@1A [DD] #, ,RGYA GAR SKAD DU, TRING SHI KA t'I K'A, BOD SKAD DU, SUM CU PA'I 'GREL BSHAD, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,CHOS DANG [DD] GANG ZAG BDAG MED PAR, ,YANG DAG MKHYEN GYUR THUB PA GANG, ,NYES PA MA LUS SPANGS PA YI, ,THUGS RJE'I BDAG LA PHYAG 'TSAL LO, ,GANG ZHIG GZHAN DON RTAG TU BRTZON, ,RANG DON ZHAR LA BSGRUBS PA GANG, ,'GRO GNYER DE LA PHYAG 'TSAL TE, ,SUM CU PA NI GSAL BSHAD BYA, ,GANG ZAG DANG CHOS LA BDAG MED PAR MA RTOGS PA RNAMS DANG LOG PAR RTOGS PA RNAMS LA ZHES BYA BA TSIG DANG PO 'DIS NI YUL DANG 'BREL PA CAN DANG, BRJOD PAR BYA BA DANG, DGOS PA DANG, 'BREL PA DANG, DNGOS PO LNGA PO DAG BZHAG STE, RAB TU BYED PA'I 'BREL PA DANG BRJOD PAR BYA BA DANG DGOS PA RNAMS GDON MI ZA BAR THOG MAR BRJOD DGOS SO, ,GZHAN DU NA 'BREL PA MED PA DANG, BRJOD PAR BYA BA MED PA DANG DGOS PA MED PA'I RAB TU BYED PA NI NYAN PA PO RTOG PA SNGON DU GTONG BA RNAMS NYAN @2A *, ,PAR KHAS MI LEN TO, ,DE'I PHYIR NYAN PA PO'I SKYE BO SPRO BA BSKYED PA'I DON DU 'DI GSUM BRJOD PAR BYA'O, ,DE LA GANG ZAG DANG CHOS LA BDAG MED PAR ZHES BYA BA 'DIS NI YUL BSTAN TO, ,MA RTOGS PA DANG LOG PAR RTOGS PA RNAMS LA ZHES BYA BA 'DIS NI 'BREL PA CAN BRJOD DO, ,GANG ZAG DANG CHOS LA BDAG MED PA MA LOG PAR ZHES BYA BA 'DIS NI BRJOD PAR BYA BA BSTAN TO, ,BRTEN PA'I PHYIR ZHES BYA BA 'DIS NI DGOS PA BRJOD DO, ,RNAM PAR RIG PA'I RAB TU BYED PA SUM CU PA BRTZAMS SO, ,ZHES BYA BA 'DIS NI 'BREL PA BSTAN TO, ,DE LA GANG ZAG DANG CHOS LA BDAG MED PAR RIGS PA DANG LUNG GIS MA LOG PAR BSTAN PAR BYA BA DE NI BRJOD PAR BYA'O, ,DE RTOGS PA NI DGOS PA'O, , DGOS PA DE YANG RAB TU BYED PA 'DIS BYED PAS NA, RAB TU BYED PA 'DI NI DGOS PA 'DI'I THABS YIN TE, DE'I PHYIR RAB TU BYED PA DANG DGOS PA GNYIS NI, THABS DANG THABS LAS BYUNG BA'I MTSAN NYID KYIS 'BREL TO, ,GANG DAG LA GANG ZAG DANG CHOS LA BDAG MED PA DE MA LOG PAR BSTAN SNYAM DU DE LTAR DOGS PA LA, MA RTOGS PA DANG, LOG PAR RTOGS PA RNAMS LA ZHES BYA BA 'DI SMRAS SO, ,CI ZHIG MA RTOGS SHING LOG PAR RTOGS SNYAM PA'I DOGS PA DE BSAL BA'I PHYIR, @2B GANG ZAG DANG CHOS LA BDAG MED PA ZHES BYA BA 'DIS BSTAN TO, ,'DI NI RE ZHIG BSDUS PA'I DON TE, YAN LAG GI DON BRJOD PAR BYA'O, ,GANG ZAG DANG CHOS LA BDAG MED PA ZHES BYA BA LA, GANG ZAG DANG CHOS RNAMS NI GANG ZAG DANG CHOS RNAMS SO, ,GANG ZHIG ZAG PAS NA GANG ZAG STE, DE NI SNGON MED PA'I LAS BSTZAGS PA'I PHYIR GANG BA'O, ,SNGON BYAS PA'I LAS YONGS SU SPYAD PAS ZAD PA'I PHYIR ZAG PA'O, ,YANG DANG YANG 'GRO BA DE DANG DER 'GRO BAS NA YANG GANG ZAG GO, ,YANG NA GANG NGAM BRTAS NAS 'PHEN PA DANG RDZOGS PAR BYED PA'I LAS RNAMS KYIS 'GRO BAR 'GRO BAS NA GANG ZAG GO, ,RANG GI NGO BO 'DZIN PAS CHOS RNAMS SO, ,'DI LTAR BDAG DANG BRAL BA DE NI BDAG MED DE, DE'I DNGOS PO NI BDAG MED PA'O, ,BDAG MED PA DANG BDAG MED PA NI BDAG MED PA STE, GANG ZAG DANG CHOS RNAMS LA BDAG MED PA NI GANG ZAG DANG CHOS LA BDAG MED PA'O, ,DE'I PHYIR DE DAG NI GANG ZAG DANG CHOS LA BDAG MED PA DAG GO, ,MA RTOGS PA DANG LOG PAR RTOGS PA RNAMS ZHES BYA BA NI MA RTOGS PA RNAMS DANG, LOG PAR RTOGS PA RNAMS ZHES TSIG SDUD PA'O, ,MA RTOGS PA RNAMS ZHES BYA BA NI GANG DAG GIS GANG ZAG DANG CHOS LA BDAG MED PAR MA RIG PA'O, ,LOG PAR RTOGS PA DAG NI RNAM PA GNYIS TE, KHA CIG NI GANG ZAG DANG CHOS LA BDAG MED PAR PHYIN CI LOG TU RTOGS TE, GANG GIS PHYIN CI LOG CES BYA BA DAG GO, ,KHA CIG GIS RNAM PA GNYIS SU RTOGS TE, GANG GIS THE TSOM ZA ZHES BYA BA DAG GO, ,DE'I PHYIR MI SHES PA DANG PHYIN CI LOG DANG THE TSOM GYI BLO CAN RNAMS LA ZHES BYA BAR BSTAN PAR 'GYUR RO, ,GANG ZAG DANG CHOS LA BDAG MED PA MA LOG PAR BSTAN PA'I PHYIR ZHES BYA BA NI GANG ZAG DANG CHOS LA BDAG MED PA DE DAG PHYIN CI MA LOG PAR ZHES BYA BAR TSIG RNAM PAR SBYAR BA STE, DE GNYIS BSTAN PAR BYA BA'I PHYIR RO ZHES TSIG SDUD PA'O, ,KHA CIG NI GANG ZAG LA BDAG MED PA PHYIN CI LOG TU 'DOD DE, 'DI LTA STE KUN GYIS BKUR BA RNAMS TE, 'DI LTAR DE DAG NI BDAG MED PAR 'DOD KYI GANG ZAG MED PAR NI MA YIN NO, ,KHA CIG NI CHOS LA BDAG @3A *, ,MED PA YANG PHYIN CI LOG TU 'DOD DE, 'DI LTA STE DBU MA PA RNAMS SO, ,DE DAG NI CHOS RNAMS RNAM PA THAMS CAD DU MED PAR NI MI 'DOD DE, BRTAGS PA'I BDAG NYID KYIS MED PAR NI MI 'DOD DO ZHES GRAG GO, ,DE'I PHYIR DE'I GNYEN POR CHOS DANG GANG ZAG LA BDAG MED PA PHYIN CI MA LOG PAR BSTAN PAR BYA STE, DE'I PHYIR PHYIN CI MA LOG PA ZHES BYA BA SMOS SO, ,RNAM PAR RIG PA'I RAB TU BYED PA SUM CU PA BRTZAMS SO ZHES BYA BA NI DE SUM CU YANG YIN LA, RNAM PAR RIG PA'I RAB TU BYED PA YANG YIN NO ZHES TSIG RNAM PAR SBYAR BA'O, ,RAB TU BYED PA DE'I TSIG LE'UR BYAS PA SUM CU YOD PAS 'DI NI TSIG LE'UR BYAS PA SUM CU PA'O, ,RNAM PAR RIG PA TZAM DU YONGS SU STON PAR BYED PA'I RAB TU BYED PA YIN PAS RNAM PAR RIG PA'I RAB TU BYED PA'O, ,DE BRTZAMS PA NI RNAM PAR RIG PA'I RAB TU BYED PA SUM CU PA BRTZAMS PA STE, DE NI 'DI SKAD DU SEMS CAN GANG DAG GANG ZAG DANG CHOS LA BDAG MED PAR MI SHES PA RNAMS DANG, GANG DAG DOGS PA RNAMS DANG, GANG DAG PHYIN CI LOG TU GYUR PA DE DAG LA GANG ZAG DANG CHOS LA BDAG MED PA MA LOG PAR BSTAN PA'I PHYIR RNAM PAR RIG PA'I RAB TU BYED PA SUM CU PA BRTZAMS SO ZHES BSTAN PAR 'GYUR RO, ,CI'I PHYIR GANG ZAG DANG CHOS LA BDAG MED PA BSTAN PA MDZAD SNYAM PA LA, DE LA GANG ZAG DANG CHOS LA BDAG MED PAR BSTAN PA YANG, ZHES BYA BA LA SOGS PA SMOS SO, ,GANG YANG 'DIR GANG ZAG DANG CHOS LA BDAG MED PAR BSTAN PAR BYED PA DE NI NYON MONGS PA DANG SHES BYA'I SGRIB PA DAG SPANG BA'I PHYIR TE, GANG ZAG LA BDAG MED PAR BSTAN PA NI NYON MONGS PA'I SGRIB PA SPANG BA'I PHYIR RO, ,CHOS LA BDAG MED PAR BSTAN PA NI SHES BYA'I SGRIB PA SPANG BA'I PHYIR RO, ,NYON MONGS PA RNAMS DANG SHES BYA'I SGRIB PA DAG SPANG ZHES BYA BAR TSIG RNAM PAR SBYAR BAR BYA STE, DE DAG SPANG NGO ZHES BYA BAR TSIG SDUD PA'O, ,GANG ZAG LA BDAG MED PAR BSTAN PA NI NYON MONGS PA SPANG BA'I PHYIR RO ZHES BYA BA DE JI LTA BU SNYAM PA LA, 'DI LTAR 'DOD CHAGS LA SOGS PA NYON MONGS PA RNAMS NI BDAG TU LTA BA LAS BYUNG NGO ZHES SMRAS SO, ,'DI LTAR 'DOD CHAGS @3B LA SOGS PA NI 'JIG TSOGS LA LTA BA LAS 'BYUNG NGO, ,DE LTAR NA NGA ZHE 'AM, NGA'I ZHES YANG DAG PAR RJES SU LTA BA DANG MTHUN PA DANG, MI MTHUN PA RNAMS LA RJES SU CHAGS PA DANG ZHE SDANG LA SOGS PA SKYE'O, ,BDAG DANG BDAG GIR LTA BA SPANGS PA 'DOD CHAGS DANG BRAL BA, STE'U DANG TZANDAN DU 'DRA BA RNAMS NI GANG LA YANG RJES SU CHAGS PA DANG KHONG KHRO BA LA SOGS PA MI SKYE'O, ,GAL TE BDAG CES BYA BA LAS 'DOD CHAGS LA SOGS PA 'BYUNG NA DE JI LTA BU ZHIG SNYAM PA LA, DE'I PHYIR, GANG ZAG LA BDAG MED PAR KHONG DU CHUD PA NI ZHES BYA BA LA SOGS PA SMRAS SO, ,'DI LTAR BDAG TU LTA BA LAS 'DOD CHAGS LA SOGS PA 'BYUNG STE, GANG ZAG LA BDAG MED PA KHONG DU CHUD PA NI BDAG TU LTA BA DE'I DNGOS KYI GNYEN PO YIN NO, ,DE'I PHYIR GANG ZAG LA BDAG MED PAR MTHONG NA BDAG TU LTA BA SPONG NGO, ,DE SPANGS NA DE LAS BYUNG BA'I 'DOD CHAGS LA SOGS PA THAMS CAD SPONG BAR 'GYUR RO, ,DE BAS NA GANG ZAG LA BDAG MED PAR BSTAN PA NI NYON MONGS PA SPANGS PA'I PHYIR RO, ,CHOS LA BDAG MED PA BSTAN PAS JI LTAR SHES BYA'I SGRIB PA SPANG SNYAM PA LA CHOS LA BDAG MED PAR SHES PA YANG ZHES BYA BA LA SOGS PA SMRAS SO, ,'DI LTAR CHOS LA BDAG MED PAR SHES PA NI SHES BYA'I SGRIB PA'I GNYEN PO STE, DE'I PHYIR CHOS LA BDAG MED PAR SHES PAS SHES BYA'I SGRIB PA SPONG BAR 'GYUR RO, ,NYON MONGS PA DANG SHES BYA'I SGRIB PA SPANGS PA 'DIS CI ZHIG BYA SNYAM PA LA, NYON MONGS PA DANG SHES BYA'I SGRIB PA SPANGS PA YANG ZHES BYA BA LA SOGS PA SMOS SO,, 'DOD CHAGS LA SOGS PA NYON MONGS PA RNAMS SPONG BA NI THAR PA THOB PAR BYA BA'I PHYIR RO, ,SHES BYA'I SGRIB PA SPONG BA NI THAMS CAD MKHYEN PA THOB PAR BYA BA'I PHYIR RO, ,NYON MONGS PA SPONG BA NI THAR PA THOB PAR BYA BA'I PHYIR ZHES BYA BA DE JI LTA BU SNYAM PA LA, NYON MONGS PA SPONG BA NI ZHES BYA BA LA SOGS PA SMRAS SO, ,'DI LTAR 'DOD CHAGS LA SOGS PA NYON MONGS PA RNAMS NI THAR PA THOB PA LA SGRIB PAR BYED DE, DE'I PHYIR 'DOD CHAGS LA SOGS PA DE DAG SPANGS NA THAR PA THOB PAR 'GYUR RO, ,'O NA ZHES BYA'I SGRIB PA'I RANG BZHIN JI LTA BU ZHIG ,DE SPANGS PAS THAMS CAD MKHYEN PA THOB @4A *, ,PAR NI JI LTAR 'GYUR SNYAM PA LA, DE'I PHYIR SHES BYA'I SGRIB PA NI ZHES BYA BA LA SOGS PA SMRAS SO, ,SHES BYA THAMS CAD LA YE SHES 'JUG PA'I BAR DU GCOD PAR BYED PA NYON MONGS PA CAN MA YIN PA'I MI SHES PA GZUNG BA DANG, 'DZIN PA LA MNGON PAR ZHEN PA'I BAG CHAGS ZHES BYA BA GANG YIN PA DE NI 'DIR SHES BYA'I SGRIB PAR 'DOD DO, ,SHES BYA'I SGRIB PA RNAM PA DE LTA BU DE SPANGS PAR GYUR NA 'DI LTAR 'JIG RTEN PA DANG, 'JIG RTEN LAS 'DAS PA'I SHES BYA'I RNAM PA THAMS CAD KUN LA CHAGS PA MED PA DANG, THOGS PA MED PA'I YE SHES 'JUG STE, DE'I PHYIR SHES BYA'I SGRIB PA SPANGS NA THAMS CAD MKHYEN PA THOB PAR 'GYUR RO, ,SHES BYA'I RNAM PA THAMS CAD CES BYA BA LA RNAM PA THAMS CAD NI MI RTAG PA DANG, SDUG BSNGAL BA DANG STONG PA DANG, BDAG MED PAR SHES PAR BYA BA GANG YIN PA STE, DE NI SHES BYA'I RNAM PA THAMS CAD CES BYA'O, ,CHAGS PA MED PA DANG, THOGS PA MED PA'I YE SHES ZHES BYA BA LA, GANG RES 'GA' 'JUG LA RES 'GA' MI 'JUG PA DE NI RGYU GZHAN LA LTOS PA'I PHYIR CHAGS PA ZHES BYA'O, ,GANG RGYU GZHAN LA LTOS PA MED PAR 'JUG PA DE NI CHAGS PA MED PA ZHES BYA'O, ,GANG LA LAR 'JUG LA LAR MI 'JUG PA ZHES BYA BA DE NI THOGS PA ZHES BYA'O, ,GANG THAMS CAD DU 'JUG PA DE NI THOGS PA MED PA ZHES BYA'O, ,DE LTAR RE ZHIG DGOS PA'I YANG DGOS PA BSHAD PA RNAM PA GCIG GO, ,YANG DGOS PA'I YANG DGOS PA GZHAN DU RNAM PA GZHAN GYIS BSTAN PA'I PHYIR YANG NA CHOS DANG GANG ZAG LA MNGON PAR ZHEN PA DAG CES BYA BA LA SOGS PA SMRAS SO, ,SMRA BA KHA CIG NI PHUNG PO DANG, KHAMS DANG SKYE MCHED LA SOGS PA BRTAGS PA'I CHOS RNAMS LA'ANG RDZAS SU MNGON PAR ZHEN, KHA CIG NI GANG ZAG LA'ANG MNGON PAR ZHEN TE, GANG DAG DE LTAR CHOS DANG GANG ZAG LA MNGON PAR ZHEN PA DE DAG 'DI LTAR SEMS TZAM DU YANG DAG PA JI LTA BA BZHIN DU RAB TU MI SHES TE, DE'I PHYIR DE DAG LA CHOS DANG GANG ZAG LA BDAG MED PAR STON TE, CI NAS KYANG DE DAG RNAM PAR RIG PA TZAM 'BRAS BU DANG BCAS PA LA MTHAR GYIS 'JUG PAR BYA BA DE'I DON DU CHOS DANG GANG ZAG LA BDAG MED PAR BSTAN PA'I PHYIR RANG @4B TU BYED PA BRTZAMS SO, ,RNAM PAR RIG PA TZAM 'BRAS BU DANG BCAS PA ZHES BYA BA LA GZUNG BA DANG, 'DZIN PA DANG BRAL BA'I SEMS DANG SEMS LAS BYUNG BA RNAMS NI RNAM PAR RIG PA TZAM MO, ,DE'I 'BRAS BU NI SA RAB TU DGA' BA LA SOGS PA'O, ,MTHAR GYIS 'JUG PAR BYA BA'I PHYIR ZHES BYA BA NI THOG MAR GZUNG BA DANG, 'DZIN PA RNAM PAR GZHIG PA'I THABS SU GYUR PA RAB TU BYED PA SUM CU PA LA SOGS PA NYAN TO, ,THOS NAS DE'I 'OG TU PHYIN CI MA LOG PAR RIG PAS SEMS SO, ,BSAMS NAS DE'I 'OG TU GZUNG BA RNAM PAR GZHIG PA'I THOG MAR DRAN PA NYE BAR GZHAG PA NAS BRTZAMS TE, BZOD PA'I BAR DU GOMS PAR BYED DO, ,DE NAS GZUNG BA RNAM PAR BSHIG NAS GZUNG BA MED PAS 'DZIN PA YANG MED DO ZHES CHOS KYI MCHOG GI DUS NA 'DZIN PA YANG RNAM PAR 'JIG GO, ,RNAL 'BYOR PAS DE LTAR GZUNG BA DANG 'DZIN PA RNAM PAR BSHIG PA'I PHYIR, CHOS KYI DBYINGS SGRIB PA RE RE BRAL BAS SA RAB TU DGA' BA LA SOGS PA LA SBYAR TE, DE LTAR NA RNAM PAR RIG PA TZAM 'BRAS BU DANG BCAS PA LA MTHAR GYIS 'JUG PA YIN NO, ,YANG DGOS PA'I YANG DGOS PA GZHAN DU RNAM PA GZHAN GYIS BSTAN PA'I PHYIR, YANG NA RNAM PAR SHES PA BZHIN DU SHES BYA YANG ZHES BYA BA LA SOGS PA SMRAS SO, ,PHYI ROL GYI DON DU SMRA BA KHA CIG NI JI LTAR RNAM PAR SHES PA RDZAS SU YOD PA DE BZHIN DU SHES BYA YANG RDZAS NYID DU YOD DO SNYAM DU SEMS, DBU MA PA KHA CIG NI JI LTAR SHES BYA KUN RDZOB TU YOD KYI DON DAM PAR MED PA DE BZHIN DU, RNAM PAR SHES PA YANG KUN RDZOB NYID DU YOD KYI, DON DAM PAR NI MED DO SNYAM DU SEMS ZHES GRAGS TE, DE'I PHYIR MTHA' GCIG TU SMRA BA 'DI RNAM PA GNYIS DGAG PAR GANG ZAG DANG CHOS LA BDAG MED PAR BSTAN PA'I PHYIR RAB TU BYED PA BRTZAMS SO, ,MTHA' GCIG TU SMRA BA 'DI RNAM PA GNYIS ZHES BYA BA NI THAMS CAD YOD PAR SMRA BA DANG, THAMS CAD MED PAR SMRA BA ZHES BYA BA'I THA TSIG GO, ,DE LTAR RAB TU BYED PA BRTZAMS PA'I DGOS PA BRJOD DO,, ,,'O NA JI LTAR CHOS DANG GANG ZAG LA BDAG MED PAR SHES PAR BYA SNYAM PA LA, BDAG DANG CHOS SU NYER 'DOGS PA, ,ZHES BYA BA LA @5A *, ,SOGS PA SMRAS TE, 'DI LTAR BDAG TU NYE BAR 'DOGS PA DANG CHOS SU NYE BAR 'DOGS PA RNAM PA DU MA GANG 'BYUNG BA ZHES MDOR BYAS PA'I DON TO, ,NI ZHES BYA BA NI 'DI LTAR ZHES BYA BA'I DON TO, ,DOGS PA DANG BCAS PA YIN PAS TSIG KHONG NAS DBYUNG BA BSTAN PA'I PHYIR, ,'JIG RTEN DANG BSTAN BCOS LA'O ZHES BYA BA LA SOGS PA SMRAS TE, 'JIG RTEN DANG BSTAN BCOS LAS BDAG TU NYE BAR 'DOGS PA DANG CHOS SU NYE BAR 'DOGS PA RNAM PA DU MA GANG 'BYUNG BA ZHES BYA BA'I THA TSIG GO, ,GANG LA BLTA BAR BYA SNYAM PA LA, DE NI RNAM PAR SHES PA GYUR, ZHES BYA BA SMOS TE, DE NI RNAM PAR SHES PA'I GZUNG BA'I CHA LA 'BYUNG NGO ZHES MDOR BYAS PA'I DON TO, ,DE ZHES BYA BA'I SGRA GANG DANG SBYAR SNYAM PA LA, DE'I PHYIR BDAG DANG CHOS SU NYE BAR 'DOGS PA ZHES BYA BA DANG SBYAR RO ZHES BYA BA SMOS TE, DE ZHES BYA BA'I SGRA NI BDAG DANG CHOS SU NYE BAR 'DOGS PA LA BYA'O ZHES BYA BA'I THA TSIG GO, ,DE LAS NI TSIG GI DON 'DI 'BYUNG STE, BDAG DANG CHOS SU NYE BAR 'DOGS PA 'JIG RTEN DANG BSTAN BCOS LAS RNAM PA DU MA GANG 'BYUNG BA DE NI RNAM PAR SHES PA'I GZUNG BA'I CHA NYID LA 'BYUNG STE, PHYI ROL GYI BDAG GAM CHOS RNAMS LA NYE BAR 'DOGS PA 'BYUNG BA NI MA YIN NO, ,DE BAS NA GANG ZAG DANG CHOS RNAMS LA BDAG MED PAR SHES PAR BYA'O, ,'GREL PA BYED PAS YAN LAG GI DON DGROL BA'I PHYIR, BDAG DANG CHOS SU NYE BAR 'DOGS PAS ZHES BYA BA LA SOGS PA SMRAS TE, GANG GIS BDAG TU NYE BAR 'DOGS PA DE NI BDAG TU NYE BAR 'DOGS PA'O, ,DE BZHIN DU GANG GIS CHOS SU NYE BAR 'DOGS PA NI CHOS SU NYE BAR 'DOGS PA NI CHOS SU NYE BAR 'DOGS PA'O, ,NYE BAR 'DOGS PA'I SGRA'I DON BSTAN PA'I PHYIR, DE YANG ZHES BYA BA LA SOGS PA SMRAS TE, BDAG TU NYE BAR 'DOGS PA'I SGRA NI BDAG TU BTAGS PAR RIG PAR BYA'O, ,CHOS SU NYE BAR 'DOGS PA'I SGRA YANG CHOS SU BTAGS PA'O, ,NYE BAR 'DOGS PA DANG BTAGS PA DANG THA SNYAD CES BYA BA NI RNAM GRANGS SU GTOGS PA STE, SHES PA DANG BRJOD PA ZHES BYA BA'I THA TSIG GO, ,SNA TSOGS KYI SGRA'I DON BSTAN PA'I PHYIR, SNA TSOGS ZHES BYA BA NI RNAM PA DU MA STE ZHES BYA BA LA SOGS PA SMRAS TE, KHA CIG NI BDAG CES THA @5B SNYAD 'DOGS PA NAS KHA CIG SHED BU ZHES THA SNYAD 'DOGS PA'I BAR DU STE, DE LTA BU NI BDAG TU NYE BAR 'DOGS PA RNAM PA DU MA'O, ,CHOS SU NYE BAR 'DOGS PA YANG RNAM PA DU MA YIN PAR BSTAN PA'I PHYIR PHUNG PO DANG KHAMS DANG ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE LA GZHAN GYIS SLAR BRGAL BA'I TSIG ,NYE BAR 'DOGS PA 'DI RNAM PA GNYIS NI ZHES BYA BA LA SOGS PA SMRAS SO, ,NYE BAR 'DOGS PA 'DI RNAM PA GNYIS NI RNAM PAR SHES PA'I GZUNG BA'I CHA NYID DE, BDAG GAM CHOS RNAMS DNGOS LA NYE BAR 'DOGS PA NI MA YIN NO ZHES BYA BAR DE JI LTAR SHES PAR BYA, DNGOS ZHES BYA BA NI DON DAM PA'O, ,BDAG LA SOGS PAR THA SNYAD 'DOGS PA DNGOS SU YUL NYID MA YIN PAR BSTAN PA'I PHYIR, CHOS RNAMS DANG BDAG NI ZHES BYA BA LA SOGS PA SMRAS SO, ,'DI LTAR RNAM PAR SHES PA GYUR PA LAS PHYI ROL NA BDAG DANG CHOS RNAMS YOD PA MA YIN TE, DE'I PHYIR BDAG DANG CHOS SU NYE BAR 'DOGS PA 'DI'I DNGOS SU YUL MA YIN NO, ,MU STEGS CAN GZHAN GYI 'GYUR BA YIN DU DOGS NAS DRI BA'I PHYIR, GYUR ZHES BYA BA DE GANG ZHE NA ZHES SMRAS TE, CI GANG GRANGS CAN RNAMS KYIS YONGS SU BRTAGS PA RNAM PAR GNAS PA'I RDZAS KYI CHOS GZHAN LOG NA GZHAN 'BYUNG ZHES BYA BA'I 'GYUR BA DE 'DIR 'GYUR BAR 'DOD DAM, 'ON TE GZHAN 'GA' ZHIG CES BYA BA DANG, GRUB PA'I MTHA' SMRAS PAS, GYUR PA'I RANG GI NGO BO BSTAN PA'I PHYIR, GZHAN DU GYUR PA STE, ZHES BYA BA SMRAS SO, ,GYUR PA'I SGRA NI GZHAN DU GYUR PA LA BYA'I, GRANGS CAN GYIS YONGS SU BRTAGS PA NI MA YIN NO, , DE NYID BSTAN PA'I PHYIR, RGYU'I SKAD CIG CES BYA BA LA SOGS PA SMRAS SO, ,GANG GI TSE RGYU'I SKAD CIG 'GAGS LA, DE 'GAGS PA DANG DUS MNYAM DU RGYU'I SKAD CIG DANG MI 'DRA BA 'BRAS BU'I BDAG NYID THOB PA GANG YIN PA DE GYUR PAR 'DOD DO, ,DE NI 'DI SKAD DU RGYU DANG MI 'DRA BA'I 'BRAS BU NYID LA GYUR PA'I SGRAR BRJOD DO ZHES BSTAN PAR 'GYUR RO, ,DE LTAR GYUR PA'I RANG GI NGO BO BSTAN NAS, RNAM PAR SHES PA GYUR PA LAS JI LTAR BDAG DANG CHOS SU NYE BAR 'DOGS PA DE BSTAN PA'I PHYIR, DE LA BDAG LA SOGS PA RNAM PAR RTOG PA'I BAG CHAGS YONGS SU BRTAS SHING, ZHES BYA BA LA SOGS PA SMRAS SO, , @6A *, ,BDAG LA SOGS PAR RNAM PAR RTOG PAS BAG CHAGS GANG SKYED PA DE DAG GI TSE YONGS SU BRTAS PAR GYUR PA DE'I TSE KUN GZHI RNAM PAR SHES PA LAS BDAG LA SOGS PA'I RNAM PA'I RNAM PAR RTOG PA SKYE'O, ,BDAG LA SOGS PA'I RNAM PA GZUNG BA'I CHA DE YANG RNAM PAR RTOG PA DE LAS PHYI ROL DU GYUR PA LTA BUR RTOGS NAS, ,PHYI ROL NA BDAG MED PA YANG, THOG MA MED PA'I DUS NAS BDAG LA SOGS PAR NYE BAR 'DOGS PAR 'JUG GO, ,DE BZHIN DU GZUGS LA SOGS PAR RNAM PAR RTOG PAS BAG CHAGS GANG SKYED PA DE YANG GANG GI TSE YONGS SU BRTAS PAR GYUR PA DE'I TSE; KUN GZHI RNAM PAR SHES PA LAS GZUGS LA SOGS PA'I RNAM PA'I RNAM PAR RTOG PA 'BYUNG NGO, ,GZUGS LA SOGS PA'I RNAM PA GZUNG BA'I CHA DE YANG RNAM PAR RTOG PA DE LAS PHYI ROL DU GYUR PA LTA BUR RTOGS NA, PHYI ROL NA CHOS RNAMS MED PAR YANG GZUGS LA SOGS PA CHOS SU NYE BAR 'DOGS PA THOG MA MED PA'I DUS NAS 'JUG GO, ,BAG CHAGS YONGS SU BRTAS PA ZHES BYA BA'I SGRA NI DE MA THAG TU 'BRAS BU BSGRUB NUS PA LA BYA'O, ,SNANG BA ZHES BYA BA'I SGRA NI GZUNG BA'I CHA LA BYA'O, ,'DIR DPE SMOS PA, DPER NA RAB RIB CAN GYI SKRA SHAD 'DZINGS PA LA SOGS PA BZHIN NO ZHES BYA BA STE, DPER NA RAB RIB CAN GYI SKRA SHAD LA SOGS PA'I RNAM PA GZUNG BA'I CHA LA SKRA SHAD 'DZINGS PA LA SOGS PAR NYE BAR 'DOGS PA DE BZHIN DU 'DIR YANG BDAG DANG CHOS KYI RNAM PA GZUNG PA'I CHA LA BDAG DANG CHOS SU NYE BAR 'DOGS SO, ,SKRA SHAD 'DZINGS PA'I SGRA NI SKRA'I TSOGS LA BYA'O, ,DE LA 'DIR 'GYUR TE, 'DI LTAR GZUNG BA'I CHA NYID DNGOS SU BDAG DANG CHOS SU 'GYUR TE, DE'I PHYIR BDAG DANG CHOS RNAMS DNGOS SU GRUB PO SNYAM DU SEMS SU DOGS NAS, NYE BAR 'DOGS PA ZHES BYA BA NI GANG LA GANG MED PA DE LA DE NYE BAR 'DOGS TE, ZHES BYA BA LA SOGS PA SMRAS SO; ;BDAG DANG CHOS RNAMS NI GZUNG BA'I CHA LA NYE BAR 'DOGS SO, ,GAL TE DE DAG DE NA DNGOS SU YOD DU ZIN NA CI'I PHYIR NYE BAR 'DOGS, GANG LA GANG MED PA DE LA DE NYE BAR 'DOGS PA NI DPER NA MI BLUN PO LA BA LANG ZHES BYA BA LTA BU STE, BA LANG MA YIN YANG MI BLUN PO LA BA LANG ZHES NYE BAR @6B 'DOGS PA LTA BU'O, ,NYE BAR 'DOGS PA ZHES BYA BA NI SGRO 'DOGS PA YIN NA DE JI LTAR DNGOS SU DNGOS PO YUL DU 'GYUR, ,DE LTAR BDAG DANG CHOS SU NYE BAR 'DOGS PA'I DNGOS KYI YUL BKAG NAS MJUG BSDU BA'I PHYIR, DE LTAR RNAM PAR SHES PA'I RANG GI NGO BO DANG PHYI ROL NA YANG BDAG DANG CHOS RNAMS MED PAS ZHES BYA BA LA SOGS PA SMOS SO, ,'DI LTAR RNAM PA DE LTA BU BSTAN PAS RNAM PAR SHES PA'I GZUNG BA'I CHA DANG RNAM PA SHES PA LAS PHYI ROL NA BDAG DANG CHOS RNAMS DNGOS SU YOD PA MA YIN NO, ,DE BAS NA BDAG DANG CHOS RNAMS KUN BRTAGS PA NYID DO, ,DON DAM PAR DE DAG GANG NA YANG YOD PA MA YIN NO, ,DE'I PHYIR GANG 'DI SHES BYA YANG RNAM PAR SHES PA BZHIN DU RDZAS NYID DO ZHES MTHA' GCIG TU SMRA BA 'DI KHAS MI BLANG NGO, ,MTHA' GCIG TU SMRA BA CIG SHOS BSAL BA'I PHYIR, NYE BAR 'DOGS PA NI ZHES BYA BA LA SOGS PA SMRAS TE, NYE BAR 'DOGS PA NI 'DI LTAR GZHI MED PAR MI SRID DO, ,DE BAS NA GANG LA BDAG DANG CHOS SU NYE BAR 'DOGS PA 'BYUNG BA'I RNAM PAR SHES PAR GYUR PA RDZAS NYID DU NGES PAR KHAS BLANG NGO, ,DE LTAR NA RNAM PAR SHES PA YANG SHES BYA BZHIN DU KUN RDZOB NYID DE, ,DON DAM PAR MED DO ZHES KHAS LEN PA DE RIGS PA LA MI MJED PAR MI NUS SO,, CI'I PHYIR RIGS PA MI BZOD SNYAM PA LA, KUN RDZOB TU'ANG DNGOS PO MED PAR 'GYUR BA'I PHYIR RO ZHES BYA BA SMRAS SO, ,DE NYID DGROL BA'I PHYIR, RTEN MED NA KUN RDZOB TU MI RUNG STE, ZHES BYA BA SMRAS SO, ,'DI LTAR RTEN MED PAR NI KUN RDZOB TU MI RUNG STE, GDON MI ZA BAR 'GA' ZHIG LA BRTEN NAS 'GA' ZHIG GDAGS PAR 'GYUR RO, ,GZHAN DU NA NI NGES PA MED PAS THAMS CAD LA THAMS CAD GDAGS PAR THAL BAR 'GYUR RO, ,DE'I PHYIR THAL CHES BYA BA'I SKYON DU GYUR TA RE ZHES KUN RDZOB TU GZHI CI ZHIG CIG KHAS BLANG BAR BYA'O, ,DE'I GZHI GANG YIN PA DE NI RNAM PAR SHES PA STE, DE BAS NA RNAM PAR SHES PA RDZAS NYID DU KHAS BLANG NGO, ,RTEN MED CES BYA BA NI GZHI MED CES BYA BA NAS RGYU MTSAN ZHES BYA BA'I BAR DU'O, ,GONG DU BSHAD PA'I MJUG BSDU BA'I PHYIR, DE BAS NA MTHA' GCIG TU SMRA BA RNAM PA 'DI GNYIS KA YANG MI RIGS PA'I PHYIR BTANG NGO ZHES SLOB DPON GYI TSIG @7A *, ,GO ZHES BYA BA SMRAS SO, ,'DI LTAR PHYOGS 'DI LTA BU GNYIS KA LA YANG RIGS PA MED DE, DE BAS NA MTHA' GCIG TU SMRA BA RNAM PA 'DI GNYI GA YANG RIGS PA MED PAS GTANG BAR BYA BAR SLOB DPON RNAMS KYIS BSHAD DO ZHES 'GREL PA BYED PAS RANG MA GTOGS PAR GSANG NAS SLOB DPON RNAMS LA KHUNGS PHYUNG NGO, ,DE LTAR MTHA' GCIG TU SMRA BA DE BKAG NAS RANG GI PHYOGS BRJOD PA'I PHYIR, DE LTAR NA SHES BYA THAMS CAD KUN BRTAGS PA'I NGO BO NYID YIN PAS DNGOS PO MED DO ZHES BYA BA SMRAS SO, ,GANG GI PHYIR 'DI LTAR SHES BYA NI RNAM PAR SHES PA'I RANG GI NGO BO KHO NA YIN PAS, PHYI ROL NA BDAG DANG CHOS KYI DNGOS PO MED LA RTEN MED PAR NI KUN RDZOB TU YANG MI RUNG BAS DE BAS NA SHES BYA THAMS CAD KUN BRTAGS PA'I NGO BO NYID YIN PA'I PHYIR DNGOS POR YOD PA MA YIN NO, ,'DI LTAR RTEN MED PAR KUN RDZOB MED DE, DE'I PHYIR RNAM PAR SHES PA NI RTEN CING 'BREL BAR 'BYUNG BAS RDZAS SU YOD CES BYA BA DE KHAS BLANG BAR BYA'O, ,RNAM PAR SHES PA RTEN CING 'BREL PAR 'BYUNG BA ZHES BYA BA DE JI LTAR SHES PAR BYA ZHE NA, RNAM PAR SHES PA RTEN CING 'BREL PAR 'BYUNG BA NI ZHES BYA BA LA SOGS PA SMRAS SO, ,RNAM PAR SHES PA RTEN CING 'BREL PAR 'BYUNG BA NI GYUR PA'I SGRA NYID KYIS BSTAN TE, 'DI LTAR RGYU DANG MI 'DRA BA 'BRAS BU'I BDAG NYID THOB PAR NI GYUR BA'O, ,ZHES BSTAN PA'O, ,DE LTAR DNGOS SU BDAG DANG CHOS RNAMS BKAG PA DANG, PHYI ROL GYI DON DU SMRA BAS PHYIR BRGAL BA'I PHYIR, PHYI ROL GYI DON MED PAR RNAM PAR SHES PA NYID DON GYI RNAM PAR 'BYUNG BA 'DI JI LTAR SHES PAR RUNG ZHE NA, ZHES BYA BA SMRAS SO, ,PHYI ROL GYI DON GZUGS LA SOGS PA MED PAR RNAM PAR SHES PA NYID GZUGS LA SOGS PA'I DON GYI RNAM PAR 'BYUNG BA DE JI LTAR SHES SHE NA, GRUB PA'I MTHA' SMRA BAS, PHYI ROL GYI DON NI ZHES BYA BA LA SOGS PA SMRAS TE, 'DI LTAR PHYI ROL GYI DON GANG GI TSE BDAG GI RNAM PA'I RNAM PAR SHES PA SKYED PA DE'I TSE RNAM PAR SHES PA'I DMIGS PA'I RKYEN DU 'DOD KYI, BYED RGYU TZAM 'BA' ZHIG TU 'DOD PA NI MA YIN NO, ,GAL TE BYED RGYU TZAM GYIS DMIGS PA NYID DU 'GYUR NA NI, DE'I TSE RGYU DANG DE MA THAG PA DANG, @7B BDAG PO'I RKYEN DANG, BYE BRAG MED PAR 'GYUR TE, 'DI LTAR DE DAG NI BYED RGYU TZAM DU RNAM PAR 'JOG GO, ,GAL TE 'DI YANG BYED RGYU TZAM DU RNAM PAR GZHAG NA NI DE'I TSE DE DAG DANG BYE BRAG MED PAR 'GYUR RO, ,DE NI 'DI SKAD DU GANG LA BYED RGYU KHO NA DANG RANG GI RNAM PA BSKYED PA KHO NA YOD PA DE NI CHOS NYID GNYIS DANG LDAN PA YUL DU 'DOD DO ZHES BSTAN PAR 'GYUR RO, ,BYED RGYU TZAM GYI PHYIR YUL NYID DU 'DOD NA NI DE MA THAG PA'I RKYEN LA SOGS PA RKYEN RNAMS KYANG DMIGS PA NYID DU 'GYUR RO, ,CHOS NYID GNYIS DANG LDAN PA'I YUL DU GYUR DU ZIN KYANG 'DIS CIR 'GYUR ZHE NA, RNAM PAR SHES PA'I TSOGS LNGA PO DAG NI BDAGS PA LA DMIGS PA STE, ZHES BYA BA LA SOGS PA SMRAS SO, ,RNAM PAR SHES PA'I TSOGS LNGA PO DAG NI BSAGS PA LA DMIGS PAR GZHAN 'DOD DO, ,'DI LTAR DE DAG NI BSAGS PA'I RNAM PA DAG RIG PAR BYA'O, ,BSAGS PA'I SGRA NI 'DUS PA LA BYA'O, ,DE'I PHYIR RNAM PAR SHES PA'I TSOGS LNGA PO DAG NI RIGS PA'I RNAM PAR SNANG BAR BSHAD PA YIN NO, ,BSAGS PA'I RNAM PAR GYUR NA CI NYES ZHE NA, DE'I PHYIR BSAGS PA NI CHA SHAS 'DUS PA TZAM LAS GUD NA MED DE ZHES BYA BA LA SOGS PA SMRAS SO, ,CHA SHAS BSAGS PA RNAMS 'DUS PA TZAM LAS BSAGS PA GUD NA MED DO, ,JI LTAR MED CE NA, CHA SHAS DE DAG BSAL NA ZHES BYA BA LA SOGS PA SMRAS TE, 'DI LTAR CHA SHAS RE RE NAS BSAL NA BSAGS PA'I RNAM PA'I RNAM PA'I RNAM PAR SHES PA MI 'BYUNG NGO, ,GAL TE DE NA 'DUS PA ZHES BYA BA RDZAS CI YANG RUNG BA ZHIG YOD NA NI, DE'I TSE CHA SHAS RE RE NAS BSAL NA YANG 'DUS PA'I RNAM PA'I BLO SKYE BA ZHIG NA, CHA SHAS CAN GYI RDZAS YOD PA NI SLOB DPON RNAMS KYIS DGAG PA MANG DU BRJOD DO, ,DE LTAR 'DUS PA'I RDZAS YOD PA BKAG NAS MJUG BSDU BA'I PHYIR, DE BAS NA PHYI ROL GYI DON MED PAR RNAM PAR SHES PA BSAGS PA'I RNAM PA 'BYUNG NGO ZHES BYA BA SMRAS SO, ,GANG GI PHYIR DE LTA BSAGS PA NI CHA SHAS 'DUS PA TZAM LAS GUD NA YOD PA MA YIN PAR YANG BSAGS PA'I RNAM PA'I RNAM PAR SHES PA 'DI MYONG STE, DE BAS NA PHYI ROL GYI BSAGS PA'I DON MED PAR SPROS PA'I BAG CHAGS @8A *, ,YONGS SU SMIN PA'I DBANG GIS RNAM PAR SHES PA BSAGS PA'I RNAM PAR 'BYUNG BAR GRUB BO, ,'DUS PA'I RDZAS MED PA DMIGS PAR MI RUNG DU ZIN YANG RDUL PHRA RAB RNAMS 'DUS PA'I RNAM PAR SHES PA DE'I DMIGS PAR 'GYUR RO ZHE NA YANG DE'I PHYIR, RDUL PHRA RAB BSAGS PA DAG NYID NI ZHES BYA BA LA SOGS PA SMRAS TE, RDUL PHRA RAB 'DUS PA DAG KYANG RNAM PAR SHES PA DE'I DMIGS PA MA YIN NO, ,BSAGS PA ZHES BYA BA NI 'DUS PA ZHES BYA BA'I THA TSIG GO, ,CI'I PHYIR DMIGS PA MA YIN ZHE NA, RDUL PHRA RAB DAG NI DE'I RNAM PA MA YIN PA'I PHYIR RO ZHES BYA BA SMRAS TE; 'DI LTAR GANG 'DI SHES PA LA RAGS PA'I RNAM PAR SNANG BA RNAM PA DE DAG RDUL PHRA RAB SO SO LA NI MA YIN NO, ,SO SO DE'I RNAM PA MA YIN YANG 'DUS PA NI DE'I RNAM PAR 'GYUR RO ZHE NA, DE'I PHYIR, RDUL PHRA RAB RNAMS MA BSAGS PA'I DUS LAS ZHES BYA BA LA SOGS PA SMRAS TE, JI LTAR MA BSAGS PA'I DUS NA RAGS PA'I RNAM PA MED PA DE LTAR, RDUL PHRA RAB RNAMS BSAGS PA'I DUS NA YANG RAGS PA'I MTSAN NYID DU 'GYUR BAR RANG BZHIN BYE BRAG TU GYUR PA CI YANG MED DO, ,DE'I PHYIR JI LTAR RDUL PHRA RAB BSAGS PA MA YIN PA DAG DMIGS PAR MI 'GYUR BA DE BZHIN DU BSAGS PA RNAMS KYANG DMIGS PAR MI 'GYUR TE, DE MA 'DUS PA BZHIN DU 'DUS PA YANG DMIGS PA MA YIN NO ZHES BYA BA'I THA TSIG GO, ,DE NI 'DI SKAD DU, JI LTAR DE DAG MA 'DUS NA RAGS PA MED DE, DE'I PHYIR DMIGS PAR MA GYUR PA DE BZHIN DU 'DUS SU ZIN KYANG RAGS PAR MI 'GYUR RO, ,DE BAS NA DMIGS PAR JI LTAR 'GYUR TE, 'DI LTAR DE DAG THA DAD DAM 'DUS KYANG RUNG ZLUM RIL MI 'DOR RO ZHES BSTAN PAR 'GYUR RO, ,YANG LA LA RDUL PHRA RAB RNAMS DMIGS PA YIN PAR RNAM PA GZHAN DU 'DOD DE, DE'I PHYIR DE'I LUGS BSTAN PAR GZHAN DAG RDUL PHRA RAB RE RE ZHES BYA BA LA SOGS PA SMRAS TE, RDUL PHRA RAB RE RE RDUL PHRA RAB GZHAN LA MI LTOS PA NI DBANG PO'I YUL DU MI 'GYUR GYI, GANG GI TSE PHAN TSUN LTOS PA DANG BCAS PA DE DBANG PO'I YUL DU 'GYUR BAR SEMS ZHES GRAG STE, PHYOGS SNGA MA'O, ,PHYOGS 'DI YANG RIGS PA BZOD PA MA YIN PAR BSTAN PA'I PHYIR, DE DAG GI YANG @8B ZHES BYA BA LA SOGS PA SMRAS TE, DE SKAD SMRA BA DE DAG GI GZHUNG LTAR NA YANG RDUL PHRA RAB NYAMS SU 'ONG ZHES RDUL PHRA RAB RNAMS LTOS PA DANG BCAS PA DANG MI LTOS PA'I DUS NA YANG RAGS PA'I MTSAN NYID DU 'GYUR BAR RANG BZHIN BYE BRAG TU GYUR PA MED DO, ,DE'I PHYIR RANG BZHIN BYE BRAG TU GYUR PA MED PAS YANG NA NI DUS THAMS CAD DU DBANG POS BZUNG BA NYID DU 'GYUR RO, ,YANG NA NI NAMS KYANG DBANG POS MI RTOGS PAR 'GYUR RO, ,YANG DE NYID LA NYES PA GZHAN BSTAN PA'I PHYIR, GAL TE PHAN TSUN LTOS PA'I RDUL PHRA RAB NYID CES BYA BA LA SOGS PA SMRAS SO, ,GAL TE PHAN TSUN LTOS PA'I RDUL PHRA RAB DAG NYID RNAM PAR SHES PA'I YUL DU 'GYUR DU ZIN NA NI, DE LTAR NA BUM PA DANG ZANGS BUM DANG RDZA MA DANG KHAM PHOR LA SOGS PA'I RNAM PA THA DAD PA GANG YIN PA DE RNAM PAR SHES PA LA SNANG BAR MI 'GYUR TE, 'DI LTAR RDUL PHRA RAB DAG BUM PA LA SOGS PA'I RNAM PA MA YIN PA'I PHYIR RO, ,'DI LA 'DIR 'GYUR TE, RDUL PHRA RAB RNAMS NYID BUM PA LA SOGS PA SHES PA'I DMIGS PAR 'GYUR RO SNYAM PA LA, DE'I PHYIR RNAM PAR SHES PA LA SNANG BA YANG GZHAN LA ZHES BYA BA LA SOGS PA SMRAS SO, ,BUM PA DANG RDZA MA LA SOGS PA'I RNAM PA YIN PAS, PHRA MO'I RNAM PA NI RAGS PA'I RNAM PA SHES PA'I YUL DU MI RUNG STE HA CANG THAL BAR 'GYUR RO, ,DE LTA NA NI SBRANG BU YANG GLANG PO CHE LA SOGS PA'I RNAM PA SHES PA'I YUL DU 'GYUR RO, ,DE LTA RE ZHIG RDUL PHRA RAB DAG YOD PAS KHAS BLANGS TE, DMIGS PAR BKAG GO, ,DE NI DE DAG KYANG YOD PAR MI 'THAD PAR BSTAN PA'I PHYIR, ,PHRA RAB DAG KYANG ZHES BYA BA LA SOGS PA SMRAS SO, ,RDUL PHRA RAB KYANG TSU ROL DANG PHA ROL DANG DPUNG GI CHA YOD PAS KA BA LA SOGS PA BZHIN DU DON DAM PAR YOD PA MA YIN TE, KA BA LA SOGS PA NI BRTAGS PAR YOD PA'O, ,TSOR BA LA SOGS PA NI MI 'DRA BA'I CHOS SO, ,BRGYA LA GZHAN GTAN TSIGS MA GRUB CES ZER DU DOGS PA'I PHYIR, ,DE KHAS MI LEN NA NI ZHES BYA BA LA SOGS PA SMRAS SO, ,GAL TE RDUL PHRA RAB RNAMS KYI TSU ROL DANG PHA ROL DANG DPUNG GI CHA KHAS MI LEN NA NI, DE'I TSE RDUL PHRA RAB LAS LTOS NAS 'DI NI @9A *, ,SHAR PHYOGS, ,'DI NI BYANG PHYOGS ZHES BYA BA LA SOGS PA PHYOGS THA DAD PA DAG RDUL PHRA RAB RNAMS KYI YIN PAR MI 'GYUR RO, ,DE MED PAR GYUR NA SHAR DANG BYANG LA SOGS PA YANG RDUL PHRA RAB KYI CHAR MI 'GYUR RO, ,DE LTAR GYUR NA CI NYES SHE NA, ,DE'I PHYIR RNAM PAR SHES PA BZHIN DU ZHES BYA BA LA SOGS PA SMRAS SO, ,GAL TE RDUL PHRA RAB KYI PHYOGS CHA THA DAD PA KHAS MI LEN NA DE'I TSE JI LTAR RNAM PAR SHE PA LUS MED PA DANG, YUL NA MI GNAS PA BZHIN DU RDUL PHRA RAB DAG KYANG DE LTAR 'GYUR RO, ,DE LTAR PHYI ROL GYI DON BKAG NAS MJUG BSDU BA'I PHYIR DE LTAR NA PHYI ROL GYI DON MED PA'I PHYIR ZHES BYA BA LA SOGS PA SMRAS SO, ,GANG DE SKAD BSTAN PA'I RNAM PAS PHYI ROL GYI DON MI 'THAD DE, ,DE BAS NA SPROS PA'I BAG CHAGS YONGS SU SMIN PA'I DBANG GIS RNAM PAR SHES PA NYID GZUGS LA SOGS PA'I DON GYI RNAM PAR 'BYUNG STE, DPER NA RMI LAM GYI RNAM PAR SHES PA BZHIN DU KHAS BLANG BAR BYA'O, ,DE LTAR NA RE ZHIG RNAM PAR SHES PA'I TSOGS LNGA PO RNAMS KYI YUL BKAG GO, ,YID KYI RNAM PAR SHES PA'I YUL YANG DGAG PA'I PHYIR, TSOR BA LA SOGS PA DAG KYANG ZHES BYA BA LA SOGS PA SMRAS SO, ,TSOR BA LA SOGS PA DAG NI DUS GSUM DU GTOGS PA STE, DE LA RE ZHIG GANG DAG 'DAS PA DANG MA 'ONGS PA DE DAG NI RANG GI RNAM PA'I RNAM PAR SHES PA SKYED PA MA YIN TE, 'DAS PA RNAMS NI 'GAGS PA'I PHYIR RO, ,MA 'ONGS PA RNAMS NI MA SKYES PA'I PHYIR RO, ,'GAGS PA DANG MA SKYES PA NI RDZAS SU YOD PA MA YIN NA, JI LTAR RNAM PAR SHES PA SKYED PAR 'GYUR, ,DE LA 'DIR 'GYUR TE, DA LTAR GYI DAG SKYED PAR 'GYUR RO ZHE NA, DE'I PHYIR DA LTAR GYI DAG KYANG DA LTAR GYI RNAM PAR SHES PA SKYED PA MA YIN TE ZHES BYA BA SMRAS SO ,DA LTAR GYI TSOR BA LA SOGS PA DAG KYANG RANG GI RNAM PA'I RNAM PAR SHES PA MI SKYED DO, ,DE CI'I PHYIR ZHE NA, SKYE BA'I TSE NA NI MED PA'I PHYIR RO ZHES BYA BA SMRAS SO, ,DE LA SKYE BA'I TSE NA SKYED PAR 'GYUR RAM, SKYES PA'I TSE SKYED PAR 'GYUR ZHES GNYIS SU BRTAG GRANG NA, SKYE BA'I TSE NA NI TSOR BA LA SOGS PA YOD PA MA @9B YIN TE, DE'I PHYIR YOD PA MA YIN PAS SKYED PAR JI LTAR 'GYUR, ,GANG GI TSOR BA LA SOGS SKYES PA'I TSE NA NI RNAM PAR SHES PA YANG DE'I RNAM PAR SKYES PA NYID DO, ,DE'I PHYIR DE LA BYA BA CUNG ZAD KYANG MED PAS DE DAG NI DE'I SKYED PA MA YIN NO, , DE BAS NA YID KYI RNAM PAR SHES PA'I DMIGS PA YANG CI YANG MED PAR GRUB BO, ,DE LTAR NA GZUNG BA MED PAS RNAM PAR SHES PA 'DZIN PAR MI 'GYUR TE, GZUNG BA DANG 'DZIN PA MED PA'I MTSAN NYID CHOS LA BDAG MED PAR GRUB BO, ,GANG ZAG LA BDAG MED PA NI RNAM PAR SHES PA RTEN CING 'BREL BAR 'BYUNG BA NYID DU BSTAN PAS BSTAN PA YIN TE, 'DI LTAR RNAM PAR SHES PA RTEN CING 'BREL BA 'BYUNG BA'I PHYIR YOD DO, ,GAL TE GANG ZAG DAG KYANG RTEN CING 'BREL BAR 'BYUNG BAR 'DOD NA NI DE'I TSE MI RTAG PAR 'GYUR RO, ,MI RTAG PA LA BDAG TU RTOG PA NI DON MED DE LUS DANG MTSUNGS PA'I PHYIR RO, ,JI STE RTEN CING 'BREL BAR 'BYUNG BAR MI 'DOD NA NI DE LTA NA RTAG PAR 'GYUR RO, ,RTAG PA NI DGE BA DANG MI DGE BA'I LAS BYED PA DANG DE'I 'BRAS BU LA SPYOD PA MI NUS TE, 'GYUR BA MED PA'I PHYIR RO, ,LHAN CIG BYED PA LA LTOS ZHES BYAR NI BYE BRAG TU GYUR PA MED PA'I PHYIR MI 'DOD DO, ,DE'I PHYIR CUNG ZAD KYANG BYED PA MED PA YONGS SU BRTAGS PA 'DIS CI ZHIG BYA STE, GANG ZAG LA BDAG MED PAR YANG GRUB PO, ,DE NI SLOB DPON SNGA MA DAG GIS KYANG MANG DU BSTAN ZIN TE, DE BAS NA 'DIR MNGON DU MA BSHAD DO, ,'DIR BRDA SPROD PA PA LA SOGS PAS PHYIR RGOL BA STON TE, GZHAN DAG NA RE ZHES BYA BA LA SOGS PA'O, ,GAL TE BDAG DANG CHOS DNGOS SU MED NA DE'I TSE RNAM PAR SHES PA'I GZUNG BA'I CHA LA DE NYE BAR 'DOGS PAR MI RUNG STE, 'DI LTAR NYE BAR 'DOGS PA NI GSUM YOD NA 'GYUR GYI GSUM PO DAG LAS GANG YANG RUNG BA BZHI MED NA MI 'GYUR RO, ,GSUM GANG ZHE NA, DON GYI DNGOS DANG ZHES BYA BA LA SOGS PA SMRAS SO, ,GAL TE DON GYI DNGOS YOD PA DANG, GAL TE DNGOS DANG 'DRA BA GZHAN 'GA' ZHIG YOD PA DANG, DNGOS DANG DE DANG 'DRA BA GNYI GA DANG 'DRA BA YANG YOD DE, ,GAL TE 'DRA BA CI YANG RUNG BA @10A *, ,ZHIG YOD NA NI DE'I TSE NYE BAR 'DOGS PAR BYED DO, ,'DIR DPER SMOS PA DPER NA DNGOS MED DANG ZHES BYA BA LA SOGS PA'O, ,DNGOS MED YOD LA ME DANG 'DRA BA BRAM ZE'I KHYE'U DANG ME DANG BRAM ZE'I KHYE'U GNYI GA'I THUN MONG GI CHOS YANG NA SER BA NYID DAM, YANG NA RNO BA NYID YOD NA 'JIG RTEN NA BRAM ZE'I KHYE'U LA MER NYE BAR 'DOGS PAR BYED DO, ,GAL TE DE LTAR RNAM PAR SHES PAR GYUR BA LA BDAG DANG CHOS NYE BAR 'DOGS PAR BYED NA, YANG DE'I TSE BDAG DANG CHOS RNAMS DNGOS SU YOD PAR 'GYUR TE, GZHAN DU NA NI NYE BAR 'DOGS PAR MI 'GYUR RO ZHES PHYOGS SNGA MA'O, ,GRUB PA'I MTHA' SMRA BAS THOG MA NYID DU DPE SUN DBYUNG BA'I PHYIR, 'DI LTAR BRAM ZE'I KHYE'U LA ME NYE BAR 'DOGS PA NI ZHES BYA BA LA SOGS PA SMRAS SO, ,GANG 'DI BRAM ZE'I KHYE'U LA ME ZHES DPER GZHAG PA 'DI LA RIGS ME NYID CES BYA BA'AM, 'ON TE ME'I RDZAS BRAM ZE'I KHYE'U LA NYE BAR 'DOGS, ,DE NI 'DI SKAD DU, CI 'DI LA ME'I SPYI'AM 'ON TE ME'I RANG GI MTSAN NYID NYE BAR 'DOGS ZHES BSTAN PAR 'GYUR RO, ,DE LTA NA DE LA NYES PA CI YOD CE NA DE'I PHYIR, NYE BAR 'DOGS PA GNYI GA YANG MED DO ZHES BYA BA SMRAS TE, PHYOGS GNYI GA YANG NYE BAR 'DOGS PAR MI RUNG NGO, ,RIGS KYI PHYOGS KYI DBANG DU BYAS NAS, DE LA RE ZHIG THUN MONG SER BA NYID DAM, RNO BA NYID NI RIGS KYI MA YIN NO ZHES BYA BA SMRAS SO, ,BRAM ZE'I KHYE'U DANG THUN MONG BA SER BA NYID DAM RNO BA NYID NI RIGS ME NYID LA MED DE, 'DI LTAR GZHAN DAG RIGS NI SER BA'AM RNO BAR MI 'DOD DO, ,'DI LTAR YON TAN 'DI DAG NI RDZAS KYI YIN GYI RIGS KYI NI MA YIN PAR 'DOD DO, ,DE LA 'DIR 'GYUR TE, THUN MONG GI CHOS MED KYANG RIGS NYE BAR 'DOGS PAR'GYUR RO, ,ZHEN, DE'I PHYIR, THUN MONG GI CHOS MED PAR ZHES BYA BA LA SOGS PA SMRAS TE, THUN MONG GI CHOS MED PA NI BRAM ZE'I KHYE'U LA RIGS NYE BAR 'DOGS PAR MI RUNG NGO, ,CI'I PHYIR MI RUNG SNYAM PA LA, HA CANG THAL BAR 'GYUR RO ZHES BYA BA SMRAS SO, ,GAL TE THUN MONG GI CHOS MED PAR YANG NYE BAR 'DOGS PAR BYED NA NI DE'I TSE THAMS @10B CAD LA THAMS CAD NYE BAR 'DOGS PAR THAL BAR 'GYUR RO, ,DE NI 'DI SKAD DU, 'DRA BA NI NYE BAR 'DOGS PA'I GZHI YIN NO, ,GAL TE 'DRA BA MED PAR YANG NYE 'DOGS PAR BYED NA NI DE'I TSE NGES PAR BYED PA MED PAS THAMS CAD LA THAL BAR 'GYUR RO ZHES BSTAN PAR 'GYUR RO, ,BRGYA LA GZHAN NYE BAR 'DOGS PA'I GZHI GZHAN SMRA BA DOGS NAS, RIGS CHOS NYID DE GNYIS DANG LDAN PA MA YIN YANG ZHES BYA BA LA SOGS PA SMRAS SO, ,RIGS NI RNO BA LA SOGS PA CHOS CAN MA YIN DU ZIN KYANG, RNO BA NYID DU SER BA NYID NI RIGS ME NYID MED NA MED DE, DE'I PHYIR RNO BA NYID DANG SER BA NYID RIGS MED NA MED PAS BRAM ZE'I KHYE'U LA RIGS ME NYID NYE BAR 'DOGS PAR 'GYUR RO, ,DE NI 'DI SKAD DU THUN MONG GI CHOS MED DU ZIN KYANG MED NA ME MI 'BYUNG BA NI 'DIR NYE BAR 'DOGS PA'I RGYU YIN TE, DE'I PHYIR HA CANG THAL BAR MI 'GYUR RO ZHES BSTAN PAR 'GYUR RO, , CHOS NYID DE GNYIS DANG LDAN PA MA YIN YANG ZHES BYA BA LA, RNO BA NYID DANG SER BA NYID DE GNYIS NI CHOS SO, ,RIGS GANG YIN PA DE NI CHOS DE GNYIS DAN LDAN PA'O, ,DE'I DNGOS PO NI DE'I CHOS NYID DO, ,CHOS NYID DE GNYIS DANG MI LDAN PA NI CHOS NYID DE GNYIS DANG LDAN PA MA YIN PA'O, ,DE'I PHYIR CHOS NYID DE GNYIS DANG LDAN PA MA YIN PA DE NI RIGS LA RNO BA NYID DANG SER BA NYID KYI CHOS MED DO ZHES BYA BA'I THA TSIG GO, ,MED PAR MI 'BYUNG BA YANG 'DIR MED PAR BSTAN PA'I PHYIR, RIGS MED PA YANG RNO BA NYID DANG SER BA NYID BRAM ZE'I KHYE'U LA MTHONG BA'I PHYIR ZHES BYA BA LA SOGS PA SMRAS TE, 'DI LTAR RNO BA NYID DANG SER BA NYID NI RIGS ME NYID MED PAR YANG BRAM ZE'I KHYE'U LA SNANG STE, DE BAS NA MED PAR MI 'BYUNG BA DE GNYIS KYANG MI RIGS SO, ,'DI LTAR RIGS ME NYID NI BRAM ZE'I KHYE'U LA MED LA RNO BA NYID DANG SER BA NYID NI DE LA YOD NA, DE GNYIS RIGS ME NYID MED PAR MI 'BYUNG BAR JI LTAR 'GYUR, ,BRGYA LA NYES PA DE NYID KYIS 'JIGS NAS GZHAN BRAM ZE'I KHYE'U LA YANG RIGS MED PAR MI 'BYUNG BA DE GNYIS YOD PAR 'DOD NA DE'I PHYIR, ,MED PAR ME 'BYUNG BA NI NYE BAR 'DOGS PA MED DE ZHES BYA BA SMRAS SO, ,GAL TE BRAM ZE'I KHYE'I LA YANG RNO BA NYID DANG SER BA @11A *, ,NYID RIGS MED PAR MI 'BYUNG BA YANG YOD PAR 'DOD NA NI DE'I TSE BRAM ZE'I KHYE'U LA RIGS NYE BAR GDAGS PAR MI BYA'O, ,CI'I PHYIR ZHE NA, ME BZHIN DU ZHES BYA BA LA SOGS PA SMRAS SO, ,'DI LTAR JI LTAR ME LA RIGS ME NYID DNGOS SU YOD PA DE BZHIN DU, BRAM ZE'I KHYE'U LA YANG YOD NA NI DE'I PHYIR NYE BAR GDAGS CI DGOS, DE NI 'DI SKAD DU GAL TE BRAM ZE'I KHYE'U LA YANG RNO BA NYID DANG SER BA NYID RIGS MED PAR MI 'BYUNG BA YANG YOD PAR 'DOD NA NI, DE'I TSE DE LA DE YOD PA NYID DU KHAS BLANGS PA YIN TE, DE'I PHYIR YOD PAS NYE BAR GDAGS CI DGOS TE, GANG LA GANG MED PA DE LA DE NYE BAR 'DOGS PA NI MI RIGS SO ZHES BSTAN PAR 'GYUR RO, ,DE LTAR NYE BAR 'DOGS PA'I GZHI BSAL NAS MJUG BSDU BA'I PHYIR, DE BAS NA BRAM ZE'I KHYE'U LA RIGS NYE BAR GDAGS SU MI RUNG NGO ZHES BYA BA SMRAS TE, 'DI LTAR NYE BAR GDAGS PA'I GZHI DE LTA BU RNAM PA GNYIS KA YANG RIGS LA MI 'THAD PAS DE'I PHYIR BRAM ZE'I KHYE'U LA RIGS NYE BAR 'DOGS PA MI SRID PAR GNAS SO, ,RIGS NYE BAR 'DOGS PAR MI 'GYUR DU ZIN KYANG RDZAS NYE BAR 'DOGS PAR 'GYUR RO ZHE NA, DE'I PHYIR, RDZAS KYANG NYE BAR GDAGS SU MI RUNG STE, ZHES BYA BA SMRAS TE, ME'I RDZAS KYANG BRAM ZE'I KHYE'U LA NYE BAR 'DOGS MI SRID DO, ,CI'I PHYIR ZHE NA, SPYI'I CHOS MED PA'I PHYIR RO, ,ZHES BYA BA SMRAS TE, 'DI LTAR ME DANG BRAM ZE'I KHYE'U'I THUN MONG GI CHOS NI GANG YANG MED DO, ,YON TAN RNO BA DANG SER BA THUN MONG PA YOD PA MA YIN NAM ZHE NA, THUN MONG GI CHOS MED CES SMRA ZHE NA, DE'I PHYIR ME'I YON TAN RNO BA DANG ZHES BYA BA LA SOGS PA SMRAS SO, ,YON TAN RNO BA DANG SER BA NI DE GNYIS KYI THUN MONG MA YIN TE, 'DI LTAR ME'I YON TAN RNO BA'AM SER BA GANG YIN PA DE NYID NI BRAM ZE'I KHYE'U'I YIN PAR MI 'DOD DO, ,DE'I PHYIR BRAM ZE'I KHYE'U'I YON TAN RNO BA'AM SER BA NI ME'I YON TAN RNO BA DANG SER BA LAS GZHAN NO, ,DE DE LAS GZHAN PAR JI LTAR SHES SHE NA, DE'I PHYIR BYE BRAG NI RANG GI GNAS DANG 'BREL PA'I PHYIR RO ZHES BYA BA SMRAS SO, ,'DI LTAR BYE BRAG GANG YIN PA DE DAG NI, RANG RANG GI GNAS DANG 'BREL BA YIN GYI, GNAS GZHAN DU 'GRO BAR @11B MI NUS TE, 'DI LTAR ME NI SHING BSREGS PAR NUS PAS RNO BA'I SGRAR BRJOD DO, ,BRAM ZE'I KHYE'U NI BYED PA RNAMS LA G-YER BAS RNO BA'I SGRAR BRJOD DO, ,DE BZHIN DU YON TAN SER BA YANG THA DAD DU BRJOD PAR BYA'O, ,DE LA 'DIR 'GYUR TE, BRAM ZE'I KHYE'U'I YON TAN RNO BA 'AM SER BA GANG YIN PA DE NYID LA BRTEN TE, BRAM ZE'I KHYE'U LA MER NYE BAR 'DOGS SO ZHE NA, DE'I PHYIR, ME'I YON TAN MED PAR BRAM ZE'I KHYE'UI LA ME NYE BAR GDAGS PA NI MI RIGS SO ZHES BYA BA SMRAS SO, ,BRAM ZE'I KHYE'U'I YON TAN RNO BA 'AM SER BA GANG YIN PA DE NI ME'I YON TAN MA YIN TE, DE'I PHYIR JI LTAR GZHAN GYI YON TAN GYIS BRAM ZE'I KHYE'U LA MER NYE BAR GDAGS PAR RUNG, DE LTAR GYUR NA NI HA CANG THAL BAR 'GYUR RO, ,BRGYA LA GZHAN GYIS DE GNYIS KYI 'DRA BA GZHAN DU BRJOD DU DOGS PAS, GAL TE ME'I YON TAN DANG 'DRA BAS RIGS SO ZHE NA ZHES BYA BA SMRAS SO, ,YON TAN RNO BA'AM SER BA NYID GNYIS RANG GI GNAS LA NGES PA'I PHYIR BRAM ZE'I KHYE'U LA MER NYE BAR GDAGS SU MI RUNG YANG ME'I YON TAN DANG 'DRA BAS NYE BAR 'DOGS PAR 'GYUR TE, 'DI LTAR ME'I YON TAN RNO BA'AM SER BA GANG YIN PA DANG, BRAM ZE'I KHYE'U'I YON TAN RNO BA 'AM SER BA GANG YIN PA DE DAG NI 'DRA BA YOD PAS DE'I PHYIR 'DRA BA DE LA BRTEN TE BRAM ZE'I KHYE'U LA MER NYE BAR 'DOGS PAS 'GAL PA MED DO, ,ME'I YON TAN DANG 'DRA BAS RIGS SO ZHES BYA BA 'DI LA YON TAN DANG 'DRA BA ZHES PA'I SGRA NI YON TAN GYI RIGS SU 'DOD DO, ,'DRA BA RNAM PA 'DI LTA BU 'DI NI SKABS KYI SKYABS SU CUNG ZAD KYANG MI 'GYUR BAR BSTAN PA'I PHYIR, DE LTA NA YANG 'DRA BA'I PHYIR ZHES BYA BA LA SOGS PA SMRAS SO, ,GAL TE YON TAN 'DRA BA DE YOD DU ZIN KYANG DE DAG YON TAN 'DRA BA'I PHYIR, ME'I YON TAN RNO BA NYID DAM SER BA NYID BRAM ZE'I KHYE'U'I YON TAN RNO BA NYID DAM SER BA NYID LA NYE BAR GDAGS SU NI RUNG GI BRAM ZE'I KHYE'U LA ME NYE BAR GDAGS SU NI MI RUNG STE, 'DI LTAR ME NI YON TAN GYI RIGS DANG 'BREL PA NYID MED DO, ,'DI LTAR YON TAN GYI RIGS NI YON TAN RNAMS DANG LDAN GYI, RDZAS DANG NI MA YIN NO, ,DE LTAR RDZAS NYE BAR GDAGS PA BKAG NAS MJUG BSDU BA'I PHYIR, GANG GI PHYIR 'DI RDZAS LA @12A *, ,YANG THUN MONG GI CHOS GANG YANG MED DE, DE BAS NA BRAM ZE'I KHYE'U LA ME'I RDZAS NYE BAR GDAGS SU YANG MI RUNG NGO ZHES BYA BA SMRAS SO, ,DE LTAR DPE LA NYE BAR 'DOGS PA BKAG NAS, DON GYI DNGOS DGAG PA'I PHYIR DON GYI DNGOS KYANG MED DE ZHES BYA BA SMRAS SO, ,DNGOS YOD NA NYE BAR 'DOGS PAR 'GYUR RO ZHES GANG SMRAS PA DE YANG RIGS PA MA YIN TE, 'DI LTAR DON GYI DNGOS NYID GANG YANG MED DO, ,CI'I PHYIR MED SNYAM PA LA DE'I RANG GI NGO BO NI ZHES BYA BA LA SOGS PA SMRAS TE, 'DI LTAR DNGOS KYI RANG GI NGO BO GANG YIN PA DE NI SHES PA THAMS CAD DANG BRJOD PA THAMS CAD KYI YUL LAS 'DAS PA'I PHYIR RO, ,CI'I PHYIR 'DAS ZHE NA DE'I PHYIR GTZO BO LA ZHES BYA BA LA SOGS PA SMRAS SO, ,'DI LTAR GTZO BO LA SHES PA DANG BRJOD PA YON TAN CAN GYI TSUL GYIS RTAG TU 'JUG PAR ZAD DE, DE'I RANG GI NGO BO LA MI REG GO, ,'DI LTAR GTZO BO LA NI RTAG TU YON TAN DANG LDAN NA RTOGS KYI, ,RANG GI NGO BO NI MI RTOGS SO ZHES 'DI NI PHA ROL GYI GRUB PA'I MTHA'O, ,GTZO BO'I SGRA NI 'DIR BYE BRAG GI GZHIR BRJOD PA YIN TA RDZAS LA SOGS PA'O, ,YON TAN GYI SGRA NI 'DIR BYE BRAG TU BRJOD PA YIN TE, DKAR PO LA SOGS PA'O, ,DE LA 'DIR 'GYUR TE, GTZO BO'I RANG GI NGO BO LA YANG SHES PA DANG BRJOD PA GNYIS KYIS REG GO SNYAM PA LA DE'I PHYIR, GZHAN DU NA YON TAN DON MED PAR 'GYUR RO ZHES BYA BA SMRAS SO, ,GAL TE GTZO BO'I RANG GI NGO BO LA YANG SHES PA DANG, BRJOD PA GNYIS KYIS REG PAR NUS NA, DE'I TSE CI'I PHYIR YON TAN RNAMS YONGS SU BRTAG ,GAL TE GTZO BO LA SHES PA DANG, BRJOD PA GNYIS DNGOS SU 'JUG PA MED NA NI DE'I TSE GTZO BO NI YON TAN GYI NGO BOR GYUR PA SHES TE, YON TAN YONGS SU BRTAGS PAR RIGS SO, ,GANG GI TSE GTZO BO'I RANG GI NGO BO SHES PA DANG BRJOD PA GNYIS KYIS MNGON SUM DU SHES NA NI DE'I TSE YON TAN RNAMS CI DGOS, ,DE LA 'DIR 'GYUR TE, SHES PA DANG BRJOD PA GNYIS GTZO BO'I RANG GI NGO BO LA MNGON SUM DU 'JUG PA NI MED MOD KYI, 'ON TE CIS KYANG THABS GZHAN 'GA' ZHIG GI GTZO BO'I RANG GI NGO BO SHES PAR BYED DO SNYAM PA LA DE'I PHYIR, SHES PA DANG BRJOD PA MA @12B GTOGS PAR ZHES BYA BA LA SOGS PA SMRAS SO, ,BLO DANG SGRA MA GTOGS PAR GANG GI GTZO BO DE SHES PA'I GTZO BO'I RANG GI NGO BO YONGS SU GCOD PA'I THABS GZHAN MED DO, ,DE LTAR GTZO BO'I RANG GI NGO BO YONGS SU GCOD PA'I THABS MED PAR BSTAN NAS MJUG BSDU PA'I PHYIR, DE'I PHYIR GTZO BO'I RANG GI NGO BO'I YUL ZHES BYA BA LA SOGS PA SMRAS SO, ,GANG GI PHYIR 'DI LTAR GTZO BO DE'I RANG GI NGO BO YONGS SU GCOD PA'I THABS GZHAN NI GANG YANG MED LA, SHES PA DANG BRJOD PA GNYIS NI DE LA MI 'JUG PA DE'I PHYIR DON GYI DNGOS ME LA SOGS PA GANG YANG MED PAR KHONG DU CHUD PAR BYA'O, ,ME'I RDZAS LA BLO DANG SGRA MNGON SUM DU 'JUG PA MED PAS, DE DNGOS NYID MA YIN DU ZIN KYANG ME NYID KYI RIGS LA BLO DANG SGRA MNGON SUM DU 'JUG STE, DE'I PHYIR DE NYID DNGOS SU 'GYUR RO ZHE NA, KYE DE YANG RDZAS NYID DU MI RUNG STE, 'DI LTAR DE YANG SGRA'I RANG GI NGO BOS BSGYUR NAS SHES PA DANG BRJOD PA GNYIS KYIS SHES KYI, RANG GI NGO BO NI MI SHES NA, DE JI LTAR DNGOS NYID DU 'GYUR, SGRA LA BLO DANG SGRA GNYIS MNGON SUM DU 'JUG STE, DE'I PHYIR SGRA DE NYID DNGOS SU 'GYUR RO SNYAM PA LA, DE'I PHYIR DE BZHIN DU SGRA'I BAR DU ZHES BYA BA LA SOGS PA SMRAS SO,, JI LTAR RDZAS DANG RIGS LA SHES PA DANG BRJOD PA GNYIS MNGON SUM DU 'JUG PA DE BZHIN DU, SGRA LA YANG DE GNYIS MNGON SUM DU 'JUG PA MED PA NYID DE, 'DI LTAR SGRA'I RANG GI NGO BO DANG BRJOD PA NI 'BREL PA MED DE, SGRA'I RANG GI NGO BO DANG BRJOD PA THA DAD PA MED PA'I PHYIR RO, ,THA DAD PA NI 'BREL PA'I GNAS YIN NA NI, THA DAD PA MED PAS DE JI LTAR RUNG BAR 'GYUR, GZHAN DAG NI 'BREL PA MED PAR GANG DU YANG BRJOD PA MI 'JUG STE, GANG DU BRJOD PA 'JUG PA MED PA DER SHES PAS YANG MI 'JUG PAR 'DOD DO, ,'DI LTAR GZHAN DAG NI SHES PA THAMS CAD RNAM PAR RTOG PA DANG BCAS PAR 'DOD PAS, DE JI LTAR MNGON PAR BRJOD PA LA MI LTOS PAR 'JUG ,RIGS DANG YON TAN DANG, BYED PA YANG SGRA'I RANG GI NGO BO LA MI LTOS PAR SHES PAS MI 'DZIN TO, ,DE'I PHYIR RTOG PA DE DAG KYANG GZHAN LA MI SRID DO, ,DE LTAR SHES PA DANG BRJOD PA @13A *, ,MED PAR BSTAN NAS MJUG BSDU BA'I PHYIR, DE LTAR NA ZHES BYA BA LA SOGS PA SMRAS TE, GANG GI PHYIR DE LTAR SHES PA DANG, BRJOD PA GANG DU YANG MNGON SUM DU MI 'JUG PA DE'I PHYIR, RJOD PA DANG BRJOD PAR BYA BA MED PAS DON GYI DNGOS PO MED PAR GRUB BO, ,DE LTAR DNGOS NYID BKAG NAS BTAGS PA MNGON SUM DU BSTAN PA'I PHYIR, YANG 'DI DAG THAMS CAD NI BTAGS PA NYID CES BYA BA LA SOGS PA SMRAS SO, ,KHYED KYI GZHUNG LTAR NA DNGOS PO GANG JI SNYED PA THAMS CAD NI BTAGS PA KHO NA YIN GYI, DNGOS NI MED DE 'DI LTAR GANG NA GANG MED PA'I TSUL GYIS 'JUG PA DE NI BTAGS PA ZHES BYA'O, ,SGRA THAMS CAD 'JUG PA NI GTZO BO MED PAR BTAGS PA'I NGO BO GANG YIN PA'I NGO BO DES DE LA 'JUG GO, ,DE NI 'DI SKAD DU GTZO BO NI BTAGS PA'I NGO BOR GYUR NAS SGRAS SHES PAR BYED KYI RANG GI NGO BO SHES PAR BYED PA NI MA YIN NO, DE DNGOS SU JI LTAR 'GYUR ZHES BSTAN PAR 'GYUR RO, ,DANG PO NAS MJUG BSDU BA'I PHYIR, DE LA BDAG DANG CHOS DNGOS SU MED NA ZHES BYA BA LA SOGS PA SMRAS SO, ,DE LTAR KHYED KYI GZHUNG LTAR NA DNGOS PO GANG YANG MED DE, DE BAS NA BDAG DANG CHOS DNGOS SU MED NA NYE BAR 'DOGS PA MI RIGS SO ZHES GANG SMRAS PA DE MI RIGS SO,, ,,BAM PO GNYIS PA, DE LTAR SKABS SU BSHAD PA RDZOGS PAR BYAS TE DKYUS MA BRJOD PA'I PHYIR, RNAM PAR SHES PA GYUR PA ZHES BYA BA LA SOGS PA SMRAS SO, ,RNAM PAR SHES PA GYUR PA GONG DU BSTAN PA GANG YIN PA DE'I DBYE BA MI SHES PAS DE'I PHYIR DE STON TO, ,TSIG GANG GIS BSTAN ZHES DRIS PA DANG DE'I PHYIR GYUR PA DE YANG RNAM PA GSUM STE ZHES BYA BA SMRAS SO, ,RNAM PAR SHES PA GYUR PA GANG LA BDAG NYE BAR 'DOGS PA DANG CHOS NYE BAR 'DOGS PAR BYED PA DE RNAM PA GSUM DU BLTA BAR BYA'O, , RNAM PA GSUM PO'I RAB TU DBYE BA YANG BSTAN PA'I PHYIR RGYU'I DNGOS PO DANG 'BRAS BU'I DNGOS POS THA DAD DO ZHES BYA BA SMRAS SO, ,RNAM PAR SHES PA GYUR PA RNAM PA GSUM PO DE NI RGYU KHO NA DANG 'BRAS BU KHO NAS THA DAD DE, RGYUR GYUR PA DANG 'BRAS BUR GYUR PA ZHES BYA BA'I THA TSIG GO, , @13B DANG PO PA BSTAN PA'I PHYIR, DE LA RGYUR GYUR PA NI ZHES BYA BA LA SOGS PA SMRAS TE, KUN GZHI'I RNAM PAR SHES PA LA RNAM PAR SMIN PA'I BAG CHAGS DANG RGYU MTHUN PA'I BAG CHAGS RGYAS PA GANG YIN PA DE RGYUR GYUR PA ZHES BYA STE, BAG CHAGS YONGS SU BRTAS PA'I KUN GZHI'I RNAM PAR SHES PA LA RGYUR GYUR PA ZHES BYA BA'I THA TSIG GO, ,RNAL 'BYOR SPYOD PA RNAMS KYI LO RGYUS RNAM PA GSUM STE, KHA CIG NI SNGON MED PA NYID KYI BAG CHAGS SKYED DO ZHES ZER, GZHAN DAG NA RE BAG CHAGS NI DUS THAMS CAD NA YOD PA DE NI KUN NAS NYON MONGS PA'I CHOS RNAMS KYIS YONGS SU BRTAS PAR BYED PAR ZAD DE YONGS SU BRTAS NAS DE'I 'BRAS BU MNGON PAR BSGRUB NUS SO ZHES ZER, GZHAN DAG NI SNGA MA NAS YOD PA'I BAG CHAGS KYANG YONGS SU BRTAS PAR BYED LA SNGON MED PA DANG KYANG SKYED DO SNYAM DU SEMS SO, ,'DI NI 'GREL PA BYED PAS PHYOGS PAR MA GZHAG GO, ,GYUR PA GNYIS PA BSTAN PA'I PHYIR 'BRAS BU GYUR PA NI ZHES BYA BA LA SOGS PA SMRAS SO, ,SNGON GYI LAS KYI RIS MTHUN PA GANG DU KUN GZHI'I RNAM PAR SHES PA 'PHANGS PAR GYUR PA DE YONGS SU RDZOGS LA, RNAM PAR SMIN PA'I BAG CHAGS 'BYUNG BA RNYED NAS RIS MTHUN PA GZHAN DAG TU KUN GZHI'I RNAM PAR SHES PA MNGON PAR 'GRUB PA GANG YIN PA DE 'BRAS BU GYUR PA'O, ,DE BZHIN DU RGYU MTHUN PA'I BAG CHAGS 'BYUNG BA RNYED NAS 'JUG PA'I RNAM PAR SHES PA DAG DANG, NYON MONGS PA CAN GYI YID KUN GZHI'I RNAM PAR SHES PA LAS MNGON PAR 'GRUB PA GANG YIN PA DE 'BRAS BU GYUR PA'O, ,'BYUNG BA RNYED CES BYA BA'I SGRA NI DE MA THAG TU 'BRAS BU SKYED NUS PA LA BYA'O, ,RNAM PAR SHES PA GYUR PA GSUM PO DE DAG GI NANG NAS GANG ZHIG GIS BAG CHAGS GANG SKYED CE NA, DE'I PHYIR, DE LA 'JUG PA'I RNAM PAR SHES PA DGE BA DANG MI DGE BA NI ZHES BYA BA LA SOGS PA SMRAS SO, ,'JUG PA'I RNAM PAR SHES PA DGE BA DANG MI DGE BA NI RNAM PAR SMIN PA'I 'BRAS BU BSGRUB PA'I PHYIR KUN GZHI'I RNAM PAR SHES PA LA RNAM PAR SMIN PA'I BAG CHAGS SKYED DO, ,DE LAS GZHAN PA DGE BA DANG MI DGE BA'I RNAM @14A *, ,PAR SHES PA BSGRUB PA'I PHYIR RGYU MTHUN PA'I BAG CHAGS SKYED DE, DE'I STOBS KYIS TSE 'DI NYID DANG GZHAN NA DE'I RIGS KYI SEMS 'BYUNG NGO, ,'JUG PA'I RNAM PAR SHES PA LUNG DU MA BSTAN PA DANG, NYON MONGS PA CAN GYI YID DE GNYIS NI RANG DANG MTHUN PA'I 'BRAS BU BSGRUB PA'I PHYIR, RGYU MTHUN PA'I BAG CHAGS NYID SKYED DO, ,TSIG LE'UR BYAS PA'I GZHI GDING PA'I PHYIR, GYUR PA RNAM GSUM BSHAD PA GANG YIN PA DE ZHES BYA BA LA SOGS PA SMRAS SO, ,GRANGS TZAM BSTAN PAS BYE BRAG MI SHES TE, ,DE BAS NA BYE BRAG BSTAN PA'I DON DU RANG GI MING GIS GYUR PA GSUM PO BSTAN PA'I PHYIR, RNAM PAR SMIN DANG NGAR SEMS DANG, ,ZHES BYA BA LA SOGS PA SMRAS SO, ,DE DGROL PA'I PHYIR GYUR PA'I RNAM PA GSUM PO DE DAG NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,RNAM PAR SHES PA GYUR PA GSUM PO RNAMS KYI RANG GI NGO BO MDOR BSTAN PAR BYA BA'I PHYIR, DE LA LAS DGE BA DANG MI DGE BA'I BAG CHAGS ZHES BYA BA LA SOGS PA SMRAS SO, ,LAS DGE BA DANG MI DGE BA'I BAG CHAGS YONGS SU SMIN PA RNAMS KYIS 'BRAS BU MNGON PAR BSGRUBS PA GANG YIN PA DE RNAM PAR SMIN PA ZHES BYA'O, ,NYON MONGS PA CAN GYI YID GANG YIN PA DE NI DUS THAMS CAD DU NGAR SEMS PA'I NGO BO NYID YIN PAS NGAR SEMS PA ZHES BYA'O, ,GZUGS LA SOGS PA'I YUL LTAR SO SOR SNANG BAS MIG LA SOGS PA'I RNAM PAR SHES PA DRUG PO GANG YIN PA DE NI YUL LA RNAM PAR RIG BA ZHES BYA'O, ,GZUGS LA SOGS PA YUL LTAR SO SOR SNANG BA ZHES BYA BA NI GZUGS LA SOGS PA YUL GYI RNAM PA ZHES BYA BA'I THA TSIG GO, ,TSIG LE'UR BYAS PA'I GZHI GDING BA'I PHYIR, DE'I RANG GI NGO BO BSHAD PA MED PAR ZHES BYA BA LA SOGS PA SMRAS SO, ,JI TZAM DU DE DAG GI RANG GI NGO BO RGYA CHER MA BSHAD PA DE TZAM DU MI SHES TE, DE BAS NA GANG GI RANG GI NGO BO GANG YIN PA DE RAB TU BSTAN PA'I PHYIR, DE LA KUN GZHI'I RNAM SHES NI, ,ZHES BYA BA LA SOGS PA SMRAS SO, ,KUN GZHI RNAM PAR SHES PA SA BON THAMS CAD PA GANG YIN PA DE RNAM PAR SMIN @14B PAR GYUR PA'O ZHES MDOR BYAS PA'I DON TO, ,DE LA ZHES BYA BA'I SGRA'I DON BSTAN PA'I PHYIR, DE LA ZHES BYA BA NI ZHES BYA BA SMRAS TE, DE NI GO SLA BAS MA BSHAD DO, ,'DI CI'I PHYIR KUN GZHI ZHES BYA SNYAM PA LA, KUN GZHI ZHES BYA BA NI ZHES BYA BA LA SOGS PA SMRAS TE, KUN GZHI'I RNAM PAR SHES PA ZHES BYA BA LA KUN GZHI ZHES BYA'O, ,DE SKAD CES BYA BA'I RNAM PAR SHES PA GANG YIN PA DE NI RNAM PAR SMIN PAR GYUR PA'O, ,'O NA CI'I PHYIR RNAM PAR SHES PA 'DI LA KUN GZHI ZHES BYA SNYAM PA LA, DE KUN NAS NYON MONGS PA'I CHOS THAMS CAD KYI SA BON ZHES BYA BA LA SOGS PA SMRAS TE, 'DI LTAR RNAM PAR SHES PA 'DI NI KUN NAS NYON MONGS PA'I CHOS THAMS CAD KYI RTEN DU GYUR PA STE, DE BAS NA KUN GZHI ZHES BYA'O, ,'DI LTAR KUN GZHI DANG GNAS ZHES BYA BA 'DI GNYIS NI, RNAM GRANGS SU GTOGS PA'O, ,'DI NYID LA BSHAD PA GZHAN BYA BA'I PHYIR, YANG NA DE LA CHOS THAMS CAD CES BYA BA LA SOGS PA SMRAS SO, ,RNAM PAR SHES PA 'DI LA CHOS THAMS CAD 'BRAS BU NYID DU 'JUG STE, DE'I PHYIR KUN GZHI'O, ,'JUG CES BYA BA NI 'BREL BA DANG 'DRE BA ZHES BYA BA'I BAR DU'O, ,YANG NA RNAM PAR SHES PA DE NYID CHOS THAMS CAD LA RGYU NYID DU 'JUG STE, DE'I PHYIR KUN GZHI'O, ,'JUG PA'I DON NI SNGA MA BZHIN NO, ,CI'I PHYIR 'DI RNAM PAR SHES PA ZHES BYA SNYAM PA LA, RNAM PAR SHES PAR BYED PAS RNAM PAR SHES PA'O ZHES BYA BA SMRAS TE, 'DI LTAR YUL LA RNAM PAR SHES PAR BYED PA DE BAS NA RNAM PAR SHES PA'O, ,'O NA KUN GZHI'I RNAM PAR SHES PA CI'I PHYIR RNAM PAR SMIN PA ZHES BYA SNYAM PA LA, KHAMS DANG, 'GRO BA DANG SKYE GNAS DANG, RIGS THAMS CAD DU ZHES BYA BA LA SOGS PA SMRAS TE, 'DI LTAR KHAMS GSUM DANG, 'GRO BA LNGA DANG, SKYE GNAS PA ZHI DANG, BRAM ZE'I RIGS LA SOGS PA THAMS CAD DU KUN GZHI'I RNAM PAR SHES PA LAS DGE BA DANG MI DGE BA'I RNAM PAR SMIN PAR 'GYUR TE, DE BAS NA RNAM PAR SMIN PA ZHES BYA'O, ,CI'I PHYIR 'DI SA BON THAMS CAD PA ZHES BYA SNYAM PA LA, CHOS THAMS CAD KYI SA BON ZHES BYA BA LA SOGS PA SMRAS SO, ,'DI @15A *, ,LTAR 'DI NI CHOS THAMS CAD KYI SA BON GYI GNAS YIN TE, DE BAS NA SA BON THAMS CAD PA'O, ,'DIR MDO SDE PAS PHYIR BRGAL BA'I PHYIR, GAL TE 'JUG PA'I RNAM PAR SHES PA LAS GUNG NA ZHES BYA BA LA SOGS PA SMRAS TE, 'JUG PA'I RNAM PAR SHES PA MA GTOGS PAR RNAM PAR SHES PA GZHAN NI MI RIG GO, ,GAL TE DE DAG MA GTOGS PAR KUN GZHI'I RNAM PAR SHES PA GZHAN ZHIG 'DOD NA, DE'I TSE DE'I DMIGS PA YANG BRJOD DGOS, RNAM PA YANG BRJOD DGOS TE, 'DI LTAR DMIGS PA MED PA DANG, RNAM PA MED PA'I RNAM PAR SHES PA NI MI RUNG NGO, ,GRUB PA'I MTHA' SMRA BAS, DE DMIGS PA MED PA DANG ZHES BYA BA LA SOGS PA SMRAS TE, KUN GZHI'I RNAM PAR SHES PA DMIGS PA MED PA DANG, RNAM PA MED PAR NI KHO BO YANG MI 'DOD MOD KYI, 'ON KYANG DE NI DMIGS PA YONGS SU MI GSAL BA DANG, RNAM PA YONGS SU MI GSAL BA STE, DE'I PHYIR DE 'JUG PA'I RNAM PAR SHES PA LAS GZHAN YOD PAR MI RIGS SO, ,RNAM PAR SHES PA NI DMIGS PA DANG RNAM PA YONGS SU MA CHAD PAR MI SRID PAS, CI'I PHYIR ZHES DRIS PA DANG, GRUB PA'I MTHA' SMRA BAS GTAN TSIGS BSTAN PA'I PHYIR, 'DI LTAR; KUN GZHI'I RNAM PAR SHES PA NI, ,ZHES BYA BA LA SOGS PA SMRAS TE, DE LTAR KUN GZHI'I RNAM PAR SHES PA NI NANG GI NYE BAR LEN PAR SNANG BA DANG, PHYI ROL GYI RNAM PA YANG YONGS SU MI GSAL BA SNOD DU SNANG BA DANG RNAM PA GNYIS SU 'BYUNG NGO, ,RNAM PAR RIG PA ZHES BYA BA NI SNANG BA DANG RNAM PA ZHES BYA BA'I BAR DU'O, ,NANG GI NYE BAR LEN PA DE JI LTA BU SNYAM PA LA, DE LA NANG GI NYE BAR LEN PA NI ZHES BYA BA LA SOGS PA SMRAS SO ,KUN BRTAGS PA'I NGO BO NYID LA MNGON PAR ZHEN PA'I BAG CHAGS GANG YIN PA DANG, GNAS DANG BCAS PA'I DBANG PO'I GZUGS GANG YIN PA DANG, MING GANG YIN PA 'DI NI NANG GI NYE BAR LEN PA'O, ,KUN BRTAGS PA'I NGO BO NYID RNAMS LA MNGON PAR ZHEN PA GANG YIN PA DES BAG CHAGS GANG BSKYED PA DE NYID BRJOD DO, ,GNAS DANG BCAS PA ZHES BYA BA LA GNAS NI LUS LA BYA'O, ,MING ZHES BYA BA NI TSOR BA LA SOGS PA PHUR @15B POR BZHI PO RNAMS SO, ,DMIGS PA'I RANG GI NGO BO BSHAD NAS MI GSAL BA NYID KYI GTAN TSIGS BSTAN PA'I PHYIR, DE'I DMIGS PA SHIN TU PHRA BA'I PHYIR ZHES BYA BA SMRAS SO, ,DE'I DMIGS PA RNAM PA GNYIS GANG BSHAD PA DE SHIN TU PHRA BAS KUN GZHI'I RNAM PAR SHES PA DE NI LEN PA MI RIGS PA DANG, GNAS SU RNAM PAR RIG PA MI RIGS PAR 'DOD DO, ,'GREL PA'I TSIG RNAMS NI TSIG SDUD PA SNGON DU BTANG NAS DON KHONG DU CHUD PAR 'GYUR BAS, TSIG SDUD PAR BSTAN PA'I PHYIR SMRAS PA, KUN GZHI'I RNAM PAR SHES PA GANG LA NYE BAR LEN PA'I RNAM PAR RIG PA MI RIGS PA DANG, GNAS KYI RNAM PAR RIG PA MI RIGS PA YOD PA'I KUN GZHI'I RNAM PAR SHES PA DE LEN PA DANG GNAS KYI RNAM PAR RIG PA MI RIGS PAR 'DOD DO, ,GNAS KYI RNAM PAR RIG PA NI GNAS KYI RNAM PA DANG, GNAS SU SNANG BA ZHES BYA BA'I BAR DU'O, ,LEN PA ZHES BYA BA 'DI GANG YIN SNYAM PA LA, LEN PA DE NI LEN PAR BYED PA'O ZHES BYA BA SMRAS TE, NANG GI NYE BAR LEN PA BSTAN PA GANG YIN PA DE NYID LEN PA'I SGRAR BRJOD DO ZHES BYA BA'I THA TSIG GO, ,DE NYID BSTAN PA'I PHYIR DE YANG BDAG LA SOGS PAR RNAM PAR RTOG PA'I BAG CHAGS ZHES BYA BA LA SOGS PA SMRAS SO; ;BDAG LA SOGS PAR RNAM PAR RTOG PAR RNAMS KYIS BAG CHAGS BSKYED PA GANG YIN PA DANG, GZUGS LA SOGS PA CHOS RNAMS SU RNAM PAR RTOG PA RNAMS KYIS BAG CHAGS BSKYED PA GANG YIN PA DE 'DIR LEN PA ZHES BYA'O, ,CI'I PHYIR BAG CHAGS DE LEN PA ZHES BYA ZHE NA, DE'I PHYIR DE YOD PA'I PHYIR ZHES BYA BA LA SOGS PA SMRAS TE, 'DI LTAR BAG CHAGS RNAM PA 'DI LTA BU YOD PAS KUN GZHI'I RNAM PAR SHES PAS BDAG LA SOGS PA RNAM PAR RTOG PA DANG, GZUGS LA SOGS PA CHOS SU RNAM PAR RTOG PA 'BRAS BU LEN PAS DE'I PHYIR BDAG LA SOGS PAR RNAMS PAR RTOG PA DANG, GZUGS LA SOGS PA CHOS SU RNAM PAR RTOG PA DE DAG GI BAG CHAGS DE NI LEN PA ZHES BYA'O, ,DE LAS TSIG GI DON 'DI 'BYUNG STE, DE YOD NA JI SKAD BRJOD PA'I 'BRAS BU LEN PAR BYED DE, DE BAS NA BAG CHAGS LA LEN PA ZHES BYA'O, ,LEN PA BSHAD NAS @16A *, ,JI LTAR KUN GZHI'I RNAM PAR SHES PA LEN PA MI RIGS PA ZHES BYA BA DE BSTAN PA'I PHYIR DE NI 'DI LA 'DI'O ZHES TSOR BA'I RNAM PAR MI RIGS PAS ZHES BYA BA LA SOGS PA SMRAS TE, LEN PA ZHES BSTAN PA GANG YIN PA DE KUN GZHI'I RNAM PAR SHES PAS 'DI LA 'DI'O ZHES SO SOR RANG GIS RIG PA'I RNAM PAR MI RIGS TE, DE BAS NA KUN GZHI'I RNAM PAR SHES PA DE LEN PA MI RIGS PA ZHES BYA'O, ,LEN PA GNYIS PA'I DON LEN PA LA SBYAR BA'I PHYIR, YANG NA GNAS NYE BAR LEN PAS LEN PA'O ZHES BYA BA SMRAS SO, ,GNAS ZHES BYA BA YANG NYE BAR LEN PAS LEN PA ZHES BYA'O, ,GNAS ZHES BYA BA DE GANG YIN SNYAM PA LA, GNAS NI LUS SO ZHES BYA BA SMRAS SO, ,LUS NYID GNAS SU BSTAN TO, ,GNAS DE YANG GNAS DANG BCAS PA'I DBANG PO'I GZUGS DANG MING DU RIG PAR BYA'O, ,DE'I PHYIR PHUNG PO LNGA PA DAG NI GNAS ZHES BSTAN PA YIN NO, ,JI LTAR NA GNAS LEN PA ZHES BYA SNYAM PA LA, DE'I PHYIR NYE BAR LEN PA GANG YIN PA NI NYE BAR 'GRO BA STE ZHES BYA BA LA SOGS PA SMRAS SO, ,GNAS DE'I LEN PA GANG YIN PA DE NI NYE BAR 'GRO BA STE, DE GRUB PA DANG BDE BA GCIG PAS LEN PA'O, ,LEN PA NI NYE BAR 'GRO BA'I SGRAR BSTAN TE, 'DI LTAR NYE BAR LEN PA DANG, NYE BAR 'GRO BA DANG, 'BYUNG BA NI RNAM GRANGS SU GTOGS PA'O, ,DE LAS TSIG GI DON 'DI 'BYUNG STE, PHUNG PO LNGA PO DAG GRUB PA DANG BDE BA GCIG PAS LEN TE NYE BAR 'GRO BA DANG 'BYUNG BA'O, ,KHAMS KYI BYE BRAG GI GNAS NYE BAR LEN PA THA DAD PAR BSTAN PA'I PHYIR, DE LA 'DOD PA DANG, GZUGS KYI KHAMS NA NI GNYI GA LEN TO ZHES BYA BA LA SOGS PA SMRAS SO, ,'DOD PA DANG GZUGS KYI KHAMS NA NI MING DANG GZUGS GNYI GA GRUB PA DANG BDE BA GCIG PAS NYE BAR 'GRO STE, 'DI LTAR DE NA MING DANG GZUGS MDUNG KHYIM LTA BUR PHAN TSUN BRTEN TE 'BYUNG NGO, ,GZUGS KYI 'DOD CHAGS DANG BRAL BAS GZUGS MED PA'I KHAMS NA NI GZUGS SU RNAM PAR SMIN PA MNGON PAR MI 'GRUB STE, DE'I PHYIR DE NI MING ZHES BYA BA PHUNG PO BZHI PO DAG PHAN TSUN GRUB PA DANG, BDE BA GCIG PAS NYE BAR 'GRO'O, ,DE NA GZUGS THAMS CAD DU THAMS CAD MED PA MA YIN GYI BAG CHAGS @16B KYI DUS NYID DE GZUGS RNAM PAR SMIN PA'I DUS NI MA YIN NO, ,DE LTAR GNAS NYE BAR LEN PA BSHAD NAS DE'I MI RIGS PA BSTAN PA'I PHYIR, LEN PA DE LA 'DI'O ZHES RIG PAR MI NUS PAS ZHES BYA BA LA SOGS PA SMRAS TE, GNAS NYE BAR LEN PA DE LA 'DI'O ZHES RIG PAR MI NUS PAS DE'I PHYIR MI RIGS PA ZHES BYA'O, ,'DI'O ZHES BYA BA NI RANG LA 'DZIN PA LTA BU'O, ,LEN PA MI RIGS PA BSHAD NAS, GNAS KYI RNAM PAR RIG PA BSHAD PA'I PHYIR, ,GNAS KYI RNAM PAR RIG PA NI ZHES BYA BA LA SOGS PA SMRAS TE, SNOD KYI 'JIG RTEN GNAS PA'I RNAM PAR RIG PA GANG YIN PA DE 'DIR GNAS KYI RNAM PAR RIG PA ZHES BYA'O, ,DE'I MI RIGS PA BSTAN PA'I PHYIR DE YANG DMIGS PA DANG RNAM PA YONGS SU MA CHAD PAR 'BYUNG BAS ZHES BYA BA LA SOGS PA SMRAS SO, ,GNAS KYI RNAM PAR RIG PA BSHAD PA GANG YIN PA DE YANG 'DI LTAR DMIGS PA DANG, RNAM PA YONGS SU MA CHAD PAR 'BYUNG STE; DE'I PHYIR MI RIGS PA ZHES BYA'O, ,YANG MDO SDE PAS PHYIR BRGAL BA'I PHYIR, JI LTAR NA RNAM PAR SHES PA DMIGS PA DANG RNAM PA YONGS SU MA CHAD PAR 'GYUR ZHES BYA BA SMRAS TE, DMIGS PA DANG RNAM PA YONGS SU MA CHAD PA'I RNAM PAR SHES PA LA SU ZHIG YID CHES PAR 'GYUR, 'DI LTAR RNAM PAR SHES PA NI DUS THAMS CAD DU YUL GYI RNAM PA'I NGO BOR 'BYUNG BAS DE NI RANG RIG PA'I RANG GI NGO BO YIN NA DE JI LTAR NA DE'I DMIGS PA DANG, RNAM PA YONGS SU MI GCOD PAR 'GYUR, GRUB PA'I MTHA' SMRA BAS NYES PA MTSUNGS PAR BSGRUB PA'I PHYIR, 'DI NI RNAM PAR SHES PAR SMRA BA GZHAN DAG GI ZHES BYA BA LA SOGS PA SMRAS SO, ,GANG DAG RNAM PAR SHES PA DRUG PO RNAMS NYID 'DOD KYI, KUN GZHI'I RNAM PAR SHES PA NI MI 'DOD PAR RNAM PAR SHES PAR SMRA BA GZHAN MDO SDE PA LA SOGS PA DE DAG GIS 'GOG PA'I SNYOMS PAR 'JUG PA LA SOGS PA'I DUS DANG, RGOL BA 'DI MTSUNGS TE, 'GOG PA DANG, 'DU SHES MED PA'I SNYOMS PAR 'JUG PA LA SOGS PA'I DUS NA YID KYI RNAM PAR SHES PA DMIGS PA DANG, RNAM PA YONGS SU MI GSAL BAR JI LTAR 'GYUR, ,JI STE GZHAN DAG NA RE, DE'I TSE RNAM PAR SHES PA GZHAN MED CES ZER BA LTA NA, @17A *, ,DE'I PHYIR 'GOG PA LA SOGS PA'I DUS NA ZHES BYA BA LA SOGS PA SMRAS TE, 'GOG PA'I SNYOMS PAR 'JUG PA LA SOGS PA'I DUS NA, RNAM PAR SHES PA MED PAR YANG RTOGS PAR MI NUS TE ZHES BYA BA SMRAS SO, ,CI'I PHYIR MI NUS SNYAM PA LA, DMIGS PA DANG 'GAL BA DANG MDO DANG 'GAL BA'I PHYIR RO ZHES BYA BA SMRAS SO, ,GAL TE DUS DE NA RNAM PAR SHES PA THAMS CAD DU THAMS CAD MED PAR GYUR NA, DE'I TSE SNYOMS PAR 'JUG PA LAS LANGS PA NA GANG LAS 'BYUNG BAR 'GYUR, DBANG PO DANG BCAS PA'I LUS NI RIGS MI MTHUN PA'I PHYIR, SA BON MA YIN NO, ,SA BON MED PAR 'BYUNG BA MI RIGS TE, 'DI NI RIGS PA'O, ,CHOS BYIN GYI MDO SDE DANG YANG 'GAL TE DE LAS NI RNAM PAR SHES PA LUS LAS MI 'DA'O ZHES 'BYUNG NGO, ,TSIG LE'UR BYAS PA'I GZHI GDING BA'I PHYIR, DE LA KUN GZHI'I RNAM PAR SHES PA NI ZHES SMOS PA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE LTAR GRANGS DRIS PA DANG, DUS DRIS PA DANG, RTAG TU REG DANG YID BYED DANG, ,ZHES BYA BA LA SOGS PA SMRAS SO, ,DE NYID DGROL BA'I PHYIR, ,RTAG TU ZHES BYA BA NI ZHES BYA BA LA SOGS PA SMRAS TE, KUN GZHI'I RNAM PAR SHES PA JI SRID DU GNAS PA DE SRID DU REG PA LA SOGS PA KUN TU 'GRO BA'I CHOS LNGA PO 'DI DAG DANG MTSUNGS PA LDAN NO, ,RIG CES BYA BA'I SGRA RNAM PAR BSGRUB PAR BYA BA'I PHYI, REG PA NI TSOR BA ZHES BYA BA SMRAS SO, ,REG PA ZHES BYA BA'I SBRA NI 'DIR TSOR BA LAS BYA BAR BSTAN PA DGONGS PA'O, ,REG PA ZHES PA 'DI GANG YIN SNYAM PA LA, DE LA REG PA NI ZHES BYA BA LA SOGS PA SMRAS TE, DBANG PO DANG YUL DANG RNAM PAR SHES PA GSUM 'DUS PAR GYUR NAS DBANG PO'I 'GYUR BA YONGS SU GCOD PA GANG YIN PA DE NI REG PA ZHES BYA'O, ,'DI'I BYED PA BSTAN PA'I PHYIR, ,TSOR BA'I RTEN BYED PA'I LAS CAN NO ZHES BYA BA SMRAS TE, REG PA NI TSOR BA'I RTEN GYI DNGOS POR 'GYUR TE, 'DI NI 'DI'I LAS SO, ,GSUM PO 'DI DAG GANG YIN SNYAM PA LA, DBANG PO DANG YUL DANG RNAM PAR SHES PA GSUM NYID GSUM MO ZHES BYA BA SMRAS TE, DON DE NI BRDA PHRAD PAR ZAD DO, ,'DUS PA GANG YIN SNYAM PA @17B LA; RGYU DANG 'BRAS BU'I DNGOS POR SNYAM DU GNAS PA NI ZHES BYA BA LA SOGS PA SMRAS TE, DBANG PO LA SOGS PA GSUM PO DE RGYU DANG 'BRAS BU NYID DU SNYAM PAR GNAS PAR GANG YIN PA DE NI GSUM 'DUS PA'O, ,REG PA JI LTAR 'BYUNG BA DE BSTAN PA'I PHYIR, DE YOD NA ZHES BYA BA LA SOGS PA SMRAS SO, ,GSUM 'DUS PA DE YOD NA, DE DANG DUS MTSUNGS PA NYID NA BDE BA LA SOGS PA'I TSOR BA 'BYUNG BA DANG MTHUN PA DBANG PO'I 'GYUR BA GANG YIN PA DE DANG 'DRA BA BDE BA LA SOGS PA MYONG BAR 'GYUR BA'I YUL GYI 'GYUR BA BDE BA LA SOGS PA MYONG BAR 'GYUR BA'I RNAM PA DE YONGS SU GCOD PA GANG YIN PA DE REG PA'O, ,BDE BA LA SOGS PA MYONG BAR 'GYUR BA ZHES BYA BA NI, BDE BA LA SOGS PA'I TSOR BA 'BYUNG BA DANG MTHUN PA ZHES BYA BA'I THA TSIG GO, ,DBANG PO'I 'GYUR BA GANG YIN SNYAM PA LA, DBANG PO YANG BYE BRAG GANG GIS ZHES BYA BA LA SOGS PA SMRAS TE, DBANG PO BYE BRAG GANG DANG LDAN NA BDE BA LA SOGS PA RGYU NYID DU 'GYUR BA DE NI DE'I 'GYUR BA ZHES BYA'O, ,CI'I PHYIR 'DI REG PA ZHES BYA SNYAM PA LA, REG PA YANG ZHES BYA BA LA SOGS PA SMRAS TE, 'DI LTAR REG PA 'DI DBANG PO'I 'GYUR BA DANG 'DRA BAS DBANG PO LA REG PA'AM, DBANG PO DE DANG 'DRA BA'I 'GYUR BAS REG PA STE, DE BAS NA REG PA ZHES BYA'O, ,DBANG PO'I 'GYUR BA DANG 'DRA BAS DBANG PO LA REG PA ZHES BYA BA NI, JI LTAR DBANG PO BDE BA LA SOGS PA 'BYUNG BA DANG MTHUN PA DE BZHIN DU, REG PA YANG BDE BA LA SOGS PA 'BYUNG BA DANG MTHUN PA STE, DE'I PHYIR 'GYUR BA DANG 'DRA BAS PHAN TSUN REG PA DANG MTSUNGS SO, ,REG PA NI YUL GYI 'GYUR BA BDE BA LA SOGS PA MYONG BAR 'GYUR BA YONGS SU GCOD PA STE, DE LA DMIGS PA'I PHYIR RO, ,DE LA MA DMIGS PA'I PHYIR DBANG PO'I 'GYUR BA YONGS SU GCOD PA NI MA YIN SNYAM NA, REG PA DE DBANG PO'I 'GYUR BA YONGS SU GCOD PA ZHES JI SKAD DU BYA ZHE NA, DE'I PHYIR YUL GYI 'GYUR BA YONGS SU GCOD PA'I BDAG NYID YIN DU ZIN KYANG ZHES BYA BA LA SOGS PA SMRAS SO, ,'DI LTAR 'GYUR BA DANG 'DRA BAS DBANG PO LA REG PA'AM, DES REG PA NYID KYI PHYIR, YUL GYI 'GYUR BA YONGS SU GCOD PA'I NGO BO NYID @18A *, ,YIN DU ZIN KYANG, DE DBANG PO'I 'GYUR BA YONGS SU GCOD PA ZHES BSHAD DO, ,DE LTAR REG PA'I RANG GI NGO BO BRJOD NAS, BYED PA BSTAN PA'I PHYIR, 'DI'I LAS NI TSOR BA'I RTEN TE ZHES BYA BA SMRAS TE, DON DE NI BRDA PHRAD PAR ZAD DO, ,LAS DE YANG LUNG GIS BSTAN PA'I PHYIR, DE SKAD DU MDO LAS KYANG ZHES BYA BA LA SOGS PA SMRAS TE, MDO LAS BDE BA MYONG BAR 'GYUR BA'I REG PA NI BDE BA'I TSOR BA 'BYUNG BA'I RGYU'O ZHES GSUNGS TE, DE BAS NA 'DI'I LAS NI TSOR BA'I RTEN NYID DO, ,KHONG DU CHUD SLA BAR BYA BA'I PHYIR, SEMS LAS BYUNG BA RNAMS KYI LAS 'DI BRJOD DE, 'DI LTAR 'DI DAG GI LAS BRJOD NA SO SOR NGES PA'I NGO BO BDE BLAG TU RTOGS PAR NUS SO, ,SEMS LAS BYUNG BA GNYIS PA DGROL BA'I PHYIR, YID LA BYED PA NI SEMS KYI 'JUG PA'O ZHES BYA BA SMRAS SO, ,DE NYID DGROL BA'I PHYIR 'JUG PAR BYED PAS 'JUG PA STE ZHES BYA BA SMRAS SO, ,'JUG PAR BYED PAS NA 'JUG PA STE ZHES BYA BA 'DIS NI NGES PA'I TSIG BSTAN TO, ,DMIGS PA LA GANG GIS SEMS MNGON DU PHYOGS PAR BYED PA DE YID LA BYED PA ZHES BYA STE, 'DZIN 'DOD PA'I YUL LA GANG GIS SEMS GTOD CES BYA BA'I THA TSIG GO,, DE'I BYED PA BSTAN PA'I PHYIR, DE NI DMIGS PA LA SEMS 'DZIN PA'I LAS CAN TE ZHES BYA BA SMRAS TE, 'DI'I LAS NI DMIGS PA LA SEMS 'DZIN PA'O, ,JI LTAR 'DZIN SNYAM PA LA SEMS 'DZIN PA NI ZHES BYA BA LA SOGS PA SMRAS TE, MNGON PAR 'DOD PA'I DMIGS PA DE NYID LA SEMS YANG DANG YANG GTOD PA NI 'DZIN PA'O, ,DE CI YID LA BYED PA THAMS CAD KYI LAS SAM, 'ON TE 'GA' ZHIG GI LAS YIN ZHE NA, DE'I PHYIR LAS DE YANG ZHES BYA BA LA SOGS PA SMRAS TE, DMIGS PA GCIG LA SEMS KYI RGYUN NGES PA'I MTSAN NYID DE NI LAS SU BSTAN TO, , DE NI YID LA BYED PA BYE BRAG CAN GYI DBANG DU BYAS TE BSHAD KYI, DE SEMS KYI SKAD CIG RE RE LA 'JUG PA NI MA YIN TE, 'DI LTAR DE NI SEMS KYI SKAD CIG GCIG NYID LA LAS BYED PA YIN GYI, SKAD CIG GZHAN LA NI MA YIN NO, ,YID LA BYED PA BYE BRAG CAN GYI DBANG DU BYAS ZHES BYA BA NI @18B BSAM GTAN PA RNAMS KYI YID LA BYED PA GANG YIN PA DE'I DBANG DU BYAS ZHES BYA BA'I THA TSIG GO, ,SEMS LAS BYUNG BA GSUM PA BSTAN PA'I PHYIR, TSOR BA NI MYONG BA'I RANG BZHIN NO ZHES BYA BA SMRAS SO, ,YUL YID DU 'ONG BA LA SOGS PA'I RANG GI MYONG BA'I NGO BO NYID NI TSOR BA STE, GANG GIS YUL YID DU 'ONG BA LA SOGS PA MYONG BAR BYED PA DE TSOR BA ZHES BYA BA'I THA TSIG GO, ,'DI'I RAB TU DBYE BA BSTAN PA'I PHYIR, DE YANG YUL SIM PAR BYED PA ZHES BYA BA LA SOGS PA SMRAS TE, 'DI LTAR DES YUL SIM PAR BYED PA DANG, GDUNG BAR BYED PA DANG GNYIS KA'I RNAM PA LAS DBEN PA'I RANG GI NGO BO MNGON DU BYED DE, DE'I PHYIR BDE BA LA SOGS PA'I BYE BRAG GIS RNAM PA GSUM DU 'GYUR RO, ,'DI NYID LA BSHAD PA GZHAN BYA BA'I PHYIR, 'DI SNYAM DU SEMS TE ZHES BYA BA LA SOGS PA SMRAS SO, ,KHA CIG NI 'DI LTAR LAS DGE BA DANG MI DGE BA'I 'BRAS BU RNAM PAR SMIN PA 'DIS MYONG BAR BYED PAS DE BAS NA MYONG BA'O SNYAM DU SEMS SO, ,LAS GANG GIS NA 'BRAS BU GANG YIN PA DE BSTAN PA'I PHYIR, DE LA BDE BA MYONG BA NI LAS DGE BA RNAMS KYI 'BRAS BU RNAM PAR SMIN PA'O ZHES BYA BA LA SOGS PA SMRAS SO, ,LAS DGE MI DGE GNYI GA'I ZHES BYA BA NI 'DIR CHUNG BA LA STE, GANG DAG LAS DGE BA NYID KYI CHUNG BA NA RNAM PAR SMIN PA SDUG BSNGAL YANG MA YIN, BDE BA YANG MA YIN PAR 'DOD PA DE DAG GI GZHUNG LTAR NA GNYIS KA'I ZHES NI BRJOD PAR MI BYA'O, ,LHAG MA NI GO SLA BAS MA BSHAD DO, ,DE LTAR TSOR BA GSUM PO DE DAG GI LAS KYI RNAM PAR SMIN PA NYID BSHAD DO, ,DA NI BYE BRAG TU BSTAN PA'I PHYIR, 'DI NI KUN GZHI'I RNAM PAR SHES PA NYID CES BYA BA LA SOGS PA SMRAS TE, 'DI LTAR KUN GZHI'I RNAM PAR SHES PA NYID LAS DGE BA DANG MI DGE BA RNAMS KYI RNAM PAR SMIN PA STE, DE'I PHYIR YANG DAG PA'I DON DU, KUN GZHI'I RNAM PAR SHES PA DANG MTSUNGS PAR LDAN PA'I BTANG SNYOMS NYID LAS DGE BA DANG MI DGE BA RNAMS KYI 'BRAS BU RNAM PAR SMIN PA'O, ,BDE BA DANG SDUG BSNGAL NI LAS DGE BA DANG, MI DGE BA'I RNAM PAR SMIN PA LAS BYUNG BA'I PHYIR, RNAM PAR SMIN PA ZHES BYA BA NYE BAR 'DOGS PAR @19A *, ,BYED DO, ,BDE BA LA SOGS PA'I RANG GI NGO BO BSTAN PA'I PHYIR, DE LA BDE BA MYONG BA NI ZHES BYA BA LA SOGS PA SMRAS TE, TSOR BA GANG BYUNG NA BRAL BAR MNGON DU 'DOD PAR MI 'GYUR TE, BDAG 'DI DANG NAM YANG BRAL BAR MA GYUR CIG SNYAM PA DANG, GANG 'GAGS NA 'PHRAD PAR MNGON DU 'DOD PA SKYE STE, BDAG GI 'DI'I YANG SKYE BAR GYUR CIG SNYAM PA'I MYONG BA DE NI BDE BA ZHES BYA'O, ,DE LAS BZLOG PA NI SDUG BSNGAL MYONG BAR RIG PAR BYA'O, ,GANG BYUNG NGAM 'GAGS KYANG RUNG, 'BRAL BA DANG 'PHRAD PAR MNGON DU 'DOD PA MI SKYE BA DE NI SDUG BSNGAL YANG MA YIN BDE BA YANG MA YIN PA MYONG BA ZHES BYA'O, ,SEMS LAS BYUNG BA BZHI PA BSTAN PA'I PHYIR, 'DU SHES NI YUL LA MTSAN MAR 'DZIN PA'O ZHES BYA BA SMRAS SO, ,DE NYID DGROL BA'I PHYIR, YUL NI DMIGS PA'O ZHES BYA BA LA SOGS PA SMRAS TE, DMIGS PA NI YUL GYI SGRAR BSTAN TO, ,YUL DE'I BYE BRAG NI MTSAN MA'I SGRAR BSTAN TE, SNGON PO DANG SER PO LA SOGS PA DMIGS PA RNAM PAR GZHAG PA'I BYED RGYU GANG YIN PA DE NI RGYU ZHES BYA BA'I THA TSIG GO, ,'DI NI SNGON PO NYID DE SER PO MA YIN NO ZHES BYA BA DE LTA BU RNAM PA LA RTOG PA GANG YIN PA DE NI DE LA MTSAN MAR 'DZIN PA'O, ,DE NI 'DI SKAD DU SNGON PO DANG SER PO LA SOGS PA RNAM PAR GZHAG PA'I RGYU GANG GIS 'DZIN PA DE NI 'DU SHES SO ZHES BSTAN PAR 'GYUR RO, ,SEMS LAS BYUNG BA LNGA PA BSTAN PA'I PHYIR, SEMS PA NI SEMS MNGON PAR 'DU BYED PA ZHES BYA BA LA SOGS PA SMRAS TE; SEMS LA MNGON PAR 'DU BYED PA'I MTSAN NYID KYI CHOS SEMS G-YO BAR BYED PA'I NGO BO GANG YIN PA DE SEMS PA'O, ,MNGON PAR 'DU BYED CES BYA BA NI BYED PA'O, ,G-YO BAR BYED CES BYA BA NI BSKYOD PA DANG, BYED PA ZHES BYA BA'I BAR DU'O, ,'BRAS BU'I SGO NAS 'DI'I RANG GI NGO BO BSTAN PA'I PHYIR, GANG YOD NA ZHES BYA BA LA SOGS PA SMRAS TE, DPER NA KHAB LONG GI DBANG GIS LCAGS G-YO BAR 'GYUR BA DE BZHIN DU GANG YOD NA DMIGS PA LA SEMS G-YO BAR 'GYUR BA DE SEMS PA ZHES BYA'O, ,G-YO BA ZHES BYA BA NI 'GUL BA'O, ,DE NI 'DI SKAD DU GANG GI @19B DBANG GIS YUL LA 'DZIN PAR SEMS KYI BYED PA 'BYUNG BA DE SEMS PA'O ZHES BSTAN PAR 'GYUR RO, ,TSIG LE'UR BYAS PA DANG SBYAR BAR BYA BA'I PHYIR, ,TSOR BA NI RNAM PA GSUM STE ZHES BYA BA LA SOGS PA SMRAS TE, GSUNG RAB LAS NI TSOR BA RNAM PA GSUM 'BYUNG NA, KUN GZHI'I RNAM PAR SHES PA LA CI'I PHYIR SPYIR BSHAD, DE BAS NA DE LA TSOR BA GANG YIN PA YANG MI SHES, DE BZHIN DU GSUNGS RAB LAS DGE BA LA SOGS PA'I BYE BRAG GI CHOS RNAM PA BZHI 'BYUNG NA, KUN GZHI'I RNAM PAR SHES PA LA GANG 'DU PAR 'GYUR BA YANG MI SHES PAS DE'I PHYIR, DE LA TSOR BA BTANG SNYOMS TE ZHES BYA BA LA SOGS PA SMRAS TE, DE LA ZHES BYA BA NI KUN GZHI'I RNAM PAR SHES PA ZHES BYA BA LA SOGS PA SMRAS TE DE NI GO SLA BAS MA BSHAD DO, ,KUN GZHI'I RNAM PAR SHES PA DE LA TSOR BA BTANG SNYOMS 'BA' ZHIG STE, BDE BA YANG MED, SDUG BSNGAL YANG MED DO, , CI'I PHYIR SNYAM PA LA, DE GNYIS KYI DMIGS PA DANG RNAM PA YONGS SU CHAD PA'I PHYIR RO ZHES BYA BA SMRAS TE, 'DI LTAR BDE BA DANG SDUG BSNGAL NGAG GI DMIGS PA DANG RNAM PA NI GSAL BA YIN LA, KUN GZHI'I RNAM PAR SHES PA'I DMIGS PA DANG, RNAM PA YONGS SU MI GSAL NA, , JI LTAR DE GNYIS DANG MTSUNGS PAR LDAN PAR 'GYUR, SU DAG 'DOD CHAGS DANG ZHE SDANG BAG LA NYAL BAR BYED PA'I PHYIR RO ZHES 'DOD PA DE DAG NI 'BREL BA MED PAR 'DOD PA'O, ,BDE BA DANG SDUG BSNGAL THAMS CAD NI MTSUNGS PAR LDAN PAS, 'DOD CHAGS DANG ZHE SDANG BAG LA NYAL BAR BYED PA MA YIN TE, 'DI LTAR DGE BA DANG LUNG DU MA BSTAN PA DANG, ZAG PA MED PA'I BDE BA YANG YOD DO, ,DE BZHIN DU SDUG BSNGAL YANG DGE BA DANG LUNG DU MA BSTAN PA YANG YOD DE, DE DAG NI 'DOD CHAGS DANG ZHE SDANG DANG MTSUNGS PAR LDAN PA MA YIN NA, JI LTAR NA BDE BA DANG SDUG BSNGAL DE DAG THAMS CAD 'DOD CHAGS DANG ZHE SDANG BAG LA NYAL BAR BYED PAR 'GYUR, ,DA NI LUNG DU MA BSTAN PA NYID DU BSTAN PA'I PHYIR, ,DE NI MA BSGRIBS LUNG MA BSTAN, ,ZHES BYA BA SMRAS TE, KUN GZHI'I RNAM PAR SHES PA NI MA BSGRIBS PA LUNG DU MA BSTAN PA YIN PAR KHONG DU CHUD PAR BYA'O, ,DE @20A *, ,ZHES BYA BA NI KUN GZHI'I RNAM PAR SHES PA DANG SBYAR TE, 'DI LTAR DE'I SKABS YIN PA'I PHYIR RO, ,BYE BRAG GNYIS NYE BAR BZUNG BA'I 'BRAS BU BSTAN PA'I PHYIR, DE LA MA BSGRIBS PA SMOS PAS NI ZHES BYA BA LA SOGS PA SMRAS TE, MA BSGRIBS PA SMOS PAS NI, BSGRIBS PA LAS RNAM PAR BYED DO, ,LUNG DU MA BSTAN PA SMOGS PAS NI DGE BA DANG MI DGE BA LAS RNAM PAR 'BYED DO, ,'DI LTAR KUN GZHI'I RNAM PAR SHES PA NI DGE BA MA YIN TE, DGE BA'I RTZA BA CHAD PA RNAMS LA YANG DE YOD PA'I PHYIR RO, ,'DIR MI DGE BA YANG GZUNG BAR MI BYA STE, 'DI LTAR MI DGE BA'I CHOS RNAMS NI MA BSGRIBS PA MA YIN NO, ,'DI CI'I PHYIR MA BSGRIBS SNYAM PA LA, YID KYIS PA'I ZHES BYA BA LA SOGS PA SMRAS SO, ,'DI LTAR YID KYI GLO BUR GYI NYE BA'I NYON MONGS PA RNAMS KYIS BSGRIBS PA MA YIN TE, DE'I PHYIR MA BSGRIBS PA ZHES BYA'O, ,MA BSGRIBS PA ZHES BYA BA NI RNYOG PA CAN DU MA BYAS PA'AM, MA G-YOGS PA'I PHYIR RO, ,'DI'I LUNG DU MA BSTAN PA'I GTAN TSIGS SMOS PA, RNAM PAR SMIN PA YIN PAS ZHES BYA BA LA SOGS PA'O, ,'DI LTAR KUN GZHI'I RNAM PAR SHES PA 'DI NI RANG GI RNAM PAR SMIN PA'I NGO BO NYID DO, ,DE'I PHYIR RNAM PAR SMIN PA NI LUNG DU MI STON TE, RNAM PAR SMIN PA LAS RNAM PAR SMIN PA GZHAN MI 'BYUNG NGO, ,DE BAS NA LUNG DU MA BSTAN ZHES BYA'O, ,RNAM PAR SMIN PA'I NGO BO NYID YIN PAS DGE BA'AM, MI DGE BA NYID DU LUNG DU MI STON TE, ,DE'I PHYIR YANG LUNG DU MA BSTAN PA ZHES BYA'O, ,KUN GZHI'I RNAM PAR SHES PA LA DPYAD PA BYAS PA JI SNYED PA DE THAMS CAD REG PA LA SOGS PA LA YANG BSTAN PA'I PHYIR, REG PA LA SOGS PA'ANG DE BZHIN NO ZHES BYA BA SMRAS SO, ,DE NYID DGROL BA'I PHYIR, JI LTAR KUN GZHI'I RNAM PAR SHES PA GCIG TU RNAM PAR SMIN PA ZHES BYA BA LA SOGS PA SMRAS TE; DON DE NI BRDA PHRAD PA THAD DO, ,REG PA LA SOGS PA LA SBYANG BA'I PHYIR, DE BZHIN DU REG PA LA SOGS PA YANG ZHES BYA BA LA SOGS PA SMRAS TE, DE YANG GO SLA BAS MA BSHAD DO, ,CI'I PHYIR REG PA LA SOGS PA YANG KUN GZHI'I RNAM PAR SHES PA DANG MTSUNGS SNYAM PA LA, RNAM PAR SMIN @20B PA DANG MTSUNGS PAR LDAN PA RNAMS, RNAM PAR SMIN PA MA YIN PA DANG, DMIGS PA DANG RNAM PA YONGS SU MA CHAD PA YANG DMIGS PA DANG RNAM PA YONGS SU CHAD MI SRID DE ZHES BYA BA SMRAS TE, DE YANG GO SLA BAS MA BSHAD DO, ,GZHAN DU YANG DE BZHIN DU BRJOD PAR BYA'O ZHES BYA BA LA REG PA LA SOGS PA DANG MTSUNGS PAR LDAN PA NI KUN GZHI'I RNAM PAR SHES PA DANG MTSUNGS PAR LDAN PA RNAMS NI REG PA LA SOGS PA DANG MTSUNGS PAR MI LDAN PA MA YIN NO, ,DE LTAR BTANG SNYOMS DANG MTSUNGS PAR LDAN PA LDAN PA'I KUN GZHI'I RNAM PAR SHES PA DANG MTSUNGS PAR LDAN PA RNAMS NI TSOR BA GZHAN DANG MTSUNGS PAR LDAN PA MA YIN TE, 'DI LTAR KUN GZHI'I RNAM PAR SHES PA MA BSGRIBS LA LUNG DU MA BSTAN PA DANG MTSUNGS PAR LDAN PA RNAMS NI DGE BA DANG MI DGE BA NYID DU MI RUNG NGO, ,KUN GZHI'I RNAM PAR SHES PA RTAG GAM MI RTAG PA LA RMONGS NAS, ,LA LA CI KUN GZHI'I RNAM PAR SHES PA DE ZHES BYA BA LA SOGS PA 'DRI STE, KYE CI KUN GZHI'I RNAM PAR SHES PA DE GCIG PU ZHIG 'KHOR BA'I MTHA' JI SRID PA DE SRID DU MI 'JIG PAR 'JUG GAM, 'ON TE SKAD CIG GCIG NAS GCIG TU BRGYUD PA'I RGYUN GYIS 'KHOR BA JI SRID PA'I RJES SU 'JUG PA ZHIG CE NA, GRUB PA'I MTHA' SMRA BAS, DE GCIG PU THA DAD PA MED PAR 'JUG PA MA YIN TE ZHES BYA BA LA SOGS PA SMRAS SO, ,KYE KUN GZHI'I RNAM PAR SHES PA DE GCIG PU THA DAD PA MED PAR JI SRID 'KHOR GYI BAR DU RJES SU 'JUG PA NI MA YIN TE, DE NI SKAD CIG MA GCIG SU RJES SU 'JUG PA'O, ,GCIG PU THA DAD PA MED PA ZHES BYA BA LA THA DAD PA MED PA'I SGRA NI 'DRE BA LA YANG BSNYEGS TE, DE'I PHYIR GCIG CES BYA BA SMOS SO, ,GCIG PU'I SGRA YANG DON GZHAN GYI TSIG TU MTHONG STE, DE'I PHYIR THA DAD PA MED PAR SMOS SO, ,DE BAS NA MI 'JIG PA MA YIN PA'I RANG GI NGO BOR 'JUG GO ZHES, DE SKAD BSTAN PAR 'GYUR RO, ,JI LTAR 'JUG SNYAM PA LA, DE NI RGYUN 'BAB CHU BO BZHIN, ,ZHES BYA BA SMRAS TE, DE NI KUN GZHI'I RNAM PAR SHES PA DE CHU BO'I RGYUN BZHIN DU 'BAB PA'O, ,DNGOS PO GCIG PU THA DAD PA MED PA DE BSTAN PA'I PHYIR, @21A *, ,DE NI ZHES BYA BA NI KUN GZHI'I RNAM PAR SHES PA NYID DANG ZHES BYA BA SMRAS TE, DE NI GO SLA BAS MA BSHAD DO, ,RGYUN GYI RANG GI NGO BO BSTAN PA'I PHYIR, DE LA RGYUN NI ZHES BYA BA LA SOGS PA SMRAS SO, ,RGYU DANG 'BRAS BU BAR CHAD MED PAR RGYUN DU 'BYUNG BA NI RGYUN ZHES BYA'O, ,CHU BO'I RANG GI NGO BO BSTAN PA'I PHYIR, CHU BO'I TSOGS ZHES BYA BA LA SOGS PA SMRAS TE, CHU BO'I TSOGS KYI SNGA PHYI'I CHU RGYUN MI 'CHAD PA GANG YIN PA DE NI CHU BO ZHES BYA'O, ,DE LTAR TSIG GI DON BSHAD NAS MDOR BYAS PA'I DON BSTAN PA'I PHYIR, JI LTAR CHU BO RTZVA DANG ZHES BYA BA LA SOGS PA SMRAS TE, JI LTAR CHU BO RTZVA LA SOGS PA DED CING 'BAB PA DE BZHIN DU, KUN GZHI'I RNAM PAR SHES PA BSOD NAMS DANG BSOD NAMS MA YIN PA DANG MI G-YO BA'I LAS KYI BAG CHAGS DANG LDAN PA YANG REG PA LA SOGS PA BSDUS NAS, RGYUN MI 'CHAD PAR RGYUN MI 'BYUNG NGO,, YANG GZHAN DE LTAR RGYUN DU 'BYUNG BA DE ZHES BYA BA LA SOGS PA 'DRI STE, KUN GZHI'I RNAM PAR SHES PA DE LTAR RGYUN DU 'BYUNG BA GANG GI DUS NA LDOG PAR 'GYUR BA BRJOD DGOS SO, ,GRUB PA'I MTHA' SMRA BAS, DGRA BCOM PA NYID NA DE LDOG GO ZHES BYA BA LA SOGS PAR SMRAS SO, ,DGRA BCOM PA NYID THOB PA'I DUS NA DE LDOG PAR 'GYUR RO, ,DGRA BCOM PA NYID KYANG MI SHES NAS, DGRA BCOM PA NYID CES BYA BA CI ZHE NA ZHES 'DRI'O, ,GRUB PA'I MTHA' SMRA BAS, GANG DANG LDAN NA DGRA BCOM PA ZHES BYA ZHES BYA BA SMRAS TE, CHOS GANG DANG LDAN NA SROG CHAGS 'DI DGRA BCOM PA'O ZHES BYA BA DE DGRA BCOM PA NYID CES BYA'O, ,GZHAN GYIS CHOS DE YANG MA SHES NAS, CI DANG LDAN NA ZHES BYA BA LA SOGS PA 'DRI STE, CHOS GANG DANG LDAN NA DGRA BCOM PA ZHES BYA ZHE NA, GRUB PA'I MTHA' SMRA BAS, ZAD PA SHES PA DANG ZHES BYA BA LA SOGS PA SMRAS TE, ZAD PA SHES PA DANG MI SKYE BA SHES PA THOB PA'I PHYIR DGRA BCOM PA ZHES BYA'O, ,KUN GZHI'I RNAM PAR SHES PA DE JI LTAR LDOG PAR 'GYUR ZHE NA, DE'I TSE, KUN GZHI'I RNAM PAR SHES PA LA, ,ZHES BYA BA LA SOGS PA SMRAS TE, 'DI LTAR DGRA BCOM PA'I DUS DE NA KUN GZHI'I RNAM PAR SHES PA LA GNAS PA'I @21B GNAS NGAN LEN GANG CI YOD PA DE THAMS CAD MA LUS PAR SPONG NGO, ,DE'I PHYIR KUN GZHI'I RNAM PAR SHES PA LDOG PAR 'GYUR TE, DE'I TSE DE NYON MONGS PA'I SA BON GYI GZHI NYID DANG BRAL BAR 'GYUR ZHES BYA BA'I THA TSIG GO, ,GANG GI DUS NA KUN GZHI'I RNAM PAR SHES PA LDOG PA DE NYID KYI DUS NA DGRA BCOM PA ZHES BYA STE, 'DI LTAR RNAM PAR GROL BA'I SKU'AM, CHOS KYI SKU THOB PA NA DGRA BCOM PA ZHES BSTAN TO, ,DE LTAR RNAM PAR SMIN PA ZHES BYA BA'I GYUR PA RGYA CHER BSHAD ZIN TO, ,RNAM PAR 'BYED PA DANG BCAS PA ZHES BYA BA NI RGYA CHER RO, ,GYUR PA GNYIS PA DANG SBYAR BA'I PHYIR, DE NI NGAR SEMS ZHES BYA BA GYUR PA GNYIS PA STE ZHES BYA BA SMRAS TE, DE NI GO SLA BAS MA BSHAD DO, ,DE GANG ZHIG YIN SNYAM PA LA, DE LA GNAS DE RAB 'BYUNG ZHING, ,ZHES BYA BA LA SOGS PA SMRAS TE, 'DI NI PHYIS 'CHAD PAR 'GYUR RO, ,DA NI 'DIR TSIG LE'UR BYAS PA DANG SBYAR BA BSTAN PA'I PHYIR, DE LA JI LTAR MIG LA SOGS PA'I RNAM PAR SHES PA RNAMS KYI GNAS ZHES BYA BA LA SOGS PA SMRAS TE, JI LTAR MIG GI RNAM PAR SHES PA LA SOGS PA'I GNAS DANG DMIGS PA GRAGS PA DE BZHIN DU, NYON MONGS PA CAN GYI YID KYIS DE GNYIS MA GRAGS TE, GNAS DANG DMIGS PA LA MI LTOS PAR 'JUG PA NI MI RUNG NGO, ,DE BAS NA DE'I GNAS DANG DMIGS PA BSTAN PA DANG, NGES PA'I TSIG BSTAN PA'I PHYIR, DE LA GNAS TE RAB 'BYUNG ZHING, ,ZHES BYA BA LA SOGS PA TSIG LE'UR BYAS PA DE SMOS SO, ,NYON MONGS PA CAN GYI YID NI KUN GZHI'I RNAM PAR SHES PA LA BRTEN CING DMIGS NAS 'BYUNG STE, DE NI NGAR SEMS PA'I BDAG NYID YIN PAS YID CES BRJOD DO ZHES MDOR BYAS PA'I DON TO, ,YAN LAG BSHAD PAR BYA BA'I PHYIR, DE LA GNAS TE RAB 'BYUNG ZHES BYA BA LA SOGS PA SMRAS TE, DE LA ZHES BYA BA NI 'DIR KUN GZHI'I RNAM PAR SHES PA DANG SBYAR RO ZHES BYA BA THA TSIG GO, ,JI LTAR KUN GZHI'I RNAM PAR SHES PA 'DI'I GNAS YIN SNYAM PA LA, DE NI BDAG CHAGS KYI GNAS YIN TE ZHES BYA BA LA SOGS PA SMRAS TE, 'DI LTAR NYON MONGS PA CAN GYI YID KYI BAG CHAGS GANG @22A *, ,YIN PA DE'I GNAS NI KUN BZHI'I RNAM PAR SHES PA STE, DE'I PHYIR NYON MONGS PA CAN GYI YID KUN GZHI'I RNAM PAR SHES PA LA GNAS BCAS NAS 'BYUNG ZHES BYA'O, ,'BYUNG ZHES BYA BA DE'I BSHAD PA NI RGYUN GYIS SKYE ZHES BYA BA STE, SKAD CIG GCIG NAS GCIG TU BRGYUD PAS SKYE ZHES BYA BA'I THA TSIG GO, ,'DI NYID LA BSHAD PA GZHAN BYA BA'I PHYIR, YANG NA KHAMS SAM SA GANG DU ZHES BYA BA LA SOGS PA SMRAS TE, 'DOD PA LA SOGS PA'I KHAMS GANG DANG, BSAM GTAN DANG PO LA SOGS PAS GANG DU KUN GZHI'I RNAM PAR SHES PA RNAM PAR SMIN PA THOB PA DER, NYON MONGS PA CAN GYI YID DE YANG RNAM PAR SMIN PA 'THOB STE, GANG GI PHYIR KHAMS DE DANG, SA DE PA YIN PA DE'I PHYIR KUN GZHI'I RNAM PAR SHES PA DANG 'BREL PAR 'BYUNG BAS NA DE LA GNAS TE 'BYUNG BA ZHES BYA'O, ,'DI'I DMIGS PA BSTAN PA'I PHYIR, DE LA DMIGS PA ZHES BYA BA SMRAS SO, ,DE NYID DGROL BA'I PHYIR, KUN GZHI'I RNAM PAR SHES PA NYID LA DMIGS PA STE ZHES BYA BA LA SOGS PA SMRAS SO, ,'DI LTAR NYON MONGS PA CAN GYI YID NI 'JIG TSOGS LA LTA BA LA SOGS PA DANG MTSUNGS PAR LDAN PA STE, DE'I PHYIR NGA DANG BA'I ZHES BYA BA'I RNAM PA 'DIS KUN GZHI'I RNAM PAR SHES PA NYID LA DMIGS SO, ,GNAS NYID LA DMIGS PA MI DO ZHES TE GZHN GYIS JI LTAR NA ZHES BYA BA LA SOGS PA DRIS TE, GNAS SU GYUR PA'I SEMS GANG LAS NYON MONGS PA CAN GYI YID BYUNG BA DE NYID, DE'I DMIGS PAR JI LTAR 'GYUR, DMIGS PA'I DON YANG GZHAN LA GNAS KYI DON YANG GZHAN YIN NA DE GNYIS GCIG TU JI LTAR RUNG, GRUB PA'I MTHA' SMRA BAS MTSUNGS PAR BSGRUB PA'I PHYIR, JI LTAR KHA CIG DE MI 'DOD KYANG ZHES BYA BA LA SOGS PA SMRAS SO, ,GANG DAG NYON MONGS PA CAN GYI YID MI 'DOD PA DE DAG GI GZHUNG LTAR NA YANG, JI LTAR 'GA' ZHIG 'GAGS MA THAG TU RANG GI SEMS LA SO SOR RTOG PA'I DUS NA DE MA THAG PA'I RKYEN DU GYUR PA'I SEMS GANG LAS YID KYI RNAM PAR SHES PA 'BYUNG BA SEMS DE NYID DMIGS PA YIN ZHING, YID KYI RNAM @22B PAR SHES PA DE 'BYUNG STE, JI LTAR YID KYI RNAM PAR SHES PA DE RANG GI GNAS LA DMIGS PA DE BZHIN DU, NYON MONGS PA CAN GYI YID KYANG RANG GI GNAS LA DMIGS PAR 'GYUR RO, ,YANG RANG GI GNAS LA DMIGS PA'I RNAM PAR SHAS PA DE MING CI ZHES BYA SNYAM PA LA, YID CES BYA BA'I RNAM PAR SHES PA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE LTAR TSIG GI DON BSHAD NAS MDOR BYAS PA'I DON BSTAN PA'I PHYIR, KUN GZHI'I RNAM PAR SHES PA GANG YIN PA DE LA BRTEN TE ZHES BYA BA LA SOGS PA SMRAS TE, YID CES BYA BA'I RNAM PAR SHES PAR BRJOD PA GANG YIN PA DE KUN GZHI'I RNAM PAR SHES PA LA BRTEN NAS 'BYUNG NGO, ,DMIGS PA YANG KUN GZHI'I RNAM PAR SHES PA YIN NO, ,YID CES BYA BA'I SGRA'I RNAM PAR BCAD PA BSTAN PA'I PHYIR, DE LA DMIGS PA YID CES BYA BA 'DIS NI ZHES BYA BA LA SOGS PA SMRAS TE; YID SMOS PAS NI RNAM PAR SHES PA 'DI KUN GZHI'I RNAM PAR SHES PA DANG, 'JUG PA'I RNAM PAR SHES PA LAS RNAM PAR 'BYED PAR BYED DO, ,'DI'I NGO BO NYID DRI BA'I PHYIR, YANG DE'I RANG BZHIN GANG YIN SNYAM PA LA ZHES BYA BA LA SOGS PA SMRAS SO, ,NGAR SEMS BDAG NYID CAN ZHES BYA BA NI NGA'O SNYAM PA DANG NGA'I SNYAM DU RTAG TU RLOM SEMS PA STE, DE'I DE NI NGAR SEMS PA'I NGO BO NYID DO, ,'DI'I NGES PA'I TSIG BSTAN PA'I PHYIR, DE LTAR NGAR SEMS PA'I BDAG NYID PAS ZHES BYA BA LA SOGS PA SMRAS TE, GANG GI PHYIR NGAR SEMS PA'I BDAG NYID YIN PA DE'I PHYIR YID CES BYA'O, ,NGES PA'I TSIG GI CHUL GYIS ZHES BYA BA NI NGES PA'I TSIG GI RIGS PAS SO, ,TSIG LE'UR BYAS PA DANG SBYAR BA'I PHYIR, RNAM PAR SHES PA'I RANG GI NGO BO YIN PAS ZHES BYA BA LA SOGS PA SMRAS TE, DE NI GO SLA BAS MA BSHAD DO, ,SEMS LAS BYUNG BA RANG GI NGO BO DANG, GRANGS DANG DUS KHONG DU CHUD PAR BYA BA'I PHYIR, BSGRIBS LA LUNG DU MA BSTAN PA'I, ,NYON MONGS GZHI DANG RTAG TU 'GROGS, ,ZHES BYA BA SMRAS TE, NYON MONGS PA CAN GYI YID NI BSGRIBS LA LUNG DU MA BSTAN PA'I NGO BO NYID KYI NYON MONGS PA RNAMS DANG, DUS @23A *, ,THAMS CAD DU RTAG TU MTSUNGS PAR LDAN NO ZHES MDOR BYAS PA'I DON TO, ,NYON MONGS PA ZHES SMOS PA'I RNAM PAR BCAD PA BSTAN PA'I PHYIR, SEMS LAS BYUNG BA DAG NI RNAM PA GNYIS TE ZHES BYA BA LA SOGS PA SMRAS TE, DE NI GO SLA BAS MA BSHAD DO, , GRANGS KYI BYE BRAG GI RNAM PAR BCAD PA BSTAN PA'I PHYIR, NYON MONGS PA'ANG DRUG STE ZHES BYA BA LA SOGS PA SMRAS TE, DE YANG GO SLA BAS MA BSHAD DO, ,'GROGS ZHES BYA BA'I SGRA NI DGA' BA LA YANG BYA'O SNYAM PA LA, 'GROGS ZHES BYA BA NI ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,BSGRIBS LA LUNG DU MA BSTAN PA SMOS PA'I RNAM PAR BCAD PA BSTAN PA'I PHYIR, NYON MONGS PA'ANG RNAM PA GNYIS TE ZHES BYA BA LA SOGS PA SMRAS TE, DE YANG GO SLA BAS MA BSHAD DO, ,CI'I PHYIR DE BSGRIBS LA LUNG DU MA BSTAN PA RNAMS DANG MTSUNGS PAR LDAN SNYAM PA LA, BSGRIBS PA'I RNAM PAR SHES PA NI ZHES BYA BA LA SOGS PA SMRAS SO, ,NYON MONGS PA CAN GYI YID NI BSGRIBS LA LUNG DU MA BSTAN PA STE, DE BAS NA BSGRIBS PA'I RNAM PAR SHES PA RNAMS DANG MI DGE BAR MTSUNGS PAR LDAN DU MI RUNG NGO, ,CI'I PHYIR DE DAG BSGRIBS ZHES BYA SNYAM PA LA, BSGRIBS PA DAG NI NYON MONGS PA CAN GYI PHYIR RO ZHES BYA BA SMRAS TE, GANG GI PHYIR NYON MONGS PA CAN YIN PA DE'I PHYIR BSGRIBS PA ZHES BYA BA'I THA TSIG GO, ,GAL TE BSGRIBS PA YIN NA CI'I PHYIR LUNG DU MA BSTAN ZHES BYA SNYAM PA LA, LUNG DU MA BSTAN PA NI ZHES BYA BA LA SOGS PA SMRAS TE, GANG GI PHYIR DGE BA NYID DANG MI DGE BA NYID DU LUNG BSTAN DU MED PA DE'I PHYIR LUNG DU MA BSTAN PA ZHES BYA'O, ,'DI'I DUS BSTAN PA'I PHYIR, RTAG TU ZHES BYA BA NI ZHES BYA BA LA SOGS PA SMRAS TE, JI SRID DU NYON MONGS PA CAN GYI YID DE YOD PA DE SRID DU DE DAG DANG DUS THAMS CAD DU MTSUNGS PAR LDAN NO, ,TSIG LE'UR BYAS PA DANG SBYAR BA'I PHYIR, SPYIR BSTAN PAS KHYAD PAR MI SHES NAS KHYAD PAR STON TE ZHES BYA BA SMRAS TE, NYON MONGS PA BZHI ZHES SPYIR BSTAN PAS, GZHI GANG LA BYA BA'I BYE BRAG MI SHES TE, @23B DE'I PHYIR BYE BRAG BSTAN PA'I PHYIR, BDAG TU LTA BA DANG BDAG TU RMONGS ZHES BYA BA LA SOGS PA SMRAS TE, BDAG TU LTA BA DANG, BDAG TU RMONGS PA DANG, BDAG TU NGA GYAL DANG, BDAG LA CHAGS PA BZHI PO 'DI DAG DANG MTSUNGS PAR LDAN NO ZHES MDOR BYAS PA'I DON TO, ,BDAG TU LTA BA LA SOGS PA BSTAN PA'I PHYIR, NYE BAR LEN PA'I PHUNG PO RNAMS LA ZHES BYA BA LA SOGS PA SMRAS TE, NYE BAR LEN PA'I PHUNG PO LNGA PO DAG LA BDAG TU 'DZIN PA GANG YIN PA DE 'DIR BDAG TU LTA BA'O, ,'JIG TSOGS LA LTA BA ZHES BYA BA 'DIS NI DE NYID RAB TU BSGRUB PA'I RNAM GRANGS STON TO, ,RMONGS PA NI MI SHES PA'I SGRAR BRJOD DO, ,BDAG GI YUL LA RMONGS PA NI BDAG TU RMONGS PA'O, ,BDAG LA NGA RGYAL 'BYUNG BA GANG YIN PA DE NI BDAG TU NGA RGYAL ZHES BYA'O, ,NGA'O SNYAM PA'I NGA RGYAL ZHES BYA BA 'DIS NI DE NYID RAB TU BSGRUB PA'I RNAM GRANGS STON TO, ,BDAG LA CHAGS PA 'BYUNG BA GANG YIN PA DE NI BDAG LA CHAGS PA ZHES BYA'O, ,BDAG LA DGA' ZHES BYA BA 'DIS NI DE RAB TU BSGRUB PA'I RNAM GRANGS STON TO, ,'DI DAG KUN GZHI'I RNAM PAR SHES PA LA JI LTAR DMIGS SNYAM PA LA, DE LA KUN GZHI'I RNAM PAR SHES PA'I RANG GI NGO BO LA RMONGS PAR GYUR NA ZHES BYA BA LA SOGS PA SMRAS TE, KUN GZHI'I RNAM PAR SHES PA'I RANG GI NGO BO MI RTAG PA LA SOGS PA MI SHES PA GANG YIN PA DE NI DE LA 'DI NI NGA'I BDAG GO SNYAM DU BDAG TU 'DZIN PAR BYED DE, MI SHES PA GANG YIN PA DE BDAG TU RMONGS PA'O, ,BDAG TU 'DZIN PA GANG YIN PA DE NI 'JIG TSOGS LA LTA BA'O, ,BDAG TU LTA BA'I 'OG TU CHOS NYID KYI DBANG GIS SEMS KHENGS PAR 'BYUNG BA GANG YIN PA DE NGA'O SNYAM PA'I NGA RGYAL LO, ,BDAG TU RMONGS PA LA SOGS PA GSUM PO DE DAG YOD NA, DE'I 'OG TU BDAG TU BSAM PA'I DNGOS PO LA MNGON PAR CHAGS PA 'BYUNG BA GANG YIN PA DE BDAG LA CHAGS PA ZHES BYA'O, ,BSHAD ZIN PA'I DON SDUD PA'I TSIGS SU BCAD PA SMRAS PA YANG SMRAS PA ZHES BYA BA LA SOGS PA'O, ,NGAR SEMS PA'I MTSAN NYID KYI YID GANG YIN PA DE NI MA RIG PA LA SOGS PA NYON MONGS PA BZHI PO DAG GIS KUN NAS NYON MONGS PA CAN @24A *, ,DU GYUR TO ZHES TSIGS SU BCAD PA'I DON TO, ,KUN NAS NYON MONGS PA CAN DU GYUR CES BYA BA NI DRI MA CAN DU BYAS PA'O, ,TSIGS SU BCAD PA 'OG MAS NYON MONGS PA CAN GYI YID YOD PAR RIGS PAS BSTAN PA'I PHYIR, PHYIN CI LOG GI RGYU BYED PA'ANG ZHES BYA BA LA SOGS PA SMRAS TE, 'DI LTAR NYON MONGS PA CAN GYI YID NI DUS THAMS CAD DU PHYIN CI LOG GI RGYU YIN TE, DE'I PHYIR DE YOD PAR KHONG DU CHUD PAR BYA'O, ,PHYIN CI LOG GANG GI RGYU YIN SNYAM PA LA, ,SEMS DGE LUNG DU MA BSTAN TSE, ,ZHES BYA BA LA SOGS PA SMRAS SO, , DGE BA'I SEMS KYI DUS NA NGAR 'DZIN PA'I DUS NI NGA SBYIN PA SBYIN NO SNYAM PA LA SOGS PA'O, ,LUNG DU MA BSTAN PA'I SEMS KYI DUS NA NGAR 'DZIN PA'I RGYU NI NGA GLEGS BAM 'DRI BA LA SOGS PA BYED DO SNYAM PA'O, ,DE'I PHYIR KUN GZHI'I RNAM PAR SHES PA BDAG MA YIN PA LA BDAG GO SNYAM DU PHYIN CI LOG PA GANG YIN PA DE RGYUR BSTAN PA YIN NO, ,TSIG LE'UR BYAS PA DANG SBYAR BAR BYA BA'I PHYIR, ,BDAG TU RMONGS PA LA SOGS PA NYON MONGS PA DE DAG KYANG ZHES BYA BA LA SOGS PA SMRAS SO, ,SA DGU NI 'DIR 'DOD PA'I KHAMS DANG BSAM GTAN BZHI DANG GZUGS MED PA BZHIR RIG PAR BYA'O, ,LHAG MA NI GO SLA BAS MA BSHAD DO, ,THE TSOM BZLOG PA'I PHYIR, GANG DU SKYES PA DE'I 'O ZHES BYA BA SMRAS SO, ,DGROL BA'I PHYIR GANG DU SKYES PA NI ZHES BYA BA LA SOGS PA SMRAS TE, KHAMS GANG DANG SA GANG DU SROG CHAGS SKYES PAR GYUR PA'I KHAMS DE PA DANG, SA DA PA NYID KYI 'JIG TSOGS LA LTA PA LA SOGS PA DANG DE MTSUNGS PAR LDAN TE, KHAMS GZHAN DANG SA GZHAN GYI DANG NI MA YIN NO, ,MDOR BYAS PA DANG SBYAR BAR BYA BA'I PHYIR, CI NYON MONGS PA BZHI NYID DANG MTSUNGS PAR LDAN NAM ZHES BYA BA SMRAS TE, DE NI GO SLA BAS MA BSHAD DO, ,BSHAD PA BYED PAS SMRAS PA MA YIN NO ZHES BYA BA LA SOGS PA SMRAS SO, ,DE DGROL BA'I PHYIR, GZHAN REG SOGS KYANG ZHES BYA BA LA SOGS PA SMRAS SO, ,DE NI GO SLA BAS MA BSHAD DO, ,KYANG ZHES BYA BA LA SOGS PAS NI, ,KYANG GI SGRA'I DON STON TE, DE'I PHYIR @24B NYON MONGS PA CAN GYI YID BDAG TU LTA BA LA SOGS PA NYI TSE DANG MTSUNGS PAR LDAN PA MA YIN GYI, REG PA LA SOGS PA GZHAN DAG DANG YANG MTSUNGS PAR LDAN NO ZHES DE SKAD BSTAN PAR 'GYUR RO, ,REG SOGS ZHES BYA BA NI ZHES BYA BA LA SOGS PAS NI, ,REG PA LA SOGS PA'I SGRA'I DON STON TO, ,CI'I PHYIR REG PA LA SOGS PA NGANG MTSUNGS PAR LDAN SNYAM PA LA, CHOS LNGA PO DE DAG NI ZHES BYA BA LA SOGS PA SMRAS TE, GANG GI PHYIR REG PA LA SOGS PA CHOS LNGA PO 'DI DAG THAMS CAD DU 'GRO BAR 'DOD PA DE'I PHYIR RNAM PAR SHES PA THAMS CAD DANG MTSUNGS PAR LDAN NO; ;'DI DAG GI KHAMS DANG SA NGES PAR BSTAN PA'I PHYIR, DE DAG KYANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,'DIR BSHAD PA GZHAN BYA BA'I PHYIR YANG NA GZHAN ZHES BYA BA NI ZHES BYA BA LA SOGS PA SMRAS TE, RTZA BA'I RNAM PAR SHES PA DANG MTSUNGS PAR LDAN PA'I REG PA LA SOGS PA GANG YIN PA DE DAG LAS RNAM PAR DBYE BA'I PHYIR, GZHAN REG SOGS ZHES BYA BA LA SOGS PA SMRAS TE, 'DI LTAR RTZA BA'I RNAM PAR SHES PA LA REG PA LA SOGS PA MA BSGRIBS LA LUNG DU MA BSTAN PAR 'DOD DO, ,NYON MONGS PA CAN GYI YID LA NI YID BZHIN DU BSGRIBS PA'I LUNG DU MA BSTAN PA'O, ,MDOR BYAS PA DANG SBYAR BAR BYA BA'I PHYIR, GAL TE NYON MONGS PA CAN GYI YID DE ZHES BYA BA LA SOGS PA SMRAS SO, ,GAL TE DGE BA DANG NYON MONGS PA CAN DANG, LUNG DU MA BSTAN PA'I DUS THAMS CAD DU NYON MONGS PA CAN GYI YID BYE BRAG MED PAR 'JUG NA NI 'O NA DE LDOG PA MED PAR 'GYUR TE, JI SRID DU DE MI LDOG PA DE SRID DU THAR PAR GA LA 'GYUR, DE BAS NA SROG CHAGS RNAMS THAR PA MED PAR 'GYUR RO SNYAM PA LA, GRUB PA'I MTHA' SMRA BAS MI 'GYUR TE ZHES BYA BA LA SOGS PA SMRAS SO, ,THAR PA MED PAR 'GYUR BA MA YIN TE, 'DI LTAR DGRA BCOM PA LA NYON MONGS PA CAN GYI YID MED DO, ,'GOG PA'I SNYOMS PAR 'JUG PA'I DUS NA MED DO, ,'JIG RTEN LAS 'DAS PA'I LAM NA MED DO, ,CI'I PHYIR DGRA BCOM PA LA DE MED DO SNYAM PA LA, DGRA BCOM PA NI ZHES BYA BA LA @25A *, ,SOGS PA SMRAS SO, ,'DI LTAR DGRA BCOM PA NI NYON MONGS PA THAMS CAD SPANGS PA STE, DE'I PHYIR NYON MONGS PA CAN GYI YID MED PA NYID DO, ,JI LTAR SRID PA'I RTZE MO PA'I NYON MONGS PA BSGOMS PAS SPANG BAR BYA BA RNAM PA DGU PA, DGRA BCOM PA NYID THOB PA NA BAR CHAD MED PA'I LAM RDO RJE LTA BU ZHES BYA BAS SPONG BA DE BZHIN DU NYON MONGS PA CAN GYI YID DE YANG BAR CHAD MED PA'I LAM DE NYID KYIS THAMS CAD SPONG NGO, ,DE'I PHYIR NYONG MONGS PA DE DAG DGRA BCOM PA NA MED PA DE BZHIN DU, 'DI YANG MED DO, ,PHYIR MI 'ONG BA LA CI'I PHYIR MED SNYAM PA LA, CI YANG MED PA'I SKYE MCHED KYI 'DOD CHAGS DANG BRAL BA ZHES BYA BA LA SOGS PA SMRAS SO, ,PHYIR MI 'ONG BA CI YANG MED PA'I SKYE MCHED KYI 'DOD CHAGS DANG BRAL BA LA 'GOG PA'I SNYOMS PAR 'JUG PA THOB PA GANG YIN PA DE'I 'GOGS PA'I SNYOMS PAR 'JUG PA'I DUS NA NYON MONGS PA CAN GYI YID MED DO, ,'DI LTAR LAM GYI STOBS KYIS 'GOG PA'I SNYOMS PAR 'JUG PA THOB STE, DE'I PHYIR LAN BZHIN DU DE NA YANG DUS DE TZAM DU MED DO, ,'O NA LANGS NA DE GANG LAS 'BYUNG SNYAM PA LA, 'GOG PA LAS LANGS NAS YANG ZHES BYA BA LA SOGS PA SMRAS SO, ,GANG GI TSE 'GOG PA'I SNYOMS PAR 'JUG PA LAS LANGS PAR GYUR PA DE'I TSE YANG, KUN GZHI'I RNAM PAR SHES PA NYID LAS 'BYUNG STE, DE LA DE'I BAG CHAGS YOD PA'I PHYIR RO, ,LAM LA DE MED PAR BSTAN PA'I PHYIR, 'JIG RTEN 'DAS PA'I LAM NA 'ANG MED, CES BYA BA SMOS TE, ,DE'I DON NI BSHAD ZIN TO, ,LAM ZHES BRJOD PAS MI CHOG GAM ZHE NA, 'JIG RTEN LAS 'DAS PA SMOS SNYAM PA LA, 'JIG RTEN LAS 'DAS PA SMOS PA NI 'JIG RTEN PA RNAM PAR BCAD PA'I PHYIR RO ZHES BYA BA SMRAS SO, ,DE NI GO SLA BAS MA BSHAD DO, ,CI'I PHYIR 'JIG RTEN PA RNAM PAR BCAD SNYAM PA LA, 'JIG RTEN PA'I LAM LA NI ZHES BYA BA LA SOGS PA SMRAS SO, ,NI ZHES BYA BA'I SGRA NI 'DI LTAR ZHES BYA BA'I THA TSIG STE, 'DI LTAR 'JIG RTEN PA'I LAM NA NYON MONGS PA CAN GYI YID 'BYUNG BAR 'DOD PA NYID DO, ,CI'I PHYIR 'JIG RTEN LAS 'DAS @25B PA'I LAM NA MI 'BYUNG SNYAM PA LA, BDAG MED PAR MTHONG BA NI ZHES BYA BA LA SOGS PA SMRAS TE, 'DI LTAR BDAG MED PAR MTHONG BA NI BDAG TU 'DZIN PA'I GNYEN PO STE, DE'I PHYIR 'JIG RTEN LAS 'DAS PA'I LAM NA NYON MONGS PA CAN GYI YID 'BYUNG MI NUS TE, MI MTHUN PA'I PHYOGS DANG GNYEN PO CIG CAR MI 'BYUNG NGO, ,DE'I PHYIR MI MTHUN PA'I PHYOGS DANG GNYEN PO CIG CAR MI 'BYUNG BAS, 'JIG RTEN LAS 'DAS PA'I LAM NA DUS DE TZAM DU NYON MONGS PA CAN GYI YID MI 'BYUNG NGO, ,GANG GI TSE 'JIG RTEN LAS 'DAS PA'I LAM LAS LANGS PAR GYUR PA DE'I TSE YANG KUN GZHI'I RNAM PAR SHES PA NYID LAS 'BYUNG NGO, ,MJUG BSDU BA'I PHYIR, 'DI NI GYUR PA GNYIS PA'O ZHES BYA BA LA SOGS PA SMRAS TE, GONG DU BSTAN PA DE BSHAD ZIN TO ZHES BYA BA'I THA TSIG GO,, ,,BAM PO GSUM PA, GYUR PA GSUM PA DANG SBYAR BA BSTAN PA'I PHYIR, GYUR PA GNYIS PA'I 'OG TU ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE GANG YIN SNYAM PA LA, GSUM PA YUL RNAM DRUG PO LA, ,ZHES BYA BA LA SOGS PA SMRAS TE, YUL RNAM PA DRUG LA DMIGS PA GANG YIN PA DE NI RNAM PAR SHES PA GYUR PA GSUM PA'O ZHES MDOR BYAS PA'I BA'I THA TSIG GO,, ,,BAM PO GSUM PA, GYUR PA GSUM PAR SHES PA GYUR PA ZHES BYA BA LA SOGS PA SMRAS TE, RNAM PAR SHES PA GYUR PA'I SGRA KHONG NAS DBYUNG ZHES BYA BA'I THA TSIG GO, P,TSIG GI DON KHONG DU CHUD PA NI NGAG GI DON KHONG DU CHUD PA'I SNGON DU 'GRO BAS TSIG GI DON BSTAN PA'I PHYIR, RNAM DRUG CES BYA BA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE YANG ZHES BYA BA LA SOGS PA NI 'DI'I RAB TU DBYE BA 'DRI BA STE, GRUB PA'I MTHA' SMRA BAS RAB TU DBYE BA BSTAN PA'I PHYIR, DGE DANG MI DGE GNYI GA MIN, ,ZHES BYA BA MSRAS SO, ,DE DGROL BA'I PHYIR DGE BA DANG MI DGE BA ZHES BYA BA LA SOGS PA SMRAS TE, GNYI GA MA YIN PA SMOS PA NI LUNG DU MA BSTAN PA LA BYA'O, ,LHAG MA NI DON GO SLA BAS MA BSHAD DO, ,DGE BA @26A *, ,LA SOGS PA'I RANG GI NGO BO BSTAN PA'I PHYIR, MA CHAGS PA DANG ZHE SDANG MED PA DANG GTI MUG MED PA ZHES BYA BA LA SOGS PA SMRAS TE, DE YANG GO SLA BAS MA BSHAD DO, ,SEMS LAS BYUNG BA'I RANG GI NGO BO DANG DE'I GRANGS LA THE TSOM ZA NAS, DE YANG SEMS LAS BYUNG BA CI 'DRA BA DANG ZHES BYA BA LA SOGS PA 'DRI STE, THE TSOM GNYIS BSAL BA'I PHYIR, KUN TU 'GRO BA DANG ZHES BYA BA LA SOGS PA SMOS TE, KUN TU 'GRO BA LA SOGS PA DANG MTSUNGS PAR LDAN NO ZHES MDOR BSDUS TE MDOR BYAS PA'I DON TO, ,KUN TU 'GRO BA LA SOGS PA LA YANG GZHAN THE TSOM ZA NAS DRI BA'I PHYIR, KUN TU 'GRO BA LA SOGS PA GANG ZHES BYA BA LA SOGS PA SMRAS TE, DE NI GO SLA BAS MA BSHAD DO, ,GRUB PA'I MTHA' SMRA BAS DE RAB TU BSTAN PA'I PHYIR, DANG PO'I RIG LA SOGS PA DANG, ,ZHES BYA BA SMRAS TE, REG PA LA SOGS PA NI 'DIR KUN TU 'GRO BAR 'DOD DO, ,CI'I PHYIR KUN TU 'GRO BA DAG DANG POR BRJOD SNYAM PA LA, THOG MAR BSHAD PAS DANG PO STE, ,ZHES BYA BA SMRAS SO, ,DE DGROL BA'I PHYIR 'DI LTAR KUN TU 'GRO BA ZHES BYA BA LA SOGS PA SMRAS TE, 'DI LTAR KUN TU 'GRO BA RNAMS NI TSIG LE'UR BYAS PA SNGAR 'DAS MA THAG PA LAS, THOG MA NYID DU BSTAN TE, DE'I PHYIR DANG PO ZHES BYA'O, ,GANG DAG REG PA LA SOGS PA LA DANG PO ZHES 'CHAD PAR BYED PA DE DAG NI, SHIN TU 'BREL BA MED PAR SMRA BA STE, 'DI LTAR TSIG LE'UR BYAS PA 'DAS MA THAG LAS NI KUN TU 'GRO BA RNAMS THOG MAR BSTAN GYI, REG PA LA SOGS PA NI MA BSTAN TO, ,'DIR REG PA ZHES BYA BA LA SOGS PA'I TSIG BSDU BAR BYA BA'I PHYIR, DE DAG GI DANG PO NI REG PA GANG YIN PAS ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,CI'I PHYIR DE DAG KUN TU 'GRO BA ZHES BYA SNYAM PA LA, REG PA DANG YID LA BYED PA LA SOGS PA CHOS LNGA PO DE DAG NI ZHES BYA BA LA SOGS PA SMRAS SO, ,'DI LTAR REG PA LA SOGS PA DE DAG THAMS CAD NI SEMS CAN THAMS CAD KYI RJES SU 'GRO BA STE, DE'I PHYIR KUN TU 'GRO BA ZHES BYA'O, ,JI LTAR SHES SNYAM PA LA 'DI @26B LTAR DE DAG NI KUN GZHI'I RNAM PAR SHES PA DANG ZHES BYA BA LA SOGS PA SMRAS SO, ,'DI LTAR KUN GZHI'I RNAM PAR SHES PA DANG, NYON MONGS PA CAN GYI YID DANG, 'JUG PA'I RNAM PAR SHES PA RNAMS LA 'BYUNG STE, DE'I PHYIR SEMS CAN THAMS CAD KYI RJES SU 'GRO BAR GRUB PO; ;BYE BRAG TU NGES PA'I DBANG DU BYAS NAS ZHES BYA BA 'DIS NI TSIG LE'UR BYAS PA DANG SBYAR BA BSTAN TO, ,'DUN MOS DRAN DANG BCAS PA DANG, ,ZHES BYA BA LA SOGS PAS NI BYE BRAG TU NGES PAR STON TE, ,'DUN PA LA SOGS PA LNGA NI BYE BRAG TU NGES PA'O ZHES MDOR BYAS PA'I DON TO; ;CI'I PHYIR DE DAG BYE BRAG TU NGES ZHES BYA SNYAM PA LA, BYE BRAG CAN LA ZHES BYA BA LA SOGS PA SMRAS SO, ,'DI LTAR DE DAG NI BYE BRAG CAN LA NGES PA STE, DE'I PHYIR BYE BRAG TU NGES PA ZHES BYA'O, ,'DI LTAR DE DAG GI YUL NI BYE BRAG CAN NYID YIN GYI THAMS CAD NI MA YIN NO, , 'DUN PA ZHES BYA BA 'DI GANG YIN SNYAM PA LA, DE LA 'DUN PA NI ZHES BYA BA LA SOGS PA SMRAS TE, BSAM PA'I DNGOS PO LA 'DOD PA GANG YIN PA DE 'DUN PA'O, ,BSAM PA SMOS PAS NI YUL SO SOR NGES PAR BSTAN PA YIN TE, 'DI LTAR MA BSAMS PA LA 'DUN PA MI 'BYUNG NGO, ,BSAMS PA JI LTA BU SNYAM PA LA LTA BA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'DUN PA'I RNAM GRANGS GZHAN BSTAN PA'I PHYIR, DE LA MTHONG BA ZHES BYA BA LA SOGS PA SMRAS TE, MTHONG BA DANG THOS PA LA SOGS PAR SMOS PA GANG YIN PA DE 'DUN PA DANG 'DOD PA ZHES BYA'O, ,'DI'I LAS BSTAN PA'I PHYIR DE NI BRTZON 'GRUS RTZOM PA ZHES BYA BA LA SOGS PA SMRAS TE, 'DI'I LAS NI BRTZON 'GRUS RTZOM PA'I RGYU'I DNGOS POR NYE BAR 'GRO BA'O ZHES BYA BA'I THA TSIG GO, ,MOS PA GANG YIN SNYAM PA LA, MOS PA NI NGES PA'I DNGOS PO LA ZHES BYA BA LA SOGS PA SMRAS TE, TSAD MAS YONGS SU MTHONG BA'I DNGOS PO LA YID CHES PA GANG YIN PA DE NI MOS PA ZHES BYA'O ZHES MDOR BYAS PA'I DON TO, ,CI'I PHYIR NGES PA SMOS SNYAM PA LA, NGES PA SMOS PA NI ZHES BYA BA LA SOGS PA SMRAS TE, @27A *, ,DE NI GO SLA BAS MA BSHAD DO, ,NGES PA ZHES BYA BA 'DI NI JI LTA BU ZHIG YIN SNYAM PA LA, RIGS PA'AM YID CHES PA'I LUNG GIS ZHES BYA BA LA SOGS PA SMOS TE, MNGON SUM DANG RJES SU DPAG PA'AM YID CHES PA'I LUNG GIS THE TSOM MED PAR BYAS PA'I DNGOS PO GANG YIN PA DE NGES PA ZHES BYA'O, ,GANG GI DNGOS PO MI RTAG PA LA SOGS PA'I RNAM PAR NGES PA'I RNAM PA DE NYID KYI DNGOS PO DE LA SEMS 'JOG STE, 'DI NI DE BZHIN GYI GZHAN DU NI MA YIN NO ZHES NGES PAR 'DZIN PA GANG YIN PA DE MOS PA ZHES BYA'O, ,'DI'I LAS BSTAN PA'I PHYIR, DE NI MI 'PHROGS PA NYID KYI LAS CAN TE ZHES BYA BA LA SOGS PA SMRAS TE, 'DI'I LAS NI GRUB PA'I MTHA' LAS MI 'PHROGS PA ZHES BYA BA'I THA TSIG GO, ,DE JI LTAR 'DI'I LAS YIN ZHE NA, DE'I PHYIR, MOS PA GCES SU BYED PA NI ZHES BYA BA LA SOGS PA SMRAS TE, 'DI LTAR MOS PA GCES SU BYED PA DE NI PHAS KYI RGOL BA RNAMS KYIS RANG GI GRUB PA'I MTHA' PHROGS PAR MI NUS TE, DE'I PHYIR DE NI LAS CAN NO, ,DRAN PA DE GANG YIN SNYAM PA LA DRAN PA NI 'DRIS PA'I DNGOS PO MA BRJED PAR TE ZHES BYA BA LA SOGS PA SMRAS S; ,SNGON MYONG BA'I DNGOS PO LAS SEMS MI NYAMS PA GANG YIN PA DANG, YANG MNGON DU BYED PA GANG YIN PA DE DRAN PA'O, ,'DRIS PA ZHES BYA BA 'DI JI LTA BU ZHIG SNYAM PA LA, ,'DRIS PA'I DNGOS PO NI SNGON MYONG BA'O ZHES BYA BA SMRAS TE, DE NI GO SLA BAS MA BSHAD DO; ;CI'I PHYIR DRAN PA LA MA BRJED PA ZHES BYA SNYAM PA LA, DMIGS PA LA 'DZIN PA ZHES BYA BA LA SOGS PA SMRAS TE, 'DI LTAR DMIGS PA LA 'DZIN PA SNGON BYUNG BA GANG YIN PA DE, CHUD MI ZA BA'I RGYU NI DRAN PA YIN TE, DE BAS NA MA BRJED PA ZHES BYA'O, ,DE'I PHYIR MA BRJED PA'I RGYU YIN PAS MA BRJED PA ZHES BSTAN PA YIN NO, ,MNGON PAR BRJOD PA'I RANG GI NGO BO BSTAN PA'I PHYIR, SNGON GZUNG BA'I DNGOS PO ZHES BYA BA LA SOGS PA SMRAS TE, SNGON GZUNG BA'I DNGOS PO GANG YIN PA DE LA DMIGS PA'I RNAM PA YANG DRAN PAR BYED PA GANG YIN PA @27B DE NI MNGON PAR BRJOD PA NYID DO, ,RANG GI DON LA DNGOS PO'I RKYEN BSTAN PA'I PHYIR, MNGON PAR BRJOD PA KHO NA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'DI'I LAS BSTAN PA'I PHYIR, DE NI ZHES BYA BA LA SOGS PA SMRAS SO, ,'DI'I LAS NI DMIGS PA LAS MI G-YENG BAR BYED PA STE, 'DI LTAR GANG GI TSE DMIGS PA LA SEMS MNGON DU GYUR PA DE'I TSE, DMIGS PA GZHAN NAM RNAM PA GZHAN LA SEMS RNAM PAR G-YENG BAR MI 'GYUR TE, ,DE'I PHYIR DRAN PA NI RNAM PAR G-YENG BA MED PA'I LAS CAN ZHES BYA'O, ,TING NGE 'DZIN DE GANG YIN PA SNYAM PA LA; TING NGE 'DZIN BRTAGS PA'I DNGOS PO LA ZHES BYA BA LA SOGS PA SMRAS TE, DPYAD PAR BYA BA'I DNGOS PO LA SEMS RTZE GCIG PA NYID GANG YIN PA DE TING NGE 'DZIN TO, ,CI'I PHYIR BRTAGS PA ZHES BYA SNYAM PA LA, ,BRTAGS PA'I DNGOS PO NI YON TAN DU'AM NYES PAR BRTAG PAR BYA'O ZHES BYA BA SMRAS TE, YON TAN DU'AM NYES PAR BRTAG PAR BYA'O, ,'GOG PA DANG LAM GYI BDEN PA LA NI ZHI BA DANG, GYA NOM PA LA SOGS PA'I RNAM PAR YON TAN DU BRTAG PAR BYA BA'O, ,SDUG BSNGAL DANG KUN 'BYUNG BA'I BDEN PA LA NI MI RTAG PA LA SOGS PA'I RNAM PA NYES PAR BRTAG PAR BYA'O, ,DE LA DMIGS PA GCIG PA NYID GANG YIN PA DE RTZE GCIG PA ZHES BYA'O, ,'DI'I LAS BSTAN PA'I PHYIR SHES PA'I RTEN BYED PA'I LAS CAN NO ZHES BYA BA SMRAS SO 'DI'I LAS NI SHES PA'I RGYU'I DNGOS POR NYE BAR 'GRO BA STE, ,'DI LTAR SEMS MNYAM PAR GZHAG NA YANG DAG PA JI LTA BA BZHIN DU RAB TU SHES PAR 'GYUR RO, ,BLO ZHES BYA BA DE GANG YIN SNYAM PA LA, BLO NI SHES RAB PO ZHES BYA BA SMRAS SO, ,DE DGROL BA'I PHYIR DE YANG BRTAGS PA'I DNGOS PO NYID CES BYA BA LA SOGS PA SMRAS TE, BRTAGS PA'I DNGOS PO NYID LA RIGS PAS BSKYED PA DANG, RIGS PA MA YIN PAS BSKYED PA DANG, GZHAN PA'I RAB TU RNAM PAR 'BYED PA GANG YIN PA DE SHES RAB BO, ,RNAM PAR BSGRUB PAR BYA BA'I PHYIR, ,RAB TU RNAM PAR 'BYED PAR BYED PAS ZHES BYA BA LA SOGS PA SMRAS SO, ,RAB TU RNAM PAR 'BYED PA'I DON BSTAN PA'I PHYIR, RANG DANG SPYI'I MTSAN NYID @28A *, ,'DRES PA LTA BU'I CHOS RNAMS ZHES BYA BA LA SOGS PA SMRAS TE, RANG DANG SPYI'I MTSAN NYID 'DRES PA LTA BU'I CHOS RNAMS LA YANG DAG PA'AM, LOG PA SO SOR RTOG PA GANG YIN PA DE RAB TU RNAM PAR 'BYED PA'O, ,RIGS PAS BSKYED PA GANG YIN PA SNYAM PA LA, , PA NI GSHA' BA STE ZHES BYA BA SMRAS TE, RIGS PA NI GSHA' BA'I SGRAR BRJOD DO, ,DE NYID RAB TU DBYE BA BSTAN PA'I PHYIR, ,DE YANG YID CHES PA'I LUNG ZHES BYA BA LA SOGS PA SMRAS TE, DE NI GO SLA BAS MA BSHAD DO, ,BSKYED PA'I DON BSTAN PA'I PHYIR, RIGS PA RNAM PA DE GSUM GYIS, , ZHES BYA BA LA SOGS PA SMRAS TE, BRTAGS PA'I DNGOS PO LA RAB TU RNAM PAR 'BYED PAS BSKYED PA GANG YIN PA DE RIGS PAS BSKYED PA ZHES BYA'O, ,DE'I RAB TU DBYE BA BSTAN PA'I PHYIR, DE YANG THOS PA LAS BYUNG BA DANG ZHES BYA BA LA SOGS PA SMRAS TE, DE NI GO SLA BAS MA BSHAD DO, ,THOS PA LAS BYUNG BA LA SOGS PA'I RANG GI NGO BO BSTAN PA'I PHYIR, DE LA YID CHES PA'I GSUNG RAB CES BYA BA LA SOGS PA SMRAS TE, YID CHES PA TSAD MAR BYED PA'I KHONG DU CHUD PA SKYE BA GANG YIN PA DE NI THOS PA LAS BYUNG BA ZHES BYA'O, ,RIGS PAS RTOGS PA'I KHONG DU CHUD PA SKYE BA GANG YIN PA DE NI, BSAMS PA LAS BYUNG BA ZHES BYA'O, ,TING NGE 'DZIN GYI STOBS KYIS BSKYED PA GANG YIN PA DE NI BSGOMS PA LAS BYUNG BA ZHES BYA'O, ,TSAD MAR GYUR PA'I SKYES BU NI YID CHES PA ZHES BYA'O, ,NGES PAR SEMS PA NI SPYOD PA'I RIGS PA MA YIN PA'I RAB TU DBYE BA BSTAN PA'I PHYIR, RIGS PA MA YIN PA NI ZHES BYA BA LA SOGS PA SMRAS SO, ,YANG DAG PA MA YIN PA LA BCUG PA'I TING NGE 'DZIN NI, ,LOG PAR BSAM PA ZHES BYA'O, ,LHAG MA NI GLO SLA BAS MA BSHAD DOD, ,BSKYED PA'I DON BSTAN PA'I PHYIR, RIGS PA MA YIN PA NGES PA BSKYED PA NI ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,RNAM PA GSUM PA BSTAN PA'I PHYIR, SKYE BAS THOB PA ZHES BYA BA LA SOGS PA SMRAS TE, LHAN CIG SKYES PA'I SHES RAB KYI DNGOS PO KHONG DU CHUD PA GANG YIN PA DANG, 'JIG RTEN PA'I THA SNYAD NYO BA DANG, 'TSONG BA LA SOGS PA KHONG @28B DU CHUD PA GANG YIN PA DE NI RIGS PAS BSKYED PA YANG MA YIN, MI RIGS PAS BSKYED PA YANG MA YIN PA ZHES BYA'O, ,SKYE BAS 'THOB PA ZHES BYA BA NI, SKYES NAS 'THOB PAS SKYE BAS 'THOB PA STE, DE 'DI LA YOD PAS SKYES PAS 'THOB PA STE, LHAN CIG SKYES ZHES BYA BA'I THA TSIG GO, , BSKYED CES BYA BA NI BSKRUN PA DANG, BYAS ZHES BYA BA'I BAR DU'O, ,'DI'I LAS BSTAN PA'I PHYIR, 'DI NI ZHES BYA BA LA SOGS PA SMRAS SO, ,'DI'I LAS NI THE TSOM BZLOG PA STE, 'DI LTAR SHES RAB KYIS CHOS RNAMS RAB TU RNAM PAR PHYE NAS NGES PA 'THOB BO, ,NGES PA THOB NAS THE TSOM LDOG GO, ,CI 'DI DAG LHAN CIG 'BYUNG NGAM, 'ON TE RE RE 'BYUNG SNYAM PA LA, CHOS LNGA PO DE DAG NI ZHES BYA BA LA SOGS PA SMOS TE, CHOS LNGA PO DE DAG PHAN TSUN THA DAD DU GYUR NAS SKYE BA YIN GYI, LHAN CIG SKYES PA MA YIN ZHES BYA BA'I THA TSIG GO, ,DE LTAR NA GANG LA SEMS MOS PA DER GZHAN DAG GDON MI ZA BAR 'BYUNG BA MA YIN NO, ,DE BZHIN DU GZHAN DAG LA YANG BRJOD PAR BYA'O, ,BSAMS PA DANG, NGES PA DANG, 'DRIS PA DANG, BRTAG PA SMOS PAS NI 'DI DAG GI YUL SO SOR NGES PA NYID DU BSTAN PA YIN TE, 'DI LTAR MA BSAMS PA LA 'DUN PA MED DO, ,NGES PA MA YIN PA LA MOS PA MED DO, ,MA 'DRIS PA LA DRAN PA MED DO, ,BRTAG PA MA YIN PA LA TING NGE 'DZIN DANG SHES RAB MED DO, ,KHA CIG NI TSIG 'DI GZHAN DU 'DOD DE, CHOS LNGA PO DE DAG NI PHAN TSUN THA DAD PA MA YIN PAR GYUR NAS 'BYUNG NGO, ,DE LTAR NA GANG DU MOS PA DER GZHAN DAG KYANG GDON MI ZA BAR 'BYUNG NGO ZHES DE SKAD DU LOG PAR 'DUN TE, 'DI LTAR GANG GI TSE MA 'ONGS PA'I DNGOS PO LA 'DOD PA SKYE BA DE'I TSE DE LA DRAN PA MED DE, DE'I YUL NI MYONG BA YIN PA'I PHYIR RO, ,GANG GI TSE BRTAG PA MA YIN PA'I DNGOS PO LA 'DUN PA LA SOGS PA 'BYUNG BA DE'I TSE, DE LA TING NGE 'DZIN MED DE, DE'I YUL NI BRTAG PA'I DNGOS PO YIN PA'I PHYIR RO, ,GANG GI TSE NGES PA MA YIN PA'I DNGOS PO LA 'DUN PA LA SOGS PA 'BYUNG BA DE'I TSE, DE LA MOS PA MED DE, DE'I YUL NI NGES PA'I DNGOS PO YIN PA'I PHYIR RO, ,DE'I PHYIR PHAN @29A *, ,TSUN THA DAD PA MA YIN PAR GYUR NAS 'BYUNG NGO ZHES BYA BA JI LTAR 'GYUR, ,'OG MA DANG MTSAMS SBYAR BA BSTAN PA'I PHYIR, BYE BRAG TU NGES PA RNAMS BSHAD ZIN TO ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DGE BA DAG BSTAN PA'I PHYIR, DAD DANG NGO TSA KHRO YOD DANG, ,ZHES BYA BA LA SOGS PA SMOS SO, ,'DI DAG GI GRANGS BSTAN PA'I PHYIR, DE DAG NI CHOS BCU GCIG GO ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DAD PA'I RANG GI NGO BO BSTAN PA'I PHYIR, DE DAD PA NI ZHES BYA BA LA SOGS PA SMRAS TE, DGE BA DANG MI DGE BA'I LAS RNAMS DANG, 'DOD PA DANG MI 'DOD PA'I 'BRAS BU RNAMS DANG, SDUG BSNGAL LA SOGS PA'I BDEN PA RNAMS DANG, RDZOGS PA'I SANGS RGYAS LA SOGS PA DKON MCHOG RNAMS LA YID CHES PA GANG YIN PA DANG, DANG BA GANG YIN PA DANG 'DOD PA GANG YIN PA DE DAD PA STE, 'DI LTAR DAD PA NI RNAM PA GSUM DU 'GYUR RO, ,YID CHES PA LA SOGS PA'I YUL GYI RNAM PAR DBYE BA BSTAN PA'I PHYIR, DNGOS PO YOD PA YON TAN CAN NAM ZHES BYA BA LA SOGS PA SMRAS TE, YON TAN CAN NAM YON TAN CAN MA YIN PA'ANG RUNG STE, DNGOS PO YOD PA GANG YIN PA DE LA YOD PA NYID DU YID CHES PA'I RNAM PA'I DAD PA DANG, DNGOS PO YOD PA YON TAN DANG LDAN PA GANG YIN PA DE LA DAD PA'I RNAM PA DANG, DNGOS PO YOD PA YON TAN CAN THOB PAR BYED DAM, SKYED NUS PA GANG YIN PA DE LA 'DOD PA'I RNAM PA'O, ,DANG BA'I RANG GI NGO BO BSTAN PA'I PHYIR, SEMS DANG BA ZHES BYA BA LA SOGS PA SMRAS SO, ,'DI LTAR DANG BA NI SEMS KYI RNYOG PA DANG MI MTHUN PA STE, DE'I PHYIR DE DANG MTSUNGS PAR LDAN NA NYON MONGS PA DANG NYE BA'I NYON MONGS PA ZHES BYA BA'I DRI MA'I RNYOG PA MED PAS, SEMS DAD PA LA BRTEN TE DANG BAR 'GYUR RO, ,DE LTA BAS NA SEMS DANG BA ZHES BYA'O, ,SEMS KYI RNYOG PA'I SGRA NI NYON MONGS PA'I BAG CHAGS LA BYA'O, ,'DI'I LAS BSTAN PA'I PHYIR, DE NI 'DUN PA'I RTEN BYED PA'I LAS CAN NO ZHES BYA BA @29B SMRAS SO, ,'DI NI 'JUG PAR 'DOD PA BSKYED PA'I LAS CAN TE, 'DI LTAR YID CHES PAR GYUR CING, NUS PA'I DNGOS PO 'DOD PA SKYES NAS 'JUG PA LA 'DUN PAR BYED DO, ,NGO TSA SHES PA'I RANG GI NGO BO BSTAN PA'I PHYIR, ,NGO TSA SHES PA NI ZHES BYA BA LA SOGS PA SMRAS TE, ,BDAG DANG CHOS LA LTOS NAS KHA NA MA THO BAS 'DZEM PA SKYE BA GANG YIN PA DE NGO TSA SHES PA ZHES BYA'O, ,KHA NA MA THO BA JI LTA BU ZHIG SNYAM PA LA, DAM PA RNAMS KYIS SMAD PA ZHES BYA BA LA SOGS PA SMRAS SO, ,'DI LTAR DAM PA RNAMS KYIS SMAD PA DANG, RNAM PAR SMIN PA MI 'DOD PA PA YIN TE, DE'I PHYIR SDIG PA NYID KHA NA MA THO BA ZHES BYA'O, ,BYAS KYANG RUNG MA BYAS KYANG RUNG, KHA NA MA THO BA DES SEMS ZHUM PA SKYE BA GANG YIN PA DE 'DZIN PA STE, DE NYID NGO TSA SHES PA ZHES BYA'O, ,'DI'I LAS BSTAN PA'I PHYIR, 'DI NI ZHES BYA BA LA SOGS PA SMRAS TE, , NYES PAR SPYOD PA BZLOG PA'I LAS CAN NO ZHES BYA BA'I THA TSIG GO, ,KHREL YOD PA'I RANG GI NGO BO BSTAN PA'I PHYIR, KHREL YOD PA NI ZHES BYA BA LA SOGS PA SMRAS SO, ,'JIG RTEN LA LTOS NAS KHA NA MA THO BAS 'DZEM PA GANG YIN PA DE NI KHREL YOD PA'O, ,'DI LTAR 'JIG RTEN NA 'DI NI SMAD PA STE, BDAG LAS 'DI LTA BU BYED PAR RIGS NA 'JIG RTEN SMAD PAR 'GYUR TE, DE'I PHYIR MI SNYAN PA'I 'JIGS PAS KHA NA MA THO BA LA 'DZEM MO, ,SMAD PA NI BSHUNG BA'O, ,TSIGS SU BCAD PA MA YIN PA NI MI SNYAN PA'I SGRAR BRJOD DO, ,LAS BSTAN PA'I PHYIR 'DI YANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,MA CHAGS PA NI ZHES BYA BA LA SOGS PA SMRAS TE, CHAGS PA'I GNYEN POR GYUR PA'I CHOS GANG YIN PA DE NI MA CHAGS PA'O, ,CHAGS PA ZHES BYA BA GANG YIN SNYAM PA LA, CHAGS PA ZHES BYA BA NI ZHES BYA BA LA SOGS PA SMRAS TE, 'KHOR BA DANG, 'KHOR BA'I YO BYAD LA CHAGS PA DANG, SMON PA GANG YIN PA DE CHAGS PA'O, ,DE'I GNYEN PO NI MA CHAGS PA'O, ,DE'I PHYIR 'KHOR BA DANG DE'I YO BYAD GLANG PO CHE DANG RTA LA SOGS PA LA MA CHAGS PA DANG, MI PHYOGS PA DANG MI @30A *, ,'DOD PA DANG MI SMON PA NI MA CHAGS PA'O ZHES BSTAN PAR 'GYUR RO, ,ZHE SDANG MED PA BSTAN PA'I PHYIR, ZHE SDANG MED PA NI ZHES BYA BA LA SOGS PA SMRAS TE, ZHE SDANG GI GNYEN POR GYUR BA'I CHOS BYAMS PA'I NGO BO NYID NI ZHE SDANG MED PA'O, ,ZHE SDANG NYID GANG YIN SNYAM PA LA, ZHE SDANG NI ZHES BYA BA LA SOGS PA SMRAS TE, GNOD PA BYED PA'I SEMS CAN RNAMS DANG, SDUG BSNGAL RNAMS DANG, SDUG BSNGAL GYI RGYU DUG DANG, TSER MA LA SOGS PA LA KUN NAS MNAR SEMS PA GANG YIN PA ZHE SDANG NGO, ,ZHE SDANG MED PA NI ZHE SDANG GI GNYEN PO YIN PAS SEMS CAN RNAMS DANG SDUG BSNGAL DANG SDUG BSNGAL GYI RGYU RNAM PA KUN NAS MNAR SEMS PA MED PA'I NGO BOR BLTA'O, ,LAS BSTAN PA'I PHYIR, 'DI YANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,GTI MUG MED PAR BSTAN PA'I PHYIR, GTI MUG MED PA NI ZHES BYA BA LA SOGS PA SMRAS TE, GTI MUG GI GNYEN POR GYUR PA YANG DAG PA JI LTA BA BZHIN DU RTOGS PA'I NGO BO NYID KYI CHOS GANG YIN PA DE NI 'DIR GTI MUG MED PA'O, ,GTI MUG NYID GANG YIN SNYAM PA LA, GTI MUG NI LAS DANG 'BRAS BU DANG ZHES BYA BA LA SOGS PA SMRAS TE, LAS LA SOGS PA MI SHES PA GANG YIN PA DE NI GTI MUG GO, ,GTI MUG MED PA NI DE'I GNYEN PO YIN PAS, BDEN PA LA SOGS PA RTOGS PA'I NGO BO NYID DU BLTA BAR BYA'O, ,'DI YANG ZHES BYA BA LA SOGS PAS NI LAS STON TE, DON NI BRDA PHRAD PAR ZAD DO, ,BRTZON 'GRUS KYI RANG GI NGO BO BSTAN PA'I PHYIR, BRTZON 'GRUS ZHES BYA BA LA SOGS PA SMRAS SO, ,LE LO'I GNYEN POR GYUR PA DGE BA'I LAS LA SEMS SPRO BA GANG YIN PA DE BRTZON 'GRUS YIN GYI, NYON MONGS PA CAN GYI LAS LA SPRO BA NI BRTZON 'GRUS MA YIN TE, GANG NYON MONGS PA CAN GYI LAS LA SPRO BA NI SMAD PA'I PHYIR, LE LO NYID YIN GYI, BRTZON 'GRUS MA YIN NO, ,SMAD PA'I DNGOS PO LA CHAGS PA'I PHYIR DE YANG LE LO NYID DO, ,DE'I PHYIR LE LO NI RNAM PA GNYIS TE, SNYOM LAS KYI MTSAN NYID DANG NYON MONGS PA CAN LA SPRO BA'O, ,LAS BSTAN PA'I PHYIR 'DI NI @30B ZHES BYA BA LA SOGS PA SMRAS TE, 'DI NI DGE BA'I PHYOGS YONGS SU RDZOGS PAR BYED PA DANG, YONGS SU SGRUB PA'O, ,SHIN TU SBYANGS PA NI GANG YIN SNYAM PA LA SHIN TU SBYANGS PA NI ZHES BYA BA LA SOGS PA SMRAS TE GNAS NGAN LEN GYI GNYEN POR GYUR PA LUS DANG SEMS LAS SU RUNG BA NYID GANG YIN PA DE SHIN TU SBYANGS PA'O, ,GNAS NGAN LEN DE JI LTA BU ZHIG SNYAM PA LA, GNAS NGAN LEN NI ZHES BYA BA LA SOGS PA SMRAS TE, LUS DANG SEMS LAS SU MI RUNG BA NYID GNAS NGAN LEN ZHES BYA'O, ,YANG NA KUN NAS NYON MONGS PA'I CHOS RNAMS KYI SA BON NI GNAS NGAN LEN TO, ,CI'I PHYIR SNYAM PA LA DE MED NA ZHES BYA BA LA SOGS PA SMRAS TE, 'DI LTAR KUN NAS NYON MONGS PA'I CHOS KYI SA BON MED PAR GYUR NA SHIN TU SBYANGS PAR 'GYUR TE, DE'I PHYIR DE YANG GNAS NGAN LEN TO, ,LUS LAS SU RUNG BA NYID GANG YIN SNYAM PA LA, DE LA LUS LAS SU RUNG BA NI ZHES BYA BA LA SOGS PA SMRAS TE, LUS RANG GI DGOS PA RNAMS LA LDANG BA YANG BA GANG LAS BYUNG BA DE LUS LAS SU RUNG BA NYID CES BYA'O, ,LDANG BA YANG BA ZHES BYA BA LA BDE BA'O, ,SEMS LAS SU RUNG BA BSTAN PA'I PHYIR, ,SEMS LAS SU RUNG BA NI ZHES BYA BA LA SOGS PA SMRAS TE, YANG DAG PA YID LA BYED PA LA ZHUGS PA'I RNAL 'BYOR BA'I SEMS GANG YIN PA DE'I SIM PA DANG YANG BA'I RGYU SEMS LAS BYUNG BA'I CHOS GZHAN GANG YIN PA DE SEMS LAS SU RUNG BA NYID DO, ,SIM PA NI BDE BA'O, ,YANG BA NI GSAL BA'O, ,CI'I PHYIR SNYAM PA LA DE DANG LDAN NA ZHES BYA BA LA SOGS PA SMRAS ZTE, 'DI LTAR SEMS LAS BYUNG BA DE DANG LDAN NA DMIGS PA LA SEMS 'JUG STE, DE'I PHYIR DE SEMS LAS SU RUNG BA NYID CES BYA'O, ,'DIR NI SEMS LAS BYUNG BA'I CHOS GZHAN SHIN TU SBYANGS PA YIN NA, LUS SHIN TU SBYANGS PA ZHES JI SKAD DU BYA ZHE NA, LUS KYI REG BYA'I KHYAD PAR ZHES BYA BA LA SOGS PA SMRAS TE, LUS KYI REG BYA'I KHYAD PAR NYID 'GA' ZHIG DGA' BAS ZIN PA LA LUS SHIN TU SBYANG BAR BYA'O, ,CI'I PHYIR SNYAM PA LA YID DGA' NA LUS SHIN TU SBYANGS PAR 'GYUR RO ZHES BYA BA LA SOGS @31A *, ,PA SMRAS TE, 'DI LTAR GANG GI TSE YID DGA' BAR GYUR PA DE'I TSE, LUS SHIN TU SBYANGS PAR 'GYUR RO ZHES MDO LAS GSUNGS SO, ,'DI'I LAS BSTAN PA'I PHYIR, 'DI NI DE'I DBANG GIS ZHES BYA BA LA SOGS PA SMRAS TE, 'DI LTAR SHIN TU SBYANGS PA'I DBANG GIS GNAS GYUR TE, DE'I PHYIR 'DI'I LAS NI NYON MONGS PA'I SGRIB PA MA LUS PAR SEL BA'O, ,BAG YOD BCAS PA ZHES BYA BA DE DGROL BA'I PHYIR, BAG YOD BCAS PA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,RNAM PAR BSGRUB PA TZAM GYIS 'DI'I RANG GI NGO BO MI SHES PAS, DE YANG GANG ZHE NA ZHES 'DRI'O, ,GRUB PA'I MTHA' SMRA BAS BTANG SNYOMS SO ZHES SMRAS TE, BTANG SNYOMS NI 'DIR BAG YOD PA DANG BCAS PAR 'DOD DO ZHES BYA BA'I THA TSIG GO, ,GZHAN GYIS GTAN TSIGS 'DRI BA'I PHYIR, DE CI'I PHYIR ZHES SMRAS PA DANG, GRUB PA'I MTHA' SMRA BAS GTAN TSIGS BSTAN PA'I PHYIR, GCIG TU DGE BA DANG ZHES BYA BA LA SOGS PA SMRAS TE, 'DI LTAR BTANG SNYOMS NI GCIG TU DGE BA DANG, 'DIR SEMS LAS BYUNG BA DGE BA THAMS CAD BSTAN PA'I DBANG DU BYAS PA DANG; DAD PA LA SOGS PA BZHIN DU 'DIR DNGOS SU MA BSTAN PA DANG, SEMS LAS BYUNG BA DGE BA BCU GCIG LAS MA GTOGS PAR SEMS LAS BYUNG BA DGE BA GZHAN MI SRID PAS, DE'I PHYIR LHAG MA LUS PA NI BTANG SNYOMS NYID DE, BAG YOD PA DANG BCAS PA'I SGRAR BRJOD DO; ;DE NI 'DI SKAD DU YONG NI BTANG SNYOMS GTOGS PA DGE BA BCU GCIG YOD NA, DE LA BCU NI RVA NAS BZUNG BA'I TSUL GYIS BSHAD ZIN LA, BTANG SNYOMS NI 'DIR RANG GI MING GIS BSTAN TE, DE'I PHYIR DE NYID 'DIR BAG YOD PA DANG BCAS PA'I SGRAR BRJOD DO ZHES BSTAN PAR 'GYUR RO, ,BAG YOD PA GANG YIN SNYAM PA LA DE LA BAG YOD PA NI BAG MED PA'I GNYEN PO'O ZHES BYA BA SMRAS SO, ,DE NYID DGROL BA'I PHYIR MA CHAGS PA NAS BRTZON 'GRUS KYI BAR NI BAG YOD PA STE ZHES BYA BA LA SOGS PA SMRAS TE, GANG MA CHAGS PA LA SOGS @31B PA LA GNAS NAS MI DGE BA'I CHOS RNAMS SPONG ZHING MI DGE BA'I CHOS KYI GNYEN POR GYUR PA, DGE BA'I CHOS RNAMS KYANG SGOM PA MA CHAGS PA LA SOGS PA DE DAG NI BAG YOD PA'I SGRAR BRJOD DO, ,DE BAS NA 'DI NI BAG MED PA'I GNYEN PO NYID YIN NO, ,'DI LTAR DE NI BAG MED PA LAS BZLOG PA STE 'DI'I BZLOG PA BRJOD DO, ,LAS BSTAN PA'I PHYIR DE NI ZHES BYA BA LA SOGS PA SMRAS TE, 'DI'I LAS NI 'JIG RTEN PA DANG 'JIG RTEN LAS 'DAS PA'I YON TAN PHUN SUM TSOGS PA THAMS CAD YONGS SU RDZOGS PAR BYED PA'O, ,BTANG SNYOMS GANG YIN SNYAM PA LA, BTANG SNYOMS NI SEMS MNYAM PA NYID DANG ZHES BYA BA LA SOGS PA SMRAS TE, BYING BA DANG RGOD PA DANG BRAL NAS SEMS MNYAM PA NYID GANG YIN PA DANG, BSGRIM MI DGOS PAR SEMS RANG GI DANG GIS RNAL DU 'DUG PAR 'JUG PA GANG YIN PA DANG, BYING BA DANG RGOD PA'I GNYEN PO MCHOG TU DGA' BA DANG, KUN TU SKYO BA YID LA BYED PA DAG LA RTZOL BA MI BYED DE, SEMS LHUN GYIS GRUB PA GANG YIN PA DE BTANG SNYOMS SO, ,TSIG 'DI SNYED CIG CI DGOS SNYAM PA LA, TSIG 'DI GSUM GYIS ZHES BYA BA LA SOGS PA SMRAS TE, DE NI GO SLA BAS MA BSHAD DO, ,SEMS MNYAM PA NYID CES BYA BA 'DI GANG YIN SNYAM PA LA, DE LA BYING BA DANG RGOD PA NI SEMS MI MNYAM PA STE ZHES BYA BA LA SOGS PA SMRAS TE, GANG GI TSE SEMS BYING BA'AM RGOD PAR GYUR PA DE'I TSE MI MNYAM PA ZHES BYA'O, ,GANG GI TSE BYING BA DANG RGOD PA MED DE THOG MAR SEMS BYING BA YANG MA YIN, RGOD PA YANG MA YIN PAR GYUR PA DE'I TSE MNYAM PA ZHES BYA STE, 'DI NI SEMS MNYAM PA NYID DO, ,SEMS RNAL DU 'DUG PA NYID BSTAN PA'I PHYIR, DE'I 'OG TU MNGON PAR 'DU BYED PA MED CING ZHES BYA BA LA SOGS PA SMRAS TE, SEMS MNYAM PA NYID KYI 'OG TU BSGRIM MI DGOS PAR SEMS MNYAM PAR GZHAG PA'I RNAL 'BYOR GYI RJES SU MTHUN PAR MNYAM PA NYID DU 'JUG PA GANG YIN PA DE SEMS RNAL DU 'DUG PA NYID DO, ,DE'I DUS NA RNAL 'BYOR PA LA BYING BA DANG RGOD PA MI MNYAM PA'I NYES PA'I BDAG NYID @32A *, ,DE DAG YANG 'BYUNG BAR MI 'GYUR GRANG SNYAM DU DE LTA BU'I DOGS PA YOD DE, 'DI LTAR MNYAM PA NYID DE NI GDOD THOB MA THAG STE, RING POR GOMS PAR BYAS PAS DE'I PHYIR DOGS PA YOD PA SRID DO, ,SEMS KYI LHUN GYIS GRUB PA BSTAN PA'I PHYIR; DE'I 'OG TU SGOM PA KHYAD ZHUGS PAR GYUR PAS ZHES BYA BA LA SOGS PA SMRAS TE, DE'I 'OG TU GANG GI TSE SGOM PA KHYAD ZHUGS PAR GYUR PA DE'I TSE DE'I MI MTHUN PA'I PHYOGS BYING BA DANG RGOD PA THAG RING DU GYUR PAS MI MNYAM PA'I DOGS PA MI 'BYUNG NGO, ,DE'I PHYIR BYING BA DANG RGOD PA'I GNYEN PO'I RGYU MCHOG TU DGA' BA DANG, KUN TU SKYO BA YID LA BYED PA RNAMS LA RNAL 'BYOR PA RTZOL BAR MI BYED DO, ,RNAL 'BYOR PA RTZOL BAR MI BYED DE, SEMS LHUN GYIS GRUB PAR GNAS PA'I DUS GANG YIN PA DE SEMS LHUN GYIS GRUB PA NYID CES BYA'O,, 'DI'I LAS BSTAN PA'I PHYIR 'DI NI ZHES BYA BA LA SOGS PA SMRAS TE, 'DI'I LAS NI NYON MONGS PA DANG NYE BA'I NYON MONGS PA THAMS CAD KYI SKABS MI 'BYED PA'I RTEN BYED PA'O, ,RNAM PAR MI 'TSE BA GANG YIN SNYAM PA LA, RNAM PAR MI 'TSE BA NI RNAM PAR 'TSE BA'I GNYEN PO STE ZHES BYA BA SMRAS SO, ,DE DGROL BA'I PHYIR GSOD PA DANG 'CHING BA ZHES BYA BA LA SOGS PA SMRAS TE, GSOD PA DANG 'CHING BA LA SOGS PA GNOD PA'I RGYU RNAMS KYIS SEMS CAN RNAMS LA GNOD PA MI BYED PA NI THO MI 'TSAMS PAS RNAM PAR 'TSE BA ZHES BYA BA STE, DE NI SEMS CAN RNAMS LA SNYING RJE BA'O, ,'DI RNAM PAR BSGRUB PAR BYA BA'I PHYIR, BSOD NYAMS SEL BAS SNYING RJE BA'O ZHES BYA BA SMRAS SO, ,BSOD NYAMS KYI SGRA NI BDE BA LA BYA STE, DE'I PHYIR BDE BA SEL ZHES BSTAN PA YIN NO, ,SEL ZHES BYA BA NI SPONG BA'O, ,DE JI LTAR SHES SNYAM PA LA, SNYING RJE CAN NI ZHES BYA BA LA SOGS PA SMRAS TE, 'DI LTAR SNYING RJE CAN GANG YIN PA NI PHA ROL GYI SDUG BSNGAL THAMS CAD KYIS SDUG BSNGAL BAR 'GYUR TE, DE'I PHYIR SNYING RJES BDE BA SEL TO, ,'DI'I LAS BSTAN PA'I PHYIR 'DI NI RNAM PAR THO MI @32B 'TSAMS PA'I LAS CAN NO ZHES BYA BA SMRAS TE, 'DI'I LAS NI SEMS LA RNAM PAR THO MI 'TSAMS PA'O, ,'OG MA DANG MTSAMS SBYAR BA'I PHYIR, DGE BA BCU GCIG BSHAD ZIN TO ZHES BYA BA SMRAS TE, DON DE NI BRDA PHRAD PAR ZAD DO, ,NYON MONGS PA RNAMS BSTAN PA'I PHYIR NYON MONGS PA NI, 'DOD CHAGS KHONG KHRO GTI MUG DANG, ,ZHES BYA BA LA SOGS PA SMRAS SO, ,TSIG SDUD PA BSTAN PA'I PHYIR, 'DOD CHAGS DANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,'DOD CHAGS GANG YIN SNYAM PA LA DE LA 'DOD CHAGS NI ZHES BYA BA LA SOGS PA SMRAS TE, SRID PA DANG LONGS SPYOD RNAMS LA LHAG PAR CHAGS PA GANG YIN PA DANG, SMON PA GANG YIN PA DE 'DOD CHAGS ZHES BYA STE, DA LTAR BYUNG BA RNAMS LA NI LHAG PAR CHAGS SO, ,MA 'ONGS PA RNAMS LA NI SMON TO,, 'DI'I LAS BSTAN PA'I PHYIR, DE NI SDUG BSNGAL KUN SKYED PA'I LAS CAN TE ZHES BYA BA SMRAS SO, ,DE NYID DGROL BA'I PHYIR, SDUG BSNGAL NI 'DIR ZHES BYA BA LA SOGS PA SMRAS TE, SDUG BSNGAL GSUM DANG LDAN PA'I PHYIR, PHUNG PO LNGA NI KHAMS GSUM DU CI RIGS PAR SDUG BSNGAL BAR 'DOD DO, ,'DIS SRID PA GSUM DU SKYE BA'AM, YANG SRID PA'I LAS 'BYUNG BAR BYED PAS, SRID PA LA NYE BAR LEN PA ZHES BYA STE, NYE BAR LEN PA DES NI SKYED PA'AM, DE LA RAG LAS TE 'BYUNG BA'AM, DE DAG LAS NYE BAR LEN PA 'DI 'BYUNG BA'I PHYIR NYE BAR LEN PA'I PHUNG PO RNAMS ZHES BYA'O, ,PHUNG PO DE NI 'DOD PA DANG GZUGS DANG GZUGS MED PA'I SRED PA'I DBANG GIS MNGON PAR 'GRUB PAS, DE'I PHYIR 'DOD CHAGS KYI LAS NI SDUG BSNGAL KUN SKYED PAR BSHAD DO, ,KHONG KHRO BA GANG YIN SNYAM PA LA KHONG KHRO BA NI SEMS CAN KUN LA KUN NAS MNAR SEMS PA STE ZHES BYA BA LA SOGS PA SMRAS TE, SEMS CAN RNAMS LA KUN NAS MNAR SEMS PA GANG YIN PA DANG, SEMS CAN RNAMS LA SEMS RTZUB PA GANG YIN PA DANG, GANG GIS NON NA SEMS CAN RNAMS LA BSAD PA DAD BCING BA LA SOGS @33A *, ,PAS GNOD PA BYA BAR SEMS PA DE KHONG KHRO BA'O, ,'DI'I LAS BSTAN PA'I PHYIR DE NI ZHES BYA BA LA SOGS PA SMRAS SO, ,DE DGROL BA'I PHYIR REG PA NI BDE BA STE ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DE JI LTAR SHES SNYAM PA LA KUN NAS MNAR SEMS KYI SEMS YOD NA ZHES BYA BA LA SOGS PA SMRAS TE, 'DI LTAR SDANG BA'I SEMS YOD NA GDON MI ZA BAR SDUG BSNGAL DANG YID MI BDE BA KUN TU 'BYUNG NGO, ,DE KUN TU BYUNG NA SEMS LA GDUNG BAR 'GYUR RO, ,SEMS LA GDUNG BAR GYUR NA DE'I RJES SU 'GYUR BA'I PHYIR LUS LA YANG GDUNG BAR 'GYUR TE, ,DE'I PHYIR DE SPYOD LAM THAMS CAD DU SDUG BSNGAL DANG BCAS SHING PHONGS PA DANG BCAS PAR GNAS PAR 'GYUR RO, ,ZHE 'GRAS PA'I SEMS GANG YIN PA DE NI NYES PAR SPYOD PA GANG DANG YANG RING BA MA YIN TE, DE'I PHYIR JI SKAD BRJOD PA DE NI KHONG KHRO BA'I LAS SU BSHAD DO, ,GTI MUG GANG YIN SNYAM PA LA, GTI MUG NI NGAN SONG RNAMS DANG ZHES BYA BA LA SOGS PA SMRAS TE, NGAN SONG LA SOGS PA MI SHES PA GANG YIN PA DE NI GTI MUG GO, ,RGYU DANG 'BRAS BUR 'BREL PA PHYIN CI MA LOG PA ZHES BYA BA LA, DGE BA'I 'BRAS BU 'DOD PA DANG MI DGE BA'I 'BRAS BU MI 'DOD PA NI PHYIN CI MA LOG PA NYID DO, ,'DI'I LAS BSTAN PA'I PHYIR 'DI NI ZHES BYA BA LA SOGS PA SMRAS SO, ,DE DGROL BA'I PHYIR, DE LA NYON MONGS PA DANG LAS DANG SKYE BA'I BDAG NYID NI ZHES BYA BA LA SOGS PA SMRAS TE, NYON MONGS PA'I BDAG NYID DANG, LAS KYI BDAG NYID DANG SKYE BA'I BDAG NYID NI KUN NAS NYON MONGS PA RNAM PA GSUM MO, ,KUN NAS NYON MONGS PA DE RNAM PA GSUM LAS, KUN NAS NYON MONGS PA SNGA MA SNGA MA RGYUR GYUR PA LAS, KUN NAS NYON MONGS PA PHYI MA PHYI MA'I BDAG NYID RNYED PAR DE 'BYUNG BA ZHES BYA BA BRJOD DO, ,DE 'BYUNG BA'I RTEN BYED PA NI 'DI LTAR RIG PAR BYA STE, 'DI LTAR RMONGS PAR GYUR NA LOG PAR SHES PA LA SOGS PA KUN NAS NYON MONGS PA 'BYUNG GI RMONGS PAR MA GYUR NA MI 'BYUNG NGO, ,NGA RGYAL GANG YIN SNYAM PA LA, ,NGA RGYAL NI ZHES BYA BA @33B SMRAS SO, ,DE DGROL BA'I PHYIR, NGA RGYAL ZHES BYA BA LA SOGS PA SMRAS TE, NGA RGYAL THAMS CAD KYANG 'JIG TSOGS LA LTA BA LA BRTEN NAS 'BYUNG NGO, ,'DI'I NGO BO NYID NI SEMS KHENGS PA'I NGO BO NYID DO, ,'JIG TSOGS LA LTA BA LA NGA RGYAL GNAS ZHES BYA BA 'DI CI'I PHYIR SNYAM PA LA, 'DI LTAR PHUNG PO RNAMS LA ZHES BYA BA LA SOGS PA SMRAS SO, ,'DI LTAR PHUNG PO RNAMS LA BDAG GAM BDAG GI NGO BO NYID DU SGRO BTAGS NAS 'DI NI NGA STE 'DI LTAR MKHAS SO, ,'DI NI NGA'I STE 'DI LTAR PHYUG GO SNYAM PA LA SOGS PA'I BYE BRAG GIS BDAG KHENGS SHING GZHAN DAG LAS LHAG PAR RLOM SEMS PA STE, DE'I PHYIR NGA RGYAL NI 'JIG TSOGS LA GNAS ZHES BYA'O, ,'DI'I LAS BSTAN PA'I PHYIR, DE NI MI GUS PA DANG ZHES BYA BA LA SOGS PA SMRAS TE, 'DI'I LAS NI MI GUS PA DANG, SDUG BSNGAL 'BYUNG BA'I RTEN BYED PA'O,, MI GUS PA ZHES BYA BA 'DI JI LTA BU ZHIG SNYAM PA LA, MI GUS PA NI BLA MA RNAMS DANG ZHES BYA BA LA SOGS PA SMRAS TE, ,SLOB DPON LA SOGS PA BLA MA RNAMS DANG, DE LAS GZHAN PA GANG ZAG YON TAN CAN RNAMS LA 'GYED ZHING, LUS DANG NGAG GIS SRID ZHU MI BYED PA GANG YIN PA DE NI MI GUS PA'O, ,'GYING BA ZHES BYA BA NI MI 'DUD PA'O, ,SRID ZHU MI BYED CES BYA BA NI LUS MI LDANG BA DANG, TSIG GIS LEGS PAR 'ONGS SAM ZHES BYA BA LA SOGS PA MI ZER BA'O, ,SDUG BSNGAL 'BYUNG BA ZHAS BYA BA 'DI GANG YIN SNYAM LA, SDUG BSNGAL 'BYUNG BA NI ZHES BYA BA LA SOGS PA SMRAS TE, TSE GZHAN 'BYUNG BA GANG YIN PA DE NI 'DIR SDUG BSNGAL 'BYUNG ZHES BYA BAR 'DOD DO, ,'DI'I RAB TU DBYE BA BSTAN PA'I PHYIR DE NI SEMS KHENGS PA'I RANG GI NGO BOR BYE BRAG MED KYANG ZHES BYA BA LA SOGS PA SMRAS TE, SEMS KHENGS PA'I RANG GI NGO BOR BYE BRAG MED KYANG, DE'I RGYU'I BYE BRAG GIS RNAM PA BDUN DU THA DAD DE, NGA RGYAL DANG CHE BA'I NGA RGYAL DANG ZHES BYA BA LA SOGS PAS DE'I DBYE BA STON TO, ,NGA RGYAL GANG YIN PA LA, RIGS DANG SHES RGYA DANG NOR LA SOGS PAS DMA' BA BAS @34A *, ,ZHES BYA BA LA SOGS PA SMRAS TE, RIGS LA SOGS PAS DMA' BA BAS BDAG CHE'I SNYAM PA'AM, RIGS LA SOGS PAS MTSUNGS SO SNYAM DU SEMS KHENGS PA GANG YIN PA DE NI NGA RGYAL LO, ,RIGS LA SOGS PAS MTSUNGS PA BAS, GTONG BA'AM TSUL KHRIMS LA SOGS PAS BDAG CHE'O SNYAM PA'AM, RIGS LA SOGS PAS CHE BA LA SHES RGYA DANG NOR LA SOGS PA BDAG DANG MTSUNGS SO SNYAM DU DE LTAR SEMS KHENGS PA GANG YIN PA DE NI CHE BA'I NGA RGYAL LO, ,RIGS LA SOGS PAS CHE BA BAS KYANG, SHES RGYA DANG NOR LA SOGS PAS BDAG CHE'O SNYAM DU DE LTAR SEMS KHENGS PA GANG YIN PA DE NI NGA RGYAL LAS KYANG NGA RGYAL LO, ,GSUM PO DE DAG NI DNGOS PO BCAS PA STE, 'DI LTAR DE DAG NI RIGS LA SOGS PA YOD PA RNAMS LAS 'BYUNG NGE, ,GZHAN DU NA NI LOG PA'I NGA RGYAL DANG BYE BRAG MED PAR 'GYUR RO, ,DANG PO NI CHUNG DU LAS LTOS, GNYIS PA NI MTSUNGS PA LAS LTOS, GSUM PA NI KHYAD PAR DU 'PHAGS PA LAS LTOS NAS, BDAG KHYAD ZHUGS PAR SEMS PA STE, BYE BRAG GO, ,SHES RGYA NI 'DIR RI MO LA SOGS PA LA MKHAS PA LA BYA'O,, NOR GYI SGRA NI RDZAS LA BYA'O, ,NGA'O SNYAM PA'I NGA RGYAL GANG YIN SNYAM PA LA, NGA'I SNYAM PA'I NGA RGYAL NI ZHES PA LA SOGS PA SMRAS TE, NYE BAR LEN PA'I PHUNG PO LNGA PO YANG DAG PA'I DON DU NA, BDAG DANG BDAG GI MED PA RNAMS LA BDAG DANG BDAG GIR MNGON PAR ZHEN NAS, SEMS KHENGS PA GANG YIN PA DE NGA'I SNYAM PA'I NGA RGYAL ZHES BYA'O, ,MNGON PA'I NGA RGYAL GANG YIN SNYAM PA LA, MNGON PA'I NGA RGYAL NI ZHES BYA BA LA SOGS PA SMRAS TE, 'DOD CHAGS DANG ZHE SDANG DANG GTI MUG LA SOGS PA DE LAS BYUNG BA'I LUS DANG YID KYI LAS NI MI'I CHOS SO; ;DE'I GNYEN POR GYUR PA GANG BSAM GTAN DANG SNYOMS PAR 'JUG PA LA SOGS PA NI MI'I CHOS DE DAG LAS BLA MAR GYUR PA DE LAS KHYAD PAR ZHES BYA STE, KHYAD PAR DE LTA BU MA THOB PAR BDAG GIS YANG DAG PAR THOB BO SNYAM DU SEMS KHENGS PA GANG YIN PA DE NI MNGON PA'I @34B NGA RGYAL ZHES BYA'O, ,CHUNG ZAD SNYAM PA'I NGA RGYAL GANG YIN SNYAM PA LA, CHUNG ZAD SNYAM PA'I NGA RGYAL NI ZHES BYA BA LA SOGS PA SMRAS TE, RIGS LA SOGS PA KHYAD CHES 'PHAGS PA BAS RIGS LA SOGS PA CUNG ZAD CIG GIS BDAG CHUNG NGO SNYAM DU SEMS KHENGS PA SKYE BA GANG YIN PA DE CHUNG ZAD SNYAM PA'I NGA RGYAL ZHES BYA'O, ,LOG PA'I NGA RGYAL GANG YIN SNYAM PA LA, LOG PA'I NGA RGYAL NI ZHES BYA BA LA SOGS PA SMRAS TE, YON TAN MA YIN PA DANG LDAN LA, BDAG YON TAN DANG LDAN NO SNYAM DU SEMS KHENGS PA SKYE BA GANG YIN PA DE LOG PA'I NGA RGYAL ZHES BYA'O, ,CI'I PHYIR LOG PA'I NGA RGYAL ZHES BYA SNYAM PA LA, YON TAN MA YIN PA LA ZHES BYA BA LA SOGS PA SMRAS TE, TSUL KHRIMS 'CHAL BA LA SOGS PA NI YON TAN MA YIN PA STE, DE DAG NI SU LA YOD PA DE YON TAN MA YIN PA DANG LDAN PA'O, ,DE'I PHYIR BDAG YON TAN DANG LDAN NO SNYAM PA 'DIS SBYIN PA DANG TSUL KHRIMS LA SOGS PA MED KYANG, 'DI LTAR YON TAN DANG LDAN PAR KHAS BLANGS PA YIN TE, DE BAS NA DNGOS PO MED PA'I PHYIR LOG PA'I NGA RGYAL ZHES BYA'O, ,NYES PA RNAMS KYI GZHI YIN DU ZIN KYANG, ,DE DAG YON TAN MA YIN PAS YON TAN RNAMS LA LTOS NAS, DNGOS PO MED PA NYID YOD PA KHO NA'O, ,DNGOS PO MED PA NA ZHES BYA BAS NI GZHI MED PAS NA ZHES BYA BA'I THA TSIG GO, ,LTA BA GANG YIN SNYAM PA LA, LTA BA ZHES BYA BA NI ZHES BYA BA LA SOGS PA SMRAS SO, ,LTA BA ZHES BYA BA'I PHYIR BSHAD PA BYAS SU ZIN KYANG SNGA MA KHO NA STE, 'JIG TSOGS LA LTA BA ZHES BYA BA LA SOGS PA'I LTA BA LNGA DANG SBYAR TE, 'DI LTAR 'DIR NYON MONGS PA'I SKABS YIN PA'I PHYIR RO, ,DE DAG NI NYON MONGS PA'I NGO BO NYID DE, 'JIG RTEN PA'I YANG DAG PA'I LTA BA'AM, ZAG PA MED PA NI MI GZUNG NGO,, CI'I PHYIR 'DI DAG GI BYE BRAG 'DI BYA SNYAM PA LA, DE DAG NI NYON MONGS PA CAN DANG RTOG PA'I TSUL DU BYE BRAG MED KYANG ZHES BYA BA LA SOGS PA SMRAS TE, DE DAG NYON MONGS PA CAN DANG RTOG PA'I TSUL DU BYE BRAG MED DU ZIN KYANG, DMIGS PA'I BYE BRAG DANG RNAM PA'I BYE BRAG GIS @35A *, ,PHAN TSUN THA DAD DO, ,'JIG TSOGS LA LTA BHA GANG YIN SNYAM PA LA, DE LA 'JIG TSOGS LA LTA BA NI ZHES BYA BA LA SOGS PA SMRAS TE, NYE BAR LEN PA'I PHUNG PO LNGA PO DAG LA, BDAG GI RNAM PA DANG, BDAG GI RNAM PA DANG, BDAG GI BA'I RNAM PAR MTHONG BA YANG YIN PA DE 'JIG TSOGS LA LTA BA'O, ,ZAG PA DANG BCAS PA'I PHUNG PO RNAMS NI NYE BAR LEN PA'I PHUNG PO RNAMS ZHES BYA'O, ,MTHAR 'DZIN PAR LTA BA GANG YIN SNYAM PA LA, MTHAR 'DZIN PAR LTA BA NI ZHES BYA BA LA SOGS PA SMRAS TE, NYE BAR LEN PA'I PHUNG PO LNGA PO RNAMS LA, BDAG DANG BDAG GIR SNGAR BZUNG BA RNAMS LA PHYIS CHAD PA'I RNAM PA'AM, RTAG PA'I RNAM PAR MTHONG BA GANG YIN PA DE MTHAR 'DZIN PAR LTA BA'O, ,'DZIN PA SNGON DU GTONG BA'I LTA BA NI MTHAR 'DZIN PA'I LTA BAS TE, 'JIG TSOGS LA LTA BA SNGON DU GTANG ZHES BYA BA'I THA TSIG GO,, MTHA' GNYIS PAR LTA BA NI MTHAR 'DZIN PAR LTA BA'O, ,LOG PAR LTA BA GANG YIN SNYAM PA LA, LOG PAR LTA BA NI ZHES BYA BA LA SOGS PA SMRAS TE, LTA BA GANG GI SBYIN PA DANG MCHOD SBYIN DANG, SBYIN SREG DANG LEGS PAR SPYOD PA DANG, NYES PAR SPYOD PA'I MTSAN NYID KYI RGYU LA SKUR BA 'DEBS PA DANG, 'BRAS BU RNAM PAR SMIN PA 'JIG RTEN 'DI DANG, 'JIG RTEN PHA ROL GYI MTSAN NYID KYI 'BRAS BU LA SKUR BA 'DEBS PA DANG, PHA MA'I BYED PA LA SKUR BA 'DEBS PA DANG, LTA BA GANG YIS DGRA BCOM PA LA SOGS PA YOD PA'I DNGOS PO 'JIG PA DE NI LTA BA THAMS CAD PAS CHES SDIG PA'I PHYIR LOG PAR LTA BA ZHES BYA'O, ,LTA BA MCHOG TU 'DZIN PA GANG YIN SNYAM PA LA, LTA BA MCHOG TU 'DZIN PA NI ZHES BYA BA LA SOGS PA SMRAS SO, ,NYE BAR LEN PA'I PHUNG PO LNGA PO DAG LA MCHOG DANG, KHYAD PAR DU 'PHAGS PA DANG, GTZO BO DANG DAM PA'I RNAM PAR LTA BA YANG YIN PA DE LTA BA MCHOG TU 'DZIN PA STE, PHUNG DU PHYIN PAS MCHOG GO, ,GZHAN DAG LAS KYANG KHYAD ZHUGS PAS KHYAD PAR DU 'PHAGS PA'O, ,LHAG MA MED PAS GTZO BO'O, ,MTSUNGS PA MED PAS DAM PA'O, ,TSUL KHRIMS DANG @35B BRTUL ZHUGS MCHOG TU 'DZIN PA GANG YIN SNYAM PA LA TSUL KHRIMS DANG BRTUL ZHUGS MCHOG TU 'DZIN PA NI ZHES BYA BA LA SOGS PA SMRAS SO, ,NYE BAR LEN PA'I PHUNG PO LNGA PO DAG LA 'DAG PA DANG 'GROL BA DANG, NGES PAR 'BYIN PA'I RNAM PAR LTA BA GANG YIN PA DE NI TSUL KHRIMS DANG BRTUL ZHUGS MCHOG TU 'DZIN PA STE, SDIG PA'I DRI MA 'KHRU BAS 'DAG PA'O, ,NYON MONGS PA'I 'CHING BA DANG 'BRAL BAS 'GROL BA'O, ,MYA NGAN LAS 'DAS PAR PHYIN PAR BYED PAS NGES PAR 'BYIN PA'O, ,THE TSOM GANG YIN SNYAM PA LA, THE TSOM NI ZHES BYA BA LA SOGS PA SMRAS TE; LAS RNAMS DANG 'BRAS BU RNAMS DANG, BDEN PA RNAMS DANG, DKON MCHOG RNAMS LA YID GNYIS ZA BA GANG YIN PA DE THE TSOM MO, ,RNAM PAR BSGRUB PA BSTAN PA'I PHYIR, BLO SNA TSOGS SU BYED PA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,GAL TE BLO SNA TSOGS SU BYED PA LA YID GNYIS ZHES BYA BA NI, DE LTAR NA SHES RAB TU 'GYUR RO SNYAM PA LA 'DI NI SHES RAB LAS RANG BZHIN GZHAN NYID DO ZHES BYA BA SMRAS TE, SHES RAB NI RAB TU RNAM PAR 'BYED PA'I NGO BO NYID DO, ,'DI NI RNAM PA GNYIS SU 'JUG PA SE, DE'I PHYIR SHES RAB LAS DON GZHAN NO, ,'OG MA DANG MTSAMS SBYAR BAR BYA BA'I PHYIR, NYON MONGS PA DRUG BSHAD ZIN TO ZHES BYA BA SMRAS TE, DON DE NI BRDA PHRAD PAR ZAD DO, ,NYE BA'I NYON MONGS PA RNAMS BSTAN PA'I PHYIR, KHRO BA DANG KHON DU 'DZIN PA DANG ZHES BYA BA LA SOGS PA SMRAS SO, ,GNYIS RNAM GNYIS ZHES BYA BA NI GNYIS GNYIS PA RNAM PA GNYIS TE, DE'I PHYIR GZHI LA RNAM PA GNYIS SU BSTAN PA YIN NO, ,KHOR BA GANG YIN SNYAM PA LA, DE LA KHRO BA NI ZHES BYA BA LA SOGS PA SMRAS SO, ,'PHRAL DU GNOD PAR BYED PA LA GNAS TE, SEMS KYIS KUN NAS MNAR SEMS SKYE BA GANG YIN PA DE KHRO BA'O, ,KHRO BA 'DI NI KUN NAS MNAR SEMS KYI NGO BO NYID YIN PAS KHONG KHRO BA DANG THA DAD PA MA YIN MOD KYI, KHONG KHRO BA DE NYID KYI GNAS SKABS KYI BYE BRAG 'GA' ZHIG LA GDAGS SO, ,DE LTAR NA KHONG KHRO BA'I CHAR GTOGS PA DE NYID DE GUD NA MED DO,, @36A *, ,GNAS SKABS KYI BYE BRAG GANG LA GDAGS SNYAM PA LA, 'PHRAL DU GNOD PA BYED PA LA GNAS TE ZHES BYA BA LA SOGS PA SMRAS SO, ,JI SRID DU GNOD PAR BYED PA MI LDOG PA DE SRID DU SEMS CAN DANG, SEMS CAN MA YIN PA'I YUL LA SEMS KYIS KUN NAS MNAR SEMS SKYE BA GANG YIN PA DE KHRO BA ZHES GDAGS SO, ,DE'I LAS NI CHAD PAS GCOD PA LA SOGS PA'I RTEN BYED PA'O, ,SEMS CAN DANG SEMS CAN MA YIN PA'I YUL LA ZHES BYA BA NI YUL SROG CHAGS DANG, YUL DUG DANG, MTSON CHA DANG, TSER MA LA SOGS PA'O ZHES BYA BA'I THA TSIG GO, ,CHAD PAS GCOD PA ZHES BYA BA NI NOR 'BUL DU 'JUG PA LA BYA'O, ,SOGS PA BYA BA NI GSOD PA DANG, 'CHING BA LA SOGS PA'O, ,KHON DU 'DZIN PA GANG YIN SNYAM PA LA, KHON DU 'DZIN PA NI ZHES BYA BA LA SOGS PA SMRAS SO, , DE DGROL BA'I PHYIR KHROS PA'I 'OG TU ZHES BYA BA LA SOGS PA SMRAS TE, KHROS PA ZHI NAS BDAG NI MI 'DI LTA BU YIN NA 'DIS BDAG LA GNOD PA 'DI LTA BU BYAS KYI GAL TE BDAG GIS 'DI LA SHA MA BLAN NA GSON PA'I MI GRANGS TE, MIR YANG MI BRTZI'O SNYAM DU SEMS MDUD PAR 'DZIN PA'I BDAG NYID SHAR GNYER BA'I RNAM PA DE LTA BU DE MI GTONG BAR RGYUN DU 'BYUNG BA GANG YIN PA DE KHON DU 'DZIN PA ZHES BYA'O, ,'DI'I LAS BSTAN PA'I PHYIR, 'DI NI MI BZOD PA'I RTEN BYED PA'I LAS CAN NO ZHES BYA BA SMRAS TE, 'DI'I LAS NI MI BZOD PA'I RGYU NYID DO, ,MI BZOD PA BSTAN PA'I PHYIR, GNOD PAR BYED PA LA JI MI SNYAM PAR ZHES BYA BA LA SOGS PA SMRAS TE, LAN DU GNOD PA BYED 'DOD PA NI MI BZOD PA ZHES BRJOD DO, ,'DI BTAGS PA'I YOD PA BSTAN PA'I PHYIR, 'DI YANG KHRO BA BZHIN DU ZHES BYA BA LA SOGS PA SMRAS SO, ,DE NI GO SLA BAS MA BSHAD DO, ,'CHAB PA GANG YIN SNYAM PA LA, 'CHAB PA NI ZHES BYA BA LA SOGS PA SMRAS TE, DE DGROL BA'I PHYIR, 'DUN PA DANG, ZHE SDANG DANG 'JIGS PA LA SOGS PA BRTZAL TE ZHES BYA BA LA SOGS PA SMRAS TE, GLENG BA PO GANG 'DUN PA LA SOGS PAS 'GRO @36B BAR BYA BA MA YIN PAR MI 'GRO BA GLENG BAR BYA BA LA PHAN PAR 'DOD PA'I GLENG BA PO RNAM PA DE LTA BU DES GLENG BA'I DUS SHES NAS KHYOD 'DI LTA BU BYED PA'O ZHES SMRAS SHING, GLENGS NA GTI MUG GI CHAR GTOGS PAS, ,KHA NA MA THO BA MKHYUD PA SKYE BA GANG YIN PA DE 'CHAB PA ZHES BYA'O,, 'DI JI LTAR GTI MUG GI CHAR GTOGS SNYAM PA LA, 'CHAB PA NI GTI MUG GI CHAR GTOGS PA NYID DE ZHES BYA BA LA SOGS PA SMRAS SO, ,'DI LTAR 'CHAB PA NI MKHYUD PA'I RNAM PA YIN TE, DE'I PHYIR GTI MUG GI CHAR GTOGS PA'O, ,'DI'I LAS BSTAN PA'I PHYIR, 'DI NI 'GYOD PA DANG ZHES BYA BA LA SOGS PA SMRAS SO, ,DE DGROL BA'I PHYIR, 'DI NI CHOS NYID YIN TE ZHES BYA BA LA SOGS PA SMRAS SO, ,'DI NI SKYE BO'AM CHOS RNAMS KYI RANG BZHIN YIN TE, 'DI LTAR SDIG PA MKHYUD BA'I MI LA 'GYOD PA SKYE'O, ,'GYOD PA NI GDON MI ZA BAR YID MI BDE BA DANG MTSUNGS PAR LDAN NO, ,DE'I PHYIR YID MI BDE BA DANG MTSUNGS PAR LDAN NA REG PAR MI GNAS PAR 'GYUR RO, ,'TSIG PA GANG YIN SNYAM PA LA, 'TSIG PA NI ZHES BYA BA LA SOGS PA SMRAS TE, TSIG BRLANG PO ZHER 'DEBS PA NI 'TSIG PA'O, ,TSIG BRLANG PO BSTAN PA'I PHYIR TSIG BRLANG PO NI ZHES BYA BA LA SOGS PA SMRAS TE, MTSANG 'BRU BA'I TSUL GYIS ZHE GCOD BA DANG DRAG PA GANG YIN PA DE TSIG BRLANG BA'O, ,DRAG PA ZHES BYA BA NI 'JEBS PA'O, ,ZHER 'DEBS PA NYID BSTAN PA'I PHYIR, ZHER 'DEBS PAR BYED PA'I DANG TSUL NI ZHES BYA BA LA SOGS PA SMRAS SO, ,SEMS LAS BYUNG BA 'DI NI ZHER 'DEBS PA'I RANG BZHIN TE, DE'I PHYIR ZHER 'DEBS PA'O, ,DE'I DNGOS PO NI ZHER 'DEBS PA NYID DO, ,DE BAS NA SEMS LAS BYUNG BA DE NYID TSIG BRLANG PO ZA BA DANG 'DRA BAS TSIG BRLANG POS ZHER 'DEBS PA NYID KYI SGRAR BRJOD DO, ,'DI BTAGS PA'I YOD PA BSTAN PA'I PHYIR, 'DI YANG KHRO BA DANG ZHES BYA BA LA SOGS PA SMRAS TE, KHRO BA DANG KHON DU 'DZIN PA SNGON DU 'GRO BA NI KHRO BA DANG KHON DU 'DZIN PA RGYU YIN NO, ,LHAG MA NI GO SLA BAS MA BSHAD DO, ,'DI'I LAS BSTAN PA'I PHYIR, 'DI NI @37A *, ,NGAG GI NYES PAR SPYOD PA SKYES PA'I LAS CAN NO ZHES BYA BA SMRAS TE, DE NI GO SLA BAS MA BSHAD DO, ,LAS CIG SHOS KYI GTAN TSIGS BSTAN PA'I PHYIR, DE DANG LDAN PA'I GANG ZAG DANG 'GROGS PAR DKA' BA'I PHYIR RO ZHES BYA BA SMRAS SO, ,'DI LTAR GANG ZAG GANG ZHER 'DEBS PA DANG LDAN PA DE LHAN CIG GNAS PAR DKA' STE, DE'I PHYIR ZHER 'DEBS PA NI REG PAR MI GNAS PA'I LAS CAN NO, ,PHRAG DOG GANG YIN SNYAM PA LA, PHRAG DOG NI ZHES BYA BA LA SOGS PA SMRAS SO, ,DE DGROL BA'I PHYIR 'THOB PA DANG BKUR STI LA LHAG PAR CHAGS PAS ZHES BYA BA LA SOGS PA SMRAS SO, ,RANG GI 'THOB PA DANG BKUR STI LA LHAG PAR CHAGS PAS GZHAN DAG GI 'THOB PA DANG, BKUR STI DANG RIGS DANG TSUL KHRIMS LA SOGS PA'I YON TAN GYI KHYAD PAR DMIGS NAS, ZHE SDANG GI CHAR GTOGS PA MI BZOD PAR BYAS PA'I SEMS KHONG NAS 'KHRUGS PA SKYE BA GANG YIN PA DE PHRAG DOG GO, ,RNAM PA BSGRUB PA BSTAN PA'I PHYIR, RANG GI GNAS LA KHYAB PAR 'KHRUGS PAS KHONG NAS 'KHRUGS PA STE ZHES BYA BA SMRAS TE, DE NI GO SLA BAS MA BSHAD DO, ,'DI'I LAS BSTAN PA'I PHYIR; YID MI BDE BA ZHES BYA BA LA SOGS PA SMRAS TE, GANG GI PHYIR YID BDE BA DANG MTSUNGS PAR LDAN PA DANG, GANG GI PHYIR YID MI BDE BA SNGON DU 'GRO BA NI REG PAR MI GNAS PAS, DE'I PHYIR NA GNYI GA'I LAS CAN ZHES BYA'O, ,SER SNA GANG YIN SNYAM PA LA, SER SNA NI ZHES BYA BA LA SOGS PA SMRAS TE, SBYIN PA DANG MI MTHUN PA SEMS KYI KUN TU 'DZIN PA GANG YIN PA DE SER SNA'O, ,SBYIN PA BSTAN PA'I PHYIR, ZIN PA'I DNGOS PO ZHES BYA BA LA SOGS PA SMRAS TE, CHOS DANG ZANG ZING DANG MKHAS PA'I BDAG NYID KYI DNGOS PO BDAG GIR YONGS SU BZUNG BA RNAMS SEMS GANG GIS CHOD PA'I PHYIR RAM, PHAN GDAGS PA'I PHYIR 'DOD PA'AM MI 'DOD PA YANG RUNG STE, SBYIN PAR BYED PA DE NI SBYIN PA'O, ,JI LTAR NA SBYIN PA DANG MI MTHUN PA ZHES BYA SNYAM PA LA, DE YOD NA SBYIN PA MED PAR 'GYUR BA'I PHYIR ZHES BYA BA LA SOGS PA SMRAS SO, , @37B 'DI LTAR SER SNA YOD NA SBYIN PA MED PAR 'GYUR TE, DE'I PHYIR DE DANG MI MTHUN PA ZHES BYA'O, ,'DI NYID LA BSHAD PA GZHAN BYA BA'I PHYIR, RNYED PA DANG BKUR STI LA CHAGS NAS ZHES BYA BA LA SOGS PA SMRAS TE, RNYED PA DANG BKUR STI'AM 'TSO BA'I YO BYAD RNAMS LA 'DOD CHAGS KYI CHAR GTOGS PA'I SEMS KYI KUN TU 'DZIN PA DANG, YONGS SU MI GTONG BAR 'DOD PA'I MTSAN NYID GANG YIN PA DE SER SNA'O, ,'DI'I LAS BSTAN PA'I PHYIR, DE NI ZHES BYA BA LA SOGS PA SMRAS SO, ,DE DGROL BA'I PHYIR, YO BYAD MA BSNYUNGS PA NI ZHES BYA BA LA SOGS PA SMRAS TE, MI MKHO BA'I YO BYAD LHAG PA GANG YIN PA DE DAG SER SNAS SOGS PA GANG YIN PA DE NI 'DIR YO BYAD MA BSNYUNGS PA'O, ,SGYU GANG YIN SNYAM PA LA, SGYU NI ZHES BYA BA LA SOGS PA SMRAS SO, ,DE DGROL BA'I PHYIR, RNYED PA DANG BKUR STI LA LHAG PAR CHAGS PAS ZHES BYA BA LA SOGS PA SMRAS TE, RNYED PA LA LHAG PAR CHAGS PAS GZHAN DAG SLU'O SNYAM PA'I BSAM PA DES TSUL KHRIMS DANG RIGS LA SOGS PA GZHAN DU GNAS LA, GZHAN DU STON PAR BYED PA GANG YIN PA DE SGYU STE, SLU ZHES BYA BA'I THA TSIG GO, ,'DI BTAGS PA'I YOD PA BSTAN PA'I PHYIR, 'DI NI 'DOD CHAGS DANG GTI MUG 'DUS PAS ZHES BYA BA LA SOGS PA SMRAS SO, ,'DI LTAR 'DOD CHAGS DANG GTI MUG 'DUS PAS YANG DAG PA MA YIN PA'I YON TAN RNAMS STON TE, DE'I PHYIR DE GNYIS 'DUS PA LA GDAGS SO, ,DE BAS NA KHRO BA LA SOGS PA BZHIN DU BTAGS PA NYID DU YOD KYI RDZAS SU NI MED DO, ,'DI'I LAS BSTAN PA'I PHYIR, LOG PAS 'TSO BA'I RTEN BYED PA'I LAS CAN NO ZHES BYA BA SMRAS TE, 'DI'I LAS NI LOG PAS 'TSO BA'I SGYU NYID DO, ,G-YO GANG YIN SNYAM PA LA, G-YO NI ZHES BYA BA LA SOGS PA SMRAS TE, RANG GI NYES PA RNAMS MKHYUD PA'I THABS GANG YIN PA DER GTOGS PA'I SEMS GYA GYU BA GANG YIN PA DE G-YO'O, ,THABS GANG YIN SNYAM PA LA, RANG GI NYES PA BCAB PA'I THABS NI ZHES BYA BA LA SOGS PA SMRAS TE, RNAM PA GANG GIS GZHAN MGO RMONGS PAR BYED PA DE RANG GI NYES PA MKHYUD PA'I THABS SO, ,CI'I PHYIR GZHAN @38A *, ,MGO RMONGS PAR BYED PA ZHES SNYAM PA LA, DE YANG GZHAN NAS GZHAN DU BSGYUR BA DANG ZHES BYA BA LA SOGS PA SMRAS TE, GZHAN NAS GZHAN DU BSGYUR BA DANG, GTAM RLUNG BSKUR BA DANG, GSAL BAR MI BYED PA GANG YIN PA DE GZHAN MGO RMONGS PA BYED PA'O, ,GZHAN NAS GZHAN DU BSGYUR BA ZHES BYA BA NI DRIS NA GZHAN GYIS LAN 'DEBS ZHES BYA BA'I THA TSIG GO, ,GTAM RLUNG BSKUR ZHES BYA BA NI GTAM DE GZHAN DU BSGYUR BA'O, ,GSAL BAR MI BYED CES BYA BA NI NGAS BYAS SO ZHES NOG NGO PO'I TSUL DU SMRA BA'O, ,DE NI 'DI SKAD DU CI DRIS KYANG BDAG GI NYES PA MI SMRA BA DANG, GSAL POR MI SMRA BA'I TSUL DU BYED PA'O ZHES BSTAN PAR 'GYUR RO, ,'CHAB PA DANG 'DI'I BYE BRAG BSTAN PA'I PHYIR, ,DE'I PHYIR ZHES BYA BA LA SOGS PA SMRAS TE, 'DI LTAR G-YO NI GTAM RLUNG BSKUR BA DANG, GSAL BAR MI BYED PA YIN GYI, GCIG TU 'CHAB PAR MI BYED DE, DE'I PHYIR DE 'CHAB PA DANG THA DAD DO, ,'CHAB PA NI 'DI LTAR GSAL POR MKHYUD PAR BYED KYI, THABS KYIS NI MA YIN NO, ,ZUR GYIS NI MA YIN NO ZHES BYA BA NI THABS KYIS MA YIN NO ZHES BYA BA'I THA TSIG GO,, 'DI'I BRTAGS PA'I YOD PA BSTAN PA'I PHYIR, 'DI NI ZHES BYA BA LA SOGS PA SMRAS TE, RNYED PA DANG BKUR STI LA LHAG PAR CHAGS NAS CHAGS PA DANG GTI MUG DE GNYIS KYI RANG GI NYES PA MKHYUD PA'I PHYIR, GZHAN MGO RMONGS PAR BYED PAS DE GNYIS 'DUS PA NYID LA GDAGS SO, , 'DI'I LAS BSTAN PA'I PHYIR, 'DI NI ZHES BYA BA LA SOGS PA SMRAS SO, ,DE DGROL BA'I PHYIR, YANG DAG PA'I GDAMS NGAG NI ZHES BYA BA LA SOGS PA SMRAS TE, G-YO NI TSUL BZHIN YID LA BYED PA YANG DAG PA'I GDAMS NGAG RNYED PA DE LA BAR CHAD BYED DO, ,DE LTAR G-YO NI YANG DAG PA'I GDAMS NGAG TSUL BZHIN YID LA BYA BA DE THOB PA'I BAR CHAD BYED PAR RUNG STE, 'DI LTAR GANG DAG G-YO MED PA DE DAG BLA MA RNAMS YANG DAG PA'I LUNG 'BOGS SO,, ,,BAM PO BZHI PA, RGYAGS PA GANG YIN SNYAM PA LA RGYAGS PA NI ZHES BYA BA LA SOGS PA SMRAS @38B TE, BDAG GI PHUN SUM TSOGS PA LA LHAG PAR CHAGS PA'I DGA' BA'I KHYAD PAR GYIS SEMS BDAG GI DBANG DU BYED PA GANG YIN PA DE RGYAGS PA'O, ,BDAG GI PHUN SUM TSOGS PA DE GANG YIN SNYAM PA LA, RIGS DANG NAD MED PA LA ZHES BYA BA LA SOGS PA SMRAS TE, RIGS LA SOGS PA MCHOG TU GYUR PA GANG YIN PA DE BDAG GI PHUN SUM TSOGS PA'O, ,RAB TU DGA' BA NI GANG YIN SNYAM PA LA, RAB TU DGA' BA NI ZHES BYA BA LA SOGS PA SMRAS TE, DGA' BA'I BYE BRAG NYID 'GA' ZHIG LA RAB TU DGA' BA ZHES BYA'O, ,YONGS SU 'DZIN PA DE JI LTA BU ZHIG SNYAM PA LA, DGA' BA'I BYE BRAG GANG GIS ZHES BYA BA LA SOGS PA SMRAS TE, DGA' BA'I BYE BRAG GANG GIS SEMS RANG GI DBANG DU BYED CING, DGE BA'I PHYOGS KYI BYA BA LA 'JUG PA MI RNYED PA'I DGA' BA'I BYE BRAG GIS SEMS DE BDAG GI DBANG DU BYED PAS, YONGS SU ZIN PAR 'GYUR BA DE SEMS YONGS SU 'DZIN PA'O, ,LAS BSTAN PA'I PHYIR, 'DI NI ZHES BYA BA LA SOGS PA SMRAS SO, ,'DI'I LAS NI NYON MONGS PA DANG, NYE BA'I NYON MONGS PA THAMS CAD KYI RGYU NYID DE, 'DI LTAR RGYAGS PA LAS NI NYON MONGS PA DANG NYE BA'I NYON MONGS PA THAMS CAD 'BYUNG NGO, ,RNAM PAR 'TSE BA GANG YIN SNYAM PA LA, ,RNAM PAR 'TSE BA NI ZHES BYA BA LA SOGS PA SMRAS SO, ,DE DGROL BA'I PHYIR BSAD PA DANG, BCING BA DANG BRDEG PA DANG BSDIG PA LA SOGS PA SNA TSOGS KYIS ZHES BYA BA LA SOGS PA SMRAS TE, BSAD PA DANG BCING BA LA SOGS PA RNAM PA SNA TSOGS KYIS SEMS CAN RNAMS LA 'TSE BAS RNAM PAR 'TSE BA'O, ,RNAM PAR THO 'TSEMS PA JI LTA BU ZHIG SNYAM PA LA, 'DIS BSAD PA DANG BCINGS PA LA SOGS PAS SEMS CAN RNAMS LA RNAM PAR THO 'TSAMS PAS ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'DI BTAGS PA'I YOD PA BSTAN PA'I PHYIR, DE NI KHONG KHRO BA'I CHAR GTOGS PAS TE ZHES BYA BA LA SOGS PA SMRAS SO, ,'DI NI KHONG KHRO BA'I CHAR GTOGS PA STE, SEMS CAN RNAMS LA SNYING RJE MED PA DANG, SEMS RTZUB PA 'DI GNYIS NI DE'I RNAM GRANGS SU GTOGS PA'O, ,LAS @39A *, ,BSTAN PA'I PHYIR, SEMS CAN RNAMS LA RNAM PAR THO 'TSAMS PA'I LAS CAN ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,NGO TSA MED PA GANG YIN SNYAM PA LA, NGO TSA MED PA NI KHA NA MA THO BAS BDAG LA MI MDZEM PA'O ZHES BYA BA SMRAS SO, ,DE DGROL BA'I PHYIR, LAS DE DAG GI CHA MA YIN PAR SHES BZHIN DU YANG ZHES BYA BA LA SOGS PA SMRAS TE, SDIG PA'I LAS GANG BYED PAR 'DOD PA DE DAG LA MI 'OS SHING BDAG GI CHA MA YIN PAR SHES LA, ,SHES BZHIN DU YANG KHA NA MA THO BA DES MI 'DZEM PA GANG YIN PA NGO TSA MED PA STE, 'DI NI NGO TSA SHES PA'I MI MTHUN PA'I PHYOGS SU GYUR PA'O, ,SHES BZHIN DU YANG ZHES BYA BA NI MTHONG BZHIN DU YANG ZHES BYA BA'I THA TSIG GO, ,KHREL MED PA GANG YIN SNYAM PA LA, KHREL MED PA NI ZHES BYA BA LA SOGS PA SMRAS SO, ,DE DGROL BA'I PHYIR, 'JIG RTEN DANG BSTAN BCOS DANG MI MTHUN PA 'DI DAG CES BYA BA LA SOGS PA SMRAS TE, BDAG LAS BYED PAR ZHUGS PA GANG YIN PA 'DI NI 'JIG RTEN DANG BSTAN BCOS DANG MI MTHUN PA YIN PAR DE LTAR SHES BZHIN DU YANG SDIG PA BYED PA DES MI 'DZEM PA GANG YIN PA DE KHREL MED PA STE, 'DI NI KHREL YOD PA'I MI MTHUN PA'I PHYOGS SU GYUR PA'O, ,'DI GNYIS KYI LAS BSTAN PA'I PHYIR, DE GNYIS NI ZHES BYA BA LA SOGS PA SMRAS TE, DE GNYIS KYI LAS NI NYON MONGS PA DANG, NYE BA'I NYON MONGS PA THAMS CAD KYI GROGS BYED PA'O, ,BTAGS PA'I YOD PA BSTAN PA'I PHYIR, 'DOD CHAGS DANG ZHE SDANG DANG ZHES BYA BA LA SOGS PA SMRAS SO, ,BYA BA MA YIN PA THAMS CAD 'BYUNG BA'I RGYU 'DOD CHAGS DANG ZHE SDANG DANG, GTI MUG GANG YIN PA DE DAG NYID LA 'DI GNYIS GDAGS TE RANG GI RGYU MED DO, ,DE LA YANG 'DOD CHAGS DANG ZHE SDANG GNYIS NI CIG CAR 'BYUNG MI SRID PAS JI LTAR MTHUN MTHUN DU GDAGS ZHES BSTAN PA'O,, ,, RMUGS PA GANG YIN SNYAM PA LA RMUGS PA NI ZHES BYA BA LA SOGS PA SMRAS TE, SEMS LAS SU MI RUNG BA GANG YIN PA DANG, BLONG BA NYID GANG YIN PA DE RMUGS PA'O, ,BLONG BA NYID GANG YIN SNYAM PA LA, BLONG BA'I DNGOS PO NI ZHES BYA BA LA SOGS PA SMRAS SO, ,BLONG BA'I DNGOS PO NI BLONG BA NYID @39B DE; 'DI LTAR DE DANG LDAN NA SEMS BLUN PA'I PHYIR BLONG BAR 'GYUR TE, DMIGS PA RTOGS PAR MI NUS PA DANG PHYIR BLONG BA NYID CES BYA'O, ,LAS BSTAN PA'I PHYIR, 'DI NI NYON MONGS PA DANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,'DI BTAGS PA'I YOD PA BSTAN PA'I PHYIR, GTI MUG GI CHA LA BTAGS PAS ZHES BYA BA LA SOGS PA SMRAS TE, DON DE NI GO SLA BAS MA BSHAD DO, ,RGOD PA GANG YIN SNYAM PA LA, RGOD PA NI ZHES BYA BA LA SOGS PA SMRAS TE, SEMS RNAM PAR MA ZHI BA GANG YIN PA DE RGOD PA'O, ,CI'I PHYIR SNYAM PA LA RNAM PAR ZHI BA NI ZHI GNAS TE ZHES BYA BA LA SOGS PA SMRAS SO, ,'DI LTAR RNAM PAR ZHI BA'I SGRA NI ZHI GNAS LA BYA STE, DE DANG MI MTHUN PA DE NI RNAM PAR MA ZHI BA'O, ,DE NI 'DOD CHAGS MTHUN PA SNGON DGOD DGOD PA DANG DGA' DGA' BA DANG RTZE RTZE BA LA SOGS PA RJES SU DRAN PAS SEMS RNAM PAR MA ZHI BA'I RGYU'O, ,MTSAN NYID KYI TSIGS KYANG RNAM PAR MA ZHI BA'I RGYU YIN PAS RNAM PAR MA ZHI BA LA RGOD PA ZHES BYA BA BSHAD DO, ,LAS BSTAN PA'I PHYIR, ZHI GNAS KYI BAR DU GCOD PA'I LAS CAN NO ZHES BYA BA LA SOGS PA SMRAS SO, ,ZHI GNAS NI TING NGE 'DZIN TE, DE LA DE SGRIB PAR BYED DO, ,MA DAD PA GANG YIN SNYAM PA LA, MA DAD PA NI ZHES BYA BA LA SOGS PA SMRAS TE, LAS LA SOGS PA LA YID MI CHES SHING DAD PA'I MI MTHUN PA'I PHYOGS SU GYUR PA'I CHOS NI MA DAD PA'O, ,CI'I PHYIR DE DAD PA'I MI MTHUN PA'I PHYOGS YIN SNYAM PA LA, DAD PA NI ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,MA DAD PA NI DE LAS BZLOG PA STE ZHES BYA BA LA SOGS PA YANG GO SLA BAS MA BSHAD DO, ,LAS BSTAN PA'I PHYIR, LE LO'I RTEN BYED PA'I LAS CAN NO ZHES BYA BA SMRAS SO, ,DE DGROL BA'I PHYIR, MA DAD PA NI SBYOR BA LA 'DUN PA MED PA'I PHYIR ZHES BYA BA LA SOGS PA SMRAS TE, 'DI LTAR JI SRID DU NGO BO 'GA' ZHIG LA YID CHES PA DANG, 'DOD PA MA SKYES PA DE SRID DU SBYOR BA LA 'DUN PA NYID MI SKYE STE, DE'I PHYIR 'DI'I LAS NI LE LO'I RGYU NYID DO, ,LE LO GANG YIN SNYAM PA LA, LE LO NI DGE BA @40A *, ,LA SEMS MNGON PAR MI SPRO BA STE ZHES BYA BA LA SOGS PA SMRAS SO, ,DE DGROL BA'I PHYIR, NYAL BA DANG, SNYES PA DANG 'PHRES PA'I BDE BA LA BRTEN NAS GTI MUG GI CHAR GTOGS PAS LUS DANG NGAG DANG YID KYI LAS DGE BA LA SEMS MNGON PAR SPRO BA MED PA GANG YIN PA'O ZHES BYA BA SMRAS TE, NYAL BA'I BDE BA DANG, SNYES PA DANG, 'PHRES PA'I PA'I BDE BA LA BRTEN NAS GTI MUG GI CHAR GTOGS PA LUS LA SOGS PA'I LAS DGE BA LA SEMS MNGON PAR SPRO BA MI SKYE BA GANG YIN PA DE LE LO'I, ,LAS BSTAN PA'I PHYIR 'DI NI ZHES BYA BA LA SOGS PA SMRAS TE, DGE BA'I PHYOGS LA SPRO BA GANG YIN PA DE LA SGRIB PAR BYED DO, ,BDAG MED PA GANG YIN SNYAM PA LA, BAG MED PA NI ZHES BYA BA LA SOGS PA SMRAS TE, CHAGS PA LA SOGS PA GANG YIN PA DAG GIS ZIN NA, 'DOD CHAGS LA SOGS PA NYON MONGS PA LA SEMS MI LDOG CING 'DOD CHAGS LA SOGS PA'I GNYEN POR GYUR PA DGE BA LA GOMS PAR MI BYED DE, 'DOD CHAGS DANG ZHE SDANG DANG GTI MUG DANG LE LO DAG LA BAG MED PA BTAGS SO, ,LAS BSTAN PA'I PHYIR, 'DI NI ZHES BYA BA LA SOGS PA SMRAS TE, MI DGE BA 'PHEL BA DANG DGE BA 'GRIB PA'I RGYU NYID DO, ,BRJED NGAS PA GANG YIN SNYAM PA LA, BRJED NGAS NI ZHES BYA BA LA SOGS PA SMRAS TE, NYON MONGS PA DANG MTSUNGS PAR LDAN PA'I DRAN PA GANG YIN PA DE BRJED NGAS PA'O, ,LAS BSTAN PA'I PHYIR, 'DI NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,RNAM PAR G-YENG BA GANG YIN SNYAM PA DANG, RNAM PAR G-YENG BA NI ZHES BYA BA LA SOGS PA SMRAS SO, ,DE DGROL BA'I PHYIR, 'DIS SEMS SNA TSOGS SU G-YENG BAR BYED PAS RNAM PAR G-YENG BA'O ZHES BYA BA SMRAS TE, 'DIS RNAM PA MANG PO DAG GIS DMIGS PA LA SEMS RNAM PAR G-YENG BAR BYED PAS SEMS RNAM PAR G-YENG BA'O, ,BTAGS PA'I YOD PAR BSTAN PA'I PHYIR, 'DOD CHAGS DANG ZHE SDANG DANG GTI MUG DE DAG GIS ZHES BYA BA LA SOGS PA SMRAS TE, 'DOD CHAGS LA SOGS PA GANG DAG GIS TING NGE 'DZIN GYI DMIGS PA LAS @40B SEMS PHYI ROL DU KHRID PA DE DAG LA, JI LTAR MTHUN MTHUN DU RNAM PAR G-YENG BA GDAGS PAR BYA'O, ,LAS BSTAN PA'I PHYIR, 'DI NI ZHES BYA BA LA SOGS PA SMRAS SO, ,SEMS RNAM PAR G-YENG BA LA 'DOD CHAGS DANG BRAL BA NYID MED PA'I PHYIR, 'DOD CHAGS DANG BRAL BA LA SGRIB PAR BYED DO, ,SHES BZHIN MA YIN PA GANG YIN SNYAM PA LA, SHES BZHIN MA YIN PA NI ZHES BYA BA LA SOGS PA SMRAS TE, NYON MONGS PA CAN GYI SHES RAB LA SHES BZHIN MA YIN PA ZHES BYA'O, ,NYON MONGS PA CAN GYI SHES RAB BSTAN PA'I PHYIR, DE LUS DANG NGAG DANG SEMS KYI SPYOD PA ZHES BYA BA LA SOGS PA SMRAS TE, SHES RAB GANG GIS 'ONG BA DANG 'GRO BA LA SOGS PA LA, LUS DANG NGAG DANG SEMS KYI SPYOD PA MI SHES BZHIN DU 'BYUNG BA GANG YIN PA DE NYON MONGS PA CAN GYI SHES RAB CES BYA STE, DE NI SHES BZHIN MA YIN PA'O, ,LAS BSTAN PA'I PHYIR BYA BA DANG BYA BA MA YIN PA MI SHES PAS ZHES BYA BA LA SOGS PA SMRAS SO, ,SHES BZHIN MED PAR BYED PA NI, BYA BA DANG BYA BA MA YIN PA LA RTOG PAR MI BYED DE, DE'I PHYIR 'DI'I LAS NI LTUNG BA'I RGYU NYID DO, ,'GYOD PA GANG YIN SNYAM PA LA, 'GYOD PA NI YID LA GCAGS PA'O ZHES BYA BA SMRAS SO,, DE DGROL BA'I PHYIR, SMAD PA BYAS PAS 'GYOD DO ZHES BYA BA LA SOGS PA SMRAS SO, ,DNGOS PO GANG JI LTA BA BZHIN DU BYA BA DE GANG GI TSE RNAM PA GZHAN DU BYED PA DE'I TSE NYES PAR BYAS PA ZHES BYA'O, ,DE LA BYED PA SMRAD PA GANG YIN PA DE YANG DAG PA'I DON DU NA 'GYOD PA'O, ,'DIR NGAN PAR BYAS PA'I DNGOS PA'I YUL LA SEMS MI DGA' BA DANG YID LA GCAGS PA GANG YIN PA DE 'GYOD PA STE, 'DI LTAR SEMS LAS BYUNG BA RNAMS KYI SKABS YIN PA'I PHYIR RO, ,LAS BSTAN PA'I PHYIR, 'DI NI ZHES BYA BA LA SOGS PA SMRAS SO, ,SEMS GNAS PA NI TING NGE 'DZIN TE, DE LA SGRIB PAR BYED DO, ,GNYID GANG YIN SNYAM PA LA GNYID NI ZHES BYA BA LA SOGS PA SMRAS SO, ,DE DGROL BA'I PHYIR, 'JUG PA NI DMIGS PA LA 'JUG PA'O ZHES BYA BA LA SOGS PA SMRAS TE, GANG GI DBANG GIS DMIGS PA LA, SEMS RANG DBANG MED PAR 'JUG @41A *, ,STE GNYID CES BYA'O, ,DE NYID LA BSHAD PA GZHAN BYA BA'I PHYIR, LUS 'DZIN MI NUS PA'I SEMS KYI 'JUG PA ZHES BYA BA LA SOGS PA SMRAS TE, SEMS KYI 'JUG PA GANG GIS LUS 'DZIN PA DE RANG DBANG MED PA SMOS PAS NI TING NGE 'DZIN LAS DBYE BA STON TO, ,SDUD PA BSTAN PA'I PHYIR, SEMS SDUD PA NI ZHES BYA BA LA SOGS PA SMRAS TE, GANG GI TSE MIG LA SOGS PA DBANG PO'I SGO NAS RNAM PAR SHES PA RNAMS MI 'BYUNG BA DE DAG NI SDUD PA'O, ,'JUG PA RANG DBANG MED PA SMOS PAS NI TING NGE 'DZIN LAS DBYE BA STON TO, ,SDUD PA SMOS PAS NI RMUGS PA LAS DBYE BA STON TO, ,BTAGS PA'I YOD PA BSTAN PA'I PHYIR, DE NI GTI MUG GI CHA LA GDAGS PAS GTI MUG GI CHAR GTOGS PA ZHES BYA BA SMRAS TE, DON DE NI BRDA PHRAD PAR ZAD DO, ,LAS BSTAN PA'I PHYIR, BYA BA SHOR BA'I RTEN BYED PA'I LAS CAN NO ZHES BYA BA SMRAS TE, NYAL BA NI BYA BA NYAMS PAR 'GYUR RO, ,RTOG PA GANG YIN SNYAM PA LA, RTOG PA NI ZHES BYA BA LA SOGS PA SMRAS TE, 'DI CI YIN TE LTAR RTOG PA'I RNAM PAR ZHUGS PA SHES RAB DANG SEMS PA'I BYE BRAG GI BDAG NYID KYI BRJOD PA GANG YIN PA DE RTOG PA'O, ,YID KYI BRJOD PA BSTAN PA'I PHYIR; YID LA BRJOD PA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,BRJOD PA'I RANG GI NGO BO BSTAN PA'I PHYIR, BRJOD PA NI DON BSTAN PA'O ZHES BYA BA SMRAS TE, SEMS KYI DON BRJOD CES BYA BA'I THA TSIG GO, ,SEMS PA LA SOGS PA JI LTAR 'DI'I NGO BO NYID YIN SNYAM PA LA, SEMS PA DANG SHES RAB KYI BYE BRAG CES BYA BA LA SOGS PA SMRAS TE, 'DI LTAR SEMS PA NI SEMS KUN TU G-YO BAR BYED PA'I NGO BO YIN LA, SHES RAB NI YON TAN DANG NYES PA LA RTOG PA'I RNAM PAR ZHUGS PA YIN TE, DE GNYIS KYI DBANG GIS SEMS 'JUG PAS NA, DE'I PHYIR BAR 'GA' NI SEMS DANG SEMS PA GNYIS LA RTOG PA ZHES GDAGS TE, GANG GI TSE CI YANG MNGON PAR MI RTOGS PA'O, ,BAR 'GA' NI SHES RAB DANG SEMS GNYIS LA GDAGS TE, GANG GI TSE MNGON PAR RTOGS PA'O, ,'DI NYID LA BSHAD PA GZHAN BYA BA'I PHYIR, YANG NA SEMS PA DANG SHES @41B RAB GNYIS KHO NA LA ZHES BYA BA LA SOGS PA SMRAS TE, YANG NA SEMS PA DANG SHES RAB GNYIS KHO NA LA RTOG PA GDAGS PAR BYA'I, SEMS LA NI MA YIN TE, 'DI LTAR SHES RAB DANG SEMS PA'I DBANG GIS SEMS DE LTAR MNGON PAR RTOGS PA DANG, MNGON PAR MI RTOGS PA'I RNAM PAR 'JUG PAR 'GYUR RO, ,'DI'I RNAM GRANGS BSTAN PA'I PHYIR, DE NYID SEMS RTZING BA'O ZHES BYA BA SMRAS TE, DE NI GO SLA BAS MA BSHAD DO, ,RTZING BA ZHES BYA BA DE GANG YIN SNYAM PA LA, RTZING BA ZHES BYA BA NI CHE LONG STE ZHES BYA BA LA SOGS PA SMRAS SO, ,CHE LONG NI RTZING PA NYID DE, 'DI LTAR DNGOS PO TZAM KUN TU TSOL BA YIN GYI, BYE BRAG TU KUN TU TSOL BA MA YIN NO, ,RIGS PA 'DI GZHAN LA YANG BSTAN PA'I PHYIR, TSUL 'DI NI ZHES BYA BA LA SOGS PA SMRAS SO, ,DE NYID BSTAN PA'I PHYIR, DPYOD PA YANG SEMS PA DANG ZHES BYA BA LA SOGS PA SMRAS SO, ,'DI LTAR DPYOD PA YANG SHES RAB DANG SEMS PA'I BYE BRAG GI NGO BO NYID DE, SO SOR RTOG PA'I RNAM PAR RTOG PA'I YID KYI BRJOD PA NYID DO, ,CI'I PHYIR SO SOR RTOG PA LA DPYOD PA ZHES BYA SNYAM PA LA, SO SOR RTOG PA'I YID KYIS BRJOD PA NYID DE ZHES BYA BA LA SOGS PA SMRAS SO, ,'DI LTAR SNGAR KHONG DU CHUD PA'I DON LA 'DI'O ZHES DPYOD PA'I RNAM PAR ZHUGS PA NI DPYOD PA STE, DE'I PHYIR DPYOD PA SEMS ZHIB PA ZHES BYA'O, ,'DI GNYIS KYI LAS BSTAN PA'I PHYIR, 'DI GNYIS NI REG PAR GNAS PA DANG ZHES BYA BA LA SOGS PA SMRAS TE, MNGON PAR 'BYUNG BA LA RTOG PA LA SOGS PA NI REG PAR GNAS PA'I RGYU DAG GO, ,'DOD PA LA RTOG PA DAG LA SOGS PA NI REG PAR MI GNAS PA'I RGYU DAG GO, ,GAL TE 'DI GNYI GA YANG SHES RAB DANG SEMS PA'I NGO BO NYID YIN NA, CI'I PHYIR THA DAD DU BSHAD CE NA, 'DI GNYIS NI RTZING BA DANG ZHES BYA BA LA SOGS PA SMRAS SO, ,'DI LTAR 'DI GNYIS NI RTZING BA DANG ZHIB PAR DBYE STE, DE'I PHYIR THA DAD DU BSHAD DO, ,GNYIS RNAM GNYIS ZHES GANG SMOS PA 'DI'I DON GANG YIN SNYAM PA LA, GNYIS RNAM PA GNYIS ZHES BYA BA SMRAS SO, ,DE DGROL BA'I PHYIR, GNYIS GNYIS @42A *, ,PA GNYIS ZHES BYA BA SMRAS TE, GNYIS PA RNAM GNYIS ZHES BYA BA'I THA TSIG GO, ,GNYIS DE DAG GANG YIN SNYAM PA LA, DE DAG NI ZHES BYA BA LA SOGS PA SMRAS TE, 'GYOD PA DANG GNYID NI GNYIS PA GCIG GO, ,RTOG PA DANG DPYOD PA NI GNYIS PA GCIG GO, ,'DI DAG NI RNAM PA GNYIS SU BSTAN PA'I PHYIR, CHOS DE BZHI NI RNAM PA GNYIS TE, NYON MONGS PA CAN DANG NYON MONGS PA CAN MA YIN PA'O ZHES BYA BA SMRAS TE, DE NI GO SLA BAS MA BSHAD DO, ,NYON MONGS PA CAN RNAMS NI GANG NYON MONGS PA CAN MA YIN PA RNAMS NI GANG YIN SNYAM PA LA, DE LA MI DGE BA MA BYAS TE ZHES BYA BA LA SOGS PA SMRAS SO, ,SROG CHAGS DE MA BSAD PA DANG, SBYIN PA SBYIN PA NI BDAG GIS MA LEGS PA ZHIG BYAS SO SNYAM DU DE LTAR YID LA GCAGS PA SKYE BA GANG YIN PA DE NI 'GYOD PA NYON MONGS PA CAN NO, ,DE LAS BZLOG PA NI 'GYOD PA NYON MONGS PA CAN MA YIN PAR RIG PAR BYA'O, ,GNYIS KYANG NYON MONGS PA CAN GYI SEMS DANG MTSUNGS PAR LDAN PA'AM, NYON MONGS PA CAN GYI SEMS KYIS 'PHANGS PA GANG YIN PA DE NYON MONGS PA CAN NO, ,DE LAS BZLOG PA NI NYON MONGS PA CAN MA YIN PAR RIG PAR BYA'O, ,DE BZHIN DU RTOG PA YANG 'DOD PA LA RTOG PA LA SOGS PA GANG YIN PA DE DAG NI NYON MONGS PA CAN RNAMS SO, ,GANG DAG MNGON PAR 'BYUNG BA LA RTOG PA LA SOGS PA DE DAG NI NYON MONGS PA CAN MA YIN PA RNAMS SO, ,DE BZHIN DU DPYOD PA YANG BDAG GIS GZHAN LA GNOD PAR BYA BA'I THABS DPYOD PA DE NI NYON MONGS PA CAN NO, ,GANG GIS GZHAN LA PHAN GDAGS PA'I THABS DPYOD PA DE NI NYON MONGS PA CAN MA YIN PA'O, ,DE DAG GI NANG NA NYE BA'I NYON MONGS PA GANG YIN SNYAM PA LA, DE LA 'GYOD PA DANG GNYID DANG ZHES BYA BA LA SOGS PA SMOS TE, DE NI GO SLA BAS MA BSHAD DO, ,RAB TU BYED PA'I DON MTHA' DAG MJUG BSDU BA'I PHYIR, DE LA JI LTAR GZUGS DANG SGRA LA SOGS PA DANG DMIGS PA DRUG PO DAG CES BYA BA LA SOGS PA SMRAS SO, ,YID BDE BA'I GNAS ZHES BYA BA LA GNAS ZHES BYA BA'I SGRA NI 'DIR RJES SU MTHUN @42B PA'AM RGYU LA BYA'O, ,LHAG MA NI GO SLA BAS MA BSHAD DO, ,GONG DU SMOS PA'I DON GYI MJUG BSDU BA 'DI NI BDE BLAG TU DRAN PAR BYA BA DANG, ZIN PAR BYA BA'I PHYIR BYAS SO, ,DE LTAR SKABS RDZOGS PAR BYAS NAS SKABS GZHAN BYA BA'I PHYIR, DE NI 'DI BSAM PAR BYA STE ZHES BYA BA LA SOGS PA SMRAS SO; ;GANG GI TSE MIG GI RNAM PAR SHES PA LA SOGS PA LNGA PO DAG CIG CAR DMIGS PA'I RKYEN DANG PHRAD KYANG DE'I TSE, CI KUN GZHI RNAM PAR SHES PA LAS RNAM PAR SHES PA GCIG KHO NA 'BYUNG BAR 'GYUR GYI, GNYIS DANG MANG PO NI MI 'BYUNG NGAM SNYAM PA LA, PHYOGS 'DI YOD PA'I DBANG BSTAN PA'I PHYIR, JI LTAR KHA CIG SEMS PA ZHES BYA BA LA SOGS PA SMRAS TE, ,MDO SDE PA LA SOGS PAS NI RNAM PAR SHES PA GNYIS DANG, MANG PO DAG CIG CAR 'BYUNG DU DE MA THAG PA'I RKYEN MED DE, DE'I PHYIR RNAM PAR SHES PA GCIG KHO NA 'BYUNG BAR 'GYUR TE, GANG GI MANG PO CIG CAR 'BYUNG BAR 'GYUR BA RNAM PAR SHES PA MANG PO RNAMS KYI DE MA THAG PA'I RKYEN RNAM PAR SHES PA GCIG GIS MI NUS SO SNYAM DU SEMS SO, ,PHYOGS GNYIS PA BSTAN PA'I PHYIR, 'ON TE NGES PA MED DE ZHES BYA BA LA SOGS PA SMRAS SO, ,GAL TE RKYEN GCIG DANG PHRAD NA; RNAM PAR SHES PA GCIG KHO NA 'BYUNG LA, GAL TE GNYIS DANG MANG PO DAG GI RKYEN DANG PHRAD PAR GYUR NA YANG, DE'I TSE GNYIS DANG MANG PO DAG 'BYUNG BAR 'GYUR RO ZHES PHYOGS SNGA MA'O, ,GRUB PA'I MTHA' SMRA BAS, LNGA RNAMS RTZA BA'I RNAM SHES LAS, ,ZHES BYA BA LA SOGS PA SMRAS TE, RNAM PAR SHES PA LNGA PO DAG NI RKYEN JI LTA BA BZHIN DU RTZA BA'I RNAM PAR SHES PA LAS 'BYUNG BAR 'GYUR TE, RES 'GA' NI CIG CAR RES 'GA' NI RIM GYIS SO, ,DPER NA RKYEN JI LTA BA BZHIN DU CHU LA RLABS RNAMS 'BYUNG BA DANG MTSUNGS SO ZHES MDOR BYAS PA'I DON TO, ,TSIG GI DON RNAMS NI DE DAG GI DON RTOGS PA'I SNGON DU 'GRO BAS, TSIG GI DON BSTAN PA'I PHYIR, LNGA RNAMS ZHES BYA BA NI ZHES BYA BA LA SOGS BA SMRAS TE, DON DE NI GO SLA BAS MA BSHAD DO, ,RTZA BA'I RNAM PAR SHES PA JI LTA BU ZHIG CI'I PHYIR DE LA DE SKAD CES BYA SNYAM PA LA, LNGA PO RNAMS KYIS @43A *, ,BON GYI GNAS YIN PAS ZHES BYA BA LA SOGS PA SMRAS TE, 'DI LTAR KUN GZHI'I RNAM PAR SHES PA NI RNAM PAR SHES PA LNGA PO DAG GI SA BON GYI GNAS YIN PA DANG, 'DI LTAR YANG DE NI 'GRO BA RNAMS SU SKYE BA YONGS SU 'DZIN PAR BYED DE, DE'I PHYIR KUN GZHI'I RNAM PAR SHES PA NI RTZA BA'I RNAM PAR SHES PA ZHES BYA'O, ,DE LAS SKYE BAS NA DE NI SA BON GYI GNAS NYID DE RGYU YIN NO, ,RKYEN GYI RJES SU MTHUN PAR BSTAN PA'I PHYIR, JI LTA'I RKYEN LAS ZHES BYA BA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,BDAG THOB PA'I SGRAS NI SKYE BAR BSTAN TO, ,LHAN CIG GAM MA YIN ZHES BYA BA 'DIS NI CIG CAR DANG RIM GYIS ZHES BSTAN TO, ,CIG CAR DANG RIM GYIS JI LTAR 'BYUNG SNYAM PA LA, CHU LA RLABS RNAMS JI BZHIN NO, ,ZHES BYA BA LA SOGS PA SMRAS TE, DE NI GO SLA BAS MA BSHAD DO, ,DPE 'DI GANG NAS 'BYUNG SNYAM PA LA, JI SKAD DU BLO GROS YANGS PA DPER NA ZHES BYA BA LA SOGS PA SMRAS SO, ,BCOM LDAN 'DAS KYIS BYANG CHUB SEMS DPA' BLO GROS YANGS PA ZHES BYA BA LA BOS NAS DPE 'DI DAG GSUNGS SO, ,RGYU NI 'BAB PA'I SGRAR BSTAN TO, ,CHAD PA NI RGYUN CHAD PA'I SGRAR BSTAN TO, ,YONGS SU ZAD PA NI ZAD PA'I SGRAR BSTAN TO, ,MDOR BYAS PA'I DON LHAG MA NI GO SLA BAS MA BSHAD DO, ,KUN GZHI'I RNAM PAR SHES PA CHU BO DANG MTSUNGS PA NYID DU RAB TU BSGRUB PA'I PHYIR, KHUNGS GNYIS PA 'DI LA TSIGS SU BCAD PA ZHES BYA BA LA SOGS PA SMRAS SO, ,LEN PA'I RNAM PAR SHES PA GANG YIN PA DE NI ZAB CING PHRA BA STE, CHU PO LTA DUS THAMS CAD DU 'JUG GO, ,SA BON THAMS CAD KYI GNAS KYANG DE YIN NO, ,SO SO'I SKYE BO DAG KUN GZHI'I RNAM PAR SHES PA LA BDAG TU 'DZIN PAR GYUR NA MI RUNG NGO ZHES SO SO'I SKYE BO'I 'KHOR GYI NANG DU NGAS DE MA BSTAN TO, ,BYIS PA RNAMS KYI YUL MA YIN PAS ZAB PA'O, ,'PHAGS PA RNAMS KYI YUL YANG MA YIN PAS PHRA BA'O, ,DE LTAR RE ZHIG LUNG GIS RNAM PAR SHES PA MANG PO DAG CIG CAR 'BYUNG BAR BSTAN NAS, RIGS LAS KYANG BSTAN PA'I PHYIR, @43B RNAM PAR SHES PA DMIGS PA'I RKYEN SO SOR NGES PA BZHIN DU ZHES BYA BA LA SOGS PA SMRAS TE, JI LTAR MIG LA SOGS PA'I RNAM PAR SHES PA RNAMS KYI DMIGS PA'I RKYEN SO SOR NGES PA, MIG GI RNAM PAR SHES PA'I GZUGS DANG, DE BZHIN DU RNA BA'I RNAM PAR SHES PA'I SGRA NYID CES BYA BA LA SOGS PA DE BZHIN DU, MIG GI RNAM PAR SHES PA LA SOGS PA'I DE MA THAG PA'I RKYEN NI SO SOR NGES PAR MI 'DOD DO, ,'DI LTAR MIG GI RNAM PAR SHES PA SKYE BA LA RNAM PAR SHES PA DRUG PO DAG KYANG RIM GYIS DE MA THAG PA'I RKYEN GYI DNGOS PO BYED DO, ,DE BZHIN DU DRUG PO DAG NI RIM GYI YID KYI RNAM PAR SHES PA'I BAR GYI DE MA THAG PA'I RKYEN DU KHAS LEN TO, ,DE'I PHYIR GANG GI TSE DMIGS PA'I RKYEN DANG PHRAD PAR GYUR PA DE'I TSE, DE MA THAG PA'I RKYEN GCIG PU LAS KYANG RNAM PAR SHES PA GNYIS DANG MANG PO 'BYUNG STE, 'GAL BA MED DO, , CI STE DE LTAR MI 'DOD NA DE'I TSE DE MA THAG PA'I RKYEN KYANG NGES PA MED LA, LNGA PO DAG GI DMIGS PA'I RKYEN DANG CIG CAR PHRAD KYANG RNAM PAR SHES PA GCIG KHO NA 'BYUNG GI ,LNGA CHAR MI 'BYUNG NGO ZHES BYA BA 'DI LA GTAN TSIG CI YOD BRJOD DGOS SO, ,DE LTAR 'DI LA NGES PA'I GTAN TSIGS CUNG ZAD KYANG MI SNANG STE, DE BAS KYANG DMIGS PA YOD PAR GYUR NA, YANG NA NI RNAM PAR SHES PA LNGA CHAR 'BYUNG BAR 'GYUR RO, ,YANG NA NI GCIG KYANG 'BYUNG BAR MI 'GYUR RO, ,YANG SKABS GZHAN BYA BA'I PHYIR, DA NI 'DI BRJOD PAR BYA STE ZHES BYA BA LA SOGS PA SMRAS PA NI 'DRI PA'I DON TE, DON DE NI GO SLA BAS MA BSHAD DO, ,GRUB PA'I MTHA' SMRAS PAS, YID KYI RNAM SHES 'BYUNG BA NI, ,ZHES BYA BA LA SOGS PA SMRAS SO, ,'DU SHES MED PA LA SOGS PA MA GTOGS PAR DUS THAMS CAD DU YID KYI RNAM PAR SHES PA 'BYUNG NGO ZHES MDOR BYAS PA'I DON TO, , TSIG GI DON BSTAN PA'I PHYIR RTAG TU'O ZHES BYA BA NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,GANG NA YID KYI RNAM PAR SHES PA MI 'DOD PA DER BZLOG PA'I PHYIR SPYIR BTANG BA 'DI'I ZHES BYA BA LA SOGS PA SMRAS SO, ,YID KYI RNAM PAR SHES PA DUS THAMS @44A *, ,CAD DU 'BYUNG BAR KHAS BLANGS MOD KYI, 'ON KYANG 'DU SHES MED PA PA MA GTOGS, 'GOG PA DANG 'DU SHES MED PA'I SNYOMS PAR 'JUG PA GNYIS MA GTOGS, SEMS MED PA'I GNYID DANG, SEMS MED PA'I BRGYAL BA MA GTOGS PAR YID KYI RNAM PAR SHES PA 'BYUNG BAR 'DOD DO, ,SPYIR BYA BA NI SPYIR BTANG BA ZHES BYA'O, ,BYE BRAG TU BYA BA NI DMIGS KYIS BSTZAL BA ZHES BYA'O, ,'O NA 'DU SHES MED PA ZHES BYA BA DE GANG YIN SNYAM PA LA, DE LA 'DU SHES MED PA PA NI ZHES BYA BA LA SOGS PA SMRAS SO, ,'DU SHES MED PA PA'I SEMS CAN DAG NI LHA RNAMS LAS KHA CIG GO ZHES 'BYUNG STE, DE DAG GI NANG DU SKYES PA'I SEMS DANG SEMS LAS BYUNG BA RNAMS 'GOG PA GANG YIN PA DE 'DU SHES MED PA ZHES BYA'O, ,SUS 'DOD PA'I KHAMS SU 'DU SHES MED PA'I SNYOMS PAR 'JUG PA BSKYED PA DE NI 'DU SHES MED PA'I LHA RNAMS KYI NANG DU SKYE'O, ,SUS 'DOD PA'I KHAMS SU 'GOG PA'I SNYOMS PAR 'JUG PA BSKYED PA DE NI SRID PA'I RTZE MOR SKYE'O, ,'DU SHES MED PA PA NI CI YANG MI SHES TE, DON MED PAR GNAS SO, ,SNYOMS PAR 'JUG PA GNYIS GANG YIN SNYAM PA LA SNYOMS PAR 'JUG PA GNYIS NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'DU SHES MED PA'I SNYOMS PAR 'JUG PA GANG YIN SNYAM PA LA, DE LA 'DU SHES MED PA'I SNYOMS PAR 'JUG PA NI ZHES BYA BA LA SOGS PA SMRAS SO, ,BSAM GTAN GSUM PA'I 'DOD CHAGS DANG BRAL LA GONG MA'I 'DOD CHAGS DANG MA BRAL BA'I RNAL 'BYOR BA'I THAR PA'I LAM SNYAM DU 'DU SHES SNGON DU BTANG BA'I YID LA BYED PAS, YID KYI RNAM PAR SHES PA DANG DE DANG MTSUNGS PAR LDAN PA'I SEMS LAS BYUNG BA RNAMS 'GOG PA GANG YIN PA DE, GSUNG RAB 'DI LA 'DU SHES MED PA'I SNYOMS PAR 'JUG PA ZHES BYA'O, ,RNAM PAR BSGRUB BA BSTAN PA'I PHYIR, 'DIS 'GOG PAR 'GYUR BAS 'GOG PA'O ZHES BYA BA SMRAS TE, DE NI DE NYID KYIS BSHAD ZIN TO, ,DE 'DRA BA DE GANG YIN SNYAM PA LA, DE YANG YID KYI RNAM PAR SHES PA MTSUNGS PA @44B LDAN PA DANG BCAS PA ZHES BYA BA LA SOGS PA SMRAS TE, YID KYI RNAM PAR SHES PA 'KHOR DANG BCAS PAR 'BYUNG BA GANG GIS 'GOG PA DE 'GOG PA ZHES BYA'O, ,DE NI GNAS SKABS KYI BYE BRAG 'GA' ZHIG YIN GYI, ,JI LTAR KHA CIG GIS YONGS SU BTAGS PA LTAR RDZAS NI MED DO, ,DGE BA LAS SEMS RTZE GCIG PA NYID SNYOMS PAR 'JUG PA ZHES MI BYA'AM, 'O NA JI LTAR SEMS DANG SEMS LAS BYUNG BA 'GOG PA PA LA SNYOMS PAR 'JUG PA ZHES BYA ZHE NA, DE'I PHYIR SNYOMS PAR 'JUG PA DE YANG SEMS KYI 'OG TU ZHES BYA BA LA SOGS PA SMRAS TE, 'DI LTAR SNYOMS PAR 'JUG PA NI SEMS KYI 'OG TU SEMS GZHAN 'BYUNG BA DANG MI MTHUN PA'I GNAS THOB PAR BYED DE, DE'I PHYIR SEMS DANG SEMS LAS BYUNG BA 'GOG PA DE SNYOMS PAR 'JUG PA ZHES BYA'O, ,GNYIS PA BSTAN PA'I PHYIR ZHES BYA BA LA SOGS PA SMRAS SO, ,CI YANG MED PA'I SKYE MCHED KYI 'DOD CHAGS DANG BRAL BA'I RNAL 'BYOR BA'I ZHI BAR GNAS PA'I 'DU SHES SNGON DU BTANG BA'I YID LA BYED PAS, YID KYI RNAM PAR SHES PA 'KHOR DANG BCAS PA DANG NYON MONGS PA CAN GYI YID 'GOG PA GANG YIN PA DE 'GOG PA'I SNYOMS PAR 'JUG PA ZHES BYA'O, ,ZHI BAR GNAS PA'I 'DU SHES SNGON DU BTANG BA ZHES BYA BA NI GNAS PA 'DI NI ZHI BA'O SNYAM DU RNAM PA DE LTA BU'I BLO SNGON DU BYAS NAS, PHYIS SNYOMS PAR 'JUG GO ZHES BYA BA'I THA TSIG GO, ,'DI YANG BTAGS PA'I YOD PA BSTAN PA'I PHYIR, 'DI YANG 'DU SHES MED PA'I SNYOMS PAR 'JUG PA BZHIN DU ZHES BYA BA LA SOGS PA SMRAS TE, JI LTAR 'DU SHES MED PA'I SNYOMS PAR 'JUG PA GNAS KYI GNAS SKABS KYI BYE BRAG LA GDAGS PA DE BZHIN DU, 'DI YANG DE LA GDAGS ZHES BYA BA'I THA TSIG GO, ,SEMS ME BA'I GNYID JI LTA BU ZHIG YIN SNYAM PA LA, ,SEMS MED PA'I GNYID NI ZHES BYA BA LA SOGS PA SMRAS TE, 'DI LTAR GANG GI TSE GNAS GNYID STUG POS NON PAR GYUR PA DE'I TSE, DUS DE SRID CIG TU YID KYI RNAM PAR SHES PA MI 'BYUNG STE, DE'I PHYIR SEMS MED PA ZHES BYA'O,, @45A *, ,SEMS MED PA'I BRGYAL BA JI LTA BU ZHIG YIN GANG LA RNAM PAR GZHAG SNYAM PA LA, SEMS MED PA'I BRGYA LA BA NI ZHES BYA BA LA SOGS PA SMRAS TE, GLO BUR DU BRNANG BA DANG, YANG NA KHAMS SHES MA MNYAM PAS DUS DE SRID CIG TU YID KYI RNAM PAR SHES PA 'BYUNG BA DANG, MI MTHUN PA'I LUS MA SNYOMS PAR 'GYUR BA GANG YIN PA'I GNAS MI MNYAM PA DE LA SEMS MED PA'I BRGYAL BA NYE BAR 'DOGS SO, ,MJUG BSDUS TE BSTAN PA'I PHYIR, GNAS SKABS LNGA PO DAG MA GTOGS LA ZHES BYA BA LA SOGS PA SMRAS PA NI MJUG BSDU BA'I DON TE GO SLA BAS MA BSHAD DO, ,YID KYI RNAM PAR SHES PA'I DBANG DU BYAS TE 'DRI BA'I PHYIR, DE LTAR 'DU SHES MED PA PA ZHES BYA BA LA SOGS PA SMRAS TE, GANG GI TSE 'DU SHES MED PA PA LA SOGS PA DANG BRAL BA DE'I TSE, GANG GI RNAL 'BYOR BA DE THAL BYUNG DU 'CHI PA'I DUS BYED PAR MI 'GYUR BA'I RNAM PAR SHES PA DE GANG LAS 'BYUNG ZHE NA, GRUB PA'I MTHA' SMRA BAS DE NI KUN GZHI RNAM PAR SHES PA NYID LAS 'BYUNG STE ZHES BYA BA LA SOGS PA SMRAS SO, ,'DU SHES MED PA LA SOGS PA LAS LANGS PA'I YID KYI RNAM PAR SHES PA DE NI KUN GZHI RNAM PAR SHES PA NYID LAS 'BYUNG STE, 'DI LTAR KUN GZHI RNAM PAR SHES PA DE NI RNAM PAR SHES PA THAMS CAD KYI SA BON DANG LDAN PA'O, ,'OG MA DANG MTSAMS SBYAR BAR BYA BA'I PHYIR RNAM PAR SHES PA GYUR PA GANG LA ZHES BYA BA LA SOGS PA SMRAS TE, DON DE NI GO SLA BAS MA BSHAD DO, ,DA NI BDAG DANG CHOS RNAMS RNAM PAR SHES PA GYUR PA LAS PHYI ROL NA MED DO ZHES GANG DAM BCAS PA DE RAB TU BSGRUB PA'I PHYIR, RNAM PAR SHES PA GYUR PA 'DI ZHES BYA BA LA SOGS PA SMRAS SO, ,RNAM PAR SHES PA GYUR PA GANG YIN PA DE NI RNAM PAR RTOG PA STE, RNAM PAR RTOG PA DES DNGOS PO GANG CI RNAM PAR BRTAGS PA DE THAMS CAD NI MED PA'O, ,DE BAS NA 'GRO BA 'DI THAMS CAD NI RNAM PAR RIG PA TZAM MO ZHES MDOR BYAS PA'I DON TO, ,YAN LAG GI DON BSTAN PA'I PHYIR, RNAM PAR SHES PA GYUR PA RNAM PA GSUM BSHAD @45B MA THAG PA GANG YIN PA DE NI ZHES BYA BA LA SOGS PA SMRAS SO, ,DON DE NI BRDA PHRAD PAR ZAD DO, ,RNAM PAR RTOG PA'I RANG GI NGO BO BSTAN PA'I PHYIR SGRO BTAGS PA'I DON GYIS RNAM PAR ZHS BYA BA LA SOGS PA SMRAS TE, DE LAS KHAMS GSUM PA'I SEMS DANG SEMS LAS BYUNG BA SGRO BTAGS PA'I DON GYI RNAM PAR 'BYUNG BA GANG YIN PA DE DAG RNAM PAR RTOG PA'I SGRAR BRJOD DO, ,'DIR DBUS DANG MTHA' RNAM PAR 'BYED PA KHUNGS SU BYA BA'I PHYIR, JI SKAD DU ZHES BYA BA LA SOGS PA SMRAS TE, DE LAS KHAMS GSUM PA'I SEMS DANG SEMS LAS BYUNG BA RNAMS NI YANG DAG PA MA YIN PA KUN TU RTOG PA ZHES 'BYUNG NGO, ,CI'I PHYIR RNAM PAR SHES PA GYUR PA RNAM PAR RTOG PA'I SGRAR BRJOD SNYAM PA LA, RNAM PAR RTOG PA RNAM PA GSUM PO ZHES BYA BA LA SOGS PA SMRAS TE, 'DI LTAR KUN GZHI'I RNAM PAR SHES PA LA SOGS PA DANG MTSUNGS PAR LDAN PA DANG BCAS PA RNAM PAR RTOG PA RNAM PA GSUM PO DE SNOD LA SOGS PA'I DNGOS PO GANG RNAM PAR RTOG PA DE YANG DAG PA'I DON DU NA MED DO, ,DE BAS NA RNAM PAR SHES PA GYUR PA DE NI RNAM PAR RTOG PA ZHES BYA STE, 'DI LTAR DE'I DMIGS PA NI DNGOS POR YOD PA MA YIN NO; ;PHYI ROL GYI DON DU SMRA BA YID MA CHES NAS, DE'I DMIGS PA DE MED PAR JI LTAR SHES SHE NA ZHES 'DRI STE, RNAM PAR RTOG PA'I DMIGS PA DNGOS PO MED PA YIN NO ZHES BYA BA DE JI LTAR SHES, GRUB PA'I MTHA' SMRA BAS GANG GI RGYU GANG YIN PA DE ZHES BYA BA LA SOGS PA SMRAS SO; ;GANG GI RGYUR GANG 'DOD PA DE TSOGS PA DANG 'GAL BA YANG MED NA, DE 'BYUNG BAR 'GYUR GYI, GZHAN DU NA NI MA YIN TE, 'DI NI 'DI LTA BU'I TSUL DU GNAS PA'O, ,RNAM PAR SHES PA NI SGYU MA LA SOGS PA DON MED PAR YANG 'GYUR TE, DE BAS NA DON GYI KHAR MA LAS PAR RNAM PAR SHES PA 'BYUNG BAS KHO BOS SHES SO, ,GAL TE RNAM APAR SHES PA 'BYUNG BA DMIGS PA'I KHAR LAS PA YIN NA NI, DE'I TSE SGYU MA LA SOGS PA DAG LA DON MED PAS RNAM PAR SHES PA 'BYUNG BAR MI 'GYUR RO, ,MJUG BSDU BA'I THABS KYIS RNAM PAR SHES PA'I @46A *, ,GTAN TSIGS BSTAN PA'I PHYIR, DE BAS NA SNGA MA 'GAGS PA DE DANG ZHES BYA BA LA SOGS PA SMRAS TE, DE LTAR RNAM PAR SHES PA PHYI'I DON GYI KHAR RAG LAS PA MA YIN NO, ,DE BAS NA SNGA MA 'GAGS PA DANG 'DRA BA'I RNAM PA NYID LAS RNAM PAR SHES PA 'BYUNG GI ,PHYI'I DON LAS NI 'BYUNG BA MA YIN TE, 'DI LTAR PHYI'I DON MED KYANG RNAM PAR SHES PA DE 'BYUNG BA'I PHYIR RO, ,DE LTAR RE ZHIG MA TSANG BA BSTAN NAS, 'GA' PA BSTAN PA'I PHYIR, DON THA DAD PA MA YIN PA LA YANG RTOG PAR BYED PA RNAMS ZHES BYA BA LA SOGS PA SMRAS TE, DNGOS PO GCIG LA YANG RTOG PAR BYED PA RNAMS KYI RTOG PA LA RO DANG 'DOD PA CAN DANG, BZA' BA LA SOGS PA'I RNAM PA PHAN TSUN MI MTHUN PAR SNANG NGO, ,'DI LA 'DI LTAR 'GYUR TE, DNGOS PO GCIG KHO NA LA DU MA'I RNAM PAR RIG PA 'BYUNG NGO ZHE NA, DE'I PHYIR GCIG NI ZHES BYA BA LA SOGS PA SMRAS TE, DNGOS PO GCIG NI PHAN TSUN 'GAL BA DU MA'I BDAG NYID DU MI RUNG NGO, ,DE LTAR NA DE'I PHYIR SGRO BTAGS PA'I RNAM PA YIN PAS RNAM PAR RTOG PA'I DMIGS PA MED PAR KHONG DU CHUD PAR BYA'O, ,MJUG BSDU BA BSTAN PA'I PHYIR 'DIR RE ZHIG CES BYA BA LA SOGS PA SMRAS TE, RNAM PAR RTOG PA'I YUL MED PA'I TSIG GIS SGRO BTAGS PA'I MTHA' SPANGS SO, ,DE NI SKUR PA 'DEBS PA'I MTHA' SPANG BAR 'DOD NAS, DES NA 'DI THAMS CAD RNAM PAR RIG TZAM ZHES BYA BA LA SOGS PA SMRAS SO,, DE DGROL BA'I PHYIR, DES NA ZHES BYA BA NI DE BAS NA'O ZHES BYA BA LA SOGS PA SMRAS TE, 'DI LTAR GYUR PA'I NGO BO NYID KYI RNAM PAR RTOG PAS BDAG LA SOGS PA DNGOS PO GANG RNAM PAR BTAGS PA DE, YANG DAG PA'I DON DU NA MED DO, ,RNAM PAR RTOG PA DE NI YOD DO, ,DE BAS NA YUL NI MED LA RNAM PAR RTOG PA NI YOD PAS THAMS CAD RNAM PAR RIG PA TZAM MO, ,YAN LAG GI DON BSTAN PA'I PHYIR, THAMS CAD CES BYA BA LA SOGS PA SMRAS TE, KHAMS GSUM PA DANG 'DUS MA BYAS NI THAMS CAD KYI SGRAR BSTAN TO ZHES BYA BA'I THA TSIG GO, , @46B TZAM GYI SGRA GANG YIN PA DE NI RNAM PAR RIG PA LAS LHAG PA'I YUL RNAM PAR BCAD PA'I PHYIR RO, ,PA ZHES BYA BA NI 'DIR CHUNG NGU DANG THUNG DU DANG SNANG BA DANG BSNGAGS PA'I DON MA YIN GYI, TSIGS SU BCAD PA'I RTZA BA KHA BSKANG BA'I DON TO, ,PHA ROL GYI TSIG GI GLAGS SU 'GYUR DU DOGS NAS GAL TE THAMS CAD RNAM PAR RIG PA TZAM KHO NA STE ZHES BYA BA LA SOGS PA SMRAS SO, ,GAL TE YANG DAG PA'I DON DU NA THAMS CAD RNAM PAR RIG PA TZAM NYID DO, ,RNAM PAR RIG PA TZAM DE LAS BYED PA PO'AM BYED PA GZHAN MED NA, RTZA BA'I RNAM PAR SHES PA BYED PA PO GANG GIS KYANG BYIN GYIS MA BRLABS PA LAS BYED PA MED PAR RNAM PAR RTOG PA SNA TSOGS DAG JI LTAR 'BYUNG BA BRJOD DGOS SO SNYAM PA LA, 'DIR GRUB PA'I MTHA' SMRA BAS RNAM PAR SHES PA SA BON THAMS CAD PA ZHES BYA BA LA SOGS PA SMRAS TE, KUN GZHI'I RNAM PAR SHES PA NYID PHAN TSUN GYI STOBS KYIS DE LTA DE LTAR 'GYUR BAR 'GRO STE, BYED PA PO DANG BYED PA MED PAR YANG DE LA RNAM PAR RTOG PA DE DANG DE DAG SKYE'O ZHES MDOR BYAS PA'I DON TO, ,'GREL PA BYED PAS YAN LAG GI DON BSTAN PA'I PHYIR, DE LA CHOS THAMS CAD SKYED NUS PA DANG ZHES BYA BA LA SOGS PA SMRAS SO, ,'DI LTAR KUN GZHI'I RNAM PAR SHES PA NI CHOS THAMS CAD SKYED NUS PA DANG LDAN TE, DE'I PHYIR SA BON THAMS CAD PA ZHES BYA'O, ,BYE BRAG GNYI GA SMOS PA'I DGOS PA BSTAN PA'I PHYIR, RNAM PAR SHES PA NI ZHES BYA BA LA SOGS PA SMRAS SO, ,'DI LTAR SA BON THAMS CAD PA MA YIN PA'I RNAM PAR SHES PA YANG YOD DE, 'JUG PA'I RNAM PAR SHES PA ZHES BYA'O, ,DE BAS NA DE LAS RNAM PAR DBYE BA'I PHYIR, SA BON THAMS CAD CES BYA BA BYE BRAG 'DI BYAS SO, ,RNAM PAR SHES PA MA GTOGS PAR GTZO BO LA SOGS PA LA, SA BON THAMS CAD PAR KHA CIG KUN TU RTOG STE, DE BAS NA DE RNAM PAR GCAD PA'I PHYIR RNAM PAR SHES PA SMOS SO, ,'DI NYID LA BSHAD PA GZHAN BYA BA'I PHYIR, YANG NA TSIG GCIG LA 'KHRUL PA YOD PA'I PHYIR ZHES BYA BA LA SOGS PA SMRAS @47A *, ,SO; ;DPER NA AUTPAL SNGON PO ZHES BYA BA 'DI LA NI TSIG GNYI GA 'KHRUL PA YOD PAS BYE BRAG DANG BYE BRAG GI GZHI'I DNGOS POR 'GYUR TE, THAMS CAD LA DE LTA MA YIN NO, ,LA LAR NI TSIG GCIG LA 'KHRUL PA YOD KYANG BYE BRAG DANG BYE BRAG GI GZHI NYID DU 'GYUR TE, DPER NA SA'I RDZAS DANG CHU'I RDZAS ZHES BYA BA LTA BU'O, ,'DI LTAR CHU LA NI RDZAS SU 'KHRUL PA MED MOD KYI, 'ON KYANG BYE BRAG RDZAS SMOS SO, ,DE BZHIN DU 'DIR YANG SA BON THAMS CAD NI RNAM PAR SHES PA NYID YIN PAR 'KHRUL PA MED KYI, 'ON KYANG RNAM PAR SHES PAS BYE BRAG TU DBYE'O, ,YAN LAG GZHAN BSHAD PAR BYA BA'I PHYIR, DE DE LTAR 'GYUR BAR 'GRO ZHES BYA BA LA SOGS PA SMRAS SO, ,SNGA MA'I GNAS SKABS DANG MTSAN NYID MI 'DRA BAR 'GYUR BA NI 'GYUR BA STE, DE NI RNAM PAR RTOG PA DE DANG DE'I 'OG MA SKYED NUS PA'I GNAS SKABS 'THOB PA'I MTSAN NYID DO, ,PHAN TSUN DBANG GIS ZHES BYA BA DE NI 'DI LTAR ZHES BYA BA LA SOGS PAS BRJOD DO, ,MIG LA SOGS PA'I RNAM PAR SHES PA GANG GI TSE RANG GI NUS PA YONGS SU GSO BA'I PHYIR 'JUG PA DE'I TSE KUN GZHI'I RNAM PAR SHES PA NUS PA KHYAD PAR CAN GYI RGYU'I DNGOS POR 'GYUR RO, ,KUN GZHI'I RNAM PAR SHES PA 'GYUR BA DE YANG MIG LA SOGS PA'I RNAM PAR SHES PA DE'I RGYUR 'GYUR RO, ,DE LTAR NA GANG GI PHYIR PHAN TSUN GYI STOBS KYIS GNYI GA 'JUG PA DE'I PHYIR KUN GZHI'I RNAM PAR SHES PA SUS KYANG BYIN GYIS MA BRLABS PA NYID LAS RNAM PAR RTOG PA DU MA DE DANG DE SKYE BAR GNAS SO, ,'OG MA DANG MTSAMS SBYAR BAR BYA BA'I PHYIR, 'DIR NI DA LTAR GYI TSE LA ZHES BYA BA LA SOGS PA SMRAS TE, KUN GZHA'I RNAM PAR SHES PA DANG 'JUG PA'I RNAM PAR SHES PA DAG RGYU DANG 'BRAS BU'I DNGOS POR BSTAN PA GANG YIN PA DE'I TSE 'DI NYID LA LTOS TE BSTAN PA'O, ,DA NI DA LTAR GYI TSE LAS MA 'ONGS PA'I TSE JI LTAR 'BYUNG BAR 'GYUR BA DE RAB TU BSTAN PA'I PHYIR, LAS KYI BAG CHAGS 'DZIN GNYIS KYI ZHES BYA BA LA SOGS PA SMRAS TE, KUN GZHI'I RNAM PAR SHES @47B PA ZHES BYA BA RNAM PAR SMIN PA SNGON GYI LAS RNAMS KYIS 'PHANGS PAR 'GYUR BA GANG YIN PA DE ZAD NAS, LAS KYI BAG CHAGS DANG 'DZIN PA GNYIS KYI BAG CHAGS DANG BCAS PAS RNAM PAR SMIN PA GZHAN KUN GZHI'I RNAM PAR SHES PA NYID SKYED DO ZHES MDOR BYAS PA'I DON TO, , 'GREL BA BYED PAS YAN LAG GI DON BSTAN PA'I PHYIR, BSOD NAMS DANG BSOD NAMS MA YIN PA ZHES BYA BA LA SOGS PA SMRAS TE, BSOD NAMS DANG BSOD NAMS MA YIN PA DANG MI G-YO BA'I SEMS PA GANG YIN PA DE NI LAS SO, ,RNAM PA DE LTA BU'I LAS DES MA 'ONGS PA'I LUS MNGON PAR 'GRUB PAR KUN GZHI'I RNAM PAR SHES PA LA NUS PA SKYED PA GANG YIN PA DE LAS KYI BAG CHAGS ZHES BRJOD DO, ,'DZIN PA GNYIS BSTAN PA'I PHYIR, 'DZIN PA GNYIS NI ZHES BYA BA LA SOGS PA SMRAS TE, GZUNG BAR MNGON PAR ZHEN PA DANG, 'DZIN PAR MNGON PAR ZHE NA PA DE NI 'DZIN PA GNYIS SO, ,'DI GNYIS KYI SO SOR RANG GI NGO BO BSTAN PA'I PHYIR, DE LA RNAM PAR SHES PA LAS GUD NA ZHES BYA BA LA SOGS PA SMRAS TE, RNAM PAR SHES PA MA GTOGS PAR RANG YOD PAS GNAS PA'I GZUNG BA BDAG NYID KYIS YOD PAR LHAG PAR CHAGS PA GANG YIN PA DE NI GZUNG BAR 'DZIN PA'O, ,GZUNG BA RNAM PA DE LTA BU DE YANG RNAM PAR SHES PAS 'DZIN PAR NGES PA GANG YIN PA DE NI 'DZIN PAR 'DZIN PA'O, ,DE'I BAG CHAGS BSTAN PA'I PHYIR SNGON BYUNG BA'I 'DZIN PA DANG ZHES BYA BA LA SOGS PA SMRAS TE, SNGON BYUNG BA'I 'DZIN PA GNYIS KYIS BTAB PA MA 'ONGS PA'I DE'I RIGS KYI 'DZIN PA GNYIS 'BYUNG BA'I SA BON GANG YIN PA DE 'DZIN PA GNYIS KYI BAG CHAGS SO, ,DE LTAR BAG CHAGS DAG BSHAD NAS DE GNYIS KYI LAS RAB TU BSTAN PA'I PHYIR, DE LAS KYI BAG CHAGS KYI BYE BRAG GIS ZHES BYA BA LA SOGS PA SMRAS TE, DGE BA'I LAS KYI BAG CHAGS RNAMS KYIS MI LA SOGS PA'I 'GRO BA THA DAD PAR LUS THA DAD PAR 'GYUR, MI DGE BA'I LAS KYI BAG CHAGS KYIS SEMS CAN DMYAL BA LA SOGS PA'I 'GRO BA THA DAD PAR LUS THA DAD PAR 'GYUR @48A *, ,TE; DPER NA 'BRAS S'A LU LA SOGS PA'I SA BON THA DAD PAS MYU GU THA DAD PAR 'GYUR BA BZHIN NO, ,'DI LA 'DZIN PA GNYIS KYI BAG CHAGS GANG YIN PA DE NI LAS KYI BAG CHAGS JI LTAR RANG GIS 'PHANGS PA'I LUS SKYED PA LA ZHUGS PA THAMS CAD KYI LHAN CIG BYED PA NYID DU 'GYUR TE, DPER NA SA BON GYI MYU GU SKYE BA NA SA DANG CHU LA SOGS PA LHAN CIG BYED PA'I RKYEN DU 'GYUR BA BZHIN NO, ,MJUG BSDU BA BSTAN PA'I PHYIR, DE LTAR NA LAS KYI BAG CHAGS 'BA' ZHIG MA YIN GYI ZHES BYA BA LA SOGS PA SMRAS SO, ,LAS KYI BAG CHAGS 'PHEN PAR BYED PA 'DZIN PA GNYIS KYI BAG CHAGS KYI LHAN CIG BYED PA GANG YIN PA DE LAS TSIG GI DON 'DI 'BYUNG STE, 'DZIN PA GNYIS KYI BAG CHAGS MED PAR LAS KYI BAG CHAGS 'BA' ZHIG GIS RNAM PAR SMIN PA SKYED MI NUS SO ZHES BYA BAR 'GYUR RO; ;DE'I PHYIR ZHES BYA BA LA SOGS PAS NI DON DE NYID BSTAN PAR BYED DO, ,YANG YAN LAG GZHAN BSHAD PAR BYA BA'I PHYIR, SNGA MA'I RNAM PAR SMIN PA ZAD NAS ZHES BYA BA LA SOGS PA SMRAS TE, SNGON GYI TSE RABS DAG NA BSAGS PA'I LAS GANG YIN PA'I LAS DES TSE 'DI LA RNAM PAR SMIN PA BSGRUBS PA GANG YIN PA DE 'PHANGS PA'I DUS KYI MTHA' LA GNAS PA NA LAS KYI BAG CHAGS STOBS DANG LDAN PAR GYUR PA GANG YIN PA DE, DE'I TSE 'DZIN PA GNYIS KYI BAG CHAGS DANG BCAS PAS RNAM PAR SMIN PA YONGS SU DPYAD PA LAS RNAM PAR SMIN PA GZHAN KUN GZHI'I RNAM PAR SHES PA DE NYID SKYED DO, ,DE'I PHYIR KUN GZHI'I RNAM PAR SHES PA MA GTOGS PAR, RNAM PAR SMIN PA GZHAN MED DO, ,TSIG LE'UR BYAS PA'I DON GYIS MJUG BSDU BA BSTAN PA'I PHYIR, SNGA MA'I RNAM PAR SMIN PA ZAD NAS ZHES BYA BA LA SOGS PA SMRAS TE; DE NI GO SLA BAS MA BSHAD DO, ,'DIR MDO SDE PAS PHYIR BRGAL BA'I PHYIR, MIG LA SOGS PA'I RNAM PAR SHES PA MA GTOGS PAR ZHES BYA BA LA SOGS PA SMRAS TE, KUN GZHI'I RNAM PAR SHES PA YOD DE, SA BON THAMS CAD PA YIN NA NI RIGS PA BRDOD DGOS SO ZHES @48B BYA BA'I THA TSIG GO, ,GRUB PA'I MTHA' SMRA BAS, GNYI GA YANG BSGRUB PA'I PHYIR, LUNG DANG RIGS PAS YOD PAR MNGON TE ZHES BYA BA LA SOGS PA SMRAS TE, 'DI LTAR THEG PA CHEN PO'I CHOS MNGON PA'I MDO LAS, BCOM LDAN 'DAS KYIS THOG MA MED PA'I DUS KYI DBYINGS DANG, KUN NAS NYON MONGS PA'I CHOS THAMS CAD KYI GNAS TE DE YOD NA, 'GRO BA LNGA PO THAMS CAD YOD DE, DE YOD NA MYA NGAN LAS 'DAS PA YANG THOB PAR 'GYUR RO ZHES GSUNGS TE, DE'I PHYIR KUN GZHI'I RNAM PAR SHES PA YOD DE DE YANG SA BON THAMS CAD PAR GRUB BO, ,KUN GZHI'I RNAM PAR SHES PA MA GTOGS PAR NI THOG MA MED PA'I DUS KYI DBYINGS DANG, KUN NAS NYON MONGS PA'I CHOS THAMS CAD KYI GNAS SU GANG YANG MI 'THAD DO, ,DBYINGS NI 'DIR RGYU'I SGRAR BSTAN TO, ,SA BON THAMS CAD PA NI CHOS THAMS CAD KYI GNAS KYI SGRAR BSTAN TO, ,RIGS PA BSTAN PA'I PHYIR, KUN GZHI'I RNAM PAR SHES PA MED NA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'JUG PA DANG LDOG PA GNYIS KYI RANG GI NGO BO BSTAN PA'I PHYIR, DE LA 'KHOR BAR 'JUG PA NI ZHES BYA BA LA SOGS PA SMRAS TE, RIGS MTHUN PA GZHAN DAG TU MTSAMS SBYAR BAR BYED PA GANG YIN PA DE NI 'KHOR BAR 'JUG PA'O, ,PHUNG PO'I LHAG MA DANG BCAS PA DANG PHUNG PO'I LHAG MA MED PA'I MYA NGAN LAS 'DAS PA'I DBYINGS GANG YIN PA DE NI 'KHOR BA DE LDOG PA'O, ,PHUNG PO'I LHAG MA DANG BCAS PA NI PHUNG PO'I LHAG MA DANG LHAN CIG PA'O, ,'DI LTAR PHUNG PO'I LHAG MA DANG BRAL BA DE NI PHUNG PO'I LHAG MA MED PA'O, ,PHUNG PO'I SGRA NI PHUNG PO RNAMS LA BYA'O, ,LHAG MA'I SGRA NI CHA LA BYA'O, ,CHA NI GNYIS TE NYON MONGS PA'I CHA DANG, PHUNG PO'I CHA'O, ,DE'I PHYIR PHUNG PO'I CHA YOD BZHIN DU, NYON MONGS PA'I CHA SPANGS PA'O ZHES BSTAN PA YIN NO, BCAS PA'I SGRA NI YOD PA LA BYA BAR YANG MTHONG STE, DPER NA BONG MO BONG PHRUG BCU DANG BCAS PA LHAN CIG KHAL KHYER RO ZHES BYA BA LTA BU STE, DE LA YOD PAR BSHAD DO, ,JI LTAR NA 'JUG PA MED PAR @49A *, ,'GYUR SNYAM PA LA, DE LA KUN GZHI'I RNAM PAR SHES PA LAS, GZHAN ZHES BYA BA LA SOGS PA SMRAS TE, 'DU BYED KYI RKYEN GYIS RNAM PAR SHES PA ZHES 'BYUNG BA GANG YIN PA DE NI KUN GZHI'I RNAM PAR SHES PA MA GTOGS PAR GZHAN MI SRID DO, ,'DU BYED KYI RKYEN GYIS RNAM PAR SHES PA MED PAR NI 'JUG PA MI 'THAD DO, ,RNAM PAR SHES PA GZHAN 'DU BYED KYI RKYEN LAS 'BYUNG BAR CI'I PHYIR MI RUNG SNYAM PA LA, KUN GZHI'I RNAM PAR SHES PA KHAS MI LEN NA ZHES BYA BA LA SOGS PA SMRAS TE, ,GANG DAG KUN GZHI'I RNAM PAR SHES KHAS MI LEN PA DE DAG NYING MTSAMS MI SBYOR BAR RNAM PAR SHES PA NI 'DU BYED KYI RKYEN LAS 'BYUNG BAR RTOG STE, DPER NA BYE BRAG TU SMRA BA RNAMS KYIS BTAGS PA LTA BU'AM, 'DU BYED KYIS YONGS SU BSGOS PA'I RNAM PAR SHES PA'I TSOGS DRUG YIN PAR YONGS SU RTOG STE, DPER NA MDO SDE PA LTA BU YIN GRANG NA, RNAM PAR RTOG PA DANG PO'I DBANG DU BYAS TE, DE LA 'DU BYED GANG YIN PA DE DAG NI ZHES BYA BA LA SOGS PA SMRAS TE, 'DU BYED GANG YIN PA DE DAG NI NYING MTSAMS SBYOR BA'I RNAM PAR SHES PA'I RKYEN NYID DU MI 'DOD DE, DE DAG NI 'GAGS NAS YUN RING DU LON PA'I PHYIR RO, ,DE BAS NA RDZAS SU YOD PA MA YIN NO, ,MED PA NI RKYEN DU MI 'THAD DO, ,DE LTA BAS NA 'DU BYED NI NYING MTSAMS SBYOR BA'I RNAM PAR SHES PA'I RKYEN DU MI RUNG NGO, ,'DI NYID LA NYES PA GZHAN BSTAN PA'I PHYIR, NYING MTSAMS SBYOR BA'I TSE NI ZHES BYA BA LA SOGS PA SMRAS SO, ,NYING MTSAMS SBYOR BA'I DUS NA MING DANG GZUGS MTHA' DAG KYANG YOD DE, RNAM PAR SHES PA 'BA' ZHIG NI MA YIN NA, DE LA NYING MTSAMS SBYOR BA'I TSE, 'DU BYED RNAM PAR SHES PA NYID KYI RKYEN YIN GYI, MING DANG GZUGS KYI RKYEN NI MA YIN NO ZHES BYA BA 'DI LA RIGS PA GANG YANG MED DO, ,DE'I PHYIR 'DU BYED KYI RKYEN GYIS MING DANG GZUGS NYID YIN GYI, DE RNAM PAR SHES PA'I RKYEN NI MA YIN NO ZHES BRJOD PAR BYA'O, ,BRGYAL GZHAN NYID MTSAMS SBYOR BA'I MING DANG GZUGS KYI RKYEN RNAM PAR SHES PA YIN PAR MI 'DOD DO ZHE NA, @49B DE'I PHYIR RNAM PAR SHES PA'I RKYEN GYIS MING DANG GZUGS ZHES BYA BA GZHAN GANG YIN ZHES BYA BA SMRAS SO, ,JI STE DE LTAR MI 'DOD NA DE'I TSE RNAM PAR SHES PA MING DANG GZUGS KYI RKYEN GANG YIN PA BRJOD DGOS SO, ,GZHAN GYI TSIG GI GLAGS SU GYUR DU DOGS NAS, GAL TE DUS PHYI MA PA GANG YIN PA DE'I RKYEN TO ZHE NA ZHES BYA BA SMRAS TE, NYID MTSAMS SBYOR BA'I SKAD CIG PA'I 'OG GI DUS KYI MING DANG GZUGS GANG YIN PA DE RNAM PAR SHES PA'I RKYEN GYIS BYUNG BA'O, ,GRUB PA'I MTHA' SMRA BAS, DE NYID MTSAMS SBYOR BA'I MING DANG GZUGS LAS RANG BZHIN BYE BRAG TU GYUR PA CI YOD NA ZHES BYA BA LA SOGS PA SMRAS TE, DUS PHYI MA'I MING DANG GZUGS DE DANG NYING MTSAMS SBYOR BA'I MING DANG GZUGS BYE BRAG CI YOD NA, KHYOD GANG GI PHYIR PHYI MA'I MING DANG GZUGS GANG YIN PA DE NYID NI RNAM PAR SHES PA'I RKYEN LAS BYUNG BAR 'DOD LA, SNGA MA NI MA YIN, SNGA MA 'DU BYED KYI RKYEN LAS BYUNG BAR 'DOD LA, PHYI MA NI MA YIN, MJUG BSDUS NAS BSTAN PA'I PHYIR, DE'I PHYIR 'DU BYED KYI RKYEN GYIS MING DANG GZUGS NYID DU GYUR GYI ZHES BYA BA LA SOGS PA SMRAS SO, ,GANG GI PHYIR MING DANG GZUGS BYE BRAG MED PA DE'I PHYIR, 'DU BYED KYI RKYEN GYIS MING DANG GZUGS NYID DU GYUR NA, NYID MTSAMS SBYOR BA'I RNAM PAR SHES PA'I YAN LAG GZHAN YONGS SU BRTAG CI DGOS, RNAM PAR RTOG PA SNGA MA MJUG BSDU BA'I PHYIR, DE LTA BAS NA NYID MTSAMS SBYOR BA'I RNAM PAR SHES PA NI ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,RNAM PAR RTOG PA GNYIS PA'I DBANG DU BYAS NAS, RNAM PAR SHES PA'I TSOGS DRUG PO YONGS SU BSGOS PA DAG KYANG ZHES BYA BA LA SOGS PA SMRAS TE, DON DE NI BRDA PHRAD PAR ZAD DO, ,MDO SDE PA YID MA CHES NAS, CI'I PHYIR ZHE NA ZHES 'DRI PA LA, GRUB PA'I MTHA' SMRA BAS RNAM PAR SHES PA NI ZHES BYA BAL SOGS PA SMRAS TE, 'DI LTAR RNAM PAR SHES PA NI BDAG NYID LA RNAM PAR SMIN PA'I BAG CHAGS SAM RGYU MTHUN PA'I BAG CHAGS SKYED MI NUS TE, 'DI LTAR BDAG NYID LA BYED PA 'GAL BA'I @50A *, ,BA'I PHYIR RO, ,DE LA 'DI SNYAM DU PHYI MA LA SKYED PAR 'GYUR RO SNYAM PA LA DE'I PHYIR, MJUG THOGS SU 'BYUNG BA YANG MA YIN TE ZHES BYA BA LA SOGS PA SMRAS TE, MJUG THOGS SU 'BYUNG BA'I RNAM PAR SHES PA LA YANG BAG CHAGS RNAM PA GNYIS MI SKYED DE; 'DI LTAR DE'I TSE NA DE MA BYUNG NGO, ,DE MA BYUNG BA'I PHYIR DE RDZAS SU YOD PA MA YIN NO, ,GANG GI TSE BYUNG BA DE'I TSE SKYED PAR 'GYUR RO ZHE NA DE'I PHYIR, BYUNG BA NA YANG MA YIN TE ZHES BYA BA LA SOGS PA SMRAS SO, ,MJUG THOGS SU BYUNG BA DE LA YANG MI SKYED DE, 'DI LTAR RNAM PAR SHES PA SNGA MA BAG CHAGS SKYED PAR BYED PA DE NI SKAD CIG YIN PAS DE'I TSE 'GAGS SO, ,DE'I PHYIR GANG DU BAG CHAGS SKYED PAR 'GYUR, ,'DI NYID LA NYES PA GZHAN BSTAN PA'I PHYIR, SEMS MED PA'I SNYOMS PAR 'JUG PA LA SOGS PA'I DUS NA NI ZHES BYA BA LA SOGS PA SMRAS TE, SEMS MED PA'I 'GOG PA'I SNYOMS PAR 'JUG PA LA SOGS PA'I DUS GANG YIN PA DE DAG NA, 'DU BYED RNAMS KYIS YONGS SU BSGOS PA'I SEMS 'BYUNG MI SRID DE, DE BAS NA RNAM PAR SHES PA'I RKYEN GYIS MING DANG GZUGS MED PAR 'GYUR RO, ,MING DANG GZUGS MED PAS SKYE MCHED DRUG LA SOGS PA RGA SHI LA THUG GI BAR DU MED PAR 'GYUR RO, ,DE'I PHYIR 'KHOR BAR 'JUG PA NYID MED PAR 'GYUR TE, SEMS CAN THAMS CAD BSGRIM MI DGOS PAR GROL BAR 'GYUR RO, ,DE LTAR GZHAN GYI PHYOGS BKAG NAS MJUG BSDU BA'I THABS KYIS RANG GI PHYOGS BSTAN PA'I PHYIR, DE BAS NA MA RIG PA'I RKYEN GYIS 'DU BYED RNAMS SO ZHES BYA BA LA SOGS PA SMRAS TE, GANG GI PHYIR DE LTAR GZHAN GYI PHYOGS RNAM PA GNYIS KA LA 'KHOR BAR 'JUG PA MI RUNG BA DE'I PHYIR, MA RIG PA'I RKYEN GYIS 'DU BYED RNAMS TE, DE DAG GIS BSGOS PA'I KUN GZHI'I RNAM PAR SHES PA NYID KYI RKYEN 'DU BYED DO, ,KUN GZHI'I RNAM PAR SHES PA'I RKYEN GYIS NYING MTSAMS SBYOR BA'I TSE, MING DANG GZUGS ZHES BYA BA LA SOGS PA STE, 'DI LA NYES PA MED DO, ,LDOG PA MI 'THAD PAR BSTAN PA'I PHYIR, 'KHOR BA LDOG PA @50B PA YANG ZHES BYA BA LA SOGS PA SMRAS TE, GAL TE KUN GZHI'I RNAM PAR SHES PA MED NA, DE'I TSE 'KHOR BA LDOG PAR MI RUNG NGO, ,CI'I PHYIR MI RUNG SNYAM PA LA, 'KHOR BA'I RGYU NI ZHES BYA BA LA SOGS PA SMRAS TE, 'DI LTAR 'KHOR BA'I RGYU NI LAS DANG NYON MONGS PA RNAMS SO, , DE GNYIS KYI NANG NA YANG NYON MONGS PA RNAMS NI RGYU'I GTZO BO'O, ,CI'I PHYIR DE DAG GTZO BO YIN SNYAM PA LA, 'DI LTAR NYON MONGS PA'I DBANG GIS NA ZHES BYA BA LA SOGS PA SMRAS TE, 'DI LTAR NYON MONGS PA'I STOBS KYIS LAS YANG SRID PA 'PHEN NUS PAR 'GYUR GYI, GZHAN DU NI MA YIN NO, , DE LTAR LAS GANG GI YANG SRID PA 'PHEN PAR 'GYUR BA DE YANG, NYON MONGS PA NYID KYI DBANG GIS 'GYUR GYI GZHAN GYI NI MA YIN NO, ,DE'I PHYIR NYON MONGS PA NYID GTZO BO YIN PAS 'KHOR BAR 'JUG PA'I RTZA BA'I RGYU YIN NO, ,DE LTA BAS NA DE DAG SPANGS NA 'KHOR BA'ANG LDOG PAR 'GYUR TE, DE'I LDOG PA GZHAN DU MA YIN NO, ,GAL TE DE LTA YIN NA YANG DES CIR 'GYUR SNYAM PA LA, KUN GZHI'I RNAM PAR SHES PA MED PAR ZHES BYA BA LA SOGS PA SMRAS SO, ,GAL TE KUN GZHI'I RNAM PAR SHES PA MI 'DOD NA, DE'I TSE NYON MONGS PA RNAMS SPANG DU MI RUNG NGO, ,YID MA CHES NAS JI LTAR MI RUNG ZHE NA ZHES DRI BA LA, GRUB PA'I MTHA' SMRA BAS, NYON MONGS PA MNGON DU GYUR PA'AM ZHES BYA BA LA SOGS PA SMRAS SO, ,DE NI GO SLA BAS MA BSHAD DO, ,RNAM PAR RTOG PA DANG PO'I DBANG DU BYAS NAS, DE LA MNGON DU GYUR PA SPONG NGO ZHE NA NI ZHES BYA BA LA SOGS PA SMRAS SO, ,GANG GI TSE RNAL 'BYOR PA LAM LA SNYOMS PAR ZHUGS PAR GYUR PA DE'I TSE NYON MONGS PA RNAMS MNGON DU GA LA 'GYUR TE, 'DI LTAR MNGON DU 'GYUR BA SPONG NGO ZHES BYA BA 'DI NI 'DOD PA MA YIN PA NYID DO, ,RNAM PAR RTOG PA GNYIS PA'I DBANG DU BYAS TE, DE SPONG BA'I LAM LA GNAS PA'I PHYIR ZHES BYA BA LA SOGS PA SMRAS TE, 'DI LTAR RNAL 'BYOR PA NI NYON MONGS PA SPONG BA'I LAM LA GNAS TE, DE'I PHYIR SA BON GYI TSE YANG MI SPONG NGO, ,CI'I PHYIR SNYAM PA LA, DE'I TSE NA NI GNYEN PO LAS GZHAN CI YANG KHAS MA BLANGS PA'I PHYIR RO ZHES BYA BA LA SOGS PA SMRAS TE, 'DI LTAR GANG LA NYON MONGS PA'I @51A *, ,SA BON GNAS PA DE NI DE'I GNYEN POS SPONG NA, KHYED NI DE'I TSE GNYEN PO MA GTOGS PAR GZHAN CI YANG KHAS MI LEN TO, ,GZHAN GYI TSIG GI GLAGS SU 'GYUR DU DOGS NAS, CI STE GNYEN PO'I SEMS NYID CES BYA BA LA SOGS PA SMRAS SO, ,GAL TE GNYEN PO'I SEMS NYID NYON MONGS PA'I SA BON DANG LDAN PAR 'DOD NA DE NI MI RIGS SO, ,'DI LTAR NYON MONGS PA'I SA BON DANG LDAN PA NYID NYON MONGS PA DE'I GNYEN POR 'GYUR BA NI MI RIGS TE, DRI MAS DRI MA BKRUR MI RUNG BA DANG 'DRA'O, ,NYON MONGS PA'I SA BON MA SPANGS NA DES CIR 'GYUR SNYAM PA LA, NYON MONGS PA'I SA BON MA SPANGS PA RNAMS KYI ZHES BYA BA LA SOGS PA SMRAS TE, JI SRID DU NYON MONGS PA'I SA BON MA SPANGS PA DE SRID DU 'KHOR BA LDOG MI SRID DO, ,MJUG BSDU PA'I THABS KYIS RANG GI PHYOGS BSTAN PA'I PHYIR, DE LTA BAS NA GDON MI ZA BAR ZHES BYA BA LA SOGS PA SMRAS TE, GANG GI PHYIR DE LTAR KUN GZHI'I RNAM PAR SHES PA MED PAR SA BON GYI GZHI GANG YANG MED PA DE'I PHYIR GDON MI ZA BAR KUN GZHI'I RNAM PAR SHES PA LAS, DE LAS GZHAN PA'I RNAM PAR SHES PA DANG LHAN CIG 'BYUNG BA'I NYON MONGS PA DANG, NYE BA'I NYON MONGS PA RNAMS KYIS RANG GI SA BON YONGS SU GSO BA'I PHYIR BAG CHAGS BSGO BAR KHAS BLANG BAR BYA'O, ,DE KHAS BLANGS NA DES CI ZHIG 'GRUB CE NA DE'I PHYIR, BAG CHAGS STOBS JI LTA BA BZHIN DU 'JUG PA DE RNYED NA ZHES BYA BA LA SOGS PA SMRAS TE, GANG GI TSE KUN GZHI'I RNAM PAR SHES PA LA GANG NYON MONGS PA DANG, NYE BA'I NYON MONGS PA RNAMS KYIS BAG CHAGS BSGOS PAR GYUR PA DE'I PHYIR, STOBS DANG LDAN PA'I BAG CHAGS RNAMS 'JUG PA RNYED PAR GYUR NA KUN GZHI'I RNAM PAR SHES PA ZHES BYA BA RGYUR GYUR PA'I BYE BRAG RNYED PA'I SEMS NYID LAS NYON MONGS PA DANG, NYE BA'I NYON MONGS PA GANG DAG 'BYUNG BA DAG GIS SA BON KUN GZHI'I RNAM PAR SHES PA LA GNAS PA NI KUN GZHI'I RNAM PAR SHES PA ZHES BYA BA DANG LHAN CIG 'BYUNG BA, NYON MONGS PA'I GNYEN POS SEL TE, DE LTAR KUN GZHI'I RNAM PAR SHES PA YOD NA NYON MONGS PA SPONG BAR 'GRUB PAR 'GYUR RO, ,NYON MONGS PA'I SA BON @51B DE BSAL NA GNAS DES KYANG NYON MONGS PA RNAMS MI SKYE STE, DE'I PHYIR PHUNG PO LHAG MA DANG BCAS PA'I MYA NGAN LAS 'DAS PA'I DBYINGS THOB PO, ,DE THOB NAS GANG GI TSE SNGON GYI LAS KYIS 'PHANGS PA'I TSE ZAD PAR GYUR PA DE'I TSE, GZHAN DANG NYID MTSAMS SBYOR BA MED PAS, PHUNG PO'I LHAG MA MED PA'I MYA NGAN LAS 'DAS PA'I DBYINGS 'THOB BO, ,NYON MONGS PA RNAMS SPANGS SU ZIN KYANG, LAS YOD NA DE SKYE BA GZHAN DANG NYID 'TSAMS SBYOR BAR 'GYUR RO ZHE NA, DE'I PHYIR LAS YOD DU ZIN KYANG ZHES BYA BA LA SOGS PA SMRAS TE, GANG GI TSE NYON MONGS PA RNAMS SPANGS PAR GYUR PA DE'I TSE, LAS YOD DU ZIN KYANG LHAN CIG BYED PA'I RGYU MED PAS, YANG 'BYUNG BA'I NYID MTSAMS SBYOR BA'I MTHU MED DE, DE'I PHYIR DE'I TSE SKYE BA GZHAN DANG MTSAMS SBYOR BAR MI 'GYUR RO, ,RANG GI PHYOGS KYI MJUG BSDUS NAS BSTAN PA'I PHYIR, DE LTAR KUN GZHI'I RNAM PAR SHES PA PA YOD NA ZHES BYA BA LA SOGS PA SMRAS TE, GANG GI PHYIR DE LTAR KUN GZHI'I RNAM PAR SHES PA YOD NA, 'KHOR BAR 'JUG PA DANG LDOG PA YOD PAR 'GYUR TE, GZHAN DU MA YIN PA DE'I PHYIR, MIG LA SOGS PA'I RNAM PAR SHES PA LAS GUD NA KUN GZHI'I RNAM PAR SHES PA YOD DE, DE NYID SA BON THAMS CAD PAR 'DOD PAR BYA'I GZHAN NI MA YIN PAR GDON MI ZA BAR KHAS BLANG PAR BYA'O, ,RGYA CHER DPYAD PA GANG YIN PA DE NI PHUNG PO LNGA PO'I BSHAD SBYAR GNAS BRTAN BLO BRTAN GYIS BYAS PA LAS RIG PAR BYA'O,, ,,BAM PO LNGA PA STE THA MA, 'OG MA DANG MTSAMS SBYAR BAR BYA BA'I PHYIR, GAL TE 'DI DAG RNAM PAR RIG PA TZAM YIN NA ZHES BYA BA LA SOGS PA SMRAS TE, DE NI GO SLA BAS MA BSHAD DO, ,GRUB PA'I MTHA' SMRA BAS RNAM PAR RIG PA TZAM NYID LA NGO BO NYID GSUM RNAM PAR GZHAG PAS 'GAL BA MED DO ZHES BYA BA LA SOGS PA SMRAS SO, ,'DI LTAR RNAM PAR RIG PA TZAM NYID LA NGO BO NYID GSUM PO DE DAG RNAM PAR GZHAG STE, DE'I PHYIR 'DIR MDO DANG 'GAL BA MED DO, ,GCIG LA GSUM RNAM PAR GZHAG PA YID MA CHES NAS JI LTA BU ZHE NA ZHES 'DRI BA LA, GRUB PA'I MTHA' SMRA BAS, RNAM PAR RTOG PA GANG @52A *, ,GANG GIS, ,ZHES BYA BA LA SOGS PA SMRAS SO, ,RNAM PAR RTOG PA GANG YANG RUNG BA GANG GIS, DNGOS CI YANG RUNG BA GANG RNAM PAR BRTAGS PA DE THAMS CAD KUN BRTAGS PA'I NGO BO NYID DU BLTA BAR BYA STE, 'DI LTAR DE YANG DNGOS PO MED DO ZHES MDOR BYAS PA'I DON TO, , 'GREL PA BYED PAS YAN LAG GI DON BSTAN PA'I PHYIR, NANG DANG PHYI'I DNGOS POR BRTAG PA'I BYE BRAG GIS ZHES BYA BA LA SOGS PA SMRAS SO, ,'DI LTAR RNAM PAR BRTAG PAR BYA BA KHA CIG NI NANG GI YIN KHA CIG NI PHYI ROL GYI YIN TE, DE'I PHYIR DE'I BYE BRAG GIS RNAM PAR RTOG PA DAG MTHA' YAS PAR BSTAN PA'I PHYIR, SLOB DPON GYIS, RNAM PAR RTOG PA GANG GANG GIS, ,ZHES BYA BA SMRAS SO, ,GNYIS PA'I YAN LAG GI DON BSTAN PA'I PHYIR, DNGOS PO GANG GANG RNAM BRTAGS PA, ,ZHES BYA BA LA SOGS PA SMRAS SO, ,GAL TE RNAM PAR BRTAG PAR BYA BA NANG GI DNGOS PO 'AM, 'ON TE PHYI'I DNGOS PO 'AM, THA NA SANGS RGYAS KYI CHOS KYI BAR DU RNAM PAR BRTAG PAR BYA BA GANG YIN PA DE NI KUN BRTAGS PA'I NGO BO NYID DU BLTA BAR BYA'O, ,BRGYA LA 'GA' ZHIG YID MA CHES PAR 'GYUR BAS DE'I PHYIR 'DI SLOB DPON GYIS KUN BRTAGS PA'I NGO BO NYID KYI GTAN TSIGS SMRAS TE DE MED DO ZHES BYA BA'O, ,DE DGROL BA'I PHYIR, RNAM PAR BRTAG PA'I YUL GYI DNGOS PO GANG YIN PA DE ZHES BYA BA LA SOGS PA SMRAS TE, 'DI LTAR LUS LA SOGS PA'I DNGOS PO GCIG KHO NA LA RO DANG 'DOD PA CAN GYI BYE BRAG GIS RNAM PAR RTOG PA PHAN TSUN MI MTHUN PA RNAM PA DU MA 'BYUNG BAR MTHONG STE, DPER NA STAG LA SOGS PA MED PAR STAG 'ONGS SO ZHES THOS NAS, DPA' BO DANG SNGAR MA LA SOGS PA RGOL 'DOD PA DANG, 'JIGS PA LA SOGS PA SKYE BA LTA BU'O, ,DE LA 'DI SNYAM DU DNGOS PO NYID KYIS DE RNAM PA DE LTAR 'GYUR RO ZHE NA, DE'I PHYIR, DNGOS PO GCIG PA'I MED PA LA, ,ZHES BYA BA LA SOGS PA SMRAS TE, DNGOS PO GCIG PO DE NYID NI PHAN TSUN MI MTHUN PA DU MA'I NGO BO NYID DU MI RUNG NGO, ,DE MED PA YANG RNAM PA DE LTA BU MI RUNG NGO, ,MJUG BSDU BA'I PHYIR, ,DE BAS NA 'DI DAG THAMS CAD CES BYA BA LA SOGS PA SMRAS TE, GANG GI PHYIR DE LTAR RNAM PAR RTOG PA RNAMS @52B KYI DMIGS PA DNGOS PO MED PA DE'I PHYIR 'GRO BA 'DI DAG THAMS CAD RNAM PAR RTOG PA TZAM KHO NA STE, RNAM PAR RTOG PA'I YUL SGRO BTAGS PA'I RANG GI NGO BO YIN PA'I PHYIR RO, ,'DIR KHUNGS SMRAS PA, MDO SDE LAS KYANG ZHES BYA BA LA SOGS PA SMRAS TE, GZUGS LA SOGS PA DE DAG LA JI LTAR BYIS PA SO SO'I SKYE BO RNAMS MNGON PAR ZHEN PA DE BZHIN DU DON DAM PAR YOD PA MA YIN NO ZHES MDOR BYAS PA'I DON TO, ,'OG MA DANG MTSAMS SBYAR BAR BYA BA'I PHYIR, KUN BRTAGS PA'I 'OG TU ZHES BYA BA LA SOGS PA SMRAS SO, ,DE GANG YIN SNYAM PA LA, GZHAN DBANG GI NGO BO NYID CES BYA BA LA SOGS PA SMRAS TE, 'DIS RNAM PAR BRTAG PAR BYA BA YIN PAS RNAM PAR RTOG PA STE, SEMS DANG SEMS LAS BYUNG BA RNAMS SO, ,RNAM PAR RTOG PA'I NGO BO NYID NI GZHAN GYI DBANG DU BLTA BAR BYA STE, 'DI LTAR DE NI RKYEN RNAMS LAS 'BYUNG NGO ZHES MDOR BYAS PA'I DON TO,, RNAM PAR RTOG PA DANG RKYEN LAS 'BYUNG ZHES BYA BA'I SGRA GNYIS KYIS CI ZHIG STON SNYAM PA LA, RNAM PAR RTOG PA ZHES BYA BA NI 'DIR ZHES BYA BA LA SOGS PA SMRAS TE, 'DIR ZHES BYA BA NI MTSAN NYID KYI TSIG LA BYA'O, ,RNAM PAR RTOG PA'I SGRAS NI GZHAN GYI DBANG GYI RANG GI NGO BO NYID BSTAN TO, ,RKYEN LAS BYUNG BA'I SGRAS NI GZHAN GYI DBANG ZHES BRJOD PA 'BYUNG BA'I RGYU BSTAN TO, ,KUN RTOG PA DE GANG YIN SNYAM PA LA, DE LA KUN RTOG PA NA ZHES BYA BA LA SOGS PA SMRAS SO, ,DGE BA LA SOGS PA'I BYE BRAG GIS KHAMS GSUM PA'I SEMS DANG SEMS LAS BYUNG BA THA DAD PA DAG NI KUN RTOG PA'I SGRAR BRJOD DO, ,'DIR KHUNGS SMOS PA JI SKAD DU ZHES BYA BA LA SOGS PA SMRAS TE, DBUS DANG MTHA' RNAM PAR 'BYED PA LAS KYANG, KHAMS GSUM PA'I SEMS DANG SEMS LAS BYUNG BA RNAMS NI YANG DAG PA MA YIN PA KUN RTOG PA ZHES BSHAD DE, RNAM PAR RTOG PA ZHES BYA BA DANG YONGS SU RTOG PA ZHES BYA BA NI DON GCIG GO, ,CI'I PHYIR RNAM PAR RTOG PA DE GZHAN GYI DBANG ZHES BYA SNYAM PA LA, RGYU DANG RKYEN GZHAN DAG GIS ZHES BYA BA LA SOGS PA SMRAS TE, 'DI LTAR RGYU DANG RKYEN GZHAN DAG GIS DBANG BYAS PAS NA GZHAN GYI DBANG ZHES BYA STE, DBANG ZHES BYA BA NI SKYED PA DANG BSKRUN @53A *, ,ZHES BYA BA'I THA TSIG GO, ,DE NYID GSAL BAR BYA BA'I PHYIR, BDAG LAS GZHAN PA'I RGYU RKYEN ZHES BYA BA LA SOGS PA SMRAS TE, DE NI GO SLA BAS MA BSHAD DO, ,'OG MA DANG MTSAMS SBYAR BAR BYA BA'I PHYIR GZHAN GYI DBANG BSHAD ZIN TO ZHES BYA BA LA SOGS PA SMRAS TE; DON DE NI BRDA PHRAD PAR ZAD DO, ,DE GANG YIN SNYAM PA LA, GRUB PA NI DE LA SNGA MA PA'O ZHES BYA BA LA SOGS PA SMRAS TE, KUN BRTAGS PA DANG GZHAN GYI DBANG DU THAMS CAD DU BRAL BA GANG YIN PA DE YONGS SU GRUB PA'I NGO BO NYID DO ZHES MDOR BYAS PA'I DON TO, ,JI LTAR NA YONGS SU GRUB PA ZHES BYA SNYAM PA LA, MI 'GYUR BAR YONGS SU GRUB PAS ZHES BYA BA LA SOGS PA SMRAS SO, ,'DI LTAR DE LA 'GYUR BA MED DE DE'I PHYIR YONGS SU GRUB PA'O, ,YAN LAG GI DON BSTAN PA'I PHYIR, DE LA ZHES BYA BA NI ZHES BYA BA LA SOGS PA SMRAS TE, DE LA ZHES BYA BA 'DI NI GZHAN GYI DBANG DANG SBYAR RO, ,SNGA MA PO ZHES BYA BA 'DI NI KUN BRTAGS PAR SBYAR TE, GANG GI PHYIR RNAM PAR RTOG PA DE LA GZUNG BA DANG 'DZIN PA'I DNGOS POR BRTAGS PA DE'I PHYIR DE LTAR SBYAR RO, ,CI'I PHYIR GZUNG BA DANG 'DZIN PA LA KUN BRTAGS PA ZHES BYA SNYAM PA LA, DE LA 'DI LTAR DE LA ZHES BYA BA LA SOGS PA SMRAS TE, 'DI LTAR RNAM PAR RTOG PA LA GZUNG BA DANG 'DZIN PA GNYIS MED BZHIN DU KUN DU RTOG PA STE, DE'I PHYIR GNYI GA YANG BRTAGS PA ZHES BYA'O, ,YAN LAG GI DON BSHAD NAS MDOR BYAS PA'I DON BSTAN PA'I PHYIR, GZUNG BA DANG 'DZIN PA DE DANG ZHES BYA BA LA SOGS PA SMRAS TE, BSHAD MA THAG PA'I GZUNG BA DANG 'DZIN PA DE DANG GZHAN GYI DBANG DUS THAMS CAD DU GTAN DU BRAL BA GANG YIN PA DE, YONGS SU GRUB PA'I NGO BO NYID CES BYA'O, ,DE LTAR RNAM PAR RIG PA TZAM KHO NA LA NGO BO NYID GSUM STE, 'DI LTAR RNAM PAR RIG PA TZAM NI BDAG NYID KYIS GZHAN GYI DBANG GI NGO BO NYID DO, ,DE LA GZUNG BA DANG 'DZIN PAR SGRO BTAGS PA GANG YIN PA NI KUN BRTAGS PA'I NGO BO NYID DO, ,DE NYID DE GNYIS DANG GTAN DU BRAL BA GANG YIN PA DE NI YONGS SU GRUB PA'I NGO BO NYID DO, ,CI YONGS SU GRUB PA 'DI GZHAN GYI DBANG LAS GZHAN NAM 'ON TE GZHAN MA YIN SNYAM PA LA, DE'I PHYIR DE NYID GZHAN DBANG LAS ZHES BYA BA LA @53B SOGS PA SMRAS TE, DE NYID DGROL BA'I PHYIR, DE'I PHYIR DE NYID CES BYA BA LA SOGS PA SMRAS TE, 'DI LTAR KUN BRTAGS PA'I NGO BO NYID DANG, GZHAN GYI DBANG RTAG TU BRAL BA NYID GANG YIN PA DE YONGS SU GRUB PAR 'DOD DO, ,BRAL BA NYID NI CHOS NYID CES BYA'O, ,CHOS NYID DE YANG DPYAD NA GZHAN DU YANG MI RUNG LA GZHAN MA YIN PA YANG MI RUNG NGO, ,YONGS SU GRUB PA 'DI NI GZHAN GYI DBANG GI CHOS NYID DE, DE'I PHYIR GZHAN GYI DBANG LAS YONGS SU GRUB PA GZHAN YANG MA YIN LA, GZHAN MA YIN PA'ANG MA YIN PAR KHONG DU CHUD PAR BYA'O, ,CI'I PHYIR SNYAM PA LA, GAL TE ZHES BYA BA LA SOGS PA SMRAS SO, ,'DI LTAR GAL TE YONGS SU GRUB PA GZHAN GYI DBANG LAS GZHAN YIN NA NI DE LTA NA GO KUN BRTAGS PAS GZHAN GYI DBANG STONG PAR MI 'GYUR TE, DE LTAR NA DNGOS PO GZHAN DU 'GYUR RO, ,DE'I PHYIR JI LTAR DE LA DE BSDU BAR BYA CHOS NYID NI BSDU BAR BYA BA YIN TE, SGRA LA SOGS PA LA MI RTAG PA BSDU BAR BYA BA LTA BU'O, ,PHYOGS GNYIS PA LA NYES PA BSTAN PA'I PHYIR, JI STE GZHAN MA YIN NA DE LTA NA YANG ZHES BYA BA LA SOGS SMOS TE, GAL TE YONGS SU GRUB PA GZHAN GYI DBANG LAS GZHAN MA YIN PAR GYUR NA NI DE LTA NA YANG YONGS SU GRUB PA RNAM PAR DAG PA'I DMIGS PAR MI 'GYUR TE, JI LTAR GZHAN GYI DBANG KUN NAS NYAN MONGS PA'I BDAG NYID YIN PA'I PHYIR, DE'I DMIGS PA MA YIN PA LTAR YONGS SU GRUB PA YANG DE BZHIN NO, ,JI STE GZHAN GYI DBANG YANG KUN NAS NYON MONGS PA'I BDAG TU MI 'GYUR NA NI YONGS SU GRUB PA LAS GZHAN MA YIN PA'I PHYIR YONGS SU GRUB PA DANG 'DRA'O, ,LAM NI 'DIR RNAM PAR DAG PA'I SGRAS BSTAN TO, ,DE NYID DAM GZHAN NYID DU MI BRJOD PA'I DPE SMOS PA, MI RTAG LA SOGS BZHIN DU BRJOD, ,CES BYA BA LA SOGS PA'O, ,DE DGROL BA'I PHYIR, DPER NA MI RTAG PA NYID DANG ZHES BYA BA LA SOGS PA SMRAS TE; DE NI GO SLA BAS MA BSHAD DO, ,MI RTAG PA 'DI NYID DAM GZHAN NYID YIN PA LA NYES PA BSTAN PA'I PHYIR, GAL TE 'DU BYED RNAMS LAS ZHES BYA BA LA SOGS SMRAS SO, ,GAL TE MI RTAG PA NYID 'DU BYED RNAMS LAS GZHAN YIN NA NI DE LTA NA GO 'DU BYED RNAMS MI RTAG PA NYID DU MI 'GYUR TE, DE DAG LA DE BSDU BAR MI BYA @54A *, ,BA'I THA TSIG GO, ,CI STE GZHAN MA YIN PAR GYUR NA DE LTA NA YANG 'DU BYED RNAMS ZHIG NAS MED PA'I NGO BOR GYUR TE, JI LTAR MI RTAG PA NYID 'JIG PA'I NGO BO NYID YIN PA DANG 'DRA'O, ,RIGS PA 'DI NI SDUG BSNGAL NYID LA SOGS PA LA YANG BRJOD PAR BYA STE, 'DI LTAR GAL TE SDUG BSNGAL NYID 'DU BYED RNAMS LAS GZHAN YIN NA NI DE'I TSE 'DU BYED RNAMS SDUG BSNGAL NYID KYI NGO BOR MI 'GYUR RO, ,JI STE GZHAN MA YIN NA YANG DE'I TSE 'DU BYED RNAMS SDUG BSNGAL NYID KYI NGO BOR 'GYUR RO ZHES PHYOGS NI DE'O, ,TSIG LE'UR BYAS PA DANG MTSAMS SBYAR BA'I PHYIR, GAL TE GZHAN GYI DBANG LA GZUNG BA DANG 'DZIN PA MED NA ZHES BYA BA LA SOGS PA SMRAS SO, ,GAL TE GZHAN GYI DBANG LA GZUNG BA DANG 'DZIN PA YANG DAG PA'I DON DU MED NA DE JI LTAR GANG GIS 'DZIN, MI 'DZIN NA YANG DE YOD PAR JI LTAR SHES PAR BYA BA BRJOD DGOS SO ZHE NA DE'I PHYIR, DE MA MTHONG BAR DE MI MTHONG, ,ZHES BYA BA LA SOGS PA SMRAS TE, JI SRID DU YONGS SU GRUB PA MA MTHONG BA DE SRID DU GZHAN GYI DBANG MI MTHONG NGO ZHES MDOR BYAS PA'I DON TO, ,YAN LAG GI DON BSTAN PA'I PHYIR, DE MA MTHONG BAR BYA BA NI ZHES BYA BA LA SOGS PA SMRAS TE, DE MA MTHONG BAR ZHES BYA BA 'DI NI YONGS SU GRUB PA DANG SBYAR BAR BYA'O, ,DE MI MTHONG ZHES BYA BA 'DI NI GZHAN GYI DBANG DANG SBYAR BAR BYA'O, ,DE MA MTHONG BAR CI'I PHYIR MI MTHONG SNYAM PA LA, 'JIG RTEN LAS 'DAS PA'I YE SHES RNAM PAR MI RTOG PAS ZHES BYA BA LA SOGS PA SMRAS TE, 'DI LTAR JI SRID DU 'JIG RTEN LAS 'DAS PA'I YE SHES RNAM PAR MI RTOG PAS MTHONG BAR BYA BA YONGS SU GRUB PA'I NGO BO NYID MA MTHONG BA DE SRID DU, SHES PA GZHAN GYI DBANG MI 'DZIN TE, 'DI LTAR GZHAN GYI DBANG GI NGO BO NYID NI 'JIG RTEN LAS 'DAS PA'I YE SHES KYI RJES LA THOB PA DAG LA 'JIG RTEN PA 'JIG RTEN LAS 'DAS PA'I YE SHES KYI SPYOD YUL LO, ,DE MA MTHONG BA NI DE MA RTOGS PA DANG, MNGON SUM DU MA BYAS PA'O ZHES BYA BA LA MA MTHONG BA NI 'PHAGS PA'I SHES RAB KYI MIG GIS MA MTHONG BA'O, ,MA RTOGS PA NI ZAG PA MED PA'I YE SHES KYI THUR MAS MA PHIGS PA'O, ,MNGON @54B SUM DU MA BYAS PA NI 'JIG RTEN LAS 'DAS PA'I MNGON SUM GYIS MNGON SUM DU MA BYAS PA'O, ,YANG NA PHYI MAS SNGA MA BSHAD DO, ,DE'I RJES LA THOB PA DAG NI 'JIG RTEN PA'I YE SHES KYI SPYOD YUL YIN PAS ZHES BYA BA NI DE'I RJES LA THOB PAS DE'I RJES LAS THOB PA'O, ,DE ZHES BYA BA NI 'JIG RTEN LAS 'DAS PA'I YE SHES LA BYA'O, ,RJES ZHES BYA BA NI STOBS LA BYA'O, ,'DI NI DAG PA YANG YIN LA, 'JIG RTEN PA YANG YIN PAS DAG PA 'JIG RTEN PA STE, 'JIG RTEN LAS 'DAS PA'I YE SHES KYI STOBS KYIS RNYED PA'I PHYIR DAG PA'O, ,GZUNG BA DANG 'DZIN PA'I RNAM PAR 'BYUNG BAS 'JIG RTEN PA'O, ,DE NI DE'I RJES LA THOB PA YANG YIN LA, DAG PA 'JIG RTEN PA YANG YIN NO ZHES TSIG SDUD PA'O, ,DE'I PHYIR 'JIG RTEN LAS 'DAS PA'I YE SHES KYI STOBS KYI RNYED PA DAG PA 'JIG RTEN PA'I YE SHES KYIS GZHAN GYI DBANG 'DZIN TO ZHES BSTAN PA YIN NO, ,GANG DAG GZHAN GYI DBANG 'JIG RTEN LAS 'DAS PA'I YE SHES KYI SPYOD YUL DU 'DOD PA DE DAG GIS NI GZHAN GYI DBANG GI MTSAN NYID MA GTOGS TE, JI LTAR GZHAN GYI DBANG NI RNAM PAR RTOG PA'I NGO BO NYID DU BSTAN PA YIN NA, DE 'JIG RTEN LAS 'DAS PA'I YE SHES KYI SPYOD YUL DU GA LA 'GYUR, GAL TE 'DI SKAD DU 'CHAD DE, BRGYA LA LA ZHIG DE'I RJES LA THOB PA DAG PA 'JIG RTEN PA DE NYID THA MA LA PA PHAL PA KUN RDZOB KYI NGO BO NYID DU YONGS SU SPYOD PAR 'GYUR BAS DE LAS RNAM PAR DBYE BA'I PHYIR, 'JIG RTEN LAS 'DAS PA ZHES BYA BA 'DIS THA MAL PA NGO BO MA YIN PAR BSTAN PA'I PHYIR BYE BRAG TU BYAS SO ZHE NA, DE'I TSE NYES PA MED DO, ,MJUG BSDUS NAS BSTAN PA'I PHYIR, DE'I PHYIR, YONGS SU GRUB PA MA MTHONG BA, ,ZHES BYA BA LA SOGS PA SMRAS TE, GANG GI PHYIR 'DI LTAR GZHAN GYI DBANG 'JIG RTEN LAS 'DAS PA'I YE SHES KYI STOBS KYIS THOB PA DAG PA 'JIG RTEN PA'I YE SHES KYI SPYOD YUL YIN PA DE'I PHYIR YONGS SU GRUB PA MA MTHONG BAR DE MI MTHONG GI ,RNAM PA THAMS CAD DU MI MTHONG BA NI MA YIN NO, ,'DIR KHUNGS SMOS PA, RNAM PAR MI RTOG PAR 'JUG PA'I GZUNGS LAS JI SKAD DU ZHES BYA BA LA SOGS PA'O, ,DE LAS NI DE'I RJES LAS THOB @55A *, ,PA'I YE SHES KYI CHOS THAMS CAD SGYU MA LA SOGS PA DANG MTSUNGS PAR RTOGS SO ZHES GSUNGS SO, ,DE NI 'DI SKAD DU, JI LTAR SHING LA SOGS PA LA GLANG PO CHE LA SOGS PA'I RNAM PA DANG, SMIG RGYU LA CHU'I RNAM PA DANG, BRAG CA LA SGRA'I RNAM PA DANG, CHU ZLA LA ZLA BA'I RNAM PA DANG, SPRUL PA LA SEMS CAN GYI RNAM PAR RTOG PA DE DAG KYANG RNAM PA DES MED PAR RTOG PA BO RNAMS KYIS SHES SO, ,DE BZHIN DU DAG PA 'JIG RTEN PA'I YE SHES KYIS KYANG SEMS DANG SEMS LAS BYUNG BA GZUNG BA DANG 'DZIN PAR SNANG BA RNAMS RNAM PA DE DANG BRAL BAR RTOGS SO; ;YANG NA JI LTAR SGYU MA LA SOGS PA RKYEN GZHAN GYIS BYUNG BA DE BZHIN DU, GZHAN GYI DBANG YANG RKYEN GZHAN GYI DBANG GIS BYUNG STE, DE'I PHYIR SGYU MA LA SOGS PA DAG DANG MTSUNGS ZHES BYA'O, ,JI LTAR NA DES GZHAN GYI DBANG BSTAN PAR 'GYUR ZHE NA, DE'I PHYIR CHOS NI 'DIR ZHES BYA BA LA SOGS PA SMRAS SO, ,GZUNGS LAS 'BYUNG BA'I CHOS RNAMS NI GZHAN GYI DBANG DU BSDUS PA RNAMS SU BZHED DE, 'DI LTAR THEG PA CHEN POR SGYU MA LA SOGS PAR GANG JI SNYED BSHAD PA DE DAG THAMS CAD NI GZHAN GYI DBANG GI NGO BO NYID LA BRTEN NAS BSHAD PA STE, DE LTAR GZHAN GYI DBANG NI DAG PA 'JIG RTEN PA'I YE SHES KYIS 'DZIN PAR BSTAN TO, ,YONGS SU GRUB PA JI LTA BU ZHIG SNYAM PA LA, YONGS SU GRUB PA NI ZHES BYA BA LA SOGS PA SMRAS TE, YONGS SU GRUB PA'I NGO BO NYID GANG YIN PA DE NI NAM MKHA' LTAR YE SHES RO GCIG PA'O, ,DER YE SHES RO GCIG PAS YE SHES RO GCIG PA'O, ,RO GCIG PA ZHES BYA BA NI RNAM PA GCIG PA STE, DPER NA NAM MKHA' SNA TSOGS MA YIN PA'I PHYIR RNAM PA GCIG PA'I YE SHES KYI SPYOD YUL YIN PA LTAR YONGS SU GRUB PA YANG DE BZHIN NO ZHES BYA BA'I THA TSIG GO, ,YI GE KHA CIG LAS YONGS SU GRUB PA DANG, YE SHES NI NAM MKHA' LTAR RO GCIG PA ZHES 'BYUNG NGO, ,DE LA 'DI'I DON NI 'DI YIN TE, YONGS SU GRUB PA'I NGO BO NYID NI NAM MKHA' LTAR RO GCIG PA STE RNAM PA GCIG PA'O, ,YE SHES KYANG DER RO GCIG PA STE, RNAM PA GCIG ZHES BYA'O, ,BSHAD PA 'DI LA NI TSUL GYIS SNGAR SMOS PA NYID @55B KYI DON DU BSTAN PA YIN NO, ,'DIR KHUNGS SMOS PA, JI SKAD DU ZHES BYA BA LA SOGS PA SMRAS TE, BSHAD MA THAG PA'I CHOS DE DAG THAMS CAD NI 'JIG RTEN LAS 'DAS PA'I YE SHES RNAM PAR MI RTOG PAS NAM MKHA'I DKYIL DANG 'DRA BAR MTHONG NGO ZHES GZUNG DE NYID LAS GSUNGS SO, , JI LTAR CHOS DAG DE LTAR MTHONG ZHE NA, DE'I PHYIR GZHAN GYI DBANG GI CHOS RNAMS KYI DE BZHIN NYID TZAM MTHONG BA'I PHYIR RO ZHES BYA BA SMRAS TE, 'DI LTAR 'JIG RTEN LAS 'DAS PA'I YE SHES KYIS GZHAN GYI DBANG ZHES BYA BA'I CHOS RNAMS KYI DE BZHIN NYID TZAM ZHIG MTHONG NGO, ,DE BZHIN NYID TZAM DE NI NAM MKHA' LTAR GCIG PU'I NGO BO STE, SEMS DANG SEMS LAS BYUNG BA THAMS CAD LA GZUNG BA DANG 'DZIN PA'I DNGOS PO MED PAR MTSUNGS PA'I PHYIR DE BZHIN NYID LA NI SNA TSOGS MED DO, ,YANG MDO DANG 'GAL BA GZHAN GYI LAN GDAB PAR 'DOD NAS PHYOGS SNGA MA GZHAG PA'I PHYIR; GZHAN GYI DBANG RDZAS NYID YIN NA ZHES BYA BA LA SOGS PA SMRAS SO, ,GAL TE GZHAN GYI DBANG GI NGO BO NYID GCIG TU RDZAS SU 'DOD NA, MDO LAS CHOS THAMS CAD NGO BO NYID MED DO ZHES JI SKAD DU BSHAD, MA SKYES PA DANG MA 'GAGS PA ZHES KYANG JI SKAD DU BSHAD SNYAM PA LA, GRUB PA'I MTHA' SMRA BAS, 'GAL BA MED DE ZHES BYA BA SMRAS TE, MDO SDE DANG 'GAL BA CI YANG MED DO, ,JI LTAR MED CE NA 'DI LTAR, NGO BO NYID NI RNAM GSUM GYI, ,ZHES BYA BA LA SOGS PA SMRAS TE, 'DI LTAR GZHAN GYI DBANG LA SOGS PA NGO BO NYID RNAM GSUM GYI NGO BO NYID MED PA RNAMS GSUM LA DGONGS NAS CHOS THAMS CAD NGO BO NYID MED PAR BSTAN TO ZHES MDOR BYAS PA'I DON TO, ,YANG LAG GI DON BSTAN PA'I PHYIR, NGO BO NYID RNAM GSUM KHON STE ZHES BYA BA LA SOGS PA SMRAS TE, DE NI GO SLA BAS MA BSHAD DO, ,RDZAS SU YOD PA'I PHYIR GZHAN GYI DBANG GI NGO BO NYID NI RIGS GRANG NA, GZHAN GNYIS JI LTAR RANG GI NGO BO NYID DU 'GYUR ZHE NA, RANG RANG GI MTSAN NYID KYIS YOD PA LTA BUR 'GYUR BAS ZHES BYA BA LA SOGS PA SMRAS TE, GANG GI MTSAN NYID DU GANG BSTAN PA'I RANG GI MTSAN NYID DES DE DAG THAMS CAD YOD PA DANG 'DRA BAS, YOD PA'I PHYIR GSUM PO YANG NGO BO NYID CES BYA'O, ,NGO BO @56A *, ,NYID MED PA RNAM GSUM GYI MING BSTAN PA'I PHYIR, NGO BO NYID MED PA RNAM GSUM NI ZHES BYA BA LA SOGS PA SMRAS TE, DE NI GO SLA BAS MA BSHAD DO, ,CHOS THAMS CAD GANG YIN ZHE NA, CHOS THAMS CAD NI ZHES BYA BA LA SOGS PA SMRAS TE, DE LTAR YAN LAG BRJOD NAS DA NI NGO BO NYID RNAM PA GSUM NI NGO BO NYID MED PA STE CI 'DRA BA BSTAN PA'I PHYIR, DANG PO PA NI MTSAN NYID KYIS, ,ZHES BYA BA LA SOGS PA SMRAS TE, DANG PO PA NI MTSAN NYID KHO NAS NGO BO NYID MED PA'O, ,GNYIS PA NI RANG MI 'BYUNG BAS NGO BO NYID MED PA'O, ,GSUM PA NI DON DAM PA NGO BO NYID MED PA STE, DE NYID DE BZHIN NYID CES BYA'O, ,ZHES MDOR BYAS PA'I DON TO, ,'GREL PA BYAS PAS DE DGROL PA'I PHYIR, DANG PO PA NI KUN BRTAGS PA'I NGO BO NYID DO ZHES BYA BA LA SOGS PA SMRAS SO, ,KUN BRTAGS PA'I NGO BO NYID YIN PA DE NI MTSAN NYID KHO NAS NGO BO NYID MED PA STE, DE'I MTSAN NYID CI 'DRA BAR BYAS PA DE NYID KYIS DE NGO BO NYID MED PA NYID DU BSTAN TE, 'DI LTAR DE'I MTSAN NYID NI BRTAGS PA'O, ,BRTAGS PA'I MTSAN NYID DE BSTAN PA'I PHYIR, GZUGS KYI MTSAN NYID NI GZUGS SU YOD PA'O ZHES BYA BA LA SOGS PA SMRAS TE, SKYE BO MI SHES PA LA BSTAN PA'I PHYIR, 'DI LTA STE GZUGS KYI MTSAN NYID NI GZUGS SU YOD PA'O, ,TSOR BA'I MTSAN NYID NI MYONG BA'O ZHES BYA BA LA SOGS PA DNGOS PO RNAMS RTOGS PAR BYA BA'I THABS RNAM PA DE LTA BU 'DI BYAS KYI, DE CHOS RNAMS KYI DON DAM PA'I NGO BO NYID MA YIN NO, ,'DI LTAR PHYI'I MTSAN NYID DU BYED DE, SPYI NI DNGOS PO YOD PA MA YIN NO, ,DPER NA KHYIM LA SOGS PA MTSON PA'I PHYIR RGYAL MTSAN LA SOGS PAS MTSON PAR BYED KYANG RGYAL MTSAN LA SOGS PA DE DAG NI KHYIM LA SOGS PA'I NGO BO NYID MA YIN NO, ,DE BZHIN DU GZUGS SU YOD PA LA SOGS PA YANG DNGOS PO RNAMS RTOGS PAR BYA BA'I PHYIR MTSAN NYID DU BYED KYI, DE DAG DE'I NGO BO NYID NI MA YIN NO, ,DE'I PHYIR GZUGS LA SOGS PA NI RANG GI NGO BO MED PAS KUN BRTAGS PA NI NAM MKHA'I ME TOG BZHIN DU RANG GI NGO BOS NGO BO NYID MED PA'O, ,GZHAN GANG YIN SNYAM PA LA, GZHAN GYI DBANG GI NGO BO NYID DO ZHES BYA BA LA SOGS PA SMRAS @56B TE; DE NI 'DI LTAR GZHAN GYI STOBS KYIS 'BYUNG GI DE RANG GI DNGOS PO YOD PA NI MA YIN TE, DE BAS NA NGO BO NYID MED PA'O, ,DE'I PHYIR 'DI LAS RANG GI DNGOS PO DANG BRAL BAS NGO BO NYID MED CES BSTAN PA YIN NO, ,DNGOS PO'I SGRA NI 'DIR SKYE BA LA BYA'O, ,'DI NYID LA BSHAD PA GZHAN BYA BA'I PHYIR, 'DI LTAR YANG ZHES BYA BA LA SOGS PA SMRAS TE, 'DI LTAR GZUNG BA DANG 'DZIN PA'I RNAM PA JI LTAR SNANG BA DE BZHIN DU GZHAN GYI DBANG DE SKYE BA MED DE, DE'I PHYIR DE BAS NAS YANG SKYE BA NGO BO NYID MED PA ZHES BYA'O, ,DE'I PHYIR DE NI SNANG BA'I RNAM PA DANG BRAL BA'I NGO BO NYID YIN PAS, NGO BO NYID MED PAR BSTAN PA YIN NO, ,'DIR NGO BO NYID KYI SGRA NI SKYE BA LA BYA'O, ,NGO BO NYID MED PA GSUM PA BSTAN PA'I PHYIR, CHOS KYI DON GYI DAM PA YANG DE ZHES BYA BA LA SOGS PA SMRAS TE, 'DI LTAR GZHAN GYI DBANG GI CHOS RNAMS KYI DON DAM PA GANG YIN PA DE YONGS SU GRUB PA'I NGO BO NYID DE, DE BAS NA GZUNG BA DANG 'DZIN PA MED PA'I NGO BO NYID YIN PA'I PHYIR NGO BO NYID MED PA'O, ,'O NA CI'I PHYIR YONGS SU GRUB PA DON DAM PA ZHES BYA SNYAM PA LA, DAM PA NI ZHES BYA BA LA SOGS PA SMRAS SO, ,'DI LTAR BLA NA MED PA'I PHYIR DAM PA STE, 'JIG RTEN LAS 'DAS PA'I YE SHES SO, ,DE NI DE'I DON YIN TE, DE'I PHYIR DON DAM PA'O, ,'DIR DON NI DMIGS PA LA BYA'O, ,'DI NYID LA BSHAD PA GZHAN BYA BA'I PHYIR, YANG NA NAM MKHA' LTAR ZHES BYA BA LA SOGS PA SMRAS TE, DPER NA NAM MKHA' NI THAMS CAD DU RO GCIG PA RNAM PA GCIG PA'O, ,DE BZHIN DU YONGS SU GRUB PA YANG DRI MA MED PA NYID DANG MI 'GYUR BA NYID DU RO GCIG CING RNAM PA GCIG PA'O, ,DE'I PHYIR DON DAM PA ZHES BYA STE, DE NI DON KYANG YIN PA DAM PA YANG YIN PA'I PHYIR RO, ,DE BAS NA DAG PA DANG BSTAN PA'I PHYIR DON DAM PA ZHES BSTAN PA YIN NO, ,YAN LAG GI DON BSHAD NAS MDOR BYAS PA'I DON BSTAN PA'I PHYIR, 'DI LTAR YONGS SU GRUB PA'I NGO BO NYID DE NI ZHES BYA BA LA SOGS PA SMRAS TE, 'DI LTAR YONGS SU GRUB PA'I NGO BO NYID GANG YIN PA DE NI GZHAN GYI DBANG GI BDAG NYID KYI CHOS THAMS CAD KYI DON DAM PA YIN TE, DE'I PHYIR YONGS SU GRUB PA'I NGO BO NYID NI DON DAM PA NGO BO NYID MED @57A *, ,PA ZHES BYA'O, ,DE'I CHOS NYID CES SMOS PA NI YONGS SU GRUB PA GZHAN GYI DBANG DANG 'BREL BA'I GTAN TSIGS BSTAN PA STE, 'DI LTAR DE NI GZHAN GYI DBANG RNAMS KYI CHOS NYID YIN TE, DE'I PHYIR DE DAG GI DON DAM PA'O, ,DE GAL TE DE DAG GI DON DAM PA YIN NA CI'I PHYIR DNGOS PO MED PAR 'GYUR ZHE NA DE'I PHYIR, YONGS SU GRUB PA NI ZHES BYA BA LA SOGS PA SMRAS SO, ,'DI LTAR YONGS SU GRUB PA NI DNGOS PO MED PA'I NGO BO NYID YIN TE, DE'I PHYIR NGO BO NYID MED PA ZHES BYA'O, ,YANG NA DNGOS PO MED PA'I SGRA NI GZHAN DANG BRAL BA'I STONG PA NYID DE, DNGOS BO'I NGO BO LA BYA'O, ,TSIG LE'UR BYAS PA LHAG MA BSHAD PAR 'DOD DE, MTSAMS SBYAR BAR BYA BA'I PHYIR, CI DON DAM PA ZHES BYA BA 'BA' ZHIG GIS ZHES BYA BA LA SOGS PA SMRAS PA NI 'DRI BA'I DON DE GO SLA BAS MA BSHAD DO, ,GRUB PA'I MTHA' SMRA BAS, SMRAS PA MA YIN TE, DE BZHIN NYID KYANG DE'O ZHES BYA BA SMRAS SO, ,DE BZHIN NYID KYI SGRA NI YONGS SU GRUB PA DE LA BYA STE, DON DAM PA'I SGRA 'BA' ZHIG KHO NAR NI MA YIN NO, ,KYANG ZHES BYA BA'I SGRA'I DON BSTAN PA'I PHYIR, KYANG GI SGRA NI ZHES BYA BA LA SOGS PA SMRAS TE, BRJOD PA 'DI 'BA' ZHIG TU BRJOD PAR BYA BA MA YIN GYI CHOS KYI DBYINGS KYI RNAM GRANGS SU GTOGS PA JI SRID PA DE DAG THAMS CAD DU BRJOD PAR BYA STE, 'DI LTAR STONG PA NYID DANG YANG DAG PA'I MTHA' DANG MTSAN MA MED PA DANG, MI GNYIS PA NYID DANG, RNAM PAR MI RTOG PA'I DBYINGS DANG, BRJOD DU MED PA NYID DANG, MI 'GAG PA DANG MI SKYE BA DANG, 'DUS MA BYAS PA DANG MYA NGAN LAS 'DAS PA ZHES BYA BA LA SOGS PAR YANG BRJOD PAR BYA'O, ,'O NA CI'I PHYIR DE BZHIN NYID CES BYA SNYAM PA LA, DUS THAMS CAD NA DE BZHIN DU YOD PAS DE BZHIN NYID DO ZHES BYA BA LA SOGS PA SMRAS SO, ,DE DGROL BA'I PHYIR, 'DI LTAR SO SO'I SKYE BO DANG ZHES BYA BA LA SOGS PA SMRAS TE, GANG GI PHYIR SO SO'I SKYE BO LA SOGS PA'I DUS DAG NA DUS THAMS CAD DU DE BZHIN DU YOD PA DE'I PHYIR DE BZHIN NYID CES BYA'O, ,DE NI 'DI SKAD DU SO SO'I SKYE BO DANG SLOB PA DANG MI SLOB PA'I DUS DAG NA, DUS THAMS CAD DU SEMS DANG @57B SEMS LAS BYUNG BA RNAMS NI GZUNG BA DANG 'DZIN PA DANG BRAL BA STE, RANG BZHIN DE NI DE DAG GIS NAM YANG YONG MI 'DOR BAS DE'I PHYIR GZUNG BA DANG 'DZIN PA DANG BRAL BA NYID DE, DE DAG LA DE BZHIN DU YOD CING NAM YANG GZHAN DU MI 'GYUR BAS DE BZHIN NYID CES BYA STE, DPER NA CHU LA SOGS PA NI RNYOG PA LA SOGS PA'I DUS NA YANG RANG GI NGO BOR GNAS PA LTA BU'O ZHES BSTAN PAR 'GYUR RO, ,'OG MA DANG MTSAMS SBYAR BA'I DON DU DRI BAR BYA BA'I PHYIR, CI DE BZHIN NYID BZHIN DU ZHES BYA BA LA SOGS PA SMRAS TE, JI LTAR YONGS SU GRUB PA'I NGO BO NYID DE BZHIN NYID CES BYA BA DE BZHIN DU, CI RNAM PAR RIG PA TZAM NYID KYANG DE BZHIN NYID CE 'AM, 'ON TE RNAM PAR RIG PA TZAM NYID KYANG GZHAN LA, YONGS SU GRUB PA'I NGO BO NYID KYANG GZHAN NAM ZHE NA GRUB PA'I MTHA' SMRA BAS, DE NYID RNAM PAR RIG PA TZAM, ,ZHES BYA BA SMRAS TE, YONGS SU GRUB PA'I NGO BO DE NYID RNAM PAR RIG PA TZAM NYID ZHES BYA'I GZHAN DU MA YIN NO, ,CI'I PHYIR SNYAM PA LA, SHIN TU RNAM PAR DAG PA'I MTSAN NYID KHONG DU CHUD PA'I PHYIR RO ZHES BYA BA SMRAS TE, 'DI LTAR YONGS SU GRUB PA'I NGO BO NYID KHONG DU CHUD PAS SHIN TU RNAM PAR DAG PA'I MTSAN NYID KHONG DU CHUD PAR 'GYUR TE, DE'I PHYIR DE NYID RNAM PAR RIG PA TZAM NYID DO, ,SHIN TU RNAM PAR DAG PA'I MTSAN NYID KHONG DU CHUD PA'I GTAN TSIGS SMOS PA, 'DI SKAD DU DE TSE DE TZAM MTHONG BA'I PHYIR, MING LA SEMS DE GNAS PA YIN, ,ZHES BYA BA LA SOGS PA SMRAS TE, GANG GI TSE RNAL 'BYOR PAS DRO BAR GYUR PA DANG, RTZE MO'I DUS DAG NA GZUNG BA RNAM PAR BSHIG PAR GYUR PA DE'I TSE, BZOD PA'I DUS NA MING LA SEMS DE GNAS TE, 'DI LTAR GZUNG BA'I RNAM PA DANG BRAL BA DE'I TSE MING TZAM DU MTHONG NGO, ,DE NI 'DI SKAD DU GANG GI TSE, GZUNG BA RNAM PAR BSHIG PAR GYUR BA DE'I TSE RNAM PAR RIG PA TZAM LA SEMS GNAS TE, RNAM PAR RIG PA 'DI TZAM NYID GZUGS LA SOGS PAR SNANG BAR 'BYUNG GI ,GZUGS LA SOGS PA'I DON NI MED PAR SHES PA'I PHYIR RO ZHES BSTAN PAR 'GYUR RO, ,MING ZHES BYA BA'I SGRA NI 'DRI RNAM PAR RIG PA TZAM LA BYAS TE, MING NI GZUGS CAN MA @58A *, ,YIN PA'I PHUNG PO RNAMS SO ZHES GSUNGS PA'I PHYIR RO, ,DE LTAR MING LA SEMS GNAS PAS CHOS KYI MCHOG GI DUS NA RNAM PAR RIG PA LA DMIGS PA SPONG BAR 'GYUR TE, GZUNG BA MI DMIGS NA 'DZIN PA MI DMIGS PA'I PHYIR RO, ,RNAM PAR RIG PA'I SGRA NI 'DZIN PA'I RNAM PA LA BYA'O, ,GANG GI TSE DE LTAR GZUNG BA DANG 'DZIN PA RNAM PAR BSHIG PAR GYUR BA DE'I 'OG TU MTHONG BA'I LAM 'BYUNG BA DE'I TSE BSGOMS PA'I STOBS KYIS DMIGS PA MED PA'I DBYINGS LA REG STE, CHOS KYI DBYINGS RTOGS ZHES BYA BA'I THA TSIG GO, , DMIGS PA MED PA'I DBYINGS KYI SGRA NI CHOS KYI DBYINGS LA BYA'O, ,REG CES BYA BA NI RTOGS PA DANG, MNGON SUM BYED CES BYA BA'I BAR DU'O, BSGOMS PA'I RGYU YIS ZHES BYA BA NI BSGOMS PA'I STOBS KYIS ZHES BYA BA'I THA TSIG GO, ,GANG GI TSE CHOS KYI DBYINGS RAB TU RTOGS PAR GYUR PA DE'I TSE GONG NAS GONG DU KHYAD PAR DU 'GRO BAS, SGRIB PA THAMS CAD LAS RNAM PAR GROL BA 'THOB BO, ,TING NGE 'DZIN LA SOGS PA YON TAN RNAMS LA DBANG 'BYOR PA YANG 'THOB BO, ,DE'I TSE DMIGS PA MED PA'I DBYINGS LA REG CES BYA BA DE NI 'DIR KHUNGS SO, ,DE NYID RNAM PAR RIG PA TZAM,, ZHES BYA BA 'DIS CI BSTAN PAR 'GYUR ZHE NA, DE NYID CES BYA BA LA SOGS PA SMRAS TE, DE NYID RNAM PAR RIG PA TZAM ZHES BYA BA 'DIS NI MNGON PAR RTOGS PA'I DUS BSTAN TO, ,YANG NA LAM YANG YONGS SU GRUB PA'I NGO BO NYID YIN PAS, DE NYID RNAM PAR RIG PA TZAM NYID DU BSTAN TE, DE'I PHYIR 'JIG RTEN LAS 'DAS PA'I YE SHES NI RNAM PAR RIG PA TZAM NYID KYI SGRAR BSTAN PA YIN NO, ,'DI LTAR DES SHIN TU RNAM PAR DAG PA'I MTSAN NYID KHONG DU CHUD PAR 'GYUR TE, SHIN TU RNAM PAR DAG PA'I MTSAN NYID CHOS KYI DBYINGS RTOGS ZHES BYA BA'I THA TSIG GO, ,DON 'DI NYID BSTAN PA'I PHYIR TSIGS SU BCAD PA GNYIS TE, TSIGS SU BCAD PA'I DON 'DI SNGA MA BZHIN NO, ,BSHAD PA 'DI LA NI MNGON PAR RTOGS PA'I DON GSAL BAR 'THAD DO, ,'OG MA DANG MTSAMS SBYAR BAR BYA BA'I DON DU DRI BA'I PHYIR, GAL TE 'DI DAG ,RNAM PAR RIG PA @58B TZAM YIN NA, ,ZHES BYA BA LA SOGS PA SMRAS TE, GAL TE RNAM PAR RIG PA TZAM GZUNG BA DANG 'DZIN PA DANG BRAL BA YIN NA, CI'I PHYIR 'GRO BA 'DI MTHA' DAG MIG LA SOGS PAR GZUGS LA SOGS PA 'DZIN TO SNYAM DU LHAG PAR CHAGS PAR 'GYUR ZHE NA, GRUB PA'I MTHA' SMRA BAS, JI SRID RNAM RIG TZAM NYID LA, ,ZHES BYA BA LA SOGS PA SMRAS TE, JI SRID DU SROG CHAGS RNAMS KYI RNAM PAR SHES PA RNAMS RNAM PAR RIG PA TZAM NYID LA MI GNAS PA DE SRID DU, DE DAG GI 'DZIN PA GNYIS KYI BAG LA NYAL MI LDOG STE, DE MA LOG NA 'DIS 'DI 'DZIN TO SNYAM DU LHAG PAR CHAGS SO, ,YANG TSIG LE'UR BAS PA'I MTSAMS SBYAR BA GZHAN BYA BA'I PHYIR, YANG NA GANG ZHES BYA BA LA SOGS PA SMRAS TE, DE'I DON NI BSHAD ZIN TO, ,GRUB PA'I MTHA' SMRA BAS, JI SRID RNAM RIG TZAM NYID LA, ,ZHES BYA BA LA SOGS PA SMRAS SO; ,DE DGROL BA'I PHYIR, JI SRID DU SEMS KYI CHOS NYID CES BYA BA LA SOGS PA SMRAS TE, SEMS KYI CHOS NYID RNAM PAR RIG PA TZAM NYID CES BYA BA LA, JI SRID DU RNAL 'BYOR PA'I RNAM PAR SHES PA MI GNAS KYI, GZUNG BA DANG 'DZIN PA LA MNGON PAR ZHEN PA DE SRID DU 'DZIN PA GNYIS KYI BAG CHAGS MI SPONG NGO, ,'DZIN PA GNYIS GANG YIN SNYAM PA LA, 'DZIN PA GNYIS NI ZHES BYA BA LA SOGS PA SMRAS TE, GZUNG BA LA MNGON PAR ZHEN PA DANG, 'DZIN PA LA MNGON PAR ZHEN PA DE NI 'DZIN PA GNYIS SO, ,BAG LA NYAL BSTAN PA'I PHYIR, DE'I BAG LA NYAL NI ZHES BYA BA LA SOGS PA SMRAS TE, MA 'ONGS PA'I 'DZIN PA GNYIS SKYE BAR BYA BA'I PHYIR 'DZIN PA GNYIS KYIS KUN GZHI'I RNAM PAR SHES PA LAS SA BON BTAB PA GANG YIN PA DE BAG LA NYAL TE, BAG CHAGS ZHES BYA BA'I THA TSIG GO, ,DE LTAR TSIG GI DON BRJOD NAS TSIG LE'UR BYAS PA'I DON BSTAN PA'I PHYIR, JI SRID DU GNYIS MED PA'I MTSAN NYID CES BYA BA LA SOGS PA SMRAS TE, GZUNG BA DANG 'DZIN PA'I MTSAN NYID GNYIS DANG BRAL BA'I RNAM PAR RIG PA TZAM LA JI SRID DU RNAL 'BYOR PA'I SEMS GNAS PAR MA GYUR PA DE SRID DU, 'DZIN PA GNYIS KYI BAG CHAGS MI SPONG NGO, , @59A *, ,TSIG LE'UR BYAS PA'I DON GNYIS PA BSTAN PA'I PHYIR, 'DIR NI PHYI ROL GYI DMIGS PA ZHES BYA BA LA SOGS PA SMRAS TE, BSHAD PA RNAM PA 'DI LTA BU 'DIR NI DON 'DI BSTAN PA YIN TE, JI SRID DU PHYI'I YUL LA DMIGS PA MA SPANGS PA DE SRID DU NANG GI 'DZIN PA'I DMIGS PA YANG SPONG BAR MI 'GYUR TE, DE'I PHYIR SROG CHAGS DE 'DI SNYAM DU BDAG NI MIG LA SOGS PAS GZUGS LA SOGS PA 'DZIN TO SNYAM DU SEMS SO, ,'OG MA DANG MTSAMS SBYAR BA'I DON DU DRI BA'I PHYIR, DA NI 'DI BRJOD PAR BYA STE ZHES BYA BA LA SOGS PA SMRAS SO, ,GANG GI TSE RNAL 'BYOR PAS DON DANG BRAL BA'I SEMS TZAM DMIGS PA DE'I TSE CI SEMS KYI CHOS NYID LA GNAS PA YIN NAM ZHE NA, GRUB PA'I MTHA' SMRA BAS SMRAS PA, MA YIN TE ZHES BYA BA LA SOGS PA SMRAS SO, ,'DI LTA BU NI SEMS KYI CHOS NYID LA GNAS PA MA YIN PAR RIG PAR BYA STE, GANG GI TSE 'DI DAG RNAM PAR RIG PA TZAM NYID DO SNYAM PA DE LTA BU DE'I RNAM PA 'BYUNG BAS 'DZIN PA DE'I TSE DMIGS PA CI YANG RUNG BA ZHIG MDUN DU 'JOG GO, ,CI YANG RUNG BA ZHIG MDUN DU 'JOG NA SEMS TZAM LA GNAS PA MA YIN TE, 'DI LTAR 'DI DMIGS PA GZHAN THAMS CAD BKAG NAS SEMS TZAM DE NYID LA DMIGS PA BYAS PA'I PHYIR RO, ,JI SRID DU NANG GI 'AM PHYI'I YANG RUNG STE, DMIGS PA CI YANG RUNG BA ZHIG LA RTOG PA DE SRID DU SEMS KYI CHOS NYID LA GNAS PAR GA LA 'GYUR YANG TSIG LE'UR BYAS PA'I MTSAMS SBYAR BA GZHAN BYA BA'I PHYIR, YANG NA MNGON PA'I NGA RGYAL CAN ZHES BYA BA LA SOGS PA SMRAS SO, ,RNAL 'BYOR SPYOD PA NYES PAR BSLABS PA GANG RNAM PAR RIG PA TZAM YONGS SU BRJOD PA'I RAB TU BYED PA THOS PA TZAM GYIS BSNYEMS NAS NGA NI RNAM PAR RIG PA TZAM NYID DAG PA LA GNAS TE, NGA GZUNG BA 'AM 'DZIN PA LA YANG KUN DU MI RTOG GO SNYAM DU SEMS PA DE'I LOG PA'I NGA RGYAL BAS LA BA'I PHYIR, ,DI DAG RNAM RIG TZAM NYID CES, ,ZHES BYA BA LA SOGS PA SMRAS SO, ,YANG @59B RNAM PAR RIG PA TZAM NYID LA DMIGS PA BYA STE, MDUN DU BZHAG PAS DE LA GNAS PA MA YIN GYI GCAM BU GZUNG BA DANG 'DZIN PA LA DMIGS PA GSAL BA LA SPYOD PA'O, ,JI LTAR DMIGS SNYAM PA LA, 'DI DAG RNAM RIG TZAM NYID CES, ,ZHES BYA BA LA SOGS PA SMRAS SO, ,'DI DAG RNAM PAR RIG PA TZAM ZHES BYA BA'I RNAM PA 'DIS DMIGS PAR ZAD DO, ,'DI'I RNAM GRANGS BSTAN PA'I PHYIR, 'DZIN PA DANG ZHES BYA BA LA SOGS PA SMRAS TE, 'DZIN PA MTSAN MAR BYED PA DANG, MNGON PAR ZHEN PA DANG, DE'I RNAM PA 'BYUNG ZHES BYA BA'I BAR DU'O, ,MDUN DU ZHES BYA BA 'DI NI MNGON DU ZHES BYA BA 'DI YIN TE, SEMS LA MNGON DU ZHES BYA BA'I THA TSIG GO, ,'JOG NA ZHES BYA BA 'DI'I BSHAD PA NI JI LTAR THOS PA BZHIN DU YID KYIS 'JOG PA ZHES BYA BA 'DI YIN TE, JI LTAR THOS PA BZHIN DU RNAM PAR RIG PA TZAM NYID LA YID KYIS DMIGS PA BYAS NAS, MDUN DU 'JOG PA ZHES BYA BA'I THA TSIG GO, ,YANG YAN LAG GZHAN BSHAD PAR BYA BA'I PHYIR, RNAL 'BYOR SPYOD PA'I DMIGS PA RNAM PA MANG BAS ZHES BYA BA LA SOGS PA SMRAS TE, 'DI LTAR DMIGS PA MANG BAS, DE'I PHYIR CI YANG RUNG BA ZHES BYA BA SMOS SO, ,GAL TE RNAM PAR RIG PA TZAM NYID KYI RGYA'I CHA TZAM ZHIG DMIGS PA BYAS TE, MDUN DU 'JOG NA YANG DE LA GNAS PA MA YIN TE, DON DE BSTAN PA'I PHYIR CI YANG RUNG BA ZHES BYA BA SMOS SO ZHES BYA BA'I THA TSIG GO, ,GANG DAG 'DIR KENG RUS LA SOGS PA 'DON PA DE DAG GIS NI SKABS MA RTOGS TE, 'DI LTAR RNAM PAR RIG PA TZAM NYID CI YANG RUNG BA ZHIG MDUN DU 'JOG NA ZHES BYA BA'I SKABS YIN PAS, SKABS 'DI LA KENG RUS LA SOGS PA DANG 'BREL BA CI ZHIG YOD NA, DES DE DAG NYE BAR DGOD, 'DI LTAR DE DAG NI PHYI ROL GYI BZHIN DU DMIGS PAR SNANG STE, DE NI 'DIR SNGAR BSTZAL ZIN TO, ,DE MA YIN PA'I YAN LAG GZHAN BSTAN PA'I PHYIR, DE NI TZAM LA MI GNAS PA NI ZHES BYA BA LA SOGS PA SMRAS TE, 'DI LTAR RNAM PAR RIG PA TZAM GYI DMIGS PA MA SPANGS NA, RNAM PAR RIG PA @60A *, ,TZAM NYID DU DMIGS PA NYID DE, DE'I DE LA MI GNAS SO, ,'OG MA DANG MTSAMS SBYAR BA'I DON DU GZHAN GYIS DRI BA'I PHYIR, NAM ZHIG NA RNAM PAR SHES PA'I 'DZIN PA SPANGS SHING ZHES BYA BA LA SOGS PA SMRAS TE, GAL TE DE LTAR SHES PA YANG RNAM PAR SHES PA 'DZIN PA MA LOG CING RNAM PAR RIG PA TZAM LA YANG MI GNAS PA DE'I TSE, NAM ZHIG RNAM PAR SHES PA'I 'DZIN PA SPONG BAR 'GYUR BA DANG, NAM ZHIG NA CHOS NYID LA SEMS GNAS PAR 'GYUR BA BRJOD DGOS SO SNYAM PA LA, GRUB PA'I MTHA' SMRA BAS; NAM ZHIG SHES PAS DMIGS PA RNAMS ZHES BYA BA LA SOGS SMRAS TE, GANG GI TSE DMIGS PA YONGS SU BSAL NAS SEMS LAS PHYI ROL DU RNAM PAR SHES PAS MI DMIGS PA DE'I TSE, SEMS DE RNAM PAR RIG PA TZAM LA GNAS PA YIN TE, 'DI LTAR GZUNG BA MED NA 'DZIN PA'ANG MED DO ZHES BSDUS TE MDOR BYAS PA'I DON TO, ,'GREL PA BYED PAS RGYA CHER BSTAN PA'I PHYIR, GANG GI TSE BSTAN PA LA DMIGS PA DANG ZHES BYA BA LA SOGS PA SMRAS TE, GANG GI TSE BSTAN PA LA SOGS PA LA DMIGS PA'I SEMS LAS PHYI ROL GYI RNAM PAR SHES PAS MI MTHONG MI 'DZIN CING MNGON PAR ZHEN PA MED LA, GAL TE DE YANG DAG PA JI LTA BA BZHIN MTHONG STE MI DMIGS KYANG, DMUS LONG BZHIN DU MTHU MED PA NI MA YIN PA DE'I TSE RNAM PAR SHES PA'I 'DZIN PA SPANGS SHING, SEMS KYI CHOS NYID LA YANG SEMS GNAS PA YIN NO, ,RNAM PAR SHES PA'I SGRA NI 'DIR ZHEN PA LA BYA'O, ,'DZIN PA'I SGRA NI MNGON PAR ZHEN PA LA BYA STE, DE'I PHYIR DE'I TSE NA 'DZIN PA LA MNGON PAR ZHEN PA SPANGS SO ZHES BSTAN PAR 'GYUR RO, ,CI'I PHYIR DE'I TSE SEMS KYI CHOS NYID LA SEMS GNAS PAR 'GYUR ZHE NA, 'DIR GTAN TSIGS SMOS PA, GZUNG BA MED CES BYA BA LA SOGS PA SMRAS SO, ,DE DGROL BA'I PHYIR, GZUNG BA YOD NA ZHES BYA BA LA SOGS PA SMRAS TE, 'DI LTAR GZUNG BA YOD NA NI 'DZIN PAR 'GYUR GYI, GZUNG BA @60B MED NA NI MA YIN TE, DE'I PHYIR GZUNG BA MED NA 'DZIN PA YANG MED PAR RTOGS KYI, GZUNG BA MED PA 'BA' ZHIG TU RTOGS PA NI MA YIN NO, ,GZUNG BA DANG 'DZIN PA RNAM PAR BSHIG PAS YON TAN CI ZHIG 'THOB SNYAM PA LA, DE LTAR NA DMIGS PAR BYA BA DANG ZHES BYA BA LA SOGS PA SMRAS TE, DE LTAR NA GZUNG BA DANG 'DZIN PA RNAM PAR BSHIG PAR GYUR PA DE'I TSE, DMIGS PAR BYA BA DANG, DMIGS PAR BYED PA LA RNAM PAR MI RTOG PAS MNYAM PA NYID 'JIG RTEN LAS 'DAS PA'I YE SHES 'BYUNG STE, GZUNG BA DANG 'DZIN PA LA MNGON PAR ZHEN PA'I BAG LA NYAL YANG SPONG ZHING, RANG GI SEMS KYI CHOS NYID RNAM PAR RIG PA TZAM ZHES BYA BA LA SEMS GNAS PAR 'GYUR RO, ,DMIGS PAR BYA BA DANG DMIGS PAR BYED PA MNYAM PAS MNYAM PA ZHES BYA BA NI 'JIG RTEN LAS 'DAS PA'I YE SHES TE, JI LTAR DMIGS PAR BYA BA LA RNAM PAR MI RTOG CING, MNGON PAR ZHEN PA MED PA DE BZHIN DU, DMIGS PAR BYED PA LA YANG RNAM PAR MI RTOG CING, MNGON PAR ZHEN PA MED CES BYA BA'I THA TSIG GO, MNYAM PAS MNYAM ZHES BYA BA NI SHIN TU MTSUNGS PA LA BYA'O, ,'OG MA DANG MTSAMS SBYAR BA'I DON DU DRI BA'I PHYIR, GAL TE DE LTAR RNAM PAR RIG PA TZAM NYID LA ZHES BYA BA LA SOGS PA SMRAS TE, GANG GI TSE GZUNG BA DANG 'DZIN PA RNAM PAR BSHIG NAS, RNAM PAR RIG PA TZAM NYID LA SEMS GNAS PA DE'I TSE, SEMS DE LA JI SKAD CES BYA ZHE NA, GRUB PA'I MTHA' SMRA BAS, DE NI SEMS MED MI DMIGS PA, ,ZHES BYA BA LA SOGS PA SMRAS TE, SEMS MED PA DANG MI DMIGS PA DANGS, 'JIG RTEN LAS 'DAS PA'I YE SHES DANG, GNAS GYUR BA DANG, ZAG PA MED PA'I DBYINGS DANG, BSAM GYIS MI KHYAB PA DANG, DGE BA DANG, BRTEN PA DANG, BDE BA DANG, RNAM PAR GROL BA'I SKU DANG CHOS KYI SKU ZHES BYA'O ZHES BSDUS TE MDOR BYAS PA'I DON TO, ,'GREL PA BYED PAS TSIGS SU BCAS PA GNYIS KYIS BSDUS PA'I DON BSTAN PA'I PHYIR, TSIGS SU BCAD PA 'DI @61A *, ,GNYIS KYIS ZHES BYA BA LA SOGS PA SMRAS SO, ,TSIGS SU BCAD PA 'DI GNYIS KYIS RNAM PAR RIG PA TZAM NYID LA ZHUGS PA'I RNAL 'BYOR PA'I MTHONG BA'I LAM LA BRTEN NAS, GONG NAS GONG DU BYE BRAG TU 'GRO BAS 'BRAS BU PHUN SUM TSOGS PA BSTAN TO, ,SEMS MED PA DANG, MI DMIGS PA DANG, 'JIG RTEN LAS 'DAS PA'I YE SHES LA SOGS PA NI MTHONG BA'I LAM GYI TSE'O, ,GNAS GYUR PA LA SOGS PA NI GONG NAS GONG DU BYE BRAG TU 'GRO BA'O, ,SKU GNYIS NI 'BRAS BU PHUN SUM TSOGS PA'O, ,SEMS NYID NI RTOGS PA YIN NA DE SEMS MED PA DANG, MI DMIGS PA ZHES JI SKAD DU BYA SNYAM PA LA, DE LA 'DZIN PA'I SEMS MED CES BYA BA LA SOGS PA SMRAS TE, 'DI LTAR 'JIG RTEN LAS 'DAS PA'I SEMS DE LA 'DZIN PA'I SEMS GZHAN MED PAS, DE'I PHYIR SEMS MED PA'O, ,'DI LTAR 'JIG RTEN LAS 'DAS PA'I SEMS DES GZUNG BA CI YANG MI DMIGS PAS, DE'I PHYIR MI DMIGS PA'O, ,'O NA CI'I PHYIR 'JIG RTEN LAS 'DAS PA ZHES BYA SNYAM PA LA, 'JIG RTEN 'DRIS PAR MA BYAS PA, ,ZHES BYA BA LA SOGS PA SMRAS TE, 'DI LTAR 'DRIS PAR MA BYAS TE, MA GOMS PA DANG, 'DI LTAR YANG 'JIG RTEN NA KUN TU 'BYUNG BA MED PA DANG, 'DI LTAR YANG RNAM PAR MI RTOG PAS, DE'I PHYIR 'JIG RTEN LAS BRGAL BA STE, DE BAS NA 'JIG RTEN LAS BRGAL BA'I PHYIR, ,'JIG RTEN LAS 'DAS PA'I YE SHES SO; ;GNAS GYUR PA BSTAN PA'I PHYIR, ,YE SHES DE'I 'OG TU ZHES BYA BA LA SOGS PA SMRAS TE, 'DI LTAR 'JIG RTEN LAS 'DAS PA'I YE SHES DE'I 'OG TU GNAS 'GYUR BAS, ,DE'I PHYIR GNAS GYUR BA'I SMRAS DE NYID BRJOD DO, ,GNAS NI GANG YIN 'GYUR BA NI GANG YIN ZHE NA, DE'I PHYIR GNAS KYANG ZHES BYA BA LA SOGS PAS SO, ,SKABS 'DIR NI GNAS KYI SGRA KUN GZHI'I RNAM PAR SHES PA SA BON DANG BCAS PA LA BYA BAR BLTA'O, ,GNAS RNAM PAR DE LTA BU'I GNAS NGAN LEN GYI NGO BO DANG, RNAM PAR SMIN PA'I NGO BO DANG, GZUNG BA DANG @61B 'DZIN PA GNYIS SU SNANG BA'I NGO BO LOG PAR GYUR NA, GO RIMS BZHIN DU LAS SU RUNG BA'I NGO BO DANG, CHOS SKU'I NGO BO DANG, MI GNYIS PA'I YE SHES KYI NGO BOR GYUR PA DE NI GNAS GYUR PA ZHES BYA'O, ,GNAS NGAN LEN LOG NA LAS SU RUNG BA'I DNGOS POR 'GYUR RO, ,RNAM PAR SMIN PA LOG NA CHOS KYI SKUR 'GYUR RO, ,GNYIS SU SNANG BA LOG NA GNYIS SU MED PA'I YE SHES KYI DNGOS POR 'GYUR RO, ,GNAS NGAN LEN GYI SGRA NI NYON MONGS PA'I SA BON TE, LAS SU MI RUNG BA LA BYA'O, ,GNYIS SU SNANG BA'I SGRA NI GZUNG BA DANG, 'DZIN PAR SNANG BA LA BYA'O, ,GNYIS SU MED PA'I SGRA NI RNAM PAR MI RTOG PA'I YE SHES LA BYA'O, ,'DI JI LTAR 'THOB CE NA, DE'I PHYIR, GNAS GYUR PA DE YANG ZHES BYA BA LA SOGS PA SMRAS TE, GNAS GYUR PA ZHES GANG BSHAD PA DE GANG SPANGS NA 'THOB PAR 'GYUR BA BRJOD DGOS SO, ,GRUB PA'I MTHA' SMRA BAS, GNAS NGAN LEN GNYIS SPANGS PAS SO, ,ZHES BYA BA LA SOGS PA SMRAS SO, ,GNAS NGAN LEN RNAM PA GNYIS SPANGS NA DE THOB PAR 'GYUR RO, ,RNAM PA GNYIS BSTAN PA'I PHYIR, GNYIS ZHES BYA BA NI ZHES BYA BA LA SOGS PA SMRAS TE, NYON MONGS PA'I SGRIB PA'I GNAS NGAN LEN DANG, SHES BYA'I SGRIB PA'I GNAS NGAN LEN NI 'DIR GNAS NGAN LEN GNYIS SU BZHED DO, ,GNAS NGAN LEN ZHES BYA BA 'DI CI ZHIG SNYAM PA LA, GNAS NGAN LEN NI ZHES BYA BA LA SOGS PA SMRAS TE, GNAS LAS SU MI RUNG BA NI GNAS NGAN LEN ZHES BYA'O, , YANG DAG PA'I DON DU NA GNAS NGAN LEN NI NYON MONGS PA DANG, SHES BYA'I SGRIB PA'I SA BON LA BYA'O, ,'DI'I RAB TU DBYE BA BSTAN PA'I PHYIR, ,GNAS GYUR PA DE YANG ZHES BYA BA LA SOGS PA SMRAS SO, ,GCIG NI NYAN THOS DANG RANG SANGS RGYAS KYI RIGS LA YOD PA'I GNAS NGAN LEN SPANGS PAS 'THOB STE, GANG RNAM PAR GROL BA'I SKU ZHES SMOS PA'O, ,CIG SHOS NI BYANG CHUB SEMS DPA' LA YOD PA'I GNAS NGAN LEN SPANGS PAS 'THOB STE, GANG THUB PA CHEN PO'I CHOS ZHES BYA BA SMOS PA'O, ,DE NYID 'DIR SGRIB PA RNAM PA GNYIS SPONG BA'I BYE BRAG GIS GNAS @62A *, ,GYUR PA BLA NA YOD PA DANG, BLA NA MED PA BSTAN PAR RIG PAR BYA'O, ,SGRIB PA RNAM GNYIS BSTAN PA'I PHYIR KHUNGS SMOS PA, ,'DIR TSIGS SU BCAD PA ZHES BYA BA LA SOGS PA'O, ,SGRIB PA GNYIS KYI NGO BO NYID NI LEN PA'I RNAM PAR SHES PA STE, 'CHING BAR SHES PAR BYA'O, ,SU'I 'CHING BA SNYAM PA LA, DER NI GNYIS LA GNYIS 'CHING NGO, ,ZHES BYA BA SMRAS SO, ,KUN GZHI'I RNAM PAR SHES PA SGRIB PA'I, ,MTSAN NYID DES NI NYAN THOS LA SOGS PA'I RIGS DANG, BYANG CHUB SEMS DPA' GNYIS LA 'CHING NGO ZHES BYA BA'I THA TSIG GO, ,NYON MONGS PA SA BON KUN SA BON ZHES BYA BA 'DIS SGRIB PA GNYIS BSTAN TO, ,KUN GZHI'I RNAM PAR SHES PA GANG LA SGRIB PA GNYIS KYI SA BON YOD PA DE DE SKAD BRJOD DE, KUN GZHI'I RNAM PAR SHES PA DE KUN GYI SA BON YOD PA DANG, DE LA NYON MONGS PA'I SA BON YOD PAS DE LA DE SKAD CES BYA'O, ,'GREL PA BYED PAS YAN LAG GI DON BSTAN PA'I PHYIR, GNYIS ZHES BYA BA NI ZHES BYA BA LA SOGS PA SMRAS TE, NYON MONGS PA'I SA BON NI NYAN THOS LA SOGS PA'I RIGS KYI 'CHING BA'O, ,SGRIB PA GNYIS KYI SA BON NI, BYANG CHUB SEMS DPA'I 'CHING BA'I SGRIB PA GNYIS KYI SA BON GYI SGRA NI KUN GYI SA BON DU BSTAN TO, ,CI'I PHYIR 'DI BYANG CHUB SEMS DPA'I SGRIB PA ZHES BYA BA ZHE NA, DE'I PHYIR DE DAG BCOM PA ZHES BYA BA LA SOGS PA SMRAS TE, 'DI LTAR SGRIB PA GNYIS SPANGS NA, THAMS CAD MKHYEN PA NYID 'THOB PAS DE'I PHYIR SGRIB PA GNYIS NI DE'I 'CHING BA'O, ,TSIGS SU BCAD PA BSHAD NAS, GONG MA'I SKABS KYI 'PHRO LUS PA BSHAD PAR BYA BA'I PHYIR, DE NYID ZAG PA MED PA DANG DBYINGS ZHES BYA BA NI ZHES BYA BA LA SOGS PA SMRAS SO, ,GNAS GYUR PA DE NYID KYI BYE BRAG LA ZAG PA MED PA DANG DBYINGS ZHES BYA STE, 'DI LTAR GNAS NGAN LEN MED PAS ZAG PA THAMS CAD DANG BRAL TE, DE'I PHYIR ZAG PA MED PA'O, ,DE YANG 'PHAGS PA'I CHOS KYI RGYU YIN PAS DBYINGS ZHES BSHAD DO, ,'DI LTAR RGYU'I DON NI 'DIR DBYINGS KYI SGRAR BZUNG STE, DE NI 'PHAGS PA'I CHOS THAMS CAD KYI RGYU YIN NO, ,JI LTAR BSAM GYIS MI KHYAB CE NA, DE'I PHYIR, BSAM GYIS @62B MI KHYAB PA NI ZHES BYA BA LA SOGS PA SMRAS TE, 'DI LTAR RTOG GE PA'I SPYOD YUL MA YIN PA DANG, 'DI LTAR 'PHAGS PA RNAMS KYIS SO SO RANG GIS RIG PA DANG, 'DI LTAR DE LA DPE MED PAS DE'I PHYIR BSAM GYIS MI KHYAB PA'O, ,JI LTAR DGE ZHE NA, DE'I PHYIR DGE BA NI ZHES BYA BA LA SOGS PA SMRAS TE, 'DI LTAR RNAM PAR DAG PA'I DMIGS PA DANG, 'DI LTAR BDE BA DANG, 'DI LTAR ZAG PA MED PA'I CHOS NYID YIN PAS DE'I PHYIR DGE BA'O, ,JI LTAR BSTAN ZHE NA DE'I PHYIR, ,BRTAN PA NI ZHES BYA BA LA SOGS PA SMRAS TE, 'DI LTAR BDE BAR GSHEGS PA BRTAN PA DANG, MI ZAD PAS DE'I PHYIR BRTAN PA'O, ,JI LTAR BDE ZHE NA DE'I PHYIR BDE BA NI ZHES BYA BA LA SOGS PA SMRAS TE, GANG GI PHYIR RTAG PA DE'I PHYIR BDE BA'O, ,'DI LTAR GANG MI RTAG PA DE NI SDUG BSNGAL BA'O, ,'DI NI RTAG PA STE DE'I PHYIR BDE BA'O, ,GANG ZAG GI BYE BRAG GI GNAS GYUR PA'I BYE BRAG BSTAN PA'I PHYIR, ,NYON MONGS PA'I SGRIB PA SPANGS PA ZHES BYA BA LA SOGS PA SMRAS TE, GNAS GYUR PA'I BYE BRAG DE NI NYAN THOS RNAMS KYI RNAM PAR GROL BA'I SKU ZHES BYA STE, 'DI LTAR DE DAG NI NYON MONGS PA'I SGRIB PA SPANGS PA TZAM GYIS DE DAG RNAM PAR GROL BA THOB PAR BYED DE, ,DE'I PHYIR GNAS RNAM PAR GROL BA NI RNAM PAR GROL BA'I SKUR BSTAN PA YIN NO, ,GNAS GYUR PA'I MTSAN NYID DE NI THUB PA CHEN PO'I CHOS KYI SKU ZHES BYA'O, ,CI'I PHYIR BCOM LDAN 'DAS DE CHOS KYI SKU ZHES BYA BA SNYAM PA LA, SA DANG PHA ROL TU PHYIN PA BSGOMS NAS ZHES BYA BA LA SOGS PA SMRAS TE, 'DI LTAR SA RNAMS DANG, PHA ROL TU PHYIN PA RNAMS BSGOMS PAS NYON MONGS PA DANG, SHES BYA'I SGRIB PA SPONG BAR 'GYUR, ,GNAS GYUR PA YANG YANG DAG PA 'GRUB PAR 'GYUR TE, DE'I PHYIR THUB PA CHEN PO'I CHOS KYI SKU ZHES BYA'O, DE NI 'DI SKAD DU 'DI LTAR SA DANG PHA ROL TU PHYIN PA'I CHOS RNAMS KYI BSTZAGS PAS CHOS KYI SKU ZHES BYA'I ZHES BSTAN PAR 'GYUR RO, ,'DI NYID LA BSHAD PA GZHAN BYA BA'I PHYIR, ,'KHOR BA YONGS SU MI GTONG ZHING, ,ZHES BYA BA LA SOGS PA SMRAS TE, 'DI LTAR 'DI GNAS GYUR PA RNYED NA BYANG CHUB SEMS DPA' RNAMS 'KHOR BA YONGS SU @63A *, ,MI GTONG ZHING, 'KHOR BA'I NYES PA RNAMS KYIS KYANG KUN NAS NYON MONGS PAR MI 'GYUR LA, CHOS THAMS CAD LA DBANG 'BYOR BA YANG 'THOB STE, DE'I PHYIR CHOS KYI SKU ZHES BYA'O, ,CHOS DE DAG GI GNAS YIN PAS NA CHOS KYI SKU ZHES BYA BA'I THA TSIG GO,, BCOM LDAN 'DAS LA CI'I PHYIR THUB PA CHEN PO ZHES BYA BA ZHE NA DE'I PHYIR, ,THUB PA CHEN PO ZHES BYA BA NI ZHES BYA BA LA SOGS PA SMRAS TE, 'DI LTAR LUS DANG NGAG DANG YID THUB PA MCHOG DANG LDAN PAS, DE'I PHYIR BCOM LDAN 'DAS LA THUB PA CHEN PO ZHES BYA STE, NYON MONGS PA DANG NYE BA'I NYON MONGS PAS BYAS PA'I SMRA BA DANG BRAL BA'I PHYIR THUB PA CHEN PO ZHES BYA BA'I THA TSIG GO, ,'JIG RTEN NA 'ANG SU DAG TSIG BSDAMS TE 'DUG PA DE THUB PA ZHES BYA'O, ,BCOM LDAN 'DAS KYANG NYON MONGS PAS NON PA'I TSIG CUNG ZAD KYANG MI GSUNG STE, DE BAS NA NYON MONGS PA LAS BYUNG BA'I TSIG LEGS PAR BSDAMS PAS DE BZHIN GSHEGS PA NI THUB PA CHEN PO, ,THUB PA'I DBANG PO, ,THUB PA'I MCHOG ,THUB PA'I RGYAL PO, ,THUB PA'I DBANG PHYUG CES BYA'O, ,BDAG GIS BLO GROS BRTAN PA YIS, ,SUM CU'I BSHAD PA RNAM PHYE BAS, ,DGE BA THOB PA GANG YIN DES; ;'GRO BA SANGS RGYAS GRUB GYUR CIG ,MI SHES DBANG GIS 'DI DAG TU, ,MI 'DRAR CUNG ZAD GANG SMRAS TE, ,'DI LTAR BDAG NI KHONG BLUN PAS, ,MKHAS PA RNAMS KYIS BZOD PAR MDZOD, ,'DI 'DRA'I BSTAN BCOS LAM LA NI, ,'KHRUL PA NGO MTSAR MI CHE STE, ,DPER NA LONG BA GCIG PU ZHIG, ,NYAM NGA'I LAM NA RGYUG PA BZHIN, ,BDAG 'DRA'I BLO LAS 'GA' TZAM ZHIG, ,LEGS PAR SMRAS NA DE RAB MANG, ,DPER NA PHUB KHROD S'A LU YI, ,'BRU GCIG NA YANG MANG DANG MTSUNGS, ,SLOB DPON DUL BA'I LHAS SUM CU PA'I 'GREL BSHAD BYAS PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LENDRA BO DHI DANG, D'A NA SH'I LA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA,, ,, @63B #,, ,,RGYA GAR SKAD DU, KARMA SIDDHA t'I K'A, BOD SKAD DU, LAS GRUB PA'I BSHAD PA, BAM PO DANG PO, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,RTOG PA'I DRA BA RNAM BSAL CING, GZHAN GYI DON LA NGES BSTAN PA, , SEMS CAN KUN GYI GNYEN GCIG PO, ,'JAM PA'I DPAL LA PHYAG 'TSAL LO, ,LAS GRUB RAB TU BYED PA NI, ,MDOR BSHAD 'DOD PA GANG YIN PA, ,DE DAG DGA' BAR BYA BA'I PHYIR, ,MDOR NA DE YI BSHAD PA BYA, ,MDO LAS LAS RNAMS NI GSUM STE, ZHES BYA BA LA SOGS PA 'BYUNG BA LA, RAB TU BYED PA DGOS PA DANG BCAS PA BSHAD PA NI RIGS MOD, ,'DI LA NI DGOS PA YANG MED DE, ,DE'I PHYIR RE ZHIG RTOG PA SNGON DU GTONG BA CAN GYIS DE BRTZAMS PA NYID KYANG MI RUNG NA, DE BSHAD PA LTA LEGS PAR GA LA 'GYUR, ,'DI LA SBYOR BA YANG YOD DE, RTOG PA SNGON DU GTONG BA CAN GYIS NI DGOS PA MED PA GANG YIN PA DE BRTZAMS PAR MI BYA STE, DPER NA BYA ROG GI SO BRTAG PA'I BSTAN BCOS LTA BU YIN LA, RAB TU BYED PA 'DI YANG DGOS PA MED PA YIN PAS KHYAB PAR BYED PA MI DMIGS PA STE, DE BRTZAMS PA LA DGOS PA DANG LDAN PA NYID KYIS KHYAB PA'I PHYIR RO, ,DE LTAR RAB TU BYED PA LA GZHAN GYIS BRGAL BA DANG, 'DIR BSHAD PA DGOS PA MED PA'I PHYIR RO ZHES BYA BA'I GTAN TSIGS NI MA GRUB PO, ,CI'I PHYIR ZHE NA, 'DI LTAR 'DI LA LUS LA SOGS PA'I LAS GSUM GYI RANG BZHIN PHYIN CI MA LOG PAR NGES PAR BZUNG BA ZHES BYA BA'I DGOS PA YOD DO, ,DE YANG PHYI ROL GYI DON YOD PAR SMRA BA GZHAN THAMS CAD KYIS LOG PAR RTOGS PA'I PHYIR TE, ,DE'I PHYIR SHES BYA NANG GI YIN PAR SMRA BAS DE'I LUGS DGAG PA DANG, RANG GI BSAM PA BSTAN PA'I SGO NAS RAB TU BYED PA 'DIS BSGRUB PAR BYA'O,, BCOM LDAN 'DAS KYIS MDO LAS LAS RNAMS NI GSUM STE ZHES GSUNGS PA DGOD PA NI RTZOD PA'I GNAS YIN PA'I PHYIR RO, ,PHA ROL GYI LUGS BSAL BAS RANG GI NGO BO PHYIN CI MA LOG PAR BSTAN PAR BYA BA'I PHYIR RO, ,DE LA RE ZHIG DE LA KHA CIG NA RE ZHES BYA BA LA SOGS PAS PHA ROL GYI @64A *, ,LUGS DGOD PA MDZAD DE, ,DE'I LUGS DMIGS KYIS BKAR TE PHYOGS RE RE NAS SUN PHYUNG BAS NI PHYIS RANG GI PHYOGS BDE BLAG TU KHONG DU CHUD PAR NUS PA'I PHYIR RO, ,DANG PO NI BYE BRAG TU SMRA BA'I PHYOGS YIN PAR RIG PAR BYA STE, RANG GI BLA MA BRGYUD PA LAS BSHAD PA 'ONGS PAS BSLUS PA DE DAG NI 'DI SKAD DU LUS KYIS BYAS PA'I LAS NI LUS KYI LAS YIN ZHES BYA BA LA SOGS PA ZER TE, LAS GSUM PO DAG GI TSIG BSDU BA NI GZHAN DANG GZHAN DU RIG PAR BYA'O, ,LUS KYIS BYAS PA'I LAS NI LUS KYI LAS ZHES BYA BA'I TSIG BSDU BA NI GSUM PA YIN TE, LUS LA BRTEN NAS ZHES BYA BAR BSAMS PA YIN TE, DE NI BYA BA'I RANG BZHIN MA YIN PA'I PHYIR RO, ,NGAG NYID NI NGAG GI LAS YIN TE ZHES BYA BA'I TSIG BSDU BA NI KHYAD PAR DU BYED PA YIN TE, DBYANGS NI NGAG GI YIN NO ZHES 'BYUNG BAS DE NI BYA BA'I RANG BZHIN YIN PA'I PHYIR RO; ;SO SOR ZHES BYA BA NI RE RE ZHING ZHES BYA BA'I DON TE, ,GNYIS KA YANG ZHES BYA BA NI LUS DANG NGAG GI LAS SO, ,RNAM PAR RIG BYED DANG, RNAM PAR RIG BYED MA YIN PA ZHES BYA BA DE LA, RNAM PAR RIG BYED PAS NA RNAM PAR RIG BYED DE, THA SNYAD RTOGS PA GZHAN GYI NANG NA YOD PA'I BSAM PA STON PAR BYED PA ZHES BYA BA'I DON TO, ,RNAM PAR RIG BYED GZHAN DU GZUGS DANG BYA BA'I RANG BZHIN YIN DU ZIN KYANG, GZHAN DAG LA RNAM PAR RIG PAR MI BYED PAS NA RIG BYED MA YIN PA'O, ,YID DANG MTSUNGS PAR LDAN PA'I LAS NI YID KYI LAS TE ZHES BYA BA 'DIR YANG TSIG BSDU BA NI GSUM PA YIN NO, ,YID NI BYA BA'I RANG BZHIN MA YIN PA'I PHYIR, ,LAS NYID DU MI SRID PAS DE DANG MTSUNGS PAR LDAN PA'I SEMS PA NI LAS SO, ,DE LA 'DIR 'DI DPYAD PAR BYA STE ZHES BYA BA NI SLOB DPON GYIS DRI BA GLENG BAR MDZAD PA STE, DE'I PHYOGS GTAN LA PHAB NAS PHYIS SUN DBYUNG BA'I PHYIR RO, ,RE ZHIG LUS KYI RNAM PAR RIG BYED CES BYA BA LA SOGS PAR RGYA CHER 'BYUNG BAS NI BYE BRAG TU SMRA BA PA DAG RANG GI PHYOGS RNAM PAR 'JOG PAR BYED DO, ,RE ZHIG LUS KYI RNAM PAR RIG BYED CES BYA BA LA, ,RE ZHIG GI SGRAS NI RNAM PAR RIG BYED CIG SHOS RNAM PAR GCOD PAR @64B MDZAD DO, ,DE LA DMIGS PA'I SEMS LAS SKYES PA ZHES BYA BA LA, DE'I SGRAS NI DBYIBS LA SNYEGS SO, ,GANG LA LAG PA LA SOGS PA DBYIBS KYI DMIGS PA YOD PA DE NI DE LA DMIGS PA'O, ,DE NI DE LA DMIGS PA YANG YIN LA SEMS KYANG YIN PAS DE LA DMIGS PA'I SEMS TE, 'JUG PAR BYED PA'I SEMS SO, ,DE LAS SKYES PAS NA DE LA DMIGS PA'I SEMS LAS SKYES PA YIN TE, ,DE CI ZHE NA, DBYIBS KYI RNAM PAR RIG BYED DO ZHES BYA BAR SBYAR RO, ,'DI SKAD DU MCHOD RTEN LA PHYAG 'TSAL BA LA SOGS PA KUN NAS SLONG BAR BYED PA'I SEMS GANG YIN PA DE'I DMIGS PA NI MA 'ONGS PA'I LUS KYI LAS RNAM PAR RIG BYED CES BYA BA'I DBYIBS YIN GYI GZHAN NI MA YIN TE, DE'I PHYIR SEMS DE LTA BUS KUN NAS BSLANG BA'I RNAM PAR RIG BYED NI DE LAS SKYES PA YIN NO ZHES BSTAN PA YIN NO, ,GANG GI ZHES BYA BA NI RGOL BAR BYED PA YIN TE, 'DI YANG G-YAS G-YON 'DUG PA 'GA' ZHIG YIN GYI, SLOB DPON NI MA YIN NA LUS KYI YIN NO ZHES ZER BA NI BYE BRAG TU SMRA BA DAG GO, ,GAL TE LUS KYI YIN NO ZHES BYA BA NI RGOL BAR BYED PA YIN TE, DE'I BSAM PA NI RNAM PAR DBYE BA GANG YANG RUNG BA ZHIG BSTAN PAS DON RTOGS PA'I PHYIR DE LAS GZHAN PA'I SGRUB PA MED PA'I PHYIR JI LTAR NA DE LUS KYIS BYAS PA'I LAS ZHES BYA ZHES SMOS NAS LUS KYI ZHES BYA STE, THA SNYAD GNYI GA YANG MED DO ZHES BYA BA 'DI YIN NO, ,LUS ZHES BYA BA SPYI'I YAN LAG TU GYUR PA'I PHYIR ZHES BYA BA RGYA CHER 'BYUNG BAS BYE BRAG TU SMRA BA PA DAG THA SNYAD GNYI GA GZHUNG 'DZUGS PAR BYED PA YIN NO, ,LUS NI 'BYUNG BA DANG, 'BYUNG BA LAS GYUR PA 'DUS PA STE KHOG PA RIL LA BYA LA, LAS NI LAG PA LA SOGS PA NYI TSE LA YOD PA MA YIN NAM, ,JI LTAR NA LUS KYI'AM, ,LUS KYI ZHES BYA ZHES BYA BA'I PHYOGS SNGA MA KHONG NA SA DBYUNG BA 'DI SEMS LA BSDOGS NAS BYI DAG LA YOD CES BYA BA LA SOGS PA SMRAS SO, ,DE LA DMIGS PA'I SEMS LAS SKYES PA ZHES BYA BA CI DGOS SHE NA ZHES BYA BA 'DIR 'DRI BA PO DE'I BSAM PA NI SEMS LAS BYUNG BA'I PHYIR, ,SEMS LAS SKYES PA ZHES BYA BA KHO NAR BSTAN PA'I RIGS NA CI'I PHYIR DE LA @65A *, ,DMIGS PA'I ZHES SMOS PA BYAS SHE NA ZHES BYA BA 'DI YIN NO, ,BRGAL ZHING BRTAG PA DE LA BYE BRAG TU SMRA BA PA RNAMS KYIS SMRA BA NA MCHU LA SOGS PA ZHES BYA BA LA SOGS PAS LAN BTAB PA YIN TE, DE NI DE LA DMIGS PA'I SEMS LAS SKYES PA MA YIN TE ZHES BYA BA NI, ,MCHU LA SOGS PA'I DBYIBS NI DBYIBS LA DMIGS PA'I SEMS LAS SKYES PA MA YIN NO ZHES BYA BA'I DON TO, ,MCHU LA SOGS PA ZHES BYA BA LA STZOGS PA SMOS PAS NI 'BYED PA DANG 'DZUMS PA LA SOGS PA BZUNG NGO, ,CI'I PHYIR MA YIN ZHE NA, DE'I PHYIR TSIG LA DMIGS PA'I SEMS LAS SKYES PA YIN PA'I PHYIR RO ZHES BYA BA SMOS SO, ,'DI SKAD DU SMRA BAR BYED PA NI 'DI LA TSIG 'DIS BRJOD PAR 'DOD PA'I DON 'DI KHONG DU CHUD PAR BYA'O ZHES TSIG LA DMIGS NAS TSIG TU 'DON PAR BYED DO, ,DE'I PHYIR TSIG LA DMIGS PA'I SEMS LAS SKYES PA NYID YIN PAS, MCHU LA SOGS PA'I DBYIBS NI DBYIBS LA DMIGS PA'I SEMS LAS SKYES PA MA YIN NO ZHES BSTAN PA YIN NO, ,SNGON GYI SMON LAM GYI SEMS LAS SKYES PA YANG GYUR NA MI RUNG BA STE ZHES BYA BA NI BDAG GI MCHU BIM PA LTAR DMAR PA LA SOGS PA DE DANG DE LTAR GYUR CIG CES SNGON SMON LAM BTAB PA GANG YIN PA DE'I SEMS LAS SKYES PA YANG DER GYUR NA MI RUNG NGO ZHES BYA BA'I DON TO, ,RNAM PAR SMIN PA'I RGYU'I SEMS GZHAN LAS KYANG SKYES PA'I PHYIR RO ZHES BYA BA NI DE LAS GZHAN SNGON GYI RNAM PAR SMIN PA'I RGYUR GYUR PA DGE BA'I SEMS GANG YIN PAR RGYUR 'GYUR BA'I KHYAD PAR THOB PA DE LAS KYANG SKYES SO ZHES BYA BA'I DON TO, ,'DIS KYANG DE LA DMIGS PA'I SEMS LAS SKYES PA KHO NA YIN NO ZHES NGES PAR BZUNG BA'I 'BRAS BU CAN DU BSTAN PA YIN NO, ,CI'I PHYIR DE RNAM PAR RIG BYED CES BYA ZHE NA ZHES BYA BA NI SGRA DRI BA YIN NO, ,PHYI ROL LA BSKYOD PA'I 'GYUR BA DAG GIS NI ZHES BYA BA NI SEMS LAS PHYI ROL DU BSKYOD PAS TE BYUNG BA'O, ,'GYUR BA DAG GIS ZHES BYA BA NI LAG PA LA SOGS PA'I G-YO BA DAG GIS ZHES BYA BA'I DON TO, ,BSAM PA ZHES BYA BA NI SEMS PA'O, ,MTSO NA GNAS PA'I NYA NI RAB GAB KYANG, ,ZHES BYA BA LA @65B SOGS PAS NI DPE BSTAN TO, ,TSIGS SU BCAD PA LHAG MA'I DON NI RTOGS PAR ZAD DO, ,DE LTAR RGYA CHER LUS KYI RNAM PAR RIG BYED KYI MTSAN NYID RNAM PAR GZHAG PA DANG, SLOB DPON GYIS DE'I MTSAN NYID SUN DBYUNG BAR ZHES NAS, 'O NA DBYIBS ZHES BYA BA 'DI CI YIN ZHES BYA BA LA SOGS PA GSUNGS TE, DBYIBS SHIG GRUB NA NI DE'I BDAG NYID KYI LUS KYI RNAM PAR RIG BYED RTOGS PAR NUS KYI GZHAN DU NI MA YIN NO ZHES BYA BAR DGONGS PA'O, ,'DI LTA STE RING PO LA SOGS PA'I ZHES ZER BA NI BYE BRAG TU SMRA BA DAG GO, ,RING PO LA SOGS PA 'DI CI YIN ZHES GSUNGS PA NI SLOB DPON TE, 'DI LAS MA GRUB PA'I NGO BO NYID YIN NA, ,JI LTAR DPER BRJOD CES BYA BAR DGONGS PA YIN NO, ,GANG LAS RING PO BA'AM ZHES BYA BA LA SOGS PA SMRA BA NI BYE BRAG TU SMRA BA PA DAG STE, RING PO LA SOGS PA NI MNGON SUM GYI TSAD MAS GRUB NA 'DI LA CI ZHIG THE TSOM ZA BAR 'GYUR, ,SBYOR BA NI MNGON SUM GYI TSAD MAS GRUB PA GANG YIN PA DE NI YOD PA YIN TE, DPER NA SNGON PO LA SOGS PA'I GZUGS LTA BU YIN LA, RING PO LA SOGS PA YANG MNGON SUM GYI TSAD MAS GRUB PA YIN NO, ,YOD PA NYID NI MNGON SUM GYI TSAD MAS GRUB PA TZAM NYID KYIS YOD PA NYID YIN PA'I PHYIR RANG BZHIN GYI GTAN TSIGS SO SNYAM DU SEMS SO, ,SKYE MCHED GANG YIN ZHES BYA BA NI SLOB DPON GYIS RE ZHIG DE'I PHYOGS KHO NA SUN DBYUNG BA'I PHYIR BSTAN PAR MDZAD PA STE, GAL TE DBYIBS DE RDZAS SU YOD NA SKYE MCHED BCU GNYIS DAG GIS NI RDZAS THAMS CAD BSDUS PA'I PHYIR DE SKYE MCHED GANG DU 'DU ZHES BYA BAR DGONGS PA'O, ,GZUGS KYI SKYE MCHED DO ZHES ZER BA NI BYE BRAG TU SMRA BA DAG STE, 'DI LTAR GRUB PA'I MTHA' LAS GZUGS NI RNAM PAR GNYIS TE, KHA DOG DANG, DBYIBS SO ZHES 'BYUNG BAS DE'I PHYIR GZUGS KYI SKYE MCHED DU 'DUS SO, ,CI STE ZHES BYA BA RGYA CHER 'BYUNG BA NI SLOB DPON DRI BA GLENG BAR MDZAD PA YIN NO, ,KHA DOG BZHI DU ZHES BYA BA NI JI LTAR SNGON PO LA SOGS PA'I RANG BZHIN GYI MTSAN NYID GRUB PA KHO DOG GI RNGUL PHRA RAB RDZAS SU YOD PA CHA SHAS SO, ,DU MA NI DE 'DUS PA LA YANG THA MI DAD PAR 'JUG PA YIN PAR 'DOD NA, CI DBYIBS KYANG DE LTA BUR 'DOD @66A *, ,DAM; 'ON TE RDUL PHRA RAB KYI BYE BRAG 'DUS PA ZHIG YIN ZHES BYA BA NI CI DE RDUL PHRA RAB KYI BYE BRAG GI BDAG NYID RNAMS 'DUS PA ZHIG YIN PAR 'DOD DAM ZHES BYA BA'I THA TSIG GO, ,'ON TE KHA DOG LA SOGS PA 'DUS PA LA KHYAB PA'I RDZAS ZHES BYA BA NI CI DE BYE BRAG PA RNAMS KYI CHA SHAS CAN BZHIN DU, DRI DANG, RO DANG, REG BYA'I KHA DOG LA KHYAB PA ZHIG TU 'DOD DAM ZHES BYA BA'I THA TSIG GO, ,DE NI RNAM PA THAMS CAD DU MI 'THAD DE, NYES PA RNAM PA GSUM YOD PA'I PHYIR RO, ,JI LTAR ZHE NA, GAL TE RDUL PHRA RAB KYI BYE BRAG ZHIG YIN NA NI ZHES BYA BA LA SOGS PA GSUNGS TE, 'DI SKAD DU GAL TE RDUL PHRA MO'I BYE BRAG LA RING PO LA SOGS PA DE'I BLO SKYE BA'I RGYUR 'DOD NA, DE LTA NA NI 'BYUNG BA DANG 'BYUNG BA LAS GYUR PA 'DUS PA DE'I CHA SHAS RE RE LA YANG SNGON PO LA SOGS PA'I KHA DOG GI RDUL PHRA RAB LAS MA GTOGS PAR DBYIBS DE BZUNG BAR 'GYUR TE, DPER NA KHA DOG BZHIN DU 'GYUR BA ZHIG NA DE LTA YANG MA YIN NO, ,SBYOR BA NI DMIGS PA'I RIG BYAR GYUR PA LAS MI DMIGS PA GANG YIN PA DE NI MED PAR THA SNYAD GDAGS PA'I YUL YIN TE, DPER NA BONG BU'I RVA LTA BU YIN LA, RING PO LA SOGS PA'I DBYIBS KYANG KHA DOG GI RDUL PHRA RAB LAS LOGS SHIG NA MI DMIGS PAS, RANG BZHIN MI DMIGS PA STE, 'DI LTAR DE LTA BUR GYUR PA YOD PA LA DMIGS PAS KHYAB PA'I PHYIR RO, ,'DI THAMS CAD KYIS NI PHYOGS SNGA MA SMRA BAS MNGON SUM GYI TSAD MAS GRUB PA'I PHYIR RO ZHES GTAN TSIGS SBYAR BA DE MA GRUB PA NYID DU BSTAN PA YIN NO, , GAL TE 'O NA RING PO DANG, THUNG NGU LA SOGS PA JI LTAR DMIGS PAR 'GYUR ZHE NA MA YIN TE, DE NI 'OG NAS SNGON PO LA SOGS PA DE LTAR GNAS PA DAG KHO NAS RING PO LA SOGS PA'I BLO SKYED DO ZHES SGRUB PA'I PHYIR RO, ,'ON TE RDUL PHRA RAB KYI BYE BRAG 'DUS PA ZHIG YIN NA NI ZHES BYA BA LA SOGS PAS NI CI STE DBYIBS KYI RDUL PHRA RAB KYI BYE BRAG 'DUS PA ZHIG TU 'DAD NA NI, RING PO DANG THUNG NGU LA SOGS PAR MING BTAGS PA DBYIBS KYI RDUL PHRA RAB KYI BYE BRAG 'DUS PA GANG GIS NA DBYIBS RDUL PHRA RAB DMIGS KYIS MA PHYE BA'I RANG BZHIN DAG 'DUS PA LA DBYIBS ZHES BYA BA DE KHA DOG GI @66B RDUL PHRA RAB KYI BYE BRAG 'DUS PA LAS KHYAD PAR CI YOD DE, DE BAS NA SNGON PO LA SOGS PA DE DAG KHO NA 'DUS PA'I KHYAD PAR LAS RING PO LA SOGS PAR 'GYUR RO ZHES BYA BA'I DON 'DI BSTAN PA YIN NO, ,'ON TE KHA DOG LA SOGS PA 'DUS PA LA ZHES BYA BA LA SOGS PAS NI 'DI SKAD DU GAL TE DRI DANG, ,RO DANG, REG BYA'I KHA DOG LA KHYAB PA GCIG PU ZHIG DBYIBS SU 'DOD NA, DE GCIG PU NYID YIN PA'I PHYIR DANG, CHA SHAS MED PA'I PHYIR KA BA LA SOGS PA'I CHA SHAS RE RE LA YANG DMIGS PAR 'GYUR TE, DE CHA SHAS RE RE LA YANG KHYAB PA NYID DU YOD PA'I PHYIR RO, ,DE LTA YANG NI MA YIN NO, ,DE LTA BAS NA KHYAB PAR BYED PA GCIG PU DE YOD PA MA YIN PAS SNGA MA BZHIN DU GANG ZHIG DMIGS PA'I RIG BYAR GYUR PA LAS ZHES BYA BA LA SOGS PAS KHYAB PAR BYED PA MI DMIGS PA'I SBYOR BAR RIG PAR BYA'O, ,YANG NA DE GCIG PU MA YIN TE ZHES BYA BA LA SOGS PA LA, BSAM PA NI KHYAB PA LA CHA 'KHRUL PA MED PA'I PHYIR DE LA NGES PAR CHA YOD PAR BYA DGOS SO, ,DE BAS NA RDZAS NI GCIG PA'I RGYU CAN NYID DU MI 'GRUB PA YIN NO ZHES BYA BA 'DI YIN NO, ,SBYOR BA NI GANG DANG GANG LA CHA DANG CHAR RNAM PAR GNAS PA YOD PA DE DANG DE NI YANG DAG PAR NA GCIG PA NYID MED DE, ,DPER NA DMAG DANG NAGS TSAL LA SOGS PA LTA BU YIN LA, DBYIBS KYANG CHA DANG CHAR RNAM PAR GNAS PA YIN PAS, KHYAB PAR BYED PA 'GAL BA DMIGS PA'O, ,'DI LTAR CHA CAN DANG, CHA CAN MA YIN PA DAG NI PHAN TSUN SPANGS TE GNAS PAS 'GAL BA YIN TA, GCIG NYID LA CHA CAN MA YIN PAS KHYAB PA'I PHYIR RO, ,DE BAS NA DE NI CHA CAN 'GAL BA DMIGS PA NA, KHYAB PAR BYED PA CHA CAN MA YIN PA LDOG GO, ,DE LOG NA, DES KHYAB PAR BYA BA GCIG NYID LDOG PA YIN NO, ,CI STE PHA ROL PO GAL TE DBYIBS GCIG PA NYID MED DU ZIN KYANG DES CIR 'GYUR SNYAM DU SEMS NA, DE'I PHYIR SKYE MCHED PA BCU NI ZHES BYA BA LA SOGS PA GSUNGS TE, 'DI SKAD DU RDZAS NI GCIG PA'I RGYU CAN NYID YIN PAS DE MED NA RDZAS MED PA'I PHYIR, SKYE MCHED BCU NI RDZAS SU YOD DO ZHES BYA BA'I GRUB PA'I MTHA' DANG 'GAL LO ZHES BSTAN PA YIN NO, ,GZHAN YANG @67A *, ,GZEGS ZAN PA'I GZHUNG GIS ZHES BYA BA LA SOGS PA'I SKYON GZHAN 'DI YANG YOD DO, ,SPEL BAR 'GYUR RO ZHES BYA BA NI GSOS PAR 'GYUR BAS ZHES BYA BA'I DON TO, ,CI STE GZHAN GAL TE DBYIBS ZHES BYA BA YONG YE MED NA, JI LTAR NA 'JIG RTEN NA GRAGS PA RING PO LA SOGS PA'I BLO MED PAR MI 'GYUR SNYAM DU SEMS PAR DOGS NAS, PHYOGS GCIG GI SGOR ZHES BYA BA LA SOGS PA RGYA CHER GSUNGS TE, 'DI SKAD DU NGED YONG YE DBYIBS MED DO ZHES NI MI ZER TE, JI LTAR BYE BRAG TU SMRA BA PA LA SOGS PAS RDZAS SU BTAGS PA DE LTA BUR NI MED KYI, 'JIG RTEN GYI GRAGS PA YANG MED PA NI MA YIN NO, ,'DI'I PHYIR YANG RING PO LA SOGS PA'I DBYIBS RDZAS SU MED PAR GSAL BAR SHES PAR GYIS SHIG ,GANG GI PHYIR ZHE NA RI MO BKRAM PA ZHES BYA BA STE, KHAB RIS LA SOGS PA'O, ,DE DANG DE LTA BUR SNANG BA LA ZHES BYA BA NI, RI DAGS DANG, PHAG LA SOGS PA'I GZUGS THA DAD PAR RO, ,'DI SKAD DU 'DI NI RI MO BKRAM PA LA SOGS PA DBYIBS SNA TSOGS DMIGS PA DE YANG NAM ZHIG RUNG STE, GAL TE DBYIBS RDZAS SU MED NA NI RUNG GI, GZHAN DU NA DE MI SRID PA KHO NA'O ZHES BSTAN PA YIN NO, ,BRGYA LA GZHAN DAG 'DI SKAD DU RDZAS SU YOD PAR KHAS BLANGS KYANG, CI'I PHYIR DE LTAR MI SRID CES SMRA BAR GYUR NA, DE'I PHYIR DBYIBS RIGS THA DAD PA DAG NI YUL GCIG PAR RIGS PA YANG MA YIN TE ZHES BYA BA LA SOGS PA GSUNGS PA'O, ,RIGS THA DAD PA DAG CES BYA BA NI RANG BZHIN THA DAD PA DAG CES BYA BA'I DON TO, ,DPER NA KHA DOG DAG BZHIN NO ZHES BYA BA NI JI LTAR SNGON PO LA SOGS PA'I KHA DOG RANG BZHIN THA DAD PA RNAMS NI PHAN TSUN LHAN CIG MI GNAS PA'I MTSAN NYID KYI 'GAL BAS 'GAL BA'I PHYIR PHYOGS GCIG TU GNAS PA MED DO, ,RING PO LA SOGS PA'I DBYIBS RNAMS KYANG DE BZHIN DU MI 'DOD PAR BYA'O, , 'ON GAL TE MIG BTZUMS NAS 'OL BYIR 'DI SKAD DU 'GAL BA RNAMS KYANG YUL GCIG PA KHO NA YIN NO ZHES ZER NA, DE'I PHYIR 'ON KYANG 'GYUR NA NI ZHES BYA BA LA SOGS PA GSUNGS TE, 'GAL BA RNAMS PHYOGS GCIG NA YOD PAR 'GYUR NA ZHES BYA BA'I DON TO, ,PHYOGS THAMS CAD DU @67B DBYIBS THAMS CAD KYI BLO 'BYUNG BAR 'GYUR BA ZHIG NA ZHES BYA BA CI'I PHYIR ZHE NA, DBYIBS RE RE'I YUL GANG YIN PA DE NI THAMS CAD KYI YIN PA'I PHYIR RO, ,DE LTA BAS NA DBYIBS ZHES BYA BA'I RDZAS GZHAN NI MED KYI ZHES BYA BA LA SOGS PAS NI JI SKAD DU BSHAD PA'I MJUG SDUD PA BSTAN TO, , GAL TE DE LTA NA THAG RING PO NAS KHA DOG 'DUS PA DMIGS KYIS MI PHYED PA BZHIN DU ZHES BYA BA LA SOGS PA NI GAL TE SNGON PO LA SOGS PA'I KHA DOG 'DUS PA LA DBYIBS KYI BLO 'BYUNG NA, THAG RING PO NAS DE MI 'DZIN BZHIN DU DBYIBS 'DZIN PA JI LTA BU STE, DE 'DZIN PA KHO NAS DE 'DZIN GYI GZHAN NI MA YIN NO SNYAM DU BSAMS PA'O, ,RE ZHIG DBYIBS DAG DMIGS KYIS MI PHYED BZHIN DU, DE'I DNGAR KA ZHES BYA BA LA SOGS PA NI SLOB DPON NYID KYIS LAN MA BTAB PAR GZHAN LA RMED PAR MDZAD PA YIN TE, GZHAN DAG YUL DE LTA BU LA BRTZAD PA NA, GZHAN CI ZHIG SMRA BAR 'GYUR TE CUNG ZAD KYANG SMRA BA MED KYI, 'ON KYANG DE NYID DE LTA BUR SNANG NGO ZHES SMRA BAR 'GYUR RO, ,DES NA KHO BO'I RIGS PA YANG DE NYID YIN NO, ,DBYIBS DAG DMIGS KYIS MI PHYED BZHIN DU ZHES BYA BA NI GANG DAG LA DBYIBS DMIGS KYIS MI PHYED PA YOD PA DE DAG NI DBYIBS DMIGS KYIS MI PHYED PA DAG GO, ,DBYIBS DE DAG DMIGS KYIS MI PHYED BZHIN DU STE, GANG DAG GI ZHE NA, SHING DAG GI ZHES BYA BA TSIG GI LHAG MA'O, ,DE'I DNGAR KA DANG, TSOGS DAG GI ZHES BYA BA DE LA, DNGAR KA NI GO RIMS DANG TSAR ZHES BYA BA'I DON TO, ,TSOGS NI 'DUS PA'O, ,SHING DE DAG GI DNGAR KA DANG, TSOGS DAG NI DE'I DNGAR KA DANG, CHOGS ZHES BYA BAR TSIG SBYAR RO, ,GZHAN YANG 'DIR BRGAL NA GZHAN DAG LAN CI ZHIG 'DEBS PAR 'GYUR TE, DE'I PHYIR, GNYI GAR YANG ZHES BYA BA LA SOGS PA GSUNGS SO, ,GNYI GAR YANG ZHES BYA BA NI KHA DOG DANG, DBYIBS SU ZHES BYA BA'I DON TO, ,DMIGS KYIS MI PHYED LA ZHES BYA BA NI GTAN LA MI PHEBS LA ZHES BYA BA'I THA TSIG GO, ,DE NI CI SNANG ZHES BYA BA NI KHA DOG DANG DBYIBS LAS MA GTOGS PAR SNANG BAR 'GYUR BA GANG YIN PA'I SNANG BA LAS GZHAN NI KHAS MA BLANGS @68A *, ,SO ZHES BYA BAR DGONGS PA'O, ,DE LTA BAS NA DE'I TSE KHA DOG CES BYA BA LA SOGS PAS NI LAN GSUNGS PA YIN TE, 'DI SKAD DU 'U BU CAG GIS DE NA CI SNANG ZHES DRIS PA NA BRGYANGS KYANG 'DI SKAD CES DE'I TSE KHA DOG MI GSAL BAR 'DZIN PA YIN GYI GZHAN NI MA YIN NO ZHES BYA BA 'DI BRJOD DGOS SO ZHES BSTAN PA YIN NO, ,DE'I PHYIR DBYIBS KYI RNAM PAR RIG BYED MI 'GRUB BO ZHES BYA BA 'DIS NI BYE BRAG TU SMRA BA PA'I PHYOGS RGYA CHER SUN PHYUNG NAS MJUG BSDU BA YIN NO, ,GZHAN DAG NA RE ZHES BYA BA NI 'PHAGS PA MANG POS BKUR BA'I SDE PA RNAMS SO, ,DE DAG NI 'DI SKAD DU YANG DAG PAR NA DBYIBS MED PA'I PHYIR LUS G-YO BA'I GNAS SKABS KYI 'GRO BA KHO NA YIN GYI DBYIBS NI MA YIN NO, ,DE BAS NA DE NYID RNAM PAR RIG BYED YIN PAR RIGS KYI DBYIBS NI MA YIN NO, ,DE'I PHYIR KHO BO CAG GI PHYOGS LA NI JI SKAD BSHAD PA'I BSGRUB PA RNAMS NI GRUB PAR BYED PA NYID YIN NO ZHES ZER RO, ,'PHOS PA 'DI YIN NO ZHES BYA BA 'DI GA LAS SHE NA ZHES BYA BA NI, MNGON SUM GYI TSAD MAS SAM, ,'ON TE RJES SU DPAG PAS GTAN LA 'BE BAS SAM CI NA, GANG GI PHYIR 'DI SNYAM DU DE NYID YUL GZHAN DU 'PHOS PA'I 'DI YIN GYI DER GZHAN KHO NA ZHIG BYUNG BA NI MA YIN NO SNYAM DU SEMS ZHES BYA BA'I THA TSIG GO, ,KHYAD PAR NGES PAR MI ZIN PA'I PHYIR RO ZHES BYA BA 'DIS NI LAN BTAB BO, ,DE NI 'DI SKAD DU DON 'DI NI RJES SU DPAG PAS GRUB PA KHO NA YIN TE, 'DI LTAR GAL TE DE 'PHO BAR MI 'GYUR GYI, 'ON KYANG DER KHYAD PAR CAN GZHAN KHO NA ZHIG 'BYUNG BAR 'GYUR NA, 'O NA NI KHYAD PAR 'BYUNG BA DE NGES PAR ZIN PAR 'GYUR BA ZHIG NA DE LTA YANG MA YIN NO, ,DE BAS NA DER GZHAN MI SKYE STE, 'ON KYANG DE NYID 'PHO BA YIN PAR SHES SO ZHES BSTAN PA YIN NO, , SBYOR BA NI GANG ZHIG GANG LAS KHYAD PAR MI DMIGS PA DE NI DE LAS THA DAD PA MED DE, ,DPER NA RANG BZHIN GCIG PO DE NYID RANG LAS THA DAD PA MED PA LTA BU YIN LA, SNGA MA'I RANG BZHIN LAS KYANG YUL GZHAN DU 'PHOS PA'I RANG BZHIN GYI KHYAD PAR MI DMIGS SO, ,DE'I PHYIR THA DAD PA YOD PA NYID NI @68B DMIGS PAS KHYAB PA'I PHYIR RANG BZHIN MI DMIGS PA YIN NO SNYAM DU SEMS SO, ,ME DANG, NYI MA DANG, CHAB BROM ZHES BYA BA LA SOGS PAS NI SLOB DPON GYIS PHA ROL POS GTAN TSIGS SBYOR BA MA NGES PA NYID DU GSUNGS PA YIN NO, ,PHRAD PA NI 'BREL BA YIN NO, KUN TU REG CES BYA BA'I THA TSIG GO, ,PHRAD MA THAG TU ZHES BYA BA NI DUS RING POR DGAG PA'I PHYIR TE, DUS RING POR PHRAD PA LA NI KHYAD PAR DMIGS PA NYID YIN PA'I PHYIR RO, ,BRAL BAR GYUR BA LA ZHES BYA BA NI REG MA THAG TU GYES ZHES BYA BA'I THA TSIG GO, ,GANG LA ZHE NA, ME DANG, NYI MA DANG, CHAB BROM DANG TSVA LA SOGS PA LA'O, ,STZOGS PA SMOS PAS NI BUL TOG LA SOGS PA BSDU'O, ,KHYAD PAR JI LTA BU ZHIG DANG LDAN PA YIN ZHEN, DE'I PHYIR TSOS BYED LAS SKYE BA'I RKYEN ZHES BYA BA GSUNGS TE, TSOS BYED LAS SKYE BA 'BYUNG BA'I RGYU ZHES BYA BA'I THA TSIG GO, ,TSOS BYED LAS SKYE BA'I RKYEN GANG DANG PHRAD MA THAG TU BRAL BAR GYUR ZHE NA, BUM PA LA SOGS PA DANG NGO ZHES BYA BA'I TSIG GI LHAG MA'O, ,DE DAG GZHAN MA YIN PA YANG MA YIN NO ZHES BYA BA NI GZHAN YIN PA KHO NA'O ZHES BYA BA'I THA TSIG GO, ,GZHAN YANG 'DI'I PHYIR YANG KHYAD PAR NGES PAR MI ZIN LA, DE NA GZHAN MA YIN PA YANG MA YIN TE, JI LTAR ZHE NA, BSREG BYA CHA SHAS 'DRA BA CAN, ,ZHES BYA BA LA SOGS PA GSUNGS TE, ME 'BAR RAB GZHAN GANG DAG LA BSREG BYA YANG YIN LA CHA SHAS YANG YIN PA YOD PA DE DAG NI BSREG BYA CHA SHAS 'DRA BA CAN NO ZHES BYA BAR TSIG RNAM PAR SBYAR RO, ,'DRA BA ZHES BYA BA SMOS PA NI MI 'DRA BA BSAL BAR BYA BA'I PHYIR TE, MI 'DRA BA DE DAG LA NI CHUNG NGU DANG CHEN PO'I KHYAD PAR GYI BYE BRAG SNANG BA NYID KYI PHYIR RO, ,TSVA ZHES SMOS PA DE NI 'GYUR BA MYUR BAS 'BAR BA GZHAN GSAL BAR RTOGS PA'I PHYIR RO, ,RING PO ZHES SMOS PA NI KHYAD PAR NGES PAR GZUNG BA'I PHYIR TE, THUNG NGU LA NI RES 'GA' KHYAD PAR MI DMIGS PAR 'GYUR RO, ,'BREL PA ZHES BYA BA NI RJES SU 'BREL BA ZHES BYA BA'I THA TSIG GO, ,LHAG MA NI SNGA MA BZHIN NO, ,DPE SNA TSOGS BRJOD PA NI DON 'DI GSAL BAR BYA BA'I PHYIR RO, , @69A *, ,'DI THAMS CAD KYIS NI 'DI SKAD DU GANG GI PHYIR BUM PA DANG, ME 'BAR BA LA SOGS PA DE LA TSOS BYED LAS SKYE BA LA SOGS PA'I KHYAD PAR YOD KYANG 'DU BYED RNAMS 'DRA BAS BSLUS PAS MI DMIGS TE, DE'I PHYIR NGAN DON MI DMIGS PA LAS MED PA'I THA SNYAD KYI YUL NYID DU BSGRUB PAR BYA BA LA NI GTAN TSIGS MA NGES PA NYID YIN NO ZHES BSTAN PA YIN NO, ,CI STE GZHAN GYI LTAR NA NI PHRAD PA MA THAG TU 'BYUNG BA YIN GYI DE LA NI PHRAD MA THAG TU TSOS BYED LAS SKYE BA 'BYUNG BA MED PA NYID LA DE BZHIN DU BSREG BYA CHA SHAS 'DRA BA CAN GYI ME 'BAR BA GZHAN RNAMS KYI KHYAD PAR YANG BYUNG BA MA YIN NA CI'I PHYIR GTAN TSIGS MA NGES PA NYID MA YIN SNYAM DU SEMS PAR DGONGS NAS, DE GZHUNG GZUGS PA'I PHYIR, 'ON TE PHRAD MA THAG TU ZHES BYA BA LA SOGS PA GSUNGS TE, RKYEN LA KHYAD PAR MED PA'I PHYIR RO ZHES BYA BA NI RKYEN RNAMS SKAD CIG MA MA YIN PA NYID KYIS KHYAD PAR MED PA'I PHYIR RO ZHES BYA BA'I DON TO, ,GAL TE BSREG BYA'I CHA SHAS GZHAN ZHES BYA BA NI BSREG BYA'I CHA SHAS NI BSREG BYA'I CHA SHAS SO, ,DE NI BSREG BYA'I CHA SHAS YANG YIN LA GZHAN YANG YIN PAS ZHES TSIG RNAM PAR SBYAR RO, ,YANG ZHES BYA BA'I TSIG GI PHRAD SPYI NI BSDU BA'I DON TO, ,DE'I KHYAD PAR LAS ZHES BYA BA NI BSREG BYA'I KHYAD PAR LAS ZHES BYA BA'I THA TSIG GO, ,TSAD DANG, GSAL BA DANG, TSA BA'I KHYAD PAR MED PAR 'GYUR RO ZHES BYA BA DE LA TSAD KYI KHYAD PAR NI RING PO DANG, THUNG NGU LA SOGS PA'I KHYAD PAR RO, , GSAL BA'I KHYAD PAR NI SNANG BA CHUNG NGU DANG, 'BRING DANG, CHEN PO'I KHYAD PAR RO, ,TSA BA'I KHYAD PAR NI REG PA CHUNG NGU DANG, 'BRING DANG, CHEN PO'I KHYAD PAR RO, ,GSUM SMOS PA NI DBYIBS DANG, KHA DOG DANG RIG PA'I BYE BRAG GI KHYAD PAR DANG LDAN PA'I ME 'BAR BA SKAD CIG RE RE LA GZHAN DU 'GYUR BAR BSTAN PA'I PHYIR RO, ,DE'I PHYIR KHYAD PAR NGES PAR MI ZIN PA'I PHYIR ZHES BYA BA LA SOGS PAS NI SLOB DPON GYIS JI SKAD DU BSTAN PA'I MJUG BSDU BA GSUNGS PA YIN NO, ,DE LTAR SLOB DPON GYIS GZHAN GYI GTAN TSIGS SBYAR BA RGYA CHER SUN PHYUNG BA DANG, @69B YANG GZHAN DAG JI LTAR SMRA BA BZHIN DU MI RUNG DU ZIN KYANG, 'O NA 'JIG PA'I RGYU MED PA'I PHYIR RO ZHES GTAN TSIGS GZHAN SEMS PAR BYED DE, ,CI ZHE NA, DE NYID YUL GZHAN DU 'PHOS PA 'DI YIN PAR 'GYUR RO ZHES BYA BAR SBYAR RO, ,'O NA'I SGRA NI MA RANGS PA'O, ,'DI SKAD DU SNGON GYI RANG BZHIN BTANG NA NI, SNGON MED PA'I RANG BZHIN THOB PA'I PHYIR, ,GZHAN ZHIG SKYE BAR YANG 'GYUR NA, DE'I 'JIG PA'I RGYU MED PA'I PHYIR RANG BZHIN GYIS 'JIG PA NYID MED NA GANG GI PHYIR NA YUL GZHAN DU GZHAN ZHIG SKYE BAR 'GYUR TE, DE BAS NA DE NYID YUL GZHAN DU 'PHOS PA YIN NO, ,SBYOR BA NA GANG DANG GANG LA SNGA MA'I RANG BZHIN 'JIG PA MED PA DE DANG DE LA, RANG BZHIN GZHAN 'THOB PAS 'GYUR BA MED DE DPER NA, RUS SBAL GYI SPU LTA BU YIN LA, YUL GZHAN NA 'DUG PA'I DNGOS PO YANG 'JIG PA'I RGYU MED PA'I PHYIR SNGA MA'I RANG BZHIN 'JIG PA MED DO, ,DE NYID 'JIG PA DANG, RANG BZHIN GZHAN 'THOB PA GNYIS KYIS SKYE BA LA KHYAB PA'I PHYIR DE MED NA KHYAB PAR BYA BA DE YANG MED PAS, KHYAB PAR BYED PA MI DMIGS PA YIN NO SNYAM DU SKAD CIG MA MA YIN PAR SMRA BA DAG SEMS SO, ,'DIR SMRAS BA DAG SEMS SO, ,'DIR SMRAS PA, GTAN TSIGS MA GRUB STE, 'DI LTAR 'DU BYED RNAMS NI RANG GI NGANG GIS 'JIG PA'I PHYIR NA, GANG GIS NA SKYE BA MI SRID PA'I PHYIR, ,DE NYID YUL GZHAN DU 'PHO BAR 'GYUR BA'I 'JIG PA'I RGYU NI MED DO, ,CI'I PHYIR MED CE NA, DE'I PHYIR SEMS DANG SEMS LAS BYUNG BA ZHES BYA BA LA SOGS PA GSUNGS TE, 'JIG PA'I RGYU YANG GANG YIN TE, ,ZHES BYA BA NI MED PA KHO NA'O ZHES BYA BA'I DON TO, ,SEMS DANG SEMS LAS BYUNG BA DE DAG NI, SKAD CIG RE RE LA RANG GI NGANG GIS 'JIG PA NYID DU GZHAN DAG GIS, BDAG NYID KYI KHAS BLANGS PAS DE NYID BSGRUB PA'I PHYIR 'BAD PAR MI BYA'O, ,SGRA LA SOGS PA DANG, ME LCE DAG GIS 'JIG PA'I RGYU YANG GANG ZHIG YIN TE ZHES BYA BAR SBYAR RO, ,SGRA LA SOGS PA ZHES BYA BA LA STZOGS PA SMOS PA LA, BLO LA SOGS PA SKAD CIG MA NYID DU GRAGS PA KHONG DU CHUD PAR BYA'O, ,'DI LTAR YANG SGRA DANG, ME LCE LA SOGS PA DAG KYANG SKAD CIG RE RE LA RANG GIS 'JIG PAR GZHAN BYE @70A *, ,BRAG PA LA SOGS PAS BDAG NYID KYIS KHAS BLANGS PAS DE NYID BSGRUB PA'I PHYIR SNGA MA BZHIN DU 'BAD PAR MI BYA'O, ,SEMS DANG SEMS LAS BYUNG BA ZHES BYA BA LA SOGS PA 'DI THAMS CAD NI SKAD CIG MA NYID DU GRUB PA'I PHYIR DPE YIN PAR RIG PAR BYA'O, ,DE BZHIN DU GZHAN LA YANG MED PAR 'GYUR RO ZHES BYA BA NI DNGOS KYI DON SGRUB PAR BYED PA YIN PAR RIG PAR BYA'O, ,DE BZHIN DU ZHES BYA BA NI SEMS DANG SEMS LAS BYUNG BA DAG BZHIN DU ZHES BYA BA'I THA TSIG GO, ,GZHAN LA YANG ZHES BYA BA NI BUM PA LA SOGS PA LA'O, ,MED PAR 'GYUR RO ZHES BYA BA NI 'JIG PA'I RGYU ZHES BYA BA'I DON TO, ,DE NI 'DI SKAD DU JI LTAR SEMS DANG SEMS LAS BYUNG BA LA SOGS PA DAG LA CI DE DAG 'JIG PA'I BDAG NYID DU BYUNG BA DAG CIG GAM, ,'ON TE 'JIG PA'I BDAG NYID MA NYIN PA ZHES BYA BA LA SOGS PA RNAM PAR BRTAGS NA 'JIG PA'I RGYU MI SRID PA'I PHYIR 'JIG PA RGYU DANG BCAS PAR MI 'DOD DO, ,DE BZHIN DU GZUGS LA SOGS PA GZHAN LA YANG MED PAR 'GYUR RO ZHES BSTAN PA YIN NO, ,SBYOR BA NI GANG DANG GANG DAG 'DUS BYAS YIN PA DE DANG DE DAG NI 'JIG PA'I RGYU LA MI LTOS PA YIN TE, DPER NA SEMS DANG, SEMS LAS BYUNG BA LA SOGS PA LTA BU YIN LA, BUM PA LA SOGS PA DNGOS PO THAMS CAD KYANG 'DUS BYAS PA YIN PAS, KHYAB PAR BYED PA 'GAL BA DMIGS PA'O, ,'DI LTAR 'DUS BYAS DANG 'DUS MA BYAS GNYIS NI, PHAN TSUN SPANGS TE GNAS PA'I MTSAN NYID KYIS 'GAL BA YIN LA; 'DUS MA BYAS KYANG 'JIG PA'I RGYU LA LTOS PA DANG BCAS PA NYID LA KHYAB PAR BYED PA YIN PA'I PHYIR RO, ,DE BAS NA 'DUS MA BYAS DANG, 'GAL BA 'DUS BYAS DMIGS PA DE'I TSE, 'DUS MA BYAS LDOG GO, ,KHYAB PAR BYED PA DE LOG NA DES KHYAB PAR BYA BA 'JIG PA'I RGYU LA LTOS PA DANG BCAS PA YANG LDOG PAR 'GYUR RO, ,SLOB DPON GYIS DE LTAR TSAD MA MDZAD PA DANG, DE LA GZHAN DAG GI DPE MI 'GRUB PAR BSTAN PA'I PHYIR, DE DAG GI ZHES BYA BA LA SOGS PA SMOS SO, ,DE DAG GI ZHES BYA BA NI SEMS DANG SEMS LAS BYUNG BA DE DAG GI'O, ,RANG NYID KYI MI RTAG PA NYID YIN NO ZHES @70B BYA BA NI BDAG NYID LA YOD PA NYID DE'I RANG BZHIN 'JOMS PAR BYED PA'O ZHES BYA BA'I THA TSIG GO, ,GAL TE SEMS DANG SEMS BYUNG BA RNAMS KYI 'JIG PA'I RGYU GZHAN PHYIR ROL GYI MI SRID DU ZIN KYANG, GANG GIS NA DE DAG 'JIG PAR BYED PA RANG LA YOD PA NYID KYI MI RTAG PA NYID YOD DO, ,DE BAS NA DPE BSGRUB PAR BYA BA DANG MI LDAN NO SNYAM DU SEMS PA LA, DE BZHIN DU GZHAN DAG LA YANG CI'I PHYIR MI 'DOD CES BYA BA LA SOGS PA 'DIS SLOB DPON GYIS HA CANG THAL BAR STON PAR MDZAD DO, ,DE BZHIN DU ZHES BYA BA NI JI LTAR SEMS DANG SEMS LAS BYUNG BA DAG GI MI RTAG PA NYID 'JIG PA'I RGYUR 'DOD PA BZHIN DU ZHES BYA BA'I DON TO, ,GZHAN DAG LA YANG ZHES BYA BA NI BUM PA LA SOGS PA DAG LA'O, ,GZHAN NI ZHES BYA BA NI PHYI ROL GYI 'JIG PA'I RGYU'O, ,DE DAG LA MED PA ZHES BYA BA NI SEMS DANG SEMS LAS BYUNG BA LA SOGS PA DAG LA'O, ,DE BZHIN DU GZHAN RNAMS LA YANG MED PAR 'GYUR RO ZHES BYA BA NI BUM PA LA SOGS PA DAG LA STE, MI 'DOD PAR BYA'O ZHES BYA BA'I THA TSIG GO, ,DPE BSGRUB PAR BYA BA DANG LDAN PA NYID DU GZHUNG GZUGS PA'I RIGS PA MA YIN NAM, ,HA CANG THAL BA SKABS MA YIN PA GZHAN CI STE SMOS SHE NA, DE NI NYES PA MED DE, 'DI LTAR 'DI SNYAM DU CI 'JIG PA'I RGYUS DE NYID BYED DAM, 'ON TE GZHAN ZHIG BYED CES BYA BA LA SOGS PA'I BRTAGS PAS, JI LTAR PHYI ROL GYI 'JIG PA'I RGYU GZHAN MI SRID PA LTAR MI RTAG PA NYID KYANG DE DANG 'DRA STE, BRGAL ZHING BRTAGS PA MTSUNGS PA'I PHYIR RO, ,'ON TE DE LTA YIN YANG SEMS DANG SEMS LAS BYUNG BA RNAMS KYI MI RTAG PA NYID 'JIG PA'I RGYU YIN PAR KHAS LEN GYI, PHYI ROL GYI 'JIG PA'I RGYU OGZHAN NI MA YIN NA, DE BZHIN DU BUM PA LA SOGS PA GZHAN DAG LA YANG DE KHO NA DANG 'DRA BAR 'GYUR RO ZHES THAL BAR SGRUB PA'I THABS KYIS, DPE GZHUNG 'DZUGS PAR MDZAD PA YIN NO, ,DE LTAR SLOB DPON GYIS THAL BA BSGRUBS PA DANG, 'DIR SKAD CIG MA MA YIN PAR SMRA BA GZHAN DAG GAL TE MED NA ZHES BYA BA LA SOGS PAS, BUM PA LA SOGS PA LA PHYI ROL @71A *, ,GYI 'JIG PA'I RGYU YOD PA NYID DU GZHUNG 'DZUGS TE, GAL TE MED NA ZHES BYA BA NI GAL TE PHYI ROL GYI 'JIG PA'I RGYU ZHES BYA BA'I THA TSIG GO, ,ME LA SOGS PA DANG PHRAD PA'I SNGON ROL DU YANG ZHES BYA BA NI ME DANG PHRAD PA BAS SNGAR TE, ME LA SOGS PA DANG MA 'BREL PA'I GNAS SKABS SU ZHES BYA BA'I THA TSIG GO, ,JI LTAR DE'I 'OG ROL BZHIN DU ZHES BYA BA NI ME LA SOGS PA DANG PHRAD PA'I 'OG CES BYA BA'I DON TO, ,YANG NA NI DE'I PHYIS KYANG 'DZIN PAR 'GYUR RO ZHES BZLOG PAR BYA BA STE, PHYI ROL GYI 'JIG PA'I RGYU NI THAMS CAD DU MED PAR 'DRA BA'I PHYIR RO ZHE NA, RE ZHIG JI LTAR NA ZHES BYA BA LA SOGS PAS SLOB DPON GYIS DRI BA'I SGO NAS MAR ME LA SOGS PA GZUNG BA DANG, MI GZUNG BAR GRAGS PAS DE MED PA KHO NAR SGRUB PAR MDZAD DO, ,GAL TE ZHES BYA BA LA SOGS PAS BSNAN PA BSTAN TO, ,PHRAD PA TZAM GYIS BRAL MA THAG PA NA YANG 'GYUR RO ZHES BYA BA CI ZHE NA, MI GZUNG BAR 'GYUR RO ZHES BYA BAR SBYAR RO, ,DE CI'I PHYIR ZHE NA, RKYEN LA KHYAD PAR MED PA'I PHYIR RO, ,GZHAN YANG TSOS BYED LAS SKYE BA'I PHYI ROL GYI RKYEN KHYAD PAR MED NA ZHES BYA BA LA SOGS PA 'DI'I PHYIR YANG 'JIG PA'I RGYU MI 'THAD DO, ,KHYAD PAR CAN DANG CHOS KHYAD PAR CAN DANG, CHES SHIN TU KHYAD PAR CAN 'BYUNG BA LA ZHES BYA BA NI, DMAR BA DANG, CHES DMAR BA LA SOGS PA LA'O, ,JI LTAR 'BYUNG BA DAG LA ZHE NA, DE'I PHYIR, PHYI MA PHYI MA'I RGYU NYID KYIS, ,ZHES BYA BA GSUNGS TE, DMAR BA LA SOGS PA PHYIM PHYI MA 'BYUNG BA'I RGYU'I DNGOS PO ZHES BYA BA'I THA TSIG GO, ,GANG ZHIG CE NA, ME LA SOGS PA'I ZHES BYA BA TSIG GI LHAG MA'O, ,SNGA MA DAG GI ZHES BYA BA NI DMAR BA LA SOGS PA SNGA MA SNGA MA 'BYUNG BA'I ZHES BYA BA'I DON TO, ,'JIG PA GANG LAS 'BYUNG ZHES BYA BA NI, ME LCE LA SOGS PA LAS SAM, 'ON TE GZHAN 'GA' ZHIG LAS ZHES BYA BA'I DON TO, ,CI STE GZHAN CI'I PHYIR THE TSOM ZA 'ON KYANG ME LA SOGS PA NYE BA NYID DE DAG GI 'JIG PA'I RGYUR 'GYUR RO SNYAM DU 'DOD PAR DOGS NAS, GANG KHO NA LAS GANG YOD PA DE KHO NA LAS MED PA NI RIGS PA MA YIN TE ZHES BYA @71B BA GSUNGS SO, ,CI'I PHYIR MA YIN ZHE NA, DE'I PHYIR 'GAL BA GNYIS KYI RGYU ZHES BYA BA LA SOGS PA GSUNGS TE, RGYU THA DAD NA NI DNGOS PO RNAMS KYANG THA DAD PAR 'GYUR TE, GAL TE GZHAN GYI RGYU GZHAN YIN NA, GZHAN GYI GZHAN YIN NO ZHES SO SOR NGES PAR 'GYUR RO, ,DE BAS NA GANG SKYE BA LA PHAN 'DOGS PAR BYED PA GANG YIN PA DE NYID 'JIG PAR BYED PAR JI LTAR 'GYUR TE, ,DE NI 'GAL BA YIN NO, ,DE BAS NA 'JIG PA'I RGYU MED PAR ZHES BYA BA LA SOGS PAS NI MJUG SDUD DO, ,CI STE GZHAN 'JIG PA'I RGYU MED PAR 'JIG PA YIN LA DE LTA NA, SNGA MA BZHIN DU ME LA SOGS PA DANG PHRAD PA'I 'OG TU, BUM PA LA SOGS PA GZUNG BAR JI LTAR MI 'GYUR TE, DA DUNG DU KHYOD KYIS BRGAL BA DE'I LA NA MA BTAB PO SNYAM DU SEMS PAR DOGS NAS, SNGA MA BZHIN DU ZHES BYA BA LA SOGS PA GSUNGS TE, GZUNG BA DANG, MI GZUNG BA RIG PAR BYA'O ZHES BAR DU CHOD PA DANG SBYAR RO, ,GZUNG BA DANG MI GZUNG BA NI GZUNG BA DANG, MI GZUNG BA'O, ,DE JI LTAR RIG PAR BYA ZHE NA, DE'I PHYIR SMAD KYI KHYAD PAR MED PA'I ZHES BYA BA LA SOGS PA GSUNGS TE, SMAD KYI KHYAD PAR MED PA NI 'DRA BA GZHAN DANG, GZHAN 'BYUNG BAS MTSAN NYID MI 'DRA BA MTSAR CIG MED PA ZHES BYA BA'I DON TO, ,'JUG PA DANG, LDOG PA ZHES BYA BA NI, GO RIMS BZHIN DU 'JUG PAS NI SNGA MA BZHIN DU GZUNG BA YIN LA, LDOG PAS NI SNGA MA BZHIN DU GZUNG BA MA YIN NO ZHES BYA BA'I THA TSIG GO, ,GZHAN YANG GAL TE ZHES BYA BA LA SOGS PA GTAN TSIGS BSNAN PA BSTAN PA 'DI'I PHYIR YANG, JI LTAR 'JIG PA'I RGYU MED PAR KHONG DU CHUD PAR BYOS SHIG ,DPER NA SKYE BA BZHIN NO ZHES BYA BA NI, JI LTAR SEMS DANG SEMS LAS BYUNG BA LA SOGS PA DE DAG DANG, BUM PA LA SOGS PA GZHAN DAG SKYE BA THAMS CAD NI RGYU DANG BCAS PA YIN NO, ,DE LTA MA YIN TE, RGYU MED PA YIN NA, RTAG TU YOD PA'AM, MED PAR 'GYUR RO, ,DE BZHIN DU GAL TE 'JIG PA YANG RGYU DANG LDAN PAR 'DOD NA NI DE YANG DE NYID DANG 'DRA BAR 'GYUR TE, DE'I PHYIR 'JIG PA THAMS CAD RGYU DANG BCAS PAR 'GYUR RO, ,SEMS @72A *, ,DANG SEMS LAS BYUNG BA LA SOGS PA ZHES SMOS PA NI KHYOD MI 'DOD PA NYID YIN NO ZHES BYA BA'I THA TSIG GO, ,BRGYA LA PHA ROL PO DE DAG LA YANG 'JIG PA'I RGYU RANG MI RTAG PA NYID YOD DO, ,DE BAS NA THAMS CAD 'JIG PA'I RGYU DANG BCAS PA NYID DU BSGRUB PAR BYA BA NI, NGA MI 'DOD PA NYID MA YIN NO ZHES ZER DU DOGS NAS, MI RTAG PA NYID NI ZHES BYA BA LA SOGS PA GSUNGS TE, DE DAG LAS ZHES BYA BA NI SEMS DANG SEMS LAS BYUNG BA LA SOGS PA LAS SO, ,GZHAN PAR ZHES BYA BA NI LOGS SHIG TU'O, ,'DI SKAD DU GANG GIS NA, SEMS DANG SEMS LAS BYUNG BA RNAMS KYI 'JIG PA YANG RGYU DANG BCAS PAR 'GYUR BA MI RTAG PA NYID CES BYA BA NI, SEMS DANG SEMS LAS BYUNG BA LAS LOGS SHIG NA YOD PAR MNGON SUM LA SOGS PA'I TSAD MAS CUNG ZAD KYANG GRUB PA MED DO ZHES BSTAN PA YIN NO, ,GZHAN YANG RGYU'I KHYAD PAR LAS ZHES BYA BA LA SOGS PA SMOS TE, RGYU'I KHYAD PAR LAS ZHES BYA BA NI, 'JIG PA'I RGYU'I KHYAD PAR LAS SO, ,DE'I KHYAD PAR YOD PAR 'GYUR TE ZHES BYA BA NI 'JIG PA'I KHYAD PAR YOD PAR 'GYUR TE ZHES BYA BA'I THA TSIG GO, ,CI 'DRA BA'I KHYAD PAR YOD PAR 'GYUR ZHE NA, DE'I PHYIR MI DANG, NYI MA ZHES BYA BA LA SOGS PA SMOS SO, ,DNGOS PO LA NI KHYAD PAR RAM, KHYAD PAR MED PAR 'GYUR MOD, 'JIG PA NI DNGOS PO THAMS CAD KYI MTSAN NYID DANG BRAL BA YIN TE, CUNG ZAD KYANG MED PA MA YIN NAM JI LTAR RGYU'I KHYAD PAR LAS DE LA YANG KHYAD PAR YOD PAR 'GYUR ZHE NA, DE NI MA YIN TE, 'DI LTAR GANG GI TSE SKYE BA BZHIN DU DE YANG BLO GROS RNAM PAR RMONGS PA GZHAN DAG GIS RGYU DANG BCAS PAR DAM BCAS PA NA, DE CI ZHIG GIS NA, 'JIG PA DE CUNG ZAD KYANG MED PA NYID YIN NO ZHES DGONGS PA'O, ,GZHAN YANG 'JIG PA DANG LDAN PAR YANG 'GYUR TE ZHES BYA BA LA SOGS PA SKYON GZHAN 'DI YANG YOD DE, RGYU DANG BCAS PA YIN PA'I PHYIR, GZUGS LA SOGS PA BZHIN DU, 'JIG PA YANG DNGOS PO NYID DU GYUR PA YIN LA, DE YANG 'DUS BYAS YIN PA'I PHYIR 'JIG PA STE, 'JIG PA GZHAN DANG YANG LDAN PAR 'GYUR RO, ,DE'I PHYIR DE YANG 'JIG PA GZHAN DANG LDAN PA NYID PAS @72B THUG PA MED PAR 'GYUR RO, ,DE LTA BAS NA 'JIG PA'I RGYU NI 'GA' YANG ZHES BYA BA LA SOGS PA RGYA CHER 'BYUNG BAS, 'DI SKAD DU GSUNGS PA'I MJUG SDUD PA YIN NO, ,GANG DANG GANG DAG 'DUS BYAS YIN PA DE DANG DE DAG NI 'JIG PA'I RGYU LA MI LTOS PA YIN TE ZHES BYA BA LA SOGS PA TSAD MA SNGA MA'I DON KYANG SBYAR BAR BYA'O, ,DE BAS NA GZUGS LA SOGS PA'I 'DU BYED RNAMS SKAD CIG MA YIN NO, ,SBYOR BA NI GANG DANG GANG DAG 'JIG PA'I RGYU LAS MI LTOS PA DE DANG DE DAG NI, RANG GI DANG GIS 'JIG PA DAG YIN TE DPER NA SEMS DANG SEMS LAS BYUNG BA LA SOGS PA DE DAG NYID LTA BU YIN LA, GZUGS LA SOGS PA 'DU BYED RNAMS KYANG 'JIG PA'I RGYU LA MI LTOS PA YIN NO, ,RANG GI NGANG GIS 'JIG PA NI, 'JIG PA'I RGYU LA MI LTOS PA TZAM DANG 'BREL PA YIN PAS, RANG BZHIN GYI GTAN TSIGS YIN NO, ,DE LTAR SLOB DPON GYIS GZHAN GYIS SBYAR BA'I GTAN TSIGS GNYIS PA YANG RGYA CHER SUN PHYUNG BA DANG, YANG SKAD CIG PA MA YIN PAR SMRA BA GZHAN DAG 'GRO BA RAB TU SGRUB PA'I PHYIR 'O NA DE GZHAN DU SKYE BA'I RGYU MED PA'I PHYIR ZHES BYA BA LA SOGS PAS GTAN TSIGS GZHAN SEMS SO, ,'DI SKAD DU RGYU GZHAN YOD NA 'BYUNG BA NYID KYIS DE LA RAG LAS PA'I PHYIR YUL GZHAN DER GZHAN SKYE BAR RTAG PA ZHIG NA GANG GI TSE, RGYU DE NYID MED PA DE'I TSE DE MED PA'I PHYIR, JI LTAR GZHAN SKYE BAR 'GYUR, DE BAS NA DE NYID 'PHO BAR MNGON NO ZHES BSTAN PA YIN NO, ,SBYOR BA NI GANG, RGYU DANG BRAL BA DE NI 'BYUNG BA MED DE, DPER NA BONG BU'I RVA LTA BU YIN LA, YUL GZHAN NA GNAS PA'I DNGOS PO YANG RGYU DANG BRAL BA YIN NO, ,DE NI RGYU LA RAG LAS PA'I PHYIR DE MED NA DE YANG MED PAS, RGYU MI DMIGS PA YIN NO SNYAM DU SEMS SO, ,DE LTAR GZHAN DAG GI PHYOGS SNGA MA BTZUGS PA DANG; 'DIR SLOB DPON GYI GTAN TSIGS MA NGES PA NYID DU BSNYAD PA'I PHYIR, SNGA MA NI PHYI MA SKYE BA'I RGYU YIN BAS YOD PA NYID DO ZHES BYA BA LA SOGS PA GSUNGS SO, ,DGONGS PA NI 'DI YIN TE, GAL TE LOGS SHIG NA RGYU GZHAN MED DU CHUG NA YANG DNGOS PO YUL GZHAN NA @73A *, ,GNAS PA'I SKAL BA MNYAM PA'I RGYU SKAD CIG MA SNGA MA SNGA MAS BSDUS PA YIN PA NA, 'DI LTAR DE RGYU DANG BRAL BA YIN NO ZHES CI'I PHYIR BZLOG ,DPE MANG PO SMOS PA NI DON DE GSAL BAR BYA BA'I PHYIR RO, ,DE BAS NA 'PHO BA'I MTSAN NYID KYI ZHES BYA BA LA SOGS PAS NI MJUG SDUD PAR BYED DO, ,'PHO BA'I MTSAN NYID KYIS 'GRO BA ZHES BYA BA 'GA' YANG MED DO ZHES BYA BA NI KHYAD PAR DU BYED PA YIN TE, BAR CHAD MED PAR YUL GZHAN DU 'BYUNG BA LA 'GRO BA BTAGS PAR KHAS BLANGS PA'I PHYIR RO, ,'DI LTAR YANG, DNGOS PO GNAS NA 'GRO BA MED,, CES BYA BA LA SOGS PA 'DI'I PHYIR YANG DNGOS PO RNAMS KYI 'GRO BA MED PAR KHONG DU CHUD PAR BYA BA'O, ,'DI SKAD DU 'DIR GZHAN NI 'DI LTA STE, DNGOS PO GNAS PA'AM, MI GNAS PA ZHIG LA 'GRO BA YOD DO SNYAM DU DE TZAM ZHIG GI RTOG PA 'BYUNG BAR 'GYUR GRANG NA, DE LA RE ZHIG GNAS PA LA 'GRO BA MED DO, ,GNAS PA DANG, 'GRO BA PHAN TSUN 'GAL BA'I PHYIR RO, ,'O NA MI GNAS PA LA YOD DO ZHE NA, DE YHANG MED DE, 'GRO BA MED PAR NI MI GNAS PA NYID MI SRID DO, ,CI'I PHYIR 'GRO BA MI SRED CE NA, DE NI, 'GRO BA MED DANG RTAG TU GNAS GNAS, ZHES BYA BA BSTAN TO, ,DE LTAR SLOB DPON GYIS SKAD CIG RE RE LA 'DU BYED RNAMS 'BYUNG BAR RAB TU BSGRUBS PA DANG, MNGON PAR ZHEN PA'I PHYIR, GAL TE DE LTA YIN NA ZHES BYA BA LA SOGS PAS YANG RGOL BAR BYED DO, ,GZHAN NA SNANG BA DE CI YIN ZHES BYA BA NI DE NYID SNANG NGO ZHES BYA BAR BSAMS BA'O, ,DE NYID SNANG BA NI MA YIN NO ZHES BYA BA NI SLOB DPON GYIS 'GOG PAR MDZAD PA'O, ,'O NA CI ZHE NA ZHES ZER BA NI GZHAN NO, ,YUL DANG YUL DU ZHES BYA BA LA SOGS PA GSUNGS PA NI SLOB DPON NO, ,GSAR DANG GSAR CI ZHE NA, SNANG NGO ZHES BYA BAR SBYAR RO, ,CI DANG 'DRA ZHE NA, DE'I PHYIR RTZVA ME LTA BU'AM, ZHES BYA BA LA SOGS PA GSUNGS TE, 'DI SKAD DU JI LTAR KHYAD PAR MNGON PAR MI RTOGS PA'I PHYIR, ME 'BAR BA NA ME DE NYID 'GRO ZHES MNGON PA'I NGA RGYAL 'BYUNG BA DE BZHIN DU MI 'GRO'O, ,GRIB MA 'GRO'O SNYAM DU STE, SKAD CIG MA YIN PA'I PHYIR, DON DAM PAR ME 'BAR BA DANG, GRI BA @73B MA LA 'GRO BA MED DO, ,GZUGS LA SOGS PA 'DU BYED SKAD CIG RE RE LA GZHAN DANG GZHAN 'BYUNG BA DAG LA YANG DE BZHIN DU 'DOD PAR BYA'O ZHES BSTAN PA YIN NO, ,MNGON CHES PA'I PHYIR ME 'BAR BA'I 'GRO BA LTA MNGON PA'I NGA RGYAL DU CHUG NA, GRIB MA NI GZUGS LA SOGS PA BZHIN DU BRTZAD PA YIN PA'I PHYIR, JI LTA BU YIN SNYAM DU DOGS PAS, GRIB MA YANG SKAD CIG MA NYID DU RAB TU BSGRUB PA'I PHYIR, GRIB MA ZHES BYA BA LA SOGS PA SMOS TE, DE DANG LDAN PA ZHES BYA BA NI GRIB MA DANG LDAN PA'I MI LA SOGS PA'O, ,DE SKYE BA DANG, 'GRIB PA DANG, 'GYUR BAR SNANG BA'I PHYIR ZHES BYA BA NI, GRIB MA SKYE BA DANG, 'GRIB PA DANG, 'GYUR BAR SNANG BA'I PHYIR RO, ,'DI SKAD DU NYI MA THAG RING NA GRIB MA SKYE BAR SNANG, NYE NA NI GRIB MA 'GRIB PAR SNANG, 'GYUR BAS NI 'GYUR BAR SNANG BA YIN NO, ,GAL TE GRIB MA YUL GZHAN DU 'PHO NA; DE NI NGO BO GCIG PA YIN PA'I PHYIR JI LTAR NA GRIB MA DANG LDAN PA'I MI LA SOGS PA 'DUG BZHIN DU, DE NYI MA 'GYUR BA'I RJES SU 'GYUR BA BSTEN PAR 'GYUR ZHES BSTAN PA YIN NO, ,RGOL BA GANG ZHIG GRIB MA YUL GZHAN DU 'PHO BA NYID YIN GYI, 'BYUNG BA NI MA YIN PAR LTA BA DE'I LTAR NA DE NI GCIG PA NYID YIN PA'I PHYIR SKAD CIG PA YANG MA YIN NA DE CI'I PHYIR, DE DANG LDAN PA 'DUG BZHIN DU, ,ZHES BYA BA NI KHYAD PAR SMOS, DE LA NI GNAS 'GYUR BAS KYANG 'GYUR BA YOD PAR MI SRID DO ZHE NA, DE NI BDEN TE 'ON KYANG RDZA MA DANG, 'BRU MAR BZHIN DU DE LA BRTEN PA DE TZAM GYIS GNAS KYI DBANG GIS GRIB MA DE 'GYUR BA YIN DU NI CHUG NA, DE DANG LDAN PAR 'DUG BZHIN DU DE DAG GCIG PA YIN PA'I PHYIR, NYI MA'I 'GYUR BAS 'GYUR BAR MI RUNG NGO ZHES ZHAL GYIS BZHES NAS BSHAD DO SNYAM DU DGONGS PA YIN NO, ,SNANG BA'I PHYOGS GZHAN DU BSGRIBS NA 'BYUNG BA'I PHYIR RO ZHES BYA BA CI ZHE NA, GRIB MA DE NYID YUL GZHAN DU SNANG BA NI MA YIN NO ZHES BYA BAR SBYAR RO, ,DGONGS PA NI GAL TE GRIB MA DE NYID YUL GZHAN DU 'PHO BA NA, 'O NA NI RE LDE DANG, RTZIG PA LA SOGS PAS SNANG BA'I PHYOGS GZHAN DU @74A *, ,BSGRIBS NA DE 'BYUNG BAR DMIGS PAR MI 'GYUR GYI, 'ON KYANG THAMS CAD DMIGS PA KHO NAR 'GYUR TE, DE NI SNANG BA'I PHYOGS MA BSGRIBS PA GZHAN DU YANG, 'PHO BAR KHYAD PAR DU MED PA'I PHYIR RO, ,DE LTA YANG MA YIN TE, DE BAS NA SKAD CIG RE RE LA GZHAN DU 'GYUR BA'I PHYIR GRIB MA YANG ME 'BAR BA DANG, TSUL 'DRA BAR GRUB PA YIN NO ZHES BYA BA 'DI YIN NO, ,DE LTAR 'DU BYED RNAMS SKAD CIG RE RE LA GZHAN DU 'GYUR BAR BSGRUBS NAS, SLOB DPON GYIS RGOL BA GZHAN GYIS SMRAS PA LA YANG, GANG ZHIG CES BYA BA LA SOGS PA SLA CHOS KYIS RTZIS MGOS BSGRE BAR MDZAD DO, ,GANG ZHIG CES BYA BA NI RGOL BA'O, ,BRTZAD PA ZHES BYA BA NI BRGAL PA STE, SKAD CIG PAS SMRA BAS ZHES BYA BA TSIG GI LHAG MA'O, ,JI LTAR RGOL ZHE NA, DE'I PHYIR 'DI GA LAS ZHES BYA BA LA SOGS PA SMOS SO, ,DE NI ZHES BYA BA NI YUL GZHAN NA SNANG BA GANG YIN PA'O, ,DE NYID MA YIN NO ZHES BYA BA NI SNGON MTHONG BA GANG YIN PA ZHES BYA BA TSIG GI LHAG MA'O, ,'DI GA LAS ZHES BYA BA NI CI'I PHYIR RO, ,PHYIR RGOL BAR 'GYUR BA ZHES BYA BA NI, SKAD CIG PAR SMRA BA DE NYID LA DE RTZOD PAR 'GYUR BA ZHES BYA BA'I THA TSIG GO, ,DE NYID KHUNGS YIN NO ZHES BYA BA NI, BSHAD MA THAG PA DE NYID GZHAN DU 'GYUR BA'I YID CHES PAR BYED PA'I RGYU YIN NO ZHES BYA BA'I THA TSIG GO, ,DE CI ZHE NA, DE'I PHYIR 'DI LTAR ZHES BYA BA LA SOGS PA GSUNGS SO, ,GZHAN YANG TSOS BYED LAS SKYE BA RNAMS KYI PHYI ROL GYI RKYEN THA DAD PA MED PAS KYANG ZHES BYA BA LA SOGS PA GSUNGS TE, 'DI SKAD DU ME LA SOGS PA PHYI ROL GYI RKYEN RNAMS NI, SKAD CIG PA MA YIN PA NYID DU KHYAD PAR MED PA'I PHYIR THA DAD MED DO, ,GAL TE YANG DE DANG PHRAD MA THAG KHO NAR BUM PA LA SOGS PA SNGON GYI GZUGS 'DZIN PAS PHYI MA'I GZUGS KYI KHYAD PAR 'BYUNG BAR MI 'GYUR NA NI PHYIS KYANG MI 'GYUR TE, RKYEN RNAMS NI SNGA MA BZHIN DU SNGON GYI RANG BZHIN MA BTANG BA'I PHYIR RO, ,DE LTA YANG MA YIN TE, 'ON KYANG KHYAD PAR DMIGS SO, ,DE LTA BAS NA PHYI MA'I KHYAD PAR GZUNG BA 'DI NYID TSOS BYA DANG, TSOS BYED KYI RDZAS RNAMS SKAD CIG RE RE LA GZHAN DU 'GYUR BA'I @74B KHUNGS TE, GTAN TSIGS YIN NO ZHES BYA BAR BSTAN PA YIN NO, ,GZHAN YANG RE ZHIG NGED KYI GZHAN DU 'GYUR BA'I GTAN TSIGS RGYA CHER BSHAD ZIN MOD KYI KHAS BLANGS TE, YANG GAL TE YANG ZHES BYA BA LA SOGS PA SMOS TE, GZHAN DU 'GYUR BA'I ZHES BYA BA NI GZHAN DU 'GYUR BAR BSGRUB PAR BYA BA'I 'O, ,KHUNGS MED PAS ZHES BYA BA NI GTAN TSIGS MED PAS SO, ,DNGOS POR RTOG PAR BYED NA ZHES BYA BA NI, DE NYID YIN NO SNYAM DU SEMS PA NI DNGOS PO STE, GANG LAS DE NYID 'DI YIN NO ZHES BYA BAR SHES PA'O ZHES BYA BA'I THA TSIG GO, ,YANG NA DE NYID KYI DNGOS PO NI DE'I DNGOS PO STE, GNAS PA'I 'GRO BA NI DNGOS PO'O ZHES BYA BA'I THA TSIG GO, ,DE'I DNGOS PO YIN PA'I ZHES BYA BA NI RANG BZHIN GCIG PA'I DNGOS PO STE, RANG BZHIN THA MI DAD PA'I DNGOS PO'O ZHES BYA BA'I THA TSIG GO, ,DE BAS NA ZHES BYA BA LA SOGS PAS NI MJUG SDUD PAR BYED DO, ,GANG GI PHYIR CI GCIG PA NYID YIN NAM, 'ON TE GZHAN DU 'GYUR BA NYID YIN ZHES THE TSOM ZA STE, KHUNGS MED PA'I PHYIR RO, ,DE BSAN GNYI GAR NGES PAR MI GZUNG BAR THAL BAR 'GYUR BAS ZHES BYA BA NI, PHYOGS GNYI GAR NGES PAR MI GZUNG BAR THAL BAR 'GYUR BA STE, DE'I DNGOS PO'AM, GZHAN DU 'GYUR BA'I DNGOS POR NGES PAR GZUNG DU MED PAR THAL BAR 'GYUR BAS SO, ,DE YANG 'DOD PA MA YIN TE, DNGOS PO GCIG LA DE'I DNGOS PO DANG, GZHAN DU 'GYUR BA'I DNGOS PO PHAN TSUN 'GAL BA DAG DANG LDAN PA NI MA YIN NO, ,'PHO BA NI MA GRUB PA KHO NA YIN NO ZHES BYA BA NI, 'PHO BA NI GTING MI TSUGS PA KHO NA YIN NO ZHES BYA BA'I THA TSIG GO, ,SBYOR BA NI GANG DANG, GANG DAG SKAD CIG PA YIN PA DE DANG, DE DAG LA YUL GZHAN DU 'PHO BA MED DE, DPER NA ME 'BAR BA DANG, GRIB MA LA SOGS PA LTA BU YIN LA, GZUGS LA SOGS PA 'DU BYED RNAMS KYANG SKAD CIG PA YIN PAS KHYAB PAR BYED PA 'GAL BAR DMIGS PA'O, ,'DI LTAR SKAD CIG PA DANG, SKAD CIG PA MA YIN PA NI PHAN TSUN SPANGS TE, GNAS PAS 'GAL BA YIN LA, 'PHO BA YANG SKAD CIG PA MA YIN PAS KHYAD PA'I PHYIR RO, ,DE DANG 'GAL BA SKAD CIG @75A *, ,PA DMIGS PA NA, SKAD CIG MA YIN PA LDOG GO, ,DE LOG NA DES KHYAB PAR BYA BA 'PHO BA YANG LDOG PAR 'GYUR RO, ,DE LTAR SLOB DPON GYIS RGYA CHER 'GRO BA RNAM PAR RIG BYED MA YIN NO ZHES 'PHAGS PA MANG POS BKUR BA'I SDE PA DAG GI PHYOGS SUN PHYUNG BA DANG, 'DIR MDO SDE PA'I KHYAD PAR RNAMS LAS, NYI MA 'CHAR KA PA ZHES BYA BA LA LA DAG CHOS GZHAN GYI RANG BZHIN ZHIG RNAM PAR RIG BYED YIN PAR BRJOD PAS NA, NYI MA 'CHAR KA PA DAG NA RE ZHES BYA BA LA SOGS PA SMOS TE, NYI MA 'CHAR KA PA DAG NA RE ZHES BYA BA NI, GNAS BRTAN GZHON NU LEN GYIS BYAS PA'I BSTAN BCOS NYI MA 'CHAR KA ZHES BYA BA DES THA SNYAD BRJOD PA GANG DAG YIN PA DE DAG NI NYI MA 'CHAR KA PA DAG GO, ,GAL TE KHA CIG NA RE 'ON KYANG 'DU BYED RNAMS NI RANG BZHIN GYIS 'JIG PA'I PHYIR 'PHO BA MED LA, DES NA DE MED PA'I PHYIR RNAM PAR RIG BYED KYANG MED NA, 'JIG RTEN NA 'GRO BA'I THA SNYAD DAM, RNAM PAR RIG BYED KYI THA SNYAD JI LTAR 'BYUNG ZHES ZER BA 'DIS DOGS NAS, DE'I PHYIR YUL GZHAN DU 'BYUNG BA'I RGYU ZHES BYA BA LA SOGS PA SMOS SO, ,YUL GZHAN DU 'BYUNG BA'I RGYU ZHES BYA BA NI, YUL GZHAN DU 'DU BYED RNAMS 'BYUNG BA GANG YIN PA DE'I RGYU ZHES BYA BA'I THA TSIG GO, ,DE GANG ZHE NA, DE'I PHYIR CHOS GZHAN ZHES BYA BA SMOS TE, RANG BZHIN GZHAN DANG DNGOS PO GZHAN ZHES BYA BA'I THA TSIG GO, ,DE YANG RGYU CI LAS BYUNG BA ZHIG YIN ZHE NA, DE'I PHYIR SEMS KYI KHYAD PAR GYI RGYU CAN ZHES BYA BA GSUNGS TE, SEMS KYI KHYAD PAR NI DE 'DOD PAS RAB TU BCUG PA'I SEMS SO, ,CHOS GZHAN GANG LA RGYU DE YOD PA DE NI CHOS GZHAN SEMS KYI KHYAD PAR GYI RGYU CAN NO, ,DE LTA BUR GYUR PA DE YUL GANG DU 'BYUNG ZHE NA, DE'I PHYIR LAG PA LA SOGS PA LA ZHES BYA BA SMOS SO, ,DE NI 'GRO BA ZHES KYANG BYA, RNAM PAR RIG BYED CES KYANG BYA'O ZHES BYA BA NI, DE LTA BU'I RNAM PA'I CHOS GZHAN DE NYID NI, 'JIG RTEN NA 'GRO BA'AM, RNAM PAR RIG BYED CES BYA'I, DE LAS MA GTOGS PA'I YUL GZHAN DU 'BYUNG BAR BYED PA GZHAN DANG, DE'I 'BRAS BUR GYUR PA GZHAN NI 'GA' YANG MED DO ZHES BYA BA'I THA TSIG GO, ,'O NA @75B ZHES BYA BA LA SOGS PAS SLOB DPON GYI CHOS GZHAN SUN DBYUNG BA GSUNGS PA YIN NO, ,'DI SKAD DU GAL TE CHOS GZHAN DE GZUGS KYI SKYE MCHED DU GTOGS PA YIN NA, GZUGS KYI SKYE MCHED NI BLTA BAR BYA BA YIN PA'I PHYIR, DER GTOGS PA DE YANG KHA DOG BZHIN DU MTHONG BAR 'GYUR RO; ;DE LTA YANG MA YIN TE, DE BAS NA MED PA NYID DO ZHES BSTAN PA YIN NO, ,SNGAR DBYIBS GSAL BA'I TSAD MA'I DON GANG DMIGS PA'I RIG BYAR GYUR PA LAS ZHES BYA BA LA SOGS PA BSTAN PA DE NYID 'DIR YANG SBYAR BAR BYA'O, ,GAL TE MNGON PAR ZHEN PA'I PHYIR GZHAN DAG NA RE; GAL TE GZUNG BA MA YIN DU CHUG NA, CHOS GZHAN DE GZUNG BAR BYA BA MA YIN YANG YOD PA NYID YIN NO ZHES ZER DU DOGS NAS, MI MTHONG NA ZHES BYA BA LA SOGS PA GSUNGS TE, GZHAN LA RNAM PAR RIG PAR BYED PAS NA RNAM PAR RIG BYED CES BYA NA, DE JI LTAR GZHAN LA RNAM PAR RIG PAR BYED PAR 'GYUR TE, GAL TE GZUNG BA ZHIG SRID NA NI T'GYUR RO, ,GANG GI TSE DE LA GZUNG BA NYID MED PA DE'I TSE, JI LTAR GZHAN LA RNAM PAR RIG PAR BYED PAR 'GYUR SNYAM DU DGONGS PA'O, ,GZHAN YANG KHYED KYIS DE YOD PAR YANG TSAD MAS NGO BO DMIGS KYIS MA PHYED BZHIN DU, JI LTAR KHONG DU CHUD PA GZHAN 'DI YANG BRJOD PAR 'OS TE, CHOS GZHAN DE JI LTAR YOD CES BYA BA'I THA TSIG GO, ,CI STE GZHAN DAG CHOS GZHAN DE DBANG PO LAS 'DAS PA'I PHYIR MNGON SUM GYI TSAD MAS KHONG DU CHUD PAR BYA BA MA YIN DU ZIN KYANG 'BRAS BUS RDZES SU DPAG PAS, KHONG DU CHUD PAR BYA BAR 'GYUR RO SNYAM DU SEMS SHING DE NYID BSTAN PA'I PHYIR, DE LTA MA YIN NA ZHES BYA BA LA SOGS PA SMROS TE, 'DI SKAD DU, GAL TE CHOS GZHAN MED NA, DE MED PAR YUL GZHAN DU LUS 'BYUNG BAR JI LTAR 'GYUR TE, DE BAS NA YUL GZHAN DU LUS 'BYUNG BA'I RGYU GYUR PA'I CHOS GZHAN ZHIG YOD PAR KHAS BLANG BAR BYA'O ZHES BSTAN PA YIN NO, ,SBYOR BA NI GANG ZHIG GANG YOD NA 'BYUNG BA DE NI RGYU DE SNGON DU SONG BA YIN TE, DPER NA SA BON YOD NA MYU GU 'BYUNG BA LTA BU YIN LA, YUL GZHAN DU LUS 'BYUNG BA YANG CHOS GZHAN @76A *, ,YOD NA 'BYUNG BAR 'GYUR BA YIN NO, ,RGYU DE SNGON DU SONG BA CAN DE NI DE YOD NA 'BYUNG BA TZAM DU 'GYUR BA'I PHYIR, RANG BZHIN GYI GTAN TSIGS YIN NO SNYAM DU NYI MA 'CHAR KA PA DAG SEMS SO, ,DE LTAR GZHAN DAG GIS TSAD MA BTZUGS PA DANG, 'DIR SLOB DPON GYIS GTAN TSIGS MA GRUB PA NYID DU BSTAN PA'I PHYIR, SEMS KYI KHYAD PAR LAS SKYES PA'I RLUNG GI KHAMS ZHES BYA BA LA SOGS PA GSUNGS TE, 'DI SKAD DU DE YOD NA 'BYUNG BA NYID KYI RGYU CHOS GZHAN SNGON DU SONG BA NYID DU BSGRUB PAR BYA BA DE YANG NAM ZHIG NA RUNG BAR 'GYUR TE, GAL TE DE YOD NA 'BYUNG BA NYID DE, KHO NA GRUB NA NI RUNG BAR 'GYUR BA ZHIG NA, 'ON KYANG DE NI MA GRUB STE, SEMS KYI KHYAD PAR LAS SKYES PA'I RLUNG GI KHAMS KHO NAS YUL GZHAN DU LUS 'BYUNG BAR BYED PA'I PHYIR RO ZHES BSTAN PA YIN NO, ,'DI LTA STE YUL GZHAN DU ZHES BYA BA LA SOGS PAS NI DON 'DI NYID DON DANG MTHUN PA'I MING BSTAN PA'I SGO NAS GZHUNG 'DZUGS PAR MDZAD DO, ,RTZVA DANG LO MA LA SOGS PA'I JI LTAR 'GYUR ZHE NA ZHES BYA BA CI ZHE NA, YUL GZHAN DU 'BYUNG BA'I RGYU ZHES BYA BAR SBYAR RO, ,'DIS NI GZHAN DAG GIS RLUNG GI KHAMS LA 'KHRUL PA YOD PAR BSTAN PA YIN TE, KHYOD YUL GZHAN DU DNGOS PO 'BYUNG BA'I RGYU NI RLUNG GI KHAMS YIN PAR 'DOD LA, RTZVA DANG LO MA LA SOGS PA LA NI, KHYOD KYI SEMS KYI KHYAD PAR LAS SKYES PA'I RLUNG GI KHAMS YOD PA MA YIN NO ZHES BYA BAR BSAMS SO, ,G-YO BAR BYED PA DANG 'PHEN PAR BYED PA DANG, PHRAD PA'I RLUNG GI KHAMS LAS SO ZHES BYA BA NI CI ZHE NA, RTZVA DANG LO MA LA SOGS PA'I YUL GZHAN DU 'BYUNG NGO ZHES BYA BAR SBYAR TE, 'DI NI SLOB DPON GYIS LAN BTAB PA YIN NO, ,DE LA G-YO BAR BYED PA DANG 'PHEN PAR BYED PA NI 'GUL BA STE, GANG LA ZHIG GIS GNAS PA SPYOD PAR BYED CES BYA BA'I THA TSIG GO; ;'PHEN PAR BYED PA NI BRDEG PAR BYED PA STE, SHUGS DANG LDAN PAS RDZAS DANG SPROD PAR BYED CES BYA BA'I THA TSIG GO, ,DE GNYIS LAS BYUNG BA'I RLUNG GI KHAMS GANG YIN PA DE LA DE SKAD CES BYA'O ZHES BYA BA'I TSIG BSDU'O, ,DON NI GAL TE NGED YUL GZHAN DU SKYE BA THAMS @76B CAD KYI RGYU SEMS KYI KHYAD PAR LAS SKYES PA'I RLUNG GI KHAMS KHO NA YIN PAR SMRA NA NI, DE'I TSE RTZVA DANG LO MA LA SOGS PA LA JI LTAR 'GYUR ZHES 'KHRUL BAR 'GYUR NA, 'ON KYANG JI LTAR SRID PAR SMRA STE, KHA CIG TU NI SEMS KYI KHYAD PAR LAS SKYES PA'I RLUNG GI KHAMS YIN LA, KHA CIG LA NI G-YO BAR BYED PA LA SOGS PA DANG PHRAD PA YIN PAS, DE'I PHYIR 'GAL BA MED DO ZHES BSTAN PA 'DI YIN NO, ,YANG NA GANG LAS ZHES BYA BA NI RGYU RLUNG GI KHAMS LAS SO, ,'GRO BA 'BYUNG BAR 'DOD PA ZHES BYA BA NI CHOS GZHAN GYI RANG BZHIN GYI 'GRO BA 'BYUNG BAR 'DOD PA ZHES BYA BA'I THA TSIG GO, ,DE NYID LAS ZHES BYA BA NI CHOS GZHAN 'BYUNG BA'I RLUNG GI KHAMS KHO NA LAS ZHES BYA BA'I THA TSIG GO, ,NUS PA DMIGS KYIS MA PHYE BA CAN GYI 'GRO BA BRTAGS TE CI ZHIG BYA ZHES BYA BA LA, 'GRO BA GANG LA TSAD MAS DMIGS KYIS MA PHYE ZHING, NGES PAR MA BYAS PA'I NUS PA STE BYED PA YOD PA DE LA DE SKAD CES BYA'O, ,DE LTA BU BRTAGS TE CI ZHIG BYA STE, DGOS PA MED PA KHO NA'O ZHES BYA BA'I THA TSIG GO,, ,,BAM PO GNYIS PA, 'O NA YUL GZHAN DU LUS 'BYUNG BA'I RGYU ZHES BYA BA LA SOGS PAS NI CHOS GZHAN SUN PHYUNG BA'I PHYIR YANG NYI MA 'CHAR KA PA DAG PHYOGS GZHAN SEMS PA YIN TE, 'DI SKAD DU, GAL TE CHOS GZHAN GYI RANG BZHIN MA GRUB PA'I PHYIR, RNAM PAR RIG BYED DU MI RUNG BAR GYUR NA, 'O NA SEMS KYI KHYAD PAR LAS SKYES PA'I RLUNG GI KHAMS DE NYID LUS 'BYUNG BA'I RGYU NYID DU YU BU CAG LA GRAGS PA'I PHYIR, RNAM PAR RIG BYED DU 'GYUR MOD CE NA ZHES BSTAN PA YIN NO, ,JI LTAR NA RNAM PAR RIG PAR MI BYED PA ZHES BYA BA LA SOGS PAS NI SLOB DPON GYIS DGAG PA MDZAD DO, ,RLUNG GI KHAMS NI REG BYA'I SKYE MCHED YIN PAS, BLTAR RUNG BA MA YIN PA'I PHYIR, RNAM PAR RIG PAR BYED PA MA YIN NO, ,GAL TE RNAM PAR RIG BYED KYANG DE'I RANG BZHIN YIN NA, RNAM PAR RIG PAR BYED PA LAS DE JI LTAR RNAM PAR RIG PAR BYED PA MA YIN PAR 'GYUR ZHES DGONGS PA'O, ,GZHAN YANG REG BYA'I SKYE MCHED DGE BA DANG, MI DGE BAR 'DOD PA ZHES BYA BA LA SOGS PA SKYON GZHAN 'DI YANG YOD DO, ,SH'AKYA'I @77A *, ,SRAS PO'I ZHES BYA BA LA, SH'AKYA NI SANGS RGYAS BCOM LDAN 'DAS SO, ,DE'I SRAS PO NI DE'I SLOB MA'O, ,DE RNAMS KYI GANG YIN PA DE NI SH'AKYA'I SRAS PO'I 'O, ,SH'AKYA'I SRAS PO'I MA YIN PAS, SH'AKYA'I SRAS PO'I MA YIN PA'O ZHES BYA BAR TSIG BSDU'O, ,DE LTA BU DE CI YIN ZHE NA, DE'I PHYIR REG BYA'I SKYE MCHED DGE BA DANG, MI DGE BAR 'DOD PA'O ZHES BYA BA GSUNGS TE, RLUNG GI KHAMS NI REG BYA'I SKYE MCHED DU GTOGS PA'I PHYIR, GCIG TU MA BSGRIBS LA LUNG DU MA BSTAN PA YIN LA, RNAM PAR RIG BYED NI DE LTA BU MA YIN TE, DE DANG MTSAN NYID MI 'DRA BA'I PHYIR RO, ,DE BAS NAD RLUNG GI KHAMS DE'I RANG BZHIN DU JI LTAR 'GAL BA DGE BA LA SOGS PA NYID YIN PAR RUNG BAR 'GYUR ZHES DGONGS PA'O, ,PHYOGS SNGA MAS SMRAS MA THAG PA YANG RGYA CHER SUN PHYUNG BA DANG, YANG NYI MA 'CHAR KA PA DAG 'O NA ZHES BYA BA LA SOGS PAS, PHYOGS GZHAN SEMS PAR BYED DE, RLUNG GI KHAMS NI RNAM PAR RIG PAR MI BYED PA LA SOGS PAR THAL BAR 'GYUR BAS RNAM PAR RIG BYED NYID DU MI RUNG NA, YUL GZHAN DU LUS 'BYUNG BA GANG YIN PA SEMS KYI KHYAD PAR LAS SKYES PA'I RLUNG GI KHAMS DE NYID KYIS BSKYOD PA DE KHO NA SKYON MED PA'I PHYIR, RNAM PAR RIG BYED DU 'GYUR RO ZHES BYA BA'I THA TSIG GO, ,RNAM PAR RIG BYED BTAGS PA CAN YIN GYI ZHES BYA BA LA SOGS PAS NI SLOB DPON GYIS SUN PHYUNG BA MDZAD PA'O, ,LUS NI RDZAS DU MA'I BDAG NYID YIN PA'I PHYIR RNAM PAR RIG BYED DE'I RANG BZHIN YIN NA RDZAS NYID NYAMS SO ZHES BYA BA'I THA TSIG GO, ,GZHAN YANG RNAM PAR RIG BYED NI RNAM PAR RIG PAR BYED PA MA YIN PAR YANG 'GYUR TE ZHES BYA BA LA SOGS PA SKYON GZHAN 'DI YANG YOD DO, ,'DIR NI DRI LA SOGS PA PHYOGS GCIG GI SGO NAS, RNAM PAR RIG PAR MI BYED PA NYID KYI SKYON YOD PA'I GZUGS KYI SGO NAS NI MA YIN TE, DE NI BLTAR RUNG BA YIN PA'I PHYIR RO, ,DE NYID KYI PHYIR, DRI LA SOGS PA ZHES BYA BA GSUNGS SO, ,DRI LA SOGS PA'I SKYE MCHED DGE BA DANG ZHES BYA BA LA SOGS PA NI SNGA MA BZHIN NO, 'O NA YANG ZHES BYA BA LA SOGS PAS NI, YANG DE DANG DE DAG NYID PHYOGS @77B GZHAN LA SEMS PA YIN NO, ,SLOB DPON GYIS PHYOGS DE YANG YI MI RUNG BA'I PHYIR, ,DE NI ZHES BYA BA LA SOGS PAS SUN DBYUNG BA GSUNGS TE, RANG GI SA BON DANG, RLUNG GI KHAMS KYI KHYAD PAR LAS ZHES BYA BA NI, KHA DOG DE'I RANG GI SA BON NI SKAD CIG MA SNGA MAS BSKAL BA MNYAM PA'I RGYU YIN NO, ,RLUNG GI KHAMS NI YUL GZHAN DU 'BYUNG BA'I RGYU STE, LHAN CIG BYED PA'I RKYEN YIN NO, ,RANG GI SA BON DANG RLUNG GI KHAMS NI, RANG GI SA BON DANG RLUNG GI KHAMS DAG GO, ,DE GNYIS KYI KHYAD PAR NI, RANG GI SA BON DANG, RLUNG GI KHAMS KYI KHYAD PAR TE, DE NI DE KHO NA LAS SKYES PA YIN GYI GZHAN LAS NI MA YIN NO ZHES BYA BA'I THA TSIG GO, ,THOG MAR YUL GZHAN DU BSKYOD PAR BYA'O SNYAM PA'I SEMS 'BYUNG LA, DE LAS NI RTZOL BA 'BYUNG BA, DE LAS KYANG RLUNG 'BYUNG, RLUNG LAS KYANG LAG PA 'BYUNG BA MA YIN NAM, DE JI LTAR LAG PA LA GNAS PA'I KHA DOG SEMS KYI KHYAD PAR LAS SKYES PA MA YIN ZHE NA, DE NI NYES PA MED DE, 'DI LTAR GZHAN GYIS DE NI DE'I DBANG GIS DGE BA LA SOGS PAR 'GYUR RO ZHES MNGON SUM GYI RGYU NYID KYIS KHA DOG SEMS KYI KHYAD PAR LAS SKYES PAR 'DOD KYI BRGYUD PAS NI MA YIN PAS SO, ,KHA DOG DGE BA DANG, MI DGE BAR 'DOD PA ZHES BYA BA LA SOGS PA GZUGS KYI SKYE MCHED NI DGE BA LA SOGS PAR 'DOD PA'I PHYIR, JI LTAR DER GTOGS PA'I KHA DOG DGE BA LA SOGS PA'I GZUGS MA YIN ZHE NA, BSHAD PA 'GAL BA MED DE, 'DI LTAR KUN NAS SLONG BA'I DBANG GIS, DE LA RNAM PAR RIG BYED DGE BA LA SOGS PA'O ZHES BYA BAS DE'I RANG BZHIN GYI GZUGS LA DGE BA LA SOGS PA'I GZUGS ZHES BYA'I, SNGON PO LA SOGS PA KHA DOG GI RANG BZHIN GCIG TU MA BSGRIBS LA LUNG DU MA BSTAN PA YANG YIN PA NI MA YIN NO, ,'DAS MA THAG PA'I PHYOGS KYANG SUN PHYUNG BA KHO NA'I PHYIR, KHA DOG LTAR MA YIN YANG RUNG ZHES BYA BA LA SOGS PAS PHYOGS GZHAN SEMS PA YIN NO, ,LHA RNAMS DGA' BA ZHES BYA LA SOGS PAS NI SLOB DPON GYI BSTING TSIG GIS SUN 'BYIN PAR MDZAD PA'O, ,GZUGS LA SOGS PA BZHIN DU YANG MA MTHONG LA ZHES BYA BAS NI MNGON SUM @78A *, ,GYI TSAD MAS GZUNG BAR BYA BA MED PAR STON TE, NUS PA YANG MA MTHONG ZHES BYA BAS NI RGYU DANG 'BRAS BU'I NUS PA MED PAS RJES SU DPAG PA MED PAR STON TO, ,MI MTHONG NA NI ZHES BYA BA LA SOGS PA LA, 'BYUNG BA NI GZUGS KYI RANG BZHIN MA YIN PA'I PHYIR BLTAR MI RUNG BA NYID DO, ,GAL TE RNAM PAR RIG BYED KYANG DE'I RANG BZHIN YIN NA NI DE YANG RNAM PAR RIG PAR MI BYED PA YIN TE BLTAR MI RUNG BA'I PHYIR RO ZHES BYA BA'I THA TSIG GO, ,GZHAN YANG KHA DOG DGE BA DANG, MI DGE BA NYID YIN NA NI ZHES BYA BA LA SOGS PA'I SKYON GZHAN 'DI YANG YOD DO, , KHA DOG NI DE LTA MA YIN NO ZHES DE NI BSHAD ZIN TO ZHES BYA BA NI, KHA DOG DGE BA DANG, MI DGE BAR 'DOD PA 'DI YANG SHA'KYA'I SRAS PO'I MA YIN NO ZHES BYA BA LA 'DAS MA THAG PA 'DIS SO, ,'DI SKAD DU 'BYUNG BA NI KHA DOG LA RAG LAS PA'I PHYIR DE'I DBANG GIS NI, DGE BA LA SOGS PAR 'GYUR YANG SRID NA, GANG GI TSE DE NYID DGE BA LA SOGS PAR MI SRID PA DE'I TSE, 'BYUNG BA DE LTAR JI LTAR 'GYUR ZHES BYA BSTAN PA YIN NO, ,RNAM PAR RIG BYED RGYA CHER SUN PHYUNG BA DANG, BYE BRAG TU SMRA BA PA DAG PHUGS THUG NAS RNAM PAR RIG BYED MA YIN PA TZAM ZHIG YOD NA YANG DRAG GO SNYAM NAS, 'O NA RNAM PAR RIG BYED MA YIN PA TZAM ZHIG CES BYA BA LA SOGS PA SMOS SO, ,SLOB DPON RNAM PAR RIG BYED MA YIN PA YANG SUN DBYUNG BAR BZHED NAS, RNAM PAR RIG BYED MA YIN PA ZHES BYA BA 'DI CI ZHIG YIN ZHES RGYAS PAR DRIS PAS RGOL BAR MDZAD DO, ,SDOM PA LA SOGS PA'I GZUGS CHOS KYI SKYE MCHED PA YIN NO ZHES BYA BA NI, BYE BRAG TU SMRA BA PA DAG RNAM PAR RIG BYED MA YIN PA'I RANG BZHIN RNAM PAR 'JOG PAR BYED PA'O, ,SDOM PA LA SOGS PA ZHES BYA BA LA STZOGS PA SMOS PAS NI, SDOM PA MA YIN PA LA SOGS PA BSDU'O, ,JI LTAR NA 'DOD PA NA SPYOD PA'I RNAM PAR RIG BYED MA YIN PA ZHES BYA BA LA SOGS PA NI, RNAM PAR RIG BYED SUN PHYUNG BA'I PHYIR RO, ,'DOD PA NA SPYOD PA ZHES SMOS PA NI, GZUGS NA SPYOD PA BZLOG PA'I PHYIR TE, DE NI BSAM GTAN GYI SEMS LA RAG LAS PA'I PHYIR RNAM PAR RIG BYED GZHAN LA @78B LTOS PAR MI BYED DO, ,'DI LA RNAM PAR RIG BYED MED PA YOD PAS NA, RNAM PAR RIG BYED MED PA STE, RNAM PAR RIG BYED YOD PA MA YIN PA CAN ZHES BYA BA'I THA TSIG GO, ,GAL TE YIN NA CI 'GYUR ZHE NA ZHES ZER BA NI BYE BRAG TU SMRA BA PA DAG GO, ,GAL TE YIN NA ZHES BYA BA NI, 'DOD PA NA SPYOD PA'I RNAM PAR RIG BYED MA YIN PA RNAM PAR RIG BYED MA YIN PA CAN YIN NA'O, ,CIR 'GYUR ZHES BYA BA NI, SKYON CIR 'GYUR ZHES BYA BA'O, ,SEMS KYI RJES SU 'BRANG BAR 'GYUR TE ZHES BYA BA NI, SLOB DPON GYIS SKYON BRJOD PAR MDZAD PA'O, ,JI LTA BU ZHE NA, DE'I PHYIR, DPER NA GZUGS NA SPYOD PA LTA BU'O ZHES BYA BA GSUNGS SO, ,GAL TE BYE BRAG TU SMRA BA DAG SKYON 'DI NI YOD DU ZAD DE KHO BO CAG KHAS KYANG LEN NA, DE LTAR GYUR PA LA SKYON GZHAN CI YOD CES ZER DU DOGS NAS, DES NA ZHES BYA BA LA SOGS PA GSUNGS TE, SEMS GZHAN DANG SEMS MED PA PA DAG LA ZHES BYA BA LA, DE LA SEMS GZHAN DAG NI SDOM PA LA SOGS PA LEN PA DGE BA LA SOGS PA'I SEMS LAS LOGS SHIG PA NI SEMS GZHAN DAG GO, ,SEMS MED PA PA DAG NI 'GOG PA'I SNYOMS PAR 'JUG PA LA SOGS PA'I SEMS YOD PA MA YIN PA'O, ,SDOM PA DANG SDOM PA MA YIN PA GNYIS MED PAR 'GYUR RO ZHES BYA BA NI 'DIR YANG, DPER NA BSAM GTAN GYI SDOM PA LTA BU ZHES DPE KHONG NAS DRANG BAR BYA'O, ,DUS YONGS SU BZUNG BAS 'PHANGS PA'I PHYIR ZHES BYA BA LA SOGS PAS NI, BYE BRAG TU SMRA BA PA DAG GIS THAL BAR 'GYUR BA LA LAN BTAB PA YIN NO, , 'DI SKAD DU GAL TE DUS KYI MTSAMS YONGS SU 'DZIN PA'I SEMS 'PHEN PAR BYED PA MED NA NI, DE'I TSE GZUGS NA SPYOD PA'I RNAM PAR RIG BYED MA YIN PA BZHIN DU, SEMS GZHAN DANG SEMS MED PA DAG LA SDOM PA LA SOGS PA MED DO, ,ZHES BYA BAR THAL BAR 'GYUR BA ZHIG NA, DE LTAR YANG MA YIN TE, 'ON KYANG JI SRID 'TSO'I BAR DU SROG GCOD PA LA SOGS PA LAS LDOG GO SNYAM PA DE NI YOD PA KHO NA'O, ,DE BAS NA DES 'PHANGS PA'I PHYIR, THAL CHES PAR GA LA 'GYUR ZHES BSTAN PA YIN NO, ,SO SOR THAR PA'I MDO BSTAN PA DANG ZHES BYA BA LA SOGS PA 'DI'I @79A *, ,PHYIR YANG, RNAM PAR RIG BYED MED PAR YANG RNAM PAR RIG BYED MA YIN PA 'BYUNG BAR RTOGS PAR BYA'O, ,GAL TE RNAM PAR RIG BYED SNGON DU SONG BA KHO NA LAS RNAM PAR RIG BYED MA YIN PA 'BYUNG NA, DE MED PAR YANG SO SOR THAR PA'I MDO BSTAN PA DANG, LTUNG BA BCABS PAS DGE 'DUN SLU BAR BYED PA LA RNAM PAR RIG BYED MA YIN PA'I RANG BZHIN BRDZUN DU SMRA BA'I KHA NA MTHO BA JI LTAR 'BYUNG SNYAM DU BSAMS SO, ,'O NA NI RNAM PAR RIG BYED MA YIN PA RNAM PA GNYIS YIN PA'I PHYIR ZHES BYA BA LA SOGS PAS, SLOB DPON GYIS SKYON GZHAN DU STON PAR MDZAD DO, ,RNAM PAR RIG BYED MA YIN PA RNAM PA GNYIS YIN PA'I PHYIR ZHES BYA BA NI DGE DANG MI DGE ZHES BYA BAR MTSAN NYID GSUNGS PA'I PHYIR LUNG DU MA BSTAN PA'I SKABS MED DO, ,GZHAN YANG DE'I SKAD CIG PA'I DGE BA DANG MI DGE BA YANG RNAM PAR RIG BYED MA YIN PAR MI 'GYUR RO ZHES BYA BAR SBYAR RO, ,CI'I PHYIR MI 'GYUR ZHE NA, DE'I PHYIR RNAM PAR RIG BYED MA YIN PA NI RJES SU 'BRANG BA YIN PA'I PHYIR ZHES BYA BA GSUNGS TE, RJES 'BRANG GANG ZHES BYA BAR MTSAN NYID BSTAN PA'I PHYIR NA, SKAD CIG MA GCIG GIS BSDUS PA LA RNAM PAR RIG BYED MA YIN PA NYID MED DO ZHES BYA BA'I THA TSIG GO, ,LUS DANG NGAG GI LAS GZUGS CAN NI, JI LTAR BRTAGS KYANG RUNG ZHES BYA BA LA SOGS PA NI, SLOB DPON NYID KYIS GSUNGS PA YIN TE, 'DI SKAD DU, BDAG CAG GIS RNAM PAR RIG BYED 'DI CI DBYIBS KYI BDAG NYID CAN YIN NAM, 'ON TE 'GRO BA'I BDAG NYID YIN ZHES BYA BA DANG, DE BZHIN DU RNAM PAR RIG BYED MA YIN PA RNAM PAR RIG BYED MED PAR JI LTAR 'BYUNG BAR 'GYUR ZHES BYA BA LA SOGS PA'I 'BAD PAS CI ZHIG BYA STE, 'ON KYANG RNAM PAR RIG BYED DAM, RNAM PAR RIG BYED MA YIN PA'AM, GZHAN GYI NGO BO NYID DU LUS DANG, NGAG GI LAS GZUGS CAN NI JI LTAR BRTAGS KYANG RUNG STE, 'ON KYANG DGE BA LA SOGS PA NYID DU MI 'GRUB PA KHO NA'O ZHES BSTAN PA YIN NO, ,CI'I PHYIR NA ZHES BYA BA 'DIS BYE BRAG TU SMRA BA PA LA SOGS PA 'DRI BAR BYED DO, ,LUS @79B BOR NA GANG LAS TSE PHYI MA LA 'BRAS BU YID DU 'ONG BA'AM ZHES BYA BA LA SOGS PA NI, SLOB DPON GYIS DGE BA LA SOGS PA NYID DU MI 'GRUB PAR STON PAR MDZAD DO, ,'DI SKAD DU TSE PHYI MA LA 'BRAS BU YID DU 'ONG BA DANG, YID DU MI 'ONG BAR 'BYUNG BAR 'GRUB PAR NUS PAS, DGE BA LA SOGS PA NYID DU RNAM PAR GZHAG GO, ,LUS LA SOGS PA'I LAS GZUGS CAN YIN NA NI LUS ZHIG NA, DE YANG 'JIG PA KHO NA YIN NA, 'BRAS BU 'BYUNG BAR 'GYUR BA LA LTOS NAS, DGE BA LA SOGS PA NYID DU JI LTAR 'GRUB PAR 'GYUR ZHES BSTAN PA YIN NO, ,KHA CIG NA RE ZHES BYA BA LA SOGS PA NI BYE BRAG TU SMRA BA PA DAG GIS, LUS LA SOGS PA'I LAS GZUGS CAN 'DAS PA YIN PA NYID KYIS DGE BA LA SOGS PA NYID DU SGRUB PAR BYED PA YIN NO, ,LAS 'DAS PA YOD DO ZHES BYA BA 'DI NI ZHES BYA BA LA SOGS PAS, SLOB DPON GYIS DPYA BA'I TSIG GIS SUN DBYUNG BA GSUNGS PA YIN NO, ,'BRAS KYI STENG DU 'BRUM BU BYUNG BA YIN TE ZHES BYA BA NI, DE LA 'DAS PA'I LAS YOD DO ZHES BYA BA NI 'BRAS LTA BU'O, ,DE YANG TSE PHYI MA LA 'BRAS BU SKYED PAR NUS PA'O ZHES BYA BA NI 'BRUM BU LTA BUS TE, SHIN TU SDUG BSNGAL SKYED PA'I RGYUR GYUR PA'I PHYIR RO, ,'DI LTA STE GZHAN 'DI LA GANG GIS 'BRAS KYI STENG DU 'BRUM BU BYUNG BAR GYUR PA LTA BU'I SKYON CI YOD SNYAM DU SEMS SU DOGS PAS, 'DAS PA ZHES BYA BA LA SOGS PA GSUNGS TE, GANG ZHIG SNGON BYUNG LA ZHES BYA BA NI, GANG ZHIG SNGON GYI GNAS SKABS SU BYUNG ZHING GRUB PA PA'O, ,PHYIS MED PA ZHES BYA BA NI DA LTAR GYI GNAS SKABS LAS PHYI MA STE, 'DAS PA'I GNAS SKABS SU MED CING YOD PA MA YIN PA ZHES BYA BA'I THA TSIG GO, ,DON 'DI BSTAN PA YIN TE, 'DAS PA LA SOGS PA'I MTSAN NYID NI SNGON BYUNG BA LA SOGS PA RIGS PA'I STOBS KYIS GRUB PA 'DI KHO NA YIN PAR RIGS KYI, BYA BA ZHIG PA LA SOGS PA NI MA YIN TE, RANG BZHIN KHO NAR GNAS PA DE LA NI DE MI RUNG BA'I PHYIR RO, ,'DAS PA LA SOGS PA JI LTAR RDZAS SU MI 'THAD PA DE LTAR NI TSIGS SU BCAD PA BRGYA PA LA SOGS PA'I BSTAN BCOS GZHAN LAS RGYA CHER BSGRUBS @80A *, ,PAS 'DIR NI MANGS PAR 'GYUR BA'I PHYIR SPRO BAR MI BYA'O, ,'O NA ZHES BYA BA LA SOGS PA 'DIS NI BYE BRAG TU SMRA BA DAG GIS LUNG DANG 'GAL BAR STON TE, TSIGS SU BCAD PA'I DON NI KHONG DU CHUD PAR SLA'O, ,'DIR, KHUNGS NI CHUD ZAR MI 'GYUR TE, ,ZHES BYA BA NI 'DI YIN NO, ,CHUD ZAR MI 'GYUR TE ZHES BYA BA'I DON CI ZHE NA ZHES BYA BA LA SOGS PAS NI, SLOB DPON GYIS RMA BA'I SGO NAS 'GAL BA LAN GDAB PA YIN NO, ,'BRAS BU MED PAR MI 'GYUR ZHES BYA BA'I THA TSIG GO ZHES BYA BA NI, DE DAG NI 'BRAS BU SKYED PA'I NUS PA DANG LDAN PA YIN GYI, NUS PA DANG BRAL BA NI MA YIN NO ZHES BYA BA'I THA TSIG GO, ,DE CI'I PHYIR ZHE NA, DE'I PHYIR PHYED 'OG MAS BSTAN PA YIN NO ZHES BYA BA NI TSIGS SU BCAD PA PHYED PHYI MA NI PHYED 'OG MA STE, TSOGS SHING ZHES BYA BA LA SOGS PA'O, ,DES NA LAS KYI NUS PA CHUD MI ZA BAR BSTAN PA YIN NO, ,DE LTA MA YIN TE; 'DAS PA'I RANG BZHIN YOD PA NYID SGRUB PA BRJOD PAR BZHED PA YIN NA NI, PHYED GONG MA NYID KYIS DE'I DON DU KHONG DU CHUD PA'I PHYIR PHYED 'OG MA DON MED PAR 'GYUR RO, ,CHUD ZAR MI 'GYUR TE ZHES BYA BA DE'I DON 'BRAS BU MED PAR MI 'GYUR ZHES BYA BA 'DI YIN DU CHUG NA, DES CI ZHIG YIN ZHE NA, DE'I PHYIR LAS RNAMS YUN RING POR YANG ZHES BYA BA LA SOGS PA SMOS SO, ,DE DAG NYID JI LTAR 'BRAS BU 'BYIN PAR 'GYUR ZHES BYA BA 'DI NI DPYAD PAR BYA'O ZHES BYA BA BAR DU CHOD PA 'DI DANG SBYAR BAR BYA'O, ,'BRAS BU 'BYIN PAR DPYAD PA 'DI LA NI RNAM PA GZHAN MI SRID PA'I PHYIR, 'BRAS S'A LU LA SOGS PA'I SA BON BZHIN DU ZHES BYA BA LA SOGS PAS RNAM PAR BRTAG PA GNYIS KHO NA GSUNGS TE, RNAM PAR BRTAG PA DE GNYIS LAS KYANG DANG PO NI SKYON MED PA'I PHYIR, RANG GI PHYOGS KHO NA YIN PAS, GNYIS PA'I DBANG DU BYAS TE, GAL TE ZHES BYA BA LA SOGS PAS SKYON BSTAN PA YIN NO, ,MA ZHIG PAS 'BRAS BU 'BYIN PA'I BSTAN PAR 'GYUR RO ZHES BYA BA 'DIS NI SKAD CI MAR 'JIG PA LA GNOD PAR 'GYUR BAS BSTAN TO, ,DE DAG CES BYA BA LA SOGS PAS NI BYE BRAG TU SMRA BA MA DAG LAN 'DEBS PA YIN NO, ,DON 'DI BSTAN PA YIN TE, @80B GANG GIS NA LAS RNAMS MA ZHIG PAR 'BRAS BU 'PHEN PAR BYED PAS SKAD CIG PA NYID LA GNOD PAR 'GYUR BA RNAM PA THAMS CAD DU RANG BZHIN 'CHAD PAS 'JIG PA NI MA YIN NO, ,'ON KYANG BYA BA BYED PA'I GNAS SKABS DANG BRAL BA'I PHYIR YANG, 'BRAS BU 'PHEN PAR NI MI BYED DE, ,DE BAS NA ZHIG PA ZHES BYA BA YIN PAS DE'I PHYIR GNOD PA YANG GANG LA YOD, CI'I PHYIR ZHES BYA BA LA SOGS PA NI, SLOD DPON GYIS SUN DBYUNG BA GSUNGS PA YIN TE, DE NI MA TSANG BA MED PA'I NGO BOR GNAS PA'I PHYIR, 'BRAS BU 'PHEN PAR MI BYED PA NYID MI RUNG NGO ZHES BYA BAR DGONGS PA'O, , 'PHANGS ZIN PA'I PHYIR ZHES BYA BA LA SOGS PAS NI BYE BRAG TU SMRA BA PA DAG LAN 'DEBS PAR BYED PA'O, ,'PHEN PA YANG 'DIR MA 'ONGS PA'I 'BRAS BU 'BYUNG BA'I RGYU'I DNGOS POR GNAS PA GANG YIN PA'O, ,DE DANG 'DRA BA'I 'BRAS BU GZHAN, ,ZHES BYA BA LA SOGS PA GSUNGS PA NI SLOB DPON NO, ,'DI SKAD DU GAL TE 'BRAS BU 'PHANGS ZIN PA'I PHYIR YANG MI 'PHEN DU CHUG NA 'PHEN PAR BYED PA'I RANG BZHIN MA ZHIG PA'I PHYIR, DE DANG 'DRA BA GZHAN CI'I PHYIR MI 'PHEN, DE DANG 'DRA BA SMOS PA NI 'BRAS BU MTHUN PA 'PHEN PA LA BYA STE, RGYU THAMS CAD NI 'BRAS BU THAMS CAD 'PHEN PAR BYED PA MA YIN NO ZHES BSTAN PA YIN NO, ,RE ZHIG JI LTAR 'BRAS BU ZHES BYA BA LA SOGS PAS NI, ,SLOB DPON NYID KYIS SUN DBYUNG BA'I PHYIR RMED PAR MDZAD PA'O, ,SKYE BAR 'JOG PA RUNG BA ZHES BYA BA LA SOGS PAS NI BYE BRAG TU SMRA BA PA DAG 'PHEN PA'I MTSAN NYID STON PAR BYED PA YIN NO, ,'O NA NI ZHES BYA BA LA SOGS PAS NI SLOB DPON GYIS MTSAN NYID 'KHRUL BAR BSTAN PA YIN NO, ,DE LA DGRA BCOM PA YONGS SU MYA NGAN LAS 'DA' PA'I TSE'I SKAD CIG MA'I MTHA' STE, THA MA GANG YIN PA DE NI LHAN CIG BYED PA'I RGYU MA TSANG BA'I PHYIR 'BRAS BU MI 'PHEN NO, , GZHAN YANG LAS GANG ZHIG GI 'BRAS BU SO SOR BRTAGS PA MA YIN PA'I 'GOG PAS 'GAGS PA DE YANG 'PHEN PAR BYED PA MA YIN PAS, DE'I PHYIR SO SOR BRTAGS PA MA YIN PAS PAS 'GOG PA ZHES BYA BA LA SOGS PA GSUNGS SO, ,RGYU GZHAN MA TSANG BA'I PHYIR 'BRAS BU MI SKYE BAR @81A *, ,ZAD KYI, THA MA LA SOGS PA DES NI 'PHANGS PA NYID MA YIN NAM, JI LTAR NA 'BRAS BU 'PHEN PA MA YIN ZHES BYA ZHE NA, DE LTAR NI MED DE, 'DI LTAR GANG GIS NA RGYU GZHAN MA TSANG YANG DE LA DE 'PHEN PA'I NUS PA YOD PAR YID CHES PAR 'GYUR PA DE LTA BU LAS 'BRAS BU 'BYUNG BA NI 'GA' YANG MI DMIGS PAS DE NI GYI NA'O, ,DE 'PHEN PA'I NUS PA MED DU ZAD MOD, DES CIR 'GYUR ZHE NA, DE'I PHYIR THOG MA NYID NAS ZHES BYA BA LA SOGS PA GSUNGS TE, 'DI SKAD DU GZHAN GYIS BYA BA BYED PA'I GNAS SKABS ZHIG PAS DNGOS PO ZHIG PA NYID DU RNAM PAR GZHAG GI RANG GI NGO BO CAD PAS NI MA YIN NA, THA MA LA SOGS PA LA YANG BYA BA BYED PA'I GNAS SKABS NYID MED PAS JI LTAR ZHIG PA NYID DU 'GYUR, DE BAS NA ZHES BYA BA LA SOGS PAS NI MJUG BSDU PAR BYED DO, ,DE LTA BU'I RANG BZHIN CAN ZHES BYA BA NI DE LTA BU'I RNAM PA ZHES BYA BA'I THA TSIG GO, ,'O NA JI LTA ZHE NA ZHES ZER BA NI BYE BRAG TU SMRA BA PA DAG GO, ,GANG GIS ZHES BYA BA LA SOGS PAS NI SLOB DPON GYIS 'PHEN PA'I MTSAN NYID PHYIN CI MA LOG PAR STON PA YIN NO, ,GANG GIS ZHES BYA BA NI LAS KYI RANG BZHIN GYI RGYUS SO, ,'BRAS BU'I SA BON GSO BAR BYED PA ZHES BYA BA NI NANG NA 'BRAS BU DANG 'BREL PA'I SA BON GNAS PA BRTAG PAR BYED CES BYA BA'I THA TSIG GO, ,'DIR YANG SNGON MED PA'I SA BON 'BYUNG BA NI 'PHEN PA MA YIN NO, ,'O NA CI ZHE NA, RNAM PAR SHES PA'I RGYUD LA GNAS PA KHO NA GSO BAR BYED PA YIN PAR RIG PAR BYA'O,, DE LTA MA YIN NA NYAN THOS LA SOGS PA'I RIGS RNAM PAR GZHAG PA RGYUD SO SOR NGES PAR MI 'GYUR RO, DE NYID KYI PHYIR SLOB DPON GYIS KYANG GANG GIS 'BRAS BU'I SA BON GSO BAR BYED PA ZHES GSUNGS SO, ,GANG GI LTAR NA 'DAS PA YOD PA ZHES BYA BA LA SOGS PAS NI SLOB DPON NYID KYIS GZHAN GYI PHYOGS HA CANG THAL BAR STON PA YIN TE, MA 'ONGS PA YANG DA LTAR BYUNG BA BZHIN DU GRUB PA'I NGO BO YIN PA'I PHYIR, 'BRAS BU 'PHEN PAR 'GYUR RO ZHES BYA BA'I THA TSIG GO, ,GZHAN YANG RTAG TU ZHES BYA BA LA SOGS PA'I SKYON GZHAN 'DI YANG YOD DO, ,GANG LAS @81B DE'I 'BRAS BU 'DI YIN NO ZHES BYA BA LA SOGS PA GZHAN 'DI YANG BRJOD PA'I RIGS SO, ,DE BAS NA ZHES BYA BA LA SOGS PAS NI MJUG SDUD PA YIN NO, ,SLOB DPON GYIS LUS LA SOGS PA'I LAS GZUGS CAN DGE BA LA SOGS PA NYID YIN PA RGYA CHER BKAG PA DANG, BYE BRAG TU SMRA BA PA DAG 'O NA NI DGE BA DANG, MI DGE BA'I ZHES BYA BA LA SOGS PAS PHYOGS GZHAN SEMS SO, ,PHUNG PO'I RGYUD LA ZHES BYA BA NI, SEMS KYI RGYUD LA YIN GYI, BDAG LA NI MA YIN TE, DE NI YOD PAR MI 'THAD PA'I PHYIR RO, ,CHOS GZHAN ZHIG BSKYED DE ZHES BYA BA NI SEMS DANG, SEMS LAS BYUNG BA LAS MA GTOGS PAR RANG BZHIN GZHAN KHO NA ZHIG SKYED KYI, DE NYID LA BSGO BAR BYED PA NI MA YIN NO ZHES BYA BA'I THA TSIG GO, ,KHA CIG NA RE ZHES BYA BA LA SOGS PAS NI DON 'DI NYID SDE PA GZHAN LA GRAGS PA'I RNAM GRANGS KYIS STON PA YIN TE, DE LA NGES PA SKYED PA'I PHYIR RO, ,KHA CIG NA RE BSTZAGS PA ZHES ZER BA ZHES BYA BA NI DGE 'DUN PHAL CHEN SDE PA RNAMS YIN TE, DE DAG NI DE LTA BU'I RANG BZHIN LA BSTZAGS PA ZHES BYA BA'I SGRA 'DIS THA SNYAD RJOD PAR BYED DO, ,GZHAN DAG NA RE CHUD MI ZA BA ZHES ZER BA ZHES BYA BA NI, 'PHAGS PA MANG POS BKUR BA'I SDE PA DAG STE, DE DAG KYANG RANG GI SDE PA DAG GI NANG NA CHUNG MI ZA BA ZHES BYA BA 'DIS THA SNYAD RJOD PAR BYED DO, ,CI STE GZHAN DE LTA BU'I CHOS GZHAN YOD PAR TSAD MA GANG LAS MNGON SNYAM DU SEMS PAR DOGS NAS, DE NI 'BRAS BU ZHES BYA BA'I RJES SU DPAG PAS GRUB PAR BSTAN PA'I PHYIR, GANG LAS TSE PHYI MA LA 'BRAS BU ZHES BYA BA LA SOGS PA SMOS TE, GANG ZHIG GANG YOD NA 'BYUNG BA DE NI RGYU DE SNGON DU SONG BA ZHES BYA BA LA SOGS PA SNGAR BSHAD PA'I TSAD MA'I DON YANG 'DIR BLTA BAR BYA'O, ,'DI'I PHYIR YANG JI LTAR 'BRAS BU YID DU 'ONG BA LA SOGS PA 'GRUB PAR NUS PA'I CHOS GZHAN KHO NA ZHIG SKYED PAR YID CHES PAR GYIS SHIG CES BSTAN PA'I PHYIR, GAL TE SEMS KYI RGYUD LA CHOS GZHAN ZHIG MI SKYED NA ZHES BYA BA LA SOGS PA SMOS SO, ,GDON MI ZA BAR DE 'DOD PAR BYA'O ZHE NA ZHES BYA BA 'DIS NI MJUG SDUD PA YIN NO, ,'O NA ZHES BYA BA LA @82A *, ,LA SOGS PAS NI SLOB DPON GYIS CHOS GZHAN 'KHRUL PA YOD PA'I SGRO NAS, GTAN TSIGS MI 'GRUB PAR STON PA YIN NO, ,'DI SKAD DU RE ZHIG NGED LA NI, 'DI LTA STE, 'BRAS BU'I DA DU 'ONG BA LA SOGS PA SKYE BA NI CHOS GZHAN YOD NA 'BYUNG BA YIN NO ZHES GRAGS PA'I DON 'DI NYID MA GRUB PA YIN TE, CI'I PHYIR ZHE NA, 'DI LTAR DE NI BAG CHAGS SNGON DU SONG BAR YANG SRID PAS, GTAN TSIGS MI 'GRUB PA YIN NO, GZHAN YANG 'BRAS BU SKYE BA NI, BAG CHAGS SNGON DU 'GRO BA KHO NA YIN PAR RTOGS PAR NUS TE, 'DI LTAR DE NI GZHUNG LA SOGS PA'I YUL LA YANG 'BYUNG BAS SO, ,DE LTA MA YIN NO, ,GZHAN GYIS DE'I YUL LA CHOS GZHAN LAS MA BLANGS PA'I PHYIR, JI LTAR 'BRAS BU 'BYUNG ZHES BSTAN PA YIN NO, ,GZHUNG LA GOMS PA ZHES BYA BA NI, 'DRIS PA ZHES BYA BA'I THA TSIG GO, ,MTHONG BA LA SOGS PA'I DON GZHAN LA ZHES BYA BA NI; MTHONG BA DANG, THOS PA DANG, BYE BRAG PHYED PA DANG, RNAM PAR SHES PA'I DON DAG LA STE, CI ZHE NA, DRAN PA SKYE BA ZHES BYA BAR SBYAR RO, ,DE LA ZHES BYA BA NI GZHUNG LA SOGS PA LA'O, ,GOMS PA DES CHOS CI ZHIG SKYED PAR BYED CES BYA BA NI, GZHAN GYIS DGE BA LA SOGS PA'I YUL LAS MA GTOGS PAR CHOS GZHAN KHAS MA BLANGS PA'I PHYIR DE MI SKYED DO ZHES BYA BA'I THA TSIG GO, ,GZHAN YANG SKAD CIG MA GANG LA ZHES BYA BA 'DI YANG BRJOD PAR BYA STE, SKYED PAR BYED CES BYA BAR SBYAR RO, ,DON NI 'DI SKAD DU CI SKAD CIG MA DANG PO LA SKYED DAM, 'ON TE GNYIS PA DAG LA SKYED, GAL TE RE ZHIG SKAD CIG MA DANG PO LA YIN NO ZHE NA, DE LTA NA 'O NA NI LAN CIG GOMS PA NA, CHOS GZHAN DE SKYED PAS, DE'I 'OG TU GOMS PA DON MED PA NYID YIN NO, ,'ON TE SKAD CIG MA GZHAN GNYIS PA LA SOGS PA DAG LA'O ZHE NA, DE NI MI 'THAD DE, RKYEN LA KHYAD PAR MED PA'I PHYIR BSTAN PA YIN NO, ,SKAD CIG MA GANG LA ZHES BYA BA 'DI NI, SKAD CIG PA MA YIN PAR SMRA BA DAG SUN DBYUNG BA YIN PAR RIG PAR BYA'O, ,DE LTA MA YIN NA NI, SKAD CIG MA NYID KYIS RKYEN LA KHYAD PAR YOD PA'I PHYIR, DE JI LTAR SUN DBYUNG BAR RUNG MTHONG BA LA SOGS PA DES @82B ZHES BYA BA NI, CHOS CI ZHIG GAM SKAD CIG MA GANG LA SKYED PAR BYED CES BYA BAR SBYAR LA, 'DI YANG SNGA MA DANG MTHUN PAR THAMS CAD LA SBYAR RO, ,PHYIS ZHES BYA BA NI DUS GZHAN NO, ,'GOG PA'I SNYOMS PAR 'JUG PA LA SOGS PA'I 'JUG PA'I SEMS KYIS KYANG ZHES BYA BA CI ZHE NA, CHOS CI ZHIG GAM, SKAD CIG MA GANG LA SKYED PAR BYED CES BYA BA THAMS CAD LA SBYAR BAR BYA STE, 'DIR YANG BSHAD PA NI SNGA MA BZHIN NO, ,MA DU LUNG GA'I ME TOG CES BYA BA LA SOGS PA GZHAN 'DI YANG KHYED KYIS BRJOD DGOS SO, ,BSGOS PA NI ZHEN PAR BYAS PA'O, ,DE DANG LHAN CIG TU 'GAGS PAS ZHES BYA BA NI MA DU LUNG GA'I ME TOG DANG LHAN CIG TU 'GAGS PA ZHES BYA BA'I THA TSIG GO, ,DE'I 'BRAS BU LA ZHES BYA BA NI MA DU LUNG GA'I 'BRAS BU LA STE, CHOS CI ZHIG SKYED PAR BYED DO ZHES MI SKYED DO ZHES BYA BA'I THA TSIG GO, ,DE LTAR NA RE ZHIG SLOB DPON GYIS BYE BRAG TU SMRA BA PA'I PHYOGS LA CHOS GZHAN SKYED PA JI LTAR MI 'THAD PA DE LTAR RGYA CHER BSGRUBS PA YIN NO, ,DA NI MDO SDE PA DAG GI PHYOGS GZHAN BSTAN PA'I PHYIR DE BAS NA JI LTAR KUN TU BRTAGS PA'I CHOS GZHAN ZHES BYA BA LA SOGS PA SMOS SO, ,MA DU LUNG GA'I ME TOG RGYA SKYEGS KYI KHU BAS ZHES BYA BA LA SOGS PA NI DPE YIN TE GO BAR SLA'O, ,'O NA LUS DANG NGAG GI LAS KYIS KYANG ZHES BYA BA LA SOGS PA NI, BYE BRAG TU SMRA BA PA DAG PHYIR RGOL BAR BYED PA YIN NO, ,'DI SKAD DU SEMS DANG MI LDAN PA'I CHOS GZHAN DANG, 'BRAS BU SKYE BA'I RGYUR MA RUNG NA MA RUNG DU ZAD DO, ,'ON KYANG JI LTAR SEMS PAS SEMS KYI RGYUD LA BSGO BAR BYED CES BYA BA DE BZHIN DU LUS DANG, NGAG GI LAS KYIS KYANG CI'I PHYIR BSGO BAR MI BYED CES BSTAN PA YIN NO, ,'DI LTAR DE NI ZHES BYA BA LA SOGS PA NI, MDO SDE PA DAG LAN 'DEBS PA YIN NO, , DE NI ZHES BYA BA NI, LUS DANG, NGAG GI LAS SO, ,SEMS LA LTOS NAS DGE BA DANG, MI DGE BA NYID DU 'GYUR RO ZHES BYA BA NI KUN NAS SLONG BAR BYED PA'I SEMS LA LTOS NAS DGE BA LA SOGS PAR 'GYUR GYI, RANG GIS NI MA YIN NO ZHES BYA BA'I THA TSIG GO, ,SEMS LA LTOS NAS @83A *, ,LUS DANG NGAG GI LAS DGE BA LA SOGS PA NYID DU 'GYUR DU CHUG NA, DES CIR 'GYUR ZHE NA, DE'I PHYIR, GANG ZHIG GANG GIS ZHES BYA BA LA SOGS PA SMOS TE, GANG ZHIG CES BYA BA NI LUS DANG NGAG GI LAS SO, ,GANG GIS DGE BA DANG, MI DGE BA NYID DU BYAS PA ZHES BYA BA NI SEMS KYIS BYAS PA'O, ,DE NYID KYIS ZHES BYA BA NI, LUS DANG NGAG GI LAS KYIS SO, ,DE'I RGYUD LA ZHES BYA BA NI SEMS KYI RGYUD LA'O, ,DE'I RGYUD NI MA YIN NO ZHES BYA BA NI SEMS KYI RGYUD DGE BA DANG MI DGE BA STE, 'DIR YANG DE'I RGYUD LA 'BRAS BU YID DU 'ONG BA DANG, MI 'ONG BA 'BYIN PAR NUS PA ZHES RNAL MA DANG SBYAR BAR BYA'O, ,DON NI 'DI SKAD DU SEMS KYI KHYAD PAR GANG ZHIG GI LUS LA SOGS PA'I LAS DGE BA LA SOGS PA'I GZUGS GZHAN YANG BYAS NAS RANG GI RGYUD LA BSGO BAR NUS PA DES DE LA BSGO BAR BYA BA BRGYUD PA LA LTOS KYI, RANG NYID MNGON SUM DU BSGO BAR BYED PA NI MA YIN NO ZHES BYA BA 'DI NI, RNAR MI 'ONG ZHES BSTAN PA YIN NO, ,DE LTAR MDO SDE PA DAG GIS RANG GI PHYOGS RGYA CHER BSGRUBS PA DANG, DA NI SLOB DPON GYIS PHYOGS DE YANG MI RUNG BA NYID DU BSTAN PA'I PHYIR, 'O NA NI GAL TE ZHES BYA BA LA SOGS PA GSUNGS TE, LAS NUB KYANG ZHES BYA BA NI SKYES PA 'GAGS KYANG NGO, ,DES BSGOS PA'I ZHES BYA BA NI, LAS KYI BAG CHAGS KYIS BSGOS PA'I'O, ,TSE PHYI MA LA 'BRAS BU 'BYUNG NA ZHES BYA BA NI, MA 'ONGS PA'I DUS NA 'BRAS BU 'BYUNG BA YIN NA ZHES BYA BA'I THA TSIG STE, DE YAN CHAD KYIS NI PHA ROL GYIS SMRAS PA BZLAS PA YIN NO, ,SEMS MED PA'I ZHES BYA BA LA SOGS PAS NI SUN 'BYIN PA YIN PAR RIG PAR BYA'O, ,SEMS KYI RGYUN CHAD PA DAG GI ZHES BYA BA NI, GANG DAG LA SEMS KYI RGYUN CHAD PA YOD PA DE DAG LA DE SKAD CES BYA'O, ,LAS SNGA MA'I ZHES BYA BA NI SNGAR SKYED PA'I'O, , KHA CIG NA RE ZHES BYA BA LA SOGS PAS NI, MDO SDE PA'I NANG NAS KHA CIG LAN 'DEBS PA YIN NO, ,TSE DE NYID LA ZHES BYA BA NI, TSE GANG LA DE LAS SKYED PA DE NYID LA YIN GYI, TSE GNYIS PA LA SOGS PA LA NI MA YIN NO ZHES BYA BA'I THA TSIG GO, ,DES BSGOS PA'I SEMS KYI RGYUD MTSAMS @83B 'BYOR PA LAS SO ZHES BYA BA NI, LAS KYIS BSGOS PA'I SEMS KYI RGYUD PHYIR MTSAMS 'BYOR PA LAS SO, ,DE YANG ZHES BYA BA LA SOGS PA GSUNGS PA NI SLOB DPON NO, ,DE YANG ZHES BYA BA NI SEMS KYI RGYUD DO, ,CI'I PHYIR MTSAMS 'BYOR ZHES BYA BA NI, RGYU MED PA'I PHYIR MTSAMS NI 'BYOR PA KHO NA'O ZHES BYA BA'I THA TSIG GO, ,SNYOMS PAR 'JUG PA'I SEMS NI ZHES BYA BA LA SOGS PA SMRA BA NI MDO SDE PA KHA CIG GO, ,SNYOMS PAR 'JUG PA'I SEMS NI 'DIR 'JUG PA'I SEMS YIN PAR BLTA BAR BYA STE, GANG GIS 'GOG PA'I SNYOMS PAR 'JUG PA LA SOGS PA DES MNGON SUM DU BYED PA'O ZHES BYA BA'I THA TSIG GO, ,RING MO ZHIG LON PA SMOS PA NI SHIN TU MI SRID PA BSTAN PA'I PHYIR TE, RE ZHIG 'GAGS MA THAG PA YANG MED PA'I PHYIR, RKYEN DU MI 'GYUR NA 'GAGS NAS RING MO ZHIG LON PA LTA GA LA 'GYUR ZHES BYA BA'I THA TSIG GO, ,DE NI 'DAS PA LAS 'BRAS BU MI 'BYUNG NGO ZHES BYA BA LA SOGS PAS NI, SLOB DPON NYID KYIS BYE BRAG TU SMRA BA'I PHYOGS BSHAD PA DRAN PAR MDZAD PA'O, ,GANG LAS ZHES BYA BA LA SOGS PA NI MJUG SDUD PA PA YIN NO, ,KHA CIG NA RE DE'I SA BON ZHES BYA BA LA SOGS PA SMOS TE, KHA CIG NA RE ZHES BYA BA NI MDO SDE PA'I KHYAD PAR GZHAN KHA CIG GO, ,DE'I SA BON DBANG PO GZUGS CAN LA GNAS PA LAS ZHES BYA BA NI SEMS KYI SA BON LAS TE, CI ZHE NA, SEMS KYI RGYUD MTSAMS SBYOR BAR BYED CES BYA BAR SBYAR RO, ,GNYIS LA GNAS PA YIN TE ZHES BYA BA LA SOGS PAS NI; JI SKAD DU BSTAN PA'I GZHUNG 'DZUGS PA YIN NO, ,CI RIGS SU SBYAR RO ZHE NA ZHES BYA BA NI 'DOD PA DANG, GZUGS KYI KHAMS SEMS DANG BCAS PA'I GNAS SKABS NA NI, SEMS KYI RGYUD DANG, GZUGS KYI RGYUD LA'O, ,SEMS MED PA'I GNAS SKABS NA NI GZUGS KYI RGYUD LA'O, ,GZUGS MED PA'I KHAMS NA NI SEMS KYI RGYUD KHO NA LA STE, CI RIGS SU SBYAR RO ZHES BYA BA'I DON NI DE YIN NO, ,'O NA ZHES BYA BA LA SOGS PA 'DIS NI SLOB DPON GYIS RNAM PAR SHES PA SKYE BA'I RGYU MA TSANG PAS LUNG DANG 'GAL BA NYID GLENG BAR MDZAD DO, ,KHA CIG TU ZHES @84A *, ,BYA BA LA SOGS PA NI MDO SDE PA'I KHYAD PAR DAG LAN NA 'DEBS PA YIN NO, ,KHA CIG TU ZHES BYA BA NI THAMS CAD DU MA YIN GYI, 'ON KYANG GANG LA YID MNGON DU GYUR PAR 'JUG PA MED PA DE LA 'DIR NYE BAR 'DOGS SO ZHES BYA BA'I THA TSIG GO, ,DPER NA ZHES BYA BA LA SOGS PA'I DPE NI GO BAR SLA'O, ,JI LTAR NA ZHES BYA BA LA SOGS PA GSUNGS PA NI SLOB DPON NO, ,SA BON GYI RGYUD GNYIS SU ZHES BYA BA NI GZUGS CAN DANG, GZUGS CAN MA YIN PA'I SA BON GYI RGYUD GNYIS SU'O, ,CI'I PHYIR MI 'GYUR SNYAM PA LA, DE'I PHYIR, MYU GU LA SOGS PA ZHES BYA BYA BA LA SOGS PA GSUNGS TE, CHOS 'DI MA MTHONG NGO ZHES BYA BA NI SA BON GYI RGYUD THA DAD PA'I NGO BO ZHES BYA BA'I THA TSIG GO, ,BRGYA LA GZHAN DAG 'DI SKAD DU, SA LA SOGS PA RGYU DU MAS KYANG MYU GU LA SOGS PA SKYED PAR BYED PA MA YIN NAM, DE JI LTAR NA RGYU THA DAD PA MA MTHONG NGO ZHES BYA, ZHES SMRA BAR 'GYUR BAS DE'I PHYIR, RKYEN NI ZHES BYA BA LA SOGS PA GSUNGS TE, RKYEN NI ZHES BYA BA NI LHAN CIG BYED PA'I RKYEN YIN NO, ,SA BON NI MA YIN NO ZHES BYA BA NI, NYE BAR LEN PA'I RGYU MA YIN NO, ,CI ZHE NA, GCIG LA DU MA ZHES BYA BA DANG RNAL 'BYOR DU SBYAR RO, ,'DI THAMS CAD KYIS NI 'DI SKAD DU NANG DANG, PHYI ROL GYI MI DANG, 'BRAS S'A LU LA SOGS PA'I RGYU THA DAD PA NI NYE BAR LEN PA'I RGYU THA DAD PAS BYAS PA YIN NO, ,DE'I PHYIR GAL TE SEMS DANG SEMS LAS BYUNG BA RNAMS KYI SA BON GYI RGYUD KYANG THA DAD PAR 'GYUR NA NI, DES NA NYE BAR LEN PA'I RGYU DAD PA'I PHYIR LUS GCIG LA YANG SEMS DANG SEMS LAS BYUNG BA'I RGYUN RNAM PA GNYIS KHO NAR 'GYUR RO, ,DE YANG 'DOD PA MA YIN PAS NYES PA YIN NO ZHES BSTAN PA YIN NO, ,'ON KYANG ZHES BYA BA LA SOGS PA GSUNGS PA NI SLOB DPON NYID DE, 'DI SKAD DU, GANG GI TSE SA BON DBANG PO GZUGS CAN LA GNAS PA LAS KYANG SEMS KYI RGYUD NYID MTSAMS SBYOR BAR MI 'THAD PA DE'I TSE, SKYON SNGAR BSHAD PA DE SO NA 'DUG PA KHO NA YIN NO ZHES BSTAN PA YIN NO, ,SKYON DE NI PHYOGS LA YOD PA YIN NO ZHE NA ZHES BYA BA NI, PHYI ROL GYI DON YOD @84B PAR SMRA BA KHA CIG LAN 'DEBS PA YIN NO, ,PHYOGS GANG LA YOD CES GSUNGS PA NI SLOB DPON NO, ,GANG DAG GI LTAR NA ZHES BYA BA LA SOGS PA SMRA BA NI PHA ROL PO'O, ,'DIR MDO'I KHUNGS KYANG ZHES BYA BA LA SOGS PA SMRA BA YANG PHA ROL PO NYID YIN NO, ,'GOG PA'I SNYOMS PAR ZHUGS PA'I LUS KYI 'DU BYED DAG 'GAGS PA NAS ZHES BYA BA NAS MA 'BRAL BA'I BAR YIN NO ZHES BYA BA 'DIS NI MDO'I BAR SKABS SU YANG DE BZHIN DU SBYAR BA YIN TE, 'DU SHES DANG, SEMS PA DANG, YID LA BYED PA DANG, DBANG PO DAG CES BYA BA'I THA TSIG GO, ,MA GYUR PA YIN ZHES BYA BA NI MA RNYIS PA YIN ZHES BYA BA'I THA TSIG GO, ,MA BRAL BA ZHES BYA BA NI, MED PA MA YIN PA DANG, MA ZHIG PA ZHES BYA BA'I THA TSIG GO, DE DAG DE'I TSE ZHES BYA BA NI, SLOB DPON GYIS PHA ROL GYI PHYOGS SUN DBYUNG BA'I PHYIR RMED PAR MDZAD PA YIN NO, ,RNAM PAR SHES PA GANG YIN PAR 'DOD CES BYA BA NI, CI MIG GI RNAM PAR SHES PA YIN NAM, 'ON TE RNA BA'I RNAM PAR SHES PA NAS YID KYI RNAM PAR SHES PA'I BAR YIN ZHES BYA BA YIN NO, ,KHA CIG NA RE YID KYI RNAM PAR SHES PA YIN NO ZHES ZER RO ZHES BYA BA NI, RE ZHIG PHYI ROL GYI DON YOD PAR SMRA BA KHA CIG NA RE NI DE'I TSE, DE LAS GZHAN PA'I RNAM PAR SHES PA MI SRID PA'I PHYIR YID KYI RNAM PAR SHES PA KHO NA 'BYUNG BA YIN NO ZHES ZER RO, ,'ON NA ZHES BYA BA LA SOGS PAS NI, SLOB DPON GYIS DE MI 'THAD PA NYID DU GSUNGS PA YIN NO, ,YANG DAG PAR 'DUS PA ZHES BYA BA LA SOGS PA'I TSIG GI DON NI GO BAR LA'O, ,'DI SKAD DU, RNAM PAR SHES PA DANG, TSOR BA LA SOGS PA DAG NI PHAN TSUN MED NA MI 'BYUNG BA YIN TE, DE BAS NA GAL TE DE'I TSE RNAM PAR SHES PA DE YOD NA, REG PA LA SOGS PA GDON MI ZA BAR 'BYUNG NGO, ,'ON TE DE DAG MED NA NI RNAM PAR SHES PA YANG GCIG TU MED DO ZHES BSTAN PA YIN NO, ,KHA CIG NA RE ZHES BYA BA LA SOGS PAS NI GZHAN DAG GIS THAL BA DE'I LAN GDAB PA YIN NO, ,GSUNGS PA ZHES BYA BA NI, RTEN CING 'BREL PAR 'BYUNG BA LA SOGS PA BSTAN PA LAS, TSOR BA'I RKYEN @85A *, ,GYIS SRED PA ZHES BYA BA LA SOGS PA'I RNAM PAR RO, ,TSOR BA THAMS CAD NI MA YIN NO ZHES BYA BA LA SOGS PA NI, 'DI LTAR ZAG PA ZAD PA DAG LA TSOR BA RNAM PA GSUM CHAR 'BYUNG YANG SRED PA MI SKYE BA'I PHYIR RO, ,DE BZHIN DU ZHES BYA BA LA SOGS PAS NI, DPE NYE BAR BSTAN NAS, DON GYI DNGOS PO DANG SBYOR BAR BYED PA YIN NO, ,DE NI BCOM LDAN 'DAS KYIS ZHES BYA BA LA SOGS PA 'DIS NI, SLOB DPON GYIS NGES PAR GZHUNG 'DZUGS PA NYID DU MDZAD PA'O, ,DE NI ZHES BYA BA NI TSOR BA'O, ,JI LTAR DE KHYAD PAR DU MDZAD CE NA, DE'I PHYIR MA RIG PA'I ZHES BYA BA LA SOGS PA GSUNGS TE, MA RIG PA DANG MTSUNGS PAR LDAN PA'I REG PA NI, MA RIG PA'I 'DUS TE REG PA'O, ,DE LAS SKYES PA NI MA RIG PA'I 'DUS TE REG PA LAS SKYES PA'I ZHES BYA'O, ,CI STE GZHAN JI LTAR BCOM LDAN 'DAS KYIS SRED PA 'BYUNG BA'I TSOR BA KHYAD PAR DU MDZAD PA DE BZHIN DU TSOR BA LA SOGS PA 'BYUNG BA'I REG PA YANG KHA CIG TU KHYAD PAR DU MDZAD DO SNYAM DU SEMS SU DOGS NAS, REG PA NI ZHES BYA BA LA SOGS PA GSUNGS SO, ,DE BAS NA ZHES BYA BA LA SOGS PA NI MJUG SDUD PA YIN NO, ,GZHAN DAG NA RE ZHES BYA BA LA SOGS PAS NI GZHAN DAG GZHAN DU LAN 'DEBS PA YIN TE, 'DI SKAD DU GAL TE REG PA GANG DU YANG KHYAD PAR MA MDZAD DU ZIN KYANG , 'ON KYANG TSOR BA LA SOGS PA SKYED PA GSUM YANG DAG 'DUS PA KHYAD PAR DU 'PHAGS PA KHO NA YIN PAR BRJOD PAR 'DOD DE; KHYAD PAR DU 'PHAGS PA GANG ZHE NA, GANG GI MJUG THOGS SU REG PA 'BYUNG BA'I 'DUS PA NUS PA CAN GANG YIN PA STE, DE YANG TSOR BA LA SOGS PA SUN 'BYIN PA'I TSE MED NA JI LTAR REG PA YIN, DE MED PA'I PHYIR, TSOR BA LA SOGS PA LA GA LA YOD DE, DE'I PHYIR, YID KYI RNAM PAR SHES PA 'BA' ZHIG LUS PA YIN NO ZHES BYA BA BSTAN PA YIN NO, ,'O NA DE ZHES BYA BA LA SOGS PA NI SLOB DPON GYIS SUN DBYUNG BA'I PHYIR, DGE BA LA SOGS PA'I PHYOGS YONGS SU 'DZIN DU 'JUG PAR MDZAD PA YIN NO, ,DE LAS CIR 'GYUR ZHE NA ZHES BYA BA NI @85B GZHAN GYI SKYON MA MTHONG NAS SMRAS PA YIN NO, ,GAL TE DGE BA YIN NA ZHES BYA BA LA SOGS PA GSUNGS PA NI SLOB DPON NO, ,CI STE GZHAN SU ZHIG MA CHAGS PA LA SOGS PA MED PA YIN NO ZHES DE SKAD DU SMRA SNYAM DU SEMS NA, DE'I PHYIR, MA CHAGS PA LA SOGS PA YOD NA YANG ZHES BYA BA LA SOGS PA GSUNGS SO, ,GAL TE MA CHAGS PA LA SOGS PA DANG MTSUNGS PAR LDAN PA MED PA'I PHYIR DGE BA MA YIN PAR 'GYUR NA, 'O NA RNAM PAR SHES PA DE, DE MA THAG PA'I RKYEN DGE BA 'GOG PA'I SNYOMS PAR 'JUG PA LA 'JUG PA'I SEMS KYIS BSKYED PA'I PHYIR, DGE BA NYID DU 'GYUR RO SNYAM DU SEMS PAR DOGS NA MA YIN TE, DGE BA'I ZHES BYA BA LA SOGS PA GSUNGS TE, DGE BA'I MJUG THOGS SU SEMS RNAM PA GSUM 'BYUNG BA'I PHYIR ZHES BYA BA'I DON NI 'DI SKAD DU, DGE BA'I MJUG THOS SU NI DGE BA LA SOGS PA'I SEMS RNAM PA GSUM 'BYUNG BAR GZHAN NA DMIGS PA YIN NO, GAL TE DE MA THAG PA'I RKYEN DGE BA'I DBANG GIS DGE BA NYID DU 'GYUR NA, MI DGE BA DANG LUNG DU MA BSTAN PA GNYIS KYANG DER THAL BAR 'GYUR BA ZHIG NA DE YANG 'DOD PA MA YIN TE, DE BAS NA PHAN PA'I DBANG GIS DGE BA NYID MA YIN PAR 'DOD PAR MI BYA'O ZHES BSTAN PA YIN NO, ,GZHAN YANG SKYON 'DI YANG YOD DO ZHES BSTAN PA'I PHYIR, DGE BA'I RTZA BA'I STOBS KYIS ZHES BYA BA LA SOGS PA GSUNGS TE, DGE BA'I RTZA BA RNAMS KYI STOBS NI, DGE BA'I RTZA BA'I STOBS TE NUS PA NYID DO, ,DES GANG LA DGE BA NYID DE, DGE BA'I NGO BO YOD PA 'PHANGS SHING BSKYED PA DE LA DE SKAD CES BYA'O, ,DE YANG CI ZHIG CE NA, SEMS SO, ,DE LTA YIN NA CIR 'GYUR ZHE NA, DE'I PHYIR, DE LTOG PA'I RGYU MI RUNG BA'I PHYIR ZHES BYA BA GSUNGS SO, ,DE LDOG PA NI DGE BA NYID LOG PA STE, MED PAR 'GYUR BA'O, ,DE LDOG PA'I RGYU NI DE LDOG PA'I RGYU'O, ,DE MI RUNG BA NI MI 'THAD PA NYID DO, ,'DI SKAD DU GAL TE DE MA THAG PA'I RKYEN DGE BA'I DBANG GIS PHYI MA'I DUS NA 'BYUNG BA'I SEMS DGE BA NYID DU 'GYUR NA, DE LTA NA 'O NA NI LAN CIG @86A *, ,DGE BA SKYES NA 'KHOR BA JI SRID YOD KYI BAR DU PHYI MA'I DUS NA 'BYUNG BAR 'GYUR BA THAMS CAD DGE BA NYID DU 'GYUR TE, MI DGE BA DANG, LUNG DU MA BSTAN PA GNYIS MED PAR 'GYUR RO ZHES BSTAN PA YIN NO, ,DE NI MI DGE BA LA YANG THAL BAR 'GYUR RO, ZHES BYA BA 'DIS NI RTZIS MGO BSGRE BA STE, JI LTAR DGE BA NYID MI 'THAD PA DE BZHIN DU MI DGE BA YANG BSHAD MA THAG PA'I RIGS PAS MI 'THAD DO ZHES BYA BA'I THA TSIG GO, ,CI STE GZHAN GAL TE 'GOG PA'I SEMS DGE BA DANG, MI DGE BAR MI 'THAD NA SNYOMS PAR 'JUG PA DE JI LTAR NA, DGE BA ZHES BYA SNYAM DU SEMS NA, DE'I PHYIR 'GOG PA'I SNYOMS PAR 'JUG PA NI, ,ZHES BYA BA LA SOGS PA GSUNGS TE, 'GOG PA BZHIN DU ZHES BYA BA NI, JI LTAR THAR PA NI SDUG BSNGAL THAMS CAD NYE BAR ZHI BA'I MTSAN NYID YIN PA'I PHYIR DGE BA ZHES BYA'I, DNGOS PO MED PA'I NGO BO NYID YIN PA'I PHYIR, YANG DAG PAR NI MA YIN PA DE BZHIN DU, 'GOG PA'I SNYOMS PAR 'JUG PA YANG DUS RE ZHIG ZHI BAS DE TZAM GYIS NA DE DGE BA YIN GYI, YANG DAG PAR NI MA YIN NO ZHES BYA BA'I THA TSIG GO, ,CI STE DE DGE BA DANG, MI DGE BA MA YIN PAR 'GYUR NA, 'O NA BSGRIBS LA LUNG DU MA BSTAN PAR 'GYUR MOD SNYAM DU SEMS SU DOGS NAS, GAL TE NYON MONGS PA CAN ZHIG YIN NA ZHES BYA BA LA SOGS PA GSUNGS SO, ,ZHU BA BCU'I MDO ZHES BYA BA NI, MDO GANG LAS ZHU BA BCU 'BYUNG BA DE NI, ZHU BA BCU'I MDO STE DES MTSON PA ZHES BYA BA'I THA TSIG GO, ,GZHAN YANG 'DU SHES MED PA'I SNYOMS PAR 'JUG PA YANG ZHES BYA BA LA SOGS PAS, SKYON GZHAN 'DI YANG YOD DO ZHES BSTAN PA YIN NO, ,CI STE GZHAN GAL TE NYON MONGS PA CAN MA YIN PAR 'GYUR NA, 'O NA MA BSGRIBS LA LUNG DU MA BSTAN PAR 'GYUR MOD SNYAM DU SEMS SU DOGS NA, 'ON TE ZHES BYA BA LA SOGS PA GSUNGS TE, DE LA YANG RNAM PA BZHI SRID PA'I PHYIR, CI STE RNAM PAR SMIN PA LAS SKYES PA ZHIG YIN NAM ZHES BYA BA LA SOGS PAS RTOG PAR MDZAD DO, ,DE LAS CI 'GYUR ZHES BYA BA @86B NI GZHAN GYI SKYON MA MTHONG BA'I PHYIR DE SKAD SMRAS SO, ,GAL TE RNAM PAR SMIN PA LAS SKYES PA ZHIG YIN NA ZHES BYA BA LA SOGS PAS NI SLOB DPON GYIS PHYOGS RE RE NAS RGYA CHER SUN DBYUNG BA GSUNGS PA YIN NO, ,JI LTAR NA ZHES BYA BA 'DI NI MNGON DU 'GYUR ZHES BYA BA BAR DU CHOD PA 'DI DANG SBYAR BAR BYA'O, ,RNAL 'BYOR PA NI PHRA BA DANG, PHRA BA'I MJUG THOGS SU DE LA SNYOMS PAR 'JUG PA YIN NO, ,DE'I PHYIR SRID PA'I RTZE MO PA'I SNYOMS PAR 'JUG PA'I MJUG THOGS SU 'GOG PA'I SEMS MNGON SUM DU BYA DGOS NA, GAL TE RNAM PAR SMIN PA LAS SKYE BA YIN NA, DE 'DOD PA SPYOD PAR 'GYUR TE, RNAL 'BYOR PA 'DOD PA NA SPYOD PA YIN PA'I PHYIR RO, ,DE'I PHYIR SRID PA'I RTZE MO'I SEMS KYI MJUG THOGS SU BSAM GTAN DANG PO LA SOGS PAS 'OG MA BRGYAD KYIS BAR DU TSAD PA'I SEMS DE RNAL 'BYOR PAS JI LTAR MNGON SUM DU BYED DE, SHIN TU THAG RING BA'I PHYIR RO, ,'DI LTAR THOD RGAL DU SNYOMS PAR 'JUG PAR BYED PA DAG KYANG RE ZHIG SNYOMS PAR 'JUG PA'I SEMS KYI MJUG THOGS SU BZHI PA YANG MNGON SUM DU BYA BAR MI NUS NA, DES SA 'OG MA BRGYAD KYIS BAR DU CHOD PA 'DOD PA NA SPYOD PA'I SEMS ZHIG MNGON SUM DU BYED DAM, DE'I ZHES BYA BA LA SOGS PA SKYON GZHAN 'DI YANG YOD DE, 'DIR YANG SHIN TU THAG RING BA NYID KYI PHYIR LANGS PA LA MNGON DU 'GYUR MI SRID DO, ,MI G-YO BA LA SOGS PA'I ZHES BYA BA LA SOGS PA SMOS PAS NI, CI YANG MED PA DANG, MTSAN MA MED PA BSDU'O, ,CI STE PHA ROL PO GANG GIS NA SKYON DER 'GYUR BAR 'GOG PA'I SEMS KYI MJUG THOGS SU MI G-YO BA LA SOGS PA'I SEMS MNGON DU 'GYUR BA DE JI LTAR MI MNGON ZHE NA ZHES SMRA BAR 'GYUR RO SNYAM DU BSAMS NAS LUNG GIS BSGRUB PA'I PHYIR, JI SKAD DU ZHES BYA BA LA SOGS PA GSUNGS SO, ,REG PA DU ZHIG LA REG CES BYA BA NI MNGON DU BYED CES BYA BA'I THA TSIG GO, ,DE LA MI G-YO BA NI BSAM GTAN BZHI PA'I SA PA'O, ,CI YANG MED PA NI CI YANG MED PA'I SKYE MCHED KYI SA PA'O, ,MTSAN MA MED PA NI 'DU SHES PHRA @87A *, ,BAS MTSAN MA THAMS CAD DANG BRAL BA'I PHYIR, SRID PA'I RTZE MO PA YIN PAR RIG PAR BYA'O, ,GZHAN YANG SNGON GYI LAS KYIS 'PHANGS PA'I ZHES BYA BA LA SOGS PA GZHAN 'DI YANG BRJOD PA'I RIGS TE, SNGON GYI LAS KYIS 'PHANGS PA ZHES BYA BA NI TSE RABS GZHAN GYI LAS KYIS 'PHANGS PA ZHES BYA BA'I THA TSIG GO, ,DUS TSIGS ZHES BYA BA NI DUS MTSAMS SO, ,SNGAR BSAMS PA ZHES BYA BA NI, SNGAR BRNAG BRNAG PA'O, ,'DI LA YANG RIGS PA CI ZHIG YOD CES BYA BA NI MED PA KHO NA YIN NO ZHES BYA BA'I THA TSIG GO, ,'DI SKAD DU RNAM PAR SMIN PA NI RANG GI NGANG GIS 'BYUNG BA YIN NA, JI LTAR NA DE RANG GI CHOS LAS 'DAS NAS, GANG GIS NA DES LDANG BA'I DUS KYI DUS TSIGS BSAMS PA LAS 'DA' BAR MI BYED PAR RNAL 'BYOR PA'I SEMS KYI RJES SU 'BRANG ZHES BSTAN PA YIN NO, ,MI 'THAD PA GZHAN 'DI YANG YOD DO ZHES BSTAN PA'I PHYIR, RE ZHIG JI LTAR NA ZHES BYA BA LA SOGS PA GSUNGS TE, 'DIR YANG RNAM PAR SMIN PA'I SEMS 'GRUB PAR BYA BA'I PHYIR 'JUG PA THOB KYIS CHES SNGA BA NI MA YIN ZHES BYA BA BAR DU CHOD PA 'DI DANG SBYAR RO, ,'GOG PA LA DMIGS PA ZHES BYA BA NI; ZHI BA LA SOGS PA'I RNAM PAR TSOR BA LA SOGS PA 'GOG PA LA DMIGS PA ZHES BYA BA'I THA TSIG GO, ,SRID PA'I RTZE MO'I SNYOMS PAR 'JUG PA'I SEMS KYI MTHAR PHYIN PA NA ZHES BYA BA NI, SNYOMS PAR 'JUG PA'I MTHAR PHYIN PA'I TSE NA ZHES BYA BA'I THA TSIG GO,, CHES SNGA BAR NI MA YIN ZHES BYA BA NI, CHES DANG PO SA GZHAN PA'I SEMS MNGON SUM DU GYUR PA NA YANG MA YIN ZHES BYA BA'I THA TSIG GO, ,TSOR BA LA SOGS PA GCOD PAR BYED PA NYID KYIS SHIN TU DGRA BOR GYUR PA'I GNAS SKABS NA, BAG CHAGS 'JUG PA 'THOB KYI CHES SNGA BA RJES SU MTHUN PA'I GNAS SKABS SU NI, LAN 'GA' YANG MA YIN ZHES BYA BA DE JI LTAR RUNG ZHES BYA BA BSTAN PA YIN NO, ,SKYON GZHAN 'DI DANG YANG LDAN NO ZHES BSTAN PA'I PHYIR, RE ZHIG CI'I PHYIR ZHES BYA BA LA SOGS PA GSUNGS TE, CI'I PHYIR ZHES BYA BA LA NI 'DI LA RIGS PA CI ZHIG @87B YOD CES BYA BA'I THA TSIG GO, ,'DIR ZHES BYA BA NI 'DOD PA DANG, GZUGS KYI KHAMS SU'O, ,YANG MTSAMS MI 'BYOR LA ZHES BYA BA NI, SNGON GYI LAS KYIS 'PHEN PA'I DBANG GIS RANG GI NGANG GIS 'BYUNG BA'I RGYUN CHAD PA'I PHYIR RO, ,RNAM PAR SMIN PA'I SEMS NI MTSAMS 'BYOR ZHES BYA BA NI NGES PAR SEMS GZHAN MNGON DU GYUR PA'I TSE NA CHAD PA YANG MTSAMS 'BYOR TE, 'GOG PA'I SNYOMS PAR 'JUG PAS ZHES BYA BA'I THA TSIG GO, ,CI STE GZHAN DE LTA RNAM PAR SMIN PA MA YIN YANG RUNG, 'ON KYANG SPYOD LAM PA LA SOGS PAS 'GYUR MOD SNYAM DU SEMS SU DOGS NAS, 'ON TE SPYOD LAM PA LA SOGS PA ZHIG YIN NO ZHE NA ZHES BYA BA LA SOGS PA GSUNGS SO, ,SPYOD LAM PA LA SOGS PA ZHES BYA BA LA STZOGS PA SMOS PAS NI, BZO'I GNAS DANG, SPRUL PA'I SEMS BSDU'O, ,ZHI BA LA SOGS PA'I RNAM PAR TSOR BA LA SOGS PA 'GOG PA LA DMIGS PAS RNAM PA GZHAN DU ZHUGS PA'I PHYIR SPYOD LAM PA LA SOGS PA MNGON PAR 'DU BYED PA LTA GA LA YOD CES BYA BA'I THA TSIG GO, ,GZHAN YANG REG PA MED PAR ZHES BYA BA LA SOGS PA GSUNGS TE, DE MNGON PAR 'DU BYED PA ZHES BYA BA NI, SPYOD LAM LA SOGS PA MNGON PAR 'DU BYED PA STE, CI ZHEN LTA GA LA YOD CES BYA BAR SBYAR RO, ,GA LA YOD CES BYA BA NI, DE'I TSE MED PA NYID DE, 'GOG PA'I SNYOMS PAR 'JUG PA DE MNGON SUM DU GYUR PA'I DUS NA ZHES BYA BA'I THA TSIG GO, ,GZHAN YANG 'DI'I PHYIR YANG MI 'THAD DO ZHES BSTAN PA'I PHYIR, MTHAR GYIS GNAS PA'I SNYOMS PAR 'JUG PA DGU ZHES BYA BA LA SOGS PA GSUNGS TE, MTHAR GYIS GNAS PA'I SNYOMS PAR 'JUG PA DGU ZHES BYA BA NI, BSAM GTAN DANG, GZUGS MED PA BRGYAD DANG, 'GOG PA'I SNYOMS PAR 'JUG PA STE, DE DAG NI MTHAR GYIS GNAS PA'I SNYOMS PAR 'JUG PA DGU'O, ,RNAM PAR THAR PA BRGYAD DAG CES BYA BA NI, GZUGS CAN GZUGS RNAMS LA LTA BA ZHES BYA BA LA SOGS PA BRGYAD DAG GO, ,DE DAG GI NANG NAS 'GOG PA'I SNYOMS PAR 'JUG PA YANG 'BYUNG STE, 'DU SHES DANG, TSOR BA @88A *, ,'GOG PA LUS KYIS MNGON SUM DU BYAS TE, RDZOGS PAR BYAS NAS GNAS PA ZHES 'BYUNG BA'I PHYIR RO, ,GZHAN YANG SRID PA'I RTZE MO'I SNYOMS PAR 'JUG PA LA BRTEN NAS ZHES BYA BA LA SOGS PA GZHAN 'DI YANG BRJOD PAR BYA STE, SRID PA'I RTZE MO'I ZHES BYA BA LA SOGS PA GZHUNG 'DIS NI RE ZHIG JI LTAR 'GOG PA'I SNYOMS PAR 'JUG PA MNGON SUM DU BYED PA DE LTA BU'I TSUL STON TE, PHYIS NI DE'I DMIGS PA DANG, RNAM PA CI ZHIG YIN ZHES BYA BA LA SOGS PAS 'GAL BA BRJOD DO, ,STOBS KYI DON NI RTEN NAS KYI DON DU RIG PAR BYA'O, ,TSUL 'DI GNYIS JI SKAD DU ZHES BYA BA LA SOGS PA'I LUNG GIS GRUB BO, ,MTSAN MA MED PA'I DBYINGS ZHES BYA BA NI, 'GOG PA'I SNYOMS PAR 'JUG PA ZHES BYA BA'I THA TSIG GO, ,RGYU DANG RKYEN NI 'DIR DON GCIG TU RIG PAR BYA'O, ,YANG NA RGYU NYE BA NI RKYEN NO,, RGYU NI BRGYUD PA GZHAN DAG KYANG YIN NO, ,YID LA MI BYED PA ZHES BYA BA NI 'JUG PA MED PA'O, ,JI LTAR DGE BA MA YIN ZHES BYA BA NI DGE BA KHO NA YIN NO ZHES BYA BA'I THA TSIG GO, ,GAL TE DE DGE BA KHO NA YIN NO SNYAM DU SEMS NA, DE'I PHYIR, DGE BA YIN NA YANG ZHES BYA BA LA SOGS PA GSUNGS SO, ,'DIR YANG JI LTAR ZHES BYA BA SBYAR BAR BYA'O, ,GAL TE 'DI YANG 'DOD PA NYID YIN NO SNYAM DU SEMS NA, DE'I PHYIR, MTSUNGS PAR LDAN NA YANG ZHES BYA BA GSUNGS TE, 'DI YANG DE BZHIN DU SBYAR RO, ,GAL TE 'GOG PA LA DMIGS PA DANG, ZHI BA'I RNAM PA MA YIN DU ZIN KYANG, DE'I DMIGS PA DANG, RNAM PA GZHAN DU 'GYUR MOD CE NA, DE'I PHYIR, 'ON TE ZHES BYA BA LA SOGS PA GSUNGS SO, ,JI LTAR ZHES BYA BA 'DIS NI SEMS G-YENGS BAR RUNG ZHES BYA BA 'DI DANG SBYAR BAR BYA'O, ,MTSAN MA MED PA'I SEMS KYI TING NGE 'DZIN LA GNAS PA'I DMIGS PA DANG, RNAM PA GZHAN ZHIG YIN NO, SBYOR BA'I SEMS KYI MJUG THOGS SU G-YENG BAR 'GYUR RO, ,DES NA MTSAN MA MED PA NI SBYOR BA DANG MTHUN PA'I PHYIR RKYEN GNYIS TE ZHES BYA BA 'DI DANG 'GAL BAR 'GYUR RO ZHES BSTAN PA YIN NO, ,DE LTAR NA RE ZHIG LUNG @88B DU MA BSTAN PA RNAM PA BZHI RGYA CHER MI 'THAD DO, ,GAL TE 'DIR GZHAN DAG 'ON TE LUNG DU MA BSTAN PA GZHAN ZHIG TU 'GYUR MOD CES ZER DU DOGS NAS, GNYIS PO DE NYID KYI PHYIR ZHES BYA BA LA SOGS PA GSUNGS SO, ,GNYIS PO DE NYID KYI PHYIR ZHES BYA BA NI, MTHAR GYIS GNAS PA'I SNYOMS PAR 'JUG PA DGU ZHES GSUNGS PA'I PHYIR DANG, SRID PA'I RTZE MO'I SNYOMS PAR 'JUG PA LA BRTEN NAS ZHES GSUNGS PA'I PHYIR ZHES BYA BA'I THA TSIG GO, ,DE LTAR GZHAN GYI PHYOGS RGYA CHER BSAL NAS, DE BAS NA ZHES BYA BA LA SOGS PAS MJUG BSDU BA MDZAD DO,, ,, BAM PO GSUM PA, 'O NA ZHES BYA BA LA SOGS PAS NI, GZHAN DAG SLOB DPON LA ZHU BA BYED PA YIN TE, GAL TE 'GOG PA'I SNYOMS PAR 'JUG PA YID KYI RNAM PAR SHES PA'I SEMS DANG BCAS PAR MI 'THAD NA, KYE KHYOD KYIS KYANG DE SEMS DANG BCAS PA JI LTA BU YIN PAR BRJOD DGOS SO ZHES BYA BA'I THA TSIG GO, ,'DIS GDON MI ZA BAR GNYER GSAD DGOS SAM, CI NA GANG GIS NA DE SKAD DU ZHU BAR BYED, 'DI LTAR SLOB DPON GYIS NI, DE SEMS DANG BCAS PAR GSUNGS PA MED DO ZHE NA, DE NI MA YIN TE, SLOB DPON GYIS KYANG LUNG GI TSAD MAS ZHAL GYIS BZHES PA KHO NA YIN TE, RNAM PAR SHES PA LUS DANG MA BRAL BA YIN ZHES GSUNGS PA'I PHYIR RO, ,DE LTA BAS NA DE NI GYI NA'O, ,JI LTAR MDO SDE PA KHA CIG 'DOD PA LTA BU'O ZHES BYA BA NI, DE LTA BUR SEMS DANG BCAS PAR 'DOD DO ZHES BYA BA LHAG MA'O, ,'DIS NI SLOB DPON BZHED PA'I PHYOGS STON TO, ,KHA CIG PA ZHES BYA BA NI DANG PO'I KHYAD PAR RNAM PAR 'BYED PA'I CHOS KYI RNAM GRANGS LA SEMS PA DE DAG YIN NO ZHES BYA BA'I THA TSIG GO, ,MDO SDE PA KHA CIG JI LTAR ZHES BYA BA LA SOGS PA SMRA BA NI GZHAN DAG GO, ,RNAM PAR SMIN PA'I RNAM PAR SHES PA ZHES BYA BA LA SOGS PA SMRA BA NI SLOB DPON NO, ,RNAM PAR SMIN PA'I RNAM PAR SHES PA ZHES BYA BA NI, RNAM PAR SMIN PA ZHES BYA BA'I RNAM PAR SHES PA'O, ,SA BON THAMS CAD PA ZHES BYA BA NI, DGE BA LA SOGS PA'I CHOS BSKYED NUS PA'O, ,NYING MTSAMS SBYOR BA NAS BZUNG STE @89A *, ,ZHES BYA BA NI, MA'I RUM DU NYING MTSAMS SBYOR BA KHU BA DANG, KHRAG BRDOS PAR RNAM PAR SMIN PA'I RNAM PAR SHES PA MYOS PA DE NAS BZUNG STE ZHES BYA BA'I THA TSIG GO, ,SKYE BA DE DANG DER ZHES BYA BA NI MI LA SOGS PAR RO, ,BAR CHAD MED PA ZHES BYA BA NI, RNAM PAR CHAD PA MED PAR SBYAR RO, ,RNAM PAR SMIN PA'I RGYU THA DAD PAS THA DAD PAR GYUR PA ZHES BYA BA NI, DGE BA LA SOGS PA THA DAD PAS THA DAD PA LA SOGS PA ZHES BYA BA'I THA TSIG GO, ,MYA NGAN LAS 'DAS PA LA THUG GI BAR DU ZHES BYA BA NI, MYA NGAN LAS 'DAS PA'I MTHAR PHYIN PA STE MYA NGAN LAS 'DAS PA ZAD CES BYA BA'I THA TSIG GO, ,RGYUN GYIS 'JUG PA ZHES BYA BA NI RGYUN GYIS SO, ,DE ZHES BYA BA NI RNAM PAR SMIN PA LA SOGS PA'I NGO BO'I RNAM PAR SHES PA BSHAD MA THAG PA DE LTA BU DE ZHES BYA BA'I THA TSIG GO, ,DE'I TSE ZHES BYA BA NI 'GOG PA'I SNYOMS PAR 'JUG PA'I TSE'O, ,MI 'CHAD DE ZHES BYA BA NI MI 'BRAL ZHING MI 'GAG CES BYA BA'I THA TSIG GO, ,DES NA ZHES BYA BA NI RNAM PAR SHES PA MI 'THAD PAS SO, ,SEMS DANG BCAS PA ZHES BYA'O ZHES BYA BA NI RNAM PAR SHES PA DANG BCAS PA ZHES BYA BA'O, ,RNAM PAR SHES PA'I TSOGS DRUG PO GZHAN DAG NI MI 'JUG STE ZHES BYA BA NI, RNAM PAR SMIN PA'I RNAM PAR SHES PA LAS GZHAN PA'I TSOGS RNAMS SO, ,CI'I PHYIR MI 'JUG CE NA, DE'I PHYIR RNAM PAR SHES PA DE DAG GIS BON NYAMS PA'I PHYIR ZHES BYA BA GSUNGS TE, MIG GI RNAM PAR SHES PA LA SOGS PA'I NUS PA NYAMS PA'I PHYIR RO, ,GANG GIS SA BON NYAMS PAR BYAS SHE NA, DE'I PHYIR, 'GOG PA'I ZHES BYA BA LA SOGS PA GSUNGS SO, ,'JUG PA'I SEMS KYI ZHES BYA BA NI SBYOR BA'I SEMS SU RIG PAR BYA STE, GANG GIS NA DE MNGON SUM DU BYED PA'O, ,DUS JI SRID CIG TU NYAMS SHE NA, DE'I PHYIR, DUS RE ZHIG CES BYA BA GSUNGS SO, ,DES NA ZHES BYA BA NI, MIG GI RNAM PAR SHES PA LA SOGS PA CHANG PAS SO, ,'O NA RNAM PAR SHES PA'I SEMS YOD BZHIN DU YANG JI LTAR DE'I GNAS SKABS SEMS MED PA ZHES BYA BA ZHE NA, ZHES GZHAN @89B GYIS GLAN KA 'BYUNG DU DOGS NAS, SEMS NI RNAM PA GNYIS TE ZHES BYA BA LA SOGS PA GSUNGS SO, GCIG NI ZHES BYA BA NI, 'DI NI RE ZHIG GCIG YIN TE'O, ,DE'I SA BON RNAMS ZHES BYA BA NI, MIG GI RNAM PAR SHES PA LA SOGS PA'I SA BON RNAMS SO, ,BSTZAGS PA ZHES BYA BA NI KUN TU BSTZAGS PA STE, NGES PA'I TSIG GI TSUL GYIS NA BSTZAGS PA'I PHYIR SEMS YIN NO, ,GNYIS PA NI ZHES BYA BA NI, 'DI NI GZHAN YIN TE'O, ,SNA TSOGS PA ZHES BYA BA NI, RNAM PAR SNA TSOGS PA ZHES BYA BA'I THA TSIG GO, ,GANG GIS SNA TSOGS PA YIN ZHE NA, DE'I PHYIR DE'I DMIGS PA ZHES BYA BA LA SOGS PA GSUNGS TE, DE LA DMIGS PA RNAM PA THA DAD PA NI GZUGS LA SOGS PA'O, ,RNAM PAR RNAMS THA DAD PA NI GZUGS LA SOGS PA DE DAG NYID KYI SNGON PO LA SOGS PA'O, ,BYE BRAG THA DAD PA NI SNGON PO LA SOGS PA DE DAG GI NANG GI BYE BRAG STE, RMA BYA'I MGRIN PA LA SOGS PA'O, ,DE NYID KYI TSUL GYIS NA, SNA TSOGS PA'I PHYIR SEMS YIN NO, ,'DIS NI RE ZHIG SEMS KHO NA RNAM PAR DBYE BAR ZAD DO, ,DA NI SEMS GNYIS PA ZHES BYA BA LA SOGS PAS LAN 'DEBS PA YIN NO, , DPE NI GO BAR SLA'O, ,GAL TE DUS RE ZHIG SA BON NYAMS PA'I PHYIR, MIG GI RNAM PAR SHES PA LA SOGS PA MI 'BYUNG NA, PHYIS RNAL 'BYOR PA LANGS PA NA YANG DE'I RNAM PAR SHES PA DE JI LTAR 'BYUNG SNYAM DU GZHAN DE LTAR SEMS PAR THUGS SU CHUD NAS, SA BON NYAMS PA'I GNAS SKABS DE ZHES BYA BA LA SOGS PA RGYA CHER GSUNGS SO, ,ZHAN PA DANG, CHES ZHAN PA DANG, ZHES BYA BA NI ZHAN PA DANG, CHES ZHAN PA DANG, SHIN TU CHES ZHAN PA'I RIM GYIS ZHES BYA BA'I THA TSIG GO, ,CI 'DRA BA ZHIG CE NA, DE'I PHYIR, CHU TSAN DANG ZHES BYA BA LA SOGS PA GSUNGS SO, ,'BRI BA'I TSUL GYIS SGRA NI CHU TSAN 'BRI BA'I TSUL DANG, MDA' 'PHANGS PA'I SHUGS 'BRI BA'I TSUL DU ZHES RE RE LA SBYAR BAR BYA STE, JI LTAR CHU TSAN DANG, MDA' 'PHANGS PA'I SHUGS ZHAN PA DANG, CHES ZHAN PA DANG, SHIN TU CHES ZHAN PA'I RIM PAS @90A *, ,'BRI BA LTAR DE YANG DE BZHIN NO ZHES BYA BA'I THA TSIG GO, ,DES ZHES BYA BA NI ZHAN PA DANG, CHES ZHAN PA DANG, SHIN TU CHES ZHAN PA'I RIM PAS SO ,LDANG BA'I DUS 'PHANGS PA'I MTHAR THUG PA NA, ZHES BYA BA 'DIS NI GNAS SKABS DE NYID KHYAD PAR DU BYED DO; ,'PHANGS PA'I ZHES BYA BA NI BDAG GIS DUS 'DI SRID CIG TU SNYOMS PAR ZHUGS PAS GNAS PAR BYA'O SNYAM PA RNAL 'BYOR PA'I SEMS KYI SHUGS SO, ,DE'I MTHAR NI RDZOGS PA STE DER THUG CING PHYIN PA GANG YIN PA DE LA DE SKAD CES BYA'O ZHES BYA BA'I THA TSIG GO, ,SKAD CIG RE RE LA ZHES BYA BA NI, SKAD CIG SKAD CIG LA'O, ,'GYUR BA'I KHYAD PAR LAS ZHES BYA BA NI, RGYU'I SKAD CIG DANG MI MTHUN PA'I MTSAN NYID 'BRAS BU MI 'DRA BA 'BYUNG BA LAS ZHES BYA BA'I THA TSIG GO, ,'JUG PA RNYED PAS ZHES BYA BA LA, 'JUG PA RNYED PA NI GANG GIS YONGS SU BRTAS PA DE NI 'JUG PA RNYED PA STE DES SO, ,DE CI ZHE NA, DE'I PHYIR, SA BON ZHES BYA BA GSUNG SO, ,RKYEN JI LTAR BA BZHIN DU ZHES BYA BA NI, GANG GI RKYEN DAG GANG YIN PA ZHES BYA BA'I THA TSIG GO, ,GZHAN DAG KYANG ZHES BYA BA NI YID KYI RNAM PAR SHES PA LAS GZHAN PA MIG GI RNAM PAR SHES PA LA SOGS PA'O, ,DE LTAR DANG PO'I KHYAD PAR RNAM PAR 'BYED PA'I CHOS KYI RNAM GRANGS LA SEMS PA'I MDO SDE PA DE DAG GI SEMS DANG BCAS PAR 'DOD PA RGYA CHER BSGRUBS NAS, DE NI RNAM PAR SMIN PA'I RNAM PAR SHES PA DE NYID KYI RNAM PAR GZHAG PA BSTAN PA'I PHYIR, RNAM PAR SMIN PA'I RNAM PAR SHES PA ZHES BYA BA LA SOGS PA RGYA CHER GSUNGS SO, ,RNAM PAR SMIN PA'I RNAM PAR SHES PA CI ZHE NA, BSGO BAR BYED DO ZHES BYA BA 'DI DANG SBYAR RO, ,SA BON RNAM PA SNA TSOGS KHONG NA YOD PA ZHES BYA BA 'DIS NI DE'I RANG BZHIN BSTAN PA YIN TE, GANG LA SA BON RNAM PA SNA TSOGS KHONG NA YOD CING LUS YOD PA DE LA DE SKAD CES BYA BA'I THA TSIG GO, ,GANG GIS DE LA BSGO BAR BYED CE NA, DE'I PHYIR, DE LAS GZHAN PA'I RNAM PAR SHES PA ZHES BYA BA LA SOGS PA GSUNGS SO, ,DE LA GZHAN PA'I @90B RNAM PAR SHES PA DANG LHAN CIG 'BYUNG BA'I ZHES BA BA NI MIG GI RNAM PAR SHES PA LA SOGS PA DANG LHAN CIG 'BYUNG PA'I 'O, ,CHOS GZHAN ZHES BYA BA NI DAG PA DANG, 'DOD CHAGS LA SOGS PA'O, ,JI LTAR BSGO BAR BYED CE NA, DE'I PHYIR, SA BON BRTAS PAR BYED PA'I SGO NAS ZHES BYA BA SMOS TE, SA BON GSO BAR BYED PA'I SGO NAS YIN GYI, SNGON MED PA SKYED PAS NI MA YIN TE, JI SKAD SNGAR BSHAD PA BZHIN NO ZHES BYA BA'I THA TSIG GO, ,JI LTAR RIGS PAR ZHES BYA BA NI JI LTAR SRID PAR RO, ,STOBS JI LTA BA BZHIN DU ZHES BYA BA NI NUS PA JI LTA BA BZHIN DU'O, ,BAG CHAGS 'JUG PA RNYED NA ZHES BYA BA NI, BAG CHAGS BRTAS NA ZHES BYA BA'I THA TSIG GO, ,DE NYID KYI DBANG DU BYAS NAS ZHES BYA BA NI, GNAS BRTAN RTA SKAD KYIS, RNAM PAR SMIN PA'I RNAM PAR SHES PA DE NYID KYI DBANG DU BYAS NAS, TSIGS SU BCAD DE BSHAD DO ZHES BYA BA'I THA TSIG STE; 'DIS NI SKYES BU TSAD MAS BSHAD PAR STON TO, ,SEMS 'DI ZHES BYA BA NI, SEMS DE YIN PAR RIG PAR BYA'O, ,KHYAD PAR JI LTA BU DANG LDAN PA ZHIG CE NA, DE'I PHYIR, SA BON MTHA' YAS PA DANG LDAN PA ZHES BYA BA GSUNGS TE, DGE BA LA SOGS PA'I CHOS KYI SA BON DPAG TU MED PA DANG 'BREL PA ZHES BYA BA'I THA TSIG GO, ,'DIS KYANG BSTZAGS PA'I PHYIR NA, SEMS ZHES BYA BA LA BSTAN TE, BAG CHAGS BSTZAGS PA'I PHYIR RO ZHES BYA BA'I THA TSIG GO, ,RGYUN GYIS 'JUG 'GYUR ZHING ZHES BYA BA NI, DE YANG RGYUN GYIS 'JUG PA'O; ,DE DANG DE'I SA BON BRTAS ZHES BYA BA NI, CHOS DE DANG DE 'BYUNG BA'I RGYU BAG CHAGS ZHES BYA BA SA BON THOG MA MED PA'I DUS NAS ZHUGS PA'O, ,BRTAS PA NI GSOS PA'O, ,'GYUR ZHES BYA BA NI 'GRO'O ZHES BYA BA'I THA TSIG GO, ,GANG ZHIG YOD NA DE BRTAS PAR 'GYUR ZHE NA, DE'I PHYIR, SEMS LA RANG RKYEN BYUNG NA ZHES BYA BA GSUNGS TE, SEMS LA DAD PA DANG, 'DOD CHAGS LA SOGS PA'I RKYEN KUN TU BYUNG NA ZHES BYA BA'I THA TSIG GO, ,DE BRTAS ZHES BYA BA NI RNAM PAR SMIN PA'I RNAM PAR SHES PA DE YONGS SU BRTAS NA'O, ,RIM GYIS 'JUG @91A *, ,PA RNYED NA DUS SU 'BRAS BU 'BYIN PA 'GRUB CES BYA BA NI, RNAM PAR SMIN PA'I RNAM PAR SHES PA GANG GIS RIM GYIS 'JUG PA RNYED NA 'BRAS BU YANG 'BYIN PA DE LA DE SKAD CES BYA'O, ,DUS SU ZHES BYA BA NI DUS GZHAN NA'O, ,CI 'DRA BAR 'GRUB CE NA, DE'I PHYIR, MA DU LUNG GA'I ZHES BYA BA LA SOGS PA GSUNGS SO, ,DE'I SHA ZHES BYA BA NI, MA DU LUNG GA'I NANG GI SHA LA'O, ,CI ZHE NA, TSON DE'I RIM GYIS 'JUG PA RNYED NAS DUS SU 'BRAS BU 'BYIN PA 'GRUB CES BYA BAR SBYAR RO, ,DE NYID BCOM LDAN 'DAS KYIS ZHES BYA BA LA SOGS PAS NI, BCOM LDAN 'DAS KYIS KYANG RNAM PAR SMIN PA'I RNAM PAR SHES PAR DE BSTAN PA NYID YIN NO ZHES BYA BA DE BSTAN TO, ,LEN PA'I RNAM PAR SHES PA ZHES BYA BA LA SOGS PA'I TSIGS SU BCAD PA'I DON NI BRDA PHRAD PAR ZAD DO, ,DA NI DE YANG YANG SRID PAR ZHES BYA BA LA SOGS PAS NI, LEN PA'I RNAM PAR SHES PA DE'I MING GI RNAM GRANGS RNAMS BSTAN TO, ,LUS NYE BAR LEN PA'I PHYIR ZHES BYA BA NI, LUS RANG GIR BYED PA'I PHYIR RO, ,LEN PA'I RNAM PAR SHES PA ZHES BYA'O ZHES BYA BA NI 'DIS LEN PAR BYED PAS NA LEN PA'O, ,DE NI LEN PA YANG YIN LA RNAM PAR SHES PA YANG YIN PAS LEN PA'I RNAM PAR SHES PA'O, ,GZHIR GYUR PA'I PHYIR ZHES BYA BA NI RTEN DU GYUR PA'I PHYIR RO, ,KUN GZHI'I RNAM PAR SHES PA ZHES BYA BA NI, 'DIR CHOS THAMS CAD KUN TU SBYOR BAR BYED PAS KUN GZHI STE, TSIG BSDU BA NI SNGA MA BZHIN NO, ,RNAM PAR SMIN PA'I RNAM PAR SHES PA ZHES BYA BA NI, RNAM PAR SMIN PAS RNAM PAR SMIN PA STE, 'DIR YANG TSIG BSDU BA NI SNGA MA KHO NA DANG 'DRA'O, ,LUNG GIS RNAM PAR SMIN PA'I RNAM PAR SHES PA RAB TU BSGRUBS NAS, DA NI RIGS PAS KYANG DE 'GRUB PAR BSTAN PA'I PHYIR, GAL TE DE YANG MI 'DOD NA, ,ZHES BYA BA LA SOGS PA GSUNGS SO, ,DE LAS GZHAN PA'I RNAM PAR SHES PA ZHES BYA BA NI MIG GI RNAM PAR SHES PA LA SOGS PA'O, ,MI GTONG BAR 'DUG PA ZHES BYA BA NI, YONGS SU MA BTANG BAR 'DUG PA'O, ,KHYAB PAR BYA BA CI ZHE NA, 'DUG PA ZHES BYA BAR SBYAR TE, @91B MIG LA SOGS PA'I RTEN NYI TSE LA 'DUG PA'I PHYIR RO, ,'DI SKAD DU LUS NI RNAM PAR SHES PAS ZIN PA'I PHYIR MA SHI'I BAR DU RUL BAR MI 'GYUR RO, ,DE NI GAL TE DE LA RNAM PAR SHES PA RGYUN MI 'CHAD PA'AM, KHYAB PAR 'DUG NA, DE LTA NA ZIN PA YIN NA, RNAM PAR SMIN PA'I RNAM PAR SHES PA LAS MA GTOGS PA'I RNAM PAR SHES PA GZHAN LA NI JI SKAD BSHAD PA'I RNAM PA YANG MI SRID DO, ,DE BAS NA DE DANG BRAL BA'I PHYIR, SHI BA'I RO BZHIN DU RUL BAR 'GYUR BA ZHIG NA, DE LTA YANG MA YIN TE, DE BAS NA GANG GI DBANG GIS 'DRUL BAR MI 'GYUR BA DE BAS NA, GDON MI ZA BAR RNAM PAR SHES PA GZHAN YOD PAR KHAS BLANG BAR BYA'O ZHES BSTAN PA YIN NO, ,SBYOR BA NI GANG ZHIG GANG LAS 'BRAS BU MI 'BYUNG BA 'GRUB PAR BYED PA DE NI DE DANG THA DAD PA YIN TE, DPER NA SNAM BU LAS CHU 'DZIN PA LA SOGS PA'I 'BRAS BU MI 'BYUNG BA BUM PAS 'GRUB PAR BYED PA LTA BU YIN LA, DE LAS GZHAN PA'I RNAM PAR SHES PA LAS 'BRAS BU LUS MI 'DRUL BA LA SOGS PA MI 'BYUNG BA LA YANG RNAM PAR SHES PAS 'GRUB PAR BYED DO, ,THA DAD PA NI DE LAS 'BRAS BU MI 'BYUNG BA 'GRUB PAR BYED PA TZAM GYIS YOD PA YIN PAS, RANG BZHIN GYI GTAN TSIGS YIN NO, ,GAL TE DE YANG MI 'DOD NA NYON MONGS PA'I BAG LA NYAL BA GANG LA GNAS PA ZHES BYA BA LA SOGS PA SMOS PA GZHAN 'DI YANG BRJOD DGOS SO, ,GANG LA GNAS PA ZHES BYA BA NI RNAM PAR SHES PA GANG LA RNAM PAR GNAS PA ZHES BYA BA'I THA TSIG GO, ,DE'I GNYEN POS ZHES BYA BA NI, BAG LA NYAL GYI GNYEN PO 'PHAGS PA'I LAM GYIS SO, ,RE ZHIG RNAM PAR SHES PA'I TSOGS LNGA PO RNAMS NI PHYI ROL DU RNAM PAR G-YENGS PA'I PHYIR, DE'I TSE MI SRID PAS YID KYI RNAM PAR SHES PA KHO NA 'DUS LA, DE YANG BAG LA NYAL GYI GNYEN POR GYUR PA YIN NO, ,DE'I PHYIR BAG LA NYAL GANG LA GNAS PA SPONG BAR 'GYUR ZHES BYA BA'I THA TSIG GO, ,CI STE GZHAN DAG DE NI GNYEN PO'I SEMS LA GNAS PA NYID SPONG BAR 'GYUR RO SNYAM DU SEMS SU DOGS NAS, DE'I PHYIR, GAL TE ZHES @92A *, ,BYA BA LA SOGS PA GSUNGS SO, ,'DI SKAD DU 'PHAGS PA'I LAM NI BAG CHAGS DPYIS DBYUNG BA'I PHYIR ZHUGS PA YIN NA, JI LTAR NA GANG GIS NA GZHIR 'GYUR BAR DE DE DANG MTHUN PAR 'GYUR TE, GANG ZHIG GANG GZHOM PAR BRTZON PA DE NYID DE LA PHAN 'DOGS PAR BYED PA NI MI RUNG NGO ZHES BSTAN PA YIN NO, ,SBYOR BA NI GANG ZHIG GANG 'JOMS PAR BYED PA DE NI, DE SKYED PAR BYED PA MA YIN TE, DPER NA CHU DANG, ME LTA BU YIN LA, 'PHAGS PA'I LAM YANG BAG CHAGS 'JOMS PAR BYED PA YIN PAS, KHYAB PAR BYED PA 'GAL BA DMIGS PA STE, 'DI LTAR 'JOMS PAR BYED PA DANG, 'JOMS PAR BYED PA MA YIN PA NYID GNYIS KYIS NI PHAN TSUN SPANGS TE, GNAS PA'I MTSAN NYID KYIS 'GAL BA YIN LA, 'JOMS PAR BYED PA MA YIN PA NYID KYIS NI SKYED PAR BYED PA NYID LA KHYAB PA'I PHYIR, DE DANG 'GAL BA 'JOMS PAR BYED PA NYID DMIGS NA, 'JOMS PAR BYED PA MA YIN PA NYID LDOG GO, ,DE LOG NA DES KHYAB PAR BYA BA SKYED PAR BYED PA NYID KYANG LDOG PAR 'GYUR RO, ,DE BAS NA RNAM PAR SHES PA GZHIR GYUR PA GZHAN ZHIG GDON MI ZA BAR KHAS BLANG BAR BYA'O, ,SBYOR BA NI GANG ZHIG GANG YOD NA 'BYUNG BA DE NI SNGON DU 'GRO BA CAN YIN TE, DPER NA SA BON YOD NA MYU GU 'BYUNG BA LTA BU YIN LA, RNAM PAR SHES PA GZHAN YOD NA YANG NYON MONGS PA'I BAG CHAGS 'BYUNG BA YIN NO, ,DE SNGON DU 'GRO BA CAN DANG NI DE YOD NA 'BYUNG BA TZAM DANG 'BREL PA'I PHYIR, DE YOD PA KHO NAS YOD PA YIN PAS, RANG BZHIN GYI GTAN TSIGS SO, ,GZHAN YANG GZUGS MED PA'I KHAMS SU SKYES PA ZHES BYA BA LA SOGS PA GSUNGS TE, GANG DAG LA SEMS KYI RGYUD NYON MONGS PA CAN DANG, DGE BA DANG, ZAG PA MED PA YOD PA DE DAG LA DE SKAD CES BYA'O, ,'DI SKAD DU GZUGS MED PA DE NI GZUGS KYI 'DOD CHAGS DANG BRAL BAS GZUGS DANG, DE'I RNAM PAR SHES PA MI SRID PA'I PHYIR, YID KYI RNAM PAR SHES PA KHO NA LUS SO, ,DE YANG GANG GI TSE NYON MONGS PA CAN LA SOGS PA'I NGO BO YIN PA DE'I TSE, RNAM PAR SMIN PA NYID MED PAS, RNAM PAR SMIN PA'I RDZAS MED DO, ,DE BAS NA 'GRO BA NI RNAM @92B PAR SMIN PA MA YIN PA DANG LDAN PA MA YIN PAR YANG 'GYUR RO, ,DE YANG MI 'DOD DE, DE LTA BAS NA RNAM PAR SMIN PA'I 'GRO BA GDAGS PA'I RGYU RNAM PAR SHES PA GZHAN ZHIG GDON MI ZA BAR KHAS BLANG BAR BYA'O ZHES BSTAN PA YIN NO, ,'DIR YANG GANG ZHIG GANG YOD NA, 'BYUNG BA ZHES BYA BA LA SOGS PA SBYOR BA BSHAD MA THAG PA GANG YIN PA DE NYID RIG PAR BYA STE, 'DI LTAR GZUGS MED PA NA RNAM PAR SMIN PA'I 'GRO BAR GDAGS PA NI RNAM PAR SHES PA GZHAN YOD NA 'BYUNG NGO, ,SKYON 'DI YANG BYE BRAG TU SMRA BA PA DAG LA YOD DE, DE DAG NI 'GRO BA DAG NI MA BSGRIBS LA LUNG DU MA BSTAN PA NYID YIN NO ZHES RJOD PAR BYED DO, ,GZHAN YANG SRID PA'I RTZE MO'I ZHES BYA BA GZHAN 'DI YANG BRJOD DGOS SO, ,DON NI 'DI SKAD DU ,SRID PA'I RTZE MO LAS MA GTOGS PA'I GZUGS MED PA NA NI GAL TE ZHIG NA RNAM PAR SMIN PA MA YIN PA YANG 'GRO BA YIN PAR 'GYUR GRANG NA, SRID PA'I RTZE MO DE NA NI LAN CIG PHYIR MI 'OD PA ZAG PA ZAD PAR BYED PA RNAMS CI YANG MED PA'I SKYE MCHED KYI ZAG PA MED PA'I SEMS MNGON DU GYUR PA NA, DE YANG MI SRID PAS 'GRO BA CHAD PA NYID DU 'GYUR RO ZHES BSTAN PA YIN NO, ,DE YANG MI 'DOD DE DE BAS NA 'DIR YANG SBYOR BA SNGA MA BZHIN NO, ,SKYON 'DI NI SPYIR RNAM PAR SHES PA DE KHAS MI LEN PAR GYUR PA THAMS CAD LA YOD DO, ,'DIR GAL TE BYE BRAG TU SMRA BA PA DAG RGOL PA GANG ZHIG ,SEMS DANG SEMS LAS BYUNG BA LAS MA GTOGS PA LDAN PA MA YIN PA GZHAN KHAS MI LEN PA DE LA SKYON 'DI YOD KYI GANG ZHIG RIGS MTHUN PA LA SOGS PA LDAN PA MA YIN PA YANG YOD PAR KHAS LEN PA DE LA NI THAL BA 'DIR YANG MI 'GYUR RO ZHES SMRAS NA, DE'I PHYIR PHA ROL GYI GLAGS BZLOG PA'I PHYIR, RIGS MTHUN PA'AM ZHES BYA BA LA SOGS PA GSUNGS TE, JI LTAR RIGS MTHUN PA LA SOGS PA MI SRID PA DE LTA BU NI MDZOD KYI BSTAN BCOS LAS RGYA CHER BSHAD ZIN PA'I PHYIR, 'DIR SPRO BAR MI BYA'O ZHES BYA BA'I THA TSIG GO, ,DE BAS NA ZHES BYA BA LA SOGS PA NI RIGS PAS RGYA CHER RAB TU BSGRUBS NAS MJUG BSDU BA MDZAD DO, ,DE NYID CES BYA BA LA SOGS PA NI SNGE PA GZHAN LA RAB TU GRAGS PAS KYANG RNAM PAR SMIN PA'I RNAM PAR SHES PA 'GRUB PAR STON PA'O, ,BTZUN @93A *, ,PA GOS DMAR SDE BA RNAMS ZHES BYA BA NI 'PHAGS PA GNAS BRTAN PA RNAMS TE, DE DAG NI KUN GZHI'I RNAM PAR SHES PA KHO NA LA SRID PA'I YAN LAG GI RNAM PAR SHES PA'I SGRAS THA SNYAD RJOD PAR BYED DO, ,GZHAN DAG NA RE RTZA BA'I RNAM PAR SHES PA ZHES ZER RO ZHES BYA BA NI 'PHAGS PA DGE 'DUN PHAL CHEN PA RNAMS TE, DE DAG KYANG RANG GI SNGE PA DAG LAS RTZA BA'I RNAM PAR SHES PA'I SGRAS THA SNYAD RJOD PAR BYED DO, ,'O NA DE'I ZHES BYA BA LA SOGS PAS NI, SLOB DPON LA GZHAN DAG RGOL BAR BYED PA STE, GAL TE MIG GI RNAM PAR SHES PA LA SOGS PA LAS MA GTOGS PA'I KUN GZHI'I RNAM PAR SHES PA GZHAN ZHIG YOD NA, DE'I DMIGS PA CI YIN PA DANG, RNAM PA CI YIN PAR BRJOD DGOS TE, RNAM PAR SHES PA DMIGS PA MED PA DANG, RNAM PA MED PA NI MED DO ZHES BSAMS PA'O, ,DMIGS PA DANG, RNAM PA MA CHAD PA YIN NO ZHES BYA BA 'DIS NI, SLOB DPON LA LAN 'DEBS PAR MDZAD PA STE, GANG LA DUS THAMS CAD DU RNAM PAR SMIN PA'I RANG BZHIN DU RO GCIG PA NYID KYI PHYIR DANG, RJES SU DPAG PAS SHES PAR BYA BA NYID KYI PHYIR, DMIGS PA DANG, RNAM PA 'DI YIN NO ZHES BYA BAR MI GSAL BA DANG, YONGS SU MI CHOD PA DAG YOD PA DE LA DE SKAD CES BYA'O ZHES BYA BA'I THA TSIG GO, ,JI LTAR NA RNAM PAR SHES PA YANG YIN LA DE DANG 'DRA BA YANG YIN ZHE NA ZHES BYA BA 'DI NI GZHAN GYIS RNAM PAR SHES PA 'DI 'DRA BA MI SRID POR BSTAN PA'I PHYIR SMRA BA YIN NO, ,DE NI 'GOG PA'I SNYOMS PAR 'JUG PA LA SOGS PA'I ZHES BYA BA LA SOGS PAS NI RNAM PAR SHES PA RGYU BA MI GSAL BA NI, GZHAN GYIS KYANG KHAS BLANGS SO ZHES BSTAN TO, ,RNAM PA SHES PA YOD PAR SMRA BA GZHAN DAG DANG YANG ZHES BYA BA NI, BTZUN PA DBYIG BSHES LA SOGS PA KUN GZHI'I RNAM PAR SHES PA KHAS MI LEN PAR SMRA BA DAG GO, ,MTSUNGS SO ZHES BYA BA NI DE DANG YANG BRTZAD PAR BYA BA 'DI MTSUNGS ZHES BYA BA'I THA TSIG GO, ,'O NA DE ZHES BYA BA LA SOGS PA SMRA BA NI GZHAN TE, GAL TE MIG GI RNAM PAR SHES PA LA SOGS PA LAS MA GTOGS PA'I KUN GZHI'I RNAM PAR SHES PA GZHAN ZHIG YOD NA, ZAG PA DANG BCAS PA THAMS CAD NI NYE BAR LEN PA'I PHUNG POR BSDUS PA'I PHYIR, 'ON DE GZUGS LA @93B SOGS PA'I NYE BAR LEN PA'I PHUNG PO GANG DU GTOGS ZHES BYA BA'I THA TSIG GO, ,DON GYIS NA RNAM PAR SHES PA'I NYE BAR LEN PA'I PHUNG POR RO ZHES BYA BA 'DIS NI SLOB DPON GYIS RTOGS PA STON PAR MDZAD DO, ,DON GYIS NA ZHES BYA BA NI KUN GZHI'I RNAM PAR SHES PA NI RNAM PAR SHES PA'I RANG BZHIN YIN PA'I PHYIR SHUGS KYIS NA, RNAM PAR SHES PA'I NYE BAR LEN PA'I PHUNG POR GTOGS PA YIN GYI, SGRAS NI MA YIN TE, KUN GZHI'I RNAM PAR SHES PA DNGOS SU NYE BAR LEN PA'I PHUNG POR GTOGS PAR GSUNGS PA NI MED PAS SO, ,'O NA ZHES BYA BA LA SOGS PAS NI GZHAN DAG LUNG DANG 'GAL BAR BRJOD PA YIN TE, GAL TE KUN GZHI'I RNAM PAR SHES PA GZHAN ZHIG YOD NA, MDO 'DI GNYI GA LAS KYANG RNAM PAR SHES PA'I TSOGS DRUG DAG GO ZHES 'BYUNG BA DE DANG 'GAL LO ZHES BYA BA'I THA TSIG GO, ,DGONGS PA CAN YIN ZHES BYA BA LA SOGS PAS NI, SLOB DPON GYIS MI 'GAL BAR STON PAR MDZAD PA'O, ',DI LA DGONGS PA GANG YIN ZHE NA, ZHES ZER BA NI GZHAN TE, SEMS PA NI YANG SRID PA MNGON PAR 'DU BYED PA ZHUGS PA'I PHYIR, DE LAS DE SKAD CES BRJOD PAR CHED CHE BA NI DGONGS PA YIN NA, RNAM PAR SHES PA'I TSOGS DRUG BSTAN PA 'DI LA GO DGOS PA CI ZHIG YOD CES BYA BA'I THA TSIG GO, ,RE ZHIG BCOM LDAN 'DAS KYIS ZHES BYA BA LA SOGS PAS NI, SLOB DPON DGONGS PA STON PAR MDZAD DO, ,CI'I PHYIR DE LTAR RTOG PAR 'GYUR ZHE NA ZHES ZER BA NI GZHAN NO, ,DE'I RNAM PA NI ZHES BYA BA LA SOGS PA GSUNGS PA NI SLOB DPON TE, KUN GZHI'I RNAM PAR SHES PA NI RNAM PAR SMIN PA RANG BZHIN GCIG PA'I PHYIR, 'KHOR BA JI SRID PAR GZHAN DU 'GYUR BA MED DE, DES NA SHIN TU PHRA BA'I PHYIR DE'I RANG BZHIN KHONG DU MA CHUD PA RNAMS, GAL TE NA BDAG TU YANG RTOG PAR 'GYUR RO, ,RE ZHIG MDO LAS GSUNGS PA'I DGONGS PA GCIG NI DE LTA BU YIN NO, ,DE NI DGONGS PA GZHAN BSTAN PA'I PHYIR, GANG ZHIG RTEN DANG ZHES BYA BA LA SOGS PA GSUNGS TE, RNAM PAR SHES PA GANG ZHIG GO, ,CI ZHE NA, RAGS PA'O, ,JI LTAR RAGS PA YIN ZHE NA, DE'I PHYIR, RTEN ZHES BYA BA LA SOGS PA GSUNGS SO, ,DE LA RTEN NI MIG LA SOGS PA'O, ,DMIGS PA LA SOGS PA NI SNGAR BSTAN ZIN TO, ,GANG ZHIG LA ZHES BYA BA NI RNAM PAR SHES PA LA'O, , @94A *, ,CI ZHE NA, KUN NAS NYON MONGS PA DANG, RNAM PAR BYANG BA RNAM PAR GZHAG PA'O, ,DE JI LTAR RNAM PAR GZHAG CE NA, DE'I PHYIR, NYON MONG PA DANG, DE'I GNYEN PO DANG MTSUNGS PAR LDAN PA'I PHYIR ZHES BYA BA GSUNGS TE, 'DOD CHAGS LA SOGS PA NYON MONGS PA DANG MTSUNGS PAR LDAN PA'I PHYIR DAG NYON MONGS PA'I GNYEN PO DANG MTSUNGS PAR LDAN PA'I PHYIR ZHES BYA BA'I THA TSIG GO, ,'BRAS BU ZHES BYA BA NI BYA BA'O, ,GANG GIS ZHES BYA BA NI MIG GI RNAM PAR SHES PA LA SOGS PA'O, ,CI ZHE NA, RJES SU DPOG PAR BYED PA'O, ,RJES SU DPAG PAR BYA BA DE CI ZHIG YIN ZHE NA, DE'I PHYIR, DE'I SA BON GYI ZHES BYA BA LA SOGS PA GSUNGS TE; MIG GI RNAM PAR SHES PA LA SOGS PA DE DAG GI SA BON NI DE'I SA BON NO, ,DE NI DE'I SA BON YANG YIN LA, RNAM PAR SHES PA YANG YIN PAS DE'I SA BON GYI RNAM PAR SHES PA'O, ,DE RJES SU DPOG PA NI DE SA BON GYI RNAM PAR SHES PA RJES SU DPOG PA'O, ,DE KHO NA 'DIR RNAM PAR SHES PAR BSTAN GYI ZHES BYA BA'I TSIG 'DI NI RAGS PA LA SOGS PA JI SKAD BSTAN PA THAMS CAD LA RAG PAS LAS PA GANG YIN PA DE NYID 'DIR RNAM PAR SHES PAR BSTAN GYI ZHES BYA BA LA SOGS PA RE RE LA SBYOR RO, ,'DIR ZHES BYA BA NI RNAM PAR SHES PA'I TSOGS DRUG BSTAN PA'I MDOR RO, ,RNAM PAR SHES PA ZHES BYA BA NI 'JUG PA'I RNAM PAR SHES PAR RIG PAR BYA'O, ,RGYU'I RNAM PAR SHES PA NI MA YIN TE ZHES BYA BA CI ZHE NA, BSTAN PA NI ZHES BYA BAR SBYAR TE, KUN GZHI'I RNAM PAR SHES PA NI 'JUG PA'I RNAM PAR SHES PA'I RGYUR GYUR PA'I PHYIR, RGYU'I RNAM PAR SHES PA'O, ,CI'I PHYIR ZHE NA, DE'I PHYIR, DE LAS BZLOG PA'I PHYIR RO ZHES BYA BA GSUNGS TE, RAGS PA LA SOGS PA LAS BZLOG PA'I PHYIR TE, 'DI LTAR RTEN DANG, DMIGS PA DANG, RNAM PA DANG, RNAM PA DANG, BYE BRAG YONGS SU MA CHAD PA'I PHYIR, RAGS PA YANG MA YIN ZHING, DE LA NI NYON MONGS PA DANG, DE'I GNYEN PO DANG MTSUNGS PAR LDAN PA'I PHYIR KUN NAS NYON MONGS PA DANG, RNAM PAR BYANG BA RNAM PAR GZHAG PA YANG MED LA 'BRAS BUR GYUR PA DES, SA BON DU GYUR PA'I RNAM PAR SHES PA 'GAL ZHIG RJES SU DPOG PAR YANG MI BYED DO, 'DIS NI ZHES BYA BA NI RTZIS MGOS BSGRE BA STE, JI LTAR RNAM PAR SHES PA'I PHUNG PO BSTAN PAR LAN GDAB PA DE BZHIN DU, RTEN CING 'BREL PAR 'BYUNG BA'I MDO @94B RNAM PAR DBYE BA BSTAN PA YANG LAN BTAB PA MTSUNGS PA YIN NO ZHES BYA BA'I THA TSIG GO, ,JI LTAR RIGS PAR ZHES BYA BA NI JI LTAR 'BYOR PA STE, RNAM PAR SHES PA GSAL BAR SNANG BAR MYONG BA GANG YIN PA DE NYID BSTAN GYI, KUN GZHI'I RNAM PAR SHES PA RJES SU DPAG PAS KHONG DU CHUD PAR BYA BA NI MA YIN NO, ,GZHAN YANG RNAM PAR BSHAD PA'I RIGS PA LAS ZHES BYA BA LA SOGS PA GSUNGS TE, RNAM PAR BSHAD PA'I RIGS PA LAS YANG DAG PAR BSDUS PA'I GZHI NI NUB PA'I PHYIR LA, GSUNG RAB KYANG DENG SANG RNAM PA DU MAR 'THOR BA'I PHYIR ZHES BYA BA LA SOGS PAS, DENG SANG MDO SDE THAMS CAD NI MI SNANG NGO ZHES RGYA CHER BSGRUBS SO; ;DE'I PHYIR MDO SDE DAG LAS ZHES BYA BA NI, JI LTAR DMIGS PA'I MDO SDE DAG LAS ZHES BYA BA'I THA TSIG GO, ,LHANGS POR ZHES BYA BA NI GZUGS BOR RO, ,'O NA DE LTA NI ZHES BYA BA LA SOGS PAS NI GZHAN DAG PHYIR RGOL BAR BYED PA'O, ,GZHAN ZHES BYA BA NI MIG LA SOGS PA'I RNAM PAR SHES PA'O, ,KUN GZHI'I RNAM PAR SHES PA NI RGYUN MI 'CHAD PAR 'BYUNG BAS RTAG TU GNAS PA YIN PA'I PHYIR LA, GANG GI TSE MIG GI RNAM PAR SHES PA LA SOGS PA GZHAN YANG DMIGS PA DE'I TSE, DE DANG KUN GZHI'I RNAM PAR SHES PA LHAN CIG PA YIN PAS, CIG CAR RNAM PAR SHES PA'I RGYUN GNYIS SU 'GYUR RO ZHES BYA BA'I THA TSIG GO, ,DE LTA YIN NA CI NYES ZHES BYA BA NI, SLOB DPON GYIS SKYON MA GZIGS NAS GSUNGS PA YIN NO, ,RNAM PAR SHES PA'I RGYUD GNYIS ZHES BYA BA LA SOGS PAS NI, PHA ROL PO SKYON BRJOD PA YIN TE, SEMS CAN DU GDAGS PA THA DAD PA NI RNAM PAR SHES PA'I RGYUD THA DAD PAS BYAS PA YIN NA, GAL TE LUS GCIG LA YANG RNAM PAR SHES PA'I RGYUN RNAM PA GNYIS NYID DU KHAS LEN NA, SEMS CAN GNYIS SU GDAGS PAR THAL BAR 'GYUR RO ZHES BYA BA'I THA TSIG GO, ,DPER NA ZHES BYA BA LA SOGS PA'I DPE NI BRDA PHRAD PAR SLA'O, ,DE LTAR MI 'GYUR TE ZHES BYA BA LA SOGS PA 'DIS NI SLOB DPON GYIS THAL BA'I LAN 'DEBS PAR MDZAD PA YIN NO, ,DE GNYIS NI ZHES BYA BA NI KUN GZHI DANG 'JUG PA'I RNAM PAR SHES PA GNYIS SO, ,RGYU DANG 'BRAS BU'I DNGOS PO DANG THA DAD PA MA YIN PAR 'JUG PA NYID KYI PHYIR ZHES BYA BA NI RGYU DANG 'BRAS BU'I DNGOS PO DANG THA DAD PA MA YIN PAR 'JUG PA'I NGANG TSUL CAN NI, RGYU DANG 'BRAS BU'I DNGOS PO DANG, @95A *, ,THA DAD PA MA YIN PAR 'JUG PA'O, ,DE'I NGO BO NI RGYU DANG 'BRAS BU'I DNGOS PO DANG THA DAD PA MA YIN PAR 'JUG PA NYID TE, DE'I PHYIR RO, ,GZHAN YANG RNAM PAR SMIN PA'I ZHES BYA BA LA SOGS PA GSUNGS TE, CIG SHOS KYIS ZHES BYA BA NI 'JUG PA'I RNAM PAR SHES PAS SO, , YONGS SU BSGO BAR BYED PA'I PHYIR RO ZHES BYA BA NI YONGS SU SBOG PAR BYED PA'I PHYIR RO, ,CHOS NYID DE YANG MED DE ZHES BYA BA NI BSHAD MA THAG PA'I RGYU DANG, 'BRAS BU DANG THA DAD PA MA YIN PA'I CHOS NYID DAM, YONGS SU BSGO BAR BYED PA'I CHOS NYID GANG YIN PA DE MED DO ZHES BYA BA'I THA TSIG GO, ,'GA' ZHIG LA SA BON DANG ZHES BYA BA LA SOGS PAS NI GZHAN YANG MI SRID PAR STON TO, ,SA BON DANG, SA BON CAN GYI ZHES BYA BA DE LA SA BON NI RGYU'O, ,SA BON CAN NI 'BRAS BU'I KHYAD PAR TE, 'DI LAS SA BON YOD PA'I PHYIR RO, ,AUTPA LA'I RTZA BA DANG ZHES BYA BA LA SOGS PAS NI SLOB DPON GYIS SRID PAR STON PAR MDZAD PA'O; ;SRID PAR BSGRUBS NAS, DA NI GAL TE ZHES BYA BA LA SOGS PAS KUN GZHI'I RNAM PAR SHES PA GDON MI ZA BAR KHAS BLANGS PAR BSGRUB PAR MDZAD DO, ,GAL TE MA MTHONG YANG RUNG ZHES BYA BA NI 'BRAS S'A LU LA SOGS PA LA'O, ,DE LTAR MI 'DOD NA ZHES BYA BA NI KUN GZHI'I RNAM PAR SHES PA GZHAN YOD PAR RO, ,JI SKAD DU BSHAD PA'I SKYON RNAMS SU ZHES BYA BA NI GZHAN GANG ZHIG GIS LUS ZIN PAR 'GYUR ZHES BYA BA LA SOGS PA'O, ,'O NA CI'I PHYIR BDAG GIS ZHES BYA BA LA SOGS PAS NI, GZHAN MI 'DOD PAR GLENG BAR BYED PA STE, GAL TE MIG GI RNAM PAR SHES PA LA SOGS PA LAS LOGS SHIG NA DE DAG GI RTEN NYID DU KUN GZHI'I RNAM PAR SHES PA GZHAN ZHIG YOD PAR RTOG NA, 'O NA DE LTA NA NANG NA BYED PA'I SKYES BU BDAG KYANG, CI'I PHYIR DE DAG GI RTEN DU 'GYUR BAR MI BRTAG STE, BDAG DANG KUN GZHI'I RNAM PAR SHES PA NI MIG GI RNAM PAR SHES PA LA SOGS PA LAS LOGS SHIG NA YOD PAR NA NI MTSUNGS SO ZHES BYA BA'I THA TSIG GO, ,CI 'DRA BAR 'DOD PAR BYA ZHES BYA BA LA SOGS PAS NI, SLOB DPON GYIS RNAM PAR BRTAGS PA THA DAD PAR MDZAD NAS LAN 'DEBS PAR MDZAD DO, ,DE ZHES BYA BA NI BDAG GI RDZAS SO, ,KUN GZHI'I RNAMS PAR SHES PA BZHIN DU ZHES BYA BA NI, 'DI LTAR KUN GZHI'I @95B RNAM PAR SHES PA NI RGYUN LA GNAS PA YIN TE SKAD CIG GCIG NAS GCIG TU ZHUGS PA'I PHYIR RO, ,RKYEN GYIS 'GYUR BA YANG YIN TE, DE DAG GIS GZHAN DU SKYED PA'I PHYIR RO, ,DE DANG DE KHYAD PAR CI ZHIG YOD CES BYA BA NI BDAG GI RDZAS DE 'DRA BA ZHIG YIN NA, DE KUN GZHI'I RNAM PAR SHES PA LAS KHYAD PAR MED DO, ,DE BAS NA DE NI KUN GZHI'I RNAM PAR SHES PA KHO NA YIN PAS 'GRUB PA NYID BSGRUB PAR 'GYUR RO, ,'ON TE GCIG PA ZHES BYA BA NI CHA SHAS MED PA'O, ,GTAN DU MI 'GYUR BA YIN NO ZHE NA ZHES BYA BA NI GAL TE RTAG TU RKYEN GYIS 'GYUR BA DANG BRAL BAR 'DOD NA ZHES BYA BA'I THA TSIG GO, ,DE LA ZHES BYA BA NI BDAG GI RDZAS LA'O, , RNAM PAR SHES PA LA SOGS PAS ZHES BYA BA LA SOGS PA SMOS PAS NI 'DOD CHAGS LA SOGS PA BSDU'O, ,'DI SKAD DU LAN CIG LHA RNAM PAR SHES PA RNAMS DE LA RAG CI ZHIG LUS NA ZHES BYA BA LA SOGS PAS BDAG GI RIM DANG, CIG CAR GNYIS KYI DON BYED PA DANG BRAL BA'I PHYIR, DNGOS PO MED PA BZHIN DU MED PA NYID YIN NO ZHES BYA BAR BSGRUB PAR BYA MOD KYI, 'ON KYANG KHAS BLANGS NAS GAL TE DE 'GYUR BA MED PA YIN NA, JI LTAR NA DE LTA BU LA RNAM PAR SHES PA LA SOGS PAS BAG CHAGS BSGO BA 'GRUB PAR 'GYUR ZHES SMRA'O ZHES BSTAN PA YIN NO, ,CI'I PHYIR 'GRUB PAR MI 'GYUR ZHE NA, DE'I PHYIR, BAG CHAGS NI ZHES BYA BA LA SOGS PA GSUNGS TE, BAG CHAGS KYI RANG BZHIN NI 'DI YIN TE, 'DI LTA STE, BSGO BAR BYED PAS BSGO BAR BYA BA'I RDZAS LA NUS PA'I KHYAD PAR SKYED PA YIN NA, BDAG GI RDZAS LA NI 'GYUR BA MED PA'I PHYIR DE YANG MI SRID DO ZHES BYA BA'I THA TSIG GO, ,GAL TE BAG CHAGS MI SRID DU ZIN KYANG DES CIR 'GYUR ZHE NA, DE'I PHYIR, YONGS SU 'GYUR BA'I KHYAD PAR MED NA ZHES BYA BA LA SOGS PA GSUNGS TE, YONGS SU 'GYUR BA'I KHYAD PAR MED NA ZHES BYA BA NI GONG NAS GONG DU NUS PA'I KHYAD PAR MED PAR ZHES BYA BA'I THA TSIG GO, ,DE'I BAG CHAGS MED PAR ZHES BYA BA NI, RNAM PAR SHES PA LA SOGS PA'I BAG CHAGS SO, ,SNGON MYONG BA DANG, SHES PA DANG, 'DOD CHAGS LA SOGS PA DAG LA ZHES BYA BA NI, MYONG BA DANG, SHES PA DANG, 'DOD CHAGS LA SOGS PA NI MYONG BA DANG, SHES PA DANG, S'DOD CHAGS LA SOGS PA'O, ,DE DAG NI SNGON BYUNG BA'I PHYIR SNGON YANG YIN LA, MYONG BA @96A *, ,DANG, SHES PA DANG, 'DOD CHAGS LA SOGS PA YANG YIN PAS, SNGON MYONG BA DANG, SHES PA DANG, 'DOD CHAGS LA SOGS PA'O, ,DE'I PHYIR, SNGON BYUNG BA'I MYONG BA DANG, SHES PA DANG, 'DOD CHAGS LA SOGS PA DE DAG LA STE, MYONG BA NI 'DIR SNGON PO LA SOGS PA MYONG BA'O, ,SHES PA NI NGES PA'I SHES PA LA SOGS PA'O, ,GOMS PA'I ZHES BYA BA NI 'DRIS PA'I 'O, ,DRAN PA DANG, SHES PA DANG, 'DOD CHAGS LA SOGS PA'I ZHES BYA BA NI, SNGON MYONG BA LA SOGS PA DAG DANG LHAN CIG GO RIMS BZHIN DU SBYAR RO, ,GZHAN YANG BDAG SEMS MED PA'I GNAS SKABS SU GYUR PA NI ZHES BYA BA LA SOGS PA YANG GSUNGS SO, ,GANG DAG BDAG KHO NA LAS SKYE'O SNYAM DU SEMS NA, DE'I PHYIR BDAG LA NI KHYAD PAR MED NA ZHES BYA BA GSUNGS SO, ,DE LTAR RE ZHIG BDAG KHAS BLANGS NAS SKYON BSTAN PA YIN NO, ,DA NI DON BYED PA'I NUS PA DANG BRAL BA NYID KYIS DE YOD PA NYID MI BZOD PAR BSTAN PA NI, RNAM PAR SHES PA RNAMS CI ZHIG DE LA RAG LUS NA ZHES BYA BA LA SOGS PA GSUNGS TE, DE LA RAG LUS ZHES BYA BA NI BDAG LA RAG LAS PA ZHES PA'I THA TSIG GO, ,'DIR NI RNAM PAR BRTAG PA GNYIS TE, RIM GYI DE LA BDAG RAG LUS PA'I DNGOS PO LA BYA BA BYED DAM CIG CAR YIN GRANG NA, DE LA CIG CAR BYA BA MI BYED PAR NI GSAL BA NYID DE, CIG CAR DE LA RAG LUS PA'I 'BRAS BU MI SNANG BA'I PHYIR RO, ,'ON KYANG RIM GYIS BYED PA BRJOD PAR BYA STE, BDAG LA RAG LAS PA YANG SKYE BA 'AM, YANG NA GNAS PA ZHIG YIN GRANG ZHES BRTAGS PA LA, ,GAL TE SKYE BA YIN NO ZHE NA ZHES BYA BA LA SOGS PAS NI RE ZHIG SKYE BA'I PHYOGS KYI DBANG DU MDZAD NAS, RIM GYIS BYED PA DGAG PAR MDZAD DE, RGYU DE MA TSANG BA MED PA YIN NA RIM GYIS SKYE BAR RUNG BA MA YIN NO ZHES BYA BA'I THA TSIG GO, ,GZHAN DAG RGYU NI MA TSANG BA MED PA NYID MA YIN TE, 'DI LTAR BDAG DE NI SHES PA PHYI MA PHYI MA SKYE BAR BYA BA'I PHYIR LHAN CIG BYED PA'I RGYU GZHAN LA LTOS SO ZHE NA, DE'I PHYIR, GAL TE LHAN CIG BYED PA'I RGYU, ,ZHES BYA BA LA SOGS PA GSUNGS TE, GAL TE LHAN CIG BYED PA'I RGYU GZHAN LA LTOS PA'I PHYIR RO ZHE NA ZHES BYA BA NI, ,RIM GYIS SKYE BA YIN ZHES BYA BAR SBYAR RO, ,DE DAG LAS ZHES BYA BA NI LHAN CIG BYED PA'I RKYEN @96B DAG LAS SO, ,GZHAN PA LA ZHES BYA BA NI BDAG LA'O, ,DE SKYED PA'I ZHES BYA BA NI SHES PA GZHAN SKYED PA'I 'O, ,NUS PA YOD PAR JI LTAR KHONG DU CHUD CES BYA BA NI KHONG DU MI CHUD DO ZHES BYA BA'I THA TSIG GO, ,'DI SKAD DU PHAN 'DOGS PA LA NI LTOS PAR BYA BA YIN NA, BDAG NI GANG GIS NA LHAN CIG BYED PA'I RGYU GZHAN LA LTOS PA'I PHYIR RIM GYIS SKYE BAR 'GYUR BA LHAN CIG BYED PA'I RGYU LAS CUNG ZAD KYANG PHAN 'DOGS PAR MI LTOS TE, BSKYED PAR BYA BA MA YIN PA'I PHYIR RO, ,DE BAS NA GAL TE LHAN CIG BYED PA'I RGYU DE DAG LAS SHES PA PHYI MA PHYI MA 'BYUNG BA YIN NA DE DAG KHO NA'I NUS PA NYID YIN GYI, ,BDAG NI MA YIN NO ZHES BSTAN PA YIN NO, ,DE LTAR NA RE ZHIG SKYE BA'I PHYOGS MI 'THAD DO, ,DA NI GNAS PA'I PHYOGS KYI DBANG DU MDZAD NAS, 'ON TE 'DUG PA ZHIG CES BYA BA LA SOGS PA GSUNGS PA YIN TE, 'DUG PA NI RNAM PAR SHES PA RNAMS RAB TU 'DUG PA DANG GNAS PA ZHES BYA BA'I THA TSIG GO, ,DE LA RAG LAS PA YIN NO ZHES BYA BA NI BDAG LA RAG LAS PA YIN NO, ,SKYES NAS MI GNAS PA DAG CES BYA BA NI SKYES MA THAG TU 'JIG PA DAG YIN NO, ,LTUNG BA MA YIN PA DAG LA ZHES BYA BA NI LCI BA MA YIN PA'I PHYIR, ,LTUNG BA'I CHOS CAN MA YIN PA DAG LA ZHES BYA BA'I THA TSIG GO, ,'DUG PA CI ZHIG YOD CES BYA BA NI DE LTA BU'I RANG BZHIN DE DAG LA 'DUG PA MED DO ZHES BYA BA'I THA TSIG GO, ,DE BAS NA ZHES BYA BA LA SOGS PAS NI MED PAR BSGRUBS NAS MJUG SDUD PA YIN NO, ,SBYOR BA NI GANG DON BYED PA'I NUS PA DANG BRAL BA DE NI MED PA YIN TE, DPER NA DNGOS PO MED PA LTA BU YIN LA, BDAG KYANG DON BYED PA'I NUS PA DANG BRAL BA YIN PAS KHYAB PAR BYED PA MI DMIGS PA STE, 'DI LTAR YOD PA NYID NI DON BYED PA'I NUS PAS KHYAB PA'I PHYIR RO, ,DE BAS NA DON BYED PA'I NUS PA LOG NA, DES KHYAB PAR BYA BA YOD PA NYID KYANG LDOG PA YIN NO, ,DE LTAR RIGS PAS MED PAR BSGRUBS NAS LUNG GIS KYANG BSGRUB PA'I PHYIR, CHOS THAMS CAD NI ZHES BYA BA LA SOGS PA GSUNGS SO, ,DE LTA NA ZHES BYA BA NI NANG NA BYED PA'I SKYES BU BDAG YOD PAR RTOGS NA ZHES BYA BA'I THA TSIG GO, ,DE BAS NA ZHES BYA BA LA SOGS PA NI MJUG BSDU BA YIN NO, ,DE NI GYI NA'O ZHES BYA BA NI GTAN TSIGS MED PA DANG, RIG PA MED PA CAN YIN NO ZHES BYA BA'I THA TSIG GO, ,DE CI ZHE NA, @97A *, ,DE'I PHYIR, RANG DBANG CAN ZHES BYA BA LA SOGS PA GSUNGS SO, ,DE LTAR GZHAN GYI PHYOGS KYANG RGYA CHER BSAL TE, RANG GI PHYOGS KYANG BSGRUBS NAS, DES NA SEMS PA ZHES BYA BA LA SOGS PAS NI MJUG SDUD PA YIN NO, ,DE LTAR LUS DANG NGAG GI LAS MI 'DOD NA ZHES BYA BA LA SOGS PAS NI GZHAN DAG MDO DANG 'GAL BA STON PA YIN NO, ,DE LTAR ZHES BYA BA NI JI LTAR NGED ZER BA DE LTAR RO, ,LAS DAG NI GSUM STE ZHES BYA BA MDO'I TSIG 'DI CI DE GSAL BAR NUS SAM ZHE NA ZHES BYA BA NI MI NUS SO ZHES BYA BA'I THA TSIG GO, ,MI NUS TE ZHES BYA BA LA SOGS PAS NI SLOB DPON GYIS LAN GSUNGS PA YIN NO, ,JI LTAR SKYON MED CE NA ZHES ZER BA NI GZHAN DAG GO, ,'DIR LAS DAG NI ZHES BYA BA LA SOGS PA GSUNGS PA NI SLOB DPON NO, ,'DI SKAD DU RE ZHIG BSTAN PA 'DI CI'I PHYIR YIN ZHES BYA BA LA SOGS PA 'DI NYID THOG MA KHO NAR BRJOD PAR BYA BA LA PHYIS NI LUS LA SOGS PA'I LAS JI LTAR BSTAN PA DE LTA BUR DGONGS PA 'BYUNG NGO ZHES BSTAN PA YIN NO, ,CI'I PHYIR YIN PA ZHES BYA BA NI DGONGS PA CI ZHIG YOD DO, ,SANGS RGYAS BCOM LDAN 'DAS RNAMS KYIS BSTAN PA NI DGONGS PA MA YIN NO, ,LUS GANG YIN ZHES BYA BA NI LUS KYI SGRAS CI ZHIG GSUNGS ZHES BYA BA'I THA TSIG GO, ,LAS CI YIN ZHES BYA BA NI LAS KYIS KYANG CI ZHIG GSUNGS ZHES BYA BA'I THA TSIG GO, ,DON GANG GIS ZHES BYA BA LA SOGS PA 'DI NI SGRA'I DON GYI DBANG DU MDZAD NAS DRI BA YIN TE, RGYU GANG GIS NA DE LA LUS LA SOGS PA'I SGRA 'JUG CES BYA BA'I THA TSIG GO, ,DE BZHIN DU ZHES BYA BA LA SOGS PAS NI MTSAN NYID MTHUN PA'I PHYIR, LAS GNYIS LA YANG RTZIS MA MGOS BSGRE BA YIN TE, DE LA YANG DAG 'DI GANG YIN ZHES BYA BA LA SOGS PAS DRI BAR BYA'O ZHES BYA BA'I THA TSIG GO, ,DE BZHIN DU CI'I PHYIR ZHES BYA BA LA SOGS PA GZHAN 'DI YANG BRJOD DGOS SO, ,MIG LA SOGS PA'I LAS RNAMS NI 'DIR LTA BA LA SOGS PAR RIG PAR BYA'O, ,DA NI RE ZHIG BSTAN PA 'DI CI'I PHYIR YIN ZHE NA ZHES BYA BA LA SOGS PAS DRI BA RE RE'I LAN GDAB PAR MDZAD DO, ,LAS KYI LAM BCU PO DAG CES BYA BA NI SROG GCOD PA LA SOGS PA DANG, DE DAG SPONG BA RNAMS SO, ,LAS GSUM DAG GIS BSDUS PA BSTAN PA'I PHYIR TE ZHES BYA BA NI LUS LA SOGS PA'I LAS RNAMS KYIS BSDU @97B BA RAB TU BSTAN PA'I PHYIR TE, 'DI LTAR LUS KYI LAS KYIS BSDUS PA NI GSUM STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA RNAMS DANG, DE SPONG BA RNAMS SO, ,NGAG GI LAS KYIS NI BZHI STE, BRDZUN DU SMRA BA DANG, PHRA MA DANG, TSIG RTZUB PO DANG, TSIG KYAL PA RNAMS DANG, DE SPONG BA RNAMS SO, ,YID KYI LAS KYIS NI GSUM STE, BRNAB SEMS DANG, GNOD SEMS DANG, LOG PAR LTA BA RNAMS DANG, DE SPONG BA RNAMS BSDUS SO, ,GANG ZAG CI 'DRA BA DAG LA ZHE NA, DE'I PHYIR, BYA BA MANG POS 'JIGS PA RNAMS LA ZHES BYA BA GSUNGS TE, SROG GCOD PA LA SOGS PA SPANG BA'I MTSAN NYID KYI BYA BA NI BDAG CAG GIS MANG PO ZHIG BYA DGOS SO SNYAM DU DE LTAR BSAMS NAS GANG DAG BRED PA DE DAG NI BYA BA MANG POS 'JIGS PA RNAMS ZHES BYA'O, ,CI 'DRA BA ZHIG TU BSDU BA RAB TU BSTAN PA'I PHYIR BSTAN PA YIN ZHE NA, DE'I PHYIR, BRI DZI'I BU LA BSLAB PA GSUM BSTAN PA BZHIN NO ZHES BYA BA GSUNGS TE, JI LTAR BRI DZI'I BU ZHES BYA BA'I MI ZHIG BSLAB PA'I GZHI NYIS BRGYA LNGA BCU LHAN CIG THOS NAS SPRO BAR KHAS MI 'CHE BA LA BRI DZI'I BU KHYOD KYIS NUS SAM ZHES BYA BA NAS BRI DZI'I BU KHYOD KYIS BSLAB PA GSUM DAG LA LEGS PAR BSLAB PAR SPRO 'AM ZHES RGYA CHER GSUNGS SO, ,GSOL PA, BCOM LDAN 'DAS SPRO LAGS SO, ,BDE BAR GSHEGS PA SPRO BAR 'TSAL LAGS SO ZHES RGYA CHER GSOL PA DANG, 'O NA BRI DZI'I BU KHYOD KYIS DUS DUS SU LHAG PA'I TSUL KHRIMS KYI BSLAB PA DANG, LHAG PA'I SEMS DANG, LHAG PA'I SHES RAB KYI BSLAB PA LA SLOBS SHIG CES RGYA CHER GSUNGS TE, LHAG PA'I TSUL KHRIMS LA SOGS PA BSLAB PA GSUM BSTAN PA 'DIS NI BSLAB PA'I GZHI NYIS BRGYA LNGA BCU LHAG PA DE NYID BSLAB PA GSUM DU BSDU BA MDZAD NAS BSTAN PA YIN NO, ,GZHAN YANG KHA CIG NA RE LUS KHO NAS BYAS PA YIN GYI ZHES BYA BA LA SOGS PA 'DI'I PHYIR YANG LAS GSUM BSTAN PA YIN NO, ,KHA CIG NA RE ZHES BYA BA NI MU STEGS BYED PA KHA CIG GO, , RNAM PAR RTOG PA TZAM YIN PA'I PHYIR RO ZHES BYA BA NI KUN DU RTOG PA TZAM YIN PA'I PHYIR TE, NGAG DANG YID KYI LAS GNYIS NI KUN TU RTOG PA TZAM KHO NA YIN TE, KHA NA MA THO BA CHEN PO DANG BCAS PA MA YIN PAR SEMS SO ZHE'O, ,DE DAG LA ZHES BYA BA NI DE SKAD CES ZER BA DAG LA'O, ,DE GNYIS KYANG ZHES BYA BA NI LUS DANG NGAG GI LAS @98A *, ,GNYIS SU BSTAN PA 'DI NI DE LTA BU'I PHYIR YIN NO ZHES BSGRUBS NAS, DA NI LUS KYI SGRA'I BRJOD PAR BYA BA BSTAN PA'I PHYIR, LUS NI ZHES BYA BA LA SOGS PA GSUNGS SO, ,DBANG PO DANG BCAS PA'I KHOG PA ZHES BYA BA NI MDOR BSTAN PA YIN NO, ,'BYUNG BA DANG 'BYUNG BA LAS GYUR PA 'DUS PA'I KHYAD PAR ZHES BYA BAS NI DE NYID RGYAS PAR BSTAN PA YIN NO, ,LAS NI ZHES BYA BA LA SOGS PAS NI LAS KYI SGRA'I BRJOD PAR BYA BA BSTAN TO, ,BSAGS PA'I DON GYIS TE ZHES BYA BA LA SOGS PA 'DIS NI LUS KYI SGRA BSDUS PA BSTAN TO, ,JI LTAR BSAGS PA'I DON GYIS SHE NA, DE'I PHYIR, 'BYUNG BA DANG ZHES BYA BA LA SOGS PA GSUNGS SO, ,KHA CIG NA RE ZHES PA BYA BA NI SMRA BA KHA CIG GO, ,NGAN PA BSAGS PA'I DON GYIS TE ZHES BYA BA NI SMAD PA'I DON GYIS SO, ,JI LTAR SMAD PA YIN ZHE NA, DE'I PHYIR, MI GTZANG BA'I ZHES BYA BA LA SOGS PA SMOS SO, ,PHYOGS 'DI GLAGS DANG BCAS PA'I PHYIR SLOB DPON GYIS DE DAG GI LTAR NA ZHES BYA BA LA SOGS PAS SUN DBYUNG BA GSUNGS TE, GANG DAG NGAN PA'I DON GYIS LUS YIN PAR 'DOD PA DE DAG GI LTAR NA LHA'I LUS NI LUS SU MI 'GYUR TE, LUS KYI PHYI NANG DANG BCAS PA YIN DU 'ONG BA YIN PA'I PHYIR RO, ,BYED PA PO'I ZHES BYA BA LA SOGS PAS NI LAS KYI SGRA BSGRUB PA YIN NO, ,LUS G-YO BAR BYED PA'I ZHES BYA BA LA SOGS PAS NI LUS KYI LAS KYI SGRA BSGRUB PA YIN NO, ,GAL TE LUS G-YO BAR BYED PA YIN NA DE JI LTAR LUS KYI LAS ZHES BYA STE, DE LTAN LUS G-YO BAR BYED PA'I LAS ZHES DE SKAD BYA DGOS SO ZHES BYA BA'I PHYOGS SNGA MAS DOGS NAS DE'I PHYIR DE'I GZHUNG GZUGS PA'I PHYIR, SEMS PA NI RNAM PA GSUM STE ZHES BYA BA LA SOGS PA GSUNGS TE, 'DIS KYANG RE ZHIG SEMS PA KHO NA RNAM PAR 'BYED PA DE, LAN NI PHYIS 'DEBS SO, ,'GRO BAR BYED PA ZHES BYA BA NI GANG GIS 'GRO BAR BYED PA STE, 'DI DANG 'DIS 'GRO BAR BYED DO ZHES SEMS PA GANG YIN PA'O, ,NGES PAR BYED PA ZHES BYA BA NI 'DI DANG 'DI LTA BU ZHIG NI BYA'O, ,'DI LTA BU ZHIG NI MI BYA'O ZHES DE LTAR DPYOD PA'I RNAM PAR ZHUGS PA'I PHYIR RO, ,G-YO BAR BYED PA ZHES BYA BA NI NGES PAR BYAS NAS DUS PHYIS TE ZHES BYA BA'I TSE'I SEMS PA GANG YIN PA'O, ,DE NYID GANG GIS ZHES BYA BA LA SOGS PAS BSTAN TO, ,'O NA SKAD CIG PA YIN PA'I PHYIR JI LTAR DES LUS G-YO BAR BYED CE NA, DE'I PHYIR @98B DE DANG LDAN PA'I RGYUD CES BYA BA LA SOGS PA GSUNGS TE, SEMS PA DE DANG 'BREL PA'I RGYUD GANG YIN PA DE NI DE DANG LDAN PA'I RGYUD DE GANG YOD NA DE SKYE BA'O, ,DE DANG LDAN PA'I RGYU YUL GZHAN DU 'BYUNG BA GANG YIN PA DE'I RGYUR GYUR PA'I RLUNG GANG YIN PA DE BSGRUB PAS ZHES BYA BA'I THA TSIG GO, ,SEMS PA RNAM PAR PHYE NAS DA NI ZHES BYA BA LA SOGS PAS JI LTAR NA LUS G-YO BAR BYED PA'I LAS LUS KYI LAS YIN PA DE LTA BUR STON TO, ,BAR GYI TSIG MI MNGON PAR BYAS PA'I PHYIR ZHES BYA BA NI G-YO BAR BYED PA'I TSIG MI MNGON PAR BYAS PA'I PHYIR RO ZHES BYA BA'I THA TSIG GO, ,SMAN PA LA'I 'BRU MAR LTA BU ZHES BYA BA NI SMAN PA LA DANG BTZOS PA'I 'BRA MAR LA SMAN PA LA'I 'BRU MAR ZHES PAR GYI TSIG MI MNGON PAR BYAS PA'I PHYIR RO, ,SMAN PA LA'I TSIG GIS NI 'DIR SMAN PA TU LA YIN PAR RIG PAR BYA'O, ,RDUL GYI RLUNG ZHES BYA BA BZHIN NO ZHES BYA BA BZHIN NO ZHES BYA BA NI RDUL 'THUL BAR BYED PA'I RLUNG NI RDUL GYI RLUNG NGO, ,DPE SNA TSOGS PA SMOS PA NI DON 'DI GSAL BAR BYA BA'I PHYIR RO, ,LUS KYI LAS KYI SGRA BSGRUB PA 'DIS NI MDO'I TSIG 'DI NYID GSAL BAR NUS SAM ZHES BYA BA LA SOGS PA SNGAR BRTZAD PA GANG YIN PA DE'I LAN BTAB BAR RIG PAR BYA STE, SEMS PA'I KHYAD PAR KHO NA LA DE LTA BUR BRJOD PA'I PHYIR RO, ,LAN 'DI NI PHYI MA NGAG GI LAS LA YANG BLTA BAR BYA'O, ,SEMS PA'I KHYAD PAR KHO NA LA LUS LA SOGS PA'I LAS RNAM PAR GZHAG PA DANG, 'DIR YANG GZHAN GYIS 'GAL BAR BSTAN PA'I PHYIR, LAS KYI LAM RNAMS LAS ZHES BYA BA LA SOGS PA SMRAS SO, ,DE SKAD CES BYA BAR 'GYUR ZHE NA ZHES BYA BA NI SROG GCOD PA LA SOGS PA ZHES BYA BAR RO; ;'DI SKAD DU LAS KYI LAM RNAMS KYI NANG NAS SROG GCOD PA LA SOGS PAS LUS KYI LAS RNAM PA GSUM DU RNAM PAR PHYE LA, KHYED KYI LUGS KYIS NI LUS KYI LAS KYANG SEMS PA LA BYA BAS DE'I PHYIR JI LTAR NA DE LA DE LTAR THA SNYAD GDAGS TE, DES NI SROG GCOD PA DANG MA BYIN PAR LEN PA DANG, 'DOD PA BUD MED RNAMS LA LOG PAR G-YEM PAR MI BYED KYI, 'ON KYANG LUS KYI RNAM PAR RIG BYED KYIS DE LTA BUR BYED DO ZHES BSTAN PA YIN NO, ,DES DE ZHES BYA BA LA SOGS PAS NI SLOB DPON GYIS LAN BSTAN PA YIN TE, DES ZHES BYA BA NI SEMS PAS SO, ,DES BSKYED PA'I ZHES BYA BA LA SOGS PAS NI TSIG SMOS PA 'DI NYID @99A *, ,'GREL PA YIN NO, ,JI LTAR ZHES BYA BA LA SOGS PA NI JI LTAR CHOM RKUN GYIS SPAR BA'I MES GRONG BSREGS PA DANG, DE BZHIN DU RTZVA LAS BYUNG BA'I SEMS 'BRAS CHAN TSOS PA NA CHOM RKUN RNAMS KYIS GRONG BSREGS PA DANG, RTZVAS 'BRAS CHAN TSOS ZHES ZER TE, 'DI YANG DE BZHIN NO ZHES BYA BA'I THA TSIG GO, ,JI LTAR NA ZHES BYA BA LA SOGS PA LA, 'DIR GZHAN GYI BSAM PA NI GANG GI LTAR NA SROG GCOD PA LA SOGS PA LUS DANG NGAG GI LAS KYI RANG BZHIN YIN PA DE'I LTAR NA NI LUS DANG NGAG LAS KYI RANG BZHIN YIN PA'I PHYIR LAS SEMS PA ZHES BYA BA'I LAS KYI LAM NYID DU RIGS KYI, GANG GI LTAR NA SEMS PA NYID LUS LA SOGS PA'I LAS YIN PA DE'I LTAR NA LAS KYI LAM DU MI RIGS SO ZHES BYA BA 'DI YIN NO, ,DE NI LAS KYANG YIN LA ZHES BYA BA LA SOGS PAS NI SLOB DPON GYIS LAM BSTAN PA YIN NO, ,LAS KYANG YIN LA ZHES BYA BA NI SEMS PA NI RANG GI LAS KYI RANG BZHIN YIN PA'I PHYIR RO, ,BDE 'GRO DANG NGAN 'GRO GNYIS KYI LAM YANG YIN PAS NA ZHES BYA BA NI DGE BA LA SOGS PA'I RANG BZHIN DES BDE 'GRO DANG NGAN 'GROR 'GRO BA'I PHYIR RO, ,LUS G-YO BA ZHES BYA BA LA SOGS PA 'DIS NI SEMS PA LAS LOGS SHIG NA LAS KYI LAM GZHAN ZHIG YOD PA NYID DU SGRUB PAR BYED DE, LUS 'GUL BAR SNANG BA'I SHES PA NI 'DIR LUS G-YO BA YIN NO, ,DE NI LAS KYI LAM YIN TE, LUS KYI LAM NI LAS KYI LAM YIN PA'I PHYIR RO, ,JI LTAR NA DE LAS KYI LAM YIN ZHE NA, DE'I PHYIR, SEMS PA ZHES BYA BA'I LAS RNAM PA GSUM NI ZHES BYA BA LA SOGS PA GSUNGS TE, DE LA BRTEN NAS 'JUG PA'I PHYIR RO ZHES BYA BA NI LUS G-YO BA LA DMIGS TE 'JUG PA'I PHYIR, ,DE NI DES KYANG ZHES BYA BA LA SOGS PA 'DI'I PHYIR YANG LAS KYI LAM YIN TE, DES KYANG ZHES BYA BA NI SEMS KYIS BSKYOD PAS LUS G-YO BAS SO, ,GZHAN YANG 'JIG RTEN DAG GI RJES SU MTHUN PAR DE NI ZHES BYA BA LA SOGS PAS NI DE NI LAS KYI LAM ZHES BYA BA 'BA' ZHIG TU MA ZAD KYI 'ON KYANG LUS KYI LAS ZHES BYA'O ZHES BYA BA'I THA TSIG GO, ,JI LTAR NA DE LUS KYI LAS ZHES BYA ZHE NA, DE'I PHYIR 'JIG RTEN DAG GI RJES SU MTHUN PAR ZHES BYA BA GSUNGS TE, 'JIG RTEN RNAMS LA JI LTAR SNANG BA DANG BSTUN PAR YIN GYI DON DAM PAR NI MA YIN TE, SEMS PA'I KHYAD @99B PAR KHO NA LA DE SKAD CES BRJOD PA'I PHYIR RO, ,DE LA DGE BA DANG MI DGE BA NI YOD KYI ZHES BYA BA NI DON DAM PAR NA SEMS PA'I KHYAD PAR KHO NA LA DGE BA DANG MI DGE BA LA SOGS PA YONG BA'I PHYIR LUS G-YO BA LA NI DE LTA BU MED DO ZHES BYA BA'I THA TSIG GO, ,'DOGS PAR NI BYED DE ZHES BYA BA NI MED MOD KYI 'ON KYANG 'DOGS PAR NI BYED DO, ,CI'I PHYIR 'DOGS SHE NA, DE'I PHYIR, DE'I SGO NAS ZHES BYA BA LA SOGS PA GSUNGS TE, DE'I SGO NAS ZHES BYA BA NI SEMS PA'I RTEN LUS G-YO BA'I SGO NAS ZHES BYA BA'I THA TSIG GO, ,SEMS PA DE LA ZHES BYA BA NI LUS G-YO BA DANG 'BREL PA'I SEMS PA DGE BA LA SOGS PA LA'O, ,'JIG RTEN 'JUG PA DANG LDOG PAR GZUD PA'I PHYIR RO ZHES BYA BA NI DGE BA RNAMS LA NI 'JUG PAR GZUD PA'I PHYIR LA, MI DGE BA RNAMS LA NI LDOG PAR GZUD PA'I PHYIR RO ZHES BYA BA'I THA TSIG GO, ,GAL TE SEMS PA KHO NA LAS ZHES BYA BA LA SOGS PAS NI GZHAN DAG MDO DANG 'GAL BAR STON PA YIN NO, ,RNAM PA GSUM NI SROG GCOD PA LA SOGS PA'I KHYAD PAR GYIS SO, ,CHED DU BSAMS NAS ZHES BYA BA NI CHED DU BSAMS NAS YIN GYI, ,BAB COL LA SOGS PAR NI MA YIN PA'O, ,SDUG BSNGAL 'BYUNG BA ZHES BYA BA NI SDUG BSNGAL GYI RGYUR GYUR PA'I PHYIR NA SDUG BSNGAL KUN 'BYUNG BA YIN NO, ,SDUG BSNGAL GYI RNAM PAR SMIN PA CAN ZHES BYA BA NI 'BRAS BU SDUG BSNGAL YIN PA'I PHYIR SDUG BSNGAL GYI 'BRAS BU CAN YIN NO, ,BYAS SHING ZHES BYA BA NI KUN TU SPYAD PA'O, ,BSAGS PA YIN ZHES BYA BA NI BRTAS PA DANG 'PHEL BAR BYAS ZHES BYA BA'I THA TSIG GO, ,MDO 'DI LAS NI LUS KYIS ZHES 'BYUNG BA DE DANG 'GAL LO, ,SGO ZHES BYA BA LA SOGS PA 'DI NI SLOB DPON GYIS LAN BTAB PA YIN TE, LUS KYI SGO NAS SEMS PA KHO NAS BYAS PA LA LUS KYI BYA BA ZHES BYA'O ZHES BYA BA'I THA TSIG GO, ,SGO DANG, RTEN DANG, DMIGS PA NI 'OG MA 'OG MAS BSHAD PA'AM, RNAM GRANGS SU RIG PAR BYA'O, ,CI STE GZHAN DAG GAL TE LUS LA SOGS PA'I LAS KYANG SEMS PA KHO NA YIN NA, 'O NA YIN KYI LAS DANG DE KHYAD PAR CI YOD SNYAM DU SEMS SU DOGS NAS, DE LAS GZHAN PA'I ZHES BYA BA LA SOGS PA GSUNGS TE, LUS G-YO BA LA SOGS PA LA BRTEN PA'I SEMS PA LAS GZHAN PA GANG YIN PA STE, GANG ZHIG LUS LA SOGS PA LA DMIGS PA ZHUGS PA MA @100A *, ,YIN PA'O ZHES BYA BA'I THA TSIG GO, ,JI LTAR NA DE YID KYI LAS ZHES BYA ZHE NA, DE'I PHYIR, YID DANG MTSUNGS PAR LDAN PA'I PHYIR, ,ZHES BYA BA GSUNGS TE, YID TZAM KHO NA DANG MTSUNGS PAR LDAN PA'I PHYIR RO ZHES BYA BA'I THA TSIG GO, ,JI LTAR NA DE TZAM KHO NA DANG MTSUNGS PAR LDAN ZHEN, DE'I PHYIR, LUS DANG NGAG CES BYA BA LA SOGS PA GSUNGS SO, ,'O NA ZHES BYA BA LA SOGS PAS NI GZHAN DAG 'GAL BA GZHAN STON PA YIN NO, ,'O NA CI STE BCOM LDAN 'DAS KYIS ZHES BYA BA NI 'O NA CI'I PHYIR ZHES BYA BA'I THA TSIG STE, BSAM PA NI LOGS SHIG NAS LAS GZHAN ZHIG MED PA MA YIN PA DE'I LTAR NA SEMS PAS LUS DANG NGAG GI LAS KYI RANG BZHIN DU BYAS PA'I PHYIR BSAMS PA'I ZHES BYA BAR RIGS KYI, GANG GI LTAR NA SEMS PA NYID LUS LA SOGS PA'I LAS YIN PA DE'I LTAR NA SEMS PAR BYED PAR MI RIGS TE, DE NYID KYIS DE BYED PA MA YIN NO ZHES BYA BA 'DI YIN NO, ,SNGAR SEMS PA ZHES BYA BA LA SOGS PAS NI SLOB DPON GYIS LAN BTAB PA YIN NO, ,SNGAR SEMS PA RNAM PA GSUM BSHAD PA ZHES BYA BA NI 'GRO BAR BYED PA'I SEMS PA ZHES BYA BA LA SOGS PA'I DBYE BAS SO, ,DE LAS GNYIS KYIS NI ZHES BYA BA NI 'GRO BAR BYED PA DANG, NGES PA GNYIS KYIS SO, ,GSUM PA NI RAB TU 'JUG PAR BYED PAS ZHES BYA BA NI G-YO BAR BYED PAS SO, ,DE NI ZHES BYA BA NI G-YO BAR BYED PA'I SEMS PA'O, ,DE LTAR LUS LA SOGS PA'I LAS RGYA CHER RNAM PAR PHYE NAS, DA NI NGAG GI LAS RNAM PAR BSHAD PAR BZHED NAS, NGAG NI ZHES BYA BA LA SOGS PA GSUNGS SO, ,DBYANGS KYI KHYAD PAR GANG GIS DON GO BAR BYED PA'O ZHES BYA BA NI, KYE MA 'DU BYED RNAMS MI RTAG ,CES BYA BA LA SOGS PA'O, ,DE SLONG BAR BYED PA ZHES BYA BA NI NGAG SLONG BAR BYED PA'O, ,YI GE ZHES BYA BA LA SOGS PAS NI NGAG RNAM PA GZHAN DU SGRUB PA BSTAN TO, ,YI GE'I RNAM PA YIN PA'I PHYIR ZHES BYA BA NI YI GE'I RANG BZHIN YIN PA'I PHYIR NA NGES PA'I TSIG GI TSUL GYIS DBYANGS LA NGAG YOD CES BYA'O, ,'DOD PA'I DON RJOD PAR BYED PAS NA ZHES BYA BA NI 'DOD PA'I DON TE BRJOD PAR 'DOD PA'I DON GZHAN LA RJOD PAR BYED, RAB TU STON PAR BYED PAS SO, ,'DIR YANG NGES PA'I TSIG GI TSUL NYID KYIS DBYANGS LA NGAG CES BYA'O, ,SNGA MA BZHIN DU ZHES BYA BA NI JI LTAR LUS KYI LAS @100B BSTAN PAR BYED PA PO'I YID MNGON PAR 'DU BYED PA NI LAS SO ZHES LAS BSGRUBS PA DE NYID 'DIR YANG BLTA BAR BYA'O ZHES BYA BA'I THA TSIG GO, ,SNGA MA BZHIN DU BAR GYI TSIG MI MNGON PAR BYAS PA'I PHYIR RO ZHES BYA BA NI JI LTAR LUS KYI LAS NI SMAN PA LA'I 'BRU MAR LTA BU DANG RDUL GYI RLUNG ZHES BYA BA BZHIN TE, BAR GYI TSIG ME MNGON PAR BYAS PA'I PHYIR RO ZHES BSGRUBS PA DE BZHIN DU NGAG GI LAS LA YANG BLTA BAR BYA'O, ,NGAG GI LAS BYE BRAG TU BSGRUBS NAS, DA NI YID KYI LAS BSGRUB PA RNAM PAR SHES PA NI ZHES BYA BA LA SOGS PA GSUNGS SO, ,RNAM PAR SHES PA NI YID DE ZHES BYA BA NI RNAM PAR SHES PA LA YID DU RIG PAR BYA'O ZHES BYA BA'I THA TSIG GO, ,JI LTAR NA RNAM PAR SHES PA LA YID CES BYA ZHE NA, DE'I PHYIR NGA YIR BYAS PA'I PHYIR ZHES BYA BA LA SOGS PA GSUNGS TE, NGA DANG NGA'I ZHES NGA YIR BYAS PA'I PHYIR TE, RANG GIR BYA BA'I PHYIR ZHES BYA BA'I THA TSIG GO, ,SKYE BA GZHAN DANG ZHES BYA BA LA SOGS PA 'DI'I PHYIR YANG RNAM PAR SHES PA LA YID DU RIG PAR BYA'O, ,GZHOL BAR BYED PA'I PHYIR ZHES BYA BA NI 'BAB PAR BYED PA'I PHYIR TE, DE NI SEMS DANG MTSUNGS PA DANG LDAN PAR BYA BA'I PHYIR LHA LA SOGS PA'I RIS MTHUN PA'I SKYE BA GZHAN DANG GZUGS LA SOGS PA YUL LA 'JUG PAR BYED PAS SO, ,LHAG MA NI SNGAR JI SKAD BSTAN PA BZHIN NO ZHES BYA BA LA, LHAG MA NI LAS DANG YID KYI LAS TE, DE NI SNGAR BSTAN TE, 'DI LTAR BYED PA PO'I YID MNGON PAR 'DU BYED PA NI LAS SO ZHES BYA BA 'DIS NI LAS BSTAN TO, ,DE BZHIN DU LUS DANG NGAG RAB TU 'JUG PAR MI BYED PA'I PHYIR YID DANG MTSUNGS PAR LDAN PA'I LAS NI YID KYI LAS ZHES BYA BA 'DIS KYANG MTSUNGS PAR LDAN PA'I SGRA MI MNGON PAR BYAS PA'I PHYIR YID KYI LAS ZHES BSTAN PA YIN NO, ,GAL TE ZHES BYA BA LA SOGS PAS NI GZHAN DAG RGOL BAR BYED PA YIN NO, ,DE LA SEMS RNAM PAR G-YENGS PA DAG NI SNGON PA LA SOGS PA LEN PA'I SEMS LAS GZHAN PA'I SEMS GANG DAG YIN PA'O, ,SEMS MED PA DAG NI SEMS YOD PA MA YIN PA'O, ,SEMS DE MED NA ZHES BYA BA NI LUS DANG NGAG GI LAS KYI RANG BZHIN GYIS SEMS PA MED PA'O, ,SDOM PA DANG SDOM PA MA YIN PA GNYIS JI LTAR YOD CE NA ZHES BYA BA NI MED PA KHO NA YIN NO ZHES BYA BA'I THA PTSIG GO, ,SEMS PA'I KHYAD @101A *, ,PAR GYI ZHES BYA BA LA SOGS PAS NI LAN 'DEBS PA YIN NO, ,SEMS PA'I KHYAD PAR NI SEMS PA'I KHYAD PAR RO, ,DE'I BAG CHAGS NI SEMS PA'I KHYAD PAR GYI BAG CHAGS SO, ,DE MA BCOM PA NI SEMS PA'I KHYAD PAR GYI BAG CHAGS MA BCOM PA STE DE'I PHYIR RO,, CI ZHE NA, DE'I PHYIR, SDOM PA DANG SDOM PA MA YIN PA GNYIS TE, YOD PAR 'GYUR RO ZHES BYA BA LHAG MA'O, ,GAL TE NA SEMS PA'I KHYAD PAR ZHES BYA BA LA SOGS PA'I TSIG LA CI'I PHYIR KHYAD PAR SMOS PA BYAS SNYAM DU SEMS PAS DE'I PHYIR, KHYAD PAR SMOS PA NI ZHES BYA BA LA SOGS PA GSUNGS TE, GANG LAS ZHES BYA BA NI SEMS PA'I KHYAD PAR LAS SO, ,SDOM PA DANG SDOM PA MA YIN PA'I RNAM PAR RIG BYED MA YIN PA KUN NAS LDANG BAR BRTAGS PA'I ZHES BYA BA NI SDOM PA DANG SDOM PA MA YIN PA'I RANG BZHIN GYI RNAM PAR RIG BYED MA YIN PA GANG YIN PA DE NI SDOM PA DANG SDOM PA MA YIN PA'I RNAM PAR RIG BYED MA YIN PA STE GANG LAS DE KUN NAS LDANG ZHING 'BYUNG BAR BRTAGS PA ZHES BYA BA'I THA TSIG GO, ,DE'I BAG CHAGS BCOM PA CI ZHE NA ZHES BYA BA 'DIS NI GZHAN DAG BCOM PA'I DON 'DRI BA YIN NO, ,SPONG BA DANG ZHES BYA BA LA SOGS PAS NI SLOB DPON GYIS STON PA YIN NO, ,JI LTAR KHAS BLANGS PA ZHES BYA BA NI GANG ZHIG NYIN ZHAG GCIG PA'AM JI SRID 'TSO BA DE LTA BU KHAS LEN PA'O, ,SPONG BA DANG SPONG BA MA YIN PA'I SEMS PA ZHES BYA BA DE LA SDOM PA NOD PA'I SEMS PA NI SPONG BA'I SEMS PA'O, ,SPONG BA MA YIN PA'I SEMS PA NI SDOM PA MA YIN PA NOD PA'I SEMS PA'O, ,RGYU MA YIN PA NYID DO ZHES BYA BA NI JI LTAR SNGON BAG CHAGS DE SEMS PA 'JUG PA'I RGYU YIN PA DE LTAR GYU MA YIN PA NYID DO, ,CI ZHE NA, DE BCOM PA YIN NO ZHES BYA BAR SBYAR RO, ,GANG GIS ZHES BYA BA LA SOGS PA NI GZHAN BCOM PA'I RGYU 'DI 'DRI BA YIN NO, ,SDOM PA DANG SDOM PA MA YIN PA ZHES BYA BA LA SOGS PAS NI SLOB DPON GYIS DE'I RGYU STON PA YIN NO, ,SDOM PA DANG SDOM PA MA YIN PA NI SDOM PA DANG SDOM PA MA YIN PA DAG GO, ,DE GNYIS GTONG BA NI SDOM PA DANG SDOM PA MA YIN PA GTONG BA'O, ,DE'I RGYU NI SDOM PA DANG SDOM PA MA YIN PA GTONG BA'I RGYU'O, ,DE NI SDOM PA DANG SDOM PA MA YIN PA GTONG BA'I RGYU YANG YIN LA, RNAM @101B BAR RIG BYED KYANG YIN PAS SDOM PA DANG SDOM PA MA YIN PA GTONG BA'I RGYU RNAM PAR RIG BYED DO, ,DE GANG ZHE NA, BSLAB PA GTONG BA'I RNAM PAR RIG BYED DANG, DE KUN DU SPYOD PA'I RNAM PAR RIG BYED DO, ,GTONG BA'I RGYUR GYUR PA'I RNAM PAR RIG BYED DE KUN NAS SLONG BAR BYED PA'I SEMS PA GANG YIN PA STE, DES BAG CHAGS NYAMS PAR BYAS PAS SO, ,DE LAS GZHAN PA'I GTONG BA'I RGYUS SO ZHES BYA BA NI DGE BA'I RTZA BA CHAD PA LA SOGS PA'O, ,SNGAR CI'I PHYIR LUS LA SOGS PA'I LAS KHO NA ZHES BYA BA'I MIG LA SOGS PA'I LAS RNAMS NI MA YIN NO ZHES BSTAN PA GANG YIN PA DE LA, LAN NI MIG LA SOGS PA'I ZHES BYA BA LA SOGS PA GSUNGS PA YIN TE, 'DIR RTZOL BA CAN ZHES BYA BA NI DGE BA LA SOGS PA MNGON PAR 'DU BYED PA ZHES BYA BA'I THA TSIG GO, ,RTZOL BA CAN GYI LAS CI YIN ZHE NA ZHES BYA BA 'DI SMRA BA NI GZHAN NO, ,BYED PA PO'I YID MNGON PAR 'DU BYED PA GANG YIN PA'O ZHES BYA BA GSUNG BA NI SLOB DPON NO, , BYED PA CI YIN ZHE NA ZHES BYA BA NI GZHAN GYI SKABS SU MIG LA SOGS PA'I BYED PA 'DRI BA YIN NO, ,SO SO'I NUS PA YOD PA'O ZHES BYA BA 'DIS NI SLOB DPON GYIS LAN GSUNGS PA YIN NO, ,SO SO'I ZHES BYA BA NI MIG LA SOGS PA RE RE'O, ,NUS PA ZHES BYA BA NI MIG GI RNAM PAR SHES PA LA SOGS PA SKYED PAR BYED PA NYID DO ZHES BYA BA'I THA TSIG GO, ,DE LTAR RAB TU BYED PA RGYA CHER RDZOGS PAR BYAS NAS BSOD NAMS YOD PA GANG YIN PA DE SEMS CAN THAMS CAD GO 'PHANG BLA NA MED PA THOB PAR BYA BA'I PHYIR, SLOB DPON GYIS, LAS GSUM ZHES BYA BA LA SOGS PA'I TSIGS SU BCAD PAS BSNGO BA GSUNGS PA YIN NO, , LAS GSUM ZHES BYA BA NI LUS LA SOGS PA'I LAS GSUM MO, ,BCOM LDAN 'DAS KYIS GSUNGS PA GANG ZHES BYA BA NI BCOM LDAN 'DAS KYIS BKA' STZAL BA'O, ,DE CI ZHE NA, DE'I PHYIR, MA BSHAD CES BYA BA GSUNGS TE, RNAM PAR MA PHYE BA'O, ,SUS SHE NA, PHYI ROL GYI DON YOD PAR SMRA BA RNAMS KYIS SO ZHES BYA BA TSIG LHAG MA'O, ,RNAM PA GANG GIS MA BSHAD CE NA, DE'I PHYIR TSUL GANG GIS ZHES BYA BA LA SOGS PA GSUNGS TE, DE DAG GIS RNAL 'BYOR SPYOD PA'I LUGS KYI RJES SU 'BRANG BA JI SKAD BSHAD PA'I TSUL GANG GI LAS GSUM RAB TU 'GRUB PA DE LTAR MA BSHAD PA ZHES BYA @102A *, ,BA'I THA TSIG GO, ,RNAL 'BYOR SPYOD PA RNAMS KYI LUGS 'DI YANG RANG GI BLOS DPYAD PA YIN PAR NI GO BAR MI BYA'O ZHES DE KUN BKA' STZAL BA'I ZHES BYA BA GSUNGS TE, TSUL BSHAD MA THAG PA DE THAMS CAD NI BCOM LDAN 'DAS KYIS 'PHAGS PA DGONGS PA NGES PAR 'GREL PA DANG, LANG KAR GSHEGS PA LA SOGS PA'I MDO SDE DE DANG DE DAG LAS RGYA CHER BKA' STZAL TO ZHES BYA BA'I THA TSIG GO, ,LAS GRUB 'DI ZHES BYA BA LA SOGS PA NI BDAG GIS LAS GRUB PA 'DI BSHAD PAR BYAS PA'I BSOD NAMS GANG YIN PA DES 'GRO BA SANGS RGYAS PA'I RNAM PAR DAG PA THOB PAR GYUR CIG CES BYA BA YIN NO, ,RNAM PAR DAG PA NI NYON MONGS PA DANG, SHES BYA'I SGRIB PA SPANG BA'I KHYAD PAR LAS RNAM PA GNYIS SO, ,BDAG GIS LAS GRUB BSHAD PAS DENG, ,BSOD NAMS THOB PA GANG YIN DES, ,'GRO BA BLO GROS BZANG PO LAS, , YOD YE G-YO BA MED PAR SHOG ,LAS GRUB PA'I RAB TU BYED PA'I 'GREL PA, SLOB DPON DPAL N'A LEN DRA'I GTZUG LAG KHANG CHEN PO NA GNAS PA'I DGE SLONG BLO BZANG NGANG TSUL GYIS MDZAD PA RDZOGS SO,, ,,RGYA GAR GYI MKHAN PO BI SHUDDHA SIm HA DANG, LO TZ'A BA DGE SLONG RTZANGS DE BEN DRA RAKshI TAS BSGYUR CING, ZHU CHEN GYI LO TZ'A BA BAN DE DPAL BRTZEGS KYIS ZHUS TE GTAN LA PHAB PA, *, ,RGYA GAR SKAD DU, MA DHYA MA K'A LANG K'A RA BRi TTI MA DHYA MA PRA TI PA DA SIDDHI N'A MA, BOD SKAD DU, DBU MA RGYAN GYI 'GREL PA DBU MA'I LAM GRUB PA ZHES BYA BA, ,'JAM DPAL GZHON NUR GYUR PA LA PHYAG 'TSAL LO, ,GRANGS MED GSUM GYIS NGES 'BYUNG ZHING, ,JI SRID 'GRO GNAS 'GRO DON DU, ,YANG DAG SKU GSUM GYIS BZHUGS PA, ,THUB PA KHYED KYIS RTAG TU SRUNGS, ,BYAMS PA THOGS MED KYIS GSUNGS SHING, KLU SGRUB KYIS KYANG BZHED PA YI, ,TSAD MA LUNG DANG LDAN PA YIS, ,BDEN PA GNYIS 'DIR BSHAD PAR BYA, ,BDEN PA GNYIS ZHES BYA BA NI DON DAM PA'I BDEN PA DANG, KUN RDZOB KYI BDEN PA'O, ,DE LAS 'DI BSHAD PAR ZHES BYA BA 'DIS RAB TU BYED PA BRJOD PAR BYA BA BSTAN TO, ,LHAG MAS NI DE @102B PHYIN CI MA LOG PAR 'JIG RTEN PA'I TSAD MA MNGON SUM DANG RJES SU DPAG PA DES GRUB PA NI GRUB PA KHO NA'O, ,BCOM LDAN 'DAS KYANG MCHOG TU TSAD MA YIN TE, DE BAS NA LUNG YANG GZUNG NGO, ,CHAD MA LUNG DANG LDAN PA YIS, ,ZHES BYA BA LA LUNG NI 'DIR THEG PA CHEN PO STE, DE'I YANG ZAB MO'I DON LA 'PHAGS PA 'BA' ZHIG TSAD MA YIN TE, DE NI BYAMS PA LA SOGS PAS GSUNGS PA YIN NO, ,BCOM LDAN 'DAS BYAMS PA BYANG CHUB SEMS DPA'I MTHAR PHYIN PA DE MA THAG TU MNGON PAR RDZOGS PAR 'TSANG RGYA BA DANG, 'PHAGS PA THOGS MED SA GSUM PA DANG, 'PHAGS PA KLU SGRUB NI SA DANG PO PA YIN TE; RAB TU DGA' BA'I SA BSGRUBS NAS, ,BDE BA CAN DU DE 'GRO'O, ,ZHES GSUNGS PA'I PHYIR RO, ,BCOM LDAN 'DAS BYAMS PAS GSUNGS SHING LEGS PAR GSUNGS LA, 'PHAGS PA THOGS MED DANG, 'PHAGS PA KLU SGRUB KYIS KYANG CI MA GSUNGS SAM, GSUNGS PA SMOS PAS NI RGYUN MA CHAD PAR BSTAN PA'I PHYIR RO, ,BZHED PA SMOS PAS NI DES PHYOGS KHA CIG TU BSTAN PA'I PHYIR DES PHAL CHER RANG BZHIN GNYIS BSTAN PAR GRAGS SO, ,KHA CIG TU GZHAN GYI DBANG KHO NA BSTAN GYI CI'I PHYIR THAMS CAD DU MA YIN, ,STONG PA NYID BSTAN PAS YANG DE MA SMRAS KYANG GRUB PA'I PHYIR RO, ,GZHAN GYI DBANG MED NA STONG PA NYID CHOS NYID DU MI 'GYUR TE, RI BONG GI RVA LA BYE BRAG TU BYAR MED PA BZHIN NO, ,GSAL BA'I RANG BZHIN RNAMS MED NA, DE JI LTAR 'PHAGS PA RNAMS KYIS THUGS SU CHUD PAR 'GYUR, ,BYANG CHUB KYI THABS DBU MA'I LAM DE 'DIR JI LTA BU ZHIG YIN ZHE NA, GNYIS KYI BDAG NYID THAMS CAD MED, ,GNYIS SU 'KHRUL PA'I BDAG NYID YOD, ,DE NI STONG PA'I BDAG NYID DE, ,DBU MA'I LAM DU 'DI BZHED DO, ,ZHES BYA BA SMRAS TE, GNYIS NI GZUNG BA DANG 'DZIN PA'O, ,DE'I BDAG NYID NI RANG BZHIN NO, ,DES THAMS CAD MED PA NI PHUNG PO LA SOGS PA MED PA'O,, GNYIS MED PA LA GNYIS SU SNANG BA NI 'KHRUL PA'O, ,DE LA BDAG NYID NI PHUNG PO LA SOGS PA GNYIS PA'O, ,DE'I PHYIR 'DI NI YOD PA NYID DO, ,DE LA STONG PA NYID NI GNYIS KYIS STONG PA STE, GNYIS DANG BRAL BA GZHAN GYI DBANG GI BDAG NYID PHUNG PO LA SOGS PA GSUM PA'O, ,DES NA YANG 'DI DAG @103A *, ,NI YOD PA NYID DO, ,DE NI DBU MA'I LAM ZHES BZHED DO, ,DANG PO'I RANG BZHIN GYI CHOS RNAMS NI MED PA'I PHYIR LA, GZHAN DAG GIS NI YOD PA'I PHYIR RO, ,'GA' ZHIG GIS NI YOD LA, 'GA' ZHIG MED PA NI DBU MA'I DON ZHES BYA'O, ,'O NA RANG BZHIN DE DAG GI MING CI ZHES BYA, YANG GANG LAS DE NI DE DAG GI MING DU BTAGS SHE NA, KUN BRTAGS DANG NI GZHAN DBANG DANG, ,YONGS SU GRUB PA 'DI RNAMS NI, ,BTAGS DANG RGYU LAS SKYE BA DANG, MI 'GYUR PHYIR NA GO RIMS BZHIN, ,ZHES BYA BA SMRAS TE, 'DI GSUM GYI RANG BZHIN NI GO RIMS JI LTA BA BZHIN DU KUN BRTAGS DANG GZHAN DBANG DANG YONGS SU GRUB PA ZHES BYA BA'I MING CAN TE, 'KHRUL PA LA SGRO BTAGS PA'I PHYIR DANG, RGYU LAS SKYE BA'I PHYIR DANG, MI 'GYUR BA'I PHYIR GO RIMS JI LTA BA BZHIN NO, ,YANG GANG GZHAN GYI DBANG DE NYID MED PA LA SGRO 'DOGS PA'I PHYIR YANG DAG PA MA YIN PA'I KUN TU RTOG PA STE, 'PHAGS PA BYAMS PAS KYANG DBUS DANG MTHA' RNAM PAR 'BYED PA'I BSTAN BCOS LAS, ,YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI DE LA YOD, ,DE LA YANG NI DE YOD DO, ,STONG PA MA YIN MI STONG MIN,, DE LTA BAS NA THAMS CAD BSHAD, ,YOD PAS MED PAS YOD PAS NA, ,DE NI DBU MA'I LAM YIN NO, ,ZHES GSUNGS SO, ,GZHAN DAG NI GZHAN DU DBU MA'I LAM SMRA STE, 'DI LTA STE SNGON PO LA SOGS PA 'DI DAG NI MED PA MA YIN TE, NYAMS SU MYONG BAS GRUB PA'I PHYIR RO, ,YOD PA MA YIN TE, RNAM PAR DPYAD NA MI BZOD PA'I PHYIR RO ZHE NA, DE NI BDEN PA MA YIN TE, GANG GI PHYIR ZHE NA, DE NYAMS SU MYONG BAS NYAMS SU MYONG BA MED PA 'GAL BAS SEL GYI BRDZUN PA NI MA YIN TE, DE'I PHYIR NYAMS SU MYONG BA TZAM GYIS YOD PAR MI 'GRUB LA, MED PAR YANG MA YIN TE, MI RIGS PA'I PHYIR RO, ,YOD PA MA YIN PA'I RIGS PAR NI 'GYUR NA, GAL TE RNAM PAR DPYAD PA DANG 'GAL BA NYID GRUB NA NI 'GYUR RO, ,PHUNG PO LA SOGS PA'I CHOS DON DAM PAR NI MED LA, KUN RDZOB TU YOD PA 'DI NI DBU MA'I LAM YIN PAR GZHAN DAG 'DOD DE, DE YANG BDEN PA MA YIN TE, DNGOS PO'I CHOS @103B RNAMS MED NA NI, ,GAL TE KUN RDZOB JI LTAR YOD, ,DAM PA'I DON DU YOD MIN PHYIR, ,DE NI YOD PAR JI LTAR 'GYUR, ,ZHES BYA BA NI GANG GI PHYIR TSAD MA DAM PAS GNOD PA GANG YIN PA DE NI DON DAM PAR MID PA YIN NO, ,DE TSAD MA MA YIN PAR 'GYUR BA'I KUN RDZOB KYIS YOD PAR NI MI GRUB BO, , DE JI LTAR KUN RDZOB TU YOD CES BRJOD, ,GZHAN YANG DON DAM PAR THAMS CAD MED PAR SMRA BA DE LA, THAMS CAD DU NI KUN MED NA, ,MED PA PA LAS LHAG PA 'THOB, ,SNGON YOD PA NI GNYEN PO YIS, ,BSHIG PA NYID NA GZUGS BRNYAN 'GYUR, ,ZHES BYA BA SMRAS TE, THAMS CAD DU THAMS CAD MED PAR SMRA NA, MED PA PA LAS LHAG PAR 'GYUR TE, GANG GI PHYIR MED PA PA DAG NI BDEN PA DANG, DKON MCHOG DANG LAS DANG 'BRAS BU LA SOGS PA MED PAR LTA'O, ,'ON TE SNGAR YOD PA'I GNYEN POS BSHIG PAR GYUR PAS CHOS RNAMS MED DO ZHES ZER NA DE'I TSE GZUGS BRNYAN YIN PAR THAL BAR 'GYUR TE, 'PHAGS PA SHES RAB KYI PHA ROL TU PHYIN PA LAS SHES RAB KYI PHA ROL TU PHYIN PA'I GZUGS BRNYAN GSUNGS TE, GZUGS MI RTAG PA NI GZUGS 'JIG PA'O ZHES BYA BA NAS, RNAM PAR SHES PA MI RTAG PA NI RNAM PAR SHES PA 'JIG PA'O ZHES BYA BA'I BAR DU DE DAG 'THOB PAR 'GYUR RO, ,NUS PA LTA BUR DER SNANG BAS, ,GAL TE DBU MA DE CI DGOS, ,NUS PA 'KHRUL PA LAS SKYES PAS, ,DGOS PA'I BYA BA RNAMS MI BYED, ,CES BYA BA NI CHOS RNAMS DON DAM PAR NUS PAS STONG PA'I PHYIR MED KYANG KUN RDZOB TU YANG NUS PA DANG LDAN PAR SNANG BAS DE'I PHYIR DBU MA'I LAM YIN NO ZHES ZER BA DE 'DRA BA'I DBU MA CI ZHIG DGOS TE, 'DI LTA BU'I NUS PA NI 'KHUL PA LAS SKYES PA YIN TE, DE NI MED PAS DGOS PA'I BYA BA RNAMS NI BYED DO, ,GANG GI PHYIR KUN RDZOB TU RGYU DANG 'BRAS BU MTHONG NA RGYU GRUB PAS 'BRAS BU THOB PAR 'GYUR RO, ,SA BON LA SOGS PA LAS MYU GU LA SOGS PA'I NUS PA MTHONG BAS MTHONG BA LA RIGS PA MA YIN PA MED DO ZHE NA, DE LTA MOD KYI TSAD MAS CHOS RNAMS NUS PA DANG LDAN PAR GRUB PAS DON DAM PA NYID DU YOD PAR 'GYUR BAS DE NI DBU MAR MI 'GYUR RO, ,GZHAN YANG, NUS PA'ANG MTHONG BAR MI 'GYUR TE, ,SA BON LA SOGS DE MED PHYIR, ,SA @104A *, ,BON LA SOGS SNANG BA YI, ,BLO YIS DE NI YOD PA'I PHYIR, ,ZHES BYA BA NI, SA BON LA SOGS PA LAS MYU GU LA SOGS PA'I NUS PA ZHES BYA BA 'DI DAG NI 'KHRUL PA STE, GCIG DANG DU MA'I RANG BZHIN DANG BRAL BA'I SA BON LA SOGS PA NI MED DE, ,DE NUS PA MI RIGS PA'I PHYIR RO, ,SA BON LA SOGS PAR SNANG BA'I GZHAN GYI DBANG DU BSTAN PA'I SHES PA DE LA NUS PA DANG LDAN TE, DE NI YOD PA'I PHYIR RO, ,GANG TSAD MA RNAM 'GREL MDZAD PAS 'DI SKAD DU, SA BON LAS NI MYU GU SKYES, ,DU BAS ME 'GRUB CI 'DRA BAR, ,PHYI YI DON LA RTEN PA 'DI, ,BYED PO SHES PAR BYED PAR GNAS, ,DE YANG SA BON LA SOGS SNANG, ,DE BZHIN DU NI BYED DANG 'BREL, ,SHES PA LA BRTEN PA'I RTOG YIN PAR, ,GAL TE 'GAL BA CI ZHIG YOD, ,CES BYA BA LA SOGS PA GSUNGS SO, ,'PHAGS PA LANG KAR GSHEGS PA LAS KYANG, RGYU DANG RKYEN LAS BZLOG PA YI, , BYED PA PO NI BKAG PA YIS, ,SEMS TZAM NYID DU RNAM GZHAG CING, ,SKYE BA MED PAR NGAS BSHAD DO, ,ZHES GSUNGS SO, ,RGYU NI RNAM PA DRUG STE, LHAN CIG 'BYUNG BA LA SOGS PA'O, ,RKYEN NI BZHI STE, RGYU DANG DMIGS PA LA SOGS PA'O, ,DE DAG LAS BZLOG PA'I BYED PA PO DANG DBANG PHYUG LA SOGS PA'O, ,DE DAG BKAG PAS NI SEMS TZAM NYID DU SKYE BAR RNAM PAR GZHAG STE, DE DAG GIS BSKYED PA'I SKYE BA MED DO ZHES BYA BA'I DON TO, ,KLU SGRUB KYI ZHAL SNGA NAS KYIS KYANG JI SKAD DU, 'DIR GANG CUNG ZAD SKYE MED PA, ,CUNG ZAD 'GAG PA'ANG YOD MA YIN, , SKYE BA DANG NI 'GAG PA DAG ,SHES PA 'BA' ZHIG KHO NA'O, ,ZHES GSUNGS SO, ,'DIR ZHES BYA BA'I PHUNG PO DANG KHAMS LA SOGS PA STE, NGES PAR BZUNG BA'I 'DUN PA'O, ,SHES PA 'BA' ZHIG CES BYA BA NI GZHAN GYI DBANG GI SHES PA'O, ,YANG JI LTAR SKYE BA NYID LA SKYE BA MED PA ZHES BYA ZHE NA, GANG ZHIG JI LTAR SKYE MED PA, ,GANG GIS SKYE BAR 'GYUR BA NI, ,SKYE BA MED CES DE LA BRJOD, ,MI BZA' BA DANG MI REG BZHIN, ,ZHES BYA BA SMRAS TE, 'DI LTAR GANG GI PHYIR GANG ZAG KHA CIG ZA BA DANG, REG PA NYID KHA CIG MI ZA ZHING REG PAR MI BYED DO ZHES BRJOD DO, ,MI ZA BA NI GRONG @104B KHYER GYI BYA GAG LA SOGS PA'O, ,MI REG PA NI GDOL PA LA SOGS PA'O, ,DE BZHIN DU YANG DAG PA MA YIN PA'I KUN TU RTOG PA'I GANG SKYE BA DE NI SKYE BA MED PA ZHES BSTAN TO, ,CHOS THAMS CAD STONG PA NYID DU SMRA BA NI THEG PA CHEN PO PA YIN NO ZHES SMRA BA DE LA GZHAN GYIS SMRAS PA, STONG PA NYID NI MED PA YIN TE, GANG GI TSE THAMS CAD MED PA YIN NA DE'I TSE 'GA' LA YANG RGYU MED DO, ,RTEN CING 'BREL BAR 'BYUNG BA DANG 'GAL BA'I PHYIR RO, ,BDEN PA DANG DKON MCHOG DANG LAS DANG 'BRAS BU LA SOGS PA LA SKUR PA BTAB PAR YANG 'GYUR RO, ,GAL TE DON DAM PAR NI MED LA, KUN RDZOB TU NI YOD DO ZHES ZER NA DE YANG BDEN PA MA YIN TE, SHING RTA'I YAN LAG YOD NA SHING RTAR GDAGS SO, ,DE BZHIN DU PHUNG PO YOD NA GANG ZAG LA GDAGS SO, ,THAMS CAD MED PA NYID YIN NA CI ZHIG NYE BAR LEN CING CI ZHIG LA NYE BAR GDAGS, ,'ON TE YANG THAMS CAD YOD PA YANG MA YIN MED PA YANG MA YIN PA DBU MA'I LAM YIN TE, THAMS CAD MED PA MA YIN NO ZHES BDAG CAG SMRA'O ZHE NA, DE YANG MI RIGS TE, YOD PA DANG MED PA PHAN TSUN GZHAN SEL BA'I MTSAN NYID GCIG YIN PA'I PHYIR GCIG BKAG PA NYID KYIS GNYIS PA MTSON PA'I PHYIR GNYIS BKAG PA NI MI RIGS SO, ,'DIR SLOB DPON KLU SGRUB KYIS LAN BTAB STE, GANG ZHIG RTEN CING 'BREL BAR 'BYUNG, ,DE NI STONG PA NYID DU BSHAD, ,DE NI RGYUR BCAS BRTAGS PA STE, DE NI DBU MA'I LAM YIN NO, ,GANG ZHIG GZHAN GYI DBANG GI NGO BO NYID RTEN CING 'BREL PAR 'BYUNG BA YIN LA, DE NYID LA KUN TU BRTAGS PA'I NGO BO MED PA'I PHYIR JI LTAR RTEN CING 'BREL BAR 'BYUNG BA LA SKUR BA BTAB PAR 'GYUR, NYE BAR LEN PA BTAGS PA DE NYID KYANG RTEN CING 'BREL PAR 'BYUNG BA YIN TE, YANG DAG PA MA YIN PA'I KUN TU RTOG PA YOD NA, DES NYE BAR LEN PA'I PHUNG PO LA SOGS PA RNAMS 'DOGS PA'I PHYIR RO ZHES DGONGS PA YIN NO, ,GANG ZHIG RTEN CING 'BREL BAR 'BYUNG, ,DE NYID DBU MA'I LAM YIN NO, ,ZHES BYA BA NI 'DI LTAR DGONGS PA YIN TE, KUN DU BRTAGS PA'I BDAG NYID THAMS CAD MED LA, GZHAN GYI DBANG GI BDAG NYID NI MED PA MA YIN TE, DE'I PHYIR DBU MA'I LAM ZHES BYA'O, ,DE LTA BAS NA GANG GI PHYIR GNYIS PO MED PAR SNANG BA DE @105A *, ,NYID KYI PHYIR YANG DAG PA MA YIN PA'I KUN TU RTOG PA NI YOD DO, ,GANG GI PHYIR DE YOD PA NYID KYI PHYIR GNYIS KYIS STONG PA DE LA YOD DE 'DI NI CHOS GSUM GYI RANG BZHIN DU GRUB PAR GYUR PA YIN NO, ,KUN TU BRTAGS PA'I RANG BZHIN DE NI YOD PA MA YIN GYI, GZHAN DAG NI MED PA MA YIN PA 'DI NI DBU MA'I LAM YIN NO ZHES NGES PAR 'GRUB PA YIN NO, ,YANG GANG ZHIG YANG DAG PA MA YIN PA'I KUN TU RTOG PA YANG YOD PAR MI BZHED PA'I PHYIR THAMS CAD BRDZUN PA YIN NO ZHES SMRA BA DE LA LAN GDAB PAR BYA STE, BRDZUN PA 'BA' ZHIG YIN PAS NA, ,RGYU MED PA DANG RES 'GA' 'ANG MIN, ,NUS PA MED DANG 'KHRUL PA TZAM, ,THAMS CAD TSAD MA YIN MI 'GYUR, ,GAL TE THAMS CAD BRDZUN PAR GYUR PA YIN NA DE'I TSE RGYU MED PA'I PHYIR RGYU MED PAR 'GYUR ZHING, RES 'GA' BAR YANG MI 'GYUR TE, RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,ZHES BYA BA'I RIGS PAS SO, NUS PA MED PA YIN TE, NUS PA MED PAR YANG MI 'GYUR BA YOD PAR NUS PA'I MTSAN NYID YIN PA'I PHYIR RO, ,'KHRUL PHA TZAM THAMS CAD KYIS THOB PAR 'GYUR TE, MED PAR GSAL BA'I PHYIR RO, ,DE BAS NA MA 'KHRUL PA 'PHAGS PA RNAMS KYIS MA GZIGS PAR THAL BAR 'GYUR RO, ,THAMS CAD 'KHRUL PA YIN NA YANG MNGON SUM MED PAS RJES SU DPAG PA YANG MED PA'I PHYIR THAMS CAD TSAD MA MA YIN PA MA LUS PAS THOB BO, ,GANG YANG DES KUN RDZOB KYI MTSAN NYID DU BZHAG PA, MA BRTAGS GCIG PU NYAMS DGA' BA, ,SKYE BA DANG NI 'JIG PA'I CHOS, ,DON BYED NUS DANG LDAN PA YI, ,DNGOS PO KUN RDZOB YIN PAR 'DOD, ,CES SMRAS PA DE SNGA PHYI 'GAL BA YIN TE, MA BRTAGS GCIG PU NYAMS DGA' BA DE NI GANG ZHIG DPYAD PAS 'GAL BA'I PHYIR RO, ,DE MED PA ZHES BYA STE, DE RNAMS KYIS DON BYED PA DANG, SKYE BA DANG 'JIG PAR GANG LAS 'GYUR, ,GZHAN YANG GANG GIS CHOS RNAMS NGO BO NYID MED PAR SGRUB PA DE LA 'DI LTAR DRI BAR BYA'O, ,DNGOS TZAM SNANG DANG NUS PA DANG, ,RTEN CING 'BREL PAR 'BYUNG BA NI, ,KHYED KYIS RANG BZHIN MED SMRAS PAS, ,CHOS RNAMS RAB TU BKAG PAR @105B 'GYUR, ,CHOS CAN RANG BZHIN MI 'GRUB DANG, ,NYAMS SU MYONG BAS GNOD PA DANG, ,DANG PO'I PHYOGS DANG LHAG MA LA, ,NUS DANG SKYE DANG 'JIG MI 'GYUR, ,ZHES BYA BA LA, RANG BZHIN MED PA'I TSIG GIS RANG BZHIN RNAM PAR GCOD DE, ,DE YANG DNGOS PO TZAM DU GYUR PA'AM, SNANG BA'AM, NUS PA'AM, ,RTEN CING 'BREL PAR 'BYUNG BA'O, ,DE LA DANG PO'I PHYOGS GNYIS LA BRTEN NAS MI 'GRUB PA DANG, RANG GI NGO BO NYID 'GRUB PA DANG, NYAMS SU MYONG BA DANG 'GAL BA'I YIN NO, ,LHAG MA'I PHYOGS GNYIS PO LA NUS PA DANG, ,SKYE BA DANG 'JIG PA MED PAR 'GYUR RO, ,DBU MA'I LAM NI; YOD MIN CHOS RNAMS DE DAG SNANG, ,BEMS PO LAS MIN GZHAN LAM MIN, ,MED PA LAS MIN NYES GNYIS PHYIR, ,DE PHYIR SHES PA'I BDAG NYID YOD, ,CES BYA BA NI CHOS NI PHUNG PO LA SOGS PA YOD PA MA YIN TE, GNYIS MED PA'I MTSAN NYID LAS GCIG DANG DU MA'I RANG BZHIN DANG BRAL BA'I PHYIR RO, ,DE BZHIN DU 'DI DAG SNANG NGO ZHES BYA BAR NI GRUB BO, ,'DI DAG RNAM PAR DPYAD NA GANG LAS 'DI DAG SNANG BA PA ZHE NA, RE ZHIG BEMS PO LAS NI MA YIN TE, SNANG BA NI SHES PA GCIG PU DANG LDAN PA LAS GRUB PA'I PHYIR RO, ,SHES PA YANG GZHAN LAS NI MA YIN TE, GZHAN GYI CHOS NI GZHAN GYI SPYOD YUL DU MI 'GYUR BA'I PHYIR RO, ,RANG BZHIN MED PA DANG BRDZUN PA LAS NI MI 'GYUR TE, GANG GI PHYIR ZHE NA, NYES PA GNYIS YOD PA'I PHYIR RO, ,'DI LTAR GAL TE 'DI DAG RANG BZHIN MED NA RGYU DANG LDAN PA'I SHES PA'I DNGOS POR NI MI 'GYUR RO, ,DE BZHIN DU YANG RES 'GA' BAR YANG MI 'GYUR TE, DUS NGES PAR 'GRUB PA LA LTOS PA MED PA'I PHYIR RO, ,RTEN CING 'BREL PAR 'BYUNG BA YANG SPANGS PAR 'GYUR RO, ,DE'I PHYIR SHES PA'I BDAG NYID DU NI YOD DO, ,GANG GI PHYIR BEMS PO LAS MA YIN PA DANG, GZHAN LAS MA YIN PA DANG, MED PA LAS MA YIN PA DE'I PHYIR SHES PA'I RANG BZHIN BDEN PA 'DI NYID LAS BRDZUN PAR SNANG BAR RIG PAR BYA'O, ,YOD DANG MED PA'I BDAG NYID NI, ,MED DO ZHES NI CI ZHIG DGAG ,CES BYA BA NI GAL TE YOD PA DANG MED PA'I BDAG NYID MED NA, ,KHYOD KYIS CI ZHIG DGAG PAR BYA, ,GAL TE SGRO @106A *, ,BTAGS YIN ZHE NA, ,KUN RTOG GIS BTAGS DE BZHIN NO, ,ZHES BYA BA SMRAS TE, GAL TE 'DI SKAD DU SGRO BTAGS PA'I YOD PA DANG MED PA'I BDAG NYID BDAG CAG 'GOG PAR BYED DO ZHES ZER NA, DE LTA YIN NA PHUNG PO LA SOGS PA YANG DAG PA MA YIN PA'I KUN DU RTOG PA'I BDAG NYID YOD PAR SGRO BTAGS PAR GYUR PA NYID YIN NO, ,GANG GIS SGRO BTAGS PA YIN ZHE NA, ,YANG DAG PA MA YIN PA'I KUN TU RTOG PA NYID KYIS SO, ,DE NI GSAL BA'I NGO BO NYID YIN PA'I PHYIR YANG DAG PA MA YIN PA'I BDAG NYID PHUNG PO LA SOGS PA GSAL BAR SNANG NGO, ,BDAG CES BYA BA GANG LAS YIN, BDAG NYID MED PA DE NI GSAL BAR SNANG BAR MI RIGS SO, ,SGRO MA BTAGS PA'I BDAG NYID MED PA JI LTAR SNANG ZHE NA, SGRO MA BTAGS PA MED PA'I PHYIR RO, ,PHYI ROL GYI DON MED PAS KUN DU RTOG PA'I SHES PA NI 'KHRUL PA YIN NO, ,RNAM PAR MI RTOG PA NI MA YIN TE, RANG RIG PA NI 'KHRUL PAR MI RIGS PA'I PHYIR RO, ,DE'I PHYIR DE NI SNGON PO DANG SER PO LA SOGS PA'I SGRO BTAGS PA MA YIN NO ZHE NA, MED PAR SNANG BA'I SGRO BTAGS NI, ,RIGS LA MNGON PAR ZHEN PA BZHIN, ,ZHES BYA BA SMRAS TE, JI LTAR RNAM PAR RTOG PA RDUL DU 'KHRUL PA NI MED PAR RDUL DU SNANG BAS DE NI SGRO BTAGS PA YIN NO, ,DE LTAR RNAM PAR MI RTOG PA YANG SNGON PO LA SOGS PAR 'KHRUL PA NI MED PA'I SNGON PO LA SOGS PAR SNANG BA SGRO BTAGS PA YIN NO, ,SGRO BTAGS PA DE LA YANG SHES PA'I RDZAS KYI BDAG NYID YIN PAR TSAD MAS GNOD PA'I PHYIR RO ZHES ZER NA, BRDZUN PA NYID DU GRUB PA YI, ,BYE BRAG SNANG BAS GRUB PA YIN, ,ZHES BYA BA SMRAS TE, BRDZUN PA'I KHYAD PAR RNAMS KYANG BRDZUN PA YIN TE, DE RNAMS SNANG BA NYID KYIS GRUB PA YIN NO, ,TSAD MAS KYANG DNGOS PO NYID DU BSGRUB PA'AM, 'GOG PA STE PHUNG PO LA SOGS PA'I MTSAN NYID LA TSAD MAS GNOD PA'I BDAG NYID LA SOGS PA MED DO ZHES SBYOR BA'I PHYIR RO, ,RNAM PAR RTOG PA'I CHA LAS PHYI ROL NYID DANG THUN MONG NYID LA SOGS PA SNANG BAR GRUB STE BA LANG BZHIN NO, ,TSAD MA RNAM 'GREL LAS KYANG, DE LA NGO BOR GANG SNANG BA, ,PHYI ROL GCIG DANG GZHAN LAS NI, ,LDOG PA LTA BU DE NYID MIN, ,YONGS BRTAGS @106B YAN LAG DNGOS MED PHYIR, ,ZHES PA DANG, YANG, JI LTA BUR NI RAB BRJOD PA, ,SGRA DON DE BZHIN YOD MA YIN, ,ZHES GSUNGS PA, DE LTA BAS NA BRDZUN PA SHES PA'I RDZAS KYI BDAG NYID LAS BRDZUN PA NYID SNANG BAR GRUB PA STE, DE BAS NA TSAD MAS GNOD PA MA YIN LA, DNGOS POR GYUR PA NYID YIN PAR NI TSAD MAS GNOD DO, ,BRDZUN PA ZHES BRJOD PAR NI RIGS PA GRUB PA'I SGRA CI'I PHYIR SMOS SHE NA, SMRAS PA, BRDZUN PA YIN YANG BDAG NYID DE, PHYI YI DON DANG 'GAL BA YIN, ,THAMS CAD BRDZUN PAR MI 'GRUB PHYIR, DE YI BYE BRAG GANG LAS SNANG, ,BRDZUN PA NYID MI 'GRUB PA NI GNYIS TE, SNGON PO LA SOGS PA DNGOS PO MA YIN PA'AM, THAMS CAD BRDZUN PA NYID DO, ,GAL TE RE ZHIG SNGON PO LA SOGS PA PHYI'I DON YIN NA DE'I TSE DE SHES PA LAS DON GZHAN YIN PA'I PHYIR DNGOS POR GYUR PA DE'I BDAG NYID DU 'GAL PA YIN NO, ,BRDZUN PAR YANG 'GAL BA NYID DE, 'DI LTAR SNGON PO LA SOGS PA MTHONG BA NYID NI GAL TE YANG DAG PA MA YIN PA'I SNGON PO LA SOGS PA'I RANG BZHIN GYIS SO SOR SNANG NA DE NI DE'I BDAG NYID BRDZUN PAR 'GYUR NA, DE LTAR YOD PA MA YIN TE, SNGON PO LA SOGS PA YANG BRDZUN PAR THAL BAR 'GYUR RO, ,THAMS CAD BRDZUN PA LA YANG SNGON PO LA SOGS PA'I BYE BRAG TU SNANG BAR MI 'GRUB STE, BRDZUN PA NYID 'GA' YANG MA GRUB PA'I PHYIR RO, ,THAMS CAD BRDZUN PA NYID LA NI MNGON SUM DANG RJES SU DPAG PA MED PA NI SNGAR BSTAN PA NYID DO, ,GAL TE BRDZUN DANG YANG DAG RIG ,DE YI BDAG NYID 'BREL BAR DKA', , RNAM RTOG DON DANG PHYOGS GCIG TU, ,DE BAS SHIN TU 'BREL PAR DKA', ,ZHES BYA BA NI SGRO BTAGS PA DE'I BDAG NYID DU 'BREL PAR DKA' BA MA YIN TE, DE BZHIN DU YANG GAL TE 'BREL PAR DKA' BAR SEMS NA, DE LTA NA NI RNAM PAR RTOG PA DE 'KHRUL PAR MI 'GYUR TE, 'DIR BA LANG MA YIN PA LAS LDOG PA TZAM RTOGS PAR 'GYUR RO, ,DE RNAM PAR RTOG PA'I RANG BZHIN YIN PA'I PHYIR RAB TU SNANG BA LA DON GYI RANG BZHIN NYID DU ZHEN PA YIN NO, ,YONGS SU LHAG PA'I RNAM PAR RTOG PA DANG, DON GYI CHOS RNAMS GANG YIN PA DE DAG DE'I RANG BZHIN MA YIN TE, DE LTA BAS NA SHIN @107A *, ,TU 'BREL PAR DKA' BAR CI'I PHYIR MI SEMS, BRDZUN PA JI LTAR NYAMS SU MYONG BA BZHIN DU RNAM PAR GZHAG PA LA NYES PA MED DO ZHE NA RTOGS PA LA YANG CI ZHIG NYES PA YOD, GZHAN YANG ZHEN PA TZAM GYIS NI, SHES PA 'DRA BA'I BDAG NYID DE, ,GANG GI RNAM PA YIN ZHE NA, ,SO SO'I LAS GANG YIN PAS DBYE, ,ZHES BYA BA NI RNAM PA LAS GZHAN GYI DON RTOGS PAR RNAM PAR DBYE BAR MI NUS TE BUM PA RTOG PA YIN GYI SNAM BU NI MA YIN NO, ,'DI LTAR YANG BUM PA MTHONG BAS BUM PA'I RNAM PA LTAR DE BZHIN DU BUM PA'I RNAM PAR RTOG PA YIN TE, DE MTHONG BA BZHIN NO, ,RNAM PAR RTOG PAS KYANG THAMS CAD KYI BDAG NYID KYI DNGOS PO YUL DU BYED DO, ,DNGOS PO YUL DU CHA SHAS MED PA'I PHYIR RO, ,RNAM PAR RTOG PA'I RNAM PA DE YANG, GCIG LAS BZLOG PA'I MTSAN NYID DU, ,RIG DANG MNGON PAR ZHEN PA'I PHYIR, ,RNAM RTOG BLO NI 'KHRUL PAS GRUB, , CES BYA BA NI RNAM PAR RTOG PA'I BLO NYID DE LTAR 'KHRUL PAS GNYIS SU GRUB STE, DE NYID GCIG LAS BZLOG PA'I NGO BO RANG GI RNAM PAR RIG PA'I 'KHRUL PA'O, ,DE NYID LA ZHEN PAS DON GYI RNAM PAR ZHEN PA NI 'KHRUL PA YIN NO, ,DE BZHIN DU RIG PA GZHAN YANG KHA CIG TU 'KHRUL PA YIN NO, ,RIG PA PO GCIG PU 'DI NYID GAL TE SNGON PO LA SOGS PA 'KHRUL PA YIN NAM 'KHRUL PA GANG LAS YIN ZHE NA, SMRAS PA, SNGON PO LA SOGS DE YI BLO, ,THA DAD MA YIN DE 'DRAR 'DOD, ,RTOGS PA'I DNGOS DE MNGON SUM STE, ,SNGON BRTZON BDAG NYID DE 'KHRUL YIN, ,RIG PA'I DNGOS PO DE NYID NI GCIG TU 'DOD DE, ,SNGON PO LA SOGS PA RNAMS DANG RIG PA DE THA DAD PA MED PA'I PHYIR RO, ,'ON KYANG RIG PA DE NYID RTOGS PA'I BDAG NYID RIG PAR BYA BA LA MNGON SUM GYI TSAD MA YIN LA, SNGON PO LA SOGS PA'I BDAG NYID RIG PA NI 'KHRUL PA YIN TE, SNGON PO LA SOGS PA GCIG DANG DU MA DANG BRAL BAS BRDZUN PA'I PHYIR RO, ,DPER NA RNAM PAR RTOG PA DE NYID KYI DNGOS PO LA MNGON SUM GYI TSAD MA YIN LA, DON DU MNGON PAR ZHEN PA LAS NI 'KHRUL PA YIN NO, ,SNGON PO LA SOGS PA DANG, DE RTOGS PA THA MI DAD PA'I PHYIR RO, ,SNGON PO LA SOGS PA LA GNOD PA GANG YIN PA DE NYID RTOGS @107B PA'I NGO BO LA YANG 'GYUR RO ZHE NA, SMRAS PA, MNGON SUM PHYIR PHUL BYUNG MED PHYIR, ,SGRO BTAGS MIN PHYIR RANG RIG PA, ,RTOGS PA'I NGO BO GNOD MED PA, ,SNGO STZOGS BZLOG PAR GYUR PA YIN, ,YANG RANG RIG PA'I NGO BO LA GNOD PAR BYED PA NI MED DO, ,DE LA DE'I MNGON SUM YIN PA'I PHYIR RO, ,MNGON SUM LA NI GZHAN GYIS GNOD PAR MI NUS SO, ,PHUL BYUNG MED CES BYA BA NI MNGON SUM DE LA GNOD PAR BYED PA PHUL DU BYUNG BA MED DO, ,GANG GIS DE LA GNOD PAR 'GYUR, ,SGRO BTAGS ZHES BYA BA NI GAL TE YANG RTOGS PA'I NGO BO LA GNOD NA DE'I TSE SGRO BTAGS PAR 'GYUR TE, DE YANG MI RIGS TE, NGO BO GZHAN MED PA'I PHYIR RO, ,SNGON PO LA SOGS PA RANG RIG PAS GNOD PA NYID YIN TE, GO BZLOG NAS 'CHAD PAR 'GYUR BA'I PHYIR RO, ,DE LA DE'I RTOG PA TZAM GYIS MNGON SUM DU MI PHYED PA'I PHYIR DANG, GNOD PAR BYED PA'I TSAD MA PHUL DU BYUNG BA YOD PA'I PHYIR DANG, SER PO LA SOGS PA LAS SHES PA'I NGO BO GZHAN YOD PAS SGRO BTAGS PA YIN PA'I PHYIR RO, ,GCIG DANG DU MA DANG BRAL BA'I GTAN TSIGS KYIS SNGAR SNGON PO LA SOGS PA LA GNOD NA DE'I BDAG NYID RTOGS PA LA YANG GNOD DO ZHE NA, DE LTAR MA YIN TE, 'DI LTAR THAMS CAD BRDZUN PA'I TSUL GYIS SHES PA 'DI DAG THAMS CAD MED PAR SNANG BA 'KHRUL PA YIN PAS DE BAS MNGON SUM CUNG ZAD KYANG MA GRUB PO, ,DE'I PHYIR TSUL GSUM LA NGES PA MED PAS GTAN TSIGS 'DI DAG THAMS CAD GTAN TSIGS LTAR SNANG BAR 'GYUR RO, ,DE BAS NA YANG RNAM PAR BRTAGS PA'I CHOS RNAMS MED LA YANG DAG PA MA YIN PA'I KUN DU BRTAGS PA NI YOD PAS SGRO BTAGS PA DES BDAG NYID RIG PA DANG 'DI NI SNANG BA MED PAR GNAS SO, ,SHES PA THAMS CAD MED SNANG NA, ,MNGON SUM RJES SU DPAG PA'ANG MED, ,RGYU MED THAMS CAD BRDZUN SMRA BA'I, ,SMRA BA NYID NI GANG LAS 'GYUR, ,ZHES BYA BA NI THAMS CAD BRDZUN PAR SMRA BAS YANG GRUB PA SMRAS PA, ,GANG GCIG DANG DU MA DANG BRAL BA DE NI RANG BZHIN MED PA YIN TE, DPER NA RI BONG GI RVA BZHIN NO, ,SNGON PO DANG SER PO LA SOGS PA DE DAG KYANG GCIG DANG DU MA DANG BRAL BA'I PHYIR RO ZHE NA, DE NI SHIN TU 'BREL PA MED DE, 'DI LTAR DE DAG GI SHES @108A *, ,PA THAMS CAD BRDZUN PAR RIG PA LAS MED PAR SNANG BA DE'I PHYIR 'KHRUL PA YIN TE, 'KHRUL PA YANG MNGON SUM DU MA YIN NO, ,DE BAS NA RJES SU DPAG PA YANG MED DE, DE'I PHYIR TSUL GSUM PA MA GRUB PAS GTAN TSIGS THAMS CAD DE DAG GI GTAN TSIGS LTAR SNANG BAR 'GYUR RO, ,BRDZUN PA NI GANG GI YANG RGYUR MI 'GYUR RO, ,YANG GANG RJES SU DPAG PA LA RGYU MED NA DE JI LTAR RGYUR 'GYUR, GAL TE RJES SU DPAG PA LA RGYU YOD NA DE NYID KYIS GRUB PA'I MTHA' LA GNOD PAR 'GYUR RO, ,GZHAN YANG THAMS CAD BRDZUN PA NYID SNGAR BSAL TO, ,GZHAN YANG SNGON PO LA SOGS PA'I CHOS 'DIR GANG LAS GRUB, NYAMS SU MYONG BA LAS SO ZHE NA, NYAMS SU MYONG BA'I SHES PA DE NI BRDZUN PA YIN TE, DE LA DON GRUB PA MED DO, ,MNGON SUM GYIS SO ZHE NA MA YIN TE, BRDZUN PAR SNANG BA NYID 'KHRUL PA YIN PA'I PHYIR RO, ,GZHAN YANG GAL TE BRAL BA NI MED PA YIN PAS NUS PA THAMS CAD DANG BRAL BA'I PHYIR JI LTAR GTAN TSIGS SU 'GYUR, GAL TE MA YIN PAR DGAG PA YIN NA RANG NYID KYIS MA GRUB PO, ,GAL TE 'DI RANG BZHIN GYI GTAN TSIGS YIN NA, KHYAB PAR BYED PA 'GAL BA DMIGS PA'AM, KHYAB PAR BYED PA MI DMIGS PA YIN NA THAMS CAD DU RANG NYID KYIS MA GRUB STE, MI DMIGS PA ZHES BYA BA NI YANG DNGOS PO DMIGS PA'I MTSAN NYID YIN PA'I PHYIR RO, ,GAL TE YANG SNGON PO LA SOGS PA RANG BZHIN MED NA DE'I TSE CHOS CAN GYI RANG BZHIN GANG ZHIG YIN, ,'ON TE SNGON PO LA SOGS PA'I RANG BZHIN CHOS CAN DANG, DNGOS PO'I RANG BZHIN STONG PA NYID DU BSGRUB PAR BYA BA NI DNGOS PO'I RANG BZHIN NI GCIG NYID DANG, GZHAN NYID KYIS KHYAB PA YIN GYI, RANG BZHIN TZAM NI MA YIN NO ZHE NA, DE YANG MI RIGS TE KHYAB PA MA GRUB PA'I PHYIR RO, ,DNGOS PO SGRUB PAR NUS PA MED DE, DE'I SGRUB PAR BYED PA'I TSAD MA MNGON SUM DANG RJES SU DPAG PA MED PA'I PHYIR RO, ,DE NYID KYI PHYIR DPE'I CHOS CAN YANG MA GRUB PO, ,YANG NA, SMRA BA NYID NI GANG LAS 'GYUR, ,ZHES BYA BA NI SGRUB PA SMRA BA YANG MED LA, DGAG PA SMRA BA YANG MED DO ZHES BYA BA'I DON TO, ,THAMS CAD BRDZUN PAR SMRA BAS DE DAG SMRA NA RANG GI GRUB PA'I MTHA' @108B DANG 'GAL TE, DE DAG GZHAN RTOGS PA'I RGYU YIN PA'I PHYIR RO, ,THAMS CAD BRDZUN NA THAMS CAD RGYU MED PA'I PHYIR RO, ,GZHAN YANG DE'I SGRUB PA DANG, SUN 'BYIN PA THAMS CAD RANG NYID LA MA GRUB STE, SGRUB PA NI TSAD MA LA RAG LUS PA'I PHYIR DANG, TSAD MA YANG KHAS MI LEN PA'I PHYIR RO, ,KHAS LEN NA NI RANG BZHIN GSUM GYI TSUL DU GRUB PAS THAMS CAD BRDZUN DU SMRA BA GA LA YIN, DE LTA NA KHYED DANG GZHAN LA YANG SGRUB PA DANG SUN 'BYIN PA THAMS CAD MA GRUB PO, ,BDAG CAG NI TSAD MA MED PAR RTZOD DO ZHE NA, TSAD MA YOD DO, ,DE'I PHYIR 'DI LTAR YANG TSAD MA MA GRUB PAS BDAG CAG SGRUB PA DANG SUN 'BYIN PA YIN TE, TSAD MA NI TSAD MA BRGYAS KYANG MI GNOD DE, TSAD MA MA YIN PA'I PHA ROL LA MA GRUB PAR BRJOD, PHYOGS 'DI LA GANG BRDZUN PA LAS THA MI LA MA GRUB PAR BRJOD, PHYOGS 'DI LA GANG BRDZUN PA LAS THA MI DAD PA DE YANG BRDZUN TE, DPER NA BRDZUN PA'I NGO BO BZHIN NO, ,BRDZUN PAR SNANG BA'I SHES PA YANG BRDZUN PA LAS THA MI DAD PA YIN NO ZHES BYA BA LA SOGS PAS PHA ROL GYI SBYOR BA RNAMS LA SUN 'BYIN PA BRJOD PAR MI BYA'O, ,THAMS CAD YOD PAR SMRA BAS BRJOD PA, GANG RIG PAR BYA BA DE NI BRDZUN MA YIN TE, SHES PA'I NGO BO BZHIN NO, , DNGOS PO LA SOGS PA YANG RIG PAR BYA BA YIN PAS ZHES BYA BA NI KHYAB PAR BYED PA 'GAL BA DMIGS PA YIN NO ZHE NA, DE YANG BZANG PO MA YIN TE, 'DI LTAR GTAN TSIGS 'DI NI BRDZUN PA GZHAN SEL PA'I RNAM PAR RTOG PA LA YANG RIG PAR BYA BA 'JUG PA'I PHYIR THUN MONG GI MA NGES PA YIN NO, , YANG RIG PAR BYA BA MA YIN PAS BRDZUN PA LA KHYAB PA MA GRUB PA'I PHYIR LDOG PA LA THE TSOM ZA BA YIN NO, ,YANG NA GCIG DANG DU MA DANG BRAL BA'I YUL YIN PA'I PHYIR DANG, DE MED PA'I YUL DU GRUB PA'I PHYIR GZHI MA GRUB PA YIN NO, ,YANG, SMRA BA NYID NI GANG LAS 'GYUR, ,ZHES BYA BA NI CHOS SMRA BA NYID MA YIN NO ZHES BYA BA'I DON TE, 'DI LTAR THAMS CAD BRDZUN PAR SMRA BA'I SHES PA 'DI DAG THAMS CAD 'KHRUL PA YIN TE, DE'I PHYIR SHES RAB KYI PHA ROL TU PHYIN PA MA 'KHRUL PA'I MTSAN NYID KYANG SPONG BAR 'GYUR LA, DES BSGRUBS PA'I SANGS RGYAS DANG BYANG CHUB SEMS DPA' RNAMS KYANG NGO, , @109A *, ,RJES SU DPAG PA LA SKUR PAS THAMS CAD MKHYEN PA DANG, 'JIG RTEN PHA ROL LA SOGS PA SGRUB PA LA SKUR PAR GYUR PA DANG, RGYU DANG 'BRAS BU LA SKUR NA LAS DANG 'BRAS BU DANG, BDEN PA DANG DKON MCHOG LA SKUR PA YIN TE, GANG GIS NA 'DI DAG CHOS SMRA BA YIN, THAMS CAD BRDZUN PAR SMRA BA'I SMRA BA NYID BKAG PA YIN NO, ,GCIG DANG GZHAN LAS NGES BRAL BA'I, ,SHES TE BRDZUN PA'I BDAG NYID CAN, ,JI LTAR GNYID KYIS LOG PA YIS, ,GLANG CHEN MYOS PA MTHONG BA BZHIN, ,GCIG DANG DU MA LAS GROL BA'I, ,SHES PA DE NYID YONGS SU GSAL, ,LUS DANG LJON SHING MTSE'U LA SOGS, ,SAD PA RNAMS KYIS MTHONG BA BZHIN, ,ZHES BYA BA NI KHO BO CAG GI CHOS LA BDAG MED PAR SGRUB PA NYON CIG ,GANG ZHIG GCIG DANG DU MA DANG BRAL BA YANG DAG PAR RIG PA DE NI BRDZUN PA'I BDAG NYID CAN YIN TE, DPER NA GNYID KYIS LOG PAS GLANG CHEN MYOS PA MTHONG BA BZHIN NO, ,YANG DAG PAR RAG PA 'DI YANG GCIG DANG DU MA DANG BRAL BA'I PHYIR LUS DANG LJON SHING DANG RDZING BU LA SOGS PA MTHONG BA BZHIN NO ZHES BYA BA NI RANG BZHIN GYI GTAN TSIGS SO, ,MA GRUB MA YIN GZHI GRUB PHYIR, ,GANG PHYIR 'DI NI RANG RIG PAS, ,LUS SOGS RANG GI NGO BOR GRUB, ,SNA TSOGS LHAN CIG RIG PA'I PHYIR, ,MTHUN PHYOGS YOD PHYIR 'GAL BA MIN, ,RMI LAM BRDZUN PA MTHONG BA BZHIN, ,THAMS CAD BSDUS PAS KHYAB GRUB PHYIR, ,MA NGES PA MA YIN NO, ,GTAN TSIGS 'DI GZHI MA GRUB PA YANG MA YIN TE, LUS DANG LJON SHING DANG RDZING BU LA SOGS PA MTHONG BAS LUS LA SOGS PA'I CHOS CAN RIG PA'I RANG GI NGO BO NYAMS SU MYONG BA DE BZHIN DU RTOGS PA NYID KYIS NGES PA'I PHYIR RO, ,DE'I RANG GI NGO BO MA GRUB PA YANG MA YIN TE, 'DI LTAR LUS NI GCIG MA YIN TE, LAG PA DANG RKANG PA LA SOGS PA 'DI DAG DU MAR DE LTAR RTOGS PA'I PHYIR RO, ,DU MA YANG MA YIN TE, LUS GCIG PA NYID DU RTOGS PA'I PHYIR RO, ,GANG ZHIG 'DIR PHRA RAB DU MA NI CHA SHAS YIN LA, GANG ZHIG GCIG TU RAGS PA DE NI CHA SHAS CAN YIN NO ZHES ZER NA, MA YIN TE, LAG PA LA SOGS PA'I @109B TSOGS PA LUS PO GCIG YIN GYI, YANG DE DAG LAS LUS PO THA DAD PA MED PAR RTOGS PA'I PHYIR RO, ,CHA SHAS CAN GCIG PU KHRU BZHI BA'I TSAD DANG LDAN PA LAG PA DANG RKANG PA LA SOGS PA RE RER RTOGS PA YOD DO ZHES SMRA BA JI LTAR STON PA MA YIN TE, DE LTA BAS NA LAG PA LA SOGS PA DU MA NI LUS GCIG PA YIN GYI, GCIG DANG DU MA DANG BRAL BAR YANG DAG PAR RIG PA GTAN TSIGS KYI RANG GI NGO BO CHOS CAN LA GRUB PA MA YIN NO, ,GZHAN YANG LAG PA DANG RKANG PA LA SOGS PA GCIG MA YIN TE, PHAN TSUN RANG GI NGO BOS GZUGS SU RNAM PAR DBEN PAR SNANG BA'I PHYIR RO, , DU MA YANG MA YIN TE, RE RE'I BDAG NYID DU GYUR PA SNANG BA NYAMS SU MYONG BA THUN MONG DU RIG PA MED PAS, LHAN CIG TU 'BREL PAR SNANG BA MI RIGS PA'I PHYIR RO, ,RANG DANG GZHAN GYI SEMS BZHIN NO, ,LHAN CIG SO SOR SNANG BA YOD DE DE NYID KYI PHYIR YANG GTAN TSIGS KYI RANG GI NGO BO GCIG DANG DU MA DANG BRAL BA YANG DAG PAR RIG PA NYID CHOS CAN LA MA GRUB PA MA YIN NO, ,GTAN TSIGS 'DI 'GAL BA YANG MA YIN TE, MTHUN PA'I PHYOGS RMI LAM DU GLANG PO MYOS PA MTHONG BA LA YANG YOD PA'I PHYIR RO, ,RMI LAM NI BRDZUN PA MTHONG BA YIN NO ZHES RAB TU GRAGS SO, ,DE'I BDAG NYID MA YIN PA DE LAS SNANG BAR MI RIGS SO, ,DE'I PHYIR GLANG PO MYOS PA MTHONG BA 'DI NI BRDZUN PA'I BDAG NYID MTHUN PA'I PHYOGS LA GRUB PO, ,MTHONG BA NYID RANG RIG PA'O, ,BRDZUN PA LA YANG GCIG DANG DU MA NYID MED DE, DE DAG NI DNGOS PO'I CHOS NYID YIN PA'I PHYIR RO, ,DE BAS NA GCIG DANG DU MA DANG BRAL BA'I YANG DAG PAR RIG PA NYID MTHUN PA'I PHYOGS LA YOD PAR GRUB PAS DE'I PHYIR 'DI 'GAL BA YANG MA YIN NO, ,MA NGES PA YANG MA YIN TE, DPE 'DI NYID KYIS THAMS CAD NYE BAR BSDUS PAS KHYAB PA GRUB PA'I PHYIR RO, ,GANG DANG GANG GCIG DANG DU MA DANG BRAL BA YANG DAG PAR RIG PA DE DANG DE DAG THAMS CAD NI BRDZUN PA'I BDAG NYID YIN TE, DE GANG LAS SHE NA, DNGOS PO LA KHYAB PAR BYED PA GCIG DANG DU MA NYID LOG NA DNGOS PO NYID KYANG LDOG STE, DNGOS PO'I CHOS NYID BRDZUN PA KHO NA STE, DE'I BDAG NYID KYANG YANG DAG PAR RIG PA GRUB PA STE, DE MED NA YANG DAG PAR @110A *, ,RIG PA DANG 'BREL PA MI RIGS PA'I PHYIR RO, ,DNGOS PO NYID LA DE DAG GIS KHYAB PA JI LTAR GRUB PA CE NA, PHAN TSUN GZHAN SEL BA'I MTSAN NYID DNGOS PO'I CHOS DAG NI DNGOS PO GCIG BKAG NA GNYIS PA DES PAR GRUB PA'I PHYIR DNGOS PO DE NYID LAS 'DA' BAR MI NUS SO, ,DE NYID KYI PHYIR PHYIR GNYIS DNGOS PO LA KHYAB PAR GRUB PO, ,THAMS CAD BRDZUN DU SMRA BAS SMRAS PA, BDAG CAG LA DNGOS PO MA GRUB STE, DNGOS PO'I CHOS KYANG MED PA'I PHYIR RO, ,DE BAS NA GNYIS KYIS DNGOS PO LA KHAYB PA MA GRUB PO ZHE NA, DE NI MI RIGS TE, GANG GI PHYIR; BLANG BA LA NI 'JUG LDAN ZHING, ,DOR BA LAS NI LDOG PA CAN, ,DNGOS DANG DE CHOS LA BSNYON PA, ,G-YO CAN DE NI TSAR BCAD 'OS, ,GANG ZHIG BLANG BAR BYA BA BTUNG BA DANG BZA' BA LA SOGS PA LA 'JUG PA DANG, DOR BAR BYA BA BKRES SKOM LA SOGS PA LAS LDOG PA DE'I PHYIR DNGOS PO DANG, DE'I CHOS NYID DU NGES PA'I PHYIR YIN TE, DNGOS PO MED PA LA NI BDE BA DANG, SDUG BSNGAL SGRUB PA DANG DGAG PA MED PAR DES TE, DE GNYIS MI RIGS PA'I PHYIR RO, ,G-YO 'BA' ZHIG GIS GZHAN LA BSNYON PA DE LTA BU NI TSOGS KYI NANG DU TSAR BCAD PAR 'OS PA YIN NO, ,GZHAN YANG DNGOS PO ZHES BYA BA GANG KHYED KYIS BKAG PAR BYA BA CI ZHIG YIN, YUL MED PA LA DGAG PA NI MI RIGS SO, ,GAL TE DNGOS PO'I MTSAN NYID DNGOS PO YIN NA, RANG BZHIN YANG DNGOS PO YIN TE, DE'I PHYIR RANG BZHIN MED PAR BSGRUBS PAS CHOS SAM CHOS CAN BSGRUB PAR BYA BA YIN TE, GAL TE DE DAG GI NGO BO GZHAN YOD NA DE'I TSE DE NYID KYIS RANG BZHIN MED PA LA GNOD PAR 'GYUR RO, ,DE BAS NA NGO BO TZAM GYIS GRUB PA'I CHOS CAN DNGOS PO'I CHOS CAN DANG, BRAL BA BSGRUB PAR BYA BA YIN PAR GYUR TE, DNGOS PO DE YANG NUS PA'I MTSAN NYID KHO NA YIN NO, ,GZHAN LA NI SGRUB PA DANG DGAG PA MI RIGS PA'I PHYIR RO, ,NUS PA'I DNGOS PO'I MTSAN NYID YIN, ,ZHES GANG BSHAD PA YIN NO, ,DE'I PHYIR YANG, MTSAN NYID DAG GIS DNGOS POR 'GRUB, ,DE PHYIR DE GNYIS RJES SU 'GRO, ,GANG PHYIR PHAN TSUR GZHAN @110B SEL BDAG, ,RANG GI CHOS LAS NGOS MI 'DA', ,GANG GI PHYIR MTSAN NYID KYIS DNGOS PO 'GRUB NA DE NYID KYI PHYIR DE GNYIS KYI RJES SU 'GRO BA 'GRUB STE, GCIG DANG DU MA DAG GIS KHYAB PO, ,GANG GI PHYIR DE DAG PHAN TSUN GZHAN SEL BA'I NGO BO YIN NO, ,GCIG PA BKAG PA NYID NI GNYIS PA'I MTSAN NYID DO, ,DE BAS NA GSUM PA MED PA'I PHYIR DNGOS PO GNYIS LAS MI 'DA' BAS GNYIS KYIS KHYAB PO, ,DE'I PHYIR CI ZHIG YIN ZHE NA SMRAS PA, KHYAB PAR BYED PA LOG PA YIS, ,GDON MI ZA BAR KHYAB BYA LDOG, ,THAMS CAD BSDUS PAS KHYAB PA YIS, ,RTZA BA'I GTAN TSIGS RJES SU 'GRO, ,PHAN TSUN GZHAN SEL BA'I MTSAN NYID KYI CHOS LAS GAL TE DNGOS PO MI 'DA' NA DNGOS PO LA SOGS PA JI LTAR MI 'DA' ZHE NA, MA YIN DGAG PA'I BDAG NYID CHOS, ,PHAN TSUN GZHAN SEL BDAG NYID GANG, ,DE GNYIS DAG LA DNGOS MI 'DA', , DNGOS PO MIN LA DE GNYIS MED, ,MA YIN PAR DGAG PA'I BDAG NYID 'GAL BA'I CHOS DAG LAS DNGOS PO MI 'DA' STE, DNGOS PO GCIG SPANGS NA GNYIS PA YOD PAS RNAM PA GSUM PA MED PA'I PHYIR RO, B,SNGON PO LA SOGS PA NI DNGOS PO MA YIN PAS DE'I PHYIR CHOS DE GNYIS KA YANG DE LA MED DO, ,DE BAS NA GNYIS KA DANG BRAL BA GANG YIN PA DE NI DNGOS PO MA YIN NO, ,GAL TE DE LTAR YIN NA DNGOS PO GZHAN SEL BA'I MTSAN NYID DNGOS PO MED PA NYID DNGOS PO LA YANG 'GYUR GYI, DNGOS PO MED PA LA MI 'GYUR RO ZHES NA, DNGOS PO MED PA LA SOGS PPA, ,GANG PHYIR DGAG PA'I BDAG NYID MIN, ,MA YIN DGAG PA DE THAMS CAD, ,DNGOS PO NYID KYIS BSDU PHYIR RO, ,ZHES BYA BA'I DON NI 'DI YIN TE, GANG MA YIN PAR DGAG PA DE THAMS CAD NI, DNGOS PO NYID KYIS BSDUS PA YIN TE, DE LTA BAS NAS DNGOS PO MED PAR BKAG PA NI MA YIN PAR DGAG PA MA YIN NO,, DE'I PHYIR DNGOS PO MED PA MA YIN GYI, ,DNGOS PO LA NI MA YIN NO, ,DE LTA BAS NA 'DI LTAR NYES PA GSUM SPANGS PA'I GCIG DANG DU MA DANG BRAL BA YANG DAG PAR RIG PA'I GTAN TSIGS TE, BRDZUN PA'I BDAG NYID LUS DANG LJON SHING MTSE'U LA SOGS PA LA MTHONG BAS CHOS CAN LA YOD PAR @111A *, ,GRUB BO, ,GANG SANGS RGYAS DANG BYANG CHUB SEMS DPA' 'JIG RTEN LAS 'DAS PA'I MNGON SUM SHES RAB KYI PHA ROL TU PHYIN PA ZHES BYA BA DE'I MTSAN NYID BSTAN PAR BYA'O, ,YE SHES CHOS RNAMS THAMS CAD LA, ,KUN TU 'KHRUL BA MI MNGA' BA, ,YANG DAG MTHA' BSGOMS LAS BYUNG BA, DAM PA'I DON LA MNGON SUM YIN, ,YE SHES CHOS RNAMS THAMS CAD LA, ,ZHES PA NI CHOS THAMS CAD LA DMIGS NAS CHOS THAMS CAD KYI DON DAM PA YANG DAG PAR MKHYEN PA'O, ,'KHRUL PA MI MNGA' BA NI 'KHRUL PA MED PA STE, ,YANG DAG PA MA YIN PA YANG DAG PAR MI MKHYEN PA'I PHYIR DANG, MNGON PAR BRJOD PA MED PA'I PHYIR RO, ,YANG DAG PA'I MTHA' NI YANG DAG PA'I MTHA' STE STONG PA NYID DO, ,DE BSGOMS PA NI ZHI GNAS DANG LHAG MTHONG GIS TE, DE LAS BYUNG BA NI MNGON SUM STE, DON MNGON SUM DU MDZAD PA'I PHYIR, , DAM PA YANG YIN LA DON YANG YIN PA'AM, ,YE SHES DAM PA'I DON DE LA YOD PA NI DON DAM PA'O, ,GZHAN GYI DBANG GI SHES PA YIS, ,PHUNG PO LA SOGS KUN BRTAGS PA, ,YANG DAG SHES LA SNANG MA YIN, ,SNANG BA YONGS SU GRUB PA YIN, ,PHUNG PO LA SOGS PA'I CHOS JI LTAR RIGS PA BZHIN GZUNG BA DANG 'DZIN PA'I MTSAN NYID DE DAG NI YOD PA MA YIN TE YOD PAR MA RIG PA'I PHYIR DANG, GCIG DANG DU MA BRAL BA'I PHYIR RO, ,'O NA JI LTAR SNANG ZHE NA, GANG GI PHYIR 'KHRUL BA'I BAG CHAGS LAS SKYES PA'I PHYIR GZHAN GYI DBANG GI SHES PA 'KHRUL BAS KUN TU BRTAGS PA YIN TE, PHUNG PO LA SOGS PA MED PA'I BDAG NYID DE SNANG BA'I PHYIR RO, ,DE NYID KYI PHYIR YANG DAG PA'I SHES PA LA DE DAG SNANG BA MA YIN TE, YANG DAG PA DANG BRDZUN PA GNYIS GCIG PA NYID DU 'GAL BA'I PHYIR RO, ,DE NI SNANG BAS DE'I STONG PA NYID KYI MTSAN NYID NI YONGS SU GRUB PA NYID KYI RANG BZHIN DE DAG YANG DAG PA'I SHES PA LA SNANG STE, DE'I PHYIR DE LA 'KHRUL BA MI MNGA'O, ,KLU SGRUB KYI ZHAL SNGA NAS KYIS KYANG 'DI SKAD DU, 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI BRAL GYUR NA, ,LOG PAR RNAM BRTAGS MA YIN NAM, ,ZHES GSUNGS @111B PA'I DON NI 'DI DAG YIN TE, ,'BYUNG BA CHEN PO LA SOGS PA NIS LA SOGS PA STE, BCOM LDAN 'DAS KYIS GANG GSUNGS PA DE DAG RNAM PAR SHES PA YANG DAG PA MA YIN PA'I KUN TU RTOG PA LA SNANG BA NI 'DU BA YANG DAG PAR 'DUS PA YIN TE, YANG DAG PA MA YIN PA'I BDAG NYID DES DE SNANG BA'I PHYIR RO, ,DE NYID KYI PHYIR YANG DAG PA SHES PA BSGOMS PA'I STOBS LAS BYUNG BA'I BRAL BA NI NUB PA STE, MI SNANG BAR GYUR PA YIN NO, ,GANG GI PHYIR, LOG PAR RNAM BRTAGS MA YIN NAM, ZHES BYA BA NI LOG PA'I SHES PA NYID LA SNANG BA NI YANG DAG PA'I SHES PA MA YIN NO, ,'DIR SA LA SOGS PA RNAM PAR SHES PAR BSDU BA'I TSIG YIN PA'I PHYIR DANG, YANG DAG PA'I SHES PA SKYES PA LA 'KHRUL PA BZLOG PA'I TSIG YIN PA'I PHYIR RO, ,GANG ZHIG PHYI ROL GYI RANG GI GZUGS KYI PHUNG PO 'DOD PA DANG, GZHAN PHUNG PO GZHI ZAD PA'I MTSAN NYID 'KHRUL BA BZLOG PAR 'DOD PA DE DAG NI, KLU SGRUB KYI SLOB MA MA YIN TE, SHES PA YOD PA LA SOGS PA DGAG PAR BRJOD PA'I PHYIR DANG, SA LA SOGS PA SGRO BTAGS PAR BSTAN PA'I PHYIR RO, ,YANG GANG ZHIG SNGON PO LA SOGS PA DANG, DE SHES PA GNYIS BRDZUN PAR 'DRA BA NYID DANG, GNAS PAR 'DRA BAR SMRA BA DE DAG KYANG, KLU SGRUB KYI SLOB MA MA YIN NO, ,'JIG RTEN PA'I TSAD MA'I DBANG DU BYAS NAS, TSIGS SU BCAD PA BDUN STON TE, DKAR PO LA SOGS SNANG BAS BSGRUB, ,MI SNANG DE NYID BKAG PA YIN, ,SHES PA DE NYID RANG RIG STE, ,GZHAN DU THUG PA MED PAR 'GYUR, ,DKAR PO DANG, SER PO DANG, DMAR PO LA SOGS PA SNANG BAR GRUB STE, DKAR PO DANG SER PO LA SOGS PA SNANG BA NYID NI, NGES PA'I PHYIR RO, ,GANG SNANG BA MED PAR GANG ZHIG SMRA BA NI, SNANG BA DE NYID RANG DANG 'GAL LO, ,RTOGS PA NI RTOGS PA MED PA DANG 'GAL LO ZHES GANG GSUNGS PA YIN NO, ,SNANG BA DE NYID SHES PA YIN TE, 'DI LTAR SNANG BA NI GSAL BA'O, ,DE GANG GI NGO BO MA YIN PA DES, BDAG NYID SHES PA MA YIN TE, DE GSAL BA DANG 'BREL BA MED PA'I PHYIR RO, ,GZHAN DAN 'BREL BA'I SNANG BA LAS KYANG MA YIN TE, ,GZHAN DANG 'BREL BA MED PA'I PHYIR @112A *, ,SHES PA NYID DU MI 'GYUR RO, ,DE'I PHYIR SHES PA NYID DU SNANG BA YIN TE, ,DE NYID KYANG RANG RIG PA YANG YIN TE, GANG GI PHYIR SNANG BA'I NGO BO NYID KYIS YANG DAG PAR RIG PA YIN GYI, SHES PA'ANG RANG RIG PA MA YIN TE, DON BZHIN NO, ,'ON KYANG SHES PA GZHAN GYIS RIG PA YIN NO ZHES ZER NA, DE LTAR YIN NA DE YANG SHES PA GZHAN GYIS RIG PAR BYA DGOS PAS THUG PA MED PAR THAL BAR 'GYUR RO, ,DE BAS NA SHES PA DE NYID RANG RIG PA YIN NO, ,TSAD MA DE YANG SLU MED PHYIR, ,MI SLU BA NI 'BREL BA'I PHYIR, ,RTOGS PA'I DNGOS DES NUS PAR YOD, ,DE YI BDAG NYID MTSAN NYID DO, ,SHES PA DE YANG MI SLU BA YOD NA TSAD MAR 'GYUR RO, ,MI SLU BA NI DON LA 'KHRUL PA MED DE, DE YANG MI SLU BA'I PHYIR RO, ,'BREL BA NI RAG LUS PA STE, DE NI RNAM PA GNYIS TE, DE'I BDAG NYID KYI MTSAN NYID DANG, DE LAS BYUNG BA'I MTSAN NYID DO, ,DE'I BDAG NYID GANG LA YOD PA DE NI DE'I BDAG NYID DO, ,YANG GANG GI BDAG NYID GANG YIN PA DES JI LTAR SPONG, GANG ZHIG GANG LAS SKYES PA DE DE LAS BYUNG BA'I MTSAN NYID DE JI LTAR SPONG BAR 'GYUR, DE LA DES ZHES BYA BA NI SHES PA'I RANG GI NGO BO RTOGS PA DANG, NUS PA YANG YOD NA DE'I BDAG NYID KYI 'BREL PA'I MTSAN NYID YOD DO, ,DE LAS YANG GANG ZHIG YIN ZHE NA, ,SMRAS PA, NUS DANG SHES PA'I BDAG NYID PAS, ,DE'I PHYIR MNGON SUM TSAD MA YIN, ,SNGON PO LA SOGS PAR RIGS PA NI 'KHRUL BA STE, ,DE NI MED PAR SNANG BA'I PHYIR RO, ,GAL TE DE MED PAR YUNG SNANG NI, ,YOD PA'I SNGON PO LA SOGS GANG, ,PHYI ROL CI YI PHYIR MI SNANG, ,SNGON PO LA SOGS PA NI MED PA STE, GCIG DANG DU MA DANG BRAL BA'I PHYIR RO, ,GZHAN YANG, PHYI ROL MNGON SUM MIN GZHAN PHYIR, ,'GUGS PA MIN PHYIR 'KHRUL MA YIN, ,DE LA RE ZHIG PHYI ROL GYI SNGON PO LA SOGS PA SHES PA'I MNGON SUM DU 'GYUR BA MI 'OS TE, SHES PA LAS DON GZHAN SHES PAR GNAS PA'I GSAL BA DANG 'BREL BA MED PA'I PHYIR RO, ,'KHRUL BA YANG MA YIN TE, 'DI LTAR CHUR 'KHRUL BA'I YUL SMIG RGYU YIN NAM CHU YIN, DE LA RE ZHIG SMIG RGYU NI MA YIN TE, DE MI SNANG BA'I PHYIR RO, , @112B CHU YANG MA YIN TE, DE LA DE MED PA'I PHYIR RO, ,SMIG RGYU NYID CHU'I DNGOS POR SNANG NGO ZHES ZER NA MED PA SNANG BA NYID DU 'GYUR RO, ,CHU MED PA YANG MA YIN TE, GZHAN NA YOD PA'I PHYIR RO ZHES ZER NA, MA BKUG PAR DE CI LTAR SNANG, BKUG NA NI 'KHRUL BA YIN NO, ,BDAG BRGYA BYIN LA SOGS PA YIN NO ZHES SEMS PAS KYANG BRGYA BYIN LA SOGS PA THOB PAR 'GYUR RO, ,DE LTA BAS NA MA BKUG PA'I PHYIR YANG PHYI'I DON LA 'KHRUL PA MI RIGS SO, ,SLU BA MED PA'I RNAM PA MI RTOG PA BSHAD ZIN TO, ,RTOG PA CAN BSHAD PAR BYA STE, RNAM RTOG KHA CIG DON GZHAN LA; ;GANG PHYIR ZHEN PAS SLU BA MED, ,RNAM PAR RTOG PA KHA CIG DON GZHAN LA MI SLU MOD KYI DON GZHAN LA YANG DAG PAR MI RIGS PA MA YIN NAM, ,DE LA JI LTAR MI SLU BA YIN ZHE NA, ,MNGON PAR ZHEN PA'I PHYIR RO, ,DON GZHAN YANG DAG PAR MA RTOGS KYANG DES GZHAN PA YIN TE, DE DER DE LAS BYUNG BA'I GZHAN DANG BRGYUD PAS 'BREL BA YOD DE, DE BAS NA DE LA MI SLU BA YIN NO, ,'O NA NI DE LA DON GZHAN SNANG BA MA YIN TE, MI SNANG BA LA YANG ZHEN PA MA YIN TE, SHIN TU THAL BAR 'GYUR BA'I PHYIR RO, ,DE LTA BAS NA DE JI LTAR ZHEN PAR 'GYUR, 'DI NI NYES PA MED DE; BA LANG MA YIN PA LAS LDOG PA NI RNAM PAR RTOG PA LA SNANG STE, DE KHRA BO LA YANG YOD PAS DE LA YANG DAG PAR RIG PA LA ZHEN PAR RIGS SO, ,DON DANG SHES PA SHIN TU THA DAD PA'I PHYIR DE GNYIS NGO BO GCIG PA MA YIN NO ZHES ZER NA, DE NYID MED PHYIR BRDZUN PA NI, ,JI LTAR SNANG BZHIN RNAM PAR GZHAG ,SGRA DANG RNAM PAR RTOG PA'I DON GNYIS NI BRDZUN PA YIN TE, BRDZUN PA LA NI DE KHO NA NYID MED DO, ,JI LTAR RTOGS PA 'BA' ZHIG DE'I DE KHO NA YIN GYI, JI LTA BA BZHIN DE KHO NA NYID MA YIN NO, ,BA LANG GI RNAM PAR RTOG PA LAS BA LANG MA YIN PA LAS LDOG PA RTOGS PA YOD PAS, 'DI LA RIGS PAS GNOD PA MED DO, ,DPE BSTAN PAR BYA STE, JI BZHIN YANG DAG DRAN PA DANG, ,JI LTAR MNGON SUM RJES SKYES NI, ,YANG DAG PAR DRAN PA NI YANG DAG PAR DRAN PA'O, ,MNGON SUM GYI RJES LAS SKYES ZHES BYA BA NI MNGON SUM GYI STOBS LAS SKYES PA'I RNAM @113A *, ,PAR RTOG PA'O, ,DE YANG TSAD MA MA YIN TE, DE DAG GZUNG BA DANG 'DZIN PA'I PHYIR RO, ,GAL TE YANG RNAM PAR RTOG PA 'DI DAG MI SLU BA TZAM GYIS NI TSAD MA MA YIN TE, GZUNG BA DANG 'DZIN PA'I PHYIR RO, ,JI LTAR GZUNG BA DANG 'DZIN PA'I PHYIR DRAN PA TSAD MA MA YIN PA DE BZHIN DU MNGON SUM GYI RJES LAS SKYES PA'I RNAM PAR RTOG PA'I YANG YIN TE, KHYAD PAR MED PA'I PHYIR RO, ,RNAM PAR MI RTOG PAS DNGOS PO BZUNG NAS DE'I RJES LAS SKYES PA'I RNAM PAR RTOG PAS RIGS LA SOGS PA'I KHYAD PAR 'DZIN TE, RIGS LA SOGS PA BA LANG DANG BA LANG DKAR POR 'GRO BA BZHIN NO ZHES ZER NA, THAMS CAD RIGS MTHUN PA DANG, MI MTHUN PA LAS LDOG PA'I DNGOS PO'I NGO BO YIN TE, DE RNAM PAR MI RTOG PAS GZUNG BAS BA LANG MA YIN PA LAS LDOG PA BA LANG DANG, DKAR PO MA YIN PA LAS LOG PA'I DKAR PO DANG, MI 'GRO BA LAS LOG PA'I 'GRO BA'I SHES PAS JI LTAR MA BZUNG BA 'DZIN PA YIN, GZHAN YANG BA LANG MTHONG NA BA LANG YIN NO ZHES NGES PA NI MNGON SUM GYI TSAD MA MA YIN TE, DNGOS PO'I NGO BO YANG DAG PAR MA REG PA'I PHYIR RO, ,GAL TE REG NA THAMS CAD KYI BDAG NYID NGES PAR THAL BAR 'GYUR RO, ,DE BAS NA 'DI NI YANG DAG PAR RIG PA MA YIN PA'I DNGOS PO'I NGO BO LA MNGON PAR ZHEN PA YIN PA'I PHYIR MNGON SUM GYI TSAD MA MA YIN NO, ,RTAGS MED PA'I PHYIR RJES SU DPAG PA YANG MA YIN NO, ,BA LANG NGO ZHES PA'I RNAM PAR RTOG PAS KYANG BA LANG GI RANG GI NGO BO NYAMS SU MYONG BA YIN NO ZHES ZER NA, YANG RTAR RNAM PAR RTOG PAS BA LANG MTHONG BA DE BZHIN NO, ,RNAM PAR MI RTOG PAS BA LANG MTHONG BA NI RGYU MA TSANG BA MED PA'I PHYIR DES BSKYED PA DANG BA LANG GI RNAM PAR RTOG PA DE BYE BRAG MED PAR 'KHRUL BA YIN TE, 'DI LTAR ZHEN PA DANG YUL GCIG YIN PA'I PHYIR RO, ,RTAR RNAM PAR RTOG PA MA YIN TE BZLOG PA'I PHYIR RO, ,DE LTA YIN NA RJES SU DPAG PA NI TSAD MA YIN PAR NI 'GYUR TE, KHYAD PAR RJES 'GRO MED PA DANG, SPYI NI GRUB BSGRUB PA YIN, ,KHYAD PAR NI BSGRUB PAR BYA BA MA YIN TE, DE'I DPE LA RJES SU 'GRO BA MED PA'I @113B PHYIR RO, ,SPYI NYID BSGRUB PAR BYA BA YIN NA NI DE'I PHYIR GZUNG BA DANG 'DZIN PAR 'GYUR RO, ,'DIR SMRAS PA, GANG PHYIR KHYAD PAR 'DZIN PA'I PHYIR, ,RJES SU DPAG PA TSAD MA YIN, ,CHOS CAN MA 'BREL RNAM GCOD PAS, ,SPYI YANG 'DZIN PAR BYED PA YIN, ,SPYI NI GRUB PA SGRUB PA YIN; ,ZHES GANG SMRAS PA LA, SPYI GANG DU GRUB, DPE'I CHOS CAN LA ZHES ZER NA, DE LTA YIN NA DPE'I CHOS CAN KHYAD PAR DANG LDAN PA DE JI LTAR SPYIR 'GYUR, 'ON TE DE KHYAD PAR DANG LDAN PA YANG SPYI NYID YIN NA BSGRUB PAR BYA BA'I CHOS CAN GYI KHYAD PAR JI LTAR SPYI MA YIN, ,DE BAS NA 'DI LTAR BRJOD PAR BYA STE, GAL TE GZHAN DANG LDAN PA RNAM PAR GCOD PAS KHYAD PAR DU BYAS PA DPE'I CHOS CAN NYID GANG YIN PA DE NYID NI SPYI YIN PAR MI 'GYUR RO, ,'DIR MA 'BREL BA RNAM PAR GCOD PAS KHYAD PAR DU BYAS PAR 'DOD DE, DPE'I CHOS GANG YIN PA DE NYID YANG BDAG CAG NI MA 'BREL BAR RNAM PAR GCOD PAS ME'I PHYOGS KHYAD PAR DU BYAS PAS RJES SU 'GRO BA LA NYES PA MED DO, ,DE NYID KYI PHYIR CHOS CAN DANG MA 'BREL BA RNAM PAR GCOD PAS SPYI YANG BZUNG LA DE MA 'BREL BA RNAM PAR GCOD PA'I MTSAN NYID KYANG KHYAD PAR 'DZIN TO, ,DE BAS NA RJES SU DPAG PA NI TSAD MAR RIGS TE, MA BZUNG BA 'DZIN PA'I PHYIR RO, ,GANG DE RANG GI YUL DANG 'BREL PA YIN NAM ZHE NA, DE BRGYUD DE LAS BYUNG BA NI, ,RJES DPAG BLO YI 'BREL BA YIN, ,BRGYUD PAS RJES SU DPAG PA'I SHES PA'I YUL DANG , DE LAS BYUNG BA'I MTSAN NYID KYI 'BREL PA YIN NO, ,'DI LTAR RJES SU DPAG PAR BYA BA NI, ,RTAGS LAS SHES TE RJES DPAG YIN, ,RJES SU DPAG PAR BYA BA'I DON LAS DE'I RTAGS NGES PA NI RGYUD PA YIN NO, ,RTAGS NGES PA LAS RJES SU DPAG PA NI 'JIG RTEN PA'I TSAD MA MTSAN NYID YIN NO, ,KUN NAS NYON MONGS DMIGS PA DANG,, GANG ZHIG DMIGS PA CAN DAG NI, ,KUN RDZOB DANG NI DON DAM STE, ,DE GNYIS BDEN DANG GO RIMS BZHIN, ,KUN NAS NYON MONGS PA'I DMIGS PA GANG YIN PA DE NI KUN RDZOB KYI BDEN PA'O, ,RNAM PAR DAG PA'I DMIGS PA GANG YIN PA DE NI DON DAM PA'I BDEN PA'O, , DE YANG GANG ZHIG @114A *, ,YIN ZHE NA, SMRAS PA, YANG DAG MA YIN KUN RTOG GIS, ,BTAGS PA'I BDAG NYID KUN RDZOB YIN, ,DE NYID STONG PA'I BDAG NYID NI, ,DAM PA'I DON DU SHES PAR BYA, ,THEG PA CHEN PO LAS YOD PA RNAM PA BZHIR BZHED DE, DE BSTAN PA'I PHYIR SMRAS PA, BDEN PA DE NYID KUN RDZOB DANG, ,DAM PA'I DON DU YOD PAR BZHED, ,BRTAGS PAR YOD DANG RDZAS YOD DANG, ,BRTAGS DANG YANG DAG MIN KUN RTOG ,KUN RDZOB KYI BDEN PA NYID NI KUN RDZOB TU YOD PA'O, ,DON DAM PA'I BDEN PA NYID NI DON DAM PAR YOD PA'O, , KUN BRTAGS PA'I NGO BO NI BRTAGS PAR YOD PA YIN TE, THA SNYAD TZAM YIN PA'I PHYIR RO, ,GZHAN GYI DBANG GI NGO BO NI RDZAS SU YOD PA YIN TE, RTEN CING 'BREL BAR 'BYUNG BA YIN PA'I PHYIR RO, ,DE DAG NI BDEN PA GNYIS SO, ,GANG ZHIG BDAG CAG RNAMS KYI DANG, ,THAMS CAD BRDZUN SMRA'I SHES BYED DANG, ,DE RJES RTOGS PHYIR DE DAG GI ,SHING RTA CHEN POS LAM DU GSUNGS, ,MDO GANG GIS CHA BDAG CAG GIS SHES PAR BYED PA DANG, YANG GANG GZHAN DAG GI YANG DAG PA'I DON RTOGS PAR BYA BA'I PHYIR SHING RTA CHEN PO NI 'PHAGS PA BYAMS PA DANG, THOGS MED DANG, KLU SGRUB DANG, DBYIG GNYEN RNAMS KYIS LAM GANG YIN PA DE GSUNGS TE, DE DAG GIS YANG DAG PAR BSTAN PA'I PHYIR RO, ,DE LA BDAG CAG RNAMS KYIS ZHES BYA BA NI RANG BZHIN GSUM GYI TSUL GYIS SHES PAR BYED PA DGONGS PA NGES PAR 'GREL BA LA SOGS PA'I MDO'I CHA RNAMS YIN NO, ,KUN GYI MCHOG CHOS CHEN PO'I ME LONG LTA BU ZHES BYA BA'I CHOS KYI RNAM GRANGS KYI DPE'I DON DE NYID BSTAN PAR BYA STE, DE NI THEG PA CHEN PO'I CHOS KYI ME LONG CHEN PO YIN TE, DE YANG DON BSDUS NAS DON GTZO CHER BSHAD KYI, GDON MI ZA BAR TSIG NI MA YIN NO, ,DE LAS BYANG CHUB SEMS DPA' SGRA JI BZHIN DU TSUL BZHIN MA YIN PAR CHOS LA RNAM PAR DPYOD PAS YANG DAG PA MA YIN PA'I LTA BA NYI SHU RTZA BRGYAD 'BYUNG STE, 'DI LTA STE, MTSAN MA'I LTA BA DANG, BRTAGS PA LA SKUR PA 'DEBS PA'I LTA BA DANG, KUN DU BRTAGS @114B BA LA SKUR PA 'DEBS PA'I LTA BA DANG, DE KHO NA NYID LA SKUR BA 'DEBS PA'I LTA BA DANG, YONGS SU 'DZIN PAR LTA BA DANG, YONGS SU SGYUR BA'I LTA BA DANG, YONGS SU KHA NA MA THO BA MED PAR LTA BA DANG, NGES PAR 'BYUNG BA'I LTA BA DANG, BRNYAS PA'I LTA BA DANG, RAB TU KHRO BA'I LTA BA DANG, PHYIN CI LOG GI LTA BA DANG, SKYED PAR LTA BA DANG, KHAS MI LEN PA'I LTA BA DANG, NGAN G-YO'I LTA BA DANG, BKUR STI BYED PA'I LTA BA DANG, RMONGS PA BRTAN PA'I LTA BA DANG, RTZA BA'I LTA BA DANG, LTA BA MED PA'I LTA BA DANG, RAB TU SBYOR BA 'GEGS PA'I LTA BA DANG, NGES PAR 'BYUNG BA MED PA'I LTA BA DANG, BSGRIBS PAS STZOGS PA'I LTA BA DANG, BSOD NAMS MA YIN PA SKYED PA'I LTA BA DANG, 'BRAS BU MED PAR LTA BA DANG, NGES PAR 'DZIN PA'I LTA BA DANG, MI BDEN PA'I LTA BA DANG, MI SMRA BA'I LTA BA DANG, LTA BA CHEN PO DANG, MNGON PA'I NGA RGYAL GYI LTA BA ZHES BYA BA'O, ,DE RNAMS KYI MTSAN NYID DE LAS GSUNGS TE, DE YANG MDOR BSTAN PAS GTZO CHER RANG GI TSIG GIS BSTAN PAR BYA STE, CHOS THAMS CAD RANG BZHIN MED PA DANG, MA SKYES PA DANG, MA 'GAGS PA DANG, GZOD MA NYID NAS ZHI BA DANG, RANG BZHIN GYIS YONGS SU MYA NGAN LAS 'DAS PA'O ZHES BYA'O ZHES BCOM LDAN 'DAS KYIS DGONGS PAS GSUNGS PA YIN TE, DGONGS PA DE YANG DGONGS PA NGES PAR 'GREL PA LA SOGS PA'I MDOS GSAL BAR BYAS TE, RANG BZHIN MED PA YANG RNAM PA GSUM GSUNGS TE, RANG GI MTSAN NYID NGO BO NYID MED PA DANG, SKYE BA NGO BO NYID MED PA DANG, DON DAM PA NGO BO NYID MED PA'O, ,DE LA RANG BZHIN NI RANG GI MTSAN NYID DE, DE'I RANG BZHIN MED PA NI KUN TU BRTAGS PA'O, ,RANG LAS BYUNG BA NI SKYES PA STE, DE'I RANG BZHIN MED PA NI GZHAN GYI DBANG NGO, ,DE NI DON DAM PA YANG YIN LA NGO BO NYID MED PA YANG YIN PAS DON DAM PA'I NGO BO NYID MED PA'O, ,DE'I NGO BO NYID MED PA NI YONGS SU GRUB PA'I'O, ,JI LTAR RANG BZHIN MED PA DE BZHIN DU MA SKYES PA DANG, MA 'GAGS PA DANG, GZOD MA NYID NAS ZHI BA DANG, RANG BZHIN GYIS MYA NGAN LAS 'DAS @115A *, ,PA YANG YIN NO, ,YANG DE'I DGONGS PA NI YONGS SU MI SHES PAS RANG GI RNAM PAR DPYOD PA LA GNAS NAS SKYE BA MED PA NYID NI MED PA NYID DO ZHES SGRA JI BZHIN PAR BCOM LDAN 'DAS KYIS BSTAN PA YIN NO ZHES DNGOS PO MED PA'I MTSAN MA LA MNGON PAR ZHEN PA DE DAG NI MTSAN MAR LTA BA'O, ,DE BZHIN DU CHOS RNAMS KYI RANG BZHIN GSUM LA SKUR BA 'DEBS PAS DE LA SKUR BA 'DEBS PA'I LTA BA GSUM 'BYUNG STE, BTAGS PA LA SKUR PA 'DEBS PA'I LTA BA DANG, KUN BRTAGS PA LA SKUR BA 'DEGS PA'I LTA BA DANG, DE KHO NA NYID LA SKUR BA 'DEBS PA'I LTA BA'O, , DES DE KHO NA NYID LA SKUR PA 'DEBS PA'I LTA BA RNAM PAR GZHAG PA'I PHYIR RIGS PA GANG YANG RUNG BA NYID KYIS YONGS SU 'DZIN PA DANG, NGES PA'I DON GYI MDO SDE GZHAN DU YONGS SU BSGYUR BA STE, DE GNYIS NI YONGS SU 'DZIN PA'I LTA BA DANG, YONGS SU SGYUR BA'I LTA BA'O, ,DE LA LTA BA NI YANG 'DI LTAR LTA BA DAG YIN TE, LTA BA 'DI LA NGES PAR BRTEN PAS DGE BA THAMS CAD 'THOB PA DANG, SNGON GYI LAS KYI SGRIB PA LAS NGES PAR GROL BAR 'GYUR RO, ,LTA BA GNYIS PO DE DAG NI KHA NA MA THO BA MED PAR LTA BA DANG, NGES PAR 'BYUNG BA'I LTA BA'O, ,GSUNG RAB YAN LAG BCU GNYIS LAS NYAN THOS KYI SDE SNOD LA BKUR STI MI BYED PA DANG, SKUR PA 'DEBS PA'I LTA BA LA MI MOS PA LA RANG SNANG BA STE, LTA BA GNYIS PO DE DAG NI BRNYAS PA'I LTA BA DANG, RAB TU KHRO BA'I LTA BA'O, ,DE RANG GI LTA BA'I RJES SU 'BRANGS TE, STONG PA NYID DANG, MTSAN MA MED PA DANG, SMON PA MED PA LA SOGS PA PHYIN CI LOG GI MTSAN NYID DU 'JOG PAR BYED PA DANG, 'DI LTAR LTA BAR 'GYUR BA YANG YIN TE, GANG ZHIG CHOS NYID 'DI LA 'JUG PA'AM, 'JUG PAR BYED PA DE DAG THAMS CAD DPAG TU MED PA'I BSOD NAMS SKYED PAR 'GYUR RO, ,LTA BA GNYIS PO DE DAG NI PHYIN CI LOG TU LTA BA DANG, SKYED PAR LTA BA'O, ,DES KYANG DE LA SKUR BA 'DEBS PA'I LTA BA'I DBANG DU BYAS NAS PHA ROL POS BRGAL BA NA RANG CUNG ZAD KYANG KHAS MI LEN PA DANG, TSIG DOR DANG LTAG CHOD KYIS GZHAN LA LAN 'DEBS PA STE, LTA BA GNYIS PO DE DAG NI @115B KHAS MI LEN PA'I LTA BA DANG, NGAN G-YO'I LTA BA'O, ,DE 'DOD PAS 'DI LTAR RAB TU BZUNG STE, DES YANG DAG PAR RDZOGS PA'I SANGS RGYAS BCOM LDAN 'DAS MCHOD PAR BYED PAS DE LTA BU NI BKUR STI BYED PA'I LTA BA'O, ,LUNG DANG RIGS PA LA MKHAS PAS LTA BA NGAN PA DE LAS YANG DAG PAR 'BYED PAR BYED KYANG DE MI SPONG ZHING 'DI NYID BDEN GYI, GZHAN NI BRDZUN NO ZHES 'DZIN PA DE NI RMONGS PA BSTAN PA'I LTA BA'O, ,LTA BA DE DAG THAMS CAD KYI BAG CHAGS KYI GNAS NGAN LEN NI RTZA BA'I LTA BA'O, ,LTA BA BCU BDUN PO DE DAG NYID MDOR BSDUS NA LTA BA BCUR 'GYUR TE, 'DI LTAR MTSAN MA'I LTA BA 'DI NYID LA LTA BA MED PAR LTA BA STE, GANG ZHIG MTSAN MA'I LTA BA DE LA LTA BA MED PA'I LTA BA'O, ,BTAGS PA LA SKUR PA 'DEBS PA'I LTA BA DANG, KUN TU BRTAGS PA LA SKUR BA 'DEBS PA'I LTA BA DANG, DE KHO NA NYID LA SKUR BA 'DEBS PA'I LTA BA NI RAB TU SBYOR BA 'GEGS PAR BYED PA'I LTA BA STE, RGYU DANG 'BRAS BU'I RAB TU SBYOR BA LA SKUR PA 'DEBS PA'I PHYIR RO, ,YONGS SU 'DZIN PA'I LTA BA DANG SGYUR PA'I LTA BA NI NGES PAR 'BYUNG BA MED PAR LTA BA YIN TE, THABS MA YIN PA LA 'JUG PAS DES 'BRAS BU MI THOB PA'I PHYIR RO, ,KHA NA MA THO BA MED PA'I LTA BA DANG, NGES PAR 'BYUNG BA MED PA'I LTA BA NI SGRIB PA PA LA SOGS PA'I LTA BA STE, BRDZUN DU RTOGS PAS SGRIB PA ZAD PA MED PA'I PHYIR RO, ,BRNYAS PA'I LTA BA DANG, RAB TU KHRO BA'I LTA BA NI BSOD NAMS MA YIN PA SKYED PA'I LTA BA YIN TE, DAM PA'I CHOS LA BRNYAS PA DANG, TSANGS PAR SPYOD PA DANG LDAN PA LA SDANG BA DANG LDAN PAS BSOD NAMS MA YIN PA BSKYED PA'I PHYIR RO, ,PHYIN CI LOG TU LTA BA DANG, SKYED PAR LTA BA NI 'BRAS BU MED PAR LTA BA YIN TE, YANG DAG PA MA YIN PA'I LTA BAS YANG DAG PA'I CHOS NYID RNAM PAR GZHAG PA DANG, 'DZIN PA DANG, 'DZIN DU 'JUG PA'I KHYAD PAR MI SHES PA'I PHYIR RO, ,KHAS MI LEN PA'I LTA BA DANG, NGAN G-YO'I LTA BA NI NGES PAR 'DZIN PA'I LTA BA YIN TE, RIGS PA MA YIN PAS RTZOD PAS RGYAL BA MED PA'I PHYIR RO, ,BKUR STI BYED PA'I LTA BA NI MI BDEN PA'I LTA BA YIN TE, BDEN PA MA YIN PA LA DES SGRO @116A *, ,'DOGS PA'I PHYIR RO, ,RMONGS PA BRTAN PA'I LTA BA NI MI SMRA BA'I LTA BA YIN TE, PHYIN CI LOG LA MNGON PAR ZHEN PA DANG BCAS PAS DON MED PAR SMRA BA BKAG PA'I PHYIR RO, ,RTZA BA'I LTA BA NI LTA BA CHEN PO YIN TE, DE LAS LTA BA THAMS CAD 'BYUNG BA'I PHYIR RO, ,LTA BA NYI SHU RTZA BDUN PO DE DAG NYID MNGON PA'I NGA RGYAL GYI LTA BA YIN TE, YANG DAG PA MA YIN PA LA MNGON PAR ZHEN PAS KUN TU BSKYED PA'I PHYIR RO, ,GANG 'DI LTAR BCOM LDAN 'DAS KYIS 'PHAGS PA LANG KAR GSHEGS PA LAS, BLO GROS CHEN PO CHOS THAMS CAD NI SKYE BA MED PA YIN TE, YOD PA DANG MED PA LAS SKYE BA MED PA'I PHYIR RO ZHES GSUNGS TE, DE'I DON JI LTAR YIN ZHE NA, CHOS RNAMS KYI RANG BZHIN GSUM STE, DE LA GNYIS KYI RANG BZHIN NI SKYE BA MED PA YIN TE, THAMS CAD NI MA YIN NO ZHES BYA BA'I DON TO, ,DE JI LTAR CHU ZA BA DANG RLUNG ZA BA'O ZHES NGES PAR BZUNG BAS RTOGS PA DE LTAR 'DIR YANG GANG ZHIG YOD PA NYID NI RES 'GA' YOD PA MA YIN TE, YONGS SU GRUB PA'I RANG BZHIN NO, ,GANG ZHIG MED PA DE NI RES 'GA' YANG YOD PA MA YIN TE, KUN TU BRTAGS PA'I RANG BZHIN NO, ,DE DAG YOD PA DANG MED PA NI MA SKYES PA'I PHYIR SKYE BA MED PA YIN TE, YANG GZHAN GYI DBANG NI MA YIN NO, ,'DI LTAR DE NYID LAS, SEMS TZAM NYID DU RNAM GZHAG PAS, ,SKYE BA MED PAR NGAS BSHAD DO, ,ZHES GSUNGS SO, ,SLOB DPON KLU SGRUB KYI ZHAL SNGA NAS KYIS KYANG, SKYE BA DANG NI 'GAG PA NI, ,SHES PA 'BA' ZHIG KHO NA'O, , ZHES GSUNGS SO, ,GANG 'DI SKAD DU DE LA MYU GU NI RANG GIS BYAS PA MA YIN, GZHAN GYIS BYAS PA MA YIN, GNYI GAS BYAS PA MA YIN, DBANG PHYUG GIS BYAS PA MA YIN, DUS 'GYUR BAS MA YIN, RGYU MED PA LA KUN TU 'BYUNG BA YANG MA YIN, 'ON KYANG SA BON LA SOGS PA'I TSOGS PA YOD NA MYU GU 'BYUNG GI, MED NA NI MI 'BYUNG STE, DE'I PHYIR SA BON LAS MYU GU 'BYUNG NGO ZHES GSUNGS TE, DE'I DON GANG YIN ZHE NA, DON NI 'DI YIN TE, RANG GIS BYAS PA MA YIN ZHES BYA BA NI NYE BAR LEN PA TZAM GYIS MA YIN PA'O, ,GZHAN GYIS MA BYAS @116B ZHES BYA BA NI LHAN CIG BYED PA TZAM GYIS MA YIN PA'O, ,GNYI GAS MA BYAS ZHES BYA BA NI BYED PA PO GNYIS KYANG MI RIGS PA'I PHYIR RO, ,DBANG PHYUG GIS MA BYAS ZHES BYA BA NI DE YANG NUS PA BYAS PA THAMS CAD KYI RGYU GZHAN DBANG PHYUG YIN PA'I PHYIR DANG, BYA BA BYED PAR MI RIGS PA'I PHYIR DANG , SEMS MED PA YANG G-YO BA DANG BRAL BA'I PHYIR RO, ,DUS 'GYUR BAS MA YIN ZHES BYA BA NI DUS KYI RDZAS DANG GNAS SKABS PA YANG MI RIGS PA'I PHYIR RO, ,RGYU MED PA LAS KYANG MA YIN ZHES BYA BA NI RGYU MED PA LAS SKYE BA MA YIN TE, RGYU LA LTOS PA MED PAR RES 'GA' YANG MI RIGS PA'I PHYIR RO, ,JI LTAR SA BON LA MYU GU 'BYUNG ZHES BYA ZHE NA, DE LA SMRAS PA, 'ON KYANG ZHES BYA BA LA SOGS PA NI RTOGS BAR SLA'O, ,'O NA NI 'DI LA MU STEGS PA RNAMS KYI PHYOGS GCIG STONG PA'I NYES PAR JI LTAR MI 'GYUR ZHE NA, GANG GI PHYIR CHOS THAMS CAD KUN TU BRTAGS PA'I RANG BZHIN GYIS STONG PA NYID YIN TE, DE NYID KYI PHYIR GANG DU YANG DAG PA'I SHES PAS KYANG STONG PA NYID DU BSTAN PA DER KUN TU BRTAGS PA'I RANG BZHIN NYID BYIS PAS GZUNG BAR SHES PAR BYA STE, DON DAM PAR GYUR PAS NI MA YIN NO, ,YANG DAG PAR NI BYIS PA RNAMS LA MED DE, NGO BO GANG ZHIG RTOG GE BAS MTHONG BA DE NI YANG DAG PA'I KUN RDZOB CES BYA STE, 'PHAGS PA LANG KAR GSHEGS PA LAS GANG 'DI SKAD DU, BLO YIS RNAM PAR GZHIGS NA NI, RANG GI NGO BO GZUNG DU MED, ,GANG PHYIR BRJOD DU MED PA DANG, ,RANG BZHIN MED CES BSTAN PA'ANG YIN, ,BLO YIS RNAM PAR GZHIGS NA NI, ,GZHAN DBANG MED CING KUN BRTAGS MED, ,GRUB PA'I NGO BO'ANG YOD MIN NA, ,CI LTAR BLO YIS RNAM PAR BRTAG ,RANG BZHIN MED CING RNAM RIG MED, ,DNGOS PO MED CING KUN GZHI MED, ,RO MTSUNGS BYIS PA'I RTOG GE BA, ,NGAN PA RNAMS KYIS 'DI DAG BRTAGS, ,MTSAN MA DNGOS PO RNAM RIG DANG, ,YID KYI G-YO BA GANG YIN LAS, ,NGA YI SRAS RNAMS RAB 'DAS NAS, ,DE DAG RNAM PAR MI RTOG DPYOD, ,CES BYA BA'I DON JI LTAR YIN ZHE NA, SMRAS PA, TSIGS SU BCAD PA DANG PO'I DON NI THOS PA'I RANG BZHIN GYI SHES RAB @117A *, ,DANG, BSAM PA'I RANG BZHIN GYI SHES RAB PO, ,'DI LTAR, BLO YIS RNAM PAR GZHIGS NA NI, ,ZHES BYA BA NI TSAD MAS DPYAD NA CHOS RNAMS KYI RANG GI NGO BO NI RANG GI MTSAN NYID DO, ,GANG ZHIG BYIS PA RNAMS KYI BLO GZUNG BA NYID GZUGS LA SOGS PA DANG, 'DZIN PA NYID DU TSOR BA LA SOGS PAR SNANG BA DE DAG GI RANG BZHIN GZUNG DU MED PA NI YANG DAG PA MA YIN PA'I KUN TU RTOG PA NYID DU YONGS SU SHES PA'I PHYIR DANG, DE YANG GZUNG BA DANG 'DZIN PAR MI RIGS PA'I PHYIR DANG, GCIG DANG DU MA DANG BRAL BA'I PHYIR RO, ,DE LTA YIN NA DE DAG NI YANG DAG PA MA YIN PA'I RANG BZHIN KUN TU BRTAGS PAR YOD PA'O, ,BYIS PA'I BLO DE NI YANG DAG PA MA YIN PA'I KUN TU RTOG PA'O, ,DE'I PHYIR RANG BZHIN MED PA ZHES BYA BA NI DE DAG GI RANG BZHIN MED PA STE, YONGS SU GRUB PA'I RANG BZHIN NO, ,YANG GI SGRA NI BRJOD DU MED PA YANG YIN ZHE NA RIM PA BZHIN DU SBYAR RO, ,DE NI RANG BZHIN GYIS RNAM PAR RTOG PA'I SPYOD YUL MA YIN PA'I PHYIR RO, ,DE LTA BU'I RIGS PAS NI BSAM PA'I RANG BZHIN GYI SHES RAB BSTAN TO, ,DE LTAR BCOM LDAN 'DAS MA LAS GSUNGS SO, ,'DIS NI THOS PA'I RANG BZHIN GYI SHES RAB KYANG BSTAN TO, ,'O NA NI BRJOD DU MED PA ZHES BSTAN PA YANG MI RIGS TE, 'DI LTAR YANG DAG PA'I SO SOR RTOG PA NYID RNAM PAR MI RTOG PA'I YE SHES KYI RGYU YIN GYI, YANG DAG PA MA YIN PA'I KUN DU RTOG PA NI MA YIN TE, MI MTHUN PA'I PHYOGS YIN PA'I PHYIR RO, ,RNAM PAR MI RTOG PA'I YE SHES NI MA YIN TE, DE SNGA NA MED PA'I PHYIR RO, ,DE LTA BAS NA YANG DAG PA YANG RNAM PAR BRTAGS PA MA YIN PA'I PHYIR BRJOD DU MED PA YANG MI RIGS SO, ,'DIR YANG BO YIS ZHES BYA BA LA SOGS PA SMRAS PA LAS, ,BLO YIS ZHES BYA BA NI YANG DAG PA'I SO SOR RTOG PAS SO, ,RNAM PAR GZHIGS ZHES BYA BA NI MED PA DANG YOD PA DANG DON DAM PA NYID LA SOGS PA'I RNAM PAS YANG DAG PAR SO SOR RTOG PAR BYA BA GSUM MO, ,JI LTAR BLO YIS RNAM PAR BRTAGS, ,ZHES BYA BA NI NGES PA NYID MED DE ZHES BYA BA'I DON TO, ,NGES PA NI GZHAN SEL BA'I YUL CAN YIN PA'I PHYIR DANG, GZHAN SEL BA'I YANG @117B DE KHO NA NYID MA YIN NO ZHES DGONGS PA'I PHYIR RO, ,'O NA JI LTAR SO SOR RTOG PA YIN ZHE NA, YANG DAG PA'I KUN RDZOB KYIS SO, ,'O NA NI BDAG DANG CHOS RNAMS KYANG YANG DAG PA NYID DU 'JIG RTEN LA GRAGS PA DANG, SER SKYA DANG GZEGS ZAN LA SOGS PA TSAD MAR GYUR PA RNAMS KYIS YONGS SU BCAD PA DE DAG JI LTAR MED CES BYA ZHE NA, MIN ZHES BYA BA LA SOGS PA SMRAS TE, RANG BZHIN NI BDAG GI RDZAS SO, ,RNAM RIG NI RNAM PAR SHES PA DRUG GI TSOGS SO, ,DNGOS PO NI YUL LO, ,KUN GZHI NI GZHI STE, DBANG PO DRUG GO, ,DE DAG THAMS CAD MED PA NI GTAN TSIGS JI SKAD BSTAN PAS SO, ,GANG GI PHYIR ZHE NA, BYIS PA NI BDEN PA MA MTHONG BAS 'DI DAG BRTAGS PA NI BRDZUN PAR BRTAGS PA'O, ,DE DAG KYANG 'DI JI LTA BU ZHIG CE NA, RO MTSUNGS BYIS PA'I RTOG GE BA, ,ZHES BYA BA LA YANG GI DON RTOGS PAR BYA STE, RTOG PA MED PA DANG, LOG PAR RTOGS PA NI GZEGS ZAN LA SOGS PA YIN NO ZHES BYA BA'I DO TO, ,'O NA JI LTAR RNAL 'BYOR PA RNAMS RNAM PAR MI RTOG PAR 'GYUR ZHE NA, SMRAS PA, MTSAN MA ZHES BYA BA NI MING DANG MTSAN MA DAG GO, ,DNGOS PO ZHES BYA BA NI YUL DANG DBANG PO RNAMS SO, ,RNAM RIG CES BYA BA NI RNAM PAR SHES PA DRUG GI TSOGS SO, ,DE DAG THAMS CAD DU SNANG BA NUB PAS RAB TU 'DAS PA NYID DO, ,DE LTAR THAMS CAD DU GNYIS SU SNANG BA NUB PAS YID KYI G-YO BA GANG YIN PA MED DO, ,GNYIS MED PA'I SHES PA'I NGO BO GCIG PO LA RIG PAR BYA BA DANG, SO SO RANG GIS RIG PA POR ZHEN PA DON DANG SO SOR SNANG BA DE GNYIS KA LAS KYANG SHIN TU 'DAS PA'O, ,SRAS ZHES BYA BA NI BYANG CHUB SEMS DPA'O, ,DE DAG CES BYA BA NI GANG ZHIG THOS PA DANG BSAM PA DANG ZHI GNAS DANG LHAG MTHONG RNAMS KYIS YANG DAG PA'I SHES PA LA RAB TU SBYOR PA YIN NO, ,DE LA 'DIR RNAM PAR MI RTOG PA'I SHES PA NI RNAM PA BZHIR GSUNGS SO, ,RNAM PAR MI RTOG PA LA 'JUG PA'I GZUNGS LAS RNAM PA DRUG TU GSUNGS TE, RIGS KYI BU RGYU 'DIS RNAM PAR MI RTOG PA'I DBYINGS LA RNAM PAR MI RTOG PA ZHES BSTAN TE, RNAM PAR RTOG PA THAMS CAD KYI DPYOD PA LAS YANG DAG PAR @118A *, ,'DAS PA NYE BAR LEN PA DANG, BSTAN PA THAMS CAD MTHONG BA LAS YANG DAG PAR 'DAS PA NYE BAR LEN PA DANG, DBANG PO'I RNAM PAR RTOG PA THAMS CAD LAS YANG DAG PAR 'DAS PA NYE BAR LEN PA DANG, YUL GYI RNAM PAR RTOG PA THAMS CAD LAS YANG DAG PAR 'DAS PA NYE BAR LEN PA DANG, RNAM PAR RIG PA THAMS CAD LAS YANG DAG PAR 'DAS PA NYE BAR LEN PA DANG, NYON MONGS PA DANG, NYE BA'I NYON MONGS PA DANG, SHES BYA'I SGRIB PA THAMS CAD LA DMIGS PA MED PA NYID NYE BAR LEN PA'O, ,DE'I PHYIR RNAM PAR MI RTOG PA DANG, DNGOS PO MED PA DANG, MTHONG BA MED PA DANG, RAB TU MI GNAS PA DANG, SNANG BA MED PA DANG, RNAM PAR RIG PA MED PA DANG, GZHI MED PA ZHES GSUNGS TE, GZUNGS LA SOGS PA RNAM PA DRUG GI RNAM PAR RTOG PA THAMS CAD LAS 'DAS PA'I PHYIR RNAM PAR MI RTOG PA ZHES BYA BA'I DON TO, ,RNAM PAR DPYAD PAS NA GZUGS TE, RNAM PAR RTOG PA THAMS CAD KYI RANG DPYOD PA DE LAS YANG DAG PAR 'DAS PA'I PHYIR GZUGS MED PA'O, ,BSTAN PA LA SOGS PA THAMS CAD KYIS GZHAN LA GSAL BA NI NGES PAR MTHONG BA STE, DE LAS YANG DAG PAR 'DAS PA NI MTHONG BA MED DO, ,DBANG PO THAMS CAD NYID RNAM PAR RTOG PA STE, 'DZIN PAR BYED PA NYID DU SNANG BA'I PHYIR RO, ,DE LAS YANG DAG PAR 'DAS PA NI RAB TU MI GNAS PA STE, RTEN RAB TU GNAS PA'O, ,YUL THAMS CAD NYID NI RNAM PAR RTOG PA STE, GZUNG BA NYID DU RAB TU SNANG BA'I PHYIR RO, ,DE LAS YANG DAG PAR 'DAS PA NI SNANG BA MED PA'O, ,RNAM PAR RIG PA NI RNAM PAR SHES PA DRUG STE, DE YANG 'DZIN PA NYID DU SO SOR SNANG BA'I PHYIR RNAM PAR RTOG PA'O, ,DE DAG LAS YANG DAG PAR 'DAS PA'I PHYIR RNAM PAR RIG PA MED PA'O, ,NYON MONGS PA DANG NYE BA'I NYON MONGS PA YANG DE BZHIN DU RNAM PAR RTOG PA YIN TE, DE RNAMS GZHI MED PA NYE BAR LEN PA'I PHYIR GNAS MED PA ZHES BSTAN TO, ,DE LTA YIN NI 'PHAGS PA LANG KAR GSHEGS PA LAS MNGON PAR RTOGS PA DE DAG GI DON GANG YIN ZHE NA, CHOS KYI DBYINGS KUN TU 'GRO BA'I MTHAR PHYIN PA'I PHYIR RNAL 'BYOR GYIS BZHI PO DE DAG GI @118B DON TO, ,DE LA PHA ROL PHYIN PA DANG, BYANG CHUB KYI PHYOGS DANG, PHYOGS BCU DUS GSUM GYI DBYE BA MTHA' YAS MOD KYI, MDOR BSDUS PA'I CHOS NI 'DI DAG YIN TE, PHUNG PO LNGA DANG, SKYE MCHED BCU GNYIS DANG, KHAMS BCO BRGYAD CES BYA BA 'DI DAG NI RNAL 'BYOR GYI SA DANG PO YIN TE, ,SBYOR BA'I DMIGS PA DES JI SNYED YOD PA DE SNYED TZAM LA RNAM PAR DPYOD PA'I PHYIR RO, ,SA GZHAN DAG NI DE DAG JI LTA BA BZHIN DU YOD PA'I RANG BZHIN DU GYUR PA'I NGO BO GZUNG BA LA SOGS PAS STONG PA NYID RNAM PAR 'BYED PA'O, ,DE LA RNAL 'BYOR GYI SA DANG PO NI CHOS THAMS CAD SEMS SU DMIGS PA NYID KYIS SEMS LAS PHYI ROL DU SNANG BA MED DO, ,DE NYID KYI PHYIR, SEMS TZAM LA NI BRTEN NAS SU, ,PHYI ROL DON LA MI RTOG GO, ,ZHES GSUNGS TE, RNAL 'BYOR PA ZHES 'OG MA DANG SBYAR RO, ,SEMS TZAM DU SNANG BA NI SEMS LAS THA DAD PA'I CHOS MA YIN TE, SEMS LAS THA DAD PA SNANG BA MI RIGS PA'I PHYIR RO, ,GZUNG BA MED PAR SHES PA 'DI NI RNAL 'BYOR GYI SA GNYIS PA'O, ,DE BZHIN NYID LA DMIGS NAS NI, ,SEMS TZAM LAS KYANG BZLA BAR BYA, ,'DZIN PA'I MTSAN NYID NI SEMS TE, GZUNG BA MED PAS 'DZIN PA MED PA'I PHYIR RO,, GNYIS KYIS STONG PA'I SHES PA DE NI DE BZHIN NYID DMIGS PA DE LA GNAS PA SEMS TZAM STE, 'DZIN PA'I MTSAN NYID DE LAS 'DAS TE, DE GNYID KA LAS 'DAS PA YIN TE RNAL 'BYOR GYI SA GSUM PA'O, ,'O NA DE BZHIN NYID LA DMIGS PA'I SEMS SNANG BA MED PA YIN TE, GZUNG BA DANG 'DZIN PA MI SNANG BA'I PHYIR RO, ,DE'I PHYIR CI DE NYID LA GNAS PAR BYA'AM, YANG NA DE LAS 'DAS PA YIN ZHE NA, SMRAS PA, SEMS TZAM LAS NI BZLAS NAS NI, ,SNANG BA MED PA BZLA BAR BYA, ,ZHES GSUNGS SO, ,DE CI 'DRA BA ZHIG LA BZLA ZHE NA, SNANG BA MED PA ZHES GSUNGS TE, KHYAD PAR DU 'PHAGS PA THOB PA'I PHYIR SHIN TU SNANG BA MED PA LA GNAS PAR 'GYUR RO, ,GANG DU MING DANG MTSAN MA DANG, GZUNG BA DANG 'DZIN PA THAMS CAD NUB PA DE NI, SHIN TU SNANG BA MED PA'I YE SHES DE LA GNAS PAR 'GYUR BA YIN NO ZHES BYA BA NI TSIG GI @119A *, ,LHAG MA'O, ,DE YIS THEG PA CHEN PO MTHONG, ,ZHES BYA BA NI DE RNAL 'BYOR GYI SA BZHI PA YIN TE, THEG PA CHEN PO MNGON SUM DU BYAS PA'I PHYIR RO, ,PHYIN PAR BYED PAS NA THEG PA STE, THEG PA YANG YIN LA CHEN PO'ANG YIN TE, BYANG CHUB SEMS DPA'I LAM ZHES BYA BA'I DON TO, ,'O NA LAM DES 'GRO BA NI CI 'DRA BA ZHIG, ,'GRO BAR BYA BA NI JI LTA BU ZHIG ,SU ZHIG 'GRO ZHE NA, 'JUG PA LHUN GYIS GRUB CING ZHES, ,SMON LAM DAG GIS RNAM PAR SBYANGS, ,YE SHES DAM PA BDAG MED PAR, ,BYANG CHUB SEMS DPA' RAB TU 'JUG, ,CES GSUNGS TE, 'JUG PA NI SA GONG MA GONG MAR 'PHAR BA'O, ,DE DAG PA 'JIG RTEN PA'I SBYOR BA'I LAM GYI SGOM PA RJES SU 'GRO BA'I PHYIR LHUN GYIS GRUB PA NI LHUN GYIS GRUB PA'O, ,BGROD PAR BYA BA'I SA'I RIM PA DANG BRAL BA'I PHYIR ZHI BA'O, ,SMON LAM DAG GIS RNAM PAR SBYANGS, ,ZHES BYA BA NI THEG PA DMAN PAS NYAMS PA'I RGYUD GYUR PA'I NYES PA RNAMS SPANGS PA'I PHYIR RO, ,YE SHES DAM PA ZHES BYA BA DE NI DE BZHIN GSHEGS PAR 'ONG BA STE, DER 'GRO BAR BYA BA YIN NO, ,DE YANG BDAG MED PA STE, BDAG TU GYUR PA'I MING DANG MTSAN MA DANG GZUNG BA DANG 'DZIN PAR SNANG BA RNAMS LA 'BYUNG BAR MI 'GYUR BAS NUB PA'I PHYIR RO, ,RAB TU 'JUG CES BYA BA NI 'GRO'O ZHES BYA BA'I DON TO, ,'GRO BAR BYED PA NI BYANG CHUB SEMS DPA' YIN PAR BSTAN TE, NYAN THOS LA SOGS PA NI MA YIN NO ZHES BYA BA'I DON TO, ,TSIGS SU BCAD PA 'DI'I DON NI BYANG CHUB SEMS DPA' MKHAS PA LAS BZUNG NAS BSGOM PAR BYA'I RANG DGAR NI MA YIN NO, ,DE MA RNYED NA YANG DAG PA'I DON KHONG DU CHUD PA'I BYANG CHUB SEMS DPA' PHYOGS BCU NA BZHUGS PA'I DE BZHIN GSHEGS PA RNAMS LA GDAMS NGAG MNGON PAR MNOS PAR BSGOM MO, ,'O NA RANG BZHIN GSUM GYI TSUL LA DBU MA'I TSUL ZHES JI SKAD BRJOD CE NA, SMRAS PA, YOD PA ZHES BYA BA NI MTHA' GCIG GO, ,MED PA ZHES BYA BA NI MTHA' GNYIS PA'O, DE DAG GI DBUS SU GYUR PA NI DBU MA'I TSUL TE, RANG BZHIN RNAMS NGES PAR RTOGS PA'O, ,DE YANG GANG YIN ZHE NA, GANG ZHIG CHOS THAMS @119B CAD YOD PA YANG MA YIN MED PA YANG MA YIN PA STE, KUN TU BRTAGS PA'I RANG BZHIN GYIS NI YOD PA YANG MA YIN, GZHAN GYI DBANG DANG YONGS SU GRUB PA'I RANG BZHIN GYIS NI MED PA YANG MA YIN TE, GANG DBUS DANG MTHA' RNAM PAR 'BYED PA LAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI DE LA YOD, ,DE LA YANG NI DE YOD DO, ,STONG PA MA YIN MI STONG MIN, ,DE LTAR BAS NA THAMS CAD BSHAD, ,YOD PAS MED PAS YOD PAS NA, ,DE NI DBU MA'I LAM YIN NO, ,ZHES GSUNGS PA YIN NO, ,DON DAM PAR NI MED LA, KUN RDZOB TU NI YOD PA DE'I PHYIR, DBU MA'I LAM YIN NO ZHES ZER NA, DE NI SNGAR BKAG ZIN TO, ,GZHAN NI 'DI LTAR 'DOD DE, JI LTAR SGYU MA'I GLANG PO SNANG BA NI YOD PA MA YIN NO, ,DE BZHIN DU CHOS THAMS CAD KYANG YOD PA MA YIN TE, DE NI MED PA SNANG BA YIN PAR SMRA STE, ,DE BAS NA SGYU MA LTA BU NYID CHOS THAMS CAD DBU MA'I LAM YIN NO ZHES ZER RO, ,DE YANG BDEN PA MA YIN TE, 'DI LTAR GAL TE 'DI DAG TSAD MA MED PAR GRUB NA DE'I PHYIR 'GAS KYANG YOD PAR SGRUB PAR NI MI NUS SO, ,TSAD MA MA YIN PA LA SNANG BA TZAM GYIS LTA SMOS KYANG CI DGOS, ,GAL TE NUS PA'I MTSAN NYID DU NI YOD PA MA YIN GYI, SNANG BA'I MTSAN NYID DU YOD PAR 'DOD NA DE LTA NA NI, BRTAGS PA TZAM DU YOD PAR 'GYUR RO, ,RI BONG GI RVA DE YANG DE TZAM DU YOD KYI DE MED PAR NI MI 'GYUR RO, ,'ON KYANG RI BONG GI RVA LA SOGS PA GCIG TU MED PAR 'DOD DO, ,GZHAN YANG NUS PA'I MTSAN NYID DU YOD PA BKAG NA, DON DANG DON MA YIN PA BSGRUB PA LA 'JUG PA DANG, LDOG PA LA SOGS PA NGES PAR MI 'GYUR BAR THAL BAR 'GYUR BAS DE BAS NA YOD PAR 'DOD PAS NUS PA NYID YOD PAR RIGS KYI, ,SNANG BA TZAM NI MA YIN NO, 'DI LTAR SHING DANG RDO LA SOGS PA RANG RANG GI NGO BOS YOD PA YANG SGYU MA MKHAN GYI BYA BAS GLANG PO LA SOGS PA'I NGO BO MED PA SNANG BA'I PHYIR SHING LA SOGS PA YANG SGYU MAR SMRAS PA NI DE'I 'DOD PA'O, ,'DI LTAR CHOS THAMS CAD NI SHES PA'I NGO BO YIN LA, THOG MA MED PA'I BAG CHAGS KYIS BSLAD PAS SNGON PO @120A *, ,LA SOGS PA'I NGO BOR SNANG STE, DE BAS NA CHOS 'DI DAG THAMS CAD SGYU MA LTA BUR 'DOD DO, ,DE'I PHYIR SNGON PO LA SOGS PA'I RNAM PA NI YOD PA MA YIN LA, 'KHRUL PA'I DNGOS PO DE DANG STONG PA NYID KYI NGO BO MED PA NI MA YIN TE, DE NI DBU MA'I LAM ZHES BYA'O, , DE LTA BAS NA, DE NYID RANG BZHIN GSUM 'DOD PAR GYUR PA YIN TE, TSUL 'DI NI DBU MA PAR RIGS SO, ,DE LTA BAS NA SANGS RGYAS PA BZHI JI LTAR YIN, GANG ZHIG RNAM PA MED PA'I SHES PAS SNGON PO LA SOGS PA'I DON RIG PAR 'DOD PA NI BYE BRAG TU SMRA BA'O, ,GANG ZHIG DON GYIS PHAN BTAGS PAS GZUGS BRNYAN GYI RNAM PA NYAMS SU MYONG BAS DON RIG PAR 'DOD PA NYID NI MDO SDE PA'O, ,YANG GANG ZHIG RNAM PAR SHES PA LAS PHYI'I DON SNGON PO LA SOGS PA MI 'DOD KYI, 'ON KYANG 'DI DAG RNAM PAR SHES PA NYID YIN MOD KYI, THOG MA MED PA'I BAG CHAGS KYI STOBS KYIS SNGON PO LA SOGS PA BSKYED PA YIN PAR SMAR BA DE DAG NI RNAL 'BYOR SPYOD PA PA YIN LA RANG BZHIN GSUM DU SMRA BA NI DBU MA PA'O, ,YANG GANG ZHIG THAMS CAD BRDZUN PAR SMRA BA NI DBU MA LTAR SNANG BA YIN NO, ,TSAD MA LUNG DANG BSTAN BCOS KYIS SBYAR BAS, RTOGS PA DE 'DIR DBU MA'I TSUL YIN TE; GANG ZHIG RGYAL BA YI NI GSUNG DON LE, ,MI PHAM MGON PO JI LTAR TSAD MA MIN, ,PHYIN CI MA LOG PA LA NGES 'JUG PA, ,CHOS KYI SKU YI PHRIN LAS MTHA' MAR BSTAN, ,DES NI SANGS RGYAS YUL GYI DON DE YI, ,SNA TSOGS PHYIN CI LOG NI NGES PAR 'JOMS, ,SHES RAB PHA ROL PHYIN PA'I DON LA NI, ,TSAD MA'I GTZO BO 'DIR NI BYAMS PA YIN, ,GANG ZHIG ZHAL NAS RGYAL BAS GSUNGS BSTAN PA, ,PHYIN CI MA LOG PA LA NGES 'JUG MDZAD, ,TSAD MA'I TSUL LA YANG DAG MKHAS PA DANG, ,SANGS RGYAS THEG PA'I DON LA MKHAS PA RNAMS, ,DBU MA'I RGYAN GYIS DGA' BAR BYA BA'I PHYIR, ,RIN CHEN 'BYUNG GNAS ZHI BAS SBYAR BA YIN, ,DBU MA RGYAN GYI 'GREL PA DBU MA'I LAM GRUB PA ZHES BYA BA SLOB DPON MKHAS PA CHEN PO DPAL RIN CHEN 'BYUNG GNAS ZHI BA'I ZHAL SNGA NAS KYIS MDZAD @120B PA RDZOGS SO,, ,,LO TZ'A SH'AKYANG 'OD KYIS RANG 'GYUR DU MDZAD PA'O,, ,,DPAL RGYAL PO 'DOD PA'I LHA'I RING LA, DPYID ZLAR BA'I NGO LA BRTZAMS TE LO BRGYA BZHI BCU LON NO,, ,, #, ,RGYA GAR SKAD DU, DHYA NA D'I PAm N'A MO PA DE SH'A, BOD SKAD DU, BSAM GTAN GYI SGRON MA ZHES BYA BA'I MAN NGAG ,BCOM LDAN 'DAS BDE BA CHEN PO LA PHYAG 'TSAL LO, ,SDOM NI, RNAL 'BYOR ZHI GNAS RGYU DANG GROGS, ,SNGON 'GRO DMIGS PA GTAD PA'I THABS, ,RJES BYA KHAMS TSOD GZUNG DANG TSAD, ,SPYOD LAM SEMS DPAS BCOS PA'I THABS, ,YON TAN RJES BYA GO RIMS DANG, ,RNAM DBYE DE SBYOR 'BRAS BUR BCAS, ,DE LA ZHI GNAS KYI RNAL 'BYOR PA GANG ZHE NA, GANG DU GNYID SHAS CHUNG BA DANG, 'DOD CHAGS LA SOGS PA'I NYON MONGS PA SHAS CHUNG BA DANG, DGE BA LA MOS PA DANG, DE'U DANG BRAL BA DANG, LUNG DANG MAN NGAG GI RJES SU 'JUG PA STE, JI SKAD DU, NYON MONGS TSOGS BRAL SDOM PA SRUNG LA MOS, ,DGE BA'I DON LA MOS SHING BRJED PA MED, ,BSGO BA'I TSIG LA NYAN CING SNYAN PAR SMRA, ,MKHAS PA ZHI GNAS DON DANG LDAN PAR 'GYUR, ,ZHES 'BYUNG BA DANG, GZHAN YANG, SEMS MA 'KHRUGS DANG NAD DANG BRAL, ,BSGO BA 'DZIN CING KUN TU GSONG, ,ZHES 'BYUNG BA LTA BU'O, ,DE LA ZHI GNAS DNGOS GANG ZHE NA DMIGS PA LA 'DZIN PA DANG, SEMS KUN TU GTOD PA DANG, NYON MONGS PA NYUNG BA DANG, BYING BA DANG, RGOD PA SNYOMS PA DANG, LHAG MTHONG LA PHAN PAR BYED PA DANG, SEMS DAL PAR GYUR PA DANG, KUN TU MI G-YO BA DANG, BSTAN PA DANG, ZHI BAR RAB TU GNAS PA STE, LUNG GZHAN DAG LAS, SDUD PAR BYED DANG G-YO BA MED, ,DAL GYUR TING 'DZIN NYON MONGS SRUNGS, ,YON TAN KUN GYI RTEN DU GYUR, ,ZHI GNAS YON TAN KUN TU BDE, ,ZHES 'BYUNG BA DANG, SEMS DPA' CHEN PO'I ZHE GNAS NI SEMS 'PHRO BA MED PA'I TING NGE 'DZIN DANG, SEMS LAS BYUNG BA RNAMS SO ZHES 'BYUNG BA DANG, GZHAN DAG LAS, NYES PA LNGA @121A *, ,SPONG BA NI SEMS LAS BYUNG BA'I 'DU BYED BRGYAD DO ZHES 'BYUNG BA LTA BU'O, ,DE LA ZHIG NAS KYI RGYU GANG ZHE NA, GANG ZHI GNAS SKYED PAR BYED CING ZHI GNAS LA PHAN PAR BYED PA RNAMS SO, ,DE DAG KYANG GANG ZHE NA, 'DI LTA STE, DE BZHIN GSHEGS PA'I LUNG DANG DE LA BRTEN PA DANG, DMIGS PA KHYAD PAR CAN DANG, SUN 'BYIN PA DANG, GNYEN PO DANG, GZHAN MTHONG BA DANG, THOS PA DANG, RANG GIS NYAMS SU MYONG BA DANG, GNAS DANG, YUL DANG DUS DANG ZAS DANG SKOM DANG GROGS DANG RTEN DANG PHRAD PA DANG BRAL BA DANG, GTONG PA DANG 'DZIN PA DANG, YONGS SU SDUD PA DANG SEMS LAS BYUNG BA'O, ,DE LA LUNG GIS JI LTAR 'GYUR ZHE NA, THEG PA CHEN PO'I MDO 'AM RGYUD DAG LAS ZHI GNAS DANG, DE'I THABS DANG, DE'I YON TAN BRJOD PA GANG GIS GANG ZHIG 'PHEL BAR 'GYUR BA'I PHYIR RO, ,DE LA BRTEN PAS JI LTA ZHE NA, BKA' GANG LA GANG GIS BRTEN NAS GANG LA BRTEN BA DES DE 'PHEL BAR 'GYUR BA'I PHYIR RO, ,DE YANG LUNG LAS SEMS DPA' CHEN PO SGRA GANG LA BRTEN NAS SEMS CAN DMAN PA LA RTOGS PA 'BYUNG NGO, ,RTOGS PA LA BRTEN NAS ZHI GNAS DANG LDAN PAR 'GYUR RO, ,DE LA BRTEN NAS LHAG MTHONG 'PHEL BAR 'GYUR RO, , DE LA ZUNG DU 'BREL BA'I YE SHES 'BYUNG BAR 'GYUR RO, ,SEMS DPA' CHEN PO NGAN SONG DU BYANG CHUB SEMS DPA'I SPYAD PA SPYOD PA'I DUS SU SANGS RGYAS RNAM PAR GZIGS KYI SGRA LA BRTEN NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO ZHES BYA BA LA SOGS PA RGYA CHER GSUNGS SO, ,DMIGS PAS JI LTA BU ZHE NA, GANG LA GZHAN LAS GYUR PA'I DMIGS PA YOD PA STE, JI LTAR RNAM PAR BAM PA DANG, RNAM PAR BSNGOS PA LA BRTEN NAS MI SDUG PA'I BSAM GTAN YONGS SU RDZOGS PAR 'GYUR RO, ,DUS MTHA'I ME LA SOGS PA LA BRTEN NAS ZAD PAR GYI TING NGE 'DZIN YONGS SU RDZOGS PAR 'GYUR RO ZHES BYA BA LA SOGS PA DANG, RIN PO CHE SNA LNGA'I SKU'I SNANG BA'I GNYEN PO DANG BCAS PAS SKU'I TING NGE 'DZIN YONGS SU RDZOGS PAR 'GYUR RO, ,RDUL BA DANG ZHU BA'I STOBS KYIS THIG LE'I BSAM GTAN PHUN SUM TSOGS PAR 'GYUR RO, ,SNANG @121B BA'I 'OD CES BYA BA NI 'OD KYI BSAM GTAN PHUN SUM TSOGS PAR 'GYUR RO, ,NAM MKHA' DANG BA LA BRTEN NAS 'OD GSAL GYI YE SHES PHUN SUM TSOGS PAR 'GYUR RO ZHES BYA BA LA SOGS PA RGYA CHER GSUNGS SO, ,GANG 'DOD PA'I YUL DE DAM PAR 'GYUR RO, ,SUN 'BYIN PAS JI LTAR 'GYUR ZHE NA 'DI LTAR 'DOD CHAGS DANG 'DOD CHAGS KYI YUL LA NYES PA DANG CHAGS SU MI RUNG BAR LTA STE, DANG PO'I DUS RJES SU DRAN PA DANG MTSUNGS PAR LDAN PA DANG, ZLA GZHAN DANG, DUS PHYIS 'BYUNG BAS PHYIS RJES SU DRAN PA DANG, GTZANG BA MED PA DANG, BDAG MED PA DANG, RTAG PA MED PA DANG, RO BRO BA MED PAS GANG 'DOD PA RTZE GCIG TU 'GYUR RO, ,LUNG GZHAN LAS, DANG PO'I DUS DANG MTSUNGS LDAN DANG, ,ZLA GZHAN PHYIS 'BYUNG RJES DRAN PAS, ,GTI MUG CHAGS DANG NYON MONGS BRAL, ,TING 'DZIN YON TAN PHUN SUM TSOGS, ,ZHES 'BYUNG BA DANG, GZHAN LAS, RTAG MIN RANG DBANG YOD MIN DANG, GZHAN SKYON GZHAN LA LDAN GYUR DANG, ,RANG GIS RANG GI YON TAN NYID, ,'BYOR PA PHUN SUM TSOGS PAR 'GYUR, ,ZHES 'BYUNG BA LTA BU'O, ,GNYEN POS JI LTA BU ZHE NA, MA CHAGS PA DANG, ZHES SDANG MED PA LA SOGS PAS RANG GI MI MTHUN PA'I PHYOGS SEL BAR 'GYUR RO; ;DE CI'I PHYIR ZHE NA, MI MTHUN PA DANG, GNYEN PO DAG LHAN CIG MI GNAS PA'I PHYIR 'GAL BA YIN NO, ,GAL TE DE LTAR NA DGE BAR 'GYUR BA GANG LHAN CIG MI GNAS PAR 'GYUR BA'I PHYIR THA DAD PA MED PAR 'GYUR RO ZHE NA, MA YIN TE PHAN TSUN SPANGS PA'I PHYIR 'GAL BA NYID DO, ,DE BAS NA CHOS DGE BA NANG THA DAD PAS GCIG TU MI 'GYUR RO, ,GZHAN MTHONG BAS JI LTAR 'GYUR ZHE NA, DMIGS PA GSAL BA DANG BSAM GTAN DANG LDAN PA MTHONG NA DAD PAR 'GYUR RO, ,GANG LA DAD PAR GYUR PA DE LAS SEMS RTZE GCIG PAR 'GYUR RO ZHE'O, ,THOS PAS JI LTAR 'GYUR ZHE NA, DE NYID BZHIN NO, ,RANG GI NYAMS SU MYONG BAS JI LTAR 'GYUR ZHE NA, GANG GIS SNGA MA'I DUS SU ZIN PA DANG, 'GAL BA DANG, RAB TU RDZOGS PA DANG MNGON DU GYUR PAS GANG DU GTAD PA DE 'PHEL BAR 'GYUR TE, JI SKAD DU, SEMS DPA' CHEN PO GANG GIS DE KHO NA NYID KYI BSAM GTAN YONGS SU RDZOGS PAR 'DOD PA DES GANG @122A *, ,LA BRTEN TE BSLAB PAR BYA BA'I THABS YONGS SU RDZOGS PAR BYA BA NI 'DI LTA STE, SNGA MA'I DUS KYI DMIGS PA RNAM PAR GSAL BA DANG, YONGS SU RDZOGS PA LA BRTEN NAS BLA NA MED PA'I THABS CHEN PO THOB PAR 'GYUR RO, ,DE CI'I PHYIR ZHE NA, SNGA MA'I DUS KYI DMIGS PA DES PHYI MA'I RKYEN BYED PAR 'GYUR TE, DANG PO NI RANG GI DMIGS PA LA DRAN PA SKYE'O, ,DE NAS PHYI MA LA MNGON DU BYED DO ZHES 'BYUNG BA LTA BU'O, ,GNAS KYIS JI LTAR 'GYUR ZHE NA, LUNG LAS, 'DI LTAR RIGS KYI BU'AM, RIGS KYI BU MO GANG LA LA DAG TING NGE 'DZIN NYAMS PA MED PA 'DOD PA DANG, SHES RAB NYAMS PA MED PA 'DOD PA DANG, RNAM PAR GROL BA NYAMS PA MED PA THOB PAR 'DOD PAS, THOG MA NYID DU NI YID DU 'ONG BA'I GNAS LA BRTEN PAR BYA'O, ,DE CI'I PHYIR ZHE NA, GNAS YONGS SU DAG PAS THOG MA NYID DU DMIGS PA MA DAG PA SPONG BAR 'GYUR RO, ,GANG GI TSE DMIGS PA MA DAG PA SPANGS PAS 'DOD CHAGS LA SOGS PA NYON MONGS PA SPANGS PAR 'GYUR RO, ,GANG GI TSE NYON MONGS PA SPANGS PAR GYUR PA DE'I TSE SEMS RTZE GCIG PA 'THOB PAR 'GYUR RO ZHES BYA BA LA SOGS PA RGYA CHER GSUNGS SO, ,YUL GYIS JI LTA BU ZHE NA, RIGS KYI BU SEMS CAN TSA BA'I NAD DANG LDAN PA RNAMS KYIS NI SHIN TU MTHO PAR GYUR PA DANG, GRANG BA'I REG PA YOD PA DANG, TZAN DAN GO SHIRshA DANG, TZAN DANG SBRUL GYI SNYING PO CAN LA SOGS PA YOD PA GANG YUL KHAMS SAM, 'BROG DGON PA'AM, KHAMS CHEN PO LA GNAS NA DE'I NAD THAMS CAD ZHI BAR 'GYUR RO, ,DE BAS NA DE'I BSAM GTAN DANG CHO GA PHUN SUM TSOGS PAR 'GYUR TE, 'DI LTAR RIN PO CHE'I MDZOD CES BYA BA'I TING NGE 'DZIN DANG, RIN PO CHE TOG BRTZEGS PA ZHES BYA BA'I TING NGE 'DZIN DANG, RIN CHEN SNANG BA ZHES BYA BA'I TING NGE 'DZIN DANG, RIN CHEN SNYING PO ZHES BYA BA LA SOGS PA'I TING 'DZIN TSAD MED GRANGS MED CING BGRANG BA LAS 'DAS PA THOB PAR 'GYUR RO ZHES BYA BA LA SOGS PA RGYA CHER GSUNGS SO, ,DUS KYIS JI LTAR 'GYUR ZHE NA, 'DI LTA STE, 'DI NAS YUN RING PO MA LON PAR BSAM GTAN PHUN SUM TSOGS PAR 'DOD NA, NYI MA LNGA'AM, GCIG @122B GI BAR DU YAN LAG YONGS SU SBYANG BA DANG, PHUNG PO'I RGYUN RAB TU 'PHEL BA ZHES BYA BA'I CHO GA LA GNAS PAR BYA'O ZHES 'BYUNG BA LTA BU'O, ,ZAS KYIS JI LTAR 'GYUR ZHE NA, RIGS KYI BU'AM RIGS KYI BU MO GANG LA LA DAG LA, ZAS KYI TSOD SHES PA DANG ZAS KYI MTSAN NYID SHES PA DANG, ZAS DANG MTHUN PA'I LUS SHES PA DES JI LTAR ZAS LA SPYAD PA BZHIN DU BSAM GTAN PHUN SUM TSOGS PAR 'GYUR RO, ,DE CI'I PHYIR ZHE NA, 'DI LTAR ZAS LA LEGS PAR BRTEN PAS NI LUS BDE BAR 'GYUR RO, ,DE NAS SEMS BDE BAR 'GYUR RO, ,DE NAS NI BSAM GTAN PHUN SUM TSOGS PAR 'GYUR RO ZHES 'BYUNG BA LTA BU'O, ,ZAS LA JI LTA BAR SKOM PA YANG SBYAR BAR BYA'O, ,GROGS KYIS JI LTAR 'GYUR ZHE NA, SEMS DPA' CHEN PO'I BSAM GTAN DANG LDAN PA'I GANG ZAG LA LA ZHIG BSAM GTAN LA GNAS PAR 'GYUR ZHING BSAM GTAN LA BSNGAGS PA BRJOD NAS, BSAM GTAN GZUNGS SU 'DZIN PAR BYED NA, BYIS PA MA RABS KYI RJES SU 'JUG PAR MI BYED NA, BSAM GTAN DE RANG LAS BYUNG SNYAM MAM, GSOL PA BCOM LDAN 'DAS DE NI MA LAGS SO, ,BKA' STZAL PA, GAL TE BSAM GTAN DE GZHAN LAS BYUNG SNYAM MAM, GSOL PA, BCOM LDAN 'DAS DE NI MA LAGS SO, ,BKA' STZAL PA, SEMS DPA' CHEN PO DE DE BZHIN NO, ,DE DE BZHIN TE, SEMS CAN DE DAG GI BSAM GTAN DE NI RANG LAS KYANG BYUNG BA MA YIN NO, ,GZHAN LAS KYANG BYUNG BA MA YIN TE, RKYEN GZHAN LA LTOS SHING RANG GI SA BON LAS BYUNG BAR RIG PAR BYA'O ZHES 'BYUNG BA LTA BU'O, ,GROGS LA JI LTAR BRTEN PA'ANG DE BZHIN NO, ,PHRAD PAS JI LTAR 'GYUR ZHE NA, 'DI LTAR LUNG DANG PHRAD PA DANG, RIGS PA DANG PHRAD PA DANG, DGE BA'I GROGS PO DANG PHRAD PAS KYANG BSAM GTAN PHUN SUM TSOGS PAR 'GYUR RO, ,BRAL BAS JI LTAR 'GYUR ZHE NA, JI LTAR 'GRO BA BZANG MO DANG BRAL BA DANG, SDIG PA DANG BRAL BA DANG, DGRA DANG SBRUL GDUG PA DANG, STAG DANG SENG GE LA SOGS PA BSAM GTAN GYI DGRAR GYUR PA DANG BRAL BAR GYUR PA'O, ,GTONG BAS JI LTA BU ZHE NA, SBYIN PA LA SOGS PA DGE BA'I STOBS KYIS 'GYUR BA'O, ,'DZIN PAS JI LTAR 'GYUR ZHE @123A *, ,NA, GANG GI SDOM PA DANG, SDOM PA'I BDAG PO DANG, GROGS DANG GNAS DANG MTHUN PAR 'GYUR PAS SO, ,SDUD PAS JI LTAR 'GYUR ZHE NA, BSDU BA'I DNGOS PO BZHI LA BRTEN NAS BSAM GTAN PHUN SUM TSOGS PAR 'GYUR RO, ,SEMS LAS BYUNG BAS JI LTAR 'GYUR ZHE NA, DRAN PA DANG MOS PA LA SOGS PA DANG LDAN PAS BSAM GTAN PHUN SUM TSOGS PAR 'GYUR RO, ,'DI LA'ANG KHA CIG NI DNGOS SU'O, ,KHA CIG NI BRGYUD NAS 'GYUR TE CI RIGS SU SBYAR RO, ,DE LA ZHI GNAS KYI GROGS GANG ZHE NA, DMIGS PA MNGON DU BYED PA'I DUS NA GANG GIS DE LA PHAN PAR 'GYUR BA THAMS CAD DO, ,SNGON DU 'GRO BA GANG ZHE NA, GANG GIS DANG PO STAN BDE BA LA 'DUG STE, SKYIL MO KRUNG LEGS PAR BCAS TE, LUS BSRANG, SUN 'BYIN PA DANG, SPRO BA RNAM PA GNYIS BYA STE, AE MA'O KHAMS GSUM KUN GYI SEMS CAN 'DI DAG NI CI SKAD DU, TSE RABS THOG MA MED PA NAS NYON MONGS PA'I 'CHING BA DANG LDAN PA STE, DE'I RGYU DE'I RKYEN GYIS MTSAMS MED PA'I SDUG BSNGAL SNA TSOGS MYONG BAR 'GYUR RO ZHES SPONG BAR BSAM PAR BYA'O, ,GZHAN YANG BDAG GI TSE RABS THOG MA MED PA'I DUS NAS DON MED PA'I LAS KYIS BCINGS PA STE, JI SKAD DU, MI RTAG LUS 'DI'I DON GYI PHYIR, ,SDIG DANG DON MED LAS RNAMS BYAS, ,LUS DANG SEMS BRAL SO SO NAS, ,KHYED KYIS CI STE THANG DU GSO, ,DGE BRAL THABS NI SNA TSOGS PAS, ,PHUNG PO'I DON PHYIR LAS RNAMS BYAS, ,'BRAS BU BYA DANG KHYI SBYANG ZAS, ,BDAG LA DGOS PA MED DU ZAD, ,CES PA 'DI DAG GI DON YANG BSAM PAR BYA'O; ;GZHAN YANG, BDAG LUS GCIG MIN PHYI NANG GNYIS DANG LDAN, ,NANG GROL DON SNYING PAGS PA GZUGS DANG MGO, ,RE RE CHA YIS PHYE BAS SNYING PO MED, ,DE PHYIR LUS LA MKHAS PA SU ZHIG CHAGS, ,ZHES PA DANG, KHAMS GSUM GCIG MIN SNOD DANG BCUD DU LDAN, ,RE RE CHA YIS PHYE BAS BSAM MI KHYAB, ,PHRA RAB RDUL LA DNGOS PO CI YANG MED, DE PHYIR PHYIR ROL GCIG DANG DU MA BRAL, ,ZHES PA 'DI YANG BSAM PAR BYA'O, ,GZHAN YANG, DE NAS BDAG NI 'BRAS BU CAN, ,'JIG RTEN DGE BA THAMS CAD KYIS, ,BSAM GTAN DGE PA'I CHAR MI 'GRO, ,DE @123B PHYIR BDAG NI DBUGS 'BYIN 'GYUR, ,ZHES PA 'DI YANG BSAMS TE, 'DI YANG SNGON DU 'GRO BA'O, ,DE LA ZHI GNAS KYI DMIGS PA GANG ZHE NA YID KYI RNAM PAR SHES PA DANG, TING NGE 'DZIN DANG, SEMS LAS BYUNG BA DGE BA GZHAN GYI YUL DU GYUR PA'O, ,DMIGS PA LA GTANG BA'I THABS GANG ZHE NA, GANG GIS DE'I RNAM PA LA SEMS LHAN NER 'JOG PA'O,, ,,SDOM NI, SNGON 'GRO GROGS DANG DUS DANG MTHONG, ,SPYI DANG BYE BRAG DMIGS PA BZHI'I, ,MTSAN MA DMIGS GZHAN GTONG DANG BSTOD, ,BCINGS DANG SUN 'BYIN TSOGS RDZOGS PA'O, ,DE LA SNGON DU 'GRO BA DANG BCAS PAS SEMS BZUNG BA'ANG YOD DE, GANG GIS SNGON DU 'GRO BA LEGS PAR SPYAD PAS 'DI LA RTZE GCIG TU 'GYUR BA'O, ,GROGS KYI BYE BRAG GIS SEMS BZUNG BA YANG YOD DE, DMIGS PA GANG LA TING NGE 'DZIN GYI YUL DU BYED PA'I DUS SU SEMS LAS BYUNG BA DRAN PA LA SOGS PAS SEMS LEGS PAR GNAS PAR 'GYUR BA'O, ,DUS KYI BYE BRAG GIS SEMS BZUNG BA'ANG YOD DE, GANG DU DUS LEGS PAR GNAS PA STE, JI LTAR CHU TSOD DRUG CHA NAS BZUNG BA'O, ,GZHAN MTHONG BA'I BYE BRAG GIS SEMS BZUNG BA'ANG YOD DE, 'DOD PA'I BYA BA'I YUL GANG LEGS PAR 'GYUR SNGAR MTHONG BA'I STOBS KYIS PHYIS DMIGS PAR 'GYUR BA'O, ,DMIGS PA SPYIS SPYI LA SEMS BZUNG BA'ANG YOD DE, TING NGE 'DZIN GANG GIS SKU LA SOGS PA THAMS CAD YUL DU BYAS NAS, THAMS CAD GSAL BAR 'GYUR BA'O, ,DMIGS PA SPYIS BYE BRAG LA SEMS BZUNG BA'ANG YOD DE, SPYI GTAD PAS GSAL PA GANG LA RTZE GCIG TU 'GYUR PA'O, ,DMIGS PA BYE BRAG GIS SPYI LA SEMS BZUNG BA'ANG YOD DE, SLA BAR GYUR PA GCIG LA SEMS BZUNG BAS PHYIS GZHAN GSAL BAR 'GYUR BA'O, ,BYE BRAG GIS BYE BRAG LA SEMS BZUNG BA'ANG YOD DE, GANG LA GTAD PA DE NYID GSAL BAR 'GYUR BA'O, ,MTSAN MAS SEMS BZUNG BA'ANG YOD DE, GANG RDO RJE DANG RIN PO CHE DANG, 'KHOR LO LA SOGS PA RGYAN GSAL BAS DER 'GYUR RO, ,DMIGS PA GZHAN GYIS GZHAN LA SEMS BZUNG BA'ANG YOD DE, 'DI LTAR KHAMS GSUM @124A *, ,DAG PAS 'GYUR BA DANG, BDAG DAG PAS 'GYUR BA NI DAG PA'I STOBS KYIS SO, ,'DOD CHAGS DANG ZHE SDANG DANG BRAL BAR 'GYUR BA NI SPANGS PAS 'GYUR BA'O, ,RLUNG GYEN DU 'GRO BA DANG, SNA SGO G-YAS SU 'GRO BA DANG, G-YON DU 'GRO BA DAG LAS 'BYUNG BA LA SOGS PA'I RIM PA DANG, SNYING GA DANG LTE BA DANG GSANG BA'I GNAS SU SLOB PA NI DUL NAS 'DZIN PA'O, ,GTONG BA'I BYE BRAG GIS SEMS BZUNG BA'ANG YOD DE, ,GSAL BAR GYUR NA BTANG BAS DE YONGS SU GSAL BAR 'GYUR BA'O, ,KUN TU BSTOD PA'I BYE BRAG GIS SEMS BZUNG BA'ANG YOD DE, BYING BAR GYUR NA SEMS PA STOD PAS GSAL BAR 'GYUR BA'O, ,GTING DU BCINGS PAS SEMS BZUNG BA'ANG YOD DE, SEMS RGOD PAR GYUR NA GANG GI BCINGS BAS GSAL BAR 'GYUR BA'O, ,SUN 'BYIN PAS SEMS BZUNG BA'ANG YOD DE, 'JIG RTEN GYI LAS LA NYES PAR SHES PA SPANGS TE, SEMS RTZE GCIG PAR 'GYUR PA'O, ,TSOGS YONGS SU RDZOGS PAS SEMS BZUNG BA'ANG YOD DE, GANG GIS SANGS RGYAS THAMS CAD LA PHYAG 'TSAL BA DANG MCHOD PA LA SOGS PA'I DGE BA'I STOBS KYIS GANG LA DMIGS TE GSAL BAR 'GYUR BA'O, ,GZHAN YANG KHA DOG DBYIBS DANG GRANGS DANG TSAD, ,YONGS RDZOGS DE YIS DE DAG 'GRUB, ,CE'O, ,DE NAS RJES SU BYA BA'I CHO GA BSHAD PAR BYA STE, SDOM NI, NYAMS SU MYONG RTOG DE LA GANG DMIGS DANG, ,BYING DANG RGOD RTOG DE LA GNAS BYED DANG, ,RANG LA RAB SPRO BSNGO LA YI RANG DANG, LUS NGAG NYAMS LTA 'DI DAG RJES SU BYED, ,DE LA NYAMS SU MYONG BA'I RTOG PA GANG ZHE NA, GANG GIS BDAG GI GSAL BA DANG, YONGS SU RDZOGS PA JI LTAR GNAS PAR RTOG GO, ,DE LA GANG DMIGS PA RTOG CE NA, 'DI LTAR NYON MONGS PA DANG BCAS PA'I SEMS SAM, DE LAS GZHAN PA'I SEMS KYIS RTOG GO, ,BYING BA JI LTAR RTOG CE NA, SEMS MYAL MYAL POR 'DUG PA DANG, GNYID KYIS NON PA LTA BUR 'DUG PA DANG, BSAM GTAN DANG GNYID DBYE BA MED PAR 'DUG PA'O, ,RGOD PA JI LTAR RTOG CE NA, SEMS GNYIS 'DZIN DU GNAS PA DANG, @124B NYON MONGS PA'I YUL LA RAB TU 'PHRO BA'O, ,DE LA GNAS PA GANG ZHE NA, RO MYANG BA DANG, ZHI BAR SHES PA'O, ,RANG LA RAB TU SPRO PA JI LTA BU ZHE NA, RANG GI BSAM GTAN 'DI MCHOG TU GYUR PA'O, ,'DI NI YANG DAG PA'I SNYAM DU'O, ,BSNGO BAS JI LTA BU ZHE NA, BSAM GTAN GYI DGE BA'I RTZA BA 'DIS, 'GRO BA THAMS CAD SANGS RGYAS PAR GYUR CIG PA'O, ,YI RANG BAS JI LTA BU ZHE NA, SEMS CAN GZHAN PA DAG PA BSAM GTAN DANG LDAN PA LA YI RANG BA'O, ,LUS KYI NYAMS LA LTA BA JI LTA BU ZHE NA, LUS NGAG LA BSAM GTAN PHAN PA'AM, DE LAS GZHAN DU PHAN PAR GYUR PA RTAG PA STE, SMRA BA DANG SEMS PA LA YANG DE BZHIN NO, ,KHAMS KYI TSOD BZUNG BA JI LTA BU ZHE NA, GANG DU BSAM GTAN DE KHAMS LA GNOD PAR 'GYUR BA DE SRID DU, THUN THUD DUS GNAS PAR BYA'O, ,GANG DU KHAMS LA GNOD PA MED PA DE SRID DU BSRING ZHING NYUNG DU NYUNG DUS GNAS PAR BYA'O, ,BSGOM PA'I TSAD GANG ZHIG CE NA, RNAM PA GNYIS TE, GOMS PA'I TSAD DANG, MTHAR PHYIN PA'I TSAD DO, ,GANG GIS DMIGS PA RTZOL BAS GSAL BA DANG, RNAM PA GZHAN DU BSGYUR NUS PA'O, ,YANG JI LTAR SNANG BA RANG GI BSAM GTAN LAS GZHAN DU MI SNANG BA'O, ,SPYOD LAM JI LTA BU ZHE NA, DE NI RNAM PA GSUM STE, LAS DANG PO PA'I SPYOD LAM DANG, BAR MA'I SPYOD LAM DANG, TSAD DU PHYIN PA'I SPYOD LAM MO, ,LAS DANG PO PA'I SPYOD LAM GANG ZHE NA, DANG PO DUS KYI RNAL 'BYOR PAS, NAD PAR NYI MA RI LA GNAS PA'I DUS SU BSAM GTAN BYAS TE, DE NAS ZAS LEGS PAR BZA' BA DANG, SKOM LEGS PAR BTUNG BA DANG, LAS DRAG PO LA SOGS PA SPANG BA DANG, GZUGS LA SOGS PA YUN RING DU LTA BA SPANG BAR BYA'O, ,GZHAN YANG THA MAL PAR GNAS PAR BYA'O, ,GZHAN YANG BDAG NYID KYI LUS NGAG GI SPYOD LAM CI BDE BAR GNAS PAR BYA STE, 'DI NI LAS DANG PO PA'I SPYOD LAM MO, ,RNAL 'BYOR PAR MA'I SPYOD LAM GANG ZHE NA, GANG GIS SNANG BA THAMS CAD LHA'I DKYIL 'KHOR DU GNAS PA DANG, SNANG BA NYID SGYU MA TZAM DU GNAS PA DANG, GONG MA TZAM NYID SGYU MA TZAM @125A *, ,DU GNAS PA STE, LUNG LAS, RNAL 'BYOR MOS PA'I SA LA GNAS, ,GONG DU GYUR PA'I SPYOD LAM NI, ,SNANG BA'I DNGOS PO BRDZUN PAR 'DZIN, ,DE NYID GZHAN DU BZLOG PA DANG, ,GZHAN GYUR DNGOS PO SGYU MAR BLTA, ,YON TAN DAM PA THOB PAR 'GYUR, , ZHES 'BYUNG BA LTA BU'O, ,RNAL 'BYOR PA MCHOG GI SPYOD LAM GANG ZHE NA, ,GANG GI SNGON DU SNANG BA'I LOG PA'I SGYU MA TZAM DANG, STONG PA NYID DU BLTA STE, SEMS CAN GYIS BRTAGS PA DU SPYOD DO, ,DE NI LUNG LAS, RANG SNANG GZHAN LA SNANG BA DO, ,DNGOS PO LHA'I DKYIL 'KHOR YANG SNANG BA TZAM DU SHES TE, DE LA'ANG MA CHAGS BZHIN DU SPYOD DO, ,DE NI LUNG LAS, RANG SNANG GZHAN LA SNANG BA KUN, ,SNANG BA 'KHRUL PA TZAM DU GNAS, ,ZHEN PA MED BZHIN KUN TU SPYOD, ,DE LA DNGOS GRUB MCHOG DANG LDAN, ,ZHES 'BYUNG BA LTA BU'O, ,DE LA DUS KYI SPYOD LAM GZHAN YANG GSUNGS PA, GANG GIS ZAS DANG SKOM DAG NI, ,KUN TU BDUD RTZI'I LONGS SPYOD CHE, 'CHI NYAL STONG PA NYID DU GNAS, ,LANGS PA'I DUS SU RANG LHA NYID, ,KUN TU BDE BA NYID LA GNAS, ,MTHONG BA'I CHOS LA MYA NGAN 'DA', ,ZHES PA LA SOGS PA GSUNGS PA LTA BU'O, ,SEMS NYAMS DU ZHEN, ,SDOM NI, MYUR DANG DAL DANG BRTAN PA DANG, SRA DANG SNYI DANG THOGS PA DANG, SNYAM SEMS PA DANG RGYA CHE ZAB, ,DE BZHIN RTAGS NI RNAM PA LNGA, ,DE LA MYUR ZHES BYA BA NI SHES PA CHU 'BAB PA LTA BUR SNANG BA'O, ,DA LA ZHES BYA BA NI CHU KLUNG BZHIN NO; ;BRTAN PA ZHES BYA BA NI MTSO GTING BZHIN NO, ,SRA BA ZHES BYA BA NI DMIGS PA THOGS CAN DU GYUR PA'O, ,SNYI BA ZHES BYA BA NI DE LAS BZLOG PA'O, ,DANG PO SNYI LA DE NAS SRA NA THOGS PA'O, ,SNYAM SEMS PA NI SNYAM SEMS PA DANG, RING BA SNYAM SEMS PA DANG, DA LA SNYAM SEMS PA DANG, BREL BA SNYAM SEMS PA DANG, ZIN PA SNYAM SEMS PA DANG, MA ZIN PA SNYAM SEMS PA DANG, SANGS RGYAS PA SNYAM SEMS PA DANG, MI SNYAM PA SEMS PA DANG, GZHAN DU PHYIN PA SNYAM SEMS PA DANG, MA PHYIN PA SNYAM SEMS PA DANG, KUN BDE BA @125B SNYAM SEMS PA DANG, MI BDE BA SNYAM SEMS PA'O, ,RGYA CHE BA NI SHES PA NAM MKHA' LTA BUR GYUR PA'O, ,ZAB PA NI MTSO GTING LTA BU'O, ,RTAGS RNAM PA LNGA NA, SMIG RGYU DU BA LTA BU'O, ,SRIN BU ME KHYER MAR ME BZHIN, ,LNGA PA NAM MKHA' LTA BU BZHIN, ,'DI LA DMIGS PA'I BYE BRAG DANG, ,DMIGS PA PO'I BYE BRAG DANG, DE LAS GZHAN PA'I BYE BRAG GIS GZHAG GO, ,DE LA BCOS PA'I THABS GANG ZHE NA, SDOM NI, ZAS DANG SKOM DANG GNAS LA SOGS, ,DOR BA DANG NI BLANG BA DANG, ,RING THUNG RTZOL BCAS RTZOL MED DANG, ,RANG LAS BZLOG PA'I RNAM PA'O, ,DE LA ZAS SKOM LA SOGS PA JI LTA BU ZHE NA, GONG DU BSHAD PA BZHIN NO, ,DOR BAS JI LTA BU ZHE NA, ,SEMS NYAMS MI BDE BA'O, ,BLANG BAS JI LTA BU ZHE NA, BDE BA DANG PO BAS THA MA BDE BA'O, ,RING BAS JI LTA BU ZHE NA, GANG SHIN TU GSAL BA BRTAN PA'O, , THUNG BAS JI LTA BU ZHE NA, GSAL BA BRTAN PA'I DUS SO, ,RTZOL BA DANG BCAS PAS JI LTA BU ZHE NA, MA YENGS PAR GTONG BA'O, ,DE LAS BZLOG PA NI RTZOL BA MED PA'O, ,RANG LAS BZLOG PA JI LTA BU ZHE NA, MYUR BAR GNAS PA NI DAL BAR BYED DO, ,DAL BA LAS BRTAN PA 'BYUNG DO, , BRTAN PA DMAN PA NI MYUR BAR BYED DO, ,SRA BA NI SNYI BAR BYED DO ZHES BYA BA LA SOGS PA SHES PAR BYA'O, ,DE LA BSAM GTAN GYI YON TAN GANG ZHE NA, GANG DU RANG GI SPYI DMIGS PA GSAL BAR 'GYUR BA DANG, DE LAS GZHAN PA'I DMIGS PA 'PHEL BAR BYED PA DANG, MI DGE BA'I SA BON MA SKYES PA MI SKYES PA DANG, SKYES PA NYAMS PAR BYED PA DANG, DGE BA'I SA BON MA SKYES PA SKYED PA DAG, SKYES PA 'PHEL BAR BYED PA DANG, NGAN SONG GI SKYE BA DANG BRAL BA DANG, DE'I SDUG BSNGAL DANG BRAL BA DANG, BSNYEN GNAS KYI YON TAN TE, DGE SLONG GI BAR GYI YON TAN DANG LDAN PA DANG, YE SHES KYI BAR GYI YON TAN DANG LDAN PA DANG, PHYOGS MTSAMS SU SNYAN PA 'THOB PA DANG, TSOGS LA BAG 'KHUMS PA MED PA DANG, MNGON PAR SHES PA NYAMS PA MED PA THOB PA DANG, GZHAN DANG BA DANG, 'JUG PAR BYED PA DANG, MDOR NA BCOM LDAN 'DAS KYIS @126A *, ,YON TAN GYI TSOGS DPAG TU MED PA GSUNGS PA DE BSAM GTAN GYI YON TAN TE, CI SKAD DU, BSKAL PA STONG DU SBYIN PA'I BSOD NAMS KYIS, ,SKAD CIG MNYAM PAR GZHAG PA CHAR MI 'GRO, ,YE SHES YON TAN DPAG MED SOGS PA'I PHYIR, ,DGON PAR SEMS BSDUS BLA MED YON TAN BLANG, ,ZHES 'BYUNG BA LTA BU'O, ,GO RIMS GANG ZHE NA, DANG PO PHYI ROL GYI DMIGS PA RAGS PA LA 'JOG PA'O, ,DE NAS NI PHRA BA SHIN TU PHRA BA LA 'JOG PA'O, ,DE NAS NI STONG PA NYID LA MNGON DU BYED PA'O, ,DE'I RJES SU BYA BA'ANG 'DI LTAR STONG PA NYID KYI TING NGE 'DZIN BSGOM PA'O, ,DE LAS LANGS NAS BSAM GTAN DANG PO'I TING NGE 'DZIN SGOM MO ZHES BYA BA LA SOGS PA GSUNGS SO, ,RNAM PAR DBYE BA GANG ZHE NA, 'DI LTAR ZHI GNAS NI RNAM PA GSUM STE, SLOB PA'I ZHI GNAS DANG, GOMS PA'I ZHI GNAS DANG; MNGON DU GYUR PA'I ZHI GNAS TE, RTZOL BA BYAS KYANG MI GSAL BA DANG, MA BYAS KYANG MI GSAL BA DANG, BYAS NA GSAL MA BYAS NA MI GSAL BA DANG, GNYI GAR GSAL BA DANG GO RIMS BZHIN NO, ,LHAG MTHONG GANG ZHE NA, RGYU'I LHAG MTHONG DANG, SLOB PA DANG MNGON DU GYUR PA STE, YONGS SU RTOG PA DANG, BRTAGS PA YANG NAS YANG DU BYED PA DANG, CI LTA BUR RIG PA'O, ,DE'I SBYOR BA GANG ZHE NA, ZHI GNAS DANG LHAG MTHONG GNYIS SU MED PA'O, ,DE'I 'BRAS BU GANG ZHE NA, YON TAN GYI PHYOGS GCIG PA'O, ,GANG ZAG ZHI GNAS DANG LDAN PA LA, GANG GIS CI LTAR YONGS SU RTOG CE NA, 'DI LTAR RTAGS LA BRTEN NAS YONGS SU BRTAGS TE, 'DI LTAR DE'I RTAGS NI GANG GIS KUN TU KHRO BA MED PA DANG, ZHE SDANG MED PA DANG, NGA RGYAL MED PA DANG, RDZAS DANG YUL DANG GNYIN 'DUN LA CHAGS PA MED PA DANG, TING NGE 'DZIN DANG LDAN PA GZHAN LA YI RANG BA'I SEMS DANG LDAN PA DANG, DGON PA DANG DU LEN PA DANG, GZHAN LA DGON PA'I BSNGAGS PA DANG, DGON PA DANG DU LEN PA LA YON TAN BRJOD PA DANG, TSOGS KYI NANG NA MI GNAS SHING DE LA SKYON DU LTA BA DANG, SDIG PA'I GROGS PO MI BSTEN @126B PA DANG, DGE BA'I GROGS PO DANG DU LEN PA DANG, BSAM GTAN YUN RING BA DANG, LUS LA GNOD PA MED PA DANG LUS KYIS SPYOD LAM DRAG PO MI BYED PA DANG, LUS KYI MI DGE BA MED PA DANG, NGAG GIS SMRA BA DRAG PO MI BYED PA DANG, SEMS MI DGE BA'I BSAM PA MED PA DANG, DON MED PA'I G-YENG BA LA MI SEMS PA DANG, 'DUS BYAS KYI DGE BA CHED DU MI BYED PA DANG, GROGS CI YANG MI 'GOG PA DANG, ZAS LA 'DUN PA MED PA LA SOGS PA DANG, BAB CHOL GYI LAS MI BYED PA DANG, KHE DANG RE BA MED PA DANG, RTZOD PA MED PA DANG, LE LO MED PA DANG BSAM GTAN GYI LAS LAS GZHAN SPRO BA DANG DU MI BYED PA DANG, TSUL 'CHOS DANG KHA GSAG DANG, SGYU DANG G-YO LA SOGS PA DANG BRAL BA NI ZHI GNAS KYI RTAGS SU SHES PAR BYA'O, ,LHAG MTHONG GI RTAGS NI MNGON PAR SHES PA LA SOGS PA'O, ,'DI NI RE ZHIG BSAM GTAN GYI CHO GA'I THABS MDOR BSDUS PA'O, ,LEGS PA'I DON CHEN KUN STON RGYAL BA YIS NI LEGS GSUNGS PA, ,MI PHAM MGON POS MA NOR BA LA LEGS BKOD RANG GI BLOS, ,LJAGS KYI RTZER STON YE SHES SPYAN GYIS GZIGS TE 'GRO LA PHAN DON DU, ,LEGS 'ONGS MA NOR DON RNAMS JI LTAR GSAL BAR BKOD PA YIN, ,'JIG RTEN NA NI BLUN PO NOR BU STOR LA 'GYOD PA MED PA BZHIN, ,RMONGS PA DAG NI SDOM BRAL BAS MA GTAN DAG LA MI GNAS TE, CHOS KYIS KHENGS SHING RANG 'DOD YUL 'GYUR MI DGA' BAG KYANG MED, ,DMYAL KHAMS NA YANG CHOS KYI SNYING PO LA SMOD BSTAN MIN TE, ,RDZOGS SANGS RGYAS KYIS LEGS GSUNGS SMAD PA'I GANG ZAG LA, KUN TU DON STON STON SMAD GYUR SKYE BO BDUD DU RIG PAR BYA, ,NYI MI'I DKYIL 'KHOR PAD MAS KHA BYE JI BZHIN DU, LEGS GSUNGS SNYING PO DPAG MED SANGS RGYAS SPYOD YUL LO, ,BSAM GTAN GYI SGRON MA ZHES BYA BA RNAL 'BYOR PA MIG GI SNYING PO SLOB DPON 'PHAGS PA THOGS MED KYIS MDZAD PA RDZOGS SO,, ,,#, ,RGYA GAR SKAD DU, YO GA AA BA TA RA, BOD SKAD DU, RNAL 'BYOR LA 'JUG PA, 'PHAGS PA @127A *, ,'JAM DPAL GZHON NUR GYUR PA LA PHYAG 'TSAL LO, ,BSTAN BCOS RGYA CHEN BO NI THOS NAS KYANG, DON DAM DE BZHIN NYID NI NGES BYAS LA, ,DAD LDAN DE NI 'JAM PA'I STAN GNAS TE, BLO DANG LDAN PAS RNAL 'BYOR BRTZON PAR BYA, ,GZUNG DANG 'DZIN DANG GNYI GA GNYIS MIN DANG, BDAG DANG GZHAN DANG MYA NGAN 'DAS PA DANG, ,'KHOR BA ZHES BYA'I RNAM RTOG MANG PO NI, ,RTAG TU SPANGS LA YID NI MNYAM PAR GZHAG ,SGYU MA DRI ZA'I GRONG KHYER LTA BU NI, ,SHES BYA MA LUS RNAM PAR BLTAS NAS SU, ,DE BZHIN NYID KYI YE SHES RDO RJE YIS, ,LUS KYI 'KHRUL 'KHOR RAB TU GZHIG PAR BYA, ,RNAM PA THAMS CAD DU NI RAB MDZES LA, ,THOG DANG THA MA'I CHA BRAL RNAM MI RTOG, ,DRI MA MED PA'I 'OD ZER STONG GIS NI, ,MUN PA NGES BSAL MKHA' DANG MTSUNGS PA YIN, ,RANG GI SNANG BA TZAM GYI NGO BO RU, ,GZOD NAS SKYE BA MED PA'I RANG SEMS MTHONG, ,GANG GIS KYANG NI DE MTHONG GYUR PA DAG ,DE YANG DE BZHIN DU NI BLTA BAR BYA, ,DMIGS PA MED DANG BCAS PA'I SEMS NYID NI, ,DE BZHIN NYID DANG YANG DAG MTHA' RU BSHAD, ,DE LTAR RIM GYIS BSLABS PAR GYUR PA LAS, ,MING DU SHES PA 'GOG PA 'THOB PAR 'GYUR, ,DE LA YANG DAG REG PAR SBYOR BA LAS, ,'BAD PA MED PAR MNGON SHES LNGA RU 'GYUR, ,DE DANG MNGON PAR LDAN PA'I RNAL 'BYOR PA, ,'GRO BA'I DON NI DPAG TU MED PAR BYED, ,'DI NI YONGS SU RDZOGS PA'I RNAL 'BYOR PA, ,SHIN TU YUN RING DUS SU GNAS PAR 'GYUR, ,LUS NI RDO RJE LTA BUR MI SHIG SHING, ,NYON MONGS BDUD LA SOGS PAS G-YO MI 'GYUR, ,SHES RAB PHA ROL PHYIN PA ZHES BYA YI, ,RNAL 'BYOR 'DI DAG RTAG TU RAB LDAN PA, ,NAM MKHA' MDZOD LA SOGS PA'I TING NGE 'DZIN, ,MANG PO RNAMS NI YANG DAG RDZOGS PAR 'GYUR, ,BDAG GI RNAL 'BYOR PA NI 'JUG PA TZAM, ,YANG DAG SBYAR BAS DGE BA GANG BSAGS PA, ,DER NI 'GRO BA THAMS CAD RAB MYUR BA, ,THAMS CAD MKHYEN PA'I YE SHES THOB PAR SHOG, ,RNAL 'BYOR LA 'JUG @127B PA ZHES BYA BA, ,SLOB DPON PHYOGS KYI GLANG PO'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO DHA RMMA SHR'I BHA DRA DANG, LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,, ,#, ,RNAL 'BYOR LA 'JUG PA'I MAN NGAG ,RJE BTZUN BLA MA RNAMS LA PHYAG 'TSAL LO, ,THAMS CAD MKHYEN PA LA PHYAG 'TSAL LO, ,DA NI THEG PA CHEN PO LA LHAG PAR MOS PA'I DAD PA CAN RIGS KYI BUS GSOL BA BTAB PA DAG LA SPRO BA BSKYED CING THAR PA MA LUS PA 'DOD PA LA, SNGAR BSHAD PA'I MTSAN NYID CAN GYI YE SHES RTOGS PAR BYA BA'I THABS NYE BAR BSTAN PAS, BDAG DANG GZHAN GYI DON RAB TU 'GRUB PAR BYA BA'I PHYIR SHES RAB KYI TSUL RJES SU DRAN NAS, DE BSTAN PA'I MAN NGAG BSGOM PA'I RIM PA'I CHO GA 'DIR CUNG ZAD CIG BSHAD PAR BYA'O, ,THEG PA CHEN POR JI SKAD DU BSHAD PA'I YE SHES MNGON PAR RTOGS PAR 'DOD PA, DAD PA DANG GUS PA DANG LDAN PAS, DE'I TSUL LAS BSHAD PA'I CHO GA'I CHO GA'I RIM PA SNGON DU 'GRO BAS BLA MA LA GSOL BA BTAB STE, DE'I DRIN GYIS THOB PA'I LUNG GIS BLA NA MED PA'I YE SHES KYI THABS KYIS MAN NGAG GI RNAL 'BYOR BSGOM BRTZAM PAR BYA'O, ,DE LA DANG POR RE ZHIG ,BSTAN BCOS RGYA CHEN PO NI THOS NAS SU, ,DON DAM DE BZHIN NYID NI NGES BYAS LA, ,DAD LDAN DE NI 'JAM PA'I STAN GNAS TE, ,BLO DANG LDAN PAS RNAL 'BYOR BRTZON PAR BYA, ,GZUNG DANG 'DZIN DANG GNYIS KA GNYIS MIN DANG, ,BDAG DANG GZHAN DANG MYA NGAN 'DAS PA DANG, ,'KHOR BA ZHES BYA'I RNAM RTOG MANG PO NI, ,RAB TU BTANG LA YID NI MNYAM PAR GZHAG, ,SGYU MA DRI ZA'I GRONG KHYER LTA BUR NI, ,SHES BYA MA LUS RNAM PAR BLTAS NAS SU, ,DE BZHIN NYID KYI YE SHES RDO RJE YIS; ,LUS KYI 'KHRUL 'KHOR RAB TU GZHIG PAR BYA, ,RNAM PA THAMS CAD DU NI RAB MDZES LA, ,THOG DANG THA MA'I CHA BRAL RNAM MI RTOG, ,DRI MA MED PA'I 'OD ZER STONG GIS NI, ,MUN PA NGES BSAL MKHA' DANG MTSUNGS PA YIN, ,RANG GI RNAM PA TZAM GYI NGO BO RU, ,GZOD @128A *, ,NAS SKYE BA MED PA'I RANG SEMS MTHONG, ,GANG GIS KYANG NI DE MTHONG GYUR PA DAG ,DE YANG DE BZHIN DU NI BLTA BAR BYA, ,DMIGS PA MED DANG BCAS PA'I SEMS NYID NI, ,DE BZHIN NYID DANG YANG DAG MTHA' RU BSHAD, ,DE LTAR RIM GYIS BSLABS PAR GYUR PA LAS, ,MING DU 'DU SHES 'GOG PA THOB PAR 'GYUR, ,DE LAS YANG DAG REG PAR SBYOR BA LAS, ,'BAD PA MED PAR MNGON SHES LNGA LDAN 'GYUR, ,DE DANG MNGON PAR LDAN PA'I RNAL 'BYOR PA, ,'GRO BA'I DON NI DPAG TU MED PAR BYED, ,'DI NI YONGS SU RDZOGS PA'I RNAL 'BYOR PA, ,SHIN TU YUN RING DU DUS SU GNAS PAR 'GYUR, ,LUS NI RDO RJE LTA BUR MI SHIGS SHING, ,NYON MONGS BDUD LA SOGS PAS G-YO MI 'GYUR, ,SHES RAB PHA ROL PHYIN PA ZHES BYA BA YI, ,RNAL 'BYOR 'DI DANG RTAG TU RAB LDAN PA, ,NAM MKHA' MDZOD LA SOGS PA'I TING NGE 'DZIN, ,MANG PO RNAMS NI YANG DAG RDZOGS PAR 'GYUR, ,'DI LTAR ZAB MO'I DON GANG CI YANG RUNG BA RTOGS PAR DKA' BA DE NI BLA MA'I ZHAL NAS CHO GA JI LTA BA BZHIN DU BSHAD PA GZUNG BAR BYA'O, ,RIGS KYI BU'AM RIGS KYI BU MO DAD PA DANG LDAN PA GANG LA LA PHA ROL TU PHYIN PA'I TSUL GYI SPYAD PA SPYOD PA, JI SKAD DU BSHAD PA'I RIM PA'I CHO GAS SEMS CAN THAMS CAD GDON PAR BYA BA'I PHYIR, ,SEMS BSKYED NAS BLA NA MED PA'I YE SHES KYIS, MAN NGAG GI RNAL 'BYOR BRTZAMS NAS, BRTZON 'GRUS 'BAR BA DANG LDAN PAS BSLABS PA'I STOBS DANG LDAN PA DE NI RING PO MI THOGS PAR TSE 'DI NYID LA JI SKAD DU BSHAD PA'I YE SHES THOB PAR 'GYUR RO, ,GANG YANG JI SKAD DU BSHAD PA'I CHO GA MED PAR GLEGS BAM LA BRTEN PA TZAM GYIS 'JUG PA DE DAG NI, JI SKAD DU BSHAD PA'I DNGOS GRUB LA RGYAB KYIS PHYOGS PAR 'GYUR ZHING, ,SDUG BSNGAL BA DANG YID MI BDE BA SNA TSOGS 'BYUNG BAR 'GYUR RO ZHES ZAB MO'I TSUL LAS DE BZHIN GSHEGS PAS GSUNGS SO, ,RNAL 'BYOR LA 'JUG PA'I MAN NGAG SLOB DPON CHOS KYI DBANG POS MDZAD PA RDZOGS SO,, ,,RGYA GAR GYI MKHAN PO DZA RAN DA NA DANG, ZHU CHEN GYI LO TZ'A BA DGE @128B SLONG RIN CHEN BZANG POS BSGYUR CING ZHUS TE GTAN LA PHAB PA,, #, ,SHES RAB KYI PHA ROL TU PHYIN BSGOM PA'I MAN NGAG ,SHES RAB KYI PHA ROL TU PHYIN PA LA PHYAG 'TSAL LO, ,DE LTAR THOS PA DANG BSAMS PA LAS BYUNG BA'I SHES RAB BSHAD ZIN TO, ,DE DAG RNYED NAS SHES RAB KYI PHA ROL TU PHYIN PA BSGOM PAR BYA'O ZHES SNGAR BSTAN PAS, DE NAS 'DI'I BSGOM PA BRJOD PAR BYA'O, ,THOS PA DANG BSAM PA DANG BSGOM PA RNAMS KYI RAB TU SBYOR BA NI GNYIS TE, GUS PAR SBYOR BA DANG, RGYUN TU SBYOR BA'O, ,RAB TU SBYOR BA NI GOMS PAR SBYOR BA'O, ,GUS PA DANG DGA' BA DANG SPRO BAS SBYOR BA NI GUS PAR SBYOR BA YIN LA, BAR MA CHAD PAR SBYOR BA NI RGYUN DU SBYOR BA'O, ,BSGOM PA LA YANG RNAM PA GSUM STE, ZHI GNAS DANG LHAG MTHONG DANG, ZHI GNAS DANG LHAG MTHONG ZUNG DU 'BREL PAR 'JUG PA'I BSGOM PA'O, ,DE LA JI SNYED YOD PAR GYUR PA DANG, JI LTA BA BZHIN DU GYUR PA LA RNAM PAR MI RTOG PA'I GZUGS BRNYAN DU GYUR PA NI ZHI GNAS KYI DMIGS PA'O, ,JI SNYED YOD PAR GYUR PA DANG, JI LTA BA BZHIN DU GYUR PA LA RTOG PA DANG BCAS PA'I GZUGS BRNYAN DU GYUR PA NI LHAG MTHONG GI DMIGS PA'O, , 'DE NI BYANG CHUB SEMS DPA' GCIG PU DBEN PAR GNAS BCAS LA, JI LTAR BSAMS PA'I DON YID LA BYA STE, YID KYI BRJOD PA SPANGS NAS SEMS NYID DE LTAR SNANG BA LAN MANG DU YID LA BYA STE, JI SRID LUS DANG SEMS SHIN TU SBYANGS PA MA SKYES KYI BAR DU ZHI GNAS DANG RJES SU MTHUN PA YID LA BYED PA YIN LA, GANG GI TSE SKYES PA DE'I TSE ZHI GNAS YIN NO, ,LUS DANG SEMS SHIN TU SBYANGS PA THOB PA YIN LA DE NYID LA GNAS TE, JI LTAR BSAMS PA DE NYID KYI DON NANG GI TING NGE 'DZIN DANG GZUGS BRNYAN GYI SPYOD YUL LA LHAG PAR MOS PAS SO SOR BRTAGS PAR BYA STE, JI SRID DU LUS DANG SEMS SHIN TU SBYANGS PA MA SKYES PA DE SRID DU NI LHAG MTHONG DANG RJES SU MTHUN PA YIN LA, GANG GI TSE SKYES PA DE'I TSE LHAG MTHONG YIN NO, ,DE'I 'OG TU RNAM PAR RTOG PA DANG BCAS PA'I GZUGS BRNYAN NYID LA DMIGS TE, SEMS DE NYID LA GANG GI TSE RGYUN MI @129A *, ,'CHAD PA DANG, BAR MA CHAD PA'I YID LA BYED PA'I RGYUN GYIS GNYIS KA YANG NYAMS SU MYONG BA DE'I TSE ZHI GNAS DANG LHAG MTHONG ZUNG DU 'BREL PA'I LAM ZHES BRJOD DE, ,DE LA ZHI GNAS DANG LHAG MTHONG NI ZUNG YIN LA, ,'BREL PA NI LDAN PA STE PHAN TSUN BCINGS NAS 'JUG PA'O, ,'DIR SGRIB PA LNGA RNAMS KYI NANG NAS, RGOD PA DANG 'GYOD PA RNAMS NI ZHI GNAS LA SGRIB PA'O, ,RMUGS PA DANG GNYID DANG THE TSOM NI LHAG MTHONG LA SGRIB PA'O, ,'DOD PA LA 'DUN PA DANG GNOD SEMS NI GNYIS KA LA SGRIB PA'O, ,GANG GI TSE RMUGS PA DANG GNYID YANG DAG PAR BSAL BAR 'GYUR BA DE'I TSE ZHI GNAS YONGS SU DAG PAR GYUR PA YIN LA, GANG GI TSE RGOD PA DANG 'GYOD PA SHIN TU BSAL BAR GYUR PA DE'I TSE LHAG MTHONG YONGS SU DAG PAR GYUR PA YIN NO, ,DE LA BCOM LDAN 'DAS KYIS ZHI GNAS NI RNAM PA DGUR BKA' STZAL TE, JI LTA BA BZHIN DU SEMS DE NANG DU 'JOG PAR BYED, ,KUN DU 'JOG PAR BYED, ,YONGS SU 'JOG PAR BYED, ,NYE BAR 'JOG PAR BYED, ,'DUL BAR BYED, ,ZHI BAR BYED, ,NYE BAR ZHI BAR BYED, ,RGYUD GCIG PAR BYED, ,SEMS MNYAM PAR 'JOG PAR BYED CES GSUNGS SO, ,DE LA DANG PO PHYI ROL GYI DMIGS PA RNAMS LAS SEMS BLA NA TE NANG DU RAB TU BSDUS NAS SEMS DANG POR BRTAG PA NI NANG DU 'JOG PA'O, ,DE NAS RANG BZHIN GYIS G-YO BA'I SEMS DE NYID RGYUN DU GTOD CING 'JOG PA NI KUN TU 'JOG PA'O, ,DE NAS DRAN PA NYAMS PAS PHYI ROL DU RNAM PAR G-YENG BA SHES PAR BYAS LA SLAR BLAN NAS SEMS DE LA 'JOG PA NI YONGS SU 'JOG PA'O, ,DE NAS SEMS RANG BZHIN GYIS RGYA CHE BA LAS YANG DANG YANG DU BSDUS TE PHRA RAGS BYAS NAS GONG NAS GONG DU 'JUG PA NI NYE BAR 'JOG PA'O, ,DE NAS TING NGE 'DZIN GYI YON TAN LA BLTAS TE DE NYID LA DGA' BA NI 'DUL BA'O, ,DE NAS RNAM PAR G-YO BA'I SKYON BLTAS NAS YID PHYIR PHYOGS PA RAB TU ZHI BAR BYED PA DE NI ZHI BA'O, ,CHAGS SEMS DANG YID MI BDE BA LA SOGS PA RNAMS ZHI BAR BYED PA DE NI NYE BAR ZHI BA'O, ,DE NAS DMIGS PA GCIG LA RANG GI NGAN GIS 'JUG @129B PA NI RGYUD GCIG PA STE, YANG DAG PA MA YIN PAR GYUR PA LAS 'BAD PAS YANG DAG PAR 'BYED PA NI RGYUD GCIG TU BYED PA'O, ,DE NAS RGYUD GCIG TU BYED PA GOMS PA LHUN GYIS GRUB PAS RANG GI NGANG GIS 'JUG PA YANG DAG PAR RANG DBANG THOB PAS 'DZIN PA NI SEMS MNYAM PAR 'JOG PA'O, ,DE SKAD DU MDO SDE RGYAN LAS, SEMS NI DMIGS PA SBYAR TE, ,RGYUN DE LAS NI G-YENGS MI BYED, ,RNAM PAR G-YENG BA SHES NAS SU, ,DER NI SLAR YANG MYUR BLAN NAS, ,NANG DU SEMS NI BSDU BAR BYA, ,BLO LDAN GONG NAS GONG DU SBYOR, ,TING 'DZIN YON TAN LA BLTAS NAS, ,DE NYID LA NI DGA' BAR BYA, ,RNAM PAR G-YENGS PA'I SKYON BLTAS NAS, ,PHYIR PHYOGS PA NI ZHI BAR BYA, ,CHAGS SEMS YID MI BDE BA LA SOGS, ,LANGS PA DE BZHIN DU NI 'DUL, ,DE NAS MNGON PAR 'DU BYED PAS, ,SEMS NI RNAL DU 'JUG PAR BYA, ,SDOM BRTZON CAN GYIS GUS BYAS NAS, ,'BAD DE 'JUG PA THOB PAR 'GYUR, ,ZHES GSUNGS SO, ,LHAG MTHONG YANG BZHIR GSUNGS TE, JI LTAR YANG DE'I CHOS RNAMS RNAM PAR 'BYED DO, ,RAB TU RNAM PAR 'BYED DO, ,YONGS SU RTOG GO, ,YONGS SU DPYOD PAR BYED DO ZHES GSUNGS SO, ,DE LA JI SNYED YOD PAR GYUR PA LA SO SOR RTOG PA NI RNAM PAR 'BYED PA'O, ,JI LTA BA BZHIN DU GYUR PA LA SO SOR RTOG PA NI RAB TU RNAM PAR 'BYED PA'O, ,RNAM PAR MI RTOG PA YID LA BYED PA SHES RAB DANG LHAN CIG TU GYUR PAS MTSAN MA'I RNAM PA BZUNG BA NI YONGS SU RTOG PA'O, ,KUN TU DPYOD PA NI YONGS SU DPYOD PA'O, ,'DI DAG GI BSHAD PA NI 'PHAGS PA BYAMS PAS THEG PA CHEN PO'I CHOS MNGON PA KUN LAS BTUS PA LAS, JI LTA BA YANG DE CHOS RNAMS RNAM PAR 'BYED, ,RAB TU RNAM PAR 'BYED, ,YONGS SU RTOGS PAR BYED, ,YONGS SU SPYOD PAR BYED, ,GNAS NGAN LEN GYI MTSAN MO'I GNYEN POR BLANG BA DANG, PHYIN CI LOG NGES PAR BSAL BA DANG, PHYIN CI MA LOG PA LA SEMS MNYAM PAR GZHAG PA DAG NYE BAR BLANGS NAS SO ZHES GSUNGS TE, 'DIR TSIG 'DI DAG GI DON NI GNAS NGAN LEN NI PHYIN CI LOG GI BAG CHAGS TE, ,DE YANG PHYIN CI LOG GONG NAS GONG DU SKYED @130A *, ,PAR BYED PA'I NUS PA SEMS KYI RGYUD LA GNAS PA'I MTSAN NYID DE, ,DE'I MTSAN MA NI GANG GI PHYIR DE YONGS SU GSO BAR BYED PA STE, PHYIN CI LOG LA MNGON PAR ZHEN PA SNGA MA SNGA MA DAG GO, ,DE ZAD PAS GNAS NGAN LEN ZAD DO, PHYIN CI LOG SKYE BAR MI 'GYUR TE; MTSAN MA'I GNYEN PO GOMS PA LAS MTSAN MA ZAD PA YIN TE, GNYEN PO DE NI 'BYED PA DANG, RAB TU RNAM PAR 'BYED PA STE, DE BAS NA 'DI GNYIS NI GNAS NGAN LEN GYI MTSAN MA'I GNYEN PO NYE BAR BLANGS TE BSTAN TO, ,YONGS SU RTOG PA NI PHYIN CI LOG NGES PAR BSAL BA NYE BAR BLANGS NAS BSTAN TO, ,GANG GI PHYIR DE NI JI LTAR BZHIN DU RNAM PAR PHYE BAS PHYIN CI LOG GI DOGS PA GCIG TU BSAL NAS, BRJID PA MED PA YID LA BYED PAS YONGS SU BSTZAL NAS LHAG PAR DMIGS PA STE, DE BAS NA 'DI NI PHYIN CI LOG NGAS PAR BSAL BA ZHES BYA'O,, DE LTAR 'DIS PHYIN CI LOG NGES PAR BSAL BAS PHYIN CI MA LOG PAR BYAS LA, PHYIN CI MA LOG PAR DER MNGON SUM BZHIN DU MTHONG BA'I DON LA SEMS BZHAG NAS SO SOR RTOG PA NI YONGS SU DPYOD PA STE, DE BAS 'DI NI PHYIN CI MA LOG PA LA SEMS GZHAG PA NYE BAR BLANGS TE BSTAN PA'O ZHES BYA BA YIN NO, ,DE LTAR LHAG MTHONG RNAM PA BZHI'I BSGOM PA YONGS SU RDZOGS PAS LHAG MTHONG GIS NI GNAS NGAN LEN GYI 'CHING BA LAS GROL BA YIN NO, ,ZHI GNAS RNAM PA DGU'I BSGOM PA YONGS SU RDZOGS PAS NI MTSAN MA'I 'CHING BA LAS GROL BAR 'GYUR TE, PHYIN CI LOG GI MTSAN MA PHYIN CI LOG GI DON GYI RNAM PA 'GAG PA'I MTSAN NYID YIN PA'I PHYIR RO, ,DE SKAD DU YANG, ,ZHI GNAS NGANG NI LHAG MTHONG DAG ,BSGOMS PAS GNAS NGAN LEN DANG NI, ,MTSAN MA YI NI 'CHING BA LAS, RNAL 'BYOR BA NI GROL BAR 'GYUR, ,ZHES GSUNGS TE; TSIGS SU BCAD PA 'DI'I DON NI CI RIGS PAR SBYAR LA, ,GO RIMS BZHIN DU MA YIN NO, ,DE BAS NA RNAL 'BYOR DANG BSGOM PA NI RNAM GRANGS YIN LA, ZHI GNAS DANG, LHAG MTHONG DANG, ZHI GNAS DANG LHAG MTHONG ZUNG DU 'BREL PA NI RNAL 'BYOR GYI THUN MONG GI DBYE BA'O, ,SHES @130B RAB KYI PHA ROL TU PHYIN PA BSGOM PA'I MAN NGAG, ,SLOB DPON MKHAS PA RIN CHEN PO RIN CHEN 'BYUNG GNAS ZHI BA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO SH'AN TI BHA DRA DANG, ZHU CHEN GYI LO TZ'A BA 'GOS LHAS BTZAS KYIS BSGYUR CING ZHUS TE GTAN LA PHAB PA,, ,, *, ,RNAL 'BYOR SPYOD PA'I BSGOM PA'I DON MDOR BSDUS TE BSTAN PA, ,'JAM DPAL GZHON NUR GYUR PA LA PHYAG 'TSAL LO, ,JI SKAD DU BRJOD PA'I YE SHES DE NI RTAG PA DANG CHAD PAR LTA BA RNAMS KYIS THOB PAR MI NUS TE, 'DI LTAR GAL TE YOD PAR RNAM PAR RTOG NA NI DE'I PHYIR RTAG PA NYID DU 'DZIN PA'I MTHAR LTUNG BAR 'GYUR, ,JI STE MED PAR RNAM PAR RTOG NA NI DE LTA NA YANG CHAD PAR LTA BA'I MTHAR LTUNG BAR 'GYUR TE, DE BAS NA 'DI NI DBU MA'I LAM GYIS 'BYUNG BA'I NGANG TSUL CAN YIN PAS YE SHES DE NYID DE LTA BUR LTA BA RNAMS KYIS THOB PAR MI NUS SO, , DE BAS NA DBU MA'I LAM LA BRTZON PAR BYA'O ZHES BSTAN PA'I PHYIR, ,DBU MA'I LAM LAS BYUNG BA YI, ,YE SHES RNAM PAR MI RTOG DE, ,RTAG PAR CHAD PA LTA RNAMS KYIS, ,THOB PAR NUS PA MA YIN NO, ,ZHES BYA BA SMOS SO, ,DBU MA'I LAM DE YANG DPYAD NA RNAM PAR RIG PA TZAM NYID DE, RNAM PAR RIG PA TZAM NYID NI GTZOR NA RTEN CING 'BREL BAR 'BYUNG BA'I DNGOS PO MTSON PA'O, ,GZHAN GYI DBANG 'KHRUL PA TZAM YIN PAS GZUNG BA DANG 'DZIN PA NYID DU SNANG BA'I PHYIR, ,GAL TE JI LTAR SNANG BA DE BZHIN DU YOD NA NI RTAG PA'I MTHAR 'GYUR RO, ,CI STE CI YANG MED NA NI DE LTA NA CHAD PAR 'GYUR TE, DE LTA BAS NA GDAGS PA'I GZHI YOD PA NYID DU KHAS BLANG BAR BYA DGOS TE, DE'I PHYIR, DBU MA'I LAM ZHES BYA BA YANG, ,RNAM RIG TZAM NYID MA GTOGS PAR, ,RIGS PAS BRTAGS NA 'DIR GZHAN NI, ,RNAM PA KUN TU MI 'THAD DO, ,ZHES BYA BA SMOS SO; ,'ON BDAS DANG RIGS MTHUN PA'I MDO LAS, KUN DGA' BO YOD CES BYA BA NI RTAG PAR 'GYUR RO, ,MED CES BYA BA CHAD PAR 'GYUR RO, ,DE LTA BAS NA DE BZHIN GSHEGS PA DBU MA'I LAM GYI CHOS STON TO PZHES GSUNGS PA JI LTA BU ZHE NA, DE NI NYES PA MED DE, ,GTZO BOR GANG ZAG @131A *, ,DGAG PA'I PHYIR GSUNGS KYI, ,GZHAN GTZO BOR BYED PA NI MA YIN TE, GZHAN GTZO BOR MDZAD PA MA YIN PA DE YANG GANG ZAG GIS GSAL BAR MDZAD PAS BCOM LDAN 'DAS KYIS GSUNGS SO, ,DE LTAR RNAM PAR RIG PA TZAM NYID DU DBU MA'I LAM DU BSGRUBS NAS, DE LA GZUNG BA'I PHYIR, RDZOGS PA'I BYANG CHUB 'DOD RNAMS KYIS, ,MI RTOG YE SHES SKYED PA'I PHYIR, ,DE BAS RNAM PAR RIG TZAM DU, ,BSGOM PA RTAG TU SBYAR BAR BYA, ,ZHES BYA BA SMOS SO, ,GANG DAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PA DE DAG GIS RNAM PAR MI RTOG PA'I YE SHES YONGS SU BSGRUB PA'I PHYIR, 'DI THAMS CAD NI RNAM PAR RIG PA TZAM MO ZHES RNAM PAR RIG PA TZAM NYID DU BSGOM PA LA RTAG TU SBYAR BAR BYA'O, ,DE LTAR RNAM PAR RIG PAR SNANG BA MTHONG BA SKYES TE, THAMS CAD LA DNGOS PO'I NGO BO MI MTHONG NA, GZUNG BA MED PAR 'DZIN PA YANG MED DO ZHES RNAM PAR RIG PA TZAM YANG YANG DAG PAR RJES SU MI MTHONG STE, DE'I PHYIR GZUNG BA DANG 'DZIN PAR RTOG PA DANG BRAL BAS, RNAM PAR MI RTOG PA'I YE SHES LHUN GYIS GRUB PA NYID DU 'BYUNG BAR 'GYUR TE, DE'I PHYIR BSGOM PA LA RTAG TU SBYAR BAR BYA ZHES BYA BA SMOS TE, 'DI NI PHAN YON YIN PAS DE'I PHYIR SGRIMS SHIG CES STON TO, ,DE LTAR DE BSGOM PA LA MNGON PAR BRTZON PA'I BLO GROS DANG LDAN PA NI SA BCU RIM GYIS RNAM PAR RTOG PA RNAM PAR 'JIG PAS MI RTOG PA'I NGO BO NYID MTHONG STE, GZUNG BA DANG 'DZIN PA'I BDAG NYID GNYIS PO GANG YIN PA DE YANG GNYIS MED KYI NGO BO NYID DU RTOG CING, 'DI NA BRTAG PAR BYA BA YANG MED LA, RTOG PA YANG MED DE, 'DI THAMS CAD MED PA LA SGRO BTAGS PA YIN PAS, 'DI KUN NI RMI LAM DANG 'DRA'O ZHES NGES PAR BYED DE, DE'I PHYIR, RNAM RTOG MI RTOG BDAG NYID YIN, ,GNYIS DANG GNYIS MED BDAG NYID DE, 'DI DAG THAMS CAD RMI LAM BZHIN, ,'DI LA BRTAG BYA MED RTOG MED, ,CES BYA BA SMOS TE, DE NI 'DI SKAD DU PHYIN CI LOG TU GYUR PA MA GTOGS PAR CHOS PHRA RAB TZAM YANG MED DE, ,DE BAS NA PHYIN CI LOG SPANGS TZAM ZHIG BYA BAR ZAD DO ZHES BSTAN PAR @131B 'GYUR RO, ,DNGOS PO GANG YANG BSNAN MED CING, ,BSAL BA MAD DE DE YI PHYIR, ,ZHES BYA BAS NI DE NYID SGRUB PAR BYED DE, 'DI LA BSAL BYA CI YANG MED, ,GZHAG PAR BYA BA CI YANG MED, ,YANG DAG NYID LA YANG DAG LTA, ,YANG DAG MTHONG BAS RNAM PAR GROL, ,ZHES BYA BA STE DE'I PHYIR, ,CHOS KYI RANG GI NGO BO NYID, ,DE BZHIN NYID TZAM MTHONG BAS GROL, ,ZHES BYA BA SMOS SO, ,RNAL 'BYOR SPYOD PA'I BSGOM PA'I DON MDOR BSDUS TE BSTAN PA, SLOB DPON YE SHES ZLA BAS MDZAD PA RDZOGS SO,, ,,RTZA BA SLOB DPON KLU'I BSHES GNYEN GYIS MDZAD PA LAGS SO,, ,,RGYA GAR GYI MKHAN PO PRADZNY'A WARMA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,, #, ,RGYA GAR SKAD DU, PRADZNY'A P'A RA MI TA BH'A BA NA AU PA DE SHA ,BOD SKAD DU, ,SHES RAB KYI PHA ROL TU PHYIN PA BSGOM PA'I MAN NGAG ,SHES RAB KYI PHA ROL TU PHYIN PA LA PHYAG 'TSAL LO, ,SHES RAB KYI PHA ROL TU PHYIN PA BSGOM PA'I MAN NGAG BRI BAR BYA STE, RNAL 'BYOR DANG SGOM PA NI MING GI RNAM GRANGS DAG GO, ,ZHI GNAS DANG, LHAG MTHONG DANG, ZHI GNAS DANG LHAG MTHONG ZUNG DU 'BREL PA STE, THUN MONG GI RNAL 'BYOR GYI RAB TU DBYE BA'O, ,'DI NI SHES RAB KYI PHA ROL TU PHYIN PA BSGOM PAR 'DOD PAS RNAL 'BYOR GYIS BZHI BSHAD PAR BYA STE, DNGOS PO'I MTHA' LA DMIGS PA DANG, SEMS TZAM NYID DU DMIGS PA DANG, DE BZHIN NYID LA DMIGS PA DANG, DMIGS PA MED PA'O, ,DE LA DANG PO RE ZHIG BRJOD PAR BYA STE, 'DIR THOS PA DANG BSAM PA PHUN SUM TSOGS PA'I BYANG CHUB SEMS DPA' GCIG PU DBEN PAR 'DUG STE, SKYIL MO KRUNG DU BCAS SHING LUS DRANG POR BYAS NAS, HA CANG ZHUM PAR YANG MA YIN, HA CANG RGOD PA YANG MA YIN PAR DRAN PA DANG SHES BZHIN DANG LDAN PAS, RANG BZHIN GYIS G-YENG BA MIG DANG, RNA BA DANG, SNA DANG, LCE DANG, LUS KYI RNAM PAR SHES PA YONGS SU SPANGS NAS MNYAM PAR GZHAG STE, YONGS SU GSAL ZHING DRAN PA'I 'DU SHES KYIS SNA TSOGS YID LA BYA'O, ,'DI LTA STE, GZUGS 'DI @132A *, NI SNGON PO DANG, SER PO LA SOGS PA'O, ,SGRA 'DI NI SNYAN PA DANG, MI SNYAN PA LA SOGS PA'O, ,DRI 'DI NI ZHIM PA DANG MI ZHIM PA LA SOGS PA'O, ,RO 'DI NI MNGAR BA DANG SKYUR BA LA SOGS PA'O, ,REG BYA 'DI NI GRANG BA DANG DRO BA LA SOGS PA'O, ,CHOS 'DI NI BDE BA DANG, SDUG BSNGAL BA DANG, 'DOD CHAGS DANG, ZHE SDANG DANG, NAM MKHA' DANG, MYA NGAN LAS 'DAS PA LA SOGS PA'O, ,DRUG PO 'DI DAG NI YUL GYI KHAMS GZUNG BA NYID KYIS SO SOR SNANG BA'O, ,NANG GI GSAL BA'I NGO BO RNAM PAR SHES PA'I KHAMS DRUG PO 'DI LTA STE, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA'O, ,KHAMS DRUG PO 'DI DAG GI RTEN DU GYUR PA DBANG PO DRUG GI KHAMS TE, DE YANG GZUGS DANG BA'I BDAG NYID LNGA DANG, GCIG NI GZUGS MED PA'O, ,'DI LTA STE, MIG 'BRAS KYI NANG GI MIG GI DBANG PO NI ZAR MA'I ME TOG KHA BYE BA LTA BU'O, ,RNA BA'I RTZA BAR RNA BA'I DBANG PO NI GRO GA'I MDUD PA GCUS TE BCAD PA LTA BU'O, ,SNA'I RTZA BAR SNA'I DBANG PO NI MO KHABS GSHIBS PA LTA BU'O, LCE'I 'DAB MA LA LCE'I DBANG PO SKRA'I RTZE MO TZAM DOR NAS ZLA BA PHYED PA LTA BU'O, ,LUS THAMS CAD LA LUS KYI DBANG PO NI LUS BZHIN NO, ,YID NI MTSUNGS PA DE MA THAG PA'I 'DAS PA'I YID BZHIN NO, ,BDAG BZHIN DU SEMS CAN THAMS CAD KYANG YUL DANG, DBANG PO DANG RNAM PAR SHES PA DRUG GIS GZUNG BA'I KHAMS BCVA BRGYAD CAN NO, PHYOGS BCU'I 'JIG RTEN GYI KHAMS THAMS CAD DU GTOGS PA SNA TSOGS YID LA BYA BA NAS, DE NYID SNA TSOGS SO SOR SNANG BA'I SEMS LA DMIGS TE YID KYIS BRJOD PA YANG SPANGS TE ZHI GNAS LA GOMS PAR BYA'O, ,JI SRID DU LUS DANG SEMS SHIN TU SBYANGS PA THOB PA NI ZHI GNAS GRUB PA'O, ,DE NAS ZHI GNAS GRUB PA LA BRTEN NAS SNA TSOGS KYI GZUGS BRNYAN 'DI DAG TZAM NI CHOS THAMS CAD DO, ,'DI LTA STE, JI SRID GZUGS KYI KHAMS NAS YID KYI KHAMS KYI BAR LA MANG DU RNAM PAR DBYE BAR BYA, YONGS SU RNAM PAR BRTAG PAR BYA, YONGS SU DPYOD PA'I YID KYIS LHAG MTHONG RDZOGS PAR BYA'O, ,DE'I RJES LA DE DAG NYID RNAM @132B PAR RTOG PA'I GZUGS BRNYAN DANG, DE LA DMIGS PA DE NYID KYI SEMS GNYI GA MNYAM PAR BAR CHAD MED PAR YID LA BYED PA'I RGYUN ZHI GNAS DANG LHAG MTHONG DE DAG NYID ZUNG DU 'BREL PAR 'JUG PA'I LAM MO, ,SHES RAB KYI PHA ROL TU PHYIN PA'I MAN NGAG DNGOS PO JI SRID PA LA DMIGS PA DANG PO'I RNAL 'BYOR GYI SA'O,, ,, DE NAS GNYIS PA LA SNA TSOGS SU SNANG BA DE NYID LA SEMS BSKYED DE 'DI LTAR BRTAG PAR BYA'O, ,MING TZAM STE, GZUGS MING TZAM NAS YID KYI BAR DU'O, ,DE BZHIN DU CHOS THAMS CAD MING TZAM MO, ,MING NYID NI DON MA YIN TE, SHIN TU THA DAD PA'I PHYIR RO, ,DON MNGON PAR MI SHES PAR YANG MING TZAM SNANG BA DANG, MING MNGON PAR MI SHES PAR YANG DON SNANG BAS SO, ,DE'I PHYIR MING JI LTA BA BZHIN DON MED DE, GZUGS NI MING TZAM STE DON MED PA'O, ,DE BZHIN DU JI SRID CHOS THAMS CAD MING TZAM MO, ,YANG GANG ZHIG 'JIG RTEN DAG GI GZUGS RTOG PA'I 'DI LTA BUR CHOS THAMS CAD KYANG THA SNYAD KYI PHYIR GLO BUR DU MING DU BTAGS PA'O, ,DE NAS GZUGS MED PA NAS JI SRID CHOS THAMS CAD DO, ,'DI DAG NI SEMS TZAM KHO NA STE, DON BRDZUN PA YIN YANG DON DU SNANG BA NI DON DU MNGON PAR ZHEN PA'I BAG CHAGS LAS SKYE BA YIN TE, RGYAN PO LA GOMS PA'I RGYAN PO LA SOGS PA'I RMI LAM BZHIN NO, ,DE LA 'DI DAG NI GLO BUR DU MING DU BTAGS PA TZAM STA; YANG SEMS LAS PHYI ROL DU GYUR PA'I SEMS KYI GZUNG BA'I DON CI YANG CUNG ZAD KYANG YOD PA MA YIN NO, ,DE NAS GZUNG BA DANG 'DZIN PA STONG PA NYID BRJOD PA MED PA 'DI DAG SEMS TZAM NYID DU SNA TSOGS NGES PAR BYAS NAS, YID KYIS BRJOD PA THAMS CAD YONGS SU SPANGS TE, CHOS THAMS CAD SEMS TZAM NYID YIN PA DE NYID LA SEMS NYE BAR BCINGS TE, G-YO BA MED PAR BYAS NAS BSDUS TE ZHI GNAS BSKYED PAR BYA STE, JI SRID LUS DANG SEMS SHIN TU SBYANGS PA THOB PA'I BAR DU'O, ,SHIN TU SBYANGS PA THOB PA LA BRTEN NAS TING NGE 'DZIN GYI SPYOD YUL DE NYID SO SOR SNA TSOGS YANG DANG YANG DU RNAM PAR DPYAD PAR BYA STE, KHAMS BCVA BRGYAD PO 'DI DAG THAMS CAD SNA TSOGS RANG BZHIN MED PA SEMS TZAM STE, GZUNG BA DANG 'DZIN PA MED PA'O, ,DE BZHIN DU 'DI YANG DANG YANG RNAM PAR 'BYED PA DANG, RAB TU RNAM PAR 'BYED PA DANG, YONGS SU RNAM PAR RTOG PA DANG, YONGS SU DPYOD PAR BYED PA NA, GANG GI TSE LUS DANG @133A *, ,SEMS SHIN TU SBYANGS PA DE'I TSE LHAG MTHONG NGO, ,DE'I RJES LA RNAM PAR RTOG PA MED PA DE NYID KYI GZUGS BRNYAN DANG, DE LA DMIGS PA DE'I SEMS GNYI GA MNYAM PA BAR CHAD MED PAR YID LA BYED PA'I RGYUN ZHI GNAS DANG LHAG MTHONG DE DAG NYID ZUNG DU 'BREL PAR 'JUG PA'I LAM MO, ,SHES RAB KYI PHA ROL TU PHYIN PA'I MAN NGAG JI LTA BA LA DMIGS PA GNYIS PA'I SA'O,, ,,DE NAS GSUM PA LA DE BZHIN DU SNA TSOGS SO SOR SNANG BA LA SEMS BSKYED CING 'DI LTAR NYE BAR BRTAG PAR BYA STE, KHAMS BCVA BRGYAD PO 'DI DAG THAMS CAD SNA TSOGS RANG BZHIN MED LA SEMS TZAM GZUNG BA DANG 'DZIN PAS STONG PA'O, ,YANG GANG ZHIG MING SO SOR SNANG BA GZUGS ZHES BYA BA DANG, SGRA ZHES BYA BA DANG, DRI ZHES BYA BA NAS JI SRID CHOS THAMS CAD CES BYA BA'O, ,GANG YANG DON SO SOR SNANG BA 'DI LTA STE PHUNG PO DANG KHAMS DANG SKYE MCHED DU SO SOR SNANG BA NAS, JI SRID CHOS THAMS CAD DU SO SOR SNANG BA 'DI THAMS CAD NI CHOS KYI MTSAN MA STE, CHOS KYI GZUGS BRNYAN NYID YIN PA'I PHYIR RO, ,'DI THAMS CAD NI 'KHRUL PA'I RGYU MTSAN SPROS PA'I MTSAN MA PHYIN CI LOG GI RGYU MTSAN TE, 'KHRUL PA'I DMIGS PA NYID YIN PA'I PHYIR RO, ,DER SNANG BA LA SOGS PA'I BLO YANG DAG PA MA YIN PA'I RNAM PA DES BSLAD PAS SNANG BA DE LA DMIGS PAS KUN TU SNANG BA NYID CES BYA BA DE 'KHRUL PA LA DMIGS PA YIN PAR BRJOD DO, ,DE'I PHYIR 'DI DAG JI SRID SNANG BA DE SRID 'KHRUL PA STE, YANG DAG PA MA YIN PA'I DON MTHONG BAS DON DAM PA MI MTHONG BA YIN NO, ,DE NAS CHOS 'DI DAG THAMS CAD KYI DON DAM PA MTHONG BAR 'DOD PAS DE BZHIN DU ZHI GNAS LA BRTEN NAS 'KHRUL PA'I RGYU MTSAN THAMS CAD MNGON SUM DU SNANG BA YID LA MI BYED PAS YONGS SU SPANG BAR BYA'O, ,'DI LTA STE, GANG ZHIG GCIG PU DBEN PAR 'DUG NAS BSAM GTAN LA GNAS TE, GZUGS KYI 'DU SHES THAMS CAD LAS 'DAS SHING, 'DI LTAR THAMS CAD NAM MKHA' 'O ZHES 'DU SHES LA GNAS NAS NAM MKHA' MTHA' YAS LA SNYOMS PAR ZHUGS PA BZHIN DU BYANG CHUB SEMS DPAS KHAMS BCVA @133B BRGYAD PA SNA TSOGS SO SOR SNANG BA 'DI SEMS TZAM DU BYED DE, YID KYIS BRJOD PA THAMS CAD YONGS SU SPANGS NAS 'KHRUL PA DANG RTOG PA'I RGYU MTSAN THAMS CAD SPANGS SHING GZUNG BA'I MTSAN MA THAMS CAD NUB NAS ZHI GNAS LA BRTZON PAR BYA'O, ,JI SRID LUS DANG SEMS SHIN TU SBYANGS PA'I BAR DU'O, ,DE NAS ZHI GNAS DE NYID LA GNAS NAS TING NGE 'DZIN GYI SPYOD YUL DE NYID CHOS THAMS CAD STONG PA NYID DU RAB TU RNAM PAR 'BYED DO, ,CHOS 'DI DAG THAMS CAD LDAN PA DANG, BRAL BA DANG, GZUGS CAN DANG, BSTAN DU MED PA DANG, THOGS PA MED PA DANG, MTSAN NYID GCIG PA STE, 'DI LTAR MTSAN NYID MED PA'O, ,DE LTAR RAB TU RNAM PAR 'BYED, YONGS SU RNAM PAR RTOG PAR BYED, YONGS SU DPYOD PAR BYED PA NA, GANG GI TSE SEMS DANG LUS SHIN TU SBYANGS PA DE'I TSE LHAG MTHONG NGES PAR GRUB PA YIN NO, ,DE'I RJES LA TING NGE 'DZIN GYI SPYOD YUL RNAM PAR MI RTOG PA DE NYID CHOS THAMS CAD STONG PA NYID KYI GZUGS BRNYAN DANG, DE LA DMIGS PA'I SEMS DE NYID BAR MED CING BAR CHAD MED PAR YID LA BYED PA'I RGYUN ZHI GNAS DANG LHAG MTHONG DE DAG NYID ZUNG DU 'BREL BAR 'JUG PA'I LAM STE, 'DI NI RNAL 'BYOR GSUM PA'I SA'O, ,GANG GI TSE 'DI DAG NYID YONGS SU GRUB PA NA MNYAM PAR GZHAG PA SNGA MA BSGOM PA'I STOBS KYIS 'JUG PA LHUN GYIS GRUB PA 'DU BYED PA MED PAR CHOS THAMS CAD RANG GI MTSAN NYID KYIS STONG PA NYID KYIS MNGON SUM DU NYAMS SU MYONG BA MNGON DU BYED PA, RNAM PAR MI RTOG PA'I YE SHES GNYIS SU MED PA, 'KHRUL PA MED PA, CHOS DANG CHOS NYID KYI MTSAN MA SHIN TU NUB PA, SNANG BA MED PA, DMIGS PA MED PA, RNAM PAR MI RTOG PA'I ZHI GNAS DANG LHAG MTHONG GI BDAG NYID CAN MCHOG TU GSAL BAR SPYOD PA 'JIG RTEN LAS 'DAS PA ZAG PA MED PA YANG DAG PA'I YE SHES MNGON DU 'GYUR TE, DE NI RNAL 'BYOR BZHI PA'I SA'O, ,SHES RAB KYI PHA ROL TU PHYIN PA BSGOM PA'I MAN NGAG SLOB DPON CHEN PO RATNA AA KA RA SH'AN TIS MDZAD PA RDZOGS SO,, ,,RGYA GAR GYI MKHAN PO CHEN PO DPAL RAB 'BYOR ZHI BA DANG, ZHU CHEN GYI LO TZ'A BA DGE SLONG TING NGE 'DZIN BZANG POS BSGYUR CING ZHUS TE GTAN LA PHAB PA,, ,,RGYA GAR SKAD DU, PRADZNY'A P'A RA MI TA AU PA DE SHA, BOD SKAD DU, SHES RAB KYI PHA ROL TU PHYIN PA'I MAN NGAG ,DKON MCHOG GSUM LPA PHYAG 'TSA LO, ,BYANG CHUB SEMS DPA' 'JIG RTEN DBANG PHYUG LA PHYAG 'TSAL LO, ,STOBS BCUR LDAN PA GANG GI ZHABS KYI RDUL, ,LHA RNAMS COD PAN GYIS NI @134A *, ,BTUNG GYUR LA, ,THAR SGOR MCHOD YON ME TOG RDUL LTA BUR, ,SHES LDAN RNAMS KYIS MGOS BRGYAN RGYAL GYUR CIG ,GSER BZANG SBYANGS PA DANG NI MTSUNGS PA YI, ,'OD 'PHRO'I DKYIL 'KHOR GYI NI MTSAN GYUR LA, ,THUGS NI YON TAN SNA TSOGS KYIS BRGYAN PA, ,RNAM DAG GSUNGS LDAN SANGS RGYAS PHYAG 'TSAL LO; PHA ROL RGOL BA'I THAR PA SRID PHYOGS GCIG ,NYAN THOS THAR PA SRID ZAD ZAD MI 'GYUR, ,SRID DANG MYA NGAN 'DAS LAS G-YUNG DRUNG LA, ,MNGA' BRNYES MTHAR THUG GO 'PHANG THUB CHEN GYI, ,KHAR BA'I SNOD BZHIN SRID PA MA DAG DANG, ,DMAN PAR GYUR KYANG SHEL LTAR DAG ZHI DANG, ,'OD DANG NYI 'OD KHYAD 'PHAGS YON TAN GYIS, ,BLA GYUR BYANG CHUB ZHI DANG DE BZHIN NO, YON TAN RGYA MTSO SKYON BSAL SRID GCOD CING, ,RTAG TU 'JIG RTEN PHAN PA GCIG PU'I RGYU, ,BLA MED BYANG CHUB DON DU DPA' BO RNAMS, ,DMAN PA'I GO 'PHANG DOR NAS DON DU GNYER, ,PHA ROL PHYIN PA'I TSUL LA YUN RING DKA' BAS 'BRAS BUR SMIN, ,SNGAGS TSUL DKA' BA MED PAR MYUR DU BYANG CHUB REG PAR 'GYUR, ,'DI NI BRTZON 'GRUS 'BAR BA'I STOBS LDAN LAM NI DANG PO STE, ,DAD PAS RNAM PAR 'PHEL BA'I BLO CAN RNAMS LA CIG SHOS YIN, ,BYANG CHUB PHYIR NI SHIN TU DKA' BAS YUN RINGS SPYOD BYED PA, ,THUB PA RNAMS KYI SRAS PO DE NI DPA' BO YIN SNYAM BYED, ,GO 'PHANG DE NYID MYUR DU BDE BA STER BAR BYED PA'I SNGAGS, ,BDE GSHEGS RIN CHEN DE NI SUS RIG DE NI SKAL BZANG PO, ,GANG GIS BCOM LDAN PHA ROL PHYIN MCHOG MA, ,NYIN RE BZHIN DU BSGOMS PAR GYUR PA YIS, ,DE YI LAG NA PHA ROL PHYIN PA LNGA, ,GNAS SHING SNGAGS KYANG RAB TU 'GRUB PAR BYED, ,'DI NI DKON MCHOG GSUM LA GCIG TU SKYABS SU SONG BA, DAD PA DANG BRTZE BAR LDAN PAR BYANG CHUB TU SEMS BSKYED PA BYANG CHUB SEMS DPA'I SDOM PA BLANGS PAS, TSOGS BSAGS PA'I PHYIR DANG, BSAGS PA YONGS SU THOB PAR BYA BA'I PHYIR, ,BCOM LDAN 'DAS MA SHES RAB KYI PHA ROL TU PHYIN MA THOS PA LAS BYUNG BA DANG, BSAMS PA LAS BYUNG BA'I SHES RAB BSKYED DE, BSGOM PAR BYA'O, ,DE LA BYANG CHUB SEMS DPA'I SDE SNOD DANG, SHES RAB KYI PHA ROL TU PHYIN PA LA SOGS PA'I MDO SDE GZHAN NAM, MDO SDE DU MA'I PHYOGS 'GA' LAS BTUS TE BSDUS PA 'DI LA YANG RUNG STE, DE DAG NYID LEGS PAR MNYAN PA DANG, BDAG NYID KYIS KYANG LEGS PAR CUNG ZAD TSIG DANG DON BRTAGS TE, SGRA DANG DON GYI 'BREL PA'I SGRUB PAS YANG DAG PAR NGES PA DANG 'DZIN PA NI THOS PA LAS BYUNG BA'I SHES RAB BO, ,GCIG TU DBEN PAR @134B GNAS NAS, DON DE NYID YANG DAG PA NYID KYI RIGS PAS RNAM PAR DPYAD LA, ,RIGS PA'I SGRUB PA NGES DON DE BDEN PA NYID DANG, YANG DAG PA NYID DU DE KHO NA LTAR YIN GYI GZHAN DU MA YIN NO ZHES GCIG TU NGES PA NI, ,BSAMS PA LAS BYUNG BA'I SHES RAB BO, ,'DIR MDOR BSDUS NA DE KHO NA NYID RNAM PA GNYIS SU CHOS RNAMS SHES PAR BYA STE, 'DI DAG NI 'DI RNYED DO ZHES JI SNYED YOD PAR GYUR PA DANG, 'DI DAG NI 'DI LTA BU KHO NA'O ZHES JI LTA BU BZHIN DU GYUR PA'O, ,DE GNYIS RIM PA JI LTA BA BZHIN DU BRJOD PAR BYA STE, BCOM LDAN 'DAS KYIS BRAM ZE THAMS CAD THAMS CAD CES BYA BA NI, PHUNG PO LNGA DANG, SKYE MCHED BCU GNYIS DANG, KHAMS BCVA BRGYAD PO JI SNYED PO 'DI DAG GO ZHES GSUNGS TE, DE LA GZUGS DANG, SGRA DANG, DRI DANG, RO DANG, REG BYA DANG, CHOS DE YUL GYI KHAMS DRUG PO 'DI DAG NI GZUGS KYI KHAMS NAS CHOS KYI KHAMS KYI BAR DAG YIN NO, ,MIG DANG, RNA BA DANG, SNA DANG, LCE DANG, LUS DANG, YID DE DBANG PO'I KHAMS DRUG NI MIG GI KHAMS NAS YID KYI KHAMS KYI BAR DAG YIN NO, ,DBANG PO RNAMS DANG 'BREL BA'I RNAM PAR SHES PA'I KHAMS DRUG NI MIG GI RNAM PAR SHES PA'I KHAMS NAS, YID KYI RNAM PAR SHES PA'I KHAMS KYI BAR DAG YIN TE DE LTAR KHAMS BCVA BRGYAD LAS, DANG PO KHAMS BCU GCIG NI GZUGS KYI SKYE MCHED NAS LUS KYI SKYE MCHED KYI BAR DU BCU GCIG GO, ,YID KYI KHAMS NAS KYI YID KYI RNAM PAR SHES PA'I KHAMS KYI BAR KHAMS LHAG MA BDUN NI YID KYI SKYE MCHED DE, DE LTAR SKYE MCHED BCU GNYIS LAS YID KYI SKYE MCHED NI RNAM PAR SHES PA'I PHUNG PO'O, ,YUL LNGA DANG, DBANG PO LNGA DANG, CHOS KYI SKYE MCHED DU GTOGS PA'I GZUGS NI GZUGS KYI PHUNG PO'O, ,CHOS KYI SKYE MCHED LAS SEMS LAS BYUNG BA GNYIS NI TSOR BA'I PHUNG PO'O, ,'DU SHES KYI PHUNG PO'O, ,SEMS LAS BYUNG BA LHAG MA RNAMS DANG, SEMS DANG MTSUNGS PAR MI LDAN PA'I 'DU BYED RNAMS NI 'DU BYED KYI PHUNG PO'O, ,'DUS MA BYAS DAG NI PHUNG POS BSDUS PA MA YIN TE, DE DAG LA PHUNG PO'I DON MED PA'I PHYIR RO, ,DE DAG NI KHAMS BCVA BRGYAD DANG, SKYE MCHED BCU GNYIS DANG, PHUNG PO LNGA ZHES BYA STE JI SNYED YOD PAR GYUR PA'I THOS PA LAS BYUNG BA'I SHES RAB BO, ,NYES PA THAMS CAD BAG CHAGS DANG BCAS PAR SPANGS PA DANG, YON TAN THAMS CAD MCHOG TU PHUL DU BYUNG BA DANG, RTAG TU DON RNAMS THAMS CAD KYI THAMS CAD DU YANG DAG PAR GZIGS PA DANG, RTZOM PA THAMS CAD GZHAN GYI DON YIN PAS SANGS RGYAS BCOM LDAN 'DAS NI TSAD MA DAM PAR GYUR PA'O, ,DE BAS NA GANG DE BZHIN GSHEGS PAS JI LTA BA BZHIN DU GSUNGS PA DE NI, ,DE BZHIN YIN GYI GZHAN DU MA @135A *, ,YIN TE, TSAD MA'I DE KHO NA NYID RIG PAR GYUR PA'I SLOB DPON RNAMS KYIS PHA ROL GYI GZHUNG LUGS BKAG PA'I PHYIR DE DAG GZHAN KHO NA'O, ,GZHAN YANG PHA ROL PO RNAMS NI DNGOS PO RNAMS SKAD CIG PA MA YIN PAR 'DOD DO, ,DE'I PHYIR DE DAG NI YOD PA MA YIN TE, 'DI LTAR GANG BYA BA BYED NUS PA DE DAG NI YOD PA MA YIN GYI; RTA'I RVA DANG KHYAD PAR MED PAR CI YANG MI BYED PA DAG NI MA YIN NO, ,NUS PA NI BYED BZHIN PA'I NUS PA CAN GYI RANG BZHIN YIN LA, SKAD CIG PA MA YIN PA RNAMS NI, SNGON GYI RANG BZHIN GANG YIN PA PHYIS KYANG DE BZHIN TE, DES 'GAL LA BYA BA BYED NUS PAR GYUR NA, SNGON NUS PA BZHIN DU PHYIS KYANG NUS PAR GYUR LA, DE NA DES 'BRAS BU DE YANG SNGAR BYAS PA BZHIN DU PHYIS KYANG BYED PAR GYUR NA, BYAS PA YANG BYA BAR MI 'OS PA'I PHYIR DE YANG RIGS PA MA YIN NO, ,DE BAS NAS SKAD CIG PA MA YIN PA'I RANG BZHIN NI NUS PA MED PA NYID YIN LA, GANG NUS PA MED PA DE NI BONG BU'I RVA LTAR YOD PA MA YIN PA'I PHYIR, PHA ROL POS KHAS BLANGS PA'I DNGOS PO SKAD CIG PA MA YIN PA RNAMS NI YOD PA MA YIN NO, ,GANG YANG KHA CIG GIS BLO DANG, ME LCE LA SOGS PA SKAD CIG MAR 'DOD MOD KYI DE LTA NA YANG DE DAG SKAD CIG PA YIN PA DANG 'BREL BAR 'DOD LA, SKAD CIG PA MA YIN PA YANG BSAL BAS 'DI YANG BSAL TO, ,CI STE PHA ROL PO YANG THAMS CAD SKAD CIG MAR 'DOD DO ZHE NA, BSTAN BCOS BYED PAS DE DAG KHAS MA BLANGS LA, BSTAN BCOS BYED PA'I 'DOD PA GANG YIN PA DE 'DIR DPYAD PAR BYA BA YIN GYI, SKYES BU'I RANG DGA'I 'DOD PA TZAM NI MA YIN TE, DE RNAMS LA MTHA' MED PA'I PHYIR DANG, DE RNAMS LA THAMS CAD MTHONG BA NYID KYANG SHIN TU MI SRID PA'I PHYIR RO, ,DE BAS NA THAMS CAD CES BYA BA NI 'DI LTA STE, PHUNG PO LNGA DANG, SKYE MCHED BCU GNYIS DANG, KHAMS BCVA BRGYAD PO 'DI DAG NYID KHO NA TZAM STE, JI SNYED YOD PAR GYUR PA'I BSAMS PA LAS BYUNG BA'I SHES RAB PO, ,THEG PA CHEN PO 'DI LA MANG DU BRJOD PA YOD MOD KYI, ,BDAG GIS MDO SDE DU MA DAG LAS, KHA CIG LA NI DON DANG TSIG DANG, KHA CIG LA NI DON KHO NA BLANGS TE, MDOR BSDUS NAS PHYOGS 'GA' ZHIG BRJOD PAR BYA'O, ,'DIR BCOM LDAN 'DAS KYIS GDUL BYA RNAMS RNAM PAR @135B NYAMS PAR MI 'GYUR BAR BYA BA'I PHYIR RTON PA RNAM PA BZHI GSUNGS PA NI 'DI LTA STE, CHOS LA RTON PAR BYA'I GANG ZAG LA RTON PAR MI BYA'O, ,DON LA RTON PAR BYA'I TSIG 'BRU LA RTON PAR MI BYA'O, ,NGES PA'I DON GYI MDO SDE LA RTON PAR BYA'I, DRANG PA'I DON GYI MDO SDE LA RTON PAR MI BYA'O,, YE SHES LA RTON PAR BYA'I, ,RNAM PAR SHES PA LA RTON PAR MI BYA'O, ,'DI RNAMS KYI BSHAD PA MDO SDE RGYAN LA SOGS PA LAS 'DI LTAR, STON PAR GSUNGS PA'I CHOS TSAD MA GYI, SUN 'BYIN PA'I SKYE BO RNAMS KYI NI MA YIN NO, ,DGONGS PA CAN GYI DON TSAD MA YIN GYI, ,MNGON PAR 'DOD PA MA YIN PA SGRA JI BZHIN PA'I YI GE'I DON NI MA YIN NO, ,DE BZHIN GSHEGS PA DANG, DE BZHIN GSHEGS PAS TSAD MAR SNANG BA'I BYANG CHUB SEMS DPA' LA SOGS PAS NGES PAR MDZAD PA'I DON TSAD MA YIN GYI GZHAN GYIS LOG PAR BSAMS PA NI MA YIN NO, ,YE SHES TSAD MA YIN GYI, RNAM PAR SHES PA NI MA YIN NO ZHES GSUNGS SO, ,DE LA YE SHES NI 'JIG RTEN LAS 'DAS PA'I SHES RAB STE, RNAM PAR MI RTOG PA'O, ,RNAM PAR SHES PA NI 'JIG RTEN PA'I THOS PA LA SOGS PA'I SHES RAB STE, RTOG PA DANG BCAS PA'I SHES RAB BO, ,DE LA RTON PA DANG POS NI, CHOS DANG DON DAG LA LHAG PAR MOS PA LAS NYAMS EPAR MI 'GYUR RO, ,GNYIS PAS NI DGONGS PA CAN GYI DON LA RANG GI RIGS PAS RNAM PAR DPYAD PA LAS SO, ,GSUM PAS NI PHYIN CI MA LOG PA'I DON DE GZHAN LAS MNYAN PA LAS SO, ,BZHI PAS NI 'JIG RTEN LAS 'DAS PA'I YE SHES LAS SO, ,RTON PA GSUM PA'I NGES PA'I DON NI BSHAD PA NGES PAR BYAS PA'O, DRANG BA'I DON NI BSHAD PAR BYA BA STE, MDO GANG DAG GI DON DGONGS PA JI LTA BA BZHIN DU GZUNG BAR BYA'O, ,SGRA JI BZHIN PAR NI MA YIN TE, 'DI'I DON GZHAN DU DRANG BAR BYAS BA YIN PAS DRANG BA'I DON TO, ,GANG GIS DRANG BAR BYA ZHE NA, RIGS PA DANG NGES PA'I DON DU BSHAD PA'I MDO RNAMS KYI STE, DPER NA DON RNAM PAR NGES PA'I MDO LAS PHYI ROL GYI DON YOD PAR GSUNGS PA DANG, DAM PA'I CHOS PADMA DKAR PO'I MDO LAS THEG PA GCIG TU GSUNGS PA LTA BU STE, ,GANG GI @136A *, ,PHYIR MDO SDE GZHAN DAG TU DE DRANGS NAS, GZHAN DU NGES PAR MDZAD PA'I PHYIR RO, ,NYAN THOS KYI THEG PA'I CHOS GANG YIN PA NYID DE BZHIN NYID DU RO GCIG PA'I PHYIR THEG PA CHEN PO'I YANG YIN TE, DE BAS NA THEG PA NI GCIG NYID DO ZHES DGONGS PA NGES PAR 'GREL PA LAS GSUNGS PA'I PHYIR RO, ,MDO GZHAN DAG LAS KYANG, LAM GYI THEG PA LA LA NI BDAG MED PAR MTSUNGS PA YIN LA, 'BRAS BU'I THEG PA LAS RNAM PAR GROL BA MTSUNGS PA DE BAS NA, THEG PA NI GCIG NYID DO ZHES BYA BA LA SOGS PA GSUNGS SO, ,GANG YANG DER NYAN THOS RNAMS LUNG BSTAN PA YOD MOD KYI, DE YANG GANG GI PHYIR BYANG CHUB TU GYUR PA'I NYAN THOS RNAMS DRANG BA LAS DGONGS PA YIN GYI, GZHAN DU NA ZHI BA PHYOGS GCIG PA NI MA YIN NO ZHES MDO GZHAN DAG LAS GSUNGS PA'I PHYIR RO, ,NGES PA'I DON GYI MDO SDE RNAMS LAS SEMS CAN RNAMS KYI BSAM PA DANG, BAG LA NYAL BA DANG, LHAG PAR MOS PA DANG, DBANG PO SNA TSOGS LAS RIGS SNA TSOGS GSUNGS PAR SNANG STE, DE DAG RIGS JI LTA BA BZHIN DU THEG PA GSUM LA BSLABS PAS, BYANG CHUB RNAM PA GSUM LA REG PAR 'GYUR LA, RIGS MED PA RNAMS KYANG DGE BA DANG MI DGE BA RNAMS LA SPYAD PAS 'KHOR BA NA 'KHYAM STE, LCAGS DANG ZANGS DANG, DE LA SOGS PA'I RIGS DANG, RIGS MA YIN PA'I RDO DAG BZHU BA LAS, LCAGS DANG, ZANGS DANG, DNGUL DANG, GSER DANG, TSA TSA 'BA' ZHIG TU 'GYUR BA BZHIN NO, ,MTHU DANG LDAN PA'I SANGS RGYAS THAMS CAD 'DUS PAR GYUR KYANG, ZHI BA PHYOGS GCIG PA'I NYAN THOS RNAMS BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR BYA BA'AM, RIGS MED PA'I SEMS CAN RNAMS MYA NGAN LAS BZLA BAR MI SPYOD DO ZHES GSUNGS SO, ,MDO GANG DAG GI DON SGRA JI BZHIN PA DE NI NGES PA'I DON KHO NA'O, ,DON DE LA NI DON GNYIS PA MA YIN TE, 'DI'I DON NGES PA KHO NA'O ZHES BYA BA NAS NGES PA'I DON TO, ,GANG GIS DON NGES SHE NA, MDO DE NYID DANG DE LAS GZHAN PA DANG, GNYIS KAS KYANG NGO, ,GANG DAG DE NYID KYIS YIN ZHE NA, 'PHAGS @136B PA DGONGS PA NGES PAR 'GREL PA DANG, 'PHAGS PA LANG KAR GSHEGS PA LA SOGS PA'O, ,GANG DAG DE LAS GZHAN PAS YIN ZHE NA, 'PHAGS PA BRGYAD STONG PA LA SOGS PA'O, ,GANG DAG GNYIS KAS YIN ZHE NA, 'PHAGS PA NYI KHRI LNGA STONG PA LA SOGS PA STE, DE'I CHOS KYI SKU'I LE'U LAS, GANG GI PHYIR PHYIN CI MA LOG PA LA DGOD PA'I PHRIN LAS, SGRA JI BZHIN PA'I DON LA MNGON PAR ZHEN NA PA'I MTSAN NYID KYI PHYIN CI LOG YONGS SU SPANGS PA'I MTSAN NYID KYI DRANG BA'I DON GYI BSHAD PA YOD PA'I PHYIR RO, ,GANG YANG DE BZHIN GSHEGS PA DANG, DES TSAD MAR GNANG BA'I BYANG CHUB SEMS DPA' LA SOGS PA'I BYANG CHUB SEMS DPA' RNAMS KYIS NGES PAR MDZAD PA'I DON NI DE LAS GZHAN PA'I DON DU DRANG BAR MI BYA STE, BCOM LDAN 'DAS NYID TSAD MA'I DAM PAR GYUR PA DANG, THUG PA MED PAR THAL BAR 'GYUR BA'I YANG PHYIR RO, ,DRANG BA'I DON NI DE BZHIN GSHEGS PAS BSTAN PA RNAMS DGONGS PA BZHI DANG, LDEM POR DGONGS PA BZHI BSHAD DE, DE LA DGONGS PA BZHI NI, MNYAM PA NYID LA DGONGS PA DANG, DUS GZHAN LA DGONGS PA DANG, DON GZHAN LA DGONGS PA DANG, GANG ZAG GI BSAM PA LA DGONGS PA RNAMS SO, ,LDEM POR DGONGS PA BZHI NI, GZHUG PA LA LDEM POR DGONGS PA DANG, GNYEN PO LA LDEM POR DGONGS PA DANG, MTSAN NYID LA LDEM POR DGONGS PA DANG, BSGYUR PA LA LDEM POR DGONGS PA RNAMS SO, ,DE LA BRJOD PAR 'DOD PA'I DON BSHAD PA NI DGONGS PA'O, ,BSTAN PA'I SGRA'I DGONGS PA BSHAD PA NI LDEM POR DGONGS PA'O, , DE LA MNYAM PA NYID LA DGONGS PA NI, DPER NA NGA NYID DE'I TSE DE'I DUS NA DE BZHIN GSHEGS PA RNAM PAR GZIGS SU GYUR TO ZHES BYA BA LTA BU STE, CHOS KYI SKU MNYAM PA NYID LA DGONGS PA'O, ,DUS GZHAN LA DGONGS PA NI, DPER NA BDE BA CAN DU SMON LAM 'DEBS PAR BYED PA DE DE RU SKYE BAR 'GYUR RO ZHES BYA BA DANG, DE BZHIN GSHEGS PA ZLA BA'I 'OD DRI MA MED PA'I MTSAN 'DZIN PA GANG YIN PA DE NGES PAR BLA NA MED PA'I BYANG CHUB THOB PAR 'GYUR RO ZHES BYA BA LTA BU STE, DUS GZHAN DU ZHES BYA BAR DGONGS SO, ,DON GZHAN LA DGONGS PA NI DPER NA, GANG G'A'I KLUNG GI BE MA SNYED @137A *, ,KYI SANGS RGYAS RNAMS LA BSNYEN BKUR BYAS NAS, KUN NAS BYANG CHUB PAR THEG PA CHEN PO RTOGS PAR 'GYUR RO ZHES BYA BA LTA BU STE, CHOS KYI DBYINGS SO SOR RIG PA'I RTOGS PA SKYE'O ZHES BYA BAR DGONGS SO, ,GANG ZAG GI BSAM PA LA DGONGS PA NI, DPER NA LA LAR CHOS 'GA' LA SMAD NAS, GZHAN DAG LA BSNGAGS PA MDZAD PA LTA BU STE, GCIG GIS CHOG PAR 'DZIN PA RNAMS, ,GZHAN DAG 'DZIN DU GZHUG PA'I PHYIR, ,DE DAG GI BSAM PA'I NGOR DE BZHIN DU BRJOD PAR BZHED PA YIN, ,GZHUG PA LA LDEM POR DGONGS PA NI, DPER NA RDZUS TE BYUNG BA'I SEMS CAN YOD DO ZHES BYA BA DANG, GZUGS DANG SGRA LA SOGS PA'I CHOS YOD DO ZHES BYA BA LTA BU STE, GO RIMS BZHIN DU GANG ZAG DANG CHOS LA BDAG MED PAS 'JIGS PA RNAMS BSTAN PA LA GZHUG PA'I PHYIR RO, ,GNYEN PO LA LDEM POR DGONGS PA NI, DPER NA TSIGS SU BCAD PA GNYIS PA'I GZUGS LTA BU STE, 'OG NAS BRJOD PAR BYA'O, ,MTSAN NYID LA LDEM POR DGONGS PA NI DPER NA, GZUGS NAS SANGS RGYAS KYI CHOS KYI BAR DU MED DO ZHES BYA BA DANG, GZUGS NAS SANGS RGYAS KYI CHOS KYI BAR DU SGYU MA LTA BU'O ZHES BYA BA DANG, GZUGS NAS SANGS RGYAS KYI CHOS KYI BAR DU NAM MKHA' DANG MTSUNGS PA'O ZHES BYA BA LTA BU STE, KUN BRTAGS PA DANG GZHAN GYI DBANG DANG, YONGS SU GRUB PA'I MTSAN NYID GSUM GYI NGO BO NYID DE DAG GI GO RIMS BZHIN DU CHOS THAMS CAD YOD PA MA YIN PA DANG, SGYU MA LTA BU DANG, NAM MKHA' DANG MTSUNGS SO ZHES RAB TU BSTAN PA'I PHYIR RO, ,BSGYUR BA LA LDEM POR DGONGS PA NI DPER NA, SNYING PO MED LA SNYING POR 'DOD, ,PHYIN CI LOG LA RAB TU GNAS, ,NYON MONGS PA YIS KUN NYON MONGS, ,BYANG CHUB DAM PA RNYED PAR 'GYUR, ,ZHES BYA BA LTA BU STE, DON ZAB MO'I PHYIR SENG GE RNAM PAR BSGYUR BA'O, ,DE DAG RNAM PAR BSGYUR BA YANG 'DI LTAR SNYING PO MED PA NI SEMS RNAM PAR 'PHRO BA MED PA STE, TING NGE 'DZIN TO, ,SNYING POR 'DOD PA NI DE LA SNYING PO'I BLO BSKYAD PA'O, ,'JIG RTEN PA'I ZHEN PA LAS BZLOG PAS NA, PHYIN CI LOG NI MI RTAG PA DANG, SDUG BSNGAL BA DANG, MI GTZANG BA DANG, BDAG @137B MED PA RNAMS TE, DE DAG LA RAB TU GNAS PAS SO, ,NYON MONGS PA NI YUN RING POR DKA' BA RNAMS LA 'BAD PAS NGAL BA STE, DES SHIN TU GZIR BA'O, ,SHIN TU RGYAS PA STONG PHRAG BRGYA BA'I MDO TSOGS SU BCAD PA GNYIS PA'I GZUNGS LAS, TSIGS SU BCAD PA GNYIS PA NI DNGOS GZHI YIN LA, TSIGS SU BCAD PA GSUM NI PHAN YON YIN TE, SANGS RGYAS CHOS LA BRNYAS PA DANG, ,SNYOM LAS CUNG ZAD TZAM GYIS MGU, ,'DOD CHAGS NGA RGYAL LA SPYOD CING, ,'GYOD DANG MA NGES LDOG GYUR PA, ,BAR DU GCOD PA'I NYES PA KUN, ,SEMS CAN RNAMS KYI SGRIB PA STE,, DE YI GNYEN PO THEG PA MCHOG ,BSHAD DE RNAM PAR SPONG BAR 'GYUR, ,ZHES BYA BA LA RIGS NGES PA'I BYANG CHUB SEMS DPA' DANG, NYAN THOS RNAMS THEG PA CHEN PO LA KHA PHYIR BLTAS PA NI MA NGES PA DANG BRAL BA'O, ,DE SPANGS NAS BYANG CHUB SEMS DPA' RNAMS THEG PA CHEN POS GZUNG BAR BYA BA'I PHYIR DANG, NYAN THOS RNAMS DRANG BAR BYA BA'I PHYIR THEG PA MCHOG BSHAD PA STE, THEG PA MCHOG BSTAN PA'O, ,BAR DU GCOD PA 'DI DAG NYID SANGS RGYAS LA BRNYAS PA LA SOGS PA'I SGRIB PA BRGYAD DO, ,DE LA SANGS RGYAS LA BRNYAS PA'I SGRIB PA'I GNYEN POR THOS PA'I MCHOG BSHAD PA NI, DPER NA NGA NYID DE'I TSE DE'I DUS NA RNAM PAR GZIGS NAS 'OD SRUNGS KYI BAR DU GYUR TO ZHES BYA BA LTA BU'O, ,CHOS THAMS CAD SGRIB PA'I GNYEN PO NI GANG G'A'I KLUNG GI BYE MA SNYED KYI ZHES PA LA SOGS PA SNGA MA BZHIN NO, ,SNYOM LAS KYI SGRIB PA'I GNYEN PO NI, ,GANG BDE BA CAN GYI ZHES BYA BA DANG, ZLA BA'I 'OD DRI MA MED PA ZHES BYA BA LA SOGS PA SNGA MA BZHIN NO, ,CUNG ZAD TZAM GYIS MGU BA'I SGRIB PA'I GNYEN PO NI GANG DU BCOM LDAN 'DAS KYIS SBYIN PA LA SOGS PA KHA CIG LA NI SMAD LA, GZHAN DAG LA NI BSNGAGS PA LTA BU'O, ,'DOD CHAGS LA SPYOD PA'I SGRIB PA'I GNYEN PO NI GANG DU SANGS RGYAS KYI ZHING GI BKOD PA PHUN SUM TSOGS PA BRJOD PA LTA BU'O, ,NGA RGYAL SPYOD PA'I SGRIB PA'I GNYEN PO NI GANG DU SANGS RGYAS KHA CIG PHUN SUM TSOGS PAR LHAG PAR BRJOD PA LTA BU'O, ,'GYOD PA'I SGRIB PA'I GNYEN PO NI GANG DAG BYANG CHUB SEMS DPA' RNAMS LA GNOD PA BYED PA'I SEMS @138A *, ,CAN DE DAG MTHO RIS SU NYE BAR 'GRO'I ZHES BYA BA LTA BU'O, ,MA NGES PA DANG BRAL BA'I SGRIB PA'I GNYEN PO NI NYAN THOS CHEN PO RNAMS SANGS RGYAS SU LUNG BSTAN PA DANG, THEG PA GCIG KHO NA ZAD DE GNYIS PA NI MED DO ZHES BSTAN PA DAG GO, ,'DIR SGRIB PA RNAMS SPANGS PAR DGONGS PA NI LDEM POR DGONGS PA'O, ,DGONGS PA NGES PAR 'GREL PA LA SOGS PA'I MDO LAS, KUN TU BRTAGS PA DANG GZHAN GYI DBANG DANG YONGS SU GRUB PA STE, NGO BO NYID GSUM GSUNGS LA, DE NYID BCOM LDAN 'DAS MA PHYIN CI MA LOG PA LA DGONGS PA LAS, KUN BRTAGS PA DANG, RNAM PAR BRTAGS PA DANG, CHOS NYID KYI SGRAS GSUNGS TE, KUN BRTAGS PA'I GZUGS DANG, RNAM PAR BRTAGS PA'I GZUGS DANG, CHOS NYID KYI GZUGS DANG ZHES BYA BA NAS, SANGS RGYAS KYI CHOS RNAMS KYI BAR DU'O ZHES BYA BA'O, ,DE DAG GI MTSAN NYID LA SOGS PA MDO RNAMS LAS RGYAS PAR NGES PAR BSTAN PA DE RNAMS 'DIR MDOR BSDUS NAS BRJOD PAR BYA STE, CHOS GANG DAG GI NGO BO NYID MING DANG 'DRIS PA'I YID KYI BRJOD PAS BRTAGS PA DE RNAMS NI MTSAN NYID JI LTA BA BZHIN DU MED PA'I PHYIR KUN BRTAGS PA'I NGO BO YIN TE, 'DI LTAR GZUGS DANG, SGRA DANG MIG DANG RNA BA DANG ZHES BYA BA LA SOGS PA LTA BU'O, ,DE YANG MDOR BSDUS NA RNAM PA GNYIS TE GZUNG BA DANG 'DZIN PA'O, ,GANG KUN BRTAGS PA'I NGO BO NYID LA MNGON PAR ZHEN PA'I BAG CHAGS KYI DBANG GIS GNYIS PO MED PAR GYUR KYANG, ,GNYIS SU SNANG BAR SKYE BA DE SPANGS NA NI SKYE BAR MI 'GYUR BA'I RNAM PAR SHES PA DE NI RGYU RKYEN LA RAG LAS PA'I PHYIR CHOS THAMS CAD KYI GZHAN GYI DBANG GI NGO BO NYID DO, ,GANG YANG GZHAN GYI DBANG DE KUN BRTAGS PA DES DUS THAMS CAD DU STONG ZHING DBEN PA STE BRAL BAR 'GYUR BA DE NI DUS THAMS CAD DE BZHIN DU GCIG TU GRUB PAR 'GYUR BAS NA CHOS THAMS CAD KYI YONGS SU GRUB PA'I NGO BO NYID DO, ,CHOS GANG NAM YANG GNYIS KYIS MI STONG PA DE NI CUNG ZAD TZAM YANG MED LA, STONG PA NYID DE NAM YANG 'GYUR BA MED PAS, THAMS CAD NAS THAMS CAD DU NAM MKHA' LTA BUR RO GCIG PAR 'GYUR BA STE, GANG GI PHYIR NAM MKHA' NI GZUGS MED @138B PA'I MTSAN NYID PAS THAMS CAD DU RTAG TU RO GCIG PA YIN NO, ,DE BZHIN DU STONG PA NYID KYANG GNYIS PO MED PA'I MTSAN NYID KYI RANG BZHIN YIN PAS, ,RTAG TU THAMS CAD DU RO GCIG PA'I NGO BO NYID DE, ,DE BAS NA YONGS SU GRUB PA'I NGO BO NYID BRJOD DO, ,DE LA DANG PO NI BYIS PA RNAMS KYIS DE BZHIN KHO NAR BRTAGS PAS, BTAGS PA'I YOD PA STE, RDZAS SU YOD PA YANG MA YIN LA, DON DAM PAR YOD PA YANG MA YIN NO, ,GNYIS PA NI RTEN CING 'BREL PAR 'BYUNG BAS RDZAS SU YOD PA YIN TE, BRTAGS PAR YOD PA NI MA YIN NO, ,GSUM PA NI RNAM PAR DAG PA'I DON DU DMIGS PAS DON DAM PAR YOD PA STE, RNAM PAR DAG PAR BYA BA'I PHYIR, DE LA DMIGS PA YIN GYI KUN NAS NYON MONGS PAR BYA BA'I PHYIR NI MA YIN NO, ,GZHAN GYI DBANG GI NGO BO NYID LA YANG YONGS SU GRUB PA'I RANG BZHIN GYIS DMIGS NAS, ,DON DAM PAR YOD PAR 'GYUR LA KUN BRTAGS PA'I RANG BZHIN GYIS DMIGS NA NI KUN RDZOB TU YOD PAR 'GYUR TE, KUN NAS NYON MONGS PA'I DON DU DMIGS PA'I PHYIR RO, ,KUN NAS NYON MONGS PA'I PHYIR DMIGS PA NI RNAM PAR BYANG BA'I PHYIR MA YIN NO, ,GZHAN GYI DBANG GI NGO BO NYID DE NI YANG DAG PA'I KUN TU RTOG PAR BRJOD DE 'DI LA YANG DAG PA MA YIN PAR KUN BRTAGS PA'AM, 'DIS YANG DAG PA MA YIN PAR KUN RTOG PAR BYED PA STE, BCOM LDAN 'DAS BYAMS PAS, KUN BRTAGS GZHAN GYI DBANG DANG NI, YONGS SU GRUB PA NYID DAG STE, ,DON PHYIR YANG DAG MI RTOG PHYIR, ,GNYIS PO MED PA'I PHYIR BSHAD DO, ,ZHES GANG GSUNGS PA LTA BU'O, ,DE GNYIS YANG KHAMS GSUM PA'I SEMS DANG SEMS LAS BYUNG BA YIN TE, DE LA DON GYI NGO BO LA DMIGS PA'I SEMS SO, ,KHYAD PAR LA DMIGS PA NI SEMS LAS BYUNG BA STE, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES GSUNGS SO, ,YANG DE NI RNAM PA GSUM STE KUN GZHI RNAM PAR SHES PA DANG, NYON MONGS PA CAN GYI YID DANG, 'JUG PA'I RNAM PAR SHES PA'O, ,DE LA KUN NAS NYON MONGS PA'I CHOS THAMS CAD KYI SA BON @139A *, ,GYI RTEN DU GYUR PAS KUN GZHI YIN LA RANG GI NGO BO LA NYE BAR DMIGS PAS RNAM PAR SHES PA'O, ,BDAG TU RMONGS PA DANG, BDAG TU LTA BA DANG, BDAG LA CHAGS PA DANG, BDAG TU NGA RGYAL BA STE, NYON MONGS PA BZHI PO DE DAG DANG RTAG TU MTSUNGS PAR LDAN PAS NYON MONGS PA YIN LA, ,BDAG GO ZHES RTAG TU RLOM PA'I BDAG NYID YIN PAS YID DO, ,YANG DANG YANG DU 'BYUNG BAS 'JUG PA YIN LA, YUL LA NYE BAR DMIGS PAS RNAM PAR SHES PA'O, ,DE LA DANG PO NI LUS DANG, GNAS DANG, LONGS SPYOD DU SNANG BA STE, LUS NI DBANG PO RNAMS SO; ;GNAS NI SNOD KYI 'JIG RTEN NO, ,LONGS SPYOD PA NI YUL LNGA STE, DE'I SNANG BA NI DE'I RNAM PA CAN NO, ,'JUG PA'I RNAM PAR SHES PA NI RNAM PAR SHES PA'I TSOGS DRUG GO, ,YANG DAG PA MA YIN PA'I KUN TU RTOG PA NI, ,YANG RNAM PA BZHI STE, DON DU SNANG BA DANG, SEMS CAN DU SNANG BA DANG, BDAG TU SNANG BA DANG, RNAM PAR RIG PAR SNANG BA'I RNAM PAR SHES PA STE BZHI PA'O, ,DE LA LONGS SPYOD DANG GNAS SU SNANG BA'I KUN GZHI RNAM PAR SHES PA NI DON DU SNANG BA'O, ,GANG LUS SU SNANG BA DE NI SEMS CAN DU SNANG BA'O, ,GANG NYON MONGS PA CAN GYI YID DE NI BDAG DU SNANG BA STE, KUN GZHI RNAM PAR SHES PA NYID LA DES BDAG TU 'DZIN PA'I PHYIR RO, ,'JUG PA'I RNAM PAR SHES PA GANG YIN PA DE NI RNAM PAR RIG PAR SNANG STE, YUL RNAMS 'DZIN PAR SNANG BA'I PHYIR RO, ,YANG DAG PA MA YIN PA'I KUN TU RTOG PA RNAM PA GNYIS DANG, RNAM PA DRUG TU YANG 'GYUR TE, JI LTAR RNAM PA GNYIS YIN ZHE NA, GZUNG BA'I MTSAN NYID DANG, 'DZIN PA'I MTSAN NYID DE, GZUNG BA DANG 'DZIN PA'I MTSAN NYID DU SNANG BA'I PHYIR RO, ,JI LTAR RNAM PA DRUG YIN ZHE NA, DE DAG NYID SO SOR RNAM PA GSUM GSUM DU BYAS PA STE, LUS DANG GNAS DANG LONGS SPYOD DU SNANG BA DANG, YID DANG NYE BAR 'DZIN PA DANG, RNAM PAR RTOG PA RNAMS SO, ,DE LA YID NI NYON MONGS PA CAN GYI YID DO, ,NYE BAR 'DZIN PA NI 'JUG PAR SHES PA LNGA RNAMS SO, ,RNAM PAR RTOG PA NI YID KYI RNAM PAR SHES PA STE, ,GCIG TU RNAM PAR RTOG PA'I NGO BO NYID @139B YIN PA'I PHYIR RO, ,YANG DAG PA MA YIN PA'I KUN DU RTOG PA NI RNAM PA BRGYAD DU YANG 'GYUR TE, KUN GZHI DANG, NYON MONGS PA CAN GYI YID DANG, 'JUG PA'I RNAM PAR SHES PA DRUG STE, BRGYAD DO, ,YANG DAG PA MA YIN PA'I KUN TU RTOG PA DE DAG NI, ZAG PA DANG BCAS PA'I 'DU BYED THAMS CAD DANG, KUN NAS NYON MONGS PA THAMS CAD DANG, 'KHOR BA THAMS CAD KYANG YIN NO, ,YONGS SU GRUB PA'I NGO BO NYID GANG YIN PA DE NI, YANG DAG PA MA YIN PA'I KUN TU RTOG PA'I STONG PA NYID KYI NGO BO YIN NO, ,GANG GIS STONG ZHE NA, GNYIS KYIS TE, GZUNG BA DANG 'DZIN PAR KUN TU RTOG PAS SO, ,STONG PA DE'I MTSAN NYID NI YANG DAG PA MA YIN PA'I KUN TU RTOG PA GANG YIN PA LA GNYIS SU MED PA DANG, GNYIS SU BYAR MED PA'I NGO BO YIN PAR DGONGS SO, ,GANG GI PHYIR STONG PA NYID 'DI NI, ,GNYIS KYI DNGOS PO MED PAS DNGOS PO MA YIN LA, , GNYIS PO MED PA'I NGO BO YIN PA DE'I PHYIR MED PA YANG MA YIN NO, ,'PHAGS PA DGONGS PA NGES PAR 'GREL PA LA SOGS PA LAS, DE NI 'DU BYED RNAMS LAS GZHAN NAM, GZHAN MA YIN PA MA YIN PAR GSUNGS TE, 'DI LTAR GAL TE DE DAG LAS GZHAN MA YIN PAR GYUR NA, BYIS PA RNAMS KYI 'DU BYED RNAMS MTHONG BAS NA, STONG PA NYID KYANG 'THONG BAR 'GYUR LA, DES NA BDEN PA MTHONG BAS DGRA BCOM PA NAS YANG DAG PAR RDZOGS PA'I SANGS RGYAS YI BAR DU 'GYUR RO, ,GZHAN YANG 'DU BYED RNAMS KUN NAS NYON MONGS PA YIN PA DE BZHIN DU, STONG PA NYID KYANG KUN NAS NYON MONGS PAR 'GYUR LA, STONG PA NYID RTAG PA BZHIN DU 'DU BYED RNAMS KYANG RTAG PAR 'GYUR BA DANG, JI LTAR STONG PA NYID RNAMS LA BYE BRAG MED PA DE BZHIN DU, DE RNAMS KYI RANG GI MTSAN NYID KYANG BYE BRAG MED PAR 'GYUR RO, ,GZHAN YANG RNAL 'BYOR PA RNAMS KYIS STONG PA NYID LAS MCHOG TU GYUR PA'I DE KHO NA NYID BTZAL DU MED PA DE BZHIN DU, 'DU BYED KYI MTSAN NYID LAS MCHOG TU GYUR PA'I DE KHO NA NYID BTZAL DU MED PAR 'GYUR BAS, DE'I PHYIR DE NI DE RNAMS LAS GZHAN MA YIN PA MA YIN NO, ,GZHAN PA YANG MA YIN TE GANG LAS SHE NA, GANG GI @140A *, ,PHYIR DE NI DE RNAMS KYI BDAG MED PA TZAM STE, DUNG GI DKAR BA BZHIN DU, RANG BZHIN MED PA TZAM YIN PA'I PHYIR RO, ,GZHAN YANG DE RNAMS LAS GZHAN PAR 'GYUR NA, BDEN PA MTHONG BA RNAMS KYIS KYANG 'DU BYED RNAMS KYI MTSAN MA ZIL GYIS GNON PAR MI 'GYUR LA, DES NA MTSAN MA'I 'CHING BA DANG, GNAS NGAN LEN GYI 'CHING BA LAS 'GROL BAR MI 'GYUR RO, ,DES NA MYA NGAN LAS 'DAS PA DANG, YANG DAG PA'I SANGS RGYAS KYI BAR 'DI DAG TU YANG MI 'GYUR RO, ,GZHAN YANG 'DI NI 'DU BYED RNAMS KYI SPYI'I MTSAN NYID DU YANG MI 'GYUR LA KUN NAS NYON MONGS PA DANG RNAM PAR BYANG BA'I MTSAN NYID DAG KYANG CIG CAR THA DAD PAR 'GYUR RO, ,DE BAS NA 'DI NI DE DAG LAS GZHAN MA YIN TE, GANG YANG, GNYIS DNGOS MED PA'I DNGOS PO YI, ,DNGOS PO STONG PA'I MTSAN NYID DE, ,DNGOS PO MA YIN DNGOS MED MIN,, THA DAD GCIG GI MTSAN NYID MIN, ,ZHES GSUNGS SO, ,DE LTA BU'I STONG PA NYID KYI MTSAN NYID JI LTA BA BZHIN DU, MING GI RNAM GRANGS NI, DE BZHIN NYID DANG, YANG DAG PA'I MTHA' DANG, MTSAN MA MED PA DANG, DON DAM PA DANG, CHOS KYI DBYINGS DANG, CHOS NYID CES BYA BA DAG YIN NO, ,DES NA RNAM GRANGS KYI DON NI 'GYUR BA MED PAS NA DE BZHIN NYID DE DUS THAMS CAD DU GNAS PA'I PHYIR RO, ,YANG DAG PA NI DE KHO NA NYID YIN LA, DE'I MTHA' NI MCHOG TU GYUR PA STE, DES NA YANG DAG PA'I MTHA'O, ,'DI LA MTSAN MA RNAMS MED PAS NA MTSAN MA MED PA STE, SPROS PA'I MTSAN MA THAMS CAD NUB PAS DE LA DMIGS PA'I PHYIR RO, ,DAM PA NI 'JIG RTEN LAS 'DAS PA'I YE SHES YIN LA, DON NI DE'I YUL YIN TE, DES NA DON DAM PA'O, ,CHOS NI 'PHAGS PA'I CHOS RNAMS SO, ,DE RNAMS KYI RGYU YIN PAS NA DBYINGS TE, DE LA DMIGS PAS DE RNAMS SKYE BA'I PHYIR CHOS KYI DBYINGS SO, ,DNGOS PO RNAMS KYI CHOS KYI RANG BZHIN YIN PAS NA CHOS NYID DO, ,DE LA DE'I DBYE BA BRJOD DE, ,SNGON GYI GNAS SKABS SU NI KUN NAS NYON MONGS PA 'DE'I BDAG NYID LA YIN PA'I GLO BUR GYI DRI MA CAN YANG YIN LA, PHYIS NI 'PHAGS PA'I LAM GYIS @140B DE RNAMS SPANGS PAS RNAM PAR DAG PAR 'GYUR ZHING DRI MA MED PA YIN TE, DPER NA CHU'I KHAMS DANG GSER DANG NAM MKHA' RNAMS RANG BZHIN DAG PA LA GLO BUR GYI RNYOG PA ZANGS DANG KHUG RNA LA SOGS PAS DRI MA CAN DU GYUR PA DE RNAMS DANG BRAL BA BZHIN NO, ,DE BAS NA DE NI KUN NAS NYON MONGS PA YANG MA YIN LA, ,MA DAG PA YANG MA YIN TE, SEMS KYI CHOS NYID RANG BZHIN GYIS 'OD GSAL BA'I PHYIR KUN NAS NYON MONGS PA YANG MA YIN LA, DAG PA YANG MA YIN TE, GLO BUR GYI DRI MAS SBAGS PA'I PHYIR RO, ,DE YANG, DE NI DRI BCAS DRI MA MED, ,KUN NAS NYON MONGS RNAM PAR DAG ,CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG DE MA GYUR, ,'BAD PA 'BRAS BU MED PAR 'GYUR, ,NYON MONGS MA YIN MI MONGS MIN, ,DE NI DAG DANG MA DAG MIN, ,SEMS KYI RANG BZHIN 'OD GSAL BA, ,NYON MONGS RNAMS NI GLO BUR PHYIR, ,ZHES GSUNGS PA'O, ,RNAM PAR SHES PA BRGYAD BSTAN PA DE DAG LAS, GANG ZHIG JI LTAR JI SRID DU 'KHOR BAR 'JUG CE NA, RE ZHIG KUN GZHI RNAM PAR SHES PA NI DGE BA'I LAS KYIS BDE 'GROR SMIN LA MI DGE BAS NI NGAN 'GROR SMIN TE, SNGON GYI LAS RNAM PAR SMIN PA ZAD NAS, GZUNG BA DANG, 'DZIN PA LA MNGON PAR ZHEN PA'I BAG CHAGS DANG BCAS PA'I LAS KYI BAG CHAGS KYIS BSKYED DE, BSKYED NAS KYANG CHU BO'I RGYUN BZHIN DU JI SRID 'TSO'I BAR DU 'JUG PAR 'GYUR LA, DE'I 'OG TU YANG GZHAN DU DE BZHIN DU SKYES NAS RGYUN TU 'JUG PAR 'GYUR TE, BCOM LDAN 'DAS KYIS, LEN PA'I RNAM PAR SHES PA ZAB CING PHRA, ,CHU RGYUN BZHIN 'BAB SA BON THAMS CAD PA, ,BDAG TU RTOG PAR GYUR NA MI RUNG ZHES, ,'DI NI BYIS PA RNAMS LA NGAS MA BSTAN, ZHES GSUNGS TE, DE NI DGRA BCOM PA NYID LA LDOG PAR 'GYUR RO, ,NYON MONGS PA CAN GYI YID NI KUN GZHI RNAM PAR SHES PA DE NYID LAS SKYES NAS 'JUG PAR 'GYUR TE, 'JIG RTEN LAS 'DAS PA'I LAM MNGON DU BYAS PA DANG, 'GOG PA'I @141A *, ,SNYOMS PAR 'JUG PA NA LDOG PAR 'GYUR LA, DE DAG LAS LANGS NAS KYANG KUN GZHI NYID LAS 'JUG PAR 'GYUR TE, DGRA BCOM PA NYID LAS THAMS CAD DU LDOG PAR 'GYUR RO, ,YID KYI RNAM PAR SHES PA YANG SKAD CIG RE RE ZHING KUN GZHI LAS BYUNG NAS 'JUG PAR 'GYUR LA SEMS MED PA'I GNYID DANG, BRGYAL BA DANG, 'DU SHES MED PA'I SNYOMS PAR 'JUG PA DANG, 'DU SHES MED PA DANG, 'GOG PA'I SNYOMS PAR 'JUG PA DAG LAS MI SKYE'O, ,RNAM PAR SHES PA LHAG MA LNGA NI CHU LAS RLABS DANG 'DRA BAR KUN GZHI NYID LAS RKYEN JI LTA BA BZHIN DU CIG CAR RAM, RIM GYIS 'BYUNG BAR 'GYUR TE, KUN GZHI RNAM PAR SHES PA DE NYID SA BON THAMS CAD KYI RTEN YIN PA'I PHYIR RO, ,DE LTAR 'KHOR BA JI SRID PA'I BAR DU'O, ,JI LTAR NA MYA NGAN LAS 'DAS PAR 'GYUR ZHE NA, 'DIR RNAL 'BYOR PA RNAMS BSGOMS PA'I STOBS KYIS 'JIG RTEN LAS 'DAS PA'I YE SHES SKYE BAR 'GYUR RO, ,DE YANG NYAN THOS DANG, RANG SANGS RGYAS RNAMS NI CHOS THAMS CAD LA BDAG DANG BDAG GI RANG BZHIN GYIS STONG PAS DMIGS LA, BYANG CHUB SEMS DPA' RNAMS NI GZUNG BA DANG 'DZIN PA'I RANG BZHIN GYIS STONG PAS KYANG DMIGS SO, ,DE LTAR BSGOMS PAS DANG PO SKYES PA'I YE SHES DE NI DON DAM PA'I BDEN PA MA MTHONG BA LAS MTHONG BA'I LAM ZHES BRJOD DO, ,DE'I 'OG TU DE NYID YANG DANG YANG MNGON DU BYED PA RNAMS NI BSGOM PA'I LAM ZHES BYA STE, MTHONG BA'I LAM DANG, BSGOM PA'I LAM 'DI DAG GIS SPANG BAR BYA BA'I NYON MONGS PA THAMS CAD KYI BAG LA NYAL YANG DAG PAR BCOM PAS, NYAN THOS DANG RANG SANGS RGYAS DAG NI DGRA BCOM PAR 'GYUR LA BYANG CHUB SEMS DPA' RNAMS NI SA BCU RNAMS LA JI LTAR RIGS PAR NYON MONGS PA'I BAG LA NYAL SPANGS PA DANG, SHES BYA'I SGRIB PA'I BAG CHAGS GANG GI TSE YANG DAG PAR BCOM PAR BYAS PA DE'I TSE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR TE, DGRA BCOM PA 'DI GSUM LA KUN GZHI RNAM PAR SHES PA LDOG PAR 'GYUR RO, ,LOG PA JI LTA BU @141B ZHIG CE NA, GNAS GYUR PA STE SEMS KYI RGYUN GYI MTSAN NYID KUN NAS NYON MONGS PA'I GNAS SU GYUR PA'I CHA LOG NAS RNAM PAR BYANG BA'I CHA NAM MKHA' JI SRID PA'I BAR DU 'JUG PA STE, KUN NAS NYON MONGS PA'I CHOS THAMS CAD KYI SA BON DU GYUR PA'I BAG CHAGS YANG DAG PAR BCAD PAS, KUN GZHI RNAM PAR SHES PA DE'I DNGOS PO DE'I GNAS SU GYUR PA SPANGS PA NI SA BON ZAD PAS KUN NAS NYON MONGS PA'I CHOS THAMS CAD SKYE BAR MI 'GYUR TE, DE'I TSE RTEN DE NI NAM MKHA' LTAR RO GCIG PA NYID KYIS ZAG PA MED PA'I DBYINGS ZHES BRJOD LA, SA BON ZAD PAS LUS DANG, GNAS DANG LONGS SPYOD DU SNANG BA'I RNAM PAR SHES PA SKYE BAR MI 'GYUR TE, RNAM PAR GROL BA'I SKU ZHES BYA BAR YANG BRJOD DO, ,DE NYID KYIS NA SANGS RGYAS BCOM LDAN 'DAS RNAMS KYI RNAM PAR GROL BA'I SKU NI NYAN THOS DANG, RANG SANGS RGYAS DAG LAS BYE BRAG MED DE, THAMS CAD KYI RNAM PAR GROL BA'I SKU SHEL DAG PA LTA BU KHYAD PAR MED PA'I PHYIR RO, ,CHOS KYI SKU NI DE DAG LAS KHYAD PAR 'PHAGS TE, 'DI LTAR SANGS RGYAS RNAMS NI RNAM PAR GROL BA'I SKU THAMS CAD DU GNAS GYUR PA DAG NI KUN NAS NYON MONGS PA ZAD PA'I PHYIR RO, ,YANG DAG PAR RDZOGS PA'I SANGS RGYAS KYI CHOS KYI GZHIR GYUR PAS CHOS KYI SKU YANG YIN TE, CHOS KYI SKU NI SANGS RGYAS KYI CHOS RNAMS KYI RTEN BYED PAS SO, ,CI'I PHYIR DE RNAMS KYI RTEN YIN ZHE NA, DPAG TU MED PA'I BSOD NAMS DANG YE SHES KYI TSOGS DANG, SMON LAM GYI STOBS BSKYED PA'I PHYIR RO, ,CHOS KYI SKUS KHYAD PAR DU GYUR PAS NA LONGS SPYOD RDZOGS PA'I SKU DANG, SPRUL PA'I SKUS BSDUS PA'I SANGS RGYAS KYI CHOS DPAG TU MED PAS, DE DAG LAS KHYAD PAR DU 'PHAGS PA NI 'DI LTA STE, DPER NA NYI MA DANG ZLA BA'I CHU SHEL DANG ME SHEL NI NOR BU GZHAN DAG DANG, DAG PA TZAM DU KHYAD PAR MED MOD KYI, 'OD ZER GYIS KHYAD CHES 'PHAGS PA YIN TE, BDAG NYID CHEN PO'I SEMS CAN DE DAG GI BYIN GYI RLABS DANG, SEMS CAN RNAMS KYI LAS BDAG POR GYUR PA'I PHYIR RO, ,CI STE SANGS RGYAS DANG BYANG CHUB SEMS DPA' RNAMS KYI 'JIG RTEN LAS 'DAS @142A *, ,PA'I YE SHES LA CHOS THAMS CAD JI LTAR SNANG ZHE NA, NAM MKHA' DRI MA MED PA 'BA' ZHIG MTHA' MED PA DANG 'DRA BAR, DE BZHIN NYID KYI RO GCIG TU SNANG NGO, ,DE CI'I PHYIR ZHE NA, CHOS THAMS CAD DANG, CHOS KYI MTSAN MA RNAMS DER NUB PA'I PHYIR RO, , DE LTAR NA CHOS RNAMS SNA TSOGS PA YIN BZHIN DU, 'JIG RTEN LAS 'DAS PA'I YE SHES RNAM PA GCIG TU SNANG BAS, 'KHRUL PA NYID KYIS YANG DAG PA'I YE SHES MA YIN PAR 'GYUR RO ZHE NA, DE'I PHYIR 'DI THAMS CAD BRDZUN PA NYID YIN TE, YANG DAG PA MA YIN PA'I KUN DU RTOG PAS, MING DANG MTSAN MAR BTAGS PAR ZAD DO, ,PHYIN CI MA LOG PA LA DGOD PA LAS GSUNGS PA, BYAMS PA DE LTAR NA NI 'DI DAG RNAM PAR RTOG PA TZAM STE, 'DI LTA STE, 'DU BYED RNAMS KYI DNGOS PO'I MTSAN MA GANG DU, GANG 'DI GZUGS ZHES BYA BA NAS, SANGS RGYAS KYI CHOS KYI BAR ZHES BYA BA GLO BUR GYI MING GIS BRJOD CING BTAGS PA 'DI NI RNAM PAR RTOG PA TZAM MO, ,YANG DE DAG RNAM PAR MI RTOG A'I DBYINGS SU ZHUGS TE, RNAM PAR RTOG PA RNAMS DANG BRAL BA NA YOD PA'AM MED PA DE DAG NI CI ZHIG TU DMIGS PAR 'GYUR NA, GANG 'DI GZUGS ZHES BYA BA NAS, SANGS RGYAS KYI CHOS ZHES BYA BA'I BAR GYI GLO BUR GYI MING DU BRJOD PA 'DI DAG GANG DU 'DOGS PAR BYED CES GSUNGS TE, GANG GI PHYIR 'DIR RNAM PAR MI RTOG PA LA MI DMIGS PAS, 'DI DAG RNAM PAR RTOG PA TZAM YIN PA'I PHYIR MING DANG MTSAN MA 'DI KUN RDZOB YIN PAR GSAL BAR MDZAD DO, ,GCIG DANG DU MA'I RANG BZHIN DANG BAL BA'I PHYIR YANG BRDZUN PA NYID YIN TE, 'PHAGS PA LANG KAR GSHEGS PA LAS JI SKAD DU, JI LTAR ME LONG LA NI GZUGS, ,GCIG DANG GZHAN PA RNAMS SPANGS PA, ,SNANG YANG DE NA YOD MA YIN, ,DE BZHIN DNGOS RNAMS NGO BO NYID, , CES GSUNGS TE, 'DIR NGO BO'I SGRAS NI MTSAN MA'I NGO BO BSTAN TE, RANG GI MTSAN NYID RNAMS KYI DBYE BA RNAM PAR GZHAG PA NI MTSAN MA'I DBYE BA LA RAG LAS PA'I PHYIR RO, ,DE BAS NA CHOS THAMS CAD SEMS TZAM DANG, RNAM PAR SHES PA TZAM DANG, GSAL BA TZAM YIN PAS RNAM PAR @142B RIG PA'I GZUNG BA PHYI ROL GYI DON YOD PA MA YIN PAS, RNAM PAR RIG PA RNAMS KYANG 'DZIN PA'I RANG BZHIN DU YOD PA MA YIN TE, 'DI GNYIS NI YID KYIS MNGON PAR BRJOD PA'I PHYIR CHOS THAMS CAD KYI KUN BRTAGS PA'I RANG BZHIN YIN NO, ,GANG LA BRTAGS SHE NA, DON MED PAR YANG KUN DU BRTAGS PA'I NGO BO NYID LA MNGON PAR ZHEN PA'I BAG CHAGS LAS SKYES PA'I DON DU SNANG BA'I YANG DAG PA MA YIN PA'I KUN TU RTOG PA LA'O, ,YANG DAG PA MA YIN PA'I KUN TU RTOG PA DE NI CHOS RNAMS KYI GZHAN GYI DBANG GI NGO BO NYID DANG, 'KHRUL PA DANG, PHYIN CI LOG DANG, LOG PA'I SHES PA YANG YIN NO, ,'DI LTAR DE'I GZUNG BA DANG, 'DZIN PA'I RNAM PA NI 'KHRUL PA DANG, BSLAD PA'I DBANG 'BA' ZHIG GI SNANG BAS BRDZUN PA'I PHYIR, YANG DAG PA MA YIN PA'I KUN DU RTOG PA DE LA DE SKAD CES BYA STE, DE'I RANG BZHIN DE NI YANG DAG PA MA YIN PA'O, ,YANG DAG PA NYID GANG YIN ZHE NA, BSAL BA TZAM MO, ,DE NYID KYIS NA RNAM PA DE NI 'KHRUL PA'I MTSAN MA DANG, SPROS PA'I MTSAN MA ZHES BYA BAR BRJOD DE, 'KHRUL PA'I DMIGS PA YIN PA'I PHYIR RO, ,GNYIS KYI MTSAN MA ZHES KYANG BYA STE, GNYIS LTAR SNANG BA'I PHYIR RO, ,SPROS PA'I MTSAN MA DE THAMS CAD 'JIG RTEN LAS 'DAS PA'I YE SHES LA 'GAG PAR 'GYUR LA, DES NA DE NI MA 'KHRUL PA DANG, YANG DAG PA'I YE SHES SU YANG BRJOD DO, ,DE NYID KYI PHYIR DE YANG YONGS SU GRUB PA'I NGO BO NYID YIN TE, MA 'KHRUL PA NYID KYIS DE YONG SSU GRUB PA'O, ,PHYIN CI MA LOG PAR YONGS SU GRUB PAS NA YONGS SU GRUB PA'O, ,DE BZHIN NYID NI GANG GI PHYIR 'GYUR PA MED PA NYID DU YONGS SU GRUB PAS, MI 'GYUR BA'I YONGS SU GRUB PA'I NGO BO NYID DO, ,'DIR GZHAN ZHES BYA BA NI THOG MA MED PA'I PHYIR RNAM PAR MI RTOG PA'I RGYU LA BYA LA, YANG DAG PA'I YE SHES NI TSU ROL TE, DA LTAR GOMS PA'I RGYU LAS BYUNG BA'I PHYIR, YANG DAG PA MA YIN PA'I KUN DU RTOG PA KHO NA GZHAN GYI DBANG YIN GYI YANG DAG PA'I YE SHES NI MA YIN NO, ,DE LA KUN DU BRTAGS PA'I CHOS DANG, SPROS PA'I MTSAN MA RNAMS LA NI RGYU DANG 'BRAS BU DGAG PAR BYA STE, DE RNAMS BRDZUN PA YIN PA'I PHYIR RO, ,GZHAN @143A *, ,DU NA SEMS DANG SEMS LAS BYUNG BA GSAL BA'I LUS CAN RNAMS NI DAG PA MA YIN TE, 'PHAGS PA LANG KAR GSHEGS PA LAS JI SKAD DU, ,RGYU DANG RKYEN NI BZLOG PA DANG, ,BYED PA YANG NI BKAG PA YIS, ,SKYE BA MED PAR NGAS BSHAD DE, ,SEMS TZAM DU NI RNAM PAR GZHAG ,CES GSUNGS SO, ,KLU SGRUB KYI ZHAL SNGA NAS KYANG, DNGOS RNAMS SKYE BA YOD MIN ZHING, ,'GAG PA'ANG GANG NA YOD MIN TE, ,SHES PA 'DI NYID KHO NA NI, ,SKYE ZHING 'GAG PAR 'GYUR PA YIN, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,YE SHES KYIS NI DE BRAL NA, ,LOG PAR RNAM BRTAGS CIS MA YIN, ,ZHES BYA BAS 'DI THAMS CAD GSUNGS TE, 'BYUNG BA CHEN PO LA SOGS PA GANG GSUNGS PA DE DAG RNAM SHES SU YANG DAG PAR 'DU BA STE, DE'I NANG DU GTOGS PAR 'GYUR TE, PHYI ROL GYI 'BYUNG BA CHEN PO LA SOGS PA MED PA BZHIN DU YANG BYIS PA RNAMS DER SNANG BA'I RNAM PAR SHES PA SKYE LA, SHIN TU MA 'KHRUL PA'I YE SHES KYIS DE NUB PAR GYUR PAS, LOG PAR BRTAGS TE 'KHRUL PA'I RTOG PAS SNGAR GYI DUS SU BRTAGS PA NYID KYI PHYIR, BRDZUN PA NYID YIN NO ZHES BYA BA NI TSIGS SU BCAD PA GNYIS PA'I DON YIN NO, ,DE NYID KYIS NA RNAL 'BYOR SPYOD PA PA RNAMS DANG, DBU MA PA GRUB PA'I MTHA' MTSUNGS PA YIN NO, ,CHA 'DI TZAM GYIS NI THA DAD PA YIN TE, RNAL 'BYOR SPYOD PA PA RNAMS NI BYIS PAS GZUNG BA'I CHOS RNAMS BRDZUN PA'I PHYIR YOD PA MA YIN LA, RGYUD DANG 'BRAS BUR NGES PA DANG, GNYUG MA'I RNAG BZHIN RANG RIG PA 'KHRUL PA DANG BRAL BAS GSAL BA'I LUS NI, BDEN PA KHO NAR 'DOD DO, ,DBU MA PA RNAMS NI, RGYU DANG 'BRAS BU SNANG BA'I RANG BZHIN DANG, SO SO RANG GIS RIG PA 'KHRUL PA'I MTSAN MA RNAMS SGRO BTAGS PA MA YIN PA RNAL MA BSAL BA'I LUS KYI CHOS RNAMS KYANG SHIN TU PHRA BA BRTAGS MI BZOD PAS YOD PA YANG MA YIN LA, MED PA YANG MA YIN PAR 'DOD DO, ,GANG YANG KHA CIG CHOS RNAMS KYI GSAL PA'I RANG BZHIN JI LTA BA DE BZHIN DU SNGON PO LA SOGS PA'I RNAM PA LA YANG DE BZHIN NO ZHES ZER BA DE NI, LUNG DANG RIGS PA @143B DANG BRAL BA'I PHYIR 'THAD PAR 'OS PA MA YIN NO, ,GANG YANG DBU MA PA KHA CIG NA RE KUN RDZOB SEMS DANG SEMS LAS BYUNG BA YOD PA DE BZHIN DU, PHYI ROL DON KYANG YOD PA MA YIN LA, DON DAM PAR SEMS DANG SEMS LAS BYUNG BA RNAMS KYANG RANG BZHIN GYIS 'KHRUL PA'I PHYIR, RANG RIG PA'I NGO BOR YOD PA MA YIN TE, BYANG CHUB SEMS DPA' RNAMS KYIS, SEMS CAN THAMS CAD KYI DON RNAM PAR THAMS CAD DU LHUN GYIS GRUB PAR BYA BA'I PHYIR YID BZHIN GYI NOR BU LTAR GZUGS KYI SKU BYIN GYIS BRLABS NAS BZHAG STE, YANG DAG PAR RDZOGS PA'I BYANG CHUB MNGON SUM DU MDZAD DO, , DE YANG GANG GI PHYIR JI LTAR CHOS THAMS CAD DON DAM PAR SHIN TU MED PA DE BZHIN DU, SEMS DANG SEMS LAS BYUNG BA THAMS CAD KYANG DON DAM PAR SHIN TU MED PAS, SEMS DANG SEMS LAS BYUNG BA RNAMS SHIN TU 'GAGS PA NI RJES SU MTHUN PAS YANG DAG PAR RTOGS PA YIN TE, GZHAN LA DE NI MI RUNG BA'I PHYIR RO ZHES ZER BA DE NI LUNG DANG BSTAN BCOS THAMS CAD DANG, TSAD MA RNAMS LAS PHYI ROL DU GYUR PA YIN PAS LAM NGAN PA DE LTA BU DE DAG NI THAG BSRINGS TE SPANG BAR BYA'O, ,CI STE KUN RDZOB KYI BDEN PA GANG YIN ZHE NA, BYIS PA RNAMS KYI YUL DU GYUR PA'I DON NO, ,DON DAM PA'I BDEN PA GANG ZHE NA, 'PHAGS PA RNAMS KYI YUL DU GYUR PA'I DON NO, ,GNYI GA LA YANG RNAM PAR GSUM GSUM STE, BRTAGS PA'I KUN RDZOB NI KUN BRTAGS PA'I NGO BO NYID DE THA SNYAD TZAM YIN PA'I PHYIR RO, ,RTOG PA'I KUN RDZOB NI GZHAN GYI DBANG GI NGO BO NYID DE LOG PA'I SHES PA YIN PA'I PHYIR RO, ,GSAL BAR BYED PA'I KUN RDZOB NI, YONGS SU GRUB PA'I NGO BO NYID DE, DE NI MTSAN MAR GYUR PA DE LAS YONGS SU GRUB PA'I NGO BO NYID STON PA'I PHYIR RO, ,DE LA DON DAM PA NI, STONG PA NYID DE YE SHES DAM PA'I YUL YIN PA'I PHYIR RO, ,THOB PA DON DAM PA NI MYA NGAN LAS 'DAS PA STE, YE SHES DAM PA'I 'BRAS BU YIN PA'I PHYIR RO, ,RTOG PA DON DAM PA NI YANG DAG PA'I YE SHES TE, 'DI LA DON DAM PA YOD PAS ZHES BYA BA'I PHYIR RO, ,GANG YANG MDO LAS SEMS DE NI SEMS MA YIN TE, DE NI YOD PA DANG MED PA LAS 'DAS PA'I PHYIR RO ZHES GSUNGS PA, DE'I DON NI @144A *, ,GSAL BA'I RANG BZHIN YIN PA DE'I PHYIR SEMS TZAM MO, ,'DZIN PA'I NGO BO MED PA'I PHYIR SEMS MA YIN NO, ,DE BZHIN DU 'DZIN PA'I MTSAN NYID KYIS NI YOD PA MA YIN NO, ,GSAL BA'I MTSAN NYID KYIS SEMS MED PA YANG MA YIN NO ZHES BYA BA 'DI YIN NO, ,DE SKAD DU 'PHAGS PA LANG KAR GSHEGS PA LAS, ,BLO YIS RNAM PAR GZHIGS NA NI, ,NGO BO NYID DU GZUNG DU MED, ,DE PHYIR DE DAG BRJOD MED DANG, ,RANG BZHIN MED PAR BSTAN PA YIN, ,BLO YIS RNAM PAR DPYAD NA NI, ,GZHAN DBANG MED CING KUN BRTAGS MED, ,YONGS SU GRUB PA DNGOS MED NA, ,BLO YIS JI LTAR RNAM PAR BRTAG, ,RANG BZHIN MED CING RNAM RIG MED, ,DNGOS PO MED CING KUN GZHI MED, ,BYIS PA'I RO DANG MTSUNGS PA YI, ,RTOG GE NGAN PAS 'DI DAG BRTAGS, ,DNGOS PO MTSAN MA RNAM RIG GI ,YID LDOG G-YO BA GANG YIN LAS, ,NGA YI SRAS RNAMS RAB 'DAS NAS, ,RNAM PAR MI RTOG PA YIS DPYOD, ,CES GSUNGS SO, ,'DI'I DON GANG YIN ZHE NA, 'DI'I DON BLO ZHES BYA BA NI BSAMS PA LAS BYUNG BA'I SHES RAB BO, ,NGO BO ZHES BYA BA NI CHOS RNAMS KYI RANG GI MTSAN NYID DE, GZUNG BA DANG 'DZIN PA GNYIS KYIS BSDUS PA'O, , DE NI ZHES BYA BA NI CHOS RNAMS TE, 'DI TZAM GYIS NI KUN BRTAGS PA'I NGO BO NYID MED PAR BSTAN TO, ,GANG GI PHYIR KUN BRTAGS PA MED PA DE BAS NA, ,RANG GI BLO LAS THA DAD PA'I GZUNG BA RNAM PAR DPYAD NA, GZHAN DBANG DANG YONGS SU GRUB PA'I NGO BO DAG KYANG KUN BRTAGS PA'I NGO BO NYID DU 'GYUR BAS MAD PA YIN NA, DE JI LTAR RNAL 'BYOR PA DON DAM PA DON DU GNYER BAS BLO BRTAG PAR BYA ZHING BSGOM PAR BYA STE, NUS PAR CI'I PHYIR MI BYA ZHES BYA BA'I DON TO, ,'DI NI TSIGS SU BCAD PA GNYIS PA'I DON TO, ,RANG BZHIN NI GNYIS KYI MTSAN MA'O, ,RNAM RIG DANG DNGOS PO NI GNYIS SO, , KUN GZHI'I MNGON PAR ZHEN PA'I YUL TE, KUN DU BRTAG PA BZHI PA NAS, DON DAM PA'I BAR DU THAMS CAD YOD PA MA YIN TE, BYIS PA RNAMS KYIS RNAM PAR BRTAGS PA 'BA' ZHIG TU ZAD DO, ,RO ZHES BYA BA NI 'PHAGS PA'I YE SHES MED PA'I PHYIR RO, ,RTOG GE NGAN PAS BRTAGS ZHES BYA BA @144B NI RNAM PAR RTOG PA LAS MA 'DAS PA'O, ,DE DAG NI RNAM PAR RTOG PA LAS MA 'DAS PA'I RNAL 'BYOR PA LA SMAD BA STE TSIGS SU BCAD PA GSUM PA'I DON TO, ,DE LAS 'DAS PA'I BSNGAGS PA NI TSIGS SU BCAD PA BZHI BA'I DON TO, ,THEG PA CHEN PO'I DON MDOR BSDUS PA NI 'DI YIN TE, 'PHAGS PA LANG KAR GSHEGS PA LAS JI SKAD DU, CHOS LNGA DANG NI RANG BZHIN DANG, ,RNAM PAR SHES PA BRGYAD NYID DANG, ,BDAG MED GNYIS KYI DNGOS POS NI, ,THEG PA CHEN PO MA LUS BSDUS, ,ZHES GSUNGS SO, ,DE LA CHOS LNGA NI MING DANG RGYU MTSAN DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES SO, ,'DIR YID KYI BRJOD PA LA GNAS PA'I SGRA NI MING NGO, ,DON NI RGYU MTSAN NO, ,RNAM PAR RTOG PA NI YANG DAG PA MA YIN PA'I KUN TU RTOG PA'O, ,DE BZHIN NYID NI STONG PA NYID DO, ,YANG DAG PA'I YE SHES NI 'JIG RTEN LAS 'DAS PA'I YE SHES SO, ,BDAG MED PA GNYIS NI, GANG ZAG LA BDAG MED PA DANG, CHOS LA BDAG MED PA'O, ,DE DAG NI JI LTA BA BZHIN DU GYUR PA'I THOS PA LAS BYUNG BA'I SHES RAB BO, ,BCOM LDAN 'DAS KYIS CHOS THAMS CAD NI RANG BZHIN MED PA'O ZHES GSUNGS PA 'DI JI LTA BU ZHE NA, GANG GI PHYIR GSUGS NI GZUGS KYI RANG BZHIN GYIS STONG ZHES BYA BA NAS, JI SRID SANGS RGYAS KYI CHOS KYI BAR NI SANGS RGYAS KYI CHOS RNAMS KYI RANG BZHIN GYIS STONG PA'O ZHES BYA BA'I BAR DU STE, GANG GI RANG BZHIN NYE BAR BZUNG NAS, 'DI GZUGS SO ZHES GZUGS KYI RANG GI NGO BO DANG MI PHYED PA NYID DU SKYE BO RNAMS KYIS RTOGS TE, GZUGS DE'I RANG BZHIN YIN PAS NA GZUGS NYID DO, ,DE YANG MING TZAM YIN PA'AM, MING DANG DBYER MED PA'I SPYI'I GZUGS NYID DU 'GYUR GRANG NA, DE LA MING GANG YIN PA DE NI, DE'I NGO BO MA YIN PA'I PHYIR DE NI DE'I RANG BZHIN GYIS STONG PA NYID DO, ,SPYI'I NGO BO NYID KYANG, SKAD CIG MA MA YIN PA NYID BKAG PAS RANG GI NGO BOR MED LA MING DANG THA MI DAD PA YANG SHIN TU MED PA YIN PAS GCIG TU GZUGS KYI NGO BO NYID MA YIN TE, GZUGS KYI RANG BZHIN DES GZUGS STONG PA NYID DO, ,DE BZHIN DU SANGS RGYAS KYI CHOS KYI BAR DU'O, ,CI STE DNGOS @145A *, ,PO'I NGO BO NYID KHO NA TSIG DANG RNAM PAR RTOG PA'I YUL DU GYUR PA YIN NA, DNGOS PO MED PAR DE DAG YOD PAR MI 'GYUR BAS, SNGON GYI DUS SU RGYAL PO MANG POS BKUR BA 'BYUNG NGO ZHES BYA BA DANG, MA 'ONGS PA'I DUS SU 'KHOR LOS SGYUR BA'I RGYAL PO DUNG ZHES BYA BA 'BYUNG BAR 'GYUR RO ZHES BYA BA LA SOGS PAR MI 'GYUR ZHING, BRDZUN DU SMRA BA DANG, LOG PAR ZHEN PAR YANG MED PAR 'GYUR LA, SGRA RTAG CES BYA BA DANG, MI RTAG CES BYA BA 'DOD PA THA DAD PAR YANG MI 'GYUR TE, RANG BZHIN 'GAL BA DAG NI GCIG LA MI RUNG BA'I PHYIR RO, ,DE BAS NA DNGOS PO RNAMS MING GIS NYE BAR MTSON PA'I RANG BZHIN MED PAS RANG BZHIN MED PA NYID DO, ,'DI SKAD DU 'PHAGS PA LANG KAR GSHEGS PA LAS, ,MING NI GANG DANG GANG DAG GIS, ,CHOS GANG ZHIG NI MNGON BRJOD PA, ,DE NI DE LA YOD MIN TE, ,CHOS RNAMS KYI NI CHOS NYID YIN, ,ZHES GSUNGS TE, 'DI'I BSHAD PA NI RAB TU BYED PA SUM CU PA LAS, RNAM PAR RTOG PA GANG GANG GIS, ,DNGOS PO GANG GANG RNAM BRTAGS PA, ,DE NYID KUN DU BRTAGS PA YI, ,RANG BZHIN YIN TE DE MED DO, ,ZHES GSUNGS SO, ,BCOM LDAN 'DAS KYIS KYANG, ,PHYI ROL GZUGS NI YOD MA YIN, ,RANG GI SEMS NI PHYI ROL SNANG,, ZHES BYA BA DANG, ,RGYAL BA'I SRAS DAG KHAMS GSUM PA 'DI NI SEMS TZAM MO ZHES GSUNGS TE, SEMS DANG, YID DANG, RNAM PAR SHES PA DANG, RNAM PAR RIG PA ZHES BYA BA NI RNAM GRANGS SO, ,DE LTAR GANG GI PHYIR CHOS THAMS CAD RNAM PAR RIG PA TZAM GYI RANG BZHIN YIN PA'I PHYIR RO, ,GZUNG BA DANG 'DZIN PA'I NGO BO NYID DANG BRAL BAS RANG BZHIN MED PA NYID DO, ,CI STE 'DI DAG RNAM PAR SHES PA TZAM GYI RANG BZHIN NO ZHES BYA BA 'DI LA RIGS PA CI YOD CE NA, BRJOD PAR BYA STE, 'DI LA CHOS RNAMS BDAG NYID KYIS GSAL BA'I NGO BO NYAMS SU MYONG BAS GRUB PA YIN LA, GSAL BA DE YANG RAB TU SNANG BA DANG, SO SOR SNANG BA DANG, GSAL BZHIN PA ZHES BYA'O, ,DE YANG BEMS PO YANG MA YIN STE, LKOG TU GYUR PA MA YIN ZHING YONGS SU GSAL BA'O, ,DE GRUB PA YIN NA NI, GANG YANG SNANG BAR MI 'GYUR BAS, THAMS CAD MA GRUB PAR THAL BAR 'GYUR RO, ,GRUB @145B NA NI DE NYID SHES PA YIN PAS CHOS THAMS CAD SHES PA'I RANG BZHIN DU GRUB PAR 'GYUR RO, ,'DIR SPYOD PA CAN DAG NA RE, GZUNG BA'I YUL GYI CHOS GSAL BA YIN ZHES BYA BA NI, BDAG NYID KYIS MYONG BAS BDEN NA, DE YANG SHES PAR BYA BA YIN GYI, SHES PA'I MTSAN NYID NI MA YIN NO ZHES ZER NA, DE YANG MA RIGS TE, GANG GI PHYIR GSAL BA'I BDAG NYID SO SOR NGES PA NYAMS SU MYONG NA, SNGON PO LA SOGS PA SO SOR SNYAMS SU MYONG BA GRUB KYI, DE LAS MA GTOGS PA'I RGYU STONG SNYED TSOGS PAR GYUR KYANG MA YIN NO, ,DE BAS NA 'DI THA DAD PAR 'JOG PAR BYED PA DANG, RGYU'I TSOGS KYI MTHAR THUG PA YIN PAS, MYONG BAR BYED PA'I BYED PA PO YIN PA NYID DE, 'DIS SHES PAR BYED PAS SHES PA ZHES BYA BA'AM, 'DI NYID RIG CING SHES PA'I NGO BO YIN PAS SHES PA YIN PAR RIGS SO, ,DE GNYI GAS CHOS THAMS CAD SHES PA'I RANG BZHIN GYI NGO BOR GRUB PA YIN TE, DE LAS MA GTOGS PA'I SHES PA SGRUB PA'I TSAD MA MED PA'I PHYIR, ,SHES PA'I RGYU RNAMS NYE BA LAS DE NYID SKYES PAR MTHONG BA'I PHYIR RO, ,RIGS PA CAN LA SOGS PA NA RE, GSAL BA DE BSTAN PA 'DI NI SHES BYA DANG, SHES PA'I CHOS KYI MTSAN NYID MA YIN TE, PHYI ROL GYI YUL LA SHES PA NANG NAS SKYES PAS GSAL BAR GYUR PA YIN LA, SHES PA LA YANG DE SHES PA SKYES PAS GSAL BAR GYUR PA'O ZHES ZER NA, DE YANG SHIN TU RIGS PA MA YIN TE, DON RNAMS KYI GSAL BA NYAMS SU MYONG BAS GRUB PA 'DI GSAL BAR NI TSANGS PAS KYANG MI NUS PA'I PHYIR DANG, DE MED PAR GYUR NA SNGON PO LA SOGS PA MYONG BAR BYA BA NI, BRGYA BYIN GYIS KYANG MI NUS TE, SHES PA SKYES PAR GYUR KYANG SNGON PO LA SOGS PA'I RANG BZHIN YONGS SU GSAL BA MA YIN PA LKOG TU GYUR PA DE BZHIN DU GNAS PA'I PHYIR RO, ,DE LTAR SHES PA LA YANG SHES PA GZHAN SKYES SU ZIN KYANG GSAL BA MA YIN PAS, SHES PA YANG GSAL BA MA YIN LA, 'GRO BA THAMS CAD LONG BA DANG, LKUGS PAR THAL PAR 'GYUR RO, ,MA YIN TE SHES PAS DON GSAL BAR MYONG NGO ZHES SMRAS SO ZHE NA, RNAM PAR SHES PA GSAL BA LAS THA DAD PAR 'GYUR LA, ,JI LTAR GSAL BAR 'GYUR, YONGS SU @146A *, ,BCAD PAS SO ZHE NA, GSAL BA MA YIN PAR JI LTAR GCOD PAR 'GYUR, CI STE GSAL BA YIN NO ZHE NA, GSAL BA DE NYID YONGS SU GSAL BA DANG, GSAL BZHIN BA DANG, MYONG BA ZHES BYA NA, GSAL BA DE JI LTAR SHAS BYA'I CHOS MA YIN, SHES BYA'I CHOS SU GRUB PA NYID KYIS NA LHAG MA SNGAR BSHAD PA BZHIN DU 'GYUR RO, ,GZHAN DAG NA RE SHES PA NI GSAL BA'I RANG BZHIN YIN PAS, RANG GI NGANG GIS GSAL BA YIN LA, YUL NI DE'I RANG BZHIN MA YIN PAS SHES PA DANG 'BREL PA'I DBANG GIS GSAL BAR 'GYUR RO ZHES ZER TE, DE DAG LTAR NA YANG DE'I RANG BZHIN MA YIN PAS GSAL BA MA YIN LA, GSAL BAR BYAS PAS GSAL BAR YANG GYUR ZHES BYA BA NI PHAN TSUN 'GAL BAR YANG 'GYUR RO, ,YANG JI LTAR 'BREL PAS DES DON RIG PAR 'GYUR, TSOGS PA GCIG LA RAG LAS PA'I 'BREL PAS BSDUS PAS SO ZHE NA, MIG KYANG MIG GI RNAM PAR SHES PAS RIG PAR 'GYUR RO, ,YUL MA YIN PAR 'GYUR RO ZHE NA, GSAL BA MED NA GZUGS KYANG JI LTAR YUL DU GYUR 'DIS YUL YIN PA'I PHYIR RIG GO ZHES BYA BA YANG GSAL TO, ,GZHAN DAG NA RE MAR ME'I 'OD REG PA'I BUM PA LA SOGS PA BZHIN DU, SHES PA'I GSAL BA DANG PHRAD PAS GSAL BAR 'GYUR RO ZHES ZER TE, DE'I LTAR NA YANG ME TOG DANG 'BRAS BU LA SOGS PA'I GZUGS MIG GI RNAM PAR SHES PAS MYONG BA DE NI DE'I DRI DANG RO DANG REG BYA YANG MYONG BAR 'GYUR TE, PHRAD PA LAS BYE BRAG MED PA'I PHYIR RO, ,GAL TE YUL MA YIN PA'I PHYIR RO ZHE NA, DE YANG BSHAD ZIN TO, ,DE'I PHYIR SNGON PO LA SOGS PA MYONG BA THAMS CAD NI SHES PA NYID YIN GYI PHYI ROL GZUNG BA'I DON NI MA YIN NO, ,MDO SDE PA RNAMS NA RE 'DI NI KHO BO CAG KYANG MI 'DOD PA MA YIN TE, RNAM PAR SHES PA THAMS CAD RNAM PA DANG BCAS PA YIN TE, 'DI LTAR DON GANG DAG GIS RNAM PAR SHES PA'I ME LONG LA GZUGS BRNYAN GZHAG PAR GYUR PAS, RNAM PAR SHES PA DES DE'I GZUGS BRNYAN MYONG YANG NYE BAR BRTAGS PA BYAS NA, ME LONG GI NGOS LA RANG GI BYAD KYI GZUGS BRNYAN MTHONG BA BZHIN DU DE MYONG BAR BZHAG GO, ,DE YANG ME LONG LA @146B PHYI ROL GYI DON MTHONG BA NI SHIN TU MTHUN PA MA YIN PAS CUNG ZAD 'KHRUL PA YIN LA, BLO'I ME LONG LA SNANG BA NI SHIN TU MTHUN PA'I PHYIR CUNG ZAD KYANG SHIN TU 'KHRUL PA MA YIN NO ZHES ZER TE, DE DAG GI YANG SHES PA DES 'BREL PA GANG GIS DON DE MYONG BAR 'GYUR, DE LAS BYUNG BA'I 'BREL PAS SO ZHE NA, MIG KYANG MIG GI RNAM PAR SHES PAS MYONG BAR 'GYUR RO, ,'ON TE 'DRA BA'I DBANG GIS SO ZHE NA, DON GCIG MTHONG BA'I SKYE BO MANG PO RNAMS KYI SHES PA YANG PHAN TSUN MTHONG BAR THAL BAR 'GYUR RO, ,'ON TE DE LAS SKYE BA DANG, DER SNANG BA GNYI GAS SO ZHE NA, MTSUNGS PA DE MA THAG PA'I RKYEN YANG YUL DANG MTSUNGS PAR YUL DU 'GYUR RO, ,YANG BDAG NYID KUN GYIS MTSUNGS NA NI, SHES PA YANG BEMS PO NYID DU 'GYUR RO, ,PHYOGS 'GA' ZHIG GIS MTSUNGS SO ZHE NA, KUN GYIS THAMS CAD RIG PAR 'GYUR, MI SLU BA'I SHES PA YANG DON LAS GCIG TU SKYE BA MA YIN TE, RMI LAM BDEN PAS 'KHRUL PA'I PHYIR RO, ,DE'I PHYIR PHYI ROL GYI DON NI YOD PA MA YIN PA NYID DO, ,CI STE DON RNAMS BDEN PA MA YIN TE, RNAM PAR SHES PA DON DU SNANG BA YIN NA, YUL DANG DUS LA SOGS PA NGES PAR JI LTAR SNANG BAR 'GYUR ZHE NA, DON MED PAR YANG THOG MA MED PA NAS KUN DU BRTAGS PA'I BAG CHAGS KYIS DKRUGS PA'I SEMS NYID YUL DANG DUS LA SOGS PA NGES PA'I DON DU SNANG BA'I SHES PA SKYE BAR 'GYUR TE, GNYID KYIS NYAMS PA'I RMI LAM BZHIN NO, ,DE SKAD DU 'PHAGS PA LANG KAR GSHEGS PA LAS, JI LTAR BYIS PAS RNAM BRTAGS PA'I, ,PHYI ROL DON NI YOD MIN YANG, ,BAG CHAGS KYIS NI DKRUGS PA'I SEMS, ,DON DU SNANG BA RAB TU 'BYUNG, ,ZHES GSUNGS TE, BAG CHAGS KYIS DKRUGS PA NI NYE BAR BCOM PA'O, ,JI LTAR NA GCIG LA MANG PO RNAMS KYI SHES PA 'KHRUL PA MTSUNGS SHE NA, NYE BAR BCOM PA MTSUNGS PA'I PHYIR TE, RAB RIB KYIS MIG NYE BAR BCOM PA MTSUNGS PA RNAMS LA SKRA SHAD DANG, SHA SBRANG LA SOGS PA LA SNANG BA MTSUNGS PA BZHIN TE, LA LAR RMI LAM MI BDEN BZHIN DU, BAG CHAGS MTHUG PO'I DBANG GIS MI SLU BAR SNANG NGO, ,DE'I PHYIR YANG GZUNG BA YANG CI YANG MED LA 'DZIN PA YANG CUNG ZAD KYANG @147A *, ,MED DO, ,CHOS THAMS CAD GZUNG BA DANG 'DZIN PAS STONG PA'I RNAM PAR SHES PA TZAM MO, ,GZHAN YANG KHAMS BCVA BRGYAD PO 'DI THA DAD PA'I GCIG MA YIN NO, ,GZUGS KYI KHAMS KYANG GCIG MA YIN NO, ,LUS DANG KHYIM DANG, LJON SHING LA SOGS PA THA DAD PA'I PHYIR RO, ,LUS KYANG GCIG MA YIN TE, LAG PA DANG RKANG PA LA SOGS PA THA DAD PA'I PHYIR RO, ,LAG PA YANG GCIG MA YIN TE MDZUB MO LA SOGS PA THA DAD PA'I PHYIR RO, ,MDZUB MO YANG GCIG MA YIN TE TSIGS LA SOGS PA THA DAD PA'I PHYIR RO, ,MDZUB MO YANG GCIG MA YIN TE TSIGS LA SOGS PA THA DAD PA'I PHYIR RO, ,TSIGS KYANG GCIG MA YIN TE, DE'I TSE THA DAD PA'I PHYIR RO, ,TSIGS LA SOGS PA'I CHA YANG CHA SHAS DANG BCAS PA GCIG MA YIN NO, ,CI STE RDUL PHRA RAB CHA SHAS MED PA GCIG TU 'GYUR RO ZHE NA, MA YIN TE RTAG TU RAGS PAR SNANG BA'I PHYIR DANG, RDUL PHRA RAB GCIG MTHONG BA MED PA'I PHYIR RO, ,RDUL PHRA RAB MANG PO PHAN TSUN LDAN PAS DE LTAR MTHONG BA BZHIN NO ZHES ZER NA, GAL TE CHA SHAS KYI SBYOR BA NI, CHA SHAS MED PA'I RDUL PHRA RAB TU MI 'GYUR LA, CI STE CHA SHAS MED PAR SBYOR NA NI, DE'I TSE DE DAG THA MI DAD PAS, SA'I DKYIL 'KHOR YANG RDUL PHRA RAB GCIG TU 'GYUR LA, SA'I DKYIL 'KHOR DANG 'BREL PA'I GZUGS GZHAN SNANG BA RNAMS KYANG, SA'I DKYIL 'KHOR DANG GNYIS SU MED PAR THAMS CAD RDUL PHRA RAB GCIG GI TSAD DU 'GYUR LA DE LTAR NI MA YIN TE, DE BAS NA RDUL PHRA RAB MANG PO'AM, CIG SHOS KYANG RUNG STE GCIG TU GYUR PA NI 'GA' YANG MED DO, ,GZUGS GCIG MED PAS NA, ,DE 'DUS PA YIN PA'I PHYIR DU MA YANG MED DE, DE BAS NA GZUGS KYI KHAMS GANG YANG GCIG GAM, DU MA'AM, GCIG KYANG MA YIN DU MA YANG MA YIN PA'AM, DNGOS PO BGROD PA GZHAN YANG MED PAS GZUGS KYI KHAMS NI DNGOS PO MED DE BRDZUN PA KHO NA YIN NO, ,GZUGS KYI KHAMS JI LTA BA BZHIN DU, SGRA DANG DRI DANG RO DANG REG BYA'I KHAMS DANG, MIG DANG, RNA BA DANG, SNA DANG LCE DANG LUS KYI KHAMS RNAMS KYANG RDUL PHRA RAB 'DUS PA TZAM YIN PA'I PHYIR RO, ,DE LTAR DMIGS PA RNAM PA LNGA DANG, RTEN RNAM PA LNGA MED PAS, MIG LA SOGS PA'I RNAM PAR SHES PA LNGA'I KHAMS KYANG YOD PAR MI 'GYUR RO, ,DE DAG @147B MED PAS YID KYI RNAM PAR SHES PA'I KHAMS KYANG YOD PAR MI 'GYUR TE, SRID NA YANG DE'I TSE RNAM PAR SHES PA ZHES BRJOD PAR BYA'I, YID KYI RNAM PAR SHES PA ZHES BYA BA'I BYE BRAG GI DON NI MED DO, ,YID KYI KHAMS KYANG YOD PA MA YIN TE, 'DI LTAR RNAM PAR SHES PA DRUG PO GANG YIN PA 'GAGS PA DE NYID YID KYI RNAM PAR SHES PA PHYI MA SKYE BA'I RTEN DU GYUR PAS YID KYI KHAMS ZHES BYA BAR 'DOD PAS, RNAM PAR SHES PA DRUG LAS MA GTOGS PA RDZAS SU YOD PA MA YIN TE, BTAGS PAR YOD PA TZAM MO, ,RNAM PAR SHES PA DRUG PO BKAG PAS DE YANG MED PAR 'GYUR TE, ,DE BAS NA YID KYI KHAMS KYANG YOD PA MA YIN NO, ,DE MED PAS KYANG YID KYI RNAM PAR SHES PA'I KHAMS MED DO, ,CHOS KYI KHAMS MA LUS PAR 'GYUR RO ZHE NA DE YANG SKYE MCHED BCU LAS MA GTOGS PA'I GZUGS DANG SEMS LAS BYUNG BA'I CHOS RNAMS DANG, SEMS DANG LDAN PA MA YIN PA'I 'DU BYED RNAMS DANG, 'DUS MA BYAS RNAMS SO, ,DE LA RE ZHIG GZUGS NI GZUGS KYI KHAMS BZHIN DU YOD PA MA YIN TE, RDUL PHRA RAB 'DUS PA TZAM YIN PA'I PHYIR RO, ,CI STE RNAM PAR RIG BYED MA YIN PA'I GZUGS RDUL PHRA RAB 'DUS PA MA YIN NO ZHE NA, 'O NA GZUGS CAN MA YIN PAR CI'I PHYIR MI 'DOD DE, SLOB DPON GYIS KYANG RNAM PAR RIG BYED MA YIN PA RDZAS SU 'DOD PA BKAG ZIN TO, ,SEMS LAS SKYES PAS NA SEMS LAS BYUNG BA STE, SEMS DANG YID DANG RNAM PAR SHES PA RNAM GRANGS YIN LA, DES NA RNAM PAR SHES PA DRUG BKAG PAS SEMS LAS BYUNG BA YANG BKAG PAR 'GYUR RO, ,GZHAN YANG SEMS LAS BYUNG BA DAG NI SEMS DANG RTEN DANG, DMIGS PA THA DAD PA MED PAR 'DOD DO, ,DES NI RTAN DRUG BKAG PAS KYANG DE DAG DGAG PAR BYA'O, ,DMIGS PA DRUG KYANG BKAG PA DANG 'GEGS PAR 'GYUR BAS SO, ,SEMS DANG MI LDAN PA'I 'DU BYED GZHAN DAG LAS GUD NA MED PAR CI RIGS PAR SHES PAR BYA'O,, 'DUS MA BYAS RNAMS KYANG 'DUS MA BYAS KYI DNGOS PO RNAMS LAS THA DAD PAR 'GYUR BA'I LUS KYI RDZAS YOD PA MA YIN NO, ,DE'I PHYIR CHOS KYI KHAMS KYANG MED LA DE MED PAS DE'I DMIGS PA BKAG PA'I PHYIR YID KYI RNAM PAR SHES PA'I KHAMS KYANG MED DO, ,DE LTAR KHAMS BCVA BRGYAD MED LA, KHAMS @148A *, ,RNAMS BKAG PAS, SKYE MCHED RNAMS DANG, PHUNG PO RNAMS BKAG PA YANG GRUB PA YIN NO, ,DA NI JI LTAR PHUNG PO LA SOGS PA MED NA, DER SNANG BAR 'GYUR ZHE NA, DE DAG MED KYANG BAG CHAGS KYIS DKRUGS PA'I SEMS NYID DER SNANG BA'I SHES PA SKYE BAR 'GYUR BA NI SNGAR BSHAD PA BZHIN NO, ,DE SKAD DU LANG KAR GSHEGS PA LAS, ,JI LTAR ME LONG LA NI GZUGS, ,GCIG DANG GZHAN PA RNAMS SPANGS PA, ,SNANG YANG DE NA YOD MA YIN, ,DE BZHIN DNGOS RNAMS NGO BO NYID, ,CES GSUNGS SO, ,SNGON PO LA SOGS PA 'DI DAG SHES PA'I RNAM PA YIN PAR GYUR KYANG, DNGOS PO MED CING BRDZUN PA YIN TE, SHES PA'I BDAG NYID YIN YANG GCIG DANG DU MA NYID DANG BRAL BA'I GNAS SKABS SU GYUR PA'I PHYIR DANG, BAG CHAGS KYIS BCOM PA'I SGRAS KYANG BAG CHAGS KYIS NYAMS PA LAS SKYES PA'I 'KHRUL PA'I MTSAN MAR GSUNGS PA'I PHYIR RO, ,'O NA BRDZUN PA DE JI LTAR DER SNANG BAR 'GYUR ZHE NA, GSAL BA DANG LHAN CIG TU BRDZUN PA'I BDAG NYID DU 'BREL PA'I DBANG GIS SO, ,'DI LTAR RNAM PAR SHES PA NYID GSAL BA'I RANG BZHIN YIN PA LAS GSAL BZHIN PA YIN LA, THOG MA MED PA'I BAG CHAGS KYIS BSLAD PA'I DBANG GIS 'KHRUL NAS, SNGON PO LA SOGS PA'I RNAM PA BRDZUN PA YANG, RMI LAM BZHIN DU GSAL BZHIN BAR SNANG BA YIN PAS SNGON PO LA SOGS PA GSAL BAR GRUB STE, GSAL BA'I BDAG NYID MA BTAGS PAR DE MI RUNG BA'I PHYIR RO, ,SNGON PO LA SOGS PA DE GSAL BZHIN PA YIN YANG GNOD PA YOD PA'I PHYIR BRDZUN PA YANG GRUB PO, ,DE BRDZUN PAR GRUB PAS NA DE'I BDAG NYID DE YANG BRDZUN PAR GRUB PO, ,YANG GSAL BA DE RIG PA NI 'KHRUL PA DANG BRAL BAS MNGON SUM YIN PA'I PHYIR DNGOS PO NYID DU GRUB PA YIN TE, GANG GI PHYIR GSAL BA NI GSAL BA NYID KYIS GNYUG MA'I RANG BZHIN YIN TE, GANG GI MYONG BA 'DI 'KHRUL BAR 'JOG PA'I BSLAD PAS GZHAG PA MED PA'I PHYIR RO, ,YANG SNGON PO LA SOGS PA'I RANG BZHIN YIN PA'I PHYIR BSLAD PAS BYAS PAR 'GYUR LA, ,DE LTAR GYUR PAS NA NGE MYONG BA YANG 'KHRUL PAR 'GYUR RO, ,DE BAS NA SNGON PO LA SOGS PA LA NI GNOD PA @148B 'JUG PA'I SKABS YOD KYI GSAL BA LA NI MA YIN NO, ,RNAL 'BYOR SPYOD PA PA DANG, DBU MA PA SHES PA RNAM PA DANG BCAS PAR SMRA BA KHA CIG NA RE, SNGON PO DANG GSAL BA DAG BRDZUN PA DANG BRDZUN PA MA YIN PAR GYUR NA, CHOS 'GAL BA NYID KYIS NA DE'I BDAG NYID DU 'THAD PAR MI 'GYUR LA, DE'I BDAG NYID MA YIN NA YANG SNGON PO LA SOGS PA GSAL BAR MI 'GYUR NA SNGON PO LA SOGS PA NI GSAL BA YIN TE, SGRO BTAGS PA'I DNGOS POR GYUR PA'I GSAL BA LAS GZHAN MA YIN PA'I PHYIR SNGON PO LA SOGS PA NI SGRO MA BTAGS PA'I DNGOS POR GYUR PA YIN NO ZHES ZER TE, DE DAG GI LTAR NA GSAL BA THAMS CAD PHYIN CI MA LOG PA'I RANG GI NGO BO MYONG BA'I PHYIR, THAMS CAD 'KHRUL PA MED PAR 'GYUR RO, ,DES NA SEMS CAN THAMS CAD RTAG TU GROL BAR 'GYUR LA, RTAG TU YANG DAG PAR RDZOGS PA'I SANGS RGYAS NYID DU 'GYUR RO, ,CI STE RNAM PAR RTOG PA'I BLO 'KHRUL PAS RANG GI SNANG BA DON MED PA LA DON DU MNGON PAR ZHEN PA'I NYES PA YOD PA'I PHYIR MA YIN NO ZHE NA, GSAL BAS MNGON PAR ZHEN PAR BYA BA YIN BZHIN DU, JI LTAR DE LA DE GSAL BAR MI 'GYUR, CI STE GSAL NA NI GSAL BA NYID DANG, DE'I DON DAG NYID DE'I BDAG NYID DU 'GYUR BAS, DON MED BZHIN DU ZHES BYA BAR YANG MI 'GYUR BAS, 'DAS PA'I MANG POS BKUR BA DANG, MA 'ONGS PA'I DUS DAG DANG, SGRA RTAG PA DANG, BDAG YOD PA DANG, BA LANG NYID DO SNYAM PA LA SOGS PA THAMS CAD RANG GI MTSAN NYID GSAL BAR MYONG BA'I NGES PA'I BDAG NYID DU 'GYUR RO, ,RANG GI MTSAN NYID KYANG BRDA DANG 'DRE BAR MI RIGS PAS, RNAM PAR RTOG PA'I BLO YANG MED PAR 'GYUR RO, ,DE BAS NA BA LANG GSAL BA THAMS CAD KYI THUN MONG DU GYUR PA, BA LANG NYID CES BYA BA'I BLO MNGON PAR BRJOD PA'I RANG BZHIN CAN, BSLAD PA'I DBANG GIS BRDZUN PAR SNANG BA YIN LA, DE LTAR SNANG BA LA 'DI NI BA LANG YIN NO, ,MNGON PAR ZHEN PAR 'DOD PAR BYA STE, RANG GI MTSAN NYID SNANG BA MA YIN YANG, 'KHRUL PA'I DBANG GIS MNGON PAR ZHEN PA DE LTA BU LA NI NYES PA MED PA'I PHYIR RO, ,GANG GI PHYIR BSLAD PA'I DBANG GIS BLO 'KHRUL TE, DE LA GANG GI TSE BA LANG MA YIN PA LAS LOG PA'I MTSAN NYID BA LANG NYID CES BYA BA NI BLO @149A *, ,DANG RANG GI MTSAN NYID GNYI GA LA DE'I BDAG NYID DU 'GYUR LA, DE'I BDAG NYID DU GYUR PAS SNANG BA DANG MNGON PAR ZHEN PA YIN TE, 'DI DAG THAMS CAD BLOS BSLAD PA YIN GYI, DNGOS PO'I DE KHO NA NYID MA YIN PAS NYES PA MED DO, ,BLOS BSLAD PA YANG JI LTAR GRAGS PA BZHIN DU RNAM PAR GZHAG PA YIN GYI, YANG DAG PA JI LTA BA BZHIN DU MA YIN TE, NYAMS SU MYONG BAS GRAGS PA DE BZHIN DU THA SNYAD KYI YAN LAG TU GRUB PA NI BZLOG PAR DKA' LA DE KHO NA NYID JI LTA BA BZHIN DU RIGS PA MA YIN NO, ,BA LANG LA LOG PAR ZHEN PA TZAM GYIS DE TZAM DANG 'BREL PA'I PHYIR MI SLU BAR 'THAD PA YIN NO, ,JI LTAR PA LANG NYID BRDZUN PA LA, BA LANG GI BLO GSAL ZHING DE'I BDAG NYID DU GYUR PA DANG, DE LAS THA DAD PA MA YIN BZHIN DU YANG DNGOS PO MED PA DANG, SGRO BTAGS PA MA YIN PA DE BZHIN DU, GSAL BA YANG SNGON PO LA SOGS PA GSAL BZHIN PA DANG, BDAG NYID DU GRUB KYANG BRDZUN PA YIN TE, BRDZUN PA DANG BRDZUN PA MA YIN PA DAG RANG BZHIN SNA TSOGS KYI MTHAR THUG PAS RDZAS GCIG LA 'GAL BA MA YIN NO, ,CI STE DE'I BDAG NYID KYI GTAN TSIGS TZAM GYI DNGOS PO NYID DANG, SGRO MA BTAGS PA NYID DU BSGRUBS NA NI, BA LANG NYID LA SOGS PAS MA DES PAR 'GYUR LA, YANG SGRO MA BTAGS PA DE'I BDAG NYID DU GTAN TSIGS NYID DU 'DOD NA NI MA GRUB PAR 'GYUR RO, ,DE BAS NA CHOS 'DI DAG THAMS CAD NI GZUNG BA DANG, 'DZIN PAS STONG PA'I RNAM PAR RIG PA TZAM ZHES BYA BA 'DI GNAS PA YIN NO, ,DE LA KHAMS GSUM GYI CHOS GNYIS GANG YIN PA MED KYANG GNYIS SU SNANG BA 'DI NI YANG DAG PA MA YIN PA'I KUN DU RTOG PA YIN LA, JI LTA BA DE LA YID KYI BRJOD PAS GZUNG BA DANG GNYIS SU BTAGS PA'I RANG BZHIN NO, ,NGO BO NYID DO, ,GNYIS PO DE NYID KYIS DE STONG PA NI YONGS SU GRUB PA'I NGO BO NYID DO, ,DE YANG DNGOS PO STONG PAS DNGOS PO MA YIN LA, GNYIS SU MED PA'I MTSAN NYID YIN PAS DNGOS PO MED PA YANG MA YIN NO, ,GANG GI PHYIR 'DI GNYIS PO MED CING GNYIS KYIS STONG PA'I RNAM PAR RIG PA TZAM YIN PA NYID KYIS NA MA YIN PAR DGAG PA YIN NO, ,CI STE MED PA DGAG PA YIN NA NI GCIG KHO NAR MED @149B PA MA YIN TE, DE LTAR NA KUN BRTAGS PAR 'GYUR LA, GZHAN DU MA YIN PAR DGAG PAR 'GYUR RO, ,DE BAS NA DON DAM PA NI JI LTAR BSTAN PA BZHIN DU MA YIN PAR DGAG PA NYID DO, ,GANG GI PHYIR YANG DAG PA MA YIN PA'I KUN TU RTOG PA'I CHOS NYID YIN PA'I PHYIR, DE LAS THA DAD PA MA YIN LA, MTSAN NYID KYI DBYE BAS THA DAD PA YANG MA YIN NO, ,CHOS RNAMS KYI THUN MONG MA YIN PA'I MTSAN NYID GANG YIN PA DE NI, DE NYID DE MA YIN TE THUN MONG MA YIN PA'I PHYIR RO, ,'DI NI 'DI DAG GI MTSAN NYID KYI DBYE BA GCIG GO, ,YANG RANG GI MTSAN NYID RNAMS NI MTSAN MAS NYE BAR BZUNG BA YIN LA, STONG PA NYID NI MTSAN MA THAMS CAD NUB PA YIN TE, 'DI NI 'DI DAG GI MTSAN NYID KYI DBYE BA GNYIS PA'O, ,GNYIS PO STONG PA TZAM GYI MTSAN NYID JI LTA BA NYID NI CHOS THAMS CAD LA THAMS CAD DU KHYAD PAR MED PAS KHYAB PA DANG RTAG TU BA DANG, 'GYUR BA MED PA ZHES BRJOD DO, ,MING DANG MTSAN MA'I DRI MA BRDZUN PA DANG, MTSAN MAS NYE BAR BSLAD PA'I SGRIB PA'I DRI MA RNAMS NI DE'I RANG BZHIN MA YIN PAS DE LA GLO BUR GYI DRI MA YIN LA, CHOS RNAMS KYI CHOS NYID NI RANG BZHIN GNYUG MA YIN NO, ,DRI MA RNAMS NI KUN TU BRTAGS PA LA MNGON PAR ZHEN PA LA RAB TU 'BYUNG BAS, DE DAG BSAL NAS BSAL BAR NUS PA YIN PA'I PHYIR YANG DE LA GLO BUR YIN NO, ,GANG ZHIG GUS PAR YUN RING DU BSGOMS PAS, BSGOM PA RAB KYIS MTHAR PHYIN PA NA, GSAL BAR SNANG BA SRID PAR 'GYUR TE, 'DOD PA DANG, MYA NGAN DANG, 'JIGS PA LA SOGS PA'I RGYUN GYI BLO LA BUD MED LA SOGS PAR SNANG BA BZHIN NO, ,CHOS 'DI DAG THAMS CAD KYANG TSAD MAS GRUB PA 'DI DAG TZAM MO ZHES BYA BA DANG, SEMS TZAM DANG, MTSAN MA DANG BCAS PA'I STONG PA NYID DANG, MTSAN MA MED PA'I STONG PA NYID DE, RNAL 'BYOR GYIS BZHI LA GOMS PAR BYAS PA YIN NO, ,DE LA RNAL 'BYOR SPYOD PA RNAMS DANG DE BZHIN DU DBU MA PA RNAMS NI, RNAL 'BYOR GYIS BZHI PA, CHOS THAMS CAD STONG PA NYID KYIS DMIGS SU MED CING SHIN TU SNANG BA MED PA GCIG TU DRI MA MED CING MTHA' YAS PA, NAM MKHA' LTA BU'I SNANG BA 'JIG RTEN @150A *, ,LAS 'DAS PA'I YE SHES YIN PAR 'DOD DO, ,DE SKAD DU KLU SGRUB KYI ZHAL SNGA NAS KYANG, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,YE SHES KYIS NI DE BRAL NA, ,LOG PAR RNAM BRTAGS CIS MA YIN, ,ZHES GSUNGS SO, ,'DI LTAR RNAL 'BYOR SPYOD PA PA NI CHOS RNAMS KYI RANG BZHIN GNYUG MA GSAL BA TZAM NI RDZAS SU YOD PAR 'DOD PA YIN LA, DBU MA PA NI RDZAS DE YANG MI 'DOD DE, KHYAD PAR 'DI YANG MING TZAM DU RTOGS SO, ,DES NA RTZA BA MED PAR RNAL 'BYOR SPYOD PA PA RNAMS DANG, DBU MA PA RNAMS LHAN CIG TU RTZOD PA NI SKYE BO SHIN TU GNAS NGAN PA NYID, 'DIR TSIGS SU BCAD PA NI, GANG DAG GANG DANG LHAN CIG DE NYID MA MTHONG 'DIR SPYOD PA NI KUN MTSUNGS SHING, ,DE NYID MTHONG TSE MUN PA'I DRI MA RAB ZAD YE SHES KYANG NI GCIG TU GYUR PA YI, ,RTZA LAG MCHOG GI RNAL 'BYOR SPYOD PA PA LA SDANG BAR SEMS NI 'DIR BCAS TE, ,RTZOD PAR SEMS PA'I DBU MA MCHOG 'DZIN 'DI DAG CI'I PHYIR RTZOD CING SHIN TU SMAD, ,DE LA PHYI ROL GYI DON YOD PAR SMRA BA DANG, SHES PA RNAM PA DANG BCAS PAR SMAR BA DBU MA PA DAG NI, LUNG BSTAN BCOS DANG TSAD MA DAG LAS PHYI ROL DU GYUR PAR SNGAR BZLOG ZIN TO, ,RNAM PA MED PAR SMRA BA'I SEMS TZAM PA 'BA' ZHIG LUS PAR 'GYUR TE, DE DAG KYANG CI'I PHYIR GSAL BA BRDZUN PA YIN PAR 'DOD DO, ,SNGON PO LA SOGS PA'I RNAM PA BRDZUN PA DANG THA MI DAD PA'I PHYIR, SNGON PO LA SOGS PA BZHIN NO ZHE NA, SGRO MA BTAGS PA'I THA DAD PA MED PA NI MA GRUB LA, 'ON TE THA MI DAD PA TZAM NYID YIN NA NI, MI MTHUN PA'I PHYOGS LAS LDOG PA LA THE TSOM ZA BA'I MA NGES PAR 'GYUR RO, ,YANG DAG PA MA YIN PA DANG YANG DAG PAR 'GYUR BA DAG LA SGRO 'DOGS PA'I BDAG NYID SRID DE, BA LANG NYID DANG, BDAG NYID LA SOGS PA DANG DE DAG GI BLO BZHIN NO, ,YANG NA STONG PA NYID KYI 'KHRUL PAS KYANG MA NGES PAR 'GYUR RO, ,DE NYID KYANG BRDZUN NO ZHE NA, SNGON PO LA SOGS PA MTHONG BZHIN DU, STONG PA NYID MTHONG BA'I YE SHES KYANG 'KHRUL BAR THAL BAR 'GYUR RO, ,BRDZUN PA NI 'KHRUL PAS SGRO BTAGS @150B PA YIN NA, GSAL BA NI GSAL BZHIN PA NYID KYI GNYUG PA'I RANG BZHIN DU CHA SHAS MED PAR MNGON SUM GYIS GRUB PA YIN PA'I PHYIR, DNGOS PO RNAMS LA RANG BZHIN GNYUG MA 'DI NI GNYI GA LA YANG TSAD MAS GRUB PA YIN NO, ,RANG BZHIN GNYUG MA 'DI GRUB PA NYID KYIS NA, SGRO MA BTAGS PA DANG, BRDZUN PA MA YIN PA GRUB PA'O, ,BRDZUN PA DANG YANG DAG PA MA YIN PA DANG, 'KHRUL PA DANG, SGRO BTAGS PA RNAMS NI RNAM GRANGS YIN NO, ,CI STE YOD PAR GYUR PA'I CHOS GZHAN DANG BRAL BAS MED PA ZHES BYA BA LA DE NYID BRDZUN PA'I SGRAR BRJOD KYI, SGRO BTAGS PA LA NI MA YIN NO ZHE NA, DE LTA NA YANG SNGA MA BZHIN DU GTAN TSIGS MA GRUB PA DANG, MA NGES PAR YANG 'GYUR RO, ,GZHAN YANG GAL TE GNOD PA CAN GYIS MED PA SGRUB KYI SGRO BTAGS PA NI MA YIN NA, DE'I TSE GNOD PA MED PA'I RANG BZHIN DANG, DE'I BLO RNAMS GNYUG MA'I RANG BZHIN DU 'GYUR LA, DES NA 'KHRUL PA GTAN MED PAR 'GYUR TE, DE'I SKYON KYANG BSHAD ZIN TO, ,YE SHES KYIS NI DE BRAL NA, ,LOG PAR RNAM BRTAGS CIS MA YIN, ,ZHES BYA BA 'DI DANG YANG 'GAL BAR 'GYUR RO, ,DE BAS NA GRAGS PA'I YUL MED PA LA NI, SGRO BTAGS PAS KHYAB PAR GRUB PAS NA, KHYAB PA MI DMIGS PAS GSAL BA'I MED PA BKAG PAR 'GYUR LA, DE BAS NA YOD PA GRUB PO, ,GZHAN YANG NGO BO DANG, DMIGS PA LA YANG GNOD PA MED PAS, GSAL BA LA DE GNYI GA YOD PAR GRUB PAS 'DI YOD PA DGAG PA NI MI NUS LA, SNGON PO LA SOGS PA NI GNYI GA LA GNOD PA YOD PAS SGRO BTAGS PAR GRUB PA'I PHYIR, DE DAG MED PA NI RIGS PA YIN NO, ,GZHAN YANG KHYOD GSAL BA'I YOD PA CI ZHIG DGAG PAR 'DOD, RKYEN LA BRTEN TE SKYE BA NYID DANG, DON BYED NUS PA NYID DGAG PAR 'DOD DO ZHE NA, 'DI DAG LA GNOD PAR BYED PA'I TSAD MA GANG YIN, GCIG DANG DU MA DANG BRAL BA YIN NO ZHE NA, DE YANG DNGOS PO'I RANG GI NGO BO LA DNGOS SU GNOD PAS NUS PA LA SHUGS KYIS GNOD PA YIN LA GSAL BA'I RANG GI NGO BO LA GNOD PA MED PA'I PHYIR, NUS PA LA YANG GNOD PA MED PAR 'GYUR RO, ,SNGON PO LA SOGS PA'I YANG RANG GI NGO BO TZAM LA GNOD PA MA YIN TE, @151A *, ,'O NA JI LTAR ZHE NA, SNGON PO'I RANG BZHIN LA GNOD PA MED DO, ,DE YANG NUS PA NYID YIN NO ZHE NA, DE LTA NA NI SNGON PO DANG GSAL BA LA BYE BRAG MED PA'I PHYIR RNAM PA DANG BCAS PA'I TSUL KHAS BLANGS PAR 'GYUR TE, DE YANG SNGAR BZLOG ZIN TO, ,DE BAS NA GCIG DANG DU MA DANG BRAL BA 'DI NI SGRO BTAGS PA LA 'JUG PAR 'GYUR TE, DE NI JI LTAR GRAG PA BZHIN DU RNAM PAR GZHAG PA'I PHYIR RO, ,SGO MA BTAGS PA LA NI MA YIN TE, DE NI DE KHO NA NYID JI LTA BA BZHIN DU GZHAG PA'I PHYIR RO, ,DE BAS NA 'DI NI DNGOS SU SGRO BTAGS PA'I RANG BZHIN LA GNOD KYI, ,NUS PA LA NI MA YIN NO, ,DE DAG KYANG GNOD PAS SNGON PO LA SOGS PA'I RANG BZHIN SGRO BTAGS PA TZAM NYID DU GRUB PO, ,DE DANG BRAL BA'I GSAL BA'I RANG BZHIN LA NI GNOD PA MA YIN NO, ,SNGON PO LA SOGS PA'I DON BYED NUS PA NI SHUGS KYIS BKAG PA YIN GYI GSAL BA NI MA YIN NO, ,DE LTAR NA 'O NA 'DIR NUS PA DANG SKYE BA 'DI DAG ZHIG PA DANG MA ZHIG PA DAG GIS SKYED PAR MI BYED PA'I PHYIR DANG, YOD PA DANG MED PA MI SKYE BA'I PHYIR MED DO ZHE NA, 'DI YANG GNOD PA MA YIN TE, MA GRUB PA'I PHYIR RO, ,'DI LTAR RGYU MA ZHIG PA LAS DE MA THAG PA'I 'BRAS BU SKYED PAR BYED PA MI 'GAL BA DANG, RGYU LA MED PA'I 'BRAS BU SKYE BA MI 'GAL BA'I PHYIR RO, ,GZHAN YANG NUS PA DANG, RTEN CING 'BREL TE 'BYUNG BA MED PA GA LAS SHES, RE ZHIG MNGON SUM GYIS NI MA YIN TE DE RNAM PAR MI RTOG PA YIN PA'I PHYIR RO, ,RTOGS PA TZAM GYIS KYANG MA YIN TE, SHIN TU THAL BAR 'GYUR BA YIN PA'I PHYIR RO, , CI STE MNGON SUM LAS SKYES PA DANG, RTAGS LAS SKYES PA'I NGES PA RANG GI RGYUR GYUR PA'I YUL LA NGES TE 'BREL BA'I PHYIR RO, ,DE'I TSE RGYU DANG 'BRAS BU DAG CHAD MAS GRUB PAS JI LTAR DE GNOD PA CAN YIN, RGYU DANG 'BRAS BU'I DNGOS PO MA GRUB NA, PHAN PA DANG GNOD PA THOB PA DANG SPANG BA'I DON DU YUL NGES PA CAN LA 'JUG PA DANG LDOG PA'I 'BAD PA MED PAR YANG 'GYUR RO, ,YANG RGYU DANG 'BRAS BU'I DNGOS PO GRUB MOD KYI, 'ON KYANG KUN RDZOB PA YIN GYI DON DAM PA NI MA YIN TE, CHOS RNAMS KYI RANG BZHIN BRTAG MI BZOD PA'I PHYIR RO ZHE NA, TSAD MAS GRUB PA'I NUS PA JI LTAR BRTAG MI BZOD PA @151B YIN, SGRUB PAR BYED PA DANG, GNOD PAR BYED PA'I TSAD MA DAG STOBS MTSUNGS PA'I PHYIR RO ZHE NA, DE NYID KYI PHYIR RNAM PAR DBYE BAR BYA STE, SNGON PO LA SOGS PA NI GRANGS SU ZIN KYANG, GNOD PA'I PHYIR KUN RDZOB TU YOD PA YIN LA, SNGON PO LA SOGS PA'I SNANG BA'I RNAM PAR SHES PA'I GSAL BA'I LUS NI GNOD PA DANG BRAL BA'I PHYIR DANG, TSAD MAS GRUB PA'I NUS PA CAN YIN PA'I PHYIR DON DAM PAR YOD PA YIN NO, ,GANG YANG CHOS RNAMS KYI RANG GI NGO BO GRAGS PAS GRUB PA YIN PA'I PHYIR GNOD PA YOD PA MA YIN NA, TSAD MAS GRUB PA'I PHYIR NUS PA LA YANG GNOD PAR MI 'GYUR RO, ,'DIS NI THAMS CAD KYI RANG BZHIN YOD PAR GRUB PAS, RANG BZHIN MED PA NYID BZLOG PAR 'GYUR RO, ,DE BAS NA SNGON PO LA SOGS PA'I RANG BZHIN GNOD PAR BYED PA'I TSAD MAS SGRO BTAGS PA NYID DU BSGRUBS PA NA, DNGOS SU RANG GI NGO BO LA GNOD PA BYAS NA SHUGS KYIS BUM PA LA SOGS PA LA GNOD PAR 'GRUB PO, ,SGRO BTAGS PA MA YIN PA'I PHYIR BSAL BA LA NI MA YIN TE, RNAL 'BYOR SPYOD PA'I LUGS 'DI NI SHIN TU BZLOG PAR DKA' BAR 'GYUR RO, ,'DIR GSAL BA NI SGRO MA BTAGS PA DANG, SGRO BTAGS PA YOD PA MA YIN PA'I PHYIR, DON DAM PAR YOD PA DANG, KUN RDZOB TU YOD PA MA YIN TE, STONG PA NYID BZHIN NO ZHES BYA BA NI RANG BZHIN GYI GTAN TSIGS DANG, KHYAB PAR BYED PA 'GAL BA DMIGS PA'AM, KHYAB PAR BYED PA MI DMIGS PAR 'GYUR RO, ,GAL TE GSAL BA RDZAS SU YOD PAR GYUR NA, 'PHAGS PA LANG KAR GSHEGS PA LAS, BLO GROS CHEN PO CHOS THAMS CAD NI SKYE BA MED PA YIN TE, YOD PA DANG MED PA MI SKYE BA'I PHYIR RO ZHES BYA BA 'DI'I DON GANG YIN ZHE NA, 'DI'I DON NI NGES PAR GZUNG BA YIN TE, GANG RTAG TU YOD PA'I CHOS KYI DBYINGS DANG, GANG RTAG TU MED PA KUN BRTAGS PA GNYIS MI SKYE BA'I SKYE BA MED PA YIN GYI, RNAM PAR SHES PA'I BDAG NYID KYANG MI SKYE BA NI MA YIN NO ZHES BYA BA 'DI YIN NO, ,DE NYID KYI PHYIR DE NYID LAS, RGYU DANG RKYEN NI BZLOG PA DANG, ,BYED PA YANG NI BKAG PA YIS, ,SKYE BA MED PAR NGAS BSHAD NAS, ,SEMS TZAM DU NI RNAM PAR GZHAG ,CES GSUNGS TE, SEMS LAS GZHAN DU GYUR PA'I RGYU @152A *, ,DANG RKYEN DANG BYED PA RNAMS BKAG NAS SEMS TZAM DU RNAM PAR GZHAG PA NI, SKYE BA MED PA ZHES BYA BA'I TSIG GI DON YIN NO, ,NA G'A RDZU NA'I ZHAL SNGA NAS KYIS KYANG, ,CHOS RNAMS GANG YANG SKYE BA MED, ,'GAG PA CUNG ZAD YOD MIN TA, ,SHES PA 'BAB ZHIG KHO NA NI, ,SKYE BA DANG NI 'GAG 'GYUR YIN, ,ZHES GSUNGS SO, ,'O NA 'PHAGS PA S'A LU LJANG PA LA SOGS PA LAS, DE LA MYU GU 'DI NI RANG GIS MA BYAS, GZHAN GYIS MA BYAS, GNYI GAS MA BYAS, RGYU MED PA LAS SKYES PA YANG MA YIN ZHES BYA BA 'DI'I DON GANG YIN ZHE NA, DE'I DON NI RGYU TZAM GYIS BYAS PA YANG MA YIN, RKYEN TZAM GYIS BYAS PA YANG MA YIN, GNYI GAS BYAS PA YANG MA YIN, BLO SNGON DU BTANG BA'I BYA BA DANG, BYED PA MED PA'I PHYIR RO, ,DNGOS PO GANG YANG MED PA MA DMIGS PA DANG, MI RIGS PA'I PHYIR RO, ,'PHAGS PA LANG KAR GSHEGS PA LAS, 'DU BYED THAMS CAD SKAD CIG MA, ,MI GNAS BYA BA GA LA YOD, ,GANG YANG 'DI RNAMS SKYE BA NYID, ,BYA BA DE NYID BYED POR BRJOD, ,CES GSUNGS TE, SA BON DE 'DI SNYAM DU BDAG GIS MYU GU BSKYED PAR BYA SNYAM DU SEMS PAR MI 'GYUR LA, RGYU DE BYED PA'I NGO BOR YANG YOD PA MA YIN TE, GANG GI PHYIR RGYU DANG RKYEN LA MA LTOS PA'I RANG DBANG CAN GYI BYED PA 'GA' YANG YOD PA'I PHYIR DGAG PA YIN GYI, RGYU DANG 'BRAS BU TZAM DU GYUR PA NI DGAG PA MA YIN TE, RGYU MED PA LAS SKYE BA MA YIN ZHES GSUNGS PA'I PHYIR RO, ,DE BAS NA YANG DE NYID LAS DE'I 'OG TU 'DI YOD PAS 'DI 'BYUNG, 'DI SKYES PAS 'DI SKYE'O ZHES GSUNGS TE GANG GI PHYIR 'DIS NI RGYU YOD PA'I RJES LA 'BRAS BU SKYE BAR ZHAL GYIS BZHES PAS, RJES SU 'GRO BA DANG, DE BSGRUB PA'I MI DMIGS PA DANG, MNGON SUM GSUNGS PAR 'GYUR RO, ,YOD PA NYID NA ZHES NGES PAR BZUNG BA MDZAD PAS RGYU LOG PAS 'BRAS BU MI SKYE BAR ZHAL GYIS BZHES PAS NA, LDOG PA DANG DE BSGRUB PA'I MI DMIGS PA YANG GSUNGS PAR 'GYUR RO, ,DE TZAM GYIS NI DON GYIS NA BLO SNGON DU BTANG BA'I BYA BA YANG DGAG PAR 'GYUR RO, ,'DI SKYE'O ZHES BYA BA 'DIS NI RGYU RKYEN GZHAN LA RAG LAS PAS BYED PA @152B YANG BKAG PA YIN NO, ,DE LTAR THUN MONG DU RGYUN LA RGYU DANG 'BRAS BUR GRUB PAS, KHYAD PAR DU GYUR PA DE DAG KYANG GRUB CING MTHONG BA GNYIS LAS KYANG 'GYUR TE, GANG GI PHYIR MTHONG BA GNYIS PO DE NYID YUL GYI DBYE BAS MNGON SUM DANG, MI DMIGS PA GSUM DU 'GYUR RO, ,MNGON SUM RTOG PA MED PA DANG, SKAD CIG MA YIN PAS, GCIG PA YIN PA DES JI LTAR RGYU DANG 'BRAS BU YONGS SU GCOD PAR BYED CE NA, JI LTAR RIGS PA SNGA MA SNGA MA NYAMS SU MYONG BA'I STOBS LAS SKYES PA'I NGES PA PHYI MAS DE MNGON DU BYED PAR 'GYUR RO, ,GANG YANG DBU MA PA KHA CIG NA RE, , 'JIG RTEN LA GRAGS PA NI KUN RDZOB YIN TE, PHYI ROL GYI DON YANG 'JIG RTEN LA GRAGS PAS, SEMS DANG SEMS LAS BYUNG BA BZHIN DU, DE YANG KUN RDZOB TU YOD PA YIN LA, DON DAM PAR NI RAL GRI'I SOS RANG MI GCOD PA BZHIN DU SEMS DANG SEMS LAS BYUNG BA RNAMS RANG RIG PAR 'GAL LA; GZHAN RIG PA YANG BSLAD PA TZAM DU'U CAG GNYI GA 'DOD DO, ,DE BAS NA 'KHRUL PA ZAD PAS DON DAM PA RTOGS PA'I PHYIR, SANGS RGYAS RNAMS KYI SEMS DANG SEMS LAS BYUNG BA ZAD PA NYID DE, GANG GI TSE DE RNAMS MI SKYE BA DE'I TSE, CHOS THAMS CAD SKYE BA MED PA'I DON DAM PA RJES SU BYED PA THOB PAS MYONG BAR BZHAG GO, ,MI GNAS PA'I MYA NGAN LAS 'DAS PA NI SEMS CAN GYI DON SNA TSOGS BYA BA'I PHYIR GZUGS KYI SKU BYIN GYIS BRLABS TE BZHAG NAS DON DAM PAR MNGON DU BYED DO ZHES ZER BA DE DAG NI SDIG PA CAN LAS KYANG SDIG PA CAN DU GYUR PA YIN TE, GANG GI PHYIR 'DI LTAR SEMS DANG SEMS LAS BYUNG BA 'DI DAG MED PA'I PHYIR BYANG CHUB NYID KYANG MED NA, DON DAM RTOGS PA'I BYANG CHUB LTA GA LA YOD, CI STE YANG 'DI NI RTOGS PA KHO NA YIN NO ZHE NA, DE NYID SEMS YIN MOD, DE YANG SEMS DANG SEMS LAS BYUNG BA MED NA, MI SRID PAS SEMS DANG SEMS LAS BYUNG BA MED PA MA YIN NO, ,GZHAN YANG DON DAM PA DE BZHIN DU GYUR PA MYONG NA NI 'KHRUL PAR 'GYUR LA, THA MI DAD NA NI RANG GI RIG PAR 'GYUR RO, ,CI STE YANG SNGON PO ZHES BYA BA'I MING TZAM YANG MED DO ZHE NA, DE'I TSE DON DAM PA DANG DON DAM PA RTOG PA MED PAS GRAGS PA LAS 'DAS PAR 'GYUR @153A *, ,RO; ,GZHAN YANG DON DAM PA NI CHOS THAMS CAD NI RTAG TU SHIN TU SKYE BA MED PA STE, GZHAL BYA YIN LA SEMS DANG SEMS LAS BYUNG BA NI, KHA CIG TZAM ZHIG YUN RING POR KUN DU SKYES NAS PHYIS SKYE BA MED PA STE, TSAD MA MA YIN NA JI LTAR DE DAG GI RJES SU BYED, SKYE BA MED TZAM DU MTSUNGS SO ZHE NA, SEMS DANG SEMS LAS BYUNG BA 'GAGS PA DANG MA SKYES PA'I SKYE BA MED PA YANG THAMS CAD LA YOD PAS, RTAG TU SEMS CAN THAMS CAD KYI DON DAM PA'I BDEN PA RTOGS PAR 'GYUR BA ZHIG NA, DE LTAR YANG MA YIN NO, ,DE BAS NA SEMS DANG SEMS LAS BYUNG BA 'GAGS PA NI DON DAM PA'I BDEN PA RTOGS PA MA YIN NO, ,CI STE SEMS DANG SEMS LAS BYUNG BA THAMS CAD 'KHRUL PA YIN NA, DE'I DE RNAMS KYI GNYEN PO GANG YIN, 'KHRUL PA DE NYID RAGS PA SHOS NI MI MTHUN PA'I PHYOGS YIN LA, PHRA BA NI GNYEN PO YIN NO ZHE NA, DE LTAR NA NI SEMS DANG SEMS LAS BYUNG BA 'KHRUL PA THA MA NI GNYEN PO MED PAS MED PAR 'GYUR RO, ,GZHAN YANG LKOG TU GYUR PA MA YIN PA NYID RANG RIG PA YIN NO, ,DE YANG GSAL BA DANG 'BREL PA MA GTOGS PA MED DE, GSAL BA NI YONGS SU GSAL BZHIN PA YIN PAS, GSAL BA'I GSAL BZHIN PA RANG BZHIN GYI 'BREL PA NI DE'I BDAG NYID KHO NA YIN NO, ,GANG MED PAR GANG RIGS PA MA YIN PA DE NI DES DE'I RIGS PA YIN PA, RANG RIGS PA LA 'GAG PA CI YANG MED DO, ,GANG GIS CI ZHIG RIG PA DE NYID SHES PA YIN LA, SHES PA'I RANG BZHIN YANG SEMS DANG SEMS LAS BYUNG BA NYID YIN TE, DES NA RANG RIG PA'I NGO BO YIN NO, ,GSAL BA DANG 'BREL PA YANG DE'I BDAG NYID LAS MA GTOGS PA MED PAS, RNAM PAR SHES PA TZAM DU GRUB STE, DE BAS RNAM PAR SHES PA MA GTOGS PA'I GZUNG BA PHYI ROL GYI DON CI YANG MED PAR GRUB BO, ,DE MED PAS GZUGS KYI SKU BYIN GYIS BRLABS NAS MI GNAS PA'I MYA NGAN LAS 'DAS PAR SMRA BA DE YANG RIGS PA MA YIN TE, 'DI'I PHYIR YANG SEMS DANG SEMS LAS BYUNG BA MED PA NI YANG DAG PAR RDZOGS PA'I BYANG CHUB MA YIN NO, ,CI STE YANG RAL GRI'I SOS RANG MI GCOD PA DANG, JI LTAR SOR MO'I RTZE MOS RANG LA MI REG PA DE BZHIN DU RANG RANG @153B BYED PAR 'GAL BA'I PHYIR, SEMS KYIS RANG MTHONG BA MED PAS RANG RIG PA MED DE, DE SKAD DU 'PHAGS PA LANG KAR GSHEGS PA LAS, JI LTAR RAL GRI RANG SO DANG, ,JI LTAR SOR MO'I RTZE MOS RANG, ,GCOD PA MIN ZHING REG PA MIN, ,DE BZHIN SEMS KYIS RANG MI MTHONG, ,ZHES GSUNGS SO ZHE NA, 'DIR BRJOD PAR BYA STE, TSIGS SU BCAD PA 'DI'I DON NI SEMS RANG RIG PA'I GZUNG BA DANG, 'DZIN PA'I DNGOS PO DGAG PA YIN TE, DE NI BCAS PA DANG REG PA BZHIN DU THA DAD PA LAS GYUR PA'I PHYIR RO, ,GSAL BA'I RANG BZHIN YIN PA'I PHYIR MYONG BA'I NGO BO DGAG PA NI MA YIN TE, GANG GI PHYIR GSAL BA NI RANG RIG PA YIN LA, DE YANG THA DAD PA 'GAL TE, THA MI DAD PAS NGES PA'I PHYIR DGAG PAR 'OS PA MA YIN NO, ,DE BAS NA, DE BZHIN SEMS KYIS RANG MI MTHONG, ,ZHES BYA BA DER NGAR 'DZIN PA MA YIN NO ZHES BYA BA LHAG MA YIN NO, ,DE SKAD DU 'PHAGS PA DGONGS PA NGES PAR 'GREL PA LAS, BYAMS PAS GSOL PA, BCOM LDAN 'DAS GAL TE DE'I SPYOD YUL GZUGS BRNYAN LAGS NA, SEMS LAS GZHAN MA LAGS PA'I SLAD DU JI LTAR SEMS DE NYID KYIS SEMS NYID LA BLTA BAR BGYID, BCOM LDAN 'DAS KYIS BKA' STZAL BA, BYAMS PA 'DI LA CHOS GANG GIS CHOS GANG LA YANG LTA BA MED MOD KYI, 'ON KYANG SEMS DE NYID DE LTA BUR SNANG BA SKYE BAR 'GYUR RO ZHES GSUNGS SO, ,GZHAN YANG RNAM PAR RIG PA TZAM GYI GNYUG MA'I RANG GI NGO BO NI RANG RIG PA'I BDAG NYID DU SKYE STE DE NYID DU MNGON SUM GYI TSAD MA NYID KYIS MA 'KHRUL PA YANG YIN LA, SGRO BTAGS PA'I RANG GI NGO BO MYONG BAS NA 'KHRUL PA YANG YIN NO, ,DE BAS NA 'KHRUL PA'I MTSAN MA DE THAMS CAD RIM GYIS DOR TE, NAM MKHA' GCIG TU DRI MA MED CING MTHA' MED PA LTA BUR CHOS THAMS CAD KYI GSAL BA'I LUS GNYIS GYIS STONG PA MYONG BA GANG YIN PA DE NYID DON DAM PA YANG DAG PAR RTOGS PA YIN GYI, SEMS DANG SEMS LAS BYUNG BA 'GAGS PA NI RIG PA MA YIN NO, ,TSOGS BSAGS PA'I 'PHEN SHUGS KYIS RIG PA'I RANG GI NGO BO'I SANGS RGYAS KYI CHOS RNAMS MI ZAD PA'I PHYIR YANG, SEMS DANG SEMS LAS BYUNG BA ZAD PAR MI RIGS TE, SEMS DANG SEMS LAS BYUNG BA'I RGYUN GYI @154A *, ,MTSAN NYID ZAG PA MED PA DE NYID NI GNAS ZHES BYA LA, ZAG PA DANG BCAS PA'I CHOS THAMS CAD KYI SA BON MA ZAD PAS DE SRID DU NI KUN GZHI ZHES BRJOD DO, ,ZAD NAS NI ZAG PA MED PA'I DBYINGS DANG, RNAM PAR GROL BA'I SKU DANG, CHOS KYI SKU ZHES KYANG BRJOD DE, DE'I PHYIR YANG SEMS DANG SEMS LAS BYUNG BA ZAD PAR MI RIGS SO, ,BCOM LDAN 'DAS KYIS KYANG GZUGS 'JIG PA'I MI RTAG PA NYID NAS RNAM PAR SHES PA'I BAR DU 'JIG PA'I MI RTAG PA NYID DO ZHES BYA BA 'DI DAG NI, SHES RAB KYI PHA ROL TU PHYIN PA BCOS MA YIN NO ZHES GSUNGS PA'I PHYIR YANG SEMS DANG SEMS LAS BYUNG BA 'GAGS PAS NI YANG DAG PAR RTOGS PAR MI RIGS SO, ,'JIG RTEN LAS 'DAS PA'I YE SHES 'KHRUL PA MED PAR RAB TU DGA' BA LA SOGS PA'I SA KHAS MI LEN PAS, CHOS DKON MCHOG SHES RAB KYI PHA ROL TU PHYIN PA LA SKUR PA BTAB PA LA, DE NYID KYIS NA BYANG CHUB SEMS DPA'I DGE 'DUN DANG, SANGS RGYAS DKON MCHOG LA YANG SKUR PA BTAB PAR 'GYUR RO, ,'ON TE KHAS LEN NA NI SEMS DANG SEMS LAS BYUNG BA 'GAG PA YANG DAG PAR RTOGS PA'I BYANG CHUB TU MI RIGS SO, ,GANG DAG RNAM PAR MED PA'I SHES RAB KYI PHA ROL TU PHYIN PA SPONG BA DE DAG GI NYES PA NI DE DAG NYID DO, ,GZHAN YANG, SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,ZHES GSUNGS TE, SHIN TU SPROS PAS CHOG GO, ,'DIR TSIGS SU BCAD PAR GYUR PA NI, GSAL BA'I RANG BZHIN GSAL BZHIN PA, ,DE DANG 'BREL PAS LKOG GYUR MIN, ,GANG DANG 'BREL PAS GANG RIG PA, ,DE YIS RIG BYA DE RIG GYUR, ,RAL GRI'I SO DANG SOR RTZE BZHIN, ,BLO YI NGAR 'DZIN DOR YIN GYI, ,RANG NYID SNANG GSAL DOR MIN PAR, ,DGONGS PA NGES PAR 'GREL LAS GSUNGS, ,DE'I PHYIR BLO YI MTSAN NYID NI, ,RANG RIG PAR NI GRUB PA YIN, ,GSAL DANG DE YI BDAG NYID KYI, ,'BREL PA YIN PHYIR BLO TZAM YIN, ,SHES PA'I RANG BZHIN MNGON SUM STE, ,BRDZUN PA SNANG BAS 'KHRUL PA YIN, ,MTSAN MA DE NI SPANGS NAS SU, ,YE SHES NAM MKHA' LTA BUR BSGOM, ,SEMS KYI RGYUN NI ZAD PA MED, ,ZAG BCAS CHOS KYI SA BON NI, ,MA ZAD KUN @154B GZHI SNGON NAS SKABS, ,ZAD NAS ZAG PA MED PA'I DBYINGS, ,RNAM PAR GROL BA'I SKU DANG NI, ,RTAG TU NYI ZER NYI MA BZHIN, ,SANGS RGYAS CHOS RNAMS GNAS YIN PAS, ,SKYOB PA RNAMS KYI CHOS SKUR BSHAD, ,CES BYA BA YIN NO, ,JI LTA BA BZHIN DU GYUR PA NI BSAM PA'I SHES RAB STE, THOS PA DANG BSAMS PA LAS BYUNG BA'I SHES RAB BSHAD ZIN TO, ,DE DAG RNYED NAS SHES RAB KYI PHA ROL TU PHYIN PA BSGOM PAR BYA'O ZHES SNGAR BSTAN NAS DE NAS 'DI'I BSGOM PA BRJOD PAR BYA'O, ,THOS PA DANG BSAMS PA DANG, BSGOMS PA RNAMS KYI BAR DU SBYOR BA NI GNYIS TE, GUS PAS SBYOR BA DANG, RGYUN DU SBYOR BA'O, ,RAB TU SBYOR BA NI SBYOR BA BYED PA'O, ,'GRUS PA DANG DGA' BA DANG SPRO BAS SBYOR BA NI GUS PAR SBYOR BA YIN LA, BAR MA CHAD PAS SBYOR BA NI RGYUN DU SBYOR BA'O, ,BSGOM PA YANG RNAM PA GSUM STE, ZHI GNAS DANG, LHAG MTHONG DANG, ZHE GNAS DANG LHAG MTHONG ZUNG DU 'BREL PAR 'JUG PA'I BSGOM PA'O, ,DE LA JI SNYED YOD PAR GYUR PA DANG, JI LTA BA BZHIN DU GYUR PA LA RNAM PAR MI RTOG PA'I GZUGS BRNYAN DU GYUR PA NI ZHI GNAS KYI DMIGS PA'O, ,JI SNYED YOD PAR GYUR PA DANG, JI LTA BA BZHIN DU GYUR PA LA RTOG PA DANG BCAS PA'I GZUGS BRNYAN DU GYUR PA NI LHAG MTHONG GI DMIGS PA'O, ,'DI NA BYANG CHUB SEMS DPA' GCIG PU DBEN PAR GNAS LA JI LTAR BSAMS PA'I DON YID LA BYA BA STE, YID KYIS BRJOD PA SPANGS NAS SEMS NYID DE LTAR SNANG BA LA LAN MANG DU YID LA BYA STE, JI SRID DU LUS DANG SEMS SHIN TU SBYANGS PA MA SKYES KYI BAR DU ZHI GNAS DANG RJES SU MTHUN PA'I YID LA BYED PA YIN LA, GANG GI TSE SKYES PA DE'I TSE ZHI GNAS YIN NO, ,DE'I LUS DANG SEMS SHIN TU SBYANGS PAS NYE BAR THOB PA DE NYID LA GNAS TE, JI LTAR BSAMS PA DE NYID KYI DON NANG GI TING NGE 'DZIN GYI GZUGS BRNYAN GYI SPYOD YUL LHAG PAR MOS PAS SO SOR BRTAG PAR BYA STE, JI SRID DU LUS DANG SEMS SHIN TU SBYANGS PA MA SKYES PA DE SRID DU NI LHAG MTHONG DANG RJES SU MTHUN PA'I YID LA BYED PA YIN LA, GANG GI TSE DE'I LHAG MTHONG YIN NO, ,DE'I 'OG TU RNAM PAR RTOG PA DANG BCAS PA'I GZUGS BRNYAN DE @155A *, ,NYID LA DMIGS TE, SEMS DE NYID LA GANG GI TSE RGYUN MI 'CHAD PA DANG, BAR MA CHAD PA'I YID LA BYED PA'I RGYUN GYIS GNYI GA YANG NYAMS SU MYONG BA DE'I TSE, ZHI GNAS DANG LHAG MTHONG ZUNG DU 'JUG PA'I LAM ZHES BRJOD DE, DE LA ZHI GNAS DANG LHAG MTHONG NI ZUNG YIN LA, ,'BREL PA DANG NI LDAN PA STE, ,PHAN TSUN BCINGS NAS 'JUG PA'O, ,'DIR SGRIB PA LNGA RNAMS KYI NANG NAS, RGOD PA DANG, 'GYOD PA DAG NI ZHI GNAS LA SGRIB PA'O, ,RMUG PA DANG GNYID DANG THE TSOM NI LHAG MTHONG LA SGRIB PA'O, ,'DOD PA LA 'DUN PA DANG, GNOD SEMS NI GNYI GA LA SGRIB PA'O, ,GANG GI TSE RMUGS PA DANG GNYID YANG DAG PAR BSAL BAR GYUR PA DE'I TSE ZHI GNAS YONGS SU DAG PAR GYUR PA YIN LA, GANG GI TSE RGOD PA DANG, 'GYOD PA SHIN TU GSAL BAR GYUR PA YIN PA DE'I TSE LHAG MTHONG YONGS SU DAG PAR GYUR PA YIN NO, ,DE LA BCOM LDAN 'DAS KYIS ZHI GNAS NI RNAM PA DGU RU BKA' STZAL TE, JI LTA BA BZHIN DU SEMS DE NANG DU 'JOG PAR BYED KUN TU 'JOG PAR BYED, YONGS SU 'JOG PAR BYED, NYE BAR 'JOG PAR BYED, DUL BAR BYED, ZHI BAR BYED, NYE BAR ZHI BAR BYED, RGYUD GCIG TU BYED, SEMS MNYAM PAR 'JOG PAR BYED CES GSUNGS SO, ,DE LA DANG POR PHYI ROL GYI DMIGS PA RNAMS LAS SEMS BLAN TE, NANG DU RAB TU BSDUS NAS BTAGS PA NI NANG DU 'JOG PA'O, ,DE NAS RANG BZHIN GYIS G-YO BA'I SEMS DE NYID LA RGYUN DU GTONG CING 'JOG PA NI, KUN TU 'JOG PA'O, ,DE NAS DRAN PA NYAMS PAS PHYI ROL DU RNAM PAR G-YENG BA SHES PAR BYAS LA SLAR BLAN NAS SEMS DE LA 'JOG PA NI YONGS SU 'JOG PA'O, ,DE NAS SEMS RANG BZHIN GYIS RGYA CHE BA LAS YANG DANG YANG DU MNGON PAR BSDUS TE PHRA BAR BYAS NAS GONG NAS GONG DU 'JOG PA NI NYE BAR 'JOG PA'O, ,DE NAS TING NGE 'DZIN GYI YON TAN LA BLTAS TE DE NYID LA DGA' BA NI 'DU BA'O, ,DE NAS RNAM PAR G-YO BA'I SKYON BLTAS NAS YID PHYIR PHYOGS PA RAB TU ZHI BAR BYED PA NI ZHI BA'O, ,CHAGS SEMS DANG YID MI BDE BA LA SOGS PA LANGS PA RNAMS ZHI BAR BYED PA NI NYE BAR ZHI BA'O, ,DMIGS PA GCIG PA LA RANG GI NGANG GIS 'JUG PA NI RGYUD GCIG PA STE, YANG DAG PA MA YIN PAR GYUR PA LAS 'BAD PAS YANG DAG PAR BYED PA NI RGYUD GCIG TU BYED PA GOMS PAS LHUN GYIS GRUB PAR RANG GI NGANG GIS 'JUG PA YANG DAG PAR RANG DBANG THOB PAS 'DZIN PA NI SEMS MNYAM PAR 'JOG PA'O, ,DE SKAD DU, MDO SDE'I RGYAN LAS, SEMS NI @155B DMIGS PA LA SBYOR TE, ,RGYUN DE LAS NI G-YENG MI BYED, ,RNAM PAR G-YENG BA SHES NAS SU, ,SLAR YANG MYUR DU BLAN NAS NI, ,NANG DU SEMS NI BSDU BAR BYA, ,BLO LDAN GONG NAS GONG DU SBYOR, ,TING 'DZIN YON TAN LA BLTAS NAS, ,DE NYID LA NI DGA' BAR BYA, ,RNAM PAR G-YENG BA'I SKYON BLTAS NAS, ,PHYIR PHYOGS PA NI ZHI BAR BYA, ,CHAGS SEMS YID MI BDE LA SOGS, ,LANGS PA DE BZHIN DU NI 'DUL, ,DE NAS MNGON PAR 'DU BYED PAS, ,SEMS NI RNAL DU 'JUG PAR BYA, ,SDOM BRTZON CAN GYIS GUS BYAS NAS, ,'BAD MED 'JUG PA THOB PAR 'GYUR, ,ZHES GSUNGS SO, ,LHAG MTHONG YANG RNAM PA BZHIR GSUNGS TE, JI LTAR YANG DE CHOS RNAMS RNAM PAR BYED DO RAB TU RNAM PAR BYED DO, ,YONGS SU RTOG GO YONGS SU DPYOD PAR BYED DO ZHES GSUNGS SO, ,DE LA JI SNYED YOD PAR GYUR PA LA SO SOR RTOG PA NI RNAM PAR BYED PA'O, ,JI LTA BA BZHIN DU GYUR PA LA SO SOR RTOG PA NI RAB TU RNAM PAR BYED PA'O, ,RNAM PAR MI RTOG PA'I YID LA BYED PA SHES RAB DANG LHAN CIG TU GYUR PAS MTSAN MA'I RNAM PA BZUNG BA NI YONGS SU RTOG PA'O, ,KUN TU DPYOD PA NI YONGS SU DPYOD PA'O, ,'DI DAG GI BSHAD PA NI 'PHAGS PA BYAMS PAS GSUNGS PA'I THEG PA CHEN PO'I CHOS CMNGON PA KUN LAS BTUS PA LAS, LHAG MTHONG GANG ZHE NA, JI LTAR YANG DE CHOS RNAM PAR 'BYED, RAB TU RNAM PAR 'BYED, YONGS SU RTOG PAR BYED, YONGS SU DPYOD PAR BYED DE, GNAS NGAN LEN GYI MTSAN MA'I GNYEN POR BLANG PA DANG, PHYIN CI LOG NGES PAR BSAL BA DANG, PHYIN CI MA LOG PA LA SEMS RNAM PAR GZHAG PA DAG NYE BAR BLANGS NAS SO ZHES GSUNGS TE, 'DIR TSIG 'DI DAG GI DON NI GNAS NGAN LEN NI PHYIN CI LOG GI BAG CHAGS TE, DE YANG PHYIN CI LOG GONG DU SKYED PAR BYED PA'I NUS PA SEMS KYI RGYUD LA GNAS PA'I MTSAN NYID DO; ;DE'I MTSAN MA NI GANG GI TSE YONGS SU GSO BAR BYED PA STE, PHYIN CI LOG LA MNGON PAR ZHEN PA SNGA MA SNGA MA DAG GO, ,DE ZAD PAS GNAS NGAN LEN ZAD DE, PHYIN CI LOG SKYE BAR MI 'GYUR TE, MTSAN MA'I GNYEN PO GOMS PA LAS MTSAN MA ZAD PA YIN TE, GNYEN PO DE NI RNAM PAR 'BYED, RAB TU RNAM PAR 'BYED PA STE, DE BAS 'DI GNYIS NI GNAS NGAN LEN GYI MTSAN MA'I GNYEN PO NYE BAR BLANGS TE BSTAN PA'O, ,YONGS SU RTOG PA NI PHYIN CI LOG NGES PAR BSAL BA NYE BAR BLANGS NAS BSTAN TE, GANG GI PHYIR DE NI JI LTA BA BZHIN DU RNAM PAR PHYE JI LTA BA BZHIN DU RAB TU RNAM PAR PHYE BAS PHYIN CI LOG GI DOGS PA GCIG TU BSAL NA BRJOD PA MED PA YID LA BYED PAS YONGS SU BTZAL NAS LHAG PAR @156A *, ,DMIGS PA STE, DE BAS 'DI NI PHYIN CI LOG NGES PAR BSAL BA ZHES BYA'O, ,DE LTAR 'DIS PHYIN CI LOG NGES PAR BSAL BAS, PHYIN CI MA LOG PAR BYAS LA, PHYIN CI MA LOG PA DER MNGON SUM BZHIN DU MTHONG BA'I DON LA SEMS GZHAG NAS SO SOR RTOG PA NI YONGS SU DPYOD PA STE, DE BAS NA 'DI NI PHYIN CI MA LOG PA LA SEMS GZHAG PA NYE BAR BLANGS TE BSTAN PA'O ZHES BYA BA 'DI YIN NO, ,DE LTAR LHAG MTHONG RNAM PA BZHI PA'I BSGOM PA YONGS SU RDZOGS PA NI GNAS NGAN LEN GYI 'CHING BA LAS GROL BA YIN LA, ZHI GNAS RNAM PA DGU'I BSGOM PA YONGS SU RDZOGS PAS NI MTSAN MA'I 'CHING BA LAS GROL BAR 'GYUR TE, PHYIN CI LOG GI MTSAN MA PHYIN CI LOG GI DON RNAM PAR 'GAGS PA'I MTSAN NYID YIN PA'I PHYIR RO, ,DE SKAD DU YANG, ZHI GNAS DANG NI LHAG MTHONG DAG ,BSGOMS PAS GNAS NGAN LEN DANG NI, ,MTSAN MA YI NI 'CHING BA LAS, ,RNAL 'BYOR PA NI GROL BAR 'GYUR, ,ZHES GSUNGS TE, TSIGS SU BCAD PA 'DI'I DON NI CI RIGS PAR SBYAR LA GO RIMS BZHIN DU MA YIN NO, ,DE BAS NA RNAL 'BYOR DANG BSGOM PA NI RNAM GRANGS YIN LA ZHI GNAS DANG LHAG MTHONG ZUNG DU 'JUG PA NI RNAL 'BYOR GYI THUN MONG GI DBYE BA'O, ,'DIR SHES RAB KYI PHA ROL TU PHYIN PA'I RNAL 'BYOR DON DU GNYER BA RNAMS LA, RNAL 'BYOR GYI RNAM BZHI BRJOD PAR BYA STE, DNGOS PO JI SNYED YOD PA LA DMIGS PA DANG, SEMS TZAM LA DMIGS PA DANG, DE BZHIN NYID LA DMIGS PA DANG, DMIGS SU MED PA'O, ,DE LA RE ZHIG DANG PO BRJOD PAR BYA STE, 'DIR BYANG CHUB SEMS DPA' THOS PA DANG BSAMS PA'I SHES RAB PHUN SUM TSOGS PAS GCIG PU DBEN PAR GNAS TE, SKYIL MO KRUNG BCAS TE, SHIN TU SGU BA YANG MA YIN SHIN TU DGYE BA YANG MA YIN PAR LUS DRANG POR BSRANG NAS SEMS SHIN TU ZHUM PA YANG MA YIN SHIN TU 'PHRO BA YANG MA YIN PAR DRAN PA DANG SHES BZHIN MNGON DU GZHAG LA, RANG BZHIN GYIS RNAM PAR G-YENG BA'I MIG DANG RNA BA DANG SNA DANG LCE DANG LUS DANG RNAM PAR SHES PA YONGS SU BSDUS LA, SNANG BA DANG BCAS PA'I 'DU SHES KYIS MNYAM PAR GZHAG STE, SNA TSOGS 'DI DAG YID LA BYA BA NI 'DI LTA STE, SNGON PO DANG SER PO LA SOGS PA'I @156B GZUGS DANG RGOD PA DANG BSDU BA LA SOGS PA'I SGRA DANG, GA PUR DANG, RNAG LA SOGS PA'I DRI DANG, MNGAR BA DANG SKYUR BA LA SOGS PA'I RO DANG, GRANG BA DANG DRO BA LA SOGS PA'I REG BYA DANG, BDE BA DANG SDUG BSNGAL DANG, 'DOD CHAGS DANG ZHE SDANG DANG NAM MKHA' DANG, MYA NGAN LAS 'DAS PA LA SOGS PA NI CHOS TE, DE LTAR GZUNG BAR SNANG BA'I YUL GYI KHAMS DRUG GO, ,YANG DE DAG LA 'DZIN PAR SNANG BA'I NGANG NA GSAL BA'I RANG BZHIN RNAM PAR SHES PA'I KHAMS DRUG NI 'DI LTA STE, MIG GI RNAM PAR SHES PA DANG RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA'O, ,RNAM PAR SHES PA'I KHAMS DRUG PO DE DAG GI RTEN NI DBANG PO'I KHAMS DRUG STE DE LNGA NI GZUGS CAN NO, ,GCIG NI GZUGS MED PA STE, 'DI LTA STE, MIG 'BRAS KYI NANG NA ZAR MA'I ME TOG LTA BU DANG, RNA BA'I GTING NA GRO GA'I MDUD PA LTA BU DANG, SNA'I RTZA BA NA THUR MA LTA BU DAG DANG, LCE'I DKYIL 'KHOR LA SKRA'I RTZE MO'I TSAD TZAM GYIS BAR MCHOD PA'I ZLA BA PHYED PA LTA BU GNYIS DANG, LUS LTA BU'I LUS KYI DBANG PO DANG, RNAM PAR SHES PA 'GAGS MA THAG PA'I YID KYI, DBANG PO'I KHAMS TE, DE LTAR BDAG DANG SEMS CAN THAMS CAD KYI YUL RNAMS DANG, RNAM PAR SHES PA RNAMS DANG, DBANG PO RNAMS DRUG DRUG YONGS SU BSDUS PA NI KHAMS BCO BRGYAD DE, PHYOGS BCU'I 'JIG RTEN GYI KHAMS SU GNAS PA SNA TSOGS YID LA BYAS LA, SNA TSOGS SNANG BA'I SEMS DE NYID DMIGS PA NAS YID KYI BRJOD PA SPANGS LA ZHI GNAS BSGOM PAR BYA STE, JI TZAM NA LUS DANG SEMS SHIN TU SBYANGS PA THOB PA ZHI GNAS RDZOGS PA YIN NO, ,DE NAS ZHI GNAS DE NYID LA BRTEN TE DE NYID DU SNA TSOGS KYI GZUGS BRNYAN 'DI DAG NYID NI 'DI LTA STE, GZUGS KYI KHAMS NAS YID KYI KHAMS KYI BAR 'DI DAG NI CHOS THAMS CAD CES BYA STE, DE LTAR LAN MANG DU RNAM PAR PHYE NAS YONGS SU BRTAG PAR BYA, ,YONGS SU DPYAD PAR BYA BAS LHAG MTHONG RDZOGS PAR BYA'O, ,DE NAS DE'I 'OG TU RNAM PAR RTOG PA DANG BCAS PA'I GZUGS BRNYAN LA DMIGS PA'I SEMS DE NYID @157A *, ,LA GNYI GA MNYAM PAR DMIGS PA'I SEMS KYIS RGYUN MI 'CHAD PA YID LA BYED PA'I RGYUN 'JUG PA NI ZHI GNAS DANG LHAG MTHONG ZUNG DU 'BREL PAR 'JUG PA'I LAM ZHES BYA'O, ,SHES RAB KYI PHA ROL TU PHYIN PA'I MAN NGAG LAS, JI SNYED YOD PAR GYUR PA LA DMIGS PA'I RNAL 'BYOR GYIS STE DANG PO'O,, ,,DE NAS GNYIS PA NI SNA TSOGS SNANG BA'I SEMS DE BZHIN DU BSKYED LA, 'DI LTAR NYE BAR BRTAG PAR BYA STE, GZUGS ZHES BYA BA 'DI NI MING TZAM MO ZHES BYA BA NAS, JI SRID KYI BAR GYI CHOS THAMS CAD KYANG MING TZAM STE, MING DANG DON DAG NI SHIN TU THA DAD PA'I PHYIR MING NI DON DU YOD PA MA YIN TE, DON MNGON PAR MI SHES PAR MING TZAM DU SNANG LA, MING MNGON PAR MI SHES PAR YANG DON TZAM DU SNANG BA'I PHYIR RO, ,DE BAS NA MING JI LTA BA BZHIN DU DON MED PAS GZUGS NI MING TZAM STE, DON DU MA YIN NO ZHES BYA BA NAS, CHOS THAMS CAD KYI BAR DU YANG MING TZAM YIN NO, ,'JIG RTEN PA RNAMS NI THA SNYAD KYI DON DU GLO BUR DU MING BSDEBS TE, BTAGS PA LA GZUGS ZHES BYA BA'I DON DU RTOG PA NAS, CHOS THAMS CAD KYI BAR DU RTOG STE, DE BAS NA GZUGS NAS CHOS THAMS CAD KYI BAR DU MING GI DON DU YOD PA MA YIN NO, ,YANG 'DI DAG NI SEMS TZAM TE, DON 'DI DAG MED BZHIN DU DON SNANG BA LA DON DU MNGON PAR ZHEN PA'I BAG CHAGS KYI DBANG GIS SKYE BAR SNANG STE, RGYAN PO LA GOMS PA'I DBANG GIS, RMI LAM NA RGYAN PO RTZE BAR SNANG BA BZHIN NO, ,DE BAS NA GLO BUR DU MING DU BSDEBS TE, BTAGS PA'I DON 'DI DAG SEMS TZAM YIN GYI, ,SEMS LAS PHYI ROL DU GYUR PA'I GZUNG BA'I DON NI 'GA' YANG YOD PA MA YIN NO, ,GZUNG BA DE MED PAS 'DZIN PA YANG YOD PA MA YIN NO, ,DE BAS NA SNA TSOGS 'DI DAG NI BRJOD DU MED CING GZUNG BA DANG 'DZIN PAS STONG PA'I SEMS TZAM DU NGES PAR BYAS LA, YID KYI BRJOD PA THAMS CAD SPANGS TE, CHOS THAMS CAD SEMS TZAM PA DE NYID LA SEMS BSDUS TE, NYE BAR BTAGS NAS MI G-YO BAR BYAS LA, JI SRID LUS DANG SEMS SHIN TU SBYANGS PA THOB KYI BAR DU ZHI GNAS BSKYED PAR BYA'O, ,SHIN TU SBYANGS PA SO SOR THOB NAS @157B DE NYID LA GNAS TE, TING NGE 'DZIN GYI SPYOD YUL GYI GZUGS BRNYAN LA YANG DANG YANG DU RNAM PAR PHYE LA, YANG RNAM PA SNA TSOGS PA 'DI DAG NI, KHAMS BCVA BRGYAD GZUNG BA DANG, 'DZIN PAS STONG PA'I RANG BZHIN MED PA'I SEMS TZAM MO ZHES PA YANG DANG YANG DU RAB TU RNAM PAR PHYE LA YONGS SU BRTAG PAR BYA, ,YONGS SU DPYAD PAR BYA BAS LUS DANG SEMS SHIN TU SBYANGS PA'I BAR DU LHAG MTHONG BSKYED PAR BYA'O, ,DE'I 'OG TU RNAM PAR RTOG PA DANG BCAS PA'I GZUGS BRNYAN LA DMIGS PA'I SEMS DE NYID LA GNYI GA MNYAM PA'I SEMS KYIS RGYUN MI 'CHAD PA'I YID LA BYED PA'I RGYUN 'JUG PA NI, ZHI GNAS DANG LHAG MTHONG ZUNG DU 'JUG PAR 'BREL PA'I LAM ZHES BYA'O, ,SHES RAB KYI PHA ROL TU PHYIN PA'I MAN NGAG LAS, JI LTA BAR GYUR PA'I SEMS TZAM LA DMIGS PA'I RNAL 'BYOR GYI SA STE GNYIS PA'O,, ,,DE NAS GSUM PA NI, SNA TSOGS SNANG BA'I SEMS DE BZHIN DU BSKYED LA, 'DI LTAR NYE BAR BRTAG PAR BYA STE, KHAMS BCVA BRGYAD PO SNA TSOGS PA 'DI DAG NI, GZUNG BA DANG, 'DZIN PAS STONG PA'I RANG BZHIN MED PAS SEMS TZAM STE, GANG YANG 'DI GZUGS ZHES BYA BA NAS CHOS THAMS CAD KYI CHOS ZHES BYA BA'I BAR DU MING DU SNANG BA DANG, DON DU SNANG BA GANG YIN PA NI 'DI LTA STE, PHUNG PO DANG, KHAMS DANG, SKYE MCHED NAS, CHOS THAMS CAD KYI BAR DU SNANG BA STE, CHOS JI LTA BUR SNANG BA'I PHYIR 'DI DAG NI CHOS THAMS CAD KYI MTSAN MA'O, ,'KHRUL PA'I DMIGS PA YIN PA'I PHYIR, 'DI DAG THAMS CAD NI 'KHRUL BA'I MTSAN MA DANG, SPROS PA'I MTSAN MA DANG, PHYIN CI LOG GI MTSAN MA YIN TE, SNANG BA DE YANG BLOS BSLAD PA'I DBANG GIS YANG DAG PA MA YIN PA'I SNANG BA YIN YANG, YANG DAG PA MA YIN PA DE NYID DMIGS PAR SNANG BAS 'KHRUL PA'I DMIGS PA ZHES BRJOD DO, ,DE LTAR SNANG BA 'DI JI LTAR JI SNYED DE SNYED DU NI 'KHRUL BA YIN TE, YANG DAG PA MA YIN PA MTHONG BA DANG, DON DAM PA MA MTHONG BA'I PHYIR RO, ,DE BAS NA CHOS THAMS CAD KYI DON DAM PA MTHONG BAR 'DOD PA DES, ,DE BZHIN DU ZHI GNAS DE NYID LA BRTEN TE, SNANG BA MED PAR GYUR PA'I SBYOR BAS, MNGON DU GYUR PA'I SNANG BA'I @158A *, ,'KHRUL PA'I MTSAN MA 'DI DAG SPANG BAR BYA STE, DPER NA BSAM GTAN PA 'BA' ZHIG GCIG PU DBEN PAR GNAS TE, BSAM GTAN LA GNAS NAS, GZUGS KYI 'DU SHES LAS YANG DAG PAR 'DAS TE, NAM MKHA'I 'DU SHES KYIS THAMS CAD LA NYE BAR GNAS TE, NAM MKHA' MTHA' YAS SKYE MCHED RDZOGS PAR BYAS NAS GNAS PA DE BZHIN DU, BYANG CHUB SEMS DPA' 'DI YANG KHAMS BCVA BRGYAD PO SNA TSOGS SEMS KYI SNANG BA TZAM LA MNYAM PAR GZHAG LA, YID KYI BRJOD PA THAMS CAD SPANGS NAS, 'KHRUL PA'I MTSAN MA 'DI DAG THAMS CAD DANG, RNAM PAR RTOG PA'I MTSAN MA 'DI DAG THAMS CAD SPANG BAR BYA BA NI 'DI LTA STE, LUS DANG, LJON SHING DAG DANG, GRONG DANG, GRONG KHYER DANG, CHU BO DANG, RGYA MTSO DANG, SA GZHI DANG, NAM MKHA' DANG, SNANG BA DANG, MUN PA DANG, ZLA BA DANG, NYI MA DANG, GZA' DANG, RGYU SKAR LA SOGS PA'I SNANG BA 'GA' YANG MED CING, DE BZHIN DU GZUGS DANG, SGRA DANG, DRI DANG, RO DANG, REG BYA YANG 'GA' YANG MED LA, MIG DANG, RNA BA DANG, SNA DANG, LCE DANG, LUS KYI DBANG PO YANG 'GA' YANG MED DE, ,DE BZHIN DU MIG DANG RNA BA DANG, SNA DANG, LCE DANG, LUS KYI RNAM PAR SHES PA YANG MED CING, YID DANG, CHOS KYI KHAMS KYANG MED DO, ,KHAMS RNAMS MED PA DE BZHIN DU, SKYE MCHED RNAMS DANG PHUNG PO RNAMS DANG JI SRID SANGS RGYAS KYI CHOS RNAMS KYI BAR DU YANG MED DE, DE LTAR CHOS THAMS CAD KYI RNAM PAR RTOG PA'I MTSAN MA GZUNG BAR GYUR PA'I MTSAN MA RNAMS SPANGS PAS, DE LA LTOS PA'I 'DZIN PA'I MTSAN MA YANG NUB PAR GYUR NAS, NAM MKHA' GCIG TU DRI MA MED CING MTHA' MED PA LTA BUR CHOS THAMS CAD KYI CHOS NYID GNYIS KYIS STONG PA NYID GSAL BA TZAM NYID DU BLTA'O, ,CHOS THAMS CAD STONG PA NYID DU SNANG BA LA LTA BA'I SEMS DE NYID LA SEMS BSDUS NAS MI G-YO BAR BYA STE, JI SRID DU LUS DANG SEMS SHIN TU SBYANGS PAR GYUR PA DE SRID DU ZHI GNAS MNGON DU BYA'O, ,DE NAS ZHI GNAS DE NYID LA BRTEN TE, TING NGE 'DZIN DE NYID KYI SPYOD YUL CHOS THAMS CAD STONG PA NYID KYI GZUGS BRNYAN DE NYID RAB TU RNAM PAR PHYE LA, CHOS 'DI DAG THAMS CAD NI @158B LDAN PA YANG MA YIN MI LDAN PA YANG MA YIN LA GZUGS MED PA DANG, BSTAN DU MED PA, THOGS PA MED PA 'DI LTA STE, MTSAN NYID MED PAR MTSAN NYID GCIG PA'O ZHES BYA STE, DE LA LDAN PA YANG MA YIN ZHES BYA BA NI, DON DAM PAR DBYER MED PA'I MTSAN NYID GCIG TU YOD PAR GYUR PA SNANG BA MA YIN PA'O, ,MI LDAN PA YANG MA YIN ZHES BYA BA NI, MTSAN NYID THA DAD PAR YOD PAR 'GYUR BA NYID SNANG BA YANG MA YIN TE, 'ON KYANG RANG GI MTSAN NYID SNA TSOGS PA RNAMS, RTOG PA'I MTSAN NYID MI BRDZUN PA'I RNAM PA THA DAD PAR SNANG BA TZAM STE, DON DAM PAR GNYIS KYIS STONG PA ZHES BYA BA THUN MONG GI MTSAN NYID KYI SNANG BAR RO GCIG TU SNANG BA ZHES BYA BA'I DON TO, ,DON DAM PA'I RANG BZHIN DE DAG GI RNAM PAR RTOG PA'I YUL LAS 'DAS SHING RANG GIS BRTAGS PAR MI NUS PAS GZUGS MED PA'O, ,GZHAN LA TSIG GIS BSTAN PAR MI NUS PAS BSTAN DU MED PA'O, ,NAM MKHA' GCIG TU DRI MA MED CING MTHA' MED PA LTA BUR SNANG BAS NA THOGS PA MED PA'O, ,STONG PA NYID CES BYA BA'I SPYI'I MTSAN NYID DU SNANG BAS MTSAN NYID GCIG PA'O, ,DE YANG DE RNAMS KYI THUN MONG GI MTSAN NYID DE, DE LAS GZHAN YANG MA YIN TE, SPYI'I RDZAS SU YOD PA DANG MED PAR DGAG PA TZAM YANG DER SNANG BA MA YIN TE, DE DAG LA RIGS PA MED PA'I PHYIR RO, ,'O NA JI LTA BU ZHE NA, GSAL BA TZAM GYI LUS TE, RANG GI MTSAN NYID KYI DBYE BA RNAMS BRDZUN PA'I RNAM PA'I MTSAN MA LAS GYUR PA'I PHYIR DE DAG DON DAM PAR MED DE, ,DE DAG TU SNANG BA MED PA NYID STONG PA NYID DU SNANG BA YIN NO, , DE NYID KYI PHYIR 'DI LTA STE, MTSAN NYID MED PA'O ZHES SO, ,DE LTAR RAB TU RNAM PAR PHYE NAS JI SRID LUS DANG SEMS SHIN TU SBYANGS PAR GYUR PA DE SRID DU YONGS SU BRTAGS PA DANG, DPYAD PAS LHAG MA THONG RDZOGS PAR BYA'O, ,DE NAS DE'I 'OG TU RNAM PAR RTOG PA DANG BCAS PA'I TING NGE 'DZIN GYI SPYOD YUL STONG PA NYID KYI GZUGS BRNYAN DE NYID LA DMIGS PA'I SEMS DE NYID DU BAR MA CHAD PA DANG, RGYUN MA CHAD PAR YID LA BYED PA'I RGYUN 'JUG PA NI, ZHI GNAS DANG LHAG MTHONG ZUNG DU 'BREL PA 'JUG PA'I LAM ZHES BYA'O, ,SHES RAB KYI PHA ROL TU PHYIN PA'I MAN NGAG LAS, JI LTA BA BZHIN DU GYUR @159A *, ,PA'I CHOS THAMS CAD KYI DE BZHIN NYID LA DMIGS PA'I RNAL 'BYOR GYI SA STE GSUM PA'O,, ,,RNAL 'BYOR GYI SA GSUM PA LA ZHUGS PA'I RNAL 'BYOR PA CHOS KYI RNAL PAR RTOG PA SHIN TU PHRA BA YANG SPYOD PA DE SRID DU NI SA GSUM PA RDZOGS PA MA YIN LA, GANG GI TSE CHOS NYID 'BA' ZHIG GI RNAM PAR RTOG PA SHIN TU PHRA BA LA SPYOD PA DE'I TSE NI YONGS SU RDZOGS PAR BRJOD PAR BYA'O, ,YANG GANG GI TSE YONGS SU RDZOGS PA DE LA MNYAM PAR GZHAG PAS MNGON PAR BSGOMS PA'I STOBS KYIS RJES SU 'GRO BAS 'BAD PA MED CING MNGON PAR 'DU BYED PA MED PAR CHOS THAMS CAD KYI DE BZHIN NYID MNGON SUM DU NYAMS SU MYONG BAR MNGON DU GYUR PA NA, RNAM PAR MI RTOG PA'I YE SHES CHOS DANG CHOS NYID KYI MTSAN MA RNAMS YANG DAG PAR NUB PAS, GNYIS SU MED CING MA 'KHRUL BAS, ,SNANG BA MED CING DMIGS SU MED PA, RNAM PAR MI RTOG PA'I ZHI GNAS DANG LHAG MTHONG GI BDAG NYID MCHOG GSAL BAR RGYU BA, 'JIG RTEN LAS 'DAS SHING ZAG PA MED PA'I YE SHES MNGON DU GYUR PA DE NI RNAL 'BYOR GYI SA BZHI PA STE, JI SRID DU DON DAM PA'I BDEN PA LAS MA MTHONG BA LAS MTHONG BA DE SNYED DU NI MTHONG BA'I LAM YIN LA, MTHONG BA DE NYID LA LTA BA NI BSGOM PA'I LAM YIN NO, ,SA GSUM PAS YANG DAG PAR BSDUS PA'I DE BZHIN NYID KYI YE SHES JI SNYED PA NI, DES DE BZHIN NYID LA RNAM PAR RTOG CING, RNAM PAR MI RTOG PA MA YIN MOD KYI, 'ON KYANG YANG DAG PA LA SO SOR RTOG PA YIN PAS RNAM PAR MI RTOG PA SKYE BA DANG RJES SU MTHUN PA YIN NO, ,DE BZHIN NYID LA DES RTOG PA'I PHYIR RO, ,DE SKAD DU YANG, RNAM PAR MI RTOG PA LA 'JUG PA'I GZUNGS LAS, DE LTAR BYANG CHUB SEMS DPA' DES RNAM PAR MI RTOG PA'I MTSAN MA MNGON DU BYAS PA RNAMS, SNANG BA MED PAR GYUR BA'I SBYOR BAS, JI SRID DU MI RTOG PA'I DBYINGS LA MA REG PA DE SRID DU SPANG BAR BYA ZHING YID LA MI BYA'O, ,DE YANG DES RNAM PAR MI RTOG PA'I DBYINGS LA REG PAR BYA BA'I PHYIR, ,DE BZHIN NYID KYI SKYE GNAS CAN GYI TING NGE 'DZIN YANG DAG PA'I SBYOR BAS KUN TU BSTEN PAS RJES SU 'GRO BAR BYED, ,BSGOM PAS RJES SU 'GRO BAR BYED, ,LAN MANG DU BYED PAS RJES SU 'GRO BAR @159B BYED, YANG DAG PAR YID LA BYED PAS RJES SU 'GRO BAR BYAS NA, 'BAD PA MED CING MNGON PAR 'DU BYED PA MED PAR RNAM PAR MI RTOG PA'I DBYINGS LA REG PAR 'GYUR TE, RIM GYIS YONGS SU SBYONG BAR BYED DO ZHES GSUNGS TE, 'DIR RNAM PAR MI RTOG PA'I DBYINGS NI RNAM PAR MI RTOG PA'I YE SHES SO, ,REG PA NI THOB PA'O, ,SKYE GNAS NI DE BZHIN NYID DO, ,JI LTAR SKYE GNAS YIN ZHE NA, DE LA DMIGS PAS SKYE BA'I RGYUR GYUR PA'I PHYIR RO, ,GANG GI SKYE GNAS YIN ZHE NA, 'PHAGS PA'I CHOS RNAMS KYI'O, ,KUN DU BRTEN PA NI LUNG LAS BSTAN PA STE, THOS PA LAS BYUNG BA'I SHES RAB BO, ,BSGOM PA NI SGOM PA MNGON PAR RTOGS PA STE, BSAMS PA LAS BYUNG BA'I SHES RAB BO, ,LAN MANG DU BYED PA NI YANG DANG YANG DU YID LA BYED PA STE, BSGOMS PA LAS BYUNG BA'I SHES RAB BO, ,GSUM PA DE DAG NYID NI YANG DAG PAR YID LA BYED PA'O, ,DE DAG THAMS CAD KYIS BSGOM PA'I NUS PA DANG, BAG CHAGS DANG STOBS DANG PO BZHAG PA GANG YIN PA CHU BO BZHIN DU RJES SU 'BREL PA NI, DE DAG GI RJES SU 'GRO BA'O, ,'BAD PA MED CING MNGON PAR 'DU BYA BA MED CES BYA BA NI SO SO'I 'BAD RTZOL LA MA LTOS PAR RO, ,REG PAR GYUR ZHES BYA BA NI RAB TU DGA' BA'I SA THOB PA'O, ,RIM GYIS ZHES BYA BA DE LAS GONG MA'I RNAMS MNGON DU BYED PA'O, ,YANG RNAM PAR MI RTOG PA'I YE SHES DE NI, MTSAN NYID NI CI 'DRA, ,RTAGS NI GANG YIN, ,PHAN YON NI CI ZHIG YOD CE NA, GSUM PO 'DI DAG KYANG GZUNGS DE NYID LAS JI LTA BA BZHIN DU GSUNGS TE, DE LA RE ZHIG MTSAN NYID NI, JI LTAR RNAM PAR MI RTOG PA'I DBYINGS LA MI RTOG PA ZHES BRJOD CE NA, RNAM PAR RTOG PA THAMS CAD LAS YANG DAG PAR 'DAS PA NYE BAR BZUNG NAS, RANG BZHIN LA NYE BAR RTOG PA LAS YANG DAG PAR 'DAS PA DANG, DBANG PO'I RTOG PA THAMS CAD LAS YANG DAG PAR 'DAS PA DANG, YUL GYI RTOG PA THAMS CAD LAS YANG DAG PAR 'DAS PA DANG, RNAM PAR RIG PA'I RTOG PA THAMS CAD LAS YANG DAG PAR 'DAS PA DANG, SGRIB PA THAMS CAD KYI GNAS MA YIN PA RNAMS NYE BAR BZUNG NAS, RNAM PAR MI RTOG PA DANG, NGES PAR MI RTOG PA DANG, BSTAN DU MED PA DANG, MI GNAS @160A *, ,PA DANG, SNANG BA MED PA DANG, RNAM PAR RIG PA MED PA DANG, GNAS MED PA'O ZHES GSUNGS TE, 'DIR TSIG PHYI MA BDUN NI MTSAN NYID YIN LA, TSIG SNGA MA BDUN NI DE DAG NYID RNAM PAR BSHAD PA YIN NO, RNAM PAR RTOG PA RNAMS LAS 'DAS PA NI RNAM PAR RTOG PA NI MTSAN MA RNAMS NUB PA'O, ,DE LA THUN MONG DU RNAM PAR RTOG PA THAMS CAD LAS 'DAS PAS RNAM PAR MI RTOG PA STE, 'DI NI BSTAN PA'O, ,NGES PAR RTOG PA LA SOGS PA LNGA NI KHYAD PAR TE, DE DAG LAS 'DAS PA NI NGES PAR BSHAD PA'O, ,GANG GI PHYIR 'DIR DMIGS SHING DPYAD PAS NA NGES PAR RTOG PA STE, RANG GI NGES PAR RTOG PA'O, ,DE LAS 'DAS PA NA NGES PAR MI RTOG PA'O, ,BSTAN PA NI TSIG GIS GZHAN LA NGES PAR B STAN CING GSAL BAR BYAS PA STE, DE LAS 'DAS PAS NA BSTAN DU MED PA'O, ,SEMS CAN DU BRTAGS PA'I DBANG PO'I KHAMS DRUG NI GNAS SO,, 'DIR NI SNANG BAS MI GNAS PA'O, ,RAB TU SNANG BAS NA SNANG BA STE, YUL GYI KHAMS DRUG GO, ,DE RNAMS SU MI SNANG BAS NA SNANG BA MED PA'O, ,RNAM PAR RIG PA NI RNAM PAR SHES PA'I KHAMS DRUG GO, ,DE RNAMS SU MI SNANG BAS NA RNAM PAR RIG PA MED PA'O, ,RTOG PA DE DAG THAMS CAD JI SNYED PA LAS 'DAS PA NA RNAM PAR MI RTOG PA'O, ,GZHAN YANG RNAM PAR RTOG PA'I GNYEN PO YIN PA'I PHYIR YANG RNAM PAR MI RTOG PA BSTAN PA NI GNAS MED PA'O ZHES GSUNGS TE, GZHI YIN PAS NA GNAS TE, NYON MONGS PA DANG, SHES BYA'I SGRIB PAS BSDUS PA'I RNAM PAR RTOG PA RNAMS KYI GZHI YIN LA, DE DE LA YOD PA MA YIN TE, GNYEN PO DE NYID KYIS DE RNAMS BCOM PA'I PHYIR GNAS MED PA'O, ,DE'I PHYIR RNAM PAR MI RTOG PA ZHES GSUNGS SO, ,DE NAS DE RNYED PA'I MTSAN MA NI RNAM PAR MI RTOG PA'I DBYINGS LA RAB TU GNAS PA'I BYANG CHUB SEMS DPA'I SHES BYA DANG KHYAD PAR MED PA'I YE SHES KYI CHOS THAMS CAD NAM MKHA'I NGOS DANG 'DRA BAR MTHONG LA, DE'I RJES LAS THOB PAS NI CHOS THAMS CAD SGYU MA DANG, SMIG RGYU DANG, RMI LAM DANG, MIG YOR DANG, SGRA BRNYAN DANG, GZUGS BRNYAN DANG, CHU ZLA DANG, SPRUL PA DANG MTSUNGS PAR MTHONG NGO ZHES GSUNGS TE, 'DIR @160B SHES BYA DANG, KHYAD PAR MED PA ZHES BYA BA LA, SHES BYA NI CHOS THAMS CAD DO, ,DE DANG KHYAD PAR MED PA NI DE RNAMS KYI RO GCIG PA'I DE BZHIN NYID TZAM MTHONG BA STE, 'JIG RTEN LAS 'DAS PA'I YE SHES SO, ,YANG NA SHES BYA DE BZHIN NYID TZAM YIN LA, DE DANG KHYAD PAR MED PA NI DE DANG 'DRA BAR RO GCIG PA'O, ,YANG NA SHES BYA NI DE BZHIN NYID TZAM DE DANG KHYAD PAR MED CING DBYER MED PA STE, DE DANG THA MI DAD PAR SNANG BAS CHOS DANG CHOS CAN GYI MTSAN MA RNAMS NUB PA'I PHYIR, ,DE BZHIN NYID GZUNG BAR BYAS NAS DE 'DZIN PA POR MI SNANG BA'I PHYIR RO, ,NAM MKHA'I NGOS DANG MTSUNGS PAR ZHES BYA BA NI NAM MKHA'I NGOS DANG MNYAM PA STE, NGOS NI SGRIB PA MED PA YIN LA, ,MNYAM PA NI THAMS CAD DE CHOS GANG DAG GI NGOS MNYAM PA DE LA DE SKAD CES BYA'O, ,DE'I RJES LAS SKYES PA ZHES BYA BA NI 'JIG RTEN LAS 'DAS PA'I STOBS KYIS THOB PA YANG DAG PA 'JIG RTEN PA'I YE SHES KYIS SO, ,DE LA SGYU MA LTA BUR MTHONG BA NI SEMS CAD KYI 'JIG RTEN DE, BDEN PA MA YIN PA'I SKYES PA DANG, BUD MED LA SOGS PAR SNANG BA'I PHYIR RO, ,SMIG RGYU LTA BU NI SNOD KYI 'JIG RTEN TE, BRDZUN PA'I CHU LA SOGS PAR SNANG BA'I PHYIR RO, ,RMI LAM LTA BU NI YUL RNAMS LA NYE BAR SPYOD PA STE, DNGOS PO MED PA'I PHYIR RO, ,MIG YOR LTA BU NI GRIB MA LTA BU LUS KYI LAS TE, G-YO BA MED PA'I PHYIR RO, ,SGRA BRNYAN LTA BU NI NGAG GI LAS TE, SGRA MED PA'I PHYIR RO, ,GZUGS BRNYAN NI ME LONG GI NGOS LA SNANG BA'I GZUGS SO, ,MNYAM PAR BZHAG PA'I SA BA'I YID KYI LAS RNAMS NI SPRUL PA LTA BU STE, DON MED PAR DON GYI GZUGS BRNYAN DE LA SNANG BA'I PHYIR RO, ,MNYAM PAR MA BZHAG PA'I SA PA'I YID KYI LAS RNAMS NI CHU ZLA LTA BU STE, SHIN TU SBYANGS PA'I CHUS BRLAN PA'I PHYIR RO, ,GZHAN GYIS BYIN GYIS BRLABS PA'I YID KYI LAS NI SPRUL PA LTA BU STE, GZHAN LA RAG LAS PA'I PHYIR RO, ,DE NAS 'DI THOS PA'I PHAN YON NI MDOR BSDUS PA'I TSIGS SU BCAD PA GCIG DANG, RGYAS PAR PHYE BA'I 'GRES GCIG GIS GSUNGS TE, RAB ZHI MI G-YO DAM PA STE, DBANG SGYUR MI G-YO DAM PA YIN, ,RNAM PAR MI RTOG BDE BA NI, ,BYANG CHUB SEMS @161A *, ,DPA' DE LAS THOB, ,CES BYA BA NI TSIGS SU BCAD PA'O, ,BDE BA CHEN POS GNAS PA SHIN TU RGYAS PA'ANG RNYED PAR 'GYUR RO, ,SEMS CHEN PO PHUN SUM TSOGS PAS GNAS SHIN TU RGYAS PA DANG, SHES RAB KYI YE SHES CHEN PO SHIN TU RGYAS PA DANG, BSTAN PA SPANGS PA SHIN TU RGYAS PA DANG, SEMS CAN GYI DON BYA BA RGYA CHEN PO SHIN TU RGYAS PA DAG KYANG RNYED PAR 'GYUR RO ZHES BYA BA NI 'GRES SO, ,'DIR NYON MONGS PA MED PAS NA RAB ZHI'O, ,NYAMS PA MED PAS NA MI G-YO BA'O, ,DE LAS GZHAN PA'I BDE BA LAS KHYAD PAR DU 'PHAGS PAS NA DAM PA'O, ,JI LTAR 'DOD PA DANG, JI SNYED 'DOD PA MNGON DU BYED PA'I PHYIR DBANG SGYUR RO, ,DE LAS GZHAN PA'I BDE BA DANG, RIGS MTSUNGS PAS MNYAM PA'O, ,KHYAD PAR BZHI PO DE DAG GIS KHYAD PAR DU BYAS PAS NA MI MNYAM PA YANG YIN NO, ,DE LAS BYA BA NI RNAM PAR MI RTOG PA'I YE SHES LAS SO, ,CHEN PO DANG SPANGS PA NI RGYA CHE BA'O, ,TING NGE 'DZIN DES ZHUGS PA NI GNAS PA'O, ,SEMS PHUN SUM TSOGS PA NI BSAM GTAN LA SOGS PA'I RANG BZHIN NO, ,BSTAN PA NI CHOS BSHAD PA'O, ,DON BYED PA NI NYON MONGS PA 'DUL BA SHIN TU RGYAS PA NI DE DAG LA DBANG BAR GYUR BA'O, ,SHES RAB KYI PHA ROL TU PHYIN PA'I MAN NGAG LAS, SNANG BA MED PA'I RNAL 'BYOR GYI SA STE BZHI PA'O,, ,,MNGON PAR RTOGS PA 'DI DAG NI BCOM LDAN 'DAS KYIS 'PHAGS PA LANG KAR GSHEGS PA LAS, TSIGS SU BCAD PA GSUM GYIS GSUNGS TE, SEMS TZAM LA NI BRTEN NAS SU, ,PHYI ROL DON LA BRTAG MI BYA, ,DE BZHIN NYID LA DMIGS NAS NI, ,SEMS TZAM LAS KYANG BZLA BAR BYA, ,SEMS TZAM LAS NI BLZAS NAS KYANG, ,SNANG BA MED LAS BZLA BAR BYA, ,SNANG MED GNAS PA'I RNAL 'BYOR LA, ,DE YIS THEG PA CHEN PO MTHONG, , LHUN GYIS GRUB PAS ZHI BAR 'JUG, ,SMON LAM GYIS NI RNAM PAR SBYANGS, ,YE SHES DAM PA BDAG MED PA, ,THEG PA CHEN PO MTHONG BAR 'GYUR, ,ZHES BYA BA DANG, DPAL GSANG BA 'DUS PA LAS KYANG, ,DE NYID TSIGS SU BCAD PA GCIG GIS GSUNGS TE, RANG GI SEMS NI BRTAGS @161B PAS NA, ,CHOS KUN SEMS LA RAB TU GNAS, ,CHOS 'DI NAM MKHA'I RDO RJER GNAS, ,CHOS DANG CHOS NYID MED PA'O, ,ZHES SO, ,GNYI GA LA YANG RNAL 'BYOR GYIS DANG PO NI SHUGS KYIS BSTAN PAR 'GYUR TE, JI SRID DU CHOS THAMS CAD NI 'DI DAG GO ZHES MA BZUNG BA DE SRID DU, DE DAG GIS STONG PA NYID GZUNG BAR MI NUS PA'I PHYIR RO, ,DE BAS NA CHOS THAMS CAD 'DI DAG GO ZHES BYA BAR YONGS SU GCOD PA NI RNAL 'BYOR GYI SA DANG PO'O,, ,,DE DAG GYANG GZUNG BA DANG, 'DZIN PAS STONG PA'I SEMS TZAM NYID LHAG PAR MOS TE, SNANG BA DANG BCAS PA NI GNYIS PA'O, ,DE NYID LA CHOS RNAMS KYI MTSAN MA MI SNANG BAR LHAG PAR MOS PAS GSAL BA BZHIN DU LTA BA NI GSUM PA'O, ,DE NYID LA CHOS RNAMS DANG, CHOS NYID KYI MTSAN MA THAMS CAD SHIN TU MI SNANG BAS MTHONG BA NI BZHI PA'O, ,DE LA SEMS TZAM ZHES BYA BA NI SEMS TZAM DU DMIGS BA'I SHES PA STE, ,RNAL 'BYOR GYIS GNYIS PA ZHES BYA BA'I DON TO, ,BRTAG MI BYA ZHES BYA BA NI DE LA BRTAG PA'I RNAL 'BYOR GYI SA DANG PO'I PHYI ROL GYI DON RNAMS DANG CIG SHOS LA 'DA' BAR BYA'O ZHES BYA BA'I DON TO, ,DE BZHIN NYID DMIGS ZHES BYA BA NI, YE SHES GANG GIS DE BZHIN NYID DMIGS PA STE, RNAL 'BYOR GYI SA GSUM PA ZHES BYA BA'I DON TO, ,SEMS TZAM LAS NI BZLAS NAS KYANG, ,ZHES BYA BA NI SNGA MA NYID RJES SU SLOB PA YIN TE, SNGAR MED PA BSGRUB PA NI MA YIN NO, ,SNANG BA MED LAS BZLA BAR BYA, ,ZHES BYA BA NI SNGAR MED PA'I BSGRUB PA'O, ,'DIR YANG SNANG BA MED PA ZHES BYA BA NI CHOS RNAMS KYI MTSAN MA MI SNANG STE, DE BZHIN NYID LA DMIGS PA ZHES BYA BA'I DON TO, ,JI LTAR DE LAS 'DAS PA YIN ZHE NA, ,SNANG BA MED LA GNAS PA STE, CHOS DANG CHOS NYID KYI MTSAN MA RNAMS SHIN TU MI SNANG BAR MTHONG BA DANG LDAN PA STE, RNAL 'BYOR GYI SA BZHIN PA LA GNAS PA'O ZHES BYA BA'I DON TO, ,RNAL 'BYOR PA ZHES BYA BA'I TSIG NI SNGA MA RNAMS LA YANG SBYAR BAR BYA'O, ,DE YIS ZHES BYA BA NI RNAL 'BYOR GYI SA BZHI PA LA GNAS PA'I RNAL 'BYOR PAS ZHES BYA BA'I DON TO, ,THEG PA CHEN PO LA ZHES BYA BA LA 'DIS 'GRO BAS NA THEG PA YIN ZHING, NYAN THOS DANG RANG @162A *, ,SANGS RGYAS KYI THEG PA LAS KHYAD PAR DU GYUR PAS CHEN PO STE, BYANG CHUB SEMS DPA' RNAMS KYI ZAG PA MED PA'I LAM MO, ,DE MTHONG BA NI MNGON SUM DU BYAS PA STE, GANG GI PHYIR YE SHES DE NYID THEG PA CHEN PO YIN PA'I PHYIR RO, ,JI STE THEG PA CHEN PO 'DIS JI LTAR 'GRO, ,SU ZHIG GANG DU 'GRO BAR 'GYUR ZHE NA, DE'I PHYIR TSIGS SU BCAD PA GSUM PA GSUNGS TE, LHUN GYIS GRUB PA ZHES BYA BA NI 'JIG RTEN LAS 'DAS PA'I SA RNAMS SU 'BAD PA MED PAR 'PHO BA'O, ,ZHI BA ZHES BYA BA NI SA DE DAG NYID NYON MONGS PA MED PA DANG, RNAM PAR RTOG PA MED PA'I PHYIR RO, ,SMON LAM GYIS NI RNAM PAR SBYANGS, ,ZHES BYA BA NI BYANG CHUB DMAN PA'I GNAS DGAG PA'O, ,DES NI JI LTAR 'GRO BA BSTAN TO, ,YE SHES BDAG MED PA ZHES BYA BA NI SHIN TU SNANG BA MED PA'I PHYIR RO, ,DAM PA ZHES BYA BA NI SGRIB PA RNAMS BAG CHAGS DANG BCAS PAR SPANG BA'I PHYIR TE, SANGS RGYAS KYI BYANG CHUB SEMS ZHES BYA BA'I DON TO, ,DE THEG PA CHEN PO DE'I RNAL 'BYOR PAS MTHONG BAR 'GYUR BA STE, MNGON SUM DU BYED PAR 'GYUR RO, ,'DIS NI SU ZHIG GANG DU 'GRO BA BSTAN TO, ,YANG SEMS BRTAGS PA ZHES PA NI RNAL 'BYOR GYIS GNYIS PA'O, ,RAB TU GNAS PA NI CHOS THAMS CAD RANG GI SEMS KYI SNANG BA STE, RANG STE BA DAG GI SEMS 'DI NYID MED BZHIN DU SNANG BA YIN NO ZHES NGES PAR BYAS PA'O, ,NAM MKHA' RDO RJES ZHES BYA BA NI SNANG BA MED PA GNYIS SO, ,DER GNAS PA NI GO RIMS BZHIN DU CHOS RNAMS DANG, CHOS NYID DU SNANG BA MED PA LAS GNAS PA'O, ,DE LA CHOS RNAMS RANG BZHIN MI SNANG BA NI SA GSUM PA YIN LA, CHOS NYID RANG BZHIN MI SNANG BA NI SA BZHI PA'O, ,SHES RAB KYI PHA ROL TU PHYIN PA'I MAN NGAG LAS MNGON PAR RTOGS PA'I TSIGS SU BCAD PA RNAMS SO, ,THOS DANG BSAMS PA DANG BSGOMS PA LAS BYUNG BA SBYOR BA SNGON 'GRO'I SHES RAB PHA ROL PHYIN, ,DRI MED NAM MKHA' LTA BUR GYUR PA'I DNGOS BZHI DE LTAR BDAG GIS BSHAD PA LAS, THOB PA'I DGE BA GANG YIN DE YIS BDAG NI BDE GSHEGS GO 'PHANG THOB GYUR NAS, ,SNA TSOGS KHAMS LDAN SKYE BO MA LUS RNAMS KYANG THEG PA GSUM GYIS NGES 'BYUNG SHOG , @162B SHES RAB KYI PHA ROL TU PHYIN PA'I MAN NGAG PAntI TA CHEN PO RATNA AA KA RA SH'ANA TIS MDZAD PA RDZOGS SO, , , ,PAntI TA CHEN PO ZHI BA BZANG PO DANG, ZHU CHEN GYI LO TZ'A BA 'GOS LHAS BTZAS KYIS BSGYUR CING ZHUS TE GTAN LA PHAB PA'O, , *, ,RGYA GAR SKAD DU, KALAYA NA KANTO N'A MA PRA KA RA nA, BOD SKAD DU, DGE BA'I SDONG PO ZHES BYA BA'I RAB TU BYED PA, 'JAM DPAL GZHON NUR GYUR PA LA PHYAG 'TSAL LO, ,'KHOR BA DANG MYA NGAN LAS 'DAS PA DANG, SDUG BSNGAL DANG BDE BA DANG, NGAN 'GRO DANG, BDE 'GRO DANG, DE DAG GI RGYU RNAMS RTOGS PAR BYAS LA, DE NAS DOR BA DANG BLANG BAR BYA BA YANG DAG PAR RIG PAR BYA'O, ,DE LA NGAN 'GRO NI DMYAL BA DANG YI DAGS DANG, DUD 'GRO'I 'GRO BA RNAMS SO, ,SDUG BSNGAL NI YID DU MI 'ONG BA NYAMS SU MYONG BA'O, ,THOB PAR BYED PA'I RGYU NI CHOS MA YIN PA STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PAR SPYOD PA DANG, BRDZUN DU SMRA BA DANG, PHRA MA DANG, TSIG RTZUB PO DANG, NGAG 'KHYAL BA DANG, BRNAB SEMS DANG, GNOD SEMS DANG, LOG PAR LTA BA DANG, MYOS PAR 'GYUR BA 'THUNG BA DANG, LOG PAS 'TSO BA DANG, RNAM PAR 'TSE BA DANG, SER SNA DANG, MU STEGS PA RNAMS LA MCHOD CING GUS PAS PHYAG BYED PA DANG, SEMS CAN THAMS CAD LA BYAMS PA'I SEMS MED PA STE, NYES PAR SPYOD PA BCU DRUG PO DE RNAMS KYANG RANG GIS YI DAM DU BCAS TE BYED PA DANG, YI DAM DU BCAS PA MED PAR RES 'GA' BYED PA DANG, GZHAN BYED DU 'JUG PA DANG, GZHAN BYED PA LA RJES SU YI RANG BA'I DBYE BAS RE RE LA YANG RNAM PA BZHI BZHIR DBYE BA STE, CHOS MA YIN PA'O, ,DE RNAMS KYANG DUS YUN RUNG PO DAG NYID YIN PA'I PHYIR BYANG CHUB KYI BAR DU SPANG BAR BYA'O, ,GZHAN RNAMS KYANG SPONG DU GZHUG PAR BYA'O, ,BDE 'GRO NI LHA DANG MI DANG LHA MA YIN GYI 'GRO BA RNAMS SO, ,BDE BA NI YID DU 'ONG BA NYAMS SU MYONG BA'O, ,DE THOB PAR BYED PA'I RGYU NI DGE BA'I CHOS TE, SROG GCOD PA SPONG BA DANG, MA BYIN PAR LEN PA SPONG BA DANG, 'DOD PAS LOG PAR G-YEM PA SPYOD PA SPONG BA DANG, BRDZUN DU SMRA BA SPONG BA DANG, DBYEN BYED PA SPONG BA DANG, TSIG @163A *, ,RTZUB PO LAS LOG PA DANG, NGAG 'KHYAL BA SPONG BA DANG, BRNAB SEMS SPONG BA DANG, GNOD SEMS SPONG BA DANG, LOG PAR LTA BA SPONG BA DANG, MYOS PAR 'GYUR BA 'THUNG BA SPONG BA DANG, LOG PAS 'TSO BA SPONG BA DANG, RNAM PAR 'TSE BA SPONG BA DANG, SER SNA SPONG BA DANG, MU STEGS PA RNAMS LA GUS PAR MCHOD PA DANG PHYAG BYED PA SPONG BA DANG, SEMS CAN THAMS CAD LA BYAMS PA'I SEMS MED PA SPANGS TE, NYES PAR SPYOD PA BCU DRUG LAS LDOG PA'O, ,DE RNAMS KYANG YI DAM DU BLANGS PA DANG, RES 'GA' BYED PA DANG, GZHAN BYED DU 'JUG PA DANG, GZHAN BYED PA LA RJES SU YI RANG BA DE RE RE YANG BZHI BZHIR PHYE BA NI PHYIN CI MA LOG PA'I CHOS SO, ,DE YANG DGE BA'I BSHES GNYEN MCHOG NYID DE YIN PAS NA NAM BYANG CHUB KYI BAR DU DANG DU BLANG BAR BYA'O, ,GZHAN RNAMS KYANG DE LA GZHUG PAR BYA'O, ,DE BZHIN DU GZHAN GYI SROG BSRUNG BA DANG, RANG GI SROG KYANG STER BA DANG, GZHAN GYI RDZAS SRUNG BA DANG, RANG GI RDZAS STER BA'O, ,GZHAN GYI BUD MED SRUNG BA DANG, RANG GI BUD MED KYANG STER BA'O, ,BDAN PA'I TSIG SMRA BA DANG, GZHAN BSRUNG BA'I TSIG SMRA BA DANG, SNYAN PA'I TSIG SMRA BA DANG, SDIG PA MED PA'I TSIG DANG, SEMS CAN THAMS CAD LA PHUN SUM TSOGS PA THAMS CAD RAB TU STER BAR 'DOD PA DANG, GSOD PA DANG, 'TSONG BA DANG, BRDEG PA LA SOGS PA MI 'DOD PA THAMS CAD LAS SEMS CAN THAMS CAD YONGS SU SGROL BAR 'DOD PA DANG, DGE BA DANG MI DGE BA'I LAS DE'I 'BRAS BU DAG YOD PAR YANG DAG PAR YID CHES PA'O, ,DE BZHIN GSHEGS PA'I CHOS BDUD RTZI 'THUNG BA DANG, 'TSO BA RNAM PAR DAG PA DANG, SEMS CAN RNAMS LA BSNYEN BKUR BYED PA DANG, JI LTAR NUS PA BZHIN DU RAB TU STER BA DANG, SANGS RGYAS DANG CHOS DANG DGE 'DUN LAS STON PA GZHAN MED PAR GUS PAS YANG SKYABS SU 'GRO BA SNGON DU SONG BAS GUS PAS MCHOD CING PHYAG 'TSAL BA LA DNGOS PO THAMS CAD BDAG NYID KYIS RAB TU 'JUG PA DANG, SEMS CAN THAMS CAD LA SNYING RJE CHEN PO SNGON DU 'GRO BA CAN GYI BYAMS PA DANG, 'CHAD PAR 'GYUR BA'I PHA ROL TU PHYIN PA BCU'O, , @163B DE RNAMS KYANG YI DAM DU BLANGS PA DANG, RES 'GA' BYED PA DANG, GZHAN BYED DU 'JUG PA DANG, GZHAN DAG BYED PA LA RJES SU YI RANG BA STE, RE RE LA YANG RNAM PA BZHI BZHIR SO SOR DBYE BA NI 'JUG PAR BYA BA'I CHOS SO, ,DE YANG DGE BA'I BSHES GNYEN TE MCHOG NYID YIN PA'I PHYIR NAM BYANG CHUB MA THOB KYI BAR DU KHAS BLANG BAR BYA'O, ,GZHAN RNAMS KYANG DE LA GZHUG PAR BYA'O, ,'KHOR BA'I PHUNG PO NI SDUG BSNGAL GYI BDEN PA YIN TE, SDUG BSNGAL YONGS SU SHES PAR BYA'O, ,DE THOB PAR BYED PA'I RGYU NI PHUNG PO RNAMS LA RTAG PA DANG, BDE BA DANG, BDAG DANG, BDAG GI BA NGES PAR SNGON DU SONG BA CAN GYI 'DOD CHAGS DANG, ZHE SDANG DANG, GTI MUG DANG, NGA RGYAL DANG, THE TSOM DANG, 'JIG TSOGS LA LTA BA DANG, MTHAR 'DZIN PA'I LTA BA DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA STE, NYON MONGS PA RNAMS DANG, DGE BA DANG, MI DGE BA LA SOGS PA'I LAS RNAMS NI KUN 'BYUNG STE, KUN 'BYUNG GI BDEN PA'O, ,KUN 'BYUNG NI 'KHOR BAR 'GRO BA RIS DRUG TU NYON MONGS PA DANG BCAS PA'I PHUNG PO SKYE BA STE SPANG BAR BYA'O, ,BYE BRAG TU SMRA BA'I LTA BA LA GNAS PA'I MYA NGAN LAS 'DAS PA RNAM PA GNYIS TE, LHAG MA DANG BCAS PA'I MYA NGAN LAS 'DAS PA DANG, LHAG MA MED PA'I MYA NGAN LAS 'DAS PA'O, ,DE LA GANG ZAG YOD PAR SMRA BA NI YONGS SU DAG PA'I PHUNG PO KHYAD PAR DU 'PHAGS PA TZAM YOD CING, LAS DANG NYON MONGS PA DANG, SKYE BA RNAMS ZAD PA NI PHUNG PO'I LHAG MA DANG BCAS PA'I MYA NGAN LAS 'DAS PA'O, ,YONGS SU DAG PA'I PHUNG PO YANG ZAD NAS GANG ZAG TZAM DU GNAS PA NI PHUNG PO LHAG MA MED PA'I MYA NGAN LAS 'DAS PA'O, ,GANG ZAG MED PAR SMRA BA NI YONGS SU DAG PA'I PHUNG PO TZAM GYI BDAG NYID KYI 'PHAGS PA LAS DANG NYON MONGS PA DANG SKYE BA ZAD PA NI LHAG MA DANG BCAS PA'I MYA NGAN LAS 'DAS PA'O, ,MAR ME ZAD PA BZHIN YONGS SU DAG PA'I PHUNG PO ZAD PA NI LHAG MA MED PA'I MYA NGAN LAS 'DAS PA STE, THAR PA DANG 'GOG PA'I BDEN PA'O, ,'GOG PA NI MNGON DU BYA BA'O, ,DE @164A *, ,THOB PAR BYED PA'I RGYU NI YANG DAG PA'I LTA BA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TE, TSUL KHRIMS DANG TING NGE 'DZIN DANG SHES RAB KYI BDAG NYID KYIS 'PHAGS PA'I LAM YAN LAG BRGYAD DE, LAM GYI BDEN PA'O, ,LAM NI BSGOM PAR BYA BA'O, ,THEG PA CHEN PO SHES RAB KYI PHA ROL TU PHYIN PA'I TSUL LA GNAS PA NI SNA TSOGS GNYIS SU MED PA'I YE SHES GSAL BA'I RANG BZHIN CHOS DANG SPRUL PA'I SKU GNYIS KYI RTEN DU GYUR PA DANG, MTSAN DANG DPE BYAD 'BAR BA'I DPAL 'BYOR LONGS SPYOD RDZOGS PA'I SKU'I BDAG NYID SNA TSOGS PA'I SPRUL PAS JI SRID NAM 'KHOR BA MA STONGS KYI BAR DU 'GRO BA'I DON DU BYED PA DANG LDAN PA STE, YANG DAG PAR RDZOGS PA'I SANGS RGYAS RNAMS BAG CHAGS DANG BCAS PA'I NYON MONGS PA DANG, LAS DANG SKYE BA RNAMS ZAD PA NI THAR PA DANG, SANGS RGYAS DANG, YONGS SU MYA NGAN LAS 'DAS PA DANG, 'GOG PA'I BDEN PA STE, 'GOG PA NI MNGON DU BYA BA'O, ,DE THOB PAR BYED PA'I RGYU NI 'GRO BA MTHA' DAG SDUG BSNGAL RNAM PA GSUM GYI ME RAB TU 'BAR BAR BLTA STE, SNYING RJE DANG, BYAMS PA DANG, DGA' BA DANG, BTANG SNYOMS DANG, DKON MCHOG GSUM LA SKYABS SU 'GRO BA DANG, BYANG CHUB TU SEMS BSKYED PA DANG, ZANG ZING GI SBYIN PA DANG, MI 'JIGS PA'I SBYIN PA DANG, CHOS KYI SBYIN PA STE, SBYIN PA'I PHA ROL TU PHYIN PA GSUM MO, ,DGE BA'I CHOS SDUD PA'I TSUL KHRIMS DANG, SDOM PA'I TSUL KHRIMS DANG, SEMS CAN GYI DON BYED PA'I TSUL KHRIMS TE, TSUL KHRIMS KYI PHA ROL TU PHYIN PA GSUM MO, ,SDUG BSNGAL LA JI MI SNYAM PA'I BZOD PA DANG GZHAN GYI GNOD PA DANG DU LEN PA'I BZOD PA DANG CHOS NYID ZAB MO LA MI SKRAG PA'I BZOD PA STE, BZOD PA'I PHA ROL TU PHYIN PA GSUM MO, ,DGE BA'I LAS RNAMS LA SBYOR BA'I BRTZON 'GRUS DANG, GO CHA'I BRTZON 'GRUS DANG, BRTZAMS PA MTHAR PHYIN PA'I BRTZON 'GRUS TE, BRTZON 'GRUS KYI PHA ROL TU PHYIN PA RNAM PA GSUM MO, ,RANG GI @164B SKYON SEL BAR BYED PA'I BSAM GTAN DANG, RDZU 'PHRUL THOB PAR BYED PA'I BSAM GTAN DANG, MTHONG BA'I CHO LA BDE BAR GNAS PAR BYED PA'I BSAM GTAN TE, BSAM GTAN GYI PHA ROL TU PHYIN PA GSUM MO, ,THOS PA LAS BYUNG BA'I SHES RAB DANG, BSAMS PA LAS BYUNG BA'I SHES RAB DANG, BSGOMS PA LAS BYUNG BA'I SHES RAB STE, SHES RAB KYI PHA ROL TU PHYIN PA RNAM PA GSUM MO, ,SEMS CAN THAMS CAD KYI SKYON THAMS CAD SEL BAR BYED PA'I THABS DANG, SEMS CAN THAMS CAD KYI YON TAN THAMS CAD THOB PAR BYED PA'I THABS DANG, BDE BAR MYUR DU YANG DAG PAR RDZOGS PA'I BYANG CHUB SGRUB PAR BYED PA'I THABS TE, THABS KYI PHA ROL TU PHYIN PA GSUM MO, ,BSOD NAMS DANG YE SHES KYI TSOGS THAMS CAD YONGS SU RDZOGS PAR BYED PA'I SMON LAM DANG, SANGS RGYAS KYI ZHING YONGS SU DAG PAR BYED PA'I SMON LAM DANG, SEMS CAN THAMS CAD KYI DON BYED PA'I RGYUN MI GCOD PA'I SMON LAM STE, SMON LAM GYI PHA ROL TU PHYIN PA RNAM PA GSUM MO, ,LAS THAMS CAD 'JOMS PAR BYED PA'I STOBS DANG, NYON MONGS PA 'JOMS PAR BYED PA'I STOBS DANG, BDUD DANG PHAS KYI RGOL BA LA SOGS PA RAB TU 'JOMS PAR BYED PA'I STOBS TE, STOBS KYI PHA ROL TU PHYIN PA RNAM PA GSUM MO, ,RNAM PAR RTOG PA SEL BAR BYED PA'I YE SHES DANG, RTOG PA DANG MI RTOG PA MNYAM DU PA NYID DU BYED PA'I YE SHES DANG, SEMS CAN GYI DON THAMS CAD RTOGS PAR BYED PA'I YE SHES TE, YE SHES KYI PHA ROL TU PHYIN PA RNAM PA GSUM MO, ,BSOD NAMS DANG YE SHES KYI TSOGS MTHA' DAG BSDUS PA'I RANG BZHIN NI PHA ROL TU PHYIN PA BCU'I BDAG NYID KYI LAM STE, LAM GYI BDEN PA'I LAM NI PHA ROL TU PHYIN PA'I THEG PA'I TSUL GYIS DNGOS SU KUN DU SPYAD PAR BYA'O, ,GSANG SNGAGS KYI THEG PA LA GNAS PA NI SNA TSOGS GNYIS SU MED PA'I YE SHES SHIN TU GSAL BA'I RANG BZHIN BDE BA CHEN PO DANG, CHOS DANG NGO BO NYID KYI SKU BZHI MNYAM PAR BRTEN PA DPAL GSANG BA 'DUS PA LA SOGS PA'I DKYIL 'KHOR GYI BDAG PO'I RANG BZHIN MTSAN DANG DPE BYAD KYIS 'BAR BA'I DPAL LONGS SPYOD RDZOGS PA'I SKU'I BDAG NYID JI SRID DU RAB TU PHYE BA'I SPRUL PAS JI SRID DU NAM 'KHOR @165A *, ,BA MA STONGS KYI BAR DU 'GRO BA'I DON BYED PA PO YANG DAG PAR RDZOGS PA'I SANGS RGYAS RNAMS NI BAG CHAGS DANG BCAS PA'I NYON MONGS PA DANG SKYE BA RNAMS ZAD PA NI THAR PA DANG, SANGS RGYAS DANG, MYA NGAN LAS 'DAS PA DANG, 'GOG PA'I BDEN PA STE, 'GOG PA NI MNGON DU BYA BA'O, ,DE THOB PAR BYED PA'I RGYU NI JI LTAR GSUNGS PA'I BSOD NAMS DANG YE SHES KYI TSOGS MTHA' DAG BSDUS PA'I RANG BZHIN TING NGE 'DZIN RNAM PA GSUM GYI BDAG NYID CHO GA JI LTA BA BZHIN DU TING NGE 'DZIN RTOGS PA RNAM PAR RTOG PAS BYAS LA, DPAL GSANG BA 'DUS PA LA SOGS PA'I DKYIL 'KHOR GYI 'KHOR LO'I BDAG NYID KYI LAM GYI BDEN PA STE, LAM NI BSGOM PAR BYA ZHES PA'O, ,JI LTAR GSUNGS PA MA LUS PA 'DI KUN YONGS SU SHES PA'I SHES RAB GANG GIS YONGS SU SBYANGS NA YANG DAG PAR RDZOGS PA'I BYANG CHUB TU MNGON PAR RDZOGS PAR 'GYUR RO, ,DA NI MDOR BSDUS TE BYE BRAG TU SMRA BA LA SOGS PA'I LTA BA LA GNAS PAS SNA TSOGS DANG DE KHO NA NYID RIM PAR SMRA BA NYE BAR BSTAN PAR BYA STE, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA'I BDAG NYID KYI 'DAS PA'I PHUNG PO LNGA DANG, MA 'ONGS PA'I PHUNG PO LNGA DANG DA LTAR GYI PHUNG PO LNGA DANG, MYA NGAN LAS 'DAS PA DANG, GANG ZAG STE, NGO BO LNGA'I BDAG NYID NI SNA TSOGS SO, ,PHUNG PO RNAMS NI RTAG PA DE KHO NA NYID DANG, MYA NGAN LAS 'DAS PA RTAG PA NI DE KHO NA NYID DANG, GANG ZAG MI RTAG PA YANG MA YIN PA RTAG PA YANG MA YIN PA NI DE KHO NA NYID DE, NUB PHYOGS PA'I BYE BRAG TU SMRA BA RNAMS KYIS RTOGS PA'I SNA TSOGS DANG, DE KHO NA NYID DO, ,DA LTAR GYI PHUNG PO LNGA DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA STE, NGO BO NYID BZHI'I BDAG NYID NI SNA TSOGS SO, ,PHUNG PO RNAMS MI RTAG PA NI KHO NA NYID DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA RNAMS RTAG PA NI DE KHO NA NYID DO, ,KHA CHE BYE BRAG TU SMRA BA RNAMS KYIS RTOGS PA'I SNA TSOGS DANG DE KHO NA NYID DO, ,RNAM PA DANG BCAS PA'I SHES PA NI PHYI ROL GYI @165B YUL 'DZIN CING DA LTAR GYI PHUNG PO LNGA PO TZAM MO ZHES DNGOS PO GCIG GI BDAG NYID NI SNA TSOGS SO, ,DE RANG RANG GI RGYUR BYAS PA NAS BZUNG STE JI SRID RGYUN GNAS PA DE SRID DU RAB TU 'JUG PA'I BDAG NYID TZAM NI SKAD CIG MA NYID DANG BDAG MED PA ZHES BYA BA NI DE KHO NA NYID DE, ,DMOD SDE BA'I LTA BA LA GNAS PA RNAMS KYIS RTOGS PA'I SNA TSOGS DANG DE KHO NA NYID DO, ,DON DAM PAR STON KA'I NAM MKHA'I SPRIN MED PA LTA BU'I GNYIS SU MED PA'I YE SHES NYID GCIG PU'O, ,YANG MA RIG PA'I DBANG GIS BRDZUN PA 'DI LTA BU GZUNG BAR 'DZIN PA'I BDAG NYID KYI SNGON PO LA SOGS PA'I RNAM PA'I 'KHOR LOR GSAL BA ZHES BA RNAL 'BYOR SPYOD PA'I GZHUNG GCIG GO, ,BDE BA CHEN PO RANG BZHIN GSAL BA TZAM NI BDEN PA'O, ,MA RIG PA'I BAG CHAGS KYI DBANG GIS SGYU MA BZHIN DU BRDZUN PA'I RNAM PA'I 'KHOR LOR, RIGS PA'I RJES SU 'BRANGS PA RNAMS DON 'DI DAG GI KHYAD PAR BSTAN PAR 'DOD PA RNAMS LA MA NYAMS PA'I SPYAN GYIS TSAD MAS GZHAN DAG TU BSGRUBS ZIN TO ZHES BYA BA'I DON TO, ,DE LTAR SNA TSOGS DANG DE KHO NA RNAM PA DU MAR BRJOD DU ZIN KYANG 'GRO BA MA LUS PA PHAN PAR 'DOD PAS, 'PHAGS PA BYAMS PAS GSUNGS PA'I DBU MA YANG DAG PAR RDZOGS PA'I BYANG CHUB KYI SGRUB PA'I THABS NYID LA SEMS CAN KUN GZHUG PAR BYA'O, ,DE LA SNA TSOGS RNAMS JI SRID DU SO SOR SNANG BA DE SRID LUS DANG LONGS SPYOD DANG GNAS LA SOGS PA'I RNAM PA RNAMS RANG RANG GI SEMS KYI SNANG BA TZAM STE, SEMS CAN DANG SNOD KYI 'JIG RTEN GNYIS SU SGRO BTAGS PA NI 'KHOR BA STE, DE ZAD PA NI THAR PA'O, ,DE LTAR SNA TSOGS GNYIS SU MED PAR GSAL BA'I RGYUN GYI RGYUN GYI BDAG NYID KYI CHOS THAMS CAD BRTAGS PA'I GZUNG BA DANG 'DZIN PAS STONG PA NYID NI SNA TSOGS DANG DE KHO NA NYID DO, ,DE DAG KYANG SHIN TU RNAM PAR GYUR BA NI, DE BZHIN GSHEGS PA RNAMS NI CHOS KYI SKU'O, ,DE NYID BEMS PO LAS LOG PA'I LONGS SPYOD RDZOGS PA'I SKU MNGON SUM DU MDZAD PA NI, ,'BRAS BU'I GNAS SKABS NYID DON DAM PA'I SHES RAB KYI PHA ROL TU PHYIN PA'O, ,DE NGES PA TZAM DU BYAS PA NI, @166A *, ,RGYU'I GNAS SKABS KYI BDAG NYID KYI SHES RAB KYI PHA ROL TU PHYIN PA'O, ,SDUG BSNGAL BA GSUM GYI MES RAB TU 'BAR BAR 'KHOR BA'I SEMS CAN THAMS CAD LA BLTAS PAS SNYING RJE CHEN PO'I DBANG GIS, SEMS CAN DE RNAMS KUN LA MNYAM PA'I SEMS DANG, PHAN PA'I SEMS DANG, GNOD SEMS MED PA'I SEMS DANG, BYAMS PA'I SEMS DANG, MI SMOD PA'I SEMS DANG, PHA DANG MA'I SEMS DANG, BU DANG BU MO'I SEMS DANG, MDZA' BSHES KYI SEMS DANG, SNAG GI GNYEN MTSAMS KYI SEMS SU BYA BA STE, RANG GI SROG LAS KYANG LHAG PA'I BYAMS PA DANG POR BYA ZHING, SEMS CAN DE RNAMS KUN 'KHOR BA LAS BSGRAL ZHING, SANGS RGYAS NYID LA RAB TU GZHAG PAR BYA STE, YANG DAG PAR RDZOGS PA'I SANGS RGYAS SU GYUR CIG CES BYANG CHUB KYI SEMS BSKYED PAR BYA ZHING, DKON MCHOG GSUM LA SKYABS SU SONG ZHING, MI DGE BA BCU LA SOGS PA'I NYES PAS SPYOD PA MTHA' DAG LAS LOG CING, SBYIN PA LA SOGS PA'I PHA ROL TU PHYIN PA BCU LA GOMS PAR BYA ZHING, BSOD NAMS DANG YE SHES KYI TSOGS MTHA' DAG GI RGYA MTSO'I PHA ROL TU PHYIN PA, CHOS DANG LONGS SPYOD RDZOGS PA DANG SPRUL PA'I SKU GSUM GYI BDAG NYID KYI DE BZHIN GSHEGS PAR GYUR NAS, JI SRID NAM 'KHOR BA MA STONGS KYI BAR DU 'GRO BA RNAMS SGROL BAR BYED PA STE, PHA ROL TU PHYIN PA'I THEG PA LA GNAS PA'I RIM PA'O,, ,,BI KRA SH'I LA'I PndI TA RATNA K'I RTIS MDZAD PA DGE BA'I SDONG PO ZHES BYA BA RDZOGS SO,, ,, PAndI TA BIDA+Y'A KA RA SING HA DANG, LO TZ'A BA MANYDZU SHR'I WA RMAS BSGYUR BA'O,, ,, @166B #, ,RGYA GAR SKAD DU, BO DHI SATVA SAm BA RA BING SHI KA ,BOD SKAD DU, BYANG CHUB SEMS DPA'I SDOM PA NYI SHU PA, 'JAM DPAL GZHON NUR GYUR PA LA PHYAG 'TSAL LO, ,SANGS RGYAS SRAS DANG BCAS PA LA, ,GUS PAS PHYAG 'TSAL CI NUS MCHOD, ,PHYOGS DUS KUN NA BZHUGS PA YI, ,BYANG CHUB SEMS DPA' RNAMS KYI KHRIMS, ,BSOD NAMS KUN GYI GTER GYUR GANG, ,DE NI BSAM PA DAM PA YIS, ,BLA MA SDOM PA GNAS SHING MKHAS, ,NUS DANG LDAN LA BLANG BAR BYA, ,DE TSE LA DGE BA'I PHYIR, , RGYAL BA SRAS DANG BCAS RNAMS KYIS, ,DGE BA'I THUGS KYIS RTAG PAR YANG, ,BU SDUG 'DRA BAR DGONGS PAR 'GYUR, ,GZHAN RNAMS DANG NI BDAG LA'ANG RUNG, ,SDUG BSNGAL YIN YANG GANG PHAN DANG, ,PHAN DANG BDE BA RNAMS BYA STE, ,BDE YANG MI PHAN MI BYA'O, ,NYON MONGS DRAG LAS BYUNG BA YIS, ,SDOM PA ZHIG PAR GANG GYUR PA, ,DE YI NYES BA BZHI PO NI, ,PHAM PA 'DRA BAR DGONGS PA YIN, ,RNYED DANG BKUR STI CHAGS PA YIS, ,BDAG BSTOD GZHAN LA SMOD PA DANG, ,SDUG BSNGAL MGON MED GYUR PA LA, ,SER SNAS CHOS NOR MI STER DANG, ,GZHAN GYIS BSHAGS KYANG MI NYAN PAR, ,KHROS NAS GZHAN LA 'TSOG PA DANG, ,THEG PA CHEN PO SPONG BYED CING, ,DAM CHOS 'DRAR SNANG STON PA'O, ,SDOM PA SLAR YANG BLANG BAR BYA, ,ZAG PA 'BRING NI GSUM LA BSHAGS, ,GCIG GI MDUN DU LHAG MA RNAMS, ,NYON MONGS MI MONGS BDAG SEMS BZHIN, ,DKON MCHOG GSUM LA GSUM MI MCHOD, ,'DOD PA'I SEMS KYI RJES SU 'JUG ,RGAN PA RNAMS LA GUS MI BYED, ,DRIS PA LA NI LAN MI 'DEBS, ,MGRON POR BDAG GIR MI BYED CING, ,GSER LA SOGS PA LEN MI BYED, , CHOS 'DOD PA LA SBYIN MI BYED, ,TSUL KHRIMS 'CHAL RNAMS YAL BAR 'DOR, ,PHA ROL DAD PHYIR SLOB MI BYED, ,SEMS CAN DON LA BYA BA CHUNG, ,SNYING BRTZER BCAS NA MI DGE MED, ,'TSO BA LOG PA DANG DU LEN, ,'PHYAR NAS RAB TU RGOD LA SOGS, ,'KHOR BA GCIG @167A *, ,BU BGROD PAR SEMS, ,GRAGS PA MA YIN MI SPONG BA, ,NYON MONGS BCAS KYANG CHOS MI BYED, ,GSHE LA LAN DU GSHE LA SOGS, ,KHROS BA RNAMS NI YAL BAR 'JOG ,PHA ROL SHAD KYIS 'CHAGS PA SPONG, ,KHRO BA'I SEMS KYI RJES SU 'JUG, , BSNYEN BKUR 'DOD PHYIR 'KHOR RNAMS SDUD, ,LE LO LA SOGS SEL MI BYED, ,CHAGS PAS BRE MO'I GTAM LA BRTEN, ,TING NGE 'DZIN GYI DON MI TSOL, ,BSAM GTAN SGRIB PA SPONG MI BYED, ,BSAM GTAN RO LA YON TAN LTA, ,NYAN THOS THEG PA SPONG BAR BYED, ,RANG TSUL YOD BZHIN DE LA BRTZON, ,BRTZON MIN PHYI ROL BSTAN BCOS BRTZON, ,BRTZON PAR BYAS KYANG DE LA DGA', ,THEG PA CHEN PO SPONG BAR BYED, ,BDAG LA STOD CING GZHAN LA SMOD, ,CHOS KYI DON DU 'GRO MI BYED, ,DE LA SMOD CING YI GE BRTEN, ,DGOS PA'I GROGS SU 'GRO MI BYED, ,NAD PA'I RIM GRO BYA BA SPONG, ,SDUG BSNGAL SEL BAR MI BYED PA, ,BAG MED RNAMS LA RIGS MI STON, ,BYAMS LA LAN DU PHAN MI 'DOGS, ,GZHAN GYI MYA NGAN BSANG MI BYED, ,NOR 'DOD PA LA SBYIN MI BYED, ,'KHOR RNAMS KYI NI DON MI BYED, ,GZHAN GYI BLO DANG MTHUN MI 'JUG, , YON TAN BSNGAGS PA SMRA MI BYED, ,RKYEN DU 'TSAM PAR TSAR MI GCOD, ,RDZU 'PHRUL SDIG LA SOGS PA MI BYED, ,SNYING RJER LDAN ZHING BYAMS PHYIR DANG, ,SEMS DGE BA LA NYES PA MED, ,BYANG CHUB SEMS DPA'I SDOM PA NYI SHU PA, ,SLOB DPON TZAN DRA GO MIS MDZAD PA RDZOGS SO,, ,, #, ,RGYA GAR SKAD DU, SAm BA RA BING SHI KA BRi TTI, BOD SKAD DU, SDOM PA NYI SHU PA'I 'GREL PA, BAM PO DANG PO, SDOM PA MA LUS RGYA MTSO YI, ,MTHAR PHYIN 'JAM PA'I GSUNG MNGA' LA, ,PHYAG 'TSAL NAS NI SDOM PA'I MCHOG ,NYI SHU PA NI GSAL BAR DGROL, ,SANGS RGYAS SRAS DANG BCAS PA LA, ,GUS PAS PHYAG 'TSAL CI NUS MCHOD, ,PHYOGS DUS KUN NA BZHUGS PA YI, ,BYANG CHUB SEMS DPA' RNAMS KYI KHRIMS, ,BSOD NAMS KUN GYI GTER GYUR GANG, ,DE NI BSAM PA DAM PA YI, ,BLA MA SDOM LA GNAS SHING MKHAS, ,NUS @167B DANG LDAN LAS BLANG BAR BYA, ,ZHES BYA BA 'DIS BYANG CHUB SEMS DPA'I SDOM PA NOD PA'I CHO GA BSTAN TE, BYANG CHUB SEMS DPA'I SA LAS DE SKAD 'BYUNG BA'I PHYIR RO, ,DE LA BYANG CHUB SEMS DPA'I KHYIM PA'AM, RAB TU BYUNG BA BYANG CHUB SEMS DPA'I BSLAB PA'I TSUL KHRIMS KYI PHUNG PO RNAM PA GSUM PO 'DI DAG LA SLOB PAR 'DOD CING, BLA NA MED PA YANG DAG PAR RDZOGS PA'I BYANG CHUB TU SMON LAM BTAB PAS BYANG CHUB SEMS DPA'I SMON LAM BTAB PA'I PHYIR CHOS MTHUN PA SDOM PA BLANGS PA MKHAS PA, NGAG GI RNAM PAR RIG BYED KYI DON 'DZIN PA DANG, GO BAR NUS PA DE LTA BU'I BYANG CHUB SEMS DPA'I RKANG PA GNYIS LA THOG MAR PHYAG BYAS NAS GSOL BA GDAB PAR BYA STE, 'DI SKAD CES, BDAG RIGS KYI BU KHYOD LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA NOD PAR 'TSAL GYI, DE LAS NOD PA MCHIS NA BDAG LA THUGS BRTZE BA'I SLAD DU CUNG ZAD CIG GSAN CING STZAL BA'I RIGS SO ZHES BRJOD PAR BYA'O, ,DE NAS BYANG CHUB SEMS DPA' NUS PA DES BYANG CHUB SEMS DPA' 'DOD PA DE LA BYANG CHUB SEMS DPA'I SDOM PA'I PHAN YON RGYA CHER BRJOD NAS, SDOM PA 'DOD PA LA BSLAB PA'I GZHI'I LCI YANG YANG DAG PAR BRJOD CING SPRO BA BSKYED PA YANG BYA STE; 'DI SKAD CES BRJOD PAR YANG BYA'O, ,RIGS KYI BU KHYOD NYON CIG ,KHYOD 'DI LTAR SEMS CAN MA BRGAL BA RNAMS BSGRAL BA DANG, MA GROL BA RNAMS DGROL BA DANG, DBUGS MA PHYIN PA RNAMS DBUGS DBYUNG BA DANG, YONGS SU MYA NGAN LAS 'DAS PA RNAMS YONGS SU MYA NGAN LAS 'DA' BA DANG, SANGS RGYAS KYI GDUNG RGYUN MI 'CHAD PAR 'DOD DAM, DE LA KHYOD KYIS SEMS BSKYED PA BRTAN PA DANG, YI DAM LA BRTAN PAR BYA'O ZHES DE LTAR MI SHES PA'I RIGS MTHONG NAS SPRO BA SKYED PA'I PHYIR BRJOD PAR BYA'O, ,DE NAS 'DOD PA DES LEGS PAR GSOL BA BTAB NAS BLA GOS PHRAG PA GCIG TU GZAR TE, 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS DANG, BYANG CHUB SEMS DPA' SA CHEN PO LA ZHUGS PA YE SHES DANG MTHU CHEN PO THOB PA PHYOGS BCU NA BZHUGS PA RNAMS LA MCHOD PA BYAS NAS, DE DAG GI YON TAN @168A *, ,RNAMS KYANG MNGON SUM DU BYAS LA SNYING NAS DANG BA'I SEMS SAM, YANG NA DES CI NUS PA DANG, RGYU'I STOBS CI YOD PAS CHUNG NGU YANG BSKYED LA, DE BZHIN GSHEGS PA'I SKU GZUGS MDUN DU BZHAG STE, LEGS PAR MCHOD PA BYAS NAS, GDUNG BA'I TSUL GYIS PUS MO'I LHA NGA SA LA GTZUGS PA'AM TZOG TZOG POR 'DUG KYANG RUNG STE, BYANG CHUB SEMS DPA' MKHAS PA DE LA 'DI SKAD CES BRJOD PAR BYA STE, RIGS KYI BU'AM TSE DANG LDAN PA'AM BTZUN PAS KYANG BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA BDAG LA STZAL DU GSOL ZHES SMRAS NAS DRAN PA RTZE GCIG TU GZHAG STE, SEMS DANG BA KHO NA BSKYED NAS, DA NI BDAG GIS RING PO MI THOGS PAR BSOD NAMS KYI GTER CHEN PO BLA NA MED PA ZAD MI SHES SHING DPAG TU MED PA 'THOB PAR 'GYUR RO SNYAM DU DON DE NYID RJES SU BSAM ZHING CANG MI SMRA BAR BYA'O, ,DE LTAR ZHUGS PA'I BYANG CHUB SEMS DPA' DE LA BYANG CHUB SEMS DPA' MKHAS PA 'GRENG YANG RUNG, STAN LA 'DUG KYANG RUNG STE, DES SEMS MA G-YENGS PAR 'DI SKAD CES BRJOD PAR BYA STE, RIGS KYI BU'AM CHOS KYI SPUN MING 'DI ZHES BYA BA KHYOD BYANG CHUB SEMS DPA' YIN NAM, BYANG CHUB TU SMON LAM BTAB BAM ZHES SMROS SHIG ,DES KYANG LAGS SO ZHES KHAS LONGS SHIG, DE'I 'OG TU DE LA YANG 'DI SKAD CES BRJOD PAR BYA STE, RIGS KYI BU MING 'DI ZHES BYA BA KHYOD 'DAS PA'I BYANG CHUB SEMS DPA' THAMS CAD KYIS BSLAB PA'I GZHIR GYUR PA GANG YIN PA RNAMS DANG, TSUL KHRIMS SU GYUR PA GANG YIN PA DANG, MA 'ONGS PA'I BYANG CHUB SEMS DPA' THAMS CAD KYIS BSLAB PA'I GZHIR GYUR PA GANG YIN PA RNAMS DANG, TSUL KHRIMS SU GYUR PA GANG YIN PA DANG, DA LTA NA PHYOGS BCU DAG NA DA LTAR BZHUGS PA'I BYANG CHUB SEMS DPA' THAMS CAD KYIS BSLAB PA'I GZHI GANG YIN PA RNAMS DANG, TSUL KHRIMS GANG YIN PA DANG, BSLAB PA'I GZHI GANG DAG DANG, TSUL KHRIMS GANG DAG LA 'DAS PA'I BYANG CHUB SEMS DPA' THAMS CAD KYIS BSLAB PAR GYUR PA DANG, MA 'ONGS PA'I BYANG CHUB SEMS DPA' THAMS CAD SLOB PAR 'GYUR BA DANG, PHYOGS @168B BCU DAG NA DA LTAR BYUNG BA'I BYANG CHUB SEMS DPA' THAMS CAD DA LTAR SLOB PA'I BYANG CHUB SEMS DPA'I BSLAB PA'I GZHI THAMS CAD DANG BYANG CHUB SEMS DPA'I TSUL KHRIMS THAMS CAD DE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS LAS NOD DAM ZHES SMROS SHIG, DES KYANG NOD LAGS SO ZHES KHAS LONGS SHIG ,BYANG CHUB SEMS DPA' MKHAS PA DES KYANG DE LTAR LAN GNYIS LAN GSUM DU BRJOD PAR BYA'O, ,DRIS NA NOD PA'I BYANG CHUB SEMS DPA' DES KYANG LAN GSUM GYI BAR DU KHAS BLANG BAR BYA'O, ,DE LTAR BYANG CHUB SEMS DPA' MKHAS PA DES NOD PA'I BYANG CHUB SEMS DPA' DE LA BYANG CHUB SEMS DPA' TSUL KHRIMS KYI SDOM PA YANG DAG PAR LAN GSUM GYI BAR DU PHOG STE KHAS LEN DU YANG BCUG NAS, NOD PA'I BYANG CHUB SEMS DPA' DE MA LANGS PAR DE BZHIN GSHEGS PA'I SKU GZUGS DE NYID KYI SPYAN SNGAR PHYOGS BCU'I SANGS RGYAS DANG BYANG CHUB SEMS DPA' BZHUGS SHING 'TSO SKYONG BA THAMS CAD KYI ZHABS LA GTUGS TE THAL MO SBYAR NAS, 'DI LTAR MKHYEN PAR MDZAD DU GSOL BA BYA STE, BYANG CHUB SEMS DPA' MING 'DI ZHES BGYI BA 'DIS BDAG BYANG CHUB SEMS DPA' MING 'DI ZHES BGYI BA LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LAN GSUM GYI BAR DU MNOS LAGS TE, BDAG MING 'DI ZHES BGYI BA LAS BYANG CHUB SEMS DPA' MING 'DI ZHES BGYI BA 'DIS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA LA BDAG DPANG DU GYUR PA PHYOGS BCU'I 'JIG RTEN GYI KHAMS MTHA' YAS MU MED PA DAG TU 'PHAGS PA'I MCHOG LKOG TU GYUR KYANG, THAMS CAD DU SEMS CAN THAMS CAD LKOG TU MA GYUR PA'I THUGS MNGA' BA RNAMS LA MKHYEN PAR MDZAD DU GSOL LO ZHES DE SKAD LAN GNYIS LAN GSUM GYI BAR DU BRJOD PAR BYA'O, ,MKHAS PA YIN DU ZIN KYANG BYANG CHUB SEMS DPA' THAMS CAD LAS BYANG CHUB SEMS DPAS TSUL KHRIMS KYI SDOM PA YANG DAG PAR BLANG BA DE MA NOD PAR MI BYA STE, DAD PA MED PA GANG THOG MAR TSUL KHRIMS KYI SDOM PA YANG DAG PAR BLANG BA 'DI LA MA MOS SHING MI 'JUG @169A *, ,LA MI RTOG PA LAS KYANG MNOD PAR MI BYA'O, ,BRKAM CHAGS CAN DANG, CHAGS PAS ZIL GYIS NON PA DANG, 'DOD PA CHE BA DANG, CHOG MI SHES PA LAS KYANG MNOD PAR MI BYA'O, ,TSUL KHRIMS NYAMS PA DANG, BSLAB PA DAG LA GUS PAR MI BYED DE LHOD PA DAG LAS KYANG MNOD PAR MI BYA'O, ,KHRO BA DANG, KHON DU 'DZIN PA DANG, MI BZOD PA SHAS CHE BA DANG, PHA ROL GYI NYES PA MI BZOD PA LAS KYANG MNOD PAR MI BYA'O, ,SNYOM LAS CAN DANG, LE LO CAN DANG, SHAS CHER NYIN MTSAN DU GNYID KYI BDE BA DANG, GLOS 'BEBS PA'I BDE BA DANG, NYAL BA'I BDE BA NYAMS SU LEN PA DANG, 'DU 'DZI'I GTAM GYIS DUS YOL BAR BYED PA LAS KYANG MNOD PAR MI BYA'O, ,SEMS RNAM PAR G-YENGS TE, THA NA BA 'JOS TZAM GYI BAR DU YANG DGE BA LA SEMS RTZE GCIG TU BSGOM MI NUS PA LAS KYANG MNOD PAR MI BYA'O, ,YID RTUL PO DANG, RMONGS PA'I RANG BZHIN CAN DANG, HA CANG SEMS ZHUM PA DANG, BYANG CHUB SEMS DPA'I MDO SDE'I SDE SNONG DANG, BYANG CHUB SEMS DPA'I MDO SDE'I SDE SNOD KYI MA MO LA SKUR PA 'DEBS PA LAS KYANG MNOD PAR MI BYA'O, ,BYANG CHUB SEMS DPA' SDOM PA YANG DAG PAR BLANG BA'I CHO GA 'DI GZUNG ZHING KUN CHUB PAR BYAS KYANG BYANG CHUB SEMS DPA'I SDE SNOD LA SDANG ZHING MA DAD PA'I SEMS CAN RNAMS LA GYA TZOM DU BSGRAGS PAR MI BYA ZHING SHES PAR MI BYA'O, ,DE CI'I PHYIR ZHE NA 'DI LTAR DE DAG GIS THOS NAS, MA MOS SHING MI SHES PA'I SGRIB PA CHEN POS BSGRIBS PAS SKUR PA 'DEBS PAR 'GYUR PA'I PHYIR TE, DE LA SKUR PA 'DEBS PA DE NI SDOM PA LA GNAS PA'I BYANG CHUB SEMS DPA' BSOD NAMS KYI PHUNG PO DPAG TU MED PA JI TZAM DANG LDAN PAR GYUR PA DE TZAM DU DE NI SDIG PA'I TSIG DANG, SDIG PA'I LTA BA DANG, SDIG PA'I KUN TU RTOG PA DE DAG JI SRID DU THAMS CAD KYI THAMS CAD DU MA SPANGS KYI BAR DU BSOD NAMS MA YIN PA'I PHUNG PO DPAG TU MED PA DE TZAM KHO NA DANG LDAN PAR 'GYUR RO, ,BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BAR 'DOD PA LA SNGA NAS BYANG CHUB SEMS DPA'I MDO SDE'I SDE SNOD KYI MA MO 'DI LAS BYANG CHUB SEMS DPA'I BSLAB PA'I GZHI RNAMS DANG, NYES @169B PA'I GZHI GANG DAG BSTAN PA DE DAG BSGRAGS PAR BYA STE, GAL TE SNYING NAS BRTAGS SHING SHES RAB KYIS SO SOR BRTAGS NAS SPRO BAR 'GYUR LA, PHA ROL GYIS YANG DAG PAR 'DZIN DU BCUG PA'I PHYIR YANG MA YIN, PHA ROL DANG 'GRAN PA'I PHYIR YANG MA YIN NA, BYANG CHUB SEMS DPA' BRTAN PO YIN PAR RIG PAR BYA STE, TSUL KHRIMS KYI SDOM PA YANG DAG PAR BLANG BA 'DI CHO GA 'DI BZHIN DU DES KYANG MNOD PAR BYA ZHING DE LA DBOG PAR YANG BYA'O, ,BYANG CHUB SEMS DPA' TSUL KHRIMS KYI SDOM PA YANG DAG PAR BLANG BA'I LAS DE YONGS SU RDZOGS NAS BYANG CHUB SEMS DPA' DE GNYI GAS PHYOGS BCU'I 'JIG RTEN GYI KHAMS MTHA' YAS MU MED PA DAG NA BZHUGS PA'I SANGS RGYAS DANG, BYANG CHUB SEMS DPA' DE DAG LA MCHOD PA BYAS LA ZHABS LA GTUGS TE LDANG BAR BYA'O, ,BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA 'DI NI TSUL KHRIMS KYI SDOM PA YANG DAG PAR BLANGS PA THAMS CAD LAS KHYAD PAR DU 'PHAGS PA YIN TE, BLA NA MED PA DANG BSOD NAMS KYI PHUNG PO DPAG TU MED PA DANG LDAN PA DANG, SEMS KYI BSAM PA MCHOG TU DGE BAS BSKYED PA DANG, SEMS CAN THAMS CAD LA NYES PAR SPYOD PA RNAM PA THAMS CAD KYI GNYEN POR GYUR PA YIN NO, , SO SOR THAR PA'I SDOM PA YANG DAG PAR BLANGS PA DAG NI 'DI LTA STE, BSOD NAMS YONGS SU BZUNG BA LA BRTEN NAS TSUL KHRIMS KYI SDOM PA YANG DAG PAR BLANG BA DE'I BRGYA'I CHAR YANG NYE BAR MI 'GRO'O, ,STONG GI CHA DANG, GRANGS DANG, CHA DANG, BGRANG BA DANG, DPE DANG, RGYU YANG NYE BA RMI 'GRO'O,, GZHAN YANG PHAN YON 'DI DAG YOD DE, DE TSE DE LA DGE BA'I PHYIR, ,RGYAL BA SRAS DANG BCAS RNAMS KYIS, ,DGE BA'I THUGS KYIS RTAG PAR YANG, ,BU SDUG 'DRA BAR DGONGS PAR 'GYUR, 'DI NI CHOS NYID YIN TE, DE LTAR TSUL KHRIMS KYI SDOM PA YANG DAG PAR BLANG BA'I LAS YONGS SU RDZOGS MA THA TU PHYOGS BCU'I 'JIG RTEN GYI KHAMS MTHA' YAS MU MED PA DAG NA DE BZHIN GSHEGS PA RNAMS DANG, SA CHEN POR CHUD PA'I BYANG CHUB SEMS DPA' BZHUGS TE, 'TSO SKYONG BA RNAMS LA GANG GIS DE DAG 'DI SNYAM DU BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA @170A *, ,YANG DAG PAR MNOS SO SNYAM DU DGONGS PAR 'GYUR BA DE LTA BU'I LTAS 'BYUNG BAR 'GYUR RO, ,DE'I RJES LA DE DAG KYANG BYANG CHUB SEMS DPA' DE LA DGONGS PAR 'GYUR TE, DGONGS PAR GYUR NA YE SHES GZIGS PA 'JUG GO, ,DE DAG GI YE SHES GZIGS PA DES 'DI LTAR BYANG CHUB SEMS DPA' MING 'DI ZHES BYA BAS 'JIG RTEN GYI KHAMS CHE GE MO ZHIG TU BYANG CHUB SEMS DPA' MING 'DI ZHES BYA BA LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LEGS PAR MNOS SO ZHES BYA BA DE LTAR YANG DAG PA JI LTA BA BZHIN DU THUGS SU CHUD PAR 'GYUR TE, DE DAG THAMS CAD KYANG DE LA BU DANG 'DRA BA DANG, SPUN DANG 'DRA BAR DGONGS PA BZANG POS SO SO NAS THUGS BRTZE BAR MDZAD DO, ,DE LTAR DGONGS PA BZANG POS SO SO NAS THUGS BRTZE BAR MDZAD PA'I BYANG CHUB SEMS DPA'I DE'I DGE BA'I CHOS RNAMS NI RGYA CHER 'PHEL BAR 'GYUR TE, NYAMS PAR MI 'GYUR BAR SHES PAR BYA'O, ,TSUL KHRIMS KYI SDOM PA YANG DAG PAR BLANGS PAR MKHYEN PAR GSOL BA DE YANG DE DAG GI THUGS SU CHUD PAR RIG PAR BYA'O, ,BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA LA GNAS PA'I BYANG CHUB SEMS DPA' DES 'DI LTAR BDAG NYID KYIS KYANG BRTAG CING 'DI NI BYANG CHUB SEMS DPAS BYA BA'I CHA YIN NO, ,'DI NI BYA BA'I CHA MA YIN NO SNYAM NAS, DE PHYIN CHAD DE KHO NA BZHIN DU LAS SU BSGRUB PAR BYA ZHING BSRUNG BAR BYA'O, ,BYANG CHUB SEMS DPA'I MDO SDE'I SDE SNOD LAS KYANG BSGRIMS TE MNYAN PA'AM, YANG NA BYANG CHUB SEMS DPA'I MDO SDE'I SDE SNOD KYI MA MO BSDUS PA 'DI LAS KYANG MNYAN TE, 'DI LTAR BCOM LDAN 'DAS KYIS MDO SDE DE DANG DE DAG TU BYANG CHUB SEMS DPA' RNAMS KYI BSLAB PA'I GZHI STONG PHRAG DU MA GSUNGS PA DAG BSGRUB PA'I PHYIR DE KHO NA BZHIN DU BSLAB PAR BYA'O, ,DE LA BYA BA'I CHA GANG YIN PA DANG; BYA BA'I CHA MA YIN PA GANG YIN PA DE YANG MDOR BSDUS TE SMRAS PA, GZHAN RNAMS DANG NI BDAG LA'ANG RUNG, ,SDUG BSNGAL YIN YANG GANG PHAN DANG, ,PHAN DANG BDE BA RNAMS BYA STE, ,BDE YANG MI PHAN MI BYA'O, ,DE LA PHAN PA NI TSE PHYI MA LA PHAN PA'O, ,BDE BA NI BDE BAR TSOR BA'O, ,BDE @170B BA RNAMS BYA STE ZHES BYA BA SPYIR BSHAD PA 'DI DGROL BA NI SDUG BSNGAL YIN YANG GANG BYAS NA PHAN PA NYID DU 'GYUR NA BYA DGOS TE, DPER NA SMAD PA'I YUL LA NYE BAR SPYOD PA LAS BKAG NAS SDUG BSNGAL DU 'GYUR BLTA BU STE, DE NI SMAN TSA BA NAD PA BDAG LA PHAN PAR MI SHES PA DAG LA GNOD DU ZIN KYANG DE NI GNOD PAR 'GYUR BA GCIG NAS GCIG TU BRGYUD PA'I GNYEN POR GYUR PA STE, TSE PHYI MA LA PHAN PAR 'GYUR RO, ,DE BAS NA SNYING RJE DANG LDAN PA RNAMS KYIS BYA BA'I CHA YIN PA NYID DO, ,GANG BDE BA YIN YANG TSE PHYI MA LA GNOD PAR 'GYUR BA'I RGYU YIN PA'I PHYIR TSE PHYI MA LA MI PHAN PA NI DPER NA SMAD PA'I YUL LA NYE BAR SPYOD PA'I BDE BA NI 'PHRAL GYI TSOR BA BDE BA MYONG BA TZAM DU ZAD DE, DE NI 'PHRAL GYI NYAMS DGA' BA YIN DU ZIN KYANG, SDUG BSNGAL MANG PO 'PHEL BAR 'GYUR TE, DPER NA 'BRAS S'A LU'I CHAN DUG DANG 'DRES PA BZHIN NO, ,DE BAS NA SNYING RJE DANG LDAN PA RNAMS KYIS BYA BA'I CHA MA YIN NO, ,DE LA TSUL KHRIMS KYI SDOM PA LA GNAS PA'I BYANG CHUB SEMS DPA' LA PHAM PA'I GNAS LTA BUR GYUR PA'I CHOS BZHI YOD DE, DE DAG BSTAN PAR BYA BA'I PHYIR, NYON MONGS DRAG LAS BYUNG BA YI, ,SDOM PA ZHIG PAR GANG GYUR PA, ,DE YI NYES PA BZHI PO NI, ,PHAS PHAM 'DRA BAR DGONGS PA YIN, ,ZHES BYA BA 'DI SMRAS SO, ,PHAM PA'I GNAS LTA BUR GYUR PA'I CHOS 'DI DAG LAS GANG YANG RUNG BA'I CHOS CIG LAN CIG BYAS NA YANG DE TSE 'DI NYID LA BYANG CHUB SEMS DPA'I TSOGS RGYA CHEN PO STZOGS PA DANG, YONGS SU 'DZIN PA'I SKAL BA MED PAR 'GYUR NA THAMS CAD BYAS NA LTA CI SMOS, TSE 'DI NYID LA BSAM PA RNAM PAR DAG PAR 'GYUR BA'I SKAL BA MED DE, DE NI BYANG CHUB SEMS DPA' LTAR BCOS PA YIN GYI, YANG DAG PA'I BYANG CHUB SEMS DPA' MA YIN NO, ,PHAM PA'I GNAS LTA BU 'DI DAG KYANG KUN NAS DKRIS PA CHUNG DU DANG, 'BRING GIS TSUL KHRIMS KYI SDOM PA YANG DAG PAR BLANGS PA DE BYANG CHUB LSEMS DPAS BTANG BAR MI 'GYUR RO, ,KUN NAS DKRIS PA CHEN POS NI BTANG BAR 'GYUR TE, GANG GI PHYIR BYANG CHUB SEMS DPA' PHAM PA'I GNAS LTA BU'I CHOS BZHI PO 'DI DAG RGYUN MA CHAD PA KUN TU SPYOD PA DANG, NGO TSA SHES PA @171A *, ,DANG, KHREL YOD PA CHUNG NGU TZAM YANG MI SKYED PA DANG, DES MGU BAR BYED CING DGA' BA DANG, DE NYID LA YON TAN DU LTA BA CAN DU GYUR PA 'DI NI KUN NAS DKRIS PA CHEN PO YIN PAR RIG PAR BYA'O, ,MDOR BSDU NA RGYU GNYIS KHO NAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS BA BTANG BAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SMON PA YONGS SU BTANG BA DANG, PHAM PA'I GNAS LTA BU'I CHOS KYI KUN NAS DKRIS PA CHEN PO KUN DU SPYOD PA'O, ,DE LA BYANG CHUB KYI SEMS BTANG BAS BYANG CHUB SEMS DPA'I TSUL KHRIMS KYI SDOM PA BTANG BAR 'GYUR BA NI GTZO BO BTANG BA'I PHYIR TE, SANGS RGYAS BTANG BAS DGE SLONG GI SDOM PA BTANG BA BZHIN NO, ,'O NA 'DIR YANG DE BTANG BAS SDOM PA NYAMS PA'I RGYUR 'GYUR BAR CI'I PHYIR MI BSHAD, GO SLA BA'I PHYIR MA BSHAD DO, ,GTZO BO BSTAN PAR BYAS PA LA PHAS PHAM PA'I CHOS BSTAN PA'I PHYIR YANG MA BSHAD DO, ,BYANG CHUB SEMS DPA' GANG GIS SMON LAM YANG MA BTANG LA PHAM PA'I GNAS LTA BU'I CHOS RNAMS KYI KUN NAS DKRIS PA CHEN PO YANG KUN TU MA SPYAD NA TSE BA RJES SU ZIN KYANG 'OG DANG, STENG DANG THAD KA THAMS CAD DU SKYES PA'I BYANG CHUB SEMS DPAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA SPONG BAR MI 'GYUR RO, ,BYANG CHUB SEMS DPA' TSE BA RJES PAS BRJED NA'ANG DGE BA'I BSHES GNYEN BSTEN PA LA BRTEN NAS DRAN PA GSO BA'I PHYIR YANG DANG YANG DU NOD PAR BYED PAR ZAD KYI, GSAR DU YANG DAG PAR LEN PAR BYED PA NI MA YIN NO, ,NYES PA BZHI PO DE DAG KYANG GANG ZHE NA, RNYED DANG BKUR STI CHAGS PA YI, ,BDAG STOD GZHAN LA SMOD PA DANG, ,SDUG BSNGAL MGON MED GYUR PA LA, ,SER SNAS CHOS NOR MI STER DANG, ,GZHAN GYIS BSHAGS KYANG MI NYAN PAR, ,KHROS NAS GZHAN LA 'TSOG PA DANG, , THEG PA CHEN PO SPONG BYED CING, ,DAM CHOS 'DRAR SNANG STON PA'O, ,DE LA RNYED PA DANG BKUR STI LA LHAG PAR ZHEN PA STE BDAG LA STOD PA DANG, GZHAN LA SMOD PA NI BYANG CHUB SEMS DPA'I PHAM PA'I GNAS LTA BU'I CHOS DANG PO'O, ,LONGS SPYOD DAG YOD DE BDOG BZHIN DU CHAGS PA'I RANG BZHIN CAN @171B GYI SDUG BSNGAL BA DANG, BKRES PA DANG MGON MED PA DANG RTEN MED PA'I SLONG BA PO LEGS PAR SLONG ZHING 'ONGS PA RNAMS LA SNYING SRA BAS ZANG ZING MI GTONG BA DANG, CHOS LA SER SNA BYED PA'I PHYIR LEGS PAR DON DU GNYER BA 'ONGS PA RNAMS LA CHOS MI STON PA NI BYANG CHUB SEMS DPA'I PHAM PA'I GNAS LTA BU'I CHOS GNYIS PA'O, ,GANG GIS BYANG CHUB SEMS DPA' LA TSIG RTZUB MO SMRAS PA TZAM GYIS GTONG BAR MI BYED DE, KHRO BA'I KUN NAS DKRIS PA DE LTA BU 'PHEL BAR BYED LA, KHRO BAS ZIL GYIS NON NAS LAG PA'AM, BONG BA'AM DBYIG PAS SEMS CAN RNAMS LA RDEG PAR BYED, RNAM PAR 'TSE BAR BYED, RNAM PAR THO 'TSAMS PAR BYED LA, KHRO BA'I BSAM PA BDO BA KHO NA ZHE LA BZUNG STE GZHAN DAG GIS SHAD KYIS SBYANGS KYANG MI NYAN CING MI BZOD LA BSAM PAS MI GTONG BA 'DI NI BYANG CHUB SEMS DPA'I PHAM PA'I GNAS LTA BU'I CHOS GSUM PA'O, ,BYANG CHUB SEMS DPA'I SDE SNOD LA SKUR PA 'DEBS PA DANG, BDAG NYID DAM GZHAN DAG GI G-YAM LA DAM PA'I CHOS LTAR BCOS PA LA MOS NAS, DAM PA'I CHOS LTAR BCOS PA DAG LA DGA' BA DANG, STON PA DANG, 'JOG PA NI BYANG CHUB SEMS DPA'I PHAM PA'I GNAS LTA BU'I CHOS BZHI PA'O, ,DA NI 'DI DPYAD PAR BYA STE, GAL TE BYANG CHUB SEMS DPAS PHAM PA'I GNAS LTA BU LAN CIG SPYAD PAS BYANG CHUB SEMS DPA'I TSUL KHRIMS KYI SDOM PA BTANG BAR GYUR PA DPER NA DGE SLONG SO SOR THAR PA'I SDOM PA LAS PHAM PA'I CHOS BYUNG BA LTAR GYUR NA, DE CI BYANG CHUB SEMS DPA' YANG DAG PAR BLANG BAR GYUR PA DES DE 'DI LTAR DGE SLONG SO SOR THAR PA'I SDOM PA LAS PHAM PA BYUNG BA BZHIN DU TSE 'DI NYID LA YANG DAG PAR BLANG BA'I SKAL BA MED PA YIN NAM ZHE NA MA YIN TE, SDOM PA SLAR YANG BLANG BAR BYA, ,ZHES BYA BA SMOS SO, ,DE LTAR CHO GA SNGAR BSHAD PA BZHIN DU SDOM PA SLAR YANG MNOD PAR BYA'O, ,YANG NA THABS GZHAN YANG YOD DE, DES MNOD PAR BYA'O, ,DE YANG BYANG CHUB SEMS DPA'I SA LAS GAL TE YON TAN DE DAG DANG LDAN PA'I GANG ZAG MED PAR GYUR NA, BYANG CHUB SEMS DPAS DE BZHIN GSHEGS PA'I SKU GZUGS KYI SPYAN SNGAR BDAG NYID KYIS BYANG CHUB SEMS DPA'I TSUL KHRIMS @172A *, ,KYI SDOM PA YANG DAG PAR BLANG BAR BYA STE, 'DI LTAR SPYAN SNGAR BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS SAM, TZOG TZOG POR 'DUG KYANG RUNG STE 'DI SKAD DU, BDAG MING 'DI ZHES BGYI BA PHYOGS BCU'I DE BZHIN GSHEGS PA DANG, SA CHEN PO LA BZHUGS PA'I BYANG CHUB SEMS DPA' THAMS CAD LA GSOL BA 'DEBS TE, DE DAG GI SPYAN SNGAR BYANG CHUB SEMS DPA'I BSLAB PA'I GZHI THAMS CAD DANG, BYANG CHUB SEMS DPA'I TSUL KHRIMS THAMS CAD DE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG SEMS CAN GYI DON BYA BA'I TSUL KHRIMS GANG LA 'DAS PA'I BYANG CHUB SEMS DPA' THAMS CAD KYIS BSLABS PA DANG, MA 'ONGS PA'I BYANG CHUB SEMS DPA' THAMS CAD SLOB PAR 'GYUR BA DANG, PHYOGS BCU NA DA LTAR BYUNG BA'I BYANG CHUB SEMS DPA' THAMS CAD DA LTAR SLOB PA RNAMS BDAG GIS YANG DAG PAR BLANG BAR BYA'O ZHES BRJOD PAR BYA STE LAN GNYIS LAN GSUM DU BRJOD NAS LDANG BAR BYA'O, ,LHAG MA THAMS CAD NI SNGA MA BZHIN DU RIG PAR BYA'O ZHES 'BYUNG NGO, ,THOG MA YANG DE LTA BU'I GANG ZAG MED PAR GYUR NA DE LTAR MNOD PAR BYA'O, ,NYON MONGS PA DRAG PO LAS NYES PA BYUNG BA RNAMS SLAR BSAB PA'I CHO GA BSHAD PA NI DE YIN NO, ,NYON MONGS PA 'BRING LAS BYUNG BA RNAMS JI LTAR BYA ZHE NA, ZAG PA 'BRING NI GSUM LA BSHAGS, ,ZHES BYA BA SMRAS TE, GAL TE BYANG CHUB SEMS DPA' KUN NAS DKRIS PA 'BRING GIS PHAM PA'I GNAS LTA BU'I CHOS BYAS PAR GYUR NA, DE NI NYES BYAS KYI NYES PA YIN TE, DES NYAN THOS KYI THEG PA PA YANG RUNG, BYANG CHUB SEMS DPA'I THEG PA YANG RUNG STE, GANG ZAG GSUM MAM, DE LAS LHAG KYANG RUNG, GANG DAG TSIG DE BRDA PHRAD CING 'DZIN NUS PA RNAMS LA BSHAGS PAR BYA STE, MDUN DU 'DUG NAS THOG MAR DNGOS PO BRJOD DO, ,'DI SKAD CES TSE DANG LDAN PA RNAMS DGONGS SU GSOL, BDAG MING 'DI ZHES BGYI BA LA JI SKAD DU YONGS SU BRJOD PA'I GZHI LAS BYANG CHUB SEMS DPA'I 'DUL BA DANG 'GAL BA NYES BYAS KYI NONGS PA BYUNG STE ZHES BRJOD LA, DE DAG TSE DANG LDAN PA RNAMS LA BDAG BSHAGS SHING MTHOL TE MI 'CHAB BO, , @172B BSHAGS SHING MTHOL BAS BDAG BDE BAR GNAS PAR 'GYUR GYI, MA BSHAGS MA MTHOL NA BDE BAR GNAS PAR MI 'GYUR RO, ,KHYOD KYIS 'DI RNAMS NYES PAR MTHONG NGAM ZHES SMRAS NA MTHONG NGO ZHES SMRA BAR BYA'O, ,PHYIS KYANG SDOM PAR BYED DAM ZHES SMRA NA CHOS BZHIN 'DUL BA BZHIN DU SHIN TU LEGS PAR SPYI BOS MNOD PAR BGYI'O ZHES DE LTAR LAN GNYIS LAN GSUM DU BRJOD PAR BYA'O, ,DE STE KUN NAS DKRIS PA CHUNG DUS GANG PHAM PA'I GNAS LTA BU'I CHOS BYAS PAR GYUR NA DES JI LTAR BYA ZHE NA, GCIG GI MDUN DU LHAG MA RNAMS ZHES BYA BA SMRAS TE, LHAG MA RNAMS NI ZAG PA CHUNG DUS BYAS PA'I NYES BYAS RNAMS TE NYES BYAS SU GTOGS PA NYID DO, ,DE DAG NI GANG ZAG GCIG GI MDUN DU BSHAGS PAR BYA'O, ,SNGA MA BZHIN DU DNGOS PO BRJOD NAS, TSE DANG LDAN PA DGONGS SU GSOL, BDAG MING 'DI ZHES BGYI BA LA SOGS PA SMRA BAR BYA'O, ,DE NAS GANG 'OG NAS 'BYUNG BA'I NYES PA NYON MONGS PA CAN DANG, NYON MONGS PA MED PA NYES BYAS SU GTOGS PA DKON MCHOG GSUM LA MCHOD PA MA BYAS PA LA SOGS PA DE DAG LA JI LTAR BYA ZHE NA, NYON MONGS MI MONGS BDAG SEMS BZHIN, ,ZHES BYA BA SMRAS TE, GCIG GI MDUN DU YANG BSHAGS PAR BYA'O ZHES BYA BA DANG SBYAR RO, ,BDAG RANG GI SEMS LA JI LTA BA BZHIN DU GYUR PA NI BDAG SEMS BZHIN NO, ,'DI LTAR RJES SU MTHUN PA'I GANG ZAG MED NA BDAG GI SEMS KYI MDUN DU BSHAGS PAR BYA STE, BDAG GI SEMS GCIG TU KHREL YOD PA DANG, NGO TSA SHES PA DANG, DUL BA DANG, ZHI BA DANG, PHYIS MI BYA BA'I BSAM PA CAN DPANG DU GYUR PAR BYAS LA BSHAGS PAR BYA BA DE BZHIN DU GANG ZAG GCIG GI MDUN DU YANG BSHAGS PAR BYA'O ZHES BYA BA'I THA TSIG GO, ,BDAG GI SEMS BZHIN ZHES BYA BA'I DPE BSTAN PAS KYANG NYES PA BYUNG BA GSO BA'I THABS GZHAN BSHAD PA YIN NO, ,BYANG CHUB SEMS DPA'I SDE SNOD KYI MA MO LAS KYANG GANG GI MDUN DU BSHAGS PAR BYA BA'I DGE SLONG MTHUN PA DE LTA BU MED NA YANG BYANG CHUB SEMS DPAS BSAM PA THAG PA NAS PHYIS NYES PA MI 'BYUNG BAR SEMS BSKYED CING PHYIS KYANG BSDAM PAR BYA'O, ,DE LTAR BYAS NA DE NYES PA @173A *, ,DE LAS TSANGS PAR SHES PAR BYA'O, ,TSUL 'DI NI SNGAR BSHAD PA'I NYES PA ZAG PA 'BRING DANG CHUNG NGU LAS BYUNG BA RNAMS LA YANG SHES PAR BYA'O, ,NYON MONGS PA CAN DANG, NYON MONGS PA CAN MA YIN PA'I NYES PA DE DAG KYANG GANG YIN ZHES DRIS PA LA, DE DAG RGYAS PAR BSTAN PAR RTZOM STE, DKON MCHOG GSUM LA GSUM MI MCHOD, ,CES SMRAS SO, ,DE LTAR BYANG CHUB SEMS DPA' BYANG CHUB SEMS DPA'I TSUL KHRIMS KYI SDOM PA LA GNAS PA NYIN GCIG BZHIN DU DE BZHIN GSHEGS PA'AM, DE BZHIN GSHEGS PA'I MCHOD RTEN NAM, CHOS SAM CHOS KYI GLEGS BAM DU BYAS PA BYANG CHUB SEMS DPA'I MDO SDE'I SDE SNOD DAM, BYANG CHUB SEMS DPA'I MDO SDE'I SDE SNOD KYI MA MO'AM, DGE 'DUN LA YANG RUNG STE, PHYOGS BCU DAG NAS CHEN POR CHUD PA'I BYANG CHUB SEMS DPA' RNAMS KYI DGE 'DUN GANG YIN PA LA MCHOD PA'I BYANG CHUB DU 'AM CHEN PO CI YANG RUNG STE, THA NA LUS KYIS PHYAG GCIG TZAM 'TSAL BA DANG, CHOS DANG, DGE 'DUN GYI YON TAN RNAMS LAS BRTZAMS TE TSIG BZHI PA'I TSIGS SU BCAD PA GCIG TZAM TSIG TU BRJOD PA DANG, THA NA SEMS KYIS SANGS RGYAS DANG CHOS DANG DGE 'DUN GYI YON TAN RJES SU DRAN PA SNGON DU 'GRO BA'I DANG BA GCIG TZAM YANG MA BYAS PAR NYIN MTSAN 'DA' BAR BYED NA NYES PA DANG BCAS SHING 'GAL BA DANG BCAS PAR 'GYUR TE, GAL TE MA GUS PA DANG, SNYOM LAS DANG, LE LO'I NYES PA BYUNG NA NI NYON MONGS PA CAN GYI NYES PAR 'GYUR RO, ,GAL TE BRJOD PAS NYES PA BYUNG NA NI NYON MONGS PA CAN MA YIN PA'I NYES PAR 'GYUR RO, ,SEMS 'KHRUGS PA LA NI NYES PA MED DO, ,'DOD PA'I SEMS KYI RJES SU 'JUG ,NYES PA ZHES BYA BA THAMS CAD DU SBYAR BAR BYA STE, DE DAG THAMS CAD KYANG NYES BYAS NYID DO, ,GANG GI PHYIR BYANG CHUB SEMS DPA'I SDOM PA LA NYES PA'I RIGS GNYIS SU ZAD PA 'BYUNG STE, PHAM PA'I GNAS LTA BU'I CHOS SU GTOGS PA DANG, NYES BYAS KYI CHOS SU GTOGS PA'O, ,DGE SLONG GI SDOM PA LAS NYES PA'I RIGS LNGA 'BYUNG BA LTA BU NI MA YIN NO, ,DE LA GAL TE BYANG CHUB SEMS DPA' 'DOD PA CHE BA DANG, CHOG MI SHES PA DANG, RNYED PA DANG BKUR STI LA CHAGS PA 'BYUNG BA DANG DU LEN PAR @173B BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA SKYES SHING BRTZON 'GRUS RTZOM PA DE'I GNYEN PO YONGS SU 'DZIN PAS DE'I 'GAGS LA GNAS PAR RANG BZHIN GYIS NYON MONGS PA SHAS CHE BA'I PHYIR ZIL GYIS MNAN NAS YANG DANG YANG DU KUN TU SPYOD PA LA NYES PA MED DO, ,RGAN PA RNAMS LA GUS MI BYED, ,DRIS PA LA NI LAN MI 'DEBS, ,BYANG CHUB SEMS DPAS CHES RGAN ZHING YON TAN DANG LDAN PA LA BKUR STI BYA BAR 'OS PA CHOS MTHUN PA MTHONG NA NGA RGYAL GYIS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, RIGS PA'I TSUL GYIS LANGS SHING STAN MI STOBS PA DANG, GZHAN DAG SMRA ZHING KUN TU SMRA LA YANG DAG PAR DGA' BAR BYED CING 'DRI BA LA NGA RGYAL KHO NAS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, RIGS PA'I TSUL GYIS TSIG SLAR RJOD PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,GAL TE NGA RGYAL GYIS NON PA MA YIN, KUN NAS MNAR SEMS DANG LDAN PA MA YIN, KHONG KHRO BA'I SEMS DANG LDAN PA MA YIN YANG RUNG STE SNYOM LA SA DANG, LE LO 'AM, LUNG DU MA BSTAN PA'I SEMS SAM, BRJED PAS BYAS NA NYES PA DANG BCAS SHING 'GAL BA DANG BCAS PA KHO NAR 'GYUR GYI, NYON MONGS PA CAN GYI NYES PAR NI MI 'GYUR RO, ,NAD TSABS CHE BA'AM, SEMS 'KHRUGS PA LA NYES PA MED DO, ,DE GNYID KYIS LOG PA LA SAD PA'I 'DU SHES KYIS PHRAD DU 'ONG BA DANG, SMRA BA DANG, KUN TU SMRA BA DANG, YANG DAG PAR DGA' BAR BYED PA DANG, 'DRI BA LA NYES PA MED DO, ,GZHAN DAG LA CHOS STON TAM, 'BEL BA'I GTAM RNAM PAR GTAN LA 'BEBS PA LA SOGS PA BRTZON PA LA NYES PA MED DE, DE MA YIN PA GZHAN DAG YANG DAG PAR DGA' BAR BYED NA NYES PA MED DO, ,GZHAN DAG CHOS STON PA'AM, 'BEL BA'I GTAM RNAM PAR GTAN LA 'BEBS PA LA RNA BLAGS TE NYAN NA NYES PA MED DO, ,CHOS KYI GTAM LA MI DGA' BAR 'GYUR BA DANG CHOS SMRA @174A *, ,BA'I SEMS SRUNG NA NYES PA MED DO, ,THABS DES SEMS CAN DE DAG DUL BAR BYED CING 'DUL LA MI DGE BA'I GNAS NAS BSLANG STE DGE BA'I GNAS LA 'GOD NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,GZHAN MANG PO RNAMS KYI SEMS SRUNG NA NYES PA MED DO, ,MGRON POR BDAG GIR MI BYED CING, ,BYANG CHUB SEMS DPA' GZHAN DAG GI ,KHYIM MAM GTZUG LAG KHANG GZHAN NAM, KHYIM GZHAN DAG TU ZAS DANG SKOM DANG, GOS LA SOGS PA YO BYAD RNAMS LA BOS PA LAS NGA RGYAL GYIS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, MI 'GRO ZHING BOS PA BDAG GIR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,GAL TE NGA RGYAL GYIS NON PA MA YIN, KUN NAS MNAR SEMS DANG LDAN PA MA YIN, KHONG KHRO BA'I SEMS DANG LDAN PA MA YIN YANG RUNG STE, SNYOM LAS DANG LE LO'I DBANG GIS MA TSANG NA NI NYON MONGS PA CAN MA YIN PA'I NYES PAR 'GYUR RO, ,NA STE MI NUS PA'AM SEMS 'KHRUGS PA LA NYES PA MED DO, ,YUL 'DZAD MA RING DU GYUR PA DANG, LAM NA 'JIGS PA YOD NA NYES PA MED DO, , THABS DES DUL BAR 'DOD CING 'DUL BAR 'DOD LA MI DGE BA'I GNAS NAS BSLANG STE DGE BA'I GNAS SU 'JOG PAR 'DOD NA NYES BA MED DO, ,SNGAR GZHAN LA KHAS BLANGS NA NYES PA MED DO, ,RGYUN DU DGE BA'I PHYOGS LA BRTZON TE DGE BA'I PHYOGS KYI BAR CHAD DU 'GYUR BA SRUNG BA'I PHYIR MA SONG NA NYES PA MED DO; ;CHOS KYI DON SNGON MA THOS PA DON DANG LDAN PA MNYAN PA LAS NYAMS PAR 'GYUR DU DOGS PA'I PHYIR MA SONG NA NYES PA MED DO, ,CHOS KYI DON MNYAN PA JI LTA BA BZHIN DU 'BEL BA'I GTAM RNAM PAR GTAN LA 'BEBS PA LA YANG DE DANG 'DRA BAR RIG PAR BYA'O, ,THO 'TSAMS PA'I BSAM BAS BOS NA NYES PA MED DO, ,GZHAN MANG PO DAG GIS KUN NAS MNAR SEMS KYI SEMS SRUNG NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,GSER LA SOGS PA LEN MI BYED, ,BYANG CHUB SEMS DPA' GZHAN DAG LAS GSER DANG, DNGUL DANG, NOR BU DANG, MU TIG DANG, BEE d'URYA LA SOGS PA @174B NOR GYI SNA GRANGS RNAM PA SNA TSOGS MANG PO MCHOG RNAMS THOB CING DUS KYIS BSTABS PA LAS KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN PAS LEN DU MI BTUB CING SPONG BAR BYED NA NYES PA DANG BCAS SHING 'GAL BA DANG BCAS PAR 'GYUR TE, SEMS CAN YAL BAR 'DOR BA'I PHYIR NYON MONGS PA CAN GYI NYES PAR 'GYUR RO, ,SNYOM LAS DANG LE LOS LEN PAR MI BYED NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,SEMS 'KHRUGS PA LA NYES PA MED DO, ,DE BLANG BAS SEMS CHAGS PAR 'GYUR BAR MTHONG NA NYES PA MED DO, ,DE PHYIS 'GYOD PAR 'GYUR DU DOGS NA NYES PA MED DO, ,DES SBYIN PA 'KHRUL DU DOGS NA NYES PA MED DO, ,KUN TU 'DZIN PA BTANG BA'I DE'I RGYUS SBYIN BDAG DBUL ZHING PHONGS PAR 'GYUR DU DOGS NA NYES PA MED DO, ,DGE 'DUN NAM MCHOD RTEN GYI YIN DU DOGS NA NYES PA MED DO, ,GZHAN LAS MI RIGS PAR PHROGS PA YIN DU DOGS TE, RGYU DES DE DAG GSAD PA'AM, BCING BA'AM, CHAD PAS GCOD PA'AM, GNOD PAR 'GYUR BA'AM, SMAD PAR 'GYUR BA ZHIG YIN NA NYES PA MED DO, ,CHOS 'DOD PA LA SBYIN MI BYED, ,BYANG CHUB SEMS DPA' GZHAN CHOS 'DOD PA RNAMS LA KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN NAM, RANG BZHIN GYIS PHRAG DOG CAN YIN YANG RUNG STE, CHOS SBYIN PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, , SNYOM LAS DANG LE LOS SBYIN PAR MI BYED NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,MU STEGS CAN GLAGS TSOL BA LA MA BYIN NA NYES PA MED DO, ,NAD TSABS CHE BA DANG, SEMS 'KHRUGS PA LA NYES PA MED DO, ,THABS DES 'DUL BAR BYED 'DOD CING DUL BAR 'DOD LA, MI DGE BA'I GNAS NAS BSLANG STE DGE BA'I GNAS SU 'GOD PAR 'DOD NA NYES PA MED DO, ,CHOS MI SHES NA NYES PA MED DO, ,GAL TE MA GUS SHING ZHES MED LA SPYOD LAM NGAN PAS NOD PA LA MA BYIN NA NYES PA MED DO, ,DBANG PO RTUL PO LA CHOS RGYA @175A *, ,CHEN PO BSTAN PA CHOS STON PAS SKRAG CING LOG PAR LTA BA DANG, LOG PAR MNGON PAR ZHEN PA DANG, GNOD PA DANG, NYAMS PAR 'GYUR DU DOGS NA NYES PA MED DO, ,DE'I LAN DU SONG NA GZHAN SNOD DU MA GYUR PA RNAMS LA CHOS 'PHEL DU DOGS NA NYES PA MED DO, , TSUL KHRIMS 'CHAL RNAMS YAL BAR 'DOR, ,BYANG CHUB SEMS DPA' SEMS CAN MA RUNGS PA RNAMS DANG, TSUL KHRIMS 'CHAL BA RNAMS MA RUNGS PA YIN PA DANG, TSUL KHRIMS 'CHAL BA YIN PA'I RKYEN GYIS KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN PAS YAL BAR 'DOR RAM, KHYAD DU GSOD NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS YAL BAR BOR BA DANG, BRJED PAS KHYAD DU BSAD NA NYES PA DANG BCAS SHING 'GAL BA DANG BCAS PAR NI 'GYUR LA; NYON MONGS PA CAN GYI NYES PAR NI MI 'GYUR RO, ,DE CI'I PHYIR ZHE NA, BYANG CHUB SEMS DPA' NI SEMS CAN MA RUNGS PA RNAMS DANG, TSUL KHRIMS 'CHAL BA RNAMS DANG, SDUG BSNGAL GYI RGYU LA GNAS PA RNAMS LA JI LTAR SNYING BRTZE BA'I SEMS DANG, BYED 'DOD PAS NYE BAR GNAS PA LTA BUR TSUL KHRIMS DANG LDAN ZHING LUS DANG NGAG DANG YID KYI LAS KYI SPYOD PA ZHI BA LA NI DE LTA MA YIN PA'I PHYIR RO, ,SEMS 'KHRUGS PA LA NI NYES PA MED DO, ,THABS DES DE 'DUL BAR BYED 'DOD PA LA SNGA MA BZHIN TE NYES PA MED DO, ,GZHAN MANG PO DAG GI SEMS SRUNG NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,PHA ROL DAD PHYIR SLOB MI BYED, ,SEMS CAN DON LA BYA BA CHUNG, ,BYANG CHUB SEMS DPA' NI BCOM LDAN 'DAS KYIS GZHAN DAG GI SEMS BSRUNG BA'I PHYIR MA DAD PA RNAMS DAD PAR BYA BA DANG, DAD PA RNAMS PHYIR ZHING 'BYUNG BAR BYA BA'I PHYIR SO SO THAR PA'I 'DUL BA LAS BCAS PA'I KHA NA MA THO BA DANG BCAS PA RNAM PAR GZHAG PA GANG YIN PA DE LA NYAN THOS RNAMS DANG MTSUNGS PAR SLOB STE THA DAD PAR MI BYED DO, ,DE CI'I PHYIR ZHE NA, NYAN THOS RNAMS NI BDAG GI DON LHUR LEN PA TZAM DU ZAD NA, DE DAG KYANG MA DAD PA RNAMS DAD PAR BYA BA DANG, DAD PA @175B RNAMS PHYIR ZHING 'BYUNG BAR BYA BA'I PHYIR GZHAN GYI YID MI SRUNG BAR MI BYED DE BSLAB PA RNAMS LA SLOB NA, BYANG CHUB SEMS DPA' GZHAN GYI DON LHUR LEN PA RNAMS LTA CI SMOS, BCOM LDAN 'DAS KYIS NYAN THOS RNAMS DON NYUNG BA DANG, BYA BA NYUNG BA DANG, SNYING LAS CHUNG NGUR GNAS PAR BYA BA LAS BRTZAMS TE BCAS PA'I KHA NA MA THO BA DANG BCAS PA DE LA NI BYANG CHUB SEMS DPA' NYAN THOS RNAMS DANG MTSUNGS PAR SLOB PAR MI BYED DO, ,DE CI'I PHYIR ZHE NA, NYAN THOS RNAMS NI BDAG GI DON LHUR LEN CING GZHAN GYI DON LA MI BLTA BAR GZHAN GYI DON LAS BRTZAMS TE DE DON NYUNG ZHING BYA BA NYUNG BA SNYING LAS CHUNG NGUR GNAS PA NI MDZES KYI, BYANG CHUB SEMS DPA' GZHAN GYI DON LHUR LEN PAS GZHAN GYI DON LAS BRTZAMS TE, DON NYUNG ZHING BYA BA NYUNG LA SNYING LAS CHUNG NGUR GNAS PA NI MDZES PA MA YIN TE, 'DI LTAR BYANG CHUB SEMS DPA' GZAN DAG GI DON DU GOS BRGYA SNYED DANG, GOS STONG SNYED NYE BAR MI 'ONG BA'I BRAM ZE DANG, KHYIM BDAG RNAMS LAS BLANG BAR BYA STE, SKABS 'BYED PA ZHIG YOD NA YANG SEMS CAN DE DAG GI CHOG GAM MI CHOG BRTAGS NAS JI TZAM DOGS PA BLANG BAR BYA'O, ,GOS RNAMS LA JI LTA BA BZHIN DU LHUNG BZED RNAMS KYANG DE DANG 'DRA'O, ,JI LTAR BLANG BAR BYA BA BZHIN DU BDAG NYID KYI RGYU SKUD PA BLANGS PA NYE DUR MI 'ONG BA'I THA GA PA LA 'THAG TU GZHUG PA YANG DE DANG 'DRA'O, ,GZHAN DAG GI DON DU MON DAR GYI MAL STAN BRGYA SNYED DANG, STAN DU 'DING BA BRGYA SNYED KYANG NYE BAR GZHAG PAR BYA'O, ,GSER DANG DNGUL BYE PA PHRAG 'BUM LAS LHAG PAR YANG BDAG GIR BYA'O, ,BYANG CHUB SEMS DPA' BYANG CHUB SEMS DPA'I TSUL KHRIMS KYI SDOM PA LA GNAS PA NI DE LA SOGS PA NYAN THOS DON NYUNG ZHING BYA BA NYUNG LA SNYING LAS CHUNG NGUR GNAS PA LAS BRTZAMS TE BCAS PA'I KHA NA MA THO BA DANG BCAS PA LA MTSUNGS PAR MI SLOB BO, ,DGE SLONG GANG NYE DUR MI 'ONG BA'I KHYIM BDAG GAM, KHYIM BDAG GI CHUNG MA'I DRUNG DU SONG STE, GOS SLONG NA SPANG BA'I LTUNG BYED DO ZHES BYA BA DE LA SOGS PA BSLAB PA'I GZHI RNAMS SDOM PA GNYIS LA GNAS PAS GZHAN GYI DON BTANG STE, BDAG GI DON LHUR LEN PAR RIG PAR BYA'O, ,BYANG @176A *, ,CHUB SEMS DPA' SEMS CAN GYI DON LAS BRTZAMS TE KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS, DON NYUNG ZHING BYA BA NYUNG LA SNYING LAS CHUNG NGUR GNAS PAR BYED NA NYES PA DANG BCAS SHING 'GAL BA DANG BCAS PAR 'GYUR TE; NYON MONGS PA CAN GYI NYES PAR 'GYUR RO, ,SNYOM LAS DAD LE LOS DON NYUNG ZHING BYA BA NYUNG LA SNYING LAS CHUNG DUS GNAS PAR BYED NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,BAM PO GNYIS PA STE THA MA'O, ,SNYING BRTZER BCAS NA MI DGE MED, ,RANG BZHIN GYIS KHA NA MA THO BA DANG BCAS PA LA BYANG CHUB SEMS DPA' THABS MKHAS PA DE LTA BUS KUN TU SPYAD NA, DES NYES PAR YANG MI 'GYUR LA, BSOD NAMS MANG PO YANG 'PHEL BAR 'GYUR BA YANG YOD DO, ,'DI LTAR CHOM PO DANG, RKUN POS SROG CHAGS CHE BA'I BDAG NYID CAN NYAN THOS DANG, RANG SANGS RGYAS DANG, BYANG CHUB SEMS DPA' BRGYA PHRAG MANG PO DAG ZANG ZING CUNG ZAD TZAM GYI PHYIR GSAD PA BRTZON TE, MTSAMS MED PA'I LAS MANG PO BYED PA LA ZHUGS PA DAG BYANG CHUB SEMS DPAS MTHONG LA, MTHONG NAS KYANG 'DI SNYAM DU SEMS KYIS SEMS MNGON PAR 'DU BYED DE, SROG CHAGS DE BSAD NA BDAG SEMS CAN DMYAL BA RNAMS SU SKYE BAR 'GYUR MOD KYI BDAG SEMS CAN DMYAL BAR SKYE BA NI BLA'I, SEMS CAN 'DIS MTSAMS MED PA'I LAS BYAS NAS SEMS CAN DMYAL BAR 'GRO NA MI RUNG NGO SNYAM STE, DE LTA BU'I BSAM PAS BYANG CHUB SEMS DPAS DGE BA'I SEMS SAM, LUNG DU MA BSTAN PA'I SEMS SU RIG NAS 'DZEM BZHIN DU PHYI MA LA SNYING BRTZE BA'I SEMS KHO NAS, SROG CHAGS DE BSANG NA NYES PAR YANG MI 'GYUR LA BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA' NI MTHU YOD NA SEMS CAN RGYAL PO'AM BLON PO CHEN PO GANG DAG SHAS CHER BRLANG ZHING SEMS CAN RNAMS LA SNYING RJE MED LA, GCIG TU NGES PAR PHA ROL LA GNOD PA BYED PA LA ZHUGS PA DAG GANG LA GNAS NAS GZHI DES BSOD NAMS MA YIN PA MANG DU 'PHEL BAR 'GYUR BA DE DAG SNYING BRTZE BA'I SEMS @176B DANG, PHAN PA'I BSAM PAS RGYAL SRID KYI DBANG PHYUG LA DBANG BA DE LAS 'BYIN PAR BYED DO, ,CHOM PO DANG RKUN PO GZHAN GYI NOR 'PHROG PA GANG DAG GIS DGE 'DUN DANG MCHOD RTEN GYI DKOR MANG PO PHROGS NAS BDAG GIR BYAS TE LONGS SPYAD PAR 'DOD PA DE DAG LAS BYANG CHUB SEMS DPAS NOR PHYIR PHROGS TE, NOR LONGS SPYAD PA DES DE DAG LA YUN RING POR GNOD PA DANG, PHAN PA MA YIN PA KHO NAR GYUR NA MI RUNG NGO SNYAM NAS, RKYEN DE KHO NA'I PHYIR SLAR PHROGS TE DGE 'DUN GYI NI DGE 'DUN LA 'BUL BAR BYED, MCHOD RTEN GYI NI MCHOD RTEN LA 'BUL BAR BYED DO, ,ZHAL TA BYED PA'AM, KUN DGA' RA BA SRUNG BA GANG DAG GIS DGE 'DUN NAM, MCHOD RTEN GYI NOR MI RIGS PAR CHUD GSON PA DANG, GANG ZAG BDAG NYID KYIS SPYOD PAR BYED PA DE DAG LA BYANG CHUB SEMS DPAS SO SOR BRTAGS NAS LAS DE DANG LOG PAR LONGS SPYAD PA DES DE DAG LA YUN RING POR GNOD PA DANG, PHAN PA MA YIN PAR GYUR NA MI RUNG NGO SNYAM NAS, ,DBANG BYED PA DE LAS 'BYIN PAR BYED DE, DE LTAR RNAM GRANGS DES BYANG CHUB SEMS DPA' MA BYIN PAR LEN BZHIN DU NYES PAR YANG MI 'GYUR LA, BSOD NAMS KYANG MANG DU 'PHEL BAR 'GYUR RO, ,'DI LTAR BYANG CHUB SEMS DPA' KHYIM PAS BUD MED KHYIM THAB MED PA MI TSANGS PAR SPYOD PAS GZIR BA DE LA CHAGS PA'I SEMS DANG LDAN PA ZHIG LA KUN NAS MNAR SEMS KYI SEMS DANG LDAN PAR GYUR NAS, BSOD NAMS MA YIN PA MANG DU 'PHEL BAR GYUR NA MI RUNG NGO SNYAM ZHING, CI DGA' DGUR DGE BA'I RTZA BA LA SBYAR BA DANG MI DGE BA YONGS SU DOR BAR BYA BA LA DBANG DU YANG 'GYUR RO SNYAM STE, SNYING BRTZE BA'I SEMS KHO NA NYE BAR BZHAG NAS 'KHRIG PA'I CHOS BSTEN NA, MI TSANGS PAR SPYOD PA 'KHRIG PA'I CHOS BSTEN KYANG NYES PAR YANG MI 'GYUR LA, BSOD NAMS KYANG MANG DU 'PHEL BAR 'GYUR BA LTA BU'O, ,BYANG CHUB SEMS DPA' RAB TU BYUNG PA, NYAN THOS KYI BSLAB PA MI 'JIG PAR RJES SU SRUNG BAS NI MI TSANGS PAR SPYOD PA BSTEN PA RNAM PA THAMS CAD DU MI BYA'O, ,'DI LTAR BYANG CHUB SEMS DPA' SEMS CAN MANG PO SROG THAR PAR BYA BA DANG, BCINGS PA LAS THAR PAR BYA BA @177A *, ,DANG; LAG PA DANG, RKANG PA DANG, SNA DANG RNA BA BCAD PA LAS THAR BAR BYA BA DANG, MIG DBYUNG BA LAS BSKYAB PAR BYA BA'I PHYIR BYANG CHUB SEMS DPA' BDAG GI SROG GI PHYIR YANG SHES BZHIN DU BRDZUN GYI TSIG GANG MI SMRA BA YANG SEMS CAN DE DAG GI DON GYI PHYIR SO SOR BRTAGS NAS SMRA BAR BYED DE, DE LTAR MDOR BSDU NA BYANG CHUB SEMS DPAS NI CI DANG CIS KYANG SEMS CAN RNAMS KYI DON KHO NA MTHONG GI ,DON MA YIN PA NI MA YIN TE, BDAG NYID KYANG ZANG ZING MED PA'I SEMS DANG LDAN LA, SEMS CAN LA PHAN PAR 'DOD PA'I GZHI 'BA' ZHIG GIS 'DU SHES BSGYUR TE SHES BZHIN DU TSIG GZHAN DU SMRA LA, SMRA BZHIN DU NYES PAR YANG MI 'GYUR TE, BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA' NI SEMS CAN GANG DAG MI DGE BA'I BSHES GNYEN GYIS YONGS SU ZIN PA DE DAG LA SNYING BRTZE BA'I SEMS KHO NA BRTEN NAS SEMS CAN 'DI DAG NI SDIG PA'I GROGS PO DANG BRTEN PAS YUN RING POR GNOD PA DANG, PHAN PA MA YIN PAR GYUR NA MI RUNG NGO SNYAM STE, CI NUS CI LCOGS KYIS MI DGE BA'I BSHES GNYEN DE DAG DANG DBYE BA'I TSIG SMRA BAR BYED DE, DES 'GA' ZHIG DBYE BAR KUN TU DGA'O, ,BYANG CHUB SEMS DPA' RNAM GRANGS DES MDZA' BA'I DBYEN BYAS KYANG NYES PAR YANG MI 'GYUR LA, BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA'I NI SEMS CAN LAM LOG PAR ZHUGS SHING MI RIGS PA BYED PA DAG LA THABS DES CI NAS KYANG MI DGE BA'I GNAS NAS BSLANG STE DGE BA'I GNAS SU 'GOD PA'I PHYIR RTAG TU TSIG RTZUB POS DRAG TU SMA 'BEBS PAR BYED DE, DE LTAR BYANG CHUB SEMS DPAS TSIG RTZUB POS SMRAS KYANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO, ,'DI LTAR BYANG CHUB SEMS DPA' NI SEMS CAN GAR DANG GLU DANG ROL MO'I SKRA LA MOS PA RNAMS DANG, RGYAL PO DANG, CHOM RKUN DANG, ZAS DANG, SKOM DANG, SMAD 'TSONG MA DANG, LAM SRANG GI GTAM LA SOGS PA LA MOS PA RNAMS LA, GAR DANG GLU DANG ROL MO'I SGRA DANG GTAM SNA TSOGS LA MKHAS TE, SNYING BRTZE BA'I BSAM PAS @177B GAR DANG GLU DANG ROL MO'I SGRA DANG TSIG 'KHYAL PA DANG LDAN PA'I GTAM RNAM PA SNA TSOGS KYIS MGU BAR BYAS SHING 'DUN PAR BYAS TE DBANG DU BYED CING NGAG NYAN DU BCUG NAS MI DGE BA'I GNAS NAS BSLANG STE DGE BA'I GNAS SU DGOD PAR BYED DO, ,DE LTAR BYANG CHUB SEMS DPA'I TSIG 'KHYAL PA SMRA YANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO, ,'TSO BA LOG PA DANG DU LEN, ,BYANG CHUB SEMS DPA' TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA DANG, RNYED PAS RNYED PAR BYED 'DOD PA LOG PAS 'TSO BAR BYED PA'I CHOS BYUNG BA RNAMS DANG DU LEN CING, DE DAG GIS MI 'DZEM LA SEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE BSAL BA'I PHYIR 'DUN PA SKYES SHING 'BAD PA RTZOL LA NYON MONGS PA SHAS CHE BAS SEMS ZIL GYIS MNAN TE KUN TU SPYOD PA NI NYES PA MED DO, ,'PHYAR NAS RAB TU RGOD LA SOGS, ,BYANG CHUB SEMS DPA' RGOD PAS YONGS SU ZIN PA'I SEMS KYIS RNAM PAR MA ZHI ZHING RNAM PAR MA ZHI BA LA DGA' LA RTAG TU RGOD PA DANG, KUN TU RTZE ZHING KUN TU CA CO 'DON LA RGOD CING G-YENG BAR BYED PA DANG, GZHAN DAG RGOD DU GZHUG PAR 'DOD CING DGA' BAR BYA BAR 'DOD NA RKYEN DE NYID KYIS NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BRJED PAS BYAS NA NYON MONGS PA CAN MA YIN PA'I NYES PAR 'GYUR RO, ,DE BSAL BA'I PHYIR 'DUN PA SKYED NA NI NYES PA MED DE SNGA MA BZHIN NO, ,GZHAN DAG GI KUN NAS MNAR SEMS SKYE SA BA THABS DES PHYIR BSAL BAR 'DOD NA NYES PA MED DO, ,GZHAN DAG GI MYA NGAN SKYES PA BSAL BAR 'DOD NA NYES PA MED DO, ,GZHAN DE'I RANG BZHIN CAN DE LA DGA' BA RNAMS BSDU BA'AM, BAG DBAB[?] PA'AM, DE DANG MTHUN PAR BYA BA'I PHYIR BYED NA NYES PA MED DO, ,GZHAN DAG BYANG CHUB SEMS DPA' LA MI DGA' BAR 'GYUR DU DOGS PA DANG, KUN NAS MNAR SEMS DANG, RGYAB KYIS PHYOGS PAR 'GYUR DU DOGS PA RNAMS LA DGA' BA'I RANG BZHIN GYIS NANG DU BSAM PA DAG PA BSTAN @178A *, ,PA'I PHYIR BYAS NA NYES PA MED DO, ,'KHOR BA GCIG TU BGROD PAR SEMS, ,BYANG CHUB SEMS DPA' GANG BYANG CHUB SEMS DPAS NI MYA NGAN LAS 'DAS PA LA MNGON PAR DGA' BAS GNAS PAR MI BYA'I, MYA NGAN LAS 'DAS PA LA RGYAB KYIS PHYOGS TE GNAS PAR BYA'O, ,NYON MONGS PA DANG NYE BA'I NYON MONGS PA RNAMS KYIS KYANG 'JIGS PAR MI BYA'O, ,DE DAG LAS SEMS KYANG SHIN TU DBEN PAR MI BYA STE, 'DI LTAR BYANG CHUB SEMS DPAS NI BSKAL PA GRANGS MED PA GSUM DU 'KHOR BA NA 'KHOR ZHING BYANG CHUB YANG DAG PAR BSGRUB PAR BYA DGOS SO SNYAM DU DE LTAR LTA ZHING DE SKAD SMRAS NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE CI'I PHYIR ZHE NA, BYANG CHUB SEMS DPAS NI NYAN THOS KYI JI LTAR MYA NGAN LAS 'DAS PA LA MNGON PAR DGA' BA KUN TU BSTEN PAR BYA ZHING, NYON MONGS PA DANG NYE BA'I NYON MONGS PA RNAMS LAS SEMS SKYO BAR BYA BA DE LAS BYE BA PHRAG 'BUM 'GYUR DU MYA NGAN LAS 'DAS PA LA MNGON PAR DGA' BA KUN TU BSTEN PAR BYA ZHING, NYON MONGS PA DANG NYE BA'I NYON MONGS PA RNAMS LAS SEMS SKYO BA BSGOM PAR BYA DGOS TE, 'DI LTAR NYAN THOS NI BDAG GCIG PU'I DON LA BRTZON GYI, BYANG CHUB SEMS DPA' NI SEMS CAN THAMS CAD KYI DON LA BRTZON PA YIN PA DES DE LTAR SEMS KUN NAS NYON MONGS PA MED PA LA GOMS PAR BYA BA YANG DAG PAR BSGRUB DGOS TE, DE NI 'DI LTAR DGRA BCOM PA MA YIN DU ZIN KYANG, DE LAS KHYAD PAR DU 'PHAGS PA KUN NAS NYON MONGS PA MED PA DANG LDAN PAS ZAG PA DANG BCAS PA'I DNGOS PO LA SPYOD PA'I PHYIR RO, ,GRAGS PA MA YIN MI SPONG BA, ,BYANG CHUB SEMS DPAS BDAG GI TSIG MI BTZUN PAR 'GYUR BA'I DRI NGAS DANG, MI SNYAN PA DANG, GTAM NGAN PAR 'GYUR BA BDEN PA'I DNGOS PO MI SRUNG ZHING SEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BDEN PA'I DNGOS PO MA YIN PA MI SRUNG ZHING SEL BAR MI BYED NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES @178B PAR NI MI 'GYUR RO, ,PHA ROL MU STEGS CAN YIN NAM, GZHAN GANG YANG RUNG BA MNGON PAR ZHEN PA ZHIG YIN NA NYES PA MED DO, ,RAB TU BYUNG BA DANG, SLONG MO SPYOD PA DANG, DGE BA SPYOD PA'I GZHIS MI SNYAN PAR BRJOD NA NYES PA MED DO, ,KHRO BAS ZIL GYIS NON CING SEMS PHYIN CI LOG TU GYUR PAS BRJOD NA NYES PA MED DO, ,NYON MONGS BCAS KYANG 'CHOS MI BYED, ,BYANG CHUB SEMS DPAS GNOD PA'I THABS DANG THABS DRAG PO GANG GIS SEMS CAN GYI DON DU 'GYUR BA MTHONG BZHIN DU YID MI DGA' BAR 'GYUR BA BSRUNG BA'I PHYIR THABS DE MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,TSE 'DI'I DON CHUNG NGU ZHIG TU GYUR LA, GZHI DES YID MI DGA' BA CHEN POR GYUR NA NYES PA MED DO, ,GSHE LA LAN DU GSHE LA SOGS, ,BYANG CHUB SEMS DPA' GZAN DAG GSHE BA LA PHYIR GSHE BA DANG, KHRO BA LA PHYIR KHRO BA DANG BRDEG PA LA PHYIR BRDEG PA DANG, MTSANG 'DRU BA LA PHYIR MTSANG 'DRU BAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,KHRO BA RNAMS NI YAL BAR 'DOR, ,BYANG CHUB SEMS DPA' GZHAN DAG LA NYES PA BYAS SAM NYES PA BYAS SU DOGS KYANG RUNG STE, KUN NAS MNAR SEMS KYI SEMS DANG LDAN PA DANG, NGA RGYAL GYIS NON PAS MTHUN PAR SHAD KYIS BYANG BAR MI BYED CING DE YAL BAR 'DOR NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS SAM LE LO'AM BAG MED PAS SHAD KYIS BYANG BAR MA BYAS NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,THABS DES DUL BAR BYA BAR 'DOD CING 'DUL BAR 'DOD LA MI DGE BA'I GNAS NAS BSLANG STE, DGE BA'I GNAS SU 'GOD PAR 'DOD NA NYES PA MED DO, ,MU STEGS CAN YIN NA NYES PA MED DO, ,RUNG BA MA YIN PA KHA NA MA THO BA DANG BCAS PAR KUN TU SPYOD PAS SHAD KYIS BYANG BAR BYED DU 'JUG PAR 'DOD PA ZHIG NA NYES PA MED DO, ,GAL TE RANG BZHIN GYIS 'THAB KROL CAN ZHIG YIN TE RTZOD PAR BYED LA SHAD KYIS @179A *, ,BYANG BAR BYAS NA SHAS CHER 'KHRUGS TE SHED SKYE BAR 'GYUR NA NYES PA MED DO, ,PHA ROL BZOD PA'I NGANG TSUL CAN YIN ZHING KUN NAS MNAR SEMS MED PA'I NGANG TSUL CAN YIN DU RE LA, GZHAN LA BDAG GIS NYES PA BYAS PA LAS BRTZAMS TE SHAD KYIS BYANG BAR BYED PA SHIN TU NGO TSA BAR BYED PA ZHIG YIN NA NYES PA MED DO, ,PHA ROL SHAD KYIS 'CHAGS PA SPONG, ,BYANG CHUB SEMS DPA' RTZOD PA BYUNG BA 'GA' ZHIG LAS BYUNG BAR GYUR NAS GZHAN DAG LA CHOS BZHIN DU MTHUN PAR SHAD KYIS BYANG BAR BYED KYANG, KUN NAS MNAR SEMS KYI SEMS DANG LDAN ZHING GZHAN LA THO 'TSAM PA'I BSAM PAS SAM SHAD KYIS SBYANGS PA MI NYAN NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,GAL TE KUN NAS MNAR SEMS KYI SEMS DANG MI LDAN GYI, MI BZOD PA'I NGANG TSUL CAN YIN PAS MI NYAN NA NYON MONGS PA CAN GYI NYES PA NYID DU MI 'GYUR RO, ,THABS DES PHA ROL GDUL BAR 'DOD NA NYES PA MED DE, SNGA MA BZHIN DU THAMS CAD DU RIG PAR BYA'O, ,CHOS BZHIN MA YIN PA DANG, DUS MA YIN PAR SHAD KYIS SBYONG BAR BYED NA NYES PA MED DO, ,KHRO BA'I SEMS KYI RJES SU 'JUG ,BYANG CHUB SEMS DPA'I GZHAN DAG LA KHRO BA'I BSAM PA BYUNG ZHING 'DZIN PA BYUNG BA DANG DU LEN NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA BSKYED NA NYES PA MED DE SNGA MA BZHIN NO, ,BSNYEN BKUR 'DOD PHYIR 'KHOR RNAMS SDUD, ,BYANG CHUB SEMS DPA'I RIM GRO BYA BA DANG BSNYEN BKUR BYA BA LA YONGS SU ZHEN PA'I DBANG DU BYAS TE, ZANG ZING DANG BCAS PA'I SEMS KYIS 'KHOR SDUD PAR BYED NA, NYES PA DANG BCAS SHING 'GAL BA DANG BCAS PAR 'GYUR TE NYON MONGS PA CAN GYI NYES PAR 'GYUR RO, ,ZANG ZING MED PA'I BSAM PAS RIM GRO BYA BA DANG BSNYEN BKUR BYA BA BDAG GIR BYED NA NYES PA MED DO, ,LE LO LA SOGS SEL MI BYED, ,BYANG CHUB SEMS DPA' DPA' SNYOM LAS DANG LE LO SKYES TE, GNYID KYI BDE BA DANG NYAL BA'I BDE BA DANG GLOS 'BEBS PA'I BDE BAS DUS MA YIN PA DANG, TSOD MA ZIN PAR @179B BDAG GIR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,NA STE MI NUS NA NYES PA MED DO, ,LAM GYIS DUB NA NYES PA MED DO, ,DE SPANG BA'I PHYIR 'DUN PA SKYES PA LA NYES PA MED DE SNGA MA BZHIN DU RIG PAR BYA'O, ,CHAGS PAS BRE MO'I GTAM LA BRTEN, ,BYANG CHUB SEMS DPA' 'DU 'DZI'I GTAM LA KUN TU CHAGS PA'I SEMS KYIS DUS LAS YOL BAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BRJOD PAS YOL BAR BYAS NA NYON MONGS PA CAN MA YIN PA'I NYES PAR 'GYUR RO, ,PHA ROL PO SMRA ZHING 'DUG LA DE YANG DRAN PA LA GNAS BZHIN DU PHA ROL GYI NGOR SKAD CIG TZAM NYAN PA LA NI NYES PA MED DO, ,YA MTSAN DU 'DZIN TE 'DRI BA TZAM DANG DRIS PA'I LAN 'DEBS PA TZAM BYED PA LA NYES PA MED DO, ,TING NGE 'DZIN GYI DON MI TSOL, , BYANG CHUB SEMS DPA' SEMS GNAS PAR BYA BA LAS BRTZAMS TE, SEMS MNYAM PAR 'JOG PAR 'DOD LA KUN NAS MNAR SEMS KYI SEMS DANG LDAN PA DANG, NGA RGYAL GYIS NON TE GDAMS NGAG NOD DU MI 'GRO NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LO BYAS NA NYON MONGS PA CAN MA YIN PA'I NYES PAR 'GYUR RO, ,NA STE MI NUS NA NYES PA MED DO, ,GDAMS NGAG LOG PAR 'BYUNG DU DOGS NA NYES PA MED DO, ,BDAG NYID MANG DU THOS PA YIN TE SEMS MNYAM PAR 'JOG NUS SAM, DES GDAMS NGAG GIS GDAMS PAR BYA BA BYAS ZIN NA NYES PA MED DO, ,BSAM GTAN SGRIB PA SPANG MI BYED, ,BYANG CHUB SEMS DPA' 'DOD PA LA 'DUN PA'I SGRIB PA BYUNG BA NYAMS SU MYONG BAR BYED CING SEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA SKYES SHING 'BAD KYANG NYON MONGS PA DRAG POS SEMS ZIL GYIS NON TE KUN TU SPYAD NA NYES PA MED DO, ,'DOD PA LA 'DUN PA JI LTA BA BZHIN DU GNOD SEMS DANG, RMUGS PA DANG GNYID DANG, RGOD @180A *, ,PA DANG 'GYOD PA DANG, THE TSOM YANG DE DANG 'DRA BAR RIG PAR BYA'O, ,BSAM GTAN RO LA YON TAN LTA, BYANG CHUB SEMS DPA' BSAM GTAN GYI RO MYONG BAR BYED CING, BSAM GTAN GYI RO MYANG BA LA YANG YON TAN DU LTA NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA SKYES PA LA NI NYES PA MED DE SNGA MA BZHIN NO, ,NYAN THOS THEG PA SPONG BAR BYED, ,BYANG CHUB SEMS DPA' GANG BYANG CHUB SEMS DPA' NYAN THOS KYI THEG PA DANG LDAN PA'I CHOS MNYAN PA'I MI BYA'O, ,GZUNG BAR MI BYA'O, ,DE LA BSLAB PAR YANG MI BYA'O, ,BYANG CHUB SEMS DPAS NYAN THOS KYI THEG PA DANG LDAN PA'I CHOS MNYAN PA DANG GZUNG BAS CI ZHIG BYA STE DE LA BSLAB MI DGOS SO ZHES DE LTAR LTA ZHING DE SKAD SMRAS NA NYES PA DANG BCAS SHING 'GAL BA DANG BCAS PAR 'GYUR LA, NYON MONGS PA CAN GYI NYES PAR 'GYUR TE, 'DI LTAR BYANG CHUB SEMS DPAS NI MU STEGS CAN GYI BSTAN BCOS RNAMS LA YANG BRTZON PAR BYA DGOS NA, SANGS RGYAS KYI GSUNG RAB LA LTA CI SMOS, GCIG TU NGES PAR DE LHUR LEN PA'I 'DUN PA BZLOG PA'I PHYIR NA NYES PA MED DO, ,RANG TSUL YOD BZHIN DE LA BRTZON, ,BYANG CHUB SEMS DPA' BYANG CHUB SEMS DPA'I SDE SNOD YOD BZHIN DU BYANG CHUB SEMS DPA'I SDE SNOD LA BRTZON PAR MA BYAS PAR BYANG CHUB SEMS DPA'I SDE SNOD THAMS CAD KYI THAMS CAD DU YAL BAR BOR NAS, NYAN THOS KYI SDE SNOD LA BRTZON PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BRTZON MIN PHYI ROL BSTAN CHOS BRTZON, ,BYANG CHUB SEMS DPA' SANGS RGYAS KYI GSUNG RAB YOD BZHIN DU SANGS RGYAS KYI GSUNG RAB LA BRTZON PAR MA BYAS PAR MU STEGS CAN GYI BSTAN BCOS DAG LA BRTZON PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SHIN TU YID GZHUNGS PA DANG, LOBS SKYEN PA DANG, YUN RING DU MI BRJED PAR NUS PA DANG, DON SEMS PA DANG, RTOGS PAR @180B BYED NUS PA DANG, SANGS RGYAS KYI GSUNG RAB LA RIGS PAS RTOGS PA DANG LDAN PAS BLO MI 'GYUR BA DANG LDAN TE, DE LAS NYIS 'GYUR DI NYIN GCIG BZHIN DU SANGS RGYAS KYI GSUNG RAB LA BRTZON PAR BYED NA NYES PA MED DO, ,BRTZON PAR BYAS KYANG DE LA DGA', ,BYANG CHUB SEMS DPAS DE LTA BU'I TSUL DANG YANG MI 'GAL BAR MU STEGS CAN GYI BSTAN BCOS PHYI ROL GYI BSTAN BCOS DAG LA MKHAS PAR BYED PA NA, DE LA MNGON PAR DGA' BA'I TSUL GYIS BYED CING DES DGA' BAS 'DZIN LA DES RANGS PAR BYED DE SMAN TSA BA LA BRTEN PA BZHIN DU MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,THEG PA CHEN PO SPONG BAR BYED, ,BYANG CHUB SEMS DPA' BYANG CHUB SEMS DPA'I SDE SNOD LA DE KHO NA'I DON NAM, SANGS RGYAS DANG BYANG CHUB SEMS DPA'I MTHU LAS BSAMS TE ZAB PA MCHOG TU ZAB PA'I GNAS DAG THOS NAS MA MOS SHING SKUR PA 'DEBS TE, 'DI DAG NI DON DANG LDAN PA MA YIN, CHOS DANG LDAN PA MA YIN TE, DE BZHIN GSHEGS PAS GSUNGS PA MA YIN, SEMS CAN RNAMS LA PHAN PA DANG BDE BAR 'GYUR BA MA YIN NO ZHES ZER NA BDAG NYID KYI TSUL BZHIN MA YIN PA YID LA BYED PA 'AM, GZHAN GYI RJES SU ZHUGS PAS SKUR PA 'DEBS KYANG RUNG NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPA' NI ZAB CING MCHOG TU ZAB PA'I GNAS DAG THOS NAS SEMS MOS PAR MA GYUR NA; DE LA BYANG CHUB SEMS DPAS DAD PA BSKYED DE G-YO MED PAS 'DI LTAR BDAG NI LONG BAR GYUR TE MIG MED LA, DE BZHIN GSHEGS PA'I SPYAN GYI RJES SU SPYOD PAR ZAD PAS DE BZHIN GSHEGS PAS DGONGS TE GSUNGS PA SPANGS PA NI BDAG GI CHA MA YIN NO ZHES YANG DA G PAR BSLAB PAR BYA'O, , DE LTAR BYANG CHUB SEMS DPA' DES BDAG NYID NI MI SHES PAR BRTZIS LA, DE BZHIN GSHEGS PA NYID CHO SDE DAG LA LKOG TU MA GYUR PA YANG DAG PAR LTA NA DE LTA NA YANG DAG PAR ZHUGS PA YIN NO, ,MOS PA MED DU ZIN KYANG SKUR PA MI 'DEBS NA NYES PA MED DO, ,BDAG LA BSTOD @181A *, ,CING GZHAN LA SMOD, ,BYANG CHUB SEMS DPA' ZANG ZING DANG BCAS PA'I SEMS DANG KHONG KHRO BA'I SEMS KYIS BDAG LA BSTOD CING GZHAN LA SMOD PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO;; BSTAN PA GNAS PAR BYA BAR 'DOD PA'I PHYIR MU STEGS CAN RNAMS ZIL GYIS GNON PAR 'DOD PA LA NYES PA MED DE, THABS DES GANG ZAG DE NYID 'DUL BAR 'DOD PA LA NYES PA MED DE RGYAS PAR SNGA MA BZHIN NO, ,MA DAD PA RNAMS DAD PAR BYA BA DANG, DAD PA RNAMS PHYIR ZHING 'BYUNG BAR BYA BA'I PHYIR BYED NA NYES PA MED DO, ,CHOS KYI DON DU 'GRO MI BYED, ,BYANG CHUB SEMS DPA' CHOS SGROGS PA DANG DAM PA'I CHOS KYI 'BREL PA'I GTAM RNAM PAR GTAN LA 'BEBS PA NA NGA RGYAL GYIS NON PA DANG, KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS MI 'GRO NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG, LE LOS MI 'GRO NA NYON MONGS PA CAN MA YIN PA'I NYES PAR 'GYUR RO, ,MA TSOR NA NYES PA MED DO, ,NA STE MI NUS NA NYES PA MED DO, ,LOG PAR STON DU DOGS NA NYES PA MED DO, ,CHOS SMRA BA'I SEMS SRUNG NA NYES PA MED DO, ,YANG DANG YANG DU THOS SHING BZUNG LA SHES ZIN PA'I DON GYI GDAMS NGAG YIN PAR SHES NA NYES PA MED DO, ,MANG DU THOS PA 'DZIN PA DANG THOS PA BSAGS PA YIN NA NYES PA MED DO, , RTAG TU DMIGS PA LA SEMS GNAS TE BYANG CHUB SEMS DPA'I TING NGE 'DZIN MNGON PAR BSGRUB PA LA BRTZON NA NYES PA MED DO, ,SHIN TU SHES RAB RTUL TE CHOS LEN PA LA ZHAN 'DZIN PA LA ZHAN CING DMIGS PA LA SEMS MNYAM PAR 'JOG PA LA ZHAN PA ZHIG YIN NA NYES PA MED DO, ,DE LA SMOD CING YI GE BRTEN, ,BYANG CHUB SEMS DPA' CHOS SMRA BA'I GANG ZAG LA BSAMS BZHIN DU KHYAD DU GSOD CING BKUR STI MI BYED LA 'PHYA ZHING BSTING BAR BYED PA DANG, TSIG 'BRU LA RTON GYI DON LA RTON PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES @181B PAR 'GYUR RO, ,DGOS PA'I GROGS SU 'GRO MI BYED, ,BYANG CHUB SEMS DPA'I SDOM PA LA GNAS PA SEMS CAN GYI BYA BA 'DI LTA STE, DGOS PA'I DON SGRUB PA DANG, LAM DU 'GRO ZHING 'ONG BA'AM, YANG DAG PA'I THA SNYAD DANG LAS KYI MTHA' LA SBYOR BA'AM, LONGS SPYOD SRUNG BA'AM, BYE BA SDUM PA'AM, DGA' STON NAM, BSOD NAMS BYED PA LA KUN NAS MNAR SEMS KYI SEMS DANG LDAN PA DANG KHONG KHRO BA'I SEMS DANG LDAN PAS GROGS BYED DU MI 'GRO NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS GROGS BYED DU MI 'GRO NA NYON MONGS PA CAN MA YIN PA'I NYES PAR 'GYUR RO, ,NA STE MI NUS NA NYES PA MED DO, ,BCOL BA DANG RANG BYED NUS SAM MGON YOD CING RTEN YOD NA NYES PA MED DO, ,GNOD PA DANG LDAN PA DANG CHOS DANG LDAN PA MA YIN PA'I BYA BA LA MA SONG NA NYES PA MED DO, ,THABS DES 'DUL BAR 'DOD NA NYES PA MED DO, ,RGYAS PAR SNGA MA BZHIN NO, ,GZHAN LA SNGAR KHAS BLANGS ZIN NA NYES PA MED DO, ,NUS PA GZHAN LA BCOL NA NYES PA MED DO, ,RTAG TU DGE BA'I PHYOGS LA BRTZON NA NYES PA MED DO, ,RANG BZHIN GYIS YID RTUL ZHING LUNG 'BOGS MI MKHAS NA NYES PA MED DE SNGA MA BZHIN NO, ,GZHAN MANG PO DAG GI SEMS SRUNG BAR 'DOD NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,NAD PA'I RIM GRO BYA BA SPONG, ,BYANG CHUB SEMS DPA' NAD PA NAD KYIS THEBS PA DANG PHRAD PA NA KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS RIM GRO DANG BSNYEN BKUR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS MI BYED NA NYON MONGS PA CAN MA YIN PA'I NYES PAR 'GYUR RO, ,BDAG NYID NA STE MI NUS NA NYES PA MED DO, ,PHA ROL NUS SHING MTHUN PA LA BTZAL NA NYES PA MED DO, ,NAD PA MGON YOD CING RTEN YOD NA NYES PA MED DO, ,BDAG NYID KYIS BDAG GI RIM GRO DANG, BSNYEN BKUR BYED NUS NA NYES PA MED DO, ,NAD RGYUN RINGS KYIS THEBS TE SO TZAM DU 'DUG NA NYES PA MED DO, ,DGE BA'I PHYOGS RGYA CHEN PO LA @182A *, ,RTAG TU BRTZON TE DGE BA'I PHYOGS KYI BAR CHAD DU 'GYUR BA BSRUNG BA'I PHYIR MI BYED NA NYES PA MED DO, ,SHIN TU SHES RAB RTUL ZHING LEGS PAR CHOS STON MI NUS LA, LEGS PAR 'DZIN MI NUS NA NYES PA MED DO, ,GZHAN LA SNGAR KHAS BLANGS ZIN NA NYES PA MED DO, ,SDUG BSNGAL SEL BAR MI BYED PA, ,NAD G-YOG LA JI LTA BA BZHIN DU SDUG BSNGAL BA'I SDUG BSNGAL BSAL BA'I GROGS BYA BA YANG DE DANG 'DRA BAR RIG PAR BYA'O, ,BAG MED RNAMS LA RIGS MI STON, ,BYANG CHUB SEMS DPA' TSE 'DI DANG TSE PHYI MA'I DON LA TSUL BZHIN MA YIN PAR ZHUGS PA DAG MTHONG NA KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS RIGS PA DANG, TSUL BZHIN STON PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS STON PAR MI BYED NA NYON MONGS PA CAN MA YIN PA'I NYES PAR 'GYUR RO, ,BDAG MI SHES TE MI NUS NA NYES PA MED DO, ,GZHAN NUS PA LA BCOL NA NYES PA MED DO, ,DE NYID KYIS NUS NA NYES PA MED DO, ,DGE BA'I BSHES GNYEN GZHAN GYIS YONGS SU ZIN NA NYES PA MED DO, ,THABS DES 'DUL BAR 'DOD NA NYES PA MED DO, ,RGYAS PAR SNGA MA BZHIN NO, ,GANG LA RIGS PAS BSTAN PAR BYA BA DE KUN NAS MNAR SEMS KYI SEMS DANG LDAN ZHING BKA' BLO MI BDE BAS LOG PAR 'DZIN PA DANG, DGA' ZHING GUS PA MED PAS DMU RGOD KYI RANG BZHIN CAN ZHIG NA NYES PA MED DO, ,BYAS LA LAN DU PHAN ME 'DOGS, ,BYANG CHUB SEMS DPA' SEMS CAN LA PHAN 'DOGS PA RNAMS LA BYAS PA MI GZO ZHING BYAS PA MI TSOR TE, KUN NAS MNAR SEMS KYI SEMS DANG LDAN PAS, MTHUN PA'I PHAN GDAGS PAS LAN DU PHAN MI 'DOGS NA, NYES PA DANG BCAS SHING 'GAL BA DANG BCAS PAR 'GYUR TE; NYON MONGS PA CAN GYI NYES PAR 'GYUR RO, ,SNYOM LAS DANG LE LOS MI BYED NA NYON MONGS PA CAN MA YIN PA'I NYES PAR 'GYUR RO, ,BSGRIMS BZHIN DU MA NUS SHING MA LCOGS NA NYES PA MED DO, ,THABS DES 'DUL BAR 'DOD NA NYES PA MED DE SNGA MA BZHIN NO, ,DE NYID LAN DU PHAN 'DOGS MI @182B 'DOD NA NYES PA MED DO, ,GZHAN GYI MYA NGAN BSANG MI BYED, ,BYANG CHUB SEMS DPA' SEMS CAN NYE DU DANG, LONGS SPYOD LAS GYUR PA'I SDUG BSNGAL LA GNAS PA RNAMS KYI MYA NGAN BYUNG BA KUN NAS MNAR SEMS KYI SEMS DANG LDAN PAS SEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS SEL BAR MI BYED NA NYON MONGS PA CAN MA YIN PA'I NYES PAR 'GYUR RO, ,NYES PAR MI 'GYUR BA NI 'DI LTA STE, BYA BA DAG LA GROGS MI BYED PA LAS BRTZAMS PA SNGA MA BZHIN DU RIG PAR BYA'O, ,NOR 'DOD PA LA SBYIN MI BYED, ,BYANG CHUB SEMS DPA' ZAS DANG SKOM LA SOGS PA 'DOD PA RNAMS YANG DAG PAR SLONG BA LA, ZAS DANG SKOM LA SOGS PA'I YO BYAD RNAMS KUN NAS MNAR SEMS KYI SEMS DANG LDAN PA DANG KHONG KHOR BA'I SEMS DANG LDAN PAS MA BYIN NA NYES PA DANG BCAS SHING 'GAL BA DANG BCAS PAR 'GYUR RO, ,SNYOM LAS DANG LE LO DANG BAG MED PAS MA BYIN NA NYON MONGS PA CAN MA YIN PA'I NYES PAR 'GYUR RO, ,LONGS SPYOD DAG MED DE MI BDOG NA NYES PA MED DO, ,RUNG BA MA YIN PA DANG MI 'PHROD PA SLONG NA NYES PA MED DO, ,THABS DE 'DUL BAR BYA BAR 'DOD CING 'DUL BAR 'DOD NA NYES PA MED DE SNGA MA BZHIN NO, ,RGYAL PO LA GNOD BSRUNG NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,'KHOR RNAMS KYI NI DON MI BYED, ,BYANG CHUB SEMS DPAS 'KHOR BSDUS LA KUN NAS MNAR SEMS KYI SEMS DANG LDAN PAS DUS DUS SU LEGS PAR MI 'DOMS SHING LEGS PAR RJES SU MI STON PA DANG PHONGS PA DE DAG GI PHYIR BRAM ZE DANG KHYIM BDAG DAD PA CAN RNAMS LAS GOS DANG ZAS DANG, MAL CHA DANG STAN DAD NA BA'I GSOS SMAN DANG, YO BYAD RNAMS CHOS BZHIN DU YONGS SU TSOL BAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS SAM LE LO 'AM BAG MED PAS MI 'DOMS SHING RJES SU MI STON LA YONGS SU TSOL BAR MI BYED NA NYON MONGS PA CAN MA YIN PA'I NYES @183A *, ,PAR 'GYUR RO, ,THABS DES 'DUL BAR BYA BAR 'DED CING 'DUL BAR 'DOD NA NYES PA MED DE SNGA MA BZHIN NO, ,DGE 'DUN GYI NANG KHRIMS SRUNG NA NYES PA MED DO, ,NA STE MI NUS NA NYES PA MED DO, ,NUS PA GZHAN LA BCOL NA NYES PA MED DO, ,'KHOR BSOD NAMS CHEN PO DANG LDAN PA'AM, YANG NA BDAG NYID CHOS GOS LA SOGS PA YONGS SU TSOL NUS PAR SHES PA DANG, DE DAG GI GDAMS NGAG RJES SU BSTAN PAS GDAMS NGAG DANG RJES SU BSTAN PAR BYA BAS BYAS ZIN NA NYES PA MED DO, ,SNGON MU STEGS CAN YIN PA LAS CHOS RKUR 'ONGS BA LA DE YANG 'DUL BA'I SKAL BA MED PA'I RANG BZHIN CAN ZHIG YIN NA NYES PA MED DO, ,GZHAN GYI BLO DANG MTHUN MI 'JUG ,BYANG CHUB SEMS DPA' KUN NAS MNAR SEMS KYI SEMS DANG LDAN PAS GZHAN GYI SEMS DANG MTHUN PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, SNYOM LAS DANG LE LO DANG BAG MED PAS MTHUN PAR MI BYED NA, NYON MONGS PA CAN MA YIN PA'I NYES PAR 'GYUR RO, ,GZHAN DAG GI 'DOD PA GANG YIN PA DE NI 'PHRAD PAR 'GYUR BA YIN NA NYES PA MED DO, ,NA STE MA NUS NA NYES PA MED DO, ,DGE 'DUN GYI NANG KHRIMS SRUNG NA NYES PA MED DO, ,DE'I 'DOD PA 'PHROD PA YIN DU ZIN KYANG GZHAN MANG PO DAG GI 'DOD PA MA YIN ZHING MI 'PHROD NA NYES PA MED DO, ,MU STEGS CAN TSAR GCAD PA'I PHYIR NA NYES PA MED DO, ,THABS DES 'DUL BAR 'DOD CING 'DUL BAR 'DOD NA NYES PA MED DE SNGA MA BZHIN NO, ,YON TAN BSNGAGS PA SMRA MI BYED, ,BYANG CHUB SEMS DPA' KUN NAS MNAR SEMS KYI SEMS DANG LDAN PAS GZHAN DAG GIS YANG DAG PA'I YON TAN RJOD PAR MI BYED CING YANG DAG PA'I BSNGAGS PA MI BRJOD PA DANG, LEGS PAR SMRA BA LEGS SO ZHES BYA BA MA BYIN NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LO DANG BAG MED PAS MA SMRAS NA NYON MONGS PA CAN MA YIN PA'I NYES @183B PAR 'GYUR RO, ,RANG BZHIN GYIS 'DOD PA CHUNG NGU YIN PAR DPAGS TE DE DANG MTHUN PAR BYED NA NYES PA MED DO, ,NA STE MI NUS NA NYES PA MED DO, ,THABS DES 'DUL BAR BYA BAR 'DOD CING 'DUL BAR 'DOD NA NYES PA MED DE SNGA MA BZHIN NO, ,DGE 'DUN GYI NANG KHRIMS SRUNG NA NYES PA MED DO, ,GZHI DES KUN NAS NYON MONGS PA DANG RGYAGS PA DANG KHENGS PA DANG GNOD PAR 'GYUR DU DOGS TE, DE BSAL BA'I PHYIR NA NYES PA MED DO, ,YON TAN RNAMS YON TAN LTAR BCOS PA YIN TE YANG DAG PA MA YIN PA DANG, LEGS PAR SMRAS PA LTAR BCOS PA YIN TE, YANG DAG PA MA YIN NA NYES PA MED DO, ,MU STEGS CAN TSAR GCAD PA'I PHYIR NA NYES PA MED DO, ,GTAM RDZOGS RDZOGS SU SDOD NA NYES PA MED DO, ,RKYEN DU 'TSAM PAR TSAR MI GCOD, ,BYANG CHUB SEMS DPA' SEMS CAN SMA DBAB PA'I RIGS PA DANG, CHAD PAS GCAD PA'I RIGS PA DANG BKRAD PA'I RIGS PA RNAMS NYON MONGS PA CAN GYI SEMS KYIS SMA MI 'BEBS SAM, SMA 'BEBS SU ZIN KYANG CHAD PAS BCAD PAS MI 'CHOS SAM, 'CHOS SU ZIN KYANG SKROD PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LO DANG BAG MED PAS SMA 'BEBS PAR MI BYED PA NAS SKROD PA'I BAR DU MI BYED NA NYON MONGS CAN MA YIN PA'I NYES PAR 'GYUR RO, ,BCOS SU MI RUNG BA'I RANG BZHIN CAN ZHIG STE, GTAM BYAR MI RUNG BA DANG, BKA' BLO MI BDE ZHING KUN NAS MNAR SEMS KYI SEMS CHA SHAS CHE BA LA YAL BAR BOR NA NYES PA MED DO, ,DUS LA SDOD NA NYES PA MED DO, ,GZHI DE LAS 'THAB PA DANG, MTSANG 'DRU BA DANG, 'GYED PA DANG, RTZOD PAR 'GYUR BAR MI 'THAD NA NYES PA MED DO, ,DGE 'DUN 'KHRUG CING 'BYE BAR MTHONG NA NYES PA MED DO, , SEMS CAN DE DAG G-YO BA MED DE SHAS CHER NGO TSA SHES PA DANG, KHREL YOD PA DANG LDAN PAS MYUR BA MYUR BAR MTHUN PAR BYED PA ZHIG NA NYES PA MED DO, RDZU 'PHRUL BSDIGS LA SOGS MI BYED, BYANG CHUB SEMS DPA' RDZU 'PHRUL DANG RNAM PAR 'PHRUL PA DANG MTHU RNAM PA SNA TSOGS DANG @184A *, ,LDAN LA, SEMS CAN SKRAG PAR BYA BA'I RIGS PA RNAMS SKRAG PAR BYA BA DANG, SEMS CAN 'DUN PAR BYA BA'I RIGS PA RNAMS 'DUN PAR BYA BA DANG, DAD PAS BYIN PA SPONG DU GZHUG PA'I PHYIR RDZU 'PHRUL KYIS SKRAG PAR MI BYED 'DUN PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SEMS CAN RNAMS GANG DU SHAS CHER MNGON PAR ZHEN PA MU STEGS CAN 'PHAGS PA LA SKUR BA 'DEBS PA LOG PAR LTA BA DANG LDAN PA DAG CIG YIN NA MA BSTAN KYANG NYES PA MED DO, ,THAMS CAD LA YANG LHAG PAR SEMS 'KHRUGS PA DANG, SDUG BSNGAL DANG TSOR BAS NYEN PA DANG, SDOM PA MA MNOS PA LA NI NYES PA MED PAR RIG PAR BYA'O, ,DE LTAR BYANG CHUB SEMS DPA' BYANG CHUB SEMS DPA'I SDOM PA LA GNAS PAS NYES PAR 'GYUR BA DANG, NYES PAR MI 'GYUR BA DANG, NYON MONGS PA CAN DANG, NYON MONGS PA CAN MA YIN PA DANG, CHUNG DU DANG 'BRING DANG CHEN PO YANG RIG PAR BYA'O, ,THOG MA NYID NAS KYANG NYES PA MI 'BYUNG BAR GUS PA BSKYED PAR BYA'O, NYES PA BYUNG NA YANG CHOS BZHIN DU GSO BAS NYES PA LAS GSO BAR BYA'O, ,BYANG CHUB SEMS DPA'I NYES PA'I LAM LA YANG THAMS CAD MA LUS PAR NYES PAR 'GYUR BA NI MED DO, ,BCOM LDAN 'DAS KYIS BYANG CHUB SEMS DPA'I NYES PA NI, PHAL CHER ZHE SDANG LAS 'BYUNG GI 'DOD CHAGS LAS BYUNG BA NI MA YIN PAR SHES PAR BYA'O ZHES GANG GSUNGS PA DE LA DGONGS PA NI 'DI YIN PAR BLTA BAR BYA STE, BYANG CHUB SEMS DPA' SEMS CAN RNAMS LA RJES SU CHAGS SHING SEMS CAN LA BYAMS PA'I DBANG DU MDZAD NAS GANG CI SPYOD KYANG RUNG DE THAMS CAD NI BYANG CHUB SEMS DPA'I BYA BA YIN TE MI BYA BA NI MA YIN LA BYA BA'I RIGS PA BYED PA LA NI NYES PAR 'GYUR BA MI RIGS SO, , BYANG CHUB SEMS DPA' SEMS CAN RNAMS LA SDANG BA NI BDAG DANG GZHAN RNAMS LA PHAN PAR SPYOD PA MA YIN LA, DE YANG BYANG CHUB SEMS DPA'I BYA BA MA YIN TE, DE LTAR BYA BA MA YIN PA BYED PA NI NYES PAR 'GYUR BAR RIGS SO, ,DE NYID BSTAN PA'I PHYIR, ,SNYING RJER LDAN ZHING @184B BYAMS PHYIR DANG, ,SEMS DGE BA LA NYES PA MED, ,CES BYA BA 'DI BSHAD DO, ,SDOM PA NYI SHU'I 'GREL PA BYAS PA'I BSOD NAMS BDAG GIS GANG THOB PA, ,DE YIS 'GRO BA THAMS CAD GTI MUG RAB RIB MTHA' DAG BSAL GYUR NAS, ,'JAM DPAL GZHON NU SANGS RGYAS GDUNG 'TSO BA SEMS CAN DON GYI LAS LA BRTZON, BSLAB PA RGYA MTSO'I MTHAR PHYIN DGE BA'I GTER SDUD BZHIN DU GYUR,, ,,SNGOM PA NYI SHU'I PA'I 'GREL PA SLOB DPON SH'ANTA RAKIsh TAS MDZAD PA RDZOGS SO,, ,,RGYA GAR GYI MKHAN PO BIDY'A KA RA SING HA DANG, ZHU CHEN GYI LO TZ'A BA MANYDZU SHR'I WARMAS BSGYUR CING ZHUS TE GTAN LA PHAB PA,, #, ,RGYA GAR SKAD DU, BO DHI SATVA SAMBA RA BIm SHI KA PANYTZI K'A, BOD SKAD DU, ,BYANG CHUB SEMS DPA'I SDOM PA NYI SHU PA'I DKA' 'GREL, BYANG CHUB SEMS DPA' 'JAM DPAL GZHON NUR GYUR PA LA PHYAG 'TSAL LO, ,SANGS RGYAS DANG CHOS DANG DGE 'DUN RNAMS LA PHYAG 'TSAL LO, ,GANG ZHIG SDUG BSNGAL LDAN RNAMS SDUG BSNGAL ZHI PHYIR THUGS RJES SMAN PA'I BLO, ,BDAG NYID MTHAR NI RTZVA YI ZIL PA LTA BUR MA NYAMS GZIGS GNAS PAS, ,TSOGS RDZOGS DON DU BRTZON 'GRUS KHYAD PAR CAN GYIS YUN RING DKA' SPYAD MDZAD, ,SKYE DGU RNAMS KYI DPAL BSGRUB CHED DU SA STENGS MGON GCIG BYUNG BAR GYUR, ,GANG ZHIG SKUR GNAS GYUR KYANG RANG BZHIN GYIS DAG LOG PAR SGRO BTAGS PA'I, ,SA BON LAS BYUNG KUN NAS NYON MONGS RNAM PA DU MAS NAM YANG MA GOS SHING, ,'KHRUL PA'I TSOGS KYI DRA BA MA LUS DE NYID 'BYED PAS 'JOMS PAR MDZAD, ,DES NA SPROS PA MED CING ZAB PA'I CHOS NI NYID KYIS SHIN TU THUGS CHUD GYUR, ,NGO BO NYID KYIS BDAG NYID CHER GYUR GANG DAG LA NI MA LUS GSUNGS, ,DE RTOGS PA LAS LHAG PAR GYUR PA'I SNYING RJES STON PA'I BKA' YI TSIG RNAMS NI, ,BYANG CHUB DON DU LTOS PA MED PAS SPYI BOR 'DZIN MDZAD BLO BZANG GANG, ,ZHI BA'I SPYOD LDAN THUB MCHOG LAS 'KHRUNGS GCIG TU SEMS CAN DON MDZAD PA, ,DE RNAMS YUL DANG YUL CAN DAG LA ZHEN @185A *, ,PA'I BTZON RA NYID DU NI, ,SNA TSOGS BCINGS GYUR SKYABS MED 'DOD PA'I KHAMS KYI DBANG PHYUG RNAMS, ,GANG ZHIG DRAN PA'I RJES SU ZHUGS PAS RIG PA MED RNAMS SGROL MDZAD CING, ,KUN DU DRANGS NAS 'DOD PA LAS RGYAL GO CHA DAG GIS 'CHING MDZAD PA, ,DE RNAMS PHYAG 'TSAL NAS NI GZHAN DON KHUR, ,BSKUR ZHING MI SHES MUN PA GZHOM PA'I PHYIR, ,BDAG NYID CHEN PO SDOM PA NYI SHU PA'I, ,RNAM BSHAD TSIG GSAL BA NI BRTZAM PAR BYA, ,'DIR DKON MCHOG GSUM LA GCIG TU SKYABS SU SONG BA, TSUL KHRIMS DANG LDAN PA, DAD PA DANG LDAN PA, SNYING RJE DANG LDAN PA, BYANG CHUB TU SEMS BSKYED PA, BYANG CHUB SEMS DPA'I SDOM PA YONGS SU BZUNG ZHING NAN TAN DU BYED PA'I BDAG NYID CAN SDOM PA 'PHEL BA LA RAB TU SBYOR BA NI RING PO MI THOGS PAR TSOGS YONGS SU RDZOGS PAR 'GYUR PA'I PHYIR, SLOB DPON TZANDRA GO MI ZHES BYA BA GZHAN GYIN DON LA GCIG TU SEMS PA, MCHOG TU 'JIGS PA MED PA, SA CHEN PO LA ZHUGS PA DES SDOM PA YANG DAG PAR BLANG BA SNGON DU 'GRO BA CAN GYI BSLAB PA NI LEGS PAR NAN TAN DU BYA BA YIN PAR YANG DAG PAR MTHONG NAS, BYANG CHUB SEMS DPA'I 'DUL BA YANG DAG PAR BSDU BAR 'DOD PAS BYANG CHUB SEMS DPA'I THA SNYAD KYI RGYUR GYUR PA'I SDOM PA YANG DAG PAR BLANG BA'I CHO GA MNGON PAR GZUNG BA BSTAN PA'I PHYIR RE ZHIG 'DI LTAR, SANGS RGYAS RNAMS ZHES BYA BA LA SOGS PA SMOS PA YIN TE, SANGS RGYAS RNAMS NI ZHES BYA BA NI YANG DAG PAR RDZOGS PA'I SANGS RGYAS TE, 'DI RNAMS NYID YE SHES DANG, THUGS RJE'I SBYOR BAS GZHAN GYI DON LA 'JUG PA LA DBANG DU GYUR PA'I PHYIR RO, ,MANG PO'I TSIG TU BSTAN PA NI DUS GSUM GYI SANGS RGYAS RNAMS YONGS SU BSDU BA'I PHYIR TE, DE LA 'DAS PA NI SANGS RGYAS BCOM LDAN 'DAS GANG DAG GI BSTAN PA YANG NUB PAR 'GYUR BA'O, ,MA 'ONGS PA NI GANG ZHIG SANGS RGYAS PA'I CHED DU TSOGS YONGS SU RDZOGS PA 'DUL BA'I DUS LA GZHES PA 'BA' ZHIG TZAM STE, MNGON PAR RDZOGS PAR 'TSANG RGYA BAR 'GYUR BA'O, ,DE LTAR GYI @185B NI GANG DAG GI BSTAN PA 'DI YANG NUB PAR MA GYUR PA'O, ,SRAS DANG BCAS LA ZHES BYA BA NI SRAS DANG BCAS PA STE, SANGS RGYAS RNAMS 'BA' ZHIG KHO NA MA YIN GYI 'ON KYANG SA CHEN PO LA ZHUGS PA'I BYANG CHUB SEMS DPA' CHEN PO'I SRAS RNAMS DANG BCAS PA YANG NGO, ,DE RNAMS KYANG 'DIR RDZOGS PA'I SANGS RGYAS DANG MNYAM PA'I PHYIR RO, ,DE RNAMS LA GUS PA STE, DE'I YON TAN RNAMS LA DGA' BA'I SEMS KYIS PHYAG 'TSAL 'DUD CES BRJOD CING LUS SHIN TU 'DUD PAS PHYAG 'TSAL BA BYAS NAS, CI NUS ZHES BYA BA NI 'BYOR PA DANG RJES SU MTHUN PAS SO, , MCHOD NAS BYANG CHUB SEMS DPA' RNAMS KYI KHRIMS GANG DE BLANG BAR BYA ZHES BYA BAR SBYOR RO, ,BDAG DANG GZHAN RJES SU BZUNG BA LA RAB TU 'JUG PA DANG, 'GYOD PA MED CING RAB TU DGA' BA'I SBYOR BAS BSIL BA'I PHYIR TSUL KHRIMS SO, ,BYANG CHUB SEMS DPA' RNAMS KYI ZHES BYA BA LA, BYANG CHUB NI RNAM PA THAMS CAD DU ZAG PA THAMS CAD ZAD PA'I YE SHES SO, ,SEMS DPA' NI BSAM PA STE, 'GRO BA THAMS CAD YONGS SU SBYONG BA'I DON GYI BSAM PA GANG LA YOD PA DE LA DE SKAD CES BYA'O, ,DE RNAMS KYI NI, PHYOGS DUS KUN NA BZHUGS PA'I ZHES BYA BA STE, SHAR LA SOGS PA'I PHYOGS BCU PO THAMS CAD DANG, DUS GSUM PO THAMS CAD DU'O, ,BZHUGS PA NI KUN DU 'BYUNG BA STE, GCIG TU PHYOGS GCIG GI KHA CIG TU 'BA' ZHIG MA YIN GYI, 'ON KYANG THAMS CAD DU DUS THAMS CAD KYI THAMS CAD DU ZHES BYA BA'I DON TO, ,GANG ZHES BYA BA NI SPYIR BSTAN PAS TSUL KHRIMS RNAM PA DGU PO NYID YONGS SU GZUNG BA'I PHYIR RO, ,BYANG CHUB SEMS DPA' RNAMS KYI TSUL KHRIMS NI RNAM PA DGUR BSTAN TE, NGO BO NYID KYI TSUL KHRIMS DANG, TSUL KHRIMS THAMS CAD DANG, DKA' BA SPYOD PA'I TSUL KHRIMS DANG, THAMS CAD KYI SGO'I TSUL KHRIMS DANG, SKYES BU DAM PA'I TSUL KHRIMS DANG, RNAM PA THAMS CAD KYI TSUL KHRIMS DANG, PHONGS PA 'DED PA'I TSUL KHRIMS DANG, 'DI DANG GZHAN DU BDE BAR 'GYUR BA'I TSUL KHRIMS DANG, RNAM PAR DAG PA'I TSUL KHRIMS SO, ,DE @186A *, ,LA NGO BO NYID KYI TSUL KHRIMS ZHES BYA BA LA, NGO BO NYID KYI TSUL KHRIMS NI NGO BO NYID KYI TSUL KHRIMS TE, TSUL KHRIMS NYID KYI RANG BZHIN NO, ,DE YANG NGO BO NYID NI YONGS SU 'DZIN PA DANG, RJES SU SLOB PA'O, ,DE YANG RNAM PA BZHI DANG LDAN PAR RIG PAR BYA STE, PHA ROL LAS YANG DAG PAR BLANGS PA DANG, LHAG PA'I BSAM PA RNAM PAR DAG PA DANG, NYAMS PAR GYUR NA PHYIR GSO BAR BYED PA DANG, MI NYAMS PAR BYA BA'I PHYIR GUS PA BSKYED NAS DRAN PA NYE BAR GNAS PA'O, ,DE LA YANG DAG PAR BLANGS PA DANG, BSAM PA RNAM PAR DAG PA GNYIS KYIS NI BYANG CHUB SEMS DPA' BSLAB PA LAS RNAM PAR NYAMS PAR GYUR NA, PHA ROL DANG BDAG LA BRTEN NAS, KHREL YOD PA DANG NGO TSA SHES PA DAG SKYE BAR 'GYUR RO, ,LTUNG BA LAS PHYIR GSO BAR BYED PA DANG, RNAM PAR NYAMS PAR MA GYUR PA STE, PHYI MA GNYIS KYIS NI 'DI'I TSUL KHRIMS RNAM PAR DAG PAS 'GYOD PA MED PAR 'GYUR RO, ,DE BZHIN DU PHA ROL LAS YANG DAG PAR BLANGS BA DANG, RNAM PAR NYAMS PAR GYUR NA SLAR GSO BAS NI NGA RGYAL SPANGS PA DANG, NYAM PAR MI 'GYUR BA'I NAN TAN GYIS NI BSAM PA RNAM PAR DAG PA'O, ,DE NYID KYIS NA 'DI PHA ROL DANG BDAG NYID LAS KYANG KHREL YOD PA DANG NGO TSA BAR 'GYUR PAS TSUL KHRIMS KUN DU SRUNG BAR 'GYUR RO, ,BSRUNGS BAS NA 'GYOD PA MED PAR 'GYUR RO, ,DE LA CHOS GSUM PO DE RNAMS KYIS NI LTUNG BA MI 'BYUNG BA YIN LA, GSUM PAS NI TSUL KHRIMS NYAMS PA LAS LDANG BAR RIG PAR BYA'O, ,SEMS LAS BYUNG BA THAMS CAD KYIS YONGS SU 'DZIN PA DANG, NAN TAN DAG BSTAN PA YIN NO, ,DE LTAR 'DI NI BYANG CHUB SEMS DPA' RNAMS KYI NGO BO NYID KYI TSUL KHRIMS TE, YANG DAG PAR BLANGS PA DANG, RJES SU SLOB PAS BDAG DANG GZHAN GYI DON DANG, PHAN PA DANG BDE BAR 'GYUR BA'I PHYIR DGE BA'O, ,BYANG CHUB SEMS DPA'I BSLAB PA DPAG TU MED PA YONGS SU BSDUS PA'I PHYIR DPAG TU MED PA'O, ,SEMS CAN THAMS CAD LA PHAN PA DANG BDE BAR MNGON PAR GNAS PA'I PHYIR SEMS CAN THAMS CAD LA PHAN 'DOGS PA'O, ,BLA NA MED @186B PA YANG DAG PAR RDZOGS PA'I BYANG CHUB KYI 'BRAS BU LEN PAR BYED PA'I PHYIR 'BRAS BU DANG PHAN YON CHE BAR RIG PAR BYA'O, ,TSUL KHRIMS THAMS CAD CES BYA BA LA, THAMS CAD KYI TSUL KHRIMS THAMS CAD DE, KHYIM PA DANG RAB TU BYUNG BA'I PHYOGS DAG LA BRTEN PA'I PHYIR RO, , DE YANG RNAM PA GSUM STE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS SO, ,DE LA SDOM PA'I TSUL KHRIMS NI SO SOR THAR PA'I SDOM PA RIS BDUN BLANGS PA'O, ,DE LA DGE SLONG DANG, DGE SLONG MA DANG, DGE SLOB MA DANG, DGE TSUL DANG, DGE TSUL MA'I DBYE BAS RNAM PA LNGA YIN PA'I PHYIR, RAB TU BYUNG BA'I PHYOGS RNAM PA LDA'O, ,KHYIM PA'I PHYOGS NI RNAM PA GNYIS TE, DGE BSNYEN DANG DGE BSNYEN MA'I DBYE BAS RNAM PA GNYIS NI KHYIM PA'I PHYOGS RNAM PA GNYIS SO, ,NYIN ZHAG GCIG PA'I YANG DAG PAR BLANGS PA NI DKA' BA SPYOD PA DANG 'DOD PA LAS DBEN PA MA YIN PA'I PHYIR DANG, YUN RING POR RJES SU 'BREL BA MED PA'I PHYIR 'DI LA 'OS PA MA YIN PAS MA BSTAN TO, ,'DI LTAR BSTAN PAR 'GYUR TE, SO SOR THAR PA'I SDOM PA NI BYANG CHUB SEMS DPA'I SDOM PA'I YAN LAG TU GYUR PA YIN TE, PHYOGS GCIG NYID DU RIG PAR BYA'O, ,DE'I PHYIR SO SOR THAR PA'I SDOM PA GZHAN DANG LDAN PA 'DIS BYANG CHUB SEMS DPA'I SDOM PA YANG DAG PAR LEN PA'I SNOD DU GYUR PA LA BSLAB PA'I TSIG 'DI YANG SBYIN PAR BYA ZHES BYA BA'I DON TO, ,'DI LA SROG GCOD PA LA SOGS PA LAS LDOG PA'I CHO GA GZHAN PA NYID NA MI YIN ZHING, DE RNAMS LAS KYANG LDOG PA MA YIN PA LA NI BYANG CHUB SEMS DPA'I SDOM PA LA YANG DAG PAR LEN PA'I SNOD DU GYUR PA YANG YOD PA MA YIN NO, ,BSAM PA RNAM PAR DAG PAS NI RNAM PAR 'JOMS PAR 'GYUR RO ZHES BYA BA 'DI NYID LA DGONGS NAS TSUL KHRIMS DANG LDAN PA ZHES DANG POR BSTAN TO, ,DE LTAR NA BYANG CHUB SEMS DPA'I SDOM PA 'DI NI TSUL KHRIMS THAMS CAD CES BSTAN TO, ,DE LTA BU'I SDOM PA'I TSUL KHRIMS 'DI LA GNAS NA TSUL KHRIMS KYI PHUNG PO YONGS SU RDZOGS PAR @187A *, ,'GYUR RO, ,GANG GI TSE 'DI NI 'KHOR LOS SGYUR BA'I RGYAL SRID KYANG BOR NAS RAB TU BYUNG BA DE LA 'KHOR LOS SGYUR BA'I RGYAL SRID LA RTZVA DANG MI GTZANG BA LTA BUR MI BLTA BAR 'GYUR BA NI BSAM PA RNAM PAR DAG PAS YIN GYI GZHAN NI DE LTA MA YIN TE, DMAN PA DAG NI 'DOD PA DANG 'TSO BA'I DON DU RAB TU 'BYUNG BA'I PHYIR RO, ,MA 'ONGS PA'I DUS YANG SDOM PA LA DBANG DU GYUR BAR YONGS SU 'THOB PA'I 'DOD PA RNAMS LA YANG MNGON PAR DGA' BAR 'GYUR BA MA YIN ZHING, DE'I DON DU SMON PAS TSANGS PAR SPYAD PA SPYOD PAR MI BYED DE, 'DOD PA RNAMS LA 'JIGS PA CHEN PO SNA TSOGS PA DANG BCAS PA'I NAGS TSAL DU 'JUG PA LTA BUR YANG DAG PA'I SHES RAB KYIS KUN DU MTHONG NAS MI 'JUG GO, ,DA LTAR GYI DUS KYI 'DOD PA CHEN PO DANG LDAN PA THAMS CAD KYI RNYED PA DANG BKUR STI RGYA CHEN PO DAG LA YANG SKYUGS PA'I ZAS BZHIN DU RO MYONG BAR MI BYED NA, DMAN PA RNAMS KYIS DMAN PA LA LTA SMOS KYANG CI DGOS, GCIG PU RAB TU DBEN PA LA MNGON PAR DGA' BA YIN LA, TSOGS KYI NANG DU YANG RUNG SEMS DBEN PAS GNAS PAR 'GYUR TE, TSUL KHRIMS TZAM GYIS CHOG PAR MI 'DZIN GYI, 'ON KYANG TSUL KHRIMS LA BRTEN NAS BYANG CHUB SEMS DPA'I TING NGE 'DZIN DPAG TU MED PA GANG YIN PA DE DAG MNGON PAR BSGRUB PA DANG, DBANG DU GYUR BAR BYA BA'I PHYIR 'BAD PAR BYED DO, ,'DU 'DZI'I NANG DU 'DUG KYANG GTAM NGAN PA DANG, TSIG NGAN PA CUNG ZAD KYANG DANG DU LEN PA DAR MI BYED LA, DBEN PA NA 'DUG KYANG RTOG PA NGAN PA CUNG ZAD KYANG MI SEMS SO, ,BRJED NGAS PAS KUN DU SPYOD PAR GYUR NA YANG DUS DUS SU SHIN TU 'GYOD PA DANG, NYES PA MTHONG BA YANG SKYED PAR BYED DE, GANG GI TSE GTAM NGAN PA DANG, RTOG PA NGAN PA YANG SKYES MA THAG TU MYUR BA NYID DU DRAN PA SKYED PAR BYED CING MI BYA BA'I SEMS KYANG THOB PAR 'GYUR TE, DES NA SPONG BAR 'GYUR RO, ,SPONG BA LA GOMS PA LAS NI RIM GYIS SNGON JI LTAR DE KUN DU SPYOD PA LA DGA' BAR 'GYUR PA DE LTAR DE KUN DU MI SPYOD PA LA DGA' BA DANG, KUN DU SPYOD PA DANG RJES SU MI MTHUN PAR YANG GNAS SO, ,SA CHEN @187B POR ZHUGS PA'I BYANG CHUB SEMS DPA' RNAMS KYI BSLAB PA'I GZHI RGYA CHE BA RNAMS DANG, DPAG TU MED PA RNAMS DANG, BSAM GYIS MI KHYAB PA RNAMS DANG, YUN RING BA RNAMS DANG, SHIN TU BYA DKA' BA RNAMS DE THOS NAS SKRAG PA'AM ZHUM PAR MI 'GYUR GYI, GZHAN DU NA 'DI LTAR DE DAG KYANG MIR GYUR PA LAS RIM GYIS BSLABS NAS DPAG TU MED CING BSAM GYIS MI KHYAB PA'I LUS DANG NGAG GI SDOM PA DANG LDAN PAR 'GYUR LA, BDAG NYID KYANG MIR GYUR PAS RIM GYIS BSLABS NA, GDON MI ZA BAR LUS DANG, NGAG GI SDOM PA PHUN SUM TSOGS PA DAG THOB PAR 'GYUR RO SNYAM DU SEMS SO, ,DES NA BDAG NYID KYI NYES PA DANG 'KHRUL PA LA RTOG PAR BYED KYI GZHAN GYI LAM MA YIN NO, ,SEMS CAN GZHAN DAG GTUM ZHING TSUL KHRIMS 'CHAL BA RNAMS NYE BAR GNAS PA LA KUN NAS MNAR SEMS DANG, KHONG KHRO BAR MI 'GYUR GYI, DE DAG LA LHAG PAR RJES SU BRTZE BA'I SEMS DANG, BYED PAR 'DOD PA'I SEMS LA NYE BAR GNAS PAR 'GYUR RO, ,PHA ROL PO DAG GI LAG PA DANG, BONG BA DANG, DBYUG PA DANG, MTSON CHAS BSNUN KYANG SEMS KYIS KYANG 'KHRUG PAR MI BYED NA, SDIG PA CAN GYIS TSIG 'BYIN PA 'AM SLAR 'TSOG PA LTA GA LA BYED, DE BZHIN DU GSHE BA DANG, KHRO BA LA SOGS PA'I SDUG BSNGAL GYI REG PA LAS BYUNG BA CUNG ZAD TZAM GYIS KYANG GNOD PAR MI BYED DO, ,YAN LAG LNGA DANG LDAN PA'I BAG YOD PA STE, SNGON GYI MTHA' DANG LDAN PA'I BAG YOD PA NI GANG 'DAS PA'I DUS SU NYE BAR BLANGS PA LAS LTUNG BA 'BYUNG BAR GYUR PA DE DES CHOS BZHIN DU PHYIR BCOS PAR 'GYUR BA'O, ,PHYI MA'I MTHA' DANG LDAN PA NI MA 'ONGS PA'I DUS NA LTUNG BA GANG 'BYUNG BAR 'GYUR BA DE DAG KYANG CHOS BZHIN DU PHYIR 'CHOS PAR 'GYUR BA'O, ,DBUS KYI MTHA' DANG LDAN PA NI DA LTAR GYI DUS SU LTUNG BA GANG BYUNG BA DE DAG KYANG CHOS BZHIN DU PHYIR 'CHOS PAR BYED PA'O, ,DUS SNGA NAS BYA BA NI GANG 'DI LTUNG BA'I SNGON ROL NYID NAS LTUNG BA MI 'BYUNG BAR SHIN TU NAN TAN BYED PA'O, ,KHA CIG NI 'DI LA NAM YANG LTUNG BA 'BYUNG BAR MI 'GYUR RO ZHES ZER RO, ,LHAN CIG RJES SU @188A *, ,SPYOD PA NI GANG DUS SNGA MAR BYA BA'I BDAG YOD PAR 'DI NYID LA GNAS NAS CI NAS KYANG 'DI LA LTUNG BA 'BYUNG BAR MI 'GYUR BA'O, ,DGE BA MI SPYOMS PA DANG, SDIG PA MI 'CHAB PA DANG 'DOD PA CHUNG BA DANG, CHOG SHES PA DANG, SDUG BSNGAL BZOD PA DANG, SKYO BA MED PA'I NGANG TSUL CAN DANG, RGOD PA MED PA DANG, MI G-YENG BA DANG, SPYOD LAM RAB TU ZHI BA DANG, KHA GSAG LA SOGS PA LOG PAS 'TSO BAR BYED PA'I CHOS THAMS CAD RNAM PAR SPANG BA STE, DE LTAR NA YAN LAG BCU PO DE RNAMS DANG LDAN PA'I SDOM PA'I TSUL KHRIMS LA GNAS PA'I BYANG CHUB SEMS DPA' NI TSUL KHRIMS LEGS PAR SDOM PA'I TSUL KHRIMS SU 'GYUR TE, 'DI LTA STE SNGA MA 'DAS PA'I 'DOD PA RNAMS LA MI LTA BA DANG, MA 'ONGS PA RNAMS LA MNGON PAR DGA' BAR MI BYED PA DANG, DA LTAR GYI RNAMS LA MI CHAGS PA DANG, RAB TU DBEN PA LA MNGON PAR DGA' BA DANG, NGAG DANG RNAM PAR RTOG PA YONGS SU DAG PAR BYED PA DANG, BDAG NYID LA KHYAD DU MI GSOD PA DANG, DES PA DANG BZOD PA DANG, BAG YOD PA DANG, CHO GA DANG 'TSO BA RNAM PAR DAG PA ZHES BYA BA'O, ,DGE BA'I CHOS SDUD PA'I TSUL KHRIMS NI SDOM PA YANG DAG PAR BLANGS PA'I 'OG TU YANG GANG CUNG ZAD LUS DANG, NGAG DANG YID DAG GIS BYANG CHUB KYI PHYIR DGE BA GANG CI YANG RUNG BA BSAGS PA STE, DE YANG KHYAD PAR DU THOS PA DANG, BSAM PA DANG, ZHI GNAS DANG LHAG MTHONG BSGOM PA RNAMS LA GCIG TU DGA' BAS MNGON PAR SBYOR BA'O, ,DE BZHIN DU DUS DUS SU BLA MA RNAMS LA GSOD POR SMRA BA DANG, PHYAG BYA BA DANG, MNGON PAR LDANG BA DANG, THAL MO SBYOR BA DANG, ZHE SA DANG BCAS PAS KUN DU SPYOD PA DANG, BSNYEN BKUR BYED PA DANG, NA BA RNAMS LA BRTZE BAS RIM GRO BYED PA DANG, LEGS PAR SMRA BA LA LEGS SO ZHES BYA BA BYIN PA DANG, YON TAN DANG LDAN PA LA JI LTA BA NYID KYI BSNGAGS PA BRJOD PA DANG, THAMS CAD KYI BSOD NAMS THAMS CAD LA DGA' BA'I SEMS KYIS TSIG GIS RJES SU YI RANG BA DANG, GZHAN RNAMS KYIS NYES PA BYAS PA THAMS CAD LA SO SOR @188B BRTAGS TE BZOD PA BYED PA DANG, DGE BA THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA DANG, DUS DUS SU YANG DAG PA'I SMON LAM SNA TSOGS GDAB PA DANG, MCHOD PA'I RNAM PA RGYA CHEN PO THAMS CAD KYIS DKON MCHOG GSUM LA MCHOD PA BYED PA DANG DGE BA'I PHYOGS LA BRTZON 'GRUS BRTZAM PA'I PHYIR RTAG TU BAG MED PA SPONG BA DANG, DRAN PA DANG SHES BZHIN DANG LDAN PAS BSLAB PA'I BZHI RNAMS KUN DU BSRUNG BA DANG, DBANG PO'I SGO BSDAM PA DANG, ZAS KYI TSOD RIG PA DANG, NAM GYI CHA STOD DANG CHA SMAD LA MI NYAL BAR RJES SU BRTZON PA DANG SKYES BU DAM PA LA BRTEN PA DANG, DGE BA'I BSHES GNYEN LA BRTEN PA DANG, NYES PA YONGS SU SHES SHING MTHONG NAS KYANG NYES PA RNAMS YONGS SU SPONG BA DANG, NYES PA RNAMS CHOS BZHIN DU 'CHAGS PA DANG, DE LTA BU'I PHYOGS DANG MTHUN PA'I DGE BA'I CHOS RNAMS SGRUB PA DANG, SRUNG BA DANG, SPEL BAR BYED PA STE, DE LTAR NA DGE BA'I CHOS SDUD PA'I TSUL KHRIMS 'DI LA RNAM PAR GNAS NA, DGE BA'I CHOS KYI TSUL SHIN TU BSDUS PAR 'GYUR TE, GANG 'DI 'DOD PA'I LONGS SPYOD LA LTA BA CUNG ZAD TZAM SKYES PA DANG DU LEN PAR MI BYED NA, MANG PO LTA SMOS KYANG CI DGOS, ,TSUL KHRIMS 'CHAL BA'I RGYUR GYUR PA'I NYON MONGS PA DANG NYE BA'I MONGS PA CHAGS PA DANG ZHE SDANG LA SOGS PA DANG, SER SNA DANG, PHRAG DOG DANG, KHONG KHRO BA DANG, KHON DU 'DZIN PA LA SOGS PA BYUNG BA DANG DU LEN PAR MI BYED DO, ,PHA ROL PO DAG NYE BAR GNAS PA NA KHONG KHRO BA DANG, KUN NAS MNAR SEMS DANG, SHAR GNYER BA'I SEMS BYUNG BA DANG DU LEN PA'I MI BYED DO, ,LE LO DANG SNYOMS LAS SKYES PA YANG DANG DU LEN PAR MI BYED DO, ,SNYOMS PAR ZHUGS PA'I RO MYANG BA DANG, SNYOMS PAR 'JUG PA'I NYON MONGS PA BYUNG BA YANG DANG DU LEN PAR MI BYED DO, ,GNAS LNGA LA YANG DAG PA JI LTA BA BZHIN DU RAB TU SHES TE, DGE BA'I 'BRAS BU'I PHAN YON DANG, DGE BA'I RGYU DANG, DGE BA'I 'BRAS BU LA PHYIN CI LOG PA DANG, DGE BA'I 'BRAS BU LA PHYIN CI MA LOG PA DANG, DGE BA BSDU BA LA BAR DU GCOD PA YANG DAG PA JI LTA BA BZHIN DU RAB TU SHES TE, DE LA @189A *, ,DGE BA'I 'BRAS BU LA YON TAN DU MTHONG BA'I BYANG CHUB SEMS DPA' NI DGE BA BSDU BA'I PHYIR DGE BA'I RGYU YONGS SU TSOL BAR BYED DO, ,PHYIN CI LOG DANG, PHYIN CI LOG PA YANG DAG PA JI LTA BA BZHIN DU RAB TU SHES TE, DGE BA'I 'BRAS BU THOB NAS MI RTAG PA LA RTAG PAR LTA BAR MI 'GYUR BA NAS, BDAG MED PA LA YANG BDAG TU LTA BAR MI 'GYUR BA'I BAR DU'O, ,BAR CHAD DU GYUR PA YANG RAB TU SHES NAS YONGS SU SPONG BAR BYED DO, ,DE LTAR GO RIMS BZHIN DU SBYIN PA LA SOGS PA'I PHA ROL TU PHYIN PA DRUG LA NAN TAN DU BYED PA RNAM PA BCU PO DE DAG NYID KYIS MYUR BA NYID DU RNAM PA THAMS CAD DU DGE BA SDUD PA YIN NO, ,YANG SEMS CAN GYI BYED PA'I TSUL KHRIMS NI RNAM PA BCU GCIG STE, BYANG CHUB SEMS DPA' SEMS CAN GYI DON BYA BA'I TSUL KHRIMS RNAM PA THAMS CAD GNAS PA NI RE RE YANG RNAM PA THAMS CAD KYI RNAM PA DANG LDAN PA YIN TE, 'DI LA SEMS CAN GYI DON GYI BYA BA NYE BAR GYUR PA STE, NAD LA SOGS PA'I SDUG BSNGAL BYUNG ZHING SKYES PAR GYUR PA RNAMS LA NAD G-YOG LA SOGS PA'I GROGS BYED PA YIN TE, DE 'DIR DE LA SEMS PAS GROGS BYED PA'I CHED DU 'GRO BAR BYED, DE'I CHED DU LAM DU 'GRO ZHING 'ONG BA DANG YANG DAG PA'I LAS KYI MTHA' LA SBYOR BA DANG, LONGS SPYOD PA RNAMS KUN DU BSRUNG BA DANG, BYE BA RNAMS SDUM PA DANG, DGA' STON DANG, BSOD NAMS BYED PA DAG GI GROGS SU 'GRO BAR BYED DO, ,NAD KYIS BTAB PA RNAMS KYI NAD G-YOG DANG, LONG BA RNAMS NI KHRID CING LAM STON PAR BYED PA DANG, 'ON PA RNAMS NI GO BAR BYA BA'I PHYIR LAG BRDA'I MTSAN MA NYE BAR BSTAN PAS DON GO BAR BYED, RKANG LAG MED PA RNAMS NI MGO 'AM BZHON PAS 'KHYER BAR BYED, ,'DOD PA'I 'DUN PA LA SOGS PAS KUN NAS DKRIS PA RNAMS KYI 'DOD PA LA SOGS PAR RNAM PAR RTOG PA'I SDUG BSNGAL SEL BAR BYED, ,GZHAN GYIS SMA PHAB CING PHAM PAR BYAS PA RNAMS KYI NI SMA PHAB PA DANG PHAM PAR BYAS PA'I SDUG BSNGAL SEL BAR BYED, ,LAM GYIS NGAL BAR GYUR PA RNAMS LA GNAS DANG BZA' BA SBYIN PA LA SOGS PA DANG, LUS MNYE BAS KYANG LAM GYIS NGAL BA DANG @189B DUB PA'I SDUG BSNGAL SEL BAR BYED DO, ,'DI NI RNAM PA THAMS CAD DU GROGS BYED PA'O, ,'JIG RTEN PA DANG 'JIG RTEN LAS 'DAS PA'I DON RNAMS LA CHOS BSTAN PA SNGON DU 'GRO BA CAN GYI THABS NYE BAR BSTAN PA SNGON DU 'GRO BA'I RIGS PA STON PAR BYED DE, DE 'DI LTAR GZHAN RNAMS LA RIGS PA STON PAR BYED PA NI NYES PAR SPYAD PA SPYOD PA RNAMS KYI NYES PAR SPYOD PA SPANG BA'I PHYIR CHOS STON PAR BYED PA'AM, THABS MKHAS PAS KYANG STON PAR BYED PA DE BZHIN DU SER SNA CAN RNAMS KYI SER SNA SPONG BAR BYED PA DANG, TSE 'DI LA YANG YANG DAG PA DANG, TSEGS CHUNG NGUS LONGS SPYOD RNAMS BSGRUB PA DANG, BSRUNG BA DANG, BSTAN PA 'DI LA SDANG BA RNAMS DAD PA THOB PAR BYA BA DANG, MTHONG BA THOB PAR BYA BA DANG, LTA BA RNAM PAR DAG PAS NGAN SONG LAS YANG DAG PAR 'DA' BAR BYA BA DANG, KUN TU SBYOR BA THAMS CAD MTHAR THUG PAS SDUG BSNGAL BA THAMS CAD LAS YANG DAG PAR 'DA' BAR BYA BA'I PHYIR CHOS STON PA'AM THABS MKHAS PAS KYANG STON PAR BYED DO, ,'DI NI RIGS PA'I RNAM PA THAMS CAD STON PA'O, ,PHAN 'DOGS PA'I SEMS CAN RNAMS LA BYAS PA GZO BA RJES SU 'DZIN PAR BYED CING RJES SU MTHUN PA'I LAN DU PHAN 'DOGS PAS BSNYEN BKUR BYED DE, DE 'DI LTAR BYAS PA GZO BA LA DGA' BA DANG LDAN PAS LAN DU PHAN 'DOGS PA MTHONG NAS GUS PAR BYA STE, TSUR SBYON LEGS PAR BYON TO ZHES BRJOD PAS SMRA ZHING KUN DU SMRA LA YANG DAG PAR DGA' BAR BYED, GNAS DANG STAN BSTABS PAS KYANG BSDU BAR BYED DE, ,RNYED PA DANG BKUR STI'I LAN DE DANG MNYAM PA'AM LHAG PAS NYE BAR GNAS PAR BYED DO, ,GZHAN YANG DE'I BYA BA RNAMS LA MA BCOL BAR YANG GROGS BYED DU 'GRO NA BCOL BA LA LTA CI SMOS, ,DE BZHIN DU 'DIR RNAMS PA GZHAN YANG BYA BA YIN NO, ,DE LTAR NA 'DI NI RNAM PA THAMS CAD DU BYAS PA GZO BA'O, , SEMS CAN 'JIGS PA RNAMS 'JIGS PA'I GNAS DAG LAS SRUNG BAR BYED DO, ,SEMS CAN RNAMS GCAN GZAN GYI GNOD PA'I 'JIGS PA LAS KYANG BSRUNG ZHING, ,CHU'I GLONG DANG CHU SRIN 'DZIN KHRI'I 'JIGS PA DANG, RGYAL PO'I 'JIGS PA DANG, CHOM RKUN GYI 'JIGS PA @190A *, ,DANG, PHYI ROL PA'I 'JIGS PA DANG, RJE BO DANG BDAG PO'I 'JIGS PA DANG, 'TSO BA MED PA'I 'JIGS PA DANG, MI SNYAN PA'I 'JIGS PA DANG, 'KHOR GYI NANG DU BAG TSA BA'I 'JIGS PA DANG, MI MA YIN PA DANG RO LANGS KYI 'JIGS PA LA SOGS PA LAS KYANG YONGS SU SRUNG BAR BYED DO, ,DE RNAMS NI 'JIGS PA'I GNAS KYI RNAM PA THAMS CAD LAS KUN DU SRUNG BA'O, ,YANG GNYEN BSHES DANG LONGS SPYOD KYIS PHONGS PA RNAMS KYI MYA NGAN SEL BAR BYED DE, DE YANG 'DI LTAR SDUG BSNGAL GYI GNAS RNAMS KYI MYA NGAN SEL BAR BYED PA STE, GNYIN YANG 'DI LTAR SDUG BSNGAL GYI GNAS RNAMS KYI MYA NGAN SEL BAR BYED PA STE, GNYEN BSHES KYI SDUG BSNGAL LAS BRTZAMS NAS MA DANG PHA DANG, BU DANG, CHUNG MA DANG, SPUN ZLA DANG, SRING MO DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG, MDZA' BSHES DANBG, NYE DU DANG, SNAG GI GNYEN MTSAMS SHE BA DANG, SLOB DPON DANG MKHAN PO DANG, BLA MA LTA BU SHIN NA YANG MYA NGAN SEL BAR BYED DO, ,LONGS SPYOD KYI SDUG BSNGAL LAS BRTZAMS TE GZHAN DAG GI LONGS SPYOD RGYAL PO DANG, CHOM RKUN LA SOGS PAS TSUL MA YIN PAR PHROGS PA RNAMS RGYU DES MYA NGAN DU GYUR SEL BAR BYED DO, ,'DI NI RNAM PA THAMS CAD KYIS MYA NGAN SEL BA'O, ,PHONGS PA RNAMS LA TSUL BZHIN DU PHAN GDAGS PAS NYE BAR 'DZIN PA STE, 'DI LTAR PHONGS PA RNAMS LA PHAN GDAGS PAS NYE BAR 'DZIN PA NI ZAS 'DOD PA LA ZAS SBYIN PA DANG, BZHON PA 'DOD PA LA BZHON PA NAS CI SRID GANG DON BYED PA DE NI DE'I PHYIR RIGS PA'I RJES SU 'GRO BAR SBYIN PA'I BAR 'DI NI PHAN GDAGS PA'I RNAM PA THAMS CAD KYIS NYE BAR 'DZIN PA'O, ,GNAS YANG DAG PAR SBYIN PA DANG, CHOS KYI TSOGS YONGS SU SDUD PAR BYED DE, ,KUN DU SMRA BA DANG, LEGS PAR SMRA BA DANG, YANG DAG PAR DGA' BAR BYED PA DAG GIS DUS 'DA' BA DANG, GZHAN DAG BZA' BA DANG BTUNG BA SBYIN PA LA SOGS PAS YONGS SU BSDUS PA LAS 'JIG RTEN PA'I DON GYI RJES SU RGYUN 'JUG CING DON DU GNYER BA RNAMS LA 'GRO BA DANG 'ONG BA BDAG GIR BYED DO, ,DE 'DI LTAR SEMS CAN GYI TSOGS RNAMS YONGS SU BSDU BA'I SBYOR @190B BAS YONGS SU SDUD PAR BYED DE, ,ZANG ZING MED PA'I SNYING BRTZE BA'I SEMS NYE BAR BZUNG NAS, RE ZHIG THOG MAR GNAS SBYIN PAR BYED DO, ,DE NAS PHONGS PA DE DAG GI DON GYI PHYIR BRAM ZE DANG KHYIM BDAG DAD PA CAN RNAMS LAS CHOS BZHIN DU CHOS GOS DANG ZAS LA SOGS PA TSOL BAR BYED DO, ,RANG NYID KYI GOS DANG ZAS LA SOGS PA CHOS DANG MTHUN ZHING CHOS BZHIN DU RNYED PA RNAMS KYANG THUN MONG DU LONGS SPYOD PAR BYED DO, ,SRED CING SPYOD PA MA YIN NO, ,DUS DUS SU MTHUN PA'I GDAMS NGAG RNAM PA BRGYAD KYANG SBYIN PAR BYED LA, RJES SU BSTAN PA RNAM PA LNGA YANG DAG PAR STON PAR BYED DO, ,DE LA GANG DAG LA GDAMS PA 'DOD PAR GYUR NA, TING NGE 'DZIN LA BRTEN NAS SAM, 'GROGS PA'I RGYUS THOG MA NYID DU DE RNAMS KYI SEMS 'DOD CHAGS DANG BCAS PA'AM, GZHAN YIN PA BTZAL NAS MKHYEN TO, ,DE NAS DBANG PO RTUL BA LA SOGS PA DANG, DE NAS KHA TON LA SOGS PA GANG LA DGA' BA'I BSAM PA DANG, DE NAS 'DOD CHAGS LA SPYOD PA LA SOGS PA'I BAG LA NYAL BA YONGS SU BTZAL NAS MKHYEN TO, ,DE NAS CI RIGS CI 'OS SU 'JUG PA'I SGO SNA TSOGS PA RNAMS SU STE, MI SDUG PA'AM, BYAMS PA'AM, RTEN CING 'BREL BAR 'BYUNG BA'AM, KHAMS KYI DBYE BA'AM, DBUGS DBYUNG BA'AM, RDUB PA DRAN PA BDAG GIS 'JUG PAR MDZAD DO, ,DE BZHIN DU RTAG PA DANG CHAD PA DAG TU LTA BA'I GNYEN POR DBU MA'I LAM STON PA DANG, MA BYAS PA LA BYAS SO SNYAM PA'I MNGON PA'I NGA RGYAL 'DOR DU 'JUG PA DANG, DDE BZHIN DU MA THOB PA DANG MA REG PA DANG MNGON SUM DU MA BYAS PA LA MNGON DU BYAS SO SNYAM PA'I MNGON PA'I NGA RGYAL 'DOR DU 'JUG PA DAG BGIS KYANG 'JUG PAR MDZAD DO, ,GDAMS NGA RNAM PA BRGYAD PO DE DAG KYANG GNAS GSUM GYIS BSDUS PAR RIG PAR BYA'O, ,GNAS GSUM PO DAG GANG ZHE NA SEMS KYI GNAS PA SLAR GNAS PAR BYA BA'I PHYIR THOG MAR DMIGS PA LEGS PAR GTOD PA STE, SEMS DANG DBANG PO LA SOGS PA SHES PAS 'JUG PA'I SGOR 'JUG PA DANG, SEMS GNAS PAR LA RANG GI DON THOB PAR PHYIR YANG DAG PA THABS KYIS LAM STON PA NI STON PA'I DBU @191A *, ,MA'I LAM DANG, RANG GI DON MTHAR MA PHYIN PA LA BAR MA DO'I GNAS 'DOR DU 'JUG PA STE, MA BYAS PA LA SOGS PA LA BYAS PA LA SOGS PAR MNGON PA'I NGA RGYAL BYED PA 'DOR DU 'JUG PAR RIG PAR BYA STE, GNAS PA DANG, RNAM PAR SGYUR BA DANG, SBYOR BA 'DOR BA ZHES BYA BA'I DON TO, ,DE LA RJES SU BSTAN PA RNAM PA LNGA YANG DAG PAR RJES SU STON TE, KHA NA MA THO BA DANG BCAS PA'I KUN DU SPYOD PA DGAG PA DANG, KHA NA MA THO BA MED PA'I KUN DU SPYOD PA GNANG BA DANG, DGAG PA DANG GNANG PA'I CHOS RNAMS LA 'KHRUL PAR KUN DU SPYOD PA DAG LA BSKUL BA DANG, YANG DANG YANG DU MA GUS PAR GYUR PAS 'KHRUL PA LA PHAN PA'I BSAM PAS SMA DBAB PA DRAN PAR BYED DU GZHUG PA DANG, YANG DAG PAR ZHUGS PA LA DGAG PA DANG GNANG BA'I CHOS RNAMS LAS YON TAN YANG DAG PA DANG DGA' BA BSNYAD PAS YANG DAG PAR DGA' BAR BYA'O, ,RNAM PA 'DI DAG THAMS CAD KYIS NI TSOGS YONGS SU SDUD PA STE, DON MA YIN PA THAMS CAD NYE BAR SPONG BA DANG, YID DU MI 'ONG BA'I KUN DU SPYOD PA YONGS SU SPANGS BAS SO, ,GZHAN GYI SEMS DANG RJES SU MTHUN PAR BYA STE, DE 'DI LTAR GZHAN DAG GI SEMS DANG MTHUN PAR BYED PAR 'DOD PA NA THOG MA KHO NAR DE RNAMS KYI NGO BO DANG RANG BZHIN SHES PAR BYA BA NAS, GANG DAG DANG JI LTAR LHAN CIG GNAS PAR BYA BA DE LTAR DE DAG DANG GNAS SO, ,GANG DAG LA JI LTAR BSGRUB PAR BYA BA DE LTAR DE DAG LA SGRUB PAR BYED DO, ,GANG GI SEMS DANG MTHUN PAR BYED 'DOD PAR GYUR PA DE LA DE DANG MTHUN PA'I LUS DANG NGAG GI KUN DU SPYOD PAS DE'I SDUG BSNGAL DANG, YID MI BDE BA SKYES PA LA SDUG BSNGAL BA DANG, YID MI BDE BA DES KYANG MI DGE BA'I GNAS LAS BSLANG STE, DGE BA'I GNAS SU 'JOG PAR MI 'GYUR NA NI BYANG CHUB SEMS DPA' SO SOR BRTAGS TE, DE BSGRIMS TE YONGS SU SPONG ZHING KUN DU SPYOD PAR MI BYED DO, ,GAL TE SDUG BSNGAL DANG, YID MI BDE BA DES MI DGE BA'I GNAS BSLANG STE DGE BA'I GNAS SU 'JOG PA MTHONG NA NI DE KUN DU SPYOD PAR BYED KYI, DE NYID LA SNYING BRTZE BAS NYE BAR BZUNG NAS GZHAN GYI SEMS DANG MTHUN PAR NI MI BYED DO, ,PHYOGS @191B GCIG PA'I LUS DANG NGAG GI KUN DU SPYOD PA GANG GIS GZHAN DAG GI SDUG BSNGAL BA DANG, YID MI BDE BA SKYES PAR 'GYUR LA, DE DAG DANG DE LAS GZHAN PA RNAMS MI DGE BA'I GNAS NAS ZHES BYA BA LA SOGS PA NAS, SNGA MA BZHIN DU DE LAS GZHAN PA RNAMS KYI SEMS DANG MTHUN PAR BYA BA'I PHYIR KUN DU SPYOD PAR MI BYED DO ZHES BYA BA'I BAR DU'O, ,GAL TE GZHAN PA DE LAS GZHAN PA RNAMS KYANG MI DGE BA'I GNAS NAS ZHES BYA BA LA SOGS PAS SNGA MA BZHIN DU KUN DU SPYOD PAR BYED DE, DE DAG LAS SNYING BRTZE BA'I SEMS NYE BAR BZUNG NAS DE DAG GI SEMS DANG MTHUN PAR MI BYED DO, ,BDAG NYID LA LUS DANG NGAG GI KUN DU SPYOD PA GANG GIS PHA ROL DAG LA SDUG BSNGAL BA DANG, YID MI BDE BA SKYE BAR MTHONG LA KUN DU SPYOD PA DE YANG BSLAB PA'I GZHIR GTOGS PA YANG MA YIN ZHING, BLA NA MED PA'I BSOD NAMS DANG YE SHES KYI TSOGS KYANG MA YIN LA, SDUG BSNGAL BA DANG YID MI BDE BA DES KYANG GZHAN DAG MI DGE BA'I GNAS NAS ZHES BYA BA LA SOGS PA SNGA MA BZHIN DU STE, GZHAN GYI SEMS DANG MTHUN PAR BYA BA'I PHYIR KUN DU SPYOD PAR NI MI BYED DO, ,GAL TE KUN DU SPYOD PA 'DI BSLAB PA'I GZHIR GTOGS PA YIN ZHING SNGOM PAR GTOGS PA YANG YIN LA, SDUG BSNGAL BA DANG YID MI BDE BA DES KYANG GZHAN DAG MI DGE BA'I GNAS NAS ZHES BYA BA LA SOGS PA NI SNGA MA BZHIN DU STE, GZHAN DAG LA SNYING BRTZE BA NYE BAR BZUNG NAS KUN TU SPYOD PAR NI MI BYED DE, DE BZHIN DU BDE BA DANG YID BDE BA YANG DE DANG 'DRA STE, RGYAS PAR NI CI RIGS PAR RIG PAR BYA'O, ,'DI GZHAN GYI SEMS DANG MTHUN PAR BYED PA NA PHA ROL PO KHRO BA'I KUN NAS DKRIS PA ZHI BAR MA GYUR GYI BAR DU MNGON SUM DU BSNGAGS PA YANG MI BRJOD LA, SHAD KYIS SBYANGS PA YANG MI BYED NA BSNGAGS PA YANG MA YIN PA LTA CI SMOS, GZHAN MI SMRA BA LA YANG SMRA ZHING YANG DAG PAR DGA' BAR BYED NA, SMRA BAR BYED PA LA YANG DAG PAR DGA' BAR BYED PA LTA CI SMOS, GZHAN DAG LA NAM YANG 'KHRUL PAR MI BYED KYI, GZHAN DU NA DE DAG LA SNYING BRTZE BA'I PHYIR SMA DBAB PAR 'DOD PAR ZAD DE, DBANG PO RNAMS RAB TU ZHI BAS DE DAG SMA 'BEBS PAR BYED DO, ,GZHAN @192A *, ,DAG LA 'PHYA BAR YANG MI BYED, BSTING BAR YANG MI BYED LA BAG 'KHUMS PAR YANG MI BYED DO, ,BDE BA LA REG PAR MI GNAS PA'I PHYIR 'GYOD PA SKYED PAR YANG MI BYED DO, ,CHAD PAS BCAD CING SMA PHAB ZIN PA LA YANG CHAD PA'I GNAS KYIS GLENG BAR MI BYED DO, ,DGA' BA'I SHAS CHUNG BA LA YANG BDAG NYID MTHONG BAR MI STON TO, ,GZHAN DAG LA MI BSTEN PAR YANG MI BYED, HA CANG BSTEN PAR YANG MI BYED, DUS MA YIN PAR BSTEN PAR YANG MI BYED, DE DAG GI MDUN DU MDZA' BO LA SMOD PA YANG MI BYED, MI MDZA' BA'I BSNGAGS PA YANG MI BRJOD, ,MA 'DRIS PA LA YID RTON PAR YANG MI BYED, RGYUN DU SLONG BAR YANG MI BYED, LEN PA LA TSOD SHES PAR YANG BYED, ZAS DANG SKOM LA SOGS PA MGRON DU BOS NA YANG SPONG BAR YANG MI BYED DO, ,YANG NA CHOS DANG MTHUN PAR SHAD KYIS SBYONG BAR BYED DO, ,'DI NI RNAM PA THAMS CAD DU GZHAN GYI SEMS DANG MTHUN PAR BYED PA'O, ,YANG DAG PA'I YON TAN GYI DBYE BA NYE BAR BZUNG NA GZHAN DAG TU GSAL BAR STON PAS YANG DAG PAR DGA' BAR BYED DE, DE 'DI LTAR YANG DAG PA'I YON TAN GYIS GZHAN KUN DU DGA' BAR BYED PA NA, DAD PA DANG TSUL KHRIMS DANG THOS PA DANG GTONG BA DANG SHES RAB LA SOGS PA YON TAN GANG DANG GANG LDAN PA RNAMS LA DE DANG 'BREL PA'I GTAM GYIS YANG DAG PAR DGA' BAR BYED DO, ,'DI NI RNAM PA THAMS CAD DU YANG DAG PAR DGA' BAR BYED PA'O, ,GZHAN DAG MI DGE BA'I GNAS NAS BSLANG STE DGE BA'I GNAS LA DGOD PA'I PHYIR 'JAM PA DANG PHAN PA'I BSAM PAS SMA DBAB PA DANG, CHAD PAS BCAD PA'AM BSKRAD PAR BYA BA DAG GIS TSAR BCAD PA'I LAS BYED DO, ,DE YANG NYES PA CHUNG NGU LA NI SMA DBAB PA CHUNG NGUS SMA 'BEBS PAR BYED DO, ,NYES PA 'BRING LA NI 'BRING GIS SO, ,NYES PA CHEN PO LA NI CHEN POS SO, ,CHAD PA'I LAS KYANG DE BZHIN DU RIG PAR BYA'O, ,BSKRAD PA'I LAS LA NYES PA CHUNG NGU DANG 'BRING DAG LA NI DUS RE ZHIG TU BSKRAD NAS SLAR DGUG PA'I TSUL GYIS SKROD PAR BYED DO, ,NYES PA CHEN PO LA NI DE DAG LA SNYING BRTZE BAS, DE DAG LA BSOD NAMS MA YIN PA CHES MANG PO YONGS SU 'DZIN PAR MI 'GYUR PAR BYA @192B BA'I PHYIR DANG, GZHAN DAG LA YANG PHAN PAR 'DOD PAS RJES SU BSTAN PA'I PHYIR JI SRID 'TSO'I BAR DU YANG PHYIR MI DGUG PA'I TSUL GYIS SKROD PAR BYED CING LONGS SPYOD PAR MI BYED DO, ,'DI DAG NI RNAM PA THAMS CAD DU TSAR GCOD PA'O, ,RDZU 'PHRUL GYI STOBS KYIS GZHAN DAG SKRAG BAR BYED 'DOD PA NA, SEMS CAN NYES PAR SPYAD PA SPYOD PAR 'DOD PA RNAMS LA NYES PAR SPYOD PA'I RNAM PAR SMIN PA'I 'BRAS BU SEMS CAN DMYAL BA RNAMS DANG, SEMS CAN DMYAL BA CHEN PO RNAMS DANG, GRANG BA'I DMYAL BA DANG, NYI TSE BA'I DMYAL BA LA SOGS PA NGAN SONG GI 'GRO BA DE DAG BSTEN CING BSNYEN LA STON PAR BYED CING MIR GYUR PA DAG GIS NYES PAR SPYOD PA BYAS SHING BSAGS PA MI SDUG PA'I 'BRAS BU RNAM PAR SMIN PA MI BZAD CING MCHOG TU TSA BA SO SOR NYAMS SU MYONG BA 'DI LTA BU 'DI LA KHYOD LTOS SHIG CES BSGO NAS, DE DAG GIS KYANG DE LTA BU MTHONG STE, SKRAG CING SKYO BAR GYUR NAS MI DGE BA LAS BZLOG CING, BSTAN PA LA BTZUD NAS 'DUN PAR BYED, MGU BAR BYED, YANG DAG PAR DGA' BAR BYED DO, ,YANG NA RDZU 'PHRUL MNGON PAR 'DU BYED PA RNAM PA SNA TSOGS PA 'DI LTA STE, 'GRO BA DU MA'I LUS KYI DBANG BYED PA'I BAR GYIS 'DUN PAR BYAS, MGU BAR BYAS, YANG DAG PAR DGA' BAR BYAS NAS MA DAD PA RNAMS NI DAD PA PHUN SUM TSOGS PA LA DGOD PAR BYED, TSUL KHRIMS 'CHAL BA NI TSUL KHRIMS PHUN SUM TSOGS PA LA, THOS PA NYUNG BA NI THOS PA PHUN SUM TSOGS PA LA, SER SNA CAN NI GTONG BA PHUN SUM TSOGS PA LA, SHES RAB 'CHAL BA NI SHES RAB PHUN SUM TSOGS PA LA DGOD PAR BYED DO, ,'DI NI RNAM PA THAMS CAD DU SKRAG PAR BYED PA LA SOGS PA'O, ,DE LTAR NA 'DI NI RNAM PA THAMS CAD KYIS SEMS CAN GYI DON BYA BA'I TSUL KHRIMS DANG LDAN PA YIN NO, ,'DI NI TSUL KHRIMS THAMS CAD DO, ,DKA' BA SPYOD PA'I TSUL KHRIMS LA SOGS PA NI 'DI NYID KYI RAB TU DBYE BA YIN PAR RIG PAR BYA'O, ,DE LA DKA' BA SPYOD PA'I TSUL KHRIMS GANG YIN PA NI TSEGS CHEN POS BYA BA'O, ,DE LA YANG DAG PAR LEN PA DANG, SRUNG BA DANG, 'KHRUL PA MED PA LAS @193A *, ,RNAM PA GSUM DU 'GYUR TE, GANG 'DI LONGS SPYOD CHEN PO DANG, DBANG PHYUG CHEN PO LA DBANG BYED CING 'DUG PA LAS LONGS SPYOD CHEN PO DA DONG DBANG PHYUG CHEN PO LA DBANG BYED PA DE RTZA BA DANG 'DRA BAR SLANGS NAS TSUL KHRIMS KYI SDOM PA YANG DAG PAR LEN PA DANG, GANG YANG TSUL KHRIMS THAMS CAD BLANGS NAS NYAM THAG STE SROG LA THUGS KYANG TSUL KHRIMS DE NYAMS PAR MI BYED NA SLAR YAG MED PAR LTA GA LA BYED, GANG YANG JI SRID 'TSO'I BAR DU JI NAS KYANG NYES PA PHRA RAB KYANG MI 'BYUNG ZHING 'KHRUL PA YANG MI 'BYUNG NA LCI BA LTA BU 'BYUNG BAR GA LA 'GYUR ZHES BYA'O, ,THAMS CAD KYI SGO'I TSUL KHRIMS NI KHYAB PA'I PHYIR THAMS CAD KYI SGO'O, ,DE NI RNAM PA BZHI STE, YANG DAG PAR BLANGS PA DANG, GOMS PA DANG RANG BZHIN DANG, THABS DANG LDAN PA'I, ,DE LA YANG DAG PAR BLANGS PA NI BYANG CHUB SEMS DPA'I TSUL KHRIMS YANG DAG PAR BLANG BA'I PHYIR RO, ,GOMS PA NI SNGON GYI TSE RABS GZHAN DAG TU YANG DAG PAR BLANGS PA LA GOMS PA'I DBANG GIS CI NAS KYANG SDIG PA LA MNGON PAR MI DGA' ZHING DGE BA NYID LA MNGON PAR DGA' BA'O, ,RANG BZHIN NI GANG ZHIG RANG BZHIN GYIS KUN DU SKRAG PAR GNAS PAS RGYUN DU YANG RANG BZHIN GYIS DGE BA KHO NA YIN PA'I PHYIR, LUS DANG NGAG GI LAS YONGS SU DAG PAR 'JUG PA'O, ,THABS DANG LDAN PA NI BSDU BA'I DNGOS PO BZHI LA BRTEN NAS SEMS CAN RNAMS LA LUS DANG NGAG GI LAS DGE BA LA 'JUG PA GANG YIN PA'O, ,SKYES BU DAM PA'I TSUL KHRIMS NI DAM PA KHO NA'I SPYOD PA YIN PA'I PHYIR RO, ,DE NI RNAM PA LNGA STE, BDAG NYID KYANG TSUL KHRIMS DANG LDAN PA DANG, GZHAN DAG KYANG TSUL KHRIMS YANG DAG PAR LEN DU GZHUG PA DANG, TSUL KHRIMS KYI BSNGAGS PA YANG BRJOD PA DANG, CHOS DANG MTHHUN PA'I GANG ZAG MTHONG NA YID DGA' BAR 'GYUR BA DANG, NYES PA BYUNG NA MYUR BA NYID DU CHOS BZHIN DU 'CHOS PA'O, ,RNAM PA THAMS CAD KYI TSUL KHRIMS NI DON CHEN PO YIN PA'I PHYIR RO, ,DE NI RNAM PA BCU GSUM STE, BYANG CHUB CHEN POR YONGS SU BSNGOS PA'I PHYIR BLA NA MED PA DANG, BSLAB @193B PA'I GZHI RGYA CHEN PO YONGS SU BZUNG BA'I PHYIR GSAL BA DANG, 'DOD PA'I BSOD NAMS DANG BDAG DUB PAR BYED PA'I MTHA' GNYIS SPANGS PA'I PHYIR KHA NA MA THO BA MED PA DANG, RAB TU DGA' BA'I GNAS DANG MTHUN PA DANG, JI SRID 'TSO'I BAR DU BSLAB PA 'BUL BAR MI BYED PA'I PHYIR RTAG TU BYED PA DANG, RNYED PA DANG BKUR STI DANG PHAS KYI RGOL BA DANG, NYON MONGS PA DANG, NYE BA'I NYON MONGS PA RNAMS ZIL GYIS MI NON CING MI 'PHROGS PA'I PHYIR BRTAN PA DANG, DREGS PA'I RANG BZHIN GYI RGYAN DANG LDAN PA MA YIN PA'I PHYIR DANG, GNAS SKABS THAMS CAD DU TSUL KHRIMS KYI RGYAN GYIS BRGYAN PA'I PHYIR TSUL KHRIMS KYI RGYAN DANG LDAN PA SROG GCOD PA LA SOGS PA SPANGS PA'I PHYIR LDOG PA'I TSUL KHRIMS DANG, DGE BA SDUD PA DANG, SEMS CAN GYI DON BYA BA LA SBYOR BA'I PHYIR 'JUG PA'I TSUL KHRIMS DANG RJES SU SRUNG BA'I PHYIR KUN NAS SRUNG BA'I TSUL KHRIMS DANG, SKYES BU CHEN PO'I MTSAN RNAM PAR SMIN PAR BYED PA DANG, LHAG PA'I SEMS RNAM PAR SMIN PAR BYED BA DANG, SDUG PA'I 'GRO BA RNAM PAR SMIN PAR BYED PA DANG, SEMS CAN GYI DON RNAM PAR SMIN PAR BYED PA'O, ,PHONGS PA 'DOR BA'I TSUL KHRIMS NI PHONGS PA SEL BA'I DON YIN PA'I PHYIR RO, ,'DI LA BYANG CHUB SEMS DPA' 'DI SNYAM DU SEMS TE, 'DI LTAR BDAG LA SU YAN SROG 'PHROG PA DANG, MA BYIN PAR LEN PA DANG, 'DOD PA RNAMS LA LOG PAR G-YEM PA DANG, BRDZUN PA'I TSIG SMRA BA DANG, PHRA MA DANG, NGAG RTZUB PO DANG, TSIG KYAL PA SMRA BA DANG, LAG PA DANG BONG BA LA SOGS PAS BSNUN CING RNAM PAR 'TSE BA'I REG PA MI 'DOD PA DAG KUN DU SPYOD PAR MA GYUR CIG SNYAM DU 'DOD LA, BDAG DE LTA BU 'DOD BZHIN DU GAL TE GZHAN GYIS LOG PAR KUN DU SPYOD PAR GYUR NA, DES BDAG GI YID DU MI 'ONG BAR 'GYUR BAS NA, GZHAN YANG DE LTAR 'DOD BZHIN DU BDAG GIS LOG PAR KUN DU SPYAD PAR GYUR NA DES DE DAG GI YID DU MI 'ONG BAR 'GYUR BA'I PHYIR, GANG BDAG DANG GZHAN DAG GI YANG YID DU MI 'ONG BAR 'GYUR BA DE DAG GIS GZHAN DAG LA CI'I PHYIR KUN DU SPYOD PAR BYA SNYAM PA DE @194A *, ,LTAR SO SOR BRTAGS NAS SROG GI PHYIR YANG GZHAN DAG LA YID DU MI 'ONG BA RNAM PA BRGYAD PO KUN DU SPYOD PAR MI BYED PA'O, ,TSE 'DI DANG PHA ROL DU BDE BAR 'GYUR PA'I TSUL KHRIMS NI BDAG DANG GZHAN DAG SKYE BA 'DI DANG SKYE BA GZHAN DAG TU BDE BA'I RGYUR 'GYUR BA'I PHYIR RO, ,DE YANG RNAM PA DGU STE, GANG 'DI SEMS CAN DGAG PAR BYA BA RNAMS NI 'GOG PAR BYED, GNANG BAR BYA BA RNAMS NI GNANG BAR BYED, SEMS CAN BSDU BA RNAMS NI SDUD PAR BYED, TSAR GCAD PAR BYA BA RNAMS NI TSAR GCOD PAR BYED CING LUS DANG NGAG GI LAS YONGS SU DAG PAR 'GYUR TE, GANG YANG SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG LDAN PA 'DI DAG NYID DANG, GZHAN DAG LA TSE 'DI DANG PHYI MA LA BDE BAR 'GYUR PA'O, ,RNAM PAR DAG PA'I TSUL KHRIMS NI THAMS CAD BKRUS PAS RNAM PAR DAG PA'I PHYIR RO, ,DE NI RNAM PA BCU STE, DGE SBYONG GI TSUL DANG, RDZOGS PA'I BYANG CHUB 'DOD PA'I PHYIR YIN GYI, 'TSO BA 'DOD PA'I PHYIR MA YIN GYI DANG PO NYID NAS LEGS PAR BLANGS PA DANG 'GAL BA BYAS PA CHUNG NGU LA 'GYOD PA MED PA'I PHYIR HA CANG ZHUM PA MA YIN PA DANG, GNAS MA YIN PAR 'GYOD PA MED PA'I PHYIR HA CANG YANG THAL BA MA YIN PA DANG, GNYID KYI BDE BA DANG, GLOS 'BEBS PA'I BDE BA DANG, NYAL BA'I BDE BA NYAMS SU MI LEN PA DANG, NYIN MTSAN DU DGE BA'I PHYOGS LA MNGON PAR BRTZON PA'I PHYIR LE LO DANG MI LDAN PA DANG, SNGAR BSTAN PA'I YAN LAG LNGA'I BAG YOD PA LA BRTEN PA'I PHYIR BAG YOD PAS YONGS SU ZIN PA DANG, RNYED PA DANG BKUR STI LA ZHEN PA MED PA DANG, LHA NYID DU SMON PAS TSANGS PAR SPYOD PA LA GNAS PAR KHAS BLANGS PA MA YIN PA'I PHYIR SMON LAM LEGS PAR BTAB PA DANG, SPYOD LAM DANG 'PHRAL GYI BYA BA DANG, DGE BA'I PHYOGS LA SBYOR BA RNAMS LA LUS DANG NGAG GI SPYOD PA SHIN TU PHUN SUM CHOGS SHING 'TSAM PA'I PHYIR CHO GA PHUN SUM TSOGS PAS YONGS SU ZIN PA DANG, TSUL 'CHOS PA LA SOGS PA LOG PAS 'TSO BAR BYED PA'I NYES PA THAMS CAD RNAM PAR SPANGS PA'I @194B PHYIR 'TSO BA PHUN SUM TSOGS PAS YONGS SU ZIN PA DANG 'DOD PA'I BSOD NAMS DANG, BDAG NYID DUB PAR BYED PA'I SBYOR BA RNAM PAR SPANGS PA'I PHYIR MTHA' GNYIS RNAM PAR SPANGS PA DANG, MU STEGS THAMS CAD KYI LTA BA RNAM PAR SPANGS PA'I PHYIR DES PAR 'BYIN PA DANG, NYAMS PAR MI BYED CING MED PAR MI BYED PA'I PHYIR YANG DAG PAR BLANGS PA MA NYAMS PA'O, ,DE LTAR RNAM PA DGU PO 'DI NI BYANG CHUB SEMS DPA'I TSUL KHRIMS KYI PHUNG PO CHEN PO STE, BYANG CHUB CHEN PO'I 'BRAS BU SKYED PA'O, ,'DI LA BRTEN NAS BYANG CHUB SEMS DPA'I TSUL KHRIMS KYI PHA ROL TU PHYIN PA YONGS SU RDZOGS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,JI SRID DU MNGON PAR RDZOGS PAR 'TSANG MI RGYA BA DE SRID DU 'DI BYANG CHUB SEMS DPA'I TSUL KHRIMS KYI PHUNG PO DPAG TU MED PA 'DI LA SLOB BZHIN PA NA, PHAN YON RNAM PA LNGA 'THOB PAR 'GYUR TE, SANGS RGYAS RNAMS KYIS DGONGS PAR 'GYUR BA DANG, MCHOG TU DGA' BA CHEN PO LA GNAS BZHIN DU 'CHI BA'I DUS BYED PAR 'GYUR BA DANG, LUS ZHIG NAS KYANG GANG NA DE DANG TSUL KHRIMS MTSUNGS PA'AM, LHAG PA'I BYANG CHUB SEMS DPA' SKAL BA 'DRA ZHING CHOS MTHUN PA'I DGE BA'I BSHES GNYEN DU 'GYUR BA DER SKYE BAR 'GYUR BA DANG TSE 'DI LA TSUL KHRIMS KYI PHA ROL TU PHYIN PA YONGS SU RDZOGS PAR BYED PA'I BSOD NAMS KYI PHUNG PO TSAD MED PA DANG LDAN PAR 'GYUR BA DANG, TSE PHYI MA LA YANG RANG 'KHRUNGS KYI TSUL KHRIMS NYID DE; TSUL KHRIMS DE'I BDAG NYID 'THOB PAR 'GYUR BA ZHES BYA'O, ,DE LTAR NA 'DI NI DE'I MOD LA NGAN SONGS DU 'GRO BA RNAM PAR BCAD CING SKYE BAR 'GYUR BA MA YIN NO, ,GZHAN DU NA JI LTAR 'DI LA 'DI 'DRA BA'I PHAN YON JI LTAR 'BYUNG BAR 'GYUR, SEMS BSKYED PA YIN SNYAM NA, 'DI NI NGAN SONG RNAM PAR GCAD PAR 'DOD PA MA YIN NO, ,DE LTA NA YANG 'DI NGAN SONG RNAMS SU SKYE BAR NI MI 'GYUR TE, GANG GI PHYIR YANG NGAN SONG RNAMS RNAM PAR MA BCAD KYANG 'DI DER SKYE BAR MI 'DOD DO, ,DE NYID KYI PHYIR 'DI LTA BU'I SEMS BSKYED PA'I PHAN YON YIN PAR RIGS SO, ,GZHAN @195A *, ,DU NA SDIG PA DANG MI LDAN PA NYID DER MI SKYE NA NI GANG ZHIG GANG GI PHAN YON DU 'GYUR, GANG GIS DE'I MOD LA NGAN SONG RNAM PAR GCAD PAR 'DOD PA YANG 'DI THAMS CAD DU NGAN SONG DU SKYE BAR MI 'DOD PA NYID KYANG MA YIN TE, RING MO ZHIG NAS BRGYA LAM NA SKYE BAR 'GYUR NA YANG MYUR BA NYID DU DE LAS THAR BAR 'GYUR ZHING GNAS PA NA YANG DMAN PA DAG LTA BUR MI BZAD PA'I TSOR BA MYONG BAR MI 'GYUR LA, SHIN TU SKYO BAR 'GYUR BAS SNGA ROL DU DER SKYES PA'I SEMS CAN RNAMS NUS PA JI LTA BAS DGE BA'I CHOS RNAMS LA YONGS SU SMIN PAR BYED DO, ,DE SKAD DU YANG RING MO ZHIG NA NGAN SONG DU, ,'GRO ZHING MYUR DU THAR BA DANG, ,DER YANG SDUG BSNGAL CHUNG NGU MYONG, ,SKYO BCAS SEMS CAN SMIN PAR BYED, ,CES GSUNGS PA LTA BU'O, ,GZHAN YANG 'DI LTABU NGAN SONG DU SKYE BAR SMRA BA NI RIGS PA MA YIN TE, GNOD PAR BYED PA DANG, GZHAN GYI DBANG LA SOGS PA MI SRID PAS MI KHOM PA'I MTSAN NYID DANG 'BREL PA MED PA'I PHYIR RO, ,DE DER SKYES KYANG NYAMS SU MYONG BAR MI 'GYUR TE, BDAG DANG GZHAN GYI DON GRUB PA'I TSOGS BSAGS PAR 'GYUR BA'I PHYIR RO, ,BYANG CHUB SEMS DPA' NI BSAMS BZHIN DU GZHAN GYI DON DU DER SKYE BAR 'GYUR GYI, BDE 'GROR YANG BDAG NYID 'DI LTA BU'I SROG 'PHROG PAR BYED PAR 'DOD DE, DE LTA BU DMYAL BA RNAMS SU YANG NYE BAR DMIGS PAR MI 'GYUR RO, ,GZHAN GYI DON DU MI 'GYUR BA 'BYOR PA PHUN SUM TSOGS PA'AM, ,BDAG GI DNGOS PO'I PHUN SUM TSOGS PA'AM, RNAM PAR THAR PA 'DOD PA NI MA YIN NO, ,DE SKAD DU, SEMS CAN CHED DU DMYAL BA'I SRED PAR GNAS PA YIS, ,SDUG BSNGAL MI BZAD CIS KYANG RGYAL SRAS GNOD BYED MIN, ,JI SRID YON TAN SKYON GYIS THEG DMAN ZHUGS PA YI, ,RNAM RTOG DGE BA SNA TSOGS BLO LDAN GNOD BYED YIN,, BLO DANG LNGAN PA DMYAL BAR GNAS PA DUS KUN DU, ,BYANG CHUB DRI MED SPANGS PA'I BAR DU GCOD BYED MIN, ,THEG PA GZHAN LA RAB BRTZON RNAM RTOG BDAG PHAN PA, ,RAB TU BDE BAR GNAS KYANG BAR DU GCOD PAR BYED, ,CES GSUNGS PA LTA BU'O, ,TSUL KHRIMS RNAM PA @195B DGU PO DE DAG THAMS CAD NI SNGOM PA'I TSUL KHRIMS DANG, DGE BA CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS TE, TSUL KHRIMS RNAM PA GSUM GYIS BSDUS PAR RIG PAR BYA'O, ,YANG TSUL KHRIMS RNAM PA GSUM PO DE DAG NYID YANG DAG PAR BLANGS PAS BYANG CHUB SEMS DPA'I BYA BA RNAM PA GSUM BYED DE, ,SNGOM PA'I TSUL KHRIMS NI SEMS GNAS PAR BYED DO, ,DGE BA'I CHOS SDUD PA'I TSUL KHRIMS NI BDAG GIS SANGS RGYAS KYI CHOS YONGS SU SMIN PAR BYED DO, SEMS CAN GYI DON BYA BA'I TSUL KHRIMS NI SEMS CAN YONGS SU SMIN PAR BYED DO, ,BYANG CHUB SEMS DPA'I BYA BA THAMS CAD NI 'DI DAG TU ZAD DE, 'DI LTA STE TSE 'DI LA BDE BAR GNAS PA'I PHYIR SEMS GNAS PA DANG, LUS DANG SEMS DUB PA MED PAR SNAGS RGYAS KYI CHOS YONGS SU SMIN PAR BYA BA DANG, SEMS CAN YONGS SU SMIN PAR BYA BA YIN TE, BYANG CHUB SEMS DPA'I TSUL KHRIMS NI DE DAG TU ZAD DO, ,BYANG CHUB SEMS DPA'I TSUL KHRIMS KYI PHAN YON YANG DE DAG TU ZAD DO, ,BYANG CHUB SEMS DPA'I TSUL KHRIMS KYI BYA BA YANG DE DAG TU ZAD DE, DE LA NI 'DAS PA'I BYANG CHUB SEMS DPA' BYANG CHUB CHEN PO 'DOD PA RNAMS KYIS KYANG BSLABS SO, ,MA 'ONGS PA RNAMS KYANG SLOB PAR 'GYUR RO, ,DA LTAR PHYOGS BCU'I 'JIG RTEN GYI KHAMS MTHA' YAS MU MED PA DAG NA GNAS PA DAG KYANG SLOB PO, ,DE LTAR NA 'DI NI BYANG CHUB SEMS DPA' RNAMS KYI TSUL KHRIMS SO, ,TSUL KHRIMS 'DI LA GZHAN LAS KHYAD PAR DU GYUR PA CI ZHIG YOD, GANG GIS NI 'DI MNOD PAR BYA ZHE NA, BSOD NAMS KUN GYI GTER GYUR GANG, ,ZHES BYA BA SMOS TE, 'DI BSOD NAMS KYI SGRAS NI 'DI LAS GZHAN PA'I TSUL KHRIMS KYI SDOM PA RNAMS YANG DAG PAR BLANG BAR MNGON PAR STON TO, , GTER GYUR ZHES BYA BA NI MCHOG STE, JI LTAR THAMS CAD LAS SHIN TU KHYAD PAR DU GYUR PA'I NOR CUNG ZAD NYID DGOS PA'I RNAM PA THAMS CAD LA YANG ZAD PA MED PA DANG, DON CHE BA YIN PA'I PHYIR GTER ZHES SMRA'O, ,DE BZHIN DU BYANG CHUB SEMS DPA'I TSUL KHRIMS KYI SDOM PA YANG DAG @196A *, ,PAR BLANGS PA 'DI NI RTOG PA DAM PA'I BSAM PAS KUN NAS BLANG BA DANG, BDAG DANG GZHAN LA PHAN PA LA NAN TAN DU BYA BA'I THABS SU GYUR PA DANG, RNAM PA THAMS CAD DU NYES PAR SPYOD PA THAMS CAD KYI GNYEN POR GYUR PA'I PHYIR SO SOR THAR PA'I SDOM PA GZHAN THAMS CAD YANG DAG PAR BLANGS PA LAS SHIN TU KHYAD PAR DU GYUR PA NYID KYI GTER DANG 'DRA BAS NA GTER DU GYUR PA'O, ,DE'I PHYIR THAMS CAD KHAS BLANGS PA NI BYANG CHUB KYI MTHAR THUG GI BAR DU MI ZAD PA DANG, SANGS RGYAS NYID 'THOB PA'I YON TAN LA SBYOR BAS NA DON CHE BA DANG, SEMS CAN GYI KHAMS MA LUS PA'I DGOS PA LA 'JUG PAS DON CHE BA'I PHYIR RO, ,JI SKAD DU, BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA 'DI NI TSUL KHRIMS KYI SDOM PA YANG DAG PAR BLANGS PA THAMS CAD LAS KHYAD PAR DU 'PHAGS PA YIN TE, BLA NA MED PA DANG ZHES BYA BA NAS, SO SOR THAR PA'I SDOM PA YANG DAG PAR BLANGS PA THAMS CAD NI 'DI'I BRGYA'I CHAR YANG NYE BAR MI 'GRO'O ZHES BYA BA LA SOGS PA'I BAR DU RGYAS PAR BSTAN TO, ,DE JI LTAR MNOD PAR BYA ZHE NA, DE NI BSAM PA DAM PA YIS, ,ZHES BYA BA SMOS TE, BSAM PA DAM PA NI 'GRO BA THAMS CAD YONGS SU BSKYAB PA'I BSAM PA STE, SNYING RJER RO GCIG PA'I DANG BA CHAN PO DANG LDAN PA DANG, SANGS RGYAS DANG BYANG CHUB SEMS DPA'I YON TAN LA REG PAR 'DOD PA'I BSAM PAS ZHES BYA BA'I DON TO, ,DE SU ZHIG LAS BLANG BAR BYA ZHE NA, BLA MA SDOM PA LA GNAS ZHES BYA BA LA SOGS PA SMOS TE, BYANG CHUB SEMS DPA' TSUL KHRIMS KYI SDOM PA DANG LDAN PA CHOS MTHUN PA LAS TE, SDOM PA DE GTONG BA'AM, TSUL KHRIMS 'CHAL PA'AM, DBANG DU GYUR PA MA YIN PA'I PHYIR CHOS MTHUN PA MA YIN PA GZHAN LAS NI MA YIN NO, ,SDOM PA LA GNAS NAS KYANG THAMS CAD LAS MA YIN PAS MKHAS ZHES BYA BA SMOS TE, GANG ZHIG BYANG CHUB SEMS DPA'I TSUL KHRIMS KYI SDOM PA DE YANG DAG PAR BLANG BA'I CHO GA LA MKHAS PA NYID LAS 'DI MNOD PAR BYA ZHES BYA'O, ,DE NYID KYI PHYIR MKHAS PA MA YIN PA LAS NI CHO GA NYAMS PAS SDOM PA 'THOB PAR MI @196B 'GYUR RO, ,DE LTAR NA YANG THAMS CAD LAS MA YIN PAS, NUS DANG LDAN LA ZHES BYA BA SMOS TE, NUS PA NI STOBS TE, 'BOGS PAR 'OS SHING 'CHAM PA ZHES BYA BA'I DON TO, ,DE NYID KYIS NI YON TAN DANG LDAN PA MA YIN PA DANG, BLANG BAR 'OS PA MA YIN PA'I PHYIR GZHAN LAS NI MA YIN NO, ,DE LA BSAM PA DANG, SBYOR BA PHUN SUM TSOGS PA NI 'OS PA YIN PAR RIG PAR BYA'O, ,DE LA BSAM PA PHUN SUM TSOGS PA NI DAD PA NYID DANG, BSAM PA THAG PAS BYED PA NYID DANG, MA CHAGS PA DANG, SNYING RJE DANG LDAN PA NYID DE, GANG GIS RE ZHIG BYANG CHUB SEMS DPA'I TSUL KHRIMS KYI SDOM PA YANG DAG PAR MNOD PA LHAG PAR MOS PA BYANG CHUB SEMS DPA'I SDE SNOD KYI MA MO LA SOGS PA LA SKUR PA MI 'DEBS SHING DAD PA DANG LDAN PA DANG, BSLAB PA RNAMS LA GUS SHING 'JUG PA LA RTOG PA DANG RANG BZHIN GYIS 'DOD PA CHUNG BA DANG, CHOG SHES PA DANG, ZANG ZING LTAR LEN PA MA YIN PA DANG, SNYING RJE DANG LDAN PAR GYUR PA DANG, SKYO BA MED PA DANG, PHA ROL GYI NYES PA BZOD PA DANG, KHRO BA MED PA DANG, KHON DU 'DZIN PA MED PA ZHES BYA'O, ,SBYOR BA PHUN SUM TSOGS PA NI DGE BA'I CHOS RNAMS KYI PHYIR RAB TU SPEL BA DANG, GUS SHING RAB DU 'JUG PA DANG, CI NAS KYANG 'DI LA BSLAB PA'I GZHI GANG YANG RUNG BA RNAMS RTOGS PAR BYA BA LA YANG RMONGS PAR MI 'GYUR BA DANG, SPRO BA DANG BCAS PA YIN ZHING SNYOM LAS MI BYED PA DANG, 'DOD PA'I BDE BA DANG, 'DU 'DZI LA MNGON PAR MI DGA' BA DANG, SEMS RNAM PAR MA G-YENGS PA'O, ,NUS PA DANG LDAN PA YIN YANG, THAMS CAD LA MNOD PAR BYA BA MA YIN PAS, BLA MA ZHES BYA BA SMOS TE, BLA MAR BYA BA'I GNAS SU GYUR PA NYID LAS MNOD PAR BYA'I GZHAN LAS NI MA YIN TE, MNYAM PA NYID KYIS BLA MAR MI 'DZIN PAS 'DI DE'I RJES SU SLOB PA'I TSUL CAN DU MI 'GYUR TE, DES BYAS PA RNAMS LA GUS PA CHEN POR MI BYED PA'I PHYIR RO, ,DE LA SDOM LA GNAS ZHES BYA BA 'DIS NI 'DI'I TSUL KHRIMS PHUN SUM TSOGS PA BSTAN TE, MKHAS ZHES BYA BAS NI MKHAS SHING BYANG BA'O, ,NUS DANG LDAN ZHES BYA BAS NI YON TAN @197A *, ,PHUN SUM TSOGS PA STE, GSUM PO DE DAG GI KHYAD PAR RTOGS PAR BYED PA NYID DO, ,BLA MA ZHES BYA BA NI RTEN 'DZIN PA NYID DO, ,'DI GNYIS LA RJES SU BSLABS PA NYID GANG YIN PA DE'I RJES SU SLOB PA NI DGE BA'I CHOS RNAMS KUN DU 'PHEL BAR 'GYUR RO ZHES BYA BA NI 'DIR 'DI'I BSDUS PA'I DON TO, ,DE LA BYANG CHUB SEMS DPA' KHYIM PA'AM, RAB TU BYANG BA BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BAR 'DOD CING, JI SKAD BSTAN PA'I TSUL KHRIMS KYI PHUNG PO RNAM PA GSUM PO LA SLOB PAR 'DOD PAS THOG MAR RE ZHIG 'DI LTA BU'I GANG ZAG DAM PA NGES PAR BRTAGS TE, RKANG PA GNYIS LA PHYAG BYAS NAS 'DI SKAD CES GSOL BA GDAB PAR BYA STE, BDAG RIGS KYI BU KHYOD LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA MNOD PAR 'TSAL LO ZHES LAN GSUM BRJOD PAR BYA'O, ,DE LTAR GSOL BA BTAB NAS 'DI SNOD DU 'GYUR BA BRTAG PA'I PHYIR 'DI LA BYANG CHUB SEMS DPA'I BSLAB PA'I GZHI NYAN DU GZHUG PAR BYA ZHING KHYOD 'DI LA BSLAB PAR SPRO 'AM ZHES BRJOD PAR BYA'O, ,DE SKAD CES SMRA BA NA GAL TE RAB TU SPRO'O ZHES BYA BA'I TSIG SMRA ZHING GDONG DANG MIG 'GYUR BA DAG GIS NYIN ZHAG DAG 'DA' BAR BYED NA, DE LTAR NA GANG GIS 'DI DON DU GNYER BA YIN GYI, PHA ROL GYIS YANG DAG PAR 'DZIN DU BCUG PA'I PHYIR YANG MA YIN PHA ROL DANG 'GRAN PA'I PHYIR YANG MA YIN NA, LHAG PAR GNAS PAR BYA'O, ,DE NAS CHO GA 'DIS NUS PA CI YOD PAS MCHOD PA BYAS LA, BLA GOS PHRAG PA GCIG LAG GZAR TE, SANGS RGYAS BCOM LDAN 'DAS RNAMS DANG, BYANG CHUB SEMS DPA' SA CHEN PO LA ZHUGS PA RNAMS LA LHAG PA'I BSAM PAS PHYAG BTZAL BA BYAS NAS DE DAG GI YON TAN RNAMS MNGON SUM DU BYAS LA, DE BZHIN GSHEGS PA'I SKU GZUGS KYANG LEGS PAR MCHOD PAR BYAS NAS, DES YANG 'DI SKAD DU BYANG CHUB SEMS DPA'I TSUL KHRIMS KYI SDOM PA BDAG LA STZAL DU GSOL ZHES BYA BAS BLANG BAR BYA'O, ,DE'I 'OG TU 'DIS KHYOD BYANG CHUB TU SMON LAM BTAB BAM, KHO BO LAS BYANG CHUB SEMS DPA'I TSUL @197B KHRIMS KYI BSLAB PA'I GZHI MNOD PAR 'DOD DAM ZHES BYA BAS KHAS LEN PA LAN GSUM DU BCUG NAS, SDIG PA BSHAGS PA DANG, GSUM LA SKYABS SU 'GRO BA DANG, BYANG CHUB TU SEMS BSKYED PA DANG, BSOD NAMS KYI TSOGS YONGS SU BA SNGO BA RNAMS SNGON DU 'GRO BAS, 'GRO BA THAMS CAD YONGS SU BZUNG ZHING YONGS SU BSKYAB PA'I PHYIR, TSOGS BSAGS PA DANG, THEG PA CHEN PO DANG MTHUN PAR RJES SU 'JUG PA DAG BYED DU BCUG NAS, DE BZHIN GSHEGS PA'I SKU GZUGS DE NYID KYI SPYAN SNGAR SANGS RGYAS DANG BYANG CHUB SEMS DPA' RNAMS LA PHYAG BYAS NAS, 'DIS BDAG LAS BYANG CHUB SEMS DPA'I TSUL KHRIMS KYI SBOM PA YANG DAG PAR BLANGS PAR BGYIS LAGS SO ZHES MKHYEN PAR GSOL BAR BYA'O, ,PHYAG 'TSAL YANG DAG GSOL GDAB DANG, ,SMON LAM DAG DANG BLANGS PA NI, ,BDAG GIR BYA DANG SDIG BSHAGS PA, ,BYAS NAS GSUM LA SKYABS 'GRO DANG, ,BYANG CHUB SEMS NI YANG DAG BSKYOD, ,DGE BA DE YI YONGS BSNGO DANG, SANGS RGYAS SRAS DANG BCAS RNAMS LA, ,GUS PAS MKHYEN PAR GSOL BA'O, ,ZHES BYA BA NI BSDU BA'I TSIGS SU BCAD PA'O, ,YANG DAG PAR BLANGS PA DE YANG MA DAD PA DANG, SDANG PA RNAMS LA KHROM DU BSGRAG PAR MI BYA STE, GANG GI PHYIR MI SHES PA'I SGRIB PA CHEN PO THAMS CAD DANG, PHYOGS GCIG GIS BSGRIBS PAS MI MOS PAR 'GYUR RO, ,PHYI ROL LAS YANG DAG PAR BLANG BAR BSTAN PA BZHIN DU BDAG NYID KYIS YANG DAG PAR BLANG BAR YANG GSUNGS TE, GAL TE YON TAN DE DAG DANG LDAN PA'I GANG ZAG MED PAR GYUR NA DE'I TSE BYANG CHUB SEMS DPAS DE BZHIN GSHEGS PA'I SKU GZUGS KYI SPYAN SNGAR RANG NYID KYIS KYANG BYANG CHUB SEMS DPA' TSUL KHRIMS KYI SDOM PA YANG DAG PAR BLANG BAR BYA BA YIN GYI, SDOM PA GZHAN ZHIG TU PHA ROL KHO NA LAS YANG DAG PAR BLANG PA NI MA YIN NO, ,DE LTAR SO SOR THAR PA'I SDOM PA GZHAN DANG GZHAN DAG LA GNAS PA LAS LHAG PAR 'DOD CING, DANG DU LEN PA LA 'JUG PA BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA'I CHO GA LA MKHAS PAS RANG NYID KYIS BYANG @198A *, ,CHUB SEMS DPA'I TSUL KHRIMS KYI SDOM PA YANG DAG PAR BLANG BAR BYA BA'O, ,DE LAS GZHAN PA NYAMS PAR 'GYUR BA LAS SLAR GSO BAR BYED PA DANG, MA GUS PAS SDOM PA LEN PA DAG NI SNOD MA YIN PA'I PHYIR DE LTA MA YIN TE, SNGAR JI SKAD BSHAD PA BZHIN DU'O, ,TSUL KHRIMS 'DI DANG LDAN 'GYUR NA, ,RNAM DAG RNAM PAR DBEN GNAS PA, ,DES NI BLA MA MED GYUR NA, ,RANG NYID KYIS KYANG BLANG BA YIN, ,ZHES BYA BA NI BSDU BA'I TSIGS SU BCAD PA'O, ,SDOM PA YANG DAG PAR BLANG BA'I LAS YONGS SU RDZOGS PA 'DI LA SANGS RGYAS DANG BYANG CHUB SEMS DPA' RNAMS KYI DGE BA'I THUGS KYIS BSOD NAMS MNGON PAR SPEL PA'I PHYIR RTAG PAR 'DI LA DGONGS PAR MDZAD DO, ,GANG YANG 'DI'I DGE BA'I CHOS RNAMS 'PHEL BA NYID YIN TE NYAMS PAR MI 'GYUR BA MTHONG NAS DE'I TSE ZHES BYA BA LA SOGS PA SMOS TE, DE TSE STE YANG DAG PAR BLANG BA RDZOGS PA'I DUS SU DUS DE LAS BRTZAMS TE, DGE BA'I THUGS RNAMS KYIS DGE BAR 'GYUR BA KHO NA'I PHYIR 'DI LA DGONGS PAR MDZAD CES BYA BAR SBYAR RO, ,RTAG PAR ZHES BYA BA NI NUS PA DANG LDAN ZHING DGE BA MTSUNGS PA RNAMS KYIS BYANG CHUB LA THUG GI BAR DU RGYUN MI 'CHAD PAR ZHES BYA BA'I DON TO, ,DUS DE'I TSE BDAG DANG GZHAN LA PHAN PA LA GUS PA DANG LDAN PA YIN PA'I PHYIR DE LTA BU'I BYA BA DE NI DENG DU BDAG CAG GI BYA BA 'BRAS BU DANG BCAS PA'O ZHES RAB TU DGA' BA'I SEMS RNAMS KYIS 'DI NYID LA DGE BA'I PHYIR TE DGE BA'I CHOS RNAMS MNGON PAR 'PHEL BA'I PHYIR DGONGS PAR MDZAD PA STE, DE NI RJES SU GZUNG BAR BYA BA YIN PA'I PHYIR SLAR YANG DE LTA BU'I NYAM THAG PAR LHUNG BAR MA GYUR CIG CES PAS BU SDUG PA DANG 'DRA BAR SPYAN RAS KYIS 'TSO BAR MDZAD PA'O, ,DPER NA PHA MA'I BSAM PA DANG MTHUN PAR SPYOD CING YID DU 'ONG BA'I BU LA 'DI LA GANG DU YANG YID DU MI 'ONG BA 'BYUNG BAR MA GYUR CIG CES PHAN PA DANG BDE BA'I CHED DU RTAG TU 'TSO BAR BYED PA BZHIN DU BYAMS PA'I THUGS KYIS GZIGS PAR MDZAD PA'I YUL TZAM DU MNGON PAR DGONGS PA'O, ,DES NA 'DI LA BU SDUG NYID DU STON PA NI CUNG ZAD KYANG MED DO, ,GANG DE LTAR @198B SNYING RJES 'GRO BA THAMS CAD YONGS SU BSKYAB PAR DAM BCA' BA BYAS PAS BDAG DANG GZHAN DAG LA JI LTAR BSGRUB PAR BYA ZHE NA, PHAN PA DANG ZHES BYA BA LA SOGS PA SMOS TE, PHAN PA NI NYON MONGS PA CAN MA YIN PA DANG, KHA NA MA THO BA MED PA'I PHYIR PHYI MA LA RNAM PAR SMIN PA BDE BA'O, ,BDE BA NI PHAN 'DOGS PAR BYED PA NYID DU RIG PAR BYA'O, ,GNYIS PO 'DI DAG BDAG NYID DANG GZHAN RNAMS LA YANG BYA BA STE, 'DI GNYIS KYIS THAMS CAD BSDUS PA'I PHYIR RO, ,SDUG BSNGAL NI NYE BAR 'JOMS PAR BYED PAR RIG PAR BYA'O, ,DE NYID KYANG PHAN PA STE, PHYI MAR BDE BAR 'GYUR BA YIN NA BYA DGOS TE, SMAN TSA BA BZHIN DU MI PHAN PA MA YIN NO, ,GANG ZHIG GANG LA PHAN PAR BYED PA DE NI 'DI LA DON DAM PA NYID KYIS BDE BA NYID DU BYED PA YIN TE, PHAN PA NI BDE BA'I RGYU YIN PA'I PHYIR RO, ,GANG MI PHAN PA STE PHYI MA LA RNAM PAR SMIN PA SDUG BSNGAL BAR 'GYUR BA NI SMAN MA YIN PA BZHIN DU NYON MONGS PA CAN YIN PA DANG, KHA NA MA THO BA DANG BCAS PA'I PHYIR MI PHAN PA YIN PAS BDE BA YIN YANG MI BYA STE, DE NI PHAN PA DANG BDE BA CUNG ZAD KYANG YOD PA MA YIN NO, ,SDUG BSNGAL BA YIN YANG RANG BZHIN GYIS RJES SU MTHUN PA STE, BZA' BA DANG BTUNG BA MI ZHIM PA LTA BUR PHAN PA YANG YIN NO, ,BDE BA YIN YANG CUNG ZAD MI PHAN PA YIN LA PHAN PA YANG TE, ,SMAN MA YIN PA DANG, RANG BZHIN GYIS MTHUN PA'I BZA' BA DANG BTUNG BA BZHIN NO, ,DE'I PHYIR BDAG DANG GZHAN LA PHAN PAR 'DOD PAS 'DOD PA RNAMS SDUG BSNGAL BA YIN YANG SO SOR BRTAGS NAS PHAN PA NYID YIN NA BYA'O, ,BDE BA YIN ZHING MI PHAN PA YANG MA YIN NA YANG NGO, ,YANG GANG ZHIG PHAN PA YANG YIN ZHING BDE BA DANG SDUG BSNGAL BA YANG YIN LA MI PHAN PA YANG MA YIN PA DE LA NI BRJOD DU YANG CI YOD, 'DI NI RE ZHIG 'DI MDOR BSDUS PA'I BYA BA'O, ,YANG 'DI'I LTUNG BA DANG NYAMS PA GANG YIN ZHE NA, LTUNG BA'I LUS NI GNYIS TE, PHAM PA'I GNAS LTA BU'I CHOS GANG KUN DU SPYAD PA LAS 'DI SDOM PA GTONG ZHING BYANG CHUB SEMS DPA' MA YIN PAR 'GYUR BA DANG, NYES PAR SPYAD PA'I LTUNG BA BYUNG BA STE, GANG GIS LTUNG BA DANG BCAS PAR GYUR PA'O, ,'DIR @199A *, ,YANG LTUNG BA KHA CIG GZHAN LA BSHAGS PAR BYA BA STE, ZAG PA 'BRING NI GSUM LA BSHAGS, ,GCIG GI MDUN DU LHAG MA RNAMS, ,ZHES 'CHAD PAR 'GYUR BA'O, ,KHA CIG NI RANG NYID LEGS PAR SDOM PA STE, ,NYON MONGS MI SPONG BDAG SEMS BZHIN, , ZHES 'CHAD PAR 'GYUR BA'O, ,LTUNG BA DE RNAMS NI BYANG CHUB SEMS DPA'I SDE SNOD KYI MA MO RNAMS SU JI LTAR NYAMS PAR 'GYUR BA RGYU DANG BCAS PAR BCA' BA MDZAD PA RNAMS SO, ,DE LA PHAM PA'I GNAS LTA BU'I LAS BSTAN PAR 'DOD NAS, MING DANG DES PA'I TSIG DANG LDANG BA RNAMS BSTAN PA'I PHYIR, NYON MONGS DRAG LAS ZHES BYA BA LA SOGS PA SMOS TE, BYANG CHUB SEMS DPA'I SDOM PA THOB PAR GYUR PA 'DI NYID KYI NYES PA BZHI PO NYID NI PHAM PA 'DRA BAR DGONGS PA YIN TE, GANG DE RNAMS NI SDOM PA 'JIG PAR BYED PA'O, ,PHA ROL RGYAL NAS 'DI DAG GIS SDOM PA LAS YONGS SU NYAMS PAR 'GYUR BA'I PHYIR PHAS PHAM PA'O ZHES BYA BA NI NGES PA'I TSIG GO, ,SDOM PA NYAMS PA'I RGYU TZAM DU MTSUNGS PAR PHAS PHAM PA DANG 'DRA BA YIN GYI, THAMS CAD DU DGE SLONG GI BZHIN DU NI MA YIN TE, 'DI LTAR DGE SLONG LA PHAS PHAM PA'I LTUNG BA BYUNG BA NI DGE SLONG MA YIN PAR 'GYUR ZHING DGE SBYONG MA YIN LA, TSE 'DI LA SLAR YANG DGE SLONG GI DNGOS POR 'GYUR BA'I SKAL PA MED DO, ,BYANG CHUB SEMS DPA' NI DE LTA BU MA YIN TE, 'DI NI SDOM PA GTONG BA 'BA' ZHIG TZAM MO, ,TSE 'DI NYID LA SLAR YANG SDOM PA YANG DAG PAR LEN PA'I SKAL BA DANG LDAN PA YIN TE, SDOM PA SLAR YANG BLANG BAR BYA, ,ZHES 'CHAD PAR 'GYUR BA'O, ,YANG SDOM PA 'JIG PAR BYED PAR 'GYUR BA DE RNAMS JI LTA BU ZHE NA, NYON MONGS DRAG LAS BYUNG BA ZHES BYA BA LA SOGS PA SMOS TE, NYON MONGS PA DRAG PO LAS BYUNG BA YIN ZHING SKYES PA GANG DAG YIN PA DE RNAMS NI DE LTA BU STE, GANG NYON MONGS PA SHAS CHEN PO MNGON DU RGYU BA'I GNAS LAS DE RNAMS 'BYUNG BAR GYUR BA DE'I TSE SDOM PA NYAMS PAR 'GYUR ZHING PHAS PHAM PA NYID BYUNG BAR GYUR PA YIN GYI GZHAN DU MA YIN NO, ,BYANG CHUB SEMS DPA' LA 'DI DAG @199B LAS GANG YANG RUNG BA ZHIG BYUNG NA YANG TSE 'DI NYID LA SLAR YANG BYANG CHUB SEMS DPA'I TSOGS RGYA CHEN PO STZOGS PA DANG, YONGS SU 'DZIN PA'I SKAL BA MED PAR 'GYUR NA THAMS CAD BYAS NA LTA SMOS KYANG CI DGOS, TSE 'DI NYID LA BSAM PA RNAM PAR DAG PA'I SKAL BA MED DE, 'DI NI BYANG CHUB SEMS DPA' LTAR BCOS PA YIN GYI YANG DAG PA'I BYANG CHUB SEMS DPA' NI MA YIN NO, ,NYON MONGS DRAG PO NI ZAG PA RNAMS PHYIR ZHING RGYUN MI CHAD PAR KUN DU SPYOD KYANG GANG 'DI NGO TSA SHES PA DANG, KHREL YOD PA CHUNG DU TZAM YANG MI SKYED PA DANG, DE MGU BAR BYED CING DE LA DGA' BA DANG, DE NYID LA YON TAN DU LTA BA CAN DU GYUR PA DANG, GSOL BA BTAB KYANG MI LDOG CING BSAM PAS MI GTONG BA'O, ,GANG GI TSE SLAR NGO TSA DANG KHREL YOD PA CHUNG NGU TZAM SKYE BA DANG, PHA ROL GYIS GSOL BA BTAB PAS LDOG PA DE NI 'BRING LA GNAS PA'O, ,GANG GI TSE YANG MYUR BA NYID DU NGO TSA BAR BYED CING RANG NYID KYANG RUNG STE, SKAD CIG GIS LDOG PA DE NI CHUNG NGU LA GNAS PAR RIG PAR BYA'O, ,DE LA KUN NAS DKRIS PA CHEN POS SPYAD PA NYID KYIS NI SDOM PA YANG DAG PAR BLANGS PA'I BYANG CHUB SEMS DPA' NYID PHAM PA BYUNG BAR GYUR PA YIN TE, NYIS PA'I GNAS SU GYUR PA YIN PAS DBYUNG BAR BYA ZHES BYA BA'I DON TO, ,GANG YANG SDOM PA MA BLANGS PA DANG, SDOM PA PHUL BA DE NI BYANG CHUB SEMS DPA' MA YIN PA'I PHYIR DE LA NI CHO GA 'DI MED DO, ,SDOM PA PHUL BA YANG DGE SLONG GIS BSLAB PA PHUL BA LTA BUR RIG PAR BYA'O, ,GANG GIS BYANG CHUB KYI SEMS MA BTANG ZHING PHAM PA'I GNAS LTA BU'I CHOS RNAMS KYANG MA BYUNG LA BRJED NGAS PAR YANG MA GYUR PA DE NI 'DUL BAR YONGS SU MA BTANG BAR SDOM PA DRAN PAS TSE BRJES KYANG SDOM PA DE NI RJES SU 'BRANG BAR RIG PAR BYA'O, ,DE NYID KYI PHYIR 'DI LA JI SRID 'TSO BA'I BAR DU ZHES DUS YONGS SU GCOD PAR BYED PA NI MA YIN NO, ,DRAN PA BRJED KYANG SNGON GOMS PA'I DBANG DANG, DGE BA'I BSHES GNYEN DAM PA DANG PHRAD PA'AM, BYANG CHUB SEMS PA'I YON TAN THOS PAS MOS PA YANG DAG PAR SKYED PAR 'GYUR GYI, MI LEN PAR BDE BAR 'DUG @200A *, ,PA NI MA YIN GYI, GZHAN DU NA YANG DAG PAR BLANGS PA LA MNGON PAR PHYOGS PA YIN YANG RUNG, MA YIN YANG RUNG, GANG GIS SDOM PA'I RGYUN GYIS RJES SU BCINGS PA'I PHYIR TSUL KHRIMS RNAM PAR DAG PA'I CHED DU 'BAD PAS YANG DAG PAR LEN PAR BYED DO, , 'O NA 'DIR NI GANG DE LTAR PHAM PAR 'GYUR BA'I LTUNG BA BZHI KHO NAR BSTAN LA, 'PHAGS PA NAM MKHA'I SNYING PO'O MDO LAS NI PHAM PAR 'GYUR BA'I LTUNG BA GZHAN MANG DU YANG GSUNGS PA JI LTAR YIN ZHE NA, SMRAS PA, BDEN MOD KYI DE NI SDOM PA BLANGS PA SDOM PA 'JIG PA'I RGYU NI MA YIN NO, ,DE LTA MOD KYI SDOM PA MA BLANGS PA'I SDOM BSKRUN PA'I DGE BA'I RTA BA LHA DANG MI'I BDE BA PHUN SUM TSOGS PA RNAM PAR GCOD PA'I RGYU YIN TE, GANG DE NYID LAS RIGS KYI BU RGYAL RIGS SPYI BO NAS DBANG BSKUR BA'I RTZA BA'I LTUNG BA NI LNGA STE, RTZA BA'I LTUNG BA DE DANG LDAN NA RGYAL RIGS SPYI BO NAS DBANG BSKUR BA'I SNGON BSKRUN PA'I DGE BA'I RTZA BA THAMS CAD 'JIG PAR BYED CING LHA DANG MI'I BDE BA RNAMS LAS 'PHAM PAR 'GYUR, NGAN SONG 'GRO BAR 'GYUR RO ZHES RGYA CHER GSUNGS SO, ,DE LA RTZA BA'I LTUNG BA CHES LCI BA RNAMS NI 'JIG PAR BYED, 'TSE BAR BYED, MED PAR BYED CES BYA BA'I BAR DU'O, ,THAL BAR BRLAG NAS ZHES BYA BA NI RNAM PAR 'TSE BAR BYAS NAS ZHES BYA BA'I THA TSIG GO, ,PHAM PAR 'GYUR BA NI YONGS SU NYAMS PA'O, ,GAL TE SDOM PA BLANGS PA 'DI LA LTUNG BA 'DI RNAMS SDOM PA 'JIG PA'I RGYU NYID YIN PAS YANG PHAM PA YIN NO ZHES DGONGS PA YIN NA NI, ,DE'I TSE SDOM PA LA GNAS PA'I RIS KYI BU BYANG CHUB SEMS DPA' 'DI LA YANG PHAM PAR 'GYUR BA'I LTUNG BA GANG YIN PA 'DI RNAMS LAS GANG YANG RUNG BA'I LTUNG BA GCIG BYUNG BAS SDOM PA GTONG BAR 'GYUR BA YIN NA, THAMS CAD KYIS LTA CI SMOS ZHES BYA BA RGYU DANG BCAS PAR BYANG CHUB SEMS DPA'I SDE SNOD LAS GSUNG PAR 'GYUR BA ZHIG NA, MA GSUNGS PA DANG GANG GI PHYIR RGYAL RIGS LA SOGS PA'I SDOM PA BLANGS PA NYID KYIS GANG DU MA NYID YOD PA'I DBYE BAS LTUNG BA STON PAR BYED PA YIN NA NI DE LEGS NA, @200B RGYAL RIGS LA SOGS PA'I DBYE BAS LTUNG BA BSTAN PA CUNG ZAD MED PAS 'DI LA 'GAL BA CI ZHIG YOD, YANG PHAM PAR 'GYUR BA'I LTUNG BA DE RNAMS GANG YIN ZHE NA, RNYED DANG ZHES BYA BA LA SOGS PA SMOS PA LA, RNYED PAR BYED PAS NA RNYED PA STE, GOS DANG ZAS LA SOGS PA'O, , BKUR STI NI LEGS PAR RIM GRO BYED PA STE, DE DAG LA CHAGS PA NI DE LA LHAG PAR ZHEN PA'O, ,BDAG NI RANG NYID DO, ,BSTOD PA NI YANG DAG PA DANG, YANG DAG PA MA YIN PA'I YON TAN GYIS STOD PAR BYED PA STE, LOG PAR BSTOD CING GZHAN YON TAN DANG LDAN PA DANG, YON TAN DANG LDAN PAR GRAGS PA RNAMS LA YANG SMOD PA STE, SKYON RNAMS BRJOD CING SMOD PA'O, ,'DI SKAD DU YON TAN DANG LDAN PAR GRAGS PA NI BDAG STE, 'GRO BA RNAMS BDAG LA RJED PAR BYED BKUR STI BYED DO, ,GTONG BA DANG YONGS SU GTONG BA DAG GIS MCHOD PAR BYED CES BYA BA'I BAR DU'O, ,BDAG LA STOD PAR BYED CING GZHAN LA SMOD PAR YANG BYED PAS BDAG LA BSTOD CING GZHAN LA SMOD PAR BYED PA NI SDOM PA'I TSUL KHRIMS LAS DA LTAR BA'I RNYED PA DANG BKUR STI LA MA CHAGS PA LAS NYAMS PA'I PHYIR BYANG CHUB SEMS DPA'I PHAM PA'I GNAS LTA BU'I CHOS SO, ,BYANG CHUB SEMS DPA' RNYED PA DANG BKUR STI DAG LA SHIN TU CHAGS PAS BDAG LA STOD PAR BYED CING GZHAN LA SMOD PAR BYED PA NI PHAM PAR 'GYUR BA'I LTUNG BA 'BYUNG BA YIN NO, ,BYANG CHUB SEMS DPAR GYUR PA NI BDAG NYID KYIS THOB PA'I RNYED PA YANG GZHAN RNAMS LA SBYIN PAR BYED CING, GSANG BA'I CHOS RNAMS KYANG GZHAN LA STON PAR BYED PA YIN NA, DE JI LTAR CHAGS PA SKYE BAR 'GYUR, DES NA RGYU DES BDAG LA BSTOD PA DANG GZHAN LA SMOD PA ZHES BYA BA NI BYANG CHUB SEMS DPA'I CHOS MA YIN PA LTA SMOS KYANG CI DGOS, BSTAN PA GNAS PAR 'DOD PA'I PHYAR MU STEGS CAN RNAMS ZIL GYIS MNAN PAR 'DOD PA DANG, THABS DES 'DUL BAR BYED 'DOD CING MI DGE BA'I GNAS NAS BSLANG STE DGE BA'I GNAS SU 'JOG PAR 'DOD PA DANG, MA DAD PA RNAMS DAD PAR BYA BA DANG, DAD PA RNAMS PHYIR ZHING 'BYUNG BAR BYA BA'I PHYIR BYED GNA NYIS PA @201A *, ,MED DO, ,DON 'DI NYID LA DGONGS NAS, SNYING RJER LDAN ZHING BYAMS PHYIR DANG, ,SEMS DGE BA LA NYES PA MED, ,CES MTHAR 'CHAD PAR 'GYUR RO, ,SDUG BSNGAL MGON MED CES BYA BA LA SOGS PA LA SDUG BSNGAL BA DANG, PHONGS PA DANG, MGON MED PA DANG, SKYABS MED PA LA NOR 'DOD PA DANG, CHOS 'DOD PAS LEGS PAR SLONG ZHING 'ONGS PA RNAMS LA SBYIN PAR BYA BA'I DNGOS PO YOD CING BDOG BZHIN BA DANG, CHOS LA NGES PA THOB KYANG RANG BZHIN GYIS SER SNA DANG LDAN PAS GZHAN NYE BAR 'BYOR PA LA MI BZOD PA NYID KYIS NON TE ZAD ZING DANG CHOS KYI SBYIN PA LA SOGS PA SBYIN PAR 'OS PA RNAMS LA MI STER BA STE, MI GTONG BA NI DGE BA'I CHOS SDUD PA DANG, SEMS CAN GYI DON BYA BA'I TSUL KHRIMS DAG GIS SBYIN PA'I PHA ROL TU PHYIN PA SGRUB PA LAS NYAMS PA'I PHYIR PHAM PA'I GNAS LTA BU'I CHOS GNYIS PA'O, ,BYANG CHUB SEMS DPA'I SBYIN PAR BYA BA'I DNGOS PO YOD PA DANG, CHOS RNAMS NGES PA YIN YANG LEGS PAR DON DU GNYER ZHING 'ONGS PA RNAMS LA SER SNA CHEN POS ZIL GYIS NON PAS NOR DANG CHOS MI STER BA NA PHAM PAR 'GYUR BA'I LTUNG BA BYUNG BA'O, ,BYANG CHUB SEMS DPAR GYUR PA NI GANG GIS GZHAN PHONGS SHING MNGON PAR 'DOD PA DAG NYE BAR RIG NAS SLONG BAR MI BYED KYANG BDAG NYID KYIS PHA ROL DAG NOR LEN DU GZHUG PAR BYED CING KUN DU BSKUL BAS KYANG CHOS NYAN DU GZHUG PAR BYED PA YIN NO, ,DE CI LTAR DGOS PA YOD CING CHOS KYI NGES PA YOD KYANG SER SNAS KUN DU BCINGS PAS LEGS PAR DON DU GNYER ZHING 'ONGS PA RNAMS LA SLONG BAR BYED NA MI STER BA 'DI NI BYANG CHUB SEMS DPA'I CHOS MA YIN NO, ,LONGS SPYOD DE DAG MED PAS MA BYIN PA DANG, DGE 'DUN GYI NANG KHRIMS SRUNG BAR 'DOD PA DANG, THABS NGES 'DUL BAR BYED 'DOD CING, MI DGE BA'I GNAS NAS BSLANG STE DGE BA'I GNAS SU 'JOG PAR BYED PA DANG, MI PHAN ZHING MA BRTAGS PA DANG, MI PHAN ZHING MA BSLANG BA DANG, DE RGYAL PO LA GNAD PA YIN NA NYES PA MED DO, ,MU STEGS CAN GLAGS TSOL BA DANG, MA GUS SHING ZHES MED PA DANG SPYOD LAM NGAN PAS GNOD PA DANG, @201B CHOS MI LEN PA DANG, DBANG PO RTUL PO CHOS RGYA CHEN PO BSTAN NA SKRAG CING LOG PAR LTA BA DANG, LOG PAR MNGON PAR ZHEN PA DANG, DE'I 'OG TU SONG NA GZHAN SNOD DU MA GYUR PA RNAMS LA CHOS 'PHEL BA NYAMS PA DANG, GNOD PAR 'GYUR DU DOGS PA DANG, BDAG NYID SMRA MI NUS PAR GYUR CING STOBS DANG MI LDAN PA DANG, DE YANG CHOS 'DI LA MI 'JUG PA LA THABS DES 'DUL BAR 'GYUR 'DOD NA LHUNG BA MED DO, ,GZHAN GYIS ZHES BYA BA LA SOGS PA LA KHONG KHRO BA'I KUN NAS DKRIS PAS SROG CHAGS GZHAN LA 'TSOG PA STE, LAG PA'AM, BONG BA'AM, DBYIG PA DAG GIS RDEG PAR BYED, RNAM PAR 'TSE BAR BYED RNAM PAR THO 'TSAMS PAR BYED LA, KHRO BA'I BSAM PA KHO NA ZHE LA BZUNG STE, GZHAN GNOD PAR BYED PA RNAMS KYIS BSHAGS KYANG STE SHAD KYIS SBYANGS KYANG MI NYAN CING BZOD PAR MI BYED LA BSAM PAS MI GTONG BA NI SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DAG LA GZHAN GYIS NYES PA BZOD PAR BYED PA LAS NYAMS PA'I PHYIR PHAM PA'I GNAS LTA BU'I CHOS GSUM PA'O, ,BYANG CHUB SEMS DPA' KHRO BA DRAG POS ZIL GYIS NON PAS PHA ROL GYIS LEGS PAR BSHAGS SHING SHAD KYIS SBYANGS KYANG MI NYAN CING MI BZOD LA RDEG PAR BYED PA NI PHAM PAR 'GYUR BA'I LTUNG BA 'BYUNG BA'O, ,BYANG CHUB SEMS DPAR GYUR PA NI GANG GIS PHA ROL GYI NYES PAR SPYAD PA SHIN TU DRAG CING MCHED PAR 'GYUR LA, MANG DU BYA BA LA YANG BZOD PAR BYA ZHING, RNYED PA'I GNAS DANG BRAL BAR RI MOR BYA BA'I SEMS KYIS RAB TU DGA' BA BSKYED PAR BYA BA YIN NA, 'DI NA DE TZAM GYIS NYES PAR SPYOD PA LA YANG CI'I PHYIR DE LTA BU KHRO BA YANG JI LTAR DANG DU LEN PAR BYED, GANG GI PHYIR TSIG RTZUB MO MNGON PAR BRJOD CING RDEG PAR BYED LA NGO TSA MED PA'I SEMS KYES RANG NYID LDOG PAR YANG MI BYED DO, ,SHAD KYIS SBYANG BA BYAS KYANG BAG LA NYAL LAM 'CHING BAR BZOD PAR MI BYED PA 'DI NI BYANG CHUB SEMS DPA'I CHOS MA YIN NO, ,THABS DES 'DUL BAR 'DOD NA ZHES BYA BA LA SOGS PA RNAMS NI SNGA MA BZHIN DU NYES PA MED PA YIN NO, ,THEG PA CHEN @202A *, ,PO ZHES BYA BA LA SOGS PA LA THEG PA CHEN PO NI BYANG CHUB SEMS DPA'I SDE SNOD KYI MA MO LA SOGS PA'O, ,SPONG BYED NI SKUR BA 'DEBS PA'O, ,DAM CHOS 'DRAR SNANG NI DE'I GZUGS BRNYAN GYI CHOS LA GZHAN GYI G-YAM LA YANG RUNG STE, STON PA DANG 'JOG PA NI DGE BA'I CHOS SDUD PA'I TSUL KHRIMS KYIS BSDUS PA'I RNAM PAR DAG PA'I TSUL KHRIMS KYI LTA BA NGAN PA SPONG BA LA SOGS PA'I PHYIR PHAM PA'I GNAS LTA BU'I CHOS BZHI PA'O, ,BYANG CHUB SEMS DPA' NI DBANG PO RNON PO'I LTA BA DRAG PO LA KUN DU GNAS PAS THEG PO CHEN PO SPONG ZHING SKUR PA BTAB NAS NI DE'I GZUGS BRNYAN GYI CHOS STON PAR BYED PA NI PHAM PAR 'GYUR BA'O, ,BYANG CHUB SEMS DPAR GYUR BA NI GANG GI NUS PA JI LTA BA THEG PA CHEN PO 'DI NYID SEMS CAN GYI TSOGS RGYA CHEN PO PHAN PA DANG BDE BA'I THABS YIN NO YIN PA'I PHYIR NUS PA JI LTA BAS BSTEN PAR BYA ZHING RAB TU BSTAN PAR BYA BA YIN LA, 'DI JI LTAR RMONGS PA'I LO MA GCOD PA BZHIN DU SKUR BA 'DEBS PA LA 'JUG PAR BYED CES BYA BA 'DI NI BYANG CHUB SEMS DPA'I CHOS MA YIN NO, ,GANG YANG BYANG CHUB SEMS DPA' 'DI BSLANG BA'I GZHI RNAMS LA MA BYANG BA'AM, DRAN PA MED PA DANG, 'KHRUL PA'AM, GUS PA MED PAS PHAM PA'I GNAS LTA BU'I CHOS GANG YANG RUNG BA ZHIG BYUNG NA YANG BYANG CHUB SEMS DPA' MA YIN PAR 'GYUR BAS, GAL TE SLAR YANG LEN PAR 'DOD PA NA DES JI LTAR BSGRUB PAR BYA ZHE NA, SDOM PA ZHES BYA BA LA SOGS PA SMOS PA LA PHAM PA BYUNG BA ZHES BYA BA LHAG MA STE, GZHAN GYI DBANG DU BYAS NAS BSTAN PA MA YIN PA'I PHYIR RO, ,PHAM PA BYUNG BA'I BYANG CHUB SEMS DPAS TSE 'DI NYID LA SLAR YANG SDOM PA BLANG BAR BYA STE, BCAS PA TSANG MAR GYUR PAS SNOD DU RUNG BA'I PHYIR RO, ,DGE SLONG BZHIN DU YANG BLANG BAR BYA BA NI MA YIN NO, ,JI SKAD DU DE YANG KUN NAS DKRIS PA CHEN POS PHAM PA'I GNAS LTA BU'I CHOS BYUNG BAR GYUR NA DES BTANG BA'I SDOM PA SLAR YANG BLANG BAR BYA ZHES GSUNGS PA LTA BU'O, ,'ON GANG KUN NAS DKRIS PA CHEN POS BLANG BA'I CHOS DAG GIS NI SDOM PA GTONG BA YIN NA, GAL TE @202B CHOS 'DI DAG KUN NAS DKRIS PA NUS LA 'BRING GIS BSKYED PA YIN NA, DE GSOL BA LA 'DIS JI LTAR BSGRUB PAR BYA ZHE NA, ZAG PA 'BRING NI ZHES BYA BA LA STZOGS PA SMOS TE, ZAG PA 'BRING NI BDAG LA BSTOD PA LA SOGS PA'I RGYUR GYUR PA GANG YIN PA'I NYON MONGS PA PA NYID DE, KUN NAS DKRIS PA 'BRING GIS BSKYED PA ZHES BYA BA'I DON TO, ,BSHAGS PA NI BSHAGS PAR BYA BA STE, NYES BYAS SU KUN DU BSDUS PA NYID YIN GYI, ,STOBS CHUNG BA'I PHYIR NYAMS PAR BYED PA NI MA YIN NO, ,LTUNG BA DE DAG NI GSUM STE, GANG ZAG GSUM, NYAN THOS KYI THEG PA'AM, THEG PA CHEN PO'AM, LONGS SPYOD PA'I GANG ZAG GSUM PO RNAMS TE, GANG ZAG TSIG DE BRDA PHRAD CING 'DZIN NUS PA RNAMS LA BSHAGS PAR BYA BA YIN GYI, BCAS PA TSAD MA YIN PA'I PHYIR GNYIS SAM GCIG GI MDUN DU NI MA YIN NO, ,DE YANG DE RNAMS LA THAL MO SBYAR TE BYA BA, BYAS LA DMA' BA'I PHYOGS SU TZOG TZOG POR 'DUG STE THAL MO SBYAR NAS THOG MAR DNGOS PO BRJOD DE, 'DI SKAD CES, TSE DANG LDAN PA RNAMS DGONGS SU GSOL, BDAG MING 'DI ZHES BYA BA LA JI SKAD YONGS SU BRJOD PA'I GZHI LAS BYANG CHUB SEMS DPA'I 'DUL BA DANG 'GOL BA'I NYES BYAS KYI NONGS PA BYUNG STE, DE DAG TSE DANG LDAN PA RNAMS KYI MDUN DU BDAG MTHOL LO 'CHAGS SO, ,MI 'CHAB BO, ,MTHOL ZHING BSHAGS NA BDAG BDE BA LA REG PAR GNAS PAR 'GYUR GYI, MA MTHOL MA BSHAGS PA NA NI BDE BA LA REG PAR GNAS PAR MI 'GYUR RO, ,DE RNAMS KYIS DE LA 'DI SKAD DU TSE DANG LDAN PA KHYED KYIS LTUNG BA 'DI LA LTUNG BAR MTHONG NGAM ZHES PA SMRA NA, DES MTHONG NGO ZHES SMRA BAR BYA'O, ,DE RNAMS KYIS KYANG PHYIN CHAD SDOM PAR BYED DAM ZHES SMRA BAR BYA'O, ,DES KYANG SHES SHING MTHONG LA DRAN NA CHOS BZHIN 'DUL BA BZHIN DU SHIN TU LEGS PAR SPYI BOS NAD PAR BGYI'O ZHES SMRA BAR BYA'O, ,DE LTAR LAN GSUM DU BYA'O, ,KUN NAS DKRIS PA CHUNG NGUS BSKYED PA'I LTUNG BA DE RNAMS YANG JI LTAR BSGRUB PAR BYA ZHE NA, GCIG GI MDUN DU LHAG MA RNAMS ZHES BYA BA SMOS SO, ,LHAG MA NI ZAG PA 'BRING GIS BSKYED PA'I LTUNG BA DAG @203A *, ,LAS GZHAN PA DE RNAMS NYID DE, ZAG PA CHUNG NGU'I LTUNG BA RNAMS JI SKAD DU BSHAD PA'I GANG ZAG GCIG GI MDUN DU STE, GAN DU BSHAGS PAR BYA BA YIN TE, GSUM PO KHO NA LA BSHAGS PA YANG MA YIN LA, BDAG NYID KYIS BSDAM PAR BYA BA YANG MA YIN NO, , 'O NA NYES BYAS KYI LTUNG BA LAS GZHAN GANG YIN PA DE RNAMS JI LTAR BSGRUB PAR BYA ZHE NA, NYON MONGS PA ZHES BYA BA LA SOGS PA SMOS TE, 'DIR BDAG SEMS LA ZHES BYA BA'I TSIG TU YANG BLTA BAR BYA STE, 'CHAD PAR 'GYUR BA'I NYON MONGS PA CAN DANG NYON MONGS PA MA YIN PA'I NYES BYAS KYI LTUNG BA DE RNAMS NYID BDAG GI SEMS KYI MDUN DU YANG BSHAGS PAR BYA STE, 'DI NI 'DIR SDIG PA CAN MA YIN PA'I SGRA'I DON TO, ,DE LTAR BSGRUB PA'I GANG ZAG MED NA NYON MONGS PA CAN DANG, NYON MONGS PA CAN MA YIN PA NYID KYI CHOS BYUNG BA NA BSHAM PA THAG PA NAS PHYIS YANG KUN DU MI SPYOD PA'I SEMS BSKYED PAR BYA ZHING, PHYIS YANG 'DI LTA BU BDAG GIS MI BYA'O ZHES PHYIN CHAD SDOM PAR YANG BYED DO, ,DON NI 'DI YIN TE, ZAG PA 'BRING GI LTUNG BA RNAMS GANG ZAG GSUM NYID KYI MDUN DU BSHAGS PAS LDANG BAR 'GYUR TE, GNYIS DANG GCIG GI MDUN NI MA YIN NO, ,ZAG PA CHUNG NGU NI GCIG GI MDUN DU YANG BSHAGS PAR BYA'O, ,DE BZHIN DU NYON MONGS PA CAN DANG, NYON MONGS PA CAN MA YIN PA NYID NI RANG RANG GI SEMS LA BSHAGS PA DANG LEGS PAR BSDAMS PAS KYANG LDANG BAR 'GYUR TE, 'DI RNAMS BSHAGS PA'I PHYIR JI LTAR ZAG PA CHUNG NGU DANG, 'BRING GI LTUNG BA RNAMS BZHIN DU GCIG GAM GSUM NGES PAR TSOL BA NI MA YIN NO, ,YANG GANG ZHIG BDAG SEMS BZHIN ZHES 'DON PA NI BYANG CHUB SEMS DPA'I SDE SNOD LAS MA GSUNGS PA'I PHYIR DANG, BZHIN ZHES BYA BA NI MI RIGS PA'I PHYIR LOG PAR BRJOD PA NYID YIN NO, ,BZHIN ZHES BYA BA YANG MNYAM PA'I DON DU RAB TU GRAGS SHING BRJOD PA MA NGES PAR BSGRUB PA'I DON SBYOR BA'O, ,DE LA RE ZHIG BDAG GI SEMS LA LTUNG BA LAS LDANG BA'I CHO GA NI RAB TU NGES PA MA YIN TE, JI SKAD BSTAN PA'I GANG ZAG NYE BA NA MED NA DE'I 'OG TU CHO GA 'DI BYA BA'I PHYIR RO, ,DE NYID KYI PHYIR @203B PHA ROL LA BRTEN NAS LTUNG BA LAS LDANG BA'I CHOG NI RAB TU MA NGES PA MA YIN NO, ,GANG GIS JI LTAR RANG GI SEMS KYI MDUN DU BSHAGS PAR BYA BA DE BZHIN DU GANG ZAG GCIG NYID KYI MDUN DU BSHAGS PAR BYA ZHES BSTAN PA YIN NA NI LEGS NA, DE'I CHO GA NI SNGAR BSTAN TO, ,DE YANG BDAG SEMS BZHIN ZHES BRJOD PA 'DI NI BCOS MAS LOG PAR BKOD PA STE, LTUNG BA LAS LDANG BA'I CHOG GZHAN BSTAN PA LA ZHUGS PAS YUL NYE BAR SPANGS PAS CHO GA MA YIN PA'I PHYIR RO, ,DE NYID KYI PHYIR DE NI PHA ROL LA BSHAGS PA NYID KYIS LTUNG BA LAS LDANG BA'I PHYIR ZAG PA 'BRING DANG CHUNG NGU'I LTUNG BA RNAMS DANG 'DI TSUL DANG MTHUN PA MA YIN NO, ,BYANG CHUB SEMS DPA'I SDE SNOD LAS KYANG BZHIN ZHES BYA BA NI MA GSUNGS TE, DE LAS NI 'DI SKAD DU DE YANG KUN NAS DKRIS PA 'BRING GIS PHAM PA'I GNAS LTA BU'I CHOS 'BYUNG BAR GYUR BAS NGES GANG ZAG GSUM MAM DE LAS LHAG PAR YANG RUNG BA'I MDUN DU BSHAGS PAR BYA'O, ,KUN NAS DKRIS PA CHUNG NGUS BYAS PA'I PHAM PA'I GNAS LTA BU'I CHOS NI GCIG GI MDUN DU BSHAGS PAR RIG PAR BYA'O, ,LTUNG BA GZHIN RNAMS KYANG GANG GI MDUN DU BSHAGS PAR BYA BA'I RJES SU MTHUN PA'I GANG ZAG MED NA, BYANG CHUB SEMS DPAS BSAM PA THAG PA NAS PHYIN CHAD MI BYED PA'I SEMS BSKYED PAR BYA ZHING PHYIS SDOM PAR BYED PA 'DI NI DE'I LTUNG BA RNAMS LAS LDANG BAR BSTAN PAR BYA'O ZHES GSUNGS SO, ,DE LA GSUM LA ZHES BSTAN PA NI NGES PAR GZUNG BA DANG BCAS PAR BLTA BAR BYA STE, GSUM KHO NA YIN GYI GNYIS SAM GCIG GI MDUN DU NI MA YIN TE, NYUNG BA NYID KYIS THA MAL BA LA SOGS PA BZHIN DU LTUNG BA LAS LDANG BA'I LAS BYAS SU ZIN KYANG MA BYAS PAR 'GYUR RO, ,DE LAS LHAG PAR YANG RUNG STE ZHES BYA BA NI GSUM LAS LHAG PA STE BZHI LA SOGS PA'I MDUN DU STE, LHAG PA NYID KYIS LEGS PAR BYAS PA'I PHYIR RO, ,GCIG GI MDUN DU ZHES BYA BA 'DI LA YANG GI SGRENG BLTA BAR BYA STE, BSHAGS PAR BYE ZHAS 'DIR NGES PAR GZUNG BAR BYA'O, ,'DI'I DON NI GCIG GI MDUN DU YANG STE, GNYIS LA SOGS PA 'BA' @204A *, ,ZHIG LA BSHAGS PAR BYA BA NI MA YIN NO, ,RANG GI SEMS KYI SDOM PA YANG LTUNG BA GZHAN RNAMS KYANG ZHES GSUNGS PA'I KYANG GI SGRA NI GCIG GI MDUN DU BSHAGS PAR RIG PAR BYA'O ZHES BYA BA 'DI 'DREN PA YIN TE, THUB PA'I BKA' NI RIM PA DANG BRAL BA MA YIN PAR BLTA BAR BYA'O, ,'O NA BSHAGS PAR RIG PAR BYA'O ZHES BYA BA YANG ZAG PA CHUNG NGU'I LTUNG BA DAG LAS GZHAN PA'I NYES BYAS KYI LTUNG BA RNAMS GCIG GI MDUN DU BSHAGS PAR RIG PAR BYA'O ZHES BYA BA MA YIN NAM ZHE NA CI 'DI RNAMS BSHAGS PA KHO NAR RIG PAR BYA BA MA YIN PAR BSTAN PA'I PHYIR MED NA ZHES BYA BA LA SOGS PA GSUNGS TE, DON NI 'DI YIN TE, LTUNG BA GZHAN RNAMS NI BSHAGS PAR YANG BYA ZHES BYA BAR RIG PAR BYA LA, BSHAGS PA'I GNAS KYI GANG ZAG MED NA PHYIS KYANG LHAG PAR MI SPYOD PA'I SEMS BSKYED PAR RIG PAR BYA'O, ,GZHAN DU NA GANG ZAG GI GRANGS KYIS KYANG SO SOR BSTAN PA LAS DON CI ZHIG YOD, GAL TE YANG ZAG PA CHUNG NGU'I LTUNG BA RNAMS KYANG LEGS PAR SDOM PAR 'GYUR BA NYID DU DGONGS PA YIN NA NI DE'I TSE KUN NAS DKRIS PA CHUNG NGUS BYAS PA'I PHAM PA'I GNAS LTA BU'I CHOS ZHES LOGS SHIG TU BSTAN PA LA DON MED DO, ,DE LTAR YANG ZAG PA 'BRING GI LTUNG BA RNAMS NI BSHAGS PAR BYA BA NYID DU BSTAN LA, GZHAN RNAMS KYANG KHYAD PAR MED PA YIN PAS BSHAGS PA DANG, LEGS PAR SDOM PA ZHES BSTAN PA YANG MI RIGS PAR 'GYUR RO, ,GAL TE ZAG PA 'BRING YANG BSDAMS PAR GYUR NA DE'I TSE GSUM MAM, DE LAS LTAG PA'I GANG ZAG GI GRANGS DGOS PA MED PAR 'GYUR RO, ,DE'I PHYIR BSHAGS PAR BSTAN PA NYID DU GRUB BO, ,GANG ZAG MED NA YID KYIS BSDAM PAR BYA DGOS PA YIN PA'I PHYIR 'DIR GCIG LA BSHAGS PA'AM, DU MA LA BSHAGS PA'ANG RUNG STE, 'DI LA NGES PA MED PAR 'GYUR RO, ,DE LTAR NA GANG ZAG GI GRANGS NI RIGS PA YIN NO, ,GAL TE DE LAS NYUNG BA'I BSHAGS PAR BYA BA'I LTUNG BA RNAMS KYANG MA BYUNG BA DE LTAR NA RANG GI SEMS KYIS BSDAMS PA'I GO SKABS YOD PAR GA LA 'GYUR, @204B DE'I PHYIR JI SKAD BSTAN PA NYID NI RIGS PA YIN NO, ,DE LTA BU NYID DU MTHONG NAS MDO MDZAD PAS, ZAG PA 'BRING NI GSUM LA BSHAGS, ,GCIG GI MDUN DU LHAG MA RNAMS, ,NYON MONGS MI MONGS BDAG SEMS LA, ,ZHES MDO GSUM PO SO SOR BSTAN PA YIN NO, ,GZHAN DU BDAG NYID CHEN PO THUGS RJE CHEN PO DANG LDAN PA BLO GROS RNAM PAR DAG PAS DE JI SRID KUN DU RMONGS PA'AM, CHI GA LA MI MKHAS PAS DE LTA BU'I DON BSTAN PA YIN TE, SHIN TU SPROS PAS CHOG GO, ,DES NA NYON MONGS PA CAN DANG NYON MONGS PA CAN MA YIN PA ZHES BYA BA'I LTUNG BA 'DI GANG YIN ZHE NA, CHAGS PA DANG, KUN NAS MNAR SEMS DANG, KHONG KHRO BA DANG, PHRAG DOG DANG, NGA RGYAL DANG MA DAD PA DANG, MA GUS PA LA SOGS PA RNAMS KYI NYON MONGS PA CAN GYI SEMS PAS KUN NAS BSLANG BA'I LTUNG BA NI NYON MONGS PA YIN NO, ,LE LO DANG, SNYOM LAS DANG, BAG MED PA DANG, BRJED NGAS PA LA SOGS PAS BYUNG BA NI NYON MONGS PA CAN MA YIN PA STE, DKON MCHOG GSUM LA MCHOD PA LAS GZHAN PA LA NI NYON MONGS PA CAN MA YIN PA YIN LA, 'DI LA SNYOM LAS DANG LE LO LA SOGS PA BYED PA NI NYON MONGS PA CAN DU DGONGS PA'O, ,DE LA KUN NAS MNAR SEMS NI 'KHRUG PA'O, ,KHONG KHRO BA NI ZHE SDANG NGO, ,LE LO NI DGE BA LA MI SPRO BA'O, ,SNYOM LAS NI BYED PAR MI 'DOD PAS LUS DANG SEMS SNYOM PA'O, ,CHAGS PA KHONG KHRO NGA RGYAL SOGS, ,NYON MONGS LTUNG BAR 'DIR BSTAN TE, ,LE LO BRJED NGAS LA SOGS PA, ,MCHOD LAS GZHAN DU NYON MONGS MIN, ,ZHES BYA BA NI BSDU BA'I TSIGS SU BCAD PA'O, ,YANG DE LAS GZHAN PA'I LDANG BA'I CHO GA RNAM PA GNYIS BSTAN PA'I LTUNG BA DE RNAMS GANG YIN ZHES 'DRI BA LA, NYES BYAS KYI LTUNG BA BZHI BCU RTZA DRUG RGYU JI LTA BA'I RIM PAS BSTAN PAR 'DOD NAS, DKON MCHOG GSUM ZHES BYA BA LA SOGS PA SMOS TE, DKON MCHOG GSUM LA ZHES BYA BA NI SANGS RGYAS DANG, CHOS DANG, DGE 'DUN TE, DKON MCHOG GSUM PO RNAMS LA GSUM STE @205A *, ,LUS DANG NGAG DANG YID DAG GIS MCHOD PAR MI BYED PA NI DGE BA'I CHOS SDUD PA'I TSUL KHRIMS KYIS DUS DUS SU RGYA CHE BA'I RNAM PA THAMS CAD KYIS DKON MCHOG GSUM LA MCHOD PA BYED PA LAS NYAMS PA'I PHYIR BYANG CHUB SEMS DPA'I NYES BYAS KYI GNAS LTA BU'I CHOS SO, ,BYANG CHUB SEMS DPA' NI SANGS RGYAS BCOM LDAN 'DAS KYI MCHOD RTEN DANG, SKU GZUGS DANG, DON DAM PA'I CHOS DANG, BYANG CHUB SEMS DPA'I SDE SNOD LA SOGS PA'I GLEGS BAM DANG, PHYOGS BCU'I PHYIR MI LDOG PA'I BYANG CHUB SEMS DPA'I TSOGS KYI DGE 'DUN GANG YIN PA LA CI 'BYOR BA'I ME TOG LA SOGS PAS MCHOD PAR BYA STE, THA NA LUS KYIS PHYAG GCIG TZAM 'TSAL BA DANG, NGAG GIS DE RNAMS KYI YON TAN RNAMS LAS BRTZAMS TE TSIG BZHI PA'I TSIGS SU BCAD PA GCIG TZAM 'DON PA DANG, SEMS KYI YON TAN RJES SU DRAN PA SNGON DU 'GRO BA'I DAD PA GCIG TZAM YANG MA BYAS PAR MA GUS PA DANG, SNYOM LAS DANG LE LOS NYIN MTSAN 'DA' BAR BYED NA NYON MONGS PA CAN GYI NYES PAR 'GYUR RO, ,BSAM PA RNAM PAR DAG PA'I SAR CHUD PAS MCHOD PA'I MCHOG GIS MCHOD PAR BYED NA NYES PA MED DO; ;'DOD PA'I ZHES BYA BA LA SOGS PA LA, 'DOD PA'I SEMS NI RNYED PA DANG, BKUR STI LA 'CHUMS PA DANG, MA THOB PA LA CHAGS PA'O, ,DE'I RJES SU 'JUG PA NI RJES SU 'BRANG BA STE, SDOM PA'I TSUL KHRIMS KYIS SHIN TU BSDAMS PA'I TSUL KHRIMS LAS RNYED PA DANG BKUR STI DANG DU MI LEN CING 'DOD PA CHUNG BA DANG, CHOG SHES PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA'I 'DOD PA'I SEMS BSKYED PA DANG DU LEN PAR BYED NA NYON MONGS PA CAN GYI NYES PAR 'GYUR RO, ,RANG BZHIN GYIS NYON MONGS PA CAN YIN PA'I PHYIR 'DOD PA'I SEMS PA NYON MONGS PA CAN MA YIN PA'I NYES PA MED DO, ,SPANG BAR 'DOD KYANG NYON MONGS PA SHAS CHE BA'I PHYIR ZOL GYIS MNAN NAS 'JUG PA LA NYES PA MED DO, ,RGAN PA RNAMS LA ZHES BYA BA LA SOGS PA LA, ,CHES RGAN PA LA GUS PAR MI BYED PA NI SDOM PA'I TSUL @205B KHRIMS KYIS SHIN DU BSDAMS PA'I TSUL KHRIMS LAS SPYOD PA DAG LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA'I CHES RGAN ZHING YON TAN DANG LDAN PA LA BKUR STI BYA BAR 'OS PA'I CHOS DANG MTHUN PA'I CHOS GANG ZAG MTHONG NA NGA RGYAL GYIS SAM, KHONG KHRO BA LA SOGS PAS GUS PAR MI BYED CING STAN LAS MI LDANG LA STAN MI STOBS NA NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,NAD TSABS CHE BAS NUS PA CHUNG BA DANG, THA MAL PA MA YIN PA DANG SEMS 'KHRUGS PA LA NYES PA MED DO, ,DRIS PA ZHES BYA BA LA SOGS PA LA, ,DRIS PA ZHES BYA BA NI NYE BAR MTSON PA STE, KUN DU SMRA BA DANG YANG DAG PAR DGA' BAR BYED PA LA BLTA BAR BYA'O, ,LAN 'DEBS PA NI RJES SU MTHUN PA'I LAN MI 'DEBS PA'O, ,'DI YANG NYE BAR MTSON PA STE, KUN DU SMRA BAR MI BYED PA DANG, SLAR YANG DAG PAR DGA' BAR MI BYED PA LA YANG BLTA BAR BYA STE, SEMS CAN GYI DON BYA BA'I TSUL KHRIMS KYIS GZHAN GYI SEMS SRUNG BA LAS NYAMS PA'I PHYIR LAN MI 'DEBS PA LA SOGS PA'I NYES BYAS KYI GNAS LTA BU'I CHOS SO, ,BYANG CHUB SEMS DPA' PHA ROL PO DAG 'DRI BA DANG, KUN DU SMRA BA DANG, YANG DAG PAR DGA' BAR BYED PA LA NGA RGYAL LA SOGS PAS YANG DAG PAR LAN MI 'DEBS PA DANG, KUN DU MI SMRA BA DANG, YANG DAG PAR DGA' BAR MI BYED PA NI NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,DE GNYID KYIS LOG PA LAS GZHAN DAG GIS 'DI SAD PAR 'GYUR BA'I 'DU SHES KYIS 'DRI BA DANG, KUN DU SMRA BA DANG, YANG DAG PAR DGA' BAR BYED PA DANG, CHOS STON PA DANG, GZHAN CHOS DANG 'BREL BA'I GTAM STON PA LA NYAN PA DANG, CHOS KYI GTAM LA MI DGA' BAR 'GYUR BA DANG, DGE 'DUN GYI NANG KHRIMS SRUNG BA DANG, GZHAN CHES MANG BA RNAMS KYI SEMS RJES SU SRUNG BA DANG, THABS DES 'DUL BAR 'DOD PA LA NI NYES PA MED DO, ,MGRON DU BOS ZHES BYA BA LA SOGS PA LA MGRON DU BOS PA BDAG @206A *, ,GIR MI BYED PA NI 'DAS MA THAG PA'I LTA BU'I YIN PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' GZHAN GYI KHYIM DANG GTZUG LAG KHANG NGAM, KHYIM DANG GTZUG LAG KHANG GZHAN DU ZAS DANG SKOM DANG, GOS LA SOGS PA RNAMS LA NYE BAR BOS PA LAS NGA RGYAL LA SOGS PAS BDAG GIR MI BYED PA NI NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,NA STE MI NUS PA DANG, THABS DES 'DUL BAR 'DOD PA DANG BSOD SNYOMS PA YIN PA DANG, SNGAR GZHAN LA KHAS BLANGS PA DANG, THO 'TSAMS PA'I BSAM PAS MA BOS PA DANG, YUL THAG RING BA DANG, LAM NA 'JIGS PA DANG BCAS PA DANG, BYANG CHUB SEMS DPA' DE DON DU GNYER BA MA YIN TE BRDZUN PA DANG, RGYUN MA CHAD PAR DGE BA'I PHYOGS LA BRTZON PA LA RGYU DES BAR CHAD DU 'GYUR BA DANG, SNGON MA THOS PA'I DON DANG LDAN PA'I CHOS KYI DON LA SOGS PA MNYAN PA LAS NYAMS PAR 'GYUR BAR MTHONG BA DANG, DGE 'DUN GYI NANG KHRIMS SRUNG BA DANG, GZHAN GYI SEMS SRUNG BA RNAMS LA NI NYES PA MED DO, ,GSER LA SOGS PA ZHES BYA BA LA, GSER LA SOGS PA STOBS PA NA, LEN PAR MI BYED PA NI SEMS CAN GYI DON BYA BA'I TSUL KHRIMS KYI BSOD NAMS KYI GROGS SU 'GRO BA LAS NYAMS PA'I PHYIR NYES BYAS KYI GNAS LTA BU'I CHOS TE, YANG DAG PAR LEN PA NI GROGS KHYAD PAR CAN YIN PA'I PHYIR RO, ,BYANG CHUB SEMS DPA' PHA ROL GYI GSER LA SOGS PA BSTABS PA NANG RGYAL LA SOGS PAS LEN PAR MI BYED NA SEMS CAN YAL BAR 'DOR BA'I PHYIR NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,DE BLANGS PAS BDAG NYID CHAGS PAR 'GYUR BAR MTHONG BA DANG, SBYIN PA 'KHRUL DU DOGS PA DANG, 'GYOD PAR 'GYUR BAR DOGS PA DANG, DE DBUL ZHING PHONGS PAR 'GYUR BAR DOGS PA DANG, SBYIN PA'I DNGOS PO DE DGE 'DUN NAM MCHOD RTEN GYI YIN DU DOGS PA DANG, GZHAN LA MI RIGS PAR 'PHROG PA YIN DU DOGS PA DANG, RGYU DES @206B DE LA GNOD PAR 'GYUR BA ZHIG NA NYES PA MED DO, ,CHOS 'DOD PA LA ZHES BYA BA LA SOGS PA LA, CHOS DON DU GNYER BA LA SBYIN PAR MI BYED PA NI DGE BA'I CHOS SDUD PA DANG, SEMS CAN GYI DON BYA BA DAG GIS SBYIN PA'I PHA ROL TU PHYIN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' CHOS DON DU GNYER BAS YANG DAG PAR NYE BAR GNAS PA LA KHONG KHRO BA DANG, PHRAG DOG LA SOGS PAS NI CHOS SBYIN PAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NYES PA MED PA NI PHAM PAR 'GYUR BA DANG 'DRA'O, ,GANG YANG PHAM PAR 'GYUR BA'I PHYOGS DE LAS NYES BYAS KYI LTUNG BA 'DI DBYE STE, DE SER SNAS KUN NAS BLANG BA YIN PA'I PHYIR RO, ,DE BZHIN DU 'OG MA RNAMS LA YANG NYON MONGS PA DE DANG DES DBYE BA BYAS PAS PHAM PAR 'GYUR BA'I LTUNG BA'I PHYOGS RNAMS RJES SU DRAN PAR BYA'O, ,PHAM PAR 'GYUR BA'I SGO NAS MI 'DRA BAR BSHAD PA YIN TE, RANG BZHIN SHES PAR MI 'GYUR BA DANG, GZHAN MA YIN PA DANG, LTUNG BA GSUM PA MI 'GRUB PA'I PHYIR NYES BYAS KYI CHOS KYIS BSDUS PAR GRUB PO, ,TSUL KHRIMS 'CHAL BA RNAMS ZHES BYA BA LA SOGS PA LA TSUL KHRIMS 'CHAL BA RNAMS YAL BAR 'DOR BA NI SDOM PA'I TSUL KHRIMS KYI DES PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' SEMS CAN TSUL KHRIMS 'CHAL ZHING LOG PAR SPYOD PA RNAMS LA KUN NAS MNAR SEMS LA SOGS BAS YAL BAR 'DOR ZHING TSUL KHRIMS 'CHAL BA NYID KYI RKYEN GYIS DE RNAMS LA KHYAD DU GSOD CING DE RNAMS LA PHAN PA DANG BDE BA LA GNOD PAR MI BYED NA, NYON MONGS PA CAN GYI NYES PAR 'GYUR TE, SNYOM LAS LA SOGS PA NI NYON MONGS PA CAN MA YIN PA STE, DE RNAMS NYID LA RJES SU BRTZE BAR 'GYUR BA'I PHYIR RO, ,DE RNAMS 'DUL BAR 'DOD PA DANG, DGE 'DUN GYI NANG KHRIMS SRUNG BA DANG, GZHAN MANG PO DAG GI SEMS BSRUNGS NA NYES PA MED DO, ,PHA ROL ZHES BYA BA LA SOGS PA LA NYAN THOS LA SOGS PA GZHAN DAG DAD PAR BYA BA'I PHYIR BSLAB PA BCAS PA RNAMS LA SLOB PAR @207A *, ,MI BYED PA NI DGE BA CHOS SDUD PA'I TSUL KHRIMS KYI PHA ROL TU PHYIN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,RAB TU BYUNG BA'I BYANG CHUB SEMS DPAS GZHAN MA DAD PA RNAMS DAD PAR BYA BA DANG, DAD PA RNAMS PHYIR ZHING DBYUNG BAR BYA BA'I PHYIR BCOM LDAN 'DAS KYIS SO SOR THAR PA'I 'DUL BA LAS BCAS PA'I KHA NA MA THO BA SPANGS BAR BYA BA'I PHYIR BSLAB PA'I GZHI BCAS PA DE RNAMS LA, MA DAD PA DANG MA GUS PAS MI SLOB PA NI NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,DE LA CHOS GANG DANG GANG LA KUN DU SPYOD PAR BYED PA DE NI NYES PAR 'GYUR TE, BYANG CHUB SEMS DPAS NI GZHAN RNAMS KYI LAS LA CHES LHAG PAR BYA BA YIN PA DANG, RAB TU BYUNG BAR GYUR PAS NI RANG GI BSLAB PA RNAMS NGES PAR BSRUNG DGOS PA'I PHYIR RO, ,GAL TE BYANG CHUB SEMS DPAS NI NYAN THOS KYI BSLAB PA RNAMS LA YANG BSLAB PAR BYA BA NYID YIN PA DE LTAR NA BYANG CHUB SEMS DPAS NI DON NYUNG BA DANG BYA BA NYUNG BA LA GOMS PAR BYA BA NYID DU 'GYUR RO ZHE NA, BDAG GI DON LHUR LEN PAS NI GOMS PAR BYA BA YIN GYI, GZHAN GYI DON LHUR LEN PA'I PHYIR 'DI NI DE LTAM YIN NO ZHES BSTAN PA'I PHYIR, SEMS CAN DON LA ZHES BYA BA LA SOGS PA SMOS TE, GZHAN GYI DON LHUR BLANG BA LA BYA BA CHUNG BA NI SEMS CAN GYI DON BYA BA'I TSUL KHRIMS LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPAS SEMS CAN GYI DON LHUR LEN PA LA KHONG KHRO PA LA SOGS PAS DON NYUD ZHING BYA BA NYUD LA SPRO BA CHUNG BAS GNAS PAR GYUR NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,DE LTAR NA YANG BYANG CHUB SEMS DPAS GZHAN GYI DON DU NYE DU MA YIN PA'I BRAM ZE DANG KHYIM BDAG RNAMS LAS GOS BRGYA STONG RNYED KYANG BTZAL BAR BYA STE, DES KYANG BRTAGS NAS JI TZAM DGOS PA BLANG BAR BYA'O, ,DE BZHIN DU GZHAN DAG LA YANG BSGRUB PAR BYA'O, ,NYES PAR MI 'GYUR BA NI YAL BAR DOR BA DANG MTHUN NO, ,SNYING BRTZER BCAS NA ZHES BYA BA LA SOGS PA NI, PHA ROL DANG PHYIR SLOB MI @207B BYED; ;CES BYA BA LAS DMIGS KYIS BSAL BA'O, ,SNYING BRTZER BCAS ZHES BYA BA NI SNYING RJE DANG LDAN ZHING RJES SU BRTZE BA DANG LDAN PA STE, DE LTA BU'I RANG BZHIN CAN GYI THABS LA MKHAS PAS MI'I SROG GCOD PA DANG, GZHAN GYIS BDAG GIR BYE BA MKHYEN PAR LEN PA DANG, 'DOD PA LA SPYOD PA DANG, BRDZUN DU SMRA BA DANG, MDZA' BO DBYE BA DANG, TSIG RTZUB PAS GSHE BA DANG, NGAG 'KHYAL BA SMRA BA DANG, DE LTA BU'I RANG BZHIN GYI KHA NA MA THO BA DANG BCAS PA'I LAS RNAMS KYANG BYANG CHUB SEMS DPA' THABS LA MKHAS PA DE LA BU KUN DU SPYAD NA NYES PA BYAS PAR MI 'GYUD LA NYES PA MED PAR 'GYUR ZHING, BSOD NAMS MANG PO YANG 'PHEL BAR 'GYUR BA YIN NA, BCAS PA'I KHA NA MA THO BA DANG BCAS PA RNAMS LTA CI SMOS, DE LTA BAS NA RDZU 'PHRUL CHEN PO DANG LDAN PA'I BYANG CHUB SEMS DPA' CHEN PO RNAMS NI BYIS PA RNAMS RJES SU BSRUNG BA'I PHYIR 'KHRIG PA'I CHOS KYANG RAB TU BSTEN PAR BYA BA YIN NA GZHAN RNAMS LTA SMOS KYANG CI DGOS, ,GANG GI PHYIR BYIS PA RNAMS NI RE ZHIG RANG NYID KYI BAG LA NYAL BA MA SPANGS SHING, ,RGYUN DU TSUL BZHIN MA YIN PA YID LA BYED PA DANG LDAN PAS JI LTAR 'DOD PA'I YUL YANG LEN PAR BYED DE, ,DMAN PA LA RING MO ZHES SHIN TU ZHEN PA'O, ,LAS 'DI YANG SHIN TU RING MO NAS GOMS PA'I PHYIR RANG GI DANG GIS 'DOD PAR 'GYUR BA DANG, SHIN TU YID LA 'DOD PA DANG, MYUR DU RKYEN NYE BAR GNAS PA LA YANG PHA ROL LA SNYING BRTZE BAS 'JUG KYANG NYES PA MED DO ZHES BYA'O, ,RTOG PA LAS NYE BAR GNAS PA'I SEMS SU BYAS NAS 'KHRIG PA KUN DU SPYOD PA NI LTUNG BAR 'GYUR ZHING BAR MA CHOD PAR DMYAL BAR 'GRO BAR 'GYUR BA DANG, 'DUL BAR 'OS PA MANG PO YANG BSTAN PA LA MI DAD PAR 'GYUR BA DANG, 'JIG RTEN PA RNAMS KYANG DE'I GNAS SKABS KHO NA LA GNAS PAR 'GYUR BA'I PHYIR RJES SU 'JUG PAR GZIGS NAS BDAG NYID CHEN PO YANG 'KHRIG PA LA BRTEN PAS SBYOR BAR MI MDZAD DO, ,DE BZHIN DU MI'I SROG GCOD PA LA SOGS PA YANG DE RNAMS BYED PA MA YIN TE, DE LTA BU'I RTOGS PA LAS NYE BAR GNAS PAS 'JUG PAR 'GYUR BA MA YIN PA'I @208A *, ,PHYIR RO, ,DE LTA MOD KYI BYANG CHUB SEMS DPA' CHOM RKUN PA, ,RKUN POS SROG CHAGS CHE BA'I BDAG NYID CAN DGRA BCOM PA DANG, RANG SANGS RGYAS DANG, BYANG CHUB SEMS DPA' MANG PO DAG ZANG ZING CUNG ZAD TZAM GYI PHYIR GSOD PAR BYA STE, MTSAMS MED PA'I LAS MANG PO BYED PA LA ZHUGS PA BYANG CHUB SEMS DPAS MTHONG LA, MTHONG NAS KYANG 'DI SNYAM DU SEMS KYIS MNGON PAR 'DU BYED DE, GAL TE YANG BDAG GIS SROG CHAGS DE BSAD NA BDAG SEMS CAN DMYAL BA RNAMS SU SKYE BAR 'GYUR MOD KYI, BDAG SEMS CAN DMYAL BAR SKYE BA NI BLA'I; SEMS CAN 'DIS MI MANG PO'I SROG BCAD CING MTSAMS MED PA'I LAS KYANG BYAS NAS DMYAL BAR 'GRO BA NI MI RUNG NGO SNYAM PA'I BSAM PAS 'DZEM BZHIN DU SNYING BRTZE BA'I SEMS KHO NAS SROG DANG BRAL BAR BYAS NA NYES PAR YANG MI 'GYUR LA, BSOD NAMS MANG PO YANG 'PHEL BAR 'GYUR RO, ,RKUN PO GZHAN GYI NOR 'PHROG PA GANG DAG GIS DGE 'DUN DANG MCHOD RTEN GYI DKOR 'PHROGS NAS BDAG GIR BYAS TE LONGS SPYOD PAR 'DOD PA DE DAG LAS NOR DE BYANG CHUB SEMS DPAS PHYIR PHROGS TE, NOR LONGS SPYOD PA DES DE DAG LA YUN RING POR DON MA YIN PA DANG, PHAN PA MA YIN PA DANG, BDE BA MA YIN PAR 'GYUR NA MI RUNG NGO SNYAM NAS SLAR PHROGS TE, DGE 'DUN GYI NI DGE 'DUN LA 'BUL BAR BYED LA, MCHOD RTEN GYI NI MCHOD RTEN LA 'BUL BAR BYED DO, ,DE LTA BUS NI MA BYIN PAR LEN BZHIN DU NYES PAR YANG MI 'GYUR LA, BSOD NAMS KYANG MANG DU 'PHEL BAR 'GYUR RO, ,DE BZHIN DU RGYAL PO'AM RGYAL PO'I BLON PO DRAG SHUL CHEN POS GZHAN LA 'TSE BAR BYED PA RNAMS SAM, DGE 'DUN DANG MCHOD RTEN GYI ZHAL TA BYED PA'AM, KUN DGA' RA BA SRUNG BA GANG DAG GIS DGE 'DUN NAM, MCHOD RTEN GYI DKOR MI RIGS PAR CHUD GZON PAR BYED PA DAG NI RGYAL SRID KYI DBANG PHYUG LA SOGS PA LAS 'BYIN PAR BYED PAR YANG RIG PAR BYA'O, ,BYANG CHUB SEMS DPA' DE YANG BDAG GI SROG GI PHYIR YANG SHES BZHIN GYI BRDZUN GYI TSIG MI SMRA NA YANG, GZHAN RNAMS KYI SROG THAR BAR BYA BA DANG, CHAD PAS GCOD PA LAS @208B BSKYAB PA'I PHYIR ZANG ZING MED PA'I SEMS DANG, SNYING BRTZE BA'I SEMS KHO NAS BRDZUN DU SMRA BAR BYED LA, DE LTA SMRA BZHIN DU NYES PAR YANG MI 'GYUR ZHING, ,BSOD NAMS MANG PO 'PHEL BAR YANG 'GYUR RO, ,SEMS CAN GANG DAG MI DGE BA'I BSHES GNYEN GYIS YONGS SU ZIN PA DE DAG LA SNYING BRTZE BA'I SEMS KHO NAS 'DI DAG SDIG PA'I GROGS PO DANG BSTEN PAS YUN RING POR GNOD PA DANG DON MED PAR GYUR NA MI RUNG NGO SNYAM NAS, DE DAG DANG DBYE BA'I PHYIR CI NUS KYIS CI NAS KYANG DE DAG DANG DBYE BAR 'GYUR ZHING MI MTHUN PAR BYED PA'I TSIG SMRA BAR BYED DE, DE LTA BUS MDZA' BO'I DBYEN BYAS KYANG NYES PAR MI 'GYUR LA, BSOD NAMS MANG PO YANG 'PHEL BAR 'GYUR RO, ,YANG SEMS CAN GANG LAM LOG PAR ZHUGS SHING MI RIGS PAR BYED PA DAG LA DE DAG DE LAS SLAR BZLOG PA'I PHYIR CI NAS KYANG 'DI RIM GYIS NYES PA LAS LDOG PAR GYUR GYI BAR DU RTAG TU TSIG RTZUB POS SMA 'BEBS PAR BYED DO, ,DE LTAR BYANG CHUB SEMS DPAS TSIG RTZUB PO SMRAS KYANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO, ,YANG SEMS CAN GANG GAR DANG GLU DANG, ROL MO'I SGRA DANG, RGYAL PO DANG CHOM RKUN DANG, ZAS DANG, SKOM DANG, SMAD 'TSONG MA DANG, LAM SRANG GI GTAM LA SOGS PA LA MOS PA RNAMS LA DE DAG GI GTAM RNAMS KYIS CI NAS KYANG DE MGU BAR BYAS SHING 'DUN PAR BYAS TE DBANG DU BYAS SHING NYAN DU BCUG NAS, MI DGE BA'I GNAS NAS BSLANG STE DGE BA'I GNAS LA 'GOD PAR BYED DO, , DE LTAR SNA TSOGS PA'I TSIG KYAL PA SMRA YANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO, ,BYANG CHUB SEMS DPA' LA RTOG PA DANG BCAS PAS SROG GCOD PA LA SOGS PA NI CUNG ZAD KYANG YOD PA MA YIN NO, ,'KHRIG PA NI YOD PA YIN TE, LEGS PAR BSAMS NAS RKYEN GZHAN YANG NYE BAR MTHONG BA YOD PA'I PHYIR RO, ,YANG BYANG CHUB SEMS DPA' KHYIM PAS GZHAN GYI BUD MED MI TSANGS PAR SPYOD PAS GZIR BA'I SEMS KYIS BCINGS PA 'KHRIG PA 'DOD PA 'DI SKAD DU BDAG LA JI LTAR 'DOD PA BZHIN DU BYED PA YIN NA KHYED KYI DBANG DU 'GYUR @209A *, ,GYI, GZHAN DU NA NGES PAR BDAG SROG KYANG YONGS SU 'DOR BAR BYED DO ZHES ZER NA, 'DI SNYAM DU 'DI KHO BO LA KUN NAS MNAR SEMS SKYE BAR GYUR NAS BSOD NAMS MA YIN PA MANG DU 'PHEL BAR GYUR NA MI RUNG LA, 'DOD PA THOB PAR GYUR PA LAS NI JI LTAR 'DOD PA BZHIN DU DGE BA LA YANG DAG PAR SBYAR BA DANG, MI DGE BA YONGS SU 'DOR BA LA DBANG DU 'GYUR RO SNYAM STE, SNYING BRTZE BA'I SEMS KHO NAS DE LOG PAR G-YEM PA BSTEN KYANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR BA LTA BU'O, ,'DI LTA BU NYID LAS DGONGS NAS BCOM LDAN 'DAS KYIS BYANG CHUB SEMS PAS ZHE SDANG GIS KUN NAS BSLANG BA'I LTUNG BA SPANG BAR BYA'I, ,CHAGS PAS KUN NAS BSLANG BA NI DE LTA MA YIN NO ZHES RNAM GRANGS DU MAR GSUNGS SO, ,DE LA CHAGS PA LAS BYUNG BA'I LTUNG BA BSTAN PA'I PHYIR CHAGS PA'I SGRA NI 'DIR BYAMS PA'I DON TE, BYAMS PA DE YANG GAD 'DI GCIG TU 'DI RNAMS LA PHAN PA NYID KYIS 'JUG PAS RJES SU ZHUGS PA STE, GANG YANG 'DI NYID BRTZE BA DANG BCAS PA YIN PA'I PHYIR RNAM PAR SDANG BA NI MA YIN NO, ,JI SKAD DU, BYANG CHUB SEMS DPA' SEMS CAN LA, BU GCIG PA LA BYA BA BZHIN, ,RKANG GI KHONG NAS BYAMS PA CHE, ,DE LTAR RTAG PHAN BYED PAR 'DOD, ,SEMS CAN RNAMS LA PHAN BYED PHYIR, ,DE LTAR CHAGS SKYES LTUNG MI 'GYUR, ,'DI NI ZHE SDANG RNAM KUN DU, ,SEMS CAN KUN DANG 'GAL BAR 'GYUR, ,JI LTAR PHUG RON RANG GI BU MCHOG BYAMS, , RANG GI BU DE NYE BAR 'KHYUD NAS 'DUG ,DE 'DRA BA LA KHONG KHRO 'GAL BA LTAR, ,BRTZER BCAS LUS CAN BU LA'ANG DE DANG 'DRA, ,ZHES GSUNGS PA LTA BU'O, ,SNYING BRTZE LAS GZHAN PA NI GZHAN DANG 'DRA BAR RIG PAR BYA'O, ,'TSO BA LOG PAR ZHES BYA BA LA SOGS PA LA, 'TSO BA NI 'TSO BAR 'GYUR BA'I THABS SPEL BAR BYED PA ZHES BYE BA'I DON TO, ,LOG PA'I SGRAS NI LOG PAR SPYOD PA YIN PA'I PHYIR SMAD PA'I TSIG GO, ,DMAN PAS KUN DU 'TSO BA NI LOG PAR 'TSO BA STE, 'TSO BA LOG PAR BYED PA'I CHOS NI 'TSO BA LOG PA'O ZHES BYA BAR NYE BAR BTAGS NAS BSTAN @209B PA'O, ,DE YANG CHAGS PA LAS BYUNG BA'I LUS DANG NGAG GI LAS SO, ,DE YANG TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA DANG, RNYED PAS RNYED PAR BYED 'DOD PA DANG, CHANG DANG MTSON CHA DANG DUG DANG, SROG CHAGS DANG, RGYA SKYEGS DANG 'BRU MAR LA SOGS PA 'TSONG BA DANG, MA BRTAGS PA'I TIL DANG NYUNGS KAR 'TSIR BA'O, ,GANG YANG ZHING LA SOGS PA NI SMOS KYANG CI DGOS TE, DE LTA BU'I LOG PAR 'TSO BA DANG DU LEN PAR BYED PA NI SDOM PA'I TSUL KHRIMS KYI 'TSO BA DAG LAS NYAMS PA'I PHYIR NYES BYAS KYI GNAS LTA BU'I CHOS SO, , BYANG CHUB SEMS DPA' LOG PAS 'TSO BAR BYED PA'I CHOS BYUNG BA RNAMS DANG DU LEN CING MI 'DZEM LA SEL BAR MI BYED NA NYON MONGS PA CAN GYI NYES PAR 'GYUR RO, ,DE BSAL BA'I PHYIR 'DUN PA BSKYED KYANG DES SLAR ZIL GYIS MNAN PAS KUN DU SPYAD PA LA NI NYES PA MED DO, ,'PHYAR GNAS ZHES BYA BA LA SOGS PA LA, 'PHYAR BA NI KUN DU RGOD PA'O, ,STZOGS PA'I SGRAS NI KUN DU RTZE BA DANG KUN DU CA CO 'DON PA DAG BSDU'O, ,RGOD PA STE RNAM PAR MA ZHI BA'I SEMS KYIS RAB TU RGOD PA LA SOGS PA NI SDOM PA'I TSUL KHRIMS KYI RGOD PA MA YIN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' RGOD PAS GZHAN DAG RGOD DU GZHUG PAR 'DOD CING, CHES RGOD PAR BYED RTZE BAR BYED CA CO 'DON PAR BYED DU GZHUG PAR 'DOD CING, RNAM PA SNA TSOGS PAS SMRA BAR BYED 'DOD NA NYON MONGS PA CAN GYI LTUNG BAR 'GYUR RO, ,BRJED NGAS PAS NYON MONGS PA CAN MA YIN PA'O, ,DE BSAL BAR 'DOD KYANG ZIL GYIS NON PAS KUN DU SPYOD PA NI NYES PA MED DO, ,GZHAN DAG GIS KUN NAS MNAR SEMS SAM MYA NGAN SKYES PA BSAL BAR 'DOD PA DANG, RTZED MO LA DGA' BA'I RANG BZHIN CAN RNAMS BSDU BA DANG, 'DUN PAR BYED PA RNAMS KYI SEMS BSRUNG BA DANG, RJES SU 'BRANG BA RNAMS MI DGA' BA DANG, KUN NAS MNAR SEMS PA DANG, RGYAB KYIS PHYOGS PAR 'GYUR DU DOGS PA RNAMS BDAG NYID LA MNGON DU PHYOGS PA DANG, BSAM PA DAG PAS KUN DU SMRA BA LA NYES PA MED DO, ,'KHOR BA ZHES BYA BA LA SOGS PA LA, ,'KHOR BA LA SEMS MNGON PAR DGA' BA NYID @210A *, ,NI SDOM PA'I TSUL KHRIMS KYI GCIG TU RAB TU DBEN PAR GNAS PA LA MNGON PAR DGA' BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' GANG ZHIG BYANG CHUB SEMS DPA' NI MYA NGAN LAS 'DAS PAR MNGON PAR DGA' BAS GNAS PAR MI BYA'I, ,MYA NGAN LAS 'DAS PA LA RGYAB KYIS PHYOGS TE GNAS PAR BYA'O, ,NYON MONGS PA DANG NYE BA'I NYON MONGS PA RNAMS KYIS KYANG 'JIGS PAR MI BYA'O, ,DE DAG LA SEMS KYANG SHIN TU DBEN PAR MI BYA STE, 'DI LTAR BYANG CHUB SEMS DPAS NI BSKAL PA GRANGS MED PA GSUM DU 'KHOR BA NA 'KHOR ZHING BYANG CHUB YANG DAG PAR BSGRUB PAR BYA DGOS SO SNYAM DU DE LTAR LTA ZHING DE SKAD SMA NA NYON MONGS PA CAN GYI NYES PAR 'GYUR RO, ,NYAN THOS KYANG RE ZHIG BDAG GCIG PU'I DON DU MYA NGAN LAS 'DAS PA LA GCIG TU MNGON PAR DGA' BAR KUN TU STON PAR BYED CING, NYON MONGS PA DANG NYE BA'I NYON MONGS PA RNAMS LAS KYANG SKYO BAR BYED PA YIN NA, GANG BYANG CHUB SEMS DPA' SEMS CAN THAMS CAD KYI DON GYI PHYIR BYUNG BA 'DI LTA SMOS KYANG CI DGOS, 'DIS DE LTA BU'I SEMS KUN NAS NYON MONGS PA MED PA LA GOMS PAR BYA BA YANG DAG PAR BSGRUB DGOS TE, DE NI 'DI LTAR DGRA BCOM PA MA YIN DU ZIN KYANG DE LAS KHYAD PAR DU KUN NAS NYON MONGS PA MED PA DANG LDAN PAS ZAG PA DANG BCAS PA'I DNGOS PO GCOD PA'I PHYIR RO, ,JI SKAD DU, ,MGO LA SEMS CAN KHUR CHEN KHYER BA YI, ,SEMS CAN MCHOG NI DAL GYIS 'GRO MI MDZES, ,BDAG GZHAN SNA TSOGS 'CHING BAS RAB BCINGS PA, ,BRTZON PA BRGYA 'GYUR DU NI BYA BA'I RIGS, ,ZHES GSUNGS PA LTA BU'O, ,GRAGS PA MA YIN ZHES BYA BA LA SOGS PA LA, GRAGS PA MA YIN PA NI BSNGAGS PA MA YIN BSGROGS PA'O, ,DE MI SPONG BA STE, RJES SU 'DZIN PA NI DGE BA'I CHOS SDUD PA'I TSUL KHRIMS KYI DRAN PA DANG SHES BZHIN DU SPYOD PA LAS NYAMS PA DANG, BDAG GI 'KHRUL PA RNAMS YONGS SU SHES SHING NGES PAR MTHONG BA DANG, NGES PAR BSTAN PA RNAM PA LDA LAS YANG DANG YANG DU MA GUS GNAS LTA BU'I CHOS SO, ,BYANG CHUB @210B SEMS DPA' BDAG GI TSIG MI BTZUN PAR 'GYUR BA'I GTAM NGAN PA BDEN PA'I DNGOS PO SEL BAR MI BYED NA NYON MONGS PA CAN GYI NYES PAR 'GYUR RO, ,BDEN PA'I DNGOS PO MA YIN PA SEL BAR MI BYED NA NYON MONGS PA CAN MA YIN PA'O, ,RAB TU BYUNG BA DANG, SLONG MO SPYOD PA'I RGYUS MI SNYAN PAR BRJOD PA DANG, GZHAN MU STEGS CAN MNGON PAR ZHEN PA'AM, ,KHRO BAS ZIL GYIS NON CING SEMS PHYIN CI LOG TU GYUR PAS MI SNYAN PAR BRJOD NA NYES PA MED DO, ,NYON MONGS PA BCAS KYANG ZHES BYA BA LA SOGS PA LA, NYON MONGS PA DANG BCAS PA NI DRAG PO'I SBYOR BA'O, ,DE 'BA' ZHIG GIS MA YIN GYI 'JAM PA'I SBYOR BAS KYANG ZHES BYA BA NI KYANG GI SGRA'I DON TO, ,'CHOS PAR MI BYED PA NI NYES PAR SNANG BAR BYA BA'I DON TO, ,RIGS PAS STON PAR MI BYED CING SMA 'BEBS PAR MI BYED NA SEMS CAN GYI DON BYA BA'I TSUL KHRIMS KYI RJES SU BSTAN PA RNAM PA LDA LAS YANG DANG YANG DU MA GUS PAR GYUR PAS 'KHRUL PA LA PHAN PA'I BSAM PAS SMA DBAB PAS DRAN PAR BYED DU GZHUG PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' GZHAN DAG YID MI BDE BAR 'GYUR BA BSRUNG BA'I PHYIR 'JAM PA DANG DRAG PA'I THABS DAG GIS STON PAR MI BYED CING YAL BAR DOR NA NYON MONGS PA CAN GYI NYES PAR 'GYUR RO, ,THABS DRAG PO DAG GIS KYANG GZHAN DAG LA BSTAN PAR BYA'O, ,GAL TE DE LTAR DON 'DI DAG BSTAN PAS NA 'DI RNAMS YID MI BDE BA NYID DU GYUR KYANG RUNG MA GYUR KYANG RUNG NYES PAR MI 'GYUR RO, ,BSTAN PA'I DON ZAB PA'I RGYUS YID MI BDE BA CHEN POR GYUR NA YANG NYES PA MED DO, ,GSHE LA LAN DU ZHES BYA BA LA SOGS PA LA, GSHE BAR BYED PA LA SLAR GSHE BA NI LAN DU GSHE BA'O, ,STZOGS PA'I SGRA NI SLAR KHRO BA DANG SLAR BRDEG PA DANG SLAR MCHANG 'DRU BA DANG RNAM PA DRUG STE, SLAR GSHE BA BZHIN DU SLAR KHRO BA LA SOGS PA LA YANG RIG PAR BYA'O, ,GANG SLAR KHRO BA LA SOGS PA DE RNAMS NI SDOM PA'I TSUL KHRIMS DANG, DGE BA CHOS SDUD PA'I TSUL KHRIMS DAG GIS GZHAN LA PHAN PA DON DU GNYER BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' LA @211A *, ,GZHAN DAG GSHE BA DANG, KHRO BA DANG, BRDEGS PA DANG, MTSANG 'DRU BAR BYED PA DAG LA KHRO BAS ZIL GYIS NON PAS SLAR BRNYAS PAR 'DOD PAS SLAR GSHE BAR BYED, SLAR KHRO BAR BYED, SLAR RDEG PAR BYED, SLAR MTSANG 'DRU BAR BYED NA, NYON MONGS PA CAN GYI NYES PAR 'GYUR RO, ,KHROS PA RNAMS NI ZHES BYA BA LA SOGS PA LA, GZHAN DAG KHROS SHING 'KHRUGS PA RNAMS KYANG YAL BAR 'JOG CING BZOD PA GSOL BAR MI BYED LA, SHAD KYIS SBYONG BAR MI BYED PA NI DGE BA CHOS SDUD PA'I TSUL KHRIMS KYI TSUL KHRIMS 'CHAL BA'I GZHIR GYUR PA'I NYON MONGS PA DANG, NYE BA'I NYON MONGS PA DANG DU MI LEN PA LAS NYAMS PA'I PHYIR, ,NYES BYAS KYI GNAS LTA BU'I CHOS SO, ,BYANG CHUB SEMS DPA' GZHAN DAG LA NYES PA BYAS SAM, NYES PA BYAS SU DOGS KYANG RUNG, KUN NAS MNAR SEMS KYIS SAM NGA RGYAL GYIS NON PAS MTHUN PAR SHAD KYIS SBYONG BAR MI BYED DE YAL BAR 'DOR NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,THABS DES 'DUL BAR BYA BAR 'DOD PA DANG, GZHAN MU STEGS CAN YIN PA DANG, RANG BZHIN GYIS 'THAB KROL CAN YIN PA DANG, RUNG BA MA YIN PA KHA NA MA THO BA DANG BCAS PA KUN DU SPYOD PAS SHAD KYIS SBYONG BAR BYED DU 'JUG PAR 'DOD PA DANG, SHAD KYIS SBYANG BAR BYAS NA SHAS CHER 'KHRUGS TE SHED SKYE BAR 'GYUR BA DANG, PHA ROL BZOD PA'I DANG TSUL CAN YIN ZHING KUN NAS MNAR SEMS MED PA'I NGANG TSUL CAN YIN DU RE LA, GZHAN SHAD KYIS SBYONG BAR BYED PAS SHIN TU NGO TSA BAR BYED PA ZHIG NA NYES PA MED DO, ,PHA ROL SHAD KYIS ZHES BYA BA LA SOGS PA LA, 'GA' ZHIG LA YID DU MI 'ONG BA'I RGYUS GZHAN DAG GIS SBYONG BAR BYED PA SPONG BA NI NYES BYAS KYI GNAS LTA BU'I CHOS SO, , BYANG CHUB SEMS DPA' RTZOD PA BYUNG BA 'GA' ZHIG LAS GZHAN DAG LA 'KHRUGS PAS DE RNAMS DUS SU CHOS BZHIN DU SHAD KYIS SBYONG BAR BYED KYANG KUN NAS MNAR SEMS SAM, THO 'TSAMS PA'I BSAM PAS SHAD KYIS SBYONG BA MI NYAN NA NYON MONGS PA CAN GYI NYES PAR 'GYUR RO, ,MI BZOD PA'I @211B NGANG TSUL CAN YIN ZHING NYON MONGS PA CAN MA YIN PA'O, ,THABS DES 'DUL BAR 'DOD PA DANG, GZHAN MU STEGS CAN YIN PA DANG, RANG BZHIN GYIS 'THAB KROL CAN YIN PA DANG, CHOS BZHIN MA YIN PA DANG, DUS MA YIN PAR SHAD KYIS SBYONG BAR BYED NA NYES PA MED DO, ,KHRO BA ZHES BYA BA LA SOGS PA LA, KHRO BA'I SEMS KYIS RJES SU 'JUG PA STE, KUN DU 'DZIN NA 'DAS MA THAG PA BZHIN DU NYES BYAS KYI GNAS LTA BU'I CHOS SO, ,BYANG CHUB SEMS DPA' GZHAN DAG LA KHRO BA'I BSAM PA BYUNG BA DANG DU LEN PAR BYED, 'DZIN PAR BYED RJES SU 'JUG PAR BYED NA NYON MONGS PA CAN GYI NYES PAR 'GYUR RO, ,DE SPANG BAR 'DOD KYANG ZIL GYIS NON PAS MNGON DU RGYU BA LA NI NYES PA MED DO, ,BSNYEN BKUR 'DOD PHYIR ZHES BYA BA LA SOGS PA LA, BSNYEN BKUR GYI CHED DU 'KHOR RNAMS SDUD PA STE, TSOGS SDUD PAR BYED PA NI SEMS CAN GYI DON BYA BA'I TSUL KHRIMS KYI CHOS BZHIN DU TSOGS YONGS SU SDUD PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' RIM GRO DANG, BSNYEN BKUR LA YONGS SU ZHEN PAS ZANG ZING DANG BCAS PA'I SEMS KYIS 'KHOR SDUD PAR BYED NA NYON MONGS PA CAN GYI NYES PAR 'GYUR RO, ,SNYING BRTZE BAS SDUD PAR BYED PA DANG, RIGS PA DANG LDAN PA'I RIM GRO DANG BSNYEN BKUR BDAG GIR BYED PA LA NI NYES PA MED DO, ,LE LO LA SOGS PA ZHES BYA BA LA SOGS PA LA, LE LO NI LUS DANG SEMS KYI SNYOM PA'O, ,STZOGS PA'I SGRAS NI SNYOM LAS DANG GNYID KYI BDE BA DANG, NYAL BA'I BDE BA DANG, GLOS 'BEBS PA'I BDE BA RNAMS BSDU STE, DE DAG SEL BAR MI BYED PA NI DGE BA'I CHOS SDUD PA'I TSUL KHRIMS KYI PHA ROL TU PHYIN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' LE LO DANG SNYOM LAS SKYES TE, GNYID KYI BDE BA'AM, NYAL BA'I BDE BA'AM, GLOS 'BEBS PA'I BDE BA DAG DUS MA YIN PA DANG, TSOD MI 'DZIN PAR NYAMS SU MYONG BAR BYED NA NYON MONGS PA CAN GYI NYES PAR 'GYUR RO, ,NA STE MI NUS PA DANG, LAM GYIS DUB PA DANG, DUS SU DANG TSOD ZIN PAS NYAMS SU MYONG @212A *, ,BAR BYED PA DANG, DE SPANG BAR 'DOD KYANG ZIL GYIS NON PAS KUN DU SPYOD PA LA NI NYES PA MED DO, ,CHAGS PAS ZHES BYA BA LA SOGS PA LA, 'DU 'DZI'I GTAM GYIS DUS 'DA' BAR BYED PA NI SDOM PA'I TSUL KHRIMS KYIS 'DU 'DZI'I NANG NA GNAS KYANG GTAM NGAN PA DANG DU MI LEN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' KUN DU CHAGS PAS BRE MO'I GTAM LA BRTEN PAS DUS 'DA' BAR BYED NA NYON MONGS PA CAN GYI NYES PAR 'GYUR RO, ,BRJED NGAS PAS NI NYON MONGS PA CAN MA YIN PA'O, ,PHA ROL PO'I NGOR SKAD CIG TZAM NYAN PA DANG, YA MTSAN DU 'DZIN TE 'DRI BA DANG, DRIS PA'I LAN 'DEBS PA TZAM LA NI NYES PA MED DO, ,TING NGE 'DZIN GYI ZHES BYA BA LA SOGS PA LA, GDAMS NGAG CES BYA BA LHAG MA'O, ,TING NGE 'DZIN GYI DON MI TSOL BA NI SDOM PA'I TSUL KHRIMS KYI TING NGE 'DZIN MNGON PAR BSGRUB PA LA BRTZON PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' TING NGE 'DZIN GYI DON LA SEMS GNAS PAR 'DOD LA, KHONG KHRO BA DANG NGA RGYAL GYIS NON PAS DGE BA'I BSHES GNYEN GYI THAD DU GDAMS NGAG TSOL DU MI 'GRO NA NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,NA STE MI NUS PA DANG, GDAMS NGAG LOG PAR BYUNG DU DOGS PA DANG, BDAG NYID MANG DU THOS PA YIN TE SEMS MNYAM PAR 'JOG NUS SAM, ,GDAMS NGAG GIS GDAMS PAR BYA BA BYAS ZIN NA NYES PA MED DO, ,BSAM GTAN SGRIB PA ZHES BYA BA LA SOGS PA LA, TING NGE 'DZIN LA SBYOR BA'I SGRIB PA DANG DU LEN PA NI SDOM PA'I TSUL KHRIMS KYI RTOG PA NGAN PA DANG DU MI LEN PA LAS NYAMS PA DANG, DGE BA CHOS SDUD PA'I TSUL KHRIMS KYI SNYOMS PAR 'JUG PA'I NYON MONGS PA DANG DU LEN PAR MI BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' BSAM GTAN LA SBYOR BAS BSAM GTAN GYI SGRIB PA STE BAR DU GCOD PAR 'GYUR BA'I CHOS 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD @212B BA DANG, THE TSOM STE, DE RNAMS BYUNG BA NYAMS SU MYONG BAR BYED NA NYON MONGS PA CAN GYI NYES PAR 'GYUR RO, ,DE SPANG BAR 'DOD KYANG NYON MONGS PA DRAG POS ZIL GYIS NON TE KUN DU SPYOD NA NYES PA MED DO, ,BSAM GTAN RO LA ZHES BYA BA LA SOGS PA LA, BSAM GTAN GYI BDE BA NYAMS SU MYONG BAR BYED CING DE LA YON TAN DU LTA BA NI DGE BA CHOS DANG SDUD PA'I TSUL KHRIMS KYI SNYOMS PAR 'JUG PA'I RO MYANG BA DANG DU MI LEN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' BSAM GTAN GYI BDE BA'I RO MYONG BAR BYED CING, ,DE LA YON TAN DU LTA BAR BYED NA NYON MONGS PA CAN GYI NYES PAR 'GYUR RO, ,NYES PA MED PA NI 'DAS MA THAG PA BZHIN NO, ,NYAN THOS THEG PA ZHES BYA BA LA SOGS PA LA, NYAN THOS KYI THEG PA LHAG PAR SPONG BAR BYED PA NI DGE BA'I CHOS SDUD PA'I TSUL KHRIMS KYIS BSDUS PA'I RNAM PAR DAG PA'I TSUL KHRIMS KYI LOG PAR LTA BA RNAM PAR SPANGS PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' GANG BYANG CHUB SEMS DPAS NYAN THOS DANG LDAN PA'I CHOS MNYAN PAR MI BYA, ,GZUNG BAR MI BYA, ,DE LA BSLAB PAR YANG MI BYA'O, ,BYANG CHUB SEMS DPAS NYAN THOS KYI THEG PA DANG LDAN PA'I CHOS MNYAN PA DANG, 'DZIN PA DANG, DE LA BSLAB PAS CI ZHIG BYA STE DGOS PA MED DO ZHES DE LTAR LTA ZHING DE SKAD SMRA NA NYON MONGS PA CAN GYI NYES PAR 'GYUR RO, ,'DI LTAR BYANG CHUB SEMS DPAS NI MU STEGS CAN GYI BSTAN BCOS RNAMS LA YANG RE ZHIG BRTZON PAR BYAD DGOS NA SANGS RGYAS KYI BKA' LTA CI SMOS, ,GCIG TU DE LA 'DUN PA BZLOG PA'I PHYIR NA NYES PA MED DO, ,RANG TSUL YOD BZHIN ZHES BYA BA LA SOGS PA LA, ,DE LA BRTZON PA ZHES BYA BA NI NYAN THOS KYI THEG PA LA ZHES BYA BAR SBYOR RO, ,BYANG CHUB SEMS DPA'I SDE SNOD LA MI SLOB PAR NYAN THOS KYI THEG PA LA BRTZON PA NI DGE BA CHOS SDUD PA'I TSUL KHRIMS KYIS THOS PA DANG BSAM PA LA MNGON PAR SBYOR BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' RANG GI THEG PA BYANG CHUB SEMS DPA'I SDE SNOD YOD BZHIN DU DE LA BRTZON @213A *, ,BAR MI BYED PAR DE THAMS CAD DU YAL BAR BOR NAS NYAN THOS KYI SDE SNOD NYID LA BRTZON PAR SBYOR ZHING GOMS PAR BYED NA NYON MONGS PA CAN GYI NYES PAR 'GYUR RO, ,BYANG CHUB SEMS DPA'I SDE SNOD MED PA DANG, DE LA GOMS PA NYID DU BYAS PA DANG, RGYUN DU BYANG CHUB SEMS DPA'I SDE SNOD BZUNG BA YIN NA NYES PA MED DO, ,BRTZON MIN ZHES BYA BA LA SOGS PA LA, BRTZON PAR BYED PA ZHES BYA BA RJES SU 'JUG PA'O, ,BRTZON PA NI GOMS PA'O, ,BRTZON MIN ZHES BYA BA LA NI BRTZON PAR BYA BA MA YIN PA STE, DE'I GZHUNG MNGON PAR SHES PAR BYA BA MA YIN PA'I PHYI ROL GYI BSTAN BCOS DAG LA BRTZON PAR BYED PA NI 'DAS MA THAG PA LTA BU YIN PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' BYANG CHUB SEMS DPA'I SDE SNOD NYID MED KYANG SANGS RGYAS KYI BKA' BZHIN YOD BZHIN DU PHYI ROL GYI BSTAN BCOS TE MU STEGS CAN GYI BSTAN BCOS LA BRTZON PAR BYED NA NYON MONGS PA CAN GYI NYES PAR 'GYUR RO, ,SHIN TU YID GZHUNGS PA DANG LDOB SKYEN PA DANG, YUN RING POR YANG YID MI BRJED PA DANG, DON SEMS PA DANG RTOG PAR BYED NUS PA DANG, SANGS RGYAS KYI GSUNG RAB LA RIGS PAS NYE BAR RTOGS PA DANG LDAN PAS BLO MI 'GYUR BA DANG LDAN ZHING NYIN GCIG BZHIN DU CHES LHAG PAR SANGS RGYAS KYI GSUNG RAB LA BRTZON PAR BYED PA YIN NA NYES PA MED DO, ,BRTZON PA BYAS KYANG ZHES BYA BA LA SOGS PA LA, BRTZON PAR BYA BA LA GOMS PA DES KYANG PHYI ROL GYI BSTAN BCOS DAG LA MKHAS PAR BYED PA NA DE LA MNGON PAR DGA' BA'I TSUL GYIS PHA ROL GYI BSTAN BCOS DAG LA MKHAS PAR BYED CING DES DGA' BAR 'DZIN DES RANGS PAR BYED DE, ,SMAN TSA BA LA BRTEN PA BZHIN DU NYES PAR MI 'DZIN LA, BDAG NYID 'DOR BAR BYED NA NYON MONGS PA CAN GYI NYES PAR 'GYUR RO, ,THEG PA CHEN PO ZHES BYA BA LA SOGS PA LA, THEG PA CHEN PO'I PHYOGS 'BA' ZHIG LA 'JUG PA NI 'DIR THEG PA CHEN PO'I SGRA'O, ,THEG PA CHEN PO DANG LDAN PA GANG LA LA ZHIG ZAB PA'I GNAS DAG SPONG BA NI 'DAS MA THAG PA LTA BU DANG, LTA BA NGAN PA SPONG BA LAS NYAMS PA'I PHYIR NYES BYAS KYIS GNAS LTA BU'I CHOS SO, ,BYANG @213B CHUB SEMS DPA' GANG LA LA ZHIG BYANG CHUB SEMS DPA'I SDE SNOD LAS DE KHO NA'I DON NAM, ,BYANG CHUB SEMS DPA'I MTHU LAS BRTZAMS TE ZAB PA MCHOG TU ZAB PA'I GNAS DAG THOS NAS BDAG NYID MA MOS SHING GZHAN GYI RJES SU 'BRANG NAS SKUR BA 'DEBS TE, 'DI DAG NI DON DANG LDAN PA MA YIN, CHOS DANG LDAN PA MA YIN, DE BZHIN GSHEGS PAS GSUNGS PA MA YIN, SEMS CAN RNAMS LA PHAN PA DANG BDE BAR 'GYUR PA MA YIN NO ZHES ZER ZHING SPONG BAR BYED NA NYON MONGS PA CAN GYI NYES PAR 'GYUR RO, ,GANG YANG LAS DANG PO PA LA LA ZHIG ZAB PA'I GNAS DAG LA SEMS MOS PAR MA GYUR PA DE LTA NA YANG DE LA DAD PA GTZO BOR GYUR PA NYID KYIS 'DI NI BDAG DANG MI MTHUN PA MA YIN NO ZHES BSLAB PAR BYA STE, 'DI LTAR BDAG NI LONG BAR GYUR PA STE, MIG MED PAS CHOS YONGS SU SPONG BA NI BDAG GI CHA MA YIN NO ZHES YANG DAG PAR BRTAG PAR BYA'O, ,BDAG LA ZHES BYA BA LA SOGS PA LA BDAG LA STOD PAR BYED CING GZHAN LA SMOD PAR BYED PA NI DGE BA'I CHOS SDUD PA'I TSUL KHRIMS KYI TSUL KHRIMS 'CHAL BA'I RGYU'I NYON MONGS PA DANG NYE BA'I NYON MONGS PA DANG DU MI LEN PA LAS NYAMS PA'I PHYIR NYES BYAS KYI GNAS LTA BU BU'I CHOS SO, ,BYANG CHUB SEMS DPA' RANG BZHIN GYIS DAM PA YIN PA'I RLOM SEMS KYIS BDAG LA CHAGS PA DANG, GZHAN LA KHONG KHRO BAS BRNYAS PA DANG BCAS PA DANG, GSHE BA DANG BCAS PAS BDAG LA STOD PAR BYED CING GZHAN LA SMOD PAR BYED NA NYON MONGS PA CAN GYI NYES PAR 'GYUR RO, ,NYES PA MED PA NI PHAM PAR 'GYUR BA BZHIN NO, ,CHOS KYI DON DU ZHES BYA BA LA SOGS PA LA, CHOS NYAN PA'I DON 'GRO BAR MI BYED PA NI DGE BA CHOS SDUD PA'I TSUL KHRIMS KYI THOS PA LA MNGON PAR SBYOR BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' CHOS SGROGS PA DANG, CHOS DANG 'BREL BA'I GTAM RNAM PAR GTAN LA 'BEBS PA NANG RGYAL LAM KHONG KHRO BA'I SEMS KYIS MI 'GRO NA NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,MA TSOR BA DANG LOG PAR STON DU DOGS PA DANG, CHOS @214A *, ,SMRA BA'I SEMS SRUNG BAR 'DOD PA DANG, NA STE MI NUS PA DANG, YANG DANG YANG DU THOS SHING BZUNG LA SHES ZIN PA'I DON GYI GTAM YIN PAR SHES PA DANG, MANG DU THOS PA DANG, THOS PA 'DZIN PA DANG, THOS PA BSAGS PA YIN PA DANG, BYANG CHUB SEMS DPA'I TING NGE 'DZIN MNGON PAR BSGRUB PA LA BRTZON PA DANG SHIN TU SHES RAB RTUL TE LEN PA LA ZHAN, 'DZIN PA LA ZHAN CING DMIGS PA LA SEMS RNAM PAR 'JOG PA LA ZHAN PA ZHIG NA NYES PA MED DO, ,DE LA SMOD PA ZHES BYA BA LA SOGS PA LA, DE LA NI CHOS STON PA'I GANG ZAG LA'O, ,SMAD PA NI BRNYAS PA'O, ,YI GE DANG TSIG 'BRU LA BRTEN NAS TSIG 'BRU LA RTON PA NYID DO ZHES DE LA SMOD PA'I DON DU YI GE LA BRTEN PA NI DE LA SMOD PA DANG YI GE RTEN NO, ,YANG DAG PA JI LTA BA'I DON NI BZUNG LA CHOS SMRA BA LA KHYAD DU GSOD PA'I CHED DU TSIG 'BRU LA KUN DU BZUNG NAS ZHES BYA BA'I DON TE, ,CHOS SMRA BA LA KHYAD DU GSAD PA'I CHED DU TSIG 'BRU LA BRTEN PA NYID NI DGE BA CHOS SDUD PA'I TSUL KHRIMS KYIS BLA MA LA RIM GRO BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' CHOS SMRA BA'I GANG ZAG LA BSAMS BZHIN DU KHYAD DU GSOD CING BKUR STI MI BYED LA 'PHYA BAR BYED CING TSIG 'BRU LA RTON GYI DON LA RTON PAR MI BYED NA NYON MONGS PA CAN GYI NYES PAR 'GYUR RO, ,DE LTA RE ZHIG TSUL KHRIMS RNAM PA GSUM GYI DBANG DU BYAS TE, BSLAB PA'I GZHI RNAMS BSTAN NAS, DE'I 'OG TU YONGS SU RDZOGS KYI BAR DU SEMS CAN GYI DON BYA BA'I TSUL KHRIMS KYI DBANG DU BYAS PAR RIG PAR BYA'O, ,DGOS PA'I GROGS SU 'GRO BA ZHES BYA BA LA SOGS PA LA, DGOS PA'I GROGS NI GROGS BYED PA STE, DER 'GRO BAR MI BYED PA'O, ,JI SKAD SMRAS PA'I BYA BAR NYE BAR GNAS PA LA GZHAN GYI GROGS MI BYED PA NI SEMS CAN GYI DON BYA BA RNAMS KYI GROGS BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' SEMS CAN GYI DON BYA BA'I DON GNYER BAR GNAS SHING BCOL BA LA KHONG KHRO BA'AM, NGA RGYAL GYI GROGS BYED DU MI 'GRO NA, NYON MONGS PA CAN GYI NYES PAR 'GYUR RO, , @214B LE LO LA SOGS PAS NI NYON MONGS PA CAN MA YIN PA'O, ,NA STE MI NUS PA DANG GZHAN LA SNGAR KHAS BLANGS ZIN PA DANG, RGYUN MI 'CHAD PAR DGE BA'I PHYOGS LA BRTZON PA DANG, YID RTUL PO ZHIG STE MI MKHAS PA YIN PA DANG, THABS DES 'DUL BAR 'DOD PA DANG, DGE 'DUN GYI NANG KHRIMS SRUNG BAR 'DOD PA DANG, GZHAN MANG PO DAG GIS SEMS SRUNG BAR 'DOD PA DANG MA BCOL BA DANG, BCOL BAR GYUR KYANG GZHAN ZHIG LA YANG BCOL BA DANG, GNOD PA DANG LDAN PA'AM, CHOS DANG LDAN PA MA YIN PA'I BYA BA YIN PA DANG, PHA ROL PO RANG NYID BYED NUS PA DANG, RTEN YOD PA NYID YIN NA NYES PA MED DO, ,NAD PA'I ZHES BYA BA LA SOGS PA LA, NAD PA'I RIM GRO MI BYED PA NI NAD PA'I RIM GRO BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' NAD KYIS THEBS PA'I SEMS CAN DANG PHRAD PA NA KHONG KHRO BA'AM, NGA RGYAL GYIS RIM GRO DANG BRNYEN BKUR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NAD YUN RINGS KYIS THEBS TE SO TZAM DU 'DUG PA NI NYES PA MED DO, ,LHAG MA RNAMS KYANG GROGS SU 'GRO BA BZHIN DU CI RIGS SU SBYAR RO, , SDUG BSNGAL ZHES BYA BA LA SOGS PA LA, SDUG BSNGAL BAR GYUR PA RNAMS KYI ZHES LHAG MA'O, ,GZHAN SDUG BSNGAL RNAMS JI SKAD BSTAN PAS SDUG BSNGAL SEL BAR MI BYED PA NI GZHAN GYI SDUG BSNGAL SEL BAR BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' SDUG BSNGAL BAR GYUR BA'I SEMS CAN DANG PHRAD NA NGA RGYAL GYIS SAM KHONG KHRO BAS SDUG BSNGAL DE SEL BAR MI BYED CING YAL BAR 'JOG LA RGYAB KYIS PHYOGS PAR BYED NA NYON MONGS PA CAN GYI NYES PAR 'GYUR RO, ,LE LO LA SOGS PA NI NYON MONGS PA CAN MA YIN PA'O, ,NYES PA MED PA NI 'DAS MA THAG PA BZHIN NO, ,BAG MED CES BYA BA LA SOGS PA LA, BAG MED PA RNAMS LA JI SKAD BSTAN PA'I RIGS PA MI STON PA NI RIGS PA STON PA LAS NYAMS PA'I PHYIR NYES PA BYAS KYI GNAS LTA BU'I CHOS SO, ,BYANG CHUB SEMS DPA' TSE 'DI DANG TSE PHYI MA'I DON LA TSUL BZHIN MA YIN PAR ZHUGS PA'I @215A *, ,SEMS CAN DAG MTHONG NA KUN NAS MNAR SEMS KYIS RIG PA STON PAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,BDAG NYID MI SHES PA DANG GZHAN DAG LA BCOL NA NYES PA MED DO, ,BYAS ZHES BYA BA LA SOGS PA LA, BYAS PA NI PHA ROL GYIS PHAN GDAGS PA'O, ,DE'I PHYIR DE LA PHAN GDAGS PAS SLAR PHAN 'DOGS PAR BYED PA NYID NI LAN DU PHAN 'DOGS PA NYID DO, ,GZHAN PHAN 'DOGS PAR MI BYED PA LA RJES SU MTHUN PAS SLAR PHAN 'DOGS PAR MI BYED PA NI BYAS PA LA GZO BA RJES SU SRUNG BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' DE RANG NYID NUS PA DANG LDAN NAM MI LDAN YANG RUNG, ,KUN NAS MNAR SEMS DANG LDAN PA DANG, SNYING BRTZE BA DANG ZHES DANG BRAL BAS YON TAN LEN PAR MI BYED PA DANG, DMU RGOD KYI RANG BZHIN CAN DANG, DGE BA'I BSHES GNYEN GZHAN GYIS YONGS SU ZIN PA DANG, GZHAN GYIS PHAN BTAGS PA BYAS PA'ANG RUNG, ,SEMS CAN PHAN 'DOGS PA DE MTHONG NA BYAS PA MI GZO STE, NGA RGYAL DANG KHONG KHRO BAS MNYAM PA'AM DE BAS LHAG PA'I MTHUN PA'I PHAN GDAGS PAS LAN DU PHAN MI 'DOGS NA NYON MONGS PA CAN GYI NYES PAR 'GYUR RO, ,LE LO LA SOGS PAS NYON MONGS PA CAN MA YIN PA'O, ,LAN DU PHAN GDAGS PA'I PHYIR 'BAD KYANG MA NUS PA DANG, DE NYID LAN DU PHAN GDAGS PAR MI 'DOD PA DANG, THABS DES 'DUL BAR 'DOD PA LA NI NYES PA MED DO, ,GZHAN GYI ZHES BYA BA LA SOGS PA LA, GZHAN RNAMS KYI MYA NGAN BSANG BAR MI BYED PA NI MYA NGAN BSANG BAR BYED PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' NYE DU DANG LONGS SPYOD LAS GYUR BA'I SDUG BSNGAL GYIS NYAM THAG CING MYA NGAN BYUNG BA RNAMS LA KUN NAS MNAR SEMS KYI SEMS KYIS MYA NGAN BSANG BAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NYES PA MED PA NI GROGS SU 'GRO BA BZHIN NO, ,NOR 'DOD PA LA ZHES BYA BA LA SOGS PA LA, NOR 'DOD PA RNAMS LA @215B NOR SBYIN PAR MI BYED PA NI PHAN 'DOGS PA SBYIN PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' SEMS CAN PHONGS PA RNAMS ZAS DANG SKOM LA SOGS PA YO BYAD 'DOD PA RNAMS YANG DAG PAR SLONG BA LA KUN NAS MNAR SEMS KYI SEMS KYIS ZAS DANG SKOM LA SOGS PA SBYIN PAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NYES PA MED PA NI PHAM PAR 'GYUR BA BZHIN NO, ,'KHOR RNAMS KYI NI ZHES BYA BA LA SOGS PA LA, 'KHOR RNAMS KYI DON MI BYED PA NI CHOS DANG ZANG ZING GIS BSDUS PA'I BYA BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' 'KHOR 'DUS PA LA KUN NAS MNAR SEMS KYI SEMS KYI CHOS KYI DUS DUS SU LEGS PAR MI 'DOMS SHING LEGS PAR RJES SU MI STON PA DANG, ZANG ZING GI SGO NAS PHONGS PA RNAMS LA GOS DANG ZAS LA SOGS PA YONGS SU BRTZAL BA DON GYI MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NA STE MI NUS PA DANG, THABS DES 'DUL BAR 'DOD PA NYID DANG, DGE 'DUN GYI NANG KHRIMS SRUNG BA DANG, GZHAN GANG YANG RUNG BA LA BCOL BA DANG, 'KHOR YANG BSOD NAMS CHEN PO DANG LDAN PAR SHES PA DANG, RANG NYID GOS LA SOGS PA TSOL BA'I NUS PA BSTAN PA DAG, GDAMS NGAG DANG RJES SU BSTAN PA'I BYA BA DAG RANG NYID KYIS BYAS ZIN PA DANG, MU STEGS CAN YIN PA LAS CHOS RKUR 'ONGS LA DE YANG 'DUL BA'I SKAL BA MED PA ZHIG YIN NA NYES PA MED DO, ,GZHAN GYI ZHES BYA BA LA SOGS PA LA, GZHAN GYI BLO DANG MTHUN PAR MI 'JUG PA NI GZHAN GYI BLO DANG MTHUN PAR 'JUG PA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' KUN NAS MNAR SEMS KYI SEMS KYIS GZHAN GYI SEMS DANG MTHUN PAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,NA STE MA NUS PA DANG, 'DUL BAR 'DOD PA DANG, BYA BA DE GNOD PA DANG PA DANG LDAN PA YIN PA DANG @216A *, ,DGE 'DUN GYI NANG KHRIMS SRUNG BA DANG, GZHAN MANG PO DAG GI SEMS SRUNG BAR 'DOD PA DANG, MU STEGS CAN TSAR GCAD PA'I PHYIR NI NYES PA MED DO, ,YON TAN ZHES BYA BA LA SOGS PA LA, GZHAN DAG GI YON TAN GYI BSNGAGS PA SMRA BAR MI BYED PA NI YON TAN GYI BSNGAGS PA SMRA BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' KUN NAS MNAR SEMS KYI SEMS KYIS YANG DAG PA'I TSUL KHRIMS DANG, THOS PA DANG, GTONG BA LA SOGS PA YANG DAG PA'I YON TAN RJOD PAR MI BYED CING YANG DAG PA'I BSNGAGS PA MI BRJOD PA DANG, LEGS PAR SMRAS BA LA LEGS SO ZHES BYA BA MA BYIN NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN NO, ,PHA ROL PO RANG BZHIN GYIS 'DOD PA CHUNG NGU YIN PAR DPAG STE, YON TAN GYI BSNGAGS PA BRJOD PA'I RGYU DES 'DI KUN NAS NYON MONGS PAR 'GYUR DU DOGS PA DANG, GTAM RDZOGS SDONG SU SDONG BA DANG, DE'I YON TAN RNAMS YON TAN LTAR BCOS PA YIN TE YANG DAG PA MA YIN PA DANG, LEGS PAR SMRA BA YANG LEGS PAR SMRA BA LTAR BCOS PA YIN TE, YANG DAG PA MA YIN PA DANG, 'DUL BAR 'DOD PA DANG, GZHAN GYI SEMS SRUNG PAR BYED PA LA NI NYES PA MED DO, ,RKYEN DU 'TSAM PA ZHES BYA BA LA SOGS PA LA, GZHAN NYES PA DANG BCAS SHING 'GAL BA DANG BCAS PA DAG LA JI LTAR 'TSAM PAR TSAR MI GCOD PA NI TSAR GCOD PA'I BYA BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' SEMS CAN SMRA DBAB PAR RIGS PA DANG, CHAD PAS GCAD PAR RIGS PA DANG, BSKRAD PAR RIGS PA RNAMS NYON MONGS PA CAN GYI SEMS KYIS SMRA 'BEBS PAR MI BYED DAM, CHANG PAS GCOD PAS PHYIR 'CHOS PAR MI BYED DAM, SKROD PAR MI BYED NA NYON MONGS PA CAN GYI NYES PAR 'GYUR RO, ,LE LO LA SOGS PAS NI NYON MONGS PA CAN MA YIN PA'O, ,BCOS SU MI RUNG BA'I RANG BZHIN CAN ZHIG STE, GTAM BYAR MI RUNG LA BKA' BLO MI BDE ZHING MNAR SEMS KYI SHAS CHE BA YAL BAR BOR BA DANG, DUS LA GZHES PA DANG, GZHI DE LAS 'THAB @216B PA DANG, MTSANG 'DRU BA DANG, 'GYED PA DANG, RTZOD PAR 'GYUR BA MTHONG BA DANG, DGE 'DUN BYE BAR DOGS PAS YAL BAR BOR BA DANG, SEMS CAN DE DAG RANG BZHIN GYIS NGO TSA SHES PA DANG, KHREL YOD PA DANG LDAN PAS MYUR BA NYID DU RANG NYID PHYIR 'CHOS PA ZHIG YIN NA NI NYES PA MED DO, ,RDZU 'PHRUL ZHES BYA BA LA SOGS PA LA, RDZU 'PHRUL SNA TSOGS PA DANG LDAN ZHING BSDIGS PAR 'OS PA RNAMS LA BSDIGS PA LA SOGS PA MI BYED PA NI BSDIGS PA LA SOGS PA'I BYA BA LAS NYAMS PA'I PHYIR NYES BYAS KYI GNAS LTA BU'I CHOS SO, ,BYANG CHUB SEMS DPA' RDZU 'PHRUL RNAM PA MANG PO'I NUS MTHU DANG LDAN LA, SEMS CAN SKRAG PAR BYA BAR RIGS PA RNAMS RDZU 'PHRUL RNAM PA DU MAS SKRAG PAR MI BYED PA DANG, SEMS CAN 'DUN PAR BYA BA'I RIGS PA RNAMS 'DUN PAR MI BYED NA NYON MONGS PA CAN GYI NYES PAR 'GYUR RO, ,SEMS CAN RNAMS GANG DU SHAS CHER MNGON PAR ZHEN PAR GYUR PA MU STEGS CAN 'PHAGS PA RNAMS LA SKUR BA 'DEBS PA DANG, LOG PAR LTA BA DANG LDAN PA ZHIG NA MA BSTAN KYANG NYES PA MED DO, ,DE LTAR RE ZHIG NYES BYAS KYI RAB TU DBYE BA BSTAN NAS YANG NYES PAR MI 'GYUR BA JI LTAR RIG PAR BYA ZHE NA, SNYING RJER LDAN ZHING ZHES BYA BA LA SOGS PA GSUNGS TE, 'DIR BSGRUB PA'I SGO DANG, DGAG PA'I SGO NAS BYANG CHUB SEMS DPA'I BYA BA GANG CUNG ZAD BSTAN PA DE LAS MI 'DA' BAS LTUNG BAR MI 'GYUR RO ZHES BYA BA 'DI NI LTUNG BAR MI 'GYUR BA GSAL BAR BSTAN PA'O, ,'DAS PA'I RANG BZHIN YIN NA YANG NYES PA MED PA NYID NI 'DI LTAR SEMS DGE BA STE, DGE BA'I BSAM PA DANG, BSAM PA MA NYAMS PA DANG, 'BRAS BU GCIG PA'I DBANG GIS RJES SU MTHUN PA'I 'BRAS BU LAS DE DANG 'DIR JI SKAD DU BSTAN PA LAS MA NYAMS PAR BRTZE BA DANG LDAN PA SNYING RJE DANG LDAN PA SEMS CAN RNAMS LA BYAMS PA STE, PHAN PAR 'DOD PA DANG, DUL BAR 'DOD PA DAD GDUL BAR BYA BAR 'DOD PAS 'DA' BAR BYAS PA NI NYES PAR MI 'GYUR RO ZHES BYA BA'I DON TO, ,NGANG GI SGRAS NI SEMS SHIN TU 'KHRUGS PA DANG, TSOR BA DRAG POS NYEN PA DANG, GNYID LOG PA DANG, THA MAL PA MA YIN PA DANG, SPONG BAR 'DOD KYANG @217A *, ,NYON MONGS PA DRAG POS KUN NAS DKRIS PA LA SOGS PA DAG GIS SLAR YANG 'JUG PA DAG GIS 'DAS PA LAS NI NYES PA MED DO ZHES BYA BA NI BSDUS PA'I DON TO, ,SEMS NI SHIN TU NYON MONGS DANG, ,SDUG BSNGAL TSOR BAS NYEN PA DANG, ,GNYID DANG SMYOS PA DAG LA NI, ,BYUNG BA LA YANG NYES PA MED, ,CES BYA BA NI TSIGS SU BCAD PA GZHAN NO, ,DON NI 'DI LTAR BSTAN PAR 'GYUR TE, CHAGS PA DANG, KHONG KHRO BA DANG, PHRAG DOG DANG, KHRO BA DANG, KHON DU 'DZIN PA DANG, NGA RGYAL DANG, RGYAGS PA LA SOGS PAS 'DAS PAR GYUR PA NI NYES PAR 'GYUR RO ZHES BYA BA'I DON TE, DES NA 'DI LTAR BYANG CHUB SEMS DPA' RNAMS KYI BSLAB PA'I GZHI RNAMS DNGOS SU BYUNG BA 'DI DAG NI MDOR BSDUS PA STE, GZHAN BYANG CHUB SEMS DPA' DAG GI SPYOD PA RNAMS NI DPAG TU MED CING MTHAR THUG PA MED PA'I PHYIR TE, DE RNAMS SU BSTAN PA'I RJES SU 'BRANGS NAS NYES PAR 'GYUR BA DANG NYES PAR MI 'GYUR BA DAG RIG PAR BYA'O, ,DE LTAR NA RANG GI 'DUL BA'I BSLAB PA LA 'JUG PA'I BYANG CHUB SEMS DPA' 'DI NI PHUN SUM TSOGS PA RNAM PA GSUM GYIS BDE BA LA REG PAR GNAS PAR 'GYUR TE, SBYOR BA PHUN SUM TSOGS PA DANG, BSAM PA PHUN SUM TSOGS PA DANG, SNGON GYI RGYU PHUN SUM TSOGS PA'O, ,DE LA SBYOR BA PHUN SUM TSOGS PA NI GANG BYANG CHUB SEMS DPA'I TSUL KHRIMS DAG BRAL BAR MI BYED CING, LUS DANG NGAG DANG YID KYI KUN DU SPYOD PA YONGS SU DAG PA DANG, NYES PAR RGYUN DU MI BYED PA DANG, SDIG PA 'CHAGS PA'O, ,BSAM PA PHUN SUM TSOGS PA NI GANG YANG 'DI NI CHOS KYI BSAM PAS RAB TU BYUNG BA YIN GYI 'TSO BA'I BSAM PAS MA YIN BYANG CHUB CHEN PO DON DU GNYER BA YIN GYI DON DU GNYER BA MA YIN, DGE SBYONG GI TSUL DANG MYA NGAN LAS 'DAS PA DON DU GNYER BA YIN GYI DON DU MI GNYER BA MA YIN PA DANG, DE DE LTAR DON DU GNYER BAS LE LOS GNAS PA MA YIN, BRTZON 'GRUS MI ZHEN PA DANG, KUN NAS NYON MONGS PA DANG, YANG 'BYUNG BA DANG, RIMS NAD DANG BCAS PA DANG, RNAM PAR SMIN PA SDUG BSNGAL BA DANG, PHYI MA LA SKYE BA DANG RGYA SHIR 'GYUR BA'I SDIG PA MI DGE BA'I CHOS RNAMS DANG MA 'DRES PA'O, ,SNGON @217B GYI RGYU PHUN SUM TSOGS PA NI 'DI LTAR BYANG CHUB SEMS DPA' SNGON GYI TSE RABS GZHAN DAG TU BSOD NAMS BYAS SHING DGE BA BYAS TE, DES DA LTAR BDAG NYID GOS DANG ZAS DANG MAL CHA DANG STAN DANG NA BA'I GSOS SMAN DANG YO BYAD RNAMS KYIS PHONGS PAR MI 'GYUR LA, GZHAN DAG LA YANG BGO BSHA' BYED NUS PA STE, PHUN SUM TSOGS PA GSUM PO 'DI DAG DANG LDAN PA'I BYANG CHUB SEMS DPA' NI BDE BA LA REG PAR GNAS PAR 'GYUR RO, ,RDZOGS SANGS RGYAS SRAS MCHOG RNAMS KYI SDOM PA NYI SHU PA, ,BSHAD PA'I BSOD NAMS RDO RJES SGRIB PA'I RI BO'I TSOGS, ,PHUG NAS BSAL TE RGYAL DANG LHAN CIG RNAM DAG CING, ,DRI MED MIG GIS DNGOS PO'I DE NYID MTHONG BAR SHOG ,'DI LTAR 'DIS NI BYIS PA'I SEMS NYID RANG BZHIN G-YO BA 'DI, ,RNAM 'PHRUL NYON MONGS SNA TSOGS LAS BRGAL BYANG CHUB MCHOG BZUNG NAS, ,GCAD PAR DKA' BA GNYIS SU KUN SPYOD GNYIS 'DZIN GCAD MKHAS SHING, ,'JIG RTEN 'DI YI PHONGS PA ZHI BYED BYANG CHUB BZANG POR BDAG GYUR CIG ,BYANG CHUB SEMS DPA'I SDOM PA NYI SHU PA'I DKA' 'GREL, SLOB DPON BYANG CHUB BZANG PO'I ZHAL SNGA NAS MDZAD PA RDZOGS SO, ,RGYA GAR GYI MKHAN PO PAnDI TA KEsh MA GA GA NA DANG, LO TZ'A BA MANG 'OR DGE SLONG BYANG CHUB SHES RAB KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, DHARMA BI NI SHTZA YA N'A MA PRA KA RA nA, BOD SKAD DU, CHOS RNAM PAR NGES ZHES BYA BA'I RAB TU BYED PA; 'JAM DPAL GZHON NUR GYUR PA LA PHYAG 'TSAL LO, ,'PHAGS PA KLU SGRUB LA SOGS PAS, ,SANGS RGYAS BSTAN LA GOMS BYAS NAS, ,CHOS DANG CHOS MIN LOG RTOG PA'I, ,RAB 'JOMS 'DI LTAR SGRUB PA'O, ,GANG GIS DANG PO 'KHOR BA'I DPAL, ,PHYI NAS THAR PA THOB BYED PA, ,DE NI DAM PA'I CHOS YIN TE, ,MDOR BSDUS DAD PA SHES RAB KYIS, ,'DI DAG SGRUB PAR BYED PA'O, ,DAD PAS CHOS RNAMS KUN DU TSOL, ,SHES RAB KYIS NI DE NYID RIG ,SHES RAB GTZO BOR GYUR PA STE, ,DAD PA SNGON DU 'GRO BA YIN, ,'DUN DANG ZHE SDANG 'JIGS @218A *, ,RMONGS PAS, ,GANG ZHIG CHOS LAS MI 'DA' BA, ,DE NI DANG PAR SHES BYA STE, ,MCHOG GI GO 'PHANG NYID YIN NO, ,LUS DANG NGAG DANG YID KYI LAS, ,THAMS CAD YANG DAG BRTAG BYA STE, ,BDAG DANG GZHAN LA PHAN GYUR PA, ,SHES NAS BRTAG BYED MKHAS PA YIS, ,SROG GCOD MA BYIN LEN SPONG DANG, ,GZHAN GYI BUD MED RNAM PAR SPONG, ,BRDZUN DANG DBYEN DANG TSIG RTZUB DANG, ,NGAG KYAL BA NI RNAM PAR SPONG, ,BRNAB SEMS GNOD SEMS LOG LTA SPONG, ,'DI RNAMS DGE BA'I LAS LAM BCU, ,BZLOG PA NAG PO'I PHYOGS NYID DO,, CHANG MI 'THUNG DANG 'TSO BA BZANG, ,RNAM PAR MI 'TSE GUS SBYIN DANG, ,MCHOD PAR 'OS LA MCHOD PAR BYED, ,SEMS CAN KUN LA BYAMS SEMS TE, ,MDOR BSDUS 'DI RNAMS CHOS YIN NO, ,LUS GDUNG NYI TSE BYED BA LA, ,DAM CHOS YOD PA MA YIN TE, ,GANG PHYIR GZHAN 'KHU LAS MA LOG, ,GZHAN LA PHAN 'DOGS MED PHYIR RO, ,SBYIN PA TSUL KHRIMS BZOD BRGYAN PA'I, ,CHOS KYI LAM NI CHEN PO STE, ,GANG GIS BOR TE GZHAN DU 'GRO, ,LAM NGAN PHUGS MA'I LAM 'GRO BA, ,LUS NYON MONGS PA 'KHOR BAR 'GYUR, ,'KHOR BA'I 'BROG DGON MI BZAD PA, ,DPAG MED SKYE BO'I SHING GIS GANG, ,NYON MONGS SPRUL GYIS LUS LA 'KHRIL, ,SHIN TU YUN RING 'KHYAM PAR 'GYUR, ,SROG GCOD PAS NI TSE THUNG 'GYUR, ,RNAM PAR 'TSE BAS NAD MANG BA'O, ,MA BYIN LEN PAS LONGS SPYOD MED, ,'DOD LOG SPYOD PAS DGRA DANG BCAS, ,BRDZUN DU SMRA BAS TSIG MI BTZUN, ,DBYEN GYIS MDZA' BSHES 'BYE BAR 'GYUR, ,TSIG RTZUB KYIS NI MI SNYAN THOS, ,DAG 'KHYAL GYIS NI MA 'BREL TSIG, ,BRNAB SEMS KYIS NI YID 'ONG 'JOMS, ,GNOD SEMS GYIS NI 'JIGS PA STER,, LOG PAR LTA BAS LTA NGAN 'GYUR, ,CHANG GI BTUNG BAS BLO GROS 'KHRUL, ,SER SNA PHONGS PAR 'GYUR BA YIN, ,LOG PAR 'TSO BAS BSLUS PAR 'GYUR, ,NGA RGYAL GYIS NI RIGS DMAN 'GYUR, ,PHRAG DOG GIS NI PHUN TSOGS SRAB, ,KHRO BAS KHA DOG NGAN PAR 'GYUR, , @218B MKHAS LA MA DRIS RMONGS PAR 'GYUR, ,'BRAS BU 'DI RNAMS MIR GYUR LA'O, ,KUN GYI SNGON DU NGAN 'GROR 'GRO, ,MI DGE 'DI RNAMS BSHAD PA NI, ,RNAM PAR SMIN PAR RAB TU GRAGS, ,DE YIS MI MTHUN PHYOGS KUN GYI, ,BSOD NAMS 'BRAS BU 'BYUNG BA YIN, ,CHAGS DANG ZHE SDANG GTI MUG DANG, ,DE LAS SKYES PA'I LAS MI DGE, ,CHAGS MED ZHE SDANG GTI MUG MED, ,DE LAS SKYES PA'I LAS KYANG DGE, ,MI DGE BA LAS SDUG BSNGAL KUN, ,DE BZHIN NGAN 'GRO THAMS CAD KYANG, ,DGE BAS BDE BA THAMS CAD DANG, ,DE BZHIN BDE 'GRO THAMS CAD DO, ,CHAGS PAS YI DAGS 'GRO BAR 'GYUR, ,ZHE SDANG GIS NI DMYAL BAR 'GRO, ,GTI MUG GIS NI DUD 'GROR SKYE, ,MI DANG LHA LAS GO BZLOG PA'O, ,SDIG PA KUN LAS BZLOG PAR BYA, ,RTAG TU DGE BA KUN LA 'JUG ,LUS DANG NGAG DANG YID DAG GI, ,CHOS NI RNAM PA GSUM DU BRJOD, ,DMYAL BA YI DVAGS DUD 'GRO LAS, ,CHOS 'DI YIS NI RNAM PAR GROL, ,MI DANG LHA DAG THOB 'GYUR ZHING, ,DGE BA RGYAL SRID RGYAS PA'ANG THOB, ,BSAM GTAN GZUGS MED TSAD MED KYIS, ,TSANGS PA LA SOGS BDE BA THOB, ,'DI RNAMS MTHO RIS CHOS DAG GI, ,'BRAS BU DAG KYANG MDOR BSDUS PA'O, ,GZHAN YANG NGES PAR LEGS PA'I CHOS, ,DNGOS PO'I DE NYID RNAM PAR NGES, ,DE NI SEMS CAN BSAM DBYE BAS, ,RNAM PA BZHI RU YONGS SU GRAGS, ,BYE BRAG TU SMRA BA YI, ,SNA TSOGS DANG NI DE KHO NYID, ,PHUNG PO LNGA YI BDAG NYID 'DOD, ,DE DAG ZAD PAR GROL BAR BSHAD, ,YANG NA GANG ZAG GCIG PU NGAS, ,MDO SDE PA YI LTA BA'I GZHUNG, ,DBANG PO LNGA DANG SHES PA DGU, ,GZUGS DANG SGRA SOGS RNAM PA LNGA, ,ME LONG NANG GI GDONG PA BZHIN, ,GLOG GI GZUGS BRNYAN BEMS POR MTHONG, ,SKAD CIG MAR GNAS SNA TSOGS 'DOD, ,DE BZHIN DE KHO NA NYID NI, ,'KHOR DANG MYA NGAN 'DAS LAS GROL, ,ZAG MED THAMS CAD MKHYEN PA'O, ,RNAL 'BYOR SPYOD PA'I GZHUNG LUGS NI, ,THAMS CAD RMI LAM LTA BU STE, ,GANG GANG SNANG BA DE DE'I RNAMS, ,THOG MA @219A *, ,THA MA MED PA NAS, ,GZUNG DANG 'DZIN MED SEMS KYI RGYUN, ,RNAM SHES TZAM GYI BDAG NYID NI, ,SNA TSOGS ZHES NI BSHAD PA YIN, ,SNYING RJES TSOGS GNYIS LA GOMS BYAS, ,RNAM PAR GROL BA 'DI LTA BU, ,LONGS SPYOD RDZOGS DANG BDE BA CHE, , YON TAN DAM PA MTHA' YAS SPRUL, ,GZUNG DANG 'DZIN LAS RNAM PAR GROL, ,JI SRID DPAL GYI MTHAR THUG THOB, ,SRID DANG MYA NGAN 'DAS LAS GROL, ,YE SHES 'OD 'PHRO RAB TU GSAL, ,'KHOR BA'I SEMS CAN SDUG BSNGAL LAS, ,YONGS SU SKYOB PA'I BRTUL ZHUGS CHE; ;GZUNG DANG 'DZIN MED RGYU 'BRAS MED, ,SNA TSOGS GNYIS SU MED PAR RIG ,SGRO BTAGS KUN LAS RNAM PAR GROL, ,DBU MA'I GZHUNG NI RAB RTOGS PAS, ,KUN RDZOB RGYU LA RAB BRTEN NAS, ,JI LTAR GSUNGS PA'I 'BRAS BU BSGRUB, ,GNYIS MED BSGRUB BYA SKYON MED PAS, ,GTAN TSIGS MED PAR DGAG MI NUS, ,'GRO KUN RANG BZHIN MED PA STE, ,DE PHYIR DNGOS PO MED PA YIN, ,GANG DU DNGOS PO MED GYUR PA, ,DE RU MED PAR JI LTAR 'GYUR, ,DE PHYIR KUN RDZOB NYID DU 'DI, ,GZUGS LA SOGS PA'I PHUNG PO LNGA, ,DNGOS PO MED CING DNGOS MED MIN, ,SANGS RGYAS NYID NI RNAM GSUM 'DOD, ,LA LA PHUNG PO LNGA BDAG NYID, ,GZUGS TZAM NYID KYI BDAG NYID GZHAN, ,MA SKYES PA YI BDAG NYID NI, ,DBU MA GZHAN DAG SMRA BA YIN, ,PHUNG PO LNGA NI MED PA NYID, ,GSAL BA RNAMS MED NYID KYANG MIN, ,BRDZUN PA'I RNAM PA'I RNAL 'BYOR DANG, ,BDE BA GCIG PU'I RNAM PA'ANG SPANGS, ,KUN RDZOB TZAM DU'ANG MED PA STE, ,PHYOGS DUS BDAG DANG DBANG PHYUG BZHIN, ,DE PHYIR RNAM BCAS RNAM SHES KYI, ,BDAG NYID TZAM GYI 'GRO GSUM STE, ,SNANG YANG RIGS PAS GNOD PA'I PHYIR, ,BRDZUN PA TZAM STE KUN RDZOB BO, ,MTHA' BZHI LAS NI RNAM GROL BA, ,GZHAN GYI LUGS KYI DBU MA'O, ,PHYOGS 'DI GNYIS KA MI RUNG STE, ,GANG DU SANGS RGYAS LA SOGS PA'I, ,'GRO BA RNAMS NI RLAG BYED PA, ,DBU MA'I TSIG CAN CHAD LTAR BRJOD, ,DNGOS PO BKAG PAS DNGOS MED DE, ,SNA @219B TSOGS DNGOS PO MI 'DOD PA, ,DE PHYIR KHYOD KYI DBU MA NI, ,DNGOS PO MED PA CI STE MIN, ,DGAG BYA'I YUL DAG MED PA NAS, ,'GEGS PA'I RAB 'BYOR MED SMRA NA, ,DE NYID RANG GI TSIG GIS GSAL, ,GZHAN LA'ANG JI LTAR GO BAR BYA, ,MA BRTAGS NA NI SNA TSOGS MTHONG, , BRTAGS NA MTHONG BA MED ZER NA, ,DNGOS DANG DNGOS MED DE BZHIN MIN, ,DE PHYIR DE DAG GNYIS SPANGS PA, ,STONG PHRAG DU MAR SPYAD KYANG NI, ,GSAL BA TZAM NI BSAL MI NUS, ,GAL TE DPYAD PAS NUS MED NA, ,NYE BAR DGOD PAR MI RIGS SO, ,NUS BYAS GSAL BA TZAM NYID DANG, ,KUN RDZOB DON DAM NYID MI RIGS, ,GANG PHYIR DPYAD PA BZOD KYANG NI, ,KUN RDZOB CES BRJOD MI RIGS SO, ,DE NI DPYAD PA'I NUS PA LAS, ,GSAL PAR DGAG PAR MI NUS PA'O, ,DE NYID 'GRO BA 'DI DAG RNAMS, ,'KHRUL PAR BRJOD KYIS GZHAN DU MIN, ,BDEN DANG BDEN MIN LAS GROL BA'I, ,'GRO BA 'DI RNAMS SGYU MA NYID, ,BDEN TE 'GRO BA SGYU MA NYID, ,PHYI ROL BRDZUN TE NANG NI BDEN, ,PHYI ROL DON NI MED PA STE, ,THAMS CAD RANG GI SEMS SU MTHONG, ,DE LTAR SGYU MA RNAM PAR BSGOM, ,DES NI STONG PA RJES SU DRAN, ,JI LTAR BYIS PAS RNAM BRTAGS PA'I, ,PHYI YI DON NI MED PA STE, ,BAG CHAGS KYIS NI BSGRIBS PA'I SEMS, ,DON DU SNANG BA RAB TU 'BYUNG, ,YID LA MI BYED RNAL 'BYOR PAS, ,CHOS KUN RAB TU MI GNAS PA, ,THOG MA NAS ZHI ZAG PA MED, ,DBU MA ZHES NI BRJOD PA YIN, ,CHOS KUN RAB TU MI GNAS PA, ,SGRO BTAGS KUN SPANGS GNYIS MED SHES, ,'DI YANG SPONG BAR GYUR NA NI, ,MO GSHAM BU YI BDAG NYID DE, ,KYE MA LAS NGAN ME YIS BSREGS, ,MO GSHAM BU YANG DBU MAR 'DOD, ,GANG GI CHOS NI 'DI LTA BU, ,DE YI CHOS MIN JI LTA BU, , NGA YI DBU MA 'DI YIN MOD, ,DE LA GNOD PA CI ZHIG SMOS, ,RTOG PA DANG BRAL MA 'KHRUL PA'I, ,SEMS KYI GSAL BAS GNOD PA YIN, ,RTEN CING 'BREL PAR 'BYUNG BA DANG, ,MA SKYES PA YI GTAN TSIGS DANG, ,GCIG DANG DU MAR BRAL BAS KYANG, ,'DI LA GNOD PA YOD MA YIN,, @220A *, ,GSAL BA TZAM DU YOD PAS SO, ,SNGON DANG PHYI MA DE SHES PA, ,GNYIS MED GANG GIS MA GRUB PA'O, ,SO SOR SKYES PA DE YI PHYIR, ,GTAN TSIGS DE NI MA GRUB PA'O, ,SKYES SHING DON GYI BYA BA BYED, ,DE NYID DON DAM GRUB PAS NA, ,GTAN TSIGS 'DI YANG 'GAL BA'O, ,MA SKYES GTAN TSIGS MA GRUB STE, ,BRJOD PA NYID KYIS DE MA GRUB, ,GZUNG 'DZIN RGYU 'BRAS MA GRUB KYANG, ,GSAL BA'I TSUL TZAM GANG DU SONG, ,SEMS TZAM NYID DU RNAM GZHAG PA, ,MA SKYES ZHES NI NGAS BSHAD DE, ,CHOS KYI RJE BOS GSUNGS KYANG NI, , CHAD LTA NYID KYI DRI MAS G-YOGS, ,GCIG DANG DU MAS DNGOS PO LA, ,KHYAB PA LA LAR GRUB PA NA, ,THAMS CAD STONG PA'I GRUB MTHA' LA, ,GTAN TSIGS 'DOD PA'I BAR CHAD BYED, ,YANG NA 'JIG RTEN GRAGS PAS SAM, ,'JIG RTEN KUN GYIS BRTAGS PA YI, ,DNGOS PO RNAMS LA YID MI BRTAN, ,'ON KYANG TSAD MAS RIGS PA YIN, ,MNGON SUM RJES SU DPAG PA YIS, ,GCIG PU LA LAR MA MTHONG STE, ,DE BSAGS PA NI DU MA YIN, ,KHYAB BYA'I DNGOS KYANG CUNG ZAD MED, ,GCIG DANG DU MA YOD LA KHYAB, ,DE LTAR 'DOD PA'I GZHUNG LA 'THAD, ,MA 'KHRUL BAR DU SNANG TZAM GYIS, ,YOD PAR SMRA BA RGYAL BA YIN, ,GSAL ZHING DON GYI BYA BA BYED, ,RIG GIS RIG PA RNAMS SPANGS NAS, ,DE LTAR BRDZUN DU SMRA BA NI, ,DMUS LONG NYID KYIS RAB TU BTAGS, ,GANG ZHIG DPYAD PA'I YI DAGS KYIS, ,GSAL BA'I DNGOS LA GNOD MI NUS, ,DE NI SEMS CAN SO SO LA, ,RNAM BCAS GSAL BA TZAM DU SNANG, ,JI LTAR GSUNGS PA'I BSOD NAMS TSOGS, ,THAMS CAD DU NI SROG YIN TE, ,DE LA RNAM SNANG SDIG PA'I BDAG ,'OG TU KHA BLTAS MNAR MED 'GRO, ,GAL TE SKU GZUGS MCHOD RTEN DANG, ,DAM CHOS SBYIN TSOGS 'KHRUL YIN NA, ,BUD MED DANG NI SHA CHANG SOGS, ,MKHAN SLOB LA SOGS CIS MA 'KHRUL, ,GAL TE DE YANG 'KHRUL ZER NA, ,SLOB DPON LA SOGS KHA SOGS LA, ,MI GTZANG CI STE DOR MI BYA, ,PHA DANG MA SOGS RANG GI SHA, ,CI STE MI ZA RGYU CI @220B YOD, ,KHRO CHU KHOL MA CIS MI 'THUNG, ,'KHRUL KYANG SLOB DPON MA GUS SOGS, ,RNAM SMIN MI 'DOD 'BYUNG SMRA NA, ,'KHRUL KYANG SANGS RGYAS MCHOD SOGS KYIS, ,YID 'ONG 'BRAS BU MI 'BYIN CING, ,DGE DANG MI DGE BAS CI BYA, ,RANG NYID SANGS RGYAS YIN ZER NA, ,YI DAGS KHA NAS ME 'BAR YIN, ,DE PHYIR GROL LAM MA GROL BAS, ,RGYAL BA'I BSTAN PA NGES BYAS TE, ,DAM PA'I LAS KUN LA GNAS BYA, ,DMAN PA'I LAS KUN SPANG PAR BYA, ,DE PHYIR SNYING RJE BRTZAM BYAS TE, ,DE NYID RIG PAS BYAMS SEMS BSKYED, ,'KHOR BA MA STONGS 'GRO BA BSKYAB, ,BSOD NAMS BSKYED LA BRTZON PAR BYA, ,BCOM LDAN 'DAS KYI SKU GZUGS DANG, ,MCHOD RTEN LHA KHANG MCHOG DAG BYA, ,MCHOG TU YID 'ONG BZA' BTUNG TSOGS, ,LAM STAN LA SOGS DBUL BAR BYA, ,PAD MA'I DBUS SU BZHUGS PA YIN, ,GZUGS BZANG LEGS PAR BRIS PA DAG ,RIN CHEN KUN GYI RANG BZHIN GYIS, ,SANGS RGYAS GZUGS BYA BA'O, ,DAM CHOS DGE SLONG DGE 'DUN RNAMS, ,SROG KYANG BTANG NAS BSRUNG BAR BYA, ,GSER DANG RIN CHEN DNGUL LA SOGS, ,MCHOG RTEN LA NI RANG GIS 'BUL, ,GSER DANG DNGUL GYI ME TOG DANG, ,RDO RJE BYI RU MU TIG SOGS, ,DBANG SNGON DANG NI MTHON KHA CHE, ,BEE d'URYA SOGS MCHOD RTEN MCHOD, ,DAM CHOS SMRA BA RNAMS LA NI, ,RDZAS LA SOGS PAS MCHOD PAR BYA, ,DE YI SEMS NI DGA' BAR BYA, ,RTAG PAR DAM PA'I CHOS BSTEN TE, ,BLA MA GONG MA'I YA RABS LA, ,GUS PAS BSNYEN BKUR BYA BA STE, ,BYANG CHUB SEMS DPA' RNAMS MCHOD BYA, ,RDZAS LA SOGS PAS MCHOD PAR BYA, ,SANGS RGYAS BZHIN DUS BCU LA, ,GNAS PA'I BYANG CHUB SEMS DPA' MCHOD, ,DGE SLONG RNAMS KYANG MCHOD BYA STA, ,SDOM PA GSUM LA GNAS PHYIR RO, ,MU STEGS PA NI GZHAN RNAMS LA, ,GUS PAS PHYAG MCHOD MI BYA STE, ,DE RNAMS SKYON DANG BCAS PHYIR RO, ,THUB PA'I DBANG PO'I GSUNG RAB DANG, ,DE LAS BYUNG BA'I BSTAN PA BRI, ,GLEGS BAM SBYIN PAR BTANG BA DANG, ,SNAG TSA LA SOGS SBYIN PAR BYA, , @221A *, ,'BRI MKHAN DANG NI YIG DPON DANG, ,'CHAD MKHAN RNAMS KYI 'TSO BA SBYAR, ,ZHING LA SOGS PA'ANG NGES PAR DBUL, ,DE YIS SHES RAB 'PHEL BAR 'GYUR, ,GRONG KHYER PA YI CHED DU NI, ,'DREG MKHAN SMAN PA LA ZHING SBYIN, ,SKRA LA SOGS PA BREGS PA YIS, ,SEMS CAN RNAMS KYI SDUG BSNGAL ZHI, ,SEMS CAN THAMS CAD GNAS SA RU, ,SKYED MOS TSAL DAG BYA BA STE, ,RDZING BU KHRON PA 'BAB CHU LDAN, ,SHES RAB CAN NI GNYER BAR BSGO, ,BZA' BTUNG STAN DANG GOS BCAS BYA, ,GRONG CHUD KUN TU 'DU KHANG BYA, ,GRONG KHYER KUN DU LHA KHANG BYA, ,CHU MED PA YI LAM KUN DU, ,SNOD CHUS BKANG BA KUN DU BZHAG ,NAD PA SDUG BSNGAL MGON MED DANG, ,PHONGS DANG DMAN GZHAN YONGS SU BSDU, ,RTAG TU SNYING RJE BYA BA YIN, ,'DI RNAMS BDE BAR 'GYUR BAR 'BAD, ,DUS TSIGS LAS BYUNG GSAR THOG GI ,BZA' DANG BTUNG BA'I BYE BRAG DANG, ,'BRU RNAMS DANG NI 'BRAS BU SOGS, ,DANG POR BDAG BZA' RIGS MA YIN, ,DGE SLONG DAM NI SDUG PHONGS SAM, ,DANG POR MCHOD BYA RNAMS LA SBYIN, ,CHU DAG GNAS PA'I SA RU NI, ,BCAG LHAM GDUGS DANG DRIL CHU DANG, ,CHU SKYOGS DANG NI CHU SNOD DANG, ,KHAB DANG SKUD PA LA SOGS GZHAG ,'BRAS BU GSUM DANG TSA BA GSUM, ,RGUN 'BRUM MAR DANG MIG SMAN STZOGS, ,CHU GNAS SA RU GZHAG PAR BYA, ,GRUB PA'I SNGAGS DAG BRIS STE GZHAG, ,SMIN RNAMS DANG NI BYA BA'I RIM, ,LUS DANG RKANG PA MGO BO DAG ,SKUD PA'I MAR KHU'ANG GZHAG PAR BYA, ,SHING STAN DANG NI ME LONG DANG, ,BUM PA KHAR GZHONG STA RI STZOGS, ,WA TI'I GNAS SU GZHAG PAR BYA, ,CHU MED PA YI GNAS KUN DU, ,SA YIS SKYOR BA'I RDZING CHU BYA, ,BRTAGS PA'I CHU YIS NANG BKANG BYA, ,TIL DANG 'BRAS DANG NAS STZOGS 'BRU, ,ZAN DANG BU RAM SNUM GYIS BSKOR, ,GROG MA'I TSANG GI SGO RNAMS SU, ,BU RAM GYIS BSGOS BZA' BTUNG DAG ,YID CHES MI LA BSKUR NAS NI, ,RTAG PAR SBYIN PAR BYA BA YIN, ,YI DAGS RNAMS LA CI BDE BAR, ,ZOS PA'I @221B GTING NGAM GONG DU 'ANG RUNG, ,BZA' BTUNG SBYIN PAR BYA BA YIN, ,KHYI DANG 'BU SRIN BYA SOGS LA, ,JI LTAR 'TSAM PAR SBYIN PAR BYA, ,MU GE YI NI GNOD PA DANG, ,PHAS KYI RGOL BA'I GNOD PA DANG, ,NAD STZOGS GNOD PA BYUNG GYUR NA, ,SEMS CAN RNAMS NI RJES BZUNG BI, ,SO NAM LO TOG BRLAG GYUR NA, ,SA BON ZAN GYIS RJES SU GZUNG, ,DPYA DAG DBAB PAR MI BYA STE, ,YANG NA NYUNG ZAD DBAB PAR BYA, ,SKYED 'GYED RNAMS LA YONGS SU BSKYAB, ,SHO GAM SPANG BA'AM MI DBAB BYA, ,SGO NAS YONGS SU NYON MONGS PA, ,'DI RNAMS LAS NI BSGRAL BAR BYA, ,RANG GI YUL BA'AM GZHAN YUL GYI, ,CHOM RKUN RNAMS NI NYER ZHI BYA, ,RDZAS KYI RIN THANG NGES PAR BYA, ,RIGS PAS BYA BA THAMS CAD BYA, ,MANG DU SMRA BA CI ZHIG DGOS, ,SHES RAB STOBS KYIS BGROS BYAS TE, ,RANG NGAM GZHAN LA PHAN 'GYUR BYA, ,GANG ZAG 'JIG RTEN PHAN GRUB PA, ,DE DE THAMS CAD BRTAG PAR BYA, ,CI DANG CI NAS RANG PHAN BYED, ,DE BZHIN 'JIG RTEN LA PHAN BYA, ,SA CHU ME RLUNG SMAN RNAMS DANG, ,DGON PA YI NI SHING BZHIN DU, ,BDAG NYID YUD TZAM GCIG PU YANG, ,'DOD DGUR SPYAD PA NYID DU MDZOD, ,GOM PA BDUN POR BAR DU YANG, ,BDOG PA KUN GTONG SEMS 'CHAD PA'I, ,BYANG CHUB SEMS DPA' RNAMS LA NI, ,BSOD NAMS DPAG MED MKHA' 'DRA STE, ,BU MO GZUGS MDZES LEGS BRGYAN PA, ,DE DON GNYER BA RNAMS BYIN NA, ,DE NI DAM CHOS YONGS 'DZIN PA'I, ,GZUGS NI SO SOR THOB PAR 'GYUR, ,RGYAN RNAMS KUN DANG LDAN PA YI, ,BU MO STONG PHRAG BRGYAD CU DAG ,YO BYAD KUN DANG LHAN CIG TU, ,THUB PA YI NI SNGON STZAL TO, ,GSAL ZHING RNAM PAR BKRA BA YI, ,GOS DANG RGYAN RNAMS DAG DANG NI, ,DRI DANG PHRENG BA'I LONGS SPYOD STZOGS, ,SLONG LA RJES SU BRTZE BAS SBYIN, , GANG PHYIR NOR DANG CHOS MED PAS, ,PHONGS SHING SDUG BSNGAL CHEN POR 'GYUR, ,DE LA DE MA THAG SBYIN NA, ,DE LAS GZHAN PA'I SBYIN PA MED, ,GANG PHYIR DUG GIS PHAN GYUR SKABS, ,DUG KYANG SBYIN PAR BYA BA YIN, ,GANG PHYIR GNOD PAR GYUR NA NI, ,ZAS MCHOG KYANG NI SBYIN MI @222A *, ,BYA; SBRUL SOS REG PA'I SOR MO BCAD, ,LAM NI JI LTA DE LTA BAR, ,GZHAN LA PHAN NA SDUG BSNGAL KYANG, ,THUB PAS BYA BAR GSUNGS PA YIN, ,DAM PA'I CHOS LA GUS PAR BYA, ,CHOS SMRA BA LA MCHOG TU BYA, ,CHOS KYI NYAN PA RTAG TU BYA, ,CHOS KYI SBYIN PA RANG GIS BYA, ,'JIG RTEN CHOS LA CHAGS MI BYA, ,'JIG RTEN 'DAS CHOS CHAGS PAR BYA, ,JI LTAR BDAG NYID DE BZHIN GZHAN, ,YON TAN KUN NI BSKYED PAR BYA, ,DAM CHOS THOS PAS MI NGOMS BYA, ,GZUNGS THOB DON NI 'BYED BAR 'GYUR, ,BLA MA LA YON PHUL NAS NI, ,DES NI RTAG PAR BSTEN PAR BYA, ,'JIG RTEN SMIN PHYIR THOS PA BTZAL, ,RTZOD PA'I DON DANG NGA RGYAL SPANG, ,RANG GI YON TAN BRJOD MI BYA, ,DGRA'I YANG YON TAN BRJOD PAR BYA, ,GZHAN GYI MTSANG RNAMS 'BRU MI BYA, ,GDUG PA'I SEMS NI BSDU MI BYA, ,BDAG NYID DAM NI GZHAN RNAMS KYI, ,'KHRUL PA SO SOR BRTAG PAR BYA, ,KHA NA MA THO GANG ZHIG GIS, ,GZHAN GYI RGYUD DAG SKYON CAN GYUR, ,RANG GI RGYUD LA MTHONG GYUR NA, ,MKHAS PAS DE MA THAG TU BTANG, ,GZHAN LA PHAN PAR DAG GDAGS PAR BYA, ,LAN LA LTA BAR MI BYA'O, ,SDUG BSNGAL BDAG NYID GCIG PUS SPYAD, ,BDE BA THUN MONG LONGS SPYOD BYA, ,GAL TE PHUN SUM TSOGS GYUR KYANG, ,NGA RGYAL MTHO SEMS MI BYA ZHING, PHUN SUM TSOGS MED YI DAGS 'DRA, ,LONGS SPYOD MED KYANG ZHUM MI BYA, ,'CHI 'AM RGYAL SRID NYAMS GYUR KYANG, ,BDEN PA'I TSIG TU SMRA BAR BYA, ,RANG GI DON DU CANG MI SMRA, ,DON NI JI BZHIN BRJOD GYUR KYANG, ,GZHAN LA GNOD NA BDEN MA YIN, ,GZHAN LA GCIG TU PHAN GYUR NA, ,DON MIN BRJOD KYANG BDEN PA YIN, ,JI LTAR SMRAS PA DE BZHIN BYED, ,BRTUL ZHUGS BRTAN PAR GYUR PA 'DI, ,SA STENG KUN GYI DBANG MCHOG TU, ,MA 'ONGS PA NA 'GYUR BA YIN, ,LEGS PAR BRTAGS NAS GANG BYED PA, ,THAMS CAD KYIS NI RTAG PAR BSTOD, ,JI LTAR GYUR PA'I DON BSTAN NA, ,GZHAN RNAMS YID NI CHES PAR 'GYUR, ,PHA DANG MA LA MCHOD PA DANG, ,SKYE BO YA RABS MCHOD PA DANG, , @222B 'TSO BA DAG CING BZOD PA DANG, ,GTONG PHOD TSIG MI RTZUB PA DANG, ,DBYEN DANG BRDZUN DAG MI SMRA BA, ,BRTUL ZHUGS 'DI DAG BRTEN BYAS NA, ,LHA YI DBANG POR SKYE BAR 'GYUR, ,DER YANG LHA DBANG BYED PAR 'GYUR, ,DE PHYIR CHOS 'DI SPYAD PAR BYA, ,NYIN RE BZHIN DU DUS GSUM DU, ,'KHAR GZHONG SUM BRGYA'I BZA' BYIN PA'I, ,BSOD NAMS TSOGS KYI PHUNG PO YIS, ,YUD TZAM BYAMS PA BSGOMS PA YI, ,BSOD NAMS TSOGS LA CHAR MI PHOD, ,LHA DANG MI LA SDUG PAR 'GYUR, ,'DI RNAMS KYIS KYANG SRUNG BAR BYED, ,YID BDE BA DANG LUS BDE DANG; ;DUG DANG MTSON GYIS GNOD MI 'GYUR, ,TSEGS MED PA YIS NOR THOB 'GYUR, ,TSANGS PA'I 'JIG RTEN DU YANG SKYE, ,BYAMS PA'I CHOS 'BREL BRGYAD PO 'DI, ,SPYAD CING GAL TE MA BRAL NA'O, ,SEMS CAN RNAMS LA SEMS BSKYED BYA, ,BYANG CHUB TU NI BRTAG PAR BYA,, RI RAB LTA BUR BRTAN PA YI, ,BYANG CHUB SEMS NI THOB PAR 'GYUR, ,DAD PAS MI KHOM BRGYAD SPANGS TE, ,TSUL KHRIMS KYIS NI BDE 'GROR 'GRO, ,STONG PA NYID LA GOMS BYAS PAS, ,DGE BA MA NYAMS THOB PAR 'GYUR, ,G-YO SGYU MED PAS DRAN PA 'THOB, ,SEMS PA PO YIS BLO GROS THOB, ,GUS PAR BYAS PAS DON RTOGS 'GYUR, ,DAM CHOS BSRUNGS PAS SHES RAB THOB, ,CHOS KYI MNYAN PAS SBYIN PA DANG, ,SGRIB PA MED PA'I BYA BYAS NA, ,SANGS RGYAS NYID NI MYUR THOB 'GYUR, ,MA CHAGS PAS NI DON GRUB 'GYUR, ,SER SNA MED PAS LONGS SPYOD 'PHEL, ,NGA RGYAL MED PAS MCHOG TU 'GYUR, ,CHOS LA BZOD PAS GZUNGS THOB YIN, ,SNYING PO LNGA NI RAB SBYIN NA, ,'JIGS PA LAS KYANG 'JIGS MED 'GYUR, ,STOBS CHEN MCHOG TU GYUR PA YI, ,BDUNG KUN GYIS NI MI BDZI BA'O, ,MCHOD RTEN LA SOGS RNAMS LA NI, ,MAR ME YI NI PHRENG BA DBUL, ,MUN NAG RNAMS SU MAR ME SPOR, ,MAR ME'I CHED DU 'BRU MAR STER, ,LHA YI MIG DAG THOB PAR 'GYUR, ,MCHOD RTEN LA SOGS MCHOD PA'I PHYIR, ,SGRA YI RNAM GRANGS DRIL SOGS DANG, ,DUNG DANG RNGA SOGS MCHOD PA'I PHYIR, ,SGRA YI RNAM GRANGS SGRA 'BUL NA,, @223A *, ,LHA YI RNA BA THOB PAR 'GYUR, ,GZHAN GYI SKYON MTHONG MI SGROGS SHING, ,'KHRUL PA MTHONG YANG LKUGS PA BZHIN, ,GZHAN SEMS RJES SU BSRUNGS PA YIS, ,GZHAN GYI SEMS SHES THOB PAR 'GYUR, ,BCAG LHAM GRU STZAGS BZHON PA STER, , NYAM NGAR LHUNG LAS SGROL BA DANG, ,BLA MA RNAMS LA SEMS PA YIS, ,RDZU 'PHRUL DAG NI THOB PAR 'GYUR, ,CHOS KYI 'BRAS BU RNAMS DRAN DANG, ,DE BZHIN CHOS GZHUNG DON DRAN PAS, ,SKYE BA DRAN PAR 'GYUR BA YIN, ,DRI MED CHOS KYI SBYIN BA DANG, ,SNA TSOGS RNAM DAG SMON LAM GYIS, , SANGS RGYAS ZHING NI RNAM SPYOD BYED, ,RIN CHEN SBYIN PAS THUB DBANG GI ,'OD ZER DPAG MED RAB TU 'GYED, ,DNGOS RNAMS NGO BO NYID MED PAR, ,YANG DAG JI BZHIN YONGS SHES PAS, ,MNGON SHES MCHOG TU GYUR PA YI, ,DRUG PA ZAG PA KUN ZAD PA'O, ,YON TAN DE RNAMS MDOR BSDUS TE; ;BYANG CHUB SEMS DPAS BSTEN PAR BYA, ,SBYIN PA TSUL KHRIMS BZOD BRTZON 'GRUS, ,BSAM GTAN SHES RAB SNYING RJE STZOGS, ,RANG RDZAS GTONG BA SBYIN PA DE, ,GZHAN LA PHAN BYED TSUL KHRIMS SO, ,BZOD PAS KHRO BA YONGS GTONG BA'O, ,DKAR PO'I CHOS 'PHEL BRTZON 'GRUS YIN, ,BYING RGOD ZHI BA BSAM GTAN TE, ,YANG DAG DON STON SHES RAB YIN, ,SEMS CAN KUN LA RO GCIG BLO, ,SNYING RJE ZHES NI BRJOD PA YIN, ,SBYIN PAS LONGS SPYOD THOB PAR 'GYUR, ,TSUL KHRIMS KYIS NI BDE 'GRO STE, ,BZOD PA YIS NI GZUGS BZANG BA'O, ,BRTZON 'GRUS KYIS NI GZIM DANGS CHE, ,BSAM GTAN GYIS NI SHES RAB GROL, ,SNYING RJES DON KUN SGRUB PAR BYED, ,BDUN PO DE RNAMS MA LUS PAR, ,CIG CAR PHA ROL PHYIN PA YI, ,BSAM MI KHYAB PA'I YE SHES YUL, ,'JIG RTEN MGON NYID THOB PAR 'GYUR, ,DE LTAR LAS DANG 'BRAS BU DAG ,MA 'KHRUL TSUL NI SHES BYAS NAS, ,RTAG PAR 'GRO LA PHAN GDAGS BYA, ,DE NYID BDAG LA'ANG PHAN PAR 'GYUR, ,CHOS RNAMS NGES PA ZHES BYA BA, ,BYIS PA'I SKYE BOS RTOGS BYA'I PHYIR, ,GZHUNG RGYAS GZHAN LAS BDAG GIS NI, ,MDO RU BSDUS TE BRIS @223B PA YIN, ,'DI BRTZAMS DGE BA GANG THOB DES, ,MTHA' YAS SEMS CAN MA LUS KUN, ,RTAG CHAD MTHA' LAS GROL GYUR TE, ,BLA MED BYANG CHUB THOB PAR SHOG, PANdI tA CHEN PO RATNA K'I RTIS MDZAD PA'I, CHOS RNAM PAR NGES PA ZHES BYA BA'I RAB TU BYED PA RDZOGS SO,, ,, RGYA GAR GYI MKHAN PO PAndI TA CHEN PO RATNA K'I RTI DANG, BOD KYI LO TZ'A BA CHINGS YON TAN 'BAR GYIS BSGYUR CING ZHUS TE GTAN LA PHAB PA'O,, ,,#, ,RGYA GAR SKAD DU, MA DHYA MA AA LAm K'A RA AU PA DE SHA, BOD SKAD DU, DBU MA RGYAN GYI MAN NGAG ,RJE BTZUN MA SGROL MA LA PHYAG 'TSAL LO, ,SKU GNYIS KYI NI GNAS KHYAB PA'I, ,GANG ZHIG NYI ZLA GZA' SKAR BZHIN, ,BDE BA CHEN PO NYID KYI SKU, ,RTAG PAR RDO RJE 'CHANG LA 'DUD, ,BYAMS PA THOGS MED KYIS GSUNGS SHING, ,KLU SGRUB KYIS KYANG BZHED PA YI, ,TSAD MA LUNG DANG LDAN PA YIS, ,BDEN PA GNYIS 'DIR BSHAD PAR BYA, ,DE LA BDEN PA GNYIS NI DON DAM PA DANG KUN RDZOB BO, ,DON DAM PA YANG RNAM PA GSUM STE, ,DON DAM PA NI DE BZHIN NYID DO, ,SGRUB PA DON DAM PA NI YANG DAG PA'I YE SHES SO, ,THOB PAR BYA BA'I DON DAM PA NI MYA NGAN LAS 'DAS PA'O, ,JI SKAD DU, DON DANG THOB DANG SGRUB PA DANG, ,DON DAM RNAM PA GSUM DU 'DOD, ,CES BSHAD PA LTA BU'O, ,KUN RDZOB KYANG RNAM PA GSUM STE, BRTAGS PA'I KUN RDZOB NI CHOS THAMS CAD KUN BRTAGS PA'I RANG BZHIN NO, , SHES PA'I KUN RDZOB NI LOG PA'I SHES PA THAMS CAD DO, ,BRJOD PA'I KUN RDZOB NI SGRA DANG RTOG PAS DON DAM PA STON PAR BYED PA'O, ,JI SKAD DU, BRTAGS PA DANG NI SHES PA DANG, ,DE BZHIN BRJOD PA RGYA CHE YIN, ,ZHES BSHAD PA LTA BU'O, ,BRJOD PA'I KUN RDZOB NI RNAM PAR RTOG PA MA YIN ZHING RNAM PAR MI RTOG PA YANG MA YIN NO, ,CI'I PHYIR RNAM PAR RTOG PA MA YIN ZHE NA, ,RNAM PAR MI RTOG PA BSKYED PA DANG RJES SU MTHUN PA NYID KYI PHYIR RO, ,CI'I PHYIR RNAM PAR MI RTOG PA MA YIN ZHE NA, YANG DAG PA'I DON LA RNAM PAR RTOG PA'I PHYIR RO, ,RNAM PAR MI RTOG PA'I NYID LAS @224A *, ,KYANG RNAM PAR MI RTOG PA SKYE BA MA YIN TE, BYIS PA RNAMS LA DE MED PA'I PHYIR RO, ,THA MAL PA'I RNAM PAR RTOG PA LAS SKYE BA YANG MA YIN TE, DE NI 'DI'I MI MTHUN PA'I PHYOGS NYID YIN PA'I PHYIR RO, ,'ON KYANG MI RTOG PA NYID MI SKYE BA MA YIN TE, MNYAM PAR 'JOG PA'I YID KYIS SO SOR RTOG PA RNAMS DE BSGOM PA'I RJES SU 'GRO BAS, 'BAD RTZOL MED PAR CHOS KYI DBYINGS SPROS PA MED PA LA SEMS MNYAM PAR GZHAG PAR 'GYUR RO, ,SPROS PA MED PA DE LA RNAM PAR MI RTOG PA'I YE SHES ZHES BYA'O, ,DE SKAD DU YANG, RNAM PAR MI RTOG PA'I GZUNGS LAS, DE YANG DAG PAR SPYOR BAS RJES SU 'GRO'O, ,BSGOM PAS RJES SU 'GRO'O, ,MANG DU BYAS PAS RJES SU 'GRO'O, ,YANG DAG PAR YID LA BYED PAS RJES SU 'GRO'O ZHES GSUNGS PA DANG, GZHAN DAG LAS KYANG, BSAM PA'I RANG BZHIN CAN NYID KYI SHES RAB GOMS PAR BYAS NAS, DON DAM PA'I YE SHES 'KHRUL PAS DBEN PA DRI MA MED PA 'JIG PA MED PA MNGON SUM DU BYED PAR 'GYUR RO, ,DE BAS NA YANG DAG PA LA SO SOR RTOG PA NYID RNAM PAR MI RTOG PA'I BYANG CHUB RTOG PAR 'DOD PA RNAMS KYIS BSTEN CING BSGOM PAR BYA'O ZHES BYA BA NI GRUB PA'I MTHA' YIN NO, ,YANG DON DAM PA'I BDEN PA GANG ZHE NA, 'PHAGS PA RNAMS KYI YUL DU GYUR PA'I PHYIR RO, ,KUN RDZOB KYI BDEN PA GANG ZHE NA, BYIS PA RNAMS KYI YUL DU GYUR PA'I PHYIR RO, ,YE SHES DAM PA'I YUL YIN PA'I PHYIR DANG, YE SHES DAM PA'I 'BRAS BU YIN PA'I PHYIR DANG, DON NGAM PAR YOD PA'I PHYIR DANG, DON DAM GSUM PO GO RIMS BZHIN DU GZHAG GO, ,KUN BRTAGS DANG, GZHAN DBANG DANG, YONGS SU GRUB PA STE, KUN RDZOB RNAM PA GSUM GYI MTSAN NYID GO RIMS BZHIN NO, ,DE BAS NA DE NYID LA RANG BZHIN GSUM GYI DBU MA YIN TE DE YANG, GNYIS KYI BDAG NYID THAMS CAD MED, ,GNYIS SU 'KHRUL PA'I BDAG NYID YOD, ,DE NI STONG PA'I BDAG NYID DE, ,DBU MA'I LAM DU DE BZHED DO, ,DE SKAD KYANG, KUN BRTAGS DANG NI GZHAN DBANG DANG, ,YONGS SU GRUB PA 'DI RNAMS NI, ,BRTAGS DANG RGYU LAS @224B SKYE BA DANG, ,MI 'GYUR PHYIR NA GO RIMS BZHIN, ,ZHES GSUNGS PA'I PHYIR RO, ,DE RNAMS KYI MTSAN NYID KYANG 'DIR MDOR BSDUS NAS BRJOD PAR BYA STE, 'DI GNYIS KYI MTSAN NYID JI LTA BA BZHIN DU MED PA'I PHYIR KUN BRTAGS PA'I NGO BO NYID DO, ,DE YANG GZUNG BA DANG 'DZIN PA GNYIS SO, ,GNYIS MED KYANG BAG CHAGS KYI DBANG GIS GNYIS SU SNANG BAR SKYE BA'O, ,DE NI RGYU RKYEN LA RAG LAS PA'I PHYIR GZHAN GYI DBANG GI NGO BO NYID DO, ,YANG NA GZHAN ZHES BYA BA NI RNAM PA LA BYA LA, ,YANG DAG PA'I YE SHES NI TSU ROL TE, GZHAN GYI DBANG MA YIN NO, ,GZHAN GYI DBANG DE YANG RNAM PA GSUM STE, KUN GZHI RNAM PAR SHES PA DANG, NYON MONGS PA CAN GYI YID DANG, 'JUG PA'I RNAM PAR SHES PA'O, ,KUN NAS NYON MONGS PA'I CHOS THAMS CAD KYI SA BON GYI RTEN DU GYUR PAS KUN GZHI YIN LA RANG GI NGO BO LA NYE BAR DMIGS PAS RNAM PAR SHES PA'O, ,NYON MONGS PA BZHI DANG RTAG TU MTSUNGS PAR LDAN PAS NYON MONGS PA CAN YIN LA, BDAG GO ZHES RTAG TU RLOM SEMS PA'I BDAG NYID YIN PAS YID DO, ,YUL SO SO LA YANG DANG YANG DU 'BYUNG BAS 'JUG PA YIN LA, YUL LA NYE BAR DMIGS PAS RNAM PAR SHES PA'O, ,GZHAN DBANG DE KUN BRTAGS PA DES DUS THAMS CAD DU STONG PA NYID DANG, DBEN PA NYID DANG, BRAL BA NYID DU GYUR PA DE NI YONGS SU GRUB PA'I NGO BO NYID DO, ,SHES PA GANG NAM YANG GNYIS KYIS MI STONG PA DE NI CUNG ZAD TZAM YANG MED DE, ,STONG PA DE YANG NAM YANG 'GYUR BA MED PAR THAMS CAD NAS THAMS CAD DU NAM MKHA' LTA BUR RO GCIG PA NYID DE, DE BAS YONGS SU GRUB PA'I MTSAN NYID DU BRJOD DO, ,'PHAGS PA BYAMS PAS KYANG, GNYIS DNGOS MED PA'I DNGOS MED PA, ,DNGOS PO STONG PA'I MTSAN NYID DO, ,ZHES GSUNGS SO, ,'O NA GNYIS KYI STONG PA THOG MA MED PA YIN PAS DE'I TSE NA THOG MA NYID NAS BYANG CHUB PAR 'GYUR RO ZHE NA, MI 'GYUR TE NYAMS SU MYONG BA @225A *, ,YONG DU ZIN KYANG NGES PA MED PA'I PHYIR RO, ,DE BAS NA GZHAN DBANG LA DE YONGS SU GRUB PA'I RANG BZHIN DU NGES NAS BYANG CHUB PAR 'GYUR RO, ,KUN BRTAGS PA'I RANG BZHIN DU NGES NA 'KHOR BAR 'GYUR RO, ,YONGS SU GRUB PA'I NGO BO GANG YIN PA DE NI GZHAN DBANG GI STONG PA NYID KYI NGO BO YIN NO, ,GANG GIS STONG NA GNYIS KYIS SO, ,STONG PA NYID PHYIR DNGOS PO MIN, ,DE DNGOS YIN PHYIR DNGOS MED MIN, ,LUS DNGOS YIN PHYIR GZHAN MA YIN, MTSAN NYID KYIS NI GZHAN MIN MIN, ,ZHES GSUNGS SO, ,GAL TE DE DAG GZHAN MA YIN NA 'DU BYED RNAMS MTHONG BA NA STONG PA NYID KYANG NGES PAR 'GYUR LA, DE LTAR NA THAMS CAD KYANG BDEN PA MTHONG BA LA SOGS PAR 'GYUR RO, ,GZHAN YANG 'DU BYED RNAMS KUN NAS NYON MONGS PA BZHIN DU STONG PA YANG KUN NAS NYON MONGS PAR 'GYUR LA, STONG PA RTAG PA BZHIN DU KUN NAS NYON MONGS PA YANG RTAG PAR 'GYUR BA'AM, STONG PA BEMS PO BZHIN DU 'DU BYED RNAMS KYANG BEMS POR 'GYUR BAS, DE'I PHYIR DE NI DE RNAMS LAS THA MI DAD PA MA YIN NO, ,THA DAD PA YANG MA YIN TE BDEN PA MTHONG BA RNAMS KYIS KYANG 'DU BYED RNAMS KYI MTSAN MA ZIL GYIS NON PAR MI 'GYUR LA, GZHAN YANG STONG PA DE MI MYONG BAR 'GYUR RO, ,KUN NAS NYON MONGS PA DANG RNAM PAR BYANG BA'I MTSAN NYID DAG KYANG GCIG PA DANG THA DAD PAR 'GYUR RO, ,DE BAS NA 'DI NI DE DAG LAS THA DAD PA MA YIN NO, ,DE SKAD KYANG, DNGOS PO MA YIN DNGOS MED MIN, ,THA DAD GCIG GI MTSAN NYID MIN, ,ZHES GSUNGS SO, ,YANG DE'I MING GI RNAM GRANGS NI, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYI DBYINGS DANG CHOS NYID DO, ,ZHES GSUNGS SO, ,DE RNAMS KYI RNAM GRANGS KYI DON NI, 'GYUR BA MED PAS NA DE BZHIN NYID DO, ,DE KHO NA NYID KYI MTHA' YIN PAS NA YANG DAG PA'I MTHA'O, ,'DI LA DNGOS PO'I MTSAN MA MED PAS NA MTSAN MA MED PA'O, ,'JIG RTEN LAS 'DAS PA'I YE SHES DAM @225B PA YIN LA DON NI DE'I YUL YIN TE NGES NA DON DAM PA'O, ,'PHAGS PA'I CHOS RNAMS KYI RGYU YIN PAS CHOS KYI DBYINGS SO, ,THAMS CAD KYI RANG BZHIN YIN PAS CHOS NYID DO, ,YANG DE SNGON GYI GNAS SKABS SU NI KUN NAS NYON MONGS PAR 'GYUR ZHING, DE'I BDAG NYID MA YIN PA'I GLO BUR GYI DRI MA CAN YANG YIN NO, ,PHYIS DE SPANGS PAS RNAM PAR DAG PAR 'GYUR ZHING DRI MA MED PA YIN TE DE YANG, DE NI DRI BCAS DRI MA MED, ,KUN NAS NYON MONGS RNAM PAR DAG, ,CHU KHAMS GSER DANG NAM MKHA' BZHIN, ,DAG PA BZHIN DU DAG PAR 'DOD, , GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG MED MA GYUR, ,'BAD PA 'BRAS BU MED PAR 'GYUR, ,NYON MONGS MA YIN MI MONGS MIN, ,DE NI DAG DANG MA DAG MIN, ,SEMS KYI RANG BZHIN 'OD GSAL BA, ,NYON MONGS DANG NI GLO BUR PHYIR, ,ZHES RGYA CHER GSUNGS PA'O, ,DE LTAR NA DE RNAMS LA KUN BRTAGS PA'I GZUGS DANG, RNAM PAR BRTAGS PA'I GZUGS DANG, CHOS NYID KYI GZUGS DANG, YANG BTAGS PAR YOD PA DANG RDZAS SU YOD PA DANG, DON DAM PAR YOD PA DANG ZHES KYANG GSUNGS SO,, DE LTA BAS NA RANG BZHIN GSUM DANG LDAN PA DE NI DBU MA'I LAM YIN NO ZHES GSUNGS PA NI, KUN BRTAGS PA'I RANG BZHIN GYIS NI YOD PA MA YIN ZHING, GZHAN GYI DBANG DANG YONGS SU GRUB PA'I RANG BZHIN GYIS NI MED PA MA YIN TE, DE BAS NA MTHA' GNYIS DANG BRAL BA'O, ,DE YANG, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI DE LA YOD, ,DE LA YANG NI DE YOD DO, ,STONG PA MA YIN MI STONG MIN, ,DE LTA BAS NA THAMS CAD BSHAD, ,YOD PAS MED PAS YOD PAS NA, ,DE NI DBU MA'I LAM YIN NO, ,ZHES GSUNGS SO, ,SNGON PO LA SOGS PA'I RNAM PAR RTOG PA'I LUS NI YOD PA'O, ,SNGON PO LA SOGS PA'I MTSAN NYID NI MED PA STE, JI SKAD DU 'CHAD PAR 'GYUR BA'I GNOD PA YOD PA'I PHYIR RO, ,DE BAS NA SNGON PO LA SOGS PA'I BAG CHAGS KYIS BSLAD PA'I DBANG GIS 'KHRUL PA'O, ,DE @226A *, ,LTAR GYUR BAS DE MYONG BA YANG 'KHRUL PA DANG GZHAN MYONG BA LTA BUR MYONG BA'O, ,YANG RIG PA GSAL BA'I NGO BO LA GNOD PAR BYED PA NI MED DE, DE LAS LHAG PA'I TSAD MA GZHAN MED PA'I PHYIR RO, ,DE NI RANG RIG PA'I MNGON SUM YIN PA DANG, YANG DAG TU MYONG BA'O, ,DE BAS NA 'DI NI TSAD MAS GRUB PA STE, TSAD MA NI TSAD MA BRGYAS KYANG MI GNOD DE, TSAD MA MA YIN PA PHA ROL GYI 'DOD PA TZAM GYIS SMOS KYANG CI DGOS, DE LTAR NA TSAD MA GNYIS KYIS SGRUB PA DANG SUN 'BYIN PA YIN NO, ,GNYIS LTAR SNANG BA'I PHYIR GNYIS KYI MTSAN MA ZHES KYANG BYA STE, DE 'JIG RTEN LAS 'DAS PA'I YE SHES LA 'GAG PAR 'GYUR BA DANG, DE NI MA 'KHRUL PA DANG YANG DAG PA'I YE SHES YIN PAS PHYIN CI MA LOG PAR YONGS SU GRUB PA'O, ,DE'I DE BZHIN NYID NI MI 'GYUR BA YONGS SU GRUB PA'I NGO BO NYID DO, , KLU SGRUB KYI ZHAL NAS KYANG, ,DNGOS RNAMS SKYE BA YOD MIN ZHING, ,'GAG PA'ANG GANG NA YOD MIN PA, ,SHES PA 'DI NYID KHO NA NI, ,SKYE ZHING 'GAG PAR 'GYUR BA YIN, ,'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,YE SHES LA NI DE BRAL NA, , LOG PAR RNAM BRTAGS CIS MA YIN, ,ZHES BYA BA 'DIS THAMS CAD GSUNGS PA YIN NO, ,DE LTA BAS NA RNAL 'BYOR SPYOD PA PA DANG, DBU MA GRUB PA'I MTHA' MTSUNGS PA YIN NO, ,DE LTA BAS NA DON 'DI NI SHIN TU BZLOG PAR DKA' BA NYID YIN NO, ,PHYIN CI MA LOG PA'I YONGS SU GRUB PA DE YANG 'JIG RTEN LAS 'DAS PA'I YE SHES TE, DE YANG SNANG BA MED PA'I SA DANG, LHAG PA'I BSAM PA RNAM PAR DAG PA'I SA DANG, KHYAD PAR GYIS DANG, RDO RJE LTA BU'I TING NGE 'DZIN GYI DUS DER, CHOS THAMS CAD NAM MKHA'I DKYIL DANG MTSUNGS PAR MTHONG NGO, , 'JIG RTEN LAS 'DAS PA'I YE SHES PAS NI, CHOS THAMS CAD SKYU MA'I DPE BRGYAD DANG 'DRA BAR MTHONG NGO ZHES GSUNGS SO, ,DE LA DAG PA 'JIG RTEN PA'I YE SHES ZHES BYA STE, YE SHES DES DE KHO NA NYID YONGS SU GCOD PA NYID KYIS DAG PA YIN LA, 'KHRUL BA NYID KYIS 'JIG @226B RTEN PA YIN NO, ,DE BZHIN DU SANGS RGYAS KYI SA LA DGOS PA'I DBANG GIS RDZOGS PA'I BYANG CHUB CUNG ZAD 'KHRUL PA YIN TE, DAG PA 'JIG RTEN PA'I BDAG NYID YIN PA'I PHYIR RO, ,SA DE RNAMS SU SHES PA RNAMS GNAS GYUR CING MI 'DRA BAR SMIN PA'O, ,DE LTAR SHES PA NI GNYIS TE, 'JIG RTEN PA'I SHES PA DANG, 'JIG RTEN LAS 'DAS PA'I SHES PA'O, ,'JIG RTEN PA'I SHES PA YANG, MA DAG PA 'JIG RTEN PA'I SHES PA DANG, DAG PA 'JIG RTEN PA'I SHES PA'O, ,LUGS 'DI NI RNAM PA MED PA YIN TE DE YANG, 'JIG RTEN PA YI YE SHES LA, ,RNAM PA DAG NI NUB GYUR NAS, ,DE NYID GNYIS MED SPROS PA MED, ,KHYAB BDAG SNANG BA MED PA SKYE, ,'JIG RTEN SHES PA RNAM BCAS KYANG, RNAM PA DAG NI BRDZUN PA DANG, ,BDEN MIN RNAM PAR GCOD PAS NA, ,DE NI RNAM PA MED PAR BRJOD, , GZHAN DAG SANGS RGYAS PA RNAMS 'DI SKAD DU SMRA STE, GANG ZHIG RNAM PA MED PA'I SHES PAS SNGON PO LA SOGS PA'I DON RIG PAR 'DOD PA NI BYE BRAG TU SMRA BA'O, ,GANG ZHIG DON GYIS PHAN BTAGS PA'I GZUGS BRNYAN GYI RNAM PA NYAMS SU MYONG BA DON RIG PAR 'DOD PA NYID NI MDO SDE PA'O, ,GZHAN DBU MA LTAR SNANG BA'I PHYOGS GSUM DANG, RNAL 'BYOR SPYOD PA'I PHYOGS BZHI, TSAD MA DANG LUNG DANG BSTAN BCOS LA MKHAS PA RNAMS KYIS SUN DBYUNG BAR BYA STE, DE LA SNGON PO LA SOGS PA 'DI DAG JI LTAR RNAM PAR SHES PA YIN ZHE NA, BCOM LDAN 'DAS KYIS KYANG, JI LTAR BYIS PAS RNAM BRTAGS PA'I, ,PHYI ROL DON NI YOD MA YIN, ,BAG CHAGS KYIS NI DKRUGS PA'I SEMS, ,DON DANG SNANG BAR GYUR PA YIN, ,ZHES GSUNGS SO, ,'O NA 'DI LA RIGS PA CI YOD CE NA, GANG YANG RMI LAM GYI SHES PA NYID DON DE DANG DER SNANG YANG SAD PA NYID NA MA YIN PA BZHIN NO, ,DPE TZAM GYIS DON GRUB PA MED DO ZHE NA, 'DI LA BRJOD PAR BYA STE, CHOS RNAMS RANG NYID GSAL BZHIN PAR BDAG NYID KYIS GSAL BA'I NGO BO NYAMS SU MYONG BAS GRUB PA YIN LA, GSAL BA DE LA YANG RAB TU SNANG BA DANG, @227A *, ,SO SOR SNANG BA DANG, GSAL BZHIN PA ZHES BYA'O, ,DE YANG BEMS PO MA YIN TE, LKOG TU GYUR PA MA YIN ZHING SHIN TU YONGS SU GSAL BA'I RANG BZHIN NO, ,DE GRUB PA MA YIN NA NI GANG YANG SNANG BAR MI 'GYUR BAS THAMS CAD MA GRUB PAR THAL BAR 'GYUR RO, ,GRUB NA NI DE NYID SHES PA YIN PAS CHOS THAMS CAD RNAM PAR SHES PA'I RANG BZHIN DU GRUB PAR 'GYUR RO, ,'DIR TSIGS SU BCAD PA NI, GSAL BA MIN PA GSAL MI 'GYUR, ,GZHAN GYIS KYANG NI GSAL MI NUS, ,SNGON PO LA SOGS GSAL BA STE, DE PHYIR GNYIS MED SHES PA YIN, ,MDO SDE PA LTAR NA YANG, ,SHES PA DES 'BREL PA GANG GIS DON DE MYONG BAR 'GYUR, ,DE LAS BYUNG BA'I 'BREL BAS SO ZHEN, MIG KYANG MIG GI RNAM PAR SHES PAS MYONG BAR 'GYUR RO, ,YANG RMI LAM DE MED KYANG DER SNAD BA 'BYUNG BA'I PHYIR RO, ,'ON TE 'DRA BA'I DBANG GIS SO ZHE NA, , DE YANG KUN GYIS MTSUNGS NA NI, SHES PA YANG BEMS PO NYID DU 'GYUR RO, ,'GA' ZHIG GIS MTSUNGS NA NI KUN GYIS THAMS CAD RIG PAR 'GYUR RO, ,GZHAN YANG SNAM BU DANG RE LDE LA SOGS PAR SNANG BA 'DI DAG GCIG GAM DU MA ZHIG, GAL TE GCIG NA THOG MA DANG THA MA DANG DBUS KYI CHA THA DAD PAR SNANG BAR MI 'GYUR TE, THA DAD PA DANG THA DAD PA MA YIN PA 'GAL BA'I PHYIR RO, ,CI STE DE LTAR NA CHA SHAS RNAMS KYANG SO SOR GCIG TU MI RUNG BAS CHA SHAS MED PA'I RDUL PHRA RAB 'BA' ZHIG GNAS 'GRANGS NA MA YIN TE, RTAG TU STUG POR SNANG BA'I PHYIR DANG, RDUL PHRA RAB GCIG TU MTHONG BA MED PA'I PHYIR RO, ,RDUL PHRA RAB MANG POS SBYAR BAS YIN NO ZER NA, DE YANG GAL TE CHA SHAS KYIS SBYOR NA NI CHA SHAS MED PA'I RDUL PHRA RAB TU MI 'GYUR LA CHA SHAS MED PAS SBYOR NA NI RDUL PHRA MO RNAMS GCIG LA GCIG ZHUGS PAS RI LA SOGS PA YANG RDUL PHRA RAB KYI TSAD TZAM DU THAL BAR 'GYUR RO, ,DE BAS NA SNAM BU LA SOGS PA 'DI DAG GCIG DANG DU MA DANG BRAL BA'I PHYIR RO, ,DE YANG, DRUG GIS CIG CAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG DU RDUL PHRAN TZAM DU 'GYUR, ,ZHES GSUNGS SO, ,JI LTAR SNGON @227B PO LA SOGS PA PHYI ROL GYI LAS THAL BAR 'GYUR BA'I SKYON BRJOD PA 'DI DAG NI, RNAM PAR SHES PA'I BDAG NYID KYI SNGON PO LA SOGS PA LA YANG MTSUNGS TE, THAL BAR 'GYUR BA LA BYE BRAG MED PA'I PHYIR RO, ,DON DANG RNAM PAR SHES PA'I BYE BRAG TZAM GYIS NI CIR YANG MI 'GYUR RO, ,CI STE DON GYI RDUL PHRA RAB NI PHYOGS DRUG NAS NI BSKOR BA YIN LA, RNAM PAR SHES PA'I RDUL PHRA MO NI PHYOGS BZHI PA'O ZHE NA, CHA SHAS DANG BCAS PA MTSUNGS PA'I PHYIR DES KYANG CIR YANG MI 'GYUR TE, GCIG DANG DU MA LAS MA GTOGS PA'I DNGOS PO PHUNG PO GSUM PA GZHAN DAG KYANG MED PAS SNGON PO LA SOGS PA DAG NI PHYI ROL GYI DNGOS PO DANG NANG GI DNGOS POR MA GRUB PAS BRDZUN PA NYID DO, ,'DI YANG GSAL BA TZAM GYI BDAG NYID YIN YANG BAG CHAGS KYIS DKRUGS PA'I DBANG GIS MED DU ZIN KYANG, GANG ZHIG GI BDAG NYID DU GSAL BA STE, BDAG NYID DE DAG NI GO RIMS BZHIN DU GZHAN GYIS MA BZHAG PA DANG, BZHAG PAS YANG DAG PA DANG, YANG DAG PA MA YIN PA YIN GYI, GSAL BA NI GZHAN GYIS GZHAG PA MA YIN PA'I PHYIR, BRDZUN PAR MI RUNG NGO, ,DE'I 'JOG PAR BYED PA NI MED DE, KHYAD PAR MED PA'I PHYIR DANG, THUG PA MED PAR THAL BAR 'GYUR BA'I PHYIR RO, ,DE BAS NA GSAL BA 'DI NI RANG GI BDAG NYID LA MA 'KHRUL BA'I PHYIR MNGON SUM GYI TSAD MA YIN NO, ,GZHAN PA NI NAM MKHA' LA SKRA'I TSOGS SNANG BA BZHIN 'KHRUL PA YIN NO, ,'DI LTAR SNGON PO LA SOGS PA GSAL BA GCIG GI BDAG NYID YIN NO ZER NA, SNGON PO DANG SER PO LA SOGS PA MTSAN NYID PHAN TSUN SPANGS TE SNANG BAS GCIG MA YIN LA, DE'I BDAG NYID KYIS GSAL BA GCIG DANG 'GAL BA'I PHYIR DU MA NYID KYANG MA YIN NO, ,CI STE SNGON PO LA SOGS PA 'DI NI JI LTAR NYAMS SU MYONG BA DE LTAR GCIG YIN TE, LHAN CIG NYAMS SU MYONG BA'I PHYIR RO ZHE NA, MA YIN TE THA DAD PA NYID THA DAD PA MA YIN NO ZHES SMRAS PAR 'GYUR RO, ,CI STE DE'I BDAG NYID YIN PA'I PHYIR, ,DE DANG 'DRA BAR GSAL BA YANG THA DAD DO ZHE NA, DE DAG BDAG NYID SO SOR MYONG BA'I PHYIR, LHAN CIG TU MYONG BA MED PAS GCIG GI THAMS CAD MYONG BA MED PAR THAL BAR 'GYUR RO, ,DE BAS NA SNGON PO LA SOGS PAS NI GCIG DANG DU MA YIN PAS NA NAM MKHA'I SGRA'I TSOGS BZHIN NO, ,DON DE YANG @228A *, ,JI LTAR ME LONG LA NI GZUGS, ,GCIG DANG GZHAN PA RNAM SPANGS PA, ,SNANG YANG DE NI YOD MA YIN, ,DE BZHIN DNGOS RNAMS NGO BO NYID, ,CES GSUNGS SO, ,RNAM PAR SPANGS PA ZHES BYA BA NI GCIG DANG DU MA GNYI GA'I NGO BOR MED PA'O, ,'DI LTAR SNGON PO LA SOGS PA GSAL BA LAS THA DAD DAM, 'ON TE THA DAD PA MA YIN PA ZHIG YIN, CI STE THA DAD PA YIN NA NI DE MI SNANG BAR 'GYUR RO, ,GAL TE THA DAD PA MA YIN NA NI DE RNAMS GSAL BA'I BDAG NYID YIN PAS GCIG TU 'GYUR BA'AM, DE YANG DE RNAMS DANG THA MI DAD PAS DU MA GCIG TU MI BTUB PA YANG SNGAR BSHAD ZIN TO, ,JI LTAR ME LONG GZUGS ZHES BYA BA LA SOGS PA NI PHYOGS 'DIR NI GCIG DANG GZHAN PA ZHES BYA BA NI THA DAD PA DANG, THA DAD PA MA YIN PA'O, ,RNAL 'BYOR SPYOD PA PA DANG, DBU MA PA SHES PA RNAM PA DANG BCAS PAR SMRA BA KHA CIG NA RE, SNGON PO GSAL BA DAG BRDZUN PA DANG BRDZUN PA MA YIN PAR 'GYUR NA CHOS 'GAL BA NYID KYIS NA DE'I BDAG NYID DU 'THAD PAR MI 'GYUR LA, DE'I BDAG NYID MA YIN NA, SNGON PO LA SOGS PA GSAL BAR MI 'GYUR NA, SNGON PO LA SOGS PA NI GSAL BA YIN NO ZHE NA, SGRO MA BTAGS PA'AM DNGOS POR 'GYUR BA'I GSAL BA LAS GZHAN MA YIN PA'I PHYIR, SNGON PO LA SOGS PA NI SGRO MA BTAGS PA'AM, DNGOS POR 'GYUR BA YIN NO ZER TE, DE DAG GI LTAR NA GSAL BA THAMS CAD PHYIN CI MA LOG PA'I RANG GI NGO BO MYONG BA'I PHYIR 'KHRUL PA GTAN MED PAR 'GYUR RO, ,DES NA SEMS CAN THAMS CAD GTAN DU GROL ZHING YANG DAG PAR RDZOGS PA'I SANGS RGYAS NYID DU 'GYUR RO, ,JI STE BLO'I RNAM PA NI SNGON PO LA SOGS PA'I RANG GI MTSAN NYID LA MI RIGS PAS BRDZUN PA MA YIN LA, PHYI ROL GYI SNGON PO LA SOGS PA NI BRDZUN PA YIN TE, RANG GI SNANG BA DON MA YIN PA LA DON DU MNGON PAR ZHEN PAS GZHAG PA'I PHYIR RO ZHE NA, 'O NA NI RANG GI SNANG BA LA MNGON PAR ZHEN PA YIN PAS DE RNAM PA THAMS CAD DU SHES PA NYID DU ZHEN PAR 'GYUR GYI DON DU NI MA YIN TE DON MA YIN PA'I PHYIR RO, ,DE NYID KYI PHYIR 'KHRUL PA YIN NO ZHE NA, 'KHRUL PA DE NYID DPYAD PAR BYA STE, CI STE DON LA ZHE NA NI DE'I DON RNAM PA THAMS CAD DU YOD PAR 'GYUR BAS DON MED BZHIN DU ZHEN PAR MI 'GYUR RO, ,DE BAS NA DON LA YANG @228B ZHEN PA MA YIN LA, SHES PA YANG MA YIN NO, ,DE BAS NA BLO'I BSLAD PA JI LTAR GRAGS PA BZHIN DU RNAM PAR GZHAG PA YIN GYI YANG DAG PA JI LTA BA BZHIN DU NI MA YIN NO, ,GANG YANG GSAL BA LAS THA MI DAD PA'I PHYIR RNAM PA BRDZUN PA YANG DNGOS POR 'GYUR RO ZHES PA'I GTAN TSIGS 'DI GAL TE DNGOS PO'I RING BZHIN DU THA MI DAD DO ZHE NA GTAN TSIGS MA GRUB PAR 'GYUR RO, ,'ON TE THA MI DAD PA TZAM GTAN TSIGS YIN NA NI MA NGES PAR 'GYUR TE, GZUNG BA DANG 'DZIN PA NYID LA SOGS PA LA DE MED PAR GTAN TSIGS YOD PAS SO, ,RNAL 'BYOR SPYOD PA PA DANG, DBU MA PA RNAM PA MED PAR SMRA BA RNAMS PA RNAM PAR RTOG PA'I LUS RDZAS SU MED PAR SMRA STE, DE DAG GI LTAR NA YANG MNGON SUM GYI TSAD MA NI SKAD CIG MA DANG PO'I RTOG PA DANG BRAL BA YIN LA, RJES SU DPAG PA NI MED PA'I PHYIR RNAM PA 'DI NI THAMS CAD DU DGAG PAR NUS PA MA YIN NO, ,GANG YANG DBU MA PA KHA CIG NA RE 'JIG RTEN LAS GRAGS PA NI KUN RDZOB YIN TE, PHYI ROL GYI DON YANG 'JIG RTEN LA GRAGS PA YIN PAS, SEMS DANG SEMS LAS BYUNG BA BZHIN DU DE YANG KUN RDZOB TU YOD PA YIN NO, ,SEMS DANG SEMS LAS BYUNG BA NI 'KHRUL PA YIN TE, RANG GI RIG PA 'GAL BA'I PHYIR RAL GRI'I SOS RANG MI GCOD PA BZHIN NO, ,GZHAN RIG PA YANG BSLAD PA TZAM DU'U BU CAG GNYI GA 'DOD DO, ,DE BAS NA 'KHRUL PA ZAD PAS DON DAM PA RTOGS PA'I PHYIR RO, ,SANGS RGYAS PA RNAMS NI SEMS DANG SEMS LAS BYUNG BA ZAD PA NYID DO, ,GANG GI TSE DE RNAMS KYI SKYE BA DE'I TSE CHOS THAMS CAD SKYE BA MED PA'I DON DAM PAR RJES SU BYED PA THOB PAS MYONG BAR GZHAG GO, ,MI GNAS PA'I MYA NGAN LAS 'DAS PA NI SEMS CAN SNA TSOGS PA'I DON BYA BA'I PHYIR GZUGS BYIN GYIS BRLABS TE GZHAG NAS, YANG DAG PA'I BYANG CHUB MNGON DU BYED DO ZER BA DAG NI SMAD PA LAS KYANG SMAD PAR 'GYUR BA YIN TE, GANG GI PHYIR 'DI LTAR SEMS DANG SEMS LAS BYUNG BA 'DI DAG MED PA'I PHYIR RTOG PA NYID KYANG MED NA, DON DAM PAR YANG DAG PAR RDZOGS PA'I BYANG CHUB LTA GA LA YOD, CI STE YANG 'DI NI RTOGS PA KHO NA YIN NO ZHE NA, DE NYID SEMS YIN PAS SEMS DANG SEMS LAS BYUNG BA MED PA MA YIN NO, ,GZHAN YANG DON DAM PA DE BZHIN DU GYUR PA MYONG NA NI 'KHRUL BAR @229A *, ,'GYUR LA, THA MI DAD NA NI RANG RIG PAR 'GYUR RO, ,GZHAN YANG SEMS DANG SEMS LAS BYUNG BA 'KHRUL PA YIN NA DE'I TSE, DE RNAMS KYI GNYEN PO GANG YIN, 'KHRUL PA DE NYID RAGS PA'I CIG SHOS NI MI MTHUN PA'I PHYOGS YIN LA, PHRA BA NI GNYEN PO YIN NO ZHE NA, DE LTAR NA NI SHES PA THA MA LA NI GNYEN PO MED PAS SEMS DANG SEMS LAS BYUNG BA ZAD PAR MI 'GYUR RO, ,DE BAS NA 'DI LTAR RNAM PAR RIG PA TZAM GYI GNYUG MA RANG GI NGO BO MYONG BA NI MNGON SUM GYI TSAD MA YIN TE MA 'KHRUL PA'I PHYIR RO, ,SGRO BTAGS PA RANG GI NGO BO MYONG BAS NA 'KHRUL PA YANG YIN NO,, DE BAS NA 'KHRUL PA'I MTSAN MA DE THAMS CAD RIM GYIS DOR TE, NAM MKHA' GCIG TU DRI MA MED CING MTHA' MED PA LTA BUR CHOS THAMS CAD KYIS GSAL BA'I LUS GNYIS KYIS STONG PA MYONG BA GANG YIN PA DE NYID DON DAM PA YANG DAG PAR RTOGS PA YIN GYI, SEMS LAS BYUNG BA 'GAGS PA NI RIG PA MA YIN NO, ,YANG ZAG PA DANG BCAS PA NI CHOS THAMS CAD KYI SA BON MA ZAD PA DE NYID DU NI KUN GZHI ZHES BRJOD DO, ,DE YANG DGRA BCOM PA GSUM LA LDOG PAR 'GYUR, ,LDOG PA JI LTA BU ZHE NA GNAS GYUR PA STE DE YANG GANG ZAG PA MED PA'I DBYINGS DANG, RNAM PAR GROL BA'I SKU STE SHEL DAG PA LTA BU'O, ,CHOS KYI SKU NI DE DAG LAS KHYAD PAR 'PHAGS PA STE SANGS RGYAS KYI CHOS THAMS CAD KYI RTEN BYED PAS SO, ,'DI LTA STE NYI MA DANG ZLA BA DANG ME SHEL DANG CHU SHEL NI DAG PA TZAM DU KHYAD PAR MED MOD KYI, 'OD ZER GYIS KHYAD CHES 'PHAGS PA YIN NO, ,CI STE SANGS RGYAS DANG BYANG CHUB SEMS DPA' RNAMS KYI 'JIG RTEN LAS 'DAS PA'I YE SHES LA CHOS THAMS CAD JI LTAR ZHE NA, NAM MKHA' DRI MA MED PA 'BA' ZHIG MTHA' MED PA DANG 'DRA BAR DE BZHIN NYID RO GCIG TU SNANG NGO, ,CI'I PHYIR ZHEN MTSAN MA DE RNAMS NUB PA'I PHYIR RO, ,'JIG RTEN LAS 'DAS PA'I YE SHES RNAM PA GCIG TU SNANG BAS 'KHRUL PA NYID KYI YANG DAG PA'I YE SHES MA YIN PAR 'GYUR RO ZHE NA, DE'I PHYIR 'DI DAG THAMS CAD BRDZUN PA NYID YIN TE YANG DAG PA MA YIN PA'I KUN DU RTOG PAS MID DANG MTSAN MAR BTAGS PAR ZAD DO, ,DE'I PHYIR SEMS DANG SEMS LAS BYUNG BA 'GAGS PA NI YANG DAG PA'I BYANG CHUB TU MI RIGS @229B PA YIN NO, ,GZHAN YANG DBU MA PA CHOS THAMS CAD SGYU MA LTA BU NYID DBU MA'I LAM YIN NO ZHES ZER TE, 'DI LTAR GAL TE 'DI DAG TSAD MAS MED PAR GRUB NA DE'I PHYIR 'GAS KYANG YOD PA BSGRUB PAR MI NUS SO, ,TSAD MA MA YIN PA LA SNANG BA TZAM GYIS LTA SMOS KYANG CI DGOS, THAMS CAD MED PA NYID YIN NA CI ZHIG NYE BAR BLANGS NAS CI ZHIG GDAGS, YANG THAMS CAD YOD PA YANG MA YIN MED PA YANG MA YIN PA DBU MA'I LAM YIN NO ZHES SMRA NA, DE YANG MI RIGS TE YOD PA DANG MED PA PHAN TSUN GZHAN SEL BA'I MTSAN NYID YIN PA'I PHYIR GCIG BKAG PA NYID KYIS GNYIS PA'I MTSAN NYID YIN PA'I PHYIR, GNYI GA DGAG PAR MI RIGS PA YIN NO, ,YANG THAMS CAD BRDZUN PA'I TSUL GYIS SHES PA THAMS CAD KYANG BRDZUN PAS MNGON SUM CUNG ZAD KYANG MA GRUB PA'O, ,DE'I PHYIR TSUL GSUM NGES PA MED PAS GTAN TSIGS THAMS CAD KYANG GTAN TSIGS LTAR SNANG BAR 'GYUR RO, ,GZHAN YANG RANG DANG GZHAN LA DGAG PA DANG SGRUB PA THAMS CAD MA GRUB STE, DE DAG THAMS CAD NI TSAD MA LA RAG LUS PA'I PHYIR DANG, TSAD MA YANG KHAS MI LEN PA'I PHYIR RO, ,TSIG TZAM GYIS 'GOG NA NI KHYOD NYID BA LANG RNAMS LAS MU STEGS RGYANG PAN GYI LTA BA CAN NO ZHES GZHAN GYIS SMRAS PA NA MI DANG DBU MA BKAG PAR 'GYUR RO, ,CHOS THAMS CAD NGO BO NYID MED PA LA SOGS PAR GSUNGS PA'I DGONGS PA YANG MDO SDE DGONGS 'GREL DU GSUNGS PAS NGES TE, DE NYID BYAMS PA DANG THOGS MAD DANG KLU SGRUB KYIS KYANG NGO, ,TSAD MAR KHAS LEN NA NI RANG BZHIN GSUM GYI TSUL DU GRUB PAS THAMS CAD BRDZUN DU SMRA BA THONG SHIG, GAL TE BDAG CAG NI TSAD MA MI 'DOD PA'I PHYIR RO ZHE NA, TSAD MA MED PA'I PHYIR RTZOD PAR SMRA BA NI BZHAD GAD PA NYID YIN NO, ,'DI NGAG BDAG CAG NI YANG DAG PA MA YIN PA'I KUN DU RTOG PA YOD PAS DE NYE BAR BLANGS TE PHUNG PO LA SOGS PAR 'DOGS SO, ,DGAG PA DANG SGRUB PA THAMS CAD KYANG TSAD MAS BYED PA'I PHYIR RO, ,DE YANG GANG ZHIG RTEN CING 'BREL BAR 'BYUNG, ,DE NI STONG PA NYID DU BSHAD, ,DE NI RGYUR BYAS BTAGS PA STE, DE NI DBU MA'I LAM YIN NO, ,ZHES GSUNGS SO, ,YANG SNGON PO LA SOGS PA DE BSAL BA'I RANG BZHIN YANG GNOD PA YOD PA'I PHYIR BRDZUN PA'O, ,YANG BSAL BA DE RIG PA'I 'KHRUL BA DANG BRAL BA NYID DU MNGON SUM YIN PA'I PHYIR DNGOS PO NYID DU GRUB PA YIN NO, ,GSAL BA NI GSAL BA SBYIN PA NYID KYIS GNYUG @230A *, ,MA'I RANG BZHIN TE, GANG GIS MYONG BA 'DI 'KHRUL BAR 'JOG PA'I BSLAD PAS BZHAG PA MED PA'I PHYIR RO, ,RGYUN GYIS GZHAN DU GYUR BAS NI BDAG MED PA'I PHYIR 'DOD PA STE DE'I CHA DANG BCAS PAS NI RTAG PA'I DNGOS PO KHEGS MOD KYI CHOS GANG MI RTAG PA'I MTSAN NYID CAN RGYUN MI 'CHAD PAR GNAS PA NI DGAG PAR MI NUS TE TSAD MAS GRUB PA'I PHYIR RO, ,G-YO CAN BLUN PO CHOS GANG DANG GANG SPYI LA KHYAB PA DANG MA KHYAB PA'I BYE BRAG BA LANG RDZAS KYANG MTHONG BA LA'ANG BSNYON CING KHO NYID 'JUG LDOG GI KHYAD PAR MI 'DOR BA SGYU THABS LA SPYOD PA DAG ME LCE LAS MUN PA SKYE BAR 'GYUR RO ZHES ZER BA NI RLUNG NAD CAN LA CHANG SMAN YIN PAR SMRAS PAS MKHRIS NANG CAN LA YANG CHANG SMAN DU SEMS PA DANG MTSUNGS TE CI DE LTA NA DE NYID KYANG THAL BAR 'GYUR BA YIN PAS RANG SKYE 'GOG BYED DU 'GYUR TE RANG SKYE 'GOG PA DE YANG DE STE THAL 'GYUR YIN NO, ,KHYAB PA MA GRUB CE NA NI MTSUNGS PAS SLAN CHAD DE'I RIGS CAN LA BTZAN THABS SU BSNYON PA MTHONG LA RANG SMA 'BEBS DE SKAD KYANG MA ZER CIG, YANG SNGON PO LA SOGS PA NI TSUL GZHAN YIN PA'I PHYIR, ,BSLAD PAS BYAS PAR YANG 'GYUR LA, DE LTAR GYUR PAS DE'I MYONG BA YANG 'KHRUL BAR 'GYUR RO, ,DE BAS NA SNGON PO LA SOGS PA LA NI GNOD PA 'JUG PA'I SKABS YOD KYI GSAL BA LA NI MA YIN NO, , CHOS CHEN PO ME LONG LTA BU'I THEG PA CHEN PO'I MDO LAS KYANG, YANG DAG PA MA YIN PA'I LTA BA NYI SHU RTZA BRGYAD KYANG SNANG STE, 'DI LTAR MED PA'I MTSAN MA'I LTA BA DANG, BRTAGS PA LA SKUR BA 'DEBS PA'I LTA BA DANG, KUN TU RTOG PA LA SKUR BA 'DEBS PA'I LTA BA DANG, DE KHO NA NYID LA SKUR BA 'DEBS PA'I LTA BA DANG, YONGS SU 'DZIN PA'I LTA BA DANG, YONGS SU BSGYUR BA'I LTA BA DANG, KHA NA MA THO BA MED PA'I LTA BA DANG, NGES PAR 'BYUNG BA'I LTA BA DANG, BRNYAS PA'I LTA BA DANG, RAB TU KHRO BA'I LTA BA DANG, PHYIN CI LOG GI LTA BA DANG, BSKYED PA'I LTA BA DANG, KHAS MI LEN PA'I LTA BA DANG, NGAN G-YO'I LTA BA DANG, BKUR STI BYED PA'I LTA BA DANG, RMONGS PA BSTAN PA'I LTA BA DANG, RTZA BA'I LTA BA DANG, LTA BA MED PA'I LTA BA DANG, RAB TU SBYOR BA 'GEGS PA'I LTA BA DANG, NGES PAR 'BYUNG BA MED PA'I LTA BA DANG, SGRIB PA SOGS PA'I LTA BA DANG, BSOD NAMS MA YIN PA SKYED PA'I LTA BA DANG, 'BRAS BU MED PA'I LTA BA DANG, NGES PAR 'DZIN PA'I @230B LTA BA DANG, MI BDEN PA'I LTA BA DANG, MI SMRA BA'I LTA BA DANG, LTA BA CHEN PO DANG, MNGON PA'I NGA RGYAL CAN GYI LTA BA'O ZHES RGYA CHER GSUNGS SO, ,DE DAG BSNYEN GNAS YANG DAG LA SO SOR RTOG PA NYID RNAM PAR MI RTOG PA'I BYANG CHUB RTOGS PAR 'DOD PA RNAMS KYIS BSTEN CING BSGOM PAR BYA'O, ,BSGOM PA 'DI'I RAB TU SBYOR BA NI GNYIS TE, GUS PAR SBYOR BA DANG, RGYUN DU SBYOR BA'O, ,DE YANG ZHI GNAS DANG LHAG MTHONG ZUNG DU 'BREL BAR 'JUG PA NI BSGOM PA'O, ,DE LA JI SNYED YOD PA DANG, JI LTA BA BZHIN DU GYUR PA LA RNAM PAR MI RTOG PA'I GZUGS BRNYAN DU GYUR PA NI ZHI GNAS KYI DMIGS PA'O, ,DE LA RTOG PA DANG BCAS PA'I GZUGS BRNYAN DU GYUR PA NI LHAG MTHONG GI DMIGS PA'O, ,BAR MA CHAD PAR GNYI GA YANG NYAMS SU MYONG BA DE'I TSE ZHI GNAS DANG LHAG MTHONG ZUNG DU 'BREL BA'I LAM ZHES BYA'O, , DE NI RNAL 'BYOR GYI THUN MONG GI DBYE BA'O, ,RNAL 'BYOR GYI KHYAD PAR GYI SA BZHI NI, DNGOS PO'I MTHA' GNYIS YOD PA LA DMIGS PA DANG, SEMS TZAM LA DMIGS PA DANG, DE BZHIN NYID LA DMIGS PA DANG, DMIGS PA MED PA'O, ,DE YANG JI SNYED YOD PA LA DMIGS PA NI RNAL 'BYOR GYIS DANG PO'O, ,JI LTA BAR GYUR PA'I SEMS TZAM LA DMIGS PAR GYUR PA NI RNAL 'BYOR GYIS GNYIS PA'O, ,JI LTA BA BZHIN DU GYUR PA'I CHOS THAMS CAD KYI DE BZHIN NYID LA DMIGS PA NI RNAL 'BYOR GYI SA GSUM PA'O, ,THEG PA CHEN PO MTHONG BA STE, SNANG BA MED PA NI RNAL 'BYOR GYI SA BZHI PA'O, ,DE LTAR YANG LANG KAR GSHEGS PA LAS, ,SEMS TZAM LA NI BRTEN NAS SU, ,PHYI ROL DON LA BRTAG MI BYA, ,DE BZHIN NYID DU DMIGS NAS NI, ,SEMS TZAM LAS KYANG 'DA' BAR BYA, ,SEMS CAN LAS KYANG 'DAS NAS KYANG, ,SNANG BA MED LA 'DA' BAR BYA, ,SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,ZHES GSUNGS PA YIN NO, ,TSAD MA'I TSUL LA YANG DAG BRTEN PA DANG, SANGS RGYAS THEG PA'I RIM @231A *, ,PAR PHYE BA DAG ,MKHAS PA DGA' BA BSKYED PAR BYA BA'I PHYIR, ,RIN CHEN 'BYUNG GNAS ZHI BAS SBYAR BA YIN, ,'DI LA DGE BA CI YOD KUN, ,SEMS CAN KUN LA BSNGO BAR BYA'O,, ,,DBU MA RGYAN GYI MAN NGAG, ,SLOB DPON RIN CHEN 'BYUNG GNAS ZHI BA ZHES BYA BA DUS DE'I TSE PAntI TA RNAMS LA MCHOG TU GYUR PAR KUN GYIS BSNGAGS SHING 'GRAN ZLA MED PA, YE SHES KYI MKHA' 'GRO MAS AOO dAYAN DU SPYAN DRANGS TE, RTOGS PA BRJOD PA'I GRUB PA BRNYES PA BZHI BCU'I NANG NAS KYANG MDO SDE DANG RGYUD SDE LA 'GREL BA MDZAD PA'I MCHOG TU GRAGS PA, DUS MTSUNGS PA'I SGO SRUNG CHEN PO BZHI LAS KYANG GTZO BOR GYUR PA, 'PHAGS PA THOGS MED DANG KLU SGRUB SNYING PO'I THUGS KYI DGONGS PA MA NOR PAR RTOGS SHING BSTAN PA'I GSAL BYED MCHOG TU GYUR PA'I PHYIR DANG, BTZUN PA ZLA GRAGS LA SOGS PA KLU SGRUB KYI DGONGS PA LAS 'CHAL BAR GYUR NA RANG SLAD KYIS TSE SMAD LA MED PAR SMRA BA DOR NAS RGYUD ZAB MO'I 'GREL PA BYED PAR 'GYUR LA, 'ON KYANG DES LOG PAR BRIS PA DE'I RJES SU 'JUG CING G-YO SGYUS SPYOD PA YANG 'GA' 'BYUNG BAR MDO SDE DAD PA CHER 'BYUNG DANG, DGONGS PA NGES PAR 'GREL PA SOGS PAR BCOM LDAN 'DAS NYID KYIS GSUNGS NAS, YANG DE DANG DE DAG GIS NI NGA'I DGONGS PA MA RTOGS PA'O ZHES KYANG GSUNGS NAS, SLAD KYI DE DAG NOR BAR SHES TE SLAD KYIS DGONGS PA MA NOR BAR 'CHAD PAR YANG 'BYUNG LA, DANG PO NAS NGAS BSHAD PA'I RJES SU 'JUG PA NI MANG DU 'BYUNG NGO ZHES LUNG BSTAN PA'I NAD NAS KHYAD PAR DU SLOB DPON 'DI NI 'JAM DPAL RTZA BA'I RGYUD LAS, RIN CHEN 'BYUNG ZHES BYA MING GANG, ,STON PA'I BSTAN PA GSAL BYED 'BYUNG, ,ZHES KYANG LUNG BSTAN PA DES MDZAD PA'O, ,RDZOGS SO,, ,,RGYA GAR GYI MKHAN PO SH'AN TI BHA DRA DANG, LO TZ'A BA DGE SLONG SH'AKYA 'OD KYIS BSGYUR BA, G-YO SGYUS SPYOD PA TSAR GCOD BSNYON 'DEBS GNAD LA 'BEBS, RTOG GE'I SROG SHING KUN MKHYEN YE SHES RGYAL MTSAN CAN, ,THEG CHEN RNAM RIG DBU MA'I RGYAN GYI MAN NGAG BCAS, ,LEGS MDZAD GANG DE ZLA GRAGS 'JOMS PA'I RTOG GE YIN, ,SLAD NAS KHA CHE AA MO GHA DANG 'O RU LO TZ'A BAS ZHUS TE GTAN LA PHAB PA'O,, ,,