI MTHUN PA'I PHYOGS SO, ,DE'I MI MTHUN PA'I PHYOGS MTHA' GNYIS TE, 'DOD PA'I BSOD NYAMS LA BRTZON PA'I MTHA' DANG, BDAG NYID DUB PAR GNAS PA LA BRTZON PA'I MTHA' YONGS SU SPANGS PA'I PHYIR BDAG NYID LA SOGS PA GLING DANG SKYABS SU 'GYUR BA NYID DU STE, BDAG NYID GLING DANG, SKYABS SU 'GYUR BA NYID DANG, CHOS GLING DANG, SKYABS DANG GYUR PA DANG, GLING DANG SKYABS GZHAN MA YIN PA NYID DU YONGS SU BSTAN PA YIN NO, ,GZHAN YANG ZHES BYA BA RGYAS PAR 'BYUNG BA NI GZHAN YANG RANG GI SKYES BU'I RTZAL DPUNG GNYEN NYID YIN PA'I PHYIR TE, GZHAN LA MI SMOD PA'I PHYIR NI BDAG NYID GLING DU 'GYUR BA YIN NO, ,'DIS NI STE DGE SLONG DAG BDAG NYID GLING DU 'GYUR BAR GNAS PAR @220B GYIS SHIG CES BYA BA'I TSIG 'DIS NA BCOM LDAN 'DAS KYIS BRTZON 'GRUS BRTZAMS PA NYID LA SBYOR BAR BYED PA YIN NO, ,LUNG DANG RTOGS PA'I CHOS DPUNG GNYEN NYID YIN PA'I PHYIR NI CHOS GLING DU 'GYUR BA YIN TE, LUNG GI CHOS DPUNG GNYEN NYID YIN PA'I PHYIR DANG, RTOGS PA'I CHOS DPUNG GNYEN NYID YIN PA'I PHYIR NA CHOS GLING DU 'GYUR BA YIN NO, ,DE LA LUNG GI CHOS NI MDO SDE LA SOGS PA LUNG PHOG PA'O, ,RTOGS PA'I CHOS NI BYANG CHUB KYI PHYOGS DANG MTHUN PA SUM CU RTZA BDUN MNGON SUM DU BYED PA'O, ,'DIS NI STE, DGE SLONG DAG CHOS GLING DU 'GYUR BAR GNAS PAR GYIS SHIG CES BYA BA'I TSIG 'DIS NI THABS SHES PAR BYA BA LA SBYOR BAR MDZAD PA YIN NO, ,DE DAG LA GCIG TU NGES PA NYID KYI PHYIR NI BRTZON 'GRUS BRTZAM PA NYID DANG, THABS SHES PAR BYA BA DE GNYIS LA GCIG TU NGES PA'I PHYIR RO, ,'DIS NI STE, GLING GZHAN MA YIN PA ZHES BYA BA'I TSIG 'DIS NI BRTZON 'GRUS BRTZAMS PA DANG, THABS SHES PA DE GNYIS LA SKYON MI 'BYUNG BA NYID DU SBYOR BAR MDZAD PA YIN NO, ,DRAN PA NYE BAR GZHAG PA BSGOMS PAS DE LTAR GNAS PA STE, BDAG NYID GLING DU 'GYUR BAR GNAS PA DANG, BDAG NYID SKYABS SU 'GYUR BAR GNAS PAR 'GYUR RO ZHES YANG DAG PAR STON PA YIN NO, ,'DI LA DGE SLONG NA GI LUS LA LUS KYI RJES SU LTA ZHING ZHES BYA BA MDO SDE DE NYID LAS RGYAS PAR GSUNGS PA'I PHYIR RO, ,JI SKAD DU ZHE NA, RGYAS PAR GSUNGS NAS, 'DI LA DGE SLONG NANG GI LUS LA LUS KYI RJES SU LTA ZHING BRTUN PA SHES BZHIN CAN DRAN PA DANG LDAN PA 'JIG RTEN GYI BRNAB SEMS DANG YID MI BDE BA RNAM PAR BSAL NAS GNAS SO, ,PHYI ROL GYI LUS LA LUS KYI RJES SU LTA ZHING ZHES BYA BA YANG SNGA MA BZHIN NO, ,LUS LA JI LTA BA DE BZHIN DU TSOR BA DANG, SEMS DANG CHOS LA YANG CHOS KYI RJES SU LTA ZHING ZHES BYA BA SNGA MA BZHIN 'BYUNG NGO, ,DE LA DGA' BA ZHES BYA BA NI BRTZON 'GRUS DANG, THABS GNYIS LA GNAS PA'O, , BDAG LA SOGS PA GSUM GLING 'GYUR NI, BDAG GLING DU 'GYUR BA DANG, CHOS GLING DU 'GYUR BA DANG, GLING GZHAN MA YIN PA'O, ,RANG GI TSUL BZHIN YID BYED DANG, ,ZHES BYA BA RGYAS PAR 'BYUNG BA NI RANG GI TSUL BZHIN YID LA BYED PA LA BRTEN PA STE, BDAG NYID PHYIN CI MA LOG PA'I YID LA BYED PA LA BRTEN @221A *, ,ZHES BYA BA'I THA TSIG GO, ,GZHAN GYI SGRA LA BRTEN PA NI GZHAN GYIS BSTAN PA'I CHOS LA BRTEN PA ZHES BYA BA'I THA TSIG GO, ,BSGOM PA GCIG TU NGES PA NI TING NGE 'DZIN LA SKYON MI 'BYUNG BA ZHES BYA BA'I THA TSIG GO, ,'DI NI BDAG SOGS GLING 'GYUR TE, ,BDAG GLING DU 'GYUR BA DANG, CHOS GLING DU 'GYUR BA DANG, GLING GZHAN MA YIN PAR SHES PAR BYA'O, ,'DI GSUM ZHES BYA BA NI BDAG DANG, CHOS DANG, GZHAN MA YIN PA'O, ,CHU BO BZHIS DED PA LAS YONGS SU SKYOB PA'I DON GYIS NA GLING DU 'GYUR BA YIN TE, CHU BO BZHI DAG NI 'DOD PA'I CHU BO DANG, SRID PA'I CHU BO DANG, MA RIG PA'I CHU BO DANG, LTA BA'I CHU BO'O, ,SKYE BA LA SOGS PA'I SDUG BSNGAL NI RGA SHI LA THUG PA'O, ,GZHAN YANG ZHES BYA BA RGYAS PAR 'BYUNG BA LA GZHAN YANG STE, RNAM GRANGS GZHAN YANG NYON MONGS PA SKYES PA'I GNYEN PO NYID YIN PA'I PHYIR NI BDAG NYID GLING DU 'GYUR BA YIN NO, ,NYON MONGS PA MA SKYES PA'I GNYEN PO NYID YIN PA'I PHYIR NI BDAG NYID SKYABS SU 'GYUR BA YIN NO, ,DE DAG CHU DANG THANG 'DRA BA ZHES BYA BA NI BDAG NYID GLING DANG SKYABS SU 'GYUR BA DE DAG NI JI LTAR CHU'I RGYUN GYIS BDAS PA LA GLING YONGS SU SKYOB PA YIN PA DANG, THANG LA YANG SKYABS PA NI SDUG BSNGAL LAS YONGS SU SKYOB PA YIN TE, DE DANG 'DRA'O, ,YANG GZHAN DAG NA RE ZHES BYA BA NI GNAS BRTAN SGRA GCAN ZIN DAG NA RE'O, ,BDAG NYID SKYABS MI 'DOD PA RNAMS LA BRTEN, ,ZHES BYA BA NI DE LA NANG GI SEMS KYI ZHI GNAS LA MI BRTZON PA'I PHYIR BDAG NYID SKYABS SU 'GYUR BA MA YIN TE, BDAG NYID SKYABS SU 'GYUR BA MA YIN PA DE NI 'DOD PA STE, GZUGS LA SOGS PA YUL RNAMS PA BRTEN TO, ,CHOS SKYABS 'GYUR MIN SDUG BSNGAL RNAMS LA STE, ,CHOS NI BSTAN PA'I CHOS SO, ,'DI LA BSTAN PA'I CHOS DE YOD PAS DE DANG LDAN PA'I PHYIR, 'DI NI CHOS KYI SKYABS CAN NO, ,CHOS SKYABS SU 'GYUR BAR MI BYED PA DE NI CHOS SKYABS SU 'GYUR MIN TE, CHOS SKYABS SU 'GYUR BA MI BYED PA DE NI MU STEGS CAN GYI LTA BA DANG LDAN PAS SDUG BSNGAL RNAMS LA STE, KUN DU GDUNG BAR BYED PA LA SOGS PA LA BRTEN PA YIN NO, ,BDAG LA RAG LAS ZHES BYA BA NI BDAG NYID SKYABS SU 'GYUR BA YIN TE, NANG GI SEMS KYI @221B ZHE GNAS LA BRTZON PA'I PHYIR RO, ,MKHAS ZHES BYA BA NI CHOS SKYABS SU 'GYUR PA YIN TE, CHOS LA BRTZON PA'I PHYIR RO, ,DE GNYIS KA SKYABS SU 'GYUR BAR BYED PA NI SKYABS GZHAN MA YIN PA STE, DE MI MTHUN PA'I PHYOGS LA MI BRTEN PA'I PHYIR RO, ,ZHI BAR 'GYUR ZHES BYA BA NI MYA NGAN LAS 'DAS PAR 'GYUR RO,, DE DAG NI MTHA' GNYIS KYI GNYEN PO LA BRTEN PA'I PHYIR ZHES RGYAS PAR 'BYUNG BA NI DE SKAD CES BYA BA 'CHAD PA DE DAG NI MTHA' GNYIS PO 'DOD PA'I BSOD NYAMS LA BRTEN PA'I MTHA' DANG, BDAG NYID DUB PAR GNAS PA LA BRTZON PA'I MTHA'I GNYEN BO LA BRTEN PA'I PHYIR DANG, SRID PA GZHAN NYE BAR MI LEN PA'I PHYIR TE, SRID PA GZHAN NYE BAR MI LEN PA'I PHYIR DANG, MI 'DZIN PA'I PHYIR BDAG NYID LA SOGS PA GLING DU 'GYUR BA NYID DU YONGS SU STON PA YIN TE, BDAG NYID GLING DU 'GYUR BA NYID DANG, CHOS GLING DU 'GYUR BA NYID DANG, GLING GZHAN MA YIN PA NYID DU YONGS SU STON PA YIN TE, MNGON PAR GSAL BAR BYED PA YIN NO, ,LUNG LAS NI GROGS LA SRED PA DANG ZHES BYA BA RGYAS PAR 'BYUNG BA NI GROGS LA SRED PA'I GNYEN POR NI BDAG NYID GLING DU 'GYUR BA NYID BSTAN TO, ,RNYED PA LA SRED PA'I GNYEN POR NI CHOS GLING DU 'GYUR BA NYID BSTAN TO, ,YANG SRID PA LA SRED PA'I GNYEN POR NI GLING GZHAN MA YIN PA NYID DU STON TO ZHES 'BYUNG NGO, ,DGE SLONG DAG LOG PAR LTA BA SPONGS SHIG ,DE CI'I PHYIR ZHE NA, DGE SLONG DAG LOG PAR LTA BA'I SPANGS PA NI RUNG BAS SO, ,DGE SLONG DAG GAL TE LOG PAR LTA BA SPANG BAR MI RUNG NA NI LOG PAR LTA BA SPONGS SHIG CES NGA MI ZER BA ZHIG NA, GANG GI PHYIR LOG PAR LTA BA SPANG DU RUNG BA DE'I PHYIR DGE SLONG DAG LOG PAR LTA BA SPONGS SHIG CES NGA DE SKAD ZER RO, ,DGE SLONG DAG GAL TE LOG PAR LTA BA SPANGS PAS DUS RING POR DON MED PA DANG MI PHAN PA DANG, SDUG BSNGAL BA 'GRUB PAR 'GYUR NA NI LOG BAR LTA BA SPONGS SHIG CES NGA DE SKAD MI ZER BA ZHIG NA, GANG GI PHYIR LOG PAR LTA BA SPANG DU RUNG BAS DUS RING POR DON DANG, PHAN PA DANG, BDE BA 'GRUB PAR 'GYUR BA DE'I PHYIR DGE SLONG DAG LOG PAR LTA BA SPONGS SHIG CES NGA DE SKAD ZER RO ZHES BYA BA NI MDO SDE'I DUM BU YIN NO, ,LHAG MA ZHES BYA BA RGYAS PAR 'BYUNG BA NI MDO SDE'I DUM BU LHAG MA DGE SLONG DAG LOG PAR LTA BA NI SPANG BAR RUNG BAS SO ZHES BYA @222A *, ,BA LA SOGS PA STE, BKA' BZHIN DU SGRUB PA'I RGYU RNAM PA GSUM BSTAN PA YIN TE, NUS PA NYID DU STON PA NI DGE SLONG DAG LOG PAR LTA BA NI SPANG BAR RUNG BAS SO ZHES BYA BA RGYAS PAR 'BYUNG BA NAS DE'I PHYIR DGE SLONG DAG LOG PAR LTA BA SPONGS SHIG CES NGA DE SKAD ZER RO ZHES BYA BA'I BAR GYIS SO, ,SKYON MED PA NYID DU STON PA NI DON MED PA LA SOGS PA MI 'GRUB PA YIN PA'I PHYIR RO, ,JI LTA ZHE NA, DGE SLONG DAG GAL TE LOG PAR LTA BA SPANGS PAS DUS YUN RING POR DON MED PA DANG, MI PHAN PA DANG, SDUG BSNGAL BA 'GRUB PAR 'GYUR NA NI LOG PAR LTA BA SPONGS SHIG CES NGA DE SKAD MI ZER BA ZHIG NA ZHES BYA BAS SO, ,YON TAN MANG BA NYID DU STON PA NI DON LA SOGS PA GRUB PA'I PHYIR RO, ,JI LTA ZHE NA, GANG GI PHYIR LOG PAR LTA BA SPANGS PAS DUS YUN RING POR DON DANG, PHAN PA DANG, BDE BA 'GRUB PAR 'GYUR PA DE'I PHYIR, DGE SLONG DAG LOG PAR LTA BA SPONGS SHIG CES NGA DE SKAD ZER RO ZHES BYA BAS SO, ,BKA' BZHIN MI SGRUB NA YANG STE, MI SPONG NA YANG SKYON MANG BA NYID KYI RGYU RNAM PA BZHI PO GLENGS PA YIN TE, JI LTAR BYAS PAS SHE NA, MA SPANGS NA DON MED PA LA SOGS PA 'GRUB PAR GLENGS PA'I PHYIR RO, ,JI LTAR NA MA SPANGS NA DON MED PA LA SOGS PA 'GRUB PAR GLENGS PA YIN ZHE NA, GANG GI PHYIR LOG PAR LTA BA SPANGS PAS DUS YUN RING POR DON DANG, PHAN PA DANG, BDE BA 'GRUB PAR 'GYUR ZHES GSUNGS PA DE'I PHYIR BZLOG NA LOG PAR LTA BA MA SPANGS PAS DUS YUN RING POR DON MED PA DANG, MI PHAN PA DANG, MI BDE BAR 'GYUR BAR GLENGS PA YIN NO, ,JI LTAR YANG DAG PAR SPONG BA PHYI MA GNYIS LTA BUS TE, DGE BA'I CHOS MA SKYES PA RNAMS SKYED PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES BYA BA 'DI DANG, SKYES PA RNAMS GNAS PA DANG MI NYAMS PA DANG, BSGOM PA YONGS SU RDZOGS PA DANG, PHYIR ZHING 'BYUNG BA DANG, 'PHEL BA DANG, RGYAS PA DANG, YE SHES KYIS MNGON SUM DU BYA BA'I PHYIR 'DUN PA SKYED PA NAS YANG DAG PAR RAB TU 'JOG PA'I BAR 'DIS TE TSIG PHYI MA 'DI GNYIS KYIS TE, DGE BA'I CHOS 'BYUNG BA DE, SKYE BA @222B DANG GNAS PA LA SOGS PA'I MCHAN NYID NI DON YIN NO, ,RGYAN CAN GYI BU'I MDO SDE LAS, TSE DANG LDAN PA DAG YANG DAG PA'I LTA BA NI CHOS YIN TE, GANG LA YANG DAG PA'I LTA BA'I RKYEN GYIS DGE BA'I CHOS RNAM PA DUM BSGOM PA YONGS SU RDZOGS PAR 'GYUR BA 'DI NI DON YIN NO ZHES GSUNGS PA LTA BU STE, YANG DAG PA'I LTA BA JI LTA BA BZHIN DU YANG DAG PA'I TING NGE 'DZIN GYI BAR YANG DE BZHIN NO, ,JI LTAR YANG DAG PAR SPONG BA SNGA MA GNYIS LTA BU'O, ,SDIG PA MI DGE BA'I CHOS SKYES PA RNAMS SPANG BA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES BYA BA 'DI DANG, SDIG PA MI DGE BA'I CHOS MA SKYES PA RNAMS MI SKYED PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES BYA BA 'DIS YANG DAG PAR SPONG BA SNGA MA 'DI GNYIS KYIS KYANG MI DGE BA'I CHOS DANG 'BREL PA YIN PAR MNGON TE, SKYES PA DANG, MA SKYES PA SPONG BA'I MTSAN NYID NI PHAN PA YIN NO, ,BDE BA NI MTHONG BA'I CHOS LA BDE BAR GNAS PA YIN TE ZHES BYA BA NI TSE MNGON SUM DU GYUR PA LA BDE BAR GNAS PA'O, ,DE YANG LUS DANG SEMS SHIN TU SBYANGS PA'I KHYAD PAR DANG LDAN PA'I PHYIR TE, LUS SHIN TU SBYANGS PA'I KHYAD PAR DANG LDAN PA'I PHYIR DANG, SEMS SHIN TU SBYANGS PA'I KHYAD PAR DANG LDAN PA'I PHYIR 'BYUNG BA GANG YIN PA'AM, RNAM PAR GROL BA'I DGA' BA DANG BDE BA MYONG BA'I PHYIR MTHONG BA'I CHOS LA BDE BAR GNAS PA 'BYUNG BA GANG YIN PA'O, ,DE NI BDE PA YIN NO ZHES BYA BAR SKABS DANG SBYAR RO; ,DE LA RNAM PAR GROL BA NI ZAG PA MED PA'I RNAM PAR GROL BA'O, ,DGA' BA DANG BDE BA NI DGA' BA DANG BDE BA STE, RNAM PAR GROL BAS DGA' BA DANG BDE BA NI RNAM PAR GROL BA'I DGA' BA DANG BDE BA'O, ,DE MYONG BA NI NYAMS SU MYONG BA STE, RNAM PAR GROL BA'I DGA' BA DANG BDE BA MYONG BA DE'I PHYIR RO, ,RNAM GRANGS GZHAN YANG DON NI DGE SBYONG GI TSUL GYI DON TE, DON GYI TSUL DE YANG JI SKAD DU MDO SDE LAS DGE SBYONG GI TSUL GYI DON GANG ZHE NA, 'DOD CHAGS GTAN NAS SPANGS PA DANG, NYON MONGS PA THAMS CAD GTAN NAS SPANGS PA GANG YIN PA DE YIN NO, ,DE 'DREN PAR BYED PA ZHES BYA BA NI DGE SBYONG GI TSUL GYI @223A *, ,DON 'DREN PAR BYED PA'O, ,DGE SBYONG GI TSUL ZHES BYA BA NI LAM DRI MA MED PA ZHES BYA BA'I THA TSIG GO, ,BDE BA NI SNGA MA BZHIN TE, MTHONG BA'I CHOS LA BDE BAR GNAS PA YIN TE ZHES BYA BA RGYAS PAR SMOS PA YIN TE, 'DI GNYIS KHO NA ZHES BYA BA NI PHAN PA DANG BDE BA YIN NO, ,DGE SLONG DAG GANG ZAG GIS GANG ZAG LA TSOD NA BZUNG ZHIG ,GANG ZAG LA TSAD MA 'DZIN CIG ,DE CI'I PHYIR ZHE NA, GANG ZAG GIS GANG ZAG LA TSOD 'DZIN PA DANG, GANG ZAG LA TSAD 'DZIN PA NI GNOD PAR 'GYUR TE, NGA 'AM NGA 'DRA BA GANG YIN PAS GANG ZAG LA TSOD GZUNG BA'AM, TSAD 'DZIN PA YIN NO ZHES BYA BA NI MDO SDE'I DUM BU YIN NO, ,YON TAN YOD PA DANG MED PA NYID KYIS GANG ZAG LA TSOD 'DZIN PA ZHES BYA BA NI THOS PA DANG, BSAMS PA DANG, BSGOMS PA LAS BYUNG BA'I YON TAN RNAMS YOD PA DANG MED PA NYID DU GANG ZAG LA TSOD 'DZIN PA YIN NO ZHES BYA BA'I THA TSIG GO, YON TAN GYI TSAD 'DZIN PAS NI GANG ZAG LA TSOD 'DZIN PA YIN NO ZHES BYA BA NI YON TAN JI SKAD BSTAN PA RNAMS KYI TSAD 'DZIN PAS GANG ZAG LA TSAD 'DZIN PA YIN NO ZHES BYA BA'I THA TSIG GO, ,GZHAN YANG ZHES BYA BA RGYAS PAR 'BYUNG BA NI GZHAN YANG GZHAN LA BRTEN NAS TE, GZHAN LA LTOS NAS GANG ZAG LA TSOD 'DZIN TO, ,JI LTAR ZHE NA, 'DI NI THOS PA LA SOGS PAS 'DI JI LTA BA DE LTA BU YIN NO ZHES BYA BAR RO, ,GZHAN LA MI BRTEN PAR TE, GZHAN LA MI LTOS PAR GANG ZAG LA TSOD 'DZIN TO, ,JI LTA ZHE NA, 'DI LA THOS PA LA SOGS PA'I YON TAN 'DI SNYED CIG YOD DO ZHES BYA BAR RO, ,DE 'DI SNYAM DU KYE MA BDAG GIS 'DI LTA STE, LUS DANG NGAG DANG YID KYIS SDIG PA BYAS SHING, KYE MA BDAG GIS 'DI LTA STE, LUS DANG NGAG DANG YID KYIS BSOD NAMS MA BYAS PAS SDIG PA BYED BYED PA RNAMS DANG, DRAG SHUL BYED BYED PA RNAMS DANG, GDUG PA BYED BYED PA RNAMS DANG, BSOD NAMS MA BYAS PA RNAMS DANG, DGE BA MA BYAS PA RNAMS DANG, 'JIGS PAS BAG TSA BA RNAMS LA SKYOB PA MA BYAS PA RNAMS KYI 'GRO BA GANG YIN PA'I 'GRO BA DE DAG TU 'GYUR RO SNYAM DU SEMS NAS YID LA GCAGS PA 'BYUNG STE, DGE SLONG DAG GANG ZAG YID LA GCAGS PA'I 'CHI BA NI BZANG PO MA YIN LA DUS BYED PA NI BZANG PO MA YIN ZHING, TSE PHYI @223B MAR 'GRO BA YANG BZANG PO MA YIN NO ZHES BYA BA'I MDO SDE'I DUM BU YIN NO, ,SMRAS PA, SDIG PA STE NYES PAR SPYAD PA ZHES BYA BA'I SDIG PA DE YANG THA CHAD KYI DON GYIS YIN PAR GO ZIN MOD KYI, RAB TU GRUB PAR BYA BA'I PHYIR JI SKAD DU ZHES BYA BA RGYAS PAR 'BYUNG BA'I KHUNGS GNYIS PA BSHAD ZIN PA YIN TE, JI SKAD DU MDO SDE LAS, LUS KYIS NYES PAR SPYAD PA'I RNAM PAR SMIN PA SDIG PA ZHES GSUNGS PAS RNAM PAR SMIN PA THAMS CAD CES BYA BAR MNGON NO, ,THA CHAD CES BYA BA NI SMAD PA GANG YIN PA'O, ,KHUNGS CIG SHOS NI CHE GE MO NGA NI KHYOD LA MI 'JIGS KYI ZHES BYA BA RGYAS PAR 'BYUNG BA BSHAD PA YIN NO, , JI SKAD DU DRI NI BSOD NAMS YIN NO ZHES BYA BA LTA BU NI BKRA SHIS PA YIN NO ZHES BYA BAR MNGON NO, ,DON THA DAD PAS ZHES BYA BA RGYAS PAR 'BYUNG BA NI SDIG PA 'DI NYES PAR SPYAD PA DANG, GDUG PA ZHES DE SKAD GSUNGS PA YANG DON THA DAD PAS YIN LA, BSOD NAMS 'DI LA DGE BA DANG 'JIGS PAS BAG TSA BA LAS SKYOB PA ZHES GSUNGS PA YANG DON THA DAD PAS DE SKAD GSUNGS PA YIN GYI, GZHI THA DAD PAS NI MA YIN NO, ,'DI JI LTAR SHES SHE NA STE RTOGS PAR BYA ZHE NA, THOG MAR SDIG PA DANG BSOD NAMS GNYIS KHO NAS SMOS PA'I PHYIR RO, ,JI SKAD DU ZHE NA, KYE MA BDAG GIS 'DI LTA STE, LUS DANG NGAG DANG YID KYIS SDIG PA BYAS SHING, KYE MA BDAG GIS 'DI LTA STE, LUS DANG NGAG DANG YID KYIS BSOD NAMS MA BYAS PAS ZHES 'BYUNG GI NYES PAR SPYAD PA LA SOGS PA GZHAN RNAMS NI THOG MAR MA SMOS PAS SO, ,DGE SLONG DAG GSON PO RNAMS LAS GNYID LOG PA NI SBUN PA DANG, SHIN TE MA DANG, 'BRAS BU MED PA DANG, DON MED PA DANG, PHAN YON MED PA YIN GYIS KYANG DGE SLONG DAG GNYID LOG PA BLA'I 'THAB MO DANG, MTSANG 'DRU BA DANG, RTZOD PA DANG, 'GYED PA GANG DAG SKYE BO MANG PO LA MI PHAN PA DANG, DON MED PAR 'GYUR BA DANG LHA DANG MI RNAMS LA MI PHAN PA DANG, SDUG BSNGAL BAR 'GYUR BA'I RNAM PAR RTOG PA GANG LA BRTEN NAS CHAGS PA DANG, 'THAB MO DANG, MTSANG 'DRU BA DANG, RTZOD PA DANG, 'GYED PA 'BYUNG BA'I RNAM PAR RTOG PAS BRTAGS PA NI DE LTA BU YIN NO ZHES BYA BA NI MDO SDE'I DUM BU YIN NO, ,DE MI BZOD PA DE NI ZHES BYA BA NI MTSANG 'DRU BA MI BZOD PA YIN @224A *, ,NO; ,PHAN TSUN MI MTHUN PAR SMRA BA ZHES BYA BA NI 'GAL BAR SMRA BA YIN NO ZHES BYA BA'I THA TSIG GO, ,DGE SBYONG DU BYED PA'I CHOS BZHIN NI GSHE YANG SLAR MI GSHE ,KHROS KYANG SLAR MI KHRO, ,BRDEGS KYANG SLAR MI RDEG ,MTSANG 'DRUS KYANG SLAR MI 'DRU BA'O ZHES BYA BA NI MDO SDE'I DUM BU YIN NO, ,NGAG DANG BYED PA ZHES BYA BA NI NGAG DANG BYED PA STE, BYED PA NI NGAG DANG LUS KYI 'GYUR BA YIN PAS NGAG DANG BYED PA'O, ,NGAG DANG BYED PA YID DU MI 'ONG BA NI NGAG DANG BYED PA YID DU MI 'ONG BA'O, ,MTSANG 'DRU BA NI SNGA MA BZHIN NO, ,JI LTA BU ZHE NA, GCIG LA GCIG SKYON SMRA BA NI MTSANG 'DRU BA YIN NO ZHES BYA BA YIN NO, ,'DI LA 'PHAGS PA'I NYAN THOS NI BDAG NYID KYI TSUL KHRIMS DAG LA TSUL KHRIMS 'DI DAG NI MA NYAMS PA SKYON MED PA'O, ,'DREN MAR MA GYUR PA, THUN TSAGS MA YIN PA, RANG DBANG CAN NOG NOG POR MA GYUR PA, LEGS PAR CHUB PA, LEGS PAR BRTZAMS PA, MKHAS PA RNAMS KYIS BSNGAGS PA, MKHAS PA RNAMS KYIS MA SMAD BA YIN NO ZHES BYA BA RNAM PA YANG DAG PAR RJES SU DRAN NO ZHES BYA BA NI MDO SDE'I DUM BU YIN NO, ,BSLABS PA LAS MI 'DA' BA'I PHYIR RO ZHES BYA BA NI TSUL KHRIMS KYI YAN LAG SROG GCOD PA SPONG BA LA SOGS PA BDUN PO DAG LAS MI 'DA' BA'I PHYIR TE, MI NYAMS PA'I PHYIR RO, , RANG DBANG CAN NI ZHES BYA BA RGYAS PAR 'BYUNG BA LA, RANG DBANG CAN NI DE'I GNYEN PO YONGS SU GZUNG BA STE, TSUL KHRIMS NYAMS PA'I GNYEN PO STE, SO SOR RTOG PA'I STOBS DANG, BSGOM PA'I STOBS NI DE'I GNYEN PO STE, DE YONGS SU BZUNG BA NI MNGON SUM DU GYUR PA YIN NO, ,YANG DANG YANG DU DE'I GNYEN PO YONGS SU BZUNG BAS, BDAG GI DBANG NYID DU 'GYUR BA'I PHYIR RO, ,JI LTAR NA BDAG GI DBANG NYID YIN ZHE NA RKYEN GYIS MI 'PHROGS PA NYID KYI RGYUS TE, RKYEN SDIG PA'I GROGS PO DANG YUL YID DU 'ONG BA NYE BAR BSGRUB PA DANG SROG GCOD PA LA SBO BAR BYED PA'I SPROS PA RNAMS KYIS MI 'PHROGS PA NYID DE, 'PHROGS PAR MI 'GYUR BA DE NYID KYI RGYUS TE DE'I PHYIR RO, ,SMRAS PA RANG DBANG CAN DAG GI DBANG NYID YIN PAR JI LTAR SHES SHE NA, KHYE'U DENG PHYIN CHAD NGA'I BRAN MA YIN ZHING, MNGAG GZHUG PA MA YIN TE, RANG DBANG CAN DANG, GANG DGA' DGUR 'GRO BA YIN NO ZHES MDO SDE LAS GSUNGS @224B PA'I PHYIR TE, DE LTAR NA RANG DBANG CAN NI BDAG GI DBANG NYID DU GYUR PA YIN PAR GRUB BO, ,NOG NOG POR MA GYUR PA NI LTA BA NGAN PA DANG, SMON LAM GNYIS KYIS TE, LTA BA NGAN PA NI 'JIG TSOGS LA LTA BA LA SOGS PA RNAMS LAS GANG YANG RUNG BAS SO, ,SMON LAM NI TSUL KHRIMS SAM, BRTUL ZHUGS SAM, DKA' THUB BAM TSANGS PAR SPYOD PA 'DIS BDAG LHA'AM, LHA GANG YANG RUNG BA ZHIG TU GYUR CIG CES BYA BA YIN NO, ,YON TAN GANG ZHIG GI PHYIR 'DI GNYIS KYIS NOG NOG POR MA GYUR PA YIN ZHE NA, BSHAD PA NGES PAR 'BYIN PA NYID KYI RGYUS TE, 'DI LTAR DE NI THAR PA BSGRUB PA YIN PAS SO, ,'DIS NI ZHES BYA BA RGYAS PAR 'BYUNG BA NI MA NYAMS PA ZHES BYA BA LA SOGS PA 'BYUNG BA'I MDO SDE'I DUM BU 'DIS NI TSUL KHRIMS YON TAN BZHI DANG LDAN PAR STON TE, 'CHAL BA'I TSUL KHRIMS DE'I RGYUS MI THUB PA DANG, DE'I GNYEN PO DANG ZHI LA BRTEN PA STE ZHES 'BYUNG BA YIN NO, ,DE LA MA NYAMS PA DANG SKYON MED PA DANG, 'DREN MAR MA GYUR PA DANG ZHES BYA BA'I TSIG 'DI GSUM DAG GIS NI 'CHAL BA'I TSUL KHRIMS KYIS MI THUB PA YIN PAR STON TO, ,TSIG LHAG MA RNAMS KYIS NI DE'I RGYUS MI THUB PA LA SOGS PA RE RE DANG GO RIMS BZHIN DU SBYAR RO, ,JI LTAR ZHE NA, DE'I RGYUS MI THUB PA YIN TE, 'CHAL BA'I TSUL KHRIMS KYI RGYUS NYON MONGS PA DANG NYE BA'I NYON MONGS PA RNAMS KYIS MI THUB PA NI THUN TSAGS MA YIN PA ZHES BYA BA'I TSIG 'DIS STON TO, ,DE'I GNYEN PO LA BRTEN PA STE, 'CHAL BA'I TSUL KHRIMS KYI GNYEN PO LA BRTEN PA NI RANG DBANG CAN ZHES BYA BA'I TSIG 'DIS STON TO, ,DE LA RTEN MYA NGAN LAS 'DAS PA LA BRTEN CING SKYE BA'I SRID PA LA MI BRTEN PA NI NOG NOG POR MA GYUR PA ZHES BYA BA'I TSIG 'DIS STON TO, ,MA NYAMS PA DANG, SKYON MED PA DANG, 'DREN MAR MA GYUR PA ZHES BYA BA RNAM PA DANG PO 'DI GSUM DAG GIS NI LEGS PAR CHUB PA YIN TE, YONGS SU RDZOGS PA NYID KYI PHYIR RO, , GSUM PO GZHAN TE, THUN TSAGS MA YIN PA DANG, RANG DBANG CAN DANG, NOG NOG POR MA GYUR PA ZHES BYA BA 'DI DAG GIS NI LEGS PAR BRTZAMS PA YIN TE, LEGS PAR YONGS SU DAG PA NYID KYI PHYIR YIN NO, ,MKHAS PA RNAMS KYIS MA SMAD PA NI ZHES BYA BA RGYAS PAR 'BYUNG BA NI MKHAS PA DGRA BCOM @225A *, ,PA RNAMS KYIS MA SMAD PA NI RNAM GRANGS KYIS KYANG MA SMAD PA NYID KYI PHYIR TE, JI LTAR BSAM GTAN DANG PO LA SOGS PA'I ZAG PA DANG BCAS PA NI ZAG PA MED PA'I RNAM GRANGS KYIS SMAD PA LTAR 'DI NI DE LTAR MA YIN TE, ZAG PA MED PA NYID KYI RGYUS SO STE, ZAG PA MED PA NYID KYI YIN PA'I PHYIR RO ZHES BYA BA'I THA TSIG GO, ,RGYAS PAR GSUNGS NAS, DGE SLONG DAG GANG ZAG BDEN PA MTHONG BA, 'BRAS BU THOB PA MNGON PAR RTOGS PA DANG LDAN PA'I SDUG BSNGAL NI RDZING BU LA BRTEN PA'I MU JI TZAM YOD PA DE SNYED SPANGS PA DANG YONGS SU SHES PA YIN NO ZHES BYA BA RGYAS PAR 'BYUNG BA NI MDO SDE'I DUM BU YIN NO, ,'DI LAS NI DMIGS PA DANG ZHES BYA BA RGYAS PAR 'BYUNG BA NI MDO SDE'I DUM BU 'DI LAS NI DMIGS PAS SO, ,'BRAS BU BSTAN BAS NI LAS KYIS SO, ,RANG BZHIN GYIS NI RANG BZHIN GYIS TE, LTA BA PHUN SUM TSOGS PAR YONGS SU BSTAN PA YIN NO, ,BDEN PA MTHONG BA, 'BRAS BU THOB PA, MNGON PAR RTOGS PA DANG LDAN PA'I ZHES BYA BA'I TSIG GSUM PO 'DI DAG GIS NI GO RIMS BZHIN DU BDEN PA LA DMIGS PAS TE, BDEN BA BZHI LA DMIGS PA'I LTA BA DANG, 'BRAS BU THOB PAR BYED PA STE, RGYUN DU ZHUGS PA'I 'BRAS BU LA SOGS PA THOB PAR BYED PA'I LTA BA DANG, MNGON PAR RTOGS PA'I MTSAN NYID DE ZAG PA MED PA'I LTA BA STE, 'DIS PHUN SUM TSOGS PA NI LTA BA PHUN SUM TSOGS PA YIN NO, ,BDAG NYID KYIS YANG DAG PA JI LTA BA BZHIN DU RTOGS PA YIN PAR RIG PAR BYA'O ZHES BYA BA NI GZHAN LA RAG MA LAS PAR PHYIN CI MA LOG PAR RTOGS PA YIN PAR RIG PAR BYA'O ZHES BYA BA'I THA TSIG GO, ,MNGON PAR RTOGS PA'I DON YID CHES PA LAS 'BYUNG BA NI SHES BYA SHES PA PHRAD PA STE, JI LTA ZHE NA, MNGON SUM NYID KYI DON GYIS SU STE, RGYU DES NA MNGON PAR RTOGS PAR 'DOD CES 'BYUNG NGO, ,DGE SLONG DAG GSUM PO 'DI DAG NI NANG GI DRI MA YIN, NANG GI 'GRAN ZLA DANG BCAS PA YIN, NANG GI PHYIR RGOL BA YIN, NANG GI DGRA BO YIN NO, ,GSUM PO GANG DAG CE NA, DGE SLONG DAG 'DOD CHAGS NI NANG GI DRI MA YIN NO, ,NANG GI 'GRAN ZLA DANG BCAS PA YIN, NANG GI PHYIR RGOL BA YIN, NNAG GI DGRA BO YIN NO, ,'DOD CHAGS JI LTA BA BZHIN DU ZHE SDANG DANG @225B GTI MUG KYANG DE BZHIN NO ZHES BYA BA NI MDO SDE'I DUM BU YIN NO, ,DE 'DRA BA'I ZHES BYA BA NI DE LTA BU'O, ,JI LTAR NA GO RIMS BZHIN ZHE NA, NANG GI DRI MA NI 'DI LTAR SEMS DRI MA CAN DU BYED PA STE, KUN NAS NYON MONGS PAR BYED PA'I PHYIR RO, ,NANG GI 'GRAN ZLA DANG BCAS PA NI 'DI LTAR DGE BA'I CHOS MA SKYES PA RNAMS SKYE BA'I BGEGS BYED PAS SO, ,NANG GI PHYIR RGOL BA NI 'DI LTAR DGE BA'I CHOS SKYES PA RNAMS LAS YONGS SU NYAMS PAR BYED PAS SO, ,NANG GI DGRA BO NI 'DI LTAR GANG GIS NGAN SONG RNAMS SU YUN RING POR 'GRO BAR 'GYUR BA DE 'DRA BA'I LAS KUN NAS SLONG BAR BYED PAS SO, ,DGE SLONG DAG MIG NI SKYES BU'I RGYA MTSO YIN TE, DE LAS GZUGS LAS BYUNG BA'I SHUGS DAG 'BYUNG NGO, ,GANG ZHIG GZUGS LAS BYUNG BA'I SHUGS DE BZOD PA DE NI MIG GI RGYA MTSO DBA' RLABS DANG BCAS PA KLONG DANG BCAS PA 'DZIN KHRI DANG BCAS PA, SRIN PO DANG BCAS PA LAS RGAL BA YIN NO ZHES BYA BA NI MDO SDE'I DUM BU YIN NO, ,GZUGS LAS BYUNG BA'I SHUGS ZHES BYA BA NI YUL GZUGS LA DMIGS PA'I NYON MONGS PA'I SHUGS SO, ,GANG ZHIG GZUGS LAS BYUNG BA'I SHUGS DE BZOD PA ZHES BYA BA NI GANG ZHIG YUL GZUGS LA DMIGS PA'I NYON MONGS PA DE DAG GIS ZIL GYIS MI GNON PA ZHES BYA BA'I THA TSIG GO, ,MIG GI BDAG POS BYAS NAS ZHES BYA BA NI MIG GI BDAG POS RKYEN BYAS NAS ZHES BYA BA'I THA TSIG GO, ,CHUD ZA BA BZHI DANG BCAS PA RNAM PA GNYIS YANG DAG PAR BSTAN PA YIN TE, BSLAB PA GTONG BA CHUD ZA BA BZHI DANG BCAS PA GCIG YANG DAG PAR BSTAN PA YIN LA, NYAMS PAR BYED PA NI CHUD ZA BA BZHI DANG BCAS PA GNYIS PA YANG DAG PAR BSTAN PA YIN NO, ,JI LTA ZHE NA, DBA' RLABS DANG BCAS PA KLONG DANG BCAS PA ZHES GSUNGS PA'I PHYIR TE, DANG PO YANG DAG PAR BSTAN TO, ,'DIR CHUD ZA BA BSLABS PA GTONG BA'I GZHI NI JI SKAD DU RNAM PAR BSHAD PA'I DBA' RLABS DANG, JI SKAD DU RNAM PAR BSHAD PA'I KLONG YIN NO, ,'DZIN KHRI DANG BCAS PA SRIN PO DANG BCAS PA ZHES GSUNGS PA'I PHYIR NA GNYIS PA YANG DAG PAR BSTAN PA YIN NO, ,'DIR YANG GZHI NI JI SKAD DU RNAM PAR BSHAD PA'I 'DZIN KHRI DANG, JI SKAD DU RNAM PAR BSHAD PA'I SRIN PO YIN NO, ,CHUD ZA BAS @226A *, ,YANG NYAMS PAR BYED PA YIN NO, ,SHES RAB MYUR BA, SHES RAB MGYOGS PA, SHES RAB RNO BA, NGES PAR 'BYUNG BA'I SHES RAB CAN, NGES PAR 'BYED PA'I SHES RAB CAN, SHES RAB CHE BA, SHES RAB YANGS PA, SHES RAB ZAB PA, SHES RAB MNYAM PA MED PA, SHES RAB RIN PO CHE DANG LDAN PA ZHES BYA BA NI MDO SDE'I DUM BU YIN NO, ,JI LTAR NA GO RIMS BZHIN ZHE NA, DON LA MYUR BAR 'JUG PA'I PHYIR SHES RAB MYUR BA YIN NO, ,DON MANG PO LA 'JUG PA'I PHYIR SHES RAB MGYOGS PA YIN NO, ,DON PHRA BA LA 'JUG PA'I PHYIR SHES RAB RNO BA YIN NO, ,'KHOR BA LAS NGES PAR 'BYUNG BA DANG ZHES BYA BA RGYAS PAR 'BYUNG BA LA, 'KHOR BA LAS NGES PAR 'BYUNG BA NI NGES PAR 'BYUNG BA STE MYA NGAN LAS 'DAS PA'O, ,'DI LA NGES PAR 'BYUNG BA DE'I SHES RAB YOD PAS DE'I PHYIR NGES BAR 'BYUNG BA'I SHES RAB CAN NO, ,DE KHO NA NGES PAR 'BYED PA ZHES BYA BA LA, DE KHO NA 'PHAGS PA'I BDEN PA BZHI'I MTSAN NYID NGES PAR 'BYED PA YANG DAG PA JI LTA BA BZHIN RAB TU SHES PAR BYED PAS NA NGES PAR 'BYED PA'I SHES RAB BO, ,NGES PAR 'BYED PA'I SHES RAB YOD PAS NA DE'I PHYIR NGES PAR 'BYED PA'I SHES RAB CAN NO, ,JI LTAR BYAS PAS GO RIMS BZHIN ZHE NA, 'DI LA SHES RAB CHEN PO YOD DE, 'DRI BA DANG LAN GDAB PA DAG LA PHUGS THUG PAR MI 'GYUR BA'I PHYIR RO ZHES BYA BA NI DRI BA RNAMS DANG LAN 'DEBS PA RNAMS LA YONGS SU GTUGS PAR MI 'GYUR BA'I PHYIR RO ZHES BYA BA'I THA TSIG GO, ,SHES RAB CHE BA YIN NO, ,SHES RAB CHE BA NI YANGS PA YANG YIN TE, GANG GI PHYIR ZHEN, MNGON PAR SHES PA LNGA RGYA CHE BA DANG YONGS SU RDZOGS PA'I PHYIR RO, ,MNGON PAR SHES PA RGYA CHE BA'I PHYIR DANG MNGON PAR SHES PA LNGA CHAR YONGS SU RDZOGS PA'I PHYIR SHES RAB YANGS PA YIN NO, ,RGYA CHE BA NI DE DAG GI YUL THAG RING BA DANG, PHRA BA NYID YIN NO, ,YONGS SU RDZOGS PA NYID NI GCIG MA YIN LA BZHI'I BAR MA YIN GYI'O NA CI ZHE NA LNGA CHAR YIN NO, ,SHES RAB DE NI ZAB PA DANG YANGS PA YIN TE, GZHAN DAG GIS RTOGS PAR DKA' BA'I PHYIR RO ZHES BYA BA NI SHES RAB ZAB PA YIN NO, ,SHES RAB DE NI MNYAM PA MED PA YANG YIN TE, 'JIG RTEN THAMS CAD LAS KHYAD PAR DU 'PHAGS @226B PA'I PHYIR RO, ,DE'I PHYIR SHES RAB MNYAM PA MED PA YIN NO, ,SHES RAB DE NI RIN PO CHE LTA BU YANG YIN TE, RNYED PAR DKA' BA'I PHYIR DANG, DON CHE BA YANG DAG PAR SGRUB PA'I PHYIR DANG, DGA' BAR BYED PA'I PHYIR NA NOR BU RIN PO CHE DANG CHOS MTHUN PA'I PHYIR TE, NOR BU RIN PO CHE YANG RNYED PAR DKA' BA DANG, DON CHEN PO YANG DAG PAR SGRUB PA DANG, DGA' BAR BYED PA YIN NO, ,DE LA DON CHEN PO YANG DAG PAR SGRUB PA DANG, DGA' BAR BYED PA YIN PAR NI RANG DANG GZHAN GYI RGYUD DAG LA RNAM PAR GROL BA DANG, DGA' BA SKYED PA'I PHYIR RO ZHES SGRUB BAR BYED DO, ,RANG DANG GZHAN GYI RGYUD LA RNAM PAR GROL BA SKYED PA'I PHYIR NA DON CHEN PO YANG DAG PAR 'GRUB PA NYID YIN PAR RIG PAR BYA'O, ,RANG DANG GZHAN GYI RGYUD LA DGA' BA SKYED PA'I PHYIR NA DGA' BAR BYED PA NYID YIN PAR RIG PAR BYA'O, ,DE LTA BU NI SHES RAB RIN PO CHE DANG LDAN PA YIN NO, ,'DIR ZHES BYA BA RGYAS PAR 'BYUNG BA NI MDO SDE'I DUM BU'O, ,'DIR SHES RAB KYI YON TAN GSUM DAG TU STE, SHES RAB MYUR BA NYID DANG, SHES RAB MGYOGS PA NYID DANG, SHES RAB RNO BA NYID NI GNYI GA'I DON GYI DBANG DU MDZAD PA'I CHOS KYI DON LAS BRTZAMS NAS RIG PAR BYA'O, ,GNYI GA NI BDAG DANG GZHAN GNYIS YIN LA, DON NI CHED YIN PAS, GNYIS KA'I DON TO, ,DBANG DU BYA BA CHOS KYI DON 'DI LA YOD PA NI BSTAN PA'I CHOS KYI DON GANG YIN PA STE, DE LA YOD PA DE NI GNYI GA'I DON GYI DBANG DU MDZAD PA'I, ,GNYIS KA'I DON GYI DBANG DU MDZAD PA'I CHOS KYI DON DE LAS BRTZAMS NAS TE, CHED DU BYAS NAS YON TAN GSUM PO 'DI DAG RIG PAR BYA'O, ,SHES RAB KYI YON TAN GNYIS TE, NGES PAR 'BYUNG PA'I SHES RAB CAN NYID DANG, NGES PAR 'BYED PA'I SHES RAB CAN NO, ,RANG GI DON LAS BRTZAMS NAS RIG PAR BYA STE, 'DI GNYIS NI 'JIG RTEN LAS 'DAS PA YIN PA'I PHYIR RO, ,SHES RAB KYI YON TAN LHAG MA RNAMS TE, SHES RAB CHE BA LA SOGS PA LNGA NI MI GZHAN GYI DON LAS BRTZAMS NAS RIG PAR BYA'O, ,CI'I PHYIR ZHE NA, SHES RAB CHE BA NYID KYIS NI GZHAN GYI THE TSOM GCOD PA'I PHYIR RO, ,SHES RAB YANGS PA NYID KYIS NI GZHAN DAG 'DUD PA'I PHYIR RO, ,SHES RAB ZAB PA NYID KYIS NI GZHAN @227A *, ,DAG RI MO'I KHYAD PAR SKYED PA'I PHYIR RO, ,SHES RAB RIN PO CHE DANG LDAN PA NYID KYIS NI DON GYI MCHOG THOB BAR BYED PA'I PHYIR RO, ,GZHAN YANG 'PHAGS PA SH'A RI'I BU'I DBANG DU MDZAD NAS TSIG 'DI DAG GSUNGS PA YIN TE, GANG GI PHYIR TSE DANG LDAN PA BTZUN PA SHAR DVA TI'I BU NI TSUL KHRIMS DANG LDAN PA, 'DOD PA CHUNG BA, CHOG SHES PA, RAB TU DBEN PA, BRTZON 'GRUS BRTZAMS PA, DRAN PA NYE BAR GZHAG PA, SHES RAB MNYAM PAR GZHAG PA, SHES RAB MYUR BA ZHES RGYAS PAR GSUNGS SO, ,LAN CIG TSIGS SU BCAD PA THOS PAS DON LA ZHUGS PA'I PHYIR RO ZHES BYA BA NI, CHOS GANG RGYUS BYUNG DE DAG GI ,RGYU DANG DE 'GOG GANG YIN PA, ,DE BZHIN GSHEGS PAS BKA' STZAL TE, ,DGE SBYONG CHEN POS DE SKAD GSUNGS, ,ZHES BYA BA'I TSIGS SU BCAD PA 'DI LAN CIG THOS PAS DON LA ZHUGS PA'I PHYIR RO, ,DE NYID LAS ZHES BYA BA RGYAS PAR 'BYUNG BA NI 'DI LTAR TSIGS SU BCAD PA THOS PA DE NYID LAS 'JIG RTEN LAS 'DAS PA'I SHES RAB THOB PA'I PHYIR TE ZHES BYA BA STE, ZAG PA MED PA'I SHES RAB THOB PA'I PHYIR RO, ,NYON MONGS PA SPANGS PA DANG, DE KHO NA RTOGS PA'I PHYIR RO, ,NYON MONGS PA SPANGS PA'I PHYIR NGES PAR 'BYUNG BA'I SHES RAB CAN NO, ,DE KHO NA RTOGS PA'I PHYIR NGES BAR 'BYED PA'I SHES RAB CAN NO, ,RNAM PAR THAR BA BRGYAD LAS BSAM GTAN BYED PA'I PHYIR TE, RNAM PAR THAR BA BRGYAD PO DE DAG KYANG GZUGS CAN GZUGS RNAMS LA LTA BA 'DI NI RNAM PAR THAR PA DANG PO'O, ,NANG GZUGS MED PAR 'DU SHES SHING PHYI ROL GYI GZUGS RNAMS LA LTA BA NI GNYIS PA'O, ,SDUG PA'I RNAM PAR THAR PA LUS KYIS MNGON SUM DU BYAS NAS RDZOGS PAR BYAS TE GNAS PA NI GSUM PA'O, ,GZUGS MED PA BZHI DANG, BRGYAD PA 'DU SHES DANG, TSOR BA 'GOG PA'O, ,PHYOGS THAMS CAD DU RNAM PAR RGYUG BAR BYED DO ZHES BYA BA NI RNAM PAR THAR PA BRGYAD LUS KYIS MNGON SUM DU BYAS TE RDZOGS PAR BYAS NAS GNAS SO ZHES BYA BA'I THA TSIG GO, ,DER YANG ZHES BYA BA RGYAS PAR 'BYUNG BA NI MDO DER YANG NGO, ,BSAM GTAN RNAMS LA MNGON PAR SHES PA DANG RNAM PAR THAR PA RTEN PA NYID KYI PHYIR TE, MNGON PAR SHES PA RTEN PA NYID DANG RNAM PAR THAR PA RTEN PA NYID KYI PHYIR @227B NI RGYUS ZHES BYA BAR RIG PAR BYA'O, ,'DI SKAD DU SNGAR BSAM GTAN BSKYED NAS DE LAS BSAM GTAN LA BRTEN TE MNGON PAR SHES PA DANG, RNAM PAR THAR PA BRGYAD BSKYED PA'O ZHES BSTAN PA YIN NO, ,SKYES BU CANG MKHYEN NI SKYES BU CANG SHES TE, GANG ZHIG SEMS LA DBANG BYED PA THOB CING SEMS KYIS MI 'PHROGS PA'O, ,SHES RAB RIN PO CHE DANG LDAN PA YANG SNGA MA BZHIN DU SBYAR RO, ,JI LTA ZHE NA, RIN PO CHE LTAR RNYED BAR DKA' BA'I PHYIR DANG, DON CHEN PO YANG DAG PAR BSGRUB PA'I PHYIR DANG, DGA' BAR BYED PA'I PHYIR TE, BDAG DANG GZHAN GYI RGYUD DAG LA RNAM PAR GROL BA DANG, DGA' BA BSKYED PA'I PHYIR NA SHES RAB RIN PO CHE DANG LDAN PA YIN NO, ,'DI LA 'PHAGS PA NYAN THOS THOS PA DANG LDAN PA NI BDAG NI SKYE DGU SER SNA'I DRI MAS KUN NAS DKRIS PA RNAMS LAS SEMS DRI MA'I SER SNA DANG BRAL BAS LHUG PAR GTONG BA DANG, LAG BRKYANG PA DANG, RNAM PAR GTONG BA LA DGA' BA DANG, SBYIN PA RGYUN MI 'CHAD PA DANG GTONG BA BUN SUM TSOGS PA DANG, SBYIN PA LA BGED PAR DGA' BAS KHYIM NA GNAS PA NI BDAG GI RNYED PA LEGS PAR RNYED DO ZHES SBYIN PAR BYA BA'I CHOS KYI RNAM PA YANG DAG PAR RJES SU DRAN NO ZHES BYA BA NI MDO SDE'I DUM BU YIN NO, ,DE'I RGYU ZHES BYA BA NI SER SNA'I RGYU ZHES BYA BA'I THA TSIG GO, ,'BRAS BU'I SHING LTA BU NI JI LTAR SHING GANG LAS 'BRAS BU 'BYUNG BA DE NI 'BRAS BU'I SHING ZHES BYA BA LTA BU STE, DE DANG 'DRA'O, ,SER BA'I SPRIN LTA BU YANG JI LTAR SBRIN GANG LAS SER BA 'BAB PA DE NI SER BA'I SPRIN ZHES BYA BA LTA BU STE, DE DANG 'DRA'O, ,DE NYID KYI PHYIR ZHES BYA BA NI 'DI LTAR CHAGS PA'I RNAM PA DE NI DE'I RGYU YIN PAS SO, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA SER SNA'I DRI MA ZHES SER SNA SNGAR SMOS PA NI KHYAD PAR DU BYA BA'I PHYIR TE, 'BRAS BU'I SHING LTA BU DANG, SER BA'I SPRIN LTA BU'O, ,DE LTAR NA DRI MA'I KHYAD PAR CHAGS PA'I RNAM PA 'GA' ZHIG RGYU YIN GYI DRI MA GANG YANG RUNG NGO COG NI SER SNA'I RGYU MA YIN NO ZHES DE LTAR KHYAD PAR DU BYA BA'I PHYIR RO, ,DRI MA'I SER SNA DANG BRAL BA ZHES SER SNA PHYIS SMOS PA NI LHOG PA'I GO RIMS YANG DAG PAR BSTAN PA'I PHYIR RO, ,LHOG PA'I GO RIMS YANG DAG PAR BSTAN PA YANG SER SNA'I @228A *, ,DRI MA CHAGS PA DANG SNGAR BRAL NAS PHYIS SER SNA DANG BRAL BA YIN NO, ,JI LTAR NA SEMS DRI MA'I SER SNA DANG BRAL BAS KHYIM DU GNAS SHE NA, LHUG PAR GTONG BA ZHES RGYAS PAR 'BYUNG BA YIN TE, DE LA LHUG PAR GTONG BA ZHES BYA BA 'DIS NI MI GNAS PAR SBYIN PA BYED PA NYID YIN PAR STON LA, SBYIN PA LA BGED PAR DGA' BA ZHES BYA BA 'DIS NI PHYOGS MED PAR SBYIN PA BYIN PA'I BAR YIN PAR STON TO, ,DE LA LHUG PAR GTONG BA ZHES BYA BA NI MI GNAS PAR SBYIN PA BYED PA YIN NO, ,LAG BRKYANG BA ZHES BYA BA NI RGYA CHER SBYIN PA BYED PA YIN TE, SBYIN PA LA MA 'KHUMS PA YIN NO, ,RNAM PAR GTONG BA LA DGA' BA ZHES BYA BA LA, GZHAN DAG LA GSER LA SOGS PA RNAM PAR GTONG BAR BYED PA NI RNAM PAR GTONG BA STE, DE LA DGA' BA 'O, ,SBYIN PA RGYUN MI 'CHAD PA DANG ZHES BYA BA NI SBYIN PAR BYED PA'I DANG TSUL CAN YIN NO, ,DGE SBYONG RNAMS NAS SLONG MO PA RNAMS KYI BAR DAG LA ZHES BYA BA NI DGE SBYONG RNAMS DANG, BRAM ZE RNAMS DANG, SLONG MO PA BKREN PA RNAMS DANG, SDUG PHONGS PA RNAMS DANG, LAM NAS 'GRO BA RNAMS LA'O, ,DE LA RIGS KYI BU DGA' BO'I ZAS LA TSOD 'DZIN PA NI 'DI YIN TE, DGE SLONG DAG RIGS KYI BU DAG DGA' BO NI LONGS PA'I PHYIR MA YIN, RGYAGS PA'I PHYIR MA YIN, CHA BA'I PHYIR MA YIN, BRGYAN PA'I PHYIR MA YIN GYI, LUS 'DI KHO NA GNAS PAR BYA BA'I PHYIR DANG, GSO BA'I PHYIR DANG, BKRES PA DANG BRAL BAR BYA BA'I PHYIR DANG, TSANGS PAR SPYOD PA RJES SU GZUNG BA'I PHYIR TE, DA LTA BUS TSOR BA RNYING NI GZHIL BAR BYA LA, TSOR BA GSAR NI MI SKYE BAR BYAS NA BDAG 'TSO BA DANG STOBS DANG BDE BA DANG KHA NA MA THO BA MED PA DANG, RIGS PAR GNAS PAR 'GYUR RO ZHES SO SOR BRTAGS NAS ZAS ZA'O, ,DGE SLONG DAG DPER NA SKYES BU SHING RTA BAS, MAR RAM 'BRU MAR GYIS SHING RTA'I SROG SHING LA SKUD PAR BYED PA NA LONGS PA'I PHYIR NI MA YIN, RGYAGS PA'I PHYIR NI MA YIN, CHA BA'I PHYIR NI MA YIN, BRGYAN PA'I PHYIR MA YIN, KHAL KHO NA THEG PAR BYA BA'I PHYIR YIN, SKYES BU RMAS PA SER BA YANG MAR RAM 'BRU MAR GYIS RMAL SKUD PA NA LONGS PA'I PHYIR MA YIN, RGYAGS PA'I PHYIR MA YIN, CHA BA'I @228B PHYIR MA YIN, BRGYAN BA'I PHYIR MA YIN GYI, RMA KHO NA GSO BA'I PHYIR YIN NO, ,DE BZHIN DU RIGS KYI BU DGA' PO YANG LONGS PA'I PHYIR MA YIN, RGYAGS PA'I PHYIR MA YIN, CHA BA'I PHYIR MA YIN, BRGYAN PA'I PHYIR MA YIN GYI, LUS 'DI KHO NA GNAS PAR BYA BA'I PHYIR DANG, GSO BA'I PHYIR DANG, BKRES PA DANG BRAL BAR BYA BA'I PHYIR DANG, TSANGS PAR SPYOD PA RJES SU GZUNG BA'I PHYIR DE LTA BUS TSOR BA RNYING NI GZHIL BAR BYA LA, TSOR BA GSAR NI MI SKYE BAR BYAS NAS BDAG 'TSO BA DANG, STOBS DANG BDE BA DANG, KHA NA MA THO BA MED PA DANG, REG PAR GNAS PAR 'GYUR RO ZHES SO SOR BRTAGS NAS ZAS ZA'O ZHES BYA BA NI MDO SDE'I DUM BU YIN NO, ,'DI THAMS CAD NI 'DOD PA LA LONGS SPYOD PA KHO NA DAG LA ZHES BYA BA RGYAS PAR 'BYUNG BA NI SLOB DPON NYID KYI LUGS RAB TU BSTAN PA YIN NO, ,'DI THAMS CAD DE LONGS PA'I PHYIR YIN PA NI GZHON NU RNAMS LTA BU STE, DE RNAMS NI DGOD PA DANG RTZED MO'I BSAM PA NYID KYIS LONGS PA'I PHYIR ZA'O ZHES RGYAS PAR BSHAD PA GANG YIN PA'O, ,'DI THAMS CAD NI 'DOD PA LA LONGS SPYOD PA KHO NA DAG LA 'BYUNG BAS DGOD PA DANG RTZED MO LA SOGS PA'I BSAM PA DE LTA BU'I BSAM PAS ZAS KYI BYA BA 'GOG PAR BYED DO, ,LUS 'DI KHO NA ZHES BYA BA RGYAS PAR 'BYUNG BA LA, LUS 'DI KHO NA GNAS PAR BYA BA'I PHYIR ZHES BYA BA NI LUS 'DI 'BA' ZHIG GO, ,GNAS BAR BYA BA'I PHYIR ZHES BYA BA NI SROG YOD PAR BYA BA'I PHYIR RO, ,GSO BA'I PHYIR ZHES BYA BA NI STOBS YOD PAR BYA BA'I PHYIR RO, ,JI LTAR ZHE NA, SHING RTA'I SROG SHING BSKU BA BZHIN TE, LONGS PA'I PHYIR MA YIN ZHES BYA BA RGYAS PAR 'BYUNG BA NI BKRES PA DANG 'BRAL BAR BYA BA'I PHYIR ZHES BYA BA ZAS 'DOD PA NI BKRES PA'O, ,DE DANG BRAL BA NI BKRES PA DANG BRAL BA STE DE'I PHYIR NA, BKRES PA DANG BRAL BAR BYA BA'I PHYIR RO, ,LUS GNAS PA DANG, LUS KYI STOBS DANG, LUS KYI NYON MONGS PA MED PA DE DAG LA BRTEN NAS ZHES BYA BA NI 'DIR LUS GNAS PA DANG, LUS KYI STOBS NI JI SKAD DU BSHAD MA THAG PA'O, ,LUS KYI NYON MONGS PA MED PA NI ZAS 'DOD PA'I SDUG BSNGAL BZLOG PA'I PHYIR RO, ,'DIS NI ZHES BYA BA RGYAS PAR 'BYUNG BA NI LUNG PHOG PA 'DIS SO, , @229A *, ,ZAS CHUNG DU YONGS SU SPONG BAR BYED PA NI BKRES PAS KUN NAS SLONG BA'I TSOR BA GANG YIN PA ZHES BYA BA 'DIS SO, ,ZAS LHAG PAR ZA BAR BYED PA YONGS SU SPONG PAR BYED PA NI HA CANG BZA' BA DRAGS PA LAS SKYE BA GANG YIN PA ZHES BYA BA 'DIS SO, ,DE LTA BUS ZHES SMOS PA NI DE LTA BUS TSOR BA RNYING NI ZHES BYA BA 'DI YIN NO, ,DE DAG KYANG ZHES BYA BA RGYAS PAR 'BYUNG BA NI 'TSO BA DANG STOBS DANG BDE BA DE DAG KYANG LUS LA GNAS PA LA SOGS PA SNGAR BSTAN PA GANG YIN PA STE, LUS GNAS PA DANG, STOBS DANG, BKRES PA DANG BRAL BA'O, ,DE DAG KYANG ZHES BYA BA RGYAS PAR 'BYUNG BA NI KHA NA MA THO BA MED PA NYID DANG, REG PAR GNAS PA DE DAG KYANG TSANGS PAR SPYOD PA RJES SU BZUNG BA SNGAR BSTAN PA GANG YIN PA STE, 'PHAGS PA'I LAS SGRUB PA'O, ,DE LA SKYON NI LNGA DAG STE ZHES BYA BA NI DE LA HA CANG BZA' DRAGS PA LAS SKYON LNGA DE DAG STE, SEMS LAS BYUNG BA SNYOM PA LA TSO BA DANG ZHES BY OM PA NI HA CANG BZA' DRAGS PA LAS GNYID KYI RNAM PA 'GA' ZHIG 'BYUNG BA'O, ,MI DGA' BA NI DE NYID KYI PHYIR STAN LA SOGS PA DAG LA'O, ,GLAL BA NI SEMS LAS BYUNG BA'I CHOS GANG ZHIG YOD NA HA CANG BZA' DRAGS PA LAS LUS RNAM PAR SHIG SHIG BOR GYIS PA'O, , ZAS KYIS GSUD PA NYID NI GANG ZHIG YOD NA HA CANG BZA' DRAGS PA LAS SPOS TE 'DUG PA'O, ,SEMS ZHUM PA NYID NI GANG ZHIG YOD NAS HA CANG BZA' DRAGS PA LAS SEMS LAS SU MI RUNG ZHING SEMS BLUN PA'O, ,DE LTAR NA BSAM PA GANG GIS ZHES BYA BA RGYAS PAR 'BYUNG BA NI JI SKAD BSTAN PA DE LTAR NA BSAM PA GANG GIS TE, LONGS PA NYID KYI BSAM PA NAS BRGYAN PA'I BSAM PA'I BAR GYIS MI BZA' BA STE, DE LA SO SOR BRTAGS NAS ZAS ZA BA'I PHYIR SO SOR BRTAGS NAS ZAS ZA BA YIN NO, ,BSAM PA GANG GIS YIN PA NI LUS 'DI KHO NA GNAS PAR BYA BA'I PHYIR DANG, GSO BA'I PHYIR DANG, BKRES PA DANG BRAL BAR BYA BA'I PHYIR DANG, TSANGS PAR SPYOD PA RJES SU GZUNG BAR BYA BA'I PHYIR TE ZHES BYA BA BRJOD PAR BYA STE, DE LA SO SOR BRTAGS NAS ZAS ZA BA'I PHYIR SO SOR BRTAGS NAS ZAS ZA BA YIN NO, ,TSOD JI TZAM DU BZA' BA ZHES BYA BA NI DE LTA BUS TSOR BA RNYING NI GZHIL BAR BYA LA, TSOR BA GSAR NI MI SKYE BAR @229B BYA BA STE, DE LA SO SOR BRTAGS NAS ZAS ZA BA'I PHYIR SO SOR BRTAGS NAS ZA BA'O, ,ZAS LA TSOD ZIN PA'I PHAN YON GANG YIN PA STE BDAG 'TSO BA STE, STOBS DANG, BDE BA DANG, KHA NA MA THO BA MED PA DANG, REG PA LA GNAS PAR 'GYUR RO ZHES BYA BA STE, DE LA SO SOR BRTAGS NAS ZAS ZA BA'I PHYIR SO SOR BRTAGS NAS ZAS ZA BA'O, ,GZHAN DAG NA RE SO SOR BRTAGS PA BZHI DAG GIS ZHES BYA BA BRGYAS PAR 'BYUNG BA NI GZHAN DAG NA RE SO SOR BRTAGS PA BZHI DAG GIS SO SOR BRTAGS NAS ZAS ZA BA STE, DE LTA BU NI SO SOR BRTAGS NAS ZAS ZA BA YIN NO ZHES ZER TE, SO SOR BRTAGS PA BZHI PO DE DAG KYANG SPONG BAR BYA BA SO SOR BRTAGS PA NI 'DI NI BLA NA MED PA ZHES SO SOR BRTAGS PA GANG YIN PA STE, DE NI LONGS PA'I PHYIR MA YIN PA DANG, BRGYAN PA'I PHYIR MA YIN PA ZHES BYA BA'I BAR TSIG BZHI DAG GIS SO, ,CHED SO SOR BRTAGS PA NI BYA BA'I DON SO SOR BRTAGS PA STE, DE YANG LUS 'DI KHO NA GNAS PAR BYA BA'I PHYIR DANG ZHES BYA BA NAS, TSANGS PAR SPYOD PA RJES SU GZUNG BA'I PHYIR ZHES BYA BA'I BAR TSIG BZHI DAG GIS SO, ,TSOD GZUNG BA SO SOR BRTAGS PA NI DE LTA BUS TSOR BA RNYID PA NI GZHIL BAR BYA LA, TSOR BA GSAR BA NI MI SKYE BAR BYAS NA ZHES BYA BA GNYIS KYIS SO, ,TSOD ZIN PA'I PHAN YON SO SOR BRTAGS PA NI BDAG 'TSO BA DANG ZHES BYA BA NAS, REG PAR GNAS PAR 'GYUNG[?] RO ZHES BYA BA'I BAR TSIG LHAG MA RNAMS KYIS SO, ,YONG NI ZHES BYA BA NI SLOB DPON GYI DGONGS PA'I DON STON PA YIN TE, TSIG BZHI DAG GIS NI LONGS PA'I PHYIR MA YIN PA NAS BRGYAN PA'I PHYIR MA YIN ZHES BYA BA'I BAR 'DI DAG GIS SO, ,GSUM DAG GIS NI LUS 'DI KHO NA GNAS PAR BYA BA'I PHYIR DANG, GSO BA'I PHYIR DANG, BKRES PA DANG BRAL BAR BYA BA'I PHYIR ZHES BYA BA 'DI DAG GIS SO, ,TSIG GCIG GIS NI TSANGS BAR SPYOD RJES SU GZUNG BA'I PHYIR ZHES BYA BA 'DIS SO, ,TSIG LNGA DAG GIS NI DE LTA BUS TSOR BA RNYING NI GZHIL BAR BYA LA ZHES BYABA NAS BDE BA DANG ZHES BYA BA'I BAR 'DI DAG GIS SO, ,GNYIS KYIS NI ZHES BYA BA RGYAS PAR 'BYUNG BA NI TSIG GNYIS PO KHA NA MTHO BA MED PA DANG, REG PA LA GNAS PAR 'GYUR RO ZHES BYA BA 'DI GNYIS KYIS TE, DBU MA'I LAM GYIS SGRUB PA'I @230A *, ,PHAN YON NO, ,SHING RTA'I SROG SHING DANG RMA'I DPE GNYIS NI SNGAR SBYAR BA KHO NA NI CHOS MTHUN PAR SNGAR BSTAN PA NYID DO, ,DE LA RIGS KYI BU DGA' BO DRAN PA DANG SHES BZHIN MA CHOG DANG LDAN PA NI 'DI YIN TE, DGE SLONG DAG RIGS KYI BU DGA' BO NI, GAL TE SHAR PHYOGS SU RNAM PAR LTA NA, DE SEMS THAMS CAD KYIS BSAMS NAS RNAM PAR LTA'O, ,DE DE LTAR RNAM PAR LTA BA NA BRNAB SEMS DANG YID MI BDE BA DANG, SDIG PA MI DGE BA'I CHOS RNAMS SEMS LA RJES SU MI 'DZAG PAR 'GYUR LA, GAL TE LHO DANG NUB DANG BYANG PHYOGS SU RNAM PAR LTA NA YANG SEMS THAMS CAD KYIS BSAMS NAS RNAM PAR LTA'O, ,DE DE LTAR RNAM PAR LTA BA NA SNGA MA BZHIN DU SEMS LA RJES SU MI 'DZAG PA'I BAR DU 'GYUR TE, DGE SLONG DAG RIGS KYI BU DGA' BO'I TSOR BA YANG SHES BZHIN DU SKYE, SHES BZHIN DU GNAS, SHES BZHIN DU NUB PA DANG, ZAD PA DANG GTUGS PAR 'GYUR LA, 'DU SHES KYANG SHES BZHIN DU SKYE, RNAM PAR RTOG PA YANG SHES BZHIN DU SKYE, SHES BZHIN DU GNAS, SHES BZHIN DU NUB BA DANG, ZAD PA DANG, GZUGS PAR 'GYUR ZHES BYA BA NI MDO SDE'I DUM BU YIN NO, ,RIGS KYI BU DGA' BO DRAN PA DANG SHES BZHIN MCHOD DANG LDAN PA NI 'DI YIN TE ZHES BYA BA NI DRAN PA MCHOG DANG LDAN PA DANG SHES BZHIN MCHOG DANG LDAN PA'O, ,DE LA DRAN PA NI DRAN PA NYID DO, ,SHES BZHIN NI SHES RAB BO, ,SEMS THAMS CAD KYIS BSAMS NAS ZHES BYA BA NI DRAN PA NYE BAR GZHAG PA BYAS TE'O, ,RGYU BA NA YIN PAR RIG PAR BYA'O BYA BA NI BSOD SNYOMS LA RGYU BAN YIN PAR RIG PAR BYA'O ZHES BYA BA'I THA TSIG GO, DE DE LTAR RNAM PAR LTA BA NA BRAN BA SEMS DANG, YID MI BDE BA DANG, SDIG PA MI DGE BA'I CHOS RNAMS SEMS LA RJES SU MI 'DZAG PAR 'GYUR BA NI DMIGS PA GZUGS DANG, SGRA LA SOGS PA LA RNAM PAR SHES PA SKYE BA NA CHOS DE DAG SEMS LA RJE SU MI 'DZAG BAR 'GYUR, RJE SU MI 'BRANG BAR 'GYUR TE, DE DANG LHAN CIG MI 'BYUNG NGO ZHES BYA BA'I THA TSIG GO, ,GO RIMS BZHIN NO ZHES BYA BA NI BSAM GTAN LA GNAS PAN NI TSOR BA SHES BZHIN PA YIN LA, GZUGS MED PA LA GNAS PA NA NI 'DU SHES SHES BZHIN PA YIN TE, BSAM GTAN RNAMS NI TSOR BAS RAB TU PHYE BA YIN LA, GZUGS MED PA RNAMS @230B NI 'DU SHES KYIS RAB TU PHYE BA YIN PAS SO, ,JI LTAR NA DE DAG SHES BZHIN PA YIN ZHE NA, GAL TE DE DAG GIS ZIL GYIS MI NON NA'O, ,GSUM 'DUS PA LAS REG PA 'BYUNG BA'I RKYEN GYIS TSOR BA DANG, 'DU SHES DANG, SEMS PA 'BYUNG BA GANG YIN PA ZHES BYA BA NI DBANG PO DANG YUL DANG RNAM PAR SHES PA GSUM 'DUS PA LAS TSOR BA DANG, 'DU SHES DANG, SEMS PA 'BYUNG BA GANG YIN PA'O, ,SEMS PA'I MTSAN NYID NI 'DIR RNAM PAR RTOG PA YIN PAR RIG PAR BYA'O ZHES BYA BA LA RNAM PAR RTOG PA NI GNYIS TE, SHES RAB KYI MTSAN NYID DANG, SEMS PA'I MTSAN NYID DO, ,DE LA SHES RAB KYI MTSAN NYID NI DE KHON SHES PAR BYA BA'I PHYIR SPYOD PA'O, ,SEMS PA'I MTSAN NYID NI 'DI DANG 'DI LTA BU ZHIG BYA'O SNYAM DU SEMS MNGON PAR 'DU BYED PA GANG YIN PA STE, DE LA TSOR BA DANG, 'DI SHES DANG SEMS PA ZHES BYA BA 'DI RNAMS LAS SEMS PA NI RNAM PAR RTOG PA YIN PAR RIG PAR BYA'O, ,GZHAN YANG ZHES BYA BA RGYAS PAR 'BYUNG BA NI RNAM GRANGS GZHAN YANG SEMS THAMS CAD KYIS BSAM NAS RNAM PAR LTA BA'I PHYIR KUN NAS NYON MONGS PA MED PA NI RNAM PAR LTA BA KUN NAS NYON MONGS PA MED PA STE, DE'I PHYIR GZUGS LA DRAN PA DANG SHES BZHIN MCHOG DAN LDAN PA NYID YIN PAR YONGS SU STON PA YIN NO, SHES BZHIN DU TSOR BA LA SOGS PA SKYE BA LA SOGS PA NYID KYI TSOR BA DANG, 'DI SHES DANG 'DU BYED RNAMS LA DRAN PA DANG SHES BZHIN MCHOG DANG LDAN PA NYID YIN PAR YONGS SU STON PA NYID YIN NO, ,SHES BZHIN DU TSOR BA LA SOGS PA DAG NI TSOR BA DANG 'DU SHES DANG 'DU BYED RNAMS SO, ,SKYE BA LA SOGS PA DAG NI SKYE BA DANG, GNAS PA DANG, ZAG PA RNAMS TE, 'DI LA DE YOD PAS NA SHES BZHIN DU TSOR BA LA SOGS PA SKYE BA LA SOGS PA'O, ,DE'I DNGOS PO NI SHES BZHIN DU TSOR BA LA SOGS PA SKYE BA LA SOGS PA NYID DO, SHES BZHIN DU TSOR BA LA SOGS PA SKYE BA LA SOGS PA NYID KYIS SO, ,DE LTAR NA ZHES BYA BA RGYAS BAR 'BYUNG BA NI JI SKAD BSTAN PA DE LTAR NA RNAM PAR SHES PA GNAS PA BZHI DAG NI RNAM PAR SHES PA GNAS PA GZUGS SU NYE BAR 'GRO BA DANG TSOR BAR NYE BAR 'GRO BA DANG, 'DU SHES SU NYE BAR 'GRO BA DANG, 'DU BYED DU NYE BAR 'GRO BA DAG LA DRAN PA DANG SHES BZHIN MCHOG DANG LDAN PA @231A *, ,NYID YIN PAR YONGS SU BSTAN PA YIN NO, ,DGE SLONG DAG RGYAL PO LEGS MTHONG CHEN PO NI HA CANG MI GRANG ZHING, HA CANG MI DRO BA DANG, DUS TSIGS BDE BA DANG, GNOD PA MED PA DANG, GANG GIS NA DES ZOS PA DANG, 'THUNGS PA DANG, 'CHOS PA DANG, MYANGS PA RNAMS LEGS PAR BDE BAR 'JU STE, PHO BA'I DROD SNYOMS SHING 'JU BAR BYED PA DANG LDAN PAS GNOD PA NYUNG BA DANG, NAD MED PA'I RANG BZHIN DU GYUR TO ZHES BYA BA NI MDO SDE'I DUM BU YIN NO, ,DE'I PHYIR ZHES BYA BA RGYAS PAR 'BYUNG BA NI DE'I PHYIR GNOD PA NYUNG BA DANG, NAD MED PA'I RANG BZHIN DU GYUR TO ZHES GNYI GA BRJOD DO, ,GCIG GIS GCIG KHYAD PAR DU BYA BA'I PHYIR NI PHAN TSUN DU KHYAD PAR DU BYA BA'I PHYIR RO, ,JI LTA ZHE NA, GNOD PA NYUNG BA NI NAD MED PA'I RANG BZHIN YIN LA, NAD MED PA'I RANG BZHIN YANG GNOD PA NYUNG BA'O, ,GNOD PA NYUNG BA NYID DANG, NAD MED PA'I RANG BZHIN CAN NYID DE LA YANG RGYU NI PHO BA'I DROD SNYOMS SHING 'JUG BAR BYED PA DANG LDAN PA ZHES BYA BAS YANG DAG PAR STON TE, PHO BA'I LAS DANG BCAS PA'I SNYOMS PA NYID DU STON TO, ,DE LA LAS NI 'JU BAR BYED PA NYID YIN NO, ,PHO BA NI KHOG BA'I NANG NA ME'I RTEN LUS KYI PHYOGS SHIG GI KHYAD PAR RO, ,'DIS NI ZHES BYA BA NI HA CANG MI GRANG ZHING ZHES BYA BA LA SOGS PAS SO, ,MA SNYOMS PA NYID RNAM PA GSUM NI ME MA SNYOMS PA NYID DANG, ZAS MA SNYOMS PA NYID DANG, DUS TSIGS MA SNYOMS PA NYID DO, ,MA SNYOMS PA GSUM DAG GIS SKYON GANG DAG 'BYUNG BA DE DAG GI ME MA SNYOMS PA NYID KYIS NI ZHES BYA BA RGYAS PAR 'BYUNG BAS BSTAN TO, , GANG GIS NA 'JUG BAR BYED PAS SO, ,'DIS NI ZHES BYA BA RGYAS PAR 'BYUNG BA NI GANG GIS NA DES ZHES BYA BA RGYAS PAR GSUNGS PA GANG YIN PA'I TSIG 'DIS SO, ,DE LA ZHES BYA BA RGYAS PAR 'BYUNG BA NI DE LA ZOS PA NI BZANG BA'O, ,'THUNGS BA NI BTUNG BA'O, ,'CHOS PA NI BCA' BA'O, MYANGS PA NI BLDAG PA DANG GZHIBS PA'O, ,DGE SLONG DAG DGE SLONG 'DI LA BRNYAS PA'I SEMS MA SKYED CIG ,DE CI'I PHYIR ZHE NA, DGE SLONG DAG DGE SLONG 'DI NI LHAG PA'I SEMS MTHONG BA'I CHOS LA BDE BAR GNAS PA DANG LDAN PA BZHI RNAMS CI 'DOD PA BZHIN THOB PA, TSEGS MED PAR THOB PA, NGAN NGON MA @231B YIN PAR THOB PA YI NE NO ZHES BYA BA NI MDO SDE'I DUM BU YIN NO, ,LHAG PA'I SEMS ZHES BYA BA NI LHAG PA'I SEMS LA YOD PAS, LHAG PA'I SEMS SO, ,DE DAG KYANG GANG ZHE NA, MTHONG BA'I CHOS LA BDE BAR GNAS PA RNAMS TE, MTHONG BA'I CHOS LA BDE BAR GNAS PA RNAMS SO, ,MTHONG BA'I CHOS LA BDE BAR GNAS PA RNAMS NI BSAM GTAN BZHI RNAMS SO, ,MTHONG BA'I CHOS LA BDE BAR GNAS PA DE RNAMS JI SRID PA 'DOD PA DANG, NAM 'DOD PA DANG, JI LTA BU 'DOD PA MNGON SUM DU BYA BA LA DBANG BA NYID KYI PHYIR NA LHAG PA'I SEMS MTHONG BA'I CHOS LA BDE BAR GNAS PA DANG LDAN PA BZHI RNAMS CI 'DOD PA BZHIN THOB PA TSEGS MED PAR THOB PA DANG NGAN NGON MA YIN PAR THOB PA YIN PAR RIG PAR BYA'O, ,JI SRID 'DOD PA LA SOGS PA RNAMS KYI DON NI YUN RING POR ZHES BYA BA RGYAS PAR 'BYUNG BAS STON TE, JI SRID 'DOD PA NI DE RNAMS YUN RING POR MNGON SUM DU BYA BA LA DBANG BA NYID KYI PHYIR RO, ,NAM 'DONG PA NI RING POR MI THOGS PAR MNGON SUM DU BYA BA LA DBANG BA NYID KYI PHYIR RO, ,JI LTA BU 'DOD PA NI DE RNAMS LAS MCHOG TU BYUNG BA RNAMS MNGON SUM DU BYA BA LA DBANG BA NYID KYI PHYIR RO, ,THA CHAD NI NGAN SONG ZHES BYA BA'I PHYIR RO, ,DE'I PHYIR NA NGAN NGON MA YIN PA NI SNGON MCHOG TU BYUNG BA ZHES SO, ,GZHAN DAG NA RE NI TSEGS DANG MNYAM PA MED PA NYID NGAN NGON MA YIN PA YIN NO ZHES ZER TE, DE RNAMS TSEGS MED PAR THOB PA ZHES BYA BA'I TSIG 'DI 'I RNAM GRANGS NI NGAN NGON MA YIN PAR THOB PA ZHES BYA BA YIN NO, ,DE NI CI 'DOD BZHIN, SOGS THOB YIN PAR BZHED CES BYA BA NI GANG ZHIG DE RNAMS LA RDZOGS PAR SNYOMS PAR ZHUGS PA DE NI CI 'DOD PA BZHIN THOB PA YIN NO, ,GANG ZHIG DE RNAMS LA MYUR BAR SNYOMS PAR ZHUGS PA DE NI TSEGS MED PAR THOB PA YIN NO, ,GANG ZHIG DE RNAMS LA BRTAN PAR SNYOMS PAR ZHUGS PA DE NI NGAN NGON MA YIN PAR THOB PA YIN NO, ,YID CHES PA'I YUNG 'DIR NI CUNG ZAD TZAM GYIS GTONG BAR BYED PAS NA DE'I PHYIR NGAN NGON ZHES BYA STE, 'DI SKAD DU SGRA DANG REG BYA LA SOGS PA'I RKYEN GANG CI YANG RUNG BA ZHIG GIS BSAM GTAN DE GTONG PAR BYED, 'DOR BAR BYED PAS DE'I PHYIR NGAN NGON ZHES BYA LA, BZLOG PA NI BRTAN PA YIN NO ZHES BSTAN PA @232A *, ,YIN NO,, ,,RNAM PAR BSHAD PA RIGS PA'I BSHAD PA, BAM PO DGU PA, DGE SLONG DAG DPER NA, ME TOG AUTPA LA'I PHRENG BA'AM, TZAM PA KA'I PHRENG BA'AM, BAR SHI KA'I PHRENG BA'AM, AA TI MUKTA KA'I PHRENG BA PHRAG PA LA THOGS PA'AM, SNOD DU GZHAG PA NI MTSAN MO DANG NYIN MO DE DANG DE DAG 'DAS, SKAD CIG DANG, THANG CIG DANG, YUD TZAM CIG DE DANG DE DAG 'DAS PA DANG ZEGS PA NYID DU 'GYUR, RNYINGS PA NYID DU 'GYUR, SKAMS PA NYID DU 'GYUR RO, ,DGE SLONG DAG ME TOG AUTPA LA'I PHRENG BA'AM, TZAM PA KA'I PHRENG BA'AM, BAR SHI KA'I PHRENG BA'AM, AA TI MUKTA KA'I PHRENG BA GANG YIN PA DE ZEGS PA DANG, RNYINGS PA DANG, SKAMS PA DANG, PHYAG DAR GYI PHUNG PO LA THUG PAR 'GYUR BA DE NI DUS LA BAB PA YIN NO, ,DGE SLONG DAG DE BZHIN DU LUS GZUGS CAN RAGS PA, 'BYUNG BA CHEN PO BZHI LAS GYUR PA, BA DANG MA'I KHU BA NUR NUR PO LAS BYUNG BA, CHAN DANG NOM PUS GSO GSO BA, RTAG TU BSKU BA DANG, BKRU BA DANG, MNYEB BYAS PA, 'GYES PA DANG, 'JIG PA'I CHOS CAN 'DI YANG RGA BA NYID DU 'GYUR, 'CHI BA NYID DU 'GYUR RO, ,DGE SLONG DAG LUS GZUGS CAN RAGS PA, 'BYUNG BA CHEN PO BZHI LAS GYUR PA, PHA DANG MA'I KHUB NUR NUR PO LAS BYUNG BA, CHAN DANG NOM BUS GSO GSO BA'I, RTAG TU BSKU BA DANG, BKRU BA DANG, MNYE BA BYAS PA, 'GYES PA DANG, 'JIG PA'I CHOS CAN GANG YIN PA 'DI MTSAN MO DANG NYIN MO DE DANG DE DAG 'ANGS, SKAD CIG DANG, THANG CIG DANG, YUD TZAM DE DANG DE DAG 'DAS NA, RGAS PA DANG, NAD BU CAN DANG, SHI BA DANG, DUR KHROD DU THUG PAR 'GYUR BDE NI DUS LA BAB PA YIN NO ZHES BYA BA NI MDO SDE'I DUM BU YIN NO, ,TSIG GCIG NI BSTAN PA YIN TE, ZEGS PA NYID DU 'GYUR ZHES BYA BA YIN NO, ,TSIG GNYIS NI BSHAD PA YIN TE, RNYINGS PA NYID DU 'GYUR, SKAMS PA NYID DU 'GYUR ZHES BYA BA 'DI GNYIS SO, ,RNAM PAR 'GYUR BA'I DON NI JI SRID DU ZHES BYA BA RGYAS PAR 'BYUNG BAS STON TO, ,'DOD PA LA RNAM PAR RTOG PA BYUNG BA DANG DU MI LEN CING, SPONG BAR BYED LA SEL BAR BYED CING BYANG BAR BYED DO, ,GNOD SEMS LA RNAM PAR RTOG PA BYUNG BA DANG, RNAM PAR 'TSE PA @232B LA RNAM PAR RTOG PA BYUNG BA DANG DU MI LEN CING, SPONG PAR BYED LA SEL BAR BYED CING BYANG BAR BYED DO ZHES BYA BA NI MDO SDE'I DUM BU YIN NO, ,DE LA 'DOD PA LA RNAM PAR RTOG PA BYUNG BA ZHES BYA BA LA 'DOD PA'I GZHI NI 'DOD PA RNAMS TE, GZUGS DANG SGRA DANG DRI DANG RO DANG REG BYA RNAMS SO, ,DE LA DMIGS PAR BYED PA'I SEMS MNGON PAR 'DU BYED PA NI 'DOD PA LA RNAM PAR RTOG PA STE, 'DOD PA LA RNAM PAR RTOG PA DE SPONG BAR BYED DO, ,JI LTAR ZHE NA, DE'I DMIGS PA'I MTSAN MA SEL BA'I PHYIR RO, ,'DOD PA LA RNAM PAR RTOG PA DE'I DMIGS PA NI DE'I DMIGS PA'O, ,MTSAN MA NI DON GZUGS DANG SGRA LA SOGS PA 'DU SHES KYIS YONGS SU GCAD PAR BYA BA GANG YIN PA'O, ,DE'I DMIGS PA LA BRTEN PA'I MTSAN MA NI DE'I DMIGS PA'I MTSAN MA STE, DE SEL BA NI YID LA MI BYED PA'O, ,DE'I GNYEN BO BSGOMS PAS DE'I DMIGS PA'I MTSAN MA SEL BA STE, DE CI'I PHYIR NA DE'I DMIGS PA'I MTSAN MA SEL BA'I PHYIR RO, ,BZLOG TU ZIN KYANG RGYU BSAGS PA LAS BYUNG BA'I RNAM PAR RTOG PA ZHES BYA BA LA, RGYU NI DE'I BAG CHAGS YIN PAS SEL BAR BYED DO, ,JI LTA ZHE NA, SEL BAR BYED, 'DOR BAR BYED DE, SO SOR BRTAGS PA'I STOBS KYIS RGYUN GCOD PA'I PHYIR RO, ,DON 'DI NYID 'DI DAG GZHI NI RNAM PAR RTOG LA ZHES BYA BA RGYAS PAR 'BYUNG BA'I TSIGS SU BCAD PAR SDEBS PA YIN NO, ,'DI DAG GZHI NI DANG DU MI LEN CING ZHES BYA BA RGYAS PAR GSUNGS PA GANG YIN PA NI'O, ,RNAM PAR RTOG PA LA MI MTHUN PAR BYED PAS NA DANG DU LEN PA MA YIN NO, ,DE'I RGYU RNAM PAR SPONG BA'I PHYIR NA SPONG BAR BYED PA YIN NO, ,RGYUN GCOD PA'I PHYIR NA SEL BAR BYED PA YIN NO, ,RJES SU 'CHING BA GCOD PA'I PHYIR NA BYUNG BAR BYED PA YIN NO, ,SKYON NYID DU 'DZIN PA'I PHYIR NA DANG DU MI LEN PA YIN NO, ,JI LTAR NA SKYON NYID DU 'DZIN PA YIN ZHE NA, BDAG 'DOD PA LA RNAM PAR RTOG PA 'BYUNG BA NI BDAG LA GNOD PA DANG, GZHAN LA GNOD PA DANG, GNYI GA LA GNOD PAR 'GYUR BA YIN, MTHONG BA'I CHOS LA KHA NA MA THO BA 'PHEL BA YIN ZHING, TSE PHYI MA LA KHA NA MA THO BA 'PHEL BA YIN NO, ,MTHONG BA'I CHOS DANG TSE PHYI MA LA KHA NA MA THO BA 'PHEL BA YIN LA DE LAS SKYES PA'I SEMS LAS BYUNG BA SDUG BSNGAL DANG, @233A *, ,YID MI BDE BA YANG SO SOR NYAMS SU MYONG BAR 'GYUR RO ZHES RGYAS PAR 'BYUNG BA YIN NO, ,BRAM ZE'I KHYE'U SEMS CAN RNAMS NI LAS BDAG GIR BYA BA, LAS KYI BGO SKAL LA SPYOD PA, LAS KYI SKYE GNAS PA, LAS LA STON PA, LAS KYIS SEMS CAN RNAMS LA MTHON PO DANG, DMA' BA DANG, NGAN PA DANG, GYA NOM PA 'GED PAR BYED PA DAG YIN NO ZHES BYA BA NI MDO SDE'I DUM BU YIN NO, ,BGO SKAL TE LONGS SPYOD DON DU GNYER BAR BYED CES BYA BA LA BGO SKAL NI LONGS SPYOD CES BYA BA 'DIS STON BAR BYED DO, ,BDAG GI SKYE BA'I KHYAD PAR DON DU NGER BAR BYED PA NI LHA DANG MI LA SOGS PA RNAMS SU'O, ,DE LTAR ZHES BYA BA RGYAS PAR 'BYUNG BA LA, DE LTAR BYED PA NA STE, LHA RNAMS LA BGO SKAL TE LONGS SPYOD DANG BDAG GI SKYE BA'I KHYAD PAR DON DU GNYER BAR BYED CING, BDAG RGUD PAR GYUR NA LHA RNAMS LA STON PA YIN PAR RTEN PAR BYED PA NA LHA RGYU MA YIN PA LA RGYUR LTA BAS BSLUS PAR 'GYUR RO, ,SEMS CAN RNAMS KYI LAS KHON BDAG GIR BYA BA YIN ZHING ZHES BYA BA RGYAS PAR 'BYUNG BA NA, LAS KHO NA STON PA YIN GYI LHA RNAMS NI MA YIN NO ZHES BYA BA'I BAR DU GANG GSUNGS PA 'DI LA RIGS PA CI YOD CE NA, LAS NI ZHES BYA BA RGYAS PAR 'BYUNG BA LA, LAS NI RGYAL PO DANG, CHOM RKUN DANG, LHA DANG, MI LA SOGS PA RNAMS DANG, THUN MONGS MA YIN PA'I PHYIR DANG, LAS NI SHI BA'I TSE YANG MI GTONG BA'I PHYIR RO, ,SEMS CAN RNAMS KYI LAS KHO NA BDAG GIR BYA BA YIN GYI NOR DANG, KHYIM DANG, BU DANG CHUNG MA LA SOGS PA NI MA YIN TE, DE RNAMS NI RGYAL PO LA SOGS PA DANG THUN MONG YIN PA'I PHYIR DANG, SHI BA'I TSE YANG GTONG BA'I PHYIR RO, ,LHA LA GUS PA RNAMS LONGS SPYOD RGUD PAR DMIGS PA'I PHYIR DANG, LHA LA MA GUS PA RNAMS LA LONGS SPYOD PHUN SUM TSOGS PAR DMIGS PA'I PHYIR SEMS CAN RNAMS NI SNGON GYI LAS KYI BGO SKAL LA SPYOD CING ZA BA YIN NO, ,LHA LA GUS PA DANG MA GUS PA RNAMS LA GO RIMS BZHIN DU SKYE BA DMAN PA DANG KHYAD PAR DU 'PHAGS PA DMIGS PA'I PHYIR DE RNAMS NI LAS KHO NA'I SKYE GNAS LAS BYUNG BA YIN NO, ,LHA LA GUS PA DANG MA GUS PA RNAMS LA YAMS KYI NAD DANG GNOD PA NYE BAR MA ZHI BA DANG ZHI BA DMIGS PA'I PHYIR RO, ,LHA LA GUS PA @233B RNAMS LA YAMS KYI NAD DANG, GNOD PA NYE BAR MA ZHI BA DMIGS PA'I PHYIR DANG, LHA LA MA GUS PA RNAMS LA YAMS KYI NAD DANG GNOD PA NYE BAR ZHI BA DMIGS PA'I PHYIR RGUD PAR GYUR PA RNAMS LA LAS KHO NA STON PA YIN GYI LHA RNAMS NI MA YIN NO, ,'DOD PA RNAMS LA YID 'BYUNG BAR BYA BA'I PHYIR DANG, 'DOD CHAGS DANG BRAL BAR BYA BA'I PHYIR DANG, 'GOG PAR 'GYUR BAR BYA BA'I PHYIR SGRUB PA YIN NO ZHES BYA BA NI MDO SDE'I DUM BU YIN NO, ,DE LA 'DOD PA RNAMS KYI JI LTA BA BZHIN DU GZUGS RNAMS KYI MDO SDE'I DUM BU YANG DE BZHIN NO, ,RNAM PA GCIG TU NA SDUG BSNGAL GYI PHUNG PO CAN GYI MDO SDE DANG PO LAS 'DOD PA RNAMS DANG, GZUGS RNAMS GSUNGS PA BZHIN NO, ,JI SKAD DU ZHE NA, RGYAS PAR GSUNGS NAS, DGE SLONG DAG 'DOD PA RNAMS LA RO MYANG BA GANG ZHE NA, DGE SLONG DAG 'DI DAG NI 'DOD PA'I YON TAN LNGA DAG GO, ,LNGA GANG ZHE NA, MIG GIS RNAM PAR SHES PAR BYA BA'I PHYIR GZUGS SDUG PA MDZES PA DGA' BA YID DU 'ONG BA 'DOD PA DANG LDAN PA CHAGS PAR BYA BA ZHES RGYAS PAR 'BYUNG BA NAS, LUS KYIS RNAM PAR SHES PAR BYA BA SDUG PA MDZES PA DGA' BA YID DU 'ONG BA 'DOD PA DANG LDAN PA CHAGS PAR BYA BA'I BAR DU 'BYUNG BA STE, 'DOD PA'I YON TAN LNGA PO 'DI DAG LA BRTEN NAS BDE BA'AM YID BDE BA SKYE BA GANG YIN PA 'DI NI 'DOD PA RNAMS LA RO MYANG BA YIN NO, ,'ON KYANG 'DI LA NYES DMIGS NI CHES MANG BA YIN NO ZHES RGYAS PAR 'BYUNG BA DANG, DGE SLONG DAG GZUGS LA RO MYANG BA GANG ZHE NA, DGE SLONG DAG 'DI LTA STE, BRAM ZE'I BU MO'AM, RGYAL RIGS KYI BU MO 'AM, KHYIM BDAG GI BU MO LO BCO LNGA LON PA'AM, LO BCU DRUG LON PA ZHIG GANG GI TSE LEGS PAR KHRUS BYAS, LEGS PAR BYUGS, SKRA DANG SEN MO BYI DOR BYAS, GOS DKAR PO BGOS PA DE'I TSE DE KHA DOG BZANG PO RGYAS PA MCHOG DANG LDAN PA YIN TE, KHA DOG BZANG PO DE LA BRTEN NAS BDE BA'AM YID BDE BA SKYE BA GANG YIN PA DE NI GZUGS RNAMS LA RO MYANG BA YIN NO, ,'ON KYANG 'DI LA NYES DMIGS NI CHES MANG BA YIN NO ZHES RGYAS PAR 'BYUNG BA YIN NO, ,JI LTAR NA GO RIMS BZHIN ZHE NA, JI SKAD DU GSUNGS PA'I MTSAN NYID KYI 'DOD PA RNAMS DANG, GZUGS DE RNAMS LA YID 'BYUNG BAR BYA BA'I PHYIR NI SDUG BSNGAL NYID @234A *, ,YONGS SU SHES PAR BYA BA'I PHYIR SGRUB PA YIN NO, ,DE LTAR NA SDUG BSNGAL NYID YONGS SU SHES PA NI YID 'BYUNG BA YIN NO, ,'DOD CHAGS DANG BRAL BAR BYA BA'I PHYIR NI KUN 'BYUNG BA SPONG BAR BYA BA'I PHYIR SGRUB PA YIN NO, ,'DOD CHAGS NI SDUG BSNGAL GYI KUN 'BYUNG BA YIN TE, DE ZAD PA NI 'DOD CHAGS DANG BRAL BA YIN NO, ,'GOG PAR GYUR PAR BYA BA'I PHYIR NI 'GOG PA MNGON SUM DU BYA BA'I PHYIR SGRUB PA YIN NO, ,BSGRUB PAS NI LAM BSGOM PA YONGS SU STON TO, ,DE LTAR NA BDEN PA BZHI MTHONG BAR BYA BA'I PHYIR SGRUB PA YIN NO ZHES BYA BAR RIG PAR BYA'O, ,GZHAN YANG ZHES BYA BA RGYAS PAR 'BYUNG BA LA, NYE BAR LEN PA'I PHUNG PO LNGA RNAMS NI 'DOD PA DANG GZUGS KYI KHAMS GNYIS NA YOD DE, NYE BAR LEN PA'I PHUNG PO LDAS BSDUS PA YIN NO, ,GZUGS MED PA'I KHAMS NA NI NYE BAR LEN PA'I PHUNG PO BZHIS BSDUS PA YIN NO, ,CI'I PHYIR ZHE NA, DE NI SRED PAS SPUNGS PA'I PHYIR DE RNAMS NI SRED PAS SBYAR BA'I PHYIR RO ZHES BYA BA'I THA TSIG STE, DES NYING MTSAMS SBYOR BA'I TSE NYE BAR LEN PA'I PHUNG PO LNGA PO GZHAN DAG TU SPONG BAR BYED DO, GZHAN YANG ZHES BYA BA RGYAS PAR 'BYUNG BA NI, YANG RNAM GRANGS GZHAN YANG CHAGS PA DANG SRED PA GNYIS NI 'DOD PA DANG, SRED PA'I 'DOD CHAGS GNYIS YIN TE, GO RIMS BZHIN NO, ,CHAGS PA NI 'DOD PA'I 'DOD CHAGS TE, 'DOD PA NA SPYOD PA'I 'DOD CHAGS SO, ,SRED PA NI SRED PA'I 'DOD CHAGS TE, GZUGS DANG GZUGS MED PA'I KHAMS LAS SKYES PA'I 'DOD CHAGS SO, ,SDUG BSNGAL NI 'DOD PA'I KHAMS YIN TE, CI'I PHYIR ZHE NA, SDUG BSNGAL GSUM DAG LAS SDUG BSNGAL GYI SDUG BSNGAL DANG LDAN PA'I PHYIR RO, ,SDUG BSNGAL GYI SDUG BSNGAL NI 'DOD PA'I KHAMS NI 'DOD PA'I KHAMS KHO NA YOD KYI GZHAN NA MED DO, ,PHUNG PO NI GZUGS DANG GZUGS MED PA'I KHAMS GNYIS YIN NO, ,DE LTAR NA 'DIS NI 'DOD PA'I KHAMS KYI SDUG BSNGAL RGYU DANG BCAS PA DANG, GZUGS DANG GZUGS MED PA'I KHAMS KYI SDUG BSNGAL RGYU DANG BCAS PA ZAD PAR BYA BA'I PHYIR SGRUB PA YIN NO ZHES YONGS SU BSTAN PA YIN NO, ,RGYAS PAR GSUNGS NAS GRO BZHIN SKYES DE LTAR NA HA CANG BRTZON 'GRUS BRTZAMS DRAGS NA NI @234B RGOD PA NYID DU 'GYUR LA, HA CANG ZHUM CHES NA NI LE LO CAN DU 'GYUR RO, ,GRO BZHIN SKYES DE BAS NA MNYAM PA NYID DU RTOGS PAR BYED PA DE LA YANG MTSAN MAR ZUNG SHIG ,DES RLOM SEMS KYANG MA BYED LA, DE LA BAG MED PAR YANG MA BYED CIG CES BYA BA NI MDO SDE'I DUM BU YIN NO, ,'DIS NI ZHES BYA BA RGYAS PAR 'BYUNG BA NI, GDAMS NGAG 'DIS NI SEMS MNYAM PA NYID DU YONGS SU SHES PAR BYA BA LA SBYAR BAR MDZAD PA YIN TE, MNYAM PA NYID DU RTOGS PAR BYAS LA ZHES BYA BA'I TSIG 'DIS SO, ,SEMS MNYAM PA NYID KYANG SEMS DMIGS PA LA HA CANG RGOD PA YANG MA YIN, HA CANG ZHUM PA YANG MA YIN PAR BTANG SNYOMS SU BYED PA'O, ,DE LA YANG MTSAN MAR ZUNG SHIG CES BYA BA 'DIS NI MI BRJED PA'I RGYU LA SBYOR BAR MDZAD PA YIN NO, ,DES KYANG RLOM SEMS KYANG MA BYED LA, DE LA BAG MED PAR YANG MA BYED CIG CES BYA BA 'DI GNYIS KYIS NI KUN NAS NYON MONGS PA MED PA'I RGYU LA SBYOR BAR MDZAD PA YIN NO, ,MI BRJED PA'I RGYU NI MTSAN MAR 'DZIN PA'O ZHES BYA BA NI SEMS MNYAM PA NYID DE'I MI BRJED PA'I RGYU NI MTSAN MAR 'DZIN PA'O, ,MTSAN MA DE YANG BSAM GTAN PA RNAMS KHO NA'I MNGON SUM YIN NO, ,KUN NAS NYON MONGS PA MED PA'I RGYU NI NGA RGYAL MED PA STE, MNYAM PA NYID DES KHENGS PAR MI 'GYUR BA'I PHYIR RO, ,GZHAN YANG BAG YOD PA YANG YIN TE, RO MYONG BAR MI BYED PA'I PHYIR RO, ,DES RLOM SEMS KYANG MA BYED LA, DE LA BAG MED PAR YANG MA BYED CIG CES BYA BA'I DON JI SKAD GSUNGS PA'I LUNG PHOG PA 'DI NI NGA RGYAL SRED PA SHAS CHE BA'I BSAM GTAN PA'I GNYEN POR GO RIMS BZHIN NO, , JI LTAR ZHE NA, NGA RGYAL SHAS CHE BA'I BSAM GTAN PA'I MNYEN POR DES RLOM SEMS KYANG MA BYED LA ZHES BYA BAR LUNG POG PHA YIN NO, ,SRED PA'I SHAS CHE BA'I BSAM GTAM PA'I GNYEN POR NI DE LA BAG MED PAR YANG MA BYED CIG CES BYA BAR LUNG PHOG MA YIN NO, ,SMRAS PA CI'I PHYIR LTA BA SHAS CHE BA'I BSAM GTAN PA'I GNYEN PO DANG THE TSOM SHAS CHE BA'I BSAM GTAN PA'I GNYEN POR LUNG PHOG PA MDZAD CHE NA, BDEN PA GZIGS PA'I PHYIR SHES BYA BA RGYAS PAR 'BYUNG BA LA, DE BZHIN ZHES BYA BA NI LTA BA DANG THE TSOM GNYIS ZHES BYA BA'I THA TSIG GO, ,DE LA NGA RGYAL SHAS CHE BA'I BSAM GTAN PA NI BSAM GTAN DES KHENGS PAR @235A *, ,'GYUR BA'I PHYIR RO, ,SRED PA SHAS CHE BA'I BSAM GTAN PA NI BSAM GTAN DAG LA RO MYONG BAR BYED PA'I PHYIR RO, ,LTA BA SHAS CHE BA'I BSAM GTAN PA NI BSAM GTAN LA BRTEN NAS RTAG PA LA SOGS PAR LTA BA 'BYUNG BA GANG YIN PA'O, ,THE TSOM SHAS CHE BA'I BSAM GTAN PA NI BSAM GTAN LA BRTEN NAS CI 'DI MYA NGAN LAS 'DAS PA'I LAM YIN NAM, 'ON TE GZHAN ZHIG YIN SNYAM PA DANG, CI BDAG 'DAS PA'I DUS NA BYUNG BA 'AM, 'ON TE MA BYUNG SNYAM ZHES BYA BA DE LTA BU LA SOGS PA GANG YIN PA'O, ,NYON MONGS PA RGYU'I GNAS SKABS 'DI DAG KYANG BSAM GTAN LA SNYOMS PAR ZHUGS PA 'DI DAG KHO NA LA 'BYUNG NGO, ,NGA RGYAL SHAS CHE BA'I BSAM GTAN PA ZHES BYA BA NAS, THE TSOM SHAS CHE BA'I BSAM GTAN ZHES BYA BA'I BAR GYI DON CI ZHE NA, SRED PA SHAS CHE BA NI 'DI LA BSAM GTAN SRED PA LHAG PA CAN DU BSAM GTAN BYED PA'I NGANG TSUL YOD PAS 'DI NI SRED PA SHAS CHI BA'I BSAM GTAN PA'O, ,YANG NA DE NI SRED PA SHAS CHE BA YANG YIN BSAM GTAN YANG YIN PAS SRED PA SHAS CHE BA'I BSAM GTAN PA'O, ,THE TSOM SHAS CHE BA'I BSAM GTAN PA ZHES BYA BA'I BAR LA YANG DE BZHIN DUS BYAR BAR BYA'O, ,BCOM LDAN 'DAS KYIS RGYANG RING PO NAS SHING GI SDONG PO CHEN PO ZHIG 'BAR ZHING RAB TU 'BAR LA KUN DU RAB TU MCHED CING ME LCE GCIG TU GYUR TE, LAM MER 'BAR BA GZIGS SO ZHES BYA BA NI MDO SDE'I DUM BU YIN NO, ,GO RIMS BZHIN DU SBYAR BAR BYA BA NI LAM MER 'BAR BA ZHES BYA BA NI MA G-YO BA'O, ,DGE SLONG DAG BYIS BA SO SO'I SKYE BO THOS BA DANG MI LDAN PA RNAMS NI PHUNG PO LNGA PO 'DI DAG LA RTAG PA NYID DANG BRTAN PA NYID DU YANG DAG PAR RJES SU LTA, BDE BA NYID DANG, NAD MED PA NYID DANG, BDAG DANG BDAG GI NYID DU SBYAR BAR BYA BA NI RJES SU LTA BA YIN NO ZHES BYA BA NI MDO SDE'I DUM BU YIN NO, ,DE LA KUN DU RMONGS PA ZHES BYA BA NI NYE BAR LEN PA'I PHUNG PO LNGA RNAMS LA 'DUS BYAS KYI MTSAN NYID SKYE BA DANG 'JIG PA GNYIS DANG MI LDAN PA YIN NO SNYAM DU DE LTAR KUN DU RMONGS PA NAS, RANG YANG BDAG MA YIN LA, BDAG GZHAN GYIS KYANG STONG PA'I BAR DU YIN NO SNYAM DU KUN DU RMONGS PA NI GO RIMS BZHIN DU RTAG PA LA SOGS PA NYID @235B DU LTA ZHES BYA BA YIN PAR RIG PAR BYA'O, ,JI LTAR NA NYE BAR LEN PA'I PHUNG PO LNGA RNAMS NI SKYE BA DANG 'JIG PA GNYIS DANG LDAN PA YIN NA DE LTAR KUN DU RMONGS PA NI DE DAG LA RTAG PA NYID DU YANG DAG PAR RJES SU LTA LA, BDAG GZHAN GYIS STONG PA'I BAR DU YIN LA, DE LTAR KUN DU RMONGS PA NI BDAG GI NYID DU YANG DAG PAR RJES SU LTA BA YIN NO, ,RTAG PA DANG BDE BA DANG, BDAG TU PHYIN CI LOG PA RNAMS TE, LTA BA GNYIS DANG GNYIS KYIS YONGS SU BSTAN PA YIN PAR RIG PAR BYA'O, ,JI LTAR BYAS PAS SHE NA, RTAG PA NYID DU LTA BA DANG, BRTEN PA NYID DU LTA BAS NI NYE BAR LEN PA'I PHUNG PO LNGA RNAMS LA RTAG PA PHYIN CI LOG PA YIN PAR YONGS SU BSTAN PA YIN PAR RIG PAR BYA'O, ,BDE BA NYID DU LTA BA DANG, NAD MED PA NYID DU LTA BAS NI NYE BAR LEN PA'I PHUNG PO LNGA RNAMS LA BDE BAR PHYIN CI LOG PA YIN PAR BSTAN PAR RIG PAR BYA'O, ,BDAG TU LTA BA DANG, BDAG GIR LTA BAS NI NYE BAR LEN PA'I PHUNG PO LNGA RNAMS LA BDAG TU PHYIN CI LOG YIN PAR YONGS SU BSTAN PAR RIG PAR BYA'O, ,TSUL 'CHOS PA DANG, KHAGS GA DANG, GZHOGS SLONG DANG, THOB KYIS 'JAL BA DANG, RNYED PAS RNYED PAR BYED 'DOD PA DANG ZHES BYA BA NI MDO SDE'I DUM BU YIN NO, ,JI LTAR NA YO BYAD BSNYUNGS PA KUN DU STON CE NA, RNYED PA KHYAD PAR CAN MI LEN PA NYID KYIS DANG, NGAN PA DANG GYA NOM PA BSTEN PA DANG MI BSTEN PA NYID KYIS TE, KHA ZAS LA SOGS PA NGAN PA BSTEN PA'I PHYIR DANG, GYA NOM PA MI BSTEN PA'I PHYIR RO, ,CHOS SMRA BA NI MDO SDE LA SOGS PA'I CHOS RNAMS STON PA'O, ,GNOD PA'I GZHI KUN DU STON ZHES BYA BA LA GNOD PAR BYED PA NI GNOD PA'O, ,DE'I GZHI NI GNOD PA'I GZHI STE LUS KYI 'GYUR BA'O, ,GNOD PA NI GZUGS CAN MA YIN PA'I CHOS YIN PAS GZHAN DU BSTAN PAR MI NSU PAS NA RLUNG LA SOGS PAS LUS 'GYUR BA BYAS PA KUN DU STON PA YIN NO, ,PHONGS PA'I GZHI KUN DU STON PA NI MCHI LA LHAM LA SOGS PA RNYINGS PAR KUN DU STON PA YIN NO, ,TSIG GIS BSAM PA'I GZHI BSNGAGS PAR BYED PA NI TSIG GIS BSAM PA'I GZHI GOS DANG GLEGS BAM LA SOGS PA YON TAN LAS BSNGAGS PA BYED PA'O, ,DE LA SBYIN PAR MI BYED PA LA SMOD PA NI DE LA SBYIN PAR MI BYED PA LA SMOD PA'O, ,GZHAN LA SBYIN PAR BYED PA LA @236A *, ,SMOD PA NI GZHAN LA SBYIN PAR BYED PA LA SMOD PA'O, ,BYED 'DOD PA ZHES BYA BA NI BSGRUB PAR 'DOD PA ZHES BYA BA'I THA TSIG GO, ,GCIG NI ZHES BYA BA RGYAS PAR 'BYUNG BA LA GCIG NI LUS KYIS YIN TE TSUL 'CHOS BA'O, ,GNYIS PA NI DAG GIS YIN TE KHA GSAG GO, , LHAG MA GZHOGS SLONG LA SOGS PA 'CHO BA LOG PA RNAMS NI LUS DANG NGAG GIS YIN NO, ,JI LTAR BYAS PAS SHE NA, RE ZHIG LUS KYIS NI GZHOGS SLONG NYID DE, RNYED PAR BYA BA'I BSAM PAS LUS KYIS GNOD PA'I GZHI KUN DU STON PA'I PHYIR DANG, PHONGS PA'I GZHI KUN DU STON PA'I PHYIR RO, , NGAG GIS NI BSAM PA'I GZHI BSNGAGS PAR BYED PA'O, ,THOB KYIS 'JAL BA NYID KYANG YIN TE, NGAG GIS RNAM PA GSUM BSTAN PA YIN NO, ,LUS KYIS KYANG THOG MA KHO NAR BSLANG BA BYAS NAS PHYIS YANG DANG YANG DU MI SMRA BAR MDUN DU 'DUG PA'O, ,'TSO BA LOG PAR RNYED PAS RNYED PAR BYED 'DONG PA YANG YIN TE, LUS KYIS NI GCIG PO JI SKAD BSTAN PA YIN LA NGAG GIS NI GNYIS YIN NO, ,SMRAS PA, GZHOGS SLONG LA SOGS PA 'TSO BA LOG PA LHAG MA RNAMS LAS CHIG GANG YIN PA LA DE DAG JI LTAR NA KHA GSAG MA YIN TE, KHA GSAG KYANG NGAG GI LAS YIN PAS SO, ,BSHAD PA, GZHAN MGU BAR BYA BA'I PHYIR SMRA BA 'TSO BA LAG PA GNYIS PA NI 'DIR KHA GSAG YIN PAR DGONGS KYI, BSAM PA'I GZHI BSNGAGS PA BYED PA LA SOGS PA'I CHIG THAMS CAD NI MA YIN NO, ,DE BAS NA NYES PA MED DO, ,ZLA BA PHYED CING TSES BCO LNGA LA RGYAL PO CHEN PO BZHI DAG RANG NYID KYIS MI'I 'JIG RTEN NA MAR 'DZIN PA DANG, PHAR 'DZIN PA DANG, DGE SLONG DU 'DZIN PA DANG, BRAM ZER 'DZIN PA DANG, RIGS KYI NANG NA RGAN RABS LA RI MO BYED PA DANG, DON BYED PA DANG, BYA BA BYED PA DANG, BSOD NAMS BYED PA DANG, 'JIG RTEN 'DI DANG, 'JIG RTEN PHA ROL GYI KHA NA MA THO BA RNAMS LA 'JIGS PAR LTA BA DANG, SBYIN PA BYED PA DANG, BSOD NAMS BYED PA DANG, BSNYEN GNAS LA NYE BAR GNAS PA DANG, TSUL KHRIMS YANG DAG PAR BLANGS NAS GNAS PA'I MI DAG MANG NGAM ZHES 'JIG RTEN LA RNAM PAR LTA BAR BYED DO ZHES BYA BA NI MDO SDE'I DUM BU YIN NO, ,DE LA JI LTAR SHES PAR BYA BA LTA BUS MAR SHES PA NI MAR @236B 'DZIN PA STE, JI LTAR DE SHES PAR BYA ZHE NA, DE LA GUS PAR BYA BA NYID KYI PHYIR RO ZHES BYA BA NI DE LA GUS PAR BYA BA NYID KYI RGYUS SO ZHES BYA BA'I THA TSIG GO, ,LDANG BA DANG THAL MO SBYOR BA DANG, PHYAG BYA BA DANG, CHOS GOS DANG BSOD SNYOMS LA SOGS PA NI MAL STAN LA SOGS PA'O, ,SNYAN PAR SMRA BA LA SOGS PA ZHES BYA BA LA SOGS PA'I SGRAS NI RI MO BYA BA LA SOGS PA'O, ,DE DAG DE LTAR GYUR PA ZHES BYA BA NI MI DE DAG MAR 'DZIN PA NAS BSOD NAMS BYED PA'I BAR DU'O, ,RNAM PA DE ZHES BYA BA NI SBYIN PA LAS BYUNG BA DANG, TSUL KHRIMS LAS BYUNG BA'I RNAM PA'O, ,BSOD NAMS KYI KHANG PA LA SOGS PA ZHES BYA BA'I SOGS PA'I SGRAS NI LAM 'PHYAG PA LA SOGS PA'O, ,ZAS DANG, SKOM LA SOGS PA GANG YIN PA DANG, KUN DGA' RAB LA SOGS PA'O, ,'JIG RTEN RJES SU 'DZIN PA'I PHYIR GANG YIN PA 'DI GNYI GA YANG SBYIN BA LAS BYUNG BA'I BSOD NAMS BYA BA'I GZHI YIN MOD KYI, THA DAD PAR SMOS PA NI KHYAD PAR DANG KHYAD PAR MED PAR SBYIN PA'I DBYE BA YANG DAG PAR BSTAN PA'I PHYIR TE, KHYAD PAR GYI DBYE BA YANG DAG PAR BSTAN PA'I PHYIR DANG, KHYAD PAR MED PA'I DBYE BA YANG DAG PAR BSTAN PA'I PHYIR RO, ,GO RIMS BZHIN DU ZHES BYA BA RGYAS PAR 'BYUNG BA JI LTAR BYAS PAS SHE NA, BLA MA DANG YON GNAS PA NI TSIG GNYIS DANG GNYIS KYIS YANG DAG PAR BSGRUB PA BSTAN PA YIN TE, RE ZHIG BLA MA RNAMS LA NI MAR 'DZIN PA DANG, PHAR 'DZIN PA ZHES BYA BA 'DI GNYIS KYIS SO, ,YON GNAS RNAMS LA NI DGE SBYONG DU 'DZIN PA DANG, BRAM ZER 'DZIN PA ZHES BYA BA 'DI GNYIS KYIS SO, ,GZHI RNAMS KYI RE RES NI RGAN PO RNAMS DANG, RGUD PA RNAMS DANG, RANG GI LAS DANG, BSOD NAMS BYED PA LAS YANG DAG PAR BSGRUB PAR BSTAN PA YIN NO, ,TSIG RE RES NI RE RES SO, ,SMRAS PA TSIG DU DAG GIS SHE NA, GZHI RNAMS KYI RE RES TE, JI LTAR ZHE NA, RE ZHIG RGAN PO RNAMS LA NI RIGS KYI NANG NA RGAN RABS LA RI MO BYED PA ZHES BYA BA'I TSIG GO, ,RGUD PA RNAMS LA NI DON BYED PA ZHES BYA BA'I TSIG GCIG GIS SO, ,RANG GI LAS LA NI BYA BA BYED PA ZHES BYA BA'I TSIG GCIG GIS SO, ,BSOD NAMS BYED PA LA NI BSOD NAMS BYED PA ZHES BYA BA'I TSIG GCIG GIS YANG DAG PAR SGRUB PAR BSTAN PA YIN NO, ,TSIG 'JIG RTEN @237A *, ,'DI DANG 'JIG RTEN PHA ROL ZHES BYA BA DE LA SOGS PA LHAG MA RNAMS KYIS NI YANG DAG PAR BSGRUB PA DE NYID KYI RGYU DANG BSOD NAMS BYA BA'I RNAM PA'I DBYE BA YANG DAG PAR BSTAN PA YIN NO, ,DE LA 'JIG RTEN 'DI DANG 'JIG RTEN PHA ROL GYI KHA NA MA THOB RNAMS LA 'JIGS PAR LTA BA ZHES BYA BA'I TSIG 'DI DAG GIS NI YANG DAG PAR BSGRUBS PA DE NYID KYI RGYU YANG DAG PAR BSTAN PA YIN NO, ,SBYIN PA BYED PA NAS, TSUL KHRIMS YANG DAG PAR BLANGS NAS GNAS PA ZHES BYA BA'I BAR 'DI RNAMS KYIS NI BSOD NAMS BYA BA'I RNAM PA'I DBYE BA YANG DAG PAR BSTAN PA YIN NO, ,RGYAS PAR GSUNGS NAS KYE SH'A RI'I BU 'JIG RTEN NA CHOS SMRA BA NI SU DAG YIN, LEGS PAR ZHUGS PA NI SU DAG YIN, BDE BAR GSHEGS PA NI SU DAG YIN, 'DZAM BU'I GRIB MA CAN GANG SU DAG 'DOD CHAGS GDUL BA'I PHYIR DANG, ZHE SDANG GDUL BA'I PHYIR DANG, GTI MUG GDUL BA'I PHYIR CHOS STON PA 'DI NI 'JIG RTEN NA CHOS SMRA BA DAG CES BYA BA'O, ,GANG SU DAG 'DOD CHAGS GDUL BA'I PHYIR ZHUGS PA DANG, ZHE SDANG GDUL BA'I PHYIR DANG, GTI MUG GDUL BA'I PHYIR ZHUGS PA 'DI NI LEGS PAR ZHUGS PA DAG CES BYA'O, ,GANG SU DAG 'DOD CHAGS MA LUS PAR SPANGS PA DANG, YONGS SU SHES PA DANG, ZHE SDANG DANG, GTI MUG MA LUS PAR SPANGS PA DANG, YONGS SU SHES PA 'DI NI 'JIG RTEN NA BDE BAR GSHEGS PA DAG CES BYA BA'O ZHES BYA BA NI MDO SDE'I DUM BU YIN NO, ,'DIR NI ZHES BYA BA RGYAS PAR 'BYUNG BA LA MDO SDE'I DUM BU 'DIR NI NGES PAR LEGS PA LAS BRTZAMS NAS TE CHED DU BYAS NAS SEMS CAN GNYIS TE RNAM PA GNYIS DRIS PA DANG, LAN BTAB PA YIN NO, ,DRIS PA NI KUN DU RGYU 'DZAM BU'I GRIB MA CAN GYIS SO, ,LAN GDAB PA NI GNAS BRTAN SHA RA DVA TI'I BUS SO, ,DRIS PA NI YANG DAG PAR SMRA BA DANG, BYED PA PO YIN NO, ,BYED PA PO YANG RNAM PA GNYIS TE ZHES BYA BA RGYAS PAR 'BYUNG BA YIN NO,, LAN BTAB PA GANG DAG CE NA, YANG DAG PAR SMRA BA DANG, BYED PA PO RNAM PA GNYIS PO YANG 'DI DAG NYID YIN NO, ,JI LTAR DRIS SHE NA, SH'A RI'I BU 'JIG RTEN NA CHOS SMRA BA NI SU DAG YIN ZHES BYA BA NI YANG DAG PAR SMRA BA YIN NO, ,LEGS PAR ZHUGS PA NI SU DAG YIN BDE BAR GSHEGS PA NI SU DAG YIN ZHES @237B BYA BA NI BYED PA PO RNAM PA GNYIS PO DAG YIN NO, ,GNAS BRTAN GYIS JI LTAR LAN BTAB CE NA, 'DZAM BU'I GRIB MA CAN GANG SU DAG 'DOD CHAGS GDUL BA'I PHYIR DANG, ZHE SDANG GDUL BA'I PHYIR DANG, GTI MUG GDUL BA'I PHYIR CHOS STON PA 'DI NI 'JIG RTEN NA CHOS SMRA BA DAG CES BYA'O ZHES BYA BA DE LTA BU NI YANG DAG PAR SMRA PA LAN BTAB PA YIN NO, ,JI LTAR NA BYED PA PO YANG RNAM PA GNYIS SU LAN BTAB CE NA, GANG SU DAG 'DOD CHAGS GDUL BA'I PHYIR ZHUGS PA DANG, ZHE SDANG GDUL BA'I PHYIR DANG, GTI MUG GDUL BA'I PHYIR ZHUGS PA 'DI NI LEGS PAR ZHUGS PA DAG CES BYA'O ZHES BYA PA NI YANG DAG PAR BYED PA PO STE, BRTZON PA RNAMS LAN BTAB PA YIN NO, ,GANG SU DAG 'DOD CHAGS MA LUS PAR SPANGS PA DANG, YONGS SU SHES PA DANG, ZHE SDANG DANG GTI MUG MA LUS PAR SPANGS PA DANG, YONGS SU SHES PA 'DI NI 'JIG RTEN NA BDE BAR GSHEGS PA DAG CES BYA'O ZHES BYA BAS KYANG BYED PA PO STE, GROL BA RNAMS KYI LAN BTAB PA YIN NO, ,'DZAM BU'I GRIB MA CAN GANG SU DAG 'DOD CHAGS GDUL BA'I PHYIR DANG ZHES BYA BA RGYAS PAR 'BYUNG BAS, 'DOD CHAGS DANG, ZHE SDANG DANG, GTI MUG RNAMS KHO NA SMOS KYI, LTA BA DANG, NGA RGYAL DANG, THE TSOM RNAMS MA YIN PA NI DE RNAMS KYIS GO RIMS BZHIN DU TSOR BA GSUM LA BCINGS PA'I PHYIR TE, ,JI LTAR 'DOD CHAGS KYIS NI BDE PA'I TSOR BA LA BCINGS SO, ,'DI LTAR ZHE SDANG GIS NI SDUG BSNGAL GYI TSOR BA LA BCINGS SO, ,'DI LTAR GTI MUG GIS NI BDE BA YANG MA YIN SDUG BSNGAL YANG MA YIN PA LA BCINGS SO, ,SMRAS PA, TSOR BA GSUM PO DE LA BCINGS PAR JI LTAR SHES PAR BYA ZHE NA, 'DI LTAR ZHES BYA BA RGYAS PAR 'BYUNG BA LA, GANG GI PHYIR BCOM LDAN 'DAS KYIS DMIGS PA DANG, MTSUNGS PAR LDAN PA DANG, BDE BA'I TSOR BA LA NI 'DOD CHAGS RGYAS PAR 'GYUR, SDUG BSNGAL LA NI KHONG KHRO BA, BDE BA YANG MA YIN SDUG BSNGAL BA YANG MA YIN PA LA NI MA RIG PA'O ZHES GSUNGS PAS SO, ,JI LTAR RIGS PAR ZHES BYA BA NI JI LTAR 'OS PAR TE, 'DOD PA'I KHAMS SU NI 'DOD CHAGS DANG ZHE SDANG DANG GTI MUG RNAMS SPANGS PA'I PHYIR RO, ,DE'I GONG MA RNAMS SU NI 'DOD CHAGS DANG MA RIG PA GNYIS SPANGS @238A *, ,PA'I PHYIR RO, ,THOB PA BAG LA NYAL GYI MTSAN NYID SPANGS PA'I PHYIR RO ZHES BYA BA NI NYON MONGS PA'I SA BON DE NYID MA BTON CING NYAMS PAR MA BYAS PA NI THOB PA YIN TE, BAG LA NYAL YANG DE NYID YIN NO, ,NYON MONGS PA RNAM PA DGU PO CHUNG NGU'I CHUNG NGU LA SOGS PA'I RNAM PA SPANGS PA'I PHYIR RO, ,'DI LTAR CHEN PO'I CHEN PO'I RNAM PA NAS BRTZAMS NAS, CHUNG NGU'I CHUNG NGU'I RNAM PA'I BAR DU SPANGS PAS SO, ,GANG SU DAG 'DOD CHAGS MA LUS PAR SPANGS PA ZHES GANG GSUNGS PA'I SPANGS PAS NI RNAM PAR GROL BA STON TO, ,DE LA RNAM PAR GROL BA NI DE KHO NA NYID LAS 'DOD CHAGS LA SOGS BA BSAL BA'I SEMS DRI MA MED PA NYID YIN NO, ,YONGS SU SHES PAS NI RNAM PAR GROL BA'I YE SHES MTHONG BA STON TO ZHES BYA BA'I SKABS DANG SBYAR TE, SPANGS PA DANG YONGS SU SHES PA ZHES GANG GSUNGS PA 'DIS SO, ,YE SHES NYID MTHONG BA YIN TE, RNAM PAR GROL BAR SHES SHING MTHONG BA NI RNAM PAR GROL BA'I YE SHES MTHONG BA'O, ,DE LTAR NA ZHES BYA BA RGYAS PAR 'BYUNG BA LA, DE LTAR NA JI SKAD GSUNGS PA'I YONGS SU SHES PA ZHES BYA BA'I TSIG 'DIS NI, MA LUS PAR SPANGS PA NI SO SO RANG GIS RIG PAR BYA BA NYID DU BSTAN PA NYID YIN TE, CI'I PHYIR ZHE NA, GZHAN LA RAG LAS PA DANG, SOM NYI DANG LDAN PA RNAMS BSAL BA'I PHYIR RO, ,GANG DAG NYON MONGS PA SPANGS PA LA GZHAN LA RAG LAS PA DANG, SOM NYI DANG LDAN PA DANG, THE TSOM DANG LDAN PA NI GZHAN LA RAG LAS PA DANG LDAN PA DANG SOM NYI DANG LDAN PA DE RNAMS TE BSAL BA'I PHYIR NI DGA' BA'I PHYIR RO, ,GCIN NAD DANG, 'BYUNG PO'I GDON SMOS PA NI DE GNYIS NI BYANG DU ZIN KYANG DUS GZHAN 'GA' ZHIG NA YANG LDANG BAS SO, ,'JIG RTEN PA'I SNYOMS PAR 'JUG PA DAG LAS BZLOG NAS TE, JI LTAR BZLOG CE NA, 'JIG RTEN PA'I SNYOMS PAR 'JUG PA DAG NI JI SRID DU BGROD PAR BYA BAR MI 'DOD DE, SRID PA'I RTZE MO'I BAR DU 'GRO BA'I PHYIR DANG, MYA NGAN LAS 'DAS PAR MI 'GRO BA'I PHYIR DANG, 'GRO BA BZANG PO MA YIN PAR 'GRO BA'I PHYIR DANG, SLAR YANG LDOG PA'I PHYIR RO, ,MYA NGAN LAS 'DAS PAR GSHEGS PA DAG NI DE LTAR GSHEGS PA DAG YIN NO ZHES BYA BA NI JI SRID DU BGROD PAR BYA BAR GSHEGS PA DAG YIN, 'GRO BA LA @238B BZANG POR GSHEGS PA DAG YIN, PHYIR MI LDOG PAR GSHEGS PA DAG YIN NO ZHES BYA BA'I THA TSIG GO, ,DE LTAR NA ZHES BYA BA RGYAS PAR 'BYUNG BA NI JI SKAD DU BSTAN PA DE LTAR NA MYA NGAN LAS 'DAS PA NI BLA NA MED PA NYID YIN PAR BSTAN PA YIN TE, MYA NGAN LAS 'DAS PAR GSHEGS NAS MYA NGAN LAS 'DAS PA LAS PHA ROL NA GSHEGS PAR BYA BA MED PAS SO, ,DGE BA NYID KYANG YIN PAR BSTAN PA YIN TE, BZANG POR GSHEGS PA'I PHYIR RO, ,RTAG PA NYID DU BSTAN PA YANG YIN TE, MYA NGAN LAS 'DAS PA LAS PHYIR MI LDOG PAR GSHEGS PA'I PHYIR RO, ,DGE SLONG DAG 'DI LTAR SA BON YANG YOD LA, MA GRUGS PA DANG, MA RUL BA DANG, RLUNG DANG, NYI MAS MA GDUNGS PA DANG, GSAR PA DANG, SNYING PO DANG LDAN PA DANG, LEGS PAR GNAS PA YANG YIN LA, SA'I SMAG DANG CHU YANG YOD NA, DE LTA BU'I SA BON DE DAG NI 'PHEL ZHING RGYAS LA YANGS PAR 'GYUR BA'O, ,DGE SLONG DAG DE BZHIN DU 'DI LTAR LAS KYANG YOD LA, NYON MONGS PA RNAMS DANG, SRED PA DANG LTA BA DANG, NGA RGYAL DANG, MA RIG PA YANG YOD NA, DE LTA BU NI TSE PHYI MA LA 'DU BYED RNAMS 'BYUNG BAR 'GYUR RO ZHES BYA BA NI MDO SDE'I DUM BU YIN NO, ,LAS LA NYON MONGS PA RNAMS GROGS SU 'GYUR BAS SKYE BA SKYED PAR BYED DE, JI LTAR SHES SHE NA, DGRA BCOM PA NYID LA NYON MONGS PA ZAD PA NI MI SKYE BA'I PHYIR RO, ,LAS LA YANG NUS PA YOD DE, NYON MONGS PA MA ZAD NA LAS JI LTA BA BZHIN DU SKYE BA'I PHYIR TE, SEMS CAN DMYAL BA MYONG BAR 'GYUR BA LA SOGS PA'I LAS KYIS SEMS CAN DMYAL BA LA SOGS PA DAG TU SKYE BA'I PHYIR RO, ,NYON MONGS PA DE DAG KYANG SRED PA LA SOGS PA'I ZHES BYA BA NI SRED PA DANG LTA BA DANG, NGA RGYAL DANG, MA RIG PA JI SKAD GSUNGS PA RNAMS SO, ,LTA BA DANG, NGA RGYAL DANG, MA RIG PA DE NI 'DREN PAR BYED PA DAG YIN TE ZHES BYA BA NI SRED PA 'DREN PAR BYED PA DAG YIN TE ZHES BYA BA'I THA TSIG GO, ,JI LTAR BYAS PAS SHE NA, BDAG TU LTA BA ZHES BYA BA RGYAS PAR 'BYUNG BA STE, BDAG TU LTA BA'I SGO NAS BDAG MED PA NYID LA KUN NAS NYON MONGS NA DE KUN DU RGYU BA DANG MI SPONG BA'I PHYIR RO, ,SRED PA KUN DU RGYU BA'I PHYIR DANG, SRED PA MI SPONG BA'I PHYIR RO ZHES BYA BA'I THA TSIG @239A *, ,GO, ,NGA'O SNYAM PA'I NGA RGYAL GYI SGO NAS ZHES BYA BA LA YANG DE BZHIN DU SBYAR BAR BYA'O, ,DE'I PHYIR 'DI DAG KHO NAS SMOS KYI KHONG KHRO BA DANG, THE TSOM GNYIS NI MA YIN NO, ,JI LTAR SRED PA NYID NI MNGON PAR BSGRUB PA'I RGYU YIN PAS, LTA BA DANG, NGA RGYAL DANG, MA RIG PA NI DE 'DREN PAR BYED PA DAG YIN PAS DE'I PHYIR MDO LAS 'DI DAG KHO NA SMOS KYI KHONG KHRO BA DANG THE TSOM GNYIS NI MA YIN NO, ,GZHAN YANG ZHES BYA BA RGYAS PAR 'BYUNG BA NI RNAM GRANGS GZHAN YANG 'DOD PA'I KHAMS KYI LAS KYI GROGS NI NYON MONGS PA THAMS CAD YIN TE, 'DI LTAR LAS KYANG YOD LA NYON MONGS PA RNAMS DANG ZHES BYA BA 'DIS YANG DAG PAR STON TO, ,MDO SDE'I DUM BU'I DON PHYI MAS NI GZUGS DANG GZUGS MED PA'I KHAMS GNYIS KYI NI SRED PA LA SOGS PA'I GROGS YIN TE, GZUGS KYI KHAMS KYI DANG, GZUGS MED PA'I KHAMS KYI NI SRED PA DANG, LTA BA DANG, NGA RGYAL DANG, MA RIG PA RNAMS LAS KYI GROGS YIN NO ZHES BYA BAR YANG DAG PAR STON TO, ,KHAMS GNYIS KYI LAS KYI GROGS SRED PA LA SOGS PA YIN PAR JI LTAR SHES SHE NA, SRED PA DANG LTA BA DANG, NGA RGYAL DANG, THE TSOM SHAS CHE BA'I BSAM GTAN GYI BAG LA NYAL YOD PA'I PHYIR RO, ,DE LTAR DE NA NI SRED PA SHAS CHE BA'I BSAM GTAN NYID YIN NA NI SRED PA RGYAS PAR 'GYUR BAS NA, THE TSOM SHAS CHE BA'I SAM GTAN GYI BAR YIN NA NI THE TSOM MO, ,DE'I PHYIR DE'I LAS KYI GROGS NI SRED PA LA SOGS PA YIN NO ZHES BYA BAR GRUB BO, ,SMRAS PA, MDO SDE'I DUM BU 'DI LAS SRED PA DANG, LTA BA DANG, NGA RGYAL DANG, MA RIG PA ZHES MA RIG PA GSUNGS NA, 'O NA CI'I PHYIR SRED PA DANG, LTA BA DANG, NGA RGYAL DANG THE TSOM SHAS CHE BA'I BSAM GTAN GYI BAG LA NYAL YOD PA'I PHYIR RO ZHES THE TSOM BSTAN CE NA, 'DIR BSHAD PA, THE TSOM NI MA RIG PAS RAB TU PHYE BA NYID KYI PHYIR TE, 'DIR MA RIG PA SMOS PAS THE TSOM BSTAN PA YIN TE, GROGS THE TSOM YANG YOD PA DANG, LAS SKYE BA'I PHYIR RGYUR 'GYUR BAR SHES PAR BYA'O, ,GZHAN YANG GANG DAG BZHI BA CHOS MA RIG PA SHAS CHE BA'I BSAM GTAN PAR 'DON GYI, THE TSOM SHAS CHE BA'I BSAM GTAN PAR MI 'DON PA DE DAG GI LTAR NA NI BRTZAD DU YANG MED LA, LAN GANG BA TU YANG MED @239B DO, ,DGE SLONG DAG DGE SLONG GSAR BU 'DI DAG NI DGE SBYONG GI GNOD PAS GTZES PA TSANGS PAR SPYOD PA'I 'DAM GYIS ZIL GYIS NON PA, SDIG PA MI DGE BA'I CHOS KUN NAS NYON MONGS PA CAN YANG SRID PA LA, RIMS NAD DANG BCAS PA SDUG BSNGAL GYI RNAM PAR SMIN PA CAN, TSE PHYI MA LA SKYE BA DANG, RGA BA DANG, 'CHI BAR 'GYUR BA RNAMS ZIL GYIS GNON PA ZHES BYA BA'O ZHES BYA BA NI MDO SDE'I DUM BU YIN NO, ,SDIG PA ZHES BYA BA NI RGYAS PAR 'BYUNG BA DANG, SDIG PA MI DGE BA'I CHOS NAS NYON MONGS PA CAN LA SOGS PA KUN NAS NYON MONGS PA CAN DANG, YANG SRID BA BA NAS SKYE BA DANG, RGA BA DANG, 'CHI BAR 'GYUR BA'I BAR RO, ,SMRAS PA, SDIG PA MI DGE BA'I CHOS KUN NAS NYON MONGS PA CAN LA SOGS PA'I RNAM GRANGS CAN DE DAG GANG YANG YIN, 'DIR BSHAD PA, RNYED PA DANG BKUR STI'I RGYU RNAMS TE, RNYED PA'I RGYU DANG BKUR STI'I RGYU GANG DAG YIN PA'O, ,DE DAG KYANG GANG DAG CE NA, BRNAB SEMS CAN NYID LA SOGS PA STE, BRNAB SEMS CAN DANG GNOD SEMS CAN DANG, KHRO BAR BYED PA DANG, KHON DU 'DZIN PAR BYED PA DANG, 'CHAB PAR BYED PA DANG, 'JIG PA DANG, PHRAG DOG CAN DANG, SER SNA CAN DANG, G-YON CAN DANG, SGYU CAN DANG, NGO TSA MI SHES CAN DANG KHREL MED PA CAN DANG, SDIG PA 'DOD PA DANG, LTA BA LOG PA CAN NO, ,RNYED PA DANG BKUR STI'I RGYU NI BRNAB SEMS LA SOGS PA YIN NO ZHES BRJOD PAR BYA BA LAS, BRNAB SEMS CAN NYID LA SOGS PA ZHES BSTAN PA NI BRNAB SEMS CAN DANG, GNOD SEMS CAN DANG ZHES RGYAS PAR 'BYUNG BA NAS, LOG PAR LTA BA CAN ZHES BYA BA'I BAR DU 'BYUNG BA'I MDO SDE'I DUM BU 'DI DGOD PA'I PHYIR RO, ,SMRAS PA, DE LTA NA YANG BRNAB SEMS CAN ZHES BYA BA NAS LOG PAR LTA BA CAN ZHES BYA BA'I BAR DU BRJOD NA CHOS RNAMS SU JI LTAR SBYAR BAR BYA ZHE NA, BRNAB SEMS CAN NYID DANG, GNOD SEMS CAN NYID DANG ZHES BYA BA DE LTAR RGYAS PAR SBYAR BAR BYA BA NAS, LOG PAR LTA BA CAN NYID CES BYA BA'I BAR DU DE LTAR DNGOS PO BRJOD PAR SBYAR BAR BYA'O, ,MDO SDE'I DUM BU 'DIS NI NYES DMIGS RNAM PA GSUM YOD PAR STON TO, ,MTHONG BA'I CHOS LA BSLAB PA GTONG BA NI NYES DMIGS DANG PO YIN PAR STON TO, , @240A *, ,DGE SKYONG GI GNOD PAS GTZES PA ZHES BYA BA'I TSIG 'DIS SO, ,MYA NGAN LAS 'DAS PAR MI 'GRO BA NI NYES DMIGS GNYIS PA YIN PAR STON PA STE, TSANG PAR SPYOD PA'I 'DAM GYIS ZIL GYIS NON PA ZHES BYA BA'I TSIG 'DIS SO, ,TSE PHYI MA LA NGAN 'GROR 'GRO BA NI NYES DMIGS RNAM PA GSUM PA YIN PAR STON TE, SDIG PA MI DGE BA'I CHOS ZHES BYA BA RGYAS PAR 'BYUNG PAS SO, ,DE LTAR NA ZHES BYA BA RGYAS PAR 'BYUNG BA NI JI SKAD BSTAN PA DE LTAR NA STE, DE LA SDIG PA ZHES BYA BA RGYAS PAR 'BYUNG BAS NI KUN NAS NYON MONGS PA CAN LA SOGS PA RNAMS NI GZHAN GYIS DANG, RANG NYID KYIS SKYON YIN PAR BSTAN PA YIN NO, ,RE ZHIG GZHAN GYIS SKYON YIN PAR BSTAN PA NI SDIG PA NI 'PHAGS PA'I SKYE BOS SMAD PA'I DON GYIS SO ZHES GSUNGS PA'I PHYIR RO, ,RANG NYID KYIS NI MI DGE BA NI MI BDE BA'I DON GYIS SO ZHES BYA BA YIN NO, ,DE NI KUN NAS NYON MONGS PA CAN YANG SRID PA PA NYID NYES DMIGS DANG BCAS PAS YANG DAG PAR STON TO ZHES BYA BA NI KUN NAS NYON MONGS PA CAN NYID NYES DMIGS DANG BCAS PA DANG, YANG SRID PA PA NYES DMIGS DANG BCAS PAS NI SMAD PA NYID YIN PAR STON TO, ,DE BZHIN DU GNYIS KAS MI BDE BA NYID YIN PAR YANG STON TO, ,JI LTA ZHE NA, RIMS NAD DANG BCAS PA DANG, SDUG BSNGAL GYI RNAM PAR SMIN PA CAN YIN TE, MTHONG BA'I CHOS NYID LA NYON MONGS PA'I YONGS SU GDUNG BA RNAMS KYI RIMS NAD DANG BCAS PA'O, ,JI LTA ZHE NA, DA LTAR BYUNG BA'I TSE RABS LA NYON MONGS PAS YONGS SU GDUNG BA YIN TE, LUS DANG SEMS YONGS SU GDUNG BAR BYED PA'I PHYIR RO, ,LUS YONGS SU GDUNG BAR BYED PA'I PHYIR DANG, SEMS YONGS SU GDUNG BAR BYED PA'I PHYIR RO, ,JI LTAR NA SDUG BSNGAL GYI RNAM PAR SMIN PA CAN YIN ZHE NA, TSE PHYI MA LA NGAN 'GROR 'GRO BA'I PHYIR RO, ,JI LTAR NA, SKYE BA DANG, RGA BA DANG, 'CHI BAR 'GYUR BA YIN ZHE NA, SKYE BA DANG, RGA BA DANG, 'CHI BAR 'GYUR BA NI, SKYE BA DANG, RGA BA DANG, 'CHI BA DANG MTHUN PA STE, YUL RING POR SKYE BA DANG, RGA BA DANG, 'CHI BA 'DREN PA'I PHYIR RO, ,DGE SLONG NGAM, DGE SLONG MA GANG LA LA CUNG ZAD CUNG ZAD DANG, @240B YUD TZAM YUD TZAM DANG, THA NA SE GOL GTOGS PA TZAM YANG SEMS CAN SROG CHAGS SU GYUR PA THAMS CAD LA BYAMS PA'I SEMS SGOM PAR BYED PA'I DGE SLONG NGAM, DGE SLONG MA 'DI NI STON PA'I BSTAN PA BZHIN BYED PA, MI GTONG BAR SGOM PA, LHAG MTHONG DANG LDAN PA, KHYIM STONG PA RNAMS RGYAS PAR BYED PA, RANG GI DON GYI SBYOR BA LA RJES SU BRTZON PA, TSANGS PA MTSUNGS PAR SPYOD PA MKHAS PA RNAMS KYIS MA SMAD PA, YUL 'KHOR GYI BSOD SNYOMS 'BRAS BU YOD PAR ZA BA ZHES BYA'O ZHES BYA BA NI MDO SDE'I DUM BU YIN NO, ,STON PA'I BSTAN PA BZHIN DU BSGRUB PA'I PHYIR ZHES BYA BA NI BCOM LDAN 'DAS KYI BKA' BZHIN DU BSGRUB PA'I PHYIR RO, ,DE LTAR BRTZON PA'I PHYIR TE, JI LTAR DE LTAR BRTZON ZHE NA, BRTZON 'GRUS MI GTONG BA NYID KYIS SO, ,TSANG PA MTSUNGS PAR SPYOD PA MKHAS PA RNAMS KYIS ZHES BYA BA NI TSANG PA MTSUNGS PAR SPYOD PA DE KHO NA RTOGS PA RNAMS KYIS SO ZHES BYA BA'I THA TSIG GO, ,DE'I 'BRAS BU DANG BCAS PA NYID DU BYED PA'I PHYIR ZHES BYA BA NI SBYIN PA PO RNAMS KYI BSOD SNYOMS DANG BCAS PA NYID DU BYED PA'I PHYIR RO, ,STON PA LA YANG DAG PAR SGRUB PAR YONGS SU BSTAN PA'I PHYIR DE'I BSTAN PA BZHIN DU BSGRUB PA'I PHYIR TE, STON PA'I BSTAN PA BZHIN BYED PA ZHES BYA BA'I TSIG 'DIS SO, ,BSTAN PA LAS YANG DAG PAR SGRUB PAR YONGS SU BSTAN PA NI RTAG TU LAS KHYAD PAR DU 'PHAGS PA LAS SBYOR BA'I PHYIR DANG STE, MI GTONG BAR BSGOM PA ZHES BYA BA 'DIS SO, ,PHYIN CI MA LOG PAR SBYOR BA'I PHYIR DANG STE, LHAG MTHONG DANG LDAN PA ZHES BYA BA 'DIS SO, ,RNAM PAR MA G-YENGS PAR SBYOR BA'I PHYIR DANG STE, KHYIM STONG PA RNAMS RGYAS PAR BYED PA ZHES BYA BA 'DIS SO, ,CHOG MI SHES PAR SBYOR BA'I PHYIR TE, RANG GI DON GYI SBYOR BA LA RJES SU BRTZON PA ZHES BYA BA 'DIS SO, ,DGE SLONG GI LAS KHYAD PAR DU 'PHAGS PA NI BSAM GTAN YIN PAR RIG PAR BYA BA NI LAS KHYAD PAR DU 'PHAGS PA LA SBYOR BA'I PHYIR ZHES GANG BSTAN PA YIN NO, ,RGYU 'DI RNAMS KYIS NI BSTAN PA LA YANG DAG PAR SGRUB PAR YONGS SU BSTAN PA YIN NO, ,GZHAN YANG STE, RNAM GRANGS GZHAN YANG BSTAN PA LA YANG DAG PAR SGRUB PAR YONGS SU BSTAN PA ZHES BYA BA NI RTAG TU BSGOM @241A *, ,BA'I PHYIR DANG STE, MI GTONG BAR SGOM PA ZHES BYA BA 'DIS SO, ,KUN NAS NYON MONGS PA CAN MA YIN PAR BSGOM PA'I PHYIR DANG STE, LHAG MTHONG DANG LDAN PA ZHES BYA BA'I TSIG 'DIS SO, ,BAR CHAD MED PAR BSGOM PA'I PHYIR DANG STE, KHYIM STONG PA RNAMS RGYAS PAR BYED PA ZHES BYA BA 'DIS SO, ,CHOG MI SHES PANG BSGOM PA'I PHYIR TE, RANG GI DON DANG SBYOR BA LA RJES SU BRTZON PA ZHES BYA BA'I TSIG 'DIS SO, ,TSANGS PA MTSUNGS PAR SPYOD PA RNAMS LA YANG DAG PAR YONGS SU SGRUB PAR BSTAN PA NI DON MTHUN PA NYID DU SBYOR BA'I PHYIR TE, TSANGS PA MTSUNGS PAR SPYOD PA MKHAS PA RNAMS KYIS MA SMAD PA ZHES BYA BA'I TSIG 'DIS SO, ,SBYIN PAR BYED PA RNAMS LA YANG DAG PAR SGRUB PAR YONGS SU BSTAN PA NI DE'I SBYIN PA 'BRAS BU CHEN PO NYID DU SBYOR BA'I PHYIR TE, YUL 'KHOR GYI BSOD SNYOMS 'BRAS BU YOD PAR BZA' BA ZHES BYA BA'I TSIG 'DIS SO, ,KYE GOO TA MA GANG GIS NA DA LTAR MI RNAMS STOBS CHUNG BA DANG, GNOD PA MANG BA DANG, MTHU CHUNG BA DANG, TSE THUNG BA'I RGYU NI GANG LAGS, RKYEN NI GANG LAGS, DE SKAD CES GSOL BA DANG, BCOM LDAN 'DAS KYIS BRAM ZE GRO BZHIN SKYES LA 'DI SKAD CES BKA' STZAL TO, ,BRAM ZE DA LTAR MI RNAMS NI CHOS MA YIN PAR CHAGS PAS CHAGS PA DANG, MI RIGS PAR CHAGS PAS ZIL GYIS NON PA DANG, CHOS LOG PAS DKRIS PA YIN NO ZHES BYA BA NI MDO SDE'I DUM BU YIN NO, ,CHOM RKUN DANG, MTHU STOBS DANG, BRID PA LA SOGS PAS NI CHOM RKUN GYIS DANG, MTHU STOBS KYIS DANG, BRID PAS SO, ,SOGS PA'I SGRAS NI LOG PAR LUNG 'BOGS PA DANG, 'JIGS PAR BSTAN PA LA SOGS PAS PHA ROL GYI NOR DON DU GNYER BA GANG YIN PA'O, ,PHA ROL LA 'TSE BA DANG LDAN PA ZHES BYA BA NI PHA ROL 'TSE BA DANG 'BREL PA STE, PHA ROL LA 'TSE BAR BYED PA ZHES BYA BA'I THA TSIG GO, ,RGYAL BO'I CHOS SAM, BRAM ZE'I CHOS NI RE ZHIG RGYAL PO'I CHOS SU BYAS PA NI RKANG PA'I PHYED GCAD CES BYA BA DE LTA BU LA SOGS PA'O, ,BRAM ZE'I CHOS KYANG BA LANG GI MCHOD SBYIN BYAS LA LOR BA LANG GI BRTUL ZHUGS BYAS NA ZHES BYA BA DE LTA BU LA SOGS PA'O, ,DES NI ZHES BYA BA RGYAS PAR 'BYUNG BA DANG, DES NI YUL @241B YONGS SU SPYAD PA LAS BRTZAMS NAS MI RNAMS LA LOG PAR SGRUB PA YOD PAR BSTAN PA NI DA LTAR MI RNAMS NI CHOS MA YIN PAR CHAGS PAS CHAGS PA ZHES BYA BA'I TSIG 'DIS SO, ,LONGS SPYOD YONGS SU TSOL BA LAS BRTZAMS NAS NI MI RIGS PAR CHAGS PAS ZIL GYIS NON PA ZHES BYA BA 'DIS SO, , BDE 'GRO YONGS SU TSOL BA LAS BRTZAMS NAS NI LOG PA'I CHOS KYIS DKRIS PA ZHES BYA BA 'DIS SO, ,SANGS RGYAS BCOM LDAN 'DAS RNAMS KYI GTAM DUS SNGAR BYA BA GANG YIN PA DE NI 'DI LTA STE, SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, 'DOD PA RNAMS LA RO MYONG BA DANG, NYES DMIGS DANG, KUN NAS NYON MONGS PA DANG, RNAM PAR BYANG BA DANG, NGES PAR 'BYUNG BA DANG, RAB TU DBEN PA DANG, PHAN YON DANG, RNAM PAR BYANG BA'I PHYOGS DANG MTHUN PA'I CHOS RNAMS RGYA CHER YANG DAG PAR RAB TU STON PAR MDZAD PA YIN NO, ,GANG GI TSE DE SEMS RANGS PA DANG, SEMS NYAMS BDE BA DANG, SEMS DGA' BA DANG, SEMS SGRIB PA MED PA DANG, YANG DAG PHUL CAN GYI CHOS BSTAN PA KUN SHES PAR BYA BA SKAL BA DANG LDAN PA DANG, NUS PAR KUN DU MKHYEN PAR GYUR PA DE'I TSE SANGS RGYAS BCOM LDAN 'DAS RNAMS KYI YANG DAG PHUL CAN GYI CHOS BSTAN PA GANG YIN PA DE NI 'DI LTA STE, SDUG BSNGAL DANG, KUN 'BYUNG BA DANG, 'GOG PA DANG, LAM MO ZHES BCOM LDAN 'DAS KYIS DE LA 'PHAGS PA'I BDEN PA BZHI PO DAG YANG DAG PAR RAB TU STON PAR MDZAD PA YIN NO ZHES BYA BA NI MDO SDE'I DUM BU YIN NO, ,DE NI ZHES BYA BA RGYAS PAR 'BYUNG BA NI GTAM SNGAR BYA BA NI MDOR NA STE, MDOR BSDU NA LONGS SPYOD PHUN SUM TSOGS PA'I RGYU LAS BRTZAMS NAS RIG PAR BYA BA NI SBYIN PA'I GTAM ZHES BYA BA'I TSIG 'DIS SO, ,LUS PHUN SUM TSOGS PA'I RGYU LAS BRTZAMS NAS RIG PAR BYA BA NI TSUL KHRIMS KYI GTAM ZHES BYA BA'I TSIG 'DIS SO, ,PHUN SUM TSOGS BA DE GNYI GA'I KHYAD PAR DANG, LONGS SPYOD PHUN SUM TSOGS PA'I KHYAD PAR DANG, LUS PHUN SUM TSOGS PA'I KHYAD PAR LAS BRTZAMS NAS RIG PAR BYA BA NI MTHO RIS KYI GTAM ZHES BYA BA'I TSIG 'DIS SO, ,DE LAS PHYIR PHYOGS PAR BYED PA'I GZHI LAS BRTZAMS NAS RIG PAR BYA BA NI 'DOD PA @242A *, ,RNAMS LA RO MYANG BA DANG, NYES DMIGS ZHES BYA BA'I TSIG 'DIS SO, ,DE LAS NGES PAR 'BYUNG BA'I THABS LAS BRTZAMS NAS RIG PAR BYA BA NI NGES PAR 'BYUNG BA DANG, RAB TU DBEN PA DANG, PHAN YON DANG, RNAM PAR BYANG BA'I PHYOGS DANG, MTHUN PA'I CHOS RNAMS RGYA CHER YANG DAG PAR RIG PA STON PAR MDZAD PA ZHES BYA BA'I TSIG 'DIS SO, ,DE GNYIS KYIS KYANG ZHES BYA BA RGYAS PAR 'BYUNG BA NI 'DOD PA RNAMS LA RO MYANG BA DANG, DE'I NYES DMIGS BSTAN PA 'DI GNYIS KYIS NI 'DI LTAR KUN NAS NYON MONGS PA DANG, RNAM PAR BYANG BAR BYED DO, ,DE LA RO MYONG BAR BYED PAS NI KUN NAS NYON MONGS PAR BYED DO, ,DE'I NYES DMIGS BSTAN PAS NI RNAM PAR BYANG BAR BYED DO, ,DE LAS NGES PAR 'BYUNG BA'I THABS KYANG YIN TE, DE LAS NI DE LAS PHYIR PHYOGS PAR BYED PA'I GZHI NI 'DOD PA RNAMS LA RO CHUNG BA NYID DANG, NYES DMIGS MANG BA NYID YIN PAR RIG PAR BYA'O, ,'PHAGS PAR TE KHYAD PAR DU CHES LHAG PA DANG, CHES GYA NOM PA YIN TE, DE LA LHA RDZAS KYI RANG BZHIN YIN PA DE NYID KYIS CHES LHAG PA YIN LA, KHA DOG LA SOGS PA PHUN SUM TSOGS PAS CHES GYA NOM PA DAG YIN NO, ,GTAM 'DI'I PHAN YON YONGS SU BSTAN PA YIN NO ZHES BYA BA NI GTAM DUS SNGAR BYAS PA 'DI'I PHAN YON YONGS SU BSTAN PA YIN NO ZHES BYA BA'I THA TSIG GO, ,GO RIMS BZHIN DU SEMS DGA' BA ZHES BYA BA NI RANGS PA'I RNAM PAR BSHAD PA YIN LA, SEMS SGRIB PA MED PA ZHES BYA BA NI NYAMS BDE BA'I BSHAD PA YIN NO, ,DE CI'I PHYIR ZHE NA, MCHOG TU BDE BA NYID DANG LDAN PA'I PHYIR DANG, SGRIB PA LNGA DANG MI LDAN PA'I PHYIR TE GO RIMS BZHIN NO, ,SGRIB PA LNGA NI 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM MO, ,SEMS DE'I PHAN YON YONGS SU BSTAN PA NI SEMS DGA' BA DANG, SEMS SGRIB PA MED PA'I PHAN YON YONGS SU BSTAN PA YIN NO ZHES BYA BA'I THA TSIG GO, ,DE LA SEMS DGA' BA NYID KYIS NI SKAL BA DANG LDAN PA YIN TE, JI LTA ZHE NA, DGA' BA LA SOGS PA'I RGYU'I RIM PAS SO, ,DGA' BA LA SOGS PA NYID KYI RGYU STE, RGYU YIN PAS DGA' BA LA SOGS PA'I RGYU'O, ,DGA' BA LA SOGS BA'I @242B RGYU'I RIM PAS NI DGA' BA LA SOGS PA'I RGYU'I RIM PAS SO, ,JI LTA ZHE NA, RAB TU DGA' BAS DGA' BA SKYE'O, ,YID DGA' NI SHIN TU SBYANG BAR 'GYUR RO, ,LUS SHIN TU SBYANGS NA BDE BA MYONG BAR 'GYUR RO, ,BDE NA SEMS MNYAM PAR 'JOG GO, ,SEMS MNYAM PAR GZHAG NA YANG DAG PA JI LTA BA BZHIN DU RAB TU SHES SO ZHES BYA'O, ,SEMS SGRIB PA MED PA NYID KYIS NI ZHES BYA BA RGYAS PAR 'BYUNG BA NI BSHAD ZIN TO, ,KUN DU MKHYEN PAR GYUR PA ZHES BYA BA NI KUN DU MKHYEN PA DANG LDAN PA'O, ,GZHAN YANG ZHES BYA BA RGYAS PAR 'BYUNG BA LA, RNAM GRANGS GZHAN YANG SKAL BA DANG LDAN PA NYID KYIS NI RIGS PHUN SUM TSOGS PA YONGS SU BSTAN PAR RIG PAR BYA'O, ,NUS PA NYID KYIS NI YONGS SU SMIN PA PHUN SUM TSOGS PA YONGS SU BSTAN PAR RIG PAR BYA STE, CI'I PHYIR ZHE NA, DE'I TSE NA DE LA GNYI GA PHUN SUM TSOGS PA YIN NO, ,'DI LTAR GTAM DU SNGAR BYA BAS RGYUD SNOD DU BYAS PA NA SEMS RANGS PA DANG, NYAMS BDE BAR GYUR PA LA RIGS DANG, YONGS SU SMIN PA PHUN SUM TSOGS PA YIN NO, ,RIGS NI NYAN THOS LA SOGS PA'I RIGS RNAMS LAS GANG YANG RUNG BA'O, ,YONGS SU SMIN PA NI RGYUD LA 'BRAS BU NYE BAR GNAS PA YIN NO, ,SNGA NAS YOD PA GTAM DU SNGAR BYA BA'I TSE NAS RIGS KHO NAR PHUN SUM TSOGS PA YIN NO, ,RIGS MA SMOS NA STE, GAL TE NUS PA ZHES BYA BA TZAM ZHIG SMOS KYI, SKAL BA DANG LDAN PA ZHES BYA BA 'DI MA SMOS NA, SANGS RGYAS RNAMS KYIS YANG DAG PHUL CAN GYI CHOS BSTAN PA NI RIGS DANG YONGS SU SMIN PA NYID GA LA LTOS PA'O ZHES BYA BA BSTAN PAR MI 'GYUR RO, ,YANG DAG PHUL CAN GYI GTAM 'DI GANG ZHIG YIN ZHE NA, 'PHAGS PA'I BDEN PA'I GTAM NI YANG DAG PHUL CAN TE, CI'I PHYIR ZHE NA, MTHONG BA DANG BSGOM PA'I LAM GNYIS KYIS NGAN 'GRO DANG 'KHOR BA LAS YANG DAG PHUL DU BYED PA'I PHYIR RO, ,MTHONG BA'I LAM GYIS NI NGAN 'GRO LAS YANG DAG PHUL DU BYED PA'I PHYIR TE, NGAN 'GRO SEL BA'I PHYIR RO, ,BSGOM PA'I LAM GYIS NI 'KHOR BA LAS YANG DAG PHUL DU BYED PA'I PHYIR RO, ,'BRAS BU DE DANG LDAN PA'I PHYIR ZHES BYA BA NI 'BRAS BU MYA NGAN LAS 'DAS PA DANG LDAN PA'I PHYIR ZHES BYA BA'I THA TSIG GO, ,YANG 'BYUNG BA PA'I SRED PA BZHIN TE, 'BRAS BU YANG SRID PA @243A *, ,YIN PA'I PHYIR RO,, ,,RNAM PAR BSHAD PA RIGS PA'I BSHAD PA, BAM PO BCU PA, DGE SLONG DAG GZUGS NI MI RTAG PA STE, GANG MI RTAG PA DE NI SDUG BSNGAL BA'O, ,GANG SDUG BSNGAL BA DE NI BDAG MED PA'O, ,GANG DAG MED PA DE THAMS CAD NI BDAG GI MA YIN, DE NI BDAG MA YIN, DE NI BDAG GI BDAG MA YIN NO ZHES DES DE LTAR YANG DAG PA JI LTA BA BZHIN GYI LEGS PA'I SHES RAB KYIS BLTA BAR BYA'O, ,GZUGS LA JI LTA BA BZHIN DU RNAM PAR SHES PA'I BAR LA YANG LEGS PA'I SHES RAB KYIS BLTA BAR BYA'O, ,'PHAGS PA NYAN THOS THOS PA DANG LDAN PAS DE LTAR MTHONG NA GZUGS LA YID 'BYUNG BAR 'GYUR ZHING, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA YID 'BYUNG BAR 'GYUR RO, ,YID 'BYUNG NA 'DOD CHAGS DANG BRAL BAR 'GYUR RO, ,'DOD CHAGS DANG BRAL NA RNAM PAR GROL BAR 'GYUR RO ZHES BYA BA NI MDO SDE'I DUM BU YIN NO, ,'DIR YID BYUNG BA DANG, 'DOD CHAGS DANG BRAL BA DANG RNAM PAR GROL BA DANG RNAM PAR GROL BA RNAMS KYI RGYUR GYUR PA NI GO RIMS BZHIN DU YONGS SU BSTAN PA YIN NO ZHES BYA BA NI YID BYUNG BA DANG, 'DOD CHAGS DANG BRAL BA DANG, RNAM PAR GROL BA RNAMS KYI RGYUR GYUR PA STE, RGYUR GYUR PA NI GO RIMS BZHIN DU YONGS SU BSTAN PA YIN NO, ,JI LTAR ZHE NA, YID 'BYUNG BA NI 'DOD CHAGS DANG BRAL BA'I RGYU YIN LA, 'DOD CHAGS DANG BRAL BA NI RNAM PAR GROL BA'I RGYU YIN NO, ,DE'I THOB PA CHAD PA'O ZHES BYA BA NI 'DOD CHAGS KYI THOB PA CHAD PA'O, ,RNAM GRANGS GZHAN YANG NI JI SKAD BSHAD PA'I DON 'DI NYID DO, ,DGA' BA SNGON DU SONG BA'I 'DOD CHAGS ZHES BYA BA NI YID BDE BA SNGON DU SONG BA'I 'DOD CHAGS SO ZHES BYA BA'I THA TSIG GO, ,DE'I PHYIR ZHES BYA BA RGYAS PAR 'BYUNG BA NI 'DI LTAR DGA' BA SNGON DU SONG BA'I 'DOD CHAGS DANG, GZUGS LA SOGS PA DAG LA 'DOD CHAGS SNGON DU SONG BA'I SEMS RANG DBANG MED PAR 'JUG PA NYID KYI 'CHING BA YOD PAS DE'I PHYIR GO RIMS BZHIN DU DE'I GNYEN PO DGA' BA DANG, 'DOD CHAGS DANG, 'CHING BA RNAMS KYI GNYEN PO YID 'BYUNG BA LA SOGS PA RNAMS NI YID 'BYUNG BA DANG, 'DOD CHAGS DANG BRAL BA @243B DANG, RNAM PAR GROL BA RNAMS SO, ,YID 'BYUNG BA DANG, 'DOD CHAGS DANG BRAL BA DANG, RNAM PAR GROL BA RNAMS DUS THA DAD PA NYID MA YIN PAR MI MTHUN PA'I PHYOGS KYI GO RIMS KYI BSHAD PA YIN TE, DE LA YID BYUNG BA'I MI MTHUN PA'I PHYOGS NI DGA' BA YIN NO, ,'DOD CHAGS DANG BRAL BA'I MI MTHUN PA'I PHYOGS NI 'DOD CHAGS YIN NO, ,RNAM PAR GROL BA'I MI MTHUN PA'I PHYOGS NI 'CHING BA YIN NO, ,DE LTAR NA MI MTHUN PA'I PHYOGS KYI GO RIMS KYI BSHAD PA YIN NO, ,DPER NA MA RIG PA 'GAGS PAS 'DU BYED 'GAG CES BYA BA LTA BU STE, MA RIG PA 'GAG PA LA SOGS PA YANG DUS THA DAD PA MA YIN PA YANG GO RIMS KYI BSHAD PA YIN NO, ,GZHAN YANG ZHES BYA BA NI RNAM GRANGS GZHAN YANG BCOM LDAN 'DAS KYIS RGYAS PAR GSUNGS NAS, 'DI LA JI LTAR DGE SLONG RNAM PA GANG DAG DANG, RTAGS GANG DAG DANG, MTSAN MA GANG DAG GIS SDIG PA MI DGE BA'I CHOS RNAMS LAS DPEN PA RTOG PA DANG BCAS PA DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN GYI BSAM GTAN DANG PO RDZOGS PAR BYAS TE GNAS LA, DE RNAM PA DE DAG DANG, RTAGS DE DAG DANG, MTSAN MA DE DAG YID LA MI BYED CING, 'ON KYANG DON YOD PA'I GZUGS SU GTOGS PA NAS, RNAM PAR SHES PAR GTOGS PA'I BAR GANG YIN PA LA DMIGS PA YIN ZHES DE LTAR RGYAS PAR GSUNGS NAS, DE CHOS DE DAG LA NAD NYID DANG ZHES BYA BA RGYAS PAR GSUNGS SO, ,'DIR NI RNAM PAR BSHAD PA 'DI JI LTAR NA STE RNAM PA GANG GIS NA 'CHI BA MED PA'I DBYINGS LA SEMS NYE BAR SBYOR BA ZHES GANG GSUNGS PA ZHES BYA BA RGYA CHER[?] 'BYUNG BA'I MYA NGAN LAS 'DAS PA YID LA BYED PA LAS 'DOD CHAGS DANG BRAL BAR 'GYUR BA LA, PHYIS RNAM PAR GROL BAR 'GYUR RO ZHES BYA BA'I BSAM PA BRJOD DGOS SO, ,GAL TE MYA NGAN LAS 'DAS PA YID LA BYED PA LAS 'DOD CHAGS KYI THOB PA CHAD PA YIN TE, DE LTAR NA SNGAR 'DOD CHAGS DANG BRAL BAR GYUR PA YIN LA, DE DANG MI LDAN PAR GNAS GYUR PA NI PHYIS RNAM PAR GROL BAR 'GYUR BA YIN NO ZHES BYA BA DE LTA NA NI SNGA MA DANG 'DRA BA NYID KYI PHYIR KHYAD PAR 'GA' YANG MED DO, ,'ON TE MYA NGAN LAS 'DAS PA YID LA BYED PA KHO NAS 'DOD CHAGS DANG BRAL BAR 'GYUR RO ZHE NA, @244A *, ,DE LTA NA NI THOB PA YOD BZHIN DU JI LTAR NA 'DOD CHAGS DANG BRAL BAR 'GYUR LA, JI LTAR NA PHYIS RNAM PAR GROL BAR 'GYUR RO ZHES BYA BA'I BSAM PA BRJOD DGOS SO, ,RGYAS PAR GSUNGS NAS, SEMS ZHES BYA BA'AM, YID CES BYA BA'AM, RNAM PAR SHES PA ZHES BYA BA YANG RUNG STE, GANG 'DI SKAD CES BYA BA DE NI BYIS PA SO SO'I SKYE BO THOS PA DANG MI LDAN PAS YUN RING PO NAS BYI DOR BYAS SHING SBAS LA BDAG GIR BYAS PA DANG, 'DI NI BDAG GI YIN, 'DI NI NGA BDAG YIN, 'DI NI BDAG GI BDAG YIN NO ZHES BYA BA KHAS BLANGS LA GZUNG BA YIN NO ZHES BYA BA NI MDO SDE'I DUM BU YIN NO, ,CI'I PHYIR BYI DOR BYAS SHING SBAS PA YIN ZHE NA, BSHAD PA, 'DI LTAR DE BDAG GIR BYAS PAS SO, ,JI LTAR DE BDAG GIR BYAS PA YIN ZHE NA, BSHAD PA 'DI LTAR KHAS BLANG BA LA GZUNG BAS SO, ,DE'I RJES SU 'BRANG BAS ZHES BYA BA NI BDAG GI BA DANG, BDAG GIR RNAM PAR LTA BA GNYIS KYI RJES SU 'BRANG BA ZHES BYA BA'I THA TSIG GO, ,RJES SU 'BRANG BA NI RJES SU 'GRO BA'O, ,KHAS BLANGS PA NI LTA BAS TE, RNAM PA GNYIS KYIS KHAS BLANGS PA'I PHYIR RO ZHES GANG BSTAN PA'I RNAM PA GNYIS PO DE NI 'DI NI BDAG GI YIN ZHES BYA BA RGYAS PAR 'BYUNG BA'I TSIG GSUM PO DAG GIS SBYOR BAR BYED DO, ,RNAM PA GNYIS PO ZHES BYA BA RGYAS PAR 'BYUNG BA NI BDAG TU LTA BA RNAM PA GNYIS PO LHAN CIG SKYES PA DANG, KUN DU BRTAGS PA DANG, GO RIMS BZHIN NO, ,JI LTA ZHE NA, BDAG TU LTA BA LHAN CIG SKYES PA DANG NI 'DI NI NGA BDAG YIN ZHES BYA BA STE, RI DAGS DANG BYA LA SOGS PA YANG YOD PA'O, ,KUN DU BRTAGS BA DANG NI 'DI NI BDAG GI BDAG YIN NO ZHES BYA BA STE, MU STEGS CAN RNAMS LA GANG YOD PA'O, ,KHAS BLANGS PA NI ZHEN PA ZHES BYA BA'I THA TSIG GO, ,GZHAN YANG STE, RNAM GRANGS GZHAN YANG BDAG TU LTA BA RNAM PA GNYIS PO ZHES BYA BA NI GZHI THA MI DAD PA DANG, GZHI THA DAD PA DANG, GO RIMS BZHIN NO, ,DE LA BDAG TU LTA BA GZHI THA MI DAD PA NI GZHI NYE BAR LEN PA'I PHUNG PO'I MTSAN NYID LA THA MI DAD PAR BZUNG NAS 'DI NI BDAG YIN NO SNYAM PA'O, ,'JIG TSOGS LA LTA BA GZHI THA DAD PA DANG NI GZUGS LA SOGS PA DE RNAMS LAS GANG @244B YANG RUNG BA ZHIG BZUNG NAS, 'DI NI BDAG GI BDAG YIN NO SNYAM PA'O, ,DE'I RJES LA MTHUN PA'I SRED PA GNYIS PO ZHES BYA BA NI BDAG GI BA'I RNAM PA'I RJES SU MTHUN PA'I SRED PA DANG, BDAG TU LTA BA RNAM PA GNYIS KYI RNAM PA'I RJES SU MTHUN PA'I SRED PA STE GZUNG BA YIN NO ZHES BYA BA'I THA TSIG GO, ,DE'I RJES SU MTHUN PA'I SRED PA YANG BDAG DANG, BDAG GI BA'I RNAM PAR LTA BA'I MJUG THOGS SU DER LTA BA'I RJES SU 'BRANG BAS CHAGS PA GANG YIN PA'O, ,RNAM GRANGS GZHAN YANG NGA'O SNYAM PA'I NGA RGYAL DANG, BDAG TU LTA BA GNYIS KYIS DANG ZHES BYA BA RGYAS PAR 'BYUNG BA NI NGA'O SNYAM PA'I NGA RGYAL GYIS NI 'DI NI BDAG YIN ZHES BYA BA'O, ,BDAG TU LTA BAS NI 'DI NI BDAG GI BDAG YIN NO ZHES BYA BA DANG, 'DI NI BDAG GI YIN ZHES BYA BA BDAG GI BA'I RNAM PA'I RNAM GRANGS DANG POR GSUNGS PA STE, DE MNGON PAR KHAS BLANGS PA'I PHYIR KHAS BLANGS PA YIN NO, ,DE'I RJES SU MTHUN PA'I SRED PA GNYIS KYI NI NGA'O SNYAM PA'I NGA RGYAL GYI RJES SU MTHUN PA DANG, BDAG TU LTA BA'I RJES SU MTHUN PA DANG, RNAM GRANGS DANG PO BDAG GI BA'I RJES SU MTHUN PA STE, DE LA CHAGS PA'I PHYIR GZUNG BA YIN NO, ,'DI THAMS CAD NI ZHES BYA BA RGYAS PAR 'BYUNG BA NI 'DI NI BDAG GI YIN ZHES BYA BA NAS, KHAS BLANG SA LA BZUNG BA YIN NO ZHES BYA BA'I BAR NI BDAG GIR BYAS PA ZHES BYA'O, ,CI'I PHYIR ZHE NA, DE'I RNAM PA DANG, DE'I RGYU NYID KYIS SO, ,DE'I RNAM PA NI BDAG GI BA'I RNAM PA STE, 'DI NI BDAG GI YIN ZHES BYA BA 'DIS SO, ,DE'I RGYU NYID KYIS KYANG YIN TE, BDAG GI BA'I RNAM PA'I RGYUS TE, 'DI NI NGA BDAG YIN, 'DI NI BDAG YIN NO ZHES BYA BA'I TSIG 'DI GNYIS KYIS SO, ,SMRAS PA, JI LTAR NA DE'I RGYU NYID KYIS TE, 'DI GNYIS KYIS DE BDAG GIR BYAS PA YIN ZHE NA, BDAG GI RNAM PA YOD NA BDAG GI BA'I RNAM PA YANG GDON MI ZA BAR 'BYUNG BAS SO, ,MDOR NA ZHES BYA BA RGYAS PAR 'BYUNG BA NI MDOR NA MDO SDE'I DUM BU 'DIS NI BYIS PA RNAMS KYI SO SO RNAM PAR SHES PA LA BDAG TU LTA BA LOG PAR BSGRUB PA DANG, SRED PA LOG PAR BSGRUB PA LAS DANG BCAS PA YIN PAR YONGS SU BSTAN PA YIN NO, ,DE LA LAS NI BYI DOR BYAS SHING SBAS PA ZHES BYA BA'I TSIG @245A *, ,GNYIS KYIS RIG PAR BYA'O, ,BDAG TU LTA BA LOG PAR SGRUB PA NYID BZUNG BA ZHES BYA BA'I TSIG 'DI BOR TE, BDAG GIR BYAS PA DANG, 'DI NI BDAG GI YIN ZHES BYA BA LA SOGS PA TSIG LNGA DAG GIS RIG PAR BYA'O, ,SRED PA LOG PAR BSGRUB PA YANG BZUNG BA ZHES BYA BA 'DIS RIG PAR BYA'O, ,BDAG TU LTA BA NYID LOG PAR BSGRUB PA YIN PAS BDAG TU LTA BA LOG PAR BSGRUB PA YIN NO, ,DE BZHIN DU SRED PA NYID LOG PAR BSGRUB PA YIN PAS SRED PA LOG PAR BSGRUB PA'O, ,RE ZHIG RNAM GRANGS DANG PO'I BSDUS PA'I DON NI DE LTA BU YIN NO, ,GNYIS PA'I NI BDAG TU LTA BA DANG, NGA RGYAL DANG, SRED PA LOG PAR BSGRUB PA YIN PAR YONGS SU BSTAN PA YIN NO, ,JI LTAR BYAS PAS SHE NA, RE ZHIG BDAG TU LTA BA LOG PAR BSGRUB PA LAS DANG BCAS PAR YONGS SU BSTAN PA NI SNGA MA BZHIN DU BZUNG BA DANG, 'DI NI NGA BDAG YIN ZHES BYA BA'I TSIG 'DI GNYIS BOR TE'O, ,NGA RGYAL LOG PAR BSGRUB PA LAS DANG BCAS PA YANG 'DI NI NGA BDAG YIN ZHES BYA BA'I TSIG 'DIS SO, ,SRED PA LOG PAR BSGRUB PA LAS DANG BCAS PA YANG SNGA MA BZHIN NO, ,BCOM LDAN 'DAS KYIS DPER NA GRONG NGAM GRONG RDAL DANG HA CANG MI RING BA ZHIG NA, MDAG MA ME LCE MED PA DU BA MED PA'I MDAG MAS GANG BA'I KLUNG ZHIG YOD LA DE NAS MI BYIS PA'I RANG BZHIN CAN MA YIN PA, RMONGS PA'I RANG BZHIN CAN MA YIN PA, SHES RAB KYI RANG BZHIN CAN BDE BA 'DOD PA, SDUG BSNGAL LA MI DGA' BA, GSON PAR 'DOD PA, 'CHI BAR MI 'DOD PA, 'CHI BA LA MI DGA' BA ZHIG 'ONGS PA DANG, DE 'DI SNYAM DU MDAG MA ME LCE MED PA DU BA MED PA'I MDAG MAS GANG BA'I KLUNG 'DIR BDAG LHUNG NA BDAG 'CHI BA'AM, 'CHI BA LA THUG PA TZAM GYIS SDUG BSNGAL BAR 'GYUR RO SNYAM DU BSAMS NAS, DE DE LAS BSRING BAR SEMS PA DANG, SRING BA SNGON DU GNYER BAR BYED CING, BSRING BA LA SO SOR BRTAGS NAS SEMS 'JOG PAR BYED DO, ,MDAG MA'I KLUNG DANG 'DRA BAR 'DOD PA RNAMS KYANG DE BZHIN DU GSUNGS PA ZHES BYA BA NI MDO SDE'I DUM BU YIN NO, ,SO SOR BRTAGS NAS SEMS 'JOG PA ZHES BYA BA NI SHES RAB KYIS DPYAD NAS @245B SEMS GTOD PA ZHES BYA BA'I THA TSIG GO, ,JI LTAR DON DU GNYER BA DANG YID LA BYED PA SKYE BA DE NI YON TAN NYID DU ZHES BYA BA RGYAS PAR 'BYUNG BAS STON TO, ,DPER NA SMAN RO ZHIM PA'AM TSA BA LA BYED PA BZHIN NO ZHES BYA BA NI SMAN RO ZHIM PA LA NI RANG GI NGANG GIS DON DU GNYER BAR BYED LA, TSA BA LA NI SO SOR BRTAGS NAS DE LA SEMS 'JOG PAR BYED, GTOD PAR BYED DO, ,DGE SLONG DAG DGE SLONG CHOS SHES PA YANG YIN NO, ,JI LTA BU YIN ZHE NA, 'DI LA DGE SLONG GIS CHOS SHES PA NI 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA RJOD PA'I SDE DANG, DE LTA BU BYUNG BA'I SDE DANG, SKYES PA'I RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA BAB PAR BSTAN PA'I SDE'O ZHES BYA BA NI MDO SDE'I DUM BU YIN NO, ,DE'I DON MDOR GLENG BA'I DON GYIS NA MDO'I SDE'O ZHES BYA BA NI SANGS RGYAS KYIS SAM, NYAN THOS KYIS BSHAD PA GANG YIN PA DE'I DON RNAM PAR PHYE YANG RUNG, DON RNAM PAR MA PHYE YANG RUNG STE, PHYI'I MTSAN NYID DU MDOR GLENG BA'I DON GYIS NA MDO'I SDE'O, ,MDOR BSTAN PA DE NYID TSIGS SU BCAD PAS PHYIS DBYANGS SU BSNYAD PA NI DBYANGS KYIS BSNYAD PA'I SDE STE MDO SDE DE NYID TSIGS SU BCAD PA RNAMS KYI DBYANGS SU BSNYAD PA NI DBYANGS KYIS BSNYAD PA'I SDE YIN TE, DPER NA LEGS SKYES KYI MDO LAS RGYAS PAR GSUNGS NAS, KYE MA DGE SLONG DAG RIGS KYI BU 'DI NI SKRA DANG KHA SBU BREGS TE GOS NGUR SMRIG BGOS NAS YANG DAG PAR DAD PA KHO NAS KHYIM NAS KHYIM MED PAR RAB TU BYUNG BA GANG YIN PA DANG, MTHONG BA'I CHOS RNAMS LA ZAG PA RNAMS ZAD NAS ZAG PA MED PAR SEMS RNAM PAR GROL BA DANG, SHES RAB RNAM PAR GROL BA RANG GI MNGON PAR SHES PAS MNGON DU BYAS TE, RDZOGS PAR BYAS NAS BDAG GI SKYE BA NI ZAD DO, ,TSANGS PAR SPYOD PA SPYAD DO, ,BYA BA BYAS SO, ,'DI LAS SRID PA GZHAN MI SHES SO ZHES BRJOD PA GANG YIN PA NI DE GNYI GA NAS MDZES SO, ,BCOM LDAN 'DAS KYIS DE SKAD CES BKA' STZAL NAS 'DI SKAD GSUNGS TE, DE NAS STON PAS GZHAN YANG 'DI SKAD CES BKA' @246A *, ,STZAL TO, ,KYE MA DGE SLONG NYER ZHI ZHING, ,ZAG MED CHAGS BRAL MI LDAN DANG, ,LEGS PA MED PAR MYA NGAN 'DAS, ,BDUD KYI SDE NI PHAM BYAS NAS, ,LUS KYI THA MA 'DZIN 'DI MDZES, ,ZHES 'BYUNG BA LTA BU'O, ,BKRI BA'I DON GANG YIN PA'I MDO SDE DE YANG DBYANGS KYIS BSNYAD PA'I SDE'O, ,DE YANG DBYANGS KYIS BSNYAD PAS BSNYAD PAR BYA BA NYID YIN PA'I PHYIR TE, DPER NA GLENG GZHI NI MNYAN YOD NA STE, DGE SLONG DAG GSUM PO 'DI DAG NI TSOR BA YIN TE, GSUM PO GANG DAG CE NA, BDE BA DANG, SDUG BSNGAL DANG, BDE BA YANG MA YIN SDUG BSNGAL YANG MA YIN PA'O, ,BCOM LDAN 'DAS KYIS DE SKAD CES BKA' STZAL NAS ZHES BYA BA RGYAS PAR 'BYUNG BA LTA BU'O, ,GANG DAG LAS BCOM LDAN 'DAS KYIS 'DAS PA DANG MA 'ONGS PA'I NYAN THOS LA SOGS PA RNAMS LUNG STON PAR MDZAD PA NI MDO SDE GANG LAS 'DAS PA DANG MA 'ONGS PA'I NYAN THOS DANG, DGE BSNYEN DANG DGE BSNYEN MA DANG GZHAN MU STEGS CAN KUN DU RGYU BA LA SOGS PA RNAMS LUNG STON PA STE, CHE GE MO ZHIG NI GA GE MO ZHIG TU SKYES SO, ,CHE GE MO ZHIG NI YONGS SU MYA NGAN LAS 'DAS SO ZHES BYA BA DE LUNG BSTAN PA'O, ,DPER NA BTZUN PA KHYIM BDAG SMRA MKHAS ZHES BGYI BA GANG LAGS PA DE ZHES RGYAS PAR 'BYUNG BA NAS, DE 'GUM PA'I DUS KYI TSE, DBANG PO RNAMS NI RNAM PAR DANG, ,BZHIN GYI MDANGS NI YONGS SU DAG ,PAGS PA'I MDOG NI DKAR BAR GYUR NA, BTZUN PA DE'I 'GRO BA NI GANG LAGS, SKYE BA NI GANG LAGS, TSE PHYI MA NI GANG LAGS, DGE SLONG DAG RIGS KYI BU DE NI SKAL BA DANG LDAN PA'I RIGS CAN YIN ZHING, NGA'I CHOS DANG MTHUN PA'I CHOS SHES PA YIN LA, NGAL MTHO BTZAMS PA YANG MA YIN TE, 'DI LTA STE CHOS KYI DBANG DU BYAS PAS SO, ,DGE SLONG DAG RIGS KYI DU DE NI YONGS SU MYA NGAN LAS 'DAS PA YIN GYI, DE'I RUS BU LA MCHOD PA BYOS SHIG CES DE LAS BCOM LDAN 'DAS KYIS KHYIM BDAG SMRA MKHAS MCHOG TU LUNG BSTAN PA'I BAR DU DE LA SOGS PA LTA BU'O, ,NGES PA'I DON GANG YIN PA DE YANG LUNG DU BSTAN PA'I SDE YIN TE, LUNG DU BSTAN PA NYID KYI PHYIR RO, ,DPER NA MI'I MDO SDE LA SOGS PA LTA BU'O, ,TSIGS @246B SU BCAD PA'I SDE NI TSIG GNYIS DANG, GSUM DANG, BZHI DANG, LNGA DANG, DRUG TU TSIGS SU SBYAR BAS BSHAD PA GANG YIN PA'O, ,GANG LAS BCOM LDAN 'DAS KYIS CHED DU BRJOD PA CHED DU BRJOD PA MDZAD DO ZHES BYA BA NI DPER NA DE NAS BCOM LDAN 'DAS KYIS PHYI 'PHRED NANG DU YANG DAG 'JOG LAS BZHENGS NAS, DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,BZHUGS NAS BDAG MA BYUNG KYANG RUNG BDAG GI MA BYUNG YANG RUNG, BDAG MI 'BYUNG NGO, ,BDAG GI MI 'BYUNG NGO ZHES DE LTAR MOS PA NA, DGE SLONG GI THA MA'I CHA DANG MTHUN PA'I KUN DU SBYOR BA RNAMS 'CHAD PAR 'GYUR RO ZHES BCOM LDAN 'DAS KYIS CHED DU BRJOD PA CHED DU BRJOD PA'O ZHES BYA BA DE LA SOGS PA 'BYUNG BA LTA BU'O, ,GANG LAS ZHES BYA BA RGYAS PAR 'BYUNG BA NI MDO SDE GANG LAS RTOGS PAR BYA BA'I PHYIR TE, KHONG DU CHUD PAR BYA BA'I PHYIR DPE GZHAN RGYAS PAR BRJOD PA NI BSTAN PA STE, DPES RGYAS PAR 'BYUNG BA DE NI NGES PA'I TSIG GI CHUL GYIS NA RTOGS PA BRJOD PA ZHES BYA'O, ,RING PO LEN GYI RTOGS PA BRJOD PA LA SOGS PA STE ZHES BYA BA NI DGE SLONG DAG SNGON BYUNG BA NA YUL KO SA LA'I RGYAL PO RING PO LEN DANG, YUL KA SHI'I RGYAL PO TSANGS PAS BYIN ZHES BYA BA RGYAS PAR 'BYUNG BA NAS, DGE SLONG DAG RGYAL PO RGYAL RIGS SPYI BO NAS DBANG BSKUR BA, LJONGS KYI DBANG PHYUG BYED PA, RTUL PHOD PAR GYUR PA SA'I DKYIL 'KHOR CHEN PO MNGON PAR PHEBS TE 'KHOD PA DE DAG KYANG BZOD PA DANG BZOD PA'I BSNGAGS PA SMRA BAR GYUR NA, DGE SLONG DAG YANG DAG PAR DAD PA KHO NAS KHYIM NAS KHYIM MED PAR RAB TU BYUNG BA MED KYANG BZOD PA DANG BZOD PA'I BSNGAGS PA SMRA BA GANG YIN PA DE CHA YIN GYI, DGE SLONG DAG KHYED KYIS DE LTAR SLOBS SHIG CES BYA BA'I BAR DU 'BYUNG BA YIN NO, ,DE LTA BU 'BYUNG BA'I SDE NI SNGON GYI RGYUD DANG 'BREL PA STE, SNGON GYI RGYUD NI 'DUL BA'I PHYOGS YIN TE, DE YANG 'DUL BA 'DZIN PA RNAMS 'DON TO, ,SKYES PA'I RABS KYI SDE NI GANG LAS BCOM LDAN 'DAS KYI SNGON GYI BYANG CHUB SEMS DPA'I SKYES PA'I RABS BSTAN PA 'BYUNG BA STE, GONG MA SREG GI SKYAS PA'I RABS BSTAN PA LA SOGS PA'O, ,PHA ROL TU PHYIN PA BCU DAG GIS SA BCU DAG TU NI DE LA PHA @247A *, ,ROL TU PHYIN PA BCU DAG NI SBYIN PA'I PHA ROL TU PHYIN PA LA SOGS PA DRUG DANG, GZHAN YANG BZHI STE THABS MKHAS PA'I PHA ROL TU PHYIN PA DANG, SMON LAM GYI PHA ROL TU PHYIN PA DANG, STOBS KYI PHA ROL TU PHYIN PA DANG, YE SHES KYI PHA ROL TU PHYIN PA'O, ,SA BCU DAG NI RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO BA CAN DANG, SHIN TU SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN NO, ,RMAD DU BYUNG BA'I CHOS KYI SDE NI GANG LAS SANGS RGYAS RNAMS DANG, BYANG CHUB SEMS DPA' RNAMS DANG, NYAN THOS RNAMS KYI PHUL DU BYUNG BA BSTAN PA NI, RMAD DU BYUNG BA'I CHOS KYI MDO SDE RNAMS LAS SO, ,'DI LTA STE, GZHAN RNAMS ZHES BYA BA NI SO SO'I SKYE BO GZHAN RNAMS KYIS SO, ,CHOS KYI RJES SU MTHUN PAR NI MDO SDE DANG MTHUN PAR RO, ,DE'I DON RNAM PAR 'CHAD PAS NI MDO SDE'I DON RNAM PAR 'CHAD PAS MA MO ZHES BYA BA STE, CI'I PHYIR ZHE NA, MDO SDE'I DON BSHAD PA'I RTEN YIN PA'I PHYIR TE, MDO SDE'I DON GZHAN BSHAD PA'I GZHI YIN PA'I PHYIR RO ZHES BYA BA'I THA TSIG GO, ,JI LTAR NA CHOS KYI MTSAN NYID LA MNGON DU PHYOGS PAR BYED PA YIN ZHE NA, MTSAN NYID PHYIN CI MA LOG PAR STON PA NYID KYIS SO, ,DE LTAR NA SANGS RGYAS KYI GSUNG RAB YAN LAG BCU GNYIS PO 'DI NI SDE SNOD GSUM DU BSDUS PA YIN NO, ,JI LTAR BYAS PAS SHE NA, RE ZHIG CHOS MNGON PA NI JI SKAD DU BSTAN PA'I MTSAN NYID YIN NO, ,GLENG GZHI'I SDE DANG, DE LTA BU BYUNG BA'I SDE DE NI 'DUL BA KHO NA YIN TE, DER 'DUS PA'I PHYIR RO, ,LHAG MA NI MDO DE YIN TE, DE LTA BU YIN NO, ,GZHAN DAG NA RE DON RNAMS KYI NI GLENG GZHI'I SDE GANG YIN PA DE NI 'DUL BA YIN NO, ,GTAN LA PHEBS PAR BSTAN PA GANG YIN PA DE NI CHOS MNGON PA YIN LA, LHAG MA NI MDO SDE YIN TE, 'DI NI SDE SNOD GSUM YIN NO ZHES BSHAD DO ZHES ZER TE, GTAN LA PHEBS PAR BSTAN PA NI GTAN LA BAB PAR BSTAN PA'I SDE'O, ,NGES PA'I TSIG GI TSUL GYIS TE, NGES PA'I TSIG GI RNAM PAS NA SHIN TU RGYAS PA'I SDE ZHES BYA BA YIN NO, ,YON TAN DANG SKYON SKYE BA DANG 'GRIB PA THAMS CAD KYI MTHAR @247B THUG PA'I GNAS NI YON TAN SKYE BA THAMS CAD KYI MTHAR THUG PA'I GNAS DANG, SKYON 'GRIB PA THAMS CAD KYI MTHAR THUG PA'I GNAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA YIN PA'I PHYIR NA'O, ,CHOS SHIN TU ZAB PA DANG RGYA CHE BA LA MOS PA'I PHYIR RO ZHES BYA BA NI CHOS SHIN TU ZAB PA LA MOS PA'I PHYIR DANG, CHOS SHIN TU RGYA CHE BA LA MOS PA'I PHYIR RO, ,RTOGS PAR DKA' BA'I DON GYIS NA SHIN TU ZAB PA YIN LA, MTHUS NI SHIN TU RGYA CHE BA YIN NO, ,BDAG DANG GZHAN DU MNYAM PA NYID DU NI BSAM PA THOB PA'I PHYIR RO, ,BDAG DANG GZHAN GNYIS SU MNYAM PA NYID NI BDAG JI LTAR BDE BA DANG SDUG BSNGAL THAMS CAD NYE BAR ZHI BA 'DOD PA LTAR GZHAN DAG LA YANG DE BZHIN DU STE, DE LTAR BDAG DANG GZHAN GNYIS LA MNYAM PA NYID NI BDAG DANG GZHAN DU MNYAM PA NYID DE, DE'I BSAM PA NI SEMS PA DANG 'DOD PA STE, BDAG DANG GZHAN DU MNYAM PA NYID KYIS BSAM PA'O, ,DE THOB PA DE'I PHYIR BDAG DANG GZHAN DU MNYAM PA NYID KYI BSAM PA THOB PA YIN PA'I PHYIR RO, ,LHAG PA'I BSAM PA DAG PA'I SA LA ZHES BYA BA LA, LHAG PA'I BSAM PA DAG PA'I SA NI SA DANG PO YIN NO, ,SEMS CAN THAMS CAD DANG MI MNYAM PA'I SANGS RGYAS KYI SKU YANG DAG PAR 'GRUB PA'I PHYIR RO ZHES BYA BA NI SEMS CAN THAMS CAD DANG MI MNYAM PA'I SANGS RGYAS KYI SKU YANG DAG PAR BSGRUB PA'I PHYIR TE, THOB PA'I PHYIR RO ZHES BYA BA'I THA TSIG GO, ,MTSUNGS PA MED PA'I SDE ZHES KYANG BYA STE, NGES PA'I TSIG GI TSUL GYIS NI MTSUNGS PA DANG BRAL BA YIN PA'I PHYIR RO, ,RGYAS PA'I PHYIR NA ZHES BYA BA RGYAS PAR 'BYUNG BA'I TSIGS SU BCAD PA'I DON NI GO BA YIN NO, ,DON BSHAD PA NI TSIG GI DON BSHAD PA'I PHYOGS SHIG BSTAN PA'I PHYIR RO ZHES BYA BA LA, TSIG GI DON BSHAD PA'I PHYOGS NI TSIG GI DON BSHAD PA'I PHYOGS SO, ,TSIG GI DON BSHAD PA'I PHYOGS DE BSTAN PA'I PHYIR NI BSTAN PA'I PHYIR TE, CHED DU TSIG GI DON BSHAD PA'I PHYOGS SHIG BSTAN PA'I PHYIR RO, ,PHYOGS 'DIS NI STE, DON GYI PHYOGS 'DIS NI BLO DANG LDAN PA RNAMS KYIS TSIG GZHAN MA BSTAN PA RNAMS KYI DON YANG BRTAG PAR BYA'O, ,RNAM PAR BSHAD PA RIGS PA'I BSHAD PA LAS LE'UR BCAD PA @248A *, ,GNYIS SO,, ,,DE LTAR RE ZHIG TSIG GI DON NI BRJOD PA GANG GIS BRJOD PAR BYA BA GANG YIN PA STE ZHES RGYAS PAR GSUNGS PA DANG, TSIG GI DON BSHAD PA'I PHYOGS SHIG BSTAN PA'I PHYIR MDO SDE'I DUM BU'I TSIG BRGYA DAG GI DON YANG BSHAD PA YIN NO, ,GZHAN YANG RNAM PA BZHI DAG GIS TSIG GI DON RIG PAR BYA STE ZHES BYA BA RGYAS PAR 'BYUNG BA LA, BSTAN DU YOD PA DANG, BSTAN DU MED PA LA SOGS PA'I RNAM PA'I RAB TU DBYE BA ZHES BYA BA LA SOGS PA'I SGRAS NI DGE BA DANG, MI DGE BA DANG, LUNG DU MA BSTAN PA DANG, 'DOD PA DANG, GZUGS DANG, GZUGS MED PA DANG, RAB TU LDAN PA DANG, MI LDAN PA LA SOGS PA'O, ,SO SO YANG DAG PAR RIG PA'I NYE RGYU YANG BYAS PA YIN NO ZHES BYA BA NI CHOS SO SO YANG DAG PAR RIG PA LA SOGS PA SO SO YANG DAG PAR RIG PA BZHI PO DAG GI NYE RGYU STE, RGYU YANG BSTAN PA YIN NO, ,JI LTA ZHE NA, TSIG GI DON GYI RNAM GRANGS KYIS NI CHOS SO SO YANG DAG PAR RIG PA'I NYE RGYU BYAS PA YIN NO, ,MTSAN NYID KYIS NI DON SO SOR YANG DAG PAR RIG PA YIN, NGES PA'I TSIG GIS NI NGES PA'I TSIG SO SO YANG DAG PAR RIG PA YIN, RAB TU DBYE BAS NI SPOBS PA SO SO YANG DAG PAR RIG PA YIN NO, ,RNAM PA BZHI DAG GIS TSIG GI DON RIG PAR BYA STE ZHES BYA BA 'DI NI NGES PA MED DO, ,GDUL BA'I KHYAD PAR LA LTOS NAS LEN 'GA' NI KHA CIG BSHAD PAR BYA STE, DPER NA BZA' BLTA BU'I MDO LAS 'BYUNG BA LTA BU'O, ,DON SNGA PHYI 'BREL PA'I MTSAMS SBYOR BA ZHES BYA BA NI DON SNGA MA DANG PHYI MAR 'BREL PA NI DON SNGA PHYI 'BREL PA STE, DE NYID MTSAMS SBYAR BA YIN NO, ,DGE SLONG DAG 'PHAGS PA'I CHOS KYI PHYAG RGYA RTOGS PA DANG, MTHONG BA SHIN TU RNAM PAR DAG PA BSHAD PAR BYA'O ZHES GSUNGS NAS DE'I RTOGS PA GSUNGS PAR MJUG THOGS KHO NAR BKA' STZAL PA, DGE SLONG DAG GANG ZHIG 'DI SKAD DU BDAG GIS NI STONG PA NYID DANG, MTSAN MA MED PA NYID DANG, CUNG ZAD MED PA NYID MA THOB PAR MNGON PA'I NGA RGYAL MED PA'I YE SHES BSKYED PAR BYA'O ZHES ZER BA NI TSIG TZAM STE ZHES RGYAS PAR 'BYUNG BA 'DI LA, MTSAMS SBYAR BA BRJOD PAR BYA'O, ,MTSAMS SBYOR BA NI 'BREL PA YIN NO, ,'PHAGS PA'I CHOS KYI PHYAG RGYA @248B NI STONG PA NYID DANG, MTSAN MA MED PA NYID DANG, CUNG ZAD MED PA NYID DO, ,DE LA STONG PA NYID NI BDAG MED PA DANG, STONG PA NYID KYI RNAM PA GNYIS DANG MTSUNGS PAR LDAN PA'I TING NGE 'DZIN RNAM PA GNYIS CAN YIN NO, ,MTSAN MA MED PA NYID NI 'GOG PA'I RNAM PA RNAMS DANG MTSUNGS PAR LDAN PA'I TING NGE 'DZIN RNAM PA BZHI CAN YIN TE, MYA NGAN LAS 'DAS PA NI MTSAN MA BCU DANG 'BRAL BA'I PHYIR MTSAN MA MED PA YIN NO, ,DE LA DMIGS PA'I TING NGE 'DZIN NI MTSAN MA MED PA CAN YIN NO, ,CUNG ZAD MED PA NYID LA CUNG ZAD NI 'DOD CHAGS CUNG ZAD DANG, ZHE SDANG CUNG ZAD DANG, GTI MUG CUNG ZAD DE, 'DI LA CUNG ZAD YOD PA MA YIN PAS CUNG ZAD MED PA YIN NO, ,DE'I DNGOS PO NI CUNG ZAD MED PA NYID DE, DE NI SPANGS PA YIN NO, ,RTOGS PA NI ZAG PA MED PA'I SHES RAB KYIS KHONG DU CHUD PA'O, ,GZHI MTHONG BA MA GTOGS PAR SU ZHIG DAD PAR 'GYUR, SU ZHIG YID CHES PAR 'GYUR ZHES GSUNGS NAS, NYI MA BDUN 'CHAR BA'I MDO SDE DE NYID LAS, DGE SLONG DAG SNGON BYUNG BA NA STON PA PO SPYAN LEGS ZHES BYA BA ZHIG BYUNG BAR GYUR TO ZHES 'BYUNG BA'I MTSAMS SBYAR BA YANG GANG YIN ZHE NA, SPYAN LEGS KYI SKYES PA'I RABS BRJOD PA LAS BSTAN PA YIN NO, , DON SNGA PHYI'I 'BREL PA'I MTSAMS SBYOR BA STE DANG PO'O, ,DE LAS TE, NYI MA BDUN 'CHAR BA'I MDO SDE NYID LAS GZHI MTHONG BA MA GTOGS PAR SU ZHIG DAD PAR 'GYUR, SU ZHIG YID CHES PAR 'GYUR ZHES GSUNGS NAS TE, BDEN PA MTHONG BA MA GTOGS PAR ZHES GSUNGS NAS, DGE SLONG DAG SNGON BYUNG BA NA STON PA PO SPYAN LEGS ZHES BYA BA ZHIG BYUNG BAR GYUR RO ZHES BYA BA STON PA PO SPYAN LEGS KYI SKYES PA'I RABS BRJOD PA'I MTSAMS SBYAR BA YANG GANG YIN, DON SNGA PHYIR 'BREL PA'I MTSAMS SBYAR BA STE, DANG PO BSHAD ZIN TO, ,SNGA PHYI NYID KYI GO RIMS KYI MTSAMS SBYAR BA ZHES BYA BA LA, SNGA PHYI'I DNGOS PO NI SNGA PHYI NYID DO, ,SNGA MA DANG PHYI MA NYID KYI GO RIMS NA SNGA PHYI NYID KYI GO RIMS SO, ,DE NYID MTSAMS SBYAR BA YIN PAS SNGA PHYI NYID KYI GO RIMS KYI MTSAMS SBYAR BA YIN NO, ,DE BZHIN DU BSLAB PA GSUM RNAMS LAS KYANG LHAG MA'I TSUL KHRIMS KYI BSLAG PA DANG, LHAG @249A *, ,PA'I SEMS KYI BSLAB PA DANG, LHAG PA'I SHES RAB KYI BSLAB PA ZHES 'BYUNG BA TSUL KHRIMS DANG, TING NGE 'DZIN DANG SHES RAB KYI RANG BZHIN DE RNAMS LAS CI'I PHYIR TSUL KHRIMS KYI 'OG TU TING NGE 'DZIN DANG SHES RAB BSTAN PA JI LTAR ZHE NA, TSUL KHRIMS KYI 'OG TU TING NGE 'DZIN BSTAN PA NI LHAG PA'I TSUL KHRIMS KYI BSLAB PA DANG, LHAG PA'I SEMS KYI BSLAB PA ZHES 'BYUNG BA YIN NO, ,TING NGE 'DZIN GYI 'OG TU SHES RAB BSTAN PA NI LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA ZHES 'BYUNG BA YIN NO, ,SNGA PHYI NYID KYI GO RIMS KYI MTSAMS SBYAR BA BSHAD PAR BYA STE, DPER BRJOD PA'I MDO SDE'I DUM BU 'DI RNAMS TE, DGE SLONG DAG 'PHAGS PA'I CHOS KYI PHYAG RGYA RTOGS PA DANG ZHES BYA BA RGYAS PAR GSUNGS PA GANG YIN PA DE DAG GI MTSAMS SBYAR BA JI LTAR RIG PAR BYA'O, ,DON NI 'DI YIN TE, GANG ZHE NA, DE'I TSE NA YANG ZHES BYA BA LA RGYAS PAR 'BYUNG BA YIN NO, ,DON CHE BA NYID DANG, RNYED PAR DKA' BA NYID DU YONGS SU BSTAN PA'I PHYIR TE ZHES BYA BA NI DON CHE BA NYID DU YONGS SU BSTAN PA'I PHYIR DANG, RNYED PAR DKA' BA NYID DU YONGS SU BSTAN PA'I PHYIR RO, ,MI RTAG PA NYID DU YONGS SU BSTAN PA DE DON CHE BA NYID DU YONGS SU BSTAN PA'I PHYIR NI MDO SDE 'DI NYID LAS RGYAS PAR GSUNGS NAS, DGE SLONG DAG NGAS DA NI NYAN THOS RNAMS LA SHIN TU MTHAR THUG PA'I CHOS SHIN TU DRI MA MED PA SHIN TU TSANGS PAR SPYOD PA'I MTHAR GTUGS PA BSHAD PAR BYA'O, ,RNYED PAR DKA' BA NYID DU YONGS SU BSTAN PA'I PHYIR NI GANG SNGON MA BSHAD PA DA BSHAD PAS SO, ,SNGA MA SNGA MA LA RNAM PAR SPYOD PA'I PHYIR NI SNGA MA SNGA MA LA YANG YONGS SU RTOGS PA'I PHYIR ZHES BYA BA'I THA TSIG GO, ,DE LTAR BSHAD PA YIN TE ZHES BYA BA NI JI LTAR MNGON PAR RTOGS PA DE LTAR ZHES BYA BA'I THA TSIG GO, ,YONGS NI ZHES BYA BA RGYAS PAR 'BYUNG BA YIN NO, ,RGYU RNAM PA BCU DAG GIS BSLAB PA RNAM PA GSUM PO DAG BSTAN DU ZIN KYANG TSUL KHRIMS DANG, TING NGE 'DZIN GYI 'OG TU TING NGE 'DZIN DANG SHES RAB BSTAN PA GANG YIN PA'I GO RIMS NI 'DI LTAR TSUL KHRIMS DANG LDAN NA SEMS MNYAM PAR 'JOG GO ZHES BYA BA RGYAS PAR 'BYUNG BA DE NYID BZANG PO YIN NO, ,RGYU RNAM @249B PA BCU RNAMS LAS SDOM BRTZON RNAM PA GSUM GYI RGYU NYID KYIS YIN TE ZHES BYA BA NI RGYU DANG DNGOS PO YIN PA NAS, GNYIS 'BYUNG BA'I RGYU NYID DANG, MNYAM PAR 'JOG PA DANG, RNAM PAR GROL BAR BYED PAS KYANG YIN TE ZHES BYA BA'I BAR NI RGYU BCU PA YIN NO, ,'CHAL BA'I TSUL KHRIMS YANG DAG PAR SDOM PA'I PHYIR NI SDOM BRTZON DANG PO'O, ,DE'I RGYU NYID DU BRJOD PA NI LHAG PA'I TSUL KHRIMS KYI BSLAB PA YIN TE, THAMS CAD LA SBYAR BAR BYA'O, ,YUL LA YANG DAG PAR SDOM PA'I PHYIR NI GNYIS PA STE, DE'I RGYU NYID NI LHAG PA'I SEMS KYI BSLAB PA'O, ,NYON MONGS PA YANG DAG PAR SDOM PA'I PHYIR NI GSUM PA YIN TE, DE'I RGYU NYID NI LHAG PA'I SHES RAB KYI BSLAB PA'O, ,SPONG BA YANG DAG PAR LEN PA NI MI TSANGS PAR SPYOD PA SPONG BA YANG DAG PAR LEN PA GANG YIN PA STE, DE'I RGYU NYID NI LHAG PA'I TSUL KHRIMS KYI BSLAB PA'O, ,DE BAR SKABS SU SPONG BA NI TSANGS PAR SPYOD PA DE BAR SKABS TE DE DUS CHUNG ZAD SPONG BA GANG YIN PA STE, DE'I RGYU NYID DU BSTAN PA NI LHAG PA'I SEMS KYI BSLAB PA YIN NO, ,DE GTAN DU SPONG BA NI MI TSANGS PAR SPYOD PA DE GTAN DU SPONG BA'O, ,DE'I RGYU NYID DU BRJOD PA NI LHAG PA'I SHES RAB KYI BSLAB PA'O, ,KUN NAS NYON MONGS PA RNAM PA GSUM GYI GNYEN POS KYANG BSLAB PA GSUM PO DAG GO RIMS JI LTA BA BZHIN YIN NO, ,NGAN 'GRO DANG BDE 'GRO GNOD PA DANG BCAS PA DANG, GNOD PA MED PA'I GNYEN POS KYANG YIN TE ZHES BYA BA NI DUD 'GRO BA'I GNYEN PO DANG, BDE 'GRO GNOD PA DANG BCAS PA'I GNYEN PO DANG, BDE 'GRO GNOD PA MED PA'I GNYEN POS KYANG BSLAB PA GSUM PO DAG GO RIMS BZHIN DU JI LTA BA BZHIN YIN NO, ,NAG PO DANG, 'DREN MA DANG, DKAR PO'I GNYEN POS KYANG YIN TE ZHES BYA BA NI LAS NAG PO'I GNYEN PO DANG, LAS 'DREN MA'I GNYEN PO DANG, LAS DKAR PO'I GNYEN POS KYANG BSLAB PA GSUM PO DAG GO RIMS BZHIN DU JI LTA BA BZHIN NO, ,DE LAS GZHAN PA'I 'DOD PA'I KHAMS SU RNAM PAR SMIN PAR BYED PA ZHES BYA BA LA, SEMS CAN DMYAL BA DE LAS GZHAN PA'I 'DOD PA'I KHAMS NI DE LAS GZHAN PA'I 'DOD PA'I KHAMS TE, DER RNAM PAR SMIN PAR BYED PAS NA DE LAS GZHAN PA'I 'DOD PA'I @250A *, ,KHAMS SU RNAM PAR SMIN PAR BYED PA'O, ,DE'I GNYEN PO NYID NI ZHES BYA BA RGYAS PAR 'BYUNG BA NI NYON MONGS PA GSUM PO DE RNAMS KYI GNYEN PO NYID NI BSLAB PA GSUM RNAMS YIN NO, ,JI LTA ZHE NA, DUG GI LJON SHING RABS BSKOR BA DANG, BCAD PA DANG DBYUNG BA'I TSUL GYIS YIN TE, ZIL GYIS GNON PA'I GNAS SKABS DANG PO'I GNYEN POR 'GYUR BA NI DUG GI LJON SHING RABS BSKOR BA'I TSUL GYIS SO, ,KUN DU RGYU'I GNAS SKABS GNYIS PA'I GNYEN POR 'GYUR BA NI BCAD PA'I TSUL GYIS SO, ,BAG LA NYAL BA'I GNAS SKABS GSUM PA'I GNYEN POR 'GYUR BA NI DBYUNG BA'I TSUL GYIS SO, ,SDIG PA DANG 'DOD PA DANG, DRAG PO SPYOD PA'I GNYEN POS KYANG YIN TE ZHES BYA BA RGYAS PAR 'BYUNG BA NI SDIG PA SPYOD PA DANG, 'DOD PA SPYOD PA DANG, DRAG PO SPYOD PA'O, ,RAB TU BYUNG BAS MTHA' GNYIS BRTEN PAR MI BYA, SPYAD PAR MI BYA ZHES BYA BA LA BRTEN PAR MI BYA BA NI 'DOD PA RNAMS LA 'DOD PA'I BSOD NYAMS KYI SBYOR BA GANG YIN PA DANG, BDAG NYID DUB PAR GNAS PA'I SBYOR BA GANG YIN PA'O, ,DE LA SDIG PA SPYOD PA'I GNYEN POR NI LHAG PA'I TSUL KHRIMS KYI BSLAB PA YIN NO, ,'DOD PA'I BSOD NYAMS LA SBYOR BA'I MTHA'I DBANG DU MDZAD NAS, 'DOD PA SPYOD PA'I GNYEN POR NI LHAG PA'I SEMS KYI BSLAB PA YIN NO, ,BDAG NYID DUB PAR GNAS PA LA SBYOR BA'I DBANG DU MDZAD NAS DRAG PO SPYOD PA'I GNYEN POR NI LHAG PA'I SHES RAB KYI BSLAB PA YIN NO, ,BDE 'GRO DANG, 'JIG RTEN PA DANG, 'JIG RTEN LAS 'DAS PA'I RNAM PAR SHES PA'I RGYU GNYIS SU YIN NO ZHES BYA BA NI BSLAB PA GSUM RNAMS GO RIMS JI LTA BA BZHIN NO, ,JI LTAR ZHE NA, BDE 'GRO'I RGYU NYID YIN PAS NA LHAG PA'I TSUL KHRIMS KYI BSLAB PA YIN NO, ,'JIG RTEN PA'I RNAM PAR DAG PA'I RGYU NYID YIN PAS NA LHAG PA'I SEMS KYI BSLAB PA YIN NO, ,'JIG RTEN LAS 'DAS PA'I RNAM PAR DAG PA'I RGYU NYID YIN PAS NA LHAG PA'I SHES RAB KYI BSLAB PA YIN NO, ,TING NGE 'DZIN DANG, SHES RAB DANG, RNAM PAR GROL BA'I RTEN NYID KYIS KYANG BSLAB PA GSUM RNAMS DANG GO RIMS BZHIN DU SBYAR BA YIN NO, ,JI LTAR ZHE NA, LHAG PA'I TSUL KHRIMS KYI BSLAB PA NI @250B TING NGE 'DZIN GYI RTEN DU 'GYUR BAS GZHAG PA YIN LA, DE BZHIN DU SHES RAB DANG, RNAM PAR GROL BA'I RKYEN DU 'GYUR BAS SO, ,GNYIS 'BYUNG BA NI RGYU NYID CES BYA BA RGYAS PAR 'BYUNG BA NI GNYIS 'BYUNG BA'I RGYU NYID DU BYED PA DANG, MNYAM PAR 'JOG PAR BYED PA DANG, RNAM PAR GROL BAR BYED PA PAS GO RIMS BZHIN DU BSLAB PA GSUM DU GZHAG GO, ,JI LTAR BYAS PAS SHE NA, GCIG GIS TE, LHAG PA'I TSUL KHRIMS KYI BSLAB PAS NI GNYIS SKYE BA STE, TING NGE 'DZIN DANG, SHES RAB SKYE BA'I RGYU NYID YIN LA, GNYIS PAS TE LHAG PA'I SEMS KYI BSLAB PAS NI SEMS MNYAM PAR MA BZHAG PA MNYAM PAR 'JOG PAR BYED PA YIN ZHING, GSUM PAS TE, LHAG PA'I SHES RAB KYI BSLAB PAS NI SEMS MNYAM PAR GZHAG PA RNAM PAR GROL BAR BYED PA YIN NO, ,BSDUS PA'I TSIG SU BCAD PA NI RGYU BCU PO DE DAG RNAMS KYI YIN NO, ,SDOM BRTZON ZHES BYA BA RGYAS PAR 'BYUNG BA LA, SDOM BRTZON DANG, TSANGS PAR SPYOD PA DANG, KUN NAS NYON MONGS PA DANG, 'GRO BA DANG, LAS RNAM PA GSUM NI, SDOM BRTZON TSANGS SPYOD KUN NYON MONGS, ,'GRO DANG LAS RNAM GSUM PHYIR TE, ,DE DAG GI PHYIR ZHES SBYAR BAR BYA'O, ,DE BZHIN DU NYON MONGS SKABS DANG STE, NYON MONGS PA'I GNAS SKABS DANG, SPYOD PA DANG, RNAM PAR DANG, RTEN DANG, BYED PA RNAM GSUM NI, NYON MONGS SKABS DANG SPYOD DANG DAG ,RTEN DANG BYED RNAM GSUM PHYIR TE, ,DE DAG GI PHYIR RO ZHES BYA BAR SBYAR RO, ,SBYOR BA 'DI NI DA LTAR BYUNG BA BZHIN DU 'DAS PA'I DUS LA BYA BA RIGS PA MA YIN NO, ,SBYOR BA DE LTA BU NI 'JIG RTEN NA YANG MA MTHONG LA, DA LTAR BYUNG BA NI DA LTAR NYID YIN PAS ZHES BYA BA'I TSUL GYIS KYANG MA YIN NO ZHES SMRA'O, ,DNGOS PO TZAM LA ZHES BYA BA NI BYA BA TZAM LA ZHES BYA BA'I THA TSIG GO, ,LAS DANG BCAS PA'I BYED PA POR BSHAD PA NI RIGS PA MA YIN ZHES BYA BA DE LA, LAS NI SHES PAR BYA BA GANG YIN PA DE DANG, RNAM PAR SHES PAR BYA BA GANG YIN PA DE YIN TE, LAS DE DANG LHAN CIG PA NI LAS DANG BCAS PA STE, RAB TU SHES PAR BYED CES BYA BA DANG, RNAM PAR SHES PAR BYED CES BYA BA'I BYED PA POR BSHAD PA NI RIGS PA MA YIN NO ZHES DPER NA 'GRO @251A *, ,BA GRONG DU 'GRO BAR BYED CES BYA BA LTA BU'O ZHES BYA BA'I SGRA DE LTAR SBYOR BA NA 'JIG RTEN NA MTHONG NGO, ,DE BZHIN DU MIG DANG GZUGS LA BRTEN NAS ZHES BYA BA RGYAS PAR 'BYUNG BA NI 'DI LA YANG 'JIG RTEN TSAD MAR BYAS KYANG SBYOR BA 'DI RIGS PA MA YIN LA, BYED PA PO GCIG PU DAG LA DUS SNGA MA SHOS KYI DANG, GZHAN DANG GZHAN PHRAD PA LA NAS ZHES BYA BA 'BYUNG BAS BY'A KA RA nA'I TSUL KHRIMS KYANG MA YIN NO ZHES SMRA'O, ,GANG ZHIG GIS BRTEN NAS ZHES BYA BA NI GANG ZHIG GIS RNYED NAS SO, ,'DI LA MIG DANG GZUGS LAS RGAL NAS MIG GI RNAM PAR SHES PA YOD DO ZHES BYA BA LTA BUR GZHAN DANG GZHAN PHRAD PA YANG MED PAR BSAMS PA YIN NO, ,TSOR BA GANG CI YANG RUNG STE, DE THAMS CAD NI TSOR BA'I TSOGS DRUG GO ZHES NI MA GSUNGS LA ZHES BYA BA LA, JI SKAD GSUNGS SHE NA, MDO SDE DE NYID LAS TSOR BA NYE BAR LEN PA'I PHUNG PO GANG ZHE NA, TSOR BA'I TSOGS DRUG RNAMS SO ZHES BYA BA DANG, DE BZHIN DU RNAM PAR SHES PA'I TSOGS DRUG RNAMS SO ZHES BYA BA'I BAR DU 'BYUNG NGO, ,DE BZHIN DU ZHES BYA BA RGYAS PAR 'BYUNG BA NI DE BZHIN DU SKYE MCHED BCU GNYIS PO MIG GI SKYE MCHED DANG, GZUGS KYI SKYE MCHED DANG, YID KYI SKYE MCHED DANG, CHOS KYI SKYE MCHED CES BYA BA'I BAR 'DI RNAMS LAS BCU CHAR DANG, BCU GCIG PA CHOS KYI SKYE MCHED KYI PHYOGS RNAM PAR RIG BYED MA YIN PA'I GZUGS KYANG GZUGS YIN BZHIN DU MIG GI SKYE MCHED DANG, GZUGS KYI SKYE MCHED CES GCIG PU ZHIG GZUGS KYI SKYE MCHED DU GSUNGS PA YANG MTSAN NYID 'DRA BA LA DGONGS PA MED PAR BYE BRAG TU BSHAD PA NI RIGS PA MA YIN NO, ,GZUGS DANG TSOR BA YANG MTSAN NYID 'DRA BA'I SKABS SU BAB LA, MIG LA SOGS PA'I SKYE MCHED BCU RNAMS DANG, BCU GCIG PA'I PHYOGS KYANG GZUGS KYI MTSAN NYID YIN PAR 'DRA BA BZHIN DU, JI SKAD DU GZUGS GANG YIN PA CI YANG RUNG STE ZHES BYA BA RGYAS PAR GSUNGS PA LTA BUR DGOS PA MED PAR BYED BRAG TU BSHAD PA NI RIGS PA MA YIN NO, ,KHA CIG LAS, BRAM ZE'I BDEN PA GSUM DAG CES GSUNGS PA JI LTA BU ZHE NA, BRAM ZE DANG KUN DU RGYU DAG NGAS RANG GIS MNGON PAR SHES TE MNGON PAR RDZOGS PAR BYANG CHUB NAS BSTAN @251B PA GANG YIN PA 'DI DAG NI BRAM ZE'I BDEN PA GSUM DAG GO, ,BRAM ZE DANG KUN DU RGYU DAG GSUM GANG DAG CE NA, BRAM ZE DANG KUN DU RGYU DAG NA RE 'DI SKAD DU SEMS CAN THAMS CAD NI GSAD PAR BYA BA MA YIN NO ZHES ZER ZHING, SMRA NA BDAN PAR SMRAS PA YIN TE, BRDZUN PA MA YIN LA, DES DE DAG MCHOG GO SNYAM DU MI SEMS, 'DRA'O SNYAM DU MI SEMS, DMAN PA'O SNYAM DU MI SEMS, DGE SBYONG NGO SNYAM DU MI SEMS, BRAM ZE'O SNYAM DU MI SEMS SO, ,DE LTAR 'DIR BDEN PA GANG YIN PA DE LA GNAS NAS 'JIG RTEN THAMS CAD LA BYAMS PA'I RANG BZHIN DU GNAS PA 'DI NI BRAM ZE'I BDEN PA DANG PO STE, NGAS RANG GIS MNGON PAR SHES TE, MNGON PAR RDZOGS PAR BYANG CHUB NAS BSHAD PA GANG YIN PA'O, ,GZHAN YANG BRAM ZE DANG, KUN DU RGYU DAG NA RE 'DI SKAD DU KUN 'BYUNG BA'I CHOS CAN GANG YIN PA CI YANG RUNG STE, DE THAMS CAD NI 'GOG PA'I CHOS CAN YIN NO ZHES ZER ZHING SMRA NA BDEN PAR SMRAS PA YIN TE, BRDZUN PA MA YIN LA, DES DE DAG MCHOG GO SNYAM DU MI SEMS ZHES BYA BA RGYAS PAR 'BYUNG BA'I BAR DU STE, DE LTAR 'DIR BDEN PA GANG YIN PA DE LA GNAS NAS 'JIG RTEN THAMS CAD LA 'BYUNG BA DANG 'JIG PAR RJES SU LTA ZHING GNAS PA 'DI NI BRAM ZE'I BDEN PA GNYIS PA YIN TE, NGAS RANG GIS MNGON PAR SHES TE MNGON PAR RDZOGS PAR BYANG CHUB NAS BSTAN PA GANG YIN PA'O, ,GZHAN YANG BRAM ZE DANG KUN DU RGYU DAG NA RE 'DI SKAD DU NGA'I BYA BA NI GANG NA YANG MED, CUNG ZAD KYANG MED LA, NGA YANG GANG NA YANG MED, GANG GI YANG MA YIN, CUNG ZAD KYANG MED DO ZHES ZER ZHING SMRA NA BDEN PA KHO NAR SMRAS PA YIN TE BRDZUN PA MA YIN LA, DES DE DAG MCHOG GO SNYAM DU MI SEMS ZHES BYA BA RGYAS PAR 'BYUNG BA'I BAR DU STE, DE LTAR 'DIR NI BDEN PA GANG YIN PA 'DI LA GNAS NAS 'JIG RTEN THAMS CAD LA NGA YIR 'DZIN PA MED PA'I RANG BZHIN DU GNAS PA 'DI NI BRAM ZE'I BDEN PA GSUM PA YIN TE, NGAS RANG GIS MNGON PAR SHES TE MNGON PAR RDZOGS PAR BYANG CHUB NAS BSTAN PA GANG YIN PA'O ZHES RGYAS PAR 'BYUNG BA YIN NO, ,KHA CIG LAS BDEN PA NI GCIG KHO NA STE GNYIS PA MED DO ZHES BYA BA DANG, MI RNAMS KYI NI 'DI NA BSOD @252A *, ,NAMS DANG, SDIG PA GANG YIN PA GNYI GA BYED PA DE ZHES DE LTAR TSIGS SU BCAD PA LAS BYED PA PO BSHAD NAS, ,BYED PA PO NI MI DMIGS SO ZHES 'BYUNG BA NI SNGA PHYI 'GAL BA YIN NO, ,CI 'DI ZHES BYA BA RGYAS PAR 'BYUNG BA LA, CI 'DI RDZAS KYI DBANG DU MDZAD DE GSUNGS TE, RDUL PHRA RAB KYI RDZAS BRGYAD DANG DGU LA SOGS PA TSOGS PA RNAMS LAS SA'I KHAMS LA SOGS PA RDZAS RE RE'I DBANG DU MDZAD DE CHED DU MDZAD DE GSUNGS SAM, 'ON TE GONG BU STE, GZUGS CAN 'DUL BA MA YIN PA DE NYID KHYAD PAR DU MA PHYE PA LAS SAM, 'ON TE RIGS LAS TE, GZUGS KYI RIGS TE GZUGS KYI RNAM PA 'DI SNYED CIG NI 'DI LTA STE, GZUGS GANG YIN PA CI YANG RUNG, DE THAMS CAD 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA'O ZHES BYA BA LAS SAM, 'BYUNG BA DANG 'BYUNG BA LAS GYUR PA RNAMS KYIS SO SO'I ZHES BYA BA RGYAS PAR 'BYUNG BA NI SA'I KHAMS LA SOGS PA 'BYUNG BA RNAMS DANG, GZUGS DANG SGRA LA SOGS PA 'BYUNG BA LAS GYUR PA RNAMS KYI SO SO'I MTSAN NYID MED PAR THAL BAR 'GYUR TE, SA'I KHAMS LA SOGS PA'I MTSAN NYID SRA BA NYID LA SOGS PA MED PA DANG, GZUGS LA SOGS PA 'BYUNG BA LAS GYUR PA RNAMS KYIS SO SO'I MTSAN NYID MIG GI RNAM PAR SHES PAS RNAM PAR BYA BA NYID LA SOGS PA YANG MED PAR 'GYUR RO, ,CI'I PHYIR ZHE NA, THAMS CAD KYANG MTSAN NYID THAMS CAD DU 'GYUR BA'I PHYIR TE, 'BYUNG BA DANG 'BYUNG BA LAS GYUR PA THAMS CAD KYANG RE RE YANG MTSAN NYID THAMS CAD DU GYUR PA'I PHYIR NA MTSAN NYID GANG GIS NA 'BYUNG BA DANG 'BYUNG BA LAS GYUR PA DE NGES PAR GZUNG BAR BYA, GZHAN YANG DBANG PO THAMS CAD KYIS 'DZIN PAR THAL BAR 'GYUR RO, ,JI LTAR 'BYUNG BA RNAMS LUS KYIS GZUNG BAR BYA BA BZHIN DU GZUGS DANG, SGRA DANG, DRI DANG, RO ZHES BYA BA 'BYUNG BA LAS GYUR PA YANG DE BZHIN DU 'GYUR BA'AM, JI LTAR GZUGS LA SOGS PA 'BYUNG BA LAS GYUR PA DAG MIG GI DBANG PO LA SOGS PAS GZUNG BAR BYA BA YIN PA BZHIN DU 'BYUNG BA RNAMS KYANG DE BZHIN DU 'GYUR RO, ,'ON TE GZUGS GANG YIN PA CI YANG RUNG ZHES RGYAS PAR 'BYUNG BA NI GONG BU'I DBANG DU MDZAD DE @252B GSUNGS SO ZHE NA, GZUGS 'DUS PA 'OD LA SOGS PA DANG, SA LA SOGS PA THAMS CAD LA 'BYUNG BA BZHI CHAR DMIGS PAR THAL BAR 'GYUR NA 'OD DAG LA YANG ZHES BYA BA RGYAS PAR 'BYUNG BA YIN NO, ,NOR BU'I 'OD LA GSHER BA DANG TSA BA GNYIS KA MED CING, RDO BA LA SOGS PA DAG LA YANG DE GNYI GA MED DO, ,BRTAN PA RDO RJE DANG RDO BA LA SOGS PA DAG LA YANG ZHING G-YO BA NYID MED PA YIN NO, ,'BYUNG BA GZHAN SHAS CHE BAS ZHES BYA BA RGYAS PAR 'BYUNG BA LA, SHAS CHE BAS NI STOBS DANG LDAN PAS SAM MTSAN NYID BRTAS PAS SO, ,'BYUNG BA GZHAN GYIS 'BYUNG BA GZHAN ZIL GYIS GNON NA MI DMIGS TE, DPER NA ZHES BYA BA RGYAS PAR 'BYUNG BA YIN NO ZHE NA, 'DIR SLOB DPON GYIS GSUNGS PA, YOD PAR RAB TU GRUB NA NI 'OD LA SOGS PA LA SRA BA LA SOGS PA YANG 'BYUNG BA GZHAN SHAS CHE BAS 'BYUNG BA GZHAN ZIL GYIS NON NA MI DMIGS SO ZHES BYA BA 'DI SHES PAR YANG NUS NA, YOD PAR RAB TU MA GRUB NA 'OD LA SOGS PA LA SRA BA NYID LA SOGS PA YOD PA 'DI SHES PAR NUS PA MA YIN TE, CI'I PHYIR ZHE NA, SNGON PO LA SOGS PA KHA DOG GI RNAM PA THAMS CAD LA SER PO DANG DMAR PO LA SOGS PA KHA DOG LA SOGS PA'I BYE BRAG THAMS CAD YOD PAR THAL BAR GYUR NA MI RUNG BAS SO, ,'OD LA SOGS PA GANG LA YANG ZHES BYA BA RGYAS PAR 'BYUNG BA NI SKYUR BA'I ROS CHU ZIL GYIS NON NA MI DMIGS PA LTA BU ZHES GANG SMRAS PA YIN TE, 'DIR SLOB DPON GYIS GSUNGS PA, CHUR SKYUR BA BTAB KYANG CHU DE'I RO NI DMIGS PA KHO NA YIN TE, CI'I PHYIR ZHE NA, 'DZIN PA THA DAD PA'I PHYIR RO, ,GANG GI PHYIR SKYUR BA BSRES PA'I CHU DANG, MA BSRES PA'I CHU DANG, GZHAN DANG MA BSRES PA'I SKYUR BA'I RO 'DZIN PA THA DAD PA MTHONG NGO, ,DE'I PHYIR DER SKYUR BA BTAB KYANG DE'I RO DMIGS PA KHO NA YIN NO, ,BYE BRAG TU SMRA BA DAG GIS SMRAS PA, 'O NA NI CHU DANG RDO LA SOGS PA RNAMS LA YANG LTAR SA LA DRI YOD BZHIN DU YANG RKYEN GYI KHYAD PAR DANG LTAR SA LA DRI YOD BZHIN DU YANG RKYEN GYI KHYAD PAR DANG PHRAD NA STE, CHU'I KHYAD PAR DANG PHRAD NA MTSAN NYID BRTAS PAS PHYIS DMIGS PA YIN NO ZHES ZER NA, SLOB DPON GYIS GSUNGS PA, MTSAN NYID BRTAS PA'I PHYIR YIN GYI, SKYES PA'I PHYIR @253A *, ,MA YIN PA 'DI JI LTAR SHES PAR BYA, RKYEN GYI KHYAD PAR DANG PHRAD PAS MTSAN NYID BRTAS PA'I PHYIR DMIGS PA YIN GYI, SKYES PA'I PHYIR MA YIN NO ZHE NA DE LTA NA NI HA CANG THAL CHES BAR GYUR TE, JI LTAR BYAS PAS SHE NA, REG BYA GZHAN BZHIN TE, JI LTAR KHYOD KYI LUGS KYIS SRA BA NYID DANG, GSHER BA NYID DANG, TSA BA NYID 'DOD PA BZHIN NO, ,DE LTA NA NI GZUGS DANG DRI DANG RO GZHAN RNAMS DANG, SGRA YANG RKYEN RNYED PAS DMIGS PA'I PHYI ROL NAS YOD PA NYID DU THAL BA'I PHYIR TE, DE DAG KYANG MTSAN NYID BRTAS PA'I PHYIR DMIGS PA YIN GYI SKYES PA'I PHYIR NI MA YIN NO ZHES BYA BA NI HA CANG THAL CHES PAR 'GYUR RO, ,DE LTAR SKYES PA'I PHYIR DMIGS PA YIN GYI, MTSAN NYID BRTAS PA'I PHYIR NI MA YIN NO ZHES BYA BAR RIGS PAS BSGRUBS NAS MDO SDE'I DUM BUR BYED PA NI MDO SDE GZHAN LAS KYANG DGE SLONG BSAM GTAN BYED PA DAG YIN ZHING ZHES BYA BA NAS RGYAS PAR GSUNGS SO ZHES BSTAN PA YIN NO, ,DE LTAR NA ZHES BYA BA RGYAS PAR 'BYUNG BA NI JI LTAR SHING GI SDONG PO DE LA KHAMS SNA TSOGS DAG LAS KHAMS GZHAN DE DAG 'BYUNG BA DE LTAR NA RKYEN GYI KHYAD PAR DANG PHRAD PA NA ZHES BYA BA RGYAS PAR 'BYUNG BA YIN NO, ,KHAMS DAG DUM BU DAG KYANG MA YIN TE, SHING GI SDONG PO DE LA SA LA SOGS PA'I KHAMS DAG YOD PA DUM BU DAG KYANG MA YIN NO, ,DUM BU DAG KYANG ZHES BYA BA NI SA LA SOGS PA'I KHAMS KYI DUM BU DAG KYANG ZHES BYA BA'I THA TSIG GO, ,CI'I PHYIR ZHE NA, CHA SHAS GCIG LA YANG ZHES BYA BA RGYAS PAR 'BYUNG BA NI SHING GI SDONG PO DE'I CHA SHAS GCIG LA YANG JI LTAR MOS PA BZHIN DU YONGS SU 'GYUR BA'I PHYIR DANG, DE'I CHA SHAS GCIG PO DE LA YANG DUM BU MTHA' YAS PA MI SRID PA'I PHYIR RO ZHES BYA BA NI SA LA SOGS PA'I KHAMS KYI DUM BU MTHA' YAS PA DAG MI SRID PA'I PHYIR RO, ,DE'I PHYIR KHAMS KYI DUM BU DAG KYANG MA YIN NO, ,KHAMS SNA TSOGS NI SA BON SNA TSOGS SO, ,KHAMS ZHES BYA BA NI 'BRAS BU SKYED PAR BYED PAS NA KHAMS SO, ,SA'I DRI BZHIN NO ZHES GANG SMRAS PA YANG, SA'I DRI NI ZHES BYA BA RGYAS PAR 'BYUNG BA YIN NO, ,'DUS PA KHA CIG LA 'BYUNG BA CHEN PO KHA CIG GANG YOD PAR KHAS MA BLANGS PA'I PHYIR RO ZHES BYA BA NI SA LA @253B SOGS PA 'DUS PA KHA CIG LA CHU LA SOGS PA 'BYUNG BA CHEN PO KHA CIG YOD PAR KHAS MA BLANGS PA'I PHYIR RO, ,DE LTAR NA NI MDO SDE DANG 'GAL TE, SKYE MCHED SO SOR PHYE BA'I MDO SDE DANG 'GAL TE, SKYE MCHED SO SO'I MDO SDE LAS SKYE MCHED DGU PO RNAMS NI RE RE YANG 'BYUNG BA CHEN PO BZHI DAG RGYUR BYAS PA'O ZHES BSHAD PA'I PHYIR RO, ,JI SKAD ZHE NA RGYAS PAR GSUNGS NAS BTZUN PA NANG GI SKYE MCHED DMIGS GANG LAGS, DGE SLONG NANG GI SKYE MCHED MIG NI 'BYUNG BA CHEN PO BZHI DAG RGYUR BYAS PA YIN ZHING GZUGS CAN BSTAN DU MED LA THOGS PA DANG BCAS PA YIN NO, ,DE LTAR NANG GI SKYE MCHED GZUGS CAN DAG RGYAS PAR GSUNGS NAS, DGE SLONG PHYI'I SKYE MCHED GZUGS NI 'BYUNG BA CHEN PO BZHI PO DAG RGYUR BYAS PA YIN ZHING GZUGS CAN BSTAN DU YOD LA THOGS PA DANG BCAS PA YIN NO, ,DE LTAR NANG GI SKYE MCHED GZUGS CAN DAG RGYAS PAR GSUNGS NAS, DGE SLONG PHYI'I SKYE MCHED GZUGS NI 'BYUNG BA CHEN PO BZHI DAG RGYUR BYAS PA YIN ZHING GZUGS CAN BSTAN DU YOD PA THOGS PA DANG BCAS BA YIN NO, ,DE BZHIN DU DGE SLONG PHYI'I SKYE MCHED REG BYA NI 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA YIN ZHING GZUGS CAN BSTAN DU MED LA THOGS PA DANG BCAS PA YIN NO ZHES BYA BA'I BAR DU 'BYUNG BA STE, DE RNAMS LAS PHYI'I SKYE MCHED REG BYA BZHAG STE, SKYE MCHED DGU DAG TU RIG PAR BYA'O, ,CI'I PHYIR ZHE NA, REG BYA'I SKYE MCHED NI 'BYUNG BA CHEN PO BZHI DAG DANG, 'JAM PA NYID LA SOGS PA 'BYUNG BA LAS GYUR PA YANG YIN LA 'BYUNG BA CHEN PO BZHI DAG NI 'BYUNG BA CHEN PO DAG RGYUR BYAS PA MA YIN PAS SO, ,LAG PA RDOB PA LTA BU LAS KYANG, MIG GI SHA'I GONG BU LA 'BYUNG BA CHEN PO BZHI DAG YOD PAR BSHAD PA'I PHYIR RO, ,JI SKAD DU ZHE NA, MIG GI SHA'I GONG BU LA NANG NA YOD CING RANG LA YOD PAS SRA BA MKHREGS PAR GYUR PA NYE BAR BLANGS SHING ZIN PA GANG YIN PA DE NI MIG GI SHA'I GONG BU LA YOD PA NANG GI SA'I KHAMS ZHES BYA'O, ,DE BZHIN DU MIG GI SHA'I GONG BU LA YOD PA NANG GI RLUNG GI KHAMS ZHES BYA'O ZHES BYA BA'I BAR DU RGYAS PAR 'BYUNG BA YIN NO, ,'DAS PA DANG MA 'ONGS PA NI MED PA NYID YIN PAR MNGON SUM PA YIN PAS 'DI @254A *, ,SGRUB MI DGOS TE, DPER NA RUS SBAL GYI SBU MED PA NYID YIN PAR MNGON SUM DU 'GYUR BA BZHIN NO, ,MNGON SUM DANG 'GAL BA 'BA' ZHIG TU MA ZAD DE, 'DAS PA YANG MA YIN LA YOD PA YANG MA YIN ZHES BYA BA 'DI SNGA PHYI 'GAL BA YANG YIN TE, GAL TE YOD NA DE JI LTAR 'DAS PA DANG, 'DAS PA ZHES BYA BA NI 'JIG RTEN NA ZAD PA, 'GAG PA, ZHIG PA, RNAM PAR GYUR PA YIN NO, ,GAL TE YOD NA DE JI LTAR MA 'ONGS PA YIN TE, MA 'ONGS PA YANG DE DANG 'DRA BA YIN NO DE DANG 'DIR 'GAL BA NI DGE SLONG DAG GZUGS 'DAS PA YOD DO, ,GZUGS MA 'ONGS PA YOD DO ZHES GSUNGS PA GANG YIN PA DE DANG, MIG SKYE BA NA GANG NAS KYANG MI 'ONG LA ZHES BYA BA RGYAS PAR GSUNGS PA GANG YIN PA 'DI DANG 'GAL BA YIN NO, ,MDO SDE LAS, GZUGS RNAMS KYI NGES PAR 'BYUNG BA NI GZUGS MED PA'O ZHES GSUNGS PA JI SKAD CE NA, RGYAS PAR GSUNGS NAS, 'DOD PA RNAMS KYI NGES PAR 'BYUNG BA NI GZUGS DAG YIN LA, GZUGS RNAMS KYI NGES PAR 'BYUNG BA NI GZUGS MED PA'O, ,MNGON PAR 'DU BYAS SHING MNGON PAR BSAGS PA GANG YIN PA CI YANG RUNG DE'I NGES PAR 'BYUNG BA NI 'GOG PA YIN NO ZHES 'BYUNG BA YIN NO, ,GZUGS RNAMS KYI NGES PAR 'BYUNG BA NI GZUGS MED PA'O ZHES BYA BA 'DI NI RJES SU DPAG PA DANG 'GAL BA YIN TE, TSOR BA LA SOGS PA RNAMS NI GZUGS LA RAG LAS TE SKYE BAR MTHONG BA'I PHYIR RO, ,'DI LTAR TSOR BA DANG, 'DU SHES DANG, 'DU BYED DANG, RNAM PAR SHES PA RNAMS NI GZUGS LA RAG LAS TE SKYE BAR MTHONG GI GZUGS MED PAR NI MA YIN NO, ,DE'I PHYIR GANG NA KHA CIG LA TSOR BA LA SOGS PA SKYE BA DE NI GZUGS LA SOGS PA MED PAR NI MA YIN PAR DE LTAR RJES SU DPAG GO, ,MDO SDE LAS NI, GZUGS RNAMS KYI NGES PAR 'BYUNG BA NI, GZUGS MED PAR GSUNGS LA, GZUGS MED BA DE DAG TU NI TSOR BA LA SOGS PA SKYE BAR KHAS BLANGS PAS NA RJES SU DPAG PA DANG 'GAL BA YIN NO, ,DE BZHIN DU GANG ZHIG SKYE BA'I KUN DU SBYOR BA NI SPANGS LA MNGON PAR 'GRUB PA'I KUN DU SBYOR BA NI MA SPANGS PA'I GANG ZAG YOD DO ZHES BYA BA RJES SU DPAG PA DANG 'GAL BA YIN TE, JI LTAR BYAS PAS SHE NA, SKYE BAR @254B KUN DU SBYOR BA NI NYON MONGS PA 'DOD CHAGS LA SOGS PA STE, DE SPANGS PA'I PHYIR MNGON PAR 'GRUB PA STE, SRID PA PAR MDO'I KUN DU SBYOR BA NYON MONGS PA 'DOD CHAGS LA SOGS PA GANG YIN PA DE YANG SPANGS PA YIN NO ZHES RJES SU DPAG STE, DE LAS BSDUS PA'I PHYIR RO, ,DE LTAR BYAS NA SKYE BA'I KUN DU SBYOR BA NI SPANGS LA MNGON PAR 'GRUB PA'I KUN DU SBYOR BA NI MA SPANGS ZHES BYA BA SNYAN PA YANG RJES SU DPAG BA DANG 'GAL BA YIN NO,, ,,RNAM PAR BSHAD PA RIGS PA'I BSHAD PA, BAM PO BCU GCIG PA, DGE BSNYEN GYI BSLAB PA'I GZHI ZHES BYA BA RGYAS PAR 'BYUNG BA NI DGE BSNYEN GYI BSLAB PA'I GZHI LNGA NI SROG GCOD PA LAS LDOG PA DANG, MA BYIN PAR LEN PA DANG, 'DOD PA LAS LOG PAR G-YEM PA DANG, BRDZUN DU SMRA BA DANG, 'BRU'I CHANG DANG SBYAR BA'I CHAR MYOS PAR 'GYUR BA BAG MED PA'I GNAS LAS LDOG PA'O, ,'DUL BA'I BYE BRAG TU SMRA BA PA RNAMS KYI LUGS KYIS BSLAB PA'I GZHI SO SO'I TSIG RE RE'I DON RAB TU DBYE BA BSHAD PA DE LAS TE, TSIG GI DON RNAM GRANGS DANG, MTSAN NYID DANG NGES PA'I TSIG DANG, RAB TU DBYE BA'I MTSAN NYID RNAM PA BZHI PO LAS RAB TU DBYE BA BSHAD PA NA, CHANG 'THUNG BA BCAS PA'I KHA NA MTHO BA DANG BCAS PA YIN NA ZHES 'BYUNG BA YANG LUNG DANG 'GAL BA YIN TE, LUNG GANG DANG ZHE NA, LUS KYIS NYES PAR SPYOD PA RNAM PA BZHI STE ZHES BYA BA RGYAS PAR 'BYUNG BA 'DI DANG NGO, ,LUS KYIS NYES PAR SPYAD PA RNAM PA BZHI STE ZHES BYA BA NI SROG GCOD PA DANG, MA BYIN PAR LEN PA DANG, 'DOD PAS LOG PAR G-YAM PA DANG, 'BRU'I CHANG DANG SBYAR BA'I CHANG MYOS PAR 'GYUR BA 'THUNG BA'O, ,CI'I PHYIR ZHE NA, BCAS PA'I KHA NA MTHO BA DANG BCAS PA LA NI NYES PAR SPYAD PA YIN NO ZHES MI BRJOD DE, RANG BZHIN GYI KHA NA MTHO BA DANG BCAS PA LA NYES PAR SPYAD PA ZHES BYA BA YIN PAS SO, ,BYANG CHUB KYI BAR DU ZHES BYA BA NI JI SKAD DU SHES RAB KYI PHA ROL TU PHYIN BA LAS, RAB 'BYOR GZUGS NI DNGOS PO MED PA'O, ,RAB 'BYOR TSER BA DANG, 'DU SHES DANG, 'DU BYED DANG, RNAM PAR SHES PA NI DNGOS PO MED PA'O ZHES BYA BA RGYAS PAR 'BYUR BA NAS, BYANG CHUB KYI BAR DU YANG DNGOS PO MED PA'O ZHES BYA BA 'BYUNG BA YIN NO, ,BCOM LDAN 'DAS KYIS MA RIG @255A *, ,BA GANG ZHE NA, GANG DE DANG, SNGON GYI MTHA' MI SHES PA'O ZHES BYA BA RGYAS PAR 'BYUNG BA NAS CHOS RNAMS KYI RANG BZHIN YANG BSTAN PAS, DE LA CHOS THAMS CAD NI RANG BZHIN MED PA ZHES BSTAN PA GANG YIN PA LUNG DANG 'GAL BA YIN NO, ,'DI YOD PAS 'DI 'BYUNG, 'DI SKYE BA'I PHYIR 'DI SKYE, MIG DANG GZUGS LA BRTEN NAS MIG GI RNAM PAR SHES PA SKYE ZHES BYA BA SKYE BA LA SOGS PA YANG BSTAN PAS, DE LA CHOS THAMS CAD NI MA SKYES PA ZHES BSTAN PA GANG YIN PA LUNG DANG 'GAL BA YIN NO, ,'DU BYED 'DI DAG THAMS CAD NI 'DAS PA, ZAD PA, 'GAGS PA, BRAL BA, YONGS SU GYUR PA'O ZHES BYA BA 'GAGS PA YANG BSTAN PAS, DE LA CHOS THAMS CAD NI MA 'GAGS BZHES BSTAN PA GANG YIN PA LUNG DANG 'GAL BA YIN NO, ,CHOS THAMS CAD NI GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES BSTAN PA GANG YIN PA DE YANG LUNG DANG 'GAL BA YIN TE, 'DI LTAR, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,ZHES BYA BA NAS BRTZAMS TE, 'DI KUN RGYU DANG BCAS LAS BYUNG, ,ZHES BYA BA GSUNGS PAS SO, ,RAB 'BYOR GZUGS NI DNGOS PO MED PA'O, ,RAB 'BYOR BYANG CHUB KYI BAR DU YANG DNGOS PO MED DO ZHES BSTAN PA DE YANG LUNG DANG 'GAL BA YIN TE, 'DI LTAR DE BZHIN DU GZUGS NI MI RTAG PA ZHES RGYAS PAR GSUNGS PAS SO, ,SOGS PA'I SGRAS NI LAS KYANG YOD RNAM PAR SMIN PA YANG YOD LA, BYED PA PO NI MI DMIGS SO ZHES BYA BA BSDU'O, ,MA ZIN PA NYID LA NI RI LDE BYED DO ZHES BYA BA LTA BU NI DA LTAR BYUNG BA KHO NA'I DUS SO, ,DE'I CHOS NYID LA STE, DE'I CHOS KYI DNGOS PO NI DE'I CHOS NYID DE DE LA'O, ,DNGOS PO DE LA JI LTAR NA BYED PA PO NYID DU BSHAD CES BYA BA NI JI LTAR NA 'BYUNG BAR GYI BYA BA LA BYED DO ZHES BYA BA 'DIS BYED PA POR BSHAD, DPER NA SKYE BAR BYED PAS NA SKYED DO ZHES BYA BA LTA BUR 'BYUNG BAR ZHES BYA BA 'DIS 'BYUNG BAR BYA BA ZHIG BYED DAM ZHE NA, GANG GI PHYIR BYED DO ZHES SMOS SHE NA, BYED DO ZHES BYA BA, GAL TE NANG YOD GSAL BYED YIN NA STE, GAL TE RANG GI YOD PA GSAL BAR BYED DE, DE'I PHYIR BYED DO ZHES SMOS PA YIN NO SNYAM DU SEMS NA, DE NYID @255B DNGOS RANG 'BYUNG BA'I MTSAN NYID KYIS YOD PA DE NYID KYANG DNGOS PO KHO NA YIN TE, DNGOS PO LA GSAL BAR BYED PAR 'GYUR RO, ,RE ZHIG 'BYUNG BAR GYI MTSAN NYID KYI DNGOS PO DE NYID MED NA DE LAS GZHAN PA'I YOD PA LTA SMOS KYANG CI DGOS, RTOG PA 'DI NI BZANG PO MA YIN NO, ,GZHAN YANG YOD PA GANG YIN BA DE YANG BDOG GO ZHES KYANG JI SKAD BYA, YOD PA DE NI BDOG GO, ,YOD PA NI BYED DO ZHE NA, YOD PA DES 'BYUNG BA'I BYA BA ZHIG BYED DAM, CI NAS GANG GI PHYIR BYED DO ZHES BYA, JI LTAR RANG LA GSAL BYED DE, CI STE RANG LA GSAL BAR BYED DO SNYAM DU SEMS NA, DE LTA NA NI 'BYUNG BA LAS BCAS 'GYUR, DPER NA AA NA DZU'I SKAD KYI DBYINGS 'DI RANG LA GSAL BAR BYED PA DANG 'DRA STE, AAN DZU NI GSAL BAR BYED PA DANG, NYUGS PA DANG, 'GRO BA RNAMS SU 'DREN TE, 'DI NI LAS DANG BCAS PA YIN NO, ,YOD PA DE YANG GSAL BAR BYA BA YIN PAS LAS SU 'GYUR TE, 'BYUNG BA'I SKAD KYI DBYINGS 'DI YANG DE BZHIN DU 'BYUNG BA NI YOD PA LA BYA BA YIN PAS GSAL BAR BYA BA YIN PA'I DON DU STON PA LAS DANG BCAS PAR 'GYUR NA, 'DI NI LAS DANG BCAS PA YANG MA YIN PAS GRUB PA'I MTHA' MA RUNG BAR BYAS PA YIN NO, ,GZHAN YANG LAS DANG BYED PA PO MA NGES TE, DE NYID GSAL BAR BYED PA YANG YIN LA, DE NYID GSAL BAR BYA BA YANG YIN PAS SO, ,CI STE YOD PA NI BDOG GO, ,YOD PA NI BYED DO ZHES SMRAS PA DANG, BDAG GI YOD PA LA 'DZIN PAR BYED DO ZHES BYA BA DON 'DI KHONG DU CHUD PAR 'GYUR RO SNYAM DU SEMS NA, RANG 'DZIN SKYON DER 'GYUR, JI LTA BUR 'GYUR ZHE NA, 'BYUNG BA LAS BCAS 'GYUR, LAS DANG BYED PA POR MA NGES ZHES BYA BA LTA BUR 'GYUR RO, ,GZHAN YANG BYED DO ZHES BYA BA NI MI 'JIG YIN PAR 'JIG RTEN NA KHONG DU CHUD PA YIN NO, ,'O NA CI ZHE NA, SKYE BO ZHES BYA BAR KHONG DU CHUD DO, ,DE'I PHYIR 'DZIN PA'I DON 'DI RIGS PA MA YIN NO,, DE LTAR RE ZHIG DNGOS PO TZAM LA LAS DANG BCAS PA'I BYED PA'I POR BSHAD PA NI RIGS PA MA YIN NO ZHES SMRAS PA GANG YIN PA DE 'KHRUL PA YOD PAR RGYA CHER BKAG GO, ,YUL GZHAN DU GRIB MA 'GROL BAR BYED DO, ,ME 'BAR ZHING 'GRO BAR BYED DO ZHES BYA BA GANG YIN PA 'DI LA ZHES BYA BAS NA @256A *, ,DPER NA BYA BA DANG RANG DBANG YOD PA MED PAR YANG BYED PA POR BSHAD PA MA MTHONG BA DE LTA BUR STON PAR BYED DO, ,BYA BA DANG RANG DBANG YOD PA YANG JI LTAR MED CE NA, DE'I RGYU 'DUG PA BZHIN DU YANG ZHES BYA BA RGYAS PAR 'BYUNG BA NI DE'I RGYU LHAS BYIN LA SOGS PA 'DUG BZHIN DU YANG NYI MA 'KHOR BA DANG, RGYANG RING BA DANG, NYA BA LAS TE, NYI MA 'KHOR BA DANG, RGYANG RING BA DANG, NYE BA LAS DE'I 'KHOR BA DANG, CHE BA DANG, CHUNG BAR 'GYUR BA'I PHYIR TE, GRIB MA 'KHOR BA'I PHYIR DANG, CHE BA'I PHYIR DANG, CHUNG BAR 'GYUR BA'I PHYIR RO, ,JI LTAR BYAS BAS SHE NA, LHO PHYOGS SU SONG NA DE 'KHOR BA'I PHYIR RO, ,DE RGYANG RING BA NYID KYIS TE, NYI MA GUNG NAS NUB PHYOGS SU SONG NA NI SHAR PHYOGS SU DE CHE BAR 'GYUR BA'I PHYIR RO, ,NYI MA SHAR BA LAS GUNG LA BAB STE NYE BAR GYUR PA NYID KYIS NI NUB PHYOGS SU DE CHUNG BAR 'GYUR BA'I PHYIR RO, ,DE'I RGYU 'DUG STE 'KHOR BA LA SOGS PA MI BYED BZHIN DU YANG GRIB MA DE 'KHOR BA LA SOGS BA NI RIGS PA MA YIN PAS DE'I PHYIR NYI MA LAS 'GYUR GYI 'GRO BA NI MI BYED DO ZHES BYA BAR 'GRUB BO, ,DE'I RGYU 'DUG BZHIN DU YANG ZHES BYA BA RGYAS PAR 'BYUNG BA DE NYID KYI PHYIR RANG DBANG YOD PA NI MED PA'O, ,ME 'BAR BA YANG MI 'PHO STE, BUD SHING GI RANG GI PHYOGS BSREGS NAS DE NYID DU 'CHI BA'I PHYIR RO, ,DE NYID DU 'CHI BAR JI LTAR SHES SHE NA, BUD SHING GI PHYOGS THA DAD PA LAS MCHED PA DANG, 'BRI BA DANG, RNO BA DANG, ZHAN PA DAG GIS DE THA DAD PA'I PHYIR TE, ME 'BAR BA THA DAD PA'I PHYIR RO ZHES BYA BA'I THA TSIG GO, ,DE THA DAD PA YANG JI LTA BU ZHE NA, MCHED PA DANG, 'BRI BA DANG, RNO BA DANG, ZHAN PA DAG GIS SO, ,GAL TE ME 'BAR BA DE NYID 'PHO NA NI THA DAD PA DER MI 'GYUR BA ZHIG NA, DE YANG MTHONG BAS NA DE NI MI 'PHO'O, ,DE RNAMS NI STE, DBANG PO LA SOGS PA RNAMS NI GCIG LA GCIG LTOS PA'I PHYIR RNAM PAR SHES PA SKYED PA DE LA RANG DBANG YOD PA NYID GA LA YOD PA YIN, DE'I RNAM PAR SKYES PA NAS ZHES BYA BA NI SNGON PO LA SOGS PA'I YUL 'DZIN PA'I RNAM PAR SKYES PAS NA'O, ,SMAS PA, GAL TE DE GNYIS LA STE, GRIB MA DANG MER 'BAR BA GNYIS LA'O, ,SLOB DPON GYIS BSHAD PA, KHONG DU CHUD PA RNAMS KYIS @256B KYANG ZHES BYA BA RGYAS PAR 'BYUNG BA YIN NO, ,GAL TE DE LTA YIN DU ZIN GYIS KYANG ZHES BYA BA RGYAS PAR 'BYUNG BA NI GAL TE BSAM PA'I BYA BA STE, 'DOD PA'I BYA BA MED PAR YANG DPER NA GRIB MA DANG ME 'BAR ZHING 'GRO BAR BYED DO ZHES BYA BA'O, ,RNAM PAR SHES PAR BYED PAS NA DE'I PHYIR RNAM BAR SHES PAR BYED BA'O ZHES BYA BA 'DI SMRA BA'I TSUL DE NI MTSAN NYID MED PA YIN NO ZHES, SLOB DPON GYIS BSHAD PA, MTSAN NYID JI LTA BU SMRAS PA, JI LTAR BY'A KA RA nA LAS 'BYUNG BA'I MTSAN NYID BZHIN TE, DNGOS PO DANG, BYED PA DANG GZHI LA RNAM PAR SHES PA ZHES BYA BA 'DI 'BYUNG BA STE, RE ZHIG DNGOS PO LA NI SHES PA KHO NA RNAM PAR SHES BA'O ZHES BYA BA LTA BU'O, ,BYED PA LA NI 'DIS RNAM PAR SHES PAS NA, RNAM PAR SHES PA'O ZHES BYA BA LTA BU'O, ,GZHI LA NI 'DI YOD NA RNAM PAR SHES PA'I PHYIR RNAM BAR SHES PA'O ZHES BYA BA LTA BU'O, ,DE DANG 'DRA BAR NI BY'A KAR nA LAS, RNAM PAR SHES PAR BYED PAS NA DE'I PHYIR RNAM PAR SHES PA'O ZHES BYA BA TZAM LA BYED PA PO'I BYA BA MI 'BYUNG BA'I PHYIR NA MTSAN NYID YOD PA MA YIN PAS MTSAN NYID MED PA YIN NO, ,RIG BYED NYID KYANG NYES PAR BSHAD PA YIN TE, DE DAG LAS NI 'TSE BA LA SOGS PA BSHAD PA'I PHYIR RO, ,YON TAN DANG NI SKYON DAG RTOGS PAR MI BYED PA ZHES BYA BA'I RTOGS PAR MI BYED CES BYA BA NI 'JIG RTEN NA BYA BA MED PAR YANG BYED PA POR BSHAD PA 'DI MTHONG NGO, ,RMONGS PA MED PAR GANG GIS YID LA BDE BAR MI BYED PA DE BDE ZHES JI SKAD BYA ZHES BYA BA YANG DE DANG 'DRA LA, GANG GI BLO NI MANG DU THOS KYANG SKYE BA SHES PAR MI BYED CES BYA BAR YANG DE DANG 'DRA BA DANG, GANG GI TSIG GIS SNYING NI SDUD NUS SHING ZHES BYA BA YANG DE DANG 'DRA STE, 'JIG RTEN NA BYA BA MED PAR YANG DE LTA BUR BYED PA POR BSHAD PA'I PHYIR MTHONG BA YIN NO, ,BY'A KA RA nA LAS KYANG 'DI MA NGES PAR SMRAS PA YIN TE, MANG DU 'DREN PA YIN NO ZHES BSHAD PA'I PHYIR RO, ,JI LTA ZHE NA, KRI TYA'I DON DANG, LU tA GNYIS MANG DU 'DREN PA YIN NO ZHES BSHAD DE, KRI TYA DANG, LU tA GNYIS DON GANG DAG TU BSHAD PA DE DAG LAS GZHAN DU YANG 'GYUR RO ZHES 'BYUNG BAS SO, ,YANG NI GTAN TSIGS KYI DON DU BLTA BAR BYA STE, RAB TU SHES PAR BYED PAS ZHES BYA BA 'DI'I 'O, , @257A *, ,GZHAN LA MI LTOS PAR 'JUG PA ZHES BYA BA NI GROGS GZHAN MED PAR 'JUG PA ZHES BYA BA'I THA TSIG GO, ,LHAG MA RNAMS LA YANG DE BZHIN DU SBYAR RO ZHES BYA BA NI JI LTAR GRU RTEN DU GYUR BA NYID KYIS LTOS PA MED PAR RANG GI BYA BA LA 'JUG PA DE BZHIN DU, LJON SHING YANG RTEN DU GYUR PA NYID KYIS LTOS PA MED PAR RANG GI 'GUL BA'I BYA BA LA 'JUG STE, DE LTA BAS NA DE NI DE LA RANG DBANG YOD PA YIN NO, ,DE BZHIN DU ME YANG RTEN DU GYUR BA NYID KYIS LTOS PA MED PAR RANG GI 'BYUNG BA'I BYA BA LA 'JUG STE, DE LTA BAS NA DE NI DE LA RANG DBANG YOD PA MA YIN NO, ,DE BZHIN DU CHU YANG RTEN DU GYUR PA NYID KYIS LTOS PA MED PAR RANG GI GNAS PA'I BYA BA'I BYA BA LA 'JUG PA STE, DE LTA BAS NA DE NI DE LA RANG DBANG YOD PA BZHIN NO, ,DE SKAD CES SMRAS PA DANG, SLOB DPON GYIS BSHAD PA, DE NI DE LTA MA YIN TE, DE CI'I PHYIR ZHE NA, DE LA BYUNG BA'I PHYIR NA RTEN GYUR PA'I, ,DE YANG DE DANG GZHAN DANG 'BREL PHYIR RO, ,TSIGS SU BCAD PA PHYED PO 'DI NI SNGAR, ,RANG DGAR 'JUG PA RANG DBANG YOD YIN NA, ,SEMS PA MED PA BYED POR MI 'GYUR RO, ,ZHES SMOS PA GANG YIN PA DE'I PHYIR YIN NO, ,BYED PO PHYI MA 'DI'I DON NI 'DI LTAR DE DE LA 'BYUNG BA GANG YIN PA'I GRU DE ZHES BYA BA RGYA CHER 'BYUNG BA YIN NO, ,SMRAS PA, BYA BA DE LA GRU DE JI LTAR DE LA RANG DBANG YOD PA NYID DU 'GYUR ZHES GANG BSTAN PA DE LA SMRA BAR BYA STE, BYA BA GANG 'BYUNG BA DE NI DE LA GNAS LA, DE LA GNAS PA NA RANG DBANG YOD PA NYID YIN NO ZHES SMRAS NA, GANG LA DE RANG DBANG YOD PAS RGYU GZHAN DANG 'BREL BA LAS 'BYUNG BA'I BYA BA DE 'BYUNG NA, DE'I TSE DE LA CI ZHIG BYAR YOD, DE LTA BAS NA DA NI GYI NA'O, ,'DIR RE ZHIG GRU DANG BYA BA DON GZHAN DU 'GYUR BA'I PHYIR DE DE'I RTEN DU GYUR PA'AM, DE LA RANG DBANG YOD BA YIN NO SNYAM DU RTOG LA RAG GO, ,SKYE BA YANG SKYE BA SO SO'I BDAG NYID DU GYUR BA YIN NA, SKYE BA GANG YIN PA DE NI SKYE BA PO DE'I YIN NA, SKYE BA PO DE'I RTEN DU JI LTAR RIGS, BDAG NYID DU MA GYUR PA DANG STE, SKYE BA PO DE LAS GZHAN PA YANG SKYE BA PO DE LA JI LTAR 'BYUNG, GZHAN YANG SKYE BA LA YANG SKYE BA THUG PA MED PAR 'GYUR BAS HA CANG THAL CHES BAR 'GYUR TE, SKYE BA YANG SKYE @257B PAR GYUR PAS SO, ,SMRAS PA, GAL TE DE LTAR RANG DBANG YOD PA NYID BYED PA POR MI 'THAD PA'I PHYIR BYED PA PO'I BYED PA PO MI RUNG NA, 'O NA BRJOD PAR 'DOD PA LAS ZHES BYA BA RGYAS PAR SMOS PA YIN NO, ,SLOB DPON GYIS, GAL TE BRJOD PAR 'DOD PA LAS YIN NA ZHES BYA BA RGYA CHER BSHAD PA DANG, BRDA SPRAD PA PAS SMRAS PA GNYI GA YIN NO, ,SLOB DPON GYIS, DE LTAR MTSAN NYID GNYIS MED BZHIN DU YANG, ,ZHES RGYA CHER BSHAD DE, DE LTAR DUS GCIG TU GZHAN GYI DBANG NYID DAM RANG DBANG YOD PA NYID MED BZHIN DU YANG MTSAN NYID DE SGRA'I RIG PA LAS MKHAS PAS CI DGAR BYED PA PO RNAMS SBYAR BAR RUNG NGAM, SMRAS PA RUNG STE, 'DI LTAR GANG GI PHYIR NGES PA'I TSIG GI CHOS NYID KYI RANG GI MTSAN NYID 'DZIN PAS NA, CHOS ZHES BYA'O ZHES BYA BA DE LA BYED PA PO DANG, LAS DANG BYA BA'I BYED PA YANG MED DO, ,'DI LTAR DE KHO NA'I TSE GZUGS LA SOGS PA'I MTSAN NYID DE NYID 'DZIN PA STE BYA BA'I BYED PA POR GANG 'GYUR BA'I BYED PA PO NYID DANG, LAS DANG BYA BA DBYER MED DO, ,LAS KYI DBYE BAS KYANG DBYER MED DO, ,JI LTAR NA RANG GI MTSAN NYID BYED PA POR GYUR NAS, DE NYID GZUNG BAR BYA BA LAS SU 'GRUB PAR 'GYUR, BYA BA'I DBYE BAS KYANG DBYER MED DE 'DI LTAR MTSAN NYID DE NYID 'DZIN PA STE BYA BAR MI 'THAD DO, ,RANG GI MTSAN NYID LAS LOGS SHIG NA YANG 'DZIN PA'I BYA BA MED DO, ,'ON KYANG BRJOD PAR 'DOD PA LAS NI RANG GI MTSAN NYID 'DZIN PAS NA CHOS ZHES BYA'O ZHES BYA BA DE'I SBYOR BAR 'GYUR RO, ,SGRA LA MKHAS PAS CI'I PHYIR ZHE NA ZHES BYA BA RGYAS PAR SMRAS PA DANG, SLOB DPON GYIS RNAM PAR SHES PA TZAM LA ZHES BYA BA RGYA CHER BSHAD DO, ,BDAG TU LTA BAS KUN DU BRTAGS PA NI BDAG TU LTA BA DAG GIS KUN DU BRTAGS PA'O, ,DE BZHIN DU RAB TU SHES PAR BYED PAS NA SHES RAB BO ZHES BYA BA YANG RIGS PAR BSHAD BA YIN NO ZHES BYA BA NI SHES RAB TZAM LA BYED PA PO NYID DU SNYAD GDAGS KYI BDAG TU LTA BAS KUN DU BRTAGS PA'I BYED PA PO NI 'GA' YANG YOD PA MA YIN NA ZHES BSTAN PA'I PHYIR RO, ,DE DAG LA BRJOD PAR 'DOD PA BYED PA PO 'GA' YANG CI ZHIG YOD DE ZHES BYA BA NI GRVA DANG, SGO DANG, LAM DE DAG LA SMRA BA @258A *, ,PO'I BRJOD PAR 'DOD PA BYED PA PO NYID CI ZHIG YOD NA, GANG GI PHYIR KHYIM GYI GRVA ZHUM PA DANG, GRVA GLOS PA DANG, SGO 'DI YUL BCOM BRLAG TU 'BYUNG NGO, ,LAM 'DI YUL BCOM BRLAG TU 'GRO'O ZHES 'DI BYED PA PO NYID DU BSHAD, DE LTA BU'I SBYOR BA NI BYED PA PO THA DAD PA LA YANG MTHONG STE ZHES BYA BA NI NAS ZHES BYA BA BRJOD PA'I RNAM PA'I SBYOR BA MTHONG NGO ZHES BYA BA'I THA TSIG GO, ,DPER NA MAR 'THUNGS NAS STOBS 'BYUNG NGO, ,SENG GE MTHONG NAS 'JIGS PA 'BYUNG NGO ZHES BYA BA LA DE 'THUNG BAR BYED PA GANG YIN PA DE NI BYA BA MAR 'THUNG BA'I BYED PA PO YIN NO, ,STOBS NI BYA BA STOBS 'BYUNG BA'I BYED PA PO YIN NO, ,LTA BA PO NI BYA BA LTA BA'I BYED PA PO YIN NO, ,'JIGS PA NI BYA BA 'JIGS PA 'BYUNG BA'I BYED BA PO YIN PAS BYED PA PO THA DAD PA LA YANG NAS ZHES BRJOD PA 'BYUNG NGO, ,'ON TE MAR 'THUNG BAR BYED PA GANG YIN PA DE NYID STOBS 'BYUNG BA YANG DE YIN NO, ,SENG GE MTHONG BA PO GANG YIN PA DE NYID 'JIGS PA 'BYUNG BA YANG DE NYID YIN NO ZHES BYA BA DE LTAR 'DREN NA, DE BZHIN DU SKAR RGYAL SKYES ZHES RGYAS PAR 'BYUNG BA YIN NO, ,DUS SNGA MA SHOS MA YIN PA LA YANG MTHONG STE ZHES BYA BA NI DUS MNYAM PA LA YANG NAS ZHES BRJOD PA MTHONG NGO ZHES BYA BA'I THA TSIG GO, ,BRDA SPROD BA PAS SMRAS PA, CI KHA GDANGS NAS DUS PHYI MA LA NYAL BA MA YIN NAM, MIG BTZUMS NAS DUS PHYI MA LA NYAL BA MA YIN NAM, GANG GI PHYIR KHA GDANGS NAS NYAL ZHES BYA BA RGYA CHER SMOS SHE NA, 'DIR SLOB DPON GYIS BSHAD PA MI RUNG STE, JI LTAR SNGAR KHRUS BYAS NAS ZHES BYA BA RGYA CHER SMOS PA YIN TE, KHA GDANGS PA'AM, MIG 'DZUMS PA NI NYAL BA DANG DUS MNYAM DU 'BYUNG BA YIN PAR MNGON NO, ,JI LTAR MNGON ZHE NA, 'DI LTAR ZHES BYA BA RGYA CHER SMOS PA DANG, DE NI SNGAR 'GENGS PA'AM ZHES BYA BA RGYA CHER SMOS PA YIN TE, 'OD DANG LDAN PA RNAMS NI 'OD KYIS SNGAR 'JIG RTEN 'GENGS PA'AM, CHA SHAS KYIS SNGAR ZHUGS NAS PHYIS 'CHAR BA'AM, MUN PA SEL BA NI MA YIN NO, ,DE BZHIN DU KHAR BA ZHES BYA BA RGYA CHER SMOS PA DE NI DUS PHYI MA'I BYA BA LA YANG NAS ZHES BRJOD PA MTHONG BA YIN NO ZHES BYA BA'I DPER BRJOD PA YIN NO, ,RGYU DE NYID KYIS JI SKAD SMOS PA BZHIN DU 'BYUNG @258B ZHES BYA BA NI BUD SHING LA SOGS PA'I RGYUS ME LA SOGS PA 'BYUNG NGO ZHES BYA BA'I THA TSIG GO, ,DON DE NYID GSAL BAR MDZAD PA NA ZHES BYA BA NI RGYU'I DON YIN NO, ,'DIR MIG DANG GZUGS LA BRTEN NAS MIG GI RNAM PAR SHES PA SKYE'O ZHES BYA BA'I SBYOR BA 'DI NI CI NAS KYANG RGYU'I DON KHO NA NYID YIN PAR SHES PAR BYA BA'I DUS SNGA MA SHOS KYIS BYA BA'I DON DU NI SHES PAR MI BYA'O, ,'BYUNG BA NI SKYES PA YIN GYI YOD PA MA YIN NO ZHES BYA BA NI 'ON TE, 'BYUNG BA 'DAS PA GANG YIN PA DE SKYES PA YIN GYI, YOD PA STE DA LTAR BYUNG BA GANG YIN PA NI MA YIN PAR 'DOD CING, KHYOD KYIS KYANG GAL TE YOD NA DE'I TSE DE SKYES PA NYID YIN PAS ZHES DUS 'GAL BAR SMRAS PA YIN NO SNYAM DU DE LTAR SEMS NA RTOG PA DE LA YANG GANG GI TSE DE ZHIG PA DE'I TSE SKYES PA YIN PAR 'GYUR TE, ZHIG PA YIN PAR 'GYUR BA'I SKYON 'DIR 'GYUR RO, ,GZHAN YANG NGES PA'I TSIG LAS KYANG ZHES BYA BA RGYA CHER SMOS PA YIN NO, ,GZHAN YANG GAL TE YOD LA MA SKYES PA ZHIG YIN NA, SKYE BA'I SNGA ROL DE YOD PA ZHES BYA BAR 'GYUR RO, ,DE'I PHYIR BRTEN NAS ZHES BYA BA YANG GRUB PO, ,RGYU DES NA SKYE BA'I SNGA ROL NA RNAM PAR SHES PA DE YOD PAR 'GYUR RO, ,DE'I PHYIR MIG DANG GZUGS LA BRTEN NAS SHES PAR YANG 'GYUR TE, GRUB PA YIN PAS DE LA RNAM PAR SHES PA NI GANG ZHIG GIS BRTEN NAS PHYIS SKYE BAR 'GYUR BA'I SNGA ROL NA YANG MED CING ZHES GANG SMRAS PA DE MI RUNG NGO, ,YOD PA MA SKYES PA YIN ZHES ZER NA, YANG NA SKYE BA'I TSE YANG MA SKYES PA YIN ZHES BYA BA'I SKYON GZHAN 'DI YANG YOD DE, SKYE BA'I TSE ZHES BYA BA NI DA LTAR BYUNG BA YIN LA, SKYES BA ZHES BYA BA NI MTHAR THUG PA'I DUS YIN NO, ,DE LTAR BYAS NA SKYE BA'I TSE YANG MA SKYES PA YIN NO, ,SKYE BA'I 'OG TU RNAM PAR SHES PA DE SKYES PA YIN PAS SKYE BA'I 'OG DE'I TSE ZHIG PA KHO NA YIN PAS GANG GI TSE ZHIG PA DE'I TSE SKYES PA YIN PAR 'GYUR BAS DE YANG 'DOD PA MA YIN NO, ,DE LTAR NA RE ZHIG GANG GI TSE RNAM PAR SHES PA SKYE BA NA, GAL TE DE YOD NA DE'I PHYIR SKYON DE DAG YOD DO, ,'ON TE MED PA ZHIG YIN NA ZHES BYA BA RGYA CHER SMOS PA YIN NO, ,YANG NA YOD PA DANG MED PA ZHES BYA BA THAL CHES PA'I TSIG MANG PO BOR TE ZHES BYA BA THAL CHES PA'I TSIG @259A *, ,RNAM PA MANG PO DE YANG JI LTA BU ZHE NA, GAL TE YOD NA DE'I TSE SKYE BA KHO NA YIN NO ZHES RNAM PAR RTOG PA DE LA DE'I TSIG DE THAL CHES PAR 'GYUR TE, YOD PA NI ZHES BYA BA RGYAS PAR SMOS PA'I YOD PA NA DA LTAR BYUNG BA'I DUS YIN LA, SKYES PA ZHES BYA BA NI MTHAR THUG PA YIN NO,, ZHES BYA BA DANG, GAL TE DE LTA YIN NA 'BYUNG BA NI SKYES BA YIN GYI YOD PA MA YIN NO, ,GANG GI TSE DE ZHIG PA DE'I TSE SKYES PA YIN PAR 'GYUR BA ZHIG NA ZHES BYA BA DE LTA BU LA SOGS PA THAL CHES PA'I TSIG MANG PO BOR TE, GANG GI TSE RNAM PAR SHES PA SKYE BA NI CI DE'I TSE RNAM PAR SHES PA RNAM PAR SHES PA'I BDAG NYID KYIS BDAG TU BCAS PA YIN NAM, BDAG MED PA YIN ZHES DPYAD PAR BYA'O, ,GAL TE RNAM PAR SHES PA'I BDAG NYID KYIS BDAG TU BCAS PA YIN NA DE'I TSE DE SKYE BA NYID YIN PAS YANG SKYE BAS CI ZHIG BYA, 'ON TE ZHES 'ON TE RNAM PAR SHES PA'I BDAG NYID KYIS BDAG MED PA YIN NA JI LTAR DE BDAG MED PAR BYA BA SKYE BA DAG LA SKYE BA'I BYED PA PO YIN PA DE BZHIN DU BRTEN NAS ZHES BYA BA YANG GRUB PA YIN TE, RNAM PA DE NYID KYIS BRTEN NAS ZHES BYA BA BRTEN PA'I BYED PA PO NYID DU GRUB PA YIN NO, ,YANG NA DON GANG GIS NA DE BYED CES BYA BA, CI'I PHYIR ZHE NA, BYED PA LA RANG GI THUN MONG MA YIN PA'I DON NI 'GA' YANG MED DE, 'DI LTAR BDE BA BYED CES BYA BA RGYAS PAR SMOS PA LA, 'DI LTAR ZHES BYA BA NI GANG GI PHYIR ZHES BYA BA'I THA TSIG GO, ,DE LTA BAS NA SKYE BA'I BYED PA PO'I BYED CES BYA BA'I DON BRJOD PAR BYA DGOS SO ZHES BYA BA NI GANG GI PHYIR BYED CES BYA BA'I DON MANG DU SNYEGS PA DE'I PHYIR SKYE BA'I BYED PA PO'I BYED CES BYA BA'I DON BRJOD PAR BYA DGOS SO, ,YANG NA DE LA SKYE BA'I RAG LUS PA CI ZHIG YOD NA GANG GI PHYIR SKYE BAR BYED CES BYA, GAL TE 'BYUNG BAR BYED DO ZHE NA, DE NYID THUG PA MED PAR 'GYUR TE, SKYE BA DE 'BYUNG BA LA NI 'BYUNG BA MED PAS DE NI GYI NA'O, ,RKYEN RNYED PA TZAM LA BRTEN NAS ZHES BYA BA NI MIG LA SOGS PA'I RKYEN RNAMS RNYED PA TZAM LA BRTEN NAS ZHES BYA BAR 'GYUR RO, ,DE LA BYA BA 'GA' YANG MED LA ZHES BYA BA RGYAS PAR SMOS PA YIN NO, ,'DI LTAR GZUGS DE LA GANG CI YANG RUNG BA ZHES BSHAD PA NI, GZUGS KYI DON DU MAR @259B RAB TU BSTAN PA'I PHYIR RO ZHES BYA BA LA, GZUGS ZHES BYA BA NYID DON YIN PAS GZUGS KYI DON TO, ,GZUGS KYI DON DU MA DE RAB TU BSTAN PA'I PHYIR RO, ,TSOR BA LA NI TSOR BA'I DON DU MA NYID MED DE, 'DI LTAR TSOR BA THAMS CAD NI MYONG BA'I MTSAN NYID YIN NO, ,DE'I PHYIR DE LA TSOR BA GANG CI YANG RUNG BA ZHES BYA BA GSUNGS SO, ,YUL BRTAG TU RUNG BA'I DON ZHES BYA BA LA, YUL BRTAG TU RUNG BA ZHES BYA BA NI BSTAN DU RUNG BA ZHES BYA BA YIN NO, ,YUL BRTAG TU RUNG BA NYID KYI DON YIN PAS YUL BRTAG TU RUNG BA'I DON YIN NO, ,LAG PA LA SOGS PA'I 'DUS TE REG PA DAG GIS 'GYUR BA BSKYED PA GZUGS SU RUNG BA'I DON ZHES BYA BA LA, 'GYUR BA BSKYED PA NYID GZUGS SU RUNG BA YIN LA, RNAM PAR GZHAG PA NI 'GYUR BA SKYED PA GZUGS SU RUNG BA YIN NO, ,LAG PA LA SOGS PA'I 'DUS TE REG PA DAG GIS 'GYUR BA BSKYED PA GZUGS SU RUNG BA NYID NI LAG PA LA SOGS PA'I 'DUS TE REG PA DAG GIS 'GYUR BA BSKYED PA GDAGS SU RUNG BA'I DON YIN NO, ,GZUGS KYIS DE GDAGS PAS GZUGS SU RUNG BA'I DON ZHES BYA BA LA, GZUGS ZHES BYA BA LUS DANG NGAG GI GZUGS KYIS SO, ,GDAGS PA NYID GZUGS SU RUNG BA STE, RNAM PAR BZHAG TU RUNG BA YIN PAS GDAGS PA GZUGS SU RUNG BA'O, ,RNAM PAR RIG BYED MA YIN PA'I GZUGS DER GDAGS PA GZUGS SU RUNG BA NYID DON YIN PAS DE GDAGS PA GZUGS SU RUNG BA'I DON YIN TE, 'DI LTAR ZHES BYA BA RGYAS PAR SMOS PAS NI GZUGS KYI DON RNAM PA GSUM CHAR YANG RGYA CHER RNAM PAR MA PHYE BAS RNAM PAR 'BYED PA YIN NO, ,BSTAN DU YOD PA'I GZUGS NI MIG GI RNAM PAR SHES PAS RNAM PAR SHES PAR BYA BA SNGON PO DANG, SER PO LA SOGS PA GANG YIN PA STE, 'DI NI BSTAN DU YOD CING THOGS PA DANG BCAS PA ZHES BYA'O, ,THOGS PA DANG BCAS PA'I GZUGS NI RNA BA LA SOGS PA'I RNAM PAR SHES PAS RNAM PAR SHES PAR BYA BA SGRA DANG DRI LA SOGS PA GANG YIN PA STE, 'DI NI BSTAN DU MED CING THOGS PA DANG BCAS PA ZHES BYA'O, ,BSTAN DU MED CING THOGS PA MED PA'I GZUGS NI LUS DANG NGAG GI RNAM PAR RIG BYED KYI GZUGS KYIS DE GDAGS PA'I PHYIR @260A *, ,LUS DANG NGAG GI RNAM PAR RIG BYED MA YIN PA ZHES BYA BA YIN TE, LUS KYI RNAM PAR RIG BYED MA YIN PA ZHES BYA BA DANG, NGAG GI RNAM PAR RIG BYED MA YIN PA ZHES BYA BA'O, ,SMRAS PA, RNAM PAR RIG BYED MA YIN PA DE GDAGS PA YIN NA LUS DANG NGAG GNYIS KYIS KHAS BLANGS NAS MI BYED PA TZAM LA CI'I PHYIR GZUGS ZHES BYA ZHE NA, GZUGS KYIS ZHES BYA BA RGYAS PAR SMOS PA YIN TE, GANG GI PHYIR LUS DANG NGAG GI GZUGS KYI RNAM PAR RIG BYED MA YIN BAR DE GDAGS PA GZUGS SU RUNG BA RNAM PAR GZHAG TU RUNG BA LUS KYI SPONG BA DANG, NGAG GI SPONG BA ZHES BYA BA YIN PAS DE'I PHYIR GZUGS KYIS GDAGS PA GZUGS SU RUNG BA'I PHYIR GSUNGS PA YIN NO, ,DE JI LTAR SHES PAR BYA ZHE NA, 'DI LTAR RNAM PAR RIG BYED MA YIN PA'I GZUGS DE NI LUS DANG NGAG GNYIS MED NA GDAGS SU YOD PA MA YIN TE, GZUGS MED PA NA DE GDAGS PA MED PA'I PHYIR RO, ,GZUGS MED PA NA LUS DANG NGAG GNYIS MED PAS 'DI LTAR DE GDAGS PA MED DO, ,GZUGS CAN MA YIN PA ZHES BYA BA NI MA GSUNGS PA YIN LA ZHES BYA BA NI DE LA GAL TE CHOS KYI SKYE MCHED DU GTOGS PA'I RNAM PAR RIG BYED MA YIN PA'I GZUGS MA GZIGS NA CIR DGOS TE, DE LTA BAS NA RNAM PAR RIG BYED MA YIN PA YOD DO, ,JI LTA ZHE NA, CHOS KYI SKYE MCHED BSTAN NAS YID DANG CHOS LA BRTEN NAS YID KYI RNAM PAR SHES PA SKYE STE, DE LA CHOS GZUGS CAN YID LAS BYUNG BA GANG DAG YIN PA 'DI NI GZUGS KYI PHUNG PO YIN NO ZHES GSUNGS PA YIN NO, ,GZUGS CAN 'DAS PA DANG MA 'ONGS PA GANG YIN PA DAG CES BYA BA RGYAS PAR SMOS PA NI SMRAS PA CHOS GZUGS CAN MIG LA SOGS PA NAS REG BYA LA THUG PA 'DAS PA DANG MA 'ONGS PA GANG YIN PA DE DAG DER CHOS KYI SKYE MCHED YIN PA DE LTAR CI'I PHYIR MI 'DOD CI'I PHYIR ZHE NA, 'DI LTAR DE DAG NI DE'I TSE SKYE ZHING MCHED PAR MI BYED KYI YID KYI RNAM PAR SHES PA'I DMIGS PA NI YIN PA'I PHYIR DE DAG CHOS KYI SKYE MCHED NYID DU RIG PAS DE LA RNAM PAR RIG BYED MA YIN PA BOR NA CHOS KYI SKYE MCHED DU 'GYUR BA CHOS GZUGS CAN GZHAN GANG DAG YOD CES SMRAS PA GANG YIN PA DE MI RUNG NGO ZHE NA, 'DIR BSHAD PA SKYE MCHED SO SO BA'I MDO DANG 'GAL TE ZHES BYA BA RGYAS @260B PAR SMOS PA YIN NO, ,'DI LTAR DE LAS NI BCUN PA CHOS PHYI'I SKYE MCHED DE DAG GANG LAGS, DGE SLONG DAG CHOS KYI SKYE MCHED BCU GCIG BO DAG GIS MA BSDUS PA BSTAN DU MED CING THOGS PA MED PA YIN NO, ,BCU GCIG GANG DAG GIS MA BSDUS SHE NA, MIG GI SKYE MCHED LA SOGS PA DAG GIS MA BSDUS PA YIN NO ZHES GSUNGS PA YIN NA, ,JI LTAR DE DANG 'GAL ZHE NA, MIG LA SOGS PA 'DAS PA DANG ZHES BYA BA RGYA CHER SMOS PA YIN TE, DE LA MIG DANG RNA BA LA SOGS BA DANG, GZUGS DANG SGRA LA SOGS PA 'DAS PA DANG MA 'ONGS PA DAG LAS GZUGS GCIG PU NI BSTAN DU YOD CING THOGS PA DANG BCAS PA YIN NO, ,LHAG MA RNAMS NI BSTAN DU MED PA THOGS PA DANG BCAS PA YIN NO, ,DE LTA NA DE DAG NI SKYE MCHED BCU GCIG GIS BSDUS PA'I PHYIR DANG, JI LTAR RIGS BAR BSTAN DU YOD CING THOGS PA DANG BCAS PA'I PHYIR MDO DE DANG 'GAL BA YIN NO, ,'O NA TE DE DAG NI DE'I TSE DE 'DI NA'O, ,PA'I NA'O ZHES BSHAD DU MED PA THOB PAR BYAR YANG MED PAS DE'I PHYIR BSTAN DU MED CING THOGS PA DANG BCAS PA NYID MED DO ZHEN, DE'I PHYIR 'DI SKAD DU YANG NA GZUGS NYID DU YANG 'DOD PAR MI BYA STE, 'DI LTAR DE DAG NI DE'I TSE GZUGS SU MED PAS SO ZHES BYA BA SMOS PA YIN NO, ,GZHAN YANG RIGS BCU PO MIG GI SKYE MCHED LA SOGS PA GZUGS CAN DAG KYANG DUS SU MI 'GYUR RO, ,CI'I PHYIR ZHE NA, MIG LA SOGS PA 'DAS PA DANG, MA 'ONGS PA DAG NI CHOS KYI SKYE MCHED YIN PAS SO, ,GNYIS GNYIS 'BREL BAR RAB TU BSTAN PA'I PHYIR RO ZHES BYA BA NI MIG GI SKYE MCHED DANG, GZUGS KYI SKYE MCHED NAS YID KYI SKYE MCHED DANG, CHOS KYI SKYE MCHED KYI BAR DU GNYIS GNYIS 'BREL PAR RAB TU BSTAN PA'I PHYIR RO, ,JI NLTAR 'BREL CE NA, YUL CAN DANG YUL NYID DU STE, MIG GI SKYE MCHED NI YUL CAN YIN, GZUGS KYI SKYE MCHED NI YUL YIN, DE BZHIN DU YID KYI SKYE MCHED NI YUL CAN YIN, CHOS KYI SKYE MCHED NI YUL YIN PA'I BAR DU'O, ,YID KYI SKYE MCHED DANG, CHOS KYI SKYE MCHED KYI PHYOGS ZHES BYA BA RGYAS PAR SMOS PA NI YID KYI SKYE MCHED KYI YUL YANG MIG GI SKYE MCHED NAS, CHOS KYI SKYE MCHED KYI BAR THAMS CAD YIN LA, CHOS KYI SKYE MCHED KYI PHYOGS GCIG STE @261A *, ,MTSUNGS PAR LDAN PA'I YUL YANG THAMS CAD YIN NO, ,GNYIS SU NGES PA NYAMS PA MA YIN NAM, DE NYAMS PA'I PHYIR BCU GNYIS KHO NAR RNAM PAR GZHAG PA YANG MED DO, ,DE RNAM PAR GZHAG PA MED NA SGRA LA BRGAL BAR SKYE MCHED BCU GNYIS RNAMS LAS ZHES BYA BA RGYA CHER SMRAS PA GANG YIN PA DE NYID KYI SO NA 'DUG PA YIN NO ZHE NA, GAL TE DE LA LAN DU MI RUNG NA, 'O NA DE LTA NA NI ZHES BYA BA RGYAS PAR SMOS TE, 'O NA DE LTA NA NI GZUGS MANG PO LAS GCIG GZUGS KYI SKYE MCHED DU BSTAN PA NI 'BREL PAR RAB TU BSTAN PA'I PHYIR RO, ,JI LTAR BYAS PAS 'BREL PAR RAB TU BSTAN PA'I PHYIR YIN ZHE NA, DBANG PO DRUG GI DBANG DU MDZAD NAS TE, MIG LA SOGS PA NAS YID KYI DBANG PO LA THUG PA LAS BRTZAMS TE, MIG LA SOGS PA NAS LUS KYI DBANG PO'I BAR DBANG PO 'DI'I YUL NI GZUGS LA SOGS PA NAS, REG BYA'I BAR 'DI KHO NA YIN GYI GZHAN NI MA YIN NO ZHES YUL CAN DANG YUL DU 'BREL PA NGES PA 'DI RAB TU BSTAN PA'I PHYIR RO, ,GNYIS TSAN LNGA DAG CES BYA BA NI MIG DANG GZUGS NI GNYIS TSAN GCIG YIN PA NAS LUS DANG REG BYA ZHES BYA BA 'DI NI GNYIS TSAN LNGA PA YIN NO, ,DBANG PO 'DI KHO NA'I YID KYI DBANG PO'I'O, ,YUL NI 'DI YIN ZHES BYA BA NI CHOS TE TSOR BA LA SOGS PA BDUN NO, ,GZHAN GYI NI MA YIN NO ZHES BYA BA NI MIG LA SOGS PA'I'O, ,GNYIS TSAN DRUG PA YIN NO ZHES BYA BA NI YID DANG CHOS SO, ,DBANG PO LNGA DAG KYANG ZHES BYA BA NI MIG LA SOGS PA NAS LUS KYI DBANG PO LA THUG PA YIN NO, ,DBANG PO DRUG KHO NA'I ZHES BYA BA YID KYI DBANG PO'I YUL YIN GYI GZHAN GYI NI MA YIN PAS GNYIS TSAN DRUG PAR NGES PA YANG NYAMS PA MA YIN NAM, DE LTA BAS NA 'DI YANG MI RUNG NGO ZHE NA, 'O NA NI DBANG PO GANG KHO NA'I ZHES BYA BA RGYA CHER SMOS PA'I LAN GZHAN 'DI YOD DO, ,DE NI 'DI SKAD DU YID KYI DBANG PO ZHES BYA BA DBANG PO GANG KHO NA'I YUL KHO NA GANG YIN PA TSOR BA LA SOGS PA GANG DAG RTEN MA YIN PA'O, ,TSOR BA LA SOGS PA MTSUNGS PAR LDAN PA RNAMS KYI RTEN NI SEMS KHO NA YIN TE, DE MA THAG PA'I RKYEN YIN PA'I PHYIR RO, ,TSOR BA LA SOGS PA SEMS LAS BYUNG BA RNAMS NI MA YIN NO, ,DE LTA NA GNYIS TSAN DRUG PA RNAM PAR GZHAG PAR @261B BYA'O, ,'DI LTAR DE DAG NI YID KYI YUL 'BA' ZHIG MA YIN GYI RTEN YANG YIN TE, DE DAG YID KYI RTEN YANG YIN PAR JI LTAR SHES PAR BYA ZHE NA, YID NI RNAM PAR SHES PA'I TSOGS DRUG GI MTSAN NYID YIN PA'I PHYIR RO, ,DE LA MIG GI RNAM PAR SHES PA LA SOGS PA RNAM PAR SHES PA'I TSOGS LNGA PO GANG DAG YID KYI MTSAN NYID YIN PA DE RNAMS KYI RTEN NI MIG LA SOGS PA LNGA PO DE DAG YIN NO, ,BSDU BA'I TSIGS SU BCAD PA NI DON 'DI NYID KYI DBANG PO GANG GI NI MIG LA SOGS PA'I DBANG PO'I'O, ,DON GANG NYID NI GZUGS LA SOGS PA YUL LO, ,DE LTAR NA SKYE MCHED GNYIS TSAN LNGA DAG YIN NO, ,GANG NYID KYI ZHES BYA BA NI YID KYI DBANG PO'I'O, ,DON NYID GANG ZHES BYA BA NI TSOR BA LA SOGS PA STE, GNYIS TSAN SKYE MCHED DRUG PA YIN NO, ,DE'I RGYUN LA DGONGS NAS GSUNGS PA'I PHYIR ZHES BYA BA LA, SEMS DE'I RGYUN NI RGYUD YIN PAS DE'I RGYUN NO, ,DE'I RGYUN LA DGONGS NAS TE, THUGS LA DGONGS NAS GSUNGS PA NI DE'I RGYUN LA DGONGS NAS GSUNGS PA STE, DE'I PHYIR RO, ,GRIB MA DANG ME 'BAR ZHING 'GRO BA BZHIN NO ZHES BYA BA NI JI LTAR GRIB MA 'GRO'O, ,ME 'BAR ZHING 'GRO'O ZHES BYA BA DE'I RGYUN GYIS YIN PAR BSTAN PA LA NYES PA MED PAR BSTAN PA DE DANG 'DRA'O, ,DER YANG DGONGS PA THA DAD PA'I PHYIR 'GAL BA MED DE ZHES BYA BA RGYAS PAR 'BYUNG BA LA, DGONGS PA THA DAD PA NI DGONGS PA THA DAD PA STE, DE'I PHYIR DGONGS PA THA DAD PA'I PHYIR 'GAL BA MED DO, ,JI LTAR BYAS PAS SHE NA, KUN NAS NYON MONGS PA DANG RNAM PAR BYANG BA'I PHYOGS GNYIS ZHES BYA BA LA, KUN NAS NYON MONGS PA'I PHYOGS DANG, RNAM PAR BYANG BA'I PHYOGS MDOR BSDUS NA RGYU DANG 'BRAS BU PHYIN CI MA LOG PA NYID YIN PAR DGONGS TE, KUN NAS NYON MONGS PA'I PHYOGS LA SDUG BSNGAL PHYIN CI MA LOG PA NI 'BRAS BU YIN NO, ,KUN 'BYUNG BA PHYIN CI MA LOG PA NI 'BRAS BU DE'I RGYU YIN NO, ,RNAM PAR BYANG BA'I PHYOGS LA YANG 'GOG PA PHYIN CI MA LOG PA NI 'BRAS BU YIN NO, ,LAM PHYIN CI MA LOG PA NI 'BRAS BU DE'I RGYU YIN NO, ,DE LTAR NA PHYIN CI MA LOG PA NYID YIN PAR DGONGS NAS BDEN PA BZHI DAG TU GSUNGS PA YIN NO, ,MING GI BRAM ZE RNAMS ZHES BYA BA RGYAS PAR 'BYUNG BA LA, MING GI BRAM ZE @262A *, ,RNAMS NI MCHOD SBYIN SREG LA SOGS PA'O, ,MNGON PAR MTHO BA'I RGYU'I SKABS SU ZHES BYA BA NI MNGON PAR MTHO BA'I RGYU'I SKABS SU'O, ,LAS DANG LAS KYI 'BRAS BU DANG, BDAG NI DE'I BDAG PO YIN PA'I DBANG DU BYAS NAS ZHES BYA BA LA, LAS KYI DBANG DU BYAS NAS ZHES BYA BA'O, , CHED DU BYAS NAS DANG, 'BRAS BU'I DBANG DU BYAS NAS DANG, BDAG NI DE'I BDAG PO ZHES BYA BA LA, 'BRAS BU'I BDAG PO YIN PA'I DBANG DU BYAS NAS BRAM ZE'I BDEN PA GSUM DAG TU RNAM PAR 'JOG PAR BYED DO, ,GSUM GANG DAG CE NA, GO RIMS BZHIN DU MCHOD SBYIN RNAMS LA PHYUGS LA SOGS PA SEMS CAN DE DANG DE DAG NI GSAD PAR BYA BA YIN NO ZHES BYA BA NI LAS KYI DBANG DU BYAS NAS BRAM ZE'I BDEN PA DANG PO RNAM PAR 'JOG PAR BYED PA YIN NO, 'JIG RTEN RTAG PA DAG 'THOB BO ZHES BYA BA NI 'BRAS BU'I DBANG DU BYAS NAS BRAM ZE'I BDEN PA GNYIS PA RNAM PAR BYED PA YIN NO, ,DE'I 'BRAS BU BDAG LA 'BYUNG BAS BDAG NI DE'I 'BRAS BU LA ZA BA YIN NO ZHES BYA BA NI BRAM ZE'I BDEN PA GSUM PA'I DBANG DU BYAS NAS RNAM PAR 'JOG PAR BYED PA YIN NO, ,DE YANG DON YANG DAG PA'I BRAM ZE SLOB PA DANG MI SLOB BA RNAMS LA BRDZUN PA YIN NO, ,BZLOG PA NI BDEN PA YIN PA'I PHYIR DE LA DGONGS NAS BRAM ZE'I BDEN PA GSUM DAG TU GSUNGS SO, ,JI LTA ZHE NA, RGYAS PAR GSUNGS NAS BRAM ZE DANG, KUN DU RGYU DAG BRAM ZE RNAMS 'DI SKAD DU SEMS CAN THAMS CAD NI GSAD PAR BYA BA MA YIN NO ZHES ZER NA BDEN PA KHO NA ZER BA YIN TE, BRDZUN PA NI MA YIN NO ZHES BYA BA RGYA CHER 'BYUNG BA YIN NO, ,MA NOR BA NI MA 'KHRUL PA YIN NO, ,DPER NA RKANG PA GNYIS KYIS RGAL BAR BYED PA'I 'BAB STEGS LA ZHES BYA BA NI 'DI NAS RGAL BAR BYED PAS NA 'BAB STEGS SO, ,BRGAL BAR BYA BA'I SGRA MI MNGON PAR BYAS PA'I PHYIR RO, ,DE BZHIN DU KO GRUS BRGAL BAR BYA BA'I 'BAB STEGS LA KO GRU'I 'BAB STEGS ZHES BYA BA'O, ,DE BZHIN DU KUN RDZOB DES KHONG DU CHUD PAR BYA BA NI KUN RDZOB KYI BDEN PA STE, KHONG DU CHUD PAR BYA BA'I SGRA MI MNGON PAR BYAS PA'I PHYIR RO, ,STON PA RNAMS KYI ZHES BYA BA RGYAS PAR 'BYUNG BA NI STON PA SER SKYA DANG 'UG PA LA SOGS PA MU STEGS CAN RNAMS KYI LUGS THA DAD PA STE, DE'I GRUB PA'I @262B MTHA' THA DAD PA LA DGONGS NAS ZHES BYA BA NI THUGS LA DGONGS NAS BDEN PA NI GCIG KHO NA STE, GNYIS PA MED DO ZHES BYA BA GSUNGS PA YIN NO, ,CI'I PHYIR ZHE NA, 'DI LTAR BDEN PA GNYIS PHAN TSUN 'GAL BA DAG NI 'DI KHO NA BDEN PA YIN ZHES BYA BAR MI NUS PAS SO, ,DE LA DE GNYIS KYI RGYU YOD CING ZHES BYA BA NI PHUNG PO'I RGYUN DE LA DE GNYIS KYI SEMS PA LA SOGS PA YOD DO, ,RGYU TSOGS PA'I MTSAN NYID KYI RGYU BYED PA PO LAS DGONGS NAS BYED PA PO MI DMIGS SO ZHES GSUNGS PA NI MA YIN TE, 'DI LTAR MDO DE NYID LAS GANG ZHIG PHUNG PO 'DI DAG 'DOR ZHING PHUNG PO GZHAN DAG TU MTSAMS SBYOR BAR BYED PA'I ZHES BYA BA DE LTA BU'I MTSAN NYID KYI BYAD PA PO NI MDO LTA BU'I MTSAN NYID KYI BYED PA PO NI MED DO ZHES BYA BA KHYAD PAR DU MDZAD PA DAG YIN NO, ,LAS RNAMS NUB KYANG DE'I 'BRAS BU, ,SKYE BA DE YI CHOS NYID DO, ,JI LTA ZHE NA, LAS RNAMS NUB PAR GYUR DU ZIN KYANG LAS DES YONGS SU BSGOS PA'I SEMS KYI KHYAD PAR LAS RIM GYIS RGYUD DE NYID LAS 'BRAS BU 'BYUNG NGO, ,DE KHO NA BZHIN DU KHAS BLANGS PA'I PHYIR RO, ,JI LTAR NA DE LTAR KHAS BLANGS PA YIN ZHE NA, 'DUS PA KHA CIG LA 'BYUNG BA CHEN PO KHA CIG YOD PAR KHAS BLANGS PA'I PHYIR RO, ,DE LTA NA NI MDO SDE DANG YANG MI 'GAL TE, JI LTAR BYAS PAS SHE NA, SKYE MCHED SO SO'I MDO SDE LAS ZHES BYA BA RGYA CHER 'BYUNG BA YIN NO, ,SKYE MCHED SO SO'I MDO SDE LAS SKYE MCHED DGU PO MIG GI SKYE MCHED LA SOGS PA NAS, LUS KYI SKYE MCHED LA THUG PA RNAMS NI RE RE YANG RIGS SMOS PAS TE SKYE MCHED DANG SKYE MCHED RE RE YANG GZUGS KYI RNAM PA SMOS PAS JI LTAR SRID PAR 'BYUNG BA CHEN PO BZHI DAG RGYUR BYAS PA'O ZHES BSHAD PA'I PHYIR 'DUS PA RE RE NI SA LA SOGS PA 'BYUNG BA CHEN PO BZHI DAG RGYUR BYAS PA'O ZHES BSHAD PA NI MA YIN TE, DPER NA SEMS CAN THAMS CAD SKYE GNAS BZHI LAS SKYES PA YIN NO ZHES BSHAD PA NA, SEMS CAN RE RE YANG SKYE GNAS BZHI LAS SKYES PA NYID DU NI SHES PAR MI BYA'O, ,SEMS CAN GYI RIGS GANG JI SNYED PA DE THAMS CAD NI SKYE GNAS BZHI LAS SKYES PA NYID LAS LOGS SHIG NA MI GNAS PA LTA BU STE, DE DANG 'DRA'O, ,LAG PA RDOB BA LTA BU LAS JI SKAD GSUNGS PA DE KHO NA BZHIN DU KHAS BLANGS PA'I PHYIR TE, DE LAS JI SKAD @263A *, ,GSUNGS SHE NA, MIG GI SHA'I GONG BU LA RANG GI NANG NA YOD PA SRA BA DANG MKHRANG BAR GYUR LA KHAS BLANGS SHING ZIN PA GANG YIN PA 'DI NI MIG GI SHA'I GONG BU LA YOD PA NANG GI SA'I KHAMS ZHES BYA'O, ,DE BZHIN DU MIG GI SHA'I GONG BU LA YOD PA NANG GI RLUNG GI KHAMS ZHES BYA'O ZHES BYA BA'I BAR DU RGYA CHER 'BYUNG BA DE SKAD DU GSUNGS PA YIN TE, 'DI LTA STE, GANG GI PHYIR MIG GI SHA'I GONG BU LA ZHES BYA BA RGYA CHER SMOS PAS DE LTAR YANG KHAS BLANGS PA'I PHYIR RO, ,DE LTAR SNANG BA'I PHYIR RO ZHES BYA BA GZUGS SNGON 'BYUNG BA DANG, GZUGS 'BYUNG BAR 'GYUR BA ZHES BYA BAR SNANG BAR 'GYUR BA'I PHYIR RO, ,SMRAS PA, GZHAN YANG GZUGS GANG ZHIG MED PAR YANG DE YOD DO ZHES BYA BA STE, 'DAS PA, 'GAGS PA, BRAL BA, YONGS SU GYUR PA DE YOD DO ZHES BYA BAR RIGS SAM, DON DE RTOGS PA LAS RNAM PA GZHAN DU NI MI 'THAD PA'I PHYIR TE MI SRID PA'I PHYIR DE SEMS KYI RGYUD LA 'BRAS BU 'BYIN PA'I NUS PA SKYED PAR DGONGS NAS GSUNGS PA YIN NO ZHES BYA BAR GZUGS BAR BYA'O, ,DE LAS SKYES PA LAS ZHES BYA BA NI DE LAS SKYES BAS NA, DE LAS SKYES PAS TE DE LA'O, ,GRONG LA SPYOD DO ZHES BYA BA NI, GRONG DE NYID LA SBYOD PA NI MA YIN NO, ,'O NA CI ZHE NA, GRONG NAS BYUNG BA'I 'BRAS BU GANG YIN PA'O, ,'ON KYANG DE LA GDAGS SO, ,DE BZHIN DU PA NA BZA'O ZHES BYA BA YANG PA NA DE NYID ZA BA NI MA YIN NO, ,'O NA CI ZHE NA, DE DAG LAS BYUNG BA'I 'BRAS BU GANG YIN PA'O, ,'ON KYANG DE LA GDAGS SO, ,SNGON GYI LAS YIN PAR YANG RIG PAR BYA'O ZHES BYA BA YANG DE NI SNGON GYI LAS MA YIN NO, ,'O NA CI ZHE NA, GRONG NAS BYUNG BA'I 'BRAS BU GANG YIN PA'O, ,'ON KYANG DE LA GDAGS SO, ,DE'I 'BRAS BU YIN NO, ,'ON KYANG DE LA GDAGS PA YIN TE, 'DIR YANG DE BZHIN NO, ,DGONGS PA 'DIS 'DAS PA DANG MA 'ONGS PA YOD PA NYID DU GSUNGS PA YIN NO, ,GANG GIS SHE NA, SNGON BYUNG BA NYID KYI GZUGS DE YOD PA YIN GYI, GZUGS KYI BDAG NYID KYIS NI MA YIN NO, ,'BYUNG BAR GYUR PA NYID KYIS GZUGS DE YOD PA YIN GYI, GZUGS KYI BDAG NYID KYIS NI MA YIN NO ZHES BYA BA YIN NO, ,MIG NI MA SKYES PA LAS SKYE ZHING SKYES NAS KYANG 'JIG GO ZHES BYA BA 'DI YANG RIGS PA @263B YIN NO, ,DE'I PHYIR GZHAN DU NA RDZAS LAS YIN NA NI GZUGS MA 'ONGS PA YOD DO ZHES GSUNGS NA, MIG NI MA SKYES PA LAS SKYE ZHING ZHES BYA BA DANG 'GAL BAR 'GYUR RO, ,DE BZHIN DU GZUGS 'DAS PA YOD DO ZHES GSUNGS NA, SKYES NAS KYANG 'JIG GO ZHES BYA BA DANG 'GAL BAR 'GYUR TE, 'JIG PA MED PAR 'GYUR BA'I THA TSIG GO, ,DE'I PHYIR MDO SDE GZHAN LAS MIG SKYE BA NA ZHES RGYA CHER GSUNGS PA DE 'GAL BA ZHES SMRAS PA GANG YIN PA DE YANG LEN BTAB PA YIN NO, ,DE LTA BAS NA 'DIR YANG MNGON SUM DANG 'GAL BA MED CING SNGA PHYI 'GAL BA YANG MED DO, ,JI SKAD BSHAD PA LTA BUS DA LTAR BYUNG BA'I GZUGS BZHIN DU YOD PA NYID DU KHAS BLANGS PA'I PHYIR RO, ,DE YANG DE YIN TE ZHES BYA BA RGYAS PAR 'BYUNG BA LA, DE YANG DE YIN ZHES BYA BA NI TSOR BA LA SOGS PA GZUGS LA RAG LAS TE SKYE BA ZHES GANG SMRAS PA DE YIN NO, ,DE LTAR DANG, MTHONG NGO ZHES BYA BA'I TSIG 'DI DANG SBYAR BAR BYA'O, ,YANG TSOR BA LA SOGS PA GZUGS LA RAG LAS TE SKYE BA DE LTAR MTHONG BA SU DAG LA ZHE NA, GANG DAG GZUGS LAS 'DOD CHAGS DANG MA BRAL BA RNAMS TE, GZUGS LAS 'DOD CHAGS DANG MA BRAL BA DE DAG GZUGS DANG LTAN CIG TU MNGON PAR 'GRUB PA NA DE LTAR MA MTHONG NGO, ,GZUGS LAS 'DOD CHAGS DANG BRAL BA RNAMS NI GZUGS MED BZHIN DU LUS MNGON PAR 'GRUB PA YIN PAS RJES SU DPAG PA DE MI 'THAD DE, 'DOD PA DANG GZUGS KYI KHAMS GNYIS SU TSOR BA LA SOGS PA GZUGS LA RAG LAS TE MTHONG ZHES TE, GZUGS MED PA'I KHAMS SU YANG GZUGS MED PAR TSOR BA LA SOGS PAR SKYE BAR MI 'GYUR RO ZHES BYA BA DE'O, ,'ON TE DE LTAR MI 'DOD NA NI YANG NA GZUGS LAS 'DOD CHAGS DANG BRAL BA YIN NO ZHES BYA BAR KHAS BLANG BAR MI BYA'O, ,'O NA CI ZHE NA, KHAMS GSUM LAS 'DOD CHAGS DANG BRAL BA DGRA BCOM PA KHO NAR 'GYUR TE, GZUGS KYI KHAMS LAS 'DOD CHAGS DANG BRAL BA GZUGS MED PA NA SPYOD PA MED PA'I PHYIR RO, ,YANG NA GZUGS LAS 'DOD CHAGS DANG BRAL BA NI YIN LA, GZUGS LAS 'DOD CHAGS DANG BRAL BA DE LA YANG PHYIS GZUGS MED PA'I KHAMS SU GZUGS MNGON PAR 'GRUB PA KHO NA YIN NO ZHES BYA BAR KHAS BLANG BAR @264A *, ,BYA GRANG NA, DE YANG MI RIGS TE, CI'I PHYIR ZHE NA, GZUGS MED PA'I SNYOMS PAR 'JUG PA RNAMS NI 'DI NYID DU RAB TU GRAGS PA'I PHYIR RO, ,'DI LTAR GZUGS MED PA'I SNYOMS PAR 'JUG PA RNAMS NI GZUGS KHO NA LAS 'DOD CHAGS DANG BRAL BA YIN GYI, TSOR BA LA SOGS PA DAG LAS NI MA YIN PAR 'DOD PA'I KHAMS SAM, GZUGS KYI KHAMS 'DI NYID DU RAB TU GRAGS PA'I PHYIR MI RIGS SO, ,'DI'I PHYIR YANG MI RIGS TE, 'DOD PA RNAMS LA RNAM PAR SUN 'BYIN PAR BYED PA NA 'DOD PA RNAMS LAS 'DOD CHAGS DANG BRAL BA YIN LA, GZUGS RNAMS LA RNAM PAR SUN 'BYIN PAR BYED PA NA NI GZUGS RNAMS LAS 'DOD CHAGS DANG BRAL BA MA YIN NO ZHES BYA BA'I RIGS PA MED PA'I PHYIR RO, ,'ON TE GZUGS RNAMS LAS 'DOD CHAGS DANG BRAL BA LAS KYANG PHYIS GZUGS MNGON PAR 'GRUB PA KHO NA YIN PAR 'DOD NA, DE LTA NA NI 'PHAGS PA DGRA BCOM PA LA YANG PHUNG PO MNGON PAR GRUB PA YONGS SU ZIN KYANG THAR PA MED PAR THAL BAR 'GYUR BA'I PHYIR MI RIGS SO, ,'BRAS BU 'BYIN PA LA NI DE RNAMS KYI LAS STOBS DANG STOBS MED PA YIN PAR BRTAG PAR BYA'I, ,DE NI RJES SU DPAG PA DANG 'GAL BA YIN NO ZHES BRJOD PA NI MI RIGS SO, ,JI LTAR NA 'BRAS BU 'BYIN PA LA SER SNA CAN GTONG BA DE RNAMS KYI LAS STOBS DANG STOBS MED PA YIN PAR BRTAG PAR BYA ZHE NA, SER SNA CAN RNAMS KYI SER SNAS LONGS SPYOD KYIS PHONGS PAR 'GYUR BA'I LAS GANG YIN PA DE LAN CIG SNOD KHYAD PAR CAN LA PHUL BA LAS SKYES PA'I LAS STOBS DANG LDAN PAS GEGS BYAS PAS DE MA THAG PA'I TSE RABS LA RNAM PAR SMIN PAR MI 'GYUR RO, ,GAL TE DES MA BYAS NA NI DE MA THAG TU SMIN PAR 'GYUR RO, ,DE'I 'BRAS BU NYAMS SU MYONG NAS NI SMIN PAR 'GYUR RO, ,DE BZHIN DU GTONG BA RNAMS KYI LAS LONGS SPYOD CHEN PO NYID 'GRUB PAR 'GYUR BA GANG YIN PA DE YANG GZHAN DAG LONGS SPYOD DANG BRAL BA LAS STOBS DANG LDAN PA GANG YIN PA DES GEGS BYAS PA'I PHYIR DE MA THAG PA'I TSE RABS LA PHYUG PO NYID DU MI 'THOB BO, ,GAL TE MED NA NI DE 'THOB PAR 'GYUR RO, ,DE YANG 'DIR LHA RNAMS DGA' BAS NI SPANGS PA'I DON MI SHES TE, DE NI SPANGS PA'I DON DE SKAD CES MI ZER RO, ,'O NA CI ZHE NA, @264B 'DIR DON NI GANG ZHIG SKYE BA'I SRID PA LAS 'DOD CHAGS DANG BRAL LA SRID PA BAR MA DO LAS NI MA YIN PA'I GANG ZAG YOD DO ZHES BYA BA 'DI YIN NO ZHES BYA BAR RO, ,DE LTAR YANG YIN TE, 'DIR DON NI ZHES BYA BA RGYA CHER 'BYUNG BA MNGON PAR SHES PA MYUR BA NI MYUR DU MNGON PAR SHES PAR BYED PAS NA, MNGON PAR SHES PA MYUR BA STE, DE YANG DBANG PO RNON PO YIN NO, ,DE NI MI SKYE BA'I CHOS NYID DU GNAS PA'I PHYIR ZHES BYA BA NI DE'I SKYE BA'I SRID PAR MTSAMS SBYOR BAR BYED PA GANG YIN PA DE'I NYON MONGS PA DE NI LAM BSGOMS PAS MI SKYE BA'I CHOS NYID DU GNAS PA'I PHYIR RO, ,GZHAN DAG NA RE STE, BYE BRAG TU SMRA BA DAG NA RE SKYE BA'I KUN DU SBYOR BA NI SPANGS LA MNGON PAR 'GRUB PA'I KUN DU SBYOR BA NI MA SPANGS PA ZHES BYA BA'I SPANGS PA ZHES BYA BA NI SKYE BA'I SRID PAR NYID MTSAMS SBYOR BA'I NYON MONGS PA DE SO SOR BRTAGS PA MA YIN PA'I 'GOG PAS THOB PA LA DGONGS NAS GSUNGS PA YIN NO ZHES ZER RO, ,BAR MA DOR NI ZAD PA'I ZHES BYA BA NI BAR MDOR YONGS SU MYA NGAN LAS 'DA' BA YIN NO, ,DE DE'I ZHES BYA BA NI KUN DU SBYOR BA DE'O, SO SOR BRTAGS MIN PA'I, 'GAGS PAS 'GAGS TE ZHES BYA BA NI, SO SOR BRTAGS PA'I 'GOG PAS 'GAGS PA'O, ,DES NA NI DE'I DE SPANGS PA ZHES BYA BAR BRJOD, RGYU DES NA SKYE PA'I KUN DU SBYOR BA DE SPANGS PA ZHES BYA BAR BRJOD DO, ,GNYIS PO SO SOR BRTAGS PA'I 'GOG PA, CIG CAR YIN PAR 'DOD CES BYA BA NI SKYE BA'I KUN DU SBYOR BA DANG, MNGON PAR 'GRUB PA'I KUN DU SBYOR BA STE, CIG CAR DU 'DOD DO ZHES BYA BA'I THA TSIG GO, ,DES CIR 'GYUR ZHE NA ZHES BYA BA RGYA CHER 'BYUNG BA NI GAL TE CHANG GANG ZHIG MI 'DOD BZHIN DU YANG NYON MONGS PA CAN MA YIN PA'I SEMS KYIS SMAN PA'I LUNG LAS SO SOR BRTAGS NAS 'THUNG BA SRID PA YOD NA NYON MONGS PA CAN MA YIN PA'I SEMS JI LTAR NYES PAR SPYAD PAR 'THAD, 'ON TE NYON MONGS PA CAN MA YIN PA'I SEMS KYIS 'THUNG BA SRID PA MED DO ZHE NA, DE LTAR TE SMAN PA'I LUNG GIS SO SOR BRTAGS NAS 'THUNG BA LA JI LTAR NYON MONGS PA CAN GYI SEMS SU 'THAD CE NA, SMRAS PA, DE GANG LA ZHES BYA BA RGYA CHER 'BYUNG BA YIN NO, ,GANG ZHIG TSOD ZIN PAS ZHES BYA BA RGYA CHER 'BYUNG BA NI SLOB DPON GYI ZHAL NAS SO, ,DE LTAR YANG SHES NAS 'THUNG @265A *, ,BA ZHES BYA BA NI TSAD 'DI TZAM GYIS BDAG MYOS PAR MI 'GYUR RO SNYAM DU DE LTAR SHES NAS 'THUNG BA'O, ,DE YANG RANG BZHIN GYI KHA NA MA THO BA DANG BCAS PA YIN TE ZHES BYA BA RGYA CHER 'BYUNG BA NI CHANG 'THUNG BA DE YANG GANG ZHIG CHANG 'THUNG BAR BYED PA CHANG 'THUNG BA LAS MI LDOG PA RNAMS DGA' BA NYID KYIS DANG BDAG NYID MYOS PAR 'GYUR RO SNYAM DU SEMS SHING 'THUNG BA DE NI RANG BZHIN GYI KHA NA MA THO BA DANG BCAS PA YIN TE, DGAG PA BCAS PA MED KYANG SROG GCOD PA DANG 'DRA'O, ,CI'I PHYIR ZHE NA, KHA NA MA THO BA DANG BCAS PA NYID YIN PA'I PHYIR TE, NYON MONGS PA CAN GYI SEMS KYIS 'THUNG BA NI KHA NA MA THO BA DANG BCAS PA YIN NO, ,RNAM PAR BSHAD PA RIGS PA'I BSHAD PA LA, LE'UR BCAD PA GSUM PA'O,, ,,RNAM PAR BSHAD PA RIGS PA'I BSHAD PA, BAM PO BCU GNYIS PA, SNGAR BRGAL BA BSTAN PAR 'GAL BA STE SNGA PHYI 'GAL BA BSTAN PA GANG YIN PA'I 'GAL BA DE'I PHYIR RO, ,'DI DAG YOD NA ZHES BYA BA NI GZUGS CAN MA YIN DAG NA RE NGA'O SNYAM PA'I NGA RGYAL YIN NO ZHES ZER RO ZHES BYA BA NI PHA'O, ,GZHAN DU NA NI MDO SDE SNGA MA DON MED PAR BYA BA NI PHA'O, ,GZHAN DU NA NI MDO SDE SNGA MA DON MED PAR 'GYUR TE, TSOR BA NI GSUM STE BDE BA DANG, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN ZHES BYA BA DE LTA BU LA SOGS PA DANG, DE BZHIN DU CHOS THAMS CAD NI BDAG MED PA'O ZHES BYA BA DE LTA BU LA SOGS PA MDO SDE SNGA MA GAL TE DGONGS NAS GSUNGS PA MA YIN NA DON MED PAR 'GYUR RO, ,DE LTA BAS NA MDO SDE 'DI DAG DANG 'GAL BA RNAMS KYI DON NI DGONGS BA CAN YIN PA'I PHYIR 'GAL BA MED PA YIN NO, ,DE'I TSE BCOM LDAN 'DAS KYIS BSHAD PA SUS KYANG MA BYAS PAS GZHAN YANG MED PAR 'GYUR BA YIN NO, ,LO NYI SHU LHAG CIG CES BYA BA NI LO NYI SHU RTZA LNGA YIN TE, 'DI LTAR SDE PA GZHAN LAS LO NYI SHU RTZA LNGA PO ZHES 'DON TO, ,CHOS KYI PHUNG PO BRGYAD KHRI LHAG CES BYA BA NI CHOS KYI PHUNG PO GNYIS LHAG PA'O, ,GNYIS NI DGE SLONG DAG LAS SO ZHES BYA BA NI CHOS KYI PHUNG PO GNYIS SO, ,DE NI DGE SLONG RNAMS LAS ZHES BYA BA RGYA CHER 'BYUNG BA DE NI DGE SLONG RNAMS LAS GZUNG BA GANG YIN PA DE KHO NAR ZAD DO ZHES SMRA BAR RIGS PA NI MA YIN TE, CI'I PHYIR @265B ZHE NA, DUS DE SRID DU STE LO NYI SHUR BZHI BCU CHA BAS KYANG NI CHOS KYI PHUNG PO BRGYAD KHRI BZHI BCU'I CHA NI CHOS KYI PHUNG PO NYIS STONG NGO, ,BZHI BCU'I CHA DE BAS KYANG NYUNG BA'I CHOS BSHAD PA NI MI RUNG BAS SO, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS RTA CANG SHES BZHON BZANGS KYI CHOS KYI RNAM GRANGS BSHAD PA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS GCER BU PA RNAMS KYI DBANG DU MDZAD NAS GDAMS NGAG MDZAD PA'O, ,MDO SDE DE MI SNANG NGO ZHES BYA BA NI GANG DU MU STEGS CAN KUN DU RGYU BA RAB TU MANG PO DAG BCOM LDAN 'DAS GA LA BA DER LHAGS NAS ZHES BYA BA RGYA CHER 'BYUNG BA'O, ,MDO SDE MI SNANG NGO ZHES BYA BA NI GANG DU TSOR BA BZHI BSHAD PA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS KUN DGA' BO NGA NI DA LTAR STONG BA NYID KYIS LAN MANG DU GNAS SO ZHES BYA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS RGYAL PO CHEN PO BDAG GIS NI DGE SLONG NGAM, BRAM ZE GANG LA LAS LAN CIG SHES PAR 'GYUR BA'AM ZHES RGYA CHER 'BYUNG BA'O, ,MDO SDE DE MI SNANG NGO ZHES BYA BA NI GANG DU SNGON 'PHAGS PA KUN DGA' BO GSAR BUR GYUR PA NA ZHES BYA BA NAS, ZAB CING ZAB PA'I CHOS DANG LDAN PA'I GTAM 'DI LTA BU 'DI BSHAD DO ZHES BYA BA'O,, MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS DE LA BSAM GTAN THAMS CAD BSNGAGS SO ZHES BYA BA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS BKA' STZAL PA, DES NA NGAS DGE SLONG STEN LNGA RNAMS LA BKA' STZAL PA, STEN LNGA DAG BA SNGON ZHES BYA BA RGYA CHER 'BYUNG BA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS BKA' STZAL PA, SANGS RGYAS BCOM LDAN 'DAS SPYAN DANG LDAN PA DAG CES BYA BA RGYA CHER 'BYUNG BA'O, ,MDO SDE DE MI SNANG NGO ZHES BYA BA NI GANG DU LAM BSTAN PA BZHI PO BSHAD PA ZHES BYA BA'O, ,MDO SDE DE MI SNANG NGO ZHES BYA BA NI GONG DU MGON MED ZAS SBYIN GYIS BCOM LDAN 'DAS LA KUN DGA' RAB PHUL BA'I RGYUS LUS ZHIG NAS BDE 'GRO MTHO RIS ZHES BYA BA RGYA CHER 'BYUNG BA'O, ,MDO SDE DE MI SNANG NGO ZHES BYA BA NI GANG DU BCOM LDAN 'DAS KYIS SNGAR GSUNGS PAS BSTAN PA NA, MOOD GAL GYI BU MOOD GAL GYI BU ZHES RGYA CHER 'BYUNG BA DANG, @266A *, ,GANG DU 'DI NI 'PHAGS PA'I GNAS PA YIN PAS 'DI LA BAG MED PAR MA BYED CIG CES BYA BA'O, ,MDO SDE DE DAG NI MDO SDE DE DAG KHO NA'I NANG NAS 'BYUNG BAS DE'I PHYIR MDO SDE DE MI SNANG NGO ZHES GANG SMRAS PA DE YANG BRJOD PAR MI BYA'O ZHE NA, YONGS SU MYA NGAN LAS 'DAS PA CHEN PO LA SOGS PA'I MDO SDE GZHAN DAG GI NANG NAS BYUNG BA'I MDO SDE MANG PO RNAMS NI 'DOD PA THA DAD PAR SNANG STE DPER NA, DBYAR TSUL DANG, NYE BA 'KHOR DANG, LEGS MTHONG CHEN PO DANG, MIG CHUNG GI MDO SDE LA SOGS PA LTA BU'O, ,DE LTA BAS NA 'DI DAG DANG, MDO SDE'I KHUNGS GZHAN MANG PO DAG GIS ZHES BYA BA RGYA CHER 'BYUNG BA YIN NO, ,YANG DAG PAR BSDUS PA'I BZHI PO 'OD SRUNGS CHEN PO LA SOGS PA DGRA BCOM PA RNAMS KYIS MDZAD PA GANG YIN PA DE YANG DA LTAR NYAMS SO, ,JI LTAR SHES SHE NA, SDE BA GZHAN DAG LAS LUNG DANG, LE'U DANG MDO RNAM PAR GZHAG PA THA DAD PA'I PHYIR RO, ,'DI LTAR SDE PA GZHAN DAG LAS TE, SLOB DPON GYI RIGS GZHAN DAG LAS LUNG RNAM PAR GZHAN PA THA DAD PA DE DAG KHA CIG LAS NI LUNG BZHI'O, ,KHA CIG LAS NI LNGA'O, ,DE BZHIN DU LUNG DANG LE'U LAS LE'U RNAM PAR GZHAG PA THA DAD CING, MDO RNAM PAR GZHAG PA THA DAD DO, ,GZHAN YANG LUNG DANG ZHES BYA BA RGYA CHER 'BYUNG BA DANG, GZHAN YANG SIL BU DANG ZHES BYA BA RGYA CHER 'BYUNG BAS SO, ,CHOS THAMS CAD NI NGO BO NYID MED PA, MA BYUNG BA, MA 'GAGS PA, GZOD MA NAS ZHI BA, CHOS THAMS CAD NI RANG BZHIN GYIS YONGS SU MYA NGAN LAS 'DAS PA ZHES 'BYUNG BA YIN NO, ,BYANG CHUB SEMS DPA'I SKYON MED PAS 'JUG PAR 'DOD PA ZHES BYA BA NI BYANG CHUB SEMS DPA' RNAMS KYI SKYON MED PA STE, MTHONG BA'I LAM LA 'JUG PAR 'DOD PA NI MNGON SUM DU BYA BAR 'DOD PA'O, ,DOR BAR 'DOD PA ZHES BYA BA NI GTONG BAR 'DOD PA'O, 'CHAL PA'I SHES RAB KYI SEMS MI SGRO BAR 'DOD PAS ZHES BYA BA NI 'CHAL PA'I SHES RAB NI SBRO BA STE, RNAM PAR RTOG PA ZHES BYA BA'I THA TSIG GO, ,DE NI 'DI SKAD DU RNAM PAR RTOG PAR RNAM PAR MI RTOG PAR 'DOD PAS ZHES BYA BAR BSTAN PA YIN NO, ,'DI LTA STE, SHA'I SPYAN NI BDAG CAG LTA BU LA YOD PA GANG YIN PA'O, ,LHA'I SPYAN NI MNGON PAR SHES PA'I SPYAN TE, BSAM GTAN DANG PO LA @266B SOGS PA'I SA BA'O, ,'PHAGS PA'I SHES RAB KYI SPYAN NI ZAG PA MED PA'I YE SHES SO, ,CHOS KYI SBYAN NI 'JIG RTEN LAS 'DAS PA'I RJES LAS THOB PA'I YE SHES TE, GANG GIS CHOS RAB TU RNAM PAR 'BYED PA'O, ,SANGS RGYAS KYI SPYAN NI SHES BYA THAMS CAD LA RNAM PAR THAMS CAD MKHYEN PA'O, ,DE LA SOGS PA NI BSTAN MA THAG PA STE, YANG DE NYID LAS BSHAD PA ZHES BYA BA DANG SBYAR RO, ,GZHAN YANG SDIG PA THAMS CAD SO SOR BSHAGS PA LA SOGS PA YANG BSTAN TE, DE NYID LAS SDIG PA THAMS CAD SO SOR 'CHAGS SO, ,BSOD NAMS THAMS CAD KYI RJES SU YI RANG NGO, ,SANGS RGYAS THAMS CAD LA GSOL BA 'DEBS SO, ,BDAG GI YE SHES RDZOGS PA'I BYANG CHUB TU GYUR CIG CES 'BYUNG NGO, ,GAL TE NGO BO NYID MED PA LA SOGS PA'I ZHES BYA BA RGYA CHER 'BYUNG BA YIN NO, ,NGES PA'I DON BSHAD PA MED PAR YANG ZHES BYA BA NI MDO SDE'AM TSIGS SU BCAD PA'O, ,TSIGS SU BCAD PA 'DI GNYIS NI SGRA JI BZHIN GYI DON DU NGES PAR GZUNG BAR MI BYA STE, MDO SDE GZHAN DANG 'GAL BA'I PHYIR RO, ,'DI LTAR 'DI LA KHA CIG MTSAMS MED PA LNGA'I LAS GANG DAG YIN PA BYAS SHING BSTZAGS PAS LUS ZHIG MA THAG TU SEMS CAN DMYAL BA RNAMS SU SKYE BAR 'BYUNG BAR 'GYUR RO ZHES BYA BA'I MDO SDE 'DI DANG 'GAL LO, ,MDO GZHAN 'DI DANG 'GAL BA'I PHYIR, PHA DANG MA NI GSAD BYA ZHING ZHES BYA BA SGRA JI BZHIN GYI DON DU NGES PAR GZUNG BAR MI BYA'O, ,'DI LTAR BTZUN PA GANG SU YANG RUNG BA DGE BA'I CHOS RNAMS LA DAD PA MA MCHIS PA DE NI GANG ZAG MA DAD PA YONGS SU NYAMS PA'I CHOS CAN NO ZHES RGYAS PAR 'BYUNG BA DANG, DE BZHIN DU DGE SLONG DAG GANG DAG BYAS PA SHES PA, BYAS PA TSOR BA DE DAG NI NGA'I YIN NO ZHES RGYA CHER 'BYUNG BA NI MDO 'DI DANG YANG 'GAL LO, ,MDO 'DI DANG 'GAL BA'I PHYIR, ,MA DAD BYAS PA MI SHES DANG, ,ZHES BYA BA SGRA JI BZHIN GYI DON DU NGES PAR GZUNG BAR MI BYA'O, ,'DI 'GAL DU ZIN KYANG ZHES BYA BA RGYA CHER 'BYUNG BA NI NYAN THOS DAG NA RE'O, ,DE NI DE DAG GI SHES RAB KYI NYES PA YIN PA'AM ZHES BYA BA RGYA CHER 'BYUNG BA NI SLOB DPON GYI ZHAL NAS SO, ,GONG DU 'GAL BA'I PHYIR RO ZHES BYA BA MNGON PAR SBYAR RO, ,JI LTAR 'GAL ZHE NA, MDO GZHAN LAS GANG DAG DE BZHIN GSHAGS PAS GSUNGS @267A *, ,PA'I DON DANG ZHES BYA BA RGYAS PAR 'BYUNG BAS SO, ,DGONGS PA'I RNAM GRANGS KYI RTAG PA GSUNGS PA YIN PAR NYID ZHAL GYIS 'CHE BAR MDZAD CES BYA BA'I RTAG PA NI MYA NGAN LAS 'DAS PA GSUNG BA YIN PAR NYID ZHAL GYIS 'CHE BAR MDZAD CES BYA BA'I THA TSIG GO, ,KUN NAS NYON MONGS PA GSUM PA YIN PAR NYID ZHAL GYIS 'CHE BAR MDZAD PA NI KUN NAS NYON MONGS PA 'CHAR BAR MDZAD PAS KUN NAS NYON MONGS PA GSUNG PA STE, KUN NAS NYON MONGS PA GSUNG BA DE YIN PAR NYID ZHAL GYIS 'CHE BAR MDZAD PA YIN NO, ,SDIG PA'I CHOS RNAMS CHAD PA GSUNG BA YIN PAR NYID ZHAL GYIS 'CHE BAR MDZAD PA YIN NO, ,SROG GCOD PA LA SOGS PA DAG NI MI BYA BA YIN PA, MI BYA BAR GSUNG BAS NA MI BYA BAR GSUNG PA STE, MI BYA BAR GSUNG BA YIN PAR NYID ZHAL GYIS 'CHE BAR MDZAD PA YIN NO, ,'DI NI LOG PAR LTA BA CAN YIN NO ZHES DE SKAD GSUNGS PAS NA LOG PAR LTA BA CAN YIN PAR GSUNGS BA'O, ,LOG PAR LTA BA CAN YIN PA NYID ZHAL GYIS 'CHE BAR MDZAD PA YIN NO, ,GZHAN LA DAD PAR MI MDZAD PAS NA MA DAD PA YIN TE, DE LTAR NA MA DAD PA YIN PAR NYID ZHAL GYIS 'CHE BAR MDZAD PA YIN NO, ,BYAS PA MI SHES PA NI MYA NGAN LAS 'DAS PA SHES PA STE, DE NI MA BYAS PA YIN PA'I PHYIR RO, ,DE LTAR NA BYAS PA MI SHES PA YIN PAR NYID ZHAL GYIS 'CHE BAR MDZAD PA YIN NO, ,YANG SRID PA'I MTSAMS SBYOR BA 'JOMS PAR MDZAD BAS NA KHYIM 'BUGS PA YIN TE, DE LTAR NA KHYIM 'BUGS PA YIN PAR NYID ZHAL GYIS 'CHE BAR MDZAD PA YIN NO, ,BCOM LDAN 'DAS DE NI SKYUGS PA BZA' BA STE SRID PA NA SKYUGS PA STE, DE SPANGS PA YIN NO, ,DE LTAR SKYUGS PA ZA BA YIN PAR NYID ZHAL GYIS 'CHE BAR MDZAD PA YIN NO, ,GANG LA KHAMS GSUM PA 'DIR GO SKABS BCOM PA YOD PA DE NI GO SKABS BCOM PA YIN TE, DE LTAR NA GO SKABS BCOM PA YIN PAR NYID ZHAL GYIS 'CHE BAR MDZAD PA YIN NO, ,DE BZHIN GSHEGS PA NI ZHES BYA BA RGYA CHER 'BYUNG BA LA, DE BZHIN GSHEGS PA NI BSTAN PA DE DAG LA STE, RTAG PA LA SOGS PA BSTAN PA DE DAG LA MED CING ME SNANG NGO, ,DA NI DE BZHIN GSHEGS PAS DGONGS NAS GSUNGS PA YIN NO, ,DE BZHIN GSHEGS PA NI @267B DGONGS PA DE GANG GIS TE, THUGS LA DGONGS PA GANG GIS BSHAD PA NA SEMS CAN RNAMS KYIS DGONGS PA DE RTOGS NAS MNGON PA'I NGA RGYAL GTONG BA'I DGANGS PA DE DAG STON PAR MDZAD PA YIN NO ZHES BYA BA RGYA CHER 'BYUNG BA YIN NO, ,YANG NA 'DOD NA NI ZHES BYA BA NI SGRA JI BZHIN GYI DON MA YIN PA NYID DU'O, ,YOD PA YANG MA YIN MED PA YANG MA YIN BA'ANG YIN TE ZHES BYA BA NI RTAG PA DANG CHAD PA'I MTHA' SPANGS NAS GSUNGS PA YIN NO, ,CI'I PHYIR ZHE NA, 'DI LTAR CHOS 'DI KUN RGYU LA BRTEN NAS 'BYUNG BA YIN ZHES BYA BA NI 'DU BYED LA SOGS PA'I CHOS 'DI DAG THAMS CAD NI RGYU MA RIG PA LA SOGS PA LA BRTEN NAS 'BYUNG BA YIN NO, ,DE'I PHYIR 'DI LA BDAG MED CING ZHES BYA BA RGYA CHER 'BYUNG BA YIN NO, ,MI MOS PA'I GNAS SU GYUR PA'I NYES PA ZHES BYA BA NI MI DAD PA'I GNAS SU GYUR PA'I NYES PA ZHES BYA BA'I THA TSIG GO, ,BRTZAL BA NYAMS PA'I NYES PA ZHES BYA BA NI DGE BA'I CHOS RNAMS LA LHAG PAR GNAS PA NYAMS PA ZHES BYA BA'I THA TSIG GO, ,RANG DGA' DAG GIS BLO NI NYAMS SU 'GYUR LA ZHES BYA BA LA, RANG DGA' NI RANG GI LTA BA MCHOG TU 'DZIN CING SANGS RGYAS BCOM LDAN 'DAS RNAMS KYIS BKRIR MI BTUB PA STE, BLO NYAMS PAR 'GYUR, CHOS LA KHONG KHRO SGRIB PAR 'GYUR BA YIN ZHES BYA BA NI CHOS LA YANG KHONG KHRO BAR 'GYUR ZHING DE LA YANG SGRIB PAR 'GYUR RO, ,KUN DU SBYOR BA LAS BYUNG BA'I NGO BO NYID CES BYA BA NI KUN DU RTOG PA'I NGO BO NYID LA DGONGS NAS ZHES BYA BA'I THA TSIG GO, ,KUN NAS NYON MONGS PA'I CHOS RNAMS DANG ZHES BYA BA NI KUN NAS NYON MONGS PA'I CHOS RNAMS NI NYON MONGS PA CAN RNAMS SO, ,RNAM PAR BYANG BA'I CHOS RNAMS LA YANG ZHES BYA BA NI RNAM PAR BYANG BA'I CHOS DGE BA RNAMS SO, ,MED PA NYID DU MTSAN MAR BZUNG NAS ZHES BYA BA NI 'DU SHES KYIS MED PA NYID DU MTSAN MAR BZUNG NAS ZHES BYA BA'I THA TSIG GO, ,LTA BA MA YIN PAR LTA BA ZHES BYA BA NI LTA BA YOD PA BZHIN DU MI LTA'O ZHES LTA BA LA LTA BA MA YIN PAR LTA'O, ,SKUR PA 'DEBS PA'I LTA BA ZHES BYA BA NI SKUR PA 'DEBS PA'I LTA BA LA SOGS PA SKUR BA 'DEBS PA GSUM PO GANG YIN PA DE DAG STE, DER LTA BA NI SKUR BA 'DEBS PA'I LTA BA'O, ,BDAG GAM GZHAN GYI PHYIR ZHES BYA BA NI BDAG GAM GZHAN GYI DBANG DU BYAS NAS @268A *, ,ZHES BYA BA'I THA TSIG GO, ,DE NI BDAG GAM GZHAN GYI PHYIR RE ZHIG THEG PA DMAN PA ZHES BYA BA RGYA CHER 'BYUNG BAS NI BSTAN PA YIN NO, ,JI SKAD BSTAN PA'I LTA BA'I TSUL NGES PAR 'BYIN PA MA YIN PA DE GNYI GA YANG 'DI LA YOD PA 'DI NI NGES PAR 'BYIN PA MA YIN PA'I LTA BA'O, , THAG RING DU ZHES BYA BA NI RGYANG RING DU ZHES BYA BA'I THA TSIG GO, ,STON PA ZHES BYA BA NI GSAL BAR BYED CES BYA BA'I THA TSIG GO, ,BKUR STI BYED PA NI MA YIN NO ZHES BYA BA GANG ZHIG MED PAR LTA BA DE LA BRTEN PA'O, ,CHOS KYIS PHONGS PAR 'GYUR BA'I LAS CI 'DRA BA ZHIG DUS TSAD MED PAR SGRIB PA YONGS SU 'DZIN PAR BYED PA STE, DUS TSAD MED PAR SGRIB PA YONGS SU 'DZIN PAR BYED PAS NA DUS TSAD MED PAR SGRIB PA YONGS SU 'DZIN PA'O, ,DUS TSAD MED PAR SGRIB PA YONGS SU 'DZIN PAR BYED PA'I LAS DANG 'JIG RTEN KUN DU SBYOR BAR BYED DO, ,MI SKYE BA'I CHOS LA BZOD PA 'THOB BO ZHES BYA BA NI DE LA MI SKYE BA'I CHOS NI BRGYAD DE, 'DI LTA STE, 'KHOR BA GZOD MA NAS MI SKYE BA'I CHOS NI 'KHOR BAR SNGON SKYES SKYES PA GANG DAG YIN PA'I CHOS DE DAG KHO NA MI SKYE BA DANG, 'KHOR BAR SNGON GANG DAG MA SKYES PA NGA'I CHOS KYI TSUL SNGON MA BYUNG BA RNAMS KYANG MI SKYE BA DANG, KUN BRTAGS PA'I NGO BO NYID RANG GI MTSAN NYID KYIS MI SKYE BA DANG, GZHAN GYI DBANG GI NGO BO NYID RANG GIS MI SKYE BA DANG, YONGS SU GRUB PA'I NGO BO NYID DNGOS PO GZHAN DU MI SKYE BA DANG, DGRA BCOM PA LA PHYIS KUN NAS NYON MONGS PA MI SKYE BA DANG, SANGS RGYAS DANG CHOS KYI SKU RNAMS LA KHYAD PAR DU MI SKYE BA STE, MI SKYE BA'I CHOS BRGYAD PO 'DI DAG LA BZOD PA 'THOB BO, ,BDOG PA THAMS CAD YONGS SU GTONG BA NYID NI RANG GI DNGOS PO YONGS SU GTONG BA NYID CES BYA BA'I THA TSIG GO, ,RGYU CI ZHIG GIS NA BDOG PA THAMS CAD YONGS SU GTONG BA YIN ZHE NA, LTA BA SPANGS PAS TE, BDAG DANG BDAG GIR LTA BA YONGS SU SPANGS PA ZHES BYA BA'I THA TSIG GO, ,TSUL KHRIMS YONGS SU DAG PA NYID NI BYANG CHUB SEMS DPA' RNAMS KYI GZUGS NA SPYOD PA'I TSUL KHRIMS YONGS SU DAG PA YIN NO, ,RGYU CI ZHIG GIS NA DE RNAMS KYI DE YONGS SU DAG PA ZHES BYA ZHE NA, NYON MONGS PA THAMS CAD RAB TU ZHI BAS TE, 'CHAL BA'I TSUL KHRIMS @268B KUN NAS SLONG BAR BYED PA 'DOD PA NA SPYOD PA'I NYON MONGS PA RNAMS SPANGS PA ZHES BYA BA'I THA TSIG GO, ,BZOD PA'I STOBS DANG LDAN PA NYID NI RGYU GANG GIS NA BYANG CHUB SEMS DPA' BZOD PA'I STOBS DANG LDAN PA YIN ZHE NA, CHOS LA 'JUG PAS TE, RTEN CING 'BREL BAR 'BYUNG BA'I CHOS NYID RTOGS PAS ZHES BYA BA'I THA TSIG GO, ,BRTZON 'GRUS BRTZAMS PA NYID NI RGYU GANG GIS NA BYANG CHUB SEMS DPA' RNAMS BRTZON 'GRUS BRTZAMS PA YIN ZHE NA, DBEN BA'I CHOS LA MOS PA STE, STONG PA NYID KYI CHOS LA MOS PAS ZHES BYA BA'I THA TSIG GO, ,DE RNAMS KYI SEMS NI DE LA MOS PAS RNAM PAR MI G-YENG BA'I STOBS SKYE BAR 'GYUR RO, ,BYANG CHUB SEMS DPA' RNAMS NI BZHI PO GZHAN DAG DANG YANG LDAN NO ZHES RGYA CHER 'BYUNG STE, RGYU GANG GIS NA BYAMS PA CHEN PO ZHES BYA ZHE NA, SEMS CAN THAMS CAD YONGS SU SKYOB PA NYID KYIS TE, NGES PA'I TSIG GI TSUL GYIS BDAG GIS SEMS CAN 'DI DAG THAMS CAD YONGS SU BSKYAB PAR BYA BA YIN NO, ,RGYU GANG GIS NA SNYING RJE CHEN PO YIN ZHE NA, 'KHOR BA LAS YONGS SU MI SKYO BA NYID KYIS TE, BYANG CHUB SEMS DPA' RNAMS NI 'KHOR BA LAS YONGS SU MI SKYO'O, ,RGYU GANG GIS NA DGA' BA CHEN PO YIN ZHE NA, CHOS LA DGA' BA DANG RAB TU DGA' BA NYID KYIS TE, CHOS LA DGA' BA YANG YIN LA RAB TU DGA' BA YANG YIN PAS DGA' BA DANG RAB TU DGA' BA'O, ,CHOS RNAMS LA DGA' BA DANG, RAB TU DGA' BAS NA CHOS LA DGA' BA DANG RAB TU DGA' BAS TE DES SO, ,'DIR YANG 'DI LTAR YANG SHES PAR BYA STE, GAL TE DGA' BA DANG RAB TU DGA' BA YIN LA, BDE BA YIN YANG DGA' BA ZHES BYA BA GANG YIN PA DE NI YID BDE BA'I KHYAD PAR 'GA' ZHIG KHO NA LA BYA'O, ,RAB TU DGA' BA ZHES BYA BA'I KHYAD PAR GANG YIN PA DE YANG YID BDE BA'I KHYAD PAR 'GA' ZHIG YIN TE, MDO LAS RAB TU DGA' BA LAS DGA' BA SKYE BA'I PHYIR RO ZHES 'BYUNG BA'I PHYIR RO, ,RGYU GANG GIS NI BTANG SNYOMS CHEN PO YIN ZHE NA, RJES SU CHAGS PA DANG KHONG KHRO BA SPANGS PAS TE, DE GNYIS KA SPANGS PAS BTANG SNYOMS LA GNAS PA YIN NO, ,MDO SDE GZHAN GYI KHYAD PAR GZHAN MANG PO DAG LAS ZHES BYA BA NI MDO SDE GZHAN DAG GI MDO SDE'I @269A *, ,KHYAD PAR DE DAG LAS MDO SDE'I TSIG GANG DAG 'BYUNG BA DE DAG NI MDO SDE GZHAN GYI KHYAD PAR TE, CHOS THAMS CAD NI NGO BO NYID MED PA ZHES BYA BA LA SOGS PA DE LTA BU YIN NO, ,DGONGS PA MED PAR MKHAS PA SU ZHIG SMRA BAR BYED DO, ,'DIR DGONGS PA NI MTSAN NYID NGO BO NYID MED, SKYE BA NGO BO NYID MED DON DAM NGO BO NYID MED DO ZHES NGAS BSHAD DE ZHES BYA BA YIN NO, ,DE LA MTSAN NYID NGO BO NYID MED PA NI KUN DU BRTAGS PA'I NGO BO'O, ,SKYE BA NGO BO NYID MED PA NYID NI GZHAN GYI DBANG GI'O, ,DON DAM PA NGO BO NYID MED PA NYID NI YONGS SU GRUB PA'I'O, ,MTSAN NYID NGO BO NYID MED PA NYID CES BYA BA NAS, DON DAM PA NGO BO NYID MED CES BYA BA'I BAR GYI YI GE'I DON CI ZHE NA, RANG GI DNGOS PO NI NGO BO NYID DO, ,'DI LA NGO BO NYID MED PAS NGO BO NYID MED PA STE, DE'I DNGOS PO NI SKYE BA NGO BO NYID MED PA STE, MTSAN NYID GZUGS LA SOGS PA'I NGO BO NYID MED PA'O, ,DE'I DNGOS PO NI MTSAN NYID MED PA NYID NI GZHAN GYI DBANG GI'O, ,GZHAN GYI DBANG GANG LAS SKYE BA NGO BO NYID MED PA STE, DE'I DNGOS PO NI SKYE BA NGO BO NYID MED PA NYID DO, ,DON DAM PA NGO BO NYID MED PA DE NI DON DAM PAR NGO BO NYID MED PA NYID DO, ,DE YANG GZHAN GYI DBANG GI NGO BO NYID DAG NI GZUNG BA DANG 'DZIN PA'I MTSAN NYID DANG MTSAN NYID MI MTHUN PA NYID YIN NO, ,DE LTAR BYAS NA CHOS RNAMS NI NGO BO NYID MED PA YIN NO, ,GANG DAG NGO BO NYID MED PA DE DAG NI MA SKYES PA YIN NO, ,GANG DAG MA SKYES PA DE DAG NI MA 'GAGS PA YIN NO, ,GANG DAG MA 'GAGS PA DE DAG NI GZOD MA NAS ZHI BA YIN NO, ,GANG DAG GZOD MA NAS ZHI BA DE DAG NI RANG BZHIN GYIS YONGS SU MYA NGAN LAS 'DAS PA YIN NO ZHES RAB TU BSTAN PA YIN NO, ,DE DAG BRTAGS PA BZHIN DU MED, ,CES BYA BA NI SEMS DANG SEMS LAS BYUNG BA DE DAG BYIS PA RNAMS KYIS JI LTAR BRTAGS PA DE LTAR MED DO, ,DE DAG MED PA 'ONG MA YIN NO ZHES BYA BA NI DE DAG BRJOD DU MED PA'I NGO BOR RO, ,GAL TE CHOS THAMS CAD KYI NGO BO NYID MED PAR GYUR NA, DNGOS PO THAMS CAD MED PA'I PHYIR, ,KUN NAS NYON MONGS DAG PA MED, ,CES BYA BA'I SKYON 'DIR 'GYUR RO, ,CHOS RNAMS THAMS CAD MA SKYES PA, ,ZHES BYA BA NI 'DUS BYAS RNAMS SO, ,GAL TE KUN DU BRTAGS PA'I RANG BZHIN GYIS CHOS THAMS CAD MA @269B SKYES PA YIN NA CI LA BRTEN NAS RNAM PAR RTOG PA SKYE ZHE NA, GZHAN GYI DBANG LA ZHES BYA BA RGYA CHER 'BYUNG BA YIN TE, GZHAN GYI DBANG GI NGO BO NYID LA BRTEN NAS RNAM PAR RTOG PA STE DER RNAM PAR RIG PA SKYE'O, ,NAM ZHIG GZHAN GYI DBANG DAG STE, CI LTA BU ZHE NA, RNAM PAR RTOG DANG BRAL BA NA, ,ZHES BYA BA NI GZUNG BA DANG 'DZIN PA'I DNGOS PO DANG BRAL BA'O, ,SHIN TU GYUR PA DE BZHIN NYID LA GNAS PA'O, ,DE LTA BU NI GZHAN GYI DBANG GI MTSAN NYID SHIN TU GYUR PA DANG DE BZHIN NYID KYI BDAG NYID LA GNAS PA YIN NO, ,PHYI ROL DON MTHONG BRTAGS NA NI, ,PHYI ROL GYI DON GZUGS DANG SGRA LA SOGS PA MTHONG NA STE DMIGS NA BRTAGS PA NI STE, BRTAGS PAR BYA BA GANG YIN PA NI KUN DU BRTAGS PA'I RANG BZHIN NO ZHES BYA BA 'DI YIN PAR KHONG DU CHUD PAR BYA'O, ,GZHAN GYI DBANG NI, RTOGS PA GANG GIS RTOG BYED PA, ,ZHES BYA BA RGYAS PAR 'BYUNG BA YIN NO, ,PHYI ROL DON MTHONG LOG PA STE, ,ZHES BYA BA RGYA CHER 'BYUNG BA NI PHYI ROL GYI DON GZUGS DANG SGRA LA SOGS PA MTHONG BA NI LOG PA YIN NO, ,JI LTAR LOG PA YIN ZHE NA, 'DI LTAR GZUGS DANG SGRA LA SOGS PA'I DON MED KYI, DE NI SEMS 'BA' ZHIG STE, GZUGS DANG SGRA LA SOGS PA SNANG BA'I RNAM PAR RIG PA TZAM SKYE'O ZHES BYA BA'I THA TSIG GO, ,DE LTAR, RIGS PAS RNAM PAR GZHIGS NA NI, ,GZUNG BA DANG NI 'DZIN BA 'GAG ,CES BYA BA NI GZUNG BA GANG YIN PA DANG, 'DZIN PA GANG YIN PA DE GNYI GA SPANGS SO ZHES BYA BA'I THA TSIG GO, ,JI LTAR BYIS PAS BRTAGS PA LTAR, ,PHYI ROL GYI NI DON MED DO, ,GAL TE PHYI ROL GYI DON MED NA JI LTAR DER SNANG BA'I RNAM PAR SHES PA SKYE ZHE NA, BAG CHAGS KYIS NI DKRUGS PA'I SEMS, ,DON DU SNANG BA SHIN TU 'BYUNG, ,RNAM PAR RIG PA'I BAG CHAGS KYIS DKRUGS PA STE, BSGOS PA'I SEMS KUN GZHI RNAM PAR SHES PA LA 'JUG PA'I RNAM PAR SHES PA RAB TU 'BYUNG NGO, ,DE LTA BAS NA KUN GZHI RNAM PAR SHES PA LA DE LTAR BSGOS PAS GZUGS LA SOGS PA'I RNAM PAR 'DZIN PA'I 'JUG PA'I RNAM PAR SHES PA SKYE'O ZHES BYA BA'I THA TSIG GO, ,DE LA KUN GZHI RNAM PAR SHES PA NI RGYU YIN LA, LHAN CIG 'BYUNG BA'I 'JUG PA'I RNAM PAR SHES PA NI BDAG PO'I RKYEN YIN NO, ,BSHAD PA 'DI DAG THAMS @270A *, ,CAD KYI DON GYI MTSAMS SBYAR BA NI MI RUNG STE, KHA CIG THEG PA CHEN PO'I MDO SDE KHA CIG LAS 'BYUNG NGO, ,STONG PA NYID LA SOGS PA'I MDO SDE ZHES BYA BA NI STONG PA NYID DANG, GZUGS CAN SNYING PO BSU BA DANG, MI'I MDO LA SOGS PA'O, ,SRID PA BAR MDO DANG LDAN PA'I MDO SDE GANG DAG CE NA, SRID PA BDUN ZHES BYA BA DE LTA BU LA SOGS PA STE, SRID PA BDUN ZHES BYA BA'I MDO DANG, PHYIR MI 'ONG BA'I MDO DANG, 'GRO BA'I MDO DANG MNGAL DU 'JUG PA'I MDO SDE ZHES BYA BA DE LTA BU LA SOGS PA'I MDO SDE RNAMS NI SA STON PA'I SDE LA SOGS PA RNAMS KYIS KHAS MI LEN TE, SA STON PA'I SDE DANG, CHOS SRUNG BA'I SDE DANG, 'OD SRUNGS KYI SDE LA SOGS PA DE RNAMS KYIS KHAS MI LEN PAS DE DAG SANGS RGYAS KYI GSUNG DU MI 'GYUR RO, ,SDE PHA PHAN TSUN THA DAD PA'I MDO SDE GANG DAG YIN PA 'DI LTA STE, CHOS KYI PHYAG RGYA'I MDO DANG, 'GRO BA'I MDO SDE LA SOGS PA'O, ,SANGS RGYAS KYI GSUNG MTHA' DAG NI DENG SONG MI SNANG NGO ZHES DE SKAD KYANG BSTAN ZIN TO, ,SANGS RGYAS KYI GSUNG GANG MI SNANG BA DE NI SLOB DPON GYI RIGS 'GAS KYANG YONGS SU MA BZUNG BAS DE DAG SANGS RGYAS KYI GSUNG DU MI 'GYUR RO, ,CI'I PHYIR ZHE NA, DE SANGS RGYAS KYI GSUNG YIN ZHE NA, CHEN PO BSTAN PA TSAD MA NYID YIN PA'I PHYIR RO, ,'DI LTAR MDO LAS CHEN PO BSTAN PA TSAD MA YIN GYI, NAG PO BSTAN PA MA YIN TE, JI LTA ZHE NA, RGYA CHER GSUNGS NAS, 'DI LA KUN DGA' BO DGE SLONG ZHIG 'ONGS NAS DE 'DI SKAD CES, 'DI LTA STE, 'DI NI CHOS YIN, 'DI NI 'DUL BA YIN, 'DI NI STON PA'I BSTAN PA YIN TE, BCOM LDAN 'DAS LAS MNGON SUM DU THOS SHING MNGON SUM DU BZUNG BA YIN NO ZHES ZER NA, DGE SLONG DE'I BSHAD PA DE LA SPRO BAR YANG MI BYA ZHING SMAD PAR YANG MI BYA'O, ,SBRO BAR YANG MA BYAS SHING SMAD PAR YANG MA BYAS PAR MDO SDE LA 'JUG PAR BYA, 'DUL BA LA SNANG BAR BYA'O, ,CHOS NYID DANG MTHUN PAR BYA'O, ,GAL TE MDO SDE LA 'JUG PAR BYAS, 'DUL BA LA SNANG BAR BYAS PA LAS, MDO SDE LA MI 'JUG ,'DUL BA LA MI SNANG, CHOS NYID DANG MI MTHUN PAR, DGE SLONG DE LA 'DI SKAD CES TSE DANG LDAN PA GOR MA CHAG PAR CHOS 'DI DAG NI BCOM LDAN 'DAS KYIS GSUNGS BA MA @270B YIN ZHING TSE DANG LDAN PA NYID KYIS NYE BAR BZUNG BA YIN TE, 'DI LTAR CHOS 'DI DAG NI MDO SDE LA 'JUG PAR BYAS, 'DUL BA LA SNANG BAR BYAS PA LAS, MDO SDE LA MI 'JUG ,'DUL BA LA MI SNANG, CHOS NYID DANG MI MTHUN PAS 'DI NI CHOS MA YIN, 'DI NI 'DUL BA MA YIN, 'DI NI STON PA'I BSTAN PA MA YIN NO SNYAM DU SHES PAR BYA STE DOR BAR BYA'O ZHES BRJOD PAR BYA'O, ,'O NA 'PHAGS PA'I BDEN PA'I MDO SDE LA 'JUG PA STE, 'DI LTA STE, RGYA CHER GSUNGS NAS, DGE SLONG DAG BZHI PO 'DI DAG NI 'PHAGS PA'I BDEN PA DAG GO, ,BZHI PO GANG DAG CE NA, SDUG BSNGAL 'PHAGS PA'I BDEN PA DANG, KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES RGYA CHER 'BYUNG BA'O, ,NYON MONGS PA 'DUL BA LA SNANG ZHES BYA BA NI NYON MONGS PA 'DUL BA NI NYON MONGS PA'I GNYEN PO GANG YIN PA'O, , RTEN CING 'BREL PAR 'BYUNG BA'I CHOS NYID DANG MI MTHUN PA MA YIN PA ZHES BYA BA NI 'DI YOD PAS 'DI 'BYUNG ZHES BYA BA'I CHOS NYID DANG MI MTHUN PA MA YIN PA'O, ,GAL TE 'GAL BA'I PHYIR RO ZHE NA, NYES PA DE NI SNGAR BSAL ZIN TO, ,JI LTA ZHE NA, GAL TE DE LTA BU'I RANG BZHIN DANG 'GAL BA'I PHYIR THEG PA CHEN PO SANGS RGYAS KYI GSUNG MA YIN NA KHYED LA GRAGS PA'I SANGS RGYAS KYI GSUNG GANG YIN PA GZHAN YANG DE BZHIN DU SANGS RGYAS KYI GSUNG DU MI 'GYUR RO, ,CI'I PHYIR ZHE NA, 'GAL BA'I PHYIR RO ZHES RGYA CHER 'BYUNG BA YIN NO, ,DE LTA BU'I TSIG RNAMS NI ZHES BYA BA NI CHOS THAMS CAD NI NGO BO NYID MED PA ZHES BYA BA DE LTA BU LA SOGS PA DE LTA BU'I RNAM PA'I TSIG RNAMS SO, ,RANG BZHIN GYIS MIG SKYON CAN DU GYUR PA DAG LA ZHES BYA BA NI NGO BO NYID KYIS MIG SKYON CAN DU GYUR PA DAG LA'O, ,DE MED PA NYID YIN PA DANG 'DRA BAR ZHES BYA BA NI JI LTAR DE DAG LA DER 'DZIN PA BSAL BA'I PHYIR GZUGS DE MED PA NYID YIN PAR BSTAN PA DE DANG 'DRA'O, ,MGO SMOS PA MI SHES PA ZHES BYA BA RGYA CHER 'BYUNG BA NI GANG DAG DON RNAM PAR MA PHYE BA MI RTOGS PA DE DAG NI MGO SMOS PA MI SHES PA STE, MGO SMOS PA MI SHES PA DE RNAMS BRJOD DU MED PA'I CHOS GANG YIN PA STE, BRJOD DU MED @271A *, ,PA'I NGO BO'I CHOS DE MED PAR 'DZIN BA BSAL BA'I PHYIR RO, ,DE LTAR NA KHA CIG GI ZHES BYA BA RGYAS PAR 'BYUNG BA NI JI LTAR BSTAN PA DE LTAR NA KHA CIG GI SGRO 'DOGS PA'I MTHA' NI SGRO 'DOGS PA NYID MTHA' YIN PAS SGRO 'DOGS PA'I MTHA' STE, KUN DU BRTAGS PA'I NGO BO NYID DU 'DZIN PA GANG YIN PA DE SPANGS PA YIN NO, ,KHA CIG GI SKUR PA 'DEBS PA'I MTHA' NI SKUR PA NYID MTHA' YIN TE, GZHAN GYI DBANG GI NGO BO NYID LA SKUR PA 'DEBS PA SPANGS PA YIN NO, ,SMOS PA'I RNAM PA BSTAN PA NI DON RNAM PAR MA PHYE BAR BSTAN PA'O, ,MDOR BSDUS PA ZHES BYA BA RGYA CHER 'BYUNG BA NI GANG ZAG CIG 'JIG RTEN DU 'BYUNG BA NA ZHES BYA BA NI MDOR BSDUS PA'O, ,DE'I DON RJES SU MTHUN PA NYID NI MI MTHUN PA MED PA'I DON DU DE BSTAN PAR RIG PAR BYA'O, ,DGONGS PA SNA TSOGS KYI THABS TE, DGONGS PA SNA TSOGS KYI THABS DE DANG MTHUN PA NYID DU MGO SMOS PA'I RNAM PA BSTAN PA YIN PAR RIG PAR BYA'O, ,BSGRIM PA DRAG POS DE KHO NA NYID RTOGS PA NI BSGRIM PA DRAG POS DE KHO NA NYID RTOGS PA STE, DE RTOGS PA DANG MTHUN PA NYID DU SMOS PA'I RNAM PA BSTAN PA YIN PAR RIG PAR BYA'O, ,DE'I DON LA KHONG DU CHUD PA LAS TE SMOS PA'I RNAM PA BSTAN PA'I DON KHONG DU CHUD PA LAS DGA' BA'I KHYAD PAR GYIS BDE BAR GNAS PA DANG MTHUN PA NYID DU DE BSTAN PA YIN PAR RIG PAR BYA'O, ,'BEL PA'I GTAM NYID RNAM PAR GTAN LA DBAB PA NI 'DUS NAS GANG BRJOD PAR BYA BDE NI 'BREL BA'I GTAM MO, ,DE'I DNGOS PO NI 'BEL BA'I GTAM NYID DO, ,'BEL BA'I GTAM NYID KYIS RNAM PAR GTAN LA DBAB[?] PA NI 'BEL BA'I GTAM NYID RNAM PAR GTAN LA DBAB PA STE, DES SHES RAB KYIS DPYOD PA NI 'BEL BA'I GTAN RNAM PAR GTAN LA DBAB PAS SHES RAB DPYOD PA'O, ,DE'I THABS DANG MTHUN PA NYID DU BSTAN PA YIN PAR RIG PAR BYA'O, ,GAL TE BYIS PAS KUN DU BRTAGS PA'I NGO BO NYID YOD PA NYID DU 'DZIN PA BSAL BA'I PHYIR CHOS THAMS CAD NI NGO BO NYID MED PA, MA SKYES PA, MA 'GAGS PA ZHES BYA BA DE LTA BU LA SOGS PA DE SKAD GDON MI ZA BAR BSTAN PAR BYA BA YIN NA, CI'I PHYIR NYAN THOS RNAMS LA YANG NYAN THOS KYI THEG PAR CHOS THAMS CAD NI NGO BO NYID MED PA, MA SKYES PA, MA 'GAGS @271B PA ZHES BYA BA DE LTA BU LA SOGS PA DE SKAD MA BSTAN PA YIN ZHE NA, SKYO BAR BYA BA YIN PA'I PHYIR RO, ,'DI LTAR NYAN THOS KYI RIGS DE DAG NI 'KHOR BA LAS SKYO BAR BYA BA YIN LA, CHOS LA BDAG MED PA NYID LA MOS NA NI 'KHOR BA LAS SKYO BAR MI 'GYUR RO, ,GANG ZAG LA BDAG MED PA NYID LA NI GZUNG BAR BYA STE, CI'I PHYIR ZHE NA, DE LA BDAG TU 'DZIN PA'I DBANG GIS LUS LA SRID PAS SDUG BSNGAL LAS RNAM PAR MI 'GROL BA'I PHYIR RO, ,'DI LTAR GZUGS DANG TSER BA LA SOGS PA'I CHOS DE RNAMS LA BDAG TU 'DZIN PA'I DBANG GIS LUS LA SRED PAS SDUG BSNGAL LAS RNAM PAR MI 'GROL LO, ,DE'I PHYIR DE DAG LAS GROL BAR BYA'O, ,DE LTA BAS NA DE DAG LA GANG ZAG MED PA KHO NA BSTAN GYI CHOS MED PA NI MA YIN NO, ,JI LTAR NA PHYED NI BDEN PA BSTAN, PHYED NI BRDZUN PA YIN ZHE NA, JI SKAD DU ZHES BYA BA RGYA CHER 'BYUNG BA NI, 'DI NA BDAG GAM SEMS CAN MED, ,CES BYA BA NI BDEN PA'O, ,CHOS NI RGYU DANG BCAS LAS 'BYUNG, ,ZHES BYA BA NI BRDZUN PA'O, ,LAS YOD RNAM PAR SMIN PA YOD, ,CES BYA BA YANG BRDZUN PA'I DON NO, ,BYED PA PO NI MI DMIGS SO, ,ZHES BYA BA NI BDEN PA'O, ,JI LTAR NA JI LTAR KUN DU BRTAGS PA BZHIN DU 'DZIN NA BSLUS PAR MI 'GYUR, SMRAS PA, DE RNAMS KYI LHAN CIG SKYES PA'I SEMS CAN DU LTA BA DE NI ZHES BYA BA RGYA CHER 'BYUNG BA LA, DE'I PHYIR YANG DE BSHAD PA YIN NO ZHE NA ZHES BYA BA NI BDE 'GROR 'GRO BAR BYA BA'I PHYIR RO, ,DE'I PHYIR YANG DE BSHAD PA YIN NO ZHES BYA BA NI MYA NGAN LAS 'DAS PAR 'GRO BAR BYA BA'I PHYIR RO, ,GAL TE ZHES BYA BA RGYA CHER 'BYUNG BA NI SMRAS PA, GAL TE YANG DAG PA JI LTA BA BZHIN MA YIN PAR KUN DU RTOG NA NI JI LTAR LHAN CIG SKYES PA'I CHOS SU LTA BA DE NI MYA NGAN LAS 'DAS PA'I BAR DU GCOD PAR MI BYED, JI LTA ZHE NA, 'KHOR BA LA NI SDUG BSNGAL BA NYID DAM, MYA NGAN LAS 'DAS PA NYID NI ZHI BA NYID DU'O ZHE NA, 'DIR BSHAD PA, YANG DAG PA JI LTA BA BZHIN MA YIN PAR KUN DU RTOG PA YANG ZHES BYA BA RGYA CHER 'BYUNG BA NI YANG DAG PA MA YIN PA'I KUN DU RTOG PA 'DI LA 'PHAGS PA'I YE SHES KYI RGYU MTHUN PA BSTAN PA'I RTEN YOD PAS 'DI NI DPAGS PA'I YE SHES KYI RGYU MTHUN PA BSTAN PA'I RTEN CAN TE, DE LTA BU'I MTSAN NYID @272A *, ,DE NI RNAM PAR BYANG BA DANG MTHUN PA YIN NO, ,CI'I PHYIR DE'I RTEN TZAN YANG DAG PA JI LTA BA BZHIN MA YIN PAR KUN DU RTOG PA DE NYID NI RNAM PAR BYANG BA DANG MTHUN PA YIN PA, GZHAN GYI RTEN CAN YANG DAG PA JI LTA BA BZHIN MA YIN PAR KUN DU RTOG PA GANG YIN PA KHA CIG MA YIN ZHE NA, BSHAD PA DE NYID YIN NO, ,CI'I PHYIR ZHE NA, DE'I GZHI NI BRJOD DU MED PA'I MTSAN NYID DU YOD PA'I PHYIR RO, ,'DI LTAR 'PHAGS PA'I YE SHES KYI RGYU MTHUN PA BSTAN PA'I GZHI RTEN GANG YIN PA DE NI BRJOD DU MED PA'I MTSAN NYID DU YOD PA YIN TE, JI LTAR 'PHAGS PA RNAMS KYIS DMIGS PA'I CHOS DE LTA BUR YOD DO SNYAM DU SEMS PA'I BYANG CHUB SEMS DPA' LAS DANG PO PA RNAMS LA RNAM PAR BYANG BA DANG MTHUN PA YIN NO, ,DPER NA MI DAG CI RIGS SU 'DOD PA DANG, GZUGS DANG, GZUGS MED PA NA SPYOD PA'I LHA RNAMS KYI LUS PHUN SUM TSOGS PA THOB NAS RTOG PAR BYED, RNAM PAR GROL BA DANG, GNAS PHUN SUM TSOGS PA THOB NAS RTOG PAR BYED NA, CI DE BZHIN YANG DAG PA JI LTA BA BZHIN DU KUN DU RTOG PA YIN NAM, SMRAS PA, MA YIN NO, ,'ON KYANG RTOG PA DE DE LA BRTZON PA RNAMS KYIS TE, DE THOB PA'I THABS TSUL KHRIMS DANG, TING NGE 'DZIN LA BRTZON PA RNAMS KYIS DE THOB PAR BYA BA'I PHYIR DE'I LUS DANG, GNAS THOB PAR BYA BA'I PHYIR DANG, RNAM PAR GROL BA THOB PAR BYA BA'I PHYIR MI MTHUN PA MA YIN NAM, DE BZHIN DU SO SO'I SKYE BO RNAMS NI MI RTAG PA LA SOGS PA'I RNAM PA DAG GIS CHOS RNAMS LA KUN DU RTOG PA NA YANG DAG PA JI LTA BA BZHIN DU RTOG PA MA YIN TE, CI'I PHYIR ZHE NA, SGYU MA'I DRA BA LAS BCOM LDAN 'DAS KYIS, 'PHAGS PA 'JIG RTEN LAS 'DAS PA NI BDEN PA YIN PAR GSUNGS SO ZHES 'BYUNG BA'I PHYIR RO, ,JI SKAD CE NA, RGYA CHER GSUNGS NAS, MIG GI RNAM PAR SHES PAR BYA BA'I GZUGS YID BDE BA DANG MTHUN PA 'DAS PA DANG, MA 'ONGS PA DANG, DA LTAR BYUNG BA GANG YIN PA 'DI DAG STE, BDAG NI 'DI LA RTAG PA NYID DAM, BRTEN PA NYID DAM, THER ZUG NYID DAM, YANG DAG PA NYID DAM, BDEN PA NYID DAM, DE KHO NA NYID DAM, JI LTA BA NYID DAM, MA LOG PA NYID DAM, PHYIN CI MA LOG PA NYID MED PA DANG, BCOM LDAN 'DAS KYIS 'PHAGS PA 'JIG RTEN LAS @272B 'DAS PA NI BDEN PA YIN PAR GSUNGS KYI 'DI NI GSOG KYANG YIN GSOB KYANG YIN, 'DI NI SLU BA'I CHOS KYANG YIN PA ZHES BYA BA NAS, DE BZHIN DU YID KYI RNAM PAR SHES PAR BYA BA'I CHOS DE DAG GI BAR DU 'BYUNG BA YIN NO, ,GZHAN YANG THEG PA CHEN PO LAS YANG DAG PA MA YIN PA KUN DU RTOG PA YANG KHA CIG THAR PA DANG MTHUN PA YIN PAR TSIGS SU BCAD PA BSTAN PA YANG YIN NO, ,YANG DAG MIN PA YANG DAG MIN NI ZAG PA DANG BCAS PA'I THAR PA DANG MTHUN PA YIN NO, ,JI LTAR BYAS PAS SHE NA, RE ZHIG YANG DAG PA MA YIN PA NI BRJOD DU MED PA'I MTSAN NYID MI RTOGS PA'I PHYIR RO, ,YANG DAG PA MA YIN PA YANG MA YIN TE, 'O NA CI ZHE NA, YANG DAG PA KHO NA YIN NO, ,DE CI'I PHYIR ZHE NA, DE RTOGS PA DANG MTHUN PA'I PHYIR RO, ,BRJOD DU MED PA'I MTSAN NYID RTOGS PA DANG MTHUN PA'I PHYIR RO ZHES BYA BA'I THA TSIG GO, ,CHOS RNAMS KYI DE BZHIN NYID DE GANG ZHE NA, GANG ZAG DANG CHOS LA BDAG MED PA NYID DO, , CI'I PHYIR 'JIG RTEN LAS 'DAS PA'I LAM DANG, CHOS RNAMS KYI DE BZHIN NYID NI RTOG PA GANG YIN ZHE NA, RNAM PAR RTOG PA'I MTSAN NYID MED PA'I PHYIR RO, ,'DI LA DE GNYI GA RNAM PAR RTOG PA'I MTSAN NYID DU MED PAS SO, ,RTOG MIN MI RTOG MA YIN PA NI 'PHAGS PA RNAMS KYI 'JIG RTEN LAS 'DAS PA'I RJES LAS THOB PA DAG PA, 'JIG RTEN PA'I YE SHES YIN TE, CI'I PHYIR ZHE NA, YANG DAG PA JI LTA BA'I YUL YIN PA'I PHYIR RTOG PA MA YIN NO, ,CHOS KYI MTSAN NYID RNAM PAR 'JOG PA'I PHYIR RTOG PA MA YIN NO, ,DE NI TSIG DANG YI GE KHONG DU CHUD PAR BYED PA'I PHYIR RNAM PAR RTOG PA ZHES BYA'I, YANG DAG PA JI LTA BA BZHIN MA YIN PAR RTOG PA'I PHYIR NI MA YIN NO, ,SHES BYA THAMS CAD YIN PAR BSTAN, ,ZHES BYA BA NI RNAM PAR SHES PAR BYA BA CI YANG RUNG BA JI SNYED PA DE THAMS CAD NI JI SKAD BSTAN PA'I YANG DAG MIN RTOG CES BYA BA RGYA CHER 'BYUNG BA DE LTA BU YIN PAR BSTAN TO, ,'KHOR BA LAS YONGS SU MI SKYO ZHING KUN NAS NYON MONGS PA MED PAR BYA BA'I PHYIR ZHES BYA BA NI 'KHOR BA LAS YONGS SU MI SKYO BAR BYA BA'I PHYIR DANG, KUN NAS NYON MONGS PA MED PAR BYA BA'I PHYIR RO, ,DE DAG NI ZHES BYA BA RGYA CHER 'BYUNG BA NI CHOS LA BDAG MED PA NYID LA MOS PAS SBYOR BA NI CHOS LA BDAG MED PA NYID LA MOS @273A *, ,PA'I SBYOR BA'O, ,DE LA GOMS PA NI CHOS LA BDAG MED PA NYID LA MOS PA'I SBYOR PA LA GOMS PA'O, ,CHOS LA BDAG MED PA NYID LA MOS PA'I SBYOR BA LA GOMS PA DES YANG DAG PAR 'GRUB PA NA STE 'PHEL BA NA'O, ,THOS PA MTHA' YAS PA YONGS SU BSGOMS PA'I GZUNGS, DANG, TING NGE 'DZIN GYI SGO STONG PHRAG ZAD MI SHES PA'I SNYING PO CAN NI ZHI BA'I TING NGE 'DZIN 'DI LA THOS PA MTHA' YAS PA YONGS SU BSGOMS PA'I GZUGS DANG, TING NGE 'DZIN GYI SGO STONG PHRAG ZAD MI SHES PA'I SNYING PO YOD PAS 'DI NI THOS PA MTHA' YAS PA YONGS SU BSGOMS PA'I GZUNGS DANG, TING NGE 'DZIN GYI SGO STONG PHRAG ZAD MI SHES PA'I SNYING PO CAN YIN NO, ,THOS PA MTHA' YAS PA YONGS SU BSGOMS PA'I GZUNGS DANG, TING NGE 'DZIN GYI SGO STONG PHRAG ZAD MI SHES PA'I SNYING PO CAN DE NI CHOS THAMS CAD LA MNGON PAR 'DU BYED PA MED PA RNAM PAR MI RTOG PA'I YE SHES RO GCIG PA STE, CHOS THAMS CAD LA MNGON PAR 'DU BYED PA MED PAR MI RTOG PA'I YE SHES NI CHOS THAMS CAD LA MNGON PAR 'DU BYED PA MED PA RNAM PAR MI RTOG PA'I YE SHES TE, DER RO GCIG PA STE, DER THA MI DAD PA NI CHOS THAMS CAD LA MNGON PAR 'DU BYED PA RNAM PAR MI RTOG PA'I YE SHES RO GCIG BA ZHI BA'I TING NGE 'DZIN TO, , GANG ZAG LA BDAG MED PA'I RNAM PA ZHES BYA BA RGYA CHER 'BYUNG BA NI GANG ZAG LA BDAG MED PA'I RNAM PA 'BA' ZHIG YID LA BYED PAS SBYOR BA NI GANG ZAG LA BDAG MED PA'I RNAM PA 'BA' ZHIG YID LA BYED PA'I SBYOR BA'O, ,DE LA GOMS PA NI GANG ZAG LA BDAG MED PA'I RNAM PA 'BA' ZHIG YID LA BYED BA'I SBYOR BA LA GOMS PA STE DE LAS SO, ,RGYUD CHOS KYI MTSAN MA LA 'DU SHES PAS ZHES BYA BA NI CHOS RNAMS KYI MTSAN NYID NI CHOS KYI MTSAN MA'O, ,CHOS KYI MTSAN MA LA 'DU SHES PAR BYED PA NI CHOS KYI MTSAN MA LA 'DU SHES PA'O, ,CHOS KYI MTSAN MA LA 'DU SHES PA DES GZIR BA NI PHYOGS LA GNAS PAR BYED PA STE, RGYUD CHOS KYI MTSAN MA LA 'DU SHES PAS GNOD PAR BYAS PA DES SO, ,'DI SKAD DU RGYUD CHOS KYI MTSAN MA LA 'DU SHES PAS GZIR BA NI CHOS THAMS CAD LA MNGON PAR 'DU BYED PA MED PA RNAM PAR MI RTOG PA'I YE SHES KYIS MA KHYAB PA'I PHYIR RO, ,BRTAGS PA'I CHOS KYI RNAM RTOG NI, ,ZHES BYA @273B BA RGYA CHER 'BYUNG BA'I TSIGS SU BCAD PA NI BSHAD PA'I DON YIN NO, ,KHAMS MANG PA BA DANG DGRA BCOM PA'I MNGO LA SOGS PA DAG LAS ZHES BYA BA NI RE ZHIG KHAMS MANG PO PA LAS NI DGE SLONG DAG SGRIB PA LNGA PO SEMS NYE BAR NYON MONGS PAR BYED PA, SHES RAB NYAM CHUNG BAR BYED PA, NYAMS PAR BYED PA'I PHYIR PHYOGS MYA NGAN LAS 'DAS PA MA YIN PA 'GRUB BAR BYED PA GANG YIN PA MA SPANGS PAR DRAN PA NYE BAR GZHAG PA BZHI PO DAG LA SEMS LEGS PAR NYE BAR GZHAG STE GNAS PAR 'GYUR PA 'DI NI GNAS MED CING SKABS MED DE 'DI NI GNAS YOD PA MA YIN NO, ,'DI NI GNAS YOD DE, SGRIB PA LNGA PO GANG DAG YIN PA SPANGS NAS ZHES BYA BA NAS DRAN PA NYE BAR GZHAG PA BZHI PO DAG LA SEMS LEGS PAR NYE BAR BZHAG STE, GNAS BAR 'GYUR BA'I BAR 'DI NI GNAS YOD DO, ,SGRIB PA LNGA PO GANG DAG YIN PA MA SPANGS SHING ZHES BYA BA NAS, DRAN PA NYE BAR GZHAG PA BZHI PO DAG LA SEMS NYE BAR MA BZHAG PAR GNAS SHING BYANG CHUB KYI YAN LAG BDUN SGOM PAR BYED PA'I BAR 'DI NI GNAS MED CING SKABS MED DE, 'DI NI GNAS YOD PA MA YIN NO, ,'DI NI GNAS YOD DE, SGRIB BA LNGA PO GANG DAG YIN PA MA SPANGS SHING ZHES BYA BA NAS, DRAN PA NYE BAR GZHAG PA BZHI PO DAG LA SEMS NYE BAR BZHAG STE GNAS SHING BYANG CHUB KYI YAN LAG BDUN SGOM PAR BYED PA'I BAR 'DI NI GNAS YOD DO, ,SGRIB PA LNGA PO GANG DAG YIN PA YANG MA SPANGS SHING ZHES BYA BA NAS, DRAN PA NYE BAR GZHAG PA BZHI PO DAG LAS SEMS NYE BAR MA BZHAG PAR GNAS SHING BYANG CHUB KYI YAN LAG BDUN YANG MA BSGOMS PAR YANG DAG PA KHO NAR ZAG PA ZAD PA 'THOB PAR 'GYUR BA'I BAR 'DI NI GNAS MED CING SKABS MED DE, 'DI NI GNAS YOD PA MA YIN NO, ,'DI NI GNAS YOD DE, SGRIB PA LNGA PO GANG DAG YIN PA YANG SPANGS SHING ZHES BYA BA NAS, DRAN PA NYE BAR GZHAG PA BZHI PO DE DAG LA YANG SEMS NYE BAR GZHAG STE GNAS SHING BYANG CHUB KYI YAN LAG BDUN YANG BSGOMS NAS YANG DAG PA KHO NAR ZAG PA ZAD PA 'THOB PAR 'GYUR BA'I BAR 'DI NI GNAS YOD DO, ,SGRIB PA LNGA PO GANG DAG YIN PA YANG SPANGS SHING ZHES BYA BA RGYA CHER 'BYUNG BA NAS, DRAN PA NYE BAR GZHAG PA BZHI PO DAG LA YANG SEMS LEGS PAR BZHAG STE @274A *, ,GNAS SHING BYANG CHUB KYI YAN LAG BDUN YANG BSGOMS NAS YANG DAG PA KHO NAR ZAG PA ZAD PAR RANG SANGS RGYAS KYI BYANG CHUB MNGON SUM DU BYED PAR 'GYUR BA'I BAR 'DI NI GNAS YOD DO, ,SGRIB PA LNGA PO GANG DAG YIN PA YANG SPANGS SHING ZHES BYA BA RGYA CHER 'BYUNG BA NAS, DRAN PA NYE BAR GZHAG PA BZHI PO DE DAG LA YANG SEMS NYE BAR GZHAG PAR GNAS SHING BYANG CHUB KYI BAR YAN LAG BDUN YANG BSGOMS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'CHANG RGYA BAR 'GYUR BA 'DI NI GNAS YOD DO ZHES 'BYUNG BA YIN TE, DE LTAR NA SANGS RGYAS RNAMS DANG NYAN THOS RNAMS SU RNAM PAR THAR PA'I THABS MTSUNGS PAR BSTAN PA YIN NO, ,DGRA BCOM PA'I MDO LAS KYANG RGYA CHER GSUNGS NAS, DGE SLONG DAG GZUGS LA YID 'BYUNG BA DANG, 'DOD CHAGS DANG BRAL BA DANG, 'GOG PA DANG, LEN PA MED PAR RNAM PAR THAR PA LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA'O, ,DGE SLONG DAG TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA SKYO BA DANG, 'DOD CHAGS DANG BRAL BA DANG, 'GOG PA DANG, LEN PA MED PAR RNAM PAR THAR PA LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SO ZHES BYA'O, ,DGE SLONG DAG DGE SLONG YANG GZUGS LA SKYO BA DANG, 'DOD CHAGS DANG BRAL BA DANG, 'GOG PA DANG, LEN PA MED PAR RNAM PAR THAR PA LAS DGRA BCOM PA SHES RAB KYIS RNAM PAR GROL BA ZHES BYA'O, ,DGE SLONG DAG ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA SKYO BA DANG, 'DOD CHAGS DANG BRAL BA DANG, 'GOG PA DANG, LEN PA MED PAR RNAM PAR THAR BA LAS DGRA BCOM PA SHES RAB KYIS RNAM PAR GROL BA ZHES BYA'O, ,DE LTAR NA SANGS RGYAS RNAMS DANG, NYAN THOS RNAMS SU RNAM PAR GROL BA'I THABS MTSUNGS PAR BSTAN PA YIN NO,, ,, RNAM PAR BSHAD PA RIGS PA'I BSHAD PA, BAM PO BCU GSUM PA ,SANG RGYAS RNAMS KYI RNAM PAR GROL BA NI KHYAD PAR YOD DE, CI'I PHYIR ZHE NA, NYON MONGS PA'I SGRIB PA LAS NI NYON MONGS PA BAG CHAGS DANG BCAS PA SPANGS PA'I PHYIR RO, ,'DI LTAR SANGS RGYAS BCOM LDAN 'DAS RNAMS KYIS NI @274B NYON MONGS PA BAG CHAGS DANG BCAS PA RNAMS SPANGS PA YIN GYI, DGRA BCOM PA RNAMS KYIS NI MA YIN TE, 'DI LTAR GNAS BRTAN MNGON PAR SHES PA DRUG DANG LDAN PA PI LIN DA BTSAS CHU BO GANG G'A LA DMANGS MO SDOD CIG CES GSUNGS NAS, YANG DMANGS MO BZOD PA GYIS SHIG CES GSUNGS PA YIN NO, ,SHES BYA'I SGRIB PA SPANGS PA LAS KYANG YIN TE, SHES BYA THAMS CAD KYI RNAM PA THAMS CAD MNGON PAR RDZOGS PAR BYANG CHUB PA'I PHYIR RO, ,THABS KYI KHYAD PAR YANG YOD DE, DRAN PA NYE BAR GZHAG PA LA SOGS PA LA KHYAD PAR YOD PA'I PHYIR RO, ,DRAN PA NYE BAR GZHAG PA DANG YANG DAG PAR SPONG BA DANG, RDZU 'PHRUL GYI RKANG BA DANG, DBANG BO DANG, STOBS DANG, BYANG CHUB KYI YAN LAG LA SOGS PA'I KHYAD PAR GYI PHYIR RO, ,SANGS RGYAS RNAMS KYI NI MTSUNGS PA NYID KYANG YOD PA ZHES BYA BA RGYA CHER 'BYUNG BA LA, MTSUNGS PA NYID NI JI LTAR NYAN THOS RNAMS KYI NYON MONGS PA PHRA RGYAS DANG BCAS PA SPANGS PA YIN PA LTAR SANGS RGYAS KYI YANG DE BZHIN NO, ,JI LTAR NYAN THOS RNAMS KYIS SDUG BSNGAL YONGS SU SHES PA DANG, KUN 'BYUNG PA SPANGS PA DANG, 'GOG PA MNGON SUM DU BYAS PA DANG, LAM BSGOMS PA LTAR SANGS RGYAS KYIS KYANG DE BZHIN DU'O ZHES BYA BA DE LTA BU LA SOGS PA NI MTSUNGS PA NYID YIN NO, ,KHYAD PAR DU 'PHAGS PA NYID NI NYON MONGS PA BAG CHAGS DANG BCAS PA SPANGS PA LA SOGS PA'O, ,SKAL PA MNYAM PA NYID DU GSHEGS PAS ZHES BYA BAS NI 'DRA BA NYID DU GSHEGS NAS ZHES BYA BA'I THA TSIG GO, ,JI LTAR RMAD DU BYUNG BA DANG PO'I MDO LAS BYUNG BA LTA BU STE, JI SKAD DU ZHE NA, RGYA CHER GSUNGS NAS, KUN DGA' BO NGAS RGYAL RIGS KYI 'KHOR BRGYA PHRAG DU MA LTA BU'I PHYIR PHYIN PA MNGON PAR SHES TE, DA PHYIN PA NA DE RNAMS KYI CHU ZHENG CI 'DRA BA YIN PA NGA'I CHU ZHENG YANG DE 'DRA BA YIN NO, ,DE RNAMS KYI KHA DOG RGYAS PA CI 'DRA BA YIN PA NGA'I KHA DOG RGYAS PA YANG DE 'DRA BA YIN NO, ,DE RNAMS KYI SGRA 'BYIN PA CI 'DRA BA YIN PA NGA'I SGRA 'BYIN PA YANG DE DANG 'DRA BA YIN NO, ,DE DAG GI DON GANG BRJOD PA NGA YANG DON DE NYID BRJOD DO, ,DE DAG GI DON GANG MI BRJOD PA DE NGA YANG MI BRJOD DO, ,PHYIS DE RNAMS LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS @275A *, ,BSTOD, YANG DAG PAR MGU BAR BYAS NAS MI SNANG BAR BYAS SO, ,NGA MI SNANG BAR GYUR KYANG MI SNANG BAR GYUR PA DE LHA'AM, MI SU YIN SNYAM DU MI SHES SO, ,RGYAL RIGS KYI 'KHOR DU JI LTA BA BZHIN DU BRAM ZE'I 'KHOR DU YANG DE BZHIN DU RGYA CHER SBYAR RO, ,GANG ZAG KUN RDZOB TU YOD KYI RDZAS SU NI MA YIN NO, ,CI'I PHYIR ZHE NA, PHUNG PO RNAMS LA DE'I MING GDAGS PA'I PHYIR RO, ,GZUGS LA SOGS PA PHUNG PO RNAMS LA GANG ZAG CES MING DU GDAGS PA'I PHYIR RO, ,DE GNYIS KYI ZHES BYA BA RGYA CHER 'BYUNG BA NI LAS DANG RNAM PAR SMIN PA DE GNYIS KYI RANG GI MTSAN NYID NI DE'I YUL TE 'JIG RTEN LAS 'DAS PA'I SHES PA'I YUL MA YIN NO, ,'JIG RTEN LAS 'DAS PA'I YE SHES DE'I YUL NI BRJOD DU MED PA'I SPYI'I MTSAN NYID YIN PA'I PHYIR RO, ,DE BZHIN DU YUL YIN PA'I PHYIR RO ZHES BYA BA'I THA TSIG GO, ,MIG DANG RNA BSNA YANG TSAD MA YIN, ,ZHES BYA BA RGYA CHER 'BYUNG BA NI MIG LA SOGS PA'I RNAM PAR SHES PA TSAD MA MA YIN NO ZHES BYA BA'I THA TSIG GO, ,GNAS KYIS GNAS PA BSTAN PA'I PHYIR RO, ,THAMS CAD RANG GI MTSAN NYID DU NI MED PA KHO NA YIN LA ZHES BYA BA NI KUN BRTAGS PA 'BA' ZHIG MA YIN GYI, NGO BO NYID GSUM CHAR YANG RANG GI MTSAN NYID DU MED PA KHO NA YIN NO, ,CHOS THAMS CAD NI NGO BO NYID MED PA ZHES BYA BA LA SOGS PA DE LTA BU'I TSIG RNAMS LA SOGS PA SGRA JI BZHIN PA NYID KYI DON YIN PAR BRJOD PA YIN NO, ,DE DAG LA ZHES BYA BA RGYA CHER 'BYUNG BA NI DE SKAD CES SMRA BA DE DAG LA JI LTAR BSTAN PA'I BRTZAD PA 'DI YANG 'BYUNG BAR 'GYUR RO, JI SKAD BSTAN PA GANG ZHE NA, BCOM LDAN 'DAS KYIS DON DAM PA STONG PA NYID LA LAS KYANG YOD, RNAM PAR SMIN PA YANG YOD LA ZHES BYA BA RGYA CHER BSTAN MA THAG PA'O, ,GZHAN YANG KUN RDZOB CES BYA BA YANG BRJOD PA YIN LA STE NGAG GI RNAM PAR RIG BYED KYI MTSAN NYID YIN LA, DE YANG KUN NAS NYON MONGS PA DANG MTHUN PA NI NYES PAR BSHAD PA YIN TE, SROG GCOD PA DANG, MA BYIN PAR LEN PA DANG, 'DOD PAS LOG BAR G-YEM PA STON PA'I BRJOD PA GANG YIN PA'O, ,RNAM PAR BYANG BA DANG MTHUN PA NI LEGS PAR BSHAD PA YIN NO, ,MI DGE BA'I LAS KYI LAM LAS LDOG PAR STON PA DANG, BSAM GTAN DANG, GZUGS MED PA DANG, RNAM PAR THAR @275B PA DAG STON PA'I BRJOD PA GANG YIN PA'O, ,RNAM PAR BYANG BA DANG MTHUN PA NI BRJOD PA TZAM DU ZAD DE RANG GI MTSAN NYID MED NA JI LTAR NA LEGS PAR BSHAD PA'AM, NYES PAR BSHAD PAR 'GYUR, GZHAN YANG KUN RDZOB KYANG KHA CIG GDON MI ZA BAR DNGOS SU KHAS BLANG BAR BYA BAR 'GYUR RO, ,DE KHAS BLANGS NA NI THAMS CAD MED PA YANG MA YIN NO, ,YANG NA DE YANG MED NA NI JI LTAR KUN RDZOB TU YOD PA NYID DU GSUNGS PA YIN, GZHAN YANG DE SKAD DU SMRA BA DE DAG KUN NAS NYON MONGS PA DANG, RNAM PAR BYANG BA THAMS CAD LA SKUR PA BTAB BAS GNAS DANG GNAS MA YIN PA GNYIS TE SRID PA DANG MI SRID PA GNYIS LA MI GNAS PA'I PHYIR TE, 'DI LTAR DE NYID LA MI GNAS PAS DE'I PHYIR BRJOD DU MED PAR 'GYUR RO, ,SMRAR MED PAR 'GYUR RO, ,RANG GIS RANG SMRA PA BKAG PA'I PHYIR 'DI LTAR RANG GIS RANG SMRA BA STE MED PAR SMRA BA 'GOG PAR BYED DO, ,JI LTA ZHE NA, GANG NGED KYIS MED DO ZHES SMRA BA 'DI YANG MED DO ZHES ZER RO, , DE'I PHYIR YANG BRJOD DU MED PAR 'GYUR RO, ,MING GIS KYANG NI MING NYID STONG, ,MING LA MING NI YOD MA YIN, ,CHOS RNAMS THAMS CAD MING MED CING, ,MING GIS YONGS SU BRJOD PA YIN, ,BYIS PA RNAMS KYIS KUN DU BRTAGS PA BZHIN DU BRJOD PAS SEMS DANG, RNAM PAR SHES PA DANG, DMIGS PA DANG, TSOR BA MED PA ZHES BYA BA DE LTA BU LA SOGS PA RJOD PAR BYED PA YIN NO, ,DE NI STON PAS BTAGS PA'I TSIG CES BYA BA NI STON PAS GSUNGS PA'I TSIG YIN NO ZHES BYA BA'I THA TSIG GO, ,DE NI KUN DU RTOG PA LAS BYUNG BA THA SNYAD DU BRJOD PA YIN LA ZHES BYA BA NI KUN DU RTOG PA LAS SKYES PA THA SNYAD DU BRJOD PA YIN NO ZHES BYA BA'I THA TSIG GO, ,KUN DU RTOG PA SNA TSOGS ZHES BYA BA LAS KUN DU RTOG PA SNA TSOGS KYI THA SNYAD DU BRJOD PA NI KUN DU RTOG PA SNA TSOGS KYI THA SNYAD DU BRJOD PA'O, ,DE GTAN NI GTAN DU ZHES BYA BA'I THA TSIG STE, YONGS SU MA GRUB PA NI KUN DU RTOG PA SNA TSOGS KYI THA SNYAD DU BRJOD PA GTAN YONGS SU MA GRUB PA'O, KUN DU RTOG PA SNA TSOGS KYI THA SNYAD DU BRJOD PA GTAN YONGS SU MA GRUB PA DES YONGS SU MA GRUB PA'I PHYIR RO, ,'DUS BYAS JI LTA BA BZHIN DU 'DUS MA BYAS KYANG DE BZHIN NO ZHES DE BZHIN DU SBYAR RO, ,JI LTA ZHE NA, RIGS KYI BU 'DUS MA BYAS ZHAS BYA BA DE NI STON PAS BTAGS @276A *, ,PA'I TSIG YIN TE, STON PAS BTAGS PA'I TSIG GANG YIN BA DE NI KUN DU RTOG PA LAS BYUNG BA THA SNYAD DU BRJOD PA YIN LA, KUN DU RTOG PA LAS BYUNG BA THA SNYAD DU BRJOD PA GANG YIN PA DE NI KUN DU RTOG PA SNA TSOGS KYI THA SNYAD DU BRJOD PA GTAN YONGS SU MA GRUB PA'I PHYIR 'DUS MA BYAS MA YIN NO, ,DE YANG DE DANG 'DRA BA NYID DU 'GYUR TE, 'DUS BYAS DANG 'DUS MA BYAS RGYA CHER GSUNGS PA CI 'DRA BAR RO, ,SBYAR BA YIN NO ZHES BYA BA NI DON GCIG PA NYID DU BSTAN PA YIN NO ZHES BYA BA'I THA TSIG GO, ,TSIGS SU BCAD PA DE NI, CHOS RNAMS NGO BO NYID MED CHOS RNAMS MA SKYES DANG, ,ZHES BYA BA DE LTA BU LA SOGS PA'O, ,BRAM ZE'I KHYE'U BLA MA NAS BZUNG STE YONGS SU MYA NGAN LAS 'DAS PA CHEN PO'I BAR DU SPRUL PA TZAM ZHIG YIN PAR BSTAN PA JI LTAR BYAS PAS SHE NA, BCOM LDAN 'DAS 'OD SRUNGS KYI DRUNG NA BRAM ZE'I KHYE'U BLA MA TSANGS PAR SPYOD PA LA GNAS PA SPRUL PA YIN PAR BSTAN TO, ,DE NAS DGA' LDAN DU LHA'I BU TOG DKAR POR SKYE BA YIN PAR BSTAN TO, ,DER YANG LHA'I RIGS DRUG PO DAG LA BKA' STZAL NAS 'DIR BYON TE, ZAS GTZANG MA'I SRAS BYANG CHUB SEMS DPA' DON THAMS CAD GRUB PA YIN PAR BSTAN TO, ,BLTAMS PA DANG, SKYO BA DANG, KHAB NAS NGES PAR 'BYUNG NAS GZHAN MU STEGS CAN RNAMS LAS BYANG CHUB KYI LAM TSOL BA LA ZHUGS PA YIN PAR BSTAN TO, ,RIM GYIS MNGON PAR RDZOGS PAR 'TSANG RGYA ZHING MNGON PAR RDZOGS PAR SANGS RGYAS PA YIN PAR BSTAN TO, ,DE NAS B'A R'A nA S'IR THOG MA KHO NAR STEN LNGA DAG LA CHOS KYI 'KHOR LO BSKOR BA YIN PAR BSTAN TO, ,DE NAS RIM GYIS YONGS SU MYA NGAN LAS 'DAS PA CHEN PO'I BAR DU SPRUL PA TZAM ZHIG YIN PAR BSTAN TO, ,DAD PA LA SOGS PA'I KHYAD PAR SKYES PA'I PHYIR TE, STZOGS PA'I SGRAS NI LDANG BA DANG PHYAG 'TSAL BA LA SOGS PA'I KHYAD PAR SKYES PA'I PHYIR RO, ,SANGS RGYAS KYI DBANG BSKUR BA THOB PA ZHES BYA BA NI SANGS RGYAS RNAMS KYI DBANG BSKUR BA GANG YIN PA DE 'DIS THOB BO ZHES BYA BA'I THA TSIG STE, RGYAL PO'I DBANG BSKUR THOB PA DANG 'DRA'O, ,GZHAL YAS ZHES BYA BA RGYA CHER 'BYUNG BA LA, GZHAL YAS NI BGRANG BA MCHOG TU BYUNG BAS SO, ,GRANGS MED PA NI YON TAN MANG BA NYID KYIS SO, ,BSAM YAS NI YON @276B TAN PA LA CHE PA'I PHYIR RO, ,BSTAN DU MED PA NI GZHAL DU MED PA NYID KYIS SO, ,GANG GI PHYIR KHYOD DE LTA BU'I YON TAN DANG LDAN PAS NA, KHYOD NI NYID KYIS RANG NYID KYI, ,NYID NI MKHYEN PA KHO NAR 'OS SO, ,CI ZHIG TU 'GYUR TE ZHES BYA BA NI YON TAN CI ZHIG YOD DO ZHES BYA BA'I THA TSIG GO, ,THAMS CAD MKHYEN PA'I YE SHES ZHES BYA BA RGYA CHER 'BYUNG BA NI GANG LA THAMS CAD MKHYEN PA'I YE SHES DANG NYE BAR 'GYUR BA DANG, NYON MONGS PA BAG CHAGS DANG BCAS PA SPANGS PA DANG NYE BAR GYUR PA YOD PA DE NI THAMS CAD MKHYEN PA'I YE SHES DANG NYON MONGS PA BAG CHAGS DANG BCAS PA SPANGS PA DANG NYE BAR GYUR PA YIN NO, ,THOS PA DANG TING NGE 'DZIN GYI SNYOMS PAR 'JUG PA MTHA' YAS PA'I DBANG THOB PA ZHES BYA BA NI TING NGE 'DZIN LA SNYOMS PAR 'JUG PAR BYED PA NI TING NGE 'DZIN GYI SNYOMS PAR 'JUG PA STE, THOS PA'I DBANG MTHA' YAS PA THOB PA DANG, TING NGE 'DZIN GYI SNYOMS PAR 'JUG PA'I DBANG MTHA' YAS PA THOB PA'O, ,BGRES PA'I RGYUS ZHES BYA BA NI BGRES PAR GYUR PA ZHES BYA BA'I THA TSIG GO, ,DBANG PO RNAMS YONGS SU SMIN PA NI DBANG PO RNAMS YONGS SU SMIN PA STE, YUL GSAL BAR DMIGS PA'I RGYU NYID YIN NO, ,GZHAN DAG GIS ZHES BYA BA NI GZHAN DAG GIS RGA BA DANG, NA BA DANG, 'CHI BA'I CHOS NYID MI MKHYEN PAR GYUR PA ZHES BYA BA'I THA TSIG GO, ,BDAG NYID DUB BAR GNAS PA LA RJES SU SBYOR BA'I MTHA' NI DU BA PA NYID DU BA BAR GNAS PA STE, KHA ZAS MI ZA BA LA SOGS PAS BDAG NYID DU BA PA'O, ,BDAG NYID DU BA PAR GNAS PA DE LA BRTEN PA NI BDAG NYID DU BA PAR GNAS PA LA RJES SU SBYOR BA'I MTHA' STE DE LA'O, ,BSKAL PA MI NYUNG BAR ZHES BYA BA RGYA CHER 'BYUNG BA NI 'DI LA BSKAL PA MI NYUNG BAR BSOD NAMS DANG YE SNES KYI TSOGS BSKYED PAS SKU YANG DAG PAR GRUB PA YOD PAS 'DI NI BSKAL PA MI NYUNG BAR BSOD NAMS DANG YE SHES KYI TSOGS BSKYED PAS SKU YANG DAG PAR GRUB PA'O, ,DRAN BA DANG BLO GROS CHEN PO'I STOBS BSKYED PA THOB PA NI DRAN PA DANG, BLO GROS CHEN PO'I STOBS BSKYED PA THOB PA DANG ZHES BYA BA'I THA TSIG GO, ,BSAM GTAN DANG GZUGS MED PA'I SNYOMS PAR 'JUG PA BSKYED PA NAS, CI YANG MED PA'I SKYE MCHED KYI 'DOD CHAGS DANG BRAL TE SRID PA'I RTZE MO'I BAR THOB PA @277A *, ,YONGS SU NYAMS SO ZHES BYA BA'I THA TSIGS GO, ,DKA' BA SPYAD PAS DAG PAR THUGS SU CHUD PA'I PHYIR DE'I 'DOD PA NA SPYOD PA'I TSUL KHRIMS DANG BRTUL ZHUGS MCHOG TU 'DZIN PA LA LTA BAR 'GYUR RO, ,'DOD PA'I KHAMS NAS 'DOD CHAGS DANG BRAL BA DAG NI DKA' BA SPYAD PAS DAG PAR MI RTOGS TE, DE'I SA PA'I NYE BAR LEN PA'I PHUNG PO LNGA PO DAG LA DAG PAR 'DZIN PA'I PHYIR TSUL KHRIMS DANG BRTUL ZHUGS MCHOG TU 'DZIN PA'I LTA BA DE NI DE RNAMS LA KUN DU 'BYUNG BA'O, ,'GYUR BA NI 'GYUR BA'I NGANG TSUL LO, ,MI STON KYANG ZHES BYA BA NI GSAL BAR MI MDZAD KYANG NGO, ,LAS KYI RGYU BA NI LAS KYI RNAM PA'O, ,GDUL BA DANG SKAL BA MNYAM PA'I SPRUL PA RNAMS KYI NI GDUL BA RNAMS DANG SKAL BA MNYAM PA'I SPRUL PA RNAMS KYI ZHES BYA BAR SBYAR RO, ,DE DANG SKAL BA MNYAM PA'I RIGS LA SOGS PA DAM BCAS PA ZHES BYA BA NI GDUL BA RNAMS DANG SKAL BA MNYAM PA'I RIGS LA SOGS PA NI DE DANG SKAL BA MNYAM PA'I RIGS LA SOGS PA STE, DE DAM BCAS PA NI DE DANG SKAL BA MNYAM PA'I RIGS LA SOGS PA DAM BCAS PA'O, ,GZHAN DU NA 'CHAR KA DANG, CI ZHIG GSUNG BA'I MDO LA SOGS PA DE DAG DANG 'GAL BAR 'GYUR RO, ,RE ZHIG 'CHAR KA'I MDO LAS NI RGYA CHER GSUNGS NAS SKYES BU BLUN PO LONGS BA MIG MED PA KHYOD KYANG DGE SLONG SH'A RI'I BU DANG LHAN CIG CHOS MNGON PA DANG 'DUL BA MNGON PAR BRJOD PAR SEMS SAM ZHES TSIG RTZUB PO GSUNGS PA YIN NO, ,CI ZHIG GSUNGS PA'I MDO LAS KYANG PHAL CHER MDZA' BO DANG DBYE BAR 'GYUR BA'I TSIG GSUNGS TE, 'DI LTAR MDO DE NYID LAS, SNGON GCER BU PA DGE BSNYEN GYI SKYE BO LAG NA REL GRI THOGS PA DES 'DI SKAD CES SMRAS SO, ,BTZUN PA DPER NA SKYES BU DAR BA DON DU GNYER BA, DAR BA TSOL BA ZHIG RTA DMU RGOD GSO BAR BGYID KYANG DER DAR BA DE YANG MI 'THOB PA, SLAD KYIS PHONGS PA CHEN PO'I SKAL BA CAN DU 'GYUR BA DE BZHIN DU, BTZUN PA DAR BA DON DU GNYER BA, DAR BA TSOR BA BDAG GIS GCER BU BYIS PA, RMONGS PA, MI GSAL BA, MI MKHAS PA LA DON MA MCHIS PAR DANG, DON MA MCHIS PAR BSNYEN BKUR BGYIS PA LAS BDAG GIS DAR BA DE YANG MA THOB LA, SLAD KYIS PHONGS PA CHEN PO'I SKAL BA CAN DU GYUR TO ZHES 'BYUNG BA @277B YIN NO, ,DE BZHIN DU MDO SDE GZHAN LAS KYANG TSIG RTZUB PHO LA SOGS PA BSHAD DO, 'DI LTA STE, RGYA CHER GSUNGS NAS, SH'A RI'I BU DANG MDO GAL GYI BU DES PA GNYIS LA YANG NGA RE ZHIG DGE SLONG GI DGE 'DUN MI GTONG NA RO MCHIL MA MID PA KHYOD LA LTA MOS KYANG CI DGOS ZHES BYA BA DE LTA BU LA SOGS PA 'BYUNG BA YIN NO, ,THABS LA MKHAS PA'I MDO SDE DANG, 'JIG RTEN LAS 'DAS PA'I LE'U LA SOGS PA DAG LAS JI LTAR 'OS PAR NGES PAR GZUNG BAR BYA STE, DE'I DGOS PA NI NGED KYIS GZHUNG MNGAS KYIS DOGS PAS MA BRIS SO, ,CI'O THUG DANG KHVAR 'DRA BA NYID YIN NAM ZHES BYA BA NI CI DKAR PO'I PHYOGS DANG, NAG PO'I PHYOGS SU 'DRA BA NYID YIN NAM ZHES BYA BAR DGONGS PA YIN NO, ,MCHOD SBYIN CAN GYI SDUG BSNGAL GYIS 'CHI BAR BYED PA'AM, BSAD PAS ZHES BYA BA RGYA CHER 'BYUNG BA NI MCHOD SBYIN YOD PA NI MCHOD SBYIN CAN TE DES SO, ,MCHOD SBYIN CAN GYI SDUG BSNGAL GYIS 'CHI BAR BYED PA ZHES BYA NI SDUG BSNGAL GYIS 'CHI BAR BYED PA ZHES BYA BA'I THA TSIG GO, ,MTHO RIS SAM THAR PA 'THOB PO SNYAM PA NI GTI MUG YIN NO, ,LAS DANG 'BRAS BU PHYIN CI LOG PA LAS MNGON PAR ZHEN PA'I PHYIR RO, ,'DI LTAR LAS DANG 'BRAS BU PHYIN CI LOG PA LA MNGON PAR ZHEN PAR BYED DE, DE LTAR NA RE ZHIG DES GSOD PAR BYED PA DE RNAMS KYI GTI MUG YIN NO, ,BDAG LAS 'DIS MA THO RIS SU 'GRO BAR 'GYUR RO SNYAM PA NI GTI MUG DANG CHAGS PA YIN NO, ,DGE BA'AM LUNG DU MA BSTAN PA'I SEMS KYI GNAS SKABS BYAS TE ZHES BYA BA NI DGE BA'I SEMS KYI GNAS SKABS BYAS TE'AM, LUNG DU MA BSTAN PA'I SEMS KYI GNAS SKABS BYAS TE ZHES BYA BA'I THA TSIG GO, ,MA CHAGS PA LA SOGS PA DANG MTSUNGS PAR LDAN PA YIN NO ZHES BYA BA NI MA CHAGS PA DANG ZHE SDANG MED PA DANG, GTI MUG MED PA DANG MTSUNGS PAR LDAN PA YIN NO ZHES BYA BA'I THA TSIG GO, ,JI SKAD GSUNGS PA'I MDO SDE YANG 'CHAR KA'I MDO LA SOGS PA'O, ,DER NGES PAR MYONG BAR 'GYUR BA'I LAS BYED PA LA MNGON DU PHYOGS PA'I LUS PAS ZHES BYA BA NI SEMS CAN DMYAL BA DER NGES PAR MYONG BAR 'GYUR BA'I LAS DE BYED PA LA MNGON DU PHYOGS PA NI DER NGES PAR MYONG BAR 'GYUR BA'I LAS BYED PA LA MNGON DU PHYOGS PA'O, ,DE LTA BAS NA NGES PAR MYONG BAR 'GYUR BA'I @278A *, ,LAS BYED PA LA MNGON DU PHYOGS BA DE BAS SO, ,GANG ZHE NA LUS SO, ,SBYOR BA DE NI SKYON CAN NA MTSON 'DEBS PAR BYED CES BYA BA NI MTSON KYANG 'CHI BA'I PHYIR MGRIN PAR 'DEBS PAR BYED DO, ,DGE SLONG GIS DGE SLONG GSOD CES BYA BA NI DGE SLONG GIS DGE SLONG GSOD PAR BYED CES BYA BA'I THA TSIG GO, ,BYANG CHUB SEMS DPA' RNAMS NI RGYA CHEN PO LA MOS PA YIN PAS BYANG CHUB SEMS DPA' DE RNAMS LA SGRUL PA SH'AKYA THUB PA SANGS RGYAS KYI SPRUL PA YIN NO ZHES DE LTAR BSTAN PAR BYA BA YIN NO, ,CI'I PHYIR ZHE NA, SANGS RGYAS KYI NGO BO NYID DANG, MTHU'I BDAG NYID CHEN PO'I KHYAD BAR BSTAN PA'I PHYIR TE, SANGS RGYAS KYI NGO BO NYID KYI BDAG NYID CHEN PO'I KHYAD PAR BSTAN PA'I PHYIR DANG, MTHU'I BDAG NYID CHEN PO'I KHYAD PAR BSTAN PA'I PHYIR RO, ,DE BZHIN GSHEGS PA SKYE BA BSTAN PA'I MDO SDE BZHIN DU ZHES BYA BA NI JI LTAR DE BZHIN GSHEGS PA SKYE BA BSTAN PA'I MDO DE LAS SANGS RGYAS KYI NGO BO NYID DANG, MTHU'I BDAG NYID CHEN PO'I KHYAD PAR BSTAN PA LTA BU'O, ,GZHAN DU NA NI ZHES BYA BA RGYA CHER 'BYUNG BA NI GZHAN DU NA DE LTAR MA BSTAN NA NI DE RNAMS DE LTAR SEMS MNGON PAR 'DU BYED PAR MI 'GYUR TE, BDAG CAG KYANG SANGS RGYAS RNAMS KYI NGO BO NYID DANG, MTHU'I BDAG NYID CHEN PO'I KHYAD PAR DANG LDAN PAR GYUR CIG SNYAM DU DE LTAR SEMS BSKYED PAR MI 'GYUR RO ZHES BYA BA'I THA TSIG GO ,MI RIGS PAR 'GYUR BA JI SKAD DU BSTAN PA NI BYANG CHUB SEMS DPA' THAMS CAD MKHYEN PA'I YE SHES DANG, NYON MONGS PA BAG CHAGS DANG BCAS PA SPANGS PA DANG NYE BAR GYUR PA'I ZHES BYA BA DE LTA BU LA SOGS PA STE, GAL TE 'DI THAMS CAD SPRUL PA YIN NO ZHES MA BSTAN NA BYANG CHUB SEMS DPA' THE TSOM THAMS CAD GCOD PA DE DAG GIS JI LTAR LEN 'DEBS PAR 'GYUR, NYAN THOS GANG DAG DE LTA BU LA MOS PA'I SKAL BA CAN DE DAG NI DE NYID LAS TE, THEG PA CHEN PO LAS THOS PAR 'GYUR RO, ,GANG DAG SKAL BA MED PA DE RNAMS LA NI BSTAN PA SKYON DU 'GYUR RO, RNAM PAR BSHAD PA RIGS PA'I BSHAD PA LAS LE 'UR BCAD PA BZHI PA'I BSHAD PA RDZOGS SO,, ,,DGOS PA LA SOGS PA'I RIM PAS NI DGOS PA DANG, BSDUS PA'I DON DANG, TSIG GI DON DANG, MTSAMS SBYAR BA DANG, BRGAL @278B BA DANG, LAN TE RIM PA DE LTA BUS SO, ,RMUGS PA DANG GNYID DANG, LOG PA'I RNAM PAR RTOG PA RNAMS KYIS SEMS ZHUM PA DANG, RNAM PAR G-YENGS BA RNAMS LA ZHES BYA BA NI RMUGS PA DANG, GNYID KYIS SEMS ZHUM PA RNAMS LA RNAM PA GSUM DAG GIS GUS PAR MNYAN PA DANG LDAN PA BSHAD PAR BYA'O, ,YA MTSAN ZHES BYA BA RGYA CHER 'BYUNG BA NI YA MTSAN GYI GTAM NYE BAR SGRUB PA NYID DANG, RAB TU DGA' BA'I GTAM NYE BAR SGRUB PA NYID DANG, SKYO BA'I GTAM NYE BAR SGRUB PA NYID KYIS SO, ,YA MTSAN DANG, RAB TU DGA' BA DANG, SKYO BA'I GTAM NYE BAR SGRUB PA DANG RNAM PA GSUM DAG GIS GUS PAR MNYAN PA DANG LDAN PA BSHAD PAR BYA'O, ,CI'I PHYIR ZHE NA, GNYID DANG RMUGS PA DANG LDAN PA RNAMS LA YA MTSAN SKYED PA'AM, RAB TU DGA' BAR BYA BA'AM, SKYO BA'I GTAM BYAS TE, GSAL BAR BYA BA'I PHYIR RO ZHES 'OG NAS STON PA'I PHYIR RO, ,LOG PA'I RNAM PAR RTOG PA RNAMS KYIS SEMS RNAM PAR G-YENGS PA RNAMS LA SKYO BA'I GTAM NYE BAR BSGRUB PA NYID KYIS BSHAD PAR BYA'O, ,CI'I PHYIR ZHE NA, SEMS G-YENGS PA RNAMS LA SKYO BA'I GTAM BYA STE, SKYO BA RNAMS SEMS RTZE GCIG PA NYID DU BYA BA'I PHYIR RO ZHES 'OG NAS 'BYUNG BA'I PHYIR RO, ,'DI YANG DAG PAR 'DZUD PA NI YANG DAG PAR 'DZIN DU GZHUG PA YIN PAR RIG PAR BYA'O, ,SDUD PAR BYED PA'AM 'JIG RTEN PA'I DON GZHAN MA YIN PAR RIG PAR BYA'O, ,'DIS ZHES BYA BA NI MDO SDE'I DUM BU 'DIS DE BZHIN GSHEGS PA'I DBYANGS KYI YON TAN LNGA PO YONGS SU BSTAN TO, ,RAB TU BSTAN TO, ,RGYA CHE BA NYID NI 'BRUG SGRA LTAR ZAB PA ZHES BYA BA 'DIS SO, , SNYAN PA NYID NI SNYAN CING 'JEBS LA RNAR SNYAN PA ZHES BYA BA 'DIS SO, ,RIGS PA'I DON DANG LDAN PA NYID NI YID DU 'ONG ZHING DGA' BAR BYED PA ZHES BYA BA 'DIS SO, ,GZUNG SLAB NYID NI RNAM PAR GSAL ZHING RNAM PAR RIG PAR BYA ZHES BYA BA 'DIS SO, ,SNA TSOGS CI 'DOD PA NYID NI MNYAN PAR 'OS SHING MI MTHUN PA MED PA ZHES BYA BA 'DIS SO, ,CI 'DOD PA NYID NI MANG BA NYID DO, ,JI LTAR NA GO RIMS BZHIN DU 'GYUR ZHE NA, RGYA CHE BA NYID NI MNYAN PA'I YAN LAG TU 'GYUR BA NAS, SNA TSOGS CI 'DOD PA NYID NI YONGS SU SMIN PAR BYED PA'I YAN LAG TU 'GYUR BA'I BAR DU'O, ,DUS SU GTAM BYA BA DANG, @279A *, ,GUS PA DANG GO RIMS DANG ZHES BYA BA LA SOGS PA NI JI SKAD BSTAN PA YIN NO, ,SRI ZHU DANG ZHES BYA BA DE LTA BU LA SOGS PA NI JI SKAD BSTAN PA YIN NO, ,YANG DAG PAR 'DZIN DU GZHUG PA 'DI GANG LA YANG DAG PAR 'DZIN DU BCUG CE NA, TSIG BDUN DAG GIS TE, GANG DAG GIS SHE NA, MA CHAGS PA'I SEMS ZHES BYA BA NAS BRTZAMS NAS, RGYUD GCIG TU GYUR PA'I SEMS ZHES BYA BA'I TSIG BDUN PO 'DI DAG GIS NI SGRIB PA LNGA PO YONGS SU SPONG BA LA STE, SGRIB PA LNGA NI 'DOD PA LA BDUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM STE SGRIB PA LNGA PO SPONG BA 'DI LA YANG DAG PAR 'DZIN DU BCUG PA YIN NO, ,RMUGS PA DANG, GNYID DANG, RGOD PA DANG, 'GYOD PA RNAM PA GNYIS SU BYAS TE'O, ,DE LTAR NA SGRIB PA LNGA PO 'DI DAG KYANG TSIG BDUN DAG TU 'GYUR RO, ,DE LA MA CHAGS PA'I SEMS ZHES BYA BA'I TSIG 'DIS NI 'DOD PA LA 'DUN PA'I SGRIB PA YONGS SU SPONG BA LA YANG DAG PAR 'DZIN DU 'JUG PA NAS, RGYUD GCIG TU GYUR PA'I SEMS ZHES BYA BA 'DIS NI THE TSOM GYI SGRIB PA YONGS SU SPONG BA LA YANG DAG PAR 'DZIN DU 'JUG PA'I BAR YIN NO, ,TSIG BZHI DAG GIS TE, DGE BA'I SEMS DANG, BYE BRAG PHYED PA'I SEMS DANG, GUS PA'I SEMS DANG, MOS PA'I SEMS ZHES BYA BA 'DI RNAM KYIS SO, ,BCOM LDAN 'DAS KYIS KHYI LTA BU'I GANG ZAG BZHI BSTAN PA GANG YIN PA DAG STE, BZHI GANG DAG CE NA, KHYI BZHI RGYA CHER GSUNGS NAS DE BZHIN DU 'PHAGS PA'I CHOS 'DUL BA LA YANG RNGON PA'I KHYI LTA BU'I GANG ZAG BZHI PO 'DI DAG YOD CING BDOG PA YIN NO, ,BZHI GANG DAG CE NA, RNGON PA'I KHYI DUS MA YIN PAR RTUG PA LTA BU'I GANG ZAG DANG, RNGON PA'I KHYI SE GOL LA LTA BA LTA BU'I GANG ZAG DANG, RNGON PA'I KHYI 'KHOR BA LTA BU'I GANG ZAG DANG, RNGON PA'I KHYI DAM DU 'DZIN PA LTA BU'I GANG ZAG GO, ,RNGON PA'I KHYI DUS MA YIN PAR RTUG PA LTA BU'I GANG ZAG GANG ZHE NA, DGE SLONG DAG 'DI NA DGE SLONG GI MDUN DU GANG ZAG CHOS MNYAN PA'I PHYIR 'DUG LA, DGE SLONG GIS DE LA CHOS THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, @279B YONGS SU RDZOGS PA, YONGS SU DAG PA, YONGS SU BYANG BA, TSANGS PAR SPYOD PA YANG DAG PAR RAB TU BSTAN PA STON PA, DE NI DE'I TSE 'DOD PA'I RNAM PAR RTOG PA LA RTOG PAR BYED, GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA LA RNAM PAR RTOG PAR BYED PAS DE GANG GI DON DU DGE SLONG GI MDUN DU 'DUG PA'I DON DE MI 'THOB STE, DPER NA RNGON PA'I KHYI DUS MA YIN PAR RTUG PA NI GANG GI TSE RNGON PAS PHAG GAM RI DAGS LA BTANG BA NA, DE DE'I TSE BSHAD PAR BYED, GCI BAR BYED PA LTA BU STE, NGA GANG ZAG DE LA DE DANG 'DRA BAR SMRA'O, ,'DI NI RNGON PA'I KHYI DUS MA YIN PAR RTUG PA'I GANG ZAG LTA BU ZHES BYA'O, ,RNGON PA'I KHYI SE GOL LA LTA BA LTA BU'I GANG ZAG GANG ZHE NA, DGE SLONG DAG 'DI NA DGE SLONG GI MDUN DU GANG ZAG CHOS MNYAN PA'I PHYIR 'DUG LA, DGE SLONG GIS DE LA CHOS THOG MAR DGE BA NAM, DE NI DE'I TSE GANG ZAG CHOS SMRA BA'I GDONG DU LTA BA DANG, SE GOL LA LTA BAR BYED PAS DE GANG GI DON DU DGE SLONG GI MDUN DU 'DUG PA'I DON DE MI THOB STE, DPER NA RNGON PA'I KHYI SE GOL LA LTA BA DE GANG GI TSE RNGON PAS PHAG GAM RI DAGS LA BTANG NA, DE DE'I TSE RNGON PA'I GDONG DU LTA BA DANG, SE GOL LA LTA BAR BYED DE, DE GANG GI DON DU RNGON PAS PHAG GAM, RI DVAGS LA BTANG BA'I DON DE DAG MI THOB PA RANG 'DRA BAR, NGA GANG ZAG DE LA DE DANG 'DRA BAR SMRA'O, ,'DI NI RNGON PA'I KHYI SE GOL LA LTA BA LTA BU'I GANG ZAG CES BYA'O, ,RNGON PA'I KHYI 'KHOR BA LTA BU'I GANG ZAG GANG ZHE NA, DGE SLONG DAG 'DI NA DGE SLONG GI MDUN DU GANG ZAG CHOS MNYAN PA'I PHYIR 'DUG LA, DGE SLONG GIS DE LA CHOS THOG MAR DGE BA NAS, DES CHOS DE DAM DU MI 'DZIN, BRTAN PAR MI 'DZIN, LEGS PAR GZUNG BAR MI 'DZIN, BZUNG BA YANG CHUD ZA BAR BYED PAS DE GANG GI DON DU DGE SLONG GI MDUN DU 'DUG PA'I DON DE DES MA THOB STE, DPER NA RNGON PA'I KHYI 'KHOR BA DE NI GANG GI TSE RNGON PAS PHAG GAM RI DGAS LA BTANG BA NA, DE DE'I TSE PHAG GAM RI DVAGS KYI NYE 'KHOR NA 'KHOR ZHING DAM DU MI 'DZIN, BRTAN POR MI 'DZIN, LEGS PAR GZUNG BAR MI 'DZIN, BZUNG BA YANG GTONG BAR BYED PA DANG 'DRA BAR NGA GANG ZAG DE LA DE DANG 'DRA BAR SMA'O, ,'DI NI RNGEN PA'I KHYI 'KHOR BA @280A *, ,LTA BU'I GANG ZAG CES BYA'O, ,RNGON PA'I KHYI DAM DU 'DZIN PA LTA BU'I GANG ZAG GANG ZHE NA, DGE SLONG DAG 'DI NA DGE SLONG GI MDUN DU GANG ZAG CHOS MNYAN PA'I PHYIR 'DUG LA, DGE SLONG GIS DE LA CHOS THOG MAR DGE BA NAS TSANGS PAR SPYOD PA RAB TU BSTAN PA'I BAR DU STON NA, DE CHOS DE DAM DU 'DZIN, BRTAN POR 'DZIN, LEGS PAR GZUNG BAR 'DZIN, BZUNG BA YANG CHUD MI ZA BAR BYED PAS DES GANG GI DON DU DGE SLONG GI MDUN DU 'DUG PA'I DON DE THOB STE, DPER NA RNGON PA'I KHYI DAM DU 'DZIN PA NI GANG GI TSE MNGON PAS PHAG GAM RI DGAS LA BTANG BA NA DES DE'I TSE PHAG GAM RI DGAS KYI NYE 'KHOR BSKOR NAS DAM DU 'DZIN, BRTAN POR 'DZIN, LEGS PAR GZUNG BAR 'DZIN, BZUNG BA DANG MI GTONG BA DANG 'DRA BAR NGA GANG ZAG DE LA DE DANG 'DRA BAR SMRA'O, ,'DI NI RNGON PA'I KHYI DAM DU 'DZIN PA LTA BU'I GANG ZAG CES BYA'O, ,GSUM NI NAG PO'I PHYOGS DANG MTHUN PA NI SNGA MA RNAMS SO, ,GCIG NI DKAR PO'I PHYOGS DANG MTHUN PA STE THA MA'O, ,GO RIMS BZHIN DU DE LTA BU NYID YONGS SU SPANGS PA LA YANG DAG PAR 'DZIN DU BCUG PA YIN LA, DE LTA BU NYID LA YANG DAG PAR 'DZIN DU BCUG PA YIN NO, ,TSIG LHAG MA ZHES BYA BA RGYA CHER 'BYUNG BA NI TSIG LHAG MA BCU DRUG PO GANG DAG LA ZHES BYA BA NI LEGS PAR RNAM PAR GNAS PA'I SEMS DANG ZHES BYA BA NAS BRTZAMS TE, YID LA BYED PA DRAG PO'I SEMS ZHES BYA BA'I BAR TSIG BCU DRUG PO 'DI DAG GIS RNAM PA BCU DRUG PO DAG LA YANG DAG PAR 'DZIN DU 'JUG PA YIN NO, ,BCU DRUG PO GANG DAG LA ZHE NA, DON RGYAS PA LAS 'PHAGS PA SH'A RI'I BUS RNAM PA BCU DRUG PO GANG DAG GIS CHOS MNYAN PAR BYA BAR GSUNGS PA DUS SU CHOS MNYAN PAR BYA BAR BA DANG, GUS PA DANG, NYAN PAR GUS PA DANG, MA RANGS PA MED PA DANG, BSGO BA BZHIN BYED PA DANG, KLAN KA MI TSOL BA DANG, CHOS LA GUS PA NYE BAR GZHAG PA DANG, GANG ZAG CHOS SMRA BA LA GUS PA NYE BAR GZHAG PA DANG, CHOS LA BRNYAS PA MED PA NYID DANG, GANG ZAG CHOS SMRA BA LA BRNYAS PA MED PA NYID DANG, BDAG NYID LA BRNYAS PA MED PA NYID DANG, KUN DU SHES PAR BYA BA'I SEMS DANG, SEMS RTZE GCIG TU BYA BA NYID DANG, RNA BLAGS PA DANG, SEMS KUN DU @280B BTUD PA DANG, SEMS THAMS CAD KYIS BSAMS NAS CHOS MNYAN PAR BYA BA YIN NO, ,JI LTAR NA CHOS MNYAN PA RNAM PA BCU DRUG LA YANG DAG PAR 'DZIN DU BCUG PA YIN ZHE NA, DE LA CHOS MNYAN PA DANG MTHUN PA'I SPYOD LAM LA RNAM PAR GNAS PA'I PHYIR LEGS PAR RNAM PAR GNAS PA'I SEMS SO ZHES BYA BA RGYA CHER 'BYUNG BA STE, DE LTAR NA DE RNAMS KYI DE DAG LA GO RIMS BZHIN DU YANG DAG PAR 'DZIN DU BCUG PA YIN NO, ,LHAG MA NI GO SLA BA'I PHYIR MA BSHAD DO, ,LHAG MA NI GANG ZHE NA, ZHUM PA MED PA'I SEMS ZHES BYA BA NAS BRTZAMS TE, YID LA BYED PA DRAG PO'I SEMS ZHES BYA BA'I BAR RO, ,DE LA ZHUM PA MED PA'I SEMS ZHES BYA BA'I TSIG 'DIS NI BDAG NYID LA BRNYAS PA MED PA NYID CES BYA BA'I RNAM PA 'DI LA YANG DAG PAR 'DZIN DU BCUG PA YIN NO, ,YID LA BYED NA DRAG PO ZHES BYA BA'I BAR 'DIS NI SEMS THAMS CAD KYIS BSAMS NAS ZHES BYA BA 'DI LA YANG DAG PAR 'DZIN DU BCUG PA YIN NO, ,DE LTA BU NI YANG DAG PAR 'DZIN DU GZHUG PA NYID KYIS SON NO, ,RNAM PAR G-YENG BA DANG, RMUGS PA DANG, GNYID DAG GIS ZHES BYA BA'I RNAM PAR G-YENG BA DANG, RMUGS PA DANG, GNYID KYIS SO, ,DE'I SKYON YONGS SU SPANG BA'I PHYIR JI SKAD BSTAN PA'I SKYON GSUM PO DE YONGS SU SPANG BA'I PHYIR BCOM LDAN 'DAS KYIS DE'I PHYIR NYON LA LEGS PAR RAB TU YID LA BYOS SHIG CES GSUNGS PA YIN TE, GO RIMS BZHIN NO, ,DE RNAMS LAS BAR MA NI THAMS CAD LAS THA CHAD YIN NO, ,GANG GIS NYE BAR BZUNG BA'O, ,DE'I GNYEN POR ZHES BYA BA RGYA CHER 'BYUNG BA NI DE'I GNYEN PO STE, BCOM LDAN 'DAS KYIS GANG ZAG DE LTA BU GSUM PO'I GNYEN POR GO RIMS BZHIN DU DE'I PHYIR NYON LA ZHES BYA BAS MNYAN PA LA YANG DAG PAR 'DZUD PAR MDZAD PA YIN NO, ,LEGS PAR RAB TU YID LA BYOS SHIG CES BYA BA NAS LEGS PAR DANG, RAB TU YID LA BYA BA LA YANG DAG PAR RAB TU 'DZUD PAR MDZAD PA YIN NO, ,RNAM PAR GZHAG PA ZHES BYA BRGYA CHER 'BYUNG BA LA, RNAM PAR GZHAG PA 'DI NI JI SKAD BSTAN PA'I PHUNG PO DANG, KHAMS DANG, SKYE MCHED LA SOGS PA RE RE DANG SBYAR BAR BYA'O, ,JI LTAR ZHE NA, PHUNG PO RNAM PAR GZHAG PA DANG, KHAMS RNAM PAR GZHAG PA DANG, SKYE MCHED RNAM PAR GZHAG PA NAS, DAD PA'I SEMS RNAM PAR GZHAG PA STE, @281A *, ,DE NI RNAM PAR GZHAG PA YIN NO, ,PHUNG PO DANG, KHAMS DANG, SKYE MCHED LA SOGS PA DAG GI KUN NAS NYON MONGS PA DANG RNAM PAR BYANG BA'I CHOS RNAMS KYI JI LTAR RIGS BAR RANG DANG SPYI'I MTSAN NYID DANG, RGYU DANG 'BRAS BU'I MTSAN NYID PHYIN CI MA LOG PA STON PA YANG DE BZHIN NO, , BDAG NYID DU SMRA BA'I NYE BAR LEN PA SPONG BA YONGS SU STON PA DE YANG KUN NAS NYON MONGS PA DANG RNAM PAR BYANG BA'I CHOS RNAMS KYI RNAM PAR GZHAG PA YIN TE, MA THOS PAR THOS PAR 'GYUR RO, ,'DOD PA'I NYE BAR LEN PA DANG, LTA BA'I NYE BAR LEN PA DANG, TSUL KHRIMS DANG BRTUL ZHUGS KYI NYE BAR LEN PA SPONG BA GANG YONGS SU STON PAR NI MI MDZAD DE, 'DI LTAR MU STEGS CAN DAG KYANG DE SPONG BAR SMRA'O, ,'DI LTAR MDO SDE LAS KYANG DGE SBYONG DAM BRAM ZE GANG LA LA DAG 'DOD PA'I NYE BAR LEN PA DANG, LTA BA'I NYE BAR LEN PA DANG, TSUL KHRIMS DANG BRTUL ZHUGS KYI NYE BAR LEN PA SPONG BA DANG YONGS SU SHES PA 'DOGS PAR BYED KYI BDAG TU SMRA BA'I NYE BAR LEN PA NI MA YIN NO ZHES BYA BA 'BYUNG BA YIN NO, ,GANG ZAG SLOB BA DANG, MI SLOB PA NAS SMON NAS MI SHES PA LA SOGS PA YANG THOB PAR 'GYUR RO, ,YONGS SU BYANG BAR 'GYUR ZHES BYA BA NI DRI MA MED PAR BYED CES BYA BA'I THA TSIG GO, ,YANG CI'I PHYIR GUS PAR CHOS MNYAN PAR BYA ZHE NA, 'DI NI ZHES BYA BA NI TSIGS SU BCAD PA 'DIS SO, ,JI LTAR GO RIMS BZHIN DU ZHE NA, YANG DAG PA'I LTA BA RNYED PA NI, THOS PAS CHOS RNAMS SHES PAR 'GYUR, ,ZHES BYA BA'I TSIG 'DIS YONGS SU BSTAN TO, ,LHAG PA'I TSUL KHRIMS KYI BSLAB PA DANG BRTEN PAS SDIG PA LAS YANG DAG PAR RGAL BA NI THOS PAS SDIG LAS LDOG PAR 'GYUR ZHES BYA BA'I THA TSIG 'DIS YONGS SU BSTAN TO, ,LHAG PA'I SEMS KYI BSLAB PA LA YANG DAG PAR BRTEN PAS 'DOD PA YANG DAG BAR RGOL BA NI, THOS PAS DON MED SPONG BAR 'GYUR, ,ZHES BYA BA'I TSIG 'DIS YONGS SU BSTAN TO, ,LHAG PA'I SHES RAB KYI BSLAB PA LA YANG DAG PAR BRTEN PAS YANG SRID PA LAS YANG DAG PAR BRGAL ZHES BYA BA NI THOS PAS MYA NGAN LAS 'DAS PA THOB CES BYA BA'I THA TSIG GIS YONGS SU BSTAN TO, ,YANG NYON MONGS PA'I GNOD PA'I RGYUS @281B YIN GYI 'DOD PA'I GNOD PA'I RGYUS NI MA YIN TE, JI SKAD DU, 'DI LTA STE, 'DI NI KHA CIG CES BYA BA RGYAS PAR 'BYUNG BA NAS, 'DOD PA DON MED PAR GYUR PA RNAMS RAB TU SPONG BAR 'GYUR RO ZHES BYA BA'I BAR DU BSTAN MA THAG PAS SO, ,TSIG BZHI DAG GIS GO RIMS BZHIN DU YANG DAG PA'I LTA BA RNYED PA DANG ZHES BYA BA RGYA CHER 'BYUNG BA'I PHAN YON RNAM PA BZHI YONGS SU BSTAN TO, ,YANG PHAN YON RNAM PA BZHI YONGS SU BSTAN TE, TSIG DANG POS NI DAD PA RNYED PA'O, ,TSIG GNYIS PAS NI RAB TU 'BYUNG BA'O, ,TSIG GSUM PAS NI DBANG PO'I SGO BSRUNG BA NYID LA SOGS PA'I RIM PAS ZHES BYA BA RGYA CHER 'BYUNG PA'O, ,TSIG BZHI PAS NI 'PHAGS PA'I BDEN PA ZHES BYA BA RGYA CHER 'BYUNG BA'O, ,N+YA GRO DHA LA SOGS PA'I MDO SDE RNAMS KYIS BSGRUB PAR BYA'O, ,JI SKAD DU ZHE NA, N+YA GRO DHA 'JIG RTEN 'DIR STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS 'JIG RTEN 'DIR 'BYUNG ZHING DE'I CHOS THOG MAR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, ,MA 'DRES PA, YONGS SU DAG PA, YONGS SU BYANG BA, TSANGS PAR SPYOD PA YANG DAG PAR RAB TU BSTAN PA STON LA KHYIM BDAG GAM, KHYIM BDAG GI BU GANG ZHIG CHOS DE NYAN PA DES CHOS DE THOS NAS DAD PA RNYED DO, ,DE DAD PA RNYED PA DE DANG LDAN PAS 'DI LTAR SLOB STE, KHYIM NA GNAS PA NI NYAM NGA BA RDUL GYI GNAS YIN GYI, RAB TU BYUNG BA NI SKABS YOD PA YIN NO, ,KHYIM PA KHYIM NA GNAS PAS JI SRID 'TSO'I BAR DU MA 'DRES PA, YONGS SU RDZOGS PA YONGS SU DAG PA YONGS SU BYANG BA TSANGS PAR SPYOD PA SPYAD PAR BYA BA 'DI SLA BA MA YIN GYI MA LA BDAG LONGS SPYOD KYI PHUNG PO MANG YANG RUNG NYUNG YANG RUNG BA SPANGS, NYE DU'I 'KHOR MANG YANG RUNG NYUNG YANG RUNG BA YANG SPANGS NAS, SKRA DANG KHA SPU BREGS TE GOS DUR SMRIG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG BAR BYA'O SNYAM DU DES DE LTAR SO SOR RTOG NAS LONGS SPYOD KYI PHUNG PO MANG YANG RUNG NYUNG YANG RUNG BA NAS, YANG DAG PA KHO NAR DAD PAS KHYIM NAS KHYIM MED PAR @282A *, ,RAB TU 'BYUNG BAR BYED DO, ,DE DE LTAR RAB TU BYUNG BA DANG LUS DANG NGAG GIS BSDAMS SHING GNAS LA YANG DAG PA'I 'TSO BA LA YONGS SU SBYOR BAR BYED DO, ,DE SROG GCOD PA SPANGS NAS, SROG GCOD PA LAS SLAR LDOG STE, DBYUG BA SPANGS SHING MTSON CHA SPANGS LA NGO TSA SHES PA DANG LDAN ZHING SEMS CAN 'BYUNG PO THAMS CAD LA SNYING BRTZE BA DANG LDAN PA DANG, THAN SROG CHAGS GROG SBUR YAN CHAD LA YANG SROG GCOD PA LAS SLAR LDOG PAR BYED DO, ,MA BYIN PAR LEN PA SPANGS NAS MA BYIN PAR LEN PA LAS SLAR LDOG STE, BYIN PA LEN PA DANG, SBYIN PA LA DGA' BA DANG, BYIN PA DANG BOR BA 'DOD PA DANG, MI RKU BA DANG, BDAG NYID BRKAM CHAGS MI BYED PA'I KHA NA MA THO BA MED PAR MA BYIN PAR LEN PA LAS SLAR LDOG PAR BYED DO, ,MI TSANGS PAR SPYOD PA SPANGS NAS, MI TSANGS PAR SPYOD PA LAS SLAR LDOG STE, TSANGS PAR SPYOD PA DANG, MI CHAGS PAR SPYOD PA DANG, DAG PA DANG GRONG BA'I CHOS LAS LDOG PAR BYED DO, ,BRDZUN DU SMRA BA SPANGS NAS BRDZUN DU SMRA BA LAS SLAR LDOG STE, YID BRTAN PAR BYA BA DANG, YID CHES PAR BYA BA DANG YID GCUGS PA'I GNAS DANG, 'JIG RTEN LAS MI SLU ZHING BRDZUN DU SMRA BA LAS LDOG PAR BYED DO, ,PHRA MA SPANGS NAS PHRA MA LAS LDOG STE, DE 'DI DAG LAS THOS NAS 'DI DAG DANG DBYE BA'I PHYIR DE DAG LA MI SMRA, DE DAG LAS THOS NAS DE DAG DANG DBYE BA'I PHYIR 'DI DAG LA MI SMRA ZHING BYE BA RNAMS KYANG SDUMS BYED, MTHUN PA RNAMS KYI RJES SU MTHUN PAR BYED, MTHUN PA LA KUN DU DGA', MTHUN PA LA DGA', MTHUN PAR BYA BA'I PHYIR TSIG SMRA ZHING PHRA MA LAS SLAR LDOG PAR BYED DO, ,TSIG RTZUB PO SPANGS NAS TSIG RTZUB PO LAS SLAR LDOG STE, TSIG ZHER 'DEBS PA DANG, RTZUB PA DANG, DRAG PA DANG, PHA ROL NANG PAR BYED PA DANG, SKYE BO MANG PO MI 'DOD PA DANG, SKYE BO MANG PO LA MI SDUG PA DANG, SKYE BO MANG PO LA MI DGA' BA DANG, SKYE BO MANG PO YID DU MI 'ONG BA DANG, MNYAM PAR MA BZHAG PA DANG, TING NGE 'DZIN MA YIN PA 'GRUB PA GANG YIN PA DE LTA BU'I NGO BO'I TSIG SPANGS NAS, TSIG MI RTZUB PA DANG, RNAR SNYAN PA DANG, YID DU 'THAD PA DANG, DGA' BAR BYED PA DANG, GRONG KHYER BA DANG, SNYAN CING 'JEBS PA DANG, RNAM PAR @282B GSAL BA DANG, RNAM PAR RIG PAR BYA BA DANG, MNYAN PAR 'OS PA DANG, MI BRTEN PA DANG, MI MTHUN PA MED PA DANG, YONGS SU MA GTUGS PA DANG, SKYE BO MANG PO 'DOD PA DANG, SKYE BO MANG PO'I YID DU 'THAD PA DANG, SKYE BO MANG PO DGA' BA DANG, SKYE BO MANG PO'I YID DU 'ONG BA DANG, MNYAM PAR GZHAG PA DANG, TING NGE 'DZIN 'GRUB PAR GYUR PA DE LTA BU'I NGO BO'I TSIG SMRA ZHING TSIG RTZUB MO LAS SLAR LDOG PAR BYED DO, ,TSIG KYAL PA SPANGS NAS TSIG KYAL PA LAS SLAR LDOG PAR, DUS SU SMRA BA DANG, YANG DAG PAR SMRA BA DANG, DE KHO NA NYID DU SMRA BA DANG, DON SMRA BA DANG, CHOS SMRA BA DANG, BRTAGS TE SMRA BA DANG, BRTAGS PA DANG LDAN PA DANG, DUS SU DANG, MA 'CHOL BA DANG, MTHANG CHAGS PA DANG, MAN NGAG DANG BCAS PA DANG, CHOS DANG LDAN PA DANG DON DANG LDAN PA'I TSIG SMRA ZHING TSIG KYAL PA LAS SLAR LDOG PAR BYED DO, ,NYO TSONG SPANGS NAS NYO TSONG LAS SLAR LDOG PAR BYED DO, ,BRE LA G-YO BYED PA DANG, SRANG LA G-YO BYED PA DANG, GZHAL BLUGS LA G-YO BYED PA SPANGS NAS BRE LA G-YO BYED PA DANG, SRANG LA G-YO BYED PA DANG, GZHAL BLUGS LA G-YO BYED PA LAS SLAR LDOG PAR BYED DO, ,GSUG DANG 'DRID PA DANG, 'TSE BA BDAG GIR BYED PA SPANGS NAS GSUG DANG, 'DRID PA DANG, 'TSE BA BDAG GIR BYED PA LAS SLAR LDOG PAR BYED DO, ,GSOD PA DANG, 'CHING BA DANG, GCOD PA DANG, RDEG PA LA NOM PA SPANGS NAS, GSOD PA DANG, 'CHING BA DANG, GCOD PA DANG, RDEG PA LAS SLAR LDOG PAR BYED DO, ,SGRON MA DANG BCAS PA'I KHYIM SPANGS NAS SGRON MA DANG BCAS PA'I KHYIM LAS SLAR LDOG PAR BYED DO, ,ZHING GI GZHI DANG, KHYIM GYI GZHI DANG, TSONG RDAL GYI GZHI 'DZIN PA SPANGS NAS ZHING GI GZHI DANG, KHYIM GYI GZHI DANG, TSONG RDAL GYI GZHI 'DZIN PA LAS SLAR LDOG PAR BYED DO, ,GLANG PO CHE DANG, RTA DANG, BA GLANG DANG, LUG DANG, BYA GAG DANG, PHAG BSREL BA SPANGS NAS, GLANG PO CHE DANG, RTA DANG, BA LANG DANG, LUG DANG, BYA GAG DANG, PHAG BSREL BA LAS SLAR LDOG BAR BYED DO, ,BRAN DANG, BRAN MO DANG, LAS BYED PA DANG, ZHO SHAS 'TSO BA BSREL BA SPANGS NAS, BRAN DANG, BRAN MO DANG, LAS BYED PA DANG, ZHO SHAS 'TSO BA BSREL BA LAS SLAR @283A *, ,LDOG PAR BYED DO, BUD MED DANG, SKYES PA DANG, KHYE'U DANG, BU MO BSREL BA SPANGS NAS, BUD MED DANG, SKYES PA DANG, KHYE'U DANG, BU MA BSREL BA LAS SLAR LDOG PAR BYED DO, ,GSER DANG, DNGUL LEN PA SPANGS NAS GSER DANG DNGUL LEN PA LAS SLAR LDOG PAR BYED DO, , 'BRAS RJEN LEN PA SPANGS NAS 'BRAS RJEN LEN PA LAS SLAR LDOG PAR BYED DO, ,ZA GCIG PA YIN TE, NUB MO SPANGS NAS DUS SU 'GRO BAR SBYOR BA LA RJES SU BRTZON PA YIN NO, ,DUS MA YIN PAR ZA BA SPANGS NAS DUS MA YIN PAR ZA BA LAS SLAR LDOG PAR BYED DO, ,LUS G-YOGS PA'I GOS KYIS MGU ZHING CHOG SHES BAR BYED DO, ,ZAS LTO 'GRANGS PA TZAM GYIS MGU ZHING CHOG SHES PAR BYED DO, ,DE GANG DANG GANG DU 'GRO BAR LHUNG BZED DANG BCAS PA CHOS GOS DANG BCAS TE, DPER NA 'DAB CHAGS BYA NI GANG DANG GANG DU 'PHUR BAR 'DAB MA DANG BCAS PA, GSHOG PA DANG BCAS SO, ,DE BZHIN DU GOS LUS KHEBS PAS MGU ZHING CHOG SHES, ZAS LTO 'GRANGS PAS MGU ZHING CHOG SHES LA, GANG DANG GANG DU 'GRO BAR LHUNG BZED DANG BCAS CHOS GOS DANG BCAS SO, ,DE 'PHAGS PA'I TSUL KHRIMS KYI PHUNG PO 'DI DANG LDAN PAS DBANG PO RNAMS KYI SGO BSRUNGS SHING GNAS TE, DE MIG GIS GZUGS RNAMS MTHONG NA MTSAN MAR MI 'DZIN CING MNGON RTAGS SU MI 'DZIN LA MIG GI DBANG PO RNAMS SDOM PAS BSDAMS TE GNAS PA NI GZHI GANG KHON LAS BRNAB SEMS DANG YID MI BDE BA'I SDIG PA MI DGE BA'I CHOS SEMS LA ZAG PA DE RNAMS BSDAMS PA'I PHYIR MIG GI DBANG PO SDOM PAR BYED DO, ,MIG GI DBANG PO JI LTAR SDOM PAR BYED PA BZHIN DU, RNA BA NAS YID KYI DBANG PO'I BAR DU YANG DE BZHIN DU SDOM PAR BYED DO, ,'PHAGS PA'I TSUL KHRIMS KYI PHUNG PO DE DANG LDAN PA DANG, DBANG PO'I SGO BSRUNGS PA DE NYID KYIS 'GRO BA DANG LDOG PA DANG SHES BZHIN DU GNAS PAR BYED, 'GRO BA DANG, 'GRENG BA DANG, 'DUG PA DANG, NYAL BA DANG, MI NYAL BA DANG, SMRA BA DANG, MI SMRA BA DANG, GNYID DANG, DUB PA BSANGS PA NA SHES BZHIN DU GNAS PAR BYED DO, ,DE 'PHAGS PA'I TSUL KHRIMS KYI PHUNG PO DANG LDAN PA DANG, DBANG PO'I SGO BSRUNGS PA 'DI NYID DANG DRAN PA DANG SHES BZHIN DANG LDAN PAS DGON PA DANG, @283B NAGS TSAL DANG, RI KHROD DANG, BAS MTHA'I GNAS MAL DAG TU GNAS PAR BYED CING DE DGON PAR PHYIN KYANG RUNG SHING DRUNG DU PHYIN KYANG RUNG SKYIL MO KRUNG BCAS NAS LUS DRANG POR BSRANG STE, DRAN PA MNGON DU BZHAG NAS 'DUG PAR BYED DO, ,DE 'JIG RTEN LA BRNAB SEMS SPANGS NAS BRNAB SEMS DANG BRAL BA'I SEMS KYIS LAN MANG DU GNAS SHING BRNAB SEMS LA SEMS YONGS SU SBYONG BAR BYED DO, ,'JIG RTEN LA GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM SPANGS NAS SOM NYI LAS RGAL ZHING THE TSOM LAS RGAL BA DANG, DGE BA'I CHOS SEMS LA YID GNYIS MED CING THE TSOM LAS SEMS YONGS SU SBYOD BAR BYED DO, ,SGRIB PA LNGA PO SEMS NYE BAR NYON MONGS PAR BYED PA, PHONGS PAS NYAM CHUNG BAR BYED PA, PHONGS PA'I PHYOGS DANG MTHUN PAR MYA NGAN LAS 'DAS PA MA YIN PAR 'GYUR BA SPANGS NAS 'DOD PA LAS DBEN PA, SDIG PA MI DGE BA'I CHOS LAS DBEN PA RTOG PA DANG BCAS PA, DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS SO, ,DE RTOG PA DANG DPYOD PA DANG BRAL ZHING NANG YONGS SU DANG STE, SEMS KYI RGYUD GCIG TU GYUR PAS RTOG PA MED PA, DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA RDZOGS PAR BYAS TE GNAS SO, ,DE DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG, SHES BZHIN CAN YIN TE, BDE BA LUS KYIS MYONG BA, 'PHAGS PA RNAMS KYIS GANG DE DRAN PA DANG LDAN PA, BDE BA LA GNAS PA BTANG SNYOMS PA'O ZHES BRJOD PA STE, DGA' BA MED PA'I BSAM GTAN GSUM PA RDZOGS PAR BYAS TE GNAS SO, ,DE BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG, MI BDE BA YANG NUB PAS BDE BA YANG MA YIN PA, SDUG BSNGAL YANG MA YIN PA, BTANG SNYOMS DANG DRAN PA YONGS SU DAG PA BSAM GTAN BZHI PA RDZOGS PAR BYAS TE GNAS SO, ,DES DE LTAR SEMS MNYAM PAR GZHAG CING YONGS SU DAG PA, YONGS SU BYANG BA DANG NYON MONGS PA MED PA DANG, NYE BA'I NYON MONGS PA DANG BRAL BA DANG, DRANG POR GYUR PA @284A *, ,DANG, LAS SU RUNG BAR GNAS PA DANG, MI G-YO BA THOB PA DANG, ZAG PA ZAD PA SHES PAR BYA BA'I MNGON PAR SHES PA LA SEMS MNGON PAR GTOD CING, DES 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,DE DE LTAR SHES SHING DE LTAR MTHONG BA NA 'DOD PA'I ZAG PA LAS SEMS RNAM PAR GROL BAR 'GYUR BA DANG, SRID PA'I ZAG PA DANG, MA RIG PA'I ZAG PA LAS, SEMS RNAM PAR GROL BAR 'GYUR ZHING, BDAG GI SKYE BA NI ZAD DO, ,TSANGS PAR SPYOD PA NI SPYAD DO, ,'DI LAS SRID PA GZHAN NI MI SHES SO ZHES RNAM PAR GROL BA LA RNAM PAR GROL BA'I YE SHES MTHONG BA 'BYUNG NGO, ,DE LTAR NA N+YA GRO DHA'I MDOS DE BZHIN GSHEGS PAS GSUNGS PA'I CHOS 'DUL BA LA DAD PA RNYED PA DANG, RAB TU BYUNG BA NAS ZAG PA ZAD PA'I BAR DU BSGRUBS PA YIN NO, ,SOGS PA'I SGRAS NI MDO GZHAN RTZIS MKHAN LA SOGS PA'I MDOS KYANG BSGRUB PAR BYA'O, ,DE LTAR PHAN YON RNAM PA MANG PO YANG DAG PAR MTHONG BA NYID KYIS TE, GANG ZHE NA, THOS PAS CHOS RNAMS SHES PAR 'GYUR, ,ZHES BYA BA RGYA CHER 'BYUNG BA GANG YIN PA STE, GUS PAR CHOS NYAN PAR BYA'O,, ,,RNAM PAR BSHAD PA RIGS PA'I BSHAD PA, BAM PO BCU BZHI PA, YANG ZHES BYA BA RGYA CHER 'BYUNG BA LA, YANG NI RNAM GRANGS GZHAN LAS KYANG GUS PAR CHOS MNYAN PAR BYA'O,, CI'I PHYIR ZHE NA, 'DI LTAR BCOM LDAN 'DAS KYIS CHOS 'DUL BA NI LEGS PAR GSUNGS PA YIN PAS SO, ,SLOB DPON GYI DPE MKHYUD KYIS 'GA' LA YANG BAR CHAD MA BYAS PAR ZHES BYA BA NI SLOB DPON GYI DPE MKHYUD KYIS CHOS 'DUL BA 'GA' LA YANG BAR DU BCAD PAR MA BYAS PAR ZHES BYA BA'I THA TSIG GO, ,JI LTAR NA RTEN NYID KYIS SHE NA, DBYANGS YAN LAG LNGA DANG LDAN PA CAN YANG DAG PAR GSUNGS PA'I PHYIR RO, ,'DI LTAR DBYANGS YAN LAG LNGA DANG LDAN PA NI MING DANG, TSIG DANG, YI GE'I TSOGS GSUNG BA DE'I RTEN YIN PAS SO, ,DE LTAR NA RTEN NYID KYIS BCOM LDAN 'DAS KYIS @284B CHOS 'DUL BA LEGS PAR GSUNGS PA YIN NO, ,JI LTAR NA GO BAR MDZAD PA NYID KYIS SHE NA, DBYANGS GCIG GIS 'JIG RTEN GYI KHAMS MTHA' YAS PAR GO BAR MDZAD PA YANG DAG PAR GSUNGS PA'I PHYIR RO, ,'DI LTAR DBYANGS GCIG GIS 'JIG RTEN GYI KHAMS MTHA' YAS PAR GO PAR MDZAD PA DE YANG DAG PAR GSUNGS PA'I PHYIR RO, ,GZHAN YANG 'KHOR GYI DKYIL 'KHOR JI SNYED PA LA THUG PAR GO BAR MDZAD PA YANG DAG PAR GSUNGS PA'I PHYIR RO, ,'DI LTAR 'KHOR GYI DKYIL 'KHOR JI SNYED PA LA THUG PAR GO BAR MDZAD PA DE YANG DAG PAR GSUNGS PA'I PHYIR RO, ,DE LTAR NA GO BAR MDZAD PA NYID KYIS TE, KHONG DU CHUD PAR MDZAD PA NYID KYIS BCOM LDAN 'DAS KYIS CHOS 'DUL BA NI LEGS PAR GSUNGS PA YIN NO, ,JI LTAR NA GDAGS PA NYID KYIS SHON, MTHA' GNYIS SPANGS PA'I LAM GSUNGS PA'I PHYIR RO, ,'DI LTAR RTAG PA DANG CHAD PA LA SOGS PA'I MTHA' SPANGS PA'I 'PHAGS PA'I LAM GSUNGS PAS SO, ,DE LTAR NA GDAGS PA NYID KYIS BCOM LDAN 'DAS KYIS CHOS 'DUL BA NI LEGS PAR GSUNGS PA YIN NO, ,DGE BA'I RTZA BA STON PA'I PHYIR RO ZHES BYA BA NI DGE BA'I RTZA BA MA CHAGS PA LA SOGS PA BRTAN POR BYED PA STE, 'PHEL BA'I RGYU YIN PA'I PHYIR RO ZHES BYA BA'I THA TSIG GO, ,'JIG RTEN LAS 'DAS PA GONG NA MED PA'I RJES LAS THOB PA'I PHYIR RO ZHES BYA BA NI 'JIG RTEN LAS 'DAS PA NI RNAM PA GNYIS TE, GONG NA MED PA DANG GONG MA DANG BCAS PA'O, ,DE LA GONG NA MED PA GANG YIN PA DE'I RJES LAS THOB PA'I PHYIR RO ZHES BYA BA'I THA TSIG GO, ,STOBS KYI YAN LAG DANG LDAN PA'I PHYIR NGES PA'I TSIG GI TSUL GYIS NA SNYEN CING 'JEBS PA'O, ,SGRUB PAS NGES PAR 'BYIN PA'I PHYIR RO ZHES BYA BA NI CI LTAR GSUNGS PA DE SGRUB PAS NGES PAR 'BYIN PA YIN TE, THAR PA THOB PAR BYED PA YIN ZHES BYA BA'I THA TSIG GO, ,BSLAB PA BCA' BA'I THABS BDE BA'I PHYIR RO ZHES BYA BA NI RAB TU BYUNG BA DANG, KHYIM PA'I BSLAB PA BCA' BA DE DAG GIS BDE BA'I PHYIR MI RTZUB PA YIN NO, ,MI BRLANG BA NI DE LAS 'DAS NA NGES PAR 'BYUNG BA'I THABS YANG DAG PAR STON PA'I PHYIR RO, ,'DI LTAR BSLAB PA DE LAS 'DAS NAS SO SOR BSHAGS PA LA SOGS PA'I @285A *, ,THABS DAG GIS NGES PAR 'BYUNG BA YANG DAG PAR STON PA YIN PAS SO, ,YONGS SU GDUNG BA MED PA NI SGRUB PA LA 'GYOD PA MED PA'I PHYIR RO, ,'DI LTAR DE'I DON DU SGRUB PA'I SBYOR BA LA 'GYOD PA MED PA YIN NO, ,KUN DU SHES PAR BYA BA NI KHONG DU CHUD PAR BYA BA ZHES BYA BA'I THA TSIG GO, ,CI'I PHYIR ZHE NA, THOS PA LAS BYUNG BA'I SHES PA PHUN SUM TSOGS PA'I RTEN YIN PA'I PHYIR RO, ,'DI LTAR THOS PA LAS BYUNG BA'I SHES PA DON PHYIN CI MA LOG PA PHUN SUM TSOGS PA'I RTEN YIN PAS SO, ,RANG GI DON RJES SU THOB PA RNAMS ZHES BYA BA NI DGRA BCOM PA RNAMS SO, ,KUN SHES PAR BYED PA NI 'DIS KUN SHES PAR BYED PAS NI KUN SHES PAR BYED PA'O, ,JI LTA ZHE NA, BSAM GYIS MI KHYAB PA'I GNAS BZHI PO 'DI YANG DAG PAR STON PA'I PHYIR RO, ,'DI LTAR THOS PA LAS BYUNG BA BSAM GYIS MI KHYAB PA'I CHOS YANG DAG PAR STON PAS SO, ,BSAM GYIS MI KHYAB PA'I CHOS DE DAG KYANG JI SKAD DU BCOM LDAN 'DAS KYIS DGE SLONG DAG BSAM GYIS MI KHYAB PA'I GNAS BZHI PO 'DI DAG SEMS NA MYOS PAR YANG 'GYUR, RMONGS PAR YANG 'GYUR RO, ,BZHI GANG DAG CHE NA, BDAG LA SEMS PA DANG, SEMS CAN RNAMS KYI LAS DANG RNAM PAR SMIN PA LA SEMS PA DANG, 'JIG RTEN LA SEMS PA DANG, SANGS RGYAS RNAMS KYI SANGS RGYAS KYI YUL YIN NO, ,MDO SDE'I DUM BU GNYIS PA LAS BZHI PO 'DI DAG CES BYA BA LAS BRTZAMS NAS SEMS CAN RNAMS KYI LAS DANG RNAM PAR SMIN PA DANG, BSAM GTAN PA RNAMS KYI BSAM GTAN GYI YUL DANG, RDZU 'PHRUL DANG LDAN PA RNAMS KYI RDZU 'PHRUL GYI YUL LO ZHES GSUNGS PA YIN NO, ,RNAM PAR RIG PAR BYED PA NI 'DIS RNAM PAR RIG PAR BYED PAS NA RNAM PAR RIG PAR BYED PA'O, ,JI LTA ZHE NA, BSAM GYIS MI KHYAB PA'I CHOS DE YANG DAG PAR STON PA'I PHYIR RO, ,'DI LTAR BSAMS PA LAS BYUNG BAS BSAM GYIS MI KHYAB PA'I CHOS YANG DAG PAR STON PA DON MED PA MA YIN PA'I PHYIR RO, ,'BRAS BU DANG BCAS PA'I PHYIR RO ZHES BYA BA'I THA TSIG GO, ,KA LA PING KA'I SGRA DBYANGS NI RGYUN MI 'CHAD PA DANG, 'JIG PA'I PHYIR RO, ,KA LA PING KA NI BYA YIN TE, DE'I SGRA DBYANGS NI RTAG PAR RGYUN MI 'CHAD PA DANG, 'JIG PA'I PHYIR TE, SNYAN PA'I @285B PHYIR RO ZHES BYA BA'I THA TSIG GO, ,'GRUB PA THAMS CAD KYI SNGON DU 'GRO BA'I BKRA SHIS YIN PA'I PHYIR RO, ,'DI LTAR SHANG SHANG TE'U'I SGRA DBYANGS 'GRUB PA THAMS CAD LA BKRA SHIS PAR 'GYUR BA DANG 'DRA BAR GRUB PA THAMS CAD KYI SNGON DU 'GRO BA NYID KYIS BKRA SHIS PA YIN NO, ,RNGA'I SGRA NI BDUD DANG PHYIR RGOL BA THAMS CAD LAS RNAM PAR RGYAL BA'I SNGON DU 'GRO BA YIN PA'I PHYIR RO, ,'DI LTAR BDUD THAMS CAD DANG, PHYIR RGOL BA THAMS CAD LAS RNAM PAR RGYAL BAR BYED PA'I SNGON DU 'GRO BA YIN PAS DE'I PHYIR RNGA'I SGRA'O, ,SGRA THAMS CAD KYI RJES SU ZHUGS PA NI BRDA SBROD PA THAMS CAD KYI MTSAN NYID KYI RNAM PA THAMS CAD LA RJES SU ZHUGS PA'I PHYIR RO, ,'DI LTAR DBANG POS BYAS PA LA SOGS PA'I BRDA SPROD PA THAMS CAD KYI MTSAN NYID RNAM PA THAMS CAD LA RJES SU ZHUGS PA STE, DE'I MTSAN NYID DANG LDAN PA'O, ,DE LTA BAS NA MTSAN NYID THAMS CAD RJES SU ZHUGS PA YIN NO, , TSIG ZUR CHAG MED PA NI BSNYEL TE DE MI GSUNG BA'I PHYIR RO, ,'DI LTAR BSNYEL BAS TSIG ZUR CHAG DE MI GSUNG BAS SO, ,MA TSANG BA MED PA NI GDUL BAR BYA BA LA DUS THAMS CAD DU NYE BAR GNAS PA'I PHYIR RO, ,'DI LTAR GDUL BA'I BYA BA LA STE, GLENG BA DANG, DRAN PAR BYA BA DANG, RJES SU BSTAN PA DANG, GDAMS PA'I CHOS BSTAN PA'I BYA BA DAG LA DUS THAMS CAD DU NYE BAR GNAS PA STE, JI LTAR NYAN THOS KYIS LAS RGYA CHER BSTAN PA LTA BU YIN NO, ,BSNYENGS PA DANG BRAL BA'I PHYIR RO ZHES BYA BA NI 'JIGS PA DANG BRAL BA'I PHYIR ZHES BYA BA'I THA TSIG GO, ,CHUB BA NI SEMS CAN RNAMS KYIS DE DAG GI DON THAMS CAD SGRUB PAR BYED PA'I PHYIR RO, ,'DI LTAR DES SEMS CAN RNAMS KYI DON MTHA' DAG SGRUB PAS SO, ,DE LTA BAS NA NGES PA'I TSIG GIS NA CHUB PA YIN NO, ,'BEL BA NI RNAM PA SNA TSOGS SU NYE BAR GNAS PA'I PHYIR RO, ,'DI LTAR RNAM PA SNA TSOGS PA TSIG DANG YI GE'I RNAM PA DAG TU NYE BAR GNAS PAS SO, , SGRA THAMS CAD RDZOGS PAR BYED PAS NI GSUNG GCIG LAS SGRA'I RNAM PA DU MA RNAM PAR RIG PAR NYE BAR GNAS PA'I PHYIR RO, ,'DI LTAR RNAM PA GCIG GIS SGRA DU MA RNAM PAR RIG PAR NYE BAR GNAS PAS SO, ,DBANG PO THAMS CAD TSIM PAR BYED PA NI GCIG LAS DON DU MA'I RNAM PAR RIG PA NYE BAR GNAS @286A *, ,PA'I PHYIR RO, ,'DI LTAR GCIG LAS DON DU MA'I RNAM PAR RIG PA NYE BAR GNAS PAS SO, ,MA SMAD PA NI DAM BCAS PA JI LTA BA BZHIN PA'I PHYIR RO, ,'DI LTAR JI LTA BA BZHIN DU GSUNGS PA GANG YIN PA DE DE KHO NA BZHIN DU MI RTAG PA LA SOGS PA YIN LA, YON TAN GANG GSUNGS PA DE YANG GSUNGS PA 'BA' ZHIG TU MA ZAD DE, DE KHO NA BZHIN DU BSGRUBS PAS SO, ,RNAM PA THAMS CAD KYI MCHOG DANG LDAN PA NI 'JIG RTEN PA DON THAMS CAD DPE'I CHOS SU BSGYUR BA'I PHYIR RO, ,'DI LTAR 'JIG RTEN PA'I DON THAMS CAD DPE'I CHOS SU SGYUR BA STE, JI LTAR DE BZHIN GSHEGS PA SKYE BA BSTAN PA'I MDO LAS, RGYA MTSOS BCOM LDAN 'DAS BSNGAGS PA LTA BU'O, ,DE LTA BAS NA RNAM PA THAMS CAD DANG, CHOS MCHOG PHUL DE DANG MA BRAL BA'I PHYIR RNAM PA THAMS CAD KYI MCHOG DANG LDAN PA'O, ,DE LTAR NA YON TAN YONGS SU 'DZIN PA DE NYID KYIS DE BSTAN PA'I RNAM PAS BCOM LDAN 'DAS KYIS CHOS 'DUL BA LEGS PAR GSUNGS PA YIN NO, ,YANG ZHES BYA BA RGYA CHER 'BYUNG BA NI YANG CI'I PHYIR GUS PAR CHOS MNYAN PAR BYA ZHE NA, 'DI LTAR 'KHOR LO LEGS PAR SBYAR BA YANG ZHES BYA BA RGYA CHER 'BYUNG BAS SO, ,DON DAM PA'I CHOS DANG MA BRAL BA NI CHOS DANG LDAN PA YIN ZHES BYA BA NI DON DAM PA'I CHOS SKYE BA DANG MTHUN PA NI CHOS DANG LDAN PA YIN NO, ,RIGS PA YANG CHOS YIN TE, JI SKAD DU ZHES BYA BA RGYA CHER 'BYUNG BA YIN NO, ,DE LTA BAS NA RIGS PA'I CHOS DANG MA BRAL BA NI CHOS DANG LDAN PA YIN NO, ,'KHOR LO DANG CHOS MTHUN PAS 'KHOR LO YIN NO, CHOS MTHUN PA DE CI YIN ZHE NA, SA GZHAN DU 'DRIL BA'O, ,CHOS DANG LDAN PA NI MA YIN TE, RIGS PA'I CHOS DANG BRAL BA'I PHYIR RO, ,DE RNAMS KYI THAR PA'I THABS BSTAN PA DE NI RANG BZHIN DANG, SKYES BU DANG, NANG GI SHES PA LA SOGS PA STON PA STE, RIGS PA DANG BRAL BA YIN NO, ,DE LTAR ZHES BYA BA NI JI SKAD DU DUS SU DANG, GUS PAR ZHES BYA BA RGYA CHER GSUNGS PA LTAR RO, ,NYAN PA'I DUS NA GZHAN DANG BDAG RJES SU 'DZIN PA STE, JI LTA ZHE NA, 'CHAD PA PO'I BSAM PA GANG YIN PA ZHES BYA BA RGYA CHER 'BYUNG BA YIN NO, ,BYA BA GNYIS DUS GCIG PA NYID DU BSAMS PA STE, SMRA BA'I BYA BA DANG, 'GRO BA'I BYA BA'O, ,DPER NA MAR @286B ZOS NA BRTA BAR BYED DO ZHES BYA BA YANG ZOS PA NYID NA BRTA BAR MI BYED PAR BSAMS PA'O, ,'O NA CI ZHE NA, MAR ZOS PA'I RGYUS BRTA BAR BYED DO ZHES BYA BA BSAMS PA YIN NO, SKAL BA MED PAR LTA BA LOG PAR ZHUGS PA DANG, RNA MA BLAGS PA YANG CHOS BSTAN PA LA GUS PAR NYAN PA MED NA MTSUNGS PA YIN NO, ,DE LTA BAS NA LONG BA DANG ZHES BYA BA RGYA CHER 'BYUNG BA YIN NO, ,PHAN PA RNAM PA LNGA LA YANG DAD PA RNYED PA DANG, LAS DANG BCAS PA'I BSLAB PA GSUM LAS BRTZAMS PAR RIG PAR BYA'O ZHES BYA BA NI DAD PA RNYED PA LAS BRTZAMS PAR RIG PAR BYA ZHING LAS DANG BCAS PA'I BSLAB PA GSUM LAS BRTZAMS PAR RIG PAR BYA'O ZHES BYA BA'I THA TSIG GO, ,JI LTAR BYAS PAS SHE NA, DE LA DAD PA RNYED PA LAS BRTZAMS NAS, SANGS RGYAS KYI GSUNG LA DAD PA BSKYED PAS GDUL BA'I RGYUD BANGS PAR BYED PA ZHES BYA BA GANG YIN PA NI PHAN PA DANG SO SOR RIG PAR BYA'O, ,LAS DANG BCAS PA'I BSLAB PA DANG PO LHAG PA'I TSUL KHRIMS KYI BSLAB PA LAS BRTZAMS NAS, 'CHAL BA'I TSUL KHRIMS KYI DRI MA SEL BA ZHES BYA BA GANG YIN PA NI PHAN PA GNYIS PAR RIG PAR BYA STE, LHAG PA'I TSUL KHRIMS KYI BSLAB PA'I LAS NI 'CHAL BA'I TSUL KHRIMS KYI DRI MA SEL BA YIN NO, ,LAS DANG BCAS PA'I BSLAB PA GNYIS PA LHAG PA'I SEMS KYI BSLAB PA LAS BRTZAMS NAS, 'DOD PA'I YONGS SU GDUNG BA SEL BA ZHES BYA BA GANG YIN PA NI PHAN PA GSUM PAR RIG PAR BYA'O, ,LHAG PA'I SEMS KYI BSLAB PA'I LAS NI 'DOD PA'I YONGS SU GDUNG BA SEL BA STE, MED PAR BYED PA YIN NO, ,LAS DANG BYED PA'I BSLAB PA GSUM PA LHAG PA'I SHES RAB KYI BSLAB PA LAS BRTZAMS NAS, YANG 'BYUNG BA PA'I SRED PA ZHI BAR BYED PA ZHES BYA BA GANG YIN PA DANG, BYANG CHUB KYI PHYOGS DANG MTHUN PA'I ZHES BYA BA RGYA CHER 'BYUNG BA GANG YIN PA NI PHAN PA BZHI PA DANG, LNGA PA GNYIS SU RIG PAR BYA STE, LHAG PA'I SHES RAB KYI BSLAB PA DE'I LAS NI YANG 'BYUNG BA PA'I SRED PA ZHI BAR BYED PA DANG, BYANG CHUB KYI PHYOGS DANG MTHUN PA'I YON TAN RNAMS SKYED PA DANG, 'PHEL BAR BYED PA'I LAS CAN YIN NO, ,SKYES PA NI DE RNAMS 'BYUNG BAR BYED PA'O, ,'PHEL BAR BYED PA NI SKYES PA RNAMS RGYAS PAR BYED PA'O, ,SKYO BAR BYED PA @287A *, ,RNAMS DANG, THE TSOM ZOS PA DANG, LAM NGAN PAR ZHUGS PA RNAMS LA LAM DANG LAM MA YIN PA YANG DAG PAR RAB TU STON PA'I PHYIR ZHES BYA BA NI SKYON GYI THE TSOM ZOS PA'I LAM LA ZHUGS PA RNAMS DANG, LAM NGAN PAR ZHUGS PA RNAMS LA YANG DAG PAR RAB TU STON PA'I PHYIR RO ZHES BYA BA'I THA TSIG GO, ,RAS 'GUL BA DANG, DRI MA CAN DANG, THAG THUG NYID KYI SKYON GYI PHYIR ZHES BYA BA NI 'GUL BA NYID KYI SKYON GYI PHYIR DANG, DRI MA CAN GYI SKYON GYI PHYIR DANG, THAG THUG NYID KYI SKYON GYI PHYIR RO, ,RNAM PAR G-YENG BA DANG SGRIB PA DANG SNGON GYI SGRIB PAS ZHES BYA BA NI RNAM PAR G-YENG BAS 'GUL BA'I SKYON DANG, SGRIB PAS DRI MA CAN NYID KYI SKYON DANG, SNGON GYI LAS KYI SGRIB PAS MI MNYAM PA NYID KYI SKYON NO, ,BLUN PO NI STE, GLEN PA NI STON PA'I YON TAN GYIS KYANG CHOS BSTAN PA'I LAM MI RNYED DO, ,'GA' ZHIG LAM LOG PAR ZHUGS NA YANG ZHES BYA BA RGYA CHER 'BYUNG BA NAS, DAG GYUR 'DI YIN ZHES BYA BA NAS 'DOD PA 'ANG SRID CES BYA BA'I BAR NI GNAS BRTAN MKHOL GYIS 'JIG RTEN DE KHO NA NYID LA 'JUG PAR BYA BA'I PHYIR GSUNGS PA YIN NO, ,SLOB DPON GYIS KYANG DE'I SNYAN DANG GAS 'GA' ZHIG LAM LOG PAR NI ZHUGS NA YANG ZHES BYA BA RGYA CHER 'BYUNG BA BDAG NYID KYIS SNYAN DNGAGS[?], YON TAN DE GSUM ZHES BYA BA RGYA CHER 'BYUNG BA BCUS THUB PA'I DBANG PO'I GSUNG GI CHED DU GSUNGS PA YIN NO, ,DE LA YON TAN GSUM NI TSIGS SU BCAD PA LAS DMAN TE, LDOG PA'I RGYUR GYUR PA DANG, DGE BA DANG MI DGE BA DPYOD PA DANG, 'DOD PA TZAM YANG SKYE BA ZHES BYA BSTAN PA GANG YIN PA'O, ,DE YANG ZHES BYA BA NI TSIGS SU BCAD PA 'DI LAS 'BYUNG BA'I YON TAN GANG ZAG GSUM PO DAG LA DGONGS NAS GSUNGS PA'I GANG ZAG GSUM PO DAG NI NGES PAR LEGS PA LA LOG PAR ZHUGS PA STE, DE'I CHED DU 'GA' ZHIG LAM LOG PAR NI ZHUGS NA YANG ZHES BYA BA RGYA CHER BSTAN PA YIN NO, ,BSGRUB PAR 'DOD PA MNGON PAR MI SHES PA STE, DE'I CHED DU, DGE DANG MI DGE GNYIS KA DPYAD NAS ZHES RGYA CHER BSTAN PA YIN NO, BSGRUB PAR MI 'DOD PA GCIG TU BAG MED PAR GYUR PA DRI MA CAN GYI LAS CAN YIN NO, ,DE'I CHED DU 'GA' ZHIG 'KHRUL BA BSTZAL NAS @287B ZHES BYA BA RGYA CHER BSTAN PA YIN NO, ,GDUL BA BAG MED PA RNAMS NI SKYO BAR BYED PAS GDUNG BAR BYED PA YIN NO, ,RDO THAL GYI RDO MES BSREGS PA NI JI LTAR RDO THAL GYI RDO MES BSREGS PA CHOS 'JIG PAR BYED PA DE BZHIN DU, NYON MONGS PA'I BAG LA NYAL GYI RDO ZHES BYA BA LOG PA'I LAS KYI MTHA' DANG RGYA CHER 'BYUNG BA YIN NO, ,DE BZHIN DU MEL TSE BA SO SOR MI RTOG PA DANG, ROL MO MKHAN ZHES BYA BA RGYA CHER 'BYUNG BA YIN NO, ,'CHOS PA NI TSAR GCOD PA ZHES BYA BA'I THA TSIG GO, ,SRID PA LAS SKYOB PA NI THAR PA THOB PAR BYED PA'I PHYIR RO, ,'CHOS SKYO BA YON TAN PHYIR NA NI 'CHOS PA'I YON TAN GYI PHYIR DANG, SKYOB PA'I YON TAN GYI PHYIR RO, ,LOG PAR LTA BA LA SOGS PA LAM NGAN PA YONGS SU SPONG BA'I SOGS PA'I SGRAS NI LOG PA'I RTOG PA DANG, LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA RNAMS SO, ,YANG DAG PA'I LTA BA LA SOGS PA'I SGRAS NI YANG DAG PA'I RTOG PA LA SOGS PA'O, ,KUN DU 'TSOL BA'I SDUG BSNGAL ZHES BYA BA NI YUL KUN DU TSOL BA'I SDUG BSNGAL ZHES BYA BA'I THA TSIG GO, ,GNOD PA'I SDUG BSNGAL NI RDEG PA DANG GCOD PA'I SDUG BSNGAL LO, ,DOGS PA'I SDUG BSNGAL ZHES BYA BA NI BDAG LA 'DI DAG NYES BYAS KYI LAS BYED PA YIN PAR DOGS PA DE'I SDUG BSNGAL LO, ,DE'I SMAN 'DOD PAS ZHES BYA BA NI MIR BYA BA'I SMAN GANG YIN PA DE DON DU GNYER BAS SO, ,LUS DANG 'DRA BA'I NAD MED CES BYA BA NI LUS DANG 'DRA BA ZHES BYA BA'I THA TSIG GO, ,'DIS NI LUS KYI NAD 'DI LA SKYON DRUG PO NA BA DANG 'BREL PA NYID NI SDUG BSNGAL MYONG ZHES BYA BA'I TSIG 'DIS SO, ,LUS THAMS CAD LA KHYAB PA NYID NI KHYAB PA ZHES BYA BA 'DIS SO, ,BAR CHAD MED PAR 'JUG PA NYID NI RTAG PA ZHES BYA BA 'DIS SO, ,GSOR MI RUNG BA NYID NI THABS MED CES BYA BA 'DIS SO, ,GNOD PA MANG BA NYID NI GNOD PA MANG BA ZHES BYA BA 'DIS SO, ,SROG 'PHROG PA NYID NI 'JOMS BYED PA ZHES BYA BA'I TSIG 'DIS SO, ,GTAN DU 'BYIN PAR BYED PA YIN ZHES BYA BA NI GTAN DU PHYIS MI SKYO BAR BYED PAS NA GTAN DU 'BYIN PAR BYED PA'O, ,YAN LAG BRGYAD LDAN PA, RDZAS KYI TSOGS ZHES BYA BA NI 'PHAGS PA'I LAM YAN LAG BRGYAD DANG LDAN PA'I RDZAS KYI TSOGS SO,, @288A *, ,NAM YANG BSGRUB PAR MI NUS SO, ,LAN 'GA' YANG BSGRUB BAR MI NUS SO ZHES BYA BA'I THA TSIG GO, ,DE YANG GANG LAS 'BYUNG ZHE NA ZHES BYA BA NI SDANG DANG BAG MED RMONGS NA GO RIMS BZHIN DU, DAD DANG SKYE DANG RTOGS PAS TE, ,ZHES BYA BA GANG YIN PA DE'O, ,DKON MCHOG GSUM GYI YON TAN THOS NA MNYAN PA'I RGYU SKYO BA 'BYUNG NGO, ,JI LTA BU ZHE NA, 'DI LTAR BCOM LDAN 'DAS DE NI ZHES BYA BA RGYA CHER 'BYUNG BA DANG, BCOM LDAN 'DAS KYI CHOS NI LEGS PAR GSUNGS PA ZHES BYA BA RGYA CHER 'BYUNG BA DANG, BCOM LDAN 'DAS KYI NYAN THOS KYI DGE 'DUN NI LEGS PAR ZHUGS PA ZHES BYA BA RGYA CHER 'BYUNG BA YIN NO, ,SKYON NI SDIG 'DOD SRID RTEN CAN, ,SKYON GANG LA RTEN SDIG PA DANG, ,'DOD PA DANG SRID PA YOD PA DE NI SDIG PA DANG, 'DOD PA DANG, SRID PA'I RTEN CAN TE, DE THOS NA MNYAN PA'I DNGOS PO'I RGYU SKYO BA 'BYUNG NGO, ,SDIG PA DANG 'DOD PA RNAMS DANG SRID PA'I YIN NO ZHES BYA BA NI DE LA SDIG PA NI TSUL KHRIMS NYAMS PA YIN NO, ,DE'I SKYON NI GSOD PA DANG 'CHING BA LA SOGS PA'O, ,'DOD PA NI DNGOS PO'I 'DOD PA DANG, NYON MONGS PA'I 'DOD PA'O, ,DE RNAMS KYI SKYON NI JI SKAD DU MDO LAS, 'DOD PA'I RGYU DANG, 'DOD PA'I GZHI DANG, 'DOD PA DBANG DU BYA BAS MA DANG BU LTA BU LHAN CIG RTZOD PAR BYED DO ZHES BYA BA RGYA CHER 'BYUNG BA YIN NO, ,SRID PA NI NYE BAR LEN PA'I PHUNG PO LNGA'O, ,DE'I SKYON NI, SKYE BA DANG, RGA BA DANG, 'CHI BA DANG, MYA NGAN LA SOGS PA'O, ,DE LTAR NA SKYON RNAM PA GSUM PO DE NI SDIG PA DANG, 'DOD PA DANG, SRID PA'I RTEN CAN YIN NO, ,MTSAN NYID RNAM GNYIS NI PHUNG PO LA SOGS PA DAG GI RANG GI MTSAN NYID DANG, SPYI'I MTSAN NYID DO, ,DE LA RE ZHIG PHUNG PO LNGA PO RNAMS KYI RE RE'I RANG GI MTSAN NYID NI GZUGS SU RUNG BA'I PHYIR DANG, MYONG BA LA SOGS PA'O, ,SPYI'I MTSAN NYID NI MI RTAG PA NYID LA SOGS PA YIN NO, ,DE BZHIN DU MIG LA SOGS PA DAG GI RANG GI MTSAN NYID NI MIG GI RNAM PAR SHES PA LA SOGS PA'I RTEN GZUGS DANG BA'O, ,SPYI'I MTSAN NYID NI MI RTAG PA NYID LA SOGS PA'O, ,MIG GI KHAMS LA SOGS PA DAG GI YANG DE BZHIN TE, DE LTA BU'I DON DE'I NGES PA THOB NAS SO, ,RGYU DANG 'BRAS BUR 'BREL BA'I @288B MTSAN NYID NI ZHES BYA BA RGYA CHER 'BYUNG BA NI MA RIG PA DANG, 'DU BYED DANG, RNAM PAR SHES PA DANG, MING DANG GZUGS LA SOGS PA SRID PA'I YAN LAG BCU GNYIS PO DAG GI RGYU DANG 'BRAS BUR 'BREL BA'I MTSAN NYID KYI DON GYI NGES PA THOB NAS SO, ,SDUG BSNGAL DANG KUN 'BYUNG BA LA SOGS PA 'PHAGS PA'I BDEN PA BZHI PO DAG GI RGYU DANG 'BRAS BUR 'BREL PA'I MTSAN NYID KYI DON GYI NGES PA THOB NAS GNYEN PO'I DNGOS PO'I RGYU RTOGS PA 'BYUNG NGO, ,DE BAS NA YON TAN 'DI DAG NI DAM PA'I CHOS MNYAN NA YOD PAR RIG PAR BYA STE, DE LA GUS PAR BYA'O, ,NYAN PA'I SKYE BO DAG NI PHAL CHER PHYIR PHYOGS PA DANG, NYAN PA'I SKYE BO DAG NI PHAL CHER TE MANG DU LEGS PAR BSHAD PA 'DI DAG LAS PHYIR PHYOGS PA DE DAG NI NYAN PA'I SKYE BO DAG NI PHAL CHER PHYIR PHYOGS PA'O, ,YONGS SU 'DZIN PAR BYED PA PHAL CHER 'DAS PA DANG, LEGS PAR BSHAD PA 'DI DAG YONGS SU 'DZIN PAR BYED PA PHAL CHER 'DAS PA DE DAG NI YONGS SU 'DZIN PAR BYED PA PHAL CHER 'DAS PA'O, ,NYE BAR RNAM PAR BSHAD PA DAG GIS MTHU BCOM ZHING, LEGS PAR BSHAD PA 'DI DAG GIS MTHU STE NUS PA BCOM PA DE DAG NI MTHU BCOM PA'O, ,GANG DAG GIS SHE NA, NYES PA RNAM PAR BSHAD PA DAG GIS TE, LOG PAR RNAM PAR BSHAD PA DAG GIS ZHES BYA BA'I THA TSIG GO, ,TSIGS SU BCAD PA 'DIS NI ZHES BYA BA RGYA CHER 'BYUNG BA NI TSIGS SU BCAD PA 'DIS NI DENG SANG ZHES SMOS PA'I PHYIR DENG SANG PHYOGS GNYIS LA STE, KHYIM PA'I PHYOGS DANG, RAB TU BYUNG BA'I PHYOGS LA SANGS RGYAS KYI BSTAN PA YONGS SU NYAMS PA RNAM PA BZHI LAS KHYIM PA'I PHYOGS LA NI GCIG ,RAB TU BYUNG BA'I PHYOGS LA NI GSUM DU STON TO, NUB LA THUG PA NYID DU STON PA YIN NO, ,JI LTAR BYAS PAS SHE NA, NYAN PA'I SKYE BO DAG NI PHAL CHER PHYIR PHYOGS DANG ZHES BYA BA RGYA CHER 'BYUNG BAS SO, ,DE NYID LA ZHES BYA BA NI RAB TU BYUNG BA'I PHYOGS LA'O, ,DE NUS PAR MI BYED PA'I PHYIR RO ZHES BYA BA NI DGE SBYONG GI TSUL GYI 'BRAS BU RTOG PA DE LEGS PAR BSHAD PA DE RNAMS LAS MTHU MED PA'I PHYIR RO, ,'DI NI ZHES BYA BA RGYA CHER 'BYUNG BA NI 'DI NI MDOR BSDUS NA YONGS SU NYAMS PA RNAM PA GNYIS SU 'GYUR TE, TSIG DANG @289A *, ,DON GNYIS KYI LUNG YONGS SU NYAMS PA NI JI SKAD DU BSTAN PA'I TSIG GSUM DAG GIS SO, ,RTOGS PA YONGS SU NYAMS PA NI TSIG BZHI PAS SO, ,THOS PA YONGS SU NYAMS PA STON PA YIN NO ZHES BYA BAR SKABS THAMS CAD DU SBYAR RO, ,SEMS LA ZHOG CIG CES BYA BA NI STON PA'I ZHAL NAS BSNGAGS PA'I SEMS LA GNAS PAR GYIS SHIG ,MIG ZHI BAR MDZAD PA'I PHYIR ZHES BYA BA NI SKYE BO'I MIG NI ZHI BAR MDZAD PA ZHES GSUNGS PA'I PHYIR RO, ,BKRA SHIS KYI 'BYUNG KHUNGS YIN PA'I PHYIR ZHES BYA BA BKRA SHIS KYI 'BYUNG GNAS ZHES GSUNGS PA'I PHYIR RO, ,DON BZANG BA NYID KYIS BRJOD PAR BYA BA PHUN SUM TSOGS PA NYID KYIS ZHES BYA BA'I THA TSIG GO, ,NYON MONGS PA'I DUG THAMS CAD SEL BAR MDZAD PA'I DON GYIS TE ZHES BYA BA NI NYON MONGS PA'I DUG THAMS CAD SEL BA'I DON SANGS RGYAS KYI GSUNG 'DI LA YOD PAS 'DI NI NYON MONGS PA'I DUG THAMS CAD ZHI BAR MDZAD PA'I DON TO, ,'PHAGS PA'I NOR BDUN SGRUB PA'I PHYIR NOR DANG LDAN PA NI NOR BDUN NI DAD PA'I NOR DANG, TSUL KHRIMS KYI NOR DANG, NGO TSA SHES PA'I NOR DANG, KHREL YOD PA'I NOR DANG, THOS PA'I NOR DANG, GTONG BA'I NOR DANG, SHES RAB KYI NOR RO, ,SKYON BDUN 'KHRU BA'I PHYIR BSOD NAMS NI SKYON BDUN NI PHRA RGYAS BDUN TE, 'DOD PA'I 'DOD CHAGS KYI PHRA RGYAS DANG, SRID PA'I 'DOD CHAGS KYI PHRA RGYAS DANG, KHONG KHRO BA'I PHRA RGYAS DANG, NGA RGYAL GYI PHRA RGYAS DANG, MA RIG PA'I PHRA RGYAS DANG, LTA BA'I PHRA RGYAS DANG, THE TSOM GYI PHRA RGYAS SO, ,YON TAN THAMS CAD KYI SNGON DU 'GRO BA'I PHYIR BKRA SHIS PA NYID NI 'DI LTAR 'JIG RTEN PA DE DANG, 'JIG RTEN LAS 'DAS PA'I YON TAN THAMS CAD KYI SNGON DU 'GRO BA STE SNGA LTAS YIN PAS DE'I PHYIR BKRA SHIS PA NYID YIN NO, ,GTAN GYI TSANGS PAR SPYOD PA'I DBANG DU MDZAD PA'I PHYIR TSE LA PHAN PA NI 'DI LTAR 'DIR GTAN GYI TSANGS PAR SPYOD PA'I DBANG DU MDZAD PA YIN TE, JI SKAD DU THOG MAR DGE BA ZHES BYA BA RGYA CHER GSUNGS PA LTA BU YIN NO, ,DE LTA BAS NA TSE LA PHAN PA'I PHYIR TSE LA PHAN PA'O, ,RANG BZHIN GYIS RNAM PAR DAG PA NI NGO BO NYID KYIS RNAM PAR DAG PA'O, ,DGONGS PA 'JAM PA ZHES BYA BA NI BCOS MA MA YIN PA'O, ,DON DANG MTHUN @289B PA NI TSIG 'BRU BZANG PO NYID KYIS SO, ,'DUL BA DANG MTHUN PA ZHES BYA BA NI SKAL BA JI LTA BA BZHIN DU STON PA NYID KYIS SO, ,DUS LA BAB PA ZHES BYA BA NI RGYUD YONGS SU SMIN PA LA YONGS SU BSTAN PA NYID KYIS SO, ,RAN PAR BSHAD PA ZHES BYA BA NI JI SRID DU GDUL BA'I MDZAD PA NYID KYI BAR DU'O, , 'DU BYED PA'I KHYAD PAR GYIS NI DGE BA DANG, MI DGE BA GNYIS 'BAD PA DANG MI 'BAD PA MNGON PAR 'DUS BYAS PA'I PHYIR RO, ,'DI LTAR DGE BA NI 'BAD PAS MNGON SUM DU BYA BA YIN LA, MI DGE BA NI MA 'BAD PAR RO, ,RNAM PA'I KHYAD PAR GYIS NI ZHES BYA BA NI YANG DAG PA JI LTA BA BZHIN DANG, PHYIN CI LOG PA'I RNAM PA YIN PA'I PHYIR RO, ,DGE BA NI YANG DAG PA JI LTA BA BZHIN DU MI RTAG PA LA SOGS PA'I RNAM PA DAG GIS DMIGS PAR BYED LA, MI DGE BA NI GTZANG BA DANG BDE BA LA SOGS PA DAG GIS SO, ,MTSUNGS PAR LDAN PA'I KHYAD PAR GYIS NI ZHES BYA BA RGYA CHER 'BYUNG BA NI DGE BA THAMS CAD NI DGE BA'I RTZA BA GSUM PO MA CHAGS PA DANG, ZHE SDANG MED PA DANG, GTI MUG MED PA RNAMS DANG MTSUNGS PAR LDAN NO, ,MI DGE BA NI MI DGE BA'I RTZA BA GNYIS PO MA RIG PA DANG, 'DOD CHAGS DANG, KHONG KHRO BA GNYIS LAS GANG YANG RUNG BA ZHIG DANG NGAM, MI DGE BA'I RTZA BA GCIG TU MA RIG PA DANG YANG MTSUNGS PAR LDAN NO, ,SA'I KHYAD PAR GYIS NI SA THAMS CAD DANG SA GCIG PA NYID YIN PA'I PHYIR RO, ,DGE BA NI SKYE BA'I SA DGU CHAR DU YANG YIN TE, 'DOD PA'I KHAMS NAS SRID PA'I RTZE MO'I BAR DU'O, ,MI DGE BA NI SA GCIG PA STE, 'DOD PA'I KHAMS KHO NAR RO,, 'BRAS BU'I RNAM GRANGS KYI KHYAD PAR GYIS NI 'BRAS BU RNAM PA LNGA DANG BZHI YIN PA'I PHYIR RO, ,DGE BA'I 'BRAS BU NI RNAM PA LNGA STE, RNAM PAR SMIN PA'I 'BRAS BU DANG, RGYU MTHUN PA'I 'BRAS BU DANG, SKYES BU'I BYED PA'I 'BRAS BU DANG, BDAG PO'I 'BRAS BU DANG, BRAL BA'I 'BRAS BU'O,, MI DGE BA'I RNAM PA BZHI STE, BRAL BA'I 'BRAS BU MA GTOGS SO, ,DUS KHYAD PAR DU 'PHAGS PA DANG NGAN PAR 'BRAS BUR 'GYUR BA'I PHYIR GO RIMS BZHIN TE, 'DI LTAR ZHES BYA BA RGYA CHER 'BYUNG BA YIN NO, ,CHUNG DUS MANG PO YANG DAG PAR 'JOMS PA'I KHYAD PAR GYIS NI ZHES BYA BA NI DGE BA CHUNG @290A *, ,DUS MI DGE BA MANG PO YANG DAG PAR 'JOMS PA STE, 'DI LTAR SPONG BA'I LAS SKAD CIG MA GCIG GIS THOG MA MED PA'I DUS NAS ZHUGS PA'I MI MTHUN PA'I PHYOGS RNAM PA MANG PO YANG DAG PAR 'JOMS PAS SO, ,DPER NA SDUG BSNGAL LA CHOS SHES PA'I BZOD PAS THOG MA MED PA'I DUS NAS ZHUGS PA MI MTHUN PA'I PHYOGS RNAM PA MANG PO STE, MI MTHUN PA'I PHYOGS PHRA RGYAS BCU'I MTSAN NYID YANG DAG PAR 'JOMS PA LTA BU'O, ,DPE RNAMS MANG PO RGYA CHER 'BYUNG BA NI 'DI DAG NI MI DGE BA BAS DGE BA STOBS DANG LDAN PA'I DPE YIN TE, DE TZAM DANG CHOS MTHUN PA YIN GYI GRANGS BZHIN DU NI MA YIN NO, ,SMRAS PA, MI DGE BA LAS SA GZHAN GYI DGE BA BSAM GTAN DANG PO LA SOGS PA'I SA PA NI DE'I SA STOBS DANG LDAN PAR RIGS SO ZHE NA, 'DIR BSHAD PA, DGE BA DE DANG SA GCIG PA YIN YANG ZHES BYA BA RGYA CHER 'BYUNG BA NI 'DOD PA NA SPYOD PA'I DGE BA DE DANG SA GCIG PA YIN YANG DANG PO'I KHYAD PAR RNAM PA GSUM PO RNAMS KYIS MI DGE BA'I SA STOBS DANG LDAN PA NYID DU RIG PAR BYA STE, 'DU BYED KYI KHYAD PAR DANG, RNAM PA'I KHYAD PAR DANG, MTSUNGS PAR LDAN PA'I KHYAD PAR GYIS SO,, GZHAN YANG MI DGE BA ZIL GYIS MNAN NAS ZHES BYA BA RGYA CHER 'BYUNG BA NI 'DI LTAR 'DOD PA NA SPYOD PA'I DGE BA'I SA PAS MI DGE BA ZIL GYIS MNAN NAS DE'I GNYEN POS MI DGE BA'I GNYEN PO GZUGS NA SPYOD PA'I DGE BA GZHAN 'DREN TO, ,DE'I PHYIR NA YANG DGE BA STOBS DANG LDAN PAR RIG PAR BYA'O, ,BSDUS PA'I TSIGS SU BCAD PA NI KHYAD PAR BCU PO 'DI RNAMS KYI'O,, 'DU BYED RNAM PA MTSUNGS PAR LDAN, ,SA NYID CES BYA BA RGYA CHER 'BYUNG BA NI 'DU BYED PA NYID KYI KHYAD PAR DANG, RNAM PA NYID DANG MTSUNGS PAR LDAN PA NYID DANG, SA NYID DANG, 'BRAS BU NYID RNAM PA GNYIS TE, JI SKAD DU 'BRAS BU GRANGS KYI KHYAD PAR BSTAN PA DANG, JI SKAD DU MTHAR PHYIN PA'I KHYAD PAR BSTAN PA DANG, 'CHAD PA NYID DANG, CHUNG DUS YANG DAG PAR 'JOMS PA NYID DANG, SPONG BA NYID DANG PHYOGS SU GYUR PA'I KHYAD PAR NYID DO, ,GNYIS MED CES BYA BA NI 'DI LA SANGS RGYAS KYI GSUNG GI RANG BZHIN GNYIS PO MED DO ZHES BYA BA'I THA TSIG GO, ,LEGS 'THOB NI LEGS @290B PAR RNYED PA ZHES BYA BA'I THA TSIG GO, ,BSGRUB DKA' NI SBYOR BA DKA' BA'I PHYIR RO, ,NAD DRAG YUN RINGS SU MI STEN, ,ZHES BYA BA NI GANG LA NAD DRAG PA DANG YUN RING BA YOD PA DE NI NAD DRAG YUN RING NGO, ,'DI NI 'DI SKAD DU NAD DRAG LA YUN RING PO CAN SU ZHIG SANGS RGYAS KYI GSUNG SMAN DANG, GRUB PA DANG, GTAN DU BA DANG, NAD THAMS CAD 'JOMS PA DANG, GNYIS SU MED PA DANG, LEGS PAR 'THOB PA DANG, LEGS PAR BSTEN PA DANG, BSGRUB DKA' BA LA RTEN PAR MI BYED CES BSTAN PA YIN NO, ,RNYED SOGS 'DOD CES BYA BA'I SOGS PA'I SGRAS NI GRAGS PA DANG, BSNGAGS PA DANG, NOR 'DOD PA DANG, JI SKAD DU BSTAN PA'I SKYON NI CHAGS PA LA SOGS PA'O, ,ZAB MO NI 'JUG PAR DKA' BA'I DON GYIS SO, ,'DI LA BRTEN NA ZHES BYA BA NI SANGS RGYAS KYI GSUNG 'DI LA GNAS NA ZHES BYA BA'I THA TSIG GO, ,KHA NA MA THO MED CES BYA BA NI RNAM PAR MA SMAD PA'O, ,PHUL BYUNG ZHES BYA BA NI MANG PO'O, ,DES PA NI THE TSOM MED PA'O, ,'BRAS BU MI ZAD CES BYA BA NI 'BRAS BU ZAD MI SHES PA ZHES BYA BA'I THA TSIG GO, ,THOB PA ZHES BYA BA NI RNYED PA'O, ,THABS GZHAN MAD CES BYA BA NI THABS GZHAN NA MED DO ZHES BYA BYA'I THA TSIG GO, ,SGRUB PA PO YANGS MED CES BYA BA NI DE'I DON DU SGRUB PA PO GZHAN YANG MED DO ZHES BYA BA'I THA TSIG GO, ,'O NA DE BYA MOD CES BYA BA NI 'O NA DE BSGRUB PAR BYA MOD CES BYA BA'I THA TSIG GO, ,BSAMS PA DANG BSGOMS PA GNYIS KYI DUS SU YANG RJES SU 'DZIN PA YIN NO, ,YON TAN GNYIS LDAN NI GO BAR BYED PA DANG, NGES PA'I TSIG LEGS PA 'DI GNYIS DANG NGO, CI 'OS ZHES BYA BA NI 'DUL BA JI LTA BA BZHIN NO, ,RTOGS GYUR PA NI BDEN PA RNAMS YANG DAG PA JI LTA BA BZHIN SHES SO, ,DAM PA'I CHOS MNYAN PA LA PHAN YON LNGA ZHES BYA BA RGYA CHER 'BYUNG BA NI MDO LAS DAM PA'I CHOS MNYAN PA'I PHAN YON LNGA PO GSUNGS PA GANG DAG MA THOS PA THOS PAR BYED PA DANG, THOS PA YONGS SU BYANG BAR BYED PA DANG, SOM NYI SPONG BA DANG, LTA BA DRANG POR BYED PA DANG, SHES RAB KYIS DON DANG TSIG ZAB MO RTOGS PAR BYED CES BYA BA'I YON TAN LNGA PO DAG NI MI SHES PA DANG, THE TSOM DANG LOG PA'I SHES PA DANG, BDEN PA RNAMS RTOGS PA BZHI PO 'DI DAG TU BSDUS TE, JI LTAR BYAS @291A *, ,PAS SHE NA, GNYIS KYIS MI SHES PA LDOG BA'I PHYIR TE, MA THOS PA THOS PAR BYED PA DANG, THOS PA YONGS SU BYANG BAR BYED PA ZHES BYA BA 'DI GNYIS KYIS SO, ,GANG GI PHYIR MI SHES PA LDOG PAR BYED PA DE'I PHYIR MA THOS PA THOS PAR BYED PA DANG, THOS PA YONGS SU BYANG BAR BYED PA ZHES BYA BA YON TAN 'DI GNYIS NI MI SHES PA LDOG PA ZHES BYA BA'I NANG DU 'DUS SO, ,SOM NYI SPONG BA ZHES BYA BA YON TAN 'DI NI THE TSOM GYI SHES PA LDOG PA'I NANG DU 'DUS SO, ,LTA BA DRANG POR BYED CES BYA BA 'DI NI LOG PA'I SHES PA LDOG PA'I NANG DU 'DUS SO, ,SHES RAB KYIS DON DANG TSIG ZAB MO RTOGS PAR BYED CES BYA BA YON TAN 'DI NI BDEN PA RNAMS RTOGS PA'I NANG DU 'DUS SO, ,GTAN DU PHAN PA DANG BDE BA'I PHYIR ZHES BYA BA NI GTAN DU JI LTAR RIGS PAR MYA NGAN LAS 'DAS PA DANG, MTHO RIS THOB PA'I PHYIR RO, ,YANG DANG YANG DU BSGRUB PAR BYA BA DANG, SBYOR BA GCIG PA'I PHYIR RO ZHES BYA BA NI CHOS NI YANG DANG YANG DU BSGRUB PAR BYA BA'I PHYIR DANG, SPYOR BA GCIG PA'I PHYIR RO, ,'DI LTAR MYA NGAN LAS 'DAS PA THOB PA'I CHOS LA NI SBYOR BA GZHAN MED PAS SO, ,DES NI ZHES BYA BA NI BYANG CHUB SEMS DPAS SO, ,NYON MONGS MYA NGAN LAS 'DAS PA SPANG PHYIR TE ZHES BYA BA NI BDAG NYID KYI KUN NAS NYON MONGS PA SPANG BA'I PHYIR NI BDAG LA CHAGS PA ZAD PAR BYA'O, ,MYA NGAN LAS 'DAS PA SPANG BA'I PHYIR NI GZHAN LA CHAGS PA 'PHEL BAR BYA STE SNYING RJE BYA'O ZHES BYA BA'I THA TSIG GO, ,DE DAG GNYIS KYI ZHES BYA BA NI BDAG LA CHAGS BA DANG, MYA NGAN LAS 'DAS PAS SO, ,SHES RAB SNYING BRTZE DE ZANG 'PHEL RGYU YIN, ,SHES RAB NI BDAG NYID KYI KUN NAS NYON MONGS PA ZAD PA'I RGYU YIN LA, SNYING BRTZE STE SNYING RJE NI GZHAN LA CHAGS PA STE, BYANG CHUB KYI PHYOGS 'PHEL BA'I RGYU YIN NO, ,GANG GI PHYIR DE LTA BU YIN PA DE'I PHYIR, BYANG CHUB RTZA BA GNYIS SU GSUNGS, ,DE'I 'PHEL RGYU NI SHES RAB DANG SNYING BRTZE BA DE GNYIS 'PHEL BA'I RGYU NI DE 'PHEL RGYU'O, ,'BRAS BUR BCAS 'GYUR ZHES BYA BA NI SGRUB PAS SO, ,DMAN PA DAG ,YONGS SU GZUNG LA 'DZIN PA DANG LDAN PA'I ZHES BYA BA NI DMAN PA YONGS SU GZUNG BA LA 'DZIN PA STE, CHAGS PA NI DMAN PA YONGS SU GZUNG BA LA 'DZIN PA'O, ,DE GANG @291B DAG LA YOD PA DE DAG NI DMAN PA YONGS SU GZUNG BA LA 'DZIN PA DANG LDAN PA STE, DMAN PA YONGS SU GZUNG BA LA 'DZIN PA DANG LDAN PA DE DAG GI'O, ,NYON MONGS PA DANG NYE BA'I NYON MONGS PA RNAMS DANG ZHES BYA BA NI DE LA NYON MONGS PA RNAMS NI 'DOD CHAGS LA SOGS PA DAG GO ,NYE BA'I NYON MONGS PA RNAMS NI NGO TSA MED PA DANG, KHREL MED PA DANG, PHRAG DOG DANG, SER SNA LA SOGS PA DAG GO, ,DE LAS BYUNG BA'I LAS RNAMS SO ZHES BYA BA NI NYON MONGS PA DANG, NYE BA'I NYON MONGS PA LAS BYUNG BA'I LAS RNAMS SO, ,SDUG BSNGAL GSUM PO DAG CES BYA BA NI 'DU BYED KYI SDUG BSNGAL NYID DANG, 'GYUR BA'I SDUG BSNGAL NYID DANG, SDUG BSNGAL GYI SDUG BSNGAL NYID DO, ,MYA NGAN LA SOGS PA DAG CES BYA BA NI MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHUG PA DAG GO ZHES BYA BA'I THA TSIG GO, ,NA BA DANG, RGA SHI LA SOGS PA DAG GO ZHES BYA BA LA SOGS PA'I SGRAS NI SDUG PA DANG BRAL BA DANG, MI SDUG PA DANG PHRAD PA LA SOGS PA'O, ,MNYAN PA DANG, 'JOG PA ZHES BYA BA NI MNYAN PA DANG, 'JOG PA'O, ,DE LA MNYAN PA NI BSTAN PA'I CHOS SO, ,'JOG PA NI DE'I DON TE, BDAG NYID LA YANG DAG PAR SKYED PA'O, RTEN LA TSUL KHRIMS DANG, THOS PA DANG, 'DOD PA CHUNG BA LA SOGS PA'I YON TAN GYIS YONGS SU BSGOS PA'I PHYIR TE, SOGS PA'I SGRAS NI CHOG SHES PA DANG, RAB TU DBEN PA NYID LA SOGS PA STE, MDO LAS JI SKAD 'BYUNG BA LTA BU'O, ,BYED PAR 'DOD PA NYID KYI SEMS CHEN PO YIN PA'I PHYIR RO ZHES BYA BA LA, BYED PA POR 'DOD PA NYID KYI SEMS NI RGYUS KUN NAS BSLANG BA YIN NO, ,SKAD CIG DE LA KUN NAS BSLANG BA NI BYA BA'I DUS SU RJES SU 'JUG PA YIN NO, ,'GRO BA DANG SDUG BSNGAL BA DANG, PHAN 'DOGS PA DANG, YON TAN KHYAD PAR DU 'PHAGS PAS SO ZHES BYA BA NI 'GRO BA KHYAD PAR DU 'PHAGS PAS DANG, SDUG BSNGAL BA KHYAD PAR DU 'PHAGS PAS DANG, PHAN 'DOGS PA KHYAD PAR DU 'PHAGS PAS DANG, YON TAN KHYAD PAR DU 'PHAGS PAS TE, JI SKAD DU CHOS MNGON PA'I MDZOD LAS RGYA CHER BSTAN PA LTA BU'O, ,MJUG NYID KYIS ZHES BYA BA NI MJUG NYID KYIS STOBS DANG LDAN PAR 'GYUR RO, ,RAB TU DGA' @292A *, ,BA YID LA BYED PA'I KUN DU RTOG PAS RGYAS PA'I PHYIR RO, ,DE LA RAB TU DGA' BA NI TING NGE 'DZIN LA SBYOR BA'I GNAS SKABS SU TSUL KHRIMS LA SOGS PA'I TSOGS LA RNAM PAR LTA BA YID BDE BA NYID GANG YIN PA STE, DE NYID BDAG GI TSOGS PHUN SUM TSOGS SO ZHES RAB TU DGA' BSKYES SO, ,MNYAM PAR GZHAG PA'I GNAS SKABS SU YID BDE BA NYID GANG YIN PA DE NI 'GAL BA YIN NO, ,DE NYID KYI PHYIR RAB TU DGA' BA LAS DGA' BA SKYE'O ZHES GSUNGS PA YIN NO, ,RAB TU DGA' BA NYID DANG MTSUNGS PAR LDAN PA'I YID LA BYED PA NI RAB TU DGA' BA'I YID LA BYED PA'O, ,RAB TU DGA' BA YID LA BYED PA RNAMS KYI KUN DU RTOG PA RNAMS NI RAB TU DGA' BA YID LA BYED PA'I KUN DU RTOG PA'O, ,DE RNAMS KYIS RGYAS PA NI DE BSGOM PA BRTAS PA'O, ,RAB TU DGA' BA YID LA BYED PA'I KUN DU RTOG PAS RGYAS PA DE'I PHYIR NA RAB TU DGA' BA YID LA BYED PA'I KUN DU RTOG PAS RGYAS PA'I PHYIR RO, ,DE LTAR NA MJUG NYID KYIS TE, MJUG GIS DGE BA STOBS DANG LDAN PA'I PHYIR RO, ,'KHOR DE NYID KYIS ZHES BYA BA RGYA CHER 'BYUNG BA NI JI SKAD DU MDO LAS SBYIN PA LAS BYUNG BA'I DGE BA DANG, TSUL KHRIMS LAS BYUNG BA DANG, BSGOMS PA LAS BYUNG BA LAS BRTZAMS NAS GZHAN DAG DE LA YANG DAG PAR 'DZIN DU 'JUG CING BSNGAGS PA BRJOD LA, CHOS MTHUN PA LA YANG SHIN TU DGA' BAR 'GYUR RO ZHES GSUNGS PA LTA BU'O, ,MYA NGAN LAS 'DAS PA DANG, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I PHYIR RO, ,MYA NGAN LAS 'DAS PAR YONGS SU BSNGO BA'I PHYIR DANG, BLA NA MED BA YANG DAG PAR RDZOGS PA'I BYANG CHUB TU YONGS SU BSNGO BA'I PHYIR RO, ,MI DGE BA LA YANG DE BZHIN DU CI RIGS PAR RIG PAR BYA BA NI RTEN NYID KYIS NI RTEN LA 'CHAL BA'I TSUL KHRIMS DANG, THOS PA MED PA DANG, 'DOD CHEN CHE BA NYID LA SOGS PA YON TAN MA YIN PAS YONGS SU BSGOS PA'I PHYIR RO, DANG PO KUN NAS BSLANG BA NYID KYIS NI RGYUS KUN NAS BSLANG BAS BYED PAR 'DOD PA NYID KYI SEMS CHEN PO NYID YIN PA'I PHYIR RO, ,BRTZON PA DRAG PO NYID KYIS NI BYED PA'I PHYIR GUS PAR BRTZON PA'I PHYIR DANG, YANG DANG YANG DU BRTZON PA'I PHYIR TE, RTAG TU BRTZON PA'I PHYIR RO, ,ZHING NYID KYIS NI ZHING RNAM PA BZHI STE, 'GRO BA DANG, SDUG @292B BSNGAL BA DANG, PHAN 'DOGS PA DANG, YON TAN KHYAD PAR DU 'PHAGS PAS SO, ,GZHI NYID KYIS NI SROG GCOD PA DANG, MA BYIN PAR LEN PA LA SOGS PA MI SPONG BA'I KHYAD PAR GYI PHYIR RO, ,BYA BA NYID KYIS NI GNOD PA BYED PA'I KHYAD PAR GYI PHYIR RO, ,MJUG NYID KYIS NI BYAS NAS RAB TU DGA' BA YID LA BYED PA'I KUN DU RTOG PA RGYAS PA'I PHYIR RO, ,'KHOR NYID KYIS NI GZHAN DAG YANG DAG PAR 'DZIN DU 'JUG CING BSNGAGS PA BRJOD PA DANG, CHOS MTHUN PAS MTHONG NA SHIN TU YID DGA' BA NYID DAG GIS SO, ,DE BZHIN DU CI RIGS PAR RIG PAR BYA BA YIN NO, ,SEMS LA 'DZIN PA NA LEGS PAR GSUNGS PA'O ZHES BYA BA'I SKABS SO, ,JI LTAR 'DZIN ZHE NA BA LANG RDZIS NI ZHES BYA BA RGYA CHER 'BYUNG BA YIN NO, ,LEGS LDAN 'DI ZHES BYA BA NI LEGS PA DANG LDAN PA 'DI NI'O, ,LEGS LDAN 'DI SU YIN ZHE NA, TSUL BZANG CHU BO TSOL BA CAN, ,MCHOG DANG MCHOG TSOL MCHOG MIN SHES PA'I YIN, ,DE LA TSUL BZANG CHU BO TSOL BA CAN, ,ZHES BYA BA NI SANGS RGYAS DANG BYANG CHUB SEMS DPA' RNAMS KYIS BSNGAGS PA TSUL DANG, BYANG CHUB KYI YAN LAG GI DGE BA STON PA NI TSUL BZANG NGO, ,'DI LA TSUL BZANG PO'I CHU BO TSOL BA'I NGANG TSUL YOD PAS 'DI NI TSUL BZANG PO'I CHU BO TSOL BA CAN TE, TSUL BZANG PO'I CHU BO TSOL BA CAN DE'I'O, ,MCHOG DANG MCHOG TSOL NI MCHOG DANG MCHOG TSOL BAR BYED PAS NA MCHOG DANG MCHOG TSOL TE, MCHOG DANG MCHOG TSOL BA DE'I'O, ,MCHOG DANG MCHOG MIN SHES PA'I NI GTZO BO DANG GTZO BO MA YIN PA SHES PA'O ZHES BYA BA'I THA TSIG GO, ,LEGS LDAN 'DI GANG GI YIN PAR BSTAN PA'I LEGS LDAN DE GANG YIN ZHE NA, DE YI SNYING PO NYID NI RAB TU RNAMS PHYE NA, ,RANG GI SROG GI RIN GYIS LEGS GSUNGS NYO BA MDZAD, ,CES BYA BA RGYA CHER 'BYUNG BA'O, ,MDZAD PA NI MDZAD PAR GYUR PA'O, ,SNYING PO NYID NI RAB TU RNAM PHYE NAS, ,ZHES BYA BA NI LEGS PAR GSUNGS PA DANG RANG GI SROG GNYIS LA SNYING PO DANG SNYING PO MA YIN PA GNYIS LA RNAM PAR DPYAD NAS RANG GI SROG GIS LEGS PAR GSUNGS PA NYO BA MDZAD DO, ,BSAM PA YONGS SU SMIN PA DAG PAR 'GYUR, ,ZHES BYA BA NI DGE BA'I RTZA BA YONGS SU SMIN PA DAG PAR 'GYUR ZHES BYA BA'I THA TSIG GO, ,MI MNYES PAR ZHES BYA BA NI MI MNYES PAR ZHES BYA @293A *, ,BA'I THA TSIG GO, ,YONGS SU NYAMS PA RNAM PA BZHIR YONGS SU BSTAN TE, YO BYAD RNAMS LA ZANG ZING LHUR LEN PA NYID KYIS YO BYAD BSNYUNGS PA YONGS SU NYAMS PA NI SBYANGS PA'I YAN LAG RNAMS 'GYUR ZHES BYA BA'I TSIG 'DIS YONGS SU BSTAN TO, ,TSANGS PA MTSUNGS PAR SPYOD PA RNAMS LA BYAMS PA YONGS SU NYAMS PA NI DA LTAR NI, DGE SLONG TSOGS KYANG BYAMS PAS PHYIR PHYOGS SHING ZHES BYA BA 'DIS SO ZHES YONGS SU NYAMS PA NI, SNGOM BRTZON SKYE BO DGE 'DUN NANG DAG TU, ,DOGS MED STAG MTSAN CAN DANG BYA THOGS RGYU, ,ZHES BYA BA 'DIS SO, ,RANG GI DON THOB PAR BYA BA LA MNGON PAR BRTZON PA YONGS SU NYAMS PA NI, ,SNGON GYI BSAM GTAN SA NI GANG YIN PA, ,KYE MA JI LTAR 'BRAS BU'I SA DAG BYED, ,CES BYA BA 'DIS SO, ,DE LA MNYAN PA DANG, GZUNG PA DANG, BCANG PA DANG DON DANG MTHUN PAR SGRUB PA DAG GIS 'BAD PAR BYA'O ZHES BYA BA NI MNYAN PA DANG, GZUNG BA DANG, BCANG BA DANG DON DANG MTHUN PAR SGRUB PAS 'BAD PAR BYA'O, ,MYONG BA ZHES BYA BA NI NYAMS SU MYONG BAR GYUR PA'O, ,BSTAN PA JI LTA BUR NA MI BYA YIN, ,ZHES BYA BA NI SANGS RGYAS BCOM LDAN 'DAS RNAMS KYI BKA' JI LTAR NA BYA BA MA YIN PAR 'GYUR ZHES BYA BA'I THA TSIG GO, ,TSIGS SU BCAD PA 'DIS ZHES BYA BA RGYA CHER 'BYUNG BA NI TSIGS SU BCAD PA 'DIS CI ZHIG BSTAN CE NA, ,'DU BYED RNAMS NI RNAM 'JIG CING, ,ZHES BYA BA YONGS SU BSTAN TE, GNAS SKABS SU 'GYUR ZHING ZHES BYA BA 'DIS TE, 'GRO'O ZHES BYA BA'I RANG GI NGANG GIS SKAD CIG TU 'JIG PA YIN PAR YONGS SU BSTAN TE, GNAS PAR MI MNGON LA ZHES BYA BA 'DIS SO, ,GTAN DU 'JIG BAR YONGS SU BSTAN TE, SONG ZHING SONG BA MI 'ONG ZHES BYA BA 'DIS SO, ,GTAN DU 'JIG PA YIN YANG CHAD MIN ZHES BYA BA 'DI YANG YONGS SU BSTAN TO, ,GSAR DU SKYE ZHES BYA BA 'DIS SO, ,'DUS BYAS 'JIG PA DE DAG LA, ,MI SHES BDAG DANG BDAG GIR 'DZIN, ,MI SHES PAS BDAG DANG BDAG GIR 'DZIN TO ZHES BYA BA'I THA TSIG GO, ,GZHAN YANG ZHES BYA BA NI RNAM GRANGS GZHAN YANG GNAS SKABS 'GYUR ZHING ZHES BYA BA RGYA CHER 'BYUNG BA'I TSIGS SU BCAD PA GANG GSUNGS PA NI'O, ,MI 'JIG LTA ZHES BYA BA NI 'DU BYED RNAMS LA RTAG PAR LTA'O, ,YUN RING 'JIG PAR LTA ZHES BYA BA NI GAL TE 'DU BYED 'DI DAG MI RTAG @293B PA YIN YANG YUN RING ZHIG NA 'JIG GO ZHES DE LTAR LTA BA'O, ,GZHAN DAG NI 'DU BYED DE DAG ZHIG NA MYA NGAN BYED DO, ,GZHAN DAG NI DE DAG ZHIG LTA STE CHAD PAR LTA'O ZHES BYA BA'I THA TSIG GO, ,GANG ZHIG 'DU BYED LA DE LTAR LTA BA DE'I CHED DU, DE'I RTZA BZHI YIS MI RTAG 'DI NYID BSTAN, ,TSIGS SU BCAD PA DE'I RTZA BA BZHI PO DE DAG GIS TE, GNAS SKABS 'GYUR ZHES BYA BA DANG POS DANG, GNAS PAR MI MNGON ZHES BYA BA GNYIS PAS DANG SONG ZHING SONG BA MI 'ONG ZHES BYA BA GSUM PAS DANG, GSAR DU SKYE ZHES BYA BA BZHI PAS SO, ,DE LA RTZA BA GNYIS KYIS NI 'DUS BYAS RNAMS LA BDAG MED PA DANG BDAG GI BA MED PA NYID DU YONGS SU BSTAN TE, GANG DAG GIS SHE NA, GNAS SKABS 'GYUR ZHING GNAS PAR MI MNGON LA, ,ZHES BYA BA 'DIS DANG, SONG ZHING SONG BA MI 'ONG GSAR DU SKYE, ,ZHES BYA BA 'DIS TE, MDO LAS GANG MI RTAG PA DE NI SDUG BSNGAL BA'O, ,GANG SDUG BSNGAL BA DE NI BDAG MED PA DANG, DE NI BDAG GI MED PA DANG, DE LA NGA MED PA DANG BDAG DE'I NGA'I MA YIN NO ZHES GSUNGS PA'I PHYIR RO, ,GCIG GIS NI DE DAG LA BDAG DANG BDAG GIR LTA BA STE, 'ON KYANG BDAG DANG BDAG GIR 'DZIN 'JUG PA ZHES BYA BA 'DIS SO, ,GCIG GIS NI DE'I RGYU MA RIG PAS ZIN PA NYID DANG, 'GRO BA 'DI NI MA RIG PA YIS MED CES BYA BA 'DIS SO, ,BDAG TU PHYIN CI LOG PA'I GZHI DANG, RANG BZHIN DANG RGYU YONGS SU BSTAN PA YIN NO, JI LTAR ZHE NA, RE ZHIG BDAG TU PHYIN CI LOG PA'I GZHI NI RTZA BA SNGA MA GNYIS KYIS YONGS SU BSTAN TO, ,RANG BZHIN NI RTZA BA GSUM PAS YONGS SU BSTAN TO, ,RGYU NI RTZA BA BZHI PAS YONGS SU BSTAN TO, ,TSIGS SU BCAD PA 'DI GNYIS KYI DON YANG SNGA MA DANG MTHUN PAR BRJOD PAR BYA'O, ,JI LTAR ZHE NA, DE LA RE ZHIG TSIGS SU BCAD PA DANG PO LAS BYAS PA KUN MI BYA BA NI PHYIS GANG MI BYA BA DE NI MI BYA BA ZHES BYA'O, ,BYANG CHUB GSUM LAS BRTZAMS NAS THOS PA DANG, ,BSAMS PA DANG, BSGOMS PA LAS BYUNG BAS RGYUD YONGS SU SMIN PAR BYA BA GANG YIN BDE MI BYA'O, ,YUN RING NA YANG ZHI BA 'THOB, ,BYAS PA MI BYA BA DES DUS RING POR GANG GI TSE BRTZON PAR BYED PA DE'I TSE THAR PA GDON MI THA BAR 'THOB BO ZHES BYA BA'I THA TSIG GO, ,GANG BYAS PA YIN NI GANG BYAS PA YANG BYA BA YIN NA ZHES BYA BA'I THA @294A *, ,TSIG GO, ,YANG BYA BA DE YIS NI SHIN TU YUN RING ZHI MI 'THOB, SHIN TU DUS YUN RING POR YANG THAR PA MI 'THOB BO ZHES BYA BA'I THA TSIG STE, JI LTAR PHYI ROL PA'I SNYOMS PAR 'JUG PA DAG LTA BU'O,, ,,RNAM PAR BSHAD PA RIGS PA'I BSHAD PA, BAM PO BCO LNGA PA STE THA MA'O, ,GNYIS PA LAS KYANG GANG BYAS PA NI MI BYA ZHES BYA BA NI BYANG CHUB CHEN PO'I CHED KYI BSOD NAMS DANG YE SHES KYI TSOGS GANG YIN PA YANG MI BYA'O, ,GANG BYAS PA STE BSGRUBS PAS DE MI BYA'O, ,BYAS PA MI BYA BA DES SANGS RGYAS NYID DU SRID PA YOD, DES GDON MI ZA BAR SANGS RGYAS SU 'GYUR RO ZHES BYA BA'I THA TSIG GO, ,GANG BYAS PA STE BSGRUBS PA BYA BA STE, GANG ZHIG YANG BYA BA YIN NO, ,BYAS PA YANG BYA BA DE YIS NI THAR PA YANG SRID PAR MI 'GYUR RO, ,MYA NGAN LAS 'DAS PA YANG MI 'THOB NA SANGS RGYAS NYID LTA CI SMOS BDAG LA KHROS TE BSAD NA MI RUNG NGO, ,BSAD PAR GYUR NA ZHES BYA BA'I THA TSIG GO, , DE'I TSIG BZLOG PAR YANG MI NUS NAS ZHES BYA BA NI DE'I TSIG BZHIN MI BYA BAR YANG MI NUS NAS ZHES BYA BA'I THA TSIG GO, ,SHES TE NI SHES PAR GYUR TE'O, ,THABS MA YIN PA BYED PAS BUD MED DON DU GNYER BA LAS ZHES BYA BA NI MI TSANGS PAR SPYOD PA 'DOD PAS BUD MED DON DU GNYER BA LAS ZHES BYA BA'I THA TSIG GO, , DAD PA'I RTAGS RNAMS LAS ZHES BYA BA NI DAD PA'I RTAGS DE DAG 'BYUNG BA YANG DGE SLONG DAG GSUM PO 'DI DAG NI DAD PA'I RTAGS DANG, MTSAN MA DANG, DAD PA RTOGS PAR BYED PA YIN NO, ,GSUM PO GANG DAG CE NA, DGE SLONG DAG DAD PA CAN NI 'PHAGS PA RNAMS MTHONG BAR 'DOD PA YIN, DAM PA'I CHOS NYAN PAR 'DOD PA YIN, SKYE DGU SER SNA'I DRI MAS DKRIS PA RNAMS KYI NANG NA SER SNA'I DRI MA DANG BRAL BA'I SEMS KYIS KHYIM NA GNAS SHING LHUG PAR GTONG BA DANG, LAG BRKYANG BA DANG, RNAM PAR GTONG BA LA DGA' BA DANG, MCHOD SPYIN KHOR MOR BYED PA DANG, GTONG BA PHUN SUM TSOGS PA DANG, SPYIN PA LA KUN 'GED PAR DGA' BA YIN NO ZHES 'BYUNG BA YIN NO, ,DE BZHIN DU RGAN ZHUGS BSNYEN PAR RDZOGS SU GZHUG PAR MA NUS SO, ,DE BZHIN DU KHYOD SKYES PA YIN NAM ZHES BYA BA DE LTA BU LA SOGS PA BSNYEN PAR RDZOGS PAR BYED DU 'JUG PAS MA BZLAS PAS SO, ,DE BZHIN DU KHYOD NYAN DU GZHUG MA NUS SO ZHES BYA BA YIN NO, , @294B GSON 'DRAR NI GSON BA LTA BUR RO, ,GANG ZHIG THOB PAS ZHES BYA BA RGYA CHER 'BYUNG BA NI 'BRAS BU GANG ZHIG THOB PAS NGAN SONG BA STE NGAN SONG GI 'BRAS BU CAN NO, ,NYON MONGS PA DANG SKYE BA DANG, LAS KYI KUN NAS NYON MONGS PA MTHONG BAS SPANG BAR BYA BA RNAMS ZAD PA YIN NO, ,RE ZHIG DE LTA BU NI BSLAB PA'I GNAS SKABS KYI DBANG DU MDZAD NAS GSUNGS PA YIN NO, ,YANG 'BYUNG BA PA STE, YANG 'BYUNG BA PA'I 'BRAS BU CAN GYI NYON MONGS PA DANG, SKYE BA'I KUN NAS NYON MONGS PA BSGOM PAS SPANG BAR BYA BA GNYIS SPANGS PA NI DGRA BCOM PA YIN NO, ,LAS KYI KUN NAS NYON MONGS PA NI MI SMOS SO, ,CI'I PHYIR ZHE NA, NGAN SONG BA'I LAS SPANGS PA LA NI YANG 'BYUNG BA BA'I LAS GYI KUN NAS NYON MONGS PA RNAM PAR MI GZHAG STE, YANG 'BYUNG BA NI DGE BA'I 'BRAS BU YIN PA'I PHYIR RO, ,'DI LTAR SLOB PA RNAMS KYI YANG 'BYUNG BA NI SO SO'I SKYE BO'I GNAS SKABS NAS BSAGS PA'I LAS DGE BA LAS DGE BA LAN GRANGS GZHAN LA MYONG BAR 'GYUR BA DANG, SKYES NAS MYONG BAR 'GYUR BA'I 'BRAS BU YIN PAS SO, ,CI'I PHYIR ZHE NA, SLOB PA'I GNAS SKABS KYI 'BYUNG BA PA MA YIN TE, DE RNAMS KYI DGE BA ZAG PA DANG BCAS PA'I YIN TE, DE NI ZAD PAR DGA' BA YIN PA'I PHYIR RO, ,NYON MONGS PA MTHONG BAS SPANG BAR BYA BA RNAMS NI MNGON PAR RTOGS PA'I BGEGS YIN PA'I PHYIR RO, ,TSIGS SU BCAD PA 'DI LAS BGEGS ZHES BSTAN PAS BSGOM PAS SPANG BAR BYA BA RNAMS NI BDEN PA MNGON PAR RTOGS PA RNAMS LA BGEGS SU GYUR PA MA YIN TE, 'DI LA MTHONG BA'I LAM LA MTHONG BAS SPANG BAR BYA BA RNAMS KHO NA'I 'THOB PA DAG GCOD KYI BSGOM PAS SPANG BAR BYA BA RNAMS KYI NI MA YIN NO, ,NYON MONGS PA LA YANG SKYE BA'I KUN NAS NYON MONGS PA DE'I NUS PA YOD PAR BSTAN PA'I PHYIR BAR DU DE SMOS PA YIN NO ZHES BYA BA NI NYON MONGS PA DANG, LAS KYI KUN NAS NYON MONGS PA GNYIS KYI BAR DU SKYE BA SMOS PA YIN NO ZHES BYA BA'I THA TSIG GO, ,JI LTA ZHE NA, BGEGS NI CI DAG SPANGS, NGAN 'GRO RNAMS LAS RGAL TAM CI YIN MI BYA'I NGES PA'I LAS NI CI ZHIG THOB CES BYA BA YIN NO, ,NGAN SONG BA'I SKYE BA DANG, LAS KYI KUN NAS NYON MONGS PA GNYIS BDAG DANG GZHAN LA GNOD PA'I DBANG DU MDZAD PA'I PHYIR YANG BAR DU DE SMOS PA YIN TE, DE LA BDAG LA GNOD PAR BYED PA NI SKYE @295A *, ,BA'I KUN NAS NYON MONGS PA'O, ,BDAG DANG GZHAN LA GNOD PAR BYED PA NI LAS KYI KUN NAS NYON MONGS PA'O, ,NGAN SONG DANG NI YANG 'BYUNG 'GYUR BA GANG, ,NYON MONGS YANG LAG GSUM GNYIS ZAD BYA'I PHYIR, ,NYON MONGS PA'I YAN LAG GSUM ZAD PAR BYA BA'I PHYIR TE, NGAN SONG DU GYUR PA GANG YIN PA'I NYON MONGS PA'I KUN NAS NYON MONGS PA LA SOGS PA ZAD PAR BYA BA'I PHYIR DE KHO NA NYID DE RTOGS PA MED PA'O, ,NYON MONGS PA'I YAN LAG GNYIS ZAD PAR BYA BA'I PHYIR TE, YANG 'BYUNG BAR 'GYUR BA GANG YIN PA NYON MONGS PA DANG, SKYE BA ZAD PAR BYA BA'I PHYIR DE KHO NA NYID DE RTOGS PA MED DO ZHES BYA BA'I THA TSIG STE, PHRA RGYAS ME RNAMS KYIS BSREGS SRID PA RNAMS KYI ZHES BYA BA RGYA CHER 'BYUNG BAS SO, ,SLOB PA'I GNAS SKABS KYI DBANG DU MDZAD NAS BSHAD PA SNGA MA BZHIN NO, ,JI LTA ZHE NA, RGYU GNYIS DAG GIS SROG DBUGS MA PHYIN PA LAS SROG DBUGS PHYIN PA THOB PA NI GSON PA DANG 'DRA BAR NYAL BAR RUNG GI GZHAN DU NI MA YIN NO ZHES BYA BA YIN NO, ,RGYU GNYIS PO GANG DAG GIS SHE NA, LUNG BSTAN PA THOB PA ZHES BYA BA RGYU 'DI MA GTOGS PA'O, ,GZHAN YANG BSHAD PA, YONGS SU NYAMS PA MED PAR SPYOR BA'I LAM THOB PA NYID KYIS NI NGES PAR 'BYED PA'I CHA DANG MTHUN PA'I BZOD PA THOB PA'I PHYIR RO, ,DE THOB PA'I PHYIR NA YONGS SU NYAMS PA MED PAR SBYOR BA'I LAM THOB PA YIN NO, ,DE THOB PAS YANG NGAN SONG DU MI 'GRO'O, ,'BRAS BU THOB PA NYID KYIS NI GANG ZHIG THOB PA'I PHYIR SNGA MA BZHIN NO, ,JI LTA ZHE NA, GANG ZHIG THOB PAS NGAN SONG BA'I NYON MONGS PA DANG ZHES BYA BA RGYA CHER 'BYUNG BA YIN NO, ,CI ZHIG RNYED PA LAS NI DBUGS PHYIN NA, ,ZHES BYA BAS NI YONGS SU NYAMS PA MED PAR SBYOR BA'I LAM MA THOB PA NYID DU YONGS SU STON PA YIN NO, ,CI ZHIG RTOGS ZHES BYA BA NI 'BRAS BU MA THOB PA NYID DU'O, ,SNGA MA BZHIN NO, ,JI LTA ZHE NA, SROG DBUGS MA PHYIN PA LAS DBUGS PHYIN PA THOB PA NI GSON PA DANG 'DRA BAR NYAL BAR RUNG GI GZHAN DU NI MA YIN NO ZHES BYA BA YIN NO, ,GSUM PO GANG DAG GIS SHE NA, LUNG STON PA THOB PA NYID KYIS NI SNGA MA BZHIN NO, ,THOB PA LA RNAM PA GNYIS SU PHYE STE, BSHAD PA, YE SHES KYI KHYAD PAR THOB PA NYID KYIS DANG, SPANGS PA'I KHYAD PAR THOB PA NYID KYIS SO, ,SPANGS PA'I @295B KHYED PAR YANG ZHES BYA BA RGYA CHER BYUNG BA YIN NO, ,DE LA CI ZHIG RNYED PA LAS NI DBUGS PHYI CES BYA BA NI LUNG BSTAN PA MA THOB PA NYID DU YONGS SU STON PA YIN NO, ,CI ZHIG RTOGS ZHES BYA BA NI YE SHES KYI KHYAD PAR MA THOB PA NYID DU YONGS SU STON PA YIN NO, ,BDE BAR 'DU SHES PHYIN CI LOG GI GZHI NYID YIN PA'I PHYIR RO, ,BDE BA MA YIN PA DE DAG LA BDE BA'O SNYAM DU 'DU SHES PA STE, YONGS SU GDUNG BA DANG BCAS PA'I BDE BA YIN PA'I PHYIR GZHAN PA BZHIN NO, ,BDE BAR 'DU SHES PA DE NYID PHYIN CI LOG YIN NO, ,DE'I GZHI NI BDE BAR 'DU SHES PHYIN CI LOG GI GZHI STE DE'I DNGOS PO'O, ,DE'I PHYIR BDE BAR 'DU SHES PA STE, BDE BA NYID DU PHYIN CI LOG GI GZHI NYID YIN PA'I PHYIR RO, ,DA NI PHYI MA'I PHYED KYIS NI 'DI LTAR DE RNAMS NI ZHES BYA BA RGYA CHER 'BYUNG BAS JI LTAR DE DAG RMONGS PAR BYED PA DE LTA BU STON PA YIN NO, ,SMON PA NA YANG MI RNAMS KYI NI SEMS, ,RMONGS NA BDAG NYID PHRAD NA SMOS CI DGOS, ,ZHES BYA BAS DE RNAMS NI MA PHRAD KYANG SRED PA DANG BCAS PA RNAMS KYI SEMS BDE BAR 'DU SHES PAS RMONGS PAR BYED NAS PHRAD NA LTA SMOS KYANG CI DGOS ZHES BYA BAR STON TO, ,SMON PA NA NI 'DOD PA NA STE, DON DU GNYER BA NA'O, ,BSDUS PA'I TSIGS SU BCAD PA GNYIS TE DON JI SKAD DU BSTAN PA'I'O, ,DPUNG THUB DKA' BA CAN ZHES BYA BA NI GANG DAG GI DPUNG THUB PAR DKA' BA DE DAG NI DPUNG THUB PAR DKA' BA CAN ZHES BYA BA'I THA TSIG GO, ,'DOD PA 'DI DAG NI ZHES BYA BA RGYA CHER 'BYUNG BA NI 'DOD PA 'DI DAG NI MNOG CHUNG ZHING SDUG BSNGAL MANG BA YIN TE, NYES DMIGS MANG BA YIN NO, ,'DIR MNOG CHUNG BA NI NYES DMIGS SHIN TU MANG BAS SO, , ZHES BYA BA RGYA CHER SBYAR RO, ,GO RIMS BZHIN NO, ,JI LTA ZHE NA, GSAL BA'I SPANGS PAR DKA' BA NYID KYIS NI BZLOG PAR DKA' BA YIN NO, ,RNAM PAR GNON PA'I SPANG BAR DKA' BA NYID KYIS NI DPUNG THUB PAR DKA' BA YIN NO, ,BAG LA NYAL YANG DAG PAR GZHOM PA NI YANG DAG PAR SPANG BAR DKA' BA NYID KYIS NI RGYU BA RNAMS RTOGS PAR DKA' BA YIN NO, ,DE LA GSAL BA'I SPANG BA NI GSAL BA NYID SPANG BA YIN PAS GSAL BA'I SPONG BA STE, SO SOR RTOG PA'I STOBS KYIS TE, JI SKAD DU 'DOD PA 'DI DAG NI MNOG CHUNG ZHING SDUG BSNGAL MANG BA YIN NO ZHES BYA BA DE LTA BU LA SOGS PA GSUNGS PA LTA BU'O, , @296A *, ,RNAM PAR GNON PA'I SPANG BA NI RNAM PAR GNON PA NYID SPONG BA YIN PAS RNAM PAR GNON PA'I SPONG BA STE, 'JIG RTEN PA'I LAM GYIS 'DOD PA'I KHAMS KYI 'DOD CHAGS DANG BRAL BA'O, ,DE BZHIN DU BAG LA NYAL YANG DAG PAR 'JOMS PA NYID SPONG BA YIN PAS BAG LA NYAL YANG DAG PAR 'JOMS PA'I SPONG BA STE, 'JIG RTEN LAS 'DAS PA'I LAM GYIS SRID PA'I RTZE MO LAS TE, 'DOD PA NI SDUG BSNGAL BA'O ZHES RGYA CHER 'BYUNG BA'O, ,SNGON RDUL BSAGS PA ZHES BYA BA RGYA CHER 'BYUNG BA NI TSE RABS SNGA MA LA NYON MONGS PA BSAGS PA'O, ,'DIR NI DE LTAR GYI TSE LA'O, ,YID 'KHRUL PA RNAMS KYI NI SEMS RNAM PAR G-YENGS PA RNAMS KYI'O, ,TING NGE 'DZIN DANG, SHES RAB DANG, TSUL KHRIMS KYI BAR DU GCOD PA'I PHYIR TE, GO RIMS BZHIN NO, ,JI LTA ZHE NA, TING NGE 'DZIN GYI BAR DU GCOD PA'I PHYIR MOS PA'I DGRA RNAMS SO, ,SHES RAB KYI BAR DU GCOD PA'I PHYIR BLO GROS KYI DGRA RNAMS SO, , TSUL KHRIMS KYI BAR DU GCOD PA'I PHYIR TSUL KHRIMS ZAD PAR BYED PA DAG YIN NO, ,'DI DANG PHYI MAR ZHES BYA BA RGYA CHER 'BYUNG BA NI DA LTAR GYI TSE LA BDE BA'I RGYU GNYIS YIN PAS NOR DANG 'DRA BA'I PHYIR RDZAS DANG 'DRA BA'I DGE BA YIN TE, GRAGS PA'I RDZAS DANG CHOS MTHUN PAS SO, ,DE BZHIN DU PHYI MAR SDUG BSNGAL YONGS SU SKYOB PA'I RGYU NYID YIN PAS NOR DANG 'DRA BA'I PHYIR RDZAS DANG 'DRA BA'I DGE BA STE, GRAGS PA'I RDZAS DANG CHOS MTHUN PAS SO, ,DGE BA'I CHOS RNAMS LAS THOB PA DANG MA THOB PA YONGS SU NYAMS PA NYID KYIS YONGS SU NYAMS PAR BYED PA'I PHYIR RO, ,DGE BA'I CHOS RNAMS LAS THOB PA YONGS SU NYAMS PAS YONGS SU NYAMS PAR BYED PA'I PHYIR DANG, DE DAG NYID LAS MA THOB PA YONGS SU NYAMS PAS YONGS SU NYAMS PAR BYED PA'I PHYIR RO, ,YANG MDOR BSDUS NA ZHES BYA BA RGYA CHER 'BYUNG BA NI YANG MDOR BSDU NA TSIGS SU BCAD PA 'DIS NI 'DOD PA RNAMS YONGS SU SHES PAR DGA' BA NYID NI TSIG GCIG GIS YANGS SU BSTAN TE, SHES DKA' ZHES BYA BA 'DIS SO, ,SPANG BAR DKA' BA NYID NI TSIG GSUM DAG GIS YONGS SU BSTAN TE, BZLOG DKA' DPUNG THUB DKA' BA CAN RGYU BA, RTOGS DKA' ZHES BYA BA 'DI RNAMS KYIS SO, ,YONGS SU MA SHES SHING MA SPANGS PA DANG, JI LTAR GANG ZHIG NI GANG DAG LA GNOD @296B PAR BYED PA DE NI TSIG GSUM DAG GIS YONGS SU BSTAN TE, DE LA BZANG PO'I LAM RNAMS 'JOMS PA ZHES BYA BA 'DIS NI RE ZHIG JI LTAR BYED PA DE YONGS SU BSTAN TO, ,MOS DANG BLO YI DGRA YIN DANG, ,TSUL KHRIMS ZAD BYED CES BYA BA 'DI GNYIS KYIS KYANG GNOD PA MANG ZHIG BYED PA YONGS SU STON TO, ,TSIGS SU BCAD PA LHAG MAS NI GANG DAG LA GNOD PA BYED PA DE YONGS SU BSTAN TO, ,GANG GIS SHE NA, 'DOD CHAGS RANG DGA'I DBANG PO CAN RNAMS KYI ZHES BYA BA RGYA CHER 'BYUNG BAS SO, ,BRTAN PA YIN TE, JI LTAR ZHE NA, 'PHRIGS NA YANG MI LDOG PAS SO, ,THAG RING ZHING THIBS POR RGYU BA YIN NO, ,JI LTAR NA THIBS POR RGYU BA YIN ZHE NA, MI MNGON PA DANG BGROD DKA' BA'I GNAS SU STE, SHES PAR DKA' BA NYID KYIS STON TE, SHES DKA' BA ZHES BYA BA'I TSIG 'DIS SO, ,DE LTA BU NI SRID PA'I SGO NAS SBYAR BAR BYA BA YIN NO, ,SNYING BRTZE BA MED PA NYID NI BZANG PO'I LAM 'JOMS PA LA SOGS PA NYID KYIS SO, ,TSUL KHRIMS LA SOGS PA GANG DAG GI DANG PO BZANG PO'I LAM 'JOMS PA YOD PA DE DAG NI BZANG PO'I LAM 'JOMS PA LA SOGS PA'O, ,DE'I DNGOS PO NI BZANG PO'I LAM 'JOMS PA LA SOGS PA NYID DE, BZANG PO'I LAM 'JOMS PA LA SOGS PA DE NYID KYIS SO, ,MOS DANG BLO YI DGRA YIN DANG, ,TSUL KHRIMS ZAD BYED YIN ZHES BYA BA 'DI RNAMS KYIS DGE BA'I RTZA BA MA LUS PAR MED PAR BYED PA'I PHYIR RO, ,DPE GSUM DAG GIS BSTAN ZHE NA ZHES BYA BA NI MAR MED ME DANG, LJON SHING DANG, CHU RNAMS KYIS SO, ,'DI NI TSE'I DBANG GIS MING DANG GZUGS ZHES BYA BRGYA CHER 'BYUNG BA NI DE LAS MING NI GZUGS CAN MA YIN PA'I PHUNG PO BZHI STE, DER GZHOL BA'I PHYIR RO, ,GZUGS NI 'BYUNG BA CHEN PO BZHI DAG DANG 'BYUNG BA CHEN PO BZHI DAG RGYUR BYAS PA STE, GZUGS SU RUNG BA'I PHYIR RO, ,TSE NI DOD DANG RNAM PAR SHES PA GNYIS KYI GZHIR GYUR PA'I CHOS GANG YIN PA STE, SROG CES BYA BA'I RNAM GRANGS SO, ,DE'I DBANG GIS 'JUG CES BYA BA NI TSE DE MED PAR MING DANG GZUGS MI 'BYUNG NGO ZHES BYA BA'I THA TSIG GO, ,GSUM PO DE PHYIR JI LTAR BUR, ,MI BRTAN PA NI ZHES BYA BA NI TSE DANG MING DANG GZUGS DE DAG DPE GSUM PO DE'I PHYIR RNAM PA GANG GIS MI BRTAN PA STE, 'JIG PA'I CHOS CAN YIN PA DE 'CHI 'GYEL ZAD PA LAS PHYOGS PA RNAMS KYIS TE, DE MI BRTAN PA NYID NI 'CHI BA LA PHYOGS PA DANG, @297A *, ,'GYEL BA LA PHYOGS PA DANG, ZAD PA LA PHYOGS PA'I MAR ME LJON SHING CHU YIS BSTAN, MAR MES NI MING 'CHI BA LA PHYOGS PA NYID DU BSTAN TE, NANG PAR MAR ME RLUNG GIS BSKYOD PA 'DRA BAR ZHES BYA BAS SO, ,LJON SHING GIS NI GZUGS 'GYEL BA LA PHYOGS PA NYID DU BSTAN TE, CHU BO'I 'GRAM GYI LJON SHING RTZA BA 'GUL 'DRA BAR, ,ZHES BYA BAS SO, ,CHUS NI TSE ZAD PA LA PHYOGS PA NYID DU BSTAN TE, SNOD CHAG YOD PA'I CHU NI 'DZAG PAR BYED PA LTAR, ,ZHES BYA BAS SO, ,RGYU BRGYAD DAG GIS CHOS 'DI LA SHIN TU BRTZAL BAR MI BYA BAR 'GYUR TE ZHES RGYA CHER BSTAN PA GANG YIN PA DE DANG CHOS MI MTHUN PA NI, DON GNYER NUS DANG MA BYAS PAR, ,ZHES BYA BRGYA CHER 'BYUNG BA NAS, DE NI NGES PAR SDIG LAS KYIS, ,BSGRIBS SHING SDUG BSNGAL MANG STON YIN, ,ZHES BYA BA'I BAR DU BSTAN PA YIN NO, ,GZHAN YANG SKYO BAR BYED PA NI, ,NGAN SONG THOS LA YID CHES SHING, ,ZHES BYA BA RGYA CHER 'BYUNG BA YIN NO, ,NGAN SONG THOS PA NI CHOS SGROGS PA RNAMS SO, ,YID CHES PA NI NGAN SONG YOD DO, ,MI DGE BA'I LAS KYIS DER SKYE'O SNYAM DU'O, ,DE YI GNYEN POR MI BYED PA, ,DE'I GNYEN POR DGE BA'I LAS NGAN SONG DU SKYE BA'I BGEGS BYED PA DANG, BDE 'GRO THOB PAR BYED PA MI BYED DO, ,'JIGS PA NI NGAN SONG RNAMS LA'O, ,NUS DANG LDAN PA NI DGE BA LA SBYOR BA LA'O, ,TSE THUNG BA NI RE LTAR THOGS NA TSE LO BRGYA'O, ,DE YANG MA NGES PA NI TSE DE YANG MA NGES TE, RES 'GA' NI MNGAL NYID DU 'CHI'O, ,RES 'GA' NI BYIS PAR RO, ,RES 'GA' NI DAR LA BAB PA NA'O, ,MI BYA BA NI BYA MIN, DGE BA MI DGE BAR BYA BA MA YIN NO ZHES BYA BA'I THA TSIG GO, ,BYED PA PO GZHAN MED, DE LA BYED PA PO GZHAN MED PA'O, ,MA BYAS PAR BDE LEGS MED, DGE BA MA BYAS PAR SDUG BSNGAL MED PA MED PA'O, ,BYAS PA YANG MI 'JIG DGE BA DANG MI DGE BA'I LAS BSAGS PA YANG 'BRAS BUR MA SMIN PAR CHUD MI ZA'O, ,DE BYED MI SHES MIN, BDAG GIS JI LTAR DGE BA BYA SNYAM PA DANG, GANG GIS NA NGAN SONG DU MI 'GRO ZHING BDE 'GRO THOB PAR BYA SNYAM DU THABS MI SHES PA LA YANG MA YIN BZHIN DU'O, ,GAL TE SO SO'I SKYE BO DAG ,CES BYA BA RGYA CHER 'BYUNG BA NI 'DOD PA NYID NI ZANG ZING GI PHUB MA YIN PAS 'DOD PA'I NI ZANG ZING GI PHUB MA SMOS PAS NI DE LA @297B SNYING PO NYID 'GOG PAR BYED DO, ,'DI SKAD DU 'DI JI SKAD DU BSTAN PA DE LTAR YIN NA, ,CI'I PHYIR SO SO'I SKYE BO 'DI 'DOD PA'I ZANG ZING GI PHUB MA LA 'JUS NAS KYE MA RAB TU MYOS PA'I GLANG PO CHE'I NYAL BA BYED DAM CI ZHES BSTAN PA YIN NO, ,SO SO'I SKYE BO'I ZHES BYA BA NI SKYE BO GANG BDEN PA MTHONG BA RNAMS LAS SO SOR PHYI ROL DU GYUR PA DE NI SO SO'I SKYE BO ZHES BYA BA'O, ,KYE MA 'DI NI ZHES BYA BA NI DE LA SNYING BRTZE BAR STON PA YIN NO, ,RAB MYOS PA'I GLANG CHEN NYAL BA ZHES BYA BA NI RAB TU MYOS PA NYID KYI GLANG CHEN NYAL BA YIN PAS NA RAB TU MYOS PA'I GLANG CHEN NYAL BA DE'O, ,YANG RNAM PA GZHAN GYIS SKYO BAR BYED PA NI, BYIS PA KUN NI RTEN YOD KYANG, ,ZHES BYA BA RGYA CHER 'BYUNG BA YIN NO, ,BYIS PA KUN NI RTEN YOD KYANG, ,ZHES BYA BA NI SO SO'I SKYE BO RNAMS NI RTEN PA YOD KYANG ZHES BYA BA'I THA TSIG GO, ,'DIR BYAS LEGS ZHES BYA BA NI KYI HUD TSIG GO, ,TSIGS SU BCAD PA 'DI RNAMS KYIS NI ZHES BYA BA NI, KYE MA MI BZAD KYE MA DKA',, ZHES BYA BA DE LTA BU LA SOGS PA RNAMS KYIS SO, ,LOG PAR BSGRUB PA SKYON LNGA DANG LDAN PA ZHES BYA BA NI LOG PAR BSGRUB PA DE NI RNAM PA GNYIS TE, SANGS RGYAS KYI GSUNG MI NYAN PA'I MTSAN NYID YIN PAR 'CHAD DE, LOG PAR BSGRUB PA DE YANG TSIGS SU BCAD PA GZHAN GSUM DAG GIS BSTAN PA YIN NO ZHES BYA BA RGYA CHER 'BYUNG BAS SO, ,TSIGS SU BCAD PA GZHAN GSUM DAG GIS BSTAN PA YIN NO ZHES BYA BA NI SANGS RGYAS GSUNG ZHES BYA BA GANG ZHES BYA BA RGYA CHER 'BYUNG BA STE, TSIGS SU BCAD PA GSUM PO 'DI DAG GIS SO, ,DE YANG MDOR BSDU NA SANGS RGYAS KYI GSUNG MI NYAN PA DANG, MI 'DZIN PA LAS BRTZAMS NAS RIG PAR BYA'O, ,RE ZHIG MI NYAN PA LAS BRTZAMS NAS RIG PAR BYA BA NI SANGS RGYAS KYI GSUNG GANG ZHES BYA BA RGYA CHER 'BYUNG BA STE, DE LTAR SANGS RGYAS KYI GSUNG MI NYAN PA'I LOG PAR BSGRUB PA NI SANGS RGYAS GSUNG ZHES BYA BA NAS BRTZAMS NAS BRLAG PA'I RGYU, GRONG PA'I SGRA LA MNGON PAR DGA', ,ZHES BYA BA'I BAR GYI TSIGS SU BCAD PA GNYIS KYIS BSTAN PA YIN NO, ,DE LA SANGS RGYAS KYI GSUNG GANG RNYED PAR DKA' BA DANG ZHES BYA BA DE LTA BU LA SOGS PA'I TSIG RNAMS SANGS RGYAS GSUNG ZHES BYA BA GANG ZHES BYA BA DE LTA BU LA SOGS PA'I TSIG RNAMS SU JI LTAR RIGS PAR SBYAR BAR BYA'O, ,MI 'DZIN PA LAS @298A *, ,BRTZAMS NAS RIG PAR BYA BA NI THOS NAS YANG PHAN PAR BZHED PA DANG ZHES BYA BA RGYA CHER 'BYUNG BA YIN TE, DE LTA BU'I 'DZIN PA'I LOG PAR SGRUB PA NI, BDAG LA PHAN PAR BRTZON RNAMS KYIS NI DGRA YIN YANG, ,ZHES BYA BA'I TSIGS SU BCAD PA 'DIS BSTAN PA YIN NO, ,'DIR YANG TSIG TU'AM DON DU JI LTAR RIGS PAR SBYAR BAR BYA'O, ,DE NI MI BZAD PA LA SOGS PA'I SGRAS BSTAN TO ZHES BYA BA NI LOG PAR SGRUB PA DE NI MI BZAD PA DANG, DKA' BA LA SOGS PA'I SGRAS BSTAN TO, JI LTAR BYAS PAS SHE NA, DE RNAMS KYIS LOG PAR SGRUB PA DE MTHONG NAS, KYE MA MI BZAD KYE MA DKA', ,KYE MA'O SDUG BSNGAL KYE MA'O 'JIGS, ,ZHES BYA BA DE LTA BU LA SOGS PA SMOS PA YIN NO, ,GNOD PA'I RGYU YIN PA'I PHYIR TE, LUS LA GNOD PA'I RGYU YIN PA'I PHYIR DANG, SEMS LA GNOD PA'I RGYU YIN PA'I PHYIR RO, ,JI LTAR ZHE NA, GSOD PA DANG, 'CHING BA DANG, RDEG PA LA SOGS PA GZHAN GYI GNOD PA DANG, MYA NGAN GYI GNAS YIN PA NYID KYIS TE, GSOD PA DANG, 'CHING BA DANG, RDEG PA LA SOGS PA NYID GZHAN GYI GNOD PA YIN PAS GSOD PA DANG, 'CHING BA DANG, RDEG PA LA SOGS PA GZHAN GYI GNOD PA DANG, SOGS PA'I SGRAS NI RTZOD PA LA SOGS PA GZUNG NGO, ,GSOD PA DANG, 'CHING BA DANG, RDEG PA LA SOGS PA GZHAN GYI GNOD PA DE'I GNAS YIN PA NYID KYIS NI RTEN YIN PA NYID KYIS SO, ,DE LTAR NA RE ZHIG SDUG BSNGAL BA NI LUS LA GNOD PA'I RGYU YIN PA'I PHYIR RO, ,SEMS LA GNOD PA'I PHYIR YANG YIN TE, MYA NGAN GYI GNAS YIN PA NYID KYIS NI YID MI BDE BA'I RTEN YIN PA NYID KYIS SO ZHES BYA BA'I THA TSIG GO, ,MYA NGAN BYAS PA NI GNAS 'JOG GI BU SA'I BCUD NUB PA DANG SEMS CAN DE DAG 'DUS SHING PHRAD NAS KYE MA'O SA'I BCUD CES MYA NGAN GYIS DUB PAR BYED, SMRE SNGAGS 'DON PAR BYED DO ZHES 'BYUNG BA YIN NO, ,DE BZHIN DU KHYED KYIS MI KHOM PA'I RAB BRGYAD PHUG STE ZHES BYA BA LA, MI KHOM BRGYAD PO GANG DAG GI ZHE NA, DGE SLONG DAG BRGYAD PO 'DI DAG NI GANG ZAG TSANGS PAR SPYOD PA LA GNAS PAR BYA BA'I PHYIR MI KHOM PA DANG DUS MED PA DAG YIN NO, ,BRGYAD PO DAG GANG ZHE NA, DGE SLONG DAG STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA BDE BAR @298B GSHEGS PA 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'JIG RTEN 'DIR BYUNG STE, CHOS NYE BAR ZHI BA CAN YONGS SU MYA NGAN LAS 'DAS PA CAN RDZOGS PA'I BYANG CHUB TU 'GRO BA BDE BAR GSHAGS PAS GSUNGS PA STON PAR MDZAD LA SEMS CAN DE SEMS CAN DMYAL BA RNAMS SU SKYES PA YIN TE, 'DI NI GANG ZAG TSANGS PAR SPYOD PA LA GNAS PAR BYA BA'I PHYIR MI KHOM PA DANG, DUS MED PA DANG PO YIN NO, ,DE BZHIN DU DUD 'GRO RNAMS SU YIN NO, ,'DI NI GNYIS PA STE SNGA MA BZHIN NO, ,DE BZHIN DU YI DAGS RNAMS SU YIN NO, ,'DI NI GSUM PA STE SNGA MA BZHIN NO, ,GZHAN YANG ZHES BYA BA RGYA CHER 'BYUNG BA NAS, SEMS CAN DE NI LHA TSE RING PO RNAMS KYI NANG DU SKYES PA YIN ZHES BYA BA'I BAR DU STE, 'DI NI BZHI PA YIN NO, ,GZHAN YANG ZHES BYA BA NAS BDE BAR GSHEGS PAS GSUNGS PA STON PAR MDZAD LA ZHES BYA BA'I PAR DANG, SEMS CAN DE NI YUL MTHA' 'KHOB TU GANG NA 'KHOR BZHI PO DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS MI SNANG BA'I MTHA' 'KHOB KLA KLO RNAMS SU SKYES PA YIN TE, 'DI NI MI KHOM PA LNGA PA YIN TE SNGA MA BZHIN NO, ,GZHAN YANG ZHES BYA BA RGYA CHER 'BYUNG BA NAS, BDE BAR GSHEGS PAS GSUNGS PA STON PAR MDZAD LA ZHES BYA BA'I BAR DANG, SEMS CAN DE YANG YUL DBUS SU SKYES NAS, DE GLEN PA DANG, LUG LTAR LKUGS PA DANG, LAG BRDA CAN DANG, LEGS PAR BSHAD PA DANG NYES PAR SMRAS PA'I CHOS RNAMS KYI DON SHES PAR MI NUS PA YIN TE, SNGA MA BZHIN DU MI KHOM PA DANG, DUS MED PA DRUG PA YIN NO, ,GZHAN YANG ZHES BYA BA RGYA CHER 'BYUNG BA NA, BDE BAR GSHEGS PAS GSUNGS PA STON PAR MDZAD LA ZHES BYA BA'I BAR DANG, SEMS CAN DE YANG YUL DBUS SU SKYES SHING MI GLEN PA DANG, LUG LTAR LKUGS PA MA YIN PA DANG, LAG BRDA CAN MA YIN PA DANG, LEGS PAR BSHAD PA DANG, NYES PAR SMRAS PA'I CHOS RNAMS KYI DON SHES PAR NUS PA YIN NA, DE LOG PAR LTA BA CAN DANG, PHYIN CI LOG PAR LTA BA CAN DANG, PHYIN CI LOG TU LTA BA CAN YIN PAS 'DI LTAR LTA ZHING 'DI SKAD DU SBYIN PA MED DO, ,MCHOD SBYIN MED DO, ,SBYIN @299A *, ,SREG MED DO, ,LEGS PAR SPYAD PA MED DO, ,NYES PAR SPYAD PA MED DO, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO, ,PHA MED DO, ,MA MED DO, ,SEMS CAN RDZUS TE SKYE BA MED DO, ,'JIG RTEN NA DGRA BCOM PA MED DO, ,YANG DAG PAR SONG BA MED DO, ,YANG DAG PAR ZHUGS PA MED DO, ,'JIG RTEN 'DI DANG 'JIG RTEN PHA ROL RANG GI MNGON PAR SHES PAS MNGON SUM DU BYAS TE BSGRUBS NAS BDAG GI SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES GO BAR BYED PA MED DO ZHES SMRA BA 'DI NI GANG ZAG TSANGS PAR SPYOD PA LA GNAS PAR BYA BA'I PHYIR MI KHOM PA STE, DUS MED PA BDUN PA YIN NO, ,GZHAN YANG SEMS CAN DE NI YUL DBUS SU SKYES PA YIN LA, DE YANG MI GLEN PA DANG, LKUGS PA MA YIN PA DANG, LAG BRDA CAN MA YIN PA DANG, LEGS PAR BSHAD PA DANG NYES PAR SMRAS PA'I CHOS RNAMS KYI DON SHES PAR NUS PA YIN LA, DE YANG DAG PA'I LTA BA CAN NAS BYA BA BYAS PA'O, ,'DI LAS SRID PA GZHAN MI SHES SO ZHES GO BAR BYED PA'I BAR YANG YIN NA, STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHAGS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'JIG RTEN DU MA BYUNG ZHING CHOS NYE BAR ZHI BA CAN, YONGS SU MYA NGAN LAS 'DAS PA CAN, RDZOGS PA'I BYANG CHUB TU 'GRO BA BDE BAR GSHEGS PAS GSUNGS PA STON PAR MI MDZAD PA 'DI NI GANG ZAG TSANGS PAR SPYOD PA LA GNAS PAR BYA BA'I PHYIR MI KHOM PA DANG DUS MED PA BRGYAD PA YIN NO, ,DGE SLONG DAG GANG ZAG TSANGS PAR SPYOD PA LA GNAS PAR BYA BA'I PHYIR KHOM PA DE NI GCIG PU KHO NA DANG, DUS GCIG PU YIN NO, ,DGE SLONG DAG GANG ZAG TSANGS PAR SPYOD PA LA GNAS PAR BYA BA'I PHYIR KHOM PA DE GCIG PU DANG, DUS GCIG PU GANG ZHE NA, DGE SLONG DAG STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN @299B PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS 'JIG RTEN 'DIR BYUNG ZHING CHOS NYE BAR ZHI BA CAN, YONGS SU MYA NGAN LAS 'DAS PA CAN RDZOGS PA'I BYANG CHUB TU 'GRO BA BDE BAR GSHEGS PAS GSUNGS PA STON PAR MDZAD LA, SEMS CAN DE YANG YUL GYI DBUS SU SKYES SHING, DE MI GLEN PA DANG, LUG LTAR LKUGS PA MA YIN PA DANG, LAG BRDA CAN MA YIN PA DANG, LEGS PAR SPYAD PA DANG, NYES PAR SMRAS PA'I CHOS RNAMS KYI DON SHES PAR NUS PA YANG YIN LA, DE YANG DAG PA'I LTA BA CAN DANG, PHYIN CI MA LOG PA'I LTA BA CAN YIN PAS 'DI LTAR LTA ZHING 'DI SKAD DU SBYIN PA YOD DO, ,MCHOD SBYIN YOD DO, ,SBYIN SREG YOD DO, ,LEGS PAR SPYOD PA YOD DO, ,NYES PAR SPYOD PA YOD DO, ,LEGS PAR SPYAD PA DANG, NYES PAR SPYAD PA GNYIS KYI 'BRAS BU RNAM PAR SMIN PA YOD DO, ,'JIG RTEN 'DI YOD DO, ,'JIG RTEN PHA ROL YOD DO, ,PHA YOD DO, ,MA YOD DO, ,SEMS CAN RDZUS TE SKYE BA YOD DO, ,'JIG RTEN NA DGRA BCOM PA DANG, YANG DAG PAR SONG BA DANG, YANG DAG PAR ZHUGS PA DANG, 'JIG RTEN 'DI DANG, 'JIG RTEN PHA ROL RANG GI MNGON PAR SHES PAS MNGON SUM DU BYAS TE BSGRUBS NAS BDAG GI SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES GO BAR BYED PA YOD DO ZHES SMRA BA 'DI NI DGE SLONG DAG GANG ZAG TSANGS PAR SPYOD PA LA GNAS PAR BYA BA'I PHYIR KHOM PA DE GCIG PU YIN ZHING DUS GCIG PU YIN NO, ,PHAG MO THI BA'I PHRENG LDAN MA'I SNGON GYI TSUL YANG BRJOD PAR BYA STE, DE BZHIN DU DAM PA'I CHOS MNYEN PAS ZHES BYA BA RGYA CHER 'BYUNG BA JI LTA BU ZHE NA, GLENG GZHI NI RGYAL PO'I KHAB NA STE, BCOM LDAN 'DAS KYIS PHAG MO PHRU GU MANG PO DAG GIS NU BA ZHIG GZIGS SO, ,GZIGS NAS KYANG 'DZUM PA MDZAD PA DANG, TSE DANG LDAN PA KUN DGA' BOS BCOM LDAN 'DAS 'DZUM PA MDZAD PA MTHONG NGO, , MTHONG NAS KYANG BCOM LDAN 'DAS LA 'DI SKAD CES GSOL TO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RGYU MA MCHIS RKYEN MA MCHIS PAR 'DZUM PA MI MDZAD NA, BCOM LDAN 'DAS 'DZUM PA MDZAD PA'I RGYU NI GANG LAGS, RKYEN NI GANG LAGS, BCOM LDAN 'DAS KYIS BKA' @300A *, ,STZAL PA, KUN DGA' BO SNGON BYUNG BA NA RGYAL PO DBANG CHEN SDE ZHES BYA BA ZHIG BYUNG BAR GYUR TE, DE LA BU MO THI BA'I PHRENG LDAN MA ZHES BYA BA ZHIG YOD DE, BU MO DES PHA LA TSIGS SU BCAD PA, GANG NAS 'GRO BA LDOG PAR 'GYUR, ,LAM NI GANG DU LDOG PAR 'GYUR, ,'JIG RTEN NA NI BDE BA DANG, ,SDUG BSNGAL MA LUS GANG DU 'GAG ,CES BYA BA 'DI SMRAS PA DANG, DE NAS PHAS BRAM ZE RNAMS BSDUS TE 'DI CI ZHIG CES SMRAS NA, DE RNAMS KYIS DON KHONG DU MA CHUD NAS BA GROS TE, RGYAL PO CHEN PO CIS YANG MA LAGS SO, ,CI YANG MA LAGS SO ZHES SMRAS PA DANG, BU MO DES MANG PO DAG GI SGRA DE THOS NAS SNGON DE'I SNYOMS PAR 'JUG PA'I TSOGS YANG DAG PAR BSGRUBS PA'I PHYIR RIM GYIS CI YANG MED PA'I SKYE MCHED KYI SNYOMS PAR 'JUG PA LA SNYOMS PAR ZHUGS SO, ,RGYU DES CI YANG MED PA'I SKYE MCHED DAG TU SKYES SO, ,DE NAS SHI 'PHOS NAS LAN GRANGS GZHAN LA MYONG BAR 'GYUR BA'I LAS KYI KHYAD PAR GYIS DE LTAR PHAG MOR GYUR PA YIN NO, ,GAL TE BU MO DES TSIGS SU BCAD PA 'DIS LAS, MIG DANG RNAM BA DE BZHIN SNA, ,LCE DANG LUS DANG DE BZHIN YID, ,MING DANG GZUGS NI GANG DAG TU, ,MA LUS PAR NI 'GAG 'GYUR BA, ,DE NAS 'GRO BA LDOG GYUR PA, ,ZHES BYA BA RGYA CHER 'BYUNG BA'I LAN THOB NA DE GNAS SKABS DER MI 'GYUR BA YIN NO, ,DE BZHIN DU DAM PA'I CHOS MNYAN PAS SEMS CAN RNAMS MNGON PAR MTHO BA'I 'GRO BAR SKYES NAS SHUGS ZAD PA NI 'PHEN PA ZAD PA ZHES BYA BA'I THA TSIG STE, MDA' GNAM DU 'PHANGS PA SLAR SAL LTUNG BA BZHIN DU YANG NGAN 'GROR 'GRO BAR 'GYUR RO, ,'DRI BA'I TSIGS SU BCAD PA GANG NAS 'GRO BA LDOG PAR 'GYUR ZHES BYA BA RGYA CHER 'BYUNG BA 'DI DANG, TSIGS SU BCAD PA DE'I LAN, MIG DANG RNA BA DE BZHIN SNA, ,ZHES RGYA CHER 'BYUNG BAS TSIGS SU BCAD PA'I DON DANG LDAN PA YANG SHES PAR BYA STE, GZHUNG MANGS KYIS DOGS PAS BDAG GIS MA BRIS SO, ,DE LTA BAS NA RNAM PA DE LTA BU'I TSIGS SU BCAD PA DANG, GTAM DANG SNGON GYI SBYOR BA LA SOGS PA DAG GIS TE, JI SKAD STON PA'I TSIGS SU BCAD PA DAG DANG, GTAM DAG DANG, SNGON GYI SBYOR BA LA SOGS PA DAG GIS SO, ,SOGS PA'I SGRAS NI RANG GIS LEGS PAR BSHAD PA SBYAR BDAG GIS SKYO BA'I GTAM NYE BAR BSGRUB PAR BYA'O, ,GCES PA DANG NI ZHES BYA BA RGYA CHER 'BYUNG BA LA, MDO SDE'I YANG DAG PAR BSTAN PA LA SOGS PA GCES @300B PA STE DGOS PA BRJOD PAR BYA'O, ,MDO SDE'I DGONGS PA CAN GYI GSUNG DE DAG RNAM PA MANG DU NI DGONGS PA CAN GYI GSUNG NI DGONGS PA CAN GYI GSUNG NGO, ,RNAM PA MANG DU STE RNAM PA DU MAR BRJOD PAR BYA'O ZHES BYA BA'I THA TSIG GO, ,TSIG GO DON YANG BRJOD PAR BYA STE, BRJOD PA GANG GIS BRJOD PAR BYAS BA GANG YIN PA YANG SMOS PAR BYA ZHING BRJOD PAR BYA'O, ,MTSAMS SBYAR BSDEBS PA 'DRA BAR NI MTSAMS SBYAR BA NI TSIG SNGA PHYI GNYIS 'BREL BAR BYA'O, ,MTSAMS SBYAR BA DE'I BSDEBS PA NI 'BREL BAR BYA'O, ,'DRA BAR NI RIG PA'I NGO BO BRJOD PAR BYA'O ZHES BYA BA'I THA TSIG GO, ,'GAL BA SHES PAR BYA BA NI BRGAL BA RNAM PA GNYIS TE, SGRA LA BRGAL BA DANG, DON LA BRGAL BAR BYA'O ZHES BYA BA'I THA TSIG GO, ,LAN GDAB THABS KYANG NI LAN GDAB NI BRGAL BA DE'I LAN NO, ,LAN GDAB PA DE YANG THABS TE, THABS DE NYID MANG DU STE MANG POR BRJOD PAR BYA'O, ,YON TAN 'DI DAG RNAMS DANG LDAN PAS, GAL TE SMRA NA LEGS SMRA YIN, ,ZHES BYA BA NI DGOS PA DANG BCAS PA NYID KYI YON TAN DU BSTAN PA YIN TE, GCES PA BRJOD CES BYA BA'I TSIG 'DIS SO, ,DGONGS PA ZAD PA NYID NI, DGONGS PA CAN GYI GSUNG DAG RNAM PA MANG DU BRJOD, ,CES BYA BA'I TSIG 'DIS SO, ,MTSAN NYID ZAB PA NYID NI TSIG GI DON NI BRJOD PAR BYA, ZHES BYA BA'I TSIG 'DIS SO, ,SNGA PHYI 'BREL PA NYID NI MTSAMS SBYAR BSDEBS PA 'DRA BAR ZHES BYA BA'I TSIG 'DIS SO, ,RIGS PA DANG 'BREL PA NYID KYI YON TAN BSTAN PA NI 'GAL BA DAG DANG, LAN GDAB THABS KYANG MANG DU SHES PAR BYA, ,ZHES BYA BA'I TSIG 'DIS SO, ,GANG ZHIG GSAL DANG ZHES BYA BA RGYA CHER 'BYUNG BA NI GANG ZHIG DON GSAL BAR SMRA BA NAS GANG ZHIG DON GO BAR BYED PA SMRA BA'I BAR RO, ,RANG GI PHYOGS 'DZUGS PA DANG CHOS STON PA'O, ,DE LA RANG GI PHYOGS 'DZUGS PA NI PHAS KYI RGOL BA TSAR BA CAN NAS RANG GI PHYOGS SANGS RGYAS KYI GSUNG 'DZUGS PA BYED PA YIN PAR RIG PAR BYA'O, ,CHOS STON PA NI GANG ZHIG CHOS KHON PHYIN CI MA LOG PAR STON CING LEGS PAR BYE BRAG PHYED NAS MKHAS PA GANG YIN PA'O, ,DE LA DANG PO'I NGAG YONGS SU DAG PA NI RANG GI PHYOGS 'DZUGS PA YIN LA, GZHAN GYIS BRGAL DU ZIN KYANG SNYAN PAR SMRA BA NYID DANG, MI SNYAN PA MI SMRA BA NYID KYIS SO, ,PHAS KYI RGOL BA LA SNYAN PAR SMRA @301A *, ,BA DANG, MI SNYAN PAR MI SMRA BAS NGAG YONGS SU DAG PAR BSTAN PA YIN TE, GANG GIS SHE NA RTZA BA DANG PO NYID KYIS SO, ,SEMS YONGS SU DAG PA NI GZHAN GYIS TE, DE LA BSNGAGS PA DANG RGYAL BA THOB KYANG ZHES BYA BA NI BSNGAGS PA THOB CING RGYAL BA THOB KYANG DE'I NYE BA'I NYON MONGS PA MI SKYE BAS SO, ,'DIR BSNGAGS PA THOB CING RGYAL BA THOB KYANG RGYAGS PA GANG YIN PA DE'I NYE BA'I NYON MONGS PA MI SKYE BA NI DE'I NYE BA'I NYON MONGS PA MI SKYE BA'O, ,DE'I NYE BA'I NYON MONGS PA MI SKYE BA'I PHYIR DE'I NYE BA'I NYON MONGS PA MI SKYE BA STE, SEMS YONGS SU DAG PA BSTAN PA YIN TE, RTZA BA GNYIS PAS SO, ,GNYIS PA'I NGAG YONGS SU DAG PA NI YONGS SU RDZOGS PA DANG MI ZLOS PA DANG, TSAD MA DANG MI 'GAL BA DANG, DON GSAL BA'I TSIG BRJOD PA NYID KYIS NGAG YONGS SU DAG PA BSTAN PA YIN TE, RTZA BA GSUM PAS SO, ,JI LTAR BYAS PAS SHE NA, YONGS SU RDZOGS PA BRJOD PAS NGAG YONGS SU DAG PA BSTAN PA NI RGYAS PA ZHES BYA BA'I TSIG 'DIS SO, ,MI ZLOS PAR BRJOD PAS MI ZLOS PA BRJOD PA STE, SNA TSOGS ZHES BYA BA'I TSIG 'DIS SO, ,TSAD MA DANG MI 'GAL BA'I DON GYIS NA TSAD MA DANG MI 'GAL BA'I DON GYIS TE, 'BREL ZHES BYA BA'I TSIG 'DIS SO, ,GSAL BA'I TSIG GIS DON BRJOD PAS NA GSAL BA'I TSIG BRJOD PA STE, GO BYED CES BYA BA'I TSIG 'DIS SO, ,DE'I SEMS YONGS SU DAG PA NI BDAG DANG GZHAN GYI RGYUD LA DGE BA'I RTZA BA BSKYED PA'I BSAM PA'I SEMS ZANG ZING MED PA NYID KYIS BSTAN PA YIN TE, RTZA BA BZHI PAS SO, ,MDO SDE'I BSHAD PA'I SHAN 'DI NI MDO SDE'I BSHAD PA STE, RNAM PAR BSHAD PA NI MDO SDE'I BSHAD PA'O, , MDO SDE'I BSHAD PA'I SHAN TE, PHYOGS GCIG DANG CHA SHAS NI MDO SDE'I BSHAD PA'I SHAN TO, ,'DI ZHES BYA BAS NI JI SKAD DU BSTAN PA STON PAR BYED PA YIN NO, ,SLOB DPON MNGON SUM MNYAN BYAS NAS, ,DAD DANG LDAN PA BLO ZHAN PA, ,DE RNAMS LA NI PHAN 'DOD PAS, ,RNAM BSHAD RIGS PA'I 'GREL BSHAD YIN, ,RNAM PAR BSHAD PA RIGS PA'I BSHAD PA RDZOGS SO,, ,,RGYA GAR GYI MKHAN PO BI SHU DDHA SING HA DANG, SH'AKYA SING HA DANG, LO TZ'A BA BANDE DE WENDRA RAKshI TAS BSGYUR CING ZHUS TE GTAN LA PHAB PA,, ,,'DI LA TSIGS SU BCAD PA NI BZHI STONG CHIG BRGYA YOD,, ,,