@1A [DD] #, ,JI SKAD DU SPANGS PA NI YONGS SU SHES PA'I MING 'THOB PO ZHES BSHAD PA DE YANG, BDEN PA MTHONG DANG BSGOM PA LAS, ,NYON MONGS SPANGS PA ZHES BSHAD PA, ,NYON [DD] MONGS PA RNAMS MTHONG BAS SPANG BAR BYA BA DANG, BSGOM PAS SPANG BAR BYA BA YIN NO ZHES RGYAS PAR BSHAD PA, DA NI MTHONG BA DANG BSGOM PA'I LAM DE DAG CI ZAG PA MED PA'AM, ZAG PA DANG BCAS PA ZHES BRJOD PAR BYA ZHE NA, DE'I PHYIR 'DI DAG BRJOD DE, BSGOM PA'I LAM NI RNAM GNYIS TE, ,MTHONG BA ZHES BYA ZAG PA MED, ,BSGOM PA'I LAM NI RNAM GNYIS TE, ,'JIG RTEN PA DANG, 'JIG RTEN LAS 'DAS PA'O, ,MTHONG BA'I LAM NI KHAMS GSUM PA'I GNYEN PO YIN PA'I PHYIR DANG, MTHONG BAS SPANG BAR BYA BA RNAM PA DGU CIG CAR DU SPRANG BA'I PHYIR 'JIG RTEN LAS 'DAS PA KHO NA YIN TE; 'JIG RTEN PA LA NI DE 'DRA BA'I MTHU MED DO, ,BDEN PA MTHONG BA LAS ZHES BSHAD PA, BDEN PA DE DAG KYANG GANG ZHIG TU, BDEN PA DAG NI BZHIR BSHAD DO, ,GANG DU BSHAD CE NA, CHOS @2A *, ,ZAG PA DANG BCAS PA DANG, ZAG PA MED PA BSTAN PAR ZAG MED LAM GYI BDEN PA DANG ZHES LAM GYI BDEN BA RANG GI MING GIS BSTAN TO, ,SO SOR BRTAGS PAS 'GOG PA GANG, ,BRAL BA'O ZHES 'GOG PA'I BDEN BA BSTAN TO, ,SDUG BSNGAL KUN 'BYUNG 'JIG RTEN DANG, ,ZHES BYA BA DER SDUG BSNGAL DANG KUN 'BYUNG GI BDEN BDAG BSTAN TO, ,CI 'DI DAG GI RIM PA 'DI KHO NA YIN NAM ZHE NA, SMRAS PA, MA YIN NO, ,'O NA JI LTA BU YIN ZHE NA, SDUG BSNGAL KUN 'BYUNG DE BZHIN DU, ,'GOG DANG LAM STE DE LTAR NA, ,DE DAG GI RIM BA NI 'DI YIN NO, ,DE BZHIN ZHES BYA BA'I SGRA NI RANG GI NGO BO NI SNGAR JI SKAD BSHAD BA DE KHO NA BZHIN NO ZHES RAB TU BSTAN PAR BYA BA'I PHYIR RO, ,DE NI, DE DAG JI LTAR MNGON RTOGS RIM, ,BDEN PA GANG ZHIG SNGAR MNGON PAR RTOGS PA DE SNGAR BSTAN TO, ,DE LTA MA YIN NA RGYU NI SNGAR BSTAN LA 'BRAS BU NI PHYIS BSTAN PAR 'GYUR RO, ,KHA CIG NI SKYE BA DANG MTHUN PA BSTAN TE, DPER NA DRAN PA NYE BAR GZHAG PA DANG; BSAM GTAN LA SOGS PA LTA BU'O, ,KHA CIG NI RAB TU BRTAG PA DANG MTHUN PAR BSTAN TE, DPER NA YANG DAG PAR SPONG BA RNAMS LTA BU STE, GANG SNGAR NI SKYES PA RNAMS SPANG BAR BYA BA'I PHYIR 'DUN PA SKYED LA, PHYIS NI MA SKYES PA RNAMS @2B MI SKYE BAR BYA BA'I PHYIR 'DUN BSKYED PA'I NGES PA 'DI NI MED DO, ,BDEN PA RNAMS NI MNGON BAR RTOGS PA DANG MTHUN PAR BSTAN PA YIN NO, ,CI'I PHYIR BDEN PA RNAMS DE LTAR MNGON PAR RTOGS SHE NA, GANG LA CHAGS PA DANG, GANG GIS GNOD PA BYED PA DANG, GANG LAS THAR PA DON DU GNYER BA'I SDUG BSNGAL GYI BDEN BDE NYID LA DANG POR RNAM PAR DPYOD PA'I GNAS SKABS NA YONGS SU RTOG LA, PHYIS 'DI'I RGYU NI GANG ZHIG YIN ZHES KUN 'BYUNG GI BDEN PA LA YONGS SU RTOG GO, ,'DI'I 'GOG PA NI GANG ZHIG YIN ZHES 'GOG PA'I BDEN BA LA YONGS SU RTOG GO, ,'DI'I LAM NI GANG ZHIG YIN ZHES LAM GYI BDEN PA LA YONGS SU RTOG STE, NAD MTHONG BAS DE'I GZHI DANG ZAD PA DANG SMAN TSOL BA BZHIN NO, ,BDEN PA RNAMS KYI DPE 'DI NI MDO LAS KYANG BSHAD DO, ,MDO GANG LAS SHE NA, YAN LAG BZHI DANG LDAN PA'I SMAN PAS ZUG RDU 'BYIN PA ZHES GSUNGS PA DE LAS BSTAN TO, ,SNGAR 'PHANGS PA'I PHYIR JI LTAR RNAM PAR DPYOD PA'I GNAS SKABS NA BDEN BA LA YONGS SU RTOG PA DE KHO NA BZHIN DU MNGON PAR RTOGS PA'I GNAS SKABS NA YANG BDEN PA MNGON PAR RTOGS TE, DKYUS SA BSTAN PA'I RTA THAGS THOGS MED PAR RGYUG PA BZHIN NO, ,MNGON BAR RTOGS PA ZHES BYA BA'I DON NI CI ZHE NA, MNGON PAR YANG DAG PAR RTOGS PA'O, ,CI'I PHYIR ZAG BA MED PA KHO NA YIN GYI ZAG PA DANG BCAS PA MA YIN ZHE NA, DE NI MYA NGAN LAS 'DAS PA LA MNGON DU PHYOGS PAR YANG DAG PAR RTOG PA STE, YANG DAG PA ZHES BYA BA NI DE KHO NA NYID DU'O, ,DE LA NYE BAR LEN PA'I PHUNG PO 'BRAS BUR GYUR PA RNAMS NI SDUG BSNGAL GYI BDEN PA YIN NO,, RGYUR GYUR PA RNAMS NI KUN 'BYUNG GI BDEN BA YIN TE, 'DI LAS KUN 'BYUNG BA'I PHYIR RO, ,DE NYID KYI PHYIR 'DI GNYIS NI RGYU DANG 'BRAS BUR GYUR PAS MING GI SGO NAS BYE BRAG YOD KYI RDZAS SU NI MA YIN NO, ,'GOG PA DANG LAM NI RDZAS SU YANG BYE BRAG YOD DO, ,MDO LAS 'PHAGS PA'I BDEN PA RNAMS ZHES 'BYUNG BA DE'I DON CI ZHE NA, 'DI DAG NI 'PHAGS PA RNAMS LA BDEN PAS, DE LTA BAS NA MDO KHO NA LAS, 'PHAGS PA'I BDEN PA RNAMS ZHES BSHAD DO, ,CI 'DI DAG GZHAN RNAMS LA BRDZUN NAM ZHE NA, 'DI DAG NI PHYIN CI MA LOG PA'I PHYIR THAMS CAD LA BDEN NA 'PHAGS PA RNAMS KYIS NI 'DI DAG JI LTA BDE KHO NA BZHIN DU @3A *, ,GZIGS KYI GZHAN DAG GIS NI MA YIN PAS DE'I PHYIR 'DI DAG NI 'PHAGS PA RNAMS KYI BDEN PA ZHES BYA BA'I PHYIN CI LOG TU MTHONG BA'I PHYIR 'PHAGS PA MA YIN PA RNAMS KYI NI MA YIN TE, TSIGS SU BCAD PA LAS, 'PHAGS PAS BDE BAR GANG GSUNGS PA, ,DE NI GZHAN GYIS SDUG BSNGAL RIG ,GZHAN GYIS BDE BAR GANG SMRAS PA, ,DE NI 'PHAGS PAS SDUG BSNGAL RIG ,CES 'BYUNG NGO, ,GZHAN DAG NA RE GNYIS NI 'PHAGS PA RNAMS KYI BDEN PA YIN LA, GNYIS NI 'PHAGS PA YANG YIN 'PHAGS PA RNAMS KYI BDEN PA YANG YIN NO ZHES ZER RO, ,GANG GI TSE TSOR BA'I PHYOGS GCIG SDUG BSNGAL GYI RANG BZHIN YIN PA DE'I TSE JI LTAR NA 'DU BYED ZAG PA DANG BCAS PA THAMS CAD SDUG BSNGAL ZHES BRJOD CE NA, YID 'ONG YID DU MI 'ONG DANG, ,DE LAS GZHAN ZAG BCAS RNAMS NYID, ,SDUG BSNGAL NYID GSUM LDAN PA'I PHYIR, ,CI RIGS MA LUS SDUG BSNGAL LO, , SDUG BSNGAL NYID NI GSUM STE, SDUG BSNGAL GYI SDUG BSNGAL NYID DANG, 'DU BYED KYI SDUG BSNGAL NYID DANG, 'GYUR BA'I SDUG BSNGAL NYID DO, ,DE DAG GIS CI RIGS PAR 'DU BYED ZAG PA DANG BCAS PA THAMS CAD MA LUS PAR SDUG BSNGAL BA YIN TE, DE LA YID DU 'ONG BA RNAMS NI 'GYUR BA'I SDUG BSNGAL GYIS SDUG BSNGAL BA NYID DO, ,YID DU MI 'ONG BA RNAMS NI SDUG BSNGAL GYIS SDUG BSNGAL BA NYID DO, ,DE DAG LAS GZHAN PA RNAMS NI 'DU BYED KYI SDUG BSNGAL GYIS SDUG BSNGAL BA NYID DO, ,YID DU 'ONG BA NI GANG DAG YIN, YID DU MI 'ONG BA NI GANG DAG YIN, GNYI GA MA YIN PA NI GANG DAG YIN ZHE NA, TSOR BA GSUM DANG GO RIMS BZHIN TE, DE'I DBANG GIS BDE BA MYONG BAR 'GYUR BA LA SOGS PA'I 'DU BYED RNAMS KYANG YID DU 'ONG BA LA SOGS PA'I MING 'THOB PO, ,BDE BA'I TSOR BA NI 'GYUR BA'I SDUG BSNGAL NYID DE, MDO LAS, BDE BA'I TSOR BA NI SKYE BA NA YANG BDE, GNAS PA NA YANG BDE LA, 'GYUR BA NA SDUG BSNGAL LO ZHES GSUNGS SO, ,SDUG BSNGAL NI SDUG BSNGAL GYI RANG GI NGO BO KHO NAS SDUG BSNGAL BA NYID DE, MDO LAS, SDUG BSNGAL GYI TSOR BA NI SKYE BA NA YANG SDUG BSNGAL LA, GNAS PA NA YANG SDUG BSNGAL LO ZHES GSUNGS SO, ,BDE BA YANG MA @3B YIN; SDUG BSNGAL BA YANG MA YIN BA'I TSOR BA NI RKYEN GYIS MNGON PAR 'DU BYED PA'I PHYIR 'DU BYED KHO NAS SDUG BSNGAL BA NYID DE, GANG MI RTAG PA DE NI SDUG BSNGAL BA YIN NO ZHES 'BYUNG NGO, ,DE MYONG BAR 'GYUR BA'I 'DU BYED RNAMS KYANG TSOR BA DANG 'DRA BAR BRJOD DO, ,GZHAN DAG NA RE SDUG BSNGAL NYID SDUG BSNGAL NYID YIN PAS SDUG BSNGAL GYI SDUG BSNGAL NYID YIN LA, 'DU BYED NYID SDUG BSNGAL YIN PA'I BAR DU YANG DE DANG 'DRA'O ZHES ZER RO, ,'GYUR BA YANG SDUG BSNGAL GYI SDUG BSNGAL DAG NI YID DU 'ONG BA DANG YID DU MI 'ONG BA RNAMS KYI THUN MONG MA YIN PA'I PHYIR BSHAD DO, ,'DU BYED THAMS CAD NI 'DU BYED KYI SDUG BSNGAL NYID KYIS SDUG BSNGAL BA NYID LA DE DAG KYANG 'PHAGS PA RNAMS KHO NAS GZIGS SO, ,'DIR SMRAS PA, LAG MTHIL SBU NYAG GCIG 'DUG PA, ,MI RNAMS KYIS NI MI RTOGS LA, ,DE NYID MIG TU SONG NA NI, ,MI BDE BA DANG GNOD SKYED LTAR, ,BYIS PA LAG MTHIL 'DAB YIS; ,'DU BYED SDUG BSNGAL SPU MI RTOGS, ,'PHAGS PA MIG DANG 'DRA BA NI, ,DE YIS SHIN TU YID KYANG 'BYUNG, ,JI LTAR 'PHAGS PA RNAMS SRID PA'I RTZE MO PA DAG LA YANG SDUG BSNGAL GYI BLO 'JUG PA LTAR BYIS PA RNAMS NI MNAR MED PA'I PHUNG PO RNAMS LA YANG DE LTAR SDUG BSNGAL GYI BLO MI 'JUG GO, , DE LTA NA 'O NA NI LAM YANG 'DUS BYAS YIN PA'I PHYIR 'DU BYED KYI SDUG BSNGAL NYID DU THAL BAR 'GYUR RO ZHE NA, SDUG BSNGAL ZHES BYA BA'I MTSAN NYID NI MI MTHUN PA YIN PA'I PHYIR LAM NI SDUG BSNGAL BA MA YIN TE, DE SKYE BA NI SDUG BSNGAL THAMS CAD ZAD PA 'DREN PA'I 'PHAGS PA RNAMS DANG MI MTHUN PA MED DO,, GANG GI TSE DE DAG MYA NGAN LAS 'DAS PA LA ZHI BAR LTA BA DE'I TSE YANG, SDUG BSNGAL DU MTHONG BA GANG YIN PA DE KHO NA'I 'GOG PA LA ZHI BAR LTA'O, ,GANG GI TSE 'DI DAG LA BDE BA YANG YOD PA DE'I TSE CI'I PHYIR SDUG BSNGAL KHO NA 'PHAGS PA'I BDEN PA ZHES BYA ZHE NA, KHA CIG NA RE BDE BA MYONG BA'I PHYIR TE, MON SRAN SDE'U LA SOGS PA YOD BZHIN DU MON SRAN GRE'U'I PHUNG BO ZHES STON PA BZHIN TE, MKHAS PA SU ZHIG CHUS BTAB PA'I BDE BA CHUNG DUS 'BRAS BU BDE BA YIN NO SNYAM DU SEMS PAR 'GYUR, YANG SMRAS PA, SDUG BSNGAL GYI NI RGYU PHYIR DANG, ,SDUG BSNGAL MANG POS BSKYED PHYIR DANG, SDUG BSNGAL @4A *, ,YOD NA BDE 'DOD PHYIR, ,BDE BA SDUG BSNGAL ZHES RTOG GO, ,SRID PA THAMS CAD NI BDE BA DANG BCAS TE 'DU BYED KYI SDUG BSNGAL DU RO GCIG BA'I 'PHAGS BA RNAMS KYIS SDUG BSNGAL DU GZIGS TE, DE'I PHYIR SDUG BSNGAL KHO NA 'PHAGS PA'I BDEN BAR RNAM PAR GZHAG GI BDEN BA NI MA YIN NO, ,DA NI JI LTAR BDE BA'I RANG BZHIN GYI TSOR BA RNAMS LA SDUG BSNGAL DU LTA ZHE NA, MI RTAG PA'I MTSAN NYID KYIS MI MTHUN PA'I PHYIR TE, DPER NA GZUGS DANG 'DU SHES LA SOGS PA LA YANG SDUG BSNGAL DU LTA MOD KYI, DE DAG JI LTAR SDUG BSNGAL GYI TSOR BA BZHIN DU SDUG BSNGAL BA NI MA YIN PA BZHIN NO, ,GANG ZHIG SDUG BSNGAL GYI RGYU YIN PA'I PHYIR RO SNYAM DU SEMS PA DE'I DE NI KUN 'BYUNG GI RNAM PA YIN GYI SDUG BSNGAL GYI RNAM PA NI MA YIN NO, ,GZUGS DANG GZUGS MED PAR SKYES PA DAG GIS 'PHAGS PA RNAMS LA YANG JI LTAR SDUG BSNGAL GYI 'DU SHES 'JUG PAR 'GYUR TE, DE DAG GI PHUNG PO RNAMS NI SDUG BSNGAL GYI TSOR BA'I RGYU MA YIN NO, ,MDO LAS 'DU BYED KYI SDUG BSNGAL NYID KYANG CI'I PHYIR GSUNGS PAR GYUR, GAL TE MI RTAG PA'I PHYIR SDUG BSNGAL NYID DU LTA NA 'O NA MI RTAG PA DANG SDUG BSNGAL GYI RNAM PA DAG LA KHYAD PAR CI ZHIG YOD, SKYE ZHING 'JIG PA'I CHOS CAN YIN PA'I PHYIR MI RTAG PAR LTA LA, MI MTHUN PA YIN PA'I PHYIR SDUG BSNGAL DU LTA STE, MI RTAG PAR MTHONG NA MI MTHUN PAR 'GYUR BAS MI RTAG PA'I RNAM PAS SDUG BSNGAL GYI RNAM PA 'DREN PAR BYED DO, ,KHA CIG NA RE BDE BA'I TSOR BA ZHES BYA BA NI MED PA NYID DE, THAMS CAD SDUG BSNGAL KHO NA YIN NO, ,'DI JI LTAR KHONG DU CHUD CE NA, MDO DANG, RIGS PA LAS TE, RE ZHIG MDO LAS JI LTA BU ZHE NA BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES BYA BA DANG, BDE BA'I TSOR BA NI SDUG BSNGAL DU BLTA BAR BYA'O ZHES BYA BA DANG, SDUG BSNGAL LA BDE BA'O SNYAM DU 'DU SHES PHYIN CI LOG GO ZHES GSUNGS TE, RE ZHIG MDO LAS NI DE LTA BU'O, ,RIGS PA LAS JI LTA BU ZHE NA, BDE BA'I RGYU RNAM PAR MI GNAS PA'I PHYIR TE, KHA CIG BDE BA'I RGYU BTUNG BA DANG BZA' BA DANG GRANG BA DANG DRO BA LA SOGS PAR 'DOD PA GANG DAG YIN PA DE DAG KHO NA HA CANG SBYAD PA DANG, DUS MA YIN PAR SPYAD PA RNAMS KYANG SDUG BSNGAL GYI RGYU DAG TU 'GYUR RO, , @4B BDE BA'I RGYU 'PHEL BA'AM MNYAM PAS NI DUS GZHAN NA SDUG BSNGAL SKYED PAR RIGS PA MA YIN PAS DE DAG NI DANG PO KHO NA NAS SDUG BSNGAL GYI RGYU DAG YIN ZHING BDE BA'I RGYU NI MA YIN LA, MJUG TU NI SDUG BSNGAL DE 'PHEL BAR 'GYUR BAS BSAL BAR 'GYUR BAR ZAD DE, SPYOD LAM GYI BYE BRAG LA YANG DE BZHIN DU BRJOD PAR BYA'O, ,SDUG BSNGAL GYI GNYEN PO DANG SDUG BSNGAL GYI BYE BRAG LA BDE BA'I BLO SKYE BA'I YANG PHYIR TE, JI SRID DU BKRES PA DANG SKOM PA DANG GRANG BA DANG TSA BA DANG NGAL BA DANG 'DOD PA'I 'DOD CHAGS LAS SKYES PA'I SDUG BSNGAL GZHAN GYIS GTZES PAR MA GYUR BA DE SRID DU BDE BA'O SNYAM DU TSOR BA CUNG ZAD KYANG MED DO, ,DE LTA BAS NA MI MKHAS PA RNAMS NI GNYEN PO KHO NA LA BDE BA'I BLO 'JUG GI BDE BA LA NI MA YIN NO, BYIS PA RNAMS NI SDUG BSNGAL GYI BYE BRAG LA YANG BDE BA'I BLO SKYED PAR BYED DE, DPER NA PHRAG PA NAS PHRAG PAR KHUR YOD PAR BYED PA LTA BU'O, ,DE LTA BAS NA BDE BA NI MED PA KHO NA'O ZHES ZER RO, ,CHOS MNGON PA PA RNAMS NA RE, YOD PA NYID DO ZHES ZER TE, 'DI NYID RIGS PA YIN NO, ,JI LTAR BYAS PAS SHE NA, RE ZHIG BDE BA LA SKUR BA 'DEBS PA DE LA 'DI DRI BAR BYA STE, SDUG BSNGAL ZHES BYA BA 'DI CI ZHIG YIN, GAL TE GNOD PA'I BDAG NYID GANG YIN PA'O ZHES ZER NA NI JI LTA BU YIN ZHES BRJOD PAR BYA'O, ,GAL TE GNOD PAR BYED PA YIN NO ZHES ZER NA NI PHAN PAR BYED PA BDE BA YIN NO ZHES BYA BAR GRUB PO, ,GAL TE MI 'DOD PA YIN NO ZHES ZER NA NI 'DOD PA BDE BA YIN NO ZHES BYA BAR GRUB PO, ,GAL TE 'DOD PA DE NYID 'PHAGS PA RNAMS 'DOD CHAGS DANG BRAL BA'I TSE MI BZHED PA YIN TE, DE LTA BAS NA 'DOD PA NYID YONGS SU MA GRUB PA YIN NO ZHES ZER NA NI MA YIN TE, MI 'DOD PA NI GZHAN DU YIN PA'I PHYIR RO, ,TSOR BA GANG ZHIG RANG GI MTSAN NYID KYIS 'DOD PA DE NI NAM YANG DE KHO NAS MI 'DOD PAR MI 'GYUR TE, 'DI LTAR 'PHAGS PA RNAMS NI 'DI GANG GIS NA MI BZHED PAR 'GYUR BA RNAM PA GZHAN GYIS RNAM PAR SUN 'BYIN PAR BYED CING, 'DI LA BAG MED PA'I GNAS DANG, MNGON PAR 'DU BYA BA CHEN POS BSGRUB PAR BYA BA DANG, RNAM PAR 'GYUR BA CAN DANG, MI RTAG PAR LTA'I RANG GI MTSAN NYID KYI RNAM PAS NI MA YIN NO, ,GAL TE 'DI RANG GI MTSAN NYID KYIS MI 'DOD PA @5A *, ,ZHIG YIN BAR GYUR NA NI DE LA SU YANG 'DOD CHAGS SKYE BAR MI 'GYUR BA ZHIG NA, ,NGA GI PHYIR 'DOD CHAGS DANG BRAL BA'I CHED DU RNAM PA GZHAN GYIS KYANG SKYON CAN DU LTA BAR 'GYUR TE, DE LTA BAS NA BDE BA'I TSOR BA NI RANG GI MTSAN NYID KYIS YOD PA KHO NA'O, ,BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES GSUNGS PA GANG YIN PA DE NI BCOM LDAN 'DAS KHO NAS KUN DGA' BO GANG CI TSOR YANG RUNG DE NI 'DIR SDUG BSNGAL LO ZHES BYA BA NI NGAS 'DU BYED MI RTAG PA NYID DANG, 'DU BYED RNAM PAR 'GYUR BA NYID LA DGONGS NAS GSUNGS SO ZHES DON NGES PAR MDZAD PA YIN NO, ,DE LTA BAS NA 'DI NI SDUG BSNGAL GYI SDUG BSNGAL NYID LAS DGONGS TE GSUNGS PA MA YIN PAR GRUB PA YIN NO, ,GAL TE TSOR BA THAMS CAD RANG BZHIN GYIS SDUG BSNGAL BA ZHIG YIN PAR GYUR NA NI CI'I PHYIR 'PHAGS PA KUN DGA' BOS BCOM LDAN 'DAS LA 'DI SKAD DU BCOM LDAN 'DAS KYIS BDE BA DANG, SDUG BSNGAL BA DANG, BDE BA YANG MA LAGS SDUG BSNGAL BA YANG MA LAGS BA DANG TSOR BA 'DI GSUM YANG GSUNGS LA, BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES KYANG GSUNGS NA, BCOM LDAN 'DAS KYIS CI LAS DGONGS NAS GANG CI TSOR YANG RUNG DE NI 'DIR SDUG BSNGAL LO ZHES BKA' STZAL ZHES ZHUS PAR GYUR TE, DES KYANG 'DI SKAD DU BCOM LDAN 'DAS KYIS CI LAS DGONGS NAS TSOR BA GSUM ZHES BKA' STZAL ZHES ZHUS PAR 'GYUR LA BCOM LDAN 'DAS KYIS KYANG 'DI SKAD DU TSOR BA GSUM ZHES BYA BA 'DI NI NGAS DGONGS NAS BSHAD PA YIN NO ZHES LUNG BSTAN PAR 'GYUR BA ZHIG NA DE SKAD KYANG BKA' STZAL TE, DE LTA BAS NA TSOR BA GSUM NI RANG GI NGO BOS YOD LA, GANG CI TSOR YANG RUNG DE NI 'DIR SDUG BSNGAL LO ZHES BYA BA 'DI NGAS DGONGS NAS BSHAD PA YIN NO ZHES TSIG 'DI NI DGONGS PA CAN DU STON PAR MDZAD PA YIN NO, ,GANG YANG BDE BA'I TSOR BA NI SDUG BSNGAL DU BLTA BAR BYA'O ZHES GSUNGS PA YANG DE LA GNYI GA YOD DO, ,RANG GI NGO BOS YID DU 'ONG BA'I PHYIR NI BDE BA NYID YIN LA RNAM PAR 'GYUR BA DANG MI RTAG PA'I CHOS CAN YIN PA'I PHYIR RNAM GRANGS KYIS NI SDUG BSNGAL NYID YIN NO, ,DE LA @5B BDE BAR MTHONG NA NI 'DOD CHAGS CAN RNAMS DE'I RO MYONG BAR BYED PA'I PHYIR 'CHING BAR 'GYUR LA, SDUG BSNGAL DU MTHONG NA NI DE LA 'DOD CHAGS DANG BRAL BA'I PHYIR THAR BAR 'GYUR BAS BCOM LDAN 'DAS KYIS 'DI JI LTAR MTHONG NA THAR BAR 'GYUR BA DE KHO NA BZHIN DU BLTA BAR BKA' STZAL PA YIN NO, ,DE RANG GI NGO BOS BDE ZHES BYA BA 'DI JI LTAR KHONG DU CHUD CE NA, 'DI LTAR, RDZOGS PA'I SANGS RGYAS RAB MKHYEN GYIS, ,'DU BYED MI RTAG NYID DANG NI, ,RNAM PAR 'GYUR BA NYID MKHYEN NAS, ,TSOR BA SDUG BSNGAL BAR GSUNGS SO, ,ZHES BYA BA SMOS SO, ,GANG YANG SDUG BSNGAL LA BDE BA'O SNYAM DU 'DU SHES PHYIN CI LOG GO ZHES GSUNGS PA YANG BSTAN BA 'DI NI DGONGS PA CAN YIN TE, 'JIG RTEN NI TSOR BA DANG, 'DOD PA'I YON TAN RNAMS DANG, SKYE BA LA BDE BAR 'DU SHES SO, ,DE LA BDE BA'I TSOR BA LA NI RNAM GRANGS KYIS SDUG BSNGAL YANG YOD NA GCIG TU BDE BAR LTA BA NI PHYIN CI LOG YIN LA, 'DOD PA'I YON TAN RNAMS LA YANG BDE BA NI CHUNG LA SDUG BSNGAL NI MANG BA YIN NA GCIG TU BDE BAR LTA BA NI PHYIN CI LOG PA YIN TE, SKYE BA LA DE DANG 'DRA'O, ,DE LTA BAS NA BDE BA'I TSOR BA MED PAR MI 'GRUB PO, ,GAL TE TSOR BA THAMS CAD RANG GI NGO BO KHO NAS SDUG BSNGAL BA YIN PAR 'GYUR NA TSOR BA GSUM ZHES GSUNGS PA LA YON TAN CI ZHIG YOD PAR 'GYUR, GAL TE 'JIG RTEN DANG MTHUN PAR GSUNGS PA YIN NO ZHE NA MA YIN TE, TSOR BA THAMS CAD SDUG BSNGAL BA NYID NI NGAS DGONGS NAS GSUNGS SO ZHES BKA' STZAL PA'I PHYIR RO, ,YANG DAG PAR JI LTA BA BZHIN ZHES GSUNGS PA'I YANG PHYIR TE, BDE BA'I DBANG PO GANG YIN PA DANG, YID BDE BA'I DBANG PO GANG YIN PA 'DI NI BDE BA'I TSOR BA YIN PAR BLTA BAR ABYA'O ZHES RGYAS PAR GSUNGS NAS GANG GIS DBANG PO LNGA PO 'DI DAG DE LTAR YANG DAG PA'I SHES RAB KYIS YANG DAG PA JI LTA BA BZHIN MTHONG ZHING, DE'I KUN DU SBYOR BA GSUM YANG SBANGS PA YIN ZHES BYA BA DE LTA BU LA SOGS PA GSUNGS SO, ,'JIG RTEN YANG JI LTAR NA SDUG BSNGAL GYI TSOR BA LA RNAM PA GSUM DU RTOG PAR 'GYUR GAL TE CHUNG NGU DANG CHEN PO DANG 'BRING IDAG LA GO RIMS BZHIN DU BDE BA LA SOGS PA'I BLO SKYE'O ZHE NA NI BDE BA LA YANG RNAM PA GSUM YOD PAS SDUG BSNGAL CHUNG NGU @6A *, ,LA SOGS PA LA BDE BA CHEN PO LA SOGS PA'I BLO SKYE BAR 'GYUR RO, ,GANG GI TSE DRI DANG RO DANG REG BYA'I KHYAD PAR LAS SKYES PA'I BDE BA SANG BA DE'I TSE GANG LA 'DI BDE BA'I BLOR 'GYUR BA SDUG BSNGAL CHUNG NGUR GYUR PA YANG GANG ZHIG YIN, SDUG BSNGAL CHUNG NGU DE MA SKYES PA DANG 'GAGS PA NA SDUG BSNGAL MA LUS PA DANG BRAL BA'I PHYIR BDE BA'I BLO SHIN TU CHES SKYE BAR 'GYUR TE, 'DOD PA'I BDE BA MNGON SUM DU GYUR PA LA YANG DE BZHIN DU BRJOD PAR BYA'O, ,TSOR BA CHUNG DU LA NI NYAMS SU MYONG BA SHIN TU GSAL BA DANG SHAS CHEN POR 'DZIN LA, 'BRING LA NI MI GSAL BAR 'DZIN ZHES BYA BA GANG YIN BA 'DI YANG JI LTAR RUNG, BSAM GTAN GSUM NA BDE BA YOD DO ZHES 'BYUNG BAS SDUG BSNGAL CHUNG DUR YANG 'GYUR LA, GANG NA BDE BA YANG MA YIN SDUG BSNGAL BA YANG MA YIN PA YOD DO ZHES 'BYUNG BAS SDUG BSNGAL 'BRING DU YANG 'GYUR TE, DE LTA BAS NA SDUG BSNGAL CHUNG NGU LA SOGS PA LA BDE BA LA SOGS PA'I TSOR BA RNAM PAR GZHAG TU MI RUNG NGO, ,BCOM LDAN 'DAS KYIS KYANG MING CHEN GAL TE GZUGS GCIG TU SDUG BSNGAL BA ZHIG YIN PAR GYUR NA NI BDE BA YANG MED, BDE BA DANG RJES SU 'BREL PA YANG MED CES BYA BA DE LTA BU LA SOGS PA GSUNGS PAS DE'I PHYIR YANG BDE BA CUNG ZAD CIG YOD DE, RE ZHIG DE LTA NA MDO LAS BDE BA'I TSOR BA MED PAR MI 'GRUB BO, ,GANG YANG BDE BA'I RGYU RNAM PAR MI GNAS PA'I PHYIR RO ZHES SMRAS PA, DE YANG RGYU YONGS SU MA SHES PA'I PHYIR SMRA BAR ZAD DE, RTEN GYI KHYAD PAR LA LTOS PA'I YUL BDE BA'I RGYU 'AM, SDUG BSNGAL GYI RGYU YIN GYI YUL 'BA' ZHIG NI MA YIN NO, ,DE LUS KYI GNAS SKABS GANG ZHIG DANG PHRAD NA BDE BA'I RGYU YIN PA DE NI DE DANG PHRAD NA MA YIN PA NI NAM YANG MA YIN PAS BDE BA'I RGYU RNAM PAR GNAS PA KHO NA YIN TE, DBER NA BTZO BAR BYA BA'I 'BYUNG BA'I KHYAD PAR LA LTOS PA'I ME DE NYID ZHIM PAR TSOS PA'I RGYU YANG YIN ZHING, DE NYID MI ZHIM PAR TSOS PA'I RGYU YANG YIN LA BTZO BAR BYA BA'I 'BYUNG BA'I GNAS SKABS GANG DANG PHRAD NAS ZHIM PAR TSOS PA'I RGYU YIN PA DE DANG PHRAD NAS RGYU MA YIN PA NI MA YIN PA BZHIN TE 'DI NI DPE YIN NO, ,BSAM GTAN DAG NA YANG BDE BA'I RGYU JI LTAR RNAM PAR MI GNAS PA YIN, GANG YANG @6B GNYEN PO LA BDE BA'I BLO SKYE ZHES SMRAS PA DE LA YANG GANG GI TSE DRIL LA SOGS PA'I KHYAD PAR LAS SKYES PA'I BDE BA MYONG BA DE'I TSE GANG GIS GNYEN PO LA BDE BA'I BLOR 'GYUR, SDUG BSNGAL DE MA SKYES PA DANG 'GAGS NAS BDE BA'I BLO SHIN TU CHES SKYE BAR YANG 'GYUR RO, ,BSAM GTAN LAS SKYES PA'I BDE BA LA YANG GANG GI GNYEN PO YIN ZHES BYA BA DE LTA BU LA SOGS PA LAN BSHAD ZIN TO, ,KHUR SBED BA LA YANG JI SRID DU LUS KYI GNAS SKABS DE LTA BU MED PAR MA GYUR GYI BAR DU GNAS SKABS GZHAN LAS SKYES PA'I BDE BA KHON SKYE BAR 'GYUR RO, ,DE LTA MA YIN NA PHYIS BDE BA'I BLO RJE MANG DU SKYE BAR 'GYUR TE, NGAL BA'I SPYOD LAM GYI RNAM PA DAG LA YANG DE BZHIN DU RIG PAR BYA'O, ,GAL TE DANG PO NAS RTZOM PA ZHIG MED NA MJUG TU SDUG BSNGAL GYI BLOR GA LA 'GYUR ZHE NA, LUS YONGS SU 'GYUR PA'I KHYAD PAR LAS TE, CHANG LA SOGS PA MNGAR BA LA MJUG TU SKYUR POR 'GYUR BA BZHIN NO, ,DE LTA BAS NA BDE BA'I TSOR BA YOD PA KHO NA'O ZHES BYA BA YANG GRUB LA, SDUG BSNGAL NYID GSUM DANG LDAN PA'I PHYIR ZAG PA DANG BCAS PA THAMS CAD SDUG BSNGAL LO ZHES BYA BA YANG GRUB PA YIN NO, ,KUN 'BYUNG GI BDEN PA GANG YIN PA DE NYID SDUG BSNGAL GYI BDEN PA YIN NO ZHES BYA BA DE NI MDO LAS THAL BA YIN TE, MDO LAS NI SRED PA KHO NA YIN PAR BSHAD DO, ,DE NI GTZO BO YIN PA'I PHYIR MDO LAS BSHAD KYI GZHAN DAG KYANG KUN 'BYUNG NI YIN NO, ,'DI JI LTAR KHONG DU CHUD PAR BYA ZHE NA, GZHAN LAS GZHAN YANG YIN PAR GSUNGS PA'I PHYIR TE, BCOM LDAN 'DAS KYIS, LAS DANG SRID PA DANG NI MA RIG PA, ,PHYI MA'I TSE LA 'DU BYED RNAMS KYI RGYU, ,ZHES GSUNGS LA YANG SA BON GYI RNAM PA LNGA ZHES BYA BA, 'DI NI NYE BAR LEN PA DANG BCAS PA'I RNAM PAR SHES PA'I TSIG BLA DAGS YIN NO, ,SA'I KHAMS ZHES BYA BA 'DI NI RNAM PAR SHES PA GNAS PA BZHI'I TSIG BLA DAGS YIN NO ZHES KYANG GSUNGS TE, DE LTA BAS NA MDO LAS BSTAN PA NI DGONGS PA CAN YIN LA, CHOS MNGON PA LAS BSTAN PA NI MTSAN NYID PA YIN NO, ,GZHAN YANG MNGON PAR 'GRUB PA'I RGYU BKA' STZOL PA NA NI KUN 'BYUNG GI BDEN PA SRED PA KHO NA YIN PAR GSUNGS LA, SKYE BA DANG MNGON BAR 'GRUB PA'I RGYU, @7A *, ,RGYU DANG BCAS PAR BKA' STZOL PA NI TSIGS SU BCAD PA LAS, LAS DANG SRED PA DANG MA RIG PA YIN PAR GSUNGS TE, MDO LAS, LAS NI SKYE BA'I RGYU YIN LA, SRID PA NI MNGON BAR 'GRUB PA'I RGYU YIN NO ZHES 'BYUNG BA'I PHYIR RO, ,YANG NA MDO LAS RGYU DANG BCAS, RKYEN DANG BCAS, GZHI DANG BCAS ZHES 'BYUNG BA'I RIM PAR BSTAN PA YIN NO, ,SA BON DANG ZHING GI DNGOS POR STON PAR MDZAD PAS RNAM PAR SHES PA LA SOGS PA LA YANG GSUNGS SO, ,SKYE BA NI GANG YIN, MNGON PAR 'GRUB BA NI GANG YIN ZHE NA, KHAMS DANG 'GRO BA DANG SKYE GNAS LA SOGS PA'I BYE BRAG GIS LUS SKYE BA NI SKYE BA YIN LA, BYE BRAG MED PAR YANG SRID PAR NYID MTSAMS SBYOR BA NI MNGON PAR 'GRUB PA YIN NO, ,DE GNYIS KYI RGYU NI GO RIMS BZHIN DU LAS DANG SRED PA YIN TE, DBER NA SA BON S'A LU DANG NAS LA SOGS PA'I RIGS KYI BYE BRAG GIS MYU GU SKYE BA'I RGYU YIN LA, CHU NI BYE BRAG MED PAR MYU GU THAMS CAD SKYE BA TZAM GYI RGYU YIN BA LTA BU STE 'DI NI DPE YIN NO, ,MNGON BAR GRUB PA'I RGYU SRED PA YIN NO ZHES BYA BA 'DI LA RIGS PA CI ZHIG YOD CE NA, SRED PA DANG BRAL BA SKYE BA MED PA'I PHYIR TE, SRED PA DANG BCAS PA DANG SRED PA DANG BRAL BA GNYI GA YANG 'CHI BA LAS SRED PA DAG KHO NA SKYE BAR SNANG GI SRED PA DANG BRAL BA RNAMS NI MA YIN PAS SRED PA MED NA SKYE BA MED PA'I PHYIR SRED PA MNGON PAR 'GRUB PAR BYA BA LA SRED PA RGYU YIN PAR SHES SO, ,RGYUD GZHOL BA'I YANG PHYIR TE, GANG LA SRED PA DANG BCAS PA DER SEMS KYI RGYUD YANG DANG YANG DU GZHOL BAR MTHONG BAS, DE LTA BAS NA YANG SRED PA LA YANG DE DANG 'DRA'O ZHES BYA BAR SHES SO, ,JI LTAR SRED PAS 'DAG PA'I CHAL SRAN CHUNG GI PHYE MA'I LDE GU BSKAMS PAS LUS BZUNG BA BZHIN DU LUS, KUN DU BZUNG BA DE LTAR NI GANG GIS KYANG LUS KUN DU MA BZUNG STE, RGYU GZHAN NI JI LTAR BDAG LA CHAGS PA DE LTAR RJES SU 'BREL BA MA YIN TE, 'DI NI RIGS PA YIN NO, ,BCOM LDAN 'DAS KYIS BDEN PA BZHI ZHES KYANG GSUNGS, KUN RDZOB KYI BDEN PA DANG, DON DAM PA'I BDEN PA DANG BDEN BA GNYIS ZHES KYANG GSUNGS LA, DE GNYIS KYI MTSAN NYID CI ZHE NA, ,GANG LA BCOM DANG BLO YIS GZHAN, , @7B BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,GANG LA CHA SHAS SU BCOM NA DE'I BLO MI 'JUG PA DE NI KUN RDZOB TU YOD PA STE, DPER NA BUM PA LTA BU'O, ,DE LA NI GYO MOR BCOM NA BUM PA'I BLO MI 'JUG GO, ,GANG LA BLOS CHOS GZHAN BSAL NA DE'I BLO MI 'JUG PA DE YANG KUN RDZOB TU YOD PA YIN PAR KHONG DU CHUD PAR BYA STE, DPER NA CHU LTA BU'O, ,DE LA NI BLOS GZUGS LA SOGS PA'I CHOS BSAL NA, CHU'I BLO MI 'JUG GO, ,DE DAG KHO NA LA KUN RDZOB TU DE'I MING DU BTAGS PA YIN PAS KUN RDZOB KYI DBANG GIS BUM PA DANG CHU YOD DO ZHES BRJOD PA NI BDEN PA KHO NA SMRAS PA YIN GYI, BRDZUN PA NI MA YIN PAS DE NI KUN RDZOB KYI BDEN PA YIN NO, ,DE LAS GZHAN PA NI DON DAM PA'I BDEN PA STE, GANG LA BCOM YANG DE'I BLO 'JUG PA KHO NA YIN LA, BLOS CHOS GZHAN BSAL YANG DE'I BLO 'JUG PA DE NI DON DAM PAR YOD PA YIN TE, DPER NA GZUGS LTA BU'O, ,DE LA RDUL PHRA BAR TU BCOM YANG RUNG, BLOS RO LA SOGS PA'I CHOS BSAL KYANG RUNG GZUGS KYI RANG BZHIN GYI BLO 'JUG PA NYID DE, TSOR BA LA SOGS PA YANG DE BZHIN DU BLTA BAR BYA'O, ,DE NI DON DAM PAR YOD PA'I PHYIR DON DAM PA'I BDEN PA ZHES BYA'O, ,SNGON GYI SLOB DPON RNAMS NA RE, JI LTAR 'JIG RTEN LAS 'DAS PA'I SHES PA'AM, DE'I RJES LA THOB PA 'JIG RTEN PAS 'DZIN PA DE LTAR NI DON DAM PA'I BDEN PA YIN NO, ,JI LTAR GZHAN GYIS 'DZIN PA DE LTAR NI KUN RDZOB KYI BDEN PA YIN NO ZHES ZER RO, ,BDEN PA RNAMS BSHAD ZIN TO, ,JI LTAR NA DE DAG MTHONG BAR 'GYUR BA BRJOD PAR BYA STE, DE'I PHYIR DANG PO 'JUG PA LAS BRTZAMS TE BRJOD PAR BYA'O, ,TSUL GNAS THOS DANG BSAM GTAN PA, ,BSGOM PA LA NI RAB TU SBYOR, ,BDEN PA RNAMS MTHONG BAR 'DOD PA NI DANG PO KHO NAR TSUL KHRIMS SRUNG BAR BYED DO, ,DE'I 'OG TU BDEN PA MTHONG BA DANG MTHUN PA'I THOS PA 'DZIN PA'AM, DON NYAN PAR BYED DO, ,THOS NAS PHYIN CI MA LOG PAR SEMS PAR BYED DO, ,BSAMS NAS TING NGE 'DZIN SGOM PA LA RAB TU SBYOR BAR BYED DO, ,DE THOS PA LAS BYUNG BA'I SHES RAB LA BRTEN NAS BSAM PA LAS BYUNG BA SKYE'O, ,BSAM PA LAS BYUNG BA LA @8A *, ,BRTEN NAS BSGOM PA LAS BYUNG BA SKYE'O, ,SHES RAB 'DI DAG GI MTSAN NYID CI ZHE NA, THOS SOGS LAS BYUNG BLO RNAMS NI, ,MING DANG GNYI GA DON YUL TZAN, ,BYE BRAG TU SMRA BA RNAMS NA RE THOS PA LAS BYUNG BA'I SHES RAB NI MING LA DMIGS PA YIN LA, BSAM PA LAS BYUNG BA NI MING DANG DON LA DMIGS PA YIN TE, RES 'GA' NI YI GES DON 'DREN PAR BYED DO, ,BSGOM PA LAS BYUNG BA NI DON LA DMIGS PA KHO NA YIN TE, DE NI YI GE LA MI LTOS PAR DON LA 'JUG GO, ,DPER NA STONG RKYAL LEGS PAR MA LOBS PA CHU'I NANG DU 'JU BAR BYA BA MI GTONG BA KHO NA YIN LA; CUNG ZAD LO BAS PA NI RES 'GA' NI GTONG RES 'GA' NI 'JU BAR BYED DO, ,LEGS PAR LOBS PA NI 'JU PAR BYA BA LA MI LTOS BAR RGAL BA LTA BU STE 'DI NI DPE YIN NO ZHES ZER RO ZHES GRAG GO, ,GZHAN DAG NA RE RTOG PA 'DI LA NI MING LA DMIGS PA GANG YIN PA DE NI THOS PA LAS BYUNG BA YIN PAR 'GYUR LA, DON LA DMIGS PA GANG YIN PA DE NI BSGOM PA LAS BYUNG BA YIN PAR 'GYUR BAS BSAM PA LAS BYUNG BA'I SHES RAB 'GRUB PAR MI 'GYUR GYI, THOS PA LAS BYUNG BA'I SHES RAB NI YID CHES PA'I LUNG TSAD MA NYID LAS SKYES PA'I NGES PA YIN NO, ,BSAM PA LAS BYUNG BA NI RIGS PAS NGES PAR BRTAGS PA LA SKYES PA YIN NO, ,BSGOM BA LAS BYUNG BA'I TING NGE 'DZIN LAS SKYES PA YIN NO ZHES BYA BA 'DI NI 'DI DAG GI MTSAN NYID KHA NA MTHO BA MED PAR SNANG NGO ZHES ZER RO, ,DE LTAR BSGOM PA LA RAB TU BRTZON PA DE JI LTAR NA SGOM PA RDZOGS PAR 'GYUR ZHE NA, BSRINGS GNYIS LDAN ZHES BYA BA SMOS TE, GAL TE 'DU 'DZI DANG MI DGE BA'I RNAM PAR RTOG PA THAG BSRINGS PA'I PHYIR LUS DANG SEMS DAG GIS BSRINGS PA YIN NA RDZOGS PAR 'GYUR RO, ,'O NA BSRINGS PA DE GNYIS SU LA SLA ZHE NA, 'DOD PA CHUNG BA DANG, CHOG SHES PA LA SLA'I ,CHOG MI SHES PA DANG, 'DOD CHEN CAN LA MA YIN NO, ,CHOG MI SHES PA 'DI NI GANG ZHIG YIN NO, ,'DOD CHEN CAN NI GANG ZHIG YIN ZHE NA, RNYED LA YANG SRED CHOG MI SHES, ,MA RNYED LA 'DOD 'DOD CHEN CAN, ,CHOS MNGON PA PA RNAMS NA RE CHOS GOS LA SOGS PA GYA NOM PA RNYED PA LA YANG DANG YANG DU 'DOD PA NI CHOG MI SHES PA @8B YIN LA, MA RNYED PA DAG LA DE 'DOD PA NI 'DOD CHEN CAN YIN NO ZHES ZER RO ZHES GRAG GO, ,YANG DANG YANG DU 'DOD PA DE YANG MA RNYED PA KHO NA LA YIN GYI RNYED PA LA NI MA YIN PA MA YIN NAM, 'DI GNYIS LA KHYAD BAR CI ZHIG YOD DE 'DI NI BRJOD PAR BYA DGOS SO, ,'DI LTAR NI RUNG STE, GYA NOM BAM YIN PA DANG, MANG PO MA YIN PA RNYED PAS YID MI BDE BA NI CHOG MI SHES PA YIN NO, ,GYA NOM PA DANG MANG PO MA RNYED PAS 'DOD PA NI 'DOD CHEN CAN YIN NO, ,BZLOG PA DE YI GNYEN PO DAG ,CHOG MI SHES PA DANG, 'DOD CHEN CAN LAS BZLOG PA NI DE DAG GI GNYEN PO CHOG SHES PA DANG, 'DOD CHEN CHUNG BA YIN PAR RIG PAR BYA'O, ,DE GNYIS KHAMS GSUM GTOGS DRI MED, ,DE'I GNYEN PO ZHES BYA BAR SBYAR TE, KHAMS GSUM PA DAG DANG, MI LDAN PA DAG KYANG YIN NO, CHOG MI SHES PA DANG, 'DOD CHEN CAN NI 'DOD PA NA SPYOD PA DAG KHO NA YIN NO, ,'DOD CHEN CHUNG BA DA CHOG SHES PA 'DI GNYIS KYI RANG BZHIN CI ZHE NA, MA CHAGS ZHES BYA BA SMOS TE, 'DI DAG NI MA CHAGS PA'I RANG BZHIN DAG YIN NO, ,'PHAGS RIGS MA CHAGS PA ZHES BYA BAR SBYAR TE, 'DI DAG LAS 'PHAGS PA RNAMS SKYE BAS NA 'PHAGS PA'I RIGS BZHI STE, DE DAG KYANG MA CHAGS PA'I RANG BZHIN NO, ,DE DAG LAS GSUM NI CHOG SHES BDAG NYID DO, ,DANG PO GSUM PO CHOS GOS DANG, BSOD SNYOMS DANG, MAL CHA DANG STAN GYIS CHOG SHES PA RNAMS NI CHOG SHES PA'I RANG BZHIN DAG YIN NO, ,'PHAGS PA'I RIGS BZHI PA NI SPONG BA DANG BSGOM PA DAG LA DGA' BA NYID YIN NO; ,JI LTAR NA MA CHAGS PA'I RANG BZHIN YIN ZHE NA, SRID PA DANG 'DOD PA'I 'DOD CHAGS LA RGYAB KYIS PHYOGS PA'I PHYIR RO, ,YANG BCOM LDAN 'DAS KYIS 'PHAGS PA'I RIGS BZHIS CI ZHIG BSTAN CE NA, GSUM GYIS TSUL BSTAN THAMS CAD LAS, ,CHOS KYI RJE BCOM LDAN 'DAS KYIS, RANG GI TSUL DANG LAS KYI MTHA' YONGS SU SPANGS SHING THAR PA DON DU GNYER BAR KHAS 'CHE BA'I SLOB MA RNAMS LA TSUL DANG LAS GNYIS BCAS TE, 'PHAGS PA'I RIGS GSUM GYIS NI TSUL BCAS SO, ,BZHI PAS NI LAS BCAS TE, KHYED TSUL 'DIS LAS 'DI BYED NA RING POR @9A *, ,MI THOGS PAR THAR PA THOB PAR 'GYUR RO ZHES GSUNGS SO, ,CI'I PHYIR TSUL 'DI LTA BU DANG, LAS 'DI LTA BU BCAS SHE NA, SRED PA SKYE BA'I GNYEN PO'I PHYIR, MDO LAS SRED PA SKYE BA BZHI GSUNGS TE, DGE SLONG SRED PA SKYE BA NA CHOS GOS KYI PHYIR DANG, BSOD SNYOMS KYI PHYIR DANG; MAL CHA DANG STAN GYI PHYIR SKYE'O, ,GNAS BA NA GNAS SO, ,MNGON PAR ZHEN PA NA MNGON PAR ZHEN TO, ,DGE SLONG SRED PA SKYE BA NA 'BYUNG BA DANG 'JIG PA DE LTA BU'I PHYIR SKYE'O ZHES RGYAS PAR GSUNGS TE, DE DAG GI GNYEN POR 'PHAGS PA'I RIGS BZHI BSTAN TO, ,BDAG GI BDAG 'DZIN DNGOS 'DOD PA, ,DE YI DUS DANG GTAN ZHI PHYIR, ,DON DE NYID RNAM GRANGS KYIS STON PA STE, BDAG GIR 'DZIN PA'I DNGOS PO NI CHOS GOS LA SOGS PA'O, ,BDAG TU 'DZIN PA'I DNGOS PO NI LUS SO, ,DE DAG LA 'DOD PA NI SRED PA'O, ,DE LA 'PHAGS PA'I RIGS GSUM NI BDAG GIR 'DZIN PA'I DNGOS PO 'DOD PA DE'I DUS SU ZHI BAR BYED PA YIN NO, ,BZHI PA NI GNYI GA 'DOD PA GTAN DU ZHI BAR BYED PA YIN NO, ,JI LTA BU'I BSGOM PA YONGS SU RDZOGS PAR 'GYUR BA 'DI NI BSHAD ZIN TO, ,DE LTAR SNOD DU GYUR PA DE JI LTAR NA BSGOM PA DE LA 'JUG PA YIN ZHE NA, DE LA 'JUG PA MI SDUG DANG, ,DBUGS RDUB 'BYUNG BA DRAN PA YIS, ,DRAN PA NYID DRAN PA YIN NO, ,GANG DAG NI MI SDUG PAS 'JUG ,GANG DAG NI DBUGS RDUB PA DANG 'BYUNG BA DRAN PAS 'JUG CE NA, GO RIMS BZHIN DU, 'DOD CHAGS RNAM RTOG LHAG RNAMS SO, ,'DI DAG LA 'DOD CHAGS DANG RNAM PAR RTOG PA LHAG PA YOD PAS, 'DI DAG NI 'DOD CHAGS DANG RNAM PAR RTOG PA LHAG PA DAG STE, GANG ZHIG 'DOD CHAGS NYE BA DANG SHIN TU SPYAD PA DE NI MI SDUG PAS 'JUG GO, ,GANG ZHIG RNAM PAR RTOG PA SPYAD PA DE NI DBUGS RDUB PA DANG 'BYUNG BA DRAN PAS 'JUG GO, , KHA CIG NA RE 'DI NI SNA TSOGS LA MI DMIGS PA'I PHYIR RNAM PAR RTOG PA GCOD PAR BYED PA YIN GYI, MI SDUG BA NI KHA DOG DANG DBYIBS KYI BYE BRAG LA DMIGS PA'I PHYIR RNAM PAR RTOG PA 'DREN PAR BYED DO ZHES ZER RO, ,GZHAN DAG NA RE KHA PHYIR MA BLTAS PA'I PHYIR TE, MI SDUG PA NI MIG GI RNAM @9B BAR SHES PA BZHIN DU KHA PHYIR BLTAS PA YIN TE, DE'I YUL LA NYE BAR RTOG PA'I PHYIR RO ZHES ZER RO, ,DE LA 'DOD CHAGS NI RNAM PA BZHI STE, KHA DOG GI 'DOD CHAGS DANG, DBYIBS KYI 'DOD CHAGS DANG, REG BA'I 'DOD CHAGS DANG, BSNYEN BKUR GYI 'DOD CHAGS SO, ,DANG PO'I GNYEN POR NI RNAM PAR BSNGOS PA LA SOGS PA LA DMIGS PA'I MI SDUG PA RJOD PAR BYED DO, ,GNYIS PA'I NI RNAM PAR ZOS PA DANG, RNAM PAR 'THOR BA LA DMIGS PA'O, ,GSUM PA'I NI RNAM PAR 'BUS GZHIGS PA DANG, RGYUS PAS BRANG BRENG DU SBREL BA'I KENG RUS LA DMIGS PA'O, ,BZHI PA'I NI SHI BA'I RO G-YO BA MED PA LA DMIGS PA'O, ,BYE BRAG MED PAR NI, KENG RUS CHAGS BCAS THAMS CAD LA, ,SHIS TE, RUS PA'I KENG RUS LA NI CHAGS PA'I GZHI RNAM BA BZHI PO 'DI DAG THAMS CAD MED DO, ,MOS PA DANG NYI TSE BA YID LA BYED PA YIN PA'I PHYIR MI SDIG PAS NYON MOGS PA SPONG BA NI MA YIN GYI RNAM PAR GNON PA NI YIN NO, ,MI SDUG BA BSGOM PA'I RNAL 'BYOR SPYOD PA DE NI RNAM PA GSUM DU BRJOD DE, LAS DANG PO BA DANG, YONGS SU SBYANG BA BYAS PA DANG, YID LA BYED PA RDZOGS PA'O, ,DE LA RUS PA RGYA MTSO'I BAR DU NI, ,SPRO ZHING SDUD PA LAS DANG PO, ,MI SDUG PA BSGOM PAR 'DOD PA'I RNAL 'BYOR SPYOD PA NI DANG PO NYID DU RANG GI LUS KYI YAN LAG RKANG PA'I MTHE BO'AM, DPRAL BA'I DBYES SAM, YANG NA DE GAR DGA' BAR SEMS GTOD PAR BYED CING, DES DER SHA MYAGS SHING ZAG PAR MOS PAS RIM GYIS RUS PA RNAM PAR SBYOD BAR BYED BA NA THAMS CAD RUS PA'I KENG RUS SU LTA ZHING, DE BZHIN DU MOS PA BSKYED PA'I PHYIR GNYIS BA LA MOS PAR BYED PA NAS GTZUG LAG KHANG DANG, KUN DGA'I RAB DANG, GRONG DANG, ZHING DANG RIM GYIS RGYA MTSO'I MTHAS KLAS PA'I BAR GYIS GZHI RUS PA'I KENG RUS KYIS GANG BAR MOS PAR BYED DO, ,YANG SDUD PA NA SEMS BSDU BA'I PHYIR BDAG GCIG PU KHO NA LA RUS PA'I KENG RUS SU MOS PA'I BAR DU SDUD DE, 'DI TZAM GYIS NA MI SDUG PA YONGS SU RDZOGS PA YIN NO ZHES GRAG STE, 'DI NI LAS DANG PO PA'I RNAL 'BYOR SPYOD PA YIN NO, ,RKANG RUS NAS NI THOD PHYED PAR, ,BTANG BAS SBYANG BA BYAS PAR BSHAD, ,DE @10A *, ,SEMS BSDU BA KHYAD PAR CAN DU BYA BA'I PHYIR RUS PA'I KENG RUS DE LAS RKANG PA'I RUS BA RNAMS BOR NAS LHAG MA YID LA BYED CING, DE BZHIN DU THOD PA'I BYED BOR NAS THOD BA PHYED KYI BAR YID LA BYED BA 'DI NI YONGS SU SBYANG BA BYAS PA YIN NO, ,SMIN MA'I BAR DU SEMS 'DZIN PAS, YID LA BYED PA RDZOGS PA YIN, DE THOD PA'I PHYED KYANG BOR NAS SMIN MA GNYIS KYI BAR DU SEMS 'DZIN PAR BYED BA 'DI NI MI SDUG PA YID LA BYED PA RDZOGS PA'I RNAL 'BYOR SPYOD PA YIN NO ZHES GRAG GO, ,DMIGS PA CHUNG BAS CHUNG LA DBANG CHUNG BAS MA YIN PAS YANG MI SDUG PA YANG YOD DE ZHES BYA BA MU BZHI STE, YID LA BYED BA SBYANG PA BYAS PA DANG, SBYANG BA MA BYAS PA DANG, YID LA BYED PA SBYANG BA MA BYAS PA DANG, SBYANG BA BYAS PA DAG RANG GI LUS DANG RGYA MTSO'I MTHA' KLAS PA LA DMIGS PA'I PHYIR RO, ,YANG MI SDUG PA 'DI'I RANG BZHIN CI ZHIG YIN, SA NI DU ZHIG YIN, DMIGS PA NI CI ZHIG YIN, GANG DU SKYED BAR BYED CE NA, GO RIMS BZHIN DU, MI SDUG MA CHAGS SA BCU DANG, DMIGS BA 'DOD SNANG MIS SKYED DO, ,RANG BZHIN NI MA CHAGS PA'O, ,SA NI BCU PA STE, BSAM GTAN BZHI NYER BSDOGS DANG BSAM GTAN KHYAD PAR CAN DANG BCAS PA DANG, 'DOD PA'I KHAMS NA YOD DO, ,DMIGS PA NI 'DOD PA NA SBYOD PA'I SNANG BA YIN NO, ,SNANG BA ZHES BYA BA CI ZHE NA, KHA DOG DANG, DBYIBS TE, DE NYID KYI PHYIR DON LA DMIGS PA ZHES BYA BAR GRUB BO, ,MI RNAMS KYI NANG KHO NAR SKYED KYI 'GRO BA GZHAN DU YANG MA YIN NA KHAMS GZHAN DU LTA SMOS KYANG CI DGOS, DER YANG BYANG GI SGRA MI SNYAN DU NI MA YIN NO, ,MI NYID KYIS MI SDUG PA'I RNAM BA ZHES BYA BAR GRUB BO, DUS GANG YIN PA DE'I DUS LA DMIGS SO, ,MI SKYE BA'I CHOS CAN GYI YUL NI DUS GSUM YIN NO, ,MOS BA YID LA BYED BA YIN PA'I PHYIR ZAG BA DANG BCAS PA YIN NO, ,'DRIS PA DANG MA 'DRIS PA YIN PA'I PHYIR 'DOD CHAGS DANG BRAL BAS THOB BA DANG SBYOR BA LAS BYUNG BA YIN NO, ,MI SDUG PA'I MTSAN NYID RAB TU DBYE BA DANG BCAS TE BSHAD ZIN TO, ,DBUGS RDUB DBUGS 'BYUNG DRAN PA NI, ,SHES RAB LNGA SPYOD YUL RLUNG, ,'DOD RTEN, DBUGS RDUB PA NI DBUGS RDUB PA STE RLUNG @10B 'JUG PA GANG YIN PA'O, ,DBUGS 'BYUNG BA NI DBUGS 'BYIN PA STE RLUNG 'BYUNG BA GANG YIN PA'O, ,DE GNYIS DRAN PA NI DBUGS RDUB PA DANG DBUGS 'BYUNG BA DRAN PA STE, DE NI SHES RAB KYI RANG BZHIN YIN NO, ,DRAN PA ZHES SMOS PA NI DRAN PA NYE BAR GZHAG PA BZHI STE, DE'I STOBS BSKYED PAS 'JUG PA'I PHYIR RO, ,SA LNGA PO NYER BA SNGOGS GSUM DANG, BSAM GTAN KHYAD PAR CAN DANG, 'DOD PA'I KHAMS NA YOD DO, ,BTANG SNYOMS DANG MTSUNGS PAR LDAN PA'I PHYIR RO, ,BDE BA DANG SDUG BSNGAL DAG NI RNAM PAR RTOG PA DANG MTHUN PA'I PHYIR DE'I GNYEN PO NI DE DAG DANG MTSUNGS PAR MI LDAN NO; ,BDE BA DANG YID BDE BDAG KYANG GTOD PA LA BAR CHAD BYED PA'I PHYIR LA, DE YANG GTAD PAS BSGRUB PAR BYA BA YIN PA'I PHYIR RO ZHES GRAG GO, ,GANG DAG BSAM GTAN DNGOS GZHI DAG NA YANG SNYOMS PAR ZHUGS PA LA BTANG SNYOMS KYI DBANG PO YOD PAR 'DOD PA DE DAG GI LTAR NAS BRGYAD PA YIN NO, ,YAN CHAD NI DBUGS RDUB PA DANG DBUGS 'BYUNG BA'I SA MA YIN PA'I PHYIR RO, ,DE'I DMIGS PA NI RLUNG YIN NO, ,'DOD PA'I KHAMS KYI RTEN CAN YIN NO, ,LHA DANG MI DAG GI NANG NAS SKYED DO, ,SBYOR BA LAS BYUNG BA DANG, 'DOD CHAGS DANG BRAL BAS THOB PA YIN NO, ,'DI NI DE KHO NA YID LA BYED PA YIN NO, ,CHOS 'DI PA RNAMS KHO NA'I YIN GYI, PHYI BA'I MA YIN NO, ,LUNG MED PA'I PHYIR DANG, BDAG NYID KYIS CHOS ZAB MO MNGON PAR MI RTOGS PA'I PHYIR RO, ,DE YANG BGRANG BA LA SOGS PA RNAM PA DRUG ,DE NI BGRANG BA DANG RJES SU 'GRO BA DANG, 'JOG PA DANG, NYE BAR RTOGS PA DANG, BSGYUR BA DANG, YONGS SU DAG PA STE, RGYU DRUG DANG LDAN NA YONGS SU RDZOGS PA YIN NO, ,DE LA BGRANG BA ZHES BYA BA'I DBUGS RDUB PA DANG DBUGS 'BYUNG BA DAG LA SEMS GTAD NAS MNGON PAR 'DU BYA BA MED PAR LUS DANG SEMS RNAL DU GZHAG STE DRAN PA TZAM GYIS GCIG DANG GNYIS NAS BCU'I BAR DU BGRANG BAR BYED PA'O, ,SEMS MNGON PAR SDUD PA DANG RNAM PAR G-YENG BAR DOGS PAS HA CANG MANG BA DANG NYUNG DUR NI MA YIN NO, ,DE LA SKYON NI GSUM YOD DE, GAL TE GNYIS LA GCIG TU 'DZIN NAM TSANG BAR BGRANG @11A *, ,BA'I SKYON NO, ,GAL TE GCIG LA GNYIS SU 'DZIN NA LHAG PAR BGRANG BA'I SKYON NO, ,GAL TE DBUGS RDUB PA LA DBUGS 'BYIN PAR 'DZIN TAM, DBUGS 'BYIN PA LA DBUGS RDUB PAR 'DZIN NA 'CHOL BAR BGRANG BA'I SKYON NO, ,DE LAS GZHAN PA NI YANG DAG PA'I BGRANG BA YIN NO, ,BAR SKABS SU SEMS RNAM PAR G-YENG NA YANG MGO NAS JI SRID DU TING NGE 'DZIN MA THOB KYI BAR DU BGRANG BAR BYA'O, ,RJES SU 'GRO BA ZHES BYA BA NI 'DI DAG THAG NI JI SRID GCIG TU 'BYUNG ZHING 'JUG ,CI 'DI DAG LUS THAMS CAD LA KHYAB PA DAG CIG GAM, PHYOGS 'GA' ZHIG NA RGYU BA DAG YIN ZHES MNGON PAR 'DU BYA BA MED PAR DBUGS RDUB PA DANG DBUGS 'BYUNG BA'I 'GROS KYIS RJES SU 'GRO BA STE, DE 'JUG PA NA LKOG MA DANG, SNYING GA DANG, LTE BA DANG, RKED PA DANG, BRLA DANG, BYIN PAR 'JUG PA'I RIM GYIS RKANG PA GNYIS KYI BAR DU RJES SU 'GRO LA, 'BYUNG BA NA MTHO GANG DANG 'DOM GANG GI BAR DU 'BYUNG NGO, ,GZHAN DAG NA RE RLUNG GI DKYIL 'KHOR DANG RNAM PAR 'THOR BYED KYI RLUNG GI BAR DU'O ZHES ZER TE, 'DI NI KHO NA YID LA BYED PA YIN PA'I PHYIR RIGS PA MA YIN NO, ,'JOG PA ZHES BYA BA NI NOR BU'I THAG PA BZHIN DU SNA'I RTZE MO NAS RKANG PA'I MTHE BONG GI BAR DU GNAS PAR LTA ZHING, CI 'DI DAG PHAN 'DOGS PAR BYED PA ZHIG GAM, GNOD PAR BYED PA ZHIG GAM, GRANG NGAM, DRO BA DAG CIG CES RTOG PA'O, ,NYE BAR RTOG PA NI 'DI DAG NI RLUNG 'BA' ZHIG MA YIN GYI 'BYUNG BA CHEN PO BZHI DAG DANG 'BYUNG BA DAG LAS MNGON PAR GRUB PA RGYUR BYAS PA'I GZUGS DANG, DE DAG LA BRTEN PA SEMS DANG SEMS LAS BYUNG BA RNAMS KYANG YOD DO ZHES PHUNG PO LNGA LA NYE BAR RTOG PAR BYED PA'O, ,BSGYUR BA ZHES BYA BA NI RLUNG LA DMIGS PA'I BLO BSGYUR TE CHOS KYI MCHOG GI BAR DU GONG NAS GONG DU DGE BA'I RTZA BA RNAMS LA YANG DAG PAR SBYOR BA'O, ,YONGS SU DAG PA NI MTHONG BA'I LAM LA SOGS PA LA 'JUG PA'O, ,GZHAN DAG NA RE BSGYUR BA NI DRAN PA NYE BAR GZHAG PA NAS RDO RJE LTA BU'I TING NGE 'DZIN GYI BAR YIN LA, RNAM PAR DAG PA NI ZAD PA SHES PA LA SOGS PA YIN NO ZHES ZER RO, ,DBUGS RDUB DBUGS 'BYUNG DRAN PA NI,, @11B BGRANG DANG RJES 'GRO 'JOG PA DANG, ,RTOG PA DANG NI BSGYUR BA DANG, ,YANG DAG RNAM BA DRUG TU 'DOD, ,CES BYA BA NI BSDU BA'I TSIGS SU BCAD PA YIN NO, ,DE LA, DBUGS RDUB DBUGS 'BYUNG GANG LAS LUS, ,'DI GNYIS NI LUS KYI PHYOGS GCIG YIN PA'I PHYIR LUS SA PA GANG YIN PA DE'I SA PA DAG YIN PAR RIG BAR BYA'O, ,DBUGS RDUB PA DANG DBUGS 'BYUNG BA NI GZUGS MED PA DANG, NUR NUR PO LA SOGS PAR GYUR PA RNAMS DANG, SEMS MED PA DANG, BSAM GTAN BZHI PA LA SNYOMS PAR ZHUGS PA RNAMS LA MED PA'I PHYIR LUS DANG SEMS KHYAD PAR CAN LA BRTEN NAS 'JUG PA YIN TE, GAL TE LUS KYANG SBUBS YOD PA YIN LA DBUGS RDUB PA DANG, DBUGS 'BYUNG PA'I SA PA'I SEMS KYANG MNGON SUM DU GYUR NA DE LTA NA 'JUG GO, ,SKYE BA DANG, BSAM GTAN BZHI PA LAS LDANG BA LA NI 'JUG LA, 'CHI BA DANG, BSAM GTAN BZHI PA LA SNYOMS PAR 'JUG PA LA NI 'BYUNG NGO, ,DBUGS RDUB PA DANG DBUGS 'BYUNG BA 'DI GNYIS NI, SEMS CAN ZHES BYA, SEMS CAN DU MI BGRANG BA DAG NI MA YIN NO, ,MA ZIN PA'O, ,DBANG PO DANG THA DAD PA'I PHYIR RO, ,RGYU MTHUN LAS BYUNG, LUS RGYAS PAS 'GRIB PAR 'GYUR BA'I PHYIR DANG, CHAD NAS YANG NYID MTSAMS SBYOR BA'I PHYIR RGYAS PA LAS BYUNG BA DANG, RNAM PAR SMIN PA LAS SKYES PA NI MA YIN TE, RNAM PAR SMIN PA'I GZUGS LA NI DE LTA BU MED DO, ,'OG MA YI, YID KYIS DE GNYIS MI RTOGS SO, ,DE GNYIS NI RANG GI SA PA DANG SA GONG MA PA'I SEMS KYIS RTOGS KYI, 'OG MA PA SPYOD LAM PA DANG SBRUL PA'I SEMS KYIS MI RTOGS SO, ,'JUG PA'I SGO GNYIS BSHAD ZIN TO, ,DE GNYIS KYI TING NGE 'DZIN THOB NAS, LHAG MTHONG BSGRUB PAR BYA BA'I PHYIR, ,ZHI GNAS GRUB PAR GYUR PA YIS, ,DRAN PA NYER GZHAG BSGOM PAR BYA, ,JI LTAR BYA ZHE NA, LUS TSOR SEMS DANG CHOS RNAMS LA, ,MTSAN NYID GNYIS SU YONGS BRTAGS PAS, ,LUS DANG, TSOR BA DANG, SEMS DANG CHOS RNAMS LA RANG DANG SPYI'I MTSAN NYID DAG TU YONGS SU BRTAGS PA STE, DE DAG GI RANG GI MTSAN NYID NI RANG GI NGO BO'O, ,SPYI'I MTSAN NYID NI 'DUS BYAS @12A *, ,RNAMS NI MI RTAG PA NYID DANG, ZAG PA DANG BCAS PA RNAMS SDUG BSNGAL BA NYID DANG, CHOS THAMS CAD STONG PA DANG, BDAG MED PA NYID DAG GO, ,LUS KYI RANG GI NGO BO CI ZHE NA, 'BYUNG BA DANG 'BYUNG BA LAS GYUR PA NYID DO, ,GSUM LAS GZHAN PA DAG NI CHOS SO, , MNYAM PAR GZHAG PAS LUS LA RDUL PHRA RAB DANG SKAD CIG MAR MTHONG BAS LUS DRAN PA NYE BAR GZHAG PA GRUB PA YIN NO, ZHES GRAG GO, ,YANG DRAN PA NYE BAR GZHAG PA RNAMS KYI RANG BZHIN CI ZHE NA, DRAN PA NYE BAR GZHAG PA NI RNAM PA GSUM STE, RANG BZHIN DANG, 'BREL PA DANG, DMIGS PA'I DRAN PA NYE BAR GZHAG PA'O, ,DE LA RANG BZHIN GYI DRAN PA NYE BAR GZHAG PA NI, SHES RAB BO, ,SHES RAB JI LTA BU ZHIG CE NA, THOS SOGS LAS BYUNG BA'O, ,THOS PA LAS BYUNG BA DANG, BSAM PA LAS BYUNG BA DANG, BSGOM PA LAS BYUNG BA'O, ,DRAN PA NYE BAR GZHAG PA DAG KYANG RNAM PA GSUM STE, THOS PA DANG, BSAM PA DANG, BSGOM PA LAS BYUNG BA DAG GO, ,GZHAN NI 'BREL DANG DMIGS PA LAS, ,GZHAN DE DANG LHAN CIG 'BYUNG BA'I CHOS RNAMS NI 'BREL BA'I DRAN PA NYE BAR GZHAG PA YIN NO, ,DE DAG GI DMIGS PA NI DMIGS PA'I DRAN PA NYE BAR GZHAG PA'O, ,RANG BZHIN GYI DRAN PA NYE BAR GZHAG PA SHES RAB YIN NO ZHES BYA BA 'DI GA LAS SHE NA, LUS LA LUS KYI RJES SU LTA BA NI DRAN PA NYE BAR GZHAG PA'O ZHES 'BYUNG BA'I PHYIR RO, ,RJES SU LTA BA ZHES BYA BA CI ZHE NA, SHES RAB STE, DES DE DANG LDAN PA RJES SU LTA BAR BYED DO, ,'DI LTAR NANG GI LUS LA LUS KYI RJES SU LTA ZHING GNAS SO ZHES KYANG GSUNGS TE, 'DI LA RJES SU LTA BA STE LTA BA YOD PAS NA RJES SU LTA BA'O, ,LUS LA RJES SU LTA BA NI LUS KYI RJES SU LTA BA'O, ,CI'I PHYIR SHES RAB LA DRAN PA NYE BAR GZHAG PA ZHES BSHAD CE NA, BYE BRAG TU SMRA BA RNAMS NA RE DRAN PA SHAS CHE BA'I PHYIR TE, SHING GSHEGS PA'I KHYE'U DAG GIS 'DZIN PA LTAR DRAN PA'I STOBS BSKYED PAS 'JUG PA NYID KYI PHYIR ZHES BYA BA'I THA TSIG GO ZHES ZER RO, ,'DI LTAR NI RUNG STE, 'DIS DRAN PA NYE BAR 'JOG PAS NA DRAN PA NYE BAR GZHAG PA NI SHES RAB YIN TE, JI LTAR MTHONG BA MNGON PAR BRJOD PA'I PHYIR RO, ,'DI LTAR @12B TSE DANG LDAN PA MA 'GAGS PAS KYANG, LUS LA LUS KYI RJES SU LTA ZHING GNAS PA DE'I LUS LA DMIGS PA'I DRAN PA GNAS PA YANG DAG PAR GNAS ZHES RGYAS PAR BSHAD DO, ,BCOM LDAN 'DAS KYIS KYANG LUS LA LUS KYI RJES SU LTA ZHING GNAS PA DE'I DRAN PA NYE BAR GNAS SHING KUN TU MI RMONGS PA YIN ZHES GSUNGS SO, ,GANG LAS DGE SLONG DAG JI LTAR NA DRAN PA NYE BAR GZHAG PA RNAMS KUN 'BYUNG BA DANG, NUB PA YIN ZHE NA, ZAS KUN 'BYUNG BAS NI LUS KUN 'BYUNG PA YIN LA, ZAS 'GAGS PAS NI LUS NUB PA YIN NO ZHES GSUNGS PA DE LAS NI DMIGS PA KHON DRAN PA NYE BAR GZHAG PAR GSUNGS PA YIN TE, 'DI LA DRAN PA NYE BAR GNAS PA'I PHYIR RO, ,'DI DAG GI MING NI DMIGS PA JI LTA BA BZHIN NO, ,'DI DAG RANG DANG GZHAN DANG GNYI GA'I RGYUD LA DMIGS PA'I PHYIR RE RE ZHING RNAM PA GSUM GSUM YIN NO, ,RIM NI JI LTAR SKYE BA BZHIN CI'I PHYIR DE LTAR SKYE ZHE NA, BYE BRAG TU SMRA BA RNAMS NA RE, SNGAR RAGS PA MTHONG BA'I PHYIR RO, ,YANG NA 'DI LTAR 'DOD PA LA 'DOD CHAGS PA'I RTEN NI LUS YIN LA, DE YANG TSOR BA MNGON PAR 'DOD PA'I PHYIR RO, ,DE YANG SEMS MA ZHI BA'I PHYIR RO, ,DE YANG NYON MONGS PA MA SPANGS PA'I PHYIR RO ZHES ZER RO; ,PHYIN CI LOG GI GNYEN POR BZHI, ,GTZANG BA DANG BDE BA DANG RTAG PA DANG BDAG TU PHYIN CI LOG RNAM PA BZHI'I GNYEN POR DRAN PA NYE BAR GZHAG PA BZHI GO RIMS BZHIN DU BSTAN TE MI MANG MI NYUNG NGO, ,DE DAG LAS GSUM NI MA 'DRES PA LA DMIGS PA YIN NO, ,BZHI PA NI GNYI GA YIN TE, GAL TE CHOS KHO NA LA LTA NA MA 'DRES PA LA DMIGS PA YIN NO, ,'ON TE LUS LA SOGS PA GNYIS SAM GSUM MAM BZHI PO SPYI LA LTA NA 'DRES PA LA DMIGS PA YIN NO, ,DE LTAR LUS LA SOGS PA LA DMIGS PA'I DRAN PA NYE BAR GZHAG PA RNAMS GOMS PAR BYAS NAS; DE NI CHOS DRAN NYE GZHAG PA, ,SPYI LA DMIGS PA LA GNAS TE, ,DE DAG LA NI MI RTAG DANG, ,SDUG BSNGAL STONG BDAG MED PAR LTA, ,CHOS DRAN PA NYE BAR GZHAG PAR 'DRES PA LA DMIGS PA LA GNAS TE, LUS LA SOGS PA DE DAG THAMS CAD SPYIR BSDUS TE, MI RTAG PA DANG, SDUG BSNGAL @13A *, ,BA DANG, STONG PA DANG BDAG MED PA DANG, RNAM BA BZHIR LTA'O, ,DE LAS DRO BAR GYUR PA 'BYUNG, ,CHOS DRAN PA NYE BAR GZHAG PA LA DE LTAR GOMS PA LAS RIM GYIS DGE BA'I RTZA BA DO BAR GYUR BA ZHES BYA BA SKYE'O, ,DRO BAR GYUR PA DANG 'DRA BAS NA DRO BAR GYUR PA STE, NYON MONGS PA'I BUD SHING SREG PAR BYED PA 'PHAGS PA'I LAM GYI ME'I SNGA LTAS YIN PA'I PHYIR RO, ,DE NI BDEN BZHI SPYOD YUL CAN, ,DRO BAR GYUR PA DE NI RGYUN CHAGS PA YIN PA'I PHYIR BDEN PA BZHI LA DMIGS PA YIN NO, ,RNAM PA BCU DRUG ,SDUG BSNGAL LA MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RNAM PA BZHIR LTA'O, ,KUN 'BYUNG LA RGYU DANG, KUN 'BYUNG BA DANG, RAB TU SKYE BA DANG, RKYEN DANG RNAM PA BZHIR LTA'O, ,'GOG PA LA 'GOG PA DANG, ZHI BA DANG, GYA NOM PA DANG, NGES PAR 'BYUNG BA DANG RNAM PA BZHIR LTA'O, ,LAM LA LAM DANG, RIGS PA DANG, SGRUB PA DANG, NGES PAR 'BYIN PA DANG RNAM PA BZHIR LTA STE 'DI DAG GI BYE BRAG NI, 'OG NAS BSHAD PAR BYA'O, ,DRO BA LAS, RTZE MO, ,DRO BA CHUNG DU DANG 'PHRING DANG CHEN PO'I RIM GYIS MNGON PAR 'PHEL BA LAS RTZE MO DAG KYANG SKYE STE, DE YANG DE DANG 'DRA, JI LTAR DRO BAR GYUR PA RNAMS BDEN PA BZHI LA DMIGS PA DANG, RNAM PA BCU DRUG YIN PA BZHIN TE, CHES MCHOG TU GYUR PA'I PHYIR NA MING GZHAN DU BTAGS SO, ,DGE BA'I RTZA BA G-YO BA'I RTZE MO YIN PA'I PHYIR RTZE MO RNAMS TE, DE DAG LAS LTUNG BA'AM 'DA' BAR 'GYUR BA'I PHYIR RO, ,GNYI GA CHOS KYI RNAM PA GTOD, ,DRO BAR GYUR PA DANG RTZE MO GNYIS KA CHOS DRAN PA NYE BAR GZHAG PAS RNAM PA GTOD PAR BYED DO, ,RNAM PA GTOD CES BYA BA 'DI CI ZHE NA, DANG PO NYID DU BDEN PA RNAMS LA RNAM PA DAG 'GOD PA'O, ,GZHAN DAG GIS KYANG 'PHEL BAR BYED, DRAN BA NYE BAR GZHAG PA BZHI CHAR GYIS KYANG DE DAG 'PHEL BAR BYED DO, ,RNAM PAR 'PHEL BAR BYED PA NA SNGON THOB PA RNAMS MNGON SUM DU MI BYED DE, DGA' BA CHEN PO MED PA'I PHYIR RO, ,DE LAS BZOD PA YANG SKYE STE, DE CHUNG DU DANG 'BRENG DANG CHEN PO'I RIM GYIS MNGON PAR 'PHEL BA DAG LAS YANG, BZOD PA SKYE STE, YONGS SU MI NYAMS PA'I SGO @13B NAS BDEN PA LA CHER BZOD PA'I PHYIR RO, ,DE YANG RNAM PA GSUM STE, CHUNG DU DANG, 'BRING DANG, CHEN PO'O, ,DE LA RNAM PA GNYIS DE BZHIN, ,RTZE MO RNAMS JI SKAD BSHAD PA LTAR BZOD PA CHUNG DU DANG 'BRING DAG KYANG DE DANG 'DRA STE, DE KHO NA BZHIN DU RNAM PA GTONG BA'I PHYIR RO, ,RNAM PAR 'PHEL BA LA NI KHYAD PAR 'DI YOD DE, BZOD PA NI, THAMS CAD CHOS KYIS 'PHEL BAR BYED CHOS DRAN PA NYE BAR GZHAG BA KHO NAS 'PHEL BAR BYED KYI GZHAN GYIS NI MA YIN NO, ,CHEN PO 'DOD GTOGS SDUG BSNGAL YUL, ,BZOD PA ZHES BYA BAR SBYAR TE, DE NI CHOS KYI MCHOG DANG NYE BA'I PHYIR 'DOD PA NA SBYOD PA'I SDUG BSNGAL LA DMIGS PA KHO NA'O, ,DE NYID KYI PHYIR DRO BAR GYUR PA LA SOGS PA'I NGES PA MA SMOS PA'I PHYIR KHAMS GSUM PA'I SDUG BSNGAL LA SOGS PA LA DMIGS PA NYID DU GRUB PO, ,GANG GI TSE GZUGS DANG GZUGS MED PA'I GNYEN PO LA SOGS PA BDEN PA'I RNAM PA DMIGS PA RE RE NAS PHRI NAS 'DOD PA NA SBYOD PA'I SDUG BSNGAL KHO NA LA SKAD CIG MA GNYIS SU YID LA BYED PA'I BAR DE THAMS CAD NI BZOD PA 'BRING YIN LA, GANG GI TSE SKAD CIG MA GCIG KHON YIN PA DE'I TSE NA CHEN PO YIN NO ZHES GRAG GO, ,DE NI SKAD CIG GCIG ,DE NI SKAD CIG MA GCIG YIN GYI RGYUN CHAGS PA NI MA YIN NO, ,DE BZHIN DU CHOS MCHOG, DE DAG KYANG BZOD PA CHEN PO JI LTA BA BZHIN DU 'DOD PA NA SPYOD PA'I SDUG BSNGAL DMIGS PA DANG SKAD CIG MA GCIG PA DAG YIN NO, ,DE DAG NI 'JIG RTEN PA YANG YIN LA CHOS KYI MCHOG KYANG YIN ZHING, 'JIG RTEN PA THAMS CAD KYI MCHOG TU GYUR PA'I PHYIR 'JIG RTEN PA'I CHOS KYI MCHOG RNAMS TE, SGAL BA MNYAM PA'I RGYU MED PAR DE'I RTZA LA GYIS LAM 'DREN PAR BYED PA'I PHYIR RO, ,DRO BAR GYUR PA LA SOGS PA DE DAG NI DRAN PA NYE BAR GZHAG PA'I RANG BZHIN YIN PA'I PHYIR SHES RAB KYI BDAG NYID CES BYA BA'O, , THAMS CAD PHUNG PO LNGA, 'KHOR DANG BCAS TE SMOS PA'I PHYIR RO, ,THOB BA MA GTOGS, THOB BA RNAMS NI DRO BAR GYUR BA LA SOGS PAS MA BSDUS TE, 'PHAGS PA LA DE MNGON SUM DU GYUR PAS DRO BAR GYUR PA LA SOGS PA YANG MNGON SUM DU 'GYUR DU 'ONGS PAS SO, ,DE LA BDEN PA GSUM @14A *, ,LA DMIGS PA'I DRO BAR GYUR PA RNAM PA GTOD PA LA NI CHOS DRAN PA NYE BAR GZHAG PA DA LTAR BYUNG BA YIN LA MA 'ONGS PA NI BZHI CHAR 'THOB BO, ,'GOG PA'I BDEN PA LA DMIGS PA LA NI DE KHO NA GNYI GA YIN NO, ,RNAM PA DAG NI THAMS CAD DU 'DRA BA YIN NO, ,RNAM PAR 'PHEL BA LA NI BZHI LAS GANG YANG RUNG BA ZHIG YIN LA MA 'ONGS PA NI BZHI CHAR RO, ,'GOG PA LA DMIGS PA DE KHO NA LA NI THA MA YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,RIGS RNAMS THO BA ZIN PA'I PHYIR RO, ,RTZE MO BDEN PA BZHI LA DMIGS PA RNAM PA GTOD PA DANG, 'GOG PA LA DMIGS PA 'PHEL BA LA NI THA MA YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,BDEN PA GSUM LA DMIGS PA RNAM PAR 'PHEL BA LA NI BZHI LAS GANG YANG RUNG BA ZHIG YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,BZOD PA RNAMS LA NI THAMS CAD DU THA MA YIN LA MA 'ONGS PA NI BZHI CHAR RO, ,RNAM PA NI THAMS CAD DO, ,CHOS KYI MCHOG DAG LA NI THA MA YIN LA MA 'ONGS PA NI BZHI CHAR RO, ,RNAM PA NI BZHI KHO NA STE, GZHAN MED PA'I PHYIR DANG, MTHONG BA'I LAM DANG 'DRA BA'I PHYIR RO, ,DE LTA NA NGES 'BYED CHA MTHUN RNAM PA BZHI BZHI PO 'DI DAG NI NGES PAR 'BYED PA'I CHA DANG MTHUN PA'I DGE BA'I RTZA BA DAG YIN TE, 'DI LTA STE, DRO BAR GYUR PA DANG, RTZE MO RNAMS DANG, BZOD PA RNAMS DANG, CHOS KYI MCHOG RNAMS SO, ,DE DAG LAS GNYIS NI YONGS SU NYAMS PA'I SGO NAS G-YO BA'I PHYIR CHUNG DU DAG YIN NO, ,BZOD PA RNAMS NI 'BRING YIN NO, ,CHOS KYI MCHOG RNAMS NI CHEN PO YIN NO, ,NGES PAR 'BYED PA'I CHA DANG MTHUN PA RNAMS ZHES BYA BA'I DON CI ZHE NA, NGES PAR 'BYED PAS NA NGES PAR 'BYED PA STE, 'PHAGS PA'I LAM MO, ,DES THE TSOM SPONG BA'I PHYIR DANG, BDEN PA RNAMS LA 'DI NI SDUG BSNGAL LO ZHES BYA BA NAS 'DI NI LAM MO ZHES BYA BA'I BAR DU RNAM PAR 'BYED PA'I PHYIR RO, ,DE'I CHA NI MTHONG BA'I LAM GYI PHYOGS GCIG YIN TE, DE 'DREN PAR BYED PA NYID KYIS PHAN 'DOGS PA'I PHYIR NGES PAR 'BYED PA'I CHA DANG MTHUN PA RNAMS SO, ,NGES PAR 'BYED PA'I CHA DANG @14B MTHUN PA NI RNAM PA 'DI BZHI CHAR YANG, BSGOMS BYUNG, THOS PA DANG BSAMS PA LAS BYUNG BA NI MA YIN NO, ,MI LCOGS MED PA DANG, KHYAD PAR BSAM GTAN SA PA'O, ,'DI'I SA PA NI MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI YIN TE, DE DAG GIS BSDUS PA'I PHYIR RO, ,MTHONG BA'I LAM GYI 'KHOR YIN PA'I PHYIR GONG NA MED DO, ,DE MED PA NI 'DOD PA'I KHAMS LA DMIGS PA YIN PA'I PHYIR RO, ,DE YANG SNGAR YONGS SU SHES PAR BYA ZHING SPANG BAR BYA BA YIN PA'I PHYIR RO, ,DE DAG GI RNAM PAR SMIN PA NI GZUGS KYI KHAMS KYI PHUNG PO LNGA YIN NO; ,YONGS SU RDZOGS PAR BYED PA DAG KHO NA YIN GYI 'PHEN PAR BYED PA DAG NI MA YIN TE, SRID PA'I GNYEN PO YIN PA'I PHYIR RO, ,GNYIS NI 'OG NA'ANG YOD PA'AM, 'AM ZHES BYA BA'I SGRA NI LUGS THA DAD PA'I DON TE, BTZUN PA DBYANGS SGROGS KYI LTAR NA NGES PAR 'BYED PA'I CHA DANG MTHUN PA DANG PO GNYIS SA BDUN PA YIN TE, 'DOD PA'I KHAMS NA YANG YOD DO, ,BZHI PO DE DAG THAMS CAD KYANG, 'DOD RTEN GSUM NI MI DAG GI NANG KHO NA DANG, GLING GSUM DU SKYED PAR BYED DO, ,SNGON BSKYED PA RNAMS NI LHA DAG GI NANG DU MNGON SUM DU BYED DO, ,BZHI PA NI LHA DAG GI NANG DU YANG SKYED BAR BYED DO, ,GSUM NI SKYES PA DANG BUD MED KYI GNYI GA'I RTEN CAN DAG 'THOB BO, ,CHOS MCHOG BUD MED KYIS GNYI GA'I RTEN CAN 'THOB PAR 'GYUR, CHOS KYI MCHOG NI BUD MED KHO NAS GNYI GA'I RTEN CAN 'THOB BO, ,SKYES PA NI SKYES PA'I RTEN CAN 'BA' ZHIG 'THOB STE, BUD MED NYID NI SO SOR BRTAGS PA MA YIN PAS 'GOG PA THOB PA'I PHYIR RO, ,NGES PAR 'BYED PA'I CHA DANG MTHUN PA RNAMS JI LTAR STONG ZHE NA, 'PHAGS PAS DE DAG SA BOR NAS, ,STONG NGO, ,'PHAGS PA NI SA GANG DAG THOB PAR GYUR PA'I SA DE DAG 'DOR BA NA DE DAG KYANG GTONG GI GZHAN DU NI MA YIN NO, ,SA 'DOR BA NI SA 'PHOS PA'I PHYIR RO, ,'PHAGS MIN 'CHI BAS SO, ,SO SO'I SKYE BO NI SA 'PHO YANG RUNG MI 'PHO YANG RUNG STE RIS MTHUN PA BTANG BA KHO NAS GTONG NGO, ,DANG PO GNYIS YONGS NYAMS PAS KYANG, ,GTONG LA 'CHI BAS KYANG GTONG STE, ,SO SO'I SKYE BO KHO NA YIN GYI 'PHAGS PA NI DE GNYIS LAS YONGS @15A *, ,SU NYAMS PA MANG DO, ,BZOD PA DANG CHOS KYI MCHOG DAG LAS NI SO SO'I SKYE BO YANG YONGS SU NYAMS PA MED DO, ,DNGOS GZHIS DE NYID LA BDEN MTHONG, ,GANG ZHIG BSAM GTAN DNGOS GZHI'I SA BA'I NGES PAR 'BYED PA'I CHA DANG MTHUN PA RNAMS SKYED PAR BYED PA DES NI TSE 'DI NYID LA GDON MI ZA BAR BDEN PA RNAMS MTHONG BAR 'GYUR TE, YID 'BYUNG BA SHAS CHE BA'I PHYIR RO, ,RNAM PAR NYAMS NA DNGOS MED 'THOB, ,GANG GI TSE RNAM PAR NYAMS PA DAG GIS YANG THOB PA DE'I TSE SO SOR THAR PA'I SDOM PA BZHIN DU SNGON MED PA DAG KHO NA 'THOB KYI SNGON BTANG BA DAG NI MA YIN TE MA 'DRIS PA DANG 'BAD DE BSGRUB PAR BYA BA YIN PA'I PHYIR RO, ,MTSAMS STON PAR BYED PA ZHIG YOD NA NI GONG MA SKYED PAR BYED DO, ,MED NA NI GZHI KHO NAS SKYED PAR BYED DO, ,RNAM PAR NYAMS PA DANG YONGS SU NYAMS PA 'DI DAG GI RANG BZHIN CI ZHE NA, NYAMS PA GNYIS NI MI LDAN PA, ,NYAMS PA GNYI G-YANG MI LDAN PA'I RANG BZHIN YIN LA, YONGS SU NYAMS PA NI NYES PAS BYAS PA YIN GYI RNAM PAR NYAMS PA NI GDON MI ZA BA YIN NO, ,DRO BAR GYUR PA THOB PA NI YONGS SU NYAMS KYANG NGES PAR MYA NGAN LAS 'DAS PA'I CHOS CAN YIN NO, ,THAR PA'I CHA DANG MTHUN PA DANG KHYAD PAR CI YANG CE NA, BAR CHAD BYED PA MED NA BDEN BA MTHONG BA LA CHES NYE BA NYID YIN NO, ,RTZE MO THOB BRTZA MI 'CHAD, ,RTZE MO THOB PA NI YONGS SU NYAMS KYANG DGE BA'I RTZA BA RNAMS KUN TU MI 'CHAD KYI NGAN SONG DU YANG 'GRO LA MTSAMS MED PA DAG KYANG BYED DO, ,BZOD THOB NGAN SONG MI 'GRO'O, ,BZOD PA LAS NI RNAM PAR NYAMS KYANG NGAN SONG DU MI 'GRO STE, DER 'GRO BA'I LAS DANG NYON MONGS PA THAG BSRINGS PA'I PHYIR RO, ,BZOD PA THOB PA KHO NAS 'GRO BA DANG, SKYE GNAS DANG, SKYE BA DANG, LUS DANG, SRID PA DANG, NYON MONGS PA RNAMS LAS KHA CIG GIS MI SKYE BA'I CHOS NYID THOB STE, NGAN SONG GI 'GRO BA RNAMS DANG, SGO NGA LAS SKYES PA DANG, DROD GSHER LAS SKYES PA'I SKYE GNAS DAG DANG, 'DU SHES MED PA'I SEMS CAN DAG DANG, BYANG GI SGRA MI SNYAN DANG, TSANGS PA CHEN POR SKYE BA RNAMS DANG, ZAM DANG, MA NING DANG MTSAN GNYIS PA'I LUS RNAMS DANG BRGYAD PA LA SOGS PA'I SRID PA RNAMS DANG, MTHONG BAS SPANG BAR @15B BYA BA'I NYON MONGS PA RNAMS KYI MI SKYE BA'I CHOS NYID 'THOB BO, ,DE DAG NI CI RIGS PAR TE, CHUNG DUS NI NGAN SONG GI 'GRO BA RNAMS KYI MI SKYE BA 'THOB LA, CHEN POS NI GZHAN DAG GI'O, ,NYAN THOS LA SOGS PA'I RIGS THA DAD PA'I PHYIR NGES PAR 'BYED PA'I CHA DANG MTHUN PA RNAMS RIGS GSUM YIN TE; DE LA, GNYIS SLOB RIGS LAS BZLOG NAS NI, ,SANGS RGYAS SU 'GYUR, DRO BAR GYUR PA DANG, RTZE MOR SKYES PA NYAN THOS KYI RIGS LAS BZLOG NAS YANG SANGS RGYAS SU 'GYUR BA NI SRID KYI BZOD PA THOB PA LA NI DE LTA BU MI SRID DO, ,CI'I PHYIR ZHE NA, NGAN SONG BZLOG PA'I PHYIR TE, BYANG CHUB SEMS DPA' RNAMS NI GZHAN LA PHAN 'DOGS PA'I GZHAN GYI DBANG GIS NGAN SONG DU YANG 'GRO'O ZHES GRAG GO, ,RIGS DE NYID BZLOG TU MI RUNG BA'I PHYIR MI SRID DO, ,GZHAN GSUM YANG, BZLOG NAS 'GYUR ZHES BYA BAR SBYAR TE, NGES PAR 'BYED PA'I CHA DANG MTHUN PA GSUM YANG NYAN THOS KYI RIGS LAS LDOG NAS SANGS RGYAS LAS GZHAN PAR 'GYUR TE RANG SANGS RGYAS ZHES BYA BA'I THA TSIG GO, ,RANG SANGS RGYAS KYI RIGS RNAMS NI BZLOG PAR MI NUS TE, 'DI LTAR, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, ,STON PA NI SANGS RGYAS SO, ,BSE RU LTA BU NI RANG SANGS RGYAS TE, DE GNYIS NI TING NGE 'DZIN MI G-YO BA DANG, GSAL BA'I PHYIR BSAM GTAN BZHI BA KHO NA LA KHA RTEN TE STAN GCIG KHO NA LA NGES PAR 'BYED PA'I CHA DANG MTHUN PA RNAMS NAS BZUNG STE, BYANG CHUB KYI BAR DU SKYED PAR BYED DO, ,BYANG CHUB NI ZAD PA DANG MI SKYE BA SHES PA'I YE SHES YIN NO ZHES 'OG NAS BSHAD PAR BYA'O; ,GZHAN DAG NA RE MI SDUG PA NAS BZUNG STE, BYANG CHUB KYI BAR DU'O ZHES ZER RO, ,GANG DAG BSE RU LTA BU LAS GZHAN PA'I RANG SANGS RGYAS YOD PAR 'DOD PA DE'I RIGS RNAMS NI BZLOG PAR DGAG PA MED DO, ,CI TZE DANG PO KHO NA LA SBYOR BA BYAS TE NGES PAR 'BYED PA'I CHA DANG MTHUN PA RNAMS SKYED PAR BYED DAM ZHE NA, DE LTA BU NI MED KYI NGES PAR DE'I SNGON DU THAR PA'I CHA MTHUN BSKYED PAR BYA DGOS SO, ,THAMS CAD PAS SHIN TU, MYUR BA'I SRID PA GSUM GYIS THAR, ,SA KHON 'DEBS PA DANG, 'BRU SKYE BA DANG, 'BRAS BU CHAGS PA BZHIN DU TSE GCIG LA NI THAR PA'I CHA DANG @16A *, ,MTHUN PA'I DGE BA'I RTZA BA SKYED PAR BYED DO, ,GNYIS PA LA NI NGES PAR 'BYED PA'I CHA DANG MTHUN PA RNAMS SKYED PAR BYED DO, ,GSUM PA LA NI 'PHAGS PA'I LAM SKYED PAR BYED DE, CHOS NYID 'DI LA NI RGYUD RIM GYIS 'JUG PA DANG, YONGS SU SMIN PA DANG, RNAM PAR GROL BAR 'GYUR RO, ,THAR PA'I CHA DANG MTHUN PA DE YANG THOS BSAM LAS BYUNG BA YIN PAR BRJOD DE, BSGOM PA LAS BYUNG BA NI MA YIN NO, ,LAS DU DAG CIG CE NA, LAS GSUM MO, ,GTZO BOR NI YID KYI LAS YIN NO, ,DE'I SMON LAM GYIS YONGS SU BZUNG BA'I PHYIR LUS DANG NGAG GI LAS KYANG THAR PA'I CHA DANG MTHUN PA YIN TE, LA LA ZHIG GIS ZAS 'GA' TZAM BYIN NAS SAM BSLAB PA 'GA' TZAM YANG MNOS NAS THAR PA 'DOD PA'I STOBS BSKYED PAS THAR PA'I CHA DANG MTHUN PA'I 'PHEN PAR 'GYUR RO, ,DE YANG, MI YI NANG NAS 'PHEN PAR BYED, ,MI RNAMS KYI NANG KHO NA DANG, GLING GSUM NAS 'PHEN GYI GZHAN NAS NI MA YIN TE, CI RIGS PAR SHES RAB DANG SKYO BA MED PA'I PHYIR RO, ,THAR PA'I CHA DANG MTHUN PA ZHAR LAS 'ONGS PA BSHAD ZIN TO, ,MNGON PAR RTOGS PA'I RIM BA BSHAD PAR BRTZAMS PA DE LA CHOS KYI MCHOG GI BAR RNAMS NI BSHAD ZIN TO, , LHAG MA BRJOD PAR BYA STE, DE'I PHYIR, 'JIG RTEN PA YI CHOS MCHOG LAS, ,CHOS KYI BZOD PA ZAG PA MED, ,CES BYA BA 'DI SMOS TE, 'JIG RTEN PA'I CHOS KYI MCHOG GI MJUG THOGS SU CHOS SHES PA'I BZOD PA ZAG PA MED PA SKYE'O, ,DMIGS PA GANG LA ZHE NA, 'DANG SDUG BSNGAL LA, DE'I DMIGS PA NI 'DOD PA NA SPYOD PA'I SDUG BSNGAL YIN TE, DE NI SDUG BSNGAL LA CHOS SHES PA'I BZOD PA ZHES BYA'O, ,ZAG PA MED PA NYID YIN PAR SHES PAR BYA BA'I PHYIR RGYU MTHUN PAS BYE BRAG TU BYAS TE, CHOS SHES PA'I PHYIR BZOD PA NI CHOS SHES PA'I BZOD PA STE ME TOG DANG 'BRAS BU'I SHING BZHIN NO, ,DE NYID NGES PAR 'JUG PA ZHES BYA STE, YANG DAG PA NYID DU NGES PAR ZHUGS PA'I PHYIR RO, ,YANG DAG PA NYID NI MDO LAS MYA NGAN LAS 'DAS PA YIN PAR BSHAD DO, ,DER NGES PA NI NGES PA STE GCIG TU GYUR PA'O, ,DER 'JUG PA NI MNGON @16B PAR 'GRO BA STE, DE SKYES NA 'PHAGS PA'I GANG ZAG CES BYA'O, ,MA 'ONGS PAS NI SO SO'I SKYE BO NYID ZLOG PAR BYED DO, ,MA 'ONGS PA DE'I BYA BA NI DE KHO NA YIN PAR KHAS LEN GYI GZHAN NI MA YIN TE, MAR ME DANG SKYE BA BZHIN NO, ,GZHAN DAG NA RE 'JIG RTEN PA'I CHOS KYI MCHOG RNAMS KYIS BZLOG GO ZHES ZER RO, ,MA YIN TE, DE'I CHOS YIN PA'I PHYIR RO, ,DE DANG 'GAL BA YIN PA'I PHYIR NYES PA MED DE, DGRA BO'I PHRAG PA LA ZHON NAS DE LA 'TSOG PA BZHIN NO, ,GZHAN DAG NA RE GNYI GAS BZLOG STE, BAR CHAD MED PA DANG RNAM PAR GROL BA'I LAM DANG CHOS MTHUN PA'I PHYIR RO ZHES ZER RO, ,DE NAS NI DE NYID LA CHOS SHE NA, SDUG BSNGAL LA CHOS SHES PA'I BZOD PA'I MJUG THOGS SU 'DOD PA NA SPYOD PA'I SDUG BSNGAL BA DE KHO NA LA CHOS SHES PA SKYE STE, DE NI SDUG BSNGAL LA CHOS SHES PA ZHES BYA'O, ,THAMS CAD DU YANG ZAG PA MED PA'I GNAS SKABS YIN PAR RIG PAR BYA'O, ,JI LTAR 'DOD PA NA SPYOD PA'I SDUG BSNGAL LA CHOS SHES PA'I BZOD PA DANG CHOS SHES PA SKYE BA DE BZHIN DU, SDUG BSNGAL LHAG LA RJES BZOD SHES, ,SDUG BSNGAL LA CHOS SHES PA'I MJUG THOGS SU GZUGS DANG GZUGS MED PA NA SPYOD PA'I SDUG BSNGAL LA RJES SU SHES PA'I BZOD PA SPYI LA DMIGS PA SKYE STE, DE NI SDUG BSNGAL LA RJES SU SHES PA'I BZOD PA ZHES BYA'O, ,DE NAS NI RJES SU SHES PA SKYE STE, DE NI SDUG BSNGAL LA RJES SU SHES PA ZHES BYA'O, ,DANG PO NYID DU CHOS KYI DE KHO NA NYID SHES PA'I PHYIR CHOS SHES PA YIN NO, ,DE'I RGYU LAS BYUNG BA'I PHYIR GONG MA'I SDUG BSNGAL LA SOGS PA LA DMIGS PA NI RJES SU SHES PA STE, DE BZHIN DU RTOGS PA'I PHYIR RO, ,JI LTAR SDUG BSNGAL GYI BDEN PA LA BZOD PA DANG SHES PA BZHI PO DE DAG SKYE BA LTAR, BDEN PA GSUM LA DE BZHIN NO, ,SDUG BSNGAL LA RJES SU SHES PA'I MJUG THOGS SU 'DOD PA NI SPYOD PA'I KUN 'BYUNG LA CHOS SHES PA'I BZOD PA SKYE ZHING, DE NAS KUN 'BYUNG LA CHOS SHES PA SKYE LA, DE BZHIN DU MJUG THOGS SU SKYE BA'I RIM GYIS KUN 'BYUNG LHAG MA LA RJES SU SHES PA'I BZOD PA DANG, KUN 'BYUNG LA RJES SU SHES PA SKYE'O, ,'DOD PA @17A *, ,NA SPYOD PA'I SDUG BSNGAL 'GOG PA LA CHOS SHES PA'I BZOD PA DANG, 'GOG PA LA CHOS SHES PA SKYE'O, ,'GOG PA LHAG MA RNAMS LA RJES SU SHES PA'I BZOD PA DANG, 'GOG PA LA RJES SU SHES PA SKYE'O, ,'DOD PA NA SPYOD PA'I SDUG BSNGAL GYI GNYEN PO LAM LA CHOS SHES PA'I BZOD PA DANG, LAM LA CHOS SHES PA SKYE'O, ,LAM LHAG MA RNAMS LA RJES SU SHES PA'I BZOD PA DANG, LAM LA RJES SU SHES PA SKYE STE, DE LTAR BDEN PA MNGON RTOGS 'DI, ,SEMS BCU DRUG GO, ,DE LTAR NA RIM PA 'DIS NA BDEN PA MNGON PAR RTOGS PA 'DI NI SEMS BCU DRUG YIN NO, ,SDE BA GZHAN GANG DAG BDEN PA RNAMS MNGON PAR RTOGS PA 'DI NI GCIG GO ZHES BRJOD PA DE DAG GI BSAM PA LTAR BYA STE, BYE BRAG MED PAR NI MNGON PAR RTOGS PA ZHES BYA'O, ,DE NI RNAM GSUM STE, MTHONG DMIGS BYA BA ZHES BYA'O, ,MTHONG BA'I MNGON PAR RTOGS PA NI ZAG PA MED PA'I SHES RAB KYI BDEN PA RNAMS MNGON PAR RTOGS PA'O, ,DMIGS PA'I MNGON PAR RTOGS PA NI DE DANG MTSUNGS PAR LDAN PA RNAMS KYIS KYANG MNGON PAR RTOGS PA'O, ,BYA BA'I MNGON PAR RTOGS PA NI LDAN PA MA YIN PA TSUL KHRIMS DANG SKYE BA LA SOGS PAS KYANG MNGON PAR RTOGS PA'O, ,SDUG BSNGAL MTHONG NA DE'I MNGON PAR RTOGS PA NI GSUM MO, ,KUN 'BYUNG LA SOGS PA NI BYA BA'I MNGON PAR RTOGS PA YIN TE, SPONG BA DANG MNGON GSUM DU BYED PA DANG SGOM PA'I PHYIR RO, ,DE LTA BAS NA GAL TE BDEN PA RNAMS MTHONG BA'I MNGON PAR RTOGS PA'I MNGON PAR RTOGS PA GCIG GO ZHES SMRA NI RNAM PA THA DAD PA'I PHYIR MI RIGS PAR SMRA BA YIN NO, ,'ON TE THAMS CAD BDAG MED PA'I RNAM PAR MTHONG NGO ZHES ZER NA NI, 'O NA NI BDEN PA RNAMS LA SDUG BSNGAL LA SOGS PAR MTHONG BAR MI 'GYUR BAS DE LTA BAS NA, 'PHAGS PA NYAN THOS SDUG BSNGAL LA SDUG BSNGAL DU YID LA BYED PA'AM, KUN 'BYUNG LA KUN 'BYUNG DU YID LA BYED PA'AM, LAM LA LAM GYI BAR DU YID LA BYED PA'I ZAG PA MED PA'I YID LA BYED PA DANG MTSUNGS PAR LDAN PA'I CHOS RNAMS RNAM PAR 'BYED PA GANG YIN PA @17B ZHES GSUNGS PA'I MDO DANG 'GAL LO, ,GAL TE DE LTA BU NI BSGOM PA'I LAM MA YIN NO ZHE NA, MA YIN TE, JI LTAR MTHONG BA BZHIN BSGOM PA'I PHYIR RO, ,'ON TE GCIG MTHONG BAS LHAG MA RNAMS LNGA DBANG THOB PA'I PHYIR MNGON PAR RTOGS PA GCIG KHO NA ZHES ZER NA NI NYES PA MED DE BAR SKABS SU LDAN PA YOD DAM MED CES DPYAD PAR BYA BA YIN NO, ,'ON TE SDUG BSNGAL KHO NA YONGS SU SHES NA KUN 'BYUNG YANG SPONGS LA 'GOG PA YANG MNGON SUM DU BYED CING LAM YANG SGOM PAR BYED PAS DE'I PHYIR MNGON PAR RTOGS PA GCIG GO ZHES ZER NA DE LTA NA YANG NYES PA MED DE; GCIG MTHONG NA LHAG MA RNAMS KYANG BYA BA'I MNGON PAR RTOGS PA YIN NO ZHES 'BYUNG BA'I PHYIR RO, ,MDO LAS MTHONG BA'I MNGON PAR RTOGS PA'I PHYIR BDEN PA RNAMS RIM GYIS MNGON PAR RTOGS PAR GSUNGS PAR MNGON TE, KHYIM BDAG BDEN PA RNAMS MNGON PAR RTOGS PA GCIG PA NI MED PA NYID DE, 'O NA KYANG MTHAR GYIS MNGON PAR RTOGS SO ZHES RGYAS PAR GSUNGS PA DPE DANG BCAS PA'I MDO GSUM KHUNGS SU YOD DO, ,GAL TE MDO LAS, GANG ZHIG SDUG BSNGAL LA NE MNUR MED CING THE TSOM MED PA DE NI SANGS RGYAS LA YANG ZHES GSUNGS PAS MNGON BAR RTOGS PA GCIG GO ZHES ZER NA, MA YIN TE, KUN DU MI 'BYUNG BA DANG, GDON MI ZA BAR SPONG BA LAS DGONGS TE GSUNGS PA'I PHYIR RO, ,MNGON PAR RTOGS PA SEMS BCU DRUG PAR BSHAD PA GANG YIN PA DE NI CHOS MCHOG DANG SA GCIG ,CHOS KYI MCHOG SA GANG YIN BA SEMS BCU DRUG PO 'DI DAG KYANG DE'I SA PA STE, DE DAG NI SA DRUG PA'O ZHES SNGAR BSHAD ZIN TO, ,CI'I PHYIR GDON MI ZA BAR BZOD PA DAG DANG, SHES PA DAG YIN ZHE NA, BZOD DANG SHES PA GO RIMS BZHIN, ,BAR CHAD MED DANG RNAM GROL LAM, ,BZOD PA RNAMS NI NYON MONGS PA'I THOB PA RNAM PAR GCOD PA LA BAR CHAD BYA BAR MI NUS PA'I rPHYIR BAR CHAD MED PA'I LAM DAG YIN NO, ,SHES PA RNAMS NI NYON MONGS PA'I THOB PA LAS RNAM PAR GROL BA RNAMS LA BRAL BA'I THOB PA DANG LHAN CIG SKYE BA'I PHYIR RNAM PAR GROL BA'I LAM DAG YIN TE, DE'I PHYIR GNYI GA YANG @18A *, ,YIN PAR 'GYUR TE, GNYIS KYIS RKUN PO 'BYIN PA DANG SBO GCOD PA BZHIN NO, ,GAL TE BAR CHAD MED PA'I LAM GNYIS PA KHO NA BRAL BA'I THOB BA DANG LHAN CIG SKYE BAR GYUR NA NI DMIGS PA DE KHO NA LA THE TSOM SPANGS BA'I SHES PA SKYE BAR MI 'GYUR RO, ,GAL TE BRJOD PA RNAMS KYIS NYON MONGS PA SPANGS PA'I PHYIR BSTAN BCOS LAS KUN DU SBYOR BA'I RIS DGU ZHES 'BYUNG BA DANG 'GAL LO ZHE NA, MA YIN TE, BZOD PA RNAMS NI SHES PA'I 'KHOR YIN PA'I PHYIR RGYAL BO'I 'KHOR GYIS BYAS PA LAS RGYAL POS BYAS SO ZHES THA SNYAD 'DOGS PA BZHIN NO, ,CI SEMS BCU DRUG PO THAMS CAD BDEN PA MA MTHONG BA MTHONG BA'I PHYIR MTHONG BA'I LAM YIN NAM ZHE NA, SMRAS PA, MA YIN NO, ,'O NA JI LTA BU ZHE NA, DE LAS SKAD CIG BCO LNGA NI, ,MA MTHONG MTHONG PHYIR MTHONG BA'I LAM, ,SDUG BSNGAL LA CHOS SHES PA'I BZOD PA NAS BZUNG STE LAM LA RJES SU SHES PA'I BZOD PA'I BAR GYI SKAD CIG MA BCO LNGA PO DE DAG NI MTHONG BA'I LAM YIN NO, ,CI'I PHYIR ZHE NA, BDEN PA MA MTHONG BA MTHONG BA'I PHYIR RO, ,BCU DRUG PA LA NI SNGON MA MTHONG BA BLTA BAR BYA BA MED KYI JI LTAR MTHONG BA NI GOMS PAR BYED PA'I PHYIR BSGOM PA'I LAM KHO NA YIN NO, ,DES KYANG LAM LA RJES SU SHES PA'I BZOD PA MA MTHONG BA MTHONG BA MA YIN NAM ZHE NA, BDEN PA'I PHYIR BSAM GTAN GYI SKAD CIG MA LA NI MA YIN NO, ,SKAD CIG MA GCIG MA MTHONG BAS NI BDEN BA MA MTHONG BA MA YIN TE, DPER NA NYAG MA GCIG MA BRNGAS PAS ZHING MA BRNGAS PA MA YIN PA BZHIN NO, ,'BRAS BU YIN PA'I PHYIR DANG, SHES PA BRGYAD DANG RNAM PA BCU DRUG THOB PA'I PHYIR DANG, LAM SNGA MA RNAM PAR NYAMS PA'I PHYIR DANG, RGYUN CHAGS PA YIN PA'I PHYIR LAM LA RJES SU SHES PA NI BSGOM PA'I LAM YIN NO, ,YONGS SU MA NYAMS PA NI MTHONG BAS SPANG BAR BYA BA'I SPANGS PA YANG DAG PAR 'DZIN PA'I PHYIR RO, ,GAL TE DE NYID KYI PHYIR MTHONG BA'I LAM YIN ZHE NA, MA YIN TE, HA CANG THAL BAR 'GYUR PA'I PHYIR RO, ,CI'I PHYIR SHES PA BDUN MTHONG BA'I LAM YIN ZHE NA, MTHONG BA MA RDZOGS PA'I PHYIR TE, BDEN PA MTHONG BA THAMS CAD MA RDZOGS PAS DE'I BAR MAR GYUR @18B PA'I PHYIR DE DAG KYANG MTHONG BA'I LAM YIN NO, ,MTHONG BA'I LAM DANG BSGOM PA'I LAM JI LTAR SKYE BA BSHAD ZIN TO, ,DE NI JI LTAR NA 'PHAGS PA'I LAM SKYES PA'I GANG ZAG RNAMS RNAM PAR GZHAG PA DE BZHIN DU BSHAD PAR BYA STE, MTHONG BA'I LAM GYI RANG BZHIN GYI SKAD CIG MA BCO LNGAR BSHAD PA GANG DAG YIN PA, DBANG PO RNO RTUL DE DAG TU, ,DAD DANG CHOS KYIS RJES 'BRANG BA, ,YIN PAR RIG PAR BYA STE, DBANG PO RTUL PO DE DAG LA GNAS PA NI DAD PAS RJES SU 'BRANG BA ZHES BYA'O, ,DBANG PO RNON PO NI CHOS KYIS RJES SU 'BRANG BA ZHES BYA'O, ,DAD BAS RJES SU 'BRANG BAS NA DAD PAS RJES SU 'BRANG BA'O, ,DE 'DI LA YOD PAS SAM, 'DI DANG PAS RJES SU 'BRANG BA'I DANG TSUL CAN YIN PAS NA DAD PAS RJES SU 'BRANG BA STE, SNGON GZHAN GYI DRING GIS DON GYI RJES SU 'BRANG BA'I PHYIR RO, ,CHOS KYIS RJES SU 'BRANG BA YANG DE DANG 'DRA STE; SNGON BDAG NYID KHO NAS MDO LA SOGS PA'I CHOS KYI DON GYI RJES SU 'BRANG BA'I PHYIR RO, ,DE GNYIS NI, BSGOM PAS SPANG BYA MA SPANGS NA, ,'BRAS BU DANG PO LA ZHUGS PA, ,'BRAS BU RNAMS KYI DANG PO NI 'BRAS BU DANG PO STE, RGYUN DU ZHUGS PA'I 'BRAS BU'O, ,DE NI 'BRAS BU THOB PAR BYA BA THAMS CAD KYI DANG PO YIN PA'I PHYIR RO, ,DAD PA DANG CHOS KYIS RJES SU 'BRANG BA DE DAG NYID GAL TE SNGON 'JIG RTEN PA'I LAM GYIS BSGOM PAS SPANG BAR BYA BA MA SPANGS PA 'CHING BA MTHA' DAG DANG LDAN PA ZHIG YIN NA NI DE GNYIS RGYUN DU ZHUGS PA'I 'BRAS BU LA ZHUGS PA ZHES BYA'O, ,RNAM LNGA'I BAR BCOM, GAL TE SNGON 'JIG RTEN PA'I LAM GYIS BSGOMS TE SPANG BAR BYA BA 'DOD PA NA SPYOD PA RNAMS LAS RNAM PA LNGA'I BAR DU SPANGS PA ZHIG YIN NA YANG DE KHO NA BZHIN DU DANG PO'I 'BRAS BUL ZHUGS PA DAG CES BYA'O, ,GNYIS PA LA, DGU PA TSUN CHAD ZAD PA YIN, ,GNYIS PA LA ZHES BYA BA NI GNYIS PA'I PHYIR TE, GAL TE DE GNYIS KYIS DE YAN CHAD RNAM PA DRUG GAM, BDUN NAM BRGYAD DAG CIG SNGON SPANGS BA YIN NA NI DE GNYIS 'BRAS BU GNYIS PA LA ZHUGS PA ZHES BYA STE, GNYIS PA GANG ZHE NA, LAN CIG PHYIR 'ONG BA'I 'BRAS BU'O,, @19A *, ,'DOD PA'AM YANG NA GONG MA LAS, ,CHAGS BRAL GSUM PA LA ZHUGS PA, ,GAL TE RNAM PA DGU BA YANG SPANGS PA'I PHYIR 'DOD PA'I KHAMS LAS 'DOD CHAGS DANG BRAL BA ZHIG YIN NAM, GONG MA CI YANG MED PA'I SKYE MCHED KYI BAR LAS 'DOD CHAGS DANG BRAL BA ZHIG YIN NA DE GNYIS 'BRAS BU GSUM PA LA ZHUGS PA ZHES BYA STE, GSUM GANG ZHE NA, PHYIR MI 'ONG BA'I 'BRAS BU'O, ,GANG ZHIG GANG LA ZHUGS PA NI, ,BCU DRUG PA LA DE 'BRAS GNAS, ,SEMS BCU DRUG PA SKYES NA DE GNYIS DAD PA DANG CHOS KYIS RJES SU 'BRANG BA ZHES KYANG MI BYA LA, ZHUGS PA ZHES KYANG NI BYA'O, ,'O NA CI ZHE NA, 'BRAS BU LA GNAS PA DAG YIN TE, GANG ZHIG RGYUN DU ZHUGS PA'I 'BRAS BU 'AM, LAN CIG PHYIR 'ONG BA'I 'BRAS BU 'AM, PHYIR MI 'ONG BA'I 'BRAS DU YANG RUNG 'BRAS BU GANG LA ZHUGS PAR GYUR BA DE NI DE'I TSE 'BRAS BU DE LA GNAS PA YIN NO,, DGRA BCOM PA NYID NI DANG PO NYID DU THOB PAR MI NUS TE, MTHONG BA'I LAM GYIS BSGOM PAS SPANG BAR BYA BA MI SPONG BA'I PHYIR DANG, SNGAR YANG SRID PA'I RTZE MO LAS 'DOD CHAGS DANG BRAL BA MI SRID PA'I PHYIR RO, ,DE'I TSE DBANG PO RNO RTUL DAG ,DAD BAS MOS DANG MTHONG BAS THOG, DE'I TSE DBANG PO RTUL BO SNGON DAD PAS RJES SU 'BRANG BA GANG YIN PA DE NI DAD PAS MOS BA ZHES BYA'O, ,DBANG PO RNON PO SNGON CHOS KYIS RJES SU 'BRANG BA GANG YIN BA DE NI MTHONG BAS THOB PA ZHES BYA STE, DAD PA DANG SHES RAB LHAG BAS MOS PA DANG MTHONG BAS RAB TU PHYE BA'I PHYIR RO, ,CI'I PHYIR RNAM PA LNGA SPANGS KYANG SEMS BCU DRUG PA LA RGYUN DU ZHUGS PA KHO NA ZHES BYA LA, LAN CIG PHYIR 'ONG BA'I 'BRAS BU LA ZHUGS PA ZHES MI BYA ZHE NA, GANG GI PHYIR, 'BRAS THOB 'BRAS BU'I KHYAD PAR GYIS, ,LAM THOB MED PAS DE YI PHYIR, ,'BRAS GNAS KHYAD PAR BYA BA'I PHYIR, , MI BRTZON PA NI ZHUGS MA YIN, ,'BRAS BU THOB NA 'BRAS BU KHYAD PAR CAN GYI LAM MI 'THOB PO ZHES BYA BA 'DI NI NGES SO, ,DE LTA BAS NA 'BRAS BU LA GNAS PA JI SRID DU KHYAD PAR DU BYA BA'I PHYIR 'BRAS BU GZHAN THOB PAR BYA PA LA MI BRTZON PA DE SRID DU ZHUGS PA ZHES MI BYA STE, DE BZHIN DU 'BRAS @19B BU GZHAN LA YANG SBYAR BAR BYA'O, ,GANG ZHIG BSAM GTAN GSUM BA LAS 'DOD CHAGS DANG BRAL LA, SA 'OG MA LA BRTEN TE NGES PAR 'JUG PA DE NI GDON MI ZA BAR 'BRAS BU KHYAD PAR CAN GYI LAM MNGON DU BYED DO, ,DE LTA MA YIN NA DE'I GONG DU SKYES PA DE BDE BA'I DPANG PO DANG MI LDAN PAR 'GYUR RO, ,RE ZHIG PHAL CHER LAS DANG 'DOD PA LAS 'DOD CHAGS DANG BRAL BA RNAMS KYIS NGES PAR 'JUG PA'I GANG ZAG RNAM PAR GZHAG PA NI DE LTA BU YIN NO, ,MTHAR GYIS 'JUG BA BRJOD PAR BYA STE, DE'I PHYIR RE ZHIG 'DI RNAM PAR GZHAG PAR BYA'O, ,JI LTAR 'DOD PA'I KHAMS KYI NYON MONGS PA RNAM PA DGU PO DE DAG BSTAN PA DE BZHIN DU, SA DANG SA NA NYES RNAM DGU, ,SRID PA'I RTZE MO'I BAR DU'O, ,NYES PA RNAMS JI LTA BDE BZHIN DU YANG YON TAN RNAMS SA DANG SA NA DE'I GNYEN BO BAR CHAD MED PA'I LAM DANG RNAM PAR GROL BA'I LAM ZHES BYA BA YON TAN YANG RNAM PA DGU DGU KHO NA YOD DO, ,JI LTAR BYAS PAS SHE NA, CHUNG DANG 'BRING DANG CHE RNAMS KYI, ,CHUNG DU LA SOGS THA DAD PHYIR, ,RTZA BA'I RNAM PA GSUM STE, CHUNG DU DANG 'BRING DANG CHEN PO'O, ,DE DAG RE RE ZHING YANG CHUNG DU DANG 'BRING DANG CHEN PO NYID KYIS RNAM PA GSUM YIN PA'I PHYIR DGUR RNAM PAR GZHAG STE, CHUNG DU'I CHUNG DU'I RNAM PA DANG, CHUNG DU'I 'BRING DANG, CHUNG DU'I CHEN PO DANG, 'BRING GI CHUNG DU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG DU DANG, CHEN PO'I 'BRING DANG, CHEN PO'I CHEN PO'O, ,DE LA LAM CHUNG DU'I CHUNG DUS NI NYON MONGS PA CHEN PO'I CHEN PO SBONG LA, DE BZHIN DU MA CHEN PO'I CHEN POS NI NYON MONGS PA CHUNG DU'I CHUNG DU'I BAR DU SPONG STE, DANG PO KHO NAR LAM CHEN PO MI SRID PA'I PHYIR DANG, LAM CHEN BO SKYES PA LA NYON MONGS BA CHEN PO MI SRID PA'I PHYIR RO, ,GOS LA DRI MA CHE LONG NI SNGAR 'KHRUL PHRA MO NI PHYIS 'KHRU BA DANG, MUN PA CHE LONG NI SNANG BA CHUNG DUS 'JOMS LA PHRA MO NI CHEN POS SEL ZHES BYA BA 'DI NI DPE'I RNAM PA YIN NO, ,'PHAGS PA'I LAM SKAD CIG MA CHUNG DUS KYANG 'KHOR BA THOG MA MED PA NAS BRGYUD PAS SPEL BA'I NYON MONGS PA CHEN PO RNAMS @20A *, ,RTZA BA NAS MED PAR BYED PA'I PHYIR CHOS DKAR PO RNAMS NI STOBS DANG LDAN PA YIN LA, NAG PO RNAMS NI STOBS CHUNG BA YIN TE, YUN RING PO NAS BSAGS PA'I SKYON RNAMS SMAN TRI BYID THUN GCIG GIS 'BYIN PA LTA BU DANG, MAR ME SKAD CIG MA CHUNG DUS MUN PA CHEN PO 'JOMS PA BZHIN NO, ,DE LTAR NYON MONGS PA RNAMS PA DGU PO DE DAG THAMS CAD DU, 'BRAS GNAS BSGOM SPANG BYA MA ZAD, ,RE LTAR THOGS NA LAN BDUN PA, ,'BRAS BU LA GNAS PA GANG ZHIG GIS, BSGOM PAS SPANG BAR BYA BA'I NYON MONGS PA GCIG KYANG MA SPANGS PA DE NI RGYUN DU ZHUGS PA YIN LA, TSE BDUN GYI BAR DU SKYE BAS NA RE LTAR THOGS NA LAN BDUN PA'O, ,THAMS CAD DU NI LAN BDUN PA MA YIN PAS RE LTAR THOGS NA ZHES BYA BA NI THAMS CAD KYI THA SHAL BA'O, ,MDO LAS, MCHOG TU THOGS NA LAN BDUN PA ZHES 'BYUNG BA NI DE MCHOG TU THOGS NA SKYE BA LAN BDUN PA ZHES BYA PA'I THA TSIG STE, MCHOG CES BYA BA'I SGRA NI RAB TU'O, ,MYA NGAN LAS 'DAS PA'I RGYUN NI LAM STE, DES NA DER 'GRO BA'I PHYIR RO, ,'DI NI DER ZHUGS SHING PHYIN LA SON PAS NA RGYUN DU ZHUGS PA YIN NO, ,JI LTAR NA ZHUGS PA YIN, GAL TE LAM DANG PHO THOB PA'I PHYIR RO ZHE NA NI BRGYAD PA YANG YIN PAR 'GYUR RO, ,GAL TE 'BRAS BU DANG PO THOB BA'I PHYIR RO ZHE NA NI PHAL TSOR LAS 'DOD CHAGS DANG BRAL PA YANG YIN PAR 'GYUR LA, 'DOD PA LAS 'DOD CHAGS DANG BRAL BA YANG YIN PAR 'GYUR RO, , 'BRAS BU THAMS CAD THOB PA'I DBANG DU BYAS NAS 'BRAS BU DANG PO THOB PA'I PHYIR RO, ,CI'I PHYIR DE KHO NA YIN LA BRGYAD PA NI MA YIN ZHE NA, LAM LA RJES SU SHES PA LA NI ZHUGS PA DANG 'BRAS BU'I LAM THOB BA'I PHYIR DANG, MTHONG BA DANG BSGOM PA'I LAM THOB PA'I PHYIR DANG, RGYUN THAMS CAD MNGON PAR RTOGS PA'I PHYIR RO, ,BYE BRAG TU SMRA BA RNAMS NA RE DE NI DE LAS GZHAN BA SKYE BA'I SRID PA BDUN DANG SRID PA BAR MA BDUN DU MI RNAMS KYI NANG DU NYID MTSAMS SBYOR BAR BYED LA DE BO ZHIN DU LHA DAG GI NANG DU YANG NYING MTSAMS SBYOR BAR BYED DO, ,DE LTAR NA SRID PA NYI SHU @20B RTZA BRGYAD KYI BAR DU NYING MTSAMS SBYOR BAR BYED DO, ,SRID PA BDUN TSAN DU 'DRA BA'I PHYIR MCHOG TU THOGS NA LAN BDUN PA ZHES BSHAD DE, GNAS BDUN LA MKHAS PA ZHES BYA BA DANG, 'DAB MA BDUN BA ZHES BYA BA BZHIN NO ZHES ZER RO, ,'O NA GANG MDO LAS, GANG ZAG LTA BA PHUN SUM TSOGS PA SRID PA BRGYAD PA MNGON PAR 'GRUB PA GANG YIN PA DE NI GNAS MA YIN ZHING GO SKABS MED DE 'DI NI GNAS MED DO ZHES GSUNGS PA JI LTA BU ZHE NA, 'GRO BA GCIG TU DGONGS PA YIN NO, ,'ON TE SGRA JI BZHIN DU BRTAGS NA NI SRID PA BAR MA YANG YOD PAR MI 'GYUR RO, ,DE LTAN YANG SRID PA'I RTZE MO'I BAR DU GONG DU 'PHO BA 'GRO BA GCIG TU SKYE BA'I SRID PA BRGYAD PAR MI 'GYUR RO ZHE NA, 'DOD PA'I KHAMS LAS DGONGS TE GSUNGS PA'I PHYIR NYES PA MED DO, ,'DI LA SHES PAR BYED PA MDO'AM RIGS PA CI ZHIG YOD, LHA DANG MI DAG GI NANG NAS SOR LAN BDUN SKYE'I GNYI GA'I NANG DU LAN BDUN MA YIN PA NYID DO ZHES BYA BA 'DI LA YANG SHES PAR BYED PA CI ZHIG YOD DE, 'DI SKAD DU LHA RNAMS DANG MI RNAMS KYI NANG DU LAN BDUN ZHES 'BYUNG NGO ZHE NA, 'OD SRUNGS PA RNAMS LHA RNAMS SU LAN BDUN, MI RNAMS SU LAN BDUN ZHES SO SOR YANG 'DON PAS 'DI LA MNGON PAR ZHEN PAR MI BYA'O, ,GANG ZHIG MI DAG GI NANG DU RGYUN DU ZHUGS PAR GYUR PA DE NI DE KHO NAR 'ONGS NAS YONGS SU MYA NGAN LAS 'DAS LA, GANG ZHIG LHA DAG GI NANG DU RGYUN DU ZHUGS PAR GYUR PA DE NI DE KHO NAR 'ONGS NAS YONGS SU MYA NGAN LAS 'DA'O, ,CI'I PHYIR SRID PA BRGYAD PA MNGON PAR MI 'GRUB CE NA, DUS DE SRID KYIS GDON MI ZA BAR RGYUD YONGS SU SMIN PA'I PHYIR RO, ,LAM DE NI DE 'DRA STE, SBRUL GOM PA BDUN PAS ZIN PA LTA BU DANG, RIMS NYIN BZHI BA BZHIN NO, ,KUN TU SBYOR BA BDUN PO THA MA'I CHA DANG MTHUN PA GNYIS DANG, GONG MA'I CHA DANG MTHUN PA LNGA LUS PA'I YANG PHYIR RO, ,BAR SKABS SU YANG 'PHAGS PA'I LAM MNGON DU BYED CING YONGS SU MYA NGAN LAS MI 'DA' STE, DE SRID DU SRID BA MYONG BAR 'GYUR BA'I LAS KYI STOBS BSKYED PA'I PHYIR RO, ,SANGS RGYAS 'BYUNG PA MED NA KHYIM PA KHO NAR DGRA BCOM PA NYID 'THOB @21A *, ,NA KHYIM NA NI MI GNAS SO, ,CHOS NYID KYIS 'THOB PA'I DGE SLONG GI MTSAN MA YANG 'THOB BO, ,GZHAN DAG NA RE, ,DGE SPYONG GZHAN GYIS MTSAN MAS SO ZHES ZER RO, ,CI'I PHYIR LOG BAR LTUNG PA'I CHOS CAN MA YIN ZHE NA, ,DER 'GRO BA'I LAS MI SOGS PA'I PHYIR DANG, BSAGS PA YANG SBYOR BA DANG BSAM PA DAG BA'I SGO NAS DGE BA'I RTZA BA STOBS DANG LDAN PAS BSGOS PA'I PHYIR RGYUD RNAM PAR SMIN BA DANG, MI MTHUN PA BYAS PA'I PHYIR RO, ,NGAN SONG DU NGES BA'I LAS YOD NA NI DES BZOD PA YANG BSKYED BAR MI 'GYUR RO, ,'DIR SMRA SA PA, MI MKHAS PAS NI SDIG PA CHUNG DU BYAS KYANG 'OG TU 'GRO, ,MKHAS PAS CHEN PO BYAS KYANG GNOD BA RAB TU SPONG BAR 'GYUR, ,LCAGS KYI GONG BU CHUNG YANG CHU YI GTING DU 'BYING 'GYUR LA, ,DE NYID SNOD DU BYAS NA CHE YANG STENG DU 'PHYO BAR 'GYUR, ,SDUG BSNGAL GYI MTHAR BYED DO ZHES BYA BA SDUG BSNGAL GYI MTHA' GANG YIN ZHE NA, GANG PHAN CHAD SDUG BSNGAL MED BA STE, SDUG BSNGAL GYI NYING MTSAMS MI SBYOR BAR BYED CES BYA BA'I THA TSIG GO, ,YANG NA MTHA' NI MYA NGAN LAS 'DAS PA YIN NO, ,MYA NGAN LAS 'DAS PA JI LTAR BYED CE NA, DE 'THOB PA'I BGEGS BSAL BA'I PHYIR TE DPER NA SMRA BA PO 'DUN KHANG RDIB LA NAM MKHA' GYIS ZHES 'DZER BLTA BU YIN NO, ,MCHOG TU THOGS NA LAN BDUN PA GZHAN YANG YOD MOD KYI MA NGES PAS MI BRJOD DO, ,RE ZHIG 'BRAS BU LA GNAS BA BSGOS PAS SPANG PAR BYA BA MA ZAD PA MCHOG TU THOGS NA LAN BDUN PA NI DE LTA BU YIN NO, ,RNAM GSUM RNAM BZHI LAS GROL BA, ,TSE GNYIS GSUM DU RIGS NAS RIGS, ,RGYUN DU ZHUGS PA DE NYID RGYU GSUM GYIS NA RIGS NAS RIGS SU SKYE BA YIN TE, NYON MONGS PA SPANG BA LAS NI NYON MONGS PA'I RNAM PA GSUM MAM BZHI SPANG BA'I PHYIR RO, ,DBANG PO LNGAS NI DE'I GNYEN PO ZAG PA MED PA'I DBANG PO THOB PA'I PHYIR RO, ,SKYE BA LAS NI TSE GNYIS SAM GSUM LUS PA'I PHYIR RO, ,TSIGS SU BCAD PA'I NANG DU GNYIS SHIG SMOS PA NI, RGYUN DU ZHUGS PA PHYIS NYON MONGS PA SPONG BAR BYED NA DE'I GNYEN PO ZAG BA MED PA'I DBANG BO THOB PA NI MA SMOS @21B KYANG GRUB PA'I PHYIR RO, ,SKYE BA NI GAL TE GONG MA'I SKAL BA DANG LDAN PA'I PHYIR CHES NYUNG DUR YANG 'GYUR BAS DE'I PHYIR 'DI SMOS SO, ,CI'I PHYIR RNAM PA LNGA SPANGS PA'I PHYIR MA YIN ZHE NA, DE SPANGS NA DRUG PA YANG GDON MI ZA BAR SPONG BA'I PHYIR TE, DE'I RNAM BA GCIG GIS NI BAR CHAD GCIG PA'I BZHIN DU 'BRAS BU LA BGEGS BYA BAR MI NUS TE, KHAMS LAS MI 'DA' BA'I PHYIR RO, ,RIGS NAS RIGS SU SKYE BDE NI RNAM PA GNYIS TE, LHA'I RIGS NAS RIGS SU SKYE BA NI LHA DAG GI NANG DU RIGS GNYIS SAM GSUM DU 'KHOR NAS LHA'I RIGS DE'AM GZHAN DU YONGS SU MYA NGAN LAS 'DA' BA GANG YIN PA'O, ,MI'I RIGS NAS RIGS SU SKYE BA NI MI DAG GI NANG DU RIGS GNYIS SAM GSUM DU 'KHOR NAS GLING DE'AM GZHAN DU YONGS SU MYA NGAN LAS 'DA' BA GANG YIN PA'O, ,'BRAS BU LA GNAS BA DE NYID, ,RNAM PA LNGA YI BAR BCOM PA, ,GNYIS PA LA NI ZHUGS PA YIN, ,'BRAS BU LA GNAS PA GANG GIS RNAM PA GCIG NAS LNGA'I BAR DU SPANGS BA YIN NA DE'I 'BRAS BU GNYIS PA LA ZHUGS PA YIN BAR RIG PAR BYA'O, ,RNAM PA DRUG BZANG GYUR PA, ,DE NI LAN CIG PHYIR 'ONG BA, ,DE NI 'BRAS BU GNYIS PA THOB PA YIN TE, LHA DAG GI NANG DU SONG NAS MI'I 'JIG RTEN DU LAN CIG PHYIR 'OD BA'I PHYIR 'ONG BA STE, PHAN CHAD SKYE BA MED PA'I PHYIR RO, ,'DOD CHAGS DANG ZHE SDANG DANG GTI MUG RNAMS BSRABS PA'I PHYIR ZHES 'BYUNG PA NI CHUNG DU'I RNAM PA LUS PA'I PHYIR RO, ,'BRAS BU LA GNAS PA DE NYID, , NYIS CHA BDUN DANG BRGYAD ZAD PA, ,TSE GCIG BAR CHAD GCIG PA DANG, ,GSUM PA LA NI ZHUGS PA'ANG YIN, ,YANG LAN CIG PHYIR 'ONG BA DE NYID RGYU GSUM GYIS BAR CHAD GCIG PA YIN PAR RIG PAR BYA STE, NYON MONGS PA'I RNAM BA BDUN NAM BRGYAD SPANGS PA'I PHYIR DANG, DE'I GNYEN PO ZAG PA MED PA'I DBANG BO THOB PA'I PHYIR DANG, TSE GCIG LUS PA'I PHYIR RO, ,JI LTAR NA 'DI'I RNAM PA GCIG GIS 'BRAS BU LA BGEGS BYED BAR NUS SHE NA, KHAMS LAS 'DA' BA'I PHYIR TE, GONG DU LAS RNAMS NI GNAS SKABS GSUM DU BGEGS BYED PA'I @22A *, ,PHYIR NYE BAR GNAS SO ZHES BSHAD ZIN TO, ,LAS RNAMS JI LTA BAR NYON MONGS PA RNAMS KYANG DE DANG 'DRA BAR RIG PAR BYA STE, RNAM PAR SMIN PA DANG RGYU MTHUN PA'I 'BRAS BU'I SA LAS 'DA' BA'I PHYIR RO, ,BAR CHAD CES BYA BA NI BAR CHAD BYED PA'O, ,DE'I MYA NGAN LAS 'DA' BA LA TSE GCIG GIS CHOD PA'I PHYIR RAM, PHYIR MI 'ONG BA'I 'BRAS BU LA NYON MONGS PA'I RNAM PA GCIG GIS CHOD PA'I PHYIR 'DI LA BAR CHAD GCIG YOD PAS NA BAR CHAD GCIG PA YIN NO, ,RNAM PA BDUN DANG BRGYAD SPANGS PA DE NI 'BRAS BU GSUM PA LA ZHUGS PA YIN PAR RIG PAR BYA'O,, SNGON RNAM PA GSUM DANG BZHI SPANGS PA'AM, BDUN PA DANG BRGYAD PA SPANGS PA 'BRAS BU THOB PA NI JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA'AM BAR CHAD GCIG PA MA YIN NO, ,DE DGU ZAD PAS PHYIR MI 'ONG, ,'BRAS BU LA GNAS PA DE NYID RNAM PA DGU SPANGS PAS PHYIR MI 'ONG BA YIN PAR RIG PAR BYA STE, 'DOD PA'I KHAMS SU MI 'ONG BA'I PHYIR RO, ,KUN TU SBYOR BA THA MA'I CHA DANG MTHUN PA RNAM PA LNGA SPANGS PA'I PHYIR ZHES 'BYUNG BA NI SPANGS PA SNGOM PA'I PHYIR TE, GDON MI ZA BAR SNGON GNYIS SAM GSUM SPANGS PA YIN NO; ,DE NI BAR SKYES 'DU BYED DANG, ,'DU BYED MED SPANGS MYA NGAN 'DA', ,GONG DU 'PHO BA RNAMS 'DI BAR MDOR YONGS SU MYA NGAN LAS 'DA' BAS NA BAR MA DOR YONGS SU MYA NGAN LAS 'DA' BA STE, DE BZHIN DU SKYES NAS DANG, 'DU BYED PA DANG 'DU BYED PA MED PA LA YANG SBYAR BAR BYA'O, ,PHYIR MI 'ONG BA DE NYID RNAM PA LNGA YIN TE, BAR MA DOR YONGS SU MYA NGAN LAS 'DA' BA NI SRID PA BAR MA DOR YONGS SU MYA NGAN LAS 'DA' BA GANG YIN PA'O, ,SKYES NAS YONGS SU MYA NGAN LAS 'DA' BA NI SKYES PA TZAM LAS MI 'CHI BAR PHUNG PO'I LHAG MA DANG BCAS PA'I MYA NGAN LAS 'DA' BAS YONGS SU MYA NGAN LAS 'DA' BA STE, MNGON PAR BRTZON PA DANG, LAM NGANG GIS 'BYUNG BA NYID KYI PHYIR RO, ,GZHAN DAG NA RE DE YANG PHUNG PO'I LHAG MA MED PAS SO ZHES ZER RO, ,MA YIN TE, TSE 'DOR BA LA DBANG MED PA'I PHYIR RO, ,MNGON PAR 'DU BYED PA DANG BCAS PAS YONGS SU @22B MYA NGAN LAS 'DA' BA NI SKYES NAS SBYOR BA MA BTANG ZHING MNGON PAR 'DU BYED PA DANG BCAS PAS YONGS SU MYA NGAN LAS 'DA' BA GANG YIN PA STE, MNGON PAR BRTZON PA DANG LAM NGANG GIS 'BYUNG BA MA YIN PA'I PHYIR RO, ,MNGON PAR 'DU BYED PA MED PAR YONGS SU MYA NGAN LAS 'DA' BA NI MNGON PAR 'DU BYED PA MED PAR YONGS SU MYA NGAN LAS 'DA' BA STE, MNGON PAR MI BRTZON PA DANG LAM NGANG GIS 'BYUNG BA MED PA'I PHYIR RO ZHES GRAG GO, ,GZHAN DAG NA RE 'DUS BYAS DANG 'DUS MA BYAS PA LA DMIGS PA'I LAM GYIS YONGS SU MYA NGAN LAS 'DA' BA'I PHYIR RO ZHES ZER RO, ,DE NI MI RUNG STE, HA CANG THAL BAR 'GYUR BA'I PHYIR RO, ,MDO LAS NI MNGON BAR 'DU BYED PA MED PAR YONGS SU MYA NGAN LAS 'DA' BA SNGAR 'BYUNG BAS DE KHO NA BZHIN DU RUNG STE, LAM NGANG GIS 'BYUNG BA DANG NGANG GIS 'BYUNG BA MA YIN PA DAG NI 'BAD PA MED PA DANG 'BAD PAS 'THOB BA'I SGO NAS MNGON PAR 'DU BYED PA MED PA DANG MNGON PAR 'DU BYED PAS BSGRUB PAR BYA BA YIN PA'I PHYIR RO, ,SKYES NAS YONGS SU MYA NGAN LAS 'DA' BA NI LAM CHES NGANG GIS 'BYUNG BA DANG, CHES CHE BA DANG, PHRA RGYAS CHES CHUNG BA YIN NO, ,GONG DU 'PHO BA NI GANG DU SKYES PA DE NYID DU YONGS SU MYA NGAN LAS MI 'DA' BAR GONG DU 'GRO BA GANG YIN PA STE, 'PHO BA DANG 'GRO BA ZHES BYA BA NI DON GCIG GO, ,DE NI BSAM GTAN SPEL NAS 'OG MIN 'GRO, ,GONG DU 'PHO BA DE NI RGYU DANG 'BRAS BU'I SGO NAS RNAM PA GNYIS TE, RGYU'I SGO NAS NI BSAM GTAN SPEL BA DANG, SBEL BA MA YIN PA'I PHYIR RO, ,'BRAS BU'I SGO NAS NI 'OG MIN DANG SRID PA'I RTZE MO LA THUG PA'I PHYIR RO, ,DE LA GANG GIS BSAM GTAN SPEL BA DE NI 'OG MIN DU SONG NAS YONGS SU MYA NGAN LAS 'DAS PA'O, ,DE 'PHAR PHYED 'PHAR THAMS CAD DU, ,'CHI 'PHO GONG DU 'PHO BA 'OG MIN GYI MTHAR THUG PA DE YANG 'PHAR BA LA SOGS PA'I BYE BRAG GIS RNAM PA GSUM STE, DE LA 'PHAR BA ZHES BYA BA NI 'DIR BSAM GTAN RNAM PAR SPEL NAS BSAM GTAN DANG PO'I RO MYANGS TE BSAM GTAN GSUM LAS YONGS SU NYAMS PA TSANGS RIS PA DAG GI NANG DU SKYES NAS @23A *, ,SNGON GOMS BA'I DBANG GIS BSAM GTAN BZHI PA SPEL TE, DE NAS SHI 'PHOS NAS 'OG MIN PA DAG GI NANG DU SKYE BA GANG YIN PA STE, DE NI BAR DU MI 'GRO BAS NA 'PHAR BA ZHES BYA'O, ,PHYED DU 'PHAR BA ZHES BYA BA NI DE NAS GNAS GTZANG MA RNAMS SU SKYES LA BAR NAS GNAS GZHAN 'GA' TZAM YANG RGAL TE 'OG MIN DU 'PHOS NAS 'OG MIN DU 'JUG PA GANG YIN PA'O, ,'PHAGS PA NI TSANGS CHEN PA DAG GI NANG DU MI SKYE STE, CI'I PHYIR ZHE NA, LTA BA'I GNAS YIN PA'I PHYIR DANG, GTZO BO GCIG TU ZAD PA'I PHYIR DANG, GNAS THAMS CAD DU 'CHI 'PHO BA ZHES BYA BA NI GNAS GZHAN THAMS CAD DU 'PHOS NAS 'OG MIN DU 'JUG PA GANG YIN PA'O, ,PHYIR MI 'ONG BA NI NAM YANG SKYE BA'I SKYE MCHED DE NYID DU TSE GNYIS PA MNGON PAR 'GRUB PAR MI BYED DE, KHYAD PAR DU 'GRO BA YIN PA'I PHYIR RO, ,'DI LTAR NA 'DI'I PHYIR MI 'ONG BA NYID YONGS SU RDZOGS PA YIN TE, GANG DU SKYES PA DE 'OG DANG DER GTAN DU MI 'ONG BA'I PHYIR RO, ,RE ZHIG BSAM GTAN SPEL NAS 'OG MIN DU 'GRO BA NI DE LTA BU YIN PAR RIG PAR BYA'O, ,DE LAS GZHAN SRID RTZE MOR 'GRO, ,GONG DU 'PHO BA BSAM GTAN MA SPEL BA NI SRID PA'I RTZE MO'I MTHAR THUG PA YIN TE, DE NI SNYOMS PAR 'JUG PA GZHAN RNAMS RO MYONG BAR BYED CING GNAS GZHAN THAMS CAD DU SKYE LA, GNAS GTZANG MA RNAMS SU MI 'JUG PA KHO NA RA GZUGS MED PAR SKYE BA'I RIM GYIS SRID PA'I RTZA MOR SONG STE, YONGS SU MYA NGAN LAS 'DA' BA'O, ,'DI NI ZHI GNAS SPYAD PA YIN NO, ,SNGA MA NI LHAG MTHONG SPYAD PA YIN NO, ,GONG DU 'PHO BA BAR SKABS SU YANG YONGS SU MYA NGAN LAS 'DA' BAR RUNG BAR BLTA'O, ,'OG MIN DANG SRID PA'I RTZE MO'I MTHAR THUG PA NYID NI PHAN CHAD DU 'GRO BA MED PA'I PHYIR TE, DPER NA RGYUN DU ZHUGS PA MCHOG TU THOGS NA LAN BDUN PA NYID BZHIN NO, ,RE ZHIG DE DAG NI GZUGS SU NYE BAR 'GRO BA'I PHYIR MI 'ONG BA LNGA YIN NO, ,GZHAN NI GZUGS MED 'GRO RNAM BZHI, ,PHYIR MI 'ONG BA GZHAN NI GZUGS MED PAR NYE BAR 'GRO BA STE, GZUGS KYI 'DOD CHAGS DANG BRAL BA 'DI NAS SHI 'PHOS NAS GZUGS MED @23B PA DAG GI NANG DU SKYE BA GANG YIN PA'O, ,DE YANG SKYES NAS YONGS SU MYA NGAN LAS 'DA' BA LA SOGS PA'I BYE BRAG GIS RNAM PA BZHI STE, DE DAG NI PHYIR MI 'ONG BA RNAM PA DRUG YIN NO, ,GZHAN NI 'DI LA MYA NGAN 'DA', ,GZHAN NI TSE 'DI KHO NA LA YONGS SU MYA NGAN LAS 'DA' STE, MTHONG BA'I CHOS LA YONGS SU MYA NGAN LAS 'DA' BA DE NI BDUN PA YIN NO, ,GSUM LA RNAM GSUM PHYI NAS SU, ,GZUGS SU NYER 'GRO DGUR BSHAD DO, ,PHYIR MI 'ONG BA GSUM LA YANG RNAM PA GSUM DU PHYE BAS GZUGS SU NYE BAR 'GRO BA'I PHYIR MI 'ONG BA DGU YIN NO, ,GSUM PO GANG DAG, CE NA; BAR MA DO DANG SKYES NAS YONGS SU MYA NGAN LAS 'DA' BA DAG DANG, GONG DU 'PHO BA'O, ,RNAM PA GSUM DU PHYE BAS JI LTA BU ZHE NA, RE ZHIG BAR MA DOR YONGS SU MYA NGAN LAS 'DA' BA NI DPE GSUM GYIS MYUR BA DANG, MYUR BA MA YIN PA DANG, YUN RING MO ZHIG NAS YONGS SU MYA NGAN LAS 'DA' BA'I PHYIR RO, ,SKYES NAS YONGS SU MYA NGAN LAS 'DA' BA NI SKYES NAS DANG, MNGON PAR 'DU BYED PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I PHYIR RO, ,DE DAG THAMS CAD KYANG SKYES NAS YONGS SU MYA NGAN LAS 'DA' BA'I PHYIR SKYES NAS YONGS SU MYA NGAN LAS 'DA' BA DAG YIN NO, ,GONG DU 'PHO BA NI 'PHAR BA LA SOGS PA'I BYE BRAG GIS SO, ,YANG NA GSUM PO THAMS CAD MYUR BA DANG MYUR BA MA YIN PA DANG, YUN RING MO ZHIG NAS YONGS SU MYA NGAN LAS 'DA' BA'I PHYIR RO, ,DE DAG GI NI KHYAD PAR RNAMS, ,LAS DBANG NYON MONGS BYE BRAG LAS, ,PHYIR MI 'ONG BA GSUM DANG DGU PO DE DAG GI KHYAD PAR NI LAS DANG, NYON MONGS PA DANG DBANG PO'I BYE BRAG LAS TE, RE ZHIG GSUM PO NI GO RIMS BZHIN DU MNGON PAR 'GRUB BA DANG, SKYES PA DANG, LAN GRANGS GZHAN LA MYONG BAR 'GYUR BA'I LAS BSAGS PA'I PHYIR DANG, NYON MONGS PA KUN DU SPYOD PA CHUNG BA DANG, 'BRING DANG, CHEN PO'I PHYIR DANG, DBANG PO CHEN PO DANG 'BRING DANG CHUNG NGU'I PHYIR RO, ,DE NYID KYI PHYIR DE DAG SO SO'I KHYAD PAR YANG CI RIGS PAR GSUM TSAN DANG PO GNYIS NI GONG MA BZHIN DU NYON MONGS PA DANG, DBANG PO'I @24A *, ,BYE BRAG LAS SO, ,GSUM TSAN THA MA NI LAN GRANGS GZHAN LA MYONG BAR 'GYUR BA'I LAS KYI BYE BRAG LAS KYANG KHYAD PAR DU BLTA STE, DE DAG NI NYON MONGS PA DANG DBANG PO'I RNAM PA DGU'I PHYIR PHYIR MI 'ONG BA DGU YIN NO, ,'O NA MDO LAS SKYES BU DAM PA'I 'GRO BA BDUN BSTAN PA JI LTA BU ZHE NA, GONG DU 'PHO BA MA PHYE BAR, ,DAM PA'I 'GRO BA BDUN DU 'DOD, ,GONG DU 'GRO BA'I CHOS NI GONG DU 'GRO BA'O, ,MDO LAS NI DE MA PHYE BAR BSTAN PA'I PHYIR MDO LAS SKYES BU DAM PA'I 'GRO BA BDUN ZHES GSUNGS SO, ,CI'I PHYIR 'DI DAG KHO NA SKYES BU DAM PA'I 'GRO BA YIN LA, SLOB PA'I 'GRO BA GZHAN DAG NI MA YIN ZHE NA, GANG DAG LA 'GRO BA 'DI DAG YOD PA DE DAG NI LAS DAM PA DGE BA KHO NA LA 'JUG CING DAM PA MA YIN PA MI DGE BA LA MI 'JUG PA DANG, 'GRO BA 'DI DAG TU SON PA RNAMS LA YANG PHYIR 'ONG BA MED PA YIN LA JI SKAD DU BSHAD PA 'DI DAG GZHAN LA NI MED PAS DE'I PHYIR, DAM PA DAM MIN 'JUG MI 'JUG ,SON PA PHYIR MI 'ONG PHYIR TE, ,SKYES BU DAM PA'I 'GRO BA DAG YIN GYI GZHAN DAG NI MA YIN NO, ,'O NA MDO KHO NA LAS SKYES BU DAM PA GANG ZHE NA, SLOB PA'I YANG DAG PA'I LTA BA RANG LDAN PA'O ZHES RGYAS PAR GSUNGS PA JI LTA BU ZHE NA, GZHAN DAG LA YANG SDIG PA RNAM PA LNGA GTAN MI BYED PA'I SDOM PA THOB PA'I PHYIR DANG, NYON MONGS PA MI DGE BA PHAL CHER SPANGS PA'I PHYIR RNAM GRANGS PA'I SKYES BU DAM PA NYID YID MOD KYI, 'DIR NI GANG DAG LA RNAM GRANGS MED PAR YOD PA DE DAG GI SKABS YIN NO, ,CI PHYIR MI 'ONG BA TSE YONGS SU GYUR PA LA YANG DBYE BA 'DI YOD DAM ZHE NA, MED DE, 'DI LTAR, 'DOD PAR TSE YONGS SU GYUR PA'I 'PHAGS, ,KHAMS GZHAN DU NI 'GRO BA MED, ,'DOD PA'I KHAMS SU TSE YONGS SU GYUR PA'I 'PHAGS PA NI KHAMS GZHAN DU MI 'GRO STE, TSE 'DI NYID LA PHYIR MI 'ONG BA'I 'BRAS BU THOB NAS YONGS SU MYA NGAN LAS 'DA' BA'I PHYIR RO, ,GZUGS KYI KHAMS SU TSE YONGS SU GYUR BA NI GAL TE NA GZUGS MED PA'I KHAMS DAG TU YANG 'JUG STE, GONG DU 'PHO BA SRID PA'I RTZE MO'I MTHAR THUG PAR 'GRO @24B BA GANG YIN PA'O, ,'O NA BRGYA BYIN GYIS, BDAG NI THAM NYAMS NA LHA GANG 'OG MIN ZHES, ,RNAM PAR GRAGS BA DE NI SKYE BAR 'GYUR BAR SHOG ,CES GANG SMRAS BA JI LTA BU ZHE NA, BYE BRAG TU SMRA BA RNAMS NA RE CHOS MNGON BA MNGON PAR MI SHES PA'I PHYIR TE, YANG DAG PAR DGA' BAR BYA BA YIN BA'I PHYIR BCOM LDAN 'DAS KYIS KYANG MA BKAG GO ZHES ZER RO, ,DE DANG GONG MAR SKYES PA NI, ,YONGS NYAMS DBANG PO 'PHO MI BSTEN, ,'DOD PA'I KHAMS SU TE YONGS SU GYUR PA'I 'PHAGS PA DE DANG, KHAMS GONG MAR SKYES BA'I 'PHAGS PA NI DBANG PO RNAMS KYANG 'DI MI 'PHO LA JI LTAR YANG YONGS SU NYAMS PAR MI 'GYUR RO, ,CI'I PHYIR 'PHAGS PA TSE GZHAN DU YONGS SU GYUR PA GZUGS DANG GZUGS MED PAR 'JUG PA DANG, DBANG PO 'PHO BA DANG, YONGS SU NYAMS PA DAG TU MI 'DOD CE NA, 'DI LTAR MED PA'I PHYIR RO, ,CI'I PHYIR MED CE NA; TSE RABS GZHAN NAS YONGS SU 'DRIS PAS DBANG POR NAMS CHES YONGS SU SMIN PA'I PHYIR DANG, RTEN KHYAD PAR CAN THOB PA'I PHYIR RO, ,YANG CI'I PHYIR SLOB PA 'DOD CHAGS DANG MA BRAL BA BAR MA DOR YONGS SU MYA NGAN LAS 'DA' BAR MI 'GYUR ZHE NA, LAM MA 'DRIS PAS MNGON SUM DU MI 'GYUR BA'I PHYIR DANG, PHRA RGYAS RNAMS SHIN TU CHUNG BA MA YIN PA'I PHYIR RO, ,BYE BRAG TU SMRA BA RNAMS NA RE 'DOD PA'I KHAMS LAS 'DA' BAR DKA' BA'I PHYIR TE, 'DIS NYON MONGS PA MI DGE BA DANG LUNG DU MA BSTAN PA SPANGS PA DANG, DGE SBYONG GI TSUL GYI 'BRAS BU GNYIS SAM GSUM THOB PA DANG, KHAMS GSUM LAS YANG DAG PAR 'DA' BA DANG MANG PO ZHIG BYA DGOS LA, DE YANG SRID PA BAR MA LA GNAS PAS BYA BAR MI NUS ZHES ZER RO, ,DE NI BSAM GTAN SBEL NAS 'OG MIN 'GRO, ,ZHES BSHAD PA, YANG DANG PO NYID DU BSAM GTAN GANG SBEL BAR BYED CE NA, DANG POR BZHI BA SPEL BAR BYED, ,TING NGE 'DZIN NI THAMS CAD PAS LAS SU RUNG BA DANG, LAM SLA BA RNAMS KYI NANG NA MCHOG YIN PA'I PHYIR RO, ,'DI LTAR SBEL BAR BYED DE, DGRA BCOM PA 'AM PHYIR MI 'ONG BA YANG RUNG STE ZAG PA MED PA'I BSAM GTAN @25A *, ,BZHI PA RGYUN DANG LDAN PA LA SNYOMS PAR 'JUG CING, DE LAS LANGS NAS DE NYID ZAG PA DANG BCAS PA RGYUN DANG LDAN PA LA SNYOMS PAR 'JUG LA, YANG ZAG PA MED PA LA SNYOMS PAR 'JUG STE, DE BZHIN DU RGYUN PHRI NAS, GANG GI TSE SKAD CIG MA GNYIS ZAG PA MED PA LA SNYOMS PAR 'JUG CING SKAD CIG MA GNYIS ZAG PA DANG BCAS PA LA SNYOMS BAR 'JUG LA YANG ZAG PA MED PA LA SNYOMS PAR 'JUG GO ZHES GRAG STE, 'DI NI SPEL BA'I SBYOR BA YIN NO, ,SKAD CIG MA NI BSRES PAS 'GRUB, ,BYE BRAG TU SMRA BA RNAMS NA RE GANG GI TSE ZAG PA MED PA'I SKAD CIG MA'I MJUG THOGS SU ZAG PA DANG BCAS PA MNGON SUM DU BYED CING, ZAG PA DANG BCAS PA'I MJUG THOGS SU YANG ZAG PA MED PA MNGON SUM DU BYED LA, DE LTAR ZAG PA DANG BCAS PA'I SKAD CIG MA DANG ZAG PA MED PA DAG TU BSRES PAS SBEL BA 'GRUB PA YIN TE, SKAD CIG MA GNYIS NI BAR CHAD MED PA'I LAM LTA BU YIN LA, GSUM PA NI RNAM PAR GROL BA'I LAM LTA BU YIN NO ZHES ZER RO, ,DE LTAR BSAM GTAN BZHI PA SPEL NAS, DE'I STOBS KYIS GZHAN DANG GZHAN DAG KYANG SPEL BAR BYED DE, DANG POR 'DOD PA'I KHAMS SU GLING GSUM DAG TU SPEL BAR BYED LA, PHYIS NI YONGS SU NYAMS PAS GZUGS KYI KHAMS SU SPEL BAR BYED DO, ,SANGS RGYAS MA GTOGS PAS SKAD CIG MA SPEL BAR MI NUS TE, DE'I PHYIR RGYUN CHAGS GSUM LA JI SRID DU 'DOD PAR SNYOMS PAR 'JUG PA'I SGO NAS RDZOGS PA YIN NO ZHES BYA BAR BLTA'O, ,CI'I PHYIR BSAM GTAN SPEL BAR BYED CE NA, SKYE DANG GNAS PAR BYA PHYIR DANG, ,NYON MONGS PAS NI 'JIG PHYIR YANG, ,RGYU GSUM GYIS NA BSAM GTAN SPEL BAR BYED DE, PHYIR MI 'ONG BA DBANG PO RNON PO RNAMS NI GNAS GTZANG MA RNAMS SU SKYE BAR BYA BA'I PHYIR DANG, MTHONG BA'I CHOS LA BDE BAR GNAS BAR BYA BA'I PHYIR RO, ,DBANG PO RTUL PO RNAMS NI NYON MONGS PAS 'JIGS PA'I YANG PHYIR TE, RO MYANG BA DANG MTSUNGS PAR LDAN PA'I TING NGE 'DZIN THAG BSRINGS PA'I SGO NAS YONGS SU MI NYAMS PAR BYA BA'I PHYIR RO, ,DGRA BCOM PA DBANG PO RNON PO RNAMS NI MTHONG BA'I CHOS LA BDE BAR GNAS @25B PAR BYA BA'I PHYIR RO, ,DBANG PO RTUL PO RNAMS NI NYON MONGS PAS 'JIGS PA'I YANG PHYIR TE, YONGS SU MI NYAMS PAR BYA BA'I PHYIR RO, ,YANG CI'I PHYIR GNAS GTZANG MAR SKYE BA LNGA KHO NA YIN ZHE NA, BSAM GTAN BZHI PA SPEL MAR BSGOMS PAR BSHAD PA GANG YIN PA DE NI RNAM PA LNGA'I PHYIR; GNAS GTZANG SKYE BA LNGA KHO NA, ,SPEL MAR BSGOM PA DE NI CHUNG NGU DANG 'BRING DANG CHEN PO DANG, SHIN TU CHE BA DANG, SHIN TU CHES CHE BA'I BYE BRAG GIS RNAM PA LNGA YIN TE, DANG PO LA NI ZAG PA MED PA DANG ZAG PA DANG BCAS PA DANG ZAG PA DANG BCAS PA DANG PO DANG SEMS GSUM MNGON SUM DU BYED DO, ,GNYIS PA LA NI DRUG GO ,GSUM PA LA NI DGU'O, ,BZHI PA LA BCU GNYIS SO, ,LNGA PA LA NI BCO LNGA STE, DE DAG GI 'BRAS BU NI GRANGS BZHIN DU GNAS GTZANG MA LNGA YIN LA DE LA ZAG PA DANG BAS PA GANG YIN PA DE'I DBANG GAS DE DAG TU SKYE'O, ,GZHAN DAG NA RE DAD PA'I DBANG PO LA SOGS PA LHAG PA'I PHYIR LNGA YIN NO ZHES ZER RO, ,'GOG PA THOB PA'I PHYIR MI 'ONG, ,LUS KYIS MNGON DU BYED PAR 'DOD, ,'DI LA 'GOG PA'I THOB PA YOD PAS NA 'GOG PA THOB PA STE, PHYIR MI 'ONG BA GANG LA LA 'GOG PA THOB PA DE NI MYA NGAN LAS 'DAS PA DANG 'DRA BA'I CHOS LUS KYIS MNGON SUM DU BYED PA'I PHYIR LUS KYIS MNGON SUM DU THOB PA ZHES BYA'O, ,JI LTAR NA LUGS KYIS MNGON SUM DU BYED CE NA, SEMS MED PAS LUS LA BRTEN TE SKYE BA'I PHYIR RO, ,'DI LTA BU YIN PAR 'GYUR TE, DE 'GOG PA DE LAS LANGS NAS GANG LAS DE NI 'DI SNYAM DU KYE MA 'GOG PA'I SNYOMS PAR 'JUG PA NI MYA NGAN LAS 'DAS PA DANG 'DRA BAR ZHI BA YIN NO SNYAM DU SEMS PAR 'GYUR BA RNAM PAR SHES PA DANG BCAS PA'I LUS ZHI BA SNGON MA THOB PA THOB PAR 'GYUR TE, DE LTAR NA 'DIS DE'I ZHI BA NYID DU LUS KYIS MNGON DU BYAS PA YIN TE, THOB PA DANG SHES PAS MNGON SUM DU BYED PA DAG GIS MNGON SUM DU GYUR PA NI MNGON DU BYED PA YIN NO, ,MDO LAS SLOB PA BCO BRGYAD CES GSUNGS PA DER LUS KYIS MNGON DU BYED PA CI'I PHYIR MA GSUNGS SHE NA, RGYU MED PA'I PHYIR RO, ,RGYU GANG ZHIG YIN ZHE NA, ZAG PA MED PA'I SLOB PA GSUM DANG DE'I 'BRAS BU STE, DE'I @26A *, ,KHYAD PAR GYIS SLOB PA RNAMS RNAM PAR GZHAG GO, ,'GOG PA'I SNYOMS PAR 'JUG PA NI SLOB PA YANG MA YIN LA SLOB PA'I 'BRAS BU YANG MA YIN TE, DE'I PHYIR DE DANG LDAN PAS SLOB PA'I KHYAD PAR DU MA GSUNGS SO, ,'DI NI RE ZHIG PHYIR MI 'ONG BA RNAMS KYI DBYE BA CHE LONG YIN NO; ,ZHIB TU DBYE NA NI STONG PHRAG TU DBYE BA YOD DE, BAR MA DOR YONGS SU MYA NGAN LAS 'DA' BA LA DBANG PO RTUL PO DANG 'BRING PO DANG RNON PO'I BYE BRAG GIS GSUM MO, ,DE DAG NYID SA'I BYE BRAG GIS BZHI'O, ,YONGS SU NYAMS PA'I CHOS CAN LA SOGS PA'I RIGS KYI BYE BRAG GIS DRUG GO, ,GNAS GZHAN GYI BYE BRAG GIS BCU DRUG GO, ,SA DANG 'DOD CHAGS DANG BRAL BA'I BYE BRAG GIS SUM CU RTZA DRUG STE, GZUGS KYI KHAMS KYI 'CHING BA MTHA' DAG DANG LDAN PA NAS BSAM GTAN BZHI PA'I RNAM PA BRGYAD LAS 'DOD CHAGS DANG BRAL BA'I BAR RO, ,GNAS GZHAN DANG RIGS DANG 'DOD CHAGS DANG BRAL BA DANG DBANG PO'I BYE BRAG GIS NYIS STONG LNGA BRGYAD GU BCU RTZA GNYIS TE, JI LTAR BYAS PAS SHE NA, GNAS GCIG NA RIGS DRUG GO, ,RIGS RE RE LA 'CHING BA MTHA' DAG DANG LDAN PA NAS RANG GI GNAS KYI RNAM PA BRGYAD LAS 'DOD CHAGS DANG BRAL BA'I BAR GANG THAG DGU DGU STE, DGU DRUG NI LNGA BCU BZHI'O, ,LNGA BCU RTZA BZHI PHRAG BCU DRUG NI BRGYAD BRGYA DRUG CU RTZA BZHI'O, ,YANG DBANG PA'I BYE BRAG GIS SUM 'GYUR TE, DE LTAR BYAS PAS SO, ,'DRA BAR RTZE BA'I PHYIR BSAM GTAN 'OG MA'I RNAM PA DGU LAS 'DOD CHAGS DANG BRAL BA GANG YIN PA DE NI GONG MA'I 'CHING BA MTHA' DAG DANG LDAN PAR BSHAD PA YIN NO, ,BAR MA DOR YONGS SU MYA NGAN LAS 'DA' BA JI LTA BAR GONG DU 'PHO BA'I BAR DU YANG DE DANG 'DRA BAS THAMS CAD BSDUS NA PHYIR MI 'ONG BA KHRI NYIS STONG DGU BRGYA DRUG CU YIN NO, ,SRID RTZE'I BAR CHA BRGYAD ZAD PA, ,DGRA BCOM NYID LA ZHUGS BA YIN, ,PHYIR MI 'ONG BA ZHES BYA BA'I DBANG DU BYAS PA STE, YANG BYIR MI 'ONG BA DE BSAM GTAN DANG PO'I RNAM PA GCIG LAS 'DOD CHAGS DANG BRAL BA NAS BZUNG STE, SRID PA'I RTZE MO'I RNAM PAR BRGYAD KYI BAR SPANGS PAS DGRA BCOM PA NYID LA ZHUGS PA YIN NO, ,DGU YI BAR CHAD MED LAM YANG, , @26B DE SRID PA'I RTZE MO'I RNAM PA DGU PA SPONG BAR BYED PA'I BAR CHAD MED PA'I LAM LA GNAS PA NA, YANG DGRA BCOM PA NYID LA ZHUGS PA KHO NA YIN NO, ,DE NI RDO RJE LTA BU YIN, ,BAR CHAD MED PA'I LAM DE NI PHRA RGYAS THAMS CAD 'JOMS PAR BYED PA YIN PA'I PHYIR RDO RJE LTA BU'I TING NGE 'DZIN ZHES BYA'O, , BCOM ZIN PA'I PHYIR 'DIS THAMS CAD 'JOMS PA NI MA YIN GYI, BAR CHAD MED PA'I LAM THAMS CAD KYI NANG NAS SHIN TU CHE BA YIN PA'I PHYIR THAMS CAD 'JOMS BAR NUS PA YIN NO, ,RDO RJE LTA BU RNAMS KYI BYE BRAG NI RNAM BA MANG PO ZHIG TU BRJOD DE, MI LCOGS PA MED PAS BSDUS PA SRID PA'I RTZE MO'I SDUG BSNGAL DANG KUN 'BYUNG LA DMIGS PAS SDUG BSNGAL DANG KUN 'BYUNG LA RJES SU SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA DANG LAM LA CHOS SHES BA'I RNAM PA DAG DANG MTSUNGS PA LDAN PA BRGYAD DANG, 'GOG PA LA RJES SU SHES PA'I RNAM PA DAG DANG MTSUNGS PAR LDAN PA BSAM GTAN DANG PO'I 'GOG PA LA DMIGS PA BZHI NAS DE BZHIN DU SRID PA'I RTZE MO'I 'GOG PA LA DMIGS PA'I BAR DU BZHI DANG, LAM LA RJES SU SHES PA'I RNAM PA DAG DANG MTSUNGS PAR LDAN PA BZHI STE, RJES SU SHES PA'I PHYOGS DANG MTHUN PA ZAD PAR LA DMIGS PA'I PHYIR RO, , DE DAG NI SHES PA'I DMIGS PA DANG RNAM PA'I BYE BRAG GIS THA DAD PA'I PHYIR RDO RJE LTA BU LNGA BCU RTZA GNYIS YIN NO, ,MI LCOGS PA MED PAS BSDUS PA JI LTA BAR BSAM GTAN BZHI PAS BSDUS PA'I BAR DAG KYANG DE DANG 'DRA'O, ,NAM MKHA' DANG RNAM SHES MTHA' YAS DANG CI YANG MED PA'I SKYE MCHED KYIS BSDUS PA RNAMS NI GRANGS BZHIN DU NYI SHU RTZA BRGYAD DANG NYI SHU RTZA BZHI DANG NYI SHU YIN TE, DE DAG NI CHOS SHES PA DANG RJES SU SHES PAS SA 'OG MA'I 'GOG PA LA DMIGS PA MED PA'I PHYIR RO, ,SA 'OG MI'I GNYEN PO LA DMIGS PA NI YOD DE, DE NI PHAN TSUN DU RGYU PA'I PHYIR RO; ,GANG DAG LAM LA RJES SU SHES PA YANG SA RE RE 'I GNYEN PO LA DMIGS PA YIN PAR 'DOD PA DE DAG GI LTAR NA NYI SHU RTZA BRGYAD LHAG PAR BSNAN NAMS MI LCOGS PA MED PAS BSDUS PA RDO RJE LTA BU NI BRGYAD CU YIN TE, BSAM GTAN BZHI PAS BSDUS PA'I BAR DU YANG DE DANG 'DRA'O, , @27A *, ,NAM MKHA' MTHA' YAS SKYE MCHED LA SOGS PA DAG NI GO RIMS BZHIN DU BZHI BCU DANG, SUM CU RTZA GNYIS DANG, NYI SHU RTZA BZHI YIN NO, ,YANG RIGS DANG DBANG PO'I BYE BRAG GIS NI CHES MANG BA YIN NO, ,GANG SRID PA'I RTZE MO'I RNAM PA DGU PAR BSHAD PA RDO RJE LTA BUS SPANGS PA GANG YIN PA, DE ZAD THOB DANG ZAD PA SHES, ,RNAM PA DGU PA DE ZAD PA'I THOB PA DANG LHAN CIG TU ZAD PA SHES PA SKYE STE, RDO RJE LTA BU'I TING NGE 'DZIN GYI MJUG THOGS SU RNAM PAR GROL BA'I LAM THAM SKYE BA YIN NO, ,DE NYID KYI PHYIR DE NI DANG PO NYID DU ZAG PA THAMS CAD ZAD PA'I THOB PA DANG LHAN CIG SKYE BA'I PHYIR ZAD PA SHES PA YIN NO, ,DE TSE DE MI SLOB DGRA BCOM, ,YANG DGRA BCOM PA NYID LA ZHUGS PA DE ZAD PA SHES PA SKYE NAS MI SLOB PA DANG DGRA BCOM PA NYID KYI 'BRAS BU THOB PA YIN TE, 'BRAS BU GZHAN GYI PHYIR SLOB PAR BYA BA MA MED PA'I PHYIR MI SLOB PA YIN NO, ,DE NYID KYI PHYIR DE NI GZHAN GYI DON BYED PAR 'OS PA'I PHYIR DANG, 'DOD CHAGS DANG BCAS PA THAMS CAD KYIS MCHOD PAR 'OS PA'I PHYIR DGRA BCOM PA YIN NO, ,GANG ZAG SNGAR BSHAD PA GZHAN BDUN NI SLOB PA DAG YIN NO ZHES BYA BAR GRUB BO, ,CI'I PHYIR DE DAG SLOB PA YIN ZHE NA, ZAG PA ZAD PAR BYA BA'I PHYIR BSLAB PA GSUM PO LHAG PA'I TSUL KHRIMS DANG LHAG PA'I SEMS DANG LHAG PA'I SHES RAB LA RTAG TU SLOB PA'I DANG TSUL CAN YIN PA'I PHYIR TO, DE DAG NI TSUL KHRIMS DANG TING NGE 'DZIN DANG SHES RAB KYI RANG BZHIN DAG YIN NO, ,SO SO'I SKYE BO YANG SLOB PA YIN PAR 'GYUR RO ZHE NA, MA YIN TE, BDEN PA YANG DAG PA JI LTA BA BZHIN DU RAB TU MI SHES PA'I PHYIR DANG, YANG SLOB BA GTONG BA'I PHYIR RO, ,DE NYID KYI PHYIR CI NAS KYANG GANG ZHIG SLOB PA DE KHO NA SLOB PA YIN GYI SLOB PA 'DOR BA NI MA YIN NO ZHES DMIGS KYIS BSAL BA SHES PAR BYA BA'I PHYIR MDO LAS, ZHI BYED BSLAB PA LA SLOB CING, ,BSLAB PA LA SLOB PAS NI DE'I PHYIR SLOB PA ZHES BYA'O ZHES LAN GNYIS SU GSUNGS SO, ,'PHAGS PA RANG BZHIN DU GNAS PA JI LTAR SLOB PA'I DANG TSUL CAN YIN ZHE NA, BSAM PA'I SGO NAS TE, LAM DU 'GRO BA GNAS PA BZHIN NO, ,THOB PA DANG RJES SU 'BREL @27B BA'I YANG PHYIR RO, ,YANG SLOB PA'I CHOS RNAMS GANG ZHE NA, SLOB PA'I ZAG PA MED PA RNAMS SO, ,MI SLOB PA RNAMS GANG ZHE NA, MI SLOB PA'I ZAG PA MED PA RNAMS SO, ,CI'I PHYIR MYA NGAN LAS 'DAS PA SLOB PA MA YIN ZHE NA, MI SLOB PA DANG SO SO'I SKYE BO GNYI GA YANG DE DANG LDAN PA'I PHYIR RO; ,CI'I PHYIR MI SLOB PA MA YIN ZHE NA, SLOB PA DANG SO SO'I SKYE BO GNYI GA YANG DE DANG LDAN PA'I PHYIR RO, ,DE DAG THAMS CAD NI ZHUGS PA BZHI DANG 'BRAS BU LA GNAS PA BZHI DANG, 'PHAGS PA'I GANG ZAG BRGYAD KHO NA YIN TE, 'DI LTA STE RGYUN DU ZHUGS PA'I 'BRAS BU MNGON SUM DU BYA BA'I PHYIR ZHUGS PA DANG, RGYUN DU ZHUGS PA NAS DE BZHIN DU DGRA BCOM PA NYID KYI 'BRAS BU MNGON SUM DU BYA BA'I PHYIR ZHUGS PA DANG, DGRA BCOM PA'I BAR YIN NO, ,MING GI SGO NAS NI BRGYAD YIN NO, ,RDZAS SU NI LNGA YIN TE, ZHUGS PA DANG PO DANG 'BRAS BU LA GNAS PA BZHI'O, , ZHUGS PA LHAG MA RNAMS NI 'BRAS BU LA GNAS PA GSUM LAS THA MI DAD BA'I PHYIR RO, ,MTHAR GYIS 'THOB BA'I PHYIR DE SKRAD CES BSHAD KYI, PHAL CHER DANG 'DOD PA LAS 'DOD CHAGS DANG BRAL BA DAG CIG YIN NA NI MTHONG BA'I LAM LA LAN CIG PHYIR 'ONG BA DANG, PHYIR MI 'ONG BA'I 'BRAS BU LA ZHUGS PA DAG YIN GYI, RGYUN DU ZHUGS PA DANG, LAN CIG PHYIR 'ONG BA DAG NI MA YIN NO, ,BSGOM PA'I LAM 'JIG RTEN PA DANG 'JIG RTEN LAS 'DAS PA RNAM PA GNYIS SU BSHAD PA LA, SLOB PA 'DI GANG GIS GANG LAS 'DOD CHAGS DANG BRAL BA 'THOB CE NA, 'JIG RTEN 'DAS KYIS SRID RTZE LAS, ,CHAGS BRAL 'JIG RTEN PAS NI MA YIN NO, ,CI'I PHYIR ZHE NA, DE'I GONG NA 'JIG RTEN PA MED PA'I PHYIR DANG, RANG GIS PA'I GNYEN PO MA YIN PA'I PHYIR RO, ,CI'I PHYIR GNYEN PO MA YIN ZHE NA, DE'I NYON MONGS PA RGYAS PAR 'GYUR BA'I PHYIR TE, NYON MONGS PA GANG ZHIG DNGOS PO GANG LA RGYAS PAR 'GYUR BA DE NI DNGOS PO DES SPONG BAR BYED PA MA YIN LA, GANG GI GNYEN PO GANG YIN PA DE LA NI NYON MONGS PA DE RGYAS PAR YANG MI 'GYUR BA'I PHYIR RO, ,GZHAN LAS RNAM PA GNYIS, ,SRID PA'I RTZE MO LAS GZHAN PA'I SA THAMS CAD LAS @28A *, ,NI 'JIG RTEN PA'I LAM GYIS KYANG 'DOD CHAGS DANG BRAL LA, 'JIG RTEN LAS 'DAS PAS KYANG 'DOD CHAGS DANG BRAL LO, ,'JIG RTEN PA YIS CHAGS BRAL BA'I, ,'PHAGS LA BRAL BA'I THOB RNAMS GNYIS, ,'PHAGS PA 'JIG RTEN PA'I LAM GYIS 'DOD CHAGS DANG BRAL BAR GYUR PA LA BRAL BA'I THOB PA 'JIG RTEN PA DANG 'JIG RTEN LAS 'DAS PA DANG RNAM PA GNYIS SKYE'O, ,KHA CIG 'JIG RTEN 'DAS KYIS KYANG, ,GZHAN DAG NA RE 'JIG RTEN LAS 'DAS PAS KYANG DE DANG 'DRA'O ZHES ZER RO, ,CI'I PHYIR ZHE NA, BTANG LA NYON MONGS MI LDAN PHYIR, ,GAL TE 'PHAGS PA'I LAM GYIS 'DOD CHAGS DANG BRAL BA 'THOB PA LA 'JIG RTEN PA'I BRAL BA'I THOB PA MI SKYE NA, DE LTA NA 'PHAGS PA'I LAM GYIS CI YANG MED PA'I SKYE MCHED LAS 'DOD CHAGS DANG BRAL BA BSAM GTAN LA BRTEN TE DBANG PO RNAMS 'PHO BAR BYED PA GANG YIN PA DE LAM SNGA MA ZAD PAR BTANG PA'I PHYIR DANG, 'BRAS BU'I LAM 'BA' ZHIG THOB PA'I PHYIR SA GONG MA PA'I NYON MONGS PA'I BRAL BA DANG MI LDAN PAR YANG 'GYUR LA, DE BTANG NA YANG NYON MONGS PA DE DAG DANG LDAN PAR YANG 'GYUR RO, ,SRID RTZE'I PHYED LAS RNAM GROL DANG, ,GONG DU SKYES PA BZHIN MI LDAN, ,DE LA 'JIG RTEN PA'I BRAL BA'I THOB PA MED DU ZIN KYANG DE DAG DANG LDAN PAR MI 'GYUR TE, DPER NA SRID PA'I RTZE MO'I RNAM PA PHYED LA RNAM PAR GROL BA LA DE'I BRAL BA'I 'THOB PA 'JIG RTEN PA YANG MED LA, DBANG PO 'PHO BAS 'JIG RTEN LAS 'DAS PA YANG BTANG BZHIN DU NYON MONGS PA DE DAG DANG LDAN PAR MI 'GYUR BA DANG, YANG DPER NA SO SO'I SKYE BO BSAM GTAN DANG PO YAN CHAD DU SKYES PA 'DOD PA NA SPYOD PA'I NYON MONGS PA'I BRAL BA'I THOB PA BTANG BAS YANG DE DAG DANG LDAN PAR MI 'GYUR BA BZHIN BAS 'DI NI SHES PAR BYED PA MA YIN NO, ,SA GANG ZHIG GIS GANG LAS 'DOD CHAGS DANG BRAL BAR 'GYUR ZHE NA, ZAG MED MI LCOGS MED PA YIS, ,THAMS CAD LAS NI 'DOD CHAGS BRAL, ,SRID PA'I RTZE MO'I BAR LAS SO, ,YANG GANG ZHIG NYER BSDOGS LA BRTEN TE SA 'OG MA LAS 'DOD CHAGS DANG BRAL BA 'THOB NA, CI'I PHYIR RNAM PAR GROL BA'I LAM @28B THAMS CAD BAR CHAD MED PA'I LAM BZHIN DU NYER BSDOGS LAS SKYE'AM ZHE NA, SMRAS PA, MA YIN NO, ,'O NA JI LTA BU ZHE NA, SA GSUM RGYAL LA BSAM GTAN NAM, ,NYER BSDOGS LAS MTHA'I RNAM GROL LAM, ,SKYE BA'I SA NI THAMS CAD DU DGU STE, 'DOD PA'I KHAMS DANG BSAM GTAN DANG GZUGS MED PA BRGYAD DO, ,DE LA BSAM GTAN GNYIS KYI BAR LAS 'DOD CHAGS DANG BRAL BA SA GSUM LAS RGYAL BA DE LA NI RNAM PAR GROL BA'I LAM THA MA NYER BSDOGS SAM BSAM GTAN DNGOS GZHI LAS SKYE'O, ,GONG MA'I NYE BAR BSDOGS LAS MIN, ,SA GSUM LAS RGYAL BA YAN CHAD NI BTANG SNYOMS KYI DBANG PO THUN MONG MA YIN PA'I PHYIR DNGOS GZHI KHO NA LAS SKYE'I NYER BSDOGS LAS NI MA YIN NO, ,BSAM GTAN GSUM NA NI NYER BSDOGS DANG DNGOS GZHI GNYIS KYI DBANG PO THA DAD PA'I PHYIR LA LA BSAM GTAN DANG DNGOS GZHI LA 'JUG MI NUS TE, DBANG PO'I 'PHO BA NI DKA' BA'I PHYIR RO, ,DE LTA BAS NAS GSUM LAS 'DOD CHAGS DANG BRAL BA LA NI RNAM PAR GROL BA'I LAM THA MA NYER BSDOGS LAS KYANG SKYE'O, ,ZAG MED MI LCOGS MED PA YIS, ,THAMS CAD LAS NI 'DOD CHAGS BRAL, ,ZHES BSHAD KYI GZHAN DAG GIS NI MA BSHAD PAS DE'I PHYIR, 'PHAGS, BRGYAD KYIS RANG GONG SA LAS RGYAL, ,ZHES BYA BA SMOS TE, ZAG PA MED PA'I BSAM GTAN DANG BSAM GTAN KHYAD PAR CAN DANG GZUGS MED PA BRGYAD KYIS NI RANG GI SA DANG SA GONG MA LAS 'DOD CHAGS DANG BRAL BAR 'GYUR RO, ,'OG MA LAS NI MA YIN TE, 'DOD CHAGS DANG BRAL ZIN PA'I PHYIR RO, ,DE LA 'JIG RTEN LAS 'DAS PA'I BAR CHAD MED PA DANG RNAM PAR GROL BA'I LAM RNAMS NI BDEN PA LA DMIGS PA'I PHYIR BDEN PA'I RNAM PAR ZHUGS PA DAG YIN NO ZHES BYA BAR GRUB PO, ,'JIG RTEN PA YI RNAM GROL DANG, ,BAR CHAD MED LAM GO RIMS BZHIN, ,ZHI SOGS RAGS SOGS RNAM PA CAN, ,RNAM PAR GROL BA'I LAM RNAMS NI ZHI BA LA SOGS PA'I RNAM PA CAN DAG YIN LA, BAR CHAD MED PA'I LAM RNAMS NI RAGS PA LA SOGS PA'I RNAM PA CAN DAG YIN NO, ,DE DAG KYANG GO RIMS BZHIN DU, @29A *, ,GONG DANG 'GO MA'I SPYOD YUL CAN, ,RNAM PAR GROL BA'I LAM RNAMS NI CI RIGS PAR SA GONG MA LA ZHI BA DANG, GYA NOM PA DANG, NGES PAR 'BYUNG BA'I RNAM PAR BLTA'O, ,BAR CHAD MED PA'I LAM RNAMS NI SA 'GO MA LA RAGS PA DANG, THA MA NGAN PA DANG, RTZIG PA STUG PO LTA BUR BLTA STE, MNGON PAR 'DU BYED PA SHIN TU CHE BA NYID KYIS MA ZHI BA'I PHYIR RAGS PA BLTA'O, ,GYA NOM PA MA YIN PA'I PHYIR THA BA NGAN PAR BLTA STE, GNAS NGAN LEN RAB TU MANG BA NYID KYIS MI MTHUN PAR GYUR PA'I PHYIR RO, ,RTZIG PA LAS NGES PAR MI 'BYUNG BA BZHIN DU DE NYID KYIS SA DE LAS NGES PAR MI 'BYUNG BA'I PHYIR RTZIG PA STEG PO LTA BUR BLTA'O, ,DE DAG LAS BZLOG PA NI ZHI BA DANG, GYA NOM PA DANG, NGES PAR 'BYUNG BA'I RNAM PA CAN DAG YIN NO, ,ZHAR LA 'ONGS PA RDZOGS SO,, ,,DKYUS MA KHO NA BRJOD PAR BYA STE; YANG ZAD PA SHES PA'I MJUG THOGS SU CI ZHIG SKYE ZHE NA, GAL TE MI G-YO ZAD SHES LAS, ,MI SKYE'I BLO GROS, GAL TE DGRA BCOM PA MI G-YO BA'I CHOS CAN ZHIG YIN NA DE LA ZAD PA SHES PA'I DE MA THAG TU MI SKYE BA'I SHES BA SKYE'O, ,GAL TE MIN, ,ZAD PA SHES SAM MI SLOB LTA, GAL TE MI G-YO BA'I CHOS CAN MA YIN NA NI ZAD PA SHES PA LAS ZAD PA SHES PA KHO NA'AM, MI SLOB PA'I YANG DAG PA'I LTA BA SKYE'O, ,YONGS SU NYAMS PA SRID PA'I PHYIR MI SKYE BSHES PA NI MA YIN NO, ,CI MI G-YO BA'I CHOS CAN LA DE MI SKYE BA KHO NA YIN NAM ZHE NA, DE NI DGRA BCOM THAMS CAD LA, ,MI G-YO BA'I CHOS CAN LA YANG RES 'GA' MI SKYE BA SHES PA LAS MI SKYE BA SHES PA KHO NA SKYE LA, RES 'GA' NI MI SLOB PA'I YANG DAG PA'I LTA BA SKYE'O, ,GANG DAG 'BRAS BU BZHIR BSHAD PA DE DAG GANG GI 'BRAS BU DAG YIN ZHE NA DGE SBYONG GI CHUL GYI 'BRAS BU YIN NO, ,DGE SBYONG GI TSUL ZHES BYA BA 'DI CI ZHIG CE NA, DGE SBYONG TSUL NI DRI MED LAM, ,DGE SBYONG GI TSUL NI ZAG PA MED PA'I LAM YIN NO, ,DES NYON MONGS PA YANG DAG PAR ZHI BAR BYED PA'I SGO NAS DGE SBYONG DU 'GYUR TE, MDO LAS, 'DIS SDIG PA MI DGE BA'I CHOS ZHES BYA BA NAS RGYAS PAR RGA SHIR 'GYUR BA'I BAR RNAM PA DU MA ZHI BAR @29B BYAS PA YIN PAS, DE'I PHYIR DGE SBYONG ZHES GSUNGS PA'I PHYIR RO, ,SO SO'I SKYE BO NI GTAN DU ZHI BAR MI BYED PA'I PHYIR DON DAM PA'I DGE SBYONG MA YIN NO, ,DGE SBYONG GI TSUL DE'I 'BRAS BU 'DUS BYAS 'DUS MA BYAS, DGE SBYONG GI TSUL GYI 'BRAS BU NI 'DUS BYAS DANG 'DUS MA BYAS RNAMS YIN NO, DE DAG KYANG MDO LAS RNAM PA BZHIR GSUNGS SO, ,GZHAN YANG DE DAG BRGYAD CU RTZA DGU'O, ,DE DAG KYANG GANG ZHE NA, ,GROL LAM ZAD PA RNAMS DANG BCAS, ,MTHONG BAS SPANG BAR BYA BA SPONG BAR BYED PA'I BAR CHAD MED PA'I LAM BRGYAD DANG, RNAM PAR GROL BA'I LAM BRGYAD DANG, BSGOM PAS SPANG BAR BYA BA SPONG BAR BYED PA SA DGU PO RE RE ZHING YANG NYON MONGS PA RNAM PA DGU DGU SPONG BAR BYED PA DE SNYED KHO NA'I BAR CHAD MED PA'I LAM DANG RNAM PAR GROL BA'I LAM DAG GO, ,DE LA BAR CHAD MED PA'I LAM RNAMS NI DGE SBYONG GI TSUL YIN NO, ,RNAM PAR GROL BA'I LAM RNAMS NI DGE SBYONG GI TSUL GYI 'BRAS BU 'DUS BYAS DAG YIN TE, DE'I RGYU MTHUN PA DANG, SKYES BU BYED PA'I 'BRAS BU YIN PA'I PHYIR RO, NYON MONGS PA DE DAG GI SPANGS PA NI DGE SBYONG GI TSUL GYI 'BRAS BU 'DUS MA BYAS DAG YIN TE, DE LTAR BRGYAD CU RTZA DGU YIN NO, ,DE LTAR NA 'O NA NI SANGS RGYAS KYIS GSUNGS PA KHA BSKANG BAR BYA DGOS PAR 'GYUR RO ZHE NA, BYA MI DGOS TE, GAL TE YANG 'BRAS BU RNAMS MANG MOD KYI, 'BRAS BU BZHI RNAM GZHAG PA NI, ,RGYU LNGA DAG NI SRID PHYIR RO, ,BCOM LDAN 'DAS KYIS SPONG BA'I LAM GYI GNAS SKABS GANG LA RGYU LNGA SRID PA DE LA 'BRAS BU RNAM PAR GZHAG GO ZHES GRAG GO, ,LNGA GANG ZHE NA, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, SHES PA BRGYAD TSAN THOB PA DANG, ,RNAM PA BCU DRUG THOB PA'O, ,LAM SNGA MA BTANG BA DANG SNGON MED PA'I LAM THOB PA NI ZHUGS PA DANG 'BRAS BU'I LAM BTANG BA DANG THOB PA'I PHYIR RO, ,SPANGS PA BSDOMS PA NI THAMS CAD KYIS THOB PA CIG RNYED PA'I PHYIR RO, ,SHES PA BRGYAD CIG CAR DU 'THOB PA NI CHOS DANG RJES SU SHES PA RNAM PA BZHI'O, ,RNAM PA BCU DRUG THOB PA NI MI RTAG PA'I RNAM PA LA SOGS PA STE, RGYU LNGA PO DE DAG NI 'BRAS BU RE RE LA YOD DO, ,GAL TE ZAG PA MED @30A *, ,PA'I LAM KHO NA DGE SBYONG GI TSUL YIN NA 'JIG RTEN BA'I LAM GYIS THOB PA'I 'BRAS BU GNYIS JI LTAR DGE SBYONG GI TSUL GYI 'BRAS BUR RUNG ZHE NA, 'JIG RTEN PA YIS THOB 'BRAS NI, ,BSRES DANG ZAG MED THOB 'DZIN PHYIR, ,DE LA NI LAN CIG PHYIR 'ONG BA'I 'BRAS BU 'AM PHYIR MI 'ONG BA'I 'BRAS BU 'JIG RTEN PA'I LAM GYIS 'BRAS BU SPANGS PA KHO NA YANG MA YIN NO, ,'O NA CI ZHE NA, MTHONG BA'I LAM GYIS 'BRAS BU SPANGS PA YANG DER BSRE BAR BYA STE, THAMS CAD KYI THOB PA DE'I 'BRAS BUR BSDUS PA CIG RNYED PA'I PHYIR RO, ,DE NYID KYI PHYIR MDO LAS, LAN CIG PHYIR 'ONG BA'I 'BRAS BU GANG ZHE NA, KUN DU SBYOR BA GSUM SPANGS PA DANG, 'DOD CHAGS DANG ZHE SDANG DANG GTI MUG RNAMS BSRABS PA GANG YIN PA DE YIN NA, ,PHYIR MI 'ONG BA'I 'BRAS BU GANG ZHE NA, KUN DU SBYOR BA THA MA'I CHA DANG MTHUN PA LNGA SPANGS PA GANG YIN PA DE YIN NO ZHES GSUNGS SO, ,DE'I STOBS KYIS YONGS SU NYAMS PA MI 'CHI BA'I PHYIR BRAL BA'I THOB PA ZAG PA MED PAS SPANGS PA DE 'DZIN PAR YANG BYED DE, 'DI'I PHYIR YANG 'DI DGE SBYONG GI 'BRAS BU NYID DU RIGS SO, ,DGE SBYONG GI TSUL DU BSHAD PA GANG YIN PA, DE NYID TSANGS TSUL TSANGS PA YI, ,'KHOR LO, ,NYON MONGS PA RNAMS SPONG BA'I PHYIR TSANGS PA'I TSUL LO, ,TSANGS PA'I 'KHOR LO NI, TSANGS PAS BSKOR PHYIR RO, ,BCOM LDAN 'DAS NI TSANGS PA'I TSUL BLA NA MED PA DANG LDAN PA'I PHYIR TSANGS PA YIN TE, MDO LAS, BCOM LDAN 'DAS DE NI TSANGS PA ZHES KYANG BYA, ZHI BA DANG BSIL BAR GYUR PA ZHES KYANG BYA ZHES GSUNGS PA'I PHYIR RO, ,'KHOR LO 'DI NI DE'I YIN PAS NA TSANGS PA'I 'KHOR LO STE, DES BSKOR PA'I PHYIR RO, ,CHOS KYI 'KHOR LO MTHONG BA'I LAM, RGYU BAS NA 'KHOR LO'O, ,DE DANG CHOS MTHUN PA'I PHYIR MTHONG BA'I LAM NI CHOS KYI 'KHOR LO YIN NO, ,'DI'I CHOS MTHUN PA JI LTA BU ZHE NA, MYUR BAR 'GRO SOGS RTZIBS SOGS KYIS, MYUR DU 'GRO BA'I PHYIR DANG, 'DOR BA DANG 'JUG PA'I PHYIR DANG, MA RGYAL BA RGYAL BAR BYED PA DANG RGYAL BA RNAL DU DGOD PA'I PHYIR DANG, 'PHAR BA DANG 'BAB PA'I PHYIR TE, MYUR BAR 'GRO BA LA SOGS PA NI DE LTA BU YIN NO, ,BTZUN PA @30B DBYANGS SGROGS NA RE 'PHAGS PA'I LAM YAN LAG BRGYAD PA NI RTZIBS LA SOGS PA DANG CHOS MTHUN PA'I PHYIR 'KHOR LO ZHES BYA STE, YANG DAG PA'I LTA BA DANG RTOG PA DANG RTZOL BA DANG DRAN PA RNAMS NI RTZIBS LTA BU YIN NO, ,YANG DAG PA'I NGAG DANG LAS KYI MTHA' DANG 'TSO BA RNAMS NI LTE BA LTA BU YIN NO, , TING NGE 'DZIN NI MU KHYUD LTA BU YIN NO ZHES ZER RO, ,MTHONG BA'I LAM CHOS KYI 'KHOR LO YIN NO ZHES BYA BA 'DI GA LAS SHE NA 'PHAGS PA KOOndI N+YA LA DE SKYES PA NA CHOS KYI 'KHOR LO BSKOR TO ZHES GSUNGS PA'I PHYIR RO, ,JI LTAR NA DE LAN GSUM DU BZLAS PA DANG RNAM PA BCU GNYIS YIN ZHE NA, BYE BRAG TU SMRA BA RNAMS NA RE, 'DI NI SDUG BSNGAL 'PHAGS PA'I BDEN PA'O, ,DE YONGS SU SHES PAR BYA'O, ,DE YONGS SU SHES SO ZHES BYA BA 'DI DAG NI LAN GSUM DU BZLAS PA YIN NO, ,BZLAS PA RE RE LA MIG SKYES SO, ,SHES PA DANG RIGS PA DANG BLO SKYES SO ZHES BYA BA 'DI DAG NI RNAM PA BCU GNYIS YIN TE, BDEN PA RE RE LA YANG DE DANG 'DRA'O, ,GSUM TSAN DANG BCU GNYIS SU CHOS MTHUN PA'I PHYIR LAN GSUM DU BZLAS TE, RNAM PA BCU GNYIS ZHES BSHAD DE, GNYIS DANG, GNAS BDUN LA MKHAS PA BSTAN PA BZHIN NO, ,BZLAS PA 'DI DAG GIS NI GRANGS BZHIN DU MTHONG BA DANG BSGOM PA DANG MI SLOB PA'I LAM RNAMS BSTAN TO ZHES ZER RO, ,GAL TE DE LTA NA 'O NA NI MTHONG BA'I LAM KHO NA LA LAN GSUM DU BZLAS PA YANG MA YIN LA RNAM PA BCU GNYIS KYANG MA YIN NA JI LTAR NA MTHONG BA'I LAM 'DI CHOS KYI 'KHOR LOR RNAM PAR GZHAG ,DE LTA BAS NA CHOS KYI RNAM GRANGS DE NYID CHOS KYI 'KHOR LO YANG YIN LAN GSUM DU BZLAS PA DANG RNAM PA BCU GNYIS KYANG YIN PAR RUNG NGO, ,JI LTAR NA LAN GSUM DU BZLAS PA YIN ZHE NA, BDEN PA RNAMS LAN GSUM DU BZLAS PA'I PHYIR RO, ,JI LTAR NA RNAM PA BCU GNYIS YIN ZHE NA, BDEN PA RNAMS LA SDUG BSNGAL DANG, KUN 'BYUNG, 'GOG PA, LAM ZHES BYA BA DANG, YONGS SU SHES PAR BYA, SPANG BAR BYA, MNGON SUM DU BYA, BSGOM PAR BYA ZHES BYA BA DANG, ,YONGS SU SHES SPANGS, MNGON SUM DU BYAS, BSGOMS ZHES BYA BA RNAM PA GSUM DU BYAS PA'I PHYIR RO, ,DE BSKOR BA NI GZHAN GYIS RGYUD LA @31A *, ,GO BAR BYED PA STE, DON SHES PAR BYED PA'I PHYIR RO, ,YANG NA 'PHAGS PA'I LAM THAMS CAD KYANG GDUL BYA'I RGYUD LA 'JUG PA'I PHYIR CHOS KYI 'KHOR LO YIN TE, DE NI GZHAN GYI RGYUD LA MTHONG BA'I LAM BSKYED PA'I PHYIR BSKOR BAR BRTZAMS PA YIN PAS DE'I PHYIR BSKOR BA ZHES BYA'O, ,YANG KHAMS GANG DU DGE SBYONG GI TSUL GYI 'BRAS BU DU DAG CIG 'THOB CE NA, 'DOD PAR GSUM THOB, GSUM NI 'DOD PA'I KHAMS KHO NAR 'THOB KYI GZHAN DU NI MA YIN NO, ,THA MA NI, GSUM DU, DGE SBYONG GI TSUL GYI 'BRAS BU THA MA NI DGRA BCOM PA NYID DE, DE NI KHAMS GSUM DU 'THOB PO, ,RE ZHIG 'BRAS BU GNYIS NI 'DOD CHAGS DANG MA BRAL BAS THOB BAR BYA BA YIN PA'I PHYIR GONG MAR MI 'THOB PAR YANG RIGS NA GSUM PA GO, ,CI'I PHYIR MI 'THOB CE NA, GONG NA MTHONG LAM MED, 'DOD PA'I KHAMS LAS GANG NA NI MTHONG BA'I LAM MED LA, , DE MED PAR YANG 'DOD CHAGS DANG BRAL BA'I PHYIR MI 'ONG BA'I 'BRAS BU THOB PA MED PAS ZHES BYA BA 'DI NI GTAN TSIGS YIN NO, ,CI'I PHYIR DE NA MTHONG BA'I LAM MED CE NA, RE ZHIG GZUGS MED PA'I KHAMS NA NI NYAN PA MED PA DANG, KHAMS 'OG MA LA MI DMIGS PA'I PHYIR RO; ,GZUGS KYI KHAMS NA NI, MI SKYE LUNG LAS 'DIR RTZOM ZHING, ,DER MTHAR PHYIN ZHES 'BYUNG PHYIR RO, ,GZUGS NA SPYOD PA'I SO SO'I SKYE BO RNAMS NI SNYOMS PAR 'JUG PA'I BDE BA LA CHAGS PA'I PHYIR DANG, SDUG BSNGAL GYI TSOR BA MED PA'I PHYIR KUN DU SKYO BAR MI 'GYUR LA, SKYO BA MED BAR YANG 'PHAGS PA'I LAM THOB PAR MI 'GYUR TE, 'DI NI RE ZHIG RIGS PA YIN NO, ,LUNG YANG, BAR MA DOR YONGS SU MYA NGAN LAS 'DA' BAS NA GONG DU 'PHO BA'I BAR GANG ZAG LNGA NI 'DIR RTZOM ZHING DER MTHAR PHYIN BAR 'GYUR RO ZHES GSUNGS PA 'DI YIN NO, ,RTZOM PA ZHES BYA BA NI LAM RTZOM PA YIN TE, MYA NGAN LAS 'DAS PA'I THABS YIN PA'I PHYIR RO, ,'DI SKAD DU, GAL TE MI G-YO'I ZAD SHES LA, ,MI SKYE BLO GROS ZHES BSHAD DE, ,CI DGRA BCOM PA LA YANG DBYE BA YOD DAM ZHE NA SMRAS PA YOD DE, DGRA BCOM DRUG 'DOD, MDO LAS DGRA BCOM PA @31B DRUG GSUNGS TE, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU SRUNG BA'I CHOS CAN DANG, GNAS PA LAS MI BSKYOD PA DANG, RTOGS PA'I SKAL BA CAN DANG, MI G-YO BA'I CHOS CAN NO, ,DE DAG LAS, LNGA NI DAD PAS MOS LAS SKYES, ,MI G-YO BA'I CHOS CAN MA GTOGS PA GZHAN LNGA NI DAD PAS MOS PA SNGON DU 'GRO BA DAG YIN NO, ,DE DAG RNAM GROL DUS DANG SBYOR, ,LNGA PO 'DI DAG GI SEMS KYI RNAM PAR GROL BA NI DUS DANG SBYOR BAS 'PHANGS PA YIN PAR RIG PAR BYA STE, RTAG TU RJES SU SRUNG BA'I PHYIR RO, , DE NYID KYI PHYIR 'DI DAG NI DUS KYI RNAM PAR GROL BA ZHES BYA'O, ,'DI DAG NI DUS LA LTOS PA YANG YIN LA RNAM PAR GROL BA YANG YIN PAS DUS KYI RNAM PAR GROL BA DAG STE, BAR GYI TSIG MI MNGON PAR BYAS PA'I PHYIR MAR GYI BUM PA BZHIN NO, ,'DI DAG GI TING NGE 'DZIN MNGON SUM DU GYUR PA NI YO BYAD DANG NAD MED PA DANG YUL GYI BYE BRAG LA LTOS PA'I PHYIR DUS LA LTOS PA YIN NO, ,MI G-YO'I CHOS CAN MI G-YO BA, ,MI G-YO BA'I CHOS CAN GYI RNAM PAR GROL BA NI YONGS SU MI NYAMS PA'I SGO NAS G-YO BAR MI NUS PA'I PHYIR MI G-YO BA YIN NO, ,DE'I PHYIR DE DUS MI SBYOR GROL, ,DE NYID KYI PHYIR DE NI DUS DANG MI SBYOR BAR RNAM PAR GROL BA ZHES BYA BA STE, DE NI 'DOD DGUR TING NGE 'DZIN MNGON SUM DU GYUR BA'I PHYIR DUS LA MI LTOS PAR RNAM PAR GROL BA YIN NO, ,YANG NA YONGS SU NYAMS PA SRID PA DANG, MI SRID PA'I SGO NAS DUS GZHAN GYI BAR DANG, GTAN DU RNAM PAR GROL BA'I PHYIR DUS KYI RNAM PAR GROL BA DANG, DUS DANG MI SBYOR BAR RNAM PAR GROL BA NYID YIN NO, ,DE NI MTHONG THOB RGYU LAS BYUNG, ,MI G-YO BA'I CHOS CAN DE NI MTHONG BAS THOB PA SNGON DU 'GRO BA YIN PAR RIG PAR BYA'O, ,CI DGRA BCOM PA DRUG PO 'DI DAG DANG PO KHO NA NAS DE'I RIGS CAN KHO NA DAG CIG YIN NAM, 'ON TE PHYIS YIN ZHE NA, ,KHA CIG DANG PO NAS DE'I RIGS, ,KHA CIG SBYANGS PA LAS GYUR TO, ,KHA CIG NI DANG PO NYID NAS 'CHI BAR SEMS PA'I CHOS CAN GYI RIGS CAN YIN LA KHA CIG NI YONGS SU NYAMS PA'I CHOS CAN DU GYUR PA LAS DBANG @32A *, ,PO RNAMS SBYANGS PAS 'CHI BAR SEMS PA'I CHOS CAN DU GYUR PA YIN TE, MI G-YO BA'I CHOS CAN DU GYUR BA'I BAR DU YANG DE DANG 'DRA BAR RIG PAR BYA'O, ,DE LA YONGS SU NYAMS PA'I CHOS CAN NI YONGS SU NYAMS PAR 'GYUR BA'I SKAL BA DANG LDAN GYI 'CHI BAR SEMS PA LA SOGS PA'I CHOS CAN NI MA YIN PA GANG YIN PA'O, ,'CHI BAR SEMS PA'I CHOS CAN NI 'CHI BAR SEMS PAR 'GYUR BA'I SKAL BA CAN GANG YIN PA'O, ,RJES SU SRUNG BA'I CHOS CAN NI RJES SU SRUNG BAR 'GYUR BA'I SKAL BA CAN GANG YIN PA'O, ,GNAS PA LAS MI BSKYOD PA NI YONGS SU NYAMS PAR 'GYUR BA'I RKYEN STOBS DANG LDAN PA MED NA RJES SU MA BSRUNGS KYANG GNAS PAR 'GYUR BA'I SKAL BA CAN YIN ZHING NYAMS PAR MI 'GYUR BA DANG MNGON PAR BRTZON PA MED NA 'PHEL BAR YANG MI 'GYUR BA'I SKAL BA CAN GANG YIN PA'O, ,RTOGS PA'I SKAL PA CAN NI MI G-YO BA RTOGS PAR 'GYUR BA'I SKAL PA CAN GANG YIN PA'O, ,MI G-YO BA'I CHOS CAN NI YONGS SU NYAMS PAR MI 'GYUR BA'I SKAL BA CAN GANG YIN PA DE KHO NA'O, ,DANG PO GNYIS NI SNGON SLOB PA'I GNAS SKABS KHO NA NA RGYUN DU SBYOR BA DANG GUS PAR SBYOR BA MED PA YIN NO, , GSUM PA NI RGYUN DU SBYOR BA YIN NO, ,BZHI PA NI GUS PAR SBYOR BA YIN NO, ,LNGA PA NI GNYI GAR SBYOR BA PA NI YIN LA DBANG PO RTUL PO YIN NO, ,DRUG PA NI GNYI GAR SBYOR BA DANG DBANG PO RNON PO YIN NO, ,YONGS SU NYAMS PA'I CHOS CAN YANG GDON MI ZA BAR YONGS SU NYAMS PAR 'GYUR BA MA YIN LA, RTOGS PA'I SKAL BA CAN GYI BAR DU YANG RTOGS BAR 'GYUR BA MA YIN GYI SRID BA'I PHYIR DE SKAD CES BSHAD DO, ,DE LTAR BYAS NA KHAMS GSUM CHAR NA YANG DGRA BCOM PA DRUG YOD PAR RUNG NGO, ,GANG DAG GI GDON MI ZA BAR YONGS SU NYAMS PAR 'GYUR BA NAS MNGON PAR RTOGS PA'I BAR DU 'GYUR BA DE DAG GI LTAR NA 'DOD PA'I KHAMS NA NI DRUG GO, ,GZUGS DANG GZUGS MED PA'I KHAMS DAG NA NI GNAS PA LAS MI BSKYOD BA DANG, MI G-YO BA'I CHOS CAN DANG GNYIS TE, DE GNYIS NA YONGS SU NYAMS PA DANG, 'CHI BAR @32B SEMS PA DANG, DBANG PO 'PHO BA MED PA'I PHYIR RO, ,'DI DAG LAS GANG ZHIG 'BRAS BU 'AM RIGS GANG LAS YONGS SU NYAMS PAR 'GYUR RO ZHE NA, BZHI NI RIGS LAS LNGA 'BRAS LAS, ,NYAMS 'GYUR, 'CHI BAR SEMS PA'I CHOS CAN LA SOGS PA BZHI NI RIGS LAS YONGS SU NYAMS PAR 'GYUR RO, ,YONGS SU NYAMS PA'I CHOS CAN NI RANG GI RIGS LAS YONGS SU NYAMS PAR MI 'GYUR RO, ,YONGS SU NYAMS PA'I CHOS CAN LA SOGS PA LNGA NI 'BRAS BU LAS KYANG YONGS SU NYAMS PAR 'GYUR RO, ,DE DAG KYANG, DANG PO LAS MA YIN, GANG GI RIGS DANG PO GANG YIN PA DE LAS NI DE YONGS SU NYAMS PAR MI 'GYUR TE, SLOB PA DANG MI SLOB PA'I LAM DAG GIS BRTAN POR BYAS PA'I PHYIR RO, ,SLOB PA NI 'JIG RTEN PA DANG 'JIG RTEN LAS 'DAS PA'I LAM DAG GIS BRTAN POR BYAS PA'I PHYIR RO, ,PHYIS SBYANGS PAS THOB PA GANG YIN PA DE LAS NI YONGS SU NYAMS PAR 'GYUR RO, ,GANG GI 'BRAS BU DANG PO GANG YIN PA DE LAS KYANG YONGS SU NYAMS PAR MI 'GYUR RO, ,LHAG MA LAS NI YONGS SU NYAMS PAR 'GYUR RO, ,DE NYID KYI PHYIR RGYUN DU ZHUGS PA'I 'BRAS BU LAS YONGS SU NYAMS PA MED DO, ,DE LTAR BYAS NA YONGS SU NYAMS PA'I CHOS CAN NI RNAM PA GSUM YIN TE, DE'I SO NA GNAS PA BZHIN DU YONGS SU MYA NGAN LAS 'DAS PA DANG, DBANG PO 'PHO BA'AM, YONGS SU NYAMS NAS SLOB PA NYID DU 'GYUR BA'O, ,'CHI BAR SEMS PA'I CHOS CAN NI BZHI STE, GSUM PO DE DAG NYID DANG, YONGS SU NYAMS PA'I CHOS CAN GYI RIGS SU SLAR 'ONG BA'O, ,DE BZHIN DU GSUM LA YANG RE RE BSKYED DE, GO RIMS BZHIN DU RNAM PA LNGA DANG DRUG DANG BDUN YIN PAR RIG PAR BYA'O, ,DE SLOB PAR GYUR NA GANG GI RIGS DANG PO GANG YIN PA DE KHO NA LA GNAS KYI GZHAN DAG LA NI MA YIN NO; ,DE LTA MA YIN NA RIGS KHYAD PAR CAN RNYED PA'I PHYIR DE 'PHEL BA KHO NAR 'GYUR GYI YONGS SU NYAMS PAR NI MI 'GYUR RO, ,CI'I PHYIR 'BRAS BU DANG PO LAS YONGS SU NYAMS PA MED CE NA, MTHONG BAS SPANG BAR BYA BA RNAMS GZHI MED PA'I PHYIR TE, DE DAG NI 'JIG TSOGS LA LTA BA'I @33A *, ,RTZA BA CAN YIN PA'I PHYIR BDAG GI GZHI LA 'JUG PA CAN YIN NA BDAG DE YANG MED DO, ,'O NA MED PA LA DMIGS PAR 'GYUR RO ZHE NA, BDEN PA LA DMIGS PA'I PHYIR MED PA LA DMIGS PA NI MA YIN GYA PHYIN CI LOG TE DMIGS PA DAG NI YIN NO, ,DE LTA MA YIN PA'I NYON MONGS PA GANG ZHIG YIN ZHE NA, KHYAD PAR YOD DE, BDAG TU LTA BA NI BDAG MED BZHIN DU GZUGS LA SOGS PA'I DNGOS PO LA BYED PA PO DANG TSOR BA PO DANG DBANG BSGYUR BA NYID DU BDAG YANG DAG BA MA YIN PA SGRO 'DOGS PAR BYED LA, MTHAR 'DZIN PA LA SOGS PA YANG DE'I GZHI LA ZHUGS PA YIN PAS GZHI MED PA DAG CES BYA'O, ,BSGOM PAS SPANG BAR BYA BA 'DOD CHAGS DANG, KHONG KHRO BA DANG, NGA RGYAL DANG, MA RIG PA RNAM PA NI GZUGS LA SOGS PA'I DNGOS PO LA CHAGS PA DANG, KUN NAS MNAR SEMS DANG, KHENGS PA DANG, MI GSAL BA'I NGO BOR ZHUGS PA 'BA' ZHIG TU ZAD PAS GZHI DANG BCAS PA DAG CES BYA STE, GANG LA DE DAG 'JUG PAR 'GYUR BA SDUG PA LA SOGS PA TZAM DE NI YOD KYI, BDAG LA SOGS PA NI BDAG KYANG MED DO, ,GZHAN DAG NI 'DI SKAD CES ZER TE, 'DI LTAR BSGOM PAS SPANG BAR BYA BA RNAMS LA NI GZHI YID DU 'ONG BA DANG YID DU MI 'ONG BA'I MTSAN NYID SO SOR NGES PA YOD KYI, MTHONG BAS SPANG BAR BYA BA RNAMS LA NI BDAG LA SOGS PA'I MTSAN NYID MED DE, DE LTA BAS NA GZHI SO SOR NGES PA MED PA DAG CES BYA'O, ,GZHAN YANG 'PHAGS PA DES PAR MI RTOG PA LA DRAN PA NYAMS PAS NYON MONGS PA RNAMS SKYE BAR 'GYUR GYI NGES PAR RTOG PA LA NI MA YIN TE, THAG PA LA SBRUL GYI 'DU SHES BZHIN NO, ,NGES PAR MI RTOG PA LA NI BDAG TU LTA BA LA SOGS PA 'BYUNG BAR MI RUNG STE, KUN DU RTOG PAR BYED PA YIN PA'I PHYIR RO, ,DE LTA BAS NA MTHONG BAS SPANG BAR BYA BA SPANGS PAS SA DANG PO LAS YONGS SU NYAMS PA MED DO, ,MDO SDE BA RNAMS NA RE DGRA BCOM PA NYID LAS KYANG YONGS SU NYAMS PA MED DO ZHES ZER TE, DE NYID RIGS PA YIN NO, ,'DI JI LTAR KHONG DU CHUD CE NA, LUNG DANG RIGS PA LAS SO, ,LUNG LAS JI LTA BU ZHE NA, DGE SLONG DAG 'PHAGS PA'I SHES RAB KYIS @33B SPANGS PA GANG YIN PA DE NI SPANGS PA YIN NO ZHES GSUNGS PA DANG, SLOB PA LA BAG YOD PA LA BAG YOD PAR BYA'O ZHES DANG SMRA'O GSUNGS KYI DGRA BCOM PA LA NI MA YIN NO, ,KUN DGA' BO DGRA BCOM PA LA YANG RNYED PA DANG BKUR STIS BAR CHAD BYED PA YIN PAR NGA SMRA'O ZHES GSUNGS PA'I MDO DE LAS NI MTHONG BA'I CHOS LA BDE BAR GNAS PA TZAM KHO NA LAS YONGS SU NYAMS PAR 'GYUR BAR GSUNGS PAR ZAD DE, 'DIS SEMS RNAM PAR GROL BA MI G-YO BA LUS KYIS MNGON SUM DU BYAS PA GANG YIN PA DE LAS NI RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O ZHES GSUNGS SO, ,GAL TE DUS DANG SBYOR BA LA YOD DO ZHE NA, KHO BO CAG KYANG DE SKAD CES NI ZER RO, ,CI DE DGRA BCOM PA NYID YIN NAM, 'ON TE BSAM GTAN PA RNAMS YIN ZHES BYA BA DPYAD PAR BYAS TE, BSAM GTAN DNGOS GZHI'I TING NGE 'DZIN NI DUS SU MNGON SUM DU 'GYUR BA'I PHYIR RNAM PAR GROL BA DUS DANG SBYOR BA ZHES KYANG BYA LA MTHONG BA'I CHOS LA BDE BAR GNAS PAR BYA BA'I PHYIR YANG DANG YANG DU BTZAL BAR BYA BA YIN PA'I PHYIR YID DU 'ONG BA ZHES KYANG BYA'O, ,GZHAN DAG NA RE RO MYANG BAR BYA BA YIN PA'I PHYIR RO ZHES ZER RO, ,DGRA BCOM PA NYID KYI RNAM PAR GROL BA NI RTAG TU RJES SU 'BREL BA'I PHYIR DUS DANG SBYOR BA YIN PAR YANG MI RUNG LA, YANG DON DU GNYER BAR BYA BA MA YIN PA'I PHYIR YID DU 'ONG BA YANG MA YIN NO, ,GAL TE YANG DGRA BCOM PA NYID LAS YONGS SU NYAMS PA SRID PA ZHIG TU GYUR NA, CI'I PHYIR BCOM LDAN 'DAS KYIS MTHONG BA'I CHOS LA BDE BAR GNAS PAR LHAG PA'I SEMS LAS BYUNG BA DAG KHO NA LAS YONGS SU NYAMS PAR 'GYUR BAR GSUNGS PAR GYUR TE, DE'I PHYIR DGRA BCOM PA THAMS CAD KYI RNAM PAR GROL BA NI MI G-YO BA YIN PAR KHONG DU CHUD DO, ,MTHONG BA'I CHOS LA BDE BAR GNAS PA DAG LAS NI LA LA NI RNYED PA DANG BKUR STIS G-YEN SBYO BA'I NYES PAS DBANG NYAMS PA'I PHYIR YONGS SU NYAMS PAR 'GYUR TE, DBANG PO RTUL PO GANG YIN PA'O, ,LA LA YONGS SU NYAMS PAR MI 'GYUR TE, DBANG PO RNON PO GANG YIN PA'O, ,DE LA GANG ZHIG @34A *, ,YONGS SU NYAMS PAR 'GYUR BA DE NI YONGS SU NYAMS PA'I CHOS CAN YIN LA, GANG ZHIG YONGS SU NYAMS PAR MI 'GYUR PA DE NI YONGS SU NYAMS PAR MI 'GYUR BA'I CHOS CAN YIN TE, DE BZHIN DU 'CHI BAR SEMS PA'I CHOS CAN LA SOGS PA LA YANG SBYAR BAR BYA'O, , YONGS SU MI NYAMS PA'I CHOS CAN DANG, GNAS PA LAS MI BSKYOD PA DANG, MI G-YO BA'I CHOS CAN RNAMS LA KHYAD PAR CI YOD CE NA, YONGS SU MI NYAMS PA'I CHOS CAN NI SBYANGS PA LAS GYUR PA NI MA YIN LA, MI G-YO BA'I CHOS CAN NI SBYANGS PA LAS GYUR PA YIN TE, DE GNYIS NI TING NGE 'DZIN GYI KHYAD PAR GANG KHO NA SKYED PAR BYED PA DE LAS YONGS SU NYAMS PAR MI 'GYUR RO, ,GNAS PA LAS MI BSKYOD PA NI YON TAN GANG KHO NAL GNAS PA DE LAS YONGS SU NYAMS PAR MI 'GYUR BA 'BA' ZHIG TU ZAD KYI, GZHAN YANG SKYED PAR MI BYED PA'AM, SKYED PAR BYED NA YANG DE LAS G-YO BAR 'GYUR BA YIN PAS 'DI NI KHYAD PAR YIN PAR MNGON NO, ,TSE DANG LDAN PA GNAG TSOGS CAN SLOB PAR GYUR PA HA CANG RO MYANG BA'I PHYIR DANG, DBANG BO RTUL PO YIN PA'I PHYIR SEMS RNAM PAR GROL BA DUS DANG SBYOR BA PA LAS YANG DANG YANG DU YONGS SU NYAMS PA DANG, YI CHANG NAS LUS DANG SROG LA MI LTA BAR MTSON GYIS 'DEBS PAR BYED LA, 'CHI BA'I DUS KHO NAR DGRA BCOM PA NYID THOB CING YONGS SU MYA NGAN LAS 'DAS PAR YANG GYUR TE, DE LTA BAS NA DE YANG DGRA BCOM PA NYID LAS YONGS SU NYAMS PA MA YIN NO, ,BCU LAS 'PHROS PA LAS KYANG BSKYED PAR BYA BA'I CHOS NI GCIG STE, SEMS RNAM PAR GROL BA DUS DANG SBYOR BA BA YID DU 'ONG BA YIN NO, ,MNGON SUM DU BYA BA'I CHOS NI GCIG STE, SEMS RNAM PAR GROL BA MI G-YO BA YIN NO ZHES GSUNGS TE, GAL TE SEMS RNAM PAR GROL BA DUS DANG SBYOR BA BA YID DU 'ONG BA DGRA BCOM PA NYID KHO NA YIN PAR GYUR NA; CI'I PHYIR BCU TSAN DE KHO NA LAS DGRA BCOM PA NYID LAN GNYIS SU SMOS PAR 'GYUR, DGRA BCOM PA NYID BSKYED PAR BYA BA YIN PAR NI GANG DU YANG MA GSUNGS SO, ,'O NA CI ZHE NA, MNGON SUM DU BYA BA YIN NO, ,DBANG PO RTUL POS BSDUS PA'I DGRA BCOM PA NYID BSKYED PAR @34B BYA BA YIN NO ZHE NA, YANG 'DIS CI ZHIG SHES PAR BYA BA YIN, RE ZHIG GAL TE BSKYED PAR BYA BAR NUS PA YIN NO ZHE NA NI, GZHAN YANG NUS SO, ,'ON TE BSKYED PAR 'OS PA YIN NO ZHE NA NI GZHAN CHES SHIN TU 'OS PA YIN TE, DE LTA BAS NA RNAM PAR GROL BA DUS DANG SBYOR BA PA NI DGRA BCOM PA NYID MA YIN NO, ,'O NA DUS KYIS RNAM PAR GROL BA'I DGRA BCOM PA ZHES JI SKAD CES BYA ZHE NA, GANG ZHIG DBANG PO RTUL PO'I PHYIR TING NGE 'DZIN MNGON SUM DU 'GYUR BA DUS LA LTOS PA YIN NO, ,BZLOG PA NI DUS DANG MI SBYOR BAR RNAM PAR GROL BA YIN NO, ,CHOS MNGON PA LAS KYANG, GNAS GSUM GYIS 'DOD PA'I 'DOD CHAGS KYI PHRA RGYAS SKYE BAR 'GYUR TE, 'DOD PA'I 'DOD CHAGS KYI PHRA RGYAS MA SPANGS SHING YONGS SU MA SHES PA YIN, 'DOD PA'I 'DOD CHAGS KYI KUN NAS DKRIS PAR GYUR PA'I CHOS RNAMS KYANG SNANG BAR GYUR PA YIN, DE LA YANG TSUL BZHIN MA YIN PA YID LA BYED PA YIN ZHES GSUNGS SO, ,GAL TE DE LTA BU NI RGYU YONGS SU TSANG BA LAS SKYES PA YIN NO ZHE NA, RGYU YONGS SU MA TSANG BAR GO GANG ZHIG SKYE ZHE NA, RE ZHIG LUNG LAS NI DE LTA BU YIN NO, ,RIGS PA LAS JI LTA BU ZHE NA, RE ZHIG GAL TE DGRA BCOM PA LA GANG GIS NA NYON MONGS PA RNAMS GTAN TU MI SKYE BA'I CHOS NYID DU GYUR PA DE LTA BU'I GNYEN PO ZHIG SKYES NA NI JI LTAR NA YANG YONGS SU NYAMS PAR 'GYUR, 'ON TE MA SKYES TE DE'I SA BON GYI CHOS NYID GTAN DU RTZA NAS MA BTON NA NI JI LTAR ZAG PA ZAD PA YIN, ZAG PA MA ZAD NA YANG JI LTAR DGRA BCOM PA NYID YIN TE, RIGS PA LAS NI DE LTA BU YIN NO, ,'O NA NI GANG LAS 'DI SKAD DU 'PHAGS PA NYAN THOS PA DANG LDAN PA DE LTAR SPYOD PA DE LTAR GNAS PA DE BRGYA LA RES 'GA' ZHIG DRAN PA NYAMS PA LAS SDIG PA MI DGE BA'I RNAM PAR RTOG PA DAG SKYE BAR 'GYUR RO ZHES GSUNGS PA SOL BA'I PHUNG PO LTA BU'I MDO'I LAN GDAB DGOS SO, ,DE NI DE LAS DGRA BCOM PA KHO NA YIN PAR BSTAN TE, YUN RING PO NAS SEMS DBEN BA LA GZHOL BA YIN ZHES BYA BA NAS, MYA NGAN LAS 'DAS PA LA BAB PA YIN ZHES BYA BA'I @35A *, ,BAR DU GSUNGS PA'I PHYIR RO, ,GZHAN LAS DE NI DGRA BCOM PA'I STOBS YIN PAR YANG GSUNGS LA, ZAG PA'I GNAS LTA BU'I CHOS THAMS CAD LAS NI BSIL BAR GYUR CING BSIL BAR GYUR PA ZHES KYANG GSUNGS PA'I PHYIR RO, ,DE SKAD DU 'BYUNG BA YANG YOD MOD KYI JI SRID DU SPYOD PA LEGS PAR MA RTOGS PA DE SRID DU SLOB PA DE LTAR SPYOD PA LA YANG NYON MONGS PA 'BYUNG BA SRID PA YOD PAS SLOB PA'I GNAS SKABS KYI DBANG DU MDZAD NAS DE SKAD DU GSUNGS PA'I PHYIR NYES PA MED DO, ,BYE BRAG TU SMRA BA RNAMS NI DGRA BCOM PA NYID LAS KYANG YONGS SU NYAMS PAR 'GYUR BAR BRJOD DO, ,CI DGRA BCOM PA DE DAG KHO NA RIGS DRUG DANG LDAN NAM, 'ON TE GZHAN DAG KYANG RIGS DRUG DANG LDAN ZHE NA, SLOB DANG 'PHAGS MIN RIGS DRUG LDAN, ,SLOB PA DANG SO SO'I SKYE BO RNAMS KYANG DE BZHIN DU RIGS DRUG DANG LDAN TE, DGRA BCOM PA'I RIGS RNAMS NI DE DAG SNGON DU 'GRO BA YIN NO, ,GZHAN YANG, MTHONG BA LA NI 'PHO BA MED, ,MTHONG BA'I LAM LAS GZHAN PA LA DBANG PO 'PHO BA YONG KYI SBYOR BA MI SRID PA'I PHYIR MTHONG BA'I LAM LA NI MA YIN NO, ,LA LA NI SO SO'I SKYE BO'I GNAS SKABS NA DBANG PO RNAMS 'PHO'O, ,LA LA NI DAD PAS MOS PA'I GNAS SKABS NA'O, ,MDO LAS 'DI SKAD DU, 'DIS MTHONG BA'I CHOS LA BDE BAR GNAS PA LHAG PA'I SEMS LAS BYUNG BA BZHI THOB PA GANG DAG YIN PA DE LAS GANG YANG RUNG BA ZHIG LAS 'DI YONGS SU NYAMS PAR 'GYUR BAR NI BSMRA'I,? 'DI GCIG PUS SEMS KYI RNAM PAR GROL BA MI G-YO BA'I BAR DU LUS KYIS MNGON SUM DU BYAS PA GANG YIN PA DE LAS NI 'DI'I RNAM GRANGS GANG GIS KYANG YONGS SU NYAMS PAR 'GYUR BAR NA MI SMRA'O ZHES GANG GSUNGS PA YANG JI LTAR NAM G-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PAR 'GYUR ZHE NA, THOB DANG MA THOB NYER SPYAD LAS, ,YONGS NYAMS RNAM PA GSUM SHES BYA, ,GAL TE YON TAN THOB PA LAS YONGS SU NYAMS NA THOB PA LAS YONGS SU NYAMS PA YIN NO, ,GAL TE YON TAN THOB PAR BYA BA MA THOB NA MA THOB PA LAS YONGS SU @35B NYAMS PA YIN NO, ,GAL TE YON TAN THOB PA MNGON SUM DU MI BYED NA NYE BAR SPYOD PA LAS YONGS SU NYAMS PA YIN NO, ,YONGS SU NYAMS PA 'DI RNAMS LAS, ,STON PA THA MA MI G-YO LA, ,BAR MA 'ANG GZHAN LA RNAM GSUM MO, ,SANGS RGYAS LAN NYE BAR SPYAD PA LAS YONGS SU NYAMS PA KHO NA MNGA'I GZHAN NI MI MNGA'O, ,MI G-YO BA'I CHOS CAN LA NI DE DANG MA THOB PA LAS YONGS SU NYAMS PA YANG YOD DE, GANG ZAG KHYAD PAR CAN GYI CHOS MA THOB PA'I PHYIR RO, ,DGRA BCOM PA GZHAN LA NI THOB PA LAS YONGS SU NYAMS PA YANG YOD DO, ,DE'I PHYIR MI G-YO BA'I CHOS CAN NYE BAR SPYAD PA LAS YONGS SU NYAMS PAR 'GYUR BA'I PHYIR MDO DANG MI 'GAL LO, ,YONGS SU MI NYAMS PAR SMRA BA NA RE THAMS CAD KYI RNAM PAR GROL BA ZAG PA MED PA NI MI G-YO BA YIN LA, MI G-YO BA'I CHOS CAN DU JI LTAR RNAM PAR GZHAG PA NI DE BZHIN DU BSHAD ZIN PA DE'I PHYIR 'DI NI KLAN KAR MI RUNG NGO ZHES ZER RO, ,YANG GANG ZHIG DGRA BCOM PA'I 'BRAS BU LAS YONGS SU NYAMS NA CI DE YANG SKYE 'AM ZHE NA, DE LTA BU NI MED DE, 'DI LTAR, 'BRAS LAS NYAMS PA 'CHI BA MED, ,'BRAS BU LAS YONGS SU NYAMS PA NI 'GA' YANG 'CHI BA MED DE, MDO LAS, DGE SLONG DAG 'PHAGS PA NYAN THOS THOS PA DANG LDAN PA LA DRAN PA NYAMS PA CHUNG DU 'BYUNG MOD KYI 'ON KYANG YANG MYUR BA KHO NAR NUB PA DANG YONGS SU ZAD PA DANG YONGS SU GTUGS PAR 'GYUR RO ZHES 'BYUNG BA'I PHYIR RO, ,DE LTA MA YIN NA TSANGS PAR SPYOD PA YID BRTAN DU MI RUNG BAR 'GYUR RO, ,'BRAS BU GANG ZHIG LAS YONGS SU NYAMS PA NI 'BRAS BU DE LA GNAS PAS BYA BA MA YIN PA GANG YIN PA'I, BYA BA MA YIN DE MI BYED, ,YONGS SU NYAMS KYANG 'BRAS BU DE DANG 'GAL BA'I BYA BA MI BYED DE, RTZAL PO CHE BRED PA RDEG MI 'CHA' BA BZHIN NO, ,YANG DBANG PO RNAMS 'PHO BA LA BAR CHAD MED PA DANG RNAM PAR GROL BA'I LAM DU DAG CIG SKYE ZHE NA, MI G-YO RNAM GROL BAR CHAD MED, ,LAM DGU'O, ,RTOGS PA'I SKAL BA CAN ZHIG MI G-YO BA'I RIGS CAN RTOGS PAR BYED NA BAR CHAD MED PA'I LAM DGU DANG, RNAM PAR GROL BA'I LAM DGU SKYE STE, DPER NA DGRA BCOM PA NYID THOB PA BZHIN NO, ,CI'I PHYIR ZHE NA, @36A *, ,DBANG PO RTUL BO'I RIGS DE SHIN TU BRTEN PHYIR RO, ,DES DBANG PO RTUL PO'I RIGS DE SHIN TU GOMS PAR BYAS PA YIN PAS 'BAD PA CHUNG DUS BZLOG PAR MI NUS TE, SLOB PA DANG MI SLOB PA'I LAM DAG GIS BRTAN POR BYAS PA'I PHYIR RO, ,MTHONG BAS THOB LA RE RE'O, ,MTHONG BAS THOB PA RTOGS PAR BYED NA BAR CHAD MED PA'I LAM GCIG KHO NA DANG RNAM PAR GROL BA'I LAM GCIG KHO NA SKYE'O, ,SBYOR BA'I LAM NI THAMS CAD DU GCIG KHO NA YIN NO, ,BAR CHAD MED PA DANG RNAM PAR GROL BA'I LAM DE DAG THAMS CAD NI, ZAG MED, 'PHAGS PA RNAMS KYI DBANG PO NI ZAG PA DANG BCAS PA'I LAM GYIS 'PHO BA MED DO, ,DBANG PO RNAMS GANG DU 'PHO ZHE NA, MI YI NANG DU 'PHO, ,MI RNAMS KYI NANG KHO NAR DBANG PO 'PHO'I GZHAN DU NI MA YIN TE, YONGS SU NYAMS PA MI SRID PA'I PHYIR RO, ,GANG ZHIG SA GANG LA BRTEN NAS DBANG PO RNAMS 'PHO BAR BYED CE NA, MI SLOB PA DGU LA BRTEN TE, MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI DANG, GZUGS MED PA GSUM PA LA'O, ,SLOB PA DRUG LA, GZUGS MED PA RNAMS MA GTOGS SO, ,CI'I PHYIR ZHE NA, GANG GI PHYIR; 'PHEL BA 'BRAS BU KHYAD PAR CAN, ,BTANG STE 'BRAS BU THOB PAR 'GYUR, ,DBANG PO RNAMS 'PHO BA NA DBANG BO RTUL PO'I LAM GYI 'BRAS BU DANG 'BRAS BU KHYAD PAR CAN BTANG STE DBANG PO RNON PO'I RIGS KYI LAM GYI 'BRAS BU KHO NA 'THOB PAR 'GYUR NA, PHYIR MI 'ONG BA'I 'BRAS BU GZUGS MED PAS BSDUS PA NI MED DO ZHES BYA BA 'DI NI GTAN TSIGS YIN NO, ,DGRA BCOM PA 'DI DAG THAMS CAD NI DBANG PO'I BYE BRAG LAS DGU KHO NA YIN TE, JI LTAR BYAS PAS SHI NA, SANGS RGYAS GNYIS DANG NYAN THOS BDUN, ,DE DGU DBANG PO RNAM DGU CAN, ,NYAN THOS BDUN GANG ZHE NA, ,YONGS SU NYAMS PA'I CHOS CAN LA SOGS PA LNGA DANG, MI G-YO BA'I CHOS CAN RNAM PA GNYIS TE, SBYANGS PA LAS GYUR PA DANG, DANG PO NAS DE'I RIGS CAN NO, ,SANGS RGYAS GNYIS NI MI G-YO BA'I BYE BRAG KHO NA YIN TE, RANG SANGS RGYAS DANG, SANGS RGYAS SO, ,DE @36B LTAR NA DE DAG NI CHUNG NGU'I CHUNG NGU LA SOGS PA DBANG PO RNAM BA DGU'I BYE BRAG GIS GANG ZAG DGU YIN NO, ,'PHAGS PA'I GANG ZAG RNAMS NI THAMS CAD DU BDUN YIN TE, DAD PAS RJES SU 'BRANG BA DANG, CHOS KYIS RJES SU 'BRANG BA DANG, DAD PAS MOS PA DANG, MTHONG BAS THOB PA DANG, LUS KYIS MNGON SUM DU BYED PA DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA'O, ,GANG ZAG BDUN PO DE DAG KYANG SBYOR BA DANG, DBANG BO SNYOMS 'JUG RNAM GROL DANG, ,GNYI GAS BYAS PA'O, ,SBYOR BA LAS NI DAD PAS RJES SU 'BRANG BA DANG, CHOS KYIS RJES SU 'BRANG BA DAG STE, DANG PO NYID NAS GZHAN GYI DRING 'JOG PA DANG, CHOS KYIS RJES SU 'BRANG BA DAG GIS DON RNAMS LA SBYOR BA'I PHYIR RO, ,DBANG PO LAS NI DAD PAS MOS PA DANG, MTHONG BAS THOB PA DAG STE, DAD PAS MOS PA DANG SHES RAB LHAG BA'I SGO NAS DBANG PO RTUL PO DANG RNON PO YIN PA'I PHYIR RO, ,SNYOMS PAR 'JUG PA LAS NI LUS KYIS MNGON SUM DU BYED PA STE, 'GOG PA'I SNYOMS PAR 'JUG PA MNGON SUM DU BYED PA'I PHYIR RO, ,RNAM PAR GROL BA LAS NI SHES RAB KYIS RNAM PAR GROL BA'O, ,SNYOMS PAR 'JUG PA DANG RNAM PAR GROL BA LAS NI GNYI GA'I CHA LAS RNAM PAR GROL BA'O, ,MING GI SGO NAS NI GANG ZAG DE BDUN YIN NO, ,DE DAG DRUG ,RDZAS SU NI DE DAG DRUG YIN TE, 'DI LTAR LAM GSUM LA GNYIS GNYIS, MTHONG BA'I LAM LA GANG ZAG GNYIS TE, DAD PAS RJES SU 'BRANG BA DANG, CHOS KYIS RJES SU 'BRANG BA DAG GO, ,DE DAG NYID BSGOM PA'I LAM LA GNYIS TE, DAD PAS MOS PA DANG, MTHONG BAS THOB PA DAG GO, ,DE GNYIS KYANG MI SLOB PA'I LAM LA GNYIS YIN TE, DUS KYIS RNAM PAR GROL BA DANG, ,DUS DANG MI SBYOR BAR RNAM PAR GROL BA DAG GO, ,DE LA DAD PAS RJES 'BRANG BA DBANG PO'I SGO NAS NI GSUM MO, ,RIGS KYI SGO NAS NI LNGA'O, ,LAM GYI SGO NAS BCO LNGA STE, BZOD PA BRGYAD DANG SHES PA BDUN LA GNAS PA'O, ,'DOD CHAGS DANG BRAL BA'I SGO NAS NI BDUN CU RTZA GSUM STE, 'CHING BA @37A *, ,MTHA' DAG DANG LDAN PA DANG 'DOD PA LAS 'DOD CHAGS DANG BRAL BA'I PHYIR DGU NAS DE BZHIN DU CI YANG MED PA'I SKYE MCHED LAS 'DOD CHAGS DANG BRAL BA'I PHYIR GYI BAR DU'O, ,RTEN GYI SGO NAS NI DGU STE, GLING GSUM DANG LHA'I RIS DRUG TU SKYES PA'O, ,DBANG PO DANG RIGS DANG LAM DANG 'DOD CHAGS DANG BRAL BA DANG RTEN GYI SGO NAS BSDOMS NA NI, 'BUM BZHI KHRI BDUN STONG BRGYAD BRGYA NYI SHU RTZA LNGAR 'GYUR TE, GANG ZAG GZHAN DAG KYANG CI RIGS PAR DE BZHIN DU BRTZI BAR BYA'O, ,GNYI GA'I CHA LAS RNAM PAR GROL BA ZHES BYA BA 'DI NI GANG, SHES RAB KYIS RNAM PAR GROL BA NI GANG ZHE NA, 'GOG THOB GNYI GA LAS RNAM GROL, ,SHES RAB KYIS NI CIG SHOS SO, ,GANG 'GOG PA'I SNYOMS PAR 'JUG PA THOB PA DE NI GNYI GA'I CHA LAS RNAM PAR GROL BA YIN TE, SHES RAB DANG TING NGE 'DZIN GYI STOBS DAG GIS NYON MONGS PA DANG, SNYOMS PAR 'JUG PA'I SGRIB PA LAS RNAM PAR GROL BA'I PHYIR RO, ,CIG SHOS NI SHES RAB KYIS RNAM PAR GROL BA YIN TE, SHES RAB KYI STOBS KYIS NYON MONGS PA'I SGRIB PA 'BA' ZHIG LAS RNAM PAR GROL BA'I PHYIR RO, ,BCOM LDAN 'DAS KYIS, 'DI LA GANG ZHIG NYON MONGS LNGA SPANGS TE, ,MI 'PHROGS CHOS LDAN SLOB PA YONGS SU RDZOGS, ,ZHES GANG GSUNGS PA, JI TZAM GYIS NA SLOB PA YONGS SU RDZOGS PA YIN ZHE NA, SNYOMS 'JUG DBANG PO 'BRAS RNAMS KYIS, ,SLOB PA YONGS RDZOGS ZHES BYA'O, ,SLOB PA YONGS SU RDZOGS PA NI RNAM PA GSUM STE, 'BRAS BU DANG, DBANG PO DANG, SNYOMS PAR 'JUG PA LAS SO, ,PHYIR MI 'ONG BA DAD PAS MOS PA LUS KYIS MNGON SUM DU BYED PA MA YIN PA NI 'BRAS BU KHO NA LAS SO, ,MTHONG BAS THOB PA 'DOD CHAGS DANG MA BRAL BA NI DBANG PO KHO NA LAS SO, ,PHYIR MI 'ONG BA MTHONG BAS THOB PA LUS KYIS MNGON SUM DU BYED PA MA YIN PA NI 'BRAS BU DANG DBANG PO LAS SO, ,DAD PAS MOS PA LUS KYIS MNGON SUM DU BYED PA NI 'BRAS BU DANG SNYOMS PAR 'JUG PA KHO NA LAS SO, ,MTHONG BAS THOB PA LUS KYIS MNGON SUM DU BYED PA NI 'BRAS BU DANG, DBANG PO DANG, SNYOMS PAR 'JUG PA @37B LAS SO, ,SNYOMS PAR 'JUG PA KHO NA DANG, SNYOMS PAR 'JUG PA DANG, DBANG PO LAS YONGS SU RDZOGS PA NYID NI MAD DO, ,GNYIS KYIS MI SLOB YONGS SU RDZOGS, ,DBANG PO DANG SNYOMS PAR 'JUG PA LAS SO, ,'BRAS BU YONGS SU MA RDZOGS PA LA NI MI SLOB PA NYID KYANG MED PA KHO NA YIN PAS 'DI'I 'BRAS BU RDZOGS PA NI YONGS SU RDZOGS PA NYID DU RNAM PAR MA BZHAG GO, ,SHES RAB KYIS RNAM PAR GROL BA DUS DANG MI SBYOR BAR RNAM PAR GROL BA NI DBANG PO KHO NA LAS SO, ,GNYI GA'I CHA LAS RNAM PAR GROL BA DUS KYIS RNAM PAR GROL BA NI SNYOMS PAR 'JUG PA KHO NA LAS SO, ,GNYI GA'I CHA LAS RNAM PAR GROL BA DUS DANG MI SBYOR BAR RNAM PAR GROL BA NI DBANG PO DANG SNYOMS PAR 'JUG PA DAG LAS SO, ,'JIG RTEN PA DANG 'JIG RTEN LAS 'DAS PA DANG, MTHONG BA DANG BSGOM PA DANG MI SLOB PA'I LAM RNAMS DANG, SBYOR BA DANG, BAR CHAD MED PA DANG RNAM PAR GROL BA'I LAM DANG KHYAD PAR CAN GYI LAM RNAMS ZHES BYA BA LAM GYI BYE BRAG MANG PO ZHIG BSHAD PA DE DAG MDOR BSDU NA LAM RNAM PA DU ZHIG YIN ZHE NA, MDOR NA LAM NI RNAM PA BZHI STE, KHYAD PAR CAN DANG RNAM GROL DANG, ,BAR CHAD MED DANG SBYOR ZHES BYA, ,SBYOR BA'I LAM NI GANG GI MJUG THOGS SU BAR CHAD MED PA'I LAM SKYE BA'O, ,BAR CHAD MED PA'I LAM NI GANG GIS SGRIB PA RAB TU SPONG BA'O, ,RNAM PAR GROL BA'I LAM NI DES SPANG BAR BYA BA'I SGRIB PA LAS NGES PAR GROL PA DANG PO NYID DU SKYE BA GANG YIN PA'O, ,KHYAD PAR CAN GYI LAM NI DE DAG LAS GZHAN PA'I LAM GANG YIN PA'O, ,CI'I PHYIR LAM ZHES BYA ZHE NA, DE NAS DER 'GRO BA'I PHYIR RAM, 'DIS MYA NGAN LAS 'DAS PA TSOL BA'I PHYIR 'DI NI MYA NGAN LAS 'DAS PA'I LAM YIN NO, ,RNAM PAR GROL BA DANG KHYAD PAR CAN GYI LAM DAG JI LTAR NA LAM NYID YIN ZHE NA, DE DANG 'DRA BA DANG, CHES CHE BA YIN PA'I PHYIR TE, GONG NAS GONG DU PHYIN PAR BYED PA'I PHYIR RAM, PHUNG PO'I LHAG MA MA LUS PAR 'JUG PA'I PHYIR RO, ,YANG LAM NYID MYA NGAN LAS 'DAS PA SGRUB PAR BYED PA'I PHYIR SGRUB PA ZHES GSUNGS SO, ,LAM NI BZHI STE, MNGON PAR SHES PA BUL LA DKA' BA'I @38A *, ,LAM YANG YOD, MNGON PAR SHES PA MYUR LA DKA' BA'I LAM YANG YOD DE, DE BZHIN DU SLA BA YANG RNAM PA GNYIS SO, ,DE LA, BSAM GTAN DAG GI LAM RNAMS SLA, ,BSAM GTAN BZHI'I LAM NI SLA BA YIN TE, YAN LAG GIS YONGS SU ZIN PA DANG, ZHI GNAS DANG LHAG MTHONG MNYAM PA DAG GIS 'BAD MI DGOS PAR RANG GI DANG GIS 'BYUNG BA'I PHYIR RO, ,SA GZHAN DAG GI DKA' BA YIN, ,MI LCOGS PA MED PA DANG, BSAM GTAN KHYAD PAR CAN DANG, GZUGS MED PA RNAMS KYI LAM NI, YAN LAG GIS YONGS SU MA ZIN PA'I PHYIR DANG, ZHI GNAS DANG LHAG MTHONG CHUNG BA'I PHYIR LAM DKA' BA YIN TE, MI LCOGS PA MED PA DANG BSAM GTAN KHYAD PAR CAN NA NI ZHI GNAS CHUNG NGO, ,GZUGS MED PA DAG NA NI LHAG MTHONG CHUNG NGO, ,LAM DE YANG RNAM PA GNYIS TE, BLO RTUL MNGON SHES BUL BA STE, ,CIG SHOS KYI NI MNGON SHES MYUR, ,DBANG PO RTUL BO NI LAM SLA BA 'AM DKA' BA YANG RUNG STE, MNGON PAR SHES PA BUL BA YIN NO, ,DBANG PO RNON PO NI MNGON PAR SHES PA MYUR BA YIN NO, ,LAM NYID LA MNGON PAR SHES PA BUL BA YOD BSAN 'DI NI MNGON PAR SHES PA BUL BA STE, MNGON PAR SHES PA MYUR BA YANG DE DANG 'DRA'O, ,YANG NA 'DI GANG ZAG DBANG PO RTUL PO'I YIN PAS MNGON PAR SHES PA BUL BA YIN LA, YID RNON PO'I YIN PAS MNGON PAR SHES PA MYUR BA'O, ,LAM 'DI NI BYANG CHUB KYI PHYOGS DANG MTHUN PA ZHES BYA BA'I MING 'THOB STE, BYANG CHUB KYI PHYOGS DANG MTHUN PA SUM CU RTZA BDUN NI DRAN PA NYE BAR GZHAG PA BZHI DANG, YANG DAG PAR SBONG BA ZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD DO, ,DE LA ZAD DANG MI SKYE SHES PA NI, BYANG CHUB ZAD PA DANG MI SKYE BA SHES PA NA GANG ZAG GI BYE BRAG GIS NYAN THOS KYI BYANG CHUB DANG, RANG SANGS RGYAS KYI BYANG CHUB DANG, BLA NA MED PA YANG DAG PAR RDZOGS PA'I BYANG CHUB DANG, BYANG CHUB GSUM ZHES BYA STE, DE GNYIS KYIS MA RIG PA MA LUS PAR SPANGS PA'I PHYIR DANG, RANG GI DON BYAS PA DANG, YANG @38B BYAR MED PA NYID YANG DAG PA JI LTA BA BZHIN DU RTOGS PA'I PHYIR RO, ,DE DANG MTHUN NYID PHYIR, SUM CU RTZA BDUN DE'I PHYOGS MTHUN, ,BYANG CHUB DANG MTHUN PA'I PHYIR RO, ,MING GI SGO NAS, BYANG CHUB KYI PHYOGS DANG MTHUN PA SUM CU RTZA BDUN ZHES BYA'O, ,RDZAS SU BCU, BYANG CHUB KYI PHYOGS DANG MTHUN PA THAMS CAD NI RJA SA SU BCU STE, BCU GANG ZHE NA, DAD DANG BRTZON 'GRUS DRAN PA DANG, ,SHES RAB TING 'DZIN BTANG SNYOMS DGA', ,RTOG DANG TSUL KHRIMS SHIN TU SBYANGS, ,DE LTAR BYAS NA DE DAG NI RDZAS SU BCU'O, ,JI LTAR BYAS PAS SHAN, DRAN PA NYER GZHAG SHES RAB STE; ,BRTZON 'GRUS YANG DAG 'JOG CES BYA, ,RDZU 'PHRUL RKANG PA TING 'DZIN TO, ,DRAN PA NYE BAR GZHAG PA DANG YANG DAG PAR RAB TU 'JOG PA DANG, RDZU 'PHRUL GYI RKANG PA RNAMS NI SHES RAB DANG, BRTZON 'GRUS DANG, TING NGE 'DZIN GYI RANG BZHIN DAG YIN NO, ,DE'I PHYIR RE ZHIG DBANG PO DANG STOBS RNAMS NI MING GIS SMOS PA DAD PA DANG BRTZON 'GRUS DANG DRAN PA DANG TING NGE 'DZIN DANG SHES RAB KYI RDZAS LNGA YIN TE, DRAN PA NYE BAR GZHAG PA RNAMS DANG, CHOS RNAM PAR 'BYED PA YANG DAG BYANG CHUB KYI YAN LAG DANG, YANG DAG PA'I LTA BA NI SHES RAB KHO NA YIN NO, ,YANG DAG PAR RAB TU 'JOG PA RNAMS DANG, BRTZON 'GRUS YANG DAG BYANG CHUB KYI YAN LAG DANG, YANG DAG PA'I RTZOL BA NI BRTZON 'GRUS KHO NA YIN NO, ,RDZU 'PHRUL GYI RKANG PA RNAMS DANG, TING NGE 'DZIN YANG DAG BYANG CHUB KYI YAN LAG DANG, YANG DAG PA'I TING NGE 'DZIN NI TING NGE 'DZIN KHA NA YIN NO, ,DRAN PA YANG DAG BYANG CHUB KYI YAN LAG DANG, YANG DAG PA'I DRAN PA NI DRAN PA KHO NA YIN NO, ,CI ZHIG LUS SHE NA, DGA' BA DANG, SHIN TU SBYANGS PA DANG, BTANG SNYOMS YANG DAG BYANG CHUB KYI YAN LAG DANG, YANG DAG PA'I RTOG PA DANG, TSUL KHRIMS KYI YAN LAG RNAMS DANG RDZAS DE LNGA STE, DE LTAR NA BYANG CHUB KYI PHYOGS DANG MTHUN PA DE DAG NI RDZAS BCU YIN NO, ,BYE BRAG TU SMRA BA RNAMS KYI LTAR NA LUS DANG NGAG GI LAS DAG THA DAD CING RIGS MI MTHUN PA'I PHYIR TSUL KHRIMS KYI YAN LAG RNAMS RDZAS GNYIS YIN PAS RDZAS BCU GCIG YIN NO, ,'DI SKAD DU DRAN PA NYE BAR GZHAG PA @39A *, ,LA SOGS PA NI SHES RAB DANG BRTZON 'GRUS DANG, TING 'DZIN GYI RANG BZHIN DAG YIN NO ZHES BSHAD PA GANG YIN PA DER NI, GTZO BO SMOS PA YIN PAR RIG PAR BYA'O, ,DE DAG NI, SBYOR BYUNG YON TAN KUN KYANG YIN, ,GTZO BO SMOS PAS DE SKAD BSHAD KYI, DRAN PA NYE BAR GZHAG PA DANG, YANG DAG PAR RAB TU 'JOG PA DANG, RDZU 'PHRUL GYI RKANG PA RNAMS NI SBYOR BA LAS BYUNG BA'I YON TAN THAMS CAD KYANG YIN NO, ,CI'I PHYIR BRTZON 'GRUS LA YANG DAG PAR RAB TU 'JOG PA ZHES BSHAD CE NA, DES LUS DANG NGAG DANG YID YANG DAG PAR 'JOG PAS SO, ,CI'I PHYIR TING NGE 'DZIN LA RDZU 'PHRUL GYI RKANG PA ZHES BSHAD CE NA, DE NI YON TAN THAMS CAD SBYOR BA'I RTEN YIN PA'I PHYIR RO, ,GANG DAG RDZU 'PHRUL NI TING NGE 'DZIN KHO NA YIN LA, 'DUN PA LA SOGS PA NI RKANG PA YIN NO ZHES ZER BA DE DAG GI LTAR NA NI 'DUN PA DANG SEMS DAG LHAG PA'I PHYIR BYANG CHUB KYI PHYOGS DANG MTHUN PA RDZAS BCU GSUM DU 'GYUR LA, DGE SLONG DAG RDZU 'PHRUL YANG BSHAD PA RDZU 'PHRUL GYI RKANG PA RNAMS KYANG BSHAD DO ZHES BYA BA NAS, RDZU 'PHRUL GANG ZHE NA, 'DI NA DGE SLONG RDZU 'PHRUL GYI YUL RNAM PA DU MA NYAMS SU MYONG BAR BYED CING, GCIG TU GYUR NAS MANG POR 'GYUR ZHES BYA BA'I BAR RGYAS PAR GSUNGS PA'I MDO DANG YANG 'GAL LO, ,CI'I PHYIR DBANG PO RNAMS KHO NA YANG STOBS RNAMS SU BSHAD CE NA, CHUNG DU DANG CHEN PO'I BYE BRAG GIS RDZI BA DANG RDZI BA MED PA'I PHYIR RO, ,DBANG PO RNAMS KYI GO RIMS CIS BYAS SHE NA, DAD PAR GYUR PA NI 'BRAS BU'I DON DU BRTZON 'GRUS RTZOM PAR BYED DO, ,BRTZON 'GRUS BRTZAMS NA DRAN PA NYE BAR GNAS PAR 'GYUR RO, ,DRAN PA NYE BAR GNAS NA RNAM PAR MI G-YENG BA'I PHYIR SEMS MNYAM PAR 'JOG GO, ,SEMS MNYAM PAR GZHAG NA YANG DAG PA JI LTA BA BZHIN RAB TU SHES PAR 'GYUR RO, ,GNAS SKABS GANG DU BYANG CHUB KYI PHYOGS DANG MTHUN PA GANG ZHIG RAB TU 'BYED CAN BYE BRAG TU SMRA BA RNAMS NA RE, SNGE TSAN BDUN NI GO RIGS BZHIN, ,LAS NI DANG PO PA DAG DANG, ,NGES 'BYED CHA MTHUN RNAMS DANG NI, ,BSGOM DANG MTHONG LA RAB TU PHYE, ,LAS @39B DANG PO PA'I GNAS SKABS SU NI LUS LA SOGS PA LA NYE BAR BRTAG PA'I PHYIR DRAN PA NYE BAR GZHAG PA RNAMS SO, ,KHYAD PAR THOB PAS BRTZON 'GRUS YANG DAG PAR SPEL BA'I PHYIR DRO BAR GYUR PA DAG LA NI YANG DAG PAR RAB TU 'JOG PA RNAMS SO, ,YONGS SU NYAMS PAR MI 'GYUR BA'I DGE BA'I RTZA BA LA 'JUG PA'I PHYIR RTZE MO DAG NI RDZU 'PHRUL GYI RKANG PA RNAMS SO, ,YANG YONGS SU NYAMS PAR MI 'GYUR BA'I SGO NAS DBANG PO THOB PA'I PHYIR BZOD PA DAG LA NI DBANG PO RNAMS SO, ,NYON MONGS PA RNAMS KYIS MI BRDZI BA'I PHYIR RAM, 'JIG RTEN PA'I CHOS CAN GZHAN DAG GIS MI BRDZI BA'I PHYIR CHOS KYI MCHOG DAG LA NI STOBS RNAMS SO, ,BYANG CHUB DANG NYE BA'I PHYIR BSGOM PA'I LAM DAG LA NI BYANG CHUB KYI YAN LAG RNAMS SO, ,'GRO BAS RAB TU PHYE BA'I PHYIR MTHONG BA'I LAM LA NI LAM GYI YAN LAG RNAMS TE, DE NI MYUR BAR 'GRO BA YIN PA'I PHYIR RO, ,GRANGS KYI RIM PA BZHIN DU BYA BA'I PHYIR SNGAR BDUN BSHAD LA PHYIS BRGYAD BSHAD DO, ,DE LA CHOS RNAM PAR 'BYED PA YANG DAG BYANG CHUB KYI YAN LAG NI BYANG CHUB KYANG YIN LA BYANG CHUB KYI YAN LAG KYANG YIN NO, ,YANG DAG PA'I LTA BA NI LAM YANG YIN LA LAM GYI YAN LAG KYANG YIN NO ZHAS ZER RO, ,GZHAN NGAG NI GO RIMS MA NYAMS PA KHO NAR BYANG CHUB KYI PHYOGS DANG MTHUN PA RNAMS GO RIMS BZHIN DU BRJOD DO, ,RE ZHIG DANG PO KHO NAR YUL RNAM PA MANG PO LA G-YENG BAR 'PHRO BA'I BLO RNAMS TSAR BCAD PA'I PHYIR DRAN PA NYE BAR GZHAG PA RNAMS SO, ,DRAN PA NYE BAR GZHAG PA BZHI PO 'DI DAG NI DE'I SEMS KYI NYE BAR 'DOGS PA YIN TE, MDO LAS 'DI LTA STE, ZHEN PA LA BRTEN PA'I DRAN PA'I KUN DU RTOG PA RNAMS BSAL BAR BYA BA'I PHYIR ZHES 'BYUNG BA'I PHYIR RO, ,DE'I STOBS KYIS BRTZON 'GRUS YANG DAG PAR 'PHEL BAS DGOS PA RNAM PA BZHI BSGRUB PA'I PHYIR SEMS YANG DAG PAR RAB TU 'JOG PAS NA YANG DAG PAR RAB TU 'JOG PA RNAMS SO, ,DE'I 'OG TU TING NGE 'DZIN RNAM PAR SBYONG BA'I PHYIR RDZU 'PHRUL GYI RKANG PA RNAMS SO, ,TING NGE 'DZIN LA YANG DAG PAR BRTEN NAS 'JIG RTEN LAS 'DAS PA'I CHOS RNAMS KYI BDAG @40A *, ,POR 'GYUR BA'I PHYIR DAD PA LA SOGS PA NI DBANG PO RNAMS SO, ,DE DAG NYID MI MTHUN PA'I PHYOGS KUN TU SPYOD PA LAS NGES PAR RGYAL BA NI STOBS RNAMS SO, ,MTHONG BA'I LAM LA NI BYANG CHUB KYI YAN LAG RNAMS TE, DANG PO NYID DU CHOS KYI DE KHO NA RTOGS PA'I PHYIR RO, ,GNYI GA LA NI LAM GYI YAN LAG RNAMS TE, 'DI LTAR 'PHAGS PA'I LAM YAN LAG BRGYAD PA BSGOM PA YONGS SU RDZOGS PAR GYUR NA, DRAN PA NYE BAR GZHAG PA BZHI BSGOM PA YONGS SU RDZOGS PAR 'GYUR BA RNAMS BYANG CHUB KYI YAN LAG BDUN GYI BAR DU BSGOM PA YONGS SU RDZOGS PAR 'GYUR RO ZHES GSUNGS SO, ,YANG DGE SLONG YANG DAG PA JI LTA BA BZHIN GYI TSIG BRJOD PA ZHES BYA BA 'DI NI 'PHAGS PA'I BDEN PA BZHI'I TSIG BLA DAGS YIN NO, ,DGE SLONG JI LTAR RTOGS PA'I LAM GYIS 'JUG CES BYA BA 'DI NI 'PHAGS PA'I LAM YAN LAG BRGYAD KYI TSIG BLA DAGS YIN NO ZHES GSUNGS SO, ,DE LTA BAS NA GNYI GA LA 'PHAGS PA'I LAM YAN LAG BRGYAD 'DOD PAR BYA DGOS PAS GO RIMS GRUB PA YIN NO, ,BYANG CHUB KYI PHYOGS DANG MTHUN PA DU ZHIG NI ZAG PA DANG BCAS PA DAG YIN, DU ZHIG NI ZAG PA MED PA DAG YIN ZHES BYA BA 'DI BRJOD PAR BYA STE, BYANG CHUB YAN LAG LAM YAN LAG ,ZAG PA MED, DE GNYIS NI BSGOM PA'I LAM DANG MTHONG BA'I LAM LA RNAM PAR GZHAG PA YIN PA'I PHYIR RO, ,'JIG RTEN PA'I YANG DAG PA'I LTA BA LA SOGS PA YANG YOD MOD KYI, DE DAG NI 'PHAGS PA'I LAM ZHES BYA BA'I SGRA MI 'THOB PO, ,GZHAN RNAM GNYIS SO, ,BYANG CHUB KYI PHYOGS DANG MTHUN PA GZHAN DAG NI ZAG PA DANG BCAS PA DANG ZAG PA MED PA YANG YIN NO, ,SA GANG NA BYANG CHUB KYI PHYOGS DANG MTHUN PA DU ZHIG YOD CE NA BSAM GTAN DANG PO NA THAMS CAD, BSAM GTAN DANG PO NA SUM CU RTZA BDUN PO THAMS CAD YOD DO, ,MI LCOGS MED NA DGA' MA GTOGS, ,CI'I PHYIR MI LCOGS PA MED PA NA DGA' BA MED CE NA, NYER BSDOGS RNAMS NI STOBS KYIS DRANG DGOS PA'I PHYIR DANG, SA 'OG MA'I DOGS PA DANG BCAS PA'I PHYIR RO, ,GNYIS PA NA NI RTOG MA GTOGS, ,BSAM GTAN GNYIS PA NA NI YANG DAG @40B PA'I RTOG PA MA GTOGS PA SUM CU RTZA DRUG KHO NA YOD DE, DE NA RTOG PA MED PA'I PHYIR RO, ,GNYIS NA DE GNYIS MA GTOGS PA, BSAM GTAN GSUM PA DANG BZHI PA DAG NA NI DGA' BA DANG RTOG PA DAG MA GTOGS PA SUM CU RTZA LNGA YOD DO, ,BSAM GTAN BAR NA'ANG, DE GNYIS NYID MA GTOGS PA SUM CU RTZA LNGA KHO NA YOD DO, ,GZUGS MED PA, GSUM NA'ANG DE DANG MTSUNGS YAN LAG ,MA GTOGS ZHES BYA BAR SBYAR TE, GZUGS MED PA DAG NA NI YANG DAG PA'I NGAG DANG, LAS KYI MTHA' DANG, 'TSO BA RNAMS DANG, DGA' BA DANG, RTOG PA DAG MA GTOGS PA SUM CU RTZA GNYIS YOD DO, ,BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,DE GNYIS NI ZAG PA MED PA'I LAM MED PA'I PHYIR BYANG CHUB KYI PHYOGS DANG MTHUN PA NYI SHU RTZA GNYIS YOD DO, ,BYANG CHUB KYI PHYOGS DANG MTHUN PA RNAMS LA GNAS PA GNAS SKABS GANG DU SHES NAS DAD PA 'THOB PAR RIG PAR BYA ZHE NA, BDEN GSUM MTHONG NA TSUL KHRIMS DANG, ,CHOS LA SHES NAS DAD PA 'THOB, ,LAM MNGON RTOGS NA SANGS RGYAS DANG, ,DE YI DGE 'DUN DAG LA YANG, ,SDUG BSNGAL DANG KUN 'BYUNG BA DANG 'GOG PA'I BDEN PA RNAMS MNGON PAR RTOGS NA CHOS LA SHES NAS DAD PA DANG, 'PHAGS PA DGYES PA'I TSUL KHRIMS RNAMS 'THOB BO, ,LAM GYI BDEN PA MNGON PAR RTOGS NA SANGS RGYAS DANG, DE'I NYAN THOS KYI DGE 'DUN LA SHES NAS DAD PA 'THOB STE, GANG ZHIG DE GNYIS LA DAD PA DE NI SANGS RGYAS SU BYED PA'I CHOS MI SLOB PA RNAMS DANG, DGE 'DUN DU BYED PA'I CHOS SLOB PA DANG, MI SLOB PA RNAMS LA DAD PA YIN NO, ,YANG ZHES BYA BA'I SGRAS NI TSUL KHRIMS DANG CHOS LA SHES NAS DAD PA DAG KYANG 'THOB PAR STON TO, ,'DIR GANG LA CHOS SU DGONGS PA YIN ZHE NA, CHOS BDEN GSUM DANG RANG SANGS RGYAS, ,BYANG CHUB SEMS DPA'I LAM YIN NO, ,DE'I PHYIR BDEN PA BZHI CHAR YANG MNGON PAR RTOGS NA CHOS LA SHES NAS DAD PA 'THOB PO, ,DE DAG NI DAD PA'I GZHI'I BYE BRAG LAS MING GI SGO NAS SHES NAS DAD PA BZHI ZHES BYA BA'O, ,RDZAS SU GNYIS @41A *, ,TE DAD PA DANG, TSUL KHRIMS, SANGS RGYAS DANG CHOS DANG DGE 'DUN LA SHES NAS DAD PA RNAMS NI DAD PA'I RANG BZHIN DAG YIN NO, ,'PHAGS PA DGYES PA'I TSUL KHRIMS RNAMS NI TSUL KHRIMS YIN PAS RDZAS GNYIS SO, ,CI 'DI DAG ZAG PA DANG BCAS PA DAG CIG GAM ZAG PA MED PA DAG CIG YIN ZHE NA, SHES NAS DAD PA RNAMS NI GCIG TU, DRI MA MED PA YIN, SHES NAS DAD PA ZHES BYA BA'I DON CI ZHE NA, BDEN PA RNAMS YANG DAG PA JI LTA BA BZHIN RTOGS NAS YID CHES PA NI SHES NAS DAD PA YIN NO, ,'DI DAG GI RIM PA NI LANGS NAS JI LTAR MNGON SUM DU BYED PA DE BZHIN DU BKOD DO, ,LANGS NAS JI LTAR MNGON SUM BYED CE NA, KYE MA BCOM LDAN 'DAS NI YANG DAG PAR RDZOGS PA'I SANGS RGYAS YIN NO, ,DE'I CHOS 'DUL BA NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO ZHES BYA BAR MNGON SUM DU BYED DE, SMAN PA DANG SMAN DANG NAD G-YOG LTA BUR GYUR PA'I PHYIR RO, ,SEMS RAB TU DANG BAS BYAS PA'I TSUL KHRIMS KYANG RAB TU DANG BA YIN PAS THA MAR BZHI PA BSHAD DE, 'DI NI DE LTAR RAB TU DANG BAR GYUR PA'I SGRUB PA YIN PA'I PHYIR RO, ,YANG NA NAD MED PA LTA BUR GYUR PA YIN PA'I PHYIR RO, ,YANG NA STON PAR BYED PA DANG, LAM DANG, LAM GROGS DANG, BZHON PA LTA BU YIN NO, ,MDO LAS SLOB PA NI YAN LAG BRGYAD DANG LDAN NO, ,MI SLOB PA NI YAN LAG BCU DANG LDAN NO ZHES GSUNGS PA, CI'I PHYIR SLOB PA LA YANG DAG PA'I RNAM PAR GROL BA DANG, YANG DAG PA'I SHES PA MA BSHAD NA CE NA, BCINGS PHYIR SLOB PA'I YAN LAG TU, ,RNAM GROL MA BSHAD, SLOB PA NI DA DUNG NYON MONGS PA'I 'CHING BA RNAMS KYIS BCINGS PA YIN PAS BCINGS BZHIN DU JI LTAR RNAM PAR GROL BAR RNAM PAR GZHAG STE 'CHING BA'I PHYOGS GCIG LAS GROL BAS NI GROL ZHES MI BYA'O, ,RNAM PAR GROL BA MED PAR YANG JI LTAR RNAM PAR GROL BA'I SHES PA RNAM PAR GZHAG ,MI SLOB PA NI NYON MONGS PA'I 'CING BA THAMS CAD LAS GTAN DU NGES PAR THAR PA'I PHYIR RNAM PAR GROL BA DANG, DE SO SO RANG GI SHES @41B PA DAG GIS RAB TU PHYE BA YIN PAS DE KHO NA LA DE SMOS PA RIG PA DANG LDAN PA YIN NO, ,RNAM PAR GROL ZHES BYA BA 'DI CI ZHE NA, DE RNAM GNYIS, 'DUS BYAS DANG 'DUS MA BYAS SO, ,DE LA, NYON MONGS BCOM PA 'DUS MA BYAS, ,MOS PA 'DUS BYAS NYON MONGS PA SPANGS PA NI RNAM PAR GROL BA 'DUS MA BYAS YIN NO, ,MI SLOB PA'I MOS PA NI RNAM PAR GROL BA 'DUS BYAS YIN NO, ,YAN LAG NI DE YIN, RNAM PAR GRO LBA 'DUS BYAS DE NI MI SLOB PA'I YAN LAG TU BSHAD DE, YAN LAG RNAMS NI 'DUS BYAS YIN PA'I PHYIR RO, ,DE NYID RNAM GROL GNYIS, RNAM PAR GROL BA 'DUS BYAS DE NYID MDO LAS, SEMS RNAM PAR GROL BA DANG, SHES RAB RNAM PAR GROL BA DANG, RNAM PAR GROL BA GNYIS SU GSUNGS TE, DE NYID RNAM PAR GROL BA'I PHUNG PO YIN PAR YANG BLTA'O, ,GZHAN DAG NA RE MDO LAS, STAG GI BYANG CHUB KYI BU DAG RNAM PAR GROL BA YONGS SU DAG PA GTZO BO GANG YIN ZHE NA, 'DI NA DGE SLONG 'DOD CHAGS LAS SEMS 'DOD CHAGS DANG BRAL ZHING RNAM PAR GROL BA YIN, ZHE SDANG DANG GTI MUG LAS SEMS 'DOD CHAGS DANG BRAL ZHING RNAM PAR GROL BA YIN TE, 'DI LTAR RNAM PAR GROL BA'I PHUNG PO YONGS SU MA RDZOGS PA YONGS SU RDZOGS PAR BYED PA 'AM, YONGS SU RDZOGS PA RJES SU 'DZIN PAR BYED PA 'DUN PA DANG BRTZON 'GRUS GANG YIN PA ZHES RGYAS PAR GANG GSUNGS PA JI LTA BU, DE'I PHYIR RNAM PAR GROL BA NI MOS PA KHO NA YIN PAR MA ZAD DO, ,'O NA CI ZHE NA, DE KHO NA SHES PAS 'DOD CHAGS LA SOGS PA SPANGS NAS SEMS DRI MA MED PA NYID RNAM PAR GROL BA YIN NO ZHES ZER RO, ,YANG DAG PA'I RNAM PAR GROL BA BSHAD ZIN TO, ,YANG DAG PA'I LTA BA LAS MA GTOGS PA YANG DAG PA'I SHES PA GANG ZHIG YIN ZHE NA, BYANG CHUB JI SKAD BSHAD SHES PA, SNGAR BYANG CHUB JI SKAD DU BSHAD PA GANG YIN PA DE NYID 'DIR YANG DAG PA'I SHES PA YIN PAR RIG PAR BYA STE, 'DI LTA STE, ZAD PA SHES PA DANG MI SKYE BA SHES PA'O, ,SEMS GANG ZHIG RNAM PAR GROL BAR 'GYUR, CI 'DAS PA 'AM MA 'ONGS PA 'AM DA LTAR BYUNG BA YIN ZHE NA, MI SLOB SEMS NI SKYE 'GYUR BA, ,SGRIB PA LAS NI RNAM GROL 'GYUR, , @42A *, ,BSTAN BCOS LAS MI SLOB PA'I SEMS MA 'ONGS PA SGRIB PA RNAM LAS RNAM PAR GROL BAR 'GYUR RO ZHES 'BYUNG NGO, ,DE'I SGRIB PA YANG GANG ZHE NA, NYON MONGS PA'I THOB PA YIN TE, DE SKYE BA LA BGEGS BYED PA'I PHYIR RO, ,RDO RJE LTA BU'I TING NGE 'DZIN GYI TSE DE YANG SLONG BAR 'GYUR LA MI SLOB PA'I SEMS SKYE BAR 'GYUR BA DE YANG RNAM PAR GROL BAR 'GYUR RO, ,DE SPANGS NAS NI MI SLOB PA'I SEMS DE YANG SKYES PA DANG RNAM PAR GROL BA YIN NO, ,'O NA SKYE BAR 'GYUR BA MA YIN PA DANG, 'JIG RTEN PA GANG YIN PA JI LTA BU ZHE NA, DE DAG KYANG RNAM PAR GROL BAR 'GYUR MOD KYI SKYE BAR NGES PA GANG YIN PA DE KHO NA BSHAD DO, ,GANG LAS 'JIG RTEN PA RNAM PAR GROL BAR 'GYUR ZHE NA, SKYE BA'I SGRIB PA DE NYID LAS SO, ,MA GROL BA LA YANG 'JIG RTEN PA'I SKYE BAR 'GYUR BA MA YIN NAM ZHE NA, DE NI DE DANG MI 'DRA'O, ,DE CI 'DRA ZHE NA, NYON MONGS PA'I THOB PA DANG LHAN CIG PA YIN NO, ,GNAS SKABS GANG YIN PA'I LAM GYIS DE SKYE BA'I SGRIB PA SPONG ZHE NA, 'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, ,DE LTAR GYI ZHES BYA BA'I THA TSIG GO, ,RNAM PAR GROL BA 'DUS MA BYAS SU BSHAD PA GANG YIN PA DANG, KHAMS GSUM PO SPANGS PA'I KHAMS DANG, 'DOD CHAGS DANG BRAL BA'I KHAMS DANG, 'GOG PA'I KHAMS ZHES 'BYUNG BA GANG YIN DE DAG LA KHYAD PAR CI YOD CE NA, 'DUS MA BYAS NYID KHAMS ZHES BYA, ,RNAM PAR GROL BA 'DUS MA BYAS DE NYID KHAMS GSUM YIN NO, ,DE LA, 'DOD CHAGS KUN ZAD 'DOD CHAGS BRAL, ,'DOD CHAGS SPANGS PA NI 'DOD CHAGS DANG BRAL BA'I KHAMS YIN NO, ,SPANGS PA'I KHAMS NI GZHAN DAG GO, ,YANG DAG PAR ZAD PA ZHES BYA BAR SBYAR TE, 'DOD CHAGS LAS GZHAN PA'I NYON MONGS PA RNAMS SPANGS PA NI SPANGS PA'I KHAMS YIN NO, ,'GOG PA'I KHAMS ZHES BYA BA GZHI, ,YANG DAG PAR ZAD PA ZHES BYA BA KHO NAR SBYAR TE, NYON MONGS PA LAS MA GTOGS PA BZHI SPANGS PA NI 'GOG PA'I KHAMS YIN NO, ,DNGOS PO GANG GIS YID 'BYUNG BAR 'GYUR BA'I DNGOS PO @42B DES 'DOD CHAGS DANG BRAL BAR YANG 'GYUR RAM ZHE NA, MU BZHI'O, ,JI LTAR BYAS PAS SHE NA, SDUG BSNGAL RGYU BZOD SHES RNAMS KYIS, ,YID 'BYUNG SDUG BSNGAL DANG KUN 'BYUNG LA BZOD PA DANG SHES PA RNAMS KHO NAS YID 'BYUNG BAR 'GYUR GYI GZHAN DAG GIS NI MA YIN NO, , GANG GIS SPONG 'GYUR BA, KUN GYIS 'DOD CHAGS BRAL BAR 'GYUR, ,SDUG BSNGAL DANG KUN 'BYUNG BA DANG 'GOG PA DANG LAM LA BZOD PA DANG SHES PA GANG DAG GIS NYON MONGS PA SPONG BAR 'GYUR BA THAMS CAD KYIS KYANG 'DOD CHAGS DANG BRAL BAR 'GYUR RO, ,DE LTA NA NI MU BZHI SRID; DE LTA NA MU BZHIR GRUB STE, SDUG BSNGAL DANG KUN 'BYUNG LA BZOD PA DANG SHES PA RNAMS KYIS NYON MONGS PA DAG MI SPONG NA YID 'BYUNG BA KHO NA YIN TE, YID 'BYUNG BA'I DNGOS PO KHO NA LA DMIGS PA'I PHYIR RO, ,'GOG PA DANG LAM LA BZOD PA DANG SHES PA RNAMS KYIS NYON MONGS PA DAG SPONG NA 'DOD CHAGS DANG BRAL BA KHO NA YIN TE, MCHOG TU DGA' BA'I DNGOS PO LA DMIGS PA'I PHYIR RO, ,SNGA MA RNAMS KYIS NYON MONGS PA DAG SPONG NA GNYI GA YIN NO, ,PHYI MA RNAMS KYIS NYON MONGS BDAG MI SPONG NA GNYI GA MA YIN NO, ,DE LA 'DOD CHAGS DANG BRAL BA ZHIG BDEN PA RNAMS LA LTA NA CHOS SHES PA DANG BZOD PA RNAMS KYIS NYON MONGS PA DAG MI SPONG NGO, ,SHES PA RNAMS KYIS NI SBYOR BA DANG RNAM PAR GROL BA DANG KHYAD PAR CAN GYI LAM GYIS BSDUS PA RNAMS KYIS MI SPONG NGO, ,CHOS MNGON PA MDZOD KYI BSHAD PA LAS LAM DANG GANG ZAG BSTAN PA ZHES BYA BA MDZOD KYI GNAS DRUG PA'O,, ,,BZOD PA RNAMS ZHES KYANG 'BYUNG, SHES PA RNAMS ZHES KYANG 'BYUNG, YANG DAG PA'I LTA BA ZHES KYANG 'BYUNG, YANG DAG PA'I SHES PA ZHES KYANG 'BYUNG NA CI BZOD PA DAG YIN LA SHES PA MA YIN NAM, YANG DAG PA'I SHES PA YIN LA YANG DAG PA'I LTA BA MA YIN NAM ZHE NA, DRI MED BZOD RNAMS SHES PA YIN, ,DES SPANG BAR BYA BA'I PHRA RGYAS THE TSOM MA SPANGS PA'I PHYIR RO, ,DE DAG YANG DAG PAR RTOG PA'I BDAG NYID CAN YIN PA'I PHYIR LTA BA DAG YIN NO, ,JI LTAR BZOD PA RNAMS LTA BA YIN GYI SHES PA MA YIN @43A *, ,PA DE BZHIN DU, ZAD DANG MI SKYE'I BLO LTA MIN, ,ZAD PA SHES PA DANG MI SKYE BA SHES PA NI YANG DAG PA'I RTOG PA MED PA DANG, YONGS SU 'TSOL BA'I BSAM PA CAN MA YIN PA'I PHYIR LTA BA MA YIN NO, ,DE LAS GZHAN 'PHAGS BLO GNYI GA ,BZOD PA DANG ZAD PA DANG MI SKYE BA SHES PA DAG LAS GZHAN PA ZAG PA MED PA'I SHES RAB NI LTA BA DANG SHES PA YANG YIN NO, ,GZHAN SHES 'JIG RTEN PA'I SHES RAB THAMS CAD NI SHES PA KHO NA YIN NO, ,DRUG NI LTA BA'ANG YIN, ,LTA BA LNGA DANG, 'JIG RTEN PA'I LTA BA YANG DAG PA'I LTA BA STE, 'JIG RTEN PA'I SHES PA RNAM PA DRUG NI LTA BA YIN GYI GZHAN NI LTA BA MA YIN NO, ,'DI DAG DANG GZHAN DAG KYANG SHES PA NI MA YIN NO, ,JI SNYED CIG GIS SHES PA THAMS CAD BSDUS SHE NA, SHES PA BCUS BSDUS SO, ,MDOR BSDUN NI GNYIS TE, SHES PA ZAG BCAS ZAG PA MED, ,DE GNYIS LAS KYANG, DANG PO KUN RDZOB CES BYA'O, ,ZAG PA DANG BCAS PA GANG YIN PA DE NI PHAL CHER BUM PA DANG SNAM BU DANG SKYES PA DANG BUD MED LA SOGS PA KUN RDZOB 'DZIN PA'I PHYIR KUN RDZOB SHES PA YIN NO, ,ZAG MED RNAM GNYIS CHOS DANG NI, RJES SU SHES PA KHO NA YIN, ,ZAG PA MED PA'I SHES PA LA RNAM PA GNYIS SU DBYE STE, CHOS SHES PA DANG, RJES SU SHES PA'O, ,DE LTAR NA SHES PA 'DI GNYIS NI GSUM YIN TE, KUN RDZOB SHES PA DANG, CHOS SHES PA DANG, RJES SU SHES PA'O, ,DE LA, KUN RDZOB YUL NI THAMS CAD DO, ,KUN RDZOB SHES PA'I DMIGS PA NI CI RIGS PAR 'DUS BYAS DANG 'DUS MA BYAS KYI CHOS THAMS CAD YIN NO, ,CHOS SHES BYA BA'I SPYOD YUL NI, ,'DOD PA'I SDUG BSNGAL LA SOGS PA, ,CHOS SHES PA'I DMIGS PA NI 'DOD PA NA SPYOD PA'I SDUG BSNGAL DANG, DE KUN 'BYUNG BA DANG, 'GOG PA DANG LAM RNAMS YIN NO, ,RJES SU SHES PA'I SPYOD YUL NI, ,GONG MA'I SDUG BSNGAL LA SOGS YIN, ,RJES SU SHES PA'I DMIGS PA NI GZUGS DANG GZUGS MED PA NA SPYOD PA'I SDUG BSNGAL DANG, DE KUN 'BYUNG BA DANG, 'GOG PA DANG LAM RNAMS SO, ,DE DAG NYID BDEN @43B BYE BRAG GIS, ,BZHI STE, CHOS SHES PA DANG RJES SU SHES PA DE DAG NYID BDEN PA'I BYE BRAG GIS SDUG BSNGAL DANG, KUN 'BYUNG BA DANG, 'GOG PA DANG, LAM SHES PA RNAMS DANG SHES PA BZHI YIN TE, DE DAG LA DMIGS PA'I PHYIR RO, ,RNAM BZHI DE DAG NI, MI SKYE BA DANG ZAD PA SHES, ,CHOS DANG RJES SU SHES PA LTA BA'I RANG BZHIN MA YIN PA RNAM PA BZHI PO DE DAG KHO NAR ZAD PA SHES PA DANG MI SKYE BA SHES PA ZHES BYA'O, ,DE GNYIS DANG PO SKYES PA NI, ,SDUG BSNGAL RGYU RJES SHES PA YIN, ,ZAD PA DANG MI SKYE BA SHES PA DANG PO SKYES PA NI SDUG BSNGAL DANG, KUN 'BYUNG LA RJES SU SHES PA YIN TE, SRID PA'I RTZE MO'I PHUNG PO LA SDUG BSNGAL DANG KUN 'BYUNG LA RJES SU SHES PA'I RNAM PAR DMIGS PA'I PHYIR RO, ,YANG CI RDO RJE LTA BU'I TING NGE 'DZIN KYANG DE GNYIS DANG DMIGS PA GCIG PA ZHIG YIN NAM ZHE NA, GAL TE SDUG BSNGAL DANG KUN 'BYUNG LA DMIGS NA NI YIN NO, ,'ON TE 'GOG PA DANG LAM LA DMIGS PA ZHIG YIN NA NI DMIGS PA GCIG PA MA YIN NO, ,BZHI LAS PHA ROL SEMS RIG PA, ,RIG PAR BYED PAS NA RIG PA STE SHES PA'O, ,PHA ROL GYI SEMS SHES PA NI SHES PA BZHI LAS SKYE BAR BLTA BAR BYA STE, CHOS SHES PA DANG RJES SU SHES PA DANG LAM SHES PA DANG, KUN RDZOB SHES PA RNAMS LAS SO, ,DE'I NGES PA NI 'DI YIN TE, ,DES NI SA DBANG GANG ZAG 'DAS, ,ZHIG DANG MA SKYES MI RIG GO, ,SA 'DAS PA MI SHES PA NI BSAM GTAN 'OG MA'I SA PAS BSAM GTAN GONG MA'I SA PA MI SHES PA'O, ,DBANG PO 'DAS PA MI SHES PA NI DAD PAS MOS PA DANG DUS KYIS RNAM PAR GROL BA'I LAM GYIS MTHONG BAS THOB PA DANG DUS DANG MI SBYOR BAR RNAM PAR GROL BA'I LAM MI SHES PA'O, ,GANG ZAG 'DAS PA MI SHES PA NI PHYIR MI 'ONG BA DANG DGRA BCOM PA DANG, NYAN THOS DANG RANG SANGS RGYAS DANG SANGS RGYAS KYI LAM RNAMS 'OG MAS GONG MA MI SHES PA'O, ,ZHIG PA DANG MA SKYES PA MI SHES PA NI 'DAS PA DANG MA 'ONGS PA MI SHES PA STE, DA LTAR GYI PHA ROL GYI SEMS YUL YIN PA'I PHYIR RO, ,GZHAN YANG CHOS RJES BLO PHYOGS PHAN TSUN MIN, , @44A *, ,PHA ROL GYI SEMS SHES PA CHOS SHES PA'I PHYOGS DANG MTHUN PAS KYANG RJES SU SHES PA'I PHYOGS DANG MTHUN PA'I SEMS MI SHES LA, RJES SU SHES PA'I PHYOGS DANG MTHUN PAS KYANG CHOS SHES PA'I PHYOGS DANG MTHUN PA'I SEMS MI SHES TE, DE GNYIS NI 'DOD PA'I KHAMS DANG KHAMS GONG MA'I GNYEN PO LA DMIGS PA'I PHYIR RO, ,MTHONG BA'I LAM LA PHA ROL GYI SEMS SHES PA MED DO, ,DE'I DMIGS PA NI YOD DE, DE LA PHA ROL GYI SEMS SHES PAS MTHONG BA'I LAM SHES PAR 'DOD PAS SBYOR BA BYAS NA, NYAN THOS MTHONG BA'I SKAD CIG GNYIS, ,RIG STE BSE RU LTA BUS GSUM, ,SANGS RGYAS SBYOR BA MED PAR KUN, ,NYAN THOS KYIS NI PHA ROL GYI SEMS SHES PAS MTHONG BA'I LAM LAS SKAD CIG MA GNYIS SHES TE, SDUG BSNGAL LA CHOS SHES PA'I BZOD PA DANG, CHOS SHES PA'O, ,RJES SU SHES PA'I PHYOGS DANG MTHUN PA LA DMIGS PA NI SBYOR BA GZHAN GYIS BSGRUB PAR BYA BA YIN PA'I PHYIR DE JI SRID KYIS SBYOR BA RTZOM PA DE SRID GYIS DES SEMS BCU DRUG RJES SU 'THOB PAR 'GYUR BAS BAR DU NI MI SHES SO, ,RANG SANGS RGYAS KYIS NI DANG PO GNYIS DANG BRGYAD PA KUN 'BYUNG LA RJES SU SHES PA DANG, GSUM SHES TE, SBYOR BA CHUNG BA'I PHYIR RO, ,GZHAN DAG NA RE DANG BO DANG GNYIS PA DANG BCO LNGA PA RNAMS SHES SO ZHES ZER RO, ,SANGS RGYAS KYIS NI SBYOR BA MED PAR MTHONG BA'I LAM GYI SKAD CIG MA THAMS CAD MKHYEN TO, ,YANG ZAD PA SHES PA DANG MI SKYE BA SHES PA DAG LA KHYAD PAR CI YOD CE NA, ZAD PA SHES PA BDEN RNAMS LA, ,YONGS SHES LA SOGS NGES PA'O, ,YONGS SHES BYAR MED CES LA SOGS, ,MI SKYE BA YI BLOR 'DOD DO, ,BSTAN BCOS LAS, ZAD PA SHES PA GANG ZHE NA, BDAG GIS SDUG BSNGAL YONGS SU SHES SO ZHES BYA BAR SHES PA DANG, KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO ZHES BYA BAR SHES PA'I RGYU LAS BYUNG BA'I SHES PA DANG MTHONG BA DANG RIG BA DANG BLO DANG RTOGS PA DANG SHES RAB DANG SNANG BA DANG MNGON PAR RTOGS PA GANG YIN PA 'DI NI ZAD PA SHES PA ZHES BYA'O, ,MI SKYE BA SHES PA GANG ZHE NA, BDAG GIS @44B SDUG BSNGAL YONGS SU SHES TE, YANG YONGS SU SHES PAR BYAR MED DO ZHES BYA BAR SHES PA NAS BDAG GIS LAM BSGOMS TE YANG BSGOM DU MED DO ZHES BYA BA'I BAR DU SHES PA DE'I RGYU LAS BYUNG BA'I ZHES BYA BA RGYAS PAR 'BYUNG NGO, ,JI LTAR NA ZAG PA MED PA'I SHES PAS DE LTAR SHES SHE NA, KHA CHE BA RNAMS NA RE BSTAN BCOS LAS, DE'I RJES LA LANGS BAS DE LTAR SHES TE, DE'I PHYIR DE'I BYE BRAG GIS DE GNYIS KYI BYE BRAG BSTAN TO ZHES ZER RO, ,GZHAN DAG NA RE ZAG PA MED PAS KYANG DE LTAR SHES TE, MTHONG BA SMOS PA NI BSHAD PA 'PHANGS PA'I PHYIR RAM, YANG NA MNGON SUM DU 'JUG PA'I PHYIR RO, ,DE NYID KYI PHYIR RE ZHIG SHES PA GANG YIN PA DE NI MTHONG BA YANG YIN NO ZHES 'BYUNG NGO ZHES ZER RO, ,DE LTAR NA DE DAG NI SHES PA BCU YIN TE, 'DI LTA STE CHOS SHES PA DANG RJES SU SHES PA DANG, KUN RDZOB SHES PA DANG, PHA ROL GYI SEMS SHES PA DANG, SDUG BSNGAL SHES PA DANG, KUN 'BYUNG SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,DE LA KUN RDZOB SHES PA NI SHES PA GCIG YIN LA GCIG GI CHA YANG YIN NO, ,CHOS SHES PA NI SHES PA GCIG YIN LA BDUN GYI CHA YANG YIN TE, RJES SU SHES PA YANG DE DANG 'DRA'O, ,SDUG BSNGAL SHES PA NI SHES PA GCIG YIN LA BZHI'I CHA YANG YIN TE, KUN 'BYUNG BA DANG 'GOG PA SHES PA DE DANG 'DRA'O, ,LAM SHES PA NI SHES PA GCIG YIN LA LNGA'I CHA YANG YIN NO, ,PHA ROL GYI SEMS SHES PA NI SHES PA GCIG YIN LA BZHI'I CHA YANG YIN NO, ,ZAD PA NI SHES PA GCIG YIN LA, DRUG GI CHA YANG YIN TE, MI SKYE BA SHES PA YANG DE DANG 'DRA'O, ,CI'I PHYIR DE DAG GSUM YOD LA BCUR RNAM PAR GZHAG CE NA, RANG BZHIN DANG NI GNYEN PO DANG, ,RNAM PA RNAM PA SPYOD YUL DANG, ,SBYOR DANG BYA BA BYAS NYID DANG, , RGYU RGYAS PA LAS BCU YIN NO, ,RGYU BDUN GYIS SHES PA BCUR RNAM PAR GZHAG GO ZHES GRAG STE, RANG BZHIN LAS NI KUN RDZOB SHES PA STE, DON DAM PA MI SHES PA'I PHYIR RO, ,GNYEN PO LAS NI CHOS DANG RJES SU SHES PA DAG STE, 'DOD PA'I KHAMS DANG KHAMS GONG MA'I @45A *, ,GNYEN PO YIN PA'I PHYIR RO, ,RNAM PA LAS NI SDUG BSNGAL DANG KUN 'BYUNG BA SHES PA DAG STE, DMIGS PA THA MI DAD PA'I PHYIR RO, ,RNAM PA DANG DMIGS PA LAS NI 'GOG PA DANG, LAM SHES PA DAG STE, RNAM PA DANG DMIGS PA THA DAD PA'I PHYIR RO, ,SBYOR BA LAS NI PHA ROL GYI SEMS SHES PA STE, DES NI SEMS LAS BYUNG BA RNAMS KYANG MI SHES PA MA YIN MOD KYI SEMS SHES PAR BYA BA'I PHYIR SBYOR BA BYAS PA LAS GRUB PA'I PHYIR PHA ROL GYI SEMS SHES PA ZHES BSHAD DO, ,BYA BA BYAS PA LAS NI ZAD PA? DES PA STE, BYA BA BYAS PA'I RGYUD LA DANG PO NYID DU SKYE BA'I PHYIR RO, ,RGYU RGYAS PA LAS NI MI SKYE BA SHES PA STE, ZAG PA MED PA'I SHES PA THAMS CAD KYI RGYU CAN YIN PA'I PHYIR RO, ,THAMS CAD KYI GNYEN PO THAMS CAD YIN PA'I PHYIR, CHOS SHES PA 'DOD PA'I KHAMS KYI GNYEN PO ZHES BSHAD PAR ZAD KYI GZHAN YANG, BSGOM PA'I LAM LA 'GOG PA'AM, LAM LA CHOS SHES GANG YIN PA, ,KHAMS GSUM GYI NI GNYEN PO YIN, ,'GOG PA DANG LAM LA CHOS SHES PA BSGOM PA'I LAM GYIS BSDUS PA DAG NI KHAMS GSUM CHAR GYI GNYEN PO YIN NO, ,'DOD PA'I KHAMS KYI RJES MA YIN, ,'DOD PA'I KHAMS KYI GNYEN PO RJES SU SHES PA NI RNAM PA THAMS CAD DU MED DO, ,SHES PA BCU PO DE DAG LAS, ,CHOS SHES PA DANG RJES SU SHES, ,RNAM PA BCU DRUG ,DE DAG NI 'OG NAS BSHAD PAR BYA'O, ,KUN RDZOB NI, DE BZHIN GZHAN DU'ANG, KUN RDZOB SHES PA NI RNAM PA BCU DRUG CAN YANG YIN LA GZHAN GYI RNAM PA CAN YANG YIN TE, CHOS THAMS CAD KYI RANG DANG SPYI'I MTSAN NYID LA SOGS PA 'DZIN PA'I PHYIR RO, ,RANG RANG GI BDEN PA'I RNAM PAS BZHI YIN NO, ,SDUG BSNGAL DANG KUN 'BYUNG DANG, 'GOG PA DANG LAM SHES PA RNAMS NI RANG RANG GI BDEN PA'I RNAM PA DAG TU 'JUG PAS RE RE ZHING RNAM PA BZHI BZHI YIN NO, ,PHA ROL YID SHES DRI MED KYANG, DE BZHIN PHA ROL GYI SEMS SHES PA ZAG PA MED PA YANG DE BZHIN KHO NAR RANG GI BDEN PA'I RNAM PA CAN YIN PA'I PHYIR RNAM PA BZHI CAN YIN TE, LAM SHES PA YIN PA'I PHYIR RO, ,DRI MA DANG BCAS NI, SHES BYA'I RANG GI MTSAN NYID RNAMS, @45B PHA ROL GYI SEMS SHES PA ZAG PA DANG BCAS PA NI SHES BYA SEMS DANG SEMS LAS BYUNG BA RNAMS KYI RANG GI MTSAN NYID GANG YIN PA DE'I RNAM PA 'DZIN TE, RANG GI MTSAN NYID 'DZIN PAR BYED PA YIN PA'I PHYIR RO, ,GNYI GA YANG, RDZAS RE RE ZHIG SPYOD YUL LO, ,GANG GI TSE SEMS 'DZIN PA DE'I TSE SEMS LAS BYUNG BA RNAMS MI 'DZIN LA, GANG GI TSE TSOR BA 'DZIN PA DE'I TSE 'DU SHES MI 'DZIN ZHES BYA BA DE LTA BU LA SOGS PA'O, ,'O NA BCOM LDAN 'DAS KYIS 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS ZHES BYA BAR YANG DAG PA JI LTA BA BZHIN DU RAB TU SHES SO ZHES BYA BA DE LTA BU LA SOGS PA GANG GSUNGS PA JI LTA BU ZHE NA, DE GNYIS CIG CAR DU 'DZIN PA NI MA YIN TE, GOS DANG DRI MA CIG CAR DU MI 'DZIN PA BZHIN NO, ,'DOD CHAGS DANG BCAS PA'I SEMS ZHES BYA BA NI 'DOD CHAGS DANG BCAS PA NYID RNAM PA GNYIS TE, 'DRES PA'I 'DOD CHAGS DANG BCAS PA NYID DANG, LDAN PA'I 'DOD CHAGS DANG BCAS PA NYID DO, ,DE LA 'DOD CHAGS DANG MTSUNGS PAR LDAN PA'I SEMS NI GNYIS KYIS 'DOD CHAGS DANG BCAS PA YIN NO, ,DE LAS GZHAN PA ZAG PA DANG BCAS PA NI LDAN PA'I 'DOD CHAGS DANG BCAS PAS NA 'DOD CHAGS DANG BCAS PA YIN NO, ,KHA CIG NA RE MDO 'DIR NI 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA, 'DOD CHAGS KYI GNYEN POR NI 'DOD CHAGS DANG BRAL BAR BSHAD PA YIN TE, GAL TE 'DOD UCHAGS DANG MTSUNGS PAR MI LDAN PA 'DOD CHAGS DANG BRAL BA YIN NA NI NYON MONGS PA GZHAN DANG MTSUNGS PAR LDAN PA YANG YIN PAR 'GYUR RO ZHES ZER RO, ,GZHAN DAG NA RE DE LTA NA NI 'O NA DE'I GNYEN PO MA YIN PA'I SEMS NYON MONGS PA CAN MA YIN PA 'DOD CHAGS DANG BCAS PA YANG MA YIN LA, 'DOD CHAGS DANG BRAL BA YANG MA YIN ZHES BYA BA DE LTA BU LA SOGS PAR 'GYUR BAS, DE LTA BAS NA MDO 'DIR 'DOD CHAGS DANG LDAN PAS KYANG 'DOD CHAGS DANG BCAS PA'I SEMS SU 'DOD PAR BYA STE, GTI MUG DANG BCAS PA DANG GTI MUG DANG BRAL BA'I BAR DU YANG DE DANG 'DRA BAR SHES @46A *, ,PAR BYA'O ZHES ZER RO, ,BYE BRAG TU SMRA BA RNAMS NA RE KUN DU BSDUS PA NI DMIGS PA LA MNGON PAR SDUD PA'I PHYIR DGE BA YIN NO, ,RNAM PAR G-YENG BA NI RNAM PAR G-YENG BA DANG MTSUNGS PAR LDAN PA'I PHYIR NYON MONGS PA CAN YIN NO ZHES ZER RO, ,NUB PHYOGS PA RNAMS NA RE KUN TU BSDUS PA NI GNYID DANG MTSUNGS PAR LDAN PA YIN NO, ,RNAM PAR G-YENG BA NI NYON MONGS PA CAN GZHAN YIN NO ZHES ZER RO, ,DE SKAD DU MI BRJOD DE, NYON MONGS PA CAN GYI GNYID DANG MTSUNGS PAR LDAN PA'I PHYIR SEMS DE NYID BSDUS PA YANG YIN LA RNAM PAR G-YENGS PA YANG YIN PAR 'GYUR RO, ,BSTAN BCOS LAS, SEMS KUN DU BSDUS PA YANG DAG PA JI LTA BA BZHIN DU RAB TU SHES SO, ,DE SHES PA'I SHES PA NI BZHI STE, CHOS SHES PA DANG, RJES SU SHES PA DANG, KUN RDZOB SHES PA DANG, LAM SHES PA'O ZHES 'BYUNG BA DANG YANG 'GAL BAR 'GYUR RO, ,SEMS ZHUM PA NI LE LO DANG MTSUNGS PAR LDAN PA'I PHYIR NYON MONGS PA YIN NO, ,RAB TU BZUNG BA NI BRTZON 'GRUS DANG MTSUNGS PAR LDAN PA'I PHYIR DGE BA YIN NO, ,CHUNG DU NI RNAM PAR BYANG BA CHUNG DU DAG GIS BSTEN PA'I PHYIR NYON MONGS PA CAN YIN NO, ,CHEN POR GYUR PA NI DE LAS BZLOG PA YIN PA'I PHYIR DGE BA YIN NO, ,RTZA BA DANG, RIN DANG, 'KHOR DANG, RJES SU 'BRANG BA DANG, STOBS CHE CHUNG GI YANG PHYIR TE, NYON MONGS PA CAN NI MI DGE BA'I RTZA BA GNYIS KYIS RTZA BA DANG BCAS PA YIN NO, ,DGE BA NI DGE BA'I RTZA BA GSUM GYIS SO, ,NYON MONGS PA CAN NI 'BAD PAS BSGRUB PAR BYA BA MA YIN PA'I PHYIR RIN CHUNG BA YIN NO, ,DGE BA NI TSOGS CHEN POS BSGRUB PAR BYA BA YIN PA'I PHYIR RIN CHE BA YIN NO, ,NYON MONGS PA CAN NI DE DANG 'DRA BA MA 'ONGS PA 'THOB PA'I PHYIR 'KHOR MANG BA MA YIN LA PHUNG PO GSUM GYIS RJES SU 'BRANG BA DANG BCAS PA YIN NO, , DGE BA NI 'KHOR MANG BA YIN LA PHUNG PO BZHIS RJES SU 'BRANG BA DANG BCAS PA YIN NO, ,YANG NYON MONGS PA CAN NI STOBS CHUNG BA YIN NO, ,DGE BA NI STOBS CHE BA YIN NO, ,SDUG BSNGAL LA CHOS SHES PA'I BZOD PA GCIG GIS KYANG PHRA RGYAS BCU GTAN DU 'JOMS PAR BYED PAS @46B DE'I PHYIR YANG NYON MONGS PA NI CHUNG BA YIN LA DGE BA NI CHEN POR GYUR PA YIN NO, ,RGOD PA NI RGOD PA DANG MTSUNGS PAR LDAN PA'I PHYIR NYON MONGS PA CAN YIN NO, ,RGOD PA MA YIN PA NI DE'I GNYEN PO YIN PA'I PHYIR DGE BA YIN NO, ,RNAM PAR MA ZHI BA DANG, RNAM PAR ZHI BA YANG DE DANG 'DRA'O, ,MNYAM PAR MA BZHAG PA NI RNAM PAR G-YENG BA DANG MTSUNGS PAR LDAN PA'I PHYIR NYON MONGS PA CAN NO, ,MNYAM PAR BZHAG PA NI DE'I GNYEN PO YIN PA'I PHYIR DGE BA YIN NO, ,MA BSGOMS PA NI 'THOB PA DANG BSTEN PA'I BSGOM PA DAG GIS MA BSGOMS PA'I PHYIR NYON MONGS PA CAN NO; ,BSGOMS PA NI DE GNYIS KYIS BSGOMS PA'I PHYIR DGE BA YIN NO, ,RNAM PAR MA GROL BA NI RANG BZHIN DANG RGYUD RNAM PAR MA GROL BA DAG GIS RNAM PAR GROL BA'I PHYIR NYON MONGS PA CAN YIN NO, ,RNAM PAR GROL BA NI DE GNYIS KYIS RNAM PAR GROL BA'I PHYIR DGE BA YIN NO ZHES ZER RO, ,DE LTA NA NI MDO DANG MI MTHUN PAR BYAS PA YANG YIN LA, TSIG DE RNAMS KYI DON GYI KHYAD PAR YANG MA BSHAD PA YIN NO, ,JI LTAR NA MDO DANG MI MTHUN PAR BYAS PA YIN ZHE NA, MDO LAS JI LTAR NA SEMS NANG DU KUN DU BSDUS PA YIN ZHE NA, SEMS GANG RMUGS PA DANG GNYID DANG LHAN CIG PAR GYUR CING NANG DU KUN DU 'GOG PA DANG LHAN CIG PAR GYUR LA LHAG MTHONG DANG MTSUNGS PAR MI LDAN PA YIN NO, ,JI LTAR NA PHYI ROL DU RNAM PAR G-YENGS PA YIN ZHE NA, SEMS GANG 'DOD PA'I YON TAN LNGA RNAMS LA RJES SU G-YENGS PA YIN ZHING RNAM PAR 'PHROS PA YIN NO ZHES GSUNGS SO, ,SEMS DE NYID KUN DU BSDUS PA YIN LA RNAM PAR G-YENGS PA YANG YIN PAR 'GYUR RO ZHES KYANG BSHAD PA YIN NAM ZHE NA, DE SKAD DU NI BSHAD MOD KYI RIGS PAR BSHAD PA NI MA YIN TE, NYON MONGS PA CAN GYI GNYID DANG LHAN CIG PAR GYUR BA RNAM PAR G-YENGS PA NYID DU DAM MA BCAS PA'I PHYIR RO, ,BSTAN BCOS DANG 'GAL BAR 'GYUR RO ZHES KYANG BSHAD PA MA YIN NAM, BSTAN BCOS DANG 'GAL BA NI BLA'I MDO DANG 'GAL BA NI MA YIN NO, ,JI LTAR NA TSIG DE RNAMS KYI DON GYI KHYAD PAR MA BSHAD PA YIN ZHE NA, SEMS RNAM @47A *, ,PAR G-YENGS PA DANG, ZHUM PA DANG, RGOD PA DANG RNAM PAR MA ZHI BA DANG, MNYAM PAR MA BZHAG PA DANG, MA BSGOMS PA DANG, RNAM PAR MA GROL BA RNAMS KYI MTSAN NYID KYANG THA MI DAD PAR BSHAD PA'I PHYIR LA, KUN DU BSDUS PA DANG, RAB TU BZUNG BA LA SOGS PA'I MTSAN NYID KYANG THA MI DAD PAR BSHAD PA'I PHYIR RO, ,TSIG RNAMS KYI DON GYI KHYAD PAR NI MA BSHAD PA MA YIN PA NYID DE, NYON MONGS PA CAN DU MTSUNGS KYANG 'DI LTAR SEMS NYON MONGS PA CAN 'DI NI RNAM PAR G-YENGS PA YIN NO, ,'DI NI ZHUM PA YIN NO ZHES BYA BA RGYAS PAR DE'I NYES PA'I KHYAD PAR YANG DAG PAR BSTAN PA'I PHYIR LA, DE BZHIN DU DGE BA YANG YON TAN GYI KHYAD PAR YANG DAG PAR BSTAN PA'I PHYIR DON GYI KHYAD PAR BSHAD PA KHO NA YIN NO, ,MDO DANG 'GAL BA MA SPANGS PA'I PHYIR DE NI TSIG DE RNAMS KYI DON MA YIN NO, ,GAL TE MDO LAS SEMS DE NYID ZHUM PA ?? YIN LA DE NYID RGOD PA YANG YIN NO ZHES BYA BAR BSHAD NA NI GANG GI TSE SEMS ZHUM PA DANG ZHUM PAR DOGS PA DE'I TSE SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG RNAMS BSGOM PA'I DUS MA YIN NO, ,GANG GI TSE SEMS RGOD PA DANG RGOD PAR DOGS PA DE'I TSE CHOS RAB TU RNAM PAR 'BYED PA DANG, BRTZON 'GRUS DANG, DGA' BA YANG DAG BYANG CHUB KYI YAN LAG RNAMS BSGOM PA'I DUS MA YIN NO ZHES PA 'DI DAG GSUNGS PAR MI 'GYUR RO, ,CI 'DI LA BYANG CHUB KYI YAN LAG RNAMS SO SOR BSGOM MAM ZHE NA, 'DI DAG YID LA BYED PA BSGOM PA YIN PAR 'DOD KYI MNGON SUM DU GYUR PA NI MA YIN PAS NYES PA MED PA NYID DO, ,'DI LAS LE LO LHAG PA'I SEMS NI ZHUM PA ZHES BSHAD LA, RGOD PA LHAG PA NI RGOD PA ZHES BSHAD PAS 'GAL BA MED DE, DE GNYIS KYANG LHAN CIG PA YIN PA'I PHYIR SEMS DE NYID ZHUM PA YANG YIN LA DE NYID RGOD PA YANG YIN ZHES SMRA'O, ,BSAM PA CAN GYI TSIG LA NI BZLOG PA MED KYI MDO'I DGONGS PA NI 'DI MA YIN NO ZHES SMRA'O, ,'DOD CHAGS DANG LDAN PA'I SEMS THAMS CAD 'DOD CHAGS DANG BCAS PA YIN NO ZHES GANG BSHAD PA, 'DOD CHAGS DANG LDAN PA'I SEMS @47B GANG ZHIG YIN, GAL TE 'DOD CHAGS KYI THOB PA DANG LHAN CIG PA YIN NO ZHE NA NI SLOB PA'I SEMS ZAG PA MED PA YANG 'DOD CHAGS DANG BCAS PAR 'GYUR RO, ,GAL TE 'DOD CHAGS KYI DMIGS PA YIN NO ZHE NA NI DGRA BCOM PA'I SAMS ZAG PA DANG BCAS PA YANG 'DOD CHAGS DANG BCAS PA ZHES BYA BAR GZUNG BAR 'GYUR TE, 'DOD CHAGS KYI DMIGS PA YIN PA'I PHYIR RO, ,YANG NA JI LTAR DE ZAG PA DANG BCAS PA YIN, GAL TE NYON MONGS PA SPYI BA'I DMIGS PA YIN PA'I PHYIR RO ZHE NA NI, DE LTA NA YANG GTI MUG DANG BCAS PAR GZUNG BAR 'GYUR TE, GTI MUG GI DMIGS PA YIN PA'I PHYIR RO, ,GZHAN GYI SEMS SHES PA NI THOB PA LA DMIGS PA YANG MA YIN LA, SEMS DE LA DMIGS PA'I 'DONG CHAGS LA DMIGS PA CAN YANG MA YIN NO, ,DE LTA BAS NA 'DIR 'DOD CHAGS DANG LDAN PAS 'DOD CHAGS DANG BCAS PA'I SEMS SU 'DOD PAR MI BYA'O; 'O NA JI LTA BU ZHE NA, MDO'I DGONGS PA NI 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA, 'DOD CHAGS DANG MTSUNGS PAR MI LDAN PA'I SEMS NI 'DOD CHAGS DANG BRAL BA YIN NO ZHES BYA BAR SNANG NGO, ,GANG LAS 'DI'I SEMS 'DOD CHAGS DANG BRAL BA YIN, ZHE SDANG DANG BRAL BA DANG, GTI MUG DANG BRAL BA YIN, 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PAR PHYIR MI LDOG PA'I CHOS CAN YIN ZHES GSUNGS PA DER NI DE'I THOB PA DANG BRAL BA LAS DGONGS TE GSUNGS PA YIN NO, ,NYON MONGS PA GZHAN DANG MTSUNGS PAR LDAN PA'I SEMS KYANG 'DOD CHAGS DANG MTSUNGS PAR MI LDAN PA'I PHYIR 'DOD CHAGS DANG BRAL BA YIN PAR 'GYUR RO ZHES BSHAD PA MA YIN NAM DGONGS PA 'DI NI NYES PA MED DE, DE NI 'DOD CHAGS DANG BRAL BA ZHES BYA BAR MI GZUNG NGO, ,'O NA CI LTA ZHE NA, ZHE SDANG DANG BCAS PA DANG, GTI MUG DANG BCAS PA ZHES BYA BA DE LTA BU LA SOGS PAR GZUNG NGO, ,ZHAR LA 'ONGS PAS CHOG GO, ,GRUB PA'I MTHA' BRJOD PAR BYA STE, CI PHA ROL GYI SEMS SHES PA PHA ROL GYI SEMS KYI RNAM PA 'AM DMIGS PA 'DZIN ZHE NA, MI 'DZIN TO, ,DE @48A *, ,NI RNAM PA DANG DMIGS PA LA MI LTOS PA YIN TE, SEMS 'DI CHAGS PA YIN NO ZHES BYA BAR SHES KYI GZUGS CHE GE MO ZHIG LA CHAGS SO ZHES BYA BAR NI MI SHES SO, ,DE LTA MA YIN NA, DE GZUGS LA DMIGS PAR YANG 'GYUR LA, DE LA DMIGS PA'I PHA ROL GYI SEMS 'DZIN PA NI RANG GI NGO BO NYID 'DZIN PAR YANG 'GYUR RO, ,GZHAN GYI SEMS SHES PA THAMS CAD NI SEMS DANG SEMS LAS BYUNG BA DANG, RDZAS KYI RANG GI MTSAN NYID DANG, DA LTAR BYUNG BA DANG, PHA ROL GYI RGYUD DANG 'DOD PA DANG, GZUGS DANG LDAN PA DANG, LDAN PA MA YIN PA'I YUL CAN MTHONG BA'I LAM BKAG PA DANG, BSGOM PA'I LAM LA DMIGS PA DANG, STONG PA NYID DANG MTSAN MA MED PA DANG MI LDAN PA DANG, ZAD PA DANG MI SKYE BA SHES PAS MA BSDUS PA DANG, BAR CHAD MED PA'I LAM BKAG PA YIN PAR RIG PAR BYA'O, ,PHA ROL GYI SEMS SHES PA BSHAD ZIN TO, ,LHAG MA RNAM PA BCU BZHI CAN, ,STONG DANG BDAG MED MA GTOGS SO, ,LHAG MA NI ZAD PA DANG MI SKYE BA SHES PA DAG STE, DE GNYIS NI STONG PA DANG BDAG MED PA'I RNAM PA DAG MA GTOGS PA RNAM PA BCU BZHI CAN YIN NO, ,DON DAM PA PA DAG YIN YANG DE DAG GI STOBS KYI RJES SU THA SNYAD 'DOGS PA'I SGO NAS BDAG GI SKYE BA ZAD DO, ,'DI LAS SRID PA GZHAN RAB TU MI SHES SO ZHES KUN RDZOB LA STON PA'I PHYIR RO, ,CI ZAG PA MED PA LA RANG GI MTSAN NYID KYI RNAM PA YOD DAM, 'ON TE MED CE NA, RE ZHIG KHA CHE BA RNAMS KYI LTAR NA, DRI MED BCU DRUG GZHAN RNAMS MED, ,RNAM PA BCU DRUG LAS MA GTOGS PA ZAG PA MED PA'I RNAM PA MED DO, ,GZHAN YOD CES BYA BSTAN BCOS LAS, ,GZHAN NYI 'OG PA RNAMS NA RE YOD DO ZHES ZER RO, ,JI LTAR NA KHONG DU CHUD CE NA, BSTAN BCOS LAS ZHES BYA BA SMOS TE, BSTAN BCOS LAS 'DI SKAD DU MI LDAN PA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PAS BSKYED PA'I SGO NAS MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RGYU DANG, KUN 'BYUNG BA DANG, RAB @48B TU SKYE BA DANG, RKYEN DANG, 'DI NI GNAS YOD DO, ,'DI NI GZHI YOD DO ZHES BYA BAR SHES PAR 'GYUR RO ZHES 'BYUNG NGO, ,GAL TE GANG LAS 'DI NI GNAS YOD DO, ,'DI NI GZHI YOD DO ZHES DE SNYAM DU SHES PAR 'GYUR RO ZHES BYA BA 'DI'I DON NI 'DI MA YIN TE, 'ON KYANG MI RTAG PA LA SOGS PA SHES PAR 'GYUR BA GANG YIN PA 'DI NI GNAS YOD DO, ,'DI NI GZHI YOD DO ZHES BYA BA YIN NO, ,ZHE NA, MA YIN TE, GZHAN NAS MI 'BYUNG BA'I PHYIR RO, ,GAL TE 'DI BSTAN BCOS KYI DON YIN PAR 'GYUR NA, 'DI SKAD DU MTHONG BAS SPANG PAR BYA BA'I SEMS KYIS 'DOD PA DANG LDAN PA'I CHOS RNAMS SHES PAR 'GYUR BA YOD DAM ZHE NA, SHES PAR 'GYUR TE, RIGS PA MA YIN PAS BSKYED PA'I SGO NAS BDAG DANG, BDAG GI DANG, RTAG PA DANG, CHAD PA DANG, RGYU MED PA DANG, BYED PA MED PA DANG, SKUR BA 'DEBS PA DANG, MCHOG DANG, GTZO BO DANG, KHYAD PAR DU 'PHAGS PA DANG, DAM PA DANG, DAG PA DANG, GROL BA DANG, NGES PAR 'DZIN PAR BYED PA DANG, NEM NUR DANG, YID GNYIS DANG, THE TSOM DU SHES PAR 'GYUR ZHING, CHAGS PA DANG, SDANG BA DANG, RLOM PA DANG, RMONGS PAR 'GYUR RO ZHES GANG GSUNGS PA DER YANG 'DI SKAD DU 'DI NI GNAS YOD DO, ,'DI NI GZHI YOD DO ZHES 'BYUNG BAR 'GYUR BA ZHIG NA, DE SKAD KYANG MI 'BYUNG STE, DE LTA BAS NA 'DI NI DE'I DON MA YIN NO, ,CI RNAM PA BCU DRUG PO 'DI DAG MING GI SGO NAS SAM, 'ON TE RDZAS SU ZHE NA, KHA CIG NA RE RDZAS SU NI BDUN YIN LA MING GI SGO NAS NI BCU DRUG YIN TE, KUN 'BYUNG DANG, 'GOG PA DANG, LAM RNAMS RDZAS SU RE RE YIN PA'I PHYIR RO ZHES ZER RO, ,'DI SKAD DU BRJOD DE RDZAS SU RNAM PA BCU DRUG GO, ,DE LA RKYEN LA RAG LUS PA'I PHYIR MI RTAG PA'O, ,GNOD PA'I BDAG NYID YIN PA'I PHYIR SDUG BSNGAL BA'O, ,BDAG GIR LTA BA'I MI MTHUN PA'I PHYOGS KYIS STONG PA'O, ,BDAG TU LTA BA'I MI MTHUN PA'I PHYOGS KYIS BDAG MED PA'O, ,SA BON GYI CHOS KYI TSUL GYIS RGYU'O, ,'BYUNG BA'I CHOS KYI TSUL GYIS KUN 'BYUNG BA'O, ,'BREL BA'I TSUL GYIS RAB TU SKYE BA'O, , @49A *, ,MNGON PAR SGRUB PA'I DON GYIS NI RKYEN TE, DPER NA 'JIM PA'I GONG BU DANG THAL ZHAR DANG 'KHOR LO DANG THAG GU DANG CHU RNAMS 'DUS PA LAS BUM PA MNGON PAR GRUB PA DE BZHIN NO, ,PHUNG PO ZHIG PA'I PHYIR 'GOG PA'O, ,ME GSUM ZHI BA'I PHYIR ZHI BA'O, ,'TSE BA MED PA'I PHYIR GYA NOM PA'O, ,SKYON THAMS CAD DANG BRAL BA'I PHYIR NGES PAR 'BYUNG BA'O, ,BGROD PA'I DON GYIS LAM MO, ,RIGS PA DANG LDAN PA'I PHYIR RIGS PA'O, ,YANG DAG PAR BSGRUB PA'I DON GYIS SGRUB PA'O, ,SHIN TU YANG DAG PAR 'DA' BAR BYED PA'I PHYIR NGES PAR 'BYIN PAR BYED PA'O, ,YANG NA GTAN DU BA MA YIN PA'I PHYIR MI RTAG PA'O, ,KHUR LTA BUR GYUR PA'I PHYIR, SDUG BSNGAL BA'O, ,NANG GI SKYES BU DANG BRAL BA'I PHYIR STONG PA'O, ,'DOD DGUR BYED PA MED PA'I PHYIR BDAG MED PA'O, ,'ONG BA'I TSUL GYIS RGYU'O, ,'BYUNG BA'I TSUL GYIS KUN 'BYUNG BA'O, ,'PHEL BA'I TSUL GYIS RAB TU SKYE BA'O, ,SO SOR 'BRAD BA'I TSUL GYIS RKYEN NO, ,'BREL BA MED PAS 'BREL PA ZHIG PA'I PHYIR 'GOG PA'O, ,'DUS BYAS KYI MTSAN NYID GSUM DANG 'BRAL BA'I PHYIR ZHI BA'O, ,DGE BA'I PHYIR GYA NOM PA'O, ,YID BRTAN PA'I MCHOG YIN PA'I PHYIR NGES PAR 'BYUNG BA'O, , LAM NGAN PA'I MI MTHUN PA'I PHYOGS KYIS LAM MO, ,RIGS PA MA YIN PA'I MI MTHUN PA'I PHYOGS KYIS RIGS PA'O, ,MYA NGAN LAS 'DAS PA'I GRONG DANG, MI 'GAL BA'I DON GYIS SGRUB PA'O, ,SRID PA THAMS CAD KYI GNYEN PO YIN PA'I PHYIR NGES PAR 'BYIN PAR BYED PA'O, ,JI LTAR 'DOD PA BRJOD PAR BYA STE SKYE BA DANG 'JIG PA'I CHOS CAN YIN PA'I PHYIR MI RTAG PA'O, ,MI MTHUN PAR GYUR PA'I PHYIR SDUG BSNGAL BA'O, ,BDAG DANG BRAL BA'I PHYIR STONG PA'O, ,BDAG NYID KYIS BDAG MA YIN PA'I PHYIR BDAG MED PA'O, ,RGYU DANG, KUN 'BYUNG BA DANG, RAB TU SKYE BA DANG, RKYEN NYID NI GANG MDO LAS NYE BAR LEN PA'I PHUNG PO LNGA PO 'DI DAG NI 'DUN PA'I RTZA BA CAN, 'DUN PA LAS KUN 'BYUNG BA, 'DUN PA DANG 'DRA BA, 'DUN PA LAS RAB TU SKYE BA DAG YIN NO ZHES GSUNGS PA KHO NA YIN TE, RAB TU SKYE BA ZHES BYA BA'I SGRA THA MAR GDON BA 'BA' ZHIG TU @49B ZAD DO, ,YANG 'DI DAG LA KHYAD PAR CI YOD CE NA, 'DUN PA NI RNAM PA BZHI STE, NGA'O SNYAM PA NI BYE BRAG MED PAR LUS PA 'DUN PA YIN NO, ,GYUR CIG SNYAM PA NI BYE BRAG TU MED PAR YANG SRID PA LA 'DUN PA YIN NO, ,'DI LTA BUR GYUR CIG SNYAM PA NI, BYE BRAG TU YANG SRID PA LA 'DUN PA YIN NO, ,BZHI PA NI NYING MTSAMS SBYOR BA'I 'CHING BA LA 'DUN PA YIN NO, ,YANG NA LAS MNGON PAR 'DU BYED PA LA 'DUN PA YIN NO, ,DE LA DANG PO NI SDUG BSNGAL GYI DANG PO'I RGYU YIN PA'I PHYIR RTZA BA'I RGYU YIN TE, 'BRAS BU'I SA BON BZHIN NO, ,GNYIS PA NI KUN 'BYUNG BA YIN TE, DES DE YANG DAG PAR 'GRUB PA'I PHYIR, 'BRAS BU'I MYU GU LA SOGS PA SKYE BA BZHIN NO, ,GSUM PA NI DE DANG 'DRA BA'I SDUG BSNGAL GYI RKYEN YIN TE, 'BRAS BU'I ZHING DANG CHU DANG LUD LA SOGS PA BZHIN NO, ,ZHING LA SOGS PA'I DBANG GIS NI 'BRAS BU'I DRI DANG RO DANG, NUS PA DANG, SMIN PA DANG MTHU DANG LDAN PAR 'GYUR RO, ,BZHI PA NI RAB TU SKYE BA STE, DE KHO NA LAS DE SKYE BA'I PHYIR 'BRAS BU'I THA MA ME TOG BZHIN NO, ,YANG NA SRED PA RNAM PAR SPYAD PA RNAMS KYI 'DUN PA BZHI NI SRED PA'I BYE BRAG RNAMS LAS LNGA TSAN GNYIS DANG, BZHI TSAN GNYIS YIN TE, DGE SLONG DAG NGA'O SNYAM PA YOD NA NGA 'DI LTA BU'O SNYAM PA 'BYUNG BAR 'GYUR ZHING, NGA NI 'DI 'DRA'O SNYAM PA DANG, NGA DE LTA MA YIN NO SNYAM PA DANG, NGA BZANG NGO SNYAM PA DANG, NGA NGAN NO SNYAM PA 'BYUNG BAR 'GYUR RO, ,DE LA 'BYUNG BAR 'GYUR BAR BYA'O SNYAM PAR 'GYUR ZHING, DE LA 'BYUNG BAR 'GYUR BAR MI BYA'O SNYAM PA DANG, 'DI LTA BUR 'BYUNG BAR 'GYUR BAR BYA'O SNYAM PA DANG, 'DI 'DRA BAR 'BYUNG BAR 'GYUR BAR BYA'O SNYAM PA DANG, DE LTA MA YIN PAR 'BYUNG BAR 'GYUR BAR BYA'O SNYAM PA 'BYUNG BAR 'GYUR RO, ,DE LA GYUR CIG SNYAM PA 'BYUNG BAR 'GYUR ZHING, DE LA 'DI LTA BUR GYUR CIG SNYAM PA DANG, DE 'DRA BAR GYUR CIG SNYAM PA DANG, DE LTA MA YIN PAR GYUR CIG SNYAM PA DANG, GYUR KYANG CI MA RUNG SNYAM PA DANG, 'DI LTA BUR GYUR KYANG CI MA RUNG SNYAM PA DANG, 'DI 'DRA BAR GYUR KYANG CI MA RUNG SNYAM PA DANG, DE LTA MA YIN PAR GYUR KYANG CI MA RUNG SNYAM PA 'BYUNG BAR 'GYUR @50A *, ,RO ZHES GSUNGS PA YIN NO, ,'JUG PA MED PA'I PHYIR 'GOG PA'O, ,SDUG BSNGAL MED PA'I PHYIR ZHI BA STE, DGE SLONG DAG DE LTAR NA 'DU BYED RNAMS NI SDUG BSNGAL BA'O, ,MYA NGAN LAS 'DAS PA NI ZHI BA'O ZHES GSUNGS PA'I PHYIR RO, ,GONG NA MED PA'I PHYIR GYA NOM PA'O, ,YANG PHYIR MI LDOG PA'I PHYIR NGES PAR 'BYUNG BA'O, ,LAM LTA BUR GYUR PA'I PHYIR LAM MO, ,YANG DAG PA JI LTA BZHIN DU ZHUGS PA'I PHYIR RIGS PA'O, ,SO SOR NGES PA'I PHYIR SGRUB BA STE, JI SKAD DU MTHONG BA RNAM PAR DAG PAR BYA BA'I PHYIR 'DI LAM YIN GYI GZHAN NI MED DO ZHES GSUNGS PA LTA BU'O, ,GTAN DU NGES PAR 'BYUNG BAR BYED PA'I PHYIR NGES PAR 'BYIN PA'O, ,YANG NA RTAG PA DANG, BDE BA DANG, BDAG GI DANG, BDAG TU LTA PA SPYAD PA RNAMS KYI GNYEN POR GO RIMS BZHIN DU MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PA DAG YIN NO, ,RGYU MED PA DANG, RGYU GCIG PU DANG, 'GYUR BA DANG, BLO SNGAR BTANG BA DANG, LTA BA SPYAD PA RNAMS KYI GNYEN POR GO RIMS BZHIN DU RGYU DANG, KUN 'BYUNG BA DANG, RAB TU SKYE BA DANG, RKYEN GYI RNAM PA DAG YIN NO, ,THAR PA MED DO SNYAM DU LTA BA SPYAD PA RNAMS KYI GNYEN POR 'GOG PA'I RNAM PA YIN NO, ,SDUG BSNGAL LA THAR PA YIN NO SNYAM DU LTA BA SPYAD PA RNAMS KYI GNYEN BOR ZHI BA'I RNAM PA YIN NO, ,BSAM GTAN GYI BDE BA GYA NOM PA YIN PAR LTA BA SPYAD PA RNAMS KYI GNYEN POR GYA NOM PA YIN NO, ,YANG DANG YANG YONGS SU NYAMS BAR 'GYUR BA'I SGO NAS THAR BA NI GTAN DU MA YIN NO SNYAM DU LTA BA SPYAD PA RNAMS KYI GNYEN POR NGES PAR 'BYUNG BA'I RNAM PA YIN NO, ,LAM MED DO SNYAM PA DANG, LAM 'DI YIN NO SNYAM PA DANG, GZHAN YANG LAM YIN NO SNYAM PA DANG, LAM 'DI YANG LHAG GO SNYAM DU LTA BAR SPYAD PA RNAMS KYI GNYEN POR GO RIMS BZHIN DU LAM DANG, REGS PA DANG, SGRUB PA DANG, DES PAR 'BYIN PA'I RNAM PA DAG YIN NO, ,RNAM PA ZHES BYA BA'I CHOS 'DI CI ZHE NA, RNAM PA SHES RAB, DE LTA NA NI 'O NA SHES RAB GZHAN DANG MTSUNGS PAR MI LDAN PA'I PHYIR, SHES RAB RNAM PA DANG BCAS @50B PAR MI 'GYUR GYI, 'DI LTAR RNAM PA NI SEMS DANG SEMS LAS BYUNG BA THAMS CAD KYI DMIGS PA 'DZIN PA'I BYE BRAG NI RNAM PA YIN NO ZHES BYA BA NI RIGS PAR 'GYUR RO, ,YANG CI SHES RAB KHO NAS 'DZIN PAR BYED DAM ZHE NA, SMRAS BAM YIN NO, ,'ON JI LTA BU ZHE NA, DE DANG BCAS PA'I DMIGS PA DANG BCAS PAS 'DZIN PAR BYED, SHES RAB DANG, DMIGS PA DANG BCAS PA'I CHOS GZHAN THAMS CAD KYIS KYANG 'DZIN PAR BYED DO, ,YOD PA THAMS CAD GZUNG BYA YIN, ,GANG CI YOD KYANG RUNG THAMS CAD GZUNG BAR BYA BA YIN NO, ,DE LTAR BYAS NA SHES RAB NI RNAM BA YANG YIN, 'DZIN PAR BYED PA YANG YIN, GZUNG BAR BYA BA YANG YIN NO, ,DMIGS PA DANG BCAS PA GZHAN NI 'DZIN PAR BYED PA DANG, GZUNG BAR BYA BA YIN NO, ,DMIGS PA MED PA RNAMS NI GZUNG BAR BYA BA KHO NA YIN NO, ,'DI MAN CHAD NI SHES PA BCU PO 'DI DAG GI DGE BA LA SOGS PA'I BYE BRAG BSTAN PAR BYA STE, DANG PO RNAM GSUM GZHAN RNAMS DGE ,KUN RDZOB SHES PA NI TSIGS SU BCAD PA'I DANG PO NI YOD PA'I PHYIR DANG PO STE, DE NI DGE BA DANG MI DGE BA DANG, LUNG DU MA BSTAN PA DANG RNAM PA GSUM YIN NO, ,SHES PA GZHAN DGU NI DGE BA KHO NA YIN NO, ,DANG POS RNAMS THAMS CAD NA, 'DOD PA'I KHAMS NAS SRID PA'I RTZE MO'I BAR NA YOD DO, ,DRUG NA CHOS SHES BYA, CHOS SHES PA NI BSAM GTAN BZHI DANG, MI LCOGS PA MED BA DANG, BSAM GTAN KHYAD PAR CAN NA YOD DO, ,DGU NA RJES SHES BYA BA, RJES SU SHES PA NI SA DRUG PO DE DAG NYID DANG GZUGS MED PA GSUM NA YOD DO, ,DE BZHIN DU DRUG ,SDUG BSNGAL DANG, KUN 'BYUNG DANG, 'GOG BA DANG, LAM DANG, ZAD PA DANG, MI SKYE BA SHES PA RNAMS KYANG BYE BRAG MED BAR NI SA DGU PO DE DAG NYID NA YOD DO, ,DBYE BA NI CHOS SHES PAS BSDUS PA RNAMS NI SA DRUG NA YOD DO,, RJES SU SHES PAS BSDUS PA RNAMS NI SA DGU NA YOD DO, ,GZHAN YID SHES PA BSAM GTAN BZHI, ,PHA ROL GYI SEMS SHES PA NI BSAM GTAN BZHI KHO NA NA YOD KYI GZHAN NA MED DO, ,DE NA 'DOD DANG GZUGS RTEN CAN, ,PHA ROL GYI SEMS SHES PA DE NI 'DOD PA DANG GZUGS KYI @51A *, ,KHAMS DAG TU MNGON SUM DU BYED DO, ,CHOS SHES BYA BA 'DOD RTEN CAN, ,CHOS SHES PA NI 'DOD PA'I KHAMS KYI RTEN CAN KHO NA YIN GYI, GZUGS DANG GZUGS MED PA'I KHAMS DAG TU NI MNGON SUM DU MI BYED DO, ,KHAMS GSUM PA YI RTEN CAN GZHAN, ,GZHAN GANG ZHE NA; PHA ROL GYI SEMS SHES PA DANG, CHOS SHES PA MA GTOGS PA'O, ,SA DAG DANG RTEN BSHAD ZIN TO, ,DRAN PA NYE BAR GZHAG PA RNAMS KYIS BSDUS PA BRJOD PAR BYA STE, DE SMRAS PA, 'GOG BLO DRAN PA NYER GZHAG PA, ,GCIG STE BLO DANG SHES RAB DANG, ,SHES PA ZHES BYA BA NI RNAM GRANGS YIN NO, ,'GOG PA SHES PA NI GCIG STE, CHOS DRAN PA NYE BAR GZHAG PA YIN NO, ,PHA ROL GYI SEMS BLO NI GSUM MO, ,PHA ROL GYI SEMS SHES PA NI GSUM STE, TSOR BA DANG, SEMS DANG, CHOS DRAN BA NYE BAR GZHAG PA RNAMS YIN NO, ,LHAG MA BZHI YIN NO, , 'GOG PA DANG, PHA ROL GYI SEMS SHES PA DAG LAS GZHAN PA'I SHES PA RNAMS NI DRAN PA NYE BAR GZHAG PA BZHI CHAR YIN NO, ,SHES PA GANG GIS DMIGS PA SHES PA DU ZHIG YIN ZHE NA, CHOS BLO'I SPYOD YUL DGU YIN NO, ,CHOS SHES PA'I DMIGS PA NI SHES PA DGU YIN TE; RJES SU SHES PA MA GTOGS SO, ,LAM RJES BLO YI DGU YIN NO, ,RJES SU SHES PA'I DMIGS PA YANG SHES PA DGU YIN TE, CHOS SHES PA MA GTOGS SO, ,LAM SHES PA'I DMIGS PA YANG DGU YIN TE, KUN RDZOB SHES PA MA GTOGS SO, ,SDUG BSNGAL RGYU BLO'I GNYIS YIN NO; SDUG BSNGAL DANG KUN 'BYUNG SHES PA DAG GI DMIGS PA DAG NI GNYIS TE, KUN RDZOB DANG GZHAN GYI SEMS SHES PA YIN NO, ,BZHI YI BCU YIN, KUN RDZOB SHES PA DANG, GZHAN GYI SEMS SHES PA DANG, ZAD PA SHES PA DANG, MI SKYE BA SHES PA RNAMS KYI DMIGS PA NI SHES PA BCU CHAR YANG YIN NO, ,GCIG GI MIN, 'GOG PA SHES PA NI GCIG PHU'I DMIGS PA NI SHES PA MA YIN PA NYID DO, ,CHOS BCU DAG NI SBYAR BAR BYA, BCU GANG DAG CE NA, KHAMS GSUM PA DANG DRI MED CHOS, ,'DUS MA BYAS RNAMS GNYIS GNYIS SO, ,CHOS 'DUS BYAS RNAMS LA @51B 'DOD PA DANG, GZUGS DANG GZUGS MED BA NA SPYOD PA DANG, ZAG PA MED PA RNAMS MTSUNGS PAR LDAN PA DANG LDAN PA MA YIN PA'I BYE BRAG GIS RNAM PA BRGYAD DU BYA'O, ,'DUS MA BYAS RNAMS LA DGE BA DANG, LUNG DU MA BSTAN PA'I BYE BRAG GIS RNAM BA GNYIS SU BYA'O, ,CHOS BCU PO 'DI DAG JI LTAR SBYAR BAR BYA ZHE NA, SHES PA GANG GIS DMIGS PA DU ZHIG YIN ZHES SBYAR BAR BYA STE, DE LA KUN RDZOB SHES PA'I DMIGS PA NI CHOS BCU PO THAMS CAD YIN NO, ,CHOS SHES PA NI LNGA STE, 'DOD PA NA SPYOD PA DANG, ZAG PA MED PA DANG, GZHI DANG, 'DUS MA BYAS DGE BA YIN NO, ,RJES SU SHES PA NI BDUN TE, GZUGS DANG GZUGS MED PA NA SPYOD PA DANG, ZAG PA MED PA DANG, DRUG DANG, 'DUS MA BYAS DGE BA YIN NO, ,SDUG BSNGAL DANG, KUN 'BYUNG SHES PA DAG GI NI DRUG STE, 'DOD PA DANG, GZUGS DANG, GZUGS MED PA NA SPYOD PA RNAMS YIN NO, ,'GOG PA SHES PA'I NI GCIG STE, 'DUS MA BYAS DGE BA KHO NA YIN NO, ,LAM SHES PA'I NI GNYIS TE, ZAG PA MED PA DAG YIN NO, ,GZHAN GYI SEMS SHES PA'I NI GSUM STE, 'DOD PA DANG, GZUGS NA SPYOD PA DANG, ZAG PA MED PA DANG MTSUNGS PAR LDAN BA RNAMS YIN NO, ,ZAD PA DANG MI SKYE BA SHES PA DAG GI DMIGS PA NI CHOS DGU YIN TE, 'DUS MA BYAS LUNG DU MA BSTAN PA MA GTOGS SO, ,SHES PA GCIG GIS CHOS THAMS CAD SHES PAR 'GYUR BA YOD DAM ZHE NA, MED DO, 'ON KYANG, KUN RDZOB GCIG PUS RANG TSOGS LAS, ,GZHAN NI BDAG MED NYID RIGS 'GYUR, ,KUN RDZOB SHES PAS NI RANG GI TSOGS LAS GZHAN PA'I CHOS THAMS CAD NI BDAG MED BA'I ZHES BDAG MED PA NYID DU SHES PAR 'GYUR RO, ,DE'I RANG GI TSOGS NI RANG GI NGO BO DANG DE DANG LHAN CIG TU 'BYUNG BA'I CHOS RNAMS YIN TE, DE DAG NI YUL DANG YUL CAN THA DAD PA'I PHYIR DANG, DMIGS PA GCIG PA'I PHYIR DANG, HA CANG NYE BA'I PHYIR MI 'DZIN TO, ,DE YANG 'DOD PA NA SPYOD PA NI THOS PA DANG, BSAM PA LAS BYUNG BA YIN NO, ,GZUGS NA SPYOD PA NI THOS PA LAS BYUNG BA YIN NO, ,BSGOM PA LAS BYUNG BA NI MA YIN TE, DE NI SA RNAM PA CHAD PA LAS @52A *, ,DMIGS PA'I PHYIR RO, ,DE LTA MA YIN NA THAMS CAD LAS CIG CAR 'DOD CHAGS DANG BRAL BAR 'GYUR RO, ,'DI NI RDZOGS SO,, ,,GANG ZHIG SHES BA DU DANG LDAN, ,ZHES BYA BA 'DI BRJOD BAR BYA STE, RE ZHIG SO SO'I SKYE BO NI KUN RDZOB SHES PA GCIG BU DANG LDAN NO, ,'DOD CHAGS DANG BRAL BA ZHIG YIN NA NI PHA ROL GYI SEMS SHES PA DANG YANG LDAN NO, ,'PHAGS PA NI, ZAG MED SKAD CIG DANG PO LA, ,CHAGS CAN SHES PA GCIG DANG LDAN, ,'DOD PA LAS 'DOD CHAGS DANG MA BRAL BZHIG YIN NA, SDUG BSNGAL LA CHOS SHES PA'I BZOD PA LA KUN RDZOB SHES PA GCIG KHO NA DANG LDAN PA YIN NO, ,GNYIS PA LA GSUM, SDUG BSNGAL LA CHOS SHES PA LA NI KUN RDZOB SHES PA DANG, CHOS SHES PA DANG, SDUG BSNGAL SHES PA STE, GSUM DANG LDAN NO, ,YAN CHAD NI, BZHI LA RE RE 'PHEL DANG LDAN, ,DE YAN CHAD KYI SKAD CIG MA BZHI LA NI, DE LA SHES PA RE RE, 'PHEL BAR SHES BAR BYA STE, SDUG BSNGAL LA RJES SU SHES BA LA NI RJES SU SHES PA 'PHEL LA, KUN 'BYUNG DANG, 'GOG PA DANG, LAM LA CHOS SHES PA RNAMS LA NI KUN 'BYUNG DANG, 'GOG PA DANG, LAM SHES PA RNAMS 'PHEL BAS LAM LA CHOS SHES PA LA SHES PA BDUN DANG LDAN PA YIN NO, ,'DOD CHAGS DANG BRAL BA ZHIG YIN NA NI THAMS CAD DU GZHAN GYI SEMS SHES PA LHAG PAR LDAN PAR RIG PAR BYA'O, ,YANG NA GNAS SKABS GANG DU SHES PA DU DAG CIG 'THOB CE NA, MTHONG BA'I LAM LA BZOD PA DANG, ,SHES PA JI LTAR SKYES PA RNAMS, ,MA 'ONGS PA 'THOB, MTHONG BA'I LAM LA BZOD PA'AM, SHES PA GANG DANG GANG SKYES PA DE DANG 'DRA BA MA 'ONGS PA DE'I RNAM PA BZHI KHO NA 'THOB BAR 'GYUR RO, ,CI'I PHYIR, MTHONG BA'I LAM LA SHES PA DANG, , RNAM BA 'DRA BA KHO NA 'THOB CE NA, RIGS RNAMS MA THOB PA'I PHYIR RO, ,DE NYID LAS, RJES GSUM LA NI KUN RDZOB KYANG, ,MTHONG BA'I LAM DE NYID LA SDUG BSNGAL DANG, KUN 'BYUNG DANG, 'GOG PA LA RJES SU SHES BA GSUM LA KUN RDZOB SHES PA YANG 'THOB BO, ,CHOS SHES PA @52B LA NI MA YIN TE, BDEN PA ZAD PAR MNGON PAR MA RTOGS BA'I PHYIR RO, ,DE NYID KYI PHYIR MNGON RTOGS MTHA' ZHES BYA BA, DE NYID KYI PHYIR KUN RDZOB SHES PA DE NI MNGON PAR RTOGS PA'I MTHA' LAS BYUNG BA ZHES BYA STE, BDEN PA RE RE MNGON PAR RTOGS PA'I RJES LA 'THOB PA'I PHYIR RO, ,CI'I PHYIR LAM LA RJES SU SHES PA NA 'THOB BAR MI 'GYUR ZHE NA, LAM GYI BDEN BA NI SNGON 'JIG RTEN PA'I LAM GYIS MNGON PAR MA RTOGS PA'I PHYIR DANG, ZAD PAR MNGON PAR MA RTOGS PA'I PHYIR RO, ,SDUG BSNGAL ZAD PAR YONGS SU SHES PAR BYA BA DANG, KUN 'BYUNG SPANG BAR BYA BA DANG; 'GOG PA MNGON DU BYA BAR NI NUS KYI, LAM NI ZAD PAR BSGOM PAR MI NUS PAS MNGON PAR RTOGS PA'I MTHA' MED PA'I PHYIR, DE NI MNGON PAR RTOGS PA'I MTHA' LAS BYUNG BA MI 'THOB BO, ,DE'I TSE KUN 'BYUNG BA LA YANG THAMS CAD SPANGS PA MA YIN PAS MNGON PAR RTOGS BA'I MTHA' LAS BYUNG BAR MI 'GYUR RO ZHE NA, DE'I BDEN PA MTHONG BAS SPANG BAR BYA BA THAMS CAD SPANGS PA YIN NO, ,LAM NI RIGS MANG BA'I PHYIR, MTHONG BAS SPANG BA'I GNYEN POR THAMS CAD BSGOM PAR MI NUS PAS KHYAD PAR CHER YOD DO, ,GZHAN DAG NA RE MTHONG BA'I LAM GYI 'KHOR YIN PA'I PHYIR RO ZHES ZER RO, ,'DI NI BSGRUB PAR BYA BA YIN PA'I PHYIR SHES PAR BYED PA MA YIN NO, ,CI KUN RDZOB SHES PA MNGON PAR RTOGS BA'I MTHA' LAS BYUNG BA DE RES 'GA' MNGON SUM DU BYED DAM ZHE NA, NAM YANG MI BYED DE, GCIG KHO NAR DE NI MI SKYE BA'I CHOS CAN YIN, JI LTAR NA DE THOB PA YIN TE, MA RNYED PA LAS RNYED PA'I PHYIR RO, ,DA NI GAL TE DE MNGON SUM DU BYA BA MI NUS PA KHO NA YIN NA JI LTAR NA DE RNYED PA YIN, THOB PA'I SGO NAS SO, ,GANG GI PHYIR RNYED PA DE'I PHYIR RNYED DO ZHES STON PA 'DI NI SNGON MA BYUNG BA'I RNAM PA YIN NO, ,DE LTA BAS NA DE LTA NA NI THOB PA MI 'GRUB PA NYID KYIS SNGON GYI SLOB DPON DAG JI SKAD ZER BA DE LTA NA 'GRUB BAR 'GYUR RO, ,SNGON GYI SLOB DPON DAG JI SKAD ZER ZHE NA, 'JIG RTEN LAS 'DAS BA'I LAM GYI MTHUS DE LAS LANGS NAS 'JIG RTEN PA'I SHES PA CHES KHYAD PAR DU 'PHAGS @53A *, ,PA BDEN PA LA DMIGS BA MNGON SUM DU BYED PAR 'GYUR BA KUN RDZOB SHES PA SKYE BAR 'GYUR RO, ,DE MNGON SUM DU 'GYUR BAR NUS PA'I RTEN RNYED PA GANG YIN PA DE NYID RNYED PA YIN TE, RIGS RNYED NA RIGS LAS BYUNG BA YANG RNYED PA YIN NO ZHES ZER RO, ,BYE BRAG TU SMRA BA RNAMS NI 'DI MI 'DOD DO, ,SA DU PA'I KUN RDZOB SHES PA DE 'THOB CE NA, MTHONG BA'I LAM GYIS NI, RANG DANG 'GOG PA MTHONG BA'I LAM LAS SA GANG PA YIN PA SA DE PA DANG, SA 'OG MA PA'I KUN RDZOB SHES PA 'THOB BA STE, GAL TE MTHONG BA'I LAM MI LCOGS PA MED PA'I SA PA ZHIG YIN NA NI, MI LCOGS PA MED PA'I SA PA DANG, 'DOD PA NA SPYOD PA DANG, SA GNYIS PA THOB LA, DE BZHIN DU MTHONG BA'I LAM, BSAM GTAN BZHI PA'I SA PA YIN NA SA BDUN PA'I KUN RDZOB SHES PA THOB BA'I BAR DU'O, ,DE YANG DRAN BA NYE BAR GZHAG PA DU DAG CIG YIN ZHE NA, 'GOG PA'I MTHA', 'GOG PA'I MNGON PAR RTOGS PA'I KUN RDZOB SHES PA GANG YIN PA DE NI DRAN PA NYE BAR GZHAG PA THA MA STE, CHOS DRAN PA NYE BAR GZHAG PA YIN NO, ,GCIG GRANGS BCAD PAS LHAG MA NI DRAN PA NYE BAR GZHAG PA BZHI CHAR YIN NO ZHES BYA BAR GRUB PA YIN NO, ,KUN RDZOB SHES PA MNGON PAR RTOGS PA'I MTHA' LAS BYUNG BA DE NI RANG BDEN RNAMS CAN, BDEN BA GANG ZHIG MNGON BAR RTOGS PA'I 'THOB PA BDEN PA DE'I RNAM PA CAN KHO NA YIN NO, ,DE'I RNAM PA CAN YIN NO, ,ZHES SMOS PAS 'DI'I DMIGS PA YANG BDEN PA DE NYID YIN NO ZHES BSHAD PA YIN NO, ,DE NI MTHONG BA'I LAM GYIS 'THOB PAR BYA BA YIN PA'I PHYIR 'BAD LAS BYUNG BA SBYOR BA LAS BYUNG BA YIN NO ZHES BYA BA'I THA TSIG GO, ,'KHOR DANG BCAS PA LA SOGS PA SMOS PA'I PHYIR, 'DOD PA DANG GZUGS NA SPYOD PA NI PHUNG PO BZHI DANG LNGA'I RANG BZHIN YIN NO, ,CHAGS BCAS BCU DRUG PA LA DRUG ,'THOB CES BYA BAR SBYAR TE, 'DOD CHAGS DANG MA BRAL BA NI BCU DRUG PA LAM LA RJES SU SHES PA LAS SHES PA GNYIS DA LTAR BYUNG BA YIN LA, MA 'ONGS PA DRUG 'THOB STE, CHOS SHES PA DANG, RJES SU SHES PA DANG, SDUG BSNGAL @53B DANG KUN 'BYUNG DANG 'GOG PA DANG, LAM SHES PA RNAMS SO, ,'DOD LA CHAGS DANG BRAL BAS BDUN, ,'DOD CHAGS DANG BRAL BAS NI BDUN PA PHA ROL GYI SEMS SHES PA 'THOB BO, ,DE YI GONG MCHAGS BCAS KYI, ,BSGOM BA'I LAM LA BDUN 'THOB PO, ,SKAD CIG MA BCU DRUG GI GONG MA'I BSGOM PA'I LAM LA NI JI SRID DU 'DOD PA LAS 'DOD CHAGS DANG BRAL BAM YIN PA DE SRID DU SBYOR BA DANG, BAR CHAD MED PA DANG, RNAM PAR GROL BA DANG, KHYAD PAR CAN GYI LAM THAMS CAD LA SHES PA BDUN 'THOB STE, CHOS SHES PA DANG, RJES SU SHES PA DANG, SDUG BSNGAL DANG, KUN 'BYUNG BA DANG, 'GOG PA DANG, LAM DANG KUN RDZOB SHES PA RNAMS SO, ,GAL TE BSGOM BA'I LAM 'JIG RTEN PA ZHIG YIN NA NI KUN RDZOB SHES PA DA LTAR BYUNG BA YIN NO, ,GAL TE 'JIG RTEN LAS 'DAS PA ZHIG YIN NA NI, CHOS SHES PA BZHI LAS GANG YANG RUNG BA ZHIG DA LTAR BYUNG BA YIN NO; ,SA BDUN LAS RGYAL MNGON SHES DANG, ,MI G-YO 'THOB DANG SPEL BSGOMS PA'I, ,BAR CHAD MED BA'I LAM DAG DANG, ,GONG MA'I GROL BA'I LAM BRGYAD LA'ANG, ,SHES PA BDUN 'THOB BO ZHES BYA BAR SBYAR TE, SA BDUN NI BSAM GTAN BZHI DANG, GZUGS MED PA GSUM MO, ,DE DAG LAS RGYAL BA NI 'DOD CHAGS DANG BRAL BA STE, SLOB BA SA BDUN PO DE DAG LAS 'DOD CHAGS DANG BRAL BA DANG, MNGON PAR SHES BA LNGA DANG, MI G-YO BA RTOGS PAR BYED PA DANG, BSAM GTAN SPEL MAR BSGOM PA'I BAR CHAD MED PA'I LAM JI SNYED BA DE DAG THAMS CAD LA SHES PA BDUN 'THOB STE, DE DAG NYID DO, ,GAL TE BSGOM PA'I LAM 'JIG RTEN PA ZHIG YIN NA NI, KUN RDZOB SHES PA DA LTAR BYUNG BA YIN NO, ,'JIG RTEN LAS 'DAS PA ZHIG YIN NA NI RJES SU SHES PA BZHI DANG CHOS SHES PA GNYIS LAS GANG YANG RUNG BA ZHIG DA LTAR BYUNG BA YIN NO, ,MI G-YO BA RTOGS PAR BYED BA LA NI KUN RDZOB SHES PA MI 'THONG STE; SRID PA'I TZE MO'I GNYEN PO MA YIN PA'I PHYIR RO, ,DER NI ZAD PA SHES BA BDUN BA YIN PAR RIG PAR BYA'O, ,SA BDUN LAS 'DOD CHAGS DANG BRAL BA'I YANG GONG MA SRID PA'I RTZE MO LAS 'DOD CHAGS DANG BRAL PA'I RNAM PAR GROL BA'I LAM BRGYAD LA YANG SHES PA BDUN KHO NA 'THOB STE, CHOS @54A *, ,SHES PA DANG, RJES SU SHES PA DANG, SDUG BSNGAL DANG, KUN 'BYUNG DANG, 'GOG BA DANG, LAM DANG, PHA ROL GYI SEMS SHES PA RNAMS SO, ,KUN RDZOB SHES PA NI MI 'THOB STE, SRID PA'I RTZE MO'I GNYEN PO MA YIN PA'I PHYIR RO, ,RJES SU SHES PA RNAM PA BZHI DANG, CHOS SHES PA RNAM PA GNYIS LAS GANG YANG RUNG BA ZHIG DA LTAR BYUNG BA YIN NO, ,SLOB PA SBYONG BA'I GROL BA LA, ,SHES PA DRUG DANG BDUN 'THOB BAM, ,SLOB PA 'DOD CHAGS DANG BCAS PAS NI DBANG PO SBYOR BA'I RNAM PAR GROL BA'I LAM LA DRUG 'THOB STE, CHOS SHES PA DANG, RJES SU SHES PA DANG, SDUG BSNGAL BA DANG, KUN 'BYUNG BA DANG, 'GOG PA DANG, LAM SHES PA RNAMS SO, ,'DOD CHAGS DANG BRAL BAS NI PHA ROL GYI SEMS SHES PA BSNAN TE, BDUN 'THOB BO, ,'AM ZHES BYA BA'I SGRA NI KHA CIG NA RE GNYI GAS KUN RDZOB SHES PA YANG 'THOB BO ZHES ZER BA'I LUGS THA DAD PA SHES PAR BYA BA'I PHYIR RO, ,SBYOR BA'I LAM LA NI DE GNYIS KYIS KUN RDZOB SHES PA YANG 'THOB BO, ,BAR CHAD MED PA'I LAM LA DRUG ,SLOB PA 'DOD CHAGS DANG BRAL BA YANG RUNG, 'DOD CHAGS DANG MA BRAL BA YANG RUNG, DBANG PO SBYOR BA'I BAR CHAD MED PA'I LAM LA DRUG 'THOB STE, SNGA MA BZHIN NO, ,KUN RDZOB SHES PA NI MA YIN TE, MTHONG BA'I LAM DANG 'DRA BA'I PHYIR, PHA ROL GYI SEMS SHES PA YANG MA YIN TE, BAR CHAD MED PA'I LAM THAMS CAD LA BKAG PA'I PHYIR RO, ,CI'I PHYIR BKAG PA CI ZHE NA, GNYEN PO MA YIN PA'I PHYIR RO, ,DE BZHIN SRID RTZE'I RNAM RGYAL LA, , SRID PA'I RTZE MO LAS 'DOD CHAGS DANG BRAL BA'I BAR CHAD MED PA'I LAM RNAMS LA YANG DE BZHIN DU DRUG 'THOB BO, ,ZAD PA SHES PA LA DGU'O, ,SRID PA'I RTZE MO LAS 'DOD CHAGS DANG BRAL BA LA RNAM PAR GROL BA'I LAM DGU PA NI ZAD PA SHES PA YIN TE, DE LA MI SKYE BA SHES PA MA GTOGS PA SHES PA DGU 'THOB PO, ,MI G-YO BAS NI BCU 'THOB BO, ,MI G-YO BA'I CHOS CAN GANG YIN PA DES NI BCU 'THOB STE, MI SKYE BA SHES PA 'THOB PA'I PHYIR RO, ,DER 'PHO BA'I GROL BA THA MA LA'ANG, ,GANG ZHIG MI G-YO BA NYID DU 'PHO BA DE'I RNAM PAR GROL BA'I LAM THA MA LA YANG BCU 'THOB @54B BO; ,BSHAD PA'I LHAG MA LA BRGYAD 'THOB BO, ,LHAG MA YANG GANG ZHIG CE NA, 'DOD PA'I KHAMS LAS 'DOD CHAGS DANG BRAL BA'I RNAM PAR GROL BA'I LAM DGU PA DANG, SA BDUN LAS 'DOD CHAGS DANG BRAL BA DANG, MNGON PAR SHES PA DANG SPEL MAR BSGOM PA DAG GIS RNAM PAR GROL BA'I LAM RNAMS DANG, MI G-YO BA RTOGS PAR BYED PA'I RNAM PAR GROL BA'I LAM BRGYAD DANG, 'DOD CHAGS DANG BRAL BA'I SBYOR BA DANG, KHYAD PAR CAN GYI LAM THAMS CAD DE, DE DAG THAMS CAD LA NI ZAD PA DANG, MI SKYE BA SHES PA MA GTOGS PA SHES PA BRGYAD MA 'ONGS PA 'THOB PAS 'THOB PA STE, SLOB PA NI DE LTA BU YIN NO, ,MI SLOB PA'I MNGON PA SHES PA LA SOGS PA'I SBYOR BA DANG, RNAM PAR GROL BA DANG, KHYAD PAR CAN GYI LAM RNAMS LA SHES PA DGU 'AM BCU 'THOB BO, ,MNGON PAR SHES PA DANG SPEL MAR BSGOM PA'I BAR CHAD MED PA'I LAM RNAMS LA NI BRGYAD DAM DGU 'THOB PO, ,MNGON PAR SHES PA'I RNAM PAR GROL BA'I LAM GNYIS NI LUNG DU MA BSTAN PA'I PHYIR MA 'ONGS PA CUNG ZAD KYANG MI 'THOB BO, ,SO SO'I SKYE BO NI 'DOD PA DANG, BSAM GTAN GSUM LAS 'DOD CHAGS DANG BRAL BA'I RNAM PAR GROL BA'I LAM THA MA RNAMS DANG, BSAM GTAN GYIS PA DAG GI SBYOR BA RNAMS DANG, MNGON PAR SHES PA GSUM GYI RNAM PAR GROL BA'I LAM RNAMS DANG, TSAD MED PA LA SOGS PA'I YON TAN MNGON PAR SGRUB PA RNAMS LA KUN RDZOB SHES PA MA 'ONGS PA DANG, NGES PAR 'BYED PA'I CHA DANG MTHUN PA DAG GI SBYOR BA RNAMS DANG, MNGON BAR SHES PA GSUM GYI RNAM PAR GROL BA MA GTOGS PA PHA ROL GYI SEMS SHES PA YANG 'THOB BO, ,DE DAG LA NI GZHAN GYI SEMS SHES PA YANG MI 'THOB STE, MTHONG BA'I LAM GYI 'KHOR YIN PA'I PHYIR RO, ,SNGON MED PA'I LAM THOB PA GZHAN LA NI KUN RDZOB SHES PA KHO NA MA 'ONGS PA 'THOB BO, ,YANG LAM GANG LAS DU PA'I SHES PA THOB CE NA, RE ZHIG KUN RDZOB SHES PA NI LAM SA GANG PA'I YIN PA DANG, DANG PO NYID DU SA GANG 'THOB PAS DE PA'I MA 'ONGS PA 'THOB BO, ,ZAG PA MED PA'I LAM GANG YIN PA 'BA' ZHIG TU YANG MA ZAD DO, ,'O NA JI LTA BU ZHE NA, GANG LAS @55A *, ,CHAGS BRAL BYA PHYIR GANG, ,'THAB PA DER YANG 'OG MA'ANG 'THOB, ,SA GANG LAS 'DOD CHAGS DANG BRAL BA LA YANG LAM YANG SBYOR BA'I LAM LA SOGS PA RNAM PA GNYIS YIN LA, 'DOD CHAGS DANG BRAL BA SA GANG ZHIG THOB BA DE'I SA BA DANG SA 'OG MA BA'I ZAG PA MED PA'I SHES PA RNAMS 'THOB PAR 'GYUR RO, ,ZAD PA SHES LA ZAG BCAS KYANG, ,SA KUN ZAD PA SHES PA LA NI ZAD PA SHES PAS 'THOB PA ZAG PA DANG BCAS PA'I YON TAN MI SDUG PA DANG, DBUGS 'BYUNG BA DANG, RDUB PA RJES SU DRAN PA DANG, DRAN PA NYE BAR GZHAG PA DANG, TSAD MED PA DANG, RNAM PAR THAR PA LA SOGS PAS THAMS CAD SBROG MA THAG PA BCAD DE, DBUGS PHYIN PA LTA BU DANG, CHOS MTHUN PA 'THOB STE, RGYAL SRID CHEN PO THOB NA, YUL GYI MI RNAMS KYIS DBUL BAR BYA BAS BSU BA BZHIN DU RANG GI SEMS LA RGYAL SRID CHEN PO NYID 'THOB PA LA DGE BA'I CHOS THAMS CAD 'THOB PA RNAMS KYIS BSU BA'I PHYIR RO, ,GANG CI RNYED PA DE THAMS CAD 'THOB BAM ZHE NA, SMRAS PA, GANG SNGON MED PA LAS RNYED PA YIN PAS, DE THAMS CAD NI 'THOB KYI, SDON RNYED ZIN PA NI MI 'THOB BO, ,GANG RNAM PAR NYAMS PA LAS YANG RNYED BA DE YANG MI 'THOB STE, THOB PA BTANG BA'I PHYIR RO, ,CI 'THOB PA RNYED PA KHO NA YIN NAM ZHE NA, SMRAS PA MA YIN NO, ,'THOB PA NI RNAM PA BZHI STE, NYEN PA 'THOB PA DANG, BSTEN PA 'THOB PA DANG, GNYEN PO 'THOB PA DANG, THAG BSRING BA 'THOB BA'O, ,DE LA RNYED PA DANG BSTEN CES BYA BA NI, DGE BA 'DUS BYAS 'THOB BO, ,GNYEN PO DANG NI THAG BSRING BA'I, , 'THOB PA ZAG DANG BCAS PA'I YIN, ,RNYED PA DANG BSTEN PA 'THOB PA DAG NI DGE BA 'DUS BYAS RNAMS KYI YIN TE, MA 'ONGS PA RNAMS KYI NI GCIG GO, ,DA LTAR BYUNG BA RNAMS KYI NI GNYI GA'O, ,GNYEN PO DANG THAG BSRING BA 'THOB PA DAG NI, ZAG PA DANG BCAS PA'I CHOS RNAMS KYI YIN TE, DE LTAR NA DGE BA ZAG PA DANG BCAS PA RNAMS KYI NI 'THOB PA BZHI YIN NO, ,ZAG PA MED PA RNAMS DANG, NYON MONGS PA THAMS CAD DANG, LUNG DU MA BSTAN PA RNAMS KYI NI GNYIS YIN NO, ,CHOS MNGON PA PA NYI 'OG PA RNAMS KYI LTAR NA 'THOB PA DRUG STE, BZHI PO DE DAG DANG, SDOM PA 'THOB PA @55B DANG, RNAM PAR 'JIG PA 'THOB PA'O, ,SNGA MA NI DBANG PO RNAMS KYI YIN LA, PHYI MA NI LUS KYI YIN TE, DBANG PO DRUG PO 'DI DAG SHIN TU DUL BA DANG, SHIN TU BSGOMS PA ZHES BYA BA'I BAR DANG, DE BZHIN DU LUS 'DI LA SKRA YANG YOD CES BYA BA RGYAS PAR GSUNGS PA YIN NO, ,GANG DAG KHA CHE BA RNAMS NA RE DE GNYIS NI GNYEN PO DANG THAG BSRING BA 'THOB PA'I KHONGS SU 'DUS SO ZHES ZER RO, ,GANG ZAG THAMS CAD KYIS ZAD PA SHES PA'I TSE, YON TAN 'THOB PA'I PHYIR BSHAD KYI, ,SANGS RGYAS CHOS NI MA 'DRES PA, ,STOBS LA SOGS PA BCO BRGYAD DO, ,GANG DAG SANGS RGYAS KHO NAS ZAD PA MKHYEN PA'I TSE BRNYES PAR 'GYUR GYI GZHAN GYIS NI MA YIN PA'O, ,BCO BRGYAD GANG ZHE NA, STOBS BCU DANG, MI 'JIGS PA BZHI DANG, DRAN PA NYE BAR GZHAG PA GSUM DANG, THUGS RJE CHEN PO'O, ,THUN MONG MA YIN PAS NA MA 'DRES PA ZHES BYA'O, ,DE LA, GNAS DANG GNAS MIN SHES PA BCU, ,GNAS DANG GNAS MA YIN PA MKHYEN PA'I STOBS NI SHES PA BCU YIN NO, ,LAS 'BRAS LA BRGYAD, LAS DANG RNAM PAR SMIN PA 'AM MKHYEN PA'I STOBS NI SHES PA BRGYAD DE, 'GOG PA DANG LAM SHES PA DAG MA GTOGS SO, ,BSAM GTAN SOGS, DBANG PO MOS DANG KHAMS LA NI, DGU'O, ,BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA MKHYEN PA'I STOBS NI SHES PA DGU YIN TE, 'GOG PA SHES PA MA GTOGS SO, ,DBANG PO MCHOG DANG MCHOG MA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS KYANG DE BZHIN DU RIG PAR BYA'O, ,LAM DAG LA BCU'AM, 'AM ZHES BYA BA'I SGRA NI DGU 'AM ZHES LUGS THA DAD PA'I DON TE, GAL TE LAM DE 'BRAS BU DANG BCAS PAR GZUNG NA NI THAMS CAD DU 'GRO BA'I LAM MKHYEN BA'I STOBS SHES PA BCU'O, ,GAL TE MA YIN NA NI DGU STE, 'GOG PA SHES PA MA GTOGS SO, ,GNYIS NI KUN RDZOB SHES PA YIN, ,SNGON GYI GNAS RJES SU DRAN PA MKHYEN PA'I STOBS DANG, SHI 'PHO BA DANG, SKYE BA MKHYEN PA'I STOBS NI KUN RDZOB SHES PA YIN NO, ,ZAD PA @56A *, ,DRUG GAM BCU YIN NO, ,GAL TE ZAG PA ZAD PA SHES PA 'GOG PA SHES PA KHO NA ZHIG YIN NA NI ZAG PA ZAD PA MKHYEN PA'I STOBS SHES PA DRUG YIN TE, CHOS SHES PA DANG, RJES SU SHES PA DANG, 'GOG PA SHES PA DANG, ZAD PA SHES PA DANG, MI SKYE BA SHES PA DANG, KUN RDZOB SHES PA RNAMS SO, ,'ON TE ZAD PA SHES PA ZAD PA ZAD PA'I RGYUD LA YOD PA'I SHES PA YIN NA NI, DES NA SHES PA BCU YIN NO, ,RANG BZHIN BSHAD ZIN TO, ,DA NI SA BRJOD PAR BYA STE, SNGON GNAS SHI 'PHO SKYE BA'I STOBS, ,BSAM GTAN DAG NA, 'CHI 'PHO BA NI 'CHI 'PHO BA KHO NA STE, SNGON GYI GNAS DANG, SHI 'PHO DANG SKYE BA MKHYEN PA'I STOBS NI BSAM GTAN BZHI'I SA BA YIN NO, ,LHAG MA NI SA RNAMS KUN NA, ,STOBS LHAG MA NI SA THAMS CAD KYIS BSDUS PA YIN TE, DE DAG KYANG 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG, GZUGS MED PA'O, ,THAMS CAD KYANG 'DZAM BU'I GLING GI SKYES PA'I RTEN CAN YIN TE, GZHAN DU SANGS RGYAS MI 'BYUNG BA'I PHYIR RO, ,SHES PA RNAM PA BCU PO 'DI NYID GZHAN GYI NI STOBS ZHES MI BYA'O, SANGS RGYAS KHO NA'I STOBS ZHES BYA'O, ,CI'I PHYIR, 'DI'I STOBS GANG PHYIR THOGS MI MNGA', ,GANG GI PHYIR 'DI'I MKHYEN PA SHES BYA THAMS CAD LA THOGS PA MI MNGA' BAR 'JUG PA DE'I PHYIR STOBS YIN NO, ,GZHAN DAG GI SHES PA NI LA LAR 'DOD KYANG MI 'JUG PA'I PHYIR, THOGS PA YIN PAS DE NI STOBS ZHES BYA BA'I MING THOB PAR 'OS PA MA YIN TE, 'DIR DPE NI GNAS BRTAN SH'A RI'I BUS RAB TU 'BYUNG BAR 'DOD PA'I MI PHYIR BTANG BA DANG, BYA ZHIG KHRAS GTZES PA SKYE BA LA SOGS PA'I MTHA' MA SHES PA LTA BU YIN NO, ,RE ZHIG DE LTAR NA MKHYEN PA LA THOGS PA MI MNGA' BA'I PHYIR, SANGS RGYAS RNAMS KYI THUGS KYI STOBS NI SHES BZHIN DU MTHA' YAS PA YIN NO, ,SKU LA SRED MED BU YI STOBS, ,SANGS RGYAS KYI SKU LA NI SRID MED BU'I STOBS MNGA'O ZHES BRJOD DO, ,GZHAN DAG TSIGS NA, GZHAN DAG NA RE TSIGS DANG TSIGS NA SRED MED KYI BU'I STOBS MNGA'O ZHES ZER RO, ,BTZUN PA NA RE @56B SKU'I STOBS KYANG THUGS KYI STOBS BZHIN DU MTHA' YAS PA YIN NO, ,DE LTA MA YIN NA MKHYEN PA'I STOBS MTHA' YAS PAS BZOD PAR MI 'GYUR RO ZHES ZER RO, ,SANGS RGYAS DANG RANG SANGS RGYAS DANG 'KHOR LOS SGYUR BA RNAMS KYI TSIGS KYI MDUD PA DANG, LU GU BRGYUD DANG, GZAR BUS BTAB PA LTA BU DAG YIN NO, ,SRED MED KYI BU'I STOBS KYI TSAD JI TZAM ZHE NA, GLANG CHEN SOGS BDUN CUS GLAGS PA'I STOBS YIN NO, ,GLANG PO CHE PHAL PA BCU'I STOBS GANG YIN PA DE NI SPOS KYI GLANG PO CHE GCIG GI STOBS YIN NO, ,DE BZHIN DU TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG DANG, SRED MED KYI BU RNAMS GONG NAS GONG DU BCU 'GYUR DU BSKYED DE BRJOD PAR BYA'O, ,GZHAN DAG NA RE GLANG PO CHE PHAL BA DANG, SPOS KYI GLANG PO CHE DANG, TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG RNAMS GONG NAS GONG DU BCU 'GYUR DU BSKYED PA NI SRED MED KYI BU'I STOBS KYI PHYED YIN LA, DE GNYIS SU BSGYUR BA NI SRED MED KYI BU'I STOBS YIN NO ZHES ZER TE, JI LTAR CHES CHE BA DE LTAR RUNG NGO, ,DE NI REG BYA'I SKYE MCHED DO, ,LUS KYI STOBS DE NI THAMS CAD KYANG REG BYA'I SKYE MCHED KYI RANG BZHIN 'BYUNG BA CHEN PO'I KHYAD PAR KHO NA YIN PAR RIG PAR BYA'O, ,GZHAN DAG NA RE BDUN LAS DON GZHAN DU GYUR PA RGYUR BYAS PA'I GZUGS YIN NO ZHES ZER RO, ,STOBS RNAMS BSHAD ZIN TO, ,MI 'JIGS PA NI RNAM PA BZHI, ,MDO LAS JI SKAD 'BYUNG BA BZHIN NO, ,MI 'JIGS PA BZHI PO DE DAG KYANG, JI LTAR STOBS NI DANG PO DANG BCU PA GNYIS PA BDUN PA BZHIN NO, ,GNAS DANG GNAS MA YIN PA MKHYEN PA'I STOBS JI LTA BAR, KYE MANG MNGON PAR RDZOGS PAR SANGS RGYAS PAR GYUR PA LA ZHES BYA BA'I MI 'JIGS PA 'DI YANG DE DANG 'DRA BAR RIG PAR BYA'O, ,ZAG PA ZAD PA MKHYEN PA'I STOBS JI LTA BAR KYE MANG ZAG PA ZAD PAR GYUR PA LA ZHES BYA BA'I MI 'JIGS PA 'DI YANG DE DANG 'DRA'O, ,LAS BDAG GIR BYA BA MKHYEN PA'I STOBS JI LTA BAR NGAS GANG DAG NYAN THOS RNAM LA BAR DU GCOD PA'I CHOS SU GSUNGS PA LA ZHES BYA BA'I MI 'JIGS PA 'DI YANG DE DANG 'DRA'O, ,KUN @57A *, ,DU 'GRO BA'I LAM MKHYEN PA'I STOBS JI LTA BAR DAS GANG NYAN THOS RNAMS KYI NGES PAR 'BYUNG BA'I LAM DU GSUNGS PA LA ZHES BYA BA'I MI 'JIGS PA 'DI YANG DE DANG 'DRA BAR RIG PAR BYA'O, ,JI LTAR NA MKHYEN PA NYID MI 'JIGS PA YIN ZHE NA, MI 'JIGS PA NI MI SKRAG PA YIN LA, 'DI DAG GIS KYANG MI SKRAG PAR 'GYUR RO, ,SHES PAS BYAS PA NI MI 'JIGS PAR RUNG GI SHES PA NYID NI MA YIN NO, ,DRAN PA NYE BAR GZHAG PA NI 'KHOR GYI BYE BRAG LAS GSUM YIN TE, MDO LAS JI SKAD 'BYUNG BA BZHIN NO, ,DE YANG DRAN PA SHES RAB DAG NYID GSUM, , DRAN PA NYE BAR GZHAG PA GSUM PO 'DI DAG NI DRAN PA DANG, SHES BZHIN GYI RANG BZHIN DAG YIN NO, ,GANG GI TSE NYAN THOS DAG KYANG GUS PAR NYAN PA DANG, GUS PAR MI NYAN PA DANG, GNYI GA LA KUN DU DGA' BA'AM, KUN NAS MNAR SEMS MI 'BYUNG BA NA, CI'I PHYIR, 'DI DAG SANGS RGYAS KYI CHOS MA 'DRES PA RNAMS ZHES BYA ZHE NA, BAG CHAGS DANG BCAS PAR SPANGS PA'I PHYIR RO, ,YANG NA NYAN THOS RNAMS GANG YIN PA DE LA NI GUS PAR NYAN PA DANG, GUS PAR MI NYAN PA DANG, GNYIS PO DE DAG LA SHIN TU YANG YID BDE BA LA SOGS PA'I GO SKABS SU MI 'GYUR GYI, GZHAN LA NI DE LTA MA YIN PAS DE KHO NA LA DE MI 'BYUNG BA YA MTSAN DU RNAM PAR GZHAG GI GZHAN LA NI MA YIN NO, ,DA NI THUGS RJE CHEN PO BRJOD PAR BYA STE, DE SMRAS PA, THUGS RJE CHEN PO KUN RDZOB BLO, ,THUGS RJE CHEN PO NI KUN RDZOB SHES PA'I BDAG NYID YIN NO, ,DE LTA MA YIN NA SEMS CAN THAMS CAD LA DMIGS PAR YANG MI 'GRUB LA, SNYING RJE BZHIN DU SDUG BSNGAL GSUM GYI RNAM PA CAN DU YANG MI 'GRUB BO, ,'DI CI'I PHYIR THUGS RJE CHEN PO ZHES BYA ZHE NA, TSOGS DANG RNAM PA SPYOD YUL DANG, ,MNYAM PA'I PHYIR DANG CHES CHE'I PHYIR, ,TSOGS NI BSOD NAMS DANG YE SHES KYI TSOGS CHEN POS YANG DAG PAR 'GRUB PA'I PHYIR RO, ,RNAM PA NI SDUG BSNGAL GSUM LA RTOGS PA'I PHYIR RO, ,DMIGS PA NI KHAMS GSUM PA'I SEMS CAN LA DMIGS PA'I PHYIR RO, ,MNYAM PA NYID NI SEMS CAN THAMS CAD LA 'DRA BAR 'JUG PA'I PHYIR @57B RO; ,CHES CHE BA NYID NI DE BAS CHA BA MED PA'I PHYIR RO, ,SNYING RJE DANG THUGS RJE CHEN PO GNYIS LA THA DAD DU BYA BA NI CI ZHIG YOD CE NA, THA DAD BYA BA RNAM PA BRGYAD, NGO BO NYID LAS NI ZHE SDANG MED PA DANG, GTI MUG MED PA'I NGO BO NYID YIN PA'I PHYIR RO, ,RNAM PA LAS NI SDUG BSNGAL GCIG DANG, GSUM GYI RNAM PA CAN YIN PA'I PHYIR RO, ,DMIGS PA LAS NI KHAMS GCIG DANG, GSUM GYI SEMS CAN LA DMIGS PA'I PHYIR RO, ,SA LAS NI BSAM GTAN BZHI DANG, BSAM GTAN BZHI PA'I SA PA YIN PA'I PHYIR RO, ,RGYUD LAS NI NYAN THOS LA SOGS PA DANG, SANGS RGYAS KYI RGYUD LAS SKYE BA YIN PA'I PHYIR RO, ,THOB PA LAS NI 'DOD PA'I KHAMS DANG, SRID PA'I RTZE MO LAS 'DOD CHAGS DANG BRAL BAS THOB PA'I PHYIR RO, ,YONGS SU MI SKYOB PA DANG, YONGS SU SKYOB PA DANG, MI 'DRA BA DANG 'DRA BAR THUGS RJE MDZAD PA'I PHYIR RO, ,CI SANGS RGYAS THAMS CAD RNAM PA THAMS CAD KYIS MNYAM BA YIN NAM ZHE NA, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSOD KYIS MIN, ,SANGS RGYAS THAMS CAD NI RGYU GSUM PO SNGON GYI BSOD NAMS DANG, YE SHES KYI TSOGS KYIS YANG DAG PAR 'GRUB PA DANG, CHOS KYI SKU YONGS SU 'GRUB PA DANG, 'JIG RTEN GYI DON SPYOD PAS MNYAM PA NYID YIN NO, ,SKU TSE DANG, RIGS DANG, GDUNG DANG, SKU BONG TSOD DU MDZAD PA LA NI BYE BRAG YOD DE DUS JI LTA BA BZHIN DU YUN SHIN TU RING BA DANG, THUNG NGUR 'TSO BA'I PHYIR DANG, RGYAL RIGS DANG, BRAM ZE'I RIGS THA DAD PA'I PHYIR DANG, 'OD SRUNGS DANG SH'AKYA LA SOGS PA GDUNG THA DAD PA'I PHYIR DANG, SKU BONG TSOD CHUNG BA DANG, CHUNG BA MA YIN PA THA DAD PA'I PHYIR RO, ,PHUN SUM TSOGS PA RNAM PA GSUM PO 'DI KHO NA YID LA BYED PA MKHAS PAS NI, SANGS RGYAS BCOM LDAN 'DAS RNAMS LA DGA' BA DANG, GUS PA CHEN PO SKYED PAR NUS TE, 'DI LTA STE, RGYU PHUN SUM TSOGS PA DANG, 'BRAS BU PHUN SUM TSOGS PA DANG, PHAN 'DOGS PA PHUN SUM TSOGS PA DANG, YE SHES PHUN SUM TSOGS PA'O, ,DE LA RGYU PHUN SUM TSOGS PA @58A *, ,NI; RNAM PA BZHI STE, BSOD NAMS DANG YE SHES KYI TSOGS THAMS CAD LA GOMS PA DANG, YUN RING PO NAS GOMS PA DANG, BAR CHAD MED PAR GOMS PA DANG, GUS PAR BYAS TE GOMS PA'O, ,'BRAS BU PHUN SUM TSOGS PA YANG RNAM PA BA NI STE, YE SHES PHUN SUM TSOGS PA DANG, SPANG BA PHUN SUM TSOGS PA DANG, MTHU PHUN SUM TSOGS PA DANG, GZUGS KYI SKU PHUN SUM TSOGS PA'O, ,PHAN 'DOGS PA PHUN SUM TSOGS PA YANG RNAM PA BZHI STE, NGAN SONG GSUM DANG 'KHOR BA'I SDUG BSNGAL LAS GTAN DU THAR BAR MDZAD PA PHUN SUM TSOGS PA'O, , YANG NA THEG PA GSUM DANG BDE 'GRO LA 'GOD PAR MDZAD PA PHUN SUM TSOGS PA'O, ,YE SHES PHUN SUM TSOGS PA YANG RNAM PA BZHI STE, MA BSTAN PAR MKHYEN PA DANG, THAMS CAD MKHYEN PA DANG, RNAM PA THAMS CAD MKHYEN PA DANG, MA 'BAD PAR MKHYEN PA'O, ,SPANGS PA PHUN SUM TSOGS PA YANG RNAM PA BZHI STE, NYON MONGS PA THAMS CAD SPANGS PA DANG, GTAN DU SPANGS PA DANG, BAG CHAGS DANG BCAS TE SPANGS PA DANG, TING NGE 'DZIN DANG SNYOMS PAR 'JUG PA'I SGRIB BA THAMS CAD SPANGS PA'O, ,MTHU PHUN SUM TSOGS PA YANG RNAM PA BZHI STE, PHYI'I YUL SPRUL PA DANG, YONGS SU BSGYUR BA DANG, SKU TSE GTONG BA DANG, BYIN GYIS RLOB PA'I MNGA' PHUN SUM TSOGS PA DANG, SGRIB PA DANG NAM MKHA' DANG SHIN TU RING BA LA MYUR DU GSHEGS PA DANG, CHUNG NGUR MANG PO 'JUG PAR MDZAD PA'I MNGA' PHUN SUM TSOGS PA DANG, YA MTSAN GYI CHOS NAR MA RNAM BA SNA TSOGS PHUN SUM TSOGS PA'O, ,GZUGS KYI SKU PHUN SUM TSOGS PA YANG RNAM PA BZHI STE, MTSAN PHUN SUM TSOGS PA DANG, DPE BYAD BZANG PO PHUN SUM TSOGS PA DANG, STOBS PHUN SUM TSOGS PA DANG, SKU GDUNG RDO RJE LTAR SRA BA NYID PHUN SUM TSOGS PA'O, ,DE LTAR NA DE DAG NI SANGS RGYAS RNAMS KYI CHE BA'I BDAG NYID MDOR BSDUS PA YIN NO, ,DE DBYEN NI MTHA' YAS PAR 'GYUR TE, DE YANG BCOM LDAN 'DAS RNAMS KHO NA NAS GAL TE SKU TSE BSKAL PA GRANGS MED PA DU MAR BYIN GYIS BRLABS PAR GYUR NA MTHA' DAG MKHYEN PA DANG BRJOD PAR SPYOD DO, ,RE ZHIG @58B DE LTAR NA DE BZHIN GSHEGS PA RNAMS NI YON TAN DANG YE SHES DANG MTHU DANG PHAN 'DOGS PA MTHA' YAS SHING RMAD DU BYUNG BA NI RIN PO CHE CHEN PO'I 'BYUNG GNAS YIN NO, ,'ON KYANG BYIS PA RANG NYID YON TAN DBUL BAS MOS PA BCOM PA RNAMS NI YON TAN 'BYOR PA DE LTA BU DE THOS SU ZIN KYANG SANGS RGYAS DANG DE'I CHOS LA GUS PAR MI BYED KYI, MKHAS PA RNAMS NI RKANG YAN CHAD NAS KYANG, BCOM LDAN 'DAS DE DANG DE'I CHOS LA MNGON PAR RAB TU DANG BAR 'GYUR TE, GCIG TU RAB TU DANG BA DE DAG NI DANG BA TZAM GYIS KYANG RNAM PAR SMIN PAR MA NGES PA'I SDIG PA'I TSOGS RNAMS ZIL GYIS MNAN TE LHA DANG MI'I LEGS PA NYAMS SU MYONG NAS BGROD PAR BYA BA'I MCHOG MYA NGAN LAS 'DAS PAR 'GYUR RO, ,DE NYID KYI PHYIR DE BZHIN GSHEGS PA RNAMS NI BSOD NAMS KYI ZHING BLA NA MED PA ZHES BYA STE, 'BRAS BU MED PA MA YIN PA DANG, YID DU 'ONG BA DANG, MCHOG TU GYUR BA DANG, MYUR BA DANG, MTHA' BZANG BA'I PHYIR RO, ,BCOM LDAN 'DAS KYIS KYANG, GANG DAG RGYAL BA RNAM 'DREN LA, ,BYA BA CHUNG NGU BYED 'GYUR BA'ANG, ,DE DAG MTHO RIS SNA TSOGS DAG ,BGROD NAS BDUD RTZI'I GO 'PHANG 'THOB, ,CES GSUNGS SO, ,RE ZHIG DE DAG NI SANGS RGYAS KYI CHOS MA 'DRES PA BCO BRGYAD CES BYA'O, ,CHOS GZHAN SLOB DANG THUN MONG MIN, ,SANGS RGYAS RNAMS KYI YON TAN GZHAN DAG NI NYAN THOS DANG THUN MONG YIN NO, ,KHA CIG SO SO'I SKYE BO DANG, DE DAG KYANG GANG ZHE NA, CI RIGS PAR, NYON MONGS MED DANG SMON NAS SHES, ,SO SO YANG DAG RIG SNGON SOGS, ,NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA DANG, MNGON PAR SHES PA DANG, BSAM GTAN DANG, GZUGS MED PA DANG, TSAD MED PA DANG, RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA'O, ,DE LA NYON MONGS PA MED PA ZHES BYA BA NI DGRA BCOM PA LA SEMS CAN RNAMS KYI SDUG BSNGAL NI NYON MONGS PA LAS RAB TU SKYE BA DANG, BDAG NYID KYANG YON GNAS GYI KHYAD PAR YIN PAR RIG NAS PHA ROL PO DAG DE LA DMIGS NAS, NYON MONGS PA SKYE BA YONGS SU SPANGS @59A *, ,PAR 'DOD DE, GANG GIS NA PHA ROL PO DAG RNAM PA THAMS CAD DU NYON MONGS PA SKYE BAR MI BYED CING 'GA' YANG DE LA DMIGS NAS 'DOD CHAGS SAM, ZHES SDANG DAM, NGA RGYAL SKYE BAR MI 'GYUR BA DE LTA BU'I SHES PA SKYED BAR BYED PA STE, LAM DE NI 'GA' YANG NYON MONGS PA SKYED PAR MI BYED PAS NA NYON MONGS PA MED PA YIN NO, ,NYON MONGS PA MED PAR DE NI, KUN RDZOB SHES, DE'I RANG BZHIN NI 'DI YIN NO, ,BSAM GTAN MTHA' NA BSAM GTAN BZHI PA'I SA PA YIN TE, LAM SLA BA RNAMS KYI MCHOG YIN PA'I PHYIR RO, ,MI G-YO BA'I CHOS, DGRA BCOM PA GZHAN GYIS NI MA YIN TE, GZHAN NI RES 'GA' RANG GI RGYUD LAS KYANG NYON MONGS PA MTHA' DAG YONGS SU SPANG BAR MI NUS SO, ,MIS SKYED, GLING GSUM DU MI DAG GI NANG KHO NAR SKYED PAR BYED DO, ,NYON MONGS 'DOD GTOGS PA, MA SKYED GZHIR BCAS SPYOD YUL CAN, 'DI'I DMIGS PA NI NYON MONGS PA 'DOD PA NA SPYOD PA MA 'ONGS PA GZHI DANG BCAS PA RNAMS YIN TE, PHA ROL PO DAG NYON MONGS PA SKYE BAR MA GYUR CIG CES BYA BA DE LTAR ZHUGS PA'I PHYIR RO, ,NYON MONGS PA GZHI MED PA RNAMS NI YONGS SU SPANG BAR MI NUS TE, THAMS CAD DU 'GRO BA RNAMS NE RANG GIS MTHA' DAG LA DMIGS PA'I PHYIR RO, ,NYON MONGS PA MED PA JI SKAD DU BSHAD PA, SMON NAS SHES PA'ANG DE BZHIN NO, ,DE YANG KUN RDZOB SHES PA DANG, ,BSAM GTAN MTHA' NA YOD PA DANG, ,MI G-YO BA'I CHOS CAN GYI YIN PA DANG, MI'I RTEN CAN YIN NO, ,DE'I DMIGS PA THAMS CAD DO, ,SMON NAS SHES PA'I DMIGS PA NI CHOS THAMS CAD YIN BAS 'DI NI BYE BRAG YIN NO, ,BYE BRAG TU SMRA BA RNAMS NA RE SMON NAS SHES PA GZUGS MED PA RNAMS MNGON SUM DU MI SHES SO, ,'O NA JI LTA BU ZHE NA, RGYU MTHUN PA DANG SPYOD PA'I BYE BRAG LAS SHES TE, 'DIR DPE NI ZHING BA LTA BU'O ZHES ZER RO, ,SMON PA SNGAR BTANG BA'I SHES PA NI SMON NAS SHES PA STE, 'DI SHES PAR BYA'O SNYAM DU SMON NAS RAB KYI MTHA'I BSAM GTAN BZHI PA LA SNYOMS PAR 'JUG CING, TING NGE 'DZIN DE'I YUL DU JI TZAM ZHIG GYUR PA GANG YIN PA DE YANG DAG PA JI LTA BA BZHIN DU RAB TU SHES PA'O, , @59B DE BZHIN CHOS DON DES TSIG DANG, ,SPOBS PA SO SO YANG DAG RIG ,SO SO YANG DAG PAR RIG PA NI BZHI STE, CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, DES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'O, ,DE DAG KYANG NYON MONGS PA MED PA JI LTA BA DE DANG 'DRA'O, ,DE DAG GI DE DANG 'DRA BA CI ZHE NA, MI G-YO BA'I CHOS CAN GYI YIN PA DANG, MI'I RTEN CAN NYID YIN NO, ,'DI DAG GI DMIGS PA DANG, SA DANG RANG GI NGO BO'I BYE BRAG NI THA DAD PAR BRJOD DE, GSUM NI GO RIMS BZHIN MING DANG, ,DON DANG DAG LA THOGS MED SHES, ,CHOS DANG DON DANG NGES PA'I TSIG SO SO YANG DAG PAR RIG PA RNAMS NI GO RIMS BZHIN DU MING DANG TSIG DANG YI GE'I TSOGS RNAMS DANG, DON DANG DAG LA THOGS PA MED PAR SHES PA YIN NO, ,BZHI PA RIGS PA THAGS THOGS MED, ,MNGON BRJOD LAM LA DBANG NYID DANG, , THOGS PA MED PAR SHES PA ZHES BYA BAR SBYAR TE, SPOBS PA SO SO YANG DAG PAR RIG PA NI RIGS PA DANG, THAGS THOGS MED PAR MNGON PAR BRJOD PA NYID DANG, TING NGE 'DZIN LA DBANG GSAL BAR BYA BA LA THOGS PA MED PAR SHES PA YIN NO, ,DE YI DMIGS PA NGAG DANG LAM, ,DE'I DMIGS PA NI NGAG KYANG YIN LA LAM YANG YIN NO, ,SHES PA DGU'O, ,SPOBS PA SO SO YANG DAG PAR RIG PA NI SHES PA DGU'I RANG BZHIN YIN TE, 'GOG BA SHES PA MA GTOGS SO, ,SA THAMS CAD, 'DI NI NGAG DANG LAM GNYIS LAS GANG YANG RUNG PA ZHIG LA DMIGS PA'I PHYIR 'DOD PA'I KHAMS NAS SRID PA'I RTZE MO'I BAR SA THAMS CAD BA YANG YIN NO, ,YANG DAG DON RIG BCU 'AM DRUG ,DON SO SO YANG DAG PAR RIG PA NI GAL TE DON CHOS THAMS CAD YIN NA NI SHES PA BCU YIN NO, ,GAL TE DON MYA NGAN LAS 'DAS PA YAN NA NI SHES PA DRUG STE, CHOS SHES PA DANG, RJES SU SHES PA DANG, 'GOG PA DANG ZAD PA DANG MI SKYE BA DANG, KUN RDZOB SHES PA RNAMS SO, ,DON NI KUN NA, DON SO SO YANG DAG PAR RIG PA DE NI SA THAMS CAD PA YIN NO, ,GZHAN KUN RDZOB, GZHAN CHOS DANG NGES PA'I TSIGS SO SO YANG DAG PAR @60A *, ,RIG PA GNYIS NI KUN RDZOB SHES PA'I RANG BZHIN DAG YIN TE, MING GI TSOGS LA SOGS PA DANG, DAG LA DMIGS PA'I PHYIR RO, ,CHOS RIG 'DOD DANG BSAM GTAN NA, ,CHOS SO SO YANG DAG PAR RIG PA NI SA LNGA PO 'DOD PA'I KHAMS DANG, BSAM GTAN BZHIS BSDUS PA YIN TE, YAN CHAD NA MING GI TSOGS MED PA'I PHYIR RO, ,NGAG NI 'DOD PA DANG BO NA, ,NGAG DANG NGES PA'I TSIG CES BYA BA NI DON GCIG GO, ,NGES PA'I TSIG SO SO YANG DAG PAR RIG PA NI 'DAD PA'I KHAMS DANG BSAM GTAN DANG PO'I SA PA DAG YIN TE, YANG CHAD NA RTOGS PA MED PA'I PHYIR RO, ,BTAGS PA NI SO SO YANG DAG PAR RIG PA RNAMS 'DI SKAD DU TSIG DANG YI GE DANG, DE NYID KYI DON DANG, DE NYID KYI GCIG DANG GNYIS DANG MANG PO DANG PHO DANG MO LA SOGS PA'I TSIG BLA DAGS DANG, DE LA THAGS THOGS MED PAR BYA BA LA THOGS PA MED PAR SHES PA NI CHOS SO SO YANG DAG PAR RIGS PA LA SOGS PA YIN NO ZHES STON TE, DE NYID KYIS 'DI DAG GI GO RIMS GRUB PA YIN NO, ,TSIG NGES PA NI NGES PA'I TSIG STE, DPER NA GZUGS SU RUNG BAS NI DE'I PHYIR, GZUGS ZHES BYA BA DE LTA BU LA SOGS PA YIN NO, ,GZHAN DAG NA RE LAN DANG LAN LA SPOBS PAS NA SLOBS PA YIN NO ZHES ZER RO, ,SO SO YANG DAG PAR RIG PA 'DI DAG GI SNGON GYI SBYOR BA NI GO RIMS BZHIN DU RTZIS DANG, SANGS RGYAS KYI BKA' DANG, SGRA RIG PA DANG, GTAN TSIGS RIG PA DAG YIN TE, 'DI DAG LA MKHAS PAR MA BYAS BAR DE DAG SKYED PAR MI NUS SO ZHES GRAG GO, ,THAMS CAD KYI SBYOR BA SANGS RGYAS KYI BKA' KHO NA YIN NO ZHES BRJOD DO, ,GANG LA GCIG YOD PA DE LA GDON MI ZA BAR SO SO YANG DAG PAR RIG PA BZHI CHAR YOD DO, ,MA TSANG BAR NI DE THOB MED, ,DE DAG MA TSANG BAR NI SO SO YANG DAG PAR RIG PA 'THOB PA MI YIN NO, ,NYON MONGS PA MED PA LA SOGS PA'I YON TAN BSTAN PA GANG DAG YIN PA, DRUG PO DE DAG RAB MTHA' BAS, ,DE DAG NI RAB KYI MTHA' PA'I BSAM GTAN GYI STOBS KYIS 'THOB PO, ,DE NI RNAM DRUG ,BSAM GTAN BZHI PA RAB KYI MTHA' PA DE YANG NYON MONGS PA MED PA DANG, SMON NAS SHES PA DANG, SO SO YANG DAG PAR @60B RIG PA GSUM DANG, RAB KYI MTHA' PA DE NYID DANG DRUG GI BDAG NYID YIN NO, ,NGES PA'I TSOG SO SO YANG DAG PAR RIG PA NI DE'I STOBS KYIS 'THOB PA YIN GYI DE BSAM GTAN BZHI PA'I SA BA NI MA YIN NO, ,RAB KYI MTHA' PA ZHES BYA BA NI CI ZHE NA, BSAM GTAN MTHA', BSAM GTAN BZHI PA YIN NO, ,DE NI SA KUN GYIS MTHUN PAS, ,'PHEL BA'I RAB TU PHYIN PA YIN, ,JI LTAR NAS THAMS CAD KYIS MTHUN PAR BYAS PA YIN ZHE NA, 'DOD PA NA SPYOD PA'I SEMS LAS BSAM GTAN DANG PO LA SNYOMS PAR 'JUG LA, DE LAS NI BSAM GTAN GNYIS PA STE, DE BZHIN DU RIM GYIS 'DU SHES MED 'DU SHES MED MIN GYI SKYE MCHED KYI BAR LA SNYOMS PAR 'JUG GO, ,MI MTHUN PA NI YANG 'DOD PA NA SPYOD PA'I SEMS KYI BAR LA'O, ,DE LA YANG BSAM GTAN BZHI PA'I BAR DU MTHUN PA YIN TE, DE LTAR NA SA THAMS CAD KYIS MTHUN PAR BYAS PA YIN NO, ,JI LTAR NA 'PHEL BA'I RAB TU PHYIN PA'I BAR DU YIN ZHE NA, DE LTAR BSGOMS PA CHUNG NGU LAS 'BRING, 'BRING LAS CHEN PO LA SNYOMS PAR 'JUG PA STE, 'PHEL BA'I MCHOG NI 'PHEL BA'I RAB YIN NO, ,BSAM GTAN 'DI LTA BU 'DI NI RAB KYI MTHA' PA YIN TE, 'DI LA MTHAR RAB TU PHYIN PA YOD PA'I PHYIR RO, ,'DIR MTHA' NI 'PHEL BA 'AM RNAM PA YIN TE, MU BZHI PA BZHIN NO, ,YON TAN DRUG PO DE DAG KYANG, ,SANGS RGYAS LAS GZHAN SBYOR LAS SKYES, ,SANGS RGYAS LAS GZHAN PA NI SBYOR BA LAS BYUNG BA YIN GYI 'DOD CHAGS DANG BRAL BAS THOB PA NI MA YIN NO, ,SANGS RGYAS KYI NI SBYOR PA LAS BYUNG BA CUNG ZAD KYANG MED DE, 'DOD CHAGS CAN GYI DBANG PHYUG YIN PA'I PHYIR, DE'I YON TAN PHUN SUM TSOGS PA THAMS CAD MNGON DU GYUR PA NI BZHED PA TZAM LA RAG LAS PA YIN NO, ,RE ZHIG DE DAG NI NYAN THOS DANG, THUN MONG PA'I YON TAN DAG YIN NO, ,MNGON PAR SHES PA LA SOGS PA NI SO SO'I SKYE BO DAG DANG YANG THUN MONG YIN NO, ,MNGON PAR SHES PA ZHES BYA BA 'DI CI ZHE NA, RDZU 'PHRUL RNA BA YID DANG NI, ,SNGON TSE 'CHI 'PHO SKYE BA DANG, ,ZAD SHES MNGON DU BYA BA YI, ,MNGON SHES RNAM PA DRUG ,RDZU 'PHRUL GYI YUL SHES PA MNGON DU BYA BA'I MNGON BAR SHES @61A *, ,DANG, LHA'I RNA BA DANG, SEMS KYI RNAM GRANGS DANG, SNGON GYI GNAS RJES SU DRAN PA DANG, 'CHI 'PHO DANG, SKYE BA DANG, ZAG PA ZAD PA SHES PA MNGON SUM DU BYA BA'I MNGON PAR SHES PA STE, DE DAG NI MNGON PAR SHES PA DRUG YIN NO, ,DE DAG LAS LNGA NI SO SO'I SKYE BO RNAMS DANG THUN MONG BA YIN NO, ,DE DAG THAMS CAD NI, RNAM GROL BLO, ,DGE SBYONG GI TSUL GYI 'BRAS BU BZHIN DU, RNAM PAR GROL BA'I LAM GYI SHES RAB KYI RANG BZHIN YIN NO, ,BZHI NI KUN RDZOB SHES PA STE, ,SEMS KYI RNAM GRANGS DANG, ZAG PA ZAD PA SHES PA'I MNGON PAR SHES PA MA GTOGS SO, ,SEMS LA SHES PA LNGA YIN NO, ,SEMS KYI RNAM GRANGS MNGON PAR SHES PA NI LNGA YIN TE, CHOS SHES PA DANG, RJES SU SHES PA DANG, LAM DANG KUN RDZOB DANG, PHA ROL GYI SEMS SHES PA RNAMS SO, ,ZAG PA MNGON SHES STOBS BZHIN NO, ,'DI NI ZAG PA ZAD PA MKHYEN PA'I STOBS JI SKAD DU BSHAD PA DE BZHIN DU SHES PA DRUG GAM BCU YIN BDE YANG RIG PAR BYA LA, DE BZHIN DU 'DI NI SA THAMS CAD PA YIN PAR YANG SHES PAR BYA'O, ,LHAG MA, LNGA NI BSAM GTAN BZHI DAG NA, MNGON PAR SHES PA LNGA NI BSAM GTAN BZHI'I SA PA DAG YIN NO, ,CI'I PHYIR GZUGS MED PA'I SA PA DAG MED CE NA, RE ZHIG GSUM NI MED DE, GZUGS LA DMIGS PA YIN PA'I PHYIR RO, ,SEMS KYI RNAM GRANGS MNGON PAR SHES PA YANG MED DE GZUGS LA STEGS BCAS NAS MNGON PAR BSGRUB PAR BYA BA YIN PA'I PHYIR RO, ,SNGON GYI GNAS RJES SU DRAN PA YANG MED DE MTHAR GYIS SNGON GYI GNAS GZHAN RJES SU DRAN PAS MNGON PAR 'GRUB PA'I PHYIR DANG, GNAS DANG RUS LA SOGS PA LA DMIGS PA YIN PA'I PHYIR TE, GZHAN GYI SEMS SHES PAR 'DOD PA NI BDAG GI LUS 'DI 'DRA BA ZHIG LAS SEMS NI 'DI 'DRA BA ZHIG YIN NO ZHES LUS DANG SEMS KYI MTSAN MA 'DZIN CING DE BZHIN DU PHA ROL BO DAG LA YANG GTOD DE, SEMS SHES PA LAS MNGON PAR 'GRUB PAR 'GYUR RO, ,MNGON PAR SHES PA MNGON PAR GRUB NA NI GZUGS LA MI LTOS PAR MNGON PAR SHES SO, ,SNGON GYI GNAS RJES SU DRAN PAR 'DOD PA NI YID KYI @61B RNAM PAR SHES PA 'GAGS MA THAG PA'I MTSAN MA BZUNG NAS DE'I LUGS LAS BZLOG STE, MTSAMS SBYOR BA'I SEMS KYI BAR DU DE MA THAG PA'I GNAS SKABS GZHAN RNAMS YIN LA BYED DO, ,DE NAS SRID PA BAR MA'I SKAD CIG MA GCIG DRAN NA YANG GRUB PA YIN NO, ,DE BZHIN DU GZHAN GYI YANG DRAN NO, ,MNGON PAR GRUB NAS NI THOD RGAL DU YANG DRAN NO, ,SNGON NYAMS SU MYONG BA KHO NA DRAN NO, ,GNAS GTZANG MA RNAMS JI LTAR DRAN ZHE NA, THOS PAS NYAMS SU MYONG BA'I PHYIR RO, ,GZUGS MED PA NAS SHI 'PHOS NAS 'DIR SKYES PA NA PHA ROL PA'I RGYUD LA BRTEN NAS SKYED DE; ,GZHAN DAG NI RANG GI RGYUD LA BRTEN NAS SO, ,RDZU 'PHRUL LA SOGS PA'I SBYOR BA NI YANG BA DANG, SGRA DANG, SNANG BA YID LA BYED PA YIN NO, ,MNGON PAR SHES PA LNGA PO 'DI DAG NI, RANG DANG 'OG SA'I YUL CAN YIN, ,RDZU 'PHRUL GYI MNGON PAR SHES PA GANG YIN PA DES SA DE 'AM 'OG MAR 'GRO BA'AM SPRUL PAR BYED KYI GONG DU NI MA YIN NO, ,DE BZHIN DU LHA'I RNA BA'I MNGON PAR SHES PAS KYANG RANG GIS KHO NA'AMS 'OG MA BA'I SGRA THOS KYI SA GONG MA NI MA YIN NO, ,SEMS KYI RNAM GRANGS MNGON PAR SHES PAS KYANG SA GONG MA PA'I SEMS NI MI SHES SO, ,SNGON GYI GNAS RJES SU DRAN PAS KYANG MI DRAN NO, ,'CHI 'PHO BA DANG, SKYE BA MNGON PAR SHES PAS KYANG MI MTHONG NGO, ,DE NYID KYI PHYIR GZUGS MED PA'I SA PA'I SEMS NI SA GONG MA PA YIN PA'I PHYIR, SEMS KYI RNAM GRANGS DANG, SNGON GYI GNAS MNGON PAR SHES PA GNYIS KYIS MI 'DZIN TO, ,'DI DAG JI LTAR 'THOB CAN, MA 'DRES PA RNAMS KYI SBYOR BAS, ,THOB BYA 'DRIS PA CHAGS BRAL MBAS, ,MNGON PAR SHES PA TSE RABS GZHAN NA GOMS PA RNAMS NI 'DOD CHAGS DANG BRAL BAS 'THOB BO, ,BYE BRAG CAN RNAMS NI SBYOR BAS SO, ,THAMS CAD KYANG SBYONG BAS BSKYED PA YIN NO, ,GSUM PA DRAN PA NYER GZHAG GSUM, ,SEMS KYI RNAM GRANGS MNGON PAR SHES PA NI SEMS DANG SEMS LAS BYUNG BA LA DMIGS PA YIN PA'I PHYIR, TSOR BA DANG, SEMS DANG, CHOS DANG DRAN PA NYE BAR GZHAG PA GSUM GYI RANG BZHIN NO, ,DANG PO RDZU 'PHRUL RNA BA MIG ,MNGON PAR SHES PA ZHES BYA BAR SBYAR TE, @62A *, ,RDZU 'PHRUL DANG LHA'I RNA BA DANG LHA'I MIG GI MNGON PAR SHES PA NI GZUGS LA DMIGS PA YIN PA'I PHYIR DRAN PA NYE BAR GZHAG PA DANG PO YIN TE, LUS DRAN PA NYE BAR GZHAG PA ZHES BYA BA'I THA TSIG GO, ,RDZU 'PHRUL GYI DMIGS PA NI PHYI'I SKYE MCHED BZHI YIN TE, SGRA MA GTOGS SO, ,LHA'I RNA BA DANG MIG GI MNGON PAR SHES PA'I DMIGS PA NI SGRA DANG GZUGS KYI SKYE MCHED YIN NO, ,'DI JI LTAR NA, 'CHI 'PHO DANG SKYE BA SHES PAS 'DI LTAR SEMS CAN 'DI DAG NI LUS KYI NYES PAR SPYAD PA DANG LDAN NO ZHES BYA BA DE LTA BU LA SOGS PAR SHES SHE NA, DE NI DES MI SHES KYI 'PHAGS PA RNAMS LA DE LAS GZHAN PA GANG GIS NA DE LTA BUR SHES PAR 'GYUR BA MNGON PAR SHES PA'I 'KHOR DU GYUR PA'I SHES PA SKYE'O, ,LHAG MA NI DMIGS KYIS MA PHYE BA'I PHYIR DRAN PA NYE BAR GZHAG PA BZHI CHAR GYI RANG BZHIN YIN NO ZHES BYA BAR GRUB BO, ,MIG DANG RNA BA'I MNGON SHES NI, ,LUNG DU MA BSTAN LHAG RNAMS DGE ,LHA'I MIG DANG RNA BA'I MNGON PAR SHES PA NI LUNG DU MA BSTAN PA YIN NO, ,DE DAG KYANG MIG DANG RNA BA'I RNAM PAR SHES PA DANG MTSUNGS PAR LDAN BA'I SHES RAB YIN NO, ,'O NA DE DAG JI LTAR BSAM GTAN BZHI'I SA PAR GRUB CE NA; RTEN GYI DBANG GIS DE'I SA BSTAN PA'I PHYIR TE, DE'I RTEN MIG DANG RNA BA NI BSAM GTAN BZHI'I SA PA YIN NO, ,YANG NA BAR CHAD MED PA'I LAM GYI DBANG GIS SO, ,GZHAN BZHI NI DGE BA DAG YIN NO, ,'ON RAB TU BYED PA LAS MNGON PAR SHES PA GANG ZHE NA, SHES PA DGE BA YIN NO ZHES GANG BSHAD PA JI LTA BU ZHE NA, DE NI GTZO BO'AM PHAL CHE BA BSTAN PA YIN NO, ,MNGON PAR SHES PA 'DI RNAMS LAS, ,GSUM NI RIG PA, SDON GYI GNAS DANG, 'CHI 'PHO BA DANG SKYE BA DANG, ZAG PA ZAD PA SHES PA MNGON SUM DU BYA BA RNAMS NI MI SLOB PA'I RIG PA GSUM ZHES BYA'O, ,CI'I PHYIR DE DAG KHO NA YIN GYI GZHAN DAG MA YIN ZHE NA, SNGON MTHA' SOGS, MA RIG PA NI BZLOG PHYIR RO, ,'DI DAG GIS NI GO RIMS BZHIN DU SNGON GYI MTHA' DANG, PHYI MA'I MTHA' DANG, BAR LA KUN DU RMONGS PA BZLOG PAR BYED DO, ,DE DAG LAS KYANG DON DAM PAR, @62B MI SLOB THA MA, ZAG PA ZAD PA MNGON DU BYA BA KHO NA MI SLOB PA'I RIG PA YIN NO, ,GNYIS NI DE'I, RGYUD LAS SKYES PHYIR DE ZHES BYA, ,GZHAN GNYIS NI MI SLOB PA'I RGYUD LAS SKYES PA'I PHYIR MI SLOB PA ZHES BYA'I DE GNYIS NI SLOB PA YANG MA YIN LA MI SLOB PA YANG MA YIN NO, ,MNGON PAR SHES PA 'DI DAG SLOB BA'I YIN PAR MI 'DOD DAM ZHE NA GANG GI PHYIR SLOB PA'I RIG PA DAG CES MI BYA ZHE NA, SLOB LA 'DOD DE MA RIG DANG, ,BCAS RGYUD PHYIR NA RIG MA BSHAD, ,RGYUD MA RIG PA DANG BCAS BZHIN DU RIG PA RNAM PAR GZHAG TU NI MI RUNG STE, YANG MA RIG PAS ZIL GYIS GNON PA'I PHYIR RO, ,MNGON PAR SHES PA 'DI DAG LAS, ,DANG PO GSUM PA DRUG PA NI, ,CHO 'PHRUL RNAMS YIN RDZU 'PHRUL DANG, ,SEMS KYI RNAM GRANGS DANG, ZAG PA ZAD PA'I MNGON PAR SHES PA RNAMS NI GO RIMS BZHIN DU CHO 'PHRUL GSUM YIN TE, RDZU 'PHRUL DANG KUN RDZOB PA DANG RJES SU BSTAN PA'I CHO 'PHRUL RNAMS YIN NO, ,DANG PO NYID DU GDUL BYA'I YID SHEN TU 'PHROG PAR BYED PA'I PHYIR CHO 'PHRUL DAG YIN PA 'AM, 'DI DAG GIS ZHE 'GRAS PA DANG, BAR MAR GNAS PA RNAMS KYI YID 'PHROG PAR BYED PAS NA CHO 'PHRUL DAG YIN NO, ,'DI DAG GI NANG NA, BSTAN PA MCHOG , RJES SU BSTAN PA'I CHO 'PHRUL NI, ,MI 'KHRUL PHYIR DANG PHAN PA DANG, ,YID 'ONG 'BRAS LA SBYOR BYED PHYIR, ,MCHOG YIN NO, ,RDZU 'PHRUL DANG KUN BRJOD PA DAG NI RIG SNGAGS KYIS KYANG, BYED DE, GAHNA DHA RI ZHES BYA BA'I RIG SNGAGS GANG GIS NA NAM MKHA' LA 'GRO BA DANG, RTOG BYED CES BYA BA'I RIG SNGAGS GANG GIS NA PHA ROL GYI SEMS SHES PA YANG YOD MOD KYI YANG DAG PA JI LTA BA BZHIN DU RJES SU BSTAN PA NI GZHAN GYIS BYA BAR MI NUS PAS MI 'KHRUL PA'I PHYIR 'DI NI GTZO BO YIN NO, ,DE GNYIS KYIS NI GTOD PA TZAM DU ZAD KYI RJES SU BSTAN PA'I CHO 'PHRUL GYIS NI THABS NYE BAR BSTAN PA'I SGRO NAS PHAN PA DANG, YID DU 'ONG BA'I 'BRAS BU LA SBYOR BAS 'DI NYID MCHOG YIN NO, ,RDZU 'PHRUL ZHES BYA BA 'DI CI YIN ZHE NA, BYE BRAG TU SMRA BA RNAMS KYIS NI, RDZU 'PHRUL TING NGE 'DZIN, 'DIS 'BYOR PAR BYED PAS NA ZHES BYA BAR SBYAR RO, ,DES CI ZHIG YANG @63A *, ,DAG PAR 'BYOR PAR 'GYUR ZHE NA, DE LAS NI, SPRUL DANG 'GRO BA STE, DE LA 'GRO BA NI RNAM PA GSUM STE, LUS KYIS PHYIN BYED DANG, MOS PA LAS BYUNG BA DANG, YID MGYOGS PA'O, ,STON PA LA, YID MGYOGS 'GRO BA DANG, YID BZHIN DU MGYOGS PAS NI YID MGYOGS KYI 'GRO BA STE, DE NI SANGS RGYAS BCOM LDAN 'DAS KHO NA YIN GYI GZHAN GYI NI MA YIN NO, ,YUL THAG SHIN TU RING POR YANG THUGS BSKYED PA'I DUS KYI BYON PA'I PHYIR RO, ,DE NYID KYI PHYIR BCOM LDAN 'DAS KYIS SANGS RGYAS KYI YUL NI BSAM GYIS MI KHYAB PO ZHES BYA BA GSUNGS SO, ,'GRO BA GZHAN DAG NI MA BSHAD KYANG SANGS RGYAS LA MNGA' BAR GRUB PO, ,GZHAN DAG LA, PHYIN BYED MOS PA LAS BYUNG YANG, ,NYAN THOS DANG RANG SANGS RGYAS RNAMS LA NI LUS PHYIN BYED KYI 'GRO BA YANG YOD DE, BYA BZHIN DU RIM GYIS LUS PHYIN PAR BYED PA'I PHYIR RO, , MOS PA LAS BYUNG BA YANG YOD DE, THAG RING PO LA NYE BAR MOS NAS MYUR DU 'GRO BA'I PHYIR RO, ,SPRUL PA NI RNAM PA GNYIS TE, 'DOD PA NA SPYOD PA DANG, GZUGS NA SPYOD PA'O, ,DE LA RE ZHIG ,'DOD PAR GTOGS PA'I SPRUL PA NI, PHYI'I SKYE MCHED BZHI, 'DOD PA NA SPYOD PA'I SPRUL PA NI GZUGS DANG DRI DANG RO DANG REG BYA'I SKYE MCHED KYI RANG BZHIN YIN NO, ,DE YANG RNAM GNYIS, BDAG DANG GZHAN GYI LUS DANG SPRUL PA'O, ,GZUGS GTOGS GNYIS, GZUGS NA SPYOD PA'I SPRUL PA NI, DE NA DRI DANG RO MED PA'I PHYIR GZUGS DANG REG BYA'I SKYE MCHED GNYIS YIN NO, ,DE YANG 'DOD PA'I KHAMS KYI JI LTA BA DE KHO NA BZHIN DU RNAM PA GNYIS YIN TE, 'DI NI SPRUL PA RNAM PA BZHI YIN NO, ,GZUGS KYI KHAMS NA YANG DE DANG 'DRA BAS MDOR BSDU NA SPRUL PA NI RNAM PA BRGYAD YIN NO, ,GZUGS KYI KHAMS SU SKYES PA 'DOD PA NA SPYOD PA SPRUL PA NA JI LTAR NA DRI DANG RO DAG DANG MI LDAN PA YANG YIN ZHE NA, GOS DANG, RGYAN BZHIN DU MI LDAN NO, ,GZHAN DAG NA RE SKYE MCHED GNYIS SPRUL PAR BYED DO ZHES ZER RO, ,YANG CI MNGON PAR SHES PA KHO NAS SPRUL PA SPRUL PAR BYED DAM ZHE NA, SMRAS PA, MA YIN NO, ,'O NA JI LTA BU ZHE NA, MNGON PAR SHES PA'I 'BRAS BU, SPRUL SEMS DAG GIS DE @63B DAG KYANG NI BCU BZHI'O, ,SPRUL PA'I SEMS BCU BZHI PO DE DAG NI, BSAM GTAN 'BRAS GNYIS NAS LNGA'I BAR RIM BZHIN, BSAM GTAN DANG PO'I 'BRAS BU SPRUL PA'I SEMS NI GNYIS TE, 'DOD PA'I KHAMS DANG BSAM GTAN DANG PO'I SA DAG GO, ,BSAM GTAN GNYIS PA'I 'BRAS BU NI GSUM STE, 'DOD PA'I KHAMS DANG, BSAM GTAN DANG PO DANG, GNYIS PA'I SA PA DAG GO, ,DA BZHIN DU BSAM GTAN GSUM PA DANG, BZHI PA'I SA PA DAG KYANG BZHI DANG LNGAR SPYOR BAR BYA'O, ,BSAM GTAN GYI 'BRAS BU SPRUL PA'I SEMS NI RANG GIS PA DANG SA 'OG MA YIN PAR RIG PAR BYA'O, ,GONG MA LAS SKYES MIN, BSAM GTAN 'OG MA'I 'BRAS BUS GONG MA'I SPRUL PA'I SEMS NI MED DO, ,'DOD PA NA SPYOD PA'I SPRUL PA BSAM GTAN GNYIS PA LA SOGS PA'I 'BRAS BU NI, BSAM GTAN DANG PO'I SA PA DE'I 'BRAS BU LAS 'GROS KYI SGO NAS KHYAD PAR DU 'PHAGS SO, ,DE RNYED BSAM GTAN BZHIN, SPRUL PA'I SEMS DE DAG RNYED PA NI BSAM GTAN BZHIN NO, ,YANG CI SPRUL PA'I SEMS KHO NA LAS LDANG BAR 'GYUR RAM ZHE NA, DE LTA BU NI MED DE, 'DI LTAR, DE NI, DAG DANG RANG LAS SKYE BAR 'GYUR TE, SPRUL PA'I SEMS NI BSAM GTAN DAG PA PA'AM SPRUL PA'I SEMS KYI MJUG THOGS SU SKYE'I GZHAN DU NI MA YIN NO, ,DE LAS GNYIS, SPRUL PA'I SEMS LAS KYANG BSAM GTAN DAG PA PA DANG SPRUL PA'I SEMS SKYE STE, GZHAN DU NI MA YIN NO, ,TING NGE 'DZIN GYI 'BRAS BU LA GNAS PA NI YANG TING NGE 'DZIN LA MA ZHUGS PAR TING NGE 'DZIN DE LAS LDANG BA MED DO, ,SPRUL PA THAMS CAD KYANG, RANG GI SA PAS SPRUL PAR BYED, SA GZHAN PA'I SPRUL PA'I SEMS KYIS SA GZHAN PA'I SPRUL PAR NI MI BYED DO, ,SMRAR 'JUG PA NI 'OG MAS KYANG, KYANG ZHES BYA BA'I SGRA NI RANG GI SA PAS KYANG SMRAR 'JUG GO ZHES BYA BA YIN TE, 'DOD PA'I KHAMS DANG, BSAM GTAN DANG PO'I SA PA'I SPRUL PA NI RANG GIS PA'I SEMS KHO NAS SMRAR 'JUG GO, ,SA GONG MA PA NI BSAM GTAN DANG PO'I SA PA STE, YAN CHAD NA RNAM PAR RIG BYED KUN NAS SLONG BAR BYED PA MED PA'I PHYIR RO, ,SPRUL PA MANG PO RNAMS SMRA BA NI STON MIN SPRUL PA DANG BCAS, SANGS RGYAS LAS GZHAN @64A *, ,PA'I SPRUL PA NI SPRUL PA DANG BCAS TE, SMRA BAS GANG GI TSE SPRUL PA MANG PO ZHIG YIN PA DE'I TSE CIG CAR SMRA STE, GCIG CIG SMRA BAR BYED PA NA, ,SPRUL PA THAMS CAD SMRA BAR BYED, ,GCIG MI SMRA BAR GYUR PA DANG, ,DE DAG THAMS CAD SMRAR MI 'GYUR, ,ZHES TSIGS SU BCAD DE 'BYUNG BA'I PHYIR RO, ,SANGS RGYAS KYI SPRUL PA NI SNGA PHYI JI LTAR BZHED PAR SMRA'O, ,GANG GI TSE SMRAR 'JUG PA'I SEMS YOD PA DE'I TSE SPRUL PA'I SEMS MED PA'I PHYIR SPRUL PA MED NA JI LTAR SMRAR 'JUG CE NA, BYIN GYIS BRLABS NAS GZHAN 'JUG PHYIR, ,GNAS PAR 'DOD PAS SPRUL PA BYIN GYIS BRLABS NAS YID GZHAN RNAM PAR RIG BYED KUN NAS SLONG BAR BYED PAS NGAG 'JUG PAR BYED DO, ,CI GSON PO KHO NA LA BYIN GYI RLABS YOD DAM, 'ON TE SHI BA LA YOD CE NA, SHI BA LA YANG BYIN GYI RLABS YOD, 'PHAGS PA 'OD SRUNGS CHEN PO'I BYIN GYI RLABS KYIS DE'I RUS PA'I KENG RUS GNAS PA'I PHYIR RO, ,DE YANG MI BRTAN LA MED, MI BRTAN PA'I DNGOS PO LA NI BYIN GYI RLABS MED DE, 'PHAGS PA 'OD SRUNGS CHEN POS SHA LA SOGS PA BYIN GYIS MA BRLABS PA'I PHYIR RO, ,GZHAN DAG MIN GZHAN DAG NA RE, SHI BA LA BYIN GYI RLABS MED KYI, RUS PA'I KENG RUS GNAS PA NI LHA'I MTHUS SO ZHES ZER RO, ,CI SEMS GCIG GIS SPRUL PA GCIG KHO NA SPRUL BAR BYED DAM ZHE NA, DANG POR DU MAS GCIG YIN TE, ,BYA BAR GYUR NAS BZLOG PA'O, ,DANG PO NYID DU NI SPRUL PA'I SEMS DU MAS SPRUL PA GCIG SPRUL PAR BYED DO, ,MNGON PAR SHES PA BYANG NAS NI SEMS GCIG GIS SPRUL PA PO JI SNYED DOD PA DU MA SPRUL PAR BYED DO, ,YANG SPRUL PA'I SEMS THAMS CAD LUNG DU MA BSTAN PA YIN NAM ZHE NA, BSGOMS LAS SKYES PA LUNG MA BSTAN, ,BSGOMS PA'I 'BRAS BU GANG YIN PA DE NI NGES PAR LUNG DU MA BSTAN PA YIN NO, ,SKYE BA LAS SKYES RNAM GSUM MO, ,LHA DANG, KLU DANG, SHA ZA LA SOGS PA'I SKYE BAS THOB PA'I SPRUL PA'I SEMS NI DGE BA DANG, MI DGE BA DANG, LUNG DU MA BSTAN PA YIN NO, ,DE DAG GIS BYAS PA'I SPRUL BA RANG DANG GZHAN GYI LUS DANG 'BREL BA NI SGRA MED PA'I GZUGS CAN GYI SKYE MCHED YIN PA'I PHYIR, @64B SKYE MCHED DUG PA YIN TE, DBANG PO DANG THA MI DAD PA'I PHYIR RO, ,DBANG PO NI SPRUL PAR MI BYED DO, ,CI BSGOMS PA LAS BYUNG BA DANG, SKYE BAS THOB PA'I RDZU 'PHRUL RNAM PA 'DI GNYIS KHO NAR ZAD DAM ZHE NA, RDZU 'PHRUL RNAM PA GNYIS PA DE DANG, GSANG SNGAGS SMAN DAG DANG, LAS LAS SKYES DANG RNAM PA LNGA, ,RDZU 'PHRUL NI MDOR BSDUN RNAM PA LNGA'O ZHES BRJOD DE, BSGOMS PA'I 'BRAS BU DANG, SKYE BAS THOB PA DANG, GSANG SNGAGS LAS SKYES PA DANG, SMAN LAS SKYES PA DANG, LAS LAS SKYES PA STE, DPER NA NGA LAS NU DANG, SRID PA BAR MA PA RNAMS KYI LTA BU'O, ,LHA'I RNA BA DANG MIG TU BSHAD PA GANG YIN PA DE DAG CI LHA'I KHO NA YIN NAM, 'ON TE BYANG CHUB SEMS DPA' DANG, 'KHOR LOS SGYUR BA DANG, KHYIM BDAG RIN PO CHE RNAMS KYI LTA BUR LHA'I DANG 'DRA BAS LHA'I YIN ZHE NA, LHA YI MIG DANG RNA BA YIN, ,'DI LTAR DE GNYIS NI, BSAM GTAN SA PA'I GZUGS DANG BA, BSAM GTAN LA SNYOMS PAR ZHUGS PA'I MIG DANG RNA BA'I THOD KOR DU SGRA DANG, SNANG BA LA GTOD PA'I SBYOR BAS BSAM GTAN GYIS PA'I 'BYUNG BA RNAMS RGYUR BYAS PA'I GZUGS DANG, SGRA DAG MTHONG BA DANG, THOS PA'I RGYU MNGON PAR 'GRUB PAS BSAM GTAN GYIS PA YIN PA'I PHYIR MIG DANG, RNA BA DE DAG NI LHA'I KHO NA YIN NO, ,DE GNYIS KYANG RTAG TU BRTEN BCAS MA TSANG MED, THAG RING PHRA SOGS SPYOD YUL CAN, ,LHA'I MIG DANG RNA BA NI RTAG TU RNAM PAR SHES PA DANG BCAS PA YIN PA'I PHYIR DE DANG MTSUNGS PA MED DO, , ZHAR BA DANG 'ON PA MED PA'I PHYIR MA TSANG BA YANG MA YIN TE, GZUGS NA SPYOD PA'I SEMS CAN BZHIN NO, ,DE GNYIS KYI YUL NI GZUGS DANG, SGRA THAG RING BA DANG, PHRA BA DANG, BSGRIBS PA DAG KYANG YIN NO, ,'DIR SMRAS PA, GANG PHYIR SHA YI MIG GIS GZUGS, ,THAG RING GNAS DANG BSGRIBS PA DANG, ,PHRA RGYAS THAMS CAD MI MTHONG BA, ,DE PHYIR LHA YIS MTHONG BAR 'DOD, ,LHA'I MIG GIS THAG JI SRID CIG MTHONG ZHE NA, GANG GI MIG JI LTA BU YIN BA'O, ,NYAN THOS DANG RANG SANGS RGYAS DANG SANGS RGYAS RNAMS NI MNGON PAR 'DU BYED PA MED PAR STONG DANG STONG GNYIS PA @65A *, ,DANG STONG GSUM PA'I 'JIG RTEN GYI KHAMS MTHONG NGO, ,MNGON PAR 'DU BYED PAS NI, DGRA BCOM BSE RU STON RNAMS KYIS, ,STONG GNYIS GSUM DANG GRANGS MED MTHONG, ,NYAN THOS CHEN POS KYANG MNGON PAR 'DU BYED PA THAMS CAD KYIS LHA'I MIG GIS STONG GNYIS PA'I 'JIG RTEN GYI KHAMS MTHONG NGO, ,BSE RU LTA BUS NI STONG GSUM PA MTHONG NGO, ,SANGS RGYAS BCOM LDAN 'DAS KYIS NI JI TZAM BZHED PAR 'JIG RTEN GYI KHAMS GRANGS MED PA GZIGS SO, ,CI RDZU 'PHRUL KHO NA SKYE BAS 'THOB PA YIN NAM, 'ON TE GZHAN YANG YIN ZHE NA, GZHAN YANG SKYE BAS KYANG 'THOB, LHA'I RNA BA LA SOGS PA BZHI YANG SKYE BAS 'THOB BAR BYA BA YOD MOD KYI, SKYE BAS THOB PA NI CUNG ZAD KYANG MNGON PAR SHES PA'I MING MI 'THOB BO, ,SKYE BAS 'THOB PA'I LHA'I MIG GANG YIN PA, DES NI, SRID PA BAR MA MI MTHONG NGO, ,SRID PA BAR MA NI MNGON PAR SHES PA'I MIG KHO NAS MTHONG GI ,SKYE BAS THOB PA NI MA YIN NO, ,SEMS SHES DE NI RNAM PA GSUM, SKYE BAS 'THOB PA ZHES BYA BAR SBYAR TE, PHA ROL GYI SEMS SHES PA SKYE BAS 'THOB PA DE NI DGE BA DANG, MI DGE BA DANG, LUNG DU MA BSTAN PA DANG RNAM PA GSUM YIN PAR RIG PAR BYA'O, ,GANG RTOGS DANG RIG SNGAGS KYIS BYAS PA'ANG, GANG YANG MTSAN MA PA RNAMS KYIS PHA ROL GYI SEMS SHES PA DANG RTOG GE BA DANG, GANG YANG RIG SNGAGS KYIS BYAS PA DE YANG RNAM PA GSUM YIN BAR RIG PAR BYA STE, JI LTAR BSGOMS PA'I 'BRAS BU DGE BA KHO NA YIN PA LTA BU NI MA YIN NO, ,PHA ROL GYI SEMS SHES PA DANG, SNGON GYI GNAS RJES SU DRAN PA SKYE BAS THOB PA DAG GIS NI DMYAL BA PAS NI DANG PO SHES, JI SRID DU SDUG BSNGAL GYI TSOR BAS MA NYEN PA DE SRID DU SHES SO, ,'GRO BA GZHAN NA GNAS PAS NI RTAG TU SHES SO, ,MI LA SKYE BAS THOB PA MED, ,MI RNAMS LA NI RDZU 'PHRUL LA SOGS PA JI SKAD BSHAD PA DE SKYE BAS THOB PA MED DO, ,'O NA RANG BZHIN GYIS TSE RABS DRAN PA GANG YIN PA JI LTA BU ZHE NA, DE DAG GI DE NI LAS KYI KHYAD PAR LAS SKYES PA YIN TE, SNGON GYI GNAS RJES SU DRAN PA NI RNAM PA GSUM STE, BSGOMS PA'I @65B 'BRAS BU DANG, SKYE BAS THOB PA DANG, LAS LAS SKYES PA'O, ,CHOS MNGON PA MDZOD KYI RNAM PAR BSHAD PA LAS YE SHES BSTAN PA ZHES BYA BA MDZOD KYI GNAS BDUN PA'O, ,SHES PA'I SKABS KYIS SHES PA'I RANG BZHIN GYI YON TAN RNAMS NI BSHAD ZIN TO,, ,,RANG BZHIN GZHAN RNAMS BRJOD PAR BYA STE, DE LTA BAS NA YON TAN THAMS CAD KYI RTEN YIN PA'I PHYIR DANG PO KHO NAR BSAM GTAN RNAMS BRTZAMS TE, BSAM GTAN DAG NI RNAM PA GNYIS, ,BSAM GTAN RNAMS NI MDOR BSDU NA SKYE BA DANG SNYOMS PAR 'JUG PA'I BSAM GTAN GYI BYE BRAG GIS RNAM PA GNYIS SO, ,DE DAG KYANG BZHI, BSAM GTAN DANG PO NAS BZHI PA'I BAR RO, ,DE LA BSAM GTAN DU SKYE BA RNAMS NI YANG MI BRJOD DE, 'JIG RTEN BSTAN PA'I MDZOD KYI GNAS SU, DER SKYE BA DAG RAB TU BSHAD, JI SKAD DU BSHAD CE NA, DER SO SO'I, BSAM GTAN SA NI GSUM PA YIN, ,BZHI PA SA NI BRGYAD PA YIN, ,ZHES BYA BA YIN NO, ,SNYOMS PAR 'JUG PA'I BSAM GTAN BRJOD PAR BYA STE, DE'I PHYIR SMRAS PA, SNYOMS 'JUG DGE BA RTZE GCIG PA, BYE BRAG MED PAR DGE BA'I SEMS RTZE GCIG PA NI BSAM GTAN YIN TE, TING NGE 'DZIN GYI RANG BZHIN YIN PA'I PHYIR RO, ,RJES 'BRANG BCAS NA PHUNG PO LNGA, ,'KHOR DANG BCAS NA NI PHUNG PO LNGA'I RANG BZHIN YIN PAR RIG PAR BYA'O, ,RTZE GCIG PA ZHES BYA BA 'DI CI ZHE NA, DMIGS PA GCIG PA NYID DO, ,DE LTA NA NI 'O NA SEMS DMIGS PA GCIG PA DAG KHO NA TING NGE 'DZIN YIN GYI CHOS GZHAN SEMS LAS BYUNG BA NI MA YIN NO ZHES BYA BAR 'GYUR RO ZHE NA, SEMS RNAMS KHO NA TING NGE 'DZIN MA YIN GYI GANG GIS DE DAG RTZE GCIG PAR BYED PA'I CHOS DE TING NGE 'DZIN YIN LA DE NYID RTZE GCIG PA NYID YIN NO, ,SKAD CIG MA YIN PA'I PHYIR SEMS THAMS CAD RTZE GCIG PA MA YIN NAM, GAL TE GNYIS PA DE LAS RNAM PAR MI G-YENG BA YIN NO ZHE NA NI, MTSUNGS PAR LDAN PA LA TING NGE 'DZIN DON MED PA YIN NO, ,GANG KHO NA LAS TING NGE 'DZIN YIN PA DE KHO NA LAS SEMS RNAMS KYI DMIGS PA GCIG PA NYID DU YANG CI'I PHYIR MI 'DOD, TING NGE 'DZIN SA @66A *, ,MANG PO PA YIN PA'I PHYIR SEMS THAMS CAD RTZE GCIG PA NYID DU YANG THAL BAR 'GYUR RO, ,MA YIN TE, TING NGE 'DZIN STOBS CHUNG BA'I PHYIR RO, ,GZHAN DAG NA RE SEMS RTZE GCIG PA DAG KHO NA TING NGE 'DZIN YIN TE, 'DI LTAR MDO LAS, LHAG PA'I SEMS KYI BSLAB PA DANG, SEMS YONGS SU DAG PA'I GTZO BO NI BSAM GTAN BZHI YIN NO ZHES GSUNGS SO ZHES ZER RO, ,BSAM GTAN ZHES BYA BA'I DON CI ZHE NA, 'DIS SEMS PAR BYED PAS NA BSAM GTAN TE, SEMS MNYAM PAR BZHAG NA YANG DAG PA JI LTA BA BZHIN RAB TU SHES PA'I PHYIR RAB TU SHES PAR BYED CES BYA BA'I THA TSIG STE, SKAD KYI BYINGS 'DI NI SEMS PA'I DON YIN LA, SEMS PA YANG SHES RAB YIN NO ZHES GRUB PA'I MTHA' LAS 'BYUNG NGO, ,DE LTA NA NI 'O NA TING NGE 'DZIN THAMS CAD BSAM GTAN DU THAL BAR 'GYUR RO ZHE NA, MA YIN TE, PHUL DU PHYIN PA DANG LDAN BA LA DE'I MING DU BTAGS PA'I PHYIR NYI MA BZHIN NO, ,PHUL DU PHYIN PA DANG LDAN PA YANG GANG ZHE NA, TING NGE 'DZIN GANG YAN LAG DANG LDAN PA YIN TE, DE NI ZHI GNAS DANG LHAG MTHONG ZUNG DU 'BREL PAR NGANG GIS 'BYUNG BA'I PHYIR MTHONG BA'I CHOS LA BDE BAR GNAS PA DANG, LAM SLA BA ZHES GSUNGS PAS DE NI SHIN TU YANG SEMS PAR BYED DO, ,NYON MONGS PA CAN JI LTAR BSAM GTAN YIN ZHE NA, LOG PAR NGES PA SEMS PA'I PHYIR RO, ,HA CANG THAL BAR 'GYUR RO ZHE NA, MA YIN TE, DE DANG MTHUN PA KHO NA LA DE'I MING DU BTAGS PA'I PHYIR TE, SA BON RUL PA BZHIN NO, ,BCOM LDAN 'DAS KYIS KYANG BSAM GTAN MI DGE BA DAG KYANG GSUNGS SO, ,YANG DGE BA RTZE GCIG PA BSAM GTAN DANG PO NI JI LTA BU, BZHI PA'I BAR NI JI LTA BU ZHE NA, RE ZHIG DANG PO NI, DPYOD DANG DGA' DANG BDE DANG LDAN, ,DGE BA RTZE GCIG PA BSAM GTAN DANG PO NI DBYOD PA DANG DGA' BA DANG BDE BA DANG MTSUNGS PAR LDAN PA YIN NO, DPYOD PA SMOS PAS RTOG PA YANG BSHAD PA YIN TE, LHAN CIG SBYOD PA'I PHYIR DU BA DANG ME BZHIN DU, RTOG PA MED PAR NI DGA' BA DANG BDE BA DANG LDAN PA'I DPYOD PA MED DO, ,BSAM GTAN LHAG MA GSUM NI, @66B YAN LAG LNGA LNGA SPANGS BA YIN, ,DGE BA RTZE GCIG PA ZHES BYA BAR SBYAR TE, BSAM GTAN GNYIS PA NI DPYOD PA SPANGS LA, DGA' BA DANG BDE BA DANG LDAN PA YIN NO, ,GSUM PA NI DPYOD PA DANG DGA' BA SPANGS LA BDE BA DANG LDAN PA YIN NO, ,BZHI PA NI DPYOD PA DANG, DGA' BA DANG BDE BA SPANGS PA YIN NO, ,BSAM GTAN RNAMS JI LTA BA DE BZHIN DU GZUGS MED, RNAM PA GANG GIS SHE NA, DE DAG KYANG SKYE BA DANG SNYOMS PAR 'JUG PA'I SGO NAS RNAM PA GNYIS KYANG YIN LA BZHI YANG YIN NO, ,DE DAG GI YANG SKYE BA RNAMS NI BSHAD ZIN TO, ,SNYOMS PAR 'JUG PA'I GZUGS MED PA RNAMS NI BYE BRAG MED PAR DGE BA'I SEMS RTZE GCIG PA'I RANG BZHIN YIN NO ZHES BYA BA'I RNAM PA DES BSHAD ZIN TO, ,'KHOR DANG BCAS NA NI, PHUNG PO BZHI RJES SU 'BRANG BA'I GZUGS MED PA'I PHYIR RO, ,'OG MA'I SA DBEN LAS SKYES PA, ,BSAM GTAN BZHI PA LAS DBEN PA LAS SKYES PA NI NAM MKHA' MTHA' YAS SKYE MCHED YIN NO, ,DE LAS DBEN BA LAS SKYES PA NI RNAM SHES MTHA' YAS SKYE MCHED YIN NO, ,DE LAS DBEN BA LAS SKYES PA NI CI YANG MED PA'I SKYE MCHED YIN NO, ,DE LAS DBEN PA LAS SKYES PA NI 'DU SHES MED 'DU SHES MED MIN GYI SKYE MCHED YIN TE, DE LTAR NA GZUGS MED PA BZHI YIN NO, ,DBEN PA ZHES BYA BA 'DI CI ZHE NA, LAM GANG GIS NI 'OG MA LAS RNAM PAR 'BYED PA STE, 'DOD CHAGS DANG BRAL BAR GYUR PA'I PHYIR RO, ,GZUGS MED PA DE DAG KYANG, NYER BSDOGS GSUM DANG BCAS PAR NI, ,GZUGS KYI 'DU SHES BSHIG CES BYA, ,NAM MKHA' MTHA' YAS SKYE MCHED KYI NYER BSDOGS NI BSAM GTAN BZHI PA LA DMIGS PA'I PHYIR GZUGS KYI 'DU SHES BSHIG CES BYA BA'I MING MI 'THOB BO, ,DE LA NI GZUGS KYI 'DU SHES BSHIG PA MA YIN TE, MA BRAL ZHES BYA BA'I THA TSIG GO, ,PHUNG PO BZHI ZHES GANG BSHAD PA RE ZHIG GZUGS MED PA DAG NA GZUGS MED DO ZHES BYA BA 'DI NI BSGRUB PAR BYA BA YIN NO, ,GAL TE YOD NA JI LTAR NA GZUGS MED PA RNAMS BRJOD PAR 'GYUR, GZUGS CUNG ZAD CIG YOD PA'I PHYIR TE, CUNG ZAD ZER BA BZHIN NO, ,RE ZHIG DE NI GZUGS JI @67A *, ,LTA BU ZHIG YOD PAR 'DOD, GAL TE LUS DANG NGAG GI SDOM BA TZAM ZHIG GO ZHE NA, DE DAG MED NA JI LTAR DE DAG GI SDOM PAR 'GYUR, 'BYUNG BA MED PAR NI 'BYUNG BA LAS GYUR PA MI RUNG NGO, ,GAL TE ZAG PA MED PA'I SDOM PA BZHIN NO ZHE NA, MA YIN TE ZAG PA DANG BCAS PA'I 'BYUNG BA YOD PA'I PHYIR RO, ,SNYOMS PAR 'JUG PA LA YANG DE DGAG PAR BSHAD DO, ,'ON TE LUS KYANG YOD LA DBANG PO GZUGS CAN RNAMS KYANG YOD DO ZHE NA NI, JI LTAR NA DE DAG GZUGS CUNG ZAD YOD PAR 'DOD, GAL TE BONG TSOD CHUNG BA'I PHYIR RO ZHE NA NI CHUNG NGU'I SKYE BO GZUGS BLTAR MI SNANG BA DAG LA YANG THAL BAR 'GYUR RO, ,GAL TE DANG BA'I PHYIR RO ZHE NA NI, SRID PA BAR MA DAG DANG, GZUGS NA SPYOD PA RNAMS LA YANG THAL BAR 'GYUR RO, ,GAL TE GANG LAS CHES DANG BA MED PA YIN NO ZHE NA NI, SRID PA'I RTZE MO KHO NA GZUGS MED PA YIN PAR 'GYUR TE, SNYOMS PAR 'JUG PA BZHIN DU SKYE BA KHYAD PAR DU 'PHAGS PA'I PHYIR RO, ,BSAM GTAN DU SKYE BA'I GZUGS KYANG SA 'OG MA'I DBANG POS MI ZIN PA'I PHYIR DE DANG YANG KHYAD PAR CI ZHIG YOD, GAL TE GNYIS KYI MING NI DON DANG MTHUN PA YIN GYI GZUGS MED PA'I KHAMS KYI NI MA YIN NO ZHE NA, DE LA RIGS PA CI ZHIG YOD, GAL TE TSE DANG DROD GNYIS 'DRES PAR GSUNGS PA'I PHYIR DANG, 'DAM BU'I SHOG GNYIS BZHIN DU MING DANG GZUGS DAG PHAN TSUN BRTEN TO ZHES GSUNGS PA'I PHYIR DANG, ,RNAM PAR SHES PA'I RKYEN GYIS MING DANG GZUGS ZHES GSUNGS PA'I PHYIR DANG, GZUGS NAS 'DU BYED RNAMS KYI BAR LAS GZHAN DU RNAM PAR SHES PA 'ONG BA'AM 'GRO BA BKAG PA'I PHYIR GZUGS MED PA DAG NA GZUGS YOD PA NYID DU GRUB BO ZHE NA, MA YIN TE, DPYAD PAR BYA BA YIN PA'I PHYIR RO, ,RE ZHIG TSE DANG DROD GNYIS 'DRES PA NYID DU GANG GSUNGS PA 'DI CI 'DOD PA DANG GZUGS NA SPYOD PA'I TSE LAS DGONGS TE GSUNGS SAM, 'ON TE THAMS CAD LAS ZHES BYA BA DANG, GANG YANG MING DANG GZUGS DAG PHAN TSUN BRTEN PA NYID DU GSUNGS PA 'DI CI 'DOD PA DANG GZUGS NA SPYOD PA LAS DGONGS TE GSUNGS SAM, 'ON TE @67B THAMS CAD LAS ZHES BYA BA DANG, GANG YANG RNAM PAR SHES PA'I RKYEN GYIS MING DANG GZUGS ZHES GSUNGS PA 'DI CI RNAM PAR SHES PA THAMS CAD MING DANG GZUGS KYI RKYEN DU GSUNGS SAM, 'ON TE MING DANG GZUGS THAMS CAD RNAM PAR SHES PA'I RKYEN DU GSUNGS ZHES BYA BA DANG, GANG YANG GZUGS LA SOGS PA LAS GZHAN DU RNAM PAR SHES PA 'ONG BA DANG 'GRO BA BKAG PAR GSUNGS PA 'DI CI DE DAG THAMS CAD MED NA DE BKAG GAM, 'ON TE 'GA' ZHIG KYANG ZHES BYA BA 'DI DPYAD PAR BYA DGOS SO, ,GAL TE BYE BRAG MED PAR GSUNGS PA'I PHYIR DPYAD PAR MI BYA'O ZHE NA NI HA CANG THAL BAR 'GYUR TE, TSE MED PAR PHYI'I DRO BA YANG YOD PAR MI 'GYUR LA, PHYI'I GZUGS KYANG RNAM PAR SHES PA LA BRTEN PA NYID DU 'GYUR TE, KHYAD PAR MED PAR 'BYUNG BA'I PHYIR RO, ,RNAM PAR SHES PA GNAS BZHIN DU ZAS BZHI GSUNGS PA'I PHYIR GZUGS DANG GZUGS MED PA'I KHAMS DAG NA YANG KHAM DU BYED PA'I ZAS YOD PAR THAL BAR YANG 'GYUR RO, ,GAL TE KHAM DU BYED PA'I ZAS ZA BA'I LHA RNAMS LAS 'DAS TE ZHES GSUNGS PA'I PHYIR DANG, DGA' BA'I ZAS ZHES GSUNGS PA'I PHYIR THAL BAR MI 'GYUR RO ZHE NA NI GZUGS MED PA DAG NA YANG GZUGS YOD PAR THAL BAR MI 'GYUR TE, GZUGS MED PA RNAMS NI GZUGS RNAMS LAS NGES PAR 'BYUNG BA YIN NO ZHES BYA BA DANG, GZUGS MED PA'I RNAM PAR THAR PA ZHI BA GANG DAG GZUGS RNAMS LAS 'DAS NAS ZHES BYA BA DANG, GZUGS CAN MA YIN PA'I SEMS CAN DAG YOD CES BYA BA DANG, RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS NAS ZHES GSUNGS PA'I PHYIR RO, ,GZUGS SHIG YOD NA NI RANG GI GZUGS GDON MI ZA BAR 'DU SHES PAR BYED PAR 'GYUR RO, ,GAL TE SA 'OG MA PA'I GZUGS RAGS PA LAS DGONGS TE GSUNGS PA YIN NO ZHE NA NI, KHAM GYI ZAS LA YANG MTSUNGS SO, ,BSAM GTAN RNAMS KYANG SA 'OG MA PA LAS NGES PAR 'BYUNG BA YIN PA'I PHYIR GZUGS MED PAR THAL BAR 'GYUR RO, ,SA 'OG MA PA'I TSOR BA LA SOGS PA LAS NGES PAR 'BYUNG BA'I PHYIR TSOR BA LA SOGS PA @68A *, ,LAS KYANG NGES PAR 'BYUNG BA YIN BAR CI'I PHYIR MA BSHAD DE, GZUGS KYI RNAM PA ZAD PAR LAS 'DAS LA TSOR BA LA SOGS PA'I RNAM PA LAS NI MA YIN PAS DE'I PHYIR GZUGS RNAMS LAS NGES PAR 'BYUNG BA ZHES GSUNGS SO, ,SRID PAS SRID PA LAS NGES PAR MI 'BYUNG BAR GSUNGS PA NI DE NYID KYIS DE LAS NGES PAR MI 'BYUNG BA'I PHYIR DANG, THAMS CAD DANG GTAN DU NGES PAR 'BYUNG BA MA YIN PA'I PHYIR RO, ,BCOM LDAN 'DAS KYIS KYANG BSAM GTAN DAG LA NI GANG DE NA GZUGS KYI RNAM PA YOD PA'ANG RUNG RNAM PAR SHES PA'I RNAM PA'I BAR YOD PA'ANG RUNG ZHES GSUNGS LA, GZUGS MED PA DAG LA NI GANG DE NA TSOR BA'I RNAM PA YOD PA'ANG RUNG RNAM PAR SHES PA'I RNAM PA'I BAR YOD PA'ANG RUNG ZHES GSUNGS TE, DE DAG NA GZUGS KYI RNAM BA ZHIG YOD NA CI'I PHYIR GZUGS KYI RNAM PA YOD PA'ANG RUNG ZHES GSUNGS PAR MI 'GYUR TE DE LTA BAS NA GZUGS MED PA NA GZUGS MED DO, ,DE NI JI LTAR NA DE NAS SHI 'PHOS PA RNAMS KYI GZUGS BSKAL PA MI NYUNG BA ZHIG TU GZUGS RGYUN CHAD PA LAS YANG SKYE BAR 'GYUR ZHE NA, GZUGS NI SEMS LAS SKYE BAR 'GYUR, ,GZUGS NI DE'I RNAM PAR SMIN PA'I RGYUS YONGS SU BSGOS PA'I SEMS 'JUG PA RNYED PA LAS SKYE BAR 'GYUR RO, ,JI LTAR NA SEMS GZUGS LAM BRTEN PAR GNAS SHE NA, CI'I PHYIR GNAS PAR MI 'GYUR, 'DI NA DE LTA BU MA MTHONG BA'I PHYIR RO, ,KHAM GYI ZAS MED PAR YANG GZUGS KYI KHAMS NA GNAS PAR MI 'GYUR RO, ,CI'I PHYIR ZHE NA, 'DI NA DE LTA BU MA MTHONG BA'I PHYIR RO, ,JI LTAR GNAS PA NI SNGAR BSHAD ZIN TO, ,'DI NI RDZOGS SO,, ,,'DI BRJOD PAR BYA STE, CI NAM MKHA' MTHA' YAS SKYE MCHED LA SOGS PA DE DAG NAM MKHA' LA SOGS PA KHO NA LA DMIGS PA YIN BAS DE'I PHYIR DE SKAD CES BYA'AM ZHE NA, MA YIN NO, ,'O NA JI LTA BU ZHE NA, RE ZHIG GSUM MO, ,RNAM SHES MTHA' YAS MKHA' MTHA' YAS, ,CI YANG MED CES BYA DE LTAR, ,SBYOR PHYIR GRANGS BZHIN DU NAM MKHA' MTHA' YAS SO, ,RNAM PAR SHES PA MTHA' YAS SO, , @68B CI YANG MED DO ZHES DE LTAR YID LA BYED CING DE DAG LA RAB TU SBYOR BAS DE'I PHYIR DE DAG GI MING DE DAG YIN NO, ,DMAN PHYIR 'DU SHES MAD, 'DU SHES MED PA YANG MA YIN PA'O, ,'DU SHES CHUNG BA'I PHYIR 'DU SHES MED 'DU SHES MED MIN ZHES BSHAD DE, DE NI 'DU SHES GSAL BA YANG MA YIN LA 'DU SHES MED PA KHO NA YANG MA YIN PA'I PHYIR RO, ,GAL TE DE LA YANG 'DI LTAR 'DU SHES NI NAD DO, ,'DU SHES NI 'BRAS SO, ,'DU SHES NI ZUG RDU'O, ,'DU SHES MED PA NI KUN DU RMONGS PA'O, ,'DI LTAR 'DU SHES MED, 'DU SHES MED MIN SKYE MCHED 'DI NI ZHI BA'O, ,'DI NI GYA NOM PA'O ZHES BYA BAR SBYOR BA YOD MOD KYI CI'I PHYIR DE DAG GIS DE LA DE LTAR 'DZIN ZHES BYAS PA DANG, 'DU SHES RNAMS CHUNG BA'I PHYIR RO ZHES BYA BA 'DI GDON MI ZA BAR BRJOD DGOS PAR 'GYUR BAS DE NYID BSHAD DO, ,DE LTAR SNYOMS 'JUG DNGOS GZHI'I RDZAS, ,RNAM PA BRGYAD, DE LTAR NA 'DI DAG NI SNYOMS PAR 'JUG PA'I DNGOS GZHI'I RDZAS BRGYAD YIN TE, 'DI LTA STE, BSAM GTAN BZHI DANG, GZUGS MED PA BZHI'O, ,DE DAG LAS BDUN RNAM PA GSUM, ,SRID PA'I RTZE MO LAS GZHAN PA BDUN NI RNAM PA GSUM YIN TE, RO MYANG LDAN DANG DAG PA DANG, ,ZAG MED, RO MYANG BA DANG MTSUNGS PAR LDAN PA RNAMS DANG, DAG PA PA RNAMS DANG, ZAG PA MED PA RNAMS SO, ,BRGYAD PA RNAM PA GNYIS, SRID PA'I RTZE MO NI RO MYANG BA DANG MTSUNGS PAR LDAN PA DANG, DAG PA PA YIN GYI ZAG PA MED PA NI MED DO, ,DE LA, RO MYANG MTSUNGS LDAN SRED BCAS SO, ,RO MYANG BA NI SRED PA YIN NO, ,'JIG RTEN PA YI DGE BA NI, ,DAG PA, 'JIG RTEN PA'I DGE BA SNYOMS PAR 'JUG PA'I RDZAS NI DAG PA ZHES BYA STE, MA CHAGS PA LA SOGS PA CHOS DKAR PO DANG LDAN PA'I PHYIR RO, ,RO MYANG BA DANG MTSUNGS PAR LDAN PA DES CI ZHIG RO MYONG BAR BYED CE NA, DE NI DES MYANG BYA, SNYOMS PAR 'JUG PA'I RDZAS GANG 'DAS MA THAG PA DE NI DES RO MYONG BAR BYED DE, RO MYANG BAR BYA BA GANG YIN PA DE LAS NI LANGS PA YIN NO, ,GANG GIS RO MYONG BAR @69A *, ,BYED PA DE LA NI SNYOMS PAR ZHUGS PA YIN NO, ,ZAG MED 'JIG RTEN 'DAS PA'O, ,'JIG RTEN LAS 'DAS PA'I SNYOMS PAR 'JUG PA'I RDZAS GANG YIN PA DE NI ZAG PA MED PA YIN NO SNYOMS PAR 'JUG PA'I RDZAS DE DAG LAS BSAM GTAN RNAMS KHO NA YAN LAG DANG LDAN BA YIN GYI GZUGS MED PA RNAMS NI MA YIN NO, ,DE LA DANG PO LA LNGA, BSAM GTAN PO LA YAN LAG LNGA STE, RTOG DPYOD DANG, DGA' BAS BDE DANG TING 'DZIN RNAMS, ,RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA NYID DE, DE LTAR NA DE DAG NI YAN LAG LNGA YIN NO, ,TING NGE 'DZIN NI YAN LAG KYANG YIN LA BSAM GTAN YANG YIN NO, ,LHAG MA RNAMS NI YAN LAG DAG YIN NO ZHES GRAG GO, ,YAN LAG BZHI PA'I DMAG JI LTA BAR YAN LAG LNGA'I BSAM GTAN YANG DE DANG 'DRA'O, ,GNYIS PA LA NI YAN LAG BZHI, RAB DANG DAD NI DGA' LA SOGS, ,BSAM GTAN GNYIS PA LA YAN LAG BZHI STE, NANG RAB TU DANG BA DANG, DGA' BA DANG, BDE BA DANG, SEMS RTZE GCIG PA NYID DO, ,GSUM PA LA LNGA BTANG SNYOMS DANG, ,DRAN DANG SHES RAB BDE DANG GNAS, ,BSAM GTAN GSUM PA LA YANG YAN LAG LNGA STE, BTANG SNYOMS DANG, DRAN PA DANG, SHES BZHIN DANG BDEN PA DANG, TING NGE 'DZIN TO, ,GNAS PA NI TING NGE 'DZIN GYI RNAM GRANGS YIN TE, MDO LAS, YANG DAG PA'I TING NGE 'DZIN GANG ZHE NA, GANG SEMS GNAS PA DANG, YANG DAG PAR GNAS PA'O ZHES 'BYUNG BA'I PHYIR RO, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,MTHA' MA NI BSAM GTAN BZHI PA'O, ,DE LA YAN LAG BZHI STE, BDE BA YANG MA YIN SDUG BSNGAL YANG MA YIN PA'I TSOR BA DANG, BTANG SNYOMS YONGS SU DAG PA DANG, DRAN PA YONGS SU DAG PA DANG, TING 'DZIN YONGS SU DAG PA'O, ,DE DAG NI BSAM GTAN GYI YAN LAG BCO BRGYAD YIN TE, DANG PO DANG GSUM PA DAG LA NI YAN LAG LNGA YIN PA'I PHYIR DANG, GNYIS PA DANG BZHI PA DAG LA NI YAN LAG BZHI YIN PA'I PHYIR RO, ,MING GI SGO NAS NI DE LTA'O, ,RDZAS SU BCU GCIG ,RDZAS @69B SU NI DE DAG BCU GCIG YIN TE, BSAM GTAN DANG PO LA LNGA'O, ,GNYIS PA LA NI NANG RAB TU DANG BA LHAG GO, ,GSUM PA LA NI BTANG SNYOMS DANG, DRAN PA DANG, SHES BZHIN DANG, BDE BA RNAMS SO, ,BZHI PA LA BDE BA YANG MA YIN SDUG BSNGAL YANG MA YIN PA'I TSOR BA'O, ,DE NYID KYI PHYIR SMRAS PA, YAN LAG GANG DAG BSAM GTAN DANG PO NA YOD PA DE DAG GNYIS PA NA YANG YOD DAM ZHE NA, MU BZHI STE, MU DANG PO NI RTOG PA DANG, DPYOD PA DAG GO, ,GNYIS PA NI NANG RAB TU DANG PA'O, ,GSUM PA NI DGA' BA DANG BDE BA DANG SEMS RTZE GCIG PA NYID DO, ,MU BZHI PA NI BSHAD PA LAS MA GTOGS PA'I CHOS RNAMS SO ZHES BYA'O, ,DE BZHIN DU BSAM GTAN GYI YAN LAG THAMS CAD PHAN TSUN DU SBYAR BAR BYA'O, ,CI'I PHYIR BSAM GTAN GSUM PA NA YOD PA'I BDE BA RDZAS GZHAN DU BRJOD CE NA, 'DI LTAR DE'I BDE BA NI TSOR BA YIN LA, BSAM GTAN DANG PO NA; SHIN TU SBYANGS PA BDE BA YIN, BSAM GTAN DANG PO DAG NA NI SHIN TU SBYANGS PA LA BDE BA ZHES BSHAD DO, ,'DI LA NI SHIN TU SBYANGS PA BDE BA YIN LA, DE LA NI TSOR BA BDE BA YIN NO ZHES BYA BA 'DI GA LAS SHES SHE NA, SNYOMS PAR 'JUG PA'I BSAM GTAN GNYIS NA BDE BA'I DBANG PO DANG MI LDAN PA'I PHYIR TE, DE GNYIS NA DE LUS KYI YIN PAR NI MI RUNG STE, SNYOMS PAR ZHUGS PA LA RNAM PAR SHES PA'I TSOGS LNGA MED PA'I PHYIR RO, ,SEMS LAS BYUNG BA YANG MA YIN TE, DGA' BA ZHES 'BYUNG BA'I PHYIR RO, ,DGA' BA NI YID BDE BA YIN NA, BDE BA DANG, YID BDE BA GNYIS CIG CAR 'BYUNG BA MED DO, ,DE GNYIS RNAM GRANGS KYIS BSAM GTAN NA YOD PAR YANG RIGS PA MA YIN TE, YAN LAG LNGA ZHES 'BYUNG BA'I PHYIR RO, ,GZHAN DAG NA RE SEMS PLAS BYUNG BA'I BDE BA'I DBANG PO NI KHO NA STE, BSAM GTAN GSUM CHAR NA YANG LUS KYI BDE BA KHO NA YAN LAG TU RNAM PAR GZHAG GO ZHES ZER RO, ,'O NA MDO LAS, BDE BA'I DBANG PO GANG ZHE NA BDE BA MYONG BAR 'GYUR BA'I REG PAS REG PA NA LUS KYI DANG SEMS LAS BYUNG BA'I TSOR BA'I RNAM PA BDE BA SIM PA SKYE BA GANG YIN PA DE NI BDE BA'I DBANG PO ZHES BYA'O @70A *, ,ZHES GANG GSUNGS PA JI LTA BU ZHE NA, TSIG DE NI 'GA' ZHIG GIS SGRO BTAGS PA YIN TE, SDE PA GZHAN THAMS CAD LAS LUS KYI ZHES BYA BA KHO NA 'BYUNG BA'I PHYIR DANG, BDE BA LUS KYIS MYONG LA ZHES RANG GI SGRAS GSUNGS PA'I PHYIR RO, ,GAL TE YID KYI LUS KYIS SO ZHE NA NI; DE SKAD BSHAD PA LA YON TAN CI ZHIG YOD, BSAM GTAN BZHI PA LA SHIN TU SBYANGS PA MANG BZHIN DU BDE BA MA SMOS PA'I YANG PHYIR RO, ,GAL TE BDE BA'I TSOR BA DANG MTHUN PA'I SHIN TU SBYANGS PA BDE BA YIN NO ZHE NA NI, GSUM PA NA YOD PA'I SHIN TU SBYANGS PA BDE BAR MA GSUNGS PA YANG CI'I PHYIR, GAL TE BTANG SNYOMS KYIS BCOM PA'I PHYIR RO ZHE NA, MA YIN TE, SNGA MA GNYIS PAS DE KHYAD PAR DU 'PHAGS PAS BTANG SNYOMS KHO NAS DE 'PHEL BA'I PHYIR RO, ,GANG GI TSE 'PHAGS PA NYAN THOS RAB TU DBEN PA'I BDE BA LUS KYIS MNGON SUM DU BYAS NAS RDZOGS PAR BYAS TE GNAS PA ZHES 'BYUNG BA'I MDO 'DI LAS KYANG SHIN TU SBYANGS PA DANG BDE BA GNYIS THA DAD PAR 'BYUNG BA'I PHYIR SHIN TU SBYANGS PA KHO NA BDE BA MA YIN NO, ,GAL TE SNYOMS PAR ZHUGS PA LA JI LTAR LUS KYI RNAM PAR SHES PA 'BYUNG ZHE NA, TING NGE 'DZIN GYI KHYAD PAR LAS SKYES PA SHIN TU SBYANGS PA ZHES BYA BA BDE BA MYONG BAR 'GYUR BA'I RLUNG GIS LUS LA RGYAS PA'I PHYIR RO, ,GAL TE PHYI ROL DU RNAM PAR G-YENGS PA'I PHYIR TING NGE 'DZIN LAS NYAMS PAR 'GYUR RO ZHE NA, MA YIN TE, TING NGE 'DZIN LAS SKYES PA LUS KYI BDE BA NANG DU 'BYUNG BA'I LUS KYI BDE BA NI TING NGE 'DZIN DANG MTHUN PA'I PHYIR RO, ,GAL TE LUS KYI RNAM PAR SHES PA SKYES PA'I TSE LANGS PAR 'GYUR RO ZHE NA, MA YIN TE, DE NYID KYI PHYIR RO, ,GAL TE 'DOD PA NA SPYOD PA'I LUS KYI DBANG POS GZUGS NA SPYOD PA'I REG BYA LA RNAM PAR SHES PA MI SKYE'O ZHE NA, MA YIN TE, SHIN TU SBYANGS PA'I RNAM PAR SHES PA SKYE BA'I PHYIR RO, ,GAL TE YAN LAG CUNG ZAD CIG NI ZAG PA DANG BCAS PA CUNG ZAD CIG NI ZAG PA MED PA YIN NA MI RUNG BAS REG BYA DANG LUS KYI RNAM PAR SHES PA ZAG PA MED PA DAG TU YANG 'GYUR RO ZHE NA, LUS SHIN TU SBYANGS PA YANG DAG BYANG CHUB KYI YAN LAG TU GSUNGS @70B PAS 'DOD PA'I PHYIR RO, ,GAL TE BYANG CHUB KYI YAN LAG DANG MTHUN PA'I PHYIR RO ZHE NA NI ZAG PA MED PA NYID KYANG DE DANG 'DRA'O, ,GAL TE ZAG PA DANG BCAS PA'I CHOS RNAMS GANG ZHE NA, MIG JI SNYED PA ZHES 'BYUNG BA'I MDO 'DI DANG 'GAL LO ZHE NA, MA YIN TE, REG BYA DANG LUS KYI RNAM PAR SHES PA GZHAN LAS DGONGS TE GSUNGS PA'I PHYIR RO, ,GAL TE ZAG PA MED PA LA YAN LAG CUNG ZAD CIG NI ZAG PA DANG BCAS BA CUNG ZAD CIG NI ZAG PA MED PAR 'GYUR BA MA YIN NAM ZHE NA, CIG CAR MA YIN PA'I PHYIR NYES PA CI ZHIG YOD, GAL TE BDE BA DANG DGA' BA PHRAD PA MED PA'I PHYIR YAN LAG LNGA PAR MI 'GYUR RO ZHE NA, MA YIN TE, SRID PA'I PHYIR BSTAN PAS RTOG PA DANG DBYOD PA BZHIN NO, ,GAL TE BSGRUB PAR BYA BA YIN NO ZHE NA, SEMS RTZING BA DANG ZHIB PA GNYIS 'GAL BA'I PHYIR DANG, NYES PA SMOS PA'I PHYIR GRUB PA YIN NO, ,DE LTA BAS NA BSAM GTAN DANG PO LA YOD PA'I YAN LAG LNGA PO GANG DAG YIN PA DE DAG KHO NA LAS YAN LAG GNYIS DANG GSUM DANG BZHI BOR NAS BSAM GTAN GNYIS BA LA SOGS PA RNAM PAR GZHAG GO, ,DE NYID KYI PHYIR BSAM GTAN DANG PO LA NI YAN LAG LNGA NYID DU BSHAD LA, DE DAG LAS THOR BAS NI BSAM GTAN PHYI MA RNAM PAR GZHAG PA'I PHYIR 'DU SHES LA SOGS PA NI MA YIN NO, ,YANG NA CI'I PHYIR LNGA KHO NA YAN LAG NYID YIN, GAL TE PHAN PA'I PHYIR RO ZHE NA, MA YIN TE, RTOG PA DANG DPYOD PA GNYIS PAS DRAN PA DANG SHES RAB DAG CHES PHAN PA'I PHYIR RO, ,KHA CIG DE SKAD DU RGOL BA YOD MOD KYI SNGON GYI SLOB DPON RNAMS NI JI SNYED MNGON PA DE LTAR MI STON TE, DE LTA BAS NA 'DI NI DPYAD PAR BYA BA YIN NO, ,NANG RAB TU DANG BA ZHES BYA BA'I CHOS 'DI CI ZHE NA, RTOG PA DANG DPYOD PA'I 'KHRUG PA DANG BRAL BAS RGYUD RAB TU ZHI BAR GYUR PA NI NANG RAB TU DANG BA YIN TE, RTOG PA DANG DBYOD PAS DKRUGS PA'I RGYUD NI CHU BO DBA' RLABS DANG BCAS PA BZHIN DU RAB TU MA DANG BA YIN NO, ,'O NA NI DE RDZAS GZHAN MA YIN PAS JI LTAR NA RDZAS SU YAN LAG BCU GCIG YIN, DE LTA BAS NA, RAB TU DANG BA DAD PA YIN, ,DE NI BSAM GTAN GNYIS PA THOB PA'I PHYIR MNYAM PAR GZHAG @71A *, ,PA'I SA LAS NGES PAR 'BYUNG BA LA YID CHES BA SKYES STE, DE NI 'DIR NANG RAB TU DANG BA ZHES BYA'O, ,GZHAN DAG NA RE RTOG PA DANG DPYOD PA DANG, TING NGE 'DZIN RNAMS KYANG RDZAS GZHAN MA YIN LA NANG RAB TU DANG BA YANG RDZAS GZHAN MA YIN NO, ,RDZAS GZHAN MED NA JI LTAR SEMS LAS BYUNG BA NYID DU 'GRUB CE NA, SEMS CAN GYI GNAS SKABS KYI BYE BRAG KYANG SEMS LAS BYUNG BA YIN NO ZHES ZER TE, 'DI NI BSTAN BCOS KYI GRUB PA'I MTHA' MA YIN NO, ,DGA' BA NI YID BDE BA YIN NO ZHES GANG BSHAD PA 'DI JI LTAR KHONG DU CHUD, GZHAN CI ZHIG YIN, JI LTAR SDE PA GZHAN DAG 'DOD PA LTA BU YIN NO, ,SDE BA GZHAN DAG JI LTAR 'DOD CE NA, DGA' BA NI SEMS LAS BYUNG BA'I CHOS GZHAN DAG KHO NA YIN LA YID BDE BA NI BSAM GTAN GSUM CHAR GYI YANG BDE BA YIN PAR 'DOD DO, ,BSAM GTAN DAG NA YOD PA'I BDE BA NI YID BDE BA YIN PAR MI RUNG BA NYID KYI, LUS RNAMS GNYIS PHYIR DGA' YID BDE, ,BCOM LDAN 'DAS KYIS RNAM PAR SGYUR BA'I MDO LAS BSAM GTAN GSUM PA BKA' STZAL NAS 'DIR 'DI'I YID BDE BA'I DBANG PO SKYES PA MA LUS BAR 'GAG PAR 'GYUR RO ZHES BKA' STZAL LA, BSAM GTAN BZHI PA LA NI BDE BA'I DBANG PO 'GAG PAR 'GYUR RO ZHES BKA' STZAL TO, ,YANG BDE BA YANG SPANGS TE SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS ZHES GSUNGS PAS DE'I PHYIR YANG BSAM GTAN GSUM PA NA YID BDE BA'I DBANG PO MED DE, DE LTAR BAS NA DGA' BA KHO NA YID BDE BA YIN GYI BDE BA NI MA YIN NO, ,CI NYON MONGS PA CAN GYI BSAM GTAN DAG LA YANG JI SKAD DU BSHAD PA LTAR YAN LAG DE DAG YOD DAM ZHE NA, MED DO, ,DE DAG NA CI ZHIG MED CE NA, NYON MONGS CAN LA DGA' BDE DANG, ,DRAN DANG SHES BZHIN DRAN PA DANG, ,BTANG SNYOMS DRAN PA DAG PA MED, ,BSAM GTAN DANG PO LA NI BDE BA LAS SKYES PA'I DGA' BA DANG BDE BA MED DE, NYON MONGS PA LAS DBEN BA MA YIN PA'I PHYIR RO, ,GNYIS PA LA NI NANG RAB TU DANG BA MED DE, NYON MONGS PAS RNYOG PA'I PHYIR RO, ,GSUM PA LA NI DVAN PA DANG SHES BZHIN MED DE, NYON MONGS PA CAN GYI BDE BAS KUN DU RMONGS PAR BYA BA'I PHYIR RO, , @71B BZHI PA LA NI BTANG SNYOMS DANG DRAN PA YONGS SU DAG PA MED DE, NYON MONGS PAS DRI MA CAN DU BYAS PA'I PHYIR RO, ,RE ZHIG KHA CIG DE SKAD ZER RO, ,KHA CIG SHIN TU SBYANGS BTANG SNYOMS, ,KHA CIG NA RE NYON MONGS PA CAN DANG PO DANG GNYIS PA DAG NA NI SHIN TU SBYANGS PA MED LA GSUM PA DANG BZHI PA DAG NA NI BTANG SNYOMS MED DE, ,DE GNYIS NI DGE BA'I SA MANG PO PA YIN PA'I PHYIR RO ZHES ZER RO, ,BCOM LDAN 'DAS KYIS BSAM GTAN GSUM NI SKYON DANG BCAS PA'I PHYIR G-YO BA DANG BCAS PA DAG YIN NO ZHES BKA' STZAL TE, ,SKYON BRGYAD LAS NI GROL BA'I PHYIR, BZHI PA G-YO BA MED PA YIN, ,SKYON DE DAG KYANG GANG ZHE NA, ,RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,RTOG PA DANG, DPYOD PA DANG, BDE BA DANG, SDUG BSNGAL BA DANG, YID BDE BA DANG, YID MI BDE BA DANG, DBUGS RDUB PA DANG DBUGS 'BYUNG BA STE, BSAM GTAN BZHI PA NA NI SKYON BRGYAD PO DE DAG GCIG KYANG MED PAS DE'I PHYIR DE NI MI G-YO BA ZHES BSHAD DO, ,GZHAN DAG NA RE BZHI PA NI RTOG PA DANG, DPYOD PA DANG, DGA' BA DANG, BDE BA DAG GIS G-YO BAR MI 'GYUR BA'I PHYIR MI G-YO BA YIN TE, MDO LAS RLUNG MED PA'I MAR ME DPER MDZAD PA'I PHYIR ZHES ZER RO, ,BSAM GTAN GNYIS PA NA NI DGA' BA ZHES SMOS PA'I PHYIR YID BDE BA YOD PAR BSHAD, GSUM PA NA NI BDE BA, BZHI PA NA NI BTANG SNYOMS YOD PAR BSHAD NA, DE CI, SNYOMS PAR 'JUG PA'I BSAM GTAN DAG NA YOD PA'I TSOR BA GANG DAG YIN BA DE DAG NYID SKYE BA'I BSAM GTAN DAG NA YOD DAM ZHE NA, SMRAS PA MA YIN NO, 'O NA JI LTA BU ZHE NA, SKYE BA'I BSAM GTAN DAG NA NI, ,YID BDE BA DANG BTANG SNYOMS DANG, ,BTANG SNYOMS YID BDE BDE BA DANG, ,BTANG SNYOMS BTANG SNYOMS TSOR BA YOD, ,SKYE BA'I BSAM GTAN DANG PO NA NI, TSOR BA GSUM YOD DE, RNAM PAR SHES BA'I TSOGS GSUM PA'I BDE BA DANG, YID KYIS PA'I YID BDE BA DANG, RNAM PAR SHES PA'I TSOGS BZHI PA'I BTANG SNYOMS SO, ,SKYE BA'I BSAM GTAN GNYIS PA NA NI TSOR BA GNYIS TE, YID KYI SA BA'I YID BDE BA DANG BTANG SNYOMS SO, ,RNAM PAR SHES PA'I TSOGS @72A *, ,GZHAN MED PA'I PHYIR BDE BA DANG, YID KYIS PA'I YID BDE BA DANG, RNAM PAR SHES PA'I TSOGS BZHI PA'I BTANG SNYOMS SO, ,SKYE BA'I BSAM GTAN GNYIS PA NA NI TSOR BA GNYIS TE, YID KYI SA PA'I YID BDE BA DANG BTANG SNYOMS SO, ,RNAM PAR SHES PA'I TSOGS GZHAN MED PA'I PHYIR BDE BA MED DO, ,SKYE BA'I BSAM GTAN GSUM PA NA NI TSOR BA GNYIS TE, YID KYI SA PA'I BDE BA DANG, BTANG SNYOMS SKYE BA'I BSAM GTAN BZHI PA NA NI BTANG SNYOMS KHO NA YOD DO, ,GAL TE BSAM GTAN GSUM PA LA SOGS PA DAG NA RNAM PAR SHES PA'I TSOGS GSUM MED PA LA RTOG PA DANG DPYOD PA DAG KYANG MED NA JI LTAR NA DE DAG GIS MTHONG BA NAS REG PA'I BAR DU 'GYUR, JI LTAR NA RNAM PAR RIG BYED KUN NAS SLONG BAR BYED CE NA, DE DAG TU SKYES PA RNAMS LA MIG GI RNAM PAR SHES PA LA SOGS PA MED PA NYID KYANG MA YIN LA RANG GIS PA YANG MA YIN NO, ,'O NA JI LTA BU ZHE NA, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,BSAM GTAN GNYIS PA LA SOGS PA DAG NA NI SPRUL PA'I SEMS BZHIN DU GANG GIS NA DE DAG GIS MTHONG BAS NA RNAM PAR RIG BYED KUN NAS SLONG BAR BYED PA'I BAR BSAM GTAN DANG PO'I SA BA'I MIG DANG, RNA BA DANG, LUS KYI RNAM PAR SHES PA DANG RNAM PAR RIG BYED KUN NAS SLONG PAR BYED PA MNGON SUM DU BYED DO, ,DE LUNG MA BSTAN NYON MONGS MIN, ,DE DAG MNGON SUM DU BYED PA BSAM GTAN DANG BO'I SA PA'I RNAM PAR SHES PA GANG YIN PA DE NI MA BSGRIBS LA LUNG DU MA BSTAN PA YIN GYI, 'DOD CHAGS DANG BRAL BA'I PHYIR NYON MONGS PA CAN YANG MA YIN LA, DMAN PA'I PHYIR DGE BA YANG MA YIN NO, ,BSAM GTAN GYI BYA BA RDZOGS SO,, ,,YANG DAG PA SA LA SOGS PA'I BSAM GTAN DANG GZUGS MED PA RNAMS JI LTAR 'THOB CE NA, DE DANG MI LDAN 'DOD CHAGS BRAL, ,SKYE BA LAS NI DAG PA 'THOB, ,DE DANG MI LDAN PA NI BSAM GTAN NAM GZUGS MED PA DAG SA 'OG MA LAS 'DOD CHAGS DANG BRAL BA'AM, SRID PA'I RTZE MO MA @72B GTOGS PAS 'OG MAR SKYE BA LAS 'THOB STE, DE NI SKYE BAS 'THOB PA MED DO, ,CI'I PHYIR DE DANG MI LDAN PA ZHES BRJOD CE NA, DAG PA BA DANG LDAN PA NI SBYOR BA LAS KYANG NGES PAR 'BYED PA'I CHA DANG MTHUN PA'I DAG PA PA 'THOB LA, YONGS SU NYAMS PA LAS KYANG NYAMS PA'I CHA DANG MTHUN PA 'THOB BO, ,DE NYID KYI PHYIR BSAM GTAN DAG PA PA 'DOD CHAGS DANG BRAL BAS 'THOB PAR 'GYUR LA 'DOD CHAGS DANG BRAL BAS 'DOR BAR 'GYUR BA DANG DE BZHIN DU YONGS SU NYAMS PA DANG SKYE BAS 'THOB PA DANG, 'DOR BAR 'GYUR BA YOD DAM ZHE NA YOD DE, BSAM GTAN DANG PO NYAMS PA'I CHA DANG MTHUN PAR RO, ,DE NI 'DOD PA LAS 'DOD CHAGS DANG BRAL BAS 'THOB LA, TSANGS PA'I 'JIG RTEN LAS 'DOD CHAGS DANG BRAL BAS 'DOR RO, ,TSANGS PA'I 'JIG RTEN LAS 'DOD CHAGS DANG BRAL BA LAS YONGS SU NYAMS PA LAS 'THOB LA, 'DOD PA LA 'DOD CHAGS DANG BRAL BA LAS YONGS SU NYAMS PA LAS 'DOR RO, ,GANG NAS TSANGS PA'I 'JIG RTEN DU SKYE BA NA 'THOB LA, DES NA 'DOD PA'I KHAMS SU SKYE BA NA 'DOR RO ZHES 'BYUNG NGO, ,ZAG MED 'DOD CHAGS BRAL BA YIS, ,DE DANG MI LDAN PA LAS 'THOB, ,CES BYA BAR SBYOR RO, ,DE DANG LDAN PA NI ZAD PA SHES PA LAS KYANG MI SGROL BA 'THOB LA, DBANG PO 'PHO BA LAS KYANG SLOB PA DANG MI SLOB PA 'THOB BO, ,NGES PAR 'JUG PA LAS KYANG DANG PO NYID DU ZAG PA MED PA 'THOB PA MA YIN NAM ZHE NA, MTHAR GYIS PAS MI 'THOB PA'I PHYIR GDON MI ZA BA YIN TE, JI LTAR GDON MI ZA BAR 'THOB PA DE LTAR BSHAD DO, ,NYON MONGS CAN NYAMS SKYE BA YIS, ,DE DANG MI LDAN BA LAS 'THOB, ,CES BYA BA KHO NAR SBYAR TE, GAL TE DE LAS 'DOD CHAGS DANG BRAL BA LAS YONGS SU NYAMS NA YONGS SU NYAMS PA LAS 'THOB BO, ,GAL TES GONG MA LAS NAS 'OG MAR SKYES NA SKYE BAS 'THOB BO, ,SNYOMS PAR 'JUG PA'I RDZAS GANG GI MJUG THOGS SU DU ZHIG SKYE ZHE NA, ZAG PA MED PA'I BSAM GTAN DANG PO'I MJUG THOGS SU DRUG SKYE STE, RANG GI SA PA DANG BSAM GTAN GNYIS PA DANG GSUM PA'I SA PA'I @73A *, ,DAG PA PA DANG ZAG PA MED PA GZHAN DAG GO, ,CI YANG MED PA'I SKYE MCHED KYI MJUG THOGS SU BDUN TE RANG GIS PA DANG RNAM SHES DANG NAM MKHA' MTHA' YAS SKYE MCHED KYI SA PA'I DAG PA PA DANG ZAG PA MED PA DANG, SRID PA'I RTZE MO'I DAG PA KHO NA STE, ZAG PA MED PA MED PA'I PHYIR RO, ,BSAM GTAN GNYIS PA'I MJUG THOGS SU BRGYAD DE, RANG GIS PA DANG BSAM GTAN GSUM PA DANG, BZHI PA DANG, DANG PO'I SA PA'I DAG PA PA DANG ZAG PA MED PA DAG GO, ,RNAM SHES MTHA' YAS SKYE MCHED KYI MJUG THOGS SU DGU STE, RANG GI SA PA GNYIS DANG, NAM MKHA' MTHA' YAS SKYE MCHED DANG BSAM GTAN BZHI PA'I SA PA BZHI DANG, CI YANG MED PA DANG SRID PA'I RTZE MO'I SA BA GSUM MO, ,DE BZHIN DU BSAM GTAN DANG GZUGS MED PA GZHAN GYI MJUG THOGS SU YANG RDZAS BCU SBYAR BAR BYA'O, ,'DI NI MDOR BSDU BA YIN TE, ZAG PA MED PA'I MJUG THOGS SU, LTAG 'OG GSUM PA'I BAR DGE BA SKYE BA'O, ,DGE BA SMOS PA NI DAG PA BA DANG, ZAG PA MED PA GZUNG STE, DGE BA YIN PA'I PHYIR RO, ,ZAG PA MED PA'I SNYOMS PAR 'JUG PA'I RDZAS KYI MJUG THOGS SU RANG GI SA PA DANG SA GOD MA DANG, 'OG MA SA GSUM PA'I BAR GYI DAG PA PA DANG ZAG PA MED PA SKYE STE, THOD RGAL DU SNYOMS PAR 'JUG PAR BYED PAS GSUM PA LAS PHAN CHAD DU NI RGAL BAR MI NUS SO, ,RJES SU SHES PA'I MJUG THOGS SU GZUGS MED PA LA SNYOMS PAR 'JUG GI CHOS SHES PA'I MJUG THOGS SU NI MA YIN TE, DE'I RTEN DANG DMIGS PA 'OG MA YIN PA'I PHYIR RO, ,JI LTAR ZAG PA MED PA'I MJUG THOGS SU BSHAD PA LTAR DAG PA LAS DE BZHIN, RIG PAR BYA LA, RANG GI SA PA'I NYON MONGS KYANG, ,DAG PA PA'I MJUG THOGS SU LHAG PAR RANG GIS PA'I NYON MONGS PA CAN SKYE'O, ,LHAG MA NI ZAG PA MED PA LAS BSHAD PA JI LTA BA BZHIN NO, ,ZAG PA MED PA'I MJUG THOGS SU NI NYON MONGS PA CAN SKYE BA MED DO, ,NYON MONGS CAN LAS RANG DAG DANG, ,NYON MONGS PA CAN GYI SNYOMS PAR 'JUG PA'I RDZAS KYI MJUG THOGS SU NI RANG GI SA PA'I DAG PA BA DANG NYON MONGS @73B PA CAN DANG SKYE'O, ,'OG MA'I DAG CIG KYANG, NYON MONGS PAS GZIR BA NI 'OG MA'I SNYOMS PAR 'JUG PA'I DAG PA PA LA YANG DGA' BAR 'GYUR RO, ,GAL TE NYON MONGS PA CAN YONGS SU BCAD NAS 'OG MAR 'PHON NI DGE BA LAS 'PHOS PA YIN GYI NYON MONGS PA CAN LAS NI MA YIN NO,, 'ON TE YONGS SU MA BCAD NA NI JI LTAR 'PHO ZHE NA, SNGON 'PHANGS PA'I PHYIR TE, SNGON 'DI SNYAM DU 'OG MA'I DAG PA BA NI BLA'I GONG MA'I NYON MONGS PA CAN NI MA YIN NO SNYAM DU 'DOD PAR 'GYUR LA, SNGON GYI BSAM PA YANG SEMS CAN RNAMS KYI RGYUN GYI RJES SU 'BRANGS TE, BSAMS NAS GNYID LOG PAR 'DOD PA'I DUS SU SAD PA BZHIN NO, ,ZAG PA MED PA NI NYON MONGS PA CAN GYI MJUG THOGS SU RNAM PA THAMS CAD DU MI SKYE'O, ,SNYOMS PAR 'JUG PA'I DUS KYI PHYIR DAG PA PA DANG, NYON MONGS PA CAN GYI MJUG THOGS SU RANG GI SA PA'I NYON MONGS PA CAN KHO NA SKYE'I GZHAN GYI SA PA NI MA YIN NO ZHES DE SKAD DU BSHAD KYI, 'CHI 'PHO DAG LAS NYON MONGS KUN, ,'CHI 'PHO BA'I TSE SKYE BAS THOB PA'I DAG PA PA'I MJUG THOGS SU SA THAMS CAD PA'I NYON MONGS PA CAN SKYE'O, ,NYON MONGS CAN LAS GONG MA MIN, ,'CHI 'PHO BA'I TSE NYON MONGS PA CAN GYI BSAM GTAN DANG GZUGS MED PA'I MJUG THOGS SU RANG GI SA PA DANG SA 'OG MA PA'I NYON MONGS PA CAN SKYE'I SA GONG MA PA NI MA YIN NO, ,DAG PA PA THAMS CAD LAS ZAG PA MED PA'I SNYOMS PAR 'JUG PA'I RDZAS SKYE BA YANG MA YIN NO, ,'O NA JI LTA BU ZHE NA, DAG PA NYAMS PA'I CHA MTHUN SOGS, ,RNAM BZHI, DAG PA PA NI NYAMS PA'I CHA DANG MTHUN PA DANG, GNAS PA'I CHA DANG MTHUN PA DANG, KHYAD PAR GYI CHA DANG MTHUN PA DANG, NGES PAR 'BYED PA'I CHA DANG MTHUN PA DANG, RNAM PA BZHI'O, ,SRID PA'I RTZE MO NI RNAM PA GSUM YIN TE, KHYAD PAR GYI CHA DANG MTHUN PA MA GTOGS SO, ,'DI'I MTSAN NYID CI ZHE NA, DE NI GO RIMS BZHIN DU, NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,NYAMS PA'I CHA DANG MTHUN PA NI NYON MONGS PA SKYE BA DANG RJES SU MTHUN PA'O, ,GNAS PA'I CHA eDANG MTHUN PA NI RANG GI SA @74A *, ,DANG RJES SU MTHUN PA'O, ,KHYAD PAR CAN GYI CHA DANG RJES SU MTHUN PA NI SA GONG MA DANG RJES SU MTHUN PA'O, ,NGES PAR 'BYED PA'I CHA DANG MTHUN PA NI ZAG PA MED PA'I RJES SU MTHUN PA STE, ZAG PA MED PA NI DE LAS SKYE'O, ,YANG BZHI PO DE DAG LAS GANG GI MJUG THOGS SU DU ZHIG SKYE ZHE NA, NYAMS CHA MTHUN SOGS MJUG THOGS SU, ,GNYIS DANG GSUM DANG GSUM DANG GCIG ,NYAMS PA'I CHA DANG MTHUN PA NYI NYAMS PA DANG BRTEN PA'O, ,DE'I MJUG THOGS SU NI GNYIS SKYE STE, NYAMS PA DANG GNAS PA'I CHA DANG MTHUN PA DAG GO, ,GNAS PA'I CHA DANG MTHUN PA'I MJUG THOGS SU NI GSUM STE, NGES PAR 'BYED PA'I CHA DANG MTHUN PA MA GTOGS SO, ,KHYAD PAR CAN GYI CHA DANG MTHUN PA'I MJUG THOGS SU NI GSUM STE, NYAMS PA'I CHA DANG MTHUN PA MA GTOGS SO, ,NGES PAR 'BYED PA'I CHA DANG MTHUN PA'I MJUG THOGS SU NI GCIG STE, DE GCIG PU SKYE'O, ,THOD RGAL GYI SNYOMS PAR 'JUG PA JI LTAR SKYE ZHE NA, SA BRGYAD RNAM GNYIS 'BREL BA DANG, ,GCIG RGAL SONG ZHING 'ONGS NAS NI, ,RIS MI MTHUN PA GSUM PAR 'GOR, ,THOD RGAL GYI NI SNYOMS 'JUG YIN, ,SA BRGYAD CES BYA BA NI BSAM GTAN DANG, GZUGS MED PA'I SNYOMS PAR 'JUG PA RNAMS SO, ,RNAM GNYIS ZHES BYA BA NI ZAG PA DANG BCAS PA DANG ZAG PA MED PA'O, ,'BREL PA DANG ZHES BYA BA NI GO RIMS BZHIN DU'O, ,GCIG RGAL ZHES BYA BA NI RE RE RGAL NAS SO, ,SONG ZHING ZHES BYA BA NI LUGS DANG MTHUN PAR SNYOMS PAR ZHUGS NAS SO, ,'ONGS NAS ZHES BYA BA NI LUGS DANG MI MTHUN PAR SNYOMS PAR BZHUGS NAS SO, ,ZAG PA DANG BCAS PA'I SA BRGYAD DANG ZAG PA MED PA'I SA BDUN LUGS DANG MTHUN PA DANG LUGS DANG MI MTHUN PA'I SNYOMS PAR 'JUG PA'I SGO NAS BYANG BAR BYAS NAS, PHYIS ZAG PA DANG BCAS PA'I BSAM GTAN DANG PO NAS ZAG PA DANG BCAS PA'I GSUM PA LA SNYOMS PAR 'JUG CING, DE NAS NI NAM MKHA' MTHA' YAS SKYE MCHED LA, DE NAS NI CI YANG MED PA'I SKYE MCHED LA SNYOMS PAR 'JUG GO, ,DE BZHIN DU LUGS DANG MI MTHUN PA YANG BYANG BAR BYAS @74B NAS ZAG PA MED PA RNAMS KYANG RE RE RGAL ZHING LUGS DANG MTHUN PA DANG LUGS DANG MI MTHUN PAR SNYOMS PAR 'JUG PA NI THOD RGAL DU SNYOMS PAR 'JUG PA'I SBYOR BA YIN NO, ,GANG GI TSE ZAG PA DANG BCAS PA DANG PO NAS ZAG PA MED PA'I BSAM GTAN GSUM PA LA SNYOMS PAR 'JUG CING, DE NAS NI ZAG PA DANG BCAS PA'I NAM MKHA' MTHA' YAS SKYE MCHED LA, DE NAS NI ZAG PA MED PA'I CI YANG MED PA'I SKYE MCHED LA SNYOMS PAR 'JUG CING, DE BZHIN DU LUGS DANG MI MTHUN PAR YANG SNYOMS PAR 'JUG PA DE'I TSE RIS MI MTHUN PA'I RDZAS GSUM PAR 'GRO BA'I PHYIR, MNGON PAR GRUB PA YIN NO, ,SHIN TU RING BA'I PHYIR BZHI PA LA NI SNYOMS PAR MI 'JUG GO, ,DE YANG GLING GSUM DU DUS DANG MI SBYOR BAR RNAM PAR GRO BA'I DGRA BCOM PA KHO NAS SKYED PAR BYED DE, NYON MONGS PA MED PA'I PHYIR DANG, TING NGE 'DZIN LA DBANG PA'I PHYIR RO, , MTHONG BAS 'THOB PA NI GAL TE DBANG PO RNON PO YIN PA'I PHYIR TING NGE 'DZIN LA DBANG BA YIN YANG NYON MONGS PA MED PA NI MA YIN NO, ,DUS KYIS RNAM PAR GROL BA NI GAL TE NYON MONGS PA MED PA YIN YANG, TING NGE 'DZIN LA DBANG BA NI MA YIN NO, ,RTEN GANG GIS BSAM GTAN DANG GZUGS MED BA DU ZHIG MNGON GSUM DU BYED CE NA, BSAM GTAN GZUGS MED RANG DANG NI, ,'OG SA'I RTEN CAN SRID PA'I RTZE MOR YANG MNGON SUM DU BYED LA 'OG MA 'DOD PA'I KHAMS KYI BAR DU YANG MNGON SUM DU BYED DO, ,DE BZHIN DU LHAG MA RNAMS KYANG RANG GIS DANG SA 'OG MAR MNGON SUM DU BYED DO, ,CI'I PHYIR GONG DU SKYES PA SNYOMS PAR 'JUG PA 'OG MA MNGON SUM DU MI BYED CE NA, 'DI LTAR DE LA 'OG DGOS MED, ,DE LA NI SNYOMS PAR 'JUG PA 'OG MA'I RDZAS KYIS CUNG ZAD KYANG DGOS PA MI BYED DE DMAN PA'I PHYIR RO, ,SPYIR BSTAN PA BYAS NAS DMIGS KYIS STON PAR BYED DE, SRID RTZER 'PHAGS PA CI YANG MED, ,MNGON SUM BYAS NAS ZAG PA ZAD, ,'PHAGS PA SRID PA'I RTZE MOR SKYES PA NI ZAG PA MED PA'I CI YANG MED PA'I SKYE MCHED MNGON SUM DU BYAS NAS ZAG PA ZAD PAR 'GYUR RO, ,JI LTAR NA DER SKYES PA DE MNGON SUM DU BYED CE NA,, @75A *, ,RANG GI MED PA'I PHYIR DANG, DE YANG NYE BA'I PHYIR RO, ,YANG BSAM GTAN DANG GZUGS MED PA 'DI DAG GI DMIGS PA CI ZHIG YIN ZHE NA, SRED BCAS RANG GI SRID LA DMIGS, ,RO MYANG BA DANG MTSUNGS PAR LDAN BA RNAMS NI RANG GIS PA'I SRID PA LA DMIGS SO, , SRID PA SMOS PA NI ZAG PA DANG BCAS PA'I DNGOS PO GZUNG NGO, ,'DOD CHAGS DANG BRAL BA'I PHYIR 'OG MA LA YANG MI DMIGS SO, ,SA RNAMS NI SRID PAS YONGS SU BCAD PA'I PHYIR GONG MA LA YANG MA YIN NO, ,DGE BA NYID DU THAL BAR 'GYUR BA'I PHYIR ZAG PA MED PA LA YANG MA YIN NO, , BSAM GTAN DGE YUL YOD DGU YIN, ,DGE BA'I BSAM GTAN DAG PA DANG, ,ZAG PA MED PA'I BSAM GTAN DE'I DMIGS PA NI 'DUS BYAS SAM 'DUS MA BYAS GANG CI YOD KYANG RUNG BA THAMS CAD YIN NO, ,GZUGS MOD DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,GZUGS MED PA'I DNGOS GZHI DGE BA RNAMS KYI DMIGS PA NI SA 'OG MA PA'I ZAG PA DANG BCAS PA'I DNGOS PO MA YIN TE, RANG GI SA PA DANG, SA GONG MA LA DMIGS PA'I PHYIR RO, DMIGS PA ZAG PA MED PA NI RJES SU SHES PA'I PHYOGS DANG MTHUN PA THAMS CAD YIN GYI CHOS SHES PA'I PHYOGS DANG MTHUN PA YANG MA YIN LA SA 'OG MA'I 'GOG PA YANG MA YIN NO, ,NYER BSDOGS KYI BAR CHAD MED PA'I LAM RNAMS KYI DMIGS PA NI SA 'OG MA YIN NO, ,BSAM GTAN DANG GZUGS MED PA RNAM PA GSUM PO 'DI DAG LAS, ZAG PA MED PAS NYON MONGS PA RNAMS SPONG NGO, ,DAG PA PAS KYANG MI SPONG NA, ,NYON MONGS PA CAN GYIS LTA SMOS KYANG CI DGOS TE, 'DOD CHAGS DANG BRAL BA'I PHYIR 'OG MA LA YANG MA YIN LA, DE NYID DE'I GNYEN PO MA YIN PA NYID KYI PHYIR RANG GI SAN YOD PA YANG MA YIN NO, ,CHES KHYAD PAR DU 'PHAGS PA'I PHYIR GONG MA YANG MA YIN NO, ,NYER BSDOGS DAG PAS KYANG, GZUGS DANG GZUGS MED PA'I NYER BSDOGS NI DAG PA PAS KYANG NYON MONGS PA RNAMS SPONG STE, SA 'OG MA PA'I GNYEN PO YIN PA'I PHYIR RO, ,NYER BSDOGS DU ZHIG YOD CE NA, ,DE DAG LA NI NYER @75B BSDOGS BRGYAD, ,RE RE LA GANG GIS DE LA 'JUG PA RE RE YOD DO, ,CI DE DAG KYANG RNAM PA GSUM YIN LA DE DAG LA TSOR BA YANG DE DANG 'DRA BAR YOD DAM ZHE NA, SMRAS PA, MA YIN TE, DAG PA BDE MIN SDUG BSNGAL MIN, ,DE DAG NI DAG PA YANG YIN LA BTANG SNYOMS KYI DBANG PO DANG MTSUNGS PAR LDAN BA DAG KYANG YIN TE, 'BAD DE DRANG BAR BYA BA YIN PA'I PHYIR DANG, SA 'OG MA PA LAS YID 'BYUNG BA DANG MA BRAL BA'I PHYIR DANG, 'DOD CHAGS DANG BRAL BA'I LAM YIN PA'I PHYIR RO MYANG BA DANG MTSUNGS BAR LDAN PA MA YIN NO, ,DANG PO 'PHAGS PA'ANG, NYER BSDOGS KYI DANG PO NI MI LCOGS PA MED PA STE, DE NI DAG PA YANG YIN LA ZAG PA MED PA YANG YIN NO, ,NYER BSDOGS KYI SEMS KYI SNYING MTSAMS SBYOR BA NYON MONGS PA CAN YIN MOD KYI MNYAM PAR GZHAG PA LA NI NYON MONGS BA CAN NYID DGAG GO, ,KHA CIG GSUM, KHA CIG NI MI LCOGS PA MED PA RO MYANG BA DANG MTSUNGS PAR LDAN PA YANG 'DOD DO, ,NYER BSDOGS ZHES KYANG 'BYUNG, BSAM GTAN KHYAD PAR CAN ZHES KYANG 'BYUNG NA, CI 'DI'I DON GCIG PA ZHIG GAM, 'ON TE DON THA DAD PA ZHIG YIN ZHE NA, DON THA DAD BA YIN TE, NYER BSDOGS NI 'DOD CHAGS DANG BRAL BA'I LAM YIN LA, RTOG MED BSAM GTAN KHYAD PAR CAN, ,BSAM GTAN DANG PO KHO NA RTOG PA DANG, ,MTSUNGS PAR MI LDAN PA NI BSAM GTAN KHYAD PAR CAN YIN TE, BSAM GTAN GYI KHYAD PAR YIN PA'I PHYIR RO, ,DE NYID KYI PHYIR BSAM GTAN GNYIS PA LA SOGS PA NA RNAM PAR MI GZHAG PA STE, KHYAD PAR MED PA'I PHYIR RO, ,BSAM GTAN KHYAD PAR CAN DE NI, ,RNAM GSUM, RO MYANG BA DANG MTSUNGS PAR LDAN BA DANG DAG PA DANG ZAG PA MED PA YIN NO, ,DE BDEN MIN SDUG MIN, 'DI LA BDE PA YANG MED BAS NA BDE BA YANG MA YIN PA SDUG BSNGAL YANG MA YIN BA STE, BTANG SNYOMS KYI DBANG PO DANG MTSUNGS PAR LDAN PA ZHES BYA BA'I THA TSIG GO, ,MNGON PAR 'DU BYA BA DANG BCAS PAS DRANGS BA YIN PA'I PHYIR, DGA' BA DANG MTSUNGS PAR LDAN BA YANG MA YIN TE, DE NYID KYI PHYIR LAM DKA' BA YIN NO, ,'O NA BSAM GTAN KHYAD PAR CAN DE'I @76A *, ,'BRAS BU KHYAD PAR CAN GANG ZHIG YIN ZHE NA, DE NI TSANGS CHEN 'BRAS BU CAN, ,BSAM GTAN KHYAD PAR CAN DE BSGOMS NAS TSANGS PA CHEN POR 'GYUR RO, ,YANG TING NGE 'DZIN THAMS CAD MDOR BSDUS TE, MDO LAS RTOG PA DANG BCAS SHING DPYOD PA DANG BCAS PA'I TING NGE 'DZIN DANG, RTOG PA MED LA DPYOD PA TZAM DANG, RTOG PA YANG MED LA DPYOD PA YANG MED PA'I TING NGE 'DZIN DANG TING NGE 'DZIN GSUM DU BKA' STZAL TE, DE LA RE ZHIG BSAM GTAN KHYAD PAR CAN NA NI, RTOG PA TZAM ZHIG BKAG PA'I PHYIR RTOG PA MED LA DPYOD PA TZAM GYI TING NGE 'DZIN TO ZHES SHES PAR BYAS ZIN TO, ,DE MAN CHAD RTOG DPYOD BCAS PA'I, ,TING NGE 'DZIN, BSAM GTAN KHYAD PAR CAN DE MAN CHAD KYI TING NGE 'DZIN BSAM GTAN DANG PO DANG, MI LCOGS PA MED PA NI RTOG PA DANG BCAS SHING DPYOD PA DANG BCAS PA YIN NO, ,YAN CHAD GNYI GA MED PAS NA, ,'DI NA GNYI GA MED PA STE, ,BSAM GTAN KHYAD PAR CAN YAN CHAD KYI TING NGE 'DZIN BSAM GTAN GNYIS PA'I NYER BSDOGS NAS SRID PA'I RTZE MO'I BAR NI RTOG PA YANG MED PA DPYOD PA YANG MED PA'O, ,YANG STONG PA NYID KYI TING 'DZIN DANG, SMON PA MED BA'I TING NGE 'DZIN DANG, MTSAN MA MED PA'I TING NGE 'DZIN DANG, TING NGE 'DZIN GSUM GSUNGS TE, DE LA, MTSAN MED ZHI BA'I RNAM BA DANG, ,'GOG PA'I RNAM PA DAG DANG MTSUNGS PAR LDAN PA'I TING NGE 'DZIN NI MTSAN MA MED PA STE, RNAM PA BZHI BA YIN NO, ,MYA NGAN LAS 'DAS PA NI MTSAN MA BCU DANG BRAL BA'I PHYIR MTSAN MA MED PA YIN LA, DE LA DMIGS PA'I TING NGE 'DZIN NI MTSAN MA MED PA'I TING NGE 'DZIN YIN TE, MTSAN MA BCU NI YUL LNGA DANG PHO DANG MO DANG 'DUS BYAS KYI MTSAN NYID RNAMS SO, ,STONG NYID BDAG MED STONG NYID DU, 'JUG PA'O, ,BDAG MED PA DANG STONG PA NYID KYI RNAM PA DAG DANG MTSUNGS PAR LDAN PA'I TING NGE 'DZIN NI STONG PA NYID DE, RNAM PA GNYIS PA YIN NO, ,SMON PA MED PA NI, DE LAS GZHAN BDEN RNAM PA DANG, ,BDEN PA LHAG MA'I RNAM PA DAG DANG MTSUNGS PAR LDAN PA'I TING NGE 'DZIN NI SMON PA MED PA STE, @76B RNAM PA BCU YIN NO, ,MI RTAG PA DANG SDUG BSNGAL PA DANG DE'I RGYU DAG GIS YID 'BYUNG BA'I PHYIR DANG, LAM YANG GDON MI ZA BAR GZINGS LTA BUR DOR BAR BYA BA YIN PA NYID KYI PHYIR DE'I RNAM PA CAN GYI TING NGE 'DZIN NI SMON PA MED PA YIN TE, DE LAS 'DA' BAR MNGON SUM DU PHYOGS PA'I PHYIR RO, ,MYA NGAN LAS 'DAS PA DANG 'DRA BA'I PHYIR STONG PA DANG BDAG MED PA DAG GIS NI YID MI 'BYUNG NGO, ,TING NGE 'DZIN RNAM PA GSUM PO 'DI DAG NI RNAM PA GNYIS TE, DAG DANG DRI MA MED, 'JIG RTEN PA DANG 'JIG RTEN LAS 'DAS PA YIN PA'I PHYIR RO, ,DAG PA PA YANG YIN LA ZAG PA MED PA DAG KYANG YIN TE, 'JIG RTEN PA RNAMS NI SA BCU GCIG NA YOD DO, ,'JIG RTEN LAS 'DAS PA RNAMS NI GANG NA LAM YOD PA NA YOD DO, ,DE DAG ,DRI MED RNAM THAR SGO GSUM MO, ,TING NGE 'DZIN GSUM PO DE DAG DRI MA MED PA'I THAR PA'I SGO YIN PA'I PHYIR RNAM BAR THAR PA'I SGO STONG PA NYID DANG, RNAM PAR PA'I SGO SMON PA MED PA DANG, RNAM PAR THAR PA'I SGO MTSAN MA MED PA STE, RNAM PAR THAR PA'I SGO GSUM ZHES BYA'O, ,YANG, STONG NYID STONG NYID CES LA SOGS, ,GZHAN YANG TING NGE 'DZIN GSUM MO, ,ZHES BYA BA STE, STONG PA NYID STONG PA NYID DANG, SMON PA MED PA SMON PA MED PA DANG, MTSAN MA MED PA MTSAN MA MED PA'O, ,STONG PA NYID LA SOGS PA LA DMIGS PA'I PHYIR MING DE SKAD CES BYA'O, ,DE DAG LAS, GNYIS NI STONG DANG MI RTAG PAR, ,MI SLOB PA LA DMIGS PA YIN, ,TING NGE 'DZIN GZHAN GNYIS NI MI SLOB PA'I TING NGE 'DZIN LA DMIGS PA YIN TE, STONG PA NYID STONG BA NYID NI MI SLOB PA'I STONG PA NYID KYI TING NGE 'DZIN LA STONG PA'I RNAM PAR DMIGS SO, ,SMON PA MED PA SMON PA MED PA YANG MI SLOB PA'I SMON PA MED PA LA MI RTAG PA'I RNAM PAR DMIGS SO, ,SDUG BSNGAL BAR YANG MA YIN LA RGYU LA SOGS PAR YANG MA YIN TE, ZAG PA MED PA NI DE'I MTSAN NYID MA YIN PA'I PHYIR RO, LAM GYI RNAM PA RNAMS SU YANG MA YIN TE, SUN DBYUNG BAR BYA BA YIN PA'I PHYIR RO, ,MTSAN MA MED PA MTSAN MED NI, ,ZHI BAR MA BRTAGS ZAD PA LA, , @77A *, ,MTSAN MA MED PA MTSAN MA MED PA'I TING NGE 'DZIN NI MI SLOB PA'I MTSAN MA MED PA'I SO SOR MA BRTAGS PAS, 'GOG PA LA ZHI BA'I RNAM PAR DMIGS TE, ZAG PA MED PA LA SO SOR BRTAGS PAS, 'GOS PA MED PA'I PHYIR RO, ,'GOG PA DANG, GYA NOM PA DANG, NGES PAR 'BYUNG BA'I RNAM PAR NI MA YIN TE, MI RTAG BA NYID KYI 'GOG PA DANG, THUN MONG YIN PA NYED KYI PHYIR DANG, LUNG DU MA BSTAN PA'I PHYIR DANG, BRAL BA MA YIN PA'I PHYIR RO, ,TING NGE 'DZIN GZHAN 'DI DAG NI GCIG TU ZAG BCAS, ,'PHAGS PA'I LAM LA SDANG PA'I PHYIR TE, ZAG PA MED PA DAG NI DE LTA MA YIN NO, ,GANG DU SKYED PAR BYED CE NA, MI'I NANG, MI RNAMS KYI NANG KHO NAR SKYED KYI LHA DAG GI NANG DU NI MA YIN NO, ,SA DU PA ZHIG LA NI MA YIN ZHE NA, NYER BSDOGS BDUN NI MA GTOGS SO, ,NYER BSDOGS BDUN MA GTOGS PA SA GZHAN BCU GCIG PO 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG, GZUGS MED PA RNAMS NA YOD DO, ,YANG TING NGE 'DZIN BSGOM PA BZHI STE, TING NGE 'DZIN BSGOM PA KUN TU BRTEN BSGOMS PAR BYAS LAN MANG DU BYAS NA, MTHONG BA'I CHOS LA BDE BAR GNAS PAR 'GYUR BA YANG YOD CES BYA BA RGYAS PAR 'BYUNG BA DE LA, DGE BA'I BSAM GTAN DANG PO NI, BDE 'GYUR TING 'DZIN BSGOM PA YIN, ,DGE BA'I BSAM GTAN DANG PO STE, DAG PA PA'AM, ZAG PA MED PA NI, MTHONG BA'I CHOS LA BDE BAR GNAS PAR 'GYUR BA'I TING NGE 'DZIN BSGOM PA YIN NO, ,DE DANG PO YIN PA'I PHYIR GZHAN DANG GZHAN DAG KYANG YIN PAR SHES PAR BYA'O, ,TSE PHYI MA LA BDE BAR GNAS PAR 'GYUR BA NI NGES PA MED DE, YONGS SU NYAMS PA DANG, GONG DU SKYES PA DANG, YONGS SU MYA NGAN LAS 'DAS PA RNAMS LA DE MED PA'I PHYIR RO, ,MIG GI MNGON SHES MTHONG 'GYUR 'DOD, ,LHA'I MIG GI MNGON PAR SHES PA NI SHES PA MTHONG BAR 'GYUR BA'I TING NGE 'DZIN BSGOM PA YIN NO, ,SBYOR BA LAS BYUNG BLO DBYER @77B 'GYUR, ,SBYOR BA LAS BYUNG BA'I YON TAN KHAMS GSUM PA DANG, ZAG PA MED PA THAMS CAD NI SHES RAB RAB TU RNAM PAR DBYE BAR 'GYUR BA'I TING NGE 'DZIN BSGOM PA YIN NO, ,RDO RJE LTA BU'I BSAM GTAN MTHA'I, ,GANG YIN DE ZAG ZAD 'GYUR BSGOM, ,BSAM GTAN BZHI PA'I RDO RJE LTA BU'I TING NGE 'DZIN GANG YIN PA DE NI ZAG PA ZAD PAR 'GYUR BA'I TING NGE 'DZIN BSGOM PA YIN NO, ,BCOM LDAN 'DAS KYIS CHOS STON PA 'DI NI BDAG NYID LA NYER BAR GTOD PA YIN TE, DE'I PHYIR BSAM GTAN BZHI KHO NAR GSUNGS SO ZHES GRAG GO, ,TING NGE 'DZIN RNAMS KYI SKABS NAS 'ONGS BA BSHAD ZIN TO, ,NGA NI TING NGE 'DZIN LA BRTEN PA'I YON TAN RNAMS BSTAN PA'I SKABS YIN PAS BSHANG BAR BYA STE, TSAD MED PA NI BZHI YIN NO, ,BYAMS PA DANG, SNYING RJE DANG, DGA' BA DANG, BTANG SNYOMS TE, SEMS CAN TSAD MED PA LA DMIGS PA'I PHYIR RO, ,CI'I PHYIR BZHI KHO NA YIN ZHE NA, GNOD SEMS LA SOGS GNYEN PO'I PHYIR, ,GNOD SEMS DANG RNAM PAR 'TSE BA DANG, MI DGA' BA DANG, 'DOD PA'I 'DOD CHAGS DANG GNOD SEMS MANG BA RNAMS KYIS DE DAG SPANG BAR BYA BA'I PHYIR BZHI STE GRANGS BZHIN NO, ,MI SDUG PA DANG BTANG SNYOMS GNYIS 'DOD PA'I 'DOD CHAGS KYI GNYEN PO NYID DU KHYAD PAR CI ZHIG YOD CE NA, BYE BRAG TU SMRA BA RNAMS NA RE, KHA DOG GI 'DOD CHAGS KYI GNYEN PO NI MI SDUG PA'O, ,'KHRIG PA'I 'DOD CHAGS KYI GNYEN PO NI BTANG SNYOMS SO ZHES ZER RO, ,'DI SKAD DU 'KHRIG PA'I 'DOD CHAGS KYI GNYEN PO NI MI SDUG PA'O, ,PHA DANG MA DANG BU DANG NYE DU'I 'DOD CHAGS KYI GNYEN PO NI BTANG SNYOMS SO ZHES BYA BA NI RUNG NGO, ,DE LA, ZHE SDANG MED BYAMS, BYAMS PA NI ZHE SDANG MED PA'I RANG BZHIN NO, ,SNYING RJE YANG, SNYING RJE YANG DE DANG 'DRA'O, ,YID BDE BA NI DGA' BA YIN, ,DGA' BA NI YID BDE BA'I RANG BZHIN NO, ,BTANG SNYOMS MA CHAGS, BTANG SNYOMS NI MA CHAGS PA'I BDAG NYID YIN NO, ,JI LTAR NA GNOD SEMS KYI GNYER PO YIN ZHE NA, DE NI CHAGS PAS DRANGS PA YIN PA'I PHYIR RO, ,'DI NI GNYI GA'I RANG BZHIN YIN NA RUNG NGO, ,BYAMS PA LA SOGS PA 'DI DAG GI RNAM PA NI, KYE MA BDER GYUR @78A *, ,SDUG BSNGAL DANG, ,DGAR GYUR SEMS CAN RNAMS SNYOMS PA, ,KYE MA SEMS CAN RNAMS BDE BAR GYUR CIG SNYAM DU YID LA BYED CING BYAMS PA LA SNYOMS PAR 'JUG GO, ,KYE MA SEMS CAN RNAMS NI SDUG BSNGAL LO SNYAM DU YID LA BYED CING SNYING RJE LA SNYOMS PAR 'JUG GO, ,KYE MA SEMS CAN RNAMS YID BDE BAR GYUR CIG SNYAM DU YID LA BYED CING DGA' BA LA SNYOMS BAR 'JUG GO, ,SEMS CAN RNAMS MNYAM MO SNYAM DU DE LTAR YID LA BYED CING BTANG SNYOMS LA SNYOMS PAR 'JUG STE, BAR MAR GNAS PA'I PHYIR RO, ,DE DANG MI LDAN PA RNAMS LA BDE BAR MOS PA'I PHYIR JI LTAR NA PHYIN CI LOG NYID DU MI 'GYUR ZHE NA, GYUR CIG SNYAM DU SEMS PA'I PHYIR RO, ,YANG NA BSAM PA PHYIN CI MA LOG PA'I PHYIR TE, MOS PAR 'DU SHES PA'I PHYIR RO, ,YANG NA DE LTAR PHYIN CI LOG BA NYID YIN NA YANG NYES PA CI ZHIG YOD, GAL TE MI DGE BA NYID YIN NO ZHE NA NI, MA YIN TE, GNOD SEMS LA SOGS PA'I GNYEN PO YIN BAS DGE BA'I RTZA BA YIN PA'I PHYIR RO, ,'DI DAG GI RNAM PA NI BSHAD ZIN TO, ,SBYOD YUL 'DOD PA'I SEMS CAN RNAMS, ,'DI DAG GI DMIGS PA NI 'DOD PA NA SPYOD PA'I SEMS CAN RNAMS YIN TE, DE LA DMIGS PA'I GNOD SEMS LA SOGS PA'I GNYEN PO YIN PA'I PHYIR RO, ,PHYOGS GCIG TU MOS NAS ZHES GSUNGS PA GANG YIN PA DE NI SNOD KYI SNOD NA GNAS PA BSTAN PA YIN NO, ,DE DAG SA DU PA ZHIG YIN ZHE NA, DGA' BA BSAM GTAN GNYIS NA YOD, ,DGA' BA NI BSAM GTAN DANG PO DANG GNYIS PA NA YOD DE, YID BDE BA YIN PA'I PHYIR RO, ,GZHAN NI DRUG NA, TSAD MED PA GZHAN GSUM NI SA DRUG PO MI LCOGS PA MED BA DANG, BSAM GTAN KHYAD PAR CAN DANG, BSAM GTAN RNAMS NA YOD DO, ,KHA CIG LNGA, KHA CIG NI 'DI DAG MI LCOGS PA MED PA MA GTOGS PA LNGA NA YOD PAR 'DOD DO, ,GZHAN DAG NA RE 'DOD PA'I KHAMS DANG NYER BSNGOGS RNAMS BSNAN NAS BCU NA YOD DO ZHES ZER TE, ,MNYAM PAR BZHAG PA DANG MNYAM PAR BZHAG PA MA YIN PA DANG, DNGOS GZHI DANG, SBYOR BA SMOS PA'I PHYIR RO, ,GNOD SEMS LA @78B SOGS GNYEN PO'I PHYIR, ,ZHES GANG BSHAD PA, CI TSAD MED PA RNAMS KYIS KYANG NYON MONGS PA SPONG BA YIN NAM ZHE NA, DE YIS MI SPONG, BSAM GTAN DNGOS GZHI'I SA PA YIN PA'I PHYIR DANG, MOS PA YIN LA BYED PA'I PHYIR DANG, SEMS CAN LA DMIGS PA YIN PA'I PHYIR TE, DE DAG GI SBYOR BAS GNOD SEMS LA SOGS PA RNAM PAR GNON PA'I PHYIR DANG, SPANGS PA THAG SRING BAR BYED PA'I PHYIR DE DAG GI GNYEN PO NYID DU BSHAD DO, ,BYAMS PA LA SOGS PA 'DOD PA'I KHAMS DANG MI LCOGS PA MED PA'I SA PA RNAMS NI DNGOS GZHI'I TSAD MED PA DANG 'DRA BA DAG YOD DO, ,DE DAG GIS DE RNAMS RNAM PAR MNAN NAS SPONG BA'I LAM RNAMS KYIS RAB TU SPONG BAR BYED DO, ,DE NAS 'DOD CHAGS DANG BRAL BA'I GNAS SKABS NA NI DNGOS GZHI'I TSAD MED PA RNYED PA'I PHYIR RKYEN STOBS DANG LDAN PA RNYED KYANG DE DAG GIS MI BRDZI BA YIN NO, ,YANG LAS DANG PO PA BYAMS PA LA JI LTAR SBYOR ZHE NA, JI LTAR BDAG NYID KYI BDE BA NYAMS PA YOD PA'AM, GZHAN SANGS RGYAS DANG BYANG CHUB SEMS DPA' DANG 'PHAGS PA DGRA BCOM PA'I THOS PA DE BZHIN DU KYE MA SEMS CAN RNAMS NI DE LTAR BDE BAR GYUR CIG CES SEMS CAN RNAMS LA BDE BAR MOS PAR BYED DO, ,GAL TE NYON MONGS PA'I 'JUG PA SHAS CHE BA'I PHYIR MI NUS NA DES MDZA' PO'I PHYOGS LA RNAM PA GSUM DU PHYE NAS CHEN PO LA BDE BA DE MOS PAR BYED DO, ,DE NAS 'BRING DANG CHUNG DU LA BDE BA DE MOS PAR BYED DO, ,GAL TE DE DAG LA BYAMS PA MNYAM PA THOB NA DE'I 'OG TU THA MAL PA'I PHYOGS LA MOS PAR BYED DO, ,DE'I 'OG TU DGRA BO'I PHYOGS LA RNAM PA GSUM DU PHYE NAS CHUNG DU LA BDE BA DE MOS PAR BYED DO, ,DE NAS 'BRING DANG CHEN PO LA MOS PAR BYED DO, ,GAL TE DE LA MDZA' BO CHEN PO'I PHYOGS BZHIN DU BDE BAR MOS BA MI LDOG BAR GYUR NA DE'I 'OG TU RIM GYIS KHYIM DANG GRONG DANG YUL 'KHOR GYI BAR DU BDE BAR MOS PAR BYAS NAS PHYOGS GCIG NAS 'JIG RTEN THAMS CAD KYI BAR DU BA MAS PA RGYAS PAR BYED DO, ,GANG ZHIG THAMS CAD DU YON TAN 'DZIN PA DE NI BYAMS PA MYUR DU SKYED PAR BYED DO, ,SNGON GYI BSOD NAMS @79A *, ,DANG BSOD NAMS MA YIN PA'I 'BRAS BU SNANG BA'I SGO NAS DGE BA'I RTZA BA KUN DU CHAD PA LA YANG YON TAN GZUNG BAR NUS LA, RANG SANGS RGYAS LA YANG SKYON GZUNG BAR NUS SO, ,SNYING RJE DANG DGA' BA LA YANG DE BZHIN DU SEMS CAN SDUG BSNGAL BA RNAM PA MANG PO'I CHU BOR BYING BA 'DI DAG SDUG BSNGAL LAS MYUR DU THAR KYANG CI MA RUNG, MNGON PAR DGA' BAR GYUR KYANG CI MA RUNG SNYAM DU MOS SHING DGA' BA LA SBYOR BAR BYED DO, ,BTANG SNYOMS NI THA MAL BA'I PHYOGS LAS RTZOM MO, ,TSAD MED PA BZHI PO 'DI DAG NI MI DAG GI NANG DU SKYED DO, ,MI RNAMS KYI NANG DU SKYED KYI GZHAN DU NI MA YIN NO, ,CI TSAD MED PA GCIG DANG LDAN PA GANG YIN PA DE NI GDON MI ZA BAR THAMS CAD DANG LDAN NA MA ZHE NA, THAMS CAD DANG LDAN PA NI NGES PA MED DO, ,'ON KYANG NGES GSUM LDAN, BSAM GTAN GSUM PA DANG BZHI PAR SKYES PA DAG DGA' BA DANG MI LDAN NO, ,TSAD MED PA GSUM DANG NI RTAG TU LDAN PA YIN NO, ,RNAM PAR THAR PA BRGYAD, GZUGS CAN GZUGS RNAMS LA LTA BA ZHES BYA BA NI RNAM PAR THAR PA DANG PO YIN NO, ,NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA ZHES BYA BA NI GNYIS PA YIN NO, ,SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS ZHES BYA BA NI GSUM PA YIN NO, ,GZUGS MED PA BZHI DANG, BRGYAD PA 'DU SHES DANG TSOR BA 'GOG PA'O, ,DE RNAMS LAS, DANG PO GNYIS, MI SDUG ,RNAM PAR THAR PA DANG PO GNYIS NI RNAM PAR BSNGOS PA LA SOGS PA'I RNAM PA CAN YIN PA'I PHYIR MI SDUG PA'I RANG BZHIN DAG YIN TE, DE NYID KYI PHYIR DE GNYIS KYI TSUL NI MI SDUG PA BZHIN DU RIG PAR BYA'O, ,DE GNYIS KYANG BSAM GTAN GNYIS NA YOD, BSAM GTAN DANG PO DANG GNYIS PA DAG NA YOD KYI SA GZHAN NA NI MED DO, ,'DOD PA NA SPYOD PA DANG BSAM GTAN DANG PO'I SA PA'I KHA DOG GI 'DOD CHAGS KYI GNYEN POR GRANGS BZHAN NO, ,GSUM PA MTHA' NA, SDUG PA'I RNAM PAR THAR PA NI BSAM GTAN BZHI PA NA YOD DO, ,DE MA CHAGS, DE YANG @79B MA CHAGS PA'I RANG BZHIN YIN GYI SDUG PA'I RNAM PA CAN YIN PA'I PHYIR MI SDUG PA'I RANG BZHIN NI MA YIN NO, ,DE DAG 'KHOR DANG BCAS NA NI PHUNG PO LNGA'I RANG BZHIN YIN NO, ,GZUGS MED PA'I RNAM PAR THAR PA RNAMS NI, GZUGS MED MNYAM GZHAG DGE RNAMS SO, , GZUGS MED PA'I MNYAM PAR BZHAG PA DGE BA RNAMS KHO NA RNAM PAR THAR PA ZHES BYA BA'I MING 'THOB KYI, NYON MONGS PA CAN RNAMS KYANG MA YIN LA, MNYAM PAR MA BZHAG PA RNAMS KYANG MA YIN NO, ,'DI LTA STE 'CHI BA'I SRID PA'I TSE LTA BU'O, ,GZHAN DAG NA RE GZHAN NA YANG MNYAM PAR MA BZHAG PA YOD DO ZHES ZER RO, ,NYER BSNGOGS KYI RNAM PAR GROL BA'I LAM DAG KYANG RNAM PAR THAR PA ZHES BYA BA'I MING 'THOB BO, ,'OG MA LA DMIGS PA'I PHYIR BAR CHAD MED PA'I LAM RNAMS NI MA YIN TE, RNAM PAR THAR PA'I DON NI RGYAB KYIS PHYOGS PA'I DON YIN NO, ,'GOG PA'I SNYOMS PAR 'JUG PA'O, ,RNAM PAR THAR PA BRGYAD PA 'DU SHES DANG TSOR BA 'GOG PA NI 'GOG PA'I SNYOMS PAR 'JUG PA YIN TE, DE NI SNGAR BSHAD ZIN TO, ,'DU SHES DANG TSOR BA'AM, 'DU BYED THAMS CAD LA RGYAB KYIS PHYOGS PA'I PHYIR RO, , GZHAN DAG NA RE SNYOMS PAR 'JUG PA'I SGRIB PA LAS RNAM PAR THAR PA'I PHYIR RNAM PAR THAR PA ZHES BYA'O ZHES ZER RO, ,DE LA NI, PHRA BA PHRA BA'I MJUG THOGS SU, ,SNYOMS PAR 'JUG STE, SRID PA'I RTZE MO'I 'DU SHES NI PHRA BA YIN TE, DE BAS KYANG CHES PHRA BAR BYAS NAS 'GOG PA'I SNYOMS PAR 'JUG GO, ,SNYOMS PAR ZHUGS PA RNAMS NI, RANG GI DAG DANG 'OG MA YIN, ,'PHAGS PA'I SEMS KYIS DE LAS LDANG, ,SRID PA'I RTZE MO'I SEMS DAG PA'AM, ,CI YANG MED PA'I SKYE MCHED KYI SA PA'I SEMS ZAG PA MED PAS DE LAS LDANG STE, DE LTAR NA DE'I SNYOMS PAR 'JUG PA'I SEMS NA ZAG PA DANG BCAS PA YIN LA, LDANG BA'I SEMS NI ZAG PA DANG BCAS PA DANG, ZAG PA MED PA YANG YIN NO, ,RNAM PAR THAR PA 'DI DAG LAS, ,DANG PO 'DOD GTOGS SNANG YUL CAN, ,'DI DAG GI DMIGS PA NI CI RIGS PAR 'DOD PA @80A *, ,NA SPYOD PA'I GZUGS KYI SKYE MCHED YID DU MI 'ONG BA DANG YID DU 'ONG BA YIN NO, ,GANG DAG GZUGS CAN MIN DE DAG ,SBYOD YUL GONG DANG RANG GI SA'I, ,SDUG BSNGAL SOGS DANG RJES SHES PHYOGS, ,GZUGS MED PA'I RNAM PAR THAR PA RNAMS KYI DMIGS PA NI RANG GI SA BA DANG SA GONG MA PA'I SDUG BSNGAL DANG DE'I RGYU DANG 'GOG PA DAG RJES SU SHES PA'I PHYOGS DANG MTHUN PA'I LAM THAMS CAD YIN NO, ,SO SOR MA BRTAGS PAS 'GOG PA YANG YIN NO ZHES BRJOD PAR BYA'O, ,NAM MKHA' YANG GCIG GIS YIN NO ZHES BRJOD PAR BYA STE, CI'I PHYIR BSAM GTAN GSUM PA LA RNAM PAR THAR PA MA BZHAG CE NA, BSAM GTAN GNYIS PA'I SA PA'I KHA DOG GI 'DOD CHAGS MED PA'I PHYIR DANG, BDE BA'I SNYING POS SKYED PA'I PHYIR RO, ,CI'I PHYIR SDUG PA'I RNAM PAR THAR PA SKYED PAR BYED CE NA, MI SDUG PAS RGYUD ZHUM PAR RAB TU DGA' BAR BYA BA'AM, CI MI SDUG PA'I RNAM PAR THAR PA DAG GRUB PA YIN NAM MA YIN ZHES BRTAG PA'I PHYIR TE, GAL TE SDUG PAR YID LA BYAS KYANG NYON MONGS PA MI SKYE NA DE LTA NA DE GNYIS GRUB PA YIN NO, ,RNAL 'BYOR PA RNAMS NI RGYU GNYIS KYIS RNAM PAR THAR PA LA SOGS PA SKYED PAR BYED DO, ,NYON MONGS PA MED BA LA SOGS PA'I YON TAN MNGON PAR BSGRUB PA'I CHED DANG, 'PHAGS PA'I RDZU 'PHRUL MNGON PAR GRUB PA'I CHED DU, NYON MONGS PA THAG BSRING BAR BYA BA'I PHYIR DANG, SNYOMS PAR 'JUG PA LA DBANG BAR BYA BA'I PHYIR RO, ,DE YANG GANG GIS DNGOS PO YONGS SU BSGYUR BA DANG, BYIN GYIS RLOB PA DANG, TSE GTONG BA LA SOGS PAR BYED PA'O, ,CI'I PHYIR GSUM PA DANG BRGYAD PA DAG KHON MNGON SUM DU BYA BAR BSHAD LA GZHAN DAG NI MA YIN ZHE NA, GTZO BO YIN PA'I PHYIR DANG, KHAMS DANG, SA'I MTHA' NA GNAS PA'I PHYIR RO, ,ZIL GYIS GNON PA'I SKYE MCHED BRGYAD, ,NANG GZUGS SU 'DU SHES PAS PHYI ROL GYI GZUGS CHUNG BU BA DOG BZANG PO DANG KHA DOG NGAN PA RNAMS LA LTA ZHING GZUGS DE DAG ZIL GYIS MNAN NAS SHES, ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS @80B GNON PA'I SKYE MCHED DANG PO YIN NO, ,DE BZHIN DU CHEN PO RNAMS DANG, DE KHO NA BZHIN DU NANG GZUGS MED PAR 'DU SHES PA STE, DE LTAR BZHI PO DE DAG DANG, GZUGS MED PAR 'DU SHES PA KHO NA SNGON PO DANG SER PO DANG DMAR PO DANG DKAR PO RNAMS LA LTA BA STE, DE LTAR NA BRGYAD YIN NO, , DE DAG LAS GNYIS NI RNAM PAR THAR PA DANG PO BZHIN NO, ,RNAM PAR THAR PA DANG PO JI LTA BAR ZIL GYIS GNON PA'I SKYE MCHED GNYIS PO DANG GNYIS PA YANG DE DANG 'DRA'O, ,GNYIS NI GNYIS PA BZHIN NO, ,RNAM PAR THAR PA GNYIS PA JI LTA BAR ZIL GYIS GNON PO'I SKYE MCHED GNYIS PO GSUM PA DANG BZHI PA YANG DE DANG 'DRA'O, ,GZHAN SDUG PA'I RNAM PAR THAR PA BZHIN, SDUG PA'I RNAM PAR THAR PA JI LTA BAR GZHAN BZHI YANG DE DANG 'DRA'O, ,'DI NI KHYAD PAR YIN TE, DA DAG GIS NI RGYAB KYIS PHYOGS PA TZAM DU ZAD LA, 'DI DAG GIS NI DMIGS PA ZIL GYIS GNON TE, JI LTAR 'DOD PA BZHIN DU MOS PA'I PHYIR DANG, NYON MONGS PA MI SKYE BA'I PHYIR RO, ,ZAD PAR BCU'O, ,BAR CHAD MED PAR ZAD PAR RGYAS PAR BYED PA'I PHYIR ZAD PAR GYI SKYE MCHED NI BCU STE, ZAD PAR SA DANG, CHU DANG, ME DANG, RLU DANG, SNGON PO DANG SER PO DANG, DMAR PO DANG DKAR PO DANG, ZAD PAR NAM MKHA' DANG, RNAM SHES MTHA' YAS SKYE MCHED DO, ,DE RNAMS LAS, BRGYAD MA CHAGS, DANG PO BRGYAD NI MA CHAGS PA'I RANG BZHIN DAG YIN NO, ,BSAM GTAN MTHA' NA, BSAM GTAN BZHI PA KHO NA NA YOD DO, ,SPYOD YUL NI 'DOD PA, 'DOD PA NA SPYOD PA'I GZUGS KYI SKYE MCHED YIN NO, ,KHA CIG NA RE RLUNG GI NI REG BYA'I SKYE MCHED YIN NO ZHES ZER RO, ,DE GNYIS NI GZUGS MED DAG ,ZAD PAR GYI SKYE MCHED THA MA GNYIS NI GZUGS MED PA DAG PA PA'I RANG BZHIN DAG YIN NO, ,SPYOD YUL RANG GI PHUNG PO BZHI, ,'DI GNYIS KYI DMIGS PA NI RANG GIS PA'I PHUNG PO BZHI YIN NO, ,ZIL GYIS GNON PA'I SKYE MCHED RNAMS NI RNAM PAR THAR PA 'JUG PA LAS BYUNG BA CAN YIN LA, ZAD PAR GYI SKYE MCHED RNAMS NI ZIL GYIS GNON PA'I SKYE MCHED 'JUG PA LAS BYUNG BA CAN YIN TE, GONG NAS GONG DU @81A *, ,KHYAD BAR DU 'PHAGS PA'I PHYIR RO, ,'GOG PA'I RNAM PAR THAR PA MA GTOGS PA RNAM PAR THAR BA LA SOGS PA DE DAG THAMS CAD NI SO SO'I SKYE BO DANG 'PHAGS PA'I RGYUD LA YOD PA DAG YIN NO, ,CI RNAM PAR THAR PA LA SOGS PA DE DAG SBYOR BA LAS BYUNG BA YIN NAM 'DOD CHAGS DANG BRAL BAS THOB PA YIN ZHES BYA BA'I 'DRI BA 'DI LA 'GOG BA BSHAD ZIN, 'GOG PA'I RNAM PAR THAR PA NI SNGAR RNAM PA THAMS CAD DU BSHAD ZIN TO, ,LHAG MA NI, 'DOD CHAGS BRAL DANG SBYOR BAS 'THOB, ,'GOG PA LAS GZHAN PA'I RNAM PAR THAR PA LA SOGS PA NI 'DOD CHAGS DANG BRAL BAS THOB PA YANG YIN LA SBYOR BA LAS BYUNG BA DAG KYANG YIN TE, 'DRIS PA DANG MA 'DRIS PA'I PHYIR RO, ,GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ,GZUGS MED PA'I RNAM PAR THAR PA DANG, GZUGS MED PA'I ZAD PAR NI KHAMS GSUM PA'I RTEN CAN DAG YIN NO, ,LHAG MA NI MI'I RTEN CAN KHO NA YIN TE, LUNG GI MTHUS SKYED PA'I PHYIR RO, ,JI LTAR NA GZUGS DANG GZUGS MED PA'I KHAMS DAG TU GZUGS MED PA DANG BSAM GTAN GYI KHYAD PAR SKYE ZHE NA, RGYU DANG LAS DANG CHOS NYID DANG, ,RGYU GSUM GYIS BSAM GTAN DANG GZUGS MED PA'I SNYOMS PAR 'JUG BA RNAMS SKYE STE, DE LA, KHAMS GNYIS DAG TU GZUGS MED PA, ,RGYU DANG LAS KYI STOBS KYIS TE, ,GZUGS DANG GZUGS MED PA'I KHAMS DAG TU GZUGS MED PA'I SNYOMS PAR 'JUG PA SKYE BA RGYU'I STOBS KYIS NI NYE BA DANG YANG DANG YANG DU GOMS PA LA SA SO, ,LAS KYI STOBS KYIS NI SA GONG MA'I LAN GRANGS GZHAN LA MYONG BAR 'GYUR BA'I LAS KYI RNAM PAR SMIN PA NYE BAR GNAS PA'I PHYIR TE, 'OG MA LAS 'DOD CHAGS DANG MA BRAL BAS NI GONG DU SKYE BAR MI NUS SO, ,GZUGS KYI KHAMS SU BSAM GTAN RNAMS, ,DE DAG DANG CHOS NYID KYIS KYANG, GZUGS KYI KHAMS SU NI BSAM GTAN GZHAN RGYU DANG LAS KYI STOBS DE DAG DANG CHOS NYID KYIS KYANG SKYE STE, 'JIG PA'I TSE LTA BU'O, ,DE'I TSE NI SA 'OG MA PA'I SEMS CAN THAMS CAD DGE BA'I CHOS RNAMS KYI 'JUG PA @81B SHAS CHE BA NYID KYI PHYIR BSAM GTAN DE SKYED PAR BYED DO, ,GANG LA CHOS RNAMS KYI RNAM PA NI DU YOD, 'DI LTA BU'I MNGON PA'I CHOS 'DI JI SRID DU GNAS SHE NA, STON PA'I DAM CHOS RNAM GNYIS TE, LUNG DANG RTOGS PA'I BDAG NYID DO, ,DE LA LUNG NI MDO SDE DANG 'DUL BA DANG CHOS MNGON PA RNAMS SO, ,RTOGS BA NI BYANG CHUB KYI PHYOGS DANG MTHUN PA RNAMS TE, DE LTAR NA DAM PA'I CHOS 'DI NI RNAM PA GNYIS YIN NO, ,DE 'DZIN BYED PA SMRA BYED DANG, ,SGRUB PAR BYED PA KHON YIN, ,LUNG 'DZIN PAR BYED PA NI SMRA BAR BYED PA YIN NO, ,RTOGS PA 'DZIN PAR BYED PA NI SGRUB PAR BYED PA YAN TA, DE'I PHYIR DE NYID JI SRID DU GNAS PA DE SRID DU DAM PA'I CHOS GNAS PAR RIG PAR BYA'O, ,DE DAG KYANG LO STONG DU GNAS SO ZHES BSHAD DO, ,GZHAN DAG NA RE RTOGS PA NI DE LTA BU YIN GYI, LUNG NI YUN RING DU GNAS SO ZHES ZER RO, ,CI BSTAN BCOS 'DIR CHOS MNGON PA BSHAD PA GANG YIN PA'I CHOS MNGON PA 'DI NYID STON PAS BSHAD DAM ZHE NA, BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA BA'I TSUL GRUB BSHAD, ,NYES PAR ZIN GANG DE 'DIR BDAG GIS NYES, ,DAM CHOS TSUL LA TSAD MA THUB RNAMS YIN, ,BDAG GIS CHOS MNGON PA 'DI PHAL CHER KHA CHE BYE BRAG TU SMRA BA RNAMS KYI TSUL DU GRUB PAR BSHAD PA YIN NO, ,'DI LA BDAG GIS NYES PAR ZIN PA GANG YIN PA DE NI BDAG GIS NYES PA YIN TE, DAM PA'I CHOS KYI TSUL LA NI SANGS RGYAS RNAMS 'KHON DANG, SANGS RGYAS KYI SRAS RNAMS TSAD MA YIN NO, ,STON PA 'JIG RTEN MIG NI ZUM GYUR CING, ,DBANG GYUR SKYE BO PHAL CHER ZAD PA NA, ,DE NYID MA MTHONG RANG DGAR GYUR BA YI, ,NGAN RTOG RNAMS KYIS BSTAN PA 'DI DKRUGS SO, ,'BYUNG RANG BYUNG BSTAN PA GCES 'DZIN RNAMS, ,MCHOG TU ZHIR GSHEGS 'GRO MGON MED PA NA, ,'DOMS MED YON TAN 'JOMS BAR BYED PA YI, ,DRI MAS DGA' MGUR DENG SANG 'DI NA SBYOD, ,DE LTAR THUB PA DAG GI BSTAN PA NI, ,LKOG MAR SROG PHYIN 'DRA DANG DRI MA RNAMS, ,STOBS DANG LDAN PA'I DUS SU RIG NAS NI, N,THAR PA 'DOD BDAG GIS BAG YOD GYIS, CHOS MNGON PA'I MDZOD KYI BSHAD PA @82A *, ,LAS SNYOMS PAR 'DUG PA BSTAN PA ZHES BYA BA MDZOD KYI GNAS BRGYAD PA'O,, ,,YANG CI 'DI LAS GZHAN LA THAR PA YOD DAM ZHE NA, MED DO, ,CI'I PHYIR ZHE NA, BDAG TU LTA BA PHYIN CI LOG LA ZHEN PA NYID KYI PHYIR TE, PHUNG PO'I RGYUD KHO NA LA BDAG TU 'DOGS PA NI NGES PAR MI 'DZIN TO, ,'O NA CI ZHE NA, RDZAS GZHAN KHO NA LA BDAG TU YONGS SU RTOGS PAR BYED LA, NYON MONGS PA RNAMS NI BDAG TU 'DZIN PA LAS RAB TU SKYE BA YIN NO, ,BDAG TU MNGON PAR BRJOD PA 'DI NI PHUNG PO'I RGYUD KHO NA LA 'JUG GI ,BRJOD PAR BYA BA GZHAN LA NI MA YIN NO ZHES BYA BA 'DI JI LTAR KHONG DU CHUD CE NA, MNGON SUM DANG, RJES SU DPAG PA MED PA'I PHYIR TE, CHOS GANG DAG YOD PA DE DAG NI BAR CHAD BYED PA MED NA MNGON SUM DU DMIGS PA YIN TE, DPER NA YUL DRUG DANG YID LTA BU'O, ,YANG NA RJES SU DPAG PAS DMIGS PA YIN TE; DPER NA DBANG PO LTA BU'O, ,DE LA 'DI NI RJES SU DPAG PA YIN TE, RGYU YOD KYANG RGYU GZHAN MED NA 'BRAS BU MED PAR MTHONG LA YOD NA NI YANG YOD PAR MTHONG BA STE, DPER NA MYU GU LTA BU'O, ,YUL SNANG BAR GYUR PA DANG RGYU YID LA BYED PA YOD KYANG YUL 'DZIN PA MED PAR MTHONG LA, YANG YOD PAR MTHONG BA STE, LONG BA DANG 'ON PA LA SOGS PA DANG, MA LONG BA DANG MA 'ON PA LA SOGS PA LTA BU'O, ,DE'I PHYIR DE LA YANG RGYU GZHAN MED PA DANG, YOD PAR NGES LA, RGYU GZHAN GANG YIN BDE NI DBANG PO YIN NO ZHES BYA BA 'DI NI RJES SU DPAG PA YIN NO, ,BDAG NI DE LTAR YOD PA MA YIN PAS BDAG MED DO, ,'ON GANG GNAS MA'I BU RNAMS GANG ZAG YOD PAR 'DOD PA JI LTA BU, 'DI NI RE ZHIG DPYAD PAR BYA BA YIN TE, CI DE DAG RDZAS SU 'DOD DAM, 'ON TE BTAGS PAR 'DOD, RDZAS SU ZHES BYA BA 'DI YANG CI YANG CI ZHIG, BTAGS PAR ZHES BYA BA 'DI YANG CI ZHIG YIN, GAL TE GZUGS LA SOGS PA BZHIN DU DNGOS PO GZHAN ZHIG YIN NO ZHE NA NI RDZAS SU YOD PA YIN NO, ,GAL TE 'O MA LA SOGS PA BZHIN DU SPYI YIN NO ZHE NA NI BTAGS PAR YOD PA YIN NO, ,DE LAS CIR 'GYUR, RE ZHIG GAL TE RDZAS SU YOD NA @82B NI DE RANG BZHIN THA DAD PA'I PHYIR PHUNG PO RNAMS LAS GZHAN NO ZHES BRJOD PAR BYA STE, PHAN TSUN GYI PHUNG PO BZHIN NO, ,'DI'I RGYU YANG BRJOD DGOS SO, ,'ON TE 'DUS MA BYAS YIN NA NI DE'I PHYIR MU STEGS CAN GYI LTA BAR YANG THAL BAR 'GYUR LA, DGOS PA MED PA NYID DU YANG 'GYUR RO, , 'ON TE BTAGS PAR YOD DO ZHE NA NI KHO BO CAG KYANG DE SKAD CES SMRAS SO, ,DE NI RDZAS SU YOD PA KHO NA YANG MA YIN LA BTAGS PAR YOD PA YANG MA YIN NO, ,'O NA CI ZHE NA, DA LTAR GYI NANG GI ZIN PA'I PHUNG PO RNAMS RGYUR BYAS NAS GANG ZAG TU 'DOGS SO, ,LONG BA LTA BU'I TSIG DON MI GSAL BA 'DI NI MI GO'O, ,RGYUR BYAS NAS ZHES BYA BA 'DI CI, GAL TE 'DI'I DON PHUNG PO RNAMS LA DMIGS NAS ZHES BYA BA 'DI YIN NO ZHE NA NI, DE DAG KHO NA LA GANG ZAG TU 'DOGS PAR ZAD DO, ,DPER NA GZUGS LA SOGS PA LA DMIGS NAS, DE DAG KHO NA LA 'O MA 'DOGS PA BZHIN NO, , 'ON TE 'DI'I DON PHUNG PO RNAMS LA BRTEN NAS ZHES BYA BA 'DI YIN NO ZHE NA NI PHUNG PO RNAMS GANG ZAG GDAGS PA'I RGYU YIN PA'I PHYIR SKYON DE NYID DU 'GYUR RO, ,DE NI DE LTAR MI 'DOGS SO, ,'O NA JI LTA BU ZHE NA, JI LTAR BUD SHING RGYUR BYAS NAS ME 'DOGS PA BZHIN NO, ,JI LTAR NA BUD SHING RGYUR BYAS NAS ME 'DOGS SHE NA, BUD SHING MED PAR ME MI 'DOGS MOD KYI, BUD SHING LAS ME GZHAN YIN PAR DAM BCA' BAR YANG MI NUS LA, GZHAN MA YIN PAR DAM BCA' BAR YANG MI NUS TE, GAL TE GZHAN YIN NA NI BUD SHING DRO BA NYID MA YIN BAR 'GYUR RO, ,'ON TE GZHAN MA YIN NA NI BSREG BYA NYID SREG BYED YIN PAR 'GYUR RO, ,DE LTAR PHUNG PO RNAMS MED PAR YANG GANG ZAG MI 'DOGS LA, PHUNG PO RNAMS LAS GZHAN YIN PAR DAM BCA' BAR YANG MI NUS TE RTAG PAR THAL BAR 'GYUR RO, ,GZHAN MA YIN PAR YANG DAM BCA' BAR MI NUS TE CHAD PAR THAL BAR 'GYUR RO, ,RE ZHIG KYE BUD SHING NI CI, ME NI CI YIN PA SMROS SHIG DANG, DE LAS JI LTAR NA BUD SHING RGYUR BYAS NAS ME 'DOGS PAR SHES PAR BYA'O, ,'DI LA CI ZHIG BRJOD PAR BYA, BSREG BYA NI BUD SHING YIN LA SREG BYED NI ME YIN PAR ZAD MOD, 'DIR @83A *, ,BSREG BAR BYA BA NI CI, SREG PAR BYED PA NI CI YIN PA DE NYID BRJOD PAR BYA'O, ,RE ZHIG 'JIG RTEN NA NI SHING LA SOGS BA MA 'BAR BA LA BUD SHING ZHES KYANG BYA LA BSREG BYA ZHES KYANG BYA'O, ,'BAR BA LA NI ME ZHES KYANG BYA LA SREG BYED CES KYANG BYA STE, 'BAR BA DANG SHIN TU TSA BA GANG YIN PA DES DE TSIG PA DANG SREG PAR BYED DE, RGYUD 'GYUR BAR BYED PA'I PHYIR RO, ,DE GNYI GA YANG RDZAS BRGYAD PA YIN NO, ,BUD SHING LA BRTEN NAS ME 'BYUNG BA DE YANG DPER NA 'O MA LA BRTEN NAS ZHO 'BYUNG BA DANG, MNGAR BO LA BRTEN NAS TSA BA 'BYUNG BA LTA BU YIN TE, DE LTA BAS NA BUD SHING RGYUR BYAS NAS ZHES BYA BA LA DE NI DE DANG DUS THA DAD PA'I PHYIR GZHAN PA YANG YIN NO, ,GAL TE DE LTAR PHUNG PO RNAMS LA BRTEN NAS GANG ZAG SKYE NA NI DE DAG LAS GZHAN PA DANG MI RTAG PAR YANG 'GYUR RO, ,'ON TE SHING LA SOGS PA 'BAR BA DE NYID LA DRO BA NYID YOD PA GANG YIN PA DE NI ME YIN LA, DE DANG LHAN CIG SKYES PA'I 'BYUNG BA GSUM NI BUD SHING YIN PAR 'DOD NA NI DE GNYIS KYANG MTSAN NYID THA DAD PA'I PHYIR GZHAN NYID YIN PAR GRUB BO, ,JI LTAR NA BUD SHING DE RGYUR BYAS NAS ME 'DOGS PAR BYED BA RGYUR BYAS PA'I DON YANG BRJOD DGOS TE, DE NI DE'I RGYU YANG MA YIN LA DE GDAGS BA'I RGYU YANG MA YIN GYI MA NYID DE GDAGS BA'I RGYU YIN NO, ,GAL TE RGYUR BYAS PA'I DON RTEN GYI DON NAM LHAN CIG 'BYUNG BA'I DON YIN NO ZHE NA NI, PHUNG BO RNAMS KYANG DE DANG 'DRA BAR GANG ZAG GI RTEN NAM LHAN CIG 'BYUNG BA DAG YIN PAR 'GYUR BAS GZHAN NYID DU GSAL BAR DAM 'CHA' BA YIN NO, ,DE MED NA GANG ZAG MED PAR YANG 'GYUR TE, BUD SHING MED NA ME MED PA BZHIN NO, ,GANG YANG BUD SHING LAS ME GZHAN YIN NA NI BUD SHING DRO BA NYID MA YIN PAR 'GYUR RO ZHES SMRAS BA DE DRO BA ZHES BYA BA 'DI CI, RE ZHIG GAL TE DRO BA NYID YIN NO ZHE NA NI BUD SHING DRO BA NYID MA YIN PA KHO NAR 'GYUR TE, 'BYUNG BA GZHAN GYI RANG BZHIN YIN PA'I PHYIR RO, ,'ON TE DRO BA NYID DANG LDAN PA YIN NO ZHE NA NI DRO BA NYID KYI RANG BZHIN GYI ME LAS GZHAN PA DE YANG DRO BA YIN PAR 'GRUB STE, DRO BA NYID DANG LDAN PA'I PHYIR RO, ,DE LTA BAS NA DON THA DAD @83B PA NYID YIN NA NYES PA MED DO, ,'ON TE SHING LA SOGS PA 'BAR BDE DAG THAMS CAD BUD SHING YANG YIN LA ME YANG YIN PAR 'DOD NA NI DES NA RGYUR BYAS PA'I DON YANG BRJOD PAR BYA'O, ,PHUNG PO RNAMS KHO NA YANG GANG ZAG YIN PAS GZHAN PA MA YIN PA NYID MI LDOG PAR 'GYUR RO, , DE LTA BAS NA JI LTAR BUD SHING RGYUR BYAS NAS ME 'DOGS PA DE LTAR PHUNG PO RNAMS RGYUR BYAS NAS GANG ZAG 'DOGS SO ZHES BYA BA 'DI MI 'GRUB BO, ,GAL TE YANG 'DI PHUNG PO RNAMS LAS GZHAN DU BRJOD PAR BYA BA MA YIN NA, SHES BYA NI RNAM PA LNGA STE, 'DAS PA DANG, MA 'ONGS PA DANG, DA LTAR BYUNG BA DANG, 'DUS MA BYAS DANG, BRJOD PAR BYA BA MA YIN PA'O ZHES BRJOD PAR MI BYA BAR 'GYUR TE, DE NI 'DAS PA LA SOGS PA LAS LNGA PA YANG MA YIN LA LNGA BA MA YIN PA YANG MA YIN PAR BRJOD PAR BYA'O, ,GANG GI TSE GANG ZAG 'DOGS BA NA CI RE ZHIG PHUNG PO RNAMS DMIGS NAS 'DOGS SAM, 'ON TE GANG ZAG DMIGS NAS 'DOGS, RE ZHIG GAL TE PHUNG PO RNAMS NA NI DE DAG KHO NA LA GANG ZAG 'DOGS PAR 'GYUR TE, GANG ZAG MI DMIGS PA'I PHYIR RO, ,'ON TE GANG ZAG NA NI 'DI JI LTAR NA PHUNG PO RNAMS RGYUR BYAS NAS 'DOGS PA YIN TE, GANG ZAG KHO NA DE'I RGYU YIN PAR 'GYUR RO, ,'ON TE PHUNG PO RNAMS YOD NA GANG ZAG DMIGS TE, DE'I PHYIR PHUNG PO RNAMS RGYUR BYAS NAS 'DI 'DOGS SO ZHES BYA BAR 'DOD DO ZHEN NI, DE LTA NA GZUGS KYANG DMIGS PA DANG YID LA BYED PA DANG SNANG BA RNAMS YONG NA DMIGS PAS DE DAG RGYUR BYAS NAS BTAGS PA YIN PAR BRJOD PAR BYA'O, ,RE ZHIG 'DI YANG BRJOD PAR BYA STE, RNAM PAR SHES PA DRUG RNAMS LAS GANG ZAG RNAM PAR SHES PA GANG GIS RNAM PAR SHES PAR BYA BA YIN, DRUG CAR GYIS KYANG SHES BAR BYA BA YIN NO ZHES BYA'O, ,JI LTAR BYAS PAS SHE NA, GAL TE MIG GIS RNAM PAR SHES PAR BYA BA'I GZUGS RNAMS LA BRTEN NAS, GANG ZAG DMIGS PAR BYED NA NI GANG ZAG MIG GIS RNAM PAR SHES PAR BYA BA YIN NO ZHES BRJOD PAR BYA LA, GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI @84A *, ,BYA'O, ,DE BZHIN DU YID KYIS RNAM PAR SHES PAR BYA BA'I CHOS RNAMS KYI BAR LA BRTEN NAS, GANG ZAG DMIGS BAR BYED NA NI, GANG ZAG YID KYIS RNAM PAR SHES PAR BYA BA YIN NO ZHES BRJOD PAR BYA LA, CHOS RNAMS ZHES KYANG BRJOD PAR MI BYA LA, CHOS RNAMS MA YIN NO ZHES KYANG BRJOD PAR MI BYA'O, ,DE LTAN NI 'O NA'O MA LA SOGS PA DANG 'DRA BAR 'GYUR TE, GAL TE MIG GIS RNAM PAR SHES PAR BYA BA'I GZUGS RNAMS LA BRTEN NAS 'O MA 'AM, CHU DMIGS PAR BYED NA NI 'O MA 'AM CHU MIG GI RNAM PAR SHES PAR BYA BA YIN NO ZHES BRJOD PAR BYA LA GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI BYA'O, ,DE BZHIN DU GAL TE SNA DANG, LCE DANG, LUS KYIS RNAM PAR SHES PAR BYA BA MA YIN PAR BRJOD PAR BYA LA, REG BYA RNAMS ZHES KYANG BRJOD PAR MI BYA, REG BYA RNAMS MA YIN NO ZHES KYANG BRJOD PAR MI BYA STE, 'O MA DANG CHU GNYIS BZHI NYID DU THAL BAR 'GYUR DU 'ONG BAS SO, ,DE'I PHYIR JI LTAR GZUGS LA SOGS PA'I SPYI KHO NA LA, 'O MA 'AM, CHU ZHES 'DOGS PA DE BZHIN DU PHUNG BO RNAMS LA GANG ZAG 'DOGS SO ZHES BYA BAR GRUB BO, ,GANG YANG MIG GIS RNAM PAR SHES PAR BYA BA'I GZUGS RNAMS LA BRTEN NAS GANG ZAG DMIGS PAR BYED CES SMRAS PA'I TSIG DE'I DON CI ZHIG YIN, CI RE ZHIG GZUGS RNAMS GANG ZAG DMIGS PA'I RGYU ZHIG YIN NAM, 'ON TE GZUGS RNAMS DMIGS NA GANG ZAG DMIGS SO ZHES BYA BA YIN NO, ,GAL TE GZUGS RNAMS GANG ZAG DMIGS PA'I RGYU YIN LA DE YANG DE DAG LAS GZHAN DU BRJOD BAR MI BYA'O ZHE NA NI, DE LTA NA NI 'O NA GZUGS KYANG SNANG BA DANG MIG DANG YID LA BYED PA DAG LAS GZHAN DU BRJOD PAR MI BYA STE, DE DAG NI DE DMIGS PA'I RGYU YIN PA'I PHYIR RO, ,'ON TE GZUGS RNAMS DMIGS NA GANG ZAG DMIGS SO ZHE NA NI CI DMIGS PA DE KHO NAS DMIGS SAM, 'ON TE GZHAN GYIS GAL TE DE KHO NAS SO ZHE NA NI GANG ZAG GZUGS LAS RANG BZHIN THA MI DAD PA'AM GZUGS KHO NA LA DE 'DOGS @84B PAR 'GYUR NA, 'DI NI GZUGS SO, ,'DI NI GANG ZAG GO ZHES BYA BA 'DI YANG JI LTAR YONGS SU GCOD, 'ON TE DE LTAR YONGS SU MI GCOD NA NI GZUGS KYANG YOD DO, ,GANG ZAG KYANG YOD DO ZHES BYA BA 'DI YANG JI LTAR DAM 'CHA' STE, DMIGS PA'I DBANG GIS DE YOD PAR DAM 'CHA' BAR ZAD DO, ,DE BZHIN DU CHOS KYI BAR DAG LA YANG BRJOD PAR BYA'O, ,'ON TE GZHAN GYIS SO ZHE NA NI, DUS THA DAD DMIGS PA'I PHYIR GZUGS LAS GZHAN YIN PAR 'GYUR TE, SNGON PO LAS SER PO LTA BU DANG, SKAD CIG MA LAS SKAD CIG MA GZHAN BZHIN NO, ,DE BZHIN DU CHOS KYI BAR DAG LA YANG BRJOD PAR BYA'O, ,'ON TE GZUGS DANG GANG ZAG BZHIN DU DE DAG DMIGS PA DAG KYANG GZHAN DANG GZHAN MA YIN PA NYID DU BRJOD PAR ME BYA'O ZHE NA, 'O NA NI DES NA 'DUS MA BYAS KYANG BRJOD PAR BYA BA MA YIN PAR GYUR PAS, GRUB PA'I MTHA' NYAMS PA YIN NO, ,GAL TE YANG 'DI YOD LA GZUGS RNAMS ZHES KYANG BRJOD PAR MI BYA, GZUGS RNAMS MA YIN NO ZHES KYANG BRJOD PAR MI BYA NA, 'O NA CI'I PHYIR BCOM LDAN 'DAS KYIS GZUGS BDAG MA YIN PA NAS, RNAM PAR SHES PA BDAG MA YIN ZHES BYA BA'I BAR GSUNGS, MIG GI RNAM PAR SHES PA GANG GIS GANG ZAG 'DI DMIGS PA DE CI GZUGS LA BRTEN NAS SKYE'AM, 'ON TE GANG ZAG GAM, GNYI GA LA BRTEN NAS SKYE, GAL TE GZUGS RNAMS LA BRTEN NAS SKYE NA NI SGRA LA SOGS PA BZHIN DU GANG ZAG DAM PAR SHES PAR MI NUS TE, YUL GANG KHO NA NA LA BRTEN NAS RNAM PAR SHES PA SKYE BA DE NYID DE'I DMIGS PA'I RKYEN YIN NO, ,'ON TE GANG ZAG GAM, GNYI GA LA BRTEN NAS SKYE'O ZHE NA, 'DI NI MDO LAS THAL BA YIN TE, MDO LAS NI, GNYIS LA BRTEN NAS RNAM PAR SHES PA SKYE BA YIN NO ZHES NGES PAR GZUNG NGO, ,DE BZHIN DU DGE SLONG MIG GI RNAM PAR SHES PA SKYED PA LA, RGYU NI MIG YIN NO, ,RKYEN NI GZUGS RNAMS YIN NO, ,DE CI'I PHYIR ZHE NA, MIG GI RNAM PAR SHES PA GANG CI YANG RUNG BA DE THAMS CAD NI MIG DANG GZUGS RNAMS LA BRTEN NAS SKYE'O ZHES GSUNGS SO, ,DE LTA NA NI GANG ZAG MI RTAG PAR 'GYUR @85A *, ,TE; MDO LAS, MIG GI RNAM PAR SHES PA SKYED PA LA RGYU GANG DAG YIN BA DANG, RKYEN GANG YIN PA DE DAG KYANG MI RTAG PA YIN NO ZHES GSUNGS PA'I PHYIR RO, ,'ON TE DE'I DMIGS PA GANG ZAG MA YIN NA 'O NA NI DES RNAM PAR SHES PAR BYA BA MA YIN PAR 'GYUR RO, ,GAL TE YANG GANG ZAG RNAM PAR SHES PA DRUG GIS RNAM PAR SHES BAR BYA BA YIN PAR DAM 'CHA' NA NI DE RNA BA'I RNAM PAR SHES PAS RNAM PAR SHES PAR BYA BA YIN PA'I PHYIR GZUGS LAS GZHAN YIN PAR 'GYUR TE, SGRA BZHIN NO, ,MIG GI RNAM PAR SHES PAS RNAM PAR SHES PAR BYA BA YIN PA'I PHYIR SGRA LAS GZHAN YIN PAR 'GYUR TE GZUGS BZHIN NO, ,DE BZHIN DU GZHAN DAG LA YANG SBYAR BAR BYA'O, ,BRAM ZE DBANG PO LNGA PO 'DI DAG NI SPYOD YUL THA DAD PA CAN YIN ZHING YUL THA DAD BA CAN YIN TE, RANG RANG GI SPYOD YUL DANG YUL SO SOR NYAMS SU MYONG BA YIN GYI GZHAN GYI SPYOD YUL DANG YUL NYAMS SU MYONG BA NI MA YIN PA DAG STE, 'DI LTA STE, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO LNGA'O, ,YID KYI DBANG BO NI DBANG PO LNGA PO 'DI DAG GI SPYOD YUL DANG YUL NYAMS SU MYONG BA YIN ZHING, YID KYI DBANG PO NI 'DI DAG GI RTEN YIN NO ZHES GSUNGS PA'I MDO'I TSIG 'DI DANG YANG 'GAL BAR 'GYUR RO, ,YANG NA GANG ZAG YUL MA YIN PAR 'GYUR RO, ,GAL TE YUL MA YIN NO ZHE NA, 'O NA NI RNAM PAR SHES PAR BYA BA MA YIN PAR 'GYUR RO, ,GAL TE DE LTA NA YID KYI DBANG PO YANG 'KHRUL PA MED BAR 'GYUR TE, SROG CHAGS DRUG PA LTA BU'I MDO LAS, DBANG PO DRUG PO 'DI DAG NI SPYOD YUL THA DAD BA CAN YIN ZHING YUL THA DAD PA CAN YIN TE, RANG RANG GI SPYOD YUL DANG YUL 'DOD PA DAG YIN NO ZHES GSUNGS SO, ,DER NI DBANG PO KHO NA LA DBANG PO YIN PAR MA GSUNGS KYI LNGA PO DANG DE DAG GI RNAM PAR SHES PA RNAMS NI MTHONG BA LA SOGS PAR 'DOD MI SRID PA'I PHYIR DE DAG GI DBANG GIS DRANGS PA'I YID KYI RNAM PAR SHES PA NI DBANG PO YIN PAR GSUNGS SO, ,YID KYI DBANG PO 'BA' ZHIG GIS DRANGS PA'I YID KYI RNAM PAR SHES PA GANG YIN PA DE NI DE LAS @85B GZHAN PA DAG GI SPYOD YUL LA MI 'DOD PA NYID PAS DE'I PHYIR DE NYES PA MED DO, ,BCOM LDAN 'DAS KYIS KYANG DGE SLONG DAG MNGON PAR SHES PAR BYA BA DANG, YONGS SU SHES PAR BYA BA'I CHOS KYI RNAM GRANGS THAMS CAD BSHAD PAR BYA'O ZHES GSUNGS NAS, MNGON PAR SHES PAR BYA BA DANG, YONGS SU SHES PAR BYA BA NI MIG DANG, GZUGS RNAMS DANG, MIG GI RNAM PAR SHES BA DANG, MIG GI 'DUS TE REG PA DANG, GANG YANG MIG GI 'DUS TE REG PA'I RKYEN GYIS NANG GI TSOR BA BDE BA'AM, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA SKYE BA DE DANG ZHES BYA BA NAS YID KYI 'DUS TE REG PA'I RKYEN GYIS NANG GI ZHES BYA BA'I BAR DU RGYAS PAR GSUNGS TE, 'DI NI MNGON PAR SHES PAR BYA BA DANG, YONGS SU SHES PAR BYA BA'I CHOS KYI RNAM GRANGS THAMS CAD YIN NO ZHES GSUNGS SO, ,DE'I PHYIR MNGON PAR SHES PAR BYA BA DANG, YONGS SU SHES PAR BYA BA NI DE SNYED CIG YIN PAR NGES PAR GZUNG GI, GANG ZAG NI MA YIN PAS, DE LTA BAS NA 'DI RNAM PAR SHES PAR BYA BA YANG MA YIN TE, SHES RAB DANG RNAM PAR SHES PA GNYIS NI YUL 'DRA BA'I PHYIR RO, ,GANG ZAG PA RNAMS MIG GIS GANG ZAG BLTA'O ZHES GANG ZAG LTA BA NI BDAG MED PAS BDAG BLTA'O ZHES BYA BA YIN PAS BDAG TU LTA BA'I GNAS SU GYUR BA YANG YIN NO, ,BCOM LDAN 'DAS KYIS KYANG MDO LAS, PHUNG BO RNAMS KHO NA LA GANG ZAG CES BYA'O ZHES 'DI NGES PAR MDZAD DO, ,NGES PA'I DON GYI MDO LAS KYANG, MIG DANG GZUGS RNAMS LA BRTEN NAS MIG GI RNAM PAR SHES PA SKYE'O, ,GSUM 'DUS PAS NI REG PA'O, ,LHAN CIG SKYES PAS NI TSOR BA DANG 'DU SHES DANG SEMS PA DAG STE, DE LTAR NA GZUGS CAN MA YIN PA'I PHUNG PO DE BZHIN DANG, GZUGS CAN MIG GI DBANG PO DANG DE SNYED CIG LA MI NYID CES BYA'O, ,'DI LA SEMS CAN DANG, MING DANG SHED LAS SKYES DANG, SHENG BU DANG, GSO BA DANG, GANG ZAG DANG, SROG DANG, SKYE BO ZHES BYA BA 'DI NI MING YIN NO, ,'DI LA BDAG GIS MIG GI GZUGS RNAMS BLTA'O ZHES BYA BA 'DI NI KHAS 'CHE BA YIN NO, ,'DI LA NI 'DI LTAR TSE DANG LDAN PA DE'I MING NI @86A *, ,'DI ZHES BYA, RIGS NI 'DI ZHES BYA, RUS NI 'DI ZHES BYA, KHA ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG, TSE NI 'DI TZAM ZHIG THUB, YUN NI JI SRID CIG GNAS, TSE'I MTHA' NI 'DI TZAM ZHIG GO ZHES BYA BA 'DI NI THA SNYAD YIN NO, ,DGE SLONG DAG DE LTAR NA 'DI DAG NI MING TZAM, 'DI DAG KHAS 'CHE BA TZAM, 'DI DAG NI THA SNYAD TZAM STE, CHOS 'DI DAG THAMS CAD NI MI RTAG PA, 'DUS BYAS PA, SEMS PAS 'PHANGS PA, RTEN CING 'BREL BAR 'BYUNG BA DAG YIN NO ZHES GSUNGS SO, , BCOM LDAN 'DAS KYIS KYANG NGES PA'I DON GYI MDO LA BRTEN PAR GSUNGS TE, DE LTA BAS NA 'DI NI YANG DANG YANG DU BRTAG PAR BYA BA YIN NO, ,DE BZHIN DU BRAM ZE THAMS CAD YOD DO ZHES BYA BA NI 'DI LTA STE, SKYE MCHED BCU GNYIS DAG TU ZAD DO ZHES KYANG GSUNGS SO, ,GAL TE GANG ZAG 'DI SKYE MCHED MA YIN NA NI DE YOD PA MA YIN NO ZHES BYA BAR GRUB BO, ,'ON TE SKYE MCHED YIN NO ZHE NA, 'O NA NI BRJOD PAR BYA BA MA YIN NO, ,DE DAG GI LTAR NA YANG 'DI SKAD DU DGE SLONG MI JI SNYED PA DANG, GZUGS JI SNYED PA ZHES BYA BA RGYAS PAR GSUNGS NAS, DGE SLONG 'DI JI SNYED CIG NI DE BZHIN GSHEGS PA THAMS CAD 'DOGS PAR MDZAD DO, ,THAMS CAD BRTAGS SO ZHES GSUNGS SO ZHES 'DON TO, ,GZUGS CAN SNYING PO'I MDO LAS KYANG, DGE SLONG DAG BDAG DANG BDAG GI ZHES BYA BA NI BYIS PA SO SO'I SKYE BO THOS PA DANG MI LDAN PAS BRTAGS PA LA LHUNG BAR ZAD DE, 'DI LA BDAG GA BDAG GI NI MED KYI SDUG BSNGAL 'DI SKYE BA NA SKYE BAR ZAD DO ZHES BYA BA RGYAS PAR GSUNGS SO, ,DGRA BCOM PA DRUG GIS KYANG BDUD LAS BRTZAMS NAS, SEMS CAN ZHES BYA BDUD CI SEMS, ,KHYOD NI LTA BAR GYUR PA YIN, ,'DU BYED PHUNG PO 'DI STONG STE; ,'DI LA SEMS CAN YOD MA YIN, ,JI LTAR YAN LAG TSOGS RNAMS LA, ,SHING RTA'I MING DU BSHAD PA LTAR, ,DE BZHIN PHUNG PO RNAMS BRTEN NAS, KUN RDZOB SEMS CAN ZHES BYA'O, ,ZHES BSHAD DO, ,LUNG PHRAN TSEGS LAS KYANG, BRAM ZE RGYA SHUG GI BU'I DBANG DU BYAS NAS, @86B JI LTAR SEMS NI KUN NYON MONGS, ,JI LTAR SEMS NI RNAM BYANG DANG, ,MDUD PA THAMS CAD 'JIG BYED PA'I, ,CHOS NI RGYA SHUG BU KHYOD NYON, ,BDAG NYID KYIS NI BDAG MED DE, ,PHYIN CI LOG GIS RTOGS PAR BYED, ,'DI LA BDAG GAM SEMS CAN MED, ,CHOS 'DI DAG NI RGYU DANG BCAS, ,SRID PA'I YAN LAG BCU GNYIS DANG, ,PHUNG PO SKYE MCHED KHAMS RNAMS TE, ,RNAM PAR BSAMS NA 'DI KUN LA, ,GANG ZAG DMIGS PA MA YIN NO, ,NANG GI STONG PA YIN PAR LTOS, ,PHYI ROL GNAS PA STONG PAR LTOS, ,RANG BZHIN STONG PA NYID BSGOM PA, ,DE YANG 'GA' YANG MI DMIGS SO, ,ZHES GSUNGS SO, ,DE BZHIN DU BDAG TU DMIGS PA LA NYES DMIGS LNGA YOD DO, ,BDAG TU LTA BA DANG SEMS CAN DU LTA BA DANG, SROG TU LTA BAR 'GYUR, MU STEGS CAN RNAMS DANG KHYAD PAR MED PAR 'GYUR, ,LAM GOL BAR ZHUGS PAR 'GYUR, 'DI'I SEMS STONG PA NYID LA MI 'JUG CING RAB TU DANG BAR MI 'GYUR LA YANG DAG PAR MI GNAS PAS RNAM PAR GROL BAR MI 'GYUR, 'DI'I 'PHAGS PA'I CHOS RNAMS RNAM PAR BYANG BAR MI 'GYUR RO ZHES GSUNGS SO, ,DE DAG NI GZHUNG 'DI TSAD MAR MI BYED PA NYID DO, , CI'I PHYIR ZHE NA, 'DI KHO BO CAG GI SDE PA MI 'DON TO ZHES ZER RO, ,CI DE DAG LA SDE PA KHO NA TSAD MA YIN NAM, 'ON TE SANGS RGYAS KYI BKA' TSAD MA YIN, GAL TE SDE PA KHO NA TSAD MA YIN NA 'O NA NI DE DAG GI STON PA YANG SANGS RGYAS MA YIN LA, SH'AKYA'I BU YANG MA YIN PAR 'GYUR, 'ON TE SANGS RGYAS KYI BKA' TSAD MA YIN NO ZHE NA NI GZHUNG 'DI CI'I PHYIR TSAD MA MA YIN, ,'DI NI SANGS RGYAS KYI BKA' MA YIN NO, ,DE CI'I PHYIR ZHE NA NI, KHO BO CAG GI SDE PA MI 'DON PA'I PHYIR RO ZHES ZER RO ZHES GRAG GO, ,'DI NI MI RIGS PAR ZHUGS PA YIN NO, ,'DIR MI RIGS PA GANG ZHIG YIN ZHE NA, GZHUNG GANG ZHIG SDE PA GZHAN THAMS CAD LAS 'BYUNG LA MDO DANG, CHOS NYID DANG YANG MI 'GAL BDE KHO BO CAG MI 'DON PA'I PHYIR SANGS RGYAS KYI BKA' MA YIN NO ZHES SMRA BA STE, GZU LUMS TZAM 'BA' ZHIG TU ZAD DO, ,GZHAN YANG DE DAG LA CHOS @87A *, ,THAMS CAD NI BDAG MED PA'O ZHES BYA BA'I MDO 'DI YANG MED DAM, GANG ZAG NI CHOS ZHES KYANG MI BYA LA CHOS LAS GZHAN ZHES KYANG MI BYA'O ZHES BYA BAR 'DOD PAR GYUR NA, DE LTA NA NI YID KYI RNAM PAR SHES PAR BYA BAR MI 'GRUB STE, GNYIS LA BRTEN NAS RNAM PAR SHES PA SKYE'O ZHES NGES PAR GSUNGS PA'I PHYIR RO, ,BDAG MED PA LA BDAG GO SNYAM DU 'DU SHES PHYIN CI LOG PA DANG, SEMS PHYIN CI LOG PA DANG, LTA BA PHYIN CI LOG PA ZHES BYA BA 'DI KHO NA LA YANG JI LTAR RTOG ,BDAG MED PA LA BDAG GO SNYAM PA PHYIN CI LOG YIN GYI BDAG LA NI MA YIN NO, ,BDAG MED PA YANG GANG ZHIG YIN, PHUNG PO DANG SKYE MCHED DANG, KHAMS RNAMS YIN NO, ,RE ZHIG SNGAR GZUGS RNAMS ZHES KYANG BRJOD PAR MI BYA'O, ,GZUGS RNAMS MA YIN ZHES KYANG BRJOD PAR MI BYA'O ZHES SMRAS PA GANG YIN PA NI BSAL TO, ,MDO GZHAN LAS, DGE SLONG DAG DGE SBYONG DAM BRAM ZE GANG LA LA BDAG GO SNYAM DU RJES SU LTA BA DE DAG THAMS CAD NI NYE BAR LEN PA'I PHUNG PO LNGA PO 'DI DAG KHO NA LA ZHES GSUNGS TE, DE LTA BAS NA BDAG TU 'DZIN PA THAMS CAD NI BDAG MED PA KHO NA LA YIN NO, ,DE BZHIN DU GANG LA SNGON GYI GNAS RNAM PA DUM RJES SU DRAN PAR GYUR TAM, RJES SU DRAN NAM, RJES SU DRAN PAR 'GYUR BA DE DAG THAMS CAD NI NYE BAR LEN PA'I PHUNG PO LNGA PO 'DI DAG KHO NA LA ZHES GSUNGS SO, ,GAL TE DE LTA NA NI CI'I PHYIR BDAG NI 'DAS PA'I DUS NA GZUGS 'DI LTA BU DANG LDAN PAR GYUR TO ZHES GSUNGS, GANG DAG DE LTAR RNAM PA DU MA RJES SU DRAN PA ZHES BYA BA RAB TU STON PAR BYED DO, ,GAL TE GANG ZAG GZUGS DANG LDAN PAR LTA BAR GYUR NA 'JIG TSOGS LA LTA BAR THAL BAR 'GYUR BAS 'DI LA NI MA BTON PA KHO NA SKYABS YIN NO, ,DE LTA BAS NA GANG ZAG NI BTAGS PA'I YOD PA YIN TE, PHUNG PO DANG RGYUN LA SOGS PA BZHIN NO, ,GAL TE DE LTAR NA 'ON NI SANGS RGYAS THAMS CAD MKHYEN PA MA YIN PAR 'GYUR TE, THAMS CAD SHES PAR 'GYUR BA'I SEMS SAM SEMS LAS BYUNG BA GANG YIN PA DE NI CUNG ZAD KYANG MED DO, SKAD CIG MA YIN PA'I PHYIR GANG ZAG GIS NI SHES PAR 'GYUR RO, ,DE LTA NI 'O NA SEMS @87B 'JIG PA NA GANG ZAG MI 'JIG PAR KHAS BLANGS PA'I PHYIR 'DI RTAG PA NYID DU KHAS BLANGS PA YIN NO, ,KHO BO CAG NI THAMS CAD MKHYEN PA MNGON SUM DU GYUR PA'I PHYIR SANGS RGYAS THAMS CAD MKHYEN PA YIN PAR NI MI SMRA'O, ,'O NA JI LTA BU ZHE NA, MTHU YOD PA'I PHYIR TE, SANGS RGYAS ZHES BYA BA'I RGYUD GANG YIN PA DE LA GANG DU BZHED PAR GTANG BA TZAM GYIS PHYIN CI MA LOG PA'I MKHYEN PA SKYE BA GANG YIN PA'I MTHU 'DI YOD DO, ,'DIR SMRAS PA, RGYUN GYIS SBYOD PA'I PHYIR NA DPER, ,ME YIS THAMS CAD SREG 'DOD LTA, ,DE BZHIN THAMS CAD MKHYEN 'DOD BYA'I, ,CIG CAR THAMS CAD MKHYEN PHYIR MIN, , 'DI JI LTAR KHONG DU CHUD CE NA, 'DAS PA LA SOGS PA GSUNGS PA'I PHYIR TE, RDZOGS SANGS RGYAS 'DAS GANG DAG DANG, ,SANGS RGYAS MA BYON GANG DAG DANG, ,DA LTA'I RDZOGS SANGS RGYAS GANG YIN, ,MANG PO RNAMS NI MYA NGAN SEL, ,ZHES GSUNGS SO, ,KHYED CAG KYANG PHUNG PO RNAMS KHO NA DUS GSUM PA YIN PAR 'DOD KYI GANG ZAG NI MA YIN NO, ,GAL TE PHUNG PO RNAMS KHO NA GANG ZAG YIN NA CI'I PHYIR DGE SLONG DAG KHYED LA KHUR YANG BSTAN TO, ,KHUR LEN PA DANG, KHUR 'DOR BA DANG, KHUR KHYER BA YANG BSTAN GYI ZHES GSUNGS, CI'I PHYIR GSUNGS PAR MI BYA, KHUR NYID KHUR KHYER BA YIN PAR NI RIGS PA MA YIN TE, CI'I PHYIR ZHE NA, DE LTA BU MI SNANG BA'I PHYIR RO, ,BRJOD PAR BYA BA MA YIN PA YANG RIGS PA MA YIN TE, CI'I PHYIR ZHE NA, DE LTA BU MI SNANG BA'I PHYIR RO, ,KHUR LEN PA YANG PHUNG POS MA BSDUS PAR YANG THAL BAR 'GYUR RO, ,KHUR KHYER BA NI BCOM LDAN 'DAS KYIS CI NAS TSE DANG LDAN PA MING 'DI ZHES BYA BA NAS YUN NI 'DI SRID CIG GNAS NAS TSE'I MTHA' NI 'DI TZAM ZHIG GO ZHES BYA BA'I BAR GANG YIN PA DE NYID SHES PAR 'GYUR ZHING, RTAG PA'AM GANG ZAG CES BYA BA GZHAN DU SHES PAR MI 'GYUR BA DON DE KHO NA'I PHYIR BSTAN TE PHUNG PO SNGA MA RNAMS KHO NA PHUNG PO PHYI MA RNAMS LA GNOD PAR BYED PA YIN PAS KHUR DANG KHUR KHYER BA ZHES BSHAD PA YIN NO, ,GANG ZAG NI YOD PA NYID DE, 'DI LTAR SEMS CAN SKYE BA BA MED DO ZHES ZER BA NI LOG PAR LTA BA YIN NO ZHES GSUNGS SO, ,SEMS CAN SKYE BA PA MED DO ZHES SU ZER, JI LTAR BCOM LDAN 'DAS KYIS RNAM PAR PHYE BA LTAR YOD DO, , @88A *, ,ZHES ZER RO, ,DE LTA BAS NA 'DI NI GANG ZHIG PHA ROL DU SKYE BA PA SEMS CAN ZHES BYA BA PHUNG PO'I RGYUN LA SEMS CAN SKYE BA PA MED DO ZHES SKUR PA 'DEBS PA DE'I LOG PAR LTA BA YIN TE, PHUNG PO RNAMS NI SKYE BA PA YIN PA'I PHYIR RO, ,GANG ZAG LA SKUR PA 'DEBS PA 'DI LOG PAR LTA BA YIN NA YANG CI ZHIG GIS SPANG BAR BYA BAR 'GYUR, 'DI BDEN PA MTHONG BAS SPANG BAR BYA BA YIN PAR YANG MI RUNG LA BSGOM PAS SPANG BAR BYA BA YIN PAR YANG MI RUNG STE, GANG ZAG BDEN PA RNAMS KYI KHONGS SU MA GTOGS PA'I PHYIR RO, ,GAL TE 'JIG RTEN NA YANG GANG ZAG GCIG PU SKYE BA NA SKYE'O ZHES GSUNGS PA'I PHYIR PHUNG PO RNAMS MA YIN NO ZHEN MA YIN TE, SPYI LA YANG GCIG NYE BAR 'DOGS PA'I PHYIR TIL GCIG DANG, 'BRAS THUG PO CHE GCIG CES BYA BA LTA BU DANG, PHUNG PO GCIG DANG, TSIG GCIG CES BYA BA BZHIN NO, ,YANG NA GANG ZAG 'DUS BYAS YIN NO ZHES BYA BAR BRJOD PAR BYA STE, SKYE BA DANG LDAN PA NYID DU KHAS BLANGS PA'I PHYIR RO, ,DE NI JI LTAR PHUNG PO RNAMS SNGON MED PA LAS BYUNG BA DE LTAR SKYE BA NI MA YIN NO, ,'O NA JI LTA BU ZHE NA, PHUNG PO GZHAN LEN PA'I PHYIR TE, DPER NA RIG PA BLANGS PA'I PHYIR MCHOD SBYIN PA SKYES SO, ,BRDA SPROD PA PA SKYES SO ZHES BYA BA DANG, RTAGS BLANGS PA'I PHYIR DGE SLONG SKYES SO, ,KUN DU RGYU SKYES SO ZHES BYA BA DANG, GNAS SKABS GZHAN BLANGS PA'I PHYIR RGA BA SKYES SO, ,NA BA SKYES SO ZHES BYA BA BZHIN NO, ,MA YIN TE, BKAG PA'I PHYIR RO, ,BCOM LDAN 'DAS KYIS DON DAM PA STONG PA NYID KYI MDO KHON LAS, DGE SLONG DAG LAS NI YOD DO, ,RNAM PAR SMIN PA NI YOD DO, ,CHOS SU BRDAR BTAGS PA MA GTOGS PA GANG ZHIG PHUNG PO 'DI RNAMS 'DOR BAR BYED CING PHUNG PO GZHAN DAG NYID MTSAMS SBYOR BAR BYED PA'I BYED PA PO NI MI DMIGS SO ZHES GSUNGS SO, ,DBO LAS SKYES KYI MDO LAS KYANG, DBO LAS SKYES LEN CES MI BA'O ZHES GSUNGS TE, DE LTA BAS NA PHUNG PO RNAMS LEN PAR BYED PA YANG 'GA' YANG MED LA, 'DOR BAR BYED PA YANG MED DO, ,RE ZHIG KHYOD MCHOD SBYIN PA NAS RGA BA'I BAR GANG GI DBANG DU BYAS NAS DPER BYED, GAL TE GANG ZAG YIN NO ZHEN NI DE MA GRUB BO, ,'ON TE SEMS DANG SEMS LAS BYUNG BA RNAMS YIN NO ZHE NA NI DE @88B DAG SKAD CIG RE RE LA SNGON MED PA LAS SKYE BA KHON YIN NO, ,'ON TE LUS YIN NO ZHE NA, DE YANG DE DANG 'DRA LA, LUS DANG, RIG BA DANG, RTAGS BZHIN DU PHUNG PO DANG GANG ZAG GNYIS GZHAN NYID DU YANG 'GYUR RO, ,RGA BA DANG NA BA YANG LUS GZHAN KHON YIN NO, ,GRANGS CAN PA'I 'GYUR BAR SMRA BA NI BKAG ZIN TO, , DE LTA BAS NA 'DI DAG NI DPE NGAN PA YIN NO, ,GAL TE YANG PHUNG PO RNAMS NI SNGON MED PA LAS SKYES PA YIN LA, GANG ZAG NI MA YIN PAR 'DOD NA NI DE DE DAG LAS GZHAN PA DANG, RTAG PAR GSAL BAR YONGS SU BSTAN PA YIN NO, ,PHUNG PO NI LNGA'O, ,GANG ZAG NI GCIG GO ZHES SMRA BAS JI LTAR NA GZHAN NYID DU MI BRJOD, RE ZHIG JI LTAR NA 'BYUNG BA DAG NI BZHI YIN, GZUGS NI GCIG YIN LA 'BYUNG BA RNAMS LAS GZUGS GZHAN YANG MA YIN, SMRA BA 'DI NI PHYOGS LA YOD PA YIN NO, ,PHYOGS GANG LA ZHE NA, 'BYUNG BA TZAM PA'I PHYOGS LA'O, ,DE LTA NA YANG JI LTAR 'BYUNG BA TZAM GZUGS YIN PA DE BZHIN DU PHUNG PO TZAM GANG ZAG YIN PAR KHAS BLANGS PA YIN NO, ,GAL TE PHUNG PO TZAM GANG ZAG YIN NA CI'I PHYIR BCOM LDAN 'DAS KYIS SROG DE NYID LUS YIN PA'AM, GZHAN YIN NO ZHES LUNG MA BSTAN ZHE NA, 'DRI BA PO'I BSAM PA LA LTOS PA'I PHYIR TE, DES NA NI NANG GI BYED PA'I SKYES BU SROG GI RDZAS GCIG PO DRIS SO, ,DE YANG 'GA' YANG MED NA 'DI JI LTAR GZHAN NYID DAM GZHAN MA YIN PA NYID LUNG BSTAN PAR BYA STE, RUS SBAL GYI YUL BA SHOR RAM 'JAM ZHES BYA BA BZHIN NO, ,MDUD PA 'DI NI SNGA MA DAG KHO NAS KYANG BKROL ZIN TE, RGYAL PO DES 'DU SBYIN GNAS BRTAN KLU SDE'I THAD DU 'ONGS NAS BTZUN PA DGE SBYONG RNAMS NI SMRA BA MANG BA MA LAGS SO, ,GAL TE GANG DRIS PA DE NYID LAN 'DEBS NA BDAG 'DRI BAR 'TSAL LO ZHES SMRAS SO, ,DRIR GSOL ZHES SMRAS PA DAG CI LAGS, SROG DE NYID LUS LAGS SAM, SROG KYANG GZHAN LAGS LA LUS KYANG GZHAN LAGS ZHES DRIS SO, ,GNAS BRTAN GYIS 'DI NI LAN MI GDAGS PA YIN NO ZHES SMRAS PA DANG, DES SMRAS PA, BDAG GIS SNGA NAS BTZUN PA GZHAN LUNG BSTAN PAR MI BYA'O ZHES DAM 'CHAR GSOL BA MA LAGS SAM, CI'I SLAD DU 'DI SKAD DU 'DI NI LAN MI GDAB PA YIN NO ZHES GZHAN KHO NA GSUNGS, GNAS BRTAN GYIS @89A *, ,SMRAS PA, RGYAL PO CHEN PO RGYAL PO RNAMS NI SMRA BA MANG BA LAGS SO, ,GAL TE GANG DRIS PA DE NYID LAN 'DEBS NA BDAG KYANG 'DRI BAR 'TSAL LAGS SO, ,DRIR GSOL ZHES SMRAS PA DANG, KHYOD KYI SLAS LA SHING LJON PA AA MRA 'BRAS BU YOD PA GANG YIN PA DE'I 'BRAS BU RNAMS CI SKYUR RAM 'ON TE MNGAR LAGS ZHES DRIS SO, ,BDAG GI SMRAS LA SHING LJON PA AA MRA NYID 'GA' YANG MED DO ZHES SMRAS SO, ,BDAG GIS SNGA NAS RGYAL PO CHEN PO GZHAN LUNG BSTAN PAR MI BYA'O ZHES DAM 'CHAR GSOL BA MA LAGS SAM, CI'I SLAD DU 'DI SKAD DU SHING LJON PA AA MRA NYID MED DO ZHES GZHAN KHON GSUNGS, DES SMRAS PA, JI LTAR NA SHING LJON PA MED PA'I 'BRAS BU RNAMS SKYUR BA'AM MNGAR BA NYID DU LUNG BSTAN PAR BYA, RGYAL PO CHEN PO DE BZHIN DU SROG DE NYID MED NA CI'I SLAD DU 'DI LUS LAS GZHAN PA NYID DAM GZHAN MA YIN PA NYID DU LUNG BSTAN PAR BGYI ZHES BYA BA LTA BU'O, ,CI'I PHYIR BCOM LDAN 'DAS KYIS KYANG MED PA KHO NA'O ZHES MA GSUNGS SHE NA, DRI BA PO'I BSAM PA LA LTOS PA'I PHYIR TE, DES SROG CES BYA BA PHUNG PO'I RGYUN GANG YIN PA DE YANG MED PAR GO BAR GYUR NA LOG PAR LTA BAR LTUNG BAR 'GYUR TE, RTEN CING 'BREL PAR 'BYUNG BA MI SHES PA'I PHYIR RO, ,DE NI DE BSTAN PA YANG MI BZOD DO, ,'DI NI BCOM LDAN 'DAS KYIS KUN DGA' BO KUN DU RGYU GNAS PA DANG, RUS MTHUN PAS DRI BA DRIS PA DAG YOD DO ZHES LUNG BSTAN NA NI CHOS THAMS CAD BDAG MED PAS TSIG MA LEGS PA MA YIN NAM, KUN DGA' BO KUN DU RGYU GNAS PA DANG RUS MTHUN PA'I DRI BA DRIS PA BDAG MED DO ZHES LUNG BSTAN NA NI KUN TU RGYU GNAS PA DANG RUS MTHUN PA'I SNGA NAS KUN DU RMONGS PA YOD PA DAG GIS BDAG SNGON YOD PAR GYUR PA LAS DA NI BDAG GI DE YANG MED DO ZHES KUN DU RMONGS PA PHYIR ZHING CHES RGYAS PAR 'GYUR BA MA YIN NAM, KUN DGA' BO BDAG YOD CES BYA BA NI RTAG PA'I MTHAR 'GYUR RO, , KUN DGA' BO BDAG MED CES BYA BA NI CHAD PA'I MTHAR 'GYUR RO ZHES RGYAS PAR GSUNGS PA GANG YIN PA 'DI LAS KYANG DE BZHIN DU NGES PAR ZUNG SHIG ,'DIR SMRAS PA, LTA BA'I MCHE BAS SMRAS PA DANG, ,LAS RNAMS 'JIG PA LA LTOS NAS, ,STAG MOS PHRU GU KHYER BA LTAR, ,RGYAL BAS CHOS NI STON PAR @89B MDZAD, ,BDAG YOD NYID DU KHAS BLANGS NAS, ,LTA BA'I MCHE BAS SMRAS PAR GYUR, ,KUN RDZOB RTOG PAR MA GYUR NAS, ,DGE BA PHRU GU NYAMS BYED 'GYUR, ,YANG SMRAS PA, MED PHYIR BCOM LDAN 'DAS KYIS SROG ,DE NYID GZHAN DU MA GSUNGS SO, ,BRTAGS PA'ANG MED DU 'GYUR 'ONG BAS, ,MED DO ZHES KYANG MA GSUNGS SO, ,PHUNG PO'I RGYU NI GANG LA DGE ,MI DGE'I 'BRAS BU YOD PA NYID, ,DE LA SROG CES BYA STE DE, ,SROG MING BSTAN PAS MED PAR 'GYUR, ,SROG CES BYA BA PHUNG PO LA, ,BTAGS TZAM ZHES KYANG MA GSUNGS TE, ,DE TSE'I SKYE BO DE 'DRA STE, ,STONG NYID RTOGS PA'I SKAL LDAN MIN, ,'DI LTAR GNAS PAS BDAG YOD DAM, ,MED CES DRI BA 'DRI BA YI, ,BSAM PA LA LTOS MA GSUNGS TE, ,YOD NA CI PHYIR YOD MI GSUNGS, ,'JIG RTEN RTAG CES BYA BA LA SOGS PA YANG 'DRI BA PO'I BSAM PA LA LTOS NAS LUNG MA BSTAN TE, RE ZHIG GAL TE 'JIG RTEN BDAG YIN BAR 'DOD PAR GYUR NA NI DE MED PA'I PHYIR LUNG MA BSTAN PA RNAM PA BZHI CHAR MI RIGS SO, ,'ON TE 'JIG RTEN 'KHOR BA THAMS CAD YIN NO ZHE NA NI DE YANG RIGS PA MA YIN TE, 'JIG RTEN RTAG NA 'GA' YANG YONGS SU MYA NGAN LAS 'DA' BAR MI 'GYUR RO, ,MI RTAG NA NI THAMS CAD CHAD PAR 'GYUR RO, ,GNYI GA LTAR YIN NA NI KHA CIG NI NGES PAR YONGS SU MYA NGAN LAS 'DA' BAR 'GYUR LA KHA CIG NI MI 'GYUR RO, ,GNYI GA LTAR MA YIN NA NI YONGS SU MYA NGAN LAS 'DA' BA YANG MA YIN, YONGS SU MYA NGAN LAS MI 'DA' BA YANG MA YIN PA KHO NAR 'GYUR RO, ,DE'I PHYIR YONGS SU MYA NGAN LAS 'DA' BA NI LAM LA RAG LUS PA'I PHYIR RNAM PA BZHI CHAR YANG NGAS PAR LUNG MI STON TE, GCER BU PA'I NYAN THOS KYIS PHYI'U BZUNG BA BZHIN NO, ,DE NYID KYI PHYIR 'JIG RTEN MTHA' DANG LDAN ZHES BYA BA LA SOGS PA RNAM PA BZHI YANG LUNG MA BSTAN TE, BZHI TSAN 'DI NI DON MTHUN NO, ,'DI LTAR KUN DU RGYU SMRA BYED KYIS BZHI TSAN 'DI ZHUS NAS YANG CI LAGS, 'JIG RTEN THAMS CAD LAM 'DI NGES PAR 'BYUNG NGAM, 'ON TE 'JIG RTEN PHYOGS GCIG LAGS ZHES ZHUS PA DANG, GNAS BRTAN KUN DGA' BOS SMRA BYED KHYOD KYIS BCOM LDAN 'DAS LA DANG PO NYID DU ZHU BA ZHUS PA GANG YIN PA DE NYID DE RNAM GRANGS GZHAN GYIS 'DRI'AM ZHES SMRA'O, ,DE BZHIN 'ONGS PA SHI PHAN CHAD YON DAM ZHES BYA BA @90A *, ,BZHI TSAN 'DI YANG DRI BA PO'I BSAM PA LA LTOS NAS LUNG MA BSTAN TE, DES NI BDAG GROL BA DE BZHIN 'ONGS PA YIN PAR BSAMS NAS ZHU BA ZHUS SO, ,GANG ZAG PA RNAMS LA BRGAL ZHING BRTAG PAR BYA STE, BCOM LDAN 'DAS KYIS CI'I PHYIR GANG ZAG GSON PO NI YOD DO ZHES LUNG STON LA SHI PHAN CHAD NI LUNG MI STON, RTAG PA'I NYES PAR THAL BAR 'GYUR BA'I PHYIR RO, ,'O NA NI CI'I PHYIR BYAMS PA KHYOD MA 'ONGS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG STON, CI'I PHYIR CHE GE MO ZHIG TU SKYES SO ZHES NYAN THOS 'DAS PA DUS 'DAS PA SKYE BA LA LUNG STON, DE LTA YIN NA NI RTAG PA NYID DU THAL BAR 'GYUR RO, ,GAL TE YANG BCOM LDAN 'DAS KYIS GANG ZAG SNGAR GZIGS LA YONGS SU MYA NGAN LAS 'DAS NAS KYANG MI GZIGS TE, MI MKHYEN PA'I PHYIR LUNG MI STON TO ZHE NA NI, STON PA'I THAMS CAD MKHYEN PA NYID BSAL BA YIN NO, ,YANG NA NI DE MED DO ZHES KHAS BLANG BAR BYA DGOS SO, ,'O NA TE GZIGS NA NI MA GSUNGS BZHIN DU YANG DE YOD PA DANG RTAG PA ZHES BYA BAR GRUB PA YIN NO, ,'ON TE GZIGS SAM MI GZIGS ZHES BYA BA 'DI YANG BRJOD PAR MI BYA BA YIN NA, DE LTA NA NI 'O NA BCOM LDAN 'DAS THAMS CAD MKHYEN PA YIN NAM MA YIN ZHES BYA BA 'DI YANG RIM GYIS MI BRJOD PAR GYIS SHIG ,GANG ZAG NI YOD PA NYID DE, 'DI LTAR BDEN PA DANG, GNAS PAR BDAG GI BDAG MED DO SNYAM PA NI LTA BA'I GNAS SU GSUNGS SO, ,YOD DO SNYAM PA YANG LTA BA'I GNAS SU GSUNGS TE, DE LTA BAS NA 'DI NI KHUNGS SU MI RUNG NGO, ,CHOS MNGON BA BA RNAMS NA RE 'DI GNYI GA YANG MTHAR 'DZIN PA YIN TE, RTAG PA DANG CHAD PAR LTA BAS BSDUS PA DAG YIN NO ZHES ZER RO, ,DE KHO NA BZHIN DU RIGS TE GNAS MA BU'I MDO LAS, KUN DGA' BO BDAG YOD CES BYA BA MI RTAG PAR 'GYUR RO, ,KUN DGA' BO BDAG MED CES BYA BA NI CHAD PAR 'GYUR RO ZHES GSUNGS PA'I PHYIR RO, ,GAL TE YANG GANG ZAG MED NA 'KHOR BA 'DI SU'I YIN, 'KHOR BA NYID 'KHOR BAR RIG PA MA YIN NO, ,BCOM LDAN 'DAS KYIS KYANG SEMS CAN MA RIG PA'I SGRIB PA CAN KUN DU RGYU BA RNAMS 'KHOR RO ZHES GSUNGS SO, ,YANG GANG ZAG JI LTAR 'KHOR PHUNG PO GZHAN 'DOR BA DANG, @90B LEN PA'I PHYIR RO, ,PHYOGS 'DI NI LAN BTAB ZIN TO, ,JI LTAR ME SKAD CIG MA YIN YANG RGYUN GYIS DRO BA DE BZHIN DU SRED PA NYE BAR LEN PA CAN SEMS CAN ZHES BYA BA PHUNG PO'I TSOGS 'KHOR RO, ,GAL TE 'DI PHUNG PO TZAM YIN NA CI'I PHYIR BCOM LDAN 'DAS KYIS NGA NYID DE'I TSE DE'I DUS NA MIG BZANGS ZHES, BYA BA'I STON PAR GYUR TO ZHES GSUNGS SO, ,CI'I PHYIR GSUNG BAR MI 'GYUR, PHUNG PO RNAMS GZHAN YIN PA'I PHYIR RO, ,'O NA CI DE NYID GANG ZAG YIN NA NI RTAG PAR 'GYUR RO, ,DE LTA BAS NA NGA NYID DE YIN NO ZHES BYA BA NI RGYUD GCIG PA NYID DU STON PAR MDZAD PA YIN TE, DPER NA ME DE NYID SREG CING 'ONGS SO ZHES BYA BA BZHIN NO, ,GAL TE YANG BDAG DE YOD PAR GYUR NA DE BZHIN GSHEGS PA RNAMS KYIS SHIN TU GSAL BA KHO NAR GZIGS PAR 'GYUR RO, ,GZIGS NA YANG BDAG TU 'DZIN PA SHIN TU DAM POR 'GYUR RO, ,BDAG YOD NA BDAG GIR YANG 'GYUR RO ZHES MDO LAS 'BYUNG BA'I PHYIR DE DAG PHUNG PO RNAMS LA BDAG GIR 'DZIN PA LHAG BAR 'BYUNG BAS DE NI DE DAG GI 'JIG TSOGS LA LTA BAR 'GYUR RO, ,BDAG GIR LTA BA YOD NA YANG BDAG GIR CHAGS PAR 'GYUR TE, DE LTA BAS NA BDAG DANG BDAG GIR CHAGS PA'I 'CHING BA SHIN TU DAM POS GLAGS PA DE DAG LA THAR PA THAG RING BAR 'GYUR RO, ,'ON TE BDAG LA CHAGS PA MI 'BYUNG BA KHO NA'O ZHES BYA BAR 'DOD NA, DE NI BDAG MED PA LA NI BDAG TU RMONGS PAS CHAGS PA SKYE'I BDAG NYID LA MI SKYE'O ZHES BYA BA DE GA LA RUNG STE, DE LTA BAS NA KHA CIG NI GANG ZAG TU 'DZIN KHA CIG NI THAMS CAD MED PA NYID DU 'DZIN PA GANG YIN PA DE NI BSTAN PA 'DI LA SKYON BYUNG BA YIN NO, ,MU STEGS BYED GANG DAG BDAG RDZAS GZHAN KHO NA YIN PAR SEMS PA DE DAG GI LTAR NA YANG THAR PA MED PA'I NYES PA 'DI G-YO BA MED PA YIN NO, ,'O NA GAL TE BDAG RNAM PA THAMS CAD DU MED NA SEMS SKAD CIG MA RNAMS LA NYAMS SU MYONG NAS RING MO ZHIG LON PA'I DON JI LTAR DRAN PA'AM NGO SHES PAR 'GYUR, DRAN PA'I YUL LA 'DU SHES PA'I RGYU LAS BYUNG BA'I SEMS KYI KHYAD PAR LAS SO, ,SEMS KYI KHYAD PAR JI LTA BU LAS SHE NA, GANG GI MJUG THOGS SU DRAN PA SKYE BA STE, DE DAG LA RTAG PA DANG 'DRA BA DANG 'BREL BA CAN GYI 'DU SHES LA SOGS PA DANG LDAN PA @91A *, ,DANG RTEN GYI KHYAD PAR DANG, MYA NGAN DANG RNAM PAR G-YENGS PA LA SOGS PAS MTHU MA NYAMS PA CAN LAS SO, ,DE LTA BU YIN YANG DE'I RGYU LAS BYUNG BA MA YIN PA'I SEMS KYI KHYAD PAR GYIS NI DRAN PA DE BSKYED PAR MI NUS SO, ,DE'I RGYU LAS BYUNG BA YIN YANG GZHAN LTA BU NI DRAN PA DE SKYED PAR MI NUS KYI GNYI GA LTAR NA NUS PAS DE LTAR NA DRAN PAR 'GYUR TE, GZHAN LA NI DE'I MTHU MA MTHONG PA'I PHYIR RO, ,NGA NI JI LTAR NA SEMS GZHAN GYIS MTHONG LA GZHAN GYIS DRAN DE LTAR NA NI LHA SBYIN GYIS SEMS KYIS MTHONG LA MCHOD SBYIN GYIS SEMS KYIS DRAN PAR 'GYUR RO, ,MA YIN TE 'BREL PA MED PA'I PHYIR RO, ,DE GNYIS NI RGYU DANG 'BRAS BUR MA GYUR PA'I PHYIR JI LTAR NA RGYUD GCIG LA YOD PA'I RGYU DANG 'BRAS BUR 'BREL BA NI MED DO, ,SEMS GZHAN GYIS MTHONG LA GZHAN GYIS DRAN NO ZHES KYANG MI ZER RO, ,'ON KYANG JI SKAD BSHAD PA LTAR RGYUD YONGS SU 'GYUR BA'I TSUL GYIS MTHONG PA'I SEMS LA DRAN PA'I SEMS GZHAN SKYE'O ZHES BYA BA DE LTA BU LA NYES PA CI ZHIG YOD, DRAN PA KHO NA LAS NGO SHES PA YANG YIN NO, ,BDAG MED NA SU ZHIG GIS DE LTAR DRAN, DRAN ZHES BYA BA'I DON CI YIN, DRAN PAS YUL 'DZIN PA'O, ,CI DE 'DZIN PA DRAN PA LAS GZHAN ZHIG YIN NAM, 'O NA NI DRAN PA BYED PA YIN NO, ,GANG GIS DE BYED PA DE NI BSHAD ZIN TE, DRAN PA'I RGYU NI SEMS KYI KHYAD PAR YIN NO, ,'O NA GANG NAG PAS DRAN NO ZHES BYA BA JI LTA BU ZHE NA, NAG PA ZHES BYA BA'I RGYUD DE LAS DE SKYE BAR MTHONG NAS SMRA BAR ZAD DO, ,BDAG MED PA NA DRAN PA 'DI SU'I YIN, DRUG PA 'DI'I DON JI LTA BU YIN, RJE BO'I DON YIN NO, ,DPER NA GANG GI RJE BO GANG LTA BU YIN, DPER NA BA'I NAG PA LTA BU YIN NO, ,'DI JI LTAR DE'I RJE BO YIN, DE RMO BA DANG BZHO BA LA SOGS PA LA SBYOR BA DE LA RAG LUS PA YIN NO, ,DRAN PA GANG DU SBYAR BAR BYA NA, 'DI LTAR DE'I RJE BO BTZAL, DRAN PAR BYA BA'I DON LA'O, ,CI'I PHYIR SBYAR BAR BYA, DRAN PAR BYA BA'I PHYIR RO, ,KYE MA DE NYID DE'I DON DU SBYOR RO ZHES BYA BA NI BSOD NAMS KYIS BSKYED PA RNAMS KYIS LEGS PAR SMRAS SO, ,JI LTAR SBYAR BAR BYA, CI DE BSKYED PA'I SGO NAS SAM, 'ON TE MNGAG PA'I SGO NAS, DRAN PA LA 'GRO BA MI RUNG BAS BSKYED PA'I SGO NAS SO, ,DE LTA NA NI RGYU KHO NA LA RJE BO YIN LA 'BRAS BU KHO NA BRAN @91B YIN BAR 'GYUR TE, 'DI LTAR RGYU NI 'BRAS BU LA DBANG BYED LA 'BRAS BU YANG DE DANG LDAN NA RGYU YIN PAS DE NI DRAN PA'I RGYU GANG YIN PA DE KHO NA YIN NO, ,GANG YANG NAG PA ZHES BYA BA 'DU BYED KYI TSOGS KYI RGYUN LA GCIG TU BZUNG NAS BA ZHES BYA BA'I RJE BO BRJOD PA DE YANG DE YUL GZHAN DU DANG, 'GYUR BA 'BYUNG BA LA RGYU'I DNGOS PO YID LA BSAMS NAS RJE BO ZHES BRJOD PAR ZAD KYI NAG PA ZHES BYA BA GCIG PU NI 'GA' YANG MED LA BA ZHES BYA BA YANG MED DO, ,DE LTA BAS NA DE LA YANG RGYU'I DNGOS PO MA GTOGS PA'I RJE BO'I DNGOS PO MED DO, ,DE BZHIN DU SU ZHIG GIS RNAM PAR SHES, SU'I RNAM PAR SHES PA YIN ZHES BYA BA DE LTA BU LA SOGS PA YANG BRJOD PAR BYA STE, DE'I RGYU NI CI RIGS PAR DBANG PO DANG DON DANG YID LA BYED PA DAG YIN NO ZHES BYA BA 'DI NI KHYAD PAR YIN NO, ,GANG YANG BYA BA NI BYED PA BO LA LTOS PA'I PHYIR TE, BYA BA THAMS CAD NI BYED PA PO LA LTOS TE, JI LTAR LHA SBYIN 'GRO'O ZHES BYA BA 'DI LA 'GRO BAR BYA BA NI 'GRO BA PO LHAS BYIN LA LTOS PA DE BZHIN DU RNAM PAR SHES PA NI BYA BA YIN NO, ,DE LTA BAS NA GANG ZHIG GIS RNAM PAR SHES PA DE YANG BRJOD DGOS SO ZHES ZER BA DE LA LHAS BYIN ZHES BYA BA 'DI CI YIN ZHES BRJOD PAR BYA'O, ,GAL TE BDAG YIN NO ZHE NA, DE NYID BSGRUB PAR BYA BA YIN NO, ,'ON TE SKYES BUR THA SNYAD GDAGS PA YIN NO ZHE NA, DE YANG GCIG PU NI 'GA' YANG MED KYI 'DU BYED DE DAG LA YANG MING DE SKAD CES BYA'O, ,DE LA JI LTAR LHAS BYIN 'GRO PA DE BZHIN DU RNAM PAR SHES SO, ,LHA SBYIN JI LTAR 'GRO ZHE NA, 'DU BYED SKAD CIG PA RGYUN THA MI DAD PA RNAMS LA BYIS PA RNAMS KYIS GCIG PA NYID DU BZUNG NAS LHAS BYIN ZHES MOS PA RNAMS RANG GI RGYUN YUL GZHAN DU 'BYUNG BA LA RGYUR GYUR NA LHAS BYIN 'GRO'O ZHES BYA'O, ,YUL GZHAN DU 'BYUNG BA DE NI 'GRO BA YIN TE, ME DANG SGRA'I RGYUN DAG LA 'GRO'O ZHES BRJOD PA YIN NO, ,DE DAG NYID RNAM PAR SHES PA'I RGYUR GYUR NA LHAS BYIN GYIS RNAM PAR SHES SO ZHES KYANG BYA'O, ,'PHAGS PA RNAMS KYIS KYANG THA SNYAD GDAGS PA'I DON DU DE DAG LA MING DU DE SKAD CES GSUNGS SO, ,'O NA GANG MDO LAS RNAM PAR SHES PAS RNAM PAR SHES SO ZHES GSUNGS PA DE LA RNAM PAR SHES PA CI ZHIG BYED, CUNG ZAD KYANG MI BYED DE, JI LTAR 'BRAS BU NI CUNG ZAD KYANG MI BYED MOD @92A *, ,KYI 'DRA BAR BDAG NYID THOB PA'I PHYIR RGYU DANG MTHUN PAR BYED DO ZHES BYA BA DE BZHIN DU RNAM PAR SHES PA YANG CUNG ZAD KYANG MI BYED MOD KYI 'DRA BAR BDAG NYID THOB PA'I PHYIR YUL RNAM PAR SHES SO ZHES BYA'O, ,'DI'I 'DRA BA CI ZHE NA, DE'I RNAM PA NYID DO, ,DE NYID KYI PHYIR DE NI DBANG PO LAS KYANG SKYES MOD KYI YUL RNAM PAR SHES SO ZHES BYA BA'I DBANG PO NI MA YIN NO, ,YANG NA NI DER YANG RNAM PAR SHES PA'I RGYUN RNAM PAR SHES BA'I RGYUR GYUR PA'I PHYIR RNAM PAR SHES PAS RNAM PAR SHES SO ZHES GSUNGS PAS NYES PA MED DE, RGYU LA BYED PA PO'I SGRAR BSTAN PA'I PHYIR DRIL BU SGROGS SO ZHES BYA BA BZHIN NO, , GZHAN YANG JI LTAR SGRON MA 'GRO BA LTAR RNAM PAR SHES PAS RNAM PAR SHES SO ZHES BYA BA YANG DE DANG 'DRA'O, ,SGRON MA JI LTAR 'GRO ZHE NA, SGRON MA ZHES BYA BA NI ME LCE RNAMS KYI RGYUN LA NYE BAR 'DOGS PAR BYED LA, DE YUL GZHAN DAG TU 'BYUNG BA LAS YUL DE DANG DER 'GRO'O ZHES BYA'O, ,DE BZHIN DU RNAM PAR SHES PA ZHES BYA BA NI SEMS RNAMS KYI RGYUN LA NYE BAR 'DOGS PAR BYED LA DE YUL GZHAN DAG LA SKYE BA LA YUL DE DANG DE RNAM PAR SHES SO ZHES BYA'O, ,YANG NA JI LTAR GZUGS 'GYUR RO, ,SKYE'O GNAS SO ZHES BYA BA 'DI LA 'GYUR BA PO DANG 'GYUR BA DON GZHAN MA YIN PA LTAR RNAM PAR SHES PA LA DE DANG 'DRA BAR 'GYUR RO, ,GAL TE RNAM PAR SHES PA LAS RNAM PAR SHES PA SKYE'I BDAG LAS MA YIN NA CI'I PHYIR RTAG TU DE DAG 'DRA BA KHO NAR SKYE BAR MI 'GYUR ZHING MYU GU DANG SDONG PO DANG 'DAB MA LA SOGS PA BZHIN DU RIM PA NGES PAR SKYE BAR MI 'GYUR ZHE NA, GNAS PA GZHAN DU 'GYUR BA NI 'DUS BYAS KYI MTSAN NYID YIN PA'I PHYIR TE, RGYUN GDON MI ZA BAR GZHAN DU 'GYUR BA GANG YIN PA 'DI NI 'DUS BYAS KYI RANG BZHIN NO, ,DE LTA MA YIN NA BSAM GTAN RDZOGS PAS MNYAM PAR GZHAG PA RNAMS LAS LUS DANG SEMS 'DRA BA SKYE NA SKAD CIG MA DANG PO DANG KHYAD PAR MED PA'I PHYIR PHYIS KYANG BDAG NYID LDANG BAR MI 'GYUR RO, ,GANG LAS GANG ZHIG SKYE BAR 'GYUR BA DE KHO NA LAS DE SKYE BA'I PHYIR SEMS CAN RNAMS KYI RIM PA YANG NGES PA KHO NA STE, RIGS KYI BYE BRAG LAS SEMS RNAM PA 'DRA YANG 'GA' ZHIG SEMS 'GA' BSKYED PA LA NUS PA YIN TE, DPER NA BUD MED KYI MJUG THOGS SU GSAL TE DE'I LUS SUN 'BYIN PA'I SEMS SAM, DE'I KHYO'AM BU LA SOGS @92B PA'I SEMS SKYE BAR 'GYUR LA, YANG PHYIS RGYUD YONGS SU 'GYUR PAS BUD MED KYI SEMS SKYE NA DE NI, DE'I LUS SUN 'BYIN PA'I SEMS BSKYED PA'AM, DE'I KHYO 'AM, BU LA SOGS PA'I SEMS BSKYED PAR NUS PA YIN TE, DE'I RIGS CAN YIN PA NYID KYI PHYIR RO, ,GZHAN DU NI MI NUS SO, ,YANG BUD MED KYI SEMS LAS RNAM GRANGS KYI SEMS RNAM PA MANG PO ZHIG SKYES PAR GYUR NA DE LAS CHES MANG BA DANG, CHES GSAL BA DANG, CHES NYE BAR SKYES PA GANG YIN PA DE KHO NA SKYE BAR 'GYUR TE, DE'I BSGOS PA STOBS DANG LDAN PA'I PHYIR RO, ,DE'I 'DUS PA'I LUS DANG PHYI ROL GYI RKYEN GYI KHYAD PAR NI MA GTOGS SO, ,BSGOS PA DE NYID CHES STOBS DANG LDAN NA CI'I PHYIR RTAG TU 'BRAS BU MI 'BYIN ZHE NA, GNAS PA GZHAN DU 'GYUR PA NYID NI 'DUS BYAS KYI MTSAN NYID YIN PA'I PHYIR LA, GZHAN DU 'GYUR BA DE YANG BSGOS PA GZHAN GYI 'BRAS BU SKYE BA'I RJES SU MTHUN PA'I PHYIR RO, ,'DI NI SEMS KYI RNAM PA THAMS CAD LA PHYOGS TZAM DU ZAD KYI MJUG THOGS KYI RGYU SHES PA LA NI SANGS RGYAS RNAMS MNGA' BDAG YIN TE, 'DI SKAD DU RMA BYA'I MDONGS NI GCIG LA YANG, ,RGYU YI RNAM PA THAMS CAD NI, ,KUN MKHYEN MIN PAS SHES BYA MIN, ,DE SHES KUN MKHYEN STOBS YIN NO, ,ZHES BSHAD NA, GZUGS CAN MA YIN PA SEMS KYI BYE BRAG RNAMS LTA SMOS KYANG CI DGOS, CI'I PHYIR DE DANG 'DRA BA KHO NAR SKYE BAR MI 'GYUR ZHING MYU GU DANG SDONG BU DANG 'DAB MA LA SOGS PA BZHIN DU RIM PA NGES PAR SKYE BAR MI 'GYUR ZHES BYA BA 'DI NI MU STEGS CAN GANG LA LA SEMS NI BDAG LAS SKYE'O SNYAM DU SEMS PA DE KHO NA LA GSAL BAR KLAN KAR 'GYUR RO, ,GAL TE YID DANG PHRAD PA'I BYE BRAG LA LTOS PA'I PHYIR RO ZHE NA MA YIN TE, 'BREL PA GZHAN MA YIN PA'I PHYIR RO, ,'BREL PA CAN DAG YONGS SU CHANG PA'I PHYIR DANG, PHRAD PA ZHES BYA BA'I MTSAN NYID NI MA PHRAD PA SNGON DU 'GRO BA CAN GYI PHRAD PA YIN NO ZHES RNAM PAR BSHAD PA'I PHYIR BDAG YONGS SU CHAD PAR THAL BAR 'GYUR RO; ,DE'I PHYIR YID 'PHROS PA LA BDAG 'PHO BA'AM, NYAMS PAR THAL BAR 'GYUR RO, ,GAL TE PHYOGS GCIG PHRAD DO ZHE NA, MA YIN TE, PHYOGS DE DE NYID KYI YIN PA NYID DU MI RUNG BA'I PHYIR RO, ,PHRAD PA YOD DU CHUG NA YANG 'ON KYANG YID RTAG TU KHYAD PAR MED PA LA JI LTAR PHRAD PA KHYAD PAR DU 'GYUR, GAL TE @93A *, ,BLO'I KHYAD PAR LA LTOS PA YIN NO ZHE NA, JI LTAR BLO'I KHYAD PAR YIN ZHES DE NYID LA KLAN KA TSOL BAR BYED DO, ,GAL TE 'DU BYED KYI KHYAD PAR LA LTOS PA'I BDAG DANG YID PHRAD PA LAS SO ZHE NA, 'DU BYED KYI KHYAD PAR LA LTOS PA'I SEMS KHO NA LAS YIN PAR ZAD KYI BDAG GIS NUS PA NI CUNG ZAD KYANG MI DMIGS TE, SMAN GYI 'BRAS BU GRUB PA LA SMAN PA NGAN G-YO CAN GYIS PHU SV'A H'A ZHES SMRAS PA DAG BZHIN NO, ,GAL TE BDAG YOD NA DE GNYIS SRID DO ZHE NA NI, TSIG TZAM DU ZAD DO, ,GAL TE DE NI RTEN YIN NO ZHE NA, DPER NA GANG GI RTEN GANG YIN PA LTA BU DE DAG KYANG RI MO DANG RGYA SHUG LA SOGS PA LTAR BRTEN PA MA YIN LA, DE YANG RTZIG PA DANG GZHONG BU LA SOGS PA LTAR RTEN DU RIGS PA MA YIN TE, THOGS PA DANG THA DAD PA NYID KYIS NYES PAR 'GYUR BA'I PHYIR RO, ,GAL TE DE NI DE LTA BUR RTEN MA YIN NO, ,'O NA JI LTA BU ZHE NA, DPER NA DRI LA SOGS PA'I SA LTA BU'O ZHE NA, 'DI NYID KHO BO'I BDAG MED DO ZHES BYA BA YID CHES PAR BYED PA YIN PAS KHO BO YONGS SU TSIM PAR BYAS TE, DPER NA DRI LA SOGS PA LAS SA GZHAN MA YIN PA BZHIN NO, ,DRI LA SOGS PA LAS SA GZHAN YIN PAR NGES PAR 'DZIN PAR BYED PA DE SU ZHIG YIN, SA'I DRI LA SOGS PA ZHES BYA BA'I THA SNYAD NI CI NAS DRI LA SOGS PA DE DAG NYID DE ZHES BYA'I, GZHAN NI MA YIN NO ZHES BYA BAR SHES PAR 'GYUR BA KHYAD PAR DU BYA BA'I PHYIR TE, SHING GI GZUGS KYI LUS ZHES BYA BA BZHIN NO, ,'DU BYED KYI KHYAD PAR LA LTOS PA YIN DU ZIN KYANG CI'I PHYIR SHES PA THAMS CAD DUS GCIG TU SKYE BAR MI 'GYUR, GANG ZHIG STOBS CHE BA DES GZHAN DAG LA GEGS BYED DO, ,STOBS CHE BA DE NYID CI'I PHYIR RTAG PAR 'BRAS BU MI 'BYIN TE, 'DI'I TSUL GANG YIN PA DE BSGOS PA YIN NA BDAG TU RTOG PA NI DON MED PA YIN NO, ,GAL TE BDAG NI GDON MI ZA BAR KHAS BLANG BAR BYA STE, DRAN PA LA SOGS PA NI YON TAN GYI DNGOS PO YIN PA'I PHYIR LA DE YANG GDON MI ZA BAR RDZAS LA BRTEN PA YIN PA'I PHYIR RO, ,DE DAG GI RTEN GZHAN YIN PAR YANG MI RUNG PA'I PHYIR RO ZHE NA, MA YIN TE, MA GRUB PA'I PHYIR RO, ,'DI DAG NI YON TAN GYI DNGOS PO NYID YIN PAR MA GRUB BO, ,KHO BO CAG GI LTAR NA YOD PA THAMS CAD NI RDZAS YIN TE, DGE SBYONG GI TSUL GYI 'BRAS BU NI RDZAS DRUG GO ZHES 'BYUNG BA'I PHYIR RO, ,DE DAG RDZAS LA BRTEN PA NYID DU YANG MA GRUB STE, RTEN GYI DON NI BRTAGS ZIN TO, ,DE LTA @93B BAS NA 'DI NI GYI NA'O, ,BDAG MED NA CI'I PHYIR LAS RTZOM, BDAG BDE BAR GYUR CIG ,BDAG SDUG BSNGAL BAR MA GYUR CIG CES BYA BA DE'I PHYIR RO, ,YANG BDAG CES BYA BA YANG GANG ZHIG YIN, BDAG TU 'DZIN PA 'DI'I YUL GANG YIN PA'O, ,BDAG TU 'DZIN PA 'DI'I YUL GANG ZHIG YIN, YUL NI PHUNG PO YIN NO, ,JI LTAR SHES, DE DAG LA CHAGS PA'I PHYIR DANG, DKAR SHAM LA SOGS PA'I BLOS GZHI MTHUN PAR BYED PA'I PHYIR TE, BDAG DKAR SHAM MO, ,BDAG SNGO BSANGS SO, ,BDAG SBOM MO, ,BDAG SKE MA MO, ,BDAG RGAS SO, ,BDAG DAR LA BAB PO ZHES DKAR SHAM LA SOGS PA'I BLOS BDAG TU 'DZIN PA 'DI GZHI MTHUN PAR BYED PAR SNANG NGO,, RNAM PA DE DAG BDAG GI YIN PAR NI MI 'DOD DE, DE LTA BAS NA 'DI NI PHUNG PO RNAMS LA 'DZIN PAR SHES SO, ,BDAG LA PHAN 'DOGS PA'I LUS LA YANG BDAG NYE BAR 'DOGS TE, DPER NA BDAG GANG YIN PA DE NYID BDAG GI BRAN 'DI YIN NO ZHES BYA BA BZHIN NO PHAN 'DOGS PA LA BDAG NYE BAR 'DOGS PA YIN YANG BDAG TU 'DZIN PA NI MA YIN NO, ,LUS LA DMIGS PA YIN NA CI'I PHYIR PHA ROL GYI LUS LA DMIGS PA YANG MA YIN, 'BREL BA MED PA'I PHYIR TE, 'DI NI LUS SAM SEMS GANG DANG LHAN CIG 'BREL PA DE KHO NA LA BDAG TU 'DZIN PA 'DI 'BYUNG GI GZHAN LA NI MA YIN TE, 'KHOR BA THOG MA MED PA NAS DE LTAR GOMS PA'I PHYIR RO,, 'BREL PA YANG GANG ZHIG YIN, RGYU DANG 'BRAS BU'I DNGOS PO'I 'BRAS BU YIN NO, ,GAL TE BDAG MED PA NA BDAG TU 'DZIN PA NI SU'I YIN, 'DI NI DRUG PA 'DI'I DON JI LTA BU YIN ZHES BYA BA NAS DE NI DRAN PA'I RGYU GANG YIN PA DE KHO NA YIN NO ZHES BYA BA'I BAR DE NYID 'ONGS PA YIN NO, ,'DI'I RGYU GANG ZHIG YIN ZHE NA, SNGON BDAG TU 'DZIN PAS YONGS SU BSGOS PA RANG GI RGYUD KYI YUL CAN MA RIG PA DANG BCAS PA'I SEMS YIN NO, ,BDAG MED NA BDE BA'AM SDUG BSNGAL BA SU ZHIG YIN, RTEN GANG BDE BA'AM SDUG BSNGAL BA 'BYUNG BA STE, DPER NA SHING LJON BA ME TOG CHAGS SO, ,NAGS TSAL 'BRAS BU CHAGS SO ZHES BYA BA LTA BU'O, ,'DI GNYIS KYI RTEN GANG ZHE NA, SKYE MCHED DRUG YIN TE, JI LTAR YIN PA DE LTAR NI BSHAD ZIN TO, ,BDAG MED NA LAS RNAMS KYI BYED PA PO NI GANG YIN, 'BRAS BU RNAMS KYI ZAB PO GANG YIN, BYED PA PO ZHES BYA BA'AM, ZA BA BO ZHES BYA BA'I TSIG GI DON JI LTA BU BYED PAS NA BYED PA PO YIN LA, ZA BAS NA ZAB PO YIN NO, ,RNAM GRANGS SMRAS SU ZIN @94A *, ,GYI DON NI MA YIN NO, ,MTSAN NYID RNAMS NI BYED PA PO'I MTSAN NYID RANG DBANG CAN NI BYED PA PO YIN NO ZHES ZER NA, 'JIG RTEN NA 'BRAS BU 'GA' LA YANG LA LA ZHIG RANG DBANG YOD PA LTA BU MTHONG NGAM, MTHONG STE KHRUS DANG ZAB DANG 'GRO BA LA SOGS PA LA LHAS BYIN LTA BU'O, ,KHYOD LHAS BYIN GANG ZHIG DPER BRJOD, GAL TE BDAG YIN NO ZHE NA NI DE NYID BSGRUB PAR BYA BA YIN NO, ,'O NA TE PHUNG PO LNGA YIN NO ZHE NA NI DE NYID BYED PA PO YIN TE, LAS 'DI NI RNAM PA GSUM STE, LUS DANG NGAG DANG YID KYI LAS SO, ,DE LA RE ZHIG LUS DANG NGAG GI LAS LA SEMS KYI GZHAN GYI DBANG GIS 'JUG GO, ,SEMS KYANG LUS DANG NGAG LA RANG GI RGYU'I GZHAN GYI DBANG GIS 'JUG GO, ,DE YANG DE DANG 'DRA BAS GANG LA YANG RANG DBANG MED DE, DNGOS PO THAMS CAD NI RKYEN GYI GZHAN GYI DBANG GIS 'JUG GO, ,BDAG KYANG LTOS PA MED PAR RGYU NYID DU KHAS MI LEN PA'I PHYIR RO, ,RANG DBANG CAN DU MI 'GRUB BO, ,DE LTA BAS NA DE LTA BU'I MTSAN NYID KYI BYED PA PO NI 'GA' YANG MI DMIGS SO, ,GANG ZHIG GANG GI RGYU'I GTZO BO YIN BA DE NI DE'I BYED PA PO ZHES BYA NA BDAG NI GANG LA YANG RGYU YIN PAR MI SNANG STE, DE LTA BAS NA DE NI DE LTA BUR YANG BYED PA POR MI RUNG NGO, ,DRAN PA LAS NI 'DUN PA SKYE'O, ,'DUN PA LAS NI RTOG PA SKYE'O, ,RNAM PAR RTOG PA LAS NI RAB TU 'BAD PA'O, ,RAB TU 'BAD PA LAS NI RLUNG NGO, ,DE LAS NI LAS 'BYUNG NA 'DI LA BDAG CI ZHIG BYED, 'BRAS BU LA YANG GANG LA BDAG MED NA ZA BA BOR BRTAGS PA'I NYE BAR SPYOD PA DE GANG ZHIG YIN, GAL TE DMIGS PA YIN NO ZHE NA, DMIGS PA LA BDAG GI NUS PA MED DE, RNAM PAR SHES PA LA NUS PA BKAG PA'I PHYIR RO, ,BDAG MED NA CI'I PHYIR SEMS CAN GYI RTEN MA YIN PA LA YANG SDIG PA DANG BSOD NAMS NYE BAR STZOGS PAR MI 'GYUR, TSOR BA'I RTEN MA YIN PA'I PHYIR TE, DE'I RTEN NI SKYE MCHED DRUG YIN GYI BDAG MA YIN NO, ,JI LTAR YIN PA DE LTAR NI BSHAD ZIN TO, ,BDAG MED NA JI LTAR NA LAS ZHIG ZIN PA LAS TSE PHYI MA LA 'BRAS BU 'BYUNG, BDAG YOD NA YANG JI LTAR NA LAS ZHI GZIN PA LAS TSE PHYI MA LA 'BRAS BU 'BYUNG, DE LA BRTEN PA'I CHOS DANG CHOS MA YIN PA LAS 'BYUNG NGO, ,TSIG GI LUGS 'DI NI DPER NA GANG GI RTEN GANG YIN PA LTA BU ZHES LAN BTAB ZIN TO, ,DE LTA BAS NA CHOS DANG CHOS MA YIN PA RTEN MED PA KHO NA LAS 'BYUNG NGO, ,KHO BO CAG KYANG LAS ZHIG ZIN BA LA TSE PHYI MA LA 'BRAS BU 'BYUNG BAR MI SMRA'O, ,'O NA JI LTA BU ZHE NA, DE'I RGYUD @94B YONGS SU 'GYUR BA'I KHYAD PAR LAS TE, SA BON DANG 'BRAS BU BZHIN NO, ,DPER NA SA BON LAS 'BRAS BU 'BYUNG BA ZHES BYA BA DE NI ZHIG PA LAS 'BYUNG BA YANG MA YIN LA MJUG THOGS KHO NAR 'BYUNG BA YANG MA YIN NO, ,'O NA CI ZHE NA, RGYUD YONGS SU 'GYUR BA'I KHYAD PAR LAS TE, MYU GU DANG SDONG BU DANG, 'DAB MA LA SOGS PA ME TOG LA THUG PA RIM PA RDZOGS PA LAS 'BYUNG BA BZHIN NO, ,DE NI ME TOG LAS GRUB PA YIN NA CI'I PHYIR SA BON DE'I 'BRAS BU ZHES BYA ZHE NA, DES BRGYUD PAS ME TOG LA DE'I NUS PA BSKYED PAS SO, ,GAL TE SA BON DE SNGON DU 'GRO BAR MA GYUR NA 'BRAS BU DE 'DRA BA SKYED PA LA DE'I NUS PA YOD PAR MI 'GYUR RO, ,DE BZHIN DU LAS LAS 'BRAS BU 'BYUNG NGO, , ZHES BYA BA DE YANG LAS ZHIG PA LAS KYANG MI 'BYUNG LA, MJUG THOGS SU YANG MA YIN NO, ,'O NA JI LTA BU ZHE NA, RGYUD YONGS SU 'GYUR BA'I KHYAD PAR LAS SO, ,RGYUD NI CI YIN, YONGS SU 'GYUR BA NI CI YIN, KHYAD PAR NI CI YIN ZHE NA, LAS SNGON DU 'GRO BA'I SEMS PHYIR ZHING 'BYUNG BA GANG YIN PA DE NI RGYUD YIN NO, ,DE GZHAN DANG GZHAN DU SKYE BA NI YONGS SU 'GYUR BA YIN NO, ,DE'I MJUG THOGS SU 'BRAS BU SKYED NUS PA GANG YIN PA DE NI YONGS SU 'GYUR BA GZHAN LAS KHYAD PAR DU 'PHAGS PA'I PHYIR YONGS SU 'GYUR BA'I KHYAD PAR YIN TE, DPER NA YANG SRID PA'I NYE BAR LEN PA DANG BCAS PA'I 'CHI BA'I SEMS LTA BU'O, ,LAS RNAM PA SNA TSOGS PA SNGON DU 'GRO BA NYID YIN YANG LAS GANG LCI BA'AM, NYE BA 'AM, GOMS PA YIN PA DES BYAS PA'I NUS PA BSAL BAR BYED KYI GZHAN GYIS NI MA YIN TE, JI SKAD DU, LAS KYI 'KHOR BA LCI GANG DANG, NYE BA GANG DANG GOMS PA GANG, ,SNGON BYAS GANG YIN DE LAS NI, ,SNGA MA SNGA MA RNAM SMIN 'GYUR, ,ZHES BSHAD PA LTA BU'O, ,DE LA RNAM PAR SMIN PA'I RGYUS BSKYED PA RNAM PAR SMIN PA'I 'BRAS BU BSKYED PA'I NUS PA NI RNAM PAR SMIN PA BSKYED NAS LDOG GO, ,SKAL BA MNYAM PA'I RGYUS BSKYED PA RGYU MTHUN PA'I 'BRAS BU BSKYED PA'I NUS PA NI NYON MONGS PA CAN RNAMS KYI NI GNYEN PO SKYES NAS LDOG GO, ,NYON MONGS PA CAN MA YIN PA RNAMS KYI NI SEMS KYI RGYUN GTAN DU LOG PA STE, GANG GI TSE YONGS SU MYA NGAN LAS 'DAS PA NA'O, ,YANG CI'I PHYIR SA BON GYI 'BRAS BU BZHIN DU RNAM PAR SMIN PA GZHAN MI SKYE NA, RE ZHIG THAMS CAD DPE DANG 'DRA BA NI MA YIN NO, ,DE LA YANG 'BRAS BU KHO NA LAS 'BRAS BU GZHAN SKYE BA MA YIN NO, ,'O NA CI ZHE NA, RNAM PAR 'DRUL BA'I KHYAD PAR LAS SKYES PA RNAM PAR 'GYUR @95A *, ,BA'I KHYAD PAR LAS SKYE STE, DE LA 'BYUNG BA'I RNAM PA MYU GU 'GRUB PAR BYED PA YOD PA GANG YIN PA DE NI DE'I SA BON YIN GYI GZHAN NI MA YIN NO, ,'GYUR BA'I MING GIS SAM, 'DRA BA'I PHYIR RGYUN SNGA MA YANG SA BON ZHES BYA'O, ,DE BZHIN DU 'DI LA YANG RNAM PAR SMIN PA DE LAS GAL TE DAM PA DANG DAM PA MA YIN PA'I CHOS NYAN BA LA SOGS PA'I RKYEN LAS SKYES PA DGE BA ZAG BA DANG BCAS PA 'AM, MI DGE BA'I SEMS KYI 'GYUR BA SKYE NA DE LAS NI RNAM PAR SMIN PA GZHAN SKYE'I GZHAN DU NI MA YIN PAS 'DI NI MTSUNGS SO, ,YANG NA DE NI 'DI LTAR SHES PAR BYA STE, JI STAR MA DU LUNG GA'I ME TOG RGYA SKYEGS KYI KHU BAS KHA DOG BSGYUR BA LAS 'BRAS BU'I NANG DU RGYUD YONGS SU 'GYUR BA'I KHYAD PAR LAS SKYES PA GE SAR DMAR PO SKYE BAR 'GYUR ZHING DE LAS NI GZHAN MI SKYE BA DE BZHIN DU LAS LAS SKYES PA'I RNAM PAR SMIN PA LAS YANG RNAM PAR SMIN PA GZHAN MI SKYE'O, ,CHE LONG TZAM 'DI NI BDAG GI BLOS RTOGS PAR BYA BA RAB TU BSTAN PA YIN TE, MTHU RNAM PA SNA TSOGS PAS THA DAD PA'I LAS RNAMS KYIS BSGOS PA'I RGYU RNAMS GNAS SKABS 'DIR PHYIR NA 'BRAS BU 'DI LTA BU MNGON PAR 'GRUB PAR 'GYUR RO ZHES BYA BA NI SANGS RGYAS RNAMS KHO NA'I YUL YIN NO, ,YANG SMRAS PA, LAS DANG DE'I BSGOS DE'I 'JUG RNYED, ,DE LAS 'BRAS BU SANGS RGYAS LAS, ,GZHAN GYI RNAM PA THAMS CAD NI, ,NGES PAR RAB TU MI SHES SO, ,DE LTAR SANGS RGYAS RNAMS KYI GSUNG RAB RIGS PA'I LAM, ,LEGS PAR GSUNGS PA'I DAG PA CHOS NYID 'DI MTHONG NAS, ,MU STEGS LONG BA LTAS NGAN SNA TSOGS G-YO RNAMS KYI, ,GZHUNG LUGS SPANGS TE LONG BA MA YIN RNAMS 'GRO'O, ,DE BZHIN GSHEGS PA NYI MA'I GSUNG 'OD KYIS, ,SNANG LDAN MYA NGAN 'DAS GRONG LAM GCIG PA, ,BDAG MED 'PHAGS PA STONG GIS BGROD PA 'DI, ,PHYE YANG DMAN PA'I MIG GIS MI MTHONG NGO, ,DE LTAR 'DI NI PHYOGS TZAM ZHIG ,RANG GI MTHU YIS RNAM 'PHEL BA'I, ,DUG LA RMA YI PHYOGS BZHIN DU, ,SHIN TU MKHAS PA RNAMS LA BSTAN, ,CHOS MNGON PA'I MDZOD LAS GANG ZAG DGAG PA BSTAN PA ZHES BYA BA MDZOD KYI GNAS DGU PA STE, CHOS MNGON BA'I MDZOD KYI BSHAD BA SLOB DPON SH'AKYA'I DGE SLONG DBYIG GNYEN GYIS MDZAD PA 'DI RDZOGS SO,, ,,RGYA GAR GYI MKHAN PO DZE NA MI TRA DANG, ZHU CHEN GYI LO TZ'A BA BAN DE DPAL BRTZEGS KYIS BSGYUR ZHING ZHUS TE GTAN LA PHAB PA,, ,, @95B #, ,RGYA GAR SKAD DU, AA BHI DHARMMA KO SHA K'A RI K'A SH'A STRA BH'A shYA, BOD SKAD DU, CHOS MNGON BA MDZOD KYI BSTAN BCOS KYI TSIG LE'UR BYAS PA'I RNAM PAR BSHAD PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,GANG GIS MUN PA THAMS CAD GTAN BCOM ZHING, 'KHOR BA'I 'DAM RDZAB LAS NI 'GRO BA DRANGS, ,JI BZHIN DON STON DE LA PHYAG 'TSAL LO, ,BSTAN BCOS CHOS MNGON MDZOD RAB BSHAD PAR BYA, BSTAN BCOS MDZAD PAR BZHED PAS RANG GI STON PA'I CHE BA'I BDAG NYID SHES PAR BYA BA'I PHYIR YON TAN THOG MAR SMOS TE DE LA PHYAG 'TSAL BRTZOM MO, ,GANG GIS ZHES BYA BA NI SANGS RGYAS BCOM LDAN 'DAS GYI DBANG DU BYAS NAS SMRAS PA'O, ,'DI'I 'AM 'DIS MUN PA BCOM PAS MUN PA BCOM PA'O, ,THAMS CAD LA RNAM PA THAMS CAD DU MUN PA BCOM PAS MUN PA THAMS CAD BCOM PA'O, ,MI SHES PA NI YANG DAG PA'I DON MTHONG BA LA GEGS BYED PA'I PHYIR MUN PA STE, DE YANG SANGS RGYAS BCOM LDAN 'DAS KYIS GNYEN PO BRNYES NAS SHES BYA THAMS CAD LA PHYIS MI SKYE BA'I CHOS CAN DU GYUR PAS SHIN TU GTAN BCOM PA STE, DE'I PHYIR DE NI MUN PA THAMS CAD GTAN BCOM PA'O, ,DE LTAR BDAG LA PHAN PA SGRUB BA PHUN SUM TSOGS PAS BSTOD NAS, YANG BCOM LDAN 'DAS DE NYID LAS GZHAN LA PHAN BA SGRUB PA PHUN SUM TSOGS PAS BSTOD PA NI, 'KHOR BA'I 'DAM RDZAB LAS NI 'GRO BA DRANGS, ,ZHES BYA BA LA, 'KHOR BA NI 'GRO BA KUN DU CHAGS PA'I GNAS YIN PA'I PHYIR DANG, RGAL BAR DKA' BA'I PHYIR 'DAM RDZAB TU GYUR PA YIN TE, 'GRO BA DER BYING BA SKYABS MED PA LA BCOM LDAN 'DAS THUGS BRTZE BA DANG LDAN PAS DAM PA'I CHOS BSTAN PA'I PHYAG BRKYANG NAS SKAL BA JI LTA BA BZHIN DU DRANGS SO, ,'DI NI GZHAN LA PHAN PA SGRUB PA'I THABS YIN PAR STON TE, DE NI STON PA NA YANG DAG PA JI LTA BA BZHIN DU BSTAN PAS 'KHOR BA'I 'DAM RDZAB LAS 'GRO BA DRANGS KYI, RDZU 'PHRUL DANG DAM PA SBYIN PA DANG MTHUS NI MA YIN NO, ,DON JI LTA BA BZHIN DU PHYIN CI MA LOG PAR STON PAS NA JI BZHIN DON STON PA'O, ,DE LTAR BDAG DANG GZHAN LA PHAN PA SGRUB PA'I PHUN SUM TSOGS PA DE LTA BU DANG LDAN PA GANG YIN PA DE LA PHYAG 'TSAL TE ZHES BYA BA NI MGOS GTUGS PA'O, ,JI BZHIN DON STON DE LA PHYAG 'TSAL NAS CI ZHIG BYA ZHE NA, @96A *, ,SMRAS PA, BSTAN BCOS RAB BSHAD BYA, SLOB MA 'CHOS PA'I PHYIR BSTAN BCOS SO, ,BSTAN BCOS GANG ZHE NA, SMRAS PA, CHOS MNGON MDZOD 'DIR CHOS MNGON PA ZHES BYA BA CI ZHIG YIN, CHOS MNGON SHES RAB DRI MED RJES 'BRANG BCAS, ,DE LA SHES RAB CES BYA BA NI CHOS RAB TU RNAM PAR 'BYED PA'O, ,DRI MED CES BYA BA NI ZAG PA MED PA'O, ,RJES 'BRANG BCAS ZHES BYA BA NI 'KHOR DANG BCAS PA STE, DE LTAR NA ZAG PA MED PA'I PHUNG PO LNGA PO CAN RNAMS LA CHOS MNGON PA ZHES BSTAN PAR 'GYUR TE, DE DAG NI RE ZHIG DON DAM PA'I CHOS MNGON PA'O, ,BRDAR BTAGS PA NI, DE THOB BYA PHYIR GANG DANG BSTAN BCOS GANG, ,GANG DANG ZHES BYA BA NI THOS PA DANG, BSAMS PA DANG, BSGOMS PA LAS BYUNG BA DANG, SKYES NAS THOB PA'I SHES RAB ZAG PA DANG BCAS PA 'KHOR DANG BCAS PA'O, ,BSTAN BCOS GANG ZHES BYA BA NI DE YANG ZAG PA MED PA'I SHES RAB DE DAG 'THOB BAR BYED PA'I PHYIR DE'I TSOGS SU GYUR PAS CHOS MNGON PA ZHES BYA BA YIN NO, ,DES PA'I TSIG TU RANG RANG GI MTSAN NYID 'DZIN PA'I PHYIR CHOS SO, ,DE BAS NA 'DI NI DON DAM PA'I CHOS MYA NGAN LAS 'DAS PA'AM CHOS KYI MTSAN NYID LA MNGON DU PHYOGS PA'I PHYIR CHOS MNGON PA'O, ,CHOS MNGON PA NI BSHAD ZIN TO, ,BSTAN BCOS 'DI NI JI LTAR NA CHOS MNGON PA'I MDZOD YIN ZHE NA, DE YI DON 'DIR YANG DAG CHOS PHYIR RAM, ,'DI YI GNAS DE LA NI CHOS MNGON MDZOD, ,BSTAN BCOS CHOS MNGON PA ZHES BYA BA DE'I DON GTZO BO JI LTA BA RNAMS 'DIR CHUD PAS DE LTAR NA BSTAN BCOS 'DI NI DE'I MDZOD LTA BU YIN NO, ,YANG NA DE LAS 'DI PHYUNG BAS BSTAN BCOS 'DI'I GNAS SU GYUR PA NI CHOS MNGON PA DE YIN TE, DE'I PHYIR NA CHOS MNGON BA DE NYID 'DI'I MDZOD YIN NO, ,DE BAS NA BSTAN BCOS 'DI NI CHOS MNGON PA'I MDZOD DO, ,YANG CI'I PHYIR NA CHOS MNGON BA BSTAN, 'DI DANG PO NYID DU SUS BSTAN NA, GANG GI PHYIR SLOB DPON CHOS MNGON PA 'CHAD PAR GUS SHE NA, SMRAS PA, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,'JIG RTEN NYON MONGS RNAMS KYIS SRID PA'I RGYA MTSO 'DIR, ,'KHYAMS TE DE PHYIR 'DI NI STON PAS GSUNGS ZHES GRAG ,GANG GI PHYIR CHOS RAB TU RNAM PAR 'BYED PA MED PAR NYON MONGS PA NYE BAR @96B ZHI BAR BYA BA'I THABS MED LA, NYON MONGS PA RNAMS KYIS KYANG 'KHOR BA'I RGYA MTSO CHEN PO 'DIR 'JIG RTEN 'KHYAMS TE, DE'I PHYIR CHOS RAB TU RNAM PAR DBYE BA DE'I DON DU STON PA SANGS RGYAS BCOM LDAN 'DAS KYIS CHOS MNGON PA GSUNGS SO ZHES GRAG GO, ,CHOS MNGON PA BSTAN PA MED PAR NI SLOB MAS RAB TU RNAM PAR DBYE BAR MI NUS SO, ,GANG DAG CHOS MNGON PA BSTAN PAS RAB TU RNAM PAR DBYE BAR BYA BA'I CHOS DE DAG KYANG GANG ZHE NA, SMRAS PA, CHOS RNAMS ZAG BCAS ZAG PA MED, ,'DI NI CHOS THAMS CAD MDOR BSDUS TE BSTAN PA'O, ,DE LA ZAG PA DANG BCAS PA'I CHOS GANG ZHE NA, SMRAS PA, LAM MA GTOGS PA'I 'DUS BYAS RNAMS ZAG BCAS, ,LAM GYI BDEN PA MA GTOGS PA GZHAN 'DUS BYAS KYI CHOS RNAMS NI ZAG PA DANG BCAS PA DAG GO, ,DE CI'I PHYIR ZHE NA, GANG PHYIR DE DAG LA, ZAG RNAMS KUN DU RGYAS PAR 'GYUR, ,ZAG PA DANG BCAS PA DAG BSHAD ZIN TO, ,ZAG PA MED PA RNAMS GANG ZHE NA, ZAG MED LAM GYI BDEN PA DANG, ,'DUS MA BYAS RNAM GSUM YANG STE, ,RNAM GSUM GANG ZHE NA, NAM MKHA' DANG NI 'GOG PA GNYIS, ,GNYIS GANG ZHE NA, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA STE, DE LTAR NA NAM MKHA' LA SOGS PA 'DUS MA BYAS GSUM PO DE DAG DANG, LAM GYI BDEN BA NI ZAG PA MED PA'I CHOS RNAMS TE, DE DAG LA ZAG PA KUN DU RGYAS PAR 'GYUR BA MED PA'I PHYIR RO, ,DE LTAR 'DUS MA BYAS RNAM PA GSUM BSTAN PA GANG YIN PA, DE LA NAM MKHA' MI SGRIB BA, ,NAM MKHA' NI SGRIB BA MED PA'I RANG BZHIN TE GANG DU GZUGS 'GROR RUNG BA'O, ,SO SOR BRTAGS PA'I 'GOG PA GANG BRAL LA, ,GANG ZAG PA DANG BCAS PA'I CHOS RNAMS DANG BRAL BA DE NI SO SOR BRTAGS PA'I 'GOG PA STE, SDUG BSNGAL LA SOGS PA 'PHAGS PA'I BDEN PA RNAMS LA YANG DANG YANG DU BRTAGS PA NI SO SOR BRTAGS PA STE SHES RAB KYI KHYAD PAR RO, ,DES THOB PAR BYA BA'I 'GOG PA NI SO SOR BRTAGS PA'I 'GOS PA'O, ,CI ZAG PA DANG BCAS PA'I CHOS RNAMS THAMS CAD LA SO SOR BRTAGS PAS 'GOG PA GCIG KHO NA 'AM ZHEN SMRAS PA, MA YIN NO, ,'O NA CI ZHIG YIN, SO SO RE RE YIN, KUN DU SBYOR BA'I RDZAS RNAMS JI SNYED PA BRAL BA'I RDZAS RNAMS KYANG DE SNYED DO, ,SO SOR @97A *, ,BRTAGS PA'I 'GOG PA BSHAD ZIN TO, ,SKYE LA GTAN TU BGEGS BYED PA, ,SO SOR BRTAGS PAS 'GOG MIN GZHAN, ,MA 'ONGS PA'I CHOS RNAMS SKYE BA LA GTAN DU BGEGS SU GYUR PA BRAL BA LAS GZHAN PA'I 'GOG PA GANG YIN PA DE NI SO SOR BRTAGS PA MA YIN PA'I 'GOG PA STE, DPAR NA GZUGS GCIG LA SKYES BU'I MIG LHAG PAR ZHEN PA NA GANG DAG GZUGS GZHAN RNAMS DANG, SGRA DANG, DRI DANG, RO DANG, REG BYA RNAMS 'DAS PAS DE LA DMIGS PA'I RNAM PAR SHES PA'I TSOGS LNGA RNAMS LA YANG SKYE BAR MI NUS TE, DE DAG 'DAS PA'I YUL LA DMIGS PA'I MTHU MED DO, ,DE'I PHYIR DE DAG GI SO SOR BRTAGS PA MA YIN PA'I 'GOG PA DE NI RKYEN MA TSANG BAS 'THOB BO, ,'DUS MA BYAS RNAM PA GSUM BSHAD ZIN TO, ,LAM MA GTOGS PA'I 'DUS BYAS RNAMS ZAG BCAS ZHES GANG SMRAS BA LA, 'DUS BYAS DE DAG GANG ZHE NA, ,'DUS BYAS PA'I CHOS DE YANG, ,GZUGS SOGS PHUNG PO LNGA PO STE, GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,DE DAG NI 'DUS BYAS KYI CHOS RNAMS TE RKYEN RNAMS KYIS 'DUS SHING PHRAD NAS BYAS PA NI 'DUS BYAS RNAMS SO, ,DE NYID DUS DANG GTAM GZHI DANG, ,NGES PAR 'BYUNG BCAS GZHIR BCAS DANG, ,DE NYID CES BYA BA NI 'DUS BYAS KYI CHOS RNAMS SO, ,SONG BA DANG 'GRO BA DANG 'GRO BAR 'GYUR PA'I PHYIR RAM, MI RTAG PA NYID KYIS ZOS PA'I PHYIR DUS SO, ,GTAM NI NGAG GO, ,DE'I GZHI NI MING STE, DON DANG BCAS PA'I DNGOS PO 'DZIN PA'I PHYIR 'DUS BYAS NI GTAM GYI GZHI ZHES BYA'O, ,NGES PAR 'BYUNG BA NI NGES PAR 'BYUNG BA STE, 'DUS BYAS THAMS CAD KYI MYA NGAN LAS 'DAS PA'O, ,DE 'DI DAG LA YOD PAS NGES PAR 'BYUNG BA DANG BCAS PA DAG GO, ,RGYU DANG BCAS PA'I PHYIR GZHIR BCAS DAG STE, GZHI'I SGRA NI RGYU'I TSIG YIN PA'I PHYIR RO, ,DE LTAR NA DE DAG NI 'DUS BYAS KYI CHOS KYI RNAM GRANGS SO, ,YANG 'DUS BYAS KYI CHOS DE DAG NYID NI, GANG DAG ZAG DANG BCAS DE DAG ,NYER LEN PHUNG PO, ,'DIS CI ZHIG 'GRUB PAR 'GYUR ZHE NA, NYE BAR LEN PA'I PHUNG PO GANG YIN PA DE DAG NI PHUNG PO NYID YIN LA NYE BAR LEN PA'I PHUNG PO MA YIN PA DAG KYANG YOD DE, ZAG PA MED PA'I 'DUS @97B BYAS RNAMS SO, ,DE LA NYE BAR LEN PA NI NYON MONGS PA RNAMS SO, ,DE LAS BYUNG BA'I PHYIR NYE BAR LEN PA'I PHUNG PO DAG STE, DPER NA RTZVA DANG SOG MA'I ME BZHIN PA'AM, DE LA RAG LUS PA'I PHYIR RGYAL PO'I MI BZHIN NO, ,YANG NA DE DAG LAS NYE BAR LEN PA 'BYUNG BAS NYE BAR LEN PA'I PHUNG PO RNAMS TE, ME TOG DANG 'BRAS BU'I LJON SHING BZHIN NO, ,ZAG PA DANG BCAS PA'I CHOS DE DAG NYID, 'THAB BCAS KYANG ZHES BYA STE, 'THAB PA NI NYON MONGS PA RNAMS TE, BDAG DANG GZHAN LA GNOD PA'I PHYIR RO, ,DE LA PHRA RGYAS SU GNAS PA'I PHYIR 'THAB BCAS DAG STE ZAG PA DANG BCAS PA BZHIN NO, ,DE DAG SDUG BSNGAL KUN 'BYUNG DANG, ,'JIG RTEN LTA GNAS SRID PA'ANG YIN, ,'PHAGS PA RNAMS DANG MI MTHUN PA'I PHYIR SDUG BSNGAL LO, ,'DI LAS SDUG BSNGAL KUN 'BYUNG BAS KUN 'BYUNG NGO, ,'JIG PAS NA 'JIG RTEN NO, ,'DI LA LTA BA PHRA RGYAS SU GNAS PA'I PHYIR LTA BA'I GNAS SO, ,'BYUNG BAS NA SRID PA STE, DE LTAR NA 'DI DAG NI ZAG PA DANG BCAS PA'I CHOS RNAMS KYI DON DANG MTHUN PA'I RNAM GRANGS SO, ,GZUGS LA SOGS PA'I PHUNG PO LNGA SMRAS PA DE LA, GZUGS NI DBANG PO LNGA DANG DON, ,LNGA DANG RNAM RIG MA YIN NYID, ,DBANG PO LNGA NI MIG DANG, RNA BA DANG, SNA DANG, LCE DANG, LUS KYI DBANG PO RNAMS SO, ,DON LNGA NI MIG LA SOGS PA DE DAG NYID KYI YUL GANG YIN PA GZUGS DANG, SGRA DANG, DRI DANG, RO DANG, REG BYA DANG, RNAM PAR RIG BYED MA YIN PA STE, DE SNYED CIG NI GZUGS KYI PHUNG PO'O, ,DE LA GANG DAG MIG LA SOGS PA SMRAS PA DE DAG NI, MIG LA SOGS PA GZUGS DANG BA, ,DE NI RNAM PAR SHES PA'I RTEN, ,GANG DAG MIG GI RNAM PAR SHES PA LA SOGS PA'I RTEN GZUGS DANG BA'I BDAG NYID LNGA PO DE DAG NI RIM BZHIN DU, MIG DANG, RNA BA DANG, SNA DANG, LCE DANG, LUS SU RIG PAR BYA'O, ,DBANG PO LNGA RNAMS BSHAD ZIN TO, ,DON LNGA PO RNAMS BSHAD PAR BYA STE, DE LA RE ZHIG ,GZUGS RNAM GNYIS LA, GZUGS ZHES BYA BA NI GZUGS KYI SKYE MCHED DO, ,RNAM GNYIS ZHES BYA BA NI, KHA DOG DANG DBYIBS SO, ,DE LA KHA DOG NI SNGON PO LA SOGS PA RNAM PA BZHI'O, ,GZHAN DAG NI DE'I DBYE BA LAS SO, ,DBYIBS NI RNAM PA BRGYAD DE, RING PO LA SOGS PA NAS PHYA LE PA MA YIN PA'I BAR DAG GO, ,YANG GZUGS KYA SKYE MCHED DE NYID @98A *, ,RNAM PA NYI SHU ZHES BYA STE, KHA DOG DANG DBYIBS GNYIS SNGON PO DANG SER PO LA SOGS PA'I BYE BRAG GIS RNAM PA BCU GNYIS DANG, RNAM PA BRGYAD DU DBYE BA'I PHYIR TE GO RIMS BZHIN NO, ,SGRA NI RNAM PA BRGYAD DANG NI, ,ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA SEMS CAN DANG SEMS CAN MA YIN PAR STON PA STE RNAM PA BZHI'O, ,DE YANG YID DU 'ONG BA DANG MI 'ONG BA'I BYE BRAG LAS RNAM PA BRGYAD DU 'GYUR RO, ,RO RNAM DRUG DANG ZHES BYA BA NI MNGAR BA DANG, SKYUR BA DANG, LAN TSVA DANG, TSA BA DANG, KHA BA DANG, BSKAL BAR DBYE BA LAS SO, ,DRI RNAM BZHI ZHES BYA BA NI, DRI ZHIM PA DANG, DRI NGA BA GNYIS MNYAM PA DANG MI MNYAM PA'I PHYIR RO, ,BSTAN BCOS DAG LAS NI RNAM PA GSUM DU 'BYUNG STE, DRI ZHIM PA DANG, DRI NGA BA DANG, DRI MA NYAM PA'O, ,REG BYA BCU GCIG BDAG NYID DO, ,REG PAR BYA BA'I RDZAS KYI RANG BZHIN NI BCUG CIG STE, 'BYUNG BA CHEN PO BZHI DAG NGANG, 'JAM PA NYID DANG, RTZUB PA NYID DANG, LCI BA NYID DANG, GRANG BA DANG, YANG BA NYID DANG, BKRES PA DANG, SKOM PA'O, ,DBANG PO LNGA PO DANG DON LNGA DAG NI BSHAD ZIN TO, ,DA NI RNAM PAR RIG BYED MA YIN PA BSHAD PAR BYA STE, DE NI 'DI SKAD CES BYA'O, ,RNAM PAR G-YENGS SEMS MED PA'I YANG, DGE DANG MI DGE RJES 'BREL BAS, ,'BYUNG PA CHE RNAMS RGYUR BYAS PA, ,DE NI RNAM RIG MIN ZHES ZER, ,SEMS RNAM PAR G-YENGS PA'I ZHES BYA BA NI DE LAS GZHAN PA'I SEMS KYI YANG YIN NO, ,SEMS MED PA'I ZHES BYA BA NI 'DU SHES MED PA DANG, 'GOG PA'I SNYOMS PAR 'JUG PA'I YIN NO, ,YANG ZHES BYA BA'I SGRAS NI RNAM PAR MA G-YENGS PA DANG, SEMS DANG BCAS PA'I YANG YIN PAR MNGON NO, ,DGE BA DANG MI DGE BA ZHES BYA BA NI MKHAS PA DANG MI MKHAS PA'O, ,RJES 'BREL ZHES BYA BA NI RGYUN NO, ,'THOB PA'I RGYUN YANG 'DI LTA BU YOD PAS KHYAD PAR DU BYA BA'I PHYIR 'BYUNG BA CHEN PO RGYUR BYAS PA ZHES BYA'O ,SKYED PA LA SOGS PA RGYU'I DNGOS PO YIN PA'I PHYIR RGYUR BYAS PA'I DON NI RGYU'I DON TO, ,DE NI RNAM RIG MIN ZHES BYA BA LA NI ZHES BYA BA'I SGRA NI DE'I MING SHES PAR BYA BA'I PHYIR TE, GZUGS DANG BYED BA'I RANG BZHIN YIN YANG RNAM PAR RIG BYED BZHIN DU GZHAN LA RIG PAR MI BYED PAS RNAM PAR RIG BYED MA @98B YIN PA ZHES BYA'O, ,ZER ZHES BYA BA NI SLOB DPON GYI TSIG YIN PAR STON PA'O, ,MDOR BSDU NA RNAM PAR RIG BYED DANG, TING NGE 'DZIN LAS BYUNG BA'I GZUGS DGE BA DANG MI DGE BA DANG MI DGE BA NI RNAM PAR RIG BYED MA YIN PA'O, ,GANG DAG 'BYUNG BA CHEN PO RGYUR BYAS PA ZHES SMRAS PA DE DAG GANG ZHE NA, 'BYUNG BA DAG NI SA'I KHAMS DANG, CHU DANG ME DANG RLUNG KHAMS RNAMS SO, ,DE LTAR NA KHAMS BZHI PO DE DAG NI 'BYUNG BA CHEN PO BZHI RNAMS ZHES BYA'O, ,YANG KHAMS DE DAG GI LAS NI CIR GRUB RANG BZHIN NI CI ZHE NA, SMRAS PA, 'DZIN PA LA SOGS LAS SU GRUB, ,'DZIN PA DANG, SDUD PA DANG, SMIN PA DANG, RGYAS PA STE, LAS 'DI RNAMS NI, SA DANG, CHU DANG, ME DANG, RLUNG GI KHAMS DE DAG GI LAS SU GO RIMS BZHIN DU GRUB BO, ,RANG BZHIN NI GO RIMS BZHIN DU, SA DANG GSHER DRO G-YO BA RNAMS, ,SA'I KHAMS NI SRA BA'O, ,CHU'I KHAMS NI GSHER BA'O, ,ME'I KHAMS NI DRO BA NYID DO, ,RLUNG GI KHAMS NI G-YO BA'O, , SA LA SOGS PA DANG, SA'I KHAMS LA SOGS PA LA BYE BRAG CI ZHIG YOD CE NA, 'JIG RTEN GYI NI THA SNYAD KYIS, ,KHA DOG DBYIBS LAS SA ZHES BRJOD, ,'DI LTAR SA STON PA NA RE KHA DOG DANG, DBYIBS LA STON TO, ,SA LA JI LTA BAR CHU DANG ME YANG 'JIG RTEN PA'I THA SNYAD KYIS KHA DOG DANG DBYIBS NYID LAS BRJOD DO, ,RLUNG KHAMS NYID, RLUNG GI KHAMS NYID GANG YIN PA DE NYID LA 'JIG RTEN DGAN RLUNG ZHES 'DOGS SO, ,DE LTA MOD KYI 'JIG RTEN GYI THA SNYAD KYIS KHA DOGS DANG DBYIBS LAS ZHES BRJOD PA DE BZHIN DU, RLUNG LA YANG RLUNG SNGON PO'O, ,RLUNG ZLUM PO'O ZHES BRJOD DO, ,'BYUNG BA CHEN PO DAG BSHAD ZIN TO, ,GANG DAG GZUGS KYI PHUNG PO'I RANG BZHIN SMRAS PA DE DAG NYID, ,DBANG PO DON RNAMS DE NYID LA, ,SKYE MCHED KHAMS DAG BCUR 'DOD DO, ,SKYE MCHED RNAM PAR GZHAG PA NI SKYE MCHED BCU DAG STE, MIG GI SKYE MCHED DANG, GZUGS KYI SKYE MCHED NAS LUS KYI SKYE MCHED DANG REG BYA'I SKYE MCHED KYI BAR DU'O, ,KHAMS RNAM PAR GZHAG PA NI KHAMS BCU DAG STE, MIG GI KHAMS NAS, GZUGS KYI KHAMS DANG, LUS KYI KHAMS DANG, REG BYA'I KHAMS KYI BAR DU'O, ,GZUGS KYI PHUNG PO DANG, DE'I SKYE MCHED DANG, KHAMS RNAM PAR GZHAG PA BSHAD ZIN TO, ,TSOR BA LA SOGS PA BRJOD PAR BYA STE, DE LA TSOR BA MYONG BA STE, BDE @99A *, ,BA DANG, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA MYONG BA RNAM PA GSUM NI TSOR PA'I PHUNG PO'O, ,'DU SHES NI MTSAN MAR 'DZIN PA'I BDAG NYID DE, GANG SNGON PO DANG, SER PO DANG, RING PO DANG, THUNG DU DANG, SKYES PA DANG, BUD MED DANG, MDZA' BO DANG, DGRA DANG, BDE BA DANG, SDUG BSNGAL LA SOGS PA'I MTSAN MAR 'DZIN PA 'DI NI 'DU SHES KYI PHUNG PO'O, ,BZHI LAS GZHAN NI 'DU BYED PHUNG, ,GZUGS DANG, TSOR BA DANG, 'DU SHES DANG, 'OG NAS 'BYUNG BA'I RNAM PAR SHES PA'I PHUNG PO LAS GZHAN PA'I 'DU BYED RNAMS NI 'DU BYED KYI PHUNG PO'O, ,'DI DAG LAS GSUM TSOR BA DANG, 'DU SHES DANG, 'DU BYED KYI PHUNG PO DAG STE, SKYE MCHED DANG KHAMS RNAM PAR GZHAG PAR NI RIG BYED MIN, 'DUS MA BYAS SU BCAS PA NI, ,CHOS KYI SKYE MCHED KHAMS ZHES BYA, ,DE LTAR NA RDZAS BDUN PO 'DI DAG NI CHOS KYI SKYE MCHED DANG KHAMS SU BSTAN TO, ,RNAM SHES SO SO RNAM RIG PA, ,YUL DANG YUL SO SO LA DMIGS SHING RNAM PAR RIG PA NI RNAM PAR SHES PA'I PHUNG PO ZHES BYA'O, ,DE YANG RNAM PAR SHES PA'I TSOGS DRUG STE, MIG GI RNAM PAR SHES PA NAS YID KYI RNAM PAR SHES PA'I BAR DU'O, ,GANG 'DI LTAR RNAM PAR SHES PA'I PHUNG PO BSHAD PA DAG SKYE MCHED RNAM PAR GZHAG PA NI, YID KYI SKYE MCHED KYANG DE YIN, KHAMS RNAM PAR GZHAG PAR YANG DE NYID DE, KHAMS BDUN DAG TU'ANG 'DOD PA YIN, ,BDUN PO DAG GANG ZHE NA, RNAM PAR SHES PA DRUG DANG YID, ,MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS DANG YID KYI KHAMS KYI BAR DU'O, ,DE LTAR NA 'DIR PHUNG PO LNGA DANG, SKYE MCHED BCU GNYIS DAG DANG, KHAMS BCO BRGYAD DAG TU RNAM PAR BSTAN PAR 'GYUR TE, RNAM PAR RIG BYED MA YIN PA MA GTOGS PA GZUGS KYI PHUNG PO NI SKYE MCHED BCU DAG DANG, KHAMS BCU DAG GO, ,TSOR BA LA SOGS PA'I PHUNG PO DANG, RNAM PAR RIG BYED MA YIN PA DANG, 'DUS MA BYAS DAG NI SKYE MCHED DANG, CHOS KYI KHAMS SO, ,RNAM PAR SHES PA'I PHUNG PO NI YID KYI SKYE MCHED DANG, RNAM PAR SHES PA'I KHAMS DRUG DANG YID KYI KHAMS SO, ,'O NA RNAM PAR SHES PA'I @99B TSOGS DRUG NI RNAM PAR SHES PA'I PHUNG POR BSHAD NA 'DIR DE DAG LAS GZHAN PA'I YID KYI KHAMS GANG YIN ZHE NA, GZHAN NI GANG YANG MED MOD KYI 'ON KYANG DE DAG NYID, DRUG PO 'DAS MA THAG PA YI, ,RNAM SHES GANG YIN DE YID DO, ,'DAS MA THAG PA'I RNAM PAR SHES PA GANG DANG GANG YIN PA DE DANG DE NI YID KYI KHAMS ZHES BYA STE, DPER NA BU DE NYID GZHAN GYI PHAR 'GYUR BA DANG, 'BRAS BU DE NYID GZHAN GYI SA BON YIN PA LTA BU'O, ,DE LTA NA YANG RNAM PAR SHES PA'I KHAMS DRUG DANG, YID KYI KHAMS RNAMS GCIG GI NANG DU GCIG 'DUS PA'I PHYIR RDZAS NYID DU NI KHAMS BCU BDUN NAM BCU GNYIS SU 'GYUR NA, CI'I PHYIR KHAMS BCO BRGYAD DU RNAM PAR GZHAG CE NA, DE LTA YIN MOD KYI 'ON KYANG, DRUG PA'I RTEN NI RAB BSGRUB PHYIR, ,KHAMS NI BCO BRGYAD DAG TU 'DOD, ,RNAM PAR SHES PA'I KHAMS LNGA PO DAG GI GNAS DAG NI MIG GI KHAMS LA SOGS PA YIN NA, DRUG PA YID KYI RNAM PAR SHES PA'I KHAMS NI GNAS GZHAN MED DE, DE'I PHYIR DE'I GNAS RAB TU BSGRUB PAR BYA BA'I PHYIR YID KYI KHAMS BSTAN TO, ,DE LTAR NA GNAS DANG, GNAS PA DANG, DMIGS PA RNAM PAR GZHAG PAS KHAMS BCO BRGYAD DAG TU 'GYUR RO, ,DE LA PHUNG PO DAG GIS NI 'DUS BYAS THAMS CAD BSDUS SO; ,NYE BAR LEN PA'I PHUNG PO DAG GIS NI ZAG PA DANG BCAS PA'I CHOS THAMS CAD BSDUS SO, ,SKYE MCHED DANG, KHAMS KYIS NI CHOS THAMS CAD DO, ,MDOR BSDUS TE SHES PAR BYA BA NI, ,PHUNG PO DANG NI SKYE MCHED DANG, ,KHAMS GCIG GIS NI THAMS CAD BSDUS, GZUGS KYI PHUNG PO DANG, YID KYI SKYE MCHED DANG, CHOS KYI KHAMS KYIS CHOS THAMS CAD BSDUS PAR RIG PAR BYA'O, ,YANG 'DI LTAR BSDU BA DE NI, ,GANG DANG GANG NAS 'BYUNG YANG RUNG, ,GANG GI NGO BO NYID KYIS TE, ,GZHAN GYI DNGOS POS NI MA YIN PAR RIG PAR BYA'O, ,CI'I PHYIR ZHE NA, GZHAN GYI DNGOS DANG MI LDAN PHYIR, ,CHOS GZHAN GYI DNGOS PO DANG MI LDAN PAS, DE BAS NA GANG DANG MI LDAN PA DE NYID KYIS BSDUS PAR NI MI RUNG STE, DPER NA MIG GI DBANG PO NI GZUGS KYI PHUNG PO DANG, MIG GI SKYE MCHED DANG KHAMS DANG, SDUG BSNGAL BA DANG, KUN 'BYUNG GI BDEN PA DAG GIS BSDUS TE, DE'I BDAG NYID YIN PA'I PHYIR RO, , @100A *, ,DE'I NGO BO DANG MI LDAN PA'I PHYIR PHUNG PO LA SOGS PA GZHAN DAG GIS NI MA YIN NO, ,'O NA MIG DANG, RNA BA DANG, SNA DAG GNYIS GNYIS YOD PAS KHAMS NYI SHU RTZA GCIG TU MI 'GYUR RAM ZHE NA, MI 'GYUR TE, GANG GI PHYIR, MIG LA SOGS PA GNYIS MOD KYI, ,RIGS DANG SPYOD YUL RNAM PAR SHES, ,'DRA BA'I PHYIR NA KHAMS GCIG NYID, ,DE LA RIGS 'DRA BA NI GNYI GA YANG MIG GI RANG BZHIN YIN PA'I PHYIR RO, ,SPYOD YUL 'DRA BA NI GNYI GA'I YUL GZUGS YIN PA'I PHYIR RO, ,RNAM PAR SHES PA 'DRA BA NI GNYI GA YANG MIG GI RNAM PAR SHES PA GCIG GI GNAS YIN PA'I PHYIR TE, DE BAS NA MIG GI KHAMS NI GCIG PA NYID DO, ,DE BZHIN DU RNA BA DANG, SNA LA YANG SBYAR BAR BYA'O, ,MDZES PA'I PHYIR NA GNYIS 'BYUNG STE, ,MIG LA SOGS PA KHAMS GCIG PA NYID YIN YANG GNAS MDZES PA'I PHYIR GNYIS 'BYUNG NGO, ,DE LTA MA YIN NA MIG DANG RNA BA'I RTEN GCIG PA DANG, SNA'I BU GA GCIG TU GYUR NA SHIN TU MI MDZES PA'I PHYIR RO, ,PHUNG PO DANG, KHAMS DANG, SKYE MCHED DAG BSHAD ZIN TO, ,PHUNG PO DANG, SKYE MCHED DANG, KHAMS KYI DON CI YIN PA 'DI BRJOD PAR BYA STE, SPUNGS DANG SKYE SGO RIGS KYI DON, ,PHUNG PO SKYE MCHED KHAMS RNAMS YIN, ,SPUNGS PA'I DON NI PHUNG PO'I DON TO, ,SKYE BA'I SGO'I DON NI SKYE MCHED KYI DON TO, ,RIGS KYI DON NI KHAMS KYI DON TO, ,YANG CI'I PHYIR BCOM LDAN 'DAS KYIS PHUNG PO LA SOGS PA'I SGO NAS RNAM PA GSUM STON PAR MDZAD CE NA, GDUL BYA RNAMS KYI PHYIR TE, RMONGS DBANG DANG RNAM GSUM GYI PHYIR, ,PHUNG PO LA SOGS GSUM BSTAN TO, ,GSUM ZHES BYA BA NI RNAM PA GSUM MO, ,SEMS CAN RMONGS PA RNAM PA GSUM GYI PHYIR TE, KHA CIG NI RIL POS BDAG TU 'DZIN PAS SEMS LAS 'BYUNG BA RNAMS LA RMONGS SO, ,KHA CIG NI GZUGS NYID LA'O, ,KHA CIG NI GZUGS DANG SEMS GNYI GA LA'O, ,DBANG PO DAG KYANG GSUM STE, DBANG PO RNON PO DANG, 'BRING DANG, RTUL PO'I PHYIR RO, ,DAD PA LA YANG RNAM PA GSUM STE, GZHUNG BSDUS PA DANG, BAR MA DANG, RGYA CHEN PO LA DAD PA'I PHYIR TE, DE DAG NI PHUNG PO DANG, SKYE @100B MCHED DANG, KHAMS GSUM BSTAN PA DANG GO RIMS BZHIN NO, ,YANG CI'I PHYIR SEMS LAS BYUNG BA GZHAN NI 'DU BYED KYI PHUNG POR GCIG TU BYAS LA, TSOR BA DANG 'DU SHES DAG NI LOGS SHIG TU PHUNG POR BYAS SHE NA, SMRAS PA, RTZOD PA'I RTZA BDAG DANG NI, ,'KHOR BA'I RGYU PHYIR RIM GYI PHYIR, , SEMS 'BYUNG DAG LAS TSOR BA DANG, ,'DU SHES LOGS SHIG PHUNG POR BSTAN, ,RTZOD PA'I RTZA BA DAG NI GNYIS TE, 'DOD PA LA LHAG PAR ZHEN PA'O, ,DE GNYIS KYI GTZO BO'I RGYU NI RIM PA BZHIN DU TSOR BA DANG, 'DU SHES DAG STE, TSOR BA RO MYANG BA'I DBANG GIS 'DOD PA LA MDON PAR ZHEN PA'I PHYIR DANG, 'DU SHES PHYIN CI LOG GI DBANG GIS LTA BA RNAMS SU GYUR PA'I PHYIR RO, ,'KHOR BA'I RGYU'I GTZO BO YANG DE DAG YIN TE, TSOR BA LA ZHEN PA DANG, 'DU SHES PHYIN CI LOG TU GYUR PAS NI 'KHOR RO, ,GANG YANG PHUNG PO'I GO RIMS KYI RGYU'O, ,GNAS STON PA'I GO RIMS KYI RGYU DE'I PHYIR YANG 'DI GNYIS LOGS SHIG TU PHUNG POR BYAS PAR RIG PAR BYA STE, DE NI DE NYID DU BSHAD PAR BYA'O, ,YANG CI'I PHYIR SKYE MCHED DANG, KHAMS DAG TU NI 'DUS MA BYAS BSHAD LA, PHUNG PO DAG TU NI 'DUS MA BYAS MA YIN ZHE NA, PHUNG PO DAG TU 'DUS MA BYAS, ,DON DU MI RUNG PHYIR MA BSHAD, , DE PHUNG PO DAG GI NANG DU BRJOD NA, RE ZHIG DE GZUGS MA YIN ZHING RNAM PAR SHES PA'I BAR DU YANG MA YIN PAS DON DU MI RUNG PA'I PHYIR TE, DE NYID DU BSDU BA NI MI NUS SO, ,DON DU MI RUNG BA'I PHYIR PHUNG PO DRUG PA BRJOD PAR YANG GA LA NUS TE, SPUNGS PA'I DON NI PHUNG PO ZHES BSHAD NA, 'DUS MA BYAS NI SPUNGS PA'I DON DU MI 'THAD DO, ,YANG KUN NAS NYON MONGS PA'I DNGOS PO SHES PAR BYA BA'I PHYIR NYE BAR LEN PA'I PHUNG PO ZHES BYA LA, KUN NAS NYON MONGS PA DANG, RNAM PAR BYANG BA'I DNGOS PO SHES PAR BYA BA'I PHYIR PHUNG PO ZHES KYANG BYA NA, 'DUS MA BYAS NI DON DU MI RUNG PA'I PHYIR GNYI GA YANG MA YIN TE, DE'I PHYIR DE DAG TU RNAM PAR MA BZHAG GO, ,PHUNG PO'I RNAM PAR GZHAG PA DAG NI BSHAD ZIN TO, ,RIM NI RAGS DANG KUN NYON MONGS, ,SNOD SOGS KHAMS KYI DON LAS SO, ,GZUGS NI THAMS CAD PAS RAGS PA DANG THOGS PA DANG BCAS PA'I PHYIR RO, ,GZUGS CAN MA @101A *, ,YIN PA RNAMS LA YANG TSOR BA NI RGYU BA RAGS PA STE, 'DI LTAR NGA'I KLAD PA LA TSOR RO, ,NGA'I KLAD PA PHYED LA TSOR RO, ,ZHES BRJOD DO, ,'DU SHES NI GNYIS PAS CHES RAGS SO, ,RNAM PAR SHES PA BAS NI 'DU BYED DE, DE'I PHYIR GANG CHES RAGS PA DE SNGAR BSHAD DO, ,YANG NA THOG MA MED PA CAN GYI 'KHOR BA NA SKYES PA DANG, BUD MED DAG GZUGS LA PHAN TSUN MNGON PAR DGA' STE, DE DAG KYANG TSOR BA'I RO MYANG BA LA CHAGS PA'I PHYIR RO, ,CHAGS PA DE YANG 'DU SHES PHYIN CI LOG TU GYUR PA'I PHYIR RO, ,PHYIN CI LOG DE YANG NYON MONGS PA DAG GIS SO ,SEMS DE NI KUN NAS NYON MONGS PA CAN YIN PAS JI LTAR NYON MONGS PA'I GO RIMS BZHIN NO, ,YANG NA SNOD LA SOGS PA'I DON GYIS TE, GZUGS LA SOGS PA'I PHUNG PO NI SNOD DANG, ZAS DANG, TSOD MA DANG, BYED PA PO DANG, ZAB PO LTA BUR GYUR PA'O, ,YANG NA KHAMS LAS TE, 'DOD PA'I YON TAN GZUGS KYIS RAB TU PHYE BA NI 'DOD PA'I KHAMS SO, ,TSOR BAS RAB TU PHYE BA NI BSAM GTAN RNAMS SO, ,'DU SHES KYIS RAB TU PHYE BA NI GZUGS MED PA GSUM MO, ,'DU BYED TZAM GYIS RAB TU PHYE BA NI SRID PA'I RTZE MO'O, ,DE DAG LA RNAM PAR SHES PA GNAS PAS 'DI DAG NI RNAM PAR SHES PA GNAS PA DAG STE, PHUNG PO'I GO RIMS NI ZHING DANG SA BON LTA BU'I GO RIMS SU BSTAN PA'I PHYIR RO, ,DE'I PHYIR PHUNG PO RNAMS NI LNGA KHO NA STE MI NYUNG MI MANG NGO, ,DE BAS NA DE DAG NI CHES RAGS PA DANG, NYON MONGS PA'I RGYU'I RIM PA DANG, ZAS DANG TSOD MA LTA BUR GYUR PA DANG, DES KHAMS GNYIS RAB TU PHYE BA'I PHYIR GO RIMS KYI RGYU TSOR BA DANG, 'DU SHES NI, 'DU BYED RNAMS LAS LOGS SHIG TU PHUNG POR BYAS SO, ,MIG LA SOGS PA KHAMS DANG SKYE MCHED DRUG GI GO RIMS DAG BRJOD PAR BYA STE, DE BSTAN PA NYID KYIS DE'I YUL DANG RNAM PAR SHES PA'I GO RIMS KYANG YIN NO, ,DRUG PO DE DAG KYANG, DA LTA'I DON PHYIR DANG PO LNGA, ,MIG LA SOGS PA LNGA'I YUL NI DA LTA'I YIN PA'I PHYIR DANG POR BSHAD DO, ,YID NI MA NGES TE, KHA CIG GI YUL NI DA LTAR RO, ,KHA CIG GI YUL NI DUS GSUM DANG DUS MA YIN PA'O, ,'BYUNG BA LAS GYUR @101B DON PHYIR BZHI, ,DANG POR ZHES BYA BAR SBYAR RO, ,LNGA RNAMS LAS KYANG BZHI LNGAR BSHAD PA NI YUL 'BYUNG BA LAS GYUR PA'I PHYIR RO, ,LUS KYI YUL NI MA NGES TE, ,RES 'GA' NI 'BYUNG BA DAG GO, ,RES 'GA' NI 'BYUNG BA LAS GYUR PA'O, ,RES 'GA' NI GNYI GA'O, ,GZHAN NI RING DANG RAB MYUR 'JUG ,YANG LHAG MA GZHAN NI CI RIGS PAR RING BA DANG, RAB TU MYUR BAR 'JUG PAS SNGAR SMOS TE, MIG DANG, RNA BA NI YUL RING BA'I PHYIR GNYIS PAS SNGAR SMOS SO, ,DE GNYIS LAS KYANG, MIG NI SHIN TU RING BA LA 'JUG STE, RLUNG RGYANG RING PO NAS MTHONG YANG DE'I SGRA MI THOS PAS, DE'I PHYIR DE SNGAR SMOS SO, ,SNA DANG LCE NI RING PO LA 'JUG PA MED MOD KYI, DE GNYIS LAS KYANG SNA RAB TU MYUR BAR 'JUG PA'I PHYIR SNGAR SMOS TE, LCE ZAS DANG MA PHRAD PA NYID DU DRI 'DZIN PA'I PHYIR RO, ,YANG NA JI LTAR GNAS BZHIN RIM, ,YANG NA LUS 'DI LA MIG GI RTEN NI DANG PO NA GNAS SO, ,DE'I 'OG NA NI RNA BA'I 'O, ,DE'I 'OG NA NI SNA'I'O, ,DE'I 'OG NA NI LCE'I'O, ,LUS KYI NI PHAL CHER DE'I 'OG NA'O, ,YID NI DE DAG LA BRTEN PA DANG, YUL NA MI GNAS PA'I PHYIR TE, ,DE DAG GI GO RIMS NI JI LTAR GNAS PA BZHIN YIN NO, ,YANG CI'I PHYIR GZUGS KYI BDAG NYID KYI SKYE MCHED BCU PO DE DAG LAS GCIG NI GZUGS KYI SKYE MCHED DU BSTAN LA, THAMS CAD KYANG CHOS KYI RANG BZHIN YIN NA GCIG CHOS KYI SKYE MCHED CES BYA ZHE NA, SMRAS PA, KHYAD PAR DON DANG GTZO BO'I PHYIR, ,CHOS MANG MCHOG RNAMS BSDUS PA'I PHYIR, ,GZUGS KYI SKYE MCHED GCIG DANG NI,, GCIG NI CHOS ZHES BSHAD PA YIN, ,KHYAD PAR GYI DON JI LTA BU ZHE NA, 'DI LTAR YUL CAN DU YUL NYID DU RNAM PAR GZHAG PA'I PHYIR SKYE MCHED BCU GNYIS PO DE DAG NI THA DAD PA'I YIN GYI BSDUS PA NI MA YIN NO ZHES RTOGS PAR BYA STE, MIG LA SOGS PA KHYAD PAR DU BYAS PA LA GANG MIG LA SOGS PAR NI MA BSHAD CING, GZUGS NI YIN LA DE'I MING GZHAN MA SMOS PA DE NI GZUGS GYI SKYE MCHED DU SHES PAR BA'O, ,YANG NA GZUGS KYI SKYE MCHED NI GTZO BO YIN PA'I PHYIR TE, DE NI THOGS PA DANG BCAS PA'I PHYIR TE, LAG PA LA SOGS PA'I REG PA DAG GIS REG NA GZUGS SU RUNG BA DANG, BSTAN DU RUNG BA'I PHYIR TE, 'DI @102A *, ,NI 'DI NA'O, ,CHE GE MO ZHIG NA'O ZHES BSTAN DU RUNG BA'I PHYIR RO, ,'JIG RTEN DAG NA YANG DE NI GZUGS SO ZHES GRAGS KYI GZHAN DAG NI MA YIN NO, ,KHYAD PAR GYI DON NYID KYIS CHOS KYI SKYE MCHED GCIG TU BSHAD KYI THAMS CAD NI MA YIN NO, ,YANG 'DIR TSOR BA LA SOGS PA CHOS MANG PO RNAMS BSDUS TE, DE'I PHYIR CHOS KYI SGRAR SPYIR RJOD PAR BYED DO, ,CHOS KYI MCHOG MYA NGAN LAS 'DAS PA YANG BSDUS TE, GZHAN DAG TU NI MA YIN NO, ,MDO DAG LAS KYANG PHUNG PO DANG, KHAMS DANG, SKYE MCHED CES BYA BA GZHAN DANG GZHAN DAG KYANG DMIGS NA, CI DE RNAMS 'DI DAG NYID KYIS BSDUS SAM 'ON TE THA DAD PA ZHIG YIN PAR RIG PAR BYA ZHE NA, 'DI DAG NYID KYIS BSDUS KYI THA DAD PA NI MA YIN TE, DE LA RE ZHIG ,CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG ,DE DAG TSIG GAM MING NA YANG, ,GZUGS SAM 'DU BYED DAG TU 'DUS, ,GANG DAG GI SANGS RGYAS KYI GSUNG DAG GI RANG BZHIN YIN PA DE DAG GI DE RNAMS NI GZUGS KYI PHUNG PO DAG GIS BSDUS SO, ,GANG DAG GI MING GI RANG BZHIN YIN PA DE DAG GI NI 'DU BYED KYI PHUNG POS SO, ,YANG CHOS KYI PHUNG PO'I TSAD JI TZAM ZHE NA, KHA CIG BSTAN BCOS TSAD CES ZER, ,RE ZHIG KHA CIG NI CHOS KYI PHUNG PO ZHES BSTAN BCOS CHOS MNGON PA'I TSAD TZAM MO ZHES ZER TE, DE NI STONG PHRAG DRUG GO, ,YANG GZHAN DAG NA RE, PHUNG SOGS BSHAD PA RE RE'O, ,PHUNG PO DANG, KHAMS DANG, SKYE MCHED DANG, RTEN CING 'BREL BAR 'BYUNG BA DANG, BDEN PA DANG, ZAS DANG, BSAM GTAN DANG, TSAD MED PA DANG, GZUGS MED PA DANG, RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DANG, BYANG CHUB KYI PHYOGS DANG, MNGON PAR SHES PA DANG, SO SO YANG DAG PAR RIG PA DANG, SMON NAS SHES PA DANG, NYON MONGS PA MED PA RNAMS KYI BSHAD PA RE RE NI CHOS KYI PHUNG PO'O ZHES ZER RO, ,SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,'DI LTAR SEMS CAN RNAMS KYI SPYOD PA 'DOD CHAGS DANG, ZHE SDANG DANG, GTI MUG DANG, NGA RGYAL LA SOGS PA BRGYAD KHRI THA DAD PAS DE DAG GI GNYEN POR BCOM LDAN 'DAS KYIS @102B CHOS KYI PHUNG PO BRGYAD KHRI GSUNGS SO ZHES BRJOD DO, ,JI LTAR CHOS KYI PHUNG PO BRGYAD KHRI BO DE DAG PHUNG PO LNGA DAG TU BSDUS PA, DE BZHIN GZHAN YANG CI RIGS PAR, ,PHUNG PO SKYE MCHED KHAMS RNAMS NI, ,RANG GI MTSAN NYID LEGS SPYAD DE, ,JI SKAD BSHAD PAR BSDU BAR BYA, ,GANG YANG MDO GZHAN DAG LAS, PHUNG PHO DANG, KHAMS DANG, SKYE MCHED GZHAN GSUNGS PA DE DAG KYANG BSTAN BCOS 'DIR JI SKAD BSHAD PA BZHIN DE DAG GI RANG GI MTSAN NYID LEGS PAR SPYAD NAS PHUNG PO LA SOGS PA LA JI SKAD DU BSHAD PA 'DI DAG NYID DU BSDU BAR BYA STE, DE LA RE ZHIG TSUL KHRIMS LA SOGS PA'I PHUNG PO LNGA RNAMS LA, TSUL KHRIMS KYI PHUNG PO NI GZUGS KYI PHUNG POS BSDUS SO, ,LHAG MA RNAMS NI 'DU BYED KYI PHUNG POS SO, ,ZAD PAR GYI SKYE MCHED BCU RNAMS LAS BRGYAD NI MA CHAGS PA'I RANG BZHIN YIN PA'I PHYIR CHOS KYI SKYE MCHED KYIS SO, ,'KHOR RNAMS DANG BCAS NA NI PHUNG PO LNGA'I RANG BZHIN YIN PA'I PHYIR YID DANG CHOS KYI SKYE MCHED GNYIS KYIS SO, ,ZIL GYIS GNON PA'I SKYE MCHED RNAMS KYANG DE BZHIN NO, ,ZAD PAR GYI SKYE MCHED LAS NI NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED LA SOGS PA BZHI RNAMS NI PHUNG PO BZHI'I RANG BZHIN YIN PA'I PHYIR YID DANG CHOS KYI SKYE MCHED GNYIS KYIS SO, ,RNAM PAR GROL BA'I SKYE MCHED LNGA RNAMS NI SHES RAB KYI RANG BZHIN YIN PA'I PHYIR CHOS KYI SKYE MCHED KYIS SO, ,DE 'KHOR RNAMS DANG BCAS NA NI SGRA DANG, YID DANG, CHOS KYI SKYE MCHED RNAMS KYIS SO, ,SKYE MCHED GNYIS LAS 'DU SHES MED PA'I SEMS CAN GYI NI DRI DANG RO'I SKYE MCHED MED PA'I PHYIR SKYE MCHED BCU RNAMS KYIS SO, ,'DU SHES MED 'DU SHES MED MIN GYI SKYE MCHED DU NYE BAR 'GRO BA NI YID DANG CHOS KYI SKYE MCHED GNYIS KYIS SO, ,DE BZHIN DU KHAMS MANG PO PA'I MDO LAS, KHAMS DRUG CU RTZA GNYIS BSTAN PA DE DAG KYANG CI RIGS PAR BSDU BAR RIG PAR BYA'O, ,DER GANG DAG SA'I KHAMS LA SOGS PA NAS RNAM PAR SHES PA'I KHAMS KYI BAR DU BSTAN PA LA, 'DI DAG GNYIS KYI MTSAN NYID MA BSHAD NA DE CI NAM MKHA' NYID NAM MKHA'I KHAMS YIN LA, RNAM PAR SHES PA THAMS CAD KYANG RNAM PAR SHES PA'I KHAMS @103A *, ,SU RIG PAR BYA 'AM, SMRAS PA, DE MA YIN TE, 'DI LTAR SGO DANG SKAR KHUNG DANG, ,KHA DANG SNA LA SOGS PA YI, ,BU GA NAM MKHA'I KHAMS ZHES BYA, ,BU GA ZHES BYA BA JI LTA BUR RIG PAR BYA, DE NI SNANG DANG MUN PA GNYIS, ,JI LTAR SHES PAR BYA ZHE NA, ,BU GA NI SNANG BA DANG MUN PA GNYIS LAS GZHAN DU GZUNG DU MED DO, ,DE NYID THOGS PAS NYE BAR BSKOR BA'I GZUGS ZHES BYA STE, THOGS PA ZHES BYA BA NI BSAGS PAR GNAS PA'O, ,SHIN TU GNOD PA BYAR RUNG BA'I PHYIR GZUGS TE DES NYE BAR BSKOR BA'O, ,YANG NA DE LA DE LAS GZHAN PA'I GZUGS THOGS PA MED PA'I PHYIR THOGS PA MED PA'O, ,GZUGS GZHAN LA NYE BAR BSKOR BA YANG YIN PAS THOGS PA MED PAS NYE BAR BSKOR BA'O, ,RNAM SHES ZAG PA DANG BCAS PA, ,RNAM SHES KHAMS YIN SKYE BA'I RTEN, ,CI'I PHYIR ZAG PA MED PA MI BYA ZHE NA, GANG GI PHYIR KHAMS DRUG PO DE DAG NI, SKYE BA'I RTEN YIN PAR 'DOD DE, DE DAG NI NYID MTSAMS SBYOR BA'I SEMS NAS 'CHI BA'I SEMS KYI BAR DU SKYE BA'I GZHIR GYUR PA STE, ZAG PA MED PA'I CHOS NI DE LTA MA YIN NO, ,DE'I PHYIR DE LTAR NA KHAMS BZHI BO NGAG NI REG BYA'I KHAMS KYI NANG DU 'DUS SO, ,LNGA PA NI GZUGS KYI KHAMS SU 'DUS SO, ,DRUG PA NI RNAM PAR SHES PA'I KHAMS BDUN RNAMS SU 'DUS SO, ,SKYE MCHED DANG KHAMS RNAMS BKOD ZIN TO, ,YANG KHAMS BCO BRGYAD PO 'DI DAG LAS BSTAN DU YOD PA RNAMS NI DU, BSTAN DU MED PA RNAMS NI DU ZHE NA, BSTAN YOD 'DIR NI GZUGS GCIG PU, ,GZUGS 'DI NI 'DI NA'O, ,CHE GE MO ZHIG NA'O ZHES DE BSTAN PAR NUS PAS, LHAG MA RNAMS NI BSTAN DU MED PAR BSHAD PAR 'GYUR RO, ,THOGS PA DANG BCAS PA RNAMS NI DU, THOGS PA MED PA RNAMS NI DU ZHE NA, THOGS DANG BCAS PA GZUGS CAN BCU, ,GANG 'DI GZUGS KYI PHUNG POS BSDUS PA'I KHAMS BCU BSHAD PA DE DAG NI THOGS PA DANG BCAS PA YIN PAS, BRGYAD PO DE DAG NI THOGS PA MED PAR BSHAD PAR 'GYUR RO, ,DGE BA RNAMS NI DU, MI DGE BA RNAMS NI DU, LUNG DU MA BSTAN PA RNAMS NI DU ZHE NA, LUNG BSTAN MIN BRGYAD, BRGYAD PO DAG GANG ZHE NA, GANG 'DI THOGS PA DANG BCAS PA BCU BSHAD PA, DE NYID LAS, , @103B GZUGS DANG SGRA MIN DBANG PO LNGA RNAMS DANG, ,DRI DANG, RO DANG, REG BYA'I KHAMS BRGYAD PO DE DAG NI, DGE BA DANG, MI DGE BA'I DNGOS POR LUNG DU MA BSTAN PA'I PHYIR LUNG DU MA BSTAN PA'O, ,GZHAN RNAM GSUM, GZHAN KHAMS BCU PO DE DAG NI DGE BA DANG, MI DGE BA DANG, LUNG DU MA BSTAN PA YANG YIN TE, DE LA RNAM PAR SHES PA'I KHAMS BDUN NI MA CHAGS PA LA SOGS PA DANG MTSUNGS PAR LDAN PA NI DGE BA YIN NO, ,CHAGS PA LA SOGS PA DANG MTSUNGS PAR LDAN PA NI MI DGE BA'O, ,GZHAN DAG NI LUNG DUM BSTAN PA YIN NO, ,CHOS KYI KHAMS NI CHAGS PA LA SOGS PA'I RANG BZHIN DANG MTSUNGS PAR LDAN PA DANG, KUN NAS BSLANG BA DANG, SO SOR BRTAGS PA'I 'GOG PA NI DGE BA'O, ,CHAGS PA LA SOGS PA'I RANG BZHIN DANG MTSUNGS PAR LDAN PA DANG, KUN NAS BSLANG BA NI MI DGE BA'O, ,GZHAN DAG NI LUNG DU MA BSTAN PA YIN NO, ,GZUGS DANG SGRA'I KHAMS NI LUS DANG NGAG GI RNAM PAR RIG PAS BSDUS PA DGE BA DANG MI DGE BA'I SEMS KYIS KUN NAS BSLANG BA NI DGE BA DANG MI DGE BA YIN NO, ,DE LAS GZHAN PA DAG NI LUNG DU MA BSTAN PA YIN NO, ,DGE BA LA SOGS PA'I DNGOS PO BSHAD ZIN TO, ,KHAMS BCO BRGYAD PO DE DAG LAS 'DOD PA DANG, GZUGS DANG, GZUGS MED PAR GTOGS PA NI DU ZHE NA, 'DOD KHAMS GTOGS PA THAMS CAD DO, ,GTOGS PA NI MA BRAL BA STE, 'DOD PA'I KHAMS DANG LDAN ZHES BYA BA'I THA TSIG GO, ,GZUGS KYI KHAMS NA BCU BZHI'O, ,GZUGS KYI KHAMS NA NI KHAMS BCU BZHI RNAMS TE, DRI DANG RO DANG SNA DANG NI, ,LCE'I RNAM SHES KHAMS MA GTOGS, ,DE NI DRI DANG RO GNYIS MED DE, DE GNYIS NI KHAM GYI ZAS YIN PA'I PHYIR, DE'I 'DOD CHAGS DANG BRAL BA RNAMS NI DE DAG TU SKYE'O, ,DE BAS NA DMIGS PA MED PA'I PHYIR, SNA DANG LCE'I RNAM PAR SHES PA YANG MED DO, , GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,GZUGS KYI 'DOD CHAGS DANG BRAL BA RNAMS NI DER SKYE STE, DE'I PHYIR DE NA GZUGS KYI RANG BZHIN GYI KHAMS BCU DANG, GNAS DANG, DMIGS PA DE DAG GI RNAM PAR SHES PA'I KHAMS LNGA YANG MED DO, ,ZAG PA @104A *, ,DANG BCAS PA RNAMS NI DU, ZAG PA MED PA RNAMS NI DU ZHE NA, GANG DAG YID DANG, CHOS DANG YID KYI RNAM PAR SHES PA'I KHAMS BSHAD PA DE DAG NI, DE GSUM ZAG BCAS ZAG PA MED, ,GANG DAG LAM GYI BDEN PA DANG 'DUS MA BYAS KYIS BSDUS PA DE DAG NI ZAG PA MED PA YIN NO, GZHAN DAG NI ZAG PA DANG BCAS PA YIN NO, ,LHAG MA RNAMS NI ZAG BCAS SO, ,LHAG MA KHAMS BCO LNGA PO DE DAG NI GCIG TU ZAG PA DANG BCAS PA YIN NO, ,RTOG PA DANG BCAS SHING DPYOD PA DANG BCAS PA NI DU, RTOG PA MED CING DPYOD PA TZAM NI DU, RTOG PA MED CING DPYOD PA MED PA NI DU ZHE NA, RTOG DANG DPYOD DANG BCAS PA NI, ,RNAM PAR SHES PA'I KHAMS LNGA YIN, ,'DI DAG NI RTAG TU RTOG PA DANG, DPYOD PA DANG MTSUNGS PAR LDAN NO, ,THA MA GSUM NI RNAM GSUM MO, ,THA MA GSUM NI YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS RNAMS TE, GSUM PO DE DAG NI RNAM PA GSUM STE, DE LA YID KYI KHAMS DANG, YID KYI RNAM PAR SHES PA'I KHAMS DANG, RTOG PA DANG DPYOD PA GNYIS LAS GZHAN PA CHOS KYI KHAMS MTSUNGS PAR LDAN PA DAG NI 'DOD PA'I KHAMS DANG, BSAM GTAN DANG PO DAG TU RTOG PA DANG BCAS SHING DPYOD PA DANG BCAS PA YIN NO, ,BSAM GTAN KHYAD PAR CAN DAG NA NI RTOG PA MED CING DPYOD PA TZAM YIN NO, ,DE'I GONG MA DANG MTSUNGS PAR LDAN PA MA YIN PA THAMS CAD DANG, BSAM GTAN KHYAD PAR CAN DAG GI DPYOD PA NI RTOG PA MED CING DPYOD PA MED PA YIN NO, ,RTOG PA NI RTOG PA GNYIS PA MED PA'I PHYIR DANG, DPYOD PA DANG MTSUNGS PAR LDAN PA'I PHYIR RTAG TU RTOG PA MED CING DPYOD PA TZAM YIN NO, ,'DOD PA'I KHAMS DANG BSAM GTAN DANG PO DAG GI DPYOD PA NI RNAM PA GSUM PO 'DI DAG GI NANG DU MA BSHAD NA DE JI SKAD DU BRJOD PAR BYA ZHE NA, DPYOD PA GNYIS MED PA'I PHYIR DANG, RTOG PA DANG MTSUNGS PAR LDAN PA'I PHYIR DPYOD PA MED CING RTOG PA TZAM YIN NO, ,LHAG MA GNYI GA SPANGS PA'O, ,LHAG MA NI GZUGS KYI KHAMS BCU PO RNAMS TE, ,DE DAG NI MTSUNGS PAR LDAN PA MA YIN PA'I PHYIR RTAG TU RTOG PA MED CING DPYOD PA MED PA'O, ,GAL TE RNAM PAR SHES PA'I CHOGS LNGA PO RNAMS @104B RTOG PA DANG BCAS SHING DPYOD PA DANG BCAS PA YIN, JI LTAR RNAM PAR RTOG PA MED PA ZHES BYA ZHE NA, NGES PAR RTOG DANG RJES DRAN PA'I, ,RNAM PAR RTOG PAS RNAM MI RTOG ,RNAM PAR RTOG PA NI RNAM PA GSUM STE, RANG BZHIN DANG, NGES PAR RTOG PA DANG, RJES SU DRAN PA'I RNAM PAR RTOG PA'O, ,DE DAG LA RANG BZHIN GYI RTOG PA NI YOD KYI GZHAN DAG NI MA YIN TE, DE'I PHYIR RNAM PAR MI RTOG PA ZHES BYA STE, DPER NA KHRI RKANG PA GCIG PA LA RKANG PA MED ZHES BYA BA BZHIN NO, ,DE LA RANG BZHIN GYI RNAM PAR RTOG PA DANG DPYOD PA NI 'OG NAS SEMS LAS BYUNG BA DAG GI NANG NAS STON PA GANG YIN PA'O, ,YANG GZHAN DAG GI RANG BZHIN JI LTA BU ZHE NA, RIM BZHIN DU, DE YID SHES RAB MA MNYAM DANG, ,YID KYI DRAN PA THAMS CAD DO, ,YID KYI RNAM PAR SHES PA DANG MTSUNGS PAR LDAN PA'I SHES RAB NI YID KYI ZHES BYA'O, ,MNYAM PAR GZHAG PA MA YIN PA NI MA MNYAM PA ZHES BYA STE, DE NI NGES PAR RTOG PA'I RNAM PAR RTOG PA'O, ,YID KYI DRAN PA MNYAM PAR GZHAG PA DANG, MNYAM PAR GZHAG PA MA YIN PA THAMS CAD NI RJES SU DRAN PA'I RNAM PAR RTOG PA'O, ,DMIGS PA DANG BCAS PA RNAMS NI DU, DMIGS PA MED PA RNAMS NI DU ZHE NA, DMIGS BCAS SEMS KYI KHAMS BDUN NO; ,MIG DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA'I KHAMS DANG, YID KYI KHAMS TE, SEMS KYI KHAMS BDUN PO DE DAG NI YUL 'DZIN PA'I PHYIR DMIGS PA DANG BCAS PA'O, ,CHOS KYI PHYOGS DANG, DMIGS PA DANG BCAS PA STE, SEMS LAS BYUNG BA'I RANG BZHIN GANG YIN PA'O, ,LHAG MA GZUGS CAN BCU DAG DANG, ,CHOS KYI KHAMS KYI PHYOGS LDAN PA MA YIN PA RNAMS NI, DMIGS PA MED PA ZHES BYA BAR GRUB BO, ,ZIN PA RNAMS NI DU, MA ZIN PA RNAMS NI DU ZHE NA, MA ZIN PA DGU, DGU GANG ZHE NA, GANG DAG DMIGS PA DANG BCAS PAR BSHAD PA BDUN DANG, BRGYAD PA'I PHYOGS DANG BCAS PAR BSHAD DE, BRGYAD PO DE DAG RNAMS DANG SGRA, ,DE LTAR NA KHAMS BDUN DANG, CHOS KYI KHAMS DANG, SGRA'I KHAMS TE DGU PO DE DAG NI MA ZIN PA YIN NO, ,DGU PO GZHAN NI RNAM PA GNYIS ZIN PA @105A *, ,DANG MA ZIN PA STE, DE LA MIG DANG, RNA BA DANG, SNA DANG, LCE DANG, LUS DANG, DA LTAR BYUNG BA RNAMS NI ZIN PA YIN NO, ,'DAS PA DANG MA 'ONGS PA RNAMS NI MA ZIN PA'O, ,GZUGS DANG, SGRA DANG, DRI DANG, RO DANG, REG BYA'I KHAMS DA LTAR BYUNG BA DBANG BO DANG THA MI DAD PA RNAMS NI ZIN PA'O, ,GZHAN DAG NI MA ZIN PA STE, 'DI LTA STE, RTZA BA MA GTOGS PA'I SKRA DANG, BA SPU DANG, SO DAG GI DANG, PHYI SA NGANG GCIN DANG MCHIL MA DANG, SNABS DANG KHRAG LA SOGS PA DAG GI DANG, SA DANG RDO BA LA SOGS PA DAG GI'O, ,KHAMS RNAMS LAS BYUNG BA'I RANG BZHIN NI DU, 'BYUNG BA LAS GYUR PA RNAMS NI DU ZHE NA, REG BYA RNAM PA GNYIS YIN TE, 'BYUNG BA DANG 'BYUNG BA LAS GYUR PA'O, ,DE LAS 'BYUNG BA NI BZHI'O, ,'BYUNG BA LAS GYUR PA NI 'JAM PA LA SOGS PA RNAM PA BDUN TE, 'BYUNG BDAG LA YOD PA'I PHYIR RO, ,LHAG MA GZUGS CAN DGU PO NI, ,'BYUNG GYUR DBANG PO LNGA'I KHAMS DANG, YUL BZHI PO DE DAG NI 'BYUNG BA LAS GYUR PA NYID DO, ,CHOS KHAMS PHYOGS GCIG KYANG 'BYUNG BA LAS GYUR PA STE, RNAM PAR RIG BYED MA YIN PA ZHES BYA'O, ,DE'I PHYIR GZHAN DAG NI GNYI GA MA YIN PAR GRUB PO, ,BSTZAGS PA RNAMS NI DU, BSTZAGS PA MA YIN PA RNAMS NI DU ZHE NA, GZUGS CAN BCU NI BSTZAGS PA'O, ,DBANG PO LNGA'I KHAMS DAG YUL LNGA DAG NI RDUL PHRA RAB 'DUS PA YIN PA'I PHYIR BSTZAGS PA'O, ,KHAMS BCO BRGYAD RNAMS LAS GCOD PAR BYED PA NI GANG, GCAD PAR BYA BA NI GANG ZHIG ,SREG PAR BYED PA NI GANG, BSREG PAR BYA BA NI GANG ZHIG ,'JAL BAR BYED PA NI GANG, GZHAL BAR BYA BA NI GANG ZHIG CE NA, GCOD BYED GCAD PAR BYA BA NYID, ,PHYI ROL KHAMS NI BZHI YIN NO, ,GZUGS DANG, DRI DANG RO DANG, REG BYA ZHES BYA BA NI DGRA STA DANG, SHING LA SOGS PA ZHES BYA BA'O, ,JI LTAR, GCOD BYED GCAD PAR BYA BA NYID, ,PHYI ROL KHAMS BZHI YIN PA LTAR, ,DE BZHIN BSREG BYA 'JAL BA'O, ,DE NYID BSREG PAR BYA BA YIN LA, DE NYID 'JAL BAR BYED PA YANG YIN NO, ,SREG DANG 'JAL LA MI MTHUN SMRA, KHA CIG NI KHAMS BZHI @105B PO DE NYID SREG PAR BYED PA DANG, GZHAL BAR BYA BA YANG YIN NO ZHES BRJOD DO, ,KHA CIG NI ME'I KHAMS NYID SREG PAR BYED PA YIN LA, LCI BA NYID GZHAL BAR BYA BA YIN NO ZHES BRJOD DO, ,KHAMS RNAMS LAS RNAM PAR SMIN PA LAS SKYES PA RNAMS NI DU, RGYAS PA LAS BYUNG BA RNAMS NI DU, RGYU MTHUN PA LAS BYUNG BA RNAMS NI DU, RDZAS DANG LDAN PA RNAMS NI DU, SKAD CIG PA RNAMS NI DU ZHIG CE NA, SMRAS PA, RNAM PAR SMIN LAS SKYES PA DANG, ,RGYAS PA LAS BYUNG NANG GI LNGA, ,RE ZHIG MIG LA SOGS PA NANG GI KHAMS LNGA PO DAG NI RNAM PAR SMIN PA LAS SKYES PA YANG YIN LA, RGYAS PA LAS BYUNG BA YANG YIN NO, ,SGRA NI RGYAS PA LAS BYUNG BA DANG, RGYU MTHUN PA LAS BYUNG BA NI YOD KYI, RNAM SMIN LAS SKYES SGRA MA YIN, ,CI'I PHYIR ZHE NA, 'DOD DGUR 'JUG PA'I PHYIR RO, ,RGYU MTHUN LAS BYUNG RNAM SMIN SKYES, ,THOGS PA MED BRGYAD, BRGYAD GANG ZHE NA, SEMS KYI KHAMS BDUN DANG, CHOS KYI KHAMS TE, SKAL BA MNYAM PA DANG, KUN DU 'GRO BA'I RGYUS BSKYED PA NI RGYU MTHUN PA LAS BYUNG BA'O, ,RNAM PAR SMIN PA'I RGYUS BSKYED PA NI RNAM PAR SMIN PA LAS SKYES PA'O, ,BRGYAD PA LAS BYUNG BA NI MED DO, ,THOGS PA MED PA LA SOGS PA MED PA'I PHYIR RO, ,GZHAN RNAM GSUM, GZHAN NI LHAG MA BZHI STE, GZUGS DANG, DRI DANG RO DANG REG BYA'I KHAMS RNAMS SO, ,DE DAG NI RNAM PAR SMIN PA LAS SKYES PA YANG YIN, RGYAS PA LAS BYUNG BA YANG YIN, ,RGYU MTHUN PA LAS BYUNG BA YANG YIN NO, ,RDZAS DANG LHAN CIG ,'DUS MA BYAS NI BSTAN PA'I PHYIR RDZAS SO; ,DE YANG CHOS KYI KHAMS DAG LA YOD PAS DE'I PHYIR CHOS KYI KHAMS KYI PHYOGS GCIG NI RDZAS DANG LDAN PA'O, ,THA MA GSUM, SKAD CIG PA STE, YID KYI KHAMS DANG CHOS KYI KHAMS DANG, YID KYI RNAM PAR SHES PA'I KHAMS NI ZAG PA MED PA'I DANG PO CHOS SHES PA'I BZOD PA'I TSOGS LA SKAD CIG MA GCIG RGYU MTHUN PA LAS BYUNG BA MA YIN PAR 'GYUR TE, DE'I PHYIR SKAD CIG BA ZHES BYA'O, ,DE LA SDUG BSNGAL LA CHOS SHES PA'I BZOD PA'I SEMS MTSUNGS PAR LDAN PA NI YID KYI KHAMS DANG, YID KYI RNAM PAR SHES PA'I KHAMS SO, ,DE DANG LHAN CIG 'BYUNG BA NI CHOS KYI KHAMS SO, , @106A *, ,'DI DPYAD PAR BYA STE, GANG MIG GI KHAMS KYIS MI LDAN PA LDAN PA 'THOB PA NA, MIG GI RNAM PAR SHES PA'I KHAMS KYIS KYANG DE 'AM MIG GI RNAM PAR SHES PA'I KHAMS KYI GANG YIN PA MIG GI KHAMS KYANG DE 'AM ZHE NA SMRAS PA, MIG DANG NI, RNAM PAR SHES KHAMS SO SO DANG, , LHAN CIG TU NI 'THOB PA'ANG YOD, ,RE ZHIG SO SO BA YANG YOD DE, 'DOD PA'I KHAMS NA RIM GYIS MIG GI DBANG PO 'THOB PA DANG, GZUGS MED PA NAS SHI 'PHO NAS BSAM GTAN GNYIS PA LA SOGS PAR SKYE BA NA MIG GI KHAMS KYIS YIN LA MIG GI RNAM PAR SHES PA'I KHAMS KYIS NI MA YIN NO, , MIG GI RNAM PAR SHES PA'I KHAMS KYIS NI YIN LA, MIG GI KHAMS KYIS MA YIN PA YANG YOD DE, BSAM GTAN GNYIS PA LA SOGS PAR SKYES PA DAG STE, MIG GI RNAM PAR SHES PA MNGON SUM DU BYED PA DANG, DE NAS SHI 'PHOS NAS 'OG MAR SKYE BA NA'O, ,CIG CAR GNYI GAS LDAN PAR 'THOB PA YANG YOD DE, GZUGS MED PA NAS SHI 'PHOS NAS 'DOD PA'I KHAMS DANG, TSANGS PA'I 'JIG RTEN DU SKYE BA NA'O, ,GNYI GA MA YIN PA NI RNAM PA 'DI DAG MA GTOGS PA'O, ,KHAMS RNAMS LAS NANG GI RNAMS NI DU, PHYI ROL GYI RNAMS NI DU ZHIG CE NA, NANG GI BCU GNYIS, BCU GNYIS GANG ZHE NA, GZUGS LA SOGS, MA GTOGS, RNAM PAR SHES PA DRUG DANG GNAS DRUG STE KHAMS BCU GNYIS PO DE DAG NI NANG GI'O, ,GZUGS LA SOGS PA YUL GYI KHAMS DRUG NI PHYI ROL GYI'O, ,KHAMS RNAMS LA BRTEN PA DANG BCAS PA RNAMS NI DU, DE'I BRTEN PA DANG BCAS PA RNAMS NI DU ZHIG CE NA, RE ZHIG NGES PAR, CHOS ZHES BYA BA NI, BRTEN PA DANG BCAS, RNAM PAR SHES PA GANG GI YUL DU GANG NGES LA, GAL TE DER RNAM PAR SHES PA DE SKYES PA'AM SKYE BA'I CHOS KYI YUL DE NI BRTEN PA DANG BCAS PA ZHES BYA LA, CHOS KYI KHAMS GANG LA YID KYI RNAM PAR SHES PA MTHA' YAS PA SKYES PA'AM SKYE BAR MI 'GYUR BA DE NI GANG YANG MED DE, 'DI LTAR 'PHAGS PA'I GANG ZAG THAMS CAD LA NI CHOS THAMS CAD BDAG MED PA'I SEMS 'DI NGES PAR SKYE STE DA YANG RANG GI NGO BO DANG LHAN CIG 'BYUNG BA MA GTOGS PAR CHOS THAMS CAD DMIGS PA YIN LA, SNAD? @106B CIG PA GNYIS PA'I DMIGS PAR NI CHOS THAMS CAD 'GYUR BAS DE BAS NA CHOS KYI KHAMS NI RTAG PAR BRTEN PA DANG BCAS PA'O, ,LHAG MA NI DE'I RTEN DANG BCAS PA YANG, YANG GI SGRAS NI BRTEN PA DANG BCAS PA YANG YIN NO, ,DE'I BRTEN PA DANG BCAS PA 'DI CI ZHIG ,GANG ZHIG RANG GI LAS MI BYED, ,GANG RANG GI LAS BYED PA DE NI BRTEN PA DANG BCAS PAR BSTAN PAR 'GYUR RO, ,DE LA MIG GANG GIS GZUGS RNAMS MTHONG BA'AM LTA BAR 'GYUR BA DE NI BRTEN PA DANG BCAS PA ZHES BYA STE, MIG LA JI LTA BA BZHIN DU YID KYI BAR DU YANG RANG GI YUL LA BYED PAS BRJOD PAR BYA'O,, DE'I BRTEN PA DANG BCAS PA NI MIG GANG GIS GZUGS RNAMS MA MTHONG BAR 'GAGS PA'AM, 'GOG PA'AM, 'GAG PAR 'GYUR BA'AM, GANG YANG MI SKYE BA'I CHOS CAN TE, DE BZHIN DU LUS KYI BAR DU YANG RIG PAR BYA'O, ,YID NI MI SKYE BA'I CHOS CAN NYID DE DE'I BRTEN PA DANG BCAS PA'O, ,YANG GZUGS RNAMS NI MIG GIS MTHONG BA'AM LTA BA'AM LTA BAR 'GYUR BA DE DAG NI BRTEN PA DANG BCAS PA'O, ,DE'I BRTEN PA DANG BCAS PA NI RNAM PA BZHI STE, GANG RNAMS MA MTHONG BA NYID DU 'GAGS PA DANG, 'GOG PA DANG, 'GAG PAR 'GYUR BA DANG, GANG DAG MI SKYE BA'I CHOS RNAMS TE, DE BZHIN DU REG BYA'I BAR DU YANG RANG GI DBANG POS BYED PAS BRTEN PA DANG BCAS PA DANG, DE'I BRTEN PA DANG BCAS PAR RIG PAR BYA'O, ,MIG GI RNAM PAR SHES PA LA SOGS PA'I BRTEN PA DANG BCAS PA DANG, DE'I BRTEN PA DANG BCAS PA NYID NI SKYE BA DANG MI SKYE BA'I CHOS YIN PA'I PHYIR YID KYI KHAMS JI LTA BA BZHIN NO, ,KHAMS RNAMS LAS MTHONG BAS SPANG PAR BYA BA RNAMS NI DU, BSGOM PAS SPANG BAR BYA BA RNAMS NI DU, SPANG BAR BYA BA MA YIN PA RNAMS NI DU ZHIG CE NA, RE ZHIG GZUGS CAN, BCU NI BSGOM PAS SPANG BYA YIN, ,LNGA YANG, YIN TE RNAM PAR SHES PA'I KHAMS LNGA'O, ,THA MA GSUM RNAM GSUM, DE LA BAG LA NYAL BRGYAD CU RTZA BRGYAD DANG, DE DANG LHAN CIG BYUNG BA DANG, DE'I 'THOB PA 'KHOR DANG BCAS PA RNAMS NI MTHONG BAS SPANG BAR BYA BA'O, ,ZAG PA DANG BCAS PA LHAG MA RNAMS NI BSGOM PAS SPANG BAR BYA BA'O, ,ZAG PA MED PA RNAMS NI SPANG BAR BYA BA MA YIN PA'O, , @107A *, ,SO SO'I SKYE BO NYID DANG, NGAN SONG BA'I LUS DANG NGAG GI LAS KYANG 'PHAGS PA'I LAM DANG 'GAL BA'I PHYIR MTHONG BAS SPANG BAR BYA BA GZHAN YANG YOD PA MA YIN NAM ZHE NA, DE NI MTHONG BAS SPANG BAR BYA BA MA YIN TE, 'DI LTAR BSDU NA, NYON MONGS CAN MIN MTHONG SPANG MIN, ,GZUGS MIN DRUG PAS MA SKYES MIN, ,NYON MONGS PA CAN MA YIN PA NI MTHONG BAS SPANG BAR BYA BA CHUNG ZAD KYANG MED LA, DGE BA'I RTZA BA YANG DAG PAR CHAD PA DANG 'DOD CHAGS DANG BRAL BA RNAMS KYANG DE DANG LDAN PA'I PHYIR SO SO'I SKYE BO NYID NI NYON MONGS PA CAN MA YIN LA LUNG DU MA BSTAN PA'O, ,SDUG BSNGAL LA CHOS SHES PA'I BZOD PA YANG SO SO'I SKYE BO NYID DU THAL BAR 'GYUR BA'I YANG PHYIR RO, ,GZUGS KYANG MA YIN TE, LUS DANG NGAG GI LAS NI GZUGS YIN NA BDEN PA RNAMS LOG PAR MI RTOG PA'I PHYIR, DE BAS NA DE YANG MTHONG BAS SPANG BAR BYA BA MA YIN NO, ,DRUG PA LAS MA SKYES PA YANG MA YIN TE, YID KYI SKYE MCHED NI DRUG PA ZHES BYA, DE LAS GZHAN PA LAS SKYES PA NI DRUG PA LAS SKYES PA MA YIN PA STE, DBANG PO LNGA LAS SKYES PA'O, ,GANG DE YANG MTHONG BAS SPANG BAR BYA BA MED DO, ,KHAMS BCO BRGYAD RNAMS LA LTA BA NI DU, LTA BA MA YIN PA NI DU ZHIG CE NA, MIG DANG CHOS KYI KHAMS PHYOGS NI; ,LTA BA YIN TE, DE GANG ZHE NA, SMRAS PA, RNAM PA BRGYAD, 'JIG TSOGS LA LTA BA LA SOGS PA LTA BA LNGA RNAMS DANG, 'JIG RTEN PA'I YANG DAG PA'I LTA BA DANG, SLOB PA DANG, MI SLOB PA'I LTA BA STE, RNAM PA BRGYAD PO 'DI DAG NI CHOS KYI KHAMS KYI LTA BA'O, ,LHAG MA RNAMS NI LTA BA MA YIN NO, ,DE LA 'JIG TSOGS LA LTA BA LA SOGS PA RNAMS NI MDZOD KYI GNAS LNGA PA NAS BSHAD PAR BYA'O, ,'JIG RTEN PA'I YANG DAG PA'I LTA BA NI YID KYI RNAM PAR SHES PA DANG MTSUNGS PAR LDAN PA NI SHES RAB ZAG PA DANG BCAS PA DGE BA'O, ,SLOB PA'I ZAG PA MED PA'I LTA BA NI SLOB PA'I'O, ,MI SLOB PA NI MI SLOB PA'I'O, ,YANG CI'I PHYIR YID KYI RNAM PAR SHES PA DANG MTSUNGS PA LDAN PA 'BA' ZHIG LA 'JIG RTEN PA'I LTA BA ZHES BYA ZHE NA, GANG GI PHYIR, RNAM SHES LNGA DANG MTSUNGS SKYES BLO, ,NGES RTOG MED PHYIR LTA MA YIN, ,NGES PAR RTOG PA NI LTA BA STE NGES PAR SEMS @107B PA LA ZHUGS PA YIN NA, RNAM PAR SHES PA DANG LHAN CIG SKYES PA'I SHES RAB NI DE LAM YIN TE, DE BAS NA DE NI LTA BA MA YIN NO, ,DA NI MIG KYANG NGES PAR RTOG PA MED PA NYID NA JI LTA BA YIN ZHE NA, GZUGS LA LTA BA'I DON GYIS TE, GANG GI PHYIR, MIG NI GZUGS RNAMS LTA, GAL TE MIG GIS GZUGS MTHONG NA, ,RNAM PAR SHES PA GZHAN DANG LDAN PA NA YANG MTHONG BAR 'GYUR RO ZHE NA, MIG THAMS CAD KYIS LTA BA NI MA YIN TE, 'DI LTAR, BRTEN BCAS, GANG GI TSE RNAM PAR SHES PA DANG BCAS PA DE'I TSE MTHONG GI GZHAN DAG GIS NI MA YIN NO, ,DE LTA NA YANG MIG DE NYID LA GNAS PA'I RNAM PAR SHES PAS MTHONG BAR 'GYUR RO ZHE NA, DE LA GNAS PA'I RNAM PAR SHES PAS MTHONG NGO ZHES NGES PAR BYA MI NUS TE, CI'I PHYIR ZHE NA, GANG PHYIR RE LDES BAR CHOD PA, ,MI MTHONG, GAL TE RNAM PAR SHES PAS MTHONG BA YIN NA DE NI THOGS PA MED PA'I PHYIR, RE LDE LA SOGS PA LA YANG THOGS PA MED PAS, RE LDE LA SOGS PAS BSGRIBS PA LA YANG MTHONG BA ZHIG NA MI MTHONG STE, DE LTA BAS NA BRTEN PA DANG BCAS PA'I MIG NYID KYIS MTHONG GI DE LA GNAS PA'I RNAM PAR SHES PAS NI MA YIN NO, ,CI MIG GCIG GIS GZUGS RNAMS LTA'AM 'ON TE GNYI GAS SHE NA, 'DI LA NGES PA MED DE, MIG NI GNYI GAS MTHONG JI LTAR RTOGS SHE NA, GSAL BAR MTHONG PHYIR, 'DI LTAR GNYI GA PHYE NA RAB TU GSAL BAR MTHONG BAR 'GYUR TE, DE'I PHYIR MIG GNYI GAS KYANG MTHONG NGO, ,YANG JI LTAR MIG LA SOGS PA DE DAG YUL DANG PHRAD NAS SAM 'ON TE MA PHRAD PAR ZHE NA, MIG DANG NI, YID DANG RNA BA MA PHRAD YUL, ,LHAG MA SNA DANG LCE DANG LUS, ,ZHES BYA BA, GSUM GZHAN, YUL DANG PHRAD NAS ZHES BYA BA'I THA TSIG GO, ,YANG CI MIG LA SOGS PA 'DI DAG GIS RANG GI TSAD DANG MNYAM PA'I DON LA MGAL ME'I 'KHOR LO BZHIN DU MYUR BAR 'JUG PA'I PHYIR RI LA SOGS PA 'DZIN TAM, 'ON TE MNYAM PA DANG MI MNYAM PA ZHIG LA 'DZIN CE NA, RE ZHIG GANG DAG YUL DANG PHRAD PAR BSHAD PA DE DAG GIS NI, SNA LA SOGS PA GSUM GYIS NI, ,YUL NI MNYAM PAR 'DZIN PAR 'DOD, ,DBANG PO'I RDUL PHRA RAB RNAMS JI SNYED PA DE SNYED KYIS YUL @108A *, ,GYI RDUL PHRA RAB RNAMS DANG, PHRAD NAS RNAM PAR SHES PA BSKYED DO, ,MIG DANG RNA BA GNYIS NI MA NGES TE RES 'GA' SKRA'I RTZE MO MTHONG NA NI CHUNG NGO, ,RES 'GA' RGUN 'BRUM MTHONG NA NI MNYAM MO, ,RES 'GA' MIG PHYE BA TZAM GYIS RI CHEN PO MTHONG NA NI CHE'O, ,DE BZHIN DU RNA BAS SBRANG BU LA SOGS PA'I SGRA THOS PA LA SBYAR BAR BYA'O, ,YID NI LUS MED PAS 'DI'I TSAD YONGS SU DPYAD PA MA YIN NO, ,CI MIG GI RNAM PAR SHES PA NAS YID KYI RNAM PAR SHES PA'I BAR GYI KHAMS DRUG BSHAD PA GANG YIN PA DE DAG ,JI LTAR LHA RNAMS KYI YUL DA LTA'I YIN ZHING THA MA PA'I DUS GSUM YIN PA LTAR GNAS KYANG DE LTA YIN NAM ZHE NA, SMRAS PA, MA YIN TE, 'DI LTAR, THA MA'I GNAS 'DAS, THA MA ZHES BYA BA NI YID KYI RNAM PAR SHES PA STE, DE'I GNAS NI 'GAGS MA THAG PA'I YID YIN NO, ,LNGA RNAMS NI DE DANG LHAN CIG SKYES PA YANG, YANG GI SGRAS NI 'DAS PA YANG YIN NO, , DE LA MIG GI RNAM PAR SHES PA'I LHAN CIG SKYES PA'I GNAS NI MIG YIN PA NAS LUS KYI RNAM PAR SHES PA'I LUS YIN PA'I BAR DU'O, ,DE DAG GI 'DAS PA'I GNAS NI YID YIN NO, ,YANG CI'I PHYIR MIG GI RNAM PAR SHES PA NI GNYI GA LA RAG LUS TE, SKYE NA MIG LA SOGS PA NYID LA GNAS ZHES BYA'I GZUGS LA SOGS PA LA NI MA YIN ZHE NA, DE GYUR PA LAS 'GYUR BA'I PHYIR, ,GNAS NI MIG LA SOGS PA YIN, ,KHAMS DAG GI DBANG DU BYAS PA STE, MIG LA SOGS PA RNAMS GYUR PAS RNAM PAR SHES PA RNAMS 'GYUR TE, PHAN PA DANG, GNOD PA DANG, GSAL BA DANG, MI GSAL BA'I RJES SU 'BREL BA'I PHYIR RO, ,GZUGS LA SOGS PA GYUR PAS NI DE 'GYUR BA MA YIN TE, DE BAS NA DE LA RAG LUS PA'I PHYIR DE NYID GNAS YIN GYI GZUGS LA SOGS PA MA YIN NO ZHES BYA BA NI LEGS PA YIN NO, ,YANG DE DAG GIS NI GZUGS LA SOGS PA RNAM PAR SHES NA, CI'I PHYIR MIG GI RNAM PAR SHES PA ZHES BYA BA NAS YID KYI RNAM PAR SHES PA ZHES BYA BA'I BAR YIN GYI, GZUGS KYI RNAM PAR SHES PA ZHES BYA BA NAS CHOS KYI RNAM PAR SHES PA ZHES BYA BA'I BAR DU MA YIN ZHE NA, GANG GI PHYIR DE DAG GI GNAS NI MIG LA SOGS PA DE DAG YIN PA, DE'I PHYIR THUN MONG MA @108B YIN PHYIR, ,RNAM SHES DE'I ZHES NGES PAR BSHAD, ,JI LTAR NA THUN MONG MA YIN ZHE NA, MIG LAS GZHAN PA NI MIG GI RNAM PAR SHES PA'I GNAS SU 'GYUR BAR MI NUS LA, GZUGS NI YID KYI RNAM PAR SHES PA'I DMIGS PAR YANG 'GYUR TE, DE BZHIN DU LUS KYI BAR DU YANG RIG PAR BYA'O, ,DE BAS NA GNAS SU GYUR PA DANG THUN MONG MA YIN PA'I PHYIR, DE DAG NYID KYI RNAM PAR SHES PAR BSTAN GYI GZUGS LA SOGS PA'I NI MA YIN TE, DPER NA RDA BO CHE'I SGRA DANG, NAS KYI MYU GU BZHIN NO, ,YANG LUS GANG LA GNAS TE MIG GIS GZUGS RNAMS LTA BA NA CI LUS DANG, MIG DANG, GZUGS DANG, RNAM PAR SHES PA DE DAG SA PA GCIG KHO NAR GYUR TAM, 'ON TE GZHAN GYIS PA YANG YIN ZHE NA, SMRAS PA, DE DAG THAMS CAD BYE BRAG YOD DE 'DOD PA'I KHAMS SU SKYES PA'I RANG BZHIN GYI MIG GIS RANG GI GZUGS RNAMS LA LTA BA NA THAMS CAD RANG GIS PAR 'GYUR RO, ,DE NYID RANG GI GZUGS RNAMS LA BSAM GTAN DANG PO'I MIG GIS LTA BA NA, LUS DANG GZUGS NI RANG GIS PA YIN LA, RNAM PAR SHES PA DANG MIG NI DE'I SA BA'I 'O, ,BSAM GTAN DANG PO DAG TU LTA BA NA GZUGS KYANG DE'I SA PA'I 'O, ,RANG GI GZUGS RNAMS LA BSAM GTAN GNYIS PA'I MIG GIS LTA BA NA, LUS DANG GZUGS NI RANG GI SA BA YIN LA, MIG NI DE'I SA PA'I 'O, ,BSAM GTAN GNYIS PA'I BSAM GTAN DANG PO'I SA DAG TU LTA BA NA RNAM PAR SHES PA DANG GZUGS NI DE'I SA BA YIN LA, LUS NI 'DOD PA NA SPYOD PA'I'O, ,MIG NI BSAM GTAN GNYIS PA'I SA PA'I 'O, ,BSAM GTAN GNYIS PA'I SA DAG LA LTA BA NA MIG DANG GZUGS NI DE'I SA PA YIN LA LUS NI 'DOD PA NA SPYOD PA'I 'O, ,RNAM PAR SHES PA BSAM GTAN DANG PO'I SA PA'I'O, ,DE BZHIN DU BSAM GTAN GSUM PA DANG, BSAM GTAN BZHI PA'I SA PA'I MIG GIS DE'I SA PA DANG, 'OG MA'I SA PA'I GZUGS RNAMS LA LTA BA LA YANG SBYAR BAR BYA ZHING, BSAM GTAN DANG PO LA SOGS PAR SKYES PA YANG BA DAG DANG GZHAN GYI MIG GIS BDAG DANG GZHAN GYIS PA'I GZUGS RNAMS LA LTA BA LA YANG CI RIGS PAR SBYAR BAR BYA'O, ,'DI NI NGES PA STE, LUS LA @109A *, ,'OG MA'I MIG MA YIN, ,LUS DANG MIG DANG GZUGS RNAMS NI 'DOD PA NA SPYOD PA NAS BSAM GTAN BZHI PA'I SA PA'I BAR SA LNGA PO DAG GI'O, ,MIG GI RNAM PAR SHES PA NI SA GNYIS PA'I YIN TE, 'DOD PA NA SPYOD PA DANG, BSAM GTAN DANG PO'I SA PA'I 'O, ,DE LAS PA GANG GI LUS LA DE'I SA PA DANG SA GONG MA PA'I MIG TU 'GYUR GYI, SA 'OG MA PA'I NI MA YIN NO, ,SA PA GANG GI MIG YIN PA DE'I YUL DU NI DE'I SA PA'AM SA 'OG MA PA'I GZUGS SU 'GYUR RO, ,MIG GIS GONG MA'I GZUGS MA YIN, SA GONG MA'I GZUGS SA 'OG MA PA'I MIG GIS MTHONG BAR NI NAM YANG MI NUS SO, ,RNAM PAR SHES PA'ANG GONG MA'I NI MIG GIS MA YIN TE, GZUGS BZHIN NO, ,GZUGS NI 'DI'O, ,LUS NI GNYI GA THAMS CAD DU, ,'DI'I ZHES BYA BA NI BSHAD MA THAG PA'I MIG GI RNAM PAR SHES PA'I YUL NI STENG DANG 'OG DANG RANG GIS PA'I GZUGS THAMS CAD YIN LA, LUS KYANG THAMS CAD DU GNYI GA'I 'O, ,JI LTAR MIG DE RGYA CHER BSHAD PA, DE BZHIN RNA BA LA YANG RIG PAR BYA STE, LUS LA 'OG MA'I RNA BA MIN, ,GONG MA'I SGRA YANG MI THOS SO, ,RNAM PAR SHES PA'ANG SGRA NI 'DI'O, ,LUS NI GNYI GAR THAMS CAD DU ZHES RGYA CHER SBYAR BAR BYA'O, , GSUM DAG NI, THAMS CAD RANG GI SA PA NYID, ,SNA DANG, LCE DANG, LUS KYI KHAMS RNAMS SO, ,LUS DANG RANG GI YUL DANG RNAM PAR SHES PA RNAMS NI RANG GI SA PA NYID DO ZHES BYE BRAG TU DBYE BA MA BYAS PAR SPYIR BSTAN NAS, YANG BYE BRAG TU DBYE BA'I PHYIR DMIGS KYIS BSTAN PA RTZOM STE, , LUS KYI RNAM SHES 'OG DANG NI, ,RANG GI LUS ZHES BYA BA NI LUS KYI KHAMS TE, REG BYA NI RTAG TU RANG GI SA PA NYID DU 'GYUR RO, ,LUS KYI RNAM PAR SHES PA NI LA LA NI RANG GI SA PAR 'GYUR TE, 'DI LTAR 'DOD PA'I KHAMS DANG BSAM GTAN DANG POR SKYES PA RNAMS KYI'O, ,LA LA NI SA 'OG MA PA'I STE, 'DI LTAR; BSAM GTAN GNYIS PA LA SOGS PAR SKYES PA RNAMS KYI'O, ,YID MA NGES TE, RES 'GA' LUS DANG, YID DANG, RNAM PAR SHES PA DANG, CHOS KYIS MTSUNGS PA'I YID DU 'GYUR RO, ,RES 'GA' STENG DANG 'OG MA'I SA BA STE, SA LNGA PA'I LUS LA YANG SNYOMS PAR 'JUG PA DANG, SKYE @109B BA'I TSE YID LA SOGS PA CI RIGS PAR SA THAMS CAD PAR 'GYUR TE, DE DAG RGYA CHER NI SNYOMS PAR 'JUG PA BSTAN PA'I MDZOD KYI GNAS SU BSHAD PAR BYA'O, ,YANG KHAMS BCO BRGYAD PO DE DAG LAS, GANG ZHIG RNAM PAR SHES PA DRUG PO GANG GIS SHES PAR BYA BA YIN ZHE NA, SMRAS PA, GNYIS KYIS SHES BYA PHYI ROL LNGA, ,GZUGS DANG, SGRA DANG, DRI DANG, RO DANG, REG BYA'I KHAMS RNAMS NI GRANGS BZHIN DU MIG DANG, RNA BA DANG, SNA DANG, SNA DANG, LCE DANG, LUS KYI RNAM PAR SHES PAS NYAMS SU MYONG ZHING, YID KYI RNAM PAR SHES PAS RNAM PAR SHES PA STE, DE LTAR NA DE DAG LA RE RE ZHING YANG RNAM PAR SHES PA GNYIS KYIS RNAM PAR SHES PAR BYA BA YIN PAR 'GYUR RO, ,KHAMS LHAG MA BCU GSUM DAG NI RNAM PAR SHES PA LNGA'I YUL MA YIN PA'I PHYIR YID KYI RNAM PAR SHES PA GCIG PUS SHES PAR BYA BA'O ZHES BSTAN PAR 'GYUR RO, ,RTAG PA RNAMS NI DU, MI RTAG PA RNAMS NI DU ZHIG CE NA, KHAMS MTHA' DAG RTAG PA NI GANG YANG MED MOD KYI, 'ON KYANG, 'DUS MA BYAS CHOS RTAG PA'O, ,DES NA CHOS KYI KHAMS KYI PHYOGS GCIG RTAG LA, LHAG MA RNAMS MI RTAG PA'O, ,DBANG PO NI DU, DBANG PO MA YIN PA NI DU ZHIG CE NA, CHOS KYI PHYED DANG GANG DAG NI, ,BCU GNYIS NANG GIR BSHAD DBANG PO, ,MDO LAS, MIG LA SOGS PA NAS KUN SHES PA DANG LDAN PA'I DBANG PO'I BAR DU DBANG PO NYI SHU RTZA GNYIS GSUNGS PA, DE LA SROG GI DBANG PO LA SOGS PA DBANG PO BCU GCIG DANG, GSUM PO DAG GI CHA NI CHOS KYI KHAMS KYI PHYOGS YIN PA'I PHYIR CHOS KYI PHYED YIN NO, ,MIG LA SOGS PA NANG GI BCU GNYIS RNAMS LA LNGA PO RANG GI MING GIS SMROS PA DAG DANG, SEMS KYI KHAMS BDUN RNAMS NI YID KYI DBANG PO YIN NO, ,SKYES PA DANG, BUD MED KYI DBANG PO NI LUS KYI PHYOGS YIN NO ZHES 'OG NAS STON NO, ,KHAMS LNGA PO LHAG MA DAG DANG, CHOS KYI KHAMS KYI PHYOGS NI DBANG PO MA YIN PAR GRUB PO, ,CHOS MNGON PA MDZOD KYI 'GREL PA MDO DANG MTHUN PA LAS DNGOS PO DGOD PA ZHES BYA BA MDZOD KYI GNAS DANG PO'O,, ,,DBANG PO RNAMS BSTAN PA LA, DBANG PO'I DON CI YIN ZHE NA, DBANG BYED PA'I DON TO, ,YANG DE @110A *, ,DAG GANG ZHIG GANG LA DBANG BYED CE NA, LNGA PO RNAMS NI DON BZHI LA, ,DBANG BYED, RE ZHIG MIG DANG RNA BA GNYIS DON BZHI BZHI LA DBANG BYED PA NI LONG BA DANG 'ON PA GNYIS NI GZUGS MI MDZES PA'I PHYIR LUS MDZES BAR BYA BA DANG, MTHONG BA DANG THOS PA NA YANG BA YONGS SU SPONG BA'I PHYIR LUS YONGS SU BSRUNG BA DANG, MIG DANG RNA BA'I RNAM PAR SHES PA GNYIS MTSUNGS BAR LDAN PA DANG BCAS PA SKYED PA DANG, GZUGS LA LTA BA DANG SGRA SNYAN PA GNYIS LA YANG THUN MONG MA YIN PA'I RGYU NYID LA'O, ,SNA DANG LCE DANG LUS NI DE DANG MI LDAN PA DANG, MA TSANG BA NI GZUGS MI MDZES PA'I PHYIR LUS MDZES PAR BYA BA DANG, DE DAG GIS KHAM GYI ZAS LA YONGS SU SPYOD PA'I PHYIR LUS YONGS SU BSRUNG BA DANG, SNA LA SOGS PA'I RNAM PAR SHES PA RNAMS MTSUNGS PAR LDAN PA DANG BCAS PA BSKYED PA DANG, DRI BSNAM PA DANG, RO MYANG BA DANG, REG BYA LA REG PA RNAMS LA YANG THUN MONG MA YIN PA'I RGYU NYID LA'O, ,BZHI RNAMS GNYIS DAG LA, PHO DANG, MO DANG SROG DANG, YID KYI DBANG PO RNAMS NI DON GNYIS GNYIS LA SO SOR DBANG BYED DE, RE ZHIG PHO DANG, MO'I DBANG PO GNYIS KUN NAS NYON MONGS PA DANG RNAM PAR BYANG BA LA DBANG BYED PA NI, 'DI LTAR DE DANG MI LDAN PA DANG MA TSANG BAR MA NING LA SOGS PA LA NI SDOM PA MA YIN PA DANG, MTSAMS MED PA DANG, DGE BA'I RTZA BA YANG DAG PAR CHAD PA DANG, SDOM PA DANG 'BRAS BU THOB PA DANG, 'DOD CHAGS DANG BRAL BA RNAMS MED DO, ,SROG GI DBANG PO RIS MTHUN PAR MTSAMS SBYOR BA DANG, YANG DAG PAR 'DZIN PA GNYIS LA'O, ,YID KYI DBANG PO NI YANG SRID PAR MTSAMS SBYOR BA DANG, DBANG BSGYUR BA LA'O, ,GANG YANG BDE BA LA SOGS PA'I DBANG PO LNGA DANG, GANG DAG DAD PA LA SOGS PA BRGYAD PO DE DAG NI, LNGA PO DAG DANG BRGYAD RNAMS NI, ,KUN NAS NYON MONGS RNAM BYANG LA, ,RIM BZHIN DU DBANG BYED DE, BDE BA LA SOGS PA LNGA PO RNAMS NI KUN NAS NYON MONGS PA LA STE, 'DOD CHAGS LA SOGS PA DE'I BAG LA NYAL BA'I PHYIR RO, ,DAD PA LA SOGS PA NI RNAM PAR BYANG BA LA STE, DE DAG GIS RNAM PAR BYANG BAR BYED PA'I PHYIR RO, ,GZHAN DAG LTA BA NI, RANG GI DON @110B DANG THAMS CAD LA, ,DMIGS PAR DBANG BYED PHYIR DBANG DRUG ,MIG LA SOGS PA LNGA NI RANG RANG GI DON DMIGS PA LA DBANG BYED DO, ,YID NI DON THAMS CAD DMIGS PA LA DBANG BYED DE, DE'I PHYIR DRUG PO DE DAG NI DBANG PO RE RE'O, ,PHO MO NYID DU DBANG BYED PHYIR, ,LUS LA PHO DANG MO'I DBANG PO; ,LUS KYI DBANG PO NYID LA PHO DANG, MO'I DBANG PO DAG TU RNAM PAR GZHAG STE, DON THA DAD DU GYUR PA NI MED KYI 'GA' LA STE, LUS KYI DBANG PO'I CHA MNGOMS KYI PHYOGS GANG YIN PA DE NI PHO DANG MO'I DBANG PO'I MING 'THOB PO, ,DE GNYIS NI RIM BZHIN DU PHO NYID DANG MO NYID DU DBANG BYED DE; DE LA MO'I NGO BO NI, MO'I SHA TSUGS DANG, NGA RO DANG, SPYOD PA DANG, BSAM PA DE LTA BU'I MO LA MO NYID DO, ,PHO'I NGO BO NI PHO'I SHA TSUGS DANG, NGA RO DANG, SPYOD PA DANG, BSAM PA DE LTA BU'I PHO LA PHO NYID DO, ,RIS GNAS KUN NAS NYON MONGS NYID, ,RNAM PAR BYANG LA DBANG BYED PHYIR, ,SROG DANG TSOR DANG DAD LA SOGS, ,DBANG PO DAG NI LNGAR 'DOD DE, ,SROG GI DBANG PO NI RIS MTHUN PAR GNAS PA DAG LA DBANG BYED DO, ,TSOR BA RNAMS NI KUN NAS NYON MONGS PA LA STE, 'DI LTAR BDE BA'I TSOR BA LA NI 'DOD CHAGS RGYAS PAR 'GYUR LA, SDUG BSNGAL LA NI KHONG KHRO BA, ,SDUG BSNGAL YANG MA YIN BDE BA YANG MA YIN PA LA NI MA RIG PA'O ZHES MDO LAS GSUNGS SO, ,DAD PA LA SOGS PA LNGA RNAMS NI RNAM PAR BYANG BA LA STE, 'DI LTAR DE DAG GIS NYON MONGS PA RNAM PAR SEL CING LAM DAG KYANG 'DREN PAR BYED DE, DE'I PHYIR DE DAG KYANG DBANG PO RE RE 'DOD DO, ,MYA NGAN 'DAS SOGS 'THOB PA LA, ,GONG NAS GONG DU DBANG BYED PHYIR, ,KUN SHES BYED DANG KUN SHES DANG, ,DE BZHIN KUN SHES LDAN DBANG PO, ,DE BZHIN ZHES BYA BA'I SGRA NI DBANG PO RE RE BSTAN PAR 'DOD PA'I DON TO, ,DE LA KUN SHES PAR BYED PA'I DBANG PO NI KUN SHES PA'I DBANG PO 'THOB PA LA DBANG BYED DO, ,KUN SHES PA'I DBANG PO NI KUN SHES PA DANG LDAN PA'I DBANG PO 'THOB PA LA'O, ,KUN SHES PA DANG LDAN PA'I DBANG PO NI YONGS SU MYA NGAN LAS 'DAS PA LA STE, SEMS RNAM PAR MA GROL BA LA NI YONGS SU MYA NGAN LAS 'DAS PA MED PA'I PHYIR RO, ,YANG CI'I PHYIR BCOM LDAN 'DAS @111A *, ,KYIS DBANG PO DE DAG NYI SHU RTZA GNYIS LAS MI MANG MI NYUNG BAR GSUNGS SHE NA, GANG GI PHYIR 'DI LTAR 'DOD DE, SEMS KYI RTEN DANG DE RNAMS DBYE, ,GNAS DANG KUN NAS NYON MONGS NYID, ,TSOGS DANG RNAM BYANG JI SNYED DO, ,DBANG PO DAG KYANG DE SNYED DO, ,DE LA SEMS KYI RTEN NI DBANG PO DRUG STE, SEMS CAN GYI RDZAS KYI GZHI YANG DBANG PO DE DRUG YIN NO, ,DE NI PHO DANG MO'I DBANG PO GNYIS KYIS PHO DANG MOR RNAM PAR 'BYED DO, ,SROG GI DBANG POS NI GNAS PA LA'O, ,TSOR BA RNAMS KYIS NI KUN NAS NYON MONGS PA LA'O, ,LNGAS NI RNAM PAR BYANG BA'I TSOGS LA'O, ,GSUM GYIS NI RNAM PAR BYANG BA LA STE, DE'I PHYIR DBANG PO RNAMS NI DE SNYED CIG GO, ,'JUG PA'I RTEN DANG SKYE BA DANG, ,GNAS DANG LONGS PAR SPYOD PA'I PHYIR, ,BCU BZHI'AM DE BZHIN LDOG PA LA, ,DBANG PO RNAMS NI GZHAN YIN NO, ,'AM ZHES BYA BA'I SGRA NI BYE BRAG DU RTOG PAR 'DOD PA'I DON TO, ,YANG GZHAN DAG NA RE 'JUG PA'I GNAS NI DBANG PO DRUG GO, ,SKYE BA NI PHO DANG MO'I DBANG PO LAS TE DE LAS SKYE BA'I PHYIR RO, ,GNAS PA NI SROG GI DBANG PO STE, DES GNAS PA'I PHYIR RO, ,LONGS SPYOD NI TSOR BA STE, DE'I PHYIR DE DAG NI DBANG PO BCU BZHI'O, ,RNAM PA DE NYID KYIS GZHAN DAG NI LDOG PA LA STE, LDOG PA'I GNAS NI DAD PA LA SOGS PA'O, ,RAB TU SKYE BA NI KUN NAS SHES PAR BYED PA'I DBANG PO'O, ,GNAS PA NI KUN SHES PA'I DBANG PO'O, ,LONGS SPYOD PA NI KUN SHES PA DANG LDAN PA'I DBANG PO STE, DE'I PHYIR DBANG PO RNAMS NI DE SNYED CIG YIN LA, DE DAG GI GO RIMS KYANG DE LTA BU YIN NO; ,DBANG PO'I DON DANG, DE DAG 'DI SNYED DU BSTAN PA'I DGOS PA BSHAD ZIN TO, ,DA NI DE DAG RE RE NAS MTSAN NYID KYIS BSTAN PAR BYA STE, DE LA MIG LA SOGS PA NAS PHO'I DBANG PO'I BAR DAG DANG, YID NI BSTAN ZIN TO, ,SROG GI DBANG PO DANG DAD PA LA SOGS PA RNAMS NI LDAN PA MA YIN PA DANG, SEMS LAS BYUNG BA DAG GI NANG NAS BSTAN PAR BYA'O, ,BDE BA LA SOGS PA DANG KUN SHES PAR BYED PA LA SOGS PA BSTAN DGOS PAS, DE BRJOD PAR BYA STE, LUS TSOR SIM PA MA YIN GANG, ,SDUG BSNGAL DBANG PO SIM PA MA YIN PA, ,ZHES BYA BA NI GNOD PAR BYED PA STE, SDUG BSNGAL @111B BA ZHES BYA BA'I THA TSIG GO, ,BDE BA NI, SIM PA, LUS KYI TSOR BA SIM PA NI BDE BA'I DBANG PO'O, ,SIM PA ZHES BYA BA NI PHAN 'DOGS PA STE BDE BA ZHES BYA BA'I THA TSIG GO, ,BSAM GTAN GSUM PA'I, SEMS KYI DE NI BDE BA'I DBANG, ,BSAM GTAN GSUM PA'I NI SEMS KYI TSOR BA SIM PA DE NYID BDE BA'I DBANG PO STE, DE NA RNAM PAR SHES PA'I TSOGS LNGA MED PA'I PHYIR LUS KYI TSOR BA NI MED DO, ,GZHAN NI DE NYID BDE BA STE, ,BSAM GTAN GSUM PA LAS GZHAN PA 'DOD PA'I KHAMS DANG, BSAM GTAN DANG PO DANG, GNYIS PA'I SEMS KYI TSOR BA SIM PA DE NI YID BDE BA'I DBANG PO'O, , BSAM GTAN GSUM PA DAG NA NI DGA' BA'I 'DOD CHAGS DANG BRAL BA'I PHYIR YID BDE BA'I DBANG PO NI MED KYI, BDE BA'I DBANG PO NYID DE, YID KYI BDE BA NI DGA' BA YIN PA'I PHYIR RO, ,SEMS KYI SIM PA MA YIN PA, ,YID MI BDE BA BTANG SNYOMS NI, ,BAR MA, SIM PA YANG MA YIN SIM PA MA YIN PA YANG MA YIN, SDUG BSNGAL BA YANG MA YIN, BDE BA YANG MA YIN PA'I TSOR BA NI BAR MA NYID CES BYA'O, ,CI BTANG SNYOMS KYI DBANG PO DE LUS KYI 'AM SEMS KYI ZHE NA, SMRAS PA, GNYI GA ,'DI CI'I PHYIR 'DRA BAR DBANG PO GCIG TU BYAS SHE NA, MI RTOG PHYIR, SEMS DANG SEMS LAS BYUNG BA NI PHAL CHER RNAM PAR RTOG PA LAS BDE BA DANG SDUG BSNGAL 'BYUNG LA, LUS NI DE LTA MA YIN YANG YUL GYI DBANG GIS DGRA BCOM PA LA YANG 'BYUNG BAS, DE'I PHYIR DE GNYIS NI DBANG PO NYID DU THA DAD KYI, BTANG SNYOMS NI RNAM PAR MI RTOG PA NYID DU RANG GI NGANG GIS 'BYUNG BAS, LUS DANG SEMS KYI DBANG PO GCIG TU BYAS SO, ,MTHONG BSGOM MI SLOB LAM LA NI, ,DGU GSUM YID DANG BDE BA DANG, ,YID BDE BA DANG, BTANG SNYOMS DANG, DAD PA LA SOGS PA LNGA DANG, DBANG PO DGU PO DE DAG GI NI LAM GSUM DAG TU, DBANG PO GSUM ZHES BYA STE, MTHONG BA'I LAM LA NI MI SHES PA KUN SHES PAR BYED PA'I DBANG PO'O, ,BSGOM PA'I LAM LA NI KUN SHES PA'I DBANG PO'O, ,MI SLOB PA'I LAM LA NI KUN SHES PA DANG LDAN PA'I DBANG PO'O ZHES BYA'O, ,RANG GI NGO BO BSTAN NAS, DBANG PO RNAMS LAS ZAG PA DANG BCAS PA RNAMS NI DU, ZAG PA MED @112A *, ,PA RNAMS NI DU ZHES BYA BA LA SOGS PA RNAM PA'I DBYE BA BRJOD PAR BYA STE, DE LA RE ZHIG KUN SHES PAR BYED PA'I DBANG PO LA SOGS PA BSHAD MA THAG PA DE DAG ,GSUM NI DRI MA MED, ZAG PA MED PA ZHES BYA BA'I DON TE, DRI MA RNAMS NI ZAG PA'I RNAM GRANGS YIN PA'I PHYIR RO, ,GZUGS CAN SROG DANG SDUG BSNGAL DAG ,ZAG BCAS GZUGS CAN GYI DBANG PO BDUN DANG, SROG GIS DBANG PO DANG, SDUG BSNGAL DANG, YID MI BDE PA RNAMS NI GCIG TU ZAG PA DANG BCAS PA'O, ,GZUGS CAN ZHES BYA BA NI MIG DANG, RNA BA DANG, SNA DANG, LCE DANG, LUS DANG, PHO DANG, MO'I DBANG PO DANG BDUN TE, GZUGS KYI PHUNG POS BSDUS PA'I PHYIR RO, ,DGU RNAM GNYIS, YID DANG, BDE BA DANG, YID BDE BA DANG, BTANG SNYOMS DANG, DAD PA LA SOGS PA LNGA DANG, DBANG PO DGU PO DE DAG NI, ZAG PA DANG BCAS PA YANG YIN ZAG PA MED PA YANG YIN NO, ,DBANG PO RNAMS LAS RNAM PAR SMIN PA NI DU, RNAM PAR SMIN PA MA YIN PA NI DU ZHIG CE NA, SROG NI, RNAM SMIN, SROG GI DBANG PO NI GCIG TU RNAM PAR SMIN PA'O, ,BCU GNYIS RNAM PA GNYIS, BCU GNYIS GANG ZHE NA, THA MA'I BRGYAD DANG YID MI BDE, ,RNAM PA MA GTOGS PA STE; DAD PA LA SOGS PA THA MA BRGYAD DANG, YID MI BDE BA DANG, SROG GI DBANG PO MA GTOGS PA, GZHAN BCU GNYIS NI RNAM PAR SMIN PA YANG YIN, RNAM PAR SMIN PA MA YIN PA YANG YIN TE, DE LA MIG LA SOGS PA BDUN RGYAS PA LAS BYUNG BA RNAMS NI RNAM PAR SMIN PA MA YIN NO, ,LHAG MA RNAMS NI RNAM PAR SMIN PA'O, ,YID DANG SDUG BSNGAL DANG, BDE BA DANG, YID BDE BA DANG, BTANG SNYOMS KYI DBANG PO RNAMS NI DGE PA DANG, NYON MONGS PA CAN DANG, SPYOD LAM PA DANG, BZO'I GNAS PA DANG, SPRUL PA RNAMS NI CI RIGS PAR RNAM PAR SMIN PA MA YIN NO, ,LHAG MA RNAMS NI RNAM PAR SMIN PA'O, , MIG LA SOGS PA BCU GNYIS DANG, GROG GI DBANG PO MA GTOGS PA LHAG MA RNAMS NI RNAM PAR SMIN PA MA YIN PAR GRUB BO, ,DBANG PO RNAMS LA RNAM PAR SMIN PA DANG BCAS PA RNAMS NI DU, RNAM PAR SMIN PA MED PA RNAMS NI DU ZHIG CE NA, BSHAD MA THAG PA'I YID MI BDE BA GANG YIN PA @112B DANG, DE GCIG NI, RNAM PAR SMIN BCAS, GCIG BO DE NI RNAM PAR SMIN PA DANG BCAS PA NYID DO, ,NI ZHES BYA BA'I SGRA NI NYID CES BYA BA DANG, RIM PA GZHAN DU SBYAR BAR RIG PAR BYA'O, ,DE NI LUNG DU MA BSTAN PA YANG MED LA, MNYAM PAR GZHAG PA MED PA'I PHYIR, ZAG PA MED PA YANG MED DE, DE'I PHYIR YID MI BDE BA LA NI RNAM PAR SMIN PA MED PA MED DO, ,BCU RNAMS GNYIS, RNAM PAR SMIN PA YANG YIN RNAM PAR SMIN PA MED PA YANG YIN NO, ,BCU GANG ZHE NA, YID DANG TSOR GZHAN DAD LA SOGS, ,TSOR BA GZHAN ZHES SMOS PAS NI YID MI BDE BA LAS GZHAN PA'I TSOR BA DANG, DAD PA LA SOGS PA DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB RNAMS GZUNG BAR BYA STE, DE LA YID DANG, BDE BA DANG, YID BDE BA DANG, BTANG SNYOMS NI MI DGE BA DANG, DGE BA ZAG PA DANG BCAS PA RNAMS NI RNAM PAR SMIN PA DANG BCAS PA'O, ,ZAG PA MED PA DANG LUD DU MA BSTAN PA RNAMS NI RNAM PAR SMIN PA MED PA YIN NO, ,SDUG BSNGAL GYI DBANG PO NI DGE BA DANG, MI DGE BA NI RNAM PAR SMIN PA DANG BCAS PA'O, ,LUNG DU MA BSTAN PA NI RNAM PAR SMIN PA MED PA YIN NO, ,DAD PA LA SOGS PA ZAG PA DANG BCAS PA RNAMS NI RNAM PAR SMIN PA DANG BCAS PA'O, ,ZAG PA MED PA RNAMS NI RNAM PAR SMIN PA MED PA YIN NO, ,GZHAN DAG NI RNAM PAR SMIN PA MED PAR GRUB BO, ,DGE BA RNAMS NI DU, MI DGE BA RNAMS NI DU, LUNG DU MA BSTAN PA RNAMS NI DU ZHIG CE NA, RE ZHIG DGE BA BRGYAD, DAD PA LA SOGS PA LNGA DANG KUN SHES PAR BYED PA'I DBANG PO LA SOGS PA GSUM NI GCIG TU DGE BA'O, ,YID MI BDE BA NI RNAM PA GNYIS, DGE BA DANG MI DGE BA'O, ,YID DANG TSOR GZHAN NI, RNAM GSUM, DGE BA DANG MI DGE BA DANG LUNG DU MA BSTAN PA RNAMS SO, ,GZHAN NI RNAM PA GCIG , GZHAN ZHES BYA BA DE GANG ZHE NA, MIG LA SOGS PA DANG, BRGYAD PA SROG DANG, DE DAG NI LUNG DU MA BSTAN PA NYID DO, ,DBANG PO 'DI RNAMS LAS, DBANG PO GANG DAG KHAMS GANG DU GTOGS SHE NA, 'DOD GTOGS DRI MA MED MA GTOGS, RE ZHIG 'DOD PA DANG LDAN PA'I DBANG PO NI KUN @113A *, ,SHES PAR BYED PA'I DBANG PO LA SOGS PA GCIG TU ZAG PA MED PA RNAMS MA GTOG TE, DE NI MI LDAN PA NYID DO, ,PHO DANG MO'I DANG SDUG BSNGAL DBANG, ,MA GTOGS GZUGS GTOGS, DRA MA MED PA YANG MA GTOGS ZHES BYA BAR SBYAR RO, ,SDUG BSNGAL ZHES BYA BA NI SDUG BSNGAL BA DANG, YID MI BDE BA'O, ,DE LA GZUGS KYI KHAMS DAG NA 'KHRIG PA'I CHOS KYI 'DOD CHAGS DANG BRAL BA'I PHYIR DANG, MI MDZES PAR GYUR PA'I PHYIR PHO DANG MO'I DBANG PO MED DO, ,LUS DANG BA DANG MI DGE BA MED PA'I PHYIR SDUG BSNGAL GYI DBANG PO MED DO, ,ZHI GNAS KYIS SEMS BRLAN PA DANG, KUN NAS MNAR SEMS KYI DBANG PO MED PA'I PHYIR YID MI BDE BA'I DBANG PO YANG MED DO, ,GZUGS MED GTOGS, GZUGS DANG BDE BA'ANG SPANGS PA'O, ,PHO DANG MO'I DBANG PO DANG, SDUG BSNGAL YANG SPANGS ZHES BYA BAR SBYAR RO, ,CI ZHIG LUS SHE NA, YID DANG, SROG DANG, BTANG SNYOMS DANG, DAD PA LA SOGS PA LNGA STE, GZUGS MED PA NI DE DAG DANG LDAN GYI GZHAN NI MA YIN NO, ,DBANG PO RNAMS LAS MTHONG BAS SPANG BAR BYA BA RNAMS NI DU, BSGOM PAS SPANG BAR BYA BA RNAMS NI DU, SPANG BAR BYA BA MA YIN PA RNAMS NI DU ZHIG CE NA, YID DANG TSOR GSUM RNAM PA GSUM, ,TSOR BA GSUM GANG ZHE NA, BDEN BA DANG, YID BDE BA DANG, BTANG SNYOMS RNAMS SO, ,GNYIS KYI SPANG BYA YID MI BDE, ,YID MI BDE BA NI MTHONG BA DANG BSGOM PA GNYIS KYIS SPANG BAR BYA'O, ,DGU NI BSGOM PAS SPANG BAR BYA BA ZHES BYA BA'I DBANG DU BYAS TE, MIG LA SOGS PA DANG, BRGYAD PA SROG DANG, SDUG BSNGAL GYI DBANG PO RNAMS NI BSGOM PAS SPANG BAR BYA NYID DO, ,LNGA DAG NI, SPANG BAR BYA MIN YANG, DAD PA LA SOGS PA LNGA NI ZAG PA DANG BCAS PA DANG, ZAG PA MED PA YANG YIN PA'I PHYIR SPANG BAR BYA BA YANG YIN SPANG BAR BYA BA MA YIN PA YANG YIN NO, ,GSUM MIN, KUN SHES PAR BYED PA'I DBANG PO LA SOGS PA GSUM NI ZAG PA MED PA'I PHYIR, SPANG BAR BYA BA MA YIN PA NYID DO, ,NYES PA MED PA NI SPANG BAR 'OS PA MA YIN NO, ,RNAM PA'I DBYE BA BSHAD ZIN TO, ,DA NI RNYED PA BRJOD PAR BYA STE, KHAMS GANG DAG TU DBANG PO RNAMS LAS DANG PO NYID DU RNAM PAR SMIN PA DU RNYED CE NA, @113B 'DOD PAR DANG POR RNAM SMIN GNYIS, ,RNYED DE, LUS KYI DBANG PO DANG SROG GI DBANG PO'O, ,DE DAG NI, RDZUS TE SKYE BAS MIN, RDZUS TE SKYE BA BKAG PAS, SGO NGA LAS SKYE BA DANG, MNGAL NAS SKYE BA DANG, DROD GSHER LAS SKYE BAR RIG PAR BYA'O, ,CI'I PHYIR YID DANG, BTANG SNYOMS KYI DBANG PO MA YIN ZHE NA; DE GNYIS NI NYING MTSAMS SBYOR BA'I TSE NGES PAR NYON MONGS PA CAN YIN PA'I PHYIR RO, ,'O NA RDZUS TE SKYE BA DAG GIS DU ZHIG 'THOB CE NA, DE YIS DRUG GAM ZHES BYA BA NI GAL TE MTSAN MED BA ZHIG YIN NA STE, 'DI LTAR BSKAL PA DANG PO BA RNAMS LTA BU'O, ,DRUG GANG ZHE NA, MIG DANG, RNA BA DANG, SNA DANG, LCE DANG, LUS DANG, SROG GI DBANG PO RNAMS SO, ,BDUN NAM ZHES BYA BA NI GAL TE MTSAN GCIG PA ZHIG YIN NA STE, 'DI LTAR LHA LA SOGS PA DAG NA'O, ,BRGYAD DAM ZHES BYA BA NI GAL TE MTSAN GNYIS PA ZHIG YIN NA STE, 'DI LTAR NGAN SONG DAG NA'O, ,RE ZHIG 'DOD PA'I KHAMS DAG GI NI DE LTA BU'O, ,GZUGS KYI KHAMS DANG, GZUGS MED PA'I KHAMS DAG GI SMRAS PA, GZUGS NA DRUG STE, GZUGS KYI KHAMS DAG NA NI DANG PO NYID DU DBANG PO DRUG GI RNAM PAR SMIN PA 'THOB STE, 'DOD PA'I KHAMS DAG TU MTSAN MED PA RDZUS TE SKYE BA GANG YIN PA DE DAG NYID DO, ,GONG MAR GCIG ,GZUGS KYI KHAMS PAS NI GZUGS MED PA'I KHAMS SNYOMS PAR 'JUG PAS RING BA'I PHYIR DANG, SKYE BA CHES MCHOG TU 'GYUR BA'I PHYIR GONG MA STE, DER NI DANG PO NYID DU SROG GI DBANG PO 'BA' ZHIG GIS RNAM PAR SMIN PA 'THOB STE, GZHAN NI MA YIN NO, , RNYED PA BSHAD ZIN TO, ,DA NI KHAMS GANG DAG TU 'CHI BA NA DBANG PO RNAMS LAS DU ZHIG THAMS CAD KYI THA MAR 'GAG CES BYA BA GTONG BA BRJOD PAR BYA STE, GZUGS MED DAG TU 'CHI BA NI, ,SROG DANG YID DANG BTANG SNYOMS NYID, ,'GAG PAR GYUR TE, GZUGS MED PA'I KHAMS DAG TU NI DBANG PO GSUM PO DE DAG THA MAR 'GAG GO, ,GZUGS NA BRGYAD, GZUGS KYI KHAMS DAG TU 'CHI BA NA GSUM PO DE DAG DANG MIG LA SOGS PA LNGA DANG DBANG PO BRGYAD 'GAG GO, ,RDZUS TE SKYE BA THAMS CAD NI DBANG PO RNAMS TSOGS PAR 'CHI ZHING SKYE'O, ,'DOD PAR BCU 'AM DGU'AM BRGYAD, , @114A *, ,'DOD PA'I KHAMS DAG TU 'CHI NA, MTSAN GNYIS PA ZHIG NA NI, BRGYAD PO DE DAG DANG, PHO DANG, MO'I DBANG PO DANG DBANG PO BCU 'GAG GO, ,MTSAN GCIG PA ZHIG YIN NA NI DGU'O, ,MTSAN MED PA ZHIG YIN NA NI BRGYAD DE, CIG CAR 'CHI BA'I TSUL NI DE LTA BU YIN NO, ,RIM GYIS 'CHI PA DAG LA BZHI, ,RIM GYIS 'CHI BA NI LUS DANG, SROG DANG, YID DANG, BTANG SNYOMS KYI DBANG PO DANG, DBANG PO BZHI 'GAG STE, DE RNAMS LA NI SO SOR 'GAG PA MED DO, ,NYON MONGS PA CAN DANG, LUNG DU MA BSTAN PA'I SEMS KYIS 'CHI BA'I TSUL NI DU LTA BU YIN PAR RIG PAR BYA'O, , DGE LA THAMS CAD DAG TU LNGA, ,GANG GI TSE DGE BA'I SEMS LA GNAS TE, 'CHI BA DE'I TSE DGE BA LA THAMS CAD DU LNGA STE, DGE BA'I SEMS KYIS 'CHI BA NA, JI SKAD DU BSHAD PA'I DBANG PO RNAMS DANG, LHAG PAR DAG PA LA SOGS PA LNGA 'GAG STE, DE RNAMS NI DGE BA'I SEMS LA NGES PAR YOD DO, ,DE LTAR NA GZUGS MED PA NA NI BRGYAD DO, ,GZUGS NA NI BCU GSUM MO, ,'DOD PA'I KHAMS DAG NA NI BCO LA'AM, BCU BZHI'I NA, BCU GSUM MAM, RIM GYIS 'CHI NA NI DGU 'GAG GO, ,DBANG PO'I SKABS SU YANG DBANG PO'I CHOS THAMS CAD DPYAD PAR BYA STE, DGE SBYONG GI 'BRAS BU GANG ZHIG DBANG PO DU ZHIG GIS 'THOB CE NA, DGUS 'THOB THA MA'I 'BRAS BU GNYIS, ,THA MA ZHES BYA BA GANG ZHIG CE NA, RGYUN DU ZHUGS PA DANG, DGRA BCOM PA'I 'BRAS BU'O, ,BAR MA GANG ZHIG CE NA, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU'O, ,DE LA RGYUN DU ZHUGS PA'I 'BRAS BU NI KUN SHES PA DANG LDAN PA MA GTOGS PA DANG, DAD PA LA SOGS PA DANG, YID DANG, BTANG SNYOMS KYI DBANG PO DANG DGUS SO, ,DGRA BCOM PA NI KUN SHES PAR BYED PA'I DBANG PO MA GTOGS PA DANG, DAD PA LA SOGS PA DANG, YID KYI DBANG PO DANG, BDE BA DANG YID BDE BA DANG, BTANG SNYOMS KYI DBANG PO RNAMS LAS GANG YANG RUNG BA ZHIG DANG DGUS SO, ,BDUN DANG BRGYAD DANG DGU YIS GNYIS, ,LAN CIG PHYIR 'ONG BA DANG, PHYIR MI 'ONG BA'I 'BRAS BU GNYIS NI RE RE ZHING YANG DBANG PO BDUN NAM, BRGYAD DAM DGUS 'THOB STE, JI @114B LTA ZHE NA, RE ZHIG GAL TE LAN CIG PHYIR 'ONG BA'I 'BRAS BU MTHAR GYIS 'THOB LA, DE YANG 'JIG RTEN PA'I LAM GYIS NA NI, DE DAD PA LA SOGS PA LNGA DANG, BTANG SNYOMS DANG, YID KYI DBANG PO DANG, DBANG PO BDUN GYIS 'THOB PO, ,GAL TE 'JIG RTEN LAS 'DAS PA LA NI DE DBANG PO BRGYAD KYIS 'THOB STE, BRGYAD PA NI KUN SHES PA'I DBANG PO YIN NO, ,GAL TE 'DOD CHAGS DANG PHAL CHER BRAL BA ZHIG 'THOB NA NI DE DGUS TE, RGYUN DU ZHUGS PA'I 'BRAS BU'I GANG YIN PA DAG GIS SO, ,PHYIR MI 'ONG BA'I 'BRAS BU MTHAR GYIS 'THOB LA, DE YANG 'JIG RTEN PA'I LAM GYIS NA NI DBANG PO BDUN GYIS 'THOB STE, LAN CIG PHYIR 'ONG BA'I 'BRAS BU JI LTA BA BZHIN NO, ,GAL TE 'JIG RTEN LAS 'DAS PA'I LAM GYIS NA NI DE DE BZHIN DU DBANG PO BRGYAD KYIS SO, ,GAL TE DE 'DOD CHAGS DANG BRAL BA ZHIG 'THOB NA NI DGUS TE, RGYUN DU ZHUGS PA'I 'BRAS BU JI LTA BA BZHIN NO, ,'DI NI KHYAD PAR YIN TE, RTEN GYI BYE BRAG LAS BDE BA DANG, YID BDE BA DANG, BTANG SNYOMS KYI DBANG PO RNAMS LAS GANG YANG RUNG BA ZHIG TU 'GYUR RO, ,GAL TE YANG 'DIR MTHAR GYIS GNAS PA ZHIG YIN PA RNAM PAR GROL BA'I LAM DGU PA LA 'JIG RTEN PA'I LAM GYIS BSAM GTAN LA 'JUG NA NI PHYIR MI 'ONG BA'I 'BRAS BU DE DBANG PO BRGYAD KYIS 'THOB STE, RNAM PAR GROL BA'I LAM DU DGU PA DER, YID BDE BA'I DBANG PO BRGYAD PA YIN NO, ,BAR CHAD MED PA'I LAM LA NI RTAG TU BTANG SNYOMS KYI DBANG PO STE, DE LTAR NA DE NI GNYIS KYIS 'THOB BO, ,GAL TE 'JIG RTEN LAS 'DAS PAS 'JUG NA NI DE DBANG PO DGUS 'THOB STE, KUN SHES PA'I DBANG PO NI DGU PA YIN NO, ,CHOS MNGON PA LAS DBANG BO DU ZHIG GIS DGRA BCOM PA NYID 'THOB CE NA, SMRAS PA, BCU GCIG GIS SO ZHES BSHAD PA GANG YANG YIN PA NGE, JI LTAR NA DGUS ZHES BSHAD CE NA, DE NI DGUS 'THOB PA NYID DE, BCU GCIG DAG GIS DGRA BCOM PA, ,'GA' ZHIG SRID PHYIR BSHAD PA YIN, ,GANG ZAG GANG YONGS SU NYAMS NAS BDE BA DANG, YID BDE BA DANG, BTANG SNYOMS KYI DBANG PO DE DAG GIS DGRA BCOM PA NYID 'THOB PA 'GA' ZHIG @115A *, ,SRID PA DE'I PHYIR BCU GCIG GIS ZHES BSHAD KYI, BDE BA LA SOGS PA DUS GCIG TU MI SRID DO, ,DBANG PO GANG DANG LDAN NA GDON MI ZA BAR DBANG PO DU ZHIG DANG LDAN PA 'DI DPYAD PAR BYA STE, DE LA, BTANG SNYOMS DANG NI SROG DANG NI, ,YID DANG LDAN LA NGES GSUM LDAN, ,GANG BTANG SNYOMS PA SOGS PA 'DI DAG LAS GANG YANG RUNG BA ZHIG DANG LDAN PA DE GDON MI ZA BAR GSUM DANG LDAN TE DE DAG NYID DANG NGO, ,'DI DAG NI PHAN TSUN MED NA MI LDAN PA NYID YIN GYI, LHAG MA RNAMS DANG LDAN PA YANG YOD, MI LDAN PA YANG YOD PAS MA NGES TE, DE LA RE ZHIG GZUGS MED PAR SKYES PA DAG NI MIG DANG, RNA BA DANG, SNA DANG, LCE'I DBANG PO RNAMS DANG MI LDAN NO, ,'DOD PA'I KHAMS DAG NA NI GANG GIS MTHOB PA DANG, RNAM PAR NYAMS PA RNAMS SO, ,LUS KYI DBANG PO NI GZUGS MED PAR SKYES PA DAG DANG MI LDAN NO, ,GZUGS DANG GZUGS MED PAR SKYES PA RNAMS NI MO'I DBANG PO DANG MI LDAN NO, ,'DOD PA'I KHAMS DAG NA NI GANG GIS NA THOB PA DANG RNAM PAR NYAMS PA STE, PHO'I DBANG PO YANG DE BZHIN NO, ,BSAM GTAN BZHI PAR SKYES PA'I SO SO'I SKYE BO NI BDE BA'I DBANG PO DANG MI LDAN NO, ,BSAM GTAN GSUM PAR SKYES PA'I SO SO'I SKYE BO NYID NI YID BDE BA DANG NGO, ,GZUGS MED PAR SKYES PA DAG NI SDUG BSNGAL GYI DBANG PO DANG NGO, ,'DOD PA'I 'DOD CHAGS DANG BRAL BA NI YID MI BDEN BA DANG NGO, ,DGE BA'I RTZA BA YANG DAG PAR CHAD PA NI DAD PA LA SOGS PA DANG NGO, ,SO SO SKYE BO DANG 'BRAS BU LA GNAS PA NI KUN SHES PAR BYED PA'I DBANG PO DANG MI LDAN NO, ,KUN SHES PA'I DBANG PO NI SO SO'I SKYE BO DANG, MTHONG BA DANG, MI SLOB PA'I LAM LA GNAS PA RNAMS DANG NGO, ,KUN SHES PA DANG LDAN PA'I DBANG PO NI SO SO'I SKYE BO DANG, SLOB PA'I LAM LA GNAS PA DANG MI LDAN TE, MA BKAG PA'I GNAS SKABS DAG TU NI JI LTAR BSHAD PA DANG LDAN PAR RIG PAR BYA'O, ,BDE DANG LUS NI BZHI DANG NGO, ,GANG BAD BA'I DBANG PO DANG LDAN PA DE NGES PAR GSUM PO DE DAG DANG, BDE BA'I DBANG PO STE DBANG PO BZHI DANG NGO, ,GANG LUS KYI DBANG PO DANG LDAN PA DE YANG GSUM PO DE DAG DANG LUS KYI DBANG PO STE DBANG PO BZHI DANG NGO, ,MIG LA SOGS PA DANG LDAN LNGA, ,GANG MIG GI @115B DBANG PO DANG LDAN PA DE GDON MI ZA BAR DE DANG, BTANG SNYOMS DANG, SROG DANG, YID DANG, LUS KYI DBANG PO STE LNGA DANG NGO, ,DE BZHIN DU RNA BA DANG, SNA DANG, LCE DANG, LUS LA YANG RIG PAR BYA'O, ,YID BDE BA YANG, GANG YANG YID BDE BA'I DBANG PO DANG LDAN PA DE GDON MI ZA BAR BTANG SNYOMS DANG, SROG DANG, YID DANG, BDE BA DANG, YID BDE BA STE LNGA DANG NGO, ,SDUG BSNGAL NI BDUN DANG, GANG SDUG BSNGAL GYI DBANG PO DANG LDAN PA DE GDON MI ZA BAR LUS DANG, SROG DANG, YID DANG, TSOR BA'I DBANG PO BZHI STE BDUN DANG NGO, ,MO'I DBANG SOGS LDAN, BRGYAD DANG, GANG MO'I DBANG PO DANG LDAN PA DE GDON MI ZA BAR BDUN PO DE DAG DANG, MO'I DBANG PO STE BRGYAD DANG NGO, ,SOGS PA'I SGRAS NI PHO'I DBANG PO DANG, YID MI BDE BA DANG, DAD PA LA SOGS PA GZUNG NGO, ,DE DAG DANG LDAN PA NI RE RE ZHING YANG BRGYAD DANG LDAN PAR 'GYUR TE, BDUN PO DE DAG DANG, BRGYAD PA PHO'I DBANG PO DANG NGO YID MI BDE BA'I DBANG PO YANG DE BZHIN NO, ,DAD PA LA SOGS PA DANG LDAN PA NI LNGA PO DE DAG DANG, BTANG SNYOMS DANG, SROG DANG, YID DANG NGO, ,KUN SHES KUN SHES LDAN PA YI, ,DBANG DANG LDAN LA BCU GCIG DANG, ,KUN SHES PA'I DBANG PO DANG, KUN SHES PA DANG LDAN PA'I DBANG PO NI GANG KUN SHES PA'I DBANG PO DANG LDAN PA DE NGES PAR BDE BA DANG, YID BDE BA DANG, BTANG SNYOMS DANG, SROG DANG, YID DANG, DAD PA LA SOGS PA DANG, KUN SHES PA'I DBANG PO STE BCU GCIG DANG NGO, ,DE BZHIN DU KUN SHES PA DANG LDAN PA'I DBANG PO YANG BCU PO DE DAG DANG, KUN SHES PA DANG LDAN PA'I DBANG PO DANG NGO, ,KUN SHES BYED PA'I DBANG LDAN NI, ,BCU GSUM DAG DANG LDAN PA STE, ,BCU GSUM GANG ZHE NA, YID DANG, SROG DANG, LUS KYI DBANG PO DANG, TSOR BA BZHI DANG, DAD PA LA SOGS PA DANG, KUN SHES PAR BYED PA'I DBANG PO DANG NGO, ,YANG GANG ZHIG NANG NA NYUNG BA DANG LDAN NA DE DU DANG ZHE NA, DGE MED NANG NA NYUNG BRGYAD DE, ,LUS TSOR YID DANG SROG DANG LDAN, ,DGE MED CES BYA BA NI DGE BA'I RTZA BA YANG DAG PAR CHAD PA'O, ,DE YANG NANG NA NYUNG BA NI TSOR BA RNAMS DANG, LUS DANG, YID DANG, SROG STE DBANG PO BRGYAD DANG LDAN NO, ,TSOR BA @116A *, ,NI TSOR BA'O, ,TSOR BAR BYED PAS TSOR BA STE, DPER NA PHUN SUM TSOGS PAR BYED PAS PHUN SUM TSOGS PA ZHES BYA BA BZHIN NO, ,JI LTAR DGE BA MED PA NANG NA NYUNG BA DBANG PO BRGYAD DANG LDAN PA, DE BZHIN GZUGS MED BYIS PA YANG, ,BYIS BZHES BYA BA NI SO SO'I SKYE BO'O, ,BRGYAD GANG ZHE NA, BTANG SNYOMS SROG DANG YID DANG DGE ,BTANG SNYOMS DANG, SROG DANG, YID DANG, DAD PA LA SOGS PA DANG NGO, ,YANG GANG ZHIG DBANG PO NANG NA MANG PO DANG LDAN NA, DE DU ZHIG DANG ZHE NA, MANG POR LDAN NA BCU DGU STE, ,DRI MA MED RNAMS MA GTOGS PA'O, ,DRI MA MED PA GSUM MA GTOGS PA STE, DE YANG, MTSAN GNYIS, MTSAN GNYIS PA DGE BA'I RTZA BA YANG DAG PAR CHAD PA MA YIN PA DBANG PO TSOGS PA ZHIG YIN NA NI BCU DGU DANG LDAN NO, ,GZHAN YANG GANG ZHIG CE NA, 'PHAGS PA CHAGS BCAS NI, SLOB PA 'DOD CHAGS DANG MA BRAL BA YANG NANG NA MANG NA BCU DGU DANG LDAN TE, MTSAN GCIG DRI MED GNYIS MA GTOGS, ,MTSAN GCIG DANG, ZAG PA MED PA GNYIS TE, KUN SHES PA'I DBANG PO DANG, KUN SHES PA DANG LDAN PA'I DBANG PO DANG GNYIS LAS GANG YANG RUNG BA ZHIG MA GTOGS SO, ,KHAMS RAB TU DBYE BA'I ZHAR LA 'ONGS PA'I DBANG PO RNAMS KYI BAR DU DBYE BA RGYA CHER BSHAD ZIN TO, ,DA NI 'DI DPYAD PAR BYA STE, ,CI 'DUS BYAS KYI CHOS 'DI DAG JI LTAR MTSAN NYID THA DAD PA BZHIN NO, ,SKYE BA YANG THA DAD DAM, 'ON TE 'GA' ZHIG NGES PAR LHAN CIG SKYE BA'ANG YOD CE NA, SMRAS PA, YOD DE, CHOS 'DI DAG THAMS CAD NI GZUGS DANG, SEMS DANG SEMS LAS BYUNG BA DANG, ,SEMS DANG LDAN PA MA YIN PA DANG, 'DUS MA BYAS DANG RNAM PA LNGAR 'GYUR RO, ,DE LA 'DUS MA BYAS LA NI SKYE BA MED DO, ,GZUGS CAN GYI CHOS RNAMS KYI NGES PA NI 'DI YIN TE, 'DOD PA'I DBANG PO MED PA DANG, ,SGRA MED RDUL PHRAN RDZA SA BRGYAD DO, ,BSAGS PA'I GZUGS KYI NANG NA PHRA BA NI RDUL PHRAN ZHES BYA STE, DE BAS CHUNG BA NI MI MNGON NO, ,DE YANG DBANG PO YANG MED SGRA YANG MED PA ZHIG YIN NA NI 'DOD PA'I KHAMS DAG TU RDZAS BRGYAD DANG LDAN PAR SKYE STE, GANG YANG RUNG BA ZHIG MED PAR NI MA YIN NO, ,BRGYAD NI @116B 'BYUNG BA CHEN PO BZHI DAG DANG, 'BYUNG BA LAS GYUR PA GZUGS DANG, DRI DANG RO DANG, REG BYA DANG BZHI'O, ,GAL TE RDUL PHRA RAB SGRA MED LA DBANG PO DANG BCAS PA ZHIG YIN NA NI RDZAS DGU'AM BCU DANG LDAN PAR SKYE STE, DE LA RE ZHIG ,RDZAS DGU LUS KYI DBANG LDAN LA, ,LUS KYI DBANG PO 'DI LA YOD PAS DE NI LUS KYI DBANG LDAN ZHES BYA STE, DE LA RDZAS DGU NI BRGYAD PO DE DAG DANG LUS KYI DBANG PO'O, ,RDZAS BCU DBANG PO GZHAN ZHIG NA DBANG PO GZHAN RDUL PHRA MO GANG LA YOD PA DE LA RDZAS BCU STE, DGU PO DE DAG NYID DANG, MIG DANG, RNA BA DANG, SNA DANG, LCE'I DBANG PO RNAMS LAS GANG YANG RUNG BA ZHIG GO, ,YANG RDUL PHRA MO DE DAG SGRA DANG BCAS PA ZHIG TU SKYE NA NI GO RIMS BZHIN DU RDZAS DGU 'AM BCU 'AM BCU GCIG DANG LDAN PAR SKYE BAN SKYE'O, ,GZUGS KYI KHAMS DAG NA NI DRI DANG, RO GNYIS MED PAR BSHAD PAS DES NA DE PA'I RDUL PHRA MO DAG RDZAS DRUG GAM BDUN NAM BRGYAD DANG LDAN PAR ZHES BSHAD ZIN PAS YANG MI BRJOD DE, ,GZUGS CAN RNAMS KYI NGES PA LHAN CIG SKYES PA BSHAD ZIN TO, ,LHAG MA RNAMS BRJOD PAR BYA STE, DE LA RE ZHIG ,SEMS DANG SEMS BYUNG LHAN CIG NGES, ,'DI DAG NI PHAN TSUN MED NA SKYE BAR MI NUS SO, ,THAMS CAD 'DUS BYAS MTSAN NYID DANG, ,NGES PAR LHAN CIG CES BYA BAR SBYAR TE, GANG GZUGS DANG, SEMS DANG SEMS LAS BYUNG BA DANG, MI LDAN PA CUNG ZAD CIG SKYE BA DE THAMS CAD NI 'DUS BYAS KYI MTSAN NYID DANG LHAN CIG SKYE'O, ,THOB PA'AM THOB PA NI SEMS CAN DU STON PA 'BA' ZHIG DANG LHAN CIG SKYE'O, ,GZHAN DANG NI MA YIN NO, ,'AM ZHES BYA BA NI BYE BRAG TU GTOGS PA'I DON TO, ,SEMS LAS 'BYUNG BA ZHES BRJOD PA LA, SEMS LAS BYUNG BA ZHES BYA BA DE DAG GANG ZHIG CE NA, SEMS BYUNG RNAM PA LNGA, JI LTAR ZHE NA, SA MANG LA SOGS THA DAD PHYIR, ,SEMS LAS BYUNG BA NI SA MANG PO PA RNAMS DANG, MI DGE BA'I SA MANG PO PA RNAMS DANG, DGE BA'I SA MANG PO PA RNAMS DANG, NYON MONGS PA'I SA MANG PO PA RNAMS DANG, NYON MONGS PA CHUNG NGU'I SA MANG PO PA RNAMS DANG RNAM PA LNGA'O, ,SA ZHES BYA BA NI SKYE BA'I GNAS TE, GANG ZHIG GANG GI SKYE BA'I @117A *, ,GNAS YIN PA DE NI DE'I SEMS LAS BYUNG BAS SA ZHES BYA'O, ,DE LA 'DI DAG NI SA MANG PO YIN PAS SA MANG PO PA RNAMS TE, SEMS CAN THAMS CAD LAS BYUNG BA GANG YIN PA RNAMS SO, ,GANG DAG SEMS CAN THAMS CAD LAS 'BYUNG BA DE DAG KYANG GANG ZHIG CE NA, TSOR DANG SEMS PA 'DU SHES DANG, ,'DUN DANG RIG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,CHOS BCU PO 'DI DAG NI SKAD CIG CING SEMS CAN THAMS CAD LA TSOR BAR 'GYUR RO, ,DE LA TSOR BA NI MYONG BA RNAM PA GSUM STE, BDE BA DANG, SDUG BSNGAL DANG BDE BA YANG MA YIN SDUG BSNGAL YANG MA YIN PA'O, ,SEMS PA NI SEMS MNGON PAR 'DU BYED PA'O, ,'DU SHES NI 'DUS NAS SHES PA STE YUL LA MTSAN MAR 'DZIN PA'O, ,'DUN PA NI BYED 'DOD PA'O, ,REG PA NI YUL DANG, DBANG PO DANG RNAM PAR SHES PA 'DUS PA LAS SKYES PA NI REG PA'O, ,BLO GROS NI SHES RAB STE, CHOS RAB TU RNAM PAR 'BYED PA'O, ,DRAN PA NI DMIGS PA MI BRJED PA'O, ,YID LA BYED PA NI SEMS KYI 'JUG PA'O, ,MOS PA NI MOS PAR BYED PA'O, ,TING NGE 'DZIN NI SEMS RTZE GCIG PA'O, ,SEMS DANG SEMS LAS BYUNG BA'I BYED GA NI PHRA BAS DE NI RE ZHIG 'DI LTAR RGYUN RNAMS LA YANG YONGS SU GCAD PAR DKA' NA SKAD CIG MA LTA BU LA SMOS KYANG CI DGOS, GZUGS CAN RNAMS LA YANG RE ZHIG DBANG PO'I GZUNG BA SMAN LA SOGS PA RO MANG PO DANG LDAN PA 'GA' ZHIG LA YANG RO'I BYE BRAG NGES PAR GZUNG BAR DKA' NA GANG ZAG GZUGS CAN MA YIN PA'I CHOS BLOS GZUNG BA RNAMS LA LTA SMOS KYANG CI DGOS, SA MANG PO PA RNAMS BSHAD ZIN TO, ,DGE BA'I SA MANG PO PA'I SKABS YIN PAS, DAD DANG BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE BA LA'O, ,CHOS 'DI DAG NI DGE BA'I SEMS LAS BYUNG BAS, DE'I PHYIR DGE BA'I SA MANG PO PA ZHES BYA STE, DE LA DAD PA NI SEMS DANG BA'O, ,BAG YOD PA NI DGE PA'AM SA RNAMS BSGOMS PA'O, ,SHIN TU SBYONGS PA NI SEMS LAS SU RUNG BA NYID DO, ,BTANG SNYOMS NI SEMS MNYAM PA NYID DO, , @117B NGO TSA SHES PA DANG KHREL YOD PA NI 'OG NAS 'CHAD DO, ,RTZA BA GNYIS NI MA CHAGS PA DANG, ZHE SDANG MED PA'I DGE BA'I RTZA BA GNYIS SO, ,GTI MUG MED PA YANG YOD MOD KYI DE NI SHES RAB KYI BDAG NYID YIN LA SHES RAB KYI SA MANG PO PA YIN PAS DE NI DGE BA'I SA MANG PO PA NYID CES MI BYA'O, ,RNAM PAR MI 'TSE BA NI RNAM PAR MTHO MI 'TSAMS PA'O, ,BRTZON 'GRUS NI SEMS KYI MNGON PAR SPRO BA'O, ,DGE BA'I SA MANG PO PA RNAMS BSHAD ZIN TO, ,RMONGS DANG BAG MED LE LO DANG, ,MA DAD PA DANG RMUGS DANG RGOD, ,RTAG TU NYON MONGS CAN NYID LA, ,CHOS 'DI DAG NI RTAG TU NYON MONGS PA CAN GYI SEMS LAS BYUNG BAS, DE'I PHYIR NYON MONGS PA CAN GYIS MANG PO PA ZHES BYA STE, DE LA RMONGS PA ZHES BYA BA NI MA RIG PA DANG, MI SHES PA DANG, MI GSAL BA'O, ,BAG MED PA NI DGE BA'I CHOS RNAMS MI BSGOM PA STE, BSGOM PA'I MI MTHUN PA'I PHYOGS SO, ,LE LO NI SEMS KYIS MNGON PAR MI SPRO BA STE BRTZON 'GRUS KYI MI MA THUN PA'I PHYOGS SO, ,MA DAD PA NI SEMS MA DAD PA STE, DAD PA'I MI MTHUN PA'I PHYOGS SO, ,RMUGS PA NI LUS KYI DANG SEMS KYI DANG GNYIS TE, LUS KYI RMUGS PA DANG, SEMS KYI RMUGS PA ZHES 'BYUNG BA'I PHYIR RO, ,JI LTAR NA SEMS LAS BYUNG BA'I CHOS LUS KYI ZHES BYA ZHE NA, TSOR BA BZHIN NO, ,RGOD PA NI SEMS KYI RNAM PAR MA ZHI PA STE, 'DI DAG NI NYON MONGS PA CAN GYI SA MANG PO PA'I CHOS SO, ,BRJED NGAS PA DANG, RNAM PAR G-YENG BA DANG, SHES BZHIN MA YIN PA DANG, TSUL BZHIN MA YIN PA YID LA BYED PA DANG, LOG PAR MOS PA NI SA MANG PO PA YIN PA'I PHYIR, NYON MONGS PA'I SA BA NYID DU NGES PAR MA BZUNG STE, DPER NA GTI MUG MED PA DGE BA'I SA MANG PO PAR NGES PAR MA BZUNG BA BZHIN NO, ,NYON MONGS PA'I SA MANG PO PA BSHAD ZIN TO, ,NGO TSA MED DANG KHREL MED PA, ,MI DGE BA LA, NGO TSA MED PA DANG, KHREL MED PA NI MI DGE BA'I SEMS LA RTAG TU 'BYUNG BAS CHOS 'DI GNYIS NI MI DGE BA'I SA MANG PO PA ZHES BYA STE, DE GNYIS KYI MTSAN NYID NI 'OG NAS BSHAD PAR BYA'O, ,KHRO BA DANG, KHO NA DU 'DZIN DANG G-YO DANG NI, ,PHRAG DOG TSIG 'CHAB SER SNA DANG, ,SGYU DANG RGYAGS DANG RNAM 'TSE NI, ,NYON MONGS CHUNG NGU'I SA BA RNAMS, ,'DI DAG NI NYON @118A *, ,MONGS PA CHUNG NGU'I SA PA RNAMS TE, MA RIG PA TZAM DANG, BSGOM PAS SPANG BA DANG, YID KYIS PA NYID DANG, MTSUNGS PAR LDAN PA'I PHYIR RO, ,'DI DAG NI NYE BA'I NYON MONGS PA RNAMS KYI NANG NA BSHAD PAR BYA'O, ,SEMS LAS BYUNG BA RNAM PA LNGA BSHAD ZIN TO, ,GZHAN YANG RTOG PA DANG, DPYOD PA DANG, 'GYOD PA DANG, GNYID LA SOGS PA MA NGES PA YANG YOD PAS, DE LA SEMS GANG ZHIG SEMS LAS BYUNG BA DU ZHIG DANG NGES PA LHAN CIG 'BYUNG BA BRJOD PAR BYA STE, RE ZHIG 'DOD PA NA SBYOD PA'I SEMS NI DGE BA DANG, MI DGE BA RNAM PA GNYIS TE, MA 'DRES PA DANG, NYON MONGS PA GZHAN DANG MTSUNGS PAR LDAN PA DANG, LUNG DU MA BSTAN PA RNAM PA GNYIS TE, BSGRIBS LA LUNG DU MA BSTAN PA DANG, MA BSGRIBS LA LUNG DU MA BSTAN PA DANG RNAM PA LNGA'O, ,DE LA RE ZHIG 'DOD PA NA SPYOD PA'I SEMS NI, NGES PAR RTOG PA DANG BCAS SHID DPYOD PA DANG BCAS PA YIN PAS, DE'I PHYIR 'DIR, 'DOD PA DGE BA'I SEMS LA NI; ,RTOG DANG DPYOD DANG BCAS PA'I PHYIR, ,NGES PAR SA MANG PO PA BCU DANG, DGE BA'I SA MANG PO PA BCU DANG, RTOG PA DANG DPYOD PA GNYIS TE, SEMS LAS BYUNG BA NYI SHU RTZA GNYIS 'BYUNG NGO, ,LA LA DAG TU 'GYOD PA BSNAN, ,DGE BA'I SEMS THAMS CAD LA NI 'GYOD PA MED PA GANG LA YOD PA DER DE NYID KYIS KLAGS NA SEMS LAS BYUNG BA NYI SHU RTZA GSUM 'BYUNG NGO, ,'GYOD PA ZHES BYA BA 'DI CI ZHIG CE NA, NGAN PAR BYAS PA YOD PA NI 'GYOD PA'O, ,DE LA DMIGS PA'I SEMS NI 'GYOD PA ZHES BYA STE, YID LA GCAGS PA'O, ,DE BOR NA MI SDUG PA LA DMIGS PA'I MA CHAGS PA LA MI SDUG PA ZHES BYA BA BZHIN NO, ,'JIG RTEN NA YANG GRONG THAMS CAD LHAGS SO, ,YUL THAMS CAD LHAGS SO ZHES GNAS KYI GNAS PA STON PA YANG MTHONG STE, YID LA GCAGS PA'I GNAS NI 'GYOD PA MA YIN PA'AM YANG NA 'DI NI 'BRAS BU LA RGYUR BTAGS PA STE, DPER NA REG PA'I SKYE MCHED DRUG PO 'DI DAG NI SNGON GYI LAS YIN PAR RIG PAR BYA'O ZHES BYA BA BZHIN NO, ,MI DGE BA NI MA 'DRES DANG, ,LTA BAR LDAN NA 'ANG NYI SHU STE, ,GANG MI DGE BA'I SEMS MA 'DRES PA DE LAS MANG PO PA BCU DANG, NYON MONGS PA'I SA MANG PO PA DRUG DANG, MI DGE BA'I RTZA BA'I SA MANG PO PA GNYIS DANG, RTOG PA DANG, DPYOD PA STE, @118B SEMS LAS BYUNG BA NYI SHU 'BYUNG NGO, ,MA 'DRES PA ZHES BYA BA NI SEMS GANG LAS MA RIG PA 'BA' ZHIG YIN GYI 'DOD CHAGS LA SOGS PA NYON MONGS PA GZHAN MED PA'O, ,MI DGE BA'I SEMS LA LTA BA DANG LDAN NA YANG NYI SHU STE, MA 'DRES PA'I GANG YIN PA NYID DAG GO, ,LTA BA NI SHES RAB KYI RANG BZHIN YIN PA'I PHYIR DER LTA PAS MA BSTAN NO, ,DE LA MI DGE BA LTA BA DANG LDAN PA NI GANG LA LOG PAR LTA BA'AM, LTA BA MCHOG TU 'DZIN PA'AM, TSUL KHRIMS DANG, BRTUL ZHUGS MCHOG TU 'DZIN PA YOD BA'O, ,NYON MONGS BZHI DANG KHONG KHRO SOGS, ,'GYOD PA DAG DANG NYI SHU GCIG ,GANG 'DONG CHAGS DANG, KHONG KHRO BA DANG, NGA RGYAL DANG, THE TSOM STE, NYON MONGS PA BZHI RNAMS LAS NYON MONGS PA GANG YANG RUNG BZHIG DANG MTSUNGS PAR LDAN PA'I SEMS DE LA NYON MONGS PA DE DANG MA 'DRES PAR BSHAD PA NYI SHU STE NYI SHU RTZA GCIG 'BYUNG NGO, ,KHRO BA LA SOGS PA NYE BA'I NYON MONGS PA JI SKAD DU BSHAD PA DANG, MTSUNGS PAR LDAN PA'I SEMS LA NI NYI SHU PO DE DAG DANG NYE BA'I NYON MONGS PA DE DANG NYI SHU RTZA GCIG TU 'GYUR RO, ,'GYOD PA DANG LDAN NA YANG 'GYOD PA DE NYID DANG NYI SHU RTZA GCIG BAR 'GYUR RO, ,MDOR BSDUS NA MI DGE BA'I SEMS MA 'DRES PA DANG LTA BA DANG MTSUNGS PAR LDAN PA NI NYI SHU'O, ,NYON MONGS PA DANG NYE BA'I NYON MONGS PA GZHAN DANG MTSUNGS PAR LDAN PA NI NYI SHU RTZA GCIG GO, ,BSGRIBS PA BCO BRGYAD, 'DOD PA'I KHAMS DAG NA 'JIG TSOGS LA LTA BA DANG, MTHAR 'DZIN PAR LTA BA DANG MTSUNGS PAR LDAN PA'I SEMS NI BSGRIBS LA LUNG DU MA BSTAN PA STE, DE LA NI SA MANG PO PA BCU DANG, NYON MONGS PA'I SA MANG PO PA DRUG DANG, RTOG PA DANG DBYOD PA GNYIS TE, SEMS LAS BYUNG BA BCO BRGYAD DO, ,LTA BAS NI SNGA MA BZHIN TE MA BSTAN TO, LUNG MA BSTAN, GZHAN NI BCU GNYIS DAG TU 'DOD, ,BSGRIBS LA LUNG DU MA BSTAN PA LAS GZHAN BA NI MA BSGRIBS LA LUNG DU MA BSTAN PA STE, DE LA NI SA MANG PO BA BCU DANG, RTOG PA DANG DPYOD PA STE, SEMS LAS BYUNG BA BCU GNYIS SU 'DOD DO, ,GNYID NI KUN LA MI 'GAL PHYIR, ,GANG LA YOD PA DES BSNAN NO, ,GNYID NI DGE BA DANG MI DGE BA DANG LUNG DU MA @119A *, ,BSTAN PA JI SKAD DU BSHAD PA'I SEMS THAMS CAD LA MI 'GAL BAS, DE'I PHYIR GANG LA YOD PA DE LA DES BSTAN PAR RIG PAR BYA'O, ,GANG LA NYI SHU RTZA GNYIS YIN PA DE LA NYI SHU RTZA GSUM MO, ,GANG LA NYI SHU RTZA GSUM YIN PA DE LA NYI SHU RTZA BZHI ZHES BYA BA LA SOGS PA'O, ,GANG DE LTAR 'DOD PA'I KHAMS DAG GI SEMS LAS BYUNG BAR NGES PAR BSHAD PA, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,BSAM GTAN DANG PO NA NI JI SKAD DU BSHAD PA DE DAG LAS 'GYOD PA DANG, GNYID DANG, GANG YANG CUNG ZAD MI DGE BA DANG, 'DI LTA STE G-YO DANG, SGYU DANG RGYAGS PA MA GTOGS PA KHRO BA LA SOGS PA DANG, KHONG KHRO BA DANG, NGO TSA MED PA DANG, KHREL MED PA RNAMS THAMS CAD DU MED DO, ,GZHAN THAMS CAD NI DE BZHIN NO, ,BSAM GTAN DANG PO NA MED PA GANG YIN PA DE DAG DANG, RTOG PA'ANG BSAM GTAN KHYAD PAR CAN LA MED DO, ,LHAG MA NI DE BZHIN NO, ,DE YI GONG NA SPYOD PA YANG, ,BSAM GTAN KHYAD PAR CAN LAS GONG MA BSAM GTAN GNYIS PA LA SOGS PA DANG, GZUGS MED PA DAG NA NI JI SKAD DU BKAG PA DANG, DPYOD PA DANG, YANG GI SGRAS NI G-YO DANG SGYU YANG MED DO, ,LHAG MA NI DE BZHIN NO, ,SA GANG DAG NA SEMS LAS BYUNG BA JI SNYED CIG PA 'DI NI BSHAD ZIN TO, ,DA NI GZHUNG LAS SEMS LAS BYUNG BA GANG DAG GI THA DAD DU BYA BA GSUNGS PA BRJOD PAR BYA STE, NGO TSA MED PA DANG, KHREL MED PA LA THA DAD DU BYA BA CI ZHIG YOD CE NA, MA GUS NGO TSA MED, YON TAN DANG, YON TAN CAN DAG LA MI GUS PA NI NGO TSA MED PA STE, GUS PA'I MI MTHUN PA'I CHOS SO, ,KHREL MED, KHA NA MA THOS 'JIGS MI LTA, ,KHA NA MTHO BA ZHES BYA BA NI DAM PA RNAMS KYIS SMAD PA'O, ,DE LA 'JIGS PAR MI LTA BA NI KHREL MED PA'O, ,BYAMS PA DANG GUS PA LA THA DAD DU BYA BA CI ZHIG YOD CEN, BYAMS PA NI NYON MONGS PA CAN DANG, NYON MONGS PA CAN MA YIN PA RNAM PA GNYIS SO, ,DE LA NYON MONGS PA CAN NI DPER NA BU DANG CHUNG MA LA SOGS PA LA SRED PA'O, ,NYON MONGS PA CAN MA YIN PA NI DPER NA STON PA DANG, BLA MA DANG, YON TAN CAN RNAMS LA DAD PA'O, ,GUS PA NGO TSA SHES, ,GUS PA NI JI SKAD DU BSHAD PA'I NGO TSA SHES @119B BA LTA PU'O, ,DE GNYIS 'DOD DANG GZUGS DAG NA, ,GZUGS MED PA'I KHAMS DAG NA NI, BYAMS PA DANG GUS PA MED DO, ,RTOG PA DANG DPYOD PA GNYIS LA THA DAD DU BYA BA CI ZHIG YOD CE NA, ,RTOG DANG DPYOD PA RTZING ZHIB BO, ,GANG GI ZHE NA, SEMS KYI'O ZHES PHYIS 'CHAD DE, RTOG PA NI SEMS RTZING BA'O, ,DPYOD PA NI SEMS ZHIB PA'O, ,NGA RGYAL DANG RGYAGS PA GNYIS LA THA DAD DU BYA BA CI ZHIG YOD CE NA, NGA RGYAL KHENGS PA, GANG YANG RUNG BA'I KHYAD PAR CI ZHIG YONGS SU BRTAGS PAS SEMS KHENGS PA NI NGA RGYAL LO, ,RGYAGS PA NI, BDAG GI CHOS LA CHAGS PA YI, ,SEMS NI YONGS SU GTUGS PA'O, ,RGYAGS PA NI BDAG GI CHOS RNAMS LA CHAGS PAS SEMS YONGS SU GTUGS PA GANG YIN PA'O, ,SEMS DANG LHAN CIG PA'I SEMS LAS BYUNG BA'I RNAM PA BSHAD ZIN TO, ,YANG DE DAG NI GSUNG RAB LAS THA SNYAD BTAGS PA'I PHYIR DE DAG GI MING 'DI DAG YONGS SU BSTAN PAR BYA STE, SEMS DANG YID DANG RNAM SHES NI, ,DON GCIG STE, BSAGS PAS NA SEMS SO, ,RLOM PAS NA YID DO, ,RNAM PAR SHES PAS NA RNAM PAR SHES PA'O, ,JI LTAR SEMS DANG YID DANG RNAM PAR SHES PA ZHES BYA BA DON GCIG PA DE BZHIN DU, SEMS DANG SEMS LAS BYUNG BA, RTEN BCAS DMIGS DANG RNAMS PA DANG, ,MTSUNGS PAR LDAN PA'ANG DON GCIG STE, ,SEMS DANG SEMS LAS BYUNG BA DE DAG NYID DBANG PO LA BRTEN PA'I PHYIR, RTEN DANG BCAS PA ZHES BYA'O, ,YUL LA 'DZIN PA'I PHYIR, DMIGS PA DANG BCAS PA ZHES KYANG BYA'O, ,DMIGS PA DE NYID RNAM PA KUN DU SPYOD PA'I PHYIR RNAM PA DANG BCAS ZHES KYANG BYA'O, ,MNYAM PAR LDAN PA'I PHYIR MTSUNGS PAR LDAN PA ZHES KYANG BYA'O, ,RNAM PA GANG GIS MNYAM PAR LDAN ZHE NA, SMRAS PA, RNAM PA LNGA, GNAS DANG, DMIGS PA DANG, RNAM PA DANG, DUS DANG, RDZAS MNYAM PA STE, RNAM PA LNGA MNYAM PAS SO, ,SEMS DANG SEMS LAS BYUNG BA RGYA CHER RAB TU DBYE BA DANG BCAS PA BSHAD ZIN TO, ,MI LDAN PA'I 'DU BYED RNAMS, THOB DANG MA THOB SKAL MNYAM DANG, ,'DU SHES MED DANG SNYOMS 'JUG DANG, SROG DANG MTSAN NYID RNAMS DANG NI, MING GI TSOGS LA SOGS PA'O, ,'DI DAG @120A *, ,'DU BYED NI YIN LA SEMS DANG NI MTSUNGS PAR MI LDAN ZHING GZUGS KYI RANG BZHIN YANG MA YIN PAS SEMS DANG MI LDAN PA ZHES BYA STE, DE LA RE ZHIG ,THOB PA RNYED DANG LDAN PA'O, ,THOB PA NI RNAM PA GNYIS TE, MA THOB PA DANG, RNAM PAR NYAMS PAS LAS RNYED PA DANG, THOB NAS LDAN PA'O, ,BZLOG PA NI MA THOB PA ZHES BYA BAR GRUB PO, ,THOB PA DANG MA THOB PA 'DI DAG GANG ZHIG GI ZHE NA, THOB DANG MA THOB RANG RGYUD DU, ,GTOGS PA RNAMS KYANG GZHAN GYI RGYUD DU GTOGS PA RNAMS KYI MA YIN TE, GZHAN GYI DANG LDAN PA NI 'GA' YANG MED DO, ,RGYUD DU MA GTOGS PA RNAMS LA YANG MED LA SEMS CAN DU MI BGRANG BA DANG LDAN PA YANG 'GA' YANG MED DE, RE ZHIG 'DUS BYAS DAG GI NGES PA NI DE LTA'O, ,'DUS MA BYAS KYI THOB PA DANG, MA THOB PA NI, 'GOG GNYIS KYI, SO SOR MA BRTAGS PA'I 'GOG PA DANG NI SEMS CAN THAMS CAD LDAN NO, ,DE BAS NA DE'I PHYIR, CHOS MNGON PA LAS ZAG PA MED PA'I CHOS RNAMS DANG SU ZHIG LDAN ZHE NA, SMRAS PA, SEMS CAN THAMS CAD NGO ZHES 'BYUNG NGO, ,SO SOR BRTAGS PA'I 'GOG PA DANG NI SKAD CIG MA DANG PO LA GNAS PA THAMS CAD DU BCINGS PA MA GTOGS PA, 'PHAGS PA RNAMS DANG, SO SO'I SKYE BO RNAMS LAS KYANG KHA CIG LDAN NO, ,NAM MKHA' DANG LDAN PA NI 'GA' YANG MED DO, ,DE BAS NA 'DI LA THOB PA MED DO, ,GANG LA THOB PA MED PA DE LA NI MA THOB PA YANG MED CES BYA BA'O, ,THOB PA DE NI 'DI LTAR, DUS GSUM RNAMS LAS RNAM PA GSUM, ,'DAS PA'I CHOS RNAMS LA 'DAS PA'I THOB PA DANG, MA 'ONGS PA DANG, DA LTAR BYUNG BA'I THOB PA YANG YOD LA, DE BZHIN DU MA 'ONGS PA DANG DA LTAR BYUNG BA RNAMS KYI YANG SO SOR RNAM PA GSUM MO, ,DGE LA SOGS KYI DGE LA SOGS, ,DGE BA DANG, MI DGE BA DANG, LUNG DU MA BSTAN PA RNAMS KYI THOB PA YANG RIM PA BZHIN DU DGE BA DANG, MI DGE BA DANG, LUNG DU MA BSTAN PA NYID DO, ,RANG GI KHAMS PA DER GTOGS RNAMS, ,CHOS GANG DAG 'DOD PA DANG GZUGS DANG, GZUGS MED PA NA SPYOD PA'I KHAMS GANG DU GTOGS PA DE DAG GI THOB PA NI GO RIMS BZHIN DU 'DOD PA DANG, @120B GZUGS DANG, GZUGS MED PA NA SPYOD PA NA, RANG GI KHAMS PA NYID DO, ,MA GTOGS PA RNAMS RNAM PA BZHI, ,ZAG PA MED PA'I CHOS RNAMS KYI THOB PA NI MDOR BSDU NA KHAMS GSUM PA DANG, ZAG PA MED PA DANG RNAM PA BZHI STE, DE LA SO SOR MA BRTAGS PA'I 'GOG PA NI KHAMS GSUM PA'O, , SO SOR BRTAGS PA'I 'GOG PA NI GZUGS DANG, GZUGS MED PA NA SPYOD PA DANG, ZAG PA MED PA'O, ,LAM GYI BDEN PA'I NI ZAG PA MED PA NYID DE, DE DAG NI BSDU NA RNAM PA BZHIR 'GYUR RO, ,SLOB PA'I CHOS RNAMS KYI THOB PA NI SLOB PA NYID DO, ,MI SLOB PA RNAMS KYI NI MI SLOB PA NYID DO; ,SLOB PA YANG MA YIN MI SLOB PA YANG MA YIN PA RNAMS KYI NI BYE BRAG YOD PAS DER BSTAN PAR BYA'O, ,SLOB MIN MI SLOB MIN RNAM GSUM, ,ZAG PA DANG BCAS PA'I CHOS DANG, 'DUS MA BYAS NI SLOB PA YANG MA YIN MI SLOB PA YANG MA YIN NO, ,DE DAG KYANG SLOB PA LA SOGS PA'I BYE BRAG GIS THOB PA RNAM PA GSUM STE, RE ZHIG ZAG PA DANG BCAS PA RNAMS DANG, SO SOR BRTAGS PA MA YIN PA'I 'GOG PA'I THOB PA DANG, SO SOR BRTAGS PA'I 'GOG PA 'PHAGS PA MA YIN PAS THOB PA'I NI SLOB PA YANG MA YIN, ,MI SLOB PA YANG MA YIN, ,DE NYID SLOB PA'I LAM GYIS THOB PA'I NI SLOB PA'O, ,MI SLOB PA RNAMS KYI NI MI SLOB PA'O, ,MTHONG BA DANG, BSGOM PAS SPANG BAR BYA BA RNAMS KYIS THOB PA NI RIM BZHIN DU MTHONG BA DANG, BSGOM PAS SPANG BAR BYA BA NYID DO, ,SPANG BAR BYA BA MA YIN PA RNAMS KYI NI BYE BRAG YOD PAS DE BSTAN PAR BYA STE, SPANG MIN RNAM PA GNYIS SU 'DOD, ,ZAG PA MED PA RNAMS NI SPANG BAR BYA BA MA YIN PA'I CHOS TE, DE DAG LAS SO SOR MA BRTAGS PA'I 'GOG PA DANG, 'PHAGS PA MA YIN PAS THOB PA SO SOR BRTAGS PA'I 'GOG PA'I THOB PA NI BSGOM PAS SPANG BAR BYA BA'O, ,DE NYID 'PHAGS PA'I LAM GYIS THOB PA DANG, LAM GYI BDEN PA'I NI SPANG BAR BYA BA MA YIN PA'O, ,DUS GSUM RNAMS LAS RNAM PA GSUM, ,ZHES BSHAD PA GANG YIN PA DE NI SPYIR BSTAN PA'O, ,'DI NI DMIGS KYIS BSTAN PA STE, ,LUNG BSTAN MIN THOB LHAN CIG SKYES, ,MA BSGRIBS LA LUNG DU MA @121A *, ,BSTAN PA RNAMS KYI THOB PA NI, STOBS CHUNG BA'I PHYIR SNGAR SKYE BA DANG, PHYIS SKYE BA NI MED KYI LHAN CIG SKYE BA NYID DE, DES NA DE DAG NI 'DAS PA RNAMS KYI YANG 'DAS PA NYID YIN PA DANG, DA LTAR BYUNG BA RNAMS KYI YANG DA LTAR BYUNG BA NYID YIN PA'I BAR DU'O, ,CI MA BSGRIBS LA LUNG DU MA BSTAN PA THAMS CAD KYI DE BZHIN NAM ZHE NA, MNGON SHES SPRUL PA MA GTOGS SO, ,THAMS CAD KYI DE BZHIN TE, LUNG DU MA BSTAN PA MNGON PAR SHES PA GNYIS DANG SPRUL PA'I SEMS NI MA GTOGS TE, DE DAG NI SBYOR BA KHYAD PAR CAN GYIS 'GRUB PAS STOBS DANG LDAN PA'I PHYIR THOB PA SNGAR YANG SKYE PHYIS KYANG SKYE LHAN CIG TU YANG SKYE'O, ,CI MA BSGRIBS LA LUNG DU MA BSTAN PA'I THOB PA 'BA' ZHIG LHAN CIG SKYE BA YIN NAM ZHE NA, SMRAS PA, BSGRIBS PA LA YANG GZUGS KYI STE, BSGRIBS LA LUNG DU MA BSTAN PA LA YANG GZUGS KYI RNAM PAR RIG BYED KYI NI CHEN POS KYANG RNAM PAR RIG BYED MA YIN PA MI SKYE BAS STOBS CHUNG BAR GRUB PA'I PHYIR LHAN CIG SKYE BA NYID DO, ,JI LTAR LUNG DU MA BSTAN PA'I CHOS RNAMS KYI THOB PA'I NGES PA 'DI YIN PA LTAR, CI DGE BA DANG MI DGE BA RNAMS KYI YANG DE BZHIN NAM, 'ON TE THOB PA'I KHYAD PAR 'GA' ZHIG YOD CE NA, SMRAS PA, YOD DE, 'DOD PA'I GZUGS KYI SNGAR MI SKYE, 'DOD PA NA SPYOD PA'I GZUGS KYI THOB PA NI LHAN CIG SKYE BA DANG PHYIS SKYE BA NI YOD KYI, SNGAR SKYE BA NI THAMS CAD DU MED DO, ,CI MA THOB PA YANG THOB PA BZHIN DU KHYAD PAR YOD DAM ZHE NA, SMRAS PA, MA YIN NO, ,'O NA JI LTA BU ZHIG CE NA, MA THOB MA BSGRIBS LUNG MA BSTAN, MA THOB PA THAMS CAD NI MA BSGRIBS LA LUNG DU MA BSTAN PA NYID DO, ,YANG DUS KYI BYE BRAG GIS NI, DE 'DAS MA SKYES GNYIS RNAM GSUM, ,DA LTAR BYUNG BA LA NI DA LTAR BYUNG BA'I MA THOB PA MED DO, ,'DAS PA DANG MA 'ONGS PA GNYIS KYI NI DUS GSUM PA'O, ,'DOD SOGS GTOGS DANG DRI MED KYANG, ,RNAM PA GSUM ZHES BYA BAR SBYAR TE, 'DOD PA NA SBYOD PA RNAMS KYI 'DOD PA DANG, GZUGS DANG GZUGS MED PA NA SPYOD PA STE, GZUGS DANG GZUGS MED PAR GTOGS PA DANG, ZAG PA MED PA RNAMS KYI YANG DE BZHIN NO, ,MA THOB PA ZAG PA MED PA NI NAM YANG MED DE, 'DI LTAR, LAM MA @121B THOB PA SO SO YI, ,SKYE BOR 'DOD DE BSTAN BCOS LAS, SO SO'I SKYE BO NYID GANG ZHE NA, 'PHAGS PA'I CHOS RNAMS MA RNYED PA'O ZHES 'DOD PA'I PHYIR TE, MA RNYED PA ZHES BYA BA NI MA THOB PA YIN PAS SO SO'I SKYE BO NYID NI ZAG PA MED PAR 'OS PA MA YIN NO, ,DE BAS NA MA THOB PA ZAG PA MED PA ZHES BYA'O, , MA THOB PA 'DI JI LTAR RNAM PAR NYAMS PAR 'GYUR ZHE NA, CHOS GANG ZHIG MA THOB PA 'DI NI, DE THOB PA DANG, SA 'PHOS NAS NI RNAM NYAMS 'GYUR, 'DI LTA STE SO SO'I SKYE BO NYID NI 'PHAGS PA'I LAM GYIS MA RNYED PA'O, ,DE NI DE RNYED PA DANG SA 'PHOS NAS RNAM PAR NYAMS PAR 'GYUR TE, DE BZHIN DU GZHAN LA YANG SBYAR BAR BYA'O, ,RNAM PAR NYAMS ZHES BYA BA NI MA THOB PA DE'I MA THOB PA SKYE ZHING THOB PA 'CHAD PA'O, ,THOB PA DANG, MA THOB PA BSHAD ZIN TO, ,SKAL MNYAM SEMS CAN MTSUNGS PA'O, ,SKAL PA MNYAM PA ZHES BYA BA'I RDZAS NI SEMS CAN RNAMS KYI 'DRA BA BSTAN PA'O, ,BSTAN BCOS KYI THA SNYAD LAS NI DE RIGS MTHUN PA ZHES 'BYUNG NGO, ,DE YANG THA DAD PA DANG THA DAD PA MA YIN PA STE, THA DAD PA MA YIN PA NI SEMS CAN SO SO'I SKYE BO THAMS CAD LA YOD PA'I PHYIR SEMS CAN THA DAD KYI SKAL BA MNYAM PA'O, ,THA DAD PA NI SEMS CAN DE DAG NYID KYI KHAMS DANG, SA DANG, 'GRO BA DANG, SKYE GNAS DANG, RIGS DANG, SKYES PA DANG, BUD MED LA SOGS PA BYE BRAG SO SOR NGES PA'O, ,SKAL BA MNYAM PA BSHAD ZIN TO, 'DU SHES MED PA GANG ZHE NA, ,'DU SHES MED PA PA 'DU SHES, ,MED PAR SEMS DANG SEMS BYUNG RNAMS, , 'GOG PA, 'DU SHES MED PA'I LHA DAG GI NANG DU SKYES PA RNAMS KYI SEMS DANG SEMS LAS BYUNG BA RNAMS 'GOG PA GANG YIN PA DE NI 'DU SHES MED PA PA ZHES BYA BA'I RDZAS TE, CHU KLUNG BKAG PA BZHIN DU GANG GI SEMS DANG SEMS LAS BYUNG BA RNAMS MA 'ONGS PA'I DUS, DUS GZHAN GYI BAR DU RGYUN DU 'GOG CING SKYER MI STER BA'O, ,DE YANG GCIG TU, RNAM SMIN, GANG GI RNAM PAR SMIN PA YIN ZHE NA, 'DU SHES MED PA'I SNYOMS PAR 'JUG PA'I'O, ,GANG DAG NA 'DU SHES MED PA'I SEMS CAN GNAS PA'I SEMS CAN DE DAG KYANG GANG ZHE NA, DE 'BRAS NI 'BRAS BU CHE BA ZHES BYA BA'I LHA'O, , @122A *, ,DE DAG LAS LA LA ZHIG 'DU SHES MED PA'I SEMS TE, BSAM GTAN KHYAD PAR CAN BZHIN DU PHYOGS GCIG TU SKYE'O, ,JI LTAR SEMS DANG SEMS LAS BYUNG BA RNAMS 'GOG PA DE 'DU SHES MED PA BZHES BSHAD PA, DE BZHIN 'DU SHES MED SNYOMS 'JUG ,'DU SHES MED PA LA? RNAMS KYI 'AM 'DU SHES MED PA'I SNYOMS PAR 'JUG PAS 'DU SHES MED PA'I SNYOMS PAR 'JUG PA STE, DE YANG DE BZHIN ZHES BYA BA'I SGRAS NI SEMS DANG SEMS LAS BYUNG BA RNAMS 'GOG PA DE TZAM ZHIG MTHUN PAR DRANGS SO, ,SNYOMS PAR 'JUG PA DE NI, BSAM GTAN THA MAR, BSAM GTAN THA MA ZHES BYA BA NI BZHI PA'O, ,DE NI DER GTOGS KYIS GZHAN PA NI MA YIN NO, ,CI'I PHYIR 'DI LA SNYOMS PAR 'JUG CE NA, 'BYUNG 'DOD PAS, 'DI LA NGES PAR 'BYUNG BA YIN PAR SEMS PAS DE DAG NI THAR PA'I 'DU SHES KYI SNYOMS PAR 'JUG GO, ,'DU SHES MED PA PA NI RNAM PAR SMIN PA YIN PA'I PHYIR LUNG DU MA BSTAN PAR GRUB KYI, 'DI NI, SDUG PA DGE BA ZHES BYA PA'I DON TE, DGE BA YIN YANG SKYES NAS MYONG 'GYUR NYID, MTHONG BA'I CHOS DANG LAN GRANGS GZHAN LA MYONG BAR 'GYUR BA YANG MA YIN LA, MA NGES PA YANG MA YIN NO, ,DE NI SO SO'I SKYE BO NYID KYI YIN PAR 'DOD KYI, 'PHAGS PA'I MA YIN, YANG CI 'PHAGS PA MA YIN PAS BSAM GTAN BZHI PA THOB PA'I PHYIR, BSAM GTAN BZHIN DU 'DAS PA DANG, MA 'ONGS PA'I YANG SO SOR 'THOB PA MA ZHE NA, SMRAS PA, MA YIN TE, CI'I PHYIR ZHE NA, DE DAG LA GOMS PA YIN YANG 'BAD PA CHEN POS BSGRUB PAR BYA BA YIN PAS, 'THOB DUS GCIG ,DUS GCIG PA ZHES BYA BA'I DON TE, SO SOR THAR PA'I SDOM PA JI LTA PA BZHIN DU DA LTAR GYI DUS 'BA' ZHIG GIS 'THONG BO, ,'THOB NAS NI SKAD CIG MA GNYIS PA PHAN CHAD NAS JI SRID MA BTANG GI BAR DU 'DAS PA DANG YANG LDAN NO, ,'DU SHES MED PA'I SNYOMS PAR 'JUG PA BSHAD ZIN TO, ,'GOG PA'I SNYOMS PAR 'JUG PA GANG ZHE NA, 'DU SHES MED PA'I SNYOMS PAR 'JUG PA JI LTA BAR, 'GOG PA ZHES PA'ANG DE BZHIN NO, ,DE BZHIN ZHES BYA BA'I SGRAS RNAM PA GANG ZHIG GZUNG ZHE NA, SEMS DANG SEMS LAS BYUNG BA RNAMS 'GOG CES BYA'O, ,DE'I KHYAD PAR NI 'DI @122B YIN TE, 'DI GNAS DON DU, ZHI BAR GNAS PA'I 'DU SHES SNGON DU BTANG BA'I YID LA BYED PA SNYOMS PAR 'JUG GI NGES PAR BYUNG BA'I 'DU SHES SNGON DU BTANG STE NI MA YIN NO, ,YANG DE NI BSAM GTAN BZHI PA'I SA PA YIN GYI 'DI NI SRID RTZE SKYES, 'DU SHES MED 'DU SHES MED MIN GYI SKYE MCHED KYIS PA NYID DO, , YANG 'DI NI, SDUG PA, DGE BA ZHES BYA BA'I DON TE DGE BA YIN YANG, MYONG BA GNYIS DANG NI, MA NGES, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA STE, DUS GNYIS KYIS MYONG BA YIN LA, RNAM PAR SMIN PA NI MA NGES TE, GAL TE 'DIR YONGS SU MYA NGAN LAS 'DAS NA RNAM PAR SMIN PA NYID DO, ,'DI'I RNAM PAR SMIN PA SRID PA'I RTZE MO'I PHUNG PO BZHI YIN LA, DE YANG GCIG TU 'PHAGS PA'I YIN GYI, SO SO'I SKYE BO'I NI MA YIN TE, CHAD PAS 'JIGS PA'I PHYIR DANG, 'PHAGS PA'I LAM GYI STOBS KYIS BSKYED PAR BYA BA YIN PA'I PHYIR RO, ,'PHAGS PA'ANG, 'DI NI 'DOD CHAGS DANG BRAL BAS 'THOB PA NI MA YIN TE, JI LTAR ZHE NA, SBYOR BAS 'THOB, 'DI NI SBYOR BAS 'THOB PA NYID YIN PAS 'DAS PA'I YANG MI 'THOB LA, MA 'ONGS PA'I MI 'THOB BO, ,CI BCOM LDAN 'DAS KYI YANG SBYOR BA PA YIN NAM ZHE NA, SMRAS PA, MA YIN TE, THUB PA'I BYANG CHUB THOB PA NI, SANGS RGYAS BCOM LDAN 'DAS NI ZAD PA SHES PA DANG DUS MNYAM DU 'DI 'THOB PO, ,SANGS RGYAS RNAMS NI SBYOR BA PA, ,ZHES BYA BA BA CUNG ZAD KYANG MED DE, DE DAG GI YON TAN 'BYOR PA THAMS CAD MNGON DU 'GYUR BA NI BZHED PA TZAM LA RAG LUS SO, ,DE BAS NA DE DAG GI THAMS CAD 'DOD CHAGS DANG BRAL BAS 'THOB PAR CI'I PHYIR MI 'DOD, NUB PHYOGS BDAG NA RE 'DI NI DANG PO NYID DU STE, BYANG CHUB SEMS DPA' SLOB PA'I GNAS SKABS SU SKYED PAR BYED DO ZHES PA LA KHA CHE BDAG NA RE, DANG POR MIN TE, DE NI SNGAR BSKYED PAR RUNG BA MA YIN NO ZHES ZER RO, ,CI'I PHYIR ZHE NA, SKAD CIG MA, SUM CU RTZA BZHIS 'THOB BA'I PHYIR RO, ,BYANG CHUB SEMS DPA' NI SEMS KYI SKAD CIG MA SUM CU RTZA BZHIS BYANG CHUB RJES SU 'THOB STE, BDEN PA MNGON PAR RTOG PA BCU DRUG DANG SRID PA'I RTZE MO'I 'DOD CHAGS DANG BRAL BA LA NYON MONGS PA'I RNAM PA DGU SPANGS PA'I PHYIR BAR CHAD MED PA DANG RNAM @123A *, ,PAR GROL BA'I LAM DGU DGU STE, BCO BRGYAD SKYE BAS DE LTAR DE DAG NI SUM CU RTZA BZHIR 'GYUR RO, ,'DI NI CI YANG MED PA'I SKYE MCHED KYI 'DOD CHAGS DANG BRAL NAS, SKYON MED PAR 'JUG PA'I PHYIR SA 'OG MA PA'I SPANG BAR BYA BA MA YIN PA'O, ,DE BAS NA 'DI DAG GI BAR DU NI MI 'DRA BA'I SEMS MI SRID PAS SNGAR 'GOG PA'I SNYOMS PAR 'JUG PA MI SRID CES BYA'O, ,GAL TE SNYOMS PAR 'JUG PA 'DI GNYIS KYI KHYAD PAR MANG YANG, GNYI GA'ANG 'DOD DANG GZUGS LA BRTEN, ,'DU SHES MED PA DANG, 'GOG PA'I SNYOMS PAR 'JUG PA 'DI GNYI GA YANG, 'DOD PA'I KHAMS DANG GZUGS KYI KHAMS DAG TU SKYED PAR BYED DO, ,DE LA YANG 'DI NI BYE BRAG YIN TE, 'GOG PA DANG POR MI'I NANG DU, 'GOG PA'I SNYOMS PAR 'JUG PA NI DANG PO NYID DU MI DAG GI NANG DU BSKYED DO, ,PHYIS SNGA MA LAS YONGS SU NYAMS NA NI GZUGS KYI KHAMS DAG TU STE, DE LTAR NA SNYOMS PAR 'JUG PA 'DI GNYIS NI SA DANG, SBYOR BA DANG, RGYU DANG, 'BRAS BU DANG, MYONG BAR 'GYUR BA DANG, DANG POR BSKYED PA LA YANG BYE BRAG YOD DO, ,SNYOMS PAR 'JUG PA BSHAD ZIN TO, ,SROG GANG ZHE NA, SROG NI TSE YIN, CHOS MNGON PA LAS 'DI SKAD DU SROG GI DBANG PO GANG ZHE NA, KHAMS GSUM PA'I TSE YIN NO ZHES 'BYUNG STE, TSE ZHES BYA BA'I CHOS NI 'DI LTAR, DROD DANG NI, RNAM SHES RTEN GANG YIN PA'O, ,BCOM LDAN 'DAS KYIS 'DI SKAD DU, TSE DANG DRONG DANG RNAM SHES KYIS, ,GANG TSE LUS 'DI 'DOR BYED CING, ,BOR NAS DE TSE SEMS MED PAR, ,'DUG PA SDONG DU MA JI BZHIN NO, ,ZHES GSUNGS TE DE BAS NA DROD DANG RNAM PAR SHES PA'I RTEN DU GYUR PA'I CHOS GNAS PA'I RGYU GANG YIN PA DE NI TSE YIN NO, ,SROG BSHAD ZIN TO, ,MTSAN NYID DAG NI SKYE BA DANG, ,RGA DANG GNAS DANG MI RTAG NYID, ,BZHI PO 'DI DAG NI 'DUS BYAS KYI MTSAN NYID DE, GANG LA MTSAN NYID BZHI PO 'DI DAG YOD PA'I CHOS DE NI 'DUS BYAS ZHES BYA BAR MNGON NO, ,BZLOG PA NI 'DUS MA BYAS SO, ,DE LA SKYE BAS NI CHOS DE SKYED PAR BYED DO, ,GNAS PAS NI GNAS PAR BYED DO, ,RGA BAS NI RNYINGS PAR BYED DO, ,MI RTAG PAS NI 'JIG PAR BYED DO, ,SKYE BA LA SOGS PA DE YANG 'DI LTAR 'DUS BYAS YIN PA'I PHYIR SKYE BA LA SOGS PA GZHAN YANG @123B YOD PAR 'GYUR RO ZHE NA, YOD PA NYID DE, DE DAG SKYE BA'I SKYE LA SOGS, ,DE DAG LA YANG SKYE BA'I SKYE BA DANG, GNAS PA'I GNAS PA DANG, RGA BA'I RGA BA DANG, MI RTAG PA NYID KYIS MI RTAG PA NYID DE, RJES SU MTHUN PA'I MTSAN NYID BZHIR 'GYUR RO, ,DE LTA NA YANG SKYE BA GZHAN LA SOGS PAR THAL BA'I PHYIR MTHAR THUG PA MED PA'I SKYON DU 'GYUR LA, RE RE ZHING YANG MTSAN NYID BZHI BZHI THOB BO ZHE NA, THOB PA MA YIN TE, GANG GI PHYIR, DE CHOS BRGYAD DANG GCIG LA 'JUG ,SKYE BA LA SOGS PA DE DAG NI CHOS BRGYAD LA 'JUG GO, ,'JUG CES BYA BA NI BYED PA STE, SKYES BU'I RTZAL LO, ,SKYE BA'I SKYE BA LA SOGS PA NI CHOS GCIG LA'O, ,JI LTA ZHE NA, MTSAN NYID DANG RJES SU MTHUN PA'I MTSAN NYID BRGYAD NI, DGU PA DAG DANG LHAN CIG TU SKYE LA, DE LA SKYE BA NI BDAG MA GTOGS PA GZHAN BRGYAD SKYED PAR BYED DO, ,SKYE BA'I SKYE BA DE NYID BSKYED DE, DPER NA, KHYIM BYA LA LA NI SGO NGA MANG, LA LA NI NYUNG DU 'BRANG BA BZHIN NO, ,DE BZHIN DU GNAS PA LA SOGS PA DANG, GNAS PA'I GNAS PA LA SOGS PA LA YANG SBYAR RO, ,RE BAS NA THUG PA MED PAR MI 'GYUR RO, ,GAL TE SKYE BAS SKYED PAR BYED PA MA 'ONGS PA ZHIG SKYED NA, CI'I PHYIR MA 'ONGS PA THAMS CAD CIG CAR DU MI SKYE NA, 'DI LTAR, SKYE BAS BSKYED BYA SKYED PA NI, ,RGYU DANG RKYEN DAG MED PA YIN, ,RGYU RKYEN TSOGS PA MED PAR NI SKYE BA BSKYED PAR BYA BA SKYED PAR MI 'GYUR RO, ,MTSAN NYID RNAMS BSHAD ZIN TO, ,MING GI TSOGS LA SOGS PA NI, ,MING DANG NGAG DANG YIG 'BRU'I TSOGS, ,SOGS PA SMOS PAS NI TSIG DANG YI GE'I TSOGS GZUNG NGO, ,DE LA MING NI MING STE, DPER NA GZUGS DANG SGRA ZHES BYA BA LA SOGS PA'O, ,TSIG NI NGAG STE DPER NA, KYE MA 'DU BYED MI RTAG STE, ,ZHES BYA BA LA SOGS PA JI TZAM GYIS DON YONGS SU RDZOGS PA STE, GANG GI BYA BA DANG, YON TAN DANG, DUS KYI 'BREL PA'I KHYAD PAR RTOGS PAR 'GYUR BA'O, ,YI GE NI YIG 'BRU STE, DPER NA, AA A'A ZHES BYA BA LA SOGS PA'O, ,MING LA SOGS PA DE DAG GI TSOGS NI MING LA SOGS PA'I TSOGS RNAMS TE, DE LA MING GI TSOGS NI DPER NA GZUGS SGRA DRI RO REG BYA ZHES BYA BA LA SOGS PA'O, ,TSIG @124A *, ,GI TSOGS NI DPER NA 'DUS BYAS THAMS CAD NI MI RTAG PA'O, ,CHOS THAMS CAD NI BDAG MED PA'O, ,MYA NGAN LAS 'DAS PA NI ZHI BA'O ZHES BYA BA LA SOGS PA LTA BU'O, ,YI GE'I TSOGS NI DPER NA KA KHA GA GHA NGA ZHES BYA BA LA SOGS PA'O, ,MING GI TSOGS PA DE DAG GANG DANG LDAN PA DANG SEMS CAN DU STON PA'AM, SEMS CAN DU MI STON PA'AM, RNAM PAR SMIN PA LAS SKYES PA'AM, RGYAS PA LAS BYUNG BA'AM, RGYU MTHUN PA LAS BYUNG BA'AM, DGE BA'AM, MI DGE BA'AM, LUNG DU MA BSTAN PA ZHIG YIN PAS YANG BRJOD DGOS SO ZHE NA, SMRAS PA, 'DOD DANG GZUGS GTOGS SEMS CAN STON, ,RGYU MTHUN LAS BYUNG LUNG BSTAN MIN, ,'DI DAG NI 'DOD PAR GTOGS PA DANG, GZUGS SU GTOGS PA DANG, SEMS CAN DU STON PA DANG, RGYU MTHUN PA LAS BYUNG BA DANG, MA BSGRIBS LA LUNG DU MA BSTAN PA YIN NO, ,JI LTAR MING GI TSOGS LA SOGS PA 'DI DAG SEMS CAN DU STON PA DANG, RGYU MTHUN PA LAS BYUNG BA DANG, MA BSGRIBS LA LUNG DU MA BSTAN PA YIN PA, DE BZHIN SKAL MNYAM, DE NI RGYU MTHUN PA LAS BYUNG BA 'BA' ZHIG MA YIN GYI, RNAM PAR SMIN PA'ANG YIN, KHAMS GSUM PA STE, 'DOD PA DANG, GZUGS DANG, GZUGS MED PA NA SBYONG PA YANG YIN NO, ,THOB RNAM GNYIS THOB PA NI RGYU MTHUN PA LAS BYUNG PA DANG, RNAM PAR SMIN PA LAS SKYES PA'O, ,MTSAN NYID RNAMS KYANG, THOB PA BZHIN DU RNAM PA GNYIS ZHES BYA BAR SBYAR RO, ,SNYOMS 'JUG DANG, MI LDAN PA DAG RGYU MTHUN PA, SEMS MED PA'I SNYOMS PAR 'JUG PA GNYIS DANG, MI LDAN PA'I RGYU MTHUN PA LAS BYUNG BA NYID DE DAG GI BRJOD PAR BYA BA LHAG MA DANG, LHAG MA 'DU SHES MED PA PA DANG, SROG GI DBANG PO NI BSHAD ZIN PA YANG MI BRJOD DO, ,MI LDAN PA RNAMS KYANG BSHAD ZIN TO, ,SKYE BAS BSKYED BYA SKYED PA NI, ,RGYU DANG RKYEN DAG MED PAR MIN, ,ZHES BSHAD PA GANG YIN PA DE LA, RGYU ZHES BYA BA'AM RKYEN ZHES BYA BA DE DAG GANG ZHIG CE NA, DBANG BYED LHAN CIG 'BYUNG BA DANG, ,SKAL MNYAM MTSUNGS PAR LDAN PA DANG, ,KUN DU 'GRO DANG RNAM SMIN DANG, ,RGYU NI RNAM PA DRUG TU 'DOD, ,RGYU DRUG NI BYED PA'I RGYU DANG, LHAN CIG 'BYUNG BA'I RGYU DANG, SKAL PA MNYAM PA'I RGYU DANG, , @124B MTSUNGS PAR LDAN PA'I RGYU DANG, KUN DU 'GRO BA'I RGYU DANG, RNAM PAR SMIN PA'I RGYU ZHES BYA BA 'DI RNAMS SO, ,DE LA, BDAG MA GTOGS PA BYED PA'I RGYU, 'DUS BYAS KYI CHOS NI RANG GI NGO BO MA GTOGS PA'I CHOS THAMS CAD BYED PA'I RGYU STE, SKYE BA LA BGEGS MI BYED PA'I NGO BOR GNAS PA'I PHYIR RO; ,LHAN CIG 'BYUNG GANG PHAN TSUN 'BRAS, ,PHAN TSUN ZHES BYA BA NI GCIG LA GCIG STE, CHOS GANG DAG PHAN TSUN GYI 'BRAS BU YIN PA DE DAG NI PHAN TSUN LHAN CIG 'BYUNG BA'I RGYU'O, ,JI LTA ZHE NA, 'BYUNG BZHIN SEMS KYI RJES 'JUG DANG, ,SEMS DANG MTSAN NYID MTSAN GZHI BZHIN,, 'BYUNG BA CHEN PO BZHI DAG NI, ,PHAN TSUN LHAN CIG 'BYUNG BA'I RGYU'O, ,SEMS NI SEMS KYI RJES SU 'JUG PA'I CHOS RNAMS KYI'O, ,DE DAG KYANG SEMS KYI'O, ,'DUS BYAS KYI MTSAN NYID RNAMS NI MTSAN GZHI'O, ,DE YANG DE DAG GI STE, DE LTAR NA 'DUS BYAS THAMS CAD NI CI RIGS PAR LHAN CIG 'BYUNG BA'I RGYU NYID DO, ,YANG SEMS KYI RJES SU LHAN CIG 'JUG PA'I CHOS DE DAG KYANG GANG ZHIG CE NA, SEMS LAS BYUNG DANG SDOM GNYIS DANG, ,SEMS DANG DE DAG GI MTSAN NYID, ,SEMS KYI RJES SU 'JUG ,SEMS DANG MTSUNGS PAR LDAN PA THAMS CAD DANG, BSAM GTAN GYI SDOM PA DANG, ZAG PA MED PA'I SDOM PA DANG, DE DAG GI DANG, SEMS KYI SKYE BA LA SOGS PA STE, DE RNAMS NI SEMS KYI RJES SU 'JUG PA ZHES BYA'O, ,JI LTAR 'DI DAG SEMS KYI RJES SU 'JUG CE NA, MDOR BSDU NA, DUS DANG NI, 'BRAS SOGS DGE LA SOGS PA'O, ,RE ZHIG DUS KYI NI SEMS DANG GCIG TU SKYE BA DANG, GNAS PA DANG, 'GAG PA DANG, DUS GCIG TU GTOGS PA NYID DO, ,'BRAS BU LA SOGS PAS NI SKYES BU BYED PA'I 'BRAS BU DANG, RNAM PAR SMIN PA DANG, RGYU MTHUN PA GCIG PA'O, ,GCIG TU ZHES BYA BA'I SGRA SNGA MA NI LHAN CIG PA'I DON DU RIG PAR BYA'O, ,DGE BA LA SOGS PAS NI DGE BA DANG, MI DGE BA DANG, LUNG DUM BSTAN PA'I SEMS LA DGE BA DANG MI DGE BA DANG LUNG DU MA BSTAN PA STE, DE LTAR NA RGYU BCUS SEMS KYI RJES SU 'JUG PA ZHES BYA'O, ,LHAN CIG 'BYUNG BA'I RGYU BSHAD ZIN TO, ,SKAL @125A *, ,MNYAM RGYU NI 'DRA BA'O, ,'DRA BA RNAMS NI CHOS 'DRA BA RNAMS KYI SKAL BA MNYAM PA'I RGYU STE, 'DI LTA STE, DGE BA'I THUNG PO LNGA RNAMS NI DGE BA RNAMS KYI'O, ,NYON MONGS PA CAN RNAMS NI NYON MONGS PA CAN RNAMS KYI'O, ,LUNG DU MA BSTAN PA RNAMS NI LUNG DU MA BSTAN PA RNAMS KYI'O, ,NUR NUR PO NI NUR NUR PO LA SOGS PA GNAS SKABS BCU GNYIS KYI'O, ,MER MER PO LA SOGS PA NI MER MER PO LA SOGS PA'I STE, RIS MTHUN PA GCIG LA NI RE RE DOR RO, ,RIS MTHUN PA GZHAN DAG TU NI BCU CHAR YANG GNAS SKABS BCU RNAMS KYI'O, ,PHYI'I LA YANG NAS NI NAS KYI'O, ,S'A LU'I S'A LU'I 'O ZHES RGYA CHER SBYAR RO, ,CI 'DRA BA THAMS CAD 'DRA BA RNAMS KYI SKAL BA MNYAM PA'I RGYU YIN NAM ZHE NA, SMRAS PA, MA YIN NO, ,'O NA JI LTA BU ZHIG CE NA, RANG RIS SA'I 'DI DAG NI RANG GI RIS DANG SA YIN PAS DE DAG NI RANG GI RIS DANG SA BA ZHES BYA STE, RIS RNAMS NI SDUG BSNGAL MTHONG BAS SPANG BAR BYA BA'I RIS NAS BSGOM PAS SPANG BAR BYA BA'I BAR DU LNGA'O, ,SA PA RNAMS NI BSAM GTAN DANG, GZUGS MED PA BRGYAD DANG, 'DOD PA'I KHAMS DANG DGU'O, ,DE LA SDUG BSNGAL MTHONG BAS SPANG BAR BYA BA RNAMS NI SDUG BSNGAL MTHONG BAS SPANG BAR BYA BA RNAMS KYI SKAL PA MNYAM PA'I RGYU YIN PA NAS DE BZHIN DU BSGOM PAS SPANG BAR BYA BA RNAMS KYANG BSGOM PAS SPANG BAR BYA BA RNAMS KYI YIN PA'I BAR DU'O, ,DE DAG KYANG 'DOD PA NA SPYOD PA RNAMS NI 'DOD PA NA SPYOD PA RNAMS KYI YIN LA, BSAM GTAN DANG PO'I SA PA RNAMS KYANG BSAM GTAN DANG PO'I SA PA RNAMS KYI YIN PA NAS SRID PA'I RTZE MO'I SA PA'I BAR DU YANG DE'I SA PA RNAMS NYID KYI YIN GYI GZHAN DAG GI NI MA YIN NO, ,DE DAG KYANG THAMS CAD NI MA YIN TE, 'DI LTAR SNGAR SKYES RNAMS, SNGAR SKYES PA RNAMS NI PHYIS SKYES PA DANG MA SKYES PA RNAMS KYI SKAL BA MNYAM PA'I RGYU'O, ,CI RANG GI SA PA NI SKAL BA MNYAM PA'I RGYUR 'GYUR RO ZHES GANG BSHAD PA DE 'DI LTAR NGES SAM ZHE NA, ZAG PA DANG BCAS PA'I NI DE LTAR NGES SO, ,SA DGU'I LAM NI PHAN TSUN DU, ,SKAL BA MNYAM PA'I RGYU ZHES BYA BA'I DBANG DU BYAS PA STE, MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI DANG, GZUGS @125B MED PA GSUM GYI LAM GYI BDEN PA NI PHAN TSUN DU SKAL BA MNYAM PA'I RGYU YIN NO, ,CI'I PHYIR ZHE NA, 'DI NI SA DE DAG TU GLO BUR DU 'ONGS PA YIN LA, SA PA DE'I SRED PAS BDAG GIR MA BYAS PA'I PHYIR KHAMS DER GTOGS PA MA YIN TE, DE BAS NA SA GZHAN YANG RIGS MTHUN PA'I SKAL PA MNYAM PA'I RGYUR 'GYUR RO, ,DE YANG, MNYAM DANG KHYAD PAR CAN GYI YIN, ,CHUNG NGU'I RGYUR NI MI 'GYUR TE, ,DPER NA SDUG BSNGAL LA CHOS SHES PA'I BZOD PA NI DE NYID KYI MA 'ONGS PA RNAMS DANG, MI SKYE BA SHES PA'I BAR DU KHYAD PAR CAN GYI RGYU YANG YIN NO, ,MI SKYE BA SHES PA NI KHYAD PAR CAN GZHAN MED PA'I PHYIR MI SKYE BA SHES PA DE DAG NYID KYI'O, ,MTHONG BA DANG, BSGOM PA DANG, MI SLOB PA'I LAM NI GSUM DANG, GNYIS DANG GCIG RNAMS KYI STE, DE DAG TU YANG DBANG PO RTUL PO'I LAM NI DBANG PO 'BRING DANG RNON PO'I RGYU YIN LA, DBANG PO RNON PO'I LAM NI DBANG PO RNON PO NYID KYI'O, ,DE BZHIN DU DAD PAS RJES SU 'BRANG BA DANG, DAD PAS MOS PA DANG, DUS KYIS RNAM PAR GROL BA'I LAM RNAMS NI DRUG DANG BZHI DANG GNYIS KYI'O, ,CHOS KYI RJES SU 'BRANG BA DANG, MTHONG BAS THOB PA DANG, DUS DANG MI SBYOR BAS GROL BA'I LAM RNAMS NI GSUM DANG GNYIS DANG GCIG GI'O, ,YANG CI LAM 'BA' ZHIG MNYAM PA DANG KHYAD PAR CAN GYI SKAL BA MNYAM PA'I RGYUR 'GYUR RAM ZHE NA, SMRAS PA, MA YIN TE, 'JIG RTEN PA LA YANG, SBYOR LAS SKYES PA'ANG DE BZHIN NYID, ,MNYAM PA DANG KHYAD PAR CAN GYI RGYUR 'GYUR GYI CHUNG DU'I NI MA YIN NO, ,'DI LTA BU'O ZHES BYA BA GANG ZHE NA, SMRAS PA, THOS DANG BSAMS LAS BYUNG LA SOGS, ,THOS PA DANG BSAMS PA DANG, BSGOMS PA LAS BYUNG BA'I SBYOR BA'I YON TAN DE DAG KYANG MNYAM PA DANG, KHYAD PAR CAN GYI RGYU NYID DU 'GYUR GYI, CHUNG DU RNAMS KYI NI MA YIN TE, DPER NA 'DOD PA NA SPYOD PA'I THOS PA LAS BYUNG BA RNAMS NI THOB PA LAS BYUNG BA DANG, BSAMS PA LAS BYUNG BA RNAMS KYI'O, ,BSAMS PA LAS BYUNG BA RNAMS NI BSAMS PA LAS BYUNG BA RNAMS NYID KYI STE, BSGOMS PA LAS BYUNG BA NI MED PA'I PHYIR RO, ,GZUGS NA SPYOD PA'I THOS PA LAS BYUNG BA RNAMS NI THOS PA LAS BYUNG BA DANG, BSGOMS PA LAS BYUNG BA RNAMS KYI STE, BSAMS PA LAS BYUNG @126A *, ,BA NI MED PA'I PHYIR RO, ,BSGOMS PA LAS BYUNG BA NI BSGOMS PA LAS BYUNG BA RNAMS NYID KYI'O, ,DE DAG KYANG RNAM PA DGUS THA DAD PA'I PHYIR CHUNG NGU'I CHUNG NGU NI THAMS CAD KYI'O, ,CHUNG NGU'I 'BRING PO NI BRGYAD KYI STE, LUGS NI DE LTA BU'O, ,SKAL BA MNYAM PA'I RGYU BSHAD ZIN TO, ,MTSUNGS LDAN RGYU NI SEMS DAG DANG, ,SEMS LAS BYUNG BA, DE LTA NA NI DUS DANG, RGYUD THA DAD PAR SKYES PA RNAMS KYANG PHAN TSUN MTSUNGS PAR LDAN PA'I RGYUR THAL BAR 'GYUR RO ZHE NA, DE LTA MOD KYI RNAM PA DANG, DMIGS PA GCIG PA'O, ,DE LTA NA YANG ZLA BA TSES PA LA SOGS PA LA LTA BA NA, DE NYID DU THAL BAR 'GYUR RO ZHE NA, DE'I PHYIR, 'DI LTAR, RTEN MNYAM RNAMS, SEMS DANG SEMS LAS BYUNG BA GANG DAG RTEN MTSUNGS PA DE DAG NI PHAN TSUN MTSUNGS PAR LDAN PA'I RGYU'O, ,MTSUNGS PA ZHES BYA BA NI THA MI DAD PA STE, DPER NA MIG GI RNAM PAR SHES PA'I GNAS MIG GI DBANG PO SKAD CIG MA GANG YIN PA NYID DE DANG MTSUNGS PAR LDAN PA'I TSOR BA LA SOGS PA'I YANG YIN PA NAS DE BZHIN DU YID KYI DBANG PO'I SKAD CIG MA YANG YID KYI RNAM PAR SHES PA DANG DE DANG MTSUNGS PAR LDAN PA RNAMS KYI YIN PA'I BAR DU RIG PAR BYA'O, ,KUN DU 'GRO BA'I RGYU BRJOD PAR BYA STE, KUN 'GRO ZHES BYA NYON MONGS CAN, ,RANG GIS PA SNGAR KUN 'GRO, ,RANG GIS PA'I KUN DU 'GRO BA SNGAR BYUNG BA RNAMS NI NYON MONGS PA'I CHOS PHYI MA RNAMS KYI KUN DU 'GRO BA'I RGYU STE, DE NI PHYIS PHRA RGYAS KYI MDZOD KYI GNAS NYID NAS BSHAD PAR BYA'O, ,'DI NI NYON MONGS PA CAN GYI CHOS KYI THUN MONG GI RGYU YIN PA, SKAL PA MNYAM PA'I RGYU LAS LOGS SHIG TU RNAM PAR 'JUG GO, ,RIS GZHAN DAG GI RGYU YANG YIN PA'I PHYIR TE 'DI DAG GI MTHUS RIS GZHAN GYI NYON MONGS PA YANG SKYE BAR 'GYUR RO, ,RNAM PAR SMIN PA'I RGYU GANG ZHE NA, RNAM SMIN RGYU NI MI DGE DANG, ,DGE BA ZAG BCAS NYID RNAMS SO, , MI DGE BA RNAMS DANG, DGE BA ZAG PA DANG BCAS PA'I CHOS RNAMS NI RNAM PAR SMIN PA'I 'BRAS BU SKYED PA'I PHYIR RNAM PAR SMIN PA'I RGYU'O, ,LUNG DU MA BSTAN PA NI STOBS CHUNG BA'I PHYIR RNAM PAR SMIN PA'I 'BRAS BU MI SKYED DE SA BON RUL BA BZHIN NO, ,ZAG PA MED PA YANG SRID PAS @126B MA BRLAN PA'I PHYIR MI SKYED DE MA BRLAN PA'I SA BON DRUNG PO BZHIN NO, ,LDAN PA MA YIN PA NI LDAN PA'I 'BRAS BU CI ZHIG SKYED PAR 'GYUR, DE LAS GZHAN PA DAG NI GNYI GA DANG CHOS MI MTHUN PA'I PHYIR RNAM PAR SMIN PA'I RGYU YANG YIN NO, ,YANG RGYU 'DI RNAMS KYI DUS DES PA GANG YIN ZHE NA, KUN 'GRO SKAL MNYAM DUS GNYIS PA, ,DE DAG NI 'DAS PA DANG DA LTAR BYUNG BA YIN GYI MA 'ONGS PA NI MED DO, ,GSUM PO DAG NI DUS GSUM PA, ,LHAN CIG 'BYUNG BA DANG, MTSUNGS PAR LDAN PA DANG, RNAM PAR SMIN PA'I RGYU DAG NI, DUS GSUM PA'O, ,BYED PA'I RGYU NI DUS NGES PAR MA BSTAN PAS DUS THAMS CAD DU 'GRO BA DANG, DUS DANG MI LDAN PAR YANG RIG PAR BYA'O, ,RGYU RNAMS BSHAD ZIN TO, ,'BRAS BU BRJOD PAR BYA STE, 'DUS BYAS 'BRAL BCAS 'BRAS BU'O, ,'DI GANG LAS SHE NA, BSTAN BCOS LAS 'BRAS BU'I CHOS RNAMS GANG ZHE NA, 'DUS BYAS KYI CHOS THAMS CAD DANG, SO SOR BRTAGS PA'I 'GOG PA'O ZHES 'BYUNG NGO, ,DE LTA NA YANG 'BRAS BU YIN PA'I PHYIR 'BRAS BU DE GANG GI YIN PA 'DUS MA BYAS LA RGYUR YANG 'GYUR LA RGYUR 'GYUR BA'I PHYIR RGYU DE GANG GI YIN PA 'BRAS BUR YANG 'GYUR RO ZHE NA, 'DUS BYAS KYI CHOS 'BA' ZHIG LA RGYU DANG 'BRAS BU DAG TU 'GYUR GYI, 'DUS MA BYAS LA DE DAG MIN, ,CI'I PHYIR ZHE NA, RGYU DRUG TU MI SRID PA'I PHYIR BA DANG, 'BRAS BU LNGA MI SRID PA'I PHYIR RO, ,YANG 'BRAS BU 'DI RNAMS LAS RGYU GANG GI 'BRAS BU GANG ZHIG CE NA, RNAM SMIN 'BRAS BU THA MA'I YIN, ,RNAM PAR SMIN PA'I RGYU NI THA MAR 'DON PA'I PHYIR THA MA STE, RNAM PAR SMIN PA'I 'BRAS BU NI DE'I 'O, ,BDAG PO'I 'BRAS BU DANG PO YIN, ,RGYU MTHUN SKAL MNYAM KUN 'GRO YIN, ,'DI GNYIS DANG MTHUN PA'I 'BRAS BU YIN PA'I PHYIR RGYU MTHUN PA'I 'BRAS BU'O, ,SKYES BU PA NI GNYIS KYI YIN, ,SKYES BU BYED PA'I 'BRAS BU NI LHAN CIG 'BYUNG BA DANG MTSUNGS PAR LDAN PA'I RGYU'I'O, ,SKYES BU'I NGO BO LAS THA MI DAD PA'I PHYIR SKYES BU'I BYED PA NI, ,SKYES BU NYID YIN LA DE'I 'BRAS BU NI SKYES BU PA'O, ,SKYES BU'I BYED PA ZHES BYA BA 'DI CI ZHIG CE NA, CHOS GANG GI BYED PA GANG YIN PA SKYES BU'I BYED PA LTA BU'I NI SKYES BU'I BYED PA STE, DPER NA SMAN BYA ROG RKANG ZHES BYA BA DANG, MI @127A *, ,GLANG PO SMYOS PA ZHES BYA BA BZHIN NO, ,YANG RNAM PAR SMIN PA'I 'BRAS BU NAS BDAG PO'I 'BRAS BU ZHES PA'I BAR 'DI DAG CI ZHIG CE NA, RNAM SMIN LUNG DU MA BSTAN CHOS, ,RNAM PAR SMIN PA NI MA BSGRIBS LA LUNG DU MA BSTAN PA'I CHOS SO, ,SEMS CAN MA YIN PAR STON PA YANG YOD PAS, DE'I PHYIR SMRAS PA, SEMS CAN ZHES BYA, RGYAS PA LAS BYUNG BA DANG, RGYU MTHUN PA LAS BYUNG BA YANG YOD PAS, DE'I PHYIR SMRAS PA, LUNG BSTAN BYUNG, DGE BA DANG MI DGE BA'I LAS NI RNAM PAR SMIN PA'I PHYIR LUNG BSTAN PAS LUNG BSTAN PA'O, ,GANG ZHIG DE LAS DUS PHYI MA LA 'BYUNG ZHING DE MA THAG TU MA YIN PA DE NI RNAM PAR SMIN PA STE, 'DI NI RNAM PAR SMIN PA'I MTSAN NYID DO, ,RGYU MTHUN RGYU DANG 'DRA BA'O, ,RGYU DANG 'DRA BA'I CHOS GANG YIN PA DE NI RGYU MTHUN PA'I 'BRAS BU STE 'DI LTA STE, SKAL BA MNYAM PA DANG KUN DU 'GRO BA'I RGYU'O, ,BRAL BA BLO YIS ZAD BYAS PA, ,BLO NI SHES RAB PO; ,ZAD PA NI 'GOG PA STE, DE NA SO SOR BRTAGS TE 'GOG PA NI BRAL BA'I 'BRAS BU ZHES BYA'O, ,GANG GI STOBS KYIS SKYE BA GANG, ,'BRAS DE SKYES BU BYED LAS SKYES, ,DPER NA SA 'OG MA PA'I SBYOR BA'I SEMS KYIS NI SA GONG MA PA'I TING NGE 'DZIN NO, ,ZAG PA DANG BCAS PA NI ZAG PA MED PA'O, ,BSAM GTAN GYI SEMS KYIS NI SPRUL PA'I SEMS SO ZHES BYA BA DE LTA BU LA SOGS PA'O, ,SNGON BYUNG MA YIN 'DUS BYAS KYI, ,'DUS BYAS BDAG PO'I 'BRAS BU YIN, ,SNGAR BYUNG BA LAS GZHAN PA'I 'DUS BYAS KYI CHOS NI 'DUS BYAS KYI CHOS THAMS CAD KYI BDAG PO'I 'BRAS BU'O,, YANG RGYU 'DI DAG LAS RGYU GANG ZHIG GANG GI DUS SU 'BRAS BU 'DZIN CING 'BYIN CE NA, LNGA NI DA LTA'I DUS BDAG TU, ,'BRAS BU 'DZIN TE, YONGS SU BZUNG ZIN PA'I PHYIR 'DAS PA RNAMS KYANG MA YIN LA, SKYES BU BYED PA MED PA'I PHYIR MA 'ONGS PA YANG MA YIN NO, ,BYED PA'I RGYU YANG DE NGANG 'DRA MOD KYI DE NI RNAM PAR SMIN PA DANG BCAS PAR MA NGES PAS MI BRJOD DO, ,GNYIS 'BYIN TO, ,LHAN CIG 'BYUNG BA DANG MTSUNGS PAR LDAN PA'I RGYU NI DA LTA'I DUS SU 'BRAS BU 'BYIN TO, ,'DI GNYIS NI 'BRAS BU 'DZIN PA DANG, 'BYIN PA DUS MNYAM PA NYID DO, ,GNYIS NI 'DAS DANG DA LTAR @127B LAS, ,'BRAS BU 'BYIN TE, SKAL BA MNYAM PA DANG, KUN DU 'GRO BA'I RGYU'O, ,GCIG NI 'DAS LAS 'BYIN PAR 'GYUR, ,RNAM PAR SMIN PA'I RGYU NI 'DAS PA NYID LAS 'BRAS BU 'BYIN TE, 'DI LTAR LHAN CIG PA'AM DE MA THAG TU RNAM PAR SMIN PA NI MED DO, ,RGYU RNAMS DANG 'BRAS BU BSHAD ZIN TO, ,DA NI CHOS GANG ZHIG RGYU DU ZHIG GIS BSKYED PA 'DI BRJOD DGOS SO ZHE NA, SMAS PA, MDOR BSDU NA, CHOS NI RNAM PA 'DI BZHI STE, NYON MONGS PA CAN DANG, RNAM PAR SMIN PA LAS SKYES PA DANG, ZAG PA MED PA'I DANG PO DANG, DE DAG GI LHAG MA RNAMS SO, ,LHAG MA YANG GANG DAG CIG CE NA, RNAM PAR SMIN PA LAS MA GTOGS PA LUNG DU MA BSTAN PA RNAMS DANG, ZAG PA MED PA'I DANG PO MA GTOGS PA DGE BA RNAMS SO, ,CHOS RNAM PA BZHI PO DE DAG NI, NYON MONGS CAN DANG RNAM SMIN SKYES, ,LHAG DANG DANG PO 'PHAGS RIM BZHIN, ,RNAM SMIN KUN 'GRO DE GNYIS DANG, , SKAL MNYAM MA GTOGS LHAG LAS SKYE, ,NYON MONGS PA CAN GYI CHOS NI RNAM PAR SMIN PA'I RGYU MA GTOGS PA RGYU LHAG MA RNAMS LAS SKYE'O, ,RNAM PAR SMIN PA LAS SKYES PA NI KUN DU 'GRO BA'I RGYU MA GTOGS PA LHAG MA LNGA NYID LAS SO, ,CHOS LHAG MA RNAMS NI RNAM PAR SMIN PA DANG, KUN DU 'GRO BA'I RGYU DE GNYIS MA GTOGS PA LHAG MA BZHI LAS SKYE'O, ,ZAG PA MED PA'I DANG PO NI RNAM PAR SMIN PA DANG, KUN DU 'GRO BA'I RGYU DE GNYIS DANG, SKAL BA MNYAM PA'I RGYU MA GTOGS PA LHAG MA GSUM LAS SKYE'O, ,CHOS RNAM PA BZHIR BSTAN PA 'DI DAG GANG ZHE NA, SMRAS PA, SEMS DANG SEMS LAS BYUNG BA YIN, ,'O NA GANG DAG SEMS DANG MI LDAN PA DANG, GZUGS CAN GYI CHOS DE DAG JI LTA BU ZHIG CE NA, MTSUNGS LDAN MA GTOGS GZHAN DE BZHIN, ,MTSUNGS PAR LDAN PA'I RGYU GCIG PU MA GTOGS PAR NYON MONGS PA CAN LA SOGS PA CHOS GZHAN DAG NI SEMS DANG SEMS LAS BYUNG BA RNAMS JI LTA BA DE BZHIN DU SKYE STE, DE LA NYON MONGS PA CAN DANG RNAM PAR SMIN PA LAS SKYES PA NI BZHI LAS SO, ,LHAG MA RNAMS NI GSUM LAS SO, ,ZAG PA MED PA'I DANG PO NI GNYIS LAS TE, RGYU GCIG LAS BYUNG BA'I CHOS NI MED DO, ,RGYU'I DBANG DU BYAS PA RDZOGS SO,, ,, @128A *, ,RKYEN RNAMS GANG ZHE NA, RKYEN NI BZHI PO DAG TU GSUNGS, ,RGYU GANG NAS GSUNGS SHE NA, MDO LAS RKYEN NI BZHI NYID DE, RGYU'I RKYEN NYID DANG, DE MA THAG PA'I RKYEN NYID DANG, DMIGS PA'I RKYEN NYID DANG, BDAG PO'I RKYEN NYID DO ZHES GSUNGS SO, ,RKYEN DU 'DRA BAS NA RKYEN NYID CES BYA'O, ,DE LA RGYU ZHES BYA BA RGYU LNGA YIN, BYED PA'I RGYU MA GTOGS PA RGYU LNGA NI RGYU'I RKYEN TO, ,SEMS DANG SEMS LAS BYUNG BA RNAMS, ,THA MA MA GTOGS DE MA THAG, ,DGRA BCOM PA'I SEMS DANG SEMS LAS BYUNG BA THA MA MA GTOGS PA NI DE MA THAG PA'I RKYEN TO, ,DMIGS PA CHOS RNAMS THAMS CAD DO; ,RIM BZHIN DU MIG GI RNAM PAR SHES PA MTSUNGS PAR LDAN PA DANG BCAS PA NI GZUGS SO, ,RNA BA'I RNAM PAR SHES PA'I NI SGRA'O, ,SNA'I RNAM PAR SHES PA'I NI DRI'O, ,LCE'I RNAM PAR SHES PA'I NI RO'O, ,LUS KYI RNAM PAR SHES PA'I NI REG BYA'O, ,YID KYI RNAM PAR SHES PA'I NI CHOS THAMS CAD DE; SEMS DANG SEMS LAS BYUNG BA'I YUL DU MA GTOGS PA GZHAN NI MED DO, ,DMIGS PA'I RKYEN BSHAD ZIN TO, ,BYED PA ZHES BYA BDAG POR BSHAD, ,BYED PA'I RGYU GANG YIN PA DE NYID BDAG PO'I RKYEN TO, ,'DI NI LHAG MA'I RKYEN YIN PAS BDAG PO'I RKYEN TO, ,DMIGS PA'I RKYEN YANG CHOS THAMS CAD YIN PAR NI 'DOD MOD KYI LHAN CIG 'BYUNG BA'I CHOS NI NAM YANG DMIGS PAR MI 'GYUR LA, BDAG PO'I RKYEN DU NI 'GYUR BAS LHAG PA NYID DU YOD PA'AM, LHAG PA'I RKYEN YIN PA STE, RANG GI NGO BO MA GTOGS PA THAMS CAD NI 'DUS BYAS THAMS CAD KYI'O, ,YANG RKYEN 'DI DAG BYA BA BYED BA GNAS SKABS GANG DAG GI CHOS LA BYED CE NA, RE ZHIG RGYU'I RKYEN RNAM PA LNGA BSHAD PA DE LAS, 'GAG PA'I TSE LA BYED PA NI, ,RGYU GNYIS KYIS BYED, 'GAG PA'I TSE ZHES BYA BA NI 'GOG PA LA MNGON DU PHYOGS PA'I PHYIR DA LTAR TE, DER NI LHAN CIG 'BYUNG BA DANG, MTSUNGS PAR LDAN PA'I RGYU'I BYA BA BYED DE; DE GNYIS KYI BYA BA NI LHAN CIG BYUNG BA'I 'BRAS BU LA BYED DO, ,SKYE TSE LA, GSUM STE, SKYE TSE ZHES BYA BA NI SKYE BA LA MNGON DU PHYOGS PA'I PHYIR MA 'ONGS PA STE, DER NI SKAL BA MNYAM PA DANG, KUN DU 'GRO BA DANG, RNAM PAR SMIN PA'I RGYU RNAMS BYA BA BYED DE, RE ZHIG RGYU'I RKYEN NI DE LTA'O, ,DE LAS GZHAN @128B PA'I RKYEN GNYIS DE LAS BZLOG PA'O, ,BYED PA'I TSUL GANG GIS RGYU'I RKYEN RNAM PA GNYIS SU BSHAD PA DE LAS BZLOG PA NI DE MA THAG PA'I RKYEN DANG, DMIGS PA'I RKYEN DU RIG PAR BYA STE, DE MA THAG PA'I RKYEN NI GO SKABS 'BYED PA'I PHYIR SKYE BA'I TSE BYA BA BYED LA, DMIGS PA'I RKYEN NI DA LTAR GYI SEMS DANG SEMS LAS BYUNG BA GNYIS KYIS 'DZIN PA'I PHYIR 'GAG PA'I TSE'O, ,BDAG PO'I RKYEN NI GNAS SKABS THAMS CAD DU MI SGRIB PA'I NGO BOR GNAS PA 'DI NI DE NYID BYED DO, ,RKYEN RNAMS BYED PA DANG BCAS PA BSHAD ZIN TO, ,YANG CHOS GANG ZHIG RKYEN DU ZHIG GIS BSKYED CE NA, BZHI YIS SEMS DANG SEMS BYUNG RNAMS, ,DE LA 'DI DAG GI RGYU'I RKYEN NI RGYU LNGA PO THAMS CAD DO, ,DE MA THAG PA'I RKYEN NI SEMS DANG SEMS LAS BYUNG BA SNGA MA GZHAN GYIS PAR MCHOD PA RNAMS SO, ,DMIGS PA'I RKYEN NI CI RIGS PAR YUL LNGA DANG, CHOS THAMS CAD DO, ,BDAG PO'I RKYEN NI RANG GI NGO BO MA GTOGS PA CHOS THAMS CAD DO, ,GSUM GYIS SNYOMS PAR 'JUG PA GNYIS, ,'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DE GNYIS NI DMIGS PAR BYED PA MED PAS DMIGS PA'I RKYEN MED DO, ,DE GNYIS KYI RGYU'I RKYEN NI RGYU RNAM PA GNYIS TE, LHAN CIG 'BYUNG BA'I RGYU NI SKYE BA LA SOGS PA'O, ,SKAL BA MNYAM PA'I RGYU NI MTSUNGS PA'I DGE BA'I CHOS SNGAR 'BYUNG BA RNAMS SO, ,DE MA THAG PA'I RKYEN NI SNYOMS PAR 'JUG PA'I SEMS MTSUNGS PAR LDAN PA DANG BCAS PA'O, ,BDAG PO'I RKYEN 'DI SNGA MA BZHIN NO, ,SNYOMS PAR 'JUG PA DE DAG GI SEMS KYI MNGON PAR 'DU BYED PA LAS SKYE PA'I PHYIR SEMS KYI DE MA THAG PA NI YIN GYI SEMS SKYE BA LA BGEGS BYED PA'I PHYIR DE MA THAG PA'I RKYEN NI MA YIN NO, ,GZHAN NI GNYIS PO DAG LAS SKYE, ,GZHAN MI LDAN PA DANG, GZUGS CAN GYI CHOS RNAMS NI RGYU DANG BDAG PO'I RKYEN LAS SKYE'O, , JI SKAD DU DNGOS PO RNAMS NI RGYU DANG RKYEN LAS SKYE BA'I 'GRO BA THAMS CAD LA DBANG PHYUG DANG SKYES BU DANG GTZO BO LA SOGS PA RGYU GCIG PU NI MED DO ZHES BSHAD PA 'DI LA GTAN TSIGS CI YOD CE NA, DBANG PHYUG SOGS MIN RIM SOGS KYIS, ,GAL TE DBANG PHYUG GAM GZHAN YANG RUNG BA RGYU GCIG @129A *, ,PU ZHIG YOD NA NI 'GRO BA THAMS CAD CIG CAR DU SKYE BAR 'GYUR BA ZHIG NA, DNGOS PO RNAMS RIM GYIS 'BYUNG BA YANG MTHONG STE, DE BAS NA 'JIG RTEN GYI RGYU DBANG PHYUG LA SOGS PA YOD PA MA YIN NO, ,SOGS PA SMOS PA NI MI DMIGS PA DANG, RGYU MED BA MI SNANG BA DANG, RIGS SNA TSOGS DU MA'I PHYIR ZHES BYA BA LA SOGS PA BSTAN PA'I PHYIR RO, ,GZHAN NI GNYIS PO DAG LAS SKYES, ,GANG DE SKAD DU BSHAD DE THAL BA DE LA JI LTAR NA 'BYUNG BA RNAMS KYI RGYU'I RKYEN YIN ZHE NA, DE'I RGYU 'BYUNG BA RNAM GNYIS SO, ,'BYUNG BA'I RGYU ZHES BYA BA'I DON TE, SKAL BA MNYAM PA DANG LHAN CIG 'BYUNG BA GNYIS LAS SO, ,'BYUNG LAS GYUR PA RNAM PA LNGA, ,'BYUNG BA LAS GYUR PA LA NI 'BYUNG BA RNAMS RNAM PA LNGAS RGYU BYED DE, JI LTA ZHE NA, SKYED PA DANG, RTEN PA DANG, GNAS PA DANG, STON PA DANG, 'PHEL BAR BYED PA'I PHYIR TE, DE DAG KYANG BYED PA'I RGYU NYID DO, ,YANG NA RNAM PA LNGA THA DAD PA NI SKYED PA'I RGYU NI DE DAG LAS SKYE BA'I PHYIR RO, ,RTEN PA'I RGYU NI SKYES NAS 'BYUNG BA'I RJES SU MTHUN PA'I PHYIR TE, SLOB DPON LA SOGS PA LA BRTEN PA BZHIN NO, ,GNAS PA'I RGYU NI RTEN DU GYUR PA'I PHYIR TE, RI MO'I RTZIG PA BZHIN NO, ,STON PA'I RGYU NI RGYUN MI 'CHAD PA'I RGYU YIN PA'I PHYIR RO, , 'PHEL BAR BYED PA'I RGYU NI 'PHEL BA'I RGYU MTSAN YIN PA'I PHYIR TE, DE LTAR NA DE DAG NI SKYE BA DANG, 'GYUR BA DANG, BRTEN PA DANG, GNAS PA DANG, 'PHEL BA'I RGYU NYID DU BSTAN PAR 'GYUR RO, ,'BYUNG 'GYUR RNAM GSUM PHAN TSUN DU, ,RGYU YIN TE LHAN CIG 'BYUNG BA DANG, SKAL PA MNYAM PA DANG, RNAM PAR SMIN PA'I RGYUS SO, ,BYED PA'I RGYU NI BYE BRAG MED PAR GNAS PAS THAMS CAD NI MI BGRANG NGO, ,DE LA LHAN CIG 'BYUNG BA'I RGYU NI LUS DANG, DAG GI LAS SEMS KYI RJES SU YONGS SU 'JUG PA RNAMS PHAN TSUN DU STE, RGYUR BYAS PA'I GZUGS GZHAN NI MA YIN NO, ,SKAL BA MNYAM PA'I RGYU NI SNGAR BYUNG BA THAMS CAD SKAL BA MNYAM PA'I 'O, ,RNAM PAR SMIN PA'I RGYU NI LUS DANG NGAG GI RNAM PAR SMIN PA MIG LA SOGS PA'O, ,'BYUNG BA RNAMS LA DE RNAMS GCIG, ,'BYUNG PA RNAMS LA NI 'BYUNG BA LAS GYUR PA'I GZUGS RNAM PAR SMIN PA'I RGYU 'BA' ZHIG BYED DE, LUS DANG NGAG @129B GI LAS GANG GI RNAM PAR SMIN PA 'BYUNG BA RNAMS SO, ,SEMS DANG SEMS LAS BYUNG BA RNAMS BYE BRAG MED PAR DE MA THAG PA'I RKYEN DU BSHAD KYI, SEMS GANG GI MJUG THOGS SU SEMS GANG 'BYUNG BA NGES PAR NI MA BSHAD PAS, DA NI DE BRJOD PAR BYA STE, DE LA RE ZHIG MDOR BSDU NA, SEMS NI BCU GNYIS SO,, JI LTA ZHE NA, SMRAS PA, 'DOD YID DGE DANG MI DGE DANG, ,BSGRIBS PA DANG NI MA BSGRIBS PA, ,'DOD PA'I KHAMS DAG NA NI SEMS BZHI STE, DGE BA DANG, MI DGE BA DANG, BSGRIBS LA LUNG DU MA BSTAN PA DANG, MA BSGRIBS LA LUNG DU MA BSTAN PA'O, ,GZUGS DANG GZUGS MED PA DAG NA, MI DGE BA'I LAS GZHAN, GZUGS KYI KHAMS DAG NA MI DGE BA NI MED KYI GSUM YOD DO, ,GZUGS MED PA'I KHAMS DAG NA YANG DE BZHIN TE, BCU PO 'DI DAG NI ZAG PA DANG BCAS PA'I SEMS SO, ,ZAG MED GNYIS ZHES BYA BA NI SLOB PA DANG, MI SLOB PA STE, DE LTAR NA DE DAG NI SEMS BCU GNYIS SU 'GYUR RO, ,DE LA, 'DOD SEMS DGE BA LAS SEMS DGU, ,DE MA THAG TU'O ZHES PHYIS 'CHAD DO, ,'DOD PA'I KHAMS DAG GI DGE BA'I SEMS GANG YIN PA DE'I MJUG THOGS SU SEMS DGU 'BYUNG STE, RANG GIS PA BZHI DANG, SLOB PA DANG, MI SLOB PA DANG, GZUGS NA SPYOD PA GNYIS TE, SNYOMS PAR 'JUG PA'I TSE DGE BA DANG NYING MTSAMS SBYOR BA'I TSE BSGRIBS PA'O, ,GZUGS MED PA NA SPYOD PA'I NYID MTSAMS SBYOR BA'I TSE BSGRIBS PA NYID DO, ,SHIN TU RING BA'I PHYIR DGE BA NI MA YIN TE, 'DOD PA'I KHAMS PAS NI GZUGS MED PA'I KHAMS GNAS DANG, RNAM PA DANG, DMIGS PA DANG, GNYEN PO'I RING BA NYID KYIS RING NGO, ,DE NI BRGYAD PO NYID LAS SO, ,'DOD PA NA SPYOD PA DGE BA'I SEMS DE NI RANG GIS PA BZHI DANG, GZUGS MED PA NA SPYOD PA GNYIS LAS TE, LDANG BA'I TSE DGE BA DANG, NYON MONGS PA CAN GYI TING NGE 'DZIN GYIS GZIR BA SA 'OG MA'I DGE BA LA BRTEN PA'I PHYIR BSGRIBS PA DANG, LDANG BA'I TSE SLOB PA DANG, MI SLOB PA LAS TE, SEMS BRGYAD KYI MJUG THOGS SU 'BYUNG NGO, ,MI DGE BA NI BCU PO DAG LAS SLOB PA DANG MI SLOB PA MA GTOGS TE, 'DOD PA'I KHAMS DAG TU NYING MTSAMS SBYOR BA NA GZUGS DANG GZUGS MED PA'I SEMS THAMS CAD KYI @130A *, ,MJUG THOGS SU MI DGE BA 'BYUNG NGO, ,DE LAS BZHI STE, MI DGE BA'I SEMS KYI MJUG THOGS SU NI RANG GI SA PA'I SEMS BZHI PO 'BA' ZHIG 'BYUNG NGO, ,BSGRIBS DE BZHIN, 'DOD PA'I KHAMS DAG GI MI DGE BA JI SKAD DU BSHAD PA DE BZHIN TE, BCU'I MJUG THOGS SU 'BYUNG LA DE LAS NI BZHI NYID DO, ,MA BSGRIBS RNAM LNGA LAS SO, ,'DOD PA'I ZHES BYA BAR SBYAR TE, MA BSGRIBS LA LUNG DU MA BSTAN PA'I SEMS NI RANG GIS PA BZHI DANG, GZUGS NA SPYOD PA'I DGE BA LAS SPRUL PA'I SEMS TE, LNGA'I MJUG THOGS SU 'BYUNG NGO, ,DE LAS DE MA THAGS MAS BDUN, ,'DOD PA NA SPYOD PA'I MA BSGRIBS LA LUNG DU MA BSTAN PA LAS NI RANG GIS PA BZHI DANG, GZUGS NA SPYOD PA'I GNYIS TE, NYING MTSAMS SBYOR BA'I TSE NYON MONGS PA CAN DANG, SPRUL PA'I SEMS KYI MJUG THOGS SU DGE BA DANG NYID MTSAMS SBYOR BA'I TSE GZUGS MED PA NA SPYOD PA'I NYON MONGS PA CAN NYID DO, GZUGS KYI DGE LAS BCU GCIG GO, ,GZUGS KYI KHAMS KYI DGE BA GANG YIN PA DE'I MJUG THOGS SU NI GZUGS MED PA NA SPYOD PA'I MA BSGRIBS LA LUNG DU MA BSTAN PA MA GTOGS PA SEMS BCU GCIG GO, ,DGU YI DE MA THAG LAS TE, ,GZUGS NA SPYOD PA'I DGE BA'I SEMS NI 'DOD PA NA SPYOD PA'I NYON MONGS PA CAN GNYIS DANG, GZUGS MED PA NA SPYOD PA'I MA BSGRIBS LA LUNG DU MA BSTAN PA MA GTOGS PA DGU'I MJUG THOGS SU 'BYUNG NGO, ,BSGRIBS PA BRGYAD LAS, GZUGS NA SPYOD PA'I BSGRIBS LA LANG DU MA BSTAN PA'I SEMS NI 'DOD PA NA SPYOD PA'I NYON MONGS PA CAN GNYIS DANG SLOB PA DANG, MI SLOB PA MA GTOGS PA BRGYAD KYI MJUG THOGS SU 'BYUNG NGO, ,DE LAS GZUGS NA SPYOD PA'I MA BSGRIBS LA LUNG DU MA BSTAN PA'I MJUG THOGS SU NI RANG GI SA PA RNAMS DANG, 'DOD PA'I KHAMS PA GSUM STE, MA BSGRIBS LA LUNG DU MA BSTAN PA MA GTOGS PA DRUG 'BYUNG NGO, ,MA BSGRIBS NI GSUM LAS SO, ,GZUGS NA SPYOD PA'I MA BSGRIBS LA LUNG DU MA BSTAN PA NI RANG GIS PA GSUM PO NYID LAS SO, ,DE LAS DRUG STE, RANG GIS PA GSUM DANG, 'DOD PA NA SPYOD PA'I DANG, GZUGS MED PA NA SPYOD PA'I NYON MONGS PA CAN NO, ,GZUGS KYI KHAMS DAG GIS MA BSGRIBS LA LUNG DU MA BSTAN PA JI LTAR BSHAD PA LTAR, @130B GZUGS MED PA YANG, TSUL DE BZHIN TE, DE PA'I MA BSGRIBS LA LUNG DU MA BSTAN PA YANG RANG GIS PA GSUM PO 'BA' ZHIG LA 'BYUNG LA, DE LAS NI RANG GIS PA GSUM DANG, SA 'OG MA PA'I NYON MONGS PA CAN RNAMS DANG DRUG 'BYUNG NGO, ,DGE BA LAS, SEMS DGU DAG STE, GZUGS MED PA NA SPYOD PA'I DGE BA'I SEMS KYI MJUG THOGS SU NI 'DOD PA NA SPYOD PA'I DGE BA DANG 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA MA GTOGS PA'I SEMS DGU 'BYUNG NGO, ,DRUG LAS TE, GZUGS MED PA NA SPYOD PA'I DGE BA NI RANG GI GSUM DANG, GZUGS NA SPYOD BA'I DGE BA DANG, SLOB PA DANG, MI SLOB PA LAS SO, ,BSGRIBS PA LAS BDUN, GZUGS MED PA NA SPYOD PA'I BSGRIBS PA LAS NI RANG GIS PA GSUM DANG, GZUGS NA SPYOD PA'I DGE BA DANG, BSGRIBS PA DANG, 'DOD PA NA SPYOD PA'I NYON MONGS PA CAN GNYIS SO, ,DE DE BZHIN, DE YANG 'DOD PA DANG GZUGS NA SPYOD PA'I NYON MONGS PA CAN RNAMS DANG, SLOB PA DANG, MI SLOB PA MA GTOGS PA BDUN LAS 'BYUNG BA NYID DO, ,SLOB PA BZHI LAS, KHAMS GSUM PA'I DGE BA DANG SLOB PA LAS SO, ,DE LAS LNGA, BZHI PO DE DAG NYID DANG MI SLOB PA'O, ,MI SLOB PA LNGA LAS SO, , 'DAS MA THAG PA'I LNGA PO DAG NYID LAS SO, ,DE LAS SEMS NI BZHI RNAMS TE, MI SLOB PA'I SEMS DE'I MJUG THOGS SU NI KHAMS GSUM PA'I DGE BA DANG, MI SLOB PA DANG SEMS BZHI 'BYUNG NGO, ,SEMS BCU GNYIS RDZOGS SO,, ,,YANG BCU GNYIS DE DAG NYI SHUR YANG DBYE STE, JI LTAR ZHE NA, GSUM DU SKYES NAS THOB PA DANG, ,SBYOR BYUNG DGE RNAM GNYIS SU DBYE, ,KHAMS GSUM PO DAG TU SKYES NAS 'THOB PA DANG, SBYOR BA LAS BYUNG BSTE DGE BA'I SEMS RNAM PA GNYIS SU DBYE'O, ,RNAM SMIN SKYES DANG SPYOD LAM PA, ,BZO GNAS BA DANG SPRUL PA STE, ,'DOD PA'I LUNG BSTAN MIN RNAM BZHIR, ,DBYE ZHES BYA BAR SBYAR TE, 'DOD PA NI SPYOD PA'I MA BSGRIBS LA LUNG DU MA BSTAN PA NI RNAM PAR SMIN PA LAS SKYES PA DANG, SPYOD LAM PA DANG, BZO'I GNAS PA DANG, SPRUL PA'I SEMS DANG RNAM PA BZHIR DBYE'O, ,GZUGS DAG NA NI BZOM GTOGS, , @131A *, ,GZUGS KYI KHAMS DAG NA NI RNAM PA GSUM DU DBYE STE, DE LA BZO MED PA'I PHYIR BZO'I GNAS MA GTOGS SO, ,DE LTAR NA DGE BA DRUG DANG, MA BSGRIBS LA LUNG DU MA BSTAN PA BDUN DU PHYE BAS SEMS BCU GNYIS PO DE DAG LAS NYI SHUR 'GYUR RO, ,ZHAR LA 'ONGS PA 'DI DAG GI DE MA THAG PA'I RKYEN NGES PA NI CHOS MNGON PA MDZOD KYI 'GREL PA LAS BSHAD DO, ,'DIR NI GZHUNG DKA' BA YONGS SU SPANGS PA'I PHYIR MI BRJOD DO, ,GANG DAG SEMS BCU GNYIS SU BSHAD PA 'DI DAG LAS SEMS GANG ZHIG LA RNYED PA DU ZHIG CE NA, KHAMS GSUM PA YI NYON MONGS CAN, ,RNYED PA DRUG DANG DRUG DANG GNYIS, ,'DOD PA NA SPYOD PA'I NYON MONGS PA CAN GYI SEMS MNGON DU GYUR NA, SEMS DRUG PO 'DI DAG MI LDAN PA LAS THOB STE, THE TSOM GYI DGE BA'I RTZA BA NYID MTSAMS SBYOR BA LAS 'DOD PA'I KHAMS KYI DGE BA DANG, KHAMS SU SLAR LOG PA LAS MI DGE BA DANG, BSGRIBS LA LUNG DU MA BSTAN PA'I DANG, KHAMS SU SLAR LOG PA LAS GZUGS NA SPYOD PA'I NYON MONGS PA CAN DANG, YONGS SU NYAMS PA LA GZUGS MED PA NA SPYOD PA'I NYON MONGS PA CAN DANG, YONGS SU NYAMS PA LAS SLOB PA'I'O, ,GZUGS NA SPYOD PA'I NYON MONGS BA CAN YANG RNYED PA DRUG STE, KHAMS SU SLAR LOG PA LAS GZUGS NA SPYOD PA GSUM DANG, 'DOD PA NA SPYOD PA'I MA BSGRIBS LA LUNG DU MA BSTAN PA'I DANG, YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG SLOB PA'I'O, ,GZUGS MED PA NA SPYOD PA'I NYON MONGS PA CAN LA NI RNYED PA GNYIS TE, YONGS SU NYAMS PA LAS DE NYID NYON MONGS PA CAN DANG SLOB PA'I'O, ,GZUGS SKYES DGE LA GSUM DAG GI ,GZUGS NA SPYOD PA'I DGE BA LA SEMS GSUM GYI RNYED PA STE, DGE BA DE NYID KYI DANG, 'DOD PA DANG, GZUGS NA SPYOD PA'I MA BSGRIBS LA LUNG DU MA BSTAN PA GNYIS KYI'O, ,SLOB PA LA BZHI, SLOB PA DE NYID KYI DANG, 'DOD PA DANG, GZUGS NA SPYOD PA'I MA BSGRIBS LA LUNG DU MA BSTAN PA DANG, LAM GYI 'DOD PA DANG, GZUGS KYI KHAMS KYI 'DOD CHAGS DANG BRAL BA LA GZUGS MED PA'I DGE BA'O, ,LHAG LA DE'I, LHAG PAR BYAS PAS LHAG MA STE, SEMS GANG GI RNYED PA MA BSHAD PA @131B DE LA DE NYID KYI RNYED PAR LTA'O, ,YANG SMRAS PA, SKYA DANG SNYOMS PAR 'JUG PA DANG, ,'DOD CHAGS BRAL DANG YONGS NYAMS DANG, ,DGE BA'I NYID MTSAMS SBYOR BA'I TSE, ,SEMS DE LDAN PA MIN LAS RNYED, ,CES BYA'O, ,CHOS MNGON PA MDZOD KYI 'GREL PA MDO DANG MTHUN PA LAS, DBANG PO BSTAN PA ZHES BYA BA MDZOD KYI GNAS GNYIS PA'O,, ,,DA NI 'DOD PA DANG GZUGS DANG GZUGS MED PA'I KHAMS KYI SEMS KYI NGES PA NI BSTAN NA, DE LA 'DOD PA DANG, GZUGS DANG GZUGS MED PA'I KHAMS RNAMS GANG YIN PA DE BRJOD PAR BYA'O ZHE NA ,DE'I PHYIR 'DIR SMRAS PA, DMYAL BA YI DAGS DUD 'GRO DANG, ,MI RNAMS DANG NI LHA RNAMS DRUG ,'DOD PA'I KHAMS TE, 'GRO BA ZHI DANG, LHA'I RIS DRUG LAS 'DI LTA STE, RGYAL CHEN BZHI PA RNAMS DANG, SUM CU RTZA GSUM PA RNAMS DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYER DE, DE LTAR NA DE DAG SNOD KYI 'JIG RTEN DANG BCAS PA NI 'DOD PA'I KHAMS SO, ,DE GNAS DU ZHIG CE NA, SMRAS PA, DMYAL BA DANG, GLING DBYE BA LAS DE NYI SHU, GNAS RNAMS SO ZHES TSIG GI LHAG MA SBYAR RO, ,DMYAL BA CHEN PO BRGYAD DE, YANG SOS DANG, THIG NAG DANG, BSDUS GZHOM DANG, DU 'BOD DANG, NGU 'BOD CHEN PO DANG, TSA BA DANG, RAB TU TSA BA DANG, MNAR MED PA'O, ,GLING BZHI STE 'DZAM BU'I GLING DANG, SHAR GYI LUS 'PHAGS DANG, NUB GYI BA LANG SPYOD DANG, BYANG GI SGRA MI SNYAN DANG, BSHAD MA THAG PA'I LHA'I RIS DRUG STE, DE LTAR NA GZHAN 'PHRUL DBANG BYED NAS MNAR MED PA'I BAR GYI GNAS NYI SHU PO DE DAG NI 'DOD PA'I KHAMS SO, ,SNOD DANG BCAS PA GZUNG NA NI RLUNG GI DKYIL 'KHOR LA THUG GI BAR DU'O, ,'DOD PA'I KHAMS 'DI NAS, GONG MA'I GNAS DGE BCU BDUN NI, ,GZUGS KYI KHAMS, JI LTA ZHE NA, SMRAS PA, DER SO SO'I, BSAM GTAN LA NI SA GSUM PA, ,BSAM GTAN DANG PO DANG GNYIS BA DANG GSUM PA NI RE RE ZHING SA GSUM GSUM PA'O, ,BZHI PA LA NI SA BRGYAD PA, ,DE LA BSAM GTAN DANG PO NI, ,TSANGS RIS DANG, TSANGS PA'I MDUN NA 'DON DANG, TSANGS PA CHEN PO RNAMS SO, ,GNYIS PA LA 'OD CHUNG DANG, TSAD MED 'OD DANG, @132A *, ,'OD GSAL RNAMS SO, ,GSUM PA NI, DGE CHUNG DANG, TSAD MED DGE DANG, DGE RGYAS RNAMS SO, ,BZHI PA NI SPRIN MED RNAMS DANG, BSOD NAMS SKYES RNAMS DANG, 'BRAS BU CHE BA RNAMS DANG, MI CHE BA DANG, MI GDUNG BA DANG, GYA NOM SNANG DANG, ,SHIN TU MTHONG DANG, 'OG MIN RNAMS TA, DE LTAR NA GNAS BCU BDUN PO 'DI DAG GNAS PA'I SEMS CAN DANG BCAS PA DE NI GZUGS GYI KHAMS SO, ,GZUGS MED KHAMS NA GNAS MED DE, ,GZUGS CAN MA YIN PA RNAMS LA NI GNAS MED LA, 'DAS PA DANG MA 'ONGS PA DANG RNAM PAR RIG BYED MA YIN PA DANG, GZUGS CAN MA YIN PA'I CHOS RNAMS KYANG YUL NA YANG MI GNAS PHYOGS NA YANG MI GNAS ZHES BYA BAR NGES SO, ,DE YANG, SKYE BA LA NI DE RNAMS BZHI, ,GZUGS MED PA'I KHAMS NI 'DI LTA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED DANG, DE DAG YUL GYI BYE BRAG TU BYAS NAS BLA 'OG TU YOD PA NI MA YIN GYI, YUL GANG DU SNYOMS PAR 'JUG PA DE RNYED PA NYID DU SHI 'PHOS NAS DE NYID DU SKYE LA, DE NAS SHI 'PHOS PA NA YANG DE NYID DU SRID BA BAR MA MNGON PAR GRUB BO, ,JI LTAR SEMS CAN GZUGS CAN RNAMS GZUGS LA BRTEN NAS SEMS KYI RGYUD RNAM BA BZHIN DU GZUGS MED PA RNAMS KYI RGYUD CI LA BRTEN TE GNAS SHE NA, DER NI RIS DANG SROG DAG LA, ,SEMS KYI RGYUD NI NGES PAR BRTEN, ,RIS MTHUN PA DANG SROG GI DBANG PO LAS DE DAG GI SEMS DANG SEMS LAS BYUNG BA'I RGYUD BRTEN TE GNAS SO, ,KHAMS GSUM PA BSHAD ZIN TO, ,DMYAL SOGS 'GRO LNGA DE DAG TU, ,RANG GI MING GIS SMOS SO, ,DMYAL BA DANG, DUD 'GRO DANG, YI DAGS DANG, LHA DANG MI ZHES BYA BA RANG GI MING GIS SMOS PA NI DE DAG TU 'GRO BA LNGAR BSHAD DO, ,GANG GI PHYIR KHAMS DAG TU'O ZHES BSHAD NA, CI 'GRO BA LAS MA GTOGS PA'I KHAMS ZHIG YOD DAM ZHE NA YOD DE, KHAMS RNAMS NI DGE BA DANG, NYON MONGS PA CAN DANG, SNOD DANG, SRID PA BAR MA'I RANG BZHIN YANG YIN GYI 'GRO BA GANG YIN PA DE DAG ,NYON MONGS CAN MIN LUNG BSTAN MIN, ,SEMS CAN ZHES BYA BAR SRID MIN, ,'GRO BA LNGA NI MA @132B BSGRIBS LA LUNG DU MA BSTAN PA NYID DO, ,DE LTA MA YIN NA 'GRO BA 'CHOL BAR 'GYUR RO, ,SEMS CAN ZHES BYA BA NYID YIN YANG SRID PA BAR MA'I RANG BZHIN MA YIN NO, ,LUS DANG 'DU SHES THA DAD DANG, ,THA DAD LUS DANG 'DU SHES 'DRA, ,BZLOG DANG LUS DANG 'DU SHES NI, ,'DRA DANG GZUGS MED GSUM PO DAG ,RNAM SHES GNAS PA BDUN ZHES MDO LAS GSUNGS PA NI 'GRO BA LNGA PA'I KHAMS GSUM PA 'DI NYID DU RIM BZHIN DU RIG PAR BYA STE, SEMS CAN GZUGS CAN LA LUS THA DAD CING, 'D SHES THA DAD PA YANG YOD DE, 'DI LTA STE MI RNAMS DANG, LHA KHA CIG GO, ,'DI NI RNAM PAR SHES PA GNAS PA DANG PO'O, ,LHA KHA CIG CES BYA BA DE DAG GANG ZHE NA, 'DOD PA NA SPYOD PA RNAMS DANG, ,BSAM GTAN DANG PO'I SA PA RNAMS LAS DANG POR SKYES PA MA GTOGS PA RNAMS SO, ,DE DAG GI LUS THA DAD PA'I PHYIR BA'AM, ,DE DAG GI LUS THA DAD PAS NA LUS THA DAD PA STE, KHA DOG DANG ,RTAGS DANG, DBYIBS DU MA'I PHYIR RO, ,'DU SHES DU MA'I PHYIR 'DU SHES THA DAD PA'O, ,DE 'DI DAG LA YOD PAS 'DU SHES THA DAD PA STE, BDE BA DANG SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PAR 'DU SHES PA'I PHYIR RO, ,SEMS CAN GZUGS CAN LA LUS THA DAD CING 'DU SHES 'DRA BA YANG YOD DE, 'DI LTA STE, TSANGS RIS KYI LHA GANG DAG DANG POR BYUNG BA DE DAG GO, ,'DI NI RNAM PAR SHES PA GNAS PA GNYIS PA STE, DANG POR BYUNG BA DE DAG THAMS CAD NI 'DI SNYAM DU BDAG CAG NI TSANGS PA 'DIS PHYUNG NGO SNYAM DU 'DU SHES PAR 'GYUR LA, TSANGS PA YANG 'DI SNYAM DU 'DI DAG NI BDAG GIS PHYUNG NGO SNYAM DU SEMS TE, 'DU SHES KYI RGYU THA MI DAD PA'I PHYIR 'DU SHES 'DRA BA'O, ,TSANGS PA NI CHU ZHENG DANG LUS KYI SHA TSUGS DANG TSIG TU BRJOD PA DANG, BGO BA'I GOS GZHAN PA NYID YIN LA DE'I 'KHOR YANG GZHAN PAS NA LUS THA DAD PA'O, ,SEMS CAN GZUGS CAN LA LUS 'DRA ZHIG 'DU SHES THA DAD PA YANG YOD DE, 'DI LTA STE 'OD GSAL GYI LHA RNAMS SO, ,'DI NI RNAM PAR SHES PA GNAS PA GSUM PA'O, ,'DIR NI MTHA' SMOS PAS BSAM GTAN GNYIS PA MTHA' DAG SMOS PAR RIG PAR BYA STE, DE LTAR MA YIN NA 'OD CHUNG DANG, TSAD MED 'OD @133A *, ,RNAMS GANG GI RNAM PAR SHES PA GNAS PAR RNAM PAR GZHAG DE LA KHA DOG DANG, RTAGS DANG, DBYIBS THA MI DAD PA'I PHYIR LUS 'DRA BA'O, ,BDE BAR 'DU SHES PA'I PHYIR BA DANG BDE BA YANG MA YIN SDUG BSNGAL BA YANG MA YIN PAR 'DU SHES PA'I PHYIR 'DU SHES THA DAD PA STE, DE DAG NI DNGOS GZHI'I SA LA YID BDE BA'I DBANG POS YONGS SU SKYO NAS, NYER BSDOGS LA BTANG SNYOMS KYI DBANG PO MNGON SUM DU BYED DO, ,NYER BSDOGS KYI BTANG SNYOMS KYI DBANG POS YONGS SU SKYO NAS NI YANG DNGOS GZHI'I SA'I YID BDE BA'I DBANG PO MNGON DU BYED DE, DE'I PHYIR DE DAG 'DU SHES THA DAD PA'O ZHES GRAG GO, ,YANG NA 'OD GSAL BA'I LHA'I RIS NA SEMS CAN YANG GANG DAG SKYES NAS RING PO MA LON PA 'JIG RTEN 'DI 'JIG PA LA MI MKHAS SHING CHAGS PA LA MI MKHAS PA DE DAG ME LCE DE MTHONG NAS SKRAG STE, ME LCE DES TSANGS PA'I GZHAL MED KHANG STONG PA BSREGS NAS 'DIR 'ONG BAR MI 'GYUR RAM ZHES YI CHAD CING SKYO BAR 'GYUR RO, ,DE LA 'OD GSAL BA'I LHA'I RIS NAS SEMS CAN GANG DAG SKYES NAS RING DU LON PA 'JIG RTEN 'DI'I 'JIG PA LA MKHAS SHING CHAGS PA LA MKHAS PA DE DAG SEMS CAN SKRAG PA DE DAG LA GROGS PO DAG MA 'JIGS SHIG ,ME LCE 'DI NI SNGON YANG TSANGS PA'I GZHAL MED KHANG STONG PA BSREGS NAS DE NYID DU MED PAR GYUR TO ZHES DBUGS 'BYIN PAR BYED DO, ,DE BAS NA DE DAG ME LCE 'ONG BA DANG, LDOG PAR 'DU SHES PA'I PHYIR BA DANG, SKRAG PA DANG MI SKRAG BAR 'DU SHES PA'I PHYIR 'DU SHES THA DAD BA ZHES BYA'O, ,SEMS CAN GZUGS CAN LA LUS 'DRA ZHING 'DU SHES 'DRA BA YANG YOD DE, 'DI LTA STE DGE RGYAS KYI LHA RNAMS SO, ,'DI NI RNAM PAR SHES PA GNAS PA BZHI PA'O, ,'DU SHES 'DRA BA ZHES BYA BA NI BDE BAR 'DU SHES PA'O, ,DE LTAR NA GZUGS MED PA GSUM PO MDO LAS JI SKAD GSUNGS PA DANG, BDUN PO DE DAG NI RNAM PAR SHES PA GNAS PA BDUN NO, ,CI'I PHYIR LHAG MA RNAMS RNAM PAR SHES PA GNAS PAS MA YIN ZHE NA, GANG GI PHYIR, LHAG MA, DE YONGS DE BYE LDAN, LHAG MA GANG ZHIG CE NA, NGAN 'GRO RNAMS DANG, BSAM GTAN BZHI PA DANG, SRID PA'I RTZE MO STE, 'DI DAG NI RNAM PAR @133B SHES PA YONGS SU DBYE BA YOD PAS DE'I PHYIR DE DAG NI RNAM PAR SHES PA GNAS PA MA YIN NO, ,YONGS SU DBYE BA ZHES BYA BA CI ZHIG CE NA, GANG GI RNAM PAR SHES PA YONGS SU 'JIG PAR BYED PA STE, DE LA NGAN SONG DAG NA NI TSOR BA YONGS SU 'BYED DE, GNOD PAR BYED PA YIN PA'I PHYIR RO, ,BSAM GTAN BZHI PA DAG NA NI 'DU SHES MED PA DANG, 'DU SHES MED PA'I SNYOMS PAR 'JUG PA'O, ,SRID PA'I RTZE MO NA NI 'GOG PA'I SNYOMS PAR 'JUG PA STE, SEMS KYI RGYUN CHAD PA'I PHYIR RO, ,YANG SMRAS PA, GANG DU 'DI NA GNAS BA RNAMS NI 'GRO BAR 'DOD LA, DE NA GNAS PA RNAMS NI 'PHO BAR MI 'DOD PA DE NI RNAM PAR SHES PA GNAS PAR BSHAD NA, NGAN SONG DAG NA NI GNYI GA MED DO, ,BSAM GTAN BZHI PA DAG NA NI SEMS CAN RNAMS 'PHO BA'I YID KYI SO SO'I SKYE BO RNAMS NI 'DU SHES MED PAR 'JUG 'DOD LA, 'PHAGS PA RNAMS NI GNAS GTZANG MAR RO, ,SRID PA'I RTZE MO NI RGYU BA MI GSAL BA'I PHYIR TE, DE DAG NI RNAM PAR SHES PA GNAS PA ZHES MI BYA'O, ,RNAM PAR SHES PA GNAS PA BDUN PO JI SKAD BSHAD PA DE DAG DANG, SRID RTZE DANG, 'DU SHES MED PA'I SEMS CAN RNAMS, ,SEMS CAN GYI NI GNAS DGUR BSHAD, ,'DI DAG TU SEMS CAN RANG DGAR KUN DU GNAS PAS SO, ,GNAS DANG MI 'DOD PHYIR GZHAN MIN, ,GZHAN ZHES BYA BA GANG DAG CIG CE NA, NGAN SONG RNAMS TE, DE DAG TU NI SEMS CAN RNAMS MI 'DOD BZHIN DU LAS KYI SRIN POS KUN DU GNAS SU 'JUG GO, ,DE BAS NA MA DAD PA BZHIN DU GNAS PAS DE DAG NI SEMS CAN GYI GNAS MA YIN TE, BTZON RA BZHIN NO, ,MDO GZHAN DAG LAS NI GNAS NI RNAM PAR SHES PA GNAS PA BDUN ZHES GSUNGS SO, ,GZHAN DAG LAS NI, GNAS PA DAG NI YANG BZHI STE, ,ZHES BYA BA GSUNGS PA LA BZHI GANG ZHE NA, RNAM PAR SHES PA GNAS PAS GZUGS SU NYE BAR 'GRO BA DANG, TSOR BAR NYE BAR 'GRO BA DANG, 'DU SHES SU NYE BAR 'GRO BA DANG, 'DU BYED DU NYE BAR 'GRO BA'O, ,DE DAG GI RANG BZHIN CI ZHE NA, DE DAG NI RIM BZHIN DU, ZAG BCAS PHUNG BO BZHI RNAMS SO, ,DE DAG KYANG RANG GI SA PA NYID, SA GZHAN DAG TU NI MA YIN NO, , @134A *, ,CI'I PHYIR ZHE NA, GNAS PA NI RTEN YIN NA, SKAL BA MI MNYAM PA'I SA'I PHUNG PO LA NI RNAM PAR SHES PA MI RTEN TO, ,CI'I PHYIR RNAM PAR SHES PA LA RNAM PAR SHES PA GNAS PA ZHES MI BYA ZHE NA, GNAS PA PO YONGS SU SPANGS PA NI GNAS PA YIN PA'I PHYIR, GNAS PA PO NYID LA GNAS PA ZHES MI BYA STE, DPER NA RGYAL PO NYID RGYAL PO'I STAN MA YIN PA BZHIN NO, ,'ON KYANG BYE BRAG TU MA PHYED NA NI SKYE BA'I SKYE MCHED KYIS BSDUS PA'I PHUNG PO DAG TU MNGON PAR DGA' BA DANG BCAS PA'I RNAM PAR SHES PA 'JUG PA LA NI RNAM PAR SHES PA'I GNAS PA RNAM PAR SHES PA YIN NO, ,SO SOR DBYE NA NI, JI LTAR GZUGS LA SOGS PA NI RNAM PAR SHES PA KUN NAS NYON MONGS PAR BYED PAR 'GYUR GYI RNAM PAR SHES PA 'BA' ZHIG NI MA YIN NO, ,DE BAS RNAM PAR SHES PA GNAS PA BZHI DAG TU, RNAM SHES, 'BA' ZHIG GNAS PAR MA BSHAD DO, ,YANG BCOM LDAN 'DAS KYIS RNAM PAR SHES PA GNAS PA BZHI NI ZHING GI NGO BO'O, ,NYE BAR LEN PA DANG BCAS PA'I RNAM PAR SHES PA ZAD PAR NI SA BON GYI NGO BO ZHES GSUNGS PA'I DGONGS PA YANG, SA BON NYID SA BON GYI ZHING GI NGO BOR RNAM PAR GZHAG PAR GYUR PA NI MA YIN PAR SNANG NGO, ,YANG CI RNAM PAR SHES PA GNAS PA BZHIS BDUN BSDUS SAM BDUN GYIS BZHI ZHE NA, BDUN GYIS BZHI YANG MA YIN LA, BZHIS KYANG BDUN MA YIN GYI, BSDU BA DAG NI MU BZHI YIN, ,BSDU BA SPYAD NA MU BZHIR RIG PAR BYA STE, BDUN GYIS BSDUS LA BZHIS MA YIN PA YANG YOD DE ZHES BYA BA LA SOGS PA'O, ,DANG PO NI BDUN DAG TU RNAM PAR SHES PA GANG YIN PA'O, ,GNYIS PA NI NGAN SONG DANG, BSAM GTAN BZHI PA DANG, SRID PA'I RTZE MO DAG TU RNAM PAR SHES PA MA GTOGS PA'I PHUNG PO RNAMS SO, ,GSUM PA NI BDUN DAG TU PHUNG PO BZHI RNAMS SO, ,BZHI PA NI RNAM PA DE DAG MA GTOGS PA'O, ,GANG YANG 'GRO BA LA SOGS PA'I BYE BRAG THA DAD PA 'DI DAG KHAMS GSUM PAR BSHAD PA, DER NI MNGAL NAS SKYES LA SOGS, ,SEMS CAN SKYE GNAS BZHI DAG TU, ,RIG PAR BYA STE, SGO NGA'I SKYE GNAS LAS SKYE BA DANG, MNGAL NAS SKYE BA RNAMS DANG, DROD GSHER LAS SKYE BA RNAMS DANG, RDZUS TE SKYE BA RNAMS KYI GNAS SO, ,SKYE GNAS ZHES BYA BA NI 'DIR @134B SEMS CAN RNAMS THUN MONG DU 'DRES SHING 'CHOL BAR SKYE BA'I PHYIR RO, ,SGO NGA'I SKYE GNAS LAS SKYE BA GANG ZHE NA, SEMS CAN GANG DAG SGO NGA LAS SKYE BA RNAMS TE, 'DI LTA STE, DANG BA DANG, KHRUNG KHRUNG DANG, RMA BYA DANG, NE TZO DANG, RI SKEGS LA SOGS PA'O, ,MNGAL GYI SKYE GNAS LAS SKYE BA GANG ZHE NA, SEMS CAN GANG DAG MNGAL NAS SKYE BA RNAMS TE, 'DI LTA STE GLANG PO DANG, RTA DANG, BONG BU DANG, PHAG LA SOGS PA'O, ,DROD GSHER LAS SKYE BA GANG ZHE NA, SEMS CAN GANG DAG 'BYUNG BA'I DROD GSHER LAS SKYE BA RNAMS TE, 'DI LTA STE SRIN BU DANG, GROG SBUR DANG, SPRANG BU DANG, PHYE MA LEB LA SOGS PA'O, ,RDZUS TE 'BYUNG BA'I SKYE GNAS GANG ZHE NA, SEMS CAN GANG DAG DBANG PO TSANG BA DANG, NGAN PA MA YIN PA DANG, YAN LAG DANG NYID LAG THAMS CAD DANG LDAN PAR CIG CAR DU SKYE BA RNAMS SO, ,DE'I PHYIR DE NI SKYE BA NA MDZES PA'I PHYIR RDZUS TE BYUNG BA ZHES BYA STE, 'DI LTA STE LHA DANG, DMYAL BA DANG, SRID PA BAR MA LA SOGS PA'O, ,YANG 'GRO BA GANG DAG LA SKYE GNAS DU ZHIG YOD CE NA, SMRAS PA, MI DANG DUD 'GRO'I RNAM PA BZHI, ,MI RNAMS KYI RNAM BZHI LA SGO NGA LAS SKYE BA NI 'DI LTA STE, RI BRAGS DANG, NYE BA'I RI BRAGS GNYIS KHRUNG KHRUNG LAS SKYES PA DANG, RI DAGS 'DZIN GYI MA'I BU SUM CU RTZA GNYIS DANG, RGYAL PO LNGA LEN GYI BU LNGA BRGYA RNAMS SO, ,MNGAL NAS SKYE BA NI DA LTAR GYI RNAMS SO, ,DROD GSHER LAS SKYE BA NI, 'DI LTA STE, NGA LAS NU DANG, MDZES PA DANG, NYE MDZES DANG, THI BA'I PHRENG BA CAN, AA MRA SKYONG MA LA SOGS PA'O, ,RDZUS TE SKYE BA NI BSKAL BA DANG PO RNAMS 'BA' ZHIG GO, ,DUNG 'GRO LA YANG RNAM PA BZHI STE, RNAM PA GSUM NI SNANG BA NYID DO, ,RDZUS TE SKYE BA NI KLU DANG NAM MKHA' LDING LA SOGS PA'O, ,DMYAL BA DANG NI LHA RNAMS DANG, ,SRID PA BAR MA RDZUS TE SKYE, ,DMYAL BA THAMS CAD DANG, LHA RNAMS DANG, SRID PA BAR MA NI RDZUS TE SKYE BA NYID DO, ,YI DAGS MNGAL NAS SKYE BA'ANG YIN, ,'ANG GI SGRAS NI RDZUS TE SKYE BA'ANG YIN TE, TSE DANG LDAN PA MOOD GAL GYI BU CHEN PO LA, YI DAGS MO ZHIG NA RE, BDAG NI MTSAN MO YANG BU LNGA, DE BZHIN DU NYIN MO YANG BU LNGA SKYES NAS ZOS KYANG BDAG DE DAG GIS YONGS SU TSIM PA @135A *, ,MED DO ZHES SMRAS PA'O, ,YANG SKYE GNAS THAMS CAD KYI NANG NA MANG BA GANG ZHE NA SMRAS PA, RDZUS TE SKYE BA NYID DE, DE NI 'GRO BA GNYIS DANG GSUM GYI PHYOGS DANG SRID PA BAR MA PA THAMS CAD DO, ,SRID PA BAR MA PA ZHES BYA BA 'DI CI ZHIG CE NA, 'CHI DAD SKYE BA SRID GNYIS KYI, ,GANG 'DIR SRID PA BAR MA YIN, ,'CHI BA DANG SKYE BA'I SRID PA'I BAR DU LUS MNGON PAR 'GRUB STE, YUL GZHAN DU SKYE BA THOB PAR BYA BA'I PHYIR 'GRO BA'I BAR MA YIN PAS, DE NI SRID PA BAR MA ZHES BYA'O, ,SKYES ZIN PA 'DI JI LTAR SKYES PA MA YIN ZHE NA, BGROD PA'I YUL DU MA PHYIN PHYIR, ,SRID PA BAR MA SKYES PA MIN, ,NYE BAR SONG BA NI SKYE ZHES BYA BA NI SRID PA BAR MA 'DI NI BGROD PA'I YUL DU NYE BAR MA 'ONG BAS DE BAS NA SKYES PA MA YIN NO, ,'DI'I BGROD PAR BYA BA'I YUL GANG ZHIG CE NA, GANG DU RNAM PAR SMIN PA 'PHANGS PA MNGON ZHING RDZOGS PA'O, ,SDE PA GZHAN DAG NA RE 'CHI BA'I SRID PA NAS SKYE BA'I BAR CHAD KYANG SKYE'O ZHES PA LA DE NI MI 'DOD DO, ,CI'I PHYIR ZHE NA, RIGS PA DANG, LUNG LAS TE, DE LA RE ZHIG RIGS PA LA BRTEN NAS BRJOD PA, 'BRU YI RGYUN DANG CHOS MTHUN PHYIR, ,SRID PA CHAD LAS 'BYUNG MA YIN, ,RGYUN LA YOD PA'I CHOS RNAMS NI RGYUN MI 'CHAD PAR YUL GZHAN DAG TU 'BYUNG BA MTHONG STE, DPER NA 'BRU'I RGYUN LTA BU'O, ,DE BAS NA SEMS CAN GYI RGYUN 'DI LA YANG RGYUN MI 'CHAD PA YUL GZHAN DAG TU 'BYUNG BA DANG LDAN NO, ,RGYUN CHAD NA YANG DPER NA ME LONG LA SOGS PA'I NANG DU GZUGS KYI GZUGS BRNYAN 'BYUNG BA YANG MA MTHONG STE, DE BZHIN DU 'CHI BA'I SRID PA LAS SKYE BA'I SRID PA'I BAR YANG SRID DO ZHE NA, GZUGS BRNYAN MA GRUB PA'I PHYIR DANG, MI 'DRA PHYIR NA DPE MA YIN, ,GZUGS BRNYAN ZHES BYA BA NI KHA DOG GZHAN PA NYID DU YANG 'BYUNG BAS DE NI MA GRUB PO, ,GRUB TU ZIN KYANG MI 'DRA BA'I PHYIR DPE MA YIN NO, , RE ZHIG JI LTAR MA GRUB CE NA, GCIG TU LHAN CIG GNYIS MED PHYIR, ,YUL DE NYID DU ME LONG GI GZUGS DANG, GZUGS BRNYAN GNYI GA SNANG DU NI RTEN GYI 'BYUNG BA ZA DAD PA'I PHYIR RO, ,YUL GCIG TU GZUGS GNYIS LHAN CIG PA NI MED DO, ,DE DAG TSOGS NA DE 'DRA BA'I MTHU GANG YIN @135B PA DE BZHIN DU SNANG STE, CHOS RNAMS KYI MTHU'I BYE BRAG NI BSAM GYIS MI KHYAB PA'I PHYIR RO, ,RE ZHIG MA GRUB PA'I PHYIR ZHES BYA BA NI DE LTA BU'O, ,JI LTAR MI 'DRA BA'I PHYIR DPE MA YIN ZHE NA, RGYUN MIN PHYIR, GZUGS LA NI GZUGS BRNYAN GYI RGYUN DU GYUR PA MED KYI ME LONG GI RGYUN LA YOD PA'I PHYIR RO; ,CIG CAR DU YOD PA'I PHYIR 'CHI BA DANG SKYE BA'I SRID PA JI LTA BA BZHIN DU NI MA YIN NO, ,RGYUN LA RGYUN MI 'CHAD PAR YUL GZHAN DAG TU 'BYUNG BAR BRJOD GYI RGYUN MA YIN PA NI MA YIN PAS GZUGS BRNYAN GYI DPE NI 'DRA BA MA YIN NO, ,GNYIS LAS 'BYUNG PHYIR, GZUGS DANG ME LONG DANG RGYU GNYIS LAS GZUGS BRNYAN 'BYUNG BAR 'GYUR BA LA, GTZO BO'I RGYU GANG YIN PA DE LA BRTEN TE 'BYUNG NGO, ,DE BZHIN DU SKYE BA'I SRID PA NI 'CHI BA'I SRID PA LAS GZHAN PA, GTZO BO'I RGYU ZHIG DANG RGYU GNYIS LAS BYUNG BA NI MA YIN TE, 'DIS KYANG DPE MI 'DRA BA YIN NO, ,PHYI'I KHU BA DANG KHRAG LA SOGS PA SEMS MED PA YANG GTZO BO'I RGYU ZHES BYA BAR MI RIGS TE, GANG DU RDZUS TE SKYE BA RNAMS NAM MKHA' LA 'BYUNG BA DER CI ZHIG DANG RGYU GNYIS SU BRTAG ,RE ZHIG RIGS PA LAS NI 'CHI BA'I SRID PA'I BAR CHAD NAS SKYE BA'I SRID PA 'BYUNG BAR NI DA LTAR MI 'DOD DE, DE BAS NA SRID PA BAR MA YOD PA NYID DO, ,YOD PAR MGUR NAS GSUNGS PA, SRID PA BDUN GYI MDO LAS DMYAL BA'I SRID PA DANG, DUD 'GRO'I SRID PA DANG, YI DAGS KYI SRID PA DANG, LHA'I SRID PA DANG, MI'I SRID PA DANG, LAS KYI SRID PA DANG, SRID PA BAR MA'O ZHES GSUNGS SO, ,MDO 'DI NI DE DAG MI 'DON TO ZHE NA, 'O NA DRI ZA ZHES BYA BA 'DI LAS GNAS GSUM MNGON DU GYUR NA MA'I MNGAL DU BU CHAGS PAR 'GYUR TE, MA YANG RUNG BZLA MTSAN DANG LDAN PA DANG, PHA MA CHAGS PAR GYUR PA DANG, 'DUS PA DANG, DRI ZA YANG NYE BAR GNAS PAR GYUR NA'O ZHES GSUNGS PA, SRID PA BAR MA MA GTOGS PA DRI ZA ZHES BYA BA GZHAN GANG ZHIG YIN, PHUNG PO ZHIG PAR NYE BAR GNAS PAR 'GYUR RO ZHES 'DON TO ZHE NA, MI RUNG STE, RTA LEN GYI BU'I MDO DANG 'GAL BA'I PHYIR RO, ,YANG DE YANG MI 'DON TO ZHE NA, 'O NA SNGAR GSUNGS PA LAS PHYIR MI 'ONG BA LNGA ZHES BYA BA 'DI LAS PHYIR MI 'ONG BA BAR MA DOR YONGS SU MYA NGAN LAS 'DA' BA ZHES GSUNGS @136A *, ,PA SRID PA BAR MA MED NA JI LTAR BAR MA DOR YONGS SU MYA NGAN LAS 'DA' BAR 'GYUR, 'GRO MDO LAS, SKYES BU DAM PA'I 'GRO BA LNGA ZHES BYA BA'I MDO 'DI LAS DUS DANG YUL GYIS BSKAL BA'I BYE BRAG GIS BAR MA DOR YONGS SU MYA NGAN LAS 'DA' BA GSUM STE, 'DI LTA STE, ME STAG MNGON PAR 'GRUB PA'I MDO BZHIN DU 'CHI BAR 'GYUR BA DE LTA BU DANG PO NYID DO, ,DE BZHIN DU 'DI LTA STE, LCAGS KYI TSA TSA GNAM DU YAR BA'I MOD NYID DU 'CHI BAR 'GYUR BA DE LTA BU NI GNYIS PA'O, ,DE BZHIN DU 'DI LTA STE LCAGS KYI TSA TSA GNAM DU YAR NAS SA LA MA LTUNG BA NYID DU 'CHI BAR 'GYUR BA DE LTA BU NI GSUM PA'O ZHES GSUNGS PAS, DE'I PHYIR 'GRO BA'I MDO 'DI LAS KYANG SRID PA BAR MA GRUB BO, ,YANG 'GRO BA GANG DU 'GRO BAR 'GYUR BA NA SRID PA BAR MA'I SHA TSUGS JI LTA BU ZHIG MNGON PAR 'GRUB CE NA, DE NI 'PHEN PA GCIG PA'I PHYIR, ,SRID PA PHYI MA'I SHA TSUGS 'GYUR, ,LAS GANG ZHIG 'GRO BA 'PHEN PA DE NYID 'THOB PAR BYED PA'I SRID PA BAR MA STE, DE'I PHYIR 'GRO BA GANG DU 'GRO BAR 'GYUR BA'I 'GRO BA DER SRID PA PHYI MA CIR 'GYUR BA DE'I SHA TSUGS SU 'GYUR RO, ,YANG SRID PA PHYI MA ZHES BYA BA 'DI GANG ZHIG CE NA, DE NI 'CHI BA TSUN CHAD NAS, ,SKYE BA'I SKAD CIG PHAN CHAD DO, ,SRID PA ZHES BYA BA NI BYE BRAG MED PAR NYE BAR LEN PA'I PHUNG PO LNGA RNAMS SO, ,DE NI RNAM PA BZHIR DBYE STE, SRID PA BAR MA NI JI SKAD DU BSHAD PA'O, ,SKYE BA'I SRID PA NI 'GRO BA DAG TU NYING MTSAMS SBYOR BA'I SKAD CIG MA'O, ,DE PHAN CHAD 'CHI BA'I SRID PA MA GTOGS PA'I SRID PA GZHAN THAMS CAD NI SRID PA PHYI MA'O, ,SKAD CIG MA THA MA NI 'CHI BA'I SRID PA'O, ,GAL TE SEMS CAN GZUGS CAN DAG GI NANG DU SKYE BA NI DE PHAN CHAD SRID PA BAR MA'O, ,SRID PA BAR MA DE NI, RIGS MTHUN LHA MIG DAG PAS MTHONG, ,SRID PA BAR MA PA NI RIGS MTHUN PA NYID KYIS MTHONG BA DANG, GANG DAG GI LHA'I MIG SHIN TU DAG PA MNGON PAR SHES PA'I RGYU LAS 'BYUNG BA DES NI 'DI MTHONG GI ,SHIN TU DANG BA'I PHYIR SKYES NAS THOB PA'I MIG GIS NI MI MTHONG NGO, ,GZHAN DAG NA RE LHA'I SRID PA BAR MA PAS NI THAMS CAD MTHONG NGO, ,MI DANG, YI DAGS DANG, DUD 'GRO DANG, DMYAL BA'I SRID PA BAR MA PAS NI GONG MA GONG MA BOR @136B NAS SO ZHES ZER RO, ,LAS KYI RDZU 'PHRUL SHUGS DANG LDAN, ,RDZU 'PHRUL NI NAM MKHA' LA 'GRO BA'O, ,LAS KYI RDZU 'PHRUL YIN PAS NA LAS KYI RDZU 'PHRUL LO, ,DE'I SHUGS NI LAS KYI RDZU 'PHRUL GYI SHUGS TE, MGYOGS PA NYID DO, ,DE 'DI LA YOD PAS NA LAS KYI RDZU 'PHRUL GYI SHUGS DANG LDAN PA STE, GANG GIS 'DI NI LAS KYI STOBS DANG LDAN PA'I PHYIR SANGS RGYAS KYIS KYANG DGAG PAR MI SPYOD PA'O, ,DBANG PO KUN TSANG DBANG PO LNGA CHAR TSOGS PA'O, ,THOGS MED LDAN THOGS PAS NA THOGS PA'O, ,DE 'DI LA YOD PAS NA THOGS PA DANG LDAN PA'O, ,THOGS PA MED PAS THOGS PA MED PA DANG LDAN PA STE, RDO RJE LA SOGS PAS KYANG MI BZLOGS PA'I PHYIR RO, ,'DI LTAR LCAGS KYI THU LUM 'BAR BA GSHEGS PA'I NANG NA DE LAS BYUNG BA'I SRIN BU DMIGS SO ZHES THOS SO, ,DE 'GRO BA GANG DAG TU SKYE BA DE LAS NI THAMS CAD DU YANG, MI BZLOGS TE, MI'I SRID PA BAR MA MED PAR GYUR NAS LHA'I SRID PA BAR MA'AM, GZHAN DU SKYE BA NI NAM YANG MED PAS, 'DI 'GRO BA GANG GI PHYIR GRUB PA DE NYID DU SKYE BAR 'GYUR GYI GZHAN DU NI MA YIN NO ZHES BYA BAR NGES SO, YANG CI 'DOD PA NA SPYOD PA'I SRID PA BAR MA YANG KHAM GYI ZAS ZA'AM ZHE NA, SMRAS PA, DE BZHIN NO, ,RIGS PA NI MA YIN TE, 'DI LTAR 'DI NI DRI ZA STE, ,DE'I PHYIR DRI ZA ZHES BYA'O, ,DBANG CHUNG BA'I ZAS NI DRI MI ZHIM PA'O, ,DBANG CHE BA'I ZAS NI DRI ZHIM PA'O, ,YANG 'GRO BA'I YUL DU PHYIN PAR BYA BA'I PHYIR 'BYUNG BA'I SRID PA BAR MA DE NI, RTZE DAGS 'GRO BA'I YUL DU NI, ,PHYIN CI LOG GI BLOS 'GRO'O, ,DE NI LAS KYI MTHUS BYUNG BA'I MIG GIS RANG GI SKYE BA'I GNAS THAG RING PO NA 'DUG KYANG MTHONG STE, DE LA DES PHA MA DE GNYIS LOG PAR GRUB PA MTHONG NAS PHOR GYUR PA ZHIG YIN NA NI MA LA PHO'I 'DOD CHAGS 'BYUNG NGO, ,MOR 'GYUR BA ZHIG YIN NA NI PHA LA MO'I 'DOD CHAGS 'BYUNG NGO, ,BZLOG PA NI KHONG KHRO BA'O, ,BTAGS PA LAS KYANG 'DI SKAD DU, , DRI ZA LA RJES SU CHAGS PA'O, ,LHAN CIG PA'AM, KHONG KHRO BA DANG LHAN CIG PA'I SEMS GNYIS LAS GANG YANG RUNG BA'I SEMS MNGON DU GYUR PA NA'O, ,'DI 'DON TE, DE PHYIN CI LOG DE GNYIS KYIS DGA' BAR 'DOD PAS, YUL DE YANG PHRAD NA GNAS SKABS DER BDAG NYID MOS SO, ,MA'I MNGAL GYI @137A *, ,GNAS MI GTZANG BA DER PHYIN NAS, DGA' BA SKYE ZHING MNGON PAR ZHEN TO, ,DE NAS NI DE'I PHUNG PO MKHRANG POR 'GYUR LA, SRID PA BAR MA YANG 'GAGS NAS SKYE BA YIN NO, ,RE ZHIG SGO NGA LAS SKYE BA DANG, MNGAL NAS SKYE BA'I SKYE GNAS SU 'GRO BA NI DE LTA BU'O, ,GZHAN NI CI RIGS PAR BRJOD PAR BYA'O, ,DE LA 'DIR NI RIGS PA YIN PAR SNANG STE, DRI DANG GNAS LA 'DOD PA GZHAN, ,DROD GSHER LAS SKYE BA'I SKYE GNAS SU 'GRO BA NA DRI LA CHAGS PAS, SKYE BA'I GNAS GTZANG MA 'AM MI GTZANG BAR RANG GI LAS JI LTA BA BZHIN DU 'GRO'O, ,RDZUS TE SKYE BA'I SKYE GNAS SU 'GRO BA NA NI GNAS LA CHAGS PAS SO, ,DE LA LHA'I SRID PA BAR MA NI STAN LAS LDANG BA BZHIN DU GYEN DU 'GRO'O, ,MI DANG, DUD 'GRO DANG, YI DAGS LA SOGS PA NI MI LA SOGS PA BZHIN NO, ,DMYAL BA DAG NI SPYI'U TSUGS SO, ,YANG DAG SDOM DANG DKA' THUB CAN, ,DRANG SRONG RNAMS LA SKUR 'DEBS PA, ,DE RNAMS SPYI'U TSUGS DAG TU NI, ,DMYAL BA NYID DU LTUNG BAR GYUR, ,ZHES TSIGS SU BCAD PA LAS 'BYUNG BA'I PHYIR RO, ,MDO LAS MNGAL DU 'JUG PA NI BZHI'O ZHES GSUNGS PA LA BZHI GANG ZHE NA, GCIG NI SHES BZHIN DU 'JUG LA, GNAS PA DANG 'BYUNG BA NI SHES BZHIN DU MA YIN PA'O, ,GZHAN NI GNAS PA YANG, SHES BZHIN DU ZHES BYA BAR SBYAR TE, YANG GI SGRAS NI 'JUG PA YANG NGO, ,GZHAN NI, 'BYUNG BA'ANG, SHES BZHIN DU SKYE, YANG GI SGRAS NI 'JUG PA DANG, GNAS PA'O, ,GZHAN NI KUN DU RMONGS, LA LA NI 'JUG PA YANG SHES BZHIN MA YIN LA GNAS PA DANG 'BYUNG BA THAMS CAD DU YANG SHES BZHIN MA YIN PAR BYED DO, ,MNGAL DU 'JUG PA 'DI BZHI NI TSIGS SU BCAD PA DANG MTHUN PA'I PHYIR BZLOG STE BSTAN TO, ,SGO NGA LAS SKYES RTAG TU'O, ,SGO NGA LAS SKYE BA'I SEMS CAN NI RTAG TU THAMS CAD DU RMONGS SO, ,'DIR YANG BSTAN PA, MNGAL DU 'JUG PA GSUM DAG STE, ,'KHOR LOS SGYUR DANG RANG 'BYUNG NGO, ,'KHOR LOS SGYUR BA DANG, RANG 'BYUNG RANG SANGS RGYAS DANG, SANGS RGYAS GNYIS TE, GO RIMS JI LTA BA BZHIN NO ZHES 'OG NAS 'CHAD DO, ,DE LA DANG PO NI 'KHOR LOS SGYAR BA STE, DE NI 'JUG PA 'BA' ZHIG SHES BZHIN DU YIN GYI, @137B GNAS PA DANG 'BYUNG BA NI MA YIN NO, ,RANG SANGS RGYAS NI GNAS PA YANG NGO, ,SANGS RGYAS NI 'BYUNG BA YANG NGO, ,PHYIS 'GYUR BA'I MING GI 'KHOR LOS SGYUR BA LA SOGS PA 'DI DAG TU BSTAN TE, DPER NA 'BRAS CHAN 'TSED DO, ,PHYE 'THAG GO ZHES BYA BA BZHIN NO, ,LAS SAM YE SHES SAM GNYI GA, RGYA CHE'I PHYIR NA GO RIMS BZHIN, ,LAS RGYA CHE BA NI BSOD NAMS RGYA CHEN PO BYED PA RNAMS KYI STE DANG PO'O, ,YE SHES RGYA CHE BA NI THOS PA MANG PO RAB TU RNAM PAR 'BYED PA BYAS PA RNAMS KYI STE GNYIS PA'O, ,BSOD NAMS DANG YE SHES RGYA CHE BA NI GSUM PA STE, DE LTAR NA DE LTA BU NI GO RIMS BZHIN DU 'KHOR LOS SGYUR BA LA SOGS PA 'DI DAG TU RIGS SO, ,LHAG MA RNAMS NI BZHI PA ZHES BYA BAR GRUB PO, ,DA NI 'DIR PHYI ROL PA DAG TU SMRA BA YONGS SU BZUNG NAS GLENG STE, GAL TE SEMS CAN 'JIG RTEN GZHAN DU 'PHO BAR DAM BCA' NA NI BDAG GRUB PO ZHE NA, DE DGAG PAR BYA STE BDAG MED, BDAG JI LTA BU ZHIG GANG PHUNG PO 'DI BOR NAS, PHUNG PO GZHAN DU NYING MTSAMS SBYOR BA YONGS SU BRTAGS PA STE, DE LTA BU'I NANG GI BYED PA'I SKYES BU NI MED DO, ,BCOM LDAN 'DAS KYIS KYANG 'DI SKAD DU LAS NI YOD DA, ,RNAM PAR SMIN PA NI YOD DO, ,CHOS KYI 'DU 'PHROD LA MA GTOGS PA, GANG PHUNG PO 'DI BOR NAS GZHAN DU NYING MTSAMS SBYOR BA'I BYED PA PO NI MI DMIGS SO ZHES GSUNGS SO, ,DE LA CHOS KYI 'DU 'PHROD NI 'DI YIN TE, 'DI LTA STE 'DI YOD PAS NI 'DI 'BYUNG ZHES BYA BA RTEN CING 'BREL BAR 'BYUNG BA RGYA CHER RO, ,'O NA JI LTA BU'I BDAG GCIG ME DGAG CE NA, PHUNG PO TZAM NYID DO, ,GAL TE PHUNG PO TZAM NYID LA BDAG CES ZER NA NI DE LA DGAG PA MED DO, ,DE LTA NA YANG PHUNG PO NYID 'JIG RTEN GZHAN DU 'PHO BAR 'GYUR RO ZHE NA, PHUNG PO DE DAG MI 'PHO STE, ,NYON MONGS LAS KYIS MNGON DU BYAS, ,SRID PA BAR MA'I RGYUN GYIS NA, ,MAR ME BZHIN DU MNGAL DU 'JUG ,PHUNG PO SKAD CIG MA DE DAG LA NI, 'PHO BA'I MTHU MED KYI NYON MONGS PA DANG LAS KYIS YONGS SU BSGOS PA'I PHUNG PO TZAM SRID PA BAR MA ZHES BYA BA NI RGYUN GYIS MA'I MNGAL DU 'GRO STE, DPER NA MAR ME SKAD CIG MA'I RGYUN GYIS YUL GZHAN DU 'GRO ZHES BYA BA BZHIN PAS 'DI @138A *, ,LA NYES PA MED DO, ,DE BSAN BDAG NI MED KYI, NYON MONGS PA DANG LAS KYI MNGON PAR 'DUS BYAS PA'I PHUNG BO RNAMS KYI RGYUN MA'I MNGAL DU 'GRO ZHES BYA BA 'DI GRUB PO, ,DE YANG, RGYUD LA JI LTAR 'PHANGS RIM BZHIN, ,'PHEL NAS LAS DANG NYON MONGS KYIS, ,'JIG RTEN PHA ROL DAG TU 'GRO, ,TSE'I LAS THA DAD PA'I PHYIR, PHUNG PO'I RGYUN THAMS CAD KYI 'PHEN PA 'DRA BA NI MA YIN TE, DE'I PHYIR GANG LA JI SRID DU 'PHANGS PA DE SRID DU RIM GYIS 'PHEL LO, ,RIM GANG ZHEN, NUR NUR PO DANG, MER MER PO DANG, NAR NAR PO DANG, MKHRANG GYUR PA DANG, RKANG LAG 'GYUS PA LA SOGS PA'I RIM GYIS SO, ,'PHEL BA'I RJES SU MTHUN PA LAS, ,DBANG PO YONGS SU SMIN NAS NI, ,YANG NYON MONGS PA RNAMS KUN DU SPYOD CING LAS RNAMS KYANG SOGS PAR 'GYUR RO, ,DE DAG GIS DE'I LUS BZHIG NAS YANG SRID PA BAR MA'I RGYUN GYIS SNGA MA BZHIN DU 'JIG CING PHA ROL DU 'GRO BAS NI, SRID PA'I 'KHOR LO THOG MA MED, ,RNAM PA DES NA LAS DANG NYON MONGS PA'I RGYU LAS BYUNG BA'I TSE DANG, YANG DE'I RGYU LAS DANG NYON MONGS PA RNAMS DANG, YANG DE DAG LAS TSE ZHES BYA BA LA SOGS PA STE, SRID PA'I 'KHOR LO THOG MA MED PAR RIG PAR BYA'O, ,THOG MA RTAG NA NI DE RGYU MED PA NYID DU THAL BAR 'GYUR RO, ,DE RGYU MED PA ZHIG YIN NI 'DI DAG THAMS CAD KYANG RGYU MED PA ZHIG LAS 'BYUNG BAR 'GYUR BA ZHIG LA, YUL DANG DUS SO SOR NGES PA LAS MYU GU LA SOGS PA LAS BON LA SOGS PA DANG, DU BA LA SOGS PA LA ME LA SOGS PA'I NUS PA YANG MTHONG BAS RGYU MED PA LAS BYUNG BA YANG MED LA, RGYU RTAG PA YOD PAR SMRA BA YANG DANG PO NYID DU BKAG ZIN PAS, DE BAS NA 'KHOR BA LA THOG MA MED PA NYID DO, ,TSE NI RGYU LA RAG LUS PA'I PHYIR RGYU ZAD PA LAS MTHA' DANG LDAN PAR NI RIGS TE, SA BON ZAD PA LAS MYU GU BZHIN NO, ,DE LTAR PHUNG PO'I RGYUN TSE'I GNAS SKABS GSUM DU BSTAN PA GANG YIN PA DE NI, RTEN TZING 'BREL BAR 'BYUNG BA YIN, ,YANG LAG BCU GNYIS RABS GSUM MO, ,DE LA YAN LAG BCU GNYIS NI MA RIG PA LA SOGS PA NAS, RGA SHE LA THUG PA'I BAR RO, ,RABS GSUM NI SNGON GYI MTHA' DANG, PHYI MA'I MTHA' DANG, DBUS TE 'DAS PA DANG MA @138B 'ONGS PA DANG DA LTAR BYUNG BA'I TSE'O, ,JI LTAR NA YAN LAG BCU GNYIS RABS GSUM DAG TU RNAM PAR GZHAG CE NA, SNGON DANG PHYI MTHA' GNYIS GNYIS DANG, ,BAR GYI BRGYAD DE, MA RIG PA DANG 'DU BYED RNAMS NI SNGON GYI MTHA'O, ,SKYE BA DANG RGA SHI NI PHYI MA'I MTHA'O, ,LHAG MA BRGYAD NI BAR GYI'O, ,CI YAN LAG BRGYAD PO 'DI DAG THAMS CAD KYI SKYE BA 'DI LA YOD DAM ZHE NA, SMRAS PA MA YIN NO, ,'O NA SU LA ZHE NA, YONGS RDZOGS LA, YONGS SU RDZOGS PAR 'DI LA YOD PAS YONGS RDZOGS TE, 'DIR NI GNAS SKABS KYI BYE BRAG 'DI DAG THAMS CAD LA REG PA'I GANG ZAG 'DI LA DGONGS KYI, BAR MA DOR 'CHI BA YANG MA YIN NO, ,GZUGS NGANG GZUGS MED PA NA SPYOD PA YANG MA YIN TE, 'DI LTAR GLENG GZHI CHEN PO'I RNAM GRANGS LAS, 'DOD PA NA SPYOD PA'I GANG ZAG NYID BSTAN PA, KUN DGA' BO GAL TE RNAM PAR SHES PA MA'I MNGAL DU MA ZHUGS NAS ZHES 'BYUNG BA'I PHYIR RO, ,GANG GI TSE RTEN CING 'BREL BAR 'BYUNG BA SNGON GYI MTHA' DANG PHYI MA'I MTHA' RNAM PA GNYIS SU BRJOD PA DE'I TSE NI TSOR BA LA THUG PA'I BAR YAN LAG BDUN SNGON GYI MTHA'O, ,LNGA NI PHYI MA'I MTHA' STE, RGYU DANG 'BRAS BUR BCAS PA LA SNGON GYI MTHA' DANG PHYI MA'I MTHA' SMOS PA'I PHYIR RO, ,YANG MA RIG PA LA SOGS PA 'DI DAG GANG ZHIG CE NA, MA RIG NYON MONGS SNGON GNAS SKABS, TSE SNGA MA'I NYON MONGS PA'I GNAS SKABS GANG YIN PA NI 'DIR MA RIG PA ZHES BYA'O, ,LHAN CIG SPYOD PA DANG, DE'I DBANG GIS DE DAG KUN DU 'BYUNG PA'I PHYIR TE, RGYAL PO GSHEGS SO ZHES BYA BA'I TSIG GIS, DE'I ZHAM 'BRING BA YANG 'ONGS PAR GRUNG BA BZHIN NO, ,'DU BYED SNGON GYI LAS DAG GIS, ,GNAS SKABS ZHES BYA BAR SBYAR TE, TSE SNGA MA'I BSOD NAMS LA SOGS PA'I LAS KYI GNAS SKABS GANG YIN PA DE NI 'DIR 'DU BYED CES BYA STE, LAS GANG GIS 'DIR RNAM PAR SMIN PA'O, ,RNAM SHES PHUNG PO'I MTSAMS SBYOR BA, ,MA'I MNGA' DU NYID MTSAMS SBYOR BA'I SKAD CIG MA LA PHUNG PO LNGA NI RNAM PAR SHES PA'O, ,MING DANG GZUGS NI DE PHAN CHAD, ,SKYE MCHED DRUG DOD SNGA ROL LO, ,MTSAMS SBYOR BA'I SEMS CAN PHAN CHAD NAS, JI SRID DU SKYA MCHED DRUG MA DOD BA'I BAR GYI GNAS SKABS DER NI MING DANG GA ZUGS ZHES @139A *, ,BYA'O; ,SKYE MCHED BZHI DOD PA'I SNGA ROL ZHES BRJOD PAR BYA'O ZHE NA, DE NI DE'I TSE SKYE MCHED DRUG CES BYA BA RNAM PAR 'JOG PA'I PHYIR RO, ,DE NI GSUM 'DUS SNGA ROL LO, ,SKYE MCHED DRUG NI DOD LA, JI SRID DU DBANG PO DANG, YUL DANG, RNAM PAR SHES PA GSUM MA 'DUS BDE SRID KYI GNAS SKABS DE LA NI SKYE MCHED DRUG CES BYA'O, ,REG PA BDE SDUG LA SOGS PA'I, ,RGYU SHES NUS PA'I SNGA ROL LO, ,GSUM 'DUS PA LAS REG PAR 'GYUR LA, DE NI JI SRID DU TSOR BA GSUM GYI RGYU YONGS SU GCOD PAR MI NUS PA'I GNAS SKABS DA LA REG PA ZHES BYA'O, ,TSOR BA 'KHRIG LAS LNGA, TSOR BA'I GNAS SKABS NI JI SRID DU 'KHRIG PA'I 'DOD CHAGS KUN DU MI SPYOD PA'I BAR RO, ,SRED PA, LONGS SPYOD 'KHRIG LA CHAGS PA CAN, ,'KHRIG PA'I 'DOD PA NI KUN DU SPYOD LA, JI SRID DU YUL YONGS SU TSOR BA LA MA ZHUGS PA'I GNAS SKABS DE LA NI SRID PA ZHES BYA'O, ,NYE BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA'O, ,GNAS SKABS GANG DU YUL THOB PAR BYA BA'I PHYIR YONGS SU TSOL BA LA ZHUGS NAS THAMS CAD DU RGYUG PA DE NI LEN PA ZHES BYA'O, ,DE LTAR YONGS SU RGYUG PA, DE SRID 'BRAS BUR 'GYUR BA YIN, ,LAS DE BYED PA SRID PA YIN, , DE YUL RNAMS THOB PAR BYA BA'I PHYIR YONGS SU RGYUG PA NA, YANG SRID PA PA'I LA SOGS PA DE NI SRID PA'O, ,LAS DE LA YANG 'DI NAS SHI 'PHOS NAS TSE PHYI MAR NYING MTSAMS SBYOR BAR 'GYUR RO, ,DE NI, NYING MTSAMS SBYOR BA SKYE BA YIN, 'DI NI RNAM PAR SHES PA'I YAN LAG GANG YIN PA DE NYID TSE GZHAN DU SKYE BA'O, ,DE PHAN CHAD TSOR BA'I BAR NI RGA SHI'O, ,SKYE BA PHAN CHAD NAS TSOR BA LA THUG PA'I GNAS SKABS NI RGA SHI STE, 'DI'I YAN LAG BZHI PO MING DANG GZUGS DANG, SKYE MCHED DRUG DANG REG PA DANG TSOR BA GANG YIN PA DE DAG NYID GZHAN DU NA RGA SHI'O, ,RTEN CING 'BREL PAR 'BYUNG BA'I YAN LAG BCU GNYIS PO DE DAG NI RNAM PA BZHIR BRJOD DE, 'DI LTAR SKAD CIG PA DANG, RGYUN CHAGS PA DANG, 'BREL BA CAN DANG, GNAS SKABS PA'O, ,DE LA SKAD CIG BA JI LTA BU ZHE NA, SKAD CIG MA GCIG LA YAN LAG BCU GNYIS YOD PA STE, 'DI LTA STE, CHAGS PA'I DBANG @139B GIS SROG CHAGS KYI SROG GCONG PA LA RMONGS PA GANG YIN PA DE NI MA RIG PA'O, ,SEMS PA GANG YIN PA DE NI 'DU BYED DO, ,DNGOS PO SO SOR RNAM PAR RIG PA NI RNAM PAR SHES PA'O, ,RNAM PAR SHES PA DANG LHAN CIG 'BYUNG BA'I PHUNG PO BZHI NI MING DANG GZUGS SO, ,MING DANG GZUGS RNAM PAR GZHAG PA'I DBANG PO RNAMS NI SKYE MCHED DRUG GO, ,SKYE MCHED DRUG 'DUS PA NI REG PA'O, ,REG PA NYAMS SU MYONG BA NI TSOR BA'O, ,CHAGS PA GANG YIN PA DE NI SRID PA'O, ,DE DANG MTSUNGS PAR LDAN PA NI KUN NAS DKRIS PA NI LEN PA'O, ,DES KUN NAS BSLANG BA'I LUS KYI LAS DANG, NGAG GI LAS NI SRID PA'O, ,LAS DE RNAMS KYI SKYE BA NI SKYE BA'O, ,YONGS SU SMIN PA NI RGA BA'O, ,ZHIG PA NI SHI BA'O, ,RGYUN CHAGS PA NI YAN LAG BCU GNYIS PA'I PHUNG PO LNGA TSE'I GNAS SKABS GSUM DU BAR CHAD MED PAR 'BREL BA RNAMS TE, RGYUN CHAGS PA DANG LDAN PA'I PHYIR RO, ,TSE RABS GSUM DU 'BREL PA'I PHYIR 'BREL PA CAN NO, ,YAN LAG BCU GNYIS PA'I PHUNG PO LNGA'I GNAS SKABS YIN PA'I PHYIR GNAS SKABS PA STE, DE RNAMS LAS BCOM LDAN 'DAS KYIS 'DI GANG LAS DGONGS SHE NA, 'DIR NI, GNAS SKABS BAR 'DI 'DOD CES GRAG ,'DIR NI YAN LAG BCU GNYIS PA'I PHUNG PO LNGA PA TSE RABS GSUM DU BAR CHAD MED PAR 'BREL PA'I RTEN CING 'BREL BAR 'BYUNG BAR 'DOD DO, ,GAL TE YAN LAG RIL PO PHUNG PO LNGA CHAR YOD NA, CI'I PHYIR MA RIG PA LA SOGS PA'I CHOS 'BA' ZHIG LAS BSGRAGS SHE NA, GTZO BO'I YAN LAG NYID LAS BSGRAGS, MA RIG PA GTZO BO'I TSE NI MA RIG PAR BSHAD LA, 'DU BYED RNAMS GTZO BO'I TSE NI 'DU BYED DO, ,DE BZHIN DU RGA SHI GTZO BO'I TSE YANG RGA SHI'I BAR DU STE, NYES PA MED DO, ,YANG CI'I PHYIR MDO LAS NI YAN LAG BCU GNYIS SU BSHAD LA, RAB TU BYED PA LAS NI RTEN CING 'BREL PAR 'BYUNG BA GANG ZHE NA, 'DUS BYAS KYI CHOS THAMS CAD DO ZHES GZHAN DU 'BYUNG ZHE NA, MDO LAS NI SEMS CAN ZHES BYA BA'O, ,RAB TU BYED PA LAS NI SEMS CAN DANG, SEMS CAN MA YIN PA ZHES BYA BA'O, ,YANG CI'I PHYIR MDO LAS SEMS CAN ZHES BYA BA 'BA' ZHIG BSHAD CE NA, SNGON DANG PHYI MA BAR MTHA' LA, ,RMONGS PA @140A *, ,RNAM PAR BZLOG PA'I PHYIR, ,DE LA SNGON GYI MTHA' LA RMONGS PA RNAM PAR BZLOG PA'I PHYIR MA RIG PA DANG 'DU BYED BSTAN TO, ,PHYI MA'I MTHA' LA RMONGS PA RNAM PAR BZLOG PA'I PHYIR SKYE BA DANG RGA SHI BSTAN TO, ,BAR GYI MTHA' LA RMONGS PA RNAM PAR BZLOG PA'I PHYIR RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA BSTAN TE, DE'I PHYIR RABS GSUM MO, ,YANG RTEN CING 'BREL PAR 'BYUNG BA DE NI 'DI LTAR NYON MONGS PA DANG, LAS DANG, GZHI GSUM GYI RANG BZHIN DU RIG PAR BYA'O, ,DE LA NYON MONGS PA GSUM NI MA RIG PA DANG, SRED PA DANG, LEN PA'O, ,LAS GNYIS NI, 'DU BYED DANG, SRID PA'I YAN LAG GNYIS NI LAS KYI RANG BZHIN NO, ,GZHI BDUN, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SKYE BA DANG, RGA SHI STE, YAN LAG BDUN NI LAS DANG NYON MONGS PA'I RTEN YIN PA'I PHYIR GZHI ZHES BYA'O, ,JI LTAR YAN LAG BDUN GZHI YIN PA, DE BZHIN 'BRAS BU STE, YAN LAG BDUN PO NYID 'BRAS BUR GYUR PA'O, ,LHAG MA LNGA NI LAS DANG NYON MONGS PA'I RANG BZHIN YIN PA'I PHYIR RGYU'O, ,YANG CI'I PHYIR GZHI RNAM PA LNGA DANG NYON MONGS PA RNAM PA GNYIS THA DAD PA'I PHYIR DBUS KYI RGYU DANG 'BRAS BU NI, RGYA CHER BSTAN CING RNAM PA GNYIS THA DAD PA'I PHYIR, MA 'ONGS PA'I DUS KYI 'BRAS BU NI MDOR BSDUS LA 'DAS PA'I DUS KYI RGYU NI NYON MONGS PA GCIG GI SGO NAS BSTAN CE NA, GNYIS KYI RGYU 'BRAS BSDUS PA NI, ,BAR MA'I RJES SU DPAG PA LAS, ,BAR MA NYID KYI RGYU SNGON GYI MTHA' DANG PHYI MA'I MTHA' GNYIS PA'I RGYU DANG, 'BRAS BU YANG RGYA CHER RJES SU DPAG PAS MA BSHAD DE, YANG DON MED PA'I 'BAD PA NI MI BYA'O, ,GAL TE YANG RTEN CING 'BREL BAR 'BYUNG BA YAN LAG BCU GNYIS 'BA' ZHIG TU ZAD NE DA LTA NA NI, MA RIG PA'I RGYU MA BSTAN PA'I PHYIR 'KHOR BA LA THOG MA CAN DU 'GYUR RO, ,RGA SHI'I 'BRAS BU MA BSTAN PA'I PHYIR MTHA' DANG LDAN PAR YANG 'GYUR BAS, YANG NA YAN LAG GZHAN ZHIG GIS KHA BSKANG BAR BYA DGOS LA, DE LA YANG GZHAN NA NI THUG PA MED PAR 'GYUR RO ZHE NA, GANG GI PHYIR KHA BSKANG MI DGOS TE, GANG GI PHYIR BCOM LDAN 'DAS KYIS, @140B NYON MONGS PA LAS NYON MONGS DANG, ,BYA BA NYID DO DE LAS GZHI, ,DE LAS GZHI DANG NYON MONGS SKYE, ,'DI NI SRID PA'I YAN LAG LUGS, ,ZHES BSTAN PA LA, NYON MONGS PA LAS NYON MONGS PA SKYE STE, SRED PA LAS LEN PA'O, ,NYON MONGS PA LAS LAS TE, LEN PA LAS SRED PA DANG, MA RIG PA LAS 'DU BYED RNAMS SO, ,LAS LAS GZHI STE, 'DU BYED LAS RNAM PAR SHES PA DANG, SRID PA LAS SKYE BA'O, ,GZHI LAS GZHI STE, RNAM PAR SHES PA LAS MING DANG GZUGS NAS REG PA LAS TSOR BA'I BAR DANG, SKYE BA LAS RGA SHI'I BAR RO, ,GZHI LAS NYON MONGS PA STE, ,TSOR BA LAS SRED PA'O, ,GANG GI PHYIR SRID PA'I YAN LAG RNAMS KYI LUGS, DE LTAR RNAM PAR GZHAN PA DE'I PHYI NYON MONGS PA'I RANG BZHIN MA RIG PA YANG GZHI 'AM NYON MONGS PA LAS SKYE BAR BSTAN PAR 'GYUR LA, RGA SHI'I TSOR THA LA THUG PA'I GZHI LAS NI YANG NYON MONGS PA 'BYUNG BAS, YANG 'DI LA CHUNG ZAD KYANG KHA BSKANG BAR BYA BA MED DO, ,DE LTA NA SDUG BSNGAL GYI PHUNG PO CHEN PO 'DI 'BA' ZHIG YANG DAG PAR 'BYUNG BAR 'GYUR RO ZHAS GSUNGS PA'I PHYIR RO, ,DE LTA MA YIN NA 'DI'I NUS PA CI ZHIG TU 'GYUR, BCOM LDAN 'DAS KYIS DGE SLONG DAG KHYED LA RTEN CING 'BREL PAR 'BYUNG BA DANG, RTEN CING 'BREL BAR 'BYUNG BA'I CHOS KYANG BSTAN PAR BYA'O ZHES GANG GSUNGS PA LA 'DI DAG GI KHYAD PAR GANG ZHE NA, RGYU 'DI RTEN CING 'BREL 'BYUNG STE, ,RTEN CING 'BYUNG BA 'BRAS BUR 'DOD, ,RGYUR GYUR PA'I YAN LAG NI 'DI LAS 'BYUNG BAS NA RTEN CING 'BREL BAR 'BYUNG BA'O, ,'BRAS BUR GYUR PA'I YAN LAG NI RTEN CING 'BREL PAR 'BYUNG BA STE, DE LTA NA RGYU DANG 'BRAS BUR GYUR PA'I PHYIR YAN LAG THAMS CAD LA YANG GNYI GAR GRUB BO, ,YANG MA RIG PA ZHES BYA BA'I DON CI ZHIG YIN, ,GAL TE GANG MA RIG PA MA YIN BA ZHIG YIN NO ZHE NA, MIG LA SOGS PA LA YANG THAL BAR 'GYUR RO, GAL TE RIG PA MED PA ZHIG YIN NO ZHE NA, ,DE LTA NA CUNG ZAD KYANG MA YIN PAR 'GYUR BA ZHIG NA, DE YANG MI RUNG BAS, DE BAS NA, RIG PA'I MI MTHUN PHYOGS CHOS GZHAN, ,MA RIG MI MDZA' BRDZUN SOGS BZHIN, ,JI LTAR MDZA' BO LAS BZLOG NA 'GA' ZHIG DE'I GNYEN POR GYUR PA MI MJA' @141A *, ,BA YOD KYI GANG MDZA' BA GZHAN 'GA' ZHIG KYANG DGRA MA YIN LA MDZA' BA MED PA YANG MA YIN PA LTA BU'O, ,DRANG PO ZHES BYA BA NI BDEN PA'O, ,DE'I MI MTHUN PA'I PHYOGS SU GYUR PA'I TSIG NI BRDZUN YIN TE, CHOS MA YIN PA DANG, DON MA YIN PA DANG, BYA BA MA YIN PA RNAMS NI CHOS LA SOGS PA'I MI MTHUN PAR GYUR PA DE BZHIN DU MA RIG PA YANG RIG PA'I MI MTHUN PAR GYUR PA CHOS GZHAN ZHIG DU BLTA BAR BYA'O, ,'DI GA LAS SHE NA, RKYEN GYI NGO BOR BSTAN PA LAS SO, ,GZHAN YANG, KUN DU SBYOR SOGS TSIG GI PHYIR, ,MDO LAS MA RIG PA NI KUN DU SBYOR BA DANG, 'CHING BA DANG, PHRA RGYAS DANG, ZAG PA DANG, CHU BO DANG, SBYOR BA ZHES BYA'O ZHES GSUNGS PA YANG MED PA TZAM LA DE LTA BUR 'GYUR BA NI 'OS PA MA YIN LA MIG LA SOGS PA YANG MA YIN PAS DE BAS NA MA RIG PA NI CHOS GZHAN PA NYID DE, DPER NA CHUNG MA NGAN PA LA CHUNG MA MA YIN ZHES BYA BA DANG, BU NGAN PA LA BU MA YIN ZHES BYA BA LTAR MA RIG PA YANG DA BZHIN NO, ,LTA PHYIR SHES RAB NGAN PA MIN, ,SMAD PA'I SHES RAB NI NYON MONGS PA CAN TE, DE YANG LTA BA'I RANG BZHIN YIN NA MA RIG PA NI MI 'THAD DO, ,'O NA GANG LTA BA MA YIN PA DE YIN PAR 'GYUR RO ZHE NA, DE YANG YIN PAR 'OS BA MA YIN TE, CI'I PHYIR ZHE NA, LTA BA DE DANG MTSUNGS LDAN PHYIR, ,GAL TE MA RIG PA SHES RAB TU GYUR NA SHES RAB KYI RDZAS GNYIS MTSUNGS PAR MI LDAN PA'I PHYIR TE, DE DANG LTA BAR MTSUNGS PAR LDAN PA MA YIN TE, 'DI LAS KYANG, SHES RAB NYON MONGS BSTAN PA'I PHYIR, ,MDO LAS 'DOD CHAGS KYIS NYE BA'I NYON MONGS PA CAN DU BYAS PA'I SEMS NI RNAM PAR MA GROL BA'O, ,MA RIG PAS NYE BA'I NYON MONGS PA CAN DU BYAS PA'I SHES RAB NI MI 'DAG GO ZHES GSUNGS PA YANG SHES RA BA DE NYID PRADZNY'A DE'I NYON MONGS PA YIN PAR NI MI RIGS KYI, JI LTAR NYE BA'I NYON MONGS PA 'DOD CHAGS SEMS LAS GZHAN YIN ZHING RIGS THA DAD PA LTAR SHES RAB DNGAS? RIG PA YANG DE BZHIN NO, ,MA RIG PA'I DON BSHAD ZIN TO, ,YANG MING DANG, GZUGS ZHES BYA BA'I DON CI ZHE NA, GZUGS NI RGYA CHER JI SKAD DU BSHAD PA'O, ,MING NI GZUGS CAN MING PHUNG PO, ,CI'I PHYIR ZHEN, MING DANG DBANG PO DANG DON GYI DBANG GIS DON LA 'JUG PA'I PHYIR @141B RO; ,MING GANG GI DBANG GIS SHE NA, GANG 'JIG RTEN 'DI NA GRAG PA STE, DE NA DE DANG DE DAG RGYAN DU GYUR PA LA BA LANG DANG RTA DANG GZUGS DANG RO ZHES BYA BA LA SOGS PA'O, ,DE DAG KYANG CI'I PHYIR MING YIN ZHE NA, DON DE DANG DE DAG LA MING 'JUG PAR BYED PA'I PHYIR RO, ,GZHAN DAG NA RE 'DIR LUS POR NAS SKYE BA GZHAN DU GZHOL BAR BYED PA'I PHYIR MING NI GZUGS CAN MA YIN PA'I PHUNG PO ZHES ZER RO, ,SKYE MCHED DRUG BSHAD ZIN TO, ,REG PA BRJOD PAR BYA STE, REG DRUG ,MIG GI 'DUS TE REG PA NAS YID KYI 'DUS TE REG PA'I BAR DU STE, DE DAG KYANG, 'DUS TE BYUNG BA'O, ,DBANG PO DANG DON DANG RNAM PAR SHES PA RNAMS 'DUS PA LAS BYUNG BA'O, ,REG PA DRUG PO DE DAG LAS, ,LNGA NI THOGS PA'I REG PA YIN, ,DRUG PA BLA DAGS TSIG CES BYA, ,MIG DANG, RNA BA DANG, SNA DANG, LCE DANG, LUS KYI 'DUS TE REG PA LNGA NI THOGS PA DANG BCAS PA'I DBANG PO LA BRTEN PA'I THOGS PA'I REG PA ZHES BYA'O, ,DRUG PA YID KYI 'DUS TE REG PA RNAMS NI TSIG BLA DAGS KYI REG PA ZHES BYA'O, ,CI'I PHYIR TSIG BLA DAGS LA MING ZHES BYA ZHE NA, DE NI LHAG MA LA DMIGS PAS DE'I TSIG BLA DAGS KYI REG PA ZHES BYA'O ZHES GRAG GO, ,YANG REG PA DRUG PO DE DAG NYID GSUM DU 'GYUR TE, RIG DANG MA RIG DANG GZHAN REG ,RIG PA'I REG PA DANG, MA RIG PA'I REG PA DANG, DE GNYIS LAS GZHAN PA RIG PA YANG MA YIN MA RIG PA YANG MA YIN PA'I REG PA'O, ,DE DAG KYANG RIM BZHIN DU, DRI MED NYON MONGS CAN LHAG MA, ,RIG PA'I REG PA NI ZAG PA MED PA'I REG PA'O, ,MA RIG PA'I REG PA NI NYON MONGS PA CAN GYI REG PA STE, RIG PA DANG MA RIG PA DANG LDAN PA'I PHYIR RO, ,LHAG MA NI GNYI GA DANG MTSUNGS PAR MI LDAN PA'I PHYIR RIG PA YANG MA YIN MA RIG PA YANG MA YIN PA'I REG PA'O, ,LHAG MA YANG GANG ZHIG CE NA, DGE BA ZAG PA DANG BCAS PA DANG MA BSGRIBS LA LUNG DU MA BSTAN PA'O, ,YANG MA RIG PA'I REG PA NI YANG DANG YANG DU KUN DU 'BYUNG BAS PHYOGS GCIG SMOS PAS REG PA GNYIS SU 'GYUR TE, GNOD SEMS RJES SU CHAGS PA'I REG ,GNOD SEMS DANG, RJES SU CHAGS PA DANG MTSUNGS PAR LDAN PA'I PHYIR RO, ,YANG THAMS CAD BSDU NA, BDE BA TSOR BA 'GYUR @142A *, ,SOGS GSUM, ,BDE BA TSOR BAR 'GYUR BA'I REG PA DANG SDUG BSNGAL TSOR BAR 'GYUR BA DANG, BDE BA YANG MA YIN SDUG BSNGAL BA YANG MA YIN PA TSOR BAR 'GYUR BA STE, BDE BA LA SOGS PA DANG MTHUN PA'I PHYIR RO, ,DE LTAR NA REG PA DE DAG NI BCU DRUG TU 'GYUR RO, , REG PA BSHAD ZIN TO, ,TSOR BA BRJOD PAR BYA STE, DE LA SNGAR REG PA RNAM PA DRUG BSHAD PA GANG YIN PA, DE LAS BYUNG BA TSOR BA DRUG ,MIG GI 'DUS TE REG PA LAS BYUNG BA'I TSOR BA NAS YID KYI 'DUS TE REG PA LAS BYUNG BA'I TSOR BA DAG LAS BYUNG BA'I BAR TE, DE DAG LAS, LNGA NI LUS KYI SEMS KYI GZHAN, MIG DANG, RNA BA DANG, SNA DANG, LCE DANG, LUS KYI 'DUS TE REG PA LAS BYUNG BA'I TSOR BA LNGA NI DBANG PO GZUGS CAN LA BRTEN PA'I PHYIR LUS KYI TSOR BA ZHES BYA'O, ,YID KYI 'DUS TE REG PA LAS BYUNG BA NI SEMS TZAM LA BRTEN PA'I PHYIR SEMS KYI ZHES BYA'O, ,DE NYID NYE BAR RGYU BA LA; ,RNAM PAR DAG NI YANG BCO BRGYAD, ,YANG SEMS KYI TSOR BA NYID NI, YID KYI NYE BAR RGYU BA BCO BRGYAD RNAM PAR GZHAG PA LAS RNAM PA BCO BRGYAD DU DBYE'O, ,YID KYI NYE BAR RGYU BA BCO BRGYAD GANG ZHE NA, YID BDE BA'I NYE BAR RGYU BA DRUG DANG, YID MI BDE BA'I NYE BAR RGYU BA DRUG DANG, BTANG SNYOMS KYI NYE BAR RGYU BA DRUG STE, YID BDE BA LA SOGS PA DE DAG YID LA BRTEN NAS DE DAG YUL LA NYE BAR RGYU BA'I PHYIR YID KYI NYE BAR RGYU BA'AM, YUL DAG LA NYE BAR RGYU BAS YID KYI NYE BAR RGYU BA STE, TSOR BA'I DBANG GIS YUL RNAMS LA YID YANG DANG YANG DU RNAM PAR RGYU BA'I PHYIR RO, ,YANG YID KYI NYE BAR RGYU BA 'DI DAG LAS 'DOD PA DANG LDAN PA NI DU ZHE NA, DE DAG LAS DU'I DMIGS PA NI CI ZHIG YIN ZHES BYA BA NAS DE BZHIN DU GZUGS MED PA DANG LDAN PA'I BAR DU YANG BRJOD PAR BYA'O ZHE NA, SMRAS PA, 'DOD PA RANG LA DMIGS THAMS CAD, ,'DOD PA'I KHAMS DAG NA NI BCO BRGYAD RIM GYIS YOD DE, DE YANG DE DAG THAMS CAD KYI DMIGS PA YANG DE YIN NO, ,DE RNAMS NYID LAS GZUGS CAN BCU GNYIS SPYOD YUL LO, ,GZUGS KYI KHAMS SU NI DRI DANG RO DANG NYE BAR RGYU BA DRUG MA GTOGS PA BCU GNYIS LA DMIGS PA STE, DE NA DE GNYIS MED PA'I PHYIR RO, ,GONG MA'I GSUM DAG, SBYOD YUL @142B ZHES BYA BAR SBYAR TE, ,GZUGS MED PA'I KHAMS KYI NI GSUM STE, DE NI GZUGS LA SOGS PA MED PA'I PHYIR DMIGS PA CHOS LA NYE BAR RGYU BA'O, ,'DOD PA'I KHAMS DANG LDAN PA BSHAD ZIN TO, ,GZUGS DANG LDAN PA BRJOD PAR BYA STE, DE LA RE ZHIG ,BSAM GTAN GNYIS, BCU GNYIS, YID MI BDE BA'I NYE BAR RGYU BA MA GTOGS SO, ,BCU GNYIS PO DE DAG KYANG, 'DOD PAR 'GRO BA RNAMS, 'DOD PAR 'GRO BAS NA 'DOD PAR 'GRO BA STE, 'DOD PA'I KHAMS LA DMIGS ZHES BYA BA'I THA TSIG GO, ,JI LTAR RTOGS PAR BYA ZHE NA, YUL RNAMS LA 'DZIN PA'I DON LA 'GRO BAR SBYOR BA YANG MTHONG STE, DE LTAR RTOGS PAR BYA'O, ,RANG LA DMIGS PA BRGYAD, GZUGS KYI KHAMS DE NYID NA NI YID KYI NYE BAR RGYU BA BRGYAD DE DAG GI DMIGS PA RANG GI STE, DRI DANG RO LA NYE BAR RGYU BA BZHI MA GTOGS SO, ,GZUGS MED GNYIS, DMIGS PA CHOS LA NYE BAR RGYU BA'O, ,BSAM GTAN GNYIS DRUG ,BSAM GTAN GSUM PA DANG BZHI PA GNYIS NA NI BTANG SNYOMS KYI NYE BAR RGYU BA DRUG 'BA' ZHIG YOD KYI GZHAN DAG NI MA YIN NO, ,DE DAG GI DMIGS PA YANG, 'DOD PA'I DRUG STE, 'DOD PA'I KHAMS KYI DRUG CAR YANG DMIGS PA YIN NO, ,RANG GI BZHI YIN NO, , GZUGS KYI KHAMS NA NI BZHI STE, DE NA DRI DANG RO MED PA'I PHYIR RO, ,GONG MA'I DMIGS PA GCIG YIN NO, ,GZUGS MED PA'I KHAMS SU NI DMIGS PA CHOS LA NYE BAR RGYU BA GCIG PU'O, ,GZUGS DANG LDAN PA BSHAD ZIN TO, ,DA NI GZUGS MED PA DANG LDAN PA BRJOD PAR BYA STE, GZUGS MED NYE BAR BSDOGS LA BZHI, ,'DIR NI NAM MKHA' MTHA' YAS SKYE MCHED LA NYER BAR BSDOGS PAS NA, NYE BAR BSDOGS PA STE, DER NI GZUGS DANG, SKRA DANG, REG BYA DANG CHOS LA NYE BAR RGYU BA BZHI'O, ,DE DAG KYANG, GZUGS 'GRO, DE DAG GI DMIGS PA NI BSAM GTAN BZHI PA'O,, GONG MAR 'GRO BA GCIG ,GZUGS MED PA'I KHAMS LA DMIGS NA NI DER CHOS LA NYE BAR RGYU BA GCIG PU'O, ,DNGOS GZHI LA GCIG ,GZUGS MED PA'I DNGOS GZHI LA NI CHOS LA NYE BAR RGYU BA 'BA' ZHIG YOD KYI GZHAN NI MA YIN NO, ,DE YANG RANG GI YUL GZUGS MED PA LA DMIGS PA NYID DO,, @143A *, ,GZUGS MED PA'I KHAMS KYI DNGOS GZHI'I NI 'OG MA LA MI DMIGS SO ZHES 'OG NAS 'CHAD DO, ,YID KYI NYE BAR RGYU BA 'DI DAG KYANG, BCO BRGYAD THAMS CAD ZAG DANG BCAS, ,ZAG PA MED PA NI 'GA' YANG MED DO, ,DE LTAR NA TSOR BA ZHES BYA BA'I YAN LAG NI RNAM PA DU MAR RIG PAR BYA'O, ,YAN LAG LHAG MA RNAMS NI YANG MI BRJOD DO, ,DE CI'I PHYIR ZHE NA, BSHAD DANG 'CHAD PAR 'GYUR BA GZHAN, ,'DI'I YAN LAG KHA CIG NI BSHAD ZIN TO, ,KHA CIG NI 'OG NAS 'CHAD DE, DE LA RE ZHIG RNAM PAR SHES PA NI, RNAM SHES SO SOR RNAM RIG PA, ,YID KYI SKYE MCHED KYANG DE YIN, ,ZHES BSHAD ZIN TO, ,SKYE MCHED DRUG KYANG, MIG LA SOGS PA GZUGS DANG BA, ,DE NI RNAM PAR SHES PA'I RTEN, ,ZHES BSHAD ZIN TO, ,'DU BYED DANG SRID PA NI LAS KYI MDZOD KYI GNAS NAS 'CHAD DO, ,SRED PA DANG, LAN PA NI PHRA RGYAS KYI MDZOD KYI GNAS NAS 'CHAD DO, ,RTEN CING 'BREL PAR 'BYUNG BA DE DAG KYANG MDOR BSDU NA NYON MONGS PA DANG LAS DANG GZHI RNAMS SO ZHES SNGAR BSTAN PA LA, 'DIR NI NYON MONGS PA 'DOD PA, ,SA BON BZHIN KLU RTZA BA DANG, ,LJON SHING DE BZHIN PHUB MA BZHIN, ,SA BON LA SOGS PA DANG CHOS MTHUN PA JI LTA BU ZHE NA, DPER NA SA BON LA NI MYU GU DANG, SDONG BU DANG, LO MA LA SOGS PA SKYE BAR 'GYUR BA DE BZHIN DU NYON MONGS PA LAS KYANG NYON MONGS PA DANG LAS DANG GZHI RNAMS 'BYUNG NGO, ,DPEN NA CHU KLU GNAS PA'I MTSO NI SKAM PAR MI 'GYUR BA LTAR, NYON MONGS PA'I KLU GNAS PA'I TSE YANG DE BZHIN NO, ,DPER NA NAGS KYI TSAL DRUNG NAS MA PHYUD BA YANG DANG YANG DU BCAD KYANG SLAR SKYE BA LTAR, NYON MONGS PA RTZA NAS MA BTON BA'I 'GRO BA RNAMS KYANG DE BZHIN NO, ,DPER NA SHING LJON PA DUS DUS SU ME TOG DANG 'BRAS BU RNAMS 'PHEL BA DE BZHIN DU NYON MONGS PA YANG LAN CIG MA YIN PAR NYON MONGS PA DANG, LAS DANG, GZHI'I RGYUR 'GYUR RO, , DPER NA PHUB MA DANG BCAS PA'I 'BRAS THUG PO CHE NI SKYE BAR NUS KYI 'BA' ZHIG NI MA YIN PA DE BZHIN DU NYON MONGS PA'I THOB PA DANG 'BREL BA'I LAS KYANG TSE GZHAN BSKYED PAR NUS PAR 'GYUR GYI 'BA' ZHIG NI MA YIN TE, DE LTAR NA NYON MONGS PA NI SA BON LA SOGS PA LTA BUR RIG PAR BYA'O, ,LAS @143B NI PHUB BCAS 'BRAS DANG BCAS, ,DE BZHIN SMAN DANG ME TOG BZHIN, ,PHUB MA 'DI LA YOD PAS PHUB MA DANG BCAS PA STE, PHUB MA LTA BU'I NYON MONGS PA NI BSHAD ZIN TO, ,DA NI PHUB MA DANG BCAS PA'I 'BRAS LTA BU'I LAS BRJOD PAR BYA STE, DPER NA NAS DANG SMAN 'BRAS BU MTHAR SMIN PA LTAR, LAS KYANG RNAM PAR SMIN ZIN NAS YANG RNAM PAR SMIN MI NUS PA'I PHYIR RO, ,DPER NA ME TOG NI 'BRAS BU SKYED PA'I NYE BA'I RGYU YIN PA LTAR, LAS RNAMS KYI RNAM PAR SMIN PA SKYES PA LA YANG DE BZHIN DU RIG BAR BYA'O, ,GZHI NI GRUB PA'I BZA' BTUNG BZHIN, ,DPER NA GRUB ZIN PA'I BZA' BA DANG BTUNG BA NI YONGS SU LONGS SPYAD PAR BYA BA 'BA' ZHIG YIN GYI YANG BSKYED PAR BYA BA MA YIN PA LTAR, RNAM PAR SMIN PA ZHES BYA BA'I GZHI YANG, YANG RNAM PAR SMIN PA LAS TSE RABS GZHAN DU RNAM PAR SMIN PA GZHAN DANG 'BREL PA NI MA YIN TE, GAL TE 'BREL NA NI THAR BAR MI 'GYUR RO, ,YANG TSE'I RGYUN TE DE LTAR RTEN CING 'BREL PAR 'BYUNG BA NA, 'DI LTA STE, SRID PA BAR MA DANG, SKYE BA'I SRID PA DANG, SRID PA PHYI MA DANG, 'CHI BA'I SRID PA DANG, SRID PA BZHI LAS MI 'DA' STE, DE DAG NI BSHAD ZIN TO, ,SRID PA BZHI PO DE DAG LAS, ,SKYE BA'I SRID PA NYON MONGS CAN, ,GCIG TU STE, NYON MONGS PA GANG GIS SHE NA, NYON MONGS KUN GYIS RANGS PAS, ,SKYE BA'I SRID PAS GANG BA'I YIN PAS DE PA'I NYON MONGS PA THAMS CAD KYIS TE, GANG GIS NYID MTSAMS SBYOR BA 'CHING BAR DGAG PA'I NYON MONGS PA NI MED DO, ,GZHAN RNAM GSUM STE, SRID PA BAR MA LA SOGS PA SRID PA GZHAN GSUM NI DGE BA DANG, NYON MONGS PA CAN DANG, LUNG DU MA BSTAN PA RNAM PA GSUM GA YIN NO, ,YANG SRID PA 'DI RNAMS LAS GANG ZHIG GANG DANG LDAN ZHE NA, GZUGS MED GSUM, SRID PA BAR MA MA GTOGS TE, ,GZUGS MED PA'I KHAMS NA NI GANG DU PHYIN PAR BYA BA'I PHYIR SRID PA BAR MA LA MNGON PAR GRUB PA'I GNAS GZHAN YONGS SU 'CHAD PA MED DO, ,'DOD PA DANG GZUGS KYI KHAMS KYI NI GRANGS MA SMOS PAS SRID PA BZHI PO RIL GYIS YOD DO ZHES SNANG BAR 'GYUR RO, ,SEMS CAN RNAMS KYI RTEN CING 'BREL BAR 'BYUNG BA JI LTA BA BZHIN DU RGYA CHER BSHAD ZIN TO, , @144A *, ,YANG SEMS CAN RNAMS JI LTAR GNAS PAR 'GYUR ZHE NA, SMRAS PA, ZAS KYIS 'GRO BA GNAS PA YIN, ,BCOM LDAN 'DAS NYID KYIS MKHYEN PAS MNGON PAR SANGS RGYAS NAS CHOS GCIG BKA' STZAL PA NI 'DI LTA STE, SEMS CAN NI ZAS KYIS GNAS PA YIN NO ZHES BYA BA NI MDO'I TSIG GO; ,ZAS RNAMS KYANG GANG DAG CIG CE NA, ZAS NI BZHI STA, KHAM GYI ZAS DANG, RAGS PA DANG, PHRA BA'O, ,PHRA BA NI SRID PA BAR MA RNAMS DRI ZA BA'I PHYIR BA DANG, LHA RNAMS DANG BSKAL PA DANG PO RNAMS RGYU MTHUN PA MED PA'I PHYIR BYE MA'I NANG DU TIL MAR BLUGS PA BZHIN PA'AM, PHRA MO RNAMS KYI YIN PAS PHRA MO STE, BYIS PA DANG DROD GSHER LAS SKYE BA RNAMS KYI'O, ,REG PA NI GNYIS PA'O, ,YID LA SEMS PA NI GSUM PA'O, ,RNAM PAR SHES PA NI BZHI PA'O, ,YANG DE LA, 'DOD PA'I KHAMS KYI ZAS YIN NO, ,GZUGS DANG GZUGS MED PA'I KHAMS DAG NA NI DE'I 'DOD CHAGS DANG BRAL BA RNAMS DER SKYE BA'I PHYIR MA YIN NO, ,DE YANG, SKYE MCHED GSUM GYI BDAG NYID DE, 'DOD PA NA SPYOD PA'I RO DANG, DRI DANG, REG BYA RNAMS TE, KHA DANG SNAS KHAM DU BCAD NAS KHAM DU BYAS TE MED PA'I PHYIR THAMS CAD KYANG KHAM GYI ZAS SO, ,GZUGS KYI SKYE MCHED MA YIN, CI'I PHYIR ZHE NA, DES, RANG DBANG GROL BA MI 'DZIN PHYIR,, ZAS ZHES BYA BA NI GANG RANG GI DBANG PO DANG 'BYUNG BA CHEN PO RNAMS LA PHAN 'DOGS PA YIN NA, GZUGS NI MED PA'I TSE RANG GI DBANG PO'AM, DE'I 'BYUNG BA CHEN PO RNAMS LA YANG PHAN MI 'DOGS NA YUL MA YIN PA'I PHYIR GZHAN LA LTA SMOS KYANG CI DGOS, GANG GI TSE MTHONG BA NA BDE BA DANG, YID BDE BA SKYED PA DE'I TSE YANG DE LA DMIGS PA LAS BDE BA MYONG BAR 'GYUR BA'I REG PA'I ZAS SU 'GYUR GYI GZUGS NI MA YIN NO, ,PHYIR MI 'ONG BA DANG DGRA BCOM PA GROL BA RNAMS ZAS SHIN TU YID DU 'ONG BA MTHONG YANG PHAN 'DOGS PA MED PA'I YANG PHYIR RO, ,REG DANG SEMS PA RNAM SHES NI, , ZAG BCAS ZAS RNAMS GSUM DAG TU, ,GSUM 'DUS PA LAS BYUNG BA'I REG PA DANG, YID KYI LAS SEMS PA DANG, RNAM PAR SHES PA STE, ZAG PA DANG BCAS PA RNAMS NI KHAMS GSUM DAG NA YOD DO, ,CI'I PHYIR ZAG PA MED PA MA YIN ZHE NA, ZAS KYI CHOS LAS 'DAS PA'I PHYIR RO, , @144B SRID PA GSO BAR BYED PA'I DON NI ZAS KYI DON TE, MDO LAS JI SKAD DU, ZAS BZHI PO 'DI DAG NI SEMS CAN BYUNG BA RNAMS GNAS PAR BYA BA DANG, 'TSE BAR BYA BA DANG, SRID PA TSOL BA RNAMS LA PHAN 'DOGS PAR BYED PA'O ZHES GSUNGS NA, ZAG PA MED PA'I CHOS NI DE LTA MA YIN PAS ZAS MA YIN PA'O, ,RE ZHIG BYUNG BA NI SEMS CAN SKYES PA YIN PAR YANG MNGON NA, SRID PA TSOL BA GANG ZHE NA, YID LAS BYUNG DANG SRID 'TSOL DANG, ,DRI ZA SRID PA BAR MA DANG, ,'GRUB PA'O, ,BCOM LDAN 'DAS KYIS SRID PA BAR MA NI 'DI DAG TU BRJOD PAR GSUNGS SO, ,DE NI YID LAS SKYES PA'I PHYIR YID LAS BYUNG BA ZHES BYA STE, KHU BA DANG KHRAG LA SOGS PAS NI CUNG ZAD KYANG RGYUR BYAS PA MED DO, ,SRID PA TSOL BA'I NGANG TSUL CAN YIN PA'I PHYIR SRID PA TSOL BA'O, ,DRI ZA BA'I PHYIR DRI ZA'O, ,SKYE BA LA MNGON DU PHYOGS PA'I PHYIR MNGON PAR 'GRUB PA STE, MDO LAS GNOD PA DANG BCAS PA'I LUS MNGON PAR 'GRUB BO, ,GNOD PA DANG BCAS PA'I 'JIG RTEN SKYE'O ZHES GSUNGS PA'I PHYIR BA DANG, GZHAN YANG MDO LAS GANG GIS MNGON PAR 'GRUB PA'I KUN DU SBYOR BA NI SPANGS LA, SKYE BA'I KUN TU SBYOR BA NI MA YIN PA'I GANG ZAG KYANG YOD DE ZHES BYA BA MU BZHIR GSUNGS PA'I PHYIR RO, , YANG ZAG PA DANG BCAS PA'I CHOS THAMS CAD KYANG, SRID PA RNAMS GSO BAR BYED PA YIN NA, CI'I PHYIR 'BA' ZHIG YIN ZHE NA, GAL TE YANG DE LTA MOD KYI 'ON KYANG GTZO BO LAS BSHAD DO, ,'DI LA GNAS DANG, GNAS PA'I DON DU GNYIS YIN NO, ,GNYIS NI SRID PA GZHAN 'PHEL DANG, ,GRUB PA'I DON DE GO RIMS BZHIN, ,GNAS NI DBANG PO DANG BCAS PA'I LUS SO, ,DE RGYAS PAR BYED PA NI KHAM GYI ZAS SO, ,GNAS PA NI SEMS DANG SEMS LAS BYUNG BA RNAMS TE, DE DAG RGYAS PAR BYED PA NI REG PA STE, RE ZHIG 'DI GNYIS NI 'DIR SKYES PA'I SRID PA GSO BA LA GTZO BO YIN NO, ,YID LA SEMS PA NI YANG SRID PAR 'PHEL BAR BYED PA'O, ,'PHANGS NAS NI LAS KYIS YONGS SU BSKOS PA'I RNAM PAR SHES PA'I SA BON LAS MNGON PAR GRUB STE, 'DI GNYIS NI MA SKYES PA'I SRID PA SKYED PA LA GTZO BO YIN TE, DE'I PHYIR BZHIR GSUNGS SO, ,SNGA MA GNYIS NI GANG SKYES PA GSO BAR BYED PA YIN, @145A *, ,PA'I PHYIR MA MA LTA BU'O, ,PHYI MA GNYIS NI SKYED PAR BYED PA YIN PA'I PHYIR MA LTA BU'O, ,SEMS CAN RNAMS KYI RTEN CING 'BREL PAR 'BYUNG BA JI LTA BU DANG JI LTAR GNAS PA DANG, 'CHI 'PHO BA YANG BSHAD ZIN TO, ,DA NI SEMS GANG LA GNAS TE, 'CHI BA DANG SKYE BA BRJOD PAR BYA STE, SMRAS PA, TSAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA LA, ,YID KYI RNAM SHES NYID DU 'DOD, ,DGE BA'I RTZA BA YANG DAG PAR CHAD PA DANG, DGE BA'I RTZA BA NYID MTSAMS SBYOR BA DANG, KHAMS DANG SA LA 'DOD CHAGS DANG BRAL BA DANG, YONGS SU NYAMS PA DANG, 'CHI 'PHO DANG, SKYE BA DANG, CHOS 'DI DRUG NI YID KYI RNAM PAR SHES PA NYID DU 'DOD KYI GZHAN NI MA YIN NO, ,SKYE BA'I TSIG GIS NI SRID PA BAR MAR NYING MTSAMS SBYOR BA YANG BSHAD PA'I NGO BOR RIG PAR BYA'O, ,TSOR BA NI, 'CHI 'PHO SKYE BA BTANG SNYOMS SO, ,'CHI 'PHO BA NYID PAS NA 'CHI 'PHO BA'O, ,SKYE BAS NA SKYE BA STE, DE GNYIS LA NI BDE BA YANG MA YIN SDUG BSNGAL BA YANG MA YIN PAS TSOR BA YIN TE, DE NI MI GSAL BA'I PHYIR RO, ,GZHAN DAG NI GSAL BA STE, RNAM PAR SHES PA GSAL BAS 'CHI 'PHO BA DANG SKYE BAR NI MI RUNG NGO, ,YID KYI RNAM PAR SHES PA DE LA YANG, RTZE GCIG SEMS LA DE GNYIS MIN, ,'CHI 'PHO DANG NI SKYE BA ZHES BYA BAR SBYAR TE, SKAL BA MI MNYAM PA'I PHYIR DANG, MNGON PAR 'DU BYA BA LAS BYUNG BA YIN PA'I PHYIR BA DANG, PHAN 'DOGS PAR BYED PA YIN PA'I PHYIR MNYAM PAR GZHAG PA NI 'CHI 'PHO BA DANG, SKYE BA MED DO, ,SEMS MED BA YANG MA YIN TE, SEMS MED PA LA NI GNOD PA BYA BAR MI NUS TE, GANG GI TSE DE'I LUS YONGS SU 'JIG PAR RTZOM PA DE NI TSE YANG NGES PAR LUS DANG 'BREL BA'I SEMS MNGON DU GYUR PAR BYAS NAS PHYIS 'CHI 'PHO GZHAN DU NI MA YIN NO, ,SKYE BA LA YANG SEMS 'CHAD PA'I RGYU MED PA'I PHYIR BA DANG, NYON MONGS PA MED PAR MI SKYE BA'I PHYIR SEMS MED PA LA YANG MI RIGS SO, , 'CHI BA'I SRID PA RNAM PA GSUM DU BSHAD PA LA DGRA BCOM PA NI, MYA NGAN 'DA' LUNG BSTAN MIN GNYIS, ,GAL TE 'DOD PA'I KHAMS DAG NA BTANG SNYOMS YOD NA NI SPYOD LAM PA'AM RNAM PAR SMIN PA YIN NO, ,GAL TE MED NA NI SBYOD LAM 'BA' ZHIG GO, ,DE'I PHYIR LUNG DU MA BSTAN PA 'BA' ZHIG @145B YIN GYI GZHAN MA YIN ZHE NA, DE NI SEMS 'CHAD PA'I RJES SU MTHUN PA DANG NYAM CHUNG PA'I PHYIR RO, ,YANG 'CHI BA NA LUS KYI PHYOGS GANG DU RNAM PAR SHES PA 'GAG CE NA, CIG CAR DU 'CHI BA LA NI LUS KYI DBANG PO RIL GYIS CIG CAR DU NUB PAR 'GYUR RO, ,GAL TE RIM GYIS 'CHI 'PHO NA NI, DE'I TSE, 'OG MA'I LHAR 'GRO MI SKYE RNAMS, ,RIM GYIS 'CHI LA RKANG PA DANG, ,LTE BA SNYING GAR YID 'CHI 'PHO, ,'OG TU 'GRO BAS NA 'OG TU 'GRO BA STE, NGAN SONG DU 'GRO BA RNAMS SO, ,MI'I NANG DU 'GRO BAS NA MI'I NANG DU 'GRO BA STE, MIR 'GRO BA RNAMS SO, ,LHA'I NANG DU 'GRO BAS NA LHAR 'GRO BA STE, LHAR 'GRO BA RNAMS SO, ,DE DAG NI GRANGS BZHIN DU RNAM PAR SHES PA RKANG PA DANG, LTE BA DANG SNYING GAR 'GAG GO, ,YANG MI SKYE BAS NA MI SKYE BA STE, DGRA BCOM PA'O, ,DE DAG GI RNAM PAR SHES PA YANG SNYING GAR 'GAG GO, ,GZHAN DAG NA RE SBYI BOR RO ZHES ZER TE, DE DAG TU LUS KYI RNAM PAR SHES PA 'GAG PA'I PHYIR RO, ,LUS KYI RNAM PAR SHES PA NI 'CHI BA'I TSE RDE LEB BSREGS PA'I THOG TU CHUS BTAB PA BZHIN DU ZHI BAR GYUR NAS RKANG PA LA SOGS PA MED PAR 'GYUR RO, ,SEMS CAN RNAMS DE LTAR RIM GYIS 'CHI BA NA PHAL CHER GNAD 'CHAD PAS NYEN PA'I TSOR BA SKYE STE, CHU LA SOGS PAS GNAD GCOD DO, ,LUS KYI PHYOGS 'GA' ZHIG NYAMS NA 'CHI BAR 'GYUR BA DE NI GNAD CES BYA STE, DE YANG CHU DANG ME DANG RLUNG GI KHAMS RNAMS LAS GANG YANG RUNG BA ZHIG DRAG TU 'KHRUGS PAR GYUR PA MTSON CHA BDAR BAS BTAB STE, REG PA BZHIN DU MI BZAD PA'I TSOR BAS GCOD KYI DE DAG SHING GCAD PA BZHIN DU NI MA YIN PA'AM CHAD PA BZHIN DU SEMS MED PAS NA 'CHAD PA ZHES BYA'O, ,CI'I PHYIR SA'I KHAMS KYIS MA YIN ZHE NA, SKYON BZHI PA MED PA'I PHYIR TE, RLUNG DANG MKHRIS PA DANG BAD KAN GSUM NI SKYON YIN LA, DE DAG GI GTZO BO NI CI RIGS PAR CHU DANG ME DANG RLUNG GI KHAMS GANG YIN PA'AM, SNOD KYI 'JIG RTEN 'JIG PA'I CHOS DANG MTHUN PA'I PHYIR RO, ,SEMS CAN GYI 'JIG RTEN 'DI DE LTAR SKYE BA DANG, GNAS PA DANG 'CHI 'PHO BA NA BCOM LDAN 'DAS KYIS PHUNG PO GSUM DU RNAM PAR GZHAG STE, PHUNG PO GSUM NI YANG DAG PA NYID DU NGES PA'I PHUNG PO DANG, LOG @146A *, ,BA NYID DU NGES PA'I PHUNG PO DANG, MA NGES PA'I PHUNG PO'O, ,DE LA, 'PHAGS DANG MTSAMS MED BYED PA RNAMS, ,YANG DAG LOG PA NYID DU NGES, ,YANG DAG PA NYID GANG ZHE NA, ,GANG 'DOD CHAGS GTAN NAS SPONG BA DANG, ZHE SDANG GTAN NAS SPONG BA DANG, GTI MUG GTAN NAS SPONG BA DANG, NYON MONGS PA THAMS CAD GTAN NAS SPONG BA 'DI NI YANG DAG PA NYID DO, ,'PHAGS PA GANG ZHE NA, GANG DAG ZAG PA MED PA'I LAM SKYES PA DANG, SDIG PA'I CHOS LAS RING DU SONG BA DE NI 'PHAGS PA STE, GTAN DU BRAL BA'I THOB PA DANG LDAN PA'I PHYIR RO, ,DE DAG NI NYON MONGS PA ZAD PAR NGES PA'I PHYIR RO, ,DA NI SNOD KYI 'JIG RTEN GYI, ,GNAS PAR 'DOD PA'I 'OG DAG GI ,RLUNG GI DKYIL 'KHOR RNGAMS SU NI, ,SA YA DRUG 'BUM GRANGS MED DO, ,STONG GSUM GYI STONG CHEN PO'I 'JIG RTEN GYI KHAMS NI 'DI LTAR GNAS PAR 'DOD DE, 'DI LTA STE SEMS CAN RNAMS KYI LAS KYI DBANG GIS 'OG NAM MKHA' LA BRTEN PA RLUNG GI DKYIL 'KHOR MNGON PAR 'GRUB STE, DE'I RNGAMS SU NI DPAG TSAD SA YA 'BUM PHRAG DRUG GO, ,RGYAR NI GRANGS MED DE, 'DI LTAR TSAN PO CHE CHEN PO'I RDO RJES KYANG GZHIG BAR MI NUS PAR SRA'O, ,DE'I STENG NA, CHU STE, RNGAMS NI BCU GCIG DANG, STONG PHRAG DAG NI NYI SHU'O, ,DKYIL 'KHOR ZHES BYA BAR SBYAR TE, SEMS CAN RNAMS KYI LAS KYI RLUNG GI DKYIL 'KHOR DER SPRIN RNAMS 'DUS NAS CHAR GYI RGYUN GNYA' SHING TZAM BAB PA DE CHU'I DKYIL 'KHOR DU 'GYUR TE, DE'I RNGAMS SU NI DPAG TSAD 'BUM PHRAG GCIG DANG NYI KHRI'O, ,YANG SEMS CAN RNAMS KYI LAS KYI MTHU LAS BYUNG BA'I RLUNG GIS CHU DE KUN DKRUGS PA NA 'O MA BSKOL BA'I SPRIS MA CHAGS PA'I TSUL DU STENG MA GSER DU 'GYUR RO, ,CHU'I DKYIL 'KHOR DE NI, PHYIS NI JAMS SU 'BUM PHRAG BRGYAD, ,LHAG MA DAG NI GSER DU 'GYUR RO, ,LHAG MA GANG ZHIG CE NA, CHU'I STENG DU DPAG TSAD 'BUM PHRAG GSUM DANG NYI KHRI GSER GYIS GZHIR GYUR TO, ,CHU DANG RLUNG GI DKYIL 'KHOR GYI TSAD BSHAD ZIN TO, ,CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LDA RNAMS KHO NA'O, ,'DI GNYIS KA'I RGYAR NI @146B MNYAM MO, ,KHOR YUG TU NI SUM 'GYUR RO, ,KHO RA KHOR YUG TU NI BRTZI NA NI SUM 'GYUR DU 'GYUR RO, ,DPAG CHANGS YA PHRAG GSUM DANG, ,'BUM PHRAG DRUG DANG KHRI SUM BRGYA LNGA BCU'O, ,GANG YANG GSER GYIS GZHI'I DKYIL 'KHOR DE'I STENG DU NI, ,DE LA RI RAB GNYA' SHING 'DZIN, ,GSHOL MDA' 'DZIN DANG SENG LDENG CAN, ,DE BZHIN BLTAN SDUG PA DANG, ,RTA RNA DANG NI RNAM 'DUD DANG, ,MU KHYUD 'DZIN RI'O, ,RI CHEN PO BRGYAD PO 'DI DAG NI RI RAB NI DBUS NA'O, ,LHAG MA RNAMS NI RI RAB BSKOR TE GNAS PA'O, ,DE LA RI BDUN GYI RABS YONGS SU BSKOR BA'I THA MA GANG YIN PA DE NI MU KHYUD 'DZIN TO, ,DE'I PHYI ROL GYI GLING STE, DE'I PHYI ROL NA NI GLING BZHI'O, ,DE DAG GI YANG, PHYI ROL NA NI 'KHOR YUG STE, DES GLING BZHI KHOR YUG TU NI BSKOR RO, ,DE DAG LAS KYANG, BDUN NI GSER YIN TE LCAGS SO, ,DE GNYA' SHING 'DZIN LA SOGS PA RI BDUN NI GSER GYI RGYU LAS BYUNG BA'O, ,KHOR YUG NI LCAGS KYI RGYU LAS BYUNG BA'O, ,RI RAB RIN CHEN BZHI YI RGYU, ,GSER GYI RGYU DANG DNGUL GYI RGYU DANG BEE d'URYA'I RGYU DANG SHEL GYI RGYU STE, NGOS BZHI DAG TU GANGS RI BZHIN NO, ,RI RAB LA SOGS PA NAS 'KHOR YUG LA THUG PA'I BAR DE DAG KYANG STONG PHRAG BRGYAD CU CHU'I NANG DU NUB STE, DE DAG KYANG GSER GYIS GZHI'I STENG NAS DPAG TSAD BRGYAD KHRI CHU'I NANG DU NUB BO, ,CHU'I STENG DU YANG, DPAG TSAD DAG NI BRGYAD KHRI'O, ,DE LTAR NA RI RAB NI 'PHANG DU DPAG TSAD BRGYAD KHRI'O, ,BRGYAD PO'I 'PHANG DU PHYED PHYED DBRI, ,RI RAB CHU'I STENG DU JI CAM 'PHAGS PA DE'I PHYED NI GNYA' SHING 'DZIN TE, DPAG TSAD BZHI KHRI YIN LA PHYED GSHOL MDA' 'DZIN CES BYA BA LA SOGS PA NAS MU KHYUD 'DZIN GYI PHYED NI DPAG TSAD SUM BRGYA PHYED DANG GSUM MO ZHES BYA PA'I BAR DU PHYED PHYED DU DBRI BAR RIG PAR BYA'O, ,DE DAG RNGAMS SU 'PHANG DANG MNYAM, ,DE DAG CHU LAS JI LTAS 'PHAGS PA RNGAMS SU YANG DE TZAM STE, RGYA ZHES BYA BA'I DON TO, ,DE DAG BAR BDUN ROL MTSO YIN, ,MU KHYUD 'DZIN LA THUG GI BAR DU RI BDUN PO DE DAG GI BAR NI ROL MTSO BDUN ZHES BYA STE, YAN LAG BRGYAD DANG LDAN PA'I CHUS GANG NGO, ,CHU DE NI BSIL BA DANG, MNGAR BA DANG, YANG BA DANG, 'JAM PA DANG, DANG BA DANG, DRI NGAB MED PA DANG, @147A *, ,'THUNGS NA MGRIN PA LA MI GNOD PA DANG, 'THUNGS NA LTO BA LA MI GNOD PA'O, ,YANG DE DAG LAS, DANG PO STONG PHRAG BRGYAD CU'O, ,RI RAB DANG GNYA' SHING 'DZIN GYI BAR GYI ROL MTSO DANG PO NI KHA TSON DU DPAG TSANG BRGYAD KHRI'O, ,DE'I NGOS LA SUM 'GYUR RO, ,NGOS LA NI KHA TSON DPAG TSAD BRGYAD KHRIR BSHAD PA'I SUM 'GYUR YIN NO, ,GNYA' SHING 'DZIN GYI 'GRAM NAS SRID DU BGRANG NA DPAG TSAD 'BUM PHRAG BCU GNYIS DANG KHRI PHRAG BZHI'O, ,ROL MTSO GZHAN NI PHYED PHYED KYIS, ,GNYA' SHING 'DZIN NAS GSHOL MDA' 'DZIN GYI BAR GYI ROL MTSO DANG PO'I PHYED DE DPAG TSAD BZHI KHRI'O, ,GSUM PA NI DE'I PHYED DO ZHES BYA BA NAS ROL MTSO BDUN PA DPAG TSAD STONG NYIS BRGYA LNGA BCU'O ZHES BYA BA'I BAR DU ROL MTSE GZHAN RNAMS PHYED PHYED KYIS DBRI'O, ,DE DAG GI SRID DU NI SHIN TU RGYA ,LHAG MA CI ZHIG CE NA, MU KHYUD 'DZIN DANG KHOR YUG GI BAR DE YIN, ,NANG DANG PHYI'I RGYA MTSO LA GNYIS LAS ROL MTSO LA DE DAG NI NANG GI RGYA MTSO'O, ,LHAG MA NI PHYI'I RGYA MTSO'O, ,LHAG MA CI ZHIG CE NA, MU KHYUD 'DZIN DANG KHOR YUG GI BAR DE NI PHYI'I RGYA MTSO CHEN PO STE, TSA SGO'I TSA CHUS GANG NGO, ,'BUM PHRAG GSUM DANG STONG PHRAG NI, ,NYI SHU GNYIS TE DE LA NI, ,NGOS BZHI LA GLING BZHI STE, DE NI, 'DZAM BU'I GLING STE NGOS GSUM LA, ,STONG PHRAG GNYIS PO SHING RTA'I DBYIBS DE'I DBUS SU GSER GYI GZHI LA RDO RJE'I GDAN GANG DU BYANG CHUB SEMS DPA' BZHUGS NAS RDO RJE LTA BU'I TING NGE 'DZIN SKYED PAR BYED PA MNGON PAR 'GRUB STE, DE LAS GZHAN PA'I PHYOGS KYI NI BZOD PA MED DO, ,GCIG LA DPAG TSAD PHYED DANG BZHI, ,'DI'I NGOS BZHI PA LA NI DPAG TSAD PHYED DANG BZHI STE, DE'I PHYIR 'DI NI SHING RTA'I DBYIBS LTA BU'O, ,SHAR GYI LUS 'PHAGS ZLA GAM 'DRA, ,'DI NAS SHAR PHYOGS KYI RI RAB KYI NGOS ROL NA SHAR GYI LUS 'PHAGS KYI GLING STE, DE NI ZLA GAM LTA BUR MNGON PAR GRUB BO, ,RGYAR NI DE BZHIN DE'I NGOS GSUM, ,JI LTAR 'DZAM BU'I GLING DPAG TSAD NYIS STONG PA BZHIN NO, ,GCIG LA BRGYA PHRAG PHYED DANG BZHI, ,NGOS BZHI PA LA NI DPAG TSAD SUM BRGYA LNGA BCU'O, ,BA @147B LANG SPYOD NI ZLUM BO STE, ,STONG PHRAG PHYED DANG BRGYAD YIN NO, ,'DI NAS NUB PHYOGS KYI NGOS ROL NA RI BA LANG SPYOD KYI GLING STE, DPAG TSAD STONG PHRAG BDUN DANG LNGA BRGYA'O, ,DE ZLA BA NYA GANG BA BZHIN DU KUN NI DPAG TSAD STONG PHRAG PHYED DANG GSUM MO, ,SGRA MI SNYAN NGOS BZHI MNYAM BRGYAD, ,'DI NAS BYANG PHYOGS KYI RI RAB KYI NGOS ROL NA BYANG GI SGRA MI SNYAN GYI GLING DPAG TSAD STONG PHRAG PHYED DANG BRGYAD YIN LA, JI LTAR NGOS GCIG LA DPAG TSAD NYIS STONG PA LTAR DE BZHIN DU GZHAN LA LHAG PA YANG MED KYI NGOS THAMS CAD MNYAM STE, GLING GI DBYIBS NI KHRI'U BZHIN NO, ,GLING GI DBYIBS GANG YIN PA DE'I MI RNAMS KYI GDONG YANG DE'I DBYIBS LTA BU'O, ,YANG GLING DE DAG GI BAR BAR NA GANG GI GLING MNGON PAR GRUB PA DE DAG NI CI DAG CIG YIN, DU ZHIG YOD CE NA, SMRAS PA, DE'I BAR GYI GLING BRGYAD DAG NI, LUS DANG LUS 'PHAGS SGRA MI SNYAN, ,SGRA MI SNYAN GYI ZLA DANG NI, ,RNGA YAB DANG NI RNGA YAB GZHAN, ,G-YO LDAN DANG NI LAM MCHOG 'GRO, ,DE LA LUS DANG LUS 'PHAGS NI SHAR GYI LUS 'PHAGS KYI 'KHOR RO, ,SGRA MI SNYAN DANG SGRA MI SNYAN GYI ZLA NI BYANG GI SGRA MI SNYAN GYI'O, ,G-YO LDAN CAN DANG LAM MCHOG 'GRO NI NUB GYI BA LANG SPYOD KYI'O, ,RNGA YAB DANG NI RNGA YAB GZHAN NI 'DZAM BU'I GLING GI STE, THAMS CAD NA YANG MI RNAMS GNAS SO, ,'DI NAS BYANG NA RI NAG PO, ,DGU 'DAS GANGS CAN, 'DZAM BU'I GLING 'DI NYID KYI 'DZAM BU'I GLING GI BYANG PHYOGS NA RI NAG PO GSUM MO, ,DE 'DAS PA'I PHA ROL NA YANG GSUM, DE 'DAS PA'I PHA ROL NA YANG GSUM STE DGU 'DAS PA'I PHA ROL NA GANGS RI'O, ,DE NAS NI, SPOS DANG LDAN PA'I TSU ROL NA, ,CHU ZHENG LDA BCU YOD PA'I MTSO, ,RI GANGS CAN DE'I PHA ROL NA MTSO MA DROS PA ZHES BYA BA LAS CHU BO CHEN PO BZHI STE, GANG G'A DANG, SIN DHU DANG, PA KshU DANG, SI T'A RNAMS 'BAB PA YOD DE, DE NI ZHENG DU DPAG TSAD LNGA BCU CHUR YANG DPAG TSAD LNGA BCU STE, DER NI RDZU 'PHRUL DANG MI LDAN PA RNAMS KYIS BGROD PAR DKA'O, ,DMYAL BA RNAMS NI PHYOGS GANG NA, ,MNAR MED PA DE DE TZAM MO, ,'DI NAS ZHES BYA BA 'DZAM BU'I GLING 'DI NAS DPAG TSAD NYI KHRI'I 'OG NA MNAR MED PA'I @148A *, ,SEMS CAN DMYAL BA GNAS TE, GNAM 'PHANG DANG CHU ZHING GI TSAD DANG, DE BZHIN DU 'OG GI GZHI DANG DPAG TSAD NYI KHRI STE, 'DI NAS NI DPAG CHAD BZHI KHRIR 'GYUR RO, ,SDUG BSNGAL BAR CHAD MED PA'I PHYIR MNAR MED PA'O, ,GZHAN DAG NI SDUG BSNGAL BAR CHAD DANG BCAS PA STE; 'DI LTA STE, YANG SOS NA NI BCAD CING PHUG LA BTAGS KYANG RUNG, RLUNG GRANG MO LANGS PA LAS SEMS CAN DE DAG YANG SOS PAR 'GYUR BAS NA DE'I PHYIR YANG SOS ZHES BYA'O, ,DE'I STENG NA DMYAL BA BDUN, ,MNAR MED PA DE'I STENG NA DMYAL BA BDUN TE, RAB TU TSA BA DANG, TSA BA DANG, DU 'BOD CHEN PO DANG, PHU 'BOD DANG, BSDUS 'JOMS DANG, THIG NAG DANG, YANG SOS RNAMS GONG NAS GONG DU GNAS SO, ,BRGYAD PO KUN LA'ANG LHAG BCU DRUG ,BCOM LDAN 'DAS KYIS KYANG DE LTAR DMYAL BDE BRGYAD DU, BSHAR PA LAS NI RGAL BAR DKA', ,DRUG PO'I LAS KYIS GANG DU GANG, ,RE RE LA YANG LHAG BCU DRUG ,CES GSUNGS PA LA, LHAG PA BCU DRUG GANG ZHE NA, ,DE DAG GI NI NGOS BZHIN, ,ME MA MUR DANG RO MYAGS DANG, ,SPU GRI'I LAM SOGS CHU BO'O, ,DE DAG GI NGOS BZHI BZHI SGO SGO NA LHAG PA BZHI STE, ME MA MUR PUS MO NUB PA TZAM DANG, PHYI SA'I 'DAM RDZAB DANG, SBU GRI'I SOS GTAMS PA'I LO MA DANG, LO MA RAL GRI LTA BU'I NAGS DANG, LCAGS KYI SHAL MA RI'I NAGS TE, SPU GRI'I LAM LA SOGS PA MTSON CHA MNGON PAR 'BAB STE GSUM NI SPYIR BRTZIS PA GCIG TU BYA'O, ,LHAG PA BZHI BO NI CHU BO RAB MED DE THAL CHUS GANG BA'O, ,DES KYANG DMYAL BA CHEN PO'O BAS BZHIN DU BSKOR TO, ,LHAG PA BZHI PO 'DI DAG NI PHYOGS KYI DBYE BAS BCU DRUG CES BYA'O, ,GNOD PA LHAG PA'I GNAS YIN PA'I PHYIR LHAG PAR ZHI ZHES BYA STE, DMYAL BA DAG TU GNOD PA BYAS NAS YANG 'DI DAG TU GNOD PA BYED PA'AM, DMYAL BDAG GI 'CHI BA'I 'OG TU YANG 'DI DAG TU 'BYING BAS NA LHAG PA ZHES BYA'O, ,RE ZHIG DE DAG NI TSA PA'I DMYAL BA CHEN PO YIN NO, ,CHU BUR CAN SOGS GRANG BRGYAD GZHAN, ,GZHAN NA GRANG BA'I SEMS CAN DMYAL BA BRGYAD LA 'DI LTA STE, CHU BUR CAN @148B DANG, CHU BUR RDOL BA DANG, SO THAMS THAMS DANG, AA CHU ZER BA DANG, KYI HUD ZER BA DANG, AUTPAL LTAR GAS PA DANG, PADMA LTAR GAS PA CHEN PO STE, SEMS CAN DE DAG NI GRANG BA MI BZOD PAS NYEN TE, LUS DANG SGRAR 'GYUR BA DANG MTHUN PAR MING DE DAG TU BTAGS PA'O, ,DE DAG KYANG 'DZAM BU GLING 'DI NYID KYI 'OG SEMS CAN DMYAL BA CHEN PO RNAMS KYI DRANG THAD NA GNAS TE, SEMS CAN DMYAL BA BCU DRUG PO 'DI DAG THAMS CAD KYANG SEMS CAN THAMS CAD KYI LAS KYI DBANG GIS 'BYUNG NGO, ,DUD 'GRO'I SPYOD YUL NI SKAM DANG CHU DANG NAM MKHA'O, ,YI DAGS NI DUD 'GRO DANG MI DANG LHA'I SHA TSUGS TE, LONGS SPYOD MED PA DANG, LONGS SPYOD CHUNG BA DANG, LONGS SPYOD CHE BA RNAMS YIN NO, ,GANG NYI MA DANG ZLA BA 'DI GNYIS CI LA GNAS SHE NA, RLUNG LA STE SEMS CAN THAMS CAD LAS KYI DBANG GIS 'BYUNG BA'I RLUNG GLING BZHI RI RAB YONGS SU 'KHOR ZHING NYI MA DANG ZLA BA DANG SKAR MA RNAMS 'PHUL LO, ,NYI MA DANG ZLA BA 'DI GNYIS 'DI NAS THAG RDI SRID CE NA, RI RAB PHYED NA NYI ZLA STE, GNYA' SHING 'DZIN GYI RTZE MO NAS RGYU'O, ,TSAD JI TZAM ZHE NA, DPAG TSAD LNGA BCU DANG GCIG BCAS, ,ZLA BA'I DKYIL 'KHOR GYI TSAD NI DPAG TSAD LNGA BCU'O, , NYI MA'I DKYIL 'KHOR GYI NI GCIG DANG BCAS PA'I LNGA BCU STE, LNGA BCU RTZA GCIG CES BYA BA'I DON TO, ,CI GLING BZHI PO DAG TU NYI MAS CIG CAR DU BYA BA BYED DAM ZHE NA, SMRAS PA, MA YIN TE, 'DI LTAR DE DAG TU, NAM PHYED NYI MA NUB PA DANG, ,NYI MA PHYED DANG 'CHAR DUS GCIG ,GANG GI TSE BYANG GI SGRA MI SNYAN DU NAM PHYED PA DE'I TSE SHAR GYI LUS 'PHAGS SU NYI MA NUB BO, ,'DZAM BU'I GLING DU NYI MA PHYED DO, ,BA LANG SBYOD DU NI NYI MA 'CHAR TE, DE BZHIN DU, GZHAN DAG LA YANG SBYAR RO, ,NYIN MO DANG MTSAN MO NI NYI MA'I 'GROS KYIS RING THUNG DU 'GYUR TE, DE LA DBYAR GYI ZLA BA GNYIS PA YI, ,THA MA'I CHE DGU NAS MTSAN RING, ,DBYAR GYI ZLA BA GNYIS PA DBYAR ZLA BA THA CHUNGS KYI YAR NGO'I TSES DGU NAS MTSAN RING NGO, ,DGUN RNAMS KYI NI BZHI PA LA, ,THUNG DUR 'GYUR TE, DE NYID DGUN GYI ZLA BA BZHI PA'I MAR GYI TSES DGU NAS THUNG DUR 'GYUR RO ZHES BYA BA SBYAR TE, DGUN ZLA THA @149A *, ,CHUNGS KYI YAR NGO'I TSES NAS SO, ,NYIN MO ZLOG ,GANG GI TSE NAM RING BA DE'I TSE NYIN MO THUNG NGO, ,GANG GI TSE NAM THUNG BA DE'I TSE NYIN MO RING NGO, ,BYANG GI NGOS SU 'GRON NYIN MO RING NGO, ,DANG PO ZLA BA NYA BA NAS 'GRIB PA SNANG BA DE LA RGYU CI YOD CE NA, NYI MA DANG ZLA BA NYE PA LAS, RANG GI GRIB MAS SGRIB PAR SNANG GANG GI TSE NYI MA'I GZHAL MED KHANG ZLA BA'I GZHAL MED KHANG DANG NYE BAR RGYU BDE'I TSE, NYI MA'I 'OD KYIS DE'I GZHAL MED KHANG LA 'BAB STE, DE'I PHYIR DE'I NGOS PHYI ROL DU GRIB MA 'BAB BAS 'GRIB PAR SNANG NGO ZHES BTAGS PA LAS BSTAN TO ZHES GRAG GO, ,GZHAN DAG NA RE RGYU BA'I TSUL LAS RES 'GA' DE LTA BUR GZHAL MED KHANG GI PHYED SNANG NGO ZHES ZER RO, ,NYI MA LA SOGS PA'I GZHAL MED KHANG 'DI RNAMS NI RGYAL CHEN BZHI'I RIS KYI LHA GZHAL MED KHANG NA GNAS PA RNAMS KYI GNAS YIN NO, ,SA LA GNAS PA RNAMS KYI NI RI RAB KYI BANG RIM LA SOGS PA'O, , YANG BANG RIM DE DAG NI DU DAG CIG ,BAR CHA NI JI SRID CIG CE NA, 'DI LA BANG RIM BZHI DAG, ,BAR GYI THAG NI STONG PHRAG BCU, ,GCIG GI 'PHANG DU NI DPAG TSAD KHRI YIN NO, ,BZHI PA'I BAR DU YANG DE DANG 'DRA'O, ,DE DAG GIS NI RI RAB KYI PHYED MAN CHOD DU PHYIN TO, ,DE DAG KYANG GRANGS BZHIN DU DE LAS, STONG PHRAG DAG NI BCU DRUG DANG, ,BRGYAD DANG BZHI DANG GNYIS 'PHAGS SO, ,DANG PO DANG GNYIS PA DANG GSUM PA DANG BZHI BA DANG RIM BZHIN NO, ,DE DAG LAS LAG NA GZHONG THOGS DANG, ,PHRENG BA 'DZIN DANG RTAG MYOS DANG, ,RGYAL CHEN BZHI BA'I LHA RNAMS SO, ,DANG PO DANG GNYIS PA DANG GSUM PA DANG BZHI PA DAG TU RIM BZHIN NO, ,RGYAL CHEN BZHI PA'I LHA ZHES BYA BA NI RGYAL PO CHEN PO BZHI PO DAG BDAG NYID SO SOR GNAS PA DE'I 'KHOR RNAMS TE, DE'I PHYIR DE DAG TU RGYAL CHEN BZHI PA'I LHA ZHES BYA'O, ,JI LTAR BANG RIM BZHI DAG LA RGYAL CHEN BZHI BA'I LHA RNAMS GNAS PA BZHIN DU, RI NI BDUN PO DAG LA YANG, ,MU KHYUD 'DZIN LA SOGS PA DAG LA'O, ,DE'I PHYIR LHA'I RIS DE NI THAMS CAD PAS CHE'O, ,RI RAB RTZEN SUM CU GSUM, ,BANG RIM DANG RI RAB KYI TSAD JI TZAM ZHE NA, DE NI STONG PHRAG NYI SHU YIN, ,PHYOGS BZHI NGOS BZHI LA NGOS RE RE ZHING YANG DPAG TSAD NYI @149B KHRI STE, KHOR RA KHOR YUG TU NI BRGYAD KHRI'O, ,PHYOGS MTSAMS BRTZEGS PA BZHI LA NI, ,LAG NA RDO RJE GNAS, RI RAB KYI RTZE MO NI PHYOGS MTSAMS KYI GRA DE DAG LAS GANG DAG LA GNOD SBYIN LAG NA RDO RJE ZHES BYA BA GNAS BA DPAG TSAD LNGA BRGYA'I TWSAD TZAM GYIS BRTZEG SPA BZHI GYEN DU 'PHAGS SO, ,RI RAB KYI RTZE MO NYID KYI, ,DBUS NA, NGOS LA NYIS STONG LNGA BCU PA, ,DPAG TSAD PHYED DANG GNYIS PA YI, ,GRONG KHYER BLTA NA SDUG CES PA, ,GZHI BKRA GSER LAS BYAS MNYEN PA, ,NGOS LA NYIS STONG LNGA BRGYA PA, ,ZHES BYA BA NI NGOS RE RE ZHING YANG DPAG TSAD NYIS STONG LNGA BRGYA YIN NO, ,DPAG TSAD PHYED DANG GNYIS YIN NO ZHES BYA BA NI GRONG KHYER DE'I 'PHANG DU DPAG TSAD PHYED DANG GNYIS TE DE NI LHA RNAMS KYI DBANG PO BRGYA BYIN GYI RGYAL PO'I PHO BRANG 'KHOR YIN NO ZHES GRAG GO, ,DE NA RNAM PAR RGYAL BYED DE, ,NGOS LA NYIS STONG LNGA BCU PA,, GRONG KHYER GYI DBUS NA LHA RNAMS KYI DBANG PO BRGYA BYIN GYI KHANG BZANGS RNAM PAR RGYAL BYED CES BYA BA'I NGOS NGOS KYI SRID DU DPAG TSAD NYIS BRGYA LNGA BCU YOD DO, ,'DI NI RE ZHIG NANG GI GNAS SO, ,DE'I PHYIR SHING RTA SNA TSOGS DANG, ,RTZU BA 'GYUR 'DRES PA DGA' BAS BRGYAN, ,GRONG KHYER DE'I PHYI ROL NA, NGOS BZHI DAG NA LHA RNAMS KYI RTZED MO'I GNAS SKYED MOS TSAL BZHI YOD DE, 'DI LTA STE SKYED MOS TSAL SHING RTA SNA TSOGS CAN DANG, RTZU BA 'GYUR DANG, 'DRES PA DANG, DGA' BA'I TSAL TE, DE DAG GIS GRONG KHYER DE'I PHYIR ROL BRGYAN TO, ,NYI SHU BCAD PA'I NGOS BZHIN, ,SA GZHI BZANG PO GZHAN YOD DE, ,SKYED MOS TSAL DE DAG GI NGOS BZHI DPAG TSAD NYI SHUS BCAD PA NA, LHA RNAMS KYI RTZE BA'I GNAS GZHI BZANG PO BZHI YOD DO, ,GRONG KHYER GYI PHYI ROL GYI NGOS, ,BYANG SHAR MTSAMS NA YONGS 'DU STE, GRONG KHYER GYI BYANG SHAR PHYOGS MTSAMS NA SUM CU RTZA GSUM PA'I LHA RNAMS KYI 'DOD PA'I DGA' BA MCHOG GI GNAS SHING YONGS 'DUS BRTOL ZHES BYA BA YOD DE, LHO NUB MTSAMS NA CHOS BZANG NGO, ,LHO NUB KYI MTSAMS NA GANG DU LHA RNAMS 'KHOD NA BYA BA MI BYA BA BGROD PAR BYED PA'I LHA'I 'DUN SA CHOS BZANG ZHES BYA BA YOD DO, , @150A *, ,RE ZHIG SUM CU RTZA GSUM PA RNAMS KYI SNOD KYI GNAS PA NI DE LTA BU'O, ,DE STENG GZHAL MED KHANG GI LHA, ,'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED RNAMS DANG, TSANGS PA LA GNAS KYI BYE BRAG BCU DRUG TU 'GRO BA RNAMS TE, GANG DAG GI GNAS MNGON PAR NI MDOR BSDU NA, LHA'I RIS NYI SHU RTZA GNYIS PO DE DAG YIN NO, ,'DOD PA SPYOD PA DRUG YIN NO, ,DE DAG LAS 'DI LTA STE, RGYAL CHEN BZHI PA NAS GZHAN 'PHRUL DBANG BYED KYI BAR 'DOD PA NA SPYOD PA'I LHA RIS DRUG NA 'DOD PA YONGS SU SPYOD KYI LHAG MA RNAMS NI MA YIN NO, , DE DAG KYANG, GNYIS KYIS GNYIS DANG 'KHYUD PA DANG, ,LAG PA 'BREL PA DANG DGOD PA DANG, ,BLTAS PA YIS NI 'KHRIG PA YIN, GNYIS GNYIS KYIS 'KHRIG PA NI SA DANG 'BREL BAR GNAS PA RGYAL CHEN BZHI PA DANG SUM CU RTZA GSUM PA RNAMS TE MI JI LTA BA BZHIN NO, ,DE DAG KYANG KHU BA MED PA'I PHYIR RLUNG YONGS SU BTANG BAS YONGS SU GDUNG BA DANG 'BRAL BA'I PHYIR RO, ,'KHYUD PAS 'KHRIG PA NI 'THAB BRAL RNAMS TE, 'KHYUD PA TZAM GYIS YONGS SU GDUNG BA DANG BRAL BA'I PHYIR RO, ,LAG PA 'BREL BAS NI DGA' LDAN PA RNAMS KYI'O, ,DGOD PAS NI 'PHRUL DGA' BA RNAMS KYI'O, ,BLTAS PAS NI GZHAN 'PHRUL DBANG BYED PA RNAMS KYI'O, ,LHA'AM LHA MO'AM GANG PANG DU GZHAN GZHON NU LHA'I BU MO SKYE BA DE NI DE GNYIS KYI BU'AM BU MO YIN NO, ,BONG TSOD JI TZAM SKYE ZHE NA, BYIS PAS LO LNGA LON PA NAS, ,LO BCU LON PA LTA BU'I BAR, ,DE DAG TU SKYE, LHA'I RIS DRUG DAG TU GRANGS BZHIN DU DE DAG KYANG MYUR BA NYID SKYE'O, ,GZUGS CAN RNAMS DANG, LUS RDZOGS GOS DANG BCAS PA NYID, ,GZUGS CAN SPYOD PA'I LHA RNAMS LUS RDZOGS PA DANG, GOS GYON PA BZHIN SKYE'O, ,LHA THAMS CAD NI 'PHAGS PA'I SKAD DU SMRA'O, ,DE LA, 'DOD PA SKYE BA GSUM PO NI, ,'DOD PA DANG LHA MIR BCAS RNAMS, ,'DOD PA'I KHAMS SU RIG PAR BYA STE, JI LTA BU ZHE NA, SEMS CAN 'DOD PA NYE BAR GNAS PA RNAMS 'DOD PA NYE BAR GNAS PA DAG LA DBANG PHYUG GI DBANG BYED PA DAG KYANG YOD DE, ,'DI LTA STE, MI RNAMS DANG LHA KHA CIG GO, ,DE RNAMS KYANG LHA'I RIS RNAMS SO, ,SEMS CAN YOD PA SBRUL @150B ZHING 'DOD PA LA DBANG PHYUG LA DBANG BYED PA DAG KYANG YOD DE, 'DI LTA STE 'PHRUL DGA' BA RNAMS SO, ,SEMS CAN 'DOD PA GZHAN GYIS SPRUL TE, GZHAN GYIS SPRUL PA'I 'DOD PA LA DBANG PHYUG GI DBANG BYED PA DAG KYANG YOD DE, 'DI LTA STE GZHAN 'PHRUL DBANG BYED PA RNAMS SO, ,DE LTAR DE DAG NI JI LTAR SKYES PA'I 'DOD PA LA YONGS SU LONGS SPYOD PA'I PHYIR DANG, BDAG JI LTAR 'DOD PA BZHIN DU SPRUL NAS YONGS SU LONGS SPYOD PA'I PHYIR DANG, JI LTAR 'DOD PA GZHAN GYIS SPRUL PA LA YONGS SU LONGS SPYOD PA'I PHYIR 'DOD PA SKYE BA GSUM ZHES BYA'O, ,GZUGS KYI KHAMS DAG NA NI, BDE BA SKYE BA GSUM PO NI, ,BSAM GTAN GSUM LAS DGU YIN, ,DE NI BDE BA SKYE BA GSUM YIN TE, LHA DE DAG NI BDE BA LAS SKYES PA DANG, TING NGE 'DZIN LAS SKYES PA'I BDE BAR GNAS SO, ,GANG DAG LHA DE DAG GI GNAS NYI SHU RTZA GNYIS SU BSHAD PA DE RNAMS LA, 'OG MA NAS GONG MAR THAG JI TZAM ZHIG CE NA, DE DAG THAMS CAD KYI DPAG TSAD KYI GRANGS YONGS SU BGRANG BAR NI SLA BA MA YIN MOD KYI, 'ON KYANG, GNAS NAS GNAS 'OG JI SRID PAR, ,STENG DU'AM DER DE TZAM MO, ,'DZAM BU'I GLING NAS GNAS 'OG MAR JI SRID PAR DE'I 'OG MAR YANG, DE NAS GNAS 'OG MA 'DZAM BU'I GLING DU JI SRID PA DE SRID DE, 'DI LTA STE, 'DI NAS DPAG TSAD BZHI KHRI NA RGYAL PO CHEN PO BZHI RTZE BA'I GNAS BANG RIM BZHI YOD PA LTAR, DE'I GONG MA SUM CU RTZA GSUM PA RNAMS KYI GNAS SU YANG DE'I 'OG MA 'DZAM BU'I GLING DU JI SRID PA DE SRID DO, ,DE NAS KYANG 'OG MA 'DZAM BU'I GLING DU JI SRID PAR GONG MA 'THAB BRAL BA RNAMS KYI GNAS SU YANG DE SRID DO, ,DE NAS 'OG MA 'DZAM BU'I GLING DU JI SRID PAR GONG MA DGA' LDAN PA RNAMS KYI GNAS SU YANG DE SRID DO ZHES BYA BA STE, DE BZHIN DU RGYA CHER THAMS CAD GO RIMS DANG MTHUN PAR SHIN TU MTHONG NAS 'DZAM BU'I GLING DU JI SRID PAS, GONG MA 'OG MIN PA RNAMS KYI DE YANG DE SRID DO, ,DE'I GONG NA NI GNAS GZHAN MED PAS, DE'I PHYIR DE NI THU BOR GYUR PA'I PHYIR 'OG MIN ZHES BYA'O, ,YANG CIG NAS 'OG MAR SKYES PA'I GONG MA'I GZHAL MED KHANG DAG TU 'GRO ZHING MTHONG NGAM ZHE NA, RDZU 'PHRUL GZHAN BRTEN @151A *, ,MA GTOGS PA, ,DE DAG GONG MAR 'GRO BA MED, ,RDZU 'PHRUL DANG LDAN PA'AM, GAL TE RDZU 'PHRUL CAN GZHAN LA BRTEN NAS SAM, DE PA'I LHAS KHRID NA NI SUM CU RTZA GSUM YANG 'THANG BRAL BA'I NANG DU 'GRO BAR 'GYUR TE, LHAG MA BRGYAD KYANG DE BZHIN NO, ,YANG 'THAB BRAL BA RNAMS LA SOGS PA DE DAG GI GZHAL MED RNAMS KYI TSAD JI TZAM ZHE NA, RE ZHIG KHA CIG NA RE RGYAL CHEN BZHI RNAMS KYI NI RI RAB KYI RTZE MO'I TSAD TZAM MO ZHES ZER RO, ,GZHAN DAG NA RE NYIS 'GYUR RO ZHES ZER RO, ,BSAM GTAN DANG PO NI GLENG BZHI PA TZAM MO, ,GNYIS PA YANG NI STONG CHUNG DU'I 'JIG RTEN GYI KHAMS TZAM MO, ,BZHI PA NI STONG GSUM PA TZAM MO, ,YANG STONG CHUNG DU'I 'JIG RTEN GYI KHAMS NA CI STONG GNYIS PA'AM, STONG GSUM PA NI CI ZHIG CE NA, GLING BZHI PA DANG NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI CHUNG DU DAG TU 'DOD, ,'DZAM BU'I GLING DANG, SHAR GYI LUS 'PHAGS DANG, NUB GYI BA LANG SPYOD DANG, BYANG GI SGRA MI SNYAN STONG DANG, RI RAB STONG DANG, RGYAL CHEN BZHI'I LHA RNAMS NAS GZHAN 'PHRUL DBANG BYED KYI BAR STONG DANG, TSANGS PA'I 'JIG RTEN GYI KHAMS STONG GANG YIN PA 'DI NI STONG CHUNG DU'I 'JIG RTEN GYI KHAMS ZHES BYA'O, ,DE STONG LA NI STONG GNYIS PA'O, ,BAR MA'I 'JIG RTEN KHAMS YIN NO, ,STONG CHUNG DU'I 'JIG RTEN GYI KHAMS DE DAG STONG LA NI STONG GNYIS PA'I BAR MA'I 'JIG RTEN GYI KHAMS YIN NO, , DE STONG LA NI STONG GSUM MO, ,STONG BAR MA'I 'JIG RTEN GYI KHAMS DE DAG STONG LA STONG GSUM GYI STONG CHEN PO'I 'JIG RTEN GYI KHAMS YIN TE, DE NI 'DI LTAR CIG CAR DU, ,MNYAM DU 'JIG CING 'BYUNG BA YIN, ,MNYAM DU 'JIG PA LA YANG MNYAM DU 'BYUNG STE CHAGS ZHES BYA BA'I DON TO, ,YANG SNOD RNAMS KYI TSAD KYI DBYE BA JI LTA BA DE BZHIN DU DE NA GNAS PA'I SEMS CAN RNAMS KYI TSAD KYANG DBYE BA YOD DAM ZHE NA, SMRAS PA, YOD DO, ,DE LA RE ZHIG ,'DZAM BU'I GLING GI TSAD DAG NI, ,KHRU BZHI PA DANG PHYED DANG BZHI, ,'DZAM BU'I GLING PA'I MI RNAMS NI PHAL CHER BRU @151B BZHI PA STE, LA LA NI KHRU PHYED DANG BZHI YANG YOD SHAR DANG BA LANG SPYOD PA DANG, BYANG ZHES BYA BA GNYIS 'GYUR 'PHEL, ,SHAR GYI LUS 'PHAGS PA RNAMS DANG, BA LANG SPYOD PA RNAMS DANG, BYANG GI SGRA MI SNYAN PA'I MI RNAMS NI RIM BZHIN KHRU BRGYAD PA DANG, BCU DRUG PA DANG NYI SHU BZHI PA'O 'DOD PA'I LHA'I 'PHEL PA, RGYANG GRAGS KYI NI BZHI CHA NAS, ,RGYANG GRAGS PHYED DANG GNYIS KYI BAR, ,RGYANG GRAGS KYI BZHI CHA ZHES BYA BA NI RGYANG GRAGS KYI BZHI CHA STE, RGYAL CHEN BZHI PA RNAMS KYI TSAD NI DE TZAM MO, ,DE BZHIN DU RGYANG GRAGS BZHI CHAS KLAGS NA GZHAN 'PHRUL DBANG BYED PA RNAMS KYI RGYANG GRAGS PHYED DANG GNYIS SO, ,GZUGS CAN DANG PO DPAG TSAD PHYED, GZUGS CAN GYI LHA RNAMS KYI GNAS DANG PO LA TSANGS RIS PA RNAMS KYI TSAD NI DPAG TSAD PHYED DO, ,LUS NI NYIS 'GYUR NYIS 'GYUR TE, ,DE YAN CHAD DU PHYED PHYED 'PHEL, ,GNAS GSUM DAG TU TSANGS PA'I MDUN NA 'DON PA RNAMS KYI NI PHYED DANG GNYIS SO, ,'OD CHUNG BA RNAMS KYI DPAG TSAD GNYIS SO, ,'OD CHUNG GI NI LTAG YAN CHAD, ,LUS NI NYIS 'GYUR TE, ,SPRIN MED DPAG TSAD GSUM 'DOR RO, ,TSAD MED 'OD PA RNAMS KYI NI DPAG TSAD BZHI'O, ,'OD GSAL BA RNAMS KYI NI BRGYAD DO, ,DE BZHIN DU DGE RGYAS PA RNAMS KYI DRUG CU RTZA BZHI YIN PA'I BAR DU NYIS 'GYUR GYIS BSKYED DO, ,SPRIN MED PA RNAMS KYI NI NYIS 'GYUR DU BSGYUR NAS DE LAS DPAG TSAD GSUM POR NAS DPAG TSAD BRGYA NYI SHU RTZA LNGA'O, ,DE YAN CHAD BSOD NAMS SKYES LA SOGS PA NAS 'OG MIN GYI BAR DU NYIS 'GYUR NYIS 'GYUR DU BYAS NAS, LUS DPAG TSAD KHRI DRUG STONG YIN NO, ,CI DE LTAR TSANG 'THAD PA RNAMS KYI TSE YANG DBYE BA YOD DAM ZHE NA, SMRAS PA, YOD DE, SGRA MI SNYAN NA TSE STONG STE, ,LO RNAMS YIN NO, ,GNYIS PA PHYED PHYED SPANGS PA'O, ,GLING GNYIS PA LA NI PHYED PHYED SPANGS PA STE, BA LANG SPYOD PA RNAMS KYI NI LNGA BRGYA'O, ,SHAR GYI LUS 'PHAGS RNAMS KYI NI NYIS BRGYA LNGA BCU'O, ,'DIR NI MA NGES, 'DZAM BU'I GLING NA NI RES 'GA' RING POR 'GYUR RES 'GA' NI THUNG NGUR 'GYUR BAS TSE LA NGES PA MED DE, @152A *, ,THA MAR LO BCU, LO ZHES BYA BA NI LO YIN NO, ,THA MA TSE THUNG DU'I TSE NI LO BCUR 'GYUR RO, ,DANG PO DPAG TU MED, BSKAL PA DANG PO BA RNAMS TSE NI STONG ZHES BYA BA LA SOGS PA'I YONGS SU BZUNG BAR MI NUS PAS DPAG TU MED PA YIN NO, ,MI RNAMS KYI BSHAD ZIN TO, , LHA RNAMS KYI BSHAD PAR BYA STE, DE YANG NYIN ZHAG RNAMS PAR GZHAG NA BRJOD PAR NUS PAS, RE ZHIG DE NYID RNAM PAR GZHAG BYA STE, MI RNAMS KYI LO LNGA BCU LA, ,LHA DAG GI NI NYIN ZHAG GCIG ,'DOD PA'I 'OG MA'I RNAMS KYI YIN, ,MI RNAMS KYI LO LNGA BCU GANG YIN PA DE DAG NI, 'DOD PA'I KHAMS KYI 'OG MA RGYAL CHEN BZHI PA RNAMS KYI NYIN ZHAG GCIG YIN TE, DE NA TSE LO LNGA BCU'O, ,DE BA'I NYIN ZHAG DES NA DE RNAMS KYI TSE'I TSAD NI NYIN ZHAG GSUM CU LA ZLA BA, ZLA BA BCU GNYIS LA LO GCIG PA'I LHA'I LO LNGA BRGYA THUB BO, ,GONG MA GNYIS GNYIS 'GYUR RO, ,LHA GONG MA RNAMS NI NYIN ZHAG DANG TSE GNYIS KA NYIS 'GYUR TE, JI LTAR ZHE NA, MI RNAMS KYI LO BRGYA GANG YIN PA DE NI SUM CU RTZA GSUM PA RNAMS KYI NYIN ZHAG GCIG STE, DES NA DE RNAMS KYI TSE NI LO STONG NGO, ,DE BZHIN DU MI RNAMS KYI LO NYIS BRGYA DANG, BZHI BRGYA, BRGYAD BRGYA, STONG DRUG BRGYA LA NYIN ZHAG GCIG TU BYAS LA, DES NA TSE RNAMS KYI TSE'I TSAD LHA'I LO STONG DANG, BZHI STONG DANG, BRGYAD STONG KHRI DRUG STONG STE, 'THAB BRAL BA RNAMS DANG GO RIMS BZHIN NO, ,'DOD PA RNAMS KYI TSE'I TSAD BSHAD ZIN TO, ,GZUGS CAN RNAMS LA NI NYIN MTSAN MED NI BSKAL PAR RANG LUS MNYAM, ,GANG DAG GI LUS DPAG TSAD PHYED YIN PA DE DAG GI TSE NI BSKAL PA PHYED YIN NO, ,GANG DAG GI DPAG TSAD YIN PA DE DAG GI BSKAL PA STE, DE BZHIN DU 'OG MIN PAR RNAMS KYI TSE'I TSAD BSKAL PA KHRI DRUG STONG YIN PA'I BAR DU LUS KYI TSAD DPAG TSAD JI TZAM MO, ,GZUGS MED BSKAL PA STONG PHRAG NI, ,NYI SHU LHAG PA LHAG PAR RO, ,NAM MKHA' MTHA' YAS SKYE MCHED PA RNAMS KYI TSE'I TSED NI BSKAL PA NYI KHRI'O, ,RNAM SHES MTHA' YAS SKYE MCHED PA RNAMS KYI NI DE LAS NYI KHRIS LHAG GO, ,CI YANG MED PA'I SKYE MCHED PA RNAMS @152B KYI DE LAS NYI KHRIS LHAG GO, ,'DU SHES MED 'DU SHES MED MIN PA'I SKYE MCHED RNAMS KYI NI DE LAS NYI KHRIS LHAG STE, DE LTAR NA TSE'I TSAD BSKAL PA NYI KHRI DANG, BZHI KHRI DANG, DRUG KHRI DANG, BRGYAD KHRI STE RIM PA BZHIN NO, ,'DIR BSKAL PA GANG ZHIG YIN PAR RIG PAR BYA, ,CIG CAR GYI BSKAL PA'AM, 'JIG PA'I BSKAL PA'AM, CHAGS PA'I BSKAL PA'AM, BSKAL PA CHEN PO YANG ZHE NA, 'OD CHUNG LA SOGS CHEN PO STE, ,DE YI 'OG MA PHYED YIN NO, ,'OD CHUNG LA SOGS PA'I TSE NI BSKAL PA CHEN POR RIG PAR BYA'O, ,DE'I 'OG MA TSANGS CHEN LA SOGS PA'I TSE'I TSED NI BSKAL PA CHEN PO'I PHYED LA BSKAL PAR BYAS NAS RNAM PAR GZHAG STE, JI LTA ZHE NA, GANG YANG 'JIG RTEN CHAGS PA BAR GYI BSKAL PA NYI SHU DANG, GANG YANG CHAGS NAS 'DUG PA'I BAR GYI BSKAL PA NYI SHU DANG, GANG YANG 'JIG PA'I BAR GYI BSKAL PA NYI SHU STE, BAR GYI BSKAL PA DRUG CU PO DE DAG LA TSANGS PA CHEN PO'I BSKAL PA PHYED DANG GNYIS SU BSHAD DE, DE LTAR NA BSKAL PA CHEN PO'I BAR GYI BSKAL PA BZHI BCU LA BSKAL BAR BYAS NAS DE DAG TSE'I TSAD DU BSHAD PA YIN NO, ,DA NI NGAN 'GRO BA RNAMS KYI BRJOD PAR BYA STE, DE LA RE ZHIG ,'DOD LHA'I TSE DANG NYIN ZHAG MNYAM, ,YANG SOS DAG TU RIM BZHIN NO, ,LHA DRUG PO DE DAG GI TSE JI TZAM BSHAD PA DE DANG NI RIM BZHIN YANG SOS DANG, THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA STE, DMYAL BA DRUG DAG GI NYIN ZHAG DANG MNYAM PAR RIG PAR BYA STE, DE NA DE DAG RNAMS KYI TSE, ,'DOD PA'I LHA DANG 'DRA BA YIN, ,DA NI RANG NYIN ZHAG DE NA, DE DAG GI NI RIM BZHIN DU 'DOD PA NA SPYOD PA'I LHA RNAMS KYI JI LTA BA BZHIN DU RIG PAR BYA STE, JI LTA ZHE NA, RGYAL CHEN BZHI PA RNAMS KYI TSE'I TSAD GANG YIN PA DE NI, DMYAL BA CHEN PA YANG SOS KYI NYIN ZHAG GCIG YIN LA, NYIN ZHAG DES DE PA RNAMS KYI TSE'I TSED NI ZHAG SUM CU LA ZLA BA GCIG, ZLA BA BCU GNYIS LA LO GCIG PA'I LO LNGA BRGYA THUB STE, DE BZHIN DU GZHAN DAG LA YANG RIM BZHIN DU SBYAR BAR BYA'O, ,RAB TU TSA BA PHYED YIN NO, ,SEMS CAN DMYAL BA RAB TU TSA BA'I TSE'I TSAD NI BAR GYI BSKAL PA PHYED DO, ,MNAR MED PA NI BSKAL PA GCIG ,DUD 'GRO RNAMS NI NGES PA MED DE, DUD @153A *, ,'GRO MCHOG TU RING BA NI BSKAL BA YIN NO, ,DUD 'GRO MCHOG TU TSE RING BA BSKAL BA'O, ,DE YANG KLU DGA' BO DANG NYE DGA' BO LA SOGS PA STE, BCOM LDAN 'DAS KYIS DGE SLONG DAG KLU DANG KLU CHEN PO BRGYAD PO 'DI DAG NI, BSKAL PAR GNAS PAS 'DZIN PA'O ZHES GSUNGS SO, ,YI DAGS RNAMS ZLA BA NYIN ZHAG LO LNGA BRGYA, MI RNAMS KYI ZLA BA YANG YIN PA DE NI YI DAGS RNAMS KYI NYIN ZHAG YIN LA, NYIN ZHAG DES NA DE DAG GI TSE'I TSAD LO LNGA BRGYA'O, ,GRANG BA'I DMYAL BA DAG NI TSE'I TSAD JI TZAM ZHE NA, TIL SBYANGS NAS NI LO BRGYA ZHING, ,TIL GCIG PHRAD NAS ZAD 'GYUR BA, ,CHU BUR CAN GYI TSE YIN TE, ,GZHAN GYI TSE NI NYI SHU BSGYUR, BCOM LDAN 'DAS KYIS DE DAG GI TSE'I TSAD KYI DPE TZAM DU BKA' STZAL PA NI, DGE SLONG DAG 'DI LTA STE, DPER NA YUL MA GANGH'A'I TIL GYI SBYANGS KHAL NYI SHU PA CIG TIL GYIS DGANG STE, DE NAS LA LA ZHIG GIS LO BRGYA BRGYA 'DAS SHING, TIL RE RE BOR NAS DGE SLONG DAG RIM PA DES NA YUL MA GANGH'A'I TIL GYI SBYANGS KHAL NYI SHU PA DE MA LUS PAR 'GYUR BA NI CHES MYUR GYI, CHU BUR CAN DU SKYES PA'I SEMS CAN RNAMS KYI TSE YONGS SU GTUGS PAR NI NGA MI SMRA'O, ,DGE SLONG DAG CHU BUR CAN JI LTA BA DE BZHIN DU CHU BUR RDOL BA'I TSE GCIG GO ZHES BYA BA NAS, YANG DGE SLONG DAG PADMA LTAR GAS PA'I NYI SHU JI LTA BA DE BZHIN DU PADMA LTAR GAS PA CHEN PO'I TSE GCIG GO ZHES BYA BA'I BAR DU RGYA CHER GSUNGS TE, CI TSE DE LTA BU DANG LDAN PA'I SEMS CAN RNAMS TSE YONGS SU MA RDZOGS PAR BAR MA DOR 'CHI BA YOD DAM, 'ON TE MA YIN ZHE NA, THAMS CAD LA YOD DE, SGRA MI SNYAN MA GTOGS PAR 'CHI BA YOD DO, ,BYANG GI SGRA MI SNYAN GYI SEMS CAN GYI TSE NI NGES KYI GZHAN DAG NI MA NGES SO, ,GANG ZAG RNAMS LAS BAR MA DOR 'CHI BA MED PA MANG STE, 'DI LTA STE, BYANG CHUB SEMS DPA' DGA' LDAN NA BZHUGS PA RNAMS SKYE BA GCIG GIS THOGS PA DANG, SRID PA THA MA DANG, CHOS KYI RJES SU 'BRANG BA RNAMS DANG, BYANG CHUB SEMS DPA' DANG, 'KHOR LOS SGYUR BA'I RGYAL PO LHUMS SU BLTAMS PA'I YUM DANG, DE LA SOGS PA RNAMS SO, ,DE LTAR NA DPAG TSAD DANG RGYANG GRAGS KYI TSAD KYIS GNAS RNAMS DANG, LUS @153B RNAMS BSTAN, LO'I TSAD KYIS TSA YANG BSTAN NA, DE GNYIS KYI TSAD NI MA BSTAN PAS BRJOD PAR BYA LA, DE DAG THAMS CAD KYI RNAM PAR GZHAG PA YANG MING YIN PAS DE'I PHYIR DE'I MTHA' YANG BRJOD DGOS TE, DE RNAMS YANG DAG PAR BSTAN PA'I PHYIR DANG PO'I RIM PA TZAM MO, ,GZUGS DANG MING DANG DUS MTHA' NI, ,PHRA RAB RDUL YIG SKAD CIG GO, ,GZUGS KYI NANG NA PHRA BA'I MTHA' NI RDUL PHRA RAB BO, ,DUS KYI MTHA' NI SKAD CIG GO, ,MING GI MTHA' NI YI GE'I 'BRU STE DPERNA PA ZHES PA'O, ,DE YANG SKAD CIG MA'I TSAD JI TZAM ZHE NA, RKYEN RNAMS TSOGS NAS JI SRID DU CHOS KYI BDAG NYID DU THOB PA'O, ,DE LA, PHRA RAB DANG RDUL PHRAN DANG, DE BZHIN LCAGS KYU RI BONG DANG, ,LUG DANG GLANG DANG NYI ZER RDUL, ,SRO MA DE LAS BYUNG DANG NAS, ,DE BZHIN SOR MO'I TSIGS ZHES BYA, ,GONG NAS GONG DU BDUN 'GYUR RO, ,RDUL PHRA RAB LA SOGS PA 'DI DAG NI GONG NAS GONG DU BDUN 'GYUR DU RIG PAR BYA STE, RDUL PHRA RAB BDUN LA NI RDUL PHRAN NO, ,DE BDUN LA LCAGS RDUL LO, ,DE BDUN LA NI CHU RDUL LO, ,DE BDUN LA NI RI BONG RDUL LO, ,DE BDUN LA NI LUG RDUL LO, ,DE BDUN LA NI GLANG RDUL LO, ,DE BDUN LA NI NYI ZER RO, ,DE BDUN LA NI SRO MA'O, ,DE BDUN LA NI DE LAS BYUNG BA STE, SRO MA LAS BYUNG BA NI SHIG CES BYA BA'I DON TO, ,SHIG BDUN LA NAS SO, ,NAS BDUN LA NI SOR MO'I TSIGS SO, ,SOR MO'I TSIGS GSUM LA NI SOR MOR GRAGS PAS 'DI NI MA BSHAD DO, ,NGOS SU BYA NA NI, SOR TSIGS NYI SHU BZHI LA KHRU, ,KHRU BZHI LA NI GZHU YIN NO, , GZHU 'DOM ZHES BYA BA'I DON TO, ,DE DAG LNGA BRGYA RNAMS LA NI, ,RGYANG GRAGS DE LA DGON PAR 'DOD, ,GZHU LNGA BRGYA LA NI RGYANG GRAGS TE, GRONG NAS RGYANG GRAGS TZAM GYI THAG LA DGON PAR 'DOD DO, ,DE BRGYAD DPAG TSANG CES BYA'O, ,RGYANG GRAGS DE BRKYANG DPAG TSAD CES BYA'O, ,DPAG TSAD KYI TSAD BSHAD ZIN TO, ,DA NI LO BRJOD PAR BYA STE, SKAD CIG MA BRGYA NYI SHU LA, DE'I SKAD CIG ,SKAD CIG MA BRGYA NYI SHU DE'I SKAD CIG GO, ,DE DAG KYANG, DRUG CU LA NI THANG CIG GO, ,DE'I SKAD CIG MA DRUG CU LA THANG CIG CES BYA'O, ,YUD TZAM NYIN ZHAG ZLA GSUM NI, ,GONG NAS GONG DU @154A *, ,SUM CU RA 'GYUR, ,THANG CIG SUM CU LA NI YUD TZAM, YUD TZAM SUM CU LA NI NYIN ZHAG STE, RES 'GA' NAM RING NGO, ,RES 'GA' THUNG NGO, ,RES 'GA' NI MNYAM STE, NYIN ZHAG SUM CU LA ZLA BA'O, ,ZLA BA BCU GNYIS DAG LA NI, ,LO GCIG ZHAG NI SHOL DANG BCAS, ,DGUN GYI ZLA BA BZHI DANG, DPYID KYI ZLA BA BZHI STE, ZLA BA BCU GNYIS PO DE DAG SHOL ZHAG DANG BCAS PA LA LO GCIG GO, ,LO LA ZHAG GI SHOL DRUG DOR TE, JI LTA ZHE NA, DGUN DANG DPYID DANG DBYAR RNAMS KYI, ,ZLA BA PHYED DANG GNYIS 'DAS NAS, ,ZLA BA PHYED NI LEN PA'I TSE, ,MKHAS PA RNAMS KYIS ZHAG SHOL DOR, , ZHES 'BYUNG STE, LO'I TSAD BSHAD ZIN TO, ,DA NI BSKAL PA BRJOD PAR BYA STE, BSKAL BA RNAM PA MANG BSHAD PA, ,BAR GYI BSKAL PA DANG, 'JIG PA'I BSKAL PA DANG, CHAGS PA'I BSKAL PA DANG, BSKAL PA CHEN PO'O, ,DE LA, 'JIG PA'I BSKAL PA DMYAL BA YI, ,SRID PA MED NAS SNOD ZAD PA, ,DMYAL BA DAG NI SEMS CAN MI SRID PA NAS SNOD ZAD PA'I BAR GYI DUS DE LA NI 'JIG PA'I BSKAL PA ZHES BYA'O, ,CHAGS PA DANG PO RLUNG NAS NI, ,DMYAL BA'I SRID PA'I BAR DU'O, ,DANG PO RLUNG NAS BZUNG STE, DMYAL BDAG NI SEMS CAN MI SRID PA'I BAR GYI DUS DE LA CHAGS PA'I BSKAL PA ZHES BYA'O, ,BAR GYI BSKAL PA DPAG MED NAS, ,TSE LO BCU PA'I BAR DU'O, ,'JIG RTEN CHAGS PA NAS MI RNAMS KYI TSE DPAG TU MED PA'I BAR GYI BSKAL PA BCU DGU 'DAS PAR 'GYUR RO, ,TSE LO DPAG TU MED PA NYID NAS 'GRIB STE, TSE LO BCU'I BAR DU GYUR PA DE NI CHAGS NAS GNAS PA'I BAR GYI BSKAL PA DANG BO YIN NO, ,DE NAS YAR SKYE MAR 'GRIB PA'I, ,BSKAL PA GZHAN NI BCO BRGYAD DO, ,BAR GYI BSKAL PA YAR SKYE BA BCO BRGYAD DANG MAR 'GRIB PA BCO BRGYAD DU 'GYUR TE, JI LTA ZHE NA, TSE LO BCU PA DE DAG LAS YAR SKYE BA NA RIM GYIS TSE LO BRGYAD KHRI'I BAR 'GYUR LA, DE NAS YANG MAR 'GRIB PA NA TSE LO BCU PAR 'GYUR TE, 'DI NI BAR GYI BSKAL PA GNYIS PA STE, DE LTA NA BCO BRGYAD DANG YAR SKYE BA GCIG ,BAR GYI BSKAL PA NYI SHU PA GCIG NI YAR SKYE BA NYID DE MAR 'GRIB PA NI MA YIN NO, ,YANG YAR SKYE BA DE DAG JI TZAM GYI TSAD DU YANG SKYE BAR 'GYUR RO ZHE NA, DE DAG @154B TSE NI BRGYAD KHRI BAR, ,DE LAS YAR NI MI SKYE'O, ,BAR GYI BSKAL PA GZHAN DAG GI YAR SKYE BA DANG MAR 'GRIB BA JI SRID PAR DANG PO'I MAR 'GRIB PA'I DUS DANG, THA MAR YAR SKYE BA'I DUS KYANG DE SRID DO, ,DE LTAR THAMS CAD DU MNYAM PAR 'GYUR RO, ,DE LTAR 'JIG RTEN CHAGS PA 'DI, ,GNAS PA BSKAL PA NYI SHU YIN, ,DE LTAR NA BAR GYI BSKAL PA'I TSUL DES 'JIG RTEN 'DI BAR GYI BSKAL PA NYI SHU CHAGS NAS GNAS SO, ,DUS DE SRID DU, CHAGS DANG ZHIG NAS 'DUG PA DANG, ,DE BZHIN 'JIG PA DAG MNYAM MO, ,BAR GYI BSKAL BA NYI SHU KHO NAR CHAGS SO, ,NYI SHUR ZHIG NAS 'DUG GO, ,GAL TE YANG YAR SKYE BA DANG MAR 'GRIB PA MI 'JUG TU ZIN KYANG DUS NI MNYAM PAR YONGS SU BRTZI'O, ,NYI SHU PHRAG BZHI PO DE DAG NI BRGYAD CUR 'GYUR RO, ,DE DAG BSKAL CHEN BSKAL CHEN TE, ,BSKAL PA CHEN PO'I TSAD NI DE YIN NO, ,BSKAL PA GRANGS MED PA DAG GIS SANGS RGYAS NYID THOB BO ZHES GSUNGS PA'I BSKAL PA'I BSKAL PA DE DAG GANG ZHE NA, BSKAL PA CHEN POR BSHAD PA GANG YIN PA STE, DE GRANGS MED GSUM LAS SANGS RGYAS 'BYUNG NGO, ,CI SANGS RGYAS YAR SKYE BA'I TSE 'BYUNG NGAM 'ON TE MAR 'GRIB BA'I TSE ZHE NA, MAR NI 'GRIB PA'I, BRGYA YI BAR LA DE 'BYUNG NGO, ,SKYE DGU RNAMS NI TSE LO BRGYAD KHRI MAR 'GRIB PAR BRTZAMS PA NAS TSE LO BRGYAD PA'I BAR DER SANGS RGYAS 'BYUNG BAR 'GYUR RO, ,YANG RANG SANGS RGYAS RNAMS GANG GI DUS LA 'BYUNG ZHE NA, RANG SANGS RGYAS RNAMS GNYI GA LA, ,YAR SKYE BA DANG MAR 'GRIB PA'I TSE GNYI GA LA YANG 'BYUNG NGO, ,RANG SANGS RGYAS RNAMS NI RNAM PA GNYIS TE, TSOGS SHING SPYOD PA RNAMS DANG, BSE RU LTA BU RNAMS SO, ,DE DAG LAS, BSE RU BSKAL PA BRGYA YI RGYUS, ,BSKAL PA BRGYAR BYANG CHUB TSOGS LA YANG YONGS SU SPYOD PAS BSE RU LTA BUR 'GYUR TE, BSTAN PA MED PAR BDAG GIS SO SOR SANGS RGYAS PAS NA RANG SANGS RGYAS ZHES BYA'O, ,YANG 'KHOR LOS SGYUR BA RNAMS NAM 'BYUNG ZHE NA, 'KHOR LOS SGYUR BA 'BYUNG BA NI, ,STONG PHRAG BRGYAD CU LAS MI 'PHYI, ,MI RNAMS KYI TSE LO DPAG TU MED PA DANG NAS BRGYAD KHRI'I BAR DU 'KHOR LOS SGYUR BA RNAMS @155A *, ,'BYUNG STE, DE LAS NI MI 'PHYI'O, ,DE DAG KYANG RNAM PA BZHI STE, 'KHOR LO GSER DNGUL ZANGS DANG LCAGS, ,DE DAG LA GSER DNGUL DANG ZANGS DANG LCAGS KYI 'KHOR LO YOD DE, DE DAG GI DANG PO NI MCHOG YIN NO, ,GNYIS PA NI NYE BA'I MCHOG YIN NO, ,GSUM PA NI 'BRING NGO, ,BZHI PA THA MA STE, DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,BTAGS PA LAS NI DE LTAR BSTAN TO, ,MDO LAS NI GTZO BO SMOS PA'I PHYIR GSER GYI 'KHOR LO 'BA' ZHIG TU BSHAD DO, ,DE LTA BU'I 'KHOR LOS SGYUR BA DE DAG 'BYUNG BA NI, ,LHAN CIG GNYIS MIN SANGS RGYAS BZHIN, ,DE BZHIN GSHEGS PA RNAMS JI LTA BAR 'KHOR LOS SGYUR BA YANG DE BZHIN NO ZHES MDO'I TSIG LAS 'BYUNG NGO, ,YANG 'KHOR LOS SGYUR BA'I RGYAL PO DE DAG DANG GSER LA SOGS PA'I 'KHOR LOS SA LAS RGYAL BA NA JI LTAR RGYAL BAR BYED CE NA, RIM BZHIN DU, PHAS BSU BA DANG RANG 'GRO DANG, ,G-YUL BSHAMS PA DANG MTSON BRTZAMS DANG, ,PHEBS TE, GANG GI GSER GYI 'KHOR LO YIN PA DE NI KHAMS KYI RGYAL PHRAN RNAMS RANG BSU ZHING 'DI DAG NI LHA'I 'BANGS SO ZHES BYA BA JI SKAD DU MDO LAS 'BYUNG BA DANG, MTHUN PAR RIG PAR BYA'O, ,GANG DU 'DUL GYI RGYU YIN PA DE NI BDAG NYID DE DAG GI GNAS SU 'GRO ZHING PHYIS 'DUD PAR 'GYUR RO, ,GANG GI ZANGS KYI RGYU YIN PA DE NI BDAG NYID DE DAG GI GNAS SU SONG NAS G-YUL BSHAM PA LAS PHYIS RGYAL BAR 'GYUR RO, ,GANG GI LCAGS KYI RGYU YIN PA DE NI DE DAG GAN DU SONG PHAN TSUN MTSON BRTZAMS PA LAS PHYIS 'DUD PAR BYED DO, ,'KHOR LOS SGYUR BA THAMS CAD KYIS KYANG GNOD PA MED PA YIN NO, ,MTSON CHAS RIGS KYANG GNOD PA MI 'JUG GO, ,CI 'KHOR LOS SGYUR BA'I RGYAL PO GZHAN LAS KHYAD PAR DE 'BA' ZHIG YOD DAM ZHE NA, GZHAN YANG YOD DE, DE DAG LAS SKYES BU CHEN PO'I MTSAN SUM CU RTZA GNYIS YOD DE, DPER NA SANGS RGYAS BZHIN NO, ,DE LA NI, THUB PA'I MTSAN RNAMS 'PHAGS PA DANG, ,YUL NA GNAS SHING GSAL LA RDZOGS, ,SANGS RGYAS KYI MTSAN YUL NA GNAS SHING GSAL BAR KUN RDZOGS PA YIN TE, DE DAG NI KHYAD @155B PAR DE YIN NO, ,YANG CI BSKAL PA DANG PO'I MI RNAMS KYANG RGYAL PO DANG BCAS PAR GYUR TAM ZHE NA SMRAS PA, MA YIN TE, JI LTAR GZUGS CAN SEMS CAN BZHIN SNGAR 'GYUR, ,BSKAL PA DANG PO'I MI RNAMS NI GZUGS NA SPYOD PA'I SEMS CAN BZHIN DU GYUR TO, ,DE NAS RIM GYIS ROL NI, , CHAGS SHING SNYOM LAS PHYIR BSAGS SHING, ,'DZIN BCAS RNAMS KYIS ZHING DPON BKUR, ,DE DAG DE BZHIN DU BYUNG BA RNAMS LA SA'I RO SBRANG RTZI'I RO BRO BA BYUNG BAR GYUR PA LAS, SEMS CAN BRKAM PA'I RANG BZHIN CAN GANG YANG RUNG BA ZHIG GIS DRI BSNAMS SHING RO MYANGS NAS ZOS PA DANG, DE NAS SEMS CAN GZHAN DAG KYANG DE BZHIN DU BYED PAR 'GYUR TE, KHAM GYI ZAS KYI RTZOM PA DE YIN NO, ,DE DAG KYANG KHAM GYI ZAS DE LA GOMS PA'I PHYIR LUS RTZUB PA NYID DANG, LCI BA NYID DU GYUR CING 'OD KYANG NUB PA DANG, ,DE NAS MUN PA BYUNG BA'I TSE NYI MA DANG ZLA BA DAG KYANG BYUNG NGO, ,DE DAG GI SA'I RO LA CHAGS PA RNAMS LA RIM GYIS NUB PAR GYUR NAS DE NAS SA ZHAG BYUNG NGO, ,DE LA CHAGS PAS DE YANG NUB PA DANG MYU GU'I TSAL BYUNG BAR GYUR TO, ,DE LA CHAGS BAS DE YANG NUB PAR GYUR PA DANG MA RMOS MA BTAB PA'I 'BRAS S'A LU BYUNG BAR GYUR NAS DE ZA BA'I TSE NA NI DE CHES RAGS PA YIN PA'I PHYIR RGYU MTHUN PA 'BYUNG BAR BYA BA'I PHYIR SEMS CAN RNAMS KYI GCIN DANG PHYIS DANG, PHO DANG MO'I DBANG PO DANG BCAS PA DANG, DBYIBS THA DAD PA YANG BYUNG BAR GYUR NAS, ,DE DAG PHAN TSUN MTHONG BA DANG SNGON GOMS PA'I DBANG GIS TSUL BZHIN MA YIN PA YID LA BYED PA'I GDON GYIS ZIN PAR GYUR PA RNAMS 'DOD PA'I 'DOD CHAGS SKYES PA'I PHYIR LOG PAR ZHUGS TE, 'DOD PA RNAMS 'DOD PA'I 'BYUNG PO'I GDON GYIS BAB PA'I RTZOM PA NI DE LTA BU YIN NO, ,YANG DE DAG NANG BZA' BA'I 'BRAS S'A LU NANG BLANGS, NUB ZA BA YANG NUB LEN PA LAS SEMS CAN LE LO'I RANG BZHIN GANG YANG RUNG BA ZHIG GIS BSAGS PA DANG, SEMS CAN GZHAN DAG KYANG SOGS PAR BYED DE, DE DAG DE LA BDAG TU 'DZIN PA SKYES PA DANG 'BRAS BU BSDUS SHING BRDAS PA DANG MI SKYE BAR GYUR TO, ,DE NAS ZHING RNAMS BGOS TE, BDAG GIR KUN DU BZUNG NAS @156A *, ,GZHAN GYIS 'PHROG PAR RTZOM PA'I DANG PO DE YIN NO, ,DE NAS DE DAG GIS DE DAG CHAD PAS GCAD PA'I PHYIR 'DUS NAS GANG YANG RUNG BA'I MI ZHIG ZHING RNAMS KYI DBON POR BYED PA'I PHYIR DRUG CHAS BSTABS TE, ZHING RNAMS KYI DPON DE LA RGYAL RIGS ZHES BYA BA'I MING BYUNG NGO, ,SKYE BO'I TSOGS PHAL PO CHES BKUR BA DANG SKYE DGU KUN GYIS DGA' BAR BYAS PAS RGYAL PO MANG POS BKUR ZHES PA'I MING BYUNG STE, RGYAL PO GCIG NAS GCIG TU BRGYUD PA'I RTZOM PA DE YIN NO, ,DE NAS GANG YANG RUNG BA'I RGYAL PO ZHIG BA GAM PA'I PHYIR BSGO BAR MA BYAS PAS SEMS CAN RKUN PO MANG PO BYUNG BA DANG, DES DE DAG LA MTSON GYIS GSOD PAR BYED DO, ,DE NAS GZHAN ZHIG DAG KYANG BDAG GIS MA BYAS SO ZHES BRDZUN SMRA BAR BRTZAMS SO, ,DE NAS LAS KYI LAM LHAG PAS, ,TSE THUNG LO NI BCU DAG GO, ,DE NAS DE LTAR LAS KYI LAM RNAMS 'PHEL BA NA MI RNAMS KYI TSE KHAD KYIS THUNG NGUR GYUR PA DANG, THA MAR TSE LO BCU PA DAG TU GYUR TE, MI RNAMS KYI TSE LO BCU BA NA BAR GYI BSKAL PA'I TSA SAR PHYIN PA YIN NO, ,JI LTA BU YIN ZHE NA, SMRAS PA, BSKAL PA MTSON DANG NAD DANG NI, ,MU GE DAG GIS TSAR PHYIN TO, ,BCOM LDAN 'DAS KYIS 'DI SKAD MTSON DANG NAD DANG MU GE DANG GSUM GYIS BSKAL PA'I TSAR PHYIN TO ZHES GSUNGS SO, ,YANG MTSON CHAS GSOD PA DANG, NAD DANG, MU GE DAG SEMS CAN RNAMS LA JI SRID CIG 'BYUNG ZHE NA, ZHAG LA BDUN DANG ZLA BA DANG, ,LO RNAMS DAG STE GO RIMS BZHIN, ,MTSON CHAGS GSOD PA DANG NAD DANG MU GE RNAMS YIN NO, ,'JIG PA'I BSKAL PA DMYAL BA YI, ,SRID PA MED NAS SNOD ZAD PA, ,ZHES BSHAD PA LA YANG 'JIG RTEN 'JIG PA DU ZHIG YIN, RTZOM PA NI DU ZHIG CE NA, 'JIG PA DAG NI GSUM YIN TE, ,ME DANG CHU DANG RLUNG DAG GIS, ,SEMS CAN RNAMS BSAM GTAN GCIG TU BRJE BAS NA 'DI NI 'JIG RTEN PA STE, NYI MA BDUN GYIS NI MES 'JIG PA YIN NO, ,CHAR BA'I CHUS NI CHUS 'JIG PA'O, ,RLUNG GIS RAB TU 'KHRUGS PAS NI RLUNG GIS 'JIG PA'O, ,YANG 'JIG PA'I RTZE MO GANG YIN ZHE NA, BSAM GTAN GNYIS SOGS @156B GSUM PO NI, ,DE DAG GI RTZE RIM BZHIN NO, ,BCOM LDAN 'DAS KYIS JI SKAD DU 'JIG PA GSUNGS PA'I 'JIG PA'I RTZE MO GSUM STE, GANG GI TSE MES 'JIG PAR 'GYUR BA DE'I TSE NA 'BRAS BU CHE BA'I LHA RNAMS 'JIG PA'I RTZE MO YIN NO, ,GANG GI TSE CHUS 'JIG PAR 'GYUR BA DE'I TSE NI DGE RGYAS KYI LHA RNAMS 'JIG PA'I RTZE MO YIN NO, ,GANG GI TSE RLUNG GIS 'JIG PAR 'GYUR BA DE'I TSE NI 'BRAS BU CHE BA'I LHA RNAMS 'JIG PA'I RTZE MO YIN NO, ,YANG CI BSAM GTAN DANG PO DANG GNYIS PA DANG GSUM PA RNAMS ME DANG CHU DANG RLUNG GIS 'JIG PA NA, DE DANG SKYON DANG CHOS MTHUN PHYIR, ,BSAM GTAN DANG PO NA NI RTOG PA DANG DPYOD PA SKYON YIN TE, DE DAG KYANG YID KYI GDUNG BA YIN PA'I PHYIR ME'I BSKAL PA'O, ,GNYIS PA NA NI DGA' BA SKYON YIN TE, DE YANG SHIN TU BSRABS PA DANG LDAN PAS LUS MNYEN PAR BYED PA'I PHYIR CHU'I BSKAL PA'O, ,BSAM GTAN GSUM PA NA NI DBUGS 'BYUNG BA YIN PAS DE DAG LA NI RLUNG NGO ZHES GSUNGS TE, BSAM GTAN GANG LA SNYOMS PAR 'JUG PA'I NANG GI SKYON JI LTA BUR BSAM GTAN DE LA SNYOMS PAR 'JUG PA'I SKYON YANG DE LTA BU NYID DO, ,YANG BSAM GTAN BZHI PA DAG NA JI LTAR 'JIG CE NA, BZHI PA LA MED MI G-YO'I PHYIR, ,BSAM GTAN BZHI PA NA NI NANG GI SKYON DANG BRAL BA'I PHYIR BCOM LDAN 'DAS KYIS MI G-YO BAR GSUNGS TE, 'DI PHYIR DER PHYI'I SKYON YANG MI 'JUG PAS 'JIG PA MED DO, ,'O NA BSAM GTAN BZHI PA'I SNOD RTAG PAR 'GYUR RO ZHE NA, RTAG PA MA YIN SEMS CAN DANG, ,GZHAL MED KHANG BCAS 'BYUNG ZHING 'JIG ,BSAM GTAN BZHI PA LAS GCIG TU 'BREL PA NI MA YIN TE, JI LTA BU ZHE NA, DE NI GNAS GZHAN DU CHAD PA YIN PAS DE'I PHYIR SEMS CAN DE'I GZHAL MED KHANG BCAS TE, 'BYUNG ZHING 'JIG PAR 'GYUR RO, ,YANG CI SEMS CAN 'JIG PA'I MJUG THOGS SU CHUS 'JIG PA YIN NAM ZHE NA, SMRAS PA, MA YIN TE, 'DI LTAR ME BDUN GYIS TE, ,MES 'JIG PA BDUN PA YIN LA DE NAS NI, CHU GCIG GIS, CHUS 'JIG PA'I BDUN THAL NAS YANG, ,MES 'JIG BDUN YIN DE NAS NI, ,THA @157A *, ,MAR RLUNG GIS 'JIG PA'O, ,PHYIS NI RLUNG GI 'JIG PA GCIG YIN NO, ,CI'I PHYIR ZHE NA, ,SEMS CAN DE DAG GI SNYOMS PAR 'JUG PA'I KHYAD PAR LUS RNAMS GNAS PA'I KHYAD PAR JI LTA BAR SNOD RNAMS KYANG DE BZHIN NO, ,DE LTAR DE DAG GIS MES 'JIG PA LNGA BCU RTZA DRUG DANG, CHUS 'JIG PA BDUN DANG, RLUNG GI 'JIG PA GCIG TU 'GYUR TE, DE LTAR BYAS NA BTAGS PA LAS, DGE RGYAS KYI LHA RNAMS KYI TSE'I TSAD NI BSKAL PA DRUG CU RTZA BZHI'O ZHES BSHAD PA LEGS PAR GRANGS PA YIN NO, ,CHOS MNGON PA MDZOD KYI BSTAN BCOS 'JIG RTEN BSTAN PA'I 'GREL BA MDO DANG MTHUN PA LAS 'JIG RTEN BSTAN PA ZHES BYA BA MDZOD KYI GNAS GSUM PA'O,, ,,YANG SEMS CAN DANG SNOD KYI 'JIG RTEN RNAM PA SNA TSOGS BSHAD PA GANG YIN PA DE SUS BYAS SHE NA, SUS KYANG BLO SNGON DU BTANG STE BYAS PA NI MED DO, , 'O NA JI LTA BU ZHE NA, SEMS CAN RNAMS KYI, LAS LAS 'JIG RTEN SNA TSOGS SKYES, ,GAL TE LAS LAS SKYES NA CI'I PHYIR SEMS CAN RNAMS KYI LAS DAG GIS GUR KUM DANG, TZAN DAN LA SOGS PA CHES DGA' DGA' LTA BU SKYE BAR 'GYUR LA DE DAG GI LUS MA YIN ZHE NA, SEMS CAN 'DREN MAR BYED PA RNAMS KYI LAS DE LTA BU DAG KHO NAS GANG RMA LTA BUR 'GYUR BA'I LUS DAG DANG, DE'I GNYEN POR 'GYUR BA LONGS SPYOD DGA' DGA' LTA BU DAG SKYE'I, LHA 'DREN MAR BYED PA MA YIN PA RNAMS KYI NI GNYI GA YANG DGA' DGA' LTA BU DAG YIN NO, ,LAS DE YANG GANG ZHIG CE NA, DE NI SEMS PA DANG DES BYAS, ,MDO LAS LAS NI GNYIS TE, SEMS PA DANG, BSAMS PA'I LAS SO ZHES GANG GSUNGS PA LA, BSAMS PA GANG YIN BDE NI SEMS PAS BYAS PA DE YIN NO, ,LAS GNYIS PO DE DAG NI GSUM YIN TE, LUS DANG NGAG DANG YID KYI LAS RNAMS SO, ,LAS 'DI DAG JI LTAR GZHAG ,CI STE LAS SAM, 'O NA TE NGO BO NYID LAS SAM, 'ON TE KUN NAS SLONG BA LAS, GAL TE RTEN LAS YIN NA NI THAMS CAD LUS LA BRTEN PA'I PHYIS LUS KYI LAS GCIG PUR 'GYUR RO, ,GAL TE NGO BO NYID LAS YIN NA NI DE DAG @157B GI LAS GCIG PUR 'GYUR RO, ,GAL TE KUN NAS SLONG BA LAS YIN NA NI THAMS CAD KYANG KUN NAS BSLANG BA'I LAS GCIG PUR 'GYUR RO ZHE NA, BYE BRAG TU SMRA BA RNAMS NA RE RGYU GSUM GYI GO RIMS BZHIN DU GSUM RNAM PAR GZHAG GO ZHES ZER RO, ,DE LA, SEMS PA NI YID KYI LAS YIN NO ZHES BYA BAR RIG PAR BYA'O, ,DES SKYED LUS DANG NGAG GI LAS, ,SEMS PAS BSKYED PA GANG YIN PA, ,BSAMS PA'I LAS ZHES GSUNGS PA DE DAG NI LUS DANG NGAG GI LAS SU RIG PAR BYA'O, ,DE DAG RNAM RIG MIN, ,LUS DANG NGAG GI LAS DE DAG NI SO SOR RNAM PAR RIG BYED DANG, RNAM PAR RIG BYED MA YIN PA'I RANG BZHIN DAG TU RIG PAR BYA'O, ,DE LA, LUS RNAM RIG BYED DBYIBS SU 'DOD, ,SEMS KYI DBANG GIS LUS DE DANG DE LTAR GNAS PA NI LUS KYI RNAM PAR RIG BYED YIN NO, ,GZHAN DAG NA NI LUS KYI RNAM PAR RIG BYED 'GRO BA YIN PAR 'DOD DE, CI'I PHYIR ZHE NA, LUS G-YO BA NAS LUS KYI LAS YIN GYI MI G-YO BA NI MA YIN NO, ,DE LA 'GRO BA YIN PAR SMRA BA RNAMS LA DBYIBS SU SMRA BAS LAN BTAB PA, 'GRO BA MA YIN GANG GI PHYIR, ,'DUS BYAS SKAD CIG ,'DUS BYAS THAMS CAD NI BDAG NYID THOB PA LAS PHAN CHAD DU MI GNAS TE, GANG DU SKYES PA DE NYID DU 'JIG PA DE LA NI YUL GZHAN DU 'PHO BAR MI RIGS PAS, DE BAS NA LUS KYI RNAM PAR RIG BYED NI 'GRO BA MA YIN NO, ,GAL TE THAMS CAD SKAD CIG MA NYID DU GRUB PAR GYUR NA NI DE BZHIN DU 'GYUR BA ZHIG NA, MA GRUB PA'I PHYIR MA YIN NO ZHE NA, DE NI GRUB PA NYID KHONG DU CHUD PAR BYA'O, ,GANG LAS SHE NA, 'DUS BYAS LA NI RGYU MED PAR, ,'JIG PHYIR RO, ,'JIG PA NI BYA BA MA YIN PA'I PHYIR 'BYUNG BA THAMS CAD NI RGYU MED PAR 'JIG GO, ,RGYU MED PAR 'JIG PA GANG YIN PA DE GAL TE DNGOS PO BYUNG BA TZAM LAM YIN NA NI BYE BRAG MED PA'I PHYIR PHYIS KYANG MI 'GYUR BZHIG NA, DE NI MTHONG BA STE DE DAG NI SKAD CIG MA NYID DU GRUB BO, ,DNGOS PO RNAMS RGYU MED PAR 'JIG GO ZHES BYA BA 'DI GANG LAS SHE NA, BSHAD ZIN TO, ,JI SKAD DU BSHAD CE NA, 'JIG PA NI BYA BA MA YIN PA'I PHYIR RO ZHES BSHAD DO, ,GZHAN YANG, @158A *, ,RGYU MED PA LAS 'GA' MI 'BYUNG, ,GAL TE 'JIG PA LAS RGYU CAN ZHIG TU GYUR NA NI SKYE BA BZHIN DU 'GA' YANG RGYU MED PAR MI 'GYUR BA ZHIG NA, BLO DANG SGRA DANG ME LCE DAG GI SKAD CIG MA RNAMS LA RGYU MED PAR 'JIG PA YANG MTHONG BAS 'DI NI RGYU LA LTOS PA YANG MA YIN NO, , GAL TE YANG SHING LA SOGS PA ME DANG 'BREL PA'I RGYU CAN ZHIG TU 'JIG PAR 'GYUR NA NI CIR 'GYUR ZHE NA, CHOS PA LAS SKYE BA BZHIN DU 'JIG PA LA YANG 'JIG PA CAN DU 'GYUR RO, ,RGYU YANG 'JIG PA POR 'GYUR RO, ,GAL TE SHING LA SOGS PA'I GZUGS LA SOGS PA'I ME DANG 'BREL PA'I RGYU CAN DU 'JIG PAR GYUR NA NI, DE LTA YIN NA NI TSOS PA LAS SKYES PA'I TSOS PA DANG, CHER TSOS PA DANG, CHES CHER TSOS PA DAG LA RGYU NYID 'JIG PA POR 'GYUR TE, 'DI LTA ZHE NA, ME DANG 'BREL GANG CHES TSOS PA LAS SKYES PA BYUNG BA RNAMS DE NYID LAS SAM DE DANG 'DRA BA LAS, YANG TSOS PA DANG, CHER TSOS PA DANG, CHES CHER TSOS PA BYUNG NA DE DAG 'JIG PAS RGYU NYID DE DAG GI 'JIG PA PO 'AM RGYU BYE BRAG MED PAR 'GYUR BA ZHIG NA, GANG NYID LAS SAM GANG DANG 'DRA BA LAS SKYES PA NI DE NYID LAS SAM DE DANG 'DRA BA LAS MED PAR 'GYUR BAR RIG PA MA YIN PAS, DE'I PHYIR DNGOS PO RNAMS KYI 'JIG PA LA RGYU MED DO, ,BDAG NYID 'JIG PA YIN PA'I PHYIR 'JIG NA NI BYUNG BA TZAM NYID DU 'JIG PAS 'DI DAG SKAD CIG MAR 'JIG PAR GRUB BO, ,SKAD CIG MAR ZHIG PA'I PHYIR 'GRO BA MED DO, ,RTZVA MED BZHIN DU YUL GZHAN DU BAR CHAD MED PAR 'BYUNG BA LA 'GRO BA YIN PAR MNGON PA'I NGA RGYAL BYED DO, ,'GRO BA MED NA LUS KYI RNAM PAR RIG BYED NI DBYIBS YIN PAR GRUB BO, ,YANG DE SKAD DU SMRA BA DAG DBYIBS RDZAS SU SMRA BA RNAMS LA DPES STON PA DAG GIS SMRAS PA, KHA DOG LA SOGS PA LAS RIGS GZHAN PA'I DBYIBS RDZAS NI YOD PA MA YIN NO, ,GAL TE YOD NA NI DE, GNYIS GZUNG 'GYUR, MIG GIS MTHONG NA YANG RING PO'O ZHES BYA BAR RTOGS PAR 'GYUR LA, LUS KYI DBANG POS REG NA YANG RING PO'O ZHES BYA BAR RTOGS PAR 'GYUR TE, DE'I PHYIR 'DI NI DBANG PO NYID KYIS 'DZIN PAR @158B 'GYUR BA ZHIG NA, GZUGS KYI SKYE MCHED LA NI GNYIS KYIS 'DZIN PA MED DE, DE BAS NA DBYIBS NI RDZAS NYID DU MED DO, ,GANG YANG CHUNG ZAD THOGS PA DANG BCAS PA'I GZUGS YOD PA DE NI GDON MA ZOS PAR RDUL PHRA MO DAG LA YOD PAR 'GYUR BA ZHIG NA, RING BO LA SOGS PA YI DBYIBS, ,DE RDUL LA MED, DE BAS NA MANG PO DE LTAR GNAS PA NYID LA RING PO LA SOGS PAR GDAGS SO, ,DA NI LUS KYI 'GRO BA DANG DBYIBS KYANG BSAL NA, DE LA DPE STON PA KHYED RNAMS CI LA LUS KYI RNAM PAR RIG BYED DU 'DOGS SHE NA, DE DAG NI DBYIBS NYID LA LUS KYI RNAM PAR RIG BYED DU 'DOGS PAR BYED LA RDZAS SU NI MA YIN NO, ,DER 'DOGS PA NA JI LTAR LUS KYI LAS SU 'DOGS PAR BYED CE NA, LUS LA BRTEN PA'I LAS NI LUS KYI LAS TE, DE DANG DER LUS 'JUG PAR BYED PA'I SEMS PA GANG YIN PA'O, ,DE BZHIN DU NGAG DANG YID KYI LAS DAG LA YANG CI RIGS PAR RIG PAR BYA'O, ,GZHUNG PA DAG NA RE DBYIBS NI RDZAS NYID YIN LA, LUS KYI RNAM PAR RIG BYED NI DBYIBS KYI BDAG NYID CAN NO ZHES BRJOD DO, ,NGAG GI RNAM RIG NGAG GI SGRA, ,NGAG GI RANG BZHIN GYI SGRA GANG YIN PA DE NYID DAG GI RNAM PAR RIG BYED YIN NO, ,RNAM PAR RIG BYED MA YIN PA NI SNGAR BSHAD PA NYID DO, ,DPES STON PA DAG NA RE, DE YANG MI BYA BAR KHAS 'CHES PA TZAM YIN PA'I PHYIR RDZAS NYID DU MED DO ZHES ZER RO, ,GZHUNG PA DAG NA RE YOD DO ZHES ZER RO, ,JI LTAR SHES SHE NA, RNAM GSUM DRI MED GZUGS GSUNGS DANG, , 'PHEL DANG MA BYAS LA SOGS LAS, ,MDO LAS GZUGS RNAM PA GSUM GSUNGS PA LA, BSTAN DU YOD LA THOGS PA DANG BCAS PA'I GZUGS KYANG YOD, BSTAN DU MED LA THOGS PA DANG BCAS PA'I GZUGS KYANG YOD, BSTAN DU YANG MED LA THOGS PA YANG MED PA'I GZUGS KYANG YOD CES BYA BA GNAS GSUM DAG GI GZUGS KHO NAR GZUGS BSDU BAR 'GYUR RO, ,ZAG PA MED PA'I GZUGS KYANG GSUNGS TE, ZAG PA MED PA'I CHOS RNAMS GANG ZHE NA, 'DAS PA DANG MA 'ONGS PA DANG DA LTAR BYUNG BA'I GZUGS GANG LA RJES SU CHAGS PA'AM KHONG KHROB MI SKYE BA NAS RNAM PAR SHES PA GANG @159A *, ,LA MI SKYE BA ZHES BYA BA'I BAR 'DI NI ZAG PA MED PA'I CHOS ZHES BYA'O ZHES PA LA, RNAM PAR RIG BYED MA YIN PA'I GZUGS MA GTOGS PAR NI BSTAN DU MED CING THOGS PA MED PA'I GZUGS KYANG MED LA ZAG PA MED PA YANG MED DO, ,'PHEL BAR YANG GSUNGS TE, RDZAS LAS BYUNG BA'I BSOD NAMS BYA BA'I DNGOS PO BDUN GYI MDO LAS, RTAG TU RGYUN MI 'CHAD PAR BSOD NAMS MNGON PAR 'PHEL ZHING SKYE BAR 'GYUR BA NYID DO ZHES GSUNGS PA'ANG RNAM PAR RIG BYED MA YIN PA LAS GZHAN PA YID KYIS NI BSOD NAMS MNGON PAR 'PHEL BAR RUNG BA MA YIN NO, ,BDAG GIS MA BYAS LA GZHAN GYIS BYED DU BCUG PA'I LAS KYI LAM KUN NAS LDANG BA YANG MTHONG STE, DE YANG RNAM PAR RIG BYED MA YIN PA MED PAR MI RIGS SO, ,BCOM LDAN 'DAS KYIS KYANG, DGE SLONG DAG CHOS NI PHYI'I SKYE MCHED DE, SKYE MCHED BCU GCIG GIS MA BSDUS PA BSTAN DU MED CING THOGS PA MED PA'O ZHES GSUNGS KYI GZUGS CAN MA YIN PA'O ZHES NI MA GSUNGS PAS, GAL TE CHOS KYI SKYE MCHED KYI KHONGS SU GTOGS PA'I GZUGS MA GZIGS NA, DE LA DGOS PA CI ZHIG TU 'GYUR, SNYOMS PAR ZHUGS PA LA NGAG DANG, LAS KYI MTHA' DANG, 'TSO BA MED PA'I PHYIR RNAM PAR RIG BYED MA YIN PA MA GTOGS PAR 'PHAGS PA'I LAM GYI YAN LAG BRGYAD DU YANG MI 'GYUR BAS DE BAS NA RNAM PAR RIG BYED MA YIN PAS YOD PA NYID DO, ,GAL TE YOD LA DE YANG 'BYUNG BA CHEN PO RNAMS RGYUR BYAS PA'O ZHES BSHAD NA, DE CI RNAM PAR RIG BYED KYI 'BYUNG BA CHEN PO RNAMS NYID RGYUR BYAS NAS RNAM PAR RIG BYED MA YIN PA SKYE'AM ZHE NA, SMRAS PA, MA YIN TE, TSOGS PA DE NYID LAS 'BRAS BU PHRA MA DANG, 'BRAS BU RAGS PA DE GNYI GA 'BYUNG BAR NI MI RUNG NGO, ,JI RNAM PAR RIG BYED GANG GI DUS PA NYID YIN PA DE'I DUS PA NYID KYIS 'BYUNG BA CHEN PO DAG RGYUR BYAS BA MIN NAM ZHE NA, RGYUR BYAS PA'I GZUGS THAMS CAD NI PHAL CHER DE BZHIN NO, ,DA LTAR DANG MA 'ONGS PA CUNG ZAD CIG NI 'DAS PA'I 'BYUNG BA CHEN PO RNAMS RGYUR BYAS PA YIN TE, DE YANG GANG ZHE NA, 'DOD GTOGS RNAM RIG MIN SKAD CIG ,PHYIN CHAD 'DAS PA'I 'BYUNG LAS SKYES, , @159B 'DOD GTOGS RNAM RIG MIN ZHES BYA BA NI 'DOD PA NA SPYOD PA'O, ,SKAD CIG PHYIN CHAD CES BYA BA NI SKAD CIG MA DANG PO LAS DUS PHYI MA'O, ,'DAS PA'I 'BYUNG LAS SKYE ZHES BYA BA NI 'DAS PA'I 'BYUNG BA CHEN PO RNAMS RGYUR BYAS NAS SKYE BA STE, DE DAG NI 'DI'I GZHI'I DON DU 'GYUR LA, DA LTAR BYUNG BA'I 'BYUNG BA CHEN PO RNAMS RTEN GYI DON DU 'GYUR RO, ,RAB TU 'JUG PA DANG, RJES SU 'JUG PA'I RGYU YIN PA'I PHYIR GO RIMS BZHIN TE, 'KHOR LOS LA 'DRIL BA'I LAG PAS PHUG PA DANG, SA'I PHYOGS BZHIN NO, ,YANG SA GANG BA'I LUS DANG NGAG GI LAS LA GANG BA'I 'BYUNG BA RNAMS RGYUR BYAS PA YIN ZHE NA, ZAG BCAS LUS DANG NGAG GI LAS, ,RANG GI 'BYUNG BA RGYUR BYAS PA'O, ,'DOD PA NA SPYOD PA'I LUS DANG NGAG GI LAS NI 'DOD PA SBYOD PA NYID KYI 'BYUNG BA CHEN PO RNAMS RGYUR BYAS PA YIN LA, DE BZHIN DU BSAM GTAN BZHI PA'I SA PA'I BAR DU YANG DE'I SA PA NYID RNAMS RGYUR BYAS PA YIN NO, ,ZAG MED GANG DU SKYES PA YIN, ZAG PA MED PA'I LUS DANG NGAG GI LAS DE NI SA GANG DU SKYES PAR SKYED PAR BYED PAS DE NI SA DE PA'I 'BYUNG BA CHEN PO RNAMS RGYUR BYAS PA YIN PAR RIG PAR BYA STE, KHAMS SU MA GTOGS PA'I PHYIR BA DANG, ZAG PA MED PA RNAMS LA 'BYUNG BA DAG MED PA'I PHYIR BA DANG, DE'I STOBS KYIS SKYE BA'I PHYIR RO, ,DE LA RNAM PAR RIG BYED DANG, RNAM PAR RIG BYED MA YIN PA ZHES BYA BA'I LAS LA, RNAM RIG MA YIN RGYU MTHUN 'BYUNG, ,MA ZIN SEMS CAN ZHES BYA BAR, ,RIG PAR BYA'O, ,GZHAN YANG, RGYU MTHUN ZIN PA'I 'BYUNG LAS SKYES, ,RNAM PAR RIG BYED MA YIN PA NI RGYU MTHUN PA LAS BYUNG BA DANG, ZIN PA'I 'BYUNG BA CHEN PO RNAMS NYID RGYUR BYAS NAS SKYE STE, MNYAM PAR GZHAG PA MA YIN PA'I SA PA RNAMS NI DE LTA'O, ,TING 'DZIN LAS SKYES RGYU LAS 'BYUNG, ,MA ZIN 'BYUNG BA GCIG LAS SKYES, ,TING NGE 'DZIN LAS SKYES PA BSAM GTAN DANG, ZAG PA MED PA'I SDOM PA RNAM PAR RIG BYED MA YIN PA NI TING NGE 'DZIN SKYES PA DANG, RGYAS PA LAS BYUNG BA DANG, MA ZIN PA DANG THA DAD PA MA YIN PA'I 'BYUNG BA CHEN PO RNAMS RGYUR BYAS NAS SKYE STE, 'BYUNG BA GANG @160A *, ,DAG RGYUR BYAS NAS SROG GCOD PA SPANGS PA SKYE BA DE DAG NYID LAS TSIG KYAL PA SPANGS PA'I BAR DU SKYE'O, ,CI'I PHYIR ZHE NA, SEMS BZHIN DU 'BYUNG BA THA DAD PA'I PHYIR RO, ,SO SOR THAR BA'I SDOM PA NI 'BYUNG BA CHEN PO GZHAN DANG GZHAN DAG RGYUR BYAS NAS RNAM PAR RIG BYED MA YIN PA BDUN SKYE'O, ,RNAM PAR RIG BYED NI RGYU MTHUN PA LAS BYUNG BA STE, LUS KYIS NI ZIN PA'O, ,DE LTAR LAS RNAM PA GNYIS DANG, RNAM PA GSUM DANG, RNAM PA LNGAR BSHAD BDE LA RNAM PAR RIG BYED MA YIN PA NI DGE BA DANG MI DGE BA DANG RNAM PA GNYIS SO, , LUNG BSTAN MIN RNAM RIG MIN MED, ,CI'I PHYIR ZHE NA, LUNG DU MA BSTAN PA'I SEMS NI STOBS CHUNG BAS DE'I PHYIR GANG 'GAG KYANG DE'I RJES SU MTHUN PAR BYED PA'I LAS STOBS DANG LDAN PA 'PHEN PAR MI NUS SO, ,GZHAN NI RNAM GSUM, LAS GZHAN NI DGE BA DANG MI DGE BA DANG LUNG DU MA BSTAN PA DANG GSUM MO, ,GZHAN GANG ZHIG CE NA, RNAM PAR RIG BYED DANG SEMS PA'O, ,MI DGE NI, 'DOD PA'I MI DGE BA'I LAS NI 'DOD PA'I KHAMS 'BA' ZHIG NA YOD KYI GZHAN NI MA YIN TE, MI DGE BA'I RTZA BA RNAMS DANG, NGO TSA MED PA DANG KHREL MED PA SBANGS PA'I PHYIR RO, , DGE BA DANG LUNG DU MA BSTAN PA NI MA BKAG PA'I PHYIR THAMS CAD NA YOD DO, ,DE LA GZUGS NA'ANG RNAM RIG MIN, ,YANG GI SGRAS NI 'DOD PA NA YANG YOD DO, ,GZUGS MED PA DAG NI 'BYUNG BA MED PA'I PHYIR MED DE, GANG DU LUS DANG NGAG 'JUG PA DER LUS DANG NGAG GI GI SDOM PA YIN NO, , RNAM RIG SBYOD DANG BCAS PA YI, ,SA GNYIS NYID NA STE, 'DOD PA'I KHAMS DANG BSAM GTAN DANG PO NA YOD KYI DE YAN CHAD NA NI MED DO, ,'DOD PA NA YANG BSGRIBS PA MED, ,BSGRIBS PA'I RNAM PAR RIG BYED NI 'DOD BA'I KHAMS DAG NA YANG MED DO, ,TSANGS PA'I 'JIG RTEN 'BA' ZHIG NA YOD DE, ,TSANGS BA CHEN PO'I LUS DANG NGAG GI LAS NI G-YOS KUN NAS BSLANG BA'O ZHES GRAG GO, ,CI'I PHYIR TSANGS PA'I 'JIG RTEN YAN CHAD NA, RNAM PAR RIG BYED MED LA 'DOD PA'I KHAMS DAG NA YANG BSGREBS LA LUNG DU MA BSTAN PA MED CE NA, GANG PHYIR KUN SLANG MED, RTOG @160B PA DANG DBYOD PA DANG BCAS PA'I SEMS KYIS RNAM PAR RIG BYED KUN NAS SLONG BAR BYED NA, DE YANG BSAM GTAN GNYIS PA LA SOGS PA DAG NA MED LA, BSGOMS TE SPANG PAR BYA BAS YIN NA, BSGRIBS LA LUNG DU MA BSTAN PA'I SEMS DE YANG 'DOD PA'I KHAMS DAG NA MED LA, MTHONG BAS SPANG BAR BYA BA NI KHA NANG DU BLTAS PA YIN PA'I PHYIR RO, ,YANG CI KUN NAS SLONG BA'I DBANG 'BA' ZHIG GIS CHOS RNAMS KYI DGE BA DANG MI DGE BAR RIG PAR BYA BA'AM ZHE NA, SMRAS PA MA YIN TE, JI LTA ZHE NA, RNAM PA BZHI STE, DON DAM PA DANG, RANG BZHIN DANG MTSUNGS PAR LDAN PA DANG, KUN NAS SLONG BAS SO, ,DE LA RE ZHIG ,THAR PA DAM PA'I DON DU DGE ,SDUG BSNGAL THAMS CAD RNAM PAR ZHI BA NI MYA NGAN LAS 'DAS PA YIN TE, DE NI MCHOG TU BDE BA YIN PAS DON DAM PAR DE GE BA STE, NAD MED BA BZHIN NO, ,RTZA BA, NGO TSA KHREOL YOD PA BDAG NYID KYIS, , DGE BA'I RTZA BA GSUM DANG, NGO TSA SHES PA DANG, KHREL YOD PA NI RANG BZHIN GYIS DGE BA STE, MTSUNGS PAR GZHAN GYIS KUN NAS BSLANG BA LA MI LTOS PA'I PHYIR TE, 'PHROD PA'I SMAN PA BZHIN NO, ,DE DANG LDAN RNAMS MTSUNGS LDAN GYIS, ,DGE BA'I RTZA BA DANG NGO TSA SHES PA DANG KHREL YOD PA DE DAG NYID DANG MTSUNGS PAR LDAN PA'I CHOS RNAMS NI MTSUNGS PAR LDAN PAS DGE BA YIN TE, DE DAG DANG MI LDAN PA RNAMS LA DGE BA MED PA'I PHYIR SMAN DANG BSRES PA'I BTUNG BA BZHIN NO, ,KUN NAS BSLANG BAS BYA LA SOGS, ,DGE BA'I RTZA BA LA SOGS PA DE DAG NYID DANG MTSUNGS PAR LDAN PA'I CHOS RNAMS KYI KUN DU BSLANG BA'I LUS DANG NGAG GI LAS DANG SEMS DANG MI LDAN PA'I 'DU BYED RNAMS NI KUN NAS BSLANG BAS DGE BA STE, SMAN DANG BTUNG BA LAS BYUNG BA'I 'O MA BZHIN NO, ,DGE BA JI SKAD DU BSHAD PA DE LAS, BZLOG PA MI DGE ,JI LTA ZHE NA, 'KHOR BA NI SDUG BSNGAL THAMS CAD 'JUG PA'I BDAG NYID KYIS MCHOG TU MI BDE BA YIN PA'I PHYIR DON DAM PAR MI DGE BA'O, ,DGE BA'I RTZA BA DANG NGO TSA MED PA DANG KHREL MED PA NI RANG BZHIN GYIS SO, ,DE DANG MTSUNGS PAR LDAN PA'I CHOS RNAMS NI MTSUNGS PAR LDAN PAS SO, ,DES @161A *, ,KUN NAS BSLANG BA'I LUS DANG NGAG GI LAS DANG, THOB PA DANG SKYE BA LA SOGS PA NI, KUN NAS BSLANG BA STE, NAD DANG MI 'PHROD PA'I SMAN PA SOGS PAS DPER BYA'O, ,GAL TE DE LTAR NA 'KHOR BA'I KHONGS SU GTOGS PA'I PHYIR ZAG PA DANG BCAS PA NI CUNG ZAD KYANG LUNG DUM BSTAN PA'AM DGE BAR MI 'GYUR RO ZHE NA, DON DAM PAR DE SKAD DU BSHAD KYI RNAM PAR SMIN PA'I PHYIR LUNG DUM BSTAN PA GANG YIN PA DE NI LUNG DU MA BSTAN PA ZHES BYA LA, RNAM PAR SMIN YID DU 'ONG BA LA NI DGE BA ZHES BYA'O, ,GAL TE DON DAM PAR LUNG DUM BSTAN PA TZAM LA NI DE'I PHYIR DON RNAM PAR, LUNG DUM BSTAN BSTAN PA DAG ,'DUS MA BYAS GNYIS TE, NAM MKHA' SO SOR MA BRTAGS PA'I 'GOG PA NI RNAM GRANGS MED PAR LUNG DU MA BSTAN PA YIN NO, ,MTHONG STE, SPANG BAR BYA BA'I SEMS N I RNAM PAR RIG BYED KYI KUN NAS SLONG BAR BYED PA MA YIN NO ZHES GANG BSHAD PA, 'O NA CI'I PHYIR BCOM LDAN 'DAS KYIS LOG PAR LTA BA LAS NI LOG PAR RTOG PA DANG, LOG PA'I NGAG DANG, LOG PA'I LAS KYI MTHA' LA SOGS PA 'BYUNG NGO ZHES GSUNGS SHE NA, 'DI NI MI 'GAL BA NYID DE, GANG GI PHYIR, KUN SLONG RNAM GNYIS RGYU DANG NI, ,DE YI DUS KYI SLONG ZHES BYA, ,KUN NAS SLONG BA NI RNAM PA GNYIS TE, RGYU'I KUN NAS SLONG BA DANG, DUS KYI KUN NAS SLONG BA'O, ,DUS DE NYID DU DE SKYE BA'I PHYIR RO, ,GNYIS KYI DANG PO RAB 'JUG BYED, ,GNYIS PA RJES SU 'JUG BYED YIN, ,RGYU'I KUN NAS SLONG BA NI 'PHEN BAR BYED PA YIN PA'I PHYIR RAB TU 'JUG PAR BYED PA'O, ,DE'I DUS KYI KUN NAS SLONG BA NI BYA BA'I DUS SU MTHUN PAR 'JUG PA'I PHYIR RJES SU 'JUG PAR BYED PA STE, DE LA YANG, MTHONG BAS SPANG BYA'I RNAM SHES NI, ,RAB TU 'JUG BYED YIN, MTHONG STE SBANG BAR BYA BA'I SEMS NI DE KUN NAS SLONG BAR BYED PA RTOG PA DANG DPYOD PA GNYIS KYI GZHIR GYUR PA'I PHYIR RNAM PAR RIG BYED KYI RJES SU RAB TU 'JUG PAR BYED PA NI YIN GYI, KHA PHYIR BLTAS PA'I BYA BA'I DUS NA, DE MED PA'I PHYIR RJES SU 'JUG BAR BYED PA NI MA YIN TE, DE'I PHYIR MDO LAS RGYU'I KUN NAS SLONG BA'I DBANG DU MDZAD NAS GSUNGS PAS 'GAL @161B BA MED DO, ,YID NI, GNYI GA BSGOMS PAS SPANG BYA YIN, ,RAB TU 'JUG PAR BYED PA DANG, ,RJES SU 'JUG PAR BYED PA'I RNAM PAR SHES PA NI GNYI GA YANG BSGOMS PAS SPANG BAR BYA BA YIN NO, ,LNGA NI RJES SU 'JUG BYED PA'O, ,RNAM PAR SHES PA LNGA'I TSOGS NI RJES SU 'JUG BA NYID DO, , DE BAS NA 'DI NI MU BZHIR 'GYUR TE MTHONG BAS SPANG BAR BYA BA NI RAB TU 'JUG PAR BYED PA NYID DO, ,RNAM PAR SHES PA LNGA'I TSOGS NI RJES SU 'JUG PAR BYED PA NYID DO, ,YID KYI RNAM PAR SHES PA BSGOMS PAS SPANG BAR BYA BA NI GNYI GA'O, ,ZAG PA MED PA NI GNYI GA MA YIN PA'O, ,YANG CI RAB TU 'JUG PAR BYED PA JI LTA BUR RJES SU 'JUG PAR BYED PA YANG DE BZHIN YIN NAM ZHE NA, 'DI LA NGES PA MED DE, RAB 'JUG BYED DGE LA SOGS LA, ,RJES 'JUG BYED KYANG RNAM GSUM 'GYUR, ,RAB TU 'JUG PAR BYED PA DGE BA LA RJES SU 'JUG PAR BYED PA DGE BA DANG, MI DGE BA DANG LUNG DUM BSTAN PA YANG YOD LA, MI DGE BA DANG LUNG DU MA BSTAN PA LA YANG DE BZHIN NO, ,THUB PA'I 'DRA BA'AM, SANGS RGYAS BCOM LDAN 'DAS KYI NI RAB TU 'JUG PAR BYED PA DANG, RJES SU 'JUG PAR BYED PA 'DRA STE, DGE BA LA YANG DGE BA LUNG DU MA BSTAN PA LA YANG LUNG DU MA BSTAN PA'AM, DE DGE BA, RAB TU 'JUG PAR BYED PA LUNG DUM BSTAN PA DE LA YANG RJES SU 'JUG PAR BYED PAR BYED PA DGE BA YIN GYI RAB TU 'JUG PAR BYED PA DGE BA LA RJES SU 'JUG PAR BYED PA LUNG DU MA BSTAN PAR NI NAM YANG MI 'GYUR TE, SANGS RGYAS RNAMS KYI STON PA NI NAM YANG ZHUM PAR 'GYUR BA MA YIN NO ZHES NO ZHES 'BYUNG NGO, ,RAB TU 'JUG PAR BYED PA DANG, RJES SU 'JUG PAR BYED PA'I YID BSGOMS TE SPANG BAR BYA BAR BSHAD PA DE NI DGE BA DANG MI DGE BA DANG LUNG DUM BSTAN PA THAMS CAD DU RIG PAR BYA'O, ,RNAM SMIN LAS SKYES GNYI GA MIN, ,RNAM PAR SMIN PA LAS SKYES PA'I SEMS NI MNGON PAR 'DU BYA BA MED PAR 'JUG PA'I PHYIR RAB TU 'JUG PAR BYED PA YANG MA YIN LA RJES SU 'JUG PAR BYED PA YANG MA YIN NO, ,ZHAR LAS 'ONGS PA'I SKABS BSHAD ZIN TO, ,SNGAR BSHAD PA DE YANG, RNAM RIG MIN RNAM GSUM ZHES BYA, ,SDOM @162A *, ,DANG SDOM PA MIN DANG GZHAN, SDOM PA DANG SDOM PA MA YIN PA DANG, DE GNYIS LAS GZHAN SDOM PA NYID KYANG MA YIN SDOM PA MA YIN PA YANG MA YIN PA'O, ,TSUL KHRIMS 'CHAL PA'I SHUGS SDOM ZHING 'GOG PA NA SDOM PA'O, ,YANG DE LA, SDOM PA SO SOR THAR ZHES BYA, ,DE BZHIN ZAG MED BSAM GTAN SKYES, ,RNAM PA GSUM STE, SO SOR THAR PA'I SDOM PA NI 'DI LA 'DOD PA NA SPYOD PA RNAMS KYI TSUL KHRIMS YIN NO, ,BSAM GTAN GYI SDOM PA NI GZUGS NA SPYOD PA'I TSUL KHRIMS YIN NO, ,ZAG PA MED PA'I SDOM PA NI ZAG PA MED PA'I TSUL KHRIMS YIN NO, ,YANG DE LA, SO SOR THAR ZHES BYA RNAM BRGYAD, ,DGE SLONG GI SDOM PA DANG, DGE SLONG MA'I SDOM PA DANG, DGE SBYONG MA'I SDOM PA DANG, DGE SBYONG MA'I SDOM PA DANG, DGE BSNYEN GYI SDOM PA DANG, DGE BSNYEN MA'I SDOM PA DANG, BSNYEN GNAS KYI SDOM PA DANG, SDOM PA RNAM PA DE BRGYAD NI SO SOR THAR PA'I SDOM PA ZHES BYA STE, MING DU NI RNAM PA DE BRGYAD YIN NO, ,RDZAS NYID DU NI RNAM PA BZHI, ,DGE SLONG GI SDOM PA DANG, DGE SBYONG GI SDOM PA DANG, DGE BSNYEN GYI SDOM PA DANG, BSNYEN GNAS KYI SDOM PA STE, DE LTAR NA SO SOR THAR PA'I SDOM PA NI MTSAN NYID SO SOR NGES PA'I PHYIR RDZAS NYID DU NI RNAM PA DE BZHI YIN NO, ,DGE SLONG GI SDOM PA LAS NI DGE SLONG MA'I SDOM PA GZHAN MA YIN LA, DGE SBYONG GI SDOM PA LAS NI, DGE SBYONG MA DANG DGE SLOB MA'I SDOM PA GZHAN MA YIN LA, DGE BSNYEN GYI SDOM PA LAS NI DGE BA SNYEN MA'I SDOM PA GZHAN MA YIN TE, JI LTAR SHES NA, MTSAN LAS MING NI 'PHO BA'I PHYIR,, MTSAN ZHES BYA BA NI RTAGS ZHES BYA BA STE, GANG GIS SKYES PA DANG BUD MED DAG TU MTSON PAR BYED PA'O, ,MTSAN LAS NI DGE SLONG LA SOGS PA'I MING 'PHO BAR 'GYUR TE, JI LTAR ZHE NA, MTSAN YONGS SU 'GYUR NA, DGE SLONG NI DGE SLONG MA ZHES BYA LA, DGE SLONG MA YANG DGE SLONG ZHES BYA'O, ,DGE SBYONG NI DGE SBYONG MA ZHES BYA LA, DGE SBYONG MA DANG DGE SLOB MA YANG DGE SBYONG ZHES BYA'O, ,DGE SNYEN NI DGE BSNYEN MA ZHES BYA LA, DAG BSNYEN MA YANG DGE BSNYEN ZHES BYA STE, MTSAN YONGS SU 'GYUR BA LAS SNGON GYI SDOM PA GTONG BA'I RGYU YANG YOD PA MA YIN LA, SNGON MED @162B PA'I SDOM PA THOB PA YANG MA YIN PAS, DE BAS NA SDOM PA MANG PO DE DAG KYANG GSUM PO LAS RANG BZHIN THA MI DAD DO, ,GANG DGE BSNYEN GYI SDOM PA LAS DGE SBYONG GI SDOM PA BLANGS LA, DE LAS YANG DGE SLONG GI SDOM PA YANG DAG PAR BLANGS NA, CI SPONG BA'I 'PHEL BA DANG 'BREL PA'I PHYIR SDOM PA DE DAG NYI SHU RTZA LNGA ZHES BYA BA DANG, DONG TZE GCIG DANG DONG TZE GNYIS ZHES BYA BA BZHIN DU GZHAN DANG GZHAN ZHES BYA BAR DE DAG THAMS CAD SKYE'AM, 'ON TE DE DAG THAMS CAD THA DAD PA NYID GCIG TU SKYE ZHE NA, SMRAS PA, THA DAD, DE DAG NI MA 'DRES PA NYID DE, SDOM PA GSUM DAG LA SROG GCOD PA'I SPANGS PA GSUM NAS CHANG 'THUNG BA'I BAR DU MTSAN NYID THA DAD PAR SKYE STE, LHAG MA RNAMS KYANG DE BZHIN NO, ,DE DAG 'GAL BA MED, DE DAG GSUM CHAR YANG LHAN CIG BAR 'GYUR GYI, SDOM PA PHYI MA YANG DAG PAR BLANGS PAS SNGA MA GTONG BA NI MA YIN TE, DGE SLONG GI SDOM PA YONGS SU BTANG BAS DGE BSNYEN YANG MA YIN PAR 'GYUR DU 'ONG NGO, ,JI LTAR NA DGE BSNYEN YANG MA YIN PAR GNAS PAR 'GYUR BAS DGE SLONG GI BAR DU 'GYUR ZHE NA, LNGA BRGYAD BCU DANG THAMS CAD KYI, ,SPANGS PA'I SPONG BA 'DZIN PA LAS, ,DGE BSNYEN DANG NI BSNYEN GNAS DANG, ,DGE SBYONG DANG NI DGE SLONG RNAMS, ,GRANGS BZHIN DU MTHUN PAR RIG PAR BYA STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, 'BRU'I CHANG DANG SBYAR BA'I CHANG BAG MED PA'I GNAS LNGA RNAMS SPANG BA'I SPONG BA YANG DAG PAR BLANGS PA'I NI DGE BSNYEN DU 'GYUR RO, ,SROG GCOD PA DANG, MA BYIN PAR LEN PA DANG, MI TSANGS PA SPYOD PA DANG, BRDZUN DU SMRA BA DANG, CHANG 'THUNG BA DANG, DRI DANG PHRENG BA DANG BYUG PA DANG, GAR DANG GLU DANG ROL MO DANG, MAL STAN MTHON PO DANG MAL STAN CHEN PO DANG, DUS MA YIN PA'I KHA ZAS DANG BRGYAD KYI SPONG BA YANG DAG PAR BLANGS PAS NI BSNYEN GNAS PAR 'GYUR RO, ,DE DAG NYID DANG GSER DANG DNGUL LA SOGS PA YONGS SU 'DZIN PA DANG, GAR DANG GLU DANG ROL MO DANG, DRI DANG PHRENG BA DANG BYUG PA 'DIR GNYIS SU BYAS NAS BCUR 'GYUR TE, BCU'I SDOM PA YANG DAG PAR BLANGS PAS NI DGE SBYONG @163A *, ,DU 'GYUR RO, ,LUS LA SOGS PA'I LAS THAMS CAD KYI SPANGS PA'I SPONG BA YANG DAG PAR BLANGS PAS NI DGE SLONG DU 'GYUR RO, ,SO SOR THAR PA'I SDOM PA DE DAG NI, TSUL KHRIMS DANG NI LEGS SPYAD DANG, ,LAS DANG SDOM PA ZHES BYA'O, ,LAS MI MNYAM PA RNAMS MNYAM PAR 'JOG PA'I PHYIR TSUL KHRIMS ZHES BYA LA, NGES PA'I TSIG TU NA BSIL BA'I PHYIR ZHES BYA BA STE, TSIGS SU BCAD PA LAS KYANG, TSUL KHRIMS YANG DAG BLANGS PA BDE, ,LUS LA YONGS SU GDUNG BA MED, ,CES 'BYUNG BA'I PHYIR RO, ,MKHAS PA RNAMS KYIS BSNGAGS PA'I PHYIR LEGS PAR SPYOD PA'O, ,BYA BA'I RANG BZHIN YIN PA'I PHYIR LAS SO, ,YANG, DANG PO'I RNAM RIG RNAM RIG MIN, ,SO SOR THAR DANG BYA BA'I LAM, ,SDOM PA YANG DAG PAR BLANGS PA'I DANG PO RNAM PAR RIG BYED DANG, RNAM PAR RIG BYED MA YIN PA NI SO SOR THAR PA ZHES BYA STE, DES SDIG PA LAS SO SOR THAR PA'I PHYIR TE, SPANGS ZHES BYA BA'I DON TO, ,LUS DANG NGAG SDOM PA'I PHYIR SDOM PA ZHES KYANG BYA'O, ,LAS KYI LAM ZHES KYANG BYA'O, ,SKAD CIG MA GNYIS PA LA SOGS PA LA NI SO SOR THAR PA'I SDOM PA NYID YIN GYI, SO SOR THAR PA NI MA YIN NO, ,MJUG YIN GYI DNGOS KYI LAS KYI LAM NI MA YIN NO, ,YANG SDOM PA 'DI RNAMS LAS, GANG ZHIG GANG DANG LDAN ZHE NA, ,SO SOR THAR DANG LDAN PA BRGYAD, ,SO SOR THAR PA'I SDOM PA DANG NI, DGE SLONG DANG, DGE SLONG MA DANG, DGE SLOB DANG, DGE SLOB MA DANG, DGE TSUL DANG, DGE TSUL MA DANG, DGE BSNYEN DANG, DGE BSNYEN MA DANG, BRGYAD PA BSNYEN GNAS TE, RIS BRGYAD DANG LDAN NO, ,BSAM GTAN SKYES DANG DE LDAN LA, ,BSAM GTAN LAS BSAM GTAN GYIS BSKYED PAS NA BSAM GTAN LAS SKYES PA'O, ,GANG BSAM GTAN DANG LDAN PA DE GDON MI ZA BAR BSAM GTAN GYI SDOM PA DANG LDAN NO, ,'DIR NI NYER BSNGOGS KYANG BSAM GTAN DU BYAS NAS BRJOD DO, ,DPER NA GRONG 'DI NA 'BRAS KYI ZHING YOD DO, ,'BRU'I ZHING YOD DO ZHES GRONG GI NYE KOR LA YANG GRONG KHYER ZHES BYA BA BZHIN NO, ,ZAG MED 'PHAGS PA'I SEMS CAN DANG, ,ZAG PA MED PA'I SDOM PA DANG NI 'PHAGS PA'I GANG ZAG RNAMS DANG LDAN @163B TE; DE DAG KYANG SLOB PA DANG, MI SLOB PA'O, ,LHAN CIG 'BYUNG BA'I RGYU NI SEMS KYI RJES SU 'BRANG BA'I SDOM PA GNYIS SO ZHES GANG BSHAD PA LA, DE GNYIS GANG BSHAD NA, GSUM PO 'DI DAG NYID LAS, THA MA'I GNYIS NI SEMS RJES 'BRANG, ,BSAM GTAN GYI SDOM PA DANG, ZAG PA MED PA'I SDOM PA'O, ,SO SOR THAR PA'I SDOM PA NI MA YIN TE, SEMS GZHAN DANG SEMS MED PA LA YANG RJES SU 'JUG PA'I PHYIR RO, ,YANG BSAM GTAN GYI SDOM PA DANG, ZAG PA MED PA'I SDOM PA DE DAG NYID SPONG BA'I SDOM PA ZHES BYA BA'I MING 'THOB STE, GANG GI GNAS SKABS DAG TU SKYE ZHE NA, BAR CHAD MED LAM SKYES DE GNYIS, ,MI LCOGS MED LA SPONG ZHES BYA, ,MI LCOGS PA MED PA LA BSAM GTAN GYI SDOM PA DANG, ZAG PA MED PA'I SDOM PA DE GNYIS NI BAR CHAD MED PA'I LAM DGU DAG TU DE GNYIS KYIS TSUL KHRIMS 'CHAL PA DAG, DE KUN NAS SLONG BAR BYED PA'I NYON MONGS PA RNAMS SPONG BA'I PHYIR YANG SDOM PA ZHES BYA'O, ,YANG BCOM LDAN 'DAS KYIS, ,YID KYI SDOM PA LEGS PA STE, ,ZHES GANG BSHAD PA DANG, MIG GI DBANG PO'O, ,SDOM PAS BSDAMS TE, GNAS SO ZHES GANG BSHAD PA LA YID DANG DBANG PO'I SDOM PA 'DI GNYIS KYI RANG BZHIN CI ZHIG YIN, 'DI GNYIS RNAM PAR RIG BYAD MA YIN PA NI MA YIN PA JI LTA BU ZHIG YIN ZHE NA, SHES BZHIN DANG NI DRAN PA GNYIS, ,YID DANG DBANG PO SDOM PA DAG YIN, ,YID KYI SDOM PA NI DRAN PA DANG SHES BZHIN GYI RANG BZHIN YIN LA, DBANG PO'I SDOM PA YANG DRAN PA DANG SHES BZHIN GYI RANG BZHIN YIN PAS, RE RE LA YANG GNYIS KYI RANG BZHIN DU BSTAN PAR BYA BA'I PHYIR, YANG GNYIS ZHES BYA BA SMOS TE, GRANGS BZHIN DU GO BAR 'GYUR DU DOGS PA'I PHYIR RO, ,DA NI GANG ZHIG RNAM PAR RIG BYED DAM, RNAM PAR RIG BYED MA YIN PA GANG YANG DUS JI SRID CIG TU LDAN PA 'DI DPYAD PAR BYA STE, DE LA, SO SOR THAR LA GNAS PA NI,, MA BTANG BAS RTAG DA LTAR GYI, ,RNAMS RIG MIN LDAN, SO SOR THAR PA'I SDOM PA LA GNAS PAR BSHAD PA'I GANG ZAG GANG YIN PA DE NI JI SRID DU RNAM PAR RIG BYED MA YIN PA DE MI SPONG BA DE SRID DU RTAG TU DA LTAR GYI DE DANG LDAN NO, ,DANG PO'I, SKAD CIG PHYIN CHAD 'DAS PA DANG, ,SKAD CIG MA DANG @164A *, ,PO PHYIN CHAD NI 'DAS PA DANG YANG LDAN TE, THAMS CAD DU YANG MA BTAGS BA LAS ZHES BYA BA'I DBANG DU BYAS PAR RIG PAR BYA'O, ,SO SOR THAR PA'I SDOM PA JI SKAD DU BSHAD BA, SDOM MIN GNAS PA'ANG DE BZHIN NO, ,SDOM PA MA YIN PA LA GNAS PA YANG JI SRID DU SDOM PA MA YIN PA MI SPONG BA DE SRID DU RTAG TU DA LTAR GYI RNAM PAR RIG BYED MA YIN PA DANG LDAN LA, SKAD CIG MA GCIG PHYIN CAD NI 'DAS PA DANG YANG MI LDAN NO, ,BSAM GTAN SDOM DANG LDAN PA NI, ,RTAG TU 'DAS DANG MA 'ONGS DANG, ,BSAM GTAN GYI SDOM PA RNYED LAM BTANG BAS NI RTAG TU 'DAS PA DANG MA 'ONGS PA'I RNAM PAR RIG BYED MA YIN PA DANG LDAN NO, ,SKAD CIG MA DANG PO LA YANG TSE RABS GZHAN DU BOR BA'I BSAM GTAN GYI SDOM PA DANG 'DAS PA THOB BO, ,'PHAGS NI DNGOS PO 'DAS DANG MIN, ,'PHAGS PA'I GANG ZAG KYANG ZAG PA MED PA DANG, DE BZHIN DU 'DAS LA 'DI NI KHYAD PAR YIN TE, LAM NI SNGAR MA BSKYED PA'I PHYIR SKAD CIG MA DANG PO LA NI 'DAS PA DANG MI LDAN NO, ,MNYAM GZHAG 'PHAGS LAM GNAS DE GNYIS, ,DA LTAR DANG LDAN BSAM GTAN DANG, ,ZAG PA MED PA'I SDOM PA DANG LDAN PA GNYIS NI RIM PA BZHIN DU MNYAM PAR GZHAG PA DANG, 'PHAGS PA'I LAM LA ZHUGS PA STE, DA LTAR GYI RNAM PAR RIG BYED MA YIN PA DANG LDAN PA LA LANGS PA NI MA YIN NO, ,RE ZHIG DANG SDOM PA DANG SDOM PA MA YIN PA LA GNAS PA RNAMS NI DE LTAR BSHAD DO, ,YANG DA NI BAR MAR GNAS PA LA BRJOD PAR BYA STE, BAR GNAS LA, YOD NA DANG PO DA LTAR DANG; ,GANG SDOM PA YANG MA YIN SDOM PA MA YIN PA YANG MA YIN PA LA GNAS PA DE NI BAR MAR GNAS PA STE, DE LA NI RNAM PAR RIG BYED MA YIN PA GDON MI ZA BAR YOD PA MA YIN PAS, GANG LA TSUL KHRIMS 'CHAL BA DANG, TSUL KHRIMS KYI YAN LAG GIS BSDUS PA YOD PA DE NI DANG PO DA LTAR GYI RNAMS DANG LDAN NO, , DA LTAR GYI RNAM PAR RIG BYED MA YIN PA ZHES BYA BA NI 'DAS PA DANG MA 'ONGS PA GNYIS KYI BAR MA YIN NO, ,PHYIN CHAD DUS NI GNYIS DANG NGO, ,SKAD CIG MA DANG PO PHYIN CHAD NI 'DAS PA DANG MA 'ONGS PA DANG YANG LDAN TE, MA BTANG NA ZHES BYA BAR SBYAR RO, ,JI SDOM PA MA YIN PA LA GNAS @164B PA LA YANG RES 'GA' DGE BA'I RNAM PAR RIG BYED MA YIN PA DANG LDAN PAR 'GYUR ZHING SDOM PA LA GNAS PA YANG MI DGE BA DANG LDAN PAR 'GYUR RAM ZHEN 'GYUR RO, ,DUS JI SRID CIG TU ZHE NA, SMRAS PA, SDOM MIN GNAS LA DGE BA DANG, ,SDOM LA GNAS LA MI DGE BA'I, ,RNAM RIG MI LDAN JI SRID DU, , RAB DANG NYON MONGS SHUGS LDAN PAR, ,MCHOD RTEN LA PHYAG 'TSAL BA LA SOGS PA'I BYA BA BYED PA'I SHUGS GANG GIS SDOM PA MA YIN PA LA GNAS PA LA YANG DGE BA'I RNAM PAR RIG BYED MA YIN PA SKYE ZHING GSOD PA DANG, 'CHING BA DANG BRDEGS PA LA SOGS PA'I BYA BA BYED PA'I SHUGS GANG GIS SDOM PA LA GNAS PA LA YANG MI DGE BA'I RNAM PAR RIG BYED MA YIN PA SKYE LA, DE GNYIS JI SRID DU RJES SU 'BRANG BA DE SRID DU RNAM PAR RIG BYED MA YIN PA DE GNYIS KYANG RJES SU 'BRANG STE, DE YANG SKAD CIG MA DANG PO LA NI DA LTAR GYI RNAM PAR RIG BYED MA YIN PA 'BA' ZHIG DANG LDAN PAR 'GYUR LA, GZHAN DAG TU NI 'DAS PA DANG YANG LDAN NO, ,RNAM PAR RIG BYED MA YIN PA'I DBANG DU BYAS PA RDZOGS SO,, ,,RNAM RIG BYED NI THAMS CAD LA, ,BYED PA DAG LA DA LTAR LDAN, ,SDOM PA DANG SDOM PA MA YIN PA DANG BAR BA MA LA GNAS PA THAMS CAD KYANG, JI SRID DU RNAM PAR RIG BYED BYED PA DE SRID DU DA LTAR GYI DE DANG LDAN NO, ,MA BTANG NA NI SKAD CIG MA, ,PHYIN CHAD 'DAS LDAN, MA BTANG NA SKAD CIG MA DANG PO PHYIN CHAD NI 'DAS PA'I RNAM PAR RIG BYED DANG LDAN PAR 'GYUR RO, ,MA 'ONGS MED, MA 'ONGS PA'I RNAM PAR RIG BYED DANG LDAN PA NI 'GA' YANG MED DO, ,BSGRIBS DANG MA BSGRIBS GNYI GA YI, ,'DAS PA DAG DANG LDAN PA MED, ,BSGRIBS PA DANG MA BSGRIBS PA'I RNAM PAR RIG BYED 'DAS PA YANG 'GA' YANG MED DO, ,CHOS NYAM CHUNG BA'I THOB PA YANG NYAM CHUNG BA YIN PAS RJES SU 'BREL BA MA YIN NO, ,SDOM PA MA YIN PA LA GNAS PA ZHES GANG BSHAD PA, SDOM PA MA YIN PA ZHES BYA BA GANG ZHIG CE NA, ,SDOM PA MIN DANG NYES SPYAD DANG, 'CHAL BA'I TSUL KHRIMS LAS DE'I LAM, ,SDOM PA MA YIN PA'I RNAM GRANGS KYI SGRA NI DE DAG STE, DE LA LUS DANG NGAG GI SDOM PA'I PHYIR SDOM PA MA YIN PA'O, ,DMAN PA'I PHYIR BA DANG, 'BRAS BU YID DU MI 'ONG BA'I NYES PAR SPYAD @165A *, ,PA YIN NO, ,TSUL KHRIMS KYI MI MTHUN PA'I PHYOGS YIN PA'I PHYIR 'CHAL PA'I TSUL KHRIMS YIN NO, ,LUS DANG NGAG GI LAS YIN PA'I PHYIR LAS SO, ,DNGOS KYIS BSDUS PA'I PHYIR LAS KYI LAM MO, ,YANG RNAM PAR RIG BYED DANG LDAN LA RNAM PAR RIG BYED MA YIN PA DANG, MA YIN PA YANG YOD DE ZHES BYA BA MU BZHI STE, DE LA RE ZHIG ,BAR MA DOR GNAS SEMS ZHAN PAS, ,BYED DANG MA RIG NYID DANG LDAN, ,SDOM PA YANG MA YIN SDOM PA MA YIN PA LA GNAS PA ZHIG SEMS ZHAN PAS DGE BA'AM MI DGE BA ZHIG BYED NA, RNAM PAR RIG BYED 'BA' ZHIG DANG LDAN GYI, RNAM PAR RIG BYED MA YIN PA DANG NI MA YIN NA, LUNG DU MA BSTAN PA LTA SMOS KYANG CI DGOS, RDZAS LAS BYUNG BA'I BSOD NAMS BYA BA'I LAS KYI LAM NI MA GTOGS SO, ,RNAM RIG BOR DANG MA SKYES PA'I, ,'PHAGS PA'I GANG ZAG RNAM RIG MIN, ,'PHAGS PA'I GANG ZAG GANG ZHIG TSE GZHAN DU YONGS SU GYUR NAS DA DUNG DU RNAM PAR RIG BYED MA BYUNG BA'AM RNAM PAR RIG BYED RNAM PAR NYAMS NA, RNAM PAR RIG BYED MA YIN PA 'BA' ZHIG DANG LDAN GYI RNAM PAR RIG BYED DANG NI MA YIN NO, ,SDOM PA DANG, SDOM PA MA YIN PA DANG, BAR MA LA GNAS PA RNAMS DANG, SDOM PA DANG, SDOM PA MA YIN PA DANG LDAN PA RNAM PAR GZHAG PA BSHAD ZIN TO, ,YANG SDOM PA DE DAG JI LTAR 'THOB CE NA, BSAM GTAN LAS SKYES BSAM GTAN GYI, ,SA NYID KYIS 'THOB, GANG GI TSE BSAM GTAN GYIS BA'I SEMS ZAG PA DANG BCAS PA DNGOS GZHI PA'AM, NYER BSDOGS PA THOB PA DE'I TSE BSAM GTAN GYI SDOM PA YANG 'THOB STE, LHAN CIG 'BYUNG BA YIN PA'I PHYIR RO, ZAG MED NI, 'PHAGS DES, BSAM GTAN GYIS DE NYID KYI ZAG PA MED PAS 'THOB PA NA ZAG PA MED PA'I SDOM PA YANG 'THOB BO, ,DE LA ZAG PA MED BA NI, BSAM GTAN GYIS DRUG PO BSAM GTAN BZHI BA DANG, MI LCOGS PA MED PA DANG, BSAM GTAN KHYAD PAR CAN DAG NA YOD DE, DE NI 'OG NAS BSHAD PAR BYA'O, ,SO SOR THAR CES PA, GZHAN GYI RNAM RIG BYED SOGS LAS, ,SO SOR THAR PA'I SDOM PA NI GAL TE 'DI LA GZHAN GYI RNAM PAR RIG BYED LA 'DI YANG GZHAN LA RNAM @165B PAR RIG PAR BYED NA, GZHAN GYI RNAM PAR RIG BYED LAS 'THOB STE, DE YANG DGE 'DUN NAM GANG ZAG LAS SO, ,DGE 'DUN LAS NI DGE SLONG DANG, DGE SLONG MA DANG, DGE SLOB MA'I SDOM PA RNAMS SO, ,GZHAN DAG NI GANG ZAG LAS SO, ,RANG 'BYUNG LA SOGS PA LAS NI SANGS RGYAS DANG RANG SANGS RGYAS LA SOGS PA YIN NO ZHES RAB TU BSTAN PAR BYA BA'I PHYIR SOGS PA'I SGRA SMOS SO, ,YANG SO SOR THAR PA'I SDOM PA DE DE LTAR YANG DAG PAR LEN PA NA DUS JI SRID CIG GI BAR DU YANG DAG PAR BLANG BAR BYA ZHE NA, JI SRID 'TSO DANG NYIN ZHAG TU, ,SDOM PA YANG DAG BLANGS PA YIN, ,RIS BDUN GYI SO SOR THAR PA'I SDOM PA NI JI SRID 'TSO'I BAR DU YANG DAG PAR BLANGS PA'O, ,BSNYEN GNAS KYI SDOM PA NI NYIN ZHAG TU'O ZHES BYA BAR NGES SO, ,DA NI SDOM PA MA YIN PA'I DUS CI ZHIG YIN ZHE NA, SDOM PA MIN LA NYIN ZHAG MED, ,JI SRID 'TSO'I BAR DU SDIG PA'I LAS KHAS BLANGS PA LAS SDOM PA MA YIN PA SKYE'I, JI LTAR BSNYEN GNAS PA BZHIN DU NYIN ZHAG BA NI MED DO, ,CI'I PHYIR ZHE NA, 'DI LTAR, DE LTA BU LEN MED CES GRAG ,GANG GI PHYIR BSNYEN GNAS PA LTAR BDAG NI NYIN ZHAG GCIG TU SDOM PA LA MA YIN PAR GYUR CIG CES SDOM PA MA YIN PA YANG DAG PAR LEN PAR SMON PA NI SU YANG MED DE, DMAN BA'I LAS YIN PA'I PHYIR RO, ,YANG BSNYEN GNAS NYIN ZHAG TU LEN PA NA JI LTAR BLANG BAR BYA ZHE NA, DMA' BAR 'DUG SMRAS BLANGS PA YIS, ,NANG PAR GZHAN LAS BLANGS PA NI, ,BSNYEN GNAS YAN LAG TSANG BA DANG, ,MI BRGYAN MTSAN MO MA ZAD PAR, ,DMA' BAR 'DUG PA'AM TZOG TZOG PO'AM PUS MO BTZUGS LA THAL MO KHONG STONG DU SBYAR NAS TE, NAD PA NI MA GTOGS SO, ,'BOGS PA POS TSIG MA SMRAS PAR SNGAR YANG SMRA BAR MI BYA LA KHA BSDAMS TE SMRA BAR YANG MI BYA'O, ,NYIN ZHAG GI SDOM PA YIN PA'I PHYIR NANG PAR ZHES BYA BA NI RE ZHIG NYI MA SHAR BA'I TSE'O, ,GZHAN LAS NOD PAR BYA BA'I BDAG NYID LAS NI MA YIN TE, GZHAN LA LTOS PAS NI RKYEN YOD KYANG MI 'DA' BAR BYA BA'I PHYIR RO, ,YAN LAG TSANG BA STE, YAN LAG BRGYAD RIL GYIS NOD PAR BYA'I MA TSANG BA NI MA YIN NO, ,MI BRGYAN PAS TE, RGYAN NAR MA NI MA @166A *, ,GTOGS SO, ,MTSAN MO ZAD KYI BAR DU STE, JI SRID DU NYI MA SHAR GYI BAR DU'O, ,DE LTA MA YIN PAR MNOS PA NI LEGS PAR SPYOD PA TZAM DU 'GYUR GYI BSNYEN GNAS KYI SDOM PA NI MA YIN NO, ,CI'I PHYIR YAN LAG BRGYAD NOD CE NA, 'DI LTAR, TSUL KHRIMS YAN LAG BAG YOD BA'I, ,YAN LAG BRTUL ZHUGS YAN LAG STE, ,BZHI GCIG DE BZHIN GSUM RIM BZHIN, ,RE ZHIG BRDZUN DU SMRA BA SPONG BA'I BAR DU BZHI NI RANG BZHIN GYIS KHA NA MA THOB SPONG BA'I PHYIR, TSUL KHRIMS KYI YAN LAG YIN NO, ,CHANG 'THUNG BA SPONG BA GCIG PU NI BAG YOD PA'I YAN LAG YIN NO; ,YAN LAG GSUM NI BCAS PA'I KHA NA MA THO BA SBONG BA'I PHYIR BRTUL ZHUGS KYI YAN LAG YIN NO, ,CI BAG YOD PA'I YAN LAG DANG BRTUL ZHUGS KYI YAN LAG 'DI DAG MA MA NOS NA CIR 'GYUR ZHE NA, DE YI DRAN NYAMS RGYAGS 'GYUR RO, ,CHANG 'THUNGS PAS NI BYA BA DANG BYA BA MA YIN PA'I DRAN PA NYAMS PA NYID DU 'GYUR RO, ,MAL STAN MTHON PO DANG, MAL STAN CHEN PO DANG, GAR DANG GLU LA SOGS PA BSTEN PA NI DREGS PAR 'GYUR LA DREGS PA GYUR NAS NI TSUL KHRIMS 'CHAL BA YANG THAG MI RING BAR 'GYUR RO, ,DUS SU ZA ZHING ZAS NAR MA'I DUS YONGS SU SPANGS PA LAS NI SMYUNG BA'I DRAN PA DANG, YID BYUNG BA NYE BAR GNAS PAR 'GYUR TE, DE MED NA GNYI GA YANG MED DO, ,YANG CI BSNYEN GNAS 'DI DGE BSNYEN 'BA' ZHIG GI YIN NAM, 'ON TE GZHAN GYI YANG YIN ZHE NA, GZHAN LA'ANG BSNYEN GNAS YOD MOD KYI, ,SKYABS SU MA SONG BAR MIN NO, , DGE BSNYEN MA YIN PA YANG NYIN ZHAG DE LA SANGS RGYAS DANG, CHOS DANG, DGE 'DUN LA SKYABS SU SONG STE, BSNYEN GNAS NOD NA DE LA BSNYEN GNAS KYI SDOM PA SKYE BAR 'GYUR TE, GZHAN DU NI MA YIN NO, ,CI SKYABS SU 'GRO BA 'BA' ZHIG GIS DGE BSNYEN PAR 'GYUR RAM ZHE NA, RGYA GAR GYI YUL PA RNAMS NA RE NI 'GYUR RO ZHES ZER RO, ,KHA CHE RNAMS NA RE SDOM PA MED PAR MA YIN NO ZHES ZER RO, ,GANG YANG MDO LAS 'DI SKAD DU MING CHEN GANG GI PHYIR KHYIM PA GOS DKAR PO GYON PA, SKYES PA SKYES PA'I MTSAN DANG LDAN PA ZHIG SANGS RGYAS LA SKYABS SU 'GRO, CHOS LA SKYABS SU 'GO, @166B DGE 'DUN LA SKYABS SU 'GRO ZHING, BDAG LA DGE BSNYEN PAR GZUNG DU GSOL ZHES TSIG TU YANG SMRA NA, DE TZAM GYIS DGE BSNYEN PAR 'GYUR RO ZHES GSUNGS SO, ,'DI LA 'GAL BA MED DE, GANG GI PHYIR 'DI SKYE BAR 'GYUR BA DE NYID LAS, DGE BSNYEN NYID DU KHAS BLANGS PA LAS, SDOM PA, DGE BSNYEN NYID DU KHAS BLANGS PA 'BA' ZHIG GIS 'DI'I DGE BSNYEN GYI SDOM PA YANG SKYE BAR 'GYUR TE, GANG GI TSE BDAG LA DGE BSNYEN PHAR GZUNG DU GSOL ZHES KHAS LEN PA NYID NA'O, ,DE PHYIN CHAD SROG GCOD PA SPONG NGO ZHES PA NI SROG GCOD PA LA SOGS PA SPONG BA ZHES BYA BA'I THA TSIG STE, BAR GYI TSIG MI MNGON PAR BYAS PA'I PHYIR RO, ,SDOM PA THOB KYANG BRDAS SPRAD PAR BYA BA'I PHYIR BSLAB PA'I GZHI RNAMS, SMRA BA DGE SLONG BZHIN, JI LTAR DGE SLONG DANG DGE SBYONG SDOM PA THOB ZIN KYANG, BRDAS SBRAD PAR BYA BA'I PHYIR KHYOD KYI SDOM PA NI 'DI DANG 'DI'O ZHES YANG BSLAB PA'I GZHI RNAMS NOD DU GZHUG PA LTAR DGE BSNYEN PA YANG DE DANG 'DRA BAS SDOM PA MED PAR DGE BSNYEN PA YOD DO ZHES BYA BA NI MI RUNG NGO, ,GAL TE THAMS CAD BSDAMS NA NI, SNA GCIG SPYOD LA SOGS CI LTAR, ,GAL TE DGE BSNYEN THAMS CAD DGE BSNYEN GYI SDOM PA LA GNAS PA YIN NA, BCOM LDAN 'DAS KYIS SNA GCIG SBYOD PA DANG, PHYOGS GCIG SPYOD PA DANG, PHAL CHER SPYOD PA DANG, YONGS SU RDZOGS PAR SPYOD PA'I DGE BSNYEN ZHES GSUNGS PA JI LTA BU ZHE NA, DE YANG MI 'GAL TE, GANG PHYIR DE SRUNG BA LAS GSUNGS, ,GANG ZHIG BSLAB PA'I GZHI GANG SRUNG BAR BYED PA DE NI, SPYOD PA ZHES GSUNGS KYI THAMS CAD KYANG SDOM PA LA GNAS PAR NI 'DRA'O, ,SDOM PA THAMS CAD KYANG, CHUNG LA SOGS NYID YIN JI BZHIN, CHUNG DU DANG 'BRING DANG CHEN PO NYID NI YANG DAG PAR LEN PA'I SEMS KYI DBANG LAS TE, DE LTAR BSHAD NA DGRA BCOM PA LA YANG SO SOR THAR PA'I SDOM PA CHUNG DU SRID LA, SO SO'I SKYE BO LA YANG CHEN PO SRID DO, ,YANG GANG ZHIG SANGS RGYAS DANG CHOS DANG DGE 'DUN LA SKYABS SU 'GRO NA, 'DI'I SKYABS SU 'GRO BA CI ZHIG YIN ZHE NA, SANGS RGYAS DGE 'DUN BYED PA'I CHOS, ,MI SLOB PA DANG GNYI @167A *, ,GA DANG, ,MYA NGAN 'DAS LA SKYABS 'GRO GANG, ,DE YI SKYABS NI GSUM YIN NO, ,GANG ZHIG SANGS RGYAS LA SKYABS SU 'GRO BA DE NI SANGS RGYAS SU BYED PA'I CHOS MI SLOB PA LA SKYABS SU 'GRO BA YIN TE, GTZO BO GANG DAG GIS DE'I LUS SANGS RGYAS ZHES BYA BAR BRJOD PA'O, , GZUGS KYI SKU NI SNGA MA DANG PHYI MAR YANG BYE BRAG MED PA'I PHYIR RO, ,GANG ZHIG DGE 'DUN LA SKYABS SU 'GRO BDE NI DGE 'DUN BYED PA'I CHOS SLOB BA DANG MI SLOB PA LA SKYABS SU 'GRO BA YIN TE, GANG DAG THOB PAS GANG ZAG BRGYAD PO DBYE BAR MI NUS PA'I PHYIR MI PHYED PAR 'GYUR BA'O, ,GANG ZHIG CHOS LA SKYABS SU 'GRO BDE NI SO SOR BRTAGS PA'I 'GOG PA MYA NGAN LAS 'DAS PA LA SKYABS SU 'GRO BA YIN TE, BDAG DANG GZHAN GYI RGYUD KYI NYON MONGS PA DANG, SDUG BSNGAL ZHI BA'I MTSAN NYID DU GCIG PA YIN PA'I PHYIR RO, ,YANG CI'I PHYIR SDOM PA GZHAN DAG TU NI MI TSANGS PAR SPYOD PA SPONG BA BSLAB PA'I GZHIR RNAM PAR GZHAS LA, DGE BSNYEN LA NI 'DOD PAS LOG PAR G-YEM PA SPONG BA BSLAB PA'I GZHIR RNAM PAR GZHAG CE NA, LOG G-YEM RAB TU SMAD PHYIR DANG, ,SLA PHYIR MI BYA RNYED PA'I PHYIR, ,'DOD PAS LOG PAR G-YEM PA NI GZHAN DAG GI CHUNG MA SUN PHYUNG BA'I PHYIR BA DANG; ,NGAN SONG BA'I RGYU YIN PA'I PHYIR 'JIG RTEN NA SHIN TU SMAD PA LTAR, MI TSANGS PAR SPYOD PA NI DE LTA MA YIN PA'AM, KHYIM NA GNAS PA DAG GIS 'DOD PAS LOG PAR G-YEM PA SPONG BA SRUNG BAR SLA'I MI TSANGS PAR SPYOD PA NI SRUNG BAR DKA' BAS SRUNG MI NUS PA'AM, 'PHAGS PA TSE RABS GZHAN DAG TU YANG BYA BA MA YIN PA MI SPYOD PA'I PHYIR MI BYA BA'I SDOM PA LA 'DOD PAS LOG PAR G-YEM PA SPONG BA THOB PAS NA, DGE BSNYEN LA YANG MI TSANGS PAR SPYOD PA SPONG BA ZHES MA SMOS LA, DE SPONG BA 'GA' ZHIG BSLAB PA'I GZHIR RNAM PAR GZHAG STE, SLOB PA CHES GZHAN DU GYUR NA, DGE BSNYEN GYI SDOM PA'I YAN LAG DAG LA SDOM PA MA YIN PAR 'GYUR DU 'ONG NGO, ,BYA BA MA YIN PA NI MI BYA BAR MA NGES PA'I SDOM PA'O, ,GANG ZHIG DGE BSNYEN PAR GYUR NAS CHUNG MA LEN NA DE DAG GIS DE DAG LA YANG SDOM PA THOB BAM MA THOB CE NA THOB PO, ,DE LTA MA YIN NA NYI TSE BA'I SDOM PA THOB PAR 'GYUR DU @167B 'ONG NGO, ,JI LTAR SDOM PA ZHIG PAR MI 'GYUR ZHE NA, GANG GI PHYIR, JI LTAR KHAS BLANGS BZHIN SDOM PA, ,RNYED DE RGYU LAS MA YIN NO, ,JI LTAR KHAS BLANGS PA DE BZHIN DU DE DAG GI SDOM PA RNYED DE, DE DAG GIS JI LTAR KHAS BLANGS SHE NA, BDAG 'DOD PAS LOG PA G-YEM PA SPONG NGO ZHES KHAS BLANGS KYI, BDAG GI RGYUD 'DI LA MI TSANGS PAR SPYOD PA MI BYA'O ZHES NI MA SMRAS SO, ,DE'I PHYIR DE DAG GIS DE'I GZHI LAS, 'DOD PAS LOG PAR G-YEM PA'I YAN LAG GI SDOM PA 'BA' ZHIG THOB KYI MI TSANGS PAR SPYOD PA NI MA YIN PAS, CHUNG MAR GYUR PA LA SDOM PA ZHIG PA MED DO, ,YANG CI'I PHYIR, BRDZUN DU SMRA BA SPONG BA 'BA' ZHIG DGE BSNYEN GYI SDOM PA LA BSLAB PA'I GZHIR BYAS LA, PHRA MA SPONG BA LA SOGS PA NI MA YIN ZHE NA, RGYU GSUM PO DE DAG NYID KYI PHYIR TE, BRDZUN DU SMRA BA NI SHIN TU SMAD PA YIN PA'I PHYIR BA DANG, BSRUNG BAR SLA BA'I PHYIR BA DANG, MI BYA BA THOB PA'I PHYIR RO, ,BSLAB PA THAMS CAD LAS 'DAS PA LAS, ,BRDZUN YANG ZLA LA SMRA BA YI, ,BSLAB PA THAMS CAD DU 'DAS PA LA DRIS PA DANG, BDAG GIS DE LTA BU MA BYAS SO ZHES ZHAR LA BRDZUN SMRA BA, 'DI NYES PAR GNAS PA LA 'GYUR BAS, DE'I PHYIR BRDZUN DU SMRA BA SPONG BA ZHES BYA STE, JI LTAR 'DAS PAR BYAS KYANG, BDAG NYID CHAGS PAR 'GYUR RO, ,YANG CI'I PHYIR BCAS PA'I KHA NA MTHO BA 'DI'I BSLAB PA'I GZHIR MA BZHAG CE NA, GZHAG STE, BCAS PA'I KHA NA MA THO BA, ,CHANG NYID, CI'I PHYIR CHANG 'BA' ZHIG YIN LA GZHAN GYI MA YIN ZHE NA, GZHAN NI SRUNG BA'I PHYIR, CHANG 'THUNG NA YAN LAG GZHAN DANG GZHAN DAG MI SRUNG BAR 'GYUR BAS, DE'I PHYIR DE 'BA' ZHIG GIS BSLAB PA'I GZHI RNAM PAR GZHAG GI GZHAN DAG GIS NI MA YIN NO, ,SO SOR THAR PA DANG, BSAM GTAN DANG, ZAG PA MED PA'I SDOM BA GANG YIN PA GSUM PO 'DI DAG, JI 'DI DAG LAS GCIG 'THOB PA DE LAS LHAG MA RNAMS KYANG 'THOB PA MA ZHE NA, SMRAS PA, MA YIN TE, JI LTA ZHE NA, 'DOD GTOGS THAMS CAD GNYI GA DANG, ,DA LTAR GYI LAS THOB PAR 'GYUR, ,'DOD GTOGS ZHES BYA BA NI SO SOR THAR @168A *, ,BA'I SDOM PA YIN NO, ,THAMS CAD LA ZHES BYA BA NI SBYOR BA DANG, DNGOS DANG, MJUG LAS SO, ,GNYI GA LAS ZHES BYA BA NI SEMS CAN DANG, SEMS CAN MA YIN PA DANG, RANG BZHIN DANG BCAS PA'I KHA NA MA THO BA LAS SO, ,SEMS CAN GYI RTEN DU THA SNYAD BTAGS PA'I PHYIR DA LTAR GYI PHUNG PO DANG KHAMS DANG SKYE MCHED 'BA' ZHIG LAS 'THOB KYI, 'DAS PA DANG MA 'ONGS PA LAS NI MA YIN TE, DE DAG NI SEMS CAN DU NI MI BGRANG BA'I PHYIR RO, ,BSAM GTAN ZAG MED SDOM GNYIS NI, ,DNGOS DANG DUS NI THAMS CAD LAS, ,BSAM GTAN DANG, ZAG PA MED PA'I SDOM PA GNYIS NI DNGOS KYI LAM 'BA' ZHIG LAS 'THOB KYI, SBYOR BA DANG MJUG LAS KYANG MA YIN NA BCAS PA'I KHA NA MA THOB LAS LTA SMOS KYANG CI DGOS, DUS THAMS CAD LAS 'DAS PA DANG MA 'ONGS PA'I PHUNG PO DANG, KHAMS DANG SKYE MCHED LAS KYANG 'THOB BO; ,YANG CI SDOM PA DANG SDOM PA MA YIN PA GNYIS SEMS CAN THAMS CAD DANG, YAN LAG THAMS CAD DANG, RGYU THAMS CAD LAS 'THOB BAM, 'ON TE BYE BRAG YOD CE NA, SMRAS PA, YOD DE, RE ZHIG NGES PAR 'THOB PA NI, ,SDOM PA SEMS CAN THAMS CAD LAS, ,YAN LAG RGYU LAS DBYE BA YOD, ,SDOM PA NI SEMS CAN THAMS CAD LAS 'THOB PA NYID DE, 'GA' LAS NI MA YIN NO, ,YAN LAG NI DBYE BA YOD DE, KHA CIG NI THAMS CAD LAS 'THOB STE, DGE SLONG GI SDOM PA'O, ,KHA CIG NI BZHI LAS TE, DE LAS GZHAN PA'O, ,LAS KYI LAM RNAMS NI SDOM PA'I YAN LAG YIN NO, ,RGYU LAS KYANG KHA CIG NI RNAM GRANGS THAMS CAD KYIS SO, ,KHA CIG NI GCIG GI STE, RE ZHIG THAMS CAD KYI ZHES BYA BA GANG GIS SHE NA, GAL TE MA CHAGS PA DANG, ZHE SDANG MED PA DANG, GTI MUG MED PA RNAMS LA RGYU DAG TU 'DOD PA NA'O, ,GCIG GIS ZHES BYA BA GANG GIS SHE NA, GAL TE SEMS CHUNG DU DANG, 'BRING DANG, CHEN PO RNAMS LAS RGYU DAG TU 'DOD PA NA'O, ,GANG LAS SDOM PA THOB PA BSHAD ZIN TO, ,SDOM PA MIN PA THAMS CAD DANG, ,YAN LAG KUN LA RGYUS MIN NO, ,SEMS CAN THAMS CAD DAG LAS @168B KYI LAM THAMS CAD LAS 'THOB STE, SDOM PA MA YIN PA TSANG BA'I SDOM PA MA YIN PA CAN NI MED DO, ,RGYU THAMS CAD KYIS NI MA YIN TE, SEMS CHUNG DU LA SOGS BA CIG CAR DU 'BYUNG BA MED PA'I PHYIR RO, ,SDOM PA MA YIN PA GANG LAS 'THOB PA BSHAD ZIN TO, ,JI LTAR 'THOB BA NI MA BSHAD PAS DE'I PHYIR BRJOD PAR BYA STE, SDOM PA MIN BA'I SDOM PA'AM, ,KHAS LEN PA LAS THOB PAR 'GYUR, ,SDOM PA MA YIN PA NI RGYU RNAM PA GNYIS KYIS 'THOB STE, DE'I RIGS CAN RNAMS NI GSOD PAR SBYOR BA'I SBYOR BA LAS SO, ,DE'I RIGS CAN MA YIN PA RNAMS NI 'DI SKAD DU BDAG CAG KYANG 'TSO BA 'DIS 'TSO BAR BYA'O ZHES KHAS LEN PA LAS SO, ,LHAG MA'I RNAM RIG MI 'THOB PA, ,ZHING DANG LEN DANG GUS BYED PAS, ,LHAG MA GANG ZHIG CE NA, SDOM PA'ANG MA YIN SDOM PA MA YIN PA'ANG MA YIN PA ZHES BYA'O, ,DE DAG GI ZHING LA SOGS PA'I DBANG GIS 'THOB STE, GANG DU KUN DGA'I RA BA LA SOGS PA PHUL BA TZAM GYIS RNAM BAR RIG BYED MA YIN PA SKYE BA NI DE DANG MTHUN BA'I ZHING YIN TE, 'DI LTA STE RDZAS LAS BYUNG BA'I BSOD NAMS BYA BA'I DNGOS PO DAG LAS SAM, YANG NA SANGS RGYAS LA PHYAG 'TSAL GYI BAR DU ZAN MI ZA'O ZHES BYA BA DANG, TSES SAM ZLA BA PHYED DAM ZLA BA GCIG CING YANG RTAG TU MCHOD STON BYA'O ZHES BYA BA LA SOGS PA'I YI DAM YANG DAG PAR BLANGS PA'AM, DGE BA'AM MI DGE BA DAG LAS RNAM PAR RIG BYED MA YIN PA SKYE BAR 'GYUR BA DE DANG MTHUN PA'I LAS GUS PAR BYED PA LAS SO, ,SDOM PA DANG SDOM PA MA YIN PA RNAMS JI LTAR 'THOB PA 'DI NI BSHAD ZIN TO, ,DA NI SDOM PA BRJOD PAR BYA STE, DE LA RE ZHIG SO SOR THAR BA'I 'DUL GTONG BA, ,BSLAB PA PHUL DANG SHI 'PHOS DANG, ,MTSAN GNYIS DAG NI 'BYUNG BA DANG, ,RTZA BA CHAD DANG MTSAN 'DAS LAS, ,DES 'DUL BAR BYED PAS NA 'DUL BA STE, SO SOR THAR PA'I SDOM PA YIN PAR DGONGS PA'O, ,BSNYEN GNAS KYI SDOM PA MA GTOGS PAR, DE NI RGYU RNAM PA BZHIS GTONG STE, MI BRDA PHRANG BA'I DRUNG DU BSLAB PA'I GZHI RNAMS BSAM PA THAG PA NAS SLAR PHUL BA'AM, RIS MTHUN PA BTANG BA'AM, MTSAN GNYIS @169A *, ,CIG CAR DU BYUNG BA'AM, DGE BA'I RTZA BA CHAD PA LAS SO, ,BSNYEN GNAS KYI SDOM PA NI DE DAG DANG MTSAN MO ZAD PA LAS TE, DE LTAR NA DE DAG NI BSDU NA GTONG BA'I RGYU LNGAR 'GYUR RO, ,CI'I PHYIR RGYU DE DAG GIS GTONG BAR 'GYUR ZHE NA, YANG DAG PAR BLANGS PA DANG 'GAL BA'I RNAM BAR RIG BYED BSKYED PA'I PHYIR BA DANG, LUS BOR BA'I PHYIR BA DANG, RTEN NYAMS PA'I PHYIR BA DANG, GZHI CHAD PA'I PHYIR BA DANG, DE SRID DU 'PHANGS PA'I PHYIR RO, ,KHA CIG LTUNG BAR 'GYUR LAS SMRA, ,GZHAN DAG NA RE LTUNG BAR 'GYUR BA BZHI LAS GANG YANG RUNG BA ZHIG GIS DGE SLONG DANG DGE SBYONG GI SBOM PA GTONG NGO ZHES ZER RO, ,GZHAN DAG DAM CHOS NUB PA LAS, ,GZHAN DAG NA RE NI DAM PA'I CHOS NUB PA LAS SDOM PA GTONG NGO ZHES ZER RO, ,BU LON NOR BZHIN KHA CHA RNAMS, ,BYUNG BA LA YANG GNYIS SU 'DOD, ,KHA CHE BYE BRAG TU SMRA BA RNAMS NA RE, RTZA BA'I LTUNG BA BYUNG BA LA SDOM PA GTONG BA MED DE, CI'I PHYIR ZHE NA, PHYOGS GCIG ZHIG PAS SDOM PA ZAD PAR GTONG BA NI MI RIGS SO ZHES ZER RO, ,LTUNG BA GZHAN BYUNG BA LA YANG TSUL KHRIMS 'CHAL BA NI MED DE, JI LTA ZHE NA, 'DI LA TSUL KHRIMS DANG, 'CHAL BA'I TSUL KHRIMS GNYI GA YANG YOD PAS, DPER NA 'GA' ZHIG LA NOR YANG BDOG BU LON YANG CHAGS PA BZHIN NO, ,LTUNG BA DE BSHAGS PA LAS TSUL KHRIMS DANG LDAN PAR 'GYUR LA, TSUL KHRIMS 'CHAL PA NI MA YIN TE, DPER NA BU LON BCAL NAS NOR DANG LDAN PAR 'GYUR BA BZHIN NO, ,SO SOR THAR PA'I SDOM PA JI LTAR GTENG BA BSHAD ZIN TO, ,YANG BSAM GTAN DANG, ZAG PA MED PA'I SDOM PA GNYIS JI LTAR GTONG ZHE NA, BSAM GTAN GTOGS PA'I DGE BA NI, ,SA 'PHOS NYAMS PA GNYIS KYIS GTONG NGO, ,BSAM GTAN DU GTOGS PA'I DGE BA THAMS CAD NI RGYU GNYIS KYIS GTONG STE, STENG NGAM 'OG TU SKYE BA LAS TE, SA 'PHOS PA LAS SAM SNYOMS PAR 'JUG PA LAS TE, YONGS SU NYAMS BA LAS SO, ,JI LTAR GZUGS SU GTOGS PA'I DGE BAS 'PHO BA DANG YONGS SU NYAMS PA GNYIS KYIS GTONG BA LTAR, DE BZHIN GZUGS MED GTOGS 'PHAGS PA, ,'BRAS BU THOB SBYANGS NYAMS PA LAS, ,ZAG PA @169B MED PA'I DGE BA NI RGYU GSUM GYIS GTONG BAR 'GYUR TE, 'BRAS BU THOB PA LAS NI LAM SNGA MA GTONG BAR 'GYUR RO, ,DBANG PO SBYANGS PA LAS NI DBANG PO RTUL PO'I LAM GTONG NGO, ,YONGS SU NYAMS PA LAS NI 'BRAS BU'AM 'BRAS BU KHYAD PAR CAN GTONG BAR 'GYUR TE, SDOM PA NI RE ZHIG DE LTAR GTONG NGO, ,SDOM MIN SDOM PA THOB PA DANG, ,SHING DANG MTSAN GNYIS BYUNG BA LAS, ,RGYU GSUM GYIS SDOM PA MA YIN PA 'CHAD DE, ,SDOM PA THOB PA LAS NI GAL TE SDOM PA BLANGS PA'AM RGYU DANG RKYEN GYI STOBS KYIS TING NGE 'DZIN THOB PAS BSAM GTAN GYI SDOM PA THOB NA GNYEN PO STOBS DANG LDAN PA'I PHYIR DE DAG GI SDOM PA MA YIN PA 'CHAD PAR 'GYUR BA'AM, LUS BOR BA'I PHYIR 'CHI BA LAS SAM, RTEN NYAMS PA'I PHYIR MTSAN GNYIS BYUNG BA LAS SO, ,YANG SDOM PA DANG SDOM PA MA YIN PA LAM GTOGS PA'I RNAM PAR RIG BYED MA YIN PA JI LTAR 'CHANG CE NA, BAR MA SHUGS LDAN BYA BA DANG, ,DON TSE RTZA BA CHAD PA LAS, ,RAB TU DANG BA DANG NYON MONGS PA'I SHUGS GANG GIS RNAM PAR RIG BYED MA YIN PA 'DI 'PHANGS PA YIN LA, DE CHAD PAS DE YANG RNAM PAR 'CHAD PAR 'GYUR TE, DPER NA RNGA MKHAN GYI 'KHOR LO'I SHUGS BZHIN NO, ,YANG DAG PAR BLANGS PA BTANG BA LAS KYANG 'CHAD PAR 'GYUR TE, GAL TE YANG DAG PAR BLANG BAR MI BYA'O ZHES YID DAM GTONG BA'AM BYA BA RNAM BAR 'CHAD PA LAS KYANG 'CHAD PAR 'GYUR TE, JI LTA BA BZHIN MTHAR PHYIN PAR MA BYAS PA LAS SAM, DON CHAD PA LAS KYANG RNAM PAR 'CHAD PAR 'GYUR TE, DON GANG ZHE NA, MCHOD RTEN DANG, KUN DGA' RA BA DANG, GTZUG LAG KHANG DANG, MAL STAN DANG, PHOS DANG, RGYAN LA SOGS PA'I DNGOS PO RNAMS KYI'O, ,TSE LAS KYANG 'CHAD BAR 'GYUR RO, ,DGE BA'I RTZA BA RNAMS RNAM PAR 'CHAD PA LAS 'CHAD PAR 'GYUR TE, GANG GI TSE DGE BA'I RTZA BA RNAMS YANG DAG PAR GCOD PAR RTZOM PA NA STE, DE LTAR NA RNAM PAR RIG BYED MA YIN PA BAR MA NI RGYU DE DRUG GIS GTONG BAR 'GYUR RO, ,'DOD GTOGS DGE BA GZUGS MED NI, ,RTZA TSAD GON @170A *, ,DU SKYES PA LAS, ,'DOD PA NA SPYOD PA'I DGE BA GZUGS MED PA'I RANG BZHIN NI RGYU GNYIS KYIS GTONG STE, DGE BA'I RTZA BA YANG DAG PAR 'CHAD PA'AM, GZUGS DANG GZUGS MED PA'I KHAMS SU SKYE BA LAS SO, ,NYON MONGS PA CAN GZUGS MED NI, ,GNYEN PO SKYES PA RNAM NYAMS 'GYUR, ,NYON MONGS BA CAN GZUGS CAN MA YIN PA THAMS CAD NI GNYEN PO SKYES PAS RNAM PAR NYAMS PAR 'GYUR TE, NYON MONGS PA DANG NYE BA'I NYON MONGS PA GANG GIS SPONG BA'I LAM GANG YIN PA DES 'DIR 'KHOR DANG BCAS PA YONGS SU SPONG BAR BYED DE, GZHAN DU NI MA YIN NO, ,YANG SDOM PA NI SEMS CAN GANG DAG LA YOD PA, SDOM PA MA YIN PA GANG DAG LA YOD CE NA, ZA MA MA NING SGRA MI SNYAN, ,MTSAN GNYIS MA GTOGS MI RNAMS LA, ,SDOM MIN, SDOM PA MA YIN PA NI MI'I 'GRO BA 'BA' ZHIG LA YOD KYI GZHAN DAG LA NI MA YIN NO, ,DE LA YANG ZA MA DANG, MA NING DANG, BYANG GI SGRA MI SNYAN PA DANG, MTSAN GNYIS PA RNAMS MA GTOGS SO, ,SDOM PA'ANG DE BZHIN LA, LHA LA'ANG, SDOM PA YANG JI SKAD DU BSHAD PA MA GTOGS PA'I MI RNAMS DANG LHA RNAMS LA YANG YOD DO, ,'GRO BA GNYIS NA SDOM PA YOD PA DE LA YANG MI RNAMS LA GSUM MO, ,MI RNAMS LA NI SO SOR THAR PA LA SOGS PA'I SDOM PA GSUM PO THAMS CAD YOD DO, ,'DOD DANG GZUGS SKYES LHA RNAMS LA, ,BSAM GTAN LAS SKYES, ,BSAM GTAN GYI SDOM PA NI 'DOD PA DANG GZUGS KYI KHAMS SU SKYES PA'I LHA RNAMS LA YOD KYI GANG MAN NI MED DO, , ZAG MED NI, BSAM GTAN KHYAD PAR 'DU SHES MED, ,SEMS CAN MA GTOGS GZUGS MED NA'ANG, ,ZAG PA MED PA'I SDOM PA NI BSAM GTAN KHYAD PAR CAN DANG, 'DU SHES MED PA'I SEMS CAN DU SKYES PA RNAMS MA GTOGS PA 'DOD PA DANG, GZUGS KYI KHAMS SU SKYES PA RNAMS LA YANG YOD LA, GZUGS MED PA'I KHAMS SU SKYES PA RNAMS LA YANG YOD DE, DE DAG GIS NI LDAN PA'I SGO NAS YOD KYI, MNGON SUM DU GYUR PA LAS NI MA YIN NO, ,LAS BSTAN PA'I DBANG DU BYAS PA YIN PA'I PHYIR 'DI MAN CHAD NI MDO LAS BSTAN PA'I LAS RNAMS BSHANG PAR BRTZAMS TE LAS NI GSUM @170B STE; DGE BA'I LAS DANG, MI DGE BA DANG, LUNG DU MA BSTAN PA'I LAS SO ZHES 'BYUNG BA DE LA, ,BDE DANG MI BDE GZHAN LAS NI, ,DGE DANG MI DGE GZHAN DANG NGO, ,'DI NI DGE BA LA SOGS PA'I MTSAN NYID YIN TE, BDE BA'I LAS NI DGE BA STE, DUS DE SRID DU SDUG BSNGAL LAS SHIN TU SKYOB PA'I PHYIR 'BRAS BU YID DU 'ONG BA DANG, MYA NGAN LAS 'DAS PA THOB PAR BYED PA GANG YIN PA'O, ,MI MTHUN PA'I PHYOGS YIN PA'I PHYIR MI BDE BA NI MI DGE BA STE, GANG GI 'BRAS BU YID DU MI 'ONG BA'O, ,DE GNYIS LAS GZHAN PA'I LAS BDE BA YANG MA YIN, MI BDE BA YANG MA YIN PA GANG YIN PA DE NI DGE BA DANG MI DGE BA GNYIS LAS GZHAN PAR RIG PAR BYA STE, LUNG DU MA BSTAN PA ZHES BYA BA'I THA TSIG GO, ,YANG, BSOD NAMS BSOD RNAMS MIN MI G-YO, ,BDE BA MYONG BAR 'GYUR LAS GSUM, ,LAS NI GSUM STE, BSOD NAMS DANG BSOD NAMS MA YIN PA DANG MI G-YO BA'O, ,YANG GSUM STE, BDE BA MYONG BAR 'GYUR BA'I LAS DANG, SDUG BSNGAL MYONG BAR 'GYUR BA DANG, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'O, ,DEL RE ZHIG ,'DOD KHAMS DGE BA'I LAS BSOD NAMS, ,GONG MA LAS SKYES MI G-YO BA, ,DGE BA ZHES BYA BAR SBYAR TE, GZUGS DANG GZUGS MED PA NA SBYOD PA'I LAS DGE BA NI MI G-YO BA YIN NO, ,CI'I PHYIR DE LA MI G-YO BA ZHES BYA ZHE NA, GANG PHYIR SA NI DE DAG TU, ,LAS RNAMS SMIN PHYIR MI G-YO'I PHYIR, ,'DOD PA NA SPYOD PA'I LAS DGE BA NI RNAM PAR SMIN PA'I PHYIR G-YO BA'O, ,JI LTAR G-YO BA YIN ZHE NA, MA NGES PA'I PHYIR TE, 'GRO BA GZHAN DAG TU RNAM PAR SMIN PAR 'GYUR LA, LHA'I RIS GZHAN PA'I YANG LHA'I RIS GZHAN DU RNAM PAR SMIN PAR 'GYUR RO, ,GZUGS DANG GZUGS MED PA NA SPYOD PA'I LAS NIS GZHAN PA'I SA GZHAN DAG TU RNAM PAR SMIN PAR NI NAM YANG MI NUS TE, DE BAS NA RNAM PAR SMIN PA NI NGES PA'I PHYIR MI G-YO BA ZHES BYA'O, ,BSOD NAMS MA YIN PA'I LAS NI MI DGE BA'O ZHES 'JIG RTEN NA GRAGS PAS, 'JIG RTEN NA GRAGS PA'I DON GANG YIN PA DE LA 'BAD PAS CI ZHIG BYA, BDE BA MYONG BAR 'GYUR BA LA SOGS PAS BSHAD PAR BYA STE, 'DI SKAD CES BRJOD DO, ,BSAM GTAN GSUM @171A *, ,GYI BAR DGE BA, ,BDE BA MYONG 'GYUR, BSAM GTAN GSUM PA'I BAR DE DAG NI BDE BA MYONG PAR 'GYUR BA'I SA YIN TE, 'DI LTA STE 'DOD PA'I KHAMS DANG BSAM GTAN GSUM PA RNAMS SO, ,DE YAN CHAD, SDUG BSNGAL BDE BA MIN MYONG 'GYUR, ,DGE BA ZHES BYA BAR SBYAR TE, BSAM GTAN GSUM PA YAN CHAD KYI LAS DGE BA NI BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA STE, BDE BA DANG SDUG BSNGAL GYI TSOR BA MED PA'I PHYIR RO, ,SDUG BSNGAL MYONG 'GYUR 'DI'I MI DAG GI ,MI DGE BA'I LAS NI SDUG BSNGAL MYONG BAR 'GYUR BA'O, ,'DI'I ZHES SMOS PA NI 'DOD PA'I KHAMS 'BA' ZHIG NA DE YOD PAR BSTAN PA'I PHYIR RO, ,'DI DAG GI 'BRAS BU NI TSOR BA 'BA' ZHIG TU MA ZAD DE, 'DI LTAR PHUNG PO LNGA 'KHOR DANG BCAS PA YANG YIN NO, ,'O NA'ANG BAR MA YOD DO ZHES, ,KHA CIG ZER TE, GZHAN DAG NA RE BDE BA YANG MA YIN SDUG BSNGAL YANG MA YIN PA MYONG BAR 'GYUR BA BSHAD PA'I LAS BAR MA LAS BAR MA BSAM GTAN BZHI PA MAN CHAD NA YANG YOD DO ZHES ZER RO, ,CI'I PHYIR ZHE NA, GANG GI PHYIR, BSAM GTAN KHYAD PAR RNAM SMIN LAS, ,DE LTA MA YIN NA BSAM GTAN KHYAD PAR CAN GYI LAS KYI RNAM PAR SMIN BA YANG MED PAR 'GYUR LA, LAS GANG GIS KYANG BSAM GTAN KHYAD PAR CAN DU RNAM PAR SMIN PAR MI 'GYUR TE, DE NAS BDE BA DANG SDUG BSNGAL GNYIS NI MED PA'I PHYIR RO, ,SNGA PHYI MED GSUM SMIN 'DOD PHYIR, ,'DI LTAR LAS GSUM PO RNAMS KYI RNAM PAR SMIN PA SNGA PHYI MED PAR RNAM PAR SMIN PAR 'GYUR RAM ZHES PA LA 'GYUR TE, BDE BA MYONG BAR 'GYUR BA'I NI GZUGS SO, ,SDUG BSNGAL MYONG BAR 'GYUR BA'I NI SEMS DANG SEMS LAS BYUNG BA'I CHOS RNAMS SO, ,BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA NI SEMS DANG MI LDAN PA'I 'DU BYED RNAMS SO ZHES BSHAD PA'I PHYIR, 'OG MA YANG BDE BA YANG MA YIN SDUG BSNGAL YANG MA YIN PA MYONG BAR 'GYUR BA'I LAS YOD DO, ,'DOD BA'I KHAMS LAS GZHAN NA NI LAS GSUM BO CIG CAR DU RNAM PAR SMIN PA'I 'BREL BA MED DO, ,LAS NI TSOR BA'I RANG BZHIN MA YIN NA, JI LTAR BDE BA MYONG BAR 'GYUR @171B BA ZHES BRJOD CE NA, RNAM PAR SMIN PA MYONG BAR 'GYUR BA LAS DGONGS TE GSUNGS PAS NYES PA MED DO, ,GZHAN YANG, RANG BZHIN DANG NI MTSUNGS LDAN DANG, ,DMIGS PA DANG NI RNAM SMIN DANG, ,MNGON SUM DU NI GYUR BA LAS, ,MYONG BAR 'GYUR BA RNAM PA LNGA, ,DA LA RANG BZHIN GYIS MYONG BAR 'GYUR BA NI TSOR BA RNAMS SO, ,MCHUNGS PAR LDAN BAS MYONG BAR 'GYUR BA NI REG PA'I STE, BDE BA MYONG BAR 'GYUR BA'I REG BA ZHES BYA BA'O, ,DMIGS PA MYONG BAR 'GYUR BA NI YUL RNAMS TE, JI SKAD DU MIG GIS GZUGS RNAMS MTHONG NA GZUGS SO SOR YANG DAG PAR MYONG BAR 'GYUR GYI, GZUGS LAS 'DOD CHAGS SO SOR YANG DAG BAR MYONG BA NI MA YIN NO ZHAS BYA BA LA SOGS BA STE, TSOR BAS DMIGS PA DE DAG YANG DAG PAR SO SOR RIG PAR BYED DO, ,RNAM PAR SMIN PA MYONG BAR 'GYUR BA'I LAS KYI NI MTHONG BA'I CHOS LA MYONG BAR 'GYUR BA'I LAS ZHES BYA BA LA SOGS PA RGYA CHER 'BYUNG BA'O, ,MNGON SUM DU GYUR BA'I MYONG BAR 'GYUR BA NI JI SKAD DU GANG GI TSE BDE BA'I TSOR BA MYONG BAR BYED PA DE'I TSE TSOR BA GNYIS 'GAG BAR 'GYUR TE, GANG DU BDE BA'I TSOR BA 'JUG PA DER DE DAG TU GANG GIS MYONG BAR 'GYUR BA'I TSOR BA GZHAN NI MED KYI DE'I MNGON SUM DU BYED PA LA DE DAG TU MYONG BAR BYED PA ZHES BRJOD DE, DE BAS NA RNAM PAR SMIN PA MYONG BAR 'GYUR BA YIN PA'I PHYIR LAS KYANG BDE BA MYONG BAR 'GYUR BA ZHES BYA BA LA SOGS PAR BRJOD DO, ,DE YANG NGES DANG MA NGES PA, ,BDE BA MYONG BAR 'GYUR BA LA SOGS PA'I LAS RNAM PA GSUM PO DE DAG KYANG NGES PA DANG MA NGES PAR RIG PAR BYA STE, GDON MI ZA BAR MYONG BAR 'GYUR BA MA YIN NO, ,MTHONG BA'I CHOS LA SOGS PA LA, ,MYONG 'GYUR PHYIR NA NGES RNAM GSUM, ,MTHONG BA'I CHOS LA CHOS MYONG BAR 'GYUR BA DANG, SKYES NAS MYONG BAR 'GYUR BA DANG, ,LAN GRANGS GZHAN LA MYONG BAR 'GYUR BA STE, LAS RNAM PA 'DI GSUM NI NGES PA'O, ,DE LTAR NA DE DAG NI MYONG BAR 'GYUR BA MA NGES PA DANG BCAS TE, RNAM PA BZHIR 'GYUR RO, ,KHA CIG LAS RNAM LNGA ZHES ZER, ,GZHAN DAG NI MYONG BAR 'GYUR BA MA NGES PA LA RNAM PAR SMIN PAR NGES PA DANG MA NGES PA RNAM PA GNYIS SU PHYE NAS LAS RNAM PA LNGAR 'DOD @172A *, ,DO; ,DE LA MTHONG BA'I CHOS LA MYONG BAR 'GYUR BA NI SKYE BA GANG DU BYAS PA DE NYID DU RNAM PAR SMIN PA'O, ,SKYES NAS MYONG BAR 'GYUR BA NI SKYES BA GNYIS PA LA'O, ,LAN GRANGS GZHAN LA MYONG BAR 'GYUR BA NI DE PHAN CHAD DU'O, ,MU BZHI ZHES NI KHA CIG SMRA, ,GZHAN DAG NI GNAS SKABS NGES LA RNAM PAR SMIN PA MA NGES PA'I LAS KYANG YOD DE, MTHONG BA'I CHOS LA SOGS PA LA MYONG BAR 'GYUR BA RNAM PAR SMIN PAR NI MA NGES PA'I LAS GANG YIN PA'O, ,RNAM PAR SMIN PAR NGES LA GNAS SKABS DAG TU MA YIN PA YANG YOD DE, RNAM PAR SMIN PA NGES LA MYONG BAR 'GYUR BAR NI MA NGES PA'I LAS GANG YIN PA'O, ,GNYI GA NGES PA YANG YOD DE, MTHONG BA'I CHOS LA SOGS PA LA MYONG BAR YANG 'GYUR LA RNAM PAR SMIN PAR YANG NGES PA'I LAS GANG YIN PA'O, ,GNYI GA MA NGES PA YANG YOD DO, ,MYONG BAR 'GYUR BAR YANG MA NGES LA RNAM PAR SMIN PAR YANG MA NGES PA'I LAS GANG YIN PA'O ZHES BYA BA MU BZHIR 'CHAD DO, ,LAS BZHI PO DE DAG LAS GSUM GYIS RIS SU 'PHEN PAR BYED, MTHONG BA'I CHOS LA MYONG BAR 'GYUR BA'I LAS KYIS NI RIS MTHUN BAR 'PHEN PAR MI BYED DO, ,YANG KHAMS GANG DAG GAM 'GRO BA GANG DAG NA LAS KYI 'PHEN PA DU ZHIG YOD CE NA, THAMS CAD NA NI 'PHEN PA BZHI, ,KHAMS GSUM PO THAMS CAD DANG 'GRO BA THAMS CAD NA DGE BA DANG MI DGE BA RNAMS LAS JI LTAR SRID PAR LAS BZHI'I 'PHEN PA YOD DE, DE NI SPYIR BSTAN PA'O, ,'DI NI DMIGS KYIS BSTAN PA STE, ,DMYAL BA NA NI DGE BA'I GSUM, ,DMYAL BA NA NI LAS DGE BA'I 'PHEN PA RNAM PA GSUM YOD KYI MTHONG BA'I CHOS LA MYONG BAR 'GYUR BA NI MED DE, DE NI RNAM PAR SMIN PA YID DU 'ONG BA MED PA'I PHYIR RO, ,GANG LA 'DOD CHAGS BRAL BSTAN PA'I, ,BYIS BA DER SKYE MYONG MI BYED, ,BYIS PA ZHES BYA BA NI SO SO'I SKYE BO'O, ,BSTAN PA ZHES BYA BA NI YONGS SU MI NYAMS PA'I RIGS CAN TE, DE NI SA GANG LA 'DOD CHAGS DANG BRAL BAR GYUR PA DER SKYES NAS MYONG BAR 'GYUR BA'I LAS NI MI BYED DE GZHAN RNAM PA GSUM BYED DO, ,'PHAGS PA GZHAN DU'ANG MYONG MI BYED, ,BSTAN PA ZHES BYA BAR SBYAR TE, GANG LA @172B 'DOD CHAGS DANG BRAL BA YONGS SU MI NYAMS PA'I CHOS CAN GYI 'PHAGS PA'I GANG ZAG NI DER SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I LAS KYANG MI BYED DE, 'DI NI YANG 'OG MAR SKYE BAR RIGS PA MA YIN NO, ,GANG DU SKYES PAR MA NGES PA DANG, MTHONG BA'I CHOS LA MYONG BAR 'GYUR BA NI BYED DO, ,'DOD RTZE'I MI BSTAN PA YANG MIN, ,'DOD PA'I KHAMS SAM, SRID PA'I RTZE MO'I 'DOD CHAGS DANG BRAL BA'I 'PHAGS PA GANG ZAG DE GNYIS NI YONGS SU NYAMS PA'I CHOS CAN YIN YANG SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I LAS BYED PAR NI RIGS PA MA YIN TE, CI'I PHYIR ZHE NA, DE NI 'BRAS BU LAS YONGS SU NYAMS PA YIN LA, 'BRAS BU LAS YONGS SU NYAMS PA LA NI 'CHI BA MED DO ZHES 'OG NAS 'CHAD DO, ,CI SRID PA BAR MA DAG NA YANG LAS KYI 'PHEN PA YOD DAM ZHE NA, SMRAS PA YOD DE, SRID PA BAR MA 'DOD KHAMS SU, ,'PHEN PA RNAM PA NYI SHU GNYIS, 'DOD PA NA SPYOD PA'I SRID PA BAR MA NI LAS RNAM PA NYI SHU RTZA GNYIS 'PHEN TE, JI LTA ZHE NA, MNGAL GYI GNAS SKABS LNGA STE, NUR NUR PO DANG, MER MER PO DANG, NAR NAR PO DANG, GOR GOR PO DANG, RKANG LAG 'GYUS PA RNAMS DANG, SKYES PA'I GNAS SKABS LNGA STE, BYIS PA DANG, GZHON DU DANG, DAR LA BAB PA DANG, DAR YOL BA DANG, RGAN PO'I GNAS SKABS RNAMS SO, ,DE LA SRID PA BAR MA NI NUR NUR PO MYONG BAR 'GYUR BA NGES PA DANG, MA NGES PA'I LAS KYANG 'PHEN PAR BYED LA, DE BZHIN DU RGAN PO'I BAR DU MYONG BAR 'GYUR BA DANG, SRID PA BAR MA MYONG BAR 'GYUR BA YANG 'PHEN PAR BYED DO, ,DE YANG MTHONG BA'I CHOS 'BRAS BU, SRID PA BAR MA PA'I LAS DE DAG LAS NGES PA BCU GCIG TU BSHAD PA GANG YIN PA DE NI MTHONG BA'I CHOS LA MYONG BAR 'GYUR BAR RIG PAR BYA'O, ,CI'I PHYIR ZHE NA, DE NI RIS MTHUN GCIG PA NYID, ,DE NI RIS MTHUN PA GCIG PA NYID DE, GANG YANG SRID PA BAR MA DANG, GANG LAS DE'I RGYU LAS BYUNG BA GNAS SKABS BCU RNAMS NI LAS GCIG GIS 'PHANGS PA YIN TE, DE'I SRID PA BAR @173A *, ,MA MYONG BAR 'GYUR BA'I LAS GZHAN DU MA BSHAD PA YANG, SKYES NAS MYONG BAR 'GYUR BA NYID KYIS DE'I YANG BSHAD ZIN PA'I PHYIR RO, ,YANG NGES PA'I LAS CI 'DRA BAR RIG PAR BYA ZHE NA, NYON MONGS PA DANG DRAG PO DANG, ,YON TAN ZHING DANG RGYUN CHAGS KYIS, ,BYAS PA GANG ZHIG YIN PA DANG, ,PHAM GSOD GANG DE NGES SO, ,NYON MONGS PA DRAG POS BYED PA'I LAS GANG YIN BA'AM, DANG BA DRAG POS BYED PA'I LAS GANG YIN PA'AM, RGYUN DU BYED PA GANG YIN PA'AM, YON TAN GYI ZHING LA BYED PA GANG YIN PA DE DAG NI NGES PAR RIG PAR BYA STE, DE LA YON TAN GYI ZHING NI DKON MCHOG GSUM MAM, 'GA' ZHIG GIS 'BRAS BU KHYAD PAR CAN DANG, SNYOMS PAR 'JUG PA KHYAD PAR CAN THOB PA'I GANG ZAG KHYAD PAR CAN TE, DE DAG LA NI NYON MONGS PA DANG DANG BA DRAG PO DANG RGYUN DU BYED PA MED PAR YANG DGE BA'AM MI DGE BA'I LAS NGES PAR 'GYUR RO, ,PHA MA LA NI BA DANG MA GNYIS GSOD PA'I LAS JI LTA BU YANG RUNG STE, DE NI NGES PAR 'GYUR GYI GZHAN DU MA YIN NO, ,YANG MTHONG BA'I CHOS KYI 'BRAS BU CI 'DRA BAR RIG BAR BYA ZHE NA, MTHONG BA'I CHOS KYI 'BRAS BU NI, ,ZHING DANG BSAM BA'I KHYAD PAR LAS, MTHONG BA'I CHOS LA MYONG BAR 'GYUR PA'I LAS ZHING GI KHYAD PAR LAS 'GYUR BA NI DPEN NA DGE SLONG GI DGE 'DUN LA BUD MED DO ZHES RTZOD PA KUN DU SPYOD PA LAS MTSAN YONGS SU GYUR TO ZHES GRAGS PA LTA BU'O, ,BSAM PA'I KHYAD PAR LAS NI DPER NA NYUNG RUM ZHIG GIS GLANG GI RLIG PA 'BYIN PA LAS THAR BAR BYA BA'I PHYIR SKYES PA NYID DU GYUR RO ZHES BYA BA LTA BU'O, ,SA DER 'DOD CHAGS GTAN BRAL PHYIR, ,DGE BA'AM MI DGE BA'I LAS SA GANG YIN PA DER GTAN DU 'DOD CHAGS DANG BRAL BA'I PHYIR LAS LAS DE MTHONG BA'I CHOS LA MYONG BAR 'GYUR RO, ,LAS JI LTA BU ZHIG CE NA SMRAS PA, DE NI RNAM SMIN NGES PA'O, ,DE DAG LTAR NGES PA'I LAS GANG YIN PA DE NI RNAM PAR SMIN PAR NGES KYI, GNAS SKABS DAG TU MA YIN NO, ,GNAS SKABS KYI BYE BRAG TU NGES PA GANG YIN PA DE'I NI DE DANG LDAN BZHIN DU GTAN DU 'DOD CHAGS DANG BRAL MI SRID PAS DE NYID DU RNAM PAR SMIN PAR 'GYUR RO, ,GANG YANG MA NGES PA DE'I NI GTAN DU 'DOD CHAGS DANG @173B BRAL BA'I PHYIR RNAM PAR SMIN PA NYID DO, ,YANG GANG DU GDON MI ZA BAR MTHONG BA'I CHOS LA MYONG BAR 'GYUR BA'I LAS SU 'GYUR BA'I ZHING YANG JI LTA BU ZHIG CE NA, SMRAS PA, SANGS RGYAS LA SOGS BA DGE SLONG GI DGE 'DUN DANG GANG ZAG LNGA RNAMS TE, GANG RNAMS 'GOG BYAMS NYON MONGS MED, , MTHONG DANG DGRA BCOM 'BRAS LANGS RNAMS, ,DE LA PHAN GNOD BYED PA YI, ,'BRAS BU 'PHRAL DU MYONG BAR 'GYUR, ,GANG ZAG LNGA PO DE DAG LA PHAN PA DANG, GNOD PA BYAS BA RNAMS KYI 'BRAS BU NGES PAR MTHONG BA'I CHOS NYID LA THOB PAR 'GYUR RO, ,RNAM PAR SMIN PA'I GTZO BO NI TSOR BA YIN PAS DE'I PHYIR 'DI SPYAD PAR BYA STE, LAS KYI RNAM PAR SMIN PA SEMS KYI TSOR BA 'BA' ZHIG YIN LA, LUS KYI MA YIN PA YANG YOD DAM ZHE NA, SMRAS PA YOD DE, RNAM PAR RTOG PA MED PA YI, ,DGE BA'I LAS KYI RNAM SMIN NI, ,SEMS KYI TSOR BA NYID DU 'DOD, ,RNAM PAR RTOG PA MED PA'I LAS NI, BSAM GTAN KHYAD PAR CAN DAG NAS SRID PA'I RTZE MO'I BAR DAG NA YOD DE, DGE BA'I LAS RTOG PA MED PA DE'I RNAM PAR SMIN PA NI SEMS 'BA' ZHIG GI TSOR BA YIN NO, ,CI'I PHYIR LUS KYI MA YIN ZHE NA, DE'I NI GDON MI ZA BAR RTOG PA DANG, DPYOD PA DANG BCAS PA YIN PA'I PHYIR RO, ,MI DGE BA NI LUS KYI NYID, ,MI DGE BA'I LAS KYI RNAM PAR SMIN PA NI LUS 'BA' ZHIG GI TSOR BA YIN NO, ,CI'I PHYIR SEMS KYI MA YIN ZHE NA, DE'I RNAM PAR SMIN PA SDUG BSNGAL GYI TSOR BA YIN LA, SEMS KYI SDUG BSNGAL GYI TSOR BA NI YID MI BDE BA YIN TE, YID MI BDE BA NI RNAM PAR SMIN PA MA YIN NO ZHES DE NI BSHAD ZIN TO, ,SEMS CAN RNAMS KYI SEMS SMYON BAR 'GYUR BA GANG YIN PA STE, SEMS NI GANG ZHIG YIN RGYU NI CI ZHIG GIS 'GYUR ZHE NA, SMYO BA'I SEMS NI YID SEMS SO, ,YID KYI RNAM PAR SHES PA ZHES BYA BA'I THA TSIG GO, ,DE YANG RNAM PAR SMIN PA LAS SKYES, SMYO BA'I SEMS DE NI SEMS CAN RNAMS KYI LAS KYI RNAM PAR SMIN BA LAS SKYES PA YIN PAR RIG PAR BYA'O, ,SLA GNOD MA NYAMS MYA NGAN GYIS, ,DE LA SKRAG PAS NI MI MA YIN PA GZUGS MI SDUG PA MTHONG BA LAS SO, ,GNOD PAS NI DE NYID 'KHRUG @174A *, ,NAS GNAD DU SNUN PAR BYED PA'O, ,'BYUNG BA CHEN PO MNYAM PA LAS SO, ,MYA NGAN GYIS NI SDUG PA DANG BRAL BA LA SOGS PAS KUN NAS BSLANG BA STE, RGYU DE DAG GIS SEMS SMYO BAR 'GYUR RO, ,SEMS CAN GANG DAG GI SEMS SMYO BAR 'GYUR ZHE NA, SGRA MI SNYAN MIN 'DOD CAN RNAMS, ,BYANG GI SGRA MI SNYAN PA RNAMS MA GTOGS ZHES BYA BA NI, 'DOD PA NA SPYOD PA YIN ZHES BYA BA'I THA TSIG STE, SANGS RGYAS RNAMS KYANG MA GTOGS ZHES BYA BAR LA BSKANG BAR BYA'O, ,YANG MDO LAS YON PO GSUM DU GSUNGS PA NI LUS KYI YON PO LA SOGS PA'O, ,SKYON GSUM NI LUS KYI SKYON LA SOGS PA'O, ,SNYIGS MA GSUM NI LUS KYI SNYIGS MA LA SOGS PA'O, ,DE DAG KYANG RIM BZHIN DU, YON SKYON SNYIGS MAR GSUNGS PA NI, ,G-YO DANG ZHE SDANG 'DOD CHAGS SKYES, ,RIM BZHIN DU RIG PAR BYA STE, LUS KYI LAS G-YO LAS SKYES PA NI GYA GYU DANG MTHUN PA'I PHYIR LUS KYI YON PO ZHES BSHAD DE, NGAG DANG YID KYI YON PO YANG DE BZHIN NO, ,LUS KYI LAS ZHE SDANG LAS SKYES PA NI SEMS SDANG BA DANG MTHUN PA'I PHYIR LUS KYI SKYON ZHES BSHAD DE, NGAG DANG YID KYI SKYON YANG DE BZHIN NO, ,LUS KYI LAS 'DOD CHAGS LAS SKYES PA NI, CHAGS PA DANG MTHUN PA'I PHYIR LUS KYI SNYIGS MA ZHES BSHAD DE, NGAG DANG YID KYI SNYIGS MA YANG DE BZHIN NO, ,DKAR GNAG LA SOGS DBYE BA LAS, ,LAS NI RNAM PA BZHI YIN NO, ,GNAG CING RNAM PAR SMIN PA GNAG PA'I LAS KYANG YOD, DKAR LA RNAM PAR SMIN PA DKAR BA'I LAS KYANG YOD, DKAR GNAG LA RNAM PAR SMIN PA DKAR GNAG PA'I LAS KYANG YOD, MI GNAG MI DKAR LA RNAM PAR SMIN PA MI GNAG MI DKAR BA'I LAS KYANG YOD DE, LAS SO COG ZAD PAR BYED PAR 'GYUR BA'O, ,DE LA, MI DGE GZUGS DANG 'DOD GTOGS PA'I, ,DGE BA NYID DE RIM BZHIN DU, ,GNAG DANG DKAR DANG GNYI GA'I LAS, ,DE ZAD BYED PHYIR ZAG PA MED, ,MI DGE BA'I LAS NI NYON MONGS PA CAN YIN PA'I PHYIR GCIG TU GNAG PA'O, ,RNAM PAR SMIN PA YID DU MI 'ONG BA'I PHYIR RNAM PAR SMIN PA GNAG PA YIN NO, ,GZUGS SU GTOGS PA'I DGE BA NI MI DGE BA @174B DANG MA 'DRES PA'I PHYIR GCIG TU DKAR BA'O, ,RNAM PAR SMIN PA YID DU 'ONG BA'I PHYIR RNAM PAR SMIN PA DKAR BA'O, ,'DOD PAR GTOGS PA'I DGE BA NI MI DGE BA DANG 'DRES PA'I PHYIR DKAR GNAG YIN NO, ,RNAM PAR SMIN PA 'DRES PA'I PHYIR RNAM PAR SMIN PA DKAR GNAG YIN NO, ,ZAG PA MED PA'I LAS NI LAS GSUM PO 'DI DAG ZAD PAR BYA BA DANG SPANG BAR BYA BA NUS PA STE, DE NI NYON MONGS BCAN MA YIN PA'I PHYIR MI GNAG PA'O, ,RNAM PAR SMIN PA DKAR PO NYID MED PA'I PHYIR MI DKAR BA'O, ,KHAMS SU MA GTOGS PA'I PHYIR BA DANG, 'JUG PA DANG MI MTHUN PA'I PHYIR RNAM PAR SMIN PA MED PA'O, ,CI ZAG PA MED PA'I LAS THAMS CAD LAS GSUM PO 'DI DAG THAMS CAD ZAD PAR BYED PA YIN NAM ZHE NA, SMRAS PA, MA YIN TE, JI LTAR ZHE NA CHOS BZOD 'DOD CHAGS BRAL BA YI, ,BAR CHAD MED LAM BRGYAD DAG LA, ,SEMS PA RNAM PA BCU GNYIS GANG, ,NAG PO'I LAS DE ZAD PAR BYED, ,MTHONG BA'I LAM LA CHOS SHES PA'I BZOD PA BZHI DAG DANG 'DOD PA LA 'DOD CHAGS DANG BRAL BA LA BAR CHAD MED PA'I LAM BRGYAD DAG TU SEMS PA GANG YIN PA STE, SEMS PA RNAM PA BCU GNYIS PO DE DAG NI NAG PO'I LAS ZAD PAR BYED PA'I LAS YIN NO, ,DGU PA'I SEMS PA GANG YIN PA, , DE NI DKAR GNAG ZANG BYED PA'O, ,'DOD PA'I 'DOD CHAGS DANG BRAL BA LA BAR CHAD MED PA'I LAM DGU PA DAG TU SEMS PA GANG YIN PA DE NI DGE BA'I LAS DANG MI DGE BA NAG PO'I LAS TE, DKAR GNAG RNAM PA DGU PA SPONG BAR BYED PA YIN NO, ,DKAR PO BSAM GTAN CHAGS BRAL BAR, ,BAR CHAD MED LAM LAS SKYES PA, ,BSAM GTAN NAS BSAM GTAN DU 'DOD CHAGS DANG BRAL BAR BYED PA NA, BAR CHAD MED PA'I LAM DGU PA THA MA GANG YIN PA DER SEMS PA GANG YIN PA STE, SEMS PA RNAM PA DE BZHI NI DKAR PO'I LAS SPONG PAR BYED PA YIN NO, ,GZHAN NI DMYAL BA MYONG 'GYUR DANG, 'DOD GZHAN MYONG 'GYUR GNYIS SU RIGS, ,YANG SLOB DPON GZHAN DAG NI DMYAL BA MYONG BAR 'GYUR BA DANG, DMYAL BA LAS GZHAN PA 'DOD PA'I KHAMS SU MYONG BAR 'GYUR PA'I LAS NI RIM BZHIN DU NAG PO DANG DKAR GNAG YIN TE, DMYAL BA DAG NI MI DGE BA'I LAS 'BA' ZHIG GI @175A *, ,RNAM PAR SMIN PA YIN BAS NA, DPER DE MYONG BAR 'GYUR PA NI NAG PO ZHES BYA'O, ,DE LAS GZHAN PA'I 'DOD PA'I KHAMS DAG NA NI DGE BA DANG MI DGE BA'I LAS KYI RNAM PAR SMIN PA YIN PAS NA, DES NA DE MYONG BAR 'GYUR BA NI DKAR GNAG CES BYA'O ZHES ZER RO, ,GZHAN NI MTHONG BAS SPANG BYA GNAG, GZHAN DAG NA RE MTHONG BAS SPANG BAR BYA BA NI DGE BA DANG MA 'DRES BA'I PHYIR NAG PO YIN NO ZHES ZER RO, ,'DOD PA LAS SKYES GZHAN DKAR GNAG ,'DOD PA NA SPYOD PA'I LAS GZHAN NI DKAR GNAG YIN NO, ,DE LAS GZHAN PA CI ZHIG YIN ZHE NA, BSGOMS PAS SPANG BAR BYA BA STE, DE NI DGE BA DANG MI DGE BA YIN NO, ,MDO LAS THUB PA'I GSUM STE, THUB PA'I LUS DANG, THUB PA'I NGAG DANG, THUB PA'I YID DO ZHES GSUNGS PA DE LA, MI SLOB LUS NGAG LAS YID NYID, THUB PA GSUM DE GO RIMS BZHIN, MI SLOB PA'I LUS DANG NGAG GI LAS DAG NI THUB PA'I LUS DANG NGAG YIN NO, ,MI SLOB PA'I YID NYID YID KYI THUB PA STE, YID KYI LAS NI MA YIN NO, ,DE CI'I PHYIR ZHE NA, SEMS NI DON DAM PAR THUB PA YIN LA, DE NI LUS DANG NGAG GNYIS KYI SGO NAS RJES SU DPAG PAR BYA BA YIN NO, ,GZHAN YANG SPONG BA'I DON GYIS THUB PA STE, LUS DANG NGAG GI LAS DAG NI SPONG BA'I RANG BZHIN YIN NO, , SEMS LA RNAM PAR RIG BYED MA YIN PA MED PA'I PHYIR YID KYI LAS NI MA YIN TE, DE'I PHYIR YID KYIS SPONG BA YIN PAS THUB PA ZHES BRJOD DO, ,CI'I PHYIR MI SLOB PA 'BA' ZHIG YIN GYI GZHAN NI MA YIN ZHE NA, DGRA BCOM PA NI NYON MONGS PA'I BRJOD PA THAMS CAD MED PAS DON DAM PAR THUB PA YIN PA'I PHYIR RO, ,MDO LAS GTZANG MA'I GSUM GSUNGS PA DE DAG GANG ZHE NA, DE DAG KYANG, GTZANG MA RNAM GSUM THAMS CAD KYI, ,LEGS PAR SPYAD PA GSUM YIN NO, ,THAMS CAD NI LUS KYI LEGS PAR SBYAD PA NI GTZANG MA'I LUS YIN NO, ,THAMS CAD KYI NGAG DANG YID KYI LEGS PAR SPYAD PA NI GTZANG MA'I NGAG DANG YID YIN TE, DUS DE SRID DAM, GTAN DU NYES PAR SPYAD PA'I DRI MA SPONG BA'I PHYIR RO, ,DE LTAR BSTAN PA NI LOG PA'I THUB PA DANG GTZANG SBRA LA MOS PA RNAMS LAS RNAM PAR DBYE BA'I PHYIR RO, ,NYES PAR SPYAD PA GSUM LA, DE LA, LUS KYI LAS STZOGS MI DGE BA, ,NYES @175B PAR SPYAD BA GSUM DU 'DOD, ,LUS DANG NGAG DANG YID KYI LAS MI DGE BA NI RIM BZHIN DU LUS DANG NGAG DANG YID KYI NYES PAR SPYAD PA'O, ,BRNAB SEMS LA SOGS LAS MING YANG, ,YID KYI NYIS SPYAD RNAM GSUM MO, ,LAS KYI RANG BZHIN MA YIN YANG YID KYI NYES PAR SPYAD PA RNAM PA GSUM YOD DE, SEMS PA LAS DON GZHAN DU GYUR PA, BRNAB SEMS DANG, GNOD SEMS DANG, LOG PAR LTA BA'O, ,BZLOG PA LEGS PAR SPYAD PA'O, ,NYES PAR SPYAD PA LAS BZLOG PA NI LEGS PAR SPYAD PAR 'DOD DE, LUS DANG NGAG DANG YID KYI LAS DGE BA DANG, BRNAB SEMS MED PA DANG, GNOD SEMS MED PA DANG, YANG DAG BA'I LTA BA RNAMS SO, ,DE LAS CHE LONG BSDUS NAS NI, ,LAS KYI LAM NI BCUR GSUNGS TE, ,DGE DANG MI DGE CI RIGS PAR NYES PAR SPYAD PA DANG LEGS PAR SPYAD PA DE DAG NYID LAS CHE LONG BSDUS TE, MDO LAS LAS KYI LAM BCUR GSUNGS BA NI, CI RIGS PAR LEGS PAR SPYAD PA LAS NI DGE BA RNAMS SO, ,NYES PAR SPYAD PA'I LAS NI MI DGE BA RNAMS SO, ,LAS KYI LAM DE RNAMS LAS, MI DGE DRUG NI RNAM RIG MIN, ,MI DGE BA'I LAS DRUG PO SROG GCOD PA DANG, MA BYIN PAR LEN PA DANG, BRDZUN DU SMRA BA DANG, PHRA MA DANG, TSIG RTZUB PO DANG, TSIG KYAL PA RNAMS NI GZHAN GYIS BYED DU BCUG NA, DNGOS KYI RNAM PAR RIG BYED MED PA'I PHYIR GDON MA ZOS PAR RNAM PAR RIG BYED MA YIN PA'I RANG BZHIN NO, ,GCIG RNAM GNYIS TE, 'DOD PAS LOG PAR G-YEM PA DE NI BDAG NYID KYIS MTHAR PHYIN PAR BYED PA'I PHYIR RTAG TU RNAM PAR RIG BYED DANG, RNAM PAR RIG BYED MA YIN PA GNYI GA'I RANG BZHIN YIN TE, DE GZHAN GYIS BYED DU BCUG PA NI DE 'DRA BAR DGA' BAR 'GYUR BA MA YIN NO, ,DE DAG KYANG BYED NA, LAS KYI LAM DRUG PO DE DAG KYANG BDAG NYID BYED PA NA NI RNAM PAR RIG BYED MA YIN PA RNAM PA GNYIS SU 'GYUR TE, SROG GCOD PA DUS DE NYID DU SHIN RNAM PA GNYIS SU 'GYUR RO, ,PHYIS SHI NA NI RNAM PAR RIG BYED MA YIN PA 'BA' ZHIG YIN NO, ,DGE BA'I LAS KYI LAM RNAMS LAS, ,DGE BA BDUN RNAM GNYIS, YANG DAG PAR BLANGS PA'I TSUL KHRIMS NI RNAM PAR @176A *, ,RIG BYED LA RAG LUS PA'I PHYIR GZUGS CAN BDUN GYI LAS KYI LAM RNAMS NI, NGES PAR RNAM PAR RIG BYED DANG RNAM PAR RIG BYED MA YIN PA RNAM PA GNYIG YIN NO, ,TING 'DZIN LAS SKYES RNAM RIG MIN, ,BSAM GTAN DANG ZAG PA MED PA'I SDOM PAS BSDUS PA'I SDOM PA NI TING NGE 'DZIN LAS SKYES PA ZHES BYA STE, DE DAG NI SEMS TZAM LA RAG LUS PA'I PHYIR RNAM PAR RIG BYED MA YIN PA NYID DO, ,NYE BAR BSDOGS LA RNAM RIG BYED, ,LAS KYI LAM NYER BSDOGS LA NI GDON MI ZA BAR RNAM PAR RIG BYED KYI RANG BZHIN NYID YIN NO, ,RNAM PAR RIG BYED MIN PA DES, ,GAL TE KUN NAS DKRIS PA DRAG PO'AM, DANG BA LHUR LEN PA CHEN POS SBYOR BA RTZOM NA NI, ,RNAM PAR RIG BYED MA YIN PAR 'GYUR GYI, GZHAN DU NA NI MI 'GYUR RO, ,BZLOG PA LAS NI MJUG YIN NO, ,NYER BSDOGS LAS BZLOG PA'I LAS KYI LAM RNAMS NI MJUG YIN PAR RIG PAR BYA STE, DE DAG NI RNAM PAR RIG BYED MA YIN PA'I RANG BZHIN NO, ,RNAM PAR RIG BYED NI MA NGES TE, GAL TE LAS KYI LAM BYAS NAS, ,YANG DE'I RJES SU MTHUN PA'I CHOS SPYOD NA NI RNAM PAR RIG BYED DU 'GYUR GYI GZHAN DU NA NI MI 'GYUR RO, ,MDO LAS, DGE SLONG DAG SROG GCOD PA NAS LOG PAR LTA BA'I BAR NI RNAM PA GSUM STE, CHAGS PA LAS SKYES PA DANG, ZHE SDANG LAS SKYES PA DANG, GTI MUG LAS SKYES PA'O ZHES GSUNGS PA, DE LA SROG GCOD PA CHAGS PA LAS SKYES PA NI CI 'DRA BA ZHIG CES BYA BA LA SOGS PA BRJOD PAR BYA STE, 'DI LA LAS KYI LAM THAMS CAD LA CHAGS PA LA SOGS PAS MTHAR PHYIN PAR BYED PA NI MA YIN GYI, SBYOR BA RTZA BA GSUM LAS SKYES, ,DE DAG GI SBYOR BA NI MI DGE BA'I RTZA BA GSUM LAS SKYES PA YIN PAS, DE BAS NA DANG PO'I KUN NAS SLONG BA'I TSIG LAS DE SKAD CES BSHAD DE, DE BRNAB SEMS LA SOGS PA NI MA YIN NO, ,DE LA SROG GCOD PA CHAGS PA LAS SKYES PA NI 'DI LTA STE, DE'I LUS KYI YAN LAG GI PHYIR RAM, RTZED MO'I PHYIR RAM, NOR GYI PHYIR RAM, BDAG GAM MDZA' BO YONGS SU BSKYAB PA'I PHYIR SROG GCOD PAR BYED PA'O, ,ZHE SDANG LAS SKYES PA NI 'DI LTA STE KHO NA LAS NGES PAR 'BYUNG BAR BYA BA'I PHYIR GSOD PAR @176B BYED PA'O, ,GTI MUG LAS SKYES PA NI 'DI LTA STE MCHOD SBYIN PA RNAMS DANG, RGYAL POS CHOS 'DON PA TSAD MAR BYAS NA, CHOS KYI BLOS DGRA BO DANG MI BGRUNGS PA RNAMS CHAD PAS BCAD NA, RGYAL PO BSOD NAMS KYI SNOD DU 'GYUR RO ZHES GRAGS PA LTA BU'O, ,MA BYIN PAR LEN PA CHAGS PA LAS SKYES BA NI GANG GIS GANG DON DU GNYER BAR DE DES 'PHROG PAR BYED PA'O, ,ZHE SDANG LAS SKYES PA NI KHO NA LAS NGES PAR 'BYUNG BAR BYA BA'I PHYIR GANG YIN PA'O, ,GTI MUG LAS SKYES PA 'DI NI 'DI LTA STE RGYAL POS CHOS 'DON PA TSAD MAR BYAS NAS MI BGRUNGS PA RNAMS CHAD PAS GCOD PA'O, ,'DOD PAS LOG PAR G-YEM PA CHAGS PA LAS SKYES PA NI GZHAN GYI CHUNG MA LA SOGS PA DE DAG LA KUN DU CHAGS PA'AM, RNYED PA DANG BKUR STI'I PHYIR RAM, BDAG DANG MDZA' BO YONGS SU BSKYAB PA'I PHYIR MI TSANGS PAR SPYOD PA'O, ,ZHE SDANG LAS SKYES PA NI KHON LAS NGES PAR 'BYUNG BAR BYA BA'I PHYIR 'DOD PAS LOG PAR G-YEM PA'O, ,GTI MUG LAS SKYES PA NI 'DI LTA STE, PAR SIG LA SOGS PA MA LA SOGS PA'I GAN DU 'GRO BA'O, ,BRDZUN DU SMRA BA LA SOGS PA CHAGS PA LAS SKYES PA DANG, ZHE SDANG LAS SKYES PA DANG YANG SNGAM BZHIN NO, ,GTI MUG LAS SKYES PA NI JI SKAD DU, RGYAL PO BZHAD GAD LDAN DANG BUD MED DANG, ,BAG MA LEN PA'I TSE DANG GSOD PA DANG, ,NOR KUN 'PHROG TSE BRDZUN SMRAS GNOD MED DE, ,BRDZUN LNGA SDIG TO CAN MIN ZHES BSHAD DO, ,ZHES SMRA BA DANG, GANG YANG LOG PAR LTA BA LA ZHUGS PA'I BRDZUN DANG, LOG PAR LTA BA LA ZHUGS PA'I PHRA MA LA SOGS PA NI GTI MUG LAS SKYES PA'O, ,JI LTAR NA BRNAB SEMS LA SOGS CHAGS PA LA SOGS PA LAS SKYES PA YIN ZHE NA, DE YI MJUG THOGS LAS BYUNG BA'I, ,BRNAB SEMS SOGS RTZA GSUM LAS SKYES, ,CHAGS PA'I MJUG THOGS SU BYUNG BA NI CHAGS PA LAS SKYES PA'O, ,ZHE SDANG GI MJUG THOGS SU BYUNG BA NI ZHE SDANG LAS SKYES PA'O, ,GTI MUG GI MJUG THOGS SU BYUNG BA NI GTI MUG LAS SKYES PA'O, ,MI DGE BA'I LAS KYI LAM RNAMS BSHAD ZIN TO, ,DGE BA'I LAS KYI LAM JI LTA BU ZHE NA, SMRAS PA, DGE RNAMS SBYOR DANG MJUG BCAS PAR, ,CHAGS SDANG GTI MUG @177A *, ,MED LAS SKYES, ,DGE BA'I LAS KYI LAM RNAMS NI DGE BA'I SEMS KYIS KUN NAS BSLANG BA'I PHYIR BA DANG, DE YANG GDON MI ZA BAR MA CHAGS PA LA SOGS PA DANG MTSUNGS BAR LDAN PA YIN PA'I PHYIR SBYOR BA DANG MJUG DANG BCAS PAR MA CHAGS PA DANG, ZHE SDANG MED PA DANG, GTI MUG MED PA LAS SKYES PA YIN TE, DE LA MI DGE BAR SBYOR BA'I LAS KYI LAM YIN NO, ,DNGOS SPOD BA NI DNGOS YIN NO, ,MJUG SPONG BA NI MJUG YIN NO, ,JI SKAD DU LAS KYI LAM THAMS CAD CHAGS PA LA SOGS PAS MTHAR PHYIN PAR BYED PA NI MA YIN NO ZHES BSHAD PA GANG YIN PA LA, YANG GANG GIS GANG ZHIG MTHAR PHYIN PAR BYED CE NA, GSOD DANG GNOD SEMS TSIG RTZUB NI, ,ZHE SDANG GIS NI MTHAR 'BYIN BYED, ,SROG GCOD PA LA SOGS PA 'DI DAG NI ZHE SDANG GIS RDZOGS PAR BYED DE, YONGS SU 'DOR BA DANG RTZUB PA'I SEMS MNGON DU 'GYUR BA'I PHYIR RO, , LOG G-YEM BRNAB SEMS MA BYIN LEN, ,CHAGS PA YIS NI RDZOGS PAR BYED, ,'DOD PAS LOG PAR G-YEM PA DANG, ,BRNAB SEMS DANG, MA BYIN PAR LEN PA RNAMS NI CHAGS PAS RDZOGS PAR BYED DO, ,LOG PAR LTA DANG GTI MUG GIS, ,CHER RMONGS PAR GYUR NA DE MTHAR PHYIN PAR BYED DO, ,LHAG MA GSUM GYIS RDZOGS PAR 'DOD, ,LHAG MA YANG GANG DAG CIG CE NA, BRDZUN DU SMRA BA DANG PHRA MA DANG, TSIG KYAL PA STE, DE DAG NI CHAGS PA 'AM, ZHE SDANG NGAM, GTI MUG GSUM KAS KYANG MTHAR PHYIN PAR BYED DO, ,LAS KYI LAM RNAM PA BZHIR BSHAD PA GANG YIN PA DE DAG NI GSUM DANG, GSUM DANG, GCIG DANG, GSUM STE DE DAG KYANG RIM BZHIN DU, GZHI NI SEMS CAN LONGS SPYOD DANG, ,MING DANG GZUGS DANG MING YIN NO, ,SROG GCOD PA LA SOGS PA'I GZHI NI SEMS CAN YIN NO, ,GZHAN GYI BUD MED KYI GAN DU 'GRO BA LA SOGS PA'I GZHI NI LONGS SPYOD YIN NO, ,LOG PAR LTA BA'I GZHI NI MING DANG GZUGS YIN NO, ,BRDZUN DU SMRA BA LA SOGS PA'I GZHI NI MING GI TSOGS LA SOGS PA YIN NO, ,GANG ZHIG GIS GZHAN GSAD PA'I PHYIR NGES PAR BYAS LA, DES NA MGO MNYAM @177B DU 'AM SNGAR SHIN, CI 'DI LA DNGOS KYI LAS KYI LAM YOD DAM 'ON TE MED CE NA, MNYAM PA'AM SNGAR NI SHI BA LA, ,DNGOS MED, DE NYID KYI PHYIR SBYOR BA YANG BYAS PA 'BRAS BU YANG YONGS SU RDZOGS PAR GYUR KYANG SROG GCOD PA'I KHAN MA THO BAS MI REG PA LTA MCHIS SAM, BKA' STZAL PA, YOD DE, 'DI LTA STE, DE DANG GSOD PA PO MGO MNYAM DU'AM, SNGAR SHI NA'O ZHES GSUNGS SO, ,DE LA RGYU CI ZHIG YOD CE NA, GSOD PAR BYA BA GSOD PA BZHIN DU GSOD PA PO LAS KHAN MA THO BA DANG LDAN PA YANG MED LA, MGO MNYAM DU SHIN YANG, GSOD PA PO LA KHA NA MA THO BA DANG LDAN PA MED DE, LUS GZHAN SKYES PHYIR RO, ,LUS GANG GIS DER SBYOR BA BYAS BAS DE NI CHAD NAS RIS MTHUN PA GZHAN GYI LUS GZHAN PA NYID DU 'BYUNG STE, DE NI SBYOR BA PO MA YIN PA'I PHYIR LAS KYI LAM DANG LDAN PA MED DO, ,GANG DMAG GIS GDAB PA DANG, LINGS GDAB PA DANG, MA 'PHRIGS PAR BTAB PA DAG TU GZHAN DAG GSAD PAR BYA BA'I PHYIR MANG PO TSOGS PAS BTAB LA, GCIG GIS SROG GCOD NI DE DANG SU ZHIG LDAN PAR 'GYUR ZHE NA, DMAG LA SOGS PAR BYA GCIG PHYIR, ,THAMS CAD BYED PA PO BZHIN LDAN, ,BYA BA GCIG PA'I PHYIR BYED PA PO JI LTA BA DE BZHIN DU THAMS CAD LA YANG LDAN PAR 'GYUR TO; DE DAG NI DON GYIS NA PHAN TSUN DU SBYOR BAR BYED PA YIN NO, ,RANG GIS SROG GCOD PA BYED NA, JI TZAM GYIS NA LAS KYI LAM DU 'GYUR ZHES BYA BA NAS LOG PAR LTA BA'I LAS KYI LAM DU 'GYUR ZHES BYA BA'I BAR GYI MTSAN NYID BSHAD PAR BYA STE, DE BRJOD PA'O, ,SROG GCOD PA NI BSAMS BZHIN DU, MA NOR BA NI GZHAN BSAD PA'O, ,GAL TE 'DI GSAD DO ZHES BSAMS TE, GZHAN DU MA NOR BAR GZHAN GSAD NA DE TZAM GYIS NA SROG GCOD PA YIN NO, ,GAL TE JI 'DI SEMS CAN NAM SEMS CAN MA YIN PA DE 'AM GZHAN ZHIG YIN ZHES THE TSOM ZOS TE GSOD PAR BYED NA DE YANG GDON MI ZA BAR GANG YIN PA ZHES NGES PA RNYED NAS DE LA SNUN PAR BYAD PAS DES 'DOR BA'I SEMS SU BYAS PA NYID YIN NO, ,SROG GCOD PA BSHAD ZIN TO, ,MA BYIN LEN PA GZHAN DAG GI, MTHU DANG RKU BAS BDAG GIR BYED, ,MA NOR BA ZHES BYA BAR SBYAR TE, GAL TE GZHAN GYIS BDAG GIR BYAS PA LA MTHU'AM RKU BA'AM @178A *, ,'DRID PAS, BDAG GIR BYED CING, GANG DU MTHU DANG RKU BA DANG BRID PA'I BSAM PA DE NYID LAS GZHAN DU 'DU SHES MA NOR BA DE TZAM GYIS NA MA BYIN PAR BLANGS PA YIN NO, ,MCHOD RTEN LAS 'PHROG PA NI SANGS RGYAS LAS MA BYIN PAR BLANGS PA YIN TE, BCOM LDAN 'DAS MYA NGAN LAS 'DAS PA'I TSE DE DAG THAMS CAD YONGS SU GZUNG BA'I PHYIR RO, ,KHA CIG NAR SRUNG MA GANG DAG YIN PA LAS SO ZHES ZER RO, ,BDAG PO MED PA'I GTER BRUS NA NI YUL GYI BDAG PO LAS SO, ,SHI BA'I NOR 'PHROG NA NI GSOL BA'I LAS BYAS PA ZHIG YIN NA NI MTSAMS KYI NANG DU GTOGS PA RNAMS LAS SO; ,MA BYAS PA ZHIG YIN NA NI SANGS RGYAS KYI SLOB MA THAMS CAD LAS SO, ,BGROD MIN BGROD PAR 'DOD PA YI, ,LOG PAR G-YEM PA RNAM PA BZHI, ,BGROD PAR BYA BA MA YIN PAR 'GRO BA STE 'DOD PAS LOG PAR G-YEM PA RNAM PA BZHI STE, BGROD PAR BYA BA MA YIN PA GZHAN GYIS YONGS SU BZUNG BA 'AM MA 'AM BU MO 'AM MA DANG 'BREL PA'I GAN DU 'GRO BA'O, ,RANG GI CHUNG MA YIN YANG YAN LAG MA YIN PAR 'GRO BA'O, ,YUL MA YIN PAR 'GRO BA STE, SNANG BA 'AM MCHOD RTEN GYI DRUNG DU 'GRO BA'O, ,DUS MA YIN PAR 'GRO BA STE, SBRUM PA'AM, NU ZHO 'THUNG BA'AM, NGES PA DANG BCAS PA'I GAN DU 'GRO BA'O, ,KHA CIG NA RE GAL TE KHYOS GNANG NA NGES PA DANG BCAS PA YIN NO ZHES ZER TE MA NOR NA ZHES BYA BAR SBYAR RO, ,GZHAN DAG NA RE GAL TE BDAG GI YIN PA'I 'DU SHES KYIS GZHAN GYI CHUNG MA'I GAN DU SONG NA LAS KYI LAM DU MI 'GYUR GYI, GAL TE GZHAN GYI CHUNG MA YIN PA'I 'DU SHES KYIS GZHAN ZHIG GI GAN DU SONG NA GZHAN GYI CHUNG MA MA SBYOR BA BYAS PA'I PHYIR BA DANG, DNGOS PO YANG YONGS SU LONGS SPYAD PA'I PHYIR 'GYUR RO ZHES ZER RO, ,GZHAN DAG NA RE SBYOR PA GZHAN DU BYAS PA'I PHYIR MI 'GYUR TE, SROG GCOD PA BZHIN NO ZHES ZER RO, ,BRDZUN TSIG 'DU SHES GZHAN BSGYUR BA'I, ,TSIG DON MNGON PAR GO BA'O, ,MNGON PAR MA GO NA CIR 'GYUR ZHE NA, TSIG KYAL PAR 'GYUR RO, ,MDO LAS, MA MTHONG BA LA MTHONG ZHES SMRA BA DANG, MA THOS PA DANG, MA RTOGS PA DANG, RNAM PAR MA SHES PA LA RNAM PAR SHES SO ZHES SMRA BA LA SOGS PA THA SNYAD BCU DRUG @178B RGYA CHER GSUNGS PA DE LA, MTHONG BA DANG, THOS PA DANG, RTOGS PA DANG, RNAM PAR SHES PA DE DAG GI MTSAN NYID CI YIN ZHE NA, MIG RNA YID KYI RNAM SHES DANG, ,GSUM GYIS NYAMS SU MYONG GANG DE, ,MTHONG THOS RNAM PAR SHES PA DANG, ,RTOGS PAR 'DOD DE RIM BZHIN BSHAD, ,MIG GI RNAM PAR SHES PAS NYAMS SU MYONG BA GANG YIN PA DE NI MTHONG BA ZHES BSHAD DO, ,RNA BA'I RNAM PAR SHES PAS NYAMS SU MYONG BA GANG YIN PA DE NI THOS PA ZHES BSHAD DO, ,YID KYI RNAM PAR SHES PAS NYAMS SU MYONG BA GANG YIN PA DE NI RNAM PAR SHES PA YIN NO, ,SNA DANG LCE DANG LUS KYI RNAM PAR SHES PAS NYAMS SU MYONG BA GANG YIN PA DE DAG NI RTOGS PA YIN NO, ,BRDZUN DU SMRA BA RDZOGS SO,, ,,PHRA MA PHA ROL DBYE BA'I PHYIR, ,NYON MONGS CAN GYI SEMS KYI TSIG ,PHA ROL PO DAG DBYE BA'I PHYIR BA DANG, MI MDZA' BAR BYA BA'I RIS SEMS NYON MONG PA CAN GYI TSIG GANG YIN PA DE NI PHRA MA YIN TE, DON MNGON PAR GO BA DANG, MA NOR NA ZHES BYA BAR SBYAR RO, ,NYON MONGS CAN KUN KYAL PA YIN, DAG CES BYA BA'I DBANG DU BYAS PAR SBYAR TE, NYON MONGS PA CAN GYI TSIG THAMS CAD NI TSIG KYAL BA STE, DE NYID KYAL PA YIN LA DE DANG LDAN PA'I TSIG KYAL BA CAN YIN NO, ,GZHAN NI DE LAS GZHAN NYON MONGS, ,GZHAN DAG NA RE NI NGAG LAS BRDZUN DU SMRA BA LA SOGS PA DE DAG LAS GZHAN PA NYON MONGS PA CAN GYI TSIG GANG YIN PA DE NI TSIG KYAL PA YIN NO ZHES ZER TE, KHA GSAG GLU DANG GAR DANG NI, ,BSTAN BCOS NGAN BZHIN, 'DI LTA STE DGE SLONG LOG PAR 'TSO BAR 'DOD PAS KHA GSAG BYED PA DANG, KHA CIG GZHAN DAG MGU BAR BYED PA'I PHYIR CHAGS PAS GLU LEN CING GAR BYED PA NA 'KHYAL BA DANG, DE'I LTA BAR GYUR NAS BSTAN BCOS NGAN PA 'DON PA DANG, DE BZHIN DU SMRE SNGAGS 'DON PA DANG, 'DUN GTAM LA SOGS PA LAS GZHAN PA NYON MONGS PA CAN GYI NGAG GANG YIN PA DE DAG NI CHOG KYAL PA YIN NO, ,JI LTAR NA 'KHOR LOS SGYUR BA DAG GI TSE, GLU YANG YOD LA TSIG KYAL PA YANG MA YIN ZHE NA, DE'I TSE NA NI NGES PAR 'BYUNG BA DANG LDAN PA'I GLU DAG LEN PAR 'GYUR RO, ,GZHAN DAG NA RE DE'I TSE BAG MA LEN PA DANG GTONG BA LA SOGS PA'I BRJOD PA'I TSIG KYAL PA YOD KYANG LAS @179A *, ,KYI LAM NI MA YIN NO ZHES ZER RO, ,BRNAB SEMS NI, LOG PA GZHAN GYI BYED LA CHAGS, ,GZHAN DAG GI GANG YIN PA DE BDAG GI YIN PAR LEGS SU SMON PA STE, GZHAN GYIS BDAG GIR BYAS BA LA MTHU 'AM RKU BA LA SOGS PA'I TSUL GYIS CHAGS NAS BDAG GIR BYED PA 'DOD PA GANG YIN PA DE NI BRNAB SEMS KYI LAM YIN NO, ,GNOD SEMS SEMS CAN LA SDANG BA, ,SEMS CAN DAG LA RNAM PAR SDANG BA NI GNOD SEMS YIN TE, GNOD BAR ZHUGS PA'O, ,DGE DANG MI DGE MED LTA BA, ,LOG PAR LTA BA YIN, DGE BA DANG MI DE BA'I LAS MED DO ZHES LTA BA GANG YIN PA DE NI LOG PAR LTA BA YIN TE, MI DGE BA BCU'I LAS KYI LAM DE DAG GI MTSAN NYID NI DE LTA BU YIN NO, ,LAS KYI LAM ZHES BYA BA'I DON CI ZHIG YIN ZHE NA, 'DI LA, GSUM LAM BDUN NI LAS KYANG YIN, ,BRNAB SEMS LA SOGS PA GSUM NI LAS KYI LAM YIN PAS LAS KYI LAM STE, DE DAG DANG MTSUNGS PAR LDAN PA CAN GYI SEMS PA NI DE DAG GI RGYU BAS RGYU STE, DE DAG GI 'GROS KYIS 'GRO'O, ,DE'I DBANG GIS DE DAG MNGON PAR 'DU BYED PA'I PHYIR RO, ,SROG GCOD PA LA SOGS PA BDUN NI LUS DANG NGAG GI LAS YIN PA'I PHYIR LAS KYANG YIN LA LAS KYI LAM YIN PAS NA LAS KYI LAM STE, DE DAG KUN NAS SPONG BA'I SEMS PA NI DE DAG LA BSTAN NAS 'JUG PA'I PHYIR RO, ,DE LTAR NA LAS KYI LAM DANG LAS DANG LAS KYI LAM YIN PAS NA LAS KYI LAM STE, BRNAB SEMS MED PA LA SOGS PA DANG, SROG GCOD PA SPONG BA LA SOGS PA DANG DE BZHIN DU SHES PAR BYA'O, ,MI DGE BA BCU'I LAS KYI LAM GANG YIN PA DE DAG THAMS CAD NI DGE BA'I CHOS DE DAG GI YANG DAG PAR LEN PA DANG 'GAL BA YIN LA, MED PAR LTA BAS RTZA BA GCOD, ,DGE BA'I RTZA BA GCOD PA NI MED PAR LTA BA CHEN PO YONGS SU RDZOGS PAS GCOD DO, ,DGE BA'I RTZA BA GANG DAG CIG GCOD PAR 'GYUR ZHE NA, 'DOD GTOGS SKYES NAS THOS PA RNAMS, ,'DOD PA NA SPYOD PA'I DGE BA'I RTZA BA RNAMS GCOD PAR 'GYUR TE, GZUGS DANG GZUGS MED PA NA SPYOD PA DANG NI MI LDAN PA'I PHYIR RO, ,SKYES NAS THOB PA 'BA' ZHIG GCOD PAR 'GYUR GYI @179B SBYOR BA LAS BYUNG BA NI SNGAR YONGS SU NYAMS PA'I PHYIR RO, ,CI LA DMIGS BAS LOG PAR LTA BAS GCOD PAR BYED CE NA, RGYU DANG 'BRAS LA SKUR BA YIS, ,KHA CIG NA RE ZAG PA DANG BCAS PA LA DMIGS PA 'BA' ZHIG GIS YIN GYI ZAG PA MED PA LA NI DMIGS PAS NI MA YIN LA SKAL BA MNYAM PA'I KHAMS LA DMIGS PA 'BA' ZHIG GIS NI YIN GYI SKAL BA MI MNYAM PA'I KHAMS LA DMIGS PAS KYANG MA YIN TE, MTSUNGS PAR LDAN PA TZAM GYI BAG LA NYAL BAS NA STOBS CHUNG BA'I PHYIR RO ZHES ZER RO, ,'DI SKAD DU, KUN GYIS ZHES BRJOD DO, ,KHA CIG NA RE DGE BA'I RTZA BA RNAM PA DGU CHAR YANG CIG CAR DU GCOD DE, MTHONG BAS SPANG BAR BYA BA BZHIN NO ZHES ZER RO, ,'DI SKAD DU, RIM GYIS ZHES BRJOD DE, LOG PAR LTA BA RNAM PA DGUS DGE BA'I RTZA BA RNAM PA DGU GCOD PAR BYED DE, BSGOMS PAS SPANG BAR BYA BA BZHIN DU CHEN POS CHUNG DU GCOD DO ZHES ZER RO, ,GANG DU DGE BA'I RTZA BA RNAMS GCOD CE NA, MI'I NANG DU, MI'I NANG 'BA' ZHIG TU YIN GYI NGAN SONG DAG NA NI MED DE, DE SHES RAB NYON MONGS PA CAN DANG NYON MONGS PA CAN MA YIN PA GNYI GA YANG MI BRTAN PA'I PHYIR RO, ,'BRAS BU MNGON DU GYUR BA'I PHYIR LHA DAG GI NANG NA YANG MED DO, ,GLING GSUM DAG NA YANG BYANG GI SGRA MI SNYAN DAG NA YANG MED DE, SDIG PA'I BSAM PA MA YIN PA'I PHYIR RO, ,DE DAG KYANG, SKYES PA BUD MED RNAMS KYI 'CHAD, ,DE DAG LAS KYANG SRED PA SPYOD PA DAG GI 'CHAD PA MED DE, BSAM PA G-YO BA YIN PA'I PHYIR RO, ,'O NA JI LTA BU ZHIG CE NA, LTA SPYAD, BSAM PA BRTAN PA DANG MKHYUD PA'I BSAM PA YIN PA'I PHYIR RO, ,DE NYID KYI PHYIR MA NI DA LA SOGS PA NI MA YIN TE, SRED PA SPYOD PA'I PHYOGS CAN YIN PA'I PHYIR BA DANG, NGAN SONG BA BZHIN NO, ,DGE BA'I RTZA BA YANG DAG PAR 'CHAD PA'I RANG BZHIN JI LTA BU ZHIG YIN ZHE MA DE DANG MI LDAN PA, GANG GI TSE DGE BA'I RTZA BA RNAMS KYI THOB PA YANG MI SKYE LA, MA THOB PA YANG SKYE BA STE, MI LDAN PA SKYES PA DER DGE BA'I RTZA BA RNAMS YANG DAG PAR CHAD PA ZHES BYA'O, ,DE DAG GI YANG BAR CHAD PA RNAMS JI LTAR NA YANG NYID MTSAMS SBYOR ZHE NA, MTSAMS NI THE TSOM YOD LTA BAS, ,NAM ZHIG 'DI LA RGYU DANG 'BRAS BU LA THE TSOM SKYES @180A *, ,PA'AM YANG DAG PAR LTA BA ZHES BYA BA'I DON TE, YOD PAR LTA BA SKYES PA'I TSE YANG DE'I THOB PA SKYES PA'I PHYIR DGE BA'I RTZA BA RNAMS KYI NYID MTSAMS SBYOR BA ZHES BYA'O, ,NYID MTSAMS NI RNAM PA DGU CIG CAR DU SBYOR LA, MNGON SUM DU NI RIM GYIS 'GYUR TE, NAD MED NA STOBS RNYED PAR 'GYUR BA BZHIN NO, ,YANG DE DAG GI NYID MTSAMS SBYOR BA NI, MTSAMS MED BYED PAS 'DI LA MIN, ,MTSAMS MED PA BYED PA RNAMS NA NI MA YIN GYI GZHAN GYI NI 'DI NYID LA YANG 'GYUR RO, ,'DI NI LAS KYI SKABS YIN PAS, ,DE LA LAS KYI LAM DU ZHIG DANG SEMS BA LHAN CIG TU 'BYUNG BAR 'GYUR BA BRJOD PAR BYA STE, MI DGE BRGYAD KYI BAR DAG DANG, ,SEMS PA LHAN CIG 'BYUNG BAR 'GYUR, ,RE ZHIG GCIG DANG LHAN CIG 'BYUNG BA NI GZHAN MED PAR BRNAB SEMS LA SOGS PA MNGON DU GYUR PA'AM, ,NYON MONGS PA CAN MA YIN PA'I SEMS YIN LA, DE'I SBYOR BAS GZUGS CAN RNAMS LAS GANG YANG RUNG BA ZHIG GIS MTHAR PHYIN PAR BYED PA'O, ,GNYIS DANG LHAN CIG 'BYUNG BA NI, ,GNOD SEMS SKYES PA'I SEMS KYIS SROG GCOD PA'AM, BRNAB SEMS SKYES PAS MA BYIN PAR LEN PA'AM, 'DOD PAS LOG PAR G-YEM PA'AM, TSIG KYAL PA SMRA BA'O, , GSUM DANG LHAN CIG 'BYUNG BA NI GNOD SEMS SKYES PA'I SEMS KYIS DUS GCIG TU GZHAN GYI SROG GCOD CING RKU NA'O, ,BRNAB SEMS SKYES LA DE'I SBYOR BAS GZUGS CAN GNYIS KYIS MTHAR PHYIN PAR BYED NA YANG GSUM NYID DANG NGO, ,BZHI DANG LHAN CIG TU 'BYUNG BA NI BRNAB SEMS LA SOGS PAR 'GYUR LA DE'I SBYOR BAS GZHAN GSUM GYIS MTHAR PHYIN PAR BYED NA STE, DE BZHIN DU LDA DANG DRUG DANG BDUN DANG YANG SBYAR BAR BYA'O, ,BRGYAD DANG LHAN CIG TU 'BYUNG BA NI BRNAB SEMS LA SOGS PAR GYUR BA NYID KYIS DRUG MI SBYOR BA BYAS LA, ,'DOD PAS LOG PAR G-YEM PA BDAG NYID KYIS BYED CING BDAG NYID KYIS MTHAR PHYIN PAR BYED NA'O, ,RE ZHIG MI DGE BA DAG DANG NI DE LTA BU YIN NO, ,DGE BA BCU YI BAR DAG DANG, ,DGE BA'I LAS KYI LAM DAG DANG NI BCU'I BAR DANG SEMS PA LHAN CIG TU 'BYUNG NGO ZHES SBYIR BSTAN NAS DMIGS KYIS STON PAR BYED DE, GCIG DANG LNGA DANG BRGYAD DANG MIN, , @180B DE LA LAS KYI LAM GNYIS DANG LHAN CIG TU 'BYUNG BA NI DGE BA'I RNAM PAR SHES PA LNGA LA GNAS PA'O, ,GSUM DANG NI YANG DAG PA'I LTA BA DANG MTSUNGS PAR LDAN PA'I YID KYI RNAM PAR SHES PA LA GNAS PA'O, ,BZHI DANG NI MI DGE BA'AM, LUNG DU MA BSTAN PA'I SEMS KYIS DGE SBYONG DAM DGE BSNYEN GYI SDOM PA YANG DAG PAR LEN NA'O, ,DRUG DANG NI DGE BA'I RNAM PAR SHES PA LNGA LA GNAS PA DE NYID YANG DAG PAR LEN NA'O, ,BDUN DANG NI DGE BA'I YID KYI RNAM PAR SHES PA LA GNAS TE, DE NYID YANG DAG GNOD PA DANG, ,MI DGE BA'AM LUNG DU MA BSTAN PA'I SEMS KYIS DGE SLONG GI SDOM PA YANG DAG PAR LEN NA'O, , DGU DANG NI DGE BA'I RNAM PAR SHES PA LDA'AM, ZAD LA MI SKYE BA DANG MTSUNGS PAR LDAN PA'I YID KYI RNAM PAR SHES PA LA GNAS TE DE NYID YANG DAG PAR LEN NA'O, ,BCU DANG NI DE LAS GZHAN PA'I YID KYI RNAM PAR SHES PA LA GNAS TE DGE SLONG GI SDOM PA NYID YANG DAG PAR LEN NA'O, ,'GRO BA GANG DAG NA DGE BA'AM, MI DGE BA'I LAS KYI LAM DU ZHIG MNGON SUM DU GYUR PA'AM LDAN PA'I SGO NAS YOD CE NA, DMYAL BA DAG NA KYAL BA DANG, ,TSIG RTZUB GNOD SEMS RNAM GNYIS SO, ,DMYAL BDAG NA NI LAS KYI LAM 'DI GSUM MNGON SUM DU GYUR PA DANG LDAN PA'I SGO DANG RNAM PA GNYI GNAS YOD DE, SMRE SNGAGS 'DON PA'I PHYIR NA TSIG KYAL PA YIN NO, ,PHAN TSUN SPYO BAR BYED PA'I PHYIR NA TSUG RTZUB PO YIN NO, ,GCIG LA GCIG SEMS KYI RGYUD RTZUB POS ZHE SDANG BA'I PHYIR NA GNOD SEMS YIN NO, ,BRNAB SEMS DANG LOG LTA LDAN PAS SO, ,CHAGS PAR BYA BA'I DNGOS PO MED PA'I PHYIR BA DANG, LAS MNGON SUM DU GYUR PA'I SGO NAS NI MED DO, ,LAS ZAD NAS 'CHI BA'I PHYIR BA DANG, RDZAS DANG BUD MED YONGS SU GZUNG BA MED PA'I PHYIR SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DAG MED DO, ,DGOS BA MED PA'I PHYIR BRDZUN DU SMRA BA MED DO, ,DE NYID KYI PHYIR BA DANG, RTAG TU BYE ZIN BA'I PHYIR PHRA MA MED DO, ,SGRA MI SNYAN NA GSUM YIN NO, ,BRNAB SEMS DANG GNOD SEMS DANG LOG PAR LTA BA STE, MNGON SUM DU GYUR PA'I SGO NAS NI MA YIN GYI LDAN PA'I SGO NAS ZHES BYA BAR SBYAR TE, NGA YIR 'DZIN PA MED PA'I PHYIR BA DANG, @181A *, ,KUN DU GNOD PA'I DNGOS PO MED PA'I PHYIR PA DANG, SDIG PA'I BSAM PA MA YIN PA'I PHYIR RO, ,DER NI BDUN PA DNGOS SU YANG, ,DE NI TSIG KYAL PA NI MNGON SUM DU GYUR PA'I SGO NAS KYANG YOD DO, ,DE DAG NI RES 'GA' NYON MONGS PA CAN GYI SEMS KYIS GLU DAG KYANG LEN TO, ,SDIG PA'I BSAM PA YIN PA'I PHYIR BA DANG, TSE NGES PA DANG RDZAS DANG BUD MED YONGS SU GZUNG BA MED PA'I PHYIR BA DANG, DGOS PA MED PA'I PHYIR SROG GCOD PA LA SOGS PA MED DO, ,'DOD PA GZHAN NA MI DGE BCU, ,DNGOS SU YANG ZHES BYA BAR SBYAR TE, DMYAL BA DANG SGRA MI SNYAN LAS GZHAN PA 'DOD PA'I KHAMS DAG NA NI MI DGE BA BCU'I LAS KYI LAM RNAMS KYI MNGON SUM DU GYUR PA'I SGRO NAS KYANG YOD DE, DUD 'GRO YI DAGS DANG LHA DAG GI NANG NA NI SDOM PA MA YIN PA MA GTOGS PA'O, ,MI DAG GI NANG NA NI SDOM PA MA YIN PAS BSDUS PA YANG YOD DO, ,GAL TE YANG LHAS LHA MI GSOD KYANG 'GRO BA GZHAN NA GNAS PA NI GSOD PAR BYED DO, ,GZHAN DAG NA RE LHA YANG MGO DANG RKED PA BCAD NA 'CHI'O ZHES ZER RO, ,MI DGE BA RNAMS BSHAD ZIN TO, ,DGE BA GSUM NI THAMS CAD NA, ,RNYED DANG MNGON DU GYUR SGO NAS, ,BRNAB SEMS MED PA DANG, GNOD SEMS MED PA DANG, YANG DAG PA'I LTA BA RNAMS NI KHAMS GSUM DANG, 'GRO BA LNGA PO THAMS CAD NA YANG MNGON DU GYUR PA DANG LDAN PA'I SGO NAS YOD DO, ,GZUGS MED 'DU SHES MED SEMS CAN, RNYED PA BDUN TE, GZUGS MED PA DAG DANG, 'DU SHES MED PA'I SEMS CAN DAG NA NI LUS DANG NGAG GI LAS DGE BA'I LAS KYI LAM BDUN PO LDAN PA'I SGO 'BA' ZHIG NAS YOD DE, GZUGS MED PAR SKYES PA'I 'PHAGS PA RNAMS LA YANG ZAG PA MED PA'I SDOM PA 'DAS PA DANG MA 'ONGS PA DANG LDAN PA'I SGO NAS YOD LA, 'DU SHES MED PA'I SEMS CAN RNAMS LA YANG BSAM GTAN GYI SDOM PA LDAN PA'I SGO NAS YOD DO, ,LHAG MA NI MNGON DU GYUR PA'I SGO NAS KYANG, DPYAL BCAS SGRA MI SNYAN MA GTOGS, ,LHAG MAR BYAS PA LHAG MA STE, ,DMYAL BA DANG BYANG GI SGRA MI SNYAN PA MA GTOGS PA KHAMS DANG 'GRO BA GZHAN GANG YIN PA STE, DE DAG NI DGE BA'I LAS KYI LAM BDUN PO 'DI DAG MNGON DU @181B GYUR BA'I SGO NAS KYANG YOD DO, ,DE DAG KYANG DUD 'GRO DANG YI DAGS NA NI SDOM PA MA GTOGS LA, GZUGS KYI KHAMS DAG NA NI SDOM PAS BSDUS PA MA GTOGS TE GZHAN NI GNYI GA YOD DO, ,MI DGE BA'I LAS KYI LAM BCU DANG, DGE BA'I LAS KYI LAM BCU PO 'DI DAG NI, THAMS CAD BDAG PO RGYU MTHUN DANG, , RNAM SMIN 'BRAS BU SMIN PAR BYED, ,RE ZHIG MI DGE BDAG GIS NI KUN TU BSTEN PA DANG, SGOM PAR BYAS PA DANG, LAN MANG DU BYAS PAS NI DMYAL BA DAG TU SKYE BAR 'GYUR TE, 'DI NI DE DAG GI RNAM PAR SMIN PA'I 'BRAS BU YIN NO, ,BRGYAL 'DIR MI RNAMS DANG SKAL BA MNYAM PA'I RNAM PAR SKYE NA YANG SROG GCOD PAS NI TSE THUNG DUR 'GYUR RO, ,MA BYIN PAR LEN PAS NI LONGS SPYOD KYIS PHONGS PAR 'GYUR RO, ,'DOD PAS LOG PAR G-YEM PAS NI DGRA DANG BCAS PA'I CHUNG MA CAN DU 'GYUR RO, ,BRDZUN DU SMRA BAS NI SKUR BA MANG BAR 'GYUR RO, ,PHRA MAS NI MDZA' BOD DANG DBYE BAR 'GYUR RO, ,TSIG RTZUB POS NI YID DU MI 'ONG BA'I SGRA THOS PAR 'GYUR RO, ,TSIG KYAL PAS NI TSIG GZUNG BAR MI 'OS PAR 'GYUR RO, ,BRNAB SEMS KYIS NI 'DOD CHAGS MI BZAD BAR 'GYUR RO, ,GNOD SEMS KYIS NI ZHE SDANG DRAG POR 'GYUR RO, ,LOG PAR LTA BAS NI GTI MUG SHAS CHE BAR 'GYUR RO, , DE LA NI GTI MUG MANG BA'I PHYIR RO, ,DE DAG NI RGYU MTHUN PA'I 'BRAS BU YIN NO, ,SROG GCOD PA KUN DU BSTEN PAS NI PHYI'I DNGOS PO MTHU CHUNG BAR 'GYUR RO, ,MA BYIN PAR LEN PAS NI SER BA DANG RDUL MANG POR 'GYUR RO, ,'DOD PAS LOG PAR G-YEM PAS NI RDUL GYIS 'KHRIGS PAR 'GYUR RO, ,BRDZUN DU SMRA BAS NI DRING BAR 'GYUR RO, ,PHRAM BAS NI MTHON DMAN DU 'GYUR RO, ,TSIG RTZUB POS NI TSA SGRO CAN DANG, DGON DUNG DAG DANG THA CHAD PA DANG, SDIG PA THAMS CAD KYI SAR 'GYUR RO, ,TSIG KYAL BAS NI DUS LOG PAR 'GYUR RO, ,BRNAB SEMS KYIS NI 'BRAS BU PHRA MOR 'GYUR RO, , GNOD SEMS KYIS NI 'BRAS BU KHA BAR 'GYUR RO, ,LOG PAR LTA BAS NI 'BRAS BU CHUNG DU 'AM 'BRAS BU MED PAR 'GYUR RO, ,'DI NI DE DAG GI BDAG PO'I 'BRAS BU YIN NO, ,CI'I PHYIR LAS KYI LAM 'DI DAG GI 'BRAS BU RNAM PA GSUM PO DE DAG TU MNGON PAR 'GRUB CE NA, RE ZHIG @182A *, ,SROG GCOD PA NI GSOD PAR BYED PAS NA SDUG BSNGAL BSKYED PA DANG, BSAD PA DANG, STOBS MED PAR BYAS PA DE'I PHYIR, SDUG BSNGAL PHYIR DANG BSAD PHYIR DANG, ,STOBS MED BYAS PHYIR 'BRAS RNAM GSUM, ,PHA ROL PO SDUG BSNGAL BAR BYAS PA'I RNAM PAR SMIN PA'I 'BRAS BU NI DMYAL BA DAG TU SDUG BSNGAL BAR 'GYUR RO, ,BSAD PA'I RGYU MTHUN PA'I 'BRAS BUS NI TSE THUNG DUR 'GYUR RO, ,STOBS MED PAR BYAS PA'I BDAG PO'I 'BRAS BUS NI PHYI'I SMAN RNAMS STOBS CHUNG BAR 'GYUR RO, ,DE BZHIN DU GZHAN DAG LA YANG SBYAR BAR BYA'O, ,DGE BA'I LAS RNAMS LA YANG DE BZHIN DU 'BRAS BU GSUM DU RIG PAR BYA STE, SROG GCOD PA SPONG BA NI KUN NAS BSTAN PA DANG, GOMS PAR BYAS PA DANG, LAN MANG DU BYAS PAS NI LHA DAG GI NANG DU SKYE BAR 'GYUR RO, ,BRGYA LA 'DIR MI RNAMS DANG RIS MTHUN PA'I RNAM PAR SKYE NA YANG TSE RING BOR 'GYUR ZHES BYA BA LA SOGS PA THAMS CAD KYANG MI DGE BA LAS BZLOG STE SBYAR BAR BYA'O, ,BCOM LDAN 'DAS KYIS LOG PA'I DAG DANG, LOG PA'I LAS KYI MTHA' DANG, LOG PA'I 'TSO BA ZHES BSHAD PA GANG YIN PA DE GNYIS LAS GZHAN PA'I LOG PA'I 'TSO BA GANG ZHIG YIN ZHE NA, 'DI GZHAN DU 'GYUR BA NI MED KYI, DE NYID DE, LUS DANG NGAG DANG CHAGS LAS SKYES, ,LOG PA'I 'TSO BA; ZHE SDANG LAS SKYES PA DANG, GTI MUG LAS SKYES PA NI LOG PA'I NGAG DANG, LOG PA'I LAS KYI MTHA' YIN NO, ,DE NYID LAS, SBYANG DKA'I PHYIR, THA DAD DU BSTAN, CHAGS PA NI 'PHROG PAR BYED PA YIN LA, DES KUN NAS BSLANG BA'I LAM NI SEMS SHIN TU SRUNG BAR DKA' BAS DE'I PHYIR JI SRID 'TSO'I BAR DU YANG SBYANG BAR DKA' BAS GUS PA BSKYED PAR BYA BA'I PHYIR DE NI DER LOGS SHIG TU BSTAN TO, ,'DIR SMRAS PA, RTAG TU LTA BA SNA TSOGS PHYIR, ,KHYIM BAS LTA BA SBYAD BAR DKA', ,GZHAN LAS 'TSO BA RAB LUS PHYIR, ,DGE SLONG 'TSO BA SBYAR BAR DKA', ,ZHES BYA BA'O, ,GANG DAG ,YO BYAD LA, CHAGS BSLANG, MA YIN PAR SEMS PA DAG NI 'TSO BA'I YO BYAD LA CHAGS PAS BSLANG BA'I LUS DANG NGAG GI LAS 'BA' ZHIG LOG PA'I 'TSO BA YIN GYI, GZHAN NI MA YIN TE, BDAG DGA' BAR BYA BA'I PHYIR GAR DANG GLU LA SOGS PA DAG NI LOG PA'I 'TSO BA MA YIN NO SNYAM DU SEMS PA NI, @182B MDO DANG 'GAL PHYIR MIN, BCOM LDAN 'DAS KYIS TSUL KHRIMS KYI PHUNG PO'I MDO LAS GLANG PO CHE 'THAB BA LA LTA BA LA SOGS PA YANG LOG PA'I 'TSO BAR GZHAG STE, CI'I PHYIR ZHE NA, LOG PA'I YUL LA YONGS SU LONGS SPYOD PA'I PHYIR RO, ,GONG DU 'BRAS BU LNGAR BSHAD DE THAL BA GANG YIN PA, DE DAG LAS LAS GANG ZHIG GIS 'BRAS BU DU ZHIG GI 'BRAS BUR BCAS PA YIN ZHE NA, DRIR BCAS SPONG BA'I LAM DAG GI ,LAS NI LNGA YI 'BRAS BUR BCAS, ,SPONG BA'I PHYIR LAM YIN PA'AM, 'DIS NYON MONGS PA SPONG BAR BYED PAS NA SPONG BA'I LAM STE, BAR CHAD MED PA'I LAM YIN NO, ,ZAG PA DANG BCAS PA DER LAS GANG YIN PA DE NI 'BRAS BU LNGAS 'BRAS BU DANG BCAS PA YIN TE, DE'I RNAM PAR SMIN PA'I 'BRAS BU NI RANG GI SAR GTOGS PA DAG GI RNAM PAR SMIN PA YID DU 'ONG BA'O, ,RGYU MTHUN PA'I 'BRAS BU NI TING NGE 'DZIN LAS SKYES PA'I CHOS 'DRA BA PHYI MA RNAMS SO, ,BRAL BA'I 'BRAS BU NI BRAL BA NYID YIN TE, SPANG BA GANG YIN PA DE YIN NO, ,SKYES BU BYED PA'I 'BRAS BU NI DES DRANGS PA'I CHOS RNAMS TE, 'DI LTA STE RNAM PAR GROL BA'I LAM DANG, DE DANG LHAN CIG 'BYUNG BA DANG, GANG YANG MA 'ONGS PA THOB PA STE, DE YANG SPANGS PA YIN NO, ,BDAG PO'I 'BRAS BU NI SNGAR BYUNG BA MA GTOGS PA RANG GI NGO BO LAS GZHAN PA 'DU BYED THAMS CAD DO, ,BZHI YIS DRI MED, SPONG BA'I LAM ZAG PA MED PA'I LAS GANG YIN PA DE NI 'BRAS BU BZHIS 'BRAS BU DANG BCAS PA YIN TE, RNAM PAR SMIN PA'I 'BRAS BU MA GTOGS SO, ,ZAG BCAS PA, DGE DANG MI DGE GANG GZHAN YANG, ,GANG YANG SPONG BA'I LAM LAS GZHAN PA ZAG PA DANG BCAS PA'I DGE BA DANG, GANG YANG MI DGE BA DE DAG KYANG 'BRAS BU DANG BCAS PA STE, BRAL BA'I 'BRAS BU MA GTOGS SO, ,ZAG PA MED PA'I LHAG MA DANG, ,GANG ZHIG LUNG MA BSTAN GSUM GYIS, ,SPONG BA'I LAM LAS GZHAN PA'I ZAG PA MED PA DANG, LUNG DU MA BSTAN PA GANG YIN PA DE DAG KYANG 'BRAS BU GSUM GYIS 'BRAS BU DANG BCAS PA STE, RNAM PAR SMIN PA DANG BRAL BA'I 'BRAS BU MA GTOGS SO, ,DGE BA'I DGE LA SOGS PA NI, ,BZHI DANG GNYIS DANG DE BZHIN GSUM, ,GO RIMS BZHIN NO ZHES 'OG NAS 'CHAD DO, , @183A *, ,DGE BA'I LAS LA 'BRAS BU DGE BA BZHI STE, RNAM PAR SMIN PA'I 'BRAS BU MA GTOGS SO, ,MI DGE BA GNYIS TE SKYES BU BYED PA DANG, BDAG PO'I 'BRAS BU'O, ,LUNG DU MA BSTAN PA GSUM STE, RGYU MTHUN PA DANG BRAL BA'I 'BRAS BU MA GTOGS SO, ,MI DGE DGE LA SOGS PA NI, , GNYIS GSUM BZHI STE GO RIMS BZHIN, ,MI DGE BA'I LAS KYI LAM NI DGE BA'I LAS GNYIS TE, SKYES BU BYED PA DANG BDAG PO'I 'BRAS BU'O, ,MI DGE KHA GSUM STE, RNAM PAR SMIN PA'I 'BRAS BU NI MA GTOGS SO, ,LUNG DU MA BSTAN PA BZHI STE, BRAL BA'I 'BRAS BU MA GTOGS SO, ,LUNG DU MA BSTAN PA'I 'JIG TSOGS DANG MTHAR 'DZIN PAR LTA BA GNYIS NI SDUG BSNGAL MTHONG BAS SPANG BAR BYA BA MI DGE BA KUN DU 'GRO BA RNAMS KYI RGYU MTHUN PA'I 'BRAS BU YIN NO, ,LUNG MA BSTAN GYI DGE LA SOGS, ,DE DAG GNYIS DANG GSUM DANG GSUM, ,LUNG DU MA BSTAN PA'I LAS KYI NI DGE BA'I LAS GNYIS TE, SKYES BU BYED PA DANG BDAG PO'I 'BRAS BU'O, ,MI DGE BA GSUM STE, RNAM PAR SMIN PA DANG BRAL BA'I 'BRAS BU MA GTOGS SO, ,SDUG BSNGAL MTHONG BAS SPANG BAR BYA BA'I MI DGE BA NI LUNG DU MA BSTAN PA'I LTA BA GNYIS KYI RGYU MTHUN PA'I 'BRAS BU YIN NO, ,LUNG DU MA BSTAN PA'I CHOS GSUM STE, GSUM PO DE DAG NYID DO, ,'DAS PA'I THAMS CAD BZHI YIN NO, ,THAMS CAD CES BYA BA NI DUS GSUM RNAMS TE, 'DAS PA'I LAS KYI 'BRAS BU DUS GSUM PA'I CHOS NI BZHI YIN TE, BRAL BA'I 'BRAS BU MA GTOGS SO, ,BAR MA YIS NI MA 'ONGS PA'ANG, ,DA LTAR BYUNG BA'I LAS KYI 'BRAS BU MA 'ONGS PA'ANG BZHI STE, DE DAG NYID DO, ,BAR MA GNYIS TE, DA LTAR BYUNG BA'I 'BRAS BU DA LTAR BYUNG BA'I CHOS NI GNYIS TE, SKYES BU BYED PA DANG, BDAG PO'I 'BRAS BU'O, ,MA SKYES PA'O, 'BRAS BU MA 'ONGS GSUM YIN NO, ,MA 'ONGS PA'I 'BRAS BU MA 'ONGS PA'I CHOS NI GSUM STE? RGYU MTHUN PA DANG BRAL BA'I 'BRAS BU MA GTOGS SO, ,RANG GI SA PA'I CHOS BZHI'O, ,RANG GI SA PA'I LAS KYI 'BRAS BU NI RANG GIS PA'I CHOS NI BZHI STE, BRAL BA'I 'BRAS BU MA GTOGS SO, ,GZHAN GYI SA PA'I GSUM DANG GNYIS, ,GAL TE GZHAN GYI SA PA'I CHOS ZAG @183B PA MED PA ZHIG YIN NA NI KHAMS GSUM MA GTOGS PA'I PHYIR 'BRAS BU GSUM STE, RNAM PAR SMIN PA DANG BRAL BA'I 'BRAS BU MA GTOGS SO, ,GAL TE ZAG PA DANG BCAS PA ZHIG YIN NA NI, GNYIS TE SKYES BU BYED PA DANG BDAG PO'I 'BRAS BU'O, ,SLOB PA'I 'BRAS BU LA SOGS GSUM, ,SLOB PA'I LAS KYI 'BRAS BU SLOB PA'I CHOS NI GSUM STE, RNAM PAR SMIN PA DANG BRAL BA'I 'BRAS BU MA GTOGS SO, ,MI SLOB PA YANG DE BZHIN NO, ,SLOB PA YANG MA YIN MI SLOB PA YANG MA YIN PA YANG GSUM STE, RNAM PAR SMIN PA DANG RGYU MTHUN PA MA GTOGS SO, ,MI SLOB LAS KYI 'BRAS BU NI, ,SLOB PA YI NI CHOS LA SOGS, ,GCIG DANG GSUM DANG GNYIS YIN NO, ,MI SLOB PA'I LAS KYI 'BRAS BU SLOB PA'I CHOS NI GCIG STE, BDAG PO'I 'BRAS BU'O, ,MI SLOB PA GSUM STE, RNAM PAR SMIN PA DANG BRAL BA'I 'BRAS BU MA GTOGS SO, ,SLOB PA YANG MA YIN MI SLOB PA YANG MA YIN PA GNYIS TE, SKYES BU BYED PA DANG BDAG PO'I 'BRAS BU'O, ,DE LAS GZHAN PA'I 'BRAS BU NI, SLOB SOGS GNYIS DANG GNYIS DANG LDAN, ,SLOB PA DANG MI SLOB PA DAG LAS GZHAN PA SLOB PA YANG MA YIN MI SLOB PA YANG MA YIN PA'I LAS KYI 'BRAS BU SLOB BA'I CHOS GNYIS TE, SKYES BU BYED PA DANG BDAG PO'I 'BRAS BU'O, ,MI SLOB PA YANG DE BZHIN NO, ,'BRAS BU SLOB PA YANG MA YIN MI SLOB PA YANG MA YIN PA NI LNGA'O, ,MTHONG BAS SPANG BYA'I DE LA SOGS, ,GSUM DANG BZHI DANG GCIG YIN NO, ,MTHONG BAS SPANG BAR BYA BA'I LAM GYI 'BRAS BU MTHONG BAS SPANG BA'I CHOS NI GSUM STE, RNAM PAR SMIN PA DANG, BRAL BA'I 'BRAS BU MA GTOGS SO, ,BSGOM PAS SPANG BAR BYA BA NI BZHI STE, BRAL BA'I 'BRAS BU MA GTOGS SO, ,SPANG BAR BYA BA MA YIN PA NI GCIG STE, BDAG PO'I 'BRAS BU'O, ,BSGOM PAS SPANG BAR BYA LAS NI, ,DE DAG GNYIS DANG BZHI DANG GSUM, ,BSGOM PAS SPANG BAR BYA BA'I LAS KYI 'BRAS BU MTHONG BAS SPANG BAR BYA BA NI GNYIS TE, SKYES BU BYED BA DANG BDAG PO'I 'BRAS BU'O, ,BSGOM PAS SPANG BAR BYA BA NI BZHI STE, BRAL BA'I 'BRAS BU MA GTOGS SO, ,SPANG BAR BYA BA MA YIN PA NI GSUM STE, RNAM PAR SMIN PA DANG, RGYU MTHUN PA'I 'BRAS BU MA GTOGS @184A *, ,SO; ,DE DAG SPANG BYA MA YIN PA'I, ,GCIG GNYIS BZHI STE GO RIMS BZHIN, ,SPANG BAR BYA BA MA YIN PA'I LAS KYI 'BRAS BU MTHONG BAS SPANG BAR BYA BA'I CHOS NI GCIG STE, BDAG PO'I 'BRAS BU'O, ,BSGOM PAS SPANG BAR BYA BA NI GNYIS TE, SKYES BU BYED PA DANG, BDAG PO'I 'BRAS BU'O, , SPANG BAR BYA BA MA YIN PA NI BZHI STE, RNAM PAR SMIN PA'I 'BRAS BU MA GTOGS SO, ,YANG GO RIMS BZHIN ZHES SMOS PA NI DBUS KYANG THOG MA DANG THA MA DANG 'DRA BAR SHES PAR BYA BA'I PHYIR TE, DE LTA BU NI DE BZHIN DU SBYAR BA'I CHOS YIN NO, ,LAS BSTAN PA'I SKABS YIN NO, ,'DI YONGS SU DRI BAR BYA STE, BSTAN BCOS LAS RIGS PAS BSKYED PA DANG, RIGS PA MA YIN PAS BSKYED PA DANG, RIGS PA YANG MA YIN, RIGS PA MA YIN PA YANG MA YIN PAS BSKYED PA'I LAS ZHES GSUNGS PA DE'I MTSAN NYID JI LTA BU ZHE NA, RIGS MIN BSKYED PA'I NYON MONGS CAN, ,KHA CIG NA RE NYON MONGS PA CAN GYI LAS NI RIGS PA MA YIN PAS BSKYED PA STE, TSUL BZHIN MA YIN PA'I YID LA BYED PAS BYUNG BA'O ZHES ZER RO, ,KHA CIG NA RE CHO GA NYAMS PA'O ZHES ZER TE, GANG GIS JI LTAR 'GRO BAR BYA BA DANG, GNAS PAR BYA BA DANG, GOS BGO BA LA SOGS PA GZHAN DU BYED NA, DE NI RIGS PA MA YIN PAR BYED PA'I PHYIR, RIGS PA MA YIN PAS BSKYED PA ZHES BYA'O, ,DGE BA'I LAS NI RIGS PAS BSKYED PA'O, ,KHA CIG NA RE CHO GA NYAMS PA'O ZHES ZER RO, ,CI LAS GCIG 'BA' ZHIG GIS TSE GCIG 'PHEN TAM, 'ON TE DU MAS KYANG 'PHEN, DE BZHIN DU, LAS DU MAS KYANG TSE DU MA 'PHEN TAM, 'ON TE GCIG 'BA' ZHIG GIS KYANG 'PHEN CE NA, GRUB PA'I MTHA' LAS NI 'DI SKAD DU 'BYUNG STE, GCIG GIS TSE GCIG 'PHEN PAR BYED, ,LAS GCIG 'BA' ZHIG GIS TSE GCIG 'PHEN GYI DU MAS NI MA YIN NO, ,TSE ZHES BYA BA NI RIS MTHUN PA LAS BYA STE, DE PHYIN CHAD SKYES PA ZHES BRJOD DO, , LAS GCIG 'BA' ZHIG GIS 'PHANGS PA'I RIS MTHUN PA LA YANG LAS, DU MAS YONGS SU RDZOGS BYED PAR, ,'DOD DE DPER NA RI MO MKHAN GYIS RI LU GCIG GI GZUGS KYIS BCAD NAS MANG POS YONGS SU RDZOGS PAR BYED BA DE BZHIN DU, MIR MTSUNGS MOD KYI KHA DOG DANG, SHA TSUGS DANG, @184B BONG TSOD DANG, NYAMS STOBS PHUN SUM TSOGS PAS RNAM PAR MDZES NA, KHA CIG NI YAN LAG DANG NYING LAG THAMS CAD TSANG BA YIN LA, KHA CIG NI DE DAG LAS LA LA MA TSANG BA YIN NO, ,LAS 'BA' ZHIG GIS TSE 'PHEN PA YANG MA YIN TE, JI LTA ZHE NA, RNAM PAR SMIN PA DANG BCAS PA GZHAN GYIS KYANG 'PHEN TO; ,THAMS CAD DU YANG, SEMS MED SNYOMS PAR 'JUG GNYIS KYIS, ,'PHEN MED 'THOB PA'ANG MA YIN NO, ,RNAM PAR SMIN PA DANG BCAS PA YIN YANG, SEMS MED PA'I SNYOMS PAR 'JUG PA GNYIS KYIS NI RIS MTHUN PA MI 'PHEN TE, LAS DANG LHAN CIG MI 'BYUNG BA'I PHYIR RO, ,THOB PAS KYANG 'PHEN PA MA YIN TE, LAS PAS 'BRAS BU MANG BA'I PHYIR RO, ,BCOM LDAN 'DAS KYIS LAS KYI SGRIB PA DANG, NYON MONGS PA'I SGRIB PA DANG, RNAM PAR SMIN PA'I SGRIB PA DANG, SGRIB PA GSUM GSUNGS PA DE DAG GI RANG BZHIN JI LTA BU ZHE NA, MTSAMS MED PA YI LAS RNAMS DANG, ,NYON MONGS SHAS CHE NGAN 'GRO DANG, ,'DU SHES MED PA'I SEMS CAN DANG, ,SGRA MI SNYAN SGRIB GSUM DU 'DOD, ,MTSAMS MED PA'I LAS RNAMS NI LAS KYI SGRIB PA STE, 'DI LTA STE, MA GSOD PA DANG, PHA GSOD PA DANG, DGRA BCOM PA GSOD PA DANG, DGE 'DUN GYI DBYEN BYED PA DANG, DE BZHIN GSHEGS PA'I SKUL NGAN SEMS KYIS KHRAG 'BYIN PA'O, ,NYON MONGS PA SHAS CHEN PO NYON MONGS PA'I SGRIB PA'O, ,NYON MONGS PA NI RNAM PA GNYIS TE, NYON MONGS PA SHAS CHE BA DANG, NYON MONGS PA RNO BA'O, ,NYON MONGS BA SHAS CHE BA NI RGYUN DU 'BYUNG BA GANG YIN PA'O, ,RNO BA NI DRAG PO GANG YIN PA STE, DE LA SHAS CHE BA GANG YIN PA DE NI SGRIB PA YIN TE, 'DI LTAR ZA MA LA SOGS PA RNAMS KYI'O, ,NYON MONGS PA'I SHUGS DRAG KYANG RES 'GA' GZHOM PAR NUS KYI RGYUN DU 'BYUNG BA NI SHUGS DAL YANG MI NUS TE, NYON MONGS BA RGYUN DU 'BYUNG BA DE NI NGES PAR GZHOM PAR BYA BA'I PHYIR RTZOL BA'I DUS MI RNYED DE, DE NI CHUNG DU LA BRTEN TE 'BRING PO SKYE'O, ,'BRING LA BRTEN NAS CHEN PO SKYE STE, DE'I PHYIR DE NYID SGRIB PA YIN NO, ,NGAN 'GRO RNAM PA GSUM DANG, BDE 'GRO'I PHYOGS GCIG STE, BYANG GI SGRA MI SNYAN DANG 'DU SHES MED PA'I SEMS CAN NI RNAM PAR SMIN PA'I SGRIB PA YIN NO, , @185A *, ,SGRIB PA 'DI DAG GANG ZHIG LA YIN ZHE NA, 'PHAGS PA'I LAM DANG, 'PHAGS PA'I LAS DU SBYOR BA LAS BYUNG BA'I DGE BA'I RTZA BA RNAMS KYI'O, ,MTSAMS MED PA ZHES BYA BA'I DON CI ZHE NA, TSE RABS GZHAN GYI 'BRAS BU CAN GYI LAS KYI RNAM PAR SMIN PAR 'GYUR BA'I BAR DU BCAD PAR MI NUS BAS NA MTSAMS MED PA ZHES BYA STE, ZIL GYIS MNAN PAR MI NUS ZHES BYA BA'I THA TSIG GO, ,YANG SGRIB PA 'DI DAG LAS GANG ZHIG KHAMS GANG NA YOD PAR RIG PAR BYA ZHE NA, RE ZHIG GCIG TU, GLING GSUM DAG NA MTSAMS MED DO, ,BYANG GI SGRA MI STAN DANG 'GRO BA GZHAN DAG NA YANG MED NA KHAMS GZHAN DAG NA LTA SMOS KYANG CI DGOS, DE DAG NA YANG SKYES PA DANG BUD MED RNAMS 'BA' ZHIG LA YIN GYI, ZA MA LA SOGS MI 'DOD DO, ,CI'I PHYIR ZHE NA, PHAN DANG NGO TSA CHUNG BA'I PHYIR, ,PHA MA DANG DE DAG RIM BZHIN TE, LUS MA TSANG BA'I BDAG POR 'GYUR BA'I PHYIR BA DANG, BYAMS PA CHUNG BA'I PHYIR PHA MA NI DE DAG LA PHAN PA CHUNG NGO ZHES GRAG GO, ,DE DAG KYANG PHA MA LA NGO TSA BA DANG KHREL BA'I 'DU SHES CHUNG DUR GNAS TE, GANG MED PAR BYAS PAS MTSAMS MED PA'I KHA NA MA THO BA REG PAR 'GYUR TE, DE NYID KYI PHYIR YI DAGS RNAMS LA YANG MI 'DOD DO, ,BTZUN PA DAG NA RE, BLO GSAL BA RNAMS LA NI 'GYUR TE, RTA CANG SHES BZHIN NO ZHES ZER RO, ,MI'I YANG PHA MA MI MA YIN PA BSANG NA MTSAMS MED PAR MI 'GYUR RO, ,LAS KYI SGRIB PA BSHAD ZIN TO, ,LHAG MA 'GRO BA LNGA DAG NA, ,LHAG MA YANG GANG DAG CIG YIN ZHE NA, NYON MONGS PA DANG RNAM PAR SMIN PA'I SGRIB PA STE, MI DAG GI NANG NA NI RNAM PAR SMIN PA'I SGRIB BA NI SGRA MI SNYAN PA RNAMS SO, ,LHA DAG GI NANG NA NI 'DU SHES MED PA'I SEMS CAN RNAMS SO, ,MTSAMS MED PA RNAMS KYI RANG BZHIN CI ZHE NA, BZHI NI LUS KYI LAS SO, ,GCIG NI NGAG GI LAS SO, ,GSUM NI SROG GCOD PA'O, ,GCIG NI BRDZUN DU SMRA BA'O, ,GCIG NI SROG GCOD PAR SBYOR PA STE, DE BZHIN GSHEGS PA RNAMS NI MI BRDZI BA'I CHOS CAN YIN PA'I PHYIR RO, ,RGYU LA 'BRAS BU BTAGS PA'AM 'DIS 'BYED PAR BYED BAS NA, DGE 'DUN GYI DBYEN LA MTSAMS MED PA ZHES BSHAD DE, DGE 'DUN DBYEN NI MI 'PHROD PA'I, ,RANG BZHIN LDAN MA YIN PA'I CHOS, ,NYON MONGS CAN MIN LUNG MA BSTAN, , @185B DGE 'DUN GYI DBYEN NI MI 'PHROD PA ZHES BYA BA SEMS DANG LDAN PA MA YIN PA MA BSGRIBS LA LUNG DU MA BSTAN PA YIN NA, DE JI LTAR NA MTSAMS MED PAR 'GYUR, DE DANG 'BYED PA POR YANG MI LDAN NO, ,JI LTA ZHE NA, DE DANG DGE 'DUN YANG DAG LDAN, ,GANG BYE BA DE LA DBYEN DANG LDAN GYI 'BYED PA PO DANG NI MA YIN NO, ,'O NA 'BYED PA PO DANG CI ZHIG TU LDAN ZHE NA, DE YI KHA NA MA THO BRDZUN, ,DE DANG 'BYED PA POR LDAN NO, ,'BYED PA PO NI DE DGE 'DUN GYI DBYEN GYI KHA NA MA THO BA DANG LDAN TE, DE NI BRDZUN YIN NO, ,DE YANG DGE 'DUN GYI DBYEN DANG LDAN GYI 'BYED PA PO GCIG SKYES PA'O, ,NGAG GI RNAM PAR RIG BYED DANG RIG BYED MA YIN PA STE, 'BYED PA PO DE NI KHA NA MA THOB BA DE DANG LDAN NO, ,BSKAL PA MNAR MED DAG TU SMIN, ,BAR GYI BSKAL PA MNAR MED PA DAG TU SMIN PAR 'GYUR RO, ,GZHAN DAG GIS MNAR MED PA DAG TU MA NGES SO, ,YANG GANG ZHIG GIS MTSAMS MED PA MANG PO BYAS PA DE DAG BAR CHAD MED PAR RNAM PAR SMIN NA, DE LA DE CI ZHIG TU 'GYUR ZHE NA, LHAG PAS GNOD PA LHAG PAR 'GYUR, ,DE MTSAMS MED PA MANG POS MNAR MED PA DER LUS CHEN PO DANG, SHIN TU GZHON SHA CAN GYI LUS THOB CING GNOD PA YANG RAB TU MANG BA DANG, MI BZAD PAR 'GYUR TE, GANG GI GNYIS DANG GSUM DANG BZHI DANG LNGAR 'GYUR GYI TSOR BA MYONG BAR 'GYUR BA'O, ,SU ZHIG GIS DE LTAR DGE 'DUN 'BYED PAR BYED CE NA, DGE SLONG LTA SPYOD TSUL LDAN PAS, ,'BYED DO, ,GANG DU 'BYED CE NA, GANG NA BCOM LDAN 'DAS DANG NYE BA LAS GZHAN DU'O, ,DE BZHIN GSHEGS PA RNAMS NI ZIL GYIS MNAN PAR DKA' BA'I PHYIR DANG, BKA' GNYAN PA'I PHYIR STON PA DANG, NYE BA NYID DU DBYE BAR MI NUS SO, ,SU DAG GCIG 'BYED CE NA, BYIS PA NYID YIN GYI 'PHAGS PA NI MA YIN TE, CHOS MNGON SUM DU GYUR PA'I PHYIR RO, ,JI TZAM GYIS NA DGE 'DUN BYE BA YIN ZHE NA, BYE BA STON DANG LAM GZHAN LA, ,BZOD PA'O, ,DUS JI SRID CIG TU BYE NAS 'DUG CE NA, DE NYID KYI NUB MO LAS, DE NI MI GNAS SO, ,MTSAN MO MA 'DAS PA NYID DU GDON MI ZA BAR PHYIR SDUM PAR BYED DO, ,DGE 'DUN GYI DBYEN DU BSHAD PA GANG YIN PA 'DI NI, DE NI 'KHOR LO'I 'BYED DU 'DOD, ,DE'I TSE @186A *, ,BCOM LDAN 'DAS KYIS CHOS KYI 'KHOR LO YANG PHYE BA YIN TE, LAM SKYE BA'I GAGS SU GYUR PAS DE'I PHYIR DE LTA BU NI 'KHOR LO'I DBYE NA DANG, DGE 'DUN GYI DBYE NA ZHES BYA'O, ,'KHOR LO'I DBYEN YANG GANG DU YIN ZHE NA, 'DZAM BU'I GLING DU'O, ,GLING GZHAN DAG TU NI MA YIN NO, , DGE SLONG DU ZHIG GIS SHE NA, DGU SOGS KYIS, DGU LA SOGS PA SMOS PAS YAN CHAD NI MA YIN TE, DGE SLONG BRGYAD NI DGE 'DUN YIN NO, ,GCIG NI 'BYED PA YIN NO, ,NGES PAR DGE 'DUN PHYOGS GNYIS GNAS BA DE NI BYE PA'O, ,DGE 'DUN GYI DBYEN GZHAN NI LAS KYI DBYEN YIN TE, GAL TE MTSAMS GCIG GI NANG DU LAS MI MTHUN PA BYED NA'O, ,DE LTA BU'I LAS KYID BYEN NI GLING GSUM NA, GANG DAG NA SANGS RGYAS KYI BSTAN PA YOD PA NYID NA'O, ,DGE SLONG DU ZHIG GIS SHE NA, DE NI BRGYAD DAG YAN CHAD KYIS, ,'KHOR LO'I DBYE NA NI DUS DRUG DAG TU MA YIN TE, GANG DAG TU ZHE NA, DANG PO MTHA' SKYON ZUNG GCIG GIS, ,SNGA ROL THUB PA NONGS PA DANG, ,MTSAMS MA BCAD PA DAG TU YANG, ,'KHOR LO'I DBYEN NI MI SKYE'O, ,DANG PO CHOS KYI 'KHOR LO BSKOR NAS NI RING PO MA LON PA DANG THAM SANGS RGYAS MYA NGAN LAS 'DA' BA DE GNYIS KYI GNAS SKABS DAG TU NI DGE 'DUN DANG GIS GCIG PA YIN NO, ,BAR MA DAG TU YANG SKYON MA BYUNG BA'I SNGON ROL DU MI DBYE STE, JI SRID DU TSUL KHRIMS KYI SKYON DANG, LTA BA'I SKYON MA BYUNG BA'I BAR DU'O, ,ZUNG GCIG MA BYUNG BA'I SNGON ROL DU YANG MI DBYE STE, JI SRID DU NYAN THOS ZUNG GCIG MA BYUNG GI BAR DU'O, ,PHYE NA YANG MI GNAS PA'I PHYIR BA DANG, DE'I PHYIR SDUM PAR BYED PA'I PHYIR RO, ,STON PA THUB PA NONGS TE, MYA NGAN LAS 'DAS NA YANG 'GRAN ZLA MED PA'I PHYIR RO, ,MTSAMS MA BCAD PA DAG TU YANG JI SRID DU MTSAMS MA BCAD PA STE, MTSAMS GCIG GI NANG DU NI PHYOGS GNYIS SU GNAS PA'I PHYIR DGE 'DUN GYI DBYEN ZHES BYA STE, DUS DRUG BO DE DAG TU 'KHOR LO'I DBYEN MA YIN LA, LAS LA RAG LUS PA'I PHYIR SANGS RGYAS BCOM LDAN 'DAS THAMS CAD KYI 'KHOR LO LA YANG DBYEN MI 'BYUNG NGO, ,CI'I PHYIR MA BSAD PA LA SOGS PA 'BA' ZHIG LA MCHAMS MED PA YIN GYI GZHAN DU NI MA YIN ZHE NA, PHAN @186B BTAGS BA DANG YON TAN ZHING, ,SPANGS DANG MED PAR BYAS PHYIR RO, ,RE ZHIG PHA DANG MA GSOD PA NI DE GNYIS KYIS PHAN BTAGS PA SPANGS PA'I PHYIR RO, ,JI LTAR NA DE GNYIS KYIS PHAN BTAGS PA YIN ZHE NA, LUS BSKYED PA'I PHYIR RO, ,DE GNYIS SPANGS PA JI LTA BU ZHA NA, YONGS SU BOR BA'O, ,YON TAN GYI ZHING YIN PA'I PHYIR RO, ,DGRA BCOM PA BSAD PA LA SOGS PA LA YANG MTSAMS MED PA YIN NO, ,GAL TE MA MTSAN YONGS SU GYUR NA 'GYUR RAM ZHE NA, LUS GCIG PA DER NI, MTSAN NI GZHAN DU GYUR KYANG 'GYUR, ,DE NYID KYI PHYIR 'DI SKAD DU PHA YANG MA LAGS DGRA BCOM PA YANG MA LAGS PA'I SKYES PA ZHIG BKUM NA MTSAMS MED PA'I KHA NA MA THO PAS REG PAR 'GYUR BA LTA MCHIS SAM ZHE NA, YOD DE, MA MTSAN YONGS SU GYUR PA ZHIG BSAD NA MTSAMS MED PA'I KHA NA MA THO BAS REG PAR 'GYUR RO, ,MA YANG MA LAGS DGRA BCOM MA YANG MA LAGS PA'I BUD MED CIG BKUM NA, MTSAMS MED BA'I KHA NA MA THO BAS REG PAR 'GYUR BA LTA MCHIS SAM ZHE NA, YOD DE, PHA MTSAN YONGS SU GYUR BA ZHIG BSAD NA MTSAMS MED PA'I KHA NA MA THO BAS REG PAR 'GYUR RO ZHES GSUNGS SO, ,GZHAN GYI BUD MED LAS NUR NUR POR ZAGS NAS GZHAN GYI MNGAL GYI NANG DU BLUGS NA DE'I MA NI GANG YIN GANG BSAD BAS NI MTSAMS MED PAR 'GYUR ZHE NA, GANG LA ZLA MTSAN BYUNG BA'AM, ,SEMS CAN DE GANG GI ZLA MTSAN LAS BYUNG BA DE NI DE'I MA YIN NO, ,GNYIS PA NI BYA BA THAMS CAD LA DBYAR ZAS KYIS BTZAS PA DANG, DE'I NU ZHO BLUD PA DANG, GSOS PA DANG, BSKYED PA NI DE YIN NO, ,JI DE BZHIN GSHEGS PA'I SKU LA NGAN SEMS KYIS KHRAG PHYUNG BA THAMS CAD GDON MI ZA BAR MTSAMS MED PAR 'GYUR RAM ZHE NA, BSAD BAR SEMS PA LA NI 'GYUR GYI, SANGS RGYAS BRDEG PAR SEMS LA MIN, ,GAL TE DGRA MA BCOM PA'I GANG DU BSNUN LA BSNUN PA'I 'OG TU DGRA BCOM PAR GYUR NA YANG, BSNUN PA'I 'OG TU DGRA BCOM LA MIN TE, MTSAMS MED PAR 'GYUR BA MA YIN ZHES BYA BAR SBYAR TE, DES DER NI SBYOR BA MA BYAS SO, ,JI MTSAMS MED PA'I SBYOR BA BYAS TE, DE YANG MA BZLOG PAR 'DOD CHAGS DANG BRAL BA'I 'BRAS BU THOB PAR @187A *, ,'GYUR RAM ZHE NA, MTSAMS MED PA DANG LDAN PA LA, ,'DOD CHAGS BRAL 'BRAS MI SRID DO, ,CI'I PHYIR ZHE NA, BSAM BA SHIN TU 'GAL BA'I PHYIR RO, ,MTSAMS MED PA DE DAG LAS GANG ZHIG THAMS CAD KYI NANG NA, KHAN MA THOB DANG BCAS PA CHEN PO YIN ZHE NA DGE 'DUN DBYE PHYIR BRDZUN SMRAS PA, ,KHA NA MA THOR BA CHER 'DOD, ,GANG GIS DGE 'DUN DBYE BA'I PHYIR CHOS DANG CHOS MA YIN PA SHES BZHIN DU, LOG PAR BRDZUN DU SMRA BA BRJOD PA'I PHYIR, DE NI NYES PAR SPYAD PA THAMS CAD KYI NANG NA KHA NA MA THO BA DANG BCAS PA RAB TU CHE BA YIN NO, ,DE CI'I PHYIR ZHE NA, DE BZHIN GSHEGS PA RNAMS KYI CHOS KYI SKU LA BSNUN PA'I PHYIR PA DANG, 'JIG RTEN RNAMS KYI MTHO RIS DANG BYANG GROL GYI LAM GYI BAR DU GCOD PAR BYED PA'I PHYIR RO, ,LEGS PAR SPYAD PA RNAMS LAS THAMS CAD KYI NANG NA 'BRAS BU RAB TU CHE BA GANG YIN ZHE NA, 'JIG RTEN PA YI DGE BA LA, ,SRID RTZE'I SEMS PA 'BRAS BU CHE, ,DE'I RNAMS PAR SMIN PA NI BSKAL PA CHEN PO BRGYAD KHRI'I BAR DU ZHI BA YIN NO, ,RNAM PAR SMIN PA'I 'BRAS BU'I DBANG DU BYAS NAS DE SKAD BSHAD KYI, BRAL BA'I 'BRAS BU'I DBANG DU BYAS NA NI RDO RJE LTA BU'I TING NGE 'DZIN GYI SEMS PA NI THAMS CAD KYI NANG NA 'BRAS BU CHEN PO YIN TE, KUN DU SBYOR BA THAMS CAD GTAN DU GTUGS PA'I 'BRAS BU YIN PA'I PHYIR RO, ,DE NYID KYI PHYIR 'JIG RTEN PA'I ZHES BSHAD DO, ,JI MTSAMS MED PA 'BA' ZHIG GIS GDON MI ZA BAR DMYAL BA DAG TU SKYE BA YIN NAM ZHE NA, MTSAMS MED PA DANG CHA 'DRA BAS KYANG GDON MI ZA BAR SKYE BAR 'GYUR RO, ,KHA CIG NA RE BAR CHAD MED PA NYID DU NI MA YIN NO ZHES ZER RO, ,DE DAG KYANG GANG ZHE NA, SMRAS PA, MA DGRA BCOM MA SUN BYAS DANG, ,BYANG CHUB SEMS DPA' NGES GNAS DANG, ,SLOB PA BSAD DANG DGE 'DUN GYI, ,'DU BA'I SGO NI PHROGS PA DAG ,MTSAMS MED PA DANG CHA 'DRA STE, LNGA PA MCHOD RTEN 'JIG PA YIN, 'DI DAG NI MTSAMS MED PA RNAMS DANG CHA 'DRA BA STE, GAL TE MA DGRA BCOM MA SUN PAR BYED DE, MI TSANGS PAR SPYOD PA'I PHYIR BA DANG, NGES PAR GTOGS PA'I BYANG CHUB SEMS DPA' GSOD PA DANG, SLOB PA GSOD PA DANG, DGE 'DUN GYI 'DU BA'I SGO 'PHROG PA DANG, @187B MCHOD RTEN 'JIG PAR BYED PA STE, LNGA DANG LNGA DANG GO RIMS BZHIN NO, ,GZHAN YANG RNAM PAR SMIN PA DANG BCAS PA'I LAS NI DUS GSUM PO DAG TU GEGS BYED DE, GSUM PO GANG DAG TU ZHE NA, BZOD DANG PHYIR MI 'ONG DGRA BCOM, ,'THOB LA LAS GEGS SHIN TU BYED, ,RTZE MO LAS BZOD PA SKYE BA LA NI NGAN SONG BA'I LAS RNAMS GEGS BYA BA'I PHYIR NYE BAR GNAS TE, DE'I RNAM PAR SMIN PA'I SA LAS 'DA' BA'I PHYIR TE, DPER NA MI ZHIG GIS YUL 'DOR BAR BYED PA LA BU LON PA DAG LDANG BA BZHIN NO, ,DE BZHIN DU PHYIR MI 'ONG PA'I 'BRAS BU 'THOB PA LAS NI 'DOD PA NA SPYOD PA'I LAS RNAMS BGEGS BYA BA'I PHYIR NYE BAR GNAS TE, MTHONG BA'I CHOS LA MYONG BAR 'GYUR BA'I LAS NI MA GTOGS SO, ,DE BZHIN DU DGRA BCOM PA NYID 'THOB PA LA NI GZUGS DANG GZUGS MED PA NA SPYOD PA'I LAS RNAMS SO, ,BYANG CHUB SEMS DPA' BSAD PA ZHES BSHAD PA GANG YIN PA, JI TZAM NAS NI BYANG CHUB SEMS, , GANG NAS BZUNG STE BYANG CHUB SEMS DPA' ZHES BRJOD CE NA, GANG NAS MTSAN GYI LAS BYED BA, ,GANG YAN CHAD NAS MTSAN GYI RNAM PAR SMIN PAR 'GYUR BA'I LAS RNAMS BYED PAR RTZOM PA DE'I TSE NAS DE NI NGES PAR GTOGS PA YIN TE, JI LTA ZHE NA, DE NI DUS DE PHAN CHAD RTAG TU, BDE 'GRO RIGS SU SKYE DBANG TSANG; ,SKYES LA TSE RABS DRAN MI LDOG ,YIN NO, ,'DI'I 'GRO BA RAB TU BSNGAGS PA YIN PAS NA BDE 'GRO STE, LHA DANG MI DAG GI NANG DU SKYE BA'I PHYIR RO, ,'GRO BA DE DAG TU YANG RGYAL RIGS DANG, BRAM ZE DANG, KHYIM BDAG GI RIGS SHING S'A LA CHEN PO LTA BUR SKYE BA YIN GYI RIGS NGAN PA NI MA YIN NO, , 'DI'I DBANG PO RNAMS TSANG BAS NA DBANG PO TSANG BA STE, DBANG PO MTSANG BA MED CES BYA BA'I THA TSIG GO, ,SKYES PA NYID YIN GYI BUD MED DU YANG MA YIN, ZA MA LA SOGS PA LTA ZHIG SMOS KYANG CI DGOS, 'GRO BA THAMS CAD DU YANG TSE RABS DRAN PAR 'GYUR RO, ,LDOG PAS NA LDOG PA'O, ,MI LDOG PAS NA MI LDOG PA STE, LDOG PA MED CES BYA BA'I THA TSIG STE, SEMS CAN THAMS CAD LA PHAN PA'I DON DU SDUG BSNGAL GYI RNAM PA THAMS CAD LOG PAR BSGRUBS PA THAMS CAD KYIS SKYO BA MED PA'I PHYIR RO, ,'JIG RTEN NA ZONG GIS MA NYOS PA'I BRAN ZHES BRJOD PA GANG YIN PA DE NI BYANG CHUB SEMS @188A *, ,DPA' DE DAG YIN TE, BDAG NYID CHEN PO DE DAG NI 'BYOR BA'I MCHOG KHYAD PAR CAN THAMS CAD BRNYES KYANG, THUGS RJES GZHAN GYI DBANG DU GYUR PA'I PHYIR RGYU MED PAR SEMS CAN THAMS CAD KYI DRUNG DU BDAG NYID KYI DAD 'DRA BAR NGA RGYAL MED PAR 'DUG STE, SEMS CAN GYIS GNOD PAR BYAS PA THAMS CAD LA BZOD CING NGAL BA THAMS CAD KYANG NYAMS SU LEN PA YIN NO, ,DE LTAR MTSAN GYI RNAM PAR 'GYUR BA'I LAS SU BSHAD PA GANG YIN PA, DE NI 'DZAM GLING SKYES PA NYID, ,MNGON SUM SANGS RGYAS LA SEMS PA, ,BSAMS PA LAS BYUNG BSKAL PA BRGYA, ,LUS PA DAG TU 'PHEN PAR BYED; ,'DZAM BU'I GLING PA DAG NI BLO RNO BA'I PHYIR BYANG CHUB SEMS DPA' YANG 'DZAM BU'I GLING NYID DU MTSAN GYI RNAM PAR SMIN PAR 'GYUR BA'I LAS 'PHEN PAR BYED KYI GZHAN DAG TU NI MA YIN NO, ,SKYES PA NYID YIN PA DANG, BUD MED MA YIN PA DANG, STON PA MNGON SUM DU GYUR PA DANG, SANGS RGYAS LA DMIGS PA'I SEMS PAS BSKAL PA BRGYAR 'PHEN PAR BYED KYI, MANG POR NI MA YIN NO, ,LAS DE LA BSAMS PA LAS BYUNG BA YIN GYI THOS PA LAS BYUNG BA DANG, BSGOMS PA LAS BYUNG BA NI MA YIN NO, ,BCOM LDAN 'DAS SH'AKYA THUB PAS NI BRTZON 'GRUS SBYANGS PAS DGU BZLOG NAS BSKAL PA DGU BCU RTZA GCIG TU 'PHANGS TE, DE NYID KYI PHYIR 'DI SKAD DU GROD DPON NGAS 'DI NAS BSKAL PA DGU BCU RTZA GCIG TSUN CHAD YANG DAG PAR RJES SU DRAN TE, RIGS 'GA' LA YANG ZAS TSOL BA STER BAR BYA BA'I PHYIR MI BDE BA'AM GNOD PAR 'GYUR BA GANG YIN PA NI MNGON PAR MI MKHYEN TO ZHES GSUNGS TE; DE TSUN CHAD RANG BZHIN GYIS TSE RABS DRAN PA'I PHYIR RO, ,MTSAN DE DAG KYANG, RE RE 'ANG BSOD NAMS BRGYA LAS SKYES, ,BSOD NAMS KYI TSAD JI TZAM ZHE NA, KHA CIG NA RE BYANG CHUB SEMS DPA' NYE BA MA GTOGS PA SEMS CAN THAMS CAD KYI LONGS SPYOD KYI 'BRAS BU'I TSANG JI TZAM MO ZHES ZER RO,, KHA CIG NA RE SEMS CAN THAMS CAD KYI LAS KYI DBANG GIS STONG GSUM 'GRUB PA RNYED DO ZHES ZER RO, ,KHA CIG NA RE DE'I TSAD NI SANGS RGYAS NYID KYIS MKHYEN TO ZHES ZER RO, ,YANG BCOM LDAN 'DAS BYANG CHUB SEMS DPAR GYUR PA NA, SANGS RGYAS JI SNYED CIG LA BSNYEN BKUR BYAS SHE NA BSKAL PA @188B GRANGS MED PA DANG PO LA SANGS RGYAS BDUN KHRI LNGA STONG LA BSNYEN BKUR BYAS SO, ,GNYIS PA LA BDUN KHRI DRUG STONG LA BSNYEN BKUR BYAS SO, ,GSUM PA LA BDUN KHRI BDUN STONG LA BSNYEN BKUR BYAS SO, ,BSKAL BA GRANGS MED PA GANG GI MJUG TU SANGS RGYAS GANG ZHIG 'BYUNG BAR 'GYUR ZHE NA, GO RIMS LAS BZLOG NAS RIM BZHIN DU, RNAM GZIGS MAR ME RIN CHEN GTZUG ,GRANGS MED GSUM GYI MJUG TU 'BYUNG, ,BSKAL PA GRANGS MED PA DANG PO NI YANG DAG PAR RDZOGS PA'I SANGS RGYAS RIN CHEN GTZUG TOR CAN DU RDZOGS SO, ,GNYIS PA NI BCOM LDAN 'DAS MAR MI MDZAD DU RDZOGS SO, ,GSUM PA NI DE BZHIN GSHEGS PA RNAM PAR GZIGS SU RDZOGS SO, ,DE DAG THAMS CAD KYI, DANG PO SH'AKYA THUB PA YIN, ,GNA' SH'AKYA THUB PA ZHES BYA BA YANG DAG PAR RDZOGS PA'I SANGS RGYAS GANG LA BCOM LDAN 'DAS BYANG CHUB SEMS DPA' GYUR PA'I TSE BDAG KYANG 'DI 'DRA BA'I RNAM BA NYID DU SANGS RGYAS PAR SHOG SHIG CES YANG DANG POR SMON LAM BTAB PAR GYUR TE, DE YANG 'DI BZHIN DU RTZOD PA'I DUS NYID LA BYUNG BAR GYUR LA DE'I BSTAN PA LA YANG 'DI BZHIN DU LO STONG GI MTHA'I BAR DU GNAS PAR GYUR TO, ,YANG BYANG CHUB SEMS DPA' GNAS SKABS GANG DAG TU, PHA ROL TU PHYIN PA GANG RDZOGS PAR BYED CE NA, KUN LA SBYIN DANG THAMS CAD DANG, ,SNYING RJE'I SBYIN PAS SBYIN PA RDZOGS, ,GANG GI THAMS CAD LA MIG GI BAR DANG RKANG PA'I BAR THAMS CAD MNGON PAR MTHONG BA'I KHYAD PAR GYI LAN LA MI RE BAR SNYING RJES SBYIN PAR BYED PA TZAM GYIS NA, SBYIN PA'I PHA ROL TU PHYIN PA YONGS SU RDZOGS PA YIN NO, ,CHAGS BCAS YAN LAG BCAD KYANG NI, ,MI 'KHRUGS BZOD DANG TSUL KHRIMS KYI, ,GANG GI TSE 'DOD CHAGS DANG MA BRAL BA BZHIN DU YANG LAG BCAD KYANG CUNG ZAD KYANG MI 'KHRUGS PA 'DI 'DI'I TSUL KHRIMS DANG, BZOD PA'I PHA ROL TU PHYIN PA YONGS SU RDZOGS PA YIN NO, ,SKAR RGYAL BSTOD PAS BRTZON 'GRUS KYI, ,BCOM LDAN 'DAS BYANG CHUB SEMS DPAR GYUR PA'I TSE, DE BZHIN GSHEGS PA SKAR RGYAL PHUG NA ME'I KHAMS SU SNYOMS PAR ZHUGS PA MTHOB NAS RKANG PA GCIG GIS 'GRENG STE, SKYES BU KHYU MCHOG KHYOD 'DRA'I DGE SBYONG CHEN PO GZHAN DAG LHA YUL SA LA MED, , @189A *, ,'JIG RTEN 'DI NA'ANG YOD PA MA YIN RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG DAG NA'ANG YOD MIN PHYOGS MTSAMS DAG NA'ANG MED, ,RI DANG NAGS SU BCAS PA'I SA STENG RGYAS PA KUN DU BSKOR BAS GA LA YOD, ,CES BYA BA'I TSIGS SU GCAD PA GCIG GIS BSTONG PA DE'I TSE BRTZON 'GRUS KYI PHA ROL TU PHYIN PA GNYIS YONGS SU RDZOGS TE, BSKAL BA DGU YANG BZLOG GO ZHES GRAG GO, ,BAR CHAD MED LA TING 'DZIN BLO'I, ,BYANG CHUB DANG PO'I DE MA THAG, ,RDO RJE LTA BU'I TING NGE 'DZIN LA BSAM GTAN DANG, SHES RAB KYI PHA ROL TU PHYIN PA GNYIS YONGS SU RDZOGS TE, RANG RANG GI PHUN SUM TSOGS PA'I PHA ROL TU PHYIN PAS PHA ROL TU PHYIN PA YIN NO, ,MDO LAS SBYIN PA LAS BYUNG BA'I BSOD NAMS BYA BA'I GZHI DANG, TSUL KHRIMS LAS BYUNG BA DANG BSGOMS PA LAS BYUNG BA'I BSOD NAMS BYA BA'I GZHI DANG, BSOD NAMS BYA BA'I GZHI GSUM DU GSUNGS PA JI LTAR NA GSUM PO 'DI DAG BSOD NAMS BYA BA'I GZHI YIN ZHE NA, BSOD NAMS BYA DANG DE GZHI DANG, ,GSUM PO JI LTAR LAS LAM BZHIN, ,GSUM PO 'DI DAG NI CI RIGS PAR BSOD NAMS KYANG YIN PAS NA BSOD NAMS BYA BA'I GZHI STE, DPER NA DE DAG NI LAS KYANG YIN LA LAS KYI LAM YIN PA DANG, LAS KYI LAM 'BA' ZHIG YIN BAS NA LAS KYI LAM MO ZHES BSHAD PA BZHIN NO, ,DE LA RE ZHIG SBYIN PA LAS BYUNG BA'I BSOD NAMS BYA BA'I GZHI LUS DANG DAG GI LAS NI RNAM PA GSUM CHAR YIN NO, ,DES KUN NAS BSLAD BA'I SEMS PA NI BSOD NAMS DANG BYA BA YIN NO, ,DE DANG LHAN CIG 'BYUNG BA'I CHOS RNAMS NI BSOD NAMS 'BA' ZHIG YIN NO, ,TSUL KHRIMS LAS BYUNG BA YANG LUS DANG NGAG GI LAS 'BA' ZHIG NI RNAM PA GSUM CHAR YIN NO, ,BSGOMS PA LAS BYUNG PA'I BYAMS PA NI BSOD NAMS BYA BA'I GZHI YIN NO, ,BYAMS PA'I SGO NAS DE DANG MTSUNGS PAR LDAN PA'I SEMS PA MNGON PAR 'DU BYED PA'I PHYIR RO, ,DE DANG LHAN CIG BYUNG BA'I SEMS PA NI TSUL KHRIMS DANG BSOD NAMS BYA BA YIN NO, ,DE DANG LHAN CIG 'BYUNG BA GZHAN DAG NI BSOD NAMS 'BA' ZHIG YIN NO, ,SBYIN BA ZHES BYA BA 'DI CI YIN GANG SBYIN PAR BYA BA @189B DE YANG SBYIN PA YIN NA, 'DIR NI, GANG GIS SBYIN BYED DES SBYIN PA, ,'DIR NI 'JIGS PA DANG, LAN LA RE BA DANG CHAGS PA LA SOGS PA SBYIN BA NI MI 'DOD PAS DE'I PHYIR KHYAD PAR DU BYA BA'I PHYIR SMRAS PA, MCHOD DANG PHAN GDAGS 'DOD PA YIS, ,GANG GIS GZHAN DAG LA MCHOD PA DANG, PHAN GDAGS PAR 'DOD PA GNYIS KYIS SBYIN PAR BYED PA'O, ,GANG GIS SBYIN PAR BYED PA ZHES BYA BA DE GANG ZHIG CE NA, LUS DANG NGAG LAS SLONG DANG BCAS, ,SLONG BA YANG GANG ZHIG CE NA, SEMS DANG SEMS LAS BYUNG BA'I TSOGS GANG GIS DE SLONG BAR BYED PA'O, ,'DIR SMRAS PA, GANG TSE SKYES BU DGE YID KYIS, ,RANG GI RDZAS DAG SBYIN BYED PA'I, ,DE TSE DGE BA'I PHUNG PO RNAMS, ,SBYIN PA ZHES NI BRJOD PA YIN, ,ZHES BYA BA'I, ,DE 'BRAS LONGS SPYOD CHEN PO NYID, ,SBYIN PA DE LTA BU DE YANG, ,BDAG GZHAN DON PHYIR GNYIS DON PHYIR, ,GNYIS KA'I DON DU MIN PHYIR SBYIN, ,DE LA 'DOD CHAGS DANG MA BRAL BA'AM, SO SO'I SKYE BO 'DOD CHAGS DANG MA BRAL BA GANG ZHIG MCHOD RTEN LA SBYIN BA SBYIN PAR BYED NA, DES PHA ROL PO DAG LA PHAN 'DOGS PA MED PA'I PHYIR DE NI DE'I BDAG NYID KYI DON 'BA' ZHIG GI PHYIR YIN NO, ,'PHAGS PA 'DOD CHAGS DANG BRAL BA GANG ZHIG SEMS CAN PHA ROL PO DAG LA SBYIN PA SBYIN PAR BYED NA, DES DE DAG LA PHAN BTAGS PA'I PHYIR SBYIN PA DE GZHAN GYI DON GYI PHYIR NI YIN GYI DE'I RNAM PAR SMIN PA'I SA LAS SHIN TU YANG DAG PAR 'DAS PA'I PHYIR MTHONG BA'I CHOS LA MYONG BAR 'GYUR BA MA GTOGS PAR BDAG GI DON GYI PHYIR NI MA YIN NO, ,'PHAGS PA 'DOD CHAGS DANG BRAL BA'AM SO SO'I SKYE BO 'DOD CHAGS DANG MA BRAL BA GANG ZHIG SEMS CAN PHA ROL PO DAG LA SBYIN PAR BYED CE NA, SBYIN PA DE GNYI GA'I DON GYI PHYIR YIN NO, ,'PHAGS PA 'DOD CHAGS DANG BRAL BA GANG ZHIG MCHOD RTEN LA SBYIN BA SBYIN PAR BYED NA, SBYIN BA DE NI MTHONG BA'I CHOS LA MYONG BAR 'GYUR BAM GTOGS PAR GNYI GA'I DON GYI PHYIR YANG MA YIN TE, DE NI BKUR STI DANG BYAS PA GZO BA 'BA' ZHIG GIS SBYIN PAR BYED DO, ,SBYIN PA'I 'BRAS BU LONGS SPYOD CHEN PO'O ZHES BYA BA NI SPYIR BSTAN PA'O, ,DE YI KHYAD PAR SBYIN BDAG DANG, ,DNGOS DANG ZHING GI BYAD PAR LAS, ,DO NI RE ZHIG, SBYIN BDAG KHYAD 'PHAGS DAD SOGS KYIS, ,SBYIN BDAG @190A *, ,GI KHYAD PAR NI DAD PA DANG TSUL KHRIMS DANG THOS PA LA SOGS PA'I YON TAN DANG LDAN PA YIN NO, ,SBYIN BDAG DE LTA BU'I SBYIN PA DE'I KHYAD PAR GYIS SBYIN PA'I 'BRAS BU'I PHYIR KHYAD PAR DU 'PHAGS PAR 'GYUR TE, SBYIN BDAG DE LTA BU DE NI, GUS LA SOGS PAS SBYIN PAR BYED, GUS PA DANG, RANG GI LAG PA DANG, DUS DANG, GZHAN LA MI GNOD PAR SBYIN PAR BYED DE, DE'I PHYIR BKUR STI RGYA CHEN DANG, DUS DANG BAR CHAD MED PAR RNYED, ,DE'I PHYIR SBYIN BDAG DE'I SBYIN PA DE LTA BU BYIN PA RIM PA BZHIN DU KHYAD PAR BZHIR 'GYUR TE, BKUR STI RNYED PAR 'GYUR, LONGS SPYOD RGYA CHEN PO LA DAD PA RNYED PAR 'GYUR, LONGS SPYOD DUS LAS MI YOL BAR DUS SU RNYED PAR 'GYUR, LONGS SPYOD PAR CHAD MED PAR RNYED PAR 'GYUR TE, 'DI'I LONGS SPYOD GZHAN DAG GIS PAR DU MI CHOD PAR 'GYUR, ME LA SOGS PAS MED PAR MI 'GYUR RO, ,JI LTAR NA SBYIN BDAG KHYAD PAR DU 'PHAGS PA YIN PA DANG, DE'I KHYAD PAR GYIS SBYIN PA'I KHYAD PAR YANG BSHAD ZIN TO, ,YANG JI LTAR NA DNGOS PO KHYAD PAR DU 'PHAGS PA YIN ZHE NA, KHA DOG LA SOGS PHUN SUM DNGOS, ,KHYAD BAR CAN ZHES BYA BAR SBYAR TE, GAL TE GANG SBYIN PAR BYED PA DE KHA DOG DANG DRI DANG RO DANG REG BYA PHUN SUM TSOGS PA YIN NA, DE LTA BU NI DNGOS PO KHYAD PAR DU 'PHAGS PA YIN NO, ,DNGOS PO DE 'DRA BA BYIN PAS CIR 'GYUR ZHE NA, RIM PA BZHIN DU, GZUGS BZANG GRAGS DANG LDAN PA DANG, ,DGA' DANG SHIN TU GZHON PA DANG, ,DUS SU REG NA BDE LUS PHYIR, ,KHA DOG PHUN SUM TSOGS PA BYIN PAS NI GZUGS BZANG POR 'GYUR RO, ,DRI PHUN SUM TSOGS PA BYIN PAS NI DRI BZHIN DU GRAGS PAS PHYOGS SU RGYAS PAR 'GYUR RO, ,RO PHUN SUM TSOGS PA BYIN PAS NI RO MNGAR BZHIN DU DGA' BAR 'GYUR RO, ,REG PA PHUN SUM TSOGS PA BYIN PAS NI LUS SHIN TU GZHON PA DANG, BUD MED RIN PO CHE JI LTA BA BZHIN DU DUS SU REG NA BDE BA'I LUS SU'ANG 'GYUR RO, ,YANG JI LTAR NA ZHING KHYAD PAR DU 'PHAGS PA YIN ZHE NA, 'GRO DANG SDUG BSNGAL PHAN 'DOGS DANG, ,YON TAN RNAMS KYI ZHING KHYAD 'PHAGS, ,RE ZHIG 'GRO BA'I KHYAD PAR GYIS KHYAD PAR DU 'PHAGS @190B PA NI, BCOM LDAN 'DAS KYIS JI SKAD DU DUD 'GRO'I SKYE GNAS SU SONG BA LA, SBYIN PA BYIN NA SLAR RNAM PAR SMIN PA BRGYA 'GYUR DU RE BAR BYA'O, ,TSUL KHRIMS 'CHAL BAR 'GYUR PA'I MI LA SBYIN PA BYIN PA NA STONG 'GYUR DU RE BAR BYA'O ZHES GSUNGS PA LTA BU'O, ,SDUG BSNGAL GYI KHYAD PAR GYIS KHYAD PAR DU 'PHAGS PA NI 'DI LTA STE, NAD PA DANG NAD G-YOG LA SBYIN PA BYIN NA ZHES BYA BA LA SOGS PA'O, ,PHAN DOGS PA'I KHYAD PAR NI 'DI LTA STE, PHA MA DANG GZHAN YANG PHAN 'DOGS PA RNAMS LA'O, ,YON TAN GYI KHYAD PAR NI 'DI LTA STE, TSUL KHRIMS DANG LDAN PA LA BYIN NA RNAM PAR SMIN PA 'BUM 'GYUR ZHES BYA BA LA SOGS PA'O, ,SBYIN PA THAMS CAD KYI NANG NA, MCHOG NI GROL BA'I GROL BA LA 'AM, ,BYANG CHUB SEMS DPA' LA, SEMS CAN THAMS CAD LA PHAN PA'I RGYUR BYANG CHUB SEMS DPA' LA SBYIN PA GANG BYIN PA NI DE GROL BA MA YIN YANG MA GROL BA LA SBYIN PA MCHOG YIN TE, DE YANG BCOM LDAN 'DAS KYIS GANG DAG SBYIN PA BRGYAD DU GSUNGS PA DE DAG LAS, BRGYAD PA, MA GTOGS TE MCHOG YIN ZHES BYA BAR SBYAR RO, ,BRGYAD PA GANG ZHE NA, NYE BA LA SBYIN BA DANG, 'JIGS PAS SBYIN PA DANG, BDAG LA SBYIN BAS SBYIN PA DANG, BDAG LA SBYIN PAR 'GYUR BAS SBYIN PA DANG, SNGON BDAG GI PHA DANG MES PO DAG GIS SBYIN PA BYIN PAS SBYIN PA BYIN PA DANG, MTHO RIS DON DU SBYIN PA DANG, GRAGS PA'I DON DU SBYIN BA DANG, SEMS KYI RGYAN GYI DON DU SBYIN PA DANG, SEMS KYI YO BYAD KYI DON DANG, RNAL 'BYOR GYI TSOGS KYI DON DANG, DON GYI MCHOG THOB PAR BYA BA'I PHYIR SBYIN PA SBYIN PA DANG, DE LA NYE BAR SBYIN PA NI, SNGA MA DAG NA RE, NAM DRUNG DU NYE BAR 'ONGS PA LA, SBYIN PA SBYIN PA'O ZHES ZER RO, ,'JIGS PAS SBYIN PA NI GANG MED PAR BYED PA MNGON SUM DU MTHONG NAS DAM BA SBYIN NO ZHES BYA BA BYED DO, ,LHAG MA NI GO SLA BAS RNAM PAR MA PHYE'O, ,MDO LAS RGYUN DU ZHUGS PA'I 'BRAS BU LA ZHUGS PA LA SBYIN PA BYIN NA, RNAM PAR SMIN PA GZHAL DU MED DO, ,DE BAS KYANG RGYUN DU ZHUGS PA LA SBYIN NA GZHAL DU MED DO ZHES RGYA CHER GSUNGS MOD KYI GZHAN YANG, PHA DANG MA DANG NAD PA DANG, ,CHOS SMRA SKYE BA THA MA YI, ,BYANG CHUB SEMS DPA' 'PHAGS MIN LA'ANG, ,SBYIN PA GZHAL DU MED PA @191A *, ,YIN; ,LNGA PO 'DI DAG NI SO SO'I SKYE BO YIN YANG 'BRAS BU'I SGO NAS SBYIN PA GZHAL DU MED DO, ,DE LA SKYE BA THA MA'I BYANG CHUB SEMS DPA' ZHES BYA BA NI SRID PA THA MA YIN NO, ,ZHING GI KHYAD PAR RNAM PA BZHI LA, CHOS SMRA BA'I PHYOGS GANG DU GTOGS PAR LTA ZHE NA, DE NI SKYE DGU MA RIG PAS LDONGS PAR GYUR PA RNAMS LA SHES RAB KYI MIG SBYIN PAR BYED PA DANG, MTHUN PA DANG MI MTHUN PA RAB TU STON PAR BYED PA DANG, CHOS KYI SKU ZAG PA MED PA YANG MNGON PAR GRUB PAR BYED PA DANG, MDOR NA SANGS RGYAS KYI MDZAD PA THAMS CAD BYED PA YIN PAS DGE BA'I BSHES GNYEN CHEN PO STE, PHAN 'DOGS PA'I PHYOGS SU BLTA BAR BYA'O, ,LAS RNAMS KYI LCI BA DANG YANG BSHES PAR 'DOD PAS MDOR BSDUN RGYU DRUG SHES PAR BYA STE, 'DI LTA STE, MJUG DANG ZHING DANG GZHI DANG NI, ,SBYOR DANG SEMS LA BSAM PA DAG ,DE DAG CHUNG DANG CHE BA LAS, ,LAS KYANG CHUNG DANG CHE BA NYID, ,MJUG CES BYA BA NI BYAS PA'I RJES LA BYED PA GANG YIN PA'O, ,ZHING ZHES BYA BA NI DE GANG DU PHAN PA DANG GNOD PA BYED PA'O, ,GZHI ZHES BYA BA NI LAS KYI LAM MO, ,SBYOR BA ZHES BYA BA NI DE'I DON DU LUS DANG NGAG GI LAS BYED PA'O, ,SEMS BA ZHES BYA BA NI LAS KYI LAM MTHAR PHYIN PAR BYED PA GANG YIN PA'O, ,BSAM PA NI DE DAG TU DE DANG DE LTAR BU ZHIG NI BYA'O, ,DE DANG DE LTA BU ZHIG NI PHYIS BYA'O ZHES SEMS PA STE, LA LA MJUG GIS YONGS SU BSDUS PA NYID KYIS LAS LCI BAR 'GYUR TE, RNAM PAR SMIN PA NGES PAR GNAS PA'I PHYIR RO, ,LA LA NI ZHING GI KHYAD BAR NYID KYIS LCI BAR 'GYUR RO, ,LA LA NI ZHING DE NYID LA GZHI'I DBANG GIS LCI BAR 'GYUR GYI GZHAN DU NI MA YIN NO, ,JI LTAR NA PHA DANG MA LA SROG GCOD PA LTAR MA BYIN PAR LEN PA LA SOGS PA NI DE LTA MA YIN PA BZHIN TE, DE BZHIN DU GZHAN DAG LA YANG SBYAR BAR BYA'O, ,GANG GIS THAMS CAD CHE BA YIN PA DE'I LAS KYANG SHIN TU CHES LCI BA YIN PAR RIG PAR BYA'O, ,GANG CHUNG DU YIN PA DE'I LAS KYANG SHIN TU CHUNG BA YIN PAR RIG PAR BYA'O, ,LAS BYAS PA DANG BSAGS PA ZHES 'BYUNG BA LA, JI LTAR NA LAS BSAGS PA YIN ZHE NA, RGYU LNGAS YIN TE, BSAMS BZHIN PA DANG RDZOGS PA DANG, ,MI 'GYOD GNYEN PO MED PA DANG, ,'KHOR DANG RNAM @191B PAR SMIN PA LAS, ,BSAGS PA'I LAS ZHES BYA BA YIN, ,JI LTAR NA BSAMS BZHIN GYIS YIN ZHE NA, CHED DU BSAMS NAS BYAS PA YIN GYI BLO SNGON DU MA BTANG BA YANG MA YIN LA, BAB COL DU BYAS PA'ANG MA YIN NO, ,JI LTAR NA RDZOGS PAS YIN ZHE NA, KHA CIG NI NYES PAR SPYAD PA GCIG GIS NGAN SONG DU 'GRO LA KHA CIG NI GSUM GYI BAR GYIS 'GRO BA DANG, KHA CIG NI LAS KYI LAM GCIG GIS NGAN SONG DU 'GRO LA KHA CIG NI BCU'I BAR GYIS 'GRO BA DE LA GANG ZHIG GIS JI TZAM GYIS DER 'GRO BAR 'GYUR BA'I LAS DE RDZOGS PAR MA BYAS NA NI MA BSAGS PA YIN NO, ,RDZAGS NA NI BSAGS PA YIN NO, ,JI LTAR NA MI 'GYOD PA DANG, GNYEN PO MED PAS YIN ZHE NA, LAS DE LA 'GYOD PAR MI BYED CING, GNYEN PO LA MI BRTEN PA YIN NO, ,JI LTAR NA 'KHOR LAS YIN ZHE NA, LAS KYI LAM MI DGE BA LA YANG MI DGE BA'I 'KHOR BRTEN PA YIN NO, ,JIG LTAR NA RNAM PAR SMIN PA LAS YIN ZHE NA, RNAM PAR SMIN PA RNAM PAR NGES PA YIN TE, DE BZHIN DU DGE PA YANG SBYAR BAR BYA'O, ,DE LAS GZHAN DU BYAS PA'I LAS NI MA BSAGS PA YIN NO, ,'DOD CHAGS DANG BCAS PA'I MCHOD RTEN LA SBYIN PA BYIN PA NI BDAG GI DON DU'O ZHES BSHAD PA, DE LA SPYOD PA PO MED NA JI LTAR BSOD NAMS SU 'GYUR ZHE NA, BSOD NAMS NI RNAM PA GNYIS TE, YONGS SU BTANG BA'I RGYU LAS BYUNG BA NI YONGS SU BTANG BA NYID LAS BYUNG BA GANG YIN PA'O, ,YONGS SU SPYAD PA'I RGYU LAS NI YONGS SU SPYAD PA NYID LAS BYUNG BA GANG YIN PA STE, DE LA, MCHOD RTEN LAS BTANG RGYUS BYUNG BA'I, ,BSOD NAMS, ,LONGS SPYAD PA'I RGYU LAS BYUNG BA NI MED DO, ,DE LA LEN PA SU YANG MED NA JI LTAR NA BSOD NAMS YIN BLANGS PA YOD NA NI BSOD NAMS YIN GYI MED NA NI MA YIN NO ZHES BYA BA LA, RGYU CI ZHIG YOD, SU LA YANG PHAN BTAGS PA MED PA'I PHYIR RO, ,'DI NI RGYU MA YIN TE, GAL TE GZHAN LA PHAN BTAGS PA 'BA' ZHIG LAS BSOD NAMS SU 'GYUR NA NI BYAMS PA LA SOGS PA TSAD MED PA DANG, YANG DAG PA'I LTA BA SGOM PA DAG LA MI 'GYUR RO, ,SE BAS NA MCHOD RTEN LA YANG BSOD NAMS SU 'DOD PAR BYA'O, ,LEN MED BYAMS SOGS BZHIN, DPER NA BYAMS PA LA SOGS PA LA LEN PA'AM GZHAN LA PAN 'DOGS PA MED KYANG @192A *, ,RANG GI SEMS LA BSOD NAMS SKYE BA LTAR DE BZHIN DU YON TAN CAN 'DAS KYANG DE LA DAD PAR BYAS NA RANG GI SEMS LA BSOD NAMS SKYE BAR 'GYUR RO, ,DE LTAR NA NI SBYIN PA BYIN PA DON MED PAR 'GYUR RO ZHE NA, MA YIN TE, LAS DES KUN NAS BA SLANG BA'I DAD PA NI CHES MCHOG YIN PA'I PHYIR TE, DPAR NA DGRA SHI YANG DGRA BSAD PA'I BSAM PA DES KUN NAS BSLANG BA'I LUS DANG NGAG GI LAS DGRA'I 'DU SHES KYIS DER YANG BYED NA, BSOD NAMS MA YIN PA CHES MANG DU SKYE BAR 'GYUR GYI BSAM PA TZAM GYIS NI MA YIN PA DE BZHIN DU STON PA 'DAS KYANG DE LA DAD PAS KUN NAS BSLANG BA'I SBYIN PA'I BYA BA DAG BYED NA, BSOD NAMS CHES MANG DU SKYE BAR 'GYUR GYIS BSAM PA TZAM GYIS NI MA YIN NO, ,GAL TE ZHING BZANG PO LA SBYIN PA BYAS PAS 'BRAS BU YID DU 'ONG BA YIN NA, DE LTAR NA ZHING NGAN PA LA NI 'BRAS BU YID DU MI 'ONG BAR 'GYUR RO ZHE NA, RGYU LA 'BRAS BU MI 'KHRUL PHYIR, ,NGAN PA'I ZHING LA'ANG 'BRAS YID 'ONG, ,ZHING NGAN PA LA YANG SA BON LAS 'BRAS BU MI 'KHRUL PA MTHONG STE, RGYUN 'BRUM GYI SA BON LAS NI 'BRAS BU MNGAR BA NYID SKYE LA, NIM PA'I SA BON LAS NI NIM PA'I 'BRAS BU KHA BA NYID SKYE BA LTAR, DE BZHIN DU ZHING NGAN PA LA YANG GZHAN LA PHAN BAR ZHUGS PA'I LHAG PA'I SBAM PA'I SBYIN PA'I SA BON LAS NI 'BRAS BU YID DU 'ONG BA NYID DU 'GRUB KYI YID DU MI 'ONG BA NI MA YIN NO, ,ZHING NGAN PA'I SKYON GYIS NI SA BON DE'I 'BRAS BU CHUNG BA'AM, 'BRAS BU MED PAR NI MI 'GYUR RO, ,SBYIN PA LAS BYUNG BA'I BSOD NAMS BYA BA'I GZHI'I ZHAR LAS 'ONGS BA RDZOGS SO,, ,, TSUL KHRIMS LAS BYUNG BA BRJOD PAR BYA STE, DE SMRAS PA, 'CHAL PA'I TSUL KHRIMS MI DGE'I GZUGS, ,DE SPONG TSUL KHRIMS MI DGE BA'I GZUGS NI 'CHAL BA'I TSUL KHRIMS ZHES BYA'O, ,DE SPONG BA NI TSUL KHRIMS YIN NO, ,SBONG BA'I TSUL KHRIMS DE YANG RNAM GNYIS SO, ,RNAM PAR RIG BYED GANG GIS SBONG BAR BYED PA DANG, RNAM PAR RIG BYED MA YIN PA SPONG BA GANG YIN PA'O, ,TSUL KHRIMS NI 'CHAL BA'I TSUL KHRIMS 'BA' ZHIG KYANG MA YIN TE, JI LTA ZHE NA, SANGS RGYAS KYIS NI BCAS LAS KYANG, ,GANG RANG BZHIN GYIS 'CHAL PA'I TSUL KHRIMS MA YIN YANG, SANGS RGYAS @192B KYIS BCAS PA DUS MA YIN PA'I KHA ZAS LA SOGS TE, DE BAS NA TSUL KHRIMS NI SPONG BA RNAM PA GNYIS YIN TE, BSLAB PA NOS PAS DE LAS 'DAS NA, 'CHAL BA'I TSUL KHRIMS SKYE BAR 'GYUR RO, ,TSUL KHRIMS MDOR BSHAD ZIN TO, ,YON TAN BZHIS NI RNAM PAR DAG ,TSUL KHRIMS DE NI YON TAN RNAM PA BZHIS RNAM PAR DAG PA YIN NO, ,BZLOG PA NI RNAM PAR DAG PA MA YIN NO, ,JI LTAR NA YON TAN BZHI YIN ZHE NA, SMRAS PA, TSUL KHRIMS DE RGYUS MA SMRAS DANG, ,LA BRTEN, RE ZHIG 'CHAL BA'I TSUL KHRIMS KYIS 'PHAN MA BYUNG BA YIN PA DANG, 'CHAL PA'I TSUL KHRIMS KYI RGYUN CHAGS PA LA SOGS PA NYON MONGS PA DANG; NYE BA'I NYON MONGS PA RNAMS KYIS KYANG 'PHAN MA BYUNG BA YIN BA DANG, DRAN PA NYE BAR GZHAG PA LA BRTEN PA'I PHYIR 'CHAL BA'I TSUL KHRIMS KYI GNYEN PO LA YANG BRTEN PA YIN PA DANG, MI SKYE BA'I KHYAD PAR LA BRTEN PA DANG, MYA NGAN 'DAS 'DAS PAR YONGS SU BSNGOS PA'I PHYIR ZHI BA LA YANG BRTEN PA YIN NO, ,GZHAN DAG NA RE RGYU LNGAS TE, DNGOS KYI LAS KYI LAM RNAM PAR DAG PA YIN PA DANG, NYER BSDOGS KYI RNAM PAR DAG PA YIN PA DANG, RNAM PAR RTOG PAS 'PHAN MA BYUNG BA YIN PA DANG, DRAN PA YONGS SU GZUNG BA YIN PA DANG, MYA NGAN LAS 'DAS PAR YONGS SU BSNGOS PA YIN NO ZHES ZER RO, ,KHA CIG NA RE TSUL KHRIMS NI RNAM PA BZHI'O ZHES ZER TE, 'JIGS PA'I TSUL KHRIMS NI NAM 'TSE PA MED PA DANG, MI SNYAN PA DANG, CHAD PA DANG, NGAN 'GROS 'JIGS NAS BSRUNG BA'O, ,LEGS SU SMON PA'I TSUL KHRIMS NI SRID PA DANG, LONGS SPYOD DANG, BKUR STI LA CHAGS NAS BSRUNG BA GANG YIN PA'O, ,BYANG CHUB KYI YAN LAG GI RJES SU MTHUN PA'I TSUL KHRIMS NI THAR PA DON DU GNYER BA YANG DAG PA'I LTA BA CAN RNAMS KYI GANG YIN PA'O, ,YONGS SU DAG PA'I TSUL KHRIMS NI DRI MA MED PA'I PHYIR ZAG BA MED PA'O, ,TSUL KHRIMS RDZOGS SO,, ,,BSGOM PA MNYAM PAR GZHAG PA YI, ,DGE BA, MNYAM PAR GZHAG PA ZHES BYA BA 'DI JI ZHIG YIN ZHE NA, TING NGE 'DZIN GYI RANG BZHIN DE DANG LHAN CIG 'BYUNG BA GANG YIN PA'O, ,'DI CI PHYIR BSGOM PA ZHES BYA ZHE NA, SEMS LA BSGOM PHYIR RO, ,TING NGE 'DZIN DE NI SEMS LA DGE BA SHIN TU SGOM PAR BYED CING SEMS KYI RGYUD YON TAN GYIS DE'I BDAG NYID DU BYED @193A *, ,DE ME TOG GIS TIL 'BRU BSGOS PA BZHI NO, ,RE ZHIG SBYIN PA NI LONGS SPYOD CHEN PO'I PHYIR 'GYUR RO ZHES BSHAD NA, TSUL KHRIMS DANG BSGOM PA CIR 'GYUR ZHE NA, MTHO RIS DON DANG TSUL KHRIMS DANG, ,'BRAL BA'I DON DU BSGOM GTZO'I PHYIR, ,SBYIN PA YANG MTHO RIS KYI DON DU NI 'GYUR MOD KYI TSUL KHRIMS NI GTZO BO YIN PA'I PHYIR RO, ,TSUL KHRIMS KYANG BRAL BAR 'GYUR BA'I PHYIR NI YIN MOD KYI BSGOM PA NI GTZO BO YIN PA'I PHYIR RO, ,MDO LAS GANG ZAG BZHI NI TSANGS PA'I BSOD NAMS BSKYED DO ZHES GSUNGS PA, TSANGS PA'I BSOD NAMS GANG ZHIG YIN ZHE NA, BYE BRAG TU SMRA BA RNAMS NA RE, MTSAN NYID KYI RNAM PAR SMIN PAR 'GYUR BA'I LAS KYI TSAD DU BSHAD PA GANG YIN PA TZAM MO ZHES ZER RO, ,SNGON GYI SLOB DPON DAG 'CHAD PA NI, BSKAL PAR MTHO RIS GNAS PA'I RO, ,TSANGS PA'I BSOD NAMS BZHI YIN NO ZHES ZER TE, BSOD NAMS CI TZAM GYIS NA BSKAL PAR MTHO RIS SU GNAS PAR 'GYUR BA 'DI NI TSANGS PA'I BSOD NAMS TE, DE LA TSANGS PA'I MDUN NA 'DON RNAMS KYI TSE NI BSKAL BA YIN PA'I PHYIR RO, ,SDE BA GZHAN DAG GI TSIGS SU BCAD PA LAS KYANG, TSANGS BA'I BSOD NAMS BSKYED PA NI, ,BSKAL PAR MTHO RIS DAG TU GNAS, ,ZANG ZIN GI SBYIN BA BSHAD ZIN TO, ,CHOS KYI SBYIN PA BSHAD PAR BYA STE, ,DE 'DI SKAD CES BRJOD DO, ,MDO SOGS NYON MONGS CAN MIN PAS, ,YANG DAG JI LTAR STON CHOS SBYIN, ,NYON MONGS PA CAN MA YIN PAS YANG DAG PA JI LTA BA BZHIN STON PAN JI CHOS KYI SBYIN PA'O, ,DE'I PHYIR GANG DAG CHOS LOG PAR 'CHAD PA'AM, RNYED PA DANG, BKUR STI DANG, GRAGS PA 'DOD PAS NYON MONGS PA CAN GYI SEMS KYIS CHOS 'CHAD PA NI BDAG NYID KYI BSOD NAMS CHER NYAMS PAR BYED PA YIN NO, ,BSOD NAMS BYA BA'I GZHI'I BYE BRAG GIS DGE BAR MA PA GSUM BSHAD ZIN TO, ,YANG, BSOD NAMS MYA NGAN 'DAS PA DANG, ,NGES 'BYED CHA MTHUN DGE RNAM GSUM, ,BSOD NAMS KYI CHA DANG MTHUN PA NI RNAM PAR SMIN PA YID DU 'ONG BA'O, ,THAR BA'I CHA DANG MTHUN PA NI GANG SKYES NA MYA NGAN LAS 'DA' BAR 'GYUR BA STE, GANG LA 'KHOR BA'I NYES DMIGS DANG, MYA NGAN LAS 'DAS PA'I YON TAN BSNGAGS PA'I GTAM THOS NAS SPU ZING BYID PA @193B DANG; MCHI MA KRUG CES BYED PA DE LA NI THAR BA'I CHA DANG MTHUN PA'I DGE BA'I RTZA BA YOD PAR SHES PAR BYA STE, DBYAR YUL GYI SER GNAS MYU GU SKYE BA LAS SA BON YOD PAR SHES PA BZHIN NO, ,NGES PAR 'BYED PA'I CHA DANG MTHUN PA DRO BAR GYUR PA LA SOGS PA RNAM PA BZHI YIN TE, 'OG NAS BSHAD BAR BYA'O, ,'JIG RTEN 'DI NA YIG 'BRU DANG, BRGYA DANG, BGRANG BA DANG, SNYAN DNGAGS DANG, GRANGS ZHES BYA BA GANG YIN PA DE DAG GI RANG BZHIN CI YIN ZHE NA, SBYOR BAS RAB TU BCUG PA'I LAS, ,KUN NAS SLONG BCAS RNAM PA GSUM, ,YIG 'BRU BRGYA DANG GRANGS BCAS DANG, ,SNYAN DNGAGS GRANGS TE GO RIMS BZHIN, ,SBYOR BAS RAB TU BCUG BA ZHES BYA BA NI THABS KYI BYE BRAG GIS RAB TU BCUG PA'O, ,LAS RNAM PA GSUM ZHES BYA BA NI LUS DANG GANG DANG YID KYI LAS SO, ,DE LA RE ZHIG YIG 'BRU DANG BRGYA NI LUS KYI LAS SBYOR BAS RAB TU BCUG PA KUN NAS SLOD PA DANG BCAS PA YIN NO, ,BGRANG BA DANG SNYAN DNGAGS NI NGAG GI LAS TE, DE DAG NI PHUNG PO LNGA'I RANG BZHIN NO, ,BGRANG BA NI YID KYI LAS TE YID LA SNGOM PA'O, ,DA NI CHOS RNAMS KYI RNAM GRANGS 'GA' ZHIG BRJOD PAR BYA STE, BSGRIBS NGAN LAN MTHO BCAS, ,NYON MONGS CAN CHOS KHA NA MTHOB DANG BCAS PA DANG; BSGRIBS PA DANG, NGAN PA ZHES BYA BA NI NYON MONGS PA CAN GYI CHOS KYI RNAM GRANGS YIN NO, ,DRI MED DGE ,GYA NOM, GYA NOM PA ZHES BYA BA NI DGE BA RNAMS DANG ZAG PA MED PA RNAMS KYI RNAM GRANGS YIN NO, ,DAN PA DANG BYA NOM PA GNYIS LAS GZHAN PA NI BAR MA ZHES BYA BAR GRUB PO, ,'DUS BYAS DGE BSTEN BYA, BSTEN PAR BYA BA ZHES BYA BA NI 'DUS BYAS KYI CHOS DGE BA'I RNAM GRANGS YIN NO, ,LHAG MA RNAMS NI BSTEN PAR BYA BA MA YIN PA ZHES BYA BAR GRUB SO, ,CI'I PHYIR 'DUS MA RBYAS BSTEN PAR BYA BA MA YIN ZHE NA, GOMS PAR BYAR MI RUNG BA'I PHYIR DANG, 'BRAS BU DON DU BSTEN PA YIN NA 'BRAS BU YANG MED PA'I PHYIR RO, ,CHOS GZHAN THAMS CAD NI BLA MA DANG IBCAS PA YIN NO, ,THAR BA BLA NA MED PA YIN, ,MYANG NGA LAS 'DAS PA LAS KHYAD PAR CAN NI YOD PA MA YIN TE, DE NI DGE BA DANG RTAG PA YIN PA'I PHYIR THAMS CAD PAS KHYAD PAR CAN YIN NO, ,CHOS MNGON BA MDZOD KYI 'GREL BA MDO DANG @194A *, ,MTHUN PA LAS, LAS BSTAN PA ZHES BYA BA MDZOD KYI GNAS BZHI PA'O,, ,,LAS LAS 'JIG RTEN SNA TSOGS SKYES, ,ZHES BSHAD PA LAS DE DAG KYANG PHRA RGYAS KYI DBANG GIS BSAGS PAR 'GYUR GYI PHRA RGYAS MED BAR NI SRID PA MNGON PAR MI 'GRUB PA'I PHYIR, SRID PA'I RTZA BA PHRA RGYAS YIN PAR RIG PAR BYA'O, ,DE DAG KYANG MDOR BSDU NA, DRUG, DRUG GANG ZHE NA, 'DOD CHAGS DE BZHIN KHONG KHRO DANG, ,NGA RGYAL MA RIG LTA BA DANG, ,THE TSOM DAG STE DE DRUG KYANG, ,'DOD CHAGS DBYE BAS BDUN DU BSHAD, ,MDO LAS 'DOD CHAGS PHYE NAS PHRA RGYAS DRUG BO DE DAG LAS BDUN DU BSHAD DE, ,'DOD PA'I 'DOD CHAGS KYI PHRA RGYAS DANG, KHONG KHRO'I 'DOD CHAGS KYI PHRA RGYAS DANG, SRID PA'I 'DOD CHAGS KYI PHRA RGYAS DANG, NGA RGYAL GYI PHRA RGYAS DANG, MA RIG PA'I PHRA RGYAS DANG, LTA BA'I PHRA RGYAS DANG, THE TSOM GYI PHRA RGYAS SO, ,SRID PA'I 'DOD CHAGS ZHES BYA BA 'DI CI ZHIG YIN ZHE NA, KHAMS GNYIS LAS SKYES SRID 'DOD CHAGS, ,GZUGS DANG GZUGS MED PA'I KHAMS LAS SKYES PA NI SRID PA'I 'DOD CHAGS SU BSHAD DO, ,CI'I PHYIR DE SKAD DU BSHAD CE NA, NANG DU KHA BLTAS PHYIR DANG DER, ,THAR PA'I 'DU SHES BZLOG PHYIR BSHAD, ,DE DAG NI PHAL CHER SNYOMS PAR 'JUG PA LAS 'DOD CHAGS PA YIN LA, DE YANG KHA NANG DU BLTAS PA YIN PA DANG, KHA CIG KHAMS DE NYID LA THAR PAR 'DU SHES PA BZLOG PA'I PHYIR DE BAS NA SRID PA'I 'DOD CHAGS ZHES BSHAD DO, ,JI LTAR CHOS MNGON PA LAS NI PHRA RGYAS DRUG PO DE DAG PHYE NAS LAS BCUR YANG BSHAD DE, JI LTAR BYAS PAS SHE NA, LTA BA LNGA STE 'JIG TSOGS DANG, ,LOG DANG MTHAR 'DZIN LTA BA DANG, ,LTA BA DANG NI TSUL KHRIMS DANG, ,BRTUL ZHUGS MCHOG TU 'DZIN DANG BCU, ,PHRA RGYAS DRUG LAS LTA BA LA RNAM PA LNGAR BYAS NA BCUR 'GYUR TE, LTA BA'I RANG BZHIN LNGA NI, 'JIG TSOGS LA LTA BA DANG, MTHAR 'DZIN PAR LTA PA DANG, LOG PAR LTA BA DANG, LTAB MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,LTA BA'I RANG BZHIN MA YIN PA LNGA STE, 'DOD CHAGS DANG KHONG KHRO BA DANG, NGA RGYAL DANG, MA RIG PA DANG, THE TSOM MO, ,YANG CHOS MNGON @194B PA LAS PHRA RGYAS BCU PO DE DAG LAS 'DOD PA'I KHAMS DANG LDAN PA SUM CU RTZA DRUG DANG, GZUGS KYI KHAMS DANG LDAN PA SUM CU RTZA GCIG DANG, GZUGS MED PA'I KHAMS DANG LDAN PA SUM CU RTZA GCIG STE, DGU BCU RTZA BRGYAD DU'ANG 'CHAD DO, ,JI LTA ZHE NA, KHAMS GSUM PA'I PHRA RGYAS DE DAG NI MDOR BSDUN MTHONG BAS SPANG BAR BYA BA DANG, BSGOM PAS SPANG BAR BYA BA'O, ,DE LA RE ZHIG 'DOD PA'I KHAMS NA SPYOD BA MTHONG BAS SBANG BAR BYA BA NI SUM CU RTZA GNYIS TE, GANG ZHE NA, SMRAS PA, DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PA, ,'DOD PA'I SDUG BSNGAL LA SOGS PA, ,MTHONG BAS RIM BZHIN SPONG BAR BYED, ,DE LTAR PHRA RGYAS BCUR BSHAD PA GANG YIN PA DE DAG LAS, 'DOD PA'I KHAMS DAG NA SDUG BSNGAL MTHONG BAS SPANG BAR BYA BA BCU CHAR YANG YOD DO, ,KUN 'BYUNG MTHONG BAS SPANG BAR BYA BA NI DE NYID LAS BDUN YIN LA, 'GOG PA MTHONG BAS SPANG BAR BYA BA YANG BDUN TE, 'JIG TSOGS LA LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PA MA GTOGS SO, ,LAM MTHONG BAS SPANG BAR BYA BA NI BRGYAD DE, 'JIG TSOGS LA LTA BA DANG, MTHAR 'DZIN PAR LTA BA MA GTOGS SO, ,DE LTAR NA 'DOD PA'I KHAMS KYI PHRA RGYAS MTHONG BAS SPANG BAR BYA BA NI SUM CU RTZA GNYIS PO DE DAG YIN TE, BDEN PA RNAMS MTHONG BA TZAM GYIS SPONG BA'I PHYIR RO, ,BZHI NI BSGOM PAS SPANG BYA STE, ,'DI LTA STE 'DOD CHAGS DANG KHONG KHROB DANG, MA RIG PA DANG, NGA RGYAL LO, ,BDEN PA MTHONG PA'I 'OG TU LAM GOMS PAR BYAS PAS SPONG BA'I PHYIR RO, ,DE'I PHYIR DE LTAR NA 'JIG TSOGS LA LTA BA NI RNAM BA GCIG STE, SDUG BSNGAL MTHONG BAS SPANG BAR BYA BA YIN LA, MTHAR 'DZIN PAR LTA BA'ANG DE BZHIN YIN NO, ,LOG PAR LTA BA NI RNAM BA BZHI STE, SDUG BSNGAL DANG KUN 'BYUNG DANG, 'GOG PA DANG, LAM MTHONG BAS SPANG BAR BYA BA YIN LA, LTA BA MCHOG DU 'DZIN PA DANG, THE TSOM YANG DE BZHIN NO, ,TSUL KHRIMS DANG, BRTUL ZHUGS MCHOG DU 'DZIN PA NI RNAM PA GNYIS TE, SDUG BSNGAL DANG LAM MTHONG BAS SPANG BAR BYA BA YIN NO, ,'DOD CHAGS DANG, KHONG KHROB DANG, NGA RGYAL DANG, MA RIG PA RNAMS NI @195A *, ,RNAM PA LNGA STE, BDEN PA BZHI MTHONG BAS SPANG BAR BYA BA DANG, BSGOM PAS SPANG BAR BYA BA YIN TE, DE BAS NA DE DAG NI LTA BA BCU GNYIS YIN NO, ,THE TSOM NI BZHI YIN NO, ,'DAD CHAGS NI LNGA YIN NO, ,KHONG KHRO BA YANG LNGA YIN NO, ,NGA RGYAL YANG LNGA YIN NO, ,MA RIG PA YANG LNGA YIN TE, DE LTAR NA 'DOD PA NA SPYOD PA'I PHRA RGYAS NI SUM CU RTZA DRUG PO DE DAG YIN NO, ,DE NYID KHONG KHRO MA GTOGS LA, ,GZUGS KHAMS, DE DAG NYID LAS KHONG KHRO BA RNAM LA LNGA LNGA BOR NAS, GZUGS KYI KHAMS KYI PHRA RGYAS NI SUM CU RTZA GCIG YIN NO, ,GZUGS KYI KHAMS JI LTA BAR, DE BZHIN GSUGS MED KHAMS PHRA RGYAS SUM CU RTZA GCIG YIN TE, DE LTAR DGU BCU BRGYAD DU 'DOD, ,DE LTAR NA CHOS MNGON PA PA DAG NI PHRA RGYAS DRUG PO DE DAG LAS BYE BRAG DANG, RNAM PA DANG, KHAMS KYI DBYE BAS DRUG CU RTZA BRGYAD DU 'DOD DO, ,JI DE LTAR MTHONG BAS SPANG BAR BYA BA'I PHRA RGYAS SU BSHAD PA GANG YIN PA DE DAG MTHONG BA 'BA' ZHIG GIS SPONG NGAM ZHE NA, SMRAS PA, MA YIN NO, ,'O NA JI LTA BU ZHE NA, SRID RTZE LAS SKYES BZOD PA YIN, ,SPANG BYA MTHONG BAS SPANG BYA NYID, ,GANG DAG SRID PA'I RTZE MO'I SA LAS SKYES PA RJES SU SHES PA'I BZOD PAS SPANG BAR BYA BDE DAG NI MTHONG BAS SPANG BAR BYA BA NYID YIN GYI, BSGOM PAS SPANG BAR BYA BA NI MA YIN NO, ,LHAG SKYES MTHONG DANG BSGOM GNYIS KYIS, ,BZOD PAS SPANG BAR BYA BA ZHES SBYAR TE, SA LHAG MA DAG GI PHRA RGYAS CHOS DANG RJES SU SHES PA'I BZOD PAS SPANG BAR BYA BA NI CI RIGS PAR 'PHAGS PA RNAMS KYI NI MTHONG BAS SPANG BAR BYA BA YIN NO, ,SO SO'I SKYE BO RNAMS KYI NI BSGOM PAS SPANG BAR BYA BA YIN NO, ,BZOD MEN SPANG BYA BSGOM GNYIS KYIS, ,SA THAMS CAD KYI PHRA RGYAS GANG DAG SHES PAS SPANG BAR BYA BA DE DAG NI GNYI GA'I YANG RTAG TU BSGOM PAS SPANG BAR BYA BA YIN NO, ,LTA BA LNGA PO RNAMS MING GI SGO NAS BSTAN GYI RANG BZHIN GYI SGO NAS NI MA BSTAN PAS, DE DAG GI RANG BZHIN CI ZHE NA, BDAG DANG BDAG GI RTAG CHAD DANG, ME DANG DMAN LA MCHOG LTA DANG, ,RGYU MIN LAM MIN DER LTA BAS, ,DE DAG LTA BA LNGA YIN NO, ,BDAG GAM BDAG GIR LTA BA NI 'JIG TSOGS LA LTA BA YIN NO, ,'JIG PAS NA 'JIG PA'O, ,BSTZAGS PAS NA TSOGS PA STE, MANG PO ZHES BYA BA'I DON TO, ,'DI NI @195B 'JIG PA YANG YIN LA TSOGS PA YANG YIN PAS NA 'JIG TSOGS TE NYE BAR LEN PA'I PHUNG PO LNGA RNAMS SO, ,RTAG PAR 'DU SHES PA DANG RIL BOR 'DU SHES PA SPONG PA'I PHYIR DE SKAD DU BSHAD DE, 'DI DAG GI SNGON DU 'GRO BA NI DE DAG LA BDAG TU 'DZIN PA YIN NO, ,'JIG TSOGS LA LTA BAS NA 'JIG TSOGS LTA BA'O, ,ZAG PA DANG BCAS PA LA DMIGS PA'I LTA BA THAMS CAD KYANG 'JIG TSOGS LA LTA BA YIN NO, ,CI'I PHYIR BDAG DANG BDAG GIR LTA BA 'BA' ZHIG 'JIG TSOGS LA LTA BA ZHES BSHAD CE NA, CI NAS KYANG LTA BA 'DI NI 'JIG TSOGS LA YIN GYI, BDAG GAM BDAG GI LA NI MA YIN NO ZHES RTOGS PAR BYA BA'I PHYIR RO, ,BDAG TU MDON PAR DGA' BA'I DNGOS PO DE NYID LAS RTAG PAR LTA BA'AM CHAD PAR LTA BA'AM MTHAR 'DZIN PAR LTA BA STE, RTAG PA DANG CHAD PA'I MTHAR 'DZIN PA'I PHYIR RO, ,SDUG BSNGAL LA SOGS BA'I BDEN PA YOD NA MED DO ZHES BYA BA NI LOG PAR LTA BA'O, ,DMAN PA LA MCHOG TU LTA BA NI LTA BA MCHOG TU 'DZIN PA'O, ,RGYU MA YIN PA LA RGYUR LTA BA 'DI DANG LAM MA YIN PA LA LAM DU LTA BA NI TSUL KHRIMS DANG BRTUL ZHUGS MCHOG TU 'DZIN BA'O, ,GAL TE RGYU MA YIN PA LA RGYUR LTA BA TSUL KHRIMS DANG BRTUL ZHUGS MCHOG TU 'DZIN PA YIN NA, CI'I PHYIR KUN 'BYUNG MTHONG BAS SPANG BAR BYA BA MA YIN ZHEN, GANG LA LA DAG DBANG PHYUG GAM SKYE DGU'I BDAG PO LA RGYUR LTA BA DE DAG LA RTAG PA DANG, GCIG PA DANG BDAG DANG BYED PA POR MNGON PAR ZHEN NAS LTA STE, DE'I PHYIR DE NI, PHYIN CI LOG PHYIR DBANG PHYUG SOGS, ,BDAG RTAG RGYUR NI MNGON ZHEN PA; ,BAR DU 'JUG PAS DE PHYIR RO, ,SDUG BSNGAL MTHONG BAS SPANG BYA NYID, ,DE DAG LA BDAG DANG RTAG PAR 'DZIN PA DE GNYIS NI SDUG BSNGAL MTHONG BA NYID KYIS SPONG BAS, DE BSAN NGES BYAS SO ZHES RGYUR MNGON PAR ZHEN NA YANG DE NYID KYANG SPONG BAR BYED DO, ,PHYIN CI LOG PA'I PHYIR BDAG DANG RTAG BAR MNGON PAR ZHEN TO ZHES BSHAD BA GANG YIN PA, CI PHYIN CI LOG DE GNYIS 'BA' ZHIG TU ZAD DAM ZHE NA, PHYIN CI LOG NI BZHI STE, MI RTAG PA LA RTAG PA DANG, SDUG BSNGAL BA LA BDE BA DANG, MI GTZANG BA LA GTZANG BA DANG, BDAG MED PA LA BDAG TU PHYIN CI LOG PA'O, ,YANG PHYIN CI LOG @196A *, ,BZHI BO 'DI DAG GI RANG BZHIN CI YIN ZHE NA, LTA BA GSUM LAS PHYIN CI LOG BZHI STE, MTHAR 'DZIN BAR LTA BA DANG, RTAG PAR LTA BA LAS NI RTAG PAR PHYIN CI LOG GO, ,LTA BA MCHOG TU 'DZIN PA LAS NI BDE BA DANG GTZANG BAR PHYIN CI LOG GO, ,'JIG TSOGS LA LTA BA LAS NI BDAG TU PHYIN CI LOG GO, ,CI'I PHYIR NYON MONGS PA GZHAN DAG KYANG PHYIN CI LOG MA YIN NAM ZHE NA, 'DI LTAR RGYU GSUM DAG GIS PHYIN CI LOG DAG TU RNAM PAR GZHAG STE, GSUM GANG GIS SHE NA, PHYIN CI LOG PHYIR DANG, NGES RTOGS PHYIR DANG SGRO 'DOGS PHYIR, ,DMIGS PA LA PHYIN CI LOG PA'I PHYIR DANG, NGES PAR RTOGS PA'I PHYIR DANG, SBRO 'DOGS PA'I PHYIR RO, ,DE LA CHAD PAR LTA BA DANG LOG PAR LTA BA NI MED PA'I SGOR ZHUGS PA'I PHYIR SGRO 'DOGS PA MA YIN NO, ,TSUL KHRIMS DANG BRTUL ZHUGS MCHOG TU 'DZIN PA NI, DAG PA DE TZAM ZHIG LA DMIGS PA YIN PA'I PHYIR GCIG TU PHYIN CI LOG PA MA YIN NO, ,NYON MONGS PA GZHAN NI NGES PAR MI RTAG PA DANG, LTA BA'I RANG BZHIN NI MA YIN PAS DE'I PHYIR PHYIN CI LOG MA YIN NO, ,MDO LAS MI RTAG PA LA RTAG PAR LTA BA ZHES BYA BA NI 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG GO ZHES GSUNGS PA GANG YIN PA 'DIR NI LTA BA 'BA' ZHIG PHYIN CI LOG YIN GYI, SEMS DANG 'DU SHES DE'I DBANG GIS, ,LTA BA PHYIN CI LOG BA'I DBANG NYID KYIS DE DANG MTSUNGS BAR LDAN PA'I 'DU SHES DANG, SEMS KYANG PHYIN CI LOG TU BSHAD DO, ,YANG JI LTA BA'I PHRA RGYAS 'BA' ZHIG LA DBYE BA YOD KYI GZHAN LA NI MA YIN NAM ZHE NA, NGA RGYAL LA YANG YOD DE, JI LTAR ZHE NA SMRAS PA, NGA RGYAL BDUN, NGA RGYAL DANG, LHAG BA'I NGA RGYAL DANG, NGA RGYAL LAS KYANG NGA RGYAL DANG, ,NGA'O SNYAM PA'I NGA RGYAL DANG, MNGON PA'I NGA RGYAL DANG, CUNG ZAD SNYAM PA'I NGA RGYAL DANG, LOG PA'I NGA RGYAL LO, ,BYE BRAG MED PAR SEMS KHENGS PA LAS NGA RGYAL ZHES BSHAD DO, ,DE 'JUG PA'I BYE BRAG LAS NI RNAM PA BDUN DU 'GYUR TE, CHUNG DU BAS BDAG CHE BA'AM, MNYAM PA DANG MNYAM MO SNYAM DU SEMS SHING KHENGS PA NI NGA RGYAL LO, ,MNYAM PAS BDAG CHE'O SNYAM DU SEMS BA NI LHAG PA'I NGA RGYAL LO, ,CHE BA BAS KYANG BDAG @196B CHE'O SNYAM DU SEMS PA NI NGA RGYAL LAS KYANG NGA RGYAL LO, ,NYE BAR LEN PA'I PHUNG BO LNGA LA BDAG GAM BDAG GIR SEMS BA NI NGA'O SNYAM BA'I NGA RGYAL LO, ,KHYAD PAR THOB PAR BYA BA MA THOB PAR BDAG GIS THOB BO SNYAM DU SEMS PA NI MNGON PA'I NGA RGYAL LO, ,KHYAD BAR CHES 'PHAGS PA BAS BDAG CUNG ZAD CIG GIS DMAN NO SNYAM DU SEMS PA NI CUNG ZAD SNYAM BA'I NGA RGYAL LO, ,YON TAN MA YIN PA DANG LDAN PA LA BDAG YON TAN DANG LDAN NO SNYAM DU SEMS PA NI LOG PA'I NGA RGYAL LO, ,BSTAN BCOS LAS NGA RGYAL RNAM BA DGU STE, BDAG MCHOG YIN NO SNYAM PA'I NGA RGYAL GYI RNAM PA DANG, BDAG DANG 'DRA'O SNYAM PA'I NGA RGYAL GYI RNAM PA DANG, BDAG CHUNG NGO SNYAM BA'I NGA RGYAL GYI RNAM PA DANG, BDAG PAS MCHOG YOD DO, ,BDAG DANG MNYAM BA YOD DO, ,BDAG BAS DMAN PA YOD DO, ,BDAG PAS MCHOG MED DO, ,BDAG DANG MNYAM PA MED DO, ,BDAG BSAD MAN PA MED CES BSHAD PA GANG YIN BA NI NGA RGYAL 'DI DAG NYID LAS, DE DAG, RNAM DGU GSUM LAS GSUM GANG LAS SHE NA, NGA RGYAL DANG, LHAG PA'I NGA RGYAL DANG, CHUNG BA'I NGA RGYAL LAS TE, DE LAS DANG PO'I GSUM NI, LTA BA LA BRTEN PA'I NGA RGYAL GSUM STE, LHAG PA'I NGA RGYAL DANG, NGA RGYAL DANG, CHUNG BA'I NGA RGYAL RNAMS SO, ,GNYIS PA'I GSUM NI CHUNG BA'I NGA RGYAL DANG, NGA RGYAL DANG LHAG PA'I NGA RGYAL RNAMS SO, ,GSUM PA'I GSUM NI NGA RGYAL DANG, LHAG PA'I NGA RGYAL DANG, CHUNG BA'I NGA RGYAL RNAMS SO, ,YANG NGA RGYAL BDUN PO DE DAG CI ZHIG GIS SPANG BAR BYA BA YIN ZHE NA, SMRAS PA, MTHONG BA DANG, BSGOM PAS ZAD BYA BA, DE DAG NI MTHONG BA DANG BSGOM BA GNYIS KYIS ZAD PAR BYA BA STE, DE NI 'DI SKAD DU THAMS CAD KYANG MTHONG BA DANG BSGOM PAS SPANG BAR BYA BA YIN NO ZHES BSTAN PAR 'GYUR RO, ,BSGOM PAS SPANG BAR BYA BA MA SPANGS PA GANG YIN PA DE 'PHAGS PA RNAMS GDON MI ZA BAR KUN DU SPYOD DAM ZHE NA, NGES PA MED DE, 'DI LTA STE, BSGOM PAS SPANG BAR BYA BA NI, GSOD SOGS KUN NAS DKRIS PA'O, ,NYON MONGS PA KUN NAS DKRIS PA GANG GIS BSAMS BZHIN DU SROG GCOD PAR BYED PA NAS BRDZUN DU SMRA BAR BYED PA'I BAR DE DAG NI BSGOM PAS SPANG BAR BYA BA'I CHOS KYI DMIGS PA YIN PA'I PHYIR BSGOM PAS SPANG BAR BYA'O, ,DE BZHIN 'JIG @197A *, ,SRED, 'JIG PA'I SRED PA YANG BSGOM PAS SPANG BAR BYA BA YIN NO, ,'JIG PA'I SRED BA ZHES BYA BA'I CHOS 'DI CI ZHIG YIN ZHE NA, KHAMS GSUM PA'I MI RTAG PA NYID DE LA DON DU GNYER BA NI 'JIG PA'I SRED PA'O, ,DE BZHIN ZHES BYA BA'I SGRAS SKYE BO'I SRID PA'I PHYOGS KYANG GZUNG STE, BDAG NI GLANG PO CHE SA SRUNG DU GYUR CIG CES SMON PA LA SOGS PA'O, ,BSGOM PAS SPANG BAR BYA BA NI, NGA RGYAL GYI RNAM PA YANG YOD LA, NGA'O SNYAM PA'I NGA RGYAL YANG YIN MOD KYI, 'PHAGS PA LA, RNAM SOGS NGA'O SNYAM MI 'BYUNG, ,STZOGS PA SMOS PAS NI 'JIG PA'I SRED PA'I BAR DU GZUNG NGO, ,CI'I PHYIR DE DAG MA SPANGS KYANG MI 'BYUNG ZHE NA, LTABS RGYAS PAR 'GYUR PHYIR RO, ,NGA RGYAL GYI RNAM PA DANG, NGA'O SNYAM PA'I NGA RGYAL NI 'JIG TSOGS LA LTA BAS RGYAS BAR 'GYUR BA YIN NA, DE BSAN RKED PA BCAG PA'I PHYIR YANG LDANG BAR MI NUS SO, ,GSOD PA LA SOGS PA'I KUN NAS DA KRIS PA NI LOG PAR LTA BAS RGYAS PAR 'GYUR BA'I PHYIR RO, ,'JIG PA'I SRED PA NI CHAD BAR LTA BAS RGYAS BAR 'GYUR BA'I PHYIR RO, ,SKYE BA'I SRED PA'I PHYOGS NI RTAG PAR LTA BAS RGYAS PAR 'GYUR BA'I PHYIR RO, ,MI DGE BA'I 'GYOD PA YANG MA YIN NO, ,MI DGE BA'I 'GYOD PA YANG BSGOM BAS SPANG BAR BYA BA YIN MOD KYI, 'PHAGS PA LA NI DE MI 'BYUNG STE, THE TSOM GYIS KUN NAS BSLANG BA'I PHYIR RO, ,YANG PHRA RGYAS DGU BCU RTZA BRGYAD PO DE DAG LAS, KUN DU 'GRO BA NI DU DAG GCIG YIN, KUN DU 'GRO BA MA YIN PA NI DU DAG CIG YIN ZHE NA, SDUG BSNGAL RGYU MTHONG SPANG BYA BA, , LTA DANG DE BZHIN THE TSOM DANG, ,GANG DE LHAN CIG MA 'DRES PA, ,MA RIG GANG YIN KUN DU 'GRO, ,SDUG BSNGAL DANG KUN 'BYUNG MTHONG BAS SPANG PAR BYA BA'I LTA BA RNAMS DANG, THE TSOM DANG, DE DAG DANG MTSUNGS PAR LDAN PA DANG, SDUG BSNGAL DANG KUN 'BYUNG MTHONG BA 'BA' ZHIG GIS SPANG BAR BYA BA'I MA RIG PA MA 'DRES PA STE, DE LTAR NA LTA BA BDUN DANG, THE TSOM GNYIS DANG, MA RIG PA GNYIS DANG, PHRA RGYAS BCU GCIG PO DE DAG NI RANG GI KHAMS MTHA' DAG LA DMIGS PA'I PHYIR SKAL BA MNYAM PA'I KUN DU 'GRO BDAG YIN NO, ,DE DAG LAS DGU GONG DU DMIGS, ,SKAL BA @197B MNYAM PA'I KHAMS SU KUN DU 'GRO BA'I PHRA RGYAS BCU GCIG PO DE DAG LAS PHRA RGYAS DGU NI SKAL BA MI MNYAM PA'I KHAMS SU YANG KUN DU 'GRO BA YIN TE, DGU GANG ZHE NA, LTA BA GNYIS NI MA GTOGS SO, ,'JIG TSOGS LA LTA BA DANG, MTHAR 'DZIN BAR LTA BA GNYIS MA GTOGS TE, RES 'GA' NI SKAL BA MI MNYAM BA'I KHAMS GCIG LA DMIGS SO, ,RES 'GA' NI GNYIS LA DMIGS SO, ,YANG CI PHRA RGYAS 'BA' ZHIG KUN DU 'GRO BA YIN NAM ZHE NA, SMRAS PA, MA YIN TE, DE DAG DANG NI LHAN CIG GANG, ,DE YANG KUN 'GRO THOB MA GTOGS, ,KUN DU 'GRO BA'I PHRA RGYAS RNAMS DANG LHAN CIG 'BYUNG BA'I CHOS GANG DAG YIN PA DE DAG KYANG KUN DU 'GRO BA YIN NO, ,THOB PA NI 'BRAS BU DU MA'I PHYIR DE LTA MA YIN NO, ,PHRA RGYAS DGU BCU RTZA BRGYAD PO DE DAG LAS ZAG PA DANG BCAS PA LA DMIGS PA NI DU DAG CIG YIN, ZAG PA MED PA LA DMIGS PA NI DU DAG CIG YIN ZHE NA, 'GOG DANG LAM MTHONG SPANG BYA BA, ,LOG LTA THE TSOM DE DAG DANG, ,LDAN DANG MA RIG 'BA' ZHIG DANG, ,DRUG NI ZAG MED SPYOD YUL LO, ,'GOG PA MTHONG BAS SPANG BAR BYA BA'I PHRA RGYAS NI GSUM STE, LOG PAR LTA BA DANG, THE TSOM DANG, MA RIG PA DANG, DE DAG DANG MTSUNGS PAR LDAN PA DANG, MA 'DRES PA YIN LA, LAM MTHONG BAS SPANG BAR BYA BA NI DE DAG NYID DO, ,DE LTAR NA DRUG PO DE DAG NI ZAG PA MED PA LA DMIGS PA YIN NO, ,LHAG MA RNAMS NI ZAG PA DANG BCAS PA LA DMIGS PA ZHES BYA BAR GRUB BO, ,DE LA YANG, 'GOG PA RANG GIS PA STE, ,SA DRUG DANG NIS DGU'I LAM, ,DE YI SPYOD YUL RNAMS KYI YUL, ,LAM NI PHAN TSUN RGYU YIN NO, ,'GOG BA LA DMIGS PA LOG PAR LTA BA LA SOGS PA RNAMS NI RANG GIS PA'I 'GOG PA NYID LA DMIGS TE, 'DOD PA NA SPYOD PA RNAMS NI 'DOD PA'I KHAMS NYID KYIS LA DMIGS LA, SRID PA'I RTZE MO'I BAR GYI YANG SRID PA'I RTZE MO NYID LA DMIGS SO; ,'DOD PA NA SPYOD PA LA DMIGS PA RNAMS NI SA DRUG GI CHOS SHES PA'I PHYOGS KYI LAM DANG, GANG YANG GZUGS DANG GZUGS MED PA'I GNYEN PO THAMS CAD LA DMIGS PA NYID DO, ,GZUGS DANG GZUGS MED BDAG NA SPYOD PAS BRGYAD PO DAG NI SA DGU'I RJES SU SHES PA'I PHYOGS KYI LAM @198A *, ,THAMS CAD LA YANG DMIGS SO, ,LAM NI PHAN TSUN DAG GI RGYU YIN PA'I PHYIR RO, ,YANG CI'I PHYIR 'DOD CHAGS DANG KHONG KHRO BA DANG, NGA RGYAL DANG, LTA BA MCHOG TU 'DZIN PA DANG, TSUL KHRIMS DANG, BRTUL ZHUGS MCHOG TU 'DZIN PA RNAMS ZAG PA MED PA LA DMIGS BAR MI 'DOD CE NA, 'DOD CHAGS MIN TE SPANG BYA'I PHYIR, ,'DOD CHAGS NI SPANG BAR BYA BA YIN TE, GAL TE DE ZAG PA MED PA LA DMIGS PA YIN PAR GYUR NA, DGE BA'I CHOS LA 'DUN PA BZHIN DU SPANG BAR BYA BA MA YIN PAR 'GYUR RO, ,GNOD BYED MED PHYIR ZHE SDANG MIN, ,GNOD PAR BYED PA'I DNGOS PO LA NI KHONG KHRO BA SKYE NA, 'GOG PA DANG LAM NI DE LTA MA YIN NO, ,ZHI DANG DAG DANG MCHOG 'GYUR PHYIR, ,NGA RGYAL MA YIN MCHOG 'DZIN MIN, ,'GOG PA DANG LAM GNYIS NI ZHI BA'I PHYIR DE GNYIS KYIS KHENGS PAR GYUR PAR 'OS PA NI MA YIN LA YANG DAG BA'I DON NI DAG PA YIN PA'I PHYIR DE GNYIS LA YANG DAG BAR 'DZIN PA NI TSUL KHRIMS DANG BRTUL ZHUGS MCHOG TU 'DZIN PA YANG MA YIN NO, ,DMAN PA LA MCHOG TU 'DZIN PA LA NI LTA BA MCHOG TU 'DZIN PA YIN NA, DE GNYIS NI MCHOG KYANG YIN PAS DE BAS NA DE DAG NI ZAG PA MED PA LA DMIGS BA NYID DU RIGS PA MA YIN NO, PHRA RGYAS DGU BCU RTZA BRGYAD PO DE DAG LAS DMIGS PA'I SGO NAS RGYAS PAR 'GYUR BA NI DU DAG CIG YIN ZHE NA, PHRA RGYAS KUN DU 'GRO RNAMS NI, ,DMIGS PA'I SGO NAS RANG GI SA, ,THAMS CAD DU NI RGYAS PAR 'GYUR, ,KUN 'GRO MA YIN RANG RIS SU, PHRA RGYAS GANG DAG KUN DU 'GRO BDE DAG RANG GI SA PA'I RNAM PA LNGA PO THAMS CAD LA YANG DMIGS PA'I SGO NAS RGYAS PAR 'GYUR RO, ,KUN DU 'GRO BA MA YIN PA RNAMS NI RANG GIS DAG TU YANG, RANG GI RIS 'BA' ZHIG LA DMIGS PA'I SGO NAS RGYAS BAR 'GYUR GYI GZHAN DU NI MA YIN TE, 'DI LTA STE SDUG BSNGAL MTHONG BAS SPANG BAR BYA BA RNAMS KYANG SDUG BSNGAL MTHONG BAS SPANG BAR BYA BA'I RIS NYID LA RGYAS PAR 'GYUR LA, BSGOM PAS SPANG BAR BYA BA'I BAR DU YANG BSGOM PAS SPANG BAR BYA BA'I RIS NYID LA RGYAS PAR 'GYUR GYI GZHAN DU NI MA YIN NO, ,SPYIR BTANG BA BYAS NAS DMIGS KYIS STON PAR BYED DE, ZAG MED GONG MA'I YUL LAS MIN, ,ZAG @198B PA MED PA LA DMIGS PA'I PHRA RGYAS RNAMS NI DMIGS PA'I SGO NAS RGYAS PAR 'GYUR BA MA YIN LA, SA GONG MA LA DMIGS PAR 'GYUR BA MA YIN NO, ,CI'I PHYIR ZHE NA, DE LA DMIGS PA'I DNGOS PO NI, ,BDAG GIR MA BYAS GNYEN PO'I PHYIR, ,DNGOS PO GANG ZHIG BDAG TU LTA BA DANG SRID PA GNYIS KYIS BDAG GIR BYAS PA DE LA NI PHRA RGYAS GZHAN DAG KYANG RGYAS BAR 'GYUR BAR NUS TE, DPER NA SNAM BU GSHER BA LA RDUL CHAGS PA BZHIN DU, ZAG PA MED PA NI DE LTA MA YIN LAS GONG MA YIN TE, DE LTA MA YIN PAS DE'I PHYIR DE LA DMIGS PA RNAMS NI DE DAG TU RGYAS BAR 'GYUR BA MA YIN NO, , MYA NGAN LAS 'DAS PA DANG LAM GNYIS NI DE DAG LA DMIGS PA'I NYON MONGS PA RNAMS KYI GNYEN POR GYUR PA YANG YIN LAS GONG MA YANG 'OG MA'I GNYEN POR GYUR PA YIN PAS, DE'I PHYIR YANG DE DAG TU GNAS MI RNYED DE, RDO LEB BSREGS PA LA RKANG PA DAG GIS GNAS MI RNYED PA BZHIN NO,, DMIGS PA'I SGO NAS RGYAS PAR 'GYUR BA GANG YIN PA DE DAG NI BSHAD ZIN TO, ,GANG DANG MTSUNGS PAR LDAN GANG NI, ,DE DER MTSUNGS PAR LDAN SGO NAS, ,RGYAS PAR 'GYUR ZHES BYA BAR SBYAR TE, PHRA RGYAS GANG ZHIG CHOS GANG DANG MTSUNGS PAR LDAN PA DE NI DER MTSUNGS PAR LDAN PA'I SGO NAS RGYAS PAR 'GYUR RO, ,NI ZHES BYA BA'I SGRAS NI JI SRID DU MA SPANGS NA'O ZHES KHYAD PAR DU BYA BA'I PHYIR RO, ,PHRA RGYAS DGU BCU RTZA BRGYAD PO DE DAG LAS MI DGE BA NI DU DAG CIG YIN, LUNG DU MA BSTAN PA NI DU DAG CIG YIN ZHE NA, ,GONG MA'I THAMS CAD LUNG MA BSTAN, ,RE ZHIG GZUGS DANG GZUGS MED PA NA SPYOD PA THAMS CAD NI LUNG DU MA BSTAN PA NYID DO, ,'DOD PA'I 'JIG TSOGS LTA BA DANG, ,MTHAR 'DZIN DE DANG LHAN CIG RMONGS, ,'JIG TSOGS LA LTA BA DANG MTHAR 'DZIN PAR LTA BA DANG DE DAG DANG MTSUNGS PAR LDAN PA'I MA RIG PA RNAMS NI 'DOD PA'I KHAMS DAG TU LUNG MA BSTAN PA YIN NO, ,CI'I PHYIR ZHE NA, SPYIN BA LA SOGS PA DANG MI 'GAL BA'I PHYIR TE BDAG SHI NAS BDE BAR 'GYUR BAR BYA'O ZHES SBYIN PA SBYIN PAR BYED CING TSUL KHRIMS SRUNG BAR BYED DO, ,CHAD PAR LTA BA YANG THAR PA'I RJES SU MTHUN BAS DE YANG MI DGE BA MA YIN NO, ,LHAG MA RNAMS 'DIR MI DGE BA, ,PHRA RGYAS LHAG MA @199A *, ,RNAMS NI 'DOD PA'I KHAMS DAG TU MI DGE BA YIN NO, ,MI DGE BA'I RTZA BA RNAMS NI DU DUD GCIG YIN, DU DAG CIG NI MA YIN PA BRJOD PAR BYA STE, 'DOD PA'I MI DGE RTZA BA NI, ,'DOD CHAGS KHONG BRO RMONGS PA YIN, ,'DOD CHAGS THAMS CAD DANG, KHONG KHRO BA THAMS CAD DANG; 'JIG TSOGS LA LTA BA DANG MTHAR 'DZIN PAR LTA BA DANG MTSUNGS PAR LDAN PA LAS GZHAN PA'I RMONGS PA THAMS CAD NI 'DOD PA'I KHAMS DAG TU MI DGE BA'I RTZA BA GSUM YIN TE, CHAGS PA MI DGE BA'I RTZA BA DANG, ZHE SDANG MI DGE BA'I RTZA BA DANG, GTI MUG MI DGE BA'I RTZA BA'O, ,GANG MI DGE BA YANG YIN LA MI DGE BA'I RTZA BA YANG YIN PA DE NYID LA MI DGE BA'I RTZA BAR YOD DO, ,PHRA RGYAS LHAG MA RNAMS NI MI DGE BA'I RTZA PA MA YIN PA ZHE BYA BAR GRUB BO, ,LUNG DU MA BSTAN PA'I RTZA BA NI DU DAG CIG YIN DU DAG CIG NI MA YIN ZHE NA, LUNG MA BSTAN PA'I RTZA BA GSUM, GSUM GANG ZHE NA, SRID DANG MA RIG BLO GROS DE, , DE ZHES BYA BA NI LUNG DU MA BSTAN PA YIN BAR STON BA'O, ,KHA CHE BA RNAMS NA RE SRED PA DANG MA RIG PA DANG SHES RAB NI THA NA RNAM PAR SMIN PA LAS SKYES PA YANG RUNG STE, GANG CUNG ZAD LUNG DU MA BSTAN PA DE DAG THAMS CAD NI LUNG DU MA BSTAN PA'I RTZA BA YIN NO ZHES ZER RO, ,RNAM GNYIS MTHO PHYIR DE DAG LAS, ,GZHAN MIN THE TSOM NI RNAM PA GNYIS SU GNAS PAS RTZA BAR 'OS PA MA YIN TE, G-YO BA'I PHYIR RO, ,NGA RGYAL NI MTHO BA'I MTSAN NYID KYI GNAS PA MA YIN TE, RTZA BA'I CHOS DANG MI MTHUN PA'I PHYIR RO, ,RTZA BA NI 'JIG RTEN NA BRTAN PA DANG, 'OG NA GNAS PA YIN PAR MTHONG NGO, ,BZHI ZHES NUB PHYOGS BA, NUB PHYOGS PA DAG NI LUNG DU MA BSTAN PA'I RTZA BA BZHIR 'DOD DE, SRED LTA NGA RGYAL RMONGS DE DAG, ,DE DAG CES BYA BA NI LUNG DU MA BSTAN PA'O ZHES STON PA STE, LUNG DU MA BSTAN PA'I SRID PA DANG LTA BA DANG NGA RGYAL DANG MA RIG PA'O, ,CI'I PHYIR DE DAG 'BA' ZHIG LA LUNG DU MA BSTAN PA'I RTZA BAR 'DOD CE NA, RMONGS PAS BSAM GTAN PA GSUM PHYIR, ,'DI LTAR BSAM GTAN BA NI GSUM STE, SRED PA DANG, LTA BA DANG NGA RGYAL LHAG PA'I BSAM GTAN PA YIN LA DE DAG KYANG MA RIG BA'I DBANG GIS 'GYUR RO, ,MDO LAS, GANG DAG LUNG DU @199B MA BSTAN PA'I DNGOS PO BCU BZHI GSUNGS PA DE DAG LUNG DU MA BSTAN PA YIN NAM ZHE NA, SMRAS PA MA YIN NO, ,'O NA JI LTA BU ZHE NA, GZHAG PAR BYA PA'I 'DRI BA LAS LUNG DU MA BSTAN PA ZHES BSHAD DO, ,'DRI BA RNAMS NI RNAM PA BZHI STE, MGO GCIG TU LUNG BSTAN PAR BYA PA DANG, RNAM PAR PHYE STE LUNG BSTAN PAR BYA PA DANG, DRIS NAS LUNG BSTAN PAR BYA PA DANG, GZHAG PAR BYA BA'O, ,DE LA RIM PA BZHIN DU, MGO GCIG DANG NI RNAM PHYE DANG, ,DRI DANG GZHAG PAR LUNG BSTAN PA, ,'CHI DANG SKYE DANG BZANG BA DANG, ,BDAG GZHAN LA SOGS LTA BU YIN PAR RIG PAR BYA STE, CI SEMS CAN THAMS CAD 'CHI 'AM ZHES 'DRI NA 'CHI'O ZHES MGO GCIG TU LUNG BSTAN PAR BYA'O, ,THAMS CAD SKYE 'AM ZHES 'DRI NA NYON MONGS BA DANG BCAS PA NI SKYE BAR 'GYUR GYI NYON MONGS PA MED PA NI MA YIN NO ZHES RNAM BAR PHYE STE LUNG BSTAN BAR BYA'O, ,MI 'DI BZANG NGAM NGAN ZHES 'DRI NA GANG LA LTOS TE 'DRI ZHES DRIS NAS LUNG BSTAN BAR BYA'O, ,GAL TE LHA LA LTOS TE'O ZHES ZER NA NGAN TO ZHES LUNG BSTAN PAR BYA'O, ,GAL TE NGAN SONG LA LTOS TE'O ZHES ZER NA BZANG NGO ZHES LUNG BSTAN PAR BYA'O, ,CI PHUNG PO LAS SEMS CAN GZHAN NAM GZHAN MA YIN ZHES ZER NA, SEMS CAN GYI RDZAS MED PA'I PHYIR GZHAG BAR BYA STE, MO GSHAM GYI BU SNGO BSANGS SAM DKAR SHAM ZHES BYA PA BZHIN NO, ,'DI JI LTAR NA LUNG MA BSTAN PA YIN ZHE NA, DE NI LUNG MA BSTAN PA NYID KYIS DE BZHIN DU LUNG MA BSTAN PA'I PHYIR RO, ,GANG ZAG GANG GI PHRA RGYAS GANG ZHIG DMIGS PA GANG LA RGYAS PAR 'GYUR BA DE NI DES DNGOS PO DE DANG LDAN PA YIN NO, ,'DIR NI 'DAS PA DAG GIS NI GANG DANG LDAN ZHES BYA BA NAS DA LTAR 'BYUNG BA DAG GIS NI GANG DANG LDAN ZHES BYA BA'I BAR DU BRJOD BAR BYA STE, MDOR BSDU NA NYON MONGS PA DAG NI RNAM PA GNYIS TE, RANG GI MTSAN NYID KYI NYON MONGS BA NI 'DOD CHAGS DANG KHONG KHRO BA DANG, NGA RGYAL RNAMS SE, ,SPYI'I NYON MONGS PA NI LTA BA DANG, THE TSOM DANG MA RIG PA'O, ,DE LA RE ZHIG, 'DAS DANG NYE BAR GNAS RNAMS KYIS, ,'DOD CHAGS KHONG KHRO NGA RGYAL GYI, ,GANG LA SKYES SHING MA SPANGS BA, DE DAG DANG DNGOS DE LDAN 'GYUR, ,DNGOS PO GANG LAS 'DAS PA DANG DA LTAR BYUNG BA'I 'DOD CHAGS DANG KHONG KHRO BA DANG NGA RGYAL RNAMS SKYES SHING MA @200A *, ,SPANGS PA DE DAG GIS NI DNGOS PO DE DANG LDAN TE, DE DAG NI RANG GI MTSAN NYID KYI NYON MONGS PA YIN PA'I PHYIR GDON MI ZA BAR THAMS CAD LAS 'BYUNG PA YANG MA YIN LA, THAMS CAD DU 'BYUNG PA YANG MA YIN NO, ,YID KYIS DE DAG MA 'ONGS PAS, ,KUN DU, DE GANG LA MA SPANGS ZHES BYA BAR SBYAR TE, YID KYI SA BA'I 'DOD CHAGS DANG KHONG KHRO BA DANG, NGA RGYAL MA 'ONGS PA DE DAG NYID KYIS NI DUS GSUM PA'I DNGOS PO THAMS CAD DANG LDAN TE, YID KYI YUL NI DUS GSUM PA YIN PA'I PHYIR RO, ,GZHAN GYIS RANG DUS PA, 'DOD CHAGS DANG KHONG KHRO BA MA 'ONGS PA GZHAN GYIS NI MA 'ONGS PA'I DNGOS PO NYID DANG LDAN NO, ,GZHAN YANG GANG ZHIG YIN CE NA, GANG DAG RNAM PAR SHES PA'I TSOGS LNGA BA'I 'DOD CHAGS DANG, KHONG KHRO BA STE, SKYE BA'I CHOS DAG GI NI DE LTA BU YIN NO, ,DE DAG NYID, MI SKYE BA RNAMS KYI THAMS CAD DANG, RNAM PAR SHES PA'I TSOGS LNGA PO MI SKYE BA'I CHOS DAG GIS NI DUS GSUM PA'I DNGOS PO THAMS CAD DANG LDAN NO, ,LHAG MA KUN GYIS THAMS CAD LDAN, ,LHAG MA YANG GANG DAG CIG YIN ZHE NA, LTA BA DANG THE TSOM DANG MA RIG PA DUS GSUM BA RNAMS TE, SPYI'I NYON MONGS PA CAN YIN PA'I PHYIR DE DAG THAMS CAD KYIS KYANG DNGOS PO THAMS CAD DANG LDAN TE, JI SRID DU MA SPANGS NA'O, ,ZHES BYA BA'I DBANG DU BYAS BA NYID DO, ,CI 'DAS PA DANG MA 'ONGS PA 'DI RDZAS SU YOD DAM 'O NA TE MED, GAL TE YOD NA NI DUS THAMS CAD DU YOD PA'I PHYIR 'DUS BYAS RNAMS RTAG PA NYID DU 'GYUR RO, ,'ON TE MED NA NI JI LTAR NA DE DANG DER LDAN PA 'AM BRAL BA YIN ZHE NA, BYE BRAG TU SMRA PA DAG NI 'DUS BYAS KYI MTSAN NYID DANG LDAN PA'I PHYIR 'DUS BYAS RNAMS RTAG PA NYID DU DAM BCA'I 'DUS BYAS THAMS CAD DUS RNAMS KUN DU YOD PAR NI GSAL BAR KHAS 'CHE STE, CI'I PHYIR ZHE NA, GSUNGS PHYIR, BCOM LDAN 'DAS KYIS DGE SLONG DAG GAL TE 'DAS PA'I GZUGS ZHIG MED NA NI 'PHAGS PA NYAN THOS THOS PA PHUN SUM TSOGS PA 'DAS PA'I GZUGS LA LTA BAR YANG MI 'GYUR BA ZHIG NA GANG GI PHYIR 'DAS PA'I GZUGS YOD PA DE'I PHYIR 'PHAGS PA NYAN THOS THOS PA PHUN SUM TSOGS PA YANG 'DAS PA'I GZUGS LA LTA BAR 'GYUR RO, ,GAL TE MA 'ONGS @200B PA'I GZUGS SHIG MED NA YANG 'PHAGS PA NYAN THOS THOS PA PHUN SUM TSOGS PA MA 'ONGS PA'I GZUGS LA MNGON PAR DGA' BA MED PAR MI 'GYUR BA ZHIG NA, GANG GI PHYIR MA 'ONGS PA'I GZUGS ZHES BYA BA LA SOGS PA RGYA CHER GSUNGS SO, ,GNYIS PHYIR, RNAM PAR SHES PA NI GNYIS LA BRTEN NAS SKYE STE; GNYIS GANG ZHA NA, MIG DANG GZUGS NAS YID DANG CHOS KYI BAR RO ZHES GSUNGS PA, 'DAS PA DANG MA 'ONGS PA'I DMIGS PA MED NA DE DAG LA DMIGS PA'I RNAM PAR SHES PA YANG GNYIS LA BRTEN PAR MI 'GYUR RO, ,RE ZHIG LUNG LAS 'DAS PA DANG MA 'ONGS PA YOD NA NI DE LTA BU YIN NO, , RIGS PA LAS KYANG YUL YOD PHYIR, ,YUL YOD NA RNAM PAR SHES PA SKYE BAR 'GYUR GYI, ,MED PAR NI MA YIN NA GAL TE 'DAS PA DANG MA 'ONGS PA ZHIG MED NA NI DMIGS PA'I RNAM PAR SHES PA SKYE BAR 'GYUR TE, DE BAS NA DMIGS PA MED PA'I PHYIR RNAM PAR SHES PA NYID DU YANG MI 'GYUR RO, ,'BRAS PHYIR, GAL TE 'DAS PA ZHIG MED PAR GYUR NA NI TSE PHYI MA LA DGE BA DANG MI DGE BA'I LAS KYI 'BRAS BU YANG JI LTAR SKYED PAR 'GYUR TE, 'BRAS BU SKYED PA'I TSE NI DA LTAR GYI RNAM PAR SMIN PA'I RGYU MED DO, ,DE BAS NA BYE BRAG TU SMRA BA RNAMS NI 'DAS BA DANG MA 'ONGS BA DANG DA LTA BYUNG PA YOD PA NYID DO ZHES ZER RO, , THAMS CAD YOD PAR SMRA BA YIN NA NI 'DI GDON MI ZA BAR KHAS BLANG BAR BYA STE 'DI LTAR, DE YOD SMRA BA'I PHYIR THAMS CAD YOD PAR SMRA BAR 'DOD, ,GANG DAG 'DAS PA DANG, MA 'ONGS PA DANG DA LTAR BYUNG BA DANG, DUS LA MA GTOGS PA THAMS CAD YOD DO ZHES SMRA PA DE DAG NI THAMS CAD YOD PAR SMRA BA YIN GYI, GANG DAG DE LTAR BYUNG BA DANG, 'BRAS BU MA BSKYED BA'I 'DAS PA GANG YIN PA CUNG ZAD CIG NI YOD PA MA 'ONGS PA DANG 'BRAS BU SKYES ZIN PA'I LAS 'DAS PA GANG YIN PA CUNG ZAD CIG NI MED DO ZHES RNAM PAR PHYE STE, SMRA BA YIN NO, ,THAMS CAD YOD PAR SMRA BDAG KYANG DU ZHIG CE NA, SMRA PA DE DAG NI, RNAM BZHI DNGOS DANG MTSAN NYID DANG, ,GNAS SKABS GZHAN GZHAN 'GYUR ZHES BYA, ,DNGOS PO GZHAN DU 'GYUR BA DANG, ,MTSAN NYID GZHAN DU 'GYUR BA DANG, ,GNAS SKABS GZHAN DU 'GYUR PA DANG, ,GZHAN DANG GZHAN DU 'GYUR BA'O, ,DE LA DNGOS PO GZHAN DU 'GYUR BA NI GANG DAG CHOS @201A *, ,DUS RNAMS SU 'JUG PA NA, DNGOS PO GZHAN DU 'GYUR GYI RDZAS GZHAN DU 'GYUR BA NI MA YIN PA STE, DE NA 'DI SKAD DU BSTAN PAR 'GYUR TE, CHOS MA 'ONGS PA'I DUS NA DA LTAR BYUNG BA'I DUS SU 'GRO BA NA MA 'ONGS PA'I DNGOS PO 'DOR LA DA LTAR BYUNG BA'I GNAS 'DAS PAR 'GRO BA NA YANG DA LTAR BYUNG PA'I DNGOS PO 'DOR GYI RDZAS KYI DNGOS PO NI MA YIN TE, DPER NA GSER GYI SNOD BCOM NAS GZHAN DU BYED PA NA DBYIBS GZHAN DU 'GYUR GYI KHA DOG GZHAN DU 'GYUR BA NI MA YIN PA BZHIN NO ZHES ZER BA DAG YIN NO, ,MTSAN NYID GZHAN DU 'GYUR BA NI GANG DAG CHOS DUS DAG TU 'JUG BA NA 'DAS PA NI 'DAS BA'I MTSAN NYID DANG LDAN GYI MA 'ONGS PA DANG DA LTAR BYUNG BA'I MTSAN NYID DANG BRAL BA YANG MA YIN LA, DE BZHIN DU MA 'ONGS PA DANG, DA LTAR BYUNG BA DAG LA YANG SBYAR TE, DPER NA SKYES BU BUD MED GCIG LA CHAGS PA NA LHAG MA RNAMS LA 'DOD CHAGS DANG BRAL BA YANG MA YIN PA BZHIN NO ZHES SMRAS PA DAG YIN NO,, GNAS SKABS GZHAN DU 'GYUR BA NI GANG DAG CHOS DUS DAG TU 'JUG PA NA GNAS SKABS NAS GNAS SKABS SU 'GYUR PA LA GZHAN DANG GZHAN DU STON PA'I GNAS SKABS GZHAN LAS YIN GYI RDZAS GZHAN LAS NI MA YIN TE, DPER NA SHOD MIG GCIG LA GCIG GIS MTSAN MA BTAB NA YANG GCIG ,BCU'I MTSAN MA BTAB NA YANG BCU, BRGYA'I MTSAN MA BTAB NA YANG BRGYA, STONG GI MTSAN MA BTAB NA YANG STONG ZHES BYA BA BZHIN NO ZHES SMRA BA DAG YIN NO, ,GZHAN DANG GZHAN DU 'GYUR BA NI GANG DAG CHOS DUS DAG TU 'JUG PA NA SNGA MA DANG PHYI MA LA LTOS NAS GZHAN DANG GZHAN DU BRJOD DE, DPER NA BUD MED CIG LA MA ZHES KYANG BYA, BU MO ZHES KYANG BYA'O ZHES BYA BA BZHIN NO ZHES SMRA BA DAG YIN TE, DE LTAR NA RNAM BA BZHI BO DE DAG NI THAMS CAD YOD PAR SMRA BA YIN NO, ,DE DAG LAS KYANG, GSUM PA BZANG STE, GNAS SKABS GZHAN DU 'GYUR BA DE'I LUGS GANG YIN BA 'DI BZANG STE, CI'I PHYIR ZHE NA, DE'I NI DBYE BA'I DUS SU RNAM GZHAG GANG GI TSE CHOS BYA BA MI BYED PA DE'I TSE NI MA 'ONGS PA'O, ,GANG GI TSE BYED BA DE'I TSE NI DA LTAR BYUNG BA'O, ,GANG GI TSE BYAS NAS 'GAGS PA DE'I TSE NI 'DAS PA'O, ,'DIR DPE SA STON BA DAG PHYIR RGOL BAR GNAS TE, CHOS DE'I BDAG NYID KYIS YOD NA RTAG TU BYED PA LAS, @201B BGEGS SU BYED, GANG GIS NA RES 'GA' NI BYA BA BYED LA RES 'GA' NI BYA PA MI BYED CES BYA BA GANG YIN PA DE 'DAS PA DANG MA 'ONGS PA DANG NGA LTAR BYUNG BA ZHES BYA BA, DE YANG JI LTAR BYA BA LA YANG BYA BA GZHAN ZHIG YOD DAM, CI 'ON TE 'DAS PA YANG MA YIN MA 'ONGS PA YANG MA YIN DA LTAR BYUNG PA YANG MA YIN LA, 'ON KYANG YOD NA NI NGES PAR 'DUS MA BYAS YIN PA'I PHYIR RTAG PAR YOD PAR 'GYUR TE, DE BAS NA GANG GI TSE CHOS BYA BA BYED PA DE'I TSE NA DA LTAR BYUNG BA'O ZHES BRJOD PAR MI BYA'O, ,GAL TE CHOS LAS BYA BA GZHAN ZHIG YIN NA NI SKYON DE LTA BUR 'GYUR NA DE NI, GZHAN MA YIN, DE'I PHYIR SKYON DE LTA BUR MI 'GYUR RO ZHE NA, DE LTA NA YANG DE NYID DUS SU MI RUNG, GAL TE CHOS NYID BYA PA YIN NA CI'I PHYIR CHOS DE DE'I BDAG NYID KYIS YOD BZHIN DU RES 'GA' NI 'DAS PA ZHES BRJOD, RES 'GA' NI MA 'ONGS PA ZHES BRJOD DE DUS GSUM RNAM PAR GZHAG PA MI 'GRUB PO, ,CHOS GANG MA SKYES PA DE NI MA 'ONGS PA'O, ,GANG SKYES PA LAM ZHIG PA DE NI DA LTAR BYUNG BA'O, ,GANG ZHIG PA DE NI 'DAS PA'O ZHES BYA BA MI 'GRUB PA MA YIN NO ZHE NA 'DIR YANG DE NYID BRJOD PAR BYA STE, GAL TE DA LTAR GYI JI LTAR RDZAS SU YOD PA DE BZHIN DU 'DAS PA DANG MA 'ONGS PA YANG YOD NA NI DE'O, ,DE BZHIN DU, YONG NA GANG GIS MA SKYES ZHIG ,CHOS DE RANG GI NGO BOR YOD NA NI JI LTAR NA MA SKYES PA'AM ZHIG BA ZHES BYA PA 'DI 'GRUB, 'DI'I SNGAR NI CI ZHIG MA BYUNG NA YANG GANG MED PA'I PHYIR MA 'ONGS BA ZHES BYA, PHYIS NI CI ZHIG MED NA GANG MED PA'I PHYIR ZHIG PA ZHES BYA STE, DE BAS NA GAL TE MA BYUNG PA DANG, BYUNG NAS MA 'BYUNG BAR MI 'DOD NA NI RNAM PA THAMS CAD DU DUS GSUM MI 'GRUB BO, ,BYE BRAG TU SMRA BA DAG NI 'DAS PA DANG MA 'ONGS BA YOD BA NYID DO ZHES ZER RO, ,BSHAD PAR MI NUS PA GANG YIN PA DER NI BDAG NYID KYI 'DOD PAS 'DI SKAD DU 'GRUB PAR BYA STE, CHOS 'DI DAG NI ZAB PA YIN, ,GDON MI ZA PAR RTOG PAS BSGRUB BA MA YIN NO, ,ZHAR LAS 'ONGS BA RDZOGS SO,, ,,DA NI DNGOS PO GANG ZHIG SPANGS NA DE DNGOS PO DE DANG BRAL BA YIN NAM DNGOS PO GANG ZHIG DANG BRAL NI DE DNGOS PO DE SPANGS PA YIN PA DE DBYAD BAR BYA STE, RE ZHIG DNGOS PO GANG ZHIG DANG BRAL NA DES DNGOS PO DE SPANGS PA NI MA YIN GYI @202A *, ,SPANGS KYANG BRAL BA MA YIN PA YANG YOD DE 'DI LTA STE, SDUG BSNGAL MTHONG SPANG BYA SPANGS KYANG, ,KUN 'GRO LHAG MA RNAMS DANG LDAN, ,DANG PO'I RNAM PA SPANGS ZIN KYANG, ,DE YUL DRI MA LHAG RNAMS DANG, ,SDUG BSNGAL SHES PA NI SKYES LA KUN 'BYUNG SHES PA NI MA SKYES PA'I TSE SDUG BSNGAL MTHONG BAS SPANG BAR BYA BA'I RIS NI SPANGS PA YIN LA, ,DE SPANGS KYANG DE LA DMIGS PA'I KUN DU 'GRO BA KUN 'BYUNG MTHONG BAS SPANG BAR BYA BA RNAMS DANG NI DER LDAN NO, ,BSGOM PAS SPANG BAR BYA BA'I RIS LA YANG RNAM PA DGU RNAMS LAS DANG PO BA'I RNAM PA GANG YIN PA SPANGS PA DE SPANGS KYANG DE LA DMIGS PA'I NYON MONGS PA LHAG MA RNAMS DANG DER LDAN PAR RIG PAR BYA'O, ,DNGOS PO GANG LAS PHRA RGYAS DU ZHIG RGYAS PAR 'GYUR ZHES BYA BA 'DI TSIG RE RE NAS BSHAD NA NI BRJOD PA MANG POR 'GYUR BAS DE BAS NA CI NAS KYANG 'BAD PA CHUNG NGO, ,CHOS KYI DRI BA'I TSOGS CHE'O, ,CHOS RTOGS PAR 'GYUR BAR BYA BA'I PHYIR BSDUS NAS RNAM PAR BSHAD PAR BYA STE, CHOS NI MDOR BSDU NA BCU DRUG PO 'DI DAG STE 'DOD PA DANG GZUGS DANG GZUGS MED PA NA SPYOD PA RNAM PA LNGA LNGA DANG ZAG PA MED PA'O, ,SEMS KYANG BCU DRUG STE, DE DAG NYID DO, ,DE LA CHOS GANG ZHIG SEMS GANG GI DMIGS PA YIN PAR SHES PAR BYAS NAS, 'DI LA PHRA RGYAS 'DI SNYED CIG RGYAS PAR 'GYUR RO ZHES BYA BA 'DI NI BRTAG PAR BYAS TE, DE LA RE ZHIG ,SDUG BSNGAL RGYU MTHONG GOMS PA YIS, ,SPANG BYA 'DOD KHAMS LAS SKYES PA, ,RANG GI GSUM DANG GZUGS GTOGS DANG, ,DRI MED RNAM SHES SPYOD YUL GCIG ,DE NI RANG GI YANG YIN BAS RANG GI GSUM MO, ,DE NI GCIG KYANG YIN LA GZUGS SU GTOGS PA YANG YIN PAS GZUGS GTOGS GCIG STE, ,TSIG RNAM PAR SBYAR BA'I TSUL NI DE LTA'O, ,RE ZHIG 'DOD PA NA SPYOD PA'I SDUG BSNGAL DANG KUN 'BYUNG MTHONG BAS SPANG BAR BYA BA DANG, BSGOM PAS SPANG BAR BYA BA'I CHOS LNGA NI SEMS SNGA MA'I DMIGS PA MA YIN TE RANG GI GSUM GYI STE, DE DAG NYID KYI DANG, GZUGS NA SPYOD PA'I NI GCIG GI STE, BSGOM PAS SPANG BAR BYA BA NYID KYI DANG, ZAG PA MED PA YANG GCIG GI'O, ,GZUGS KHAMS LAS SKYES DRI MA RNAMS, ,RANG DANG 'OG GSUM GONG MA GCIG ,GZUGS NA SPYOD PA'I @202B CHOS RNAM PA GSUM PO DE DAG NYID NI SEMS BRGYAD KYI DMIGS PA YIN TE, RANG GI KHAMS PA GSUM GYI STE, ,DE DAG NYID KYI DANG, KHAMS 'OG MA PA GSUM GYI YANG DE DAG NYID KYI DANG KHAMS GONG MA PA'I NI GCIG ,BSGOM PAS SPANG PAR BYA BA NYID KYI DANG, ZAG PA MED PA'I YANG GCIG GI'O, ,GZUGS MED LAS SKYES KHAMS GSUM GTOGS, GSUM DANG ZAG MED SPYOD YUL LO, ,GZUGS MED PA NA SPYOD PA'I CHOS RNAM PA GSUM PO DE DAG NYID NI SEMS BCU'I DMIGS PA YIN TE, KHAMS GSUM PA'I RNAM PA GSUM GSUM GYI STE, DE DAG NYID KYI DANG, ZAG PA MED PA'I NI GCIG GI'O, , KHAMS GSUM PA'I SDUG BSNGAL DANG KUN 'BYUNG MTHONG BAS SPANG BAR BYA BA DANG, BSGOM PAS SPANG BAR BYA BA'I CHOS RNAMS KYANG BSHAD ZIN TO, ,'GOG DANG LAM MTHONG SPANG BYA KUN, ,LHAG PAR RANG GI SPYOD YUL LO, ,'GOG PA DANG LAM MTHONG BAS SPANG BAR BYA BA'I CHOS RNAMS NI LHAG PAR CHOS DE DAG NI, ,RANG GI SEMS 'GOG PA DANG LA MA MTHONG BAS SPANG BAR BYA BA DE DAG DMIGS PA YIN PAR SHES PAR BYA STE, JI LTAR BSHAD PAR BYA ZHE NA, 'GOG PA MTHONG BAS SPANG BAR BYA BA'I CHOS 'DOD PA NA SPYOD PA RNAMS NI SEMS DRUG GI DMIGS PA YIN TE, SNGAR BSHAD PA LNGA DANG, LHAG MAR 'GOG PA MTHONG BAS SPANG BAR BYA BA DE DAG NYID KYI'O, ,DE BZHIN DU LAM MTHONG BAS SPANG BAR BYA BA YANG SNGAR BSHAD PA LNGA DANG, LHAG PAR LAM MTHONG BAS SPANG BAR BYA BA DE DAG NYID KYI'O, ,DE BZHIN DU 'GOG PA DANG LAM MTHONG BAS SPANG BAR BYA BA GZUGS DANG GZUGS MED PA NA SPYOD PA RNAMS KYANG LHAG PAR 'GOG PA DANG LAM MTHONG BAS SPANG BAR BYA BA'I SEMS DE DAG GI DMIGS PA STE, SEMS DGU DANG SEMS BCU GCIG GI DMIGS PA YIN NO, ,KHAMS GSUM PO'I CHOS RNAM PA LNGA LNGA BSHAD ZIN TO, ,ZAG MED KHAMS GSUM MTHA' GSUM DANG, ZAG PA MED PA'I SPYOD YUL LO, ,ZAG PA MED PA'I SEMS NI SEMS BCU'I DMIGS PA YIN TE, KHAMS GSUM PA'I THA MA RNAM PA GSUM STE, 'GOG PA DANG, LAM MTHONG BA DANG, BSGOM PAS SPANG BAR BYA BA DANG ZAG PA MED PA'O, ,YANG DON DE DAG NYID TSIGS SU BCAD PA PHYED DANG GNYIS SU 'DUG PAR 'GYUR TE, KHAMS GSUM @203A *, ,SDUG BSNGAL RGYU MTHONG DANG, ,GOMS PAS SPANG BYA DANG ZAG MED, ,RNAM SHES LNGA DANG BRGYAD DANG NI, ,RNAM SHES BCU YI SPYOD YUL TE, ,'GOG DANG LAM MTHONG SPANG BYA KUN, ,LHAG PAR RANG GI SPYOD YUL LO, ,ZHES BYA BA'O, ,DE LTAR NA SEMS BCU DRUG PO DE DAG GI DMIGS PAR NI CHOS BCU DRUG RNAM PAR GZHAG PAR RIG NAS JI LTAR NA PHRA RGYAS KYI DGOS PA YIN PAR SBYAR BAR BYA STE, PHYOGS TZAM ZHIG BSTAN PAR BYA'O, ,BDE BA'I DBANG PO LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHES BYA BA'I DRI BA 'ONGS PA LA DPYAD PAR BYA NA BDE BA'I DBANG PO NI RNAM PA BDUN TE, 'DOD PA NA SPYOD PA BSGOM PAS SPANG BAR BYA BA DANG, GZUGS NA SPYOD PA RNAM PA LNGA DANG, ZAG PA MED PA'O, ,DE DAG KYANG MDOR BSDU NA RNAM PAR SHES PA RNAM PA BCU GNYIS PO 'DI DAG GI DMIGS PA YIN TE, 'GOG PA MTHONG BAS SPANG BAR BYA BA MA GTOGS PA 'DOD PA NA SPYOD PA RNAM PA BZHI DANG, GZUGS NA SPYOD PA RNAM PA LNGA DANG, GZUGS MED PA NA SPYOD PA LAM MTHONG BAS SPANG BAR BYA BA DANG, BSGOM PAS SPANG BAR BYA BA DANG, ZAG PA MED PA STE, RNAM PAR SHES PA RNAM PA BCU GNYIS PO DE DAG NI BDE BA'I DBANG PO LA DMIGS PA YIN NO, ,DE LA JI LTAR SRID PAR 'DOD PA NA SPYOD PA'I RIS NI BZHI'O, ,GZUGS NA SPYOD PA NI 'DUS BYAS LA DMIGS PA RNAMS SO, ,GZUGS MED PA NA SPYOD PA NI RIS GNYIS DANG, PHRA RGYAS KUN DU 'GRO BA RNAMS KYANG RGYAS PAR 'GYUR BAR RIG BAR BYA'O, ,BDE BA'I DBANG BO LA DMIGS PA'I RNAM PAR SHES PA LA PHRA RGYAS DU DAG CIG RGYAS PAR 'GYUR, BDE BA'I DBANG PO LA DMIGS PA LA DMIGS PA'I RNAM PAR SHES PA RNAM PA BCU GNYIS PO DE DAG KYANG RNAM PAR SHES PA GANG GI DMIGS PA YIN ZHE NA, RNAM PA BCU GNYIS PO DE DAG NYID KYI YIN LA, LHAG PAR GZUGS MED PA NA SPYOD PA SDUG BSNGAL DANG, KUN 'BYUNG MTHONG BAS SPANG BAR BYA BA RNAM PA GNYIS TE, RNAM PA BCU BZHI PO 'DI DAG NI BDE BA'I DBANG PO LA DMIGS PA LA DMIGS PA'I RNAM PAR SHES PA YIN NO, ,DE LA GZUGS MED PA NA SPYAD PA LA SDUG BSNGAL DANG KUN 'BYUNG MTHONG BAS SPANG BAR BYA BA DAG GIS KLAGS NA 'DOD PA NA SPYOD PA DANG, GZUGS MED PA NA SPYOD PA RIS @203B BZHI BZHI DANG, GZUGS NA SPYOD BA 'DUS BYAS LA DMIGS PA RNAMS RGYAS PAR 'GYUR RO ZHES BYA BAR SHES PAR BYA STE, LAM 'DIS GZHAN DAG LA YANG RTOGS PAR BYA'O, ,PHRA RGYAS GANG DAG GI SEMS PHRA RGYAS DANG BCAS BA PHRA RGYAS DE DAG GIS SEMS DE LA RGYAS PAR 'GYUR RAM ZHE NA, RGYAS PAR 'GYUR BA YANG YOD DE, PHRA RGYAS GANG DAG DANG SEMS DE DAG TU MTSUNGS PAR LDAN PA YANG MA SPANGS LA, DE LA DMIGS PA RNAMS KYANG MA SPANGS PA YIN NO, ,RGYAS BAR MI 'GYUR BA YANG YOD DE PHRA RGYAS GANG DAG DANG SEMS DAG DANG MTSUNGS BAR LDAN PA RNAMS SPANGS BA'O, ,DE BAS NA DE LTAR BSHAD NA 'DI LTAR, NYON MONGS PHRA RGYAS BCAS RNAM GNYIS, ,NYON MONGS CAN MIN RGYAS 'GYUR GYIS, ,PHRA RGYAS DANG BCAS PA YIN TE, NYON MONGS PA CAN GYI SEMS NI DE DANG MTSUNGS PAR LDAN PA'I PHRA RGYAS SU GYUR PA DANG, DE DMIGS PA'I PHRA RGYAS MA SPANGS PA RNAMS KYI PHRA RGYAS DANG BCAS PA DANG, DE DANG MTSUNGS PAR LDAN PA RGYAS PAR MI 'GYUR BA RNAMS KYIS KYANG PHRA RGYAS DANG BCAS PA YIN TE, DE DANG LHAN CIG PA'I PHYIR RO, ,NYON MONGS PA CAN MA YIN PA'I SEMS NI DE LA DMIGS PA PHRA RGYAS SU 'GYUR BA MA SPANGS PA NYID DAG GIS PHRA RGYAS DANG BCAS PA YIN NO, ,YANG PHRA RGYAS BCU PO DAG JI LTAR 'JUG CE NA, RE ZHIG DANG PO NYID DU MA RIG PA DANG LDAN PAS BDEN PA RNAMS LA KUN DU RMONGS LA, DES SDUG BSNGAL MI 'DOD CING LAM GYI BAR DU MI 'DOD DO, ,DE NAS RMONGS PA LA THE TSOM, ,RMONGS BAS PHYOGS GNYIS THOS NAS, 'DI SDUG BSNGAL YIN NA MA 'DI SDUG BSNGAL MA YIN ZHES BYA BA LA SOGS PA THE TSOM SKYE'O, ,DE NAS LOG LTA, THE TSOM LAS LOG PA'I LTA BA 'JUG STE, THE TSOM SKYES PA LOG PAR MNYAN PA DANG, LOG PAR BSAMS PA LAS SDUG BSNGAL MED DE ZHES BYA BA LA SOGS PA LOG PAR NGES BAR SKYE'O, ,DE NAS 'JIG TSOGS LTA, LOG PAR LTA BA LAS 'JIG TSOGS LA LTA BA 'JUG STE, SDUG BSNGAL BA NYID LAS PHUNG PO GSAL TE BDAG TU MNGON PAR ZHE NA TO, ,DE NAS MTHAR 'DZIN, 'JIG TSOGS LA LTA BA LAS MTHAR 'DZIN BAR LTA BA 'JUG STE, BDAG RTAG PA DANG CHAD PA'I MTHAR 'DZIN BA'I PHYIR RO, ,DE NAS NI, TSUL KHRIMS MCHOG 'DZIN, MTHAR 'DZIN @204A *, ,PA GANG YIN PA DE NYID KYIS DAG PAR YID CHES PA'I PHYIR RO, ,DE NAS LTA BA MCHOG TU 'DZIN, ,CES BYA BAR SBYAR TE TSUL KHRIMS DANG BRTUL ZHUGS MCHOG TU 'DZIN BA LAS LTA BA MCHOG TU 'DZIN PA 'JUG STE, GANG GIS DAG BAR YID CHES PA DE LA MCHOG TU 'DZIN PA'I PHYIR RO, , RANG GI LTA BA CHAGS NGA RGYAL, ,DE LA CHAGS PA'I SGO NAS DES KHENGS BAR 'GYUR BA'I PHYIR RO, ,GZHAN LA ZHE SDANG, LTA BA LA LHAG PAR ZHEN PA DE'I DGRA BOR GYUR PA GZHAN GYI LTA BA DAG LA ZHE SDANG BA 'JUG GO, ,DE LTAR RIM, PHRA RGYAS BCU PO DE DAG GI 'JUG PA'I RIM PA NI DE LTA'O, ,NYON MONGS PA SKYED PA NI RGYU GSUM GYIS SKYE STE, PHRA RGYAS SPANGS PA MA YIN BA DANG, ,YUL DANG NYE BAR GNAS PA DANG, ,TSUL BZHIN MA YIN BYED PA LAS, ,NYON MONGS RGYU NI TSANG BA YIN, ,'DI LTA STE, 'DOD PA'I 'DOD CHAGS KYIS PHRA RGYAS MA SPANGS SHING YONGS SU MA SHES PA YIN LA, 'DOD PA'I 'DOD CHAGS KYIS KUN NAS DKRIS PA DANG MTHUN PA'I CHOS KYANG SNANG BAR 'GYUR BA YIN ZHING, DE LA YANG TSUL BZHIN MA YIN PA'I YID LA BYED NA DE LTAR NA 'DOD PA'I 'DOD CHAGS SKYE STE, DE DAG NI RIM PA BZHIN DU RGYU DANG YUL SBYOR BA'I STOBS DAG YIN NO, ,NYON MONGS PA GZHAN DAG KYANG DE BZHIN DU SKYE BAR RIG PAR BYA STE GANG ZHIG ,RDZOGS PA'I RGYU YIN, RES 'GA' YUL GYI STOBS 'BA' ZHIG GIS SKYES BA YANG YOD DE, 'DI LTA STE, DGRA BCOM PA YONGS SU NYAMS PA'I CHOS CAN LTA BU'O, ,MDO LAS, BCOM LDAN 'DAS KYIS PHRA RGYAS DE DAG NYID ZAG PA GSUM DU GSUNGS TE, 'DOD PA'I ZAG PA DANG SRID PA'I ZAG PA DANG MA RIG BA'I ZAG BA'O, ,CHU BO BZHI STE 'DOD PA'I CHU BO LA SOGS PA'O, ,SBYOR BA BZHI STE DE DAG NYID DO, ,NYE BAR LEN PA BZHI STE, 'DOD PA'I NYE BAR LEN BA LA SOGS PA'O, ,DE LA RE ZHIG ,GTI MUG MA GTOGS 'DOD PA YIS, ,NYON MONGS KUN NAS DKRIS BCAS RNAMS, ,'DOD ZAG ,MA RIG PA MA GTOGS PA GZHAN 'DOD PA NA SPYOD PA'I NYON MONGS PA KUN NAS DKRIS PA DANG BCAS PA RNAMS NI 'DOD PA'I ZAG PA YIN PAR RIG PAR BYA STE, MA RIG PA RNAM PA LNGA BOR NAS PHRA RGYAS SUM CU RTZA GCIG DANG KUN NAS DKRIS BA BCU STE, RDZAS BZHI BCU RTZA @204B GCIG GO, ,GZUGS DANG GZUGS MED PA'I, PHRA RGYAS 'BA' ZHIG SRID PA'I ZAG ,GTI MUG MA GTOGS PA ZHES BYA BAR SBYAR TE, MA RIG PA MA GTOGS PA GZUGS DANG GZUGS MED PA NA SPYOD PA'I PHRA RGYAS RNAMS NI SRID PA'I ZAG PA MA RIG PA'I PHRA RGYAS GZUGS DANG LDAN PA LNGA DANG, GZUGS MED PA DANG LDAN PA LNGA BOR NAS, GZUGS NA SPYOD PA NYI SHU RTZA DRUG ,GZUGS MED PA NA SPYOD PA NYI SHU RTZA DRUG STE, RDZAS LNGA BCU RTZA GNYIS SO, ,CI'I PHYIR GZUGS DANG GZUGS MED PA NA SPYOD BA'I PHRA RGYAS RNAMS BSDUS NAS GCIG TU SRID PA'I ZAG PAR BSHAD CE NA, DE LUNG MA BSTAN KHA NANG BLTAS, , MNYAM GZHAGS SA PA'I PHYIR GCIG BYAS, ,DE GNYIS KA GCIG TU BYAS PA NI LUNG DU MA BSTAN PA DANG, KHA NANG DU BLTAS PA DANG, MNYAM PAR GZHAG PA'I SA PA YIN PAS CHOS MTHUN PA RNAM PA GSUM GYIS GCIG DU BYAS SO, ,DA NI MA RIG PA NI KHAMS GSUM PA'I MA RIG PA ZAG PA'O ZHES BYA BAR GRUB STE, RDZAS BCO LNGA'O, ,CI'I PHYIR 'DI LOGS SHIG TU RNAM PAR GZHAG CE NA, DE DAG THAMS CAD KYI, RTZA BA MA RIG YIN BAS NA, ,LOGS SHIG DAG TU ZAG PAR BSTAN, ,ZAG PA DE DAG JI SKAD DU BSHAD PA, DE BZHIN CHU BO SBYOR LTA RNAMS, GSAL PHYIR LOGS SHIG DAG TU BSTAN, ,LTA BA LAS GZHAN PA 'DOD PA'I ZAG PA NYID NI 'DOD BA'I CHU BO DANG SRID BA'I SBYOR BA YIN LA DE BZHIN DU SRID PA'I ZAG PA YANG SRID BA'I CHU BO DANG, SRID PA'I SBYOR BA YIN TE, DE NI GSAL BA'I PHYIR CHU BO DAG LAS LOGS SHIG TU GZHAG GO, ,ZAG BA DAG TU MIN, CI'I PHYIR ZHE NA, GANG PHYIR, GROGS MED 'JOG PA'I RJES MI MTHUN, ,'JOG PAR BYED PA NA ZAG PA MED PAS SO ZHES 'DI'I NGES PA'I TSIG NI 'OG NAS 'CHAD NA, LTA BA RNAMS NI GSAL BA'I PHYIR 'JOG PA DANG MTHUN PA YIN BAS, DE'I PHYIR ZAG PA DAG GI NANG DU LOGS SHIG TU NI MA BSTAN GYI BSRES TE NI BSTAN TO, ,CHU BO DANG SBYOR BA BSHAD ZIN TO, ,JI SKAD DU BSHAD PA NYID MA RIG BA DANG BCAS PA DANG, LTA BA RNAM PA GNYIS SU PHYE BA NI, NYE BAR LEN PA RNAMS, LTA BA MA GTOGS PA 'DOD PA'I SBYOR BA MA RIG BA DANG BCAS PA NI 'DOD PA'I NYE BAR LEN PA'O, ,LTA BA MA GTOGS PA SRID PA'I SBYOR BA MA RIG PA DANG @205A *, ,BCAS PA NI BDAG TU SMRA BA'I NYE BAR LEN PA'O, ,LTA BA'I SBYOR BA LAS TSUL KHRIMS DANG BRTUL ZHUGS PHYUNG STE LTA BA'I NYE BAR LEN BA DANG, TSUL KHRIMS DANG BRTUL ZHUGS MCHOG TU 'DZIN BA NI TSUL KHRIMS DANG BRTUL ZHUGS KYI NYE BAR LEN PA'O, ,CI'I PHYIR MA RIG BA NYE BAR LEN PA DAG GI NANG DU NI BSRES TE BSHAD KYI THA DAD DU MA BSTAN CE NA, SRID PA 'DZIN PA'I PHYIR NYE BAR LEN PA YIN NA, MA RIG PA 'DZIN PA MA YIN PA'I PHYIR BSRES SO, ,MI MNGON PA'I MTSAN NYID DANG MI GSAL BA'I PHYIR MA RIG PA NI 'DZIN PA MA YIN NO, ,MDO LAS, PHRA RGYAS NYID DANG ZAG PA DANG SBYOR BA DANG NYE BAR LEN PA'I MING DU BSHAD PA, YANG PHRA RGYAS KYI DON NI CI YIN, NYE BAR LEN PA'I BAR GYI DON NI CI YIN ZHE NA, GANG PHYIR DE DAG PHRA BA DANG, ,RJES 'BRANG RNAM GNYIS RGYAS 'GYUR DANG, RJES SU 'BREL BA DE YI PHYIR, ,PHRA RGYAS DAG TU BSHAD PA YIN, ,RGYU PHRA BA DANG RTOGS BAR DKA' BA'I PHYIR PHRA BA'O, ,THOB PA'I RJES SU 'BREL PA'I PHYIR RJES SU 'BRANG BA'O, ,DMIGS PA DANG SBYOR BA DANG RGYU RNAM GNYIS KYI SGO NAS RGYAS PAR 'GYUR RO, ,YANG DANG YANG DU BZLOG KYANG SBYOR BA MED BZHIN DU YANG DANG YANG DU MNGON DU GYUR PA'I PHYIR RJES SU 'BREL BA STE, RGYU DE DAG GI PHRA RGYAS ZHES BYA'O, ,DE DAG 'JOG DANG ZAG PA DANG, ,'PHROG DANG 'BYAR BAR BYED PA DANG; ,NYE BAR 'DZIN PAS DE LTAR NA, ,DE DAG ZAG SOGS NGES TSIG GO, ,'KHOR BAR 'JOG PAR BYED PA DANG, ,SRID PA'I RTZE MO NAS MNAR MED PA'I BAR DU SKYE MCHED DRUG GI RMAD GNAS 'DZAG PAS NA ZAG PA RNAMS SO, ,'PHROG PAS NA CHU BA'O, ,'BYAR BAR BYED PAS NA SBYOR BA'O, ,NYE BAR 'DZIN PAS NA NYE BAR LEN PA STE, DE LTAR NI DE DAG NI ZAG PA LA SOGS BA NGES PA'I TSIG STE, TSIG NGES PA ZHES BYA BA'I THA TSIG GO, ,KUN NAS SBYOR SOGS DBYE BA YIS, ,RNAM PA DAG NI YANG LNGAR BSHAD, ,PHRA RGYAS DE DAG NYID KUN DU SBYOR BA DANG, 'CHING BA DANG PHRA RGYAS DANG NYE BA'I NYON MONGS PA DANG, KUN NAS DKRIS BA'I DBYEBS YANG RNAM PA LNGAR PHYE NAS BSHAD DE, DE LA KUN DU SBYOR BA NI RNAM PA DGU STE, RJES SU CHAGS PA DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, MCHOG TU 'DZIN PA DANG, THE TSOM DANG, PHRAG DOG DANG, @205B SER SNA'I KUN DU SBYOR BA RNAMS SO, ,DE LA RJES SU CHAGS PA'I KUN DU SBYOR BA NI KHAMS GSUM PA'I 'DOD CHAGS SO, ,DE BZHIN DU GZHAN LA YANG JI LTAR SRID PAR SBYAR BAR BYA'O, ,LTA BA'I KUN DU SBYOR BA NI LTA BA GSUM MO, ,MCHOG TU 'DZIN PA'I KUN DU SBYOR BA NI LTA BA GNYIS SO, ,CI'I PHYIR KUN DU SBYOR BA DAG GI NANG DU LTA BA GSUM NI, LOGS SHIG TU LTA BA'I KUN DU SBYOR BA BSHAD LA, GNYIS NI LOGS SHIG TU MCHOG TU 'DZIN PA'I LTA BA BSHAD CE NA, RDZAS DANG MCHOG 'DZIN MNYAM PA'I PHYIR, ,LTA GNYIS KUN DU SBYOR GZHAN NO, ,LTA BA GSUM YANG RDZAS BCO BRGYAD YIN LA, ,LTA BA GNYIS KYANG RDZAS BCO BRGYAD NYID YIN PAS DE'I PHYIR 'DI GNYIS RDZAS MNYAM PAS KUN DU SBYOR BA GZHAN DU BYAS LA, 'DI GNYIS NI MCHOG TU 'DZIN PA'I RANG BZHIN YIN LA, LHAG MA NI MA YIN PAS MCHOG TU 'DZIN PA MNYAM PA'I PHYIR YANG 'DI GNYIS LOGS SHIG TU BSHAD DE, GZUNG BA DANG 'DZIN PA THA DAD PA'I PHYIR RO, ,YANG CI'I PHYIR PHRAG DOG DANG, SER SNA GNYIS KUN DU SBYOR BA DAG TU NI LOGS SHIG TU KUN DU SBYOR BAR BSHAD LA, KUN NAS DKRIS PA GZHAN DAG TU NI MA YIN ZHE NA, GANG PHYIR GNYI GA GCIG TU NI, ,MI DGE BA DANG RANG DBANG PHYIR, ,PHRAG DOG SER SNA DE DAG TU, ,KUN NAS LOGS SHIG GNYIS SU BSHAD, ,GANG LA GCIG TU MI DGE DANG, ,RANG DBANG 'DI GNYIS YOD PA DE LTA BU'I RIGS CAN GYIS KUN NAS DKRIS PA GZHAN NI MED DO, ,BCOM LDAN 'DAS KYIS GZHAN DAG LAS KUN DU SBYOR BA THA MA'I CHA DANG MTHUN PA LNGAR GSUNGS TE, 'DI LTA STE 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD PA'I 'DUN PA DANG, GNOD SEMS SO, R,CI'I PHYIR 'DI THA MA'I CHA DANG MTHUN PA ZHES BYA ZHE NA, THA MA'I CHA DANG LDAN BA'I PHYIR TE, THA MA'I CHA NI 'DOD PA'I KHAMS SO, ,'DI DAG NI DE'I RJES SU MTHUN PA RNAMS TE 'DI LTAR, GNYIS KYIS 'DOD KHAMS MI 'DA' STE, GSUM GYIS KUN DU 'DREN PAR BYED, ,'DOD PA'I 'DUN PA DANG, GNOD SEMS DAG GI NI 'DOD PA'I KHAMS LAS MI 'DA'O, ,'JIG TSOGS LA LTA BA LA SOGS BA DAG GI NI 'DAS KYANG PHYIR KUN DU 'DREN PAR BYED DE, @206A *, ,SGO BA DANG 'KHOR DANG CHOS MTHUN PA'I PHYIR RO, ,GANG GI TSE RGYUN DU ZHUGS PAS KUN DU SBYOR BA GSUM GTAN NAS SPANGS PA'I PHYIR NYON MONGS PA DRUG SPANGS PA YIN NA, CI'I PHYIR LTA BA GSUM BOR NAS 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG THE TSOM DANG GSUM NYID DU BSHAD CE NA, DE DAG THAMS CAD KYANG BRJOD PAR BYA BA NI YIN MOD KYI 'ON KYANG, GTZO DANG RTZA BA BSDUS PHYIR GSUM DU BSHAD DE, MTHONG BAS SPANG BAR BYA BA'I NYON MONGS PA RNAM PA GSUM STE, RNAM PA GCIG DANG, GNYIS DANG, BZHI PA DAG YIN LA, DE DAG GI GTZO BO NI 'DI GSUM GYIS BSDUS SO, ,GZHAN YANG MTHAR 'DZIN PAR LTA BA NI 'JIG TSOGS LA LTA BAS RAB TU BCUG GO, ,LTA BA MCHOG TU 'DZIN PA NI TSUL KHRIMS DANG BRTUL ZHUGS MCHOG TU 'DZIN PAS RAB TU BCUG GO, ,LOG PAR LTA BA NI THE TSOM GYIS RAB TU BCUG STE, DE'I PHYIR RTZA BA BSDUS PA'I PHYIR YANG GSUM DU BSHAD DO, ,GZHAN DAG NA NI, 'GRO MI 'DOD DANG LAM NOR DANG, LAM LA THE TSOM DE LTAR NA, ,DE DAG THAR BAR 'GRO BA LA, ,BAR CHAD BYED PHYIR GSUM DU BSHAD, ,YUL GZHAN DU 'GRO BA LA BAR CHAD BYED PA NI GSUM YIN TE, 'GRO BAR MI 'DOD PA DANG, , LAM GZHAN LA YANG DAG PAR BRTEN PA'I PHYIR LAM NOR BA DANG, LAM LA THE TSOM SKYE BA'O, ,DE BZHIN DU THAR PAR 'GRO BA LA YANG GSUM PO 'DI DAG NYID BAR CHAD BYED DE, DE LA 'JIG TSOGS LA LTA BAS NI THAR PA LA SKRAG BAR GYUR NAS 'GRO MI 'DOD PA NYID DU 'GYUR RO, ,TSUL KHRIMS DANG BRTUL ZHUGS MCHOG TU 'DZIN PAS NI LAM GZHAN LA YANG DAG PAR BRTEN PA'I PHYIR LAM NOR BAR 'GYUR RO, ,THE TSOM GYIS NI LAM LA THE TSOM ZA STE, RGYUN DU ZHUGS PAS THAR BAR 'GRO BA LA BAR CHAD BYED PA DE DAG SPANGS PAR STON PA NA, BCOM LDAN 'DAS KYIS NYON MONGS PA GSUM 'BA' ZHIG SPANGS SO ZHES BKA' STZAL PA YIN NO ZHES LTA'O, ,BCOM LDAN 'DAS KYIS JI LTAR THA MA'I CHA DANG MTHUN PA'I KUN DU SBYOR BA LNGAR BSHAD PA DE BZHIN DU, GONG MA'I CHA MTHUN RNAM LNGA NYID, ,JI LTAR ZHE NA, SMRAS PA, GZUGS DANG GZUGS MED LAS SKYES PA, ,'DOD CHAGS GNYIS RGOD NGA RGYAL @206B RMONGS, ,'DI DAG NI GONG MA'I CHA DANG MTHUN PA'I KUN DU SBYOR BA LNGA YIN TE, 'DI LTA STE, GZUGS KYI 'DOD CHAGS DANG, GZUGS MED PA'I 'DOD CHAGS DANG, RGOD PA DANG, NGA RGYAL DANG, MA RIG PA STE, DE DAG MA SPANGS NA KHAMS GONG MA LAS MI 'DA' BA'I PHYIR RO, ,KUN TU SBYOR BA'I SKABS RDZOGS SO,, ,, 'CHING BA DAG GANG ZHE NA, 'CHING BA NI GSUM STE, 'CHING BA 'DOD CHAGS THAMS CAD DANG, 'CHING BA ZHE SDANG DANG, GTI MUG THAMS CAD DO, ,CI'I PHYIR GSUM PO 'DI DAG 'CHING BAR BSHAD CE NA, TSOR BA'I DBANG GIS 'CHING BA GSUM STE, BDE BA'I TSOR BA LA NI DMIGS PA DANG MTSUNGS BAR LDAN PA'I SGO NAS, 'DOD CHAGS RGYAS PAR 'GYUR LA, SDUG BSNGAL LA NI ZHE SDANG NGO, ,BDE BA YANG MA YIN, SDUG BSNGAL BA YANG MA YIN PA LA NI GTI MUG STE, 'DOD CHAGS DANG ZHE SDANG NI DE LTA MA YIN NO, ,PHRA RGYAS RNAMS NI SNGAR BSHAD PA NYID DO, ,NYE BA'I NYON MONGS PA RNAMS BRJOD PAR BYA STE, DE LA RE ZHIG GANG DAG NYON MONGS PA YIN PA DE DAG NI SEMS NYE BAR NYON MONGS PAR BYED PA'I PHYIR NYE BA'I NYON MONGS PA YANG YIN LA, NYON MONGS LAS GZHAN SEMS 'BYUNG GANG, ,NYON MONGS 'DU BYED PHUNG ZHES PA, ,DE DAG NYE BA'I NYON MONGS TE, ,DE DAG NYON MONGS MA YIN NO, ,GANG DAG NYON MONGS PA LAS GZHAN PA NYON MONGS PA CAN GYI CHOS SEMS LAS BYUNG BA 'DU BYED KYI PHUNG POS YANG DAG PAR BSDUS PA DE DAG NI NYE BA'I NYON MONGS PA NYID YIN GYI NYON MONGS PA NI MA YIN TE, DE DAG KYANG GZHI PHRAN TSEGS LAS 'BYUNG BA GANG YIN PA DAG GO, ,'DIR NI NYON MONGS PA'I DRI MAS KUN NAS DKRIS PAS YANG DAG PAR BSDUS PA 'BA' ZHIG BSTAN PAR BYA STE, KUN NAS DKRIS PA RNAMS KYANG GANG DAG CIG CE NA, SMRAS PA, KUN NAS DKRIS PA RNAM BRGYAD DE, NGO TSA MED DANG KHREL MED DANG, ,PHRAG DOG SER SNA RGOD PA DANG, ,'GYOD PA DANG NI RMUGS DANG GNYID, ,'DI NI RE ZHIG RAB TU BYED PA'I TSUL YIN NO, ,BYE BRAG TU SMRA BA'I LUGS KYI NI BCU STE, BRGYAD BO DE DAG DANG, KHRO DANG 'CHAB PA'O, ,DE LA NGO TSA MED PA DANG KHREL MED PA NI BSHAD ZIN TO, ,PHRAG DOG NI GZHAN GYI PHUN SUM TSOGS PAS SEMS KHONG NAS 'KHRUGS PA'O, ,SER SNA NI CHOS DANG ZANG ZING DANG, MKHAS @207A *, ,PA RAB TU SBYIN PA DANG 'GAL BAR GNAS PA SEMS KYIS KUN DU 'DZIN PA'O, ,RGOD PA NI SEMS RNAM PAR MA ZHI BA'O, ,'GYOD PA DANG RMUGS PA NI BSHAD ZIN TO, ,GNYID NI SEMS MNGON PAR SDUD PA STE, LUS YANG DAG PAR 'DZIN MI NUS PA'O, ,DE DANG 'GYOD PA NI NYON MONGS PA CAN 'BA' ZHIG KUN NAS DKRIS PA YIN NO, ,KHRO BA NI GNOD SEMS DANG, RNAM PAR 'TSE BA MA GTOGS PA SEMS CAN DANG, SEMS CAN MA YIN PA LA KUN DU GNOD PA'O, ,'CHAB PA NI KHA NA MA THO BA MKHYUD PA'O, ,KUN NAS DKRIS PA DE RNAMS LAS, ,'DOD CHAGS KYIS, NGO TSA MED RGOD SER SNA BSLANG, ,NYE BA'I NYON MONGS PA GSUM PO DE DAG NI 'DOD CHAGS KYI RGYU MTHUN PA'O, ,'CHAB BA RTZOD DO, ,KHA CIG NA RE SRID PA'I RGYU MTHUN PA'O ZHES ZER RO, ,LA LAN RE MA RIG PA'I RGYU MTHUN PA'O ZHES ZER RO, ,GZHAN DAG NA RE GNYI GA'I YANG YIN NO ZHES ZER TE, RIM BZHIN DU SHES PA DANG, SHES PA MA YIN PA RNAMS KYI YIN NO, ,MA RIG LAS RMUGS GNYID KHREL MED, ,GSUM PO DE DAG NI MA RIG PA'I RGYU MTHUN PA'O, ,THE TSOM LAS, 'GYOD PA KHRO DANG PHRAG DOG NI, ,KHONG KHRO BA YI RGYU LAS BYUNG, ,KHONG KHRO BA'I KUN NAS BSLANG ZHES BYA BA'I THA TSIG STE, DE LTAR NA NYE BA'I NYON MONGS BA BCU PO DE DAG NI NYON MONGS PA DANG RGYU MTHUN PA YIN NO, ,GZHAN YANG NYON MONGS DRI MA DRUG ,'DI LTA STE, SGYU DANG G-YO DANG RGYAGS PA DANG, ,DE BZHIN 'TSIG DANG KHON 'DZIN DANG, ,RNAM 'TSE, DE LA RGYU NI GZHAN LA 'DRID PA'O, ,G-YO NI SEMS GYA GYU BA STE, GANG GIS YANG DAG PA JI LTA BA BZHIN DU MI 'CHAGS KYI GTAM RLUNG LA BSKUR BA'AM MI GSAL BAR SMRAS PA'O, ,RGYAGS PA NI SNGAR BSTAN ZIN TO, ,'TSIG PA NI KHAN MA THO BA DANG BCAS PA'I DNGOS PO DAM DU 'DZIN PA STE, GANG GIS GZHAN GYI RJES SU BSGO BA MI NYAN PA'O, ,KHON DU 'DZIN PA NI KUN DU GNOD PA'I DNGOS PO LAN MANG DU BYED PA'O, ,RNAM PAR 'TSE BA NI RNAM PAR THO 'TSAMS BA STE, GANG GIS MTSON CHA DANG TSIG RTZUB PO DAG GIS GZHAN DAG LA THO 'TSAMS PAR BYED PA'O, ,NYON MONGS PA'I DRI MA DRUG PO DE DAG KYANG, 'DOD CHAGS LAS SKYES PA, SGYU @207B RGYAGS KHON DU 'DZIN PA DANG, ,RNAM 'TSE KHONG KHRO LAS SKYES SO, ,'TSIG PA LTA DANG MCHOG 'DZIN LAS, ,G-YO NI LTA BAS KUN NAS BSLANG, ,GYA GYU CI ZHIG SDIG TO'I LTA, ,ZHES TSIGS SU BCAD PA LAS 'BYUNG BA'I PHYIR RO, ,DE DAG CI ZHIG GIS SPANG BAR BYA BA YIN ZHE NA, ,RE ZHIG KUN NAS BKRIS PA BCUR BSHAD PA RNAMS LAS, DE LA NGO TSA MED PA DANG, ,KHREL MED RMUGS GNYID RGOD RNAM GNYIS, ,CHOS LNGA PO 'DI DAG NI NYON MONGS PA'I RNAM PA GNYI GA DANG LDAN PA'I PHYIR MTHONG BAS SPANG BAR BYA BA DANG BSGOM PAS SPANG BAR BYA BA DANG, RNAM PA GNYI GA YIN TE, GANG ZHIG GANG MTHONG BAS SPANG BAR BYA BA DANG MTSUNGS PAR LDAN PA DE NI DE MTHONG PAS SPANG BAR BYA BA YIN NO, ,DE LAS GZHAN NI BSGOM SPANG BYA, ,DE DAG LAS GZHAN PA'I NYE BA'I NYON MONGS PA KUN NAS DKRIS PAS BSDUS PA PHRAG DOG DANG SER SNA DANG 'GYOD PA DANG KHRO BA DANG 'CHAB PA DANG, NYE BA'I NYON MONGS BA LNGA PO DE DAG NI MA RIG BA TZAM DANG MTSUNGS PAR LDAN PA'I PHYIR BSGOM PAS SPANG BAR BYA BA NYID DANG, RANG DBANG YIN NO, ,JI LTAR PHRAG DOG LA SOGS PA NYE BA'I NYON MONGS PA LNGA PO DE DAG BSGOM PAS SPANG PAR BYA BA DANG RANG DBANG CAN YANG YIN PA DANG, DE BZHIN DRI MA RNAMS, NYON MONGS PA'I DRI MA DRUG KYANG DE BZHIN NO, ,YANG JI SKAD DU BSHAD PA'I NYE BA'I NYON MONGS PA DE DAG NI, 'DOD PAR MI DGE, 'DOD PA'I KHAMS DAG TU NI MI DGE BA YIN NO, ,DE LA YANG, GSUM RNAM GNYIS, RKUGS PA DANG RGOD PA DANG GNYID RNAMS NI MI DGE BA DANG LUNG DU MA BSTAN PA YIN NO, ,'JIG TSOGS DANG, MTHAR 'DZIN PAR LTA BA DANG MTSUNGS PAR LDAN PA RNAMS NI LUNG DU MA BSTAN PA'I PHYIR RO, ,DE YI YAN CHAD LUNG MA BSTAN, ,'DOD PA'I KHAMS YAN CHAD NA NI NYE BA'I NYON MONGS PA RNAMS NI JI LTAR SRID PAR LUNG DU MA BSTAN PA YIN NO, ,YANG DE DAG LUS DU ZHIG GANG LA YOD PAR RIG PAR BYA ZHE NA, 'DOD DANG BSAM GTAN DANG PO NA, ,G-YO SGYU; 'DI GNYIS NI 'DOD PA'I KHAMS DANG BSAM GTAN DANG PO DAG NA YOD DO, ,TSANGS PA'I 'JIG RTEN NA SGYU JI LTAR YOD CEN, TSANGS PA SLU BA'I PHYIR, TSANGS PA DE NI DE NA BDAG NYID LOG PAR KUN DU STON PAS TSE DANG LDAN PA RTA THUL LA SLU BAR BYED DO, ,G-YO NI BSHAD ZIN TO, ,ZHAR @208A *, ,LAS 'ONGS PA BSHAD ZIN TO, ,RMUGS RGOD RGYAGS PA KHAMS GSUM PA, ,GSUM PO DE DAG NI KHAMS GSUM PA YIN NO, ,GZHAN DAG 'DOD KHAMS LAS SKYES PA, ,BCU DRUG LAS LNGA BOR TE NYE BA'I NYON MONGS PA BCU GCIG GIS 'DOD PA NA SPYOD PA YIN NO, ,NYON MONGS PA DANG NYE BA'I NYON MONGS PA RNAMS BSHAD ZIN TO, ,YANG DE RNAMS LAS YID KYI SA PA NI DU ZHIG YIN, RNAM PAR SHES PA DRUG GI SA PA NI DU ZHIG YIN ZHE NA, MDOR BSDU NA, MTHONG SPANG BYA GNYID NGA RGYAL BCAS, ,YID RNAM SHES KYI SA PA YIN, ,MTHONG BAS SPANG BAR BYA BA THAMS CAD NI YID KYI SA PA YIN LA, BSGOM PAS SPANG BAR BYA BA LA YANG GNYID DANG NGA RGYAL DANG BCAS PA DE DAG THAMS CAD NI, YID KYI SA PA YIN NO, ,NYE BA'I NYON MONGS RANG DBANG YANG, ,NYE BA'I NYON MONGS PA RANG DBANG CAN GANG YIN PA DE DAG THAMS CAD KYANG BSGOM PAS SPANG PAR BYA BA YANG YIN MOD KYI YID KYI SA PA NYID DU BLTA BAR BYA'O, ,GZHAN NI RNAM SHES DRUG RTEN NO, ,NYON MONGS PA DANG NYE BA'I NYON MONGS PA GZHAN RNAMS NI RNAM PAR SHES PA DRUG GI SA PA YIN PAR RIG PAR BYA STE, GZHAN YANG GANG DAG CIG YIN ZHE NA, BSGOM PAS SPANG PAR BYA BA'I 'DOD CHAGS DANG, KHONG KHRO BA DANG, MA RIG PA DANG DE DAG MTSUNGS PAR LDAN PA NYE BA'I NYON MONGS PA RNAMS DANG, NGO TSA MED PA DANG, KHREL MED PA DANG, RMUGS PA DANG, RGOD PA RNAMS DANG, NYON MONGS PA'I SA MANG PO PA'I NANG DU BSHAD PA GANG YIN PA DAG GO, ,BDE BA LA SOGS PA'I DBANG PO LNGA PO GANG YIN PA DE RNAMS LAS DBANG PO DU ZHIG DANG, NYON MONGS PA'AM NYE BA'I NYON MONGS PA GZHAN ZHIG TU MTSUNGS PAR LDAN ZHE NA, BDE BA DAG DANG 'DOD CHAGS SU, ,MTSUNGS LDAN, 'DOD CHAGS NI BDE BA DANG YID BDE BAR MTSUNGS PAR LDAN NO, ,ZHE SDANG BZLOG PA'O, ,SDUG BSNGAL DANG YID MI BDE BA DANG MTSUNGS PAR LDAN PA ZHES BYA BA'I DON TO, ,GTI MUG DAG NI THAMS CAD DANG, ,MA RIG PA DANG NI NYON MONGS PA THAMS CAD DANG MTSUNGS PAR LDAN PA'I PHYIR DBANG PO LNGA CHAR YANG MTSUNGS PAR LDAN NO, ,MED LTA YID BDE SDUG BSNGAL DANG, ,LOG PAR LTA BA NI YID KYI BDE BA DANG, YID KYI @208B SDUG BSNGAL YID MI BDE BA DANG, 'DI GNYIS DANG MTSUNGS PAR LDAN TE, CI RIGS PAR DGE BA'I LAS RNAMS DANG SDIG PA'I LAS RNAMS KYI YIN NO, ,YID MI BDE DANG THE TSOM STE, ,THE TSOM ZOS PA NGES PA'I DON DU GNYER PA NA YID MI BDE BAR 'GYUR RO, ,GZHAN YID BDE DANG, PHRA RGYAS GZHAN DAG NI YID BDE BA NYID DANG MTSUNGS PAR LDAN NO, ,GZHAN YANG GANG DAG CIG YIN ZHE NA, LTA BA BZHI DANG NGA RGYAL TE, ,DGA' BA'I RNAM PA YIN PA'I PHYIR RO, ,PHRA RGYAS MTSUNGS PAR LDAN PA BSHAD PA DE DAG KYANG GANG ZHIG YIN ZHE NA, SMRAS PA, 'DOD LAS SKYES, RE ZHIG DE LTAR MTSUNGS PAR LDAN PA SO SOR NGES PAR BSHAD NAS SPYI'I SMRAS PA, BTANG SNYOMS DANG KUN, PHRA RGYAS 'DI DAG THAMS CAD KYANG BTANG SNYOMS KYI DBANG PO DANG MTSUNGS PAR LDAN TE, NYON MONGS PA RNAMS KYI RGYUN 'CHAD PA'I DUS NA GDON MI ZA BAR BTANG SNYOMS KYI DBANG PO KUN DU GNAS SO, ,YANG GONG MA PA RNAMS DANG JI LTAR MTSUNGS PAR LDAN ZHE NA, SMRAS PA, RANG RANG DANG, GONG MA'I SA PA JI BZHIN, SA GONG MA PA'I PHRA RGYAS RNAMS NI SA GANG DAG NA DBANG PO JI SNYED CIG YOD PA RANG RANG GI DBANG PO RNAMS DANG MTSUNGS PAR LDAN TE, DE DAG TU CI RIGS PAR RNAM PAR SHES PA'I TSOGS BZHI PA RNAMS NI RNAM PAR SHES PA'I TSOGS BZHI PA RNAMS DANG MTSUNGS PAR LDAN NO, ,YID KYI SA PA NI YID KYI SA PA RNAMS DANG MTSUNGS PAR LDAN NO, ,NYON MONGS PA RNAMS DBANG PO DANG MTSUNGS PAR LDAN PA BSHAD ZIN TO, ,NYE BA'I NYON MONGS PA RNAMS NI, YID MI BDE DANG 'GYOD PA DANG, ,PHRAG DOG KHRO DANG RNAM 'TSE DANG, ,KHON DU 'DZIN DANG 'CHAB PA DANG, ,MTSUNGS PAR LDAN PA ZHES BYA BAR SBYAR TE, SKYO BA'I RNAM PAR GNAS PA DANG, DE DAG NI YID KYI SA PA YIN PA'I PHYIR RO, ,SER SNA DAG NI BZLOG PA'O, ,YID BDE BA DANG MTSUNGS PAR LDAN PA ZHES BYA BA'I THA TSIG STE, CHAGS PA'I RGYU LAS BYUNG BA'I DGA' BA'I RNAM PAR GNAS PA'I PHYIR RO, ,G-YO DANG SGYU DANG RGYAGS 'CHAB GNYID, ,GNYI GA DANG STE, YID BDE BA DANG YID MI BDE BA GNYI GA DANG MTSUNGS PAR LDAN TE, RES 'GA' NI YID BDE BAS GZHAN LA SLU BAR BYED DO, ,RES 'GA' NI YID MI BDE BAS SLU BAR BYED DE, @209A *, ,GNYID KYI BAR DU YANG DE BZHIN NO, ,DE DAG DANG, RGYAGS PA DANG, BSAM GTAN GSUM PA NA NI BDE BA DANG MTSUNGS PAR LDAN NO, ,MAN CHAD NI YID BDE BA DANG MTSUNGS PAR LDAN NO, ,YAN CHAD NI BTANG SNYOMS DANG MTSUNGS PAR LDAN TE, 'DI LTAR, BTANG SNYOMS KUN DU 'GRO; ,THAMS CAD BTANG SNYOMS DANG MTSUNGS PAR LDAN TE, DE NI MA RIG PA BZHIN DU GANG DU'ANG DGAG PAR BYED DO, ,BZHI PO GZHAN NI LNGA DAG DANG, ,NGO TSA MED PA DANG, KHREL MED PA DANG, RMUGS PA DANG, RGOD PA DANG, KUN NAS DKRIS PA BZHI PO DE DAG NI MI DGE BA'I SA MANG PO PA YIN PA'I PHYIR BA DANG, NYON MONGS PA'I SA MANG PO PA YIN PA'I PHYIR DBANG PO LNGA CHAR DANG YANG MTSUNGS PAR LDAN NO, ,MDO LAS 'DOD PA'I 'DUN PA DANG, GNOD SEMS DANG, RMUGS PA DANG GNYID DANG RGOD PA DANG, 'GYOD PA DANG, THE TSOM DANG SGRIB BA LNGA GSUNGS PA GANG YIN PA DE LA, CI KHAMS GSUM PA RNAMS KYI RMUGS PA DANG RGOD PA GZUNG NGAM 'ON TE 'DOD PA DANG LDAN PA 'BA' ZHIG GZUNG ZHE NA, 'DI SKAD DU MI DGE BA'I PHUNG PO MA 'DRES PA NI 'DI YIN TE, 'DI LTA STE SGRIB PA LNGA'O ZHES 'BYUNG BAS GCIG TU MI DGE BA 'BYUNG BA'I PHYIR 'DOD PA'I SGRIB PA KHAMS GZHAN DAG NA MA YIN NO, ,CI'I PHYIR RMUGS PA DANG GNYID GNYIS KYANG SGRIB PA GCIG TU BSHAD LA, RGOD PA DANG 'GYOD PA GNYIS KYANG BSHAD CE NA, MI MTHUN DANG, ZAS DANG BYA BA GCIG PA'I PHYIR, ,GNYIS GCIG ,GNYIS KYI GCIG YIN PAS NA GCIG GO, ,MI MTHUN PA DANG GNYEN PO DANG ZAS MA YIN PA ZHES BYA BA NI DON GCIG GO, ,MDO LAS RMUGS PA DANG GNYID GNYIS KYI NI ZAS KYANG GCIG ,ZAS MA YIN PA YANG GCIG TU GSUNGS TE, RMUGS PA DANG GNYID KYI SGRIB PA'I ZAS CI ZHIG CE NA, CHOS LNGA STE, RMYA BA DANG, MI DGA' BA DANG, BYA RMYANG DANG, KHA ZAS MNYAM PA DANG, SEMS ZHUM PA'O,, RMUGS PA DANG, GNYID KYI SGRIB PA'I ZAS MA YIN PA CI ZHIG YIN CE NA, SNANG BA YID LA BYED PA'O, ,'DI GNYIS KYI BYA BA YANG GCIG STE, 'DI GNYIS KYANG SEMS ZHUM PAR BYED PA'O, ,RGOD PA DANG 'GYOD PA GNYIS KYANG GCIG STE, RGOD PA DANG 'GYOD PA'I ZAS NI CI ZHIG CE NA, CHOS BZHI STE, @209B GNYEN GYI RNAM PAR RTOG PA DANG, YUL GYI MI'I RNAM PAR RTOG PA DANG, MI 'CHI BA'I RNAM PAR RTOG PA DANG, ROGS SNYING DANG, DGOD PA DANG, RTZES PA DANG, DGA' BA DANG YONGS SU SBYAD PA RJES SU DRAN PA YIN NO, ,RGOD PA DANG 'GYOD PA'I SGRIB PA'I ZAS MA YIN PA CI ZHIG CE NA, ZHI GNAS YIN NO, , 'DI GNYIS KYI BYA BA YANG GCIG STE, 'DI GNYIS KAS KYANG SEMS NYE BAR ZHI BAR MI BYED DE, DE'I PHYIR MI MTHUN PA DANG ZAS DANG BYA BA GCIG PA'I PHYIR GNYI GA GCIG NYID DU BSHAD DO, ,GANG GI TSE NYON MONGS PA THAMS CAD KYANG SGRIB PA NYID YIN NA, CI'I PHYIR NA LNGA NYID DU BSHAD CE NA, PHUNG PO GEGS BYED DANG, THE TSOM PHYIR NA LNGA NYID DO, ,'DOD PA'I 'DUN PA DANG, GNOD SEMS GNYIS KYIS NI TSUL KHRIMS KYI PHUNG PO LA GEGS BYED DO, ,RMUGS PA DANG GNYID GNYIS KYIS NI SHES RAB KYI PHUNG PO LA GEGS BYED DO, ,RGOD PA DANG 'GYOD PAS NI TING NGE 'DZIN GYI PHUNG PO LA GEGS BYED DO, ,TING NGE 'DZIN DANG SHES RAB MED NA, BDEN PA DAG LA THE TSOM ZA BAR 'GYUR BAS DE'I PHYIR LNGA NYID DU BSHAD DO, ,'DI DPYAD PAR BYA STE, SKAL BA MI MNYAM PA'I KHAMS SU KUN DU 'GRO BA RNAMS DANG, 'GOG PA DANG LAM MA THONG BAS SPANG BAR BYA BA ZAG PA DANG BCAS PA LA DMIGS PA RNAMS GANG GI TSE DMIGS PA YONGS SU SHES PA DE'I TSE NI MI SPONG LA, GANG GI TSE SPONG BA DE'I TSE NI DMIGS PA YONGS SU MI SHES NA JI LTAR DE DAG SPONG BA YIN ZHE NA, DMIGS PA YONGS SU SHES PAS GDON MI ZA BAR NYON MONGS PA RNAMS ZAD PA NI MA YIN NO, ,'O NA JI LTA BU ZHE NA, RNAM PA BZHI BSHAD PA YIN TE, RNAM PA BZHI PO GANG DAG GIS SHE NA, RE ZHIG MTHONG BAS SPANG BAR BYA BA RNAMS NI, DMIGS PA YONGS SU SHES PA DANG, DE LA DMIGS PA YANG DAG PAR, ,ZAD DANG DMIGS PA SPANGS PAS SO, ,DE DMIGS PA YONGS SU SHES PAS NI SDUG BSNGAL DANG KUN 'BYUNG MTHONG BAS SPANG BAR BYA BA RANG GI SA LA DMIGS PA RNAMS DANG, 'GOG PA DANG LAM MTHONG BAS SPANG BAR BYA BA ZAG PA MED PA LA DMIGS PA RNAMS ZAD PAR 'GYUR RO, ,DE LA DMIGS PA YANG DAG PAR ZAD PAS NI SKAL BA MI MNYAM PA'I KHAMS SU KUN DU 'GRO BA RNAMS ZAD @210A *, ,PAR 'GYUR TE, DE LA DMIGS PA NI SKAL BA MI MNYAM PA'I KHAMS SU KUN DU 'GRO BA RNAMS YIN PAS, DE DAG SPANGS NA DE DAG KYANG SPANGS PA YIN NO, ,DMIGS PA SPANGS PAS NI 'GOG PA DANG LAM MTHONG BAS SPANG BAR BYA BA ZAG PA DANG BCAS PA LA DMIGS PA RNAMS ZAD PAR 'GYUR TE, ZAG PA MED PA LA DMIGS PA DE DAG GI DMIGS PA YIN PAS DE'I PHYIR DE DAG SPANGS NA DE DAG KYANG SPANGS PA YIN NO, ,BSGOM PAS SPANG BAR BYA BA RNAMS NI, GNYEN PO SKYES NAS ZAD PAR 'GYUR, ,NYON MONGS PA'I RNAM PA GANG GI GNYEN PO GANG YIN PA LAS SKYES NA DES DE SPONG BAR BYED DO, GANG GI GNYEN PO YANG GANG ZHIG CE NA, CHEN PO'I CHEN PO NI CHUNG NGU'I CHUNG NGU ZHES BYA BA STE, RGYAS PAR NI 'OG NAS BSHAD PAR BYA'O, ,GNYEN PO YANG RNAM PA DU ZHIG CE NA, SMRAS PA, GNYEN PO RNAM BZHI SPONG BA DANG, ,GZHI DANG RING PA NYID DANG NI, ,SUN 'BYIN ZHES BYA, SPONG BA'I GNYEN PO NI BAR CHAD MED PA'I LAM MO, ,GZHI'I GNYEN PO NI DE YAN CHAD KYI LAM GANG YIN PA STE, GANG GIS DE THOB PA'I 'BRAS BU KUN DU 'DZIN PA'O, ,RING BA NYID KYI GNYEN PO NI RNAM PAR GROL BA'I LAM LAS GONG MA'I LAM GANG YIN PA STE, RNYED PA CHAD PA RING DU BYED PA'I PHYIR RO, ,RNAM PAR SUN 'BYIN PA'I GNYEN PO NI LAM GANG GIS KHAMS DE LA SKYON DU MTHONG NAS RNAM PAR SUN 'BYIN PAR BYED PA'O, ,NYON MONGS PA SPANGS NAS GANG LAS SPANG BAR BYA ZHE NA, DMIGS PA LAS, NYON MONGS PA NI SPANG BYAR 'DOD, ,MTSUNGS PAR LDAN PA NI NYON MONGS PA RNAM PAR DBYE BAR MI NUS KYI, DMIGS PA LAS NI NUS TE, YANG DE LA DMIGS NAS MI SKYE BA'O, ,JI TZAM GYIS NA NYON MONGS PA SPANGS PA ZHES BRJOD CE NA, RANG GI RGYUD LA YOD PA'I THOB PA CHAD PA DANG, GZHAN GYI RGYUD LA YOD PA'I NYON MONGS PA RNAMS DANG, GZUGS THAMS CAD NYON MONGS PA MA YIN PA'I CHOS DE DAG LA DMIGS PA'I NYON MONGS PA RANG GI RGYUD LA YOD PA SPANGS PA'O, ,RING BA NYID CES BYA BA RING BA NYID RNAM PA DU ZHIG CE NA, RING BA NYID RNAM PA BZHI ZHES GRAG STE, MTSAN NYID MI MTHUN MI MTHUN PHYOGS, ,YUL DANG DUS RNAMS CHAD PA STE, ,'BYUNG DANG TSUL KHRIMS PHYOGS DANG NI, ,DUS GNYIS RING BA NYID LTA BU'O, ,MTSAN NYID RING BA NYID NI 'DI LTA STE, 'BYUNG BA CHEN PO RNAMS LHAN CIG SKYES @210B PA YIN YANG MTSAN NYID MI MTHUN PA'I PHYIR RING BA NYID DO, ,GNYEN PO RING BA NYID NI 'DI LTA STE, 'CHAL PA'I TSUL KHRIMS LAS TSUL KHRIMS RING BA NYID DO, ,YUL RING BA NYID NI 'DI LTA STE, BSKAL BA'I YUL RNAMS, YUL RNAM PAR CHAD PA LAS RING BA NYID DE SHAR DANG NUB KYI RGYA MTSO BZHIN NO, , DUS RING BA NYID NI 'DI LTAR 'DAS PA DANG MA 'ONGS PA NI RING NGO ZHES BYA BA STE, DE GANG LAS RING ZHE NA, DA LTAR LAS RING BA NYID DO, ,CI LAS KHYAD PAR DU 'GRO BA'I PHYIR NYON MONGS PA RNAMS KYI SPONG BA YANG, YANG DANG YANG DU KHYAD PAR DU 'GRO BA YIN NAM ZHE NA, DE NI MED DE, DE DAG NYON MONGS PA RNAMS NI, ZAD PA LAN CIG ,GANG GIS SPONG BA'I LAM GANG YIN PA DE NYID KYIS DE ZAD PAR BYED DO, ,DE DAG GI ,BRAL BA'I THOB PA YANG DANG YANG, ,DUS DU ZHIG TU ZHE NA, SMRAS PA, DUS DRUG DAG TU STE, GNYEN PO SKYES DANG 'BRAS THOB DANG, ,DBANG PO RNAM PAR RGYAS RNAMS SU, , 'DIR NI GNYEN PO RNAM PAR GROL BA'I LAM YIN PAR DGONGS PA'O, ,'BRAS BU NI DGE SBYONG GI 'BRAS BU BZHI RNAMS SO, ,DBANG PO RNAM PAR RGYAS PA NI DBANG PO 'PHO BA STE, DUS DE DAG TU NYON MONGS PA DANG BRAL BA'I THOB PA'O, ,DE DAG KYANG 'DI LTAR LA LA NI DUS DRUG DAG TU'O, ,LA LA NI GNYIS KYI BAR DU STE CI RIGS PAR BLTA BAR BYA'O, ,BRAL BA DE NYID GNAS SKABS DE DANG DE DAG TU YONGS SU SHES PA ZHES BYA BA'I MING 'THOB BO, ,YONGS SU SHES PA GNYIS TE, YE SHES KYI YONGS SU SHES PA DANG, SPONG BA'I YONGS SU SHES PA'O, ,DE LA YE SHES KYI YONGS SU SHES PA NI; ZAG PA MED PA'I YE SHES SO, ,SPONG BA'I YONGS SU SHES PA NI SPONG BA NYID DE 'BRAS BU LA RGYU BTAGS PA'I PHYIR RO, ,CI SPONG BA THAMS CAD YONGS SU SHES PA GCIG 'BA' ZHIG YIN NAM ZHE NA SMRAS PA, MA YIN NO, ,'O NA JI LTAR ZHE NA, YONGS SU SHES PA DGU DE LA RE ZHIG, 'DOD PA'I, DANG PO RNAM GNYIS ZAS LA GCIG, 'DOD PA'I KHAMS DAG GI DANG PO'I RNAM PA GNYIS TE, SDUG BSNGAL DANG KUN 'BYUNG MTHONG BAS SPANG BAR BYA BA SPONG BA'I YONGS SU SHES PA NI GCIG YIN NO, ,DE DAG GNYIS NI ZAD GNYIS SO, ,'DOD PA'I KHAMS DAG GI 'GOG @211A *, ,PA MTHONG BAS SPANG BAR BYA BA'I RNAM PA YONGS SU SHES PA NI GCIG YIN, LAM MTHONG BAS SPANG BAR BYA BA'I YANG GCIG GO, ,JI LTAR 'DOD PA NA SPYOD PA MTHONG BAS SPANG BAR BYA BA RNAMS SPONG BA'I YONGS SU SHES PA GSUM YIN PA LTAR DE BZHIN GONG MA'I GSUM NYID DO, ,DE BZHIN DU GZUGS DANG GZUGS MED PA NA SPYOD PA MTHONG BAS SPANG BAR BYA BA RNAMS SPONG BA'I YONGS SU SHES PA NI GSUM YIN TE, SDUG BSNGAL DANG KUN 'BYUNG MTHONG BAS SPANG BAR BYA BA RNAMS SPONG BA'I YONGS SU SHES PA NI GCIG GO, ,'GOG PA MTHONG BAS SPANG BAR BYA BA RNAMS SPANG BA'I YONGS SU SHES PA NI GNYIS PA'O, ,LAM MTHONG BAS SPANG BAR BYA BA RNAMS SPONG BA'I YONGS SU SHES PA NI GSUM PA STE, DE LTAR NA KHAMS GSUM PA'I MTHONG BAS SPANG BAR BYA BA RNAMS SPONG BA'I YONGS SU SHES PA NI DRUG YIN NO, ,GZHAN YANG YONGS SU SHES PA GSUM STE, THA MA'I CHA MTHUN DANG GZUGS DANG, ,ZAG PA KUN ZAD, THA MA'I CHA DANG MTHUN PA SPONG BA LA YONGS SU SHES PA GCIG GO, ,GZUGS KYI ZAG PA SPONG BA LA GCIG STE, GZUGS KYI 'DOD CHAGS ZAD PA'I YONGS SU SHES PA'O, ,ZAG PA THAMS CAD SPONG BA LA GCIG STE, KUN DU SBYOR BA THAMS CAD SPONG BA'I YONGS SU SHES PA'O, ,CI'I PHYIR GZUGS DANG GZUGS MED PA NA SPYOD PA BSGOM PAS SPANG BAR BYA BA RNAMS SPONG BA'I YONGS SU SHES PA NI THA DAD LA, MTHONG BAS SPANG BAR BYA BA RNAMS KYI NI MA YIN ZHE NA, BSGOM PAS SPANG BAR BYA BA RNAMS KYI GNYEN PO NI MI 'DRA BA'I PHYIR TE, DE LTAR YONGS SU SHES PA NI DE DGU YIN NO, ,DE DAG LAS SNGA MA, DRUG BZOD 'BRAS, MTHONG BAS SPANG BAR BYA BA'I NYON MONGS PA SPONG BA'I RANG BZHIN GANG YIN PA'O, ,LHAG MA RNAMS NI SHES PA YI, ,THA MA'I CHA DANG MTHUN PA SPONG BA LA SOGS PA'I YONGS SU SHES PA STE, BSGOM PA'I LAM GYI 'BRAS BU YIN PA'I PHYIR RO, ,JI LTAR NA BZOD PA'I 'BRAS BU YONGS SU SHES PA YIN ZHE NA, SHES DANG 'BRAS BU GCIG PA'I PHYIR BA DANG, BZOD PA RNAMS NI SHES PA'I 'KHOR YIN PA'I PHYIR TE, RGYAL PO'I 'KHOR LA RGYAL PO ZHES 'DOGS PA BZHIN NO, ,MI LCOGS MED 'BRAS THAMS CAD DO, ,BSAM GTAN @211B RNAMS KYI LNGA'AM BRGYAD, ,BYE BRAG TU SMRA BA'I LUGS KYI NI BSAM GTAN GYI DNGOS GZHI'I 'BRAS BU YONGS SU SHES PA LNGA STE, GZUGS DANG GZUGS MED PA NA SPYOD PA'I NYON MONGS PA SPONG BA'I RANG BZHIN GANG YIN PA RNAMS SO, ,'DOD PA NA SPYOD PA'I NYON MONGS PA SPONG BA NI MI LCOGS PA MED PA'I 'BRAS BU YIN PA'I PHYIR RO, ,BTZUN PA DBYANGS SGROGS KYI LUGS KYIS NI BRGYAD DE, DE NI 'DOD CHAGS DANG BRAL BA YIN YANG BRAL BA ZAG PA MED PA'I THOB PA RNYED PA'I PHYIR 'DOD PA NA SPYOD PA'I MTHONG BAS SPANG BAR BYA BA RNAMS SPONG BA NI MTHONG BA'I LAM GYI 'BRAS BUR 'DOD DO, ,THA MA'I CHA DANG MTHUN PA SPONG BA'I YONGS SU SHES PA NI MI LCOGS PA MED PA'I 'BRAS BU NYID YIN NO, ,BSAM GTAN KHYAD PAR CAN YANG BSAM GTAN BZHIN DU BLTA BAR BYA'O, ,GZUGS MED PA RNAMS KYI NI, NYE BAR BSDOGS PA'I GCIG YIN TE, ,NAM MKHA' MTHA' YAS SKYE MCHED LA NYE BAR BSDOGS PA'I 'BRAS BU NI GCIG NYID DE; GZUGS KYI 'DOD CHAGS DANG BRAL BA'I YONGS SU SHES PA'O, ,GZUGS MED DNGOS GZHI GSUM GYI YANG, ,GZUGS MED PA'I DNGOS GZHI GSUM GYI 'BRAS BU YANG GCIG NYID DE, KUN DU SBYOR BA THAMS CAD YONGS SU GTUGS PA'I YONGS SU SHES PA'O, ,'PHAGS PA'I LAM GYI THAMS CAD DANG, ,'BRAS BU YONGS SU SHES PA DGU CHAR RO, ,'JIG RTEN PA'I GNYIS, 'JIG RTEN PA'I LAM GYI 'BRAS BU NI GNYIS TE, THA MA'I CHA DANG MTHUN PA DANG GZUGS KYI 'DOD CHAGS ZAD PA'I YONGS SU SHES PA'O, ,RJES KYI YANG, RJES SU SHES PA'I 'BRAS BU YANG YONGS SU SHES PA THA MA GNYIS SO, ,CHOS SHES PA'I GSUM YIN TE, THA MA NYID DE KHAMS GSUM PA'I BSGOM PAS SPANG BAR BYA BA'I GNYEN PO YIN PA'I PHYIR RO, ,DE YI PHYOGS KYI DRUG DANG LNGA, ,CHOS SHES PA'I PHYOGS KYI 'BRAS BU NI YONGS SU SHES PA DRUG STE, CHOS KYI BZOD PA DANG, SHES PA RNAMS KYI GANG YIN PA NYID DO, ,RJES SU SHES PA'I PHYOGS KYI NI LNGA STE, RJES SU BZOD PA DANG, SHES PA RNAMS KYI GANG YIN PA DAG NYID DO, ,PHYOGS SMOS PAS NI BZOD PA DANG, ,SHES PA RNAMS BSDUS PA YIN NO, ,CI'I PHYIR SPONG BA RE RE ZHING YANG YONGS SU SHES PA RNAM PAR MI GZHAG CE NA, 'DI LTAR RE @212A *, ,ZHIG BZOD PA'I 'BRAS BUR RNAM PAR GZHAG PA NI, BRAL BA ZAG MED THOB PA DANG, SRID PA'I RTZE MO BCOM PA DANG, ,RGYU GNYIS YANG DAG BCOM PA DANG, ,YONGS SHES, GANG LA RGYU 'DI GSUM YOD DE SPONG BA'I YONGS SU SHES PA ZHES BYA STE, RE ZHIG SO SO'I SKYE BO LA NI BRAL BA'I THOB PA ZAG PA MED PA DANG, SRID PA'I RTZE MO 'JOMS PAR BYED PA MED PAS DES SPONG BA'I YONGS SU SHES PA ZHES BYA BA'I MING MI 'THOB BO, ,'PHAGS PA LA YANG BZOD PA'I 'BRAS BU SPONG BA GANG YIN PA NI, DE JI SRID DU SDUG BSNGAL LA RJES SU SHES PA'I BZOD PA DAG LA NI BRAL BA'I THOB PA ZAG PA MED PA YOD MOD KYI SRID PA'I RTZE MO NI MA BCOM MO, ,SDUG BSNGAL LA RJES SU SHES PA NI GNYI GA YANG YOD MOD KYI, KUN 'BYUNG MTHONG BAS SPANG BAR BYA BA KUN TU 'GRO BA'I RGYU MA SPANGS PA'I PHYIR RGYU GNYIS YANG DAG PAR BCOM PA NI MA YIN NO, ,CHOS DANG RJES SU SHES PA GZHAN DAG LA NI GSUM PO THAMS CAD YOD PAS DE'I PHYIR GNAS SKABS DE DANG DE DAG DU SPONG BA'I YONGS SU SHES PA'I MING 'THOB BO, ,SHES PA'I 'BRAS BU SPONG BA YANG DE DANG 'DRA BAS, DE BAS NA RGYU GSUM GYI PHYIR YANG YONGS SU SHES PA'I MING 'THOB PA LA BZHI PA LA NI, KHAMS LAS 'DAS PA'I PHYIR, GANG GI TSE KHAMS LAS YANG DAG PAR 'DA' BA NA, KHAMS MTHA' DAG LA 'DOD CHAGS DANG BRAL BA'I PHYIR RO, ,GANG ZHIG YONGS SU SHES PA DU ZHIG DANG LDAN ZHE NA, MTHONG LA GNAS PA GCIG MIN DANG, ,LNGA YI BAR DANG YANG DAG LDAN, ,RE ZHIG SO SO'I SKYE BO DANG NI MI LDAN PA NYID DO, ,MTHONG BA'I LAM LA GNAS PA'I 'PHAGS PA YANG JI SRID DU KUN 'BYUNG LA CHOS SHES PA'I BZOD PA LA GNAS PA DANG NI MI LDAN PA NYID DO, ,KUN 'BYUNG LA CHOS SHES PA NI GCIG DANG LDAN NO, ,KUN 'BYUNG LA RJES SU SHES PA NI GNYIS DANG LDAN NO, ,'GOG PA LA CHOS SHES PA NI GSUM DANG LDAN NO, ,'GOG PA LA RJES SU SHES PA NI BZHI DANG LDAN NO, , LAM LA CHOS SHES PA NI LNGA DANG LDAN NO, ,BSKOM PA LA GNAS DRUG GAM NI, ,GCIG GAM YANG NA GNYIS DANG NGO, ,'PHAGS PA'I GANG ZAG BSGOM PA'I LAM LA RJES SU SHES PA NI JI SRID DU 'DOD CHAGS DANG BRAL BA MA THOB PA'AM, DE LAS YONGS SU NYAMS PA NI YONGS SU SHES PA DRUG DANG LDAN NO, ,SNGAR @212B RAM PHYIS 'DOD PA'I 'DOD CHAGS DANG BRAL BA THOB PA ZHIG NA NI GCIG DANG LDAN TE, THA MA'I CHA DANG MTHUN PA SPONG BA YONGS SU SHES PA DANG NGO, ,DGRA BCOM PA NYID THOB NA YANG GCIG DANG LDAN TE, KUN DU SBYOR BA THAMS CAD YONGS SU GTUGS PA'I YONGS SU SHES PA NYID DANG NGO, ,GZUGS NA SPYOD PA'I KUN NAS DKRIS PAS YONGS SU NYAMS NA YANG GCIG DANG LDAN TE, THA MA'I CHA DANG MTHUN PA SPONG BA'I YONGS SU SHES PA NYID DANG NGO, ,GZUGS LA 'DOD CHAGS DANG BRAL BA THOB NA NI GNYIS DANG LDAN NO, ,THA MA'I CHA DANG MTHUN PA SPONG BA DANG, GZUGS KYI 'DOD CHAGS ZAD PA'I YONGS SU SHES PA DANG NGO; ,GZUGS MED PA NA SPYOD PA'I KUN NAS DKRIS PAS YONGS SU NYAMS NA DE GNYIS DANG LDAN TE, CI'I PHYIR PHYIR MI 'ONG BA DANG DGRA BCOM PA LA YANG YONGS SU SHES PA GCIG NYID DU RNAM PAR GZHAG LA, MANG DU NI MA YIN ZHE NA, GANG GI PHYIR, KHAMS LA 'DOD CHAGS BRAL BA DANG, 'BRAS BU THOB PHYIR DE DAG BSDOMS, ,KHAMS LA 'DOD CHAGS DANG BRAL BA DANG, 'BRAS BU THOB PA DANG RGYU GNYIS KYIS YONGS SU SHES PA RNAMS BSDOMS PA YIN TE, GCIG TU RNAM PAR GZHAG LA GNAS SKABS DE GNYIS NA NI 'DI GNYI GA SRID PAS DE'I PHYIR, SPONG BA THAMS CAD BSDOMS TE YONGS SU SHES PA GCIG CES BYA'O, ,YANG GANG ZHIG GIS YONGS SU SHES PA DU ZHIG YONGS SU BTANG NGAM 'THOB CE NA, LA LA GCIG GNYIS LNGA DANG DRUG ,GTONG STE THOB PA LNGA MA YIN, ,DGRA BCOM PA NYID DAM 'DOD PA'I 'DOD CHAGS DANG BRAL BA LAS YONGS SU NYAMS NA GCIG GTONG NGO, ,PHYIR MI 'ONG BA'I GZUGS KYI 'DOD CHAGS DANG BRAL BA ZHIG 'DOD PA'I 'DOD CHAGS DANG BRAL BA LAS YONGS SU NYAMS NA YONGS SU SHES PA GNYIS GTONG NGO, ,LAM LA RJES SU SHES PA SNGON 'DOD CHAGS DANG BRAL BA ZHIG YIN NA LNGA GTONG STE, DE NI THA MA'I CHA DANG MTHUN PA SPONG BA'I YONGS SU SHES PA THOB NA SNGA MA'I YONGS SU SHES PA LNGA GTONG NGO, ,MTHAR GYIS 'DOD PA LAS 'DOD CHAGS DANG BRAL BAR BYED NA NI YONGS SU SHES PA DRUG GTONG NGO, ,DE BZHIN DU 'THOB PA YANG LA LA NI YONGS SU SHES PA GCIG 'THOB STE, GANG LA LA ZHIG GIS SNGON MA THOB PA LAS THOB PA'O, ,LA LAS NI GNYIS 'THOB STE,, @213A *, ,GZUGS MED PA'I KHAMS KYI 'DOD CHAGS DANG BRAL BA LAS YONGS SU NYAMS PA'O, ,KHA CIG GIS NI DRUG 'THOB STE, GANG ZHIG GIS PHYIR MI 'ONG BA'I 'BRAS BU GANG YIN PA LAS YONGS SU NYAMS PA'O, ,LNGA THOB PA NI 'GA' YANG MED DO, ,CHOS MNGON PA MDZOD KYI 'GREL BA MDO DANG MTHUN PA LAS PHRA RGYAS BSTAN PA ZHES BYA BA MDZOD KYI GNAS LNGA PA'O,, ,,JI SKAD DU SPONG BA NI YONGS SU SHES PA'I MING 'THOB BO ZHES BSHAD LA, DE YANG, BDEN PA MTHONG DANG BSGOM PA LAS, ,NYON MONGS SPONG BA ZHES BSHAD DE, ,MTHONG BAS SPANG BAR BYA BA DANG, BSGOM PAS SPANG BAR BYA BA'I NYON MONGS PA RNAMS ZHES RGYAS PAR BSHAD PA YIN NO, ,DA NI MTHONG BA DANG BSGOM PA'I LAM GNYIS KYANG CI ZAG PA MED PA'AM ZAG PA DANG BCAS PA ZHES BRJOD PAR BYA ZHE NA, DE CI'I PHYIR 'DI SKAD CES BRJOD DE, BSGOM PA'I LAM NI RNAM GNYIS TE; ,MTHONG BA ZHES BYA ZAG PA MED, ,BSGOM PA'I LAM NI RNAM PA GNYIS TE, 'JIG RTEN PA DANG 'JIG RTEN LAS 'DAS PA'O, ,MTHONG BA'I LAM NI KHAMS GSUM PA'I GNYEN PO YIN PA DANG, MTHONG BAS SPANG BAR BYA BA'I RNAM PA DGU CIG CAR DU SPONG BA'I PHYIR 'JIG RTEN LAS 'DAS PA NYID YIN GYI 'JIG RTEN PA LA NI DE 'DRA BA'I MTHU MED DO, ,BDEN PA MTHONG BA LAS ZHES BSHAD NA, BDEN PA RNAMS KYANG GANG ZHIG YIN ZHE NA, BDEN PA DAG NI BZHIR BSHAD DO, ,GANG DU BSHAD CE NA ZAG PA DANG BCAS PA DANG, ZAG PA MED PA BSTAN PA'I SKABS SU, ZAG MED LAM GYI BDEN PA DANG, ,ZHES LAM GYI BDEN PA RANG GI MING GIS BSTAN TO, ,SO SOR BRTAGS PA'I 'GOG PA GANG, ,'BRAL LA ZHES 'GOG PA'I BDEN PA BSTAN TO, ,DE DAG SDUG BSNGAL KUN 'BYUNG DANG, ,'JIG RTEN ZHES BYA BA DER SDUG BSNGAL DANG KUN 'BYUNG GI BDEN PA BSTAN TO, ,CI DE DAG GI RIM PA 'DI LTAR RAM ZHE NA, SMRAS PA MA YIN NO, , 'O NA CI LTA BU YIN ZHE NA, SDUG BSNGAL KUN 'BYUNG DE BZHIN DU, ,'GOG DANG LAM STE DE LTAR RO, ,DE DAG GI RIM PA NI DE LTA'O, ,RANG BZHIN NI SNGAR JI SKAD DU BSHAD PA DE BZHIN NO ZHES RAB TU BSTAN PA'I PHYIR DE BZHIN ZHES BYA BA'I SGRA SMOS SO, ,DE YANG, DE DAG CI LTAR MNGON RTOGS RIM,, @213B BDEN PA GANG ZHIG SNGAR MNGON PAR RTOGS PA DE SNGAR BSTAN GYI, DE LTA MA YIN NA RGYU NI SNGAR BSTAN LA 'BRAS BU NI BYIS BSTAN PAR 'GYUR RO, ,CI'I PHYIR BDEN PA RNAMS 'DI LTAR MNGON PAR RTOGS SHE NA, GANG LA CHAGS PA DANG, GANG GIS GNOD PAR BYED PA DANG, GANG LAS THAR PAR DON DU GNYER BA DANG, DANG PO'I DE NYID LA RNAM PAR DPYOD PA'I GNAS SKABS SU SDUG BSNGAL GYI BDEN PA LA YONGS SU RTOG GO, ,PHYIS 'DI'I RGYU NI GANG ZHIG YIN ZHES KUN 'BYUNG GI BDEN PA DANG, 'DI'I 'GOG PA NI GANG ZHIG YIN ZHES 'GOG PA'I BDEN PA DANG, 'DI'I LAM NI GANG ZHIG YIN ZHES LAM GYI BDEN PA LA YONGS SU RTOG STE, NAD MTHONG BAS DE'I GZHI DANG ZAD PAR BYA BA DANG, SMAN TSOL BA BZHIN NO, ,MDO LAS KYANG BDEN BA RNAMS KYI DPE DE LTAR BSTAN TE, MDO GANG LAS SHE NA, YAN LAG BZHI DANG LDAN PA'I SMAN PA ZUG RNGU 'BYIN PA ZHES 'BYUNG BA DE LAS BSTAN TO, ,SNGAR 'PHANGS PA'I PHYIR RNAM PAR DPYOD PA'I GNAS SKABS SU BDEN PA RNAMS LA JI LTAR YONGS SU RTOG PA BZHIN DU MNGON PAR RTOGS PA'I GNAS SKABS SU YANG BDEN PA RNAMS DE BZHIN DU MNGON PAR RTOGS TE, SA MTHONG BA'I RTA THAGS THOGS MED PAR RGYUG PA BZHIN NO, ,MNGON PAR RTOGS PA ZHES BYA BA'I DON CI ZHE NA, MNGON PAR YANG DAG PAR BYANG CHUB PA'O, ,CI'I PHYIR ZAG PA MED PA NYID YIN GYI ZAG PA DANG BCAS PA MA YIN ZHE NA, DE NI MYA NGAN LAS 'DAS PA MNGON DU PHYOGS PA DANG, YANG DAG PAR BYANG CHUB BA STE, YANG DAG PAR ZHES BYA BA NI DE KHO NA NYID DU'O, ,GANG GI TSE TSOR BA'I PHYOGS GCIG SDUG BSNGAL GYI RANG BZHIN YIN PA DE'I TSE JI LTAR NA 'DU BYED ZAG PA DANG BCAS PA THAMS CAD SDUG BSNGAL ZHES BRJOD CE NA, YID 'ONG YID DU MI 'ONG DANG, DE LAS GZHAN ZAG BCAS RNAM NYID, ,SDUG BSNGAL NYID GSUM LDAN PA'I PHYIR, ,CI RIGS MA LUS SDUG BSNGAL LO, ,SDUG BSNGAL GSUM STE, ,SDUG BSNGAL BA'I SDUG BSNGAL NYID DANG, 'DU BYED KYI SDUG BSNGAL NYID DANG, RNAM PAR 'GYUR BA'I SDUG BSNGAL NYID DE, DE DAG GIS CI RIGS PAR 'DU BYED ZAG PA DANG BCAS PA MA LUS PAR SDUG BSNGAL BA YIN NO, ,DE LA YID DU 'ONG BA NI RNAM PAR 'GYUR BA'I SDUG BSNGAL GYI SDUG BSNGAL LO, ,YID DU MI 'ONG BA NI SDUG BSNGAL GYI @214A *, ,SDUG BSNGAL LO, ,DE LAS GZHAN BA NI 'DU BYED KYI SDUG BSNGAL GYI SDUG BSNGAL LO, ,'PHAGS PA'I LAM NI MA GTOGS TE, MI MTHUN PA NI SDUG BSNGAL GYI MTSAN NYID YIN BA'I PHYIR, 'PHAGS PA'I LAM NI SDUG BSNGAL MA YIN NO, ,YID DU 'ONG BA NI GANG DAG CIG YIN, YID DU MI 'ONG BA NI GANG DAG CIG YIN, GNYI GA MA YIN BA NI GANG DAG CIG YIN ZHE NA, TSOR BA GSUM DANG RIM BZHIN TE, ,DE'I DBANG GIS BDE BA MYONG BAR 'GYUR BA LA SOGS PA'I 'DU BYED KYANG YID DU 'ONG BA LA SOGS PA'I MING 'THOB BO, ,BCOM LDAN 'DAS KYIS BDEN PA BZHI ZHES KYANG GSUNGS, DON DAM PA'I BDEN BA DANG, KUN RDZOB KYI BDEN PA DANG, BDEN PA GNYIS ZHES KYANG GSUNGS NA DE GNYIS KYI MTSAN NYID CI ZHE NA, GANG GIS BCOM DANG BLO YIS GZHAN, ,BSAL BA DE'I BLO MI 'JUG BA, ,BUM CHU LTA BUR KUN RDZOB TU, ,DE YOD DON DAM YOD GZHAN NO, ,GANG ZHIG CHA SHAS SU BCOM NA DE'I BLO MI 'JUG PA DE NI KUN RDZOB TU YOD BA STE, DPER NA BUM PA LTA BU'O, ,DE NI GYO MOR BCOM NA BUM BA'I BLO MI 'JUG GO, ,GANG ZHIG GIS BLO CHOS GZHAN BSAL NA DE'I BLO MI 'JUG PA DE YANG KUN RDZOB TU YOD PAR RIG PAR BYA STE, DPER NA CHU LTA BU'O, ,DE LA NI BLOS GZUGS LA SOGS PA'I CHOS BSAL NA CHU'I BLO MI 'JUG GO, ,DE DAG NYID LA KUN RDZOB KYIS MING DER 'DOGS PAS KUN RDZOB KYI DBANG GIS BUM PA DANG CHU YOD DO ZHES BRJOD PA NA, BDEN BA NYID DO ZHES BRJOD KYI BRDZUN PA NI MA YIN NO ZHES BYA BA DE NI KUN RDZOB KYI BDEN PA'O, ,DE LAS GZHAN PA NI DON DAM PA'I BDEN PA STE, GANG ZHIG BCOM YANG RUNG BLO CHOS GZHAN BSAL YANG RUNG, DE'I BLO 'JUG PA DE NI DON DAM PA NYID DU YOD DE DPER NA GZUGS LTA BU'O, ,DE NA RDUL PHRA RAB TU BCOM LA BLOS GZUGS LA SOGS PA'I CHOS BSTZAL YANG, GZUGS KYI RANG BZHIN GYI BLO NI 'JUG PA NYID DO, ,DE BZHIN DU TSOR BA LA SOGS PA LA YANG SBYAR BAR BYA STE, DE DAG NI DON DAM PAR YOD PAS NA DON DAM PA'I BDEN PA'O, ,BDEN PA RNAMS BSHAD ZIN TO, ,JI LTAR NA DE DAG MTHONG BAR 'GYUR BA BRJOD PAR BYA STE, TSUL GNAS THOS DANG BSAM LDAN PA, ,BSGOM PA LA NI RAB TU SBYOR, ,BDEN PA RNAMS MTHONG BAR 'DOD PAS DANG BO NYID DU TSUL @214B KHRIMS SRUNG BAR BYED DO, ,DE NAS BDEN PA MTHONG BA DANG MTHUN PA'I THOS BA 'DZIN PA'AM DON NYAN PAR BYED DO, ,THOS NAS PHYIN CI MA LOG PAR SEMS PAR BYED DO, ,BSAMS NAS BSGOM PA'I TING NGE 'DZIN DAG LA RAB TU SBYOR TE, DE THOS BA LAS BYUNG BA'I SHES RAB LA BRTEN NAS BSAMS PA LAS 'BYUNG BA'I SHES RAB SKYE'O, ,BSAMS PA LAS 'BYUNG BA LA BRTEN NAS BSGOMS PA LAS BYUNG BA SKYE'O, ,SHES RAB DE DAG GI MTSAN NYID KYANG CI ZHE NA, THOS SOGS BYUNG BA BLO YI YUL, ,MING DANG DON DANG GNYI GA'O, ,MING LA DMIGS PA NI THOS BA LAS BYUNG BA'I SHES RAB BO ZHES GRAG GO, ,MING DANG DON GNYI GA LA DMIGS PA NI BSAMS PA LAS BYUNG BA'I SHES RAB STE, RES 'GA' NI YI GES DON 'DREN BAR BYED DO, ,RES 'GA' NI DON GYIS YI GE 'DREN PAR BYED DO, ,BSGOMS PA LAS BYUNG BA NI DON LA DMIGS PA NYID DE DE NI YI GE LA MI BRTEN PAR DON LA 'JUG GO, ,YANG DE LTAR BSGOMS PA LA RAB TU BRTZON PA DE JI LTAR NA BSGOMS PA RDZOGS BA YIN ZHE NA, SMRAS PA, BSRINGS GNYIS LDAN, GAL TE LUS DANG SEMS GNYIS KYIS BSRINGS PA YIN TE, 'DU 'DZI DANG MI DGE BA'I RNAM PAR RTOG PA THAG BSRINGS PA LAS SO, ,'O NA BSRINGS PA DE GNYIS KYANG SU ZHIG LA BYA BAR SLA BA YIN ZHE NA, 'DOD PA CHUNG BA DANG CHOG SHES PAS BYA BAR SLA'I CHOG MI SHES PA DANG, 'DOD CHEN CAN LA MA YIN NO, ,YANG CHOG MI SHES PA DE NI GANG ZHIG YIN, 'DOD CHEN CHE BA DE NI GANG ZHIG YIN ZHE NA, RNYED LA YANG SRED CHOG MI SHES, ,MA RNYED LA 'DOD 'DOD CHEN CAN, ,CHOS MNGON PA BA DAG NI CHOS GOS LA SOGS PA BZANG BO RNYED PA DANG, YANG DANG YANG DU 'DOD PA NI CHOG MI SHES PA'O, ,MA RNYED PA DE DAG 'DOD PA NI 'DOD CHEN CAN NO ZHES GRAGS GO, ,BZLOG BA DE YI GNYEN PO STE, ,CHOG MI SHES PA DANG 'DOD CHEN LAS BZLOG PA NI DE DAG GI GNYEN POR RIG PAR BYA STE, CHOG SHES PA DANG 'DOD PA CHUNG BA'O, ,DE GNYIS KHAMS GSUM GTOGS DRI MED, ,DE'I GNYEN PO ZHES BYA BAR SBYAR TE, GSUM DAG DANG MI LDAN BA NA YOD DO, ,CHOG MI SHES PA DANG 'DOD CHEN CAN NI 'DOD PA NA SPYOD PA NYID DO, ,YANG CHOG SHES PA DANG 'DOD PA CHUNG BA 'DI GNYIS KYI RANG BZHIN CI ZHIG YIN ZHE NA, MA CHAGS, ,'DI @215A *, ,GNYIS NI MA CHAGS PA'I RANG BZHIN YOD NA, 'PHAGS RIGS, MA CHAGS BA ZHES BYA BAR SBYAR TE, 'DI LA 'PHAGS PA RNAMS SKYE BAS NA 'PHAGS PA'I RIGS BZHI YIN TE, DE DAG KYANG MA CHAGS PA'I RANG BZHIN YIN NO, ,DE DAG LAS, GSUM NI CHOG SHES BDAG NYID DO, , DANG PO'I GSUM NI CHOG SHES PA'I RANG BZHIN YIN TE, CHOS GOS DANG BSOD SNYOMS DANG MAL STAN DAG GIS CHOG SHES PA DAG GO, ,'PHAGS PA'I RIGS BZHI BA NI SPONG BA DANG BSGOM PA LAS DGA' BA'O, ,DE JI LTAR MA CHAGS PA'I RANG BZHIN YIN ZHE NA, SRID PA DANG 'DOD PA'I 'DOD CHAGS LA RGYAB KYIS BLTAS PA'I PHYIR RO, ,YANG BCOM LDAN 'DAS KYIS 'PHAGS PA'I RIGS BZHIS CI ZHIG BSTAN CE NA, GSUM GYIS TSUL DE THA MA LAS, ,CHOS KYI MNGA' BDAG BCOM LDAN 'DAS KYIS RANG GI TSUL DANG LAS KYI MTHA' YONGS SU SPANGS SHING THAR PA DON DU GNYER BAS KHAS 'CHES PA'I SLOB MA DAG LA TSUL DANG LAS KYI MTHA' DANG GNYIS BCAS TE, 'PHAGS PA'I RIGS GSUM GYIS NI TSUL GSUM BCAS SO, ,BZHI BAS NI LAS BCAS SO, ,TSUL 'DI LAS 'DI BYED NA RING BO MI THOGS PAR THAR BA THOB BAR 'GYUR RO ZHES GSUNGS SO, ,CI'I PHYIR 'ANG 'DRI BA DANG LAS 'DI 'DRA BA BCAS SHE NA, SRED PA SKYE BA'I GNYEN PO'I PHYIR, MDO LAS SRED PA SKYE BA NI BZHIR GSUNGS TE, DGE SLONG SRED PA SKYE BA NA CHOS GOS DANG BSOD SNYOMS DANG MAL STAN GYI PHYIR SKYE'O, ,GNAS PA NA GNAS SO, ,MNGON PAR ZHEN PA NA ZHEN TO, ,DGE SLONG SRED BA SKYE BA NA SKYE BA DANG 'JIG BA LA SKYE'O ZHES BYA BA RGYA CHER GSUNGS SO, ,DE DAG GI GNYEN BOR 'PHAGS PA'I GNYEN PO RIM BZHIN BSTAN TO, ,NGA YIR BDAG 'DZIN DNGOS CHAGS PA, ,DE YI DNGOS DANG BZHI BZHI'I PHYIR, ,DON DE NYID RNAM GRANGS KYIS STON TE, NGA YIR 'DZIN PA'I DNGOS PO NI CHOS GOS LA SOGS PA'O, ,BDAG TU 'DZIN PA'I DNGOS PO NI LUS SO, , DE DAG LA 'DOD PA NI SRID PA'O, ,DE LA NGA YIR 'DZIN PA'I DNGOS PO LA 'DOD PA DE DUS SU ZHI BAR BYA BA'I PHYIR 'PHAGS PA'I RIGS GSUM BSTAN PA YIN NO, ,GNYI GA SHIN TU ZHI BAR BYA BA'I PHYIR BZHI PA BSTAN TO, ,JI LTAR NA, BSGOM PA RDZOGS PAR 'GYUR BA 'DI BSHAD ZIN TO, ,DE LTAR SNOD DU GYUR PA @215B DE JI LTAR NA BSGOM PA DE LA 'JUG PA YIN ZHE NA, DE LA 'JUG PA MI SDUG DANG, ,DBUGS RDUB 'BYUNG BA DRAN PA YIS, ,GANG DAG CIG NI MI SDUG PAS 'JUG ,GANG DAG CIG NI DBUGS RDUB PA DANG 'BYUNG BA DRAN PHAS 'JUG CE NA, RIM BZHIN DU, 'DOD CHAGS RNAM RTOG LHAG RNAMS KYIS, ,'DI DAG NI 'DOD CHAGS DANG, RNAM PAR RTOG PA LHAG BA NA, GANG ZHIG 'DOD CHAGS SPYAD PA SHIN TU NYE BA DE NI MI SDUG PAS 'JUG GO, ,GANG ZHIG RNAM PAR RTOG PA DPYOD PA DE NI DBUGS RDUB PA DANG 'BYUNG BA DRAN PAS 'JUG GO, ,KHA CIG NA RE SNA TSOGS LA DMIGS PA'I PHYIR DE NI RNAM PAR RTOG PA GCAD PA'I PHYIR YIN GYI, MI SDUG PA NI KHA DOG DANG DBYIBS KYI BYE BRAG LA DMIGS PA'I PHYIR RNAM PAR RTOG PA SKYED DO ZHES ZER RO, ,GZHAN DAG NA RE NI KHA NANG DU BLTAS PA'I PHYIR RO ZHES ZER TE, MI SDUG PA NI MIG GI RNAM PAR SHES PA BZHIN DU KHA PHYIR BLTAS PA YIN TE, DE'I YUL LA NYE BAR RTOGS BA'I PHYIR RO, ,DE LA 'DOD CHAGS NI RNAM PA BZHI STE, KHA DOG GI 'DOD CHAGS DANG DBYIBS KYI 'DOD CHAGS DANG, RIG PA'I 'DOD CHAGS DANG, NYE BAR SPYOD PA'I 'DOD CHAGS SO, ,DANG PO'I GNYEN BOR NI MI SDUG PA RNAM PAR BSNGOS BA LA SOGS PA LA DMIGS PA BRJOD DO, ,GNYIS PA NI RNAM PAR ZOS PA DANG, RNAM PAR 'THOR BA'O, ,GSUM BA NI RNAM PAR DBUS GZHIGS BA DANG, RGYUS BAS BRANG BRENG DU 'BREL BA'I KENG RUS LA DMIGS PA'O, ,BZHI PA NI SHI BA'I RO G-YO BA MED PA LA DMIGS PA'O, ,BYE BRAG MED PAR NI, CHAGS CAN KUN LA KENG RUS SO, ,RUS PA'I KENG RUS LA NI, CHAGS PA'I DNGOS PO 'DI BZHI CHAR MED DO, ,MOS PA DANG PHYOGS GCIG YID LA BYED PA'I PHYIR MI SDUG PAS NYON MONGS PA SPONG BA NI MA YIN GYI RNAM PAR GNON PA NI YIN NO, ,YANG MI SDUG PA 'DI LTA BU BSGOM PA'I RNAL 'BYOR SPYOD PA DE NI RNAM PA GSUM DU BRJOD DO, ,LAS DANG PO BA DANG, YONGS SU SBYANG BA BYAS PA DANG, ,YID LA BYED PA RDZOGS PA'O, ,DE LA, DANG PO'I LAS BRGYA MTSO'I BAR, ,KENG RUS BSDU ZHING SPRO BA'O, ,MI SDUG PA BSGOM PAR 'DOD PAS RNAL 'BYOR SPYOD PAS MOS BA SKYED PA'I PHYIR DANG PO KHO NAR RANG GI YAN LAG RKANG PA'I MTHE BO'AM, DPRAL BA'I DBYES SAM YANG NA GAR DGA' BAR SEMS 'JOG PAR BYED LA, DE DER SHA MYAGS SHING ZAGS PAR MOS PA NAS RIM GYIS RUS @216A *, ,PA RNAM PAR SBYONG BA NA THAMS CAD RUS PA'I KENG RUS SU BLTA STE, DE BZHIN DU GNYIS PA LA YANG MOS PAR BYED CING RIM GYIS GTZUG LAG KHANG DANG, KUN DGA'I RAB DANG, GRONG DANG, ZHING DANG RGYA MTSO'I MTHAS KLAS PA'I BAR GYIS GZHI KENG RUS KYIS GANG PAR MOS PAR BYED DE, YANG BSDUS PA NA SEMS BSDU BA'I DON DU BDAG GCIG BU'I BAR LA RUS PA'I KENG RUS SU MOS PAR BYED DE, 'DI TZAM GYIS NI MI SDUG PA YONGS SU RDZOGS PA YIN NO ZHES GRAG STE, 'DI NI LAS DANG PO PA'I RNAL 'BYOR SPYOD PA YIN NO, ,KENG RUS NAS NI THOD PHYED BAR, ,BTANG BA SBYANG BA BYAS PAS BSHAD,, DE SEMS BSDU BA KHYAD PAR DU BYA BA'I PHYIR DE'I RUS PA'I KENG RUS LAS RKANG PA'I RUS BA BTANG NAS LHAG MA YID LA BYED CING DE BZHIN DU RIM GYIS THOD PA'I PHYED BOR NAS THOD PA PHYED YID LA BYED PA 'DI NI YONGS SU SBYANG BA BYAS PA YIN NO, ,SMIN MA'I NANG DU SEMS 'DZIN PA, ,YID LA BYED PA RDZOGS PA YIN, , DE THOD PA'I PHYED KYANG BTANG NAS SMIN MI'I NANG DAG TU SEMS 'DZIN PAR BYED PA 'DI NI MI SDUG BA YID LA BYED PA RDZOGS PA'I RNAL 'BYOR SPYOD PA YIN NO ZHES GRAGS GO, ,YANG MI SDUG PA 'DI'I RANG BZHIN NI CI ZHIG YIN, SA NI DU ZHIG ,DMIGS PA NI DU ZHIG YIN, GANG DU NI SKYE BAR BYED CE NA, RIM BZHIN DU, MA CHAGS PA BCU 'DOD SNANG BA, ,DMIGS PA MIS SKYED MI SDUG PA'O, ,RANG BZHIN NI MA CHAGS PA'O, ,SA NI BCU STE, BSAM GTAN BZHI NYE BAR BSNGOGS PA DANG BCAS PA DANG, BSAM GTAN KHYAD PAR CAN DANG, 'DOD PA'I KHAMS RNAMS SO, ,DMIGS PA NI 'DOD PA NA SPYOD PA'I SNANG BA YIN NO, ,SNANG BA ZHES BYA BA CI ZHE NA, KHA DOG DANG DBYIBS YIN TE, DE NYID KYI PHYIR DON LA DMIGS PA'O ZHES BYA BAR GRUB BO, ,MI'I NANG NYID DAG TU SKYED KYI 'GRO BA GZHAN DAG TU YANG MA YIN NA, KHAMS GZHAN DAG TU LTA ZHIG SMOS KYANG CI DGOS, DE DAG TU YANG BYANG GI SGRA MI SNYAN DAG TU NI MA YIN NO, ,MING NYID KYIS MI SDUG BA'I RNAM PA'O ZHES BYA BAR GRUB PO, ,GANG GIS DUS MA YIN PA DE DE'I DUS LA DMIGS SO, ,MI SKYE BA'I CHOS CAN ZHIG YIN NA NI DMIGS PA DUS GSUM YIN NO, ,MOS PA YID LA BYED PA'I PHYIR ZAG PA DANG BCAS PA'O, ,'DRIS BA DANG MA @216B 'DRIS PA'I PHYIR 'DOD CHAGS DANG BRAL BAS THOB PA DANG, SBYOR BA LAS BYUNG BA YIN NO, ,MI SDUG PA'I MTSAN NYID RAB TU DBYE BA DANG BCAS PAR BSHAD ZIN TO, ,DBUGS RDUB 'BYUNG DRAN SHES RAB STE, ,SA LNGA SPYOD YUL RLUNG YIN NO, ,'DOD YUL, RDUB PA NI DBUGS RDUB PA STE, ,RLUNG 'JUG PA GANG YIN PA NYID DO, ,'BYUNG BA NI DBUGS 'BYUNG BA STE, RLUNG 'BYUNG BA GANG YIN PA'O, ,DE GNYIS KYI DRAN PA NI DBUGS RDUB PA DANG, 'BYUNG BA DRAN PA STE, DE NI SHES RAB KYI RANG BZHIN NO, ,DRAN PA ZHES BYA BA'I TSIG NI DRAN PA NYE BAR GZHAG PA BZHIN TE, DE'I STOBS BSKYED PAR BYA BA YIN PA'I PHYIR RO, ,SA NI LNGA STE NYER BSNGOGS GSUM DANG, BSAM GTAN KHYAD PAR CAN DANG, 'DOD PA'I KHAMS DAG STE, BTANG SNYOMS DANG MTSUNGS PAR LDAN PA'I PHYIR RO, ,DE'I DMIGS PA NI RLUNG NGO, ,'DOD PA'I KHAMS KYI LHA DANG MI'I LUS DAG GIS SKYED DO, ,'DRIS PA DAR MA 'DRIS PA'I PHYIR 'DOD CHAGS DANG BRAL BAS THOB PA DANG SBYOR BA LAS BYUNG BA YIN NO, ,'DI NI DE KHO NA YID LA BYED PA YIN NA NI CHOS 'DI BA RNAMS NYID KYI YIN GYI, PHYI BA'I MA YIN NO, ,LUNG MED PA DANG, BDAG NYID KYIS CHOS ZAB MO MI RTOGS PA'I PHYIR RO, ,DE YANG, BGRANG BA LA SOGS RNAM DRUG GIS, ,BGRANG BA DANG RJES SU 'GRO BA DANG, 'JOG PA DANG, NYE BAR RTOGS PA DANG, BSGYUR BA DANG, YONGS SU DAG PA STE, RGYU DRUG DANG LDAN NA 'DI YONGS SU RDZOGS PA YIN TE, DE LA BGRANG BA ZHES BYA BA NI DBUGS RDUB PA DANG DBUGS 'BYIN PA DAG LA SEMS BTANG NAS MNGON PAR 'DU BYA BA MED PAR LUS DANG SEMS RNAL DU GZHAG STE, DRAN PA TZAM GYIS GCIG GNYIS ZHES BYA BA NAS BCU'I BAR DU BGRANG BAR BYED PA'O, ,SEMS MNGON BAR SDUD PA DANG, RNAM PAR G-YENG BAR DOGS PAS MANG BA DANG NYUNG BA MA YIN NO, ,DE LA SKYON NI GSUM STE, GAL TE GCIG LA GNYIS SU BGRANG NA MA TSANG PAR BGRANG BA'O, ,GAL TE GNYIS LA GCIG TU BGRANG NA LHAG PAR BGRANG BA'O, ,GAL TE DBUGS RDUB BA LA DBUGS 'BYIN PAR 'DZIN TAM, DBUGS 'BYIN PA LA DBUGS RDUB PAR 'DZIN NA 'CHOL BA'O, ,DE LAS GZHAN PA NI YANG DAG PA'I BGRANG BA'O, ,BAR SKABS SU G-YENGS NA DANG PO NAS YANG BGRANG BAR BYA STE, @217A *, ,JI SRID DU TING NGE 'DZIN MA THOB KYI BAR DU'O, ,RJES SU 'GRO BA ZHES BYA BA 'DI 'BYUNG BA 'AM MJUG PA NI THAG JI SRID CIG ,CI LUS 'DI THAMS CAD LA KHYAB PA ZHIG GAM, 'ON TE PHYOGS 'GA' ZHIG NA RGYU BA ZHIG YIN ZHES MNGON PAR 'DU BYA BA MED PAR DBUGS RDUB PA DANG DBUGS 'BYIN PA'I 'GROS KYI RJES SU 'GRO ZHING, 'JUG PA NA YANG RIM GYIS LKOG MA DANG, SNYING GA DANG, LTE BA DANG, RKED PA DANG, BRLA DANG, BYIN PA NAS RKANG BA DAG GI BAR DU 'JUG PA'I RJES SU 'GRO ZHING 'BYUNG BA NA YANG MTHO GANG DANG 'DOM GANG GI BAR THAG TZAM DU RJES SU 'GRO BA'O, ,KHA CIG NA RE RLUNG GI DKYIL 'KHOR DANG, RNAM PAR 'THOR BYED KYI RLUNG GI BAR DU'O ZHES ZER TE, 'DI NI DE KHO NA YID LA BYED PA YIN PA'I PHYIR DE NI RIGS PA MA YIN NO, ,'JOG PA ZHES BYA BA NI NOR BU'I THAG PA BZHIN DU SNA'I RTZE MO NAS RKANG PA'I MTHE BO'I BAR DU GNAS PAR LTA BA DANG, CI 'DI PHAN 'DOGS PA ZHIG GRANG BA'AM DRO BA ZHIG CES RTOG PA'O, ,NYE BAR RTOG PA 'DI NI RLUNG 'BA' ZHIG MA YIN GYI 'DI NI 'BYUNG BA CHEN PO BZHI DANG, 'BYUNG BA DAG LAS MNGON PAR GRUB BA RGYUR BYAS PA'I GZUGS DANG, DE LA BRTEN PA'I SEMS DANG SEMS LA SBYUNG BA YANG YOD DO ZHES PHUNG PO LNGA LA NYE BAR RTOG PAR BYED PA'O, ,BSGYUR BA NI RLUNG LA DMIGS PA'I BLO BSGYUR TE CHOS KYI MCHOG GI BAR DU GONG NAS GONG DU DGE BA'I RTZA BA LAS YANG DAG PAR SBYOR BA'O, ,YONGS SU DAG PA NI MTHONG BA'I LAM LA SOGS PA LA 'JUG PA'O, ,GZHAN DAG NA RE BSGYUR PA NI DRAN BA NYE BAR GZHAG PA LA SOGS PA NAS, RDO RJE LTA BU'I TING NGE 'DZIN GYI BAR YIN LA, YONGS SU DAG PA NI ZAD PA SHES PA LA SOGS PA YIN NO ZHES ZER RO, ,BGRANG DANG RJES 'GRO GNAS PA DANG, ,RTOG PA DANG NI BSGYUR BA DANG, ,YONGS DAG RNAM PA 'DI DRUG NI, ,DBUGS RDUB 'BYUNG BA DRAN PAR 'DOD, ,CES BYA BA NI BSDU BA'I TSIGS SU BCAD PA YIN NO, ,DE LA, DBUGS RDUB 'BYUNG BA GANG GI LUS, ,LUS KYI PHYOGS GCIG YIN PA'I PHYIR, ,SA DRUG PA'I LUS LA DE GNYIS KYANG SA DE BA YIN PAR RIG PAR BYA'O, ,DBUGS RDUB PA DANG 'BYUNG BA DE GNYIS KYANG, SEMS CAN ZHES BYA, SEMS CAN DU MI BGRANG BA NI MA YIN NO, ,MA ZIN PA, DBANG PO DANG THA DAD PA'I PHYIR RO,, @217B RGYU MTHUN LAS BYUNG, LUS RGYAS PAS THUNG DUR 'GYUR BA DANG, TSAD NAS YANG NYID MTSAMS SBYOR BA'I PHYIR RGYAS PA LAS 'BYUNG BA DANG, RNAM PAR SMIN PA LAS SKYES PA NI MA YIN TE, 'DI RNAM PAR SMIN PA'I GZUGS MED DO, ,'OG MA'I, YID KYIS DE GNYIS MI RTOGS SO, ,RANG GI SA DANG SA GONG MA STE, DE GNYIS KYI SEMS KYIS RTOGS KYI, SA 'OG MAS KYANG MI RTOGS PA SPYOD LAM PA DANG SPRUL PA LAS KYANG MI RTOGS SO, ,'JUG PA'I SGO GNYIS BSHAD ZIN TO, ,DE GNYIS KYI TING NGE 'DZIN THOB NAS LHAG MTHONG BSGRUB PAR BYA BA'I PHYIR, ZHI GNAS GRUB PAR GYUR NAS NI, ,DRAN PA NYER GZHAG BSGOM PAR BYA, ,JI LTAR BYA ZHE NA, LUS TSOR SEMS DANG CHOS RNAMS LA, ,MTSAN NYID GNYIS SU YONGS BRTAGS PAS, ,LUS DANG TSOR BA DANG SEMS DANG CHOS RNAMS RANG DANG SPYI'I MTSAN NYID DU YONGS SU BRTAGS TE, DE DAG GI RANG GI NGO BO NYID NI MTSAN NYID DO, ,SPYI'I MTSAN NYID NI 'DUS BYAS RNAMS NI MI RTAG PA NYID, ZAG PA DANG BCAS PA RNAMS NI SDUG BSNGAL BA NYID, CHOS THAMS CAD NI STONG PA DANG BDAG MED PA'O, ,LUS KYI RANG GI NGO BO CI ZHE NA, 'BYUNG BA DANG 'BYUNG BA LAS GYUR PA NYID DO, ,GSUM PO LAS GZHAN PA DAG NI CHOS SO, ,MNYAM PAR BZHAG PA LUS LA RDUL PHRA RAB KYI CHA DANG SKAD CIG MAR MTHONG BA NA LUS DRAN PA NYE BAR GZHAG PA GRUB PA YIN NO, ,YANG DRAN PA NYE BAR GZHAG PA RNAMS KYI RANG BZHIN CI ZHE NA, DRAN PA NYE BAR GZHAG PA NI RNAM PAR GSUM DU BLTA BAR BYA STE, RANG BZHIN DANG, 'DRES PA DANG, DMIGS PA'I DRAN PA NYE BAR GZHAG PA'O, ,DE LA RANG BZHIN GYI DRAN PA NYE BAR GZHAG PA NI SHES RAB BO, ,CI 'DRA BA ZHIG CE NA, SHES RAB THOS SOGS LAS BYUNG BA, ,THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'O, ,DRAN PA NYE BAR GZHAG PA RNAMS KYANG RNAM PA GSUM STE, THOS PA DANG BSAMS PA DANG BSGOMS PA LAS BYUNG BA'O, ,GZHAN NI 'DRES DANG DMIGS PA LAS, ,GZHAN DE DAG DANG LHAN CIG 'BYUNG BA'I CHOS RNAMS NI 'DRES PA'I DRAN PA NYE BAR GZHAG PA'O, ,DE'I DMIGS PA LUS LA SOGS PA NI DMIGS PA'I DRAN PA NYE BAR GZHAG PA'O, ,DE DAG GI @218A *, ,MING NI DMIGS PA JI LTA BA BZHIN YIN LA, RIM NI JI LTAR SKYE BA BZHIN, ,CI'I PHYIR DE LTAR SKYE ZHE NA, RAGS PA'I RIM PAS SNGAR MTHONG BA'I PHYIR RO, ,'O NA BDEN PA RNAMS CI'I PHYIR GRANGS BZHI KHO NAR NGES SHE NA, PHYIN CI LOG GI GNYEN POR BZHI, ,GTZANG BA DANG, BDE BA DANG, RTAG PA DANG, BDAG TU PHYIN CI LOG PA RNAM PA BZHI'I GNYEN POR DRAN PA NYE BAR GZHAG PA BZHI RIM BZHIN DU BSTAN TE, MI MANG MI NYUNG NGO, ,DE DAG LAS GSUM NI MA 'DRES PA LA DMIGS PA YIN NO, ,BZHI PA NI GNYI GA LA DMIGS PA STE, GAL TE CHOS 'BA' ZHIG LA RNAM BAR LTA NA NI, MA 'DRES PA LA DMIGS PA YIN NO, ,'O NA TE LUS LA SOGS PA GNYIS SAM GSUM MAM BZHI'I SPYI LA LTA NA NI 'DRES PA LA DMIGS PA YIN NO, ,DE LTAR LUS LA SOGS PA DRAN PA NYE BAR GZHAG PA RNAMS GOMS PAR BYAS NAS, DE NI CHOS DRAN NYER GZHAG PA'I, ,SPYI YI DMIGS PA LA GNAS TE, ,DE DAG LA NI MI RTAG DANG, ,SDUG BSNGAL STONG BDAG MED PAR LTA, ,DE CHOS DRAN PA NYE BAR GZHAG PAR 'DRES PA'I DMIGS PA LA GNAS SHING, LUS LA SOGS PA DE DAG THAMS CAD LA SPYIR BSDUS TE MI RTAG PA DANG, SDUG BSNGAL BA DANG, STONG PA DANG, BDAG MED PA DANG, RNAM PA BZHIR BLTA'O, ,DE NAS DRO BAR GYUR PA SKYE, ,CHOS DRAN PA NYE BAR GZHAG PA DE NYID LA GOMS PA LAS RIM GYIS DGE BA'I RTZA BA DRO BAR GYUR PA ZHES BYA PA SKYE'O, ,DRO BAR GYUR PA DANG 'DRA BAS NA DRO BAR GYUR PA STE, NYON MONGS PA'I SHING SREG PAR BYED PA 'PHAGS PA'I LAM GYI SNGA LTAS YIN PA'I PHYIR RO, ,DE NI BDEN PA BZHI'I SPYOD YUL LO, ,DRO BAR GYUR PA DE NI RGYUN CHAGS YIN PA'I PHYIR, BDEN PA BZHI LA DMIGS SHING, RNAM PA BCU DRUG ,SDUG BSNGAL LA MI RTAG PA DANG, SDUG BSNGAL BA DANG, STONG BA DANG, BDAG MED PA DANG, RNAM PA BZHIR BLTA'O, , KUN 'BYUNG LA RGYU DANG, KUN 'BYUNG BA DANG, RAB TU SKYE BA DANG, RKYEN DANG, RNAM PA BZHIR BLTA'O, ,'GOG PA LA 'GOG PA DANG, ZHI BA DANG, GYA NOM PA DANG, NGES PAR BYUNG BA DANG, RNAM PA BZHIR LTA'O, ,LAM LA LAM DANG, RIGS PA DANG, SGRUB PA DANG, NGES PAR 'BYIN PA DANG @218B RNAM PA BZHIR BLTA STE, 'DI DAG GI BYE BRAG NI 'OG NAS BSHAD PAR BYA'O, ,DRO BA LAS RTZE MO, ,DRO BA CHUNG DU DANG, 'BRING DANG CHEN PO'I RIM GYIS 'PHEL BA LAS DGE BA'I RTZA BA RTZE MO ZHES BYA BA SKYE STE, DE YANG DE DANG 'DRA STE, DRO BA JI LTA BA BZHIN DU BDEN PA BZHI LA DMIGS SHING RNAM PA BCU DRUG TU YANG BLTA STE, KHYAD PAR DU 'PHAGS PA'I PHYIR MING GZHAN DU BTAGS SO, ,DGE BA'I RTZA BA G-YO BA'I RTZE MO YIN PA'I PHYIR RTZE MO RNAMS TE, 'DI LAS LTUNG BA'AM YANG NA 'DA' BA'I PHYIR RO, ,CHOS KYIS GNYI GA RNAM PA GTONG, ,DRO BAR GYUR PA DANG RTZE MO 'DI GNYI GA NI CHOS DRAN PA NYE BAR GZHAG PAS RNAM PA LA GTOD PAR BYED DO, ,RNAM PA LA GTOD PA ZHES BYA BA 'DI CI ZHE NA, BDEN BA DAG GI RNAM PA RNAMS LA DANG PO NYID DU 'GOD DO, ,'PHEL BAR BYED PA GZHAN GYIS KYANG, ,DRAN PA NYE BAR GZHAG PA BZHI CHAR GYIS KYANG DE DAG 'PHEL BAR BYED DO, ,RNAM PAR 'PHEL BA NI SNGAR THOB ZIN PA RNAMS NI YANG MNGON SUM DU MI BYED DE, DE DAG DGA' BA MED PA'I PHYIR RO, ,RTZE MO CHUNG DU DANG 'BRID DANG CHEN PO'I RIM GYIS 'PHEL BA NA, DE LA BZOD PA YANG SKYE STE, YONGS SU MI NYAMS PA'I SGO NAS BDEN PA LA CHER BZOD PA'I PHYIR RO, ,DE YANG CHUNG DU DANG, 'BRING DANG CHEN PO DANG RNAM PA GSUM STE, DE LA, RNAM PA GNYIS DE BZHIN, RTZE MO JI SKAD DU BSHAD PA DE BZHIN DU BZOD PA CHUNG DU DANG 'BRING YANG RNAM PA RNAMS LA GTOD PAR BYED PA'I PHYIR RO, ,RNAM PAR 'PHEL BA LA NI KHYAD PAR 'DI YOD DE, BZOD PA NI, THAMS CAD CHOS KYIS 'PHEL BAR BYED, ,CHOS DRAN PA NYE BAR GZHAG PA NYID KYIS 'PHEL BAR BYED KYI, GZHAN GYIS NI MA YIN NO, ,CHEN PO 'DOD GTOGS SDUG BSNGAL YUL, ,BZOD PA ZHES BYA BAR SBYAR TE, DE NI CHOS KYI MCHOG DANG 'BREL BA'I PHYIR 'DOD PA NA SPYOD PA'I SDUG BSNGAL LA DMIGS PA NYID DO, ,DE NYID KYI PHYIR DRO BAR GYUR PA LA SOGS PA'I NGES PA MA SMOS PA'I PHYIR KHAMS GSUM PA'I SDUG BSNGAL LA SOGS PA LA DMIGS PA NYID DU GRUB PO, ,GANG GI TSE GZUGS DANG GZUGS MED PA'I GNYEN PO LA SOGS PA'I BDEN PA'I RNAM PA LA DMIGS PA RE RE NAS 'DOR BA NAS, 'DOD PA NA SBYOD PA NYID KYIS SDUG BSNGAL LA SKAD CIG MA GNYIS SU YID LA BYED PA'I BAR DE DAG THAMS CAD NI BZOD @219A *, ,PA 'BRID YIN NO, ,SKAD CIG MA GCIG GANG YIN PA DE NI CHEN PO YIN TE, DE NI SKAD CIG GCIG, DE NI SKAD CIG GCIG YIN GYI RGYUN CHAGS PA NI MA YIN NO, ,DE BZHIN, CHOS MCHOG DE DAG KYANG BZOD PA CHEN PO JI LTA BA BZHIN DU 'DOD PA NA SPYOD PA'I SDUG BSNGAL LA DMIGS SHING SKAD CIG GCIG YIN NO, ,DE? DAG NI 'JIG RTEN PA YANG YIN CHOS KYANG YIN MCHOG KYANG YIN LA, 'JIG RTEN PA THAMS CAD KYI GTZO BO YANG YIN PAS 'JIG RTEN PA'I CHOS KYI MCHOG STE, SKAL BA MNYAM PA'I RGYU MED PAR DE'I RTZAL GYIS 'PHAGS PA'I LAM 'DREN PAR BYED PA'I PHYIR, DRO BAR GYUR PA LA SOGS PA DE DAG NI DRAN PA NYE BAR GZHAG PA'I RANG BZHIN YIN PA'I PHYIR SHES RAB KYI BDAG NYID CES BYA'O, ,THAMS CAD PHUNG PO LNGA 'KHOR DANG BCAS TE, SMOS PA'I PHYIR RO, ,THOB PA MA GTOGS, THOB PA NI DRO BAR GYUR PA LA SOGS PAS MA BSDUS TE, 'PHAGS PAS DE MNGON SUM DU BYAS NAS DRO BAR GYUR BA LA SOGS PA YANG MNGON SUM DU 'GYUR DU 'ONG NGO, ,DE LTAR NA, NGES 'BYED CHA MTHUN RNAM BA BZHI, ,DE LTAR NA 'DI LTA STE, DRO BAR GYUR PA DANG, RTZE MO DANG, BZOD PA DANG, CHOS KYI MCHOG RNAMS DANG, RNAM PA BZHI PO DE DAG NI NGES PAR 'BYED PA'I CHA DANG MTHUN PA'I DGE BA'I RTZA BA RNAMS YIN NO, ,DE DAG LAS GNYIS NI YONGS SU NYAMS PA'I SGO NAS G-YO BA'I PHYIR CHUNG DU YIN NO, ,BZOD PA NI 'BRING NGO, ,CHOS KYI MCHOG NI CHEN PO'O, ,NGES PAR 'BYED PA'I CHA DANG MTHUN PA ZHES BYA BA'I DON CI ZHE NA, 'BYED PA NI CHA'O, ,NGES PAR 'BYED PAS NA NGES PAR 'BYED PA STE, 'PHAGS PA'I LAM MO, ,DES THE TSOM SPONG BA'I PHYIR BA DANG, 'DI NI SDUG BSNGAL ZHES BYA BA NAS 'DI NI LAM MO ZHES BYA BA'I BAR DU BDEN PA RNAMS LA RNAM PAR 'BYED PA'I PHYIR RO, ,DE'I CHA NI MTHONG BA'I LAM GYI PHYOGS GCIG YIN TE, DE 'DREN PA DANG LDAN PA'I PHYIR NGES PAR 'BYED PA'I CHA DANG MTHUN PA RNAMS SO, ,NGES PAR 'BYED PA'I CHA DANG MTHUN PA RNAM PA 'DI BZHI CHAR YANG, BSGOMS BYUNG, THOS PA DANG BSAMS PA LAS BYUNG BA NI MA YIN NO, ,NGES PAR 'BYED PA'I CHA DANG MTHUN PA RNAMS DU PA ZHIG YIN ZHE NA, MI LCOGS PA MED PA DANG, KHYAD PAR BSAM GTAN @219B GYIS PA'O, ,MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI RNAMS KYIS PA YIN TE, DE DAG GIS BSDUS PA'I PHYIR RO, ,MTHONG BA'I LAM GYI 'KHOR YIN PA'I PHYIR GONG MA'I SA PA NI MA YIN NO, ,'DOD PA'I KHAMS LA MI DMIGS PA'I PHYIR DE NI MED DO, , DE YANG SNGAR YONGS SU SHES PAR BYA ZHING SPANG PAR BYA BA MA YIN PA'I PHYIR RO, ,DE DAG GI RNAM PAR SMIN PA NI GZUGS KYI KHAMS KYI PHUNG PO LNGA YIN NO, ,YONGS SU RDZOGS PAR BYED PA DAG NYID YIN GYI, SRID PA'I GNYEN PO YIN PA'I PHYIR 'PHEL BAR BYED PA NI MA YIN NO, ,GNYIS NI 'OG MA NA YANG ZHES BYA BA'I SGRA NI BYE BRAG TU RTOGS PA'I DON TE, BTZUN PA DBYANGS CAN NI, NGES PAR 'BYED PA'I CHA DANG MTHUN PA DANG PO GNYIS 'DOD PA'I KHAMS NA YANG YOD PAS SA BDUN PA YIN NO ZHES ZER RO, ,BZHI PO DE DAG THAMS CAD KYANG, 'DOD LUGS GSUM NI MI DAG GI NANG NYID DANG, GLING GSUM DAG TU SKYE BAR BYED DO, ,SNGAR SKYES ZIN PA RNAMS NI LHA DAG GI NANG DU YANG MNGON SUM DU BYED DO, ,BZHI PA NI LHA DAG GI NANG DU YANG SKYED PAR BYED DO, ,GSUM NI SKYES PA DANG BUD MED GNYI GA LA BRTEN PA YANG GNYI GAS THOB PO, ,CHOS MCHOG BUD MED KYIS, ,GNYI GA LA NI BRTEN PA THOB, ,CHOS KYI MCHOG NI DUD MED 'BA' ZHIG GIS GNYI GA LA BRTEN PA 'THOB KYI, SKYES PAS NI SKYES PA LA BRTEN PA 'BA' ZHIG 'THOB KYI, BUD MED NYID NI SO SOR MA BRTAGS PA'I 'GOG PA THOB PA'I PHYIR RO, ,NGES PAR 'BYED PA'I CHA DANG MTHUN PA RNAMS JI LTAR GTONG ZHE NA, 'PHAGS PA'I DE DAG SA BOR NAS GTONG STE, 'PHAGS PA DES SA GANG DAG PA'I THOB PO, ,SA DE DAG BOR NAS DE DAG KYANG GTONG ZHING GZHAN DU NI MA YIN NO, ,SA BOR BA NI SA 'PHOS PAS SO, ,'PHAGS MIN 'CHI BAS SO, ,SO SO'I SKYE BO NI SA 'PHOS KYANG RUNG MA 'PHOS KYANG RUNG STE, RIGS MTHUN PA GTONG BA NYID KYIS GTONG NGO, ,DANG PO'I GNYIS YONGS SU NYAMS PAS KYANG, GTONG BA LA 'CHI BAS KYANG GTONG STE, SO SO'I SKYE BO NYID YIN GYI, 'PHAGS PA NI DE DAG LAS YONGS SU NYAMS PA MED DO, ,BZOD PA DANG CHOS KYI MCHOG DAG LAS NI SO SO'I SKYE BO YONGS SU NYAMS PA MED DO, ,DNGOS GZHI DE @220A *, ,NYID LA BDEN MTHONG, ,BSAM GTAN DNGOS GZHI PA'I NGES PAR 'BYED PA'I CHA DANG MTHUN PA RNAMS SKYED PAR BYED PA GANG YIN PA DE NI GDON MI ZA BAR TSE 'DI NYID LA BDEN PA RNAMS MTHONG BAR 'GYUR TE, YID BYUNG BA SHAS CHE BA'I PHYIR RO, ,RNAM NYAMS DAG GIS SNGON MI 'THOB, , GANG GI TSE RNAM PAR NYAMS PA DAG GIS YANG 'THOB PA DE'I TSE NI MA 'DRIS PA DANG 'BAD PAS BSGRUB PAR BYA BA YIN PA'I PHYIR SNGON GYI MA YIN PA NYID CIG 'THOB KYI, SNGON BTANG BA NI MI 'THOB STE, SO SOR THAR PA'I SDOM PA BZHIN NO, ,MTSAMS BSTAN BA ZHIG YIN NA NI GONG MA DAG SKYED PAR BYED DO, ,MA YIN NA NI RNAM PA BZHI KHO NAS SKYED PAR BYED DO, ,RNAM PAR NYAMS PA DANG YONGS SU NYAMS PA DE DAG GI RANG BZHIN CI ZHE NA, NYAMS PA GNYI GA MI LDAN PA, ,NYAMS PA DE GNYI GA YANG MI LDAN PA'I RANG BZHIN YIN LA, YONGS SU NYAMS PA NI NYES PA BYAS PA'O, ,RNAM PAR NYAMS PA NI YON TAN GYI BYE BRAG TU YANG BYAS PA'I PHYIR NGES PA MED DO, ,DE LA DRO BAR GYUR PA LAS YONGS SU NYAMS KYANG NGES PAR MYA NGAN LAS 'DAS PA'I CHOS CAN DU 'GYUR RO, ,THAR PA'I CHA DANG MTHUN PA DAG LAS KHYAD PAR CI ZHUGS SHE NA, BAR CHAD MED PAR BDEN PA MTHONG BA LA CHES NYE BA NYID DO, ,RTZE MO THOB PA RTZA MI 'CHAD, ,RTZE MO THOB PA LAS YONGS SU NYAMS KYANG DGE BA'I RTZA BA RNAMS NI KUN DU MI 'CHAD KYI, NGAN SONG DAG TU YANG 'GRO LA MTSAMS MED PA DAG KYANG BYED DO, ,BZOD THOB NGAN SONG MI 'GRO'O, ,BZOD PA DAG LAS RNAM PAR NYAMS KYANG YANG NGAN SONG DU MI 'GRO STE, DER 'GRO BA'I LAS DANG NYON MONGS PA THAG BSRINGS PA'I PHYIR RO, ,BZOD PA THOB PA NYID KYIS 'GRO BA DANG, SKYES NAS DANG, SKYE BA DANG, LUS DANG, SRID PA DANG, NYON MONGS PA RNAMS LAS KHA CIG GIS MI SKYE BA'I CHOS NYID 'THOB STE, NGAN SONG GI 'GRO BA RNAMS DANG, SGO NGA LAS SKYES PA DANG, DROD GSHER LAS SKYES PA'I SKYE GNAS DANG, 'DU SHES MED PA'I SEMS CAN DANG, BYANG GI SGRA MI SNYAN DANG, TSANGS PA CHEN POR SKYES PA RNAMS DANG, ZA MA DANG MA NING DANG, MTSAN GNYIS PA'I LUS RNAMS DANG, SRID PA BRGYAD LA SOGS PA DANG, MTHONG BAS SPANG BAR BYA BA'I NYON MONGS PA RNAMS SO, ,DE DAG LAS CI RIGS PAR CHUNG DUS NI NGAN SONG RNAMS SU MI @220B SKYE BA THOB LA, CHEN POS NI GZHAN DAG TU YANG MI SKYE BA 'THOB BO, ,NYAN THOS LA SOGS PA'I RIGS THA DAD PA'I PHYIR NGES PAR 'BYED PA'I CHA DANG MTHUN PA RNAMS NI RIGS GSUM MO, ,DE LA SLOB PA'I RIGS GNYIS BZLOG NAS NI, ,SANGS RGYAS SU 'GYUR, NYAN THOS KYI RIGS LAS 'BYUNG BA'I DRO BAR GYUR PA DANG, RTZE MO GNYIS BZLOG STE, SANGS RGYAS SU 'GYUR BAR NI SRID KYI BZOD PA THOB PA DAG TU NI DE LTA BU MI SRID DE, CI'I PHYIR ZHE NA, NGAN SONG RNAMS BZLOG PA'I PHYIR RO, ,BYANG CHUB SEMS DPA' RNAMS NI GZHAN LA PHAN 'DOGS PA'I GZHAN GYI DBANG GIS NGAN SONG DAG TU YANG 'GRO'O ZHES GRAG GO, , YANG NA DE'I RIGS NYID MI ZLOGS PA'I PHYIR MI SRID DO, ,GZHAN GSUM YANG, BZLOG NAS 'GYUR ZHES BYA BAR SBYAR TE, NYAN THOS KYI RIGS KYI NGES PAR 'BYED PA'I CHA DANG MTHUN PA GSUM YANG BZLOG NAS, SANGS RGYAS LAS GZHAN PAR 'GYUR TE RANG SANGS RGYAS SU ZHES BYA BA'I DON TO, ,RANG SANGS RGYAS KYI RIGS RNAMS NI BZLOG PAR MI NUS TE 'DI LTAR, STON DANG BSE RU BYANG CHUB BAR, ,BSAM GTAN MTHA' BRTEN GCIG LA KUN, ,STON PA NI SANGS RGYAS BCOM LDAN 'DAS SO, ,BSE RU LTA BU NI RANG SANGS RGYAS TE, DE GNYIS NI BSAM GTAN BZHI PA NYID LA BRTEN NAS NGES PAR 'BYED BA'I CHA DANG MTHUN PA RNAMS NAS BRTZAMS TE, BYANG CHUB KYI BAR DU STAN GCIG LA 'DUG CING SKYED PAR BYED DE, TING NGE 'DZIN MI G-YO BA DANG, GSAL BA'I PHYIR RO, ,ZAD PA DANG MI SKYE BA'I YE SHES NI BYANG CHUB BO ZHES 'OG NAS BSHAD PAR BYA'O, ,KHA CIG NA RE MI SDUG PA NAS BRTZAMS TE BYANG CHUB KYI BAR RO ZHES ZER RO, ,GANG DAG GI BSE RU LTA BU LAS GZHAN PA'I RANG SANGS RGYAS YOD PA DE'I RIGS RNAMS BZLOG PAR DGAG PA MED PA'O, ,YANG CI TSE DANG PO NYID LA SBYOR BAR BYAS TE, NGES PAR 'BYED PA'I CHA DANG MTHUN PA RNAMS SKYED DAM ZHE NA, DE LTA BU MED KYI NGES PAR, DE YI SNGON DU THAR CHA MTHUN, ,BSKYED PAR BYA'O, ,THAMS CAD BAS NA SHIN TU MYUR BA SRID PA GSUM GYIS THAR, TSE GCIG LA THAR PA'I CHA DANG MTHUN PA'I DGE BA'I RTZA BA RNAMS SKYED DO, ,GNYIS PA LA NGES PAR 'BYED PA'I CHA DANG MTHUN PA'I DGE BA'I RTZA BA RNAMS SKYED DO, ,GSUM PA LA 'PHAGS PA'I @221A *, ,LAM SKYED DE, SA BON 'DEBS PA DANG 'BRU SKYE BA DANG 'BRAS BU 'CHAGS PA BZHIN NO, ,'DI NI CHOS NYID KYIS RGYUD NI RIM GYIS 'JUG PA DANG, YONGS SU SMIN PA DANG, RNAM PAR GROL BAR 'GYUR BA YIN NO, ,THAR PA'I CHA DANG MTHUN PA DE YANG, THOS BSAMS LAS BYUNG ZHES BYA STE, BSGOMS PA LAS BYUNG BA NI MA YIN NO, ,LAM DU DAG CIG CE NA, LAM GSUM STE, GTZO BOR NI YID KYI LAS SO, ,DE'I SMON LAM GYIS YONGS SU ZIN PA'I LUS DANG NGAG GI LAS KYANG THAR PA'I CHA DANG MTHUN PA YIN TE, ZAS 'GA' TZAM BYIN PA'AM BSLAB PA 'GA' TZAM YANG MNOS TE, THAR PA 'DOD PA'I STOBS BSKYED PA LAS THAR PA'I CHA DANG MTHUN PA 'PHEN PAR 'GYUR RO, ,DE YANG, MI YI NANG NAS 'PHEN PAR BYED, ,MI'I NANG NYID DAG DANG, GLING GSUM DAG NAS 'PHEN PAR BYED KYI GZHAN DAG TU NI MA YIN TE, CI RIGS PAR SKYO BA DANG, SHES RAB MED PA'I PHYIR RO, ,THAR PA'I CHA DANG MTHUN PA ZLA LA BSHAD ZIN TO, ,DA NI DKYUS MA MNGON PAR RTOGS PA'I RIM PA BSHAD PAR BRTZAM MO, ,DE LA YANG CHOS KYI MCHOG GI BAR DU BSHAD ZIN TO, ,LHAG MA BRJOD PAR BYA STE, DE'I PHYIR 'DIR SMRAS PA, 'JIG RTEN PA YI CHOS MCHOG LAS, ,CHOS SHES BZOD PA ZAG PA MED, , 'JIG RTEN PA'I CHOS KYI MCHOG GI MJUG THOGS SU CHOS SHES PA'I BZOD PA ZAG PA MED PA SKYE'O, ,DMIGS PA GANG SKYE ZHE NA, 'DOD SDUG BSNGAL LA, DE'I DMIGS PA NI 'DOD PA NA SBYOD BA'I SDUG BSNGAL YIN TE, DE NI SDUG BSNGAL LA CHOS SHES PA'I BZOD PA ZHES BYA'O, ,ZAG PA MED PA NYID DU BSTAN PA'I PHYIR RGYU MTHUN PAS BYE BRAG TU BYAS PA YIN NO, ,CHOS SHES PAR BYA BA'I PHYIR BZOD PA NI CHOS SHES PA'I BZONG PA STE, ME TOG DANG 'BRAS BU'I LJON SHING BZHIN NO, ,DE NYID NGES PAR ZHUGS PA ZHES PA'O, ,DE NAS NI, DE NYID LA NI CHOS SHES PA, , DE NAS SDUG BSNGAL LA CHOS SHES PA'I BZOD PA'I MJUG THOGS SU, 'DIR 'DOD PA NA SPYOD PA'I SDUG BSNGAL NYID LA CHOS SHES PA SKYE STE, DE NI SDUG BSNGAL LA CHOS SHES BA ZHES BYA'O, ,THAMS CAD DU ZAG PA MED PA'I DBANG DU BYAS PAR RIG PAR BYA'O, ,JI LTAR 'DOD PA NA SPYOD PA'I SDUG BSNGAL LA @221B CHOS SHES PA'I BZOD PA DANG, CHOS SHES PA SKYE BA DE BZHIN DU, SDUG BSNGAL LHAG PAR RJES BZOD DANG, ,SHES PA, SDUG BSNGAL LA CHOS SHES PA'I MJUG THOGS SU GZUGS DANG GZUGS MED PA NA SPYOD PA'I SDUG BSNGAL DMIGS PA SBYI LA RJES SU SHES PA'I BZOD PA SKYE STE, DE NI SDUG BSNGAL LA RJES SU SHES PA'I BZOD PA ZHES BYA'O, ,DE NAS NI RJES SU SHES PA SKYE STE, DE NI SDUG BSNGAL LA RJES SU SHES PA ZHES BYA'O, ,DANG PO KHO NAR CHOS KYI DE KHO NA NYID SHES PA'I PHYIR CHOS SHES PA'O, ,DE DANG MTHUN PA'I PHYIR GONG MA'I SDUG BSNGAL LA SOGS PA LA DMIGS PA NI RJES SU SHES PA STE DE BZHIN DU RTOGS PA'I PHYIR RO, ,JI TLAR SDUG BSNGAL LA BZOD PA DANG SHES PA BZHI PO DE DAG SKYE BA LTAR, DE BZHIN BDEN PA GSUM, SDUG BSNGAL LA RJES SU SHES PA'I MJUG THOGS SU 'DOD PA NA SPYOD PA'I KUN 'BYUNG LA CHOS SHES PA'I 'BZOD PA SKYE ZHING, DE NAS NI KUN 'BYUNG LA CHOS SHES PA SKYE LA, DE BZHIN DU MJUG THOGS SU SKYE BA'I RIM PAS KUN 'BYUNG LHAG MA LA RJES SU SHES PA'I BZOD PA DANG, KUN 'BYUNG LA RJES SU SHES PA SKYE'O, ,'DOD PA NA SPYOD PA'I 'GOG PA LA CHOS SHES PA'I BZOD PA DANG, 'GOG PA LA CHOS SHES PA SKYE LA, 'GOG PA LHAG MA LA YANG RJES SU SHES PA'I BZOD PA DANG RJES SU SHES PA SKYE'O, ,'DOD PA NA SPYOD PA'I SDUG BSNGAL GYI GNYEN PO LAM LA CHOS SHES PA'I BZOD PA DANG, LAM LA CHOS SHES PA SKYE LA LAM LHAG MA LA YANG RJES SU SHES PA'I BZOD PA DANG RJES SU SHES PA SKYE STE, DE LTAR BDEN PA MNGON RTOGS LA, ,SEMS DE BCU DRUG ,DE LTAR NI RIM PA DES NA BDEN PA RNAMS KYI MNGON PAR RTOGS PA DE NI SEMS BCU DRUG TU 'GYUR RO, ,SDE PA GZHAN GANG DAG BDEN PA RNAMS KYI MNGON PAR RTOGS PA GCIG GO ZHES BRJOD PA LTAR NA, DE DAG GI BSAM PA BRTAG PAR BYA STE, BYE BRAG MED PA NI MNGON PAR RTOGS PA ZHES BYA'O, ,BYE BRAG TU DBYE NA NI DE RNAM PA GSUM STE, GANG ZHE NA, MTHONG DMIGS BYA BA ZHES BYA'O, ,MTHONG BA'I MNGON PAR RTOGS PA NI ZAG PA MED PA'I SHES RAB KYI BDEN PA RNAMS MNGON PAR RTOGS PA'O, ,DMIGS PA'I MNGON PAR RTOGS PA NI DE DANG MTSUNGS PAR LDAN PA RNAMS KYI MNGON PAR RTOGS PA'O, ,BYA BA'I MNGON PAR @222A *, ,RTOGS BA NI MI LDAN PA'I TSUL KHRIMS DANG SKYE BA LA SOGS PAS MNGON PAR RTOGS PA'O, ,SDUG BSNGAL MTHONG BA NA DE'I MNGON PAR RTOGS PA RNAM PA GSUM STE, SPANG BA DANG MNGON DU BYA BA DANG BSGOM PAR BYA BA'I PHYIR, KUN 'BYUNG LA SOGS PA NI BYA BA'I MNGON PAR RTOGS PA YIN NO, , DE GAL TE BDEN PA RNAMS MTHONG BAS MNGON PAR RTOGS PAR BYA BA LA MNGON PAR RTOGS PA GCIG GO ZHES SMRA NA NI RNAM PA THA DAD PA'I PHYIR MI RIGS PAR SMRA BA YIN NO, ,DE LTAR MNGON PAR RTOGS PA SEMS BCU DRUG PAR BSHAD PA GANG YIN PA, DE NI CHOS MCHOG DANG SA GCIG, ,CHOS KYI MCHOG SA GANG YIN PA SEMS BCU DRUG PA DE DAG KYANG SA DE PA STE, DE DAG NI SA DRUG PA'O ZHES SNGAR BSHAD ZIN TO, ,YANG CI'I PHYIR GDON MI ZA BAR BZOD PA LAS SHES PA YIN ZHE NA, GANG GI PHYIR, BZOD DANG SHES PA RIM BZHIN DU, ,BAR CHAD MED DANG RNAM GROL LAM, NYON MONGS PA'I RNYED PA RNAM PAR GCOD BA'I BAR DU BCAD PAR MI NUS PA'I PHYIR BZOD PA RNAMS NI BAR CHAD MED PA'I LAM YIN NO, ,NYON MONGS PA'I RNYED PA LAS RNAM PAR GROL BA RNAMS KYI BRAL BA'I THOB PA DANG, LHAN CIG SKYES BA'I PHYIR SHES PA RNAMS NI RNAM PAR GROL BA'I LAM YIN TE, DE'I PHYIR GDON MI ZA BAR GNYI GAR YANG 'GYUR RO, ,GNYIS KYIS NI RIM BZHIN DU RKUN PO PHYUNG BA DANG SGO 'PHAR BCAD PA BZHIN NO, ,CI SEMS BCU DRUG PO THAMS CAD KYIS KYANG BDEN PA MTHONG BA'I PHYIR MTHONG BA'I LAM YIN NAM ZHE NA, SMRAS PA, MA YIN TE, JI LTAR ZHE NA, MA MTHONG MTHONG BA MTHONG BA'I LAM, ,DER NI SKAD CIG BCO LNGA'O, ,SDUG BSNGAL LA CHOS SHES PA'I BZOD PA NAS BRTZAMS TE, LAM LA RJES SU SHES PA'I BZOD PA'I BAR GYI SKAD CIG MA BCO LNGA PO DE DAG NI MTHONG BA'I LAM YIN NO, ,CI'I PHYIR ZHE NA, BDEN PA MA MTHONG BA MTHONG BA'I PHYIR RO, ,BCU DRUG PA LA NI SNGON MA MTHONG BA BLTA BAR BYA BA NI MED KYI JI LTAR MTHONG BA GOMS PAR BYA BA YIN PA'I PHYIR BSGOM PA'I LAM NYID YIN NO, ,'O NA DES KYANG LAM LA RJES SU SHES BA'I BZOD PA MA MTHONG BA MTHONG BA MA YIN NAM ZHE NA, BDEN PA'I PHYIR BSAM GYI, SKAD CIG MA LA NI MA YIN NO, ,SKAD CIG MA MTHONG BAR BDEN PA MTHONG BAR MI 'GYUR TE, DPER NA CHAD BA GCIG MA BRDAS PAS ZHING MA BRDAS @222B BA MA YIN BA BZHIN NO, ,CI'I PHYIR SHES PA BDUN MTHONG BA'I LAM YIN ZHE NA, MTHONG BA'I LAM LA RDZOGS PA'I PHYIR TE, BDEN PA THAMS CAD MTHONG BA MA RDZOGS BAS DE'I BAR MA GYUR BA DE DAG KYANG MTHONG BA'I LAM YIN NO, ,MTHONG BA'I LAM DANG BSGOM PA'I LAM JI LTAR SKYE BA NI BSHAD ZIN TO, , DA NI JI LTAR NA 'PHAGS BA'I LAM SKYES PA'I GANG ZAG RNAMS KYI RNAM PAR GZHAG PA BZHIN DU BSHAD PAR BYA STE, DE LTAR MTHONG BA'I LAM GYI RANG BZHIN SKAD CIG MA BCO LNGAR BSHAD PA GANG YIN PA, DBANG PO RNO RTUL DE DAG TU, ,DAD DANG CHOS KYI RJES 'BRANG BAR, ,RIG PAR BYA STE, DBANG PO RTUL PO DE DAG LA GNAS BA NI DAD PAS RJES SU 'BRANG BA ZHES BYA'O, ,DBANG BO RNON BO NI CHOS KYI RJES SU 'BRANG BA'O, ,DAD PAS RJES SU 'BRANG BA NA DAD PAS RJES SU 'BRANG BA'O, ,DE 'DI LA YOD PAS NA DAD PAS RJES SU 'BRANG BA CAN TE, SNGON GZHAN LA YID CHES PAS DON GYIS RJES SU 'BRANG BA'I PHYIR RO, ,DE BZHIN DU CHOS KYI RJES SU 'BRANG BA YANG SNGON BDAG NYID KYIS MDO LA SOGS PA'I CHOS KYI DON GYI RJES SU 'BRANG BA'I PHYIR RO, ,DE GNYIS NI, BSGOM PAS SPANG BYA MA SPANGS PA, ,'BRAS BU DANG PO LA ZHUGS PA, ,'BRAS BU RNAMS KYI DANG PO YIN PAS NA 'BRAS BU DANG BO STE, RGYUN DU ZHUGS PA'I 'BRAS BU'O, ,DE NI THOB PAR BYA BA'I 'BRAS BU THAMS CAD KYI DANG PO YIN PA'I PHYIR RO, ,DAD PA DANG CHOS KYI RJES SU 'BRANG BA DE DAG NYID GAL TE SNGON 'JIG RTEN PA'I LAM GYIS BSGOM PAS SPANG BAR BYA'I, NYON MONGS PA MA SPANGS LA, KUN DU BCINGS PA ZHIG YIN NA NI, DE GNYIS RGYUN DU ZHUGS PA'I 'BRAS BU LA ZHUGS ZHES BYA'O, ,RNAM LNGA'I BAR BCOM, KAL TE SNGON 'JIG RTEN PA'I LAM GYIS BSGOMS TE SPANG BAR BYA BA'I NYON MONGS PA'I DOD PA NA SPYOD PA RNAMS LAS RNAM PA LNGA'I BAR DU SPANGS PA ZHIG YIN NA YANG DE BZHIN DU DANG PO'I 'BRAS BU LA ZHUGS PA ZHES BYA'O, ,GNYIS PA LA, DGU PA TSUN CHAD ZAD PA YI, ,GNYIS BA ZHES BYA BA NI GNYIS PA'I PHYIR TE, GAL TE DE GNYIS KYIS DE YAN CHAD RNAM PA DRUG GAM BDUN NAM BRGYAD CIG SNGON SPANGS PA YIN NA NI, DE GNYIS 'BRAS BU GNYIS PA LA ZHUGS PA ZHES BYA'O, ,GNYIS PA GANG ZHE NA, LAN CIG PHYIR 'ONG BA'I @223A *, ,'BRAS BU'O, ,'DOD BA'AM NI GONG MA LAS, ,CHAGS BRAL GSUM PA LA ZHUGS PA, ,GAL TE 'DOD PA'I KHAMS KYI RNAM PA DGU CHAR LAS KYANG 'DOD CHAGS DANG BRAL BA'AM, GONG MA CI YANG MED PA'I SKYE MCHED KYI BAR LAS 'DOD CHAGS DANG BRAL BA ZHIG YIN NA NI, DE GNYIS 'BRAS BU GSUM PA LA ZHUGS PA ZHES BYA'O, ,GSUM PA GANG ZHE NA, PHYIR MI 'ONG BA'I 'BRAS BU'O, ,GANG ZHIG GANG LA ZHUGS PA NI, ,BCU DRUG PA LA DE 'BRAS GNAS, ,SEMS BCU DRUG SKYES NA DE GNYIS LA DANG BA DANG, CHOS KYI RJES SU 'BRANG BA ZHES KYANG MI BYA LA RGYUN DU ZHUGS PA ZHES KYANG MI BYA'O, ,'O NA JI LTA BU ZHE NA, 'BRAS BU LA GNAS PA STE, GANG ZHIG RGYUN DU ZHUGS PA'I 'BRAS BU'AM, LAN CIG PHYIR 'ONG BA'I 'BRAS BU'AM, PHYIR MI 'ONG BA'I 'BRAS BU GANG LA ZHUGS PAR GYUR PA DE NI DE'I TSE 'BRAS BU LA GNAS PA YIN NO, ,DGRA BCOM PA NYID NI DANG PO KHO NAR THOB PAR MI NUS TE, MTHONG BA'I LAM GYIS BSGOMS TE SPANG BAR BYA BA MI SPONG BA'I PHYIR BA DANG, SNGAR YANG SRID PA'I RTZE MO LAS 'DOD CHAGS DANG BRAL BA MA SRID PA'I PHYIR RO, ,DE TSE DBANG PO RNO RTUL DAG, ,DAD PAS MOS DANG MTHONG BA THOB, ,DBANG PO RTUL PO SNGON DAD PAS RJES SU 'BRANG BA GANG YIN PA DE NI DE'I TSE DAD PAS MOS PA ZHES BYA'O, ,DBANG PO RNON PO SNGON CHOS KYI RJES SU 'BRANG BA GANG YIN PA DE NI DE'I TSE MTHONG BAS THOB PA ZHES BYA STE, DAD PA DANG SHES RAB LHAG PAR MOS PA DANG, MTHONG BAS RAB TU PHYE BA'I PHYIR RO, ,CI'I PHYIR SEMS BCU DRUG SKYES LA, NYON MONGS PA'I RNAM PA LNGA SPANGS KYANG RGYUN DU ZHUGS PA NYID CES BYA LA, LAN CIG PHYIR 'ONG BA'I 'BRAS BU LA ZHUGS PA ZHES MI BYA ZHE NA, GANG GI PHYIR, 'BRAS GNAS 'BRAS BU KHYAD PAR GYI, ,LAM THOB MED PAS DE YI PHYIR, 'BRAS GNAS KHYAD PAR CAN GYI PHYIR, ,MI BRTZON PA NI ZHUGS MA YIN, ,'BRAS BU THOB PA 'BRAS BU KHYAD PAR CAN GYI LAM MI THOB PA DE LTAR NGES PAS DE'I PHYIR 'BRAS BU LA GNAS PA JI SRID DU 'BRAS BU KHYAD PAR CAN DU BYA BA'I PHYIR 'BRAS BU GZHAN THOB PA LA RAB TU MI SBYOR BA DE SRID DU ZHUGS BA ZHES MI BYA STE, DE BZHIN DU 'BRAS BU GZHAN DAG LA YANG RIG @223B PAR BYA'O, ,GANG ZHIG BSAM GTAN GSUM PA LAS 'DOD CHAGS DANG BRAL BAS 'OG MA LA BRTEN TE NGES PAR 'JUG NA NI, DE GDON MI ZA BAR 'BRAS BU KHYAD PAR CAN GYI LAM MNGON DU BYED DO, ,DE LTA MA YIN NA DE'I GONG DU SKYES NA BDE BA'I DBANG PO DANG MI LDAN PAR 'GYUR RO, ,RE ZHIG PHAL CHER LAS 'DOD CHAGS DANG BRAL BA DANG, 'DOD PA LAS 'DOD CHAGS DANG BRAL BA RNAMS KYI NGES PAR 'JUG BA'I GANG ZAG GI RNAM PAR GZHAG BA NI DE LTA BU YIN NO, ,DA NI RIM GYIS 'JUG PA BRJOD PAR BYA STE, DE'I PHYIR RE ZHIG 'DI RNAM PAR GZHAG PAR BYA'O, ,JI LTAR 'DOD PA'I KHAMS KYI NYON MONGS PA RNAM PA DGU PO DE DAG BSTAN PA DE BZHIN DU, SA DANG SA LA NYES RNAM DGU, ,SRID PA'I RTZE MO'I BAR DU'O, ,NYES PA RNAMS NI JI LTA BAR, ,DE BZHIN DU NI YON TAN RNAMS, ,SA DANG SA LA DE'I GNYEN PO BAR CHAD MED PA'I LAM DANG RNAM PAR GROL BA'I LAM ZHES BYA BA YON TAN GYI RNAM PA DAG KYANG DGU DGU KHO NA'O, ,JI LTAR ZHE NA, CHUNG DANG 'BRING DANG CHE RNAMS KYI, ,CHUNG NGU LA SOGS THA DAD PHYIR, ,CHUNG NGU DANG 'BRING DANG CHEN PO STE, RTZA BA'I RNAM PA GSUM PO DE DAG LAS RE RE ZHING YANG CHUNG NGU DANG 'BRING DANG CHEN PO RNAM PA GSUM THA DAD PA'I PHYIR, DGUR RNAM PAR GZHAG STE; 'DI LTA STE CHUNG NGU'I CHUNG NGU'I RNAM PA DANG, CHUNG NGU'I 'BRING DANG, CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO'I RNAM PA'O, ,DE LA LAM CHUNG NGU'I CHUNG DUS NI NYON MONGS PA CHEN PO'I CHEN PO SPONG LA, DE BZHIN DU LAM CHEN PO'I CHEN POS NI NYON MONGS PA CHUNG NGU'I CHUNG NGU SPONG PA'I BAR DU STE, DANG PO KHO NAR LAM CHEN PO SKYE MI SRID PA'I PHYIR BA DANG, SKYES NAS NI NYON MONGS PA CHEN PO MI SRID PA'I PHYIR RO, ,DPER NA GOS LA DRI MA CHE LONG NI SNGAR 'KHRUL, PHRA MO NI PHYIS 'KHRU BA DANG, MUN PA CHE LONG NI SGRON MA CHUNG NGUS SEL LA, MUN PA PHRA MO NI SGRON MA CHEN POS SEL BA LTA BU'O, ,NYON MONGS PA'I RNAM PA DGU PO DE DAG LAS THAMS CAD DU, BSGOM PAS SPANG BYA MA SPANGS PA'I, ,'BRAS GNAS RE LTAR THOGS SRID BDUN, ,'BRAS BU LA GNAS PA GANG ZHIG BSGOM LAS SPANG BAR BYA BA'I @224A *, ,NYON MONGS PA'I RNAM PA GCIG KYANG MA SPANGS PA DE NI RGYUN DU ZHUGS PA YIN LA TSE BDUN GYI BAR DU 'KHOR BA NAS SRID PA LAN BDUN PA'O, ,RGYUN DU ZHUGS PA THAMS CAD NI SRID PA LAN BDUN PA MA YIN BAS RE LTAR THOGS NA ZHES BYA BA NI THAMS CAD KYI THA SHAL BA'O, ,MYA NGAN LAS 'DAS PA'I RGYUN NI LAM MO, ,DE NAS DER 'GRO BA'I PHYIR DE DER ZHUGS PA'AM 'ONGS PA'AM PHYIN PA NI RGYUN DU ZHUGS PA'O, ,BYE BRAG TU SMRA BA DAG NA RE DE NI DE LAS GZHAN PA'I SKYE BA'I SRID PA BDUN DANG, ,SRID PA BAR MA BDUN DU MI RNAMS KYI NANG DU NYING MTSAMS SBYOR BAR BYED LA, DE BZHIN DU LHA DAG GI NANG DU YANG NYING MTSAMS SBYOR BAR BYED DE, DE LTAR NA SRID PA NYI SHU RTZA BRGYAD KYI BAR DU NYING MTSAMS SBYOR BAR BYED PA'O, ,SRID PA BDUN PA'I SPYI YIN PA'I PHYIR RE LTAR THOGS NA SRID PA LAN BDUN PA ZHES BSHAD DE, GNAS BDUN LA MKHAS PA ZHES BYA BA DANG, SHING 'DAB MA BDUN PA ZHES BYA BA BZHIN NO ZHES ZER RO, ,RE ZHIG DE LTAR NA 'BRAS BU LA GNAS PA BSGOM PAS SPANG BAR BYA BA MA SPANGS PA NI RE LTAR THOGS NA SRID PA LAN BDUN PA YIN NO, ,RNAM GSUM GNYIS LAS RNAM GROL BA, ,TSE GNYIS GSUM DU RIGS NAS RIGS, ,RGYUN DU ZHUGS PA DE NYID RGYU GSUM GYIS NA RIGS NAS RIGS SU SKYE BA YIN TE, NYON MONGS PA SPANGS PA LAS NI RNAM PA GSUM MAM BZHI SPANGS BA'I PHYIR RO, ,DBANG BO LAS NI DE'I GNYEN PO ZAG PA MED PA'I DBANG PO THOB PA'I PHYIR RO, ,SKYE BA LAS NI TSE GCIG GAM GNYIS SHIG LUS PA'I PHYIR RO, ,TSIGS SU BCAD PA BSHAD PA NI NANG DU GNYIS SHIG SMOS PA NI RGYUN TU ZHUGS PA PHYIS NYON MONGS PA SPONG BAR BYED PA DANG DE'I GNYEN PO ZAG PA MED PA'I DBANG PO THOB PA NI MA SMOS KYANG GRUB PA'I PHYIR RO, ,RIGS NAS RIGS SU SKYES PA NI LHA'I RIGS NAS RIGS SU SKYE BA DANG, MI'I RIGS NAS RIGS SU SKYE BA'O, ,DE LA LHA'I RIGS NAS RIGS SU SKYE BA NI LHA RNAMS KYI NANG DU RIGS GNYIS SAM GSUM DU 'KHOR NAS LHA'I RIS DE NYID DAM, GZHAN DAG TU YONGS SU MYA NGAN LAS 'DAS PA GANG YIN PA'O, ,MI'I RIGS NAS RIGS SU SKYE BA NI MI RNAMS KYI NANG DU NYON MONGS PA SPANGS PA'I GLING DE NYID DAM GZHAN DAG TU RIGS GNYIS SAM GSUM DU @224B 'KHOR NAS YONGS SU MYA NGAN LAS 'DAS PA GANG YIN PA'O, ,YANG, 'BRAS BU LA GNAS PA DE NYID, ,RNAM PA LNGA YI BAR BCOM PA, ,GNYIS PA LAN ZHUGS PA'ANG YIN, ,'BRAS BU LA GNAS PA NYON MONGS PA'I RNAM PA GCIG NAS LNGA'I BAR DU SPANGS PA GANG YIN PA DE NYID NI GNYIS PA LA ZHUGS PA YIN PAR RIG PAR BYA'O, ,RNAM PA DRUG PA ZAD GYUR PA, ,DE NI LAN CIG PHYIR 'ONG BA, ,DE NI 'BRAS BU GNYIS PA THOB PA YIN TE, LAN CIG LHA'I NANG DU SONG NAS MI'I 'JIG RTEN DU 'ONG LA, ,DE PHAN CHAD NI SKYE BA MED PA'I PHYIR LAN CIG PHYIR 'ONG BA MA YIN NO, ,'DOD CHAGS DANG ZHE SDANG DANG GTI MUG RNAMS BSRABS PA'I PHYIR YANG LAN CIG PHYIR 'ONG BA ZHES BYA STE, CHUNG NGU'I RNAM BA LUS BA'I PHYIR RO, ,'BRAS BU LA GNAS PA DE NYID, ,NYES CHA BDUN DANG BRGYAD ZAD PA, ,TSE GCIG BAR CHAD GCIG PA DANG, ,GSUM PA LA NI ZHUGS PA'O, ,LAN CIG PHYIR 'OD BA DE NYID RGYU GSUM GYIS NA BAR CHAD GCIG PA YIN PAR RIG PAR BYA STE, NYON MONGS PA'I RNAM PA BDUN DANG BRGYAD SPANGS PA DANG, DE'I GNYEN PO DBANG THOB PA DANG, TSE GCIG LUS PA'I PHYIR RO, ,BAR CHAD CES BYA BA NI BAR DU GCOD PAR BYED PA STE, DE YANG MYA NGAN LAS 'DAS PA LA TSE GCIG GIS CHOD PA'I PHYIR BA'AM, PHYIR MI 'ONG BA'I 'BRAS BU LA NYON MONGS PA'I RNAM PA GCIG GIS CHOD PA'I PHYIR RO, ,'DI'I BAR CHAD GCIG YIN PAS NA BAR CHAD GCIG PA'O, ,RNAM PA BDUN DANG BRGYAD SPANGS PA DE NI GSUM PA LA ZHUGS PA YIN PAR RIG PAR BYA'O, ,SNGAR NYON MONGS PA SPANGS SHING 'BRAS BU THOB PA NI JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA'AM, BAR CHAD GCIG PA MA YIN NO, ,DE DGU ZAD PAS PHYIR MI 'ONG, ,'BRAS BU LA GNAS PA DE NYID NYON MONGS PA'I RNAM PA DGU SPANGS PA LAS PHYIR MI 'ONG BA YIN PAR BLTA BAR BYA STE, 'DOD PA'I KHAMS SU PHYIR MI 'ONG BA'I PHYIR RO, ,DE NI BAR SKYES 'DU BYED DANG, ,'DU BYED MED PAR MYA NGAN 'DA', ,GANG DU 'PHO BA'O, ,'DIR BAR MA DOR YONGS SU MYA NGAN LAS 'DA' BAS NA BAR MDOR YONGS SU MYA NGAN LAS 'DA' BA STE, DE BZHIN DU SKYES PA DANG, 'DU BYED PA DANG, 'DU BYED PA MED PAR @225A *, ,YONGS SU MYA NGAN LAS 'DA' BA LA YANG SBYANG BAR BYA'O, ,PHYIR MI 'ONG BA DE NYID RNAM PA LNGAR 'GYUR TE, BAR MA DOR YONGS SU MYA NGAN LAS 'DA' BA NI SRID PA BAR MAR YONGS SU MYA NGAN LAS 'DA' BA GANG YIN PA'O, ,SKYES NAS YONGS SU MYA NGAN LAS 'DA' BA NI SKYES PA TZAM LAS MI 'CHI BAR PHUNG PO DANG BCAS BA'I MYA NGAN LAS 'DA' BAS YONGS SU MYA NGAN LAS 'DA' BA GANG YIN PA STE, MNGON PAR BRTZON PA DANG, LAM NYAMS 'OG TU CHUD PA YIN PA'I PHYIR RO, ,MNGON PAR 'DU BYED PA DANG BCAS PAS YONGS SU MYA NGAN LAS 'DA' BA NI SKYES NAS SBYOR BA MA BTANG ZHING MNGON PAR 'DU BYED PA DANG BCAS PAS YONGS SU MYA NGAN LAS 'DA' BA GANG YIN BA STE, MNGON PAR BRTZON PA'I LAM NYAMS 'OG TU MA CHUD PA YIN PA'I PHYIR RO, ,MNGON PAR 'DU BYED PA MED PAR YONGS SU MYA NGAN LAS 'DA' BA NI MNGON PAR 'DU BYED PA MED BAR YONGS SU MYA NGAN LAS 'DA' BA GANG YIN PA STE, MNGON PAR BRTZON PA DANG LAM NYAMS 'OG TU CHUD PA MED PA'I PHYIR RO, ,GONG DU 'PHO BA NI GANG DU SKYES PA DE NYID DU YONGS SU MYA NGAN LAS MI 'DA' BAR GONG DU 'GRO BA GANG YIN PA STE, 'PHO BA DANG 'GRO BA NI DON GCIG GO, ,DE DAG NI, BSAM GTAN SPEL NAS 'OG MIN 'GRO, ,GANG DU 'PHO BA DE NI RGYU DANG 'BRAS BU'I SGO NAS RNAM PA GNYIS TE, RGYU'I SGO NAS NI BSAM GTAN SPEL MA DANG SPEL MA MA YIN PA'I PHYIR RO, ,'BRAS BU'I SGO NAS NI 'OG MIN DANG SRID PA'I RTZE MO'I MTHAR THUG PAR 'GRO BA'I PHYIR RO, ,DE LA GANG GIS BSAM GTAN SPEL MAR BSGOMS PA DE NI 'OG MIN DU SONG NAS YONGS SU MYA NGAN LAS 'DA'O, ,DE 'PHAR PHYED 'PHAR THAMS CAD DU, ,'CHI 'PHO, DE LTAR 'OG MIN GYI MTHAR THUG PAR 'GRO BA'I GONG DU 'PHO BA DE NI 'PHAR BA LA SOGS PA'I BYE BRAG GIS RNAM PA GSUM STE, DE LA 'PHAR BA ZHES BYA BA NI 'DIR BSAM GTAN RNAMS SPEL MAR BSGOMS TE BSAM GTAN GSUM LAS YONGS SU NYAMS NA BSAM GTAN DANG PO'I RO MYANGS TE, TSANGS RIS KYI LHA RNAMS KYI NANG DU SKYES LA, SNGON GOMS PA'I DBANG GIS BSAM GTAN SPEL MAR BSGOMS TE, DE NAS SHI 'PHOS NAS 'OG MIN DU SKYE BA GANG YIN PA STE, DE NI BAR DAG TU MI 'BYIN BAS NA 'PHAR BA ZHES BYA'O, ,PHYED @225B DU 'PHAR BA ZHES BYA BA NI, DE NAS GNAS GTZANG MA RNAMS SU SKYES LA, BAR NAS GNAS 'GA' TZAM YANG RGAL TE 'OG MIN DU 'JUG PA GANG YIN PA'O, ,'PHAGS PA NI TSANGS PA CHEN PO'I NANG DU MI SKYE STE, LTA BA'I GNAS YIN PA DANG, GTZO BO GCIG TU ZAD PA'I PHYIR RO, ,GNAS THAMS CAD DU 'CHI 'PHO BAR ZHES BYA BA NI GNAS KYI BYE BRAG THAMS CAD LAS SHI 'PHOS NAS 'OG MIN DU 'JUG PA GANG YIN PA STE, PHYIR MI 'ONG BA NI NAM YANG SKYE BA'I SKYE MCHED DE NYID DU, TSE GNYIS PA MNGON PAR GRUB PAR MI BYED DE, KHYAD PAR DU 'GRO BA YIN PA'I PHYIR RO, ,'DI LTAR GANG DU SKYES PA DE'I 'OG DANG DE NYID DU PHYIR MI 'ONG BA'I PHYIR NA, DE'I PHYIR MI 'ONG BA YONGS SU RDZOGS PA YIN NO, ,RE ZHIG BSAM GTAN SPEL MAR BSGOMS PAS 'OG MIN DU 'GRO BA NI DE LTA BU YIN PAR RIG PAR BYA'O, ,DE LAS, GZHAN SRID RTZE MOR 'GRO, GANG DU 'PHO BA BSAM GTAN SPEL MAR MA BSGOMS PA NI SRID PA'I RTZE MO'I MTHAR PHYIN PAR 'GYUR TE, DE NI SNYOMS PAR 'JUG PA'I BYE BRAG RNAMS RO MYONG BAR BYED CING GNAS KYI KHYAD PAR THAMS CAD DU SKYE LA, GNAS GTZANG MA RNAMS SU MI 'JUG PA NYID DU GZUGS MED PAR SKYE BA'I RIM GYIS SRING PA'I RTZE MOR SONG STE, YONGS SU MYA NGAN LAS 'DA' BA'O, , 'DI NI ZHI GNAS SPYOD PA'O, ,SNGA MA NI LHAG MTHONG SPYOD PA'O, ,RE ZHIG DE DAG NI GZUGS SU NYE BAR 'GRO BA'I PHYIR MI 'ONG BA LNGA YIN NO, ,GZUGS MED 'GRO BA RNAM BZHI GZHAN, ,GZHAN GZUGS MED PAR 'GRO BA'I PHYIR MI 'ONG BA GZUGS KYI 'DOD CHAGS DANG BRAL BA 'DI NAS SHI 'PHOS NAS GZUGS MED PA'I NANG DAG TU SKYE BA GANG YIN PA NI SKYES NAS YONGS SU MYA NGAN LAS 'DA' BA LA SOGS PA'I BYE BRAG GIS RNAM PA BZHI STE, BAR MA DOR YONGS SU MYA NGAN LAS 'DA' BA MA GTOGS SO, ,DE LTAR NA PHYIR MI 'ONG BA NI DRUG TU 'GYUR RO, ,'DIR NI MYA NGAN 'DA' 'GYUR GZHAN, , GZHAN NI TSE 'DI NYID LA YONGS SU MYA NGAN LAS 'DA' STE, MTHONG BA'I CHOS LA YONGS SU MYA NGAN LAS 'DA' BAR 'GYUR BA GANG YIN PA DE NI BDUN PA YIN NO, ,GSUM PA RNAM PAG SUM PHYE NAS, ,ZUGS SU NYER 'GRO DGUR BSHAD DO, ,YANG PHYIR MI 'ONG BA GSUM LAS, ,RNAM PA GSUM @226A *, ,GSUM DU PHYE NA GZUGS SU NYE BAR 'GRO BA'I PHYIR MI 'ONG BA NI DGUR 'GYUR TE, GSUM PO DE DAG GANG ZHE NA, BAR MDOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, GONG DU 'PHO BA DANG, RNAM PA GSUM DBYE BA JI LTA BU ZHE NA, DE ZHIG BAR MDOR YONGS SU MYA NGAN LAS 'DA' BA NI MYUR BA DANG, MYUR BA MA YIN PA DANG, YUL RE ZHIG NA YONGS SU MYA NGAN LAS 'DA' BA STE, DPE GSUM GYI BSTAN PA YIN NO, ,SKYES NAS YONGS SU MYA NGAN LAS 'DA' BA NI, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' PHA DANG, MNGON PAR 'DU BYED PA MED PAR YONGS SU MYA NGAN LAS 'DA' BA STE, DE DAG THAMS CAD KYANG SKYES NAS YONGS SU MYA NGAN LAS 'DA' BA'I PHYIR SKYES NAS YONGS SU MYA NGAN LAS 'DA' BA RNAMS SO, ,GONG DU 'PHO BA NI 'PHAR BA LA SOGS PAS DBYE BAS GSUM YIN NO, ,DE DAG GI NI KHYAD PAR RNAMS, ,LAS DANG NYON MONGS BYE BRAG LAS, ,PHYIR MI 'ONG BA GSUM DANG DGU PO DE DAG GI KHYAD PAR NI LAS DANG NYON MONGS PA DANG, DBANG BO'I BYE BRAG LAS RIG PAR BYA STE, RE ZHIG GSUM NI, MNGON PAR 'GRUB PA DANG, SKYES PA DANG, LAN GRANGS GZHAN LA MYONG BAR 'GYUR BA'I LAM BSAGS PA DANG, NYON MONGS PA'I KUN DU SPYOD PA NI CHUNG DU DANG, 'BRING DANG, CHEN PO YIN PA DANG, DBANG PO RNON PO DANG, 'BRING DANG, RTUL PO YIN PA'I PHYIR TE, GO RIMS BZHIN NO, ,DE BAS NA DE DAG NI DGU BO RE RE LA YANG CI RIGS PAR KHYAD PAR DU BLTA BAR BYA STE, DANG PO GSUM PO GNYIS NI SNGA MA BZHIN DU NYON MONGS PA DANG, DBANG PO'I BYE BRAG GIS KHYAD PAR DU BLTA'O, ,GSUM PA THA MA NI, LAN GRANGS GZHAN LA MYONG BAR 'GYUR BA'I LAS KYI BYE BRAG LAS KYANG KHYAD PAR DU BLTA BAR BYA'O, ,DE LTAR NA DE DAG NI NYON MONGS PA DANG DBANG PO'I RNAM PA DGU YIN PA'I PHYIR MI 'ONG BA RNAM PA DGUR 'GYUR RO, ,DE LTAR NA MDO LAS SKYES BU DAM PA'I 'GRO BA NI BDUN NO ZHES GSUNGS PA JI LTA BU ZHE NA, GONG DU 'PHO BA MA PHYE BAR, ,DAM PA'I 'GRO BA BDUN DU 'DOD, ,GONG DU 'GRO BA'I CHOS NI GONG DU 'PHO BA DAG STE, MDO LAS NI MA PHYE BAR BSTAN PA'I PHYIR @226B SKYES BU DAM PA'I 'GRO BA BDUN ZHES GSUNGS SO, ,CI'I PHYIR DE DAG 'BA' ZHIG LA SKYES BU DAM PA'I 'GRO BA ZHES BYA BA LA, SLOB PA'I 'GRO BA GZHAN DAG NI MA YIN ZHE NA, 'GRO BA DE LTA BU GANG YIN PA DE DAG NI DAM PA'I LAS DGE BA NYID LA 'JUG PA DANG, DAM PA MA YIN PA MI DGE BA LA MI 'JUG PA DANG, DE DAG GI 'GROS KYIS DANG PO RNAMS NI YANG PHYIR MI 'ONG BA MED PA YIN LA, JI SKAD DU BSHAD PA DE DAG NI GZHAN LA MED PAS DE'I PHYIR, DAM PA DAM MIN 'JUG MI 'JUG ,SONG NAS PHYIR MI 'ONG BA'I PHYIR TE, SKYES BU DAM PA'I 'GRO BA ZHES BYA'O, ,GZHAN NA MA YIN NO, ,CI TSE YONGS SU GYUR PA'I PHYIR MI 'ONG BA RNAMS LA YANG DE LTAR DBYE BA YOD DAM ZHE NA, MED DE GANG GI PHYIR, 'DOD BAR TSE YONGS GYUR PA'I 'PHAGS, ,KHAMS GZHAN DU NI 'GRO BA MED, ,'DOD PA'I KHAMS GZHAN DAG TU TSE YONGS SU GYUR PA'I 'PHAGS PA NI, KHAMS GZHAN DAG TU MI 'GRO STE, TSE DE NYID LA PHYIR MI 'ONG BA'I 'BRAS BU THOB NAS YONGS SU MYA NGAN LAS 'DA' BA'I PHYIR RO, ,GZUGS KYI KHAMS DAG TU TSE YONGS SU GYUR PA NI RES 'GA' ZHIG NI GZUGS MED PA'I KHAMS DAG TU YANG 'JUG STE, GONG DU 'PHO BA SRI DPA'I RTZE MO'I MTHAR THUG PAR 'GRO BAR BSHAD PA GANG YIN PA'O, ,DE DANG GONG MAR SKYES PA NI, ,DBANG BO'I MI 'PHO YONGS NYAMS BCOM, ,'DOD PA'I KHAMS DAG TU TSE YONGS SU GYUR PA'I 'PHAGS PA DE DANG, KHAMS GONG MAR SKYES PA'I 'PHAGS PA NI DANG PO RNAMS KYANG MI 'PHO LA, JI LTAR YANG YONGS SU NYAMS PAR MI 'GYUR TE; TSE RABS GZHAN NA YONGS SU BSGOMS PA DBANG PO RNAMS SHIN TU YONGS SU SMIN PA DANG, LUS KHYAD PAR CAN THOB PA'I PHYIR RO, ,JI SKAD DU DE, BSAM GTAN SPEL MAS 'OG MIN 'GRO, ,ZHES BSHAD PA GANG YIN PA DANG PO NYID DU BSAM GTAN GANG ZHIG SPEL MAR BYED CE NA, DANG POR BSAM GTAN BZHI PA SPEL, DE NI TING NGE 'DZIN THAMS CAD LAS SU RUNG BA DANG, BDE BA SGRUB PA'I MCHOG YIN PA'I PHYIR RO, ,SPEL MA NI 'DI LTAR SPEL MAR BYED DO, ,DGRA BCOM PA'AM PHYIR MI 'ONG BA ZAG PA MED PA'I BSAM GTAN BZHI PA LA RGYU DANG LDAN PAR SNYOMS PAR 'JUG CING, DE LAS @227A *, ,LANGS TE, DE NYID ZAG PA DANG BCAS PA LA RGYUN DANG LDAN PAR SNYOMS PAR 'JUG LA, DE LAS LANGS TE, YANG ZAG PA MED PA LA 'JUG STE, DE BZHIN DU RGYUN 'GRIBS PAS GANG GI STE SKAD CIG MA GNYIS SU ZAG PA MED PA LA SNYOMS PAR 'JUG CING SKAD CIG MA GNYIS SU ZAG PA DANG BCAS PA LA SNYOMS PAR 'JUG LA, YANG ZAG PA MED PA LA SNYOMS PAR 'JUG PA DE NI, SPEL MA'I SBYOR BA YIN NO ZHES GRAG GO, ,SKAD CIG MA NI BSRES PAR GRUB, ,BYE BRAG TU SMRA BA DAG NA RE, GANG GI TSE ZAG PA MED PA'I SKAD CIG MA'I MJUG THOGS SU ZAG PA DANG BCAS PA MNGON DU BYED CING ZAG PA DANG BCAS PA'I MJUG THOGS SU YANG ZAG PA MED PA MNGON DU BYED LA, DE BZHIN DU ZAG PA DANG BCAS PA'I SKAD CIG MA DANG, ZAG PA MED PA'I SKAD CIG MA GNYIS BSRES PAS SPEL MA GRUB PA YIN NO ZHES ZER RO, ,SKAD CIG MA GNYIS NI BAR CHAD MED PA'I LAM LTA BU YIN LA, GSUM PA NI RNAM PAR GROL BA'I LAM LTA BU YIN NO, ,DE LTAR BSAM GTAN BZHI PA SPEL NA DE'I STOBS KYIS GZHAN DANG GZHAN DAG KYANG SPEL MAR BYED DO, ,DANG PO NYID DU NI 'DOD PA'I KHAMS KYI GLING GSUM DAG TU SPEL MAR BYED LA, PHYIS YONGS SU NYAMS NAS NI GZUGS KYI KHAMS DAG TU YANG SPEL MAR BYED DO, ,CI'I PHYIR BSAM GTAN SPEL MAR BYED CE NA, SKYE DANG GNAS PAR BYA PHYIR DANG, ,NYON MONGS PAS NI 'JIGS PHYIR YANG, ,RGYU GSUM GYIS NA BSAM GTAN RNAMS SPEL MAR BYED DE, PHYIR MI 'ONG BA DBANG PO RNON PO RNAMS NI GNAS GTZANG MAR SKYES PAR BYA BA DANG, MTHONG BA'I CHOS LA BDE BAR GNAS PAR BYA BA'I PHYIR CHOS SPEL MAR BYED LA, DBANG PO RTUL PO RNAMS NI NYON MONGS PAS 'JIGS PA'I PHYIR YANG YIN TE, RO MYANG BA DANG MTSUNGS PAR LDAN PA'I TING NGE 'DZIN THAG BSRINGS PA'I SGO NAS YONGS SU MI NYAMS PAR BYA BA'I PHYIR SPEL MAR BYED DO, ,DGRA BCOM PA DBANG PO RNON PO RNAMS NI MTHONG BA'I CHOS LA BDE BAR GNAS PA'I PHYIR RO, ,DBANG PO RTUL PO RNAMS NI NYON MONGS PAS 'JIGS PAS YONGS SU MI NYAMS PAR BYA BA'I PHYIR YANG YIN NO, ,YANG CI'I PHYIR GNAS GTZANG MAR SKYE BA RNAMS NI LNGA KHO NA YIN ZHE NA, DE LTAR BSAM GTAN BZHI PA SPEL @227B MAR BSGOMS PAR BSHAD PA GANG YIN PA, DE NI RNAM PA LNGA YI PHYIR, ,GTZANG MA'I GNAS SU SKYE BA LNGA, ,SPEL MAR BSGOMS PA DE NI CHUNG DU DANG, 'BRING DANG, CHEN PO DANG, SHIN TU CHE BA DANG, SHIN TU CHES CHE BAR DBYE BAS RNAM PA LNGA YIN TE, DANG PO LA NI ZAG PA MED PA DANG ZAG PA DANG BCAS PA DANG, ZAG PA MED PA DANG, SEMS GSUM MNGON DU BYED DO, ,GNYIS PA LA NI DRUG GO, ,GSUM PA LA NI DGU'O, ,BZHI PA LA BCU GNYIS SO, ,LNGA PA LA NI SEMS BCO LNGA MNGON DU BYED DE, DE DAG GI 'BRAS BU NI RIM BZHIN DU GNAS GTZANG MA LNGA YIN LA, DE DAG LAS ZAG PA DANG BCAS PA GANG YIN PA DE'I DBANG GIS DE DAG TU SKYE'O, ,GZHAN DAG NA RE DANG PA LA SOGS PA LHAG PAS NA LNGA YIN NO ZHES ZER RO, ,'GOG PA THOB PA'I PHYIR MI 'ONG, ,LUS KYIS MNGON DU BYED PAR 'DOD, ,PHYIR MI 'ONG BA GANG LA LA ZHIG GIS 'GOG PA THOB PA DE NI MYA NGAN LAS 'DAS PA DANG 'DRA BA'I CHOS LUS KYIS MNGON SUM DU BYAS PA'I PHYIR LUS KYIS MNGON SUM DU BYED PA ZHES BYA'O, JI LTAR NA LUS KYIS MNGON SUM DU BYED CE NA, SEMS MED PA'I PHYIR BA DANG LUS LA BRTEN NAS SKYE BA'I PHYIR RO, ,SRID RTZE'I BAR CHAD BRGYAD ZAD PA, ,DGRA BCOM NYID LA ZHUGS PA'O, ,YANG PHYIR MI 'ONG BA DE BSAM GTAN DANG PO'I RNAM PA GCIG LAS 'DOD CHAGS DANG BRAL BA NAS BZUNG STE, SRID PA'I RTZE MO'I RNAM PA BRGYAD KYI BAR DU SPANGS PA'I LAM DGRA BCOM PA NYID LA ZHUGS PA YIN NO, ,DGU BA'I BAR CHAD MED LAM YANG, ,DE NI SRID PA'I RTZE MO BA'I RNAM PA DGU BA SPONG BA'I BAR CHAD MED PA'I LAM LA GNAS PA NA YANG DGRA BCOM PA NYID LA ZHUGS PA KHO NA YIN NO, ,DE NI RDO RJE LTA BU YIN PAR BAR CHAD MED PA'I LAM DE NI PHRA RGYAS THAMS CAD 'JOMS PA YIN PA'I PHYIR RO, ,RDO RJE LTA BU'I TING NGE 'DZIN ZHES BYA'O, ,BCOM ZIN PA'I PHYIR DE DAG THAMS CAD 'JOMS PAR BYED PA NI MA YIN MOD KYI THAMS CAD 'JOMS PA'I MTHU YOD CING BAR CHAD MED PAS LAM THAMS CAD PAS CHES CHE BA YIN PA'I PHYIR RO, ,GANG DE SRID PA'I RTZE MO'I RNAM PA DGU PAR BSHAD PA'I RDO RJE LTA BU'I TING NGE 'DZIN GYIS SPANG BAR BYA BA GANG YIN PA, DE @228A *, ,ZAD THOB DANG ZAD YE SHES, ,RNAM PA DGU PA DE ZAD PA'I THOB PA DANG, LHAN CIG TU ZAD PA'I YE SHES SKYE STE, RDO RJE LTA BU'I TING NGE 'DZIN GYI MJUG THOGS SU PHI MA RNAM PAR GROL BA'I LAM SKYE BAS DE BAS NA DE NI DANG PO KHO NAR ZAG PA THAMS CAD ZAD PA'I THOB PA DANG LHAN CIG SKYE BA'I PHYIR ZAD PA'I YE SHES ZHES BYA'O, ,DE TSE DE MI SLOB DGRA BCOM, ,YANG DGRA BCOM PA NYID LA ZHUGS PA DE ZAD PA'I YE SHES SKYES NAS 'BRAS BU GZHAN GYI PHYIR SLOB PA MED PAS NA MI SLOB PA YIN NO, ,'DOD CHAGS DANG BCAS PA THAMS CAD KYIS MCHOD PAR 'OS PA'I PHYIR DGRA BCOM PA STE, DGRA BCOM PA'I 'BRAS BU THOB PA YIN NO, ,DE NYID KYI PHYIR SNGAR GANG ZAG BDUN DU BSHAD PA GZHAN RNAMS NI ZAG PA THAMS CAD ZAD PAR BYA BA'I PHYIR, BSLAB PA GSUM PO LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB LA SLOB PA'I NGANG TSUL CAN YIN PA'I PHYIR SLOB PA ZHES BYA BAR GRUB STE, DE DAG NI TSUL KHRIMS DANG TING NGE 'DZIN DANG SHES RAB KYI RANG BZHIN YIN NO, ,BSGOM PA'I LAM 'JIG RTEN DANG, 'JIG RTEN LAS 'DAS PA RNAM PA GNYIS SU BSHAD PA LA, LAM GANG GIS NA SLOB PA DE KHAMS GANG DAG LAS 'DOD CHAGS DANG BRAL BA 'THOB CE NA, 'JIG RTEN 'DAS KYI SRID RTZE LAS, ,CHAGS BRAL, 'JIG RTEN PAS NI MA YIN TE, CI'I PHYIR ZHE NA, DE'I GONG NA 'JIG RTEN PA MED PA'I PHYIR BA DANG, RANG GIS PA'I GNYEN PO MA YIN PA'I PHYIR RO, ,CI'I PHYIR GNYEN PO MA YIN ZHE NA, SA DE PA'I NYON MONGS PA RNAMS RGYAS PAR 'GYUR BA'I PHYIR TE; NYON MONGS PA GANG GIS DNGOS PO GA LA RGYAS PAR 'GYUR BA DE NI DNGOS PO DES SPONG BAR MI 'GYUR LA, GANG GI GNYEN PO GANG YIN PA DE'I NI NYON MONGS PA DE RGYAS PAR YANG MI 'GYUR RO, ,GZHAN LAS RNAM PA GNYIS, SRID PA'I RTZE MO LAS GZHAN PA'I SA DAG LAS NI 'JIG RTEN PA'I LAM GYIS KYANG 'DOD CHAGS DANG BRAL BAR 'GYUR LA, 'JIG RTEN LAS 'DAS PA'I LAM GYIS KYANG 'DOD CHAGS DANG BRAL BAR 'GYUR TE, DE LA YANG, 'JIG RTEN PA YIS CHAGS BRAL BA'I, ,'PHAGS PA BRAL BA'I THOB RNAM GNYIS, ,'PHAGS PA 'JIG RTEN PA'I LAM GYIS 'DOD CHAGS DANG BRAL BAS 'GRO BA @228B DAG NI BRAL BA'I THOB PA 'JIG RTEN DANG 'JIG RTEN LAS 'DAS PA RNAM PA GNYIS SKYE'O, ,KHA CIG 'JIG RTEN 'DAS KYIS KYANG, ,GZHAN DAG NA RE 'JIG RTEN LAS 'DAS PA'I LAM GYIS KYANG DE BZHIN NO ZHES ZER RO, ,CI'I PHYIR ZHE NA, BTANG LA NYON MONGS MI LDAN PHYIR, ,GAL TE BAR CHAD MED PA'I LAM GYIS 'DOD CHAGS DANG BRAL BA THOB NAS 'JIG RTEN PA'I BRAL BA'I THOB PA MI SKYE NA, DE LTAR 'PHAGS PA'I LAM GYIS CI YANG MED PA'I SKYE MCHED LAS 'DOD CHAGS DANG BRAL BA BSAM GTAN LA RTEN TE, DBANG PO 'PHO BAR BYED PA GANG YIN PA LAM SNGA MA THAMS CAD NI BTANG LA 'BRAS BU'I LAM 'BA' ZHIG THOB PA'I PHYIR SA GONG MA'I NYON MONGS PA'I BRAL BA DANG MI LDAN PAR 'GYUR ZHING BTANG BA DE LA YANG NYON MONGS PA DE DAG DANG LDAN PAR YANG 'GYUR RO, ,SRID RTZE'I PHYED LAS RNAM GROL DANG, ,GONG MAR SKYES PA BZHIN MI LDAN, ,DE LA 'JIG RTEN PA'I BRAL BA THOB PA MED DU ZIN KYANG DE DAG DANG LDAN PAR MI 'GYUR TE, DPER NA SRID PA'I RTZE MO RNAM PA PHYED LAS RNAM PAR GROL BA LA, DE'I BRAL BA THOB PA 'JIG RTEN PA MED MOD KYI, DBANG PO 'PHO BAS 'JIG RTEN LAS 'DAS PA'I BRAL BA'I THOB PA BTANG YANG, YANG NYON MONGS PA DE DAG DANG LDAN PAR MI 'GYUR BA DANG, DPER NA SO SO'I SKYE BO BSAM GTAN DANG PO'I GANG YAN CHAD DU SKYES PA, 'DOD PA NA SPYOD PA'I NYON MONGS PA DANG BRAL BA'I THOB PA BTANG YANG, YANG NYON MONGS PA DE DANG LDAN PAR MA 'GYUR BA BZHIN PAS DE NI GTAN TSIGS SU MI RUNG NGO, ,SA GANG ZHIG GIS SA GANG DAG LAS 'DOD CHAGS DANG BRAL BAR 'GYUR ZHE NA, ZAG MED MI LCOGS MED PA YIN, ,THAMS CAD LAS NI CHAGS BRAL 'GYUR, ,SRID PA'I RTZE MO'I BAR LAS SO, ,YANG GANG ZHIG NYER BSDOGS LA BRTEN TE SA 'OG MA LAS 'DOD CHAGS DANG BRAL BA THOB NA, CI DE'I BAR CHAD MED PA'I LAM BZHIN DU RNAM PAR GROL BA'I LAM THAMS CAD KYANG NYER BSDOGS LAS SKYES BAR 'GYUR RAM ZHE NA, SMRAS PA MA YIN TE, JI LTAR ZHE NA, SA GSUM RGYAL LAS BSAM GTAN NAM, ,NYER BSDOGS LAS MTHA'I RNAM GROL LAM, ,SKYE BA'I SA THAMS CAD NI DGU STE, 'DOD PA'I KHAMS DANG BSAM GTAN DANG, SNYOMS PAR 'JUG PA BRGYAD DO, ,DE LAS BSAM GTAN GNYIS PA'I BAR LAS 'DOD @229A *, ,CHAGS DANG BRAL BAS GSUM LAS RGYAL BA DE LA NI THA MA RNAM PAR GROL BA'I LAM NYER BSDOGS LAS KYANG SKYE LA, BSAM GTAN DNGOS GZHI LAS KYANG SKYE'O, ,GONG MA NYER BSDOGS PA LAS MIN, ,SA GSUM LAS RGYAL BA YAN CHAD NI BTANG SNYOMS KYI DBANG PO THUN MONG YIN PA'I PHYIR DNGOS GZHI NYID LAS SKYE'I, ,NYER BSDOGS LAS NI MI SKYE'O, ,BSAM GTAN GSUM DAG LAS NI NYER BSDOGS DANG DNGOS GZHI GNYIS KYI DBANG PO THA DAD PA'I PHYIR KHA CIG BSAM GTAN DNGOS GZHI LA 'JUG MI NUS TE, DBANG PO 'PHO BA NI DKA' BA'I PHYIR RO, ,DE BAS NA GSUM LAS 'DOD CHAGS DANG BRAL BA LAS NI NYER BSDOGS LAS KYANG THA MA RNAM PAR GROL BA'I LAM SKYE'O, ,ZAG PA MED PA'I MI LCOGS PA MED PAS SA THAMS CAD LAS 'DOD CHAGS DANG BRAL BAR 'GYUR RO ZHES BSHAD KYI, GZHAN DAG GIS NI 'DOD CHAGS DANG BRAL BAR 'GYUR BAR MA BSHAD PAS, DE'I PHYIR SMRAS PA, 'PHAGS, BRGYAD KYIS RANG GONG SA LAS RGYAL, ,ZAG PA MED PA'I BSAM GTAN DANG, BSAM GTAN KHYAD PAR CAN DANG, GZUGS MED PA DANG BRGYAD KYIS RANG GIS DE GONG MA LAS 'DOD CHAGS DANG BRAL BAR 'GYUR GYI 'DOD CHAGS DANG BRAL ZIN PA'I PHYIR 'OG MA LAS NI MA YIN NO, ,DE LA 'JIG RTEN LAS 'DAS PA'I BAR CHAD MED PA'I LAM DANG, RNAM PAR GROL BA'I LAM RNAMS NI BDEN PA LA DMIGS PA YIN PA'I PHYIR BDEN PA'I RNAM PA LA ZHUGS PA ZHES BYA BAR GRUB BO, ,'JIG RTEN PA YI RNAM GROL DANG, ,BAR CHAD MED LAM RIM BZHIN DU, ,ZHI DANG RAGS SOGS RNAM PA RNAMS, ,RNAM PAR GROL BA'I LAM RNAMS NI, ,ZHI BA LA SOGS PA'I RNAM PAR LTA BA YIN LA, BAR CHAD MED PA'I LAM RNAMS NI RAGS PA LA SOGS PA'I RNAM PAR LTA BA YIN TE, DE DAG KYANG RIM BZHIN DU, GONG DANG 'OG MA SPYOD YUL LO, ,RNAM PAR GROL BA'I LAM RNAMS NI SA GONG MA LA CI RIGS PAR ZHI BA DANG, GYA NOM PA DANG, NGES PAR 'BYUNG BA'I RNAM PAR BLTA'O, ,BAR CHAD MED PA'I LAM RNAMS NI SA 'OG MA NGAG LA RAGS PA DANG, SDUG BSNGAL LEN PA DANG, RTZIG PA STUG PO LTA BUR RNAM PAR LTA STE, MA ZHI BA DANG, RTZOL BA CHEN POS 'BAD DGOS PA'I PHYIR RAGS PA'O, ,GYA NOM PA MA YIN PA DANG, @229B GNAS NGAN LEN PA RAB TU MANG BAS MI MTHUN PAR 'GYUR BA'I PHYIR SDUG BSNGAL LEN PA'O, ,RTZIG PA NGES PAR MI 'BYUNG BA BZHIN DU DE NYID KYIS SO, ,DE LAS NGES PAR MI 'BYUNG BA'I PHYIR RTZIG PA STUG PO LTA BU'O, ,DE DAG LAS BZLOG PA NI ZHI BA DANG GYA NOM PA DANG, NGES PAR 'BYUNG BA'I RNAM PA DAG YIN NO, , ZHAR LAS 'ONGS PA RDZOGS SO,, ,,DKYUS MA BRJOD PAR BYA STE, ZAD PA'I YE SHES KYI MJUG THOGS SU CI ZHIG SKYE ZHE NA, GAL TE MI G-YO ZAD SHES LAS, ,MI SKYE BLO GROS, GAL TE DGRA BCOM PA MI G-YO BA'I CHOS CAN ZHIG YIN NA NI, ,DE LA ZAD PA'I YE SHES KYI MJUG THOGS SU MI SKYE BA'I YE SHES SKYE'O, ,'O NA MIN NA, ZAD SHES PA NI MI SLOB LTA, ,'ON TE MI G-YO BA'I CHOS CAN ZHIG MA YIN NA NI ZAD PA'I YE SHES KYI MJUG THOGS SU ZAD PA'I YE SHES NYID DAM MI SLOB PA'I YANG DAG PA'I LTA BA SKYE'O, ,YONGS SU NYAMS PA YOD PA'I PHYIR MI SKYE BA'I YE SHES NI MI SKYE'O,, CI MI G-YO BA'I CHOS CAN RNAMS LA, DE MI SKYE BA KHO NA YIN NAM ZHE NA, DE NI DGRA BCOM THAMS CAD LA, ,MI G-YO BA'I CHOS CAN LA YANG RES 'GA' NI MI SKYE BA'I YE SHES NYID SKYE LA, RES 'GA' NI MI SLOB PA'I YANG DAG PA'I LTA BA SKYE'O, ,DE LTAR NA 'BRAS BU BZHIR BSHAD PA GANG YIN PA DE DAG GI 'BRAS BU YIN ZHE NA, DGE SBYONG GI 'BRAS BU YIN NO, ,DGE SBYONG GI 'BRAS BU ZHES BYA BA 'DI CI ZHIG CE NA, DGE SBYONG DRI MA MED PA'I LAM, ,ZAG PA MED PA'I LAM NI SKYE ZHES BYA'O, ,DES NYON MONGS PA YANG DAG PAR ZHI BAR BYAS PA'I SGO NAS DGE SBYONG DU 'GYUR TE, MDO LAS KYANG, 'DIS SDIG PA MI DGE BA'I CHOS RGYAS PAR RGA SHIR 'GYUR BA'I BAR RNAM PA DU MA ZHI BAR BYAS PAS DGE SBYONG ZHES BYA'O ZHES 'BYUNG BA'I PHYIR RO, ,YANG DGE SBYONG DE'I, 'BRAS BU 'DUS BYAS 'DUS MA BYAS, ,DGE SBYONG GI 'BRAS BU NI 'DUS BYAS DANG 'DUS MA BYAS RNAMS YIN TE, DE DAG KYANG MDO LAS BZHIR GSUNGS MOD KYI 'ON KYANG DE DE DAG BRGYAD CU RTZA DGU'O, ,DE DAG KYANG GANG ZHE NA, GROL LAM ZAD PA RNAMS DANG BCAS, ,MTHONG BAS SPANG BAR BYA BA'I NYON MONGS PA RNAMS SPANG BAR BYA BA LA, BAR CHAD MED PA'I LAM BRGYAD DANG, ,RNAM PAR GROL BA'I LAM BRGYAD DO, ,BSGOM PAS SPANG BAR BYA BA'I NYON @230A *, ,MONGS PA RNAMS SPANG BAR BYA BA'I PHYIR SA DGU DAG LA RE RE ZHING YANG NYON MONGS PA RNAM PA DGU DGU SPANG BAR BYA BA LA, DE SNYED KYI BAR CHAD MED PA'I LAM DANG RNAM PAR GROL BA'I LAM RNAMS YIN NO, ,DE LA BAR CHAD MED PA'I LAM RNAMS NI DGE SBYONG YIN LA, RNAM PAR GROL BA'I LAM RNAMS NI; DE'I RGYU MTHUN PA DANG SKYES BU BYED PA'I 'BRAS BU YIN PA'I PHYIR DGE SBYONG GI 'BRAS BU 'DUS BYAS YIN NO, ,NYON MONGS PA DE DAG SPANGS PA NI DGE SBYONG GI 'BRAS BU 'DUS BYAS YIN NO, ,DE LTAR NA DE DAG NI BRGYAD CU RTZA DGUR 'GYUR RO, ,DE LTAR NA SANGS RGYAS KYIS GSUNGS PA KHA BSKANG BAR BYA DGOS SO ZHE NA, MI DGOS TE GAL TE YANG 'BRAS BU NI PHAL CHE MOD KYI, 'BRAS BU BZHIR RNAM GZHAG PA NI, ,RGYU LNGA DAG NI YOD PHYIR RO, ,BCOM LDAN 'DAS KYIS SPONG BA'I LAM GYI GNAS SKABS GANG DAG LA RGYU LNGA YOD PA DE LA 'BRAS BUR RNAM PAR GZHAG GO ZHES GRAG STE, LNGA GANG ZHE NA, 'BRAS LA SNGA MA BTANG BA DANG, ,LAM GZHAN THOB DANG ZAD BSDOMS DANG, ,YE SHES BRGYAD PO THOB PA DANG, ,RNAM PA BCU DRUG BSGOMS PA'O, ,LAM SNGA MA BTANG BA DANG, SNGON MA THOB PA'I LAM THOB PA NI ZHUGS PA'I LAM BTANG BA DANG, 'BRAS BU'I LAM THOB PA'I PHYIR RO, ,SPANGS PA BSDOMS PA NI THAMS CAD KYI THOB PA GCIG RNYED PA'I PHYIR RO, ,YE SHES BRGYAD PO CIG CAR DU THOB PA NI CHOS SHES PA DANG, RJES SU SHES PA DAG GI YIN NO, ,RNAM PA BCU DRUG TU BSGOMS PA NI MI RTAG PA LA SOGS PA RNAMS TE, RGYU LNGA PO DE DAG NI 'BRAS BU BZHIR RNAM PAR GZHAG PA'I 'BRAS BU'O COG LA YOD DO, ,GAL TE ZAG PA MED PA'I LAM 'BA' ZHIG DGE SBYONG YIN NA, 'JIG RTEN PA'I LAM GYIS THOB PA'I 'BRAS BU GNYIS JI LTAR NA, DGE SBYONG GI 'BRAS BUR RUNG ZHE NA, 'JIG RTEN PA YI THOB 'DRES DANG, ,ZAG MED THOB PA 'DZIN PHYIR 'BRAS, ,LAN CIG PHYIR 'ONG BA'AM, PHYIR MA 'ONG BA'I 'BRAS BU DE NI, 'JIG RTEN PA'I LAM GYIS 'BRAS BU SPONG BA 'BA' ZHIG KYANG MA YIN TE, JI LTAR ZHE NA, MTHONG BA'I LAM GYIS 'BRAS BU SPANGS PA YANG DER BSRE BAR BYA STE, THAMS CAD KYI THOB PA NI DE'I 'BRAS BUR BSDUS PA GCIG RNYED PA'I PHYIR RO, ,DE GNYIS KYI PHYIR @230B MOD LAS 'DI SKAD DU, LAN CIG PHYIR 'ONG BA'I 'BRAS BU GANG ZHE NA, KUN DU SBYOR BA GSUM SPANGS PA DANG, 'DOD CHAGS DANG, ZHE SDANG DANG, GTI MUG RNAMS BSRABS PA GANG YIN PA'O, ,PHYIR MI 'ONG BA'I 'BRAS BU GANG ZHE NA, THA MA'I CHA DANG MTHUN PA LNGA SPANGS PA GANG YIN PA'O ZHES GSUNGS SO, ,ZAG PA MED PA'I BRAL BA'I THOB PAS NI SPANGS PA DE 'DZIN TE, DE'I MTHUS YONGS SU NYAMS KYANG MI 'CHI BAS DE'I PHYIR DGE SBYONG GI TSUL GYI 'BRAS BUR RIGS SO, ,DE LTAR DGE SBYONG GI TSUL DU BSHAD PA GANG YIN LA, DE NYID BRAM ZE TSANGS PA YI, 'KHOR LO, ,NYON MONGS PA SPONG BA'I PHYIR NA BRAM ZE'O, ,TSANGS PA'I 'KHOR LO NI, TSANGS PAS BSKOR PHYIR RO, ,BLA NA MED PA TSANGS PA DANG LDAN PA'I PHYIR BCOM LDAN 'DAS NI TSANGS PA'O, ,'DI NI DE'I 'KHOR LO YIN PAS NA TSANGS PA'I YIN TE, MDO LAS, BCOM LDAN 'DAS DE NI CHANGS PA ZHES KYANG BYA, ZHI BA ZHES KYANG BYA, BSIL BAR GYUR PA ZHES KYANG BYA'O ZHES KYANG 'BYUNG LA, DES BSKOR BA'I PHYIR RO, ,CHOS KYI 'KHOR LO MTHONG BA'I LAM, ,RGYU BAS NA 'KHOR LO'O, ,DE DANG CHOS MTHUN PA'I PHYIR MTHONG BA'I LAM NI CHOS KYI 'KHOR LO ZHES BYA'O, ,JI LTAR NA DE'I CHOS MTHUN PA YIN ZHE NA, MYUR BAR 'GRO DANG RTZIBS SOGS LAS, ,MYUR BAR 'GRO BA'I PHYIR NI 'DOR BA DANG 'GRO BA DANG, MA RGYAL BA RGYAL BAR BYA BA DANG, RGYAL BA RNAMS RNAL DU 'GOD PA DANG, 'PHAR BA DANG 'BAB PA'I PHYIR TE, DE LTAR NA MYUR BAR 'GRO BA'I PHYIR RO, ,BTZUN PA DBYANGS CAN NA RE, 'PHAGS PA'I LAM BRGYAD NI RTZIBS LA SOGS PA DANG, CHOS MTHUN PA'I PHYIR CHOS KYI 'KHOR LO ZHES ZER TO, ,YANG DAG PA'I LTA BA DANG, RTOG PA DANG, RTZOL BA DANG, DRAN PA RNAMS NI RTZIBS LTA BU YIN NO, ,YANG DAG BA'I NGAG DANG LAS KYI MTHA' DANG 'TSO BA RNAMS NI LTE BA LTA BU YIN NO, ,YANG DAG PA'I TING NGE 'DZIN NI MU KHYUD LTA BU YIN PAS NA, MTHONG BA'I LAM NI CHOS GYI 'KHOR LO YIN NO, ,DE GA LAS SHE NA, 'PHAGS PA KUN SHES KOOndI N+YA'I DE SKYE BA NA, CHOS KYI 'KHOR LO BSKOR TO ZHES 'BYUNG BA'I PHYIR RO, ,JI LTAR NA DE LAN GSUM DU BZLAS PA DANG, RNAM PA BCU GNYIS SU BSKOR BA YIN ZHE NA, @231A *, ,'DI NI SDUG BSNGAL 'PHAGS PA'I BDEN PA'O, ,DE YONGS SU SHES PAR BYA'O, ,DE YONGS SU SHES SO ZHES BYA BA DE NI LAN GSUM BZLAS PA YIN NO, ,BZLAS PA RE RE ZHING YANG 'DI LTAR BDEN PA RE RE LA MIG SKYES SO ZHES PA DANG, RIG PA DANG BLO SKYES SO ZHES BYA BA DE DAG NI RNAM PA BCU GNYIS YIN NO, ,GSUM PA DANG BCU GNYIS BAR CHOS MTHUN PA'I PHYIR LAN GSUM DU BZLAS PA DANG, RNAM PA BCU GNYIS ZHES BSHAD DE, DPER NA GNYIS DANG GNAS BDUN LA MKHAS PA ZHES BSHAD PA YIN NO, ,BYE BRAG TU SMRA BA DAG NA RE BSKOR BA DE DAG GIS NI RIM BZHIN DU MTHONG BA DANG, BSGOM PA DANG MI SLOB PA'I LAM RNAMS BSTAN TO ZHES ZER TE, GAL TE DE LTAR NA MTHONG BA'I LAM 'BA' ZHIG LA LAN GSUM DU BZLAS PA YANG MA YIN LA, RNAM PA BCU GNYIS KYANG MA YIN NO, ,JI LTAR NA CHOS KYI 'KHOR LOR RNAM PAR GZHAG STE, DE BAS NA CHOS KYI RNAM GRANGS DE NYID CHOS KYI 'KHOR LO YIN ZHE NA, LAM GSUM DU BZLAS PA DANG RNAM PA BCU GNYIS YIN PAR YANG RIGS SO, ,JI LTAR NA LAN GSUM DU BZLAS PA YIN ZHE NA, BDEN PA RNAMS LAN GSUM DU BZLAS PA'I PHYIR RO, ,JI LTAR NA RNAM PA BCU GNYIS YIN ZHE NA, BDEN PA BZHI LA RNAM PA GSUM DU BYAS PA'I PHYIR TE, SDUG BSNGAL DANG KUN 'BYUNG BA DANG, 'GOG PA DANG LAM ZHES BYA BA DANG, YONGS SU SHES PAR BYA BA DANG, SPANG BAR BYA BA DANG, MNGON DU BYA BA DANG, BSGOM PAR BYA BA ZHES BYA BA DANG, YONGS SU SHES PA DANG, SPANGS PA DANG, MNGON DU BYAS PA DANG, BSGOMS PA ZHES BYA'O, ,DE'I BSKOR BA NI GZHAN GYI RGYUD LA DON GO BAR BYED PA'I PHYIR 'GRO BA YIN NO, ,YANG NA 'PHAGS PA'I LAM THAMS CAD KYANG 'DUL BA'I RGYUD LA 'JUG PA'I PHYIR CHOS KYI 'KHOR LO YIN TE, DE NI GZHAN GYI RGYUD LA MTHONG BA'I LAM BSKYED PA'I PHYIR BSKOR BAR RTZOM PAS DE'I PHYIR BSKOR BA ZHES BYA'O, ,YANG NA KHAMS GANG DAG TU DGE SBYONG GI 'BRAS BU DU DAG CIG 'THOB CE NA, 'DOD PAR GSUM 'THOB, GSUM NI 'DOD PA'I KHAMS 'BA' ZHIG TU 'THOB KYI GZHAN DU NI MA YIN NO, ,THA MA NI, GSUM DU, DGE SBYONG GI 'BRAS BU THA MA DANG, @231B DGRA BCOM PA NYID KYI KHAMS GSUM CHAR DU YANG 'THOB BO, ,RE ZHIG 'BRAS BU GNYIS NI, 'DOD CHAGS DANG MA BRAL BAS THOB PAR BYA BA MIN PA'I PHYIR GONG MAR MI 'THOB PA YANG RIGS NA, GSUM PA GO CI'I PHYIR MI 'THOB CE NA, GONG NA MTHONG LAM MED, 'DOD PA'I KHAMS LAS GONG NA NI MTHONG BA'I LAM MED LA, DE MED PAR NI 'DOD CHAGS DANG BRAL BAS PHYIR MI 'ONG BA'I 'BRAS BU 'THOB PA MED DE, DE NI GTAN TSIGS YIN NO, ,CI'I PHYIR DE DAG NA MTHONG BA'I LAM MED CE NA, RE ZHIG GZUGS MED PA'I KHAMS DAG NA NI NYAN PA MED PA DANG, KHAMS 'OG MA LA NI MI DMIGS PA'I PHYIR RO, ,GZUGS KYI KHAMS DAG NA NI, SKYE MED PHYIR DANG 'DIR BRTZAMS TE, ,DE MTHAR PHYIN ZHES LUNG LAS BYUNG, ,GZUGS NA SPYOD PA'I SO SO'I SKYE BO RNAMS NI SNYOMS PAR 'JUG PA'I BDE BA LA CHAGS PA DANG, SDUG BSNGAL GYI TSOR BA MED PA'I PHYIR SKYO BAR MI 'GYUR LA, SKYO BA MED PA NI 'PHAGS PA'I LAM THOB PAR MI NUS TE, RE ZHIG DE NI RIGS PA YIN NO, ,LUNG LAS KYANG BAR MA DOR YONGS SU MYA NGAN LAS 'DA' BA NAS GONG DU 'PHO BA'I BAR GYI GANG ZAG LNGA PO DE DAG NI, 'DIR RTZOM PAR BYED PA DER MTHAR PHYIN PAR 'GYUR ZHES 'BYUNG STE, RTZOM PA ZHES BYA BA NI MYA NGAN LAS 'DA' BA'I THABS YIN PA'I PHYIR LAM RTZOM PA YIN NO, ,'DI SKAD DU GAL TE MI G-YO BA'I CHOS CAN ZHIG YIN NA NI, ZAD PA'I YE SHES LAS MI SKYE BA'I YE SHES SKYE'O ZHES BSHAD NA DE NI DGRA BCOM PA LA YANG DBYE BA YOD DAM ZHE NA, YOD CES BYA STE, DGRA BCOM DRUG 'DOD, MDO LAS DGRA BCOM PA NI DRUG TU GSUNGS TE, YONGS SU NYAMS PA'I CHOS CAN DANG, 'CHI BAR SEMS PA DANG, RJES SU BSRUNG BA'I CHOS CAN DANG, GNAS PA LA MI BSKYOD PA DANG, RTOGS PA'I SKAL BA CAN DANG, MI G-YO BA'I CHOS CAN NO, ,DE DAG LAS, LNGA NI DAD PAS MOS LAS SKYE'O, ,MI G-YO BA'I CHOS CAN MA GTOGS PA GZHAN LNGA NI DAD PAS MOS PA'I RGYU LAS BYUNG BA YIN NO, ,DE DAG RNAM GROL DUS DANG SBYOR, ,LNGA PO DE DAG DUS DANG SBYOR BA DANG, RTAG TU RJES SU BSRUNG BA'I PHYIR DGA' BA'I SEMS RNAM PAR GROL BAR RIG PAR BYA STE, DE NYID KYI @232A *, ,PHYIR DE DAG NI DUS KYIS RNAM PAR GROL BA ZHES BYA'O, ,DE DAG NI DUS LA LTOS PA YANG YIN RNAM PAR GROL BA YANG YIN PAS NA DUS KYIS RNAM PAR GROL BA STE, BAR GYI TSIG MI MNGON PAR BYA BA'I PHYIR, MAR GYI BUM PA ZHES BYA BA BZHIN NO, ,DE DAG NI YO BYAD DANG NAD MED PA DANG DUS KYI BYE BRAG LA LTOS PA'I PHYIR DUS LA LTOS SHING TING NGE 'DZIN MNGON DU BYED PA YIN NO, ,MI G-YO BA'I CHOS CAN MI G-YO BA, MI G-YO BA'I CHOS CAN NI YONGS SU MI NYAMS PA'I SGO NAS BSKYED PAR MI NUS PA'I PHYIR RNAM PAR GROL BA MI G-YO BA YIN NO, ,DE'I PHYIR DE DUS MI SBYOR GROL, ,DE NYID KYI PHYIR DE NI DUS DANG MI SBYOR BAR RNAM PAR GROL BA ZHES BYA STE, DE NI 'DOD DGUR TING NGE 'DZIN MNGON DU BYED PA'I PHYIR DUS LA MI LTOS PA DANG RNAM PAR GROL BA YIN NO, ,DUS GZHAN GYI BAR DU RNAM PAR GROL BA DANG, GTAN DU RNAM PAR GROL BA'I PHYIR DUS KYIS RNAM PAR GROL BA DANG, DUS DANG MI SBYOR BAR RNAM PAR GROL BA'AM, YONGS SU NYAMS PA SRID PA DANG, MI SRID PA'I PHYIR DUS KYIS RNAM PAR GROL BA DANG, DUS DANG MI SBYOR BAR RNAM PAR GROL BA YIN NO, ,DE NI MTHONG THOB RGYU LAS BYUNG, MI G-YO BA'I CHOS CAN DE NI MTHONG BAS THOB PA'I RGYU LAS BYUNG BA YIN PAR RIG PAR BYA'O, , CI DGRA BCOM PA DRUG PO DE DAG DANG PO KHO NA NAS DE'I RIGS CAN YIN NAM, 'O NA TE PHYIS DE'I RIGS CAN DU GYUR PA ZHIG YIN ZHE NA, KHA CIG DANG PO NAS DE'I RIGS, ,KHA CIG SBYANGS PA LAS 'GYUR TE, ,KHA CIG NI DANG PO KHO NA NAS 'CHI BAR SEMS PA'I RIGS CAN YIN NO, ,KHA CIG NI YONGS SU NYAMS PA'I CHOS CAN DU GYUR NAS DBANG PO RNAMS SBYANGS PAS 'CHI BAR SEMS PA'I CHOS CAN DU GYUR PA YIN NO, ,DE BZHIN DU MI G-YO BA'I CHOS CAN DU GYUR GYI BAR DU RIG PAR BYA'O, ,DE LAS YONGS SU NYAMS PA'I CHOS CAN NI YONGS SU NYAMS PAR 'GYUR BA'I SKAL BA CAN GANG YIN PA'O, , 'CHI BAR SEMS PA'I CHOS CAN NI 'CHI BAR SEMS PAR 'GYUR BA'I SKAL BA CAN GANG YIN PA'O, ,RJES SU BSRUNG BA'I CHOS CAN NI RJES SU SRUNG BAR 'GYUR BA'I SKAL BA CAN GANG YIN BA'O, ,GNAS PA LAS MI BSKYOD PA NI YONGS SU NYAMS PAR 'GYUR BA'I RKYEN STOBS DANG LDAN PA MED NA, RJES SU MA @232B BSRUNGS KYANG GNAS PA DANG NYAMS PAR MI 'GYUR BA DANG, MNGON PAR BRTZON PA MED NA 'PHEL BAR MI 'GYUR BA'I SKAL BA CAN GANG YIN PA'O, ,RTOGS PA'I SKAL BA CAN NI MI G-YO BA'I SEMS RNAM PAR GROL BA RTOGS PAR 'GYUR BA'I SGAL BA CAN GANG YIN PA'O, ,MI G-YO BA'I CHOS CAN NI YONGS SU NYAMS PAR MI 'GYUR BA'I SKAL BA CAN GANG YIN BA'O, ,DANG PO GNYIS NI SNGON SLOB PA'I GNAS SKABS NYID NA RGYUN DU SBYOR BA DANG GUS PAR SBYOR BA MED PA YIN NO, ,GSUM PA NI RGYUD DU SBYOR BA YIN NO, ,BZHI PA NI GUS PAR SBYOR BA YIN NO, ,LNGA PA NI GNYI GAR SBYOR BA DANG DBANG PO RTUL PO YIN NO, ,DRUG PA NI GNYI GAR SBYOR BA DANG DBANG PO RNON PO YIN NO, ,YONGS SU NYAMS PA'I CHOS CAN YANG GDON MI ZA BAR YONGS SU NYAMS PAR 'GYUR BA MA YIN LA, RTOGS PA'I SKAL BA CAN GYI BAR DU YANG RTOGS PAR 'GYUR BA NI MA YIN MOD KYI SRID PA'I PHYIR DE SKAD CES BRJOD DO,, DE LTAR BYAS NA KHAMS GSUM CHAR NA YANG DGRA BCOM PA DRUG TU RIGS SO, ,GANG DAG GI GDON MI ZA BAR YONGS SU NYAMS PAR 'GYUR BA NAS MNGON PAR RTOGS PA'I BAR DU 'GYUR BA DE DAG GI LTAR NA, 'DOD PA'I KHAMS NA NI DGRA BCOM PA DRUG GO, ,GZUGS DANG GZUGS MED PA'I KHAMS DAG NI GNAS PA LAS MI BSKYOD PA DANG, MI G-YO BA'I CHOS CAN GNYIS TE, DE NYID LAS YONGS SU NYAMS PA DANG, 'CHI BAR SEMS PA DANG, DBANG PO 'PHO BA MED PA'I PHYIR RO, ,YANG DE DAG GANG ZHIG 'BRAS BU'AM RIGS GANG LAS YONGS SU NYAMS PAR 'GYUR ZHE NA, BZHI NI RIGS LAS LNGA 'BRAS LAS, ,NYAMS TE, 'CHI BAR SEMS PA'I CHOS CAN LA SOGS PA BZHI NI, RIGS LAS YONGS SU NYAMS PAR 'GYUR RO, ,YONGS SU NYAMS PA'I CHOS CAN NI RANG GI RIGS LAS YONGS SU NYAMS PAR MI 'GYUR TE, YONGS SU NYAMS PA'I CHOS CAN LA SOGS PA LNGA NI, 'BRAS BU LAS YONGS SU NYAMS PAR 'GYUR RO, ,DE DAG LAS SNGA MA LAS MA YIN, GANG GI RIGS DANG BO GANG YIN PA DE LAS NI YONGS SU NYAMS PAR MI 'GYUR TE, SLOB PA DANG MI SLOB PA LAM GYIS BRTAN POR BYAS PA'I PHYIR RO, ,SLOB PA NI 'JIG RTEN PA DANG 'JIG RTEN LAS 'DAS PA'I LAM GYIS BRTAN POR @233A *, ,BYAS PA'I PHYIR YONGS SU NYAMS PAR MI 'GYUR RO, ,PHYIS DBANG PO SBYANGS PA THOB PA GANG YIN PA DE LAS NI YONGS SU NYAMS PAR 'GYUR RO, ,GANG GI 'BRAS BU DANG PO GANG YIN PA DE LAS KYANG YONGS SU NYAMS PAR MI 'GYUR RO, ,LHAG PA LAS NI YONGS SU NYAMS PAR 'GYUR RO, ,DE NYID KYI PHYIR RGYUN DU ZHUGS PA'I 'BRAS BU LAS YONGS SU NYAMS PA MED DO, ,CI DGRA BCOM PA DRUG PO DE DAG 'BA' ZHIG LA RIGS DRUG YIN NAM 'ON TE GZHAN DAG LA YANG RIGS YONG CE NA, SLOB DANG 'PHAGS MIN RNAMS LA YANG, ,RIGS DRUG, SLOB PA DANG SO SO'I SKYE BO RNAMS LA YANG RIGS DRUG YOD DO, ,DGRA BCOM PA'I RIGS RNAMS KYANG DE DAG GI RGYU LAS BYUNG BA NYID YIN NO, ,'ON KYANG, MTHONG LA 'PHO BA MED, MTHONG BA'I LAM LAS GZHAN DAG LA DBANG PO 'PHO BA YOD KYI SBYOR BA MED PA'I PHYIR MTHONG BA'I LAM LA NI MA YIN NO, ,LA LA NI SO SO'I SKYE BO'I GNAS NYID DAG TU DBANG PO RNAMS 'PHO BAR BYED DO, ,LA LA NI DAD PAS MOS PA DANG, MTHONG BAS THOB PA'I GNAS SKABS DAG TU DBANG PO 'PHO BAR BYED DO, ,MDO LAS JI SKAD DU GANG ZHIG GIS LHAG PA'I SEMS BZHI LA MTHONG BA'I CHOS LA BDE BAR GNAS PA THOB PA DE NI, DE GANG YANG RUNG BA ZHIG LAS YONGS SU NYAMS PAR 'GYUR BAR NGA SMRA'I, GANG ZHIG GIS GCIG PU GNAS PA NAS MI G-YO BA'I SEMS KYI RNAM PAR GROL BA'I BAR DU LUS KYIS MNGON DU BYAS PA DE NI DE LAS RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O ZHES BKA' STZAL PA, JI LTAR MI G-YO BA'I CHOS CAN MTHONG BA'I CHOS LA BDE BAR GNAS PA LAS YONGS SU NYAMS PAR 'GYUR ZHE NA, THOB MA THOB DANG LONGS SPYOD LAS, ,YONGS NYAMS RNAM PA GSUM ZHES BYA, ,THOB PA LAS YONGS SU NYAMS PA NI GAL TE YON TAN THOB PA LAS YONGS SU NYAMS PAR 'GYUR BA'O,, MA THOB PA LAS YONGS SU NYAMS PA NI GAL TE THOB PAR BYA BA'I YON TAN MA THOB PA'O, ,LONGS SPYOD LAS YONGS SU NYAMS PA NI GAL TE YON TAN THOB KYANG MNGON SUM DU MI BYED PA'O, ,YONGS SU NYAMS PA DE DAG LAS, ,STON LA THA MA MI G-YO BA, ,BAR MA GZHAN LA RNAM GSUM MO, ,SANGS @233B RGYAS LA NI LONGS SPYOD LAS, ,YONGS SU NYAMS PA 'BA' ZHIG MNGA'I GZHAN NI MA YIN NO, ,MI G-YO BA'I CHOS CAN LA NI DE DANG MA THOB PA'I YONGS SU NYAMS PA YANG YOD DE, GANG ZAG KHYAD PAR GYI CHOS MA THOB PA'I PHYIR RO, ,DGRA BCOM PA GZHAN DAG LA NI THOB PA LAS YONGS SU NYAMS PA YANG YOD DO, ,DE'I PHYIR MI G-YO BA'I CHOS CAN LONGS SBYOD LAS YONGS SU NYAMS PAR 'BYUNG BA'I PHYIR MDO DANG MI 'GAL LO, ,YANG DGRA BCOM PA GANG ZHIG 'BRAS BU LAS YONGS SU NYAMS NA CI DE YANG SKYE ZHE NA, DE NI MED DE, GANG GI PHYIR, 'BRAS LAS NYAMS PA 'CHI BA MED, ,'BRAS BU LAS YONGS SU NYAMS PA NI 'GA' YANG 'CHI BA MED DO, ,DE LTA MA YIN NA TSANGS PAR SPYOD PA YID BRTAN DU MI RUNG BAR 'GYUR RO, ,'BRAS BU GANG ZHIG LAS YONGS SU NYAMS PAR 'GYUR BA 'BRAS BU DE LA GNAS TE, ,BYA BA MA YIN GANG YIN PA, ,BYA BA MA YIN DE MI BYED, ,YONGS SU NYAMS KYANG 'BRAS BU DE DANG 'GAL BA MI BYED DE, DPA' BO 'DRED KYANG RDEG MI 'CHA' BA BZHIN NO, ,YANG DBANG PO RNAMS 'PHO BA NA BAR CHAD MED PA'I LAM DANG RNAM PAR GROL BA'I LAM RNAMS NI DU ZHIG SKYE ZHE NA, MI G-YO RNAM GROL BAR CHAD MED, ,LAM DGU'O, ,RTOGS PA'I SKAL BA CAN GANG ZHIG GIS MI G-YO BA'I RIGS RTOGS PAR BYED PA NA, DPER NA DGRA BCOM PA NYID THOB PA BZHIN DU, BAR CHAD MED PA'I LAM DGU DANG, RNAM PAR GROL BA'I LAM DGU SKYE'O, ,CI'I PHYIR ZHE NA, DBANG PO RTUL PO'I RIGS DE NI, ,SHIN TU BRTAN PHYIR, DE LA SHIN TU GOMS PA DE NI DBANG PO RTUL PO RTUL PA'I RIGS CAN YIN LA, SLOB PA DANG MI SLOB PA'I LAM GNYIS KYIS BRTAN POR BYAS PA'I PHYIR 'BAD PA CHUNG DUS BZLOG PAR MI NUS SO, ,MTHONG BAS THOB PA RE RE'O, ,MTHONG BAS THOB PA RTOGS PAR BYED PA DAG LA NI BAR CHAD MED PA'I LAM GCIG DANG, RNAM PAR GROL BA'I LAM GCIG SKYE'O, ,SBYOR BA'I LAM LA NI THAMS CAD DU YANG GCIG KHO NA YIN NO, ,BAR CHAD MED PA'I LAM DANG, RNAM PAR GROL BA'I LAM DE DAG THAMS CAD NI, ZAG PA MED, 'PHAGS PA NI ZAG PA DANG BCAS PA'I LAM GYIS DBANG PO 'PHO BA MED DO, ,DBANG PO RNAMS GANG DU 'PHEL ZHE NA, GSUM DAG TU 'PHEL, MI RNAMS KYI NANG DU @234A *, ,DBANG PO 'PHO'I GZHAN DAG TU NI MA YIN TE, YONGS SU NYAMS PA MED PA'I PHYIR RO, ,GANG ZHIG SA GANG DAG LA BRTEN NAS DBANG PO RNAMS 'PHO BAR BYED CE NA, MI SLOB PA DGU LA BRTEN TE, ,MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI BA DANG, GZUGS MED PA GSUM RNAMS LA'O, ,SLOB PA DRUG LA, GZUGS MED PA MA GTOGS PA RNAMS SO, ,CI'I PHYIR ZHE NA, GANG GI PHYIR, 'PHEL BA 'BRAS BU KHYAD PAR CAN, ,BTANG STE 'BRAS BU THOB PAR 'GYUR, ,DBANG PO RNAMS 'PHO BA NA DBANG PO RTUL PO LAM GYI 'BRAS BU DANG, 'BRAS BU KHYAD BAR CAN BTANG STE, DBANG PO RNON PO'I RIGS KYI 'BRAS BU NYID THOB PA YIN NO, PHYIR MI 'ONG BA'I 'BRAS BU GZUGS MED PAS BSDUS PA NI MED DE, DE NI GTAN TSIGS YIN NO, ,DGRA BCOM PA DE DAG THAMS CAD NI DBANG PO'I BYE BRAG LAS DGUR 'GYUR TE, JI LTAR ZHE NA, SANGS RGYAS GNYIS DANG NYAN THOS BDUN, ,DGU PO DE DAG KYANG, DBANG PO RNAM PA DGU YIN NO, ,NYAN THOS BDUN GANG ZHE NA, YONGS SU NYAMS PA'I CHOS CAN LA SOGS PA LNGA DANG, MI G-YO BA'I CHOS CAN RNAM PA GNYIS TE, DBANG PO SBYANGS PA LAS GYUR PA DANG, DANG PO NYID NAS DE'I RIGS CAN NO,, SANGS RGYAS GNYIS NI MI G-YO BA'I BYE BRAG NYID YIN TE, RANG SANGS RGYAS DANG SANGS RGYAS SO, ,DE LTAR NA DE DAG NI CHUNG DU'I CHUNG DU LA SOGS PA DBANG PO'I RNAM PA DGUR DBYE BA LAS GANG ZAG DGUR 'GYUR RO, ,'PHAGS PA'I GANG ZAG THAMS CAD NI BDUN DU 'GYUR TE, DAD PAS RJES SU 'BRANG BA DANG, CHOS KYIS RJES SU 'BRANG BA DANG, DAD PAS MOS PA DANG, MTHONG BAS THOB PA DANG, LUS KYIS MNGON DU BYED PA DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA'O, ,DE DAG KYANG, RAB SBYOR DBANG PO SNYOMS 'JUG DANG, ,RNAM GROL GNYI GA LAS BYAS RNAMS, ,GANG ZAG BDUN TE, RAB TU SBYOR BA LAS NI DAD PAS RJES SU 'BRANG BA DANG, CHOS KYIS RJES SU 'BRANG BA DAG STE, SNGON GZHAN GYI RKYEN DANG, CHOS KYIS RJES SU 'BRAD BA GNYIS KYIS DON RNAMS LA RAB TU SBYOR BA'I PHYIR RO, ,DBANG PO LAS NI DAD PAS MOS PA DANG, MTHONG BAS THOB @234B PA DAG STE, DAD PAS MOS PA DANG, SHES RAB LHAG MA'I SGO NAS DBANG BO RTUL PO DANG RNON PO YIN PA'I PHYIR RO, ,SNYOMS PAR 'JUG PA LAS NI LUS KYIS MNGON DU BYED PA STE, 'GOG PA'I SNYOMS PAR 'JUG PA MNGON DU BYAS PA'I PHYIR RO, ,RNAM PAR GROL BA LAS NI SHES RAB KYIS RNAM PAR GROL BA'O, ,SNYOMS PAR 'JUG PA'I RNAM PAR GROL BA LAS NI GNYI GA'I CHA LAS RNAM PAR GROL BA'O, ,MING GI SGO NAS NI GANG ZAG DE BDUN YIN NO, ,DE DAG DRUG ,RDZAS KYI SGO NAS NI DE DAG DRUG TU 'GYUR TE, GANG GI PHYIR LAM LA GNYIS SO, ,MTHONG BA'I LAM LA NI GNYIS TE, DAD PAS RJES SU 'BRANG BA DANG, CHOS KYIS RJES SU 'BRANG BA'O, ,DE DAG NYID BSGOM PA'I LAM LA GNYIS SU 'GYUR TE, DAD PAS MOS PA DANG, MTHONG BAS THOB PA'O, ,DE GNYIS KYANG MI SLOB PA'I LAM LA GNYIS SU 'GYUR TE, DUS KYIS RNAM PAR GROL BA DANG, DUS DANG MI SBYOR BAS RNAM PAR GROL BA'O, , GNYI GA'I CHA LAS RNAM PAR GROL BA ZHES BYA BA DE NI CI, SHES RAB KYIS RNAM PAR GROL BA ZHES BYA BA DE NI CI ZHE NA, 'GOG PA THOB PA GNYI GA LAS, ,RNAM PAR GROL BA SHES RAB GZHAN YIN NO, ,GANG 'GOG PA'I SNYOMS PAR 'JUG PA THOB PA DE NI SHES RAB DANG TING NGE 'DZIN NI GNYIS KYI STOBS KYIS NYON MONGS PA DANG RNAM PAR THAR PA'I SGRIB PA LAS RNAM PAR GROL BA'I PHYIR GNYI GA'I CHA LAS RNAM PAR GROL BA YIN NO, ,GZHAN NI SHES RAB KYI STOBS KYIS NYON MONGS PA'I SGRIB PA 'BA' ZHIG LAS RNAM PAR GROL BA'I PHYIR SHES RAB KYIS RNAM PAR GROL BA YIN TE, BCOM LDAN 'DAS KYIS 'DI SKAD DU, 'DI LA GANG ZHIG NYON MONGS PA SPANGS TE, MI 'PHROGS CHOS DANG SLOB PA YONGS SU RDZOGS, ,ZHES GSUNGS PA LTA BU'O, ,JI TZAM GYIS YONGS SU RDZOGS PA'I SLOB PA YIN ZHE NA, SNYOMS 'JUG DBANG PO 'BRAS RNAMS KYIS, ,RDZOGS PA'I SLOB BA ZHES BYA'O, ,RNAM PA GSUM GYIS NA, YONGS SU RDZOGS PA'I SLOB PA YIN TE, SNYOMS PAR 'JUG PA LAS NI 'GOG PA'I SNYOMS PAR 'JUG PA THOB PA'O, ,DBANG PO LAS NI MTHONG BAS THOB, ,'BRAS BU LAS NI PHYIR MI 'ONG BA STE, DE LTAR NA YONGS SU RDZOGS PA'I SLOB PA YIN NO, ,DE LA 'BRAS BU 'BA' ZHIG LAS NI PHYIR MI 'ONG BA DANG @235A *, ,DAD PAS MOS PA LUS KYIS MNGON DU MI BYED PA'O, ,DBANG PO 'BA' ZHIG LAS NI MTHONG BAS THOB PA 'DOD CHAGS DANG BRAL BA'O, ,'BRAS BU DANG DBANG PO LAS NI PHYIR MI 'ONG BA MTHONG BAS THOB PA LUS KYIS MNGON DU BYED PA'O, ,DE 'BRAS BU DANG SNYOMS PAR 'JUG PA LAS NI DAD BAS MOS PA LUS KYIS MNGON DU BYED PA'O, ,'BRAS BU DANG DBANG PO DANG SNYOMS PAR 'JUG BA LAS NI MTHONG BAS THOB PA LUS KYIS MNGON DU BYED PA'O, ,SNYOMS PAR 'JUG PA 'BA' ZHIG DANG SNYOMS PAR 'JUG PA DANG DBANG PO LAS NI YONGS SU RDZOGS PA NYID MED DO, ,GNYIS KYIS MI SLOB YONGS SU RDZOGS, ,DBANG PO DANG SNYOMS PAR 'JUG PA LAS SO, ,'BRAS BU YONGS SU RDZOGS PA'I MI SLOB PA NYID NI MED PAS 'DI'I 'BRAS BU YONGS SU RDZOGS PAS YONGS SU RDZOGS PA NYID DU RNAM PAR MA BZHAG GO, ,DBANG PO 'BA' ZHIG LAS NI SHES RAB KYIS RNAM PAR GROL BA DUS DANG MI SBYOR BAR RNAM PAR GROL BA'O, ,SNYOMS PAR 'JUG BA 'BA' ZHIG LAS GNYI GA'I CHA LAS RNAM PAR GROL BA DUS KYIS RNAM PAR GROL BA'O, ,DBANG PO DANG SNYOMS PAR 'JUG PA GNYI GA LAS NI GNYI GA'I CHA LAS RNAM PAR GROL BA DUS DANG MI SBYOR BAR RNAM PAR GROL BA'O, ,DE LTAR 'JIG RTEN PA DANG 'JIG RTEN LAS 'DAS PA DANG MTHONG BA DANG BSGOM PA DANG, MI SLOB PA'I LAM RNAMS DANG, SBYOR BA DANG BAR CHAD MED PA DANG, RNAM PAR GROL BA DANG KHYAD PAR CAN GYI LAM ZHES BYA BA LA, LAM GYI BYE BRAG MANG PO BSHAD PA DE DAG MDOR BSDU NA LAM RNAM PA DU ZHIG YIN ZHE NA, MDOR NA LAM NI RNAM BZHI STE, ,KHYAD PAR CAN DANG RNAM GROL DANG, ,BAR CHAD MED DANG SBYOR ZHES BYA, ,SBYOR BA'I LAM NI GANG LAS BAR CHAD MED PA'I LAM SKYE'O, ,BAR CHAD MED PA'I LAM NI GANG GIS SGRIB PA SPONG BAR BYED PA'O, ,RNAM PAR GROL BA'I LAM NI DES SGRIB PA SPANGS PA LAS DANG PO NYID DU NGES PAR GROL BA SKYE BA GANG YIN PA'O, ,KHYAD PAR CAN GYI LAM NI DE LAS GZHAN PA'I LAM GANG YIN PA'O, ,CI'I PHYIR LAM ZHES BYA ZHE NA, DES DER 'GRO BA'I PHYIR RAM DES MYA NGAN LAS 'DAS PA TSOL BA'I PHYIR NA, DE NI MYA NGAN LAS 'DAS PA'I LAM YIN NO, ,RNAM PAR GROL BA DANG KHYAD PAR DU 'GRO BA'I LAM GNYIS JI LTAR NA LAM YIN ZHE NA, DE'I @235B RIGS CAN YIN PA'AM, CHES CHE BA YIN PA'AM, GONG NAS GONG DU PHYIN PAR BYED PA'AM, PHUNG PO LHAG MA MA LUS PAR 'JUG PA'I PHYIR RO, ,LAM NI MYA NGAN LAS 'DAS PA BSGRUB PA'I PHYIR SGRUB PA ZHES KYANG BYA STE, SGRUB PA NI RNAM PA BZHI'O, ,MNGON PAR SHES PA BUL BA SBRUB PA DKA' BA YANG YOD, MNGON PAR SHES PA MYUR BA SGRUB PA DKA' BA YANG YOD, DE BZHIN DU SLA BA YANG RNAM PA GNYIS SO, ,DE LA, BSAM GTAN DAG LA LAM SGRUB SLA, ,BSAM GTAN BZHI DAG NA NI YAN LAG YONGS SU 'DUS PA DANG, ZHI GNAS DANG LHAG MTHONG MNYAM PA DANG, 'BAD MI DGOS PAS 'JUG PA'I PHYIR LAM SGRUB PAR SLA BA'I PHYIR RO, ,SA GZHAN DAG NA DKA' BA YIN, ,GZHAN MI LCOGS PA MED PA DANG, ,BSAM GTAN KHYAD PAR CAN DANG GZUGS MED PA DAG NA NI YAN LAG YONGS SU MA 'DUS PA DANG, ZHI GNAS DANG LHAG MTHONG CHUNG DU DANG, 'BAD PAS 'JUG PA'I PHYIR RAM SGRUB DKA' BA YIN TE, MI LCOGS PA MED PA DANG, BSAM GTAN KHYAD PAR CAN DAG NA NI ZHI GNAS CHUNG NGO, ,GZUGS MED PA NA NI LHAG MTHONG CHUNG NGO, ,SGRUB PA DE YANG RNAM PA GNYIS TE, BLO CHUNG MNGON SHES BUL BA STE, ,GZHAN NI MNGON PAR SHES PA MYUR, ,DBANG PO RTUL PO NI SGRUB SLA'AM DKA' YANG RUNG STE, MNGON PAR SHES PA BUL BA YIN NO, ,DBANG PO RNON PO NI SGRUB PA SLA BA'AM DKA' YANG RUNG STE, MNGON PAR SHES PA MYUR BA YIN NO, ,SGRUB PA 'DI'I MNGON PAR SHES PA BUL BAS DE MNGON PAR SHES PA BUL BA STE, MNGON PAR SHES PA MYUR BA'ANG DE BZHIN DU'AM, DE GANG ZAG RTUL BA YIN PAS NA MNGON PAR SHES PA BUL BA'O, ,YID RNO BA YIN PAS NA MNGON PAR SHES PA MYUR BA'O, ,YANG LAM DE NI BYANG CHUB KYI PHYOGS ZHES BYA BA'I MING THOB STE, BYANG CHUB KYI PHYOGS SUM CU RTZA BDUN NI, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD DO, ,DE LA, ZAD DANG MI SKYE YE SHES NI, ,BYANG CHUB, ZAD PA DANG MI SKYE BA'I YE SHES NI, GANG ZAG GI BYE BRAG GIS NYAN THOS KYI BYANG CHUB DANG, RANG SANGS RGYAS KYI BYANG CHUB @236A *, ,DANG; BLA NA MED PA YANG DAG PAR RDZOGS PA'I BYANG CHUB DANG, BYANG CHUB RNAM BA GSUM ZHES BYA STE, DE GNYIS KYIS MA RIG PA MA LUS PAR SBANGS PA DANG, RANG GI DON YANG DAG PA JI LTA BA BZHIN DU BYAS PA DANG, YANG BYA BA MED PAR RTOGS PA'I PHYIR RO, ,DE DANG MTHUN PA'I PHYIR, SUM CU RTZA BDUN DE YI PHYOGS, ,BYANG CHUB KYI RJES SU MTHUN PA'I PHYIR BYANG CHUB KYI PHYOGS SUM CU RTZA BDUN ZHES BYA'O, ,MING GI SGO NAS RDZAS LA BCU, ,BYANG CHUB KYI PHYOGS RNAMS NI RDZAS BCU STE, BCU GANG ZHE NA, DAD DANG BRTZON 'GRUS DRAN PA DANG, ,SHES RAB TING 'DZIN DGA' BTANG SNYOMS, ,SHIN TU SBYANGS TSUL YANG DAG RDZOGS, DE LTAR NA DE DAG NI RDZAS BCU'O, ,JI LTAR ZHE NA, DRAN PA NYER GZHAG SHES RAB STE, ,BRTZON 'GRUS YANG DAG 'JOG CES BYA, ,RDZU 'PHRUL RKANG BA TING 'DZIN TO, ,DRAN PA NYE BAR GZHAG PA DANG, YANG DAG PAR SBONG BA DANG, RDZU 'PHRUL GYI RKANG PA RNAMS NI, SHES RAB DANG, BRTZON 'GRUS DANG, TING NGE 'DZIN GYI RANG BZHIN YIN NO, ,DE'I PHYIR RE ZHIG DBANG PO DANG STOBS RNAMS NI MING SMOS PAS, DAD PA DANG BRTZON 'GRUS DANG, DRAN PA DANG SHES RAB DANG TING NGE 'DZIN GYI RDZAS LNGA YIN NO, ,DRAN PA NYE BAR GZHAG PA RNAMS DANG; CHOS RNAM PAR 'BYED PA YANG DAG BYANG CHUB KYI YAN LAG DANG, YANG DAG PA'I LTA BA NI SHES RAB NYID YIN NO, ,YANG DAG PAR SPONG BA RNAMS DANG, BRTZON 'GRUS YANG DAG BYANG CHUB KYI YAN LAG DANG, YANG DAG PA'I RTZOL BA NI BRTZAN 'GRUS NYID YIN NO, ,RDZU 'PHRUL GYI RKANG PA RNAMS DANG, TING NGE 'DZIN YANG DAG BYANG CHUB KYI YAN LAG DANG, YANG DAG PA'I TING NGE 'DZIN NI YANG DAG PA'I TING NGE 'DZIN NYID YIN NO, ,DRAN PA YANG DAG BYANG CHUB KYI YAN LAG DANG YANG DAG PA'I DRAN PA NI DRAN PA NYID YIN NO, ,CI ZHIG LUS SHE NA, DGA' BA DANG SHIN TU SBYANGS PA DANG BTANG SNYOMS YANG DAG BYANG CHUB KYI YAN LAG RNAMS DANG, YANG DAG PA'I RTOG PA DAG DANG, TSUL KHRIMS KYI YAN LAG RNAMS DANG, RDZAS DE LNGA STE, DE LTAR NA BYANG CHUB KYI PHYOGS DE DAG NI RDZAS BCUR 'GYUR RO, ,BYE BRAG TU SMRA BA DAG NA RE NI LUS DANG NGAG GI LAS GNYIS THA DAD PA'I PHYIR TSUL KHRIMS KYI YAN LAG RDZAS @236B GNYIS YIN PAS BCU GCIG GO ZHES ZER RO, ,DRAN PA NYE BAR GZHAG PA LA SOGS PA NI SHES RAB DANG BRTZON 'GRUS DANG TING NGE 'DZIN GYI RANG BZHIN NO ZHES BSHAD PA GANG YIN PA DE NI 'DIR, GTZO BO SMOS KYI DE DAG NI, ,SBYOR BYUNG YON TAN THAMS CAD YIN PAR RIG PAR BYA STE, GTZO BO SMOS PAS DE SKAD BSHAD PA YIN GYI, ,DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA RNAMS NI SBYOR BA LAS BYUNG BA'I YON TAN THAMS CAD KYANG YIN NO, ,GNAS SKABS GANG DAG TU BYANG CHUB KYI PHYOGS RNAMS RAB TU SKYE ZHE NA, SDE TSAN BDUN NI RIM BZHIN DU, ,LAS NI DANG PO BDAG DANG, ,NGES PAR 'BYED PA'I CHA MTHUN DANG, ,MTHONG DANG BSGOM LA RAB TU SKYED, ,LAS DANG PO PA'I GNAS SKABS DAG LA NI PHUNG PO LA SOGS PA LA NYE BAR BRTAGS PA'I PHYIR DRAN PA NYE BAR GZHAG PA RNAMS RAB TU SKYED DO, ,KHYAD PAR THOB PAS BRTZON 'GRUS YANG DAG PAR SPEL BA'I PHYIR DRO BAR GYUR PA DAG LA NI YANG DAG PAR SPONG BA RNAMS RAB TU SKYED DO, ,YONGS SU NYAMS PAR MI 'GYUR BA'I DGE BA'I RTZA BA LA 'JUG PA'I PHYIR RTZE MO DAG NA NI RDZU 'PHRUL GYI RKANG PA RNAMS RAB TU SKYED DO, ,YANG NYAMS PAR MI 'GYUR BA'I SGO NAS, DBANG BYED BA THOB PA'I PHYIR BZOD PA DAG LA NI DBANG PO RNAMS RAB TU SKYED DO; ,NYON MONGS PAS MI BRDZI BA'AM 'JIG RTEN PA'I CHOS GZHAN GYIS MI BRTUL BA'I PHYIR, BZOD PA DAG LA NI STOBS RNAMS RAB TU SKYED DO, ,BYANG CHUB DANG NYE BA'I PHYIR, BSGOM PA'I LAM LA NI BYANG CHUB KYI YAN LAG RNAMS RAB TU SKYED DO, ,'GRO BAS RAB TU PHYE BA'I PHYIR MTHONG BA'I LAM LA NI LAM GYI YAN LAG RNAMS RAB TU SKYED DE, DE NI MYUR BAR 'GRO BA YIN PA'I PHYIR RO, ,GRANGS DANG MTHUN PAR BYA BA'I PHYIR SNGAR BDUN BSHAD LA PHYIS BRGYAD BSHAD PAR GO RIMS GRUB BO, ,DA NI BYANG CHUB KYI PHYOGS DU ZHIG NI ZAG PA DANG BCAS PA YIN, DU ZHIG NI ZAG PA MED PA YIN ZHES BYA BA NI BRJOD PAR BYA STE, BYANG CHUB YAN LAG LAM YAN LAG ,ZAG PA MED, DE GNYIS NI BSGOM PA DANG MTHONG BA'I LAM LA RNAM PAR GZHAG PA YIN PA'I PHYIR RO, ,'JIG RTEN PA LA YANG YANG DAG PA'I LTA BA YOD MOD KYI DE DAG NI 'PHAGS PA'I LAM ZHES BYA BA'I MING MI 'THOB BO, , @237A *, ,GZHAN RNAM GNYIS SO, ,BYANG CHUB KYI PHYOGS GZHAN DAG NI ZAG PA DANG BCAS PA YANG YIN ZAG PA MED PA YANG YIN NO, ,SA GANG DAG CIG NA BYANG CHUB KYI PHYOGS DU DAG CIG YOD CE NA, THAMS CAD BSAM GTAN DANG PO NA, ,BSAM GTAN DANG PO NA NI SUM CU RTZA BDUN THAMS CAD YOD DO, ,MI LCOGS MED NA DGA'AM GTOGS, ,CI'I PHYIR MI LCOGS BA MED PA NA DGA' BA MED CE NA, NYER BSDOGS RNAMS NI 'JUG PA STOBS KYIS DRANG DGOS PA DANG, SA 'OG MA PA'I DGOS PA DANG BCAS PA'I PHYIR RO, ,YANG DAG RTOG MA GTOGS GNYIS PA, ,BSAM GTAN GNYIS PA NA NI YANG DAG PA'I RTOG PA MA GTOGS PA SUM CU RTZA DRUG KHO NA STE, DE NA RTOG PA MED PA'I PHYIR RO, ,GNYIS NA DE GNYIS MA GTOGS PA, ,BSAM GTAN GSUM DANG BZHI PA DAG NA NI DGA' BA DANG YANG DAG PA'I RTOG PA GNYIS MA GTOGS PA SUM CU RTZA LNGA KHO NA'O, ,BSAM GTAN BAR MA NA'ANG, DE GNYIS NYID MA GTOGS PA SUM CU RTZA LNGA'O, ,GZUGS MED PA, GSUM NA DE DANG MTSUNGS YAN LAG ,MA GTOGS PA ZHES BYA BAR SBYAR TE, ,GZUGS MED PA DAG NA NI, YANG DAG PA'I DAG DANG, YANG DAG PA'I LAS KYI MTHA' DANG, 'TSO BA DANG, DGA' BA DANG, YANG DAG PA'I RTOG PA GNYIS MA GTOGS PA SUM CU RTZA GNYIS SO, ,BYANG CHUB YAN LAG LAM YAN LAG ,MA GTOGS 'DOD KHAMS SRID RTZE NA, ,BYANG CHUB KYI PHYOGS NYI SHU RTZA GNYIS TE, ,DE GNYIS NA ZAG PA MED PA'I LAM MED PA'I PHYIR RO, ,BYANG CHUB KYI PHYOGS RNAMS LA GNAS PA NA, GNAS SKABS GANG DAG TU SHES NAS DAD PA THOB PAR RIG PAR BYA ZHE NA, BDEN PA GSUM MTHONG TSUL KHRIMS DANG, ,CHOG LA SHES NAS DAD PA 'THOB, ,LAM MNGON RTOGS NA SANGS RGYAS DANG, ,DE YI DGE 'DUN DAG LA YANG, ,SDUG BSNGAL DANG, KUN 'BYUNG DANG 'GOG PA'I BDEN PA RNAMS MNGON PAR RTOGS NA, CHOS LA ZHEN NAS DAD PA DANG, ,'PHAGS PA DGYES PA'I TSUL KHRIMS 'THOB BO, ,LAM GYI BDEN PA MNGON PAR RTOGS NA SANGS RGYAS DANG DE'I NYAN THOS KYI DGE 'DUN LAS SHES NAS DAD PA 'THOB STE, DE DAG GI DAD PA GANG YIN PA DE NI MI SLOB PA'I SANGS RGYAS SU BYED PA'I @237B CHOS DANG, SLOB PA DANG MI SLOB PA'I DGE 'DUN DU BYED PA'I CHOS DAG LAS DAD PA RNYED PA YIN NO, ,YANG GI SGRAS NI TSUL KHRIMS DANG CHOS LA SHES NAS DAD PA GNYIS KYANG 'THOB BO, ,'DIR CHOS ZHES BYA BA DE DAG GANG LAS DGONGS SHE NA, CHOS BDEN GSUM DANG RANG SANGS RGYAS, ,BYANG CHUB SEMS DPA'I LAM YIN NO, ,DE'I PHYIR BDEN PA BZHI CHAR MNGON PAR RTOGS PA LA YANG CHOS LA SHES NAS DAD PA RNYED PA YIN NO, ,DE LTAR NA DE DAG NI DAD PA'I GZHI'I BYE BRAG LAS MING GI SGO NAS SHES NAS DAD PA BZHI ZHES BYA'O, ,RDZAS KYI SGO NAS GNYIS YIN TE, DAD DANG TSUL KHRIMS DANG, CHOS DANG DGE 'DUN LA SHES NAS DAD PA RNAMS NI DAD PA'I RANG BZHIN YIN NO, ,'PHAGS PA DGYES PA'I TSUL KHRIMS RNAMS NI TSUL KHRIMS YIN PAS NA RDZAS GNYIS SO, ,CI DE DAG ZAG PA DANG BCAS PA ZHIG YIN NAM, ZAG PA MED PA ZHIG YIN ZHE NA, RE ZHIG SHES NAS DAD PA RNAMS NI GCIG TU, DRI MA MED, SHES NAS DAD PA ZHES BYA BA'I DON CI ZHE NA, BDEN PA RNAMS YANG DAG PA JI LTA BA BZHIN RTOGS NAS YID CHES PA NI SHES NAS DAD PA YIN TE, DE DAG GI RIM PA NI LANGS NAS JI LTAR MNGON SUM DU BYED PA DE BZHIN DU BKOD DO, ,LANGS NAS JI LTAR MNGON SUM DU BYED CE NA, KYE MA'O BCOM LDAN 'DAS NI YANG DAG PAR RDZOGS PA'I SANGS RGYAS YIN NO, ,DE'I CHOS 'DUL BA NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO SNYAM STE, SMAN PA DANG SMAN DANG, NAD G-YOG LTA BUR GYUR PA'I PHYIR RO, ,SEMS DANG BAR GYUR NA TSUL KHRIMS RAB TU DAD BA YIN PA'AM, DE NI DE LTAR DAD PAR GYUR PA'I SGRUB PA YIN PA'AM, NAD MED PA LTA BUR GYUR PA YIN PA'I PHYIR TE, DE BAS NA THA MAR BZHI PAR BSHAD PA'AM, STON PAR BYA BA DANG, LAM DANG, LAM GROGS DANG, BZHON PA LTA BU YIN PA'I PHYIR RO, ,MDO LAS SLOB PA YAN LAG BRGYAD DANG LDAN NO, ,MI SLOB PA NI YAN LAG BCU DANG LDAN NO ZHES GSUNGS PA, CI'I PHYIR SLOB PA LA YANG DAG PA'I RNAM PAR GROL BA DANG, YANG DAG BA'I YE SHES MA BSHAD CE NA, BCINGS PHYIR SLOB PA'I YAN LAG TU, ,RNAM PAR GROL MA BSHAD, SLOB PA NI NYON MONGS PA'I @238A *, ,BCING BA LAS DA DUNG MA GROL BA'I PHYIR BCINGS PA YIN NO, ,DE LTAR NA BCINGS BZHIN DU RNAM PAR GROL BAR RNAM PAR GZHAG CE NA, BCINGS PA'I PHYOGS GCIG LAS GROL BA LA RNAM PAR GROL BA ZHES MI BYA'O, ,RNAM BAR MA GROL BAS JI LTAR NA RNAM PAR GROL BA'I YE SHES SU RNAM PAR GZHAG ,MI SLOB BA NI NYON MONGS PA'I 'CHING BA THAMS CAD LAS SHIN TU NGES PAR GROL BA DANG, DE'I BDAG NYID KYI YE SHES DAG GIS RAB TU PHYE BA YIN PAS, TSIG DE NI RIGS PA DANG LDAN PA YIN NO, ,RNAM PAR GROL BA ZHES BYA BA 'DI CI ZHE NA, 'DUS BYAS DANG 'DUS MA BYAS SO, ,DE LA, NYON MONGS BCOM PA 'DUS MA BYAS, ,MOS PA 'DUS BYAS, NYON MONGS PA SPANGS PA NI RNAM PAR GROL BA 'DUS MA BYAS YIN NO, ,MI SLOB PA'I MOS PA NI RNAM PAR GROL BA'I 'DUS BYAS YIN NO, ,YAN LAG NI DE YIN, RNAM PAR GROL BA 'DUS BYAS DE NI MI SLOB PA'I YAN LAG YIN PAR BSHAD DE, YAN LAG RNAMS NI 'DUS BYAS YIN PA'I PHYIR RO, ,DE NYID RNAM GROL GNYIS, RNAM PAR GROL BA 'DUS BYAS DE NYID, MDO LAS SEMS RNAM PAR GROL BA DANG, SHES RAB RNAM PAR GROL BA ZHES GSUNGS PA'I RNAM PAR GROL BA GNYIS YIN LA, DE NYID RNAM PAR GROL BA'I PHUNG PO YIN PAR YANG LTA'O; ,YANG DAG PA'I RNAM PAR GROL BA BSHAD ZIN TO, ,YANG DAG PA'I LTA BA LA MA GTOGS PA'I YANG DAG PA'I YE SHES GANG ZHE NA, JI SKAD BYANG CHUB BSHAD YE SHES, ,SNGAR BYANG CHUB TU BSHAD PA 'DI LTA STE, ZAD PA'I YE SHES DANG MI SKYE BA'I YE SHES GANG YIN PA DE NYID 'DIR YE SHES SU RIG PAR BYA'O; ,'DAS PA 'AM MA 'ONGS PA 'AM DA LTAR 'BYUNG BA'I SEMS GANG ZHIG RNAM PAR GROL BAR 'GYUR ZHE NA, MI SLOB SEMS NI SKYE 'GYUR BA, ,SGRIB PA LAS NI GROL BAR 'GYUR, ,BSTAN BCOS LAS MI SLOB PA'I SEMS MA 'ONGS PAR SKYE BAR 'GYUR BA'I SGRIB PA LAS RNAM PAR GROL BAR 'GYUR RO ZHES 'BYUNG NGO, ,DE'I SGRIB PA YANG GANG ZHE NA, DE SKYE BA LA BGEGS BYED PA'I PHYIR NYON MONGS PA'I THOB PA YIN TE, DE NI RDO RJE LTA BU'I TING NGE 'DZIN GYIS SPONG BAR 'GYUR LA, DE NI MI SLOB PA'I SEMS SKYE BAR 'GYUR BA DE YANG RNAM PAR GROL BAR 'GYUR RO, ,DE SPANGS NAS NI MI SLOB PA'I SEMS DE YANG @238B SKYES PA DANG RNAM PAR GROL BA YIN NO, ,SKYE BAR 'GYUR BA MA YIN PA DANG, 'JIG RTEN PA'I SEMS GANG YIN PA DE YANG RNAM PAR GROL BAR NI 'GYUR MOD KYI, NGES PAR SKYE BAR 'GYUR BA GANG YIN PA DE NYID BSHAD DO, ,GANG LAS 'JIG RTEN PA'I SEMS RNAM PAR GROL BAR 'GYUR ZHE NA, SKYE BA'I SGRIB PA DE NYID LAS, SO; ,RNAM PAR GROL BA LA YANG 'JIG RTEN PA SKYE BA MA YIN NAM ZHE NA, DE NI DE DANG MI 'DRA'O, ,CI 'DRA BA ZHIG YIN ZHE NA, DE NI NYON MONGS PA'I RNYED PA DANG BCAS PA YIN NO, ,GNAS SKABS GANG DAG TU DE SKYE BA'I SGRIB PA SPONG ZHE NA, 'GAG PAR 'GYUR BA'I LAM GYIS NI, ,DE YI SGRIB PA RAB TU SPONG, , DE LTAR GYI ZHES BYA BA'I DON TO, ,RNAM PAR GROL BA 'DUS MA BYAS SU BSHAD PA GANG YIN PA DANG, KHAMS GSUM PO SPONG BA'I KHAMS DANG, 'DOD CHAGS DANG BRAL BA'I KHAMS DANG, 'GOG PA'I KHAMS ZHES BYA BA GANG YIN PA DE DAG LA KHYAD PAR CI YOD CE NA, 'DUS MA BYAS NYID KHAMS ZHES BYA, , RNAM PAR GROL BA 'DUS MA BYAS DE NYID KHAMS GSUM YIN NO, ,DE LA YANG, 'DOD CHAGS KUN ZAD 'DOD CHAGS BRAL, ,'DOD CHAGS KYI SPONG BA NI 'DOD CHAGS DANG BRAL BA'I KHAMS YIN NO, ,SPONG BA'I KHAMS NI GZHAN DAG GI ,YANG DAG PAR ZAD PA ZHES BYA BAR SBYAR TE, 'DOD CHAGS LAS GZHAN PA'I NYON MONGS PA RNAMS KYI SPONG BA NI SPONG BA'I KHAMS YIN NO, ,'GOG KHAMS ZHES BYA BA BZHI RNAMS KYI, YANG DAG PAR ZANG PA ZHES BYA BAR SBYAR TE, NYON MONGS PA LA MA GTOGS PA BZHI RNAMS KYI SPONG BA NI 'GOG PA'I KHAMS YIN NO, ,DNGOS PO GANG GIS YID 'BYUNG BAR 'GYUR BA'I DNGOS PO DES 'DOD CHAGS DANG BRAL BAR 'GYUR RAM ZHE NA, MU BZHI STE, JI LTAR ZHE NA, SDUG BSNGAL RGYU BZOD SHES RNAMS KYIS, ,YID 'BYUNG, SDUG BSNGAL DANG RGYU LA BZOD PA DANG, SHES PA NYID KYIS YID 'BYUNG BAR 'GYUR GYI GZHAN DAG GIS NI MA YIN NO, ,GANG GIS SPONG 'GYUR BA, KUN GYI 'DOD CHAGS BRAL BAR 'GYUR, SDUG BSNGAL DANG KUN 'BYUNG DANG 'GOG PA DANG LAM LA, BZOD PA DANG SHES PA GANG DAG GIS NYON MONGS PA SPONG BAR 'GYUR BA THAMS CAD KYIS KYANG 'DOD CHAGS DANG BRAL BAR 'GYUR RO, ,DE LTAR MU BZHI PAR 'GRUB STE, YID @239A *, ,'BYUNG BA NYID NI SDUG BSNGAL DANG KUN 'BYUNG LA BZOD PA DANG, SHES PA RNAMS KYIS NYON MONGS MI SPONG BA STE, YID 'BYUNG BA'I DNGOS PO LA DMIGS PA'I PHYIR RO, ,'DOD CHAGS DANG MA BRAL BA NYID NI 'GOG PA DANG LAM LA BZOD PA DANG SHES PA RNAMS KYIS NYON MONGS PA SPONG BA STE, MCHOG TU DGA' BA'I DNGOS PO LA DMIGS PA'I PHYIR RO, ,GNYI GA NI SNGA MA DAG GIS NYON MONGS PA SPONG BA'O, ,GNYI GA MA YIN PA NI PHYI MA DAG GIS NYON MONGS PA SPONG BA'O, ,DE LA 'DOD CHAGS DANG BRAL BA ZHIG BDEN PA RNAMS LA LTA BA NA, CHOS SHES PA DANG BZOD PA DAG GIS NYON MONGS PA MI SPANG NGO, ,YE SHES RNAMS KYIS NI SBYOR BA DANG RNAM PAR GROL BA DANG KHYAD PAR CAN GYI LAM GYIS BSDUS PA DAG GIS MI SPONG NGO, ,CHOS MNGON PA MDZOD KYI 'GREL BA MDO DANG MTHUN PA LAS LAM DANG GANG ZAG BSTAN PA ZHES BYA BA MDZOD KYI GNAS DRUG PA'O,, ,,BZOD PA RNAMS ZHES KYANG 'BYUNG SHES PA RNAMS ZHES KYANG 'BYUNG, YANG DAG PA'I LTA BA ZHES KYANG 'BYUNG, YANG DAG PA'I YE SHES ZHES KYANG 'BYUNG NA, CI BZOD PA DAG YIN LA SHES PA MA YIN NAM YANG DAG PA'I YE SHES YIN LA YANG DAG PA'I LTA BA MA YIN NAM ZHE NA, DRI MED BZOD RNAMS SHES PA MIN, ,DES SPANG BAR BYA BA'I PHRA RGYAS THE TSOM MA SPANGS PA'I PHYIR RO, ,DE DAG YANG DAG PAR RTOG PA'I BDAG NYID CAN YIN PA'I PHYIR LTA BA NI MA YIN NO, ,JI LTAR BZOD PA RNAMS LTA BA YIN GYI SHES PA MA YIN PA DE BZHIN DU, ZAD DANG MI SKYE'I BLO LTA MIN, ,ZAD PA'I YE SHES DANG MI SKYE BA'I YE SHES KYANG YANG DAG PAR RTOG PA MA YIN PA DANG, YONGS SU TSOL BA'I BSAM PA CAN MA YIN PA'I PHYIR LTA BA MA YIN NO, ,DE LAS GZHAN 'PHAGS BLO GNYI GA ,BZOD PA ZAD PA'I YE SHES DANG MI SKYE BA'I YE SHES DAG LAS GZHAN PA ZAG PA MED PA'I SHES RAB NI LTA BA YANG YIN YE SHES KYANG YIN NO, ,GZHAN NI SHES PA, 'JIG RTEN PA'I SHES RAB THAMS CAD NI SHES PA KHO NA YIN NO, ,LTA BA DRUG ,LTA BA LNGA DANG 'JIG RTEN PA'I YANG DAG PA'I LTA BA STE, 'JIG RTEN PA'I SHES RAB RNAM PA DRUG NI LTA BA YIN GYI GZHAN NI LTA BA MA YIN NO, ,SHES PA NI DE DANG GZHAN DAG KYANG YIN NO, ,JI SNYED CIG GIS SHES PA THAMS CAD BSDUS SHE NA, @239B SHES PA BCUS BSDUS SO, ,MDOR BSDU NA NI, SHES PA ZAG BCAS ZAG MED NI, ,DE GNYIS KYANG, DANG PO KUN RDZOB CES BYA'O, ,ZAG PA DANG BCAS PA GANG YIN PA DE NI, PHAL CHAR BUM PA DANG SNAM BU DANG SKYES PA DANG BUD MED LA SOGS PA KUN RDZOB LA 'DZIN PA'I PHYIR KUN RDZOB SHES PA YIN NO, , ZAG MED RNAMS NI GNYIS CHOS DANG, RJES SU SHES PA NYID YIN NO, ,ZAG PA MED PA'I SHES PA NI CHOS SHES PA DANG, RJES SU SHES PA RNAM PA GNYIS SU DBYE'O, ,SHES PA DE GNYIS NI GSUM DU 'GYUR TE, KUN RDZOB KYI SHES PA DANG, CHOS SHES PA DANG RJES SU SHES PA DANG, KUN RDZOB YUL NI THAMS CAD DO, ,KUN RDZOB SHES PA'I DMIGS PA NI JI LTAR SRID PAR 'DUS BYAS DANG 'DUS MA BYAS KYI CHOS THAMS CAD YIN NO, ,CHOS SHES PA'I SPYOD YUL NI, 'DOD SDUG BSNGAL LA SOGS, CHOS SHES PA'I DMIGS PA NI 'DOD PA NA SPYOD PA'I SDUG BSNGAL DANG DE KUN 'BYUNG DANG, 'GOG PA DANG LAM RNAMS YIN NO, ,RJES SU SHES PA'I SPYOD YUL GONG MA'I SDUG BSNGAL SOGS, RJES SU SHES PA'I BZOD PA NI GZUGS DANG GZUGS MED PA NA SPYOD PA'I SDUG BSNGAL DANG DE KUN 'BYUNG DANG 'GOG PA DANG LAM RNAMS YIN NO, ,DE DAG NYID BDEN BYE BRAG GIS, ,BZHI STE, CHOS SHES PA DANG RJES SU SHES PA DE DAG NYID BDEN PA'I BYE BRAG GIS, SDUG BSNGAL DANG KUN 'BYUNG DANG 'GOG PA DANG LAM SHES PA RNAMS DANG, SHES PA BZHIR 'GYUR TE, DE DAG LA DMIGS PA'I PHYIR RO, ,DE DAG RNAM BZHI NI, MI SKYE BA DANG ZAD YE SHES, ,CHOS SHES PA DANG RJES SU SHES PA RNAM PA BZHI BZHI PO DE DAG NI LTA BA'I RANG BZHIN MA YIN BA NI ZAD PA'I YE SHES DANG MI SKYE BA'I YE SHES ZHES BYA'O, ,DE GNYIS DANG PO SKYES PA NI, ,SDUG BSNGAL RGYU SHES ZHES PA'O, ,ZAD PA DANG MI SKYE BA'I YE SHES DANG PO SKYES PA NI SDUG BSNGAL DANG KUN 'BYUNG LA RJES SU SHES PA YIN TE, SRID PA'I RTZE MO'I PHUNG PO LA SDUG BSNGAL BA DAD KUN 'BYUNG BA'I RNAM PAR DMIGS PA'I PHYIR RO, ,BZHI LAS GZHAN GYI SEMS RIG PA, ,RIG PAS NA RIG PA STE SHES PA'O, ,GZHAN GYI SEMS SHES PA NI CHOS SHES PA DANG RJES SU SHES PA DANG, LAM SHES PA DANG, KUN RDZOB SHES PA DANG SHES PA BZHI LAS SKYE BAR BLTA'O, ,DE'I NGES PA NI 'DI YIN TE, DE NI SA DBANG GANG ZAG 'DAS, ,ZHIG DANG MA SKYES MI @240A *, ,RIG GO, ,SA 'DAS PA NI BSAM GTAN GONG MA'I SA PAS BSAM GTAN GONG MA'I SA PA MI SHES PA'O, ,DBANG PO 'DAS PA NI DAD PAS MOS PA DANG DUS KYIS RNAM PAR GROL BA'I LAM GYIS MTHONG BAS THOB PA DANG DUS DANG MI SBYOR BAR RNAM PAR GROL BA'I LAM MI SHES PA'O, ,GANG ZAG 'DAS PA NI PHYIR MI 'ONG BA DANG, DGRA BCOM PA DANG RANG SANGS RGYAS DANG, SANGS RGYAS RNAMS 'OG MAS GONG MA MI SHES PA'O, ,ZHIG PA DANG MA SKYES PA NI 'DAS PA DANG MA 'ONGS PA MI SHES PA STE, YUL DA LTAR YIN PA'I PHYIR RO, ,GZHAN YANG CI ZHE NA, CHOS RJES PHYOGS BLO PHAN TSUN MIN, CHOS SHES PA'I PHYOGS KYI SEMS NI RJES SU SHES PAS MI SHES LA RJES SU SHES PA'I PHYOGS KYANG CHOS SHES PAS MI SHES TE, DE GNYIS NI 'DOD PA'I KHAMS DANG, KHAMS GONG MA'I GNYEN PO LA DMIGS PA'I PHYIR PHAN TSUN RGYAB KYIS BLTAS PA YIN NO, ,MTHONG BA'I LAM LA GZHAN GYI SEMS SHES PA MED DO, ,DE'I DMIGS PA NI YOD DE, DE LA PHA ROL GYI SEMS SHES PAS MTHONG BA'I LAM SHES PAR 'DOD PAS SBYOR BA BYAS NA DANG PO'I, MTHONG BA'I SKAD CIG GNYIS NYAN THOS, ,RIGS STE BSE RU LTA BU GSUM, ,SANGS RGYAS SBYOR BA MED PA KUN, ,NYAN THOS KYIS PHA ROL GYI SEMS SHES PAS NI MTHONG BA'I LAM LAS, SDUG BSNGAL LA CHOS SHES PA'I BZOD PA DANG, CHOS SHES PA DANG, SKAD CIG MA GNYIS SHES SO, ,RJES SU SHES PA'I PHYOGS KYANG DMIGS PA NI SBYOR BA GZHAN GYIS BSGRUB PAR BYA BA'I PHYIR JI SRID DU DE LA SBYOR BA RTZOM PA DE SRID DU SEMS BCU DRUG RJES SU 'THOB PAR 'GYUR GYI BAR MA DOR NI MI SHES SO, ,RANG SANGS RGYAS KYIS NI DANG PO'I GNYIS DANG BRGYAD PA KUN 'BYUNG LA RJES SU SHES PA DANG, SKAD CIG MA GSUM SHES TE SBYOR BA CHUNG BA'I PHYIR RO, ,KHA CIG NA RE DANG PO DANG GNYIS PA DANG BCO LNGA PA RNAMS SHES SO ZHES ZER RO, ,SANGS RGYAS BCOM LDAN 'DAS KYIS NI SBYOR BA MED PAR MTHONG BA'I LAM GYI SKAD CIG MA THAMS CAD MKHYEN TO, ,YANG ZAD PA DANG MI SKYE BA'I YE SHES GNYIS LA KHYAD PAR CI YOD CE NA, ZAD PA'I YE SHES BDEN RNAMS LA, ,YONGS SHES LA SOGS NGES PA'O, ,YONGS SHES BYAR MED CES LA SOGS, ,MI SKYE BA YI BLOR @240B 'DOD DO, ,ZAD PA'I YE SHES GANG ZHE NA, BDAG GIS SDUG BSNGAL YONGS SU SHES SO ZHES BYA BA DANG, KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO ZHES BYA BAR SHES PA DE'I RGYU LAS 'BYUNG BA'I SHES PA DANG, RIG PA DANG, BLO DANG, RTOGS PA DANG, SNANG BA DANG, MNGON PAR RTOGS PA GANG YIN PA STE, DE NI ZAD PA'I YE SHES ZHES BYA'O, ,MI SKYE BA'I YE SHES GANG ZHE NA, BDAG GIS SDUG BSNGAL YONGS SU SHES PA YANG SHES PAR BYAR MED DO ZHES BYA BAR SHES PA NAS, BDAG GIS LAM YONGS SU BSGOMS PAS YONGS SU SGOM PAR BYAR MED DO ZHES BYA BA'I BAR DU SHES PA DE'I RGYU LAS BYUNG BA'I ZHES BYA BA BSTAN BCOS LAS RGYAS PAR 'BYUNG BA YIN NO, ,JI LTAR NA ZAG PA MED PA'I SHES PAS DE LTAR SHES SHE NA, KHA CHE BA RNAMS NA RE BSTAN BCOS LAS 'DI SKAD DU, LANGS PA'I RJES LA THOB PAS DE LTAR SHES TE, DE'I PHYIR DE'I BYE BRAG GIS DE GNYIS NI KHYAD PAR DU BSTAN TO ZHES ZER RO, ,DE LTAR NA DE DAG NI SHES PA BCUR 'GYUR TE, 'DI LTA STE CHOS SHES PA DANG, RJES SU SHES PA DANG, KUN RDZOB SHES PA DANG, GZHAN GYI SEMS SHES PA DANG, SDUG BSNGAL SHAS PA DANG, KUN 'BYUNG SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,DE LA KUN RDZOB SHES PA NI SHES PA GCIG YIN LA, GCIG GI CHA YIN NO, ,CHOS SHES PA NI SHES PA GCIG YIN LA BDUN GYI PHYOGS YIN TE, RJES SU SHES PA YANG DE DANG 'DRA'O, ,SDUG BSNGAL SHES PA NI SHES BA GCIG YIN LA, BZHI'I PHYOGS YIN TE, KUN 'BYUNG DANG, 'GOG PA SHES PA YANG DE DANG 'DRA'O, ,LAM SHES PA NI SHES PA GCIG YIN LA LNGA'I PHYOGS YIN NO, ,GZHAN GYI SEMS SHES PA NI GCIG YIN LA BZHI'I PHYOGS YIN NO, ,ZAD PA SHES PA NI GCIG YIN LA DRUG GI CHA YIN TE, MI SKYE BA SHES PA YANG DE DANG 'DRA'O, ,CI'I PHYIR DE DAG GSUM YOD LA BCUR RNAM PAR GZHAG CE NA, RANG BZHIN DANG NI GNYEN PO DANG, ,RNAM PA RNAMS DANG SPYOD YUL DANG, ,RAB SBYOR BYA BA BYAS NYID DANG, ,RGYU RGYAS PA LAS BCU YIN TE, ,RGYU BDUN GYIS BCUR @241A *, ,RNAM PAR GZHAG GO ZHES GRAG STE, RANG BZHIN LAS KUN RDZOB KYI SHES PA YIN GYI, DON DAM PA SHES PA NI MA YIN PA'I PHYIR RO, ,GNYEN PO LAS NI CHOS DANG RJES SU SHES PA DAG YIN TE, 'DOD PA'I KHAMS DANG, KHAMS GONG MA'I GNYEN PO YIN PA'I PHYIR RO, ,RNAM PA LAS NI SDUG BSNGAL DANG KUN 'BYUNG SHES PA DAG YIN TE, DMIGS PA THA MI DAD PA'I PHYIR RO, ,RNAM PA DANG DMIGS PA LAS NI 'GOG PA DANG LAM SHES PA DAG YIN TE, RNAM PA DANG DMIGS PA THA DAD PA'I PHYIR RO, ,RAB TU SBYOR BA LAS NI PHA ROL GYI SEMS SHES PA YIN TE; DES NI PHA ROL GYI SEMS LAS BYUNG BA YANG MI SHES PA MA YIN MDO KYI, SEMS SHES PAR BYA BA RAB TU BRTZON PA LA MNGON PAR 'GRUB PA'I PHYIR PHA ROL GYI SEMS SHES PA ZHES BYA'O, ,BYA BA BYAS PA LAS NI ZAD PA SHES PA YIN TE, BYA BA BYAS PA'I RGYUD LA DANG PO KHO NAR SKYE BA'I PHYIR RO, ,RGYU RGYAS PA LAS NI MI SKYE BA'I YE SHES YIN TE, ZAG PA MED PA THAMS CAD KYI RGYU CAN YIN PA'I PHYIR RO, ,THAMS CAD KYI GNYEN PO THAMS CAD YIN PA'I PHYIR CHOS SHES PA 'DOD PA'I KHAMS KYI GNYEN POR BSHAD MOD KYI, GZHAN YANG, BSGOM PA'I LAM LA 'GOG PA DANG, ,LAM LA CHOS SHES GANG YIN TE, ,KHAMS GSUM GYI NI GNYEN PO YIN, ,'GOG PA DANG LAM LA CHOS SHES PA BSGOM PA'I LAM GYIS BSDUS PA NI KHAMS GSUM CHAR GYI GNYEN PO YIN NO, ,'DOD PA'I KHAMS KYI RJES MA YIN, ,THAMS CAD DU YANG 'DOD PA'I KHAMS KYI GNYEN PO NI RJES SU SHES PA MED DO, ,SHES PA BCU PO DE DAG LAS, ,CHOS SHES PA DANG RJES SU SHES, ,RNAM PA BCU DRUG ,DE DAG MDUN NAS BSHAD PAR BYA'O, ,KUN RDZOB KYI DE BZHIN GZHAN DU YANG, KUN RDZOB SHES PA NI RNAM PA BCU DRUG KYANG YIN LA, CHOS SHES PA THAMS CAD KYI RANG DANG SPYI'I MTSAN NYID LA SOGS PA 'DZIN PA YIN PA'I PHYIR RNAM PA GZHAN DAG KYANG YIN NO, ,BDEN PA'I RANG RANG GI NI RNAM PA BZHI SDUG BSNGAL DANG KUN 'BYUNG DANG 'GOG PA DANG LAM SHES PA RNAMS NI RANG RANG GI RNAM PAR 'JUG PA YIN PAS, RE RE ZHING YANG RNAM PA BZHI BZHI YIN NO, , @241B DE BZHIN GZHAN GYI SEMS SHES PA, ,DRI MED GZHAN GYI SEMS SHES PA ZAG PA MED PA YANG DE BZHIN DU RANG GI BDEN PA RNAM PA BZHI YIN PA'I PHYIR RNAM PA BZHI YIN TE, LAM SHES PA YIN PA'I PHYIR RO, ,DRI MA DANG BCAS NI, SHES BYA'I RANG GI MTSAN NYID RNAMS, GZHAN GYI SEMS SHES PA ZAG PA DANG BCAS PA NI RANG GI MTSAN NYID 'DZIN PA YIN PA'I PHYIR RO, ,SHES PAR BYA BA'I SEMS DANG SEMS LAS BYUNG BA RNAMS KYI RANG GI MTSAN NYID GANG YIN PA DE NI RNAM PAR GCOD DO, ,GNYI GA YANG, RDZAS RE RE ZHIG SPYOD YUL LO, ,GANG GI TSE SEMS 'DZIN PA DE'I TSE SEMS LAS BYUNG BA MI 'DZIN PA GANG GI TSE TSOR BA 'DZIN PA DE'I TSE 'DU SHES MI 'DZIN CES BYA BA LA SOGS PA'O, ,DE LTAR NA BCOM LDAN 'DAS KYIS 'DI SKAD DU 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS SU YANG DAG PA JI LTA BA BZHIN DU RAB TU SHES SO ZHES BKA' STZAL PA JI LTA BU ZHE NA, DE GNYIS CIG CAR DU 'DZIN PA NI MA YIN NO, ,GOS DANG DRI MA GNYIS CIG CAR DU MI 'DZIN PA BZHIN NO, ,GZHAN GYI SEMS SHES PA BSHAD ZIN TO, ,LHAG MA'I RNAM PA BCU BZHI STE, STONG DANG BDAG MED MA GTOGS SO, ,LHAG MA ZAD PA DANG MI SKYE BA'I YE SHES DE GNYIS NI STONG PA DANG BDAG MED PA'I RNAM PA DAG MA GTOGS PA RNAM PA BCU BZHI YIN NO, ,DON DAM PA YIN YANG BDAG NI SKYE BA ZAD DO, ,'DI LAS SRID PA GZHAN MI SHES SO ZHES 'DI'I STOBS KYIS RJES SU THA SNYAD 'DOGS PA'I PHYIR RO, ,CI ZAG PA MED PA'I RANG GI MTSAN NYID KYI RNAM PA GZHAN YANG YOD DAM 'ON TE MED CE NA, RE ZHIG KHA CHE BA RNAMS NA RE, DRI MED BCU DRUG LAS GZHAN RNAMS, MED, ZAG PA MED PA'I RNAM PA BCU DRUG LA MA GTOGS PA NI MED DO ZHES ZER RO, ,GZHAN YOD CES BSTAN BCOS LAS GZHAN NYI 'OG PA RNAMS NA RE NI YOD DO ZHES ZER RO, ,JI LTAR RTOGS SHE NA BSTAN BCOS LAS TE, BSTAN BCOS LAS 'DI SKAD DU MTSUNGS PAR LDAN PA MA YIN PA'I SEMS KYI 'DOD PA DANG MTSUNGS PAR LDAN PA'I CHOS DAG SHES SAM ZHE NA SHES TE, RIGS PAS BSKYED PA'I SHES RAB KYIS MI RTAG PA DANG SDUG BSNGAL DANG STONG PA DANG BDAG MED PA DANG, RGYU DANG KUN 'BYUNG BA DANG RAB @242A *, ,TU SKYE BA DANG RKYEN DANG DE NI GNAS YOD DO, ,DE NI GZHI YOD DO ZHES BYA BAR SHES SO ZHES 'BYUNG NGO, ,CI RNAM PA BCU DRUG PO DE DAG MING GI SGO NAS YIN NAM, 'ON TE RDZAS KYI SGO NAS YIN ZHE NA, KHA CIG NA RE NI MING GI SGO NAS BCU DRUG YIN NO, ,RDZAS KYI SGO NAS NI SDUG BSNGAL GYI RNAM PA NI BZHI YIN LA, KUN 'BYUNG DANG 'GOG PA DANG LAM RNAMS LA NI, RDZAS RE RE YIN PA'I PHYIR BDUN YIN NO ZHES ZER RO, ,JI SKAD DU, RDZAS KYI SGO NAS RNAM PA BCU DRUG ,CES BRJOD DO, ,DE LA RKYEN LA RAG LUS PAS MI RTAG PA'O, ,GNOD PA'I BDAG NYID YIN PA'I PHYIR SDUG BSNGAL LO, ,BDAG GIR LTA BA'I GNYEN PO YIN PA'I PHYIR STONG PA'O, ,BDAG DU LTA BA'I GNYEN PO YIN PAS BDAG MED PA'O, ,SA BON GYI TSUL GYIS NA RGYU'O, ,'BYUNG BA'I TSUL GYIS NA KUN 'BYUNG BA'O, ,RGYUN CHAGS PA'I TSUL GYIS NA RAB TU SKYE BA'O, ,MNGON PAR GRUB PA'I DON GYIS NA RKYEN TE, DPER NA 'JIM PA'I GONG BU DANG 'KHOR LO DANG THE GU DANG CHU RNAMS 'DUS PA LAS BUM PA MNGON PAR GRUB PAR 'GYUR BA LTA BU'O, ,PHUNG PO 'JIG PA'I PHYIR 'GOG PA'O, ,ME GSUM ZHI BAR BYED PA'I PHYIR ZHI BA'O, ,GNOD PA MED PA'I PHYIR GYA NOM PA'O, ,SKYON THAMS CAD DANG BRAL BA'I PHYIR NGES PAR 'BYUNG BA'O, , 'GRO BA'I DON GYI NA LAM MO, ,RIGS DANG LDAN PA'I PHYIR RIGS PA'O, ,YANG DAG PAR GRUB PA'I DON GYIS NI BSGRUB PA'O, ,SHIN TU YANG DAG PAR 'DA' BAR BYED PA'I PHYIR NGES PAR 'BYIN PA ZHES BYA'O, ,RNAM PA ZHES BYA BA'I DON CI ZHE NA, SHES RAB RNAM PA YANG CI SHES RAB 'BA' ZHIG GIS RNAM PA GCOD PAR BYED DAM ZHE NA, SMRAS PA MA YIN NO, ,JI LTAR ZHE NA, DE DANG NI, DMIGS BCAS BCAS PAS RNAM PA GCOD, ,SHES RAB DANG GZHAN DMIGS PA DANG BCAS PA'I CHOS THAMS CAD KYI RNAM PA GCOD PAR BYED DO, ,YOD DO COG GI RNAM PA GCOD, ,GANG CUNG ZAD YOD PA DE THAMS CAD KYI RNAM PA GCOD DO, ,DE LTAR BSHAD NA SHES RAB NI RNAM PA YANG YIN RNAM PAR GCOD PAR BYED PA YIN, GCAD PAR BYA BA'I RNAM PA GANG YANG YIN, DMIGS PA DANG BCAS PA'I GZHAN NI RNAM PA GCOD PAR BYED PA DANG, GCAD PAR BYA BA'I RNAM PA YIN, DMIGS PA @242B MED PA NI BCAD PAR BYA BA'I RNAM PA 'BA' ZHIG YIN PAR GRUB PO, ,GZHAN YANG SHES PA BCU PO DE DAG GI DGE BA LA SOGS PA'I BYE BRAG BSTAN PAR BYA STE, DANG PO RNAM GSUM GZHAN RNAMS DGE, ,KUN RDZOB KYI SHES PA NI TSIGS SU BCAD PA'I DANG BOR 'DON PA'I PHYIR DANG PO STE, DE YANG DGE BA DANG MI DGE BA DANG LUNG DU MA BSTAN PA DANG RNAM PA GSUM YIN NO, ,GZHAN YE SHES DGU NI DGE BA KHO NA YIN NO, ,DANG PO SA RNAMS THAMS CAD DANG, ,'DOD PA'I KHAMS DAG NAS SRID PA'I RTZE MO'I BAR DAG NA YOD DO, ,DRUG NA CHOS SHES BYA CHOS SHES PA NI BSAM GTAN BZHI DANG, MI LCOGS PA MED PA DANG, BSAM GTAN KHYAD PAR CAN DAG NA YOD DO, ,DGU NA, RJES SHES BYA BA, RJES SU SHES PA NI SA DRUG PA DE DAG NYID DANG GZUGS MED PA GSUM DAG NA YOD DO, ,DE BZHIN DRUG SDUG BSNGAL DANG KUN 'BYUNG DANG 'GOG PA DANG LAM DANG ZAD PA DANG MI SKYE BA SHES PA RNAMS KYANG BYE BRAG MED PAR NI SA DGU PO DE DAG NYID NA YOD DO, ,DBYE NA NI CHOS SHES PAS BSDUS PA RNAMS NI DRUG NA YOD DO, ,RJES SU SHES PAS BSDUS PA RNAMS NI DGU NA YOD DO, ,GZHAN YID SHES PA BSAM GTAN NA, ,GZHAN GYI SEMS SHES PA NI BSAM GTAN BZHI PO KHO NA NA YOD KYI GZHAN DAG NA NI MED DO, ,DE NI 'DOD DANG GZUGS LUS LA, ,GZHAN GYI SEMS SHES PA DE NI 'DOD BA DANG GZUGS KYI KHAMS DAG DU MNGON DU BYED DO, ,CHOS SHES BYA BA 'DOD LUS LA, ,CHOS SHES PA NI 'DOD PA'I KHAMS KYI LUS KHO NA LA BRTEN NAS MNGON DU BYED KYI GZUGS DANG GZUGS MED PA'I KHAMS DAG DU NI MNGON DU MI BYED DO, ,GZHAN NI KHAMS GSUM PA YI LUS, ,GZHAN YANG GANG DAG CIG YIN ZHE NA, GZHAN GYI SEMS SHES PA DANG CHOS SHES PA MA GTOGS PA RNAMS SO, ,SA DANG LUS BSHAD ZIN TO, ,DRAN PA NYE BAR GZHAG PA BSDU BA BRJOD PAR BYA STE, DE SMRAS PA, DRAN PA NYI BAR GZHAG GCIG NI, ,'GOG BLO, ,BLO DANG SHES RAB DANG SHES PA ZHES BYA BA DE NI RNAM GRANGS YIN NO, ,'GOG PA SHES PA NI, CHOS DRAN PA NYE BAR GZHAG PA YIN NO, ,GZHAN GYI SEMS BLO NI, GSUM STE, GZHAN GYI SEMS SHES PA NI TSOR BA DANG SEMS DANG CHOS DRAN PA NYE BAR GZHAG PA DANG GSUM YIN @243A *, ,NO; ,LHAG MA RNAMS BZHI YIN NO, ,'GOG PA SHES PA DANG GZHAN GYI SEMS SHES PA DAG LAS GZHAN PA RNAMS NI DRAN PA NYE BAR GZHAG PA BZHI CHAR YIN NO, ,SHES PA GANG GIS DMIGS PA NI, SHES PA DU DAG CIG YIN ZHE NA, CHOS BLO'I SPYOD YUL DGU YIN NO, ,CHOS SHES PA'I DMIGS PA NI RJES SU SHES PA MA GTOGS PA SHES PA DGU YIN NO, ,LAM RJES BLO YI DGU YIN NO, ,LAM SHES PA'I DMIGS PA YANG KUN RDZOB SHES PA MA GTOGS PA SHES PA DGU YIN LA, RJES SU SHES PA'I DMIGS PA YANG CHOS SHES PA MA GTOGS PA DGU YIN NO, ,SDUG BSNGAL DANG NI RGYU BLO GNYIS, ,SDUG BSNGAL DANG KUN 'BYUNG SHES PA GNYIS KYIS DMIGS PA NI KUN RDZOB DANG GZHAN GYI SEMS SHES PA DANG GNYIS YIN NO, ,BZHI'I BCU STE, KUN RDZOB SHES PA DANG, GZHAN GYI SEMS SHES PA DANG ZAD PA SHES PA DANG, MI SKYE BA SHES PA RNAMS KYI DMIGS PA NI SHES PA BCU CHAR YIN NO, ,GCIG GI MED, 'GOG PA SHES PA STE GCIG GIS DMIGS PA NI SHES PA MED DO, ,CHOS BCU DAG NI SBYAR BAR BYA, ,BCU GANG ZHE NA, KHAMS GSUM PA DANG DRI MED CHOS, ,MA BYAS RNAM GNYIS RNAM GNYIS SO, ,'DUS BYAS KYI CHOS 'DOD PA DANG GZUGS DANG GZUGS MED PA NA SPYOD PA DAG DANG, ZAG PA MED PA RNAMS LAS MTSUNGS PAR LDAN PA DANG, LDAN PA MA YIN PAR DBYE BA'I SGO NAS RNAM PA BRGYAD DU BYA'O, ,'DUS MA BYAS LA DGE BA DANG LUNG DU MA BSTAN PAR DBYE BA'I SGO NAS RNAM PA GNYIS SU BYAS TE, DE LTAR NA CHOS BCU YIN NO, ,CHOS BCU PO DE DAG JI LTAR SBYAR BAR BYA ZHE NA, SHES PA GANG GIS DMIGS PA NI CHOS DU ZHIG YIN ZHES SBYAR BAR BYA STE, DE LA KUN RDZOB SHES PA'I DMIGS PA NI CHOS BCU PO THAMS CAD YIN NO, ,CHOS SHES PA NI 'DOD PA NA SPYOD PA DANG ZAG PA MED PA DANG BZHI DANG 'DUS MA BYAS DGE BA DANG LNGA YIN NO, ,RJES SU SHES PA NI GZUGS DANG GZUGS MED PA NA SPYOD PA DANG ZAG PA MED PA DRUG DANG 'DUS MA BYAS DGE BA DANG BDUN YIN NO, ,SDUG BSNGAL KUN 'BYUNG SHES PA GNYIS KYI NI 'DOD PA DANG GZUGS DANG GZUGS MED PA NA SPYOD PA DAG DANG DRUG YIN NO, ,'GOG PA SHES PA'I NI 'DUS MA BYAS DGE BA GCIG KHO NA YIN NO, , @243B LAM SHES PA'I NI ZAG PA MED PA GNYIS YIN NO, ,GZHAN GYI SEMS SHES PA NI 'DOD PA DANG GZUGS DANG GZUGS MED PA NA SPYOD PA MTSUNGS PAR LDAN PA GSUM YIN NO, ,ZAD PA DANG MI SKYE BA SHES PA GNYIS KYI DMIGS PA NI 'DUS MA BYAS LUNG DU MA BSTAN PA MA GTOGS PA CHOS DGU YIN NO, ,CHOS SHES PA GCIG GIS CHOS THAMS CAD SHES PA YOD DAM ZHE NA MED DO, ,'ON KYANG KUN RDZOB GCIG STE RANG CHOGS LAS, GZHAN NI BDAG MED NYID DU RIG ,KUN RDZOB SHES PA NI RANG GI TSOGS LAS GZHAN PA'I CHOS THAMS CAD BDAG MED PAR SHES SO, ,RANG GI NGO BO DANG DE DANG LHAN CIG 'BYUNG BA'I CHOS RNAMS NI DE'I RANG DANG TSOGS YIN LA, YUL DANG YUL CAN THA DAD PA DANG, DMIGS PA DE GCIG PA DANG SHIN TU NYE BA'I PHYIR DE DAG LA NI MI 'DZIN TO, ,DE YANG 'DOD PA NA SPYOD PA NI MNYAM PA DANG BSAMS PA LAS BYUNG BA YIN NO, ,GZUGS NA SPYOD PA NI MNYAM PA LAS BYUNG BA YIN GYI, BSGOMS PA LAS BYUNG BA NI MA YIN TE, DE NI SA RNAM PAR CHAD PA LA DMIGS PA'I PHYIR RO, ,DE NI RDZOGS SO,, ,,DA NI, GANG ZHIG SHES PA DU DANG LDAN, ,ZHES BYA BA BRJOD PAR BYA STE, RE ZHIG SO SO'I SKYE BO NI KUN RDZOB SHES PA GCIG KHO NA DANG LDAN NO, ,'DOD CHAGS DANG BRAL BA ZHIG YIN NA NI GZHAN GYI SEMS SHES PA DANG YANG LDAN NO, ,'PHAGS PA NI, ZAG MED SKAD CIG DANG PO LA, ,CHAGS CAN SHES PA GCIG DANG LDAN, ,'DOD PA LA 'DOD CHAGS DANG MA BRAL BA ZHIG YIN NA, SDUG BSNGAL LA CHOS SHES PA'I BZOD PA DAG LA KUN RDZOB SHES PA GCIG KHO NA DANG LDAN PAR 'GYUR RO, ,GNYIS PA LA GSUM, SDUG BSNGAL LA CHOS SHES PA LA NI KUN RDZOB SHES PA DANG CHOS SHES PA DANG, SDUG BSNGAL SHES PA DANG GSUM DANG LDAN PAR 'GYUR RO, ,GONG MA YI, BZHI LA RE RE 'PHEL DANG LDAN, ,DE YAN CHAD SKAD CIG MA BZHI LA NI DE LA SHES PA RE RE 'PHEL BAR SHES PAR BYA STE, SDUG BSNGAL LA RJES SU SHES PA LA NI RJES SU SHES PA 'PHEL LA, KUN 'BYUNG BA DANG 'GOG PA DANG LAM LA CHOS SHES PA RNAMS 'PHEL BAS, DE LTAR NA LAM LA CHOS SHES PA LA SHES PA BDUN DANG LDAN PAR 'GYUR RO, ,'DOD CHAGS DANG BRAL BA ZHIG YIN NA NI THAMS CAD DU LHAG PAR GZHAN GYI SEMS SHES PA DANG LDAN PAR RIG @244A *, ,PAR BYA'O, ,YANG GNAS SKABS GANG DAG TU SHES PA DU DAG CIG GI THOB PA SKYE ZHE NA, MTHONG LA BZOD PA YE SHES RNAMS, ,JI LTAR SKYES PA'I MA 'ONGS 'THOB, ,MTHONG BA'I LAM LA BZOD PA 'AM SHES PA GANG DANG GANG SKYES PA DE'I RIGS CAN MA 'ONGS PA DE'I RNAM PA BZHI KHO NA'I THOB PA SKYE'O, ,CI'I PHYIR MTHONG BA'I LAM LA SHES PA RIS MTHUN PA'I RNAM PA KHO NA'I THOB PA SKYE ZHE NA, RIGS RNAMS MA THOB PA'I PHYIR RO, ,DE NYID LA NI KUN RDZOB KYANG, RJES GSUM DAG LA, MTHONG BA'I LAM DE NYID LA KUN RDZOB SHES PA YANG SDUG BSNGAL DANG KUN 'BYUNG DANG 'GOG PA LA RJES SU SHES PA GSUM DAG LA THOB PA SKYE'O, ,BDEN PA ZAD PAR MA RTOGS PA'I PHYIR CHOS SHES PA DAG LA NI MA YIN NO, ,DE'I PHYIR, MNGON PAR RTOGS PA'I RJES ZHES BYA, ,DE NYID PHYIR DE NI BDEN PA RE RE MNGON PAR RTOGS PA'I RJES LA THOB PA SKYE BA'I PHYIR MNGON PAR RTOGS PA'I RJES LAS THOB PA'I SHES PA ZHES BYA'O, , CI'I PHYIR LAM LA RJES SU SHES PA LA THOB PA MI SKYE ZHE NA, LAM GYI BDE BA NI SNGON 'JIG RTEN PA'I LAM GYIS MNGON PAR RTOGS PA MA YIN PA DANG, ZAD PAR MA RTOGS PA'I PHYIR RO, ,SDUG BSNGAL RIL GYIS YONGS SU SHES PAR BYA BA DANG, KUN 'BYUNG SPANG BAR BYA BA DANG, 'GOG PA LA MNGON DU BYA BAR MI NUS KYI LAM NI ZAD PAR BSGOM PAR MI NUS PAR MNGON PAR RTOGS PA'I MTHA' MED PA'I PHYIR DE LA MNGON PAR RTOGS PA'I RJES LAS THOB PA'I THOB PA MI SKYE'O, ,JI MNGON PAR RTOGS PA'I LAS THOB PA KUN RDZOB SHES PA DE, RES 'GA' ZHIG NA MNGON DU BYED DAM ZHE NA, NAM YANG MI BYED DE, GCIG TU, DE NI MI SKYE'I CHOS CAN YIN, ,JI LTAR NA DE'I THOB PA SKYES PA YIN ZHE NA, MA THOB PA LAS THOB PA'I PHYIR RO, ,SA DU BA'I SHES PA DE'I THOB PA SKYE ZHE NA, RANG DANG 'OG SA, MTHONG BA'I LAM SA GANG PA'I YIN, ,SA DE BA DANG SA 'OG MA PA'I KUN RDZOB SHES PA'I THOB PA SKYE STE GAL TE MI LCOGS PA MED PA'I SA PA ZHIG YIN NA NI, MI LCOGS PA MED PA'I SA PA DANG, 'DOD PA NA SPYONG PA DANG, SA GNYIS PA'I THOB PA SKYE LA, DE BZHIN DU BSAM GTAN BZHI PA'I MTHONG BA'I LAM YIN NA NI, SA BDUN PA'I KUN RDZOB SHES PA'I THOB PA SKYE BA'I BAR DU'O, ,YANG DRAN PA NYE BAR GZHAG PA NI DU DAG CIG YIN ZHE NA, 'GOG @244B PA'I MTHA', 'GOG PA'I MNGON PAR RTOGS PA'I KUN RDZOB SHES PA YANG YIN PA DE NI DRAN PA NYE BAR GZHAG PA THA MA STE, CHOS DRAN PA NYE BAR GZHAG PA YIN NO, ,GCIG YONGS SU BRTAGS PAS LHAG MA NI DRAN PA NYE BAR GZHAG PA BZHI CHAR YIN NO ZHES BYA BAR GRUB PO, ,MNGON PAR RTOGS PA'I RJES LAS THOB PA KUN RDZOB SHES PA DE NI, RANG BDEN RNAM PA, BDEN PA GANG ZHIG MNGON PAR RTOGS NAS THOB PA DE NI BDEN PA DE NYID KYI RNAM PA YIN LA, DE'I RNAM PA'O ZHES SMOS PAS DE'I DMIGS PA YANG BDEN PA DE NYID YIN NO ZHES BSHAD PAR 'GYUR RO, ,DE NI MTHONG BA'I LAM THOB PA'I PHYIR RO, ,STZAL BDAG NYID; SBYOR BA LAS BYUNG BA ZHES BYA BA'I THA TSIG GO, ,'KHOR DANG BCAS PAR SMOS NA NI 'DOD PA DANG GZUGS NA SPYOD PA'I PHUNG PO BZHI DANG LNGA'I RANG BZHIN YIN NO, ,CHAGS BCAS BCU DRUG PA LAS DRUG ,'THOB PA SKYE ZHES BYA BAR SBYAR TE, 'DOD CHAGS DANG MA BRAL BA ZHIG YIN NA BCU DRUG PA LAM LA RJES SU SHES PA LA, LAM SHES PA DANG LAM LA RJES SU SHES PA GNYIS NI DA LTAR BYUNG BA YIN LA, CHOS SHES PA DANG RJES SU SHES PA DANG, SDUG BSNGAL DANG KUN 'BYUNG DANG 'GOG PA DANG LAM SHES PA DANG, MA 'ONGS PA DRUG GI NI THOB PA SKYE'O, ,'DOD LA CHAGS DANG BRAL LA BDUN, 'DOD CHAGS DANG BRAL BA ZHIG YIN NA NI BDUN PA GZHAN GYI SEMS SHES PA'I THOB PA YANG SKYE'O, ,DE YI GONG MA SGOM LAM LA, ,'DOD CHAGS BCAS PAS BDUN 'THOB PO, ,SKAD CIG MA BCU DRUG PA LAS GONG MA BSGOM PA'I LAM LA NI JI SRID DU 'DOD PA LAS 'DOD CHAGS DANG BRAL BA MA YIN PA DE SRID DU SBYOR BA DANG BAR CHAD MED PA DANG; RNAM PAR GROL BA DANG, KHYAD PAR GYI LAM THAMS CAD DU CHOS SHES PA DANG RJES SU SHES PA DANG, SDUG BSNGAL DANG, KUN 'BYUNG BA DANG, 'GOG PA DANG, LAM DANG, KUN RDZOB SHES PA DANG, SHES PA BDUN GYI THOB PA SKYE LA, GAL TE 'JIG RTEN PA'I BSGOM PA'I LAM YIN NA NI, KUN RDZOB SHES PA DANG DA LTAR BYUNG BA YIN NO, ,GAL TE 'JIG RTEN LAS 'DAS PA ZHIG YIN NA NI CHOS SHES PA ZHIG LAS GANG YANG RUNG BA ZHIG DA LTAR BYUNG BA YIN NO, ,SA BDUN LAS RGYAL MNGON SHES DANG, ,MI G-YO THOB DANG SPEL BSGOMS PA'I, ,BAR CHAD MED PA'I LAM DAG DANG, ,GONG MA'I SGROL BA'I LAM @245A *, ,BRGYAD LA'ANG, ,SHES PA BDUN GYI THOB PA SKYE'O, ,ZHES BYA BAR SBYAR TE, SA BDUN NI BSAM GTAN BZHI DANG GZUGS MED PA NA GSUM DAG YIN LA, DE DAG LAS RGYAL BA NI 'DOD CHAGS DANG BRAL BA'I SLOB PAS BDUN PO DE DAG LAS 'DOD CHAGS DANG BRAL BA DANG MNGON PAR SHES PA LNGA DANG, MI G-YO BA RTOGS PAR BYED PA DANG, BSAM GTAN SPEL MAR BSGOMS PA RNAMS KYIS BAR CHAD MED PA'I LAM JI SNYED PA DE DAG THAMS CAD LA SHES PA BDUN PO DE DAG NYID KYI THOB PA SKYE LA, GAL TE BSGOM PA'I LAM 'JIG RTEN PA YIN NA NI KUN RDZOB SHES PA DA LTAR BYUNG BA YIN NO, ,GAL TE 'JIG RTEN LAS 'DAS PA YIN NA NI, RJES SU SHES PA BZHI DANG CHOS SHES PA GNYIS LAS GANG YANG RUNG BA ZHIG DA LTAR BYUNG BA YIN NO, ,MI G-YO BA RTOGS PAR BYED PA LA NI KUN RDZOB SHES PA'I THOB PA MI SKYE STE, SRID PA'I RTZE MO'I GNYEN PO MA YIN PA'I PHYIR RO, ,DER NI ZAD PA SHES PA BDUN PA YIN PAR RIG PAR BYA'O, ,SA BDUN LAS 'DOD CHAGS DANG BRAL BA LAS KYANG GONG MA SRID PA'I RTZE MO LAS 'DOD CHAGS DANG BRAL BA'I RNAM PAR GROL BA'I LAM BRGYAD PA DAG LA NI, CHOS SHES PA DANG, RJES SU SHES PA DANG, SDUG BSNGAL DANG, KUN 'BYUNG DANG, 'GOG PA DANG, LAM DANG, PHA ROL GYI SEMS SHES PA RNAMS DANG, SHES PA BDUN GYI THOB PA SKYE'O, ,KUN RDZOB SHES PA'I THOB PA NI MI SKYE STE, SRID PA'I RTZE MO'I GNYEN PO MA YIN PA'I PHYIR RO, ,DA LTAR BYUNG BA NI RJES SU SHES PA BZHI DANG, 'GOG PA DANG LAM LA CHOS SHES PA GNYIS LAS GANG YANG RUNG BA ZHIG YIN NO, ,SLOB PA SPYONG BA'I GROL BA LA, ,SHES PA DRUG GAM BDUN THO BA'AM, ,SLOB PA 'DOD CHAGS DANG BCAS PA DBANG PO SPYOD PA'I RNAM PAR GROL BA'I LAM LA NI, CHOS SHES PA DANG, RJES SU SHES PA DANG, SDUG BSNGAL DANG, KUN 'BYUNG DANG, 'GOG PA DANG LAM SHES PA RNAMS DANG, SHES PA DRUG GI THOB PA SKYE'O, ,'DOD CHAGS DANG BRAL BA ZHIG YIN NA NI GZHAN GYI SEMS SHES PAS BSNAN TE SHES PA BDUN GYI THOB PA SKYE'O, ,'AM ZHES BYA BA'I SGRAS NI KHA CIG NA RE GNYI GA LA KUN RDZOB SHES PA'I THOB PA SKYE'O ZHES BYE BRAG TU RTOGS PAR BSTAN PA'I PHYIR RO, ,DE GNYIS KYI SBYOR BA'I LAM LA NI KUN RDZOB SHES PA'I THOB PA YANG SKYE'O, ,BAR CHAD MED PA'I LAM LA DRUG, SLOB @245B PA 'DOD CHAGS DANG BRAL YANG RUNG MA BRAL YANG RUNG STE, DBANG PO SPYOD PA'I BAR CHAD MED PA'I LAM LA NI SNGA MA BZHIN DU DRUG GI THOB PA SKYE'O, ,KUN RDZOB SHES PA NI MA YIN TE, MTHONG BA'I LAM DANG BRAL BA'I PHYIR RO, ,GZHAN GYI SEMS SHES PA'I YANG MA YIN TE, BAR CHAD MED PA'I LAM THAMS CAD LA BKAG PA'I PHYIR RO, ,CI'I PHYIR BKAG CE NA, GNYEN PO MA YIN PA'I PHYIR RO, ,DE BZHIN SRID RTZE'I RNAM RGYAL LA, SRID PA'I RTZE MO LAS 'DOD CHAGS DANG BRAL BA'I BAR CHAD MED PA'I LAM DAG LA YANG DE BZHIN DU DRUG GI THOB PA SKYE'O, ,ZAD PA'I YE SHES LA DGU'O, ,SRID PA'I RTZE MO LAS 'DOD CHAGS DANG BRAL BA'I RNAM PAR GROL BA'I LAM DGU PO DE DAG MI SKYE BA'I YE SHES MA GTOGS PA DGU'I THOB PA SKYE'O, ,MI G-YO BA NI BCU 'THOB PO, ,MI G-YO BA'I CHOS CAN GANG YIN PA DE NI, MI SKYE BA'I YE SHES 'THOB PA'I PHYIR BCU'I THOB PA SKYE'O, ,DER 'PHO THA MA'I GROL BA LA 'ANG, ,GANG ZHIG MI G-YO BA NYID DU 'PHO BA DE'I RNAM PAR GROL BA'I LAM THA MA LA YANG BCU'I THOB PA SKYE'O, ,BSHAD PA'I LHAG MA LA BRGYAD THOB, ,LHAG MA YANG GANG DAG CIG CE NA, 'DOD PA'I KHAMS LAS 'DOD CHAGS DANG BRAL BA'I RNAM PAR GROL BA'I LAM DGU PA DANG, ,SA BDUN PAS 'DOD CHAGS DANG BRAL BA DANG, MNGON PAR SHES PA DANG; SPEL MAR BSGOM PA'I RNAM PAR GROL BA'I LAM RNAMS DANG, MI G-YO BA RTOGS PAR BYED PA'I RNAM PAR GROL BA'I LAM BRGYAD DANG, 'DOD CHAGS DANG BRAL BA THAMS CAD KYI SBYOR BA'I LAM RNAMS TE, DE DAG THAMS CAD LA NI ZAD PA DANG MI SKYE BA SHES PA MA GTOGS PA SHES PA BRGYAD MA 'ONGS PA THOB PA'I THOB PA SKYE STE, RE ZHIG SLOB PA'I NI DE LTA BU YIN NO, ,MI SLOB PA'I NI MNGON PAR SHES PA LA SOGS PA SBYOR BA DANG RNAM PAR GROL BA DANG KHYAD PAR GYI LAM DAG LA NI SHES PA DGU 'AM BCU'I THOB PA SKYE'O, ,MNGON PAR SHES PA DANG, SPEL MAR BSGOM PA'I BAR CHAD MED PA'I LAM DAG LA NI, BRGYAD DANG DGU'I THOB PA SKYE'O, ,MNGON PAR SHES PA GNYIS NI LUNG DU MA BSTAN PA YIN PA'I PHYIR RNAM PAR GROL BA'I LAM LA MA 'ONGS PA'I THOB PA CUNG ZAD KYANG MI SKYE'O, ,YANG LAM GANG LAS DU PA'I SHES PA'I THOB PA SKYE ZHE NA, RE ZHIG KUN RDZOB SHES PA NI SA GANG PA'I LAM GANG YIN PA DANG, DANG PO NYID DUS @246A *, ,GANG THOB PAS DE PA'I MA 'ONGS PA'I THOB PA SKYE'O, ,ZAG PA MED PA NI SA GANG PA'I LAM YIN PA 'BA' ZHIG TU YANG MA ZAD DE JI LTAR ZHE NA, GANG LAS CHAGS BRAL BYA PHYIR GANG, ,THOB PA DE YANG 'OG MA'ANG 'THOB, ,SA GANG ZHIG LAS 'DOD CHAGS DANG BRAL BAR BYA BA LA YANG SBYOR BA'I LAM LA SOGS PA LAM RNAM PA GNYIS YIN LA 'DOD CHAGS DANG BRAL BAS SA GANG ZHIG THOB PA DE'I SA PA DANG, SA 'OG MA'I ZAG PA MED PA'I SHES PA RNAMS KYI THOB PA YANG SKYE BAR 'GYUR RO, ,ZAD PA SHES PA ZAG BCAS KYANG, ,ZAD PA SHES PA LA NI ZAD PA SHES PAS THOB PAR BYA BA ZAG PA DANG BCAS PA YON TAN MI SDUG PA DANG, DBUGS PHYI NANG DU RDUB PA DANG, DRAN PA NYE BAR GZHAG PA DANG, TSAD MED PA DANG, RNAM PAR THAR PA LA SOGS PA SA THAMS CAD PA'I YANG THOB PA SKYE'O, ,CI GANG CUNG ZAD THOB PA DE DAG THAMS CAD KYI THOB PA SKYE 'AM ZHE NA, SMRAS PA MA YIN TE, GANG SNGON MA THOB PA SKYE'I, SNGON THOB PA'I THOB PA MI SKYE, GANG RNAM PAR NYAMS PA LAS THOB PA NI MI SKYE STE, THOB ZIN PA LAS BTANG BA'I PHYIR RO, ,YANG CI RNYED PA 'BA' ZHIG LA THOB PA ZHES BYA 'AM ZHE NA, THOB PA NI RNAM PA BZHI STE, RNYED PA'I THOB PA DANG BSTEN PA'I THOB PA DANG, GNYEN PO'I THOB PA DANG THAG BSRING BA'I THOB PA'O, ,DE LA RNYED DANG BSTEN CES BYA BA NI, ,DGE BA 'DUS BYAS THOB 'GYUR BA, ,GNYEN PO DANG NI THAG BSRING NGO, ,THOB PA ZAG DANG BCAS PA YIN, ,RNYED PA DANG BSTEN PA'I THOB PA NI DGE BA 'DUS BYAS RNAMS KYI YIN TE, MA 'ONGS PA RNAMS KYI NI GCIG KHO NA'O, ,DA LTAR BYUNG BA RNAMS KYI NI GNYI GA'O; ,GNYEN PO DANG THAG BSRING PA'I THOB PA NI ZAG PA DANG BCAS PA'I CHOS RNAMS KYIS TE, DE LTAR NA DGE BA'I CHOS ZAG PA DANG BCAS PA RNAMS KYI NI THOB PA BZHI YIN LA ZAG PA MED PA RNAMS DANG, NYON MONGS PA CAN LUNG DU MA BSTAN PA RNAMS KYI NI GNYIS YIN NO, ,NYI 'OG PA'I CHOS MNGON PA PA DAG NA RE NI THOB PA DRUG STE, BZHI PO DE DANG SNGOM PA'I THOB PA DANG, RNAM PAR 'DZIN PA'I THOB PA'O ZHES ZER RO, ,DE LA DANG PO NI DBANG PO RNAMS KYI YIN NO, ,PHYI MA NI LUS KYI YIN NO, ,JI SKAD DBANG PO DRUG PO 'DI DAG SHIN TU DUL BA DANG SHIN TU BSGOM PA'I BAR ZHES GSUNGS PA DANG, 'DI LTAR @246B LUS 'DI LA SGRA YOD CES BYA BA LA SOGS PA RGYAS PAR GSUNGS PA YIN NO, ,KHA CHE BA RNAMS NA RE, DE GNYIS NI GNYEN PO THAG BSRING BA'I THOB PA'I KHONGS SU 'DUS SO ZHES ZER RO, ,GANG ZAG THAMS CAD KYI MI SKYE BA'I YE SHES KYI YON TAN RNAMS THOB PA SPYIR BSHAD KYI, SANGS RGYAS CHOS NI MA 'DRES PA; ,STOBS LA SOGS PA BCO BRGYAD DO, ,GANG DAG SANGS RGYAS NYAG GCIG GI ZAD PA'I YE SHES KYIS BRNYES PAR 'GYUR GYI GZHAN DAG GIS NI MA YIN PA'O, ,BCO BRGYAD GANG ZHE NA, 'DI LTA STE, STOBS BCU DANG, MI 'JIGS PA BZHI DANG DRAN PA NYE BAR GZHAG PA GSUM DANG, THUGS RJE CHEN PO RNAMS SO, ,STOBS BCU YANG GANG ZHE NA, MDO LAS JI SKAD 'BYUNG BA BZHIN RGYAS PAR BRJOD PAR BYA STE, DE LA GNAS DANG GNAS MA YIN PA MKHYEN PA'I STOBS ZHES BYA BA NI RGYU 'DI LAS NI NGES PAR SKYE'O, ,'DI NI MI SKYE'O ZHES RGYU DANG 'BRAS BU RNAM PAR NGES PA LA THOGS PA MED PAR MKHYEN PA GANG YIN PA STE, GNAS ZHES BYA BA NI SRID PA'O, ,GNAS MA YIN PA ZHES BYA BA NI MI SRID PA'O, ,LAS RNAM PAR SMIN PA MKHYEN PA'I STOBS ZHES BYA BA NI LAS DGE BA DANG MI DGE BA RNAMS KYI 'BRAS BU RNAM PAR SMIN PA MANG BA DANG NYUNG BA DANG NGES PA DANG MA NGES PA LA SOGS PA'I DON RNAMS LA THOGS PA MED PAR MKHYEN PA GANG YIN PA'O, ,BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA MKHYEN PA'I STOBS ZHES BYA BA NI, BSAM GTAN LA SOGS PA DE DAG GI RANG BZHIN DANG, MING DANG 'THOB PA'I THABS DANG, PHAN 'DOGS PA DANG, RO MYANG BA DANG, DAG PA DANG, ZAG PA MED PA LA SOGS PA DANG, NYAMS PA DANG, GNAS PA DANG, KHYAD PAR DANG, NGES PAR 'BYED PA'I CHA DANG MTHUN PA LA SOGS PA'I DON RNAMS LA THOGS PA MED PAR MKHYEN PA GANG YIN PA'O, ,DBANG PO MCHOG DANG, MCHOG MA YIN PA MKHYEN PA'I STOBS ZHES BYA BA NI SEMS CAN RNAMS KYI DBANG PO RTUL PO DANG 'BRING DANG RNON PO YONGS SU MKHYEN PAR BYA BA LA THOGS PA MED PAR MKHYEN PA GANG YIN PA'O, ,MOS PA SNA TSOGS MKHYEN PA'I STOBS ZHES BYA BA NI DMAN PA DANG BAR MA DANG GYA NOM PA LA SOGS PA RNAMS THOGS PA MED PAR MKHYEN PA GANG YIN PA'O, ,KHAMS SNA TSOGS MKHYEN PA'I STOBS ZHES BYA BA @247A *, ,NI SEMS CAN RNAMS KYI RANG BZHIN YONGS SU MKHYEN PAR BYA BA DANG, CHOS RNAMS KYI RANG BZHIN GYI BYE BRAG YONGS SU MKHYEN PAR BYA BA LA THOGS PA MED PAR MKHYEN PA GANG YIN PA'O, ,THAMS CAD DU 'GRO BA'I LAM MKHYEN PA'I STOBS ZHES BYA BA NI SKYE BA 'GRUB PAR BYED PA DANG, SKYE BA ZAD PAR BYED PA'I CHOS THAMS CAD THOGS PA MED PAR MKHYEN PA GANG YIN PA'O, ,SNGON GYI GNAS RJES SU DRAN PA MKHYEN PA'I STOBS ZHES BYA BA NI BDAG DANG GZHAN GYI TSE RABS BRGYUD PA DRAN PAR BYA BA LA THOGS PA MED PAR MKHYEN PA GANG YIN PA'O, ,'CHI 'PHO DANG SKYE BA MKHYEN PA'I STOBS ZHES BYA BA NI MA 'ONGS PA'I SRID PAR NYID MTSAMS SBYOR BA GZIGS PAR BYA BA LA THOGS PA MED PAR MKHYEN PA GANG YIN PA'O, ,ZAG PA ZAD PAR MKHYEN PA'I STOBS ZHES BYA BA NI, ZAG PA ZAD PA DANG, ZAG PA ZAD PAR BYA BA'I THABS THOGS PA MED PAR MKHYEN PA GANG YIN PA'O, ,MI 'JIGS PA BZHI DANG DRAN PA NYE BAR GZHAG PA GSUM DANG, THUGS RJE CHEN PO DAG NI, MDO LAS JI SKAD DU 'BYUNG BA BZHIN TE, DE LTAR NA DE DAG NI SANGS RGYAS KYI CHOS MA 'DRES PA BCO BRGYAD YIN NO, ,THUN MONG MA YIN PA'I PHYIR NA MA 'DRES PA ZHES BYA'O, ,DE LA, GNAS DANG GNAS MIN SHES PA BCU, ,GNAS DANG GNAS MA YIN PA MKHYEN PA'I STOBS NI SHES PA BCU YIN NO, ,LAS 'BRAS LA BRGYA, ,LAS RNAM PAR SMIN PA MKHYEN PA'I STOBS NI, 'GOG PA DANG LAM SHES PA MA GTOGS PA SHES PA BRGYAD YIN NO, ,BSAM GTAN SOGS, DBANG BO MOS DANG KHAMS DAG NI, ,DGU STE, BSAM GTAN DANG, RNAM PAR THAR PA DANG TING NGE 'DZIN DANG SNYOMS PAR 'JUG PA MKHYEN PA'I STOBS NI 'GOG PA SHES PA MA GTOGS PA SHES PA DGU YIN LA, MOS PA SNA TSOGS MKHYEN PA'I STOBS DANG, DBANG PO MCHOG DANG, MCHOG MA YIN PA'I STOBS DANG KHAMS SNA TSOGS MKHYEN PA'I STOBS RNAMS KYANG DE BZHIN DU RIG BAR BYA'O, ,LAM DAG LA BCU'AM, 'AM ZHES BYA BA'I SGRA NI DGU 'AM ZHES BYE BRAG TU RTOGS PA'I DON TO, ,GAL TE LAM 'BRAS BU DANG BCAS PAR SMOS NA NI THAMS CAD DU 'GRO BA'I LAM MKHYEN PA'I STOBS SHES PA BCU YIN NO, ,GAL TE MA YIN NA NI 'GOG PA SHES PA MA GTOGS SO, ,GNYIS NI KUN RDZOB SHES PA YIN, @247B SNGON GYI GNAS RJES SU SHES PA DRAN PA MKHYEN PA'I STOBS DANG SHI 'PHO DANG, SKYE BA MKHYEN PA'I STOBS NI KUN RDZOB SHES PA KHO NA YIN NO, ,ZAG PA DRUG GAM BCU YIN NO, ,GAL TE ZAG PA ZAD PAR MKHYEN PA'I STOBS 'GOG PA KHO NA YIN NA NI, ZAG PA ZAD PAR MKHYEN PA'I STOBS, CHOS SHES PA DANG RJES SU SHES PA DANG, 'GOG PA SHES PA DANG ZAD PA DANG MI SKYE BA SHES PA DANG, KUN RDZOB SHES PA DANG SHES PA DRUG YIN NO, ,'ON TE ZAG PA ZAD PAR MKHYEN PA'I STOBS ZAG PA ZAD PA'I RGYUD KYI SHES PA YIN NA NI DE'I PHYIR SHES PA BCU YIN NO RANG BZHIN BSHAD ZIN TO, ,DA NI BRJOD PAR BYA STE; SNGON GNAS 'CHI 'PHO SKYE BA'I STOBS, BSAM GTAN DAG GI, SNGON GYI GNAS SHI 'PHO DANG SKYE BA MKHYEN PA'I STOBS NI BSAM GTAN BZHI PA'I SA PA YIN NO, ,LHAG MA NI, SA RNAMS KUN GYI, LHAG MA NI THAMS CAD KYIS BSDUS PA YIN NO, ,DE DAG KYANG 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG GZUGS MED PA RNAMS SO, ,THAMS CAD KYANG 'DZAM BU'I GLING GI SKYES PA'I LUS LA BRTEN PA YIN TE, GZHAN DAG TU SANGS RGYAS MI 'BYUNG BA'I PHYIR RO, ,GZHAN DAG GI SHES PA RNAM PA BCU BO DE DAG NI STOBS ZHES MI BYA'O, ,DE NI SANGS RGYAS NYAG GCIG GI STOBS YIN NO, ,CI'I PHYIR, DE STOBS GANG PHYIR THOGS PA MED, ,GANG GI PHYI DE'I MKHYEN PA NI SHES BYA THAMS CAD LA THOGS PA MED PAS, DE BSAN STOBS ZHES BYA BA GZHAN DAG GI SHES PA NI THOGS PA DANG BCAS PA YIN TE, LA LAR 'DOD KYANG MI 'JUG PA'I PHYIR DE DAG GI STOBS ZHES BYA BA MING 'THOB PAR 'OS PA MA YIN NO, ,'DIR DPE NI GNAS BRTAN SH'A RI'I BUS RAB TU BYUNG BAR 'DOD PA'I MA PHYI BTANG BA DANG, BYA ZHIG KHRAS GTZES PA'I SKYE BA LA SOGS PA'I MTHA' MA MKHYEN PA YIN NO, ,RE ZHIG DE LTAR NA SANGS RGYAS RNAMS KYI MKHYEN PA THOGS PA MED PA'I PHYIR THUGS KYI STOBS NI SHES BYA BZHIN DU MTHA' YAS PA YIN NO, ,SKU YI SRED MED BU YI STOBS, ,SKU'I STOBS NI SRID MED BU'I STOBS TZAM MO ZHES BRJOD DO, ,GZHAN DAG TSIGS NA, GZHAN DAG NA RE NI TSIGS DANG TSIGS NA SRED MED BU'I STOBS TZAM YOD DO ZHES ZER TE, BTZUN PA DE NI STOBS KYANG @248A *, ,THUGS KYI STOBS BZHIN DU MTHA' YAS PA YIN NO, ,DE LTA MA YIN NA MKHYEN PA'I STOBS MTHA' YAS PA BZOD PAR YANG MI 'GYUR RO ZHES ZER RO, ,SANGS RGYAS DANG 'KHOR LOS SGYUR BA RNAMS KYI TSIGS NI SPRUL GCUS PA LTA BU DANG, LU GU RGYUD DANG, GZER BUS BTAB PA YIN NO, , SRED MED KYI BU'I STOBS KYI TSAD KYANG JI TZAM ZHE NA, GLANG CHEN STEN STOBS, BCUS GLAG BDUN GYI STOBS YIN NO, ,GLANG PO CHE THA MAL PA BCU'I STOBS GANG YIN PA DE NI SPOS KYI GLANG PO CHE GCIG GI STOBS YIN NO, ,DE BZHIN DU TSAN PO CHE CHEN PO DANG, RAB GNON DANG, YAN LAG MCHOG DANG, STOBS MCHOG DANG, SRED MED BU RNAMS GONG NAS GONG DU BCU 'GYUR DU BSKYED DE BRJOD PAR BYA'O, ,GZHAN DAG NA RE GLANG PO CHE PHAL PA DANG, SPOS GYI GLANG PO CHE DANG, TSAN PO CHE CHEN PO DANG, RAB GNON RNAMS KYI STOBS GONG NAS GONG DU BCU 'GYUR DU BSKYED PA DE NI SRED MED KYI BU'I STOBS PHYED YIN NO, ,DE GNYIS SU BSGYUR BA SRED MED BU'I STOBS YIN NO ZHES KYANG ZER TE JI TZAM DU MANG BA DE TZAM DU RIGS PA YIN NO, ,DE NI REG BYA'I SKYE MCHED DO, ,SKU'I STOBS GANG YIN PA DE NI THAMS CAD KYI REG BYA'I SKYE MCHED KYI RANG BZHIN 'BYUNG BA CHEN PO'I KHYAD PAR NYID YIN PAR RIG PAR BYA'O, ,GZHAN DAG NA RE RGYUR BYAS PA'I GZUGS BDUN LAS DON GZHAN DU GYUR PA ZHIG YIN NO ZHES ZER RO, ,STOBS RNAMS BSHAD ZIN TO, ,MI 'JIGS PA NI RNAM BZHI STE, MDO LAS JI SKAD DU 'BYUNG BA BZHIN NO, ,MI 'JIGS PA BZHI PO DE DAG KYANG, CI LTAR DANG PO BCU PA DANG, GNYIS PA BDUN PA'I STOBS YIN NO, ,GNAS DANG GNAS MA YIN PA MKHYEN PA STOBS JI LTA BAR MNGON PAR RDZOGS PAR SANGS RGYAS PA LA ZHES BYA BA'I MI 'JIGS PA DE YANG DE DANG 'DRA BAR RIG PAR BYA'O, ,ZAG PA ZAD PA MKHYEN PA'I STOBS JI LTA BAR ZAG PA ZAD PAR GYUR PA LA ZHES BYA BA'I MI 'JIGS PA DE YANG DE DANG 'DRA'O, ,LAS BDAG GIR BYA BA MKHYEN PA'I STOBS JI LTA BAR, NGAS GANG DAG NYAN THOS RNAMS LA BAR DU GCOD PAR 'GYUR BA'I CHOS SU GSUNGS PA LA ZHES BYA BA'I MI 'JIGS BA DE DANG 'DRA'O, ,KUN DU 'GOR BA'I LAM MKHYEN PA'I STOBS JI LTA BAR NGAS GANG NYAN THOS RNAMS KYI NGES PAR 'BYUNG BA'I LAM DU GSUNGS PA ZHES BYA BA'I MI 'JIGS PA YANG DE DANG 'DRA BAR RIG PAR BYA'O, , @248B JI LTAR NA MKHYEN PA NYID MI 'JIGS PA YIN ZHE NA, MI SKRAG PA NI MI 'JIGS PA YIN LA, DE DAG GI NI MI SKRAG PAR 'GYUR RO, ,SHES PAR BYAS PA NI MI 'JIGS PA YIN PAR RIGS KYI SHES PA NYID NI MA YIN NO, ,'KHOR GYI BYE BRAG LAS DRAN PA NYE BAR GZHAG PA GSUM DU 'GYUR TE, MDO LAS JI SKAD DU 'BYUNG BA BZHIN NO, ,DE YANG, DRAN DANG SHES RAB BDAG NYID GSUM, ,DRAN PA NYE BAR GZHAG PA GSUM PO DE DAG GIS NI DRAN PA DANG SHES BZHIN GYI RANG BZHIN TE, GANG GI TSE NYAN THOS GUS PAR NYAN PA'AM MI NYAN PA'AM GNYI GA LA KUN TU DGYES PA'AM, KUN NAS MNAR SEMS SU YANG MI 'GYUR RO, ,CI'I PHYIR DE DAG LA SANGS RGYAS KYI CHOS MA 'DRES PA ZHES BYA ZHE NA, SNGON GYI GNAS BAG CHAGS DANG BCAS PA SPANGS PA'I PHYIR RO, ,YANG NA NYAN THOS RNAMS GANG GI YIN PA DE LA GUS PAR NYAN PA'AM GUS PAR MI NYAN PA'AM, GNYI GA LA NI SHIN TU YANG YID BDE BA LA SOGS PA'I GO SKABS SU 'GYUR GYI GZHAN DAG LA NI DE LTA MA YIN NA, DE LA DE MI SKYE BA YA MTSAN DU RNAM PAR GZHAG GI, GZHAN DAG LA NI MA YIN NO, ,DE NI THUGS RJE CHEN PO LA SOGS PA BRJOD PAR BYA STE, DE SMRAS PA, THUGS RJE CHEN PO KUN RDZOB BLO, THUGS RJE CHEN PO NI KUN RDZOB SHES PA'I BDAG NYID YIN NO, ,GZHAN DU NA SEMS CAN THAMS CAD LA DMIGS PA YANG MI 'GRUB PA, SNYING RJE BZHIN DU SDUG BSNGAL GSUM GYI RNAM PA YANG MA YIN PAR 'GYUR RO, ,'DI CI'I PHYIR THUGS RJE CHEN PO ZHES BYA ZHE NA, TSOGS DANG RNAM PA SPYOD YUL DANG, ,MNYAM PA'I PHYIR DANG CHES CHE'I PHYIR, ,TSOGS KYI NI BSOD NAMS DANG YE SHES KYI TSOGS CHEN POS YANG DAG PAR GRUB PA'I PHYIR RO, ,RNAM PAS NI SDUG BSNGAL GSUM GYI RNAM PA YIN PA'I PHYIR RO, ,DMIGS PAS NI KHAMS GSUM PA'I SEMS CAN LA DMIGS PA'I PHYIR RO, ,MNYAM PA NYID KYIS NI SEMS CAN THAMS CAD LA 'DRA BAR 'JUG PA'I PHYIR RO, ,CHES CHE BA NYID KYIS NI DE LAS CHES CHE BA MED PA'I PHYIR RO, ,SNYING RJE DANG THUGS RJE CHEN PO GNYIS THA DAD DU BYA BA CI ZHIG YOD CE NA, THA DAD BYA BA RNAM PA BRGYAD, ,RANG BZHIN LAS NI ZHE MI SDANG BA DANG, GTI MI MUG PA'I RANG BZHIN YIN PA'I PHYIR RO, ,RNAM PA LAS NI SDUG BSNGAL GCIG DANG GSUM GYI RNAM PA YIN PA'I PHYIR RO, ,DMIGS PA LAS NI KHAMS @249A *, ,GCIG DANG KHAMS GSUM PA'I SEMS CAN LA DMIGS PA YIN PA'I PHYIR RO, ,SA LAS NI BSAM GTAN BZHI DANG BSAM GTAN BZHI PA'I SA PA YIN PA'I PHYIR RO, ,RGYUD LAS NI NYAN THOS LA SOGS PA DANG SANGS RGYAS KYI RGYUD LAS SKYES PA YIN PA'I PHYIR RO, ,THOB PA LAS NI 'DOD PA'I KHAMS DANG SRID PA'I RTZE MO LAS 'DOD CHAGS DANG BRAL BAS THOB PA YIN PA'I PHYIR RO, ,YONGS SU MI SKYOB PA DANG YONGS SU SKYOB PA YIN PA'I PHYIR BA DANG, MTSUNGS PA DANG MI MTSUNGS PA LAS THUGS RJE MDZAD PA YIN PA'I PHYIR RO, ,CI SANGS RGYAS THAMS CAD RNAM PA THAMS CAD DU MNYAM PA NYID YIN NAM ZHE NA, TSOGS DANG CHOS SKU 'GRO BA'I DON, ,SPYOD PAS SANGS RGYAS THAMS CAD DAG, MNYAM PA NYID DE SKU TSE DANG, RIGS DANG TSAD KYIS MA YIN NO, ,SANGS RGYAS THAMS CAD NI BSOD NAMS DANG YE SHES KYI TSOGS THAMS CAD KYIS YANG DAG PAR 'GRUB PA DANG, CHOS KYI SKU YONGS SU 'GRUB PA DANG, 'JIG RTEN GYI DON SPYOD PA DANG, RGYU GSUM GYIS MNYAM PA NYID YIN NO, ,SKU TSE DANG CHO RIGS DANG TSAD DU BYAS PA NI BYE BRAG YOD DE, YUN RING PO DANG THUNG DUR 'TSO BA DANG, RGYAL RIGS DANG, BRAM ZE'I RIGS THA DAD PA DANG, ,'OD SRUNGS DANG SH'AKYA LA SOGS PA'I RIGS THA DAD PA DANG, DUS JI LTA BA ZHIN DU SKU'I BOD TSED CHE CHUNG THA DAD PA'I PHYIR RO, ,'DI LTA STE PHUN SUM TSOGS PA GSUM PO, ,RGYU PHUN SUM TSOGS PA DANG, 'BRAS BU PHUN SUM TSOGS PA DANG, PHAN PA PHUN SUM TSOGS PA DE DAG KHO NA YID LA BYED PA'I MKHAS PA NI SANGS RGYAS BCOM LDAN 'DAS RNAMS LA, DGA' BA DANG BKUR STI CHEN PO BSKYED PAR NUS SO, ,DE LA RGYU PHUN SUM TSOGS PA NI RNAM PA BZHI STE, BSOD NAMS DANG YE SHES KYI TSOGS LA GOMS PA DANG, YUN RING PO NAS GOMS PA DANG, BAR CHAD MED PAR GOMS PA DANG, GUS PAR BYAS TE GOMS PA'O, ,'BRAS BU PHUN SUM TSOGS PA LA YANG RNAM PA BZHI STE, YE SHES PHUN SUM TSOGS PA DANG, SPANGS PA PHUN SUM TSOGS PA DANG, MTHU PHUN SUM TSOGS PA DANG, GZUGS KYI SKU PHUN SUM TSOGS PA'O, ,PHAN PA PHUN SUM TSOGS PA LA YANG RNAM PA BZHI STE, NGAN SONG GSUM DANG 'KHOR BA LAS SHIN TU NGES PAR GROL BA PHUN SUM TSOGS PA'AM, THEG PA GSUM DANG BDE 'GRO LA 'GOD PAR BYED PAS PHUN SUM TSOGS PA'O, ,DE LA YE SHES PHUN SUM TSOGS @249B PA LA YANG RNAM PA BZHI STE, MA BSTAN PAR MKHYEN PA DANG, THAMS CAD MKHYEN PA DANG, THAMS CAD DU MKHYEN PA DANG, MA 'BAD PAR MKHYEN PA'O, ,SPANGS PA PHUN SUM TSOGS PA YANG RNAM PA BZHI STE, NYON MONGS PA THAMS CAD SPANGS PA DANG, GTAN DU SPANGS PA DANG, BAG CHAGS DANG BCAS TE SPANGS PA DANG, TING NGE 'DZIN DANG SNYOMS PAR 'JUG PA'I SGRIB PA THAMS CAD SPANGS PA'O, ,MTHU PHUN SUM TSOGS PA YANG RNAM PA BZHI STE, PHYI'I YUL SPRUL PA DANG, YONGS SU BSGYUR BA YIN GYIS RLOB PA'I MNGA' PHUN SUM TSOGS PA DANG, SKU TSE GTONG BAR BYIN GYIS BRLAB PA'I MNGA' PHUN SUM TSOGS PA DANG, SGRIB PA DANG, NAM MKHA' DANG SHIN TU RING BA LA YANG MYUR DU GSHEGS PA DANG, CHUNG NGU CHEN POR 'JUG PAR MDZAD PA'I MNGA' PHUN SUM TSOGS PA DANG, BDAG NYID KYI YA MTSAN GYI CHOS RNAM PA DU MA PHUN SUM TSOGS PA'O, ,GZUGS KYI SKU PHUN SUM TSOGS PA YANG RNAM PA BZHI STE, MTSAN PHUN SUM TSOGS PA DANG, DPE BYAD PHUN SUM TSOGS PA DANG, STOBS PHUN SUM TSOGS DANG, SKU RDO RJE LTAR SRA BA NYID PHUN SUM TSOGS PA STE, DE DAG NI SANGS RGYAS BCOM LDAN 'DAS RNAMS KYI CHE BA'I BDAG NYID MDOR BSDUS PA YIN NO, ,DE NI DBYE NA RAB TU DBYE BA MTHA' YAS PAR 'GYUR RO, ,DE YANG GAL TE BCOM LDAN 'DAS NYID KYIS SKU TSE BSKAL PA GRANGS MED PA DU MAR BYIN GYIS BRLABS NA NI MTHA' DAG BRJOD PA DANG MKHYEN PAR SPYOD DO, ,DE LTAR NA RE ZHIG DE BZHIN GSHEGS PA RNAMS NI YE SHES DANG MTHU DANG PHAN PA'I YON TAN MTHA' YAS SHING RMAD DU BYUNG BA RIN PO CHE CHEN PO'I 'BYUNG GNAS YIN NO, ,'ON KYANG BYIS PA RANG GI YON TAN DBUL BAS MOS PA BCOM PA RNAMS NI YON TAN GYI 'BYOR PA DE LTA BU THOB KYANG SANGS RGYAS DANG DE'I CHOS LA GUS PAR MI BYED KYI, MKHAS PA RNAMS NI RKANG YAN CHAD NAS, BCOM LDAN 'DAS DE DANG DE'I CHOS LA YID CHES PAR 'GYUR TE, DE DAG NI DE LA DAD PA TZAM GYIS GCIG TU MNGON PAR RAB TU ZHUGS PAS KYANG RNAM PAR SMIN PAR MA NGES PA'I SDIG PA'I TSOGS RNAMS ZIL GYIS MNAN TE, LHA DANG MI'I LEGS PA NYAMS SU MYONG ZHING MYA NGAN LAS 'DAS PA LA GZHOL BAR 'GYUR RO, ,DE NYID KYI PHYIR 'BRAS BU MED PA MA YIN PA DANG, 'BRAS BU YID DU 'ONG BA DANG, MCHOG TU 'GYUR BA DANG, @250A *, ,MTHA' BZANG BAS NA DE BZHIN GSHEGS PA NI BSOD NAMS KYI ZHING BLA NA MED PA ZHES BYA'O, ,BCOM LDAN 'DAS KYIS KYANG, GANG DAG RGYAL BA RNAMS 'DREN LA, ,CUNG ZAD BYA BA BYED PA 'GYUR BA'ANG, ,MTHO RIS SNA TSOGS BGROD NAS NI, ,BDUD RTZI'I GO 'PHANG THOB PAR 'GYUR, ,ZHES GSUNGS SO, ,RE ZHIG DE DAG NI SANGS RGYAS KYI CHOS MA 'DRES PA BCO BRGYAD CES BYA'O, ,CHOS GZHAN SLOB MA DANG THUN MONG SANGS RGYAS KYI YON TAN GZHAN RNAMS NI NYAN THOS DANG YANG THUN MONG YIN LA, KHA CIG SO SO'I SKYE BO DANG, DE DAG KYANG GANG ZHE NA CI RIGS PAR, NYON MONGS MED DANG SMON NAS SHES, ,SO SO YANG DAG RIG MNGON SOGS, ,NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA DANG, MNGON PAR SHES PA DANG, BSAM GTAN DANG, GZUGS MED PA DANG, TSAD MED PA DANG, RNAM PAR THAR PA DANG, ZIL GYIS MNAN PA'I SKYE MCHED DANG ZAD PAR GYI SKYE MCHED LA SOGS PA'O; ,DE LA NYON MONGS PA MED PA ZHES BYA BA NI, DGRA BCOM PA LA LA ZHIG SEMS CAN RNAMS KYI SDUG BSNGAL NI NYON MONGS PA LA RAB TU SKYE BA DANG, BDAG NYID KYANG YON GNAS KYI KHYAD PAR YIN PAR RIG NAS GZHAN DAG DE LA DMIGS NAS NYON MONGS PA SKYE BAR 'GYUR BA YONGS SU SPANGS PAR 'DOD DE, CI NAS GANG GIS GZHAN DAG THAMS CAD KYI THAMS CAD DU NYON MONGS PA SKYE BAR MI BYED CING, 'GA' YANG DE LA DMIGS NAS 'DOD CHAGS SAM, ZHE SDANG NGAM, NGA RGYAL SKYE BAR MI 'GYUR BA DE LTA BU'I YE SHES SKYED PAR BYED PA STE, LAM DE NI CUNG ZAD KYANG NYON MONGS PAR MI BYED PAS NA NYON MONGS PA MED PA ZHES BYA'O, ,YANG DE NI, NYON MONGS MED PA KUN RDZOB SHES, ,DE NI DE'I RANG BZHIN YIN NO, ,BSAM GTAN THA MA'I, BSAM GTAN BZHI PA'I SA PA YIN TE, BDE BA BSGRUB PA'I MCHOG YIN PA'I PHYIR RO, ,MI G-YO CHOS DGRA BCOM PA GZHAN GYIS MA YIN TE, GZHAN DAG NI RES 'GA' BDAG GI RGYUD LAS KYANG NYON MONGS PA YONGS SU SPONG BAR MI NUS SO, ,MI SKYED, MI RNAMS KYI NANG NYID DANG, GLING GSUM DAG TU SKYE BAR BYED DO, ,NYON MONGS 'DOD GTOGS PA, ,MA SKYES GZHIR BCAS SPYOD YUL LO, ,DE'I DMIGS PA NI NYON MONGS PA 'DOD PAR GTOGS @250B PA MA 'ONGS PA GZHI DANG BCAS PA RNAMS YIN TE, CI NAS KYANG GZHAN DAG NYON MONGS PA SKYE PAR MI 'GYUR BA DE LTAR ZHUGS PA'I PHYIR RO, ,THAMS CAD DU 'GRO BA RNAMS NI RANG GI MTHA' DAG LA DMIGS PA'I PHYIR GZHI MED PA'I NYON MONGS PA NI SPANG BAR MI NUS SO, ,NYON MONGS PA MED PA JI SKAD DU BSHAD PA, SMON NAS SHES PA DE BZHIN NO, ,KUN RDZOB SHES PA DE YANG BSAM GTAN THA MA PA DANG, MI G-YO BA'I CHOS CAN RNAMS KYI DANG, MI'I LUS LA BRTEN PA YIN NO, ,DE YI DMIGS PA THAMS CAD DO, ,SMON NAS SHES PA'I DMIGS BA NI CHOS THAMS CAD YIN TE, DE LTAR NA DE NI BYE BRAG YIN NO, ,BYE BRAG TU SMRA BA RNAMS NA RE, ,SMON NAS SHES BA GZUGS MED PAR GTOGS PA RNAMS NI MNGON SUM DU MI SHES KYI, JI LTAR ZHE NA, RGYU MTHUN PA DANG SPYOD PA'I BYE BRAG GI SGO NAS SHES TE, 'DIR DPE NI ZHING PA LTA BU ZHES ZER RO, ,SMON PA SNGAR BTANG NAS SHES PA NI SMON NAS SHES PA STE GANG ZHIG 'DI SHES PAR BYA'O ZHES SMON NAS RAB KYI MTHA'I BSAM GTAN BZHI PA LA SNYOMS PAR 'JUG CING, TING NGE 'DZIN DE'I SPYOD YUL DU JI TZAM ZHIG GYUR PA DE YANG DAG PA JI LTA BA BZHIN DU SHES PA'O, ,DE BZHIN CHOS DON NGES TSIG DANG, ,SPOBS PA SO SO YANG DAG RIG ,SO SO YANG DAG PAR RIG PA NI BZHI STE, CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'O, ,DE DAG KYANG NYON MONGS PA MED PA JI LTA BA DE BZHIN NO, ,DE DAG GI DE BZHIN ZHES BYA BA YANG GANG ZHIG CE NA, MI G-YO BA'I CHOS CAN RNAMS KYI YIN PA DANG, MI'I LUS LA BRTEN PA NYID YIN GYI, DE DAG GI DMIGS PA DANG SA'I BYE BRAG NI THA DAD PAR BRJOD DO, ,MING TSIG DON LA THOGS MED SHES, ,GSUM PO DAG DANG RIM BZHIN NO, ,MING DANG TSIG DANG YI GE'I TSOGS RNAMS DANG DON DANG TSIG LA THOGS PA MED PAR SHES PA NI RIM PA BZHIN DU CHOS DANG DON DANG NGES PA'I TSIG SO SO YANG DAG PAR RIG PA YIN NO, ,BZHI PA RIG PA THOGS MED BAR, ,BRJOD DANG LAM LA DBANG NYID LA, ,THOGS PA MED PAR SHES PA ZHES BYA BAR SBYAR TE, SPOBS PA SO SO YANG DAG PAR RIG PA NI RIG PA DANG, THAGS THOGS MED PAR BRJOD PA DANG, TING NGE 'DZIN @251A *, ,LA DBANG BA DANG, RAB TU GSAL BAR BYA BA LA THOGS PA MED PAR SHES PA'O, ,DE YI DMIGS PA DAG DANG LAM, ,DE'I DMIGS PA DAG DANG LAM YIN NO, ,SHES PA DGU STE, SPOBS PA SO SO YANG DAG PAR RIG PA NI 'GOG PA SHES PA MA GTOGS PA DGU'I RANG BZHIN YIN NO, ,SA THAMS CAD DANG, DE NI NGAG DANG LAM GNYIS LAS GANG YANG RUNG BZHIG LA DMIGS PA'I PHYIR 'DOD PA'I KHAMS NAS SRID PA'I RTZE MO'I BAR GYIS THAMS CAD PA YIN NO, ,YANG DAG DON RIG BCU 'AM DRUG ,DON SO SO YANG DAG PAR RIG PA NI, GAL TE DON CHOS THAMS CAD YIN NA NI SHES PA BCU YIN NO, ,GAL TE DON MYA NGAN LAS 'DAS PA YIN NA NI CHOS SHES PA DANG, RJES SU SHES PA DANG, 'GOG PA SHES PA DANG, ZAD PA DANG MI SKYE BA SHES PA DANG, KUN RDZOB SHES PA RNAMS TE, SHES PA DRUG YIN NO, ,DE NI THAMS CAD, DON SO SO YANG DAG PAR RIG PA NI SA THAMS CAD PA'O, ,GZHAN KUN RDZOB, GZHAN CHOS DANG NGES PA'I TSIG SO SO YANG DAG PAR RIG PA GNYIS NI MING GI TSOGS LA SOGS PA DANG, NGAG LA DMIGS PA YIN PA'I PHYIR KUN RDZOB SHES PA'I RANG BZHIN YIN NO, ,CHOS RIG 'DOD DANG BSAM GTAN NA, ,CHOS SO SO YANG DAG PAR RIG PA NI SA LNGA PO 'DOD PA'I KHAMS DANG BSAM GTAN BZHIS BSDUS PA YIN TE, DE'I GONG NA MING GI TSOGS MED PA'I PHYIR RO, ,NGAG NI 'DOD DANG DANG PO NA, ,NGAG DANG NGES PA'I TSIG CES BYA BA NI DON GCIG GO, ,NGES PA'I TSIG SO SO YANG DAG PAR RIG PA NI 'DOD PA'I KHAMS DANG BSAM GTAN DANG PO'I SA PA YIN TE, DE'I GONG NA RTOG PA MED PA'I PHYIR RO, , BTAGS PA LAS NI SO SO YANG DAG PAR RIG PA DAG NI 'DI SKAD DU STON TE, TSIG DANG YI GE DANG DE NYID KYI DON DANG, DE NYID KYI GCIG DANG GNYIS DANG, MANG PO DANG, PHO MO LA SOGS PA'I TSIG BLA DAGS DE DAG LA THOGS PA MED PAR BYA BA'I PHYIR THOGS PA MED PAR SHES PA NI CHOS LA SOGS PA SO SO YANG DAG PAR RIG PA YIN NO ZHES 'BYUNG NGO, ,DE NYID KYI PHYIR DE DAG GI RIM PA NI DE LTAR GRUB BO, ,TSIG NGES PA NI NGES PA'I TSIG STE, DPER NA GZUGS SU RUNG BAS NA GZUGS ZHES BYA BA LA SOGS PA'O, ,GZHAN DAG NA RE LAN DANG LAN LA SPOBS PAS NA SPOBS PA YIN NO ZHES ZER RO, ,SO SO YANG DAG @251B PAR REG PA DE DAG GI SNGAR SBYOR BA NI RIM BZHIN DU RTZIS DANG, SANGS RGYAS KYI BKA' DANG, SGRA RIG PA DANG, GTAN TSIGS RIG PA DAG YIN TE, DE DAG LA MKHAS PAR MA BYAS PAR DE DAG BSKYED PAR MI NUS SO ZHES GRAG GO, ,DE DAG THAMS CAD KYI SBYOR BA NI SANGS RGYAS KYI BKA' KHO NA YIN NO ZHES BRJOD DO, ,GANG GIS SO SO YANG DAG PAR RIG PA GCIG THOB PA DES GDON MI ZA BAR SO SO YANG DAG PAR RIG PA BZHI CHAR YANG 'THOB STE, MA TSANG BAR NI DE THOB MED, ,SO SO YANG DAG RIG PA DE DAG MA TSANG BAR THOB PA CAN NI MED DO, ,DE LTAR NA NYON MONGS PA MED PA LA SOGS PA'I YON TAN BSTAN PA GANG YIN PA, DRUG PO DE DAG RAB MTHA' YIS, ,DE DAG NI RAB GYI MTHA' BA'I BSAM GTAN GYI STOBS KYIS 'THOB BO, ,DE NI RNAM DRUG ,RAB KYI MTHA' PA'I BSAM GTAN BZHI PA DE YANG, NYON MONGS PA MED PA DANG SMON NAS SHES PA DANG, SO SO YANG DAG PAR RIG PA GSUM DANG, RAB KYI MTHA' PA DE NYID DANG, DRUG GI BDAG NYID YIN NO, ,NGES PA'I TSIG SO SO YANG DAG PAR RIG PA NI, DE'I STOBS KYIS THOB PA YIN GYI, BSAM GTAN BZHI PA'I SA PA NI MA YIN NO, ,RAB KYI MTHA' ZHES BYA BA DE CI ZHE NA, BSAM GTAN MTHA', BSAM GTAN BZHI PA YIN NO, ,DE NI SA KUN RJES MTHUN ZHING, ,'PHEL BA'I MTHA' MAR PHYIN PA'O, ,JI LTAR NA SA THAMS CAD DANG RJES SU MTHUN PA YIN ZHE NA, 'DOD PA LAS SPYOD PA'I SEMS LAS BSAM GTAN DANG PO YIN LA, DE LAS NI GNYIS PA STE, DE BZHIN DU RIM GYIS 'DU SHES MED MIN SKYE MCHED KYI BAR YIN NO, ,MI MTHUN PA NI YANG 'DOD PA NA SPYOD PA'I SEMS CAN GYI BAR DU YIN NO, , YANG RJES SU MTHUN PA NI BSAM GTAN BZHI PA'I BAR YIN TE, DE LTAR NAS THAMS CAD RJES SU MTHUN PA YIN NO, ,JI LTAR NA 'PHEL BA'I MTHAR PHYIN PA YIN ZHE NA, DE LTAR BSGOMS PA CHUNG NGU LAS 'BRING, 'BRING LAS CHEN POR SNYOMS PAR 'JUG CING 'PHEL BA'I MCHOG TU BYUNG BA NI, 'PHEL BA'I MTHAR PHYIN BA STE, BSAM GTAN DE LTA BU NI RAB KYI MTHA' YIN NO, ,'DI NI MTHA'I THA MAR RAB TU PHYIN PA TZAM YIN PA'I PHYIR TE, 'DIR MTHA' ZHES BYA BA NI 'PHEL BA'AM RNAM PA YIN TE, MU BZHI ZHES BYA BA BZHIN NO, ,YON TAN DRUG PO DE DAG KYANG, SANGS RGYAS LAS GZHAN SBYOR LAS SKYE, ,SANGS RGYAS LAS GZHAN @252A *, ,PA'I NI SBYOR BA LAS BYUNG BA YIN GYI 'DOD CHAGS DANG BRAL BAS THOB PA NI MA YIN NO, ,SANGS RGYAS KYIS NI SBYOR BA LAS BYUNG BA CUNG ZAD KYANG MED DO, ,DE NI CHOS THAMS CAD KYI DBANG PHYUG YIN PA'I PHYIR, YON TAN MNGON DU BYA BA THAMS CAD NI BZHED PA TZAM LA RAG LUS PA YIN NO, ,DE DAG NI RE ZHIG NYAN THOS DANG THUN MONG BA'I YON TAN YIN NO, ,MNGON PAR SHES PA LA SOGS PA NI SO SO'I SKYE BO DAG DANG THUN MONG YIN TE, MNGON PAR SHES PA ZHES BYA BA DE YANG JI LTAR ZHE NA, MNGON SHES RNAM DRUG RDZU 'PHRUL DANG, ,RNA BA YID DANG SNGON TSE DANG, ,SHI 'PHO SKYE DANG ZAD SHES PA, ,MNGON DU BYA'O, ,RDZU 'PHRUL GYI YUL SHES PA DANG, LHA'I RNA BA DANG, SEMS KYI RNAM GRANGS DANG, TSE SNGA MA DANG, 'CHI 'PHO DANG, SKYE BA DANG, ZAG PA ZAD PA SHES PA MNGON DU BYA BA'I MNGON PAR SHES PA'O, ,DE LTAR MNGON PAR SHES PA DRUG PO DE DAG LAS LNGA NI SO SO'I SKYE BO DANG THUN MONG YIN NO, ,DE DAG THAMS CAD NI, GROL LAM BLO, ,DGE SBYONG GI 'BRAS BU BZHIN DU RNAM PAR GROL BA'I LAM GYI, SHES RAB KYI RANG BZHIN YIN NO, ,BZHI NI KUN RDZOB SHES PA STE, SEMS KYI RNAM GRANGS DANG, ZAG PA ZAD PAR SHES PA'I MNGON PAR SHES PA MA GTOGS SO, ,SEMS SHES PA NI LNGA YIN NO, ,SEMS KYI RNAM GRANGS SHES PA'I MNGON PAR SHES PA NI CHOS DANG, RJES SU SHES PA DANG, LAM DANG, KUN RDZOB DANG, PHA ROL GYI SEMS SHES PA DANG LNGA YIN NO, ,ZAD PA'I MNGON SHES STOBS BZHIN NO, ,'DI NI ZAG PA ZAD PA MKHYEN PA'I STOBS JI SKAD DU SHES PA DRUG GAM, BCU YIN PA ZHES BSHAD PA DE BZHIN DU RIG PAR BYA LA, DE BZHIN DUS THAMS CAD PA YIN PAR YANG SHES PAR BYA'O, ,LHAG MA, LNGA NI BSAM GTAN BZHI DAG GI, MNGON PAR SHES PA LNGA NI BSAM GTAN BZHI'I SA PA YIN NO, ,MNGON PAR SHES PA LNGA PO DAG GI RDZU 'PHRUL GYI MNGON PAR SHES PA GANG YIN PA DES SA DE'AM SA 'OG MAR 'GRO ZHING SPRUL PAR BYED KYI GONG DU NI MA YIN NO, ,DE BZHIN DU LHA'I RNA BA'I MNGON PAR SHES PAS KYANG RANG GIS PA KHO NA'AM, SA 'OG MA PA'I SGRA THOS KYI SA GONG MA PA'I NI MA YIN NO, ,SEMS KYI RNAM GRANGS SHES PA'I MNGON PAR SHES PAS KYANG SA GONG MA'I SEMS MI SHES SO, ,SNGON GYI GNAS RJES SU DRAN PAS KYANG MI DRAN NO, ,'CHI 'PHO DANG SKYE BA SHES PA'I MNGON PAR SHES PAS @252B KYANG MTHONG STE, DE GNYIS KYI PHYIR GZUGS MED PA'I SA PA'I SEMS NI SA GONG MA YIN PA'I PHYIR SEMS KYI RNAM PA DANG SNGON GYI GNAS MNGON PAR SHES PA GNYIS KYIS MI 'DZIN TO, ,DE DAG JI LTAR 'THOB CE NA, MA 'DRES PA RNAMS KYI SBYOR BAS, ,THOB STE 'DRES PA CHAGS BRAL BAS, ,MNGON PAR SHES PA TSE RABS GZHAN NA GOMS PA ZHIG YIN NA NI 'DOD CHAGS DANG BRAL BAS 'THOB BO, ,BYE BRAG CAN NA NI SBYOR BAS 'THOB PO, ,DE DAG THAMS CAD KYANG SBYOR BAS BSKYED PAR BYA BA YIN NO, ,DANG PO, GSUM PA DRAN PA NYER GZHAG GSUM, ,SEMS KYI RNAM GRANGS MNGON PAR SHES PA NI SEMS DANG SEMS LAS BYUNG BA LA DMIGS PA YIN PA'I PHYIR TSOR BA DANG SEMS DANG CHOS DRAN PA NYE BAR GZHAG PA DANG GSUM GYI RANG BZHIN YIN NO, ,DANG PO RNA BA RDZU 'PHRUL MIG ,MNGON PAR SHES PA ZHES BYA BAR SBYAR TE, RDZU 'PHRUL DANG, LHA'I RNA BA DANG, MIG GI MNGON PAR SHES PA RNAMS NI GZUGS LA DMIGS PA YIN PA'I PHYIR DRAN PA NYE BAR GZHAG PA'I DNGOS PO YIN TE, LUS DRAN PA NYE BAR GZHAG PA ZHES BYA BA'I THA TSIG GO, ,RDZU 'PHRUL GYI MNGON PAR SHES PA'I DMIGS PA NI SGRA MA GTOGS PA'I PHYIR SKYE MCHED BZHI YIN NO, ,LHA'I RNA BA DANG MIG GI MNGON PAR SHES PA'I DMIGS PA NI SGRA DANG GZUGS KYI SKYE MCHED YIN NO, ,JI LTAR NA 'CHI 'PHO DANG SKYE BA SHES PAS 'DI LTAR SEMS CAN 'DI NI LUS KYI NYES PAR SPYOD PA DANG LDAN NO ZHES BYA BA LA SOGS PAR SHES SHE NA, DE NI DES MI SHES KYI 'PHAGS PA RNAMS LA DE LAS GZHAN PA GANG GIS DE LTA BU SHES PAR 'GYUR BA, MNGON PAR SHES PA'I 'KHOR DU GYUR PA'I SHES PA SKYE'O; ,LHAG MA DAG NI NGES PAR MA GZUNG BA'I PHYIR, DRAN PA NYE PAR GZHAG PA BZHI CHAR GYI RANG BZHIN YIN NO ZHES BYA BAR GRUB BO, ,MIG DANG RNA BA'I MNGON SHES NI, ,LUNG DU MA BSTAN LHAG RNAMS DGE ,LHA'I MIG DANG RNA BA'I MNGON PAR SHES PA NI LUNG DU MA BSTAN PA YIN NO, , DE DAG NI MIG DANG RNA BA'I RNAM PAR SHES PA DANG MTSUNGS PAR LDAN PA'I SHES PA MA YIN NO, ,JI LTAR DE DAG BSAM GTAN BZHI PA'I SA PAR GRUB CE NA, GNAS KYI DBANG GIS DE'I SA PAR BSHAD PAR ZAD PA'I PHYIR TE, DE'I MIG DANG RNA BA NI BSAM GTAN BZHI CHAR GYI SA PA YIN NO, ,YANG NA BAR CHAD MED PA'I @253A *, ,LAM GYI DBANG GIS SO, ,GZHAN BZHI PO DAG NI DGE BA YIN NO, ,MNGON PAR SHES PA DE RNAMS LAS, GSUM NI RIGS PAR, SNGON GYI GNAS DANG, SHI 'PHO DANG, SKYE BA DANG, ZAG PA ZAD PA SHES PA MNGON SUM DU BYA BA RNAMS NI MI SLOB PA'I RIG PA GSUM ZHES BYA'O, ,CI'I PHYIR DE DAG 'BA' ZHIG YIN GYI GZHAN DAG NI MA YIN ZHE NA, SNGON MTHA' SOGS, MA RIG PA RNAMS BZLOG PA'I PHYIR, DE DAG NI RIM BZHIN DU SNGON GYI MTHA' DANG PHYI MA'I MTHA' DANG BAR DAG LA RMONGS PA ZLOG PAR BYED DO, ,DE DAG LAS KYANG DON DAM PAR, MI SLOB THA MA, ZAG PA ZAD PA SHES PA MNGON DU BYA BA KHO NA MI SLOB PA'I RIG PA YIN NO, ,GNYIS NI DE'I, RGYUD LAS SKYES PHYIR DE ZHES BYA, ,GZHAN GNYIS NI MI SLOB PA'I RGYUD LAS SKYES PA'I PHYIR MI SLOB PA ZHES BYA BA'I MI SLOB PA YANG MA YIN MI SLOB PA MA YIN PA YANG MA YIN NO, ,CI'I PHYIR NA, MNGON PAR SHES PA DE DAG SLOB PA'I YIN PAR MI 'DOD, GANG GI PHYIR NA NI SLOB PA'I RIG PA ZHES MI BYA ZHE NA, SLOB PA 'DOD DE MA RIG DANG, ,BCAS RGYUD PHYIR NA RIG MI BRJOD, ,RGYUD MA RIG PA DANG BCAS PA BZHIN DU RIG PAR RNAM PAR GZHAG PA RIG PA MA YIN TE, YANG NYON MONGS PAS ZIL GYIS GNON PA'I PHYIR RO, ,MNGON PAR SHES PA DE DAG GI ,DANG PO GSUM PA DRUG PA NI, ,CHO 'PHRUL RNAMS YIN, RDZU 'PHRUL DANG SEMS KYI RNAM GRANGS DANG ZAG PA ZAD PA SHES PA'I MNGON PAR SHES PA NI RIM BZHIN DU RDZU 'PHRUL DANG, KUN BRJOD PA DANG, RJES SU BSTAN PA'I CHO 'PHRUL DANG, ,CHO 'PHRUL GSUM YIN TE, DANG PO KHO NAR 'DUL BA'I SEMS SHIN TU 'PHROG PAR BYED PA'I PHYIR CHO 'PHRUL RNAMS YIN PA'AM, ZHE 'GRAS BA'AM, BAR MAR GNAS PA RNAMS KYI YID YANG DANG YANG DU 'PHROG PAR BYED PA YIN PA'I PHYIR NA CHO 'PHRUL RNAMS YIN NO, ,DE DAG GI NANG NAS, BSTAN PA MCHOG ,RJES SU BSTAN PA'I CHO 'PHRUL NI MCHOG YIN NO, ,MI 'KHRUL PHYIR DANG PHAN PA DANG, ,YID 'ONG 'BRAS LA SBYOR BYED PHYIR, ,RDZU 'PHRUL DANG KUN RDZOB PA NI RIG SNGAGS KYIS KYANG BYED DE, SA 'DZIN PA ZHES BYA BA'I RIG SNGAGS GANG GIS NAM MKHA' LA 'GRO BA DANG RTOG BYED CES BYA BA'I RIG SNGAGS GANG GIS NA GZHAN GYI SEMS SHES PA YANG YOD KYI, @253B YANG DAG PA JI LTA BA BZHIN DU RJES SU BSTAN PA NI GZHAN DU BYA BAR MI NUS TE, MI 'KHRUL PA'I PHYIR NA DE NI GTZO BO YIN NO, ,DE GNYIS KYIS NI GTOD PA TZAM DU BYED LA, RJES SU BSTAN PA'I CHO 'PHRUL GYIS NI PHAN PA DANG YID DU 'ONG BA'I 'BRAS BU SBYOR BAR 'GYUR BA'I THABS STON PA'I PHYIR DE NYID MCHOG YIN NO, , RDZU 'PHRUL ZHES BYA BRDZU 'PHRUL DE CI YIN ZHE NA, BYE BRAG TU SMRA BA'I LUGS KYIS NI, RDZU 'PHRUL TING NGE 'DZIN 'DIS 'GRUB BAR 'GYUR BAS NI ZHES BYA BAR SBYAR RO, ,DES CI ZHIG 'GRUB CE NA, DE LAS NI, SPRUL PA DANG 'GRO BA DANG, DE LAS 'GRO BA NI RNAM PA GSUM STE, LUS MGYOGS PA CAN DANG MOS PA CAN DANG YID MYUR BA'O, ,STON PA LA, YID MYUR 'GRO BA, YID BZHIN DU MYUR BA'I PHYIR TE, YID MYUR GYIS 'GRO BA NI SANGS RGYAS BCOM LDAN 'DAS 'BA' ZHIG GI YIN GYI, GZHAN DAG GI NI MA YIN TE, YUL SHIN TU THAG RING POR YANG THUGS BSKYED PA TZAM GYIS BYON PA'I PHYIR RO, ,DE NYID KYI PHYIR BCOM LDAN 'DAS KYIS SANGS RGYAS RNAMS KYI SANGS RGYAS KYI YUL NI BSAM GYIS MI KHYAB PO ZHES BKA' STZAL TO, ,GZHAN 'GRO BA GNYIS NI MA BSHAD KYANG SANGS RGYAS LA MNGA' BAR GRUB PA'I PHYIR RO, ,GZHAN DAG LA, MGYOGS PA CAN DANG MOS CAN YANG, NYAN THOS DANG RANG SANGS RGYAS RNAMS KYI LUS MGYOGS PA CAN GYIS 'GRO BA NI, BYA BA BZHIN DU RIM GYIS LUS MGYOGS PAR 'GRO BA'I PHYIR RO, ,MOS PA CAN NI THAG RING PO LA NYE BAR MOS NAS 'GRO BA'I PHYIR RO, ,SPRUL PA RNAM PA GNYIS TE 'DOD PA NA SPYOD PA DANG, GZUGS NA SPYOD PA'O, ,DE LA RE ZHIG ,'DOD PAR GTOGS PA'I SPRUL PA NI, PHYI'I SKYE MCHED BZHI, 'DOD PA NA SPYOD PA'I SPRUL PA NI SGRA'I SKYE MCHED MA GTOGS PA GZUGS DANG DRI DANG RO DANG REG BYA'I SKYE MCHED KYI RANG BZHIN YIN NO, ,DE YANG RNAM GNYIS TE, DE YANG BDAG DANG GZHAN GYI LUS DANG 'BREL BA'O, ,GZUGS GTOGS GNYIS, GZUGS SU GTOGS PA'I SPRUL PA NI, DE NI DRI DANG RO MED PA'I PA'I PHYIR GZUGS DANG REG BYA'I SKYE MCHED GNYIS YIN NO, ,DE YANG DE BZHIN DU RNAM PA GNYIS YIN NO, ,JI LTAR 'DOD PA'I KHAMS DAG GI SPRUL PA DE RNAM PA BZHI YIN PA LTAR, GZUGS KYI KHAMS DAG GI YANG DE BZHIN TE, DE LTAR NA MDOR BSDU NA @254A *, ,SPRUL PA NI RNAM PA BRGYAD YIN NO, ,JI LTAR NA GZUGS KYI KHAMS SU SKYES PA 'DOD BA'I KHAMS NA SPYOD PA SPRUL PAR BYED PA NA, DRI DANG RO DANG LDAN PAR MI 'GYUR ZHE NA, GOS DANG RGYAN BZHIN DU MI LDAN NO, ,KHA CIG NA RE SKYE MCHED GNYIS SPRUL PAR BYED DO ZHES ZER RO, ,YANG CI MNGON PAR SHES PA KHO NAS SPRUL PA SPRUL PAR BYED DAM ZHE NA, SMRAS PA, MA YIN TE, JI LTAR ZHE NA, MNGON PAR SHES PA'I 'BRAS BU, SPRUL SEMS DAG GIS, DE DAG RNAMS NI BCU BZHI'O, ,SPRUL PA'I SEMS BCU BZHI PO DE DAG NI, BSAM GTAN 'BRAS GNYIS NAS LNGA'I BAR, ,RIM BZHIN BSAM GTAN DANG PO'I 'BRAS BU NI 'DOD PA'I KHAMS DANG BSAM GTAN DANG PO'I SA PA'I SPRUL PA'I SEMS DANG GNYIS YIN NO, ,BSAM GTAN GNYIS PA'I NI GSUM YIN NO, ,DE BZHIN DU BSAM GTAN GSUM PA DANG BZHI'I SA DAG LA YANG BZHI DANG LNGAR SBYOR RO, ,BSAM GTAN GYI 'BRAS BU SPRUL PA'I SEMS NI; RANG GIS PA DANG SA 'OG MA PA'I YIN PAR RIG PAR BYA'O, ,RIM BZHIN GONG MA LAS SKYE MIN, ,BSAM GTAN 'OG MA'I 'BRAS BU SA GONG MA PA'I SPRUL PA'I SEMS NI MED DO, ,BSAM GTAN GNYIS PA LA SOGS PA'I 'BRAS BU NI 'DOD PA NA SPYOD PA'I SPRUL PA DANG, BSAM GTAN DANG PO'I SA PA LAS 'GRO BA'I SGO NAS KHYAD PAR DU 'PHAGS SO, ,DE RNYED BSAM GTAN BZHIN, SPRUL PA'I SEMS DE DAG GI RNYED PA NI BSAM GTAN BZHIN NO, ,YANG CI SPRUL A'I SEMS KHO NA LAS LDANG BAR 'GYUR RAM ZHE NA, DE NI MED DE, GANG GI PHYIR DE NI, DAG DANG BDAG LAS, SKYE STE SPRUL PA'I SEMS NI BSAM GTAN DAG PA'AM, SPRUL PA'I SEMS NI MJUG THOGS SHIG LAS SKYE'I GZHAN DU NI MA YIN NO, ,DE LAS GNYIS, SPRUL PA'I SEMS LA SKYANG BSAM GTAN DAG PA DANG SPRUL PA'I SEMS SKYE STE, GZHAN DU NI MA YIN NO, ,TING NGE 'DZIN GYI 'BRAS BU LA GNAS PA YANG, TING NGE 'DZIN LA MA ZHUGS PAR DE LAS LDANG BA NI MED DO, ,SPRUL PA THAMS CAD KYANG, RANG GIS PAS SPRUL BAR BYED, SA GZHAN PA'I SPRUL PA'I SEMS KYIS GZHAN PA'I SPRUL PA NI SPRUL BAR MI BYED DO, ,SMRAR 'JUG PAS NI 'OG MAS KYANG, ,KYANG GI SGRAS NI SA PAS KYANG SMRAR 'JUG GO ZHES BYA BA'I @254B THA TSIG GO, ,'DOD PA'I KHAMS DANG BSAM GTAN DANG PO'I SPRUL PA NI, RANG GIS PA'I SEMS NYID KYIS SMRAR 'JUG GO, ,DE'I GONG NA RNAM PAR RIG BYED KUN NAS SLONG AR BYED PA'I PHYIR SA GONG MA PA RNAMS NI BSAM GTAN DANG PO'I SA PAS SMRAR 'JUG GO, ,SPRUL PA MANG PO RNAMS SMAR 'JUG GO, , STON MIN SPRUL BA BO NYID BCAS, ,SANGS RGYAS LAS GZHAN PA'I SPRUL PA NI SPRUL PA BO DANG BCAS TE SMRAS PA, GANG GI TSE SPRUL PA MANG PO YIN PA DE'I TSE GANG CIG CAR DU SMRA'O, ,TSIGS SU BCAD BA LAS KYANG, GCIG GIS SMRA BAR BYED PA NA, SPRUL BA THAMS CAD SMRA BAR BYED, ,GCIG MI SMRA BAR GYUR PA DANG, THAMS CAD SMRA BAR MI 'GYUR RO, ,ZHES 'BYUNG NGO, ,SANGS RGYAS BCOM LDAN 'DAS KYI SPRUL PA NI SNGA PHYI JI LTAR BZHED BAR SMRA'O, ,GANG GI TSE SMRAR 'JUG PA'I SEMS YIN PA DE'I TSE, SPRUL PA'I SEMS MED NA JI LTAR NA DE SMRAR 'JUG CE NA, BYIN GYIS BRLABS NAS GZHAN 'JUG PHYIR; SPRUL PA GNAS PAR 'DOD PAS BYIN GYIS BRLABS TE, RNAM PAR RIG BYED KUN NAS SLONG BAR, BYED PA'I SEMS GZHAN GYI NGAG 'JUG PAR BYED DO, ,JA GSON PO 'BA' ZHIG LA BYIN RLABS RJES SU 'JUG GAM 'ON TE SHI BA LA YANG YOD CE NA, SHI BA LA YANG BYIN RLABS YOD, ,'PHAGS PA 'OD SRUNGS CHEN PO'I BYIN GYI RLABS KYIS DE'I RUS PA'I RUS GONG GNAS PA'I PHYIR RO, ,DE YANG MI BSTAN MIN, MI BSTAN PA'I DNGOS PO LA NI BYIN GYI RLABS MED DE, 'PHAGS PA 'OD SRUNGS CHEN POS SHA LA SOGS PA LA BYIN GYIS MA BRLABS PA'I PHYIR RO, ,GZHAN MIN GZHAN DAG NA RE DE NI SHI BA LA BYIN GYI RLABS MED KYI, RUS BA'I RUS GONG GNAS BA NI, ,LHAS BYIN GYIS BRLABS PA YIN PA'I PHYIR RO ZHES ZER RO, ,CI SEMS GCIG GIS SPRUL PA GCIG KHO NAR SPRUL PAR BYED DAM ZHE NA, DBANG PO GCIG NI DU MA STE, ,BYANG BAR GYUR NAS BZLOG PA'O, ,DANG PO KHO NA'I SPRUL PA GCIG NI SPRUL PA'I SEMS DU MAS SPRUL BAR BYED DO, ,MNGON PAR SHES PA BYANG NAS NI SEMS GCIG GIS KYANG JI SRID DU SPRUL PAR 'DOD PAR SPRUL PA DU MA SPRUL PAR BYED DO, ,YANG CI SPRUL PA'I SEMS THAMS CAD LUNG DUM BSTAN PA YIN NAM ZHE NA, BSGOM LAS SKYES @255A *, ,PA LUNG MA BSTAN, ,BSGOM PA'I 'BRAS BU GANG YIN PA DE NI NGES PAR LUNG DU MA BSTAN PA YIN NO, ,SKYE BA LAS SKYES RNAM GSUM MO, ,SKYE BAS THOB PA LHA DANG KLU DANG SHA ZA LA SOGS PA'I SEMS NI DGE BA DANG MI DGE BA DANG LUNG DU MA BSTAN PA YIN NO, ,DE DAG GIS BYAS PA'I SPRUL PA, BDAG DANG GZHAN GYI LUS DANG 'BREL PA NI, SGRA MED PA'I GZUGS KYI SKYE MCHED YIN PA'I PHYIR SKYE MCHED DGU PA YIN TE, DBANG PO DANG THA MI DAD PA'I PHYIR RO, ,DBANG PO NI SPRUL PAR MI BYED DO, ,CI BSGOMS PA LAS BYUNG BA DANG, SKYE BAS THOB PA'I RDZU 'PHRUL RNAM GNYIS KHO NAR ZAD DAM ZHE NA, DE RNAM GNYIS, SNGAGS SMAN LAS LAS SKYES PA DANG, ,RDZU 'PHRUL RNAM PA LNGA YIN NO, ,RDZU 'PHRUL NI MDOR BSDU NA RNAM PA LNGA'O ZHES BRJOD DE, BSGOM PA'I 'BRAS BU DANG SKYE BAS THOB PA DANG, GSANG SNGAGS LAS SKYES PA DANG, SMAN LAS SKYES PA DANG, LAS LAS SKYES PA STE, DPER NANG LAS NU DANG, SRID PA BAR MA PA RNAMS KYI LTA BU'O, ,LHA'I MIG DANG RNA BA BSHAD PA GANG YIN PA DE DAG CI LHA'I KHO NA YIN NO, ,'ON TE BYANG CHUB SEMS DPA' DANG, 'KHOR LOS SGYUR BA'I KHYIM BDAG RIN PO CHE RNAMS KYI BZHIN DU LHA'I DANG 'DRA BAS NA LHA'I ZHES BYA ZHE NA, LHA YI MIG DANG RNA BA STE, GANG GI PHYIR DE GNYIS, BSAM GTAN SA PA'I GZUGS DANG, BSAM GTAN LA SNYOMS PAR ZHUGS PA SGRA DANG SNANG BA LA GTOD PA'I SBYOR BAS BSAM GTAN GYIS PA'I 'BYUNG BA RNAMS RGYUR BYAS PA'I GZUGS DANG BA, GZUGS DANG SGRA DAG MTHONG BA DANG THOS PA'I RGYUR GYUR PA'I MIG DANG RNA BA'I NYEN KOR DU MNGON PAR GRUB STE, DE LTA BAS NA BSAM GTAN GYIS PA YIN PA'I PHYIR MIG DANG RNAM BA DE DAG NI LHA'I KHO NA YIN NO, ,DE GNYIS KYANG, RTAG DANG BRTEN BCAS MA TSAD MED, THAG RING PHRAL SOGS SPYOD YUL, ,LHA'I MIG DANG RNA BA NI RTAG TU RNAM PAR SHES PA DANG BCAS PA YIN PA'I PHYIR DE'I BRTEN PA DANG BCAS PA MED DO, ,NOR BA MED PA'I PHYIR DBANG PO MA TSANG BA YANG MA YIN TE, GZUGS NA SPYOD PA'I SEMS CAN BZHIN NO, ,DE GNYIS KYI YUL NI GZUGS DANG SGRA THAR RING BA DANG PHRA BA DANG, BSGRIBS PA RNAMS KYANG YIN NO, ,'DIR @255B SMRAS PA, GANG PHYIR SHA YI MIG GIS GZUGS, ,THAG RING BA DANG BSGRIBS PA DANG, ,PHRA DANG THAMS CAD MI MTHONG LA, ,LHA YIS MTHONG BAR 'DOD PHYIR RO, ,LHA'I MIG GIS THAG JI SRID CIG MTHONG ZHE NA, GANG GI MIG JI LTA BU YIN PA STE, NYAN THOS DANG RANG SANGS RGYAS DANG SANGS RGYAS RNAMS NI MNGON PAR 'DU BYED PA MED PAR STONG GCIG DANG, STONG GNYIS DANG, STONG GSUM GYI 'JIG RTEN GYI KHAMS DAG MTHONG NGO, ,MNGON PAR 'DU BYED PAS NI, DGRA BCOM BSE RU STON PA YIS, ,STONG GNYIS GSUM DANG GRANGS MED MTHONG, ,MNGON PAR 'DU BYAS NA NYAN THOS CHEN POS NI STONG GNYIS PA'I 'JIG RTEN GYI KHAMS DAG MTHONG NGO, ,BSE RU LTA BUS NI STONG GSUM MTHONG NGO, ,SANGS RGYAS BCOM LDAN 'DAS KYIS NI JI TZAM BZHED PAR 'JIG RTEN GYI KHAMS GRANGS MED PA DAG GZIGS SO, ,CI RDZU 'PHRUL 'BA' ZHIG SKYE BAS 'THOB PA YIN NAM, 'ON TE GZHAN DAG KYANG YIN ZHE NA, GZHAN YANG SKYE BAS 'THOB, ,LHA'I RNA BA LA SOGS PA BZHI YANG SKYE BAS 'THOB PA YANG YOD MOD KYI, SKYE BAS THOB PA'I NI CUNG ZAD KYANG MNGON PAR SHES PA'I MING MI 'THOB PO, ,SKYE BAS THOB PA'I LHA'I MIG GANG YIN PA, DES NI, SRID PA BAR MA MI MTHONG NGO, ,SRID PA BAR MA NI MNGON PAR SHES PA'I MIG KHO NAS MTHONG GI SKYE BAS THOB PA NI MA YIN NO, ,SAMS SHES DE NI RNAM PA GSUM, ,SKYE BAS THOB CES BYA BAR SBYAR TE, GZHAN GYI SEMS SHES PA SKYE BAS THOB PA NI, DGE BA DANG MI DGE BA DANG LUNG DU MA BSTAN PA DANG RNAM PA GSUM DU RIG PAR BYA'O, ,RTOG DANG RIG SNGAGS BYAS GANG SPANG, ,GANG DAG RTOG PA PO'I PHA ROL GYI SEMS SHES PA MTSAN MA CAN RNAMS DANG, RIG SNGAGS KYIS BYAS PA GANG YIN PA DE DAG KYANG RNAM PA GSUM DU RIG PAR BYA STE, JI LTAR BSGOMS PA'I 'BRAS BU DGE BA KHO NA YIN PA LTA BU NI MA YIN NO, ,GZHAN GYI SEMS SHES PA DANG, SNGON GYI GNAS RJES SU DRAN PA SKYE BAS THOB PA DAG GIS NI, DMYAL BA PAS NI DANG PO SHES, ,JI SRID DU SDUG BSNGAL GYIS MNYEN PA DE SRED DU SHES SO, ,'GRO BA GZHAN DAG NA GNAS PAS NI RTAG TU SHES SO, ,MI LAS SKYE BAS THOB PA MED, ,MI RNAMS LA NI RDZU 'PHRUL @256A *, ,LA SOGS PA JI SKAD DU BSHAD PA RNAMS SKYE BAS 'THOB PA MED DO, ,'O NA RANG BZHIN GYIS TSE RABS DRAN PA GANG YIN PA DE JI LTA BU ZHE NA, DE DAG GI NI LAS KYI KHYAD PAR LAS SKYES PA YIN TE, SNGON GYI GNAS RJES SU DRAN PA NI, BSGOMS PA'I 'BRAS BU DANG, SKYE BAS THOB PA DANG, LAS LAS SKYES PA DANG, RNAM PA GSUM MO, ,YE SHES KYI DBANG DU BYAS NAS, YE SHES KYI RGYU LAS BYUNG BA'I YON TAN RNAMS NI BSHAD ZIN TO, ,CHOS MNGON PA MDZOD KYI 'GREL PA MDO DANG MTHUN PA LAS YE SHES BSTAN PA ZHES BYA BA MDZOD KYI GNAS BDUN PA'O,, ,,DA NI RANG BZHIN GZHAN RNAMS BRJOD PAR BYA STE, DANG PO NYID DU YON TAN THAMS CAD KYI GZHI YIN PA'I PHYIR BSAM GTAN RNAMS LAS BRTZAMS TE, BSAM GTAN RNAMS NI RNAM PA GNYIS, ,BSAM GTAM RNAMS NI MDOR BSDU NA, SKYE BA DANG SNYOMS PAR 'JUG PA'I BYE BRAG GIS RNAM PA GNYIS SO, ,DE DAG KYANG BZHI, BSAM GTAN DANG PO NAS BSAM GTAN BZHI PA'I BAR RO, ,DE LA SKYE BA'I BSAM GTAN BRJOD, ,DE 'JIG RTEN PA'I MDZOD KYI GNAS SU JI SKAD DU BSHAD CE NA, DER SO SO'I, BSAM GTAN LA NI SA GSUM PA, ,BZHI PA LA NI SA BRGYAD PA, ,ZHES BSHAD ZIN TO, ,SNYOMS PAR 'JUG PA'I BSAM GTAN BRJOD PAR BYA STE, DE'I PHYIR SMRAS PA, SNYOMS 'JUG DGE BA RTZE GCIG STE, BYE BRAG MED PAR NA DGE BA'I SEMS RTZE GCIG PAR NI BSAM GTAN YIN TE, TING NGE 'DZIN GYI RANG BZHIN YIN PA'I PHYIR RO, ,RJES SU 'BRANG BCAS PHUNG PO LNGA, ,'KHOR DANG BCAS PA NI PHUNG PO LNGA'I RANG BZHIN YIN PAR RIG PAR BYA'O, ,YANG DGE BA'I SEMS RTZE GCIG PA'I BSAM GTAN DANG PO NI JI LTA BU, BSAM GTAN BZHI PA'I BAR NI JI LTA BU ZHE NA, RE ZHIG DANG PO NI, DPYOD DANG DGA' DANG BDE DANG LDAN, ,DGE BA'I SEMS RTZE GCIG PA'I BSAM GTAN DANG PO NI DPYOD PA DANG, DGA' BA DANG, BDE BA DANG MTSUNGS PAR LDAN NO, ,DPYOD PA ZHES SMOS PAS RTOG PA YANG BSHAD PA YIN TE, LHAN CIG DPYOD PA'I PHYIR DU BA DANG ME BZHIN NO, ,RTOG PA MED PAR NI DGA' BA DANG BDE BA DANG LDAN PA'I DPYOD PA MED DO, ,BSAM GTAN GSUM PA NI, @256B YAN LAG LNGA LNGA SPANGS PA NI, ,DGE BA'I SEMS RTZE GCIG PA ZHES BYA BAR SBYAR TE, BSAM GTAN GNYIS PA NI DPYOD PA SPANGS PA LA DG'A BA DANG BDE BA DANG LDAN NO, ,GSUM PA NI DGA' BA SPANGS LA DGE BA DANG LDAN NO, ,BZHI PA NI DPYOD PA DANG DGA' BA DANG BDE BA SPANGS PA'O, ,BSAM GTAN RNAMS NI JI LTA BAR, DE BZHIN GZUGS MED, RNAM PA GNAG GIS NA, DE DAG NI SKYE BA DANG SNYOMS PAR 'JUG PA RNAMS PA GNYIS KYANG YIN LA, BZHI YANG YIN TE DE DAG GI YANG SKYE BA NI BSHAD ZIN TO, ,SNYOMS PAR 'JUG PA'I GZUGS MED PA NI BYE BRAG MED PAR DGE BA'I SEMS RTZE GCIG PA'I RANG BZHIN YIN TE, DE LTAR NA RNAM PA DE DAG GIS SO, ,'KHOR DANG BCAS NA NI PHUNG PO BZHI STE, RJES SU 'BRANG BA'I GZUGS MED PA'I PHYIR RO, ,'OG MA'I SA LAS DBEN LAS SKYES, ,BSAM GTAN BZHI PA LAS DBEN PA LAS SKYES PA NI NAM MKHA' YAS SKYE MCHED YIN NO, ,DE LAS DBEN PA LAS SKYES PA NI RNAM SHES MTHA' YAS SKYE MCHED YIN NO, ,DE LAS DBEN PA LAS SKYES PA NI CI YANG MED PA'I SKYE MCHED YIN NO, ,DE LAS DBEN PA LAS SKYES PA NI 'DU SHES MED 'DU SHES MED MIN SKYE MCHED YIN NO, ,DE LTAR NA GZUGS MED PA BZHI YIN NO, ,DBEN PA ZHES BYA BA CI ZHE NA, LAM GANG GIS SA 'OG MA LAS YID 'BYUNG BA STE, 'DOD CHAGS DANG BRAL BAR 'GRO BA'I PHYIR RO, ,GZUGS MED PA DE DAG KYANG, GZUGS DANG BRAL BA ZHES BYA STE, NYE BAR BSDOGS PA GSUM DANG BCAS, ,NAM MKHA' MTHA' YAS SKYE MCHED KYI NYER BSDOGS NI BSAM GTAN BZHI PA LA DMIGS PA'I PHYIR DE NI GZUGS KYI 'DU SHES DANG BRAL BA MA YIN PAS, GZUGS DANG BRAL PA ZHES BYA BA'I MING MI 'THOB STE, MA BRAL ZHES BYA BA'I THA TSIG GO, ,KHA CIG NA RE GZUGS MED PA DAG NA YANG GZUGS CUNG ZAD YOD DE, CHUNG ZAD SER BA BZHIN NO ZHES ZER RO, ,PHUNG PO BZHI ZHES BSHAD PA GNAG YIN PA DE NI RE ZHIG GZUGS MED PA DAG NA GZUGS MED DO ZHES BYA BA'I BSGRUBS PA BYA BA YIN ZHE NA, GAL TE YOD NA JI LTAR NA GZUGS MED PA ZHES BRJOD DO, ,DE BAS NA, GZUGS MED BA NA GZUGS MED DO, ,DA NI JI LTAR NA DE NAS SHI 'PHOS PA RNAMS KYI @257A *, ,GZUGS BSKAL PA MI NYUNG BA ZHIG DU GZUGS RGYUN CHAD PA LAS YANG SKYE BAR 'GYUR ZHE NA, GZUGS NI SEMS LAS SKYE, GZUGS NI DE'I RNAM PAR SMIN PA'I RGYUS YONGS SU BSGOS PA'I SEMS 'DU 'PHROD RNYED PA LAS SKYE'O, ,DE NI THAL ZIN TO, ,'DI BRJOD PAR BYA STE, CI NAM MKHA' MTHA' YAS SKYE MCHED LA SOGS PA DE DAG NAM MKHA' LA SOGS PA NYID LA DMIGS PAS DE'I PHYIR MING DE SKAD CES BYA'AM ZHEN MA YIN TE, JI LTA ZHE NA, RE ZHIG GSUM NI, DE BZHIN, SBYOR HYIR NAM MKHA' MTHA' YAS DANG, ,RNAM SHES MTHA' YAS CI YANG MED, ,CES BYA NAM MKHA' MTHA' YAS SO, ,RNAM SHES MTHA' YAS SO, , CHUNG ZAD KYANG MED DO ZHES DE LTAR YID LA BYED CING DE DAG LA RAB TU SBYOR BAS DE'I PHYIR DE DAG GI MING GRANGS BZHIN DU DE SKAD CES BYA'O, ,DMAN PHYIR 'DU SHES MED 'DU SHES MED PA'ANG MA YIN PA'O, ,'DU SHES DMAN PA'I PHYIR 'DU SHES MED, 'DU SHES MED MIN SKYE MCHED CES BYA BA STE, 'DU SHES DE NI GSAL BA'ANG MA YIN LA MED PA KHO NA'ANG MA YIN PA'I PHYIR RO, ,DE LTAR SNYOMS 'JUG DNGOS GZHI'I RDZAS, ,RNAM BRGYAD, DE LTAR NA SNYOMS PAR 'JUG LA DNGOS GZHI'I RDZAS DE DAG NI 'DI LTA STE, BSAM GTAN BZHI DANG GZUGS MED PA BZHI STE, BRGYAD YIN NO, ,DE DAG LAS KYANG, BDUN NI RNAM PA GSUM STE, SRID PA'I RTZE MO LAS GZHAN PA BDUN NI RNAM PA GSUM STE, RO MYANG BA DANG DAG PA DANG, ZAG MED RNAM SDANG LDAN PA'O, ,RO MYANG BA DANG, DAG PA DANG, ZAG PA MED PA RNAMS DANG MTSUNGS PAR LDAN PA'O, ,BRGYAD PA SRID PA'I RTZE MO NI RNAM PA GNYIS TE, RO MYANG BA DANG DAG PA DANG MTSUNGS PAR LDAN PA'O, ,ZAG PA MED PA NI MED PA NYID DO, ,DE LA, RO MYANG MTSUNGS LDAN SRED BCAS TE, ,RO MYANG BA NI SRED PA YIN NO, ,'JIG RTEN PA YID DGE BA NI, ,DAG PA, 'JIG RTEN PA'I DGE BA SNYOMS PAR 'JUG PA'I RDZAS NI DAG PA ZHES BYA STE, MA CHAGS PA LA SOGS PA DKAR PO'I CHOS DANG LDAN PA'I PHYIR RO, ,YANG RO MYANG BA DANG MTSUNGS PAR LDAN PA'I SEMS DES CI ZHIG RO MYANG ZHE NA, DE NI DES MYONG NGO, , SNYOMS PAR 'JUGS PA DAG LA 'DAS MA THAG PA DE NI DES RO MYONG BAR BYED DE, RO MYANG BAR BYA BA GANG YIN PA DE LAS NI LANGS PA YIN NO, ,GANG GIS RO MYONG BAR BYED PA DE LA NI SNYOMS PAR ZHUGS PA YIN NO, ,ZAG MED 'JIG RTEN 'DAS PA'O, ,'JIG RTEN LAS 'DAS PA'I SNYOMS PAR 'JUG PA'I RDZAS GANG YIN PA DE NI ZAG PA @257B MED PA YIN NO, ,SNYOMS PAR 'JUG PA'I RDZAS DE DAG LAS BSAM GTAN RNAMS NI YAN LAG DANG LDAN PA YIN NO, ,GZUGS MED PA RNAMS NI MA YIN NO, ,DE LA, DANG PO LNGA STE, BSAM GTAN DANG PO LA YAN LAG LNGA STE, RTOG DPYOD DANG, DGA' BDE TING NGE 'DZIN DANG LDAN, ,RTOG PA DANG, DPYOD PA DANG, DGA' BA DANG, BDE BA DANG, SEMS RTZE GCIG PA STE, YAN LAG DE LNGA'O, ,TING NGE 'DZIN NI YAN LAG KYANG YIN, BSAM GTAN YANG YIN NO, ,LHAG MA RNAMS NI YAN LAG KHO NA YIN TE, DMAG GI YAN LAG BZHI JI LTA BAR BSAM GTAN GYI YAN LAG LNGA YANG DE DANG 'DRA'O ZHES GRAG GO, ,GNYIS PA'I YAN LAG DAG DANG LDAN, ,DGA' LA SOGS DANG BZHI YIN NO, ,BSAM GTAN GNYIS PA LA NI YAN LAG BZHI STE, NANG RAB TU DANG BA DANG, DGA' BA DANG, BDE BA DANG, SEMS RTZE GCIG PA DANG BZHI'O, ,GSUM PA'I BTANG SNYOMS DRAN PA DANG, ,SHES BZHIN BDE DANG GNAS DANG LNGA, ,BSAM GTAN GSUM PA'I YAN LAG NI BTANG SNYOMS DANG, DRAN PA DANG, SHES BZHIN DANG BDE BA DANG, TING NGE 'DZIN DANG LNGA'O, ,GNAS PA ZHES BYA BA NI TING NGE 'DZIN GYI RNAM GRANGS YIN TE, MDO LAS YANG DAG PA'I TING NGE 'DZIN GANG ZHE NA, GANG SEMS DANG SEMS BYUNG BA YANG DAG PAR GNAS PA'O ZHES 'BYUNG NGO, ,THA MA'I BDE MIN SDUG BSNGAL MIN, ,BTANG SNYOMS DRAN DANG TING 'DZIN BZHI, ,THA MA NI BSAM GTAN BZHI PA STE, DE'I YAN LAG NI BDE BA YANG MA YIN SDUG BSNGAL YANG MA YIN PA'I TSOR BA DANG, BTANG SNYOMS YONGS SU DAG PA DANG, RNAM PA YONGS SU DAG PA DANG, TING NGE 'DZIN YONGS SU DAG PA DANG BZHI STE, DE LTAR BSAM GTAN DANG PO DANG GSUM PA'I YAN LAG NI LNGA YIN LA, GNYIS PA DANG BZHI BA'I YAN LAG NI BZHI YIN PA'I PHYIR DE DAG NI BSAM GTAN GYI YAN LAG BCO BRGYAD YIN TE, MING GI SGO NAS DE LTA'O, ,RDZAS KYI SGO NAS BCU GCIG GO, ,RDZAS KYI SGO NAS NI BSAM GTAN DANG PO LA NI LNGA'O, ,GNYIS PA LA NI NANG RAB TU DANG BA 'PHEL LO, ,GSUM PA LA NI BTANG SNYOMS DANG, DRAN PA DANG, SHES BZHIN DANG, DGE BA RNAMS 'PHEL LO, ,BZHI PA LA NI BDE BA YANG MA YIN SDUG BSNGAL YANG MA YIN PA'I TSOR BA 'PHEL TE, DE NYID KYI PHYIR BSAM GTAN DANG PO'I YAN LAG GANG DAG YIN PA DE NYID GNYIS PA'I YAN LAG YIN NAM ZHES BYA BA BRJOD NA MU BZHI STE, MU DANG PO NI RTOG PA DANG DPYOD @258A *, ,PA'O; ,MU GNYIS PA NI NANG RAB TU DANG BA'O, ,MU GSUM PA NI DGA' BA DANG, BDE BA DANG, SEMS RTZE GCIG PA'O, ,MU BZHI PA NI BSHAD PA LAM GTOGS PA'I CHOS RNAMS TE, DE BZHIN DU BSAM GTAN THAMS CAD KYI YAN LAG RNAMS KYANG PHAN TSUN DU SBYAR BAR BYA'O, ,DE'I PHYIR BSAM GTAN GSUM PO'I BDE BA RDZAS GZHAN DU BRJOD CE NA, GANG GI PHYIR DE'I BDE BA NI TSOR BA YIN LA BSAM GTAN DANG PO GNYIS KYIS RAB SBYANGS TE, BSAM GTAN DANG PO DANG GNYIS PA'I BDE BA NI RAB TU SBYANGS PA ZHES BYA'O, ,NANG RAB TU DANG BA ZHES BYA BA'I CHOS DE CI ZHE NA, DAD PA RAB TU DANG BA'O, ,DE BAS BSAM GTAN GNYIS PA THOB PA LAS SNYAMS PAR 'JUG PA'I SA LAS KYANG NGES PAR 'BYUNG BAR YOD PAR YID CHES PA SKYE BA DE NI 'DIR NANG RAB TU DANG BA ZHES BYA'O, ,DGA' BA NI YID BDE BA YIN NO ZHES BSHAD PA GANG YIN PA DE JI LTAR RTOGS GZHAN CI ZHIG YIN PAR 'GYUR JI LTAR SDE PA GZHAN DAG 'DOD PA RNAMS TE, SDE PA GZHAN DAG KYANG JI LTAR 'DOD CE NA; DGA' BA NI SEMS LAS BYUNG BA'I CHOS GZHAN KHON NA YIN LA, YID BDE BA NI BSAM GTAN GSUM PA DAG GI BDE BA YIN PAR 'DOD DO, ,BSAM GTAN GYI BDE BA YID BDE BA YIN PAR MI RIGS TE, LUS RNAM GNYIS PHYIR DGA' YIN BDE, RNAM PAR BSGYUR BA'I MDO LAS, BCOM LDAN 'DAS KYIS BSAM GTAN GSUM PA BKA' STZAL TE, 'DIR 'DI'I YID BDE BA'I DBANG PO YONGS SU MA LUS PAR DGA' BAR 'GYUR ZHES BKA' STZAL TO, ,BSAM GTAN BZHI PAR NI BDE BA'I DBANG PO 'GAG PAR 'GYUR RO ZHES BKA' STZAL TO, ,YANG 'DI SKAD DU BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS ZHES GSUNGS PAS DE'I PHYIR YANG BSAM GTAN GSUM PA YID BDE BA'I DBANG PO MED DE, DE BAS NA DGA' BA NYID YID BDE BA YIN GYI BDE BA NI MA YIN NO, ,YANG CI NYON MONGS PA CAN GYI BSAM GTAN DAG LA YANG 'DI SKAD DU BSHAD PA'I YAN LAG DE DAG YOD DAM ZHE NA, MED DO, ,DE DAG LA GANG ZHIG MED CE NA, NYON MONGS PA CAN LA DGA' BA DE DANG, RAB DANG SHES BZHIN DRAN PA DANG, ,BTANG SNYOMS DRAN PA DAG PA MED, ,BSAM GTAN DANG PO LA NI DBEN PA LAS SKYES PA'I DGA' BA DANG, BDE BA MED DE, NYON MONGS PA LAS DBEN PA MA YIN PA'I PHYIR RO, ,GNYIS PA LA NI NANG RAB TU DANG BA MED DE, NYON MONGS PAS RNYOG PA'I PHYIR @258B RO; ,GSUM PA LA NI DRAN PA DANG SHES BZHIN MED DE, NYON MONGS PA CAN GYI BDE BAS KUN DU RMONGS PAR BYAS PA'I PHYIR RO, ,BZHI PA LA NI DRAN PA YONGS SU DAG PA MED DE, NYON MONGS PAS DRI MA CAN DU BYAS PA'I PHYIR TE, RE ZHIG KHA CIG NI 'DI SKAD DU CES BYA'O, ,KHA CIG RAB SBYANGS BTANG SNYOMS DAG ,KHA CIG NA RE NYON MONGS PA CAN GYI BSAM GTAN DANG PO DANG, GNYIS PA LA NI RAB TU SBYANGS PA MED DO, ,GSUM PA DANG BZHI PA LA NI BTANG SNYOMS MED DE, DE DAG NI DGE BA'I SA MANG PO PA YIN PA'I PHYIR RO ZHES ZER RO, ,BCOM LDAN 'DAS KYIS BSAM GTAN GSUM NI SKYON DANG BCAS PA'I PHYIR G-YO BA DANG BCAS PA YIN NO ZHES BKA' STZAL TO, ,SKYON BRGYAD LAS NI GROL BA'I PHYIR, ,BZHI PA DAG NI MI G-YO BA'I, ,SKYON DE DAG GANG ZHE NA, RTOG DANG DPYOD DANG DBUGS DANG NI, ,BDE BA LA SOGS BZHI YIN NO, ,RTOG PA DANG, DPYOD BA DANG, BDE BA DANG, SDUG BSNGAL BA DANG, YID BDE BA DANG, YID MI BDE BA DANG, DBUGS RDUB PA DANG, DBUGS 'BYUNG BA STE, BSAM GTAN BZHI PA NI SKYON BRGYAD PO DE DAG GCIG KYANG MED PAS DE'I PHYIR MI G-YO BA'O ZHES BYA'O, ,BSAM GTAN GNYIS PA LA NI DGA' BA ZHES SMOS PAS YID BDE BA ZHES BYA'O, ,GSUM PA LA NI BDE BA'O, ,BZHI BA LA NI BTANG SNYOMS SO, ,DE CI SNYOMS PAR 'JUG PA'I BSAM GTAN DAG GI TSOR BA GANG YIN PA DE DAG NYID SKYE BA'I BSAM GTAN DAG GI YANG YIN NAM ZHE NA, SMRAS PA, MA YIN TE, JI LTAR ZHE NA, SKYE BA'I BSAM GTAN DAG NA NI, ,YID BDE BA DANG BTANG SNYOMS DANG, ,BTANG SNYOMS YID MI BDE BA DANG, ,BTANG SNYOMS BTANG SNYOMS TSOR BA'O, ,SKYE BA'I BSAM GTAN DANG PO DAG NA NI TSOR BA GSUM STE, RNAM PAR SHES PA GSUM GYI BDE BA DANG, YID KYIS PA'I YID BDE BA DANG, RNAM PAR SHES PA BZHI CHAR GYI TSOGS KYI BTANG SNYOMS SO, ,SKYE BA'I BSAM GTAN GNYIS PA DAG NA NI TSOR BA GNYIS TE, YID KYIS PA'I YID BDE BA DANG BTANG SNYOMS SO, ,RNAM PAR SHES PA'I TSOGS GZHAN MED PA'I PHYIR BDE BA NI MED DO, ,SKYE BA'I BSAM GTAN GSUM PA DAG NA NI TSOR BA GNYIS TE, YID KYIS PA'I BDE BA DANG BTANG SNYOMS SO, ,SKYE BA'I BSAM GTAN BZHI PA DAG NA NI BTANG SNYOMS KYI TSOR BA KHO NA YIN NO, ,GAL TE BSAM GTAN GNYIS PA LA SOGS PA NA, RNAM PAR SHES PA'I TSOGS GSUM PA DANG, RTOG @259A *, ,PA DANG DPYOD PA MED NA DE DAG GI MTHONG BA YIN PA NAS, REG PA'I BAR DU YIN, JI LTAR RNAM PAR RIG BYED KUN NAS SLONG BAR BYED CE NA, DE DAG DU SKYES PA RNAMS LA MIG GI RNAM PAR SHES PA LA SOGS PA MED PA'ANG MA YIN LA DE'I SA PA YANG MA YIN TE, JI LTAR ZHE NA, GNYIS PA LA SOGS DANG POR GTOGS, ,LUS MIN RNA BA'I RNAM SHES DANG, ,RNAM RIG KUN NAS SLONG GANG DE, ,BSAM GTAN GNYIS PA LA SOGS PA DAG DU NI GANG GIS DE DAG GI MTHONG BA NAS, RNAM PAR RIG BYED KUN NAS SLONG BAR BYED PA'I BAR DE NI SPRUL BA'I SEMS BZHIN DU, BSAM GTAN DANG PO'I MIG DANG, RNA PA DANG LUS KYI RNAM PAR SHES PA DANG, RNAM PAR RIG BYED KUN NAS SLONG BAR BYED PA DAG MNGON DU BYED DO, ,DE LUNG MA BSTAN NYON MONGS MIN, ,DE DAG MNGON DU BYED PA BSAM GTAN DANG PO'I SA PA'I RNAM PAR SHES PA GANG YIN PA DE NI, MA BSGRIBS LA LUNG DU MA BSTAN PA YIN GYI, 'DOD CHAGS DANG BRAL BA'I PHYIR NYON MONGS PA CAN YANG MA YIN NO, ,DMAN PA'I PHYIR DGE BA YANG MA YIN NO, ,BSAM GTAN GYI DGOS PA RDZOGS SO,, ,,YANG DAG PA LA SOGS PA'I BSAM GTAN DANG, GZUGS MED PA DAG JI LTAR 'THOB CE NA, CHAGS BRAL SKYE BAS DAG DE DAG ,MI LDAN PA LAS THOB PAR 'GYUR, ,SA 'OG MA LAS 'DOD CHAGS DANG BRAL BA'AM, SRID PA'I RTZE MO MA GTOGS PA SA 'OG MAR SKYE BA LAS DAG PA'I BSAM GTAN NAM, GZUGS MED PA MI LDAN PA LAS 'THOB STE, DE NA NI SKYE BAS THOB PA MED DO, ,CI'I PHYIR DE DANG MI LDAN PA ZHES BRJOD CE NA, DAG PA DANG LDAN PA NI SBYOR BA LAS KYANG NGES PAR 'BYED PA'I CHA DANG MTHUN PA DAG 'THOB LA, NYAMS PA LAS KYANG NYAMS PA'I CHA DANG MTHUN PA 'THOB BO, ,ZAG MED 'DOD CHAGS BRAL BA YIN, ,DE DANG MI LDAN PA LA 'THOB, ,CES BYA BAR SBYAR TE, DE DANG LDAN PA NI ZAG PA SHES PA LAS KYANG MI SLOB PA 'THOB BO, ,DBANG PO 'PHO BA LAS KYANG SLOB PA DANG MI SLOB PA 'THOB BO,, NGES PAR 'JUG PA LAS KYANG DANG PO NYID DU ZAG PA MED PA MA 'THOB PA MA YIN NA MA ZHE NA, MTHAR GYIS 'JUG PAS MI SLOB PA'I PHYIR MA NGES TE, JI LTAR GDON MI ZA BAR 'THOB PA DE BZHIN DU BSHAD DO, ,NYAMS DANG SKYE BAS NYON MONGS CAN, ,DE DANG MI LDAN PA LAS 'THOB, ,CES BYA BAR SBYAR TE, GAL TE @259B DE'I 'DOD CHAGS DANG BRAL BA LAS YONGS SU NYAMS PAR 'GYUR ZHE NA NI, YONGS SU NYAMS PAS SO, ,GAL TE GONG MA LAS 'OG MAR SKYE NA NI SKYE BAS SO, ,SNYOMS PAR 'JUG PA'I RDZAS GANG GI MJUG THOGS SU DU ZHIG SKYE ZHE NA, ZAG PA MED PA'I BSAM GTAN DANG PO'I MJUG THOGS SU NI RANG GI SA PA DANG, BSAM GTAN GNYIS PA DANG, GSUM PA'I SA PA'I DAG PA DANG, ZAG PA MED PA DAG DANG DRUG SKYE'O, ,CI YANG MED PA'I SKYE MCHED KYI MJUG THOGS SU RANG GIS PA DANG, RNAM SHES MTHA' YAS DANG, NAM MKHA' MTHA' YAS KYI SKYE MCHED KYIS PA'I DAG PA DANG, ZAG PA MED PA, SRID PA'I RTZE MO NA ZAG PA MED PA'I PHYIR DAG PA KHO NA DANG BDUN SKYE'O, ,BSAM GTAN GNYIS PA'I MJUG THOGS SU NI RANG GI SA PA DANG, BSAM GTAN GSUM PA DANG, BZHI PA DANG, DANG PO'I SA PA'I DAG PA DANG, ZAG PA MED PA DAG DANG BRGYAD SKYE'O, ,RNAM SHES MTHA' YAS SKYE MCHED KYI MJUG THOGS SU NI RANG GIS PA GNYIS TE, DAG PA DANG ZAG PA MED PA DANG, NAM MKHA' MTHA' YAS SKYE MCHED DANG, BSAM GTAN BZHI PA'I SA PA BZHI DANG, CI YANG MED PA DANG, SRID PA'I RTZE MO'I SA PA GSUM DANG DGU SKYE LA, DE BZHIN DU BSAM GTAN DANG GZUGS MED PA GZHAN DAG LA YANG RDZAS BCUR SBYAR TE, DE NI MDOR BSDUS PA YIN NO, ,ZAG PA MED PA'I MJUG THOGS SU, ,LTAG 'OG GSUM PA'I BAR DGE BA SKYE STE, DGE BA SMOS PAS NI DAG PA DANG ZAG PA MED PA BZUNG STE, DGE BA YIN PA'I PHYIR RO, ,ZAG PA MED PA'I SNYOMS PAR 'JUG PA'I MJUG THOGS SU NI RANG GI SA PA DANG, SA GONG MA PA DANG, SA 'OG MA PA GSUM PA'I BAR GYI DAG PA DANG, ZAG PA MED PA SKYE'O, ,THOD RGAL DU SNYOMS PAR 'JUG PAR BYED PAS, GSUM PA LAS PHAN CHAD DU NI RGAL PAR MI NUS SO, ,RJES SU SHES PA'I MJUG THOGS SU GZUGS MED PA'I SNYOMS PAR 'JUG PA DAG GI CHOS SHES PA'I MJUG THOGS SU NI MA YIN TE, DE'I RTEN DANG DMIGS PA 'OG MA YIN PA'I PHYIR RO, ,JI LTAR ZAG PA MED PA'I DE MA THAG PA BSHAD PA LTAR, DAG PA'ANG DE BZHIN DU, RIG PAR BYA LA, RANG GIS PA'I NYON MONGS KYANG, ,DAG PA'I MJUG THOGS SU LHAG PAR RANG GI SA PA'I NYON MONGS PA CAN SKYE'O, ,LHAG MA NI ZAG PA MED PA'I MJUG THOGS SU JI LTA BA BZHIN NO, ,ZAG PA MED PA'I MJUG THOGS SU NI NYON MONGS PA CAN SKYE BA MED DO, ,NYON MONGS PA CAN LA NYON MONGS @260A *, ,PA CAN, DAG PA SNYOMS PAR 'JUG PA NYON MONGS PA CAN GYI MJUG THOGS SU NI RANG GIS PA'I NYON MONGS PA CAN DANG DAG PA SKYE'O, ,'OG MA'I SA PA'I DAG PA GCIG ,NYON MONGS PAS GZIR BA NAS GONG MA'I SNYOMS BAR 'JUG PA DAG LA YANG DGA' BAR 'GYUR RO, ,GAL TE NYON MONGS PA CAN YONGS SU BCAD NAS 'OG MAR 'PHO NA DGE BA LAS 'PHO BA YIN GYI, NYON MONGS PA CAN LAS NI MA YIN NO, ,'ON TE YONGS SU MA BCAD NA NI JI LTAR 'PHO ZHE NA, SNGON 'PHANGS PA LAS TE, SNGON 'DI SNYAM DU GONG MA'I NYON MONGS PA CAN PAS NI 'OG MA'I DAG PA BLA'O SNYAM DU 'DOD PAR 'GYUR LA, SEMS CAN RNAMS KYI SNGON GYI 'DOD PA YANG RGYUD KYI RJES SU 'BRANG STE, SMON NAS GNYID LOG PA 'DOD PA'I DUS SU SAD PA BZHIN NO, ,NYON MONGS PA CAN GYI MJUG THOGS SU ZAG PA MED PA NI NAM YANG MI SKYE'O, ,DAG PA DANG NYON MONGS PA CAN GYI MJUG THOGS SU RANG GI SA PA'I NYON MONGS PA CAN KHO NA SKYE'I, GZHAN GYIS PA NI MA YIN NO ZHES BYA BA DE NI SNYOMS PAR 'JUG PA'I DUS KYI PHYIR BSHAD KYI, 'CHI 'PHO CAN LAS NYON MONGS KUN, ,'CHI 'PHO BA'I TSE SKYE BAS THOB PA'I DAG PA'I MJUG THOGS SU SA THAMS CAD PA'I NYON MONGS PA CAN SKYE'O, ,NYON MONGS CAN LAS GONG MA MIN, ,'CHI 'PHO BA'I TSE NYON MONGS BA CAN GYI BSAM GTAN DANG, GZUGS MED PA'I MJUG THOGS SU RANG GIS PA DANG, SA 'OG MA PA'I NYON MONGS PA CAN SKYE'I, SA GONG MA PA'I NI MA YIN NO, ,DAG PA THAMS CAD LAS ZAG PA MED PA'I SNYOMS PAR 'JUG PA'I RJES SU SKYE BA YANG MA YIN TE, JI LTAR ZHE NA, DAG PA NYAMS PA'I CHA MTHUN SOGS, ,RNAM BZHI, DAG PA NI NYAMS PA'I CHA DANG MTHUN PA DANG, GNAS PA'I CHA DANG MTHUN PA DANG, KHYAD PAR GYI CHA DANG MTHUN PA DANG, NGES PAR 'BYED BA'I CHA DANG MTHUN PA RNAM PA BZHI'O, ,SRID PA'I RTZE MO NI KHYAD PAR GYI CHA DANG MTHUN PA MA GTOGS PA GZHAN RNAM PA GSUM YIN NO, ,DE'I MTSAN NYID KYANG CI ZHE NA, DE NI RIM BZHIN DU, NYON MONGS SKYE DANG RANG SA DANG, GONG MA ZAG MED RJES MTHUN BA'O; ,NYAMS PA'I CHA DANG MTHUN PA NI, ,NYON MONGS PA SKYE BA'I RJES SU MTHUN PA'O, ,GNAS PA'I CHA DANG MTHUN BA NI RANG GI SA DANG RJES SU MTHUN PA'O, ,KHYAD PAR GYI CHA DANG MTHUN PA NI SA GONG MA DANG RJES SU MTHUN PA'O, ,NGES PAR 'BYED PA'I CHA DANG MTHUN PA STE, ZAG PA MED PA NI DE LAS SKYE'O, ,YANG BZHI PO DE DAG GI @260B MJUG THOGS SU GANG ZHIG SKYE ZHE NA, ,NYAMS CHA MTHUN SOGS MJUG THOGS SU, GNYIS DANG GSUM DANG GSUM DANG GCIG ,NYAMS CHA DANG MTHUN PA ZHES BYA BA NI NYAMS PA DANG BSTAN PA STE, DE'I MJUG THOGS SU NI NYAMS BA'I CHA DANG MTHUN PA DANG, GNAS PA'I CHA DANG MTHUN PA DANG GNYIS SKYE'O, ,GNAS PA'I CHA DANG MTHUN PA'I MJUG THOGS SU NI NGES PAR 'BYED PA'I CHA DANG MTHUN PA MA GTOGS PA GSUM SKYE'O, ,KHYAD PAR GYI CHA DANG MTHUN PA'I MJUG THOGS SU NI NYAMS PA'I CHA DANG MTHUN PA GSUM SKYE'O, ,NGES PAR 'BYED PA'I CHA DANG MTHUN PA'I MJUG THOGS SU NI GCIG PU DE NYID SKYE'O, ,JI LTAR NA THOD RGAL GYI SNYOMS BAR 'JUG PA SKYE BA YIN ZHE NA, SA BRGYAD RNAMS NI 'BREL PAR NI, ,SONG ZHING 'ONGS NAS GCIG RGAL BA, ,THOD RGAL SNYOMS PAR 'JUG PA YIS, ,MI MTHUN GSUM PAR 'GRO BA'O, ,SA BRGYAD CES BYA BA NI BSAM GTAN DANG, GZUGS MED PA'I SNYOMS PAR 'JUG PA RNAMS SO, ,RNAM PA GNYIS ZHES BYA BA NI, ZAG PA DANG BCAS PA DANG ZAG PA MED PA'O, ,'BREL BA ZHES BYA BA NI, GO RIMS BZHIN DU'O, ,SONG ZHING ZHES BYA BA NI, LUGS DANG MTHUN PAR SNYOMS PAR 'JUG NAS SO, ,'ONGS NAS ZHES BYA BA NI, LUGS DANG MI MTHUN PAR SNYOMS PAR ZHUGS NAS SO, ,GCIG RGAL BA ZHES BYA BA NI RE RE BRGAL BA STE, ZAG PA DANG BCAS PA'I SA BRGYAD DANG ZAG PA MED PA'I SA BDUN LUGS DANG MTHUN PA DANG, LUGS DANG MI MTHUN PAR SNYOMS PAR 'JUG PA'I BYA BAR BYA STE, PHYIS ZAG PA DANG BCAS PA'I BSAM GTAN DANG PO NAS, ZAG PA DANG BCAS PA'I BSAM GTAN GSUM PA LA SNYOMS PAR 'JUG CING, DE NAS NI NAM MKHA' MTHA' YAS SKYE MCHED LA SNYOMS PAR 'JUG LA, DE NAS NI CI YANG MED PA'I SKYE MCHED LA SNYOMS PAR 'JUG CING, DE BZHIN DU LUGS DANG MI MTHUN PA LA YANG SBYAR BAR BYA STE, ZAG PA MED PA YANG GCIG RGAL ZHING LUGS DANG MTHUN PA DANG, LUGS DANG MI MTHUN PAR SNYOMS PAR 'JUG PA DE NI THOD RGAL DU SNYOMS PAR 'JUG PA'I SBYOR BA YIN NO,, GANG GI TSE ZAG PA DANG BCAS PA'I BSAM GTAN DANG PO NAS ZAG PA MED PA'I BSAM GTAN GSUM PA LA SNYOMS PAR 'JUG CING, DE NAS NI ZAG PA DANG BCAS PA'I NAM MKHA' MTHA' YAS SKYE MCHED LA SNYOMS PAR 'JUG LA, DE NAS NI ZAG PA MED PA CI YANG MED PA'I SKYE MCHED LA SNYOMS PAR 'JUG CING, DE BZHIN DU LUGS @261A *, ,DANG MI MTHUN PAR YANG SNYOMS PAR ZHUGS PA DE'I TSE RIS MI MTHUN PA GSUM PAR 'GRO BA'I PHYIR YONGS SU GRUB BA YIN NO, ,SHIN TU RING BA'I PHYIR BZHI BA LA NI SNYOMS PAR MI 'JUG GO, ,DE DAG KYANG GLING GSUM DAG DU DUS DANG MI SBYOR BAR RNAM PAR GROL BA'I DGRA BCOM PA KHO NAS SKYE BAR BYED KYI, MTHONG BAS THOB PA NI DBANG PO RNON PO YIN PA'I PHYIR RO, ,GAL TE TING NGE 'DZIN LA DBANG BA YIN YANG NYON MONGS PA MED PA MA YIN NO, ,DUS KYI RNAM PAR GROL BA NI GAL TE NYON MONGS PA MED PA YIN YANG, TING NGE 'DZIN LA DBANG BA NI MA YIN NO, ,LUS GANG GIS BSAM GTAN DANG, GZUGS MED PA DU ZHIG MNGON DU BYED CE NA, BSAM GTAN GZUGS MED RANG DANG NI, ,'OG MA'I LUS NYID, SRID PA'I RTZE MO NI SRID PA'I RTZE MOR YANG MNGON DU BYED CING, 'OG MA 'DOD PA'I KHAMS KYI BAR DAG DU MNGON DU BYED LA, DE BZHIN DU LHAG MA RNAMS KYANG, RANG GIS DANG, SA 'OG MA DAG DU MNGON DU BYED DO, ,CI'I PHYIR GONG MAR SKYES LA SNYOMS PAR 'JUG PA 'OG MA MNGON DU MI BYED CE NA, GANG GI PHYIR DE LA NI, 'OG DGOS MED, DE'I DGOS BA NI SNYOMS PAR 'JUG PA'I 'OG MA'I RDZAS KYIS CHUNG ZAD KYANG MI BYED DE DMAN PA'I PHYIR RO, ,SBYIR BSTAN PAR BYAS NAS DMIGS KYIS STON PAR BYED DO, ,CI YANG MED PA MNGON BYAS NAS, ,'PHAGS PA'I SRID RTZE'I ZAG ZAD BYED, ,'PHAGS PA'I SRID PA'I RTZE MOR SKYE BA THOB PA NI CI YANG MED PA'I SKYE MCHED KYI ZAG PA MED PA MNGON DU BYAS NAS ZAG PA ZAD PAR BYED DO, ,JI LTAR NA DER SKYES PA DE MNGON SUM DU BYED CE NA, RANG GIS PA MED PA DANG DE DANG NYE BA'I PHYIR RO, ,YANG BSAM GTAN DANG GZUGS MED PA DE DAG GI DMIGS PA CI ZHIG YIN ZHE NA, SRED BCAS RANG GI SRED LA DMIGS, ,RO MYANG BA DANG MTSUNGS PAR LDAN PA RNAMS NI, RANG GI SA PA'I SRED PA LA DMIGS SO, ,SRED PA ZHES SMOS PAS NI ZAG PA DANG BCAS PA'I DNGOS PO GZUNG NGO, ,'DOD CHAGS DANG BRAL BA'I PHYIR 'OG MA LA MI DMIGS SO, ,SA RNAMS KYI SRED PA NI YONGS SU CHUD PA'I PHYIR GONG MA LAS YANG MA YIN NO, ,DGE BAR THAR PAR 'GYUR BA'I PHYIR ZAG PA MED BA LA YANG MA YIN NO, ,BSAM GTAN DGE YUL YOD DO COG ,DGE BA'I BSAM GTAN DAG PA DANG, ,ZAG PA MED PA DE'I DMIGS PA NI, ZAG PA DANG BCAS PA'AM, ZAG PA MED PA GANG CHUNG ZAD CI YOD PA THAMS CAD YIN NO, ,GZUGS MED DNGOS GZHI DGE @261B RNAMS KYI, ,SPYOD? YUL ZAG BCAS 'OG MA YIN, ,GZUGS MED PA'I DNGOS GZHI DGE BA RNAMS NI, RANG GI SA PA DANG SA GONG MA PA LA SOGS PA LA DMIGS PA YIN PA'I PHYIR, SA 'OG MA PA'I ZAG PA DANG BCAS PA'I DNGOS PO LA MI DMIGS SO, ,ZAG PA MED PA YANG RJES SU SHES PA'I PHYOGS THAMS CAD LA DMIGS KYI, CHOS SHES PA'I PHYOGS DANG 'OG MA'I 'GOG PA LA NI MI DMIGS SO, ,NYER BSDOGS KYI BAR CHAD MED PA'I LAM RNAMS NI SA 'OG MA LA DMIGS SO, ,BSAM GTAN DANG GZUGS MED PA RNAM PA GSUM PO DE DAG LAS, ZAG PA MED PAS NYON MONGS RNAMS, ,SPONG STE, 'DOD CHAGS DANG BRAL BA'I PHYIR 'OG MA LA YANG MA YIN, DE NYID KYI GNYEN PO DE NYID MA YIN PA'I PHYIR RANG GI SA PA YANG MA YIN KHYAD PAR DU 'PHAGS PA'I PHYIR GONG MA YANG MA YIN PAS, DAG PAS KYANG MA YIN NA NYON MONGS PA CAN GYIS LTA SMOS KYANG CI DGOS, NYER BSDOGS PAS KYANG, GZUGS DANG GZUGS MED PA'I NYER BSDOGS NI DAG PAS KYANG NYON MONGS PA RNAMS SPONG STE, SA 'OG MA PA'I GNYEN PO YIN PA'I PHYIR RO, ,NYER BSDOGS RNAMS KYANG DU ZHIG CE NA, DE DAG LA NI NYER BSDOGS BRGYAD, ,RE RE LA YANG NYER BSDOGS GANG GIS DE LA 'JUG PA RE RE YIN NO, ,CI DE DAG KYANG RNAM PA GSUM YIN LA, ,DE DAG GI TSOR BA YANG DE DAG 'DRA'AM ZHE NA, SMRAS BA MI 'DRA STE, DAG PA BDE MIN SDUG BSNGAL MIN, ,DE DAG NI DAG PA YIN ZHING 'BAD DE DRAN PAR BYA BA YIN PA DANG, SA 'OG MA PA LA YID 'BYUNG BA DANG MA BRAL BA YIN PA'I PHYIR BTANG SNYOMS KYI DBANG PO DANG LDAN PA YIN LA, 'DOD CHAGS DANG BRAL BA'I LAM YIN PA'I PHYIR, RO MYANG BA DANG MTSUNGS PAR LDAN PA NI MA YIN NO; ,DANG PO 'PHAGS PA YANG, NYER BSDOGS KYI DANG PO MI LCOGS PA MED PA DE NI DAG PA 'DI YIN LA ZAG PA MED PA YANG YIN NO, ,GAL TE NYER BSDOGS KYI SEMS KYIS NYID MTSAMS SBYOR BA NA, NYON MONGS PA CAN DU 'GYUR YANG MNYAM PAR GZHAG PA LA NI NYON MONGS PA CAN NYID DGAG GO, ,LA LA NI, RNAM GSUM, LA LA NI MI LCOGS PA MED PAR RO MYANG BA DANG MTSUNGS PAR LDAN PA YANG YOD DO, ,NYER BSDOGS ZHES KYANG 'BYUNG, BSAM GTAN KHYAD PAR CAN ZHES KYANG 'BYUNG NA, CI DON GCIG PA ZHIG YIN NAM 'ON TE DON THA DAD CA NA, DON THA DAD DE NYER BSDOGS NI 'DOD CHAGS DANG BRAL BA'I LAM YIN LA, RTOG MED BSAM GTAN DANG, BSAM @262A *, ,GTAN NYID YIN LA, BSAM GTAN LA KHYAD PAR 'PHAGS SHING RTOG PA DANG MTSUNGS PAR MI LDAN PA NI BSAM GTAN KHYAD PAR CAN YIN TE, DE NYID KYI PHYIR BSAM GTAN GNYIS PA LA SOGS PA NA KHYAD PAR DU 'PHAGS PA MED PA'I PHYIR RNAM PAR MA GZHAG GO, ,BSAM GTAN KHYAD PAR CAN DE YANG, RNAM GSUM, RO MYANG BA DANG MTSUNGS PAR LDAN PA DANG ZAG PA DANG ZAG PA MED PA YIN NO, ,BDE MIN SDUG MIN TE, 'DI LA BDE BA YANG MED, SDUG BSNGAL YANG MED PAS NA, BDE BA YANG MA YIN SDUG BSNGAL YANG MA YIN PA STE, BTANG SNYOMS KYI DBANG PO DANG MTSUNGS PAR LDAN PA ZHES BYA BA'I DON TO, ,MNGON PAR 'DU BYA BA DANG BCAS PAS DRAN PAR BYA BA YIN BA'I PHYIR DGA' BA DANG MTSUNGS PAR LDAN PA NI MA YIN NO, ,DE NYID KYI PHYIR BSGRUB PAR DKA' BA YIN NO, ,BSAM GTAN KHYAD PAR CAN DE'I 'BRAS BU KHYAD PAR CAN DE GANG ZHIG YIN ZHE NA, 'BRAS BU TSANGS PA CHEN PO YIN, ,BSAM GTAN KHYAD PAR CAN DE BSGOMS NAS TSANGS PA CHEN POR 'GYUR RO, ,YANG TING NGE 'DZIN THAMS CAD MDOR BSDUS TE, MDO LAS RTOG PA DANG BCAS SHING DPYOD PA DANG BCAS PA'I TING NGE 'DZIN DANG, RTOG PA MED LA DPYOD PA TZAM GYI TING NGE 'DZIN DANG, RTOG PA YANG MED DPYOD PA YANG MED PA'I TING NGE 'DZIN DANG TING NGE 'DZIN GSUM DU BKA' STZAL TE, DE LA RE ZHIG BSAM GTAN KHYAD PAR CAN GYI RTOG PA TZAM ZHIG BKAG PA'I PHYIR, RTOG PA MED CING DPYOD PA TZAM GYI TING NGE 'DZIN YIN NO, ,DE MAN CHAD RTOG DPYOD BCAS PA'I TING NGE 'DZIN, BSAM GTAN DANG PO DANG MI LCOGS PA MED PA NI, RTOG PA DANG BCAS SHING DPYOD PA DANG BCAS PA YIN NO, ,YAN CHAD GNYI GA MED, ,DE NA GNYIS PO MED PAS NA GNYI GA MED PA STE, BSAM GTAN KHYAD PA CAN YAN CHAD BSAM GTAN GNYIS PA'I NYER BSDOGS NAS SRID PA'I RTZE MO'I BAR GYI TING NGE 'DZIN NI RTOG PA YANG MED DPYOD PA YANG MED PA'O, ,YANG MDO LAS STONG PA NYID KYI TING NGE 'DZIN DANG, SMON PA MED PA'I TING NGE 'DZIN DANG, MTSAN MA MED PA'I TING NGE 'DZIN GSUM GSUNGS TE, MTSAN MED ZHI BA'I RNAM PA DANG, ,'GOG PA'I BDEN PA'I RNAM PA DAG DANG MTSUNGS PAR LDAN PA'I TING NGE 'DZIN NI MTSAN MA MED PA STE, RNAM PA BZHI YIN NO, ,MYA NGAN LAS 'DAS PA NI MTSAN MA BCU DANG BRAL BA'I PHYIR MTSAN MA MED PA YIN LA, DE LA DMIGS PA'I TING NGE 'DZIN NI MTSAN MA MED PA'I TING NGE 'DZIN YIN NO, ,MTSAN MA BCU NI @262B YUL LNGA DANG PHO DANG MO DANG 'DUS BYAS KYI MTSAN NYID RNAMS SO, ,STONG ZHING MTSAN NYID STONG NYID LA, ,'JUG STE BDAG MED PA DANG STONG PA NYID KYI RNAM PA DAG DANG MTSUNGS PAR LDAN PA NI STONG PA NYID KYI TING NGE 'DZIN TE, RNAM PA GNYIS YIN NO, ,SMON PA MED PA NI, DE LAS GZHAN BDEN RNAM DAG DANG, , BDEN PA LHAG MA'I RNAM PA DAG DANG MTSUNGS PAR LDAN PA'I TING NGE 'DZIN NI SMON PA MED PA'I TING NGE 'DZIN TE RNAM PA BCU YIN NO, ,MI RTAG PA DANG SDUG BSNGAL BA DANG DE'I RGYU DAG GIS YID BYUNG BA DANG, LAM YANG GZINGS LTA BUR GDON MI ZA BAR DOR BAR BYA BA YIN PA'I PHYIR LA DE'I RNAM PAR DMIGS PA'I TING NGE 'DZIN NI SMON PA MED PA'I TING NGE 'DZIN TE, DE DAG LAS 'DA' BAR MNGON DU PHYOGS PA'I PHYIR RO, ,MYA NGAN LAS 'DAS PA DANG 'DRA BA'I PHYIR STONG PA DANG BDAG MED PA DAG GI NI YID 'BYUNG BA MA YIN NO, ,TING NGE 'DZIN GSUM PO DE DAG NI RNAM PA GNYIS TE, DAG DANG DRI MA MED, 'JIG RTEN DANG 'JIG RTEN LAS 'DAS PA YIN PA'I PHYIR DAG PA DAG DRI MA MED PA DAG YIN TE, 'JIG RTEN PA NI SA BCU GCIG NA YOD DO, ,'JIG RTEN LAS 'DAS PA NI GANG LA LAM YOD PA DAG NA YOD DO, ,DE DAG NI, DRI MED RNAM THAR SGO GSUM MO, ,TING NGE 'DZIN GSUM PO DE DAG DRI MA MED PA NI RNAM PAR THAR PA'I SGO YIN PA'I PHYIR, RNAM PAR THAR PA'I SGO STONG PA NYID DANG, RNAM BAR THAR PA'I SGO SMON PA MED PA DANG, RNAM PAR THAR BA'I SGO MTSAN MA MED PA STE, RNAM PAR THAR PA'I SGO GSUM ZHES BYA'O, ,YANG, STONG NYID STONG NYID ZHES LA SOGS, ,GZHAN YANG TING NGE 'DZIN GSUM MO, ,ZHES BYA STE, STONG PA NYID STONG PA NYID DANG, SMON PA MED PA SMON PA MED PA DANG, MTSAN MA MED PA MTSAN MA MED PA STE, DE DAG NI STONG BA NYID LA SOGS PA LA DMIGS PA YIN PA'I PHYIR DE SKAD CES BYA'O, ,GNYIS NI STONG DANG MI RTAG PAR, ,MI SLOB PA LA DMIGS PA YIN, ,TING NGE 'DZIN GZHAN GNYIS NI MI SLOB PA'I TING NGE 'DZIN LA YANG DMIGS TE; STONG PA NYID STONG PA NYID NI MI SLOB PA'I TING NGE 'DZIN LA STONG PA'I RNAM PAR DMIGS SO, ,SMON PA MED PA SMON PA MED PA YANG MI SLOB PA'I SMON PA MED PA LA MI RTAG PA'I RNAM PAR DMIGS SO, ,ZAG PA MED PA'I NI DE'I MTSAN NYID MA YIN PA'I PHYIR SDUG BSNGAL NYID DU YANG MA YIN LA, RGYU NYID LA @263A *, ,SOGS PAR YANG MA YIN LA, SUN DBYUNG BAR BYA BA YIN PA DE'I PHYIR LAM GYI RNAM PA DAG TU YANG MA YIN NO, ,MTSAN MA MED PA MTSAN MED NI, ,ZHI BAR MA BRTAGS ZAD PA LA, ,MTSAN MA MED PA MTSAN MA MED PA NI, ZAG PA MED PA LA SO SOR BRTAGS TE 'GOG PA MED PA'I PHYIR MI SLOB PA'I MTSAN MA MED PA'I SO SOR MA BRTAGS PAR 'GOG PA LA ZHI BA'I RNAM PAR DMIGS SO, ,MI RTAG PA DANG 'GOG PA THUN MONG YIN PA'I PHYIR BA DANG, LUNG DU MA BSTAN PA YIN PA'I PHYIR BA DANG, BRAL BA MA YIN PA'I PHYIR 'GOG PA DANG, GYA NOM PA DANG, NGES PAR 'BYUNG BA RNAM PA DAG TU NI MA YIN NO, ,TING NGE 'DZIN GZHAN DE DAG NI GCIG TU, ZAG BCAS, 'PHAGS PA'I LAM LA SDANG BA YIN PA'I PHYIR TE, ZAG PA MED PA NI DE LTA MA YIN NO, ,GANG DU SKYED PAR BYED CE NA, MI RNAMS DAG GI NANG, MI DAG GI NANG KHO NAR SKYED KYI, LHA DAG GI NANG DU NI MA YIN NO, ,SU SKYED CE NA, MI G-YO, DGRA BCOM PA GZHAN DAG GIS NI MA YIN NO, ,SA DU PA CIG CE NA, NYER BSDOGS BDUN MA GTOGS, NYER BSDOGS BDUN MA GTOGS PA GZHAN 'DOD PA'I KHAMS DANG MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG GZUGS MED PA RNAMS TE, SA BCU GCIG NA YOD DO, ,YANG TING NGE 'DZIN BSGOM PA BZHI STE, TING NGE 'DZIN BSGOM PA KUN DU BSTEN CING GOMS PAR BYAS LA, LAN MANG DU BYAS PA MTHONG BA'I CHOS LA BDE BAR GNAS PAR 'GYUR BA YANG YOD CES BYA BA LA SOGS PA RGYAS PAR 'BYUNG BA'O, ,DE LA, BDE BAR BYA PHYIR TING 'DZIN BSGOM, ,DGE BA'I BSAM GTAN DANG PO YIN, ,MTHONG BA'I CHOS LA BDE BAR GNAS BAR BYA BA'I PHYIR TING NGE 'DZIN BSGOM PA NI DGE BA'I BSAM GTAN DANG PO STE, DAG PA'AM ZAG PA MED PA YIN NO, ,DE DANG PO PA YIN PA'I PHYIR GZHAN DAG KYANG YIN PAR SHES PAR BYA'O, ,YONGS SU NYAMS PA DAG GONG MAR SKYE BA YANG, YONGS SU MYA NGAN LAS 'DAS PA RNAMS LA, DE MED PA'I PHYIR GDON MI ZA BAR TSE PHYI MA LA BDE BAR GNAS BAR BYA BA'I PHYIR NI MA YIN NO, ,MTHONG BYA MIG GI MNGON SHES 'DOD, ,MTHONG BAR BYA BA'I PHYIR TING NGE 'DZIN BSGOM PA NI LHA'I MIG GI MNGON PAR SHES PA YIN NO, ,BLO BSKYED BYA PHYIR SBYOR LAS SKYES, ,SHES RAB RAB TU BSKYED PAR BYA BA'I PHYIR TING NGE 'DZIN BSGOM PA NI KHAMS @263B GSUM PA'I YON TAN ZAG PA MED PA THAMS CAD YIN NO, ,ZAG PA ZAD PA BSGOM PA NI, ,RDO RJE LTA BU BSAM GTAN MTHA', ,ZAG PA DANG BCAS PA ZAD PAR BYA BA'I PHYIR TING NGE 'DZIN BSGOM PA NI BSAM GTAN BZHI PA'I RDO RJE LTA BU'I TING NGE 'DZIN GANG YIN PA'O, ,SANGS RGYAS BCOM LDAN 'DAS KYI CHOS BSTAN PA 'DI NI BDAG NYID LA NYE BAR GTONG PA YIN TE, DE'I PHYIR BSAM GTAN BZHI PA KHO NAR BKA' STZAL TO ZHES GRAG GO, ,TING NGE 'DZIN RNAMS KYI SKABS SU BAB PA BSHAD ZIN TO, ,DA NI TING NGE 'DZIN LA BRTEN PA'I YON TAN RNAMS KYI SKABS YIN PAS DE DAG BSHAD PAR BYA'O, ,TSAD MED PA NI BZHI YIN NO, ,BYAMS PA DANG SNYING RJE DANG, DGA' BA DANG BTANG SNYOMS TE, SEMS CAN TSAD MED PA LA DMIGS PA'I PHYIR RO, ,CI'I PHYIR BZHI KHO NA YIN ZHE NA, GNOD SEMS LA SOGS GNYEN PO'I PHYIR, ,GNOD SEMS DANG RNAM PAR 'TSE BA DANG, MI DGA' BA DANG, 'DOD PA'I 'DOD CHAGS DANG GNOD SEMS MANG BA DE DAG SPANG BA'I PHYIR BZHI PO DANG GRANGS BZHIN NO, ,ZHE SDANG MED BYAMS, BYAMS PA NI ZHE SDANG MED PA'I RANG BZHIN YIN NO, ,SNYING RJE YANG DE BZHIN NO, ,YID BDE BA NI DGA' BA YIN, ,DGA' BA NI YID BDE BA'I RANG BZHIN YIN NO, ,BTANG SNYOMS NI MA CHAGS PA'I BDAG NYID YIN NO, ,CI LTAR NA GNOD SEMS KYI GNYEN PO YIN ZHE NA, DE NI CHAGS PAS DRANGS PA YIN PA'I PHYIR RO, ,BYAMS PA LA SOGS PA DE DAG GI ,RNAM PA NI, KYE MA BDE DANG SDUG BSNGAL DANG, ,MGU DANG SEMS CAN ZHES BYA BA'O, ,KYE MA SEMS CAN BDE BAR GYUR CIG SNYAM DU YID LA BYED CING BYAMS PA LA SNYOMS PAR 'JUG GO, ,KYE MA SEMS CAN SDUG BSNGAL LO SNYAM PA NI SNYING RJE'O, ,KYE MA SEMS CAN MGU BAR GYUR CIG SNYAM PA NI DGA' BA'O, ,SEMS CAN NO SNYAM DU DE LTAR YID LA BYED CING BTANG SNYOMS PAR 'JUG STE BAR MAR GNAS PA YIN PA'I PHYIR RO, ,DE DAG GI RNAM PA NI BSHAD ZIN TO, ,SPYOD YUL 'DOD PA'I SEMS CAN RNAMS, ,DE DAG GI DMIGS PA NI, 'DOD PA NA SPYOD PA'I SEMS CAN RNAMS YIN TE, DE LA DMIGS PA GNOD SEMS LA SOGS PA'I GNYEN PO YIN PA'I PHYIR RO, ,DE DAG SA DU PA ZHIG YIN ZHE NA, DGA' BA BSAM GTAN GNYIS DAG NA, ,DGA' BA NI YID BDE BA YIN PA'I PHYIR BSAM GTAN DANG PO DANG GNYIS PA DAG NA YOD DO, ,GZHAN NI DRUG NA, GZHAN NI @264A *, ,TSAD MED PA GSUM NI SA DRUG PO MI LCOGS PA MED PA DANG, BSAM GTAN DANG BSAM GTAN KHYAD PAR CAN DAG NA YOD DO, KHA CIG LNGA, KHA CIG NI MI LCOGS PA MED PA MA GTOGS PA SA LNGA PO DE DAG NA YOD PAR 'DOD DO, ,GNOD SEMS LA SOGS PA'I GNYEN PO ZHES BSHAD PA GANG YIN PA CI TSAD MED PA DAG GIS KYANG NYON MONGS PA SPONG BAR 'GYUR RAM ZHE NA, DE YIS MI SPONG BSAM GTAN DNGOS GZHI'I SA PA YIN PA MOS PA YID LA BYED PA YIN PA DANG, SEMS CAN LA DMIGS PA YIN PA'I PHYIR TE, DE SBYOR BAS NI GNOD SEMS LA SOGS PA RNAM PAR GNON PA DANG, SPANGS ZIN PA THAG SRID PAR BYED PA'I PHYIR, DE DAG GI GNYEN POR BSHAD DO, ,TSAD MED PA BZHI PO DE DAG NI, MI DAG GI ,NANG DU BSKYED DE, MI DAG GI NANG KHO NAR BSKYED KYI GZHAN DAG TU NI MA YIN NO, ,CI TSAD MED PA GCIG DANG LDAN PA GANG YIN PA DAG GDON MI ZA BAR THAMS CAD DANG LDAN NAM ZHE NA, NGES GSUM LDAN, BSAM GTAN GSUM PA DANG BZHI PAR SKYES PA DAG ,DGA' BA DANG NI MI LDAN LA, ,TSAD MED PA GSUM GYI RNYED PA DANG NI RTAG TU LDAN PAR 'GYUR RO, ,RNAM PAR THAR PA BRGYAD, GZUGS CAN GZUGS RNAMS LA LTA BA ZHES BYA BA NI RNAM PAR THAR PA DAD PO YIN NO, ,NAD GZUGS MED PAR 'DU SHES PAS PHYI ROL GYI GZUGS RNAMS LA LTA BA ZHES BYA BA NI GNYIS PA YIN NO, ,SDUG PA'I RNAM PAR THAR PA LUS KYIS MNGON SUM DU BYAS TE, RDZOGS PAR BYAS NAS GNAS ZHES BYA BA NI GSUM PA YIN TE, DE DAG DANG GZUGS MED PA BZHI DANG, BRGYAD PA 'DU SHES DANG TSOR BA 'GOG PA'O, ,DE DAG GI, DANG PO GNYIS, MI SDUG PA DANG, RNAM PAR THAR PA DANG, DANG PO GNYIS NI RNAM PAR BSNGOS PA LA SOGS PA'I RNAM PA YIN PA'I PHYIR MI SDUG PA'I RANG BZHIN YIN TE, DE'I PHYIR DE GNYIS KYI TSUL NI MI SDUG PA BZHIN DU RIG PAR BYA'O, ,DE GNYIS KYANG, BSAM GTAN GNYIS DAG NA, BSAM GTAN DANG PO DANG GNYIS PA DAG YOD KYI SA GZHAN DAG NA NI MED DO, ,'DOD PA NA SPYOD BA DANG BSAM GTAN DANG PO'I SA PA'I KHA DOG GI 'DOD CHAGS DAG GI GNYEN POR GRANGS BZHIN NO, ,GSUM PA MTHA' NA, SDUG PA'I RNAM PAR THAR PA NI BSAM GTAN BZHI PA NA YOD DO, ,DE MA CHAGS, DE YANG MA CHAGS PA'I RANG BZHIN YIN LA SDUG PA'I RNAM PA YIN PA'I PHYIR MI SDUG PA'I RANG @264B BZHIN NI MA YIN NO, ,DE DAG 'KHOR DANG BCAS PA NI PHUNG PO LNGA'I RANG BZHIN YIN NO, ,GZUGS MED PA'I RNAM PAR THAR PA RNAMS NI, GZUGS MED MNYAM GZHAG DGE RNAMS SO, ,GZUGS MED PA DAG MNYAM PAR GZHAG PA DGE PA NYID RNAM PAR THAR PA ZHES BYA BA'I MING 'THOB KYI, NYON MONGS PA CAN YANG MA YIN LA MNYAM PAR MA GZHAG PA YANG MA YIN TE, 'DI LTA STE, 'CHI BA'I SRID PA NA'O, ,GZHAN DAG NA RE, GZHAN DAG NA YANG MNYAM PAR MA GZHAG PA YOD DO ZHES ZER RO, ,NYER BSDOGS KYI RNAM PAR GROL BA'I LAM DAG KYANG RNAM PAR GROL BA ZHES BYA BA'I MING 'THOB BO, ,'OG MA LA DMIGS PA'I PHYIR BAR CHAD MED PA'I LAM RNAMS NI MA YIN TE, RNAM PAR THAR PA'I DON LA RGYAB KYIS PHYOGS PA'I DON YIN NO, ,'GOG PA'I SNYOMS PAR 'JUG PA'O, ,RNAM PAR THAR PA 'DU SHES DANG TSOR BA 'GOG PA NI 'GOG PA'I SNYOMS PAR 'JUG PA YIN NO, ,DE NI SNGAR BSHAD ZIN TO, ,'DU SHES DANG TSOR BA'AM 'DU BYED THAMS CAD LA RGYAB KYIS PHYOGS PA'I PHYIR RO, ,GZHAN DAG NA RE, SNYOMS PAR 'JUG PA'I SGRIB PA LAS RNAM PAR THAR PA'I PHYIR RNAM PAR THAR PA YIN NO ZHES ZER RO, ,DE DAG KYANG, PHRA BA PHRA BA'I MJUG THOGS SU, SNYOMS PAR 'JUG STE, SRID PA'I RTZE MO'I 'DU SHES NI PHRA BA YIN LA, DE BAS KYANG SHIN TU PHRA BAR BYAS NAS 'GOG PA'I SNYOMS PAR 'JUG GO, ,SNYOMS PAR ZHUGS PA RNAMS NI, RANG GI DAG KYANG 'OG MA YIN, ,'PHAGS PA'I SEMS KYIS DE LAS LDANG, ,SRID PA'I RTZE MO'I SEMS DAG PA'AM, CI YANG MED PA'I SKYE MCHED KYIS PA'I SEMS ZAG PA MED PA'I SEMS LAS LDANG STE, DE LTAR NA DE DAG GI SNYOMS PAR 'JUG PA'I SEMS NI ZAG PA DANG BCAS PA YIN LA, LDANG BA'I SEMS NI ZAG PA DANG BCAS PA DANG ZAG PA MED PA YIN NO, ,RNAM PAR THAR PA DE DAG ,'DOD GTOGS SNANG BA DANG PO'I YUL, ,DE DAG GI DMIGS PA NI CI RIGS PAR 'DOD PA NA SPYOD PA'I GZUGS KYI SKYE MCHED YID DU 'ONG BA DANG YID DU MI 'ONG BA YIN NO, ,GANG DAG GZUGS CAN MIN DE DAG ,SPYOD YUL RANG DANG GONG SA YI, ,SDUG BSNGAL LA SOGS RJES SHES PHYOGS, ,GZUGS MED PA'I RNAM PAR THAR PA RNAMS KYI DMIGS PA NI RANG GIS PA DANG, SA GONG MA PA'I SDUG BSNGAL BA DANG DE'I RGYU DANG 'GOG PA DANG RJES SU SHES PA'I PHYOGS THAMS CAD YIN NO, ,RNAL 'BYOR BA RNAMS NI NYON MONGS PA MED PA LA SOGS PA DANG, 'PHAGS @265A *, ,PA'I RDZU 'PHRUL MNGON PAR SBRUL PA'I DON DU NYON MONGS PA THAG BSRING BAR BYA BA DANG, SKYE BA LA DBANG THOB PAR BYA BA DANG, RGYU RNAM PA GNYIS KYIS RNAM PAR THAR PA LA SOGS PA SKYED PAR BYED DE, DE YANG GANG GI DNGOS PO YONGS SU BSGYUR BAR BYIN GYIS RLOB PA DANG, TSE STONG BA LA SOGS PA BYED PA'O, ,ZIL GNON SKYE MCHED GZHAN BRGYAD DE, ,NANG GZUGS SU 'DU SHES PAS PHYI ROL GYI GZUGS CHUNG DU KHA DOG BZANG PO DANG, KHA DOG NGAN PA RNAMS LA LTA ZHING, GZUGS DE DAG ZIL GYIS MNAN NAS SHES ZIL GYI MNAN NAS MTHONG STE, DE LTA BUR 'DU SHES PAR 'GYUR BA 'DI NI ZIL GYIS GNON PA'I SKYE MCHED DANG PO'O, ,DE BZHIN DU GZUGS MED PAR 'DU SHES PA RNAMS DANG, CHEN PO RNAMS TE BZHI PO DE DAG DANG, NANG GZUGS MED PAR 'DU SHES PA NYID KYI, SNGON PO DANG, SER PO DANG, DMAR PO DANG, DKAR PO DANG DAG TU LTA BA STE, DE LTAR BRGYAD DU 'GYUR RO, ,DE DAG LAS, GNYIS NI RNAM THAR DANG PO BZHIN, ,ZIL GYIS GNON PA'I SKYE MCHED GNYIS, ,DANG PO DANG GNYIS PA NI RNAM PAR THAR PA DANG PO JI LTA BA DE BZHIN NO, ,GNYIS PA NI GNYIS PA BZHIN, ZIL GYIS GNON PA'I SKYE MCHED GNYIS PO GSUM PO DANG BZHI PA NI RNAM PAR THAR PA JI LTA BA DE BZHIN NO, ,GZHAN RNAMS, SDUG PA'I RNAM PAR THAR PA BZHIN, ,GZHAN DAG NI RNAM PAR THAR PA JI LTA BA DE BZHIN LA, 'DI NI KHYAD PAR YIN TE, JI LTAR 'DOD PA BZHIN DU MOS PA DANG, NYON MONGS PA MI SKYE BAR BYED PA'I PHYIR, DE DAG GIS NI RGYAB KYIS PHYOGS PA TZAM YIN LA, YID DAG GIS NI DMIGS PA ZIL GYIS GNON TO, ,ZAD PAR BCU STE, RGYUN DU ZAD PAR KHYAB PAR BYED PA'I PHYIR ZAD PAR GYI SKYE MCHED NI BCU STE, ZAD PAR SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, ZAD PAR NAM MKHA' DANG, RNAM PAR SHES PA'O, ,DE RNAMS LAS, DE RNAMS LAS DANG PO BRGYAD NI MA CHAGS PA'I RANG BZHIN NO, ,BSAM GTAN MTHA' NI, BSAM GTAN BZHI PA KHO NA YOD DO, ,SPYOD YUL NI, 'DOD PA, 'DOD PA NA SPYOD PA'I GZUGS KYI SKYE MCHED LA DMIGS SO, KHA CIG NA RE RLUNG NI REG BYA'I SKYE MCHED YIN NO ZHES ZER RO, ,GNYIS NI GZUGS MED DAG ,ZAD PAR GYI SKYE MCHED THAM GNYIS NI GZUGS MED DAG PA'I RANG BZHIN YIN NO, ,SPYOD YUL RANG GI PHUNG PO BZHI, ,DE GNYIS KYI DMIGS PA NI RANG GIS PA'I PHUNG PO @265B BZHI YIN NO, ,GONG NAS GONG DU KHYAD PAR DU 'PHAGS PA'I PHYIR RNAM PAR THAR PA DAG NI ZIL GYIS GNON PA'I SKYE MCHED RNAMS LA 'JUG PAR BYED PA YIN LA, ZIL GYIS GNON PA'I SKYE MCHED DAG NI ZAD PAR GYI SKYE MCHED RNAMS LA 'JUG PAR BYED PA YIN NO, ,'GOG PA'I RNAM PAR THAR PA LA MA GTOGS PA, RNAM PAR THAR PA LA SOGS PA DE DAG THAMS CAD NI SO SO'I SKYE BO DANG, 'PHAGS PA'I RGYUD LA YOD PA YIN NO, ,CI'I RNAM PAR THAR PA LA SOGS PA DE DAG SBYOR BA LAS BYUNG BA YIN NO, ,'DOD CHAGS DANG BRAL BAS THOB PAR BYA BA YIN ZHES DRI BA DE LA, 'GOG PA BSHAD ZIN 'GOG PA NI RNAM PA THAMS CAD DU BSHAD ZIN TO, ,LHAG MA NI, 'DOD CHAGS DANG BRAL SBYOR BAS 'THOB, ,'GOG PA LAS GZHAN PA'I RNAM PAR THAR PA LA SOGS PA NI 'DRIS PA DANG MA 'DRIS PA LAS 'DOD CHAGS DANG BRAL BAS 'THOB PA YANG YIN LA SBYOR BA LAS BYUNG BA YANG YIN NO, ,GZUGS MED ZHES BYA KHAMS GSUM LUS, ,LHAG MA DAG NI MI LAS SKYE, ,GZUGS MED PA'I RNAM PAR THAR PA DANG, GZUGS MED PA'I ZAD PAR GYI SKYE MCHED RNAMS NI KHAMS GSUM PA'I LUS LA BRTEN PA YIN LA, LHAG MA NI LUS KYI MTHUS MIS BSKYED PAR BYA BA'I PHYIR MI'I LUS KHO NA LA BRTEN PA YIN NO, ,JI LTAR NA GZUGS DANG GZUGS MED PA'I KHAMS DAG TU GZUGS MED PA DANG BSAM GTAN GYI KHYAD BAR DAG SKYED PAR BYED CE NA, RGYU DANG LAS DANG CHOS NYID DANG RGYU GSUM GYIS BSAM GTAN DANG GZUGS MED PA'I SNYOMS PAR 'JUG PA DAG BSKYED DE DE LA, KHAMS GNYIS DAG TU GZUGS MED PA, ,RGYU DANG LAS KYI STOBS KYIS SKYE, ,GZUGS DANG GZUGS MED PA'I KHAMS DAG TU SKYED PA RGYU'I STOBS KYIS NI NYE BA DANG YANG DANG YANG DU GOMS PA LAS SO, ,LAS KYI STOBS KYIS NI KHAMS GONG MA'O, ,LAN GRANGS GZHAN LA MYONG BAR 'GYUR BA'I LAS KYI RNAM PAR SMIN PA NYE BAR GNAS PA'I PHYIR RO, ,'OG MA LAS 'DOD CHAGS DANG MA BRAL BAR GONG MAR SKYE BAR NI MI NUS SO, ,GZUGS KYI KHAMS SU BSAM GTAN RNAMS, ,DE DANG CHOS NYID DAG GIS KYANG, ,GZUGS KYI KHAMS DAG RU NI, BSAM GTAN RGYU DANG LAS KYI STOBS GNYIS PO DAG DANG, CHOS NYID KYIS KYANG BSKYED DE, 'JIG PA'I TSE DE'I DUS NA SEMS CAN THAMS CAD DGE BA'I CHOS RNAMS LA 'PHEL BA'I PHYIR, SA 'OG MA PA RNAMS KYANG BSAM GTAN DE DAG SKYED PAR BYED DO, ,YANG GANG LA CHOS @266A *, ,RNAMS KYI RNAM PA 'DI LTA BU DE DAG MNGON PA DAM PA'I CHOS 'DI JI SRID DU GNAS SHE NA, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE LA LUNG NI MDO SDE DANG CHOS MNGON PA DANG 'DUL BA'O, ,RTOGS PA NI BYANG CHUB KYI PHYOGS TE, DE LTA NA DAM PA'I CHOS NI RNAM PA DE GNYIS YIN LA, DE 'DZIN BYED DANG SMRA BYED DANG, ,SGRUB PAR BYED PA NYID YIN NO, ,LUNG 'DZIN PAR BYED PA NI SMRA BAR BYED PA YIN NO, ,RTOGS PA 'DZIN PAR BYED PA NI, ,SGRUB PAR BYED PA YIN TE, DE'I PHYIR DE GNYIS CI SRID DU GNAS PA DE SRID DU, ,DAM PA'I CHOS GNAS PAR RIG PAR BYA'O, ,DE DAG KYANG LO STONG DU GNAS SO ZHES ZER RO, , GZHAN DAG NA RE NI RTOGS PA'I CHOS KHO NA YIN GYI, LUNG NI DE BAS YUN RING NGO ZHES ZER RO, ,CI BSTAN BCOS CHOS MNGON PA 'DI LAS BSHAD PA GANG YIN PA, BSTAN BCOS MNGON PA LAS KYANG 'DI KHO NA BZHIN DU BSHAD DAM ZHE NA, 'DI KHO NA BZHIN NO, ,BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA PA'I TSUL GRUB BSHAD, ,NGAN PAR ZIN GANG DE 'DIR BDAG GIS NYES, ,DAM CHOS TSUL GYI TSAD MA THUB RNAMS YIN, ,BDAG GIS CHOS MNGON PA 'DI NI PHAL CHER KHA CHE BYE BRAG TU SMRA BA DAG GI TSUL DU GRUB PAR BSHAD PA YIN NO, ,'DI LA BDAG GIS NYES PAR ZIN PA GANG YIN PA DE NI BDAG GI NYES PA YIN TE, DAM PA'I CHOS KYI TSUL DAG GI TSANG MA NI SANGS RGYAS DANG, SANGS RGYAS KYI SRAS RNAMS KHO NA YIN NO, ,STON PA 'JIG RTEN MIG NI ZUM GYUR CING, ,MNGON SUM SKYE BO PHAL CHER ZAD PA NA, ,DE NYID MA MTHONG RANG DGAR GYUR PA YI, ,NGAN RTOGS RNAMS KYIS BSTAN PA 'DI DAG DKRUGS, ,RANG 'BYUNG RANG 'BYUNG BSTAN MCHOG GNAS 'DZIN RNAMS, ,MCHOG TU ZHIR GSHEGS 'GRO MGON MED PA NA, ,GDAMS MED YON TAN 'JOMS PAR BYED PA YI, ,DRI MAS DGA' DGUR DENG SANG 'DI NA SPYOD, ,DE LTAR THUB PA DAG GI BSTAN PA NI, ,LKOG MAR SROG PHYIN 'DRA ZHING NYON MONGS RNAMS, ,STOBS DANG LDAN PA'I DUS SU RIGS NAS NI, , THAR PA 'DOD PA DAG GIS BAG YOD GYIS, ,CHOS MNGON PA MDZOD KYI 'GREL PA MDO DANG MTHUN PA LAS SNYOMS PAR 'JUG PA BSTAN PA ZHES BYA BA MDZOD KYI GNAS BRGYAD PA'O, ,CHOS MNGON PA MDZOD KYI 'GREL PA MDO DANG MTHUN PA ZHES BYA BA SLOB DPON 'DUS BZANG GIS MDZAD PA RDZOGS SO,, ,,