@1A [DD] #, ,MU STEGS BYED KYI LOG PAR RTOG PAS THE TSOM SKYED PA DAG ,YANG SEMS CAN DANG ZHES BYA BA RGYAS PAR 'DRI BAR BYED DE, DE LA SEMS CAN SNA TSOGS PA NI KHAMS DANG 'GRO BA DANG, SKYE [DD] GNAS LA SOGS PA'I BYE BRAG GIS SO, ,SNOD SNA TSOGS PA NI RI RAB DANG, GLING LA SOGS PA'I BYE BRAG GIS SO, ,'DREN MAR BYED PA RNAMS ZHES BYA BA NI DGE BA DANG MI DGE BA BYED PA RNAMS SO, ,YANG CI'I PHYIR DE DAG GI LUS NI DGA' DGA' LTAR 'DUG PA MA YIN LA, LONGS SPYOD RNAMS NI DGA' LTAR 'DUG CE NA, DE LTAR NA YUL LA NYE BAR LONGS SPYOD PA, SRID DE LUS DGA' DGA' LTAR 'DUG PA NYID DU BYA BA'I PHYIR 'GA' ZHIG GNYEN POR YUL LA NYE BAR SPYOD PAR 'GYUR RO, ,'DREN MAR BYED PA MA YIN PA RNAMS ZHES BYA BA NI GZUGS LA SPYOD PA RNAMS SO, ,'DOD PA NA SPYOD PA'I LHA DAG KYANG 'DREN MAR BYED PA MA YIN PA DANG 'DRA STE, LUS DANG YUL DGA' DGA' LTAR 'DUG PA STE, DGA' DGA' LTAR 'DUG PA NYID KYI RGYU LAS GNYIS BYAS PA'I PHYIR RO, ,BSAM PA ZHES BYA BA NI 'DI NI 'DI LTA BU ZHIG TU BYA'O @2A #, ,SNYAM DU'O, ,GAL TE NGO BO NYID LAS YIN NA NI NGAG GI LAS GCIG PUR 'GYUR RO ZHES BYA BA NI NGAG NYID LAS YIN PAS NA NGAG GI LAS SO ZHES BYA BA'I PHYIR RO, ,GZHAN GNYIS LAS NYID MA YIN TE, LUS KYI LAS SAM LUS KYI LAS YIN PAS NA, LUS KYI LAS TE YID KYI LAS KYANG DE DANG 'DRA BAS, NGO BO NYID KYIS NI LAS MA YIN NO, ,RGYU GSUM GYIS ZHES BYA BA NI RTEN DANG NGO BO NYID DANG KUN NAS SLONG BAS SO, ,GSUM ZHES BYA BA NI, LUS DANG, NGAG DANG, YID KYI LAS RNAMS SO, ,RTEN LAS NI LUS KYI LAS TE, LUS LA RTEN PA'I LAS NI LUS KYI LAS ZHES BYA'O, ,NGO BO NYID KYI LAS NI NGAG GI LAS TE, NGAG NYID NGAG GI LAS ZHES BYA'O, ,KUN NAS SLONG BA LAS NI YID KYI LAS TE, YID KYIS KUN NAS BSLANG BA'I PHYIR RO, ,GZHAN DAG NA RE 'GRO BA YIN TE ZHES BYA BA NI GNAS MA'I BU'I SDE PA DAG GO, ,BDAG NYID DU RED MA THAG TU 'JIG PA ZHES BYA BA NI, SKAD CIG MA DE MA THAG TU 'JIG PA NI SKAD CIG MA YIN NO ZHES BYA BA'I NGES PA'I TSIG GI TSUL GYIS NA BDAG NYID DU RED MA THAG TU 'JIG PA NI SKAD CIG MA ZHES BYA BA'I SGRAR BRJOD DO, ,RNAM PA GCIG TU NA SKAD CIG MA NI DUS KYI MTHA' YIN TE, RANG GI GNAS SKABS NA 'DUG PA DE 'DI LA YOD @2B PAS NA SKAD CIG PA'O, ,'DUS BYAS NI GDON MI ZA BAR 'JIG PA'I PHYIR RO ZHES BYA BA NI SKYES MA THAG TU 'JIG PA'I NGO BO YIN TE, 'DUS BYAS YIN PA'I PHYIR, SEMS DANG SEMS LAS BYUNG BA BZHIN NO, ,DNGOS PO RNAMS 'JIG PA NI RGYU MED PA LAS BYUNG BA YIN NO ZHES BYA BA NI RGYU MED PA LAS 'BYUNG BAS NA RGYU MED PA LAS BYUNG BA STE, RGYU MED PA CAN ZHES BYA BA'I THA TSIG GO, ,'DI LA BSGRUB PA NI 'JIG PA NI RGYU MED PA CAN YIN TE, DNGOS PO MED PA'I NGO BO NYID YIN PA'I PHYIR, GTAN MED PA BZHIN NO, ,SHING LA SOGS PA DAG MED DANG 'BREL PA LAS 'JIG PA'ANG MTHONG ZHES BYA BA LA SOGS PA ZHES BYA BA'I SGRAS NI GZUGS LA SOGS PA BSDU'O, ,ME DANG 'BREL PA LAS 'JIG CES BYA BA NI, CHOS KYI RANG GI NGO BO LAS BZLOG PA MNGON SUM GYI SGO NAS 'ONGS SO ZHES DAM BCAS PA'I SKYON STON PAR BYED PA YIN NO, ,DE NYID KYI PHYIR, MTHONG BA LAS BRLING BA'I TSAD MA YANG MED CES BYA BA SMOS TE, MNGON SUM PAS BRLING BA'I TSAD MA NI MED DO ZHES BYA BA'I THA TSIG GO, ,SLOB DPON GYIS PHA ROL PO DAG MNGON SUM YIN PAR MNGON PA'I NGA RGYAL BYED PAR BSTAN PA'I PHYIR RE ZHIG KHYOD CES BYA BA NAS JI LTA BUR SEMS ZHES BYA BA'I BAR SMOS TE, SHING LA SOGS PA 'JIG PA NI GZUGS LA SOGS PA BZHIN DU MNGON SUM DU MI DMIGS SO, ,SKAD CIG MA MA YIN PAR SMRA BA RNAMS KYIS DE DAG YANG MI SNANG BA'I PHYIR RO ZHES BYA BA SMRAS TE, SHING LA SOGS PA DE DAG MI SNANG BA'I PHYIR RO, ,DE LTAR NA RJES SU DPAG PA'I SGO NAS GRUB PAR STON PAR BYED DE, SHING LA SOGS PA 'JIG PA NI ME DANG 'BREL PA'I RGYU CAN YIN TE, DE YOD NA 'BYUNG BA'I PHYIR RO, ,GANG ZHIG GANG YOD NA 'BYUNG BA DE NI DE'I RGYU CAN YIN TE, DPER NA SA BON YOD NA 'BYUNG BA'I MYU GU LTA BU'O, ,RE ZHIG 'DI DPYAD PAR BYA STE ZHES BYA BA NI MA NGES PA NYID RJOD PAR BYED DO, ,GANG ZHIG YOD NA 'JIG PA 'BYUNG BA DE NI DE'I RGYU CAN MA YIN TE, RLUNG DANG 'BREL PA YOD NA MAR ME 'JIG MOD KYI, 'JIG PA DE NI RLUNG DANG 'BREL PAS BYAS PA YANG MA YIN NO, ,MAR ME NI SKAD CIG NYID DU KHAS BLANGS PA'I PHYIR, 'JIG PA RGYU MED PA CAN DU 'DOD PA YIN PAS MAR ME DE NI SKYES NAS 'JIG PA'I PHYIR RANG ZHIG PA YIN LA, RLUNG DANG 'BREL BA'I PHYIR GZHAN MA SKYES NA MI SNANG BA YIN GYI, DES BSHIG PA'I PHYIR @3A *, ,NI MA YIN NO, ,DE BZHIN DU DRIL BU'I SGRA SKAD CIG MAR 'DOD PA YANG LAG PA DANG 'BREL PA YOD NA DRIL BU'I SGRA 'JIG MOD KYI, DE NI DES BYAS PA MA YIN GYI, SKAD CIG MA YIN PA'I PHYIR DRIL BU'I SGRA NI RANG ZHIG LA DES GEGS BYAS PA'I PHYIR, GZHAN MA SKYES NA MI SNANG BA YIN GYI DES BSHIG PA'I PHYIR NI MA YIN NO, ,DE LTA BAS NA DON 'DI NI RJES SU DPAG PAS BSGRUB PAR BYA BA YIN TE, MNGON SUM DU MA GRUB PO SNYAM DU BSAMS PA YIN NO, ,DE LTA BAS NA GANG ZHIG YOD NA 'GA' ZHIG 'JIG PA GANG YIN PA DE NI DES BYAS PA YIN NO ZHES BYA BA DE MA NGES PA YIN NO, ,'DI LA RJES SU DPAG PA GANG ZHE NA ZHES BYA BA NI 'JIG PA NI RGYU MED PA CAN YIN NO ZHES BYA BA'I DON 'DI LA RJES SU DPAG PA GANG ZHE NA ZHES BYA BA YIN NO, ,RE ZHIG MED PA NI BYA BA MA YIN PA'I PHYIR ZHES NI BSHAD ZIN TO ZHES BYA BA NI 'JIG PA NI RGYU MED PA CAN YIN TE, BYAB MA YIN PA'I PHYIR NAM MKHA' BZHIN NO, ,'DI YANG BYA BA MA YIN TE, DNGOS PO MED PA'I NGO BO NYID YIN PA'I PHYIR GTAN MED PA BZHIN NO, ,'GA' ZHIG RGYU MED PA LAS MI 'GYUR ZHES BYA BA NI 'GA' YANG RGYU MED PA LAS 'BYUNG BAR MI 'GYUR ZHES BYA BA'I THA TSIG GO, ,SKYE BA BZHIN DU ZHES BYA BA NI ZLOG PA'I DPE YIN TE, JI LTAR SKYE BA STE BDAG NYID DU RED PA'I MTSAN NYID RGYU DANG BCAS PA KHO NA YIN GYI, RGYU MED PA CAN NI MA YIN PA LTAR 'JIG PA YANG DE DANG 'DRA BAR 'GYUR BA ZHIG NA DE LTA YANG MA YIN NO, ,JI LTA ZHE NA, SKAD CIG MA BLO DANG, SGRA DANG, ME LCE DAG 'JIG PA RGYU MED PA LAS BYUNG BA YANG MTHONG ZHES BYA BA SMOS TE, DE LTAR NA CHOS KYI RANG GI NGO BO LAS ZLOG PA RJES SU DPAG PA'I SGO NAS 'ONGS PA YIN NO, ,SHING LA SOGS PA 'JIG PA NI RGYU MED PA LAS BYUNG BA YIN TE, 'JIG PA'I NGO BO NYID YIN PA'I PHYIR, BLO LA SOGS PA 'JIG PA BZHIN NO, ,GANG ZHIG CES BYA BA NI BYE BRAG PA'O, ,BLO SNGAR BYUNG BA NI BLO PHYIS 'BYUNG BAS 'JIG LA, BLO CIG SHOS NI BLO SNGAR BYUNG BAS 'JIG STE, SGRA YANG DE DANG 'DRA BAR BRJOD PAR BYA'O, ,SMRAS PA, DE NI RIGS PA MA YIN NO, ,CI'I PHYIR ZHE NA, BLO GNYIS PHRAD PA MED PA'I PHYIR RO ZHES BYA BA NI CIG CAR 'BYUNG BA MED PA'I PHYIR RO ZHES BYA BA'I THA TSIG GO, ,GZHIG PAR BYA BA MED PA NI RGYUS 'JIG PAR MI BYED DO, ,BLO DAG @3B PHRAD PA MED DO ZHES BYA BA JI LTAR SHES SHE NA, DE'I PHYIR THE TSOM CAN DANG, NGES PA'I SHES PA DAG PHRAD PAR NI RIGS PA MA YIN NO ZHES BYA BA RGYAS PAR SMOS TE, GANG GI TSE THE TSOM CAN GYI SHES PA YOD PA DE'I TSE, NGES PA'I SHES PA MED LA, GANG GI TSE NGES PA'I SHES PA YOD PA DE'I TSE, THE TSOM CAN GYI SHES PA MED DO ZHES BYA BA 'DI NI RANG GI NYAMS LA YOD PA YIN NO, ,DE BZHIN DU BDE BA DANG SDUG BSNGAL DAG DANG, 'DOD CHAGS DANG ZHE SDANG DAG PHRAD PA MED PA YANG SBYAR BAR BYA'O, ,JI LTAR 'GAL BA DAG MI PHRAD PA DE BZHIN DU SHES PA MI 'GAL BA DAG KYANG PHRAD PA MED PA KHO NA YIN NO, ,GANG GI TSE ZHES BYA BA RGYAS PAR 'BYUNG BA NI JI STE PHRAD PAR 'GYUR DU ZIN KYANG 'ON KYANG BLO DANG SGRA MI GSAL BA DAG GIS GSAL BA DAG 'JIG PAR NI MI 'GYUR TE, NYAM CHUNG BA RIGS MTHUN PA YIN PA'I PHYIR RO, ,NYAM CHUNG PA RIGS MTHUN PAS STOBS DANG LDAN PAS 'JIG PA NI MA MTHONG GI MI MTHUN PA NI, NYAM CHUNG NGUS KYANG 'JIG PAR 'GYUR TE, DPER NA CHUS ME LTA BU'O, ,GANG YANG GNAS PA'I RGYU MED PA 'AM ZHES BYA BA'I GTAN TSIGS 'DI NI GNAS BRTAN DBYIG BSHES LA SOGS PAS GNAS PA'I RGYU MED PA'I PHYIR DNGOS PO RNAMS 'JIG PA YIN NO ZHES SMRAS PA YIN NA, ,DE YANG RIGS PA MA YIN TE, MED PA NI RGYU YIN PAR 'OS PA MA YIN PAS SO, ,CHOS DANG CHOS MA YIN PA'I DBANG GIS ZHES ZER BA NI BYE BRAG PA'O, ,DE LA SKYE BA DANG 'JIG PA'I RGYU CHOS DANG CHOS MA YIN BA DAG KYANG SKAD CIG SKAD CIG NYID LA 'JUG PA THOB PA DANG, GEGS BYED PAR 'OS PA MA YIN NO ZHES BYA BA SMOS TE, SKYE BA DANG 'JIG PA'I RGYU CHOS DANG, SKYE BA DANG 'JIG PA'I RGYU CHOS MA YIN PA'O, ,SKAD CIG SKAD CIG NYID LA ZHES BYA BA NI SKAD CIG MA DNGOS LA STE, NYE BAR BTAGS PA'I SKAD CIG MA LA MA YIN NO ZHES BYA BA'I THA TSIG GO, ,YANG NA SKAD CIG SKAD CIG NYID LA ZHES BYA BA NI SKAD CIG SKAD CIG KHO NA LA ZHES BYA BA'I THA TSIG GO, ,'JUG PA THOB PA DANG, GEGS BYED PA NI 'JUG PA THOB PA DANG, 'JUG PA LA GEGS BYED PA STE, SKAD CIG SKAD CIG LA 'GYUR BAR 'OS PA MA YIN NO, ,JI LTA ZHE NA, ME LCE GANG ZHIG BYUNG NA NAG PA 'AM, BYAMS PA LA PHAN 'DOGS PAR 'GYUR BA DE'I CHOS 'JUG PA RNYED PA NI BDE BA SKYED PAR BYED PAS DE LTAR NA BSKYED PA'I RGYU YANG @4A *, ,YIN NO, ,GAL TE DE ZHIG PAS MUN PA'I GNAS SKABS NA DE LA PHAN 'DOGS PAR BYED NA 'JIG PA'I RGYU YANG YIN NO, ,DE BZHIN DU CHOS MA YIN PA YANG ME LCE GANG ZHIG BYUNG NA 'GA' LA GNOD PAR 'GYUR NA DE'I CHOS MA YIN PA 'JUG PA RNYED PA NI DE SKYED PAR BYED LA, GAL TE DES MUN PA'I GNAS SKABS NA DE ZHIG PAS GNOD PAR BYED NA 'JIG PA'I RGYU YANG YIN PAS DE GNYIS KYI 'JUG PA RNYED PA LAS ME LCE 'BYUNG BAR 'GYUR RO ZHE'O, ,DE DAG KHO NAS DE DAG GI 'JUG PA 'GAGS TE SKAD CIG DE NYID LA DE RNAMS 'JIG PAR NI RIGS PA MA YIN PAS, SKAD CIG SKAD CIG LA GNYIS PO 'JUG PA RNYED PA DANG, GAGS BYED PA NI RUNG BA MA YIN NO, ,RGYU YONGS SU BRTAGS PA 'DI YANG 'DUS BYAS THAMS CAD LA BYA BAR NUS ZHES BYA BA RGYAS PAR 'BYUNG BA NI CHOS DANG CHOS MA YIN PAS 'JIG GO ZHES RGYU YONGS SU BRTAG PA NI 'DUS BYAS MI RTAG PA RDUL PHRAN GNYIS LA SOGS PA'I GZUGS LA SOGS PA DANG LAS THAMS CAD LA YANG BYA BAR NUS PAS DE'I PHYIR, ME DANG 'BREL BA LAS SHING LA SOGS PA 'JIG GO ZHES BYA BA DE LTA BU LA SOGS PA 'DI BRJOD PAR MI BYA'O, ,DE'I PHYIR CHOS DANG CHOS MA YIN PA DAG NI DE RNAMS 'JIG PA'I RGYU GZHAN LA MI LTOS PA'I PHYIR 'DUS BYAS THAMS CAD SKAD CIG MA NYID DU GRUB PAS BRTZAD MI DGOS SO, ,DE NYID DAM DE DANG 'DRA BA LAS ZHES BYA BA NI GAL TE ME DANG 'BREL BAS BUM PA'I SNGON PO NYID BZLOG NAS DMAR PO NYID SKYED PAR BYED PA DE KHO NAS DMAR PO NYID BZLOG NAS CHES DMAR BA SKYED PAR BYED DO ZHES BYA BAR RTOG NA RGYU NYID 'JIG PAR BYED PA YIN PAR 'GYUR RO, ,'ON TE ME RNAMS NI SKAD CIG MA YIN PA'I PHYIR DE DANG 'BREL PA SKYED PAR BYED PA YANG GZHAN YIN LA, 'JIG PAR BYED PA YANG GZHAN YIN NO ZHES BYA BAR RTOG NA, SKYED PAR BYED PA'I RGYU BYE BRAG MED PAR 'GYUR TE RIGS PAS MA YIN NO ZHES BYA BA THAMS CAD BRJOD DO, ,RE ZHIG ME RNAMS SKAD CIG MA YIN PA'I PHYIR, BYE BRAG TU SMRA BA RNAMS KYIS ME LCE DAG LA SKYED PAR BYED PA YANG GZHAN YIN LA, 'JIG PAR BYED PA YANG GZHAN YIN NO ZHES RGYU THA DAD PAR YONGS SU BRTAG PAR NI BYA BA LA DAG NA THAL BA NAS SA DANG 'BREL PA'I BAR LAS SMIN BYED LAS SKYES PA'I BYE BRAG BYUNG BA LA @4B GANG LA BRTAG PAR BYA STE, DE DAG GI LTAR NA THAL BA LA SOGS PA SKAD CIG MA MA YIN PAS DER RGYU NYID 'JIG PAR BYED PA YIN PAR 'GYUR RO, ,'O NA GANG CHU BSKOL BA ZHES BYA BA NI, GAL TE ME DANG 'BREL PA DAG GIS CHU 'JIG PAR MI BYED NA 'O NA JI LTAR CHU BSKOL BA RNAMS ZAD PAR 'GYUR SNYAM DU BSAM PA YIN NO, ,ME'I KHAMS ZHES BYA BA NI DE DANG THA MI DAD PAR 'DUG PA 'PHEL BAR BYED DO, ,DE'I MTHUS NA CHU'I TSOGS NYAM CHUNG ZHING NYAM CHUNG PAR 'GYUR TE ZHES BYA BA NI RGYU'I KHYAD PAR LAS 'BRAS BU'I KHYAD PAR DU 'GYUR BAS NYAM CHUNG BA DANG CHES NYAM CHUNG BAR 'GYUR ZHING, SHIN TU NYAM CHUNG BA'I BAR DU GYUR PA DANG MJUG TU RGYUN YANG RGYUN CHAGS PAR MI BYED DE 'BRAS BU MI SKYED KYI DNGOS PO MED PAR BYED PA NI MA YIN NO ZHES BYA BA'I THA TSIG GO, ,'JIG PA'I NGANG TSUL CAN YIN PA'I PHYIR ZHES BYA BA RGYAS PAR 'BYUNG BA NI 'JIG PA'I DANG TSUL CAN YIN PA'I PHYIR, RANG 'JIG PA NI GZHAN GYIS 'JIG PA SKYED PA MA YIN PAS, BYUNG BA TZAM STE SKAD CIG MA GCIG RANG GI BDAG NYID DU RED NAS 'JIG GO, ,RTZVA'I ME BZHIN NO ZHES BYA BA NI DPER NA RTZVA'I ME SKAD CIG MA YIN YANG RTZVA YUL GZHAN DU BAR CHAD MED PAR BYUNG BA LA RTZVA SREG PAR BYED PA'I ME 'GRO'O ZHES MNGON PA'I NGA RGYAL BYED PA DE DANG 'DRA'O, ,'DIR BSGRUB PA NI GZUGS LA SOGS PA YUL GZHAN DU BAR CHAD MED PAR 'BYUNG BA'I DNGOS PO DAG NI 'GRO BA MED PA YIN TE, SKAD CIG MA YIN PA'I PHYIR RTZVA'I ME BZHIN NO, ,LUS KYI RNAM PAR RIG BYED DBYIBS YIN NO ZHES ZER BA NI BYE BRAG TU SMRA BA YIN NO, ,PHYOGS GCIG GI SGO ZHES BYA BA NI 'DI LA PHYOGS GCIG GI SGO YOD PAS NA PHYOGS GCIG GI SGO STE DER RO, ,MANG PO NI PHAL MO CHE'O, ,THAMS CAD KYANG DE DANG 'DRA'O ZHES BYA BA NI PHYOGS KYI SGO GYEN DU PHAL CHE BA LA NI MTHON PO ZHES 'DOGS LA, THUR DU PHAL CHE BA LA NI DMA' BA ZHES BYA STE, 'DI NI PHYOGS YIN NO, ,DPER NA MGAL ME ZHES BYA BA NI DBYIBS NI RDZAS SU MED DE DE 'DZIN PA KHA DOG 'DZIN PA LA LTOS PA'I PHYIR NA MGAL ME'I 'KHOR LO BZHIN NO, ,YANG NA DBYIBS NI RDZAS SU MED DE, GZUGS 'DZIN PA LA LTOS PA'I PHYIR 'BRU'I PHUNG PO BZHIN NO ZHES BYA BA YIN NO, ,'DI DBANG PO GNYIS KYIS GZUNG BAR 'GYUR ZHES BSHAD PA DANG, BYE BRAG TU SMRA BA RING PO NYID LA SOGS PA @5A *, ,NI LUS KYI DBANG POS 'DZIN PA MA YIN NO, ,'O NA CI ZHE NA REG BYA'I YAN LAG DAG KHO NA DE LTAR GNAS PA LA RING PO LA SOGS PAR 'DZIN PAR 'GYUR TE, DE BAS NA 'DI NI GNYIS KYIS 'DZIN PAR MI 'GYUR RO ZHES SMRA BAR 'GYUR BAS DE'I PHYIR YANG NA JI LTAR REG BYA LA ZHES BYA BA 'DI RGYAS PAR SMOS SO, ,DON CI ZHE NA, JI LTAR REG BYA LA RING PO DANG THUNG NGU LA SOGS PA 'DZIN MOD KYI, DBYIBS NI REG BYA'I SKYE MCHED KYIS BSDUS PA YANG MA YIN PA LTAR, KHA DOG LA RING PO LA SOGS PA 'DZIN PA YANG DE DANG 'DRA BAR YID CHES PAR BYA STE, GZUGS KYI SKYE MCHED KYIS BSDUS PA'I DBYIBS DON GZHAN DU GYUR PA NI MED DO ZHES BYA BA'I THA TSIG GO, ,YANG NA BYE BRAG TU SMRA BAS DE LA NI REG BYA DANG LHAN CIG SPYOD PA'I PHYIR DON[?] PA TZAM YIN GYI ZHES BYA BAR RGYAS PAR SMRAS TE, DBYIBS DE LA NI REG BYA DANG LHAN CIG SPYOD PA'I PHYIR TE 'JAM PA NYID LA SOGS PA'I REG BYA DANG LHAN CIG SPYOD PAR 'GYUR BA'I PHYIR, DRAN PA TZAM YIN GYI RING PO LA SOGS PA'I DBYIBS MNGON SUM DU 'DZIN PA NI MA YIN TE DPER NA LHAN CIG SPYOD PA'I PHYIR ME'I GZUGS MTHONG NAS ME DE'I TSA BA'I DRAN PA 'BYUNG BA DANG LHAN CIG SPYOD PA'I PHYIR ME TOG TZAM PA KA'I DRI BSNAMS NAS DE'I KHA DOG GI DRAN PA 'BYUNG BA BZHIN NO, , SLOB DPON GYIS 'DI LA NI 'KHRUL PA MED PA'I PHYIR GZHAN GYIS GZHAN DRAN PAR RIGS KYI ZHES BYA BA RGYAS PAR SMOS TE, ME LA SOGS PA 'DI LA NI TSA BA NYID DANG, KHA DOG 'KHRUL PA MED PA'I PHYIR GZHAN GYIS GZHAN TE, ME'I GZUGS KYIS TSA BA NYID DANG ME TOG GI DRIS DE'I KHA DOG DRAN PAR RIGS SO; ,REG BYA NI CUNG ZAD KYANG NGES PA MED DO ZHES BYA BA RGYAS PAR 'BYUNG BA NI GANG LAS REG BYA LA REG NAS RING PO LA SOGS PA'I DBYIBS 'DI NGES PAR DRAN PAR 'GYUR PA 'JAM PA NYID LA SOGS PA'I REG BYA NI CHUNG ZAD KYANG RING PO LA SOGS PA'I DBYIBS GANG LA YANG NGES PA MED DO, ,GANG NA ME'I GZUGS YOD PA DE NI DE'I TSA BA NYID YOD LA, GANG NA ME TOG TZAM PA KA'I DRI YOD PA DE NA'ANG 'DI'I GZUGS YOD KYI, GANG NA 'JAM PA NYID DANG RTZUB PA NYID YOD PA DE NA RING BA NYID DANG THUNG BA NYID YOD PA NI MA YIN NO, ,DE LTA BAS NA DE'I TSA BA NYID DANG, DE'I GZUGS DAG NI GDON MI ZA BAR DRAN PAR RUNG GI DBYIBS NI GDON MI ZA BAR DRAN @5B PAR MI 'GYUR RO, ,'ON TE REG BYA DANG DBYIBS DAG LHAN CIG SPYOD PAR NGES PA MED KYANG NGES PAR DBYIBS DRAN PAR GYUR NA NI KHA DOG KYANG 'GYUR TE, NGES PAR DRAN PAR ZHES BYA BAR SBYAR TE, REG BYA DE KHO NA REG NAS DRAN PAR 'GYUR RO ZHES BYA BA'I THA TSIG GO, ,JI STE YANG NGES PAR KHA DOG DRAN PAR MI 'GYUR NA, YANG NA NI KHA DOG BZHIN DU DBYIBS KYANG NGES PAR MI 'GYUR TE, RING PO LA'ANG THUNG NGUR SHES LA, THUNG NGU LA YANG RING POR SHES PAR 'GYUR RO, ,CI'I PHYIR ZHE NA, REG BYA LAS KHA DOG NI NGES PAR DRAN PAR MI 'GYUR TE, RES 'GA' DMAR PO LA YANG SER POR SHES LA, SER PO LA YANG DMAR POR SHES SO, ,DE LTA YANG MA YIN ZHES BYA BA JI LTAR DE LTAR MA YIN ZHE NA, JI LTAR KHA DOG NGES PAR DRAN PAR MI 'GYUR BA DE LTAR DBYIBS KYANG NGES PAR DRAN PAR MI 'GYUR BA ZHES BYA'O, ,'O NA CI ZHE NA, KHA DOG NGES PAR MI 'GYUR GYI DBYIBS NI NGES PAR DRAN PAR 'GYUR RO, ,DE BAS NA REG BYA LAS DBYIBS 'DI DRAN PAR NI RIGS PA MA YIN NO, ,'O NA JI LTAR RING PO'I BLO 'AM THUNG NGU'I BLO 'BYUNG ZHE NA, 'DI NI PHYOGS GCIG GI SGOR KHA DOG GAM, REG BYA PHAL MO CHE 'DZIN PA LA RING PO'I RNAM PAR RTOG PA'I BLO 'BYUNG NGO, ,ZHES BSHAD ZIN TE, DE LTA BU LA SOGS PA YIN PAR KHONG DU CHUD PAR BYA'O, ,RI MO BKRAM PA LA ZHES BYA BA RGYAS PAR 'BYUNG BA NI RI MO BKRA PA KHA DOG DANG DBYIBS DU MA RNAM PA MANG POR SNANG BA NI RING PO LA SOGS PAR DBYIBS GCIG TU SNANG STE, DE BAS NA KHA DOG DANG DBYIBS DU MA SNANG BA'I PHYIR DBYIBS MANG PO YANG PHYOGS GCIG TU 'GYUR TE, GANG NA RING PO NYID YOD PA DE NYID DU THUNG NGU LA SOGS PA 'DZIN PA'I PHYIR RO, ,DE YANG RIGS PA MA YIN TE KHA DOG BZHIN NO, ,JI LTAR KHA DOG THOGS PA DANG BCAS PA YIN PA'I PHYIR PHYOGS GCIG PAR MI 'GYUR BA LTAR DBYIBS KYANG DE DANG 'DRA'O, ,DE LTA YIN NA CHOS CAN GYI KHYAD PAR LAS BZLOG PA'I PHYIR DBYIBS RDZAS SU YOD DO ZHES BYA BA'I PHYOGS SKYON DANG BCAS PAR 'GYUR RO, ,DE RDUL LA MED CES BYA BA NI JI LTAR SNGON PO LA SOGS PA'I GZUGS RDUL PHRAN GYI RDZAS BRGYAD LA SOGS PA YOD PA DE LTAR RING PO LA SOGS PA'I DBYIBS NI RDUL PHRA RAB LA MED DO, ,DBYIBS RDUL PHRA RAB LA MED DO @6A *, ,ZHES BYA BA JI LTAR SHES SHE NA, DBYIBS RING PO 'GRIB NA RING PO'I BLO MED PA'I PHYIR TE, DBYUG PA RING PO DMIGS NAS DE NYID 'GRIB NA RING PO'I BLO LDOG GO, ,SNGON PO LA SOGS PA'I RDZAS DMIGS NAS 'GRIB NA DE LA SER PO'I BLO NI MI 'BYUNG GI ,RING PO'I RDZAS 'GRIB NA NI THUNG NGU'I BLO MI 'BYUNG GI DE'I BLO MI 'BYUNG NGO, ,DBYIBS DE NYID RING PO LA SOGS PA DANG THUNG DU LA SOGS PA'I BLO BA SKYED DO ZHES BRJOD PAR YANG MI RIGS PA MA YIN TE, DE LTA BAS NA MANG PO DE LTAR GNAS PA DAG KHO NA ZHES BYA BA THAMS CAD BRJOD PAR BYA'O, ,'ON TE DBYIBS KYI RDUL PHRA RAB CES BYA BA RGYAS PAR 'BYUNG BA NI DBYIBS KYI RDUL PHRA RAB DAG KHO NA PHYOGS GCIG GI SGO LA SOGS PA'I RIM PAS DE LTAR GNAS PA LA RING PO LA SOGS PA'I MING 'DOGS TE, DE'I NGO BO NYID MA YIN PA DAG DE LTAR GNAS PA LA NI DE'I MING 'THOB PAR 'OS PA MA YIN NO SNYAM DU BSAMS PA YIN NO, ,DBYIBS KYI YAN LAG RNAMS NI KHA DOG LA SOGS PA BZHIN DU RANG GI NGO BOR GRUB PA YANG MED CES BYA BA NI KHA DOG GI YAN LAG RNAMS NI YAN LAG RE RE LA SNGON PO LA SOGS PA NYID DU 'DZIN PA'I PHYIR RANG GI NGO BOR RAB TU GRUB PA YIN NO, ,DBYIBS KYI RDUL PHRA RAB RNAMS NI DE LTAR YAN LAG RE RE LA RING PO LA SOGS PA NYID DU YANG MI 'DZIN TE, DE LTA BAS NA RANG GI NGO BO RAB TU MA GRUB PA YIN NO, ,GAL TE DE DAG RING PO LA SOGS PA'I NGO BO NYID NI MA YIN PA NYID KYI GNAS PA'I KHYAD PAR LAS RING PO LA SOGS PA'I BLO'I RGYU DAG TU 'GYUR NA GO, ,KHA DOG LA SOGS PA'I RDUL PHRA RAB DAG KHO NA GNAS PA'I KHYAD PAR LAS RING PO LA SOGS PA'I BLO'I RGYU DAG TU 'GYUR RO ZHES BYA BAR YANG CI STE MI 'DOD, 'O NA GANG KHAM PA'I SNOD RNAMS KHA DOG KYANG THA MI DAD CES BYA BA NI GAL TE DBYIBS KHA DOG GNAS PA TZAM ZHIG YIN PAR GYUR NA, DON THA DAD PA MED PA'I PHYIR RDZA MKHAN LA SOGS PA'I RDZA MA RNAMS KHA DOG THA MI DAD NA DBYIBS KYANG THA DAD PA MA YIN PAR 'GYUR RO, ,MA BSHAD DAM ZHES BYA BA RGYAS PAR 'BYUNG BA NI JI LTAR GNAS PAR 'GYUR BA'I KHA DOG LA RING PO LA SOGS PAR MING 'DOGS PA STE, PHYOGS GCIG GI SGOR KHA DOG PHAL CHER ZHES BYA BA LA SOGS PA RGYAS PAR BSHAD PA YIN NO, ,DPER NA @6B GROG MA LA SOGS PA ZHES BYA BA RGYAS PAR 'BYUNG BA NI, JI LTAR GROG MA LA SOGS PA KHA DOG DANG DBYIBS GCIG PA YIN LA, DE DAG GI PHRENG BA NI YUL LA LAR NI GZHAN DU SNANG LA, LA LAR NI GZHAN DU SNANG BA DANG, ZLUM PE LA SOGS PA THA DAD PA ZHES BYA BA LA SOGS PA YANG DE DANG 'DRA STE, DE BZHIN DU KHA DOG THA MI DAD KYANG DBYIBS THA DAD PAR 'GYUR RO, ,'O NA GANG MUN KHUNG DANG ZHES BYA BA RGYAS PAR 'BYUNG BA NI 'O NA GANG MUN KHUNG NA SDONG DU MA DANG MI DANG GLANG PO CHE LA SOGS PA'I KHA DOG MA MTHONG BAR RING PO DANG, THUNG NGU DANG ZLUM PO LA SOGS PA MTHONG BAR 'GYUR BA DE JI LTA BU ZHES BYA BA'I TSIG LHAG MA YIN NO, ,GAL TE DBYIBS KHA DOG LAS RIGS GZHAN ZHIG YIN PAR MA GYUR NA JI LTAR SNGON PO 'AM, SER PO ZHES BYA BAR MI MTHONG BA DE BZHIN DU DBYIBS KYANG RING PO NYID DAM THUNG NGU'O ZHES BYA BAR MTHONG BAR YANG MI 'GYUR BA ZHIG NA RES 'GA' 'ANG MTHONG STE, DE'I PHYIR DBYIBS NI RIGS GZHAN YIN NO, ,PHRENG BA DANG DMAG LA YONGS SU RTOG PA BZHIN NO ZHES BYA BA NI, JI LTAR MUN KHUNG NA BYA 'AM GROG MA MI GSAL BA MTHONG NAS PHRENG RING PO ZHIG GO ZHES RTOG PAR BYED PA 'AM JI LTAR MUN KHUNG NA GLANG PO CHE LA SOGS PA MI GSAL BA MTHONG NAS DMAG 'DI NI BSKYIL TE RNAM PAR GNAS SO ZHES YONGS SU RTOG PAR BYED PA LTAR 'DI YANG DE DANG 'DRA'O, ,DE NI GDON MI ZA BAR DE LTAR SHES PAR BYA STE ZHES BYA BA NI DA GZOD JI SKAD DU DBYIBS RIGS GZHAN MED KYANG, DE DAG GIS DE NA KHA DOG KHO NA MI GSAL BA MTHONG BAS RING PO LA SOGS PAR YONGS SU RTOG PAR BYED DO ZHES BSHAD PA LTA BU'O, ,GANG RES 'GA' ZHES BYA BA RGYAS PAR 'BYUNG BA LA, YONGS SU CHAD PA NGES PAR MI ZIN PA ZHES BYA BAR NI DBYIBS NGES PAR MI ZIN PA'O, ,TSOGS PA TZAM DANG MI GSAL BA STE SNGON PO LA SOGS PA NYID DU MI MNGON PAR SNANG BA YIN NO, ,JI LTAR KHA DOG DANG DBYIBS LAS MA GTOGS PA'I GZUGS KYI SKYE MCHED KYANG YOD PA MA YIN PAS RDZAS GZHAN CUNG ZAD KYANG MI RTAG PA DE BZHIN DU DBYIBS KYANG KHA DOG LAS MA GTOGS PAR BRTAG PAR MI BYA'O, ,MDO SDE PA KHYED CES BYA BA NI MDO SDE PA KHYED CAG CES BYA BA'I THA TSIG GO, ,JI LTAR LUS KYI LAS SU 'DOGS @7A *, ,PAR BYED CES BYA BA NI BTAGS PA YOD PA'I PHYIR LUS KYI LAS SU MI RUNG NGO SNYAM DU BSAMS NAS 'DRI BA YIN NO, ,LUS LA BRTEN PA ZHES BYA BA NI LUS LA DMIGS PA ZHES BYA BA'I DON TO, ,GANG ZHIG GI LUS 'JUG PAR 'GYUR BA DE NI LUS LA BRTEN PA'I LAS YIN TE; DE'I PHYIR DE DANG DER LUS 'JUG PAR BYED PA'I SEMS PA GANG YIN PA'O ZHES BYA BA SMOS SO, ,CI RIGS PAR RIG PAR BYA'O ZHES BYA BA NI NGAG LA BRTEN PA'I LAS NI NGAG GI LAS SO, ,YID KYI LAS NI YID KYI LAS SAM YID DANG MTSUNGS PAR LDAN PA'I LAS NI YID KYI LAS YIN TE, DES NA CI RIGS PAR ZHES BSHAD DO, ,RNAM PAR RIG BYED MED PA'I PHYIR ZHES BYA BA RGYAS PAR 'BYUNG BA NI GAL TE RNAM PAR RIG BYED MED PAR GYUR NA, 'DOD PA NA SPYOD PA'I RNAM PAR RIG BYED MA YIN PA YANG MED PAR 'GYUR TE, 'DOD PA NA SPYOD PA'I RNAM PAR RIG BYED MA YIN PA NI RNAM PAR RIG BYED LA RAG LAS PA YIN GYI SEMS KYI RJES SU 'JUG PA NI MA YIN NO,, ,,BAM PO SUM CU PA, DE YANG DE LTAR MED PAS NYES PA CHEN POR THAL PAR 'GYUR TE, SDOM PA DANG SDOM PA MA YIN PA MED PA'I NYES PA DANG RDZAS LAS BYUNG BA'I BSOD NAMS BYA BA'I DNGOS POS BSOD NAMS 'PHEL BA MED PA'I NYES PA ZHES BYA BA DE LTA BU LA SOGS PAR THAL BAR 'GYUR RO, ,THAL BA RNAMS LA YANG THAL BA'I GNYEN PO DE DAG YOD DE ZHES BYA BA NI DE'I LAN YOD DO ZHES BYA BA'I THA TSIG GO, ,LUS KYI LAS ZHES BYA BA NI LUS LA BRTEN PA ZHES BYA BA'I THA TSIG GO, ,MNYAM PAR GZHAG PA'I RNAM PAR RIG BYED MA YIN PA BZHIN DU ZHES BYA BA NI JI LTAR MNYAM PAR GZHAG PA'I RNAM PAR RIG BYED MA YIN PA SEMS KYI RJES SU 'JUG PA YIN PA LTAR SO SOR THAR PA'I SDOM PA LA SOGS PA'I MTSAN NYID KYI RNAM PAR RIG BYED MA YIN PA YANG DE DANG 'DRA BAR YANG 'GYUR RO, ,MDO SDE PA RNAMS KYIS DE LTAR MI 'GYUR TE ZHES BYA BA SMOS TE, MNYAM PAR GZHAG PA MA YIN PA'I SEMS PA'I KHYAD PAR GYIS DE'I 'PHEN PA KHYAD PAR YOD PA'I PHYIR SEMS KYI RJES SU 'JUG PAR MI 'GYUR TE, MNYAM PAR GZHAG PA MA YIN PA'I RNAM PAR RIG BYED MA YIN PA 'PHANGS PA'I PHYIR RO ZHES BYA BA'I THA TSIG @7B GO; ,KHYED KYI RNAM PAR RIG BYED DE YOD CING MED PA MA YIN NA YANG RNAM PAR RIG BYED MA YIN PA 'PHANG PAR BYA BA NI SEMS PA'I STOBS DANG MTHU LA RAG LAS PA YIN TE LTOS PA YIN NO, ,CI'I PHYIR ZHE NA, BLUN BA'I PHYIR TE MI GSAL BA'I PHYIR RO, ,SEMS PA'I STOBS MED PA NI RNAM PAR RIG BYED MA YIN PA DE BSKYED PAR MI NUS TE, YANG DAG PAR LEN PA'I SEMS PA MED NA RNAM PAR RIG BYED GYI NA BYUNG BAS NI RNAM PAR RIG BYED MA YIN PA SKYED PAR MI BYED DO, ,NGAG RNAM PAR RIG BYED NI ZHES BYA BA LA NI ZHES BYA BA'I SGRA NI KHYAD PAR DU BYA BA YIN TE, JI LTAR LUS KYI RNAM PAR RIG BYED DBYIBS KYI BDAG NYID YIN PA LTAR NGAG GI RNAM PAR RIG BYED NI MA YIN NO, ,'O NA CI ZHE NA, NGAG GI BDAG NYID KYI SGRA STE YI GE'I BDAG NYID KYI SGRA'O ZHES BYA BA'I THA TSIG GO, ,RNAM PAR RIG BYED MA YIN PA NI SNGAR BSHAD PA KHO NA YIN NO ZHES BYA BA NI, DE DAG RNAM RIG RNAM RIG MIN, ,ZHES BSHAD PA DE LA RNAM PAR RIG BYED NI BSHAD ZIN PA YIN NO, ,RNAM PAR RIG BYED MA YIN PA BRJOD PAR BYA DGOS NA, DE YANG GONG DU BSHAD ZIN PA NYID DE, RNAM PAR G-YENG SEMS MED PA'I YANG, ,ZHES 'BYUNG BA'I PHYIR RO, ,DE YANG RDZAS SU MED DE ZHES BYA BA NI RNAM PAR RIG BYED MA YIN PA DE YANG RDZAS SU MED DO, ,YANG ZHES BYA BA'I SGRA NI RNAM PAR RIG BYED 'BA' ZHIG TU MA ZAD KYI ZHES BYA BA YIN NO, ,KHAS BLANGS NAS MI PHYED PA TZAM YIN PA'I PHYIR ZHES BYA BA NI MDO SDE PA RNAMS NA RE DUS 'DI NAS BZUNG STE, SROG GCOD PA LA SOGS PA SPONG NGO ZHES KHAS BLANGS NAS DE PHYIN CAD DE DAG MI BYED PA TZAM LA RNAM PAR RIG BYED MA YIN PA ZHES BYA BAR ZAD PAS DE LTAR NA RDZAS SU MED DO ZHES ZER RO, ,DE DAG KYANG RANG GI NGO BO MED PA'I PHYIR ZHES BYA BA NI 'DAS PA'I 'BYUNG BA CHEN PO DE DAG KYANG DA LTAR BYUNG BA LTA BUR RANG GI NGO BOR MED DE, 'DI NI MDZOD KYI GNAS LNGA PA NAS KYANG STON PAR 'GYUR RO, ,MED PA DAG NI JI LTAR NA 'DI'I RTEN YIN TE, DE BAS NA RDZAS SU MED DO, ,GZUGS KYI MTSAN NYID MED PA'I PHYIR, ,ZHES BYA BA NI, GZUGS KYI MTSAN NYID NI GZUGS SU RUNG BA ZHES BYA BA YIN NA, THOGS PA MED PA'I PHYIR DE YANG 'DI LA MED DE DE LTA BAS NA RDZAS SU MED DO, ,RNAM PA GSUM ZHES BYA @8A *, ,BA RGYAS PAR 'BYUNG BA NI, DE NI RNAM PA GSUM DANG DRI MA MED PA YIN PAS NA, RNAM GSUM DRI MED GZUGS TE DE GSUNGS PA'O, ,MA BYAS LAM ZHES BYA BA NI MA BYAS PA'I LAM STE GZHAN LA BYED DU BCUG GI BDAG NYID KYIS MA BYAS PA'I LAS KYI LAM ZHES BYA BA'I THA TSIG GO, , 'DI DAG LA GZUGS RNAM PA GSUM DANG, DRI MA MED PA GSUNGS PA DANG, 'PHEL BA DANG, MA BYAS PA'I LAM LA SOGS PA YOD PAS NA RGYU 'DI DAG NI, RNAM GSUM DRI MED GZUGS GSUNGS DANG, ,'PHEL DANG MA BYAS LAM STZOGS YIN TE, SOGS PA ZHES BYA BA'I SGRAS NI DGE SLONG CHOS NI ZHES BYA BA 'DIR GZUGS CAN MA YIN PA'O ZHES MA GSUNGS PA DANG 'PHAGS PA'I LAM YAN LAG BRGYAD PAR GSUNGS PA DANG, SO SOR THAR PA'I SDOM PA DANG, CHU LON DU GSUNGS PA BSDU BA'O, ,GZUGS KYIS GZUGS BSDUS PA ZHES BYA BA NI, GZUGS KHO NAS GZUGS BSDUS PA YIN GYI TSOR BA LA SOGS PA GZHAN DAG GIS NI MA YIN PA'O, ,BSTAN DU YOD LA THOGS PA DANG BCAS PA'I GZUGS KYANG YOD CES BYA BA NI MIG GI RNAM PAR SHES PAS RNAM PAR SHES PAR BYA BA'I GZUGS GANG YIN PA'O, ,BSTAN DU MED LA THOGS PA DANG BCAS PA'I GZUGS KYANG YOD CES BYA BA NI MIG LA SOGS PA GZUGS CAN GYI SKYE MCHED GANG DAG YIN PA'O, ,BSTAN DU YANG MED LA THOGS PA YANG MED PA NI YID KYI RNAM PAR SHES PAS RNAM PAR SHES PAR BYA BA CHOS KYI SKYE MCHED KYIS BSDUS PA RNAM PAR RIG BYED MA YIN PA GANG YIN PA'O, ,RNAM PAR RIG BYED MA YIN PA MA GTOGS PAR ZHES BYA BA RGYAS PAR 'BYUNG BA NI RNAM PAR RIG BYED MA YIN PA MA GTOGS PA BSTAN DU MED LA THOGS PA MED PA'I GZUGS BSDU BA'I MDO LAS BSHAD PA GANG YIN PA MED DO, ,ZAG PA MED PA'I GZUGS KYANG MED DE DE RNAM PAR RIG BYED MA YIN PA MA GTOGS PA ZHES BYA BAR SBYAR TE, LAM GYI BDEN PA LA SNYOMS PAR ZHUGS PA'I LUS DANG NGAG GI RNAM PAR RIG BYED KYI GZUGS YIN PAR NI RIGS PA MA YIN NO, ,RDZAS LAS BYUNG BA'I BSOD NAMS BYA BA'I DNGOS PO BDUN ZHES BYA BA LA, RDZAS NI KUN DGA' RA BA DANG, ,GTZUG LAG KHANG LA SOGS @8B PA'O, ,DE LAS BYUNG BAS NA RDZAS LAS BYUNG BA'O, ,RDZAS DE MED PA NI RDZAS LAS BYUNG BA MA YIN PA'O, ,RTAG TU ZHES BYA BA NI YANG DANG YANG DU'O, ,RGYUN MI 'CHAD PA NI BAR CHAD MED PA'O, ,'DIR MDO NI BCOM LDAN 'DAS YUL KOO SH'AMB'I NA DBYANGS LEN GYI KUN DGA' RA BA NA BZHUGS SO, ,DE NAS TSE DANG LDAN PA SKUL BYED BCOM LDAN 'DAS GAL BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL NAS PHYOGS GCIG TU 'DUG STE, BCOM LDAN 'DAS LA TSE DANG LDAN PA SKUL BYED KYIS 'DI SKAD CES GSOL TO, ,BTZUN PA RDZAS LAS BYUNG BA'I BSOD NAMS BGYI BA'I DNGOS PO 'BRAS BU CHE BA PHAN YON CHE BA, GZI BRJID CHE BRGYA CHE BA GDAGS PA MCHIS LAGS SAM, BCOM LDAN 'DAS KYIS DE LA SKUL BYED YOD DO ZHES BKA' STZAL TO, ,SKUL BYED BDUN PO 'DI DAG NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA NAS RGYA CHE BA'I BAR DAG YIN TA; DE DAG DANG LDAN PA'I DAD PA'I RIGS KYI BU 'AM RIGS KYI BU MO NI RGYU YANG RUNG 'DUG KYANG RUNG NYAL YANG RUNG MI NYAL YANG RUNG STE RTAG TU RGYUN MI 'CHAD PAR BSOD NAMS MNGON BAR 'PHEL PAR 'GYUR ZHING BSOD NAMS NYE BAR SKYE BA KHO NAR 'GYUR RO, ,BDUN GANG ZHE NA, SKUL BYED 'DI NI DAD PA'I RIGS KYI BU 'AM RIGS KYI BU MO PHYOGS BZHI'I DGE SLONG GI DGE 'DUN LA KUN DGA' RA BA 'BUL BAR BYED DE SKUL BYED 'DI NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA NAS RGYA CHE BA'I BAR DANG PO YIN TE, DE DANG LDAN PA'I DANG PA'I RIGS KYI BU 'AM RIGS KYI BU MO ZHES BYA BA RGYAS PAR BSOD NAMS NYE BAR SKYE BA KHO NAR 'GYUR ZHES BYA BA'I BAR YIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO KUN DGA' RAB DE NYID DU GTZUG LAG KHANG RTZIG PAR BYED DE, 'DI NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA GNYIS PA YIN PA ZHES BYA BA NAS NYE BAR SKYE BA KHO NAR 'GYUR ZHES BYA BA'I BAR YIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO GTZUG LAG KHANG DE NYID DU MAL CHA DANG STAN 'DI LTA STE, KHRI DANG KHRI'U DANG STAN NANG TSANGS CAN DANG LA BA DANG SNGAS DANG STAN GOR BU DAG 'BUL PAR BYED DE, SKUL @9A *, ,BYED 'DI NI RDZAS LAS BYUNG BA'I BSOD NAMS BYA BA'I DNGOS PO GSUM PA YIN ZHES BYA BSNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO GTZUG LAG KHANG DE NYID DU MCHOD SBYIN RJES SU MTHUN PA'I 'TSO BA NAR MAR 'BUL BAR BYED DE, SKUL BYED 'DI NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA BZHI PA YIN NO ZHES BYA BA SDA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO GLO BUR DU 'ONGS PA DANG 'GRO BA LA SBYIN PA SBYIN PAR BYED DE, SKUL BYED 'DI NI RDZAS LAS BYUNG BA'I BSOD NAMS BYA BA'I DNGOS PO LNGA PA YIN NO ZHES BYA BA SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO NAD PA DANG NAD G-YOG LA SBYIN PA SBYIN PAR BYED DE, 'DI NI RDZAS LAS BYUNG BA'I BSOD NAMS BYA BA'I DNGOS PO DRUG PA YIN ZHES BYA BA SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO LHAGS PA 'AM YUL NGAN NAM RLUNG MO CHE 'AM CHAR 'BAB PA GANG DAG BYUNG NA LHAGS PA NAS CHAR 'BAB PA'I BAR DE LTA BU DAG GI TSE SKYOB PA 'AM THUG PA RNAM PA SNA TSOGS RNAM PA MANG PO DAG BYAS NAS 'PHAGS PA DAG BDAG GI 'DI GSOL LA SKU MA GSHER BA DANG CHOS GOS LA CHAR GYIS MA PHOG PAR BDE BA LA REG PAR BZHUGS SHIG CES DGE 'DUN DAG LA 'BUL BAR BYED DE, SKUL BYED 'DI NI RDZAS LAS BYUNG BA'I BSOD NAMS BYA BA'I DNGOS PO 'BRAS BU CHE BA BDUN PA YIN ZHES BYA BA NAS BSOD NAMS NYE BAR SKYE BA KHO NAR 'GYUR ZHES BYA BA'I BAR SNGA MA BZHIN NO, ,RDZAS LAS BYUNG BA'I BSOD NAMS BYA BA'I DNGOS PO BDUN PO 'DI DAG DANG LDAN PA'I DAD PA'I RIGS KYI BU 'AM RIGS KYI BU MO'I BSOD NAMS NI BSOD NAMS 'DI TZAM ZHIG GO ZHE 'AM 'BRAS BU RNAM PAR SMIN PA 'DI TZAM ZHES TSAD GZUNG DU MED KYI 'ON KYANG BSOD NAMS CHE BA'I PHYIR BSOD NAMS KYI PHUNG PO CHEN PO ZHES BYA BA'I GRANGS SU 'GRO'O ZHES BYA BA DE LTA BU LA SOGS PA YIN NO, ,LAN GNYIS KYI BAR DU YANG BCOM LDAN 'DAS LA TSE DANG LDAN PA SKUL BYED KYIS 'DI SKAD CES GSOL TO, ,BTZUN PA RDZAS LAS BYUNG BA MA LAGS PA'I BSOD NAMS BGYI BA'I DNGOS PO 'BRAS BU @9B CHE BA NAS RGYA CHE BA'I BAR GDAGS SU MCHIS LAGS SAM, BCOM LDAN 'DAS KYIS DE LA SKUL BYED GDAGS SU YOD DO ZHES BKA' STZAL TO, ,SKUL BYED BDUN PO 'DI DAG NI RDZAS LAS BYUNG BA MA YIN PA'I BSOD NAMS BYA BA'I DNGOS PO YIN TE, DE DAG DANG LDAN PA'I DAD PA'I RIGS KYI BU 'AM RIGS KYI BU MO NI RGYU YANG RUNG 'DUG KYANG RUNG ZHES BYA BA RGYAS PAR BSOD NAMS NYE BAR SKYE BA KHO NAR 'GYUR ZHES BYA BA'I BAR GSUNGS SO, ,BDUN GANG ZHE NA, SKUL BYED 'DI LA DAD PA'I RIGS KYI BU 'AM RIGS KYI BU MO DE BZHIN GSHEGS PA'I NYAN THOS GRONG NGAM ZHING CHE GE MO ZHIG NA RTEN CING BZHUGS SO ZHES THOS SHING THOS NAS KYANG YANG DGA' BA DANG RAB TU DGA' BA RGYA CHE BA DGE BA NGES PAR 'BYUNG BA DANG LDAN PA 'THOB STE SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO DANG PO YIN NO ZHES BYA BA NAS BSOD NAMS NYE BAR SKYE BA KHO NAR 'GYUR RO ZHES BYA BA'I BAR SNGA MA BZHIN NO, ,SKUL BYED GZHAN YANG DAD PA'I RIGS KYI BU DANG RIGS KYI BU MO DE BZHIN GSHEGS PA 'AM DE BZHIN GSHEGS PA'I NYAN THOS TSUR GSHEGS PAR RTZOM PA THOS SHING THOS NAS KYANG YANG DGA' BA DANG RAB TU DGA' BA THOB STE ZHES BYA BA'I BAR SNGA MA BZHIN NO, ,SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO GNYIS PA YIN ZHES BYA BA NAS BSOD NAMS NYE BAR SKYE BA KHO NAR 'GYUR RO ZHES BYA BA'I BAR SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO DE BZHIN GSHEGS PA 'AM DE BZHIN GSHEGS PA'I NYAN THOS DE NYID GRONG NGAM ZHING DE KHO NA'I LAM DU ZHUGS SO ZHES THOS SHING THOS NAS KYANG YANG DGA' BA THOB PO ZHES BYA BA NAS BSOD NAMS NYE BAR SKYE BAR SKYE BA KHO NAR 'GYUR ZHES BYA BA'I BAR SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO DE BZHIN GSHEGS PA 'AM DE BZHIN GSHEGS PA'I NYAN THOS GRONG NGAM ZHING DE NYID DU PHYIN PAR THOS SHING THOS NAS KYANG YANG DGA' BA THOB CES BYA BA SNGA MA BZHIN NO, ,'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO BZHI PA YIN ZHES BYA BA NAS BSOD NAMS NYE BAR SKYE BA KHO NAR 'GYUR ZHES BYA BA'I BAR SNGA @10A *, ,MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO DE BZHIN GSHEGS PA 'AM DE BZHIN GSHEGS PA'I NYAN THOS NYID LTA BA'I PHYIR 'GRO ZHING MTHONG NAS KYANG YANG DGA' BA THOB CES BYA BA SNGA MA BZHIN NO, ,SKUL BYED 'DI NI RDZAS LAS BYUNG BA MA YIN PA BSOD NAMS BYA BA'I DNGOS PO SNGA MA BZHIN ZHES BYA BA NAS BSOD NAMS NYE BAR SKYE BAR 'GYUR ZHES BYA BA'I BAR SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI BU MO DE BZHIN GSHEGS PA 'AM DE BZHIN GSHEGS PA'I NYAN THOS DE NYID LAS CHOS THOS SHING THOS NAS KYANG YANG DGA' BA THOB CES BYA BA SNGA MA BZHIN NO, ,SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO DRUG PO YIN ZHES BYA BA NAS BSOD NAMS NYE BAR SKYE BA KHO NAR 'GYUR ZHES BYA BA'I BAR SNGA MA BZHIN NO, ,SKUL BYED GZHAN YANG DAD PA'I RIGS KYI BU 'AM RIGS KYI DU MO DE BZHIN GSHEGS PA 'AM DE BZHIN GSHEGS PA'I NYAN THOS DE NYID LAS CHOS THOS SHING CHOS THOS NAS KYANG SANGS RGYAS LA SKYABS SU 'GRO, CHOS LA SKYABS SU 'GRO, DGE 'DUN LA SKYABS SU 'GRO LA, BSLAB PA'I GNAS DAG KYANG 'DZIN PAR BYED DE, SKUL BYED 'DI NI RDZAS LAS BYUNG BA MA YIN PA'I BSOD NAMS BYA BA'I DNGOS PO 'BRAS BU CHE BA BDUN PA YIN ZHES BYA BA SNGA MA BZHIN TE, GZHUNG MANG DU DOGS PAS THAMS CAD NI MA BRIS SO, ,LUNG BSGO BA TZAM NI LAS KYI LAM DU MI RUNG STE, SROG GCOD PA LA SOGS PA'I LAS DE MA BYAS PA'I PHYIR RO, ,GAL TE LAS DE BYAS NA DEL[?] LUNG BSGO BA LAS KYI LAM DU 'GYUR RO SNYAM DU SEMS NA, DE'I PHYIR BYAS SU ZIN KYANG DE'I RANG GI NGO BO LA KHYAD PAR MED PA'I PHYIR ZHES BYA BA SMOS TE, GZHAN GYI LAS DE BYAS SU ZIN KYANG LUNG BSGO BA DE LA NI GANG GIS NA DE'I TSE LAS KYI LAM DU 'GYUR BA RANG GI NGO BO LA KHYAD PAR CUNG ZAD KYANG MED DO, ,DE LTA BAS NA SNGA MA BZHIN DU DE'I RANG GI NGO BO LA KHYAD PAR MED PA'I PHYIR JI LTAR SNGAR GYI LAS KYI LAM DU RNAM PAR MI GZHAG PA LTAR PHYIS KYANG DE KHO NA DANG 'DRA'O, ,DE BAS NA DE'I TSE LAS KYI LAM GYIS BSDUS PA SKYE BA GANG YIN PA DE YOD DO ZHES BYA BAR KHAS BLANG BAR BYA DGOS SO, ,SKYE MCHED GCIG GIS MA BSDUS PA ZHES BYA @10B BA NI CHOS KYI SKYE MCHED MA GTOGS PA DAG GIS SO, ,NGAG DANG LAS KYI MTHA' DANG, 'TSO BA RNAMS MA RUNGS PA'I PHYIR RO ZHES BYA BA NI 'DI DAG RNAM PAR RIG BYED KYI NGO BO NYID NI MI SRID PA'I PHYIR RO ZHES BYA BA'I THA TSIG GO, ,'O NA 'DI SKAD DU GANG GSUNGS SO ZHES BYA BA RGYAS PAR 'BYUNG BA LA 'DI'I 'BREL PA GANG ZHE NA, JI STE KHYED GAL TE RNAM PAR RIG BYED MA YIN PA MED PAR GYUR NA DE NA RNAM PAR RIG BYED NI MED PA'I PHYIR 'PHAGS PA'I LAM YAN LAG BRGYAD PAR YANG MI 'GYUR TE, DE LTA BAS NA RNAM PAR RIG BYED MA YIN PA NI YOD DO ZHES BYA BAR 'DOD NA, 'O NA CI'I PHYIR 'DI SKAD DU GANG GSUNGS SO ZHES BYA BA NAS RGYAS PAR YANG DAG PA'I TING NGE 'DZIN ZHES BYA BA'I BAR RGYAS PAR BRJOD NAS 'DI SKAD DU 'DI'I SNGON YONGS SU DAG CES BYA BA THAMS CAD BRJOD DO, ,LAM LA SNYOMS PAR 'JUG PA'I DUS KYI SNGON ROL DU ZHES BYA BA'I THA TSIG STE, DA DAG NI RNAM PAR RIG BYAD KYI GZUGS YIN PAR GSUNGS SO SNYAM DU BSAMS PA YIN NO, ,BYE BRAG TU SMRA BA RNAMS DE NI SNGON 'JIG RTEN PA'I LAM GYIS 'DOD CHAGS DANG BRAL BAR BYAS PA LA DGONGS TE GSUNGS PA YIN NO ZHES LAN 'DEBS PAR BYED DE, DE NI 'JIG RTEN PA'I LAM GYIS 'DOD CHAGS DANG BRAL BA'I GNAS SKABS KYI NGAG LA SOGS PA'I NGO BO NYID KYIS RNAM PAR RIG BYED KYI GZUGS LAS DGONGS NAS GSUNGS PA YIN GYI LAM GYI TSE DES BSDUS PA'I NGAG LA SOGS PA'I RNAM PAR RIG BYED MA YIN PA'I GZUGS MED PA'I PHYIR NI MA YIN NO, ,TING NGE 'DZIN GYI YUL GYI GZUGS ZHES BYA BA NI TING NGE 'DZIN GYI DMIGS PA STE RUS PA'I RUS GONG LA SOGS PA'O, ,YUL LA MI SGRIB PA'I PHYIR NI THOGS MED PA YIN NO ZHES BYA BA NI GZUGS GANG ZHIG YUL LA SGRIB PAR BYED PA NI DE NI THOGS PAR BYED PA DE NI THOGS PA DANG BCAS PA YIN LA BZLOG PA NI THOGS PA MED PA YIN NO ZHES BYA BAR GRUB PO, ,DA NI DE JI LTAR GZUGS YIN SNYAM DU SEMS NA ZHES BYA BA NI GAL TE GZUGS SU BYA BAR MI NUS NA SNYAM DU BSAMS PA YIN NO, ,DE NI RNAM PAR RIG BYED MA YIN PA LA'ANG MTSUNGS TE, KHYED KYI RNAM PAR RIG BYED MA YIN PA YANG YUL LA MI SGRIB PAS 'DRA'O, ,ZAG PA MED PA'I TING NGE 'DZIN LA ZAG PA MED PA YIN NO ZHES BYA BA NI RNAL @11A *, ,'BYOR SPYOD PA LAM MNGON DU BYED PAS DE LTA BU'I BSAM PA DANG RTEN 'THOB STE, GANG ZHIG YOD NA RANG BZHIN GYI TSUL KHRIMS LA GNAS PAR 'GYUR BA YANG DAG PA'I LTA BA LTA BU'I ZAG PA MED PA'I TSUL KHRIMS 'THOB PO, ,YANG NA 'PHAGS PA DE DAG ZAG PA MED PA'I TING NGE 'DZIN GYI TSE GZUGS DE LTA BU DE BZHED PA YIN NO, ,GZHAN DAG NA RE DGRA BCOM PA'I GZUGS DANG PHYI ROL GANG YIN PA'O ZHES ZER RO ZHES BYA BA NI SLOB DPON GZHAN DAG NA RE DGRA BCOM PA'I GZUGS MIG GI SKYE MCHED LA SOGS PA DANG, PHYI ROL GYI RTZIG PA LA SOGS PA GANG YID PA DE NI ZAG PA MED PA'I GZUGS YIN NO ZHES ZER RO, ,CI'I PHYIR ZHE NA, ZAG PA RNAMS KYI RTEN MA YIN PA'I PHYIR TE, DGRA BCOM PA'I RGYUD LA YOD PA 'AM PHYI'I GZUGS NI ZAG PA NYON MONGS PA RNAMS KYI RTEN MA YIN NO, ,GAL TE DE LTAR YIN NA 'O NA GANG MDO LAS KHYAD PAR MED PAR ZAG PA DANG BCAS PA'I CHOS RNAMS GANG ZHE NA MIG JI SNYED PA DANG GZUGS JI SNYED PA DAG YIN NO ZHES RGYAS PAR GSUNGS SO ZHE NA, DE NI ZAG PA RNAMS KYI GNYEN PO MA YIN PA'I PHYIR ZAG PA DANG BCAS PAR GSUNGS PA YIN TE ZAG PA'I GNYEN PO NI SEMS DANG SEMS LAS BYUNG BA'I KHYAD PAR DAG YIN NO, ,'O NA NI RNAM GRANGS KYIS ZHES BYA BA RGYAS PAR 'BYUNG BA NI DGRA BCOM PA 'AM PHYI'I GZUGS DE NYID ZAG PA RNAMS KYI GNYEN PO MA YIN PA'I PHYIR ZAG PA DANG BCAS PA YANG YIN LA ZAG PA RNAMS KYI RTEN MA YIN PA'I PHYIR ZAG PA MED PA YANG YIN NO ZHES BYA BA YIN TE, DE LTAR NA NI MTSAN NYID 'CHOL BAR 'GYUR BAS NYES PA YIN NO, ,GZUGS ZAG PA DANG BCAS PA NYE BAR LEN PAR 'GYUR BA GANG DAG YIN PA ZHES BYA BA NI GZUGS KYI SKYE MCHED CES BYA BA'I THA TSIG STE, RGYAS PAR CHOS ZAG PA DANG BCAS PA NYE BAR LEN PAR 'GYUR BA GANG DAG YIN PA DE DAG NI SEMS KYI THA BA DANG SPAGS PA'I GZHI YIN NO ZHES BYA BA'I BAR GSUNGS PA'I PHYIR GZUGS KYI SKYE MCHED ZAG PA MED PA DE DAG NI YOD DO, ,ZAG PA DANG BCAS PA NYE BAR LEN PAR GYUR PA DE DAG KYANG GANG ZHE NA, SO SO'I SKYE BO'I GZUGS GANG DAG YIN PA STE, ZAG PA RNAMS KYI RTEN YIN PA'I PHYIR DANG, DE'I GNYEN PO @11B MA YIN PA'I PHYIR RO, ,ZAG PA MED PA DAG GANG ZHE NA, DGRA BCOM PA'I DANG, PHYI'I GZUGS RNAMS TE, ZAG PA RNAMS KYI RTEN MA YIN PA'I PHYIR RO, ,YON TAN GYI KHYAD PAR ZHES BYA BA NI BSAM GTAN DANG TSAD MED PA LA SOGS PA'I YON TAN GYI KHYAD PAR RO, ,PHAN BTAGS PA'I KHYAD PAR ZHES BYA BA NI LUS KYI KHA DOG DANG STOBS LA SOGS PA'I KHYAD PAR RO, ,DE LA DMIGS PA ZHES BYA BA RGYAS PAR 'BYUNG BA NI 'DI LA DMIGS PA LEN PA PO DE YOD PAS NA 'DI NI DE LA DMIGS PA'I SBYIN PA'I SEMS PA STE, DE YONGS SU BSGOM PA'I RGYUD YONGS SU 'GYUR BA'I KHYAD PAR PHRA MO 'THOB PAR 'GYUR RO; ,'DI NI CHOS NYID YIN TE ZHES BYA BA NI CHOS RNAMS KYI NUS PA THOG MA MED PA YIN NO, ,JI LTAR 'GYUR ZHES BYA BA NI RGYUD JI LTAR 'BRAS BU SHIN TU MANG PO MNGON PAR BSGRUB PAR 'GYUR SNYAM DU BSAMS PA YIN TE, 'DI LA NI GANG ZHIG YONGS SU SPYAD NAS ZA BA PO RNAMS KYI YON TAN GYI KHYAD PAR DANG, PHAN BTAGS PA'I KHYAD PAR GYIS YID GZHAN DANG LDAN PA'I SBYIN PA PO RNAMS LA YANG ZHES BYA BA NAS RGYAS PAR 'GYUR BA ZHES BYA BA'I BAR RAM, BSOD NAMS NYE BAR SKYE BA KHO NAR 'GYUR ZHES BYA BA'I BAR DU 'GYUR BA LTA BU SBYIN PA PO RNAMS KYIS SBYIN PAR BYA BA DAG YONGS SU SBYOD BA MED DO; ,DE LA DMIGS PA'I SEMS PA LA GOMS PAS ZHES BYA BA NI DE BZHIN GSHEGS PA DANG DE'I NYAN THOS LA DMIGS PA'I SEMS PA LA GOMS PAS GANG GIS NA TSE PHYI MA LA 'BRAS BU CHES MANG PO MNGON PAR BSGRUB NUS PAR 'GYUR BA RGYUD YONGS SU 'GYUR BA'I KHYAD PAR PHRA MO THOB PAR 'GYUR RO, ,RGYU PA DANG 'DUG PA DANG MI NYAL BA LA NI DE LTA BUR YANG RIGS NA NYAL BA LA GO JI LTAR ZHEN, DE'I PHYIR RMI LAM DAG NA YANG DE DAG RJES SU 'BRANG BAR 'GYUR RO ZHES BYA BA SMOS SO, ,BYE BRAG TU SMRA BA RNAM PAR RIG BYED MA YIN PAR SMRA BA LTAR NA RDZAS LAS BYUNG BA MA YIN PA GANG LA RNAM PAR RIG BYED MED KYI THOS NA DGA' BA DANG RAB TU DGA' BA DGE PA THOB PA 'BA' ZHIG TU ZAD PAS DE LA JI LTAR RNAM PAR RIG BYED MA YIN PAR 'GYUR TE NYAN PA PO DE LA NI RNAM PAR RIG BYED DANG TING NGE 'DZIN DAG MED PA'I PHYIR LA RNAM PAR RIG BYED MA YIN PA NA RNAM PAR RIG BYED DAM TING NGE 'DZIN LAS SKYE BAR 'GYUR BAS SO, ,RDZAS @12A *, ,LAS BYUNG BA DAG LA YANG ZHES BYA BA RGYAS PAR 'BYUNG BA NI KUN DGA' RAB 'BUL BA SOGS PA LA YANG DE LA DMIGS PA'I SEMS PA LA GOMS PAR 'GYUR TE, SEMS PA 'DI LA DMIGS PA LEN PA PO YOD PAS ZHES BYA BA SNGA MA BZHIN NO, ,SMRAS PA, GAL TE RDZAS LAS BYUNG BA DAG LA YANG DE LTAR YANG DANG YANG DU DE LA DMIGS PA'I SEMS PA LA SOGS PAS 'GYUR NA 'O NA MDO LAS GANG GSUNGS PA ZHES BYA BA RGYAS PAR SMOS TE, SEMS KYI TING NGE 'DZIN ZHES BYA BA NI BYAMS PA LA SOGS PA DANG MTSUNGS PAR LDAN PA'O, ,SEMS PA'I KHYAD PAR GANG ZHIG YIN ZHES BYA BA NI DE LA DMIGS PA'I SEMS PA MED PA YANG SBYIN PA PO LA YANG BSOD NAMS KYI RGYU MTHUN PA YOD DO ZHES STON PAR BYED DO, ,BYA BA'I 'BRAS BU YONGS SU RDZOGS NA ZHES BYA BA LA BYA BA NI LAS KYI LAM DNGOS LA SBYOR BA YIN NO, ,'BRAS BU NI LAS KYI LAM DNGOS TE DE YONGS SU RDZOGS NA'O, ,TSUL 'DI NYID YIN ZHES BYA BA NI BDAG NYID KYI SBYOR BAS GZHAN DAG LA GNOD PAR BYAS PA'I KHYAD PAR LAS BYED PA PO LA RGYUD YONGS SU 'GYUR BA'I KHYAD PAR SKYE'O ZHES BYA BA THAMS CAD SBYAR RO, ,'BRAS BU LA RGYU BTAGS PA'I PHYIR RO ZHES BYA BA NI RGYUD YONGS SU 'GYUR BA'I KHYAD PAR LAS KYI LAM YIN NO ZHES BYA BA LA RGYUD YONGS SU 'GYUR BA'I KHYAD PAR NI 'BRAS BU YIN LA LAS KYI LAM DU NI RGYU YIN NO, ,LUS DANG NGAG GI SBYOR BA GANG YIN PA DE'ANG SEMS PA'I MTSAN NYID KYI LAS KYI LAM YIN PAS 'BRAS BU DE LAS KYI LAM MO ZHES RGYU NYE BAR BTAGS PA YIN NO, ,LUS DANG NGAG GI NI RGYUD YONGS SU 'GYUR BA'I BYE BRAG DE DAG GI BYA BA'I 'BRAS BU YIN PA'I PHYIR TE LUS DANG NGAG GI BYA BA'I 'BRAS BU YIN PA'I PHYIR RO ZHES BYA BA'I THA TSIG GO, ,DPER NA RNAM PAR RIG BYED MA YIN PAR SMRA BA RNAMS KYI RNAM PAR RIG BYED MA YIN PA LTA BU'O ZHES BYA BA NI DPER NA BYE BRAG TU SMRA BA RNAM PAR RIG BYED MA YIN PAR SMRA BA RNAMS KYI LTAR NA RNAM PAR RIG BYED MA YIN PA NI LAS KYI LAM ZHES BYA STE, 'BRAS BU LA RGYUR BTAGS PA'I PHYIR RO, ,LUS KYI DANG NGAG GI NI DE DAG GI BYA BA'I 'BRAS BU YIN PA'I PHYIR RO ZHES BYA BA LTA BU YIN NO, ,BTZUN PAS RNAM PAR RIG BYED MA YIN PA RDZAS MA YIN NO ZHES BYA BA @12B RNAM PA GZHAN GYIS BSTAN PA'I PHYIR, ZIN PA'I PHUNG PO DAG LA ZHES BYA BA RGYAS PAR SMOS TE DA LTAR GYI PHUNG PO SEMS CAN DU BGRANG BA DAG LA DUS GSUM PA'I SEMS PAS SROG GCOD PA'I KHA NA MA THO BAS GSOD PA PO LA REG PAR 'GYUR RO, ,JI LTAR DUS GSUM PAS REG CE NA, 'DI GANG GI TSE GSAD PAR BYA'O, ,GSOD DO BSAD DO SNYAM DU SEMS PA NA ZHES BYA BA SMOS TE DE LTAR NA 'DIR NI SEMS PA KHO NA LAS YAN PAR BSHAD DO, ,SLOB DPON GYIS BTZUN PA'I GZHUNG LUGS LA LA NI 'DOD LA LA NI MI 'DOD PAR BSTAN PA'I PHYIR, DE TZAM GYIS LAS KYI LAM YONGS SU RDZOGS PA MA YIN GYI ZHES RGYAS PAR SMOS TE, GAL TE 'GA' ZHIG 'DI SKAD DU NGA'I MA 'DI SOD CIG CES SBYOR BAR BYED CING GSHED MA SONG BA DANG, DE 'DI SNYAM DU KYE MA 'DIS BDAG GI MA BSAD DO SNYAM DU SEMS PAR GYUR NA BSAD PAR MNGON PA'I NGA RGYAL BYED PA DE LA MTSAMS MED PA'I LAS SU GYUR PA ZHIG NA DE LTAR YANG MI 'DOD DO, ,DE LTA BAS NA BTZUN PAS BDAG NYID KYIS GSOD NA ZHES KHYAD PAR DU BYAS NAS BRJOD DGOS SO, ,DE NYID KYI PHYIR, BDAG NYID KYIS GSOD BA NA ZHES BYA BA RGYAS PAR SMOS TE, SEMS PA DE SNYED CIG TU KUN 'BYUNG NGO ZHES BYA BA NI GSAD PAR BYA'O, ,GSOD DO, ,BSAD DO SNYAM PA YIN NO, ,RIGS PA'I NGO BO NYID YIN NO ZHES BYA BA NI KHA CIG NA RE REG PA NYID RIGS PA'I NGO BO YIN PAS MING DU GDAGS PA DANG 'DRA BAR RANG GI DON LA NGO BO'I RKYEN YIN TE, DPER NA MING NYID LA MING DU GDAGS PA ZHES BYA BA LTA BU YIN NO ZHES ZER RO, ,YANG NA RIGS PA SHES PA NI RIGS PA'I NGO BO YIN PA'AM 'DI LA RIGS PA'I NGO BOR TE, NGO BO NYID YOD PAS NA RIGS PA'I NGO BO'O, ,DE KHO NA DANG 'DRA BAR MI MNGON PA ZHES BYA BA NI JI LTAR RNAM PAR RIG BYED MA YIN PA RTOGS PAR DKA' BA LTAR RGYUD YONGS SU GYUR PA'I KHYAD PAR YANG DE KHO NA DANG 'DRA'O ZHES BYA BA YIN NO, ,SEMS KYI RGYU LAS BYUNG BA'I LUS KYI SBYOR BAS ZHES BYA BA NI SEMS SNGON DU 'GRO BA CAN GYI LUS KYI SBYOR BAS ZHES BYA BA'I THA TSIG GO, ,DE DAG DANG THA DAD PAR GYUR PA ZHES BYA BA NI LUS DANG SEMS DAG DANG THA DAD PAR GYUR PA'O, ,GANG GIS BYAS PA'I SBYOR BA LAS BYUNG BA ZHES PA NI GANG ZHIG GIS BYAS PA NI GANG GIS BYAS PA'O, ,SBYOR @13A *, ,BA LAS BYUNG BA'I BYA BA YONGS SU RDZOGS PA NI LAS KYI LAM YONGS SU RDZOGS PA STE, SBYOR BAR BYED PA SEMS DANG SEMS LAS BYUNG BA DE KHO NA DE'I RGYU CAN TE, SBYOR BA DE'I RGYU CAN GYI RGYUD YONGS SU 'GYUR BA 'BYUNG NGO ZHES BYA BA NI YONGS SU DGA' BAR 'GYUR TE, KHO BO CAG CES BYA BA TSIG LHAG MA YIN NO SEMS DANG SEMS LAS BYUNG BA'I RGYUD LAS TSE PHYI MA LA 'BRAS BU 'BYUNG BA'I YANG PHYIR GYI RNAM PAR RIG BYED MA YIN PA LAS BYUNG BA'I PHYIR NI MA YIN TE CIS NA YONGS SU DGA' BAR 'GYUR ZHES BYA BAR SBYAR RO, ,RNAM PAR RIG BYED MED PA'I PHYIR RO ZHES BYA BA DE LTA BU LA SOGS PA'O ZHES BYA BA NI KUN NAS SLONG BAR BYED PA'I CHOS MED PA'I PHYIR KUN NAS BSLAD BAR BYA BA'I CHOS MED DO ZHES BYA BA'I THA TSIG GO, ,RNAM PAR RIG BYED RDZAS SU MED DO ZHES BYA BA DE NI BSGRUBS ZIN TO, ,STZOGS PA ZHES BYA BA'I SGRAS NI KHAS BLANGS NAS MI BYED PA'I PHYIR DANG, 'DAS PA'I 'BYUNG BA CHEN PO RNAMS LA YANG BRTEN NAS 'DOGS PA'I PHYIR LA DE DAG KYANG RANG GI NGO BO MED PA'I PHYIR DANG ZHES BYA BA DE LTA BU LA SOGS PA BSDU'O, ,DE NYID CHOS KYI SKYE MCHED DU GTOGS PA MA YIN NO ZHES BYA BA NI BSAM GTAN PA RNAMS KYI TING NGE 'DZIN GYI MTHUS TING NGE 'DZIN GYI GZUGS 'BYUNG BA GANG YIN PA STE; DE NI BSTAN DU MED PA 'ANG YIN LA THOGS PA MED PA YANG YIN NO, ,RE ZHIG KHYOD SMROS SHIG CES BYA BA NI KHYOD CES BYA BA NI MI MTHUN PA YIN NO ZHES 'DON TE MA LA KHYOD JE SMROS SHIG CES BYA BA YIN NO, ,GZHAN DAG NA RE TSUR SHOG JE SMROS SHIG CES BYA BA'I THA TSIG GO ZHES ZER RO, ,DE'I PHYIR RGYU MTSAN LA ZHES BYA BA RGYAS PAR 'BYUNG BA NI GANG GI PHYIR DE LTA YIN PA DE'I PHYIR RGYU MTSAN RNAM PAR RIG BYED MA YIN PA LA RGYU MTSAN CAN YANG DAG PA'I NGAG LA SOGS PA NYE BAR BTAGS NAS RNAM PAR RIG BYED MA YIN PA LA DER BSHAD DE DE YANG DAG PA'I NGAG DANG LAS KYI MTHA' DANG 'TSO BA ZHES BYA BAR BSHAD DO ZHES BYA BA'I THA TSIG GO, ,DE LTA BU'I BSAM PA DANG LUS ZHES BYA BA LA BSAM PA NI SROG GCOD PA LA SOGS PA MI BYED PA'I BSAM PA 'AM DAD PA LA SOGS PA'I BSAM PA'O, ,LUS NI RTEN YONGS SU GYUR PA'O, ,DE'I PHYIR RGYU MTSAN BSAM PA 'AM LUS LA RGYU MTSAN CAN YANG DAG PA'I NGAG LA SOGS BA NYE @13B PAR BTAGS PA BYAS NAS LAM GYI YAN LAG BRGYAD RNAM PAR GZHAG GO, ,DE DAG MI BYED PA TZAM ZHES BYA BA NI LOG PA'I DAG LA SOGS PA MI BYED PA TZAM MO, ,DE GANG ZHE NA, 'DIS 'PHAGS PA'I LAM ZHES BYA BA RGYAS PAR SMOS SO, ,GAL TE MI BYED PA TZAM YAN LAG YIN NA DE JI LTAR ZAG PA MED PA NYID YIN ZHE NA, DE YANG ZAG PA MED PA'I LAM LA BRTEN NAS 'THOB PA'I PHYIR ZAG PA MED PA YIN NO ZHES BYA BA SMOS SO, ,GAL TE MI BYED PA TZAM YAN LAG YIN NA RDZAS SU YOD PA MA YIN PAS JI LTAR YAN LAG BRGYAD YIN ZHE NA, DE'I PHYIR THAMS CAD DU RDZAS SU YOD PA'I CHOS YONGS SU BGRANG BA YANG MA YIN ZHES BYA BA RGYAS PAR SMOS SO, ,CHO GA SNGON DU BTANG BA ZHES BYA BA NI TSUL KHRIMS MNOD PA'I CHO GA SNGON DU BTANG BA'O, ,GAL TA SEMS GZHAN DANG LDAN NAM BSDAMS PAR 'GYUR RO ZHES BYA BA NI GAL TE SEMS PA SDOM PA YIN NA SEMS PA'I SEMS DE LAS GZHAN PA'I SEMS DANG LDAN NA MA BSDAMS PAR 'GYUR TE, DE'I TSE SEMS PA GANG GIS LUS DANG NGAG DAG SDOM PAR BYED PA DE NI MED DO, ,MA YIN TE DE LA GOMS PAS ZHES BYA BA RGYAS PAR 'BYUNG BA NI DE NI DE LTA MA YIN TE DE LA GOMS SHING SEMS DANG SEMS LAS BYUNG BA'I RGYUN GOMS PAS BYA BA'I DUS TE SEMS PA LA SOGS PA'I SEMS NYE BAR GNAS PA NA DRAN PA LA STE, BDAG NI SROG GCOD PA LA SOGS PA SPANGS PA YIN NO SNYAM PA'I DRAN PA NYE BAR GNAS PA'I PHYIR TE SEMS GANG GIS LUS DANG NGAG DAG SDOM PAR BYED DE MNGON DU 'GYUR BA'I PHYIR RO, ,DE LTA BU LO NA'I DON DU DE YANG DAG PAR LEN TO ZHES BYA BA NI CI NAS KYANG MI BYA BAR DAM BCAS PA 'DI RJES SU DRAN NAS 'CHAL BA'I TSUL KHRIMS MI BYA'O ZHES BYA BA YIN NO, ,BRJED NGAS PA 'GAS KYANG TSUL KHRIMS 'DRAL BAR MI 'GYUR RO ZHES BYA BA NI DE'I TSE RNAM PAR RIG BYED MA YIN PA CHU LON LTA BU 'CHAL BA'I TSUL KHRIMS KYI GAGS BYED PA DE YOD PAS SO, ,TSOGS PA DE NYID 'BRAS BU PHRA MO CAN YANG YIN LA 'BRAS BU RAGS PA CAN YANG YIN PAR NI MI RUNG NGO ZHES BYA BA NA RNAM PAR RIG BYED KYI RTEN BA'I SA'I KHAMS LA SOGS PA 'BYUNG BA CHEN PO RNAMS KYI TSOGS PA DE NYID 'BRAS BU RNAM PAR RIG BYED MA @14A *, ,YIN PA BSTAN DU MED CING THOGS PA MED PA CAN YIN PA'I PHYIR 'BRAS BU PHRA MO CAN YANG YIN LA 'BRAS BU RNAM PAR RIG BYED BSTAN DU YOD CING THOGS PA DANG BCAS PA YIN PA'I PHYIR 'BRAS BU RAGS PA CAN YANG YIN PAR MI RUNG NGO, ,DE LTA BAS NA RNAM PAR RIG BYED MA YIN PA NI 'BYUNG BA CHEN PO GZHAN DANG GZHAN DAG KHO NA RGYUR BYAS NAS SKYE'O, ,GANG GI TSE RNAM PAR RIG BYED YOD PA ZHES BYA BA RGYAS PAR 'BYUNG BA GANG GI TSE RNAM PAR RIG BYED 'BYUNG BA NI GANG GI TSE RNAM PAR RIG BYED MA YIN PA SOD[?] PA'O, ,DE LTAR DE'I TSE YOD PA NI 'BYUNG BA CHEN PO STE CI RNAM PAR RIG BYED MA YIN PA DE GANG GI TSE RNAM PAR RIG BYED BYUNG BA DE'I TSE BYUNG BA KHO NA NA 'BYUNG BA CHEN PO DAG RGYUR BYAS NAS SKYE 'AM ZHE NA THAMS CAD CES BYA BA NI RGYUR BYAS PA'I GZUGS RNAM PAR RIG BYED DANG, RNAM PAR RIG BYED MA YIN PA DANG, BSAM GTAN DANG ZAG PA MED PAS BSDUS PA DANG, MIG DANG RNA BA DANG GZUGS DANG SGRA LA SOGS PA THAMS CAD NI DE LTAR DUS MNYAM PA'I 'BYUNG BA CHEN PO DAG KHO NA RGYUR BYAS NAS 'BYUNG NGO, ,PHAL CHER ZHES BYA BA SMOS PA NI 'DOD PA NA SPYOD PA'I RNAM PAR RIG BYED MA YIN PA CUNG ZAD CIG GSAL BA'I PHYIR RO, ,DE NYID KYI PHYIR, DA LTAR DANG MA 'ONGS PA CUNG ZAD CIG NI 'DAS PA'I 'BYUNG BA CHEN PO DAG RGYUR BYAS NAS 'BYUNG ZHES BYA BA SMOS TE, RGYUR BYAS PA'I GZUGS DA LTAR GYI CUNG ZAD CIG NI 'DAS PA'I 'BYUNG BA CHEN PO DAG RGYUR BYAS NAS 'BYUNG LA, RGYUR BYAS PA'I GZUGS MA 'ONGS PA CUNG ZAD CIG NI 'DAS PA'I 'BYUNG BA CHEN PO DAG RGYUR BYAS NAS 'BYUNG NGO, ,RGYUR BYAS PA'I GZUGS DE LTA BU DE YANG GANG ZHE NA BSTAN PA'I PHYIR, 'DOD RTOG RNAM RIG MIN SKAD CIG ,PHYIN CHAD 'DAS PA'I 'BYUNG LAS SKYE, ,ZHES BYA BA SMOS TE, 'DOD PA NA SPYOD PA'I RNAM PAR RIG BYED MA YIN PA NI SDOM PA LA SOGS PA MNOD PA'I TSE LHAN CIG SKYE BA'I 'BYUNG BA CHEN PO DAG RGYUR BYAS NAS 'BYUNG LA, DE BZHIN DU RNAM PAR RIG BYED MA YIN PA GZHAN YANG DE DAG KHO NA RGYUR BYAS NAS 'BYUNG NGO, ,'DI LTAR DE DAG NI 'DI'I GZHI'I DON DU 'GYUR TE, JI LTAR RGYUR BYAS PA'I GZUGS GZHAN DAG GI GZHI DA LTAR BYUNG BA'I 'BYUNG BA CHEN PO RNAMS YIN @14B PA DE BZHIN DU DE'I RTEN NI 'DAS PA RNAMS YIN NO, ,'JUG PA DANG RJES SU 'JUG PA'I RGYU YIN PA'I PHYIR GO RIMS BZHIN ZHES BYA BA NI 'DAS PA'I 'BYUNG BA CHEN PO DAG NI 'JUG PA'I RGYU YIN ZHING 'PHEN PA'I RGYU YIN PA'I PHYIR GZHI'I DON DU 'GYUR RO, ,DA LTAR BYUNG BA'I LUS GYI 'BYUNG BA CHEN PO DAG NI RJES SU 'JUG PA'I RGYU YIN ZHING RTEN PAR BYED PA'I RGYU YIN PA'I PHYIR RTEN GYI DON DU 'GYUR RO, ,'KHOR LO BZHIN ZHES BYA BA NI JI LTAR 'KHOR LO LAG PAS 'DRIL BA DE LTA BU NI 'DI'I 'JUG PA'I RGYU YIN NO, ,JI LTAR SA'I PHYOGS DE LTA BU NI RJES SU 'JUG PA'I RGYU YIN NO, ,DUS NGES PA DRIS NAS YANG GANG LA YOD PA'I ZHES BYA BA RGYAS PAR SA NGES PAR 'DRI STE, BSAM GTAN BZHI PA'I SA'I BAR DU ZHES BYA BA NI GZUGS MED PA DAG NA 'BYUNG BA DANG 'BYUNG BA LAS GYUR PA MED PA'I PHYIR RO, ,KHAMS SU MA GTOGS PA'I PHYIR ZHES PA NI ZAG PA MED PA'I LUS DANG DAG GI LAS NI KHAMS DANG LDAN PA MA YIN PA'I PHYIR NGES PA MED DO SNYAM DU BSAMS PA YIN NO, ,'O NA CI'I PHYIR ZAG PA MED PA'I 'BYUNG BA CHEN PO RNAMS RGYUR BYAS NAS MI 'BYUNG ZHE NA, DE'I PHYIR, ZAG PA MED PA RNAMS LAS 'BYUNG BA DAG MED PA'I PHYIR ZHES BYA BA SMOS SO, , YANG 'DI LA 'BYUNG BA CHEN PO DAG GIS BYAR CI YOD SNYAM NA, DE'I PHYIR DE'I STOBS KYIS SKYE BA'I PHYIR RO ZHES BYA BA SMOS TE 'BYUNG BA'I STOBS KYIS BSKYED PA'I PHYIR RO ZHES BYA BA'I THA TSIG GO, ,JI STE DE SKYE BA CI'I PHYIR SEMS KYI STOBS KHO NAS MI 'GYUR ZHE NA, RGYUR BYAS PA'I GZUGS MA YIN PA NYID DU THAL BAR 'GYUR BA'I PHYIR RO, ,RNAM RIG BYED MIN MA ZIN DANG, ,ZHES BYA BA NI LUS CAN MA YIN PAS SEMS DANG SEMS LAS BYUNG BA'I RTEN GYI DNGOS POR MI RUNG BA'I PHYIR RO, ,RGYU MTHUN LAS BYUNG ZHES BYA BA NI DGE BA DANG MI DGE BA YIN PA'I PHYIR RNAM PAR SMIN PA LAS SKYES PA NI MA YIN TE, RNAM RIG MIN LUNG BSTAN MAN MED, ,CES 'BYUNG BA'I PHYIR RO, ,RNAM PAR SMIN PAS YANG, RNAM SMIN LUNG DU MA BSTAN CHOS, ,ZHES 'BYUNG BAS LUNG DU MA BSTAN PA YIN PA'I PHYIR RO, ,BSAGS PA MED PA'I PHYIR DANG RGYAS PA LAS BYUNG BA YANG MA YIN PAS SHUGS KYIS NA @15A *, ,GYU MTHUN PA LAS BYUNG BA YIN NO, ,SEMS CAN GYI RGYUD DU GTOGS PA'I PHYIR SEMS CAN DU STON PA YIN NO, ,RGYU MTHUN ZIN PA'I 'BYUNG LAS SKYE, ,ZHES BYA BA NI RGYU MTHUN PA DANG ZIN PA'I 'BYUNG BA CHEN PO LAS SKYE BA YIN TE, KUN NAS SLONG BAR BYED PA'I SEMS LA LTOS PA'I PHYIR DANG, MNYAM PAR MA BZHAG PA'I SEMS KYI RNAM PAR RIG BYED KYI SKABS YIN PA'I PHYIR NYID DANG TING NGE 'DZIN GYIS RGYAS PAR BYAS PA'I 'BYUNG BA CHEN PO LAS SKYES PA MA YIN NO, ,DE NYID KYI PHYIR RNAM PAR SMIN PA'I 'BYUNG BA CHEN PO LAS SKYES PA YANG YIN NO, ,TING NGE 'DZIN SKYES ZHES BYA BA RGYAS PAR 'BYUNG BA NI BSAM GTAN DANG ZAG PA MED PA'I SDOM PA'I RNAM PAR RIG BYED MA YIN PA ZAG PA DANG BCAS PA DANG ZAG PA MED PA'I TING NGE 'DZIN LAS SKYES PA'I PHYIR TING NGE 'DZIN LAS SKYES PA ZHES BYA'O, ,MA ZIN PA'I 'BYUNG BA CHEN PO DAG RGYUR BYAS NAS ZHES BYA BA NI MNYAM PAR GZHAG PA'I SEMS KYI DBANG GIS LUS DE LA SEMS KYI RJES SU 'JUG PA 'BYUNG BA'I PHYIR TE ZIN PA'I 'BYUNG BA CHEN PO RNAMS NI 'GOG PA'I SNYOMS PAR 'JUG PA LA SOGS PA'I GNAS SKABS DAG NA SEMS MED PAR YANG 'BYUNG NGO, ,TSIG KYAL PA SPONG BA'I BAR DU ZHES BYA BA LA, BAR DU ZHES BYA BA'I SGRAS NI MA BYIN PAR LEN PA DANG 'DOD PAS LOG PAR G-YEM PA DANG, BRDZUN DU SMRA BA DANG, PHRA MA DANG, NGAG RTZUB PO DANG TSIG KYAL PA SPONG BA BSDU'O, ,SEMS BZHIN DU 'BYUNG BA THA MI DAD PA'I PHYIR RO ZHES BYA BA NI JI LTAR DE SKYED PAR BYED PA'I SEMS THA DAD BA MA YIN PA DE BZHIN DU DE SKYED PAR BYED PA'I 'BYUNG BA RNAMS KYANG THA MI DAD PA KHO NA YIN NO, ,'BYUNG BA CHEN PO DAG NI RTEN GYI DON GYIS RNAM PAR RIG BYED MA YIN PA'I GZHIR GYUR PA MA YIN NO, ,'O NA CI ZHE NA, DE 'JUG PAR BYED PA'I DON GYIS TE, DE LTA BAS NA 'BYUNG BA THA MI DAD PA LAS SKYE'O ZHES SMOS PA 'GAL BA MED DO, ,SO SOR THAR PA'I SDOM PA NI 'BYUNG PA GZHAN DANG GZHAN DAG CES BYA BA NI SEMS KYI RJES SU 'JUG PA MA YIN PA'I PHYIR RO, ,RNAM PAR RIG BYED NI RGYU MTHUN PA LAS BYUNG BA STE ZHES BYA BA NI 'PHEN PA'I DBANG GIS RJES SU 'JUG PA'I PHYIR RO, ,LUS KYI NI ZIN PA YIN NO ZHES BYA BA NI @15B NGAG GI NI MA YIN NO ZHES BYA BA'I THA TSIG STE, LUS KYI NI LUS KYI 'BYUNG BA CHEN PO DANG THA MI DAD PAR 'JUG PA'I PHYIR LA DE'I RTEN 'BYUNG BA CHEN PO RNAMS KYANG ZIN PA YIN PAS SO, ,NGAG GI MA YIN TE, DE DAG DANG THA DAD PAR 'JUG PA'I PHYIR RO, ,'DIR 'DI NI BSTAN BCOS DANG 'GAL BA YIN TE; 'DI SKAD DU, DGE BSNYEN GYI BSLAB PA'I GZHI GANG DAG YIN PA DE DAG LAS ZIN PA NI DU, MA ZIN PA NI DU ZHE NA, SMRAS PA, THAMS CAD MA ZIN PA YIN NO ZHES BSHAD DO ZHES RGOL BAR BYED NA, DE SKAD DU BSTAN BA NI RNAM PAR RIG BYED MA YIN PA'I MTSAN NYID KYI BSLAB PA'I GZHI LAS DGONGS TE, GSUNGS PA'I PHYIR RAM, PHAL CHE BA BSTAN PA YIN PA'I PHYIR NYES PA MED DO, ,YANG RGYUN CHAGS PA'I PHYIR 'DI BYE BRAG TU SMRA BA MA YIN PAR 'GYUR RO ZHES BYA BA NI DBYIBS GCIG SKYES NA DBYIBS CIG SHOS LDOG PA MED PA'I PHYIR RO, ,JI LTAR ZHES BYA BA RGYAS PAR DBYIBS GNYIS 'GRUB BAR 'GYUR ZHES BYA BA'I BAR 'BYUNG BA NI PHAN TSUN GO SKABS MI 'BYED PA'I PHYIR RO, ,DE'I 'BYUNG BA CHEN PO DAG GIS MNGON PAR KHYAB PA'I PHYIR ZHES BYA BA NI RNAM PAR RIG BYED KYI RTEN GYI 'BYUNG BA CHEN PO DAG GIS LUS MNGON PAR KHYAB PA'I PHYIR RO, ,RNAM PAR RIG BYED KYI 'BYUNG BA CHEN PO DAG GIS MA KHYAB PAR 'DUG GO ZHES BRJOD PAR NI NUS PA MA YIN NO, ,MNGON PAR MA KHYAB NA NI JI LTAR NA YAN LAG ZAD PAR GYI RNAM PAR RIG PAR BYED PAR 'GYUR, 'DI LUS KYI PHYOGS GCIG GIS RNAM PAR RIG BYED KYI LUS THAMS CAD KYIS NI MA YIN PAS LUS DE RNAM PAR RIG BYED KYI RTEN GYI 'BYUNG BA CHEN PO DAG GIS MA KHYAB PAR 'DUG GO ZHES BRJOD PAR NI NUS PA MA YIN NO, ,LUS LA GSEB YOD PA'I PHYIR DE DAG GI GO SKABS YOD DO ZHES BYA BA NI MNGON PAR KHYAB TU ZIN KYANG YAN LAG CHEN POR MI 'GYUR TE, LUS LA G-SEB YOD PA NYID KYIS G-SEB TU ZHUGS PA'I PHYIR RO, ,'O NA NI YAN LAG DE MKHREGS PA 'AM LCI BAR 'GYUR RO ZHE NA MI 'GYUR TE, PHRA BA'I PHYIR RO, ,RNAM PA GNYIS DANG RNAM PA GSUM DANG RNAM PA LNGAR BSHAD CES BYA BA NI DE NI SEMS PA DANG DES BYAS ZHAS 'BYUNG BA'I PHYIR RNAM PA GNYIS SU BSHAD PA YIN NO, ,SEMS PA 'DI[?] KYI LAS @16A *, ,YIN NO, ,DES SKYED LUS DANG NGAG GI LAS, ,ZHES 'BYUNG BA'I PHYIR RNAM PA GSUM DU BSHAD PA YIN NO LO, ,DE DAG RNAM RIG RNAM RIG MIN, ,ZHES 'BYUNG BAS LUS DANG NGAG GI LAS RNAM PAR RIG BYED DANG, RNAM PAR RIG BYED MA YIN PA THA DAD PA'I PHYIR DANG, LNGA PA YID KYI LAS YIN PA'I PHYIR RNAM PA LNGAR BSHAD PA YIN NO, ,RNAM RIG MIN LUNG BSTAN MIN MED, ,CES BYA BA NI DON GYIS NA RNAM PAR RIG BYED MA YIN PA NI DGE BA DANG MI DGE BA KHO NA YIN NO ZHES BSHAD PAR 'GYUR RO, ,LAS STOBS DANG LDAN PA ZHES BYA BA NI, RNAM PAR RIG BYED MA YIN PA'I MTSAN NYID DO, ,YANG GI SGRAS NI 'DOD PA NA YANG YOD DO ZHES BYA BA NI YANG ZHES BYA BA'I SGRA'ANG ZHES BYA BA'I SGRA'I DON YIN PAS NI 'DOD PA'I KHAMS NA YOD PA 'DREN PAR BYED DO, ,ZAG PA MED PA'I RNAM PAR RIG BYED MA YIN PA BZHIN NO ZHES BYA BA NI DPER NA RE ZHIG ZAG PA MED PA'I RNAM PAR RIG BYED MA YIN PA LA ZAG PA MED PA'I 'BYUNG BA DAG MED MOD KYI 'ON KYANG DE NI SA GANG DU SKYES TE DE SKYED PAR BYED PA DE'I SA PA'I 'BYUNG BA CHEN PO RNAMS RGYUR BYAS NAS SKYE BA DE BZHIN DU RE ZHIG GZUGS MED PA NA SPYOD PA'I 'BYUNG BA CHEN PO DAG KYANG MED MOD KYI 'ON KYANG SA GANG DU SKYES TE GZUGS MED PA SKYED PAR BYED PA DE'I SA PA'I 'BYUNG BA RNAMS RGYUR BYAS NAS GZUGS MED PA NA SPYOD PA'I RNAM PAR RIG BYED MA YIN PA SKYE BAR 'GYUR RO ZHE NA MA YIN TE, KHAMS SU MA GTOGS PA'I PHYIR RO ZHES BYA BA NI DE DANG MI 'DRA BA'I PHYIR MA YIN TE, 'DI LTAR ZAG PA MED PA'I RNAM PAR RIG BYED MA YIN PA NI 'DOD PA DANG, GZUGS DANG, GZUGS MED PA NA SPYOD PA'I SRED PA DAG GIS BDAG GIR MA BYAS PA'I PHYIR KHAMS SU MA GTOGS PA YIN NO, ,DE LA NI KHAMS SAM SA'I SGO NAS KYANG RUNG STE, 'BYUNG BA CHEN PO SKAL BA MNYAM PA 'ANG MED LA SKAL BA MI MNYAM PA DAG KYANG MED PA NYID DE DE'I PHYIR GANG DU SKYES PA DE NA YOD PA'I 'BYUNG BA CHEN PO RNAMS RGYUR BYAS NAS SKYE'O, ,GZUGS MED PA NA SPYOD PA'I RNAM PAR RIG BYED MA YIN PA NI SKAL BA MI MNYAM PA 'DOD PA DANG GZUGS NA SPYOD PA'I 'BYUNG BA RGYUR BYAS NAS SKYE BAR 'ONGS PA MA YIN TE, KHAMS @16B GSUM PA'I PHYIR SNYAM DU BSAMS PA YIN NO, ,GZHAN YANG GZUGS THAMS CAD LA RGYAB KYIS PHYOGS PA'I PHYIR YANG GZUGS MED PA'I SNYOMS PAR 'JUG PA'I GZUGS BSKYED PAR MI NUS KYI GZUGS KYI SA PA'I ZAG PA MED PA'I SNYOMS PAR 'JUG PAS NI GZUGS BSKYED PAR NUS TE; RNAM PAR RIG BYED MA YIN PA BSKYED PA ZHES BYA BA'I THA TSIG GO, ,CI'I PHYIR ZHE NA, GZUGS THAMS CAD LA RGYAB KYIS PHYOGS PA'I PHYIR RO SNYAM DU BSAMS PA YIN NO, ,YANG JI LTAR GZUGS MED PA'I SNYOMS PAR 'JUG PA GZUGS THAMS CAD LA RGYAB KYIS PHYOGS PA YIN ZHE NA, DE'I PHYIR GZUGS KYI 'DU SHES DANG BRAL BA'I PHYIR RO ZHES BYA BA SMOS TE, GZUGS KYI 'DU SHES DANG BRAL BAR 'GYUR BA'I PHYIR RO ZHES BYA BA'I THA TSIG GO, ,TSUL KHRIMS NI 'CHAL PA'I TSUL KHRIMS KYI GNYEN PO YIN LA ZHES BYA BA RGYAS PAR 'BYUNG BA NI 'DOD PA NA SPYOD PA'I 'CHAL BA'I TSUL KHRIMS NI MI DGE BAS KUN NAS SLONG BA'I PHYIR DE'I GNYEN PO GZUGS KYIS PA'I TSUL KHRIMS RNAM PAR RIG BYED MA YIN PA'I MTSAN NYID YIN NO ZHES BYA BA NI RUNG NGO, ,GAL TE GZUGS MED PA NA SPYOD PA YANG DE DANG 'DRA BAR 'GYUR RO ZHE NA, DE'I PHYIR GZUGS MED PA RNAMS NI 'DOD PA'I KHAMS NAS ZHES BYA BA RGYAS PAR SMOS TE, GZUGS MED PA'I KHAMS DAG NI 'DOD PA'I KHAMS NAS RING BA NYID BZHIS RING BA BZHIN NO, ,RING BA'I PHYIR GZUGS MED PAS BSDUS PA'I TSUL KHRIMS NI 'DOD PA'I KHAMS KYI GNYEN PO YIN PAR MI RUNG STE, RING BA NYID BZHI NI GONG DU BSHAD ZIN PAS YANG MI BSHAD DO, ,'DIR DPER BRJOD PA NI GNYEN PO RING BA NYID YIN NO, ,RNAM RIG DPYOD DANG BCAS PA DAG NA ZHES BYA BA NI DPYOD PA DANG BCAS PA'I SA KHO NA DAG NA YOD DO ZHES NGES PAR GZUNG BA'I PHYIR BRTZAMS PA YIN TE, BRTAGS SHING DPYAD NAS TSIG TU SMRA BAS LUS DANG NGAG GI LAS DAG NI RTOG PA DANG DPYOD PA SNGON DU 'GRO BA CAN YIN PA'I PHYIR RO, ,'DOD PA NA YANG BSGRIBS PA MED, ,CES BYA BA NI DPYOD PA MED PA'I SA DAG NA MED PA 'BA' ZHIG TU MA ZAD KYI ZHES BYA BAR STON TE, TSANGS PA'I 'JIG RTEN KHO NA NA YOD DO ZHES BSHAD PA YIN NO, ,DE YAN @17A *, ,CHAD CES BYA BA NI TSANGS PA'I 'JIG RTEN YAN CHAD DO, ,PHYI'I 'BYUNG BA CHEN PO RGYUR BYAS PA ZHES BYA BA NI RLUNG LA SOGS PA'I SGRA'I SKYE MCHED DO, ,'DI NI RNAM PAR RIG BYED KYI SGRA DGAG PA LHUR BYA BAR SMOS PA YIN GYI PHYI'I 'BYUNG BA CHEN PO RGYUR BYAS PA KHO NA YOD PA NI MA YIN TE BSAM GTAN GNYIS PA LA SOGS PA NA NI LAG PA LA SOGS PA'I SGRA YANG SRID DO, ,DE LTA MA YIN NA BSTAN BCOS DANG 'GAL BAR 'GYUR TE, 'DI LTAR BSTAN BCOS LAS NI, GANG ZHIG SGRA'I KHAMS DANG LDAN ZHE NA, SMRAS PA, 'DOD PA DANG GZUGS NA SPYOD PA'O, ,GANG ZHIG MI LDAN ZHE NA SMRAS PA, GZUGS MED PA NA SPYOD PA'O ZHES BSHAD DE, THOB DANG MA THOB RANG RGYUD DU, ,GTOGS PA RNAMS KYI ZHES 'BYUNG BA'I PHYIR SEMS CAN DU MI BGRANG BA'I PHYI ROL GYI DANG NI LDAN PAR RUNG BA MA YIN NO, ,NYES PA 'DI NYID SPANG BA'I PHYIR GZHAN DAG NA RE ZHES BYA BA SMOS TE, BSAM GTAN GNYIS PA LA SOGS PA NA YANG RNAM PAR RIG BYED YOD DO ZHES BYA BA YIN NO, ,GANG GIS PA ZHIG YIN ZHE NA, BSAM GTAN DANG PO'I SA PA'I 'O, ,'DI NI BYE BRAG SMRA BA KHO NA'I PHYOGS YIN PAR ZAD KYI PHYOGS GZHAN NI MA YIN TE, GRUB PA'I MTHA' LAS, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,DE LUNG MA BSTAN NYON MONGS MIN, ,ZHES 'BYUNG BA'I PHYIR RO, ,PHYOGS GZHAN DE BSAM GTAN GNYIS PA LA SOGS PA'I SA PA YIN NO, ,DE YANG CI LUNG DU MA BSTAN PA ZHIG GAM LUNG DU BSTAN PA ZHIG CE NA, DE'I PHYIR MA BSGRIBS LA LUNG DU MA BSTAN PA'I RNAM PAR RIG BYED NI YOD KYI DGE BA'ANG MED LA NYON MONGS PA CAN YANG MED DO ZHES BYA BA SMOS TE, DE NA GNAS PA RNAMS PHAN TSUN KUN DU SMRA BA LA SOGS PA BYED PA NAM BSGRIBS LA LUNG DU MA BSTAN PA'I RNAM PAR RIG BYED 'BYUNG NGO,, ,,BAM PO SUM CU RTZA GCIG PA, CI'I PHYIR DGE BA YANG MED LA NYON MONGS PA CAN YANG MED CE NA, DE DAG TU SKYES PA NI ZHES BYA BA RGYAS PAR SMOS TE, BSAM GTAN GNYIS PA LA SOGS PAR SKYES PA NI SA 'OG MA PA'I SEMS TE SEMS GANG GIS DGE BA'AM NYON MONGS PA CAN @17B GYI RNAM PAR RIG BYED KUN NAS SLONG BAR 'GYUR BA DE LTA BU STE, DGE BA DANG NYON MONGS PA CAN LTA BU MNGON SUM DU MI BYED DO, ,CI'I PHYIR ZHE NA, DMAN PA DANG SPANGS ZIN PA'I PHYIR RO ZHES BYA BA SMOS TE, SA 'OG MA PA'I DGE BA NI DMAN PA'I PHYIR DANG SPANG BA'I PHYIR MNGON DU MI BYED LA, NYON MONGS PA CAN YANG MA YIN PAS SHUGS KYIS NA 'DI SKAD DU SA 'OG MA PA'I SEMS LUNG DU MA BSTAN PA GANG GIS NA DE KUN NAS SLONG BAR BYED PA STE MNGON SUM DU BYED DE ZHES BSHAD PA YIN NO, ,DE BAS NA 'DI SKAD DU SA 'OG MA PA'I RNAM PAR RIG BYED NI SA 'OG MA PA'I SEMS KYIS SLONG BAR BYED DO ZHES BSHAD PA YIN NO, ,BYE BRAG TU SMRA BA RNAMS NI DE DE LTAR MI 'DOD DE RNAM PAR RIG BYED DE BSAM GTAN DANG PO'I SA PA'I SEMS KYIS KUN NAS BSLANG BA'I PHYIR BSAM GTAN DANG PO'I SA PA KHO NA YIN NO ZHE'O, ,DE LTA BAS NA SNGA MA KHO NA BRJOD DO ZHES BYA BA SMOS SO, ,DE YANG 'DOD PA'I KHAMS NA MED DO ZHES BYA BA NI BSGRIBS LA LUNG DU MA BSTAN PA'I SEMS BSGOM PAS SPANG BAR BYA BA DE YANG 'DOD PA'I KHAMS NA MED DE 'DOD PA'I KHAMS NA NI BSGRIBS LA LUNG DU MA BSTAN PA 'JIG TSOGS DANG, MTHAR 'DZIN PAR LTA BA DANG MTSUNGS PAR LDAN PA KHO NA YOD PAR 'DOD LA, KHA NANG DU BLTAS PA YIN PA'I PHYIR DES KYANG RNAM PAR RIG BYED NI KUN NAS SLONG BAR MI BYED DO, ,NGO BO NYID CES BYA BA NI BDAG NYID KYIS SO, ,MCHOG TU BDE PA'I PHYIR ZHES BYA BA NI MI BDE BA DANG RJES SU 'BREL BA DAG KYANG MED PA'I PHYIR TE, NGO BO NYID DANG MTSUNGS PAR LDAN PA DANG KUN NAS SLONG BAS DGE BA GANG YIN PA DE NI MCHOG TU BDE BA YIN NO ZHES BSHAD PA YIN NO, ,DE DAG DANG MTSUNGS PAR MI LDAN PA RNAMS LA DGE BA NYID MED PA'I PHYIR ZHES BYA BA NI DGE BA'I RTZA BA LA SOGS PA DANG MTSUNGS PAR MI LDAN PA'I SEMS LA SOGS PA LA DGE BA NYID MED PA'I PHYIR DE DAG DANG MTSUNGS PAR LDAN PA NI DGE BA NYID YIN BAR GRUB PO, ,DGE BA'I RTZA BA LA SOGS PA DANG MTSUNGS PAR MI LDAN PA'I CHOS DE DAG KHO NA ZHES BYA BA LA SOGS PA ZHES BYA BA'I SGRAS NI NGO TSA SHES PA DANG KHREL YOD PA DAG BSDU'O, ,SMAN DANG SBYAR BA'I BTUNG BA LAS BYUNG BA'I 'O MA BZHIN NO ZHES BYA BA NI SMAN DANG SBYAR BA'I BTUNG BA @18A *, ,'THUNGS PA'I BA LAS BYUNG BA'I 'O MA GANG YIN PA DE NI SMAN DANG SBYAR BA'I BTUNG BA LAS BYUNG BA'I 'O MA'O, ,SKAL BA MI MNYAM PA'I SEMS KYIS KUN NAS BSLANG BA'I THOB PA RNAMS ZHES BYA BA RGYAS PAR 'BYUNG BA NI DGE BA'I THOB PA SKAL BA MI MNYAM PA'I SEMS KYIS KUN NAS BSLANG BA RNAMS SO, ,SKAL BA MI MNYAM PA'I SEMS NI DGE BA LAS GZHAN PA YIN TE, THE TSOM KYIS DGE BA'I RTZA BA'I MTSAMS SBYOR BAR BYED PA NA DGE BA RNAMS KYI THOB PA GANG YIN PA DE DAG RE ZHIG YONGS SU MYA NGAN LAS 'DAS PA BZHIN DU DGE BA NYID MA YIN TE, MCHOG TU BDE BA MA YIN PA'I PHYIR RO, ,MA CHAGS PA LA SOGS PA BZHIN DU NGO BO NYID KYIS DGE BA YANG MA YIN TE, DE'I NGO BO NYID MA YIN PA'I PHYIR RO, ,TSOR BA LA SOGS PA BZHIN DU MTSUNGS PAR LDAN PAS KYANG MA YIN TE, LDAN PA MA YIN PA YIN PA'I PHYIR RO, ,KUN NAS SLONG BA LAS KYANG MA YIN TE, DE KUN NAS SLONG BAR BYED PA'I SEMS NYON MONGS PA CAN YIN PA'I PHYIR RO, ,DE BZHIN DU YANG SRID PAR NYING MTSAMS SBYOR BA'I TSE SKYES NAS 'THOB PA DAG JI LTAR DGE BA NYID YIN PA YANG BRJOD PAR BYA'O, ,JI LTAR DGE BA NYID YIN PA NI BRJOD DGOS SO ZHES BYA BA 'DI NI 'DI LA 'BAD PAR BYA DGOS SO SNYAM DU BSAMS PA YIN NO, ,'DI LA LAN NI DGE BA'I RTZA BAS KUN NAS BSLANG BAR BYA BA YIN PA'I PHYIR DE DAG NI MA 'ONGS PA'I GNAS SKABS NYID NA DGE BA YIN LA NYON MONGS PA CAN GYI SEMS KYIS NI DE DAG GI THOB PA'I GAGS SEL BAR BYED KYI DGE BA NYID DU BYED PA NI MED DO ZHES LAN 'DEBS PAR BYED DO, ,SDUG BSNGAL THAMS CAD 'JUG PA'I BDAG NYID KYIS ZHES BYA BA NI 'DI LA SDUG BSNGAL THAMS CAD 'JUG PA'I BDAG NYID DE NGO BO NYID YOD PAS SDUG BSNGAL THAMS CAD 'JUG PA'I BDAG NYID DO, ,DES NA 'KHOR BA NI DON DAM PAR MI DGE BA YIN NO; ,LUS DANG NGAG GI LAS DANG SKYE BA LA SOGS BA ZHES BYA BA NI LUS DANG NGAG GI LAS RNAM PAR RIG BYED DANG RNAM PAR RIG BYED MA YIN PA'I NGO BO NYID SDOM PA MA YIN PA DANG SDOM PA YANG MA YIN SDOM PA MA YIN PA YANG MA YIN PAS BSDUS PA DANG SKYE BA LA SOGS PA STE, SKYE BA DANG, @18B RGAB[?] DANG, GNAS PA DANG, MI RTAG PA NYID KYI MTSAN NYID DANG, RJES MTSAN NYID KYI NGO BO NYID RNAMS DANG, MI DGE BA DAG GIS THOB PA RNAMS SO, ,NAD DANG MI 'PHROD PA'I SMAN LA SOGS PAS DPER BYA'O ZHES BYA BA NI 'KHOR BA'I DPE NI NAD KYIS BYA STE, 'KHOR BA NI NAD DANG 'DRA'O ZHES BYA BA'I THA TSIG GO, ,CHAGS PA LA SOGS PA'I DPE NI MI 'PHROD PA'I SMAN GYIS BYA STE, GZHAN DANG MTSUNGS PAR LDAN PA DANG KUN NAS BSLANG BA LA MI LTOS PA'I PHYIR RO, ,DE DAG DANG MTSUNGS PAR LDAN PA'I DPE NI MI 'PHROD PA'I SMAN DANG SBYAR BA'I BTUNG BAS BYA'O,, LUS DANG NGAG GI LAS DANG SKYE BA LA SOGS PA DANG THOB PA RNAMS KYI DPE NI MI 'PHROD PA'I SMAN DANG SBYAR BA'I BTUNG BA LAS BYUNG BA'I 'O MAS BYA'O, ,DE LTA NA 'O NA NI ZHES BYA BA NI GAL TE 'KHOR BA DON DAM PAR MI DGE BA YIN NA ZAG PA DANG BCAS PA NI 'KHOR BA'I KHONGS SU GTOGS PA'I PHYIR ZAG PA DANG BCAS PA CUNG ZAD KYANG LUNG DU MA BSTAN PA'AM DGE BAR MI 'GYUR RO ZHE NA, DON DAM PAR DE SKAD DU BSHAD KYI ZHES BYA BA NI 'KHOR BA'I KHONGS SU GTOGS PA THAMS CAD MI DGE BA YIN NO ZHES BYA BA 'DI NI KHAS LEN TO, ,RNAM PAR SMIN PA'I PHYIR ZHES BYA BA RGYAS PAR 'BYUNG BA NI GANG ZHIG 'DI NI RNAM PAR SMIN PA DANG BCAS PA YIN NO ZHES BYA BAR RNAM PAR SMIN PA'I PHYIR LUNG DU MA BSTAN PA DE NI LUNG DU MA BSTAN PA ZHES BYA'O, ,'DI SKAD DU ZAG PA DANG BCAS PA GANG YIN PA DE NI DON DAM PAR MI BDE BA'I PHYIR MI DGE BA YANG YIN LA, RNAM PAR SMIN PA'I PHYIR LUNG DU MA BSTAN PA YANG MA YIN NO ZHES BSHAD PAR 'GYUR RO, ,DGE BA YANG DE KHO NA BZHIN DU MI DGE BA YANG YIN LA RNAM PAR SMIN PA YID DU 'ONG BA CAN YIN PA'I PHYIR DGE BA'ANG YIN NO ZHES BYA BAR KHONG DU CHUD PAR BYA'O, ,GAL TE KUN NAS SLONG BA'I DBANG GIS ZHES BYA BA RGYAS PAR 'BYUNG BA NI SEMS PA KHO NA DGE BA DANG MI DGE BA NYID YIN NO SNYAM PA'I BSAM PA 'DIS LUS DANG NGAG GI LAS KYI DGE BA DANG MI DGE BA NYID SPYOD PA YIN NO, ,CI STE 'BYUNG BA CHEN PO RNAMS MA YIN ZHES BYA BA NI DGE BA DANG MI DGE BA NYID DE, DGE BA DANG MI DGE BA'I SEMS KYIS NI LUS DANG NGAG GI LAS DANG, DE DAG GI 'BYUNG BA @19A *, ,CHEN PO RNAMS KYANG KUN NAS SLONG BAR BYED DO, ,BYE BRAG TU SMRA BAS SMRAS PA, BYED PA PO NI LAS LA SEMS PA YIN GYI, 'BYUNG BA CHEN PO DAG BYA'O SNYAM DU 'BYUNG BA RNAMS LA NI MA YIN NO, ,'O NA CI ZHE NA LAS 'DI BYA'O SNYAM DU SEMS PA YIN PAS 'BYUNG BA CHEN PO RNAMS NI LAS BZHIN DU DGE BA DANG MI DGE BA NYID MA YIN NO, ,SLOB DPON GYIS BSHAD PA MNYAM PAR GZHAG PA'I RNAM PAR RIG BYED MA YIN PA LA NI, BYED PA PO LA RNAM PAR RIG BYED MA YIN PA BYA'O SNYAM DU BSAM PA MED DO, ,MNYAM PAR MA BZHAG PA'I SEMS NI SA'I SGO NAS MNYAM PAR GZHAG PA MA YIN PAS SKAL BA MI MNYAM ZHING MI 'DRA BA'I PHYIR DE KUN NAS SLONG BAR BYED PA DE LTA BUR SEMS PAR BYED PA GANG YIN PA YOD PA MA YIN NA JI LTAR MNYAM PAR GZHAG PA'I RNAM PAR RIG BYED MA YIN PA DE DGE BA NYID YIN TE, DE NI 'BYUNG BA CHEN PO BZHIN DU DGE BA NYID YIN PAR MI 'GYUR RO SNYAM DU BSAMS PA YIN NO, ,YANG NA LHA'I MIG LA SOGS PA DANG RNA BA DAG KYANG DGE BA NYID DU THAL BAR 'GYUR ZHES BYA BA NI GAL TE SEMS PA MED DU ZIN KYANG RNAM PAR RIG BYED MA YIN PA DGE BA NYID YIN NA ZHES BYA BA YIN NO, ,YANG NA 'DI'I 'BREL PA NI 'DI YIN TE, GAL TE SKAL BA MI MNYAM PA DANG MNYAM PAR GZHAG PA MA YIN PA'I SEMS KYI DBANG GIS DE DGE BA NYID YIN NA, LHA'I MIG DANG RNA BA DAG KYANG SBYOR BA'I TSE DE DAG LA SEMS PA YOD PA'I PHYIR DGE BA NYID YIN PAR THAL BAR 'GYUR BA ZHIG NA, RNA MIG MNGON SHES LUNG MA BSTAN, ,ZHES 'BYUNG BA'I PHYIR DE GNYIS LA NI DGE BA NYID KYANG MED DO, ,MTHONG BAS NA SPANG BAR BYA BA NI KHA NANG DU BLTAS PAR 'JUG PA YIN PA'I PHYIR DE SKAD DU SMRA BAS MTHONG BAS SPANG BAR BYA BA'I SEMS NI RNAM PAR RIG BYED KUN NAS SLONG BAR BYED PA MA YIN NO ZHES GANG BSHAD PA, 'O NA CI'I PHYIR BCOM LDAN 'DAS KYIS GSUNGS SHE NA ZHES BYA BA'I TSIG GI DON NI, DE NI BCOM LDAN 'DAS KYIS GSUNGS PA DANG 'GAL LO ZHES BYA BA YIN NO, ,DE YANG GANG ZHE NA LOG PAR LTA BA DE LAS NI ZHES BYA BA RGYAS PAR SMOS TE, JI LTAR LOG PAR LTA BA MTHONG BAS SPANG BAR BYA BA LAS LOG PA'I DAG RNAM PAR RIG BYED KYI @19B NGO BO NYID DANG, LOG PA'I LAS KYI MTHA' DE'I NGO BO NYID KHO NA 'BYUNG BAR 'GYUR RO ZHES GSUNGS RGYU DANG NI, DE YI DUS KYI SLONG ZHES BYA, ,ZHES BYA BA NI RGYU'I SLONG BA DANG DE'I DUS KYI SLONG BA NI RGYU DANG DUS KYI SLONG BA'O, ,RGYU DANG DE'I DUS KYI SLONG BA ZHES MING BTAGS PA NI RGYU DANG DE'I DUS KYI SLONG PA ZHES BYA BA STE ZHES BYA BA NI MING DU BTAGS PA'O, ,YANG 'DI LA RGYU DANG DE'I DUS KYI SLONG BA ZHES BYA BA YOD PAS NA, RGYU DANG DE'I DUS KYI SLONG BA ZHES BYA BA CAN YIN TE, RGYU DANG DE'I DUS KYI SLONG BA ZHES BYA STE, RGYU DANG DUS KYI SLONG BA ZHES BYA BAR MING DU BTAGS PA YIN NO, ,RGYU'I KUN NAS SLONG BA ZHES BYA BA NI 'DIS KUN NAS SLONG BAS NA KUN NAS SLONG BA'O, ,DE NI RGYU YANG YIN LA DE NI KUN NAS SLONG BA YANG YIN PAS RGYU'I KUN NAS SLONG BA'O, ,DE'I DUS KYI KUN NAS SLONG BA ZHES BYA BA NI DUS DE STE BYA BA'I DUS SO, ,DUS DER KUN NAS SLONG BA NI DE'I DUS KYI KUN NAS SLONG BA'O, , DE'I[?] DUS KHO NA NA DE YOD PA'I PHYIR RO ZHES BYA BA NI BYA BA'I DUS KHO NA NA[?] DE'I DUS KYI KUN NAS SLONG BA YOD PA'I PHYIR RO ZHES BYA BA'I THA TSIG GO, ,'PHEN PAR BYED PA YIN PA'I PHYIR ZHES BYA BA NI SKYED PAR BYED PA YIN PA'I PHYIR RO, ,DA NI BYA BA DE LA DE'I NUS PA CI ZHIG YOD CES BYA BA NI DA NI RNAM PAR RIG BYED KYI BYA BA DE LA DE'I DUS KYI KUN NAS SLONG BAR BYED PA DE'I NUS PA JI ZHIG YOD NA GANG GIS NA DE'I TSE DE'I RJES SU 'JUG PAR BYED PA YIN NO ZHES BYA BAR BRJOD DO, ,DE MED NA ZHES BYA BA RGYAS PAR 'BYUNG BA NI RGYU'I KUN NAS SLONG BAS 'PHANGS SU ZIN CING BSKYED DU ZIN KYANG DE'I DUS KYI KUN NAS SLONG BA DE MED NA SHI BA BZHIN DU RNAM PAR RIG BYED YOD PAR MI 'GYUR TE, DPER NA 'GA' ZHIG GRONG DU 'GRO BAR BYA'O ZHES BYA BA 'PHANGS NAS BAR MA DOR SHIN DE LA RJES SU 'JUG PAR BYED PAR SEMS MED PA'I PHYIR 'GRO BAR MI 'GYUR BA DE DE DANG 'DRA'O, ,'O NA SEMS MED PA'I SDOM PA SKYE BA LA ZHES BYA BA RGYAS BAR 'BYUNG BA NI, GAL TE DE'I DUS KYI KUN NAS SLONG BA MED PA NA SHI BA BZHIN DU DE YOD PAR MI 'GYUR NA 'GOG PA'I SNYOMS PAR 'JUG PA THOB PAS BSNYEN PAR RDZOGS PAR BYA BA LA LUS KYI RNAM PAR RIG BYED BYAS PA 'GA' ZHIG DE'I TSE 'GOG PA'I SNYOMS PAR 'JUG PA NYE BAR GNAS PA'I PHYIR SEMS @20A *, ,MED PA'I SDOM PA SKYE BA LA DE'I SDOM PAR GTOGS PA LUS KYI RNAM PAR RIG BYED LAS BRJOD PA'I 'JUG PA 'BYUNG BA JI LTAR YOD DE, DE'I DUS KYI KUN NAS SLONG BA MED NA, JI LTAR 'BYUNG BAR 'GYUR ZHES BYA BA'I THA TSIG GO, ,DE LTAR 'GAL BAR BSHAD PA DANG, 'O NA NI SEMS DANG BCAS PA LA CHES GSAL BA YIN ZHES BYA BA LAN GZHAN LA RTEN PAR BYED DE, DE'I DUS KYI KUN NAS SLONG BAS NI SEMS DANG BCAS PA LA RNAM PAR RIG BYED CES GSAL BAR 'BYUNG BAS DE'I NUS PA NI DE YIN NO, ,MTHONG BAS SPANG BYA'I RNAM SHES NI, ,RAB TU 'JUG BYED YIN ZHES BYA BA NI MTHONG BAS SPANG BAR BYA BA NI RAB TU 'JUG PAR BYED PA KHO NA YIN NO ZHES NGES PAR GZUNG BA YIN NO, ,JI LTAR DE RAB TU 'JUG PAR BYED PA YIN ZHE NA KUN NAS SLONG BAR BYED PA RTOG PA DANG DPYOD PA DAG GI GZHIR GYUR CING RGYUR GYUR PA'I PHYIR RNAM PAR RIG BYED RAB TU 'JUG PAR BYED PA YIN NO, , RJES SU 'JUG PAR BYED PA NI MA YIN NO ZHES BYA BA RGYAS PAR 'BYUNG BA NI SEMS KHA PHYIR BLTAS LA RJES SU 'JUG PAR BYED PA GANG YIN PA DE'I RNAM PAR RIG BYED KYI BYA BA'I DUS GANG YIN PA DE NA DE MED PA'I PHYIR RO, ,RAB TU 'JUG PAR BYED PA MTHONG BAS SPANG BAR BYA BA MED PA'I PHYIR ZHES BYA BA'I THA TSIG STE, DE'I PHYIR DE NI RJES SU 'JUG PAR BYED PA MA YIN NO, ,NYES PA GZHAN DES KUN NAS BSLANG BA'I GZUGS ZHES BYA BA RGYAS PAR 'BYUNG BA 'DI YANG YOD DE, GAL TE MTHONG BAS SPANG BAR BYA BA DE YANG, DE RJES SU 'JUG PAR BYED PA YIN NA JI LTAR BSGOM PAS SPANG BAR BYA BA'I SEMS KYIS KUN NAS BSLANG BA'I LUS DANG NGAG GI LAS BSGOM PAS SPANG BAR BYA BA YIN PA LTAR MTHONG BAS SPANG BAR BYA BA DE'I SEMS DES KUN NAS BSLANG BA'I LUS DANG NGAG GI RNAM PAR RIG BYED KYI GZUGS KYANG MTHONG BAS SPANG BAR BYA BA YIN PAR 'GYUR RO, ,CIR 'GYUR ZHES ZER BA NI RGOL BAR BYED PA'O, ,BYE BRAG TU SMRA BAS CHOS MNGON PA LA GNOD PAR 'GYUR RO ZHES BYA BA SMOS TE, NYON MONGS CAN MIN MTHONG SPANGS MIN, ,GZUGS MIN ZHES 'BYUNG BA'I PHYIR RO, ,GZHAN YANG RIG PA DANG MA RIG PA DAG DANG MI 'GAL BA'I PHYIR TE, GZUGS DE NI @20B 'JIG TSOGS LA LTA BA LA SOGS PA BZHIN DU RIG PA MTHONG BA'I LAM DANG MI 'GAL BA'I PHYIR TE, MA SPANGS PA'I PHYIR ZHES BYA BA'I THA TSIG GO, ,DE'I PHYIR DE NI BDEN PA MTHONG BA RNAMS KYANG DE DANG LDAN PAS GZUGS NI MTHONG BAS SPANG BAR BYA BA MED DO, ,MA RIG PA DANG 'GAL BA YANG MED PA'I PHYIR TE, JI LTAR ZAG PA MED PA'I LAM SO SO'I SKYE BO'I GNAS SKABS NA DE NI SKYE BA'I PHYIR LA DE SKYES TE 'PHAGS PA'I GNAS SKABS NA NI MA RIG PA KHA CIG SPANGS PA'I PHYIR MA RIG PA DANG 'GAL BA LTAR GZUGS NI MA RIG PA DANG 'GAL BA MED DE, NYON MONGS PA CAN DANG, NYON MONGS PA CAN MA YIN PA'I GZUGS KUN DU 'BYUNG BA'I GNAS SKABS SAM ,DE'I THOB PA'I RGYUN CHAGS PA'I TSE YANG MA RIG PA MI 'BYUNG BA MA YIN LA MA RIG PA YOD NA YANG DE MI 'BYUNG BA MA YIN PAS SO, ,DE LTA BU YIN LA ZAG PA MED PA BZHIN DU SPANG BAR BYA BA MA YIN PA YANG MA YIN NO, ,GAL TE SPANG BAR BYA BA MA YIN PA YANG MA YIN LA MTHONG BAS SPANG BAR BYA BA YANG MA YIN NA SHUGS KYIS BSGOM PAS SPANG BAR BYA BA YIN NO ZHES BYA BA GRUB PO, CIG SHOS KYIS GZUGS RIG PA DANG MI 'GAL LO ZHES BYA BA'I PHYOGS 'DI NI BSGRUB PAR BYA BA YIN NO ZHES BYA BA SMRAS TE, GANG ZHIG GZUGS MTHONG BAS SPANG BAR BYA BA YIN PAR 'DOD DE JI LTAR GZUGS RIG PA DANG MI 'GAL BAR 'DZIN PAR 'GYUR, BYE BRAG TU SMRA BAS 'O NA NI SEMS MTSUNGS PAS BSLANG BA'I PHYIR 'BYUNG BA RNAMS KYANG ZHES BYA BA RGYAS PAR SMOS TE, GAL TE MTHONG BAS SPANG BAR BYA BA'I SEMS KYIS KUN NAS BSLANG BA'I GZUGS DE MTHONG BAS SPANG BAR BYA BA YIN PAR GYUR NA 'O NA NI DE'I RTEN 'BYUNG BA RNAMS KYANG MTHONG BAS SPANG BAR BYA BA YIN PAR 'GYUR RO, ,CI'I PHYIR ZHE NA, SEMS MTSUNGS PAS BSLANG BA'I PHYIR TE, MTHONG BAS SPANG BAR BYA BA'I SEMS GANG GIS GZUGS DE KUN NAS BSLANG BA DE NYID KYIS DE'I RTEN KYI 'BYUNG BA RNAMS KYANG BSLANG BAS SO, ,DE DAG NI DE LTA BU YIN PAR YANG MI 'OS TE, NYON MONGS PA CAN MA YIN PA'I LUNG DU MA BSTAN PA YIN PA'I PHYIR LAM MTHONG BAS SPANG BAR BYA BA RNAMS NI NYON MONGS PA CAN YIN PA'I PHYIR RO, ,CIG SHOS KYIS DE LTAR NI MI 'GYUR TE ZHES BYA BA SMAS TE, MTHONG BAS SPANG BAR BYA BA DAG TU NI MI @21A *, ,'GYUR RO, ,JI LTA ZHE NA, SMRAS PA, JI LTAR DGE BA DANG MI DGE BA DAG TU MI 'GYUR BA BZHIN TE, JI LTAR DGE BA DANG MI DGE BA'I SEMS GANG GIS DGE BA DANG MI DGE BA'I GZUGS KUN NAS BSLANG BA DE NYID KYIS DE'I RTEN GYIS 'BYUNG BA RNAMS KYANG KUN NAS BSLANG BA YIN NA, LUS DANG NGAG GI LAS KYI NGO BO NYID KYI GZUGS DE NI DGE BA DANG MI DGE BA YIN GYI DE'I RTEN GYI 'BYUNG BA RNAMS NI MA YIN PA DE DANG 'DRA'O, ,YANG DE NYID KYIS BZLOG STE, YANG NA MTHONG BAS SPANG BAR BYA BA YIN PAR GYUR DU ZAD MOD CES BYA BA SMRAS SO, ,BYA BRAG TU SMRAS PAS DE SKAD BRJOD PAR NI MI NUS TE ZHES BYA BA SMOS TE, MTHONG BAS SPANG BAR BYA BA DAG YIN PAR ZHES BYA BA TSIG LHAG MA YIN NO, ,CI'I PHYIR ZHE NA, NYON MONGS PA CAN MA YIN PA'I CHOS NI RIG PA DANG MA RIG PA DAG DANG MI 'GAL BA'I PHYIR TE, NYON MONGS PA CAN MA YIN PA'I CHOS MA BSGRIBS LA LUNG DUM BSTAN PA DANG DGE BA ZAG PA DANG BCAS PA RNAMS NI JI LTAR NYON MONGS PA CAN GYI CHOS DAG THOB PA 'CHAD PAS 'GAL BA LTAR RIG PA ZAG PA MED PA'I LAM DANG 'GAL BA MED DO, ,DE LA DMIGS PA'I NYON MONGS PA THOB PA 'CHAD PA'I PHYIR 'GAL BA NI MI 'GOG GO, ,'THOB PA 'CHAD PA DANG, DE LA DMIGS PA'I NYON MONGS PA SPONG BA'I TSUL GYIS MA RIG PA DANG MI 'GAL BA 'BYUNG BA DAG KYANG NYON MONGS PA CAN MA YIN PA YIN NO, ,DE LA YANG NA GYUR DU ZAD MOD CES SMRAS PA DE YANG RIG PA MA YIN TE, DE LTAR NA 'DIR BSGRUB PA 'BYUNG STE, NYON MONGS PA CAN GYI GZUGS KYI RTEN 'BYUNG BA RNAMS NI MTHONG BAS SPANG BAR BYA BA MA YIN TE, NYON MONGS PA CAN MA YIN PA'I PHYIR NYON MONGS PA CAN MA YIN PA'I SEMS DANG SEMS LAS BYUNG BA'I CHOS BZHIN NO, ,BYE BRAG TU SMRA BAS DE LTAR MTHONG BAS SPANG BAR BYA BA'I RNAM PAR SHES PA NI RAB TU 'JUG PAR BYED PA YIN NO ZHES KLAN KA DANG BCAS PA'I LAN SO SOR BKOD NAS MJUG BSDU BA'I PHYIR DE LTA BAS NA MDO LAS RGYU'I KUN NAS SLONG BA ZHES BYA BA RGYAS PAR SMOS TE, LOG PAR LTA BA LAS LOG PAR RTOG PA NAS LOG PA'I LAS KYI MTHA'I BAR 'BYUNG NGO ZHES BSHAD PA'I MDO GANG YIN @21B PA DE 'GAL BA MED DO ZHES BYA BA YIN NO, ,RAB TU 'JUG PAR BYED PA YANG YIN LA RJES SU 'JUG PAR BYED PA YANG YIN NO ZHES BYA BA NI KHA NANG DANG PHYI ROL DU BLTAS TE 'JUG PA'I PHYIR RO, ,LNGA NI RJES SU 'JUG BYED YIN, ,ZHES BYA BA NI LNGA NI RJES SU 'JUG PAR BYED PA KHO NA YIN NO ZHES NGES PAR GZUNG BA YIN TE RNAM PAR MI RTOG PA'I PHYIR RO, ,ZAG PA MED PA NI GNYI GA MA YIN NO ZHES BYA BA NI RAB TU 'JUG PAR BYED PA YANG MA YIN LA RJES SU 'JUG PAR BYED PA YANG MA YIN PA STE, MNYAM PAR GZHAG PA NI KHA NANG DU BLTAS TE 'JUG PA'I PHYIR RO, ,DMAN PAR 'GYUR BA MA YIN ZHES BYA BA NI LDANG BAR 'GYUR BA MA YIN PA'O, ,DGE BAR RGYUD GCIG PA YIN NO ZHES BYA BA NI DGE BAR RGYUD GCIG PA YIN NO ZHES BYA BA'I THA TSIG GO, ,SANGS RGYAS BCOM LDAN 'DAS NI MDO LAS GLANG PO CHE YIN PAR GSUNGS SO, ,JI LTA ZHE NA, 'CHAR BYED DE BZHIN GSHEGS PA NI LHA DANG BCAS SHING BDUD DANG BCAS PA'I 'JIG RTEN NA ZHES BYA BA RGYAS PAR GSUNGS NAS SKU DANG GSUNG DANG THUGS KYIS NGAN PA MI MDZAD DE DE LTA BAS NA GLANG PO CHEN PO ZHES BYA'O ZHES GSUNGS TE, NGAN PA MI MDZAD CES BYA BA NI NYES PA MI MDZAD CES BYA BA'I THA TSIG GO, ,'DI'I THUGS MI BZHED PAS ZHES BYA BA NI SANGS RGYAS 'DI'I THUGS MI BZHED PAS MI 'GRO BA'I PHYIR TE, YUL DAG LA MI 'GRO BA'I PHYIR DE SKAD DU GSHEGS NA'ANG MNYAM PAR GZHAG CES BYA BA LA SOGS PA RGYAS PAR GSUNGS PAR ZAD DE, DE NI SPYOD LAM BZHI CHAR DU BZHUD NA YANG BZHUD DO SNYAM PA NAS, BZHUGS NA'ANG BZHUGS SO SNYAM PA'I BAR GYI DGONGS PA NYE BAR GNAS PA'I PHYIR RTAG TU MNYAM PAR GZHAG PA ZHES BYA'O, ,MNGON PAR 'DU BYA BA MED PAR 'JUG PA NYID KYI PHYIR ZHES BYA BA NI MNGON PAR 'DU BYA ZHING 'BAD PA MED PA STE, MNGON PAR 'DU BYA BA MED PAR 'JUG PAS NA MNGON PAR 'DU BYA BA MED PAR 'JUG PA'O,, DE'I NGO BO NI NYID DE DE'I PHYIR RO, ,YANG NA MTHONG BAS SPANG BAR BYA BA THAMS CAD NI RAB TU 'JUG PAR BYED PA MA YIN ZHES BYA BA NI GAL TE MTHONG BAS SPANG PAR BYA BA THAMS CAD RAB TU 'JUG PAR BYED PA YIN PAR 'DOD NA NI DE DE LTA BUR YANG 'GYUR BA ZHIG NA THAMS CAD NI MA YIN NO, ,'O NA CI @22A *, ,ZHE NA; LOG PAR LTA BA LA SOGS PA KHO NAS RNAM PAR RIG BYED RAB TU 'JUG PAR BYED PA YIN GYI 'JIG TSOGS LA LTA BA NI MA YIN NO, ,DE'I PHYIR THAMS CAD NI RAB TU 'JUG PAR BYED BA MA YIN NO ZHES BYA BA SMOS TE, 'DI LTA BU NI RAB TU 'JUG PAR BYED PA YIN NO, ,'DI LTA BU NI MA YIN NO ZHES KHYAD PAR DU BRJOD DGOS SO, ,SEMS MI DGE BA DANG LUNG DU MA BSTAN PA CAN GYI ZHES BYA BA NI BSNYEN PAR RDZOGS PAR BYA STE, JI ZHIG DANG LDAN PAS SEMS MI DGE BA DANG LUNG DU MA BSTAN PA CAN GYI SO SOR THAR PA'I SDOM PA THAL MO SBYAR BA LA SOGS PA'I RNAM PAR RIG BYED DGE BA YIN PAR MI 'GYUR TE, DE'I RJES SU 'JUG PAR BYED PA MI DGE BA DANG LUNG DU MA BSTAN PA YIN PA'I PHYIR RO, ,RAB TU 'JUG PAR BYED PA JI LTA BAR ZHES BYA BA RGYAS PAR 'BYUNG BA NI RAB TU 'JUG PAR BYED PA'I SEMS BSGOM PAS SPANG BAR BYA BA JI LTA BAR RNAM PAR RIG BYED KYANG DE DANG 'DRA BAR RNAM PAR GZHAG MOD KYI RAB TU 'JUG PAR BYED PA MTHONG PAS SPANG PAR BYA BA YIN PA JI LTA BA DE LTA BUR RNAM PAR GZHAG PA NI MA YIN NO, ,CI'I PHYIR ZHE NA, BSGOM PAS SPANG BAR BYA BAS BAR DU CHOD PA'I PHYIR TE, 'DI LTAR RAB TU 'JUG PAR BYED PA MTHONG BAS SPANG BAR BYA BA DE NI RAB TU 'JUG PAR BYED PA BSGOM PAS SPANG BAR BYA BAS BAR DU CHOD PA YIN NO, ,JI LTA BU ZHE NA, DPER NA SNGAR SEMS LA BDAG GIS GZHAN DAG LA BDAG YOD DO ZHES BSTAN PAR BYA'O SNYAM DU DE LTAR NGES PAR BZUNG NAS DE'I 'OG TU NGAG SKYED PAR BYED PA'I SEMS KHA PHYIR BLTAS PA LA 'JUG PA BSGOM PAS SPANG BAR BYA BA'I 'OG TU NGAG SKYED PAR RTOG PA DANG BCAS SHING DPYOD PA DANG BCAS PAS BDAG YOD DO ZHES TSIG TU SMRA BAR BYED PA DE LTA BU LA SOGS PA YIN NO, ,DE'I PHYIR RAB TU 'JUG PAR BYED PA JI LTA BAR ZHES BYA BA RGYAS PAR SMOS PA YIN TE, DE LTAR NA RAB TU 'JUG PAR BYED PA MTHONG BAS SPANG BAR BYA BA'I 'OG TU GDON MI ZA BAR RAB TU 'JUG PAR BYED PA BSGOM PAS SPANG BAR BYA BA DGE BA 'AM MI DGE BA 'AM LUNG DU MA BSTAN PA KHO NA 'BYUNG LA, DE'I DBANG GIS NA RNAM PAR RIG BYED DGE BA LA SOGS PA NYID YIN NO, ,'DI SKAD DU BRJOD PAR BYA'O ZHES BYA BA RGYAS PAR 'BYUNG BA NI @22B 'DI SKAD DU GZHAN GYIS CHOD PA STE, BSGOM PAS SPANG BAR BYA BAS CHOD PA'I RGYU'I KUN NAS SLONG BA LAS DGONGS NAS GSUNGS SO ZHES BRJOD PAR BYA DGOS TE, RGYU'I KUN NAS SLONG BA BRGYUD PA LAS DGONGS NAS ZHES BYA BA'I THA TSIG GO, ,RNAM RIG MIN RNAM GSUM ZHES BYA BA RGYAS PAR 'BYUNG BA NI RNAM GSUM ZHES MDOR BSTAN NAS, SDOM DANG SDOM PA MIN DANG GZHAN, ,ZHES BYA BAR 'GREL PAR BYED PA YIN TE, DE NI SDOM PA DANG DE NI SDOM PA MA YIN PA YIN PAS SDOM PA DANG SDOM PA MA YIN PA'O, ,DE NI SDOM PA DANG SDOM PA MA YIN PA DANG DE NI GZHAN PAS SDOM DANG SDOM PA MIN PAS GZHAN NO ZHES BYA BAR TSIG BSDU'O, ,MTSAN NYID SO SOR NGES PA'I PHYIR, ,ZHES BYA BA NI DGE SLONG GI SDOM PA'I MTSAN NYID KYANG GZHAN YIN PA NAS DE BZHIN DU BSNYEN GNAS PA'I SDOM PA'I MTSAN NYID KYI BAR DU YANG GZHAN YIN TE, 'DI SKAD DU, SPANG BYA LNGA BRGYAD BCU DANG NI, ,THAMS CAD SPONG PAR MNOS PA LAS, ,DGE BSNYEN DANG NI BSNYEN GNAS DANG, ,DGE TSUL PHYED DANG DGE SLONG NYID, ,CES 'CHAD PAR 'GYUR RO, ,RNAM PA BRGYAD NYID YIN NA NI, DGE SLONG GI SDOM PA GANG YIN PA DE NYID DGE SLONG MA'I SDOM PA YIN NO ZHES BYA BA LA SOGS PA 'CHOL BAR 'GYUR RO, ,DGE TSUL MA DANG DGE SLONG MA YANG ZHES BYA BA NI DGE TSUL MA YANG MTSAN GYUR NA DGE TSUL YIN LA DGE SLONG MA YANG MTSAN GYUR NA DGE TSUL KHO NA YIN NO, ,JI STE 'DI LTAR DGE SLONG MTSAN GYUR NA DGE SLONG GI SDOM PA NI 'DOR LA DGE SLONG MA'I SDOM PA NI 'THOB PO ZHES BYA BAR MI 'DOD CE NA DE'I PHYIR MTSAN GYUR PA LA SNGON GYI SDOM PA GTONG BA'I RGYU YANG YOD PA MA YIN ZHES BYA BA SMOS TE, DGE SLONG LA DGE SLONG MA'I MTSAN BYUNG NA GTONG BA'I RGYU, BSLAB PA PHUL DANG SHI 'PHOS DANG, ,MTSAN GNYIS DAG NI BYUNG BA DANG, ,RTZA BA CHAD DANG MTSAN 'DAS LAS, , SO SOR THAR PA'I 'DUL BA GTONG, ,ZHES RGYU BSHAD PA GANG YIN PA DE LAS MI 'BYUNG NGO, ,SNGON MED PA'I SDOM PA 'THOB PA'I YANG MA YIN NO ZHES BYA BA NI RGYU YOD PA ZHES BYA BAR SBYAR RO, ,'DI LTAR SO SOR THAR CES PA, ,GZHAN GYI RNAM RIG BYED STZOGS KYIS, ,ZHES BSHAD PAS, DE'I PHYIR DGE @23A *, ,SLONG GI SDOM PA LAS DGE SLONG MA'I SDOM PA GZHAN MA YIN NO ZHES BYA BAR SHES PAR 'GYUR TE DE BZHIN DU DGE TSUL LA SOGS PA'I YANG SHES PAR BYA'O, ,DE LTA BAS NA DGE SLONG MA DANG, DGE SLOB MA DANG, DGE TSUL MA DANG, DGE BSNYEN MA'I SDOM PA BZHI PO DE DAG NI DGE SLONG DANG DGE TSUL DANG, DGE BSNYEN GYI SDOM PA GSUM PO LAS RANG BZHIN THA MI DAD DO, ,CI SPONG BA'I 'PHEL BA DANG LDAN PA'I PHYIR SDOM PA DE DAG CES BYA BA RGYAS PAR 'BYUNG BA NI, DPER NA GRANGS LNGA LA GZHAN LNGAS BSNAN NA LNGA 'PHEL BA DANG LDAN PA'I PHYIR BCUR 'GYUR LA GRANGS BCO LNGA LAS GZHAN LNGAS BSNAN NA NYI SHUR 'GYUR BA LTA BU DANG, DOR TSE GCIG DANG GNYIS ZHES BYA BA BZHIN DU STE, DPER NA DONG TSE SNGA MA GCIG GNYIS PA DANG BCAS NA GNYIS SU 'GYUR BA LTA BU STE, 'DI LTAR 'JIG RTEN NA SMRA BA PO LA LA DONG TSE GCIG GI RIN GYIS DONG TSE GNYIS PA'AM DONG TSE GNYIS PA'I RIN LUGS NA DONG TSE'I RIN SNGA MA DES KHE PHYIN PAR MTHONG NAS BDAG GIS DONG TSE GNYIS RNYED DO ZHES SMRA BAR 'GYUR TE, BDAG GIS DONG TSE GNYIS RNYED DO ZHES BYA BA'I DON TO, ,CI DE BZHIN DU DGE BSNYEN DANG DGE TSUL DANG DGE SLONG GI SDOM PA 'DI DAG KYANG SPONG BA'I 'PHEL BA DANG LDAN PA'I PHYIR SROG GCOD PA LA SOGS PA'I DE KHO NA BZHIN DU SO NA GNAS LA, GAR DANG GLU DANG ROL MO SPONG BA LA SOGS PA'I SDOM PA SNGON MED PA DAG 'PHEL BA DANG LDAN PA'I PHYIR DGE BSNYEN GYI SDOM PA LAS KYANG DGE TSUL GYI SDOM PA GZHAN YIN LA, DGE TSUL GYI SDOM PA LAS KYANG DGE SLONG GI SDOM PA GZHAN YIN NO ZHES GZHAN DANG GZHAN ZHES BYA BA 'AM, PHYOGS GCIG KHYAD PAR DU GYUR PA DANG LDAN PA'I PHYIR GNAS GZHAN DANG GZHAN NYID DU RNAM PAR 'JOG GAM ZHES BYA BA'I THA TSIG GO, ,'ON TE DGE BSNYEN GYI SROG GCOD PA SPONG BA LA SOGS PA YANG GZHAN YIN LA, DGE TSUL GYI YANG DE LAS GZHAN YIN; DGE SLONG GI YANG DE LAS GZHAN NO ZHES BYA BA LTA BUR DE DAG THAMS CAD THA DAD PA NYID GCIG TU SKYE STE, DGE SLONG GI RGYUD GCIG LA SROG GCOD PA SPONG BA GSUM YOD LA, MA BYIN PAR LEN PA SPONG BA YANG DE DANG 'DRA'O ZHES BYA BA DE LTA BU LA SOGS PA ZHIG YIN NAM, LHAG MA RNAMS @23B KYANG DE DANG 'DRA'O ZHES BYA BA NI GAR DANG GLU DANG ROL MO SPONG BA LA SOGS PA'O, ,SROG GCOD PA LA SOGS PA'I GZHI CHES MANG PO DAG LAS LDOG PAR 'GYUR ZHES BYA BA NI DGE BSNYEN PAS DGE TSUL SROG GCOD PA LA SOGS PA'I GZHI CHES MANG PO DAG LAS LDOG PA YIN TE, DPER NA DUS MA YIN PA'I ZAS SROG GCOD PA'I GZHIR 'GYUR LA DE LAS NI DGE TSUL LDOG GI DGE BSNYEN NI MA YIN NO ZHES BYA BA DE LTA BU LA SOGS PA SBYAR BAR BYA'O, ,DE LTAR MA YIN NA ZHES BYA BA NI GAL TE DE LTA BU ZHIG YIN PAR MA GYUR NA ZHES BYA BA'I THA TSIG STE, DGE BSNYEN DANG DGE TSUL GYI SDOM PA GNYI GA YANG DGE SLONG GI SDOM PA DE 'DUS PA'I PHYIR DGE SLONG GI SDOM PA GTANG ZHING BOR BAS DGE BSNYEN GYI SDOM PA LA SOGS PA GSUM CHAR YANG GTANG BAR 'GYUR RO, ,SPONG BA YANG DAG PAR BLANG BAS ZHES BYA BA NI SPONG BA NI RNAM PAR RIG BYED DANG RNAM PAR RIG BYED MA YIN NO ZHES 'CHAD PAR 'GYUR RO, ,YANG DAG PAR 'JOG PAR BYED PAS ZHES BYA BA NI SO SOR YANG DAG PAR 'GOD PAR BYED PA ZHES BYA BA'I THA TSIG STE, SDIG PA'I LAM RNAMS NI SEMS CAN DAG LA MI MNYAM PAR 'JUG PAR BYED DO, ,DE YANG RNAM PAR RIG BYED DANG SEMS DAG GIS BYED PAS NA ZHES BYA BA NI SO SOR THAR PA'I SDOM PAS BSDUS PA'I RNAM PAR RIG BYED MA YIN PA NI RNAM PAR RIG BYED KYIS BYED LA, BSAM GTAN DANG, ZAG PA MED PA'I SDOM PAS BSDUS PA'I RNAM PAR RIG BYED MA YIN PA DE NI SEMS KYIS BYED DE TING NGE 'DZIN GYIS BYED DO ZHES BYA BA'I THA TSIG GO, ,DE LTAR NA BYA BA YIN ZHES BYA BA NI LAS SU SGRUB PA YIN NO, ,BYA BA'I RGYU YIN ZHES BYA BA NI BYA BA'I RGYU YIN PA'I PHYIR TE SDOM PA LA GNAS PA NA SDOM PA KUN DU BSRUNG BA'I PHYIR RNAM PAR RIG BYED KYI MTSAN NYID KYI BYA BA RTZOM MO, ,BYA BA'I 'BRAS BU YIN PA'I PHYIR ZHES BYA BA NI RNAM PAR RIG BYED KYI MTSAN NYID KYI 'BRAS BU YIN PA'I PHYIR RO ZHES BYA BA'I THA TSIG GO, ,TING NGE 'DZIN LAS BYUNG BA JI LTAR BYA BA YIN NA DE YANG TING NGE 'DZIN LAS SKYES PA'I SEMS PA'I 'BRAS BU YIN PA'I PHYIR BYA BA YIN NO, ,YANG NA SO SOR THAR PA'I SDOM PA'I SKABS YIN PA'I PHYIR RO, ,DE LTAR RE ZHIG BYE BRAG MED PAR SO SOR THAR PA'I SDOM PA YANG DAG PAR BSTAN TO ZHES BYA BA NI SKAD @24A *, ,CIG MA DANG PO DANG SKAD CIG MA GNYIS PA LA SOGS PA YANG SO SOR THAR PA'I SDOM PA YIN NO ZHES BRJOD PA YIN NO, ,SO SOR THAR PA NI SKAD CIG MA DANG PO KHO NA YIN PAS DE'I PHYIR YANG, DANG PO'I RNAM RIG RNAM RIG MIN, ,SO SOR THAR ZHES BYA'O ZHES BYA BA SMOS SO,, DES SDIG PA LAS SO SOR THAR PA'I PHYIR ZHES BYA BA NI SKAD CIG MA DANG PO KHO NAS SDIG PA LAS SO SOR THAR PAR 'GYUR RO, ,SPANG BA'I PHYIR ZHES BYA BA NI BOR BA'I PHYIR ZHES BYA BA'I THA TSIG GO, ,SO SOR THAR PA'I SDOM PA ZHES KYANG BYA ZHES BYA BA NI 'DI NI SO SOR THAR PA YANG YIN LA LUS DANG NGAG DAG SDOM PA'I PHYIR SDOM PA YANG YIN NO ZHES BYA BA'I THA TSIG GO, ,LAS KYI LAM ZHES BYA'O ZHES BYA BA NI LAS KYI LAM DNGOS ZHES BYA BA'I THA TSIG GO, ,SKAD CIG MA GNYIS PA LA SOGS PA LA NI SO SOR THAR PA'I SDOM PA'I SKHO NA YIN TE, SO SOR THA 888 PA DANG 'DRA BA'AM SO SOR THAR PA LAS SKYES PA'I SDOM PA NI SO SOR THAR PA'I SDOM PA'O, ,SO SOR THAR PA NI MA YIN TE, 'DI LTAR SKAD CIG MA DANG PO KHO NAS THAR PAR BYAS ZIN PA'I PHYIR DES SDIG PA LAS SO SOR THAR PAR MI BYED PAS SO, ,RIS BRGYAD KHO NAR ZAD DO ZHES NGES PAR GZUNG BA DANG YANG PHYI ROL PA RNAMS LA ZHES BYA BA RGYAS PAR 'DRI BAR BYED DE, YANG DAG PAR BLANGS PA'I TSUL KHRIMS ZHES KHYAD PAR DU BYAS PA NI TSUL KHRIMS RNAM PA GNYIS YOD PA'I PHYIR RO, ,TSUL KHRIMS NI RNAM PA GNYIS TE, YANG DAG PAR BLANGS PA'I TSUL KHRIMS DANG CHOS NYID KYIS THOB PA'O, ,DE LA YANG DAG PAR BLANGS PA'I TSUL KHRIMS NI 'DI DANG 'DI MI BYA'O ZHES MNOS PA GANG YIN PA'O, ,CHOS NYID KYIS THOB PA NI BSAM GTAN GYI SDOM PA DANG ZAG PA MED PA'I SDOM PA'O, ,SRID PA LA BRTEN PA'I PHYIR ZHES BYA BA NI DE DAG THAR PA DON DU GNYER DU ZIN KYANG LOG PAR LTA BA LA SOGS PAS NYAMS PA'I PHYIR DANG, DE DAG KHA CIG SRID PA'I KHYAD PAR KHO NA LA THAR PA YIN PAR SEMS PAS SRID PA LA BRTEN PA'I TSUL KHRIMS KHO NA YIN NO, ,DE'I PHYIR DE DAG LA YANG DAG PAR BLANGS PA'I TSUL KHRIMS YOD KYI, SO SOR THAR PA'I SDOM PA NI MA YIN NO, ,'DIR NI NYER BSDOGS KYANG BSAM GTAN DU BRJOD NAS BSTAN TE ZHES BYA BA NI GANG ZHIG PHYIR NYER BSDOGS @24B NA YANG BSAM GTAN GYI SDOM PA DANG ZAG PA MED PA'I SDOM PA YOD PAR 'DOD PA DE'I PHYIR 'DIR NI BSAM GTAN GYI NYER BSDOGS KYANG BSAM GTAN ZHES BYA BA'I SGRAR BRJOD PA YIN NO, ,KYANG ZHES BYA BA'I SGRAS NI DNGOS GZHI YANG BSDU BAR BYA BA DE KHO NA YIN NO, ,LHAN CIG 'BYUNG BA'I RKYEN BSHAD PAR ZHES BYA BA NI, SEMS PA DANG NI SDOM GNYIS DANG, ,DE DAG GI NI ZHES BYA BA DOR RO, ,GSUM PO 'DI DAG LAS ZHES BYA BA NI SO SOR THAR PA'I SDOM PA DANG, BSAM GTAN GYI SDOM PA DANG, ZAG PA MED PA'I SDOM PA RNAMS LAS SO, ,SEMS GZHAN DANG LDAN PA DANG SEMS MED PA'ANG RJES SU 'JUG PA'I PHYIR RO ZHES BYA BA NI RNAM PAR G-YENG SEMS MED PA'I YANG, ,ZHES 'BYUNG BA'I PHYIR RO, ,MI LCOGS PA MED LA ZHES BYA BA SMOS PA NI 'DOD PA NA SPYOD PA'I 'CHAL BA'I TSUL KHRIMS KHO NA LAS SO SOR THAR PA'I PHYIR RO, ,BAR CHAD MED PA'I LAM DGU DAG TU ZHES BYA BA NI DE DAG SPONG BA'I LAM YIN PA'I PHYIR RO, ,DE KUN NAS SLONG BAR BYED PA ZHES BYA BA NI 'CHAL BA'I TSUL KHRIMS KUN NAS SLONG BAR BYED PA'O, ,DE NYID KYI PHYIR ZHES BYA BA NI GANG GI PHYIR MI LCOGS PA MED PA'I BAR CHAD MED PA'I LAM DAG LA DE RNAM PAR GZHAG PA DE'I PHYIR MU BZHIR BYA STE, MU DANG PO NI MI LCOGS PA MED PA'I BAR CHAD MED PA'I LAM MA GTOGS PA ZAG PA DANG BCAS PA'I BSAM GTAN GYI SDOM PA STE MI LCOGS PA MED PA'I SA PA'I RNAM PAR GROL BA DANG, SBYOR BA DANG KHYAD PAR GYI LAM DAG LA YOD PA DANG BSAM GTAN DANG PO LA SOGS PA BSAM GTAN BZHI PA'I BAR DNGOS GZHI'I BAR CHAD MED PA DANG, RNAM PAR GROL BA DANG SBYOR BA DANG KHYAD PAR GYI LAM DAG LA BSAM GTAN GYI SDOM PA YOD PA GANG YIN PA NI BSAM GTAN GYI SDOM PA YIN GYI SPONG BA'I SDOM PA NI MA YIN TE NGES 'CHAL BA'I TSUL KHRIMS DANG, DE KUN NAS SLONG BAR BYED PA'I NYON MONGS PA RNAMS NI MI SPONG BA'I PHYIR RO, ,GNYIS PA NI MI LCOGS PA MED PA'I BAR CHAD MED PA'I LAM DGU DAG TU ZAG PA MED PA STE, 'DI NI DE LTA BU KHO NAS 'CHAL BA'I TSUL KHRIMS LA SOGS PA SPONG BA'I PHYIR SPONG BA'I SDOM PA YIN GYI BSAM GTAN GYI SDOM PA NI MA YIN TE ZAG PA MED PA YIN PA'I PHYIR RO, ,GSUM PA NI MI LCOGS PA MED PA'I BAR CHAD @25A *, ,MED PA'I LAM DAG TU THAG PA DANG BCAS PA STE, 'DI NI NGES 'CHAL BA'I TSUL KHRIMS LA SOGS PA SPONG BA'I PHYIR SPONG BA'I SDOM PA YANG YIN LA, BSAM GTAN GYI SDOM PA YANG YIN TE, ZAG PA DANG BCAS PA'I TING NGE 'DZIN LAS SKYES PA'I PHYIR RO, ,BZHI PA NI MI LTOGS PA MED PA'I BAR CHAD MED PA'I LAM MA GTOGS PAR ZAG PA MED PA'I SDOM PA STE, 'DI NI ZAG PA MED PA YIN PA'I PHYIR BSAM GTAN GYI SDOM PA YANG MA YIN LA SPONG BA'I SDOM PA YANG MA YIN TE, DES 'CHAL PA'I TSUL KHRIMS LA SOGS PA MI SPONG BA'I PHYIR RO, ,DE YANG DE KHO NA BZHIN DU MI LCOGS PA MED PA'I SA PA'I RNAM PAR GROL BA DANG, SBYOR BA DANG, KHYAD PAR GYI LAM DAG LA YOD PA NAS RGYAS PAR ZAG PA MED PA'I SDOM PA GANG YIN PA'O, ,SDOM PA NGES PAR BYA BA'I PHYIR DE SKAD DU BSHAD DO, ,DE LTA MA YIN NA CHOS GZHAN DAG KYANG BRJOD DGOS PAR 'GYUR RO; ,DE BZHIN DU ZAG PA MED PA'I SDOM PA YIN LA SPONG BA'I SDOM PA MA YIN PA YANG YOD CES BYA BA MU BZHI STE, MU DANG PO NI MI LCOGS PA MED PA'I BAR CHAD MED PA'I LAM MA GTOGS PA ZAG PA MED PA'I SDOM PA'O, ,YID KYI SDOM PA YANG DRAN PA DANG SHES BZHIN GYI NGO BO NYID YIN LA; DBANG PO'I SDOM PA YANG DRAN PA DANG SHES BZHIN GYI NGO BO NYID YIN PAS GNYIS KYI NGO BO NYID YIN PAR BSTAN PA'I PHYIR RO, ,YANG GNYIS ZHES BYA BA SMOS TE, GNYIS KYI TSIG TU BSTAN PA KHO NAS GNYIS NYID 'GRUB PAS SO, ,'DI DAG DE LTA BU'I NGO BO NYID YIN NO ZHES BYA BA JI LTAR SHES SHE NA; LUNG LAS TE, LHA ZHIG GIS DGE SLONG DBANG PO YUL DAG LA RGYU BA ZHIG LA 'DI SKAD CES SMRAS SO, ,DGE SLONG RMA 'BYIN PAR MA BYED CIG ,DGE SLONG GIS SMRAS PA, LHA DGAG PAR BYA'O, ,LHAS SMRAS PA, DGE SLONG RMA RDZA MA TZAM BYUNG NAS JI ZHIG GIS DGAG PAR BYED, DGE SLONG GIS SMRAS PA, LHA DRAN PA DANG SHES BZHIN GYIS DGAG PAR BYA'O ZHES SMRAS SO ZHES GRAG GO, ,DE NI JI SRID DU RNAM PAR RIG BYED MA YIN PA DE MI GTONG BA ZHES BYA BA NI BSLAB PA PHUL BA LA SOGS PAS SO, ,SKAD CIG MA DANG PO PHYIN CHAD 'DAS PA DANG ZHES BYA BA NI SKAD CIG MA DANG PO LA NI DA LTAR GYI KHO NA DANG @25B LDAN PA YIN NO ZHES BSHAD PAR 'GYUR RO, ,BSAM GTAN SDOM DANG LDAN PA NI, ,RTAG TU 'DAS DANG MA 'ONGS DANG, ,ZHES BYA BA BSAM GTAN GYI SDOM PA DANG LDAN PA CI SO SO'I SKYE BO 'AM, 'ON TE 'PHAGS PA ZHIG YIN ZHE NA SMRAS PA, KHYAD PAR DU MA BYAS PA'I PHYIR GNYI GA YIN TE, DE NI 'DAS PA DANG MA 'ONGS PA'I RNAM PAR RIG BYED MA YIN PA DANG LDAN NO, ,MTSAN NYID JI LTA BU ZHIG DANG ZHE NA, BSAM GTAN GYI SKABS YIN PA'I PHYIR BSAM GTAN GYI SDOM PA'I MTSAN NYID DANG ZHES BYA BAR MNGON NO, ,DES NI SKAD CIG MA DANG PO LA YANG TSE RABS GZHAN DAG TU GTONG BA ZHES BYA BA 'DI NI DPER BRJOD PAS RAB TU BSTAN PA YIN PAS TSE 'DI LA GTONG BA YANG BSDU'O, ,'PHAGS NI DANG PO 'DAS DANG MIN, ,ZHES BYA BA NI, 'PHAGS PA NI RTAG TU 'DAS PA DANG MA 'ONGS PA'I RNAM PAR RIG BYED MA YIN PA DANG LDAN NO, ,MTSAN NYID JI LTA BU ZHIG DANG ZHE NA, 'PHAGS PA'I SKABS YIN PA'I PHYIR ZAG PA MED PA DANG ZHES BYA BAR MNGON NO, ,DE NYID KYI PHYIR 'PHAGS PA'I GANG ZAG KYANG ZAG PA MED PA DANG DE BZHIN DU LDAN NO ZHES BYA BA SMOS SO, ,'DI NI KHYAD PAR YIN TE ZHES BYA BA NI 'DI ZHES BYA BA'I SPRA'I DON STON TO, ,DE YANG GZHAN DU BSTAN PA YIN TE, SKAD CIG MA DANG PO SDUG BSNGAL LA CHOS SHES PA'I BZOD PA'I SKAD CIG MA DANG PO LA NI 'DAS PA'I RNAM PAR RIG BYED MA YIN PA DANG MI LDAN NO ZHES BYA BA'I TSIG GO, ,CI'I PHYIR ZHE NA, THOG MA MED PA CAN GYI 'KHOR BA NA, LAM STON MA BSKYED PA'I PHYIR RO, ,'BRAS BU THOB PA'I DUS SAM DBANG PO 'PHO BA'I DUS NA YANG LAM SNGA MA BTANG NA 'DAS PA'I RNAM PAR RIG BYED MA YIN PA DANG MI LDAN PA KHO NAR 'DOD PA MA YIN NAM ZHE NA, DE LTA NA 'O NA NI 'BRAS BU'I LAM DE YANG SKAD CIG MA DANG PO YIN LA, 'BRAS BU'I LAM SNGON MA BSKYED PA'I PHYIR DE LA 'DAS PA'I RNAM PAR RIG BYED MA YIN PA DANG MI LDAN NO ZHES BSHAD PAR BYA BA YIN NO, ,LOB DPON DBYIG BSHES NI KLAN KA 'DI 'I LAN GDAB PA'I PHYIR 'DI SKAD CES 'CHAD DE 'DIR NI ZAG PA MED PA'I SDOM PA'I SKABS YIN LA, DE YANG SDUG BSNGAL LA CHOS SHES PA'I DUS NYID NA THOB PAS DE'I PHYIR @26A *, ,SKAD CIG MA DANG PO LA 'DAS PA DE DANG MI LDAN NO, ,GNYIS PA LA SOGS PA LA NI 'DAS PA DANG MA 'ONGS PA DANG YANG LDAN NO, ,GONG DU 'AM LAM GZHAN THOB PA GANG YIN PA DE LA NI ZAG PA MED PA'I SDOM PA 'DRA BA NYID YOD PAS DE NI MI BRJOD DO ZHES ZER RO, ,'DI LA 'DRA BA DE YOD DO SNYAM NI MI MDZAD DE, CI ZAG PA DANG BCAS PA'I SDOM PA YOD DO ZHES BYA BA LA LTOS NAS 'DI BRJOD DAM, 'ON TE ZAG PA MED PA YOD DO ZHES BYA BA LA LTOS NAS YIN, GAL TE ZAG PA DANG BCAS PA YOD DO ZHES BYA BA LA LTOS PA YIN PAR 'DOD NA NI DE SDUG BSNGAL LA CHOS SHES PA'I BZOD PA'I DUS NA YANG YOD PAS 'DAS PA DANG MI LDAN NO ZHES DGAG PA 'THAD PA MA YIN NO, ,'ON TE 'BRAS BU THOB PA'I TSE ZAG PA MED PA'I SDOM PA YOD DO ZHES BYA BA LTOS PA YIN PAR 'DOD NA NI NYAMS PA DE JI LTAR YOD DO ZHES BRJOD PAR NUS TE, DE BAS NA 'DI'I 'DOD PA BSAM PAR BYA BA YIN NO, ,MNYAM GZHAG 'PHAGS LAM GNAS DE GNYIS, ,ZHES BYA BA NI MNYAM PAR GZHAG PA'I LAM LA GNAS PA STE, 'JIG RTEN PA'I MNYAM PAR GZHAG PA'I LAM LA GNAS PA DANG 'PHAGS PA'I LAM LA GNAS PA NI MNYAM GZHAG 'PHAGS LA MA GNAS PA DAG STE, BSAM GTAN DANG ZAG PA MED PA'I SDOM PA DANG LDAN PA DAG CES BYA BA'I THA TSIG GO, ,'DIR 'PHAGS PA'I LAM LA GNAS PA NI GRUR ZHUGS PA'I TSUL DU 'PHAGS PA'I LAM LA ZHUGS PA YIN TE, DPER NA GANG ZHIG GRUR ZHUGS PA STE GRU LA GNAS PA YIN PA DE BZHIN DU GANG ZHIG 'PHAGS PA'I LAM LA ZHUGS SHING SNYOMS PAR ZHUGS PA DE NI 'PHAGS PA'I LAM LA GNAS PA YIN NO, ,DE LTA MA YIN NA 'PHAGS PA'I LAM DANG LDAN PA YANG 'PHAGS PA'I LAM LA GNAS PA YIN PAS THA MAL PAR 'DUG PA'I 'PHAGS PA YANG DA LTAR GYI ZAG PA MED PA'I SDOM PA DANG LDAN PAR 'GYUR RO, ,YANG GZHAN NI DE LTA BU'I NYES PA SPANG BA'I PHYIR 'DI SKAD DU 'CHAD PAR BYED DE, 'DIR NI GCIG LHAG MAR BYAS TE MNYAM PAR GZHAG PA DANG MNYAM PAR GZHAG PA'I 'PHAGS PA NI MNYAM PAR GZHAG PA DANG 'PHAGS PA DAG GO, ,DE GNYIS KYI LAM DAG STE, DE DAG LA GNAS PA NI, MNYAM @26B GZHAG 'PHAGS LAM GNAS DE GNYIS YIN TE, GO RIMS BZHIN DU DA LTAR GYI BSAM GTAN GYI SDOM PA'I RNAM PAR RIG BYED MA YIN PA DANG ZAG PA MED PA'I SDOM PA'I RNAM PAR RIG BYED MA YIN PA DANG LDAN NO, ,LANGS PA DAG NI MA YIN NO ZHES BYA BA NI LAM DE LAS LANGS PA DAG NI DA LTAR GYI DE DANG LDAN PA MA YIN TE, DE NI SEMS KYI RJES SU 'JUG PA YIN PA'I PHYIR RO, ,DE LTAR RNAM PAR BSHAD NA SLOB DPON 'DUS BZANGS KYIS GLENGS PA 'PHAGS PA'I LAM LA GNAS PA ZHES SMOS PA KHO NAS DA LTAR BYUNG BA'I RNAM PAR RIG BYED MA YIN PA DE NI DE LA SNYOMS PAR ZHUGS PA 'DI KHO NA'I YIN PAR JI LTAR 'GYUR TE, DE DANG LDAN PA SMOS PAR THAL BAR MI 'GYUR BA YANG MA YIN NO ZHE NA, MA YIN TE, BSAM GTAN GYI SKABS YIN PA'I PHYIR DANG, DE LA RNAM PAR RIG BYED MA YIN PA MED PA'I YANG PHYIR RO, ,GANG SDOM PA YANG MA YIN SDOM PA MA YIN PA YANG MA YIN PA LA GNAS PA DE NI BAR MA LA GNAS PA STE ZHES BYA BA NI DGE SLONG LA SOGS PA YANG MA YIN LA, NYA PA LA SOGS PA YANG MA YIN PA DE NI BAR MA LA GNAS PA'O, ,'CHAL BA'I TSUL KHRIMS DANG TSUL KHRIMS KYI YAN LAG LA SOGS PAS BSDUS PA ZHES BYA BA LA 'CHAL BA'I TSUL KHRIMS NI SROG GCOD PA LA SOGS PA'O, ,TSUL KHRIMS KYI YAN LAG NI SROG GCOD PA SPONG BA LA SOGS PA'O, ,SDOM[?] PA DANG SDOM PA MA YIN PAS MA BSDUS PA GANG YIN PA STE, STZOGS PA ZHES BYA BA'I SGRAS NI MCHOD RTEN LA PHYAG 'TSAL BA DANG, LCAG DBYUG DANG THAL LCAG LA SOGS PA BSDU'O, ,SDOM PA MA YIN PA DANG SDOM PA LA GNAS PA'I GANG ZAG NI MI DGE BA DANG DGE BA LA GNAS PA DAG YIN PAS 'DI GNYIS LA BZLOG PA MI SRID DO SNYAM NAS CI RES 'GA' SDOM PA MA YIN PA LA GNAS PA ZHES BYA BA RGYAS PAR 'DRI STE, DE NYID JI SRID DU RJES SU 'BRANG BA ZHES BYA PA NI RAB TU DANG BA DANG NYON MONGS PA DAG GI SHUGS DAG GO, ,GZHAN DAG TU NI 'DAS PA DANG YANG LDAN NO ZHES BYA BA NI SKAD CIG MA GNYIS LA SOGS PA'O, ,MA BTANG BAR DU SKAD CIG MA, ,PHYIN CHAD 'DAS LDAN ZHES BYA BA NI GANG ZHIG JI SRID DU MA BTANG BA GANG YIN PA DE SRID DU 'DAS @27A *, ,PA'I RNAM PAR RIG BYED DANG LDAN NO, ,JI LTA ZHE NA RE ZHIG SDOM PA'I MTSAN NYID KYI RNAM PAR RIG BYED NI JI SRID DU BSLAB PA PHUL BA LA SOGS PAS MA BTANG BA DE SRID DU 'DAS PA'I RNAM PAR RIG BYED DANG LDAN NO, ,SDOM PA MA YIN PA'I MTSAN NYID NI JI SRID DU YANG DAG PAR LEN PA LA SOGS PAS MA BTANG BA DE SRID DU 'DAS PA DANG LDAN NO, ,SDOM PA YANG MA YIN, SDOM PA MA YIN PA YANG MA YIN PA'I MTSAN NYID NI JI SRID DU RAB TU DANG BA DANG, NYON MONGS PA'I SHUGS CHAD PAS MA BTANG BA DE SRID DU 'DAS PA DANG LDAN TE, GANG ZHIG SDOM PA LA SOGS PA'I RNAM PAR RIG BYED DANG LDAN PA DE NI, GDON MI ZA BAR SKAD CIG MA DANG PO PHYIN CHAD 'DAS PA'I RNAM PAR RIG BYED LAS KYI LAM DNGOS TE NGO BO NYID DANG LDAN NO, ,MA 'ONGS PA'I RNAM PAR RIG BYED DANG NI SU YANG MI LDAN NO ZHES BYA BA NI SEMS KYI RJES SU 'JUG PA MA YIN PA'I PHYIR RO; ,SEMS KYI DANG YANG ZHES BYA BA NI 'O NA NI BSGRIBS LA LUNG DU MA BSTAN PA'I SEMS KYI THOB PA YANG RJES SU MI 'BREL BAR 'GYUR RO, ,DE NI DE LTA MA YIN TE ZHES BYA BA NI, SEMS KYI THOB PA YANG RJES SU MA 'BREL PAR 'GYUR RO ZHES GANG SMRA BA'O, ,CI'I PHYIR ZHE NA SMRAS PA, RNAM PAR RIG BYED NI DMIGS PA MED PA'I PHYIR BLUN PA YANG YIN LA SEMS LA RAG LAS PA'I PHYIR GZHAN GYI DBANG YANG YIN NO, ,SEMS NI DE LTA MA YIN ZHES BYA BA NI BLUN PA YANG MA YIN LA GZHAN GYI DBANG YANG MA YIN NO ZHES BYA BA'I THA TSIG GO, ,CI'I PHYIR ZHE NA, DE LAS BZLOG PA YIN PA'I PHYIR RO, ,BSGRIBS LA LUNG DU MA BSTAN PA'I SEMS NYAM CHUNG DUS BSLANG BA DE NI CHES NYAM CHUNG BAR 'GYUR BA YIN NO,, ,,BAM PO SUM CU RTZA GNYIS PA, DNGOS KYIS BSDUS PA'I PHYIR LAS KYI LAM YIN NO ZHES BYA BA NI SEMS NI DE'I CHED YIN PA'I PHYIR RO, ,BAR MDOR GNAS SEMS ZHAN PAS, ,BYED PA RNAM RIG NYID DANG LDAN, ,ZHES BYA BA LA, BAR MA DOR GNAS ZHES BYA BA SMOS PA NI SDOM PA DANG SDOM PA MA YIN PA LA GNAS PA BSAL BA'I PHYIR TE, SDOM PA DANG SDOM PA MA YIN PA LA GNAS PA NI GDON MI ZA BAR RNAM PAR RIG BYED DANG RNAM PAR RIG BYED MA YIN PA @27B DAG DANG LDAN NO, ,SEMS ZHAN PA ZHES BYA BA SMOS PA NI SEMS DRAG PO STZAL BA'I PHYIR TE, SEMS DRAG POS NI RNAM PAR RIG BYED BYED PA NA RNAM PAR RIG BYED MA YIN PA KUN NAS SLONG BAR BYED DO, ,LUNG DU MA BSTAN PA LTA SMOS KYANG CI DGOS ZHES BYA BA SMOS PA NI SEMS ZHAN PAS LUNG DU MA BSTAN PA BYED PA NA LTA SMOS KYANG CI DGOS TE, GONG DU SDOM PA YANG MA YIN SDOM PA MA YIN PA YANG MA YIN PA LA GNAS PA SEMS ZHAN PAS DGE BA 'AM MI DGE BA BYED NA YANG RNAM PAR RIG BYED MA YIN PA MI SKYED PA'I PHYIR RNAM PAR RIG BYED KHO NA DANG LDAN PAR 'GYUR NA LUNG DU MA BSTAN PA BYED NA LTA CI ZHIG SMOS TE, 'DI RNAM PAR RIG BYED MA YIN PA BSKYED PAR DOGS PA MED PA'I PHYIR SHIN TU YANG RNAM PAR RIG BYED KHO NA DANG LDAN GYI, RNAM PAR RIG BYED MA YIN PA DANG NI MA YIN NO, ,MA GTOGS SO ZHES BYA BA RGYAS PAR SMOS PA NI, RDZAS LAS BYUNG BA'I BSOD NAMS BYA BA'I DNGOS PO BDUN DANG SROG GCOD PA LA SOGS PA'I LAS KYI LAM NI MA GTOGS TE, DE LA NI LUNG DU MA BSTAN PA BYED NA YANG RIG BYED MA YIN PA DANG LDAN PAR 'GYUR TE MDO LAS RGYU YANG RUNG 'DUG KYANG RUNG ZHES BYA BA RTAG TU RGYUN MI 'CHAD PAR ZHES BYA BA NAS BSOD NAMS NYE BAR SKYE BA KHO NAR 'GYUR ZHES BYA BA'I BAR 'BYUNG BA'I PHYIR RO, ,SROG GCOD PA LA SOGS PA'I LAS KYI LAM YANG SEMS ZHAN PAS BYED PA NA YANG RNAM PAR RIG BYED MA YIN PA DANG LDAN PAR 'GYUR RO, ,'PHAGS PA'I GANG ZAG GANG ZHIG CES BYA BRGYAS PAR 'BYUNG BA NI GANG GI TSE 'PHAGS PA'I GANG ZAG TSE BRJES PA NUR NUR PO LA SOGS PA'I GNAS SKABS DANG GZUGS MED PA'I KHAMS SU SKYES PA NA, DA DUNG RNAM PAR RIG BYED MA BYUNG BA 'AM, RNAM PAR RIG BYED RNAM PAR NYAMS NA STE, LUNG DU MA BSTAN PA'I SEMS KYIS BSLANG BA'I RNAM PAR RIG BYED RNAM PAR NYAMS NA YANG DE'I THOB PA RJES SU 'BREL PAR MI 'GYUR RO, ,YANG NA MCHOD RTEN LA SOGS PA BYAS PA'I DNGOS PO DE CHAD PAS DE'I TSE DES RNAM PAR RIG BYED MA YIN PA YANG YONGS SU 'CHOR NA RNAM PAR RIG BYED LTA SMOS KYANG CI DGOS, DE BAS NA 'PHAGS PA'I GANG ZAG TSE GZHAN DU BRJES PA NI GNAS SKABS DE DAG TU TSE RABS GZHAN NA THOB PA'I ZAG PA MED PA'I RNAM PAR RIG BYED MA YIN PA KHO NA LDAN GYI RNAM @28A *, ,PAR RIG BYED DANG NI MA YIN NO, ,SO SO'I SKYE BO LA YANG TSUL 'DI SRID PA MA YIN NAM ZHE NA, SRID PA KHO NA YIN TE, SO SO'I SKYE BO NI GDON MI ZA BA MA YIN PA'I PHYIR MI BSHAD DE, BSAM GTAN THOB PA TSE BRJES PA GANG ZHIG GZUGS KYI KHAMS SU RNAM PAR RIG BYED MA BYAS PA 'AM, RNAM PAR RIG BYED BYAS NAS RNAM PAR RIG BYED MED PAR GYUR PA DE KHO NA LTA BUR 'GYUR GYI GZHAN NI MA YIN NO, ,YANG NA 'DOD PA NA SPYOD PA'I SEMS CAN LAS BSAMS NAS SMRAS PA YIN NO, ,YANG NA 'PHAGS PA'I GANG ZAG NI DPER BRJOD PA'I TSUL DU BSHAD PA YIN PAS DES NA SO SO'I SKYE BO YANG DE DANG 'DRA BAR GZUNG BAR BYA'O, ,DE NYID KYI PHYIR, BAR MA DOR GNAS SEMS ZHAN PAS, ,BYED NA RNAM RIG NYID DANG LDAN, ,ZHES BYA BA 'DIR RDZAS LAS BYUNG BA'I BSOD NAMS BYA BA'I DNGOS PO DANG LAS KYI LAM DAG NI MA GTOGS SO ZHES BSHAD DE, TSIG 'DI NI LHAG MA DANG BCAS PA YIN PA'I PHYIR RO, ,DE LTAR NA MU DANG PO DANG GNYIS PA NI MDOR BYAS PA YIN NO, ,GSUM PA DANG BZHI PA NI SBYAR BAR BYA BA YIN TE, GSUM PA NI SDOM PA DANG SDOM PA MA YIN PA LA GNAS PA DANG, BAR MA DOR GNAS PA SEMS DRAG POS DGE BA'AM MI DGE BA BYED PA DAG GO, ,BZHI PA NI SO SO'I SKYE BO GANG ZHIG TSE GZHAN DU BRJES NAS DA DUNG DU RNAM PAR RIG BYED MA BYUNG BA 'AM RNAM PAR RIG BYED NYAMS PA'O, ,LHAN CIG 'BYUNG BA YIN PA'I PHYIR RO ZHES BYA BA NI 'DI LTAR BSAM GTAN GYI SDOM PA NI BSAM GTAN GYI SEMS DANG LHAN CIG 'BYUNG NGO, ,GZHAN GYI RNAM PAR RIG BYED CES BYA BA NI GO BAR BYED PA'O, ,GZHAN DAG NI GANG ZAG LAS SO ZHES BYA BA NI DGE TSUL DANG, DGE TSUL MA DANG, DGE BSNYEN DANG, DGE BSNYEN MA DANG, BSNYEN GNAS PA'I SDOM PA DAG GO, ,NGES PAR 'JUG PAS ZHES BYA BA NI 'PHAGS PA'I LAM LA 'JUG PAS SO, ,RTEN LNGA PO NI KUN SHES KOOndI N+YA LA SOGS PA'O, ,DGE SLONG TSUR SHOG CES BYAS PAS ZHES BYA BA NI BCOM LDAN 'DAS KYIS DGE SLONG TSUR SHOG ,TSANGS PAR SPYAD PA SPYOD CIG CES BKA' STZAL PAS TE, BDER GSHEGS SKYOB PAS TSUR SHOG CES GSUNGS PAS, ,MGO YANG BYI ZHING CHOS GOS GYON PAR GYUR, ,CES 'BYUNG BA LTA @28B BU YIN NO, ,STON PAR KHAS BLANGS PA NI 'OD SRUNGS CHEN PO'O ZHES BYA BA NI 'OD SRUNGS CHEN PO DE NI MTHU CHE BA'I PHYIR LHA'I GZUGS GANG DANG GANG LA PHYAG BYAS PA DE DANG DE GAS SO, ,DE BCOM LDAN 'DAS KYI THAD DU SONG NAS 'DI'I GZUGS ZHIG PAR GYUR NA MI RUNG NGO SNYAM NAS PHYAG MA BYAS PA DANG, BCOM LDAN 'DAS KYIS DE'I BSAM PA THUGS SU CHUD NAS, 'OD SRUNGS KHYOD DE BZHIN GSHEGS PA LA PHYAG 'TSOL CIG CES GLENGS SO, ,DE NAS BCOM LDAN 'DAS LA PHYAG BYAS PA DANG, DE NAS BCOM LDAN 'DAS KYIS GZUGS SU MA GYUR PAR MTHONG BAS, BCOM LDAN 'DAS 'DI NI BDAG GI STON PA YIN NO ZHES KHAS BLANGS TE, DE KHAS BLANGS PAS 'DI BSNYEN PAR RDZOGS PAR GYUR TO ZHES GRAG GO, ,DRIS PAS MNYES PA NI LEGS SBYIN NO ZHES BYA BA NI LEGS SBYIN GYIS SMRAS PA'I LAN BTAB PAS BCOM LDAN 'DAS MNYES PAR GYUR TE, MNYES PA DES NA 'DI BSTEN PAR RDZOGS PAR GYUR TO; ,BLA MA'I CHOS KHAS BLANGS PAS ZHES BYA BA NI BLA MA'I CHOS BRGYAD PO DGE SLONG MA BSNYEN PAR RDZOGS NAS LO BRGYA LON PAS KYANG DGE SLONG BSTEN PAR RDZOGS MA THAG PA LA PHYAG BYA BA DANG, DGE SLONG MAS GANG DU YANG DGE SLONG GI SKYON GLENG PAR MI BYA ZHES BYA BA DE LTA BU LA SOGS PA STE, DE DAG KHAS BLANGS PAS DE BSNYEN PAR RDZOGS PAR GYUR TO, ,'DI SKAD DU DGE SLONG LAS BSNYEN PAR RDZOGS SHING DGE SLONG MA'I DNGOS POR BYA BA DANG, ZLA BA PHYED CING DGE SLONG MA LA GDAMS NGAG MNOD PAR BYA BA DANG, DBYAR DGE SLONG MED PA'I GNAS SU 'GRO BAR MI BYA BA DANG, DGAG DBYE'I TSE GNYI GA'I DGE 'DUN LA GNAS GSUM GYIS DGAG DBYE BYA BA DANG, DGE SLONG GI LTUNG BA GLENG BAR MI BYA BA DANG, LTUNG BA BYUNG BA LA KHRO BAR MI BYA BA DANG, BLA MA'I CHOS KYI LTUNG BA BYUNG NA ZLA BA PHYED DU MNYES PAR BYA SPYAD PAR BYA BA DANG, BSNYEN PAR RDZOGS NAS LO BRGYA LON PAS DGE SLONG GSAR BU LA PHYAG BYA BA ZHES BYA BA BRGYAD YIN NO ZHES 'CHAD DO, ,PHO NYAS NI CHOS SBYIN NO ZHES BYA BAS NI DES BTZUN MO'I 'KHOR GYI NANG NA 'DUG BZHIN DU RAB TU 'BYUNG BA'I PHYIR BCOM LDAN 'DAS KYI SPYAN SNGAR PHO NYA BTANG NGO ZHES GRAG GO, ,'DUL BA 'DZIN PAR GTOGS PA LNGAS, ,ZHES BYA BA NI DGE SLONG GI DGE 'DUN BZHI STE, DE LA YUL MTHA' 'KHOB @29A *, ,DAG TU NI GSOL BA BRJOD PAR GTOGS PA LNGAS BSNYEN PAR RDZOGS PAR 'GYUR RO, ,YUL DBUS DAG TU NI GSOL BA BRJOD PAR GTOGS PA BCUS BSNYEN PAR RDZOGS PAR 'GYUR RO, ,SDE BZANG DRUG CU'I TSOGS KYIS BSNYEN PAR RDZOGS PAR BYAS PA RNAMS ZHES BYA BA NI 'DI DAG LA STE BZANG PO YOD PAS NA RIGS KYI BU SDE BZANG PO DRUG CU ZHES BYA BA YIN TE, DE DAG GI TSOGS TE TSAN GYIS BSNYEN PAR RDZOGS PAR BYAS PA RNAMS SO, ,SKYABS SU 'GRO BA LAN GSUM BZLAS BA STE SANGS RGYAS LA SKYABS SU 'GRO'O ZHES BYA BA NI LAN GSUM BRJOD PAS BSNYEN PAR RDZOGS PAR GYUR TO; ,DE DAG GI SO SOR THAR PA'I SDOM PA NI GDON MI ZA BAR RNAM PAR RIG BYED LA RAG LAS PA MA YIN NO ZHES BYA BA NI 'DUL BA 'DZIN PA DE DAG GI 'DOD BA 'DI LTAR NA SO SOR THAR PA'I SDOM PA THOB PA RNAM PAR RIG BYED LA RAG LAS PAR NGES PA MED DE, SANGS RGYAS LA SOGS PA RNAM PAR RIG BYED LA RAG MA LAS PA'I PHYIR RO, ,YANG NA DE DAG GI ZHES BYA BA NI GANG DAG GI LTAR NA BSNYEN BAR RDZOGS PAR BYA BA LA RNAM PAR RIG BYED MED PA'I LTAR NA'O, ,SDOM PA ZHES BYA BA NI BSDAM PAR BYA BA'O, ,KHA CIG DUS ZHES BYA BA RTAG PA'I DNGOS PO ZHIG YOD DO ZHES ZER BAS DE LAS BSAMS NAS DUS ZHES BYA BA'I DUS DE JI ZHIG YIN ZHES DRI BAR BYED DE DUS ZHES RJOD PA'I BRJOD PAR BYA BA JI ZHIG YIN ZHES BYA BA'I THA TSIG GO, ,DE NI 'DU BYED YONGS SU STON PA'I TSIG BLA DAGS YIN ZHES BYA BA NI 'DAS PA DANG MA 'ONGS PA DANG DA LTAR BYUNG BA'I 'DU BYED RNAMS STON PAR BYED PA'I MING YIN NO ZHES BYA BA STE, 'DI LTA STE 'DAS PA'I DUS NAS DA LTAR BYUNG BA ZHES BYA BA'I BAR LTA BU 'DU BYED DUS GSUM PA KHO NA YIN PAR GO BAR BYED DO, ,DES KYANG DER SBYOR BA MA BYAS PA'I PHYIR ZHES BYA BA NI SKAL BA MI 'DRA BA'I LUS DES YANG DAG PAR BLANGS PA DER SBYOR BA MA BYAS PA'I PHYIR RO, ,MI DRAN PA'I PHYIR ZHES BYA BA NI, 'DI LTAR LUS DE YANG DAG PAR BLANGS PA DE MI DRAN NO, ,BYE BRAG TU SMRA BAS SMRAS PA, DE JI SKAD BSHAD MA THAG PAS DE LTA GA LA NUS SLOB DPON GYIS PHYIN CHAD SDOM PA SKYE BA LA YANG RIGS PA DANG 'GAL BA NI MED PA'I PHYIR ZHES BYA BA SMOS TE 'DI LA NI JI LTAR YANG DAG PAR BLANGS PA YOD KYANG SHI BA'I 'OG TU LUS SKAL BA MI 'DRA @29B BA'I PHYIR SDOM PA SKYE BAR RIGS PA DANG 'GAL LO ZHES BYA BA LA SOGS PA LTA BU DANG RIGS PAR 'GAL BA MED DO, ,SDOM PA MA YIN PA YANG RNAM PAR RIG BYED MA YIN PA BZHIN DU RDZAS SU NI MED CES BYA BA NI JI LTAR RNAM PAR RIG BYED MA YIN PA RDZAS SU MED DO ZHES BSGRUB PA DE BZHIN DU SDOM PA MA YIN PA YANG SEMS LAS MA GTOGS PA RDZAS SU MED DO SNYAM DU BSAMS PA YIN NO, ,SDIG PA BYAS PA'I BSAM PA ZHES BYA BA NI SDIG PA BYA BAR 'DOD PA ZHES BYA BA'I THA TSIG GO, ,RJES SU 'BREL PA DANG BCAS PA ZHES BYA BA NI BAG CHAGS DANG BCAS PA ZHES BYA BA'I DON TE, SDOM PA MA YIN PA NI BAG CHAGS DANG BCAS PA'I SEMS PA'I KHYAD PAR YIN NO ZHES BYA BA'I THA TSIG GO, ,RJES SU 'BREL PA DES NA DE MA SPANGS PA'I PHYIR RO ZHES BYA BA NI BSAM PA RJES SU 'BREL PA DANG BCAS PA MA SPANGS PA'I PHYIR TE, DE DANG 'GAL BA'I SEMS PAS MA BCOS PA'I PHYIR ZHES BYA BA'I THA TSIG GO; ,THAL MO BSNOL BA ZHES BYA BA NI MTHE BO MA GTOGS PA'I SOR MO BZHI LAG PA CIG SHOS KYI MTHE BO DANG MDZUB MO'I BAR DU BKOD PA'I PHYIR THAL MO BSNOL BA YIN NO, ,DE DANG LDAN ZHING SDOM PA MA YIN PA DANG LDAN PA ZHES BYA STE SDOM PA MA YIN PA CAN ZHES BYA BA'I THA TSIG GO, ,DES NI ZAN ZOS KYANG MNOS PAR BYA'O ZHES BYA BA NI SDOM PA NI SLONG BAR BYED PA YANG DAG PAR LEN PAR NGES PA'I SEMS YIN PA'I PHYIR NYI MA 'CHAR BA'I TSE KHO NA SKYE'O, ,ZAN ZOS NAS MNOD PA NI BSAL BAR BYA BA'I PHYIR RO, ,TSUL KHRIMS NI PHAS PHAM PA MED PA DANG, DGE 'DUN GYI LHAG MA LA SOGS PA MED PA'O,, BRTUL ZHUGS ZHES BYA BA NI NGES PA'O, ,DE MED NA ZHES BYA BA NI DUS SU ZA BA MED NA'O, ,GNYI GA YANG MED DO ZHES BYA BA NI DRAN PA DANG SKYO BA'O, ,DE DAG NYID YANG DAG PA'I LTA BA LA SOGS PA DE DAG NYID KYI YAN LAG TU RUNG BA NI MA YIN NO ZHES BYA BA RGYAS PAR 'BYUNG BA NI SLOB DPON BYE BRAG TU SMRA BA'I GZHUNG LUGS RIGS PA DANG 'GAL BAR STON PA YIN TE, YANG DAG PA'I LTA BA LA SOGS PA DE DAG NYID YANG DAG PA LA SOGS PA STE, YANG DAG PA'I LTA BA DANG, CHOS RNAM PAR 'BYED PA YANG DAG PAR BYANG CHUB KYI YAN LAG DANG, TING NGE 'DZIN RNAMS KYI YAN LAG NYID DU RUNG BA NI MA YIN TE, MI RUNG NGO @30A *, ,ZHES BYA BA'I THA TSIG GO, ,CI'I PHYIR ZHE NA, RIGS PA DANG 'GAL BA'I PHYIR TE GAL TE YANG DAG PA'I LTA BA LA SOGS PA SNGA MA RNAMS PHYI MA RNAMS KYI YAN LAG TU 'GYUR RO ZHES BYA BAR RNAM PAR 'JOG NA NI DE LTA NA YANG RTOG PA 'DI LA SKAD CIG MA DANG PO LA SKYES PA'I 'PHAGS PA'I LAM YAN LAG BRGYAD PAR MI 'GYUR TE, DE LA YANG DAG PA'I LTA BA'I YAN LAG SNGAR SKYES PA MED PAS YAN LAG BDUN PAR 'GYUR RO, ,BYANG CHUB KYI YAN LAG DAG LA YANG SKAD CIG MA PHYI MA BYANG CHUB KYI YAN LAG MA YIN PAR 'GYUR TE, 'OG ROL DU GANG ZHIG DE'I YAN LAG TU 'GYUR BA BYANG CHUB KYI YAN LAG GZHAN NI YOD PA MA YIN NO, ,'ON TE MA 'ONGS PA'I BYANG CHUB DE'I YAN LAG YIN NO ZHES BYA BAR 'DOD NA NI MA 'ONGS PA BYANG CHUB KYI YAN LAG MA YIN PAR 'GYUR TE, DE BZHIN DU TING NGE 'DZIN LA YANG SBYAR BAR BYA'O, ,MI SHES PA NI MA GTOGS SO ZHES BYA BA NI 'BOGS PAR BYED PA'AM MNOD PAR BYED PA BRJED PA DANG MA BYANG BA STE THE TSOM ZA BA DANG LOG PAR ZHUGS PA'I BSAM PA CAN MA GUS PA SNGON DU 'GRO BAS SKYABS SU MI 'GRO BA LA NI SDOM PA MI SKYE'O, ,KHYIM PA ZHES BYA BA NI BSTAN PA'I TSIG YIN NO, ,GOS DKAR PO BGOS ZHES BYA BA NI BSHAD PA'I TSIG YIN NO, ,SKYES PA ZHES BYA BA NI BSTAN PA YIN NO, ,PHO'I DBANG PO DANG LDAN PA ZHES BYA BA NI BSHAD PA'I TSIG YIN TE, GAL TE SDOM PA MED PAR DGE BSNYEN MA YIN NA 'O NA MDO LAS BSHAD PA 'DI TZAM GYIS DGE BSNYEN DU 'GYUR RO ZHES GSUNGS PA GANG YIN PA DE JI LTA BU ZHES BYA BA TSIG LHAG MA YIN NO, ,'DI LA 'GAL BA MED DO ZHES BYA BA SMOS PA 'DI NI MING CHEN GYI MDO'O, ,BSTAN PA DGE SLONG BZHIN ZHES BYA BA NI DGE BSNYEN GYI BSLAB PA'I GZHI BSTAN PA NI DGE SLONG GI DANG 'DRA STE, JI LTAR DGE SLONG GSOL BA DANG BZHI'I LAS KYIS SDOM PA THOB ZIN KYANG KHYOD KYIS KYANG PHAS PHAM PA LA SOGS PA 'DI DANG 'DI LTA BU BSDAM MO ZHES BSLAB PA'I GZHI RNAMS CHE LONG DU 'DZIN DU 'JUG CING SHES PAR BYED LA TSANGS PAR SPYOD PA GZHAN DAG KYANG KHYOD LA STON PAR 'GYUR RO ZHES BRJOD PA LTA BU YIN NO, ,DGE SBYONG CI ZHE NA, BSLAB PA'I GZHI DAG 'DZIN DU 'JUG PA LTA BU STE, SNGAR GANG GI TSE DES BDAG MING 'DI ZHES BGYI BA BCOM LDAN 'DAS DE BZHIN GSHEGS @30B BA DGRA BCOM PA YANG DAG PAR RDZOGS PA'I SANGS RGYAS SH'AKYA SENG GE ,SH'AKYA'I RGYAL PO CHEN PO DE RAB TU BYUNG BA'I RJES SU RAB TU 'BYUNG STE, KHYIM PA'I RTAGS NI RAB TU SPANG NGO, ,RAB TU BYUNG BA'I RTAGS NI YANG DAG PAR LEN TO, ,BDAG DGE SBYONG LAGS PAR GZUNG DU GSOL, DE[?] SKAD DU LAN GSUM GYI BAR DU YANG BRJOD DO ZHES KHAS BLANGS PA NYID NA SDOM PA THOB ZIN MOD KYI, BSLAB PA'I GZHI RNAMS 'DZIN DU 'JUG GO, ,DE BZHIN DU DGE BSNYEN YANG SANGS RGYAS LA SKYABS SU MCHI'O ZHES BYA BA NAS DGE 'DUN LA SKYABS SU MCHI'O ZHES BYA BA LAN GNYIS LAN GSUM DU YANG ZHES BYA BA'I BAR 'DIS SDOM PA THOB ZIN MOD KYI, YANG SROG GCOD PA SPANGS TE SROG GCOD PA LAS SLAR LDOG GO ZHES BYA BA LA SOGS PA RGYAS PAR BSLAB PA'I GZHI RNAMS 'DZIN DU 'JUG PA YIN NO, ,SNA GCIG SPYOD PA NI GANG ZHIG BSLAB PA'I GZHI GCIG BSRUNG BA'O, ,PHYOGS GCIG SPYOD PA NI GANG ZHIG GNYIS BSRUNG BA'O, ,PHAL CHER SPYOD PA NI GANG ZHIG GSUM MAM BZHI BSRUNG BA'O, ,YONGS SU RDZOGS PAR SPYOD PA NI GANG ZHIG LNGA CHAR BSRUNG BA'O, ,DE NI SPYOD PA ZHES GSUNGS PAR ZAD KYI ZHES BYA BA NI SNA GCIG SPYOD PA NAS YONGS SU RDZOGS PAR SPYOD PA'I BAR ZHES BYA BA'I THA TSIG GO, ,MDO'I TSIG NI DE LTA MA YIN NO ZHES BYA BA NI MING CHEN GYI MDO LAS NI 'DI SKAD DU JI SRID 'TSO'I BAR DU SROG GCOD SPONG NGO ZHES MI 'BYUNG NGO ZHES BYA BA YIN NO, ,JI LTAR MING CHEN GYI MDO LAS GSUNGS PA LAS BYUNG BA BZHIN TE ZHES BYA BA NI BTZUN PA JI TZAM GYIS NA DGE BSNYEN DU 'GYUR LAGS, MING CHEN 'DI LTAR KHYIM PA ZHES BYA BA RGYAS PAR BDAG LA DGE BSNYEN DU GZUNG DU GSOL ZHES TSIG TU SMRA NA 'DI TZAM GYIS DGE BSNYEN DU 'GYUR RO ZHES BYA BA'I BAR 'BYUNG BA YIN NO, ,GANG LAS 'DI SKAD DU 'BYUNG BA ZHES BYA BA NI MDO'I KHYAD PAR GANG LAS 'DI SKAD DU NAM 'TSO'I BAR DU SROG DANG SDOM PA SKYABS SU SONG BA MNGON PAR RAB TU DANG BA ZHES 'BYUNG BA DER NI BDEN PA MTHONG BA'I GANG ZAG DE DAG BDAG CAG GIS NI CHOS 'DI GTONG DU MI RUNG NGO ZHES SHES NAS DAD PA'I RGYUS TE SHES NAS DAD PA'I RGYU LAS BYUNG BAS SROG GI PHYIR YANG SROG LA BAB KYANG DAM PA'I CHOS LA KHAS 'CHE BAR STON PA YIN NO, ,DE SDOM PA'I MTSAN NYID STON PA @31A *, ,NI MA YIN NO ZHES BYA BA NI MDO 'DIS SDOM PA'I MTSAN NYID STON PA NI MA YIN NO ZHES BYA BA'I THA TSIG GO, ,SROG GCOD SPONG BA ZHES BYA BA NI GANG NAS KYANG MI 'BYUNG ZHES BYA BA NI MING CHEN GYI MDO LAS KYANG MI 'BYUNG LA BDEN PA MTHONG BA'I MDO LAS KYANG MI 'BYUNG NGO, ,SU ZHIG YONGS SU MI GSAL BA'I DON 'DI 'DON PAR BYED CES BYA BA NI BAR GYI TSIG MI MNGON PAR BYAS PA YIN PAR RTOG PA'I PHYIR CI SROG SPONG BA SROG DAG GIS BOR BA ZHIG GAM SROG LAS SPANG BA ZHIG YIN NAM 'ON TE SROG SPONG BA SROG GCOD PA LA SOGS PA SPONG BA ZHIG YIN ZHES BYA BA MI SHES PAR 'GYUR RO, ,ZHU BA NYID KYANG MI 'THAD NA ZHES BYA BA NI BTZUN PA JI TZAM GYIS NA DGE BSNYEN SNA GCIG SPYOD PAR 'GYUR BA LAGS ZHES BYA BA NAS YONGS SU RDZOGS PAR SPYOD PA LAGS ZHES BYA BA'I BAR GYIS ZHU BA GANG YIN PA'I ZHU BA DE MI 'THAD DO, ,LAN LTA SMOS KYANG CI DGOS MING CHEN 'DI NA DGE BSNYEN SROG GCOD PA SPANGS NAS SROG GCOD PA LAS SLAR LOG PA YIN TE, MING CHEN 'DI TZAM GYIS NA DGE BSNYEN BSLAB PA LAS SNA GCIG SPYOD PA YIN NO ZHES BYA BA RGYAS PAR BSLAB PA'I GZHI GNYIS KYIS SPANGS PA NI PHYOGS GCIG SPYOD PA YIN NO, ,GSUM MAM BZHIS SPANGS PA NI PHAL CHER SPYOD PA YIN NO, ,LNGAS SPANGS PA NI YONGS SU RDZOGS PAR SPYOD PA YIN NO ZHES BYA BA'I LAN 'DI LTAR SHIN TU YANG MI RUNG NGO, ,DE TZAM DU BZOD PA LA NI ZHU BA 'DI RUNG NGO ZHES BYA BA NI BSLAB PA'I GZHI GCIG GAM GNYIS SAM DE YAN CHAD BZOD PA LA'O, ,DGE BSNYEN NI SDOM PA MED PAR YANG BTAGS KYI ZHES BYA BA NI MING CHEN GYI MDO LAS MING CHEN 'DI LTAR KHYIM PA GOS DKAR PO BGOS PA ZHES BYA BA DE LTA BU LA SOGS PA'O, ,DGRA BCOM PA LA YANG SO SOR THAR PA'I SDOM PA CHUNG NGU YOD LA ZHES BYA BA NI GAL TE 'DI'I KUN NAS SLONG BAR BYED PA'I SEMS CHUNG NGU ZHIG YIN PAR GYUR NA'O, ,SO SO'I SKYE BO LA YANG CHEN PO YOD PAR 'GYUR RO ZHES BYA BA NI GAL TE 'DI'I SEMS CHEN PO YIN NA'O, ,MI SHES PA NI MA GTOGS SO ZHES BYA BA NI 'BOGS PAR BYED PA DANG NOD PAR BYAD PA'O, ,MA GUS BA NI SKYABS SU 'GRO BA MED PAR DGE BSNYEN DU MI 'GYUR RO, ,SANGS RGYAS SU BYED PA ZHES BYA BA NI SANGS RGYAS @31B SU[?] GDAGS PA'I RGYU DAG GO, ,DE NYID KYI PHYIR GANG DAG GTZO BOR GYUR PAS SKU DE SANGS RGYAS ZHES BRJOD CES BYA BA SMOS TE, YON TAN GZHAN DAG KYANG GTZO BO MA YIN PAR BRTEN PA NI YOD DE, GANG DAG BRNYES PAS ZHES BYA BA DANG ZAD PA SHES PA LA SOGS PA 'KHOR DANG BCAS PA LA SOGS PA ZHES BYA BA'I SGRAS NI MI SKYE BA SHES PA DANG, MI SLOB PA'I YANG DAG PA'I LTA BA BSDU'O, ,'KHOR DANG BCAS PA ZHES BYA BA SMOS PAS NI ZAG PA MED PA'I PHUNG PO LNGA BSDU BA'O, ,GZUGS KYI SKU NI SNGA MA DANG PHYI MAR YANG BYE BRAG MED PA'I PHYIR ZHES BYA BA CI ZHE NA GZUGS KYI SKU LA SKYABS SU MI 'GRO'O ZHES BYA BAR SBYAR TE, GZUGS KYI SKU NI BYANG CHUB SEMS DPA'I GNAS SKABS NA CI 'DRA BA PHYIS KYANG DE DANG 'DRA BAS SO, ,MTSAN NYID KYI SGO NAS NI SANGS RGYAS THAMS CAD LA STE ZHES BYA BA NI ZHAL NAS GSUNGS PA'I SGO NAS NI MA YIN NO SNYAM DU BSAMS PA YIN NO, ,LAM MTSAN NYID MI 'DRA BA MED PA'I PHYIR RO ZHES BYA BA NI 'JIG RTEN PA'I LAM BSOD NAMS DANG YE SHES KYI TSOGS KYI MTSAN NYID DANG 'JIG RTEN LAS 'DAS PA ZAD PA MKHYEN PA LA SOGS PA'I MTSAN NYID MI 'DRA BA MED CING 'DRA BA'I PHYIR SANGS RGYAS THAMS CAD MTSAN NYID 'DRA'O ZHES BYA BA'O, ,SKU TSE DANG RIGS LA SOGS PA MTSAN NYID MI 'DRA BA MED PA'I PHYIR NI MA YIN NO, ,MI PHYED PA'I PHYIR DGE 'DUN DU 'GYUR BA ZHES BYA BA NI LHA DANG BCAS PA'I 'JIG RTEN GYIS KYANG LAM LAS MI PHYED PA'I PHYIR DGE 'DUN DU 'GYUR BA STE, TSOGS PA'I NGO BOR 'GYUR BA ZHES BYA BA'I THA TSIG GO, ,MTSAN NYID KYI SGO NAS NI ZHES BYA BA NI SNGA MA BZHIN DU RNAM PAR BSHAD PAR BYA'O, ,GANG YANG MA 'ONGS PA'I DUS NA DGE 'DUN ZHES BYA BA RGYAS PAR 'BYUNG BA NI DE NA BCOM LDAN 'DAS KYIS TSONG PA TRA SU SA DANG, BA LI KA LA BKA' STZAL PA, KHYED GNYIS TSUR GSHEGS SANGS RGYAS DANG CHOS LA SKYABS SU SONG SHIG ,GANG YANG MA 'ONGS PA'I DUS NA DGE 'DUN ZHES BYA BA 'BYUNG BAR 'GYUR BA DE LA YANG SKYABS SU SONG SHIG CES GSUNGS PA YIN TE, GANG GI TSE DGE 'DUN MED PA DE'I TSE MA 'ONGS PA'I DGE 'DUN KHO NA'I DBANG DU MDZAD NAS DE SKAD DU BKA' STZAL NA, DE JI LTAR DGE 'DUN THAMS CAD LA SKYABS SU 'GRO ZHES BYA BA 'DI DANG 'GAL BAR MI 'GYUR TE, DE DAG GI MNGON SUM DU GYUR PA ZHES BYA BA NI DGE @32A *, ,'DUN GANG ZHIG CHOS KYI 'KHOR LO BSKOR BA'I 'OG TU TRA PU SA DANG BA LI KA DE GNYIS KYI MNGON SUM DU 'GYUR BA DE BRJOD PA'I PHYIR TE, DE LTA NA DES YON TAN GYI SGO NAS KHAS BLANGS PAR 'GYUR RO ZHES RAB TU BSTAN PA'I PHYIR RO, ,SDUG BSNGAL ZHI BAR MTSAN NYID GCIG PA'I PHYIR; ,ZHES BYA BA NI 'DI LA BDAG DANG GZHAN GYI RGYUD KYI NYON MONGS PA RNAMS DANG, SDUG BSNGAL ZHI BA GANG YIN PA DE YOD PAS NA DE ZHI BAR MTSAN NYID GCIG PA STE, MYA NGAN LAS 'DAS PA YIN NO, ,DE'I NGO BO NYID DE DE'I PHYIR 'DI MYA NGAN LAS 'DAS PA THAMS CAD LA SKYABS SU 'GRO'O[?], , RTEN LA GNOD PA BYAS PA ZHES BYA BA NI MI SLOB PA DE DAG GI RTEN GZUGS KYI PHUNG PO GANG YIN PA DE LA GNOD PA BYAS SHING NYAMS PAR BYAS PAS DE DAG GI RTEN CAN SANGS RGYAS BYED PA'I CHOS DE DAG LA YANG GNOD PA BYAS PA YIN NO, ,BSTAN BCOS LAS NI DE SKAD DU MI 'BYUNG NGO ZHES BYA BRGYAS PAR 'BYUNG BA NI CHOS MNGON PA'I BSTAN BCOS LAS DE SKAD DU MI 'BYUNG BA STE, 'DI SKAD DU MI SLOB PA'I CHOS DAG KHO NA SANGS RGYAS YIN NO ZHES NI MI STON TE, 'O NA JI SKAD DU 'BYUNG ZHE NA, SANGS RGYAS SU BYED PA'I CHOS ZHES 'BYUNG STE, DON CI ZHE NA SANGS RGYAS SU BYED PA GANG DAG YIN PA STE, SANGS RGYAS NYID DANG SANGS RGYAS SU GDAGS PA'I RGYU 'JIG RTEN PA DANG, 'JIG RTEN LAS 'DAS PA'I CHOS GANG DAG YIN PA DE DAG NI SANGS RGYAS YIN NO ZHES BYA BA YIN NO, ,DE'I PHYIR DE DAG GI RTEN 'JIG RTEN PA'I PHUNG PO LNGA'I MTSAN NYID SANGS RGYAS NYID DU MA BKAG PAS GAL TE MI SLOB PA'I CHOS DAG KHO NA SANGS RGYAS YIN NA, JI LTAR DE BZHIN GSHEGS PA LA NGAN SEMS KYIS KHRAG PHYUNG BAS MTSAMS MED PAR 'GYUR ZHES GANG SMRAS PA DE NI KLAN KA MI RUNG BA NYID DO, ,DE LTA MA YIN NA ZHES BYA BA RGYAS PAR 'BYUNG BA NI GAL TE SANGS RGYAS KYANG MI SLOB PA'I CHOS DAG KHO NA YIN LA DGE 'DUN YANG SLOB PA DANG MI SLOB PA'I CHOS DAG KHO NA YIN NA 'JIG RTEN PA'I SEMS LA GNAS PA SANGS RGYAS KYANG MA YIN PAR 'GYUR, DGRA BCOM PA YANG MA YIN PAR 'GYUR, DE CI'I PHYIR ZHE NA, 'JIG RTEN PA'I SEMS LA NI MI SLOB PA'I CHOS DAG DANG, SLOB PA DANG MI SLOB PA'I CHOS DAG MED DO GAL TE @32B YANG SANGS RGYAS SU BYED PA'I CHOS MI SLOB PA KHO NA SANGS RGYAS YIN GYI RTEN NI MA YIN NA SDOM PA ZHES BYA BA DGE SLONG DU BYED PA'I TSUL KHRIMS KHO NA YANG DGE SLONG DU 'GYUR GYI RTEN NI MA YIN PAR 'GYUR RO, ,SMRAS PA GAL TE RTEN SANGS RGYAS NYID YIN NA CI'I PHYIR BSTAN BCOS LAS 'DI SKAD DU, GANG ZHIG SANGS RGYAS LA SKYABS SU 'GRO BA DE NI MI SLOB BA SANGS RGYAS SU BYED PA'I CHOS DAG LA SKYABS SU 'GRO'O ZHES MI SLOB PA'I CHOS DE DAG KHO NA LA NGES PAR BZUNG, BYE BRAG TU SMRA BAS DE SKAD CES SMRAS PA DANG SLOB DPON GYIS DPES LAN JI LTAR GANG ZHIG DGE SLONG MCHOD PAR BYED PA ZHES BYA BA RGYAS PAR SMOS TE, JI LTAR GANG ZHIG DGE SLONG MCHOD PAR BYED PA DE NI TSUL KHRIMS KYI SGO NAS DGE SLONG DU BYED PA'I TSUL KHRIMS MCHOD PAR BYED PA YIN NO ZHES BYA BA DGE SLONG GI TSUL KHRIMS KHO NA YIN PAR YANG MA ZAD PA DE BZHIN DU GANG ZHIG SANGS RGYAS LA SKYABS SU 'GRO BA DE YANG MI SLOB PA'I SGO NAS MI SLOB BA SANGS RGYAS SU BYED PA'I CHOS DAG LA SKYABS SU 'GRO BA YIN GYI SANGS RGYAS NI RANG GI RGYUD KYI MI SLOB PA'I CHOS DAG KHO NA YIN PAR NI MA ZAD DO, ,DE LTA BAS NA GANG ZHIG SANGS RGYAS LA SKYABS SU 'GRO BA DE NI MI SLOB PA SANGS RGYAS SU BYED PA'I CHOS DAG LA SKYABS SU 'GRO BA YIN NO ZHES BYA BA DE NYES PA MED DO,, DE NI SANGS RGYAS KYI CHOS MA 'DRES PA BCO BRGYAD LA ZHES BYA BA NI DE DAG GI THUN MONG MA YIN PA'I PHYIR RO SNYAM DU BSAMS PA YIN NO, ,NGAG GI RNAM PAR RIG BYED KYI NGO BO NYID DAG YIN NO ZHES BYA BA NI NOD PA'I DUS KYI DBANG DU BYAS PA YIN NO, ,MCHOD GNAS KYI LJON SHING ZHES BYA BA NI, MCHOD GNAS SU BYAS PA'I SHING NI MCHOD GNAS KYI LJON SHING STE, DE DAG LA'O, ,DE NYID KYI PHYIR ZHES BYA BA NI GANG GI PHYIR, SKYABS DE LA NI BRTEN NAS KYANG, ,SDUG BSNGAL KUN LAS GROL BAR 'GYUR BA DE'I PHYIR SDOM PA YANG DAG PAR BLANG BA THAMS CAD LA STE, DGE BSNYEN LA SOGS PA'I SDOM PA YANG DAG PAR BLANG BA DAG LA SGOR GUR PA YIN NO ZHES BYA BA'I THA TSIG GO, ,NGAN SONG BA'I RGYU YIN PA'I PHYIR ZHES BYA BA NI 'DI LTAR 'DOD PAS LOG PAR G-YEM PA NI GCIG TU NGAN SONG BA'I RGYU YIN TE, NGAN SONG DU 'GYUR BA YIN GYI MI TSANGS PAR SPYOD PA NI DE LTA MA YIN NO, ,MI BYED PAR NGES PA NI MI BYED PA'I SDOM PA'O ZHES BYA BA NI MI BYED PA MA @33A *, ,YIN PA'O, ,NGES PA NI GCIG TU NGES PA'O, ,MI BYED PAR NGES PA NI MI BYED PAR NGES PA STE, DE NI MI BYED PAR SDOM PA'O, ,MI BYED PA'I MTSAN NYID KYI SDOM PA NI MI BYED PA'I SDOM PA STE, YANG DAG PAR BLANGS PA LAS BYUNG BA'I SDOM PA MA YIN PA ZHES BYA BA'I THA TSIG GO, ,DE YANG MDO SDE PA'I LUGS KYIS NI GNAS SKABS KYI KHYAD PAR KHO NA YIN NO, ,BYE BRAG TU SMRA BA'I LUGS KYIS NI TSUL KHRIMS KYI YAN LAG RNAM PAR RIG BYED MA YIN NO ZHE'O, ,GANG DAG DGE BSNYEN YIN BZHIN DU ZHES BYA BA RGYAS PAR 'BYUNG BA NI GANG DAG BSLAB PA'I GNAS LNGA MNOS PA YIN BZHIN DU, CHUNG MA LEN PAR BYED CING BAG MA LEN PAR BYED NA, CI DGE BSNYEN DE DAG GIS BUD MED DE DAG LAS KYANG SDOM PA THOB PA 'AM ZHES BYA BA NI SNGON THOB PA 'AM ZHES BYA BA'I THA TSIG GO, ,'ON TE MA YIN ZHES BYA BA NI THOB PA ZHES BYA BAR SKABS DANG SBYAR RO, ,BYE BRAG TU SMRA BAS THOB PO ZHES BYA BA SMOS TE, NYI TSE BA'I SDOM PA THOB PAR 'GYUR DU 'ONGS PAS ZHES BYA BA NI BGROD PAR BYA BA MA YIN PA THAMS CAD SPANGS PA'I PHYIR RO, ,'DOD PAS LOG PAR G-YEM PA SPONG NGO ZHES BYA BA NI BGROD PAR BYA BA MA YIN PA NYID SPYOD PA SPONG NGO ZHES BYA BA YIN GYI 'DI LA RGYUD LA BGROD PAR BYA BA NYID SPYOD PA SPONG NGO ZHES BYA BA NI MA YIN NO ZHES BYA BA'I THA TSIG GO, ,DE NYID KYI PHYIR RGYUD 'DI LA ZHES BYA BA RGYAS PAR SMOS SO, ,BCAS PA'I KHA NA MA THO BA ZHES BYA BA NI BKAG PA'I KHA NA MA THO BA'O, ,BCOM LDAN 'DAS KYIS BKAG PA'I LAS SPYOD PA NI SDIG PAR 'GYUR TE, BCOM LDAN 'DAS KYIS BSTAN PA LA MA GUS PA'I PHYIR RO, ,CHOS MNGON PA BAS GANG MYOS PAR MI 'GYUR BA'I DROD RIG NAS 'THUNG BA DE NI NYON MONGS PA CAN MA YIN NO ZHES BSHAD PA DANG, 'DUL BA 'DZIN PA RNAMS MYOS PAR 'GYUR BA 'THUNG BA NI, RANG BZHIN GYIS KHA NA MA THO BA YIN ZHES BYA BA SGRUB PAR BYED DO, ,NYE BA 'KHOR RANG BZHIN GYIS KHA NA MA THO BA MA GTOGS PA ZHES BYA BA NI RANG BZHIN GYIS KHA NA MA THO BA'I LAS KYIS GSO BAR MI BYA'I BCAS PA'I KHA NA MA THO BAS NI GSO BAR BYA'O SNYAM DU DGONGS PA YIN NO, ,SH'AKYA NAD PA RNAMS LA YANG MYOS PAR 'GYUR BA 'THUNG BAR MA GNANG STE, DE'I PHYIR DE NI RANG BZHIN @33B BYIS KHA NA MA THO BA YIN PAR MNGON NO, ,GAL TE DE BCAS PA'I KHA NA MA THO BA ZHIG YIN PAR GYUR NA, DE SH'AKYA NAD PA'I GSOS SU YANG GNANG BAR 'GYUR BA ZHIG NA GNANG BA YANG MA YIN TE, DE'I PHYIR DE NI RANG BZHIN GYIS KHA NA MA THO BA YIN NO, ,DE LAS 'DI SKAD DU NGA STON PA YIN PAR SMRA BA STE, SH'AKYA THUB PA NI BDAG GI STON PA YIN NO ZHES SMRA BA RNAMS KYIS MYOS PAR 'GYUR BA RTZVA'I RTZE MOS KYANG BTUNG BAR MI BYA'O ZHES KYANG GSUNGS TE DE BAS NA DE NI RANG BZHIN GYIS KHA NA MA THO BA YIN PAS BCOM LDAN 'DAS KYIS BKAG GI MYOS PAR 'GYUR RO SNYAM DU DGONGS NAS NI MA YIN TE, RTZVA MCHOG TZAM GYIS BLANGS PA'I CHANG GIS NI MYOS PAR MI 'GYUR BA'I PHYIR RO, ,'PHAGS PA RNAMS ZHES BYA BA RGYAS PAR 'BYUNG BA NI CHANG 'THUNG BA NI RANG BZHIN GYIS KHA NA MA THO BA YIN TE, 'PHAGS PA RNAMS TSE 'PHOS KYANG MI SPYOD PA'I PHYIR SROG GCOD PA LA SOGS PA BZHIN NO ZHES BYA BA NI SGRUB PA YIN NO, ,LUS KYI NYES PAR SPYOD PA ZHES KYANG 'BYUNG BA'I PHYIR ZHES PA NI SGRUB PA GZHAN YIN TE, CHANG 'THUNG BA NI RANG BZHIN GYIS KHA NA MA THO BA YIN TE, LUS KYI NYES PAR SPYOD PA YIN PAR 'BYUNG BA'I PHYIR SROG GCOD PA LA SOGS PA BZHIN NO, ,DGA' BYED LA SOGS PA'I MDO LAS, LUS KYI NYES PAR SPYOD PA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, 'BRU'I CHANG DANG, SBYAR BA'I CHANG MYOS PAR GYUR PA, BAG MED PA'I GNAS 'THUNG BA RNAM PA BZHI BSHAD DO, ,SPYIR BSTAN MOD KYI ZHES BYA BA RGYAS PAR 'BYUNG BAS 'DIS NI BCOM LDAN 'DAS KYI BKA' LA SNGA PHYI 'GAL PA SPONG BAR BYED DO, ,JI LTA ZHE NA, BTZUN PA JI LTAR ZHES BYA BA RGYAS PAR CHANG 'THUNG BA SPYIR SMOS PA NI SPYIR BSTAN PA YIN NO, ,SH'AKYA NAD PA RNAMS LA CHANG 'THUNG DU MA GNANG BA ZHES BYA BA NI DMIGS KYIS BSTAN PA YIN PAS, NA BA'I GNAS SKABS NA YANG CHANG 'THUNG DU MA GNANG NGO ZHES BYA BAR MNGON NO, ,DMIGS KYIS BSTAN PA YANG THAL BAR 'GYUR BA YONGS SU SPANG BA'I PHYIR TE, CHANG NI LAN CIG 'THUNGS PAS KYANG CHAGS PAR 'GYUR RO, ,BCOM LDAN 'DAS KYIS KYANG GNAS GSUM PO CHANG DANG MI TSANGS PAR SPYOD PA DANG RMUGS PA DANG @34A *, ,GNYID BSTAN PA NI NGOMS PA 'AM CHOG PA 'AM TSIM PA MED DO ZHES GSUNGS SO, ,CI'I PHYIR THAL PAR 'GYUR BA 'DI SPANG ZHE NA MYOS PAR 'GYUR BA'I DROD MA NGES PAS ZHES BYA BA SMOS TE, DE TZAM KHO NA RDZAS DANG DUS DANG RANG BZHIN DANG LUS KYI GNAS SKABS LA LTOS NAS MYOS PAR 'GYUR BA YANG YIN LA MYOS PAR MI 'GYUR BA YANG YIN NO, ,DE NYID KYI PHYIR RTZVA'I RTZE MOS 'THUNG BA YANG BKAG PA YIN NO ZHES BYA BA 'DOR BA'I TSIG YIN NO, ,DE LTAR NA BCOM LDAN 'DAS KYIS THUGS LA RANG BZHIN GYIS SDIG YIN NO SNYAM DU DGONGS NAS DE YONGS SU SPANG BAR BYA BAR GSUNGS PA NI MA YIN NO; ,'O NA CI ZHE NA THAL BA'I NYES PAR 'GYUR BA'I PHYIR ZHES BSTAN PA YIN NO, ,'PHAGS PA RNAMS MI SPYOD PA NI NGO TSA DANG LDAN PA'I PHYIR ZHES BYA BA NI MDO LAS SLOB PA'I STOBS LNGA 'BYUNG STE, LNGA GANG ZHE NA, DAD PA'I STOBS DANG, BRTZON 'GRUS KYI STOBS DANG, NGO TSA SHES PA'I STOBS DANG, KHREL YOD PA'I STOBS DANG, SHES RAB KYI STOBS ZHES BYA BA YIN NO, ,DE BAS NA NGO TSA DANG LDAN PA'I PHYIR MI 'THUNG BAR ZAD KYI RANG BZHIN GYIS KHA NA MTHO BA YIN PA'I PHYIR NI MA YIN NO, ,GAL TE NGO TSA DANG LDAN PA'I PHYIR DE MI SPYOD NA CI'I PHYIR CHUL SOGS PA BZHIN DU MA SHES TE DE YANG MI 'THUNG ZHE NA[?] DE'I PHYIR DES KYANG DRAN PA NYAMS PAR BYED PA'I PHYIR ZHES BYA BA SMOS TE, CHANG 'THUNGS NA BYA BA DANG BYA BA MA YIN PA'I DRAN PA NYAMS PAR 'GYUR RO, ,GAL TE DE LTA NA JI TZAM GYIS DRAN PA NYAMS PAR MI 'GYUR BA CUNG ZAD CIG 'THUNGS LA RAG MOD CEN, DE'I PHYIR CUNG ZAD KYANG MI GSOL TE ZHES BYA BA SMOS TE, DUG BZHIN DU MA NGES PA'I PHYIR RO ZHES BYA BA NI DPER NA DUG CHUNG NGU YANG DUS DANG RANG BZHIN DANG MTHU DANG LDAN PAS RES 'GA' 'CHI BAR BYED PA DE BZHIN DU CHANG YANG MYOS BAR BYED DO, ,NYES PAR SPYOD BZHES 'GYUR BA NI BAG MED PA'I GNAS YIN PA'I PHYIR ZHES BYA BA NI MYOS PAS MI DGE BA MI SPONG BA'I PHYIR DANG DGE BA MI BYED PA'I PHYIR RO, , 'DI LA BAG MED PA'I GNAS ZHES SMOS KYI GZHAN DAG LA NI MA YIN TE ZHES BYA BA NI 'BRU'I CHANG DANG SBYAR BA'I CHANG BAG MED PA'I GNAS SPANGS TE, 'BRU'I CHANG DANG SBYAR BA'I CHANG BAG MED PA'I GNAS LAS SLAR LDOG GO ZHES 'BYUNG BAS BSLAB PA'I GZHI 'DI KHO NA LA BAG MED PA'I GNAS ZHES SMOS KYI, @34B BSLAB PA'I GZHI GZHAN SROG GCOD PA SPONG BA LA SOGS PA LA NI BAG MED PA'I GNAS MA SMOS TE, SROG GCOD PA BAG MED PA'I GNAS SPANGS NAS SROG GCOD PA BAG MED PA'I GNAS LAS SLAR LDOG GO ZHES BYA BAR BAG MED PA'I GNAS MI 'BYUNG NGO, ,'O NA CI LTA ZHE NA, SROG GCOD PA SPANGS NAS SROG GCOD PA LAS SLAR LDOG GO ZHES 'BYUNG STE, DE BZHIN DU MA BYIN BAR LEN PA LA SOGS PA LA YANG SBYAR BAR BYA'O, ,CI'I PHYIR ZHE NA, DE DAG NI RANG BZHIN GYIS KHA NA MA THO BA YIN PA'I PHYIR RO ZHES BYA BA SMOS TE, SROG GCOD PA SPONG BA LA SOGS PA'I BSLAB PA'I GZHI DE DAG NI RANG BZHIN GYIS KHA NA MA THO BA YIN PA'I PHYIR RO, ,'DI SKAD DU 'DI NI BAG MED PA'I GNAS YIN PAS CHANG 'THUNG BA LAS LDOG PAR BYA'I 'DI RANG BZHIN GYIS KHA NA MA THO BA YIN PA'I PHYIR NI MA YIN NO ZHES BSHAD PA YIN NO, ,HA CANG KUN DU BSTEN PAS ZHES BYA BA RGYAS PAR 'BYUNG BA NI DGA' BYED KYI MDO LAS 'BRU'I CHANG DANG SBYAR BA'I CHANG BAG MED PA'I GNAS KUN DU BSTEN CING GOMS PAR BYAS LAN MANG DU BYAS PAS LUS ZHIG NAS DMYAL BA DAG TU SKYE'O ZHES 'BYUNG BA'I PHYIR CHANG 'THUNG BA HA CANG KUN DU BSTEN PAS NGAN 'GROR 'GRO BAR GSUNGS PA NI DE'I ZHAR LA STE, CHANG 'THUNG BA'I ZHAR LA MI DGE BA'I RGYUN YANG DANG YANG DU RTAG TU 'JUG PA STE, MI DGE BA RNAMS KYI RGYUN DE 'JUG PAS NGAN SONG BA'I LAS NGAN SONG BA'I 'BRAS BU CAN GYI LAS SNGON MED PA NI 'PHEN CING KUN DU 'PHEN PA 'AM 'JUG PA THOB PA STE, 'CHI BA'I GNAS SKABS NI SNGON BSTZAGS PA'I LAS 'BRAS BU 'BYIN PAR[?] BYA BA LA 'JUG PA THOB PA'O, ,'PHEN PA 'AM 'JUG PA THOB PA DE'I PHYIR NGAN SONG DU 'GRO BAR GSUNGS BAR ZAD DO ZHES BYA BAR SBYAR RO, ,ZAS LAS BYUNG BA'I BTUNG BA'O ZHES BYA BA NI 'BRAS THUG PO CHE LAS BYAS PA'O, ,RDZAS LAS SBYAR BA'I BTUNG BA'O ZHES BYA BA NI BU RAM SHING GI KHU BA LA SOGS PA LAS BYAS PA'O, ,DE DAG KYANG ZHES BYA BA RGYAS PAR 'BYUNG BA NI 'BRU'I CHANG DANG SBYAR BA'I CHANG DE DAG KYANG RES 'GA' MYOS PAR 'GYUR BA'I DNGOS POR MA RED PA STE GANG GI TSE GZHON NUR 'DUG PA NA'O, ,RES 'GA' NI MYOS PAR 'GYUR BA'I DNGOS PO LAS THAL BAR 'GYUR TE GANG GI TSE HA @35A *, ,CANG RNYINGS PAR GYUR PA NA'O, ,DE'I PHYIR MYOS PAR 'GYUR BA ZHES SMOS TE, GAL TE MYOS PAR GYUR NA DE'I PHYIR NYES PA YIN NO SNYAM DU DGONGS PA YIN NO, ,GLA GOR ZHO SHA DANG KHRE RGOD LA SOGS PA YANG ZHES BYA BA LA SOGS PA ZHES BYA BA'I SGRAS NI 'BRU NI SPANG LA SOGS PA YANG BSDU STE, 'BRU'I CHANG DANG SBYAR BA'I CHANG MA YIN PAS MYOS PA NYID DU GYUR DU ZIN KYANG NYES PA MED KYI 'BRU'I CHANG DANG SBYAR BA'I CHANG GI NGO BO NYID KYI CHANG 'THUNG NA DE'I PHYIR NYES PA YIN NO ZHES BYA BA'I THA TSIG GO, ,BAG MED PA THAMS CAD KYI GNAS SU GYUR PAS ZHES BYA BA CHANG 'THUNG BA NI BAG MED PA THAMS CAD DE, SROG GCOD PA LA SOGS PA MI DGE BA RNAMS KYI RGYUR GYUR PA DRAN PA NYAMS PA THAMS CAD KYI GNAS DANG GZHI DANG RTEN YIN PAS BAG MED PA'I GNAS YIN NO, ,GANG LAS GCIG THOB PA ZHES BYA BA NI DNGOS GZHI LA SOGS PA DANG SEMS CAN DANG SEMS CAN MA YIN PAR STON PA LA GANG LAS SO SOR THAR PA'I SDOM PA 'THOB PA DE LAS LHAG MA BSAM GTAN DANG ZAG PA MED PA'I SDOM PA DAG THOB BAM ZHES BYA BA YIN NO, ,SBYOR BA DANG DNGOS DANG MJUG LAS SO ZHES BYA BA NI MI DGE BA'I LAS KYI SBYOR BA DANG, DNGOS DANG, MJUG DAG LAS GO RIMS BZHIN DU GNYEN POR GYUR PA SO SOR THAR PA'I SDOM PA ZHES BYA BA RNAM PAR RIG BYED DANG RNAM PAR RIG BYED MA YIN PA SBYOR BA DANG, DNGOS DANG, MJUG GI NGO BO NYID GSUM THOB PAR 'GYUR RO, ,SEMS CAN DANG SEMS CAN MA YIN PAR STON PA'I GZHI SROG CHAGS DANG NAGS TSAL GYI MTSAN NYID DANG RANG BZHIN DANG BCAS PA'I KHA NA MA THO BA SROG GCOD PA DANG NAGS TSAL 'JOMS PA LA SOGS PA'I MTSAN NYID KYI LAS DAG LAS SO, ,DE LTAR NA 'DI GNYIS NI GNYI GA'I RTEN CAN YIN TE, RANG BZHIN GYIS KHA NA MA THO BA YANG SEMS CAN GYI RTEN CAN DANG, SEMS CAN MA YIN PA'I RTEN CAN YIN LA, BCAS PA'I KHA NA MA THO BA YANG SEMS CAN GYI RTEN CAN DANG SEMS CAN MA YIN PA'I RTEN CAN YIN GYI 'DI LTAR RANG BZHIN GYIS KHA NA MA THO BA NI SEMS CAN GYI RTEN CAN YIN LA, BCAS PA'I KHA NA MA THO BA NI SEMS CAN MA YIN PA'I RTEN CAN YIN NO ZHES BYA BA NI MI BZUNG NGO, ,DE LA RE ZHIG RANG BZHIN GYIS KHA NA @35B MA THO BA SEMS CAN GYI RTEN CAN NI SROG CHAGS GSOD PA LA SOGS PA'O, ,BCAS PA'I KHA NA MA THO BA SEMS CAN GYI RTEN CAN YANG DGE SLONG BUD MED KYI LAG PA LA SOGS PA NAS 'DZIN PA DANG, KHYIM NA LHAN CIG NYAL BA LA SOGS PA'O, ,RANG BZHIN GYIS KHA NA MA THO BA SEMS CAN MA YIN PA'I RTEN CAN NI GSER LA SOGS PA RKU BA'O, ,BCAS PA'I KHA NA MA THO BA SEMS CAN MA YIN PA'I RTEN CAN NI DGE SLONG SHING GI LO MA GCOD PA DANG 'DUL BA LA ZAS LA SOGS PA'I LTUNG BA BSHAD PA LTA BU'O, ,SEMS CAN GYI RTEN LA 'JUG PA'I PHYIR ZHES BYA BA NI SEMS CAN DU GDAGS PA'I RTEN LA 'JUG PA'I PHYIR RO SNYAM DU BSAMS PA YIN NO, ,DA LTAR GYI CHOS RNAMS KHO NA SEMS CAN DU GDAGS PA'I RTEN YIN GYI 'DAS PA DANG MA 'ONGS PA RNAMS NI MA YIN TE, DE DAG NI MED PA DANG 'DRA BA'I PHYIR RO, ,DE NYID KYI PHYIR 'DAS PA DANG MA 'ONGS PA DAG LAS NI MA YIN TE, DE DAG NI SEMS CAN DU MI BGRANG BA'I PHYIR RO ZHES BYA BA SMOS SO, ,SEMS CAN DANG SEMS CAN MA YIN PAR STON PA DAG LAS THOB BO ZHES BYA BA 'BYUNG BA'I PHYIR SEMS CAN MA YIN PAR GDAGS PA'I RTEN LA ZHUGS PA YANG SO SOR THAR PA'I SDOM PA YIN PAR 'GYUR BA MA YIN NAM ZHE NA, DE NI DE LTA BU 'GOG PAR BYED PA MA YIN NO, ,JI LTAR DA LTAR GYI SEMS CAN DU STON PA KHO NA LAS THOB PAR 'GYUR ZHES BSHAD PA DE BZHIN DU DA LTAR GYI SEMS CAN MA YIN PAR STON PA KHO NA LAS KYANG 'THOB PAR 'GYUR RO ZHES BRJOD PAR BYA DGOS TE, TSIG 'DIS NI DA LTAR GYI RTEN CAN KHO NA YIN PAR 'DOD PA YIN NO; ,DE NYID KYI PHYIR ZHES BYA BA NI GANG GI PHYIR SDOM PA 'DI DAG JI SKAD RGYAS PAR BSHAD PA DE LTAR THOB PAR GYUR BA DE'I PHYIR MU BZHIR BYA'O, ,RGYAS PAR ZHES BYA BA LA RGYAS PAR ZHES BYA BA'I DON NI GANG DAG LAS BSAM GTAN DANG ZAG PA MED PA'I SDOM PA DAG THOB LA, SO SOR THAR PA'I SDOM PA MA YIN PA'I PHUNG PO DANG, KHAMS DANG SKYE MCHED DE DAG KYANG YOD, GANG DAG LAS SO SOR THAR PA'I SDOM PA 'THOB LA BSAM GTAN DANG BRAG PA MED PA'I SDOM PA MA YIN PA DE DAG KYANG YOD, GANG DAG LAS GNYI GA 'THOB PA DE DAG KYANG YOD, GANG DAG LAS GNYI GA MI 'THOB PA DE DAG KYANG YOD @36A *, ,CES BYA BA YIN NO, ,MU DANG PO NI DA LTAR GYI SROG GCOD PA LA SOGS PA'I LAS KYI LAM GYI SBYOR BA DANG MJUG DAG DANG SHING GCOD PA LA SOGS PA'I BCAS PA'I KHA NA MA THO BA LAS 'THOB PA'I SDOM PA GANG YIN PA'I SO SOR THAR PA'I SDOM PA DE YIN TE, 'DOD RTOGS THAMS CAD GNYI GA DANG ZHES 'BYUNG BA'I PHYIR RO, ,GNYIS PA NI 'DAS PA DANG MA 'ONGS PA'I LAS KYI LAM DNGOS SU SROG GCOD PA SPONG BA LA SOGS PA LUS DANG NGAG GI BDUN LAS 'THOB PA'I SDOM PA GANG YIN PA STE, DE NI DNGOS DANG DUS NI THAMS CAD LAS 'BYUNG BA'I PHYIR BSAM GTAN DANG ZAG PA MED PA'I SDOM PA DAG YIN LA SO SOR THAR PA'I SDOM PA NI MA YIN TE, 'DAS PA DANG MA 'ONGS PA YIN PA'I PHYIR RO, ,GSUM PA NI DA LTAR BYUNG BA'I LAS KYI LAM DNGOS DAG LAS SO ZHES BYA BA NI DA LTAR BYUNG BA'I LAS KYI LAM YIN PA'I PHYIR SO SOR THAR PA'I SDOM PA YANG YIN LA LAS KYI LAM GYI DNGOS YIN PA'I PHYIR BSAM GTAN DANG ZAG PA MED PA'I SDOM PA DAG KYANG YIN NO, ,BZHI PA NI 'DAS PA DANG MA 'ONGS PA'I NYER BSDOGS DANG MJUG DAG LAS SO ZHES BYA BA NI 'DAS PA DANG MA 'ONGS PA YIN PA'I PHYIR SO SOR THAR PA'I SDOM PA YANG MA YIN LA NYER BSDOGS DANG MJUG YIN PA'I PHYIR BSAM GTAN DANG ZAG PA MED PA'I SDOM PA DAG KYANG MA YIN NO, ,SLOB DPON GYI RANG GI RGYUD LA DA LTAR GYI LAS KYI LAM NGAG LAS SDOM PA RUNG BA MA YIN PAR MTHONG NAS SDOM PA THOB PA'I TSE NA DA LTAR GYI LAS KYI LAM RNAMS MED PAS DA LTAR GYI GZHI CAN GYIS LAS KYI LAM DAG LAS ZHES BRJOD PAR BYA'O ZHES BYA BA SMOS NAS SLOB PAR BYED PA YIN TE, DNGOS PO GANG ZHIG LAS LDOG PA DE NI DA LTAR GYI NYIN YIN PAR MI SRID PA'I PHYIR RO, ,'DAS PA DANG DA LTAR GYI RNAMS LA NI MA YIN NO ZHES BYA BA LA, SLOB DPON GYIS BSAM PA NI 'DI DAG NI BYUNG ZIN PA'I PHYIR BSDAM PAR YANG RUNG BA MA YIN LA, DA LTAR BYUNG BA RNAMS NI MI SKYE BAR BYA BAR YANG MI NUS KYI MA 'ONGS PA RNAMS LA NUS PAS DE DAG KHO NA SDOM PAR RUNG NGO SNYAM PA YIN NO, ,DE SKAD DU SMOS PA LA BYE BRAG TU SMRA BA RNAMS KYIS BSAM PA NI 'DI YIN PAR MNGON TE, SO SOR THAR PA'I SDOM @36B PA'I SBYOR BA DANG, DNGOS DANG MJUG DAG NI GO RIMS BZHIN DU SROG GCOD PA LA SOGS PA'I SBYOR BA DANG, DNGOS DANG MJUG 'DI DAG 'JUG PAR MA GYUR CIG CES SDOM PAR BYED PA YIN TE, SHUGS NYID KYIS NI GNYEN POR GYUR PA DE DAG NI MI MTHUN PAR GYUR PA DE DAG LA GAGS BYED PA LTA BUR SKYE STE, SBYOR BA YANG SBYOR BA LA 'DI SKAD DU KHYOD BAS BSDAMS KYI KHYOD MA 'BYUNG SHIG CES SMRAS LA, DE BZHIN DU 'JUG KYANG 'JUG LA DE SKAD DU SMRA'O ZHES BYA BA'I BAR DU SBYAR BAR BYA'O, ,DE BZHIN DU DA LTAR GYI PHUNG PO DANG KHAMS DANG SKYE MCHED LAS KYI LAM GYI SBYOR BA DANG, DNGOS DANG MJUG GI NGO BO NYID DAG 'GAG PA NA DA LTAR GYI DE DAG LAS SO SOR THAR PA'I SDOM PA 'THOB BO ZHES BSHAD PA YIN PAS DE LTA BAS NA DE SKAD DU NI BRJOD PAR MI BYA'O ZHES BYA BA YIN NO, ,LA LA NI THAMS CAD LAS 'THOB PA STE ZHES BYA BA RGYAS PAR 'BYUNG BA NI DGE SLONG GI SDOM PA NI LAS KYI LAM THAMS CAD LAS THOB STE, LAS KYI LAM THAMS CAD SPONG BAR BYED PA YIN NO ZHES BYA BA'I THA TSIG GO, ,LA LA NI BZHI LAS TE, DE DAG LAS GZHAN PA'O ZHES BYA BA NI DGE SLONG GI SDOM PA DE LAS GZHAN PA'I SDOM PA DGE TSUL LA SOGS PA'I SDOM PA NI YAN LAG BZHI KHO NA LAS 'THOB STE, LUS KYI SROG GCOD PA LA SOGS PA GSUM DANG, NGAG GI BRDZUN DU SMRA BA LAS SO, ,GAL TE MA CHAGS PA DANG ZHE SDANG MED PA DANG GTI MUG MED PA DE'I RGYUR 'DOD NA'O ZHES BYA BA NI SDOM PA'I RGYU NI RNAM PA GNYIS SU 'DOD DE MA CHAGS PA DANG ZHE SDANG MED PA DANG GTI MUG MED PA DAG DANG SEMS CHUNG NGU DANG 'BRING DANG CHEN PO DAG CES BYA BA YIN NO, ,GAL TE RNAM GRANGS DANG PO YIN PAR 'DOD NA NI SDOM PA MA CHAGS PA LA SOGS PA'I NGO BO NYID KYI LAS KYI LAM THAMS CAD KYIS 'THOB STE, KUN NAS SLONG BAR BYED PA'I SEMS DGE BA LA DE RNAMS CIG CAR 'BYUNG BA'I PHYIR RO, ,GAL TE SEMS CHUNG NGU DANG 'BRING DANG CHEN PO DAG RGYUR 'DOD NA NI RGYU GCIG GIS 'THOB STE, DE DAG CIG CAR 'BYUNG BA MED PA'I PHYIR RO, ,RNAM GRANGS THA MA ZHES BYA BA NI CHUNG NGU LA SOGS PA RGYU YIN PA'I PHYOGS SO, ,SDOM PA LA GNAS PA SEMS CAN THAMS CAD LA BSDAMS @37A *, ,LA; YAN LAG THAMS CAD RGYU THAMS CAD KYI MA YIN PA YANG YOD CES BYA BA RGYAS PAR 'BYUNG BA NI SEMS CAN THAMS CAD KYI RJES SU SONG BA'I BSAM PA DGE BA CAN LA SDOM PA SKYE BA'I PHYIR SEMS CAN THAMS CAD LA BSDAMS PA YIN LA DGE BSNYEN LA SOGS PA'I SDOM PA NI YAN LAG THAMS CAD SPANGS PA MA YIN PA'I PHYIR YAN LAG THAMS CAD KYIS KYANG MA YIN LA, RGYU THAMS CAD KYIS KYANG MA YIN TE CHUNG NGU LA SOGS PA RGYU NYID DU CIG CAR 'BYUNG BA MI SRID PA'I PHYIR RO, ,DGE SLONG GI SDOM PA NI YAN LAG THAMS CAD KYIS KYANG YIN TE, YAN LAG THAMS CAD SPANGS PA'I PHYIR RO, ,GANG ZHIG SEMS RNAM PA GSUM GYIS SDOM PA RNAM PA GSUM YANG DAG PAR LEN PA'O ZHES BYA BA NI 'DI LTA STE, SEMS CHUNG DUS NI DGE BSNYEN GYI SDOM PA YANG DAG PAR LEN LA, 'BRING GIS NI DGE TSUL GYI SDOM PA LEN, CHEN POS NI DGE SLONG GI SDOM PA LEN CES BYA BA YIN NO, ,RGYU THAMS CAD KYIS BSDAMS LA YAN LAG THAMS CAD KYIS KYANG MA YIN PA YANG YOD CES BYA BA NI DGE BSNYEN LA SOGS PA'I SDOM PA RNAMS RE RE'I RGYU CHUNG DU LA SOGS PA RE RE ZHIG YIN PA'I PHYIR RO,, ,,BAM PO SUM CU RTZA GSUM PA, DE LTAR MA NOS NA ZHES BYA BA NI NGES PA LNGA BYED PAS MNOS NA'O, ,JI LTAR NA MI NUS PA DAG LAS SDOM PA THOB CES BYA BA NI GANG DAG GSAD PAR MI NUS PA'I SEMS CAN MI NUS PA DE DAG LAS SDOM PA JI LTAR 'THOB CE NA 'DI LA SLOB DPON GYIS LEN DU SEMS CAN THAMS CAD KYI SROG LA MI GNOD PA'I BSAM PAS BLANGS PA'I PHYIR RO ZHES BYA BA SMOS TE, SEMS CAN THAMS CAD KYI SROG DE LA GNOD PA MI BYA BA'I LHAG PA'I BSAM PAS SDOM PA KHAS LEN PA'I PHYIR RO, ,BYE BRAG TU SMRA BAS KYANG DRI BA 'DI NYID KYI LAN DU GAL TE NUS PA DAG KHO NA LAS ZHES BYA BA RGYAS PAR SMOS TE, LHA LA SOGS PA YANG MI LA SOGS PAR 'PHO LA MI LA SOGS PA YANG LHA LA SOGS PAR 'PHO BAS, NUS PA DANG MI NUS PA MI LA SOGS PA DANG LHA LA SOGS PA NI, PHAN TSUN 'PHO BAS 'PHEL BA DANG 'GRIB PA DANG LDAN PAR 'GYUR TE SEMS CAN NUS PA DAG TU GYUR NA NI SDOM PA 'PHEL BAR 'GYUR LA, MI NUS PA DAG TU GYUR NA NI 'GRIB PAR 'GYUR @37B RO; ,SLOB DPON GYIS BYE BRAG TU SMRA BA'I LAN 'DI GLAGS DANG BCAS PAR MTHONG NAS DE LTAR NI MI 'GYUR TE ZHES BYA BA SMOS TE, DE LTAR SDOM PA 'PHEL BA DANG 'GRIB PA DANG LDAN PAR NI MI 'GYUR RO, ,JI LTA ZHE NA, JI LTAR SNGON MED PA'I RTZVA LA SOGS PA SKYES SAM, RTZVA LA SOGS PA SKAMS NA RTZVA LA SOGS PA DE DAG LAS SDOM PA 'THOB PAR 'GYUR MOD KYI 'ON KYANG SDOM PA 'PHEL BA DANG 'GRIB PAR MI 'GYUR BA DE BZHIN DU NUS PA DANG, MI NUS PA 'PHOS SU ZIN KYANG 'PHEL ZHING 'GRIB PA DAG TU MI 'GYUR TE, RGYAS PA DANG 'GRIB PA DAG TU ZHES BYA BA'I THA TSIG GO, ,DE LTA BAS NA NUS PA DAG KHO NA LAS KYANG SDOM PA 'THOB LA NYES PA DER YANG MI 'GYUR RO ZHES BYA BA YIN NO, ,BYE BRAG TU SMRA BAS MA YIN TE, SEMS CAN RNAMS NI ZHES BYA BA RGYAS PAR SMOS TE, JI LTAR SNGON MED PA'I RTZVA LA SOGS PA SKYES SAM ZHES BYA BA RGYAS PAR GANG SMRAS PA DE NI DE LTA MA YIN NO, ,CI'I PHYIR ZHE NA, SEMS CAN RNAMS NI 'PHO BA'I SNGON ROL DANG PHYIS KYANG YOD PA'I PHYIR RTZVA LA SOGS[?] PA NI MED PA'I PHYIR TE, RTZVA DANG GEL PA DANG LCUG MA LA SOGS PA NI SNGON ROL DANG PHYIS KYANG MED PA'I PHYIR RO, ,DE'I PHYIR RTZVA LA SOGS PA'I DPES 'PHEL BA DANG 'GRIB BA'I NYES PA MI ZLOGS SO, ,DE LTAR CHOS MI MTHUN PA TZAM ZHIG SMRAS KYI BSGRUB PAR BYA BA DANG, SGRUB PA'I DON NI MA YIN PAS SLOB DPON GYIS YANG YONGS SU MYA NGAN LAS 'DAS NAS ZHES BYA BA RGYAS PAR SMOS SO, ,DE LTA BAS NA GTAN TSIGS SNGA MA NYID BZANG NGO ZHES BYA BA NI SEMS CAN THAMS CAD KYI[?] SROG LA MI GNOD PA'I BSAM PAS KHAS BLANGS PA'I PHYIR RO ZHES BYA BA YIN TE, DE'I PHYIR NUS PA DANG MI NUS PA DAG LAS SDOM PA 'THOB BO ZHES BYA BAR GRUB BO, ,GAL TE DE LTAR SEMS CAN THAMS CAD LAS SO SOR THAR PA'I SDOM PA 'THOB NA, 'O NA NI SNGON GYI SEMS CAN SANGS RGYAS SU 'GYUR NAS YONGS SU MYA NGAN LAS 'DAS PA RNAMS LAS DE MA THOB PA'I PHYIR TSUL KHRIMS NYUNG BAR 'GYUR RO ZHE NA, SLOB DPON GYIS BSHAD PA, SANGS RGYAS THAMS CAD KYIS TE PHYIS 'BYUNG BA RNAMS KYIS KYANG KHYAD PAR MED PAR SEMS CAN THAMS CAD LAS THOB PA'I PHYIR TE, GAL TE @38A *, ,DE DAG KYANG YONGS SU MYA NGAN LAS 'DAS PAR MA GYUR NA DE'I TSE, DE RNAMS KYIS DE DAG LAS KYANG 'THOB PAR 'GYUR RO, ,LAS KYI LAM THAMS CAD LAS ZHES BYA BA DAG NI LUS DANG NGAG GI LAS SO, ,SDOM PA MA YIN PA MI TSANGS PA'I SDOM PA CAN NI MED DO ZHES BYA BA NI SROG GCOD PA KHO NA YIN GYI MA BYIN PAR LEN PAS NI MA YIN NO ZHES BYA BA DE LTA BU LA SOGS PA YIN NO, ,SDOM PA MA YIN PA NI ZHAN PA KHO NA DANG LDAN PA ZHES BYA BA NI SNGAR THOB ZIN PA'I PHYIR RO, ,SROG GCOD PA'I RNAM PAR RIG BYED CHEN PO DANG ZHES BYA BA CI ZHE NA LDAN NO ZHES BYA BAR SBYAR TE, RNAM PAR SMIN PA'I 'BRAS BU LA NI KHYAD PAR MED DO, ,DE BZHIN DU 'BRING DANG DRAG PO LA YANG SBYAR BAR BYA'O ZHES BYA BA NI GANG ZHIG SEMS 'BRING GIS SDOM PA MA YIN PA THOB PA DE SEMS DRAG POS SROG CHAGS KYI SROG GCOD PAR BYED NA YANG SDOM PA MA YIN PA NI 'BRING KHO NA DANG LDAN PA ZHES BYA BA DANG, DE BZHIN DU GANG ZHIG SEMS DRAG POS ZHES BYA BA NAS SDOM PA MA YIN PA YANG CHEN PO KHO NA DANG LDAN LA SROG GCOD PA'I RNAM PAR RIG BYED KYANG CHEN PO DANG LDAN NO ZHES BYA BA DANG, GANG ZHIG SEMS CHEN POS SDOM PA MA YIN PA THOB PA DE SEMS CHUNG NGUS SROG CHAGS KYI SROG GCOD PAR BYED NA YANG SDOM PA MA YIN PA NI CHEN PO KHO NA DANG LDAN LA, SROG GCOD PA'I RNAM PAR RIG BYED NI CHUNG NGU DANG LDAN NO ZHES BYA BA'I BAR SBYAR BA MA YIN NO, ,BA GU RI 'CHOR BA RNAM ZHES BYA BA NI, SROG CHAGS KYI RIGS PA GU RI ZHES GRAGS PA ZHIG YOD DE, DE DAG GSOD PAS NA BA GU RI 'CHOR BA RNAMS SO, ,DON GYIS NA SDOM PA MA YIN PA CAN YIN NO ZHES BYA BA NI RGYAL PO DANG BLON PO RNAMS KYANG CHAD PAS GCOD PAR BYED PA YIN PA'I PHYIR DE LAS MI 'BYUNG YANG SDOM PA MA YIN PA CAN KHO NAR BLTA'O, ,GZHAN DAG LA YANG DE BZHIN DU SBYAR RO ZHES BYA BA NI BYA GAG RNAMS GSOD PAS NA BYA GAG GSOD PA RNAMS SO ZHES BYA BA DE LTA BU LA SOGS PA'O, ,RE ZHIG RIGS NA ZHES BYA BA RGYAS PAR BRJOD NAS, JI LTAR SEMS CAN THAMS CAD LAS SDOM PA MA YIN PA 'THOB PAR RUNG ZHES BYA BA'I BAR DRIS PA DANG BYE BRAG TU SMRA BAS LAN DU DE DAG NI MA LA SOGS PA ZHES BYA BA RGYAS PAR SMRAS SO, ,SLOB @38B DPON GYIS RE ZHIG DE DAG NYID DE DAG YIN PAR SHES NAS MI GSOD DO ZHES BYA BA SMOS TE, MA LA SOGS PA DE DAG YIN NO ZHES BYA BAR SHES PA RNAMS NI MI GSOD PAS JI LTAR GSAD PAR BYA BA MA YIN PA DE DAG LAS KYANG, SDOM PA MA YIN PA THOB PAR RUNG GZHAN YANG 'PHAGS PAR GYUR PA DE DAG LUG LA SOGS PAR SKYE MI SRID PA'I PHYIR YANG PHYUGS SU 'GYUR BA'I GO SKABS MED NA JI LTAR DE DAG LAS SDOM PA MA YIN PA THOB PAR 'GYUR, GAL TE LUG LA SOGS PAR 'GYUR RO ZHES MA 'ONGS PA'I LUS LA LTOS TE DA LTAR GYI MA LA SOGS PA'I SDOM PA MA YIN PA ZHIG TU GYUR NA NI SHAN PA DE DAG TSE PHYI MA LA LUG BUR GYUR PA RNAMS KYANG GTAN MI GSOD PAS LUG DE DAG LAS SDOM PA MA YIN PAR MI 'GYUR RO, ,BYE BRAG TU SMRA BAS JI LTAR NA GSOD PAR 'DOD BZHIN DU ZHES BYA BA RGYAS PAR SMRAS PA DANG, SLOB DPON GYIS DE NI MA LA SOGS PA LA YANG MTSUNGS TE ZHES BYA BA RGYA CHER SMOS TE, JI LTAR NA SHAN PA LA SOGS PA MA LA SOGS PAR GYUR PA GSOD PAR MI 'DOD BZHIN DU MA LA SOGS PA DE DAG LA SDOM PA MA YIN PAR 'GYUR, MA TSANG BA NI LAS KYI YAN LAG GI SGO NAS SO, ,NYI TSE BA YANG YOD DE SEMS CAN DANG YUL DANG DUS DANG TSE NGES PAR BYED PA DANG LDAN PAS PHYOGS GCIG MA SPANGS PA'I PHYIR RO, ,SNGAR BSHAD PA SO SOR THAR PA'I SDOM PA RNAM PA BRGYAD MA GTOGS PA YANG DE BZHIN DU MA TSANG BA YANG YOD LA NYI TSE BA YANG YOD DO, ,CI'I PHYIR ZHE NA TSUL KHRIMS DANG 'CHAL PA'I TSUL KHRIMS DE TZAM GYI GEGS BYED PA'I PHYIR RO ZHES BYA BA SMOS TE, SDOM PA MA YIN PA YANG TSUL KHRIMS DE TZAM GYI GEGS BYED LA SDOM PA YANG 'CHAL BA'I TSUL KHRIMS DE TZAM GYI GEGS BYED DO ZHES BYA BA YIN NO, ,DE'I RIGS SU SKYES PA RNAMS ZHES BYA BA NI SDOM PA MA YIN PA'I RIGS SU SKYES PA RNAMS SO, ,ZHING DANG, LEN PA DANG, GUS PAR BYED PAS 'THOB CES BYA BA LA, GUS PAR BYED PA NI BYA BA RTZOM PA'O, ,ZHING DANG LEN PA DANG GUS PAR BYED PA ZHES BYA BAR TSIG BSDU STE, DE LAS RNAM PAR RIG BYED MA YIN PA SKYE BA'O, ,TSES SAM ZHES BYA BA RGYAS PAR 'BYUNG BA NI TSES LA ZAS SBYIN PA NAS ZLA BA PHYED KYI BAR DU ZAS SBYIN PAR BYA'O ZHES BYA BA NI DON YIN PAR SHES SO, ,SOGS @39A *, ,PA ZHES BYA BA'I SGRAS NI DKYIL 'KHOR BYED PA LA SOGS PA BSDU'O, ,DE LTA BU'I GUS PAS ZHES BYA BA NI NYON MONGS PA DRAG PO DANG RAB TU DANG BA DRAG POS ZHES BYA BA'I THA TSIG GO, ,YANG DAG PAR BLANGS PA DANG 'GAL BA'I RNAM PAR RIG BYED BSKYED PA DANG ZHES BYA BA NI JI SRID 'TSO'I BAR DU SROG GCOD PA LA SOGS PA SPONG NGO ZHES YANG DAG PAR BLANGS PA GANG YIN PA DANG 'GAL BA'I RNAM PAR RIG BYED BSKYED PA'I PHYIR TE, DE LTAR NA RGYU DANG POS SO SOR THAR PA'I SDOM PA GTONG BA YIN NO, ,RTEN BOR BA DANG ZHES BYA BA NI RTEN GANG GI SDOM PA BLANGS PA DE BOR ZHING SHI BA'I PHYIR TE, DE LTAR NA RGYU GNYIS PAS DE GTONG BA YIN NO, ,RTEN NYAMS ZHES BYA BA RTEN JI LTA BUS SDOM PA BLANGS PA DE LTA BU YIN PAR NYAMS PA'I PHYIR TE, DE LTAR RGYU GSUM PAS DE GTONG BA YIN NO, ,GZHI CHAD PA DANG ZHES BYA BA LA GZHI NI DGE BA'I RTZA BA RNAMS TE DE CHAD PA'I PHYIR RGYU BZHI PAS DE GTONG BA YIN NO, ,DE SRID DU 'PHANGS PA'I PHYIR RO ZHES BYA BA NI BSNYEN GNAS PA'I SDOM PA NI NYIN MTSAN GCIG TU 'PHANGS PA YIN PAS BSNYEN GNAS PA'I SDOM PA DE NI SNGAR BSHAD PA'I RGYU BZHI DANG RGYU LNGA PAS GTONG BA YIN NO, ,LTUNG BAR 'GYUR LAS ZHES BYA BA NI JI SKAD BSHAD PA'I RGYU LNGA PO DE DAG DANG LTUNG BAR 'GYUR BA YIN NO ZHES ZER RO, ,'DIS LTUNG BAR 'GYUR BAS NA LTUNG BAR 'GYUR BA'O, ,DE YANG RNAM PA BZHI STE, MI TSANGS PAR SPYOD PA DANG, JI SKAD BSHAD PA'I TSAD MA BYIN PAR LEN PA DANG, MI GSOD PA DANG, MI'I CHOS BLA MA BRDZUN DU SMRA BA ZHES BYA'O,, KHA CHE RNAMS NI 'BYUNG BA LA, ,BU LON NOR BZHIN GNYIS SU 'DOD, ,CES BYA BA NI LUNG DANG RIGS PAS TE, DE LA LUNG NI 'DUL BA LAS, GAL TE DGE SLONG TSUL KHRIMS 'CHAL BA ZHIG DGE SLONG MA LA RJES SU STON NA DGE 'DUN GYI LHAG MAR 'GYUR RO ZHES GSUNGS PA 'DI YIN TE, DGE SLONG TSUL KHRIMS 'CHAL PA NI PHAS PHAM PA BYUNG BA YIN PAR BZHED KYI PHAS PHAM PA MA BYUNG NA NI MA YIN TE, RANG BZHIN DU GNAS PA'I TSUL KHRIMS DANG LDAN PA ZHES BZLOG STE 'BYUNG BA'I PHYIR RO, ,DE'I PHYIR TSUL KHRIMS 'CHAL PA DE LA YANG DGE SLONG GI DNGOS PO YOD PAR MNGON TE, 'DI LTAR @39B DGE 'DUN GYI LHAG MAR 'GYUR RO ZHES BSHAD PA'I PHYIR RO, ,RIGS PA YANG PHYOGS GCIG NYAMS PAR SDOM PA ZAD PAR GTONG BAR NI MI RIGS SO ZHES BYA BA YIN NO, ,RTZA BA'I LTUNG BA LA YANG ZHES BYA BA NI LTUNG BAR 'GYUR BA'I LTUNG BA BYUNG BA LA YANG ZHES BYA BA'I THA TSIG GO, ,LTUNG BA GZHAN BYUNG BA LA YANG TSUL KHRIMS 'CHAL PA MED DO ZHES BYA BA NI DGE 'DUN GYI LHAG MA LA SOGS PA'O, ,BSHAGS NA ZHES BYA BA NI BSHAGS PA BYAS NAS SO, ,'O NA BCOM LDAN 'DAS KYIS ZHES BYA BA RGYAS PAR PHAM PAR 'GYUR ZHES GANG GSUNGS PA ZHES BYA BA'I BAR 'BYUNG BA NI DE JI LTA BU YIN ZHES BYA BA'I TSIG KHONG NAS DBYUNG NGO, ,DE NI DON DAM PA'I DGE SLONG NYID LAS DGONGS TE GSUNGS PA YIN NO ZHES BYA BA NI LTUNG BAR 'GYUR BA BYUNG BA DE NI BDEN PA MTHONG BA'I SKAL BA MED KYI DON DAM PA'I DGE SLONG NYID DU MA GYUR PA'I PHYIR RO, ,NYON MONGS PA MANG PO RNAMS LA ZHES BYA BA NI DGA' BO LA SOGS PA LA STE; TSIG GI DON NI RTZA BA'I LTUNG BAS KYANG DGE SLONG NYID NYAMS PAR MI 'GYUR RO SNYAM DU RIG NAS DE DAG YANG BYED PAR 'GYUR RO ZHES BYA BA YIN NO, ,MING GI DGE SLONG ZHES BYA BA NI BSNYEN PAR MA RDZOGS PA GANG ZHIG LA DGE SLONG ZHES MING DU BTAGS PA'O, ,KHAS 'CHE BA'I DGE SLONG ZHES BYA BA NI TSUL KHRIMS 'CHAL PA MI TSANGS PAR SPYOD PA LA SOGS PA LA ZHUGS PA YIN NO, ,SLONG BAS NA DGE SLONG ZHES BYA BA NI SLONG BAR BYED PA'O, ,NYON MONGS PA BCOM PAS NA DGE SLONG ZHES BYA BA NI DGRA BCOM PA'O, ,DON 'DI LA NI ZHES BYA BA NI BCOM LDAN 'DAS KYIS DGE SLONG MA YIN DGE SBYONG MA YIN ZHES BYA BA RGYAS PAR BSHAD PA'I DON GANG YIN PA 'DI LA NI JI SKAD BSHAD PA'I DGE SLONG GZHI LAS GZHAN PA LNGA PA, GSOL BA DANG BZHI'I LAS KYIS BSNYEN PAR RDZOGS PA 'DI KHO NA YIN NO, ,GANG YANG DE NI DON DAM PA'I DGE SLONG NYID LAS DGONGS TE GSUNGS PA YIN NO ZHES SMRAS PA DAL BSHAD PA, DE LA SNGON DON DAM PA'I DGE SLONG DU GYUR LA, DGE SLONG MA YIN, DGE SBYONG MA YIN ZHES 'BYUNG BA GANG GIS NA PHYIS DGE SLONG MA YIN BAR 'GYUR BA NI MA YIN NO ZHES BYA BA DPER MDZAD NAS ZHES BYA BA NI STON PA NYID KYIS SHING TA LA'I MGO BCAD PA DPER MDZAD BAS LAN BTAB PA YIN @40A *, ,NO ZHES BYA BAR SBYAR TE, 'DRI BA'I LAN BTAB PA YIN NO ZHES BYA BA'I THA TSIG GO, ,ZHAL ZAS LA KHAM GCIG LONGS SPYOD PA DANG, GTZUG LAG KHANG LA GOM PA GCIG 'DOR BA'I PHYOGS LONGS SPYAD PA ZHES BYA BAR SBYAR RO, ,STON PAS DGE SLONG GI LONGS SPYOD THAMS CAD LAS KYANG BKAR TO ZHES BYA BA NI BCOM LDAN 'DAS KYIS DGE SLONG RNAMS DANG LHAN CIG LONGS SPYOD PA GRAL GCIG TU ZAS ZA BA LA SOGS PA THAMS CAD LAS BSKRAD PA YIN NO, ,SRED BSAL BAR GYIS ZHES BYA BA LA SRED NI NAS 'DRA BA ZHIG STE, DE DANG 'DRA BA GZHAN RTZVA'I KHYAD PAR GANG ZHIG NAS MA RUNG BAR BYED PA LA BYA BA LTAR DGE SLONG MA YIN PA LA DGE SBYONG GI SHA TSUGS CAN ZHES BYA BA 'DI YANG DE KHO NA DANG 'DRA'O, ,SHING RUL ZHES BYA BA NI SHING RUL BA STE, DGE SLONG RUL PAR GYUR PA 'DI YANG DE DANG 'DRA'O, ,DE NI BCOM LDAN 'DAS KYIS DGE SLONG RNAMS LA KHYED KYIS TSUL KHRIMS DANG LDAN PA'I DGE 'DUN GYI NANG NAS SKROD CIG CES BKA' STZAL TO, ,SNYING PO MED PA DOR BAR GYIS ZHES BYA BA LA SNYING PO MED PA ZHES BYA BA NI 'BRU'I NANG NAS 'BRU KHONG NA SNYING PO MED PA KHO NA YIN TE, DGE SLONG GI SHA TSUGS TSUL KHRIMS KYI SNYING PO MED PA 'DI YANG DE DANG 'DRA STE; DE DOR BAR BYA ZHING DBYUNG BAR GYIS SHIG CES BYA BA'I THA TSIG GO, ,LAM GYIS RGYAL ZHES BYA BA NI SLOB PA DANG MI SLOB PA'O, ,LAM STON PA NI SANGS RGYAS SO, ,LAM PHYIR 'TSOL BA NI DGE SLONG TSUL KHRIMS DANG LDAN PAS TE LAM GYI CHED DU 'TSO BA'O, ,LAM SUN 'BYIN PA NI TSUL KHRIMS 'CHAL BA STE, 'DIR DPER BRJOD PA NI 'DI YIN NO, ,SHING TSIG PA ZHES BYA BA RGYAS PAR 'BYUNG BA NI DPER NA SHING TSIG PA DE NI SHING MA YIN NA LHAG MA SNGON GYI SHING GI DBYIBS TZAM ZHIG 'DRA BA'I PHYIR DE LA SHING TSIG PA ZHES BYA BA DANG, MTSE'U SKAMS PA LA YANG MTSE'U ZHES BYA BA DANG NE TZO'I MCHU NI GZUGS MKHAN GYI KHYIM LA SOGS PA'I NANG DU BYAS PA STE, NE TZO'I SNA DANG DBYIBS 'DRA BA'I PHYIR NE TZO'I SNA ZHES BYA BA DE BZHIN DU 'DI YANG DGE SLONG GI DBYIBS SPYI TZAM ZHIG LUS PA'I PHYIR DGE SBYONG ZHES GSUNGS PAR ZAD DO, ,SA BON RUL PA NI MYU GU SKYED PAR BYED @40B PA MA YIN PA'I PHYIR SA BON MA YIN MOD KYI DE'I DBYIBS TZAM ZHIG LUS PA'I PHYIR SA BON ZHES BYA'O, ,MGAL ME'I 'KHOR LO YANG 'KHOR LO DANG 'DRA BA'I PHYIR 'KHOR LO ZHES BYA'O, ,SEMS CAN SHI BA YANG SEMS CAN GYI SHA TSUGS TZAM ZHIG LUS PA'I PHYIR SEMS CAN ZHES BYA BA LTAR YIN YANG DE DANG 'DRA BAR BLTA BAR BYA'O, ,BSLAB PA SBYIN PA ZHES BYA BA NI DGE SLONG GI 'DOD CHAGS CHEN POS BUD MED DANG MI TSANGS PAR SPYAD NAS DE'I MJUG THOGS KHO NAR BDAG GIS PHUD BA BYAS SO ZHES SKYO BA SHES SHING BCAB PA'I SEMS GCIG KYANG MA SKYES PAR DGE SLONG GI DGE 'DUN GYI THAD DU SONG NAS BDAG GIS SDIG PA BYAS SO ZHES 'CHAGS PAR BYED LA, 'PHAGS PA'I DGE 'DUN GYI BKAS DGE SLONG THAMS CAD PAS GZHON RABS NYID YIN PAR BYA BA LA SOGS PA CHAD PA'I LAS BYED DU BCUG PA DE NI BSLAB PA SBYIN PA ZHES BYA'O, ,DE LA GAL TE 'CHAL PA'I TSUL KHRIMS KYIS DGE SLONG MA YIN PA KHO NAR 'GYUR NA NI DE YANG MED PAR 'GYUR TE, DE NI YANG BSNYEN PAR RDZOGS PAR MI BYED LA, DGE SLONG DU YANG RNAM PAR 'JOG GO, ,DE LTA BAS NA 'CHAL PA'I TSUL KHRIMS LAS NI DGE SLONG NYID MA YIN PA MA YIN NO MI ZER GYI ZHES BYA BA RGYAS PAR 'BYUNG BA NI KHO BO CAG NI THAMS CAD DANG MI TSANGS PAR SPYOD PA'I LTUNG BA 'BYUNG BA'I MDO KHO NA LAS PHAS PHAM PA YIN NO MI ZER GYI 'O NA CI ZHE NA, 'CHAL PA'I SEMS KYIS YIN NO, ,CI STE YANG RAB TU MI 'BYUNG ZHES BYA BA NI BSLAB PA BTANG NA ZHES BYA BA KHO NAS DBYUNG NGO, ,RGYUD KHREL MED PA SHAS CHEN POS NYAMS PAR BYAS PAS ZHES BYA BA NI 'DI'I RGYUD KHREL MED PA SHAS CHEN POS NYAMS PAR BYAS PA YIN TE, RGYUD DE NYAMS PAR BYAS PAS SDOM PA'I SKAL BA MED PA NYID DE'I PHYIR YANG RAB TU MI DBYUNG NGO ZHES BYA BAR SKABS DANG SBYAR RO, ,DGE SLONG GI DNGOS PO LA LTOS TE DE NI MA YIN NO ZHES BYA BA NI DE LA DGE SLONG GI DNGOS PO YOD DO ZHES BYA BA LA LTOS TE RAB TU MI DBYUNG BA NI MA YIN NO, ,'DI LTAR PHAS PHAM PA CAN DE NI BSLAB PA BTANG YANG RAB TU MI DBYUNG STE, RGYUD KHREL MED PA SHAS CHEN POS NYAMS PAR BYAS PA'I PHYIR RO, ,BSAM GTAN GTOGS PA ZHES BYA BA NI GZUGS CAN GYI NGO BO NYID DANG @41A *, ,GZUGS CAN MA YIN PA'I NGO BO NYID KYI DGE BA YIN PAR BSAMS PA STE, DE NYID KYI PHYIR DGE BA THAMS CAD NI ZHES BYA BA SMOS PA YIN NO, ,RGYU GNYIS KYIS ZHES BYA BA NI SKYE BA LAS SAM, NYAMS PA LAS TE DE'I PHYIR, SKYE BA STE ZHES BYA BA RGYAS PAR SMOS SO; ,GONG DU SKYES NA NI 'OG MA GTONG LA 'OG TU SKYES NA NI SA GONG MA PA GTONG NGO ZHES BYA BA YIN NO, ,SNYOMS PAR 'JUG PA LAS YONGS SU NYAMS PA LAS NI SNYOMS PAR 'JUG PA DES BSDUS PA'I DGE BA 'CHOR RO, ,RIS MTHUN PAR BTANG BA LAS KYANG CHUNG ZAD GTONG BAR 'GYUR RO ZHES BYA BA NI SO SO'I SKYE BO'I GNAS SKABS NA NGES PAR 'BYED PA'I CHA DANG MTHUN PA BZOD PA'I BAR SKYED PA GANG YIN PA DE NI SA 'PHO BA MED KYANG GANG GI TSE 'DOD PA'I KHAMS SU SHI NAS DE NYID DU SKYE BA NI RIS MTHUN PAR BTANG BAS GTONG BAR 'GYUR TE, DE JI SKAD DU, 'PHAGS PAS DE DAG SA BOR BAS, ,GTONG 'GYUR 'PHAGS MIN 'CHI 'PHO BAS, ,ZHES 'BYUNG BA LTA BU'O, ,LAM SNGA MA ZHES BYA BA NI RGYUN DU ZHUGS PA'I LAM SBYOR BA DANG, BAR CHAD MED PA DANG RNAM PAR GROL BA'I LAM GYI RANG BZHIN NO, ,'BRAS BU 'AM 'BRAS BU KHYAD PAR CAN ZHES BYA BA NI LAM GONG MA ZHES BYA BAR SBYAR TE, 'DI LTA STE PHYIR MI 'ONG BA LA GAL TE PHYIR MI 'ONG BA'I 'BRAS BU LAS YONGS SU NYAMS NA LAM GONG MA PHYIR MI 'ONG BA'I 'BRAS BU GTONG NGO, ,GAL TE PHYIR MI 'ONG BA BSAM GTAN GNYIS PA THOB LA, DE LAS KYANG YONGS SU NYAMS NA DE'I LAM 'BRAS BU KHYAD PAR CAN BSAM GTAN GNYIS PA'I SA PA DE GTONG NGO, ,RGYU DANG RKYEN GYI STOBS KYIS ZHES BYA BA NI SKAL BA MNYAM PA'I RGYU'I STOBS DANG, GZHAN GYI SMRA BA'I STOBS KYIS ZHES BYA BA'I THA TSIG GO, ,BSAM GTAN GYI SDOM PA THOB NA ZHES BYA BA NI ZAG PA MED PA'I SDOM PA THOB NA ZHES NI MI BRJOD DO, ,BSAM GTAN GYI SDOM PA SNGAR BSKYED PA KHO NAS DE BOR ZIN PA'I PHYIR RO, ,MI BYA BA'I BSAM PA THAG PA NAS ZHES BYA BA NI MTSON DANG RGYA'I LAS 'DI MI BYA'O SNYAM PA'I BSAM PA THAG PAS BOR DU ZIN KYANG SDOM PA MNOD PA MED PAR SDOM PA MA YIN PA 'CHAD PAR MI 'GYUR RO, , @41B DPER NA NAD KYI GZHI YONGS SU SPANGS KYANG NAD RNYING DE SMAN MED PAR MI ZLOGS PA DE DANG 'DRA STE, 'DI SKAD DU SDOM PA MA YIN PA 'DOR BAR 'DOD NA SDOM PA MNOD PAR BYA'I GZHAN DU NI MA YIN NO ZHES BSHAD PA YIN NO, ,DE 'THOB PA NI ZHES BYA BA NI SDOM PA MA YIN PA 'THOB PA'O, ,RNAM PAR RIG BYED MA YIN PA JI LTAR GTONG ZHES BYA BA NI RNAM PAR RIG BYED KYANG ZHES BRJOD DGOS TE, DE NYID KYI TSE NA RANG KUN NAS SLONG BA'I RNAM PAR RIG BYED 'DAS PA'I 'THOB PA 'CHAD PA'I PHYIR RO, ,BAR MA SHUGS BLANGS BYA BA DANG, ,DON CHE RTZA BA CHAD PA LAS, ,ZHES NI PHO'I RTAGS SU BRJOD PAR BYA DGOS TE, SDOM PA YANG MA YIN SDOM PA MA YIN PA YANG MA YIN ZHES BYA BA'I THA TSIG GO, ,'ON TE YANG RNAM PAR RIG BYED MA YIN PA 'BA' ZHIG BRJOD PAR BYA BA KHO NA YIN NO ZHE NA, RNAM PAR RIG BYED MA SMOS PA DE LA GTAN TSIGS BRJOD DGOS SO ZHE NA, BSHAD PA RNAM PAR RIG BYED KYI GO SKABS MED PA'I PHYIR TE, 'DI SKAD DU, MI DGE DRUG NI RNAM RIG MIN, ,GCIG NI RNAM PA GNYIS ZHES 'CHAD PAR 'GYUR BAS RNAM PAR RIG BYED MA YIN PA SMOS PAS RNAM PAR RIG BYED SMOS PA 'GRUB PA'I PHYIR DE MA SMOS PA YIN NO, ,GZHAN DAG NA RE SDOM PA YANG MA YIN SDOM PA MA YIN PA YANG MA YIN PAS BSDUS PA'I RNAM PAR RIG BYED 'GAGS PA'I THOB PA NI RJES SU 'BREL BA MED DE, DE NYID KYI PHYIR RNAM PAR RIG BYED MA YIN PA KHO NA'I GTONG BA'I RGYU BRJOD DO ZHES ZER RO, ,RDZA MKHAN GYI 'KHOR LO DANG MDA'I 'GROS BZHIN NO ZHES BYA BA NI RDZA MKHAN GYI 'KHOR LO DANG MDA'I 'GROS 'DU BYED KYI KHYAD PAR RGYU GANG GIS 'PHANGS PA YIN PAR DE CHAD PA YANG 'CHAD PA DE DANG 'DRA'O, ,YANG DAG PAR BLANGS PA 'DIS CHOG GO ZHES BYA BA NI 'DOR BA'I TSIG GIS SO, ,JI LTAR BLANGS PA BZHIN MA BYAS PA'I ZHES BYA BA NI 'DI LTA STE, SANGS RGYAS LA PHYAG MA BYAS SHING DKYIL 'KHOR MA BYAS PAR ZAS MI ZA'O ZHES BYA BA DE DAG MA BYAS PAR ZAS ZA BA'I BAR MA'I RNAM PAR RIG BYED MA YIN PA DE 'CHAD DO, ,GDOS DANG RGYA LA SOGS PA ZHES BYA BA'I SGRAS NI MTSON DANG DUG LA SOGS PA BSDU'O, ,DGE BA'I RTZA BA RNAMS KUN DU GCOD PAR RTZOM PA NA'O ZHES BYA BA NI DGE BA'I RTZA BA KUN @42A *, ,DU GCOD PAR RTZOM PA'I GNAS SKABS KHO NA NI 'CHAD KYI KUN DU CHAD PA'I GNAS SKABS NA NI MA YIN NO ZHES STON PAR BYED DO, ,DGE BA'I GZUGS MIN ZHES BYA BA LA GZUGS MIN ZHES BYA BA SMOS PA NI GZUGS CAN GYI 'CHAD PA NI BSHAD ZIN PA'I PHYIR RO, ,RTZA CHAD GONG DU SKYES PA LAS, ,ZHES BYA BA 'DIR NI 'DOD CHAGS DANG BRAL BA LAS KYANG CHUNG ZAD CIG GTONG NGO ZHES BRJOD DGOS TE, DPER NA YID MI BDE BA'I DBANG PO DGE BA LTA BU'O, ,THAMS CAD CES BYA BA NI 'DOD PA DANG GZUGS DANG GZUGS MED PA NA SPYOD PA'O, ,SPONG BA'I LAM GANG YIN PA ZHES BYA BA NI CI RIGS PAR MTHONG BA'I LAM DANG BSGOM PA'I LAM MAM, 'JIG RTEN PA DANG 'JIG RTEN LAS 'DAS PA'I LAM MO, ,'DI 'KHOR DANG BCAS PA ZHES BYA BA NI NYE BA'I NYON MONGS PA'I RNAM PA 'DI DE DANG LHAN CIG 'BYUNG BA 'THOB PA LA SOGS PA RJES SU 'BRANG BA DANG BCAS PA'O, ,NYE BA'I NYON MONGS PA'I RNAM PA ZHES SMOS PA NI NYON MONGS PA YANG NYE BA'I NYON MONGS PA NYID YIN PAS THAMS CAD BSDU BA'I PHYIR TE, 'DI LTAR BSTAN BCOS LAS RE ZHIG NYON MONGS PA GANG DAG YIN PA DE DAG NI NYE BA'I NYON MONGS PA YANG YIN TE; NYE BA'I NYON MONGS PA YIN LA NYON MONGS PA MA YIN PA YANG YOD DO ZHES BSHAD DO, ,RTEN GNYI GA'I NYON MONGS PA ZHES BYA BA RGYAS PAR 'BYUNG BA NI SKYES BA[?] DANG BUD MED KYI RTEN CAN GYI NYON MONGS PA SHAS CHE BA'I PHYIR DANG, DE'I GNYEN PO BSGOM PA'I MTSAN NYID KYI SO SOR RTOG PA MI BZOD PA'I PHYIR DANG NGO TSA SHES PA DANG, KHREL YOD PA SHAS CHEN PO MED PA'I PHYIR DE DAG LA SDOM PA MED DO, ,GNYEN POR GYUR PA'I PHYIR ZHES BYA BA NI GANG GI PHYIR, SDOM PA NI SDOM PA MA YIN PA'I GNYEN POR GYUR PA DE'I PHYIR GANG LA SDOM PA YOD PA DE KHO NA LA SDOM PA MA YIN PA MED DE, 'DI NI ZA MA LA SOGS PA LA SDOM PA MA YIN PA MED PA'I GTAN TSIGS GNYIS PA YIN NO, ,YANG DAG PAR LEN PA[?] DANG TING NGE 'DZIN MED PA'I PHYIR ZHES BYA BA NI YANG DAG PAR LEN PA MED PA'I PHYIR SO SOR THAR PA'I SDOM PA MED LA, TING NGE 'DZIN MED PA'I PHYIR BSAM GTAN DANG ZAG PA MED PA'I SDOM PA DAG MED DO, , @42B DE MED PA NI DGE BA DAG LA ZHEN PAS MI SKYE BA'I PHYIR RO, ,SDIG PA BYA BA'I BSAM PA MED PA'I PHYIR SDOM PA MA YIN PA MED DO, ,GANG DANG LDAN PA DANG GANG MED PAS ZHES BYA BA NI NGAN SONG BA RNAMS LA NGO TSA SHES PA DANG, KHREL YOD PA GANG DANG LDAN PA DANG, NGO TSA SHES PA DANG KHREL YOD PA GANG MED PAS GO RIMS BZHIN DU SDOM PA DANG SDOM PA MA YIN PA DAG TU 'GYUR BA'I NGO TSA SHES PA DANG KHREL YOD PA SHAS CHEN PO DE MED PAS SO, ,GAL TE NGAN SONG BA RNAMS LA SDOM PA DANG SDOM PA MA YIN PA DAG MED NA, 'ON MDO LAS GANG GSUNGS PA ZHES BYA BA DE JI LTA BU ZHE NA ZHES BYA BA LA SOGS PA'O, ,DUS RE ZHIG DANG GTAN DU ZHES BYA BA NI 'BRAS BU YID DU 'ONG BA CAN GANG ZHIG YIN PA DE NI DUS RE ZHIG SDUG BSNGAL LAS YONGS SU SKYOB PA'I PHYIR BDE BA YIN LA, MYA NGAN LAS 'DAS PA THOB PA GANG YIN PA DE NI GTAN DU SDUG BSNGAL LAS YONGS SU SKYOB PA'I PHYIR BDE BA YIN TE, YONGS SU MYA NGAN LAS 'DAS PA LA NI RTAG TU SDUG BSNGAL MED DO, ,BCOM LDAN 'DAS KYIS 'DI LA RNAM PAR BRTAGS PA DANG RNAM PAR DPYAD PA GANG YIN PA DE NI 'DIR 'PHAGS PA RNAMS KYI G-YO BA'O ZHES GSUNGS SO ZHES BYA BA DE LTA BU LA SOGS PA BSAM GTAN GSUM PO G-YO BA DANG BCAS PAR GSUNGS PA MA YIN NAM ZHES BYA BA LA SOGS PA ZHES BYA BA'I SGRAS NI BSAM GTAN GNYIS PA LA 'DI LA DGA' BA DANG MA BRAL BA GANG YIN PA 'DI NI 'DIR 'PHAGS PA RNAMS KYI G-YO BA'O ZHES GSUNGS SO ZHES BSHAD PA DANG GSUM PA LA YANG 'DI LA BDE'O BDE'O SNYAM DU SEMS KYI GTONG PA GANG YIN PA 'DI NI DER 'PHAGS PA RNAMS KYI G-YO BA'O ZHES GSUNGS SO ZHES BSHAD PA BSDU'O, ,YANG CI'I PHYIR 'DIR GZUGS DANG GZUGS MED PA NA SPYOD PA'I LAS DGE BA THAMS CAD MI G-YO BA NYID CES BYA ZHE NA, MI G-YO BA DANG MTHUN PAR 'GRO BA'I LAM ZHES BYA BA SMOS TE, MI G-YO BA DANG RJES SU MTHUN PAR 'GRO BA'I LAM LAS BRTZAMS TE ZHES BYA BA'I THA TSIG GO, ,YANG CI'I PHYIR TING NGE 'DZIN GYI SKYON DANG BCAS PA NYID KYI G-YO BA DANG BCAS PA KHO NA GZHAN DU MI G-YO BAR GSUNGS SHE NA, GANG PHYIR SA NI DE DAG TU, ,LAS RNAMS SMIN PHYIR MI G-YO'I PHYIR, ,ZHES BYA BA SMOS SO, ,LONGS SPYOD @43A *, ,LA SOGS PAR 'GYUR ZHES BYA BA LONGS SPYOD PA NI NOR PHUN SUM TSOGS PA'O, ,SOGS PA ZHES BYA BA'I SGRAS NI GZUGS BZANG BA DANG SKAD SNYAN PA LA SOGS PA BSDU'O, ,DE NYID CES BYA BA RGYAS PAR 'BYUNG BA NI LHA DAG GI NANG DU RNAM PAR SMIN PAR GYUR PA GANG YIN PA DE NYID RES 'GA' RKYEN GZHAN GYI DBANG GIS TE, NYON MONGS PA LA SOGS PA'I RKYEN GZHAN TSOGS PA DE'I DBANG GIS MI DANG DUD 'GRO DANG YI DAGS DAG GI NANG DU RNAM PAR SMIN PAR 'GYUR TE, 'DI LTA STE, 'DI NI LA LA SBYIN PA PO YIN ZHING SBYIN BDAG YIN LA DE YANG SHIN TU SROG GCOD PA YIN ZHES BYA BA RGYAS PAR DE GLANG PO CHER GYUR NA GLANG PO CHE'I RGYAN RNAM PA SNA TSOGS DAG THOB PAR 'GYUR RO ZHES BYA BA LA SOGS PA'I BAR GSUNGS PA DANG, YANG 'DI LTA STE, 'DI NI LA LAS SBYIN PA LAS BYUNG BA'I BSOD NAMS BYA BA'I DNGOS PO DANG, DE BZHIN DU TSUL KHRIMS LAS BYUNG BA DANG, BSGOM PA LAS BYUNG BA CHUNG DU KUN DU BRTEN ZHING BSGOM PA DANG LAN MANG DU BYAS PA YIN LA, DE 'DI SNYAM DU BDAG LHA BZANG PO RNAMS SAM, MI BZANG PO RNAMS DANG SKAL BA MNYAM PAR SKYE BAR GYUR NA CI MA RUNG SNYAM DU SEMS NA ZHES BYA BA NAS DE NI DER SKYE'O ZHES BYA BA'I BAR GSUNGS SO, ,'DOD PA'I KHAMS DANG BSAM GTAN GSUM MO ZHES BYA BA NI 'DOD PA'I KHAMS DANG BSAM GTAN DANG PO DAG NA NI BDE BA'I TSOR BA LUS KYI BDE BA DANG SEMS KYI YID BDE BA YIN NO, ,BSAM GTAN GNYIS PA NA NI BDE BA'I TSOR BA YID BDE BA YIN NO, ,GSUM PA NA NI SEMS KYI BDE BA YIN NO, ,DE YOD PAR BSTAN PA'I PHYIR RO ZHES BYA BA LA, DE ZHES BYA BA'I SGRA NI SDUG BSNGAL DANG SBYAR TE, SDUG BSNGAL DE 'DOD PA'I KHAMS KHO NAN YOD PA NYID DU SHES PAR BYA BA'I PHYIR 'DI'I ZHES BYA BA SMOS SO, ,TSOGS DANG BCAS PA YIN NO ZHES BYA BA NI 'DIS TSOGS PAR BYED CING SKYED PAR BYED PAS NA TSOGS DE DBANG PO DANG YUL DANG RTEN GYI MTSAN NYID DO, ,DE'I PHYIR 'BRAS BU NI TSOR BA TSOGS PA DANG BCAS PA YIN NO, ,BSAM GTAN KHYAD PAR RNAM SMIN LAS, ,ZHES BYA BA NI BSAM GTAN KHYAD PAR CAN GYI LAS KYI RNAM PAR SMIN PA'I TSOR BA NI BSAM @43B GTAN KHYAD PAR CAN DU SKYES PA NA TSOR BA YOD PAR BYA DGOS LA, DE NA YANG BDE BA 'AM SDUG BSNGAL GYI TSOR BA MED DE, DE LTA BAS NA 'DI'I RNAM PAR SMIN PA BDE BA YANG MA YIN SDUG BSNGAL YANG MA YIN PA'I TSOR BA YIN PAS BSAM GTAN BZHI PA MAN CHAD NA YANG BDE BA YANG MA YIN SDUG BSNGAL YANG MA YIN PA MYONG BAR 'GYUR BA'I LAS YOD DO ZHES BYA BAR MNGON NO, ,LAS GZHAN GANG GIS KYANG BSAM GTAN KHYAD PAR CAN DU TSOR BA RNAM PAR SMIN PAR MI 'GYUR ZHING MI SRID DE, BSAM GTAN KHYAD PAR CAN LA YOD PA DE NI DNGOS GZHI BSAM GTAN DANG PO'I SA PA'I LAS BDE BA MYONG BAR 'GYUR BA'I RNAM PAR SMIN PAR 'GYUR BA YIN ZHES BRJOD PAR RUNG BA MA YIN TE, DNGOS GZHI NI RTOG PA DANG BCAS PA NYID KYIS BSAM GTAN KHYAD PAR CAN PAS DMAN PA'I PHYIR RO, ,'DOD PA NA SPYOD PA'I LAS SDUG BSNGAL MYONG BAR 'GYUR BA YANG MA YIN TE, SA THA DAD PA'I PHYIR RO; ,DE NYID KYI PHYIR DANG DE LAS 'DOD CHAGS DANG BRAL BA'I PHYIR BSAM GTAN BZHI PA LA SOGS PA'I YANG MA YIN NO, ,NYES PA 'DI YONGS SU SPANG BAR 'DOD NAS, KHA CIG NA RE BSAM GTAN KHYAD PAR CAN GYI LAS KYI RNAM PAR SMIN PA NI BSAM GTAN GYI BDE BA'I DBANG PO KHO NA YIN NO ZHES ZER ZHING SMRA'O, ,GZHAN DAG NA RE DE'I RNAM PAR SMIN PA'I TSOR BA MED PA NYID DO, ,'O NA CI ZHE NA GZUGS LA SOGS PA YIN NO ZHES ZER RO, ,CI DE DAG GI LTAR NA BSAM GTAN KHYAD PAR CAN DU SKYES PA LA TSOR BA MED DAM ZHE NA, YOD MOD KYI DE RNAM PAR SMIN PA'I NGO BO NYID NI MA YIN NO, ,'O NA CI ZHE NA, RGYU MTHUN PA LAS BYUNG BA YIN NO ZHES ZER RO, ,SLOB DPON GYIS 'DI NI BSTAN BCOS DANG 'GAL BA YIN NO ZHES BYA BA SMOS TE, BSAM GTAN KHYAD PAR CAN GYI LAS KYI RNAM PAR SMIN PA BSAM GTAN GYI BDE BA'I DBANG PO KHO NA YIN NO ZHES SMRAS PA GANG YIN PA DANG, DE'I RNAM PAR SMIN PA TSOR BA MED PA NYID DO ZHES SMRAS PA GANG YIN PA DE GNYI GA YANG BSTAN BCOS DANG 'GAL BA YIN TE DE BSTAN PA'I PHYIR BSTAN BCOS LAS 'BYUNG NGO ZHES BYA BA RGYAS PAR SMOS TE, RTOG PA MED PA'I LAS ZHES BYA BA NI BSAM GTAN KHYAD PAR CAN GYI LAS ZHES BYA BA'I THA TSIG GO, , @44A *, ,DE'I PHYIR RTOG PA MED PA'I LAS DGE BA'I RNAM PAR SMIN PA NI SEMS KYI TSOR BA KHO NA RNAM PAR SMIN PAR 'GYUR RO ZHES NGES PAR GZUNG BA'I PHYIR LAS DE'I RNAM PAR SMIN PA NI BSAM GTAN GYI BDE BA'I DBANG PO KHO NA YANG MA YIN LA TSOR BA LAS GZHAN YANG MA YIN NO ZHES BYA BAR MNGON TE, RNAM PAR RTOG PA MED PA'I LAS NI BSAM GTAN KHYAD PAR CAN NAS BZUNG BA YAN CHAD NA YOD DO, ,SNGA PHYI MED CES BYA BA NI SNGAR YANG MA YIN LA PHYIS KYANG MA YIN LA CIG CAR ZHES BYA BA'I THA TSIG GO, ,BDE BA MYONG BAR 'GYUR BA NI GZUGS SO ZHES BYA BA NI MIG LA SOGS PA'O, ,SDUG BSNGAL MYONG BAR 'GYUR BA NI SEMS DANG SEMS LAS BYUNG BA'I CHOS RNAMS SO ZHES BYA BA NI RNAM PAR SHES PA'I TSOGS LNGA STE, YID MI BDE BA NI RNAM PAR SMIN PA MA YIN PA'I PHYIR RO, ,BDE BA YANG MA YIN SDUG BSNGAL YANG MA YIN PA MYONG BAR 'GYUR BA NI LDAN PA TZAM YIN PA STE ZHES BYA BA NI SROG GI DBANG PO LA SOGS PA'O, ,'DOD PA'I KHAMS LAS GZHAN NA NI MED DO ZHES BYA BA NI GZHAN NA SDUG BSNGAL MYONG BAR 'GYUR BA'I LAS MED PA'I PHYIR RO, ,DA NI CI LAS DE ZHES BYA BA NI BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'O, ,DE LTA NA NI 'O NA ZHES BYA BA RGYAS PAR 'BYUNG BA NI GAL TE BSAM GTAN BZHI PA MAN CHAD NA YANG BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA LAS DGE BA YOD NA, BSAM GTAN GSUM PA'I BAR DGE BA, BDE BA MYONG 'GYUR ZHES BYA BA 'DI DANG 'GAL TE BSAM GTAN GSUM PA'I BAR NA BDE BA MYONG BAR GYUR PA'I LAS DGE BA YOD PA 'BA' ZHIG TU NI MA ZAD DO, ,'O NA CI ZHE NA, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA 'ANG YOD DO, ,RNAM PAR SMIN PA YID DU 'ONG BA NI DGE BA YIN NO ZHES BYA BA 'DI DANG YANG 'GAL TE, RNAM PAR SMIN PA YID DU 'ONG BA CAN 'BA' ZHIG DGE BA YIN PAR MA ZAD KYI RNAM PAR SMIN PA YID DU MI 'ONG BA DANG YID DU MI 'ONG BA LAS BZLOG PA CAN GYI DGE BA YANG YOD PAS SO, ,DE NI PHAL CHE BA BSTAN PA YIN ZHES BYA BA NI BSAM GTAN @44B GSUM PA'I BAR DGE BA, BDE BA MYONG 'GYUR BA ZHES BYA BA DANG RNAM PAR SMIN PA YID DU 'ONG BA NI DGE BA YIN NO ZHES BYA BA NI PHAL CHE BAS DE SKAD DU BSTAN PAR ZAD DO ZHES BYA BA'I THA TSIG GO, ,JI LTAR NA TSOR BA'I RANG BZHIN MA YIN PA'I LAS ZHES BYA BA NI BDE BA NYAMS SU MYONG BAR 'GYUR GYI LAS NI MA YIN PA'I DON 'DI YIN PAR BRTAGS NAS 'DRI BA YIN NO, ,BDE BA MYONG BAR 'GYUR BA DANG MTHUN PA ZHES BYA BA NI BDE BA'I TSOR BA SKYE BA DANG MTHUN PA ZHES BYA BA'I THA TSIG GO, ,'DI'I BDE BA MYONG BAR BYA BA YIN PAS ZHES BYA BA NI 'DI'I RNAM PAR SMIN PA BDE BA NYAMS SU MYONG BAR BYA BA YIN PAS ZHES BYA BA'I DON TO, ,'KHRU BAR BYED PA'I 'DAG PA'I CHAL BZHIN NO ZHES BYA BA NI DPER NA GANG GIS 'KHRU BAR BYED PA'I 'DAG PA'I CHAL YIN PA DE BZHIN DU GANG GIS BDE BA'I RNAM PAR SMIN PA MYONG BAR BYED PA'I LAS DE NI BDE BA MYONG BAR 'GYUR BA STE, BDE BA'I RNAM PAR SMIN PA MYONG BAR 'GYUR BA'I LAS NI BDE BA MYONG BAR 'GYUR BA'O, ,SDUG BSNGAL MYONG BAR 'GYUR BA YANG DE BZHIN DU BLTA BAR BYA'O ZHES BYA BA NI SDUG BSNGAL MYONG BAR GYUR BA DANG MTHUN PA NI SDUG BSNGAL MYONG BAR 'GYUR BA'O ZHES BYA BA RGYAS PAR SNGA MA BZHIN DU SBYAR TE, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA YANG DE DANG 'DRA'O, ,NGO BO NYID KYIS MYONG BAR 'GYUR BA ZHES BYA BA NI NYAMS SU MYONG BA'I MTSAN NYID KYI NGO BO NYID KYIS MYONG BAR 'GYUR BA NI NGO BO NYID KYIS MYONG BAR 'GYUR BA STE, DE BZHIN DU MNGON SUM DU GYUR PAS MYONG BAR 'GYUR BA NI ZHES BYA BA'I BAR DU SBYAR RO; ,BDE BA MYONG BAR 'GYUR BA'I REG PA ZHES BYA BA NI BDE BA'I TSOR BA DANG MTHUN PA 'AM 'DI LA BDE BA MYONG BAR 'GYUR BA YOD PAS NA BDE BA MYONG BAR 'GYUR BA'I REG PA'O, ,DMIGS PA MYONG BAR 'GYUR BA ZHES BYA BA NI MYONG BAR BYA BA'I YUL TE DMIGS PAR BYA BA ZHES BYA BA'I THA TSIG GO, , GZUGS SO SOR YANG DAG PAR MYONG BAR 'GYUR GYI GZUGS LA 'DOD CHAGS SO SOR YANG DAG PAR MYONG BA NI MA YIN NO ZHES BYA BA NI GZUGS SO SOR NYAMS SU MYONG BAR 'GYUR GYI GZUGS KYI 'DOD CHAGS SO SOR NYAMS SU MYONG BA NI MA YIN NO ZHES BYA BA'I DON TO, ,YANG NA 'DOD CHAGS KYI @45A *, ,GZUGS SO SOR NYAMS SU MYONG ZHING DMIGS PA NI MA YIN NO ZHES BYA BA YIN NO, ,MTHONG BA'I CHOS LA MYONG BAR 'GYUR BA ZHES BYA BA NI 'DI LA MTHONG BA'I TSE LA MYONG BAR 'GYUR BA'I RNAM PAR SMIN PA'I MTSAN NYID YOD PAS NA MTHONG BA'I CHOS LA MYONG BAR 'GYUR BA'I LAS ZHES BYA BA RGYAS PAR 'BYUNG BA YIN NO, ,GANG GI TSE ZHES BYA BA RGYAS PAR 'BYUNG BA NI GANG GI TSE BDE BA'I TSOR BA MYONG BAR BYED CING NYAMS SU MYONG BAR BYED PA DE'I TSE DE'I TSOR BA GNYIS PO SDUG BSNGAL BA DANG BDE BA YANG MA YIN SDUG BSNGAL BA YANG MA YIN PA 'GAG PAR 'GYUR RO, , RTZOM PA'I DBANG GIS ZHES BYA BA NI MTHONG PA'I CHOS KHO NA LA RNAM PAR SMIN PA'I MGO ZUG CES BYA BA'I THA TSIG GO, ,MING DE RNAM PAR GZHAG GO ZHES BYA BA NI MTHONG BA'I CHOS LA MYONG BAR 'GYUR BA ZHES DE SKAD DU MING RNAM PAR GZHAG GO ZHES BYA BA'I DON TO, ,LAS KYANG YOD CES BYA BA RGYAS PAR 'BYUNG BA LA LAS 'BRAS BU NYE BA CAN GYI DPE NI LCAM PA LA SOGS PA'O, ,'BRAS BU RING BA CAN GYI NI NAS DANG GRO LA SOGS PA'O, ,DPES STON PA RNAMS NI MDO SDE PA RNAMS TE, DE LTAR MU DANG PO DANG GNYIS PA DAG RJOD PAR BYED PA DE DAG GI LTAR NA LAS RNAM PA BRGYAD DE, RNAM PAR SMIN PA'I PHYIR MTHONG BA'I CHOS LA MYONG BAR 'GYUR BAR NGES PA DANG MA NGES PA'O, ,MYONG BAR 'GYUR BAR MA NGES PA'I BAR DU YANG DE DANG 'DRA'O ZHES BYA BA NI RNAM PAR SMIN PA'I PHYIR SKYES NAS MYONG BAR 'GYUR BAR NGES PA DANG MA NGES PA DANG, LAN GRANGS GZHAN LA MYONG BAR 'GYUR BAR NGES PA DANG MA NGES PA DANG, MYONG BAR 'GYUR BAR MA NGES PA MTHONG BA'I CHOS LA SOGS PA LA MYONG BAR 'GYUR BAR MA NGES PA GANG YIN PA DE YANG NGES PA DANG MA NGES PA STE, RNAM PA BRGYAD YIN NO, ,LAS RNAM PA BZHI 'PHEN PAR 'GYUR BA ZHES BYA BA NI MTHONG BA'I CHOS LA MYONG BAR 'GYUR BA LA SOGS PA'I LAS RNAM PA BZHI 'PHEN BAR 'GYUR BA ZHES BYA BA'I THA TSIG GO, ,JI LTA ZHE NA SMRAS PA YOD DE, PHA ROL PO SROG GCOD PA DANG MA BYIN PAR LEN PA DANG, BRDZUN DU SMRA BA GSUM LA SBYAR NAS BDAG NYID RANG 'DOD PAS LOG PAR G-YEM PA LA ZHUGS TE, LAS DE DAG CIG CAR MTHAR PHYIN @45B PAR GYUR NA STE, GCIG NI MTHONG BA'I CHOS LA MYONG BAR 'GYUR BA YIN LA, GCIG NI SKYES NAS MYONG BAR 'GYUR BA YIN, GCIG NI LAN GRANGS GZHAN LA MYONG BAR 'GYUR BA YIN, GCIG GIS NI MYONG BAR 'GYUR BA MA NGES PA YIN NA'O, ,DGE BA DANG MI DGE BA RNAMS CI RIGS PAR ZHES BYA BA NI GANG NA MI DGE BA SRID PA STE, 'DOD PA'I KHAMS KHO NA NA YOD KYI GZHAN NA NI MED DO, ,'GRO BA THAMS CAD NA ZHES BYA BA SPYIR BSTAN PA 'DI DMIGS KYIS BSTAN PA NI 'DI YIN TE, DMYAL BA NA NI DGE BA GSUM, ,ZHES BYA BA STE RNAM PA GSUM MO ZHES NGES PAR GZUNG BA YIN NO, ,DMYAL BA DAG NA NI LAS DGE BA RNAM PA GSUM KHO NA'I 'PHEN PA YOD KYI RNAM PA BZHI NI MA YIN TE, DMYAL BA DE NA RNAM PAR SMIN PA YID DU 'ONG BA MED PA'I PHYIR MTHONG BA'I CHOS LA MYONG BAR 'GYUR BA NI MA GTOGS SO, ,DGE BA ZHES BYA BA SMOS PA NI MI DGE BA BSAL BA'I PHYIR TE DMYAL BA DAG NA MI DGE BA NI RNAM PA BZHI CHAR NI 'PHEN PA YANG SRID DO, ,GANG LAS 'DOD CHAGS BRAL BRTAN PA'I, ,ZHES BYA BA NI GANG ZHIG LAS 'DOD CHAGS DANG BRAL BA NI GANG LAS 'DOD CHAGS DANG BRAL BA'O ZHES BYA BAR TSIG BSDU'O, ,BRTAN PA ZHES BYA BA SMOS PA NI YONGS SU NYAMS PA'I CHOS CAN BSAL BA'I PHYIR TE, DE LA NI SA DER SKYES NAS MYONG BAR 'GYUR BA'I LAS SRID DO, ,BYIS PA ZHES BYA BA SMOS PA NI 'PHAGS PA BSAL BA'I PHYIR TE, 'PHAGS PA LA NI DER SKYES NAS MYONG BAR 'GYUR BA MI SRID DE, PHYIR MI 'ONG BA YIN PA'I PHYIR RO, ,GZHAN DU 'ANG MYONG BA MI BYED CES BYA BA NI LAN GRANGS GZHAN LA MYONG BAR 'GYUR BA YANG MI BYED LA, SKYES NAS MYONG BAR 'GYUR BA YANG MI BYED DO ZHES BYA BA'I THA TSIG GO, ,DE LA RIM PA BSTAN PA'I PHYIR, 'DI NI YANG SA 'OG MAR 'ONG BAR RUNG BA MA YIN NO ZHES BYA BA SMOS TE, 'PHAGS PA YONGS SU MI NYAMS PA'I CHOS CAN 'DI NI GANG LAS 'DOD CHAGS DANG BRAL BA DE'I 'OG NA YOD PA'I SAR 'ONG BAR RUNG BA MA YIN NO, ,YONGS SU NYAMS PA'I CHOS CAN NI RUNG STE, 'DI LTA STE 'PHAGS PA SRID PA'I RTZE MO THOB PA YONGS SU NYAMS PA'I CHOS CAN DE LAS YONGS SU NYAMS NAS GZUGS KYI KHAMS SU SKYE @46A *, ,BAR 'GYUR BA GANG YIN PA DE LA NI SKYES NAS MYONG BAR 'GYUR BA DANG LAN GRANGS GZHAN LA MYONG BAR 'GYUR BA YANG SRID DE 'CHAR BYED KYI MDO LAS JI SKAD BYUNG BA LTA BU'O, ,MA NGES PA NI BYED DO ZHES BYA BA NI 'PHAGS PA YONGS SU MI NYAMS PA'I CHOS CAN NI GANG DU SKYES PA DER MYONG BAR 'GYUR BAR MA NGES PA DANG MTHONG BA'I CHOS LA MYONG BAR BYED DO, ,'DOD PA'I KHAMS SAM SRID PA'I RTZE MO LAS 'DOD CHAGS DANG BRAL BA ZHES BYA BA LA, 'DOD PA'I KHAMS LAS 'DOD CHAGS DANG BRAL BA'I PHYIR MI 'ONG BA'O, ,SRID PA'I RTZE MO LAS 'DOD CHAGS DANG BRAL BA NI DGRA BCOM PA'O, ,DE DAG TU ZHES BYA BA NI 'DOD PA'I KHAMS DANG SRID PA'I RTZE MO DAG TU'O, ,'OG NAS BSHAD PAR BYA'O ZHES BYA BA NI, 'BRAS BU LAS NYAMS 'CHI BA MED, ,CES BYA BA DER RO, ,SRID PA BAR MA MYONG BAR 'GYUR BA'I BAR DU ZHES BYA BA CI ZHE NA, NGES PA DANG MA NGES PA ZHES BYA BA YIN NO, ,NGES PA RNAM PA BCU GCIG CES BYA BA NI MTHONG BA'I CHOS LA MYONG BAR 'GYUR BAR NGES PA NAS SRID PA BAR MA MYONG BAR NGES PA'I BAR RO, ,DE'I RGYU LAS BYUNG BA GNAS SKABS BCU'O ZHES BYA BA NI SRID PA BAR MA SNGON DU 'GRO BA CAN ZHES BYA BA'I THA TSIG GO, ,DE NYID KYI PHYIR SRID PA BAR MA MYONG BAR 'GYUR BA'I LAS GZHAN MA BSHAD DE ZHES BYA BA NI LAS RNAM PA BZHI STE, MTHONG BA'I CHOS LA MYONG BAR 'GYUR BA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA DANG, MYONG BAR 'GYUR BAR MA NGES PA'O ZHES BYA BA DER MA BSHAD DE SRID PA BAR MA DER NI SKYES NAS MYONG BAR 'GYUR BA KHO NAS 'PHANGS PA'I PHYIR RO, ,LAS NGES PA DANG MA NGES PA ZHES BSHAD PAS DE'I PHYIR YANG NGES PA'I LAS CI 'DRA BA ZHES BYA BA RGYAS PAR SMOS TE, 'BRAS BU KHYAD PAR CAN THOB PA ZHES BYA BA LA, 'BRAS BU KHYAD PAR CAN THOB PA NI MTHONG BA'I LAM GYI 'BRAS BU THOB PA DANG, DGRA BCOM PA NYID KYI 'BRAS BU THOB PA YIN PAR 'DOD DO, ,KHYAD PAR ZHES BYA BA SMOS PA NI ZAG PA MED PA'I LAM GYIS THOB PA'I 'BRAS BU YIN PAR BZUNG BA'I PHYIR RO, ,SNYOMS PAR 'JUG PA KHYAD PAR CAN THOB PA ZHES BYA BA NI 'GOG PA DANG, NYON MONGS PA MED PA DANG, BYAMS PA'I SNYOMS PAR @46B 'JUG PA THOB PA'O, ,'DIR YANG KHYAD PAR ZHES BYA BA SMOS PA NI 'JIG RTEN PA'I SNYOMS PAR 'JUG PA GZHAN LAS KHYAD PAR DU BYA BA'I PHYIR RO, ,CI 'DRA YANG RUNG STE ZHES BYA BA NI GAL TE BSOD NAMS YIN PA'I BLOS SAM, GAL TE ZHE SDANG GIS KYANG RUNG STE, PAR SIG GANG ZHIG BSOD NAMS YIN PA'I BLOS PHA 'AM MA BSAD PA'I LAS MI DGE BA DE NI MTSAMS MED PAR NGES PAR 'GYUR RO, ,GZHAN NI MA YIN NO ZHES BYA BA NI 'DI LAS BZLOG PA'I NYON MONGS PA DANG RAB TU DANG BA CHUNG DUS BYAS PA ZHES BYA BA LA SOGS PA GANG YIN PA'O, ,DGE 'DUN LA BUD MED DO ZHES THAB MO RGAL BA LAS ZHES BYA BA NI DGE SLONG SHAGS KYIS PHAM PA GCIG CIG GIS DGE 'DUN LA KHYED NI BUD MED DU ZAD DO ZHES KHA BYAS PA DANG, DE MTHONG BA'I CHOS KHO NA LA SKYES PA'I MTSAN MI SNANG BAR GYUR NAS, BUD MED KYI MTSAN BYUNG NGO ZHES GRAG STE, 'DI NI ZHING GI KHYAD PAR LAS MTHONG BA'I CHOS LA MYONG BAR 'GYUR BA KHO NA YIN NO, ,BSAM PA'I KHYAD PAR LAS NI ZHES BYA BA NI NYUNG RUM ZHIG GIS GLANG DAG CIG RLIG PA 'BYIN PA MTHONG NAS BDAG KYANG 'DI 'DRA BAR RLIG PA PHYUNG BAS SDUG BSNGAL BAR GYUR TO SNYAM NAS BSAM PA DRAG POS GLANG DE DAG RLIG PA DBYUNG BA LAS BTANG BA DANG, DE MTHONG BA'I CHOS KHO NA LA SKYES PA'I DBANG PO BYUNG NGO ZHES GRAG STE, 'DI NI BSAM PA'I KHYAD PAR LAS MTHONG BA'I CHOS LA MYONG BAR 'GYUR BA'I LAS SU GYUR PA YIN NO, ,DE LAS GTAN DU 'DOD CHAGS DANG BRAL BA YIN PA'I PHYIR RO ZHES BYA BA NI DE LAS GTAN DU 'DOD CHAGS DANG BRAL BA'I PHYIR MTHONG BA'I CHOS LA MYONG BAR 'GYUR BA MA YIN PA'I LAS KYANG MTHONG BA'I CHOS LA MYONG BAR 'GYUR RO, ,GNAS SKABS SU YANG MA YIN ZHES BYA BA NI MTHONG BA'I CHOS LA SOGS PA'I GNAS SKABS SU MA NGES PA GANG YIN PA DANG RNAM PAR SMIN PAR NGES PA'I PHYIR MA NGES PA YANG MA YIN PA DE KHO NA MTHONG BA'I CHOS LA MYONG BAR 'GYUR RO, ,DE NYID KYI PHYIR BSHAD PA MTHONG BA'I CHOS LA SOGS PA'I GNAS SKABS GZHAN DU NGES PA GANG YIN PA DE NI DE NYID DU RNAM PAR SMIN PAR 'GYUR RO, ,DE DANG LDAN BZHIN DU GTAN DU 'DOD CHAGS DANG BRAL BA MI SRID PAS ZHES BYA BA NI DE LTAR GNAS @47A *, ,SKABS NGES PA'I RNAM PAR SMIN PA CAN GYI LAS DE DANG LDAN PA'I GANG ZAG NI SA DE LAS GTAN DU 'DOD CHAGS DANG BRAL MI SRID PA'I PHYIR ZHES BYA BA'I THA TSIG GO, ,ZHING GI KHYAD PAR ZHES BSHAD PAS, DE'I PHYIR ZHING DE DAG NI JI LTA BU ZHIG CES 'DRI BAR BYED DE NYON MONGS PA MED PA LAS LANGS PA'I ZHES BYA BA RGYAS PAR 'BYUNG BA NI RGYUD SEMS CAN TSAD MED PA LA NYON MONGS PA MED PA DANG LDAN PA'I LHAG PA'I BSAM PA STE, BSAM PA DE DANG RJES SU 'BREL PA DANG SHIN TU GSAL SHING RNO BA'I BSOD NAMS TSAD MED PAS YONGS SU BSGOS PA DANG RJES SU 'BREL BA YIN NO, , NYON MONGS PA MED PA NI 'OG NAS, NYON MONGS MED DANG SMON NAS SHES, ,ZHES BYA BA DER BSHAD PAR BYA'O, ,BYAMS PA LAS LANGS PA'I ZHES BYA BA RGYAS PAR 'BYUNG BA NI SEMS CAN CHAD MED PA DAG LA BDE BA SKYE BAR GYUR CIG SNYAM PA'I LHAG PA'I BSAM PA DE DANG RJES SU 'BREL PA YIN NO, ,SHIN TU GSAL BA ZHES BYA BA THAMS CAD NI SNGA MA BZHIN NO, ,GNAS YONGS SU GYUR PA SAR PA YIN PAS DRI MA MED PA YIN ZHES BYA BA NI LANGS NAS RING POR MA LON PA'I PHYIR RGYUD GNAS LUGS YONGS SU GYUR PA GSAR PA YIN ZHING GSAR PA YIN PAS NA DRI MA MED PA YIN NO,, ,,BAM PO SUM CU RTZA BZHI PA, GANG ZAG DE DAG LA PHAN PA DANG GNOD PA BYAS PA RNAMS TE, PHAN BTAGS PA DANG GNOD PA BYAS PAS DGE BA DANG MI DGE BA RNAMS KYI 'BRAS BU MTHONG BA'I CHOS KHO NA LA THOB PAR 'GYUR RO ZHES 'PHRAL[?] GYI DON STON PAR BYED DE 'PHRAL[?] DANG 'DRA BA'I PHYIR RO, ,LHAG MA BSGOM PA'I LAM ZHES BYA BA RGYAS PAR 'BYUNG BA NI LHAG MA BSGOM PA'I LAM LAN CIG PHYIR 'ONG BA DANG PHYIR MI 'ONG BA'I 'BRAS BU THOB PAR BYED PA STE, 'DI LA RANG BZHIN DANG 'BRAS BU YONGS SU RDZOGS PA YOD PAS NA RANG BZHIN DANG 'BRAS BU YONGS SU RDZOGS PA CAN NO, ,DE'I NGO BO NI NYID DE, RANG BZHIN DANG 'BRAS BU YONGS SU RDZOGS PA CAN NYID DE'I PHYIR RO, ,YANG DE'I RANG BZHIN YONGS SU MA RDZOGS PA NYID DANG, 'BRAS BU YONGS SU MA RDZOGS PA NYID GANG YIN ZHE NA, RANG BZHIN YONGS SU MA RDZOGS PA NI DGRA BCOM PA NYID YIN NA LAM DE NI GANG GIS DGRA BCOM PA NYID THOB PAR 'GYUR BA STE, SLOB PA'I @47B RANG BZHIN NO, ,'BRAS BU YONGS SU RDZOGS PA YANG DGRA BCOM PA NYID THOB PA YIN NA LAM DE NI 'BRAS BU GSUM GYIS 'BRAS BU DANG LDAN PA YIN NO, ,YANG NA RANG BZHIN DANG 'BRAS BU YONGS SU RDZOGS PA NI ZAD PA SHES PAS BSDUS PA'I LAM YIN TE, 'DI LTAR RANG BZHIN YONGS SU RDZOGS PA NI MI SLOB PA'I LAM YIN PAS SO, ,'BRAS BU YONGS SU RDZOGS PA NI LUS LA MED PA'I 'BRAS BU YIN PA'I PHYIR RO, ,DE LAS LANGS PA RNAMS ZHES BYA BA NI LHAG MA BSGOM PA'I LAM LAS LANGS PA RNAMS TE DE LAS LANGS PA DE DAG NI JI LTAR DGRA BCOM PA LAS LANGS PA DE LTAR BSOD NAMS GYI ZHIR MA YIN NA, 'JIG RTEN PA'I LAM LAS LANGS PA RNAMS LTA SMOS KYANG CI DGOS TE, KHYAD PAR 'DI NI BSGOM PAS SPANG BAR BYA BA'I NYON MONGS PA RNAMS LHAG MA DANG BCAS PA DANG, LHAG MA MA LUS PAR SPANGS PA'I SGO NAS BSHAD DO ZHES BYA BAR KHONG DU CHUD PAR BYA'O, ,DE NI GDON MI ZA BAR RTOG PA DANG DPYOD PA DANG BCAS PA YIN PA'I PHYIR RO ZHES BYA BA NI RNAM PAR SHES PA'I KHAMS LNGA NI, RTOG PA DANG DPYOD PA DANG BCAS PA YIN ZHES BYA BAR DES PA'I PHYIR RO, ,RTOG PA DANG DPYOD PA DAG KYANG BSAM GTAN KHYAD PAR CAN LA SOGS PA LA MED PA'I PHYIR TE, RTOG PA MED PA'I LAS KYI RNAM PAR SMIN PA SA 'OG MA PA RTOG PA DANG DPYOD PA DANG BCAS PA YIN PAR YANG RUNG BA MA YIN NO, ,RNAM PAR SMIN PA NI SDUG BSNGAL GYI TSOR BA YIN LA ZHES BYA BA RGYAS PAR 'BYUNG BA NI MI DGE BA DE'I RNAM PAR SMIN PA NI SDUG BSNGAL GYI TSOR BA YIN PAR 'DOD DE, DE'I 'BRAS BU NI YID DU MI 'ONG BA MA YIN PA'I PHYIR RO, ,SEMS KYI SDUG BSNGAL GYI TSOR BA NI YID MI BDE BA YIN TE GZHAN NI MED NA YID MI BDE BA NI RNAM PAR SMIN PA MA YIN NO ZHES DE NI DBANG PO BSTAN PAR SROG GI RNAM SMIN BCU GNYIS GNYIS, THA MA BRGYAD DANG YID MI BDE BA MA GTOGS ZHES BSHAD ZIN TO, ,YID MI BDE BA RNAM PAR SMIN PA MA YIN NO ZHES BYA BA 'DI MI BZOD PAS 'ON SEMS CAN RNAMS KYI ZHES BYA BA RGYAS PAR SMRAS TE, GAL TE YID MI BDE BA RNAM PAR SMIN PA MA YIN NA, 'ON SEMS CAN RNAMS KYI SEMS G-YENGS PAR 'GYUR BA GANG YIN PA DE SEMS NI GANG ZHIG @48A *, ,LA GNAS PA YIN, RGYU NI JI ZHIG GIS 'GYUR, DE'I BSAM PA NI SEMS G-YENGS PA NI RNAM PAR SHES PA'I TSOGS LNGA LA GNAS PA NI MA YIN TE, DE DAG NI RNAM PAR RTOG PA MED PA'I PHYIR LA, DE YANG MI DGE BA'I RGYU CAN GYI YID DU MI 'ONG BA YIN PA'I PHYIR TE; DE BAS NA YID MI BDE BA NI RNAM PAR SMIN PA YIN PAR 'GYUR RO SNYAM PA YIN NO, ,RNAM PAR MI RTOG PA YIN PA'I PHYIR RO ZHES BYA BA NI RNAM PAR SHES PA'I TSOGS LNGA NI NGES PAR RTOG PA DANG RJES SU DRAN PA'I RNAM PAR RTOG PA DAG GIS RNAM PAR MI RTOG PA YIN PA'I PHYIR LA SEMS G-YENGS BA NI RNAM PAR RTOG PA NGAN PA'I MTSAN NYID YIN PA'I PHYIR RO, ,NAGS MES GTONG BA 'AM ZHES BYA BA LA, NAGS NI RTZVA LA SOGS PA TSANG TSING DANG LDAN PA'I PHYOGS KYI KHYAD PAR RO, ,GZHAN GANG YANG RUNG BAS ZHES BYA BA NI MI 'DOD PA'I NA TSAR 'GYUR BAS SO, ,GNAS BYED KYI BU LA SOGS PA ZHES BYA BA NI BCOM LDAN 'DAS MI THIL NA MI THI LA'I AA MRA'I TSAL NA BZHUGS SO, ,YANG DE'I TSE GNAS BYED DANG RUS MTHUN PA'I BRAM ZE MO ZHIG GI BU DRUG SHI BA DANG, DE DE DAG SHI BAS SEMS G-YENGS SHING SMYOS NAS GCER BUR BYUNG STE, DE DANG DER RGYU ZHING MI THI LA'I AAMRA'I TSAL GAL BA DER SONG NGO, ,DE'I TSE BCOM LDAN 'DAS DGE SLONG GI 'KHOR BRGYA PHRAG DU MA'I GUNG LA BZHUGS SHING CHOS STON TO, ,GNAS BYED DANG RUS MTHUN PA'I BRAM ZE MOS BCOM LDAN 'DAS RGYAD NAS MTHONG STE, MTHONG NAS KYANG NGO TSA NAS SGUM SGUM POR 'DUG STE, DRAN PA YANG RNYED PAR GYUR TO, ,BCOM LDAN 'DAS KYIS GNAS BYED KYI BU DANG RUS MTHUN PA'I BRAM ZE MO THAG RING PO NAS GZIGS TE, GZIGS NAS KYANG TSE DANG LDAN PA KUN DGA' BO LA BKA' STZAL PA, GNAS BYED KYI BU DANG RUS MTHUN PA'I BRAM ZE MO LA BLA GOS BYIN CIG DANG DE LA CHOS BSHAD PAR BYA'O, ,TSE DANG LDAN PA KUN DGA' BOS GNAS BYED KYI BU DANG RUS MTHUN PA'I BRAM ZE MO LA BLA GOS BYIN PA DANG DE GNAS BYED KYI BU DANG RUS MTHUN PA'I BRAM ZE MOS BLA GOS BGOS NAS BCOM LDAN 'DAS GA BA LA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO, ,PHYOGS GCIG TU 'DUG PA DANG GNAS BYED KYI BU DANG RUS MTHUN PA'I BRAM ZE MO LA CHOS KYI @48B GTAM GYIS KUN DU STON PAR MDZAD, YANG DAG PAR LEN DU BCUG, ,YANG DAG PAR GZENGS BSTOD NAS, YANG DAG PAR RAB TU DGA' BAR MDZAD CES BYA BA DE LTA BU LA SOGS PA YIN TE, GZHUNG MANGS KYIS DOGS NAS THAMS CAD NI MA BRIS SO, ,'DI LA DON NI 'DI YIN TE, BCOM LDAN 'DAS KYIS DE LA SBYIN PA LA SOGS PA'I GTAM MDZAD NAS 'PHAGS PA'I BDEN PA BZHI BSTAN PA NAS DES RGYUN DU ZHUGS PA'I 'BRAS BU'I BAR DU THOB STE, THOB NAS KYANG BCOM LDAN 'DAS KYI THAD NAS SONG NGO, ,DUS GZHAN ZHIG NA DE'I BU BDUN PA SHI BA DANG DE DE SHI BAS MYA NGAN MI BYED PAR GYUR TO, ,DE MYA NGAN MI BYED PA DANG RANG GI KHYOS SMRAS PA KHYOD SNGON BU SHI BAS YONGS SU GDUNG BAR BYED LA DA NI YONGS SU GDUNG BA MED PA DANG SBYAR NA BU DE KHYOD KYIS ZOS GOR MA CHAG STE, DES NA YONGS SU GDUNG BAR MI BYED DO, ,DES DE LA PHYIR SMRAS PA, BRAM ZE NGAS NI YUN RINGS NAS, ,BU DANG TSA BO STONG PHRAG DANG, ,GNYEN MANG BRGYA PHRAG DAG ZOS TE, ,KHYOD KYIS KYANG NI DE DANG 'DRA, ,SKYE BA DE DANG DE DAG TU, ,BU DANG TSA BO STONG PHRAG DAG ,GCIG LA GCIG NI ZA RNAMS KYI, ,TSAD NI YOD PA MA YIN NO, ,'JIG RTEN NA NI SKYE BA DANG, ,'CHI LAS NGES 'BYUNG SHES NAS NI, ,SU ZHIG MYA NGAN YONGS GDUNG BA 'AM, ,SMRE SNGAGS 'DON BAR BYED PAR 'GYUR; ,BDAG GIS SANGS RGYAS BSTEN BYAS TE, ,SKYE BA DANG NI 'CHI BA LAS, ,NGES PAR 'BYUNG BA'ANG SHES PAS NA, ,MYA NGAN MI BYED GDUNG BA MED, ,CES BYA BA DE LTA BU LA SOGS PA YIN NO, ,JI LTAR SEMS KYI TSOR BA RNAM PAR SMIN PA MA YIN PAR 'GYUR ZHES BYA BA NI, LAS MI DGE BA DE YI 'BRAS, , ZHES BYA BA TSIG LHAG MA YIN NO, ,'BYUNG BA CHEN PO RNAMS 'KHRUG PA GANG YIN PA DE RNAM PAR SMIN PA YIN LA ZHES BYA BA NI RNAM PAR SMIN PA NI RNAM PAR SMIN PA'O, ,SEMS NI DE LAS SKYES PAS DE'I PHYIR RNAM PAR SMIN PA LAS SKYES PA YIN TE, DE NYID KYI PHYIR DE NI LAS KYI RNAM PAR SMIN PA LAS SKYES PA ZHES BSHAD KYI, DE NI LAS LAS SKYES PA ZHES NI MA BSHAD DO, ,DE LTAR NA 'DI NI ZHES BYA BA RGYAS PAR 'BYUNG BA NI GANG GI PHYIR LAS LAS SKYES PA ZHES BYA BA NAS DRAN PA NYAMS PAR 'GYUR BAS ZHES BYA BA'I BAR YIN PA DE'I PHYIR MU BZHI PA 'DI RUNG STE, 'DIR DPER BRJOD PA NI GNYI GA NI SEMS G-YENGS PA'I NYON MONGS @49A *, ,PA YIN NO ZHES BYA BA 'DI YIN NO, ,SEMS NYON MONGS PA CAN NI RNAM PAR SMIN PA YIN PAR MI RUNG STE, RNAM SMIN LUNG DU MA BSTAN CHOS, ,ZHES 'BYUNG BA'I PHYIR RO, ,MNGON PAR NYEN PA ZHES BYA BA NI MNGON PAR GNOD PAR GYUR PA'O, ,DMYAL BA RNAMS SEMS G-YENGS PA YIN NO ZHES BYA BA YIN NO ZHES BYA BA 'DIR KYI HUD SEMS ZHES SMRE SNGAGS 'DON PA'I DMYAL BA DPER BYA'O, ,SANGS RGYAS MA GTOGS PA ZHES BYA BA NI SANGS RGYAS NI BSOD NAMS KYI TSOGS CHE BA'I PHYIR 'BYUNG BA NYAMS PAS KYANG THUGS G-YENGS PA MI MNGA'O, ,LAS KYI NI MA YIN TE ZHES BYA BA CI ZHE NA, 'PHAGS PA RNAMS SEMS G-YENGS PA STE, 'BYUNG BA MA NYAMS PAS NI MA GTOGS PA NYID DO, ,CI'I PHYIR ZHE NA, NGES PA NI SNGON SO SO'I SKYE BO'I GNAS SKABS KHO NA NA RNAM PAR SMIN PA ZIN PA'I PHYIR RO, ,MA NGES PA NI 'PHAGS PA'I GNAS SKABS NA RNAM PAR MI SMIN PA'I PHYIR TE; DE NYID KYI PHYIR 'DI NI MA NGES PA ZHES BYA BA'O, ,'JIGS PA LNGA LAS YANG DAG PAR 'DAS PA'I PHYIR RO ZHES BYA BA LA 'JIGS PA LNGA NI KUN DU 'TSO BA MED PA'I 'JIGS PA DANG, TSIGS SU BCAD PA MED PA'I 'JIGS PA DANG, 'KHOR GYI NANG DU SKRAG PA'I 'JIGS PA DANG, 'CHI BA'I 'JIGS PA DANG, NGAN 'GRO'I 'JIGS PA'O, ,DE LA TSIGS SU BCAD PA MED PA'I 'JIGS PA NI GRAGS PA MED PA'I 'JIGS PA'O, ,'KHOR GYI NANG DU SKRAG PA'I 'JIGS PA NI TSOGS PA'I NANG DU BAG 'KHUMS PA'O, ,MI MDZES PA ZHES BYA BA NI MI MDZES PAR 'GYUR BA'I LAS SO, ,CHOS NYID MNGON PAR SHES PA'I PHYIR RO ZHES BYA BA NI ZAG PA DANG BCAS PA THAMS CAD NI SDUG BSNGAL BA'O, ,'DU BYED THAMS CAD NI MI RTAG PA'O, ,CHOS THAMS CAD NI BDAG MED PA'O ZHES BYA BAR CHOS KYI NGO BO NYID MNGON PAR SHES PA'I PHYIR RO, ,GYA GYU'I RGYU LAS BYUNG BA'I PHYIR ZHES BYA BA NI GYA GYU'I RGYU CAN YIN PA'I PHYIR TE, GYA GYU NI RGYU YIN NO, ,CHAGS PA'I RGYU LAS BYUNG BA YIN PA'I PHYIR ZHES BYA BA NI DPER NA TSON RTZI NI 'JEN PA'I RGYU YIN PA LTAR 'DOD CHAGS KYANG DE DANG 'DRA STE, DE'I PHYIR DE DANG CHOS MTHUN PAS DE SKAD DU BSHAD DO, ,'DOD GTOGS ZHES BYA BA 'DIS NI DGE BA KHYAD PAR DU BYED KYI MI DGE BA NI MA YIN TE, DE NI @49B GDON MI ZA BAR YOD PA CAN YIN PA'I PHYIR RO, ,CI'I PHYIR GZUGS MED PAR GTOGS PA MA BSHAD CE NA ZHES BYA BA NI DE YANG MI DGE BA DANG MA 'DRES SHING 'DREN MAR MI 'JUG GO ZHES BYA BA'I THA TSIG GO, ,GANG NA ZHES BYA BA RGYAS PAR 'BYUNG BA NI GANG NA SRID PA BAR MA BA STE SRID PA BAR MA NA YOD PA'I RNAM PAR SMIN PA DANG SKYE BA'I SRID PA PA YANG DE DANG 'DRA'O, ,LUS DANG NGAG DANG YID KYI LAS RNAM PA GSUM CHAR GYI RNAM PAR SMIN PA YOD PA STE, BSAM GTAN GYI SDOM PAS BSDUS PA'I LUS DANG NGAG GI LAS DAG BSAM GTAN GNYIS PA LA SOGS PA NA YANG YOD PA'I PHYIR DE KHO NAR DKAR LA RNAM [line missing] SRID PA'I RTZE MO'I BAR YIN NO ZHES BSHAD DE, 'DIS NI RANG GI BSAM PA GANG GIS NA GRAG CES BYA BA'I SGRA RAB TU SBYAR BA STON PAR BYED DO, ,'DI NI RGYUD KYI SGO NAS RNAM PAR GZHAG GO ZHES BYA BA NI RGYUD GCIG LA DGE BA DANG MI DGE BA KUN DU 'BYUNG BAS DGE BA DANG MI 'DRE BAR 'GYUR RO, ,PHAN TSUN 'GAL BA'I PHYIR RO ZHES BYA BA NI DGE BA YANG MI DGE BA DANG 'GAL LA MI DGE BA YANG DGE BA DANG 'GAL BA GNYIS KYI NGO BO NYID DU RUNG BA MA YIN NO, ,MI DGE BA GDON MI ZA BAR DGE BA DANG 'DRE BA NI MA YIN TE ZHES BYA BA RGYAS PAR 'BYUNG BA NI 'DRE MOD KYI GDON MI ZA BA NI MA YIN NO, ,CI'I PHYIR ZHE NA, 'DOD PA'I KHAMS NA GNYEN POR GYUR PA TING NGE 'DZIN MED PA'I PHYIR MI DGE BA STOBS DANG LDAN PA NYID YIN NO, ,DE NYID KYI PHYIR DGE BA STOBS CHUNG BA'I PHYIR TE, 'DI LTAR 'DOD PA'I KHAMS NA NI LOG PAR LTA BAS DGE BA'I RTZA BA KUN DU 'CHAD PAR 'GYUR GYI YANG DAG PA'I LTA BAS NI LOG PAR LTA BA KUN DU 'CHAD PAR MI 'GYUR RO, ,MI DKAR ZHES BYA BA'I SGRA 'DI NI DGONGS PA CAN YIN TE ZHES BYA BA NI RNAM PAR SMIN PA DKAR BA NYID MED PA'I PHYIR MI DKAR BA YIN GYI, DKAR PO MA YIN PA NYID NI MA YIN PA'O ZHES BYA BA'I THA TSIG GO, ,'ON KYANG DKAR PO NYID DU BSHAD PA GANG YIN PA DE MA YIN PAS NA MI DKAR BA'O, ,STONG PA CHEN PO'I MDO LAS ZHES BYA @50A *, ,BA NI STONG PA CHEN PO'I DON GYI MDO LAS SO, ,MA BSGRIBS PA LUNG DU MA BSTAN PA RNAMS KYANG NYON MONGS PA CAN MA YIN PA'I PHYIR DKAR PO YIN NO, ,KHAMS SU GTOGS PA'I PHYIR RNAM PAR SMIN PA MED PA YIN NO ZHES BYA BA NI ZAG PA MED PA'I CHOS RNAMS NI KHAMS SU GTOGS PA YIN LA, RNAM PAR SMIN PA NI KHAMS SU GTOGS PA YIN PAS DE'I PHYIR ZAG PA MED PA'I CHOS RNAMS NI RNAM PAR SMIN PA MED PA YIN NO, ,CI'I PHYIR ZHE NA, 'JUG PA DANG 'GAL BAS ZHES BYA BA SMOS SO, ,ZAG PA MED PA'I LAS NI KHAMS SU GTOGS PA'I CHOS RNAMS KYI 'JUG PA 'GOG PAR BYED PA YIN GYI SKYED PAR BYED PA NI MA YIN PAS RNAM PAR SMIN PA MED PA YIN NO, ,LAS DANG LAS ZAD PAR BYED PA YIN ZHES BYA BA LA LAS GNYIS SMOS PA NI LAS DE YOD DO ZHES BSTAN PA GANG YIN PA DE YOD CING MED PA MA YIN LAM NYAMS PA'I NGO BO NYID NI LAS ZAD PAR BYED PA YIN NO ZHES LAS BZHI BA 'DI NI BSTAN PA'I CHED YIN NO, ,YANG NA 'DI NI ZLOS PA'I SBYOR BA YIN TE, LAS DANG LAS ZAD PAR BYED PA YIN NO ZHES BYA BA'I THA TSIG GO, ,BZOD PA ZHI BA DANG ZHES BYA BA RGYAS PAR 'BYUNG BA LA, CHOS SHES PA'I BZOD PA ZHES SMOS PA DANG, 'DOD PA LAS 'DOD CHAGS DANG BRAL BA LA BAR CHAD MED PA'I LAM ZHES SMOS PA NI 'DOD PA NA SPYOD PA'I LAS NAG PO SPONG BA'I LAM YIN PA'I PHYIR RO, ,'DIR NI ZAG PA MED PA'I LAM GYI SKABS YIN PA'I PHYIR 'JIG RTEN PA'I BAR CHAD MED PA'I LAM DAG NI DE SPONG BAR 'GYUR BA YIN YANG MI GZUNG NGO, ,DKAR PO BSAM GTAN CHAGS BRAL LA, , ZHES BYA BA NI DE NAG PO MED PA'I PHYIR DGE BA KHO NA ZHES BYA BA NGES PAR GZUNG STE, NYON MONGS PA CAN GYI 'DU BYED NI BRGYAD KYIS SPONG LA DGU PAS NI DGE BA YANG SPONG NGO, ,DE'I RANG GI NGO BO NI SPONG BA MA YIN TE ZHES BYA BA NI THOB PA NI THOB PA CHAD PA'I SPONG BA STE, DGE BA NI SPANGS KYANG MNGON SUM DU BYED PA'I PHYIR RO, ,DE LA DMIGS PA'I NYON MONGS PA SPANGS PA'I PHYIR TE ZHES BYA BA NI DE LA DMIGS PA'I NYON MONGS PA SPANGS PAS DGE BA DE SPANGS PA YIN NO, ,DE LA DMIGS PA'I NYON MONGS PA SPONG BA YANG DE LA DE DMIGS PA'I NYON MONGS PA'I RNAM PA DGU SPANG NA SPANGS PA YIN PAS BAR CHAD MED @50B PA'I LAM DGU PA'I SEMS PA KHO NA LAS NAG PO DANG DKAR PO ZAD PAR BYED PA YIN TE, DE'I TSE NYON MONGS PA'I RNAM PA DGU PA'I THOB PA CHAD NA BRAL BA'I THOB PA SKYE ZHING LAS NAG PO DANG DKAR PO DE DANG ZAG PA DANG BCAS PA'I LAS GZHAN MA BSGRIBS LA LUNG DU MA BSTAN PA'I BRAL BA THOB PA YANG SKYE'O ZHES BRJOD DO, ,DE BZHIN DU BSAM GTAN BZHI LAS 'DOD CHAGS DANG BRAL BA DAG LA YANG RIG PAR BYA'O, ,DE'I PHYIR DE MYONG BAR 'GYUR BA ZHES BYA BA NI 'GRO BA NGES PA'I RGYU DE'I PHYIR DE MYONG BAR 'GYUR BA STE, DMYAL BA MYONG BAR 'GYUR BA ZHES BYA BA'I THA TSIG GO ,DE LAS GZHAN PA'I ZHES BYA BA RGYAS PAR 'BYUNG BA NI DMYAL BA'I 'GRO BA DE LAS GZHAN PA'I 'DOD PA'I KHAMS MI LA SOGS PA'I 'GRO BA NA NI DGE BA DANG MI DGE BA'I RNAM PAR SMIN PA YOD PAS 'GRO BA NGES PA'I RGYU DE'I PHYIR DE MYONG BAR 'GYUR BA STE, DE LAS GZHAN PA'I 'DOD PA'I KHAMS MYONG BAR 'GYUR BA NI GNYI GA YANG BYE BRAG MA PHYE BAR BSRES NAS DKAR NAG CES BYA BAR BSHAD KYI 'DI LTAR DGE BA YANG DKAR NAG YIN LA DE BZHIN DU MI DGE BA YANG DKAR NAG YIN NO ZHES BYA BAR GZUNG BAR BYA BA MA YIN NO, ,DGE BA DANG MA 'DRES PA'I PHYIR, ,ZHES BYA BA NI, NYON MONGS CAN MIN MTHONG SPONG MIN ZHES BYA BAR NGES PA'I PHYIR MTHONG BAS SPANG BAR BYA BA'I DGE BA NI MED DO, ,'DIR RNAM PA MTHONG BAS SPANG BAR BYA BA 'DOD PA NA SPYOD PA NAG PO YIN NO ZHES KHYAD PAR BYAS NAS BRJOD DGOS SO, ,DE LTA MA YIN NA MTHONG BAS SPANG BAR BYA BA GZUGS DANG GZUGS MED PA NA SPYOD PA YANG GNAG LA RNAM PAR SMIN PA GNAG PA YIN PAR BSHAD PAR THAL BAR 'GYUR BA YIN NO ZHE NA, BRJOD PAR BYA MI DGOS TE, 'DOD PA LAS SKYES GZHAN DKAR GNAG, ,CES BYA BA'I 'DOD PA LAS SKYES PA ZHES BYA BA 'DIS MTHONG BAS SPANG BAR BYA BA 'DOD PA NAS SKYES PA NI NAG PO YIN LA 'DOD PA NAS SKYES PA GZHAN NI DKAR GNAG YIN NO ZHES GNYI GA KHYAD PAR DU BYAS PA'I PHYIR RO, ,DE NI ZHES BYA BA RGYAS PAR 'BYUNG BA NI BSGOM PAS SPANG BAR BYA BAR 'DOD PA NA SPYOD PA DE NI DGE BA YANG SRID LA MI DGE BA YANG SRID PAS BSRES TE, GNYI GA YANG DKAR GNAG YIN NO ZHES BSHAD KYI SO SOR NI MA YIN NO, ,THUB PA'I GSUM ZHES BYA BA NI THUB PA'I DNGOS PO 'AM THUB PA'I @51A *, ,LAS NI THUB PA YIN TE, SPRI'U'I ZHES BYA BA LTA BU'O, ,THUB PA'I GSUM ZHES BYA BA NI THUB PA'I YIN PAS NA THUB PA'I'O, ,MI SLOB PA'I ZHES BYA BA RGYAS PAR 'BYUNG BA NI MI SLOB PA'I LUS KYI LAS RNAM PAR RIG BYED MA YIN PA'I NGO BO NYID NI LUS KYI THUB PA'I YIN TE NGAG DANG YID KYI THUB PA'I DAG KYANG DE DANG 'DRA'O, ,YANG CI'I PHYIR RNAM PAR RIG BYED MA YIN PA KHO NA YIN PAR GZUNG GI ,RNAM PAR RIG BYED KYANG NI MA YIN ZHE NA, RNAM PAR RIG BYED NI ZAG PA DANG BCAS PA NYID KYIS MI SLOB PA NYID YIN PAR MI SRID PA'I PHYIR RO, ,YID KHO NA YID KYI THUB PA YIN TE ZHES BYA BA NI RANG GI DON DU RGYAS PAR BYAS PA YIN PA'I PHYIR RO, ,SEMS NI DON DAM PAR THUB PA YIN LA ZHES BYA BAR NI NYON MONGS PA'I BRJOD PA THAMS CAD MED PA ZHES GTAN TSIGS 'CHAD PAR 'GYUR RO, ,DE NI MI SLOB PA YIN NO ZHES BYA BAR LUS DANG NGAG GI LAS DAG GI SGO NAS RJES SU DPAG PAR BYA BA YIN NO ZHES GRAG GO, ,JI LTAR DE BZHIN GSHEGS PA RJES SU DPAG PAR BYA ZHE NA, MDO LAS, SKU'I PHRIN LAS RAB TU ZHI BA DANG, GSUNG GI PHRIN LAS RAB TU ZHI BAS ZHES 'BYUNG BA'I PHYIR RO, GRAG CES BYA BA'I SGRA KHO NA BYE BRAG TU SMRA BA'I GZHUNG LUGS BSTAN NAS SLOB DPON BDAG NYID KYI GZHUNG LUGS GZHAN YANG ZHES BYA BA RGYAS PAR SMOS TE, SEMS LA RNAM PAR RIG BYED MA YIN PA MED PA'I PHYIR ZHES BYA BA NI GANG GI PHYIR SEMS LA RNAM PAR RIG BYED MA YIN PA MED PA DE'I PHYIR YID KYI LAS NI SPONG BA'I RANG BZHIN MA YIN NO, ,THUB PA'I YANG SPONG BA'I DON GYIS YIN TE ZHES BYA BA LA SPONG BA NI SPONG BAR BYED PA STE, MI DGE BA THAMS CAD SPONG BA'I DON GYIS NA THUB PA YIN NO SNYAM DU BSAMS PA YIN NO, ,DE'I PHYIR YID NYID MI DGE BA THAMS CAD SPONG BA LA THUB PA ZHES BYA'O, ,NYON MONGS PA'I BRJOD PA THAMS CAD MED PAS TE, NYON MONGS PA RNAMS NI LOG PA'I DMIGS PA LA BRJOD PA'I PHYIR BRJOD PA'O ZHES BYA BA'O, ,DE DAG KYANG DGRA BCOM PA LA MED PAS DGRA BCOM PA DE NI DON DAM PAR THUB PA YIN NO, ,GTZANG BYED CES BYA BA NI GTZANG BA'I DNGOS PO NI GTZANG BYED DE, GTZANG SBRA ZHES BYA BA'I THA TSIG GO, ,THAMS CAD CES BYA BA SMOS PA NI LEGS PAR SPYAD PA ZAG PA DANG BCAS PA DANG ZAG PA MED PA THAMS CAD BSDU BA'I PHYIR RO, ,DUS RE ZHIG DANG GTAN DU ZHES @51B BYA BA NI LEGS PAR SPYOD PA ZAG PA DANG BCAS PAS NI DUS RE ZHIG NYES PAR SPYOD PA'I DRI MA SPONG LA ZAG PA MED PAS NI GTAN DU STE, MDO LAS DGE SLONG DAG 'PHAGS PA'I SHES RAB KYIS SPANGS PA GANG YIN PA DE NI SPANGS PA YIN NO ZHES 'BYUNG BA'I PHYIR RO, ,LOG PA'I THUB PA DANG GTZANG SBRAL[?] MOS PA RNAMS DGAR BA'I PHYIR RO ZHES BYA BA LA LOG PA'I THUB PA LA MOS PA NI MI SMRA BAR 'DUG PA TZAM GYIS 'DUG PAR LTA BA RNAMS SO, ,LOG PA'I GTZANG SBRA LA MOS PA NI LUS KYI DRI MA MED PAR BYED PA TZAM GYIS 'DAG PAR LTA BA RNAMS SO, ,DE RNAMS DGAR BA NI LTA BA DE DANG BRAL BA STE 'DI DAG NI DE'I CHED YIN NO; ,CHED DU BSAM PAR BYA BA'I MDO LAS GSUNGS PA'I PHYIR ZHES BYA BA NI DGE SLONG DAG CHED DU BSAM PAR BYA BA'I LAS BYAS SHING BSAGS PAS DMYAL BA DAG GI NANG DU SKYE BAR 'GYUR RO, ,JI LTAR CHED DU BSAM PAR BYA BA'I LAS BYAS SHING BSAGS PA YIN ZHE NA, DGE SLONG DAG 'DI NA LA LA CHED DU BSAMS NAS LUS KYI LAS RNAM PA GSUM BYED CING SOGS PA YIN LA, NGAG GI RNAM PA BZHI DANG, YID KYI RNAM PA GSUM ZHES BYA BA RGYAS PAR GSUNGS NAS BKA' STZAL PA, DGE SLONG DAG JI LTAR YID KYI CHED DU BSAM PAR BYA BA'I LAS RNAM PA GSUM BYAS SHING BSAGS PA YIN ZHE NA, 'DI LTA STE, 'DI NA DGE SLONG LA LA BRNAB SEMS DANG LDAN PA YIN, GNOD SEMS CAN GYI SEMS SU GYUR PA YIN, LOG PAR LTA BA YIN ZHES BYA BA NAS DGE SLONG DAG YANG 'DI NA LA LA PHYIN CI LOG TU LTA BA YIN ZHES BYA BA'I BAR RGYAS PAR 'BYUNG BA YIN TE, DPES STON PA RNAMS NA RE DE LAS BRNAB SEMS LA SOGS PA LAS MA GTOGS PA YID KYI LAS GZHAN MA BSHAD PAS BRNAB SEMS LA SOGS PA YID KYI LAS YIN NO ZHES BSHAD DE, MDO SDE PA'I KHYAD PAR RNAMS NA RE ZHES BYA BA'I THA TSIG GO, ,DE LTA NA NI LAS DANG NYON MONGS PA DAG GCIG TU 'GYUR RO ZHES BYA BA NI NYON MONGS PA BRNAB SEMS DANG GNOD SEMS DANG, LOG PAR LTA BA DE RNAMS LAS YIN PAS DE DAG GCIG PA NYID DU 'GYUR RO, ,NYON MONGS PA 'GA' ZHIG LAS SU GYUR NA YANG ZHES BYA BA DE NI MED DE, SEMS PA'I LAS DANG, BSAM PA'I LAS ZHES 'BYUNG BA'I PHYIR RO, GAL TE DE LTA NA CHED DU BSAM @52A *, ,PAR BYA BA'I MDO JI LTAR DRANG ZHE NA, MDO LAS NI ZHES BYA BA RGYAS PAR SMOS TE, MDO LAS NI BRNAB SEMS LA SOGS PA DE'I SGO NAS SEMS PA ZHUGS PA'I PHYIR BRNAB SEMS LA SOGS PA DE DAG GIS DGE SLONG DAG BRNAB SEMS DANG LDAN PA YIN ZHES BYA BA RGYAS PAR SEMS PA DE STON PAR BYED DO, ,DE LTA MA YIN TE, LAS DANG NYON MONGS PA DAG GCIG PA NYID YIN NA NI DGE SLONG DAG NGA NI SEMS PA DANG BSAM PA'I LAS ZHES SMRA'O ZHES GSUNGS PA DE DANG YANG 'GAL BAR 'GYUR LA, CHOS MNGON PA DANG YANG 'GAL BAR 'GYUR RO, ,PHA ROL LA PHAN 'DOGS PA DANG GNOD PA BYAS PA'I BSAM PA MED PAR ZHES BYA BA RGYAS PAR 'BYUNG BA NI GZHAN DAG LA PHAN GDAGS PA DANG GNOD PA BYA BA DAG GIS BSAM BA MED PAR JI LTAR NA GO RIMS BZHIN DU YANG DAG PA'I LTA BA DANG LOG PA'I LTA BA DAG DGE BA DANG MI DGE BA DAG NYID YIN ZHE NA, DE'I PHYIR DE'I RTZA BA YIN PA'I PHYIR RO ZHES BYA BA SMOS TE, YANG DAG PA'I LTA BA DANG LOG PA'I LTA BA DAG NI PHAN GDAGS PA'I BSAM BA DANG GNOD PAR BYA BA'I BSAM PA'I RTZA BA YIN TE, RGYU YIN NO ZHES BYA BA'I THA TSIG GO, ,DE'I PHYIR DE GNYIS DGE BA DANG MI DGE BA NYID YIN NO, ,CI RIGS PAR ZHES BYA BA NI JI LTAR SRID PAR RO, ,JI LTA ZHE NA DGE BA RNAMS NI LEGS PAR SPYAD PA DAG LAS SO, ,MI DGE BA RNAMS NI NYES PAR SPYAD PA DAG LAS SO ZHES BYA BA SMOS SO, ,NYON MONGS PA CAN GZHAN YANG ZHES BYA BA NI BRDEG PA DANG 'CHING BA LA SOGS PA'O, ,SHIN TU RAGS PA MA YIN PA'I PHYIR RO ZHES BYA BA NI SBYOR BA DANG MJUG TU GYUR PA DANG; GZHAN DE YANG SHIN TU RAGS PA MA YIN PA'I PHYIR RO, ,YID KYI NYES PAR SPYOD PA'I PHYOGS SEMS PA YANG MA BSDUS SO ZHES BYA BAR SBYAR RO, ,MYOS PAR GYUR PA LA SOGS PA SPANG BA DANG SBYIN PA DANG, MCHOD SBYIN LA SOGS PA ZHES BYA BA LA SOGS PA ZHES BYA BA'I SGRA SNGA MAS NI BRDEG PA DANG 'CHING BA LA SOGS PA BSDU BA'O, ,GNYIS PAS KYANG KHRUS BYED PA DANG LUS SKUD PA DANG NYAM NGA BA NAS 'DREN PA LA SOGS PA BSDU'O, ,SNYEN PAR SMRA BA LA SOGS PA ZHES BYA BA LA SOGS PA ZHES BYA BA'I SGRA NI CHOS STON PA DANG LAM STON PA LA SOGS PA BSDU'O, ,YID KYI LEGS PAR SPYAD PA YANG SEMS PA MA BSDUS SO @52B ZHES BYA BAR SBYAR RO, ,DRUG NI RNAM RIG MIN ZHES BYA BA NI DRUG NI GDON MI ZA BAR RNAM PAR RIG BYED MA YIN PA YIN GYI RNAM PAR RIG BYED MA YIN PA KHO NA DRUG GO ZHES BYA BAR NGES PAR GZUNG BA NI MA YIN NO, ,DNGOS KYI RNAM PAR RIG BYED MED PA'I PHYIR RO ZHES BYA BA NI 'DI LTAR BYE BRAG TU SMRA BA'I GRUB PA'I MTHA' NI DNGOS KYI LAS KYI LAM GYIS BSDUS PA'I RNAM PAR RIG BYED NI MED KYI SGO BAR BYED PA'I RNAM PAR RIG BYED SBYOR BAS BSDUS PA NI YOD DO ZHES BYA BA YIN NO, ,GCIG RNAM GNYIS SO ZHES BYA BA NI GCIG NI RNAM PA GNYIS KHO NA YIN NO ZHES NGES PAR GZUNG BA'I PHYIR BRTZAMS PA YIN NO, ,DUS DE'I TSE SHI NA ZHES BYA BA NI RNAM PAR RIG BYED KYI TSE SHI NA STE, DUS GZHAN ZHIG NA SHI NA NI RNAM PAR RIG BYED MA YIN PA KHO NA YIN NO, ,DGE 'DUN RNAM GNYIS ZHES BYA BA NI RNAM PA GNYIS KHO NA'O ZHES NGES PAR GZUNG BA YIN NO, ,YANG DAG PAR BLANGS PA'I TSUL KHRIMS NI RNAM PAR RIG BYED LA RAG LUS PA'I PHYIR ZHES BYA BA NI TSUL KHRIMS NI RNAM PA GNYIS TE, YANG DAG PAR BLANGS PA'I TSUL KHRIMS NI SO SOR THAR PA'I SDOM PA'O, ,CHOS NYID KYI TSUL KHRIMS NI BSAM GTAN DANG ZAG PA MED PA'I SDOM PA DAG GO, ,DE LA YANG DAG PAR BLANGS PA'I TSUL KHRIMS NI RNAM PAR RIG BYED LA RAG LAS PA YIN TE, DE NI GZHAN LAS NOD PAR BYED PA YIN NO, ,CHOS NYID KYI TSUL KHRIMS NI RNAM PAR RIG BYED LA RAG LAS PA MA YIN TE, SEMS TZAM LA RAG LAS PA'I PHYIR TE, TING 'DZIN LAS SKYES RNAM RIG MIN, ,ZHES BYA BA SMOS SO, ,NYER BSDOGS RNAMS NI RNAM RIG BYED, ,CES BYA BA NI 'DOD PA NA SPYOD PA'I LAS KYI LAM GYI SBYOR BA NI GDON MI ZA BAR RNAM PAR RIG BYED YIN GYI, RNAM PAR RIG BYED MA YIN PA YIN PAR NI MA NGES TE, DE NYID KYI PHYIR, RNAM PAR RIG BYED MI 'GYUR BA 'AM, ,MA YIN PA ZHES BYA BA SMOS SO, ,KUN NAS DKRIS PA ZHES BYA BA NI NGO TSA MED PA LA SOGS PA'O, ,LHUR LEN PA CHEN PO ZHES BYA BA NI SHUGS DRAG POS SO; ,DE'I RJES SU MTHUN PA'I CHOS SPYOD NA NI ZHES BYA BA NI LAS KYI LAM DE DANG RJES SU MTHUN PA'I CHOS NI 'DRA BA'I LAS TE, DPER NA SROG CHAGS SHI NAS KYANG NGAN SONG SNUN PAR BYED PA DANG, NGAN BYED PA DANG SHA GCOD PA, ,ZHES BYA BA DE LTA BU LA SOGS PA LTA BU'O, ,NGAN BYED PA ZHES BYA BA'I SGRA NI GNYIS TE 'OG @53A *, ,MA SHOS NI PAGS PA 'CHU BA ZHES BYA BA'I THA TSIG GO, ,GONG MA NI DON GZHAN ZHIG YIN PAR BLTA BAR BYA'O, ,'BRAS BU YONGS SU RDZOGS PAS SO, ,ZHES BYA BA NI SBYOR BA'I 'BRAS BU LAS KYI LAM DNGOS YONGS SU RDZOGS PA STE, GANG ZHIG SBYOR BAR BYED KYI LAS KYI LAM DNGOS SKYED PAR MI BYED PA DE LA NI SBYOR BA KHO NA YOD KYI 'BRAS BU YONGS SU RDZOGS PA NI MED DO, ,DE BZHIN DU GZHAN DRUG LA YANG CI RIGS PAR SBYAR BAR BYA'O ZHES BYA BA NI 'DI LTAR 'DI NA KHA CIG GZHAN GYI NOR RKU BAR 'DOD LA KHRI LAS LDANG BAR BYED MTSON CHA LEN PAR BYED GZHAN GYI KHYIM DU 'GRO BAR BYED PA GNYID LOG GAM 'ON TE MA LOG CES NYAN PAR BYED GZHAN GYI NOR LA NOM PAR BYED PA NAS JI SRID GNAS NAS MA SPAGS PA DE SRID DU NI SBYOR BA YIN NO, ,SKAD CIG MA GANG LA GNAS NAS SPOG PAR BYED PA DE'I TSE'I RNAM PAR RIG BYED DANG, DE'I SKAD CIG GI RNAM PAR RIG BYED MA YIN PA GANG YIN PA DE NI LAS KYI LAM DNGOS YIN NO, ,RGYU GNYIS KYIS NAM BYIN PAR LEN PA'I KHA NA MA THO BAS REG PAR 'GYUR TE, SBYOR BA DANG, 'BRAS BU YONGS SU RDZOGS PAS SO, ,DE PHYIN CHAD KYI RNAM PAR RIG BYED MA YIN PA'I SKAD CIG MA RNAMS KYANG MJUG YIN NO, ,JI SRID DU GZHAN GYI NOR DE 'GED PA 'AM, 'TSONG BA 'AM, SBED PA 'AM, RJES SU SGROGS PA DE SRID DU NI DE'I RNAM PAR RIG BYED KYI SKAD CIG MA DAG KYANG MJUG YIN NO, ,DE BZHIN DU GZHAN LNGA LA YANG CI RIGS PAR SBYAR BAR BYA'O, ,GRUB PA'I MTHA' LAS NI DE SKAD DU MI 'BYUNG NGO ZHES BYA BA NI GRUB PA'I MTHA' LAS, SNGA DANG MNYAM DU SHI BA LA, , DNGOS MED LUS GZHAN SKYES PHYIR RO, ,ZHES 'BYUNG PA'I PHYIR RO, ,DE BRJOD PAR MI BYA'O ZHES BYA BA NI SROG GCOD PAR BYED PA ZHES BYA BA STE, SKABS SU BAB PA'I GNAS SKABS DANG MI 'BYOR BA'I PHYIR RO, ,'DI SKAD DU SROG CHAGS SHI BA'I TSE'I RNAM PAR RIG BYED DANG, DE'I SKAD CIG GI RNAM PAR RIG BYED MA YIN PA GANG YIN PA DE NI LAS KYI LAM YIN NO ZHES BRJOD DGOS PAR 'GYUR RO, ,GANG YANG BSTAN BCOS LAS 'DI SKAD DU ZHES BYA BA RGYAS PAR 'BYUNG BA NI BYE BRAG TU SMRA BA RNAMS KYI NI BSTAN BCOS KYI TSIG 'DI'I DON 'DI SKAD DU BSTAN BCOS KYI PHYOGS 'DIR NI MJUG SBYOR BA'I SGRAR GSUNGS SO ZHES RNAM @53B PAR BSHAD DE, SBYOR BA DANG 'DRA BA NAS SBYOR BA STE, SBYOR BA DANG, MTSUNGS PA'I LAS ZHES BYA BA'I THA TSIG GO, ,DON 'DI NI 'GAL LO, ,CI'I PHYIR ZHE NA, DE'I TSE DNGOS KHO NA MA 'GAGS PA'I PHYIR TE, CI'I PHYIR ZHE NA, SROG CHAGS SHI NAS LAS KYI LAM DNGOS SU RNAM PAR 'JOG PA'I PHYIR RO SNYAM DU BSAMS PA YIN NO, ,BYE BRAG TU SMRA BAS JI LTAR NYES PA MED PA DE LTA BU YIN NO ZHES BYA BA SMOS SO, ,SLOB DPON GYIS JI LTAR NA NYES PA MED CES BRJOD PA DANG, YANG BYE BRAG TU SMRA BAS DER DNGOS KHO NA SBYOR BA'I SGRAR GSUNGS ZHES BYA'O ZHES BYA BA SMRAS TE, GANG DU GSUNGS SHE NA, SROG CHAGS BSAD LA SROG GCOD PA MA 'GAGS PA YOD DAM ZHES 'DRI BA GANG YIN PA DER RO, ,CI MJUG SBYOR BA'I SGRAR GSUNGS SO ZHES BYA BA'I PHYOGS 'DI BOR RAM ZHE NA, DE YANG MA BOR BA NYID DO, ,GNYI GA YANG SRID DE, GAL TE 'CHI BA SRID PA'I MJUG THOGS KYI SKAD CIG MA LA SROG CHAGS SHI BAR GYUR NA NI DER DNGOS PO SBYOR BA'I SGRAR GSUNGS SO ZHES BYA BAR 'DOD LA, DE PHAN CHAD GCIG TU SHI NA NI MJUG YIN NO ZHES BYA BAR 'DOD DO, ,SLOB DPON GYIS 'O NA DE'I TSE RNAM PAR RIG BYED JI LTAR LAS KYI LAM DNGOS SU 'GYUR ZHES BYA BA SMOS TE SROG CHAGS SHI ZIN PA LA RNAM PAR RIG BYED DU CUNG ZAD KYANG MI BYED DE, BSNUN PA'I RNAM PAR RIG BYED DES SHI ZIN PA LA YANG GSOD PA NI MED DO SNYAM DU BSAMS NAS 'DI 'DRI BAR BYED PA YIN NO, ,CI'I PHYIR RNAM PAR RIG BYED MA YIN PA MI 'DRI ZHE NA, 'DI LTAR 'DI NI BSTAN DU MED PA'I PHYIR DANG THOGS PA MED PA'I PHYIR BSNUN PA ZHES BYA BA MA YIN NO, ,BYE BRAG TU SMRA BAS JI LTAR NA MI 'GYUR ZHES BYA BA SMAS PA DANG, SLOB DPON GYIS RANG GI BSAM PA DGROL BA'I PHYIR MI NUS PA'I PHYIR RO ZHES BYA BA SMOS TE, SROG CHAGS SHI ZIN PA LA NI DE'I NUS PA MA MTHONG NGO, ,BYE BRAG TU SMRA BAS SMRAS PA, DE NI NUS PA MED NA RNAM PAR RIG BYED MA YIN PA JI LTAR LAS KYI LAM DNGOS ZHES BYA BAR 'GYUR GANG GI PHYIR DE LTAR RNAM PAR RIG BYED MA YIN PA NUS PA MED DU ZIN KYANG LAS KYI LAM DNGOS YIN PA'I PHYIR SBYOR BA'I 'BRAS BU YONGS SU RDZOGS PA'I TSE STE, LAS KYI LAM DNGOS YONGS SU RDZOGS SHING SROG CHAGS SHI BA'I GNAS SKABS NA RNAM PAR RIG BYED DANG RNAM PAR RIG BYED MA YIN PA ZHES @54A *, ,BYA BA DE GNYI GA LAS KYI LAM YIN TE, RUNG NGO ZHES BYA BA'I THA TSIG GO, ,DE BZHIN DU GZHAN DAG LA YANG CI RIGS PAR SBYAR BAR BYA'O ZHES BYA BA NI DPER NA GZHAN GYI NOR BRKU BAR 'DOD PA NA'O, ,DON GRUB PAR BYA BA'I PHYIR GZHAN GYI NOR PHROGS NAS PHYUGS DES GTOR MA BYED PA DANG DE NYID KYIS DE PHROG TU GZHUG PA'I PHYIR DE'I CHUNG MA LA NYAL PO BYED PA DANG DE LA GANG DAG YONGS SU SKYOB PAR 'GYUR BA DE'I MDZA' BO LA BRDZUN DANG, PHRA MA DANG, TSIG RTZUB PO DANG, TSIG KYAL PA DAG GIS DBYEN BYED PA DANG, DE'I NOR LA BRNAB SEMS BYED PA DANG, NOR DE'I BDAG PO LA GNOD SEMS BYED PA DANG, LOG PAR LTA BA 'PHEL BAR BYED PA LTA BU'O, ,DE BZHIN DU 'DOD PAS LOG PAR G-YEM PA LA SOGS PA LA YANG CI RIGS PAR SBYAR BAR BYA STE, 'DI NI PHYOGS YIN NO, ,'DI LA LAS KYI LAM THAMS CAD CHAGS PA LA SOGS PAS MTHAR PHYIN PAR BYED PA NI MA YIN TE ZHES BYA BA NI THAMS CAD CHAGS PAS MTHAR PHYIN PAR BYED PA YANG MA YIN NO, ,'O NA CI ZHE NA, 'DOD PAS LOG PAR G-YEM PA LA SOGS PA KHA CIG KHO NA'O, ,THAMS CAD GNOD SEMS KYIS KYANG MA YIN NO, ,'O NA CI ZHE NA, SROG GCOD PA LA SOGS PA KHA CIG KHO NA'O, ,DE BZHIN DU THAMS CAD GTI MUG GIS KYANG MA YIN NO, ,'O NA CI ZHE NA, LOG PAR LTA BA LA SOGS PA KHO NA'O ZHES BYA BA YIN NO, ,SBRANG BU TRE MA BU KA NI SBRANG BU BAR TA RNAMS SO, ,SOGS PA ZHES BYA BA'I SGRAS NI STAG LA SOG PA BSDU'O, ,GANG YANG LOG PAR LTA BAS RAB TU BCUG PA ZHES BYA BA NI 'JIG RTEN PHA ROL MED DO SNYAM NAS 'DZEM PA MED PAR GSOD PA STE, DE YANG GTI MUG LAS SKYES PA YIN NO, ,GZHAN GYIS RNYED PA 'AM BKUR STI 'AM GRAGS PA'I PHYIR ZHES BYA BA NI GZHAN GYI RNYED PA'I PHYIR, PHA ROL PO'I NOR BRKU BA STE, DPER NA RKUN LAG PA KYE BA LTA BU'O, ,BKUR STI 'AM GRAGS PA'I PHYIR BRKU BA'I MA BYIN LEN PA DE YANG CHAGS PA LAS SKYES PA YIN NO, ,GANG YANG LOG PAR LTA BAS RAB TU BCUG PA'I MA BYIN PAR LEN PA DE YANG GTI MUG LAS SKYES PA YIN TE, DE LA GTI MUG GTZO BO YIN PA'I PHYIR RO, ,CHO GA CAN ZHES BYA BA NI MCHOD SBYIN BYED PA'O, ,MA'I GAN DU NYAL PO LA 'GRO BA NI MI TSANGS PAR SPYOD @54B PA'I DON DU'O, ,SRING MO'I GAN DU ZHES BYA BA NI 'GRO BA'O ZHES BYA BAR SBYAR TE, SRING MO STE BU SRING GAN DU 'GRO'O ZHES BYA BA'I THA TSIG GO, ,RUS PA GCIG PA'I GAN DU 'GRO'O ZHES BYA BA NI RUS MTHUN PA'I GAN DU 'GRO'O ZHES BYA BA'I THA TSIG GO, ,GANG DAG ZER BA LTA BU'O ZHES BYA BA RGYAS PAR 'BYUNG BA BUD MED NI GTUN LA SOGS PA DANG 'DRA STE JI LTAR GTUN LA SOGS PA LONGS SPYAD PA'I SGO NAS THUN MONG YIN PA LTAR BUD MED KYANG DE DANG 'DRA STE, DE LTA BAS NA NYAL PO LA 'GRO BA RNAMS LA NYES PA MED DO ZHES BYA BA YIN NO, ,BRDZUN DU SMRA BA LA SOGS PA CHAGS PA LAS SKYES PA DANG ZHE SDANG LAS SKYES PA LA SOGS PA NI SNGA MA BZHIN NO ZHES BYA BA NI BRDZUN DU SMRA BA DANG, PHRA MA DANG, TSIG RTZUB PO DANG, TSIG KYAL PA LA CHAGS PA SKYES PA NI GZHAN GYI RNYED PA 'AM BKUR STI 'AM GRAGS PA'I PHYIR RAM, BDAG GAM MDZA' BOS YONGS SU BSKYAB PA'I PHYIR RO, ,ZHE SDANG LAS SKYES PA NI KHO NA TSAR PHYIN PAR BYA BA'I PHYIR RO, ,BZHAD GAD LDAN ZHES BYA BA NI KU RE DANG LDAN PA'O, ,LOG PAR LTA BAS RAB TU BCUG PA ZHES BYA BA NI 'JIG RTEN PHA ROL MED DO ZHES MTSAMS GZUNG DU MED PA'I BRDZUN DU SMRA BA GANG YIN PA DE YANG GTI MUG LAS SKYES PA YIN NO, ,PHRA MA LA SOGS PA STE, PHRA MA DANG, TSIG RTZUB PO DANG, MA KLAS PA'I TSIG KYAL PA NI BRDZUN DU SMRA BA BZHIN DU GTI MUG LAS SKYES PA YIN NO, ,GANG YANG ZHES BYA BA RGYAS PAR 'BYUNG BA NI RIG BYED DANG GRANGS CAN GYI DANG, BYE BRAG PA'I LAS LA SOGS PA'I BSTAN BCOS NGAN PA BRDOL BA'I TSIG KYAL PA DE YANG GTI MUG LAS SKYES PA YIN NO, ,DE YANG ZHES BYA BA NI DGE BA'I SEMS DE'O, , GNAS SNA TSOGS PAR 'JUG PAR BYED CES BYA BA NI DKYIL 'KHOR DU 'JUG PAR BYED CES BYA BA'I THA TSIG STE, MTSAMS CHEN PO'I DKYIL 'KHOR DE NA NI GNAS SNA TSOGS PA YOD DO, ,LAS GSUM PA BRJOD PA NA ZHES BYA BA NI DGE TSUL NI GSOL BA DANG BZHI'I LAS KYIS BSNYEN PAR RDZOGS PAR BYED DO; ,DE LA GSOL BAS NI MING 'DI ZHES BGYI BA DGE 'DUN GYIS BSNYEN PAR RDZOGS PAR MDZAD DU GSOL ZHES GSOL BA 'DEBS PA'I DON BRJOD PA YIN NO, ,LAS BRJOD PAS NI 'DI DGE 'DUN GYIS BSNYEN PAR RDZOGS PAR MDZAD NA ZHES BYA BA'I DON BRJOD PA YIN NO, ,LAS BRJOD PA DE YANG LAN GSUM @55A *, ,DU BRJOD DE, LAS BRJOD PA GSUM PA YONGS SU MA RDZOGS PA'I BAR NI LAS KYI LAM GYI SBYOR BA YIN PAR KHONG DU CHUD PAR BYA'O, ,'DI NI MJUG GI RNAM PAR RIG BYED DANG DE'I SKAD CIG GI RNAM PAR RIG BYED MA YIN PA GANG YIN PA DE NI LAS KYI LAM DNGOS YIN NO, ,DE'I 'OG TU JI SRID DU GNAS BSGO BA DANG ZHES BYA BA NI GNAS NI BZHI PO CHOS GOS DANG, BSOD SNYOMS DANG, GNAS MAL DANG, NA BA'I RKYEN SMAN GYI YO BYAD KYI MTSAN NYID JI SKAD BSHAD PA'I CHO GAS BSNYEN PAR RDZOGS PA DE LA BSGO BA DANG, DE'I RTEN RNAM PAR RIG PAR BYED PA DANG STE, GNAS KYI RTEN RNAM PAR RIG PAR BYED PA ZHES BYA BA'I THA TSIG GO, ,JI SRID DU RNAM PAR RIG BYED MA YIN PA RJES SU 'BRANG BA ZHES BYA BA NI JI SRID DU SDOM PA MA BTANG BA ZHES BYA BA'I THA TSIG GO, ,'DI NI MJUG YIN NO, ,SROG GCOD PA DANG, GNOD SEMS DANG, TSIG RTZUB PO DANG, 'DI DAG NI ZHE SDANG GI MTHAR PHYIN PAR BYED DE ZHES BYA BA NI ZHE SDANG KHO NAS ZHES BYA BAR NGES PAR GZUNG BA YIN NO, ,YONGS SU 'DOR BA DANG, RTZUB PA'I SEMS MNGON DU GYUR PA'I PHYIR RO ZHES BYA BA NI YONGS SU 'DOR BA'I SEMS MNGON DU GYUR PA'I PHYIR ZHE SDANG GIS SROG GCOD PA MTHAR PHYIN PAR BYED LA RTZUB PA'I SEMS MNGON DU GYUR PA'I PHYIR GNOD SEMS DANG, TSIG RTZUB PO DAG MTHAR PHYIN PAR BYED DE ZHES BYA BA NI ZHE SDANG KHO NAS ZHES BYA BAR NGES PAR GZUNG BA YIN NO, ,YONGS SU 'DOR BA DANG, RTZUB PA'I SEMS MNGON DU GYUR PA'I PHYIR RO ZHES BYA BA NI YONGS SU 'DOR BA MED PA'I SEMS MNGON DU GYUR PA'I PHYIR ZHE SDANG GIS SROG GCOD PA MTHAR PHYIN PAR BYED LA RTZUB PA'I SEMS MNGON DU GYUR PA'I PHYIR GNOD SEMS DANG, TSIG RTZUB PO DAG MTHAR PHYIN PAR BYED DO, ,CHA BZHIR BSHAD PA ZHES BYA BA NI MTSAN BZHIR BSHAD PA STE, SROG GCOD PA DANG, GNOD SEMS DANG, TSIG RTZUB PO NI ZHE SDANG GIS MTHAR PHYIN PAR BYED CES BYA BA NI CHA DANG PO YIN NO, ,'DOD PAS LOG PAR G-YEM PA DANG, BRNAB SEMS DANG, MA BYIN PAR LEN PA RNAMS NI CHAGS PAS RDZOGS PAR BYED CES BYA BA NI GNYIS PA'O, ,LOG PAR LTA BA GTI MUG GIS ZHES BYA BA NI GSUM PA'O, ,LHAG MA GSUM GYIS RDZOGS PAR 'DOD, ,CES BYA BA NI CHA BZHI PA YIN NO, ,GZHI NI LONGS SPYOD YIN NO ZHES BYA BA NI GZHI @55B YUL YIN PA'O, ,GZHI NI MING DANG GZUGS YIN NO ZHES BYA BA NI GZHI PHUNG PO LNGA YIN NO ZHES BYA BA'I THA TSIG GO, ,MING NI TSOR BA LA SOGS PA'I PHUNG PO'O, ,GZUGS NI GZUGS KYI PHUNG PO'O, ,GZHI DANG RTEN DANG YUL ZHES BYA BA NI DON THA MI DAD DO, ,BRDZUN DU SMRA BA LA SOGS PA'I GZHI NI MING GI TSOGS YIN NO ZHES BYA BA NI NGAG NI MING LA 'JUG GO ZHES BYA BA'I PHYIR RO, ,DNGOS MED CES BKAG PA'I PHYIR MJUG KYANG MED DO ZHES BYA BAR MNGON TE MJUG NI DNGOS SNGON DU 'GRO BA CAN YIN PA'I PHYIR RO, ,SROG GCOD PA'I KHA NA MA THO BAS REG PAR MI 'GYUR BA ZHES BYA BA NI DNGOS KYIS REG PAR MI 'GYUR BA ZHES BYA BAR BSAMS PA YIN NO, ,LUS GZHAN SKYES PA'I PHYIR ZHES BYA BA NI SKAL BA MI MNYAM PA'I LUS SKYES PA'I PHYIR RO ZHES BYA BA'I THA TSIG GO, ,DE DAG NI DON GYIS NA PHAN TSUN SBYOR BAR BYED PA YIN NO ZHES BYA BA NI DNGOS SU TSIG GIS PHAN TSUN SBYOR BAR BYED PA NI MA YIN NO, ,'O NA CI ZHE NA, SROG GCOD PAR BYA BAR KHAS BLANGS PA'I SHUGS KYIS SO ZHES BYA BAR STON PAR BYED DE DON GCIG PA'I PHYIR RO, ,BSAMS NAS ZHES BYA BA NI YONGS SU BSAMS NAS ZHES BYA BA'I DON TO, ,GZHAN DANG MA NOR BAR ZHES BYA BA NI NOR TE GZHAN GSOD PAR MI BYED NA ZHES BYA BA'I THA TSIG GO, , PHUNG PO SKAD CIG MA RNAMS LA ZHES BYA BA NI RANG GI DANG KHO NAS 'JIG PA'I PHUNG PO 'DI DAG JI LTAR GZHAN GYIS 'GAG PAR BYED SNYAM DU BSAMS PA YIN NO, ,SROG CES BYA BA NI LUS DANG SEMS LA BRTEN NAS 'JUG PA'I RLUNG YIN ZHES BYA BA JI LTAR SEMS LA BRTEN NAS 'JUG CE NA SEMS LA RAG LAS SHING 'JUG PA'I PHYIR TE, 'DI LTAR 'GOG PA DANG, 'DU SHES MED PA'I SNYOMS PAR 'JUG PA LA SNYOMS PAR ZHUGS PA DANG SHI BA LA MI 'BYUNG BA'I PHYIR RO, ,BSTAN BCOS LAS KYANG DBUGS RDUB PA DANG DBUGS DBYUNG BA GANG YIN PA DE DAG CI LUS LA BRTEN NAS 'JUG PA ZHES BRJOD PAR BYA 'AM, SEMS LA BRTEN NAS 'JUG PA ZHES BYA 'AM, LUS DANG SEMS LA MI BRTEN PA KHO NAR 'JUG PA ZHES BRJOD PAR BYA, SMRAS PA, LUS DANG SEMS LA BRTEN NAS 'JUG PA ZHES BRJOD PAR BYA'O ZHES BYA BA RGYAS PAR BSHAD DO, ,DE GCOD PAR BYED DO ZHES BYA BA NI SROG GCOD PAR BYED DO ZHES BYA BA'I THA TSIG GO, ,SKYES PA NI RANG GI @56A *, ,NGANG GIS 'GAG PA'I PHYIR MA 'ONGS PA SKYE BA LA GAGS BYED PA NI 'GAG PAR BYED PA YIN NO ZHES BRJOD PAR BYA STE, DPER NA SKAD CIG MA YIN YANG MAR ME 'AM DRIL BU'I SKAD 'GAG PAR BYED PA DANG 'DRA'O, ,JI LTAR 'GAG BAR BYED CE NA, MA 'ONGS PA SKYE BA LA GAGS BYED PA'I PHYIR RO, ,YANG NA, SROG GI DBANG PO SROG YIN TE, ,ZHES BYA BA NI 'DI NI SEMS DANG LDAN PA MA YIN PA'I 'DU BYED YIN PAR STON TO, ,DE MED PAS GANG ZHIG 'CHI BAR 'GYUR BA'I SROG DE GANG GI YIN ZHES BYA BA SANGS RGYAS PA RNAMS KYI LTAR NA BDAG MED PAR SMRA BA'I PHYIR SROG MED PAS SROG CHAGS GANG ZHIG 'CHI BAR 'GYUR BA DE MED DE DE'I PHYIR DE SKAD DU 'DRI BA YIN NO, ,GANG GI ZHES BYA BA DRUG PA NI GANG ZAG TU SMRA BA DGAG PA'I RAB TU BYED PAR BDAG MED NA DRAN PA 'DI GANG GI YIN CI'I PHYIR NA 'DI DRUG PA YIN ZHES BYA BA'I PHYOGS 'DIR BSAM PAR BYA STE, GTANG PA 'DI NI RE ZHIG GZHAG GO SNYAM DU BSAMS PA YIN NO, ,DE LTA BAS NA DBANG PO DANG BCAS PA'I LUS NI GSON PO ZHES BYA BA NI SROG DE NI DBANG PO DANG BCAS PA'I LUS KHO NA'I YIN GYI BDAG GI NI MA YIN NO ZHES STON PAR BYED DE DE NYID DBANG PO MED PA NI SHI BA ZHES BYA'O, ,BLO SNGAR MA BTANG BA'I ZHES BYA BA RGYAS PAR 'BYUNG BA NI GCER BU PA SGREN MOR RGYU BA RNAMS NA RE CHED DU MA BSAMS PAR BYAS PA'I SROG GCOD PAS KYANG BYED PA PO CHOS MA YIN PA DANG LDAN PAR 'GYUR TE, DPER NA BLO SNGON DU MA BTANG ZHING CHED DU BSAMS NAS MA BYAS PA'I ME DANG REG PA LAS TSIG PAR 'GYUR BA BZHIN NO ZHES ZER RO, ,GCER BU BA DE SKAD SMRA BA DE DAG GI LTAR NA BLO SNGON DU MA BTANG BAR GZHAN GYI CHUNG MA MTHONG BA DANG REG PA LA YANG DE LTAR THAL BAR 'GYUR, DPE ME YIN PA'I PHYIR SDIG PAR THAL BAR 'GYUR ZHES BYA BA'I THA TSIG GO, ,GCER BU PA SKRA 'BAL BA STE, GCER BU PA MGO'I SKRA 'THOG PA NA YANG SDUG BSNGAL SKYED PA CHOS MA YIN PAR 'GYUR BA'I PHYIR RO, ,DE DAG GSUD DE SHI NA YANG STE, GCER BU PA RNAMS GSUD DE MA ZHU BAS SHIN YANG ZAS SBYIN SBYIN PA'I SBYIN PA PO LA CHOS MA YIN PA THAL BAR 'GYUR TE, BLO SNGON DU MA BTANG BA'I SROG GCANG PA YANG CHOS MA YIN PA'I RGYUR 'GYUR LA ZAS SBYIN PAS KYANG 'CHI BA'I @56B RGYUR GYUR PA'I PHYIR RO, ,MA DANG BU LTO NA YOD PA DAG STE MA DANG BU LTO NA YOD PA PHAN TSUN SDUG BSNGAL GYI RGYU MTSAN DU GYUR PA'I PHYIR CHOS MA YIN PAR THAL BAR 'GYUR TE, ME'I DPE DE NYID KYI PHYIR RO, ,GSAD PAR BYA BA YANG DE'I BYA BA DANG 'BREL BA'I PHYIR TE, SROG GCOD PA'I BYA BA DANG 'BREL BA'I PHYIR CHOS MA YIN PA DANG LDAN PAR THAL BAR 'GYUR TE, GSAD PAR BYA BA YOD NA GSOD PAR BYED PA'I SROG GCOD PA'I BYA BA 'BYUNG NGO, ,MES RANG GI RTEN SREG PA BZHIN NO ZHES BYA BA NI MES NI GZHAN DU BUD SHING SREG PAR BYED PA 'BA' ZHIG TU MA ZAD DO, ,'O NA CI ZHE NA, RANG GI BDAG NYID KYI RTEN YANG SREG PAR BYED DO ZHES BYA BA DE DANG 'DRA STE, DE DAG GI LTAR NA SEMS PA'I KHYAD PAR LA LTOS PA NI MED DO, ,GZHAN LA SROG GCOD PA LA SOGS PA BYED DU 'JUG PA LA YANG CHOS MA YIN PAR THAL BAR MI 'GYUR TE, GZHAN ME LA REG TU 'JUG PA ME DES MI 'TSIG PA BZHIN TE, ME'I CHOS KHAS BLANGS PA'I PHYIR RO, ,KHYIM RDIB NA DE'I NANG NA 'DUG PA'I SROG CHAGS DAG 'CHI BA'I PHYIR SHING LA SOGS PA SEMS MED PA'I STE, SHING DANG SO PHAG DANG SMYIG MA LA SOGS PA YANG SDIG PA DANG LDAN PAR THAL BAR 'GYUR TE, DE DAG GI BLO'I KHYAD PAR NI TSAD MAR MI BYED PAS SO, ,YANG DPE GTAN TSIGS MED PA TZAM GYIS NI DON 'GRUB PAR MI 'GYUR RO ZHES BYA BA YIN NO, ,GZHAN DU 'DU SHES KYANG MA 'KHRUL NA ZHES BYA BA NI GAL TE LHA SBYIN GYI NOR RKU'O SNYAM DU BSAMS PA LAS MCHOD SBYIN GYI NOR BRKUS PAR MA GYUR NA MA BYIN PAR LEN PAR MI 'GYUR RO SNYAM DU BSAMS PA YIN NO, ,YONGS SU MYA NGAN LAS 'DA' BA'I TSE DE DAG THAMS CAD YONGS SU GZUNG BA'I PHYIR RO ZHES BYA BA NI SBYIN PA PO'I SKYE BO LA BSOD NAMS KYIS PHAN GDAGS PA'I PHYIR TE, YONGS SU MA BZUNG NA NI LEN PA MED PA'I PHYIR MCHOD RTEN LA PHUL BAS 'BRAS BU MED PAR 'GYUR RO, ,SHI BA'I NOR NI DGE SLONG SHI BA'I CHOS GOS LA SOGS PA'O, ,LAS BYAS PA ZHIG YIN NA NI ZHES BYA BA NI GSOL BA'I LAS SO, ,SBRUM MA LA NYAL PO BYAS NA LTO NA BU 'DUG PA LA GNOD PAR 'GYUR RO, ,NU ZHO 'THUNG BA NI BU NU ZHO 'THUNG BA'I GNAS SKABS BU YOD PA'I BUD MED LA MI TSANGS PAR SPYAD NA DE'I NU ZHO SKAM PA 'AM, DE'I NU ZHO BU LA MI BSOD PAR 'GYUR BAS SO, ,SROG GCOD PA BZHIN NO @57A *, ,ZHES BYA BA NI GZHAN DAG NA RE DPER NA LHA SBYIN GSAD DO SNYAM DU BSAMS PA LAS MCHOD SBYIN GSAD PA NA SROG GCOD PA MA YIN PA DE BZHIN DU 'DIR YANG DNGOS PO GZHAN LA BUD MED BZHIN LA SBYOR BA BYA BAR 'DOD PA LAS DNGOS PO GZHAN YONGS SU SPYAD PAS 'DOD PA SO LOG PAR G-YEM PAR MI 'GYUR RO ZHES ZER RO, ,THA NA RGYAL PO LAS SO ZHES BYA BA NI GAL TE SRUNG MA GZHAN 'GA' YANG MED NA THA NA CHUNG NGU RGYAL PO LAS KYANG 'DOD PAS LOG PAR G-YEM PAR 'GYUR TE, DES NI DE MI BZOD PAR BYA BA MA YIN NO, ,'ON TE MNGON PAR GO BAR NUS PA ZHIG YIN ZHES BYA BA NI GANG ZHIG DON MNGON PAR GO BAR NUS PA DE YANG DON MNGON PAR GO BAR NUS PA ZHES BRJOD PAR NUS TE, DON MNGON PAR GO BAR 'GYUR ZHES BYA BA SKABS SU BAB PA'I GNAS SKABS YIN PAR 'DOD PA'I PHYIR RO,, ,,BAM PO SUM CU RTZA LNGA PA, TSIG GI DON YID KYI RNAM PAR SHES PA'I YUL YIN PA'I PHYIR RO ZHES BYA BA NI 'DI NA LHA SBYIN MED DO ZHES SMRAS NA, SGRA'I RNA BA'I RNAM PAR SHES PAS 'GYUR LA TSIG GI DON MING LA SOGS PA'I TSOGS LHA SBYIN NI DE'I RJES LA RNAM PAR RTOG PAR BYED PA'I YID KYI RNAM PAR SHES PAS RNAM PAR SHES PAR 'GYUR TE, DE'I PHYIR DAG GI RNAM PAR RIG BYED NI RNA BA'I RNAM PAR SHES PA DANG LHAN CIG 'GAGS PAS RNAM PAR RIG BYED MA YIN PA KHO NA LAS KYI LAM DU 'GYUR BA ZHIG NA LAS KYI LAM DNGOS NI RNAM PAR RIG BYED DANG RNAM PAR RIG BYED MA YIN PA NGO BO NYID DAG YIN PAR YANG 'DOD DO, ,SHI BA DANG 'DRA STE, DE'I PHYIR DE DAG LA NI RTOGS PA ZHES BYA'O ZHES BYA BA NI BYE BRAG TU SMRA BAS NGES PA'I TSIG GI TSUL LA 'JUS NAS SMRAS PA YIN TE, SLOB DPON 'DUS BZANG NA RE RANG GI DBANG PO DAG DANG NI PHRAD NA RTOGS PA YIN NO ZHES ZER RO, ,RGYAS PAR YID KYIS CHOS RNAMS RNAM PAR MA SHES TE ZHES BYA BA NAS ZHES BYA BA NI DRI GANG DAG KHYOD KYI SNAS MA BSNAMS TE ZHES BYA BA DANG RO GANG DAG LCES MA MYANGS TE ZHES BYA BA DANG REG BYA GANG DAG LUS KYIS MA REG STE ZHES BYA BA NAS CHOS GANG DAG KHYOD KYI YID KYIS RNAM PAR MA SHES TE ZHES BYA BA'I BAR YIN NO, ,YUL GSUM PO GZUGS DANG SGRA DANG CHOS DAG LA GO RIMS BZHIN DU MTHONG BA DANG THOS PA DANG RNAM PAR SHES PA'I SGRA BSTAN PA'I PHYIR DRI @57B LA SOGS PA GANG DAG LA RTOGS PA ZHES BYA BA'I SGRAR BRJOD PA STE, DRI DANG, RO DANG, REG BYA DAG LA RTOGS PA ZHES BYA BAR GO'O, ,DE LTAR MI 'DOD NA STE, DRI LA SOGS PA LA RTOGS PA ZHES BYA BAR MI 'DOD NA DRI LA SOGS PA MTHONG BA LA SOGS PA DNGOS PO'I NAG DU MA GTOGS PA'I PHYIR TE, GZUGS KYI MTSAN NYID MA YIN PA NYID KYIS MTHONG BA'I DNGOS PO'I NANG DU MA GTOGS PA'I PHYIR DANG, SBRA DANG CHOS KYI SKYE MCHED KYI MTSAN NYID MA YIN PA NYID KYI THOS PA DANG RNAM PAR SHES PA'I DNGOS PO'I NANG DU MA GTOGS PA'I PHYIR DRI LA SOGS PA LA MTHONG BA ZHES BYA BA 'AM RNAM PAR SHES PA ZHES BYA BA'I BAR GYIS THA SNYAD 'DOGS PAR YANG MI 'GYUR TE, 'DI NI DE DAG LA RTOGS PA ZHES BYA'O ZHES BYA BA'I RIGS PA YIN NO, ,SLOB DPON GYIS RE ZHIG MDO 'DI NI ZHES BYA BA RGYAS PAR SMOS TE, DON GZHAN YIN PA'I PHYIR ZHES BYA BA NI 'DI LTAR MDO'I DON NI GZHAN KHO NA YIN NO, ,MDO'I DON BSHAD PA, KHYOD GZUGS LA SOGS PA'I YUL RNAM PA DRUG PO 'DI LA NI MTHONG BA LA SOGS PA'I THA SNYAD BZHI STE, MTHONG BA DANG THOS PA DANG, RTOGS PA DANG, RNAM PAR SHES PA'I THA SNYAD DAG LA MTHONG BA LA SOGS PA'I THA SNYAD TZAM DU GYUR TE GZUGS MTHONG NA MTHONG ZHES BYA BA NAS RNAM PAR SHES SO ZHES BYA BA'I BAR DU THA SNYAD 'DOGS PAR 'GYUR ZHING SGRA LA SOGS PA LA YANG DE DANG 'DRA'O, ,MDO'I TSIG DE NI MCHOD BYED KYI MA CAN KHYOD KYI YUL DRUG MTHONG NA YANG MTHONG BA TZAM DU 'GYUR LA YUL DRUG THOS PA DANG, YUL DRUG RTOGS PA DANG, RNAM PAR SHES PA YANG RNAM PAR SHES PA TZAM DU 'GYUR RO ZHES BYA BA YIN NO ZHES DE SKAD DU RNAM PAR BSHAD PAR BYA'O SNYAM DU BSAMS PA YIN TE MDO'I DON NI KHYOD SDUG PA DANG MI SDUG PA'I MTSAN MAR SGRO 'DOGS PA MA YIN NO ZHES BYA BA YIN NO, ,GZUGS GANG DAG KHYOD KYI MIG GIS MA MTHONG STE ZHES BYA BA KHO NA GSUNGS KYI MA THOS TE ZHES BYA BA YANG MA YIN PA NAS, RNAM PAR MA SHES TE ZHES BYA BA'I BAR DU YANG MA GSUNGS SHING DE BZHIN DU SGRA GANG DAG MA THOS TE ZHES BYA BA KHO NA GSUNGS KYI MA MTHONG STE ZHES BYA BA YANG MA YIN PA NAS RNAM PAR MA SHES TE ZHES BYA BA'I BAR DU YANG MA GSUNGS LA, DE BZHIN DU CHOS GANG DAG RNAM PAR MA @58A *, ,SHES TE ZHES BYA BA KHO NA GSUNGS KYI MA MTHONG STE ZHES BYA BA YANG MA YIN PA NAS MA REG STE ZHES BYA BA'I BAR DU YANG MA GSUNGS PA MA YIN NAM ZHE NA, DE NYID NI NYES PA MED DE, 'DI NI BCOM LDAN 'DAS KYIS DPER BRJOD PA'I NGO BOR BSHAD PA YIN PAS JI LTAR GZUGS GANG DAG MA MTHONG STE ZHES BYA BA BSHAD PA DE BZHIN DU MA THOS TE ZHES BYA BA NAS RNAM PAR MA SHES TE ZHES BYA BA'I BAR DU BRJOD DGOS SO, ,DE BZHIN DU SGRA LA SOGS PA LA YANG BRJOD PAR BYA STE, DES NA MTSAN NYID NI DE SKAD DU BRJOD DO, ,DBANG PO LNGAS MNGON SUM DU BYAS PA GANG YIN PA ZHES BYA BA RGYAS PAR 'BYUNG BA NI, DBANG PO LNGAS GZUGS LA SOGS PA MNGON SUM DU BYAS PA GANG YIN PA DE NI MTHONG BA'O, ,YUL DRUG CAR YANG PHA ROL LAS 'ONGS PA GANG YIN PA DE NI THOS PA'O, ,BDAG NYID KYI RIGS PAS RJES SU DPAG PA'I SGO NAS 'DOD CING BSAMS PA GANG YIN PA DE NI RTOGS PA'O, ,RIG PAS RJES SU DPAG PA ZHES BYA BA NI MI 'KHRUL BA'I RJES SU DPAG PA STE DE SPYOD YUL YANG YUL DRUG YIN NO, ,DRUG PA LA NI MTHONG BA MA GTOGS TE ZHES BYA BA NI YUL DRUG PA NI CHOS RNAMS YIN TE, DE NI MTHONG BA'I THA SNYAD MA GTOGS PA THOS PA LA SOGS PA'I THA SNYAD GSUM GYIS THA SNYAD 'DOGS PAR BYED DO, ,DE'I PHYIR DRI LA SOGS PA LA THA SNYAD 'DOGS PA MED PAR THAL BAR 'GYUR BA YANG MED DE DE LTA BAS NA BYE BRAG TU SMRA BA RNAMS KYIS DE LTAR MI 'DOD NA ZHES BYA BA DE LTA BU LA SOGS PA SMRAS PA GANG YIN PA'I RIGS PA DE YANG RIG PA MA YIN TE, 'DI LTAR GZHAN DU DRI LA SOGS PA LA THA SNYAD 'DOGS PAR 'GYUR BAS SO, ,MIG GIS MNGON SUM DU BYAS PA GANG YIN PA ZHES BYA BA NI DBANG PO LNGAS MA YIN PA'O, ,RNA BAS THOS PA DANG PHA ROL LAS 'ONGS PA GANG YIN PA ZHES BYA BA NI GNYI GA YANG YIN PAR 'DOD PA'O, ,BDAG NYID KYIS SO SO YANG DAG PAR RIG PA NI MNYAM PAR GZHAG PA MA YIN PA'I SEMS KYI BDE BA LA SOGS PA'O, ,RTOGS PA ZHES BYA BA NI 'JIG RTEN PA'I MNYAM PAR GZHAG PA KHO NA YIN GYI, 'JIG RTEN LAS 'DAS PAS NI MA YIN TE, 'JIG RTEN PA'I THA SNYAD KYI SKABS YIN PA'I PHYIR RO, ,DE LTAR NA RNAL 'BYOR SPYOD PA PA'I LUGS KYIS KYANG YUL DRUG CAR YANG SO SOR CI RIGS PAR MTHONG BA ZHES BYA @58B BA 'AM, THOS PA 'AM RTOGS PA 'AM RNAM PAR SHES PA ZHES BYA BAR THA SNYAD 'DOGS TE, DE'I PHYIR DRI LA SOGS PA LA THA SNYAD 'DOGS PA MED PAR THAL BAR 'GYUR BA MED DO, ,GANG ZHIG LUS KYI DON GZHAN GO BAR BYED NA ZHES BYA BA NI GANG ZHIG LUS KYI BRDAS DON GO BAR BYED PA DE'I YANG BRDZUN DU SMRA PA YIN NAM ZHES BYA BA'O, ,MI BYED NA ZHES BYA BA NI MI RTZOL NA'O, ,NGAG GIS BYED PAR 'GYUR NA'O ZHES BYA BA NI TSIG GIS GZHAN GSOD PAR BYED NA'O ZHES BYA BA'I THA TSIG GO, ,'DI LA NI SROG GCOD PA LUS KYI YIN PA'I PHYIR DNGOS KYIS BSDUS PA'I RNAM PAR RIG BYED MA YIN PA LUS KHO NA YIN GYI NGAG GIS NI MA YIN NO, ,'DI LA LUS KYI RNAM PAR RIG BYED KYANG NI MED DO, ,YOD DE LUS KYIS BYED PAR 'GYUR NA'O ZHES BYA BA 'DIR YANG BRDZUN DU SMRA BA NI NGAG GI YIN PA'I PHYIR DNGOS KYIS BSDUS PA'I RNAM PAR RIG BYED MA YIN PA NGAG GI KHO NA'I YIN NO ZHES BYA BAR KHONG DU CHUD PAR BYA'O, , KHA NA MA THO BA GNYI GAS ZHES BYA BA NI LUS DANG NGAG GI KHA NA MA THO BAS SO, ,'DIR DRANG SRONG RNAMS YID RAB TU KHROS PAS NI LUS KYI KHA NA MA THO BA DANG LDAN PAR 'GYUR RO, ,GSO SBYONG DPER BYA'O ZHES BYA BA NI NGAG GI KHA NA MA THO BA DANG LDAN PAR 'GYUR BA STE, DGE SLONG GI GSO SBYONG LA 'DUL BA 'DZIN PAS CI YONGS SU DAG GAM ZHES BSGRAGS PA LAS GAL TE DGE SLONG 'GA' ZHIG LTUNG BA BYUNG BA YIN BZHIN DU 'CHAGS PAR MI BYED KYI CANG MI ZER BAR 'DUG PAR BYED NA BRDZUN DU SMRA BAR 'GYUR RO, ,JI LTAR NA DE GNYIS KYI LAS KYI LAM DU 'GRUB CES BYA BA NI JI LTAR NA DRANG SRONG DANG DGE SLONG LUS DANG NGAG DAG GIS MI BYED PA DE GNYIS KYI SROG GCOD PA DANG BRDZUN DU SMRA BA GO RIMS BZHIN DU LAS KYI LAM DU 'GRUB STE, BYE BRAG TU SMRA BA RNAMS KYIS 'DI LA 'BAD PAR BYA STE LAN GDAB DGOS SO ZHES BYA BA'I THA TSIG GO, ,'DI LA SLOB DPON 'DUS BZANG GIS LAN SMRAS PA, DRANG SRONG DAG NI DON GYIS NA RNAM PAR RIG BYED BYED PA YIN TE, MI MA YIN PA RNAMS KYI DE DAG GIS SDIG PA'I BSAM PA SEMS CAN YONGS SU 'DOR BAR ZHUGS PA YIN PAR RTOGS NAS DE DAG LA DAD PA RNAMS GANG GIS NA DRANG SRONG DE DAG LA LAS KYI LAM SKYE BAR 'GYUR BA LUS KYIS BYED DO, ,JI LTAR NA GZHAN GYI RNAM PAR RIG BYED @59A *, ,KYIS 'GYUR ZHE NA, DE LTA BU LA NI GDON MI ZA BAR LUS DANG NGAG 'GYUR BA YANG 'BYUNG NGO, ,GZHAN YANG DE DAG NI DE LTAR DMOD PA YANG 'DOR LA DE LA YANG GDON MI ZA BAR LUS DANG NGAG GI G-YO BA YOD PAR 'GYUR RO ZHES ZER RO, ,'DOD PA'I KHAMS KYI RNAM PAR RIG BYED MA YIN PA NI THAMS CAD RNAM PAR RIG BYED LA RAG LAS PAR NGES PA YANG MA YIN TE, RTEN LNGA PO LA SOGS PA 'BRAS BU THOB PA'I MOD LA SO SOR THAR PA'I SDOM PA SKYE BA SRID PA'I PHYIR RO, ,DE LTA BAS NA MI DGE BA YANG DE LTA BU 'GA' ZHIG RNAM PAR RIG BYED MED PAR YANG 'GYUR RO, ,DE DAG GI SNGON RNAM PAR RIG BYED BYAS SO ZHE NA, CIG SHOS LA YANG GDON MI ZA BAR 'BYUNG BAR NI 'GYUR RO ZHE'O, ,RE ZHIG DRANG SRONG RNAMS KYI NI BSHAD ZIN TO, ,GSO SBYONG GI BRDZUN SMRA BA LA YANG GAL TE YONGS SU MA DAG PA ZHIG DGE 'DUN GYI NANG NA 'JUG PAR BYED CING 'DUG PAR BYED RANG GI SPYOD LAM STON PAR BYED LA DE DANG 'BREL PA CUNG ZAD CIG KYANG SMRA BAR BYED NA DE NI 'DI'I SNGON GYI RNAM PAR RIG BYED YIN NO ZHES ZER RO, ,NYON MONGS PA CAN GYI TSIG THAMS CAD NI TSIG KYAL PA YIN NO ZHES BYA BA NI NYON MONGS PA CAN GZHAN YIN PA 'BA' ZHIG TU MA ZAD KYI, BRDZUN DU SMRA BA LA SOGS PA GSUM YANG YIN PA'O, ,DE DANG LDAN PA STE, TSIG KYAL PA DANG LDAN PA'I GANG ZAG DE NI TSIG KYAL PA CAN YIN NO, ,BRDZUN DU SMRA BA LA SOGS PA GSUM LAS GZHAN PA'I NYON MONGS PA CAN GYI TSIG GANG YIN PA NI TSIG KYAL PA YIN NO ZHES BSHAD PA'I DPER BRJOD PAR BSTAN PA'I PHYIR, KHA GSAG GLU DANG ZLOS GAR BZHIN, ,BSTAN BCOS NGAN BZHIN CES BYA BA SMOS TE; KHA GSAG BYED PA ZHES BYA BA NI RNYED PA DANG GRAGS PA DANG BKUR STI 'DOD PA NYID KYIS DE DAG RJOD PAR BYED PA'I TSIG 'DON PAR BYED PA ZHES BYA BA'I THA TSIG GO, ,SMRE SNGAGS 'DON PA DANG, 'DU 'DZI'I GTAM LA SOGS PA ZHES BYA BA'I SGRAS NI SMRE SNGAGS 'DON PA DANG 'DU 'DZI DAG LAS GZHAN PA NYON MONGS PA CAN GYI SEMS DANG LDAN PA'I GANG CUNG ZAD SMRA BA'O, ,BAG MA LEN PA DANG, BAG MAR GTONG BA LA SOGS PA'I MNGON PAR BRJOD PA YOD PAS ZHES BYA BA LA, BAG MA LEN PA NI BU MO KHYE'U'I KHYIM DU 'GRO BA'O, ,BAG MAR GTONG BA NI KHYE'U BU MO'I KHYIM DU 'GRO BA'O, ,GZHAN DAG NA RE BAG MA @59B LEN PA NI KHA 'DUS PA'O, ,BAG MA GTONG BA NI CHO GA BYAS TE LEN PA'O ZHES ZER RO, ,SOGS PA ZHES BYA BA'I SGRAS NI SEMS CHAGS PA DANG LDAN PA RNAMS KYIS KUN DU BRJOD PA BSDU'O, ,LOG PA MI RIGS PAS ZHES BYA BA NI BSTAN PA DANG BSHAD PA'I NGO BO'I RNAM GRANGS DAG YIN NO, ,'DI LTAR ZHES BYA BA RGYAS PAR 'BYUNG BA NI GANG GI PHYIR SGRIB PA LNGA'I SKABS SU 'DOD PA LA 'DUN PA STE, 'DOD PA'I SRED PA'I NGO BO NYID KYI DBANG DU MDZAD NAS, DE'I 'JIG RTEN NA BRNAB SEMS SPANGS TE BRNAB SEMS DANG BRAL BA'I SEMS KYIS LAN MANG DU GNAS SHING 'JIG RTEN NA GNOD SEMS DANG RMUGS PA DANG GNYID DANG RGOD PA DANG 'GYOD PA DANG THE TSOM SPANGS TE DOGS PA LAS RGAL ZHING THE TSOM LAS RGAL NAS CHOS DGE BA RNAMS LA NEM NUR MED PAR GYUR PA YIN NO, ,DE SGRIB PA LNGA SPANGS NAS ZHES BYA BA DE LTA BU LA SOGS PA GSUNGS PA DE'I PHYIR 'DOD PA NA SPYOD PA'I SRID PA THAMS CAD BRNAB SEMS YIN NO ZHES BYA BAR SHES SO, ,'KHOR LOS SGYUR BA RNAMS DANG, BYANG GI SGRA MI SNYAN PA RNAMS LA YANG BRNAB SEMS KYI LAS KYI LAM YOD PAR 'GYUR DU 'ONG BAS ZHES BYA BA DE NI 'DOD PA SPYOD PA'I SRED PA MED PA YANG MA YIN LA, DE NI MI DGE BA'I LAM YOD PAR YANG MI 'DOD DO; ,NYES PAR SPYOD PA CHE LONG BSDUS PA'I PHYIR, ,ZHES BYA BA LA, GZHAN DAG GI BSAM PA NI MI DGE BA'I LAS KYI LAM BCU DAG TU NYES PAR SPYOD PA CHE LONG GANG DAG YIN PA DE BSDUS KYI THAMS CAD NI MA YIN NO, ,DGE BA DAG LA YANG DE DANG 'DRA STE, DE'I PHYIR BRNAB SEMS THAMS CAD NI LAS KYI LAM MA YIN NO, ,'O NA CI ZHE NA, GZHAN GYI NOR LA LOG PAS CHAGS PA GANG YIN PA DE NI LAS KYI LAM YIN NO SNYAM PA YIN NO, ,LAS DANG 'BRAS BU DANG 'PHAGS PA LA SKUR PA 'DEBS PA 'DI NI RIL GYIS LOG PAR LTA BA YIN NO ZHES BYA BA NI 'DI SKAD DU SBYIN PA MED DO, ,MCHOD SBYIN MED DO, ,SBYIN SREG MED DO, ,LEGS PAR SPYAD PA MED DO, ,NYES PAR SPYAD PA MED DO, ,LEGS PAR SPYAD PA DANG NYES PAR SPYAD PA'I LAM RNAMS KYI 'BRAS BU RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO, ,MA MED DO, ,PHA MED DO, ,SEMS CAN RDZUS TE SKYE BA MED DO, ,'JIG @60A *, ,RTEN NA DGRA BCOM PA DAG MED DO ZHES BYA BA YIN NO ZHES 'BYUNG STE, DE LA SBYIN PA MED DO ZHES BYA BA NAS NYES PAR SPYAD PA MED DO ZHES BYA BA'I BAR NI LAS LA SKUR PA 'DEBS PA YIN NO, ,DE BZHIN DU MA MED DO PHA MED DO ZHES BYA BA YANG LAS LA SKUR PA 'DEBS PA KHO NA YIN NO; ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO ZHES BYA BA DANG, DE BZHIN DU SEMS CAN RDZUS TE SKYE BA MED DO ZHES BYA BA NI 'BRAS BU LA SKUR BA 'DEBS PA YIN NO, ,'JIG RTEN NA DGRA BCOM PA DAG MED DO ZHES BYA BA NI 'PHAGS PA LA SKUR PA 'DEBS PA YIN NO, ,TSIGS SU BCAD PAR NI DANG PO TZAM ZHIG BSTAN PAR ZAD DO ZHES BYA BA NI, DGE DANG MI DGE MED LTA BA, ,ZHES BYA BA NI, DPER BRJOD PA TZAM DU ZAD PA'I PHYIR RO, ,LAS KYI LAM YIN PAS ZHES BYA BA NI SEMS PA ZHES BYA BA'I LAS KYI LAM YIN PAS SO, ,JI LTA ZHE NA, SMRAS PA DE DAG DANG MTSUNGS PAR LDAN PA CAN GYI SEMS PA STE, BRNAB SEMS LA SOGS PA DANG MTSUNGS PAR LDAN PA CAN NI BRNAB SEMS LA SOGS PA DE DAG GI RGYU BAS TE 'GROS KYI RGYU STE 'GRO'O ZHES BYA BA'I THA TSIG GO, ,DE DAG GI DBANG GIS DE BZHIN DU MNGON PAR 'DU BYED PA'I PHYIR TE, 'DI LTAR RGYU BRNAB SEMS LA SOGS PA GO RIMS BZHIN DU 'CHAG PA DANG MI MTHUN PA DANG LOG PAR LTA BA RNAMS KYI DBANG GIS DE DAG DANG MTHUN PAR MNGON PAR 'DU BYED CING SEMS PAR BYED DO ZHES BYA BA'I THA TSIG STE, DE'I PHYIR DE DAG GI RGYU BAS RGYU BA YIN NO, ,LUS DANG NGAG GI LAS YIN PA'I PHYIR LAS KYANG YIN LA SEMS PA ZHES BYA BA'I LAS KYI LAM YIN PA LAS KYI LAM YANG YIN NO, ,DE DAG KUN NAS SLONG BA'I SEMS PA STE, LUS DANG NGAG GI LAS KYI SEMS PA NI DE DAG LA BRTEN NAS TE, SROG GCOD PA LA SOGS PA DE DAG LA BRTEN NAS 'JUG PA'I PHYIR RO, ,DE'I PHYIR DE DAG GI MI 'DRA BA RNAMS LA YANG GCIG LUS PAR GRUB PA'I PHYIR RO ZHES BYA BA NI SGRA 'DRA BA RNAMS SAM DON 'DRA BA RNAMS LA NI GCIG BSDUS PAR 'DOD DE, 'DI LTAR SHING DANG SHING NI SHING DAG GO ZHES BYA BA DANG, YON PO DANG KHYOR PO NI YON PO DANG KHYOR PO DAG GO ZHES BYA BA LTA BU YIN NA 'DI LA NI LAS DANG LAS KYI LAM NI ZHES BYA BA LAS SHES BYA BA'I SGRA @60B DANG LAS KYI LAM ZHES BYA BA'I SGRA'I SGO NAS KYANG 'DRA BA MA YIN LA LAS KYI DON DANG LAS KYI LAM GYI DON THA DAD PA'I PHYIR DON GYI SGO NAS KYANG 'DRA BA MA YIN PAS GCIG BSDUS PAR MI 'GYUR RO ZHE NA 'DI LTAR RIL GYIS MI 'DRA ZHING PHYOGS GCIG GIS 'DRA BA RNAMS LA YANG GCIG BSDUS PAR 'GRUB STE, 'DOD CES BYA BA'I THA TSIG GO, ,'DI LTA STE GANG DANG GANG MI MNGON PA DAG NI YON TAN YIN NO ZHES BYA BA LTA BU GANG DANG GANG MI MNGON PA NI GANG MI MNGON PA DAG STE, DE GNYIS NI ZHES BYA BA YIN NO, ,GANG DANG MI MNGON PA NI GANG MI MNGON PA DAG GO ZHES BRJOD PAR YANG MI NUS TE, 'DI NI MI MNGON PA MI 'DOD PA'I PHYIR RO, ,PHYOGS GCIG 'DRA BA'I PHYIR TE, GANG ZHES BYA BA DANG, GANG MI MNGON PA ZHES BYA BA'I PHYOGS GCIG PO GANG ZHES VBYA BA 'DRA BA'I PHYIR NI GANG MI MNGON PA DAG CES GCIG BSDUS PAR 'GRUB PO, ,KHUNGS 'DI NA LAS DANG LAS KYI LAM DAG NI LAS KYI LAM MO ZHES BYA BA 'DI YANG 'GRUB PAR 'GYUR RO, ,PHYIS NI BRNAB SEMS LA SOGS PA YANG LAS KYI LAM YIN LA SROG GCOD PA LA SOGS PA LA YANG LAS KYI LAM YIN PAS LAS KYI LAM MO ZHES GCIG BSDUS PA YIN NO, ,YANG NA 'DI LTAR SBYAR TE, LAS KYI LAM NI LAS KYI LAM MO, ,DE DAG NI LAS KYANG YIN LA LAS KYI LAM DAG KYANG YIN PAS LAS DANG LAS KYI LAM DAG STE, BRNAB SEMS LA SOGS PA YANG LAS KYI LAM YIN LA SROG GCOD PA LA SOGS PA YANG LAS DANG LAS KYI LAM DAG YIN PAS LAS DANG LAS KYI LAM DAG CES BYA'O, ,BRNAB SEMS MED PA LA SOGS PA DANG SROG GCOD PA SPONG BA LA SOGS PA YANG DE BZHIN DU ZHES BYA BA RGYAS PAR 'BYUNG BA NI DGE BA'I LAS KYI LAM DAG KYANG DE BZHIN DU SBYAR BAR BYA BA YIN TE, BRNAB SEMS MED PA LA SOGS PA NI LAS KYI LAM KHO NA YIN LA, SROG GCOD PA SPONG BA LA SOGS PA NI LAS KYANG YIN LA LAS KYI LAM YANG YIN PAS ZHES BYA BA YIN NO; ,'DI LTAR DE DAG NI DE'I DON DANG ZHES BYA BA RGYAS PAR 'BYUNG BA NI GANG GI PHYIR DE'I PHYIR DE'I SBYOR BA DE DAG LAS KYI LAM DNGOS KYI DON DU 'JUG PA YIN PA DANG, GANG GI PHYIR DE'I MJUG DE DAG LAS LAS KYI LAM DNGOS KYI RTZA BA CAN DU 'JUG PA YIN PA'I PHYIR DE DAG NI LAS KYI LAM YIN NO, ,LAS @61A *, ,KYI LAM YANG LAS KYI LAM GYI SBYOR BA YIN PAR NI BSHAD MOD KYI, DE NI DNGOS YIN PA'I PHYIR LAS KYI LAM GYI SBYOR BA DANG MJUG TU GYUR PA'I PHYIR NI MA YIN NO, ,SNGAR YANG CHE LONG BSDUS PA'I PHYIR ZHES BSHAD PA YIN NO ZHES BYA BA NI DE LAS CHE LONG BSDUS NAS NI, DGE DANG MI DGE CI RIGS PAR, ,LAS KYI LAM NI BCUR GSUNGS SO, ,ZHES 'BYUNG BA'I PHYIR SBYOR BA DANG MJUG GANG DAG YIN PA DE DAG MA BSDUS SO, ,'JIG RTEN NA GANG DAG CES BYA BA RGYAS PAR 'BYUNG BA NI 'JIG RTEN NA DNGOS GANG DAG 'PHEL BA DANG 'GRIB PAS PHYI NANG GI DNGOS PO RNAMS 'PHEL BA DANG 'GRIB PA YIN GYI SBYOR BA DANG MJUG DAG NI MA YIN PAS DE DAG KHO NA LAS KYI LAM YIN TE, THAMS CAD BDAG PO RGYU MTHUN DANG, ,RNAM SMIN 'BRAS SU 'BYIN PAR 'DOD, ,CES BYA BA 'DIR DE DAG 'PHEL PA DANG 'GRIB PAS DE RNAMS 'PHEL BA DANG 'GRIB PAR 'CHAD PAR 'GYUR RO, ,DE'I PHYIR SBYOR BA DANG MJUG DE DAG NI LAS KYI LAM MA YIN NO, ,DE DAG GI LTAR NA DE DAG JI LTAR LAS KYI LAM YIN ZHES BYA BA NI DE DAG GI LTAR NA BRNAB SEMS LA SOGS PA DE DAG LAS GANG ZHIG GI LAM YIN PAS NA LAS KYI LAM DU 'GYUR BA BRNAB SEMS LA SOGS PA LAS MA GTOGS PA YID KYI LAS SEMS PA NI MED DO; ,DE DAG NYID LA DRIS SHIG CES BYA BA NI GANG DAG DE LTAR SEMS PA DE DAG KHO NAS LAN GDAB DGOS SO, ,DE LTA MOD KYI BRJOD PAR NI NUS TE ZHES BYA BA RGYAS PAR 'BYUNG BA NI RANG GI GZHUNG LUGS KYIS PHYOGS DE GZHUNG 'DZUGS PAR BYED PA YIN NO, ,YANG NA GCIG GIS GCIG 'DREN PAS NA ZHES BYA BA CI ZHEN BRNAB SEMS LA SOGS PA DE DAG LAS KYI LAM YIN NO ZHES BYA BAR SKABS DANG SBYAR TE, BRNAB SEMS KYIS KYANG GNOD SEMS DANG LOG PAR LTA BA DAG 'DREN PAR BYED LA DE DAG GIS KYANG DE DAG 'DREN PAR BYED DO, ,DE DAG NI LAS KYANG YIN LA DE DAG GI NANG NAS LAS GANG YANG RUNG BA ZHIG GI LAM YANG YIN PAS LAS KYI LAM MO, ,DGE BA'I RTZA BA NI LOG PAR LTA BAS KUN DU GCOD DO ZHES BYA BA'I DON 'DI BRJOD PAR 'DOD NAS, DE DAG THAMS CAD KYANG DGE BA'I CHOS RNAMS ZHES BYA BA RGYAS PAR GLENG SLONG BAR BYED DO, ,CHEN PO YONGS SU RDZOGS PA'I ZHES BYA BA NI CHEN PO'I CHEN PO ZHES BYA BA'I THA TSIG @61B GO; ,'O NA CI'I PHYIR BSTAN BCOS LAS BSHAD CES BYA BA NI GAL TE LOG PAR LTA BAS DGE BA'I RTZA BA KUN DU GCOD KYI MI DGE BA'I RTZA BA RNAMS KYIS NI MA YIN NA BSTAN BCOS LAS MI DGE BA'I RTZA BA GANG DAG GIS DGE BA'I RTZA BA GCOD PAR BYED PA ZHES BSHAD PA GANG YIN PA DE JI LTAR DRANG STE, DE DAG NI CHAGS PA LA SOGS PA'I NGO BO NYID YIN GYI LOG PAR LTA BA'I NGO BO NYID NI MA YIN NO ZHES BYA BA'I THA TSIG GO, ,MI DGE BA'I RTZA BAS DRANGS PA'I PHYIR ZHES BYA BA NI MI DGE BA'I RTZA BA CHAGS PA LA SOGS PA CHEN POS LOG PAR LTA BA DRANGS SHING BSKYED PA YIN TE, DE LTA BAS NA MI DGE BA'I RTZA BAS LOG BAR LTA BA DRANGS PA'I PHYIR DE DAG KHO NA LA LAS KYI LAM DE BSTAN PAR MDZAD DE, MI DGE BA'I RTZA BA DE DAG KHO NA LA LOG PAR LTA BA'I DGE BA'I RTZA BA KUN DU GCOD PAR BYED PA'I LAS GANG YIN PA DE BSTAN TO, ,GAL TE 'DOD PA NA SPYOD PA'I DGE BA'I RTZA BA RNAMS KUN DU 'CHAD PAR 'GYUR TE, GZUGS DANG GZUGS MED PA DAG NA SPYOD PA[?] DAG DANG MI LDAN PA'I PHYIR RO ZHES BRJOD NA, 'O NA BTAGS PA LAS BSHAD PA JI LTAR DRANG, DE NI DE'I THOB PA THAG SRING BAR BYED PA ZHES BYA BA NI GANG ZAG DE'I GZUGS DANG GZUGS MED PA NA SPYOD PA'I THOB PA THAG SRING BAR BYED BA LAS DGONGS NAS 'DI SKAD DU, KHAMS GSUM PA'I DGE BA'I RTZA BA RNAMS KUN DU GCOD PA YIN NO ZHES BSHAD PA YIN NO, ,YANG JI LTAR DES THOB BA THAG SRING BAR BYED CE NA, RGYUD DE'I SNOD MA YIN PA NYID KYI PHYIR TE, GANG GI PHYIR DE'I RGYUD SNGON DE DAG GI THOB PA RNAMS KYI SNOD DU GYUR PA LAS DGE BA'I RTZA BA KUN DU CHAD NAS DE'I TSE DE DAG GI THOB PA RNAMS KYI SNOD MA YIN BA NYID DU BYAS PA DE'I PHYIR DE'I THOB PA THAG SRID BAR BYAS PA YIN NO, ,SBYOR BA LAS BYUNG BA DAG LAS NI SNGAR YONGS SU NYAMS ZIN PA'I PHYIR RO ZHES BYA BA NI SBYOR BA LAS BYUNG BA THOS PA DANG BSAMS PA DANG BSGOMS PA LAS BYUNG BA DE NGAG LAS NI SNGAR CHUNG NGU'I CHUNG NGU'I GNAS SKABS NYID NA YONGS SU MA NYAMS TE, DE'I TSE NYID NA DE'I THOB PA CHAD ZIN TO ZHES BYA BA'I THA TSIG GO, ,BAR CHAD MED PA'I LAM DANG RNAM PAR GROL BA'I LAM LTA BU YIN NO ZHES BYA BA NI KHA CIG GI PHYOGS NI RGYU LA SKUR BA 'DEBS PA NI BAR CHAD MED PA'I LAM LTA BU YIN LA, 'BRAS BU LA SKUR PA 'DEBS @62A *, ,BA NI RNAM PAR GROL PA'I LAM LTA BU YIN TE, 'DI SKAD DU DGE BA'I RTZA BA KUN DU GCAD PAR BYA BA LA LOG PAR LTA BA RGYU DANG 'BRAS BU LA SKUR BA 'DEBS PA 'DI GNYI GA YANG LAS BYED KYI GCIG KHO NA NI MA YIN NO ZHES BSHAD PA YIN NO, ,ZAG PA DANG BCAS PA LA DMIGS BA KHO NAS YIN GYI ZHES BYA BA NI SDUG BSNGAL DANG KUN 'BYUNG BA LA DMIGS PAS YIN GYI ZAG PA MED PA LA DMIGS PAS NI MA YIN TE, 'GOG PA DANG LAM LA DMIGS PAS NI MA YIN NO ZHES BYA BA'I THA TSIG GO, ,SKAL PA MNYAM PA'I KHAMS LA DMIGS PA KHO NAS YIN GYI ZHES BYA BA NI 'DOD PA'I KHAMS LA DMIGS PA KHO NAS DGE BA'I RTZA BA RNAMS KUN DU GCOD PA YIN GYI SKAL PA MI MNYAM PA'I KHAMS LA MI DMIGS PAS NI MA YIN TE, GANG GZUGS DANG GZUGS MED PA'I KHAMS LA DMIGS PAS NI MA YIN NO ZHES BYA BAR SKABS DANG SBYAR RO, ,CI'I PHYIR ZHE NA, MTSUNGS PAR LDAN PA TZAM GYI SGO NAS RGYAS PAR NYAM CHUNG BA'I PHYIR RO ZHES BYA BA SMRAS TE LOG PAR LTA BA ZAG PA MED PA LA DMIGS PA DANG SKAL BA MI MNYAM PA'I KHAMS LA DMIGS PA GANG YIN PA DE NI MTSUNGS PAR LDAN PA TZAM GYI SGO NAS MTSUNGS PAR LDAN PA'I CHOS RNAMS LA RGYAS PAR 'GYUR GYI DMIGS PA'I SGO NAS NI MA YIN TE, DE LTA BAS NA 'DI NI STOBS CHUNG BA YIN NO, ,DE'I PHYIR DES KUN DU GCOD PAR MI 'GYUR RO, ,BYE BRAG TU SMRA BA RNAMS NI 'DI SKAD DU BRJOD DO, ,KUN GYIS ZHES BYA BA NI RGYU LA SKUR PA 'DEBS PA GANG YIN PA DANG, 'BRAS BU LA SKUR PA 'DEBS PA GANG YIN PA DANG SKAL BA MNYAM PA'I KHAMS LA DMIGS PA GANG YIN PA DANG SKAL BA MI MNYAM PA'I KHAMS LA DMIGS PA GANG YIN PA DANG, ZAG PA DANG BCAS PA LA DMIGS PA GANG YIN PA DANG, ZAG PA MED PA LA DMIGS PA GANG YIN PA DE THAMS CAD KYIS KUN DU GCOD PAR 'GYUR TE, NYON MONGS PA BZHIN NO, ,MTHONG BAS SPANG BAR BYA BA DAG BZHIN NO ZHES BYA BA NI KHA CIG NA RE JI LTAR SDUG BSNGAL LA SOGS PA MTHONG BAS SPANG BAR BYA BA'I NYON MONGS PA RNAM PA DGU CHAR YANG SDUG BSNGAL GYI BDEN PA LA SOGS PA MTHONG BAS CIG CAR SPONG[?] BAR 'GYUR, DE BZHIN DU DGE BA'I RTZA BA @62B RNAM PA DGU CHAR YANG CIG CAR KUN DU 'CHAD DO ZHES ZER RO, ,BSGOM PAS SPANG BAR BYA BA'I NYON MONGS PA BZHIN ZHES BYA BA NI JI LTAR LAM CHUNG NGU'I CHUNG NGUS NYON MONGS PA'I RNAM PA CHEN PO'I CHEN PO SPONG BA NAS CHEN PO'I CHEN POS CHUNG NGU'I CHUNG DU SPONG BA'I BAR LAM RNAM PA DGUS NYON MONGS PA RNAM PA DGU SPONG BA DE BZHIN DU LOG PAR LTA BA CHUNG NGU'I CHUNG NGUS DGE BA'I RTZA BA'I RNAM PA CHEN PO'I CHEN PO KUN DU GCOD PA NAS CHEN PO'I CHEN POS DGE BA'I RTZA BA'I RNAM PA CHUNG NGU'I CHUNG NGU KUN DU GCOD PA'I BAR LOG PAR LTA BA RNAM PA DGUS KYANG DGE BA'I RTZA BA RNAM PA DGU KUN DU GCOD PAR 'GYUR RO, ,DE LTAR NA GZHUNG 'DI BSKYABS PA YIN NO ZHES BYA BA NI GAL TE DE DAG JI SKAD BSHAD PA LTAR BSGOM PAS SPANG BAR BYA BA'I NYON MONGS PA BZHIN DU KUN DU 'CHAD NA'O, ,PHRA MO DANG LHAN CIG TU GYUR PA ZHES BYA BA NI CHUNG NGU'I CHUNG NGU'O, ,MI DGE BA'I RTZA BA GANG GIS DGE BA'I RTZA BA RNAMS KUN DU GCOD PAR BYED PA'O ZHES BYA BA NI MI DGE BA'I RTZA BA CHEN PO'I CHEN PO DAG GIS DGE BA'I RTZA BA KUN DU GCOD PAR BSHAD KYI CHUNG NGU'I CHUNG NGU LA SOGS PAS NI MA YIN NO SNYAM DU DGONGS PA YIN NO, ,DE NI RDZOGS PA LAS DGONGS TE GSUNGS PA YIN ZHES BYA BA NI DGE BA'I RTZA BA KUN DU 'CHAD PA RDZOGS PA LAS DGONGS TE 'DI SKAD DU, MI DGE BA'I RTZA BA CHEN PO GANG DAG YIN ZHE NA ZHES BYA BA RGYAS PAR BSHAD PA YIN TE CHUNG NGU'I CHUNG NGU LA SOGS PA KUN DU 'CHAD PA NI MI SMOS KYANG GZUNG BAR BYA'O, ,DE LTA BAS NA DE DAG GIS MA LUS PA GCOD PA'I PHYIR DE NI RDZOGS PA KHO NA LA DGONGS NAS BSHAD PA YIN TE, 'DI LTAR LOG YIN PAR LTAB RNAM PA DGUS DGE BA'I RTZA BA RNAMS MA LUS PAR GCOD PAR 'GYUR RO, ,DE DAG LAS LAS RNAM PA GCIG STE, RNAM PA DGU PA CHUNG NGU'I CHUNG NGU MA CHAD NA YANG RNAM PA DGU PO THAMS CAD YANG SKYE BA'I RGYUR 'GYUR RO, ,DE'I PHYIR 'DI NI RDZOGS PA LAS DGONGS TE GSUNGS PA YIN NO, ,GNYI GAR GCOD PAR BYED DO ZHES BYA BA 'DI NI LANGS NA YANG GCOD PAR BYED MA LANGS NA YANG GCOD PAR BYED DO, ,DE BTANG BAS DE YANG GTONG NGO ZHES BYA BA NI SEMS CHUNG NGU'I CHUNG NGUS SDOM PA DE YANG DAG PAR BLANGS PAR GYUR PA'I SEMS CHUNG @63A *, ,NGU'I CHUNG NGU DGE BA'I RTZA BA CHUNG NGU'I CHUNG NGU DANG MTSUNGS PAR LDAN PA BTANG ZHING KUN DU CHAD NA SDOM PA DE YANG BTANG BAR 'GYUR BA NAS, DE BZHIN DU GANG ZHIG RGYU MTSAN CHEN PO'I CHEN BOS SDOM PA YANG DAG PAR BLANGS PA DE BTANG BAS DE YANG GTONG BA'I BAR DU 'GYUR RO; ,LAS KYI 'BRAS BU MNGON SUM DU GYUR PA'I PHYIR RO ZHES BYA BA NI LHA'I BU SKYES NAS RING PO MA LON PA LA BDAG GANG NAS 'CHI 'PHOS TE, GANG DU NI SKYES GANG ZHIG GIS SKYES SNYAM PA'I SEMS GSUM KUN DU 'BYUNG STE, DE LTAR LAS DANG 'BRAS BU MNGON SUM DU GYUR PA'I PHYIR LHA DAG GI NANG NA DGE BA'I RTZA BA KUN DU 'CHAD PA MED DO, ,'DZAM BU'I GLING KHO NA YOD DO ZHES BYA BA NI DE NA KHYAD PAR DU RTOG GE BA NYID YOD PA'I PHYIR RO SNYAM DU BSAM PA YIN NO, ,THAMS CAD PAS NYUNG NA DBANG PO BRGYAD DANG LDAN PA YIN TE, DGE BA'I RTZA BA KUN DU CHAD PA KHO NA TSOR BA'I DBANG PO LNGA DANG LUS DANG SROG DANG YID KYI DBANG PO DANG LDAN NO, ,DE'I DAD PA LA SOGS PA'I DBANG PO NI KUN DU 'CHAD DO, ,SO SO'I SKYE BO YIN PA'I PHYIR MI SHES PA KUN SHES PAR BYED PA'I DBANG PO LA SOGS PA LA YANG MED DO, ,MIG DAG LA SOGS PA'I DBANG PO YANG MTSANG BA'I TSUL LAM RIM GYIS 'CHI BA'I GNAS SKABS NA MED DO, ,SHAR GYI LUS 'PHAGS PO DANG NUB KYI BA LANG SPYOD PA YANG DE DANG 'DRA'O ZHES MTHUN PAR BSGRES PA'I PHYIR DE DAG NA YANG DGE BA'I RTZA BA KUN DU 'CHAD PA YOD DO ZHES BYA BAR STON PAR BYED DO, ,SKYES PA BUD MED KYIS GCOD DO ZHES BYA BA NI SKYED PA DANG BUD MED KYIS ZHES BYA BA YIN TE, DANG ZHES BYA BA'I SGRA MI MNGON PAR BSTAN PA YIN NO, ,GANG MO'I DBANG PO DANG LDAN BA DE GDON MI ZA BAR DBANG PO BRGYAD DANG LDAN TE, TSOR BA'I DBANG PO BZHI DANG LUS DANG SROG DANG YID KYI GSUM DANG BRGYAD PA MO'I DBANG PO DANG LDAN NO, ,DAD PA LA SOGS PA NI MA YIN TE, DGE BA'I RTZA BA KUN DU CHAD PA'I GNAS SKABS NA 'KHRUL LO SNYAM DU BSAM PA YIN NO, ,MIG LA SOGS PA YANG SNGA MA BZHIN DU 'KHRUL PAR 'GYUR TE, 'DIR NI DON 'DI KHO NA DANG 'GAL BAR 'GYUR RO, ,DE DAG LAS KYANG ZHES BYA BA NI KUN DU GCOD PAR BYED PA JI SKAD BSHAD PA DE @63B DAG LAS KYANG SRED PA SPYAD PA NI KUN DU GCOD PAR BYED DO, ,SDIG PA'I BSAM PA BRTAN PA DANG MKHYUD PA CAN YIN PA'I PHYIR RO ZHES BYA BA NI 'DI LA SDIG PA LA BSAM PA SEMS PA BRTAN PA YOD PAS ZHES BYA BAR TSIG BSDU BA STE, BRTAN PA NI SRAN LA SGRE BA'O, ,SDIG PA MI DGE BA MKHYUD PA NI 'CHAB PA'O, ,SRED PA SPYAD PA SPYOD PA'I PHYOGS DANG MTHUN PA'I PHYIR ZHES BYA BA NI SRED PA SPYAD PA DANG 'DRA BA'I PHYIR ZHES BYA BA'I THA TSIG STE, JI LTAR SRED PA SPYAD PA BSAM PA G-YO BA YIN PA LTAR MA NING LA SOGS PA LA YANG DE DANG 'DRA'O, ,NGAN SONG BA BZHIN NO ZHES BYA BA NI JI LTAR NGAN SONG BA RNAMS SHES RAB NYON MONGS PA CAN DANG NYON MONGS PA MA YIN PA DAG MI BRTAN PA'I PHYIR DGE BA'I RTZA BA RNAMS KUN DU MI GCOD PA LTAR MA NING LA SOGS PA YANG DE DANG 'DRA'O, ,NYING MTSAMS SBYAR ZHES BYA BA NI NYING MTSAMS SBYAR BAR BYAS PA'O, ,NAD MED NAS STOBS RNYED PA BZHIN NO ZHES BYA BA NI JI LTAR SNGAR NAD MED PAR 'GYUR LA RIM GYIS STOBS RNYED PAR 'GYUR BA DE DANG 'DRA'O, ,MTSAMS MED BYED PA'I 'DI LA MIN, ,ZHES BYA BA NI MTSAMS MED PA BYED PA KHO NA'I 'DI LA NYID MTSAMS SBYOR BAR MI 'GYUR RO ZHES BSHAD PAS DON GYIS NA 'DI SKAD DU MTSAMS MED PA MI BYED PA NI 'DI LA NYING MTSAMS SBYOR BAR 'GYUR RO ZHES BSHAD PA YIN NO, ,SRID PA BAR MA LA GNAS PA ZHES BYA BA NI DMYAL BAR 'GRO BAR 'GYUR BA'I SRID PA BAR MA LA GNAS PA'O, ,'CHI 'PHO BA LA MNGON DU PHYOGS PA ZHES BYA BA NI DMYAL BA NAS 'CHI 'PHO BA MNGON DU PHYOGS PA'O, ,RGYU'I STOBS KYIS ZHES BYA BA NI 'DI LTAR GANG DAG SKAL BA MNYAM PA'I STOBS KYIS BDAG NYID LOG PAR LTA BAR 'DOD PA'O, ,RKYEN GYI STOBS KYIS ZHES BYA BA NI 'DI LTAR GANG DAG GZHAN GYI SGRA'I STOBS KYIS LOG PAR LTA BAR 'DOD PA STE, RGYU'I STOBS NI SNYING PO DANG LDAN PA'I PHYIR RO, ,RANG GI STOBS KYIS GCOD PA GANG YIN PA DANG, GZHAN GYI STOBS KYIS GCOD PA GANG YIN PA YANG DE DANG 'DRA'O ZHES BYA BA NI GANG ZHIG RANG GI RTOG GE'I STOBS KYIS GCOD PA DE NI 'CHI 'PHO BA NA NYING MTSAMS SBYOR BAR 'GYUR LA GANG ZHIG GZHAN GYI STOBS KYIS TE, GZHAN LAS THOS PA TZAM GYI STOBS KYIS GCOD PA DE NI SKYE BA NA'O, ,BSAM PA NYAMS PA ZHES BYA BA NI LOG PAR LTA @64A *, ,BA MNGON DU GYUR PAS NYAMS SHING MA RUNG BA STE, DE NI MTHONG BA'I CHOS KHO NA NYING[?] MTSAMS SBYOR BAR 'GYUR RO, ,GANG ZHIG BSAM PA DANG SBYOR BA NYAMS PA ZHES BYA BA NI GANG ZHIG LOG PAR LTA BA MNGON DU GYUR PA DANG MTSAMS MED PA LA SOGS PA'I LAS KYIS NYAMS PA STE; DE NI LUS ZHIG NAS NYING[?] MTSAMS SBYOR BAR 'GYUR RO, ,'DIR RANG GI STOBS KYIS GCOD PA GANG YIN PA DANG GZHAN GYI STOBS KYIS GCOD PA GANG YIN PA 'DI YANG GONG DU BSHAD PA KHO NA'I RNAM GRANGS YIN LA, DE BZHIN DU LTA BA NYAMS PA GANG YIN PA DANG LTA BA DANG TSUL KHRIMS NYAMS PA GANG YIN PA ZHES BYA BA 'DI YANG BSHAD MA THAG PA KHO NA'I RNAM GRANGS YIN NO ZHES BYA BAR KHONG DU CHUD PAR BYA'O, ,RDZOGS BYED LA SOGS PA'O ZHES BYA BA LA SOGS PA ZHES BYA BA'I SGRAS NI STON PA DRUG PO 'DI LTA STE, 'OD SRUNGS RDZOGS BYED DANG KUN DU RGYU GNAG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM BA SKRA'I LA BA CAN DANG, KA TYA'I BU NOG CAN DANG, GCER BU PA GNYEN GYI BU ZHES BYA BA BSDU STE, DE DAG NI MED PAR LTA BA YIN PA'I PHYIR DGE BA'I RTZA BA KUN DU CHAD PA NI YID LA MTSAMS MED BA BYED PA MA YIN PA'I PHYIR LOG PA NYID DU NGES PA NI MA YIN TE; MTSAMS MED PA BYED PA NI LOG PA NYID DU NGES PAS SO, ,MA SKYES DGRA NI MTSAMS MED PA BYED PA YIN PA'I PHYIR LOG PA NYID DU NGES PA YIN LA YANG DAG PA'I LTA BA CAN YIN PA'I PHYIR DGE BA'I RTZA BA KUN DU 'CHAD PA NI MA YIN NO, ,LHAS SBYIN NI DGE 'DUN GYI DBYEN BYED PA YIN PA'I PHYIR DANG, DE BZHIN GSHEGS BA LA NGAN SEMS KYIS KHRAG 'BYIN PAR BYED PA YIN PA'I PHYIR, DGE BA'I RTZA BA KUN DU CHAD PA YANG YIN LA LOG PA NYID DU NGES PA YANG YIN NO, ,BZHI PA NI RNAM PA DE DAG MA GTOGS PA'O ZHES BYA BA NI BDAG CAG LA SOGS PA'O, ,GZHAN MED PAR BRNAB SEMS LA SOGS PA MNGON DU GYUR PA ZHES BYA BA NI SROG GCOD PA LA SOGS PA LAS KYI LAM GZHAN MED PAR BRNAB SEMS LA SOGS PA'I NANG NAS GANG YANG RUNG BA ZHIG MNGON DU GYUR NA SEMS PA LAS KYI LAM BRNAB SEMS SAM GNOD SEMS SAM LOG PAR LTA BA GCIG DANG LHAN CIG 'BYUNG NGO, ,SEMS PA NYON @64B MONGS PA CAN MA YIN PA CAN ZHES BYA BA DGE BA DANG LUNG DU MA BSTAN PA'I SEMS DANG LDAN PA SBYOR BA BO DE'I SBYOR BAS SROG GCOD PA LA SOGS PA 'DOD PAS LOG PAR G-YEM PA MA GTOGS PA GZUGS CAN RNAMS LAS GANG YANG RUNG BA CIG MTHAR PHYIN PAR BYED NA SEMS PA GCIG BU DE DANG LHAN CIG 'BYUNG NGO, ,BRNAB SEMS LA SOGS PA LA MA GTOGS PA'I NYON MONGS PA CAN GYI SEMS DANG LDAN PA ZHES KYANG RJOD PAR BYED DE, TSUL 'DI NI DE LA YANG SRID DO, ,GNOD SEMS SU GYUR PA SROG GCOD PA ZHES BYA BA RGYAS PAR 'BYUNG BA NI GNOD SEMS DANG SROG GCOD PA DANG GNYIS DANG LHAN CIG 'BYUNG NGO, ,'DOD PAS LOG PAR G-YEM PA 'AM TSIG KYAL PA SMRA NA GNYIS DANG LHAN CIG 'BYUNG BA STE, BRNAB SEMS DANG 'DOD PAS LOG PAR G-YEM PA GNYIS DANG, TSIG KYAL PA DANG, BRNAB SEMS LA SOGS PA'I NANG NAS GANG YANG RUNG BA ZHIG DANG GNYIS KHO NA DANG LHAN CIG 'BYUNG NGO; ,'DI GLENG BAR BYA STE, GNOD SEMS SU GYUR PA SROG GCOD PA ZHES BYA BA DANG, BRNAB SEMS DANG LDAN PA MA BYIN PAR LEN PA ZHES BYA BA 'DI CI RANG BYED PA LA BYA 'AM 'ON TE GZHAN BYED DU BCUG PA ZHIG YIN, GAL TE RANG BYED PA YIN NA NI SROG GCOD PA LA GNOD SEMS GDON MI ZA BAR YOD PA'I PHYIR LA, MA BYIN PAR LEN PA YANG BRNAB SEMS GDON MI ZA BAR YOD PA'I PHYIR GNOD SEMS SU GYUR PA ZHES BYA BA DANG BRNAB SEMS DANG LDAN PA ZHES BYA BA'I KHYAD PAR DU BYA BA RUNG BA MA YIN TE, 'KHRUL PA LA NI KHYAD PAR DU BYA BAR 'DOD DO, ,'ON TE GZHAN BYED DU BCUG PA ZHIG YIN NA NI BRNAB SEMS DANG GNOD SEMS DANG LOG PAR LTA BA RNAMS LAS GANG YANG RUNG BA ZHIG DANG LDAN PA SROG GCOD PA DANG MA BYIN PAR LEN PA DANG 'DOD PAS LOG PAR G-YEM PA DANG, TSIG KYAL PA SMRA NA'O ZHES BRJOD DGOS SO ZHE NA SMRAS PA RANG BYED PA YIN NO, ,KHYAD PAR DU BYA BA MI RUNG NGO ZHES BSHAD PAS MA YIN NAM ZHE NA DE NI NYES PA MED DE, 'DI NI KHYAD PAR DU BYA BA BRJOD PA MA YIN NO, ,'O NA CI ZHE NA 'DI NI DE LA GNYIS PAR GYUR PA GNOD SEMS DANG BRNAB SEMS DAG YOD PA NYID DU BSTAN TO ZHES RANG GI NGO BO DE LA BSNYAD PAR ZAD DO, ,DE LTA NA YANG BRNAB SEMS @65A *, ,LA SOGS PA'I NANG NAS SEMS GANG YANG RUNG BA ZHIG DANG LDAN PA SROG GCOD PA LA SOGS PA DE DAG BYED DU BCUG PA'I SEMS PA GNYIS DANG LHAN CIG 'BYUNG BA SRID PAS DE YANG BRJOD DGOS PAR 'GYUR RO ZHE NA BRJOD DGOS PA NI BDEN NA DE SKAD DU BSHAD PA DE NI DPER BRJOD PA TZAM DU ZAD PAS NYES PA MED DO, ,GNOD SEMS DANG LDAN BA CIG CAR DU GZHAN GYI SROG CHAGS BSAD PAS 'PHROG NA'O ZHES BYA BA NI YANG BSAD PA KHO NAS DBROG PA GRUB PA GANG YIN PA STE, GANG LA GNOD SEMS DANG SROG CHAGS GSOD PA DANG MA BYIN PAR LEN PA'I LAS KYI LAM CIG CAR 'BYUNG BA'O, ,'O NA NI MI 'GRUB PA MA YIN NAM ZHES BYA BA RGYAS PAR 'BYUNG BA NI GAL TE GZHAN GYI NOR 'PHROG PA'I TSE GNOD SEMS YOD NA 'O NA DE MA BYIN PAR LEN PA NI CHAGS PA KHO NAS MTHAR PHYIN PAR BYED DO ZHES BYA BA GRUB PAR MI 'GYUR TE, CHAGS PA DANG ZHE SDANG DAG CIG CAR MI 'BYUNG BA'I PHYIR RO, ,SEMS GZHAN DANG MI LDAN PA'I PHYIR ZHES BYA BA RGYAS PAR 'BYUNG BA NI, LOG G-YEM BRNAB SEMS MA BYIN LEN, ,CHAGS PA YIS NI RDZOGS PAR BYED, ,CES BYA BA'I NGES PA DE NI 'PHROG PA'I SEMS DANG LDAN PA KHO NA'I DE RDZOGS PA LA STE, MA BYIN PAR LEN BA RDZOGS PA LA SHES PAR BYA'I NGES PA 'DI SEMS GZHAN DANG LDAN PA STE, GSOD PA'I SEMS DANG LDAN PA NI MA YIN NO, ,DBYEN BYA BA'I BSAM PA DANG LDAN PA BRDZUN GYI TSIG CES BYA BA NI DBYEN BYA BA'I BSAM PA LDAN PA'I PHYIR BRDZUN DE NYID PHRA MA YANG YIN LA GRUB PA'I MTHA' LAS, NYON MONGS PA CAN KUN KYAL PA NYID CES 'BYUNG BA'I PHYIR DE NYID TSIG KYAL PA YANG YIN NO, ,DE BZHIN DU DBYEN BYA BA'I BSAM PA DANG LDAN PA'I PHYIR TSIG RTZUB PO DE NYID KYANG PHRA MA YANG YIN LA DE BZHIN DU TSIG KYAL PA YANG YIN PAS BZHI DANG LHAN CIG 'BYUNG NGO, ,JI LTAR ZHE NA DE LA NI YID KYI GCIG YIN LA NGAG GI GSUM YIN NO ZHES BYA BA SMOS TE, BRDZUN DU SMRA NA YANG BRNAB SEMS SAM GNOD SEMS GCIG DANG NGAG GI GSUM STE, BRDZUN DU SMRA BA DANG PHRA MA DANG TSIG KYAL PA DAG GO, ,TSIG RTZUB PO SMRA NA YANG YID KYI GCIG STE GNOD SEMS DANG, NGAG GI GSUM STE, TSIG RTZUB PO DANG PHRA MA DANG TSIG KYAL PA @65B DAG GO, ,MING GI SGO NAS DE LTAR GSUM YIN GYI NGO BO NYID KYI SGO NAS NI MA YIN TE, BRDZUN DU SMRA BA DE NYID LA PHRA MA DANG, TSIG KYAL PA ZHES KYANG BYA'I NGO BO NYID GSUM YOD PA NI MA YIN NO, ,DE BZHIN DU TSIG RTZUB PO LA YANG MING GSUM YIN NO ZHES BYA BAR SBYAR BAR BYA'O, ,GZHAN DAG NA RE NGO BO NYID KYI KHYAD PAR YANG YOD DE BRDZUN DU SMRA BA DANG PHRA MA DANG TSIG KYAL PA'I RNAM PAR REG BYED MA YIN PAS BDAG KYANG THA DAD LA DE BZHIN DU TSIG RTZUB PO DANG PHRA MA DANG TSIG KYAL PA RNAM PAR RIG BYED MA YIN PA DAG KYANG THA DAD DO ZHES ZER RO, ,YANG NA BRNAB SEMS LA SOGS PAR GYUR PA ZHES BYA BA RGYAS PAR 'BYUNG BA NI YANG NA BRNAB SEMS LA SOGS PA DANG LDAN PA BZHI DANG LHAN CIG 'BYUNG STE DE LA NI YID KYI GCIG STE, BRNAB SEMS LA SOGS PA'I NANG NAS GANG YANG RUNG BA ZHIG YOD PA DANG, DE'I SBYOR BSAD[?] BRNAB SEMS LA SOGS PA DANG LDAN PA'I SBYOR BAS SROG GCOD PA LA SOGS PA LAS KYI LAM GANG YANG RUNG BA GSUM MTHAR PHYIN PAR BYED CING RDZOGS PA'I TSE'O, ,SEMS PA LNGA PA DANG DRUG PA BDUN DANG YANG DE BZHIN DU SBYAR BAR BYA'O, ,JI LTAR ZHE NA RE ZHIG LNGA DANG LHAN CIG GCIG 'BYUNG BA NI BRNAB SEMS LA SOGS PA DANG LDAN PA DE'I SBYOR BAS GZHAN BZHI MTHAR PHYIN PAR BYED NA'O, ,DE BZHIN DU BRNAB SEMS LA SOGS PA DANG LDAN PA GZHAN LNGA DANG DRUG MTHAR PHYIN PAR BYED NA YANG DRUG DANG BDUN DANG LHAN CIG 'BYUNG NGO, ,BRGYAD DANG LHAN CIG 'BYUNG BA NI BRNAB SEMS LA SOGS PA DANG LDAN PA SROG GCOD PA LA SOGS PA DRUG LA SBYOR BA BYAS NAS 'DOD PAS LOG PAR G-YEM PA BDAG NYID KYIS BYED LA MNYAM DU MTHAR PHYIN PAR 'GYUR NA'O, ,DGU DANG BCU DANG LHAN CIG 'BYUNG NGO ZHES BYA BA 'DI NI MED DE, YID KYI LAS KYI LAM RNAMS CIG CAR 'BYUNG BA MED PA'I PHYIR RO, ,GCIG DANG BRGYAD DANG LNGA DANG MIN, ,ZHES BYA BA NI YID KYI GCIG KHO NA DANG NI MA YIN TE, SEMS PA DGE BA LA BRNAB SEMS MED PA DANG GNOD SEMS MED PA DAG GDON MI BAR YOD PA'I PHYIR RO, ,SEMS PA LAS KYI LAM GZUGS CAN SDOM PAS BSDUS PA GCIG DANG LHAN CIG 'BYUNG BA YANG MA YIN TE, DGE BSNYEN GYI SDOM PA LA SOGS PA LA NYON MONGS PA CAN DANG LUNG DU @66A *, ,MA BSTAN PA'I SEMS KYI GNAS SKABS NA YANG SROG GCOD PA DANG MA BYIN PAR LEN PA DANG 'DOD PAS LOG PAR G-YEM PA DANG BRDZUN DU SMRA BA SPONG BA DAG GDON MI ZA BAR LHAN CIG 'BYUNG BA'I PHYIR RO, ,LNGA KHO NA LA YANG MA YIN TE, SEMS PA DGE BA LA NI BRNAB SEMS MED PA DANG, GNOD SEMS MED PA DAG KYANG GDON MI ZA BAR LHAN CIG 'BYUNG BA'I PHYIR LA, SROG GCOD PA SPONG BA LA SOGS PA SDOM PAS BSDUS PA BZHI PO 'DI DAG KYANG GDON MI ZA BAR LHAN CIG 'BYUNG BA'I PHYIR RO, ,BRGYAD PA KHO NA DANG YANG MA YIN TE, DGE SLONG GI SDOM PAS BSDUS PA'I LUS DANG NGAG GI LAS KYI LAM RNAMS NI NYON MONGS PA CAN DANG LUNG DU MA BSTAN PA'I SEMS KYI GNAS SKABS NA YANG BDUN CHAR YOD PA'I PHYIR LA, DGE BA'I SEMS KYI GNAS SKABS NA NI DGU 'AM BCU YOD PA'I PHYIR TE, SHUGS KYIS NA GNYIS LA SOGS PA DANG LHAN CIG 'BYUNG NGO ZHES BSHAD PA YIN NO, ,DE LA GNYIS DANG LHAN CIG 'BYUNG BZHES BYA BA RGYAS PAR 'BYUNG BA NI DE LA GNYIS DANG LHAN CIG 'BYUNG BA DGE BA'I RNAM PAR SHES PA LNGA LA GNAS PA LA NI BRNAB SEMS MED PA DANG GNOD SEMS MED PA DAG YOD KYI GRUB PA'I MTHA' LAS, RNAM SHES LNGA DANG MTSUNGS SKYES BLO, ,NGES RTOG MED PHYIR LTA BA YIN, ,ZHES 'BYUNG BA'I PHYIR YANG DAG PA'I LTA BA NI MED DO, ,DE'I PHYIR 'DI LA NI BRNAB SEMS MED PA DANG, GNOD SEMS MED PA DAG KHO NA DANG LHAN CIG 'BYUNG NGO, ,GZUGS MED PA'I SNYOMS PAR 'JUG PA'I ZAD PA DANG MI SKYE BA'I SHES PA LA GNAS PA'O ZHES BYA BA NI GZUGS MED PA'I SNYOMS PAR 'JUG PAS BSDUS PA'I ZAD PA DANG MI SKYE BA SHES PA DAG LA GNAS PA'I YANG 'DI GNYIS KHO NA DANG LHAN CIG 'BYUNG STE, ZAD DANG MI SKYE BLO LTA MIN, ,ZHES 'BYUNG BAS DE NI YANG DAG PA'I LTA BA MED PA'I PHYIR RO, ,GZUGS MED PA'I SNYOMS PAR 'JUG PA SMOS PA NI BSAM GTAN GYI SNYOMS PAR 'JUG PAS BSDUS PA'I ZAD PA DANG MI SKYE BA SHES PA DAG LA GNAS PA LA LUS DANG NGAG GI LAS KYI LAM ZAG PA MED PA'I SDOM PA'I RANG BZHIN NI RNAM PA BDUN YOD PA ZLOG PA'I PHYIR RO, ,ZAD PA DANG MI SKYE BA SHES PA SMOS PA NI YANG DAG PA'I LTA BA BSAL BA'I PHYIR TE ZAD PA @66B DANG MI SKYE BA SHES PA DAG NI YANG DAG PA'I LTA BA'I NGO BO NYID MA YIN PA'I PHYIR RO, ,GSUM DANG LHAN CIG 'BYUNG BA NI YANG DAG PA'I LTA BA DANG MTSUNGS PAR LDAN PA'I YID KYI RNAM PAR SHES PA LA GNAS PA'O ZHES BYA BA NI LAS KYI LAM GZUGS CAN MED PA LA ZHES BYA BA'I TSIG LHAG MA YIN TE, DE LA NI LAS KYI LAM BRNAB SEMS MED PA DANG, GNOD SEMS MED PA DANG YANG DAG PA'I LTA BA GSUM KHO NA YIN NO, ,BZHI DANG LHAN CIG 'BYUNG BA ZHAS[?] BYA BA RGYAS PAR 'BYUNG BA LA, MI DGE BA 'AM LUNG DU MA BSTAN PA'I SEMS DANG LDAN PA ZHES KHYAD PAR DU BYAS PA'I PHYIR, YID KYI NI MED DO ZHES BSTAN PA YIN NO; ,DGE BSTEN DANG DGE TSUL GYI SDOM PA YANG DAG PAR LEN PA NA YANG LAS KYI LAM SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA SPONG BA'I MTSAN NYID BZHI KHO NA YOD DE, MYOS PAR 'GYUR BA 'THUNG BA SPONG BA LA SOGS PA NI LAS KYI LAM BCU'I NANG[?] DU MA GTOGS PA'I PHYIR TE, TSIG RTZUB PO SPONG BA LA SOGS PA YANG DGE BSNYEN DANG DGE TSUL GYI SDOM PAS MA BSDUS PA'I PHYIR RO, ,DGE TSUL GYI SDOM PA YANG DAG PAR LEN PA SMOS PAS NI DGE BSNYEN GYI SDOM PA YANG DAG PAR LEN PA YANG BSHAD PA'I NGO BOR KHONG DU CHUD PAR BYA STE; DGE TSUL GYI SDOM PA YANG DAG PAR LEN PA NA NI, LAS KYI LAM BZHI MI TSANGS PAR SPYOD PA SPONG BA YIN LA, 'DOD PAS LOG PAR G-YEM PA SPONG BA YANG DE'I NANG DU 'DUS PA KHO NA YIN NO, ,DRUG PA DANG LHAN CIG 'BYUNG BA NI DGE BA'I RNAM PAR SHES PA LNGA LA GNAS PA DE YANG DAG PAR LEN PA NA'O ZHES BYA BA NI JI SKAD BSHAD PA BZHI PO DE DAG DANG, BRNAB SEMS MED PA DANG, GNOD SEMS MED PA DAG DANG DRUG DANG LHAN CIG 'BYUNG STE, RNAM PAR SHES PA LNGA LA YANG DAG PA'I LTA BA MED PA'I PHYIR RO, ,BDUN PA DANG LHAN CIG 'BYUNG BA NI DGE BA'I YID KYI RNAM PAR SHES PA LA GNAS TE DE KHO NA YANG DAG PAR LEN PA STE, DGE BSNYEN DANG DGE TSUL GYI SDOM PA KHO NA YANG DAG PAR LEN PA NA JI SKAD BSHAD PA DE DAG KHO NA DANG LAS KYI LAM BDUN PA NI YANG DAG PA'I LTA BA DANG LHAN CIG 'BYUNG STE, DGE BA'I YID KYI RNAM PAR SHES PA LA NI YANG DAG PA'I LTA BA YOD PAS SO,, ,, @67A *, ,BAM PO SUM CU RTZA DRUG PA, MI DGE BA DANG LUNG DU MA BSTAN PA'I SEMS DANG LDAN PA KHO NA DGE SLONG GI SDOM PA YANG DAG PAR LEN PA NA GZUGS CAN BDUN KHO NA DANG LHAN CIG 'BYUNG STE MI DGE BA DANG LUNG DU MA BSTAN PA'I SEMS DANG LDAN PA'I PHYIR YID KYI DAG DANG NI MA YIN NO; ,DGU DANG LHAN CIG 'BYUNG BA NI DGE BA'I RNAM PAR SHES PA LNGA LA GNAS PA DE YANG DAG PAR LEN PA STE, DGE SLONG GI SDOM PA YANG DAG PAR LEN PA NA STE, YANG DAG PA'I LTA BA KHO NA MED PA'I PHYIR RO, ,ZAD PA DANG, MI SKYE BA SHES PA DANG, MTSUNGS PAR LDAN PA'I YID KYI RNAM PAR SHES PA LA GNAS PA'I YANG DGU PO DE DAG KHO NA DANG LHAN CIG 'BYUNG STE, DE LA YANG DAG PA'I LTA BA MED PA'I PHYIR RO, ,DE DAG NYID BSAM GTAN GYIS BSDUS PA LA GNAS PA'O ZHES BYA BA NI ZAD PA DANG, MI SKYE BA SHES PA DANG, MTSUNGS PAR LDAN PA'I RNAM PAR SHES PA DE NYID BSAM GTAN GYIS BSDUS PA LA GNAS PA'I YANG GZUGS CAN BSAM GTAN GYI SDOM PAS BSDUS PA BDUN DANG, BRNAB SEMS MED PA DANG, GNOD SEMS MED PA DANG, DGU DANG LHAN CIG 'BYUNG NGO, ,BCU DANG LHAN CIG 'BYUNG BAS NI DE LAS GZHAN PA'I ZHES BYA BA NI ZAD PA DANG, MI SKYE BA SHES PA LAS GZHAN PA'I YID KYI RNAM PAR SHES PA LA GNAS PA DGE SLONG GI SDOM PA YANG DAG PAR LEN PA KHO NA'O, ,THAMS CAD YIN NO ZHES BYA BA RGYAS PAR 'BYUNG BA NI BSAM GTAN DANG, ZAG PA MED PA'I SDOM PA DANG LHAN CIG 'BYUNG BA'I SEMS PA ZAD PA DANG, MI SKYE BA SHES PA DANG MTSUNGS PAR LDAN PA MA YIN PA THAMS CAD KYANG LUS DANG NGAG GI BSAM GTAN DANG, ZAG PA MED PAS BSDUS PA BDUN DANG, YID KYI GSUM DANG, BCU DANG LHAN CIG 'BYUNG NGO, ,SEMS PA SDOM PAS BSDUS PA'I LAS KYI LAM RNAMS DANG NI DE LTAR LHAN CIG 'BYUNG NGO ZHES BSTAN PA YIN NO, ,SDOM PA MA GTOGS PAR TE; SDOM PA RNAM PA BRGYAD MA GTOGS PAR NI GCIG DANG LHAN CIG 'BYUNG BA YOD DO, ,JI LTAR ZHE NA, SEMS GZHAN DANG LDAN PA ZHES BYA BA SMOS TE, DE DAG GI SDOM PA LAS MA GTOGS PA'I DGE BA'I LAS KYI LAM KUN NAS SLONG BAR BYED PA'I SEMS LAS GZHAN PA'I SEMS DANG LDAN PA STE, NYON @67B MONGS PA CAN DANG, LUNG DU MA BSTAN PA'I SEMS DANG LDAN PA ZHES BYA BA'I THA TSIG GO, ,SPONG BA'I YAN LAG GCIG YANG DAG PAR LEN PA NA'O ZHES BYA BA NI SROG GCOD PA'I YAN LAG SPONG BA 'AM, MA BYIN PAR LEN PA SPONG BA YANG DAG PAR LEN PA NA LAS KYI LAM DE GCIG DANG LHAN CIG 'BYUNG NGO, ,LNGA DANG BRGYAD DANG LHAN CIG 'BYUNG BA YANG YOD DE ZHES BYA BA NI DGE BA'I YID KYI RNAM PAR SHES PA DANG LHAN CIG GANG ZAG CIG CAR DU YAN LAG GNYIS YANG DAG PAR LEN PA NA YID KYI GSUM DANG, GZUGS CAN GNYIS DANG, LNGA DANG LHAN CIG 'BYUNG NGO, ,CIG CAR YAN LAG LNGA YANG DAG PAR LEN PA NA GZUGS CAN LNGA PO DE DAG DANG, YID KYI GSUM DANG, BRGYAD DANG LHAN CIG 'BYUNG NGO, ,'DI NI DPER BRJOD PA'I NGO BOR BSHAD PA YIN PAS DE LAS GZHAN DU YANG BRJOD PAR NUS TE, NYON MONGS PA CAN DANG, LUNG DU MA BSTAN PA'I SEMS DANG LDAN PA SDOM PAS BSDUS PA'I YAN LAG LNGA YANG DAG PAR LEN PA NA YANG LNGA DANG LHAN CIG 'BYUNG NGO, ,CHAGS PAR BYA BA'I DNGOS PO MED PA'I PHYIR ZHES BYA BA NI DMYAL BA NA CHAGS PAR BYA PA'I DNGOS PO MED PA'I PHYIR BRNAB SEMS MNGON SUM DU GYUR PA'I SGO NAS MED DO, ,LAS KYI 'BRAS BU MNGON SUM DU GYUR PA'I PHYIR LOG PAR LTA BA MED DO, ,DE NYID KYI PHYIR DANG ZHES BYA BA NI DGOS PA MED PA'I PHYIR DANG, PHAN TSUN SNYING DU SDUG PA LA SOGS PA MED PAS RTAG TU BYE ZIN PA'I PHYIR PHRA MA MED DO, ,NGA YIR 'DZIN PA MED PA'I PHYIR SGRA MI SNYAN NA BRNAB SEMS KYI LAS KYI LAM MNGON SUM DU GYUR PA'I SGO NAS MED DO, ,RGYUD 'JAM PA'I PHYIR DANG, KUN NAS MNAR SEMS KYI DNGOS PO MED PA'I PHYIR GNOD SEMS MED DO, ,SDIG PA CAN GYI BSAM PA MA YIN PA'I PHYIR LOG PAR LTA BA MED CING, BRNAB SEMS LA SOGS PA DE GSUM CHAR YANG MED DO, ,DNGOS SU YANG ZHES BYA BA NI MNGON SUM DU GYUR PAS ZHES BSHAD PA YIN NO, ,SDIG PA CAN GYI BSAM PA MA YIN PA'I PHYIR SROG GCOD PA LA SOGS PA DRUG CAR YANG MNGON SUM DU GYUR PA'I SGO NAS MED DO, ,TSE NGES PA'I PHYIR SROG GCOD PA MED DO, ,RDZAS DANG BUD MED YONGS SU BZUNG BA MED PA'I PHYIR GO RIMS BZHIN DU MA BYIN PAR LEN PA DANG, 'DOD @68A *, ,PAS LOG PAR G-YEM PA MED DO, ,DGOS PA MED PA'I PHYIR BRDZUN DU SMRA BA DANG, PHRA MA DANG TSIG RTZUB PO DAG MED DO, ,GAL TE YONGS SU BZUNG BA MED NA NI JI LTAR 'DI DAG GI MI TSANGS PAR SPYOD PA YIN ZHE NA ZHES 'DRI BAR BYED DO, ,SDOM PA MA YIN PA MA GTOGS, SO ZHES BYA BA NI SDOM PA YANG MA YIN SDOM PA MA YIN PA YANG MA YIN PAS BSDUS PA ZHES BYA BA'I THA TSIG GO, ,'GRO BA GZHAN DAG NA GNAS PA NI GSOD PAR BYED DO ZHES BYA BA NI YI DAGS LA SOGS PA'I 'GRO BA NA GNAS PA'O, ,MGO DANG RKED PA BCAD NA 'CHI'O ZHES BYA BA NI LHA DAG KYANG MGO BCAD PA DANG, RKED PA BCAD NA 'CHI BAR 'GYUR RO, ,LHAS LHA MI GSOD CES BSHAD PA NI LHA DAG MI GSOD DO ZHES BYA BAR 'DOD PA YIN NO, ,LHA RNAMS KYI YAN LAG DANG NYING LAG BCAD CING BCAD KYANG PHYIR SKYE BAR 'GYUR TE, DE LTA YIN MOD KYI, 'ON KYANG MGO DANG RKED PA BCAD NA STE, MGO BCAD PA DANG, RKED PA BCAD NA YANG SLAR 'BYOR PA MED PAS LHA RNAMS KYANG GSOD DO SNYAM DU BSAM PA YIN NO, ,SA GANG LA BRTEN PA CAN GYI ZHES BYA BA RGYAS PAR 'BYUNG BA LA, SA NI BSAM GTAN BZHI PA'I BAR LNGA'O, ,'DI LA SA GANG LA BRTEN PA YOD PAS NA SA GANG LA BRTEN PA CAN NO; ,'PHAGS PAS ZAG PA MED PA'I TSUL KHRIMS BSKYED DE, 'GAGS PAS ZHES BYA BA LA, BSKYED PA NI DA LTAR GYI DUS SU BYIN PAR BYAS PA'O, ,'GAGS PA NI 'DAS PA'I DUS SU PHYIN PAR BYAS PA STE, GZUGS MED PA DAG NA SA GCIG LA BRTEN PA CAN NAS SA BZHI PA LA BRTEN PA CAN GYI BAR GYI 'DAS PA DE DANG LDAN NO, ,'DOD PA LA SPYOD PA LA BRTEN PA CAN NAS BSAM GTAN BZHI PA'I BAR LA BRTEN PA CAN GYI BAR SA LNGA CHAR LA BRTEN PA CAN DANG NI MA 'ONGS PA DANG LDAN TE, DER SKYES KYANG RUNG DER MA SKYES KYANG RUNG STE, DE LA BRTEN PA CAN DANG LDAN NO, ,DMYAL PA DANG, BYANG GI SGRA MI SNYAN BDAG MA GTOGS PA ZHES BYA BA NI DE NA YANG DAG PAR BLANGS PA'I TSUL KHRIMS MED PA'I PHYIR RO, ,GZHAN DAG NA NI GNYIG YOD DO ZHES BYA BA NI LHA DANG, DMYAL BA DANG, BYANG GI SGRA MI SNYAN PA MA GTOGS PA DAG NA NI SDOM PAR MA GTOGS PA DANG, SDOM PAS BSDUS PA GNYIG YOD @68B DO; ,SDOM PA RNAM PA GSUM PO SO SOR THAR PA'I SDOM PA DANG, BSAM GTAN GYI SDOM PA DANG, ZAG PA MED PA'I SDOM PA CI RIGS PAR GZUNG BAR BYA'O, ,KUN DU BRTEN PA DANG, GOMS PAR BYAS PA DANG, LAN MANG DU BYAS PA ZHES BYA BA NI SBYOR BA DANG, DNGOS DANG, MJUG GI GNAS SKABS DAG TU'O, ,'O NA CI ZHE NA, TSE THUNG NGUR 'GYUR BA ZHES BYA BA NI TSE THUNG BA NYID RGYU MTHUN PA'I 'BRAS BU YIN NO ZHES BYA BAR STON TO, ,PHYI'I DNGOS PO RNAMS NI SMAN DANG, SA LA SOGS PA'O, ,GZI MTHU CHUNG BA NI MTHU CHUNG BA'O, ,SER BA DANG, CHAR PA MANG BA ZHES BYA BA LA, SER PA NI SER DRAG GO, ,CHAR PA NI RDUL 'BAB PA 'AM BTZA' 'BYUNG BA STE, GANG GIS NA 'BRU LA SOGS PA MA RUNGS PAR 'GYUR BA'O, ,RDUL GYIS 'KHRIGS PAR 'GYUR ZHES BYA BA NI RDUL GYIS KHEBS PAR 'GYUR BA'O, ,MTHO DMAN CAN DU 'GYUR RO ZHES BYA BA NI THAG THUG CAN DU 'GYUR BA'O, ,TSA SGO CAN DANG DGON DUNG NI TSA SGO CAN DANG DGON DUNG NGO, ,DE DAG KYANG GANG ZHE NA, PHYI'I DNGOS PO ZHES BYA BAR SKABS DANG SBYAR TE, DE LTA BU'I SAR 'GYUR RO SNYAM DU BSAM PA YIN NO, ,THA CHAD NI SMAD PA YIN NO, ,DUS LOG PA CAN ZHES BYA BA NI 'DI DAG LA DUS LOG PA YOD PAS NA DUS LOG PA CAN TE; 'BRU LA SOGS PA'I SMAN DAG YIN TE, GANG DU CHAR PA 'BAB PA'I RGYU DER NI CHAR PA MI 'BAB CING, GANG DU GRANG BA'I RGYU DER NI MI GRANG LA, GANG DU DRO BA'I RGYU DER NI MI DRO ZHES BYA BAR SBYAR RO, ,DE NI RNAM PAR SMIN PA'I 'BRAS BU YIN LA ZHES BYA BA NI SEMS CAN GYI RGYUD LA YOD PA'O, ,'DI NI RGYU MTHUN PA'I 'BRAS BU YIN NO ZHES BYA BA NI PHYI'I DNGOS PO YIN PAS DE RNAM PAR SMIN PA'I 'BRAS BU NI MA YIN NO, ,DER NI SBYOR BAS YIN LA ZHES BYA BA RGYAS PAR 'BYUNG BA NI SROG GCOD PA'I SBYOR BA NI DMYAL BAR SDUG BSNGAL MI BZAD PA NYAMS SU MYONG BAR 'GYUR TE, SROG GCOD PA'I SBYOR BA BYED PA NA GSAD PAR BYA BA'I SROG CHAGS SHIN TU SDUG BSNGAL BAR 'GYUR RO, ,'DIR NI DNGOS KYIS TSE THUNG BAR 'GYUR TE, JI LTAR GSAD PAR BYA BA'I SROG CHAGS DE'I SROG GCAD PA LTAR 'DIR YANG DE DANG 'DRA BA KHO NA YIN NO, ,LAS KYI LAM DNGOS NI SKAD CIG MA GCIG KHO NA YIN NO, ,DE NA YANG @69A *, ,SDUG BSNGAL GYI TSOR BA MED PAS 'DIR NI DNGOS KYI YIN TE ZHES BRJOD PAR RIGS SO, ,SMRAS PA GAL TE DER NI SBYOR BAS YIN LA, 'DIR NI DNGOS KYIS YIN NA CI'I PHYIR 'DI SKAD DU SROG GCOD PA KUN DU BSTEN PA DANG, GOMS PAR BYAS PA DANG, LAN MANG DU BYAS PAS DMYAL BDAG GI NANG DU SKYE PAR 'GYUR RO ZHES GSUNGS TE, MDO'I DON NI SROG GCOD PA DNGOS KYIS ZHES BYA BA YIN NO ZHES BYA BAR MTHONG NAS DE SKAD DU 'DRI BA YIN NO, ,'KHOR DANG BCAS PA SMOS PA'I PHYIR ZHES BYA BA NI SROG GCOD PA NI DNGOS KHO NA YIN NO, ,DE'I 'KHOR NI SBYOR BA YIN TE, SBYOR BA DE LA SROG GCOD PA NYE BAR GDAGS PA MDZAD NAS 'DI SKAD DU, SROG GCOD PAS ZHES BYA BA RGYAS PAR BSHAD PA YIN NO, ,GNYIS PO 'DI LAS MI 'DA'I ZHES BYA BA NI RNAM PAR SMIN PA'I 'BRAS BU DANG, BDAG PO'I 'BRAS BU ZHES BYA BA STE, RANG GI RGYUD LA YOD PA NI RNAM PAR SMIN PA'I 'BRAS BU YIN LA, GZHAN LA YOD PA NI BDAG PO'I 'BRAS BU YIN PA'I PHYIR RO, ,'DRA BA'I KHYAD PAR LAS DE SKAD DU BSHAD PAR ZAD DO ZHES BYA BA NI SROG YID DU 'ONG BA 'CHAD PA DANG, LONGS SPYOD KYIS PHONGS PA LA SOGS PA'I KHYAD PAR LAS DE SKAD DU, BRGYA LA 'DI LTA BUR MI RNAMS DANG SKAL BA MNYAM PAR 'ONG NA YANG SROG GCOD PAS NI TSE THUNG BAR 'GYUR LA, MA BYIN PAR LEN PAS NI LONGS SPYOD KYIS PHONGS PAR 'GYUR RO ZHES RGYAS PAR BSHAD PAR ZAD DE, 'DI LA NI RGYU DANG 'BRAS BU DAG 'DRA BA NYID YIN NO, ,DE BZHIN DU DGE BA DAG LA YANG RGYU MTHUN PA'I 'BRAS BU NI RNAM PAR SMIN PA'I 'BRAS BU DANG, BDAG PO'I 'BRAS BU LAS MI 'DA'I 'DRA BA'I KHYAD PAR LAS DE SKAD DU, BRGYA LA 'DI LTA BUR MI RNAMS DANG SKAL BA MNYAM PAR 'ONG NA YANG SROG GCOD PA SPONG BAS NI TSE RING POR 'GYUR RO ZHES BSHAD PAR ZAD DO ZHES BYA BAR RGYAS PAR BRJOD PAR BYA'O, ,GZHAN DAG LA YANG DE BZHIN DU SBYAR BAR BYA'O ZHES BYA BA NI MA BYIN PAR LEN PAS NI RDZAS KYI BDAG PO SDUG BSNGAL BSKYED PA DANG, LONGS SPYOD KYIS PHONGS PAR BYAS PA DANG, GZI BYIN MED PAR BYAS PA YIN TE, DE'I PHYIR 'DI SDUG BSNGAL BAR BYAS PA DANG, LONGS SPYOD BOR BAR BYAS PA DANG, GZI BYIN MED PAR BYAS PA'I PHYIR 'BRAS BU RNAM @69B PA GSUM DU 'GYUR RO, ,JI LTAR GZI BYIN MED PAR BYAS SHE NA, DE'I RGYU MED PAR BYAS PAS LONGS SPYOD KYIS PHONGS PAR BYAS PAS DE LA GNOD PA'I PHYIR RO, ,DE NYID KYI PHYIR MA BYIN PAR LEN PAS NI SER BA DANG, CHAR PA MANGS PAR 'GYUR RO ZHES BYA STE, DES DE'I GZI BYIN LA GNOD PA DANG BCAS PAR 'GYUR BAS SO, ,DE BZHIN DU GZHAN GYI BUD MED LA NYAL PO BYED PAS NI GZHAN SDUG BSNGAL BSKYED PA DANG, CHUNG MA DGRA DANG BCAS PAR BYAS PAS NI 'JIG RTEN NA GZI BYIN GANG GIS GZI DANG BCAS PA'O ZHES NGES PAR BRJOD PA'I GZI BYIN MED PAR BYAS PA YIN TE, DE NYID KYI PHYIR 'DOD PAS LOG PAR G-YEM PAS NI RDUL GYIS 'KHRIGS PAR 'GYUR RO ZHES BSHAD DO, ,DE BZHIN DU GZHAN DAG LA YANG SBYAR BAR BYA STE, 'DI NI PHYOGS YIN NO, ,THAMS CAD MI DGE BA LAS BZLOG STE SBYAR BAR BYA'O ZHES BYA BA JI LTA ZHE NA, MA BYIN PAR LEN PA SPONG PA KUN DU BSTEN PA DANG, GOMS PAR BYAS PA DAG LAN MANG DU BYAS PAS LHA DAG GI NANG DU SKYE BAR 'GYUR RO, ,BRGYA LA 'DI LTA BUR MI RNAMS DANG SKAL BA MNYAM PAR 'ONG NA YANG LONGS SPYOD KYIS MI PHONGS PAR 'GYUR RO, ,DE BZHIN DU 'DOD PAS LOG PAR G-YEM PA SPONG BA KUN DU BRTEN PA DANG, GOMS PAR BYAS PA DANG ZHES BYA BA RGYAS PAR BRJOD NAS, MI RNAMS DANG SKAL BA MNYAM PAR 'ONG NA YANG SKUR PA NYUNG BAR 'GYUR RO ZHES BYA BA'I BAR BRJOD DO, ,PHYOGS 'DIS THAMS CAD SBYAR BAR BYA'O, ,LTA BA SNA TSOGS PA'I ZHES BYA BA NI NGO MTSAR DANG, BKRA SHIS DANG, TSES GRANGS DANG, YUD TZAM DANG, RGYU SKAR LA SOGS PA'I LTA BA CAN GYI'O, ,GZHAN LA 'TSO BA RAG LUS PA'I ZHES BYA BA NI BSOD SNYOMS LA BRTEN NAS ZHES 'BYUNG BA'I PHYIR TE, GZHAN LA 'TSO BA RAG LAS PA'I DGE SLONG DE'I 'TSO BA NI TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA DANG, RNYED PAS RNYED PAR BYED 'DOD PAS LOG PAR 'GYUR TE, 'TSO BA'I TSUL DE DAG NI SPYAD DKA' BA YIN NO, ,TSUL KHRIMS KYI PHUNG PO'I MDO LAS ZHES BYA BA NI TSUL KHRIMS KYI PHUNG PO ZHES BYA BA'I LE'U STE, DE LAS DBYU GU GSUM PA DE LA 'DI LTA STE, DGE SBYONG NGAM, BRAM ZE KHA CIG DAD PAS BYIN PA YONGS SU @70A *, ,LONGS SPYAD NAS LTAD MO SNA TSOGS 'DI LTA STE, GLANG PO 'THAB PA DANG, RTA 'THAB PA DANG, SHING RTA 'THAB PA DANG, RKANG THANG 'THAB PA DANG, DBYUG PAS 'THAB PA DANG, KHU TSUR GYIS 'THAB PA DANG, STOBS 'GYED PA DANG, KHYU MCHOG 'THAB PA DANG, MA HE 'THAB PA DANG, RA 'THAB PA DANG, LUG 'THAB PA DANG, KHYIM BYA 'THAB PA DANG, BYE'U BAR TA KA 'THAB PA DANG, PHAG 'THAB PA DANG, BUD MED 'THAB PA DANG, SKYES PA 'THAB PA DANG, GZHON NU 'THAB PA DANG, GZHON NU MA 'THAB PA DANG, DGRA NANG NAS 'THAB PA DANG, PAR[?] STOBS BYED PA DANG, RGYAL MTSAN GYI RTZE MO DANG, DPUNG DANG, DMAG GI TSOGS DANG, DMAG BYIN PO STON PA LA LTA BAR RTZOM PA'I BRTZON PA DANG LDAN PAR GNAS PA 'AM, 'DUS PA CHEN PO NYAMS SU MYONG BAR BYED DE, DGE SLONG NI DE LTA BU'I LTAD MO SNA TSOGS LTA BAR RTZOM PAR BRTZON PA SPONG PA YIN NO, ,DBYU GU GSUM PA DE LA 'DI LTA STE, DGE SBYONG NGAM BRAM ZE KHA CIG DAD PAS BYIN PA YONGS SU LONGS SPYAD NAS, SGRA SNA TSOGS 'DI LTA STE, GLANG PO CHE'I SGRA DANG, SHING RTA'I SGRA DANG, RKANG THANG GI SGRA DANG, DUNG GI SGRA DANG, RNGA BO CHE'I SGRA DANG, RNGA AA RAm BHA RA'I SGRA DANG, GANG GYI SGRA DANG, GLU'I SGRA DANG, SE GOL GYI SGRA DANG, LAG PA'I SGRA DANG, RDZA MA'I SGRA MNYAN PAR RTZOM PA LA BRTZON PA DANG LDAN PAR GNAS SHING, KHA CIG NI SNYAN DANG [?] YI GE SNA TSOGS PA DANG, 'JIG RTEN RGYA PHAN PA DANG LDAN PA'I TSIG DANG, YI GE SNA TSOGS BSNYAD PAR NYAN PAR 'DOD DE, DGE SBYONG GI SGRA SNA TSOGS PA DE LTA BU MNYAN PAR RTZOM PA'I BRTZON PA SPONG BA YIN NO ZHES BYA BA DE LTA BU LA SOGS PA BSHAD PA YIN NO, ,LOG PA'I YUL LA YONGS SU LONGS SPYOD PA'I PHYIR RO ZHES BYA BA NI YANG DAG PA MA YIN PA'I YUL LA YONGS SU LONGS SPYOD PA'I PHYIR RO, , GONG DU 'BRAS BU LNGA BSHAD PA GANG DAG YIN PA ZHES BYA BA NI BDAG PO'I 'BRAS BU DANG, SKYAS BU BYED PA'I 'BRAS BU DANG, RGYU MTHUN PA'I 'BRAS BU DANG, RNAM PAR SMIN PA'I 'BRAS BU DANG BRAL BA'I 'BRAS BU'O, ,SPONG BA'I PHYIR LAM YIN PA ZHES BYA BA NI NGO BOR BSGRUB PA YIN TE, SPONG @70B BA'I CHED KYI LAM NI SPONG BA'I LAM ZHES BYA'O, ,'DIS NYON MONGS PA SPONG BAR BYED PAS ZHES BYA BA NI BYED PAR BSGRUB PA YIN TE, SPONG BA YANG YIN LA LAM ZHES BYA BA YANG YIN PAS ZHES BYA BAR TSIG RNAM PAR SBYAR RO, ,TING NGE 'DZIN LAS SKYES PA'I CHOS 'DRA BA PHYI MA RNAMS SO ZHES BYA BA LA; TING NGE 'DZIN LAS SKYES PA ZHES BYA BA SMOS PA NI MNYAM PAR GZHAG PA MA YIN PA BSAL BA'I PHYIR RO, ,'DRA BA SMOS PA NI ZAG PA MED PA DANG, LUNG DU MA BSTAN PA BSAL BA'I PHYIR RO, ,LHAN CIG 'BYUNG BA ZHES BYA BA NI DE LA YOD PA MTSUNGS PAR LDAN PA TSOR BA LA SOGS PA DANG LDAN PA MA YIN PA SKYE BA LA SOGS PA'O, ,GANG YANG MA 'ONGS PA THOB PA ZHES BYA BA NI DE'I STOBS KYIS CHOS MA 'ONGS PA 'THOB PA GANG YIN PA DE YANG SKYES BU BYED PA'I 'BRAS BU YIN NO, ,DE NYID KYI PHYIR SPANGS PA DE YANG SKYES BU BYED PA'I 'BRAS BUR RNAM PAR GZHAG GI ,BRAL BA'I 'BRAS BU [?] ZHIG TU NI MA YIN NO, ,SNGAR BYUNG BA RNAMS MA GTOGS ZHES BYA BA NI SNGAR BYUNG BA NI 'BRAS BUR MI RUNG BA'I PHYIR TE, 'DI LTAR, SNGAR BYUNG MA YIN 'DUS BYAS NI, ,'DUS BYAS KHO NA'I BDAG PO'I 'BRAS, ,ZHES 'BYUNG BAS SO, ,RNAM PAR SMIN PA'I 'BRAS BU MA GTOGS SO ZHES BYA BA NI ZAG PA MED PA LA RNAM PAR SMIN PA MED PA'I PHYIR RO, ,DE'I RGYU MTHUN PA'I 'BRAS BU NI TING NGE 'DZIN LAS SKYES PA'I CHOS 'DRA BA PHYI MA RNAMS SO, ,BRAL BA'I 'BRAS BU NI BRAL BA KHO NA YIN TE, SPANGS PA GANG YIN PA DE YIN NO, ,SKYES BU BYED PA'I 'BRAS BU NI DAS DRANGS PA'I CHOS 'DI LTA STE, RNAM PAR GROL BA'I LAM DANG, DE DANG LHAN CIG 'BYUNG BA DANG, GANG YANG MA 'ONGS PA 'THOB PA DANG, SPANGS PA DE YANG YIN NO, ,BDAG PO'I 'BRAS BU NI SNGAR 'BYUNG BA MA GTOGS PAR RANG GI NGO BO LAS GZHAN PA'I 'DU BYED THAMS CAD DO, ,DGE DANG MI DGE GANG YIN PA'ANG, ,ZHES BYA BA'I SPONG BA'I LAM LAS GZHAN PA ZAG PA DANG BCAS PA'I LAS MNYAM PAR BZHAG PA DANG, MNYAM PAR MA BZHAG PA GANG YIN PA DE YANG BRAL BA'I 'BRAS BU MA GTOGS PA 'BRAS BU BZHIS 'BRAS BU DANG BCAS PA YIN TE, SPONG BA'I LAM MA YIN PA'I PHYIR BRAL BA'I 'BRAS BU NI MED DO, ,DE'I RNAM PAR @71A *, ,SMIN PA'I 'BRAS BU NI RANG GI SAR GTOGS PA'I RNAM PAR SMIN PA YID DU 'ONG BA 'AM, YID DU MI 'ONG BA YIN NO, ,RGYU MTHUN PA'I 'BRAS BU NI TING NGE 'DZIN LAS SKYES PA'I CHOS 'DRA BA PHYI MA RNAMS SO, ,SKYES BU BYED PA'I 'BRAS BU NI DES DRANGS PA'I CHOS LHAN CIG 'BYUNG BA 'AM, MJUG THOGS SU 'BYUNG BA RNAMS SO, ,LHAG MA BDAG PO'I 'BRAS BU NI SNGA MA BZHIN NO, ,ZAG PA MED PA LHAG MA DANG, ,ZHES BYA BA LA, LHAG MA ZHES SMOS PA NI SPONG BA'I LAM BSAL BA'I PHYIR RO, ,DE YANG SBYOR BA DANG, RNAM PAR GROL BA DANG, KHYAD PAR GYI LAM DAG LA YOD PA GANG YIN PA STE, DE NI SPONG BA'I LAM MA YIN PA'I PHYIR BRAL BA'I 'BRAS BU YANG MED LA, ZAG PA MED PA YIN PA'I PHYIR RNAM PAR SMIN PA'I 'BRAS BU YANG MED DO, ,LHAG MA NI SNGA MA BZHIN DU YOD DO, ,LUNG DU MA BSTAN PA'I LAS GANG YIN PA STE, BSGRIBS LA LUNG DU MA BSTAN PA DANG, MA BSGRIBS LA LUNG DU MA BSTAN PA DE YANG GSUM GYIS 'BRAS BU DANG BCAS PA YIN TE, SPONG BA'I LAM MA YIN PA'I PHYIR DE LA BRAL BA'I 'BRAS BU YANG MED LA, LUNG DU MA BSTAN PA YIN PA'I PHYIR RNAM PAR SMIN PA'I 'BRAS BU YANG MED DO, ,LHAG MA NI SNGA MA BZHIN DU YOD PA KHO NA'O, ,DGE BA'I DGE BA LA SOGS PA NI, BZHI DANG GNYIS DANG DE BZHIN GSUM, ,ZHES BYA BA 'DI NI GO RIMS JI LTA BA BZHIN TE, JI LTA ZHE NA, DGE BA'I 'BRAS BU CHOS DGE BA NI BZHI'O, ,DE NYID KYI 'BRAS BU MI DGE BA NI GNYIS SO, ,DE NYID KYI 'BRAS BU LUNG DU MA BSTAN PA NI GSUM MO ZHES BYA BA YIN NO, ,RNAM PAR SMIN PA'I 'BRAS BU MA GTOGS SO ZHES BYA BA NI RNAM PAR SMIN PA NI LUNG DU MA BSTAN PA YIN PA'I PHYIR RO, ,MI DGE BA GNYIS TE ZHES BYA BA NI SKYES BU BYED PA DANG, BDAG PO'I 'BRAS BU DAG GO, ,RGYU MTHUN PA'I 'BRAS BU NI MED DE, 'DI LTAR DGE BA RNAMS KYI SKAL BA MNYAM PA'I RGYU NI CHOS DGE BA RNAMS YIN PAS SO, ,RNAM PAR SMIN PA'I 'BRAS BU YANG MED DE, 'DI LTAR RNAM PAR SMIN PA NI LUNG DU MA BSTAN PA YIN PA'I PHYIR LA, MI DGE BA DAG NI RNAM PAR SMIN PA'I PHYIR LUNG DU MA BSTAN PA YIN PAS SO, ,BRAL BA'I 'BRAS BU YANG MED DE, MI DGE BA YIN PA'I PHYIR RO, ,SHUGS KYIS NA SKYES BU @71B BYED PA DANG, BDAG PO'I 'BRAS BU DAG YIN TE, DE DAG NI SNGA MA BZHIN DU BSHAD PAR BYA'O, ,LUNG DU MA BSTAN PA NI BZHI STE ZHES BYA BA JI LTAR MI DGE BA'I RGYU MTHUN PA'I 'BRAS BU LUNG DU MA BSTAN PA'I CHOS DAG YIN ZHE NA, JI LTAR YIN PAR MI 'GYUR, MI 'DRA BA'I PHYIR TE, RNAM PAR SMIN PA DANG BCAS PA DANG, RNAM PAR SMIN PA MED PA YIN PA'I PHYIR TE, MI DGE BA NI LUNG DU MA BSTAN PA'I CHOS DAG DANG MI 'DRA'O ZHE NA DE NI NYES PA MED DE, MI DGE BA DANG LUNG DU MA BSTAN PA'I CHOS RNAMS NI NYON MONGS PA CAN DU 'DRA BA NYID KYIS 'DRA BA YOD DO, ,DE LTA BAS NA BSGRIBS LA LUNG DU MA BSTAN PA RNAMS KYANG MI DGE BA DAG GI RGYU MTHUN PA'I 'BRAS BUR RUNG LA, MI DGE BA RNAMS KYANG BSGRIBS LA LUNG DU MA BSTAN PA DAG GI RGYU MTHUN PA'I 'BRAS BUR RUNG NGO, ,DE'I PHYIR, LUNG DU MA BSTAN PA ZHES BYA BA RGYAS PAR SMOS TE, 'JIG TSOGS DANG, MTHAR 'DZIN PAR LTA BA DAG NI MI DGE BA KUN DU 'GRO BA SDUG BSNGAL DANG, KUN 'BYUNG BA MTHONG BAS SPANG BAR BYA BA RNAMS DANG, SDUG BSNGAL MTHONG BAS SPANG BAR BYA BA 'DOD CHAGS LA SOGS PA'I RGYU MTHUN PA'I 'BRAS BU YIN TE, SKAL MNYAM KUN DU 'GRO BA YI, ,'BRAS BU RGYU MTHUN ZHES 'BYUNG BA'I PHYIR RO, ,MI DGE BA RNAMS NI ZHES BYA BA RGYAS PAR 'BYUNG BA NI, SDUG BSNGAL LA SOGS PA MTHONG BAS SPANG BAR BYA BA'I MI DGE BA RIS LNGA PA RNAMS NI LUNG DU MA BSTAN PA'I 'JIG TSOGS DANG, MTHAR 'DZIN PAR LTA BA GNYIS KYI 'BRAS BU YIN NO, ,DE DAG KHO NA YIN NO ZHES BYA BA NI RNAM PAR SMIN PA DANG BRAL BA'I 'BRAS BU MA GTOGS PA GSUM MO, ,'DAS PA'I LAS KYI 'BRAS BU DUS GSUM PA 'DAS PA DANG, MA 'ONGS PA DANG, DA LTAR BYUNG BA'I CHOS NI BZHI'O, ,BRAL BA'I 'BRAS BU NI MA GTOGS SO ZHES BYA BA NI DE NI KHAMS SU MA GTOGS PA'I PHYIR RO, ,JI LTAR BYAS PAS SHE NA, 'DAS PA'I LAS KYI RNAM PAR SMIN PA'I 'BRAS BU NI DE'I RNAM PAR SMIN PA 'DAS PA PHYI MA YIN NO, ,SKYES BU BYED PA'I 'BRAS BU NI DES DRANGS PA 'DAS PA LHAN CIG SKYES PA 'AM, PHYIS MJUG THOGS SU 'DAS PA YIN NO, ,BDAG PO'I 'BRAS BU NI 'DAS PA DE DANG LHAN CIG 'BYUNG BA RANG GI NGO BO MA GTOGS PA @72A *, ,RNAMS DANG, PHYIS 'BYUNG BA'I CHOS RNAMS YIN NO, ,RGYU MTHUN PA'I 'BRAS BU NI PHYIS 'BYUNG BA'I CHOS 'DRA BA RNAMS YIN NO, ,'DAS PA'I RNAM PAR SMIN PA'I 'BRAS BU MA 'ONGS PA NI DE'I RNAM PAR SMIN PA YIN NO, ,SKYES BU BYED PA'I 'BRAS BU NI GANG GI STOBS KYIS CHOS MA 'ONGS PA 'THOB PA DE YIN NO, ,BDAG PO'I 'BRAS BU NI DE'I 'BRAS BU MA 'ONGS PA GANG YIN PA'O, ,RGYU MTHUN PA'I 'BRAS BU NI DE DANG 'DRA BA MA 'ONGS PA YIN NO, ,DA[?] LTAR BYUNG BA DAG KYANG DE DANG 'DRA STE, 'DAS PA DE'I 'BRAS BU BZHI SBYAR BAR BYA'O, ,BAR MA YI NI MA 'ONGS PA'ANG, ,ZHES BYA BA NI DA LTAR BYUNG BA'I 'BRAS BU CHOS MA 'ONGS PA YANG BZHI'O, ,DE DAG NYID DO ZHES BYA BA NI BRAL BA'I 'BRAS BU MA GTOGS PA ZHES BYA BA'I THA TSIG STE, DE DAG KYANG DE KHO NA BZHIN DU SBYAR BAR BYA'O, ,DA LTAR BYUNG BA'I 'BRAS BU DE LTAR BYUNG BA'I CHOS NI GNYIS TE ZHES BYA BA NI DE DANG LHAN CIG BYUNG BA NI DE'I STOBS LAS SKYES PA YIN PAS SKYES BU BYED PA'I 'BRAS BU DANG, BDAG PO'I 'BRAS BU KHO NA YIN GYI, BRAL BA'I RANG BZHIN MA YIN PA'I PHYIR BRAL BA'I 'BRAS BU YANG MED CING, SNGA PHYI NYID MED PA'I PHYIR RGYU MTHUN PA'I 'BRAS BU YANG MED LA, RNAM PAR SMIN PA NI RGYU LA LTOS PA'I PHYIR DA LTAR GYI RNAM PAR SMIN PA'I 'BRAS BU DA LTAR BYUNG BA YANG MED DO, ,RGYU MTHUN PA DANG, BRAL BA'I 'BRAS BU DAG MA GTOGS SO ZHES BYA BA NI MA 'ONGS PA'I RGYU MTHUN PA'I 'BRAS BU MA 'ONGS PA NI MED DE, 'DI LTAR MA 'ONGS PA'I SKAL BA MNYAM PA DANG, KUN DU 'GRO BA'I RGYU DAG MED DE, DE NA 'TSOL BAR 'DUG PA'I PHYIR DANG, 'DRA BA NYID KYI PHYIR 'DI'I 'BRAS BU 'DI'O ZHES YONGS SU GCAD PAR MI NUS PA'I PHYIR RO, ,BRAL BA'I 'BRAS BU YANG MED DE, 'DI LTAR BRAL BA NI MA 'ONGS PA YANG MA YIN NO, ,RNAM PAR SMIN PA'I 'BRAS BUR NI 'BYUNG STE, MI DGE BA'AM DGE BA ZAG PA DANG BCAS PA MA 'ONGS PA'I RNAM PAR SMIN PA'I 'BRAS BU MA 'ONGS PA NI PHYIS SKYE BAR 'GYUR BA YIN NO, ,SKYES BU BYED PA'I 'BRAS BU NI MA 'ONGS PA LHAN CIG SKYES PA DANG, MA 'ONGS PA MJUG THOGS SU 'BYUNG BA YIN NO, ,BDAG PO'I 'BRAS BU NI RTOGS PAR SLA BAS YANG MI BRJOD DO, ,BRAL BA NI SA'I RANG BZHIN MA YIN PA'I PHYIR BRAL BA'I @72B 'BRAS BU RANG GI SA PA'I CHOS NI MED DO, ,GAL TE GZHAN GYI SA PA'I CHOS ZAG PA MED PA ZHIG YIN NA NI 'BRAS BU GSUM STE ZHES BYA BA NI GRUB PA'I MTHA' LAS, SA DGU'I LAM NI PHAN TSUN DU, ,ZHES 'BYUNG BAS GSUM PA RGYU MTHUN PA'I 'BRAS BU SRID PA'I PHYIR RO, ,SLOB PA NI LAS KYI 'BRAS BU SLOB PA'I CHOS GSUM STE, 'DI LTAR RNAM PAR SMIN PA YANG SLOB PA MA YIN PA LA, BRAL BA YANG SLOB PA MA YIN PAS SO, ,SLOB PA YANG MA YIN MI SLOB PA YANG MA YIN PA YANG GSUM STE ZHES BYA BA NI SLOB PA LA RNAM PAR SMIN PA MED PA'I PHYIR RNAM PAR SMIN PA'I 'BRAS BU YANG MED LA, SLOB PA NI SLOB PA YANG MA YIN MI SLOB PA YANG MA YIN PA DANG MI 'DRA BA'I PHYIR RGYU MTHUN PA'I 'BRAS BU YANG MED DO, ,BRAL BA'I 'BRAS BU NI 'GYUR TE, BRAL BA NI SLOB PA YANG MA YIN MI SLOB PA YANG MA YIN PA'I RANG BZHIN YIN PA'I PHYIR RO, ,SKYES BU BYED PA'I 'BRAS BU YANG YOD DE, SLOB PAS SLOB PA YANG MA YIN, MI SLOB PA YANG MA YIN PA 'THOB PAR SRID PA'I PHYIR RO, ,BDAG PO'I 'BRAS BU YANG YOD PA DE KHO NA YIN TE, DE LTAR NA GSUM SRID DO, ,MI SLOB LAS KYI 'BRAS BU NI, ,ZHES BYA BA RGYAS PAR 'BYUNG BA NI MI SLOB PA'I LAS KYI 'BRAS BU SLOB PA'I CHOS NI GCIG STE, BDAG PO'I 'BRAS BU'O, ,DMAN PA YIN PA'I PHYIR RGYU MTHUN PA'I 'BRAS BU NI MED DE, MNYAM DANG KHYAD PAR CAN GYI YIN, ,ZHES 'BYUNG BA'I PHYIR RO, ,LHAN CIG DANG MJUG THOGS SU SKYE BA MED PA'I PHYIR SKYES BU BYED PA'I 'BRAS BU YANG MED DO, ,MI SLOB PA'I MJUG THOGS SU SLOB PA NI MI 'BYUNG STE, YONGS SU NYAMS PA'I TSE NA YANG NYON MONGS PA KUN DU 'BYUNG BAS BAR DU CHOD PA'I PHYIR RO, ,RNAM PAR SMIN PA'I 'BRAS BU DANG, BRAL BA'I 'BRAS BU YANG SLOB PA YANG MA YIN MI SLOB PA YANG MA YIN PA'I PHYIR LA, MI SLOB PA LA YANG RNAM PAR SMIN PA MED PAS DE'I PHYIR RNAM PAR SMIN PA'I 'BRAS BU YANG MED DO, ,MI SLOB PA NI GSUM STE ZHES BYA BA NI SKYES BU BYED PA DANG, BDAG PO DANG, RGYU MTHUN PA'I 'BRAS BU RNAMS SO, ,RNAM PAR SMIN PA'I 'BRAS BU DANG, BRAL BA DAG NI MED DE, DE GNYIS NI SLOB PA YANG MA YIN @73A *, ,MI SLOB PA YANG MA YIN PA'I RANG BZHIN YIN PA'I PHYIR LA, 'DIR NI MI SLOB PA'I NGO BO NYID GANG YIN PA DE BSAM PAR BYA BA YIN PAS SO, ,SLOB PA YANG MA YIN MI SLOB PA YANG MA YIN PA NI GNYIS TE, SKYES BU BYED PA DANG, BDAG PO'I 'BRAS BU DAG GO ZHES BYA BA LA; SKYES BU BYED PA'I 'BRAS BU NI 'DI LTA STE, DES DRANGS PA'I CHOS MJUG THOGS SU 'BYUNG BA RNAMS YIN NO, ,BDAG PO'I 'BRAS BU NI SNGA MA BZHIN NO, ,JI SKAD BSHAD PA'I GTAN TSIGS KYIS NA 'BRAS BU GSUM NI MED DO, ,MI SLOB PA YANG DE DANG 'DRA'O ZHES BYA BA NI GNYIS TE, SKYES BU BYED PA DANG, BDAG PO'I 'BRAS BU DAG GO ZHES BYA BA'I THA TSIG GO, ,DE LA SOGS PA ZHES BYA BA NI MTHONG BAS SPANG BAR BYA BA LA SOGS PA'O, ,DE DAG CES BYA BA NI MTHONG BAS SPANG BAR BYA BA LA SOGS PA'O, ,BSGOM PAS SPANG BAR BYA BA NI GNYIS TE ZHES BYA BA LA, SKYES BU BYED PA'I 'BRAS BU NI ZAG PA MED PA'I LAM LAS LANGS PA'I TSE DGE BA BSGOM PAS SPANG BAR BYA BA RNAMS YIN NO, ,THOG MA DANG THA MA BZHIN ZHES BYA BA RGYAS PAR 'BYUNG BA NI THOG MA DANG THA MA DAG LTA BUR TE, YANG GO RIMS BZHIN ZHES SMOS PA NI DBUS SU YANG THOG MA DANG THA MA BZHIN SHES PAR BYA BA'I PHYIR RO, ,JI LTA ZHE NA, THOG MAR NI GO RIMS BZHIN GYI DON RIM PA BZHIN ZHES BYA BA'I SGRAR SBYAR BA YIN TE, MI DGE'I DGE SOGS GNYIS DANG NI, ,GSUM DANG BZHI STE GO RIMS BZHIN, ,ZHES 'BYUNG BA'I PHYIR RO, ,THA MAR YANG, SPANG BYA MIN PA'I DE DAG GCIG ,GNYIS DANG BZHI STE GO RIMS BZHIN, ,ZHES SBYAR BA YIN TE, JI LTAR DE LTAR THOG MA DANG THA MA DAG TU GO RIMS BZHIN GYI DON BSHAD PA LTAR DBUS SU YANG DE DANG 'DRA BAR KHONG DU CHUD PAR BYA'O, ,DE NI MTHUN PAR SBYAR BA'I CHOS YIN NO ZHES BYA BA DE NI MDOR BSDU BA'I TSUL YIN NO, ,DE LTA MA YIN NA, LUNG BSTAN MIN GYI DGE LA SOGS, ,DE DAG GNYIS DANG GSUM DANG GSUM, ,ZHES BYA BA DE LTA BU LA SOGS PA THAMS CAD GO RIMS BZHIN NO ZHES BYA BA BRJOD DGOS SO, ,TSUL BZHIN MA YIN PA YID LA BYED PA LAS BYUNG BA NYID KYI PHYIR RO ZHES BYA BA NI YID LA BYED PA @73B GANG ZHIG TSUL BZHIN MA YIN ZHING RIGS PA MA YIN LA, NYON MONGS PA DANG LDAN PAR ZHUGS PA GANG YIN PA DE DE LAS BYUNG BA'O, ,DE'I NGO BO NYID DE DE'I PHYIR RO, ,GANG GIS JI LTAR 'GRO BAR BYA BA STE, GANG ZAG GANG ZHIG GIS JI LTAR 'GRO BAR BYA BA DE LTAR MI 'GRO BAS 'DI'I LAS NI RIGS PA MA YIN PAS SKYES PA YIN NO, ,CHO GA NYAMS PA YANG YIN NO ZHES BYA BA LA, YANG ZHES BYA BA'I SGRAS NI NYON MONGS PA CAN YANG YIN NO ZHES BYA BAR BSDU BA YIN NO, ,DE GNYIS LAS GZHAN PA NI GNYI GA MA YIN PA'O ZHES BYA BA NI RIGS PAS BSKYED PA YANG MA YIN LA, RIGS PA MA YIN PAS BSKYED PA YANG MA YIN PA'O, ,GZHAN DE YANG GANG ZHIG YIN ZHE NA, LUNG DU MA BSTAN PA'I LAS DANG, CHO GA NYAMS PA DANG CHO GA NYAMS PA MA YIN PA DAG LAS GZHAN PA'I LUNG DU MA BSTAN PA'O, ,SKYE BA ZHES BYA BA NI RIS MTHUN PA LA BYA STE ZHES BYA BA NI SEMS DANG LDAN PA MA YIN PA'I 'DU BYED YIN GYI, MTSAN NYID KYI SKYE BA NI MA YIN NO SNYAM DU BSAM PA YIN NO, ,'O NA GNAS BRTAN MA 'GAGS PAS ZHES BYA BA LA, TSIG GI DON NI GAL TE LAS GCIG KHO NAS SKYE BA GCIG KHO NA 'PHEN NA GNAS BRTAN MA 'GAGS PAS BDAG NI BSOD SNYOMS GCIG PO DE'I ZHES BYA BA RGYAS PAR SMRAS PA GANG YIN PA DE JI LTAR MI 'GAL ZHES BYA BA YIN TE, DES NI TSE RABS GZHAN NA RANG SANGS RGYAS SPYI GTZUG ME TOG TA GA RA LTA BU LA BSOD SNYOMS PHUL TE, DES NA 'DI SKAD DU BDAG NI BSOD SNYOMS GCIG PO DE'I ZHES BYA BA RGYAS PAR SMRAS SO, ,BSGYUR TE ZHES BYA BA NI BSGRUBS TE ZHES BYA BA'I THA TSIG GO, ,MIR 'DRA BA LA LA LA NI DBANG PO TSANG BA YIN LA, LA LA NI DBANG PO MA TSANG BA RDZOGS PAR BYED PA'I LAS THA DAD PA LAS GYUR TO ZHES BYA BAR MI 'THAD DO, ,DBANG PO DRUG 'PHEN PAR BYED PAS MIG LA SOGS PA NI 'PHEN PAR BYED PA'I LAS KYI 'BRAS BU YIN PA'I PHYIR RO, ,KHA DOG LA SOGS PA NI RDZOGS PAR BYED PA'I LAS KYI 'BRAS BU YIN PAS, MIR 'DRA BA LA LA LA NI KHA DOG BZANG LA, LA LA NI MA YIN NO ZHES BRJOD PAR NI MI RIGS SO ZHE NA, DE DAG 'BYUNG BA DANG 'GAL BA'I RKYEN SPANG BAR BYA BA LA RDZOGS PAR BYED PA'I LAS KYI NUS PA YOD PAS 'GAL BA MED DO, ,DE LTA MA YIN NA SKYE @74A *, ,BA 'PHEN PA YOD PHAN CHAD 'GA' YANG DBANG PO MA TSANG BAR MI 'GYUR RO, ,RNAM PAR SMIN PA DANG BCAS PA GZHAN YANG YIN NO ZHES BYA BA NI TSOR BA LA SOGS PA'O, ,LAS DANG LHAN CIG MI 'BYUNG BA'I PHYIR RO ZHES BYA BA NI 'DI LTAR SNYOMS PAR 'JUG PA DE DAG NI SEMS PA ZHES BYA BA'I LAS DANG LHAN CIG MI 'BYUNG LA, SEMS MED PA YIN PA'I PHYIR LUS DANG NGAG GI LAS DAG DANG YANG LHAN CIG MI 'BYUNG NGO, ,RNAM PAR SMIN PA DANG BCAS PA THOB PA RNAMS KYIS KYANG 'PHEN PA MA YIN TE, LAS DANG 'BRAS BU MI GCIG PA'I PHYIR RO, ,THOB PA RNAMS NI DE 'PHEN PAR BYED PA'I LAS DANG LHAN CIG PA YIN MOD KYI, DE DANG 'BRAS BU GCIG PA NI MA YIN TE, THOB PA RNAMS NI SHING GI PHYI[?] SHUN LTA BUR PHYI ROL NA GNAS PA YIN PAS SO, ,LAS KYI SGRIB PAS ZHES BYA BA NI LAS NYID SGRIB PA YIN ZHING, NYON MONGS PA NYID SGRIB PA YIN LA, RNAM PAR SMIN PA NYID SGRIB PA YIN PAS SO, ,'PHAGS PA'I LAM LA SBYOR BAR BYED PA'I DGE BA'I RTZA BA RNAMS ZHES BYA BA NI DRO BAR GYUR PA LA SOGS PA'O, ,NGAN SONG LA SOGS PAR NGES PAR 'GYUR BA ZHES BYA BA NI DMYAL BA DANG, DUD 'GRO DANG YI DAGS SU NGES PAR 'GYUR BA DAG GO, ,SOGS PA ZHES BYA BA'I SGRAS NI 'DU SHES MED PA'I SNYOMS PAR 'JUG PA DANG TSANGS PA CHEN POR 'GYUR BAR NGES PA'I LAS KYANG BSDU LA, ZA MA DANG, MA NING DANG, MTSAN GNYIS PAR 'GYUR BA YANG BRJOD PAR BYA'O, ,DE BZHIN DU SGO NGA LAS SKYE BAR 'GYUR BA DANG, DROD GSHER LAS SKYE BAR 'GYUR BA DANG, BUD MED NYID DU 'GYUR BA DANG, SRID PA BRGYAD PAR NGES PAR 'GYUR BA'I LAS DAG KYANG BRJOD PAR BYA STE, 'PHAGS PA NI DMYAL BA LA SOGS PAR YANG MI SKYE ZHING, SGO NGA LAS SKYE BA DANG, DROD GSHER LAS SKYE BA'I SKYE GNAS SU YANG MI SKYE LA, BUD MED NYID DANG, SRID PA BRGYAD PA YANG 'GRUB PAR MI BYED DE, RE LTAR THOGS NA SRID PA LAN BDUN PA YIN PA'I PHYIR RO, ,BSTAN PAR SLA ZHING ZHES BYA BA NI GZHAN DAG LA BSTAN SLA BAS NA BSTAN PAR SLA BA STE, BSTAN PA SLA BA NYID BSTAN PAR SLA BA DAG YIN NO, ,DE BZHIN DU BDAG NYID KYIS GDAGS SLA BAS NA GDAGS SLA @74B BA'O; ,GDAGS SLA BA NYID GDAGS PAR SLA BA DAG YIN NO, ,BSTAN PAR SLA BA DANG, GDAGS PAR SLA BA ZHES BYA BA 'DI GNYIS NI RNAM GRANGS KYANG YIN NO, ,GZHI ZHES BYA BA NI LAS KYI LAM GYI GZHI STE, MTSAMS MED PA GSUM GYI GZHI NI SROG GCOD PA'I LAS KYI LAM YIN NO; ,GCIG GI GZHI NI BRDZUN DU SMRA BA'I LAS KYI LAM YIN NO, ,LNGA BA'I GZHI NI SROG GCOD PAR SBYOR BA YIN TE, DE LTAR NA GZHI LAS BSTAN PAR SLA ZHING GDAGS PAR SLA BA DAG YIN NO, ,'BRAS BU NI THAMS CAD KYI 'BRAS BU YID DU MI 'ONG BA YIN PA'I PHYIR RO, ,'GRO BA NI DMYAL BA'I 'GRO BA THOB PAR BYED PA YIN NO, ,SKYE BA NI SKYES NAS MYONG BAR 'GYUR BA YIN PA'I PHYIR RO, ,GANG ZAG NI NYON MONGS PA CHEN PO KUN DU SPYOD PA'I PHYIR GANG ZAG 'DI NI PHA GSOD PAR BYED PA YIN NO ZHES BYA BA NAS, 'DI NI DE BZHIN GSHEGS PA'I SKU LA NGAN SEMS KYIS KHRAG 'BYIN PAR BYED PA YIN NO ZHES BYA BA'I BAR YIN NO, ,GZHAN DAG NA RE GZHI NI SNGA MA BZHIN NO, ,'BRAS BU NI 'BRAS BU DMYAL BA CAN YIN PA'I PHYIR RO, ,'GRO BA NI MI'I 'GRO BA CAN BYED PA'I PHYIR TE, MTSAMS MED GLING GSUM DAG NA YOD, ,CES 'BYUNG BAS SO, ,SKYE BA NI DE KHO NA DANG 'DRA BAR SKYES NAS MYONG BAR 'GYUR BA YIN PAS SO, ,GANG ZAG NI SKYES PA DANG BUD MED DAG YIN GYI, ZA MA DANG, MA NING DAG NI MA YIN TE, DE LTAR NA RGYU LNGAS BSTAN PAR SLA ZHING GDAGS PAR SLA BA DAG YIN GYI, NGAN SONG LA SOGS PAR NGES PAR 'GYUR BA'I LAS DE DAG NI RGYU LNGAS BSTAN PAR SLA ZHING; GDAGS PAR SLA BA MA YIN PAS DE DAG MA BSHAD DO ZHES ZER NA'O, ,PHYI MA PHYI MA 'DREN PA'I PHYIR RO ZHES BYA BA NI 'DI LTAR NYON MONGS PA'I SGRIB PAS NI LAS KYI SGRIB PA 'DREN PAR BYED LA, LAS KYI SGRIB PAS KYANG NGAN SONG DU RNAM PAR SMIN PA MI 'DOD PA 'DREN PAR BYED PAS NYON MONGS PA'I SGRIB PA NI THAMS CAD PAS SDIG CAN NO, ,LAS KYI SGRIB PA NI DE BAS YANG NGO, ,DE BAS NI RNAM PAR SMIN PA'I SGRIB PA STE, RNAM PAR SMIN PA'I SGRIB PA NI MTHONG BA'I CHOS KHO NA LA BYA BA BYED KYI, GNYIS PA LA NI MA YIN NO, ,PHA GSOD PA LA SOGS PA'I CHOS GANG DANG LDAN PA'I PHYIR DE BAR @75A *, ,CHAD MED PA YIN PA DE BRJOD PAR BYA BA LA, MTSAMS MED PA NYID DO ZHES NGO BO'I RKYEN YIN TE, DGE SBYONG NYID BZHIN NO, ,DPER NA ZAG PA MED PA'I LAM GANG DANG LDAN PAS DGE SBYONG YIN PA DE BRJOD PAR BYA BA LA, DGE SBYONG NYID NI DRI MED LAM, ,ZHES NGO BO'I RKYEN YIN PA DE DANG 'DRA'O; ,BYANG I SGRA MI SNYAN NA MED, ,CES BYA BA NI RANG BZHIN GYI TSUL KHRIMS DANG LDAN PA'I PHYIR DANG, DE NA BSTAN PA MED PA'I PHYIR RO, ,SDOM PA MED PA'I GTAN TSIGS GANG YIN PA DE NYID KYI PHYIR RO ZHES BYA BA NI SDIG PA DAG LA YANG BSAM PA MI BRTAN PA'I PHYIR DANG, GANG LA SDOM PA YOD PA DE LA SDOM PA MA YIN PA YANG YOD DE, GNYEN POR GYUR BA'I PHYIR RO, ,DE LTA BAS NA ZA MA LA SOGS PA LA SDOM PA MA YIN PA MED DO ZHES BSHAD PA GANG YIN PA'O, ,GANG DAG MED PAR BYAS PAS ZHES BYA BA NI DE DAG KYANG PHA MA LA NGO TSA DANG, KHREL GANG ZHIG MED PAR BYAS SHING NYAMS PAR BYAS PAS ZA MA LA SOGS PA MTSAMS MED PA'I KHA NA MA THOBS REG PAR 'GYUR BA SHAS CHEN POR MI 'GYUR TE, DE'I PHYIR DE DAG GIS MTSAMS MED PA YIN PAR MI 'DOD DO, ,GAL TE LUS MA TSANG BA'I RGYU YIN PA'I PHYIR PHAN BA CHUNG BA NYID YIN TE, DE'I PHYIR DE DAG GI MTSAMS MED PA YIN PAR MI 'DOD NA; SKYES PA DANG BUD MED LONG BA LA SOGS PA YANG, MA LA SOGS PA BSAD PAS MTSAMS MED PAR MI 'GYUR RO ZHE NA MA YIN TE, RTOGS PA'I CHOS DANG 'GAL BA'I LUS MA TSANG BA BRJOD PAR 'DOD PA'I PHYIR RO, ,MA TSANG BA RTOGS PA'I CHOS DANG 'GAL BA GANG YIN PA DE'I DBANG DU BYAS PA YIN TE, DES NI DE KHO NAS BYAMS PA CHUNG BA NYID KYANG YIN GYI, LONG BA LA SOGS PA'I MA TSANG BA LA NI MA YIN NO, ,DE NYID KYI PHYIR YI DAGS DANG, DUD 'GRO RNAMS LA YANG MI 'DOD DE, PHAN PA DANG NGO TSA CHUNG BA NYID KYI PHYIR RO, ,RTA CANG SHES BZHIN NO ZHES BYA BA NI YI DAGS DANG, DUD 'GRO RNAMS KYANG BLO GSAL BA PHAN RNAMS KYIS MTSAMS MED PAR 'GYUR RO ZHES BYA BAR SKABS DANG SBYAR TE, RTA CANG SHES ZHES BYA BA NI DPER NA RTA CANG SHES SHIG MA LA MI RGAL BA LAS GDONG GOS KYIS G-YOGS TE, MA LA RGAL DU BCUG PA DANG, DES PHYI SHES NAS RANG GI PHO MTSAN BCAD DO ZHES GRAG STE, DE @75B LTAR NA RTA CANG SHES DE BLO GSAL BA YIN TE, DE LA MTSAMS MED PAR 'GYUR RO SNYAM DU BSAM PA YIN NO, ,MI'I YANG PHA MA MI MA YIN PA BSAD NA MTSAMS MED PAR MI 'GYUR RO ZHES BYA BA NI MTSAMS MED PAR MI 'GYUR BA KHO NA'O ZHES BYA BA'I THA TSIG GO, ,JI LTA ZHE NA, PHAN PA DANG DE TSA CHUNG BA KHO NA'I PHYIR TE, MI MA YIN PAS KYANG MI DANG 'TSAM PA'I PHAM PAR BYA BAR MI NUS LA, MI DE YANG PHA MA MI MA YIN PA DAG LA NGO TSA DANG, KHREL SHAS CHEN PO YANG DAG PAR MI GNAS TE, 'GRO BA MI MTHUN PA NYID KYI BYAMS BA CHUNG BA'I PHYIR RO, ,BZHI NI LUS KYI LAS YIN LA ZHES BYA BA NI MA GSOD PA LA SOGS PA'O, ,GCIG NGAG GI LAS YIN TE ZHES BYA BA NI DGE 'DUN GYI DBYEN NO, ,GSUM NI SROG GCOD PA YIN NO ZHES BYA BA NI MA BSAD PA LA SOGS PA'O, ,GCIG NI BRDZUN DU SMRA BA YIN ZHES BYA BA NI DGE 'DUN GYI DBYEN NO, ,GCIG NI SROG GCOD PA'I SBYOR BA STE ZHES BYA BA NI DE BZHIN GSHEGS PA'I SKU LA NGAN SEMS KYIS KHRAG 'BYIN PA'O, ,CI'I PHYIR SROG GCOD PA MA YIN ZHE NA, DE BZHIN GSHEGS PA RNAMS NI NYE BAR MI BRDZI BA'I CHOS CAN YIN NO ZHES BYA BA NI GRANGS SU MED PA'I CHOS CAN YIN NO ZHES BYA BA'I THA TSIG GO, ,RGYU LA 'BRAS BU BTAGS PA'AM ZHES BYA BA NI DGE 'DUN GYI DBYEN SEMS DANG LDAN PA MA YIN PA'I MTSAN NYID KYI RGYU NI BRDZUN DU SMRA BA YIN NO, ,RGYU DE LA 'BRAS BU NYE BAR BTAGS PA STE, DGE 'DUN GYI DBYEN ZHES BYA BAR 'BRAS BU SEMS DANG LDAN PA MA YIN PA'I CHOS NYE BAR 'DOGS PA YIN NO, ,'DIS 'BYED PAR BYED PAS NA ZHES BYA BA NI BYED PAR SGRUB PA YONGS SU BZUNG NAS BRDZUN DU SMRA BA LA DGE 'DUN GYI DBYEN ZHES BRJOD DE, BRDZUN DU SMRA BAS NI DGE 'DUN 'BYED PAR 'GYUR RO, ,DGE 'DUN GYI DBYEN NI DGE 'DUN BYE BA YIN NO ZHES NGO BO BSGRUB PAR YONGS SU BZUNG BA NI MA YIN NO, ,DGE 'DUN DBYEN NI MI 'PHROD PA'O ZHES BYA BA NI BYE BRAG TU SMRA BA RNAMS KYI LTAR NA DNGOS KYI TSUL DU RDZAS SU YOD PA YIN NO, ,DE'I PHYIR, RANG BZHIN LDAN PA MA YIN CHOS, ,NYON MONGS CAN MIN LUNG BSTAN MIN, ,ZHES BYA BA SMOS SO, ,DE JI LTAR MTSAMS MED PAR 'GYUR ZHES BYA BA NI DE LTA BU'I MTSAN NYID CAN DE NI MTSAMS MED PAR MI 'GYUR BA KHO NA'O ZHES BYA BA'I THA TSIG GO, ,LDAN PA MA YIN PA'I CHOS DE @76A *, ,DANG 'BYED PA POR YANG MI LDAN PA KHO NA YIN TE, DES NA 'DI MTSAMS MED PA MA YIN NO SNYAM DU BSAM PA YIN NO, ,DGE 'DUN GYI DBYEN DANG LHAN CIG SKYES PA NI LDAN PA MA YIN PA'I CHOS DANG LHAN CIG SKYES PA STE, DAG GI RNAM PAR RIG BYED DANG, RNAM PAR RIG BYED MA YIN PA'I NGO BO NYID DAG GO ZHES BYA BA'I THA TSIG GO, ,DGE SLONG GIS 'BYED KYI ZHES BYA BA NI SANGS RGYAS NI DGE SLONG YIN PA'I PHYIR LA, 'BYED PA PO YANG DE LA SDOM PA YIN PA'I PHYIR RO, ,DE YANG LTA BA SPYAD PA KHO NAS 'BYED KYI ZHES BYA BA NI, 'JIG TSOGS LA LTA BA LA SOGS PA LNGA LA SPYAD CING ZHUGS PAS NA LTA BA SPYAD PA'O, ,YANG NA 'DI LA LTA BA SPYAD PA YOD PAS NA LTA BA SPYAD PA STE DES NI BRTAG CING SEL NUS PA'I PHYIR STON PA'I KHYAD PAR DANG, LAM GYI KHYAD PAR GZHAN BZUNG BAR NUS KYI, SRED PA SPYAD PAS NI MA YIN NO, ,BZOD PAR DKA' BA'I PHYIR ZHES BYA BA NI ZIL GYIS MNAN PAR DKA' BA'I PHYIR RO, ,CHOS MNGON SUM DU GYUR PA'I PHYIR RO ZHES BYA BA NI LUNG DANG, RTOGS PA'I CHOS DAG MNGON SUM DU GYUR PA'I PHYIR RO ZHES BYA BA'I THA TSIG GO, ,BZOD PA THOB PA RNAMS NI MA YIN NO ZHES BYA BA NI NGES PAR 'BYED PA'I CHA DANG MTHUN PA BZOD PA THOB PA RNAMS NI MA YIN NO ZHES BYA BA'I THA TSIG STE, BDEN PA MTHONG BA DANG 'DRA BA'I PHYIR RO, ,DE NI MI GNAS SO ZHES BYA BA NI DE'I MTSAN MO RANGS PAR MI GNAS SO ZHES BYA BA'I THA TSIG GO, ,PHYE BA YIN TE ZHES BYA BA NI JI LTAR PHYE BA YIN ZHE NA, LAM 'JUG PA'I GAGS SU GYUR PA'I PHYIR ZHES BYA BA SMOS TE; LAM 'JUG PA'I GAGS BYAS PA'I PHYIR RO ZHES BYA BA'I THA TSIG GO, ,JI SRID DU DGE 'DUN 'DUM PAR MA GYUR PA DE SRID DU LAM 'JUG PA 'GAGS PA YIN TE, 'GA'I RGYUD LA YANG 'PHAGS PA'I LAM MNGON DU MI 'GYUR RO ZHES BYA BA'I THA TSIG GO, ,DGE 'DUN GYI DBYEN NI 'KHOR LO'I DBYEN GYI RGYU MTSAN DU GYUR PA'I PHYIR 'KHOR LO'I DBYEN ZHES KYANG BYA'O, ,GDON MI ZA BAR DGE 'DUN PHYOGS GNYIS SU GNAS PAR 'GYUR BA ZHES BYA BA NI SANGS RGYAS KYI PHYOGS DANG, 'BYED PA PO'I PHYOGS LA GNAS PAR 'GYUR RO ZHES BYA BA'I THA TSIG GO, ,DGE 'DUN NI DGE SLONG @76B BZHI YIN LA; DGE 'DUN GNYIS PA LA YANG YOD PAR 'GYUR BAS DE LTAR NA DBYE BAR BYA BA'I DGE SLONG BRGYA DANG, DGU PA 'BYED PA PO YOD PAR 'GYUR RO, ,DGE 'DUN GYI DBYEN GZHAN ZHES BYA BA NI 'KHOR LO'I DBYEN LAS GZHAN PA NI 'DIR MTSAMS MED PA MA YIN NO SNYAM DU BSAM PA YIN TE, 'DI LTAR DE NI LAS KYI DBYEN LAS 'GYUR RO, ,MI MTHUN PAS ZHES BYA BA NI BLO GROS THA DAD PAS SO, ,LAS DAG CES BYA BA NI DGE 'DUN GYI LAS GSO SBYONG LA SOGS PA'O, ,DE NI BRGYAD DAG YAN CHAD KYIS, ,ZHES BYA BA NI 'DI LA YANG DGE 'DUN GNYIS YOD PAR 'GYUR TE, 'BYED PA PO STON PAR MNGON PA'I NGA RGYAL BYED BA NI MED PAS DGE SLONG BRGYAD KHO NA YOD PAR 'GYUR GYI, DGU LA SOGS PA NI MA YIN NO, ,SHA GCIG PA YIN NO ZHES BYA BA NI MI MTHUN PA MED DE, BLO GROS GCIG PA YIN NO ZHES BYA BA'I THA TSIG GO, ,GNAS SKABS SNGA MAR NI DGA' BA DANG RAB TU DGA' BA SKYES PA YIN LA, PHYI MAR NI MI RTAG PA YID LA BYED PAS SEMS LA SKYO BA KUN DU SKYES PA YIN NO, ,SKYON MA BYUNG BA'I SNGON ROL DU ZHES BYA BA LA, SKYON NI NYES PA STE, LTA BA'I SKYON NAM, TSUL KHRIMS KYI SKYON NO, ,DE LA LTA BA'I SKYON NI JI SKAD DU, BDAG GIS BCOM LDAN 'DAS KYIS BSHAD PA'I DON 'TSAL BA LTAR NA, BCOM LDAN 'DAS KYIS 'DOD PA GANG DAG BAR DU BCOD PAR BGYID PAR BKA' STZAL PA DE DAG NI BSTEN NA BAR DU GCOD PAR BGYID PAR MI 'GYUR LAGS SO ZHES BYA BA DANG, DE BZHIN DU SEMS DE NYID KUN DU RGYUG CING 'KHOR BAR 'GYUR LAGS SO ZHES BYA BA LA SOGS PA BSHAD PA LTA BU'O, ,TSUL KHRIMS KYI SKYON NI 'CHAL PA'I TSUL KHRIMS SO, ,DES PHYIR BSDUM PAR 'GYUR BA'I PHYIR RO ZHES BYA BA NI 'DI LTAR NYAN THOS ZUNG DES PHYIR BSDUM DGOS PAS ZHES BYA BA'I THA TSIG GO, ,SANGS RGYAS THAMS CAD LA NYAN THOS ZUNG GDON MI ZA BAR YOD DE, GCIG NI SHES RAB DANG LDAN PA RNAMS KYI MCHOG GO, ,GNYIS PA NI RDZU 'PHRUL DANG LDAN PA RNAMS KYI MCHOG GO, ,BCOM LDAN 'DAS SH'AKYA THUB PA 'DI'I SHES RAB DANG LDAN PA RNAMS KYI MCHOG NI 'PHAGS PA SH'A RI'I BU'O, ,RDZU 'PHRUL DANG LDAN PA RNAMS KYI MCHOG NI 'PHAGS PA MOOD[?] GAL GYI BU'O, ,'GRAN ZLA MED @77A *, ,PA'I PHYIR RO ZHES BYA BA NI 'DI LTAR BCOM LDAN 'DAS YONGS SU MYA NGAN LAS 'DAS NA, 'BYED PA PO DE'I 'GRAN ZLAR GYUR PA MED DO,, ,,BAM PO SUM CU RTZA BDUN PA, MTSAMS MA BCAD PA DAG TU YANG ZHES BYA BA NI DKYIL 'KHOR GYI MTSAMS DE MTSAMS GCIG GI NANG DU LAS THA DAD PAR BYED PAS NI DGE 'DUN DE RNAM PA GNYIS SU 'GYUR RO, ,RANG BZHIN GYI MTSAMS GRONG DANG GRONG KHYER YOD PA MA YIN NAM ZHE NA, BDEN MOD KYI, BCAD PA'I MTSAMS YOD NA RANG BZHIN GYI MTSAMS DER RNAM PAR GZHAG PAS DE YANG BCAD PAR RNAM PAR GZHAG PA KHO NA YIN NO ZHES BYA BAR RIG PAR BYA'O, ,LAS LA RAG LUS PA'I PHYIR ZHES BYA BA NI GANG GIS SLOB MA DGE 'DUN 'BYE BAR 'GYUR BA'I LAS BYAS PA DE KHO NA'I DE 'BYE BAR 'GYUR GYI, GZHAN GYI NI MA YIN NO, ,BCOM LDAN 'DAS SH'AKYA THUB PAS KYANG BYANG CHUB SEMS DPA'I GNAS SKABS NA DRANG SRONG MNGON PAR SHES PA LNGA DANG LDAN PA ZHIG GI 'KHOR GYI DBYEN BYAS PAR GYUR TE, DES NA 'DI'I DGE 'DUN LHAS BYIN GYIS PHYE'O ZHES GRAG GO, ,GZHAN NI MA YIN ZHE NA ZHES BYA BA NI BUD MED PHAL PA BSAD PA LA SOGS PA'O, ,PHAN 'DOGS PA DANG YON TAN ZHING, ,SPANGS DANG MED PAR BYAS PHYIR RO, ,ZHES BYA BA NI PA BSAD PA LA SOGS PA NI PHAN 'DOGS PA'I ZHING NGAM, YON TAN GYI ZHING SPANGS SHING YONGS SU BOR BA'I PHYIR YANG MTSAMS MED PA YIN LA, DE MED PAR BYAS SHING NYAMS PAR BYAS PA'I PHYIR YANG MTSAMS MED PA YIN NO, ,DE BZHIN GSHEGS PA'I SKU LA NGAN SEMS KYI SA KHRAG PHYUNG BA DANG, DGE 'DUN GYI DBYEN BYED PA GANG YIN PA DE YANG DE NYAMS PAR BYAS PA YIN NO, ,'DI SKAD DU PHAN 'DOGS PA'I ZHING YIN PA'I PHYIR DANG, YON TAN GYI ZHING YIN PA'I PHYIR DE SPANGS PA DANG, MED PAR BYAS PAS MA GSOD PA LA SOGS PA KHO NA MTSAMS MED PA YIN GYI, GZHAN GYI NI MA YIN NO ZHES BSHAD PA YIN NO, ,YON TAN GYI ZHING YIN PA'I PHYIR ZHES BYA BA NI YON TAN RNAMS KYI RTEN YIN PA'I PHYIR ZHES BYA BA'I THA TSIG GO, ,YANG NA YON TAN RNAMS KYI ZHING YIN PA NI YON TAN GYI ZHING STE, YON TAN DANG LDAN PAS BSOD NAMS KYI ZHING YIN @77B NO; ,DPER NA ZHING LA SA BON BTAB NA 'BRAS BU MANG POR 'GYUR BA DE BZHIN DU BSOD NAMS KYI ZHING LA SA BON BTAB NA 'BRAS BU MANG POR 'GYUR RO, ,GAL TE PHA 'AM MA MTSAN GYUR NA ZHES BYA BA NI MTSAN GYUR PAS DE MA NYID YIN PA DANG, DE PHA NYID YIN PAR YANG MI 'DOD PAS MA BSAD PA MED PA'I PHYIR RAM, PA BSAD PA MED PA'I PHYIR MTSAMS MED PAR MI 'GYUR RO SNYAM NAS DE MED PAR DOGS PAS 'DRI BA YIN NO, ,GANG GI ZLA MTSAN LAS BYUNG BA, ,ZHES BYA BA NI 'DI LA GANG GI ZLA MTSAN LAS BYUNG BA YOD PAS NA GANG GI ZLA MTSAN LAS BYUNG BA'O, ,BYA BA THAMS CAD ZHU BAR BYA BA YIN, ,ZHES BYA BA NI MA LA ZHU DGOS PA'I BYA BA THAMS CAD DRI BAR BYA BA YIN NO SNYAM DU BSAM PA YIN TE, MA DANG 'DRA BA'I PHYIR RO, ,NU ZHO LDUD PA NI PANG NA 'TSO BAR BYED PA'O, ,GSO BAR BYED PA NI NU ZHO LDUD PAR BYED PA'O, ,SKYED PAR BYED PA NI ZAS RAGS PA LA SOGS PA SNYOD PAR BYED PA'O, ,GZHAN DAG NA RE NU ZHO LDUD PA NI NU ZHO SNUN PAR BYED PA ZHES BYA BA'I THA TSIG GO, ,GSO BAR BYED PA NI ZAS RAGS PA GOMS PAR BYED PA'O, ,SKYED PAR BYED PA NI KHRUS DANG, LUS MNYE BA DANG, YA NGA BA YONGS SU SPONG BAR BYED PA ZHES BYA BA'I THA TSIG GO, ,MA KHRI'U'I 'OG NA 'DUG PA ZHES BYA BA NI BUS KHRI'U'I STENG NA GOS YOD PA DANG SBYAR NA 'DI NA MI ZHIG NYAL LO SNYAM DU BSAMS NAS DER MTSON GYIS BTAB PA DANG, MTSON BTAB PA DES MA KHRI'U'I 'OG NA 'DUG PA BSAD DO ZHES BYA BA DANG, KHRUS PA BTZO BLAG MKHAN GYI BUS SBRANG BU BSAD DO SNYAM PA'I SBYAR BAS PHA BSAD PA ZHES BYA BA BRJOD PAR BYA'O, ,RNAM PAR RIG BYED MA YIN PA GNYIS YIN LA ZHES BYA BA NI MTSAMS MED PA'I RNAM PAR RIG BYED MA YIN PA DANG, SROG GCOD PA 'BA' ZHIG GI RNAM PAR RIG BYED MA YIN PA'O, ,RNAM PAR RIG BYED NI MTSAMS MED PA KHO NA YIN TE, DE NI DES BSDUS PA KHO NA YIN GYI GZHAN NI MA YIN NO ZHES BYA BA'I THA TSIG GA,[?] ,DE LA MTSAMS MED PA NI GCIG KHO NAR 'GYUR TE ZHES BYA BA NI DGRA BCOM PA BSAD PA ZHES BYA BA'O, ,SONG LA SKRA CAN LA KHYOD KYIS NI MTSAMS MED PA GNYIS BYAS TE, PHA BSAD PA GANG YIN PA DANG, GANG YANG DGRA BCOM PA GSOD PA'O @78A *, ,ZHES SMROS SHIG CES BYA BA NI GRONG KHYER RO RU KA ZHES BYA BA NA RGYAL PO AU TRA YA NA ZHES BYA BAS BU SKRA CAN ZHES BYA BA DBANG BSKUR NAS RAB TU BYUNG NGO, ,RAB TU BYUNG NAS KYANG DGRA BCOM PA NYID THOB PAR GYUR TE, DE RO RU KA DANG NYE BA ZHIG TU 'ONGS PA DANG, YANG RGYAL SRID 'DOD DO SNYAM NAS BLON POS SBRAN PA DANG, RGYAL PO SKRA CAN DES RANG GI PHA DE BSAD DO, ,DES BSAD PAR BYA BA'I GNAS SKABS NA GSHED MA'I MI DE LA SONG LA, SKRA CAN LA SMROS SHIG CES BYA BA DE LTA BU LA SOGS PA RGYAS PAR SMRAS SO, ,RGYU GNYIS KYIS ZHES BRJOD PAR BYA'O ZHES BYA BA NI DES SONG LA; SKRA CAN LA KHYOD KYIS NI MTSAMS MED PA'I RGYU GNYIS KYIS MTSAMS MED PA BYAS SO ZHES SMROS SHIG CES BRJOD PAR BYA BA YIN NO, ,SGO GNYIS NAS SPYOD PA YIN NO ZHES BYA BA NI MTSAMS MED PA SGO GNYIS DANG LDAN PA'I PHYIR GNYIS NYID DU NYE BAR BTAGS SO SNYAM DU BSAM PA YIN TE, MTSAMS MED PA DE NI RGYU GNYIS DANG LDAN PA'I PHYIR SHIN TU LCI BA YIN NO, ,RTEN DE DANG SHIN TU 'GAL BA'I PHYIR RO ZHES BYA BA NI 'PHAGS PA'I LAM SKYES PA'I RTEN NI LAS KYI LAM DE DAG DANG SHIN TU 'GAL BA'I PHYIR RO, ,'DIR GTZEN MA'I RTOGS PA BRJOD PA DPER BRJOD DE, SH'AKYA'I MI GTZEN MA ZHES BYA BA ZHIG 'PHAGS SKYES POS SKRAG NAS GANGS KHROD KYI NAGS TSAL GYI PHYOGS SHIG NA 'KHRAS SHING 'TSO BA RNGON GYIS TSOL TSOL BA LAS, BCOM LDAN 'DAS SUM CU RTZA GSUM PA'I NANG DU ZLA BA GSUM LON NAS DE NAS BABS TE, GTZEN MA 'KHOR DANG BCAS PA KHO NA LA CHOS BSTAN PA DANG, DE DANG DE'I BU RNAMS KYIS RGYUN DU ZHUGS PA'I 'BRAS BU THOB BO ZHES GRAG STE, DE DAG NI 'BRAS BU THOB PA'I SNGON ROL DU RI DAGS DAG GI GDOS DANG, RGYA LA SOGS PA BSHAMS LA, DE DAG GI SBYOR BAS KYANG RI DVAGS DAG GSAD PAR BYAS MOD KYI, 'BRAS BU THOB PAS MI DGE BA'I LAS KYI LAM DE DAG GIS MA RIG GO, ,LNGA PA DANG, GSUM PA DANG, DANG PO RNAMS CHES LCI BA YIN ZHES BYA BA LA, MTSAMS MED PA 'DON PA'I GO RIMS NI MA GSOD PA DANG, PHA GSOD PA DANG, DGRA BCOM PA GSOD PA DANG, DGE 'DUN GYI DBYEN BYED PA DANG, @78B DE BZHIN GSHEGS PA LA NGAN SEMS KYIS KHRAG 'BYIN PA ZHES BYA BA 'DI YIN NO, ,DE LA LNGA PA NGAN SEMS KYIS KHRAG 'BYIN PA DE NI DGE 'DUN DBYEN BYED PA LAS GZHAN PA LHAG MA BZHI'I NANG NAS CHES LCI BA YIN NO, ,GSUM PA DGRA BCOM PA GSOD PA DE NI MA DANG PHA GSOD PA DAG PAS CHES LCI BA YIN NO, ,DANG PO MA GSOD PA NI PHA GSOD PA BAS CHES LCI BA YIN TE, DE'I PHYIR PHA GSOD PA NI THAMS CAD KYI NANG NA YANG BA YIN NO ZHES BYA BA SMOS SO, ,NGES PAR MDZAD NAS ZHES BYA BA NI DE KHO NA NGES PAR BZUNG NAS ZHES BYA BA'I THA TSIG GO, ,RNAM PAR SMIN PA RGYA CHE BA'I DBANG DU MDZAD NAS NI DGE 'DUN GYI DBYEN BYED PA KHA NA MA THO BA CHE BAR GSUNGS TE, RNAM PAR SMIN PA BAR GYI BSKAL PAR 'BYIN PA'I PHYIR RO, ,SKYE BO PHAL PO CHE 'CHI BA'I DBANG DU MDZAD NAS NI YID KYI NYES PA STE, DAN DA KA'I DGON PA LA SOGS PA STONGS PA'I RGYU YIN PA'I PHYIR RO, ,GZHAN LUS KYI LAS SAM NGAG GI LAS KYIS NI SKYE BO PHAL PO CHE DE SNYED 'CHI MI SRID DO, ,DGE BA'I RTZA BA KUN DU GCOD PA'I DBANG DU MDZAD NAS NI LOG PAR LTA BA KHA NA MA THO BA CHEN POR GSUNGS TE, GZHAN MI DGE BA'I RTZA BA NI KUN DU 'BYUNG BA TZAM DANG 'GAL BA'I PHYIR DGE BA'I RTZA BA RNAMS KUN DU GCOD PA MA YIN NO, ,BAR CHAD MED PA KHO NAR NI MA YIN NO ZHES BYA BA LA, GZHAN DAG GI BSAM PA NI DE DAG NI GDON MI ZA BAR DMYAL BAR SKYE BAS DE DANG 'DRA BA'I PHYIR DE DANG CHA 'DRA BA DAG CES BYA BA'O, ,DER BAR CHAD MED PAR SKYE BAS NI MA YIN NO, ,DE LTA MA YIN NA MTSAMS MED PA DAG KHO NA YIN PAR 'GYUR RO SNYAM PA YIN NO, ,PHYOGS SNGA MA DAG GI LAN NI DE DAG BAR CHAD MED PAR 'BYUNG BA NYID CAN YIN YANG MTSAMS MED PA KHO NA NI MA YIN TE, DUS DANG RNAM PAR SMIN PA MI 'DRA BA YIN NO ZHES BYA BA YIN NO, ,MA DGRA BCOM MA SUN BYAS DANG, ,ZHES BYA BA NI MA BSAD PA'I MTSAMS MED PA DANG CHA 'DRA BA YIN NO, ,NGES PAR GTOGS PA'I BYANG CHUB SEMS DPA' BSAD PA NI PHA BSAD PA'I MTSAMS MED PA DANG CHA 'DRA BA YIN NO, ,SLOB PA BSAD PA NI DGRA BCOM PA BSAD PA'I MTSAMS MED PA DANG CHA 'DRA BA YIN NO, ,DGE 'DUN GYI 'DU BA'I SGO 'PHROG PA NI DGE @79A *, ,'DUN GYI DBYEN BYED PA'I MTSAMS MED PA DANG CHA 'DRA BA YIN NO, ,MCHOD RTEN 'JIG PA NI DE BZHIN GSHEGS PA LA NGAN SEMS KYIS KHRAG 'BYIN PA'I MTSAMS MED PA DANG CHA 'DRA BA YIN NO, ,SLOB DPON DBYIG BSHES NA RE DGE 'DUN GYI 'DU BA'I SGO 'PHROG PA NI NANG MAR 'DU BA 'PHROG PA YIN NO ZHES ZER RO, ,'DI SKAD DU, DGE 'DUN GYI ZHAL DU 'DU BA'I SGO 'PHROG PA'O ZHES BRJOD DE, GANG ZHIG GIS DGE 'DUN 'TSO BAR BYED PA ZHAL DU GSOL BA GANG YIN PA DE 'PHROG PA YIN NO, ,DE'I RNAM PAR SMIN PA'I SA LAS 'DAS PA'I PHYIR ZHES BYA BA NI, BZOD THOB NGAN SONG MI 'GRO'O, ,ZHES 'BYUNG BAS NGAN SONG GI SA LAS 'DA' BA'I PHYIR RO, ,DE BZHIN DU ZHES BYA BA NI DE'I RNAM PAR SMIN PA'I SA LAS 'DA' BA'I PHYIR 'DOD PA NA SPYOD PA'I LAS RNAMS BGEGS BYA BA'I PHYIR NYE BAR GNAS TE, DPER NA MI ZHIG YUL 'DOR BAR BYED PA LA BU LON PA DAG LDANG BA BZHIN NO ZHES BYA BA DE KHO NA BZHIN DU ZHES BYA BA'I THA TSIG GO, ,RIGS SHING S'A LA CHEN PO LTA BUR SKYE BA ZHES BYA BA NI RIGS CHEN PO DANG LDAN PAR SKYE BA ZHES BYA BA'I THA TSIG GO, ,RGYAL RIGS SHING S'A LTA CHEN PO LA BUR SKYE BA YIN NO ZHES BYA BA NAS, KHYIM BDAG GI RIGS S'A LA CHEN PO LTA BUR SKYE BA YIN NO ZHES BYA BA'I BAR NI KHYIM BDAG GI RIGS CHEN POR SKYE BA YIN NO ZHES BYA BA'I THA TSIG GO, ,BRNYAS GNOD NI BRNYAS PA'I GNAS SKABS SNGON DU BTANG BA'I RNAM PAR THO 'TSAMS PA'O, ,LUS DANG NGAG GI 'JUG PAS GZHAN LA SDUG BSNGAL DANG YID MI BDE BA DAG 'BYUNG BA DE LA LTOS NAS DE SDOM PA NI BRNAGS PA ZHES BYA'O, ,BSKAL PA DGU BCU RTZA GCIG GI BAR DU ZHES BYA BA NI DGU BCU RTZA GCIG TU TSANG BA'I BSKAL PA NI DGU BCU RTZA GCIG GO, ,DE'I BAR DU STE, GRONG DPON DGE SBYONG GCER BU PA RAL GRI THOGS PA ZHIG GIS, BCOM LDAN 'DAS LA KYI DGE SLONG GOO TAM GANG KHYOD LO NYES PA 'DI LTA BU'I NANG NA DGE SLONG GI DGE 'DUN 'DI SNYED CIG DANG THABS CIG SER BA BZHIN DU MA RUNGS PAR BYED CING SLONG MO LA RGYU BA JI STE KHYIM RNAMS PHUNG BAR BYA BA'I PHYIR ZHUGS ZHES SMRAS PA DANG, BCOM LDAN 'DAS KYIS DE LA GRONG DPON NGAS 'DI NAS BZUNG STE, @79B BSKAL PA DGU BCU RTZA GCIG GI BAR DU ZHES BYA BA RGYAS PAR BKA' STZAL TO, ,SKYON BZHI PO 'DI DAG NI ZLOG PAR BYED LA ZHES BYA BA NI NGAN 'GRO'I SKYON DANG, RIGS DMA' BA NYID KYI SKYON DANG, DBANG PO MA TSANG BA NYID KYI SKYON DANG, BUD MED KYI DNGOS PO'I SKYON NO, ,YON TAN GNYIS NI 'THOB PO ZHES BYA BA NI TSE RABS DRAN PA NYID KYI YON TAN DANG, PHYIR MI LDOG PA NYID KYI YON TAN NO, ,BYANG CHUB SEMS DPA' NYE BA MA GTOGS PA ZHES BYA BA NI MTSAN GYI RNAM PAR SMIN PA CAN GYI LAS BYED PA GANG YIN PA'O, ,STONG GSUM 'CHAG PA ZHES BYA BA NI SEMS CAN GYI LAS KYI DBANG GANG GIS STONG GSUM GYI STONG CHEN PO'I 'BYUNG BA DE'I TSAD GANG YIN PA STE, TSAD DE LTAR BCAS PA DE DAG BRGYAS SKYES BU CHEN PO'I MTSAN GCIG 'GRUB PA NAS SUM CU RTZA GNYIS PA'I BAR DU YANG DE DANG 'DRA'O, ,KHA CIG NA RE SANGS RGYAS RNAMS KYI SKU RNAM PA GNYIS TE, SKYE BA'I SKU DANG, CHOS KYI SKU'O, ,DE LA SKYE BA'I SKU NI SKYES BU CHEN PO'I MTSAN SUM CU RTZA GNYIS KYI MTSAN NYID DO, ,CHOS KYI SKU NI SANGS RGYAS KYI CHOS MA 'DRES PA BCO BRGYAD DO, ,DE LA SANGS RGYAS LA DMIGS PA'I YID LA BYED PA MNGON SUM DU GYUR PA LAS SEMS PA LNGA BCU 'BYUNG LA, BDAG KYANG 'DI 'DRA BAR GYUR CIG SNYAM PA'I LAS KYANG GZHAN LNGA BCU 'BYUNG STE, DE LTAR NA BSOD NAMS BRGYA YIN NO ZHES ZER RO, ,GZHAN DAG NA RE 'DOD PA'I KHAMS GNAS NYI SHU DANG, GZUGS KYI KHAMS BCU DRUG DANG, GZUGS MED PA BZHI DANG, GRANG BA'I DMYAL BA BRGYAD DE, DE LTAR NA KHAMS GSUM PA NI KHYAD PAR BZHI BCU RTZA BRGYAD YIN LA, DE LA DMIGS PA'I BYANG CHUB SEMS DPA' LA SNYING RJE'I SEMS SKYE STE, DE'I PHYIR DE DANG MTSUNGS PAR LDAN PA'I SEMS PA BZHI BCU RTZA BRGYAD 'BYUNG NGO, ,DE'I RJES LA JI LTAR 'DIS KHAMS GSUM PA 'DI LAS SEMS CAN DAG BKROL BA LTA SNYAM PA DE LTA BU'I SEMS PA SANGS RGYAS LA DMIGS PA'I SEMS PA 'BYUNG NGO, ,DE'I RJES LA BDAG KYANG DE DANG 'DRA BAR 'GROL BAR BYED PAR GYUR CIG SNYAM PA BDAG LA DMIGS PA'I SEMS PA GNYIS PA 'BYUNG BAS SEMS PA LNGA BCU 'BYUNG NGO, ,YANG DE DAG LAN @80A *, ,GNYIS SU MNGON DU GYUR PAS SEMS PA BRGYAR 'GYUR BA YIN NO ZHES ZER RO, ,GZHAN DAG NA RE SANGS RGYAS BCOM LDAN 'DAS NI RGYU LNGAS SROG GCOD PA SPONG BA DANG LDAN PA YIN TE, RGYU LNGA NI LAS KYI LAM DNGOS YONGS SU DAG PA DANG, NYER BSDOGS YONGS SU DAG PA DANG, RNAM PAR RTOG PAS MA SMAS PA DANG, DRAN PAS YONGS SU ZIN PA NYID DANG, MYA NGAN LAS 'DAS PAR BSNGOS PA NYID DE, DE LA DMIGS PA'I SEMS PA YANG LNGA 'BYUNG NGO, ,LAS KYI LAM BCU CHAR LA DMIGS PA DE DANG 'DRA STE, SEMS PA LNGA PHRAG BCU NI SEMS PA LNGA BCU YIN NO; ,YANG JI LTAR BCOM LDAN 'DAS DE DGE BA'I LAS KYI LAM MA 'DRES PA BCU LAS NGES PAR SKYES PA LTAR BDAG KYANG DE DANG 'DRA BAR SHOG SHIG SNYAM DU DE DAG LAN GNYIS SU MNGON DU GYUR PAS SEMS PA BRGYAR 'GYUR BA YIN NO ZHES ZER RO, ,DE LTAR NA RE RE YANG BSOD NAMS BRGYA LAS SKYES SO ZHES BYA BA 'DI 'GRUB PO, ,BSNYEN BKUR BYAS SO ZHES BYA BA NI BSNYEN BKUR BYAS PAR GYUR TO ZHES BYA BA'I THA TSIG GO, ,GANG LA BCOM LDAN 'DAS ZHES BYA BA RGYAS PAR 'BYUNG BA NI RDZA MKHAN SNANG BYED CES BYA BAR GYUR PAS DANG POR SMON LAM BTAB PA'O, ,DE'I TSE 'DI'I TSUL KHRIMS DANG BZOD PA'I PHA ROL TU PHYIN PA DAG YONGS SU RDZOGS PA YIN NO ZHES BYA BA NI RE ZHIG SEMS MA 'KHRUGS PA'I PHYIR BZOD PA'I PHA ROL TU PHYIN PA YONGS SU RDZOGS SO, ,LUS DANG NGAG GIS NYES PAR SPYOD PA MI BYED PA'I PHYIR TSUL KHRIMS KYI PHA ROL TU PHYIN PA YONGS SU RDZOGS SO, ,LHA YUL SA NA MED CES BYA BA RGYAS PAR 'BYUNG BA LA; LHA YUL SA ZHES BYA BA NI BSTAN PA'I TSIG GI TSUL DU BSHAD PA YIN NO, ,'JIG RTEN 'DI NA'ANG YOD PA MA YIN LA, ,RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG NA YANG YOD MA YIN, ,ZHES BYA BA NI DE GSAL BAR BYA BA'I PHYIR BSTAN PA'I TSIG DAG YIN TE, 'JIG RTEN 'DI NA ZHES BYA BA NI MI'I 'JIG RTEN NA'O, ,RNAM THOS BU'I GNAS NA ZHES BYA BA NI RGYAL PO CHEN PO BZHI'I GNAS NA'O, ,LHA'I PHO BRANG ZHES BYA BA NI LHA'I GNAS TE, SUM CU RTZA GSUM PA'I GNAS NA ZHES BYA BA'I THA TSIG GO, ,GNAS MCHOG DAG NA ZHES BYA BA NI 'THAB BRAL LA SOGS PA'I GNAS DAG @80B NA'O; ,'JIG RTEN GYI KHAMS GZHAN DAG NA YANG KHYOD 'DRA BA, MED PAR SHES PAR BYA BA'I PHYIR, ,PHYOGS DANG PHYOGS MTSAMS DAG NA'ANG MED, ,CES BYA BA SMOS SO, ,'ON TE YID MI CHES NA 'GA' ZHIG GIS RI RNAMS DANG NAGS DAG TU BCAS PA'I RI DANG NAGS SU BCAS PA'I SA STENGS RGYAS PA SEMS CAN MANG PO GNAS PA 'DI KUN DU YUL GCIG ,BDAG NYID TSOL CIG CES BYA BAR BSAM PA YIN NO, ,BSKAL PA DGU YANG BSDUMS SO ZHES BYA BA NI BRTZON 'GRUS BRTZAMS PA DES BSKAL PA DGU BCU RTZA GCIG GIS BRTZON 'GRUS KYI PHA ROL TU PHYIN PA YONGS SU RDZOGS PA'I PHYIR RO, DE NYID KYI PHYIR BSKAL PA DGU BCU RTZA GCIG LUS PA'I TSE 'PHANGS SO ZHES BSHAD DO, ,BYANG CHUB PA'I SNGON ROL GYI DE MA THAG CES BYA BA NI ZAD PA DANG MI SKYE BA SHES PA'I MTSAN NYID KYI BYANG CHUB KYI SNGON ROL GYI DE MA THAG GO, ,DE CI'I PHYIR ZHE NA, PHA ROL TU PHYIN PA YONGS SU RDZOGS PAS BYANG CHUB 'THOB KYI, PHA ROL TU PHYIN PA YONGS SU MA RDZOGS PAS NI MA YIN NO, ,CI RIGS PAR ZHES BYA BA NI LA LA NI BSOD NAMS KYANG YIN, BYA BA YANG YIN, GZHI YANG YIN, LA LA NI BSOD NAMS KHO NA YIN PAS SO, ,JI LTA ZHE NA, DPER NA ZHES BYA BA LA SOGS PA SMOS TE, SROG GCOD PA LA SOGS PA LAS KYI LAM BDUN PO DE DAG NI LAS KYI RANG BZHIN YIN PA'I PHYIR DANG, SEMS PA'I LAM YIN PA'I PHYIR LAS KYANG YIN, LAM YANG YIN LA, BRNAB SEMS LA SOGS PA GSUM NI SEMS PA ZHES BYA BA'I LAS KYI LAM KHO NA YIN PAS LAS YI LAM MO, ,LUS DANG NGAG GI LAS NI RNAM PA GSUM CHAR YIN NO ZHES BYA BA NI RE ZHIG RNAM PAR SMIN PA YID DU 'ONG BA'I PHYIR BSOD NAMS KYANG YIN LA, LAS KYI NGO BO NYID YIN PA'I PHYIR BYA BA YANG YIN NO, ,DE DAG KUN NAS SLONG BAR BYED PA'I SEMS PA NI DE DAG LA BRTEN NAS 'JUG PA'I PHYIR GZHI YANG YIN NO, ,DE KUN NAS SLONG BAR BYED PA'I SEMS PA NI LUS DANG NGAG GI LAS KUN NAS SLONG BAR BYED PA YIN TE, RNAM PAR SMIN PA YID DU 'ONG BA'I PHYIR BSOD NAMS KYANG YIN LA, YID KYI LAS YIN PA'I PHYIR BYA BA YANG YIN NO, ,GZHI NI MA YIN TE, BYA BA'I RTEN MA YIN PA'I PHYIR RO, ,DE DANG LHAN CIG 'BYUNG BA TSOR @81A *, ,BA LA SOGS PA NI RNAM PAR SMIN PA YID DU 'ONG BA'I PHYIR BSOD NAMS KHO NA YIN GYI, BYA BA 'AM GZHI NI MA YIN TE, DE DAG GI MTSAN NYID MED PA'I PHYIR RO, ,TSUL KHRIMS LAS BYUNG BA ZHES BYA BA NI RNAM PA GSUM SNGA MA BZHIN DU SBYAR BAR BYA'O, ,BYAMS PA NI BSOD NAMS KYANG YIN ZHES BYA BA YANG SNGA MA BZHIN DU SBYAR BAR BYA'O, ,BYA BA'I GZHI YANG YIN TE, BYAMS PA'I SGO NAS BYAMS PA'I DBANG GIS DE DANG MTSUNGS PAR LDAN PA STE, BYAMS PA DANG MTSUNGS PAR LDAN PA'I SEMS PA MNGON PAR 'DU BYED CING, SEMS PAR BYED PA'I PHYIR RO, , DE DANG LHAN CIG 'BYUNG BA STE, BYAMS PA DANG LHAN CIG 'BYUNG BA'I SEMS PA DANG, TSUL KHRIMS NI BSOD NAMS KYANG YIN LA, BYA BA YANG YIN TE, SNGA MA BZHIN NO, ,SEMS PA NI BSAM GTAN GYI SDOM PA 'JUG PAR BYA'O SNYAM DU BRTEN NAS 'JUG PA MA YIN TE, DE'I PHYIR DE BYA BA'I GZHI NI MA YIN NO, ,DE DANG LHAN CIG 'BYUNG BA TSOR BA LA SOGS PA GZHAN NI BSOD NAMS KHO NA YIN TE, SNGA MA BZHIN NO, ,DE LTAR NA SBYIN PA LAS BYUNG BA'I BSOD NAMS KYANG YIN, BYA BA YANG YIN, GZHI YANG YIN PA DANG, BSOD NAMS KYANG YIN, BYA BA YANG YIN PA DANG, BSOD NAMS YIN PAS BSOD NAMS BYA BA'I GZHI'I, ,TSUL KHRIMS LA SOGS PA NI BSOD NAMS KYANG YIN, BYA BA YANG YIN, GZHI YANG YIN PAS BSOD NAMS BYA BA'I GZHI'O, ,BSGOMS PA LAS BYUNG BA NI BSOD NAMS KYANG YIN, BYA BA'I GZHI YANG YIN PA DANG,[?] BSOD NAMS KYANG YIN, BYA BA YANG YIN PA DANG; BSOD NAMS YIN PAS BSOD NAMS BYA BA'I GZHI'O, ,MI MTHUN PA RNAMS LA YANG GCIG BSDUS PAR 'DOD DE, DPER NA GANG MI MNGON PA DAG NI YON TAN NO ZHES BYA BA DE LTA BU'O, ,GANG SBYIN PAR BYA BA DE YANG SBYIN PA YIN MOD KYI ZHES BYA BA NI SBYIN PAR BYA BA'I DNGOS PO STE, LAS SU SGRUB PA YIN NO, ,GANG GIS SPYIN BYED DE SBYIN PA, ,ZHES BYA BA NI 'DIR SBYIN PA DGE BA YIN PAR 'DOD DE, SBYIN PAR BYA BA GOS LA SOGS PA NI LUNG DUM BSTAN PA NYID YIN NO, ,'DOD CHAGS LA SOGS PAS ZHES BYA BA LA SOGS PA ZHES BYA BA'I SGRAS NI KHRO BA DANG, PHRAG DOG LA SOGS PA @81B BSDU'O; ,TSOGS GANG GIS ZHES BYA BA NI SEMS DANG SEMS LAS BYUNG BA'I CHOGS SO, ,PHUNG PO RNAMS ZHES BYA BA NI PHUNG PO LNGA'O, ,YANG NA LUS DANG NGAG GI RNAM PAR RIG BYED KYANG GZUGS KYI PHUNG PO YIN PAR BLTA'O, ,BYUNG BA ZHES BYA BA 'DI NI RANG BZHIN YIN ZHES BYA BA NI GYUR PA LA SOGS PA MA YIN PA'O, ,DPER NA RTZVA LAS BYUNG BA'I KHYIM ZHES BYA BA NI RTZVA LAS GYUR PA MED KYI, DE DAG MA GYUR PA KHO NAS DE BYAS PA YIN PAS DE'I PHYIR RTZVA LAS BYUNG BA DE NI RTZVA'I NGO BO NYID YIN NO ZHES BYA BAR SHES TE, DE GYUR PA NYID YIN PAR YONGS SU BRTAGS NAS BYUNG BA ZHES BYA'O SNYAM DU BSAM PA YIN NO, ,YANG NA DE'I RANG BZHIN YIN PAR BRJOD PAR BYA BA'I PHYIR BYUNG BA ZHES BYA BA'I MTSAN NYID 'DIS BYUNG BA ZHES BRJOD DO, ,DE BZHIN DU LO MA LAS BYUNG BA'I SNOD CES BYA BA 'DI YANG BRJOD PAR BYA'O, ,MTHONG BA'I CHOS LA MYONG BAR 'GYUR BA MA GTOGS ZHES BYA BA NI DE GNYI GA'I DON YIN PA'I PHYIR MA GTOGS SO, ,DE'I RNAM PAR SMIN PA'I SA LAS YANG DAG PAR 'DAS PA'I PHYIR ZHES BYA BA 'DOD PA'I KHAMS LAS SHIN TU YANG DAG PAR 'DAS PA'I PHYIR ZHES BYA BA'I THA TSIG STE, 'DOD PA'I KHAMS NI SBYIN PA'I RNAM PAR SMIN PA'I SA YIN PAS SO, ,THOS PA LA SOGS PA'I YON TAN DANG LDAN PA ZHES BYA BA LA SOGS PA ZHES BYA BA'I SGRAS NI GTONG BA DANG, SHES RAB DANG, 'DOD CHEN CHUNG BA LA SOGS PA'I YON TAN DANG LDAN PA BSDU 'O, ,GUS LA SOGS PAS SBYIN PAR BYED, ,CES BYA BA NI 'DI LA GUS PA LA SOGS PA YOD PAS NA GUS LA SOGS TE, 'DI NI BYA BA'I KHYAD PAR YIN NO, ,GO RIMS BZHIN DU KHYAD PAR BZHIR 'GYUR RO ZHES BYA BA NI GUS PAR SBYIN PAS NI BKUR STI RNYED PAR 'GYUR RO, ,RANG GI LAG NAS SBYIN PAS NI LONGS SPYOD RGYA CHEN PO LA DAD PA RNYED PAR 'GYUR RO, ,DUS SU BYIN PAS NI GANG GI TSE LONGS SPYOD LONGS SPYAD PAR NUS PA'I DUS LAS MI YOL BAR DUS SU RNYED PAR 'GYUR RO, ,GZHAN LA MI GNOD PAR BYIN PAS NI LONGS SPYOD BAR CHAD MED PAR RNYED PAR 'GYUR RO, ,'DI'I DUS SU REG NA BDE BA'I LUS SU 'GYUR RO ZHES BYA BA NI GRANG BA'I TSE NI DRO BA LA, DRO BA'I TSE NI GRANG ZHING, THAL MAL PA'I TSE NI THA MAL PAR 'DUG @82A *, ,PA'O; ,GRANG BA LA SOGS PAR ZHES BYA BA LA SOGS PA ZHES BYA BA'I SGRAS NI YUL NGAN DANG, CHAR 'BAB PA LA SOGS PA BSDU STE, DE NI MDO LAS JI SKAD 'BYUNG BA BZHIN NO, ,'DI LTA STE PHA MA ZHES BYA BA NI PHAN 'DOGS PA'I KHYAD PAR LAS TE, DE GNYIS LA PHAN PA DANG GNOD PA BYAS PAS 'BRAS BU CHEN PO DAG TU 'GYUR RO ZHES BYA BA'I DON DU KHONG DU CHUD PAR BYA'O, ,DOM DANG RI DAGS LA SOGS PA'I SKYES PA'I RABS DPER BYA'O ZHES BYA BA NI DOM DANG RI DAGS KYI PHUG TU BCUG NAS LUS KYI DROD KYIS BSROS PA DANG, CHUS KHYER BA LAS BSGRAL BA LAS PHAN 'DOGS 'DOGS PA DAG LA GNOD PA BYAS PAS 'PHRAL LA LAG PA CHAD PA LTA BU'O, ,SOGS PA ZHES BYA BA'I SGRAS NI SPRE'U'I SKYES PA'I RABS LA SOGS PA DPER BRJOD PAR BYA'O, ,TSUL KHRIMS DANG LDAN PA LA BYIN NA RNAM PAR SMIN PA 'BUM 'GYUR ZHES BYA BA DE LTA BU LA SOGS PA'O ZHES BYA BA LA SOGS PA ZHES BYA BA'I SGRAS NI RGYUN DU ZHUGS PA'I 'BRAS BU LA 'JUG PA LA BYIN NA RNAM PAR SMIN PA TSAD MED DO, ,DE BAS KYANG RGYUN DU ZHUGS PA LA BYIN NA CHES TSAD MED DO ZHES BYA BA LA SOGS PA BSDU'O, ,DE MA GTOGS PA ZHES BYA BA NI BYANG CHUB SEMS DPA'I SBYIN PA BSHAD MA THAG PA STE, DE NI YANG DAG PAR RDZOGS PA'I BYANG CHUB KYI DON DANG, SEMS CAN THAMS CAD KYI DON[?] DU BYIN PA YIN NO, ,LHAG MA NI GO SLA BAS RNAM PAR MA PHYI'O ZHES BYA BA NI BDAG LA BYIN PAS SBYIN PA ZHES BYA BA DE LTA BU LA SOGS PA'O, ,BDAG LA BYIN PAS SBYIN PA ZHES BYA BA NI 'DIS SNGON BDAG LA BYIN NO SNYAM NAS SBYIN PA STE, GSUM PA YIN NO, ,BDAG LA SBYIN PAR 'GYUR BAS SBYIN PA ZHES BYA BA NI BZHI PA YIN NO, ,SNGON BDAG GI PHA DANG MES PO DAG GIS SBYIN PA BYIN PAS, SBYIN PA BYIN PA ZHES BYA BA NI LNGA PA YIN NO, ,MTHO RIS KYI DON DU SBYIN PA NI DRUG PA YIN NO, ,GRAGS PA'I DON DU SBYIN PA ZHES BYA BA NI BDUN PA YIN NO, ,SEMS KYI RGYAN GYI DON ZHES BYA BA NAS DON GYI MCHOG THOB PAR BYA BA'I PHYIR SBYIN PA ZHES BYA BA'I BAR NI BRGYAD PA YIN NO, ,SEMS KYI RGYAN GYI DON NI RDZU 'PHRUL GYI DON NO, ,SEMS KYI YO BYAD KYI DON NI SEMS @82B KYI YO BYAD BRGYAD DE, 'PHAGS PA'I LAM YAN LAG BRGYAD PA'O, ,RNAL 'BYOR GYI TSOGS KYI DON NI RNAL 'BYOR GYI RGYU'I DON NO, ,DON GYI MCHOG THOB PA NI DGRA BCOM PA NYID DAM, MYA NGAN LAS 'DAS PA THOB PA STE, DE'I PHYIR SBYIN PA'O, ,BRGYAD PA NI KHYAD PAR BZHI YIN YANG DE DAG NI MYA NGAN LAS 'DAS PA THOB PAR BYED PA KHO NA YIN PA'I PHYIR, GCIG YIN PAS SLOB DPON GYIS GO SLA'O ZHES BSHAD DO, ,ZHING GI KHYAD PAR RNAM PA BZHI ZHES BYA BA NI 'GROL BA DANG, SDUG BSNGAL DANG, PHAN 'DOGS PA DANG, YON TAN GYI ZHING NGO, ,PHYOGS GANG DU GTOGS PAR BYA ZHES BYA BA NI GANG GI PHYIR DE 'GRO BA'I ZHING NYID DANG, YON TAN GYI ZHING NYID DU YANG MI RUNG BA DE'I PHYIR 'DRI BA YIN NO, ,MTHUN PA DANG MI MTHUN PA RAB TU STON PAR BYED PA NI ZHES BYA BA NI CHOS DANG CHOS MA YIN PA'O, ,RNAM PAR SMIN PA NGES PAR GNAS PA'I PHYIR ZHES BYA BA NI RNAM PAR SMIN PA 'BYIN PAR NGES PAR GNAS PA'I PHYIR ZHES BYA BA'I THA TSIG GO, ,LA LA NI ZHING GI DBANG PO KHO NAS SO ZHES BYA BA NI DPER NA MI PHAL PA BSAD PA BAS PHA BSAD PA LTA BU'O, ,DE NYID LA GZHI'I DBANG GIS ZHES BYA BA NI LAS KYI LAM GYI DBANG GIS SO, ,JI LTAR ZHE NA, SMRAS PA PHA DANG MA LA SROG GCOD PAS LAS LCI BA LTAR MA BYIN PAR BLANGS PA LA SOGS PAS NI DE LTAR LCI BA MA YIN NO, ,PHA DANG MA DAG GI NOR RKU BA'I LAS NI DE DANG 'DRA BAR LCI BA MA YIN TE, DE DAG BSAD PA NI MTSAMS MED PA'I NGO BO NYID YIN PA'I PHYIR RO, ,SOGS PA ZHES BYA BA'I SGRAS NI BRDZUN DU SMRA BA[?] DANG, PHRA MA LA SOGS PA BSDU'O, ,DE BZHIN DU GZHAN LA YANG SBYAR BAR BYA'O ZHES BYA BA NI LA LA NI SBYOR BA'I KHYAD PAR GYIS LCI BAR 'GYUR TE, RNAM PAR SMIN PA NGES PAR GNAS PA'I PHYIR RO, ,LA LA NI SEMS PA'I KHYAD PAR GYIS SO, ,LA LA NI BSAM PA'I KHYAD PAR GYIS SO; ,BLO SNGON DU MA BTANG BA YANG MA YIN LA, BAB COL DU BYAS PA YANG MA YIN NO ZHES BYA BA LA, RNAM PA GCIG TU NA BLO SNGON DU MA BTANG BAR BYAS PA NI 'DI BYA'O SNYAM DU CHED DU BSAMS NAS BYAS PA MA YIN PA'O, ,DE NI BSAGS PA MA YIN GYI, LAS DE NI LUNG DUM[?] BSTAN PA YIN @83A *, ,NO; ,BAB COL DU BYAS PA MA YIN PA ZHES BYA BA NI BLO SNGON DU BTANG ZIN KYANG BYUNG RGYAL DU BYAS PA MA YIN PA STE, GOMS TE KHA LANG DU RED PAS BRDZUN DU SMRA BA LA SOGS PA MI DGE BA GANG YIN PA DE NI BYAS PA YIN GYI, BSAGS PA NI MA YIN NO, ,GSUM GYI BAR GYI ZHES BYA BA NI LUS DANG, NGAG DANG, YID KYIS NYES PAR SPYAD PA DAG GIS SO, ,GNYEN PO MED PA YIN NO ZHES BYA BA NI PHYIR 'CHAGS PA LA SOGS PA'I GNYEN PO MED PA'I PHYIR RO, ,MI DGE BA LA 'KHOR YANG MI DGE BA YIN ZHES BYA BA NI GANG ZHIG BYAS NAS KYANG RJES SU YI RANG BAR BYED PA'O, , RNAM PAR SMIN PA 'BYIN PAR NGES PA YIN NO ZHES BYA BA NI MI DGE BA'I MTSAN NYID RGYAS PAR BSKYED PA'I PHYIR RO, ,DE BZHIN DU DGE BA LA YANG SBYAR BAR BYA'O ZHES BYA BA NI BSAMS BZHIN LAS JI LTA BU ZHE NA, CHED DU BSAMS NAS BYAS PA YIN GYI, BLO SNGON DU MA BTANG BAR BYAS PA MA YIN PA STE; DPER NA LUNG DU MA BSTAN PA'I SEMS KYIS RDO SBYIN NO SNYAM PA LAS GSER GYI GONG BU BYIN PAR GYUR PA LTA BU'O, ,DE NI BYAS PA YIN GYI, BSAGS PA NI MA YIN TE, LAS DE NI LUNG DU MA BSTAN PA YIN NO, ,BAB COL DU BYAS PA MA YIN PA NI DPER NA KHA GOMS PAS BDEN PA SMA BA LTA BU STE, DE NI BYAS PA YIN GYI MI DGE BA YANG MA YIN LA, BSAGS PA YANG MA YIN NO, ,RDZOGS PAS JI LTA BU ZHE NA, KHA CIG NI LEGS PAR SPYAD PA GCIG GIS MTHO RIS SU 'GRO LA, KHA CIG NI GSUM GYI BAR GYIS 'GRO BA DANG, KHA CIG NI LAS KYI LAM GCIG GIS MTHO RIS SU 'GRO LA, KHA CIG NI BCU'I BAR GYIS 'GRO BA DE LA GANG ZHIG GIS JI TZAM GYIS DER 'GRO BAR 'GYUR BA RDZOGS PAR MA BYAS NA LAS DE BYAS PA YIN GYI, BSAGS PA MA YIN NO, ,RDZOGS NA NI BSAGS PA YIN NO, ,DE BZHIN DU RNAM PAR SMIN PA 'BYIN PAR BYED PA ZHES BYA BA'I BAR CI RIGS PAR SBYAR BAR BYA'O, ,'DOD CHAGS DANG BCAS PAS MCHOD RTEN LA SBYIN PA BYIN PA NI BDAG GI DON DU'O ZHES BSHAD PA ZHES BYA BA NI, BDAG GZHAN DON PHYIR GNYIS DON PHYIR, ,ZHES BYA BA DER RO, ,GTONG BA'I RGYU LAS BYUNG BA KHO NA BSOD NAMS YIN NO ZHES BYA BAR MI BZOD @83B NAS; SU LA'ANG PHAN BTAGS PA MED PA'I PHYIR RO ZHES BYA BA SMOS SO, ,LEN PAR BYED PAR YOD NA NI GTONG BA'I RGYU LAS BYUNG BA'I BSOD NAMS RUNG STE, DE LA NI DGA' BA DANG PHAN BTAGS PA YIN PAS BLANGS SO ZHES BYA BAR RUNG NGO, ,LEN MED BYAMS SOGS BZHIN ZHES BYA BA NI BYAMS PA LA SOGS PA DANG 'DRA BAS NA BYAMS SOGS BZHIN TE, LEN PAR BYAS PA SA LEN PA MED KYANG RUNG NGO, ,PHA ROL PO LA PHAN BTAGS PA MED KYANG RUNG, DGE BA'I RTZA BA LA SOGS PA'I STOBS BSKYED PAS BSOD NAMS SU 'GYUR BA DE BZHIN DU DE BZHIN GSHEGS PA LA SOGS PA YON TAN DANG LDAN PA 'DAS KYANG DE LA DAD PAS BYAS PA STE, MCHOD RTEN LA PHUL BA BSOD NAMS SU 'GYUR RO, ,'O NA NI SBYIN PA DANG MCHOD PA BYA BA DON MED PAR 'GYUR RO ZHES BYA BA NI, GAL TE RANG GI SEMS KHO NA LAS BSOD NAMS SU 'GYUR NA, SEMS 'BA' ZHIG GI SBYIN PA DANG MCHOD PA DAG BYA DGOS TE, DE KHO NA LAS BSOD NAMS 'THOB PA'I PHYIR RO, ,MA YIN TE, LAS DE KUN NAS SLONG BAR BYED PA'I DAD PA NI CHES MCHOG YIN PA'I PHYIR ZHES BYA BA NI DE LTA MA YIN NO, ,CI'I PHYIR ZHE NA, 'DI LTAR BCOM LDAN 'DAS LA SEMS TZAM GYIS SBYIN PA DANG, MCHOD PA DAG SEMS PAR BYED PA'I DAD PA GANG YIN PA DE BAS NI SBYIN PA DANG, MCHOD PA DAG DNGOS SU BYED PA'I DAD PA 'DI CHES MCHOG YIN TE, LUS DANG NGAG GI LAS DAG KYANG 'JUG PAR BYED PA'I PHYIR RO, ,SEMS TZAM GYI SEMS PAR BYED PA'I DAD PA NI LUS DANG NGAG GI LAS DAG 'JUG PAR MI BYED DO,, JI LTAR ZHES BYA BA RGYAS PAR 'BYUNG BA NI JI LTAR DGRA BSAD DO SNYAM DU BSAM PA'I BSAM PA CAN 'GA' ZHIG DES KUN NAS BSLANG BA'I LUS DANG, NGAG GI LAS DE SHI BZHIN DU DGRA'I 'DU SHES KYIS TE, DGRA 'DI DA DUNG MA SHI'O SNYAM PA'I 'DU SHES 'DIS BYED NA, SEMS PA'I RGYUN CHAGS PHYIR BSOD NAMS MA YIN PA CHES MANG DU SKYE BAR 'GYUR GYI, BSAM PA TZAM BYA BAS STONG PA NI MA YIN PA DE BZHIN DU BCOM LDAN 'DAS YONGS SU MYA NGAN LAS 'DAS PAS 'DAS KYANG DE LA DAD PAS KUN NAS BSLANG BA STE, STON PA LA DAD PAS KUN NAS BSLANG BA'I SBYIN PA DANG, MCHOD PA BYA BA @84A *, ,MJUG TU GYUR PA JI LTA BU BYED NA BSOD NAMS CHES MANG DU 'GYUR GYI, DAD PA TZAM BYA BAS STONG PAS NI MA YIN NO, ,'O NA NI ZHING NGAN PA LA BYIN PA 'BRAS BU YID DU MI 'ONG BAR 'GYUR RO ZHES BYA BA NI GCER BU BA DAG CHOM RKUN PA LA SOGS PA LA BYIN NA 'BRAS BU YID DU MI 'ONG BAR 'GYUR RO ZER BA LTAR NA, ZHING BZANG PO LA NI 'BRAS BU YID DU 'ONG BAR 'GYUR LA, ,ZHING NGAN PA LA NI ZLOG PA YIN PAS DE'I PHYIR SMRA BAR BYED DO, ,RGYU LAS 'BRAS BU MI 'KHRUL PHYIR, ,NGAN PA'I ZHING LA'ANG 'BRAS YID 'ONG, ,ZHES BYA BA NI, ZHING GI KHYAD PAR LAS 'BRAS BU YID DU 'ONG BAR 'GYUR RO ZHES NI MI ZER RO, ,'O NA CI ZHE NA, KHYAD PAR DU 'PHAGS PAR 'GYUR RO ZHES ZER TE, ZHING BZANG PO LA SROG GCOD PA LA SOGS PA'I SA BON GYI 'BRAS BU NI YID DU 'ONG BAR MI 'GYUR RO, ,ZHING NGAN[?] PA LA YANG SA BON LAS TE, RGYUN GYI SA BON LAS 'BRAS BU RGYUN GYI 'BRAS BU MI 'KHRUL BA MTHONG STE, RGYUN GYI 'BRAS BU KHO NA MNGAR BAR MTHONG GI NIM PA'I 'BRAS BU NI MA YIN NO ZHES BYA BA'I THA TSIG GO, ,DE BZHIN DU NIM PA'I SA BON LAS NI NIM PA'I 'BRAS BU KHA BA KHO NA SKYE STE, RGYUN GYI SA BON NI DGE BA'I DPER BRJOD PA YIN NO, ,NIM PA'I SA BON NI MI DGE BA'I DPER BRJOD PA YIN NO, ,'CHAL BA'I TSUL KHRIMS NI MI DGE'I GZUGS ZHES BYA BA NI, 'CHAL BA'I TSUL KHRIMS NI SROG GCOD PA LA SOGS PA'I MTSAN NYID RANG BZHIN GYI KHA NA MA THO BA'I GZUGS YIN NO, ,SANGS RGYAS KYIS NI BCAS PA YANG, ,ZHES BYA BA NI, BCAS PA'I KHA NA MA THO BA'O, ,BSLAB PA MNOS PAS DE DAG SPYAD NA 'CHAL BA'I TSUL KHRIMS SU 'GYUR RO ZHES BYA BA NI, DE DAG SPONG BA MNOS PA BCOM LDAN 'DAS KYI BKA' LA MA GUS PA'I PHYIR 'CHAL BA'I TSUL KHRIMS SU 'GYUR TE, SHUGS KYIS NA TSUL KHRIMS MA NOS PA'I NI 'CHAL BA'I TSUL KHRIMS MA YIN NO ZHES BSHAD PA YIN NO, ,RNAM DAG YON TAN BZHI LDAN NO, ,ZHES BYA BA NI 'DI LA YON TAN BZHI YOD PAS NA YON TAN BZHI LDAN NO, ,'CHAL BA'I TSUL KHRIMS KYIS 'PHAN MA BYUNG BA NI JI SKAD BSHAD PAS ZHES BYA BA NI, 'CHAL @84B BA'I TSUL KHRIMS MI DGE'I GZUGS, ,ZHES BYA BA 'DI LTA BUS SO, ,'CHAGS PA LA SOGS PA ZHES BYA BA NI 'CHAL BA'I TSUL KHRIMS KYI RGYU DE DAG KUN DU SPYOD PA DANG LDAN PAS NI 'PHAN 'BYUNG BAR 'GYUR RO, ,'CHAL BA'I TSUL KHRIMS KYI GNYEN PO LA BRTEN PA ZHES BYA BA BSTAN PA'I PHYIR; DRAN PA NYE BAR GZHAG PA LA BRTEN PA'I PHYIR RO ZHES BYA BA SMOS TE, LAS KYI LAM DNGOS KYI RNAM PAR DAG PA ZHES BYA BA NI SROG GCOD PA LA SOGS PA DNGOS KYIS NYAMS PAR MA BYAS PA ZHES BYA BA'I THA TSIG GO, ,NYER BSDOGS DAG GIS RNAM PAR DAG PA ZHES BYA BA NI SROG GCOD PA LA SOGS PA'I SBYOR BA DAG GI SA SUN MA PHYUNG BA ZHES BYA BA'I DON TO, ,RNAM PAR RTOG PA RNAMS KYIS ZHES BYA BA NI 'DOD PA'I RNAM PAR RTOG PA LA SOGS PAS SO, ,DRAN PAS YONGS SU BZUNG BA ZHES BYA BA NI LUS DRAN PA NYE BAR GZHAG PA DAG GIS BRTAN POR BYAS PA'AM, TSUL KHRIMS DRAN PAS YONGS SU BZUNG BA'O, ,LEGS SU SMON PA'I TSUL KHRIMS ZHES BYA BA LA, LEGS SU SMON PA NI DON DU GNYER BA'O, ,SRID PA DANG, ,LONGS SPYOD DANG, BKUG STI LA CHAGS NAS BSRUNG BA GANG YIN PA'O ZHES BYA BA NI SRID PA DANG, LONGS SPYOD DANG, BKUR STI LA SRED PA DES MNOS PA ZHES BYA BA'I THA TSIG GO, ,YANG DAG PA'I LTA BA CAN RNAMS ZHES BYA BA NI SANGS RGYAS KYI BSTAN PA LA ZHUGS PA RNAMS TE, GZHAN MU STEGS CAN RNAMS KYI NI YANG DAG PA'I LTA BA CAN MA YIN PA'I PHYIR RO, ,BYANG CHUB KYI YAN LAG GI RJES SU 'JUG PA MA YIN NO, ,MNYAM PAR GZHAG PA'I DGE BA NI ZHES BYA BA LA, MNYAM PAR GZHAG PA ZHES BYA BA SMOS PA NI MNYAM PAR GZHAG PA MA YIN PA BZLOG PA'I PHYIR RO, ,DGE BA ZHES BYA BA SMOS PA NI SNYOMS PAR 'JUG PA'I RO MYANG BA DANG MTSUNGS PAR LDAN PA'I BSAM GTAN NYON MONGS PA CAN BSAL BA'I PHYIR TE, DE YANG MNYAM PAR GZHAG PA'I DGE BA DANG 'DRA BA NI 'BYUNG NGO, ,TING NGE 'DZIN GYI RANG BZHIN DANG, DE DANG LHAN CIG 'BYUNG BA GANG YIN PA'O ZHES BYA BA NI TING NGE 'DZIN GYI NGO BO NYID DANG, DE DANG LHAN CIG 'BYUNG BA GANG YIN PA'O ZHES BYA BA'I THA TSIG GO, ,MNYAM @85A *, ,PAR GZHAG PA'I DGE BA DE NI ZHES BYA BA RGYAS PAR 'BYUNG BA NI MNYAM PAR GZHAG PA'I DGE BA DE NI SEMS LA SHIN TU BSGO BAR BYED CING, GOMS PAR BYED DE, MNYAM PAR GZHAG PA MA YIN PA YANG BSGO BAR BYED MOD KYI DE LTAR SHIN TU NI MA YIN NO ZHES STON PAR BYED DO, ,JI LTA ZHE NA, RGYUD YON TAN RNAMS KYIS DE'I BDAG NYID DU BYED PA'I PHYIR ZHES BYA BA SMOS TE, 'DI LTAR RGYUD TING NGE 'DZIN GYI YON TAN RNAMS KYIS DE'I BDAG NYID DU BYED PAS SO, ,'DIR DPE ME TOG RNAMS KYIS TIL LA BSGOS PA BZHIN NO ZHES BYA BA SMOS TE, DPER NA ME TOG RNAMS KYIS ME TOG GI DRI'I BDAG NYID DU BYED PA'I PHYIR TIL LA BSGO BAR BYED PA DE DANG 'DRA STE 'DI SKAD DU, BSGOMS PA LAS BYUNG BA NI BSGOM PA'I BAG CHAGS DE'I NGO BO NYID KYI BSOD NAMS YIN NO ZHES BSHAD PAR 'GYUR RO, ,YANG TSUL KHRIMS DANG BSGOM PAS CIR 'GYUR ZHES BYA BA'I TSIG LHAG MA'I SGO NAS DON 'DRI BA YIN NO, ,MTHO RIS DON DU TSUL KHRIMS GTZO PHYIR ZHES BYA BA NI MTHO RIS KYI DON DU TSUL KHRIMS GTZO BO YIN GYI, GZHAN NI MTHO RIS KYI DON DU MA YIN NO, ,GZHAN YANG GANG ZHIG CE NA SBYIN PA'O, ,SBYIN PA YANG MTHO RIS KYI DON DU 'GYUR LA, ZHI GNAS DANG, LHAG MTHONG DAG NI TSUL KHRIMS LA BRTEN PA'I PHYIR TSUL KHRIMS KYIS KYANG 'BRAL BAR NI 'GYUR MOD KYI, DNGOS SU BRAL BA THOB PAR BYED PA'I PHYIR RAM, SPONG BA'I LAS KYIS BSDUS PA YIN PA'I PHYIR 'BRAL BAR BYA BA LA BSGOM PA NI GTZO BO YIN PA'I PHYIR RO, ,BSOD NAMS BYA BA'I GZHI'I ZHAR LA, MDO LAS ZHES BYA BA NI 'DI RGYAS PAR 'GOD DE, MDO LAS GANG ZAG BZHI NI TSANGS PA'I BSOD NAMS BSKYED, MA BYAS PA'I SA PHYOGS SU DE BZHIN GSHEGS PA'I SKU GDUNG GI MCHOD RTEN BYED PA 'DI NI GANG ZAG TSANGS PA'I BSOD NAMS BSKYED PA DANG PO YIN NO; ,PHYOGS BZHI'I DGE 'DUN LA KUN DGA'I RA BA 'BUL ZHING, KUN DGA'I RA BA DE NYID DU GTZUG LAG KHANG RTZIG PAR BYED PA 'DI NI, GANG ZAG TSANGS PA'I BSOD NAMS BSKYED PA GNYIS PA YIN NO, ,DE BZHIN GSHEGS PA'I NYAN THOS BYE BA SDUMS BYED PA 'DI NI GANG ZAG TSANGS @85B PA'I BSOD NAMS BSKYED PA GSUM PA YIN NO, ,BYAMS PA'I SEMS KHO NA MED PA, 'GRAN ZLA MED PA, GNOD PA MED PA, YANGS PA, RGYA CHEN POR GYUR PA, MI GNYIS PA, TSAD MED PA, SHIN TU BSGOMS PAS PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS SO; ,DE BZHIN DU GNYIS PA DANG, DE BZHIN DU GSUM PA DANG, DE BZHIN DU BZHI PA DANG, BLA DANG, 'OG DANG, THAD KAR RNAM PA THAMS CAD DU THAMS CAD DANG LDAN PA'I 'JIG RTEN 'DI KHYAB PAR BYAS NAS RDZOGS PAR BYAS TE, GNAS PA 'DI NI GANG ZAG TSANGS PA'I BSOD NAMS BSKYED PA BZHI PA YIN NO ZHES BSHAD DO, ,MTSAN RNAM PAR SMIN PA CAN GYI LAS KYI TSAD SHES PAR BYA BA'I PHYIR BSHAD PA GANG YIN PA'O ZHES BYA BA NI BYANG CHUB SEMS DPA' NYE BA MA GTOGS PA SEMS CAN THAMS CAD KYI LONGS SPYOD KYI 'BRAS BU CAN ZHES BYA BA DE LTA BU LA SOGS PA BSHAD BA GANG YIN PA'O, ,TSANGS PA'I BSOD NAMS ZHES BYA BA NI TSANGS PA RNAMS KYI YIN PAS NA TSANGS PA'I 'O, ,'DIR NI TSANGS PA'I MDUN NA 'DON PA RNAMS KYANG TSANGS PA'I ZHES BYA BA'I SGRAR 'DOD DE, 'DI LTAR TSANGS PA'I MDUN NA 'DON PA RNAMS KYI TSE BSKAL PAR THUB PA'I PHYIR TE, TSANGS PA'I MDUN NA 'DON RNAMS KYI TSE YANG BSKAL PAR THUB PAR BSHAD LA, LAS 'DIS KYANG MTHO RIS DAG TU BSKAL PAR DGA' BAR 'GYUR BAS SO, ,SDE PA GZHAN GYI GZHUNG LAS, TSANGS PA'I BSOD NAMS SKYED PA NI, ,BSKAL PAR MTHO RIS DGA' BAR GNAS, ,ZHES 'BYUNG BAS DE DANG CHOS MTHUN PA'I PHYIR 'DI TSANGS PA'I BSOD NAMS ZHES BYA'O, ,'DOD PA'I KHAMS NA LAS DGE BA'I RNAM PAR SMIN PA BSKAL PAR THUB PA MED PA MA YIN NAM ZHE NA, GCIG GI NI MED PA BDEN NA SHI 'PHOS NAS YANG DE NYID DU SKYE BA'I NYING MTSAMS SBYOR BA'I PHYIR GANG DAG GI MTHO RIS KYI 'BRAS BU RIM GYIS BSKAL PA'I TSAD TZAM DU THUB PA MNGON PAR 'GRUB PAR 'GYUR BA'I SEMS PA, RTEN GCIG PA DAG NI MANG PO ZHIG 'BYUNG NGO, ,KHA CIG RE TSANGS PA'I BSOD NAMS NI BSOD NAMS CHEN PO YIN NO ZHES ZER RO, ,MDO SOGS ZHES BYA BA LA @86A *, ,SOGS PA ZHES BYA BA'I SGRAS NI BSTAN PA'I YAN LAG BCU GNYIS BSDU STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I SDE DANG, GTAN LA BAB PAR BSTAN PA'I SDE ZHES BYA BA'I YAN LAG RNAMS SO, ,NYON MONGS PA CAN MA YIN PAS ZHES BYA BA NI NYON MONGS PA CAN GYI SEMS KYIS KUN NAS MA BSLANGS PA ZHES BYA BA'I THA TSIG GO, ,BSOD NAMS CHEN PO NYAMS PAR BYED PA ZHES BYA BA NI BSOD NAMS MA RUNG BAR BYED PA'O, ,BSOD NAMS KYI CHA DANG MTHUN PA ZHES BYA BA NI BSOD NAMS KYI CHA THOB PA YIN PAS NA BSOD NAMS KYI CHA STE, BSOD NAMS KYI 'BRAS BU THOB PA ZHES BYA BA'I THA TSIG GO, ,DE DANG MTHUN PAR NI BSOD NAMS KYI CHA DANG MTHUN PA'O, ,DE NYID KYI PHYIR, RNAM PAR SMIN PA YID DU 'ONG BA CAN GANG YIN PA'O ZHES BYA BA SMOS SO, ,RNAM PA GCIG TU NA CHA NI GSUM STE, BSOD NAMS KYI CHA DANG, BSOD NAMS MA YIN PA'I CHA DANG, MI G-YO BA'I CHA'O, ,DE LAS DE DANG MTHUN PA'I CHA NI BSOD NAMS KYI CHA DANG MTHUN PA'O, ,YANG NA BSOD NAMS LA BRTEN PAS NA BSOD NAMS KYI CHA'O, ,BSOD NAMS NYID BSOD NAMS KYI CHA DANG MTHUN PA YIN TE, RANG GI DON GYI RKYEN GYI DBANG DU BYAS PA YIN NO; ,THAR PA'I CHA DANG MTHUN PA YANG DE DANG 'DRA'O, ,YANG NA CHA NI GNYIS TE, 'KHOR BA'I CHA DANG, THAR PA'I CHA'O, ,DE LAS THAR PA'I CHA DANG MTHUN PA GANG YIN PA DE NI THAR PA'I CHA DANG MTHUN PA'O, ,YANG NA THAR PA'I CHA NI THAR PA THOB PA'O, ,DE'I PHYIR DE DANG MTHUN PA DE NI DE'I THOB PA DANG MTHUN PA YIN PAS THAR PA'I CHA DANG MTHUN PA STE, DE'I MTSAN NYID NI 'OG NAS 'CHAD DO, ,NGES PAR 'BYED PA'I CHA DANG MTHUN PA YANG DE BZHIN DU SBYAR BAR BYA'O, ,'OG NAS BSHAD PAR BYA'O ZHES BYA BA NI, DE LAS DRO BAR GYUR PA SKYE, ,ZHES BYA BA DER RO, ,LAS KYI SKABS SU @86B LAS KYI RANG BZHIN GYI MTSAN NYID 'JIG RTEN NA YIG 'BRU ZHES BYA BA LA SOGS PA 'DI BRJOD DE, KUN NAS SLONG BA DANG BCAS PA ZHES BYA BA NI SEMS DANG SEMS LAS BYUNG BA'I TSOGS DANG BCAS PA STE, GANG GIS LUS KYI LAS SLONG BAR BYED PA'O, ,LUS KYI LAS KUN NAS SLONG BA DANG BCAS PA RIGS PAS RAB TU BCUG PA DE NI YIG 'BRU DANG RGYA YIN NO,, ,,BAM PO SUM CU RTZA BRGYAD PA, RGYU LA 'BRAS BU BTAGS PA'I PHYIR TE, BSTAN BCOS LAS NI LUS KYI LAS GANG GIS YIG 'BRU 'BRI ZHING RGYA RKO BAR BYED PA STE, YIG 'BRU DANG RGYA YIN PAR BZHED KYI, 'JIG RTEN NA JI SKAD GRAGS PA LTA BU NI MA YIN TE, 'JIG RTEN NA NI YIG 'BRU NI GLEGS BAM LA SOGS PA NA YOD PA'I YI GE'I MTSAN MA YIN NO, ;RGYA NI YI GE DANG YI GE MA YIN PA'I MTSAN MA YIN NO ZHES BYA BAR 'DOD DO, ,BGRANG BA DANG SNYAN DNGAGS NI NGAG GI LAS RIGS PAS RAB TU BCUG PA KUN NAS SLONG BA DANG BCAS PA YIN NO ZHES BYA BAR SBYAR RO, ,PHUNG PO LNGA'I RANG BZHIN NO ZHES BYA BA NI YIG 'BRU DANG RGYA DAG GI GZUGS KYI PHUNG PO NI LUS KYI LAS SO, ,BGRANG BA DANG SNYAN DNGAGS DAG GIS GZUGS KYI PHUNG PO NI NGAG GI LAS SO, ,GNYIS KA LA YANG KUN NAS SLONG BAR GYUR PA TSOR BA LA SOGS PA PHUNG PO BZHI YOD PAS DE DAG NI PHUNG PO LNGA'I RANG BZHIN NO, ,YID KYI CHOS RNAMS SDOM PAR BYED PA GANG YIN PA'O ZHES BYA BA NI GCIG GNYIS, GSUM ZHES BYA BA LA SOGS PA'I GRANGS SO, ,CHOS MNGON PA PA RNAMS NA RE YANG NA GANG LA YID KYIS BGRANG BAR BYED PA YIN NO ZHES ZER RO, , GRANGS 'DI YANG 'KHOR DANG BCAS PAS GZUNG BA'I PHYIR PHUNG PO BZHI'I RANG BZHIN NO, ,YIG 'BRU LA SOGS PA'I MTSAN NYID BSTAN PA'I ZHAR LA KHA NA MA THO BA DANG BCAS PA LA SOGS PA'I CHOS RNAMS KYI MTSAN NYID BSTAN PA YANG NYE BAR 'GOD PAR BYED DO, ,'BREL PA GZHAN YANG RNAM GRANGS 'DI DAG NI CHOS KYI PHUNG PO'I RNAM PAR BSHAD PA LAS BSTAN LA, 'DI YANG DE MDOR BSDUS PA YIN PAS RNAM GRANGS 'DI DAG NYE BAR 'GOD DO ZHES BYA BA YIN NO, ,NYON MONGS PA'I MTSAN NYID KYI KHA NA MA THO BA DANG LHAN CIG 'JUG PAS NA KHA NA MA THO BA DANG BCAS PA'O, ,NYON MONGS PAS BKAB @87A *, ,PA'I PHYIR BSGRIBS PA STE, NYON MONGS PA RNAMS KYANG MTSUNGS PAR LDAN PA'I NYON MONGS PA GZHAN GYIS BSGRIBS PA YIN NO, ,GNAG PA'I PHYIR RAM, 'PHAGS PA RNAMS KYIS BOR BA'I PHYIR NGAN PA STE, GNAG PA NI NYON MONGS PA DANG LDAN PA'I SGO NAS KHONG DU CHUD PAR BYA'O, ,DRI MED DGE ZHES BYA BA NI DGE BA ZAG PA MED PA DE DAG NI DAG PA'I RAB KYI MTHAR PHYIN PA'I PHYIR GYA NOM PA YIN NO, ,NGAN PA DANG GYA NOM PA DAG LAS GZHAN PA NI BAR MA ZHES BYA BAR GRUB PA YIN NO ZHES BYA BA NI NYON MONGS PA DAG KHO NA NGAN PA YIN LA, DGE BA DRI MA MED PA DAG KHO NA NGES PAR GYA NOM PA YIN NO ZHES BYA BAR NGES PAR GZUNG BA'I PHYIR RO, ,DE LAS GZHAN PA DAG NI NGAN PA YANG MA YIN LA, GYA NOM PA YANG MA YIN PAS BAR MA YIN PAR GRUB PO, ,'DUS BYAS DGE BSTAN BYA ZHES BYA BA NI ZAG PA DANG BCAS PA'ANG RUNG ZAG PA MED PA YANG RUNG STE; KHYAD PAR MED PAR BSTEN PAR BYA ZHING RGYUD LA BSKYED PA'I SGO NAS GUS PAR BYA BA YIN NO, ,LHAG MA NI BSTEN PAR BYA BA MA YIN PA ZHES BYA BA LHAG MA GANG ZHE NA, 'DUS MA BYAS DANG, MI DGE BA DANG, NYON MONGS PA CAN GANG DAG YIN PA STE, BSGRIBS LA LUNG DU MA BSTAN PA ZHES BYA BA'I THA TSIG GO, ,GOMS PAR BYAR MI RUNG BA'I PHYIR RO ZHES BYA BA NI YANG DANG YANG DU BYAR MI RUNG BA'I PHYIR RO ZHES BYA BA'I THA TSIG GO, ,GZHAN DAG NA RE BSKYED DU MI RUNG BA'I PHYIR RO ZHES ZER RO, ,'BRAS BU YANG MED PA'I PHYIR RO ZHES BYA BA NI, 'DUS BYAS LA NI RGYU 'BRAS DAG ,'DUS MA BYAS LA DE DAG MED, ,CES 'BYUNG BAS SO, ,BLA MA DANG BCAS PA ZHES BYA BA NI PHUL DU PHYIN PA DANG BCAS PA STE, MI DGE BA RNAMS NI BSGRIBS LA LUNG DU MA BSTAN PA RNAMS KYIS BLA MA DANG BCAS PA YIN TE, BSGRIBS LA LUNG DU MA BSTAN PA RNAMS LA RNAM PAR SMIN PA YID DU MI 'ONG BA MED PA'I PHYIR RO, ,BSGRIBS LA LUNG DU MA BSTAN PA RNAMS NI 'DUS BYAS MA BSGRIBS LA LUNG DU MA BSTAN PA RNAMS KYIS BLA MA DANG BCAS PA YIN TE, DE DAG NYON MONGS PA CAN MA YIN PA'I PHYIR RO, ,DE RNAMS KYANG DGE BA ZAG PA DANG BCAS PA @87B RNAMS KYIS BLA MA DANG BCAS PA YIN TE, DGE BA ZAG PA DANG BCAS PA'I 'BRAS BU NI YID DU 'ONG BA YIN PA'I PHYIR RO, ,DE RNAMS KYANG ZAG PA MED PA RNAMS KYIS BLA MA DANG BCAS PA YIN TE, NYON MONGS PA MED PA'I PHYIR RO, ,ZAG PA MED PA'I 'DUS BYAS RNAMS KYANG 'DUS MA BYAS RNAMS KYIS BLA MA DANG BCAS PA YIN TE, 'DUS MA BYAS RNAMS NI RTAG PA'I PHYIR RO, ,'DUS MA BYAS NAM MKHA' DANG, SO SOR BRTAGS PA YIN PAS 'GOG PA DAG KYANG SO SOR BRTAGS PAS 'GOG PAS BLA MA DANG BCAS PA YIN TE, SO SOR BRTAGS PAS 'GOG PA NI DGE BA RTAG PA YIN PA'I PHYIR RO, ,THAR PA BLA NA MED PA YIN, ,MYA NGAN LAS 'DAS PA LAS LHAG PAR KHYAD PAR DU 'PHAGS PA NI MED DE, 'DI LTAR DGE SLONG DAG CHOS 'DUS BYAS SAM 'DUS MA BYAS JI SNYED PA DE DAG GI NANG NA MCHOG NI 'DOD CHAGS DANG BRAL BA YIN PAR BRJOD DO ZHES BRJOD DO, ,SO SOR BRTAGS PAS 'GOG PA NI RTAG PA'I PHYIR DANG, DGE BA'I PHYIR 'DUS BYAS THAMS CAD DANG, 'DUS MA BYAS NAM MKHA' DANG SO SOR BRTAGS PA MA YIN PAS 'GOG PA DAG PAS KYANG CHES MCHOG YIN NO, ,CHOS MNGON PA'I MDZOD KYI 'GREL BSHAD DON GSAL BA ZHES BYA BA SLOB DPON RGYAL PO'I SRAS GRAGS PA'I BSHES GNYEN GYIS MDZAD PA LAS, LAS BSTAN PA ZHES BYA BA STE MDZOD KYI GNAS BZHI PA RDZOGS SO,, ,,LAS LAS 'JIG RTEN SNA TSOGS SKYES, ,ZHES BSHAD PA ZHES BYA BA NI BZHI PA'I DANG POR BSHAD PA YIN TE, DE'I PHYIR 'BREL PA 'DIS NA PHRA RGYAS NYE BAR 'GOD DO ZHES 'BREL PA STON PAR BYED DO, ,JI SKAD DU BSHAD PA'I MTSAN NYID KYI LAS RAB TU DBYE BA DE DAG KYANG PHRA RGYAS KYI DBANG GIS BSAGS PAR 'GYUR ZHING RNAM PAR SMIN PAR NGES PAR GNAS TE, RNAM PAR SMIN PA 'BYIN PAR NGES PAR 'GYUR RO ZHES BYA BA'I THA TSIG GO, ,PHRA RGYAS MED PAR TE, PHRA RGYAS DAG MED PAR NI LAS DGE BA 'AM MI DGE BA DAG SRID PA STE, SKYE BA MNGON PAR 'GRUB CING BSKYED PAR MI NUS TE, DGRA BCOM PA LA YANG SRID PA'I LAS MA NGES PA DAG NI MED PA @88A *, ,MA YIN MOD KYI, PHRA RGYAS MED PA'I PHYIR YANG SRID PA MNGON PAR 'GRUB PAR MI NUS SO, ,DE NYID KYI PHYIR DE DAG MA NGES PA NYID DU 'GRUB BO, ,NI ZHES BYA BA 'DI NI GANG GI PHYIR ZHES BYA BA'I DON DU STON PA YIN TE, GANG GI PHYIR PHRA RGYAS DAG MED PAR SRID PA MNGON PAR 'GRUB PAR MI NUS PA DE'I PHYIR, PHRA RGYAS KYI DBANG GIS BSAGS PAR 'GYUR RO ZHES BYA BAR BSAMS PA YIN NO, ,GZHAN DAG NI TSIG 'DI GNYIS LA 'DI SKAD DU 'CHAD DE, LAS DE DAG KYANG PHRA RGYAS KYI DBANG GIS BSAGS PAR 'GYUR ZHES BYA BA NI LAS MA BYAS PA GANG DAG YIN PA DE DAG PHRA RGYAS KYI DBANG GIS YANG SRID PA MNGON PAR 'GRUB PAR SOGS PAR 'GYUR RO ZHES BYA BA'I THA TSIG STE, DGRA BCOM PA DAG NI YANG SRID PA MNGON PAR 'GRUB PAR BYA BA'I PHYIR LAS RNAMS SOGS PAR MI BYED DO, ,PHRA RGYAS MED PAR NI SRID PA MNGON PAR 'GRUB PAR MI NUS ZHES BYA BA NI BYAS PA GANG DAG YIN PA DE DAG KYANG PHRA RGYAS RNAMS MED PAR SRID PA MNGON PAR 'GRUB PAR MI NUS TE, DGRA BCOM PA DAG LA SO SO'I SKYE BO'I GNAS SKABS NA BYAS PA YANG SRID PA PA'I LAS DGE BA 'AM, MI DGE BA MA NGES PA DAG NI MED PA MA YIN MOD KYI, PHRA RGYAS MED PA'I PHYIR DE DAG GIS SRID PA MNGON PAR 'GRUB PAR MI NUS SO, ,DE LTA BAS NA DE LTAR DON THA DAD PAR BRJOD PAS NI ZHES BYA BA NI BSDU BA'I DON YIN NO ZHE'O, ,SRID PA'I RTZA BA PHRA RGYAS ZHES BYA BA NI YANG SRID PA'AM, LAS KYI SRID PA'I RTZA BA NI PHRA RGYAS RNAMS YIN TE, DE SOGS PA DANG, KUN NAS SLONG BA'I RGYU YIN PA'I PHYIR RO SNYAM DU BSAMS PA YIN NO, ,RTZA BA BRTEN PAR BYED DO ZHES BYA BA LA RTZA BA NI 'DIR THOB PA YIN TE, DE RGYUN MI 'CHAD PA'I DON GYIS BRTAN POR BYED DO ZHES BYA BA'I THA TSIG GO, ,RGYUD GNAS PAR BYED DO ZHES BYA BA NI NYON MONGS PA'I RGYUN BRGYUD PAS GNAS PAR BYED DO ZHES BYA BA'I DON TO, ,ZHING DU SGRUB PAR BYED DO ZHES BYA BA NI LAS BDAG NYID SKYE BA DANG MTHUN PAR BYED DO ZHES BYA BA'I THA TSIG GO, ,RGYU MTHUN PA SGRUB PAR BYED DO ZHES BYA BA NI RANG GI RGYU MTHUN PA NYE BA'I NYON MONGS PA SKYED PAR BYED PA STE, DPER NA 'DOD CHAGS KYIS NI NGO TSA MED PA DANG, RGOD PA @88B DANG; SER SNA DAG SKYED PAR BYED LA, ZHE SDANG GIS NI KHRO BA DANG, PHRAG DOG SKYED PAR BYED DO ZHES BYA BA LA SOGS PA LTA BU'O, ,LAS KYI SRID PA MNGON PAR SGRUB PAR BYED DO ZHES BYA BA NI LAS NYID SRID PA YIN PAS LAS KYI SRID PA'O, ,DE YANG SRID PA MNGON PAR 'GRUB PAR BYA BA'I PHYIR SKYED PAR BYED DO ZHES BYA BA'I DON TE, 'DI NI SRID PA'I RTZA BA PHRA RGYAS ZHES BYA BA 'DIS DON BSTAN PA YIN NO, ,RANG GI TSOGS YONGS SU 'DZIN PAR BYED DO ZHES BYA BA LA, RANG GI TSOGS NI NYON MONGS PA'I TSUL BZHIN MA YIN PA YID LA BYED PA'O, ,DE YONGS SU 'DZIN PA STE, DE MA 'ONGS PA'I RGYU'I NGO BOR GNAS PAR BYED DO ZHES BYA BA'I THA TSIG GO, ,DMIGS PA LA KUN DU RMONGS PAR BYED DO ZHES BYA BA NI YANG DAG PA JI LTA BA BZHIN MI 'DZIN PA'I PHYIR RAM, BLO NYAMS PAR BYED PA'I PHYIR KUN DU RMONGS PAR BYED PA YIN NO, ,RNAM PAR SHES PA'I RGYUN 'KHRID PAR BYED DO ZHES BYA BA NI RNAM PAR SHES PA'I RGYUN DMIGS PA'AM, YANG SRID PAR 'KHRID PAR BYED PA STE, GAL TE SRID PA'I RTZA BA PHRA RGYAS ZHES BYA BA YANG SRID PA YIN PAR BZUNG NA NI 'DI DE'I DPER BRJOD PA YIN NO, ,DGE BA'I PHYOGS LAS G-YO BAR BYED DO ZHES BYA BA NI DGE BA'I PHYOGS LAS YONGS SU NYAMS PAR BYED PA'O, ,'CHING BA'I DON DU KHYAB PAR BYED DO ZHES BYA BA NI 'CHING BA'I CHED DU KHYAB PAR BYED CING MCHED PAR BYED DO ZHES BYA BA'I THA TSIG GO, ,JI LTA ZHE NA, KHAMS LAS MI 'DA' BA'I TSUL GYIS ZHES BYA BA SMOS TE, KHAMS LAS MI 'DA' BA'I RNAM PAS ZHES BYA BA'I DON TO, ,DE NI 'DI SKAD NYON MONGS PA GANG ZHIG KHAMS GANG DU GTOGS PA DES NI KHAMS DE LAS MI 'DA' BAR BYED DO ZHES BSHAD PA YIN NO, ,'DOD CHAGS KYI DBANG GIS GZHAN DAG CES BYA BA NI DMIGS PA GANG LA 'DOD CHAGS YOD PA DE LA NI KHONG KHRO BA LA SOGS PA GZHAN DAG KYANG RGYAS PAR 'GYUR TE, DE NYID KYI PHYIR 'DOD CHAGS KYI PHRA RGYAS MED PAS ZAG PA MED PA DANG, SKAL BA MI MNYAM PA'I KHAMS DAG LA NYON MONGS PA RGYAS PAR MI 'GYUR RO, ,DE NI 'OG NAS BSHAD PAR BYA'O ZHES BYA BA NI DNGOS PO GANG ZHIG BDAG TU LTA BA DANG SRED PA DAG GIS BDAG GIR BYAS PA LA @89A *, ,NI PHRA RGYAS GZHAN DAG KYANG RGYAS PAR 'GYUR TE, RAS YUG GSHER BA LA RDUL DAG 'CHAGS PAR NUS PA LTA BU'O ZHES DE SKAD DU BSTAN PAR BYA'O, ,'ON TE 'DOD PA'I 'DOD CHAGS KYI PHRA RGYAS YIN PAS ZHES BYA BA LA BYE BRAG TU SMRA BA'I LUGS KYIS NI PHRA RGYAS KUN NAS DKRIS PA YIN NO, ,GNAS MA'I BU'I SDE PA RNAMS KYI LTAR NA NI PHRA RGYAS THOB PA YIN NO, ,MDO SDE PA'I LUGS KYIS NI SA BON YIN NO, ,PHYIS NGES PAR 'BYUNG BA ZHES BYA BA NI MJUG TU NGES PAR 'BYUNG BA ZHES BYA BA'I THA TSIG GO, ,MTHUS YANG DAG PAR SHIN TU KUN NAS 'JOMS PA NI MTSAN GYIS YANG DAG PAR LEGS PAR 'JOMS ZHES BYA BA'I DON TO, ,'DIR DPER BRJOD PA NI, PHRA RGYAS DANG BCAS PAR SPONG BAR BYED DO ZHES BYA BA 'DI YIN NO, ,'DI LA 'GAL BA NI 'DI YIN TE, BCAS PA DANG LDAN PA'I TSIG BSDU BA LA NI GZHAN NYID DU MTHONG STE; DPER NA LHA SBYIN BU DANG BCAS PA ZHES BYA BA LTA BU'O, ,DE LTA YIN NA NI MDO DANG 'GAL LO, ,CHOS MNGON PA DANG 'GAL LO ZHES BYA BA NI 'DOD PA'I 'DOD CHAGS KYI PHRA RGYAS NI DBANG PO GSUM DANG MTSUNGS PAR LDAN PA YIN NO, ,GSUM GANG ZHE NA, BDE BA DANG, YID BDE BA DANG; BTANG SNYOMS KYI DBANG PO DAG DANG MTSUNGS PAR LDAN NO ZHES 'BYUNG BA 'DI LA LDAN PA MA YIN PA THOB PA'I MTSAN NYID, DBANG PO GSUM PO DE DAG DANG MTSUNGS PAR LDAN PAR THAL BAR 'GYUR BAS BSTAN BCOS DANG 'GAL BA YIN NO, ,PHRA RGYAS DANG BCAS PA NI RJES SU 'BREL PA DANG BCAS PA ZHES BYA BA'I DON YIN PA'I PHYIR RO ZHES BYA BA NI 'DOD PA'I 'DOD CHAGS KYI RJES SU 'BREL PA NI PHRA RGYAS KYI SGRAR GSUNGS TE, RJES SU 'BREL PA YANG NYON MONGS PA GZHAN SKYE BA DANG MTHUN PAR GNAS PA YIN NO, ,YANG NA PHRA RGYAS RANG RJES SU 'JUG PA YIN TE, PHRA RGYAS DANG BCAS PAR SPONG BAR BYED PA NI NYON MONGS PA DE YANG RJES SU MI 'JUG PAR BYED CES BYA BA'I DON TO, ,YANG NA MDO LAS PHRA RGYAS ZHES BYA BA'I SGRA 'BYUNG BA NI THOB PA LA NYE BAR BTAGS PA YIN TE ZHES BYA BA NI NYE BAR BTAGS PA LA YOD PA NI NYE BAR BTAGS PA PA'O, ,GANG LA NYE BAR @89B BTAGS PA YIN ZHE NA, DE'I PHYIR THOB PA LA ZHES BYA BA SMOS SO, ,PHRA RGYAS ZHES BYA BA'I SGRA DNGOS SU NI KUN NAS DKRIS PA LA 'JUG GO, ,NYE BAR GDAGS PAS NI THOB PA LA 'JUG STE, DE NI PHRA RGYAS KYI RGYUR GYUR PA'I PHYIR RO, DPER NA SDUG BSNGAL GYI TSOR BA'I RGYU YIN PA'I PHYIR ME, SDUG BSNGAL ZHES BYA BA DE DANG 'DRA'O, ,CHOS MNGON PA LAS PHRA RGYAS ZHES BYA BA'I SGRA 'BYUNG BA NI NYON MONGS PA KHO NA MTSAN NYID PA YIN TE ZHES BYA BA NI MTSAN NYID LA YOD PA'AM, MTSAN NYID KYIS RTZEN PA NI MTSAN NYID PA'O, ,MTSAN NYID PA GANG LA YIN ZHE NA, DE'I PHYIR, NYON MONGS PA KHO NA LA ZHES BYA BA SMOS SO, ,DMIGS PA DANG MTSUNGS PAR LDAN PA'I SGO NAS RGYAS PAR 'GYUR BAS DE LTA BAS NA PHRA RGYAS RNAMS NI MTSUNGS PAR LDAN PA KHO NA YIN NO, ,DON 'DI LA NI, SEMS NI NYON MONGS MED PHYIR DANG, ,SGRIB PHYIR DGE DANG 'GAL PHYIR DANG, ,DGE BA'ANG DMIGS PA'I PHYIR NA 'DIR, ,PHRA RGYAS LDAN PA MA YIN MIN, ,ZHES BYA BA'I TSIGS SU BCAD PA DPER RJOD PAR BYED DE, SEMS NI NYON MONGS BYED PHYIR ZHES BYA BA 'DI'I 'GREL PA NI, GANG GI PHYIR PHRA RGYAS RNAMS KYIS SEMS NYON MONGS PA CAN DU 'GYUR ZHES BYA BA 'DI YIN TE, LDAN PA MA YIN PA RNAMS KYIS NI SEMS NI NYON MONGS PA CAN DU 'GYUR MI SRID DO, ,SGRIB PHYIR ZHES BYA BA'I TSIG 'DI'I 'GREL PA NI, SNGON MED PA'I DGE BA MI SKYE BA ZHES BYA BA YIN TE, PHRA RGYAS DANG BCAS PA'I SEMS LA NI SNGON MED PA'I DGE BA MI SKYE'O, ,DGE DANG 'GAL PHYIR ZHES BYA BA'I TSIG 'DI'I 'GREL PA NI, SKYES PA LAS KYANG YONGS SU NYAMS PAR 'GYUR ZHES BYA BA YIN NO, ,PHRA RGYAS RNAMS NI DGE BA DAG DANG 'GAL TE, GANG GI PHYIR DGE BA SKYES PA LAS YONGS SU NYAMS PAR 'GYUR BA DE'I PHYIR PHRA RGYAS RNAMS NI DGE BA DAG DANG 'GAL LO, ,DE'I PHYIR LDAN PA MA YIN PA MA YIN NO ZHES BYA BA NI GANG GI PHYIR SEMS LA DE DAG MED PAR NI JI SKAD BSHAD PA'I NYON MONGS PA CAN LA SOGS PA MI SRID LA, MTSUNGS PAR LDAN PA DAG GIS NI DE THAMS CAD RUNG BAR 'GYUR BAS SO, ,'ON TE LDAN PA MA YIN PA RNAMS KYIS KYANG DE LTAR 'GYUR NA NI ZHES BYA BA NI LDAN PA MA YIN PA RNAMS @90A *, ,KYIS KYANG SEMS NYON MONGS PA CAN DU 'GYUR BA DANG SNGON MED PA'I DGE BA MI SKYE BA DANG, SKYES PA LAS KYANG YONGS SU NYAMS PAR 'GYUR NA'O, ,GAL TE DE LTA NA NI LDAN PA MA YIN PA DE DAG RTAG TU NYE BA'I PHYIR DGE BA RNAMS KYANG DMIGS PAR MI 'GYUR BA ZHIG STE, 'DI LTAR LDAN PA MA YIN PA DE DAG NI NYON MONGS PA CAN GYI GNAS SKABS DANG, GZHAN GYI GNAS SKABS NA YANG YOD DO, ,DGE BA NI DMIGS KYANG DMIGS TE, DE BAS NA, DGE BA'ANG DMIGS PA'I PHYIR NA 'DIR, ,PHRA RGYAS LDAN PA MA YIN MIN, ,ZHES BYA BA NI GNAS PA YIN NO, ,SLOB DPON GYIS BYE BRAG TU SMRA BA RNAMS KYIS, SEMS NI NYON MONGS BYED PHYIR DANG, ,ZHES BYA BA LA SOGS PA SMOS PA GANG YIN PA 'DI GTAN TSIGS SU MI RUNG STE ZHES BYA BA SMRAS SO, ,GANG ZHIG PHRA RGYAS LDAN PA MA YIN PAR 'DOD PA ZHES BYA BA NI GNAS MA'I BU'I SDE PA'O, ,'DI THAMS CAD CES BYA BA NI SEMS NYON MONGS PA CAN LA SOGS PA'O, ,NYON MONGS PAS BYAS PA KHO NAR 'DOD DO ZHES BYA BA NI KUN NAS DKRIS PAS BYAS PA KHO NAR ZHES BYA BA'I THA TSIG STE, KUN NAS DKRIS PA NI RTAG TU NYE BA MA YIN PAS DGE BA DMIGS PA 'GRUB PO, ,'DOD PA'I 'DOD CHAGS KYI PHRA RGYAS NI ZHES BYA BA'I PHYOGS YONGS SU BZUNG NA PHRA RGYAS DANG BCAS PAR SPONG BAR BYED DO ZHES BYA BA'I MDO DANG NI 'GAL BA MED MOD KYI, 'ON KYANG PHRA RGYAS LDAN PA MA YIN PA YIN NO ZHES BYA BAR 'GYUR BAS DE'I PHYIR PHRA RGYAS NI MTSUNGS PAR LDAN PA YANG MA YIN LA, LDAN PA MA YIN PA YANG MA YIN NO ZHES BYA BA SMOS SO, ,JI LTAR ZHE NA, DE RDZAS GZHAN MA YIN PA'I PHYIR ZHES BYA BA SMOS TE, NUS PA'I NGO BO'I SA BON NI 'DOD CHAGS LA SOGS PA LAS DON GZHAN MA YIN PA'I PHYIR RO, ,LUS DE RTEN GYI NYON MONGS PA LAS SKYES PA NYON MONGS PA SNGAR BYUNG BAS BSKYED PA NYON MONGS PA BSKYED PA'I MTHU YIN TE, NYON MONGS PA SKYED PAR BYED PA'I MTHU YIN NO, ,DPER NA NYAMS SU MYONG BA'I SHES PA LAS SKYES PA DRAN PA SKYES PA'I MTHU RDZAS GZHAN DU GYUR PA MA YIN PA DE DANG 'DRA'O, ,LA LA DRAN PA SKYED PA'I RGYU LDAN PA MA YIN PA RDZAS GZHAN ZHIG YIN PAR 'DOD PAR @90B DOGS NAS, YANG DPER NA MYU GU LA SOGS PA'I ZHES BYA BA RGYAS PA DPE GZHAN NYE BAR 'GOD DE, DPER NA MYU GU LA SOGS PA'I S'A LU'I 'BRAS BU SNGAR BYUNG BA LAS SKYES PA S'A LU'I 'BRAS BU GZHAN SKYED PAR BYED PA'I MTHU RDZAS GZHAN DU GYUR PA MA YIN PA DE DANG 'DRA'O, ,GANG ZHIG CES BYA BA NI GNAS MA'I BU'I SDE PA'O, ,GAL TE NYON MONGS PA'I PHRA RGYAS ZHES BYA BAR 'DOD NA 'O NA MDO LAS NYON MONGS PA NYID PHRA RGYAS SU GANG GSUNGS PA DE JI LTA BU STE, DRUG TSAN DRUG PA'I MDO LAS, GANG ZAG 'DI'I 'DOD CHAGS DE BDE BA'I TSOR BA LA RGYAS PAR 'GYUR RO ZHES GSUNGS SO, ,'DOD CHAGS KHO NA PHRA RGYAS YIN TE, BDE BA'I TSOR BA'I GNAS SKABS NA 'DOD CHAGS KUN DU 'BYUNG BA LA DE SKAD DU GSUNGS KYI, DE'I SA BON NI MA YIN NO SNYAM DU BSAMS PA YIN NO, ,'GYUR RO ZHES GSUNGS PA'I PHYIR DE KHO NA NA NI PHRA RGYAS MA YIN NO ZHES BYA BA NI 'GYUR RO ZHES 'BYUNG BAS DE NI 'DOD CHAGS KYI PHRA RGYAS KHO NA YIN GYI, 'DOD CHAGS NI MA YIN NO, ,GNAS SKABS DE NA 'DOD CHAGS DE'I PHRA RGYAS SKYE BAR 'GYUR BAS SA BON SKYE BAR 'GYUR BA YIN GYI, SKYES PA NI MA YIN PAS DER NI SA BON 'BYUNG BAR 'GYUR BA'I GNAS SKABS BRJOD PA YIN NO SNYAM DU BSAM PA'O, ,'O NA NAM 'GYUR ZHE NA ZHES BYA BA NI NAM ZHIG PHRA RGYAS YOD CES BYA BA'I THA TSIG GO, ,GANG GI TSE NYAL BA NA 'GYUR RO ZHES BYA BA NI GANG GI TSE ZHIG PA NA 'GYUR RO ZHES BYA BA'I DON TO, ,YANG NA 'DI NI RGYU LA NYE BAR BTAGS PA YIN ZHES BYA BA NI RGYU 'DOD CHAGS LA PHRA RGYAS NYE BAR BTAGS PA YIN NO, ,'DOD CHAGS NI 'DOD CHAGS KYI PHRA RGYAS KYI RGYU YIN TE, 'DI LTAR 'DOD CHAGS SKYED PA'I NUS PA 'DOD CHAGS LAS SKYES PA LA 'DOD CHAGS KYI PHRA RGYAS ZHES BSHAD DO, ,DE NI 'DI SKAD DU PHRA RGYAS ZHES BYA BA'I SGRA KHA CIG TU NI SA BON LA BYA LA, KHA CIG TU NI KUN NAS DKRIS PA LA BYA'O ZHES BSHAD PA YIN NO, ,DE DAG NI PHAL CHER SNYOMS PAR 'JUG PA LA 'DOD CHAGS PA YIN LA ZHES BYA BA NI DE DAG PHAL CHER RO MYANG BA DANG MTSUNGS PAR LDAN PA'I BSAM GTAN LA 'DOD CHAGS PA YIN NO, ,GZHAL MED KHANG LA SOGS PA LA 'DOD CHAGS PA YANG YOD PAS DE'I PHYIR PHAL @91A *, ,CHER ZHES BYA BA SMOS SO, ,DE YANG KHA NANG DU BLTAS PA YIN TE, MNYAM PAR GZHAG PA'I NGO BO YIN PA'I PHYIR RO, ,DE LTAR YIN NA THAR PA'I 'DU SHES NYE BAR GNAS PAR 'GYUR BA, BCOM LDAN 'DAS KYIS DE LA 'DUN PA BZLOG PA'I PHYIR 'DOD PA'I 'DOD CHAGS DANG, SRID PA'I 'DOD CHAGS ZHES BYA BA DE LTA BU LA SOGS PA BSTAN TO, ,DE NI SRID PA LA 'DOD CHAGS PA YIN GYI, DE THAR PA LA NI MA YIN TE, THAR PA LA NI DGE BA'I CHOS LA 'DUN PA YIN NO, ,LUS KHO NA SRID PA YIN ZHES BYA BA NI SLOB DPON GYI GZHUNG LUGS YIN NO SNYOMS PAR 'JUG PA RTEN DANG BCAS PA ZHES BYA BA NI SNYOMS PAR 'JUG PA LUS DANG BCAS PA'O, ,RO MYONG BAR BYED PA NI 'DOD PA'I 'DOD CHAGS DANG BRAL BA'I PHYIR LUS KHO NA RO MYONG BAR BYED PA YIN GYI, 'DOD PA'I YON TAN DAG NI MA YIN NO, ,DE'I PHYIR 'DOD CHAGS DE NI SRID PA'I 'DOD CHAGS ZHES BSHAD KYI 'DOD PA'I 'DOD CHAGS ZHES NI MA YIN NO ZHES STON PAR BYED DO, ,CHOS MNGON PA LAS ZHES BYA BA NI MDO LAS NI MA YIN NO SNYAM DU BSAM PA YIN NO, ,KUN 'BYUNG BA MTHONG BAS SPANG BAR BYA BA BDUN ZHES BYA BA NI 'JIG TSOGS LA LTA BA NI 'BRAS BUR GYUR PA NYE BAR LEN PA'I PHUNG PO LNGA LA DMIGS PAR BYED PA YIN PAS SDUG BSNGAL MTHONG BAS SPANG BAR BYA BA KHO NA YIN NO, ,DE BZHIN DU MTHAR 'DZIN PAR LTA BA YANG PHUNG PO DE DAG NYID LA RTAG PA DANG CHAD PA'I MTHAR 'DZIN PA'I PHYIR LA, TSUL KHRIMS DANG BRTUL ZHUGS MCHOG TU 'DZIN PA YANG PHUNG PO DE DAG NYID LA 'DAG PA DANG GROL BA DANG NGES PAR 'BYUNG BAR DMIGS PAR BYED PA YIN PAS NA KUN 'BYUNG BA MTHONG BAS SPANG BAR BYA BA MA YIN TE, DE BZHIN DU 'GOG PA MTHONG BAS SPANG BAR BYA BA LA YANG SBYAR BAR BYA'O, ,LAM MTHONG BAS SPANG BAR BYA BA NI BRGYAD DE ZHES BYA BA NI TSUL KHRIMS DANG BRTUL ZHUGS MCHOG TU 'DZIN PAS BSNAN TE, LAM GYIS 'DAG PAR 'GYUR BA DE BOR NAS GZHAN TSUL KHRIMS DANG BRTUL ZHUGS KYIS 'DAG 'DAG PAR YID CHES PAS LOG PAR ZHUGS PA'I PHYIR LAM MTHONG BAS SPANG BAR BYA BA YIN NO, ,NYON MONGS PA GANG ZHIG BDEN PA GANG LA SKUR PA 'DEBS PAR @91B ZHUGS PA DE NI DE MTHONG NA SPONG BAR 'GYUR TE, THAG PAR MTHONG BAS SBRUL DU 'KHRUL PA BZHIN NO, ,BDEN PA RNAMS MTHONG BA TZAM GYIS SPONG BA'I PHYIR RO ZHES BYA BA NI GOMS PAS SPONG BA MA YIN PA'I PHYIR RO SNYAM DU BSAM PA YIN NO, ,BDEN PA MTHONG BA PHYIS LAM GOMS PAR BYAS PAS SPONG BA'I PHYIR CI ZHE NA, DE DAG NI BSGOM PAS SPANG BAR BYA BA YIN NO ZHES BYA BAR SKABS DANG SBYAR RO, ,DE LTAR NA SGOM PA NI GOMS PA YIN TE, YANG DANG YANG DU SKYED PAR BYED PA ZHES BYA BA'I THA TSIG GO, ,DE DAG NI JI LTA BU YIN ZHES BYA BA NI 'DOD CHAGS LA SOGS PA NYON MONGS PA BZHI LA RTAG PA YIN TE, 'DOD CHAGS DANG, KHONG KHRO BA DANG, NGA RGYAL DANG, MA RIG PA DE DAG NI BSHAD MA THAG PA YIN LA, DE DAG KYANG 'DI DAG NI MTHONG BAS SPANG BAR BYA'O, ,'DI DAG NI BSGOM PAS SPANG BAR BYA'O ZHES BYA BAR YONGS SU GCAD PAR DKA' BAS SO, ,'JIG TSOGS LA SOGS PA LA SEMS PAR BYED PAS NI MA YIN TE, GANG DAG SDUG BSNGAL GYI BDEN PA LA LOG PAR ZHUGS PA DE DAG NI SDUG BSNGAL GYI BDEN PA MTHONG BAS SPANG BAR BYA BA YIN LA, DE BZHIN DU GANG DAG LAM LA LOG PAR ZHUGS PA DE DAG NI LAM MTHONG BAS SPANG BAR BYA BA YIN NO ZHES BYA BA'I BAR DU DE LTA BUR YONGS SU BCAD SLA BA'I PHYIR RO, ,DE LA GANG DAG CES BYA BA NI 'DOD CHAGS LA SOGS PA'O, ,GANG ZHIG MTHONG BA NI BDEN PA GANG ZHIG MTHONG BA STE, 'DI DAG LA GANG ZHIG MTHONG BAS SPANG BAR BYA BA'I DMIGS PA YOD PAS DE DAG NI GANG ZHIG MTHONG BAS SPANG BAR BYA BA'I DMIGS PA CAN YIN NO, ,DE DAG NI DE MTHONG BAS SPANG BAR BYA BA'I YIN ZHES BYA BA NI 'DOD CHAGS LA SOGS PA DE DAG GO, ,DE MTHONG BA NI BDEN PA DE MTHONG BA'O, ,DE MTHONG BAS SPANG BAR BYA BA NI DE MTHONG BAS SPANG BAR BYA BA YIN TE, 'DI SKAD DU 'DOD CHAGS LA SOGS PA GANG DAG SDUG BSNGAL MTHONG BAS SPANG BAR BYA BA NAS LAM MTHONG BAS SPANG BAR BYA BA'I BAR GYI NYON MONGS PA LA DMIGS PAR BYED PA DE DAG NI DE MTHONG BAS SPANG BAR BYA BA YIN NO ZHES BSHAD PA YIN NO, ,MA RIG PA'I PHRA RGYAS NI 'PHAGS PA'I BDEN PA BZHI CHAR LA YANG DMIGS PA CAN YANG @92A *, ,YIN PAS GANG ZHIG GI DMIGS PA CAN DANG, GANG ZHIG MTHONG BAS SPANG BAR BYA BA'I DMIGS PA CAN ZHES BRJAD DGOS SO ZHE NA, GCIG BSDUS PA'I TSUL GYIS 'GRUB PA'I PHYIR BRJOD PAR BYA MI DGOS TE, 'DI DAG LA BDEN PA GANG ZHIG DANG GANG ZHIG MTHONG BAS SPANG BAR BYA BA'I NYON MONGS PA LA DMIGS PA YOD PAS 'DI DAG NI GANG ZHIG MTHONG BAS SPANG BAR BYA BA'I DMIGS PA CAN TE, DE DAG NI DE MTHONG BAS SPANG BAR BYA BA YIN NO, ,MA RIG PA'I PHRA RGYAS KUN DU 'GRO BA KUN 'BYUNG BA MTHONG BAS SPANG BAR BYA BA YANG RIS LNGA CHAR LA DMIGS PA YIN PA'I PHYIR SDUG BSNGAL DANG 'GOG PA LA SOGS PA'I BDEN PA MTHONG BAS SPANG BAR BYA BA LA SOGS PA LA YANG DMIGS PA MA YIN NAM, DE'I PHYIR 'DI SDUG BSNGAL DANG 'GOG PA LA SOGS PA'I BDEN PA MTHONG[?] BAS SPANG BAR BYA BA NYID DU THAL BAR 'GYUR RO ZHE NA, DE NI NYES PA MED DE, RIS LNGA CHAR LA DMIGS PA YIN MOD KYI, RIS DE RNAMS LA KUN 'BYUNG BA'I NGO BO'I RNAM PAR DMIGS PAR BYED PAS, DES NA DE LTAR DMIGS PA'I PHYIR DE NI KUN 'BYUNG BA MTHONG BAS SPANG BAR BYA BA KHO NA YIN NO, ,DE BZHIN DU SDUG BSNGAL MTHONG BAS SPANG PAR BYA BA LA YANG SBYAR BAR BYA'O, ,DE LTA YIN NA GANG DAG ,GANG DAG GANG ZHIG MTHONG BAS SPANG BAR BYA BA'I DMIGS PA CAN ZHES BYA BA NI MTHONG BAS SPANG BAR BYA BA THAMS CAD KYI DBANG DU BYAS PA YIN GYI, 'DOD CHAGS LA SOGS PA 'BA' ZHIG TU MA ZAD DO ZHES 'CHAD PAR BYED PA DE DAG GI RNAM PAR BSHAD PA LA YANG BRGAL BA'I LAN NI DE GNYIS KHO NA BRJOD DGOS SO, ,DE LTAR NA CHOS MNGON PA DAG NI PHRA RGYAS DRUG PO DE DAG CES BYA BA RGYAS PAR 'BYUNG BA LA, RNAM PA DANG BYE BRAG DANG KHAMS KYI DBYE BAS ZHES BYA BA NI PHRA RGYAS BCU LA, RNAM PA'I DBYE BA NI, BDAG DANG BDAG GI RTAG CHAD DANG, ,ME DANG DMAN LA MCHOG LTA DANG, ,ZHES[?] BYA BA DE LTA BU LA SOGS PA'O, ,BYE BRAG GI DBYE BA NI SDUG BSNGAL MTHONG BAS SPANG BAR BYA BA'I RIS NAS BSGOM PAS SPANG BAR BYA BA'I BAR YIN NO, ,KHAMS KYI DBYE BA NI 'DOD PA NA SPYOD PA DANG, GZUGS NA SPYOD PA DANG, GZUGS MED PA NA SPYOD PA'O, ,DE LA 'DOD CHAGS KYI @92B PHRA RGYAS NI BYE BRAG DANG, KHAMS KYI DBYE BA DAG GIS RNAM PA BCO LNGA YIN NO, ,DE LA PHAN TSUN RNAM PA THA DAD PA NI MED DO, ,'DOD CHAGS NI THAMS CAD CHAGS PA'I RNAM PA YIN PAS SO, ,DE LTA BAS NA RNAM PA'I DBYE BAS NI RNAM PAR MI GZHOG GO, ,KHONG KHRO BA'I PHRA RGYAS NI BYE BRAG GI DBYE BAS RNAM PA LNGA YIN NO, ,PHAN TSUN RNAM PA THA DAD PA NI MED DE, THAMS CAD KHONG KHRO BA'I RNAM PA YIN PA'I PHYIR RO, ,KHAMS KYI DBYE BA YANG MED DE, GZUGS DANG GZUGS MED PA'I KHAMS DAG NA DE MED PA'I PHYIR RO, ,NGA RGYAL GYI PHRA RGYAS NI BYE BRAG DANG KHAMS KYI DBYE BA DAG GIS RNAM PA BCO LNGA YIN NO, ,RNAM PA'I DBYE BA NI MED DE, THAMS CAD KHENGS PA'I RNAM PA YIN PA'I PHYIR RO, ,DE BZHIN DU MA RIG PA'I PHRA RGYAS DAG KYANG DE DAG KHO NAS RNAM PA BCO LNGA YIN NO, ,RNAM PA'I DBYE BA NI MED DE, THAMS CAD MI GSAL BA'I RNAM PA YIN PA'I PHYIR RO, ,DE DAG NYID KYI THE TSOM RNAM PA BCU GNYIS YIN NO, ,RNAM PA'I DBYE BA NI MED DE, THAMS CAD THE TSOM ZA BA'I RNAM PA YIN PA'I PHYIR RO, ,LTA BA'I PHRA RGYAS NI RNAM PA DANG, BYE BRAG DANG, KHAMS KYI DBYE BAS RNAM PA SUM CU RTZA DRUG YIN NO, ,SRID RTZE LAS SKYES BZOD PA YIS, ,GZHOM BYA ZHES BYA BA LA, BZOD PA YIS GZHOM BYA ZHES BYA BA SMOS PA NI BSGOM PAS SPANG BAR BYA BA BZLOG PA'I PHYIR RO, ,SRID RTZE LAS SKYES ZHES SMOS PA NI SRID RTZE'I NYON MONGS PAS MTHONG BAS SPANG BAR BYA BA'I NI MTHONG BA'I LAM 'BA' ZHIG KYANG GZHAN GYI SA PA LAS KHYAD PAR BYA BA'I PHYIR TE, 'JIG RTEN PA'I BSGOM PA'I LAM SRID PA'I RTZE MO'I GNYEN POR GYUR PA NI MED DO, ,SA LHAG MA DAG NA ZHES BYA BA NI 'DOD PA'I KHAMS NAS CI YANG MED PA'I SKYE MCHED KYI BAR GYI SA DAG NA'O, ,CI RIGS PAR ZHES BYA BA NI 'DOD PA'I KHAMS NA NI CHOS SHES PA'I BZOD PAS SPANG BAR BYA BA YIN LA, DE YAN CHAD SA LHAG MA NGAG[?] NA NI RJES SU SHES PA'I BZOD PAS SPANG BAR BYA BA YIN TE, DE DAG 'PHAGS PA RNAMS KYI NI MTHONG BAS SPANG BAR BYA BA YIN LA, DE DAG NYID SO SO'I SKYE BO RNAMS KYI NI BSGOM PAS SPANG BAR BYA BA DAG YIN NO, ,BSGOM PA'I LAM NI 'JIG RTEN @93A *, ,PA DANG, 'JIG RTEN LAS 'DAS PA DANG RNAM PA GNYIS TE, 'DI LTAR BSTAN BCOS LAS, BCOM LDAN 'DAS KYI NYAN THOS NI MTHONG BA'I LAM GYIS SPONG LA, SO SO'I SKYE BO NI BSGOM PA'I LAM GYIS SPONG NGO ZHES GSUNGS SO, ,BZOD PAS GZHOM MIN BSGOM KHO NAS, ,ZHES BYA BA LA, BZOD PAS GZHOM MIN ZHES BYA BA SMOS PA NI BSGOM PAS SPANG BAR BYA BA NYE BAR GZUNG BA'I PHYIR TE, 'DOD PA'I KHAMS NAS SRID PA'I RTZE MO'I BAR GYI SA THAMS CAD NA CI RIGS PAR 'DOD CHAGS DANG, KHONG KHRO DANG, NGA RGYAL DANG, MA RIG PA'I PHRA RGYAS GANG DAG BZOD PAS GZHOM PAR BYA BA MA YIN GYI, SHES PAS GZHOM PAR BYA BA YOD PA DE DAG NI 'PHAGS PA DANG, SO SO'I SKYE BO GNYI GA'I YANG RTAG TU BSGOM PA'I LAM 'JIG RTEN PA 'AM 'JIG RTEN LAS 'DAS PAS BSGOM PAS SPANG BAR BYA BA KHO NA YIN NO, ,SRID PA'I RTZE MO'I NI 'JIG RTEN LAS 'DAS PA KHO NAS YIN TE, 'JIG RTEN PA'I LAM SA GONG MA MED PA'I PHYIR RO, ,PHYI ROL PA RNAMS KYI MTHONG BAS SPANG BAR BYA BA RNAMS MI SPONG BA KHO NA STE ZHES BYA BA NI DE DAG GI BSGOM PAS SPANG BAR BYA BA KHO NA RNAM PAR GNON PAR BYED KYI, MTHONG BAS SPANG BAR BYA BA RNAMS NI SA THAMS CAD NA 'JIG RTEN LAS 'DAS PA'I LAM GYIS GZHOM PAR BYA BA KHO NA YIN NO, ,'DI LTAR LAS RNAM PAR 'BYED PA CHEN PO'I MDO LAS, 'DOD CHAGS DANG BRAL BA RNAMS LA 'DOD PA'I KHAMS LA DMIGS PA'I LTA BA KUN DU 'BYUNG BAR GSUNGS TE, KUN DGA' BO 'DI NA LA LA SROG GCOD PA SPONG BA NAS LOG PAR LTA BA SPONG BA'I BAR DU YIN LA, 'DI LA YANG MI DGA' ZHING SO SOR MI DGA' LA, LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA DMYAL BA DAG GI NANG DU SKYE BAR 'GYUR RO, ,DE PHYI ROL GYI MU STEGS PA DGE SBYONG NGAM BRAM ZE YANG RUNG, RDZU 'PHRUL DANG LDAN PA; LHA'I MIG DANG LDAN PA, GZHAN GYI SEMS SHES PA GANG ZHIG GIS MTHONG NA DE 'DI SNYAM DU LUS KYIS LEGS PAR SPYAD PA YANG MED LA, LUS KYIS LEGS PAR SPYAD PA'I RNAM PAR SMIN PA YANG MED DO, ,NGAG DANG YID KYIS LEGS PAR SPYAD PA YANG MED LA, NGAG DANG YID KYIS LEGS @93B PAR SPYAD PA'I 'BRAS BU RNAM PAR SMIN PA YANG MED DO SNYAM SEMS SO ZHES BYA BA RGYAS PAR 'BYUNG NGO, ,LOG PAR LTA BA 'DI NI 'DOD PA'I KHAMS LA DMIGS PA CAN YIN TE, LAS DE 'DOD PA NA SPYOD PA YIN PA'I PHYIR DANG, DMYAL BA YANG DE KHO NA NA SRID PA'I PHYIR RO, ,SNGON GYI MTHA' LA RTOG PA RNAMS LAS RTAG PAR SMRA BA RNAMS ZHES BYA BA NI TSANGS PA'I DRA BA'I MDO LAS 'DOD CHAGS DANG BRAL BA RNAMS LA 'DOD PA'I KHAMS LA DMIGS PA'I LTA BA KUN DU 'BYUNG BAR GSUNGS PA YIN TE, GANG DAG TSE SNGA MA MTHONG BA'I RJES SU 'BRANGS TE DE LTA BU'I LTA BA SKYES PA DE DAG NI SNGON GYI MTHA' LA RTOG PA YIN NO, ,DE LAS RTAG PAR SMRA BA MANG PO ZHIG GSUNGS PA DE DAG GI NANG NAS DPER BRJOD PA GCIG CIG BSTAN PAR BYA STE, 'DI NA DGE SBYONG NGAM BRAM ZE LA LA DGON PA NA 'DUG KYANG RUNG, SHING DRUNG NA 'DUG KYANG RUNG, KHANG STONG NA 'DUG KYANG RUNG STE, KUN DU SBYANGS PA'I RGYU DANG, SPONG BA'I RGYU DANG, BSGOM PA'I RGYU DANG, LAN MANG DU BYAS PA'I RGYU DANG, LEGS PAR YID LA BYAS PA'I RGYUS SEMS MNYAM PAR GZHAG PA JI LTA BUS 'JIG PA DANG 'CHAGS PA'I BSKAL PA NYI SHU YANG DAG PAR RJES SU DRAN PAR 'GYUR BA DE LTA BU'I SEMS KYI TING NGE 'DZIN ZHI BA LA REG PAR 'GYUR ZHING, DE 'DI SNYAM DU BDAG DANG 'JIG RTEN 'DI NI RTAG PA YIN NO SNYAM DU SEMS PAR 'GYUR RO ZHES 'BYUNG NGO, ,DE LTAR SNGON GYI MTHA' LA RTOG PA RTAG PAR LTA BA DE DAG NI RTAG PAR SMRA BA DES BDAG DANG 'JIG RTEN LA DMIGS PA NA 'DOD PA'I KHAMS LA DMIGS PAR BYED PA YIN TE, DE LTAR NA 'DOD PA'I KHAMS LA DMIGS PA'I LTA BA DAG KUN DU 'BYUNG BA GSUNGS PA YIN NO, ,DE BZHIN DU TSANGS PA'I DRA BA'I MDO DE NYID LAS SNGON GYI MTHA' LA RTOG PA RNAMS LAS LA LA RTAG PAR SMRA BA 'DOD CHAGS DANG BRAL BA RNAMS LA 'DOD PA'I KHAMS LA DMIGS PA'I LTA BA KUN DU 'BYUNG BA GSUNGS PA YIN NO, ,JI LTA ZHE NA, DGE SLONG DAG 'JIG RTEN 'JIG CING 'JIG RTEN ZHIG NA SEMS CAN PHAL CHER 'OD GSAL GYI LHA'I RIS SU SKYE BAR 'GYUR ZHING DER GZUGS BZANG BA YID LAS BYUNG BA DBANG PO MA TSANG BA MED CING DMAN PA MA YIN PA, YAN LAG DANG NYING LAG @94A *, ,THAMS CAD DANG LDAN PA, KHA DOG BZANG PO LA GNAS PA, RANG GI 'OD DANG LDAN PA, NAM MKHA' LA 'GRO BA, DGA' BA ZA ZHING ZAS SU DGA' BA ZA BA, TSE RING BA, DUS RING POR GNAS PAR 'GYUR BA, GANG YIN PA'I DUS DE LTA BU YANG YOD DO, ,DGE SLONG DAG 'JIG RTEN 'CHAGS SHING 'JIG RTEN 'CHAGS NA NAM MKHA' LA TSANGS PA'I GZHAL MED KHANG STONG PA MNGON PAR 'GRUB PAR 'GYUR LA, DE NAS SEMS CAN GANG YANG RUNG BA ZHIG TSE ZAD CING BSOD NAMS ZAD LA LAS ZAD PAS 'OD GSAL GYI LHA'I RIS NAS SHI 'PHOS NAS TSANGS PA'I GZHAL MED KHANG STONG PAR SKYE BAR 'GYUR ZHING, DE DE NA GCIG PU ZLA MED CING G-YOG MED PAR TSE RING PO DUS RING POR GNAS SO, ,DE NAS SEMS CAN DE DUS RING MO ZHIG 'DAS PA DANG MI DGA' BAR GYUR NAS SEMS CAN GZHAN DAG KYANG 'DIR BDAG DANG SKAL BA MNYAM PAR SKYES KYANG CI MA RUNG SNYAM DU SRED PA SKYES SO, ,SEMS CAN DE YANG SEMS LA DE LTAR SMON LA, SEMS CAN GZHAN DAG KYANG TSE ZAD CING BSOD NAMS ZAD LA LAS ZAD PAS 'OD GSAL GYI LHA'I RIS NAS SHI 'PHOS NAS SEMS CAN DE DANG SKAL PA MNYAM PAR SKYES SO, ,DE NAS SEMS CAN DE 'DI SNYAM DU BDAG GCIG PU ZLA MED CING, G-YOG MED PAR TSE RING PO ZHES BYA BA NAS SEMS CAN GZHAN DAG KYANG 'DIR BDAG DANG SKAL PA MNYAM PAR SKYES KYANG CI MA RUNG SNYAM DU SRED PA SKYES LA ZHES BYA BA'I BAR DU STE, SEMS LA YANG DE LTAR SMON LA, SEMS CAN 'DI DAG KYANG 'DIR BDAG DANG SKAL PA MNYAM PAR SKYES PAS SEMS CAN 'DI DAG NI BDAG GIS SPRUL TE, BDAG NI SEMS CAN 'DI DAG GI DBANG PHYUG DANG, BYED PA PO DANG, SPRUL PA PO DANG, 'BYIN PA PO DANG, 'BYIN BYED DANG, DNGOS PO RNAMS KYI PHAR GYUR PA YIN NO SNYAM DU SEMS PAR 'GYUR RO, ,SEMS CAN DE DAG KYANG 'DI SNYAM DU BDAG CAG GIS SEMS CAN 'DI GCIG PU ZLA MED CING G-YOG MED PAR TSE RING PO DUS RING POR GNAS PA MTHONG STE, SEMS CAN DE DUS RING MO ZHIG 'DAS PA DANG, MI DGA' BAR GYUR NAS SEMS CAN @94B GZHAN DAG KYANG 'DIR BDAG DANG SKAL BA MNYAM PAR SKYES KYANG CI MA RUNG SNYAM DU SRED PA SKYES SO, ,SEMS CAN 'DI'I SEMS LA YANG DE LTAR SMON LA, BDAG CAG KYANG 'DIR SEMS CAN 'DI DANG SKAL BA MNYAM PAR SKYES PAS BDAG CAG NI SEMS CAN 'DIS SPRUL PA STE, SEMS CAN 'DI NI BDAG CAG GI DBANG PHYUG NAS DNGOS PO RNAMS KYI PHAR GYUR PA'I BAR YIN NO SNYAM DU SEMS PAR 'GYUR RO, ,DE NAS DE DAG GI NANG NAS SEMS CAN GANG YANG RUNG BA ZHIG TSE ZAD CING BSOD NAMS ZAD LA LAS ZAD PAS GNAS DE NAS SHI 'PHOS TE, DE LTA BUR MI RNAMS DANG SKAL BA MNYAM PHAR SKYE BAR 'GYUR TE, DE RIM GYIS NAR SON TE, DBANG PO RNAMS YONGS SU SMIN NAS SKRA DANG KHA SPU DAG BREGS TE, GOS KHA DOG BSGYUR BA GYON NAS DAD PAS YANG DAG PAR KHYIM NAS KHYIM MED PAR RAB TU 'BYUNG ZHING, DE DGON PA NA 'DUG KYANG RUNG SHING DRUNG NA 'DUG KYANG RUNG ZHES BYA BA NAS RGYAS PAR SEMS MNYAM PAR GZHAG PA JI LTA BUS SNGON GYI LUS RJES SU DRAN PAR 'GYUR BA DE LTA BU'I SEMS KYI TING NGE 'DZIN ZHI BA LA REG PAR 'GYUR ZHES BYA BA'I BAR DU STE, DE 'DI SNYAM DU GANG GIS BDAG CAG SPRUL PA'I TSANGS PA GANG YIN PA 'DI NI RTAG PA BRTAN PA THER ZUG PA MI 'GYUR BA'I CHOS CAN YIN NO, ,BDAG CAG GANG DAG TSANGS PA DES SPRUL PA DE DAG NI MI RTAG MI BRTAN PA THER ZUG MA YIN PAR 'GYUR BA'I CHOS CAN YIN NO SNYAM DU SEMS PAR 'GYUR BA GANG YIN PA DE LTA BU'I DUS KYANG YOD DO ZHES GSUNGS SO, ,DE LTAR NA MTHAR 'DZIN PAR LTA BA DES 'DOD PA'I KHAMS LA YANG DMIGS PA YIN TE, DE'I PHYIR 'DOD PA'I KHAMS LA DMIGS PA'I LTA BA DAG KUN DU 'BYUNG BAR GSUNGS PA YIN NO, ,DE BZHIN DU TSANGS PA'I DRA BA'I MDO DE NYID LAS, RGYU MED PA LAS KUN DU 'BYUNG BAR SMRA BA STE, SNGON GYI MTHA' LA RTOG PA RNAMS LAS ZHES BYA BA SKABS DANG SBYAR RO, ,'DOD CHAGS DANG BRAL BA RNAMS LA 'DOD PA'I KHAMS LA DMIGS PA'I LTA BA KUN DU 'BYUNG BAR GSUNGS TE, JI LTA ZHE NA, GZUGS KYI KHAMS NA 'DU SHES MED PA ZHES BYA BA'I LHA DAG YOD DE, SEMS CAN DE DAG 'DU SHES BSKYED PAS GNAS @95A *, ,DE NAS SHI BAR 'GYUR RO, ,DE NAS SEMS CAN GANG YANG RUNG BA ZHIG GNAS DE NAS SHI 'PHOS NAS 'DI LTA BUR MI RNAMS DANG SKAL PA MNYAM PAR 'ONG BAR 'GYUR ZHES BYA BA NAS SNGON GYI LUS RJES SU DRAN PAR 'GYUR ZHES BYA BA'I BAR SNGA MA BZHIN NO, ,'DI SNYAM DU BDAG DANG 'JIG RTEN 'DI NI RGYU MED PA LAS KUN DU 'BYUNG BA YIN NO SNYAM DU SEMS BAR 'GYUR RO ZHES GSUNGS SO, ,DE BAS NA BDAG DANG 'JIG RTEN NI RGYU MED PA LAS KUN DU 'BYUNG BA YIN NO ZHES BYA BA 'DIS NI 'DI SNYAM DU BDAG SNGON MA BYUNG BA LAS DA BDAG BYUNG BA LAS NA BDAG DANG 'JIG RTEN NI RGYU MED PA LAS BYUNG BA YIN NO SNYAM DU SEMS PA YIN NO, ,DE LTAR NA BDAG DANG 'JIG RTEN LA DMIGS PA NA LOG PAR LTA BA DES 'DOD PA'I KHAMS LA YANG DMIGS PA YIN PAS DE RNAMS LA 'DOD PA'I KHAMS LA DMIGS PA'I LTA BA DAG KUN DU 'BYUNG BAR GSUNGS PA YIN NO, , YANG JI LTAR NA DE RNAMS BDAG DANG 'JIG RTEN RGYU MED PA LAS KUN DU 'BYUNG BA YIN NO SNYAM DU SEMS PA DE LOG PAR LTA BA YIN ZHE NA, BDAG DANG 'JIG RTEN GYI RGYU SNGON BYAS PA DGE BA ZAG PA DANG BCAS PA 'AM, MI DGE BA MA YIN NO SNYAM DU DE LTAR YID KYIS SKUR PA 'DEBS PAR BYED PA'I PHYIR RO, ,'DOD PA'I KHAMS LAS 'DOD CHAGS DANG BRAL BA DE RNAMS LA GZUGS NA SPYOD PA'I LTA BA DE DAG 'BYUNG BAR 'GYUR RO ZHES BYA BA'I THA TSIG GI SKABS LAS BSAMS NAS GZUGS NA SPYOD PA'I NYON MONGS PA RNAMS 'DOD PA'I KHAMS LA MI DMIGS PA NI MA YIN TE, 'DOD CHAGS DANG BRAL BA'I PHYIR RO ZHES BYA BA SMOS SO, ,KHA CIG NI DE DAG 'DOD PA NA SPYOD PA'I LTA BA MA YIN GYI, DE DAG NI LOG PA'I SHES PA YIN NO ZHES LAN 'DEBS PAR BYED DO[?], DE DAG NI LTA BA'I NGO BO NYID YIN PA'I PHYIR DE DAG GI LTAR NI RIGS PA MA YIN NO, ,BYE BRAG TU SMRA BA NA RE YONGS SU NYAMS PA'I PHYIR TE, LHA SBYIN BZHIN NO ZHES ZER RO, ,DPER NA LHA SBYIN GYIS DGE SLONG GI DGE 'DUN 'KHOR DU BYA BA'I PHYIR BCOM LDAN 'DAS THUGS LAS CHUNG NGUR BZHUGS PAR GSOL NAS SDIG PA'I BSAM PA SKYED PAS RDZU 'PHRUL LAS YONGS SU NYAMS PA LTA BU STE MDO LAS @95B 'BYUNG BA'I PHYIR RO, ,MDO LAS NI 'DI SKAD DU DE NAS LHA SBYIN RNYED PA DANG BKUR STIS ZIL GYIS NON TE, KYE MA BCOM LDAN 'DAS KYIS DGE SLONG GI DGE 'DUN BDAG LA BYIN KYANG CI MA RUNG, DGE SLONG GI DGE 'DUN NI BDAG GI 'KHOR DU BYAS LA, BCOM LDAN 'DAS NI MTHONG BA'I CHOS LA BDE BAR GNAS PA DANG LDAN ZHING THUGS LAS CHUNG NGUR GNAS PAR GSOL LO SNYAM PA DE LTA BU'I SDIG PA'I BSAM PA'I RNAM PA DE SKYES SO, ,LHA SBYIN GYIS SEMS DE SKYES MA THAG RDZU 'PHRUL DE LAS YONGS SU NYAMS SO ZHES BYA BA RGYAS PAR 'BYUNG STE, DE BZHIN DU DE DAG KYANG LTA BA BSKYED PA DANG DUS MNYAM DU YONGS SU NYAMS PA YIN NO ZHE'O, ,DE DAG LA BDAG TU 'DZIN PA NI DE DAG SNGON DU 'GRO BA CAN YIN NO ZHES BYA BA NI RTAG PA DANG, RIL POR 'DU SHES PA SNGON DU 'GRO BA CAN NO, ,'JIG TSOGS LA LTA BA LA SOGS PA LOG PAR ZHUGS PA'I LTA BA THAMS CAD LOG PAR LTA BA YIN TE, LOG PAR RTOG PA'I PHYIR RO, ,GZHAN DAG NI SGRO 'DOGS PAR BYED PA YIN NO ZHES BYA BA JI LTAR CHAD PAR LTA BA SGRO 'DOGS PAR BYED PA YIN ZHE NA, BSTAN PA 'DI NI MING BRTZAN PAR BYAS PA YIN NO, ,'PHAGS PA RNAMS KYIS SPANG BA'I PHYIR RO ZHES BYA BA NI BOR BA'I PHYIR RO, ,SOGS PA'I SGRA MI MNGON PAR BYAS SO ZHES BYA BA NI LTA BA LA SOGS PA NYE BAR LEN PA'I PHUNG PO RNAMS LA MCHOG DANG, GTZO BOR 'DZIN PA NI LTA BA MCHOG TU 'DZIN PA ZHES BYA'O, ,SLOB DPON 'DUS BZANG NA RE MCHOG TU ZHES BYA BA'I SGRA SBYAR BAS KYANG KHYAD PAR GYI DON 'DIR 'GYUR RO ZHES ZER RO, ,RGYU MA YIN LA RGYUR LTA BA'I PHYIR SDUG BSNGAL MTHONG BAS SPANG BAR BYA BA ZHES BYA'O, ,LAM MA YIN PA LA LAM DU LTA BA'I PHYIR LAM MTHONG BAS SPANG BAR BYA BA YIN NO, ,TSUL KHRIMS DANG BRTUL ZHUGS TZAM ZHES BYA BA NI TSUL KHRIMS DANG BRTUL ZHUGS NI SANGS RGYAS PA RNAMS KYI LTAR NA YANG THAR PA THOB PAR BYED PA YIN MOD KYI, DE DE TZAM DU NI MA ZAD PAS DE'I PHYIR DE LAS GZHAN PA DAG GI LTA BA YIN NO, ,'DIR YANG SOGS PA'I SGRA MI MNGON PAR BYAS SO ZHES GRAG GO ZHES BYA BA NI TSUL KHRIMS DANG BRTUL ZHUGS LA SOGS PA MCHOG TU 'DZIN PA NI @96A *, ,TSUL KHRIMS DANG BRTUL ZHUGS MCHOG TU 'DZIN PA YIN NO, ,CI'I PHYIR ZHE NA, TSUL KHRIMS DANG BRTUL ZHUGS NI GZUGS KYI PHUNG POS BSDUS PA YIN NO, ,DE'I PHYIR PHUNG PO GZHAN BSDU BA'I DON DU SOGS PA ZHES BYA BA'I SGRA SMOS DGOS SO, ,CI'I PHYIR KUN 'BYUNG MTHONG BAS SPANG BAR BYA BA MA YIN ZHE NA ZHES BYA BA NI RGYU LA LOG PAR ZHUGS PA'I PHYIR RO SNYAM DU BSAMS PA YIN NO, ,DE BYAS PA'I RGYUR MNGON PAR ZHEN PA YANG ZHES BYA BA NI BDAG RTAG PA BYED PA PO, ,GCIG PUS BYAS PA YANG ZHES BYA BA'I THA TSIG GO, ,DE NYID KYIS SPONG BAR 'GYUR RO ZHES BYA BA NI SDUG BSNGAL MTHONG BA KHO NAS SPONG BAR 'GYUR RO, ,'O NA GANG ME DANG CHUR 'JUG PA LA SOGS PAS MTHO RIS SU SKYE BA'AM, TSUL KHRIMS DANG BRTUL ZHUGS KYIS 'DAG PAR LTA BA JI LTA BU YIN ZHES BYA BA NI RGYUR MNGON PAR ZHEN PA 'DI NI DES BYAS PA MA YIN NA, JI LTAR SDUG BSNGAL MTHONG BAS SPANG BAR 'GYUR, DE LTA BAS NA 'DI NI KUN 'BYUNG MTHONG BAS SPANG BAR BYA BA KHO NA YIN PAR 'GYUR RO SNYAM DU BSAMS PA YIN NO, ,BYE BRAG TU SMRA BAS, DE YANG SDUG BSNGAL MTHONG BAS SPANG BAR BYA BA YIN TE ZHES BYA BA RGYAS PAR SMOS SO, ,SDUG BSNGAL LA LOG PAR ZHUGS PA'I PHYIR RO ZHES ZER BA NI BYE BRAG TU SMRA BA RNAMS TE, JI LTAR SDUG BSNGAL LA LOG PAR ZHUGS PA YIN ZHE NA DES MTHO RIS SU 'GRO BA 'AM 'DAG PAR LTA BA'I PHYIR RO, ,SLOB DPON GYIS HA CANG THAL BAR 'GYUR RO ZHES BYA BA RGYAS PAR SMOS TE, ZAG PA DANG BCAS PA'I DNGOS PO THAMS CAD SDUG BSNGAL YIN PAS, ZAG PA DANG BCAS PA SDUG BSNGAL LA SOGS PA MTHONG BAS SPANG BAR BYA BA LTA BA'I NGO BO NYID DAM, LTA BA'I NGO BO NYID MA YIN YANG, THAMS CAD SDUG BSNGAL LA LOG PAR ZHUGS PA YIN PA'I PHYIR SDUG BSNGAL MTHONG BAS SPANG BAR BYA BAR THAL BAR 'GYUR RO, , DE LTA YIN NA NI KUN 'BYUNG BA LA SOGS PA MTHONG BAS SPANG BAR BYA BA CUNG ZAD KYANG MED PAR 'GYUR RO, ,GZHAN 'DI YANG BRJOD DGOS TE, YANG NA TSUL KHRIMS DANG BRTUL ZHUGS MCHOG TU 'DZIN PAS LAM MTHONG BAS SPANG BAR BYA BA GZHAN JI LTA BU ZHIG YOD PAS DE BRJOD DGOS TE, GANG @96B ZHIG BA LANG GI TSUL KHRIMS LA SOGS PAS 'DAG PA NAS BDE BA DANG, SDUG BSNGAL LAS RNAM PAR 'DAS PA YANG RJES SU 'THOB PAR 'GYUR RO ZHES BYA BA'I BAR DU LTA BA DE'I TSUL KHRIMS DANG BRTUL ZHUGS MCHOG TU 'DZIN PA 'DI YANG RGYU MA YIN PA LA RGYUR YID CHES PA YIN PAS SDUG BSNGAL MTHONG BAS SPANG BAR BYA BA'O ZHES 'DON PAS SO,, ,,BAM PO SUM CU RTZA DGU PA, BYE BRAG TU SMRA BAS LAM MTHONG BAS SPANG BAR BYA BA LA DMIGS PA GANG YIN PA'O ZHES BYA BA SMRAS TE, TSUL KHRIMS DANG BRTUL ZHUGS MCHOG TU 'DZIN PA GANG ZHIG LAM MTHONG BAS SPANG BAR BYA BA LOG PAR LTA BA LA SOGS PA BRGYAD LA DMIGS PAR BYED PA 'DI NI LAM MTHONG BAS SPANG BAR BYA BA YIN NO, ,SLOB DPON GYIS DE YANG SDUG BSNGAL LA LOG PAR ZHUGS PA YIN NO ZHES BYA BA SMOS TE, LAM MTHONG BAS SPANG BAR BYA BA LOG PAR LTA BA LA SOGS PA PHRA RGYAS BRGYAD NI TSUL KHRIMS DANG BRTUL ZHUGS MCHOG TU 'DZIN PA'I DMIGS PA YIN ZHING, DE DAG KYANG ZAG PA DANG BCAS PA YIN PA'I PHYIR, SDUG BSNGAL GYI BDEN PAS BSDUS PA YIN LA, DE YANG DE LA LOG PAR RTOG PA YIN PAS SDUG BSNGAL MTHONG BAS SPANG BAR BYA BA KHO NAR 'GYUR RO SNYAM DU BSAMS PA YIN NO, ,YANG GANG LA ZHES BYA BA RGYAS PAR 'BYUNG BA NI GANG ZAG GANG ZHIG LA LAM MED DO SNYAM DU LAM LA DMIGS PA LA LOG PAR LTA BA 'AM, THE TSOM YOD PA'I GANG ZAG DE THAR PA'I LAM MED DO ZHES LTA BA 'AM, THE TSOM[?] ZA BA NA STE, CI LAM 'DI YOD DAM MED SNYAM DU THE TSOM ZA BA NA JI LTAR LOG PAR LTA BA DES LOG PAR LTA BA 'DIS SAM, THE TSOM 'DIS 'DAG GO SNYAM DU YID CHES PAR 'GYUR ZHING RTOG PAR 'GYUR TE, LOG PAR LTA BA DANG, THE TSOM KHO NAS DE LA 'DAG PAR YID CHES PA MED DO, ,'ON TE THAR PA'I LAM GZHAN ZHES BYA BA RGYAS PAR 'BYUNG BA NI, 'ON TE GRANGS CAN LA SOGS PAS BRTAGS PA'I THAR PA'I LAM GZHAN MCHOG TU BZUNG ZHING BLANGS NAS, 'DI NI THAR PA'I LAM YIN GYI, SANGS RGYAS PA'I NI MED DO ZHES SMRA'O ZHE NA, DE YANG GRANGS CAN PAS BRTAGS PA DE KHO NAS DAG @97A *, ,PAR YID CHES KYI, LOG PAR LTA BA DES NA MA YIN PA'I PHYIR, DE'I TSUL KHRIMS DANG BRTUL ZHUGS MCHOG TU 'DZIN PA DE YANG LAM MTHONG BAS SPANG BAR BYA BA LA DMIGS PAR MI 'GRUB BO, ,'O NA CI ZHE NA, GRANGS CAN PA LA SOGS PAS KUN BRTAGS PA'I LAM KHO NA LA DMIGS PA YIN NO, ,NYES PA GZHAN 'DI YANG YOD PAS, YANG GANG ZHIG CES BYA BA RGYAS PAR SMOS TE, LOG PAR LTA BA GANG ZHIG KUN 'BYUNG BA DANG, 'GOG PA MTHONG BAS SPANG BAR BYA BA LA DMIGS PA'I LOG PAR LTA BAS DAG PAR YID CHES PAR 'GYUR BA DE YANG, CI'I PHYIR DE DAG MTHONG BAS SPANG BAR BYA BA MA YIN, TSUL KHRIMS DANG BRTUL ZHUGS MCHOG TU 'DZIN PA DE CI'I PHYIR KUN 'BYUNG BA DANG, 'GOG PA MTHONG BAS SPANG BAR BYA BA MA YIN ZHES BYA BA'I THA TSIG GO, ,DE LTA BAS NA DON 'DI NI BRTAG PAR BYA BA YIN NO ZHES BYA BA NI, GANG GI PHYIR DE LTAR TSUL KHRIMS DANG, BRTUL ZHUGS MCHOG TU 'DZIN PA, SDUG BSNGAL MTHONG BAS SPANG BAR BYA BA YIN PAR YANG MI SRID LA, LAM MTHONG BAS SPANG BAR BYA BA YIN DU YANG HA CANG THAL BAL SOGS PA'I NYES PA YOD PA DE'I PHYIR, TSUL KHRIMS DANG BRTUL ZHUGS MCHOG TU 'DZIN PA; SDUG BSNGAL MTHONG BAS SPANG BAR BYA BA YIN PA DANG, LAM MTHONG BAS SPANG BAR BYA BA YIN NO ZHES BYA BA'I DON 'DI NI BRTAG PAR BYA BA YIN NO, ,SLOB DPON GYIS THE TSOM BSKUR BA 'DI BYAS KYIS, RANG GI GZHUNG LUGS NI MA BSTAN TO, ,GZHAN DAG NA RE RNAL 'BYOR SPYOD PA'I GZHUNG LUGS LA LTOS NAS DE LTAR BYAS SO ZHES ZER RO, ,RNAL 'BYOR SPYOD PA RNAMS KYANG NYON MONGS PA BRGYA NYI SHU RTZA BRGYAD DU BRJOD DE, JI LTAR SDUG BSNGAL MTHONG BAS SPANG BAR BYA BA'I PHRA RGYAS 'DI DAG 'JIG TSOGS LA LTA BA DANG MTHAR 'DZIN PAR LTA BA DANG, LOG PAR LTA BA DANG; LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA ZHES BYA BA BCU YIN PA DE BZHIN DU KUN 'BYUNG BA MTHONG BAS SPANG BAR BYA BA BCU DANG, 'GOG PA MTHONG BAS @97B SPANG BAR BYA BA BCU DANG, LAM MTHONG BAS SPANG BAR BYA BA BCU STE, 'DOD PA NA SPYOD PA MTHONG BAS SPANG BAR BYA BA BZHI BCU YIN NO, ,BSGOM PAS SPANG BAR BYA BA NI 'JIG TSOGS LA LTA BA BRTAGS PA MA YIN PA DANG, CHAD PAR LTA BA LHAN CIG SKYES PA DANG, 'DOD CHAGS DANG, KHONG KHRO BA DANG, NGA RGYAL DANG, MA RIG PA ZHES BYA BA DRUG STE, 'DOD PA NA SPYOD PA'I PHRA RGYAS BZHI BCU RTZA DRUG TU 'GYUR RO, ,GZUGS NA SPYOD PA BZHI BCU RTZA GCIG STE, KHONG KHRO BA MA GTOGS PA DE DAG NYID YIN NO, ,GZUGS NA SPYOD PA DAG JI LTA BAR GZUGS MED PA NA SPYOD PA RNAMS KYANG DE DANG 'DRA'O, ,DE LA KHA CIG LAN 'DEBS PAR BYED PA NI ZAG PA DANG BCAS PA LA DMIGS PA THAMS CAD SDUG BSNGAL LA LOG PAR ZHUGS PA'I PHYIR, HA CANG THAL BAR 'GYUR RO ZHES BSHAD PA GANG YIN PA 'DI LA SMRA BAR BYA STE, SDUG BSNGAL LA SOGS PA'I SGO NAS LOG PAR ZHUGS PA'I PHYIR, HA CANG THAL BAR MI 'GYUR RO, ,ZAG PA DANG BCAS PA LA DMIGS PA RNAMS SDUG BSNGAL LA LOG PAR ZHUGS PA YIN MOD KYI, 'ON KYANG KHA CIG NI SDUG BSNGAL GYI SGO NAS LOG PAR ZHUGS PA YIN LA, KHA CIG NI KUN 'BYUNG BA'I SGO NAS LOG PAR ZHUGS PA YIN NO, ,KHA CIG NI 'GOG PA'I SGO NAS LOG PAR ZHUGS PAS LOG PAR ZHUGS PA YIN LA, KHA CIG NI LAM GYI SGO NAS LOG PAR ZHUGS PA LA LOG PAR ZHUGS PA YIN NO, ,DE LA GANG DAG SDUG BSNGAL GYI SGO NAS SDUG BSNGAL LA LOG PAR ZHUGS PA DE DAG NI SDUG BSNGAL MTHONG BAS SPANG BAR BYA BA YIN NO, ,TSUL KHRIMS DANG BRTUL ZHUGS MCHOG TU 'DZIN PA YANG RTAG PA DANG BDAG TU 'DZIN PAS SDUG BSNGAL GYI SGO NAS SDUG BSNGAL LA LOG PAR ZHUGS PA YIN TE, DE LTA BAS NA SDUG BSNGAL MTHONG BAS SPANG BAR BYA BA YIN NO, ,LAM LA LOG PAR ZHUGS PA GANG ZHIG GIS 'DI LTA STE, GRANGS CAN PA DANG, GCER BU PA LA SOGS PAS RANG GI KUN BRTAGS PA'I LAM BZUNG NAS, SANGS RGYAS PA RNAMS LA THAR PA'I LAM MED DO ZHES LOG PAR LTA BA SKYED PAR BYED PA'I LOG PAR LTA @98A *, ,BA DE LA YANG, TSUL KHRIMS DANG BRTUL ZHUGS MCHOG TU 'DZIN PAS MCHOG TU LTA BAR BYED DE, DE DAG GI TSUL KHRIMS DANG BRTUL ZHUGS MCHOG TU 'DZIN PA 'DI NI, LAM LA LOG PAR ZHUGS PA LA LOG PAR ZHUGS PA YIN PA'I PHYIR LAM MTHONG BAS SPANG BAR BYA BA YIN NO, ,TSUL KHRIMS DANG BRTUL ZHUGS MCHOG TU 'DZIN PA GANG ZHIG KUN 'BYUNG BA'I SGO NAS LOG PAR 'JUG PAR 'GYUR BA YANG MED LA, GANG ZHIG 'GOG PA'I SGO NAS LOG PAR ZHUGS PA LA LOG PAR ZHUGS PA YANG MED DE, DE LTA BAS NA TSUL KHRIMS DANG BRTUL ZHUGS MCHOG TU 'DZIN PA NI SDUG BSNGAL DANG, LAM MTHONG BAS SPANG BAR BYA BA DAG KHO NA YIN NO, ,YANG JI LTAR KUN 'BYUNG BA DANG, 'GOG PA'I SGO NAS LOG PAR MI 'JUG CE NA, 'DI LA SLOB DPON 'DUS BZANG NA RE, TSUL KHRIMS DANG BRTUL ZHUGS MCHOG TU 'DZIN PA NI KUN 'BYUNG BA DANG 'GOG PA MTHONG BAS SPANG BAR BYA BA MA YIN TE, DE'I LUS SU MI 'THAD PA'I PHYIR RO, ,TSUL KHRIMS DANG BRTUL ZHUGS MCHOG TU 'DZIN PA'I LUS NI RGYU MA YIN PA LA RGYUR MNGON PAR ZHEN PA DANG, LAM MA YIN PA LA LAS DU MNGON PAR ZHEN PA YIN NA; KUN 'BYUNG BA LA SKUR PA 'DEBS PA'I LOG PAR LTA BA LA 'DAG PAR MNGON PAR ZHEN PAS NI 'DI RGYU MED PA LAS SKYE BAR LTA BAR 'GYUR TE, GANG LA RGYU'I BLO MED PA'I PHYIR RO, ,SDUG BSNGAL DANG, KUN 'BYUNG BA DAG NI RJES SU THA DAD PA MA YIN PA'I PHYIR, DES DBANG PHYUG LA SOGS PA'I PHUNG PO YANG SPANG BAR 'GYUR RO, ,'GOG PA LA SKUR PA 'DEBS PA'I LOG PAR LTA BA LA 'DAG PAR YID CHES PAS NA 'GOG PA'I THABS LA RTOG PA MI SRID PA KHO NA YIN NO, ,JI LTA ZHE NA, 'GOG PA MED DO SNYAM DU LTA BA'I RJES LA, DE'I THABS LA RTOG PA NI DAN MED PAR 'GYUR RO; ,DE LTAR NA TSUL KHRIMS DANG BRTUL ZHUGS MCHOG TU 'DZIN PA'I LUS SU MI 'THAD DO, ,DE LTA NA LAM MED DO SNYAM DU LTA BA'I RJES LA LAM DU YONGS SU RTOG PA MI 'THAD PA'I PHYIR, TSUL KHRIMS DANG BRTUL ZHUGS MCHOG TU 'DZIN PA LAM MTHONG BAS SPANG BAR BYA BA YANG MI 'GYUR RO, ,GANG LA @98B LAM PA DMIGS PA LOG PAR LTA BA 'AM, THE TSOM THAR PA'I LAM MED DO SNYAM PA'I LTA BA 'AM, THE TSOM ZA BA YOD PA DE JI LTAR DES 'DAG PAR YID CHES PAR 'GYUR ZHE NA, 'PHAGS PA'I LAM LA SKUR PA 'DEBS PA'I LOG PAR LTA BA LA 'DAG PAR MNGON PAR ZHEN PA NI 'THAD PA KHO NA STE; DE LA RIGS PAR 'DZIN PA'I PHYIR RO, ,DES NI GANG GIS NA DE YANG DAG PA'I LAM LA SKUR PA 'DEBS PA'I LOG PAR LTA BA LA RIGS PA'I BLO SKYE BAR 'GYUR BA THAR PA'I LAM GZHAN ZHIG SNYING LA GZHAG PA YIN TE, THAR PA'I LAM GZHAN MED DO ZHES BYA BA GANG YIN PA DANG, THAR PA'I LAM GZHAN YOD DAM, 'ON TE MED SNYAM DU THE TSOM ZA BA GANG YIN PA 'DI NI RIGS PA YIN NO SNYAM DU SEMS PAS SO, ,RIGS PA'I SGO NAS NI 'DAG PA'I THABS LEN PAR 'THAD DO, ,DES THAR PA'I LAM GZHAN LA DMIGS PA SNYING LA GZHAG PA GANG YIN PA 'DI NYID TSUL KHRIMS DANG BRTUL ZHUGS MCHOG TU 'DZIN PA LAM MTHONG BAS SPANG BAR BYA BA DE'I YUL YIN TE, RANG GI RIS TZAM LA DMIGS PA'I PHYIR RO, ,'ON TE DE DANG MTSUNGS PAR RTAG TU RUNG BA'I PHYIR 'GOG PA MTHONG BAS SPANG BAR BYA BAR YANG THAL BAR 'GYUR TE, DE NI GANG GIS NA DE YANG DAG PA'I THAR PA LA SKUR PA 'DEBS PA'I LOG PAR LTA BA LA RIGS PAR 'DZIN PAR 'GYUR BA THAR PA'I GNAS GZHAN ZHIG SNYING LA GZHAG PA YIN NO, ,DE'I PHYIR DE NI 'DRA'O ZHE NA, DE NI MA YIN TE, RTAG PA DANG ZHI BAR 'DZIN PAR MTSUNGS NA DE LA SKUR PA 'DEBS PA LA 'DAG PAR MNGON PAR ZHEN PA MI 'THAD PA'I PHYIR RO, ,RDZAS DANG RDZAS MA YIN PAR RTOG PA THA DAD PA YOD NA 'GA' ZHIG THAR PA'I THABS TSOL BAR BYED LA, DE LA NI GDON MI ZA BAR THAR PA YOD DO SNYAM PA'I NGES PA YOD DO, GANG GDON MI ZA BAR THAR PA YOD DO SNYAM PA'I NGES PA YOD PA DE NI DE LA RTAG PA DANG ZHI BAR YANG 'DZIN TO, ,DE LTA MA YIN NA DE DON DU GNYER BA MI 'THAD PA'I PHYIR RO, ,DE LA DPER NA CHOS 'DI PA RNAMS LA MYA NGAN LAS 'DAS PA RDZAS DANG RDZAS MA YIN PAR RTOG PA THA DAD KYANG RTAG PA DANG, ZHI BAR 'DZIN PAR MTSUNGS PA'I PHYIR DE LA SKUR PA 'DEBS PA'I LTA BA NI SKYON @99A *, ,KHO NA YIN PA LTAR, GANG GIS THAR PA'I GNAS CUNG ZAD CIG SEMS LA BZHAG PA DA YANG RTAG PA DANG ZHI BAR 'DZIN PAR MTSUNGS PA'I PHYIR THAR PA LA SKUR PA 'DEBS PA LA RIGS PAR 'DZIN PA MI 'THAD DO, ,TSUL KHRIMS DANG BRTUL ZHUGS LA SOGS PA NI 'PHAGS PA'I LAM LAS NGO BO NYID DANG, RNAM PA'I SGO NAS THA DAD PA YIN GYI, RTAG PA DANG ZHI BAR 'DZIN PA LA NI THA DAD PA MED PAS MTSUNGS PAR RTAG TU RUNG BA MED DO, ,DE'I PHYIR TSUL KHRIMS DANG BRTUL ZHUGS MCHOG TU 'DZIN PA NI LAM MTHONG BAS SPANG BAR BYA BA KHO NA YIN PA SRID KYI, 'GOG PA MTHONG BAS SPANG BAR BYA BA NI MA YIN NO ZHES ZER RO, ,'DIR CHOS MNGON PA PA RNAMS TSUL KHRIMS DANG BRTUL ZHUGS MCHOG TU 'DZIN PA RNAM PA GNYIS SU 'DOD NA TSUL KHRIMS DANG BRTUL ZHUGS MCHOG TU 'DZIN PA JI LTA BU ZHIG NI SDUG BSNGAL MTHONG BAS SPANG BAR BYA BAR RNAM PAR 'JOG ,JI LTA BU ZHIG LAM MTHONG BAS SPANG BAR BYA BAR RNAM PAR 'JOG STE, GANG ZHIG BA LANG GI TSUL KHRIMS LA SOGS PAS 'DAG PAR YID CHES PA DE DAG KYANG LAM MA YIN PA LA LAM DU NI LTA'O ZHE NA, TSUL KHRIMS DANG BRTUL ZHUGS MCHOG TU 'DZIN PA GANG ZHIG TSUL KHRIMS DANG BRTUL ZHUGS LA SOGS PA SDUG BSNGAL DMIGS PA DE NI SDUG BSNGAL MTHONG BAS SPANG BAR BYA BA YIN LA, GANG ZHIG LAM LA LOG PAR ZHUGS PA LA DMIGS PA DE NI LAM MTHONG BAS SPANG BAR BYA BA YIN NO, ,TSUL KHRIMS DANG BRTUL ZHUGS LA SOGS PA[?] LA DMIGS PA GANG YIN PA DE NI LAM LA LOG PAR ZHUGS PA MA YIN ZHING, LAM LA LOG PAR ZHUGS PA LA DMIGS PA JI LTA BA DE LTAR GNOD PAR BYED PA YANG MA YIN TE, 'DI LTAR TSUL KHRIMS DANG BRTUL ZHUGS LA SOGS PA LA DMIGS PA NI RAGS PA DANG; RING[?] DU SONG BA MA YIN PA DANG, BSAM PA BRTAN PO MA YIN PA DANG, 'BAD PA CHUNG DUS GZHOM PAR BYA BA YIN LA, LAM LA LOG PAR ZHUGS PA LA DMIGS PA NI DE LAS BZLOG PA MA YIN PAS SO, ,LTA BA GSUM LAS PHYIN CI LOG BZHI TSAN ZHES BYA BA NI PHYIN CI LOG @99B DAG NI LTA BA GSUM GYI NGO BO NYID YIN NO ZHES STON PAR BYED DO, ,'JIG TSOGS LA LTA BA LAS NI BDAG TU LTA BA PHYIN CI LOG GO ZHES BYA BA NI BDAG GIR LTA BA MA YIN NO SNYAM DU BSAMS PA YIN NO, ,GZHAN DAG NA RE THAMS CAD YIN NO ZHES ZER RO ZHES BYA BA NI 'JIG TSOGS LA LTA BA BDAG TU LTA BA DANG; BDAG GIR LTA BA THAMS CAD BDAG TU PHYIN CI LOG PA YIN NO ZHES BYA BA'I THA TSIG GO, ,BYE BRAG TU SMRA BAS JI LTAR NA BDAG GIR LTA BA PHYIN CI LOG YIN ZHES BYA BA SMOS TE, BDAG GIR LTA BA LA PHYIN CI LOG CES MI BYA'O, ,PHA ROL POS JI LTAR NA PHYIN CI LOG MA YIN ZHES BYA BA SMRAS PA DANG, BYE BRAG TU SMRA BAS PHYIN CI LOG GI MDO LAS MI 'BYUNG BA'I PHYIR RO ZHES BYA BA SMOS TE, MDO LAS BDAG MED PA LA BDAG GO SNYAM DU PHYIN CI LOG PA ZHES 'BYUNG GI ,BDAG GI SNYAM DU ZHES BYA BAR MI 'BYUNG BA'I PHYIR RO, ,MDO LAS DE SKAD DU BSTAN PA NI YOD MOD KYI, DE YANG BDAG TU LTA BA LAS DON GZHAN DU 'GYUR BA NI MA YIN NO, ,JI LTA ZHE NA, DE LAS NI BDAG KHO NA NYE BAR LEN PA'I PHUNG PO LNGA LA DBANG BYED PAR LTA BA NI BDAG GIR LTA BAR 'GYUR BAR BSHAD DE, BDAG LA LTA BA 'BA' ZHIG TU MA ZAD KYI, BDAG GIR YANG LTA'O ZHES BYA BA'I THA TSIG GO; ,BDAG TU LTA BA 'DI NYID SGO GNYIS CAN YIN NO ZHES BYA BA NI BDAG DANG BDAG GI SGO CAN TE, RDZAS SU NI GCIG YIN NO, ,NGAR 'DZIN PA DANG, NGA YIR 'DZIN PA'I SGO GNYIS DANG LDAN PA YIN NO ZHES BYA BA'I THA TSIG GO, ,'ON TE BDAG CES BYA BA DANG POR BSTAN PA 'DI LAS BDAG GI ZHES BYA BA DRUG PAR BSTAN PA LTA BA GZHAN ZHIG YIN NA NI BDAG GI ZHES BYA BA DANG, BDAG GI PHYIR ZHES BYA BA 'DI YANG 'GYUR RO, ,LTA BA THA DAD PA ZHES BYA BA SKABS DANG SBYAR TE, BDAG GI ZHES BYA BA NI GSUM PAR BSTAN PA'I PHYIR LA, BDAG GI PHYIR ZHES BYA BA NI BZHI PAR BSTAN PA'I PHYIR RO, ,DE YANG 'DOD PA MA YIN TE, DE LTA BAS NA THAMS CAD YIN NO ZHES BYA BAR GRUB BO, ,CI'I PHYIR NYON MONGS PA GZHAN DAG PHYIN CI LOG MA YIN ZHE NA ZHES BYA BA NI 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DAG @100A *, ,LAS GZHAN CHAD PAR LTA BA DANG, LOG PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PAR LTA BA DANG, 'DOD CHAGS LA SOGS PA'O, ,RGYU GSUM GYIS ZHES BYA BA NI PHYIN CI LOG PA DANG, NGES PAR RTOG PA DANG, SGRO 'DOGS PA DAG GIS PHYIN CI LOG RNAMS RNAM PAR GZHAG STE, GANG LA RGYU 'DI DAG RIL GYIS YOD PA DE DAG NI PHYIN CI LOG TU RNAM PAR GZHAG GO, ,GANG LA RIL GYIS MED PA DE DAG NI PHYIN CI LOG MA YIN NO ZHES BSHAD PA YIN NO, ,DE TZAM ZHIG GIS 'DAG PAR DMIGS PA'I PHYIR RO ZHES BYA BA NI GANG GI PHYIR TSUL KHRIMS DANG BRTUL ZHUGS TZAM GYIS 'DAG GO SNYAM DU DMIGS PA LA NGES PAR RTOG PAR BYED DO, ,'DI LTAR TSUL KHRIMS DANG BRTUL ZHUGS MCHOG TU 'DZIN PA NI GCIG TU PHYIN CI LOG PA MA YIN TE, TSUL KHRIMS DANG BRTUL ZHUGS 'DAG PA'I RGYUR MI 'GYUR BA NI MA YIN GYI, 'BA' ZHIG GIS MI 'GYUR BAR ZAD DO, ,'DI'I SGRO 'DOGS PA'I RNAM PA NYID JI LTA BU ZHE NA, DE TZAM GYIS 'DAG PA'I RGYU'I DNGOS POR SGRO 'DOGS PA'I PHYIR RO, ,GAL TE NGES PAR RTOG PAR MI BYED PA PHYIN CI LOG MA YIN NA 'O NA MDO LAS GSUNGS PA GANG YIN PA DE JI LTA BU STE, 'DU SHES KYANG NGES PAR RTOG PAR BYED PA MA YIN LA, SEMS KYANG NGES PAR RTOG PAR BYED PA NI MA YIN NO, ,PHYIN CI LOG BCU GNYIS YIN NO ZHES BYA BA NI PHYIN CI LOG BZHI PO RE RE LA 'DU SHES DANG SEMS DANG LTA BA PHYIN CI LOG DAG YOD PAS SO, ,JI LTA ZHE NA, MI RTAG PA LA RTAG GO SNYAM DU ZHES BYA BA NAS RGYAS PAR DE BZHIN DU BDAG MED LA BDAG GO SNYAM PA'I BAR ZHES BYA BA SMOS TE, SDUG BSNGAL LA BDE'O SNYAM DU 'DU SHES DANG SEMS DANG LTA BA PHYIN CI LOG GSUM DANG, MI GTZANG BA LA GTZANG NGO SNYAM DU DE NYID GSUM NAS BDAG MED PA LA BDAG GO SNYAM DU DE NYID GSUM GYI BAR YIN NO, ,DE LA BRGYAD NI MTHONG BAS SPANG BAR BYA BA YIN NO ZHES BYA BA NI MI RTAG PA LA RTAG GO SNYAM DU 'DU SHES DANG SEMS DANG LTA BA PHYIN CI LOG GSUM DANG, BDAG MED PA LA BDAG GO SNYAM PA YANG GSUM DANG, SDUG BSNGAL LA BDE'O SNYAM DU LTA BA @100B PHYIN CI LOG DANG, MI GTZANG BA LA GTZANG NGO SNYAM DU LTA BA PHYIN CI LOG GO, ,BZHI NI BSGOM PAS SPANG BAR BYA BA DAG YIN NO, ,GANG DAG CE NA, GANG DAG SDUG BSNGAL DANG MI GTZANG BA LA 'DU SHES DANG PHYIN CI LOG PA ZHES BYA BA SMOS TE, SDUG BSNGAL LA BDE'O SNYAM DU 'DU SHES DANG SEMS PHYIN CI LOG GNYIS DANG, MI GTZANG BA LA GTZANG NGO SNYAM DU 'DU SHES DANG SEMS PHYIN CI LOG KYANG GNYIS TE BZHI'O, ,'PHAGS PA 'DOD CHAGS DANG MA BRAL BA LA ZHES BYA BA NI RGYUN DU ZHUGS PA DANG, LAN CIG PHYIR 'ONG BA LA'O, ,DE DAG NI PHYIN CI LOG DAG TU YANG CI'I PHYIR MI 'DOD CES BYA BA NI SEMS CAN GYI 'DU SHES KUN DU 'BYUNG BA'I PHYIR DANG, SEMS CAN NO SNYAM PA'I SEMS KUN DU 'BYUNG BA'I PHYIR DE DAG GI 'DU SHES SU YANG CI'I PHYIR MI 'DOD, SEMS CAN LA DMIGS PA'I 'DU SHES DANG, SEMS PHYIN CI LOG DAG KYANG YOD PAR CI'I PHYIR MI 'DOD DE, BDAG TU PHYIN CI LOG PA DAG KYANG CI STE YOD PAR 'DOD PAR MI BYED SNYAM DU BSAMS PA YIN NO, ,CI'I PHYIR ZHE NA, BUD MED DANG BDAG LA SEMS CAN DU 'DU SHES PA MED PAR NI 'DOD PA'I 'DOD CHAGS SKYE BAR RIGS PA MA YIN NO ZHES BYA BA SMOS TE, DE LTA BAS NA BDAG MED PA LA BDAG GO SNYAM DU 'DU SHES DANG SEMS PHYIN CI LOG 'DI DAG KYANG BSGOM PAS SPANG BAR BYA BA YIN NO ZHES BYA BAR GYUR TO, ,RGYAS PAR ZHES 'BYUNG BA'I PHYIR 'DI LTAR SBYAR BAR BYA STE, SDUG BSNGAL LA BDE'O SNYAM PA DANG, MI GTZANG BA LA GTZANG NGO SNYAM PA NAS BDAG MED PA LA BDAG GO SNYAM DU 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG DE SPONG BAR BYED DO ZHES BYA BA YIN NO, ,DE LTA BAS NA LTA BAS KUN NAS BSLANG BA KHO NA STE, LTA BA DANG MTSUNGS PAR LDAN PA'I 'DU SHES DANG SEMS KHO NA PHYIN CI LOG YIN GYI GZHAN NI MA YIN TE, LTA BA DANG MTSUNGS PAR MI LDAN PA DAG NI MA YIN NO ZHES BYA BA'I THA TSIG GO, ,'DI SKAD DU 'DU SHES DANG SEMS 'KHRUL PA 'DI YANG YOD MOD KYI, 'DI LTAR DE NI LTA BAS KUN NAS BSLANG BA MA YIN PAS PHYIN CI LOG MA YIN NO ZHES BSHAD PA YIN NO, ,CI'I PHYIR ZHE NA, DE'I DUS SU 'KHRUL PA TZAM YIN PA'I PHYIR ZHES BYA BA @101A *, ,SMOS TE, BUD MED MTHONG BA'I TSE 'KHRUL PA TZAM YIN PA'I PHYIR RO ZHES BYA BA'I THA TSIG GO, ,DE LTA BAS NA 'PHAGS PA RNAMS KYIS NI DE'I DUS SU DE LTAR MTHONG BA'I 'KHRUL PA KHO NAS LOG PA'I SHES PA YIN TE, MGAL ME'I 'KHOR LO DANG, RI MO'I GNOD SBYIN LA 'KHRUL PA BZHIN NO, ,DPER NA MGAL ME'I 'KHOR LO MYUR DU BSKOR NA DE'I DUS TZAM DU 'KHOR LO'I SNYAM DU 'KHRUL PA SKYE'I PHYIS NI MA YIN PA DANG, RI MOR BRIS PA'I GNOD SBYIN MTHONG NAS DE'I DUS SU GNOD SBYIN NO SNYAM DU 'KHRUL PA SKYE'I PHYIS NI MA YIN PA DE DANG 'DRA'O, ,'PHAGS PA NI 'DI LA NGES PAR RTOG PA YIN PA'I PHYIR BDE BA 'AM GTZANG BAR 'KHRUL PA 'AM, SEMS CAN DU 'KHRUL PA'ANG RUNG, YUD TZAM PAR ZAD KYI, 'DI PHYIN CI LOG NI MA YIN TE, BCOM LDAN 'DAS KYIS DGE SLONG DAG 'PHAGS PA NYAN THOS THOS PA DANG LDAN PA LA DRAN PA NYAMS PA CUNG ZAD 'BYUNG MOD KYI, 'ON KYANG MYUR BA KHO NAS MI SNANG BA DANG, YONGS SU ZAD PA DANG, YONGS SU GTUGS PAR 'GYUR RO ZHES GSUNGS PAS SO, ,GAL TE 'DU SHES DANG SEMS 'KHRUL PA DE PHYIN CI LOG MA YIN NA PHYOGS GSUM PA 'DZIN PA GZHAN KHA CIG GIS, 'O NA GNAS BRTAN KUN DGA' BOS ZHES BYA BA RGYAS PAR SMOS TE, 'PHAGS PA NGAG GI DBANG PHYUG GIS GNAS BRTAN KUN DGA' BO LA, 'DOD PA'I CHAGS PAS ZIL NON PHYIR, ,BDAG GI SEMS NI GDUNG BAR 'GYUR, ,GOO TAM KHYOD KYI THUGS BRTZE'I PHYIR, ,ZHI BA MCHOG NI BSHAD DU GSOL, ,ZHES SMRAS PA DANG, 'PHAGS PA KUN DGA' BO YI PHYIR, ,'DU SHES PHYIN CI LOG PA YIS, ,KHYOD KYI SEMS NI YONGS SU GDUNGS, ,DE PHYIR 'DOD CHAGS LDAN PA YI, ,RGYU MTSAN SDUG PA SPANG BAR GYIS, ,ZHES SMRAS TE, DE NI RGYUN DU ZHUGS PA YIN LA TSIGS SU BCAD PA 'DES NI DE LA YANG PHYIN CI LOG YOD PA NYID DU YONGS SU BSTAN PAS SO, ,DE LTA BAS NA ZHES BYA BA RGYAS PAR 'BYUNG BA NI GANG GI PHYIR SDE PA GZHAN GYI GZHUNG LUGS KYANG BYE BRAG TU SMRA BA RNAMS KYI LUNG DANG 'GAL BAR BYAS LA, BYE BRAG TU SMRA BA'I GZHUNG LUGS KYANG SDE PA GZHAN @101B DAG GI LUNG DANG 'GAL BAR BYAS PA, DE'I PHYIR SLOB PAS 'DU SHES DANG SEMS PHYIN CI LOG BRGYAD PO THAMS CAD MA SPANGS PA KHO NA'O ZHES ZER RO, ,MDO DANG 'GAL BA YANG SPONG BAR BYED DO, ,MDO GANG ZHIG CE NA, BYE BRAG TU SMRA BA RNAMS KYIS KHUNGS SU KHYER TE, 'ONG BA 'DI LTAR 'PHAGS PA NYAN THOS THOS PA DANG LDAN PA ZHES BYA BA RGYAS PAR DE SPONG BAR BYED DO ZHES BYA BA'I BAR GANG YIN PA 'DI LTA STE, DE DAG KYANG 'PHAGS PA'I BDEN PA RNAMS ZHES BYA BA RGYAS PAR SMOS TE, 'DU SHES DANG SEMS PHYIN CI LOG BRGYAD PO DE DAG KYANG SDUG BSNGAL LA SOGS PA 'PHAGS PA'I BDEN PA RNAMS YANG DAG PA JI LTA BA BZHIN SHES PAS SPONG BAR 'GYUR GYI, YANG DAG PA JI LTA BA BZHIN SHES PA DE MED PAR NI MA YIN NO ZHES THABS YANG DAG PAR BSTAN PA'I PHYIR TE, THABS LEGS PAR BRJOD PA'I PHYIR MDO SDE DANG 'GAL BA MED DO ZHES ZER RO, ,'DI NI SDUG BSNGAL 'PHAGS PA'I BDEN PA'O, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA YIN NO ZHES BSHAD PA GANG YIN PA DE YANG MTHONG BA'I LAM KHO NA'I DBANG DU MDZAD PA NI MA YIN NO,, 'O NA CI ZHE NA, BSGOM PA'I LAM GYI DBANG DU MDZAD PA YANG YIN TE, BSGOM PA'I LAM ZAG PA MED PA'I 'PHAGS PA'I BDEN PA LA DMIGS PA'I KHO NAS SO, ,'JUG PA'I BYE BRAG LAS NI ZHES BYA BA NI RNAM PA'I BYE BRAG LAS ZHES BYA BA'I THA TSIG GO, ,KHYAD PAR THOB PAR BYA BA MA THOB PAR ZHES BYA BA LA, KHYAD PAR NI TING NGE 'DZIN DE LA BRTEN PA'I CHOS ZAG PA DANG BCAS PA DANG, ZAG PA MED PA DAG GO, ,DE THOB PAR BYA BA NI MNGON SUM DU BYA BA'O, ,KHYAD PAR THOB PAR BYA BA DE MA THOB CING MNGON DU MA BYAS PAR BDAG GIS KHYAD PAR THOB PAR BYA BA DE THOB PO SNYAM PA NI MNGON PA'I NGA RGYAL YIN NO, ,YON TAN MA YIN PA DANG LDAN PA LA BDAG YON TAN DANG LDAN NO SNYAM PA ZHES BYA BA NI YON TAN DANG MI LDAN PA LA BDAG YON TAN DANG LDAN NO SNYAM PA'I NGA RGYAL LOG PA'I YUL CAN NI LOG PA'I NGA RGYAL LO, ,LOG PA'I NGA RGYAL DANG MNGON PA'I NGA RGYAL @102A *, ,DAG LA KHYAD PAR CI YOD CE NA, MNGON PA'I NGA RGYAL NI KHYAD PAR THOB PAR BYA BA DANG 'DRA BA'I YON TAN THOB PA'I BSAM PA YIN PAS GZHI DANG BCAS PA YIN NO, ,LOG PA'I NGA RGYAL NI YON TAN MED PA LAS BDAG NI YON TAN DANG LDAN PA YIN NO SNYAM PA YIN PAS GZHI MED PA YIN NO, ,NGA RGYAL GYI RNAM PA ZHES BYA BA NI NGA RGYAL GYI RNAM PA STE, BDAG DANG 'DRA'O SNYAM PA DANG, BDAG DMAN NO SNYAM PA ZHES BYA BA LA YANG NGA RGYAL GYI RNAM PA ZHES BRJOD PAR BYA'O, ,LTA BA LA BRTEN PA'I NGA RGYAL GSUM STE ZHES BYA BA NI, SO SO'I SKYE BO'I DBANG DU BYAS NAS LTA BA LA BRTEN PA ZHES BRJOD DE, SNGAR NI NGA'O SNYAM DU BDAG TU LTA BA 'BYUNG LA, PHYIS NI MJUG THOGS SU NGA RGYAL, ,LHAG PA'I NGA RGYAL DANG, NGA RGYAL DANG, CUNG ZAD SNYAM PA'I NGA RGYAL 'DI DAG 'BYUNG NGO, ,'DI DAG KYANG GO RIMS BZHIN YIN TE, JI LTA ZHE NA, BDAG MCHOG YIN NO SNYAM PA'I NGA RGYAL GYI RNAM PA NI LTA BA LA BRTEN PA'I LHAG PA'I NGA RGYAL YIN NO, ,BDAG DANG 'DRA'O SNYAM PA NGA RGYAL GYI RNAM PA NI LTA BA LA BRTEN PA'I NGA RGYAL YIN NO, ,BDAG DMAN NO SNYAM PA'I NGA RGYAL GYI RNAM PA NI 'JIG TSOGS LA LTA BA LA BRTEN PA'I CUNG ZAD SNYAM PA'I NGA RGYAL YIN NO; ,GNYIS PA'I NI 'DI LAS BZLOG STE, GO RIMS BZHIN DU SBYAR TE, BDAG PAS MCHOG YOD DO, ,BDAG DANG MNYAM PA YOD DO, ,BDAG PAS DMAN PA YOD DO ZHAS BYA BA NI LTA BA LA BRTEN PA'I CUNG ZAD SNYAM PA'I NGA RGYAL DANG, NGA RGYAL DANG, LHAG PA'I NGA RGYAL RNAMS SO, ,GSUM PA NI BDAG PAS MCHOG MED DO, ,BDAG DANG MNYAM PA MED DO, ,BDAG PAS DMAN PA MED DO ZHES BYA BA NI GO RIMS BZHIN DU LTA BA LA BRTEN PA'I NGA RGYAL DANG, LHAG PA'I NGA RGYAL DANG, CUNG ZAD SNYAM PA'I NGA RGYAL RNAMS YIN NO, ,RAB TU BYED PA LAS BSTAN PA YONGS SU BZUNG STE ZHES BYA BA NI RAB TU BYED PA'I RKANG PA LAS BSTAN PA YIN NO, ,DE YANG GANG ZHIG CE NA, SNGAR BSHAD PA STE CHUNG NGU BAS BDAG KHYAD PAR DU 'PHAGS PA 'AM, MNYAM PA DANG MNYAM MO SNYAM PA LA SOGS PA BSTAN PA YIN NO, ,BDAG MCHOG YIN NO SNYAM PA'I NGA RGYAL GYI RNAM PA NI DMAN PA LAS LTOS NA NGA @102B RGYAL YANG YIN TE, NGA RGYAL GYI MTSAN NYID NI CHUNG NGU BAS BDAG KHYAD PAR DU 'PHAGS PA 'AM MNYAM PA DANG ZHES BSTAN PA'I PHYIR RO, ,'DI MNYAM PA LA LTOS NA NI LHAG PA'I NGA RGYAL YANG YIN TE, LHAG PA'I NGA RGYAL GYI MTSAN NYID NI MNYAM PA BAS BDAG KHYAD PAR DU 'PHAGS SO SNYAM PA ZHES BSTAN PA'I PHYIR RO, ,'DI KHYAD PAR DU 'PHAGS PA LA LTOS NA NI NGA RGYAL LAS KYANG NGA RGYAL YANG YIN TE, NGA RGYAL LAS KYANG NGA RGYAL GYI MTSAN NYID NI KHYAD PAR DU 'PHAGS PA BAS KYANG BDAG KHYAD PAR DU 'PHAGS SO SNYAM PA ZHES BSTAN PA'I PHYIR RO, ,THAMS CAD CES BYA BA SMOS PA NI NGA'O SNYAM PA'I NGA RGYAL YANG BSGOM PAS SPANG BAR BYA BA YIN GYI, LHAG MA DAG MA YIN PA 'BA' ZHIG TU NI MA ZAD DO ZHES BYA BA DANG, LHAG MA DAG KYANG MTHONG BAS SPANG BAR BYA BA MA YIN GYI, NGA'O SNYAM PA'I NGA RGYAL YIN PA 'BA' ZHIG TU NI MA ZAD DO ZHES RAB TU BSTAN PA'I PHYIR RO, ,GSOD SOGS KUN NAS DKRIS PA'O, ,ZHES BYA BA LA SOGS PA ZHES BYA BA'I SGRAS NI MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA LA SOGS PA BSDU'O, ,DE NI BSGOM PAS SPANG BAR BYA BA YIN TE, BSGOM PAS SPANG BAR BYA BA'I CHOS LA DMIGS PA'I PHYIR RO ZHES BYA BA NI 'DI'I DMIGS PA NI BSGOM PAS SPANG BAR BYA BA'I CHOS RNAMS KHO NA YIN PAS SO, ,'JIG TSOGS LA LTA BA LA SOGS PA NI BSGOM PAS SPANG BAR BYA BA'I CHES LA DMIGS PAR NI BYED MOD KYI, BSGOM PAS SPANG BAR BYA BA 'BA' ZHIG LA NI MA YIN PAS DE'I PHYIR DE DAG NI BSGOM PAS SPANG BAR BYA BA MA YIN NO, ,DE LA DON DU GNYER BA ZHES BYA BA NI KHAMS GSUM PA'I MI RTAG PA NYID LA DON DU GNYER BA'O, ,CI DE LA YANG DON DU GNYER BA YOD DAM ZHE NA, SMRAS PA YOD DE, MDO LAS JI SKAD DU, BDAG JI SRID GSON ZHING 'DUG LA SDOD CING 'TSO BA DE SRID DU NAD DANG BCAS PA; 'BRAS DANG BCAS PA, ZUG RNGU DANG BCAS PA, RIMS NAD DANG BCAS PA, YONGS SU GDUNG BA DANG BCAS PA STE, 'DI LTAR BDAG 'DI CHAD PAR GYUR CING ZHIG PAR GYUR LA 'BYUNG BAR MI 'GYUR NA DE TZAM GYIS BDAG NYID 'DI YANG DAG PAR KUN NAS 'CHAD PA YIN NO SNYAM DU SEMS @103A *, ,SO ZHES 'BYUNG BA LTA BU'O, ,SKYE BA'I SRED PA'I PHYOGS GZUNG NGO ZHES BYA BA NI BDAG NI GLANG PO CHE'I RGYAL PO SA SRUNG GI BUR GYUR KYANG CI MA RUNG ZHES BYA BA DE LTA BU LA SOGS PA SKYE BA'I SRED PA KUN DU MI 'BYUNG BA'O, ,PHYOGS SMOS PAS NI DBANG POR GYUR CIG SNYAM PA DE LTA BU LA SOGS PA DE LTA BU NI KUN DU 'BYUNG NGO ZHES BSTAN PA YIN NO, ,SOGS PA ZHES BYA BA'I SMRAS NI LUS NGAN POR GYUR CIG ,BUD MED DU GYUR CIG SNYAM PA DE LTA BU LA SOGS PA BSDU'O, ,BSGOM PAS SPANG BAR BYA BA NI NGA RGYAL GYI RNAM PA RNAMS KYANG YOD DO ZHES BSHAD LA ZHES BYA BA NI; MTHONG DANG BSGOM PAS ZAD BYA BA, ,ZHES 'BYUNG BA'I PHYIR RO, ,'PHAGS PA LA, RNAM SOGS NGA'O SNYAM MI 'BYUNG, ,ZHES BYA BA NI GANG DU, MTHONG DANG BSGOM PAS ZAD BYA BA, ,BSGOM PAS SPANG BAR BYA BA NI, ,GSOD SOGS KUN NAS DKRIS PA'O, ,DE BZHIN 'JIG SRID CES BYA BA'I GZHUNG 'DIS BSGOM PAS SPANG BAR BYA BA'I TSAD YONGS SU BCAD PA YIN NO, DA NI 'PHAGS PA LA RNAM PA LA SOGS PA DE DAG KUN DU MI 'BYUNG BAR BSTAN PA'I PHYIR, 'PHAGS PA LA, RNAM SOGS NGA'O SNYAM MI 'BYUNG, ,ZHES BYA BA SMOS SO, ,SOGS PA SMOS PAS NI 'JIG PA'I SRED PA'I BAR BZUNG NGO ZHES BYA BA NI GSOD PA LA SOGS PA'I KUN NAS DKRIS PA DANG, 'JIG PA'I SRED PA DANG, SKYE BA'I SRED PA'I PHYOGS BSDU'O ZHES BYA BA'I THA TSIG GO, ,MI 'BYUNG BA NI KUN DU MI 'BYUNG BA'O, ,LTA BAS RGYAS PAR 'GYUR PHYIR RO ZHES BYA BA NI DE DAG NI DE SNGON DU 'GRO BA NYID KYIS RGYAS PAR BYAS PA'I PHYIR RO, ,RKED PA BCAG PA'I PHYIR RO ZHES BYA BA NI DE RGYAS PAR BYED PA MED PAS RKED PA BCAG PA'I PHYIR ZHES BYA BA'I THA TSIG GO, ,GSOD PA LA SOGS PA KUN NAS DKRIS PA NI LOG PAR LTA BAS RGYAS PAR 'GYUR TE, DE LA GOMS PAS LAS DANG 'BRAS BU LA SKUR PA 'DEBS PAR BYED PA'I PHYIR RO, ,'GYOD PA NI BSGOM PAS SPANG BAR BYA BA YIN TE, BSGOM PAS SPANG BAR BYA BA'I CHOS LA DMIGS PA YIN PA'I PHYIR RO, ,KUN DU 'GRO PA DAG CES BYA BA NI THAMS CAD DU 'GRO BAS KUN DU 'GRO BA STE, RIGS @103B LNGA CHAR LA YANG DMIGS PAR BYED PA ZHES BYA BA'I THA TSIG GO, ,GZHAN DAG NA RE 'DI DAG GI MTHUS RIS GZHAN PA'I NYON MONGS PA DAG KYANG SKYE'O ZHES 'CHAD PAR 'GYUR BAS RIS LNGA CHAR GYI RGYU'I DNGOS POR GNAS PA YIN NO ZHES ZER RO, ,PHRA RGYAS BCU GCIG PO ZHES BYA BA RGYAS PAR 'BYUNG BAL, LTA BA BDUN NI SDUG BSNGAL MTHONG BAS SPANG BAR BYA BA 'JIG TSOGS LA LTA BA LA SOGS PA LNGA DANG, KUN 'BYUNG MTHONG BAS SPANG BAR BYA BA LTA BA GNYIS PO LOG PAR LTA BA DANG, LTA BA MCHOG TU 'DZIN PA DANG BDUN NO, ,THE TSOM GNYIS NI SDUG BSNGAL DANG, KUN 'BYUNG MTHONG BAS SPANG BAR BYA BA DAG GO, ,MA RIG PA GNYIS NI SDUG BSNGAL DANG, KUN 'BYUNG MTHONG BAS SPANG BAR BYA BA DAG KHO NA STE, PHYOGS GCIG GI SGO NAS YIN GYI, MTHA' DAG GI SGO NAS NI MA YIN NO, ,MA RIG PA GANG DAG KUN DU 'GRO BA DE DAG DANG MTSUNGS PAR LDAN PA DANG, MA 'BRES PA DE DAG KHO NA KUN DU 'GRO BA YIN GYI, 'DOD CHAGS LA SOGS PA DANG MTSUNGS PAR LDAN PA NI MA YIN NO, ,DE LTAR NA PHRA RGYAS BCU GCIG NI KUN DU 'GRO BA YIN TE, PHRA RGYAS DGU NI MTHA' DAG GI SGO NAS YIN LA, GNYIS NI PHYOGS GCIG GI SGO NAS YIN PAS SO, ,MA 'DRES PA ZHES BYA BA'I DON CI ZHE NA, 'DI SKAD DU 'CHAD DE, 'GROGS PA NI 'DRES PA ZHES BYA'O, ,'DRES PA MED PAS NAM 'DRES TE, LOGS SHIG TU GYUR PA ZHES BYA BA'I THA TSIG GO, ,'DI SKAD DU BCOM LDAN 'DAS MA 'DRES LA, DGE SLONG GI DGE 'DUN MA 'DRES ZHES GSUNGS TE, BCOM LDAN 'DAS KYANG LOGS SHIG LA, DGE SLONG GI DGE 'DUN YANG LOGS SHIG GO SNYAM DU DGONGS PA YIN NO, ,'DRES PA MED PAR SPYOD PAS NA MA 'DRES PA STE, PHRA RGYAS GZHAN DANG LHAN CIG MI 'BYUNG BA ZHES BYA BA'I THA TSIG GO, ,RANG GI KHAMS MTHA' DAG LA DMIGS PA'I PHYIR ZHES BYA BA NI GANG GI PHYIR 'DI DAG RANG GI KHAMS MTHA' DAG LA DMIGS PAR BYED PA DE'I PHYIR KUN DU 'GRO BA ZHES BYA'O, ,SU ZHIG 'DOD PA'I KHAMS MTHA' DAG GIS ZHES BYA BA RGYAS PAR 'BYUNG BA NI SU ZHIG 'DOD PA'I KHAMS MTHA' DAG GIS 'DAG PAR YID CHES PAR 'GYUR BA 'AM, 'DOD PA'I KHAMS MTHA' DAG RGYU MA YIN PA LA @104A *, ,RGYUR YID CHES PAR 'GYUR ZHES BYA BAR SKABS DANG SBYAR TE, DE LTA BAS NA TSUL KHRIMS DANG BRTUL ZHUGS MCHOG TU 'DZIN PA NI KUN DU 'GRO BA MA YIN NO SNYAM BSAM PA YIN NO, ,BYE BRAG TU SMRA BA RNAMS KYI LAN NI RANG GI KHAMS BYE BRAG DU MAS THA DAD[?] PAS MA LUS PA MTHA' DAG CIG CAR DU DMIGS SO ZHES NI MI ZER RO, ,'ON KYANG SDUG BSNGAL MTHONG BAS SPANG BAR BYA BA NAS BSGOM PAS SPANG BAR BYA BA ZHES BYA BA'I BAR RNAM PA LNGA PO THAMS CAD KYANG CIG CAR DU DMIGS TE, KUN DU 'GRO BA NYID YIN LA, KUN ZHES BYA BA'I SGRA NI RNAM PA YIN PAR LTA'O ZHES BYA BA 'DI YIN NO, ,GANG LA BDAG TU LTA BA YOD PA ZHES BYA BA NI NYE BAR LEN PA'I PHUNG PO LNGA DAG LA'O, ,DE LA BDAG LA SRED PA YOD DE, DE DAG NI BDAG TU MNGON PAR ZHEN PA'I GZHI YIN PA'I PHYIR RO, ,GANG LA MCHOG DANG DAG PAR LTA BA YOD PA STE, NYE BAR LEN PA'I PHUNG PO LNGA'I MTSAN NYID KYI DNGOS PO GANG LA'O, ,MCHOG TU LTA BA NI LTA BA MCHOG TU 'DZIN PA'O, ,DAG PAR LTA BA NI TSUL KHRIMS DANG BRTUL ZHUGS MCHOG TU 'DZIN PA'O, ,DE LA DON DU GNYER BA NI SRED PA'I MTSAN NYID DO, ,KHA CIG DE LA DE'I DON DU GNYER BA YOD CES BYA BA 'DON TE; DNGOS PO DE LA GANG ZAG DE'I DON DU GNYER BA YOD PA NI DE LA DE'I DON DU GNYER BA YOD CES BYA BA'I THA TSIG GO, ,DES KYANG NGA RGYAL DU 'GYUR ZHES BYA BA NI DE'I SGO NAS KHENGS PAR 'GYUR ZHES BYA BA'I THA TSIG GO, ,DE LTA YIN NA ZHES BYA BA NI SRED PA DANG, NGA RGYAL DAG KUN DU 'GRO BA NYID YIN NA'O, ,SRED PA DANG NGA RGYAL GYI MTSAN NYID 'DI GNYI GA MTHONG BAS SPANG BAR BYA BA 'JIG TSOGS LA LTA BA LA SOGS PA DANG, BSGOM PAS SPANG BAR BYA BA LA DMIGS PA'I PHYIR CI ZHIG GIS SPANG BAR BYA BA YIN, GANG GIS SPANG BAR BYA BA NI CI ZHIG GIS SPANG BAR BYA STE, CI MTHONG BAS SPANG BAR BYA BA YIN NAM, 'ON TE BSGOM PAS SPANG BAR BYA BA YIN ZHES BYA BA'O, ,GANG DAG GANG ZHIG MTHONG BAS SPANG BAR BYA BA'I DMIGS PA CAN DE DAG NI DE MTHONG BAS SPANG BAR BYA BA YIN LA ZHES BYA BA NGES PA 'DI YIN LA BZHAG NAS 'DRI BAR BYED PA YIN NO, ,DE LTA MA YIN NA @104B 'JIG TSOGS LA LTA BA LA SOGS PA KHO NA BZHIN DU 'DI GNYI GA MTHONG BAS SPANG BAR BYA BA NYID DU 'GYUR BAS 'DIR DRI CI DGOS TE, 'JIG TSOGS LA LTA BA LA SOGS PA NI MTHONG BA DANG BSGOM PAS SPANG BAR BYA BA'I DMIGS PA CAN MA YIN PA YANG MA YIN LA, DE DAG MTHONG BAS SPANG BAR BYA BA MA YIN PA YANG MA YIN NO, ,'DI LA SLOB DPON GYIS LAN DU, 'DRES PA LA DMIGS PA'I PHYIR BSGOM PAS SPANG BAR BYA BA YIN NO ZHES BYA BA SMOS TE, GAL TE SRED PA DANG NGA RGYAL DAG MTHONG BAS SPANG BAR BYA BA LA DMIGS PA CAN KHO NA ZHIG YIN PAR GYUR NA NI DE DAG MTHONG BAS SPANG BAR BYA BA YIN PAR 'GYUR NA DE LTA NI MA YIN NO, ,DE BAS NA 'DREN MA LA DMIGS PA'I PHYIR BSGOM PAS SPANG BAR BYA BA DAG YIN TE, LHAG MA BSGOM PAS SPANG BYA YIN, ,ZHES BYA BAR MTSAN NYID NGES PA'I PHYIR RO, ,YANG ZHES BYA BA NI YANG SLOB DPON 'DI NYID KYIS BZLOG STE BSHAD PA YIN NO, ,MTHONG BAS SPANG BAR BYA BA YIN NO ZHES BYA BA NI CI ZHE NA, DE GNYI GA ZHES BYA BAR SBYAR RO, ,CI'I PHYIR ZHE NA, LTA BA'I STOBS BSKYED PAS BCUG PA CAN NYID YIN PA'I PHYIR ZHES BYA BA SMOS TE, LTA BA'I STOBS BSKYED PA NI MTHU'O, ,DE LA LTA BA'I STOBS BSKYED PAS BCUG PA'I NGANG TSUL CAN YOD PAS NA DE GNYIS NI LTA BA'I STOBS BSKYED PAS BCUG PA CAN NO, ,DE'I NGO BO NYID DE, DE'I PHYIR DE GNYIS NI MTHONG BAS SPANG BAR BYA BA YIN NO, ,DA NI BYE BRAG TU SMRA BA NYON MONGS PA 'DI GNYIS RANG GI MTSAN NYID PA YIN GYI; SPYI PA YIN PA NI MA YIN TE ZHES RANG GI PHYOGS 'JOG PAR BYED DO, ,GANG LA BDAG TU LTA BA YOD PA DE LA SRED PA DANG NGA RGYAL DAG YOD MOD KYI, RANG GI MTSAN NYID PA'I NYON MONGS PA YIN PA'I PHYIR THAMS CAD LA CIG CAR YOD PA NI MA YIN TE, DE DAG NI PHYOGS GCIG PA LA DMIGS PA CAN YIN NO, ,DE LTA BAS NA KUN DU 'GRO BA DAG MA YIN NO, ,DES NA GANG DAG MTHONG BAS SPANG BAR BYA BA LA DMIGS PA DE DAG NI MTHONG BAS SPANG BAR BYA BA YIN LA, LHAG MA DAG NI BSGOM PAS SPANG BAR BYA BA YIN NO ZHES BYA BAR GRUB PO, ,RES 'GA' NI SKAL BA MI @105A *, ,MNYAM PA'I KHAMS GCIG LA DMIGS SO, ,RES 'GA' NI GNYI GA LA DMIGS ZHES BYA'O[?], RES 'GA' NI KHAMS GSUM LA DMIGS SO ZHES DE SKAD DU NI MA BSHAD DE, 'DOD PA'I KHAMS NA GNAS PA RES 'GA' NI SKAL BA MI MNYAM PA GZUGS KYI KHAMS SAM, GZUGS MED PA'I KHAMS GCIG NA DMIGS SO, ,RES 'GA' NI GZUGS DANG GZUGS MED PA'I KHAMS GNYIS LA DMIGS SO, ,BDAG DANG BDAG GIR MI 'DZIN PA'I PHYIR ZHES BYA BA NI GANG GI PHYIR TSANGS PA DE LA BDAG NYID DAM BDAG GI NYID DU MI 'DZIN PA DE'I PHYIR, TSANGS PA LA SEMS CAN DU LTA BA NI 'JIG TSOGS LA LTA BA MA YIN NO, ,GANG GI PHYIR MTHAR 'DZIN PAR LTA BA YANG DES KUN NAS BSLANG BA DE'I PHYIR TSANGS PA DE LA RTAG PAR LTA BA YANG MTHAR 'DZIN PAR LTA BA MA YIN NO, ,'O NA 'DI'I LTA BA GANG ZHIG YIN ZHES BYA BA NI TSANGS PA LA SEMS CAN DU LTA BA DANG, BDAG TU LTA BA'O, ,'DI NI LTA BA MA YIN GYI 'DI NI LOG PA'I SHES PA YIN NO ZHES BYA BA NI 'DI NI LOG PAR DMIGS PA'I PHYIR LOG PA'I SHES PA YIN NO, ,LOG PAR DMIGS PA'I SHES RAB THAMS CAD LTA BA YIN PAR NI MI 'DOD DE, RANG GI LUS KHO NA LA BDAG GO SNYAM DU PHYIN CI LOG GI SHES RAB NI 'JIG TSOGS LA LTA BA YIN LA, DES KUN NAS BSLANG BA'I RTAG PAR LTA BA NI MTHAR 'DZIN PAR LTA BA YIN PAR 'DOD KYI, GZHAN DAG NI MA YIN NO, ,GANG ZHIG NGA'O SNYAM DU NGAR 'DZIN PA'I RTEN DU GYUR PA'I DE KHO NA 'JIG TSOGS LA LTA BA YIN NA, TSANGS PA CHEN PO LA SEMS CAN DU LTA BA NI NGA'O SNYAM DU NGAR 'DZIN BA'I RTEN DU YANG MI 'GYUR TE, DE'I PHYIR, BDAG DANG BDAG GIR MI 'DZIN PA'I PHYIR ZHES BSHAD DO, ,DE DAG DANG NI LHAN CIG GANG, ,'BYUNG DE'ANG KUN 'GRO THOB MA GTOGS, ,ZHES BYA BA NI TSOR BA LA SOGS PA'O, ,THOB PA RNAMS NI 'BRAS BU MI GCIG PA'I PHYIR DE LTA MA YIN NO ZHES BYA BA NI THOB PA RNAMS DANG, THOB PA DE DANG LDAN PA NI 'BRAS BU RNAM PAR SMIN PA DANG, RGYU MTHUN PA GCIG PA MA YIN NO ZHES BSHAD ZIN TO, ,DE'I PHYIR KUN DU 'GRO BA'I CHOS KYI THOB PA DAG NI KUN DU 'GRO BA MA YIN PAR RNAM PAR GZHAG GO,, @105B DE NYID KYI PHYIR ZHES BYA BA NI GANG GI PHYIR LHAN CIG 'BYUNG BA DAG KYANG KUN DU 'GRO BA YIN PAR RNAM PAR GZHAG PA DE'I PHYIR MU BZHIR BYA'O, ,MU DANG PO NI MA 'ONGS PA'I PHRA RGYAS KUN DU 'GRO BA RNAMS SO ZHES BYA BA NI 'DI DAG NI KUN DU 'GRO BA'I NGO BO NYID YIN PA'I PHYIR RO, ,KUN DU 'GRO BA'I RGYUS KUN DU 'GRO BA NI MA YIN TE, MA 'ONGS PA'I GNAS SKABS SU KUN DU 'GRO BA'I RGYU RNAM PAR MI GZHAG PA'I PHYIR RO, ,GNYIS PA NI 'DAS PA DANG DA LTAR BYUNG BA'I LHAN CIG 'BYUNG BA RNAMS SO ZHES BYA BA NI KUN DU 'GRO BA DANG LHAN CIG 'BYUNG BA DAG 'DAS PA DANG DA LTAR BYUNG BA YIN PA'I PHYIR KUN DU 'GRO BA'I RGYU YIN NO, ,KUN DU 'GRO BA'I PHRA RGYAS NI MA YIN TE, PHRA RGYAS KYI NGO BO NYID MA YIN PA'I PHYIR RO, ,GSUM PA DANG, BZHI PA DAG NI SBYAR BAR BYA STE, GSUM PA NI 'DAS PA DANG DA LTAR BYUNG BA'I PHRA RGYAS KUN DU 'GRO BA RNAMS SO, ,BZHI PA NI RNAM PA DE DAG MA GTOGS PA STE, DE DAG DANG LHAN CIG 'BYUNG BA MA 'ONGS PA RNAMS DANG THOB PA LA SOGS PA'O, ,DRUG NI ZAG MED SPYOD YUL CAN, ,ZHES BYA BA NI DRUG KHO NA ZHES NGES PAR GZUNG BA YIN TE, 'DI LTAR, 'DOD CHAGS MIN TE SPANG BYA'I PHYIR, ,GNOD MI BYED PHYIR ZHE SDANG MIN, ,ZHES BYA BA LA SOGS PA 'BYUNG BA'I PHYIR 'DOD CHAGS LA SOGS PA NI ZAG PA MED PA LA DMIGS PA MI RUNG BAS SO, ,DE DAG DANG MTSUNGS PAR LDAN PA'I MA RIG PA ZHES BYA BA NI LOG PAR LTA BA DANG, THE TSOM DAG DANG MTSUNGS PAR LDAN PA GANG YIN PA DANG, MA 'DRES PA'I MA RIG PA GANG YIN PA DE NI MA RIG PA'I PHRA RGYUS TA[?] GCIG GO, ,'GOG PA MTHONG BAS SPANG BAR BYA BA ZAG PA MED PA LA DMIGS PA GSUM DANG, DE BZHIN DU LAM MTHONG BAS SPANG BAR BYA BA YANG GSUM PO DE DAG NYID DE DRUG PA DANG SA NA YOD DO, ,DE'I SPYOD YUL CAN GYI YUL YIN NO ZHES BYA BA NI 'DI RNAMS LA SPYOD YUL 'GOG PA DANG LAM DE DAG YOD PAS DE'I SPYOD YUL CAN DAG STE, DE RNAMS LA GO RIMS BZHIN DU GSUM GYI SPYOD YUL TE, DMIGS PA NI RANG GIS PA'I 'GOG DPA STE, BDAG NYID KYI SA'I 'GOG PA YIN NO, ,LAM LA CHOS SHES PA'I PHYOGS DANG MTHUN PA SA DRUG PA DANG, RJES SU SHES @106A *, ,PA'I PHYOGS DANG MTHUN PA SA DGU PA NI LAM SPYOD YUL CAN GYI PHRA RGYAS GZHAN GSUM GYI DMIGS PA YIN NO, ,JI LTA ZHEN[?], 'GOG PA LA DMIGS PA'I PHRA RGYAS DE DAG NI 'DOD PA NA SPYOD PA NAS SRID PA'I RTZE MO'I BAR SA DGU PA YIN LA, DE RNAMS LA 'DOD PA NA SPYOD PA RNAMS KYI DMIGS PA NI, 'DOD PA NA SPYOD PA'I CHOS KYI 'GOG PA KHO NA YIN ZHING, BSAM GTAN DANG PO'I SA PA RNAMS KYI DMIGS PA YANG BSAM GTAN DANG PO'I SA PA'I CHOS KYI 'GOG PA KHO NA YIN PA DE BZHIN DU SRID PA'I RTZE MO PA RNAMS KYI DMIGS PA YANG SRID PA'I RTZE MO PA'I CHOS KYI 'GOG PA KHO NA'I BAR DU YIN NO, ,LAM NI CHOS SHES PA'I PHYOGS DANG MTHUN PA MI LCOGS PA MED PA DANG, BSAM GTAN KHYAD PAR CAN GYI SA PA DANG, BSAM GTAN DANG PO NAS BSAM GTAN BZHI PA'I SA PA'I PAR DU SA DRUG PA DE THAMS CAD NI 'DOD PA NA SPYOD PA'I PHRA RGYAS GSUM PO DE DAG GI DMIGS PA KHO NA YIN NO, ,RJES SU SHES PA'I PHYOGS DANG MTHUN PA MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI DANG, NAM MKHA' DANG, RNAM SHES DANG, CI YANG MED PA'I SKYE MCHED KYI SA PA STE, SA DGU PO DE THAMS CAD NI BSAM GTAN DANG PO'I SA PA'I PHRA RGYAS RNAMS KYI DMIGS PA KHO NA YIN PA NAS DE BZHIN DU SRID PA'I RTZE MO'I SA PA RNAMS KYI DMIGS PA'I BAR YIN NO, ,YANG CI'I PHYIR DE DAG GI SPYOD YUL CAN RNAMS KYI DMIGS PA 'GOG PA NI RANG GI SA PA KHO NA YIN LA, LAM NI SA DRUG PA 'AM SA DGU PA YANG DE RNAMS KYI DMIGS PA YIN ZHE NA, 'DI LA GTAN TSIGS BSTAN PA'I PHYIR, ,LAM NI PHAN TSUN RGYU YIN PAS, ,ZHES BYA BA SMOS SO, ,JI LTAR PHAN TSUN GYI RGYU YIN ZHE NA, CHOS SHES PA'I PHYOGS DANG MTHUN PA'I LAM SA DRUG PA NI CHOS SHES PA'I PHYOGS DANG MTHUN PA GZHAN DANG, 'OG MA PA 'AM, GONG MA PA 'AM, MNYAM PA 'AM, KHYAD PAR CAN GYI LAM RJES SU SHES PA'I PHYOGS KYI YANG RGYUR 'GYUR LA RJES SU SHES PA'I PHYOGS DANG MTHUN PA'I SA DGU PA DE YANG DE'I RGYU KHO NA YIN PAR SBYAR PAR BYA STE, 'DI RGYAS PAR NI @106B SA DGU'I LAM NI PHAN TSUN DU, MNYAM DANG KHYAD PAR CAN GYI YIN, ,ZHES BYA BA DER BSHAD ZIN TO, ,DE LTAR NA LAM LA DMIGS PA 'DOD PA NA SPYOD PA RNAMS KYI DMIGS PA NI CHOS SHES PA'I PHYOGS DANG MTHUN PA MI LCOGS PA MED PA'I SA PA NAS BSAM GTAN BZHI PA'I SA PA'I BAR YIN LA, RJES SU SHES PA'I PHYOGS DANG MTHUN PA'I LAM MI LCOGS PA MED PA'I SA PA NAS CI YANG MED PA'I SKYE MCHED KYI SA PA'I BAR YANG LAM LA DMIGS PA BSAM GTAN DANG PO'I SA PA DE RNAMS KYI DMIGS PA NYID YIN PA NAS DE BZHIN DU SRID PA'I RTZE MO'I SA PA RNAMS KYI BAR GYI DMIGS PA YIN NO,, ,,BAM PO BZHI BCU PA, GAL TE CHOS SHES PA'I PHYOGS DANG MTHUN PA THAMS CAD KYANG PHAN TSUN GYI RGYU CAN YIN PAS LAM LA DMIGS PA 'DOD PA NA SPYOD PA LOG PA'I LTA BA LA SOGS PAS GZUGS DANG GZUGS MED PA'I GNYEN PO 'GOG PA DANG LAM ZHES BYA BA LA, CHOS SHES PA LA YANG DMIGS PAR BYED NA GO CI'I PHYIR LOG PAR LTA BA LA SOGS PA DE DAG NYID RJES SU SHES PA'I PHYOGS DANG MTHUN PA'I LAM LA YANG DMIGS PAR MI BYED DE, CHOS SHES PA DANG RJES SU SHES PA DAG NI PHAN TSUN GYI RGYU CAN YIN PA'I PHYIR RO ZHE NA, GAL TE CHOS SHES PA DANG RJES SU SHES PA DAG KYANG ZHES BYA BA RGYAS PAR SMOS TE, RJES SU SHES PA NI 'DOD PA'I KHAMS KYI GNYEN PO MA YIN PAS DE RNAMS DE LA DMIGS PAR MI BYED DO, ,CHOS SHES PA NI 'DOD PA'I KHAMS KYI GNYEN PO YIN PAS GZUGS DANG GZUGS MED PA'I GNYEN PO YIN YANG DMIGS PAR BYED DO, ,'O NA NI CHOS SHES PA ZHES BYA BA RGYAS PAR 'BYUNG BA NI GRUB PA'I MTHA' LAS, BSGOM PA'I LAM LA 'GOG PA DANG, ,LAM LA CHOS SHES GANG YIN TE, ,KHAMS GSUM GYI NI GNYEN PO YIN, ,ZHES 'BYUNG BA'I PHYIR RO, ,CHOS SHES PA NI GZUGS DANG GZUGS MED PA'I GNYEN PO YIN NO, ,DE'I NGO BO NYID DE, DE'I PHYIR GZUGS DANG GZUGS MED PA'I SA PA'I LOG PAR LTA BAL SOGS PA SA DGU PA'I DMIGS PA YIN PAR 'GYUR RO, ,DE MTHA' DAG KYANG GNYEN PO MA YIN LA ZHES BYA BA RGYAS PAR 'BYUNG BA NI CHOS SHES PA DE MTHA' DAG NI @107A *, ,GZUGS DANG GZUGS MED PA'I KHAMS DAG GI GNYEN PO MA YIN NO, ,'O NA CI ZHE NA, CUNG ZANG[?] CIG YIN NO, ,CI'I PHYIR ZHE NA, SDUG BSNGAL DANG KUN 'BYUNG LA SOGS PA CHOS SHES PA'I BSGOM PA'I LAM GYIS BSDUS PA DAG DE DAG GI GNYEN PO MA YIN PA'I PHYIR TE; GZUGS DANG GZUGS MED PA'I KHAMS DAG GI GNYEN PO MA YIN NO ZHES BYA BA'I THA TSIG GO, ,DE'I PHYIR CHOS SHES PA DE NI GZUGS DANG GZUGS MED PA NA SPYOD PA'I LOG PAR LTA BA LA SOGS PA'I DMIGS PA MA YIN NO, ,GZHAN YANG MTHA' DAG GI YANG MA YIN TE ZHES BYA BA RGYAS PAR SMOS TE, CHOS SHES PA DE NI GZUGS DANG GZUGS MED PA'I KHAMS MTHA' DAG GI GNYEN PO MA YIN NO, ,CI'I PHYIR ZHE NA, BSGOM PA'I LAM LA 'GOG PA DANG, ,LAM LA CHOS SHES GANG YIN DE, ,ZHES 'BYUNG BAS MTHONG BAS SPANG BAR BYA BA RNAMS KYI GNYEN PO MA YIN PA'I PHYIR RO; ;'DIR DANG PO MED PA'I PHYIR DANG, DANG PO RNAMS KYI MA YIN PA'I PHYIR DMIGS PA MA YIN NO ZHES BYA BA NI MJUG SDUD PAR BYED PA YIN TE, SDUG BSNGAL DANG, KUN 'BYUNG BA DANG, 'GOG PA DANG, LAM LA CHOS SHES PA RNAMS NI DANG PO SDUG BSNGAL DANG, KUN 'BYUNG BA LA CHOS SHES PA DAG GZUGS DANG GZUGS MED PA JI SKAD BSHAD PA'I GNYEN PO DE NYID DU MED PA'I PHYIR DANG, CHOS SHES PA DE MTHONG BA DANG BSGOM PAS SPANG BAR BYA BA GZUGS DANG GZUGS MED PA NA SPYOD PA RNAMS KYI DANG PO MTHONG BAS SPANG BAR BYA BA DAG GI GNYE NA[?] PO NYID MA YIN PA'I PHYIR CHOS SHES PA NI DE'I SA PA STE, GZUGS DANG GZUGS MED PA'I SA PA'I LOG PAR LTA BA LA SOGS PA'I DMIGS PA MA YIN NO, ,DE LTAR NA ZAG PA MED PA LA DMIGS PA KHAMS GSUM PA, BCO BRGYAD MA GTOGS PA PHRA RGYAS LHAG MA BRGYAD CU NI ZAG PA DANG BCAS PA LA DMIGS PA YIN NO ZHES BYA BAR GZHAG PA YIN NO, ,SPANG BAR BYA BA MA YIN PAR 'GYUR TE ZHES BYA BA NI THOB PA BCAD PAS SPANG BAR BYA BA MA YIN NO ZHES BYA BA'I THA TSIG GO, ,DPER NA DGE BA'I CHOS LA 'DUN PA MNGON PAR DAD PA'I NGO BO NI YANG DAG PA'I LTA BA YIN PAS, THOB PA BCAD PAS SPANG BAR BYA BA @107B MA YIN PA LTAR 'DI YANG DE DANG 'DRA BAR 'GYUR BAS DE'I PHYIR ZAG PA MED PA LA DMIGS PA MA YIN NO, ,GNOD MI BYED PHYIR ZHE SDANG MIN, ,ZHES BYA BA NI 'GOG PA DANG, LAM DAG NI KUN NAS MNAR SEMS KYI DNGOS PO DGU'I MTSAN NYID LAS 'DAS PA'I PHYIR RO, ,DE LA ZHE SDANG MED DO,, YANG DAG PA'I DON DU DAG PA'I PHYIR ZHES BYA BA NI 'GOG PA NI NYON MONGS PA'I DRI MA SPANGS PA'I PHYIR YANG DAG PA'I DON DU DAG PA YIN LA, LAM YANG 'DIS DON DAM PAR DAG PAR 'GYUR BA'I PHYIR DON DAM PAR DAG PA YIN PAS, GANG ZHIG DE NYID LA DAG PA'O SNYAM DU 'DZIN PA NI TSUL KHRIMS NGANG BRTUL ZHUGS MCHOG TU 'DZIN PA'O ZHES BYA BA RNAM PAR GZHAG TU MI RUNG BA'I PHYIR RO, ,DE GNYIS NI MCHOG KYANG YIN TE ZHES BYA BA NI YANG DAG PA'I DON DU DAG PA'I PHYIR 'GOG PA DANG, LAM DE DAG NI MCHOG YIN NO, ,DNGOS PO DMAN PA LA MCHOG TU 'DZIN PA NI LTA BA MCHOG TU 'DZIN PA YIN PAR RUNG NA 'GOG PA DANG, LAM DE DAG NI DE LTA BU YANG MA YIN PAS DE GNYIS LA MCHOG TU 'DZIN PA NI LTA BA MCHOG TU 'DZIN PA MA YIN NO, ,DU NI DMIGS PA'I SGO NAS RGYAS PAR 'GYUR, DU NI MTSUNGS PAR LDAN PA KHO NA'I SGO NAS RGYAS PAR 'GYUR ZHES BYA BA NI, DU NI DMIGS PA KHO NA'I SGO NAS ZHES NGES PAR BZUNG NAS DRI BAR MI BYED PA NI 'DI LTAR GANG DAG DMIGS PA'I SGO NAS RGYAS PAR 'GYUR BA DE DAG NI GDON MI ZA BAR MTSUNGS PAR LDAN PA'I SGO NAS KYANG RGYAS PAR 'GYUR RO, ,GANG DAG MTSUNGS PAR LDAN PA KHO NA'I SGO NAS RGYAS PAR 'GYUR BDE DAG NI DMIGS PA'I SGO NAS MA YIN TE, ZAG PA MED PA DANG SKAL PA MI MNYAM PA'I SA LA DMIGS PA'I PHRA RGYAS DAG YIN NO, ,PHRA RGYAS KYI DON NI RJES SU MTHUN PA'I DON YIN NAS DE DAG PA'I RKYEN RNAM NI DE DAG BSKYED PAR BYA BA LA MTHUN PAR MI 'GYUR RO, ,DE DAG NI DE RNAMS KYI RJES SU MTHUN PA MA YIN TE ZHES BYA BA NI 'GOG PA LA SOGS PA DE DAG NI LOG PAR LTA BA LA SOGS PA DE RNAMS KYI RJES SU MTHUN PA MA YIN NO, ,RLUNG NAD[?] CAN LA KHA ZAS RTZUB PO RGYAS PAR MI 'GYUR BA BZHIN NO ZHES BYA BA NI DPER NA RLUNG NAD CAN LA KHA ZAS RTZUB BAG RGYAS PAR MI 'GYUR RO ZHES BYAS NA LUS DANG MTHUN @108A *, ,PAR MI 'GYUR ZHES BYA BAR GO BA DANG 'DRA'O, ,PHYOGS SNGA MA LTAR NA NI PHRA RGYAS KYI DON GNAS THOD PA'I DON YIN TE, DE DAG TU GNAS MI THOD DO ZHES 'BYUNG BA'I PHYIR RO, ,CHOS GANG DANG ZHES BYA BA NI TSOR BA LA SOGS PA DANG NGO[?], ,DE YANG DE GNYIS NA MED CES BYA BA NI SDUG BSNGAL DE YANG GZUGS DANG GZUGS MED PA'I KHAMS DE GNYIS NA MED DO, ,CI'I PHYIR ZHE NA, PHA ROL PO LA GNOD PA'I RGYU MED PA'I PHYIR, PHA ROL PO LA GNOD PA'I RGYU NI GNOD SEMS LA SOGS PA YIN TE, DE MED PA'I PHYIR RO, ,LTA BAR GYUR PA RNAMS KYI NANG NA 'DI MCHOG YIN NO ZHES BYA BA NI LTA BA'I RNAM PA'I NANG NA 'DI KHYAD PAR DU 'PHAGS PA YIN TE, HA CANG KHA NA MA[?] THO BA DANG BCAS PA MA YIN NO ZHES BYA BA'I THA TSIG GO, ,THAR PA'I RGYU NI LAM YIN LA CHAD PA NI RGYU MED PA CAN DU 'DOD PAS 'KHRUL PA'I PHYIR CHAD PAR LTA BA KHA NA MA THO BA DANG BCAS PA YIN PAS KHYAD PAR YOD DO, ,RANG GI RDZAS LA KUN DU RMONGS PA'I PHYIR ZHES BYA BA NI 'JIG TSOGS LA LTA BA NI RANG GI RGYUD DU GTOGS PA'I NYE BAR LEN PA'I PHUNG PO RNAMS LA BDAG NGANG BDAG GI NYID DU 'DZIN PA'I PHYIR RANG GI RDZAS LA KUN DU RMONGS PA YIN LA, MTHAR 'DZIN PAR LTA BA YANG DE DAG NYID LA RTAG PA DANG CHAD PA'I MTHAR 'DZIN PA'I PHYIR DE KHO NA DANG 'DRA'O, ,LTA BA DE DAG JI LTA BAR DE DAG DANG MTSUNGS PAR LDAN PA'I MA RIG PA YANG DE DANG 'DRA'O, ,PHA ROL PO LA GNOD PA'I RNAM PAR ZHUGS PA MA YIN PA'I PHYIR, CI ZHE NA, 'JIG TSOGS DANG MTHAR 'DZIN PAR LTA BA DAG LUNG DU MA BSTAN PA YIN NO ZHES BYA BA SKABS DANG SBYAR TE DE DAG NI PHA ROL PO LA GNOD PA CUNG ZAD KYANG MI BYED DO, ,MTHO RIS LA SRED PA DANG, NGA'O SNYAM PA'I NGA RGYAL DAG KYANG DE LTAR THAL BAR 'GYUR RO ZHES BYA BA NI MTHO RIS LA SRED PA DANG, NGA'O SNYAM PA'I NGA RGYAL YANG SBYIN PA LA SOGS PA DANG MI 'GAL BA'I PHYIR DANG, RANG GI RDZAS LA KUN DU RMONGS PA'I PHYIR DANG, PHA ROL PO LA GNOD PA'I RNAM PAR ZHUGS PA MA YIN PA'I PHYIR LUNG DU MA BSTAN PA NYID DU THAL BAR 'GYUR RO, ,DE LTAR YANG MI 'DOD DE, DE LTA BAS NA RGYU DE DAG GIS 'DI GNYIS LUNG DU MA @108B BSTAN PA NYID MA YIN NO, ,BSAM PA 'DIS SNGON GYI SLOB DPON GYI GZHUNG LUGS LHAN CIG SKYES PA'I 'JIG TSOGS LA LTA BA ZHES BYA BA LA SOGS PA NYE BAR 'GOD PAR BYED DO, ,RNAM PAR BRTAGS PA NI MI DGE BA YIN NO ZHES BYA BA NI SER SKYA DANG 'UG PA BA LA SOGS PA BDAG TU SMRA BA RNAMS KYIS RNAM PAR BRTAGS PA GANG YIN PA DE NI LUNG DU MA BSTAN PA NI MA YIN NO, ,'O NA CI ZHE NA, LUNG DU BSTAN PA YIN NO, ,DE DAG GI RNAM PAR BRTAGS PA'I MTHAR 'DZIN PAR LTA BA GANG YIN PA DE YANG MI DGE BA YIN TE, MA BSHAD KYANG DE SNGON DU 'GRO BA CAN YIN PA'I PHYIR DE DANG TSUL MTSUNGS PAR RTOGS PA NYID DO, ,LHAG MA RNAMS 'DIR MI DGE BA, ,ZHES BYA BA LA, 'DIR ZHES BYA BA NI 'DOD PA NA SPYOD PA'I LHAG MA NYE BAR BZUNG BA'I PHYIR TE, 'DOD PA'I KHAMS NA 'JIG TSOGS LA LTA BA LA SOGS PA'I LHAG MA NYON MONGS PA CAN RNAMS NI MI DGE BA KHO NA YIN NO ZHES BYA BAR NGES PAR 'DZIN PAR BYED DO, ,DU NI MI DGE BA'I RTZA BA DAG YIN, DU NI MA YIN ZHES BYA BA NI PHRA RGYAS DGU BCU RTZA BRGYAD PO 'DI DAG LAS ZHES BYA BAR SKABS DANG SBYAR RO, ,DES NA 'DI SKAD DU, 'DOD NA 'DOD CHAGS KHONG KHRO DANG, ,RMONGS RNAMS MI DGE'I RTZA BA YIN, ,ZHES LAN 'DEBS PAR BYED DE, 'DOD PA'I KHAMS NA 'DOD CHAGS DANG KHONG KHRO BA DANG, GTI MUG GANG DAG YIN PA DE DAG NI RNAM PA LNGA PO THAMS CAD KYANG MI DGE BA'I RTZA BA KHO NA YIN GYI PHRA RGYAS GZHAN DAG NI MA YIN NO, ,RMONGS ZHES BYA BA NI GTI MUG GI RNAM GRANGS TE, 'JIG TSOGS LA LTA BA DANG, MTHAR 'DZIN PAR LTA BA DANG MTSUNGS PAR LDAN PA GTI MUG MA GTOGS PA'I RMONGS PA THAMS CAD DO, ,'DI MDO LAS MA SMOS PAR JI LTAR DE SKAD CES BYA ZHE NA, MI DGE BA ZHES BYA BA'I SKABS YIN PA'I PHYIR DANG, PHYOGS GCIG BSTAN PA'I PHYIR RO, ,DE NYID KYI PHYIR GANG ZHIG MI DGE BA YANG YIN LA MI DGE BA'I RTZA BA YANG YIN PA DE KHO NA MI DGE BA'I RTZA BA YIN PAR 'DOD DO ZHES BYA BA SMOS SO, ,DE KHO NA ZHES NGES PAR BZUNG BA'I PHYIR LOG PAR LTA BA LA SOGS PA PHRA RGYAS LHAG MA RNAMS NI MI DGE BA'I RTZA BA DAG MA YIN NO ZHES BYA BAR 'GRUB PO, ,LUNG MA BSTAN PA'I RTZA BA GSUM, ,ZHES BYA BA NI PHRA RGYAS DGU BCU RTZA @109A *, ,BRGYAD PO 'DI DAG LAS LUNG DU MA BSTAN PA'I RTZA BA NI GSUM YIN NO ZHES BYA'O, ,GSUM ZHES BYA BA SMOS PA NI NYI 'OG PA'I GZHUNG LUGS LAS KHYAD PAR DU BYA BA'I PHYIR TE, GSUM KHO NA YIN GYI BZHI NI MA YIN NO ZHES BSTAN PA YIN NO, ,GSUM GANG ZHE NA, DE NI SRED DANG MA RIG BLO, ,ZHES BYA BA SMOS SO, ,DE ZHES BYA BA NI LUNG DU MA BSTAN PA YIN PAR STON TO ZHES BYA BA NI, LUNG MA BSTAN PA'I RTZA BA GSUM, ,ZHES BYA BA'I LUNG DU MA BSTAN ZHES BYA BA'I SGRA 'DI KHO NAS SRED PA DANG MA RIG PA DANG BLO DAG KHYAD PAR DU BYAS SO ZHES STON PAR BYED DO, ,'DIR NI BLO NI NYON MONGS PA'I NGO BO NYID MA YIN YANG BYE BRAG TU SMRA BA RNAMS LUNG DU MA BSTAN PA'I RTZA BA YIN NO ZHES BYA BAR 'DOD DO, ,SRED PA GANG CUNG ZAD LUNG DU MA BSTAN PA ZHES BYA BA NI RO MYANG BA DANG MTSUNGS PAR LDAN PA'I BSAM GTAN DANG GZUGS MED PA DAG SKYES PA'I TSE GZHAL MED KHANG LA SOGS PA LA STE 'OS 'OS SU SBYAR RO, ,MA RIG PA GANG CUNG ZAD GZUGS DANG GZUGS MED PA'I KHAMS DAG NA YOD PA DANG, 'DOD PA'I KHAMS NA YOD PA'I 'JIG TSOGS DANG MTHAR 'DZIN PAR LTA BA DANG, MA[?] TSUNGS[?] PAR LDAN PA DE DANG, DE BZHIN DU SHES RAB GANG CUNG ZAD LUNG DU MA BSTAN PA THA NA RNAM PAR SMIN PA LAS SKYES PA YANG RUNG STE, 'DOD PA'I KHAMS NA YOD PA RNAM PAR SMIN PA LAS SKYES PA DANG, SPYOD LAM PA DANG, BZO'I GNAS PA DANG, SPRUL PA'I SEMS DANG MTSUNGS PAR LDAN PA DANG, 'JIG TSOGS DANG MTHAR 'DZIN PAR LTA BA DANG MTSUNGS PAR LDAN PA DANG, GZUGS DANG GZUGS MED PA'I KHAMS DAG NA YOD PA'O, ,NYON MONGS PA DANG MTSUNGS PAR LDAN PA'I SHES RAB THAMS CAD DANG, RNAM PAR SMIN PA LA SOGS PA DANG MTSUNGS PAR LDAN PA'I SHES RAB DAG NI LUNG DU MA BSTAN PA YIN NO, ,RNAM PA GNYIS NYID DU 'JUG PA'I PHYIR ZHES BYA BA LA, RNAM PA GNYIS KYI NGO BO NI RNAM PA GNYIS NYID DO, ,RNAM PA GNYIS SU 'JUG PAS NA RNAM PA GNYIS SU 'JUG PA'O, ,DE'I PHYIR THE TSOM NI RTZA BA YIN PAR 'OS PA MA YIN TE, RNAM PA GNYIS SU 'JUG PA'I SGO NAS G-YO BA'I PHYIR RO, ,KHENGS PA'I MTSAN @109B NYID KYIS ZHES BYA BA NI KHENGS PA'I MTSAN NYID DES MTHON POR 'JUG STE, DE'I PHYIR NGA RGYAL NI RTZA BA YIN PAR 'OS PA MA YIN NO, ,RTZA BA RNAMS NI BRTAN PA DANG 'OG NAS GNAS PA DAG YIN ZHES BYA BA NI RTZA BA DANG CHOS MI MTHUN PA'I PHYIR TE, THE TSOM NI MI BRTAN PA'I PHYIR RTZA BA MA YIN LA; NGA RGYAL NI MTHON POR 'JUG PA'I PHYIR RTZA BA MA YIN NO ZHES BRJOD PAR BYA'O, ,LUNG DU MA BSTAN PA'I SRED PA ZHES BYA BA NI GZUGS DANG GZUGS MED PA'I KHAMS DAG NA YOD PA'O, ,LTA BA YANG DE DAG NA YOD PA DANG 'DOD PA'I KHAMS NA YOD PA'I 'JIG TSOGS DANG MTHAR 'DZIN PAR LTA BA'I NGO BO NYID DAG GO, ,MA RIG PA YANG 'DOD PA'I KHAMS NA YOD PA DE DAG DANG MTSUNGS PAR LDAN PA KHO NA DANG, GZUGS DANG GZUGS MED PA'I KHAMS DAG NA YOD PA THAMS CAD DO, ,SRED PA[?] DANG LTA BA DANG, NGA RGYAL SHAS CHE BA'I BSAM GTAN PA DAG YIN ZHES BYA BA NI GANG ZHIG RO MYONG BA DANG MTSUNGS PAR LDAN PA'I BSAM GTAN SGOM PA DE NI SRED PA SHAS CHE BA'I BSAM GTAN PA YIN NO, ,GANG ZHIG BSAM GTAN LA BRTEN NAS RTAG PA LA SOGS PAR LTA BA SKYED PAR BYED PA DE NI LTA BA SHAS CHE BA'I BSAM GTAN PA YIN NO, ,NGA RGYAL SHAS CHE BA'I BSAM GTAN PA NI GANG ZHIG DES BDAG NI BSAM GTAN BZHI THOB PA YIN GYI GZHAN DAG NI DE LTA MA YIN NO SNYAM DU RLOM PA STE, DE NI NGA RGYAL SHAS CHE BA'I BSAM GTAN PA YIN NO, ,DE LA 'DI LA SRED PA SHAS CHE ZHING SRED PA LHAG PA SGOM PA'I NGANG TSUL YAD PAS NA SRED PA SHAS CHE BA'I BSAM GTAN PA'O, ,YANG NA SRED PA SHAS CHE BA YANG YID LA BSAM GTAN PA YANG YIN PAS SRED PA SHAS CHE BA'I BSAM GTAN PA STE, SRED PA LHAG PA ZHES BYA BA'I THA TSIG GO, ,LTA BA SHAS CHE BA'I BSAM GTAN PA DANG, NGA RGYAL SHAS CHE BA'I BSAM GTAN PA YANG DE DANG 'DRA'O, ,DE DAG KYANG MA RIG PA'I DBANG GIS 'GYUR RO ZHES BYA BA NI BSAM GTAN GSUM PO DE DAG KYANG MA RIG PA'I DBANG GIS TE, MA RIG PA DANG LDAN PAS DE LTAR 'GYUR RO, ,DE'I PHYIR MA RIG PA YANG LUNG DU MA BSTAN PA'I RTZA BA YIN NO SNYOMS PAR 'JUG PA LA SNYOMS PAR ZHUGS PA RNAMS LA NYON MONGS PA'I RNAM PA 'DI DAG KUN DU @110A *, ,'BYUNG BA'I SKABS NI LUNG DU MA BSTAN PA'I CHOS RNAMS KYI RTZA BA STE RGYU YIN NO, ,LUNG DU MA BSTAN PA'I SKABS KYIS GLENGS PA DANG, MDO LAS LUNG DU MA BSTAN PA'I DNGOS PO BCU BZHI GSUNGS PA ZHES BYA BA RGYAS PAR SMOS TE, 'JIG RTEN RTAG PA ZHIG GAM 'JIG RTEN MI RTAG PA ZHIG CES BYA BA DE LTA BU LA SOGS PA YIN NO, ,CI DE DAG LUNG DU MA BSTAN PA'I PHYIR YIN NAM ZHES BYA BA NI CI DE DAG DGE BA YANG MA YIN LA MI DGE BA YANG MA YIN PAS LUNG DU MA BSTAN PA YIN PA'I PHYIR LUNG DU MA BSTAN PA'I DNGOS PO DAG TU STON TAM ZHES BYA BA YIN NO; ,GZHAG PAR BYA BA'I 'DRI BA LA LUNG DU MA BSTAN PA ZHES BSHAD DO ZHES BYA BA NI GANG ZHIG GZHAG PAR BYA BA NYID KYIS LUNG BSTAN CING MA BSHAD PA'I 'DRI BA DE NI LUNG DU MA BSTAN PA YIN LA, DE'I DNGOS PO NI GZHI YIN PAS LUNG DU MA BSTAN PA'I DNGOS PO'O, ,DE'I ZHAR LA 'DRI BA NI RNAM PA BZHI STE ZHES BYA BA 'DI RGYAS PAR NYE BAR 'GOD DE, 'CHI DANG SKYE DANG KHYAD PAR 'PHAGS, ,BDAG GZHAN LA SOGS LTA BU YIN, ,ZHES BYA BA NI 'CHI BA LTA BU DANG, SKYE BA LTA BU DANG, KHYAD PAR DU 'PHAGS PA NYID LTA BU DANG, BDAG GZHAN NYID LA SOGS PA LTA BU'O ZHES GRANGS BZHIN DU MGO GCIG TU LUNG BSTAN PA LA SOGS PA'I DPER BRJOD PA YIN NO, ,'CHI BAR 'GYUR RO ZHES BYA BA NI MGO GCIG TU LUNG BSTAN PAR BYA BA LA 'CHI BA DPER BRJOD PA YIN NO, ,NYON MONGS PA CAN DANG BCAS PA RNAMS NI SKYE BAR 'GYUR GYI, NYON MONGS PA MED PA RNAMS NI MA YIN NO ZHES BYA BA NI RNAM PAR PHYE STE LUNG BSTAN PAR BYA BA LA SKYE BA DPER BRJOD PA YIN NO, ,GANG LA LTOS TE 'DRI ZHES BYA BA NI DRIS NAS LUNG BSTAN PAR BYA BA LA KHYAD PAR DU 'PHAGS PA NYID DPER BRJOD PA YIN NO, ,CI PHUNG PO RNAMS LAS SEMS CAN GZHAN NAM ZHES BYA BA NI GZHAG PAR LUNG BSTAN PAR BYA BA LA BDAG GZHAN NYID DPER BRJOD PA YIN NO, ,CI SEMS CAN THAMS CAD 'CHI BAR 'GYUR RAM ZHES 'DRI NA 'CHI BAR 'GYUR RO ZHES MGO GCIG TU LUNG BSTAN PAR BYA'O ZHES BYA BA NI JI SKAD DU BCOM LDAN 'DAS KYIS DGE SLONG DAG MI RNAMS NI TSE THUNG BA TSE PHYI MAR 'GRO DGOS PA YIN PAS DGE BA SPYAD PAR BYA @110B STE; SKYES PA LA NI MI 'CHI BA MED DO ZHES GSUNGS PA LTA BU'O, ,CI PHUNG PO RNAMS LAS SEMS CAN GZHAN NAM GZHAN MA YIN ZHES 'DRI NA GZHAG PAR BYA STE ZHES BYA BA NI, JI SKAD DU, BCOM LDAN 'DAS KYIS, KYE GOO TA MA CI LAGS, DES BYAS SHING DES MYONG NGAM BRAM ZE 'DI NI LUNG DU MA BSTAN PA YIN NO, , GZHAN GYIS BYAS SHING GZHAN GYIS MYONG NGAM BRAM ZE 'DI NI LUNG DU MA BSTAN PA YIN NO, ,DES BYAS SHING DES MYONG NGAM ZHES ZHUS NA YANG 'DI NI LUNG DU MI BSTAN PA YIN NO ZHES GSUNGS LA, GZHAN GYIS BYAS SHING GZHAN GYIS MYONG NGAM ZHES ZHUS NA YANG 'DI NI LUNG DU MI BSTAN PA YIN NO ZHES GSUNGS NA, GOO TA MA KHYOD KYIS BSHAD PA 'DI'I DON JI LTA BU ZHIG LAGS, BRAM ZE DES BYAS SHING DES MYONG NGO ZHES BYA BA NI RTAG PAR 'GYUR RO, ,GZHAN GYIS BYAS SHING GZHAN GYIS MYONG NGO ZHES BYA BA NI CHAD PAR 'GYUR RO, ,DE BZHIN GSHEGS PA NI 'DI GNYIS THUGS SU CHUD NAS DBU MA'I LAM GYI CHOS STON PAR MDZAD DO ZHES GSUNGS PA LTA BU'O, ,GZHAN DAG NA RE ZHES BYA BA NI BTZUN PAR MA'O, ,THAMS CAD SKYE BAR MI 'GYUR RO ZHES BYA BA 'DI YANG MGO GCIG TU LUNG STON PA YIN NO ZHES BYA BA NI SEMS CAN THAMS CAD 'CHI BAR 'GYUR RO ZHES BYA BA 'DI 'BA' ZHIG MGO GCIG TU LUNG BSTAN PAR BYA BA YIN PA 'BA' ZHIG TU NI MA ZAD DO, ,SLOB DPON GYIS GANG ZHIG 'DRI BA ZHES BYA BA RGYAS PAR SMOS TE, CI GANG DAG 'CHI BAR 'GYUR BA DE DAG SKYE BAR 'GYUR RAM ZHES RNAM PA DE LTA BUR 'DRI BA DE LA THAMS CAD NI SKYE BAR MI 'GYUR RO, ,'O NA CI ZHE NA, NYON MONGS PA DANG BCAS PA RNAMS NI SKYE BAR 'GYUR GYI NYON MONGS PA MED PA RNAMS NI MA YIN NO ZHES BYA BA RNAM PAR PHYE STE, LUNG BSTAN DGOS PAR 'GYUR RO, ,DE LTA BAS NA THAMS CAD SKYE BAR 'GYUR RO ZHES BYA BA 'DI YANG MGO GCIG TU LUNG BSTAN PAR BYA BA YIN NO ZHES SMRAS PA GANG YIN PA NI MI 'THAD KYI BYE BRAG TU SMRA BAS DPER BRJOD PA NYID DU RUNG NGO SNYAM DU BSAMS PA YIN NO, ,BTZUN PAR MA DE NYID KYIS MI LA YANG GNYI GA YOD DE ZHES BYA BA SMRAS TE, DMAN PA NYID DANG KHYAD PAR DU 'PHAGS PA NYID DO, ,'DI GNYIS NI LTOS PA CAN DU YOD PAS GNYI GAR MGO GCIG TU LUNG BSTAN PAR BYA BA YIN TE, DPER NA RNAM PAR SHES PA RGYU YIN NAM 'BRAS BU YIN ZHES 'DRI NA RGYU DANG 'BRAS BU LA LTOS NAS @111A *, ,RGYU YANG YIN LA 'BRAS BU YANG YIN ZHES MGO GCIG TU LUNG BSTAN ZHES BYA BA DANG 'DRA'O, ,DE LA CI MI 'DI KHYAD PAR DU 'PHAGS PA YIN NAM DMAN PA YIN ZHES 'DRI NA GANG LAS LTOS TE 'DRI ZHES DRIS NAS LUNG BSTAN PAR BYA STE ZHES SMRAS PA GANG YIN PA DE RIGS PA MA YIN TE, 'DI LTAR 'DRI BA 'DI MGO GCIG TU LUNG BSTAN PAR BYA BAS SO, ,SLOB DPON GYIS GCIG TU 'DRI BA LA ZHES BYA BA LA SOGS PAS BYE BRAG TU SMRA BA'I PHYOGS GZHUNG 'DZUGS PAR BYED DE, CI MI 'DI KHYAD PAR DU 'PHAGS PA KHO NA ZHIG GAM DMAN PA KHO NA ZHIG YIN ZHES GCIG TU 'DRI BA LA NI DMAN PA'O ZHE 'AM KHYAD PAR DU 'PHAGS PA'O ZHES GCIG TU LUNG BSTAN DU MI RUNG BAS GANG LA LTOS TE 'DRI ZHES RNAM PAR PHYE STE, LUNG BSTAN PAR RIGS SO, ,DE LA MI LA YANG GNYI GA YOD DE ZHES BYA BA RGYAS PAR SMRAS PA GANG YIN PA DE RIGS PA MA YIN NO, ,DE NYID KYIS, PHUNG PO DAG LAS SEMS CAN GZHAN NA MA ZHES BYA BA THAMS CAD SMRAS SO, ,SLOB DPON GYIS GZHAG PAR BYA BA'I 'DRI BA GANG YIN PA ZHES BYA BA SMOS SO, ,BYE BRAG TU SMRA BA'I LUGS KYIS RNAM PA BZHI'I DPER BRJOD PA 'DI NI BSHAD ZIN TO, ,CHOS MNGON PA PA RNAMS NA RE ZHES BYA BA NI CHOS MNGON PA TSAN DRUG PA TZAM 'DOD PA RNAMS SO, ,SDUG BSNGAL GDAGS PA NAS LAM GDAGS PA'I BAR ZHES BYA BA NI 'PHAGS PA'I BDEN PA BZHI GDAGS PA STE, MDO LAS JI SKAD 'BYUNG BA LTA BU'O, ,DON DANG LDAN PA YIN PA'I PHYIR ZHES BYA BA NI DON DANG YANG DAG PAR LDAN PA'I PHYIR RO ZHES BYA BA'I THA TSIG GO, ,G-YON CAN GYI ZHES BYA BA NI 'DRI BA PO G-YON CAN RNAM PAR THO 'TSAMS PA'I BSAM PA CAN GYI 'DRI BA LUNG BSTAN PA YANG RNAM PAR PHYE STE LUNG BSTAN PAR BYA BA'I DRI BA'I TSIG DE NYID YIN PAR RIG PAR BYA'O, ,BTZUN PAR MAS GANG GI TSE ZHES BYA BA RGYAS PAR SMRAS TE, GANG GI TSE G-YON CAN DANG G-YO MED PA DE GNYIS CUNG ZAD KYANG MI 'DRI'I CHOS BSHAD DU GSOL ZHES GSOL BA 'DEBS PA 'BA' ZHIG TU ZAD LA, G-YON CAN DANG G-YO MED PA DE GNYIS LA YANG CHOS NI GZUGS LA SOGS PA RAB TU DBYE BA DANG BCAS PA RGYAS PA 'DI DAG YIN NO ZHES BYA BAR CUNG ZAD KYANG LUNG MI STON GYI, GANG DAG BSHAD PAR BYA BA ZHES 'DRI BA 'BA' ZHIG TU ZAD NA DE JI LTAR NA @111B G-YON CAN G-YO MED PA DE GNYIS KYI 'DRI BA YIN, JI LTAR NA CHOS MNGON PA'I LUNG STON PA YIN, SLOB DPON GYIS GANG ZHIG CES BYA BA RGYAS PAR SMRAS TE, GANG ZHIG DE MI SHES NA LAM SMROS SHIG CES ZER NA CI DES LAM MA 'DRES PA YIN NAM, DES GSOL BA 'DEBS PA'I SGO NAS DRIS SO SNYAM DU BSAMS PA YIN NO, ,JI LTAR LAM SMROS SHIG CES SMRA BAS LAM GANG ZHIG YIN ZHES SMRA BAR 'GYUR BA DE BZHIN DU CHOS BSHAD DU GSOL ZHES SMRA BAS CHOS GANG DAG YIN ZHES SMRAS PAR 'GYUR RO, ,DRI BA NYID KYIS DE LUNG BSTAN PA'I PHYIR ZHES BYA BA NI CHOS MANG MO ZHIG YOD NA GANG DAG SMRA BAR BYA ZHES DRI BA KHO NAS DRIS PA DE'AM CHOS DE RNAMS LUNG BSTAN PA'I PHYIR TE, CHOS MANG BA NYID DU LUNG BSTAN PAS SO, ,JI LTAR NA DRIS NAS LUNG BSTAN PA MA YIN ZHES BYA BA NI DRIS PAS LUNG BSTAN PA YIN NO ZHES BYA BA'I THA TSIG GO, ,DE LA DE GNYIS KYANG CUNG ZAD KYANG MI 'DRI'I GSOL BA 'DEBS PA 'BA' ZHIG TU ZAD LA ZHES BYA BA NAS, JI LTAR LUNG STON PA YIN ZHES SMRAS PA GANG YIN PA DE RIGS PA MA YIN NO, ,SLOB DPON GYIS MDO KHO NA LAS ZHES BYA BA RGYAS PAR SMOS TE, MDO 'DI NI TSIG PHAL PA YIN PA LAS LEGS PAR SBYAR BAR RNAM PAR GZHAG NAS 'DON PAR BYED DO, ,CHED DU BSAM PAR BYA BA'I LAS BYAS NAS CI ZHIG SO SOR YANG DAG PAR MYONG BAR 'GYUR, CI BDE BA'AM SDUG BSNGAL BA'AM, BDE BA YANG MA YIN SDUG BSNGAL YANG MA YIN PA ZHIG CES DE SKAD DU DRIS NA, CHED DU BSAM PAR BYA BA NI DGE BA LA SOGS PA THA DAD PA'I PHYIR CHED DU BSAM PAR BYA BA DGE BA ZAG PA DANG BCAS PA BYAS PAS NI BDE BA'AM BDE BA YANG MA YIN SDUG BSNGAL BA YANG MA YIN PA SO SOR YANG DAG PAR MYONG BAR 'GYUR RO, ,CHED DU BSAM PAR BYA BA'I LAS MI DGE BA BYAS PAS NI SDUG BSNGAL SO SOR YANG DAG PAR MYONG BAR 'GYUR RO ZHES RNAM PAR PHYE STE LUNG DU BSTAN PAR BYA BA YIN NO, ,GAL TE 'DI SKAD DU BDAG RAGS PA YIN PAR SHAS SO ZHES BYA BA NI GZUGS SO, ,SROG KYANG GZHAN LA LUS KYANG GZHAN ZHIG GAM ZHES BYA BA'I BAR ZHES BYA BA RAB TU DBYE BA RGYAS PAR 'BYUNG BA'I BAR DU ZHES BYA BA'I SGRAS NI DE BZHIN 'ONGS PA SHI NAS MED PA ZHIG GAM, DE BZHIN 'ONGS PA SHI NAS YOD KYANG YOD LA MED KYANG MED @112A *, ,PA ZHIG GAM, DE BZHIN 'ONGS PA SHI NAS YOD PA YANG MA YIN MED PA YANG MA YIN PA ZHIG GAM, LUS DE NYID SROG YIN NAM, LUS KYANG GZHAN LA SROG KYANG GZHAN ZHIG GAM ZHES BYA BA THAMS CAD BRJOD PAR BYA'O, ,DE NI DES DE DANG LDAN PA YIN NO ZHES BYA BA NI GANG ZAG DE NI PHRA RGYAS DES BCINGS SO ZHES BYA BAR SHES PAR 'GYUR BA KHO NA'O ZHES BYA BA'I THA TSIG GO, ,RANG GI MTSAN NYID PA'I NYON MONGS PA ZHES BYA BA LA RANG GI MTSAN NYID NI BDE BA MYONG BAR 'GYUR BA LA SOGS PA'I DNGOS PO DE LA 'DOD CHAGS PA NI BDE BA MYONG BAR 'GYUR BA'I DNGOS PO KHO NA LA DMIGS TE SKYE BAS RANG GI MTSAN NYID PA'I NYON MONGS PA ZHES BYA'O, ,BDE BA MYONG BAR 'GYUR BA'I DNGOS PO DMIGS PAR BYA BA DES KHENGS PAR 'GYUR BAS NGA RGYAL YANG RANG GI MTSAN NYID DAG GI NYON MONGS PA YIN NO, ,DE BZHIN DU SDUG BSNGAL MYONG BAR 'GYUR BA'I DNGOS PO DMIGS TE KHONG KHRO BA 'BYUNG BAS, KHONG KHRO BA YANG RANG GI MTSAN NYID DAG GI NYON MONGS PA ZHES BYA'O, ,NYON MONGS PA SPYI PA NI LTA BA DANG THE TSOM LA SOGS PA STE, SPYI PA'I'AM SPYIR NYON MONGS PA YIN PAS NI NYON MONGS PA SPYI PA DAG GO, ,DE DAG NI KHYAD PAR MED PAR BDE BA MYONG BAR 'GYUR BA LA SOGS PA'I DNGOS PO LA SKYE BAR 'GYUR TE, DE'I PHYIR DE DAG LA DMIGS TE SKYES PA'I NYON MONGS PA RNAMS NI NYON MONGS PA SPYI PA ZHES BYA'O, ,'DAS DANG NYER GNAS ZHES BYA BA NI 'DAS PA DANG DA LTAR BYUNG BA'O, ,DNGOS PO GANG LA 'DOD CHAGS DANG KHONG KHRO BA DANG NGA RGYAL RNAMS SKYES LA ZHES BYA BA RGYAS PAR 'BYUNG BA NI KHYAD PAR MED PAR BRJOD PA'I PHYIR 'DOD CHAGS LA SOGS PA 'DI DAG NI RNAM PAR SHES PA'I TSOGS DRUG PA YANG RUNG STE, CI RIGS PAR SDUG BSNGAL MTHONG BAS SPANG BAR BYA BA NAS BSGOM PAS SPANG BAR BYA BA'I BAR DUS GSUM PA'I DNGOS PO GANG LA SKYES PA MA SPANGS PA'I 'DOD CHAGS LA SOGS PA DE DAG GI DNGOS PO DE DANG LDAN TE, THAG PAS GLANG BU PHUR PA LA BTAGS PA DANG 'DRA'O, ,DE DAG NI RANG GI MTSAN NYID PA'I NYON MONGS PA YIN PA'I PHYIR GDON MI ZA BAR GANG ZAG THAMS CAD LA THAMS CAD 'BYUNG BA MA YIN ZHES BYA BA NI 'GA' ZHIG KHA CIG LA 'BYUNG NGO ZHES BYA BA'I THA TSIG GO, , @112B DE'I PHYIR, GANG LA DE SKYES MA SPANGS PA'I ZHES DE DAG KYANG KHYAD PAR DU BYAS PA YIN TE, MA SPANGS PA ZHES BYA BA'I KHYAD PAR SMOS PA 'DI LTAR 'DOD CHAGS LA SOGS PA GANG DAG GIS SNGON DNGOS PO DE DANG LDAN PAR GYUR PA DE DAG GAL TE SPANGS PAR GYUR NAS DE DAG GIS DE DANG LDAN PA MA YIN TE, SPANGS PAS YUL LA RGYAS PAR MI 'GYUR BA'I PHYIR RO, ,YID KYI DE DAG MA 'ONGS PAS KUN DANG ZHES BYA BA LA, YID KYI ZHES BYA BA SMOS PA NI RNAM PAR SHES PA'I TSOGS LNGA PA RNAMS NI, GZHAN GYI RANG DU SA PA ZHES GZHAN DU RNAM PAR GZHAG PAR BYA BA YIN PA'I PHYIR RO, ,'DI NI 'DOD CHAGS DANG KHONG KHRO BA KHYAD PAR DU BYA BA YIN TE, NGA RGYAL NI GDON MI ZA BAR YID KYI YIN PA'I PHYIR RO, ,MA 'ONGS PA'I DE DAG GIS NI RIS LNGA PA DUS GSUM PA THAMS CAD DANG YANG BDAG NYID JI LTA BA BZHIN LDAN PA YIN NO, ,ZAG PA DANG BCAS PA'I DNGOS PO GANG ZHIG RANG GI MTSAN NYID PA'I NYON MONGS PAS KYANG 'DOD CHAGS DANG BCAS PA MA YIN PA DANG, ZHE SDANG GIS ZHE SDANG DANG BCAS PA MA YIN PA DANG, NGA RGYAL GYIS NGA RGYAL DANG BCAS PA MA YIN PA DE NI MED DE, 'DOD CHAGS LA SOGS PA MA 'ONGS PA ZAG PA DANG BCAS PA'I DNGOS PO THAMS CAD LA BDAG NYID JI LTA BA BZHIN DU DMIGS PA DAG NI DPAG TU MED PA ZHIG YOD DO, ,'DOD CHAGS DANG KHONG KHRO BA MA 'ONGS PA GZHAN DAG GIS NI MA 'ONGS PA'I DNGOS PO KHO NA DANG LDAN NO ZHES BYA BA NI SEMS DANG SEMS LAS BYUNG BA THAMS CAD NI DMIGS PA LA NGES PA YIN PAS CHOS SKYE BAR 'GYUR BA'I CHOS DE DAG GIS MA 'ONGS PA'I DNGOS PO KHO NA DANG LDAN TE, RNAM PAR SHES PA'I TSOGS LNGA RNAMS KYI YUL NI DA LTAR YIN PA'I PHYIR RO, ,'DOD CHAGS DANG KHONG KHRO BA GZHAN DAG GIS ZHES SMOS KYI NGA RGYAL MA SMOS PA NI, MTHONG SPANG BYA NYID NGA RGYAL BCAS, ,YID RNAM SHES KYI SA PA YIN, ,ZHES 'BYUNG BAS NGA RGYAL RNAMS YID KYI SA YIN PA'I PHYIR RO, ,RNAM PAR SHES PA'I TSOGS LNGA PA DAG GIS KYANG ZHES BYA BA LA, KYANG ZHES BYA BA'I SGRAS NI YID KYI SA PA DAG 'BA' ZHIG TU NI MA ZAD KYI ZHES STON PAR BYED DO, ,MI SKYE BA'I CHOS CAN DE DAG GIS NI DUS GSUM PA'I DNGOS PO THAMS CAD DANG LDAN TE MI SKYE BA'I CHOS CAN DE DAG NI MA 'ONGS PA'I @113A *, ,DUS KHO NA NA RNAM PAR GNAS LA, DE DAG GI DMIGS PA DAG NI 'PHO BAR 'GYUR RO, ,NYON MONGS PA DANG LDAN PA MI SKYE BA'I CHOS CAN RNAMS NI LCAM PA BZHIN DU YUL LA MNGON PAR PHYOGS PA KHO NAR GNAS TE, 'DI LTAR MI SKYE BA'I CHOS RNAMS NI DMIGS PA LA DMIGS NAS SKYE BAR 'GYUR BA MA YIN PA NYID DO, ,DE'I PHYIR KHA CIG GI DMIGS PA NI 'DAS PA YIN NO, ,KHA CIG NI DA LTAR YIN NO, ,KHA CIG NI MA 'ONGS PA YIN NO, ,DE DAG NI DMIGS PA MI SKYE BA KHO NAS MI SKYE BA MA YIN NO, ,'O NA CI ZHE NA, RKYEN MA TSANG BA'I PHYIR TE, GRUB PA'I MTHA' NI TSOGS PA NI GNAS SKABS KYI 'BRAS BU CAN YIN GYI RDZAS KYI 'BRAS BU CAN NI MA YIN NO ZHES BYA BA YIN NO, ,LHAG MA KUN GYIS KUN DANG LDAN, ,ZHES BYA BA NI LTA BA LA SOGS PA'I RIS DU MA DUS GSUM PA DAG GIS KYANG DUS GSUM PA'I DNGOS PO RNAM PA LNGA CHAR DANG LDAN PA TE YANG DAG PAR LDAN NO ZHES BYA BA'I THA TSIG GO,, CI'I PHYIR ZHE NA, NYON MONGS PA'I SPYI PA YIN PA'I PHYIR ZHES BYA BA SMOS TE, 'DI DAG NI NYE BAR LEN PA'I PHUNG PO LNGA CHAR LA DMIGS PA YIN PA'I PHYIR THAMS CAD KUN LA 'BYUNG NGO, ,JI LTAR NA 'DAS PA DANG MA 'ONGS PA'I DNGOS PO DE DANG NGAM, 'DAS PA DANG MA 'ONGS PA'I PHRA RGYAS DES LDAN PA'AM BRAL PA YIN TE, JI LTAR NA MA SPANGS PA DANG SPANGS PA'I GNAS SKABS SU RNAM PAR GZHAG ,'DUS BYAS KYI MTSAN NYID DANG LDAN PA'I PHYIR ZHES BYA BA NI 'DI LTAR 'DUS BYAS KYI MTSAN NYID SKYE BA LA SOGS PA 'DU BYED RNAMS DUS SU 'PHO BAR BYA BA'I PHYIR 'JUG STE, DE'I PHYIR DE DAG RTAG PA NYID MA YIN PAR DAM 'CHA'O, ,DGE SLONG DAG GAL TE 'DAS PA'I GZUGS ZHES BYA BA'I MDO 'DI'I MGO NI 'DI SKAD CES 'BYUNG BA YIN TE, GZUGS 'DAS PA DANG MA 'ONGS PA YANG MI RTAG NA DA LTAR BYUNG BA LTA CI SMOS, 'PHAGS PA NYAN THOS THOS PA DANG LDAN PA DE LTAR LTA BA NI 'DAS PA'I GZUGS LA LTA BAR MI 'GYUR, MA 'ONGS PA'I GZUGS LA MNGON PAR DGA' BAR MI 'GYUR GYI, DA LTAR BYUNG BA'I GZUGS LA YID BYUNG BAR BYA BA DANG, 'DOD CHAGS DANG BRAL BAR BYA BA DANG 'GOG PAR BYA BA'I PHYIR ZHUGS PA YIN NO, ,GAL TE 'DAS PA'I GZUGS SHIG YOD PAR MA GYUR NA, @113B 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BAR YANG MI 'GYUR BA ZHIG NA GANG GI PHYIR 'DAS PA'I GZUGS YOD PA DE'I PHYIR 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BA YIN NO, ,GAL TE MA 'ONGS PA'I GZUGS SHIG YOD PAR MA GYUR NA, 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR DGA' BA MED PAR YANG MI 'GYUR BA ZHIG NA, GANG GI PHYIR MA 'ONGS PA'I GZUGS YOD PA DE'I PHYIR 'PHAGS PA NYAN THOS THOS PA DANG LDAN PA MA 'ONGS PA'I GZUGS LA MNGON PAR DGA' BA MED PA YIN NO; ,DGE SLONG DAG GAL TE DA LTAR BYUNG BA'I GZUGS SHIG YOD PAR MA GYUR NA ZHES BYA BA RGYAS PAR GSUNGS PA YIN NO, ,'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BAR YANG MI 'GYUR BA ZHIG NA ZHES BYA BA NI YUL MED PA'I PHYIR 'PHAGS PA NYAN THOS LA 'DOD CHAGS DANG BRAL BA DE'I TSE 'DAS PA'I YUL LA MI LTA BA'I BLO 'BYUNG BAR MI 'GYUR RO ZHES BYA BA'I THA TSIG STE, GANG GI TSE 'DAS PA'I GZUGS LA LTA BA DE'I TSE DE LA CHAGS PA YIN NO, ,MNGON PAR DGA' BA ZHES BYA BA NI MNGON PAR 'DOD PA'O, ,DGE SLONG DAG GAL TE DA LTAR BYUNG BA'I GZUGS SHIG YOD PAR MA GYUR NA, 'PHAGS PA NYAN THOS THOS PA DANG LDAN PA DA LTAR BYUNG BA'I GZUGS LA YID BYUNG BAR BYA BA DANG, 'DOD CHAGS DANG BRAL BAR BYA BA DANG, 'GOG PAR BYA BA'I PHYIR ZHUGS PAR YANG MI 'GYUR BA ZHIG NA ZHES BYA BA 'DI NI MA SMOS TE, GNYI GA LA RAB TU GRUB PA'I PHYIR RO, ,GNYIS PHYIR ZHES BYA BA NI SNGA MA NI ZHAL NAS GSUNGS PA YIN NO ZHES RAB TU BSTAN PA YIN NO, ,DA NI RNAM GRANGS KYI SGO NAS YIN GYI ZHAL NAS NI MA YIN PAS KHYAD PAR YOD DO, ,YID KYI RNAM PAR SHES PA 'DAS PA DANG MA 'ONGS PA LA DMIGS PA GANG YIN PA GNYIS LA BRTEN PAR MI 'GYUR RO, ,DE BAS NA DMIGS PA MED PA'I PHYIR RNAM PAR SHES PA NYID DU YANG MI 'GYUR RO ZHES BYA BA NI RNAM PAR SHES PAR BYA BA YOD NA RNAM PAR SHES PA YIN PAS SO, ,'DI LA SGRUB PA NI YID KYI RNAM PAR SHES PA NI YOD PA LA DMIGS PA KHO NA YIN TE, DMIGS PA'I NGO BO NYID YIN PA'I @114A *, ,PHYIR MIG GI RNAM PAR SHES PA BZHIN NO, ,'BRAS PHYIR ZHES BYA BA NI, DGE BA DANG MI DGE BA'I LAS 'DAS PA NI RANG GI NGO BOR YOD PA YIN TE, SMIN PA'I TSE 'BRAS BU 'BYUNG BAR 'GYUR BA YIN PA'I PHYIR DA LTAR GYI BZHIN NO, ,DNGOS PO GZHAN DU 'GYUR GYI ZHES BYA BA NI 'DAS PA DANG MA 'ONGS PA DANG DA LTAR BYUNG BA'I DNGOS PO GZHAN DU 'GYUR BA YIN ZHES BYA BA'I THA TSIG GO, ,RDZAS GZHAN DU 'GYUR BA NI MA YIN ZHES BYA BA NI GZUGS LA SOGS PA RANG GI MTSAN NYID GZHAN DU 'GYUR BA NI MA YIN NO ZHES BYA BA'I DON TE, MA 'ONGS PA DA LTAR BYUNG BA'I DUS SU 'GYUR BA NA MA 'ONGS PA'I DNGOS PO 'DOR ZHING DA LTAR BYUNG BA'I DNGOS PO NI 'THOB BO, ,DA LTAR BYUNG BA YANG 'DAS PA'I DUS SU 'GYUR BA NA DA LTAR BYUNG BA'I DNGOS PO 'DOR ZHING 'DAS PA'I DNGOS PO 'THOB PO, ,GSER ZHES BYA BA DANG, 'O MA ZHES BYA BA'I DPE GNYIS NI GO RIMS BZHIN DU DBYIBS DANG YON TAN GZHAN NYID DU 'GYUR BAR SHIS PAR BYA BA'I PHYIR RO, ,MTSAN NYID GZHAN DU GYUR PA NI MTSAN NYID 'JUG PA THOB PA LA LTOS NAS THA SNYAD RJOD PAR BYED DO, ,DE NYID KYI PHYIR CHOS DUS RNAMS SU 'JUG PA NA 'DAS PA'I MTSAN NYID DANG LDAN LA, MA 'ONGS PA DANG DA LTAR BYUNG BA'I MTSAN NYID DANG NI MI LDAN PA MA YIN NO ZHES BYA BA RGYAS PAR SMRAS TE, MTSAN NYID 'JUG PA THOB PA NI MTSAN NYID DANG LDAN PAR RNAM PAR GZHAG PA DE LAS GZHAN DANG MI LDAN PA MA YIN PA NI BRAL BA MA YIN ZHES BYA BA'I THA TSIG GO, ,DE NYID KYI PHYIR, DPER NA SKYES BU BUD MED CIG LA CHAGS PA LHAG MA RNAMS LA 'DOD CHAGS DANG BRAL BA MA YIN PA BZHIN NO ZHES BYA BA DPER RJOD PAR BYED DO, ,DE BUD MED CIG LA LHAG PAR ZHEN PAR GYUR NA, BUD MED LHAG MA RNAMS LA 'DOD CHAGS KYI THOB PA KHO NA YOD KYI KUN DU 'BYUNG BA NI MA YIN PA LTA BU'O, ,GNAS SKABS GZHAN DU 'GYUR BA PA NI GNAS SKABS LA LTOS NAS THA SNYAD RJOD PAR BYED DE; CHOS DE GNAS SKABS GANG NA BYA BA MI BYED PA'I GNAS SKABS DE NA NI MA 'ONGS PA ZHES BYA LA, GANG NA BYED PA DE NA NI DA LTAR ZHES BYA'O, ,GANG NA BYAS NAS 'GAGS PA DE NA NI 'DAS PA ZHES BYA'O, ,DE'I PHYIR GNAS SKABS DANG GNAS SKABS SU PHYIN NAS GNAS SKABS GZHAN GYI SGO NAS MA 'ONGS @114B PA'I GNAS SKABS SU PHYIN NAS MA 'ONGS PA ZHES BYA BA NAS 'DAS PA'I GNAS SKABS SU PHYIN NAS, 'DAS PA'I ZHES BYA BA'I BAR GZHAN DANG GZHAN ZHES STON GYI RDZAS GZHAN GYI SGO NAS MA YIN TE, MA 'ONGS PA LA SOGS PA'I GNAS SKABS SU PHYIN PA LA MTSAN NYID THA DAD PA NI MED KYI, MA 'ONGS PA LA SOGS PA ZHES BYA BA'I SGRAR STON PA 'BA' ZHIG TU ZAD DO ZHES BYA BA'I THA TSIG GO, ,DE NYID KYI PHYIR DPER NA RI LU GCIG CES BYA BA RGYAS PAR DPER RJOD PAR BYED DO, ,DPER NA RI LU GCIG GI SHO MIG TU BZHAG CING GNAS GCIG TU BZHAG NA GCIG CES BYA LA, DE BZHIN DU BRGYA'I SHO MIG TU BZHAG NA BRGYA, STONG GI SHO MIG TU BZHAG NA STONG ZHES BYA BA BZHIN TE, GNAS SKABS THA DAD LA LTOS NAS YIN GYI, DE'I NGO BO NYID GZHAN DU 'GYUR BA NI MA YIN NO, ,'O NA CI ZHE NA, GNAS SKABS THA DAD PA'I BYE BRAG LAS GRANGS RJOD PAR BYED PA'I MING GZHAN 'BYUNG BAR ZAD DO, ,SNGA MA DANG PHYI MA LA LTOS NAS GZHAN DANG GZHAN ZHES BRJOD CES BYA BA NI, SNGA MA DANG PHYI MA LA LTOS NAS 'DAS PA DANG, MA 'ONGS PA DANG DA LTAR ZHES BYA'O ZHES BYA BA'I THA TSIG STE, SNGA MA 'DAS PA DANG DA LTAR KHO NA LA LTOS NAS MA 'ONGS PA ZHES BYA'O, ,SNGA MA 'DAS PA DANG, PHYI MA MA 'ONGS PA LA LTOS NAS DA LTAR ZHES BYA'O, ,PHYI MA DA LTAR DANG MA 'ONGS PA KHO NA LA LTOS NAS 'DAS PA ZHES BYA'O, ,DE BAS NA GZHAN DANG GZHAN DU 'GYUR BA PA NI SNGA MA DANG PHYI MA LA LTOS NAS THA SNYAD RJOD PAR BYED DO, ,DE NYID KYI PHYIR DPER NA BUD MED GCIG LA MA ZHES BYA LA, BU MO ZHES KYANG BYA BA BZHIN NO ZHES BYA BA DPER RJOD PAR BYED DE, DPER NA BUD MED GCIG CIG LA BU MO LA LTOS NAS NI MA ZHES KYANG BYA LA, MA LA LTOS NAS NI BU MO ZHES KYANG BYA BA LTAR SNGA MA DANG PHYI MA LA LTOS PA YIN GYI RDZAS GZHAN GYI SGO NAS NI MA YIN NO, ,GRANGS CAN GYI PHYOGS LA BRLAN PAR BYA'O ZHES BYA BA NI GRANGS CAN GYI PHYOGS DGAG PA GANG YIN PA DE NYID DE'I PHYOGS DGAG PA YIN TE, GRANGS CAN GYI PHYOGS NI SNGAR BKAG ZIN TO SNYAM DU BSAMS PA YIN NO, ,GNYIS PA BTZUN PA DBYANGS SGROGS KYI'ANG DUS 'CHOL BAR 'GYUR TE, 'DAS PA'I DUS SU 'DOD PA GANG YIN PA DE DA LTAR DANG MA 'ONGS PAR YANG 'GYUR RO, ,JI LTA ZHE NA 'DAS PA NI 'DAS @115A *, ,PA'I MTSAN NYID DANG LDAN PA YIN LA, MA 'ONGS PA DANG DA LTAR GYI MTSAN NYID DAG NI MI LDAN PA MA YIN TE, LDAN PA KHO NA YIN NO ZHES BYA BA'I THA TSIG GO, ,MA 'ONGS PA YANG MA 'ONGS PA'I MTSAN NYID DANG LDAN LA, 'DAS PA DANG DA LTAR GYI MTSAN NYID DAG NI MI LDAN PA MA YIN NO, ,DE LTAR YANG DA LTAR GYI MTSAN NYID DANG LDAN LA, 'DAS PA DANG MA 'ONGS PA'I MTSAN NYID DAG NI MI LDAN PA MA YIN NO, ,DE LTA BAS NA RE RE ZHING MTSAN NYID GSUM CHAR DANG LDAN PA'I PHYIR, 'DAS PA DANG MA 'ONGS PA DANG DA LTAR DU 'GYUR TE, DE BZHIN DU MA 'ONGS PA DANG DA LTAR DAG LA YANG SBYAR BAR BYA'O; ,'DIR CI ZHIG MTSUNGS ZHES BYA BA NI, SKYES BU GCIG 'BA' ZHIG DANG LDAN PA DE BZHIN DU, CHOS LA MTSAN NYID GCIG YOD KYI MTSAN NYID GZHAN GNYIS MED DAM CI NA, GANG GI PHYIR DE SKAD DU DPER RJOD PAR BYED, DE LTA BAS NA MTSUNGS PA MED DO, ,BZHI PA'I YANG ZHES BYA BA NI BTZUN PA SANGS RGYAS LHA'I YANG NGO, ,DUS GCIG LA DUS GSUM CHAR DU 'GYUR TE ZHES BYA BA NI 'DAS PA'I DUS GCIG KHO NA LA SNGA MA DANG PHYI MA'I SKAD CIG RNAM PAR GZHAG PA YOD PAS SO, ,DE LA SNGA MA DANG PHYI MA'I SKAD CIG PA DAG NI 'DAS PA DANG MA 'ONGS PA YIN TE, SKAD CIG MA SNGA MA NI 'DAS PA YIN LA DBUS GYI SKAD CIG MA NI DA LTAR BYUNG BA YIN, PHYI MA NI MA 'ONGS PA YIN PAS 'DAS PA'I DUS LA DUS GSUM CHAR DU 'GYUR RO, ,BYE BRAG TU SMRA BAS, DE LTA BAS NA DE DAG THAMS CAD KYI NANG NA GSUM PA BZANG STE ZHES BYA BA SMOS SO, ,JI LTAR BZANG ZHE NA SMRAS PA, 'DI LTAR DE'I NI BYA BA YI,, DUS RNAMS RNAM GZHAG ,BYA BA YANG MIG LA SOGS PA'I BYA BA NI LTA BA LA SOGS PA YIN NO, ,GZUGS LA SOGS PA'I YANG RANG GI DBANG PO'I SPYOD YUL NYID YIN NO, ,GAL TE DE LTA NA ZHES BYA BA RGYAS PAR 'BYUNG BA NI GAL TE BYA BAS RNAM PAR GZHAG NA MIG DE DANG 'DRA BA'I BYA BA GANG ZHIG YIN TE, GANG ZHIG BYA BA'I MTSAN NYID RANG GI LAS MI BYED PA DE NI DE DANG 'DRA BA YIN LA, DE LA YANG LTA BA'I MTSAN NYID KYI BYA BA MED NA DE JI LTAR DA LTAR BYUNG BA YIN SNYAM DU BSAMS PA YIN NO, ,'BRAS BU 'BYIN PA DANG 'DZIN PA YIN NO ZHES BYA BA NI MIG DE NI RANG GI RGYU MTHUN PA'I 'BRAS BU 'DZIN @115B CING 'PHEN PA YANG YIN LA, 'BRAS BU 'BYIN PA YANG YIN TE, MJUG THOGS SU RGYU MTHUN PA'AM SKYES BU BYED PA'I 'BRAS BU 'BYIN TO, ,LTA BA'I BYA BA MI BYED KYANG 'BRAS BU GZHAN BYED DE, DE LA 'BRAS BU 'BYIN PA DANG, 'DZIN PA YOD PA'I PHYIR DE NI DA LTAR BYUNG BA ZHES BYA BAR RNAM PAR GZHAG GO, ,,BAM PO BZHI BCU RTZA GCIG PA, SKAL PA MNYAM PA'I RGYU LA SOGS PA 'DAS PA RNAMS KYANG ZHES BYA BA LA SOGS PA ZHES BYA BA'I SGRAS NI RNAM PAR SMIN PA'I RGYU LA SOGS PA YANG BSDU STE, DE DAG NI, DA LTAR GYI DANG 'DAS PA DAG ,GCIG NI 'DAS PAS 'BYIN PAR 'GYUR, ,ZHES 'BYUNG BAS, 'BRAS BU 'BYIN PA'I SGO NAS BYED PA YOD PA'I PHYIR, BYED PA YOD PAR THAL BAR 'GYUR RO, ,DE'I PHYIR SKAL BA MNYAM PA'I RGYU LA SOGS PA DE DAG KYANG DA LTAR BZHIN DU BYA BA YOD PA'I PHYIR DA LTA NYID DU THAL BAR 'GYUR BAS, MTSAN NYID 'CHOL BAR 'GYUR RO, ,GAL TE KHYOD GANG DAG LA 'BRAS BU 'DZIN PA DANG 'BYIN PA GNYI GA YOD PA DE DAG NI DA LTAR YIN GYI, GANG DAG LA GCIG YOD PA DE DAG NI MA YIN NO ZHES SMRA NA, DE'I PHYIR BYA BA PHYED DU ZHES BYA BA SMOS TE, THAL BAR 'GYUR RO ZHES BYA BAR SKABS DANG SBYAR RO, ,BYA BA PHYED YOD PAR THAL BAR 'GYUR BA STE, 'DAS PA DE DAG PHYED DA LTAR YIN NO ZHES BYA BAR THAL BAR 'GYUR RO, ,'DAS PA DE DAG 'BRAS BU 'DZIN PA'I MTSAN NYID KYI BYA BA ZHIG PA'I PHYIR 'DAS PA'I MTSAN NYID DANG YANG LDAN LA, DA LTAR GYI 'BRAS BU 'BYIN PA'I PHYIR DA LTAR GYI MTSAN NYID DANG YANG LDAN TE DE NYID MTSAN NYID 'CHOL BA'I NYES PA YIN NO, ,'DAS PA LA SOGS PA'I MTSAN NYID DU 'DOD PA NI, BYA BA ZHIG PA NI 'DAS PA YIN LA BYA BA MA THOB PA NI MA 'ONGS PA YIN, BYA BA THOB LA MA[?] ZHIG PA NI DA LTAR YIN NO ZHES BYA BA YIN PAS SO, ,BGEGS SU BYED CES BYA BA NI BGEGS BYED PA SU YOD CES BYA BA'I THA TSIG GO, ,GZHAN DAG NA RE BGEGS SU BYED CES BYA BA NI, 'DI LA BGEGS BYED PA SU YOD CES BYA BA STE, BYA BA'I YIN NO ZHES ZER RO, ,GAL TE RKYEN RNAMS MA TSOGS PA YIN NO ZHE NA ZHES BYA BA NI DE LA 'DI SNYAM DU RGYU DANG MTSUNGS PA DE MA THAG PA LA SOGS PA RKYEN RNAMS MA TSOGS PA YIN TE, DE'I PHYIR DUS THAMS CAD DU NI BYA BA MI BYED DO SNYAM @116A *, ,DU SEMS NA MI RUNG STE, RTAG TU YOD PA NYID DU KHAS BLANGS PA'I PHYIR RO, ,RKYEN RNAMS MA TSOGS PAR RTAG TU NI MI RUNG STE, 'DI LTAR KHYED NI RKYEN RNAMS YOD PA NYID DU KHAS LEN LA YOD PA RNAMS NI ZHIG PA MA YIN PA'I PHYIR RO, ,BYA BA 'DAS PA DANG ZHES BYA BA RGYAS PAR 'BYUNG BA NI GRUB PA'I MTHA' LAS BYA BA ZHIG PA NI 'DAS PA YIN NO ZHES BYA BA DE LTA BU LA SOGS PA 'BYUNG BAS BYA BA 'DAS PA ZHES BYA BA DANG MA 'ONGS PA DANG DA LTAR BYUNG BA ZHES BYA BA LA, YANG BYA BA GZHAN ZHIG YOD DAM CI NA GANG GI PHYIR 'DAS PA LA SOGS PA NYID DU BRJOD, GAL TE YOD NA NI THUG PA MED PAR THAL BAR 'GYUR RO, ,JI STE MED NA NI JI LTAR 'DAS PA LA SOGS PA ZHES BYA'O, ,'ON TE 'DAS PA YANG MA YIN ZHES BYA BA RGYAS PAR 'BYUNG BA NI GANG ZHIG 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN PA DE NI 'DUS MA BYAS PA YIN PA'I PHYIR 'DUS MA BYAS YIN PAS RTAG TU YOD DO ZHES BYA BAR 'GYUR TE BYA BA ZHES BYA BAR SKABS DANG SBYAR RO, ,DES NA NI CI ZHE NA, DE'I PHYIR GANG GI TSE CHOS BYA BA MI BYED PA DE'I TSE MA 'ONGS PA YIN NO ZHES BRJOD PAR MI BYA STE, BYA BA BYED PAR MI NUS PA NYID DU GYUR PA'I PHYIR RO, ,GAL TE CHOS LAS BYA BA GZHAN ZHIG YIN NA NI SKYON DER YANG 'GYUR BA ZHIG NA ZHES BYA BA NI GAL TE CHOS LAS BYA BA GZHAN ZHIG YIN NA NI BYA BA LA YANG BYA BA GZHAN YOD CES BYA BA'I THAL BA'AM, 'DUS MA BYAS SU THAL BA'I NYES PA DER YANG 'GYUR BA ZHIG NA, DE NI GZHAN YANG MA YIN PAS 'DI NI NYES PA MED DO ZHES BYA BA YIN NO, ,DE'I BDAG NYID KHO NAR ZHES BYA BA NI DA LTAR BYUNG BA'I NGO BO NYID GANG YIN PA DE KHO NA BZHIN DU ZHES BYA BA'I THA TSIG GO, ,'DI SNGON CI ZHIG MA BYUNG BAR GYUR CES BYA BAR NI MA 'ONGS PA'I GNAS SKABS NA STE, GAL TE BYA BA YIN NO ZHE NA NI GZHAN MA YIN PA'I PHYIR CHOS NYID MED DO ZHES SMRAS PAR 'GYUR RO, ,PHYIS CI ZHIG MED CES BYA BA NI 'DAS PA'I GNAS SKABS NA STE, GAL TE BYA BA YIN NO ZHE NA NI CHOS DANG BYA BA DAG NI GZHAN MA YIN PA'I PHYIR CHOS NYID MED DO ZHES SMRAS PAR 'GYUR RO, ,GAL TE MA BYUNG BA LAS BYUNG BAR MI 'DOD NA DA LTAR BYUNG BA 'GRUB PAR MI 'GYUR RO, , @116B GAL TE BYUNG NAS KYANG YANG MI 'BYUNG BAR MI 'DOD NA 'DAS PA'I DUS 'GRUB PAR MI 'GYUR RO, ,MA 'ONGS PA NI GANG ZHIG MA BYUNG BA LAS RE ZHIG MI 'BYUNG BA YIN NO ZHES BYA BAR SHUGS KYIS GO BAR 'GYUR RO, ,TSIG GI DON NI DE LTAR NA DUS GSUM 'GRUB KYI DE LTA MA YIN NA NI 'GRUB PAR MI 'GYUR RO ZHES BYA BA YIN NO, ,SKYE BA DANG 'JIG PA DAG MI RUNG BA'I PHYIR ZHES BYA BA NI DUS THAMS CAD DU YOD PA'I PHYIR SKYE BA DANG 'JIG PA DAG MI RUNG NGO, ,DE LTA BAS NA 'DUS BYAS KYI MTSAN NYID DANG LDAN PA'I PHYIR, RTAG PA NYID DU THAL BAR MI 'GYUR RO ZHES BYA BA 'DI NI TSIG TZAM DU ZAD DO, , TSIG GI LUGS 'DI NI SNGON MA BYUNG BA YIN NO ZHES BYA BA NI DUS THAMS CAD DU YANG YOD LA SKYE BA DANG 'JIG PA DAG DANG LDAN NO ZHES BYA BA'I TSIG GI LUGS NI SNGON MA THOS PA YIN NO ZHES BYA BA'I DON DAM[?] TSIG GI LUGS 'DI NI SNGA PHYI 'GAL BA YIN NO ZHES BYA BA YIN NO, ,RANG BZHIN YANG NI RTAG TU YOD; ,CES BYA BA NI GZUGS LA SOGS PA'I RANG GI MTSAN NYID DE DUS THAMS CAD NA YOD DO ZHES BYA BAR 'DOD DO, ,GAL TE GZUGS LA SOGS PA'I NGO BO NYID DUS THAMS CAD DU YANG YOD NA DES NA GZUGS LA SOGS PA'I DNGOS PO RTAG PAR THAL BAR 'GYUR RO ZHE NA, DE'I PHYIR SMRAS PA, DNGOS PO YANG NI RTAG MI 'DOD, ,DE LTA YIN NA GDON MI ZA BAR RANG BZHIN DE LAS DNGOS PO GZHAN YIN NO ZHE NA, DE'I PHYIR, RANG BZHIN LAS KYANG DNGOS MI GZHAN, ,ZHES SMRAS SO, ,DE LTA BAS NA 'DI NI 'DOD RGYAL TZAM DU ZAD PA'I PHYIR, DBANG PHYUG THA SNYAD YIN PAR GSAL TE RIGS PA NI MED DO,, SNGON BYUNG BA GANG YIN PA NI 'DAS PA YIN LA ZHES BYA BA NI RANG GI MTSAN NYID DU MED DO ZHES STON PAR BYED DO, ,RKYEN YOD NA 'BYUNG BAR 'GYUR BA GANG YIN BA DE NI MA 'ONGS PA YIN NO ZHES BYA BA NI MED KYANG RGYU YOD PA'I SGO NAS RNAM PAR 'JOG GO ZHES STON PAR BYED DO, ,DE LTAR BYAS NAS ZHES BYA BA NI SNGON BYUNG BA DANG 'BYUNG BAR 'GYUR RO ZHES BYAS NAS YIN GYI RDZAS SU YOD PA NI MA YIN PA NYID DO, ,RGYU LA SKUR PA 'DEBS PAR LTA BA DGAG PA'I PHYIR 'DAS PA YOD DO ZHES GSUNGS SO, ,'BRAS BU LA SKUR PA 'DEBS PAR LTA BA PA DGAG PA'I PHYIR, MA 'ONGS PA YOD DO ZHES GSUNGS SO, ,'DAS @117A *, ,PA BYUNG BAR GYUR TE, MA 'ONGS PA 'BYUNG BAR 'GYUR RO ZHES GSUNGS SO ZHES BRJOD PAR BYA BA LAS YOD DO ZHES GSUNGS SO ZHES SMOS PA NI YOD CES BYA BA'I SGRA TSIG GI PHRAD YIN PA'I PHYIR RO, ,TSIG GI PHRAD NI DUS GSUM PA'I YUL CAN YIN PAS BYUNG BAR GYUR TO; ,'BYUNG BAR 'GYUR RO ZHES BYA BA'I DON LA YANG YOD DO, ,DPER NA SMRA BA PO MAR ME ZHES BYA BA RGYAS PAR 'BYUNG BA NI, DPER NA SMRA BA PO MAR ME SNGA NA MED PA YOD DO, ,PHYIS MED PA YOD DO ZHES SMRA YANG RDZAS SU YOD PA MA YIN PA LTA BU DANG, YANG DPER NA SMRA BA PO MAR ME DE SHI BA NI YOD MOD KYI; KHO BOS NI MA BSAD DO ZHES ZER YANG YOD CES BYA BA'I SGRA SBYAR BAS SHI BA DE YOD PA NI MA YIN PA LTA BU'O, ,BYE BRAG TU SMRA BA LTAR NA 'GAGS PA YANG YOD PA MA YIN NAM ZHE NA, YOD PA BDEN MOD KYI DE NI MAR ME'I NGO BO NYID 'DZIN PA KHO NAR YOD PA NI MA YIN NO, ,DE BZHIN DU RDZAS SU YOD PA NYID MA YIN PA YANG 'DAS PA DANG MA 'ONGS PA YANG YOD DO ZHES GSUNGS KYI, DE LTA MA YIN NA 'DAS PA DANG MA 'ONGS PA MI 'GRUB PA KHO NAR 'GYUR TE, GAL TE MTSAN NYID DE KHO NA BZHIN DU YOD PAR GYUR NA 'DAS PA DANG MA 'ONGS PA NYID 'GRUB PAR MI 'GYUR RO ZHES BYA BA'I THA TSIG GO, ,GAL TE 'DAS PA SNGON BYUNG BA ZHIG YIN NA, 'O NA BCOM LDAN 'DAS KYIS KUN DU RGYU DBYUG THOGS THOR GTZUG CAN RNAMS LA ZHES BYA BA RGYA CHER SMOS TE, 'PHAGS PA'I GLENG GZHI YUL NA LAN DAR SANGS RGYAS KYIS GSUNGS PA'I MDO YANG DAG PAR LDAN PA'I LUNG LAS 'PHAGS PA MOOD GAL GYI BU BSAD DO ZHES GLENG BA DANG KUN DU RGYU DBYUG THOGS THOR GTZUG CAN RNAMS KYIS 'DI LTAR BSAD PA MED DO ZHES SMRAS PA YOD DO, ,DE'I PHYIR MDO LAS 'DI SKAD DU KUN DU RGYU DBYUG THOGS THOR GTZUG CAN MTSAMS MED PA BYED PA RNAMS LAS 'DAS PA DE NI MED DO ZHES DE SKAD DU SMRA'O ZHES BYA BA RGYAS PAR 'BYUNG NGO, ,CI KUN DU RGYU DBYUG THOGS THOR GTZUG CAN DE DAG MTSAMS MED PA'I LAS DE SNGON BYUNG BA NYID DU MI 'DOD PAR GYUR TAM, 'DI SKAD DU BSHAD PA YIN TE, DE DAG LAS DE SNGON BYUNG BA NYID DU NI 'DOD PAR GYUR MOD KYI 'ON KYANG DE DAG LAS 'DAS PA DE NI MED @117B DO ZHES LAS DE LA RDZAS SU MED PAR LOG PAR RTOG PA YIN NO, ,DE LTAR BCOM LDAN 'DAS KYIS NI NGO BO NYID GANG LA DE DAG LOG PAR RTOG PA'I LAS 'DAS PA DE NI YOD DO ZHES RGYAS PAR GSUNGS TE, DE LTA BAS NA 'DAS PA NI RANG GI NGO BO YOD DO ZHES ZHIB TU BSHAD PA YIN NO, ,MDO DE LAS NI 'DAS PA NI SNGON BYUNG BA'I LAS GANG YIN PA DE KHO NAR ZAD DO ZHES BYA BAR DGONGS NAS LAS DE YOD DO ZHES GSUNGS PA NI MA YIN NO, ,'O NA CI ZHE NA, RGYUD DE LA DES KUN DU DRANGS PA STE, SNGON BYUNG BA'I LAS KYIS KUN DU DRANGS SHING BZHAG PA 'BRAS BU SKYED PA'I MTHU YOD PA LAS DGONGS TE GSUNGS PA YIN NO, , DGONGS PA 'DIS GSUNGS SO ZHES BYA BAR CI MNGON ZHE NA, DE LTA MA YIN TE RANG GI NGO BO NYID KHO NAR YOD NA 'DAS PA 'GRUB PAR MI 'GYUR RO ZHES BYA BA SMOS TE, LAS DE RANG GI MTSAN NYID DU YOD CING DA LTAR BYUNG BA'I MTSAN NYID DU YOD NA, 'DAS PA ZHES BYA BA 'GRUB PAR MI 'GYUR GYI, DA LTAR BYUNG BA KHO NAR 'GRUB PAR 'GYUR RO SNYAM DU BSAMS PA YIN NO, ,RGYUD DE LA DES KUN DU DRANGS PA ZHES BYA BA RGYAS PAR DE SKAD DU BSHAD NA NI LAS 'DAS PA DE YOD DO ZHES BYA BAR 'GRUB PAR 'GYUR RO, ,DE NI GDON MI ZA BAR DE LTA BU YIN PAR SHES PAR BYA STE ZHES BYA BA NI JI LTAR 'DAS PA DANG MA 'ONGS PA RDZAS SU MED DO ZHES BYA BA DE LTA BUR RO, ,GAL TE DA LTAR GYI DUS SU ZHES BYA BA RGYAS PAR 'BYUNG BA NI DA LTAR GYI NGO BOR MA BYUNG BA LAS BYUNG BA ZHES BYA BA'I THA TSIG GO, ,MI RUNG STE DUS NI DNGOS PO LAS DON GZHAN MA YIN PA'I PHYIR RO ZHES BYA BA NI DE NI DE LTA MA YIN TE, DA LTAR BYUNG BA'I DUS NI MIG CES BYA BA'I DNGOS PO LAS DON GZHAN MA YIN PA'I PHYIR RO, ,RDZAS GZHAN MA YIN PA'I PHYIR RO ZHES BYA BA'I DON TE, DA LTAR GYI DUS GANG YIN PA DE NYID DNGOS PO YIN NA DE JI LTAR NA DA LTAR NA DA NYID RANG GI BDAG NYID DU MA BYUNG BA LAS 'BYUNG BAR 'GYUR TE 'DI LTAR, DE NYID DUS DANG GTAM GZHI DANG ZHES BSHAD DO, ,'ON TE MIG GI BDAG NYID DU MA BYUNG BA LAS 'BYUNG NGO ZHE NA NI MA 'ONGS PA'I MIG MED DO ZHES BYA BA 'DI GRUB PA YIN NO, ,DMIGS PA TZAM ZHIG YIN ZHES BYA BA LA, TZAM ZHES BYA BA'I SGRA NI SKYED PAR BYED PA NYID BZLOG PA'I PHYIR TE, CHOS @118A *, ,RNAMS DE'I RNAM PAR SKYE BA'I DMIGS PA NI YIN NO SNYAM DU BSAMS PA YIN NO, ,MA 'ONGS PA BSKAL PA STONG NA 'BYUNG BAR ZHES BYA BA NI MA 'ONGS BA NYE BA YANG SKYED PAR BYED PA YIN PAR MI RUNG NA DUS SHIN TU RING MO ZHIG NA 'BYUNG BAR 'GYUR BA GANG YIN PA LTA BU SMOS KYANG CI DGOS TE, 'BRAS BU NI DUS SNGA LA RGYU NI DUS PHYI BA YIN NO ZHES BYA BAR NI RUNG BA MA YIN NO, ,MYA NGAN LAS 'DAS PA YANG ZHES BYA BA NI MYA NGAN LAS 'DAS PA NI RNAM PAR SHES PA 'GAG PAR BYED KYI 'KHOR BA'I 'JUG PA DANG 'GAL BA'I PHYIR SKYED PAR BYED PA NI MA YIN NO SNYAM DU BSAMS PA YIN NO, , BYUNG BAR GYUR PA DANG 'BYUNG BAR 'GYUR RO ZHES BYA BA NI DA LTAR GYI GNAS SKABS SU GZUGS BYUNG BAR GYUR PA DANG 'BYUNG BAR 'GYUR PA DE LTAR DMIGS PA NI YIN NO ZHES BYA BA'I THA TSIG GO, ,JI LTAR NA DE LA DE LTAR DMIGS KYI YOD DO ZHES BYA BAR NI MA YIN NO ZHES BYA BAR SHES SHE NA, DE'I PHYIR 'DAS PA'I GZUGS SAM TSOR BA DRAN PA NA YOD DO ZHES BYA BAR NI SU YANG MI LTA'O, ,'O NA CI ZHE NA, GZUGS DE TSOR BA DANG MIG GI RNAM PAR SHES PAS MYONG BA'I STOBS KYIS JI LTAR MTHONG BA DANG, JI LTAR NYAMS SU MYONG BA BZHIN 'BYUNG BAR GYUR TO ZHES BYA BAR DRAN NO, ,SLOB DPON NYID KYIS KYANG JI LTAR ZHES BYA BA RGYAS PAR GTAN TSIGS SU BSDU BA BSHAD DE DA LTAR GYI GZUGS KHO NA BZHIN DU BYUNG BAR GYUR PA DANG, 'BYUNG BAR 'GYUR BA YANG 'DZIN TO SNYAM DU BSAMS PA YIN NO, ,GAL TE YANG DE DE BZHIN DU YOD DO ZHE NA NI ZHES BYA BA NI DA LTAR JI LTA BA BZHIN YIN NA NI DE DA LTAR DU 'GYUR RO, , 'ON TE DE KHO NA BZHIN DU MED DO ZHE NA NI MED PAR YANG DMIGS PA YIN NO ZHES BYA BAR 'GRUB PO, ,DA LTAR GYI GZUGS SU MED PA'I PHYIR DANG DE YANG DRAN PA'I PHYIR RO, ,MA YIN TE SIL BU LA MI 'DZIN PA'I PHYIR RO ZHES BYA BA NI SIL BU LA MI 'DZIN PA'I PHYIR DE NI RIGS PA MA YIN TE, GZUGS 'DI SNGON NI SIL BU MA YIN LA, DA NI SIL BU YIN NO ZHES BYA BA DE LTA BU DE LA MI 'DZIN PA'I PHYIR RO, ,GAL TE YANG GZUGS DE KHO NA YIN TE ZHES BYA BA RGYAS PAR 'BYUNG BA NI GAL TE YANG DA LTAR GYI GNAS SKABS KYI GZUGS GONG BUR GYUR PA DE 'DAS PA DANG MA 'ONGS PA'I GNAS SKABS NA RDUL PHRA @118B RAB TU GYES PA YIN TE, DE'I PHYIR DA LTAR BZHIN DU MI 'DZIN TO ZHE NA, DE LTA NA NI RDUL PHRA RAB RNAMS DE'I SON 'DUG PAS RTAG PAR 'GYUR TE, MA 'ONGS PA DANG DA LTAR BYUNG BA DANG 'DAS PA DAG KYANG DE DAG NYID DE DAG YIN NO, ,DE LTA YIN NA NI RDUL PHRA RAB RNAMS BSAGS PA DANG GYES PA TZAM KHO NAR 'GYUR GYI CUNG ZAD SKYE BA YANG MED LA 'GAG PA YANG MED PAS YA MTSAN CAN 'TSO BYED RNAMS KYIS RTZOD PA BSLANGS PA YIN NO, ,YANG DE LTAR 'DOD NA DGE SLONG DAG MIG NI SKYE BA NA YANG GANG NAS KYANG MI 'OD LA 'GAGS PA NA YANG GANG DU YANG BSAGS PAR MI 'GYUR RO, ,DGE SLONG DAG DE LTA BAS NA MIG NI MA BYUNG BA LAS 'BYUNG ZHING BYUNG NAS MED PAR 'GYUR BA YIN NO ZHES GSUNGS PA'I MDO YANG BOR BAR 'GYUR RO, ,YANG CI LTAR NA MDO 'DI BOR ZHING 'GAL BAR BYAS PA YIN ZHE NA, 'DI LTAR MIG RANG GI NGO BOR SKYE BA NA GANG NAS KYANG MI 'ONG LA ZHES GSUNGS PA'I BKA' 'DI LA YANG GNOD PA BYAS PA YIN LA, 'GAGS PA NA YANG GANG DU YANG BSAGS PAR MI 'GYUR RO ZHES GSUNGS PA'I BKA' 'DI LA YANG GNOD PA BYAS PA YIN TE, 'DAS PA'I DUS NA DE'I RDUL PHRA RAB RNAMS SIL BU'I BSAGS PA NYID DU KHAS BLANGS PA'I PHYIR RO, , RDUL PHRA RAB BSAGS PA MA YIN PA RNAMS KYANG ZHES BYA BA NI TSOR BA LA SOGS PA RDUL PHRA RAB KYI BDAG NYID MA YIN PA RNAMS KYANG JI LTAR NA SIL BU NYID YIN, BSAGS PA NYID DAM SIL BU NYID GCIG TU 'GYUR NA, LUS CAN RNAMS LA 'GYUR GYI LUS CAN MA YIN PA RNAMS LA NI MA YIN NO, ,DE DAG KYANG JI LTAR BYUNG ZHING NYAMS SU MYONG BA DRAN TE ZHES BYA BA NI DA LTAR GYI NGO BO DAG KHO NA DRAN NO, ,GAL TE YANG DE DAG DA LTAR GYI DAG JI LTA BA DE BZHIN DU YOD DO ZHE NA NI RTAG PAR 'GYUR RO, ,'ON TE DE'I NGO BOR MED DO ZHE NA NI MED PA YANG DMIGS PA YIN NO ZHES BYA BA GRUB PA YIN NO; ,SKYE MCHED BCU GSUM PA YANG DMIGS PA YIN PAR 'GYUR RO ZHES BYA BA NI SKYE MCHED BCU GSUM DU SKONG BA NI SKYE MCHED BCU GSUM PA'O, ,DE YANG RNAM PAR SHES PA'I DMIGS PAR 'GYUR TE, MED PAR DMIGS PA NYID DU 'DOD NA NI DE LA DMIGS PA'I RNAM PAR SHES PAR @119A *, ,YANG 'GYUR RO, ,BYE BRAG TU SMRA BAS DE SKAD DU SMRAS PA DANG, SLOB DPON GYIS 'O NA SKYE MCHED BCU GSUM PA ZHES BYA BA RGYAS PAR SMOS SO, ,BYE BRAG TU SMRA BAS MING DE NYID DMIGS PA YIN NO ZHES BYA BA SMRAS TE, SKYE MCHED BCU GSUM PA ZHES BYA BA'I MING GANG YIN PA DE DMIGS PA YIN NO, ,DE LTA NA NI 'ON[?] MING NYID MED DO ZHES BYA BAR RTOGS PAR 'GYUR GYI BRJOD PAR BYA BA SKYE MCHED BCU GSUM PA MED PA'I MTSAN NYID NI MA YIN NO, ,GZHAN YANG GANG ZHIG SGRA'I SNGA NA MED PA LA DMIGS PA DE'I DMIGS PA YANG CI ZHIG YIN ZHES BYA BA'I TSIG GI LHAG MA YIN NO, ,DE LTA BU'I GNAS SU BYE BRAG TU SMRA BAS SGRA KHO NA YIN NO ZHES BYA BA SMRAS TE, DMIGS PA ZHES BYA BAR SKABS DANG SBYAR RO, ,SLOB DPON GYIS DE LTA NA NI 'O NA[?] ZHES BYA BA RGYAS PAR SMOS TE GAL TE GANG ZHIG GANG SGRA'I SNGA NA MED PA LA DMIGS PA DES SGRA KHO NA LA DMIGS PA YIN GYI SNGA NA MED PA LA NI MA YIN NA GANG ZHIG SGRA MED PA DON DU GNYER BA DE LA SGRA DBYUNG DGOS PA KHO NAR 'GYUR RO ZHES BYA BA 'DIR YANG 'GYUR BA YIN NO, ,GAL TE MA 'ONGS PA'I GNAS SKABS YIN NO ZHE NA NI ZHES BYA BA NI JI STE DES SNGA NA MED PA NI 'DI GANG GI YIN PA MA 'ONGS PA'I GNAS SKABS DE LA DMIGS TE, DE LTA BAS NA GANG ZHIG SGRA SNGA NA MED PA DON DU GNYER BAR BYED PA DE LA SGRA DBYUNG DGOS PA KHO NAR MI 'GYUR RO SNYAM DU SEMS NA DE'I PHYIR YOD NA JI LTAR MED PA'I BLOR 'GYUR ZHES BYA BA SMOS TE, SNGA NA MED PA 'DI GANG GI YIN PA'I SGRA DE YOD NA JI LTAR GANG ZHIG SNGA NA MED PA LA DMIGS PA DE LA MED PA'I BLOR 'GYUR, GAL TE DA LTAR MED BA YIN NO ZHE NA ZHES BYA BA NI DE LA 'DI SNYAM DU DA LTAR MED DO SNYAM PA DE LTA BUR DE LA DMIGS PA MED PA'I BLO 'BYUNG NGO SNYAM DU SEMS NA, DE NI MA YIN TE GCIG PA'I PHYIR RO, ,MA 'ONGS PA GANG YIN PA DE NYID DA LTAR YIN GYI DE LAS GZHAN PA NI MA YIN PAS JI LTAR NA DA LTAR GYI DE KHO NA LA MED PA'I BLO 'BYUNG BAR 'GYUR, YANG NA DE'I BYE BRAG GANG YIN PA ZHES BYA BA NI YANG NA MA 'ONGS PA DE'I KHYAD PAR PHYIS DA LTAR GYI GNAS SKABS DAG NA 'BYUNG BA GANG YIN PA KHYAD PAR DE MED NA MED DO SNYAM PA'I BLO 'BYUNG BA YIN NA NI, DE MA BYUNG BA LAS @119B 'BYUNG BAR 'GRUB STE, KHYAD PAR DE SNGON MA BYUNG BA LAS PHYIS 'BYUNG BA DES 'GRUB CES BYA BA YIN NO, ,YOD PA DANG MED PA GNYI GA YIN NO ZHES BYA BA NI DA LTAR GYI GNAS SKABS NA NI YOD PA YIN LA 'DAS PA DANG MA 'ONGS PA'I GNAS SKABS DAG NA NI MED PA YIN PAS GNYI GA RNAM PAR SHES PA'I DMIGS PA YIN NO, ,GAL TE MED PA RNAM PAR SHES PA'I DMIGS PA YIN NA, 'O NA BYANG CHUB SEMS DPA' ZHES BYA BA RGYAS PAR SMOS TE, BYANG CHUB SEMS DPA'I SRID PA THA MA PAS 'DI SKAD DU 'JIG RTEN NA MED PA GANG YIN PA DE BDAG GIS SHES SO ZHES BYA BA DE NI MI SRID DO ZHES GSUNGS SO ZHES 'BYUNG BA'I PHYIR MED PA LA DMIGS PA'I RNAM PAR SHES PA MED DO ZHES BSTAN PA YIN NO, ,SLOB DPON GYIS MDO 'DI DGONGS PA GZHAN YIN PAR BSTAN PA'I PHYIR MNGON PA'I NGA RGYAL CAN GZHAN DAG CES BYA BA RGYAS PAR SMOS TE, MDO 'DI LA DGONGS PA NI TING NGE 'DZIN YONGS SU MA DAG PA NGA RGYAL CAN GZHAN DAG SBYOR PA'I GNAS SKABS NA SNANG BAS TE LHA'I MIG GI SNANG BA MED BZHIN DU YOD PAR LTA'I BDAG NI LHA'I MIG GI SNGA LTAS SNANG BA YOD PA KHO NA LA YOD DO ZHES BYA BAR LTA'O ZHES BYA BA 'DI YIN NO, ,'DI'I RTOG PAR YANG GA LA[?] 'GYUR ZHES BYA BA NI BLO THAMS CAD KYI YUL YOD PA NYID DU RNAM PAR GZHAG NA 'DI 'JIG RTEN NA MED PA GANG YIN PA DE ZHES RGYAS PAR GSUNGS PA GANG YIN PA DE LTA BUR BRTAG PA STE DPYOD PA DANG THE TSOM DU YANG GA LA 'GYUR BLO RNAMS KYI DMIGS PA YOD PA DANG, MED PA NYID GCIG YIN NA NI RTOG PA 'DI SRID KYI GZHAN DU NI MA YIN NO, ,YANG NA KHYAD PAR CI ZHIG YOD CES BYA BA NI GAL TE DE DAG KYANG YOD PA KHO NA LA YOD PAR MTHONG GI MED PA LA NI MA YIN LA GZHAN DAG LAS KYANG BYANG CHUB SEMS DPA' KHYAD PAR CI ZHIG YOD DE, BLO RNAMS KYI DMIGS PA YOD PA DANG MED PA NYID GCIG YIN NA NI 'DI KHYAD PAR YOD DO, ,DE NI GDON MI ZA BAR DE LTA BU YIN PAR SHES PAR BYA STE ZHES BYA BA NI BLO DAG MED PA LA DMIGS PA YIN PA ZHES BYA BAR RO, ,'DIR DPER BRJOD PA NI YOD PA LA YANG YOD PAR SHES LA MED PA LA YANG MED PAR SHES SO ZHES BYA BA 'DI YIN TE, DNGOS PO YOD PA LA YANG YOD @120A *, ,PA NYID DU SHES SO, ,KHYAD PAR DU 'GRO'O ZHES BYA BA NI BYE BRAG TU SHES PAR 'GYUR BA'O, ,MED PA LA YANG MED PA NYID DU SHES PAS BLO DAG MED PA LA DMIGS PA YIN NO ZHES BYA BAR GRUB BO, ,DE LTA BAS NA DE YANG GTAN TSIGS SU MI RUNG NGO ZHES BYA BA NI BYANG CHUB SEMS DPAS SMRAS PA ZHES SMRAS PA GANG YIN PA'O, ,DE SNGON DU 'GRO'O ZHES BYA BA NI LAS SNGON DU 'GRO BA'I SEMS KYI KHYAD PAR LAS SO, ,BDAG TU SMRA BA DGAG PA NAS ZHES BYA BA NI BSTAN BCOS KYI MJUG NAS GNAS MA'I BU'I GZHUNG LUGS DGAG PA NAS SO, ,'O NA NI SKYE BA MA BYUNG BA LAS 'BYUNG BA ZHES BYA BAR 'GRUB PA YIN NO ZHES BYA BA NI SKYE BA SNGON MED PA LAS DA 'BYUNG BAS SNGON MED PA LAS 'BYUNG BAR GRUB PA YIN NO, ,SKYE BA NI SKYE BA DANG LDAN PA DANG LHAN CIG TSUL 'DRA BA'I PHYIR YANG THAMS CAD YOD PA KHO NA YIN NA ZHES BYA BA SMOS TE, GAL TE RGYU DANG 'BRAS BU MA 'ONGS PA NA YOD PA 'BA' ZHIG TU MA ZAD KYI SKYE BA YANG YOD DO SNYAM DU BSAMS PA YIN NO, ,DE NI GANG LA GANG ZHIG NUS, ,ZHES BYA BA NI 'BRAS BU GANG LA RGYU GANG ZHIG NUS TE, RGYU DANG JI SKAD BSHAD PA'I SKYE BA DANG 'BRAS BU MA 'ONGS PA YANG YOD PAS SO, ,BYE BRAG TU SMRA BAS DA LTAR DU BYED PA NUS PA YIN NO ZHES SMRAS PA DANG SLOB DPON GYIS DA LTAR DU BYED PA ZHES BYA BA 'DI CI YIN ZHES BYA BA RGYAS PAR SMRAS TE, SKYE BA NI DA LTAR DU BYED PA MA YIN TE DE NI YOD PA'I PHYIR DE SKAD DU 'DRI BA YIN NO, ,GAL TE YUL GZHAN DU 'DREN PA YIN NO ZHE NA ZHES BYA BA NI GAL TE DA LTAR DU BYED BA RGYUS 'BRAS BU YUL GZHAN DU 'DREN PA YIN NO SNYAM DU SEMS NI 'DI LA RTAG PAR THAL BAR 'GYUR RO ZHES SMRAS TE, 'BRAS BU ZHES BYA BA TSIG LHAG MA YIN NO, ,YUL NAS YUL GZHAN DU 'DREN PA 'BA' ZHIG TU ZAD KYI SKYE BA NI CUNG ZAD KYANG MED PAS RTAG PAR THAL BAR 'GYUR RO, ,GZUGS CAN MA YIN PA TSOR BA LA SOGS PA LA YANG YUL GZHAN DU 'DREN PA JI LTA BU STE, LUS CAN MA YIN PA NYID KYI YUL NA MI GNAS PA'I PHYIR DE MI RUNG NGO SNYAM DU BSAMS PA YIN NO, ,DE 'DREN PA ZHES BYA BA GANG YIN PA DE YANG MA BYUNG BA LAS BYUNG BA YIN NO ZHES BYA BA NI MA BYUNG BA LAS BYUNG BAR 'GRUB PO SNYAM DU BSAMS PA YIN NO, ,GAL TE RANG GI NGO BO'I KHYAD @120B PAR ZHIG YIN NO ZHE NA ZHES BYA BA NI GAL TE RGYUS 'BRAS BU 'DI'I RANG GI NGO BO KHYAD PAR DU BYED DE DES NA 'BRAS BU'I KHYAD PAR YIN NO SNYAM DU SEMS NA 'DIR MA BYUNG BA LAS 'BYUNG BA GRUB PA YIN NO ZHES SMRAS TE KHYAD PAR MA BYUNG BA LAS 'BYUNG ZHING SKYE'O ZHES BYA BAR GRUB PA YIN NO, ,YUL NA DUS GSUM STE CI ZHE NA THAMS CAD YOD CES BYA BAR SKABS DANG SBYAR RO, ,JI LTAR YOD PA DE BZHIN DU BSHAD ZIN TO ZHES BYA BA NI SNGON BYUNG BA GANG YIN PA DE NI 'DAS PA YIN NO, ,RGYU YOD NA 'BYUNG BAR 'GYUR BA GANG YIN PA DE NI MA 'ONGS PA YIN NO, ,BYUNG NAS MA ZHIG PA GANG YIN PA DE NI DA LTAR YIN NO ZHES BYA BA STE, DE SKAD DU THAMS CAD YOD PAR SMRA BA NI BSTAN PA LA LEGS PA YIN NO, ,JI LTAR NA DES SAM DER LDAN PA YIN ZHE NA ZHES BYA BA NI JI LTAR NA 'DAS PA DANG MA 'ONGS PA'I NYON MONGS PA DES SAM, JI LTAR NA 'DAS PA DANG MA 'ONGS PA'I DNGOS PO DER LDAN PA YIN ZHES BYA BA YIN NO, ,DE LAS SKYES PA DE'I RGYU'I PHRA RGYAS YOD PA'I PHYIR NYON MONGS PA DES LDAN LA ZHES BYA BA NI 'DAS PA DE LAS SKYES PA NI, DE LAS SKYES PA'O, ,MA 'ONGS PA DE'I RGYU NI DE'I RGYU'O, ,DE NI DE LAS SKYES PA YANG YIN LA DE'I RGYU YANG YIN PAS DE LAS SKYES PA DE'I RGYU'O, ,PHRA RGYAS NI SA BON NO, ,DE LAS SKYES PA DE'I RGYU'I PHRA RGYAS YOD PA'I PHYIR GO RIMS BZHIN DU 'DAS PA DANG MA 'ONGS PA'I NYON MONGS PA DES LDAN NO, ,'DI LAS 'DAS PA DANG MA 'ONGS PA'I DNGOS PO DE LA DMIGS PA YOD PAS NA DE LA DMIGS PA'I NYON MONGS PA'O, ,DE'I PHRA RGYAS TE, DE YOD PAS GO RIMS BZHIN DU 'DAS PA DANG MA 'ONGS PA'I DNGOS PO DANG LDAN PA YIN NO, ,CHOS NYID CES BYA BA NI CHOS RNAMS KYI NGO BO NYID DO, ,'DAS PA LA SOGS PA'I DUS RNAMS RNAM PAR GZHAG PA LA DE DAG GI THA SNYAD BYE BRAG TU SHES PAR BYA BA'I PHYIR RNAM GRANGS KYANG YOD CES BYA BA LA SOGS PA SMOS TE, GO RIMS KYI TSAD YOD DO, ,GANG SKYES BA DE 'GAGS ZHES SMRAS NAS DPE BSTAN PA'I PHYIR GZUGS SKYE LA GZUGS 'GAG GO ZHES BYA BA SMOS TE, RDZAS GZHAN NI MA YIN PA'I PHYIR RO, ,GZHAN SKYE LA GZHAN 'GAG STE SKYE BA LA MNGON DU PHYOGS PA'I PHYIR GZHAN MA 'ONGS PA SKYE LA 'GAG PA LA MNGON DU PHYOGS PA'I PHYIR @121A *, ,GZHAN DA LTAR GYI 'GAG GO, ,DUS KYANG SKYE STE, CHOS SKYE BA DUS KYIS BSDUS PA'I PHYIR RO, ,DUS KYI NGO BO NYID YIN PA'I PHYIR RO ZHES BYA BA'I THA TSIG STE, DE DAG NYID DUS GTAN GZHI DANG, ,ZHES MTSAN NYID 'BYUNG BA'I PHYIR RO, ,DUS LAS KYANG CHOS SKYE'O, ,CI'I PHYIR ZHE NA; MA 'ONGS PA'I DUS SKAD CIG MA DU MA YIN PA'I PHYIR RO ZHES BYA BA SMOS TE, GANG GI PHYIR MA 'ONGS PA'I SKAD CIG MA'I TSOGS KYI DU MA ZHIG LAS SKAD CIG MA 'GA' ZHIG SKYE BA DE'I PHYIR DUS LAS KYANG SKYE'O ZHES BYA'O, ,ZHAR LA 'ONGS PA ZHES BYA BA NI 'DAS PA DANG MA 'ONGS PA DPYAD PA NI, LHAG MA KUN GYIS KUN DANG LDAN, ,ZHES BYA BA'I ZHAR LA 'ONGS PA YIN NO, ,KUN 'GRO LHAG MA RNAMS KYIS LDAN, ,ZHES BYA BA NI KUN 'BYUNG BA MTHONG BAS SPANG BAR BYA BA'I KUN DU 'GRO BA RNAMS KYIS SO, ,DE YI YUL CAN DRI MA LHAG RNAMS KYIS, ,ZHES BYA BA NI, SPANGS PA'I RNAM PA'I YUL CAN GYI PHRA RGYAS RNAMS KYIS ZHES BYA BA'I THA TSIG STE, DPER NA CHEN PO'I CHEN PO'I RNAM PA SPANGS KYANG CHEN PO'I 'BRING PO LA SOGS PA PHRA RGYAS LHAG MA MA SPANGS PA RNAMS KYIS LDAN PA YIN NO, ,'DI LTAR 'DI CHEN PO'I CHEN PO'I RNAM PA SPANGS PAS BRAL BA YIN YANG LHAG MA DE DAG GIS LDAN PA KHO NA YIN NO, ,BSDUS TE RNAM PAR 'CHAD PAR BYED DE ZHES BYA BA NI MDOR BSDUS NAS RNAM PAR 'CHAD PAR BYED DO, ,SU DAG GCIG CE NA BYE BRAG TU SMRA BA RNAMS SO, ,BCU DRUG PO ZHES BYA BA NI 'DOD PA NA SPYOD PA RNAM PA LNGA STE, SDUG BSNGAL DANG KUN 'BYUNG BA DANG, 'GOG PA DANG, LAM MTHONG BAS SPANG BAR BYA BA BZHI DANG, LNGA PA BSGOM PAS SPANG BAR BYA BA DANG, DE BZHIN DU GZUGS MED PA NA SPYOD PA'I BAR DU RNAM PA LNGA STE, BCO LNGA DANG BCU DRUG PA ZAG PA MED PA STE, CHOS NI BCU DRUG GO, ,CHOS 'DI DAG KYANG GANG DAG MTHONG BAS SPANG BAR BYA BA DE DAG NI PHUNG PO BZHI'I NGO BO NYID YIN NO, ,GANG DAG BSGOM PAS SPANG BAR BYA BA DE DAG NI PHUNG PO LNGA'I NGO BO NYID YIN NO, ,JI LTA ZHE NA MTHONG BAS SPANG BAR BYA BA'I PHRA RGYAS DE DAG DANG MTSUNGS BAR LDAN PA'I TSOR BA GANG YIN PA DE NI TSOR BA'I PHUNG PO YIN NO, ,'DU SHES GANG YIN PA DE NI 'DU SHES KYI PHUNG PO YIN NO, , @121B PHRA RGYAS GANG DAG YIN PA DANG DE DAG DANG MTSUNGS PAR LDAN PA SEMS LAS BYUNG BA SEMS PA LA SOGS PA GANG DAG YIN PA DANG, TSOR BA LA SOGS PA DE DAG THAMS CAD KYI LDAN PA MA YIN PA THOB PA DANG SKYE BA DANG RGA BA DANG GNAS PA DANG MI RTAG PA NYID GANG DAG YIN PA DE NI 'DU BYED KYI PHUNG PO YIN NO, ,DE DAG DANG MTSUNGS PAR LDAN PA YID KYI RNAM PAR SHES PA GANG YIN PA DE NI RNAM PAR SHES PA'I PHUNG PO YIN TE, DE LTAR NA MTHONG BAS SPANG BAR BYA BA NI PHUNG PO BZHI'I NGO BO NYID YIN NO, ,BSGOM PAS SPANG BAR BYA BA NI DE LAS GZHAN PA'I ZAG PA DANG BCAS PA'I CHOS RNAMS YIN NO, ,JI LTAR ZHE NA PHYI DANG NANG GI GZUGS ZAG PA DANG BCAS PA THAMS CAD NI GZUGS KYI PHUNG PO YIN NO, ,ZAG PA MED PA DANG MTHONG BAS SPANG BAR BYA BA MA GTOGS PA'I TSOR BA DANG 'DU SHES DANG 'DU BYED DANG RNAM PAR SHES PA DAG NI PHUNG PO BZHI STE, DE LTAR NA BSGOM PAS SPANG BAR BYA BA NI PHUNG PO LNGA'I NGO BO NYID YIN PAR SHES PAR BYA'O, ,SEMS KYANG BCU DRUG STE DE DAG NYID DO ZHES BYA BA NI 'DOD PA NA SPYOD PA'I SEMS SDUG BSNGAL MTHONG BAS SPANG BAR BYA BA NAS BSGOM PAS SPANG BAR BYA BA ZHES BYA BA'I BAR LNGA DANG, DE BZHIN DU GZUGS NA SPYOD PA DANG GZUGS MED PA NA SPYOD PA LNGA LNGA DANG ZAG PA MED PA'I SEMS TE SEMS BCU DRUG GO, ,DE DAG NI CHOS BCU DRUG LA DMIGS PA YIN PAR BRJOD DO, ,'DI LA NI PHRA RGYAS 'DI SNYED CIG CES BYA BA NI CHOS 'DI LA NI PHRA RGYAS SEMS DE DANG MTSUNGS PAR LDAN PA GANG DAG YIN PA 'DI SNYED CIG DMIGS PA'AM MTSUNGS PAR LDAN PA'I SGO NAS RGYAS PAR 'GYUR RO ZHES BYA BA 'DI NI BRTAG PAR BYA'O, ,SDUG BSNGAL RGYU MTHONG GOMS PA YIS, ,SPANG BYA 'DOD KHAMS LAS SKYES PA, ,ZHES BYA BA NI SDUG BSNGAL DANG KUN 'BYUNG BA MTHONG BA DANG, BSGOM PAS SPANG BAR BYA BA 'DOD PA NA SPYOD PA DAG CES BYA BA'I THA TSIG GO, ,DE NI TSIG RNAM PAR SBYAR BA'I RNAM PA YIN NO ZHES BYA BA NI RANG GI GSUM DANG GZUGS SU GTOGS PA GCIG DANG DRI MA MED PA NI, RANG GI GSUM DANG GZUGS GTOGS GCIG ,DRI MED CES BYA BA YIN NO, ,DE DAG NI RANG GI GSUM @122A *, ,DANG GZUGS SU GTOGS PA GCIG DANG DRI MA MED PA YANG YIN LA RNAM PAR SHES PA YANG YIN PAS, RANG GI GSUM DANG GZUGS GTOGS GCIG ,DRI MED RNAM SHES ZHES BYA BAS TE, DE DAG GI SPYOD YUL LO, ,RE ZHIG SDUG BSNGAL DANG KUN 'BYUNG ZHES BYA BA RGYAS PAR 'BYUNG BA NI 'DOD PA NA SPYOD PA'I SDUG BSNGAL DANG, KUN 'BYUNG BA MTHONG BAS SPANG BAR BYA BA'I PHRA RGYAS GO RIMS BZHIN DU BCU DANG BDUN DANG DE DAG DANG LHAN CIG 'BYUNG BA DANG, DE RNAMS KYIS THOB PA RJES SU 'BRANG BA DANG BCAS PA DAG DANG BSGOM PAS SPANG BAR BYA BA'I PHRA RGYAS BZHI DANG DE DAG DANG LHAN CIG 'BYUNG BA DANG DE RNAMS KYIS THOB PA RJES SU 'BRANG BA DANG BCAS PA DAG DANG, ZAG PA DANG BCAS PA'I GZUGS THAMS CAD DANG, NYON MONGS PA CAN MA YIN PA'I CHOS GZHAN DAG STE, CHOS 'DI DAG NI SEMS LNGA'I DMIGS PA YIN NO, ,GANG DAG GI YIN ZHE NA, RANG GI KHAMS PA GSUM STE, DE DAG NYID CES BYA BA SMOS TE, 'DOD PA NA SPYOD PA SDUG BSNGAL DANG, KUN 'BYUNG BA MTHONG BA DANG, BSGOM PAS SPANG BAR BYA BA RNAMS KYI'O, ,JI LTA ZHE NA RE ZHIG SDUG BSNGAL MTHONG BAS SPANG BAR BYA BA NI, SDUG BSNGAL MTHONG BAS SPANG BAR BYA BA KUN DU 'GRO BA DANG KUN DU 'GRO BA MA YIN PA NGANG[?] MTSUNGS PAR LDAN PA DANG KUN 'BYUNG BA MTHONG BAS SPANG BAR BYA BA KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA DGE BA DANG 'DOD PA'I KHAMS SU SKYES PA 'JIG RTEN PA'I LAM GYI 'DOD PA NA SPYOD PA'I CHOS LA DMIGS PA'I GNAS SKABS SAM, GZUGS KYI KHAMS SU SKYES PA 'DOD PA'I KHAMS LA LTA BA'I GNAS SKABS NA GZUGS NA SPYOD PA BSGOM PAS SPANG BAR BYA BA GCIG KHO NA DANG, ZAG PA MED PA CHOS SHES PA'I PHYOGS DANG MTHUN PA STE, SEMS LNGA'I DMIGS PA YIN NO, , 'DOD PA NA SPYOD PA'I 'GOG PA DANG LAM MTHONG BAS SPANG BAR BYA BA'I SEMS DAG GIS DMIGS PA NI MA YIN TE, ZAG PA MED PA LA DMIGS PA'I SEMS DAG NI 'GOG PA DANG LAM DAG LA DMIGS PA'I PHYIR ZAG BA DANG BCAS PA LA DMIGS PA DAG KYANG 'GOG PA DANG LAM MTHONG @122B BAS SPANG BAR BYA BA TZAM LA DMIGS PA'I PHYIR RO, ,SA GONG MA'I NYON MONGS BA CAN RNAMS KYI YANG MA YIN TE, SA 'OG MA LA DMIGS PA MA YIN PA'I PHYIR RO, ,GZUGS MED PA NA SPYOD PA NI DGE BA'I YANG MA YIN TE, RING BA NYID BA ZHIS RING BA'I PHYIR RO, ,DE BZHIN DU KUN 'BYUNG BA MTHONG BAS SPANG BAR BYA BA YANG KUN 'BYUNG BA MTHONG BAS SPANG BAR BYA BA RNAM PA GNYIS DANG, SDUG BSNGAL MTHONG BAS SPANG BAR BYA BA KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA DGE BA DANG, GZUGS NA SPYOD PA BSGOM PAS SPANG BAR BYA BA GCIG KHO NA DANG ZAG PA MED PA STE, LNGA KHO NA'I DMIGS PA YIN NO, ,'DIR YANG BSHAD PA NI SNGA MA BZHIN DU BYA'O, ,BSGOM PAS SPANG BAR BYA BA DAG KYANG SDUG BSNGAL DANG, KUN 'BYUNG BA MTHONG BAS SPANG BAR BYA BA'I SEMS KUN DU 'GRO BA DANG MTSUNGS PAR LDAN PA DAG DANG, BSGOM PAS SPANG BAR BYA BA CI RIGS PAR DGE BA DANG MI DGE BA DANG LUNG DU MA BSTAN PA DANG, GZUGS NA SPYOD PA BSGOM PAS SPANG BAR BYA BA GCIG KHO NA DANG, ZAG PA MED PA DANG LNGA KHO NA'I DMIGS PA KHO NA YIN TE, SNGA MA BZHIN DU BRJOD PAR BYA'O, ,GZUGS KHAMS LAS SKYES RANG GI DANG, , 'OG GSUM GONG GCIG DRI MED KYI, ,ZHES BYA BA NI, RANG GI GSUM DANG 'OG MA'I GSUM NI RANG GI DANG 'OG GSUM STE, RANG GI DANG 'OG MA GSUM DANG GONG MA GCIG DANG, DRI MA MED PA ZHES TSIG RNAM PAR SBYAR RO, ,CHOS RNAM PA GSUM PO DE DAG NYID GZUGS NA SPYOD PA ZHES BYA BA NI SDUG BSNGAL DANG, KUN 'BYUNG BA MTHONG BA DANG BSGOM PAS SPANG BAR BYA BA STE, DE DAG GI SKABS YIN PA'I PHYIR RO, ,DE DAG NI SEMS BRGYAD KYI DMIGS PA YIN TE RANG GI KHAMS PA GSUM STE, DE DAG NYID DANG ZHES BYA BA NI SDUG BSNGAL DANG KUN 'BYUNG BA MTHONG BA DANG, BSGOM PAS SPANG BAR BYA BA STE, SNGA MA BZHIN DU BSHAD PAR BYA'O, ,KHAMS 'OG MA PA GSUM STE, DE DAG NYID DANG ZHES BYA BA NI SDUG BSNGAL DANG KUN 'BYUNG BA MTHONG BAS SPANG BAR BYA BA'I SEMS SKAL PA MI MNYAM PA'I KHAMS KUN TU 'GRO BA DANG MTSUNGS PAR LDAN PA DAG DANG, @123A *, ,BSGOM PAS SPANG BAR BYA BA THOS PA LAS BYUNG BA'AM BSAMS PA LAS BYUNG BA DANG, GZUGS MED PA'I GCIG STE, BSGOM PAS SPANG BAR BYA BA NAM MKHA' MTHA' YAS SKYE MCHED KYI NYER BSDOGS KYIS BSDUS PA'I KHO NA DANG, ZAG PA MED PA RJES SU SHES PA'I PHYOGS DANG MTHUN PA'I DMIGS PA YIN NO, ,GZUGS MED LAS SKYES KHAMS GSUM GTOGS, ,GSUM DANG ZAG MED SPYOD YUL LO, ,ZHES BYA BA NI KHAMS GSUM DU GTOGS PA GSUM GSUM DANG, ZAG PA MED PA'I SPYOD YUL YIN TE, DE DAG NYID CES BYA BA NI SDUG BSNGAL DANG, KUN 'BYUNG BA MTHONG BA DANG BSGOM PAS SPANG BAR BYA BA DE DAG KHO NA'I DBANG DU BYAS PA YIN NO, ,RNAM PA GSUM GSUM STE DE DAG NYID DANG ZHES BYA BA NI 'DOD PA DANG GZUGS NA SPYOD PA SDUG BSNGAL DANG KUN 'BYUNG BA MTHONG BAS SPANG BAR BYA BA SKAL BA MI MNYAM PA'I KHAMS SU KUN DU 'GRO BA DANG MTSUNGS PAR LDAN PA BZHI DANG, BSGOM PAS SPANG BAR BYA BA CI RIGS PAR GNYIS DANG, RANG GI KHAMS PA GSUM STE, GSUM GANG ZHE NA, CI RIGS PAR KUN DU 'GRO BA DANG, KUN DU 'GRO BA MA YIN PA DANG MTSUNGS PAR LDAN PA GNYIS DANG, BSGOM PAS SPANG BAR BYA BA DANG ZAG PA MED PA STE, SEMS BCU'I DMIGS PA YIN NO, ,'GOG DANG LAM MTHONG SPANG BYA KUN, ,RANG GIS KLAGS PA'I SPYOD YUL LO, ,ZHES BYA BA LA KUN ZHES BYA BA SMOS PA NI KHAMS GSUM PA NYE BAR BSDU BA'I PHYIR RO, ,RANG GIS KLA GAS PA'I SPYOD YUL YIN NO ZHES 'BYUNG BAS SHUGS KYIS NA SNGAR BSHAD PA RNAMS KYI SPYOD YUL YANG YIN NO ZHES BSHAD PA YIN NO, ,RNAM PA GCIG TU NA RANG GIS BSNAN PA NI, RANG GIS KLAGS PA STE, RANG GIS KLAGS PA RNAMS KYI SPYOD YUL NI RANG GIS KLAGS PA'I SPYOD YUL LO ZHES BYA'O, ,DES KLAGS PA'I ZHES BYA BA NI 'DOD CHAGS LA SOGS PA DANG MTSUNGS PAR LDAN PA'I YIN GYI LOG PAR LTA BA LA SOGS PA DANG MTSUNGS PAR LDAN PA NI MA YIN TE, DE NI RTAG TU 'GOG PA DANG LAM LA DMIGS PA'I PHYIR RO, ,SNGAR BSHAD PA LNGA ZHES BYA BA NI 'DOD PA NA SPYOD PA GSUM PO RIS GNYIS KYIS KUN DU 'GRO BA DANG MTSUNGS @123B PAR LDAN PA DANG, BSGOM PAS SPANG BAR BYA BA RNAMS DANG, GZUGS NA SPYOD PA BSGOM PAS SPANG BAR BYA BA DANG, ZAG PA MED PA ZHES BYA BA'O, ,LAM MTHONG BAS SPANG BAR BYA BA RNAMS KYANG DE DANG 'DRA STE ZHES BYA BA LA CI ZHIG DE DANG 'DRA ZHE NA SEMS DRUG GI DMIGS PA YIN ZHES BYA BA'O, , SEMS DGU DANG BCU GCIG GI DMIGS PA YIN NO ZHES BYA BA NI GZUGS NA SPYOD PA 'GOG PA DANG LAM MTHONG BAS SPANG BAR BYA BA'I CHOS DAG NI SEMS DGU'I DMIGS PA YIN NO, ,GZUGS MED PA NA SPYOD PA DAG NI BCU GCIG GI DMIGS PA YIN NO, ,JI LTAR ZHE NA GZUGS NA SPYOD PA 'GOG PA DANG LAM MTHONG BAS SPANG BAR BYA BA DAG NI 'DOD PA'I KHAMS NA SPYOD PA GSUM PO SKAL PA MI MNYAM PA'I KHAMS KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA RNAMS DANG, RANG GI KHAMS PA GSUM STE, RIGS GNYIS KYIS KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA RNAMS DANG, GZUGS MED PA NA SPYOD PA BSGOM PAS SPANG BAR BYA BA NAM MKHA' MTHA' YAS SKYE MCHED KYIS BSDUS PA DANG, ZAG PA MED PA RJES SU SHES PA'I PHYOGS DANG MTHUN PA DANG 'GOG PA MTHONG BAS SPANG BAR BYA BA'AM, LAM MTHONG BAS SPANG BAR BYA BA'I SEMS KLAGS PA DE NYID DE SO SOR SEMS DGU'I DMIGS PA YIN NO, ,GZUGS MED PA NA SPYOD PA NI 'GOG PA DANG LAM MTHONG BAS SPANG BAR BYA BA'I CHOS DAG KYANG SO SOR SEMS BCU GCIG GI DMIGS PA YIN TE, 'DOD PA DANG GZUGS NA SPYOD PA DRUG STE, SKAL PA MI MNYAM PA'I KHAMS SU KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA RNAMS DANG, RANG GI KHAMS PA GSUM STE, KUN DU 'GRO BA DANG MTSUNGS PAR LDAN PA DANG, BSGOM PAS SPANG BAR BYA BA RNAMS DANG, SO SOR 'GOG PA DANG, LAM MTHONG BAS SPANG BAR BYA BAS RANG GIS KLAGS PA DANG, ZAG PA MED PA RJES SU SHES PA'I PHYOGS DANG MTHUN PA STE, DE LTAR NA BCU GCIG GI DMIGS PA YIN NO, ,ZAG MED KHAMS GSUM MTHAR GSUM DANG, ,ZAG PA MED PA'I SPYOD YUL LO, ,ZHES BYA BA LA ZAG PA MED PA 'GOG @124A *, ,PA LA SOGS PA NI CI RIGS PAR KHAMS GSUM PA DAG NA THA MA GSUM PO 'GOG PA DANG LAM MTHONG BA DANG, BSGOM PAS SPANG BAR BYA BA'I MTSAN NYID GANG DAG YIN PA DE DAG DANG, ZAG PA MED PA'I SPYOD YUL YIN NO, ,JI LTA ZHE NA SO SOR BRTAGS PAS 'GOG PA DANG 'PHAGS PA'I LAM DAG NI DE DAG LA DMIGS PA'I LOG PAR LTA BA DANG, THE TSOM DANG MA RIG PA DANG MTSUNGS PAR LDAN PA RNAMS DANG, BSGOM PAS SPANG BAR BYA BA DGE BA RNAMS DANG, ZAG PA MED PAR CI RIGS PAR CHOS SHES PA DANG RJES SU SHES PA'I PHYOGS DANG MTHUN PA'I DMIGS PA YIN NO, ,NAM MKHA' DANG SO SOR BRTAGS PA MA YIN PAS 'GOG PA DAG NI BSGOM PAS SPANG BAR BYA BA'I SEMS NYON MONGS PA CAN MA YIN PA KHO NA'I DMIGS PA YIN NO ZHES BYA BAR RIG PAR BYA'O, ,SLOB DPON YON TAN BLO GROS DANG DBYIG GNYEN DAG NA RE NAM MKHA' DANG SO SOR BRTAGS PA MA YIN PAS 'GOG PA DAG BSGOM PAS SPANG BAR BYA BA NYON MONGS PA CAN DANG NYON MONGS PA CAN MA YIN PA'I DMIGS PA YIN NO ZHES ZER RO, ,DE NI RIGS PA MA YIN TE, 'GOG DANG LAM MTHONG SPANG BYA BA, ,LOG LTA THE TSOM DE DAG DANG, ,LDAN DANG 'BA' ZHIG MA RIG DANG, ,DRUG NI ZAG MED SPYOD YUL CAN, ,ZHES BYA BAR NGES PA'I PHYIR RO, ,DE BAS NA BSGOM PAS SPANG BAR BYA BA NYON MONGS PA CAN GYI DMIGS PA YIN NO ZHES BYA BA NI GRUB PA'I MTHA' MA YIN NO, ,RNAM SHES LNGA BRGYAD BCU DANG NI, ,RNAM SHES BCU'I[?] SPYOD YUL TE, , ZHES BYA BA NI SDUG BSNGAL DANG, KUN 'BYUNG BA MTHONG BA DANG BSGOM PAS SPANG BAR BYA BA 'DOD PA NA SPYOD PA DAG NI LNGA'I SPYOD YUL YIN NO, ,GZUGS NA SPYOD PA DAG NI BRGYAD KYI YIN NO, ,GZUGS MED PA NA SPYOD PA DAG NI BCU'I YIN NO, ,DRI MA MED PA DAG KYANG BCU KHO NA'I YIN NO ZHES GONG DU BSHAD PA'I RJES SU 'BRANG STE SBYAR BAR BYA'O, ,'DOD PA NA SPYOD PAS BSGOM PAS SPANG BA ZHES BYA BA NI RNAM PAR SHES PA'I TSOGS LNGA'I BDE BA'I DBANG PO'O, ,GZUGS NA SPYOD PA RNAM PA LNGA DANG ZHES BYA BA NI BSAM GTAN DANG PO'I SA PA RNAM PAR SHES PA'I TSOGS GSUM DANG, BSAM @124B GTAN GSUM PA'I SA PA YID KYI SA PA YIN TE, MDOR BSDUS NAS CI RIGS PAR SDUG BSNGAL MTHONG BAS SPANG BAR BYA BA NAS BSGOM PAS SPANG BAR BYA BA'I BAR RNAM PA LNGA'O, ,ZAG PA MED PA NI BSAM GTAN GSUM PA'I SA PA KHO NA'O, ,'DOD PA NA SPYOD PA RNAM PA BZHI DANG ZHES BYA BA NI SDUG BSNGAL DANG, KUN 'BYUNG BA DANG LAM MTHONG BA DANG, BSGOM PAS SPANG BAR BYA BA'O, ,BDE BA'I DBANG PO NI SDUG BSNGAL DANG KUN 'BYUNG BA MTHONG BAS SPANG BAR BYA BA DAG GI DMIGS PA YIN TE, 'DI LTAR RANG GI SA PA 'AM, SA GONG MA PA'I BDE BA'I DBANG PO NI 'JIG TSOGS DANG LOG PAR LTA BA LA SOGS PA'I DMIGS PA YIN NO, ,LAM GYIS BSDUS PA'I BDE BA'I DBANG PO NI LAM MTHONG BAS SPANG BAR BYA BA LOG PAR LTA BA LA SOGS PA DANG LDAN PA'I DMIGS PA YIN NO, ,RNAM PAR SHES PA'I TSOGS LNGA BA'I BDE BA'I DBANG PO DE NI BSGOM PAS SPANG BAR BYA BA 'DOD CHAGS LA SOGS PA DANG MTSUNGS PAR LDAN PA'I DMIGS PA YIN TE, DE LTAR NA DE NI RNAM PA BZHI'I DMIGS PA YIN NO, ,'GOG PA MTHONG BAS SPANG BAR BYA BA'I SEMS KYI DMIGS PA NI MA YIN TE, DE LA LOG PAR LTA BA LA SOGS PA NI 'GOG PA LA DMIGS PA'I PHYIR RO; ,LTA BA MCHOG TU 'DZIN PA LA SOGS PA YANG RANG GI RIGS LA DMIGS PA'I PHYIR DE LA YANG BDE BA'I DBANG PO MED PA'I PHYIR RO, ,GZUGS NA SPYOD PA RNAM PA LNGA DANG ZHES BYA BA NI 'DI LTAR BSAM GTAN GSUM PAS BSDUS PA'I BDE BA'I DBANG PO RNAM PA LNGA YIN NO, ,LAM MTHONG BA DANG BSGOM PAS SPANG BAR BYA BA DANG ZHES BYA BA NI LAM GYIS BSDUS PA'I BDE BA'I DBANG PO NI GZUGS MED PA NA SPYOD PA'I SEMS LAM MTHONG BAS SPANG BAR BYA BA LOG PAR LTA BA LA SOGS PA DANG MTSUNGS PAR LDAN PA'I DMIGS PA YIN NO, ,DE NYID BSGOM PAS SPANG BAR BYA BA'I SEMS DGE BA'I DMIGS PA YANG YIN NO, ,THAMS CAD KYANG ZAG PA MED PA'I DMIGS PA YIN PAR[?] NI SRID DO, ,DE LA CI RIGS PAR ZHES BYA BA NI GANG GI PHYIR ZAG PA MED PA LA PHRA RGYAS DAG RGYAS PAR MI 'GYUR BA DANG, GANG GI PHYIR KHA CIG KHO NA LA KHA CIG RGYAS PAR 'GYUR BA DE'I @125A *, ,PHYIR CI RIGS PA ZHES BRJOD DO, ,DE LA ZHES BYA BA NI RNAM PAR SHES PA LA'O, ,PHRA RGYAS 'DOD PA NA SPYOD PA NA RIGS BZHI DANG ZHES BYA BA NI 'DI LTA STE BDE BA'I DBANG PO LA DMIGS PA, LOG PAR LTA BA DANG MTSUNGS PAR LDAN PA LA NI SDUG BSNGAL MTHONG BAS SPANG BAR BYA BA'I PHRA RGYAS BCU CHAR YANG CI RIGS PAR DMIGS PA'AM, MTSUNGS PAR LDAN PA'I SGO NAS RGYAS PAR 'GYUR TE, KUN 'BYUNG MTHONG BAS SPANG BAR BYA BA DAG KYANG DE DANG 'DRA'O, ,LAM MTHONG BAS SPANG BAR BYA BA DAG KYANG BDE BA'I DBANG PO LA DMIGS PA'I RNAM PAR SHES PA DE LA RGYAS PAR 'GYUR TE, LAM GYI BDE BA'I DNGOS PO LA DMIGS PA'I RNAM PAR SHES PA LA LOG PAR LTA BA LA SOGS PA DANG MTSUNGS BAR LDAN PA LA, LOG PAR LTA BA LA SOGS PA NI MTSUNGS PAR LDAN PA'I SGO NAS RGYAS PAR 'GYUR RO, ,LTA BA MCHOG TU 'DZIN PA LA SOGS PA YANG DMIGS PA'I SGO NAS RGYAS PAR 'GYUR TE, DE LTA BAS NA RIGS DE YANG DE LA RGYAS PAR 'GYUR RO, ,BSGOM PAS SPANG BAR BYA BA'I RIGS KYANG DE LA RGYAS PAR 'GYUR TE, 'DOD CHAGS LA SOGS PA NI BDE BA'I DBANG PO LAS DMIGS PA'I RNAM PAR SHES PA LA DMIGS PA DANG MTSUNGS PAR LDAN PA'I PHYIR RO, ,'GOG PA MTHONG BAS SPANG BAR BYA BA'I RIGS NI DE LA RGYAS PAR MI 'GYUR TE, BDE BA'I DBANG PO LA DMIGS PA'I RNAM PAR SHES PA MED PA'I PHYIR RO, ,GZUGS NA SPYOD PA 'DUS BYAS LA DMIGS PA RNAMS DANG ZHES BYA BA NI GZUGS NA SPYOD PA'I BDE BA'I DBANG PO LA DMIGS PA NI RNAM PA LNGA YOD DO, ,DE LA RIGS BZHI RGYAS PAR 'GYUR BA DE NI GO SLA'O,, ,,BAM PO BZHI BCU RTZA GNYIS PA, 'GOG PA MTHONG BAS SPANG BAR BYA BA 'DUS BYAS LA DMIGS PA RNAMS JI LTAR RGYAS PAR 'GYUR ZHE NA, BSAM GTAN GSUM PA NA LTA BA MCHOG TU 'DZIN PA LA SOGS PA BDE BA'I DBANG PO DANG MTSUNGS PAR LDAN LA DE RNAMS KYANG PA NA TSUN DMIGS PA YIN TE, DE DAG NI BDE BA'I DBANG PO LA DMIGS PA'I RNAM PAR SHES PA LA MTSUNGS PAR LDAN PA'AM, DMIGS PA'I SGO NAS RGYAS PAR 'GYUR RO, ,GZUGS MED PA NA SPYOD PA'I @125B RIGS GNYIS DANG ZHES BYA BA NI LAM MTHONG BA DANG BSGOM PAS SPANG BAR BYA BA'I RIGS DAG STE, LOG PAR LTA BA LA SOGS PA NI LAM GYI BDE BA'I DBANG PO LA DMIGS PA'I RNAM PAR SHES PA LOG PAR LTA BA LA SOGS PA DANG MTSUNGS PAR LDAN PA'I SGO NAS RGYAS PAR 'GYUR RO, ,LTA BA MCHOG TU 'DZIN PA LA SOGS PA NI DE LA DMIGS PA'I SGO NAS RGYAS PAR 'GYUR RO, ,BSGOM PAS SPANG BAR BYA BA'I RIGS KYANG RGYAS PAR 'GYUR TE, BSGOM PAS SPANG BAR BYA BA'I SEMS DGE BA LAM LA DMIGS PA YIN LA, DE LA NI 'DOD CHAGS LA SOGS PA'I RIGS RGYAS PAR 'GYUR RO, ,GZUGS MED PA NA SPYOD PA'I PHRA RGYAS KUN DU 'GRO BA RNAMS KYANG RNAM PAR SHES PA DE NYID LAM LA DMIGS PA'I RNAM PAR SHES PA LOG PAR LTA BA LA SOGS PA DANG MTSUNGS PAR LDAN PA LA RGYAS PAR 'GYUR BA SHES PAR BYA'O, ,RNAM PA BCU GNYIS PO DE NYID DANG ZHES BYA BA NI 'GOG PA MTHONG BAS SPANG BAR BYA BA MA GTOGS PA 'DOD PA NA SPYOD PA RNAM PA BZHI DANG, GZUGS NA SPYOD PA RNAM PA LNGA DANG, GZUGS MED PA NA SPYOD PA RNAM PA GNYIS TE, LAM MTHONG BA DANG, BSGOM PAS SPANG BAR BYA BA DANG, ZAG PA MED PA STE DE LTAR NA DE DAG NI PHAN TSUN DMIGS PA'I TSUL GYIS BDE BA'I DBANG PO LA DMIGS PA'I RNAM PAR SHES PA LA DMIGS PA YIN NO, ,BDE BA'I DBANG PO LA DMIGS PA'I RNAM PAR SHES PA NI YANG GZUGS MED PA NA SPYOD PA RNAM PA GNYIS KYIS KLAGS PA DE NI BDEN BA'I DBANG PO LA DMIGS PA'I RNAM PAR SHES PA LA DMIGS PA YIN NO, ,GANG GI ZHE NA SDUG BSNGAL DANG KUN 'BYUNG BA MTHONG BAS SPANG BAR BYA BA'I ZHES BYA BA SMOS TE, GZUGS MED PA NA SPYOD PA SDUG BSNGAL DANG KUN 'BYUNG BA MTHONG BAS SPANG BAR BYA BA'I BYE BRAG GI RNAM PA GNYIS YOD PA'I DMIGS PA NI LAM LA DMIGS PA'I RNAM PAR SHES PA GZUGS MED PA NA SPYOD PA NA LAM MTHONG BAS SPANG BAR BYA BA LOG PAR LTA BA LA SOGS PA DANG MTSUNGS PAR LDAN PA DANG, GZUGS MED PA NA SPYOD PA BSGOM PAS SPANG BAR BYA BA DGE BA YIN TE, DE LTAR NA RNAM PA BCU BZHI PO 'DI NI BDE BA'I DBANG PO LA DMIGS PA LA DMIGS PA'I RNAM PAR SHES PA @126A *, ,YIN NO, ,DE LA GZUGS MED PA NA SPYOD PA SDUG BSNGAL DANG KUN 'BYUNG BA MTHONG BAS SPANG BAR BYA BA DAG BSKYED NAS ZHES BYA BA NI SNGAR NI GZUGS MED PA NA SPYOD PA KUN DU 'GRO BA DAG KHO NA BDEN PA'I DBANG PO LA DMIGS PA'I RNAM PAR SHES PA LA RGYAS PAR 'BYUNG BA YIN NO, ,BDE BA'I DBANG PO LA DMIGS PA LA DMIGS PA'I RNAM PAR SHES PA LA NI GZUGS MED PA NA SPYOD PA SDUG BSNGAL DANG KUN 'BYUNG BA MTHONG BAS SPONG BAR BYA BA'I RIGS THAMS CAD RGYAS PAR 'GYUR TE, 'DI LTAR KUN DU 'GRO BA DANG MTSUNGS PAR LDAN PA'I SEMS DE LA SDUG BSNGAL DANG KUN 'BYUNG BA MTHONG BAS SPANG BAR BYA BA'I PHRA RGYAS RNAMS CI RIGS PAR MTSUNGS PAR LDAN PA'AM, DMIGS PA'I SGO NAS RGYAS PAR 'GYUR RO, ,LHAG MA RNAMS NI SNGA MA BZHIN DU SBYAR BAR BYA'O, ,LAM 'DIS GZHAN YANG KHONG DU CHUD PAR BYA'O ZHES BYA BA NI SROL 'DIS GZHAN YANG KHONG DU CHUD PAR BYA'O, ,JI LTA ZHE NA SDUG BSNGAL GYI DBANG PO LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHES BYA BA'I DRI BA 'ONGS PA LA DPYAD PAR BYA STO, SDUG BSNGAL GYI DBANG PO NI 'DOD PA NA SPYOD PA RNAM PA GCIG STE, RNAM PAR SHES PA'I TSOGS LNGA PA YIN PA'I PHYIR BSGOM PAS SPANG BAR BYA BA YIN NO, ,DE DAG KYANG MDOR BSDU NA RNAM PAR SHES PA LNGA'I DMIGS PA YIN TE, 'DOD PA NA SPYOD PA RNAM PA GSUM PO SDUG BSNGAL DANG KUN 'BYUNG BA MTHONG BAS SPANG BAR BYA BA KUN DU 'GRO BA DANG, MTSUNGS PAR LDAN PA DAG DANG BSGOM PAS SPANG BAR BYA BA DANG, GZUGS NA SPYOD PA BSGOM PAS SPANG BAR BYA BA DANG, ZAG PA MED PA'I DMIGS PA YIN TE, RNAM PA LNGA PO 'DI NI SDUG BSNGAL LA DMIGS PA'I RNAM PAR SHES PA YIN NO, ,DE LA CI RIGS PAR 'DOD PA NA SPYOD PA'I RIS GSUM PO SDUG BSNGAL DANG, KUN 'BYUNG BA MTHONG BA DANG, BSGOM PAS SPANG BAR BYA BA RNAMS LA SDUG BSNGAL DANG KUN 'BYUNG BA MTHONG BAS SPANG BAR BYA BA'I RIGS DAG NI KUN DU 'GRO BA DANG MTSUNGS PAR LDAN PA'I SEMS DE DANG, BSGOM PAS SPANG BAR BYA BA'I SEMS LA CI RIGS PAR MTSUNGS PAR LDAN PA'AM, DMIGS PA'I SGO NAS RGYAS PAR 'GYUR @126B RO; ;BSGOM PAS SPANG BAR BYA BA'I RIGS NI BSGOM PAS SPANG BAR BYA BA LA RGYAS PAR 'GYUR RO, ,GZUGS NA SPYOD PA NI BSGOM PAS SPANG BAR BYA BA GCIG STE, BSGOM PAS SPANG BAR BYA BA'I SEMS LA RGYAS PAR 'GYUR RO, ,GZUGS NA SPYOD PA KUN DU 'GRO BA RNAMS KYANG DE KHO NA LA RGYAS PAR 'GYUR RO ZHES BYA BAR KHONG DU CHUD PAR BYA'O, ,SDUG BSNGAL GYI DBANG PO LA DMIGS PA LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHE NA, SDUG BSNGAL GYI DBANG PO LA DMIGS PA'I RNAM PAR SHES PA LNGA PO DE RNAM PAR SHES PA GANG GI DMIGS PA YIN ZHE NA, PHAN TSUN DMIGS PA'I TSUL GYIS RNAM PA LNGA PO DE NYID KYI DMIGS PA YIN NO, ,YANG 'DOD PA NA SPYOD PA LAM MTHONG BAS SPANG BAR BYA BA ZAG PA MED PA LA DMIGS PA DANG, GZUGS NA SPYOD PA KUN DU 'GRO BA DANG MTSUNGS PAR LDAN PA'I DMIGS PA YANG YIN TE, DES NI GZUGS NA SPYOD PA BSGOM PAS SPANG BAR BYA BA DGE BA SDUG BSNGAL GYI DBANG PO DMIGS PA LA DMIGS PAR BYED DO, ,GZUGS MED PA NA SPYOD PA NAM MKHA' MTHA' YAS SKYE MCHED KYI NYER BSDOGS KYIS BSDUS PA YANG RAGS PA LA SOGS PA'I RNAM PAR SDUG BSNGAL GYI DBANG PO LA DMIGS PA DE LA DMIGS TE; DE LTA BAS NA RNAM PA BRGYAD PO 'DI NI SDUG BSNGAL GYI DBANG PO LA DMIGS PA LA DMIGS PA'I RNAM PAR SHES PA YIN NO, ,DE LA 'DOD PA NA SPYOD PA'I PHRA RGYAS RIGS BZHI STE, SDUG BSNGAL DANG KUN 'BYUNG BA DANG, LAM MTHONG BA DANG, BSGOM PAS SPONG BAR BYA BA RNAMS DANG, GZUGS NA SPYOD PA RIGS GSUM STE, SDUG BSNGAL DANG, KUN 'BYUNG BA MTHONG BA DANG, BSGOM PAS SPANG BAR BYA BA RNAMS DANG, GZUGS MED PA NA SPYOD PA GCIG STE, BSGOM PAS SPANG BAR BYA BA RNAMS DANG, KUN DU 'GRO BA RNAMS RGYAS PAR 'GYUR RO ZHES BYA BAR SHES PAR BYA'O, ,YANG YID BDE BA'I DBANG PO DMIGS PA'I RNAM PAR SHES PA PHRA RGYAS DU ZHIG RGYAS PAR 'GYUR ZHES BYA BA'I DRI BA 'ONGS PA LA DPYAD PAR BYA STE, YID BDE BA'I DBANG PO NI RNAM PA BCU GCIG STE, 'DOD PA DANG GZUGS NA SPYOD PA RNAM PA LNGA LNGA DANG, ZAG PA MED PA'O, ,DE DAG KYANG MDOR BSDU NA RNAM @127A *, ,PAR SHES PA RNAM PA BCU GSUM GYI DMIGS PA YIN TE, DE NI 'DUS BYAS YIN PA'I PHYIR 'DOD PA NA SPYOD PA 'DUS BYAS LA DMIGS PA RNAM PA LNGA'I DMIGS PA YIN TE, GZUGS NA SPYOD PA YANG DE DANG 'DRA'O, ,GZUGS MED PA NA SPYOD PA GNYIS KYI STE, LAM MTHONG BA DANG, BSGOM PAS SPANG BAR BYA BA DANG, ZAG PA MED PA'I DMIGS PA YIN TE, RNAM PA BCU GSUM PO 'DI NI YID BDE BA'I DBANG PO LA DMIGS PA'I RNAM PAR SHES PA YIN NO, ,DE LA CI RIGS PAR PHRA RGYAS 'DOD PA NA SPYOD PA DANG, GZUGS NA SPYOD PA LA 'DUS BYAS LA DMIGS PA RIGS LNGA DANG, GZUGS MED PA NA SPYOD PA'I RIGS GNYIS DANG, KUN DU 'GRO BA DANG RGYAS PAR 'GYUR RO ZHES BYA BAR SHES PAR BYA'O, ,YID BDE BA'I DBANG PO LA DMIGS PA LA DMIGS PA'I RNAM PAR SHES PA LA PHRA RGYAS DU ZHIG RGYAS PAR 'GYUR ZHE NA, YID BDE BA'I DBANG PO LA DMIGS PA'I RNAM PAR SHES PA RNAM PA BCU GSUM PO DE RNAM PAR SHES PA GANG GI DMIGS PA YIN ZHE NA, RNAM PA BCU GSUM PO DE NYID DANG YANG GZUGS MED PA NA SPYOD PA RNAM PA GNYIS TE, SDUG BSNGAL DANG KUN 'BYUNG BA MTHONG BAS SPANG BAR BYA BA'I DMIGS PA YIN TE, RNAM PA BCO LNGA PO 'DI NI YID BDE BA'I DBANG PO LA DMIGS PA LA DMIGS PA'I RNAM PAR SHES PA YIN NO, ,DE LA PHRA RGYAS GZUGS MED PA NA SPYOD PA SDUG BSNGAL DANG, KUN 'BYUNG BA MTHONG BAS SPANG BAR BYA BA DAG BSKYED NAS 'DOD PA NA SPYOD PA DANG, GZUGS NA SPYOD PA 'DUS BYAS LA DMIGS PA RNAMS DANG, 'GOG PA MTHONG BAS SPANG BAR BYA BA MA GTOGS PA GZUGS MED PA NA SPYOD PA RIGS BZHI RGYAS PAR 'GYUR RO ZHES BYA BAR SHES PAR BYA STE, PHYOGS 'DIS GZHAN YANG KHONG DU CHUD PAR BYA'O, ,NYON MONGS PHRA RGYAS BCAS RNAM GNYIS, ,ZHES BYA BA NI NYON MONGS PA CAN NI PHRA RGYAS PAR 'GYUR BA DANG, RGYAS PAR MI 'GYUR BA DAG GI PHRA RGYAS DANG BCAS PA YIN NO ZHES BYA BA'I THA TSIG GO, ,DE DAG LHAN CIG 'DUG PA'I PHYIR RO ZHES BYA BA NI LHAN CIG 'DUG PA'I PHYIR RO, ,NYON MONGS PA CAN MA YIN PA NI DBRAL BAR NUS PA'I PHYIR RGYAS PAR 'GYUR BA DAG KHO NAS PHRA RGYAS @127B DANG BCAS PA YIN TE, 'DI LTAR NYON MONGS PA NI DMIGS PA LAS, SPANG BAR BYA BAR 'DOD PA YIN ZHES 'CHAD PAR 'GYUR RO, ,MA SPANGS SHING YONGS SU MA SHES PA YIN ZHES BYA BA LA MA SPANGS PA NI DE'I THOB PA MA BCAD PA'I PHYIR RO, ,YONGS SU MA SHES PA NI DE'I GNYEN PO MA SKYES PA'I PHYIR RO, , 'DOD PA'I 'DOD CHAGS KYI KUN NAS DKRIS PA DANG MTHUN PA ZHES BYA BA NI 'DI DAG GIS KUN NAS 'KHRI BAR BYED PAS NA KUN NAS DKRIS PA DANG MTHUN PA STE, KHRUS DANG MTHUN PA LTA BU'O, ,'DOD PA'I 'DOD CHAGS KYI KUN NAS DKRIS PA DANG, MTHUN PAS 'DOD PA'I 'DOD CHAGS KYI KUN NAS DKRIS PA DANG MTHUN PA'O, ,YANG NA 'DOD PA'I 'DOD CHAGS NYID KUN NAS DKRIS PA YIN PAS 'DOD PA'I 'DOD CHAGS KYI KUN NAS DKRIS PA STE, DE DANG MTHUN PA NI 'DOD PA'I 'DOD CHAGS KYI KUN NAS DKRIS PA DANG MTHUN PA DAG GO, ,DE DAG KYANG GZUGS LA SOGS PA YUL RNAMS YIN NO; ;SNANG BAR GYUR PA YIN ZHES BYA BA NI YUL GYI NGO BO NYID DU GYUR PA YIN ZHES BYA BA'I THA TSIG GO, ,DE LA YANG TSUL BZHIN MA YIN PA YID LA BYED PA YIN ZHES BYA BA NI YUL SNANG BAR GYUR PA DE LA YANG PHYIN CI LOG GI MTSUNGS PA DE MA THAG PA'I RKYEN DANG LDAN PA YIN ZHES BYA BA'I DON TO, ,RGYU DANG YUL DANG SBYOR BA'I STOBS DAG YIN TE ZHES BYA BA LA RGYU'I STOBS NI 'DOD PA'I 'DOD CHAGS SKYED PAR BYED PA'I 'DOD PA'I 'DOD CHAGS KYI PHRA RGYAS MA SPANGS SHING YONGS SU MA SHES PA YIN NO, ,YUL GYI STOBS NI 'DOD PA'I 'DOD CHAGS KYI KUN NAS DKRIS PA DANG MTHUN PA'I YUL YIN NO, , SBYOR BA'I STOBS NI DE LA YANG TSUL BZHIN MA YIN PA YID LA BYED PA YIN NO, ,NYON MONGS PA GZHAN YANG DE BZHIN DU SKYE BAR RIG PAR BYA'O ZHES BYA BA NI KHONG KHRO BA'I PHRA RGYAS MA SPANGS SHING YONGS SU MA SHES PA YIN, KHONG KHRO BA'I KUN NAS DKRIS PA DANG MTHUN PA'I CHOS RNAMS KYANG SNANG BAR GYUR PA YIN, DE LA YANG TSUL BZHIN MA YIN PA YID LA BYED PA YIN ZHES BYA BA STE TSUL NI DE LTA BU'O, ,SBYOR BA BZHI STE, DE DAG NYID DANG ZHES BYA BA NI 'DOD PA'I SBYOR BA DANG SRID PA'I SBYOR BA DANG LTA BA'I SBYOR BA DANG MA RIG PA'I SBYOR BA'O, ,GTI MUG MA GTOGS PA'I ZHES BYA BA NI MA RIG @128A *, ,PA'I ZAG PA NI LOGS SHIG TU BSHAD PA'I PHYIR RO, ,KUN NAS DKRIS BYAS ZHES BYA BA NI NGO TSA MED PA LA SOGS PA 'CHAD PAR 'GYUR BA RNAMS DANG BCAS PA'O, ,RDZAS BZHI BCU RTZA GCIG STE, PHRA RGYAS SUM CU GCIG DANG ZHES BYA BA NI LTA BA BCU GNYIS TE, SDUG BSNGAL MTHONG BAS SPANG BAR BYA BA LNGA DANG, KUN 'BYUNG BA MTHONG BAS SPANG BAR BYA BA GNYIS DANG 'GOG PA MTHONG BAS SPANG BAR BYA BA YANG GNYIS KHO NA DANG LAM MTHONG BAS SPANG BAR BYA BA GSUM DANG THE TSOM BZHI DANG 'DOD CHAGS LNGA DANG, DE BZHIN DU KHONG KHRO BA DANG NGA RGYAL LNGA DANG, KUN NAS DKRIS PA BCU STE; DE LTAR NA BZHI BCU RTZA GCIG YIN NO, ,PHRA RGYAS KHO NA ZHES BYA BA LA KHO NA ZHES BYA BA SMOS PA NI KUN NAS DKRIS PA BSAL BA'I PHYIR RO, ,PHRA RGYAS NYI SHU RTZA DRUG CES BYA BA NI LTA BA BCU GNYIS DANG THE TSOM BZHI DANG 'DOD CHAGS LNGA DANG NGA RGYAL LNGA'O, ,DE NA YANG RMUGS PA DANG RGOD PA KUN NAS DKRIS PA GNYIS YOD PA YIN NAM ZHES BYA BA NI GZUGS DANG GZUGS MED PA'I KHAMS DE KHO NA STE, RMUGS RGOD RGYAGS PA KHAMS GSUM NA, ,ZHES 'BYUNG BA'I PHYIR RO, ,CI'I PHYIR 'DIR DE MA SMOS SHE NA ZHES BYA BA NI KUN NAS DKRIS PA DE GNYIS SO, ,RANG DBANG CAN MA YIN PA'I PHYIR RO ZHES BYA BA JI LTAR RANG DBANG CAN MA YIN ZHE NA, 'DOD CHAGS LA SOGS PA DANG MTSUNGS PAR LDAN PA'I PHYIR DANG, PHRAG DOG LA SOGS PA DE BZHIN DU MA RIG PA TZAM DANG, MTSUNGS PAR LDAN PA MA YIN PA'I PHYIR TE, 'DI GNYIS NI 'DOD CHAGS LA SOGS PA DANG MTSUNGS PAR LDAN PAR 'GYUR GYI, JI LTAR PHRA DOG DANG SER SNA DANG 'GYOD PA DANG KHRO BA DANG 'CHAB PA RNAMS MA RIG PA TZAM DANG MTSUNGS PAR LDAN PA'I PHYIR RANG DBANG CAN YIN PA LTA BU NI MA YIN NO, ,DE GNYI GA YANG ZHES BYA BA NI GZUGS DANG GZUGS MED PA LA SOGS PA NA SPYOD PA GNYI GA YANG ZHES BYA BA'I THA TSIG GO, ,KHA NANG DU BLTAS TE 'JUG CES BYA BA NI YUL GTZOR BYED PA MA YIN PA ZHES BYA BA'I DON TO, ,RGYU GANG GIS SRID PA'I 'DOD CHAGS ZHES BSHAD PA ZHES BYA BA NI, KHA NI NANG DU BLTAS PHYIR DER, ,THAR PA'I 'DU SHES BZLOG PHYIR BSHAD, ,CES BYA BA YIN TE, DES NA SRID PA'I ZAG PA ZHES BYA'O, ,RDZAS BCO LNGA ZHES BYA BA NI KHAMS @128B GSUM CHAR NA YANG RNAM PA LNGA LNGA YOD PA'I PHYIR RO, ,ZAG PA ZHES BYA BAR GRUB BO[?] ZHES BYA BA NI MA RIG PA GONG DU BSHAD PA'I ZAG PA GNYIS LAS BKAR BA YIN TE, DE LTA BAS NA KHAMS GSUM CHAR BA YANG MA RIG PA'I ZAG PA ZHES BYA BA DE GRUB BO[?], ,CHU BO SBYOR BA 'ANG DE BZHIN DU, ,ZHES BYA BA NI ZAG PA DAG KHO NA CHU BO DANG SBYOR BA YIN TE, LTA BA LOGS SHIG TU GZHAG PAR BYA BA 'BA' ZHIG TU ZAD DO, ,JI LTA ZHE NA, BSHAD PAR BYA STE, 'DOD PA'I ZAG PA KHO NA 'DOD PA'I CHU BO DANG, 'DOD PA'I SBYOR BA YIN LA DE BZHIN DU SRID PA'I ZAG PA KHO NA SRID PA'I CHU BO DANG SRID PA'I SBYOR BA YIN NO, ,MA RIG PA'I SBYOR BA NI SNGA MA KHO NA BZHIN DU KHONG DU CHUD PAR BYA'O, ,'DIR LTA BA'I SBYOR BA NI BZHI PA YIN PAR BSHAD DE DE'I PHYIR LTA BA RNAMS MA GTOGS PA ZHES BYA BA SMOS SO, ,LOGS SHIG TU RNAM PAR GZHAG GO ZHES GRAG GO ZHES BYA BA LA GRAG CES BYA BA'I SGRA NI GZHAN GYI GZHUNG LUGS STON PAR BYED PA YIN TE; DGONGS PA NI 'DUL BA'I SKYE BO'I DBANG GIS LTA BA'I SBYOR BA LOGS SHIG TU BSHAD DO ZHES BYA BAR RUNG NGO, ,CI'I PHYIR ZAG PA DAG GI NANG DU LTA BA RNAMS LOGS SHIG TU MA BZHAG CE NA, ZAG PAR MA YIN GROGS MED RNAMS, ,ZHES BYA BA LA SOGS PA SMOS TE, LTA BA GROGS MED PA RNAMS NI 'JOG PA'I RJES SU MTHUN PA NYID MA YIN TE, 'JOG PA'I RJES SU MI MTHUN PA NYID CES BYA BA'I THA TSIG GO, ,DE NI 'DI SKAD DU, GANG GI PHYIR LTA BA 'DI DAG YAN GAR PA NI 'JOG PA'I RJES SU MTHUN PA MA YIN GYI GROGS DANG BCAS NAS 'JOG PA'I RJES SU MTHUN PA DE'I PHYIR 'DI DAG GROGS DANG BCAS PA KHO NA ZAG PA RNAMS KYI NANG DU ZAG PA DAG TU BSHAD DE, BSRES TE BSHAD PA YIN NO ZHES BYA BA'I DON TO, ,CI'I PHYIR ZHE NA, ZAG PA RNAMS KYI NGES PA'I TSIG NI 'JOG PAR BYED PAS NA ZHES 'OG NAS 'CHAD CES BYA BA SMOS TE, DE'I PHYIR ZAG BA DAG GI NANG DU 'JOG PA'I DON DGOS SO SNYAM DU BSAMS PA YIN NO, ,DE LTAR NA 'DOD PA'I CHU BO NI RDZAS NYI SHU DGU STE ZHES BYA BA NI LTA BA BCU GNYIS KYIS BTON PAS ZAG PA BZHIN DU RDZAS BZHI BCU RTZA GCIG NI MA YIN NO, ,'O NA CI ZHE NA RDZAS NYI SHU DGU YIN NO, ,JI LTA ZHE NA 'DOD CHAGS DANG KHONG KHRO BA DANG NGA RGYAL ZHES BYA BA THAMS CAD BRJOD DO, , @129A *, ,SRID PA'I CHU BO NI RDZAS NYI SHU RTZA BRGYAD DE ZHES BYA BA NI SRID PA'I ZAG PA RDZAS LNGA BCU RTZA GNYIS BSHAD PA DE LAS LTA BA NYI SHU RTZA BZHI STON NA, RDZAS NYI SHU RTZA BRGYAD DU 'GYUR RO, ,'DOD CHAGS DANG NGA RGYAL NYI SHU DANG ZHES BYA BA NI KHAMS GNYIS PA'I 'DOD CHAGS BCU YIN LA NGA RGYAL YANG BCU YIN PAS NYI SHU'O, ,LTA BA'I CHU BO NI RDZAS SUM CU RTZA DRUG GO ZHES BYA BA NI KHAMS GSUM NA LTA BA BCU GNYIS BCU GNYIS YOD PAS SO, ,MA RIG PA'I CHU BO NI RDZAS BCO LNGA STE SNGAM BZHIN NO, ,SBYOR BA YANG CHU BO BZHIN DU RIG PAR BYA'O ZHES BYA BA NI 'DOD PA'I SBYOR BA NI RDZAS NYI SHU RTZA DGU STE, 'DOD CHAGS DANG KHONG KHRO BA DANG, NGA RGYAL BCO LNGA DANG THE TSOM BZHI DANG, KUN NAS DKRIS PA BCU'O, ,SRID PA'I SBYOR BA NYI SHU RTZA BRGYAD DE, 'DOD CHAGS DANG NGA RGYAL NYI SHU DANG THE TSOM BRGYAD DO, ,LTA BA'I SBYOR BA NI RDZAS SUM CU RTZA DRUG GO, ,MA RIG PA'I SBYOR BA NI RDZAS BCO LNGA'O, ,JI SKAD BSHAD GNYIS MA RIG BCAS, ,ZHES BYA BA RGYAS PAR 'BYUNG BA JI SKAD BSHAD PA GANG DAG YIN ZHE NA, SBYOR BA ZHES BYA BA'I DBANG DU BYAS PA YIN NO, ,DE'I PHYIR 'DOD PA'I SBYOR BA MA RIG PA DANG BCAS PA RDZAS SUM CU RTZA BZHI KHO NA 'DOD PA'I NYE BAR LEN PA YIN NO ZHES BSHAD DO, ,MA RIG PA NI 'DOD PA NYE BAR LEN PA DANG BDAG TU SMRA BA NYE BAR LEN PA DAG GI NANG DU BDAG NYID JI LTA BA BZHIN DU BSDU BAR BYA'O, ,LTA BA RNAM PA GNYIS SU THA DAD PAR BYA BA'I PHYIR BZHI YIN TE, 'DOD PA NYE BAR LEN PA DANG, LTA BA NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA NYE BAR LEN PA ZHES BYA BA'O, ,LTA BA'I SBYOR BA LAS TSUL KHRIMS DANG BRTUL ZHUGS PHYUNG STE ZHES BYA BA NI LTA BA'I SBYOR BA KHAMS KYI BYE BRAG GIS RDZAS SUM CU RTZA DRUG YOD PA LAS TSUL KHRIMS DANG BRTUL ZHUGS MCHOG TU 'DZIN PA DRUG BTON NA, LTA BA'I NYE BAR LEN PA RDZAS SUM CU YIN NO, ,TSUL KHRIMS DANG BRTUL ZHUGS NYE BAR LEN PA NI RDZAS DRUG STE, 'DOD PA'I KHAMS NA GNYIS DANG DE BZHIN DU GZUGS DANG GZUGS MED PA'I KHAMS NA GNYIS GNYIS YOD PAS SO, ,LAM GYI DGRAR GYUR PA ZHES BYA BA NI GRANGS CAN PA'I RNAL 'BYOR DANG SHES PA LA SOGS PAS THAR PA THOB PAR LTA BA'I PHYIR TSUL KHRIMS DANG BRTUL ZHUGS NYE BAR LEN PA NI @129B LAM GYI DGRAR GYUR PA YIN NO, ,PHYOGS GNYI GA SLU BA'I PHYIR ZHES BYA BA RGYAS PAR 'BYUNG BA NI KHYIM PA DANG RAB TU 'BYUNG BA'I PHYOGS SLU BAR BYED PA'I PHYIR ZHES BYA BA'I THA TSIG GO, ,ZAS MI ZA BA LA SOGS PAS ZHES BYA BA LA SOGS PA ZHES BYA BA'I SGRAS NI CHU DANG MER 'JUG PA DANG, MI SMRA BA DANG, DPA' BO BYED PA LA SOGS PA BSDU BA'O, ,ZAS MI ZA BA LA SOGS PA DANG, YUL YID DU 'ONG BA YONGS SU SPANGS PA NI TSUL KHRIMS DANG BRTUL ZHUGS KYIS BSDUS PA YIN NO, ,MA RIG PA, 'DZIN PAR BYED PA MIN PHYIR BSRES, ,ZHES BYA BA NI MA RIG PA 'BA' ZHIG GIS SRID PA NYE BAR LEN PAR MI BYED DO, ,CI'I PHYIR ZHE NA, MI SHES PA'I MTSAN NYID KYIS MI GSAL BA'I PHYIR RO ZHES BYA BA SMOS TE, 'DRES PA NI NYON MONGS PA GZHAN DANG 'BREL PA'I STOBS KYIS NYE BAR LEN PAR BYED PA YIN NO SNYAM DU BSAMS PA YIN NO, ,GRAG GO ZHES BYA BA LA GRAG CES BYA BA'I SGRA NI GZHAN GYI GZHUNG LUGS STON PAR BYED PA YIN NO, ,DE'I PHYIR RANG GI GZHUNG LUGS BCOM LDAN 'DAS KYIS MDO LAS NI ZHES BYA BA RGYAS PAR SMOS SO, ,LTA BA'I SBYOR BA YANG DE DANG 'DRA BA'I BAR DU GSUNGS SO ZHES BYA BA NI JI LTAR ZHE NA, LTA BA'I SBYOR BA GANG ZHE NA ZHES BYA BA NAS RGYAS PAR 'DI'I LTA BA RNAMS LA LTA BA LA 'DOD CHAGS PA DANG LTA BA LA 'DUN PA DANG LTA BA LA SRED PA DANG ZHES BYA BA STE SNGA MA BZHIN NO, ,MDO GZHAN DAG LAS 'DUN PA'I 'DOD CHAGS KYANG NYE BAR LEN PAR GSUNGS TE, JI SKAD DU ZHE NA, NYE BAR LEN PA GANG ZHE NA, 'DI LA 'DUN PA'I 'DOD CHAGS GANG YIN PA'O ZHES GSUNGS SO,, 'DI NI SLOB DPON GYI GZHUNG LUGS YIN TE, 'DI SKAD DU 'DIR 'DOD CHAGS KHO NA SBYOR BA DANG, NYE BAR LEN PA YIN GYI NYON MONGS PA GZHAN DAG NI MA YIN NO ZHES BSHAD PA YIN NO, ,DE'I PHYIR 'DOD PA LA SOGS PA LA 'DUN PA'I 'DOD CHAGS PA GANG YIN PA DE NI ZHES BYA BA SMOS SO, ,GANG GI PHYIR DE DAG PHRA BA DANG ZHES BYA BA RGYAS PAR 'BYUNG BA NI, PHRA MO DAG RGYAS PAR 'GYUR BAS NA PHRA RGYAS SO ZHES BYA BA 'DI NI NGES PA'I TSIG GI TSUL GYIS GRUB PO, ,RGYU BA PHRA BA'I PHYIR ZHES BYA BA NI 'JUG PA PHRA BA'I PHYIR ZHES BYA BA'I THA TSIG GO, ,JI LTAR 'JUG PA PHRA ZHE NA, GZUGS CAN MA YIN PA RNAMS SHES PAR @130A *, ,DKA' PA'I PHYIR RO, ,SBYOR BA MED PAR TE BSGRIM MI DGOS PAR BZLOG BZHIN DU YANG STE BKAG BZHIN DU YANG GANG ZAG LA YANG DANG YANG MNGON DU 'GYUR BA'I PHYIR PHRA RGYAS ZHES BYA'O, ,'KHOR BAR 'JOG PAR BYED PAS NA ZAG PA YIN PA'AM 'JOG PA'I DON DU 'DZAG PAS NA ZAG PA YIN NO ZHES BYA BA NI NGES PA'I TSIG GI TSUL YIN NO, ,SRID PA'I RTZE MO NAS MNAR MED PA'I BAR DU SKYE MCHED DRUG GI RMA NAS 'DZAG PAS NA ZHES BYA BA NI SRID PA'I RTZE MO NAS MNAR MED PA'I BAR DU SKYE MCHED DRUG GI RMA STE, MIG LA SOGS PA SKYE MCHED RMA LTA BU'I SGO NAS 'DZAG CING 'BO LA 'GRO BAS NA ZAG PA RNAMS YIN NO, ,'KHYER BAR BYED PAS NA CHU BO DAG YIN NO, ,'BYAR BAR BYED PAS NA SBYOR BA YIN NO, ,NYE BAR 'DZIN PAS NA NYE BAR LEN PA DAG YIN NO ZHES BYA BA 'DI NI BYE BRAG TU SMRA BA RNAMS KYIS RAB TU BSTAN PA YIN NO, ,CHU BO ZHES BYA BA'I SGRA 'DI NI 'KHYER BA'I TSUL YIN TE, 'GRO BA GZHAN NAM YUL GZHAN DU 'KHYER BAR BYED CING 'KHRID PAR BYED PAS NA CHU BO DAG YIN NO, ,'GRO BA GZHAN NAM YUL GZHAN DU SBYOR BAR BYED CING 'BYAR BAR BYED PAS NA SBYOR BA DAG YIN NO, ,YANG SRID PA'AM 'DOD PA LA SOGS PAR RNAM PAR SHES PA NYE BAR 'DZIN PAR BYED CING LEN PAR BYED PAS NA NYE BAR LEN PA DAG YIN NO, ,'DI SKAD DU CHES LEGS PA YIN NO ZHES BYA BA NI SLOB DPON GYI LTAR NA CHES LEGS PA YIN NO ZHES 'CHAD DO, ,JI LTA ZHE NA SMRAS PA, PHRA RGYAS 'DI DAG GI RGYUD DE RNAM PAR SHES PA'I RGYUD YUL RNAMS LA 'DZAG PAR BYED CING 'GRO BAR BYED PAS NA ZAG PA RNAMS TE, BYED PAS SGRUB PA YIN NO, ,MNGON BAR 'DU BYA BA STE DE DAG NYID MED PAR ZHES BYA BA BSTZAL BA DE DAG NYID MED PAR ZHES BYA BA'I DON TO, ,SHUGS CHEN PO DANG LDAN PA'I PHYIR CHU BO DAG CES BYA BA NI CHU BO DANG CHOS MTHUN PA NYID DU STON PAR BYED PAS TE, CHU BO DANG 'DRA BAS NI CHU BO DAG CES BYA BA'I PHYIR RO, ,DE'I RJES SU BYED PA'I PHYIR ZHES BYA BA NI 'DOD CHAGS LA SOGS PA'I RJES SU BYED PA'I PHYIR RO, ,CHE THANG DU KUN DU MI 'BYUNG BA RNAMS NI SBYOR BA DAG CES BYA BA NI CHU BO DANG SBYOR BA RNAMS THA DAD DU BYA BAR STON PA YIN TE, CHE THANG DU KUN DU 'BYUNG BA GANG DAG YIN PA DE DAG NI SBYOR BA YIN LA, CHE THANG DU KUN DU MI 'BYUNG BA GANG DAG YIN PA KHO NA NI CHU BO YIN NO @130B ZHES BYA'O, ,DE DAG JI LTAR SBYOR BA YIN ZHE NA, SDUG BSNGAL SNA TSOGS DANG SBYOR BA'I PHYIR ZHES BYA BA SMOS TE, SKYE BA LA SOGS PA'I SDUG BSNGAL SNA TSOGS DANG SBYOR BA'I PHYIR ZHES BYA BA'I THA TSIG GO, ,YANG NA YANG DANG YANG DU RJES SU 'BREL PA'I SGO NAS TE, GANG GI PHYIR RGYUD LA YANG DANG YANG DU SBYOR BAR BYED PA DE'I PHYIR SBYOR BA DAG CES BYA'O, ,'DOD PA LA SOGS PA NYE BAR LEN PA'I PHYIR NYE BAR LEN PA RNAMS YIN NO ZHES BYA BA NI GANG DAG GIS 'DOD PA LA SOGS PA NYE BAR LEN PAR BYED PA DE DAG NI 'DOD PA LA SOGS PA DE NYE BAR LEN PA STE 'DUN PA'I 'DOD CHAGS KYI BDAG NYID DAG YIN NO, ,PHRA RGYAS DE DAG NYID KUN NAS DKRIS PA'I BAR GYI DBYE BAS YANG RNAM PA LNGAR PHYE NAS BSHAD DE ZHES BYA BA NI GANG DU ZAG PA LA SOGS PA'I DBYE BAS PHRA RGYAS RNAM PA BZHIR BSHAD PA DE DAG MDO DANG CHOS MNGON PA LAS KUN DU SBYOR BA DANG 'CHING BA DANG PHRA RGYAS DANG NYE BA'I NYON MONGS PA DANG, KUN NAS DKRIS PA'I DBYE BAS YANG RNAM PA LNGAR PHYE NAS BSHAD DO, ,PHRA RGYAS LAS MA GTOGS PA NGO TSA MED PA LA SOGS PA KUN NAS DKRIS PA GZHAN DAG KYANG YOD PA MA YIN NAM, JI LTAR NA PHRA RGYAS DAG NYID KUN NAS DKRIS PA YIN NO ZHES DE SKAD DU BRJOD CE NA, DE LAS MA GTOGS PA DAG YOD PA BDEN MOD KYI THA DAD PA MA YIN PA DAG KYANG YOD PAR NI 'DOD DE 'DIR NYON MONGS PA YANG KUN NAS DKRIS PA YIN TE, MDO LAS KYANG 'DOD CHAGS PA'I 'DOD CHAGS KYI KUN NAS DKRIS PA SDUG BSNGAL GYI RKYEN ZHES 'BYUNG BA'I PHYIR RO ZHES BYA BA 'CHAD PAR 'GYUR RO, ,DE BZHIN DU GZHAN DANG GZHAN DAG KYANG CI RIGS PAR SBYAR BAR BYA'O ZHES BYA BA NI KHONG KHRO BA DANG PHRAG DOG DANG SER SNA'I KUN DU SBYOR BA RNAMS NI 'DOD PA NA SPYOD PA YIN NO, ,NGA RGYAL DANG MA RIG PA DANG LTA BA DANG, MCHOG TU 'DZIN PA DANG, THE TSOM GYI KUN DU SBYOR BA RNAMS NI KHAMS GSUM PA YIN NO, ,LTA BA'I KUN DU SBYOR BA NI LTA BA GSUM MO ZHES BYA BA NI 'JIG TSOGS DANG MTHAR 'DZIN PA DANG LOG PAR LTA BA DAG GO, ,MCHOG TU 'DZIN PA'I KUN DU SBYOR BA NI GNYIS SO ZHES BYA BA NI LTA BA DANG TSUL KHRIMS DANG BRTUL ZHUGS MCHOG TU 'DZIN PA DAG GO, ,DE NYID KYI PHYIR ZHES BYA BA NI GANG GI PHYIR DE LTAR LTA BA GSUM LNI LTA BA'I KUN DU SBYOR BA YIN LA, @131A *, ,LTA BA GNYIS NI MCHOG TU 'DZIN PA'I KUN DU SBYOR BA YIN PA DE NYID KYI PHYIR RO, ,LTA BA DANG MTSUNGS PAR LDAN PA'I CHOS RNAMS LA ZHES BYA BA RGYAS PAR 'BYUNG BA NI DRI BA YIN TE, LTA BA DANG MTSUNGS PAR LDAN PA ZHES BYA BA NI MCHOG TU 'DZIN PA'I LTA BA DANG MTSUNGS PAR LDAN PA'I CHOS DE LA TSOR BA LA SOGS PA'O, ,RJES SU CHAGS PA'I KUN DU SBYOR BAS TE, 'DOD CHAGS KYIS LDAN ZHING LTA BA'I KUN DU SBYOR PA STE, 'JIG TSOGS LA LTA BA LA SOGS PA'I MTSAN NYID KYIS MA YIN LA, DE LA LTA BA'I PHRA RGYAS RGYAS PAR MI 'GYUR BA YANG MA YIN ZHING LTA BA DANG MTSUNGS PAR LDAN PA'I CHOS DE LA LTA BA'I PHRA RGYAS RGYAS PAR MI 'GYUR BA YANG MA YIN PA STE, 'O NA CI ZHE NA, RGYAS PAR 'GYUR BA LTA BA YOD DAM, DGAG PA GNYIS KYIS RNAL MA KHONG DU CHUD PAR BYED DO, ,SMRAS PA YOD DE ZHES BYA BA RGYAS PAR 'BYUNG BA NI DRIS PA'I LAN 'DEBS PAR BYED DO, ,KUN 'BYUNG SHES PA SKYES LA ZHES BYA BA'I KHYAD PAR SMOS PA NI, LTA BA'I KUN DU SBYOR BA KUN DU 'GRO BA SPANGS PAR BSTAN PA'I PHYIR RO, ,'GOG PA SHES PA MA SKYES PA'I PHYIR ZHES BYA BA NI MCHOG TU 'DZIN PA'I LTA BA GNYIS MA SPANGS NA DE DANG MTSUNGS PAR LDAN PA YOD PAR RAB TU BSTAN PA'I PHYIR RO, ,'GOG PA DANG LAM MTHONG BAS SPANG PAR BYA BA ZHES BYA BA NAS CHOS RNAMS DANG STE ZHES BYA BA'I BAR NI TSOR BA LA SOGS PA RNAMS DANG NGO, ,DE DAG DANG NI RJES SU CHAGS PA'I KUN DU SBYOR BA 'GOG PA MTHONG BAS SPANG BAR BYA BA'AM LAM MTHONG BAS SPANG BAR BYA BA LDAN NO, ,JI LTA BU ZHIG GIS SHE NA, DE LA DMIGS PAS TE, GANG GI PHYIR 'GOG PA DANG LAM MTHONG BAS SPANG BAR BYA BA LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG MTSUNGS PAR LDAN PA'I CHOS TSOR BA LA SOGS PA DE DAG LA DMIGS TE, 'DOD CHAGS SKYE BA DE'I PHYIR DMIGS PA'I SGO NAS DES LDAN PA YIN NO, ,LTA BA'I KUN DU SBYOR BAS NI MI LDAN TE, CI'I PHYIR ZHE NA SMRAS PA KUN DU 'GRO BA SDUG BSNGAL DANG KUN 'BYUNG BA MTHONG BAS SPANG BAR BYA BA'I NGO BO NYID NI KUN 'BYUNG BA SHES PA SKYES PAS SPANG BA'I PHYIR LA, KUN DU 'GRO BA MA YIN PA DE LA DMIGS PA DANG MTSUNGS PAR LDAN PA CAN LTA BA'I KUN DU SBYOR BA NI MED PA'I PHYIR @131B RO; ;'GOG PA DANG LAM MTHONG BAS SPANG BAR BYA BA LTA BA'I KUN DU SBYOR BA KUN DU 'GRO BA MA YIN PA LOG PAR LTA BA'I NGO BO NYID NI YOD MOD KYI DE NI ZAG PA MED PA LA DMIGS PA'I PHYIR MCHOG TU 'DZIN PA DANG MTSUNGS PAR LDAN PA'I CHOS TSOR BA LA SOGS PA LA DMIGS PA NI MA YIN NO, ,DE LTA BAS NA DMIGS PA'I SGO NAS LTA BA'I KUN DU SBYOR BAS LDAN PA MA YIN NO, ,TSOGS PA THA DAD PA'I PHYIR DE TSOR BA LA SOGS PA DE DAG DANG MTSUNGS PAR LDAN PA CAN YANG MA YIN TE, DE LTA BAS NA MTSUNGS PAR LDAN PA'I SGO NAS KYANG DES LDAN PA MA YIN NO, ,DE DAG LTA BA'I PHRA RGYAS DAG NI RGYAS PAR 'GYUR RO, , DE DAG KYANG JI LTA BU ZHIG CEN, MCHOG TU 'DZIN PA'I LTA BA DE DAG KHA NAS MTSUNGS PAR LDAN PA'I SGO NAS ZHES BYA BA SMOS TE, TSOR BA LA SOGS PA'I CHOS DE DAG LA LTA BA MCHOG TU 'DZIN PA'AM TSUL KHRIMS DANG BRTUL ZHUGS MCHOG TU 'DZIN PA NI MTSUNGS PAR LDAN PA'I SGO NAS RGYAS PAR 'GYUR TE, RANG GI TSOGS SU BYUNG BA YIN PA'I PHYIR RO, ,DE LA LTA BA'I KUN DU SBYOR BA NI RGYAS PAR MI 'GYUR RO, ,CI'I PHYIR ZHE NA, LTA BA'I KUN DU SBYOR BA ZHES MING DU MA BTAGS PA'I PHYIR TE, LTA BA'I PHRA RGYAS ZHES SMOS NA NI LTA BA LNGA CHA[?] [?]SDU BA YIN NO, ,LTA BA'I KUN DU SBYOR BA ZHES SMOS NA NI 'JIG TSOGS DANG MTHAR 'DZIN PA DANG LOG PAR LTA BA DAG GZUNG GI MCHOG TU 'DZIN PA'I LTA PA DAG NI MA YIN NO ZHES BYA BAR KHONG DU CHUD PAR BYA'O, ,LTA GNYIS KUN DU SBYOR GZHAN NO, ,ZHES BYA BA NI MCHOG TU 'DZIN PA'I LTA BA DAG GI[?], ,LTA BA GSUM YANG RDZAS BCO BRGYAD, ,CES BYA BA NI YIN ZHES BYA BA'I TSIG LHAG MA YIN TE, TSIG GI DON NI 'JIG TSOGS DANG, MTHAR 'DZIN PA DANG LOG PAR LTA BA RNAMS LA NI RDZAS KYI GRANGS BCO BRGYAD DO ZHES BYA BA'I THA TSIG GO, ,MCHOG TU 'DZIN PA'I LTA BA GNYIS KYANG BCO BRGYAD KHO NA YIN TE ZHES BYA BA NI RDZAS ZHES BYA BAR SKABS DANG SBYAR RO, ,JI LTA ZHE NA 'DOD PA'I KHAMS NA 'JIG TSOGS DANG MTHAR 'DZIN PA'I LTA BA GNYIS YOD LA, DE DAG KYANG LOG PAR LTA BA RNAMS SDUG BSNGAL MTHONG BAS SPANG BAR BYA BA KHO NA YIN PAR 'DOD DO, ,LOG PAR LTA BA NI SDUG BSNGAL MTHONG BAS SPANG BAR BYA BA NAS LAM MTHONG BAS SPANG @132A *, ,BAR BYA BA'I BAR RNAM PA BZHI YOD DE, DE LTAR NA 'DOD PA'I KHAMS NA DRUG YOD DO, ,'DOD PA'I KHAMS JI LTA BAR GZUGS DANG GZUGS MED PA'I KHAMS NA YANG DE DANG 'DRA BAS BCO BRGYAD YIN NO, ,MCHOG TU 'DZIN PA'I LTA BA GNYIS KYANG RDZAS BCO BRGYAD YIN TE, JI LTA ZHE NA 'DOD PA'I KHAMS NA LTA BA MCHOG TU 'DZIN PA SDUG BSNGAL MTHONG BAS SPANG BAR BYA BA NAS LAM MTHONG BAS SPANG BAR BYA BA ZHES BYA BA'I BAR RNAM PA BZHI YOD DO, ,TSUL KHRIMS DANG BRTUL ZHUGS MCHOG TU 'DZIN PA YANG SDUG BSNGAL MTHONG BAS SPANG BAR BYA BA DANG LAM MTHONG BAS SPANG BAR BYA BA ZHES BYA BA RNAM PA GNYIS TE, DE LTAR 'DOD PA'I KHAMS NA DRUG YOD DO, ,'DOD PA'I KHAMS JI LTA BAR GZUGS DANG GZUGS MED PA'I KHAMS NA YANG DE DANG 'DRA STE, DE LTAR NA RDZAS BCO BRGYAD YIN NO, ,LHAG MA RNAMS NI MA YIN PAS ZHES BYA BA NI LTA BA RNAMS SO, ,GZUNG BA DANG 'DZIN PA THA DAD PA'I PHYIR RO ZHES BYA BA LA GZUNG BA NI LTA BA'I KUN DU SBYOR BA'O, ,'DZIN PA NI MCHOG TU 'DZIN PA'I KUN DU SBYOR BA'O, ,RGYU DE'I PHYIR TE GCIG TU MI DGE BA'I PHYIR DANG RANG DBANG CAN YIN PA'I MTSAN NYID KYI PHYIR RO, ,DE DAG LA BSHAD CES BYA BA NI PHRAG DOG DANG, SER SNA GNYIS NGO TSA MED PA LA SOGS PA KUN NAS DKRIS PA DE DAG GI NANG NAS PHYUNG NAS BSHAD PA'O, ,GANG LA GCIG TU MI DGE BA DANG RANG DBANG CAN 'DI GNYIS YOD PA ZHES BYA BA NI GANG LA GCIG TU MI DGE BA NYID DANG, RANG DBANG CAN NYID CES BYA BA 'DI GNYIG YOD PA DE LTA BU KUN NAS DKRIS PA GZHAN NI MED DO ZHES BYA BAR SBYAR RO, ,DE LTA BU'I KUN NAS DKRIS PA GZHAN NI MED DO ZHES BYA BA NI NGO TSA MED PA DANG, KHREL MED PA DAG KYANG GCIG TU MI DGE BA YIN MOD KYI 'DOD CHAGS LA SOGS PA DANG MTSUNGS PAR LDAN PA'I PHYIR RANG DBANG CAN NI MA YIN NO, ,'GYOD PA YANG MA RIG PA TZAM DANG MTSUNGS PAR LDAN PA'I PHYIR RANG DBANG CAN NI YIN MOD KYI GCIG TU MI DGE BA NI MA YIN TE, DE NI DGE BA YANG YIN NO, ,RMONGS PA DANG RGOD PA DANG, GNYID DAG NI 'DOD CHAGS LA SOGS PA DANG MTSUNGS PAR LDAN PA'I PHYIR RANG DBANG CAN YANG MA YIN LA, GCIG TU MI DGE BA YANG MA YIN TE, DE @132B DAG NI DGE BA DANG LUNG DU MA BSTAN PA YANG YIN NO, ,GANG GI BCU YIN PA ZHES BYA BA NI BYE BRAG TU SMRA BA DAG GI LTAR NA KUN NAS DKRIS PA BCU YIN PA DE'I LTAR NA KHRO BA DANG 'CHAB PA DAG KYANG GCIG TU MI DGE BA DANG RANG DBANG CAN ZHES BYA BA RNAM PA GNYI GA YIN PAS DE'I PHYIR 'DI LAN MA YIN NO ZHES ZER RO, ,'O NA DE'I LAN GANG YIN ZHE NA, 'DI LA SLOB DPON 'DUS BZANG NA RE PHRAG DOG DANG SER SNA DAG NI YANG DANG YANG DU KUN DU 'BYUNG BA'I PHYIR LOGS SHIG KUN DU SBYOR BA NYID DU BSHAD DO, ,DE NYID KYI PHYIR 'DOD PA'I KHAMS SU SKYES PA RNAMS LA KUN DU SBYOR BA SUM CU RTZA DRUG YOD KYANG, KOO SHI KA LHA DANG MI RNAMS NI PHRAG DOG DANG SER SNA'I KUN DU SBYOR BA CAN YIN NO ZHES GSUNGS TE, NYON MONGS PA 'DI GNYIS NI BDO NA LHAG PAR 'CHING BA YIN NO ZHES ZER RO, ,YANG NA PHRAG DOG DANG SER SNA DAG NI DBANG CHUNG BAR GRAGS PA DANG, LONGS SPYOD CHUNG BA NYID KYI RGYU YIN PA'I PHYIR DANG, THAMS CAD STON PA'I PHYIR DANG, PHYOGS GNYIS NYON MONGS PAR BYED PA YIN PA'I PHYIR LOGS SHIG TU BSHAD DO, ,BDE 'GROR SKYES PA 'DI SHIN TU BRNYAS PAR 'GYUR BA GANG YIN PA DE LA RGYU NI PHRAG DOG DANG SER SNA DAG YIN TE, 'DI LTAR DBANG CHUNG BAR GRAGS PA DANG LONGS SPYOD CHUNG BA NI BTZON LA SOGS PA DANG 'DRA BAS SO, ,NYON MONGS PA NI RNAM PA GNYIS TE, KUN DU GDUNG BA DANG LDAN PA DANG, KUN DU DGA' BA DANG LDAN PA YIN LA, DE DAG THAMS CAD KYANG 'DI GNYIS KYIS BSTAN PA YIN NO, ,KHYIM PA'I PHYOGS KYANG LONGS SPYOD KYI RTEN CAN 'DI GNYIS KYIS SHIN TU NYON MONGS PAR 'GYUR LA, RAB TU BYUNG BA'I PHYOGS KYANG CHOS KYI RTEN CAN 'DI GNYIS KYIS SHIN TU NYON MONGS PAR 'GYUR RO, ,YANG NA LHA DANG LHA MA YIN GYI PHYOGS BDUD RTZI DANG BUD MED KYI PHYIR SHIN TU NYON MONGS PAR BYED DO, ,DE NYID KYI PHYIR BCOM LDAN 'DAS KYIS, KOO SHI KA LHA DANG MI RNAMS NI PHRAG DOG DANG SER SNA'I KUN DU SBYOR BA YIN NO ZHES GSUNGS TE, DE BAS NA KUN NAS DKRIS PA BCU DAG LAS 'DI GNYIS KHO NA KUN DU SBYOR BAR BSHAD DO, ,THA MA'I CHA NI 'DOD PA'I KHAMS YIN LA ZHES BYA BA LA, 'DOD PA'I KHAMS NI KHAMS @133A *, ,GSUM RIL LA LTOS NA GCIG TU MNYAM PAR MA BZHAG PA YIN PA'I PHYIR THA MA STE, DMAN PA YIN NO, ,GNYIS KYIS 'DOD PAS MI 'DA' LA, ,ZHES BYA BA NI DE DAG MA SPANGS NA 'DOD PA'I KHAMS LAS MI 'DA' BA'I PHYIR RO, ,SGO BA DANG RJES SU 'BRANG BA DANG CHOS MTHUN PA'I PHYIR RO ZHES BYA BA LA, SGO BA NGANG CHOS MTHUN PA NI 'DOD PA LA 'DUN PA DANG GNOD SEMS DAG YIN TE, DE GNYIS KYIS 'DOD PA'I KHAMS KYI BTZON RA NAS 'BYUNG DU MI STER BAS SGO BA LTA BU YIN NO, ,RJES SU 'BRANG BA DANG CHOS MTHUN PA NI 'JIG TSOGS LA LTA BA LA SOGS PA YIN TE; DPER NA SGO BA BAG MED PAR GYUR TE BTZON RA NAS BTZON SHOR KYANG SGO BA'I RJES SU 'BRANG BA RNAMS KYIS PHYIR ZLOG PAR BYED PA LTAR GSUM PO 'DI DAG GIS DE DANG 'DRA'O, ,SEMS CAN GYI THA MA ZHES BYA BA NI GZHAN RNAL 'BYOR SPYOD PA RNAMS NA RE 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM GYI KUN DU SBYOR BA RNAMS KYIS NI SEMS CAN GYI THA MA SO SO'I SKYE BO NYID LAS MI 'DA'O, ,'DOD PA LA 'DUN PA DANG, GNOD SEMS GNYIS KYIS NI KHAMS KYI THA MA 'DOD PA'I KHAMS KYI MTSAN NYID LAS MI 'DA'O ZHES BYA BAR SBYAR BAR BYA'O, ,SEMS CAN GYI NANG NA THA MA SO SO'I SKYE BO DAG YIN LA, KHAMS KYI NANG NA THA MA YANG 'DOD PA'I KHAMS YIN TE, DE'I PHYIR DE DAG THA MA'I CHA DANG MTHUN PA RNAMS ZHES BYA'O ZHES ZER RO, ,KUN DU SBYOR BA GSUM YONGS SU GTUGS TE SPANG BA'I PHYIR ZHES BYA BA NI 'JIG TSOGS LA LTA BA DANG TSUL KHRIMS DANG BRTUL ZHUGS MCHOG TU 'DZIN PA DANG, THE TSOM GYI KUN DU SBYOR BA MA LUS PAR SPANGS PA'I PHYIR ZHES BYA BA'I THA TSIG GO, ,NYON MONGS PA DRUG SPANGS PA YIN NA ZHES BYA BA NI LTA BA LNGA DANG, THE TSOM MO, ,'DOD CHAGS LA SOGS PA NI MA BSHAD DE, LHAG MA DANG BCAS PA'I PHYIR RO, ,LTA BA GSUM BOR LA ZHES BYA BA NI MTHAR 'DZIN PAR LTA BA DANG, LOG PAR LTA BA DANG, LTA BA MCHOG TU 'DZIN PA'I LTA BA'O, ,GSUM KHO NA GSUNGS ZHES BYA BA NI 'DZIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG @133B GSUM KHO NA GSUNGS PA'O, ,SUS GSUNGS SHE NA, BCOM LDAN 'DAS KYIS TE, 'DI LTAR MDO LAS, BTZUN PA JI TZAM GYIS NA, RGYUN DU ZHUGS PA LAGS, MING CHEN 'DI LTAR 'PHAGS PA NYAN THOS NI 'DI NI SDUG BSNGAL 'PHAGS PA'I BDEN PA'O ZHES BYA BAR YANG DAG PA JI LTA BA BZHIN DU RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES BYA BAR YANG DAG PA JI LTA BA BZHIN RAB TU SHES SO, ,'DI NI KUN DU SBYOR BA GSUM PO 'DI LTA STE 'JIG TSOGS LA LTA BA DANG TSUL KHRIMS DANG BRTUL ZHUGS MCHOG TU 'DZIN PA DANG, THE TSOM YANG YONGS SU SPANGS SHING YONGS SU SHES PA YIN NO, ,DES KUN DU SBYOR BA GSUM PO DE DAG SPANGS PAS RGYUN DU ZHUGS PA YIN, RNAM PAR MI LTUNG BA'I CHOS CAN YIN, RDZOGS PA'I BYANG CHUB TU 'GRO BA YIN; RE LTAR THOGS NA SRID PA LAN BDUN PA YIN TE, LHA DANG MI DAG GI NANG DU LAN BDUN DU 'KHOR ZHING SONG NAS SDUG BSNGAL GYI MTHAR BYED PAR 'GYUR RO ZHES GSUNGS TE, 'DI THAMS CAD BRJOD PAR BYA DGOS SO ZHES BYA BA'I THA TSIG GO, ,NYON MONGS PA RNAMS NI RNAM PA GSUM STE ZHES BYA BA NI 'DIR MTHONG BAS SPANG BAR BYA BA'I DBANG DU BYAS PA YIN NO, ,'JIG TSOGS DANG MTHAR 'DZIN PAR LTA BA DE DAG NI RNAM PA GCIG STE, SDUG BSNGAL MTHONG BA TZAM GYIS SPANG BAR BYA BA YIN PA'I PHYIR RO, ,TSUL KHRIMS DANG BRTUL ZHUGS MCHOG TU 'DZIN PA NI RNAM PA GNYIS SO, , THE TSOM DANG LOG PAR LTA BA DANG LTA BA MCHOG TU 'DZIN PA RNAM PA BZHI'O, ,DE LA RNAM PA GCIG PA RNAMS KYI SGO NI 'JIG TSOGS LA LTA BA YIN TE, DE'I PHYIR 'JIG TSOGS LA LTA BA SMOS PAS MTHAR 'DZIN PAR LTA BA YANG SNOS PA YIN NO, ,RNAM PA BZHI PA RNAMS KYI SGO NI THE TSOM YIN TE DE SMOS PAS LOG PAR LTA BA DANG, LTA BA MCHOG TU 'DZIN PA RNAMS KYANG SMOS PA YIN NO, ,TSUL KHRIMS DANG BRTUL ZHUGS MCHOG TU 'DZIN PA NI DNGOS SU SMOS PA KHO NAR ZAD DO, ,MTHONG BAS SPANG BAR BYA BA 'DOD CHAGS LA SOGS PA GANG DAG YIN PA DE DAG KYANG DE DAG LA DMIGS PA @134A *, ,YIN PA'I PHYIR BSDUS PA KHO NA YIN NO ZHES BRJOD PAR NUS SO, ,MTHAR 'DZIN PAR LTA BA NI 'JIG TSOGS LA LTA BAS RAB TU BCUG CES BYA BA NI BDAG LA RTAG PA DANG CHAD PA'I MTHAR 'DZIN PA'I PHYIR RO, ,LTA BA MCHOG TU 'DZIN PA NI TSUL KHRIMS DANG BRTUL ZHUGS MCHOG TU 'DZIN PAS RAB TU BCUG CES BYA BA NI GANG GIS 'DAG PAR YID CHES PA DE LA MCHOG TU 'DZIN PA'I PHYIR RO, ,LOG PAR LTA BA NI THE TSOM GYIS RAB TU BCUG STE ZHES BYA BA NI THE TSOM ZA BA LOG PAR LTA BA NI MNYAN PA DANG BSAMS PA'I SGO NAS LOG PAR NGES PA SKYE BA'I PHYIR RO, ,DE'I PHYIR RTZA BA BSDUS PAS GRUB PA'I PHYIR MTHAR 'DZIN PA LA SOGS PA YANG BSHAD PA'I NGO BO YIN PAR RIG PAR BYA'O, ,GZHAN DAG NA RE ZHES BYA BA NI SLOB DPON 'DI NYID DO, ,LAM NOR BA ZHES BYA BA NI JI LTA ZHE NA, LAM GZHAN LA BRTEN PA'I PHYIR ZHES BYA BA SMOS SO, ,KUN DU SBYOR BA THA MA'I CHA DANG MTHUN PA ZHES SMOS PA'I PHYIR SHUGS KYIS NA GZHAN GYI CHA DANG MTHUN PA YANG YOD DO ZHES BSHAD PA YIN PAS DE'I PHYIR, GONG MA'I CHA DANG MTHUN LNGA NYID, ,CES BYA BA 'DI SMOS TE, KUN DU SBYOR BA'I SPROS PA YIN NO, ,DE DAG KUN DU SBYOR SOGS KYI, ,DBYE BAS RNAM PA LNGAR BSHAD DO, ,ZHES BYA BA'I 'BREL PA 'DIS NA KUN DU SBYOR BA BSTAN PA'I 'OG TU 'CHING BA BSTAN PA'I SKABS LA 'BABS TE, 'CHING PA 'DOD CHAGS THAMS CAD CES BYA BA NI RNAM PA DANG KHAMS KYI SGO NAS THAMS CAD DO, ,ZHE SDANG CI ZHE NA THAMS CAD DE RNAM PA KHO NA'I SGO NAS SO, ,GTI MUG NI RNAM PA DANG KHAMS KYI SGO NAS THAMS CAD DO, ,DMIGS PA DANG MTSUNGS PAR LDAN PA'I SGO NAS ZHES BYA BA NI CI RIGS PAR RANG DANG GZHAN GYI RGYUD LA YOD PA'I BDE BA'I TSOR BA LA NI 'DOD CHAGS RGYAS PAR 'GYUR RO, ,DMIGS PA DANG MTSUNGS PAR LDAN PA NYID KYI SGO NAS SDUG BSNGAL GYI TSOR BA LA NI ZHE SDANG RGYAS PAR 'GYUR RO, , DE BDAG NYID KYI SGO NAS BDE BA YANG MA YIN SDUG BSNGAL YANG MA YIN PA LA NI GTI MUG RGYAS PAR 'GYUR RO, ,'DOD CHAGS DANG ZHE SDANG DAG KYANG BDE BA YANG MA YIN SDUG BSNGAL YANG MA YIN PA LA DE KHO NA BZHIN RGYAS PAR 'GYUR BA MA YIN NAM, CI'I PHYIR GTI MUG KHO NA BRJOD CE NA, DE'I @134B PHYIR 'DOD CHAGS DANG ZHE SDANG DAG NI DE LTA MA YIN NO ZHES BYA BA SMOS TE, 'DOD CHAGS DANG ZHE SDANG DAG KYANG DE LA RGYAS PAR NI 'GYUR MOD KYI GTI MUG JI LTA BA DE LTAR NI MA YIN NO, ,GTI MUG NI MI GSAL BAS BDE BA YANG MA YIN SDUG BSNGAL YANG MA YIN PA'I TSOR BA MI GSAL BA DANG RJES SU MTHUN PA'I PHYIR SHIN TU RGYAS PAR 'GYUR RO, ,YANG NA RANG GI RGYUD LA YOD PA'I DMIGS PA'I SGO NAS NGES PA YIN NO ZHES BYA BA NI RANG GI RGYUD LA YOD PA'I BDE BA LA SOGS PA NYAMS SU MYONG BA'I MTHUS DE LTAR NGES PA YIN TE, MTSUNGS PAR LDAN PA'I SGO NAS RANG GI RGYUD LA YOD PA'I TSOR BA BDE BA LA NI 'DOD CHAGS RGYAS PAR 'GYUR LA, SDUG BSNGAL LA NI ZHE SDANG NGO, ,SDUG BSNGAL YANG MA YIN BDE BA YANG MA YIN PA LA NI GTI MUG GO,, ,,BAM PO BZHI BCU RTZA GSUM PA, GZHAN DAG NA RE 'DOD CHAGS DANG ZHE SDANG DAG NI DE LTA MA YIN NO ZHES BYA BA NI JI LTAR BDE BA LA 'DOD CHAGS RGYAS PAR 'GYUR BA LTAR ZHE SDANG NI DE LTA MA YIN NO, ,YANG CI BDE BA LA YANG ZHE SDANG RGYAS PAR 'GYUR RAM ZHE NA, DGRA BO'I BDE BA LA DMIGS PA'I SGO NAS RGYAS PAR 'GYUR RO, ,JI LTAR SDUG BSNGAL LA ZHE SDANG RGYAS PAR 'GYUR BA LTAR 'DOD CHAGS NI DE LTA MA YIN NO, , YANG CI SDUG BSNGAL LA YANG 'DOD CHAGS RGYAS PAR 'GYUR RAM ZHE NA, DGRA BO'I SDUG BSNGAL LA DMIGS PA'I SGO NAS RGYAS PAR 'GYUR RO, ,YANG NA RANG GI RGYUD LA YOD PA'I DMIGS PA'I SGO NAS NGES PA YIN NO ZHES BYA BA NI RNAM PA GCIG TU NA RANG GI RGYUD LA YOD PA'I BDE BA LA DMIGS PA'AM, MTSUNGS PAR LDAN PA'I SGO NAS 'DOD CHAGS RGYAS PAR 'GYUR GYI GZHAN GYI RGYUD LA YOD PA'I DGRA BO'I BDE BA LA NI MA YIN NO, ,DE BZHIN DU RANG GI RGYUD LA YOD PA'I SDUG BSNGAL LA DMIGS PA'AM, MTSUNGS PAR LDAN PA'I SGO NAS KHONG KHRO BA RGYAS PAR 'GYUR GYI, GZHAN GYI RGYUD LA YOD PA DGRA BO'I SDUG BSNGAL LA NI MA YIN NO, DE LTAR NA RANG GI RGYUD LA YOD PA'I DMIGS PA'I SGO NAS NGES PA YIN TE, TSOR BA BDE BA LA NI DMIGS PA DANG MTSUNGS PAR LDAN PA DAG GI SGO NAS 'DOD CHAGS RGYAS PAR 'GYUR LA, SDUG BSNGAL LA NI ZHE SDANG @135A *, ,RGYAS PAR 'GYUR RO, ,SEMS NYE BAR NYON MONGS PAR BYED PA'I PHYIR RO ZHES BYA BA NI SEMS NYON MONGS PA CAN DU BYED PA'I PHYIR RO, ,NYON MONGS LAS GZHAN NYON MONGS CAN, ,SEMS BYUNG ZHES BYA BA NI NYON MONGS PA NGAG LAS GZHAN PA ZHES BYA BA'I THA TSIG GO; ,NYE BA'I NYON MONGS PA KHO NA YIN ZHES BYA BA NI 'DI DAG LA NYON MONGS PA DANG NYE BA'I NGO BO'AM, NYON MONGS PA NYE BAR 'DUG PA YOD PAS NYE BA'I NYON MONGS PA STE, DE DAG KYANG SEMS LAS BYUNG BA KHO NA YIN GYI SEMS DANG MI LDAN PA NI MA YIN NO, ,DE DAG KYANG GZHI PHRAN TSEGS LAS 'BYUNG BA GANG DAG YIN PA'O ZHES BYA BA NI GSUNG RAB KYI CHA GZHI PHRAN TSEGS LAS 'BYUNG BA GANG DAG YIN PA YIN GYIS, SEMS PA LA SOGS PA KHO NA NI MA YIN NO SNYAM DU BSAMS PA YIN TE, 'DI LTA STE MI DGA' BA DANG, GLAL BYED PA DANG, SEMS ZHUM PA NYID DANG RMYA BA DANG, ZAS KYI DROD MI ZIN PA NYID DANG, THA DAD PA NYID KYI 'DU SHES DANG, YID LA MI BYED PA DANG, LUS KYI GNAS NGAN LEN DANG, RU GDUG DANG, 'PHYA SMOD DANG, GNAM PA NYID DANG, MI GNAM PA NYID DANG, RANG BZHIN DU MI 'DUG PA NYID DANG, 'DOD PA'I RNAM PAR RTOG PA DANG, 'TSE BA'I RNAM PAR RTOG PA DANG, NYE BA'I RNAM PAR RTOG PA DANG, YUL GYI RNAM PAR RTOG PA DANG, MI 'CHI BA'I RNAM PAR RTOG PA DANG, BRNYAS PA DANG LDAN PA'I RNAM PAR RTOG PA DANG, RIGS SNYEMS PA DANG LDAN PA'I RNAM PAR RTOG PA DANG, MYA NGAN DANG, SDUG BSNGAL DANG, YID MI BDE BA DANG, 'KHRUG PA ZHES BYA BA DAG YIN NO, DE LA NGO TSA MED PA DANG KHREL MED PA DAG NI BSHAD ZIN TO ZHES BYA BA NI, MA GUS NGO TSA MED KHREL MED, ,KHA NA MA THO 'JIGS MI LTA, ,ZHES BYA BA YIN NO, ,CHOS DANG ZANG ZING DANG ZHES BYA BA RGYAS PAR 'BYUNG BA NI SER SNA NI CHOS DANG ZANG ZING DANG MKHAS PA RAB TU SBYIN PA DANG, 'GAL BA CAN SEMS KYI KUN DU 'DZIN PA STE, BDAG LAS GZHAN DU MA 'GRO SHIG SNYAM PA'I RNAM PA NI SER SNA YIN NO, ,SER SNA NYID SER SNA YIN PA'AM, SER SNA CAN GYI NGO BO NI SAR SNA'O, ,'GYOD PA DANG RMUGS PA NI @135B BSHAD ZIN TE ZHES BYA BA NI NGAN PA BYAS PA'I DNGOS PO NI 'GYOD PA'O, ,'DIR NI 'GYOD PA DE LA DMIGS PA'I CHOS YIN ZHES PA DANG, RMUGS PA NI LUS DANG SEMS LAS SU MI RUNG PA NYID DO ZHES BYA BA YIN NO, ,GNYID NI SEMS MNGON PAR SDUD PA'O ZHES BYA BA DE TZAM ZHIG BRJOD NA NI SNYOMS PAR 'JUG PA LA YANG THAL BAR 'GYUR BAS DE'I PHYIR LUS YANG DAG PAR 'DZIN MI NUS PA ZHES BYA BAS KHYAD PAR DU BYED DE, DE NI NYON MONGS PA CAN KHO NA YIN NO, ,DE DANG 'GYOD PA NI NYON MONGS PA CAN KHO NA KUN NAS DKRIS PA YIN NO ZHES BYA BA NI GNYID NI NYON MONGS PA CAN GANG YIN PA DE KUN NAS DKRIS PA YIN GYI, DGE BA'AM LUNG DU MA BSTAN PA GANG YIN PA DE NI KUN NAS DKRIS PA MA YIN TE, GNYID NI RNAM PA GSUM DU 'DOD DO, ,'GYOD PA YANG NYON MONGS PA CAN GANG YIN PA DE KUN NAS DKRIS PA YIN GYI DGE BA NI MA YIN TE, DE NI DGE BA DANG MI DGE BA YIN PAR 'DOD DO, ,KHRO BA NI GNOD SEMS DANG RNAM PAR 'TSE BA MA GTOGS PA SEMS CAN DANG SEMS CAN MA YIN PA LA KUN NAS MNAR SEMS PA GANG YIN PA'O ZHES BYA BA NI GNOD SEMS NI KUN NAS MNAR SEMS KYI KHYAD PAR SEMS CAN LA ZHE SDANG BA YIN TE, SEMS CAN 'DI RNAMS BSAM DAM BCINGS SAM BRLAB GAM 'DIS PHONGS PAR GYUR KYANG CI MA RUNG SNYAM PA'I RNAM PAR ZHUGS PA NI GNOD SEMS YIN NO, ,RNAM PAR 'TSE BA NI SEMS CAN LA SNYOGS PA DANG, RDEG PA DANG, SKRAG PAR BYED PA DANG, BSDIGS PA LA SOGS PA'I LAS LA ZHUGS PA YIN NO, , KHRO BA NI DE GNYIS LAS GZHAN PA SEMS CAN DANG SEMS CAN MA YIN PA DAG LA KUN NAS MNAR SEMS PA YIN TE, 'DI LTA STE, DGE SLONG BSLAB PA 'DOD PA'I SEMS 'KHRUGS PA'AM TSER MA LA SOGS PA LA 'KHRUGS PA LTA BU'O, ,GO RIMS BZHIN DU SHES PA DANG MI SHES PA RNAMS KYI YIN NO ZHES ZER RO ZHES BYA BA NI, ,GZHAN DAG NA RE RGYAL PO LA SOGS PAS SHES PAS GANG ZAG 'CHAB PA DANG LDAN PA RNAMS KYI 'CHAB PA NI SRID PA'I RGYU MTHUN PA YIN TE, BDAG LA RNYED PA DANG, BKUR STI MED PAR GYUR NA MI RUNG NGO SNYAM PA'I PHYIR RO, ,MI SHES PA RNAMS @136A *, ,KYI NI MI RIG PA'I RGYU MTHUN PA YIN TE, LAS BDAG GIR BYA BA NYID DU MA DAD PA NI KHA NA MA THO BA DE 'CHAB CING GTZANG MAR BYA BA'I PHYIR GZHAN LA 'CHAGS PAR MI BYED DO, ,DE LTA BAS NA 'CHAB PA NI GNYI GA'I RGYU MTHUN PA YIN NO ZHES ZER RO, ,JI LTAR NA KHREL MED PA MA RIG PA'I RGYU MTHUN PA YIN ZHE NA, 'DI LTAR KHREL MED, KHA NA MA THO 'JIGS MI LTA, ,ZHES 'BYUNG BA'I PHYIR RO, ,THE TSOM LAS 'GYOD CES BYA BA NI NYON MONGS PA CAN GANG YIN PA DE KHO NA STE, KUN NAS DKRIS PA'I SKABS YIN PA'I PHYIR RO, ,GZHAN YANG NYON MONGS DRI MA DRUG ,CES BYA BA NI, DPER NA LUS LA DRI MA DAG 'BYUNG BA DE BZHIN DU NYON MONGS PA DAG LAS KYANG SGYU LA SOGS PA'I DRI MA LTA BU 'DI RNAMS 'BYUNG NGO, ,GTAM RLUNG BSKUR BA NI GZHAN DU SGYUR BA'O, ,RGYAGS PA NI SNGAR BSHAD ZIN TE, RGYAGS PA NI, RANG GI CHOS LA CHAGS PA YI, ,SEMS NI YONGS SU GTUGS PA'O, ,ZHES BYA BA YIN NO, ,GANG ZHIG GANG MTHONG BAS SPANG BAR BYA BA DANG MTSUNGS PAR LDAN PA ZHES BYA BA NI BDEN PA GANG ZHIG MTHONG BA NI GANG MTHONG BA'O, ,DE MTHONG BAS SPANG BAR BYA BA NI GANG MTHONG BAS SPANG BAR BYA BA'O, ,DE DANG MTSUNGS PAR LDAN PA NI GANG MTHONG BAS SPANG BAR BYA BA DANG, MTSUNGS PAR LDAN PA STE, DE NI DE MTHONG BAS SPANG BAR BYA BA YIN NO, ,GANG DAG CIG YIN ZHE NA, NGO TSA MED PA LA SOGS PA'O, ,DE LAS GZHAN NI BSGOM SPANG BYA, ,DE LAS GZHAN PA ZHES BYA BA NI NGO TSA MED PA LA SOGS PA LAS GZHAN PA PHRAG DOG LA SOGS PA NI BSGOM PAS SPANG BAR BYA BA KHO NA YIN GYI, MTHONG BAS SPANG BAR BYA BA NI MA YIN NO, ,NYE BA'I NYON MONGS PA LNGA PO DAG NI RANG DBANG YIN TE, 'DOD CHAGS LA SOGS PA GZHAN GYI DBANG DU GYUR PA MA YIN NO ZHES BYA BA'I THA TSIG GO, ,RMUGS PA DANG RGOD PA DANG GNYID RNAMS NI MI DGE BA DANG LUNG DU MA BSTAN PA DAG YIN NO ZHES BYA BA NI KUN NAS DKRIS PA'I SKABS YIN PA'I PHYIR GRUB PAS DGE BA YANG YIN NO ZHES MI BRJOD DO, ,DE YAN CHAD NI LUNG DU MA BSTAN ZHES BYA BA LA CI RIGS PAR ZHES BYA BA NI, 'DOD PA'I KHAMS KYI GONG NA JI SNYED SRED PA STE, DE DAG KYANG G-YO @136B DANG SGYU LA SOGS PA YIN NO, ,BDAG NYID LOG PAR KUN DU STON PAS ZHES BYA BA NI TSANGS PA CHEN PO DES BDAG NYID LOG PAR KUN DU STON PAS TSE DANG LDAN PA RTA THUL LA 'DRID PAR ZHUGS TE, TSANGS PA CHEN PO 'BYUNG BA CHEN PO 'DI DAG MA LUS BAR GANG DU'ANG 'GAG PAR 'GYUR ZHES DRIS PA DANG MA SHES NAS GTAM RLUNG BSKUR TE, BDAG NI TSANGS PA'O, ,TSANGS PA CHEN PO'O, ,DBANG PHYUG GO, ,BYED PA PO'O, ,SPRUL PA PO'O, ,'BYIN PA PO'O, ,'BYIN BYED DO, ,DNGOS PO RNAMS KYI PHAR GYUR BA YIN NO ZHES SGYUS 'DRID PAR BRTZAMS SO, ,DE'I 'OG TU TSANGS PA CHEN PO DES TSE DANG LDAN PA RTA THUL GYI LAG NAS BZUNG STE PHYOGS GCIG TU 'DUG GO, ,PHYOGS GCIG TU 'DUG NAS KYANG 'DI SKAD CES, DE BZHIN GSHEGS PA BZHUGS BZHIN DU BDAG LA 'DRI BAR SEMS SAM ZHES SMRAS SO, ,DE LTA BAS NA DE'I 'DI NI SGYU YIN PAR SNANG STE, RANG GI 'KHOR GYIS BRNYAS PA'I NGO TSA BAS BDAG NYID KYIS MI SHES PA SBED PA NA DES DE SKAD DU SMRAS PA YIN NO, ,G-YO NI BSHAD ZIN MOD KYI ZHES BYA BA NI G-YO NI, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES BYA BA DER NI BSHAD MOD KYI ZHAR LA 'ONGS PAS YANG SMOS SO, ,LNGA BOR TE ZHES BYA BA NI G-YO DANG SGYU DANG RMUGS PA DANG RGOD PA DANG RGYAGS PA RNAMS SO, ,DE DAG NI THAMS CAD YID KYI SA PA DAG YIN NO ZHES BYA BA NI GNYID DANG NGA RGYAL DAG GO, ,NYE BA'I NYON MONGS RANG DBANG YANG, ,ZHES BYA BA NI PHRAG DOG DANG SER SNA LA SOGS PA'O, ,NYON MONGS PA'I SA MANG PO DAG GI NANG DU BSHAD PA GANG DAG YIN PA'O ZHES PA NI MA[?] DANG[?] PA DANG LE LO DANG BAG MED PA DAG KHO NA YIN NO, ,GZHAN DAG NI MA YIN TE, RMUGS PA DANG RGOD PA DAG NI 'DI NYID DU SNGAR SMOS ZIN PA'I PHYIR RO, ,GTI MUG NI NYON MONGS PA ZHES SMOS PAS BSDUS PA'I PHYIR RO, ,BDE BA DAG DANG ZHES BYA BA NI BDE BA'I TSOR BA'I NGO BO NYID KYI DBANG PO DAG DANG ZHES BYA BA'I THA TSIG GO, ,DGA' BA DANG SKYO BA'I RNAM PAR 'JUG PA'I PHYIR ZHES BYA BA NI 'DOD CHAGS NI DGA' BA'I RNAM PAR 'JUG PA YIN LA, ZHE SDANG NI SKYO BA'I RNAM PAR 'JUG PA YIN PA'I PHYIR TE @137A *, ,GO RIMS BZHIN NO, ,RNAM PAR SHES PA DRUG GI SA PA YIN PA'I PHYIR RO ZHES BYA BA NI RNAM PAR SHES PA LNGA PA'I SA PA YIN PA'I PHYIR 'DOD CHAGS NI BDE BA'I DBANG PO DANG MTSUNGS PAR LDAN NO, ,ZHE SDANG NI SDUG BSNGAL GYI DBANG PO DANG MTSUNGS PAR LDAN NO, ,YID KYI RNAM PAR SHES PA'I SA PA YIN PA'I PHYIR 'DOD CHAGS NI YID BDE BA'I DBANG PO DANG MTSUNGS PAR LDAN NO, ,ZHE SDANG NI YID MI BDE BA'I DBANG PO DANG MTSUNGS PAR LDAN NO, ,BSOD NAMS KYI LAS CAN RNAMS DANG SDIG PA'I LAS CAN RNAMS KYI DANG GO RIMS BZHIN NO ZHES BYA BA NI BSOD NAMS KYI LAS CAN RNAMS KYI LOG PAR LTA BA NI YID MI BDE BA DANG MTSUNGS PAR LDAN PA YIN TE, BSOD NAMS BYED PA'I 'BAD PA DON MED PAR MTHONG BA'I PHYIR RO, ,SDIG PA'I LAS CAN RNAMS KYI LOG PAR LTA BA NI YID BDE BA DANG MTSUNGS PAR LDAN PA YIN TE, RANG GIS BYAS PA'I SDIG PA 'BRAS BU MED PAR MTHONG BA'I PHYIR RO, ,LTA BA BZHI DANG ZHES BYA BA NI 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,JI LTAR CHAD PAR LTA BA YID BDE BA DANG MTSUNGS PAR LDAN PA YIN ZHE NA, DE MNGON PAR 'DOD PA'I PHYIR RO, ,BTANG SNYOMS KUN DU GNAS SO ZHES BYA BA NI 'JIG PA'I GNAS SKABS NA GZHAN PA'I PHYIR RO, ,SA GANG NA DBANG PO JI SNYED CIG YOD PA ZHES BYA BA NI, SKYE BA'I BSAM GTAN DAG NA NI, ,YID BDE BDE DANG BTANG SNYOMS DANG, ,BTANG SNYOMS YID BDE BDE BA DANG, , BTANG SNYOMS BTANG SNYOMS TSOR BA YOD, ,CES BYA BA LTA BU KHONG DU CHUD PAR BYA'O, ,SA GONG MA DE NA YANG MIG DANG RNA BA DANG LUS DANG YID KYI RNAM PAR SHES PA'I SA PA RNAM PAR SHES PA'I TSOGS BZHI PO RNAMS NI, BSAM GTAN DANG PO KHON NA YOD DE BSAM GTAN DANG PO NA NI BDE BA'I DBANG PO RNAM PAR SHES PA'I TSOGS GSUM PA DANG, YID BDE BA'I DBANG PO YID KYI RNAM PAR SHES PA'I TSOGS PA DANG, BTANG SNYOMS KYI DBANG PO RNAM PAR SHES PA'I TSOGS BZHI PA YOD DO, ,DE YAN CHAD KYI SA PA KHON NA YOD DE, BSAM GTAN GNYIS PA NA NI YID BDE BA DANG BTANG SNYOMS KYI DBANG PO DAG YOD DO, , @137B GSUM PA NA NI BDE BA DANG BTANG SNYOMS KYI DBANG PO DAG YOD DO, ,BSAM GTAN BZHI PA DANG GZUGS MED PA DAG NA NI BTANG SNYOMS KYI DBANG PO KHO NA YOD DO, ,DE LA PHRA RGYAS THAMS CAD KYANG JI LTAR 'OS 'OS SU TSOR BA'I DBANG PO DANG MTSUNGS PAR LDAN PA YIN TE, DE NI ZHI GNAS KYIS RGYUD BRLAN PA'I PHYIR DGA' BA DANG SKYO BA RNAM PAR GZHAG PA NI MED DO, ,'GYOD PA LA SOGS PA 'DI DAG NI SKYO BA'I RNAM PAR 'JUG PA'I PHYIR, YID BDE BA DANG MTSUNGS PAR MI LDAN LA, YID KYI SA PA YIN PA'I PHYIR SDUG BSNGAL GYI DBANG PO DANG YANG MTSUNGS PAR MI LDAN NO, ,CHAGS PA'I RGYUD LAS BYUNG BAS ZHES BYA BA NI CHAGS PA'I RGYU CAN NYID KYIS TE, CHAGS PAS KUN NAS BSLANG BA NYID KYIS ZHES BYA BA'I THA TSIG GO, ,DE DAG DANG RGYAGS PA ZHES BYA BA NI BDE BA DANG, YID BDE BA DAG DANG NGO, ,BSAM GTAN GSUM PA NA NI BDE BA DANG MTSUNGS PAR LDAN NO ZHES BYA BA NI RGYAGS PA NI YID KYI SA PA YIN PA'I PHYIR RO, ,MA RIG PA BZHIN DU ZHES BYA BA NI JI LTAR MA RIG PA NYON MONGS PA DANG NYE BA'I NYON MONGS PA GANG LA YANG MTSUNGS PAR LDAN PA DGAG PA MED PA LTAR BTANG SNYOMS KYANG DE DANG 'DRA'O, ,NGO TSA MED PA DANG KHREL MED PA DAG NI MI DGE BA'I SA MANG PO PA YIN PA'I PHYIR TE, MI DGE LA NI KHREL MED DANG, ,NGO TSA MED PA'O ZHES 'BYUNG BAS SO, ,RMUGS PA DANG RGOD PA NI NYON MONGS PA'I SA MANG PO PA YIN PA'I PHYIR, RNAM PAR SHES PA'I TSOGS DRUG LA NI MI DGE BA DANG NYON MONGS PA CAN DAG SRID PAS DE'I PHYIR DE DAG NI DBANG PO LNGA CHAR DANG YANG MTSUNGS PAR LDAN PA SRID DO, ,CI RMUGS PA DANG RGOD PA DANG THE TSOM KHAMS GSUM PA DAG GZUNG NGAM ZHES BYA BA NI 'DI RNAMS NI KHAMS GSUM PA YIN PA'I PHYIR DE DAG KHO NA BKAR TE 'DRI BAR BYED DO, ,MI DGE BA'I PHUNG PO 'DI NI MA 'DRES PA ZHES BYA BA RGYAS PAR 'BYUNG BA NI DGE SLONG DAG SGRIB PA LNGA NI MI DGE BA'I PHUNG PO YIN NO ZHES SMRA BA DE DAG NI YANG DAG PAR SMRA BA SMRA BAR 'GYUR RO, ,CI'I PHYIR ZHE NA, DGE SLONG DAG 'DI NI MI DGE BA'I PHUNG PO MA 'DRES PA YONGS SU RDZOGS PA YIN TE, 'DI LTA STE SGRIB PA LNGA'O ZHES BYA BA RGYAS PAR GCIG TU MI DGE BAR @138A *, ,GSUNGS PA'I PHYIR RO, ,'DOD NA SGRIB RNAMS YOD KYI KHAMS GZHAN NA MED DO ZHES BYA BA NI 'GREL BA DANG MDO'I TSIG GCIG PA NYID DU SBYOR BA YIN NO, ,SGRIB RNAMS ZHES BYA BA NI BSAM GTAN DANG SNYOMS PAR 'JUG PA DAG GI SGRIB PA RNAMS ZHES BYA BA'I THA TSIG GO, , MI MTHUN DANG, ZAS DANG BYA BA GCIG PA'I PHYIR ZHES BYA BA NI MI MTHUN PA DANG, ZAS DANG BYA BA GCIG PA CAN NYID KYI PHYIR ZHES BYA BA'I THA TSIG STE, NGO BO'I RKYEN MED KYANG NGO BO GTZOR BSTAN PA YIN NO, ,YANG NA MI MTHUN PA DANG ZAS DANG BYA BA GCIG PAS NA MI MTHUN PA DANG, ZAS DANG BYA BA GCIG PA'I PHYIR ZHES BYA BA'O, ,MI MTHUN PA DANG GNYEN PO DANG, ,ZHES BYA BA NI, 'DIR TSIG LE'UR BYAS PA DANG MTHUN PAR MI MTHUN PA NI GNYEN PO YIN PAR 'DOD DE, NYON MONGS PA DANG 'GAL BA'I PHYOGS NI MI MTHUN PA'I PHYIR RO, ,CHOS MNGON PA LAS NI NAG PO'I PHYOGS NI MI MTHUN PA YIN LA DKAR PO'I PHYOGS NI GNYEN PO YIN NO ZHES BYA BAR GRAGS SO, ,KHA ZAS KYI DROD MI ZIN PA ZHES BYA BA NI MA 'OS PAR MANG DU ZOS PA'I LUS SHIG SHIG POR 'GYUR BA GANG YIN PA'O, ,ZAS MA YIN PA ZHES BYA BA NI GNYEN PO'O, RMUGS PA DANG GNYID KYIS NI SHES RAB KYI PHUNG PO LA JI ZHE NA, GNOD PAR BYED DO ZHES BYA BAR SKABS DANG SBYAR RO, ,RTOG PA 'DI LA ZHES BYA BA RGYAS PAR 'BYUNG BA NI GO RIMS GANG GI TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO ZHES PHUNG PO RNAMS RNAM PAR 'JOG PA'I GO RIMS DE NYID KYIS DE DAG GI MI MTHUN PAR GYUR BA'I SGRIB PA 'DOD PA LA 'DUN PA DANG, GNOD SEMS DANG, RGOD PA DANG 'GYOD PA DANG, RMUGS PA DANG GNYID DANG, THE TSOM ZHES 'DON PAR 'GYUR TE, SHES RAB KYI PHUNG PO BAS TING NGE 'DZIN GYI PHUNG PO GONG NAS 'BYUNG BA'I PHYIR RGOD PA DANG 'GYOD PA'I SGRIB PA LNGAR SMOS PAR 'GYUR BA ZHIG NA DE LTA YANG YIN TE, DE'I PHYIR 'DI NI GTAN TSIGS SU MI RUNG NGO SNYAM DU BSAMS PA YIN NO, ,'DI LA NI GTAN TSIGS GANG YIN SNYAM NAS SMRAS PA DE'I PHYIR GRANGS BZHIN DU RMUGS PA DANG GNYID DANG RGOD PA DANG 'GYOD PA'I SGRIB PA 'DI GNYIS KYIS TING NGE @138B 'DZIN DANG, SHES RAB KYI PHUNG PO LA GNOD PAR BYED PA YIN NO, ,JI LTAR ZHE NA SMRAS PA TING NGE 'DZIN LA BRTZON PA NI RMUGS PA DANG GNYID KYIS 'JIGS TE NGO BO 'DRA BA LTA BU YIN PA'I PHYIR RO, ,CHOS RAB TU RNAM PAR 'BYED PA LA BRTZON PA YANG DE DANG 'DRA'O, ,THE TSOM NI DE LA LANGS NA YANG CHOS LA NGES PAR RTOG PA'I TSE BAR CHAD BYED DO, ,GZHAN DAG NI TSIG 'DI SKAD DU RMUGS PA DANG, GNYID DANG RGOD PA DANG, 'GYOD PA DANG, THE TSOM ZHES BYA BAR 'DON CING 'DI SKAD DU YANG 'CHAD DE, RMUGS PA DANG GNYID NI ZHI GNAS KYI BAR DU GCOD PAR BYED PA YIN LA, RGOD PA DANG 'GYOD PA NI LHAG MTHONG GI BAR DU GCOD PAR BYED PA YIN, THE TSOM NI LANGS PA LA CHOS NGES PAR RTOG PA'I TSE BAR CHAD BYED PA YIN PAS RGOD PA DANG 'GYOD PAS 'JIGS SO ZHES BYA'O ZHE'O, ,GZHAN DAG NI GZHAN DU BRJOD DO ZHES BYA BA NI SNGON GYI SLOB DPON DAG GO, ,RGYU BAR GYUR PAS ZHES BYA BA NI BSOD SNYOMS KYI PHYIR 'BYAMS PAS SO, ,MTSAN MAR GZUNG BA'I PHYIR ZHES BYA BA NI, BUD MED KYI GZUGS ZHES BYA BA'AM, BUD MED KYI SGRA ZHES BYA BAR GZUNG BA'I PHYIR RO, ,GNAS PAR GYUR BA NANG DU YANG DAG 'JOG PA 'GRENG BA'AM, 'DUG PA'AM, 'CHAG PA'AM DE SNGON DU 'GRO BAS TE, YUL SDUG PA DANG MI SDUG PA LA MTSAN MAR 'DZIN PA SNGON DU 'GRO BA'AM, YUL SDUG PA DANG MI SDUG PA SNGON DU 'GRO BA DAG GO, ,GO RIMS BZHIN DU RMUGS PA DANG GNYID DANG, RGOD PA DANG 'GYOD PA DANG, THE TSOM NI ZHI GNAS DANG LHAG MTHONG DAG LA BAR CHAD BYED LA ZHES BYA BA NI, RMUGS PA DANG GNYID NI ZHI GNAS KYI BAR CHAD BYED DO, RMUGS PA DANG GNYID DAG NYE BA'I NGO BO NYID DU GNAS PA'I PHYIR RO, ,RGOD PA DANG 'GYOD PA DANG THE TSOM DAG NI LHAG MTHONG GI BAR CHAD BYED DO, ,RGOD PA DANG, 'GYOD PA BZLAS DBYE BA GCIG PA LTA BU'I NGO BOR BYAS PA THE TSOM DANG, LHAN CIG YANG ZLAS DBYE BA BYAS TE, RGOD PA DANG 'GYOD PA DANG THE TSOM NI RGOD PA DANG 'GYOD PA DAG DANG THE TSOM DAG CES BYA BA YIN NO, ,SKAL BA MI MNYAM PA'I KHAMS KUN DU 'GRO BA LOG PAR LTA BA LA SOGS PA SDUG BSNGAL DANG, KUN 'BYUNG MTHONG BAS SPANG BAR BYA BA NYID KYIS THA DAD PA @139A *, ,GNYIS SU GYUR PA RNAMS GANG GI TSE GZUGS DANG GZUGS MED PA'I KHAMS LA DMIGS PA'I GNAS SKABS NA SDUG BSNGAL DANG KUN 'BYUNG BA LA RJES SU SHES PA DANG MTHUN PA'I LAM GYIS DMIGS PA YONGS SU SHES PA DE'I TSE NI SNGAR SDUG BSNGAL LA CHOS SHES PA DANG, KUN 'BYUNG BA LA CHOS SHES PAS CI RIGS PAR SPANGS ZIN PA NYID KYI PHYIR SPANG BAR MI 'GYUR TE, DE DAG NI 'DOD PA NA SPYOD PA YIN PA'I PHYIR CHOS SHES PAS GZHOM PAR BYA BA YIN PAS SO, ,'GOG PA DANG LAM MTHONG BAS SPANG BAR BYA BA ZAG PA DANG BCAS PA LA DMIGS PA LTA BA MCHOG TU 'DZIN PA LA SOGS PA YANG GANG GI TSE DMIGS PA SDUG BSNGAL DANG KUN 'BYUNG BA'I BDEN PA'I NGO BO NYID SDUG BSNGAL LA CHOS SHES PA'I PHYOGS DANG MTHUN PA'AM, RJES SU SHES PA'I PHYOGS DANG MTHUN PAS KHAMS JI LTA BA BZHIN YONGS SU SHES PA DE'I TSE NA DE DAG SPONG BAR MI 'GYUR TE, 'GOG PA DANG LAM MTHONG BAS SPANG BAR BYA BA YIN PA'I PHYIR RO, ,JI LTAR DE DAG SPANG ZHE NA ZHES BYA BA NI DMIGS PA YONGS SU SHES PAS NI DE DAG SPONG BAR MI RUNG NGO SNYAM DU BSAMS PA YIN NO, ,RANG GI SA PA LA DMIGS PA RNAMS ZHES BYA BA KHYAD PAR SMOS PA NI SKAL BA MI MNYAM PA'I KHAMS SU KUN DU 'GRO BA BSAL BA'I PHYIR RO; ,DE LA DMIGS PA YANG DAG PAR ZAD PAS ZHES BYA BA NI 'DI DAG LA DMIGS PA SKAL BA MI MNYAM PA'I KHAMS SU KUN DU 'GRO BA DE DAG YOD PAS NA DE LA DMIGS PA STE, SKAL BA MI MNYAM PA'I KHAMS SU 'GRO BA RNAMS SO, ,DE DAG ZAD CING SPANGS PAS SKAL BA MI MNYAM PA'I KHAMS SU 'GRO BA DE DAG KUN DU SPANGS PAR 'GYUR RO, ,DMIGS PA SPANGS PAS ZHES BYA BA NI LTA BA MCHOG TU 'DZIN PA LA SOGS PA'I DMIGS PA 'GOG PA DANG LAM MTHONG BAS SPANG BAR BYA BA LOG PAR LTA BA LA SOGS PA SPANGS PAS LTA BA MCHOG TU 'DZIN PA LA SOGS PA ZAG PA DANG BCAS PA LA DMIGS PA DE DAG SPANG BAR 'GYUR RO, ,GNYEN PO SKYES PAS ZAD PAR 'GYUR, ,ZHES BYA BA NI BSGOM PAS SPANG BAR BYA BA RNAMS NI GNYEN PO SKYES PA KHO NAS ZAD PAR 'GYUR GYI DMIGS PA YONGS SU SHES PAS NI MA YIN NO ZHES STON PAR BYED DO, ,'OG NAS BSHAD PAR BYA'O ZHES BYA BA NI, SA DANG SA NA @139B NYES RNAMS DGU, ,DE BZHIN DU NI YON TAN RNAMS, ,ZHES BYA BA 'DI NAS 'CHAD PAR 'GYUR RO, ,SPONG BA GNYEN PO NI BAR CHAD MED PA'I LAM MO ZHES BYA BA NI MI MTHUN PA'I DGRA BO'I DGRA BO'I PHYOGS NI GNYEN PO YIN PAS SPONG BA GNYEN PO'O, ,RNAM PAR GROL BA'I LAM YANG GNYEN PO YIN MOD KYI SPONG BA'I CHED DU NI MA YIN PAS DE'I PHYIR DE SKAD DU KHYAD PAR SMOS SO, ,YANG NA 'DIS SPONG BAR BYED PAS SPANG BA YIN LA, 'DI NI SPONG BA YANG YIN GNYEN PO YANG YIN PAS SPONG BA GNYEN PO STE, 'DI LTA STE, SDUG BSNGAL LA CHOS SHES PA'I BZOD PA'O, ,GZHI GNYEN PO NI DE YAN CHAD KYI LAM GANG YIN PA ZHES BYA BA NI BAR CHAD MED PA'I LAM DE YAN CHAD KYI LAM GANG YIN PA DE, DE NI DE'I THOB PA KUN DU 'DZIN PA'I PHYIR SPANGS PA'I GZHI GNYEN PO YIN TE, 'DIS KUN DU 'DZIN PAS NA GZHI'O, ,DE NYID GNYEN PO YIN PAS NA GZHI GNYEN PO STE 'DI LTA STE SDUG BSNGAL LA CHOS SHES PA'I BZOD PA'I GONG MA SDUG BSNGAL LA CHOS SHES PA'O, ,DE'I PHYIR RGYU GANG GIS DE SPANGS PA'I THOB PA ZHES BYA BA RGYAS PAR SMOS TE, LAM GANG GIS DE'I THOB PA KUN DU 'DZIN PAR BYED PA YIN NO, ,KHYAD PAR GYI LAM DANG BAR CHAD MED PA'I LAM GYIS KYANG DE'I THOB PA RGYUN MI 'CHAD PA'I PHYIR BAR CHAD MED PA'I LAM GYIS SPANG BA'I THOB PA DE'I KUN DU 'DZIN PAS DE YANG GZHI GNYEN PO YIN NO, ,THAG BSRING BA'I NGO BO'I GNYEN PO NI ZHES BYA BA RGYAS PAR 'BYUNG BA NI GANG GI NYON MONGS PA'I THAG[?] BSRING[?] BAR BYED PA NI THAG BSRING BA'I NGO BO'O, ,DE NYID GNYEN PO YIN PAS NA THAG BSRING BA'I NGO BO'I GNYEN PO'O, , YANG NA THAG BSRING BA'I NGO BO NI THAG BSRING BAR 'GYUR BA'O, ,DE'I GNYEN PO NI THAG BSRING BA'I NGO BO GNYEN PO'O, ,RNAM PAR GROL BA YAN CHAD KYI LAM GANG YIN PA STE ZHES BYA BA NI RNAM PAR GROL BA'I LAM SDUG BSNGAL LA CHOS SHES PA GANG YIN PA DE YAN CHAD KYI LAM SDUG BSNGAL LA RJES SU SHES PA'I BZOD PA LA SOGS PA GANG YIN PA DE NI THAG BSRING BA'I NGO BO GNYEN PO YIN NO ZHES STON PAR BYED DO, ,GZHAN DAG NA RE RNAM PAR GROL BA'I LAM YANG YIN ZHES BYA BA NI RNAM PAR GROL BA'I LAM DANG PO DE YANG THAG BSRING BA'I NGO BO GNYEN PO ZHES BYA STE, DES KYANG NYON MONGS @140A *, ,PA'I THOB PA DE THAG BSRING[?] BAR BYED DO ZHES ZER RO, ,DE LTA NA RNAM PAR GROL BA'I LAM NI GZHI GNYEN PO DANG THAG BSRING BA'I NGO BO GNYEN PO ZHES BYA BA MING GNYIS THOB BO ZHES BSHAD PA YIN NO, ,KHAMS DE LA SKYON DU MTHONG NAS RNAM PAR SUN 'BYIN PAR BYED PA'O ZHES BYA BA NI GANG GIS KHAMS DE MI RTAG PA LA SOGS PA'I RNAM PAR SUN 'BYIN PA'O ZHES BYA BA'I THA TSIG GO, ,DE LTA NA SPONG BA'I GNYEN PO LA SOGS PA SDUG BSNGAL KUN 'BYUNG LA DMIGS PA GANG YIN PA DE YANG RNAM PAR SUN 'BYIN PA GNYEN PO YIN NO ZHES BSTAN PAR 'GYUR RO, ,YANG 'DI DAG GI GO RIMS 'DI NI CHOS LEGS PAR 'GYUR RO ZHES ZER BA NI SLOB DPON YIN TE, THEM SKAS KYI TSUL LA BRTEN PA'I PHYIR DANG MTSAN NYID MA 'CHOL BA'I PHYIR GO RIMS CHES LEGS PA YIN NO ZHES STON PAR BYED DO, ,SDUG BSNGAL DANG KUN 'BYUNG LA DMIGS PA SBYOR BA'I LAM MO ZHES BYA BA NI DRO BAR GYUR PA LA SOGS PA'I LAM KHO NA YIN PAR GZUNG GI BAR CHAD MED PA'I LAM LA SOGS PA NI MA YIN TE, DE NI SPONG BA GNYEN PO'I CHED DU RNAM PAR GZHAG PA'I PHYIR RO, ,BAR CHAD MED PA'I LAM THAMS CAD DO ZHES BYA BA NI DUS PHYIS 'BYUNG BA GANG YIN PA GZHAN YANG YIN NO; ;RNAM PAR GROL BA'I LAM MO ZHES BYA BA NI THAMS CAD DO ZHES BYA BA NYID DU YANG SKABS DANG SBYAR RO, ,KHYAD PAR GYI LAM NI 'DIR 'DI GSUM LAS MA GTOGS PA GANG YIN PA DE YIN PAR YONGS SU GZUNG NGO, ,MTSUNGS PAR LDAN PA LAS NI NYON MONGS PA RNAM PAR DBYE BAR MI NUS SO ZHES BYA BA NI RANG GI TSOGS LAS DGA' BAR MI NUS PA'I PHYIR RO, ,RE ZHIG MA 'ONGS PA NI RNAM PAR PHYE ZIN PA YANG DNGOS PO DE LA DMIGS NAS MI SKYE'O ZHES BYA BA NI GTAN TSIGS DES NA DMIGS PA LAS RNAM PAR DBYE BAR YANG NUS GRANG NA, DNGOS PO GANG ZHIG LA DMIGS NAS SKYES PA'I 'DAS PA GO JI LTAR NUS TE, DMIGS PAR BYAS PA'I DNGOS PO DMIGS PA MA YIN PAR BYAS PAR NI MI NUS SO, ,DE YANG MA NGES TE ZHES BYA BA NI DMIGS PA YONGS SU SHES PA DANG, DE LA DMIGS PA YANG DAG PAR, ,ZAD DANG DMIGS PA SPANGS PAS SO, , @140B GNYEN PO SKYES PAS ZAD PAR 'GYUR, ,ZHES RNAM PA BZHIS NYON MONGS PA ZAD PAR 'DOD DE, DE'I PHYIR DMIGS PA YONGS SU SHES PAS ZHES BYA BA NI MA NGES PA YIN NO, ,DE LTA BAS NA 'DI BRJOD PAR BYA DGOS SO ZHES BYA BA NI 'DI LA LAN GDAB DGOS SO ZHES BYA BA'I THA TSIG GO, ,'DI LA SLOB DPON 'DUS BZANG LAN 'DEBS[?] PA NI NYON MONGS PA RNAMS NI DMIGS PA LAS SPANG BAR BYA BA YIN TE, DMIGS PA YONGS SU SHES PA'I STOBS KYIS NYON MONGS PA RNAMS SPANG BAR 'GYUR BAS SO, ,PHRA RGYAS KYI DMIGS PA NI RNAM PA GNYIS TE, LDAN PAR 'GYUR BA'I DNGOS PO DANG LDAN PAR MI 'GYUR BA'I DNGOS PO'O, ,DE LA GANG ZAG GI RGYUD LA LDAN PAR 'GYUR BA'I DNGOS PO'I YUL CAN RNAMS DANG, DE'I YUL CAN MA YIN PA'I PHRA RGYAS DE DAG GI STOBS KYIS BSKYED PA RNAMS KYI THOB PA NYON MONGS PA MA 'ONGS PA DANG 'DAS PA'I RGYU DANG 'BRAS BUR GYUR PA NI GANG ZAG GI RGYUD NYON MONGS PA CAN MA YIN PA'I SEMS LA YANG RGYUN MI 'CHAD PAR RAB TU 'BYUNG LA, LDAN PAR MI 'GYUR BA'I DNGOS PO'I YUL CAN RNAMS DANG, DE'I YUL CAN MA YIN PA DE'I YUL CAN GYI NYON MONGS PA DAG GI RJES LA KUN DU 'BYUNG BA'I NYON MONGS PA RNAMS KYI THOB PA YANG DE DANG 'DRA BAR RIG PAR BYA'O, ,DE NI MA 'ONGS PA RNAMS SKYE BA'I RKYEN DU 'GYUR BA'I PHYIR RGYUR GYUR BA YANG YIN LA 'DAS PA RNAMS KYI RGYU MTHUN PAR 'GYUR BA'I PHYIR 'BRAS BUR GYUR BA YANG YIN NO, ,NYON MONGS PA RNAMS NI DES KUN DU GZUNG BA'I PHYIR DE YANG SPONG BA GNYEN PO RGYU MTHUN PA THOB PA DANG; PHRAD PAR 'GAL LO, ,DE'I PHYIR DMIGS PA GANG ZHIG GIS SKYES PA'I NYON MONGS PA RNAMS NI GZHAN LA DMIGS PA'I NYON MONGS PA DAG KYANG RAB TU 'BYUNG BAR BYED LA DE LA DMIGS PA SPONG BA GNYEN PO'I RGYU MTHUN PA SKYES NA NYON MONGS PA DE DAG DE LA DMIGS PA YIN YANG RGYU DANG 'BRAS BU DANG BRAL NA DE DAG GI THOB PA BCOM PA LA SPANGS PA ZHES BYA'O, ,DE BAS NA GANG GI PHYIR NYON MONGS PA'I YUL 'GA' ZHIG GI DNGOS PO JI LTA BA BZHIN YONGS SU MA SHES NA RGYUD LA DE'I YUL CAN GYI NYON MONGS PA'I STOBS KYIS DE'I YUL CAN MA YIN PA'I NYON MONGS PA RNAMS KYI THOB PA @141A *, ,MA 'ONGS PA DANG, 'DAS PA'I RGYU DANG 'BRAS BUR GYUR PA DNGOS PO JI LTA BA BZHIN MA YIN PAR RAB TU 'BYUNG BA DE'I PHYIR DMIGS PA LAS NYON MONGS PA SPANG BAR BYA BA YIN NO ZHES BYA BAR 'DOD DO ZHES ZER RO, ,DE LA DMIGS PA SPANGS PA LA SOGS PAS KYANG NYON MONGS PA SPANG BAR 'GYUR RO ZHES BYA BAR 'DOD PA MA YIN NAM CI STE DMIGS PA YONGS SU SHES PA'I STOBS KYIS NYON MONGS PA RNAMS SPANG BAR 'GYUR ZHES BYA BA 'DI SMRAS SHE NA, BSAM PA NI DE DAG KYANG SDUG BSNGAL LA SOGS PA YONGS SU SHES PA'I STOBS KHO NAS SPANG BAR 'GYUR TE, ,DE YOD PA'I NGO BO DANG LDAN PAS DE YOD PA'I NGO BO DANG LDAN PA'I PHYIR RO, ,GANG DAG GNYEN PO SKYES PAS SPONG BAR BRJOD PA BSGOM PAS SPANG BAR BYA BA'I NYON MONGS PA DE DAG KYANG DMIGS PA SDUG BSNGAL GYI BDEN PA LA SOGS PA YONGS SU SHES PA KHO NAS SPANG BAR 'GYUR RO ZHES BYA BAR KHONG DU CHUD PAR BYA'O, ,DE LA DMIGS PAS SPANGS PA LA SOGS PAS KYANG NYON MONGS PA RNAMS SPANG BAR 'GYUR RO ZHES BYA BA GANG YIN PA DE NI RNAM PAR GZHAG PA TZAM DU ZAD DO ZHES BYA BA YIN PAR MNGON NO, ,RANG GI RGYUD LA YOD PA NI THOB PA CHAD PAS SO ZHES BYA BA RGYAS PAR 'BYUNG BA NI RANG GI RGYUD KYI NYON MONGS PA NI THOB PA DANG BRAL BAS SPANGS PAR BRJOD PAR BYA'O, ,GZHAN GYI RGYUD KYI NYON MONGS PA NI THOB PA CHAD PAS MA YIN TE, RANG GI RGYUD LA DE'I THOB PA MED PA'I PHYIR RO, ,'O NA CI ZHE NA, DE LA DMIGS PA'I NYON MONGS PA RANG GI RGYUD LA YOD PA SPANGS PAS TE GZHAN GYI RGYUD KYI NYON MONGS PA LA DMIGS PA DANG RANG GI RGYUD LA YOD PA'I THOB PA CHAD PAS SO ZHES BYA BA'I DON TO, ,GZUGS DGE BA DANG MI DGE BA DANG LUNG DU MA BSTAN PA THAMS CAD DANG NYON MONGS PA CAN MA YIN PA ZHES BYA BA DGE BA ZAG PA DANG BCAS PA DANG MA BSGRIBS LA LUNG DU MA BSTAN PA GZUGS CAN MA YIN PA YANG DE KHO NA BZHIN DU DE DAG LA DMIGS PA'I NYON MONGS PA DAG RANG GI RGYUD LA YOD PA SPANGS PAS SPANGS PAR BRJOD PAR BYA'O, ,'BYUNG DANG TSUL KHRIMS PHYOGS DANG NI, ,DUS GNYIS RING BA NYID LTA BU'O, ,ZHES BYA BA LA LTA BU'O ZHES BYA BA NI DPER BRJOD PA STE, DPER NA ZHES BYA BA'I DON DU BLTA BAR BYA'O, ,MTSAN NYID @141B KYIS NI MTSAN NYID KYIS RING BA NYID DE, DPER NA 'BYUNG BA RNAMS LTA BU STE, CHU'I KHAMS KYANG SA'I KHAMS LAS MTSAN NYID THA DAD LA SA'I KHAMS KYANG DE LAS MTSAN NYID THA DAD PA NI RING BA YIN NO, ,MI MTHUN PA NYID KYIS NI GNYEN POS RING BA NYID DE, DPER NA 'CHAL PA'I TSUL KHRIMS LAS TSUL KHRIMS LTA BU'O, ,YUL RNAM PAR 'CHAD PAS NI YUL GYIS RING BA NYID DE, DPER NA SHAR GYI RGYA MTSO LAS NUB KYI RGYA MTSO LTA BU'O DUS KYI NI DUS KYIS RING BA NYID DE, DPER NA 'DAS PA DANG MA 'ONGS PA'I DUS GNYIS LTA BU'O, ,'DAS PA DANG MA 'ONGS PA DE NI RING BA ZHES BSHAD DE, GANG NAS BSHAD CE NA, CHOS MNGON PA LAS TE, 'DI SKAD DU CHOS RING BA DAG GANG ZHE NA, 'DAS PA DANG MA 'ONGS PA'I CHOS RNAMS SO, ,CHOS NYE BA DAG GANG ZHE NA, DA LTAR BYUNG BA'I CHOS RNAMS DANG, 'DUS MA BYAS SO ZHES 'BYUNG NGO, ,DE NI DUS THA DAD PA NYID KYIS RING BA YIN GYI ZHES BYA BA NI 'DAS MA THAG PA DANG SKYE BAR 'GYUR BA ZHES BYA BA SKYE BA LA MNGON DU PHYOGS PA'I MA 'ONGS PA GANG YIN PA ZHES BYA BA'I THA TSIG GO, ,YUN RING MO ZHIG NI BYUNG BA DANG 'BYUNG BA NYID KYIS NI MA YIN NO ZHES BYA BA NI YUN RING MO ZHIG NA BYUNG BAR GYUR PA NYID KYIS 'DAS PA YANG MA YIN LA, 'BYUNG BA NYID KYIS MA 'ONGS PA YANG MA YIN NO ZHES BYA BA'I THA TSIG GO, ,DA LTAR YANG DE BZHIN DU RING BAR 'GYUR RO ZHES BYA BA NI DUS THA DAD PA NYID KYIS NA DA LTAR BYUNG BA'I DUS NYID KYIS DA LTAR YANG RING BAR 'GYUR TE, DPER NA 'DAS PA DANG MA 'ONGS PA'I DUS NYID KYIS 'DAS PA DANG MA 'ONGS PA LTA BU'O, ,'O NA NI BYED PAS RING BA YIN NO ZHES BYA BA NI BYED PA ZHIG PA NI 'DAS PA YIN LA, BYED PA MA THOB PA NI MA 'ONGS PA YIN PAS 'DAS PA DANG MA 'ONGS PA DE RING BA ZHES BYA'O, ,'DUS MA BYAS JI LTAR NYE BA NYID DU 'GRUB CES BYA BA NI DE LA BYED PA MED PA'I PHYIR NYE BA NYID DU MI 'GYUR BA ZHIG NA BSTAN BCOS LAS CHOS NYE BA DAG GANG ZHE NA, DA LTAR BYUNG BA'I CHOS RNAMS DANG, 'DUS MA BYAS SO ZHES 'BYUNG BA'I PHYIR DER YANG 'DOD DO, ,DE THAMS CAD THOB PA'I PHYIR RO ZHES BYA BA NI 'DUS MA BYAS SO SOR BRTAGS PAS 'GOG PA DANG SO SOR BRTAGS PA MA YIN PAS 'GOG PA DE'I THOB PA YUL THAMS CAD DU SKYE @142A *, ,BA'I PHYIR RO, ,'DAS PA DANG MA 'ONGS PA DAG LA YANG THAL BAR 'GYUR RO ZHES BYA BA NI DGE BA LA SOGS PA 'DAS PA DANG MA 'ONGS PA'I THOB PA YUL THAMS CAD DU 'BYUNG BAS 'DAS PA DANG MA 'ONGS PA NYE BA NYID DU THAL BAR 'GYUR RO, ,NAM MKHA' YANG JI LTAR NYE BA YIN ZHES BYA BA NI NAM MKHA' YANG JI LTAR NYE BA YIN TE, DE LA NI THOB PA MED DO, ,'DAS PA DANG MA 'ONGS PA'I PHAN TSUN RING BA YIN ZHES BYA BA NI MA 'ONGS PA YANG 'DAS PA LAS RING LA 'DAS PA YANG MA 'ONGS PA LAS RING NGO ZHES BYA BA'I THA TSIG GO, ,'DUS MA BYAS KYANG CHOD PA MED PA'I PHYIR ZHES BYA BA NI JI LTAR DA LTAR GYI 'DAS PA DANG MA 'ONGS PA LTAR GANG GIS KYANG BAR DU CHOD PA MED DE DE LTAR NA NYE BA NYID YIN NO, ,DE LTA NA YANG ZHES BYA BA NI RTOG PA DE LA YANG 'DAS PA DANG MA 'ONGS PA LAS RING NGO ZHES BYA BA'I THA TSIG GO, ,'DUS MA BYAS KYANG CHOD PA MED PA'I PHYIR ZHES BYA BA NI JI LTAR BAR DU CHOD PA'I PHYIR MA 'ONGS PA LAS RING BA YANG YIN LA, DA LTAR DANG BAR DU MA CHOD PA'I PHYIR NYE BA YANG YIN ZHES BYA BAR YANG 'GYUR TE, MA 'ONGS PA YANG DE BZHIN DU SBYOR BAR BYA'O, ,'DI SKAD DU RIGS PAR 'GYUR RO ZHES BYA BA NI SLOB DPON RANG GI GZHUNG LUGS YIN TE, MA 'ONGS PA NI CHOS KYI RANG GI MTSAN NYID LAS RING BA YIN NO, ,CI'I PHYIR ZHE NA, MA THOB PA'I PHYIR TE, 'DI LTAR MA 'ONGS PAS NI RANG GI MTSAN NYID MA THOB PO, ,YANG NA 'DI LTAR DE NI RANG GI MTSAN NYID MA THOB CING NYE BAR MI GNAS PA YIN NO, ,'DAS PA NI CI ZHE NA ZHIG PA'I PHYIR CHOS KYI RANG GI MTSAN NYID LAS RING BA YIN TE, 'DI LTAR CHOS KYI RANG GI MTSAN NYID DE 'DAS PAS ZHIG PA'AM, 'DAS PA DE CHOS KYI RANG GI MTSAN NYID LAS ZHIG PAS SO, ,GNYEN PO SKYES PAS ZAD PAR 'GYUR, ,ZHES BSHAD PAS DE'I PHYIR CI LAM KHYAD PAR DU 'GRO BA'I PHYIR ZHES BYA BA 'DRI BAR BYED DE, SPANGS PAS YANG KHYAD PAR DU 'GYUR RAM ZHES BYA BA NI SPANGS PA KHYAD PAR DU 'GYUR RAM ZHES BYA BA'I THA TSIG GO, ,'DIR NI GNYEN PO RNAM PAR GROL BA'I LAM YIN PAR BSAMS SO ZHES BYA BA NI DE NI BRAL BA'I THOB PA DANG LHAN CIG SKYES PA'I PHYIR RO, ,BAR CHAD MED PA'I LAM LA NI RE ZHIG BRAL @142B BA'I THOB PA MED DO, SKYE BA LA MNGON DU PHYOGS PA YIN PA'I PHYIR RO, ,RNAM PAR GROL BA'I LAM YANG BAR CHAD MED PA'I LAM GNYEN PO DNGOS DANG LHAN CIG 'BRAS BU GCIG PA'I PHYIR GNYEN PO YIN NO ZHES BYA BAR RNAM PAR GZHAG PAR MI NUS TE, 'DI LTAR BRAL BA'I THOB PA 'DREN PAR BYED PA DANG; RTEN DU GYUR PA'I PHYIR GNYIGS DE 'THOB BO ZHES BSHAD DO, ,'BRAS BU DAG NI DGE SBYONG GI TSUL GYI 'BRAS BU BZHI'O ZHES BYA BA LA 'BRAS BU BZHI ZHES SMOS PA NI 'BRAS BU BRGYAD CU RTZA DGU YIN PAR GO BAR 'GYUR BA BSTZAL BA'I PHYIR RAM, SKYES BU BYED PA'I 'BRAS BU LA SOGS PA LNGA YIN PAR GO BAR 'GYUR BA BSAL BA'I PHYIR RO, ,'BRAS BU THOB PA YANG RNAM PAR GROL BA'I LAM LA RNAM PAR GZHAG PA KHO NAR GZUNG BAR BYA STE, BRAL BA'I RNYED PA YOD PA NYID DANG LDAN PA'I PHYIR RO, ,DBANG PO RNAM PAR 'PHEL BA NI DBANG PO 'PHO BA'O ZHES BYA BA NI DBANG PO LHAG PA YIN PAR GO BAR 'GYUR BA BSAL BA'I PHYIR DON 'DI RAB TU BSTAN PA YIN TE, SLOB DPON 'DUS BZANG NA RE DBANG PO RNAM PAR 'PHEL BA ZHES BYA BA NI 'BRAS BU THOB BA ZHES SMOS PA KHO NAS GRUB PA'I PHYIR RO ZHES ZER RO, ,'DI LA SMRA BAR BYA STE, 'BRAS BU THOB PA KHO NA DBANG PO RNAM PAR 'PHEL BA YIN PA BDEN MOD KYI GANG LA BRAL BA RNYED PAR 'GYUR BA'I 'BRAS BU THOB PA KHYAD PAR CAN NI RAB TU BSTAN DGOS SO, ,DE LTA MA YIN NA GNYEN PO SKYES PA SMOS PA KHO NAS DE GRUB PA'I PHYIR 'BRAS BU THOB PA YANG SMOS PAR BYA MI DGOS PAR 'GYUR TE ZUG ZUG TU BRGAL MI DGOS SO, ,KHA CIG GI NI DUS GNYIS KYI BAR DU 'THOB BAR BLTA BAR BYA'O ZHES BYA BA NI NYON MONGS PA KHA CIG GI BRAL BA NI DUS DRUG TU 'THOB PO, ,BAR DU ZHES BYA BA'I SGRAS NI KHA CIG GI NI DUS LNGAR RO, ,KHA CIG GI NI BZHIR RO, ,KHA CIG GI NI GSUM DU'O, ,KHA CIG GI NI GNYIS SU'O ZHES BSTAN PA YIN NO, ,YANG THOB PA'I BRAL BA'I DBANG DU BYAS PA YIN PA'I PHYIR, KHA CIG GI NI DUS GCIG TU 'THOB PO ZHES NI MA BSHAD DE DBANG PO RNON POS SRID PA'I RTZE MO'I RNAM PA DGU PA'I BRAL BA DUS GCIG KHO NAR 'THOB PA SRID MOD KYI DE NI YANG 'THOB PA MA YIN PAS MI BRJOD DO, ,DE LA RE ZHIG DBANG PO RTUL POS BRAL BA DUS DRUG TU 'THOB STE, @143A *, ,SDUG BSNGAL DANG KUN 'BYUNG DANG 'GOG PA MTHONG BAS SPANG BAR BYA BA KHAMS GSUM PA RNAMS DANG, LAM MTHONG BAS SPANG BAR BYA BA 'DOD PA NA SPYOD PA RNAMS KYI BRAL BA NI GNYEN PO SKYES PA'I DUS DANG RGYUN DU ZHUGS PA'I 'BRAS BU'I DUS DANG, LAN CIG PHYIR 'ONG BA'I 'BRAS BU'I DUS DANG, PHYIR MI 'ONG BA'I 'BRAS BU'I DUS DANG, DGRA BCOM PA NYID KYI 'BRAS BU'I DUS DANG, DBANG PO 'PHO BA'I DUS ZHES BYA BA DUS DRUG TU 'THOB PO, ,SRID PA'I PHYIR DE SKAD DU BSHAD PAR ZAD KYI DBANG PO RTUL PO GDON MI ZA BAR DBANG PO DAG 'PHO BA MA YIN NO, ,DBANG PO RTUL PO DE NYID KYIS LAM MTHONG BAS SPANG BAR BYA BA GZUGS DANG GZUGS MED PA NA SPYOD PA RNAMS KYI BRAL BA GNYEN PO SKYES PA'I DUS ZHES BYA BA'AM 'BRAS BU THOB PA'I DUS ZHES BYA BAR GZUNG YANG RUNG STE, LAM LA RJES SU SHES PA'I DUS NA DANG PO NYID DU 'THOB PA DANG, YANG LAN CIG PHYIR 'ONG BA'I DUS NAS DBANG PO 'PHO BA'I DUS ZHES BYA BA'I BAR TE DUS LNGAR 'THOB PO, ,DE NYID KYIS BSGOM PAS SPANG BAR BYA BA 'DOD PA NA SPYOD PA CHEN PO NAS 'BRING PO'I 'BRING PO'I BAR RNAM PA LNGA'I BRAL BA YANG RGYUN DU ZHUGS PA'I 'BRAS BU MA GTOGS PA DUS LNGA PO DE DAG NYID DU 'THOB BO, ,DE NYID KYI RNAM PA DRUG PA 'BRING PO'I CHUNG NGU'I BRAL BA NI GNYIS PO SKYES PA DANG 'BRAS BU THOB PA'I DUS DAG GCIG PA'I PHYIR DE'I GANG YANG RUNG BA ZHIG DANG PHYIR MI 'ONG BA'I 'BRAS BU'I DUS NAS DBANG PO 'PHO BA'I DUS ZHES BYA BA'I BAR DUS BZHIR 'THOB PO, ,DE NYID KYI RNAM PA BDUN PA DANG BRGYAD PA CHUNG NGU'I CHEN PO DANG CHUNG NGU'I 'BRING PO THOB PA NI GNYEN PO SKYES PA'I DUS DANG PHYIR MI 'ONG BA'I 'BRAS BU'I DUS NAS DBANG PO 'PHO BA'I DUS KYI BAR DUS BZHI KHO NAR 'THOB PO, ,DE NYID KYIS RNAM PA THA MA'I CHUNG NGU'I CHUNG NGU BRAL BA NI GNYEN PO SKYES PA'I DUS ZHES BYA BAR YANG RUNG, 'BRAS BU THOB PA'I DUS ZHES BYA BAR YANG RUNG STE, GANG YANG RUNG BA ZHIG DANG, DGRA BCOM PA NYID KYI 'BRAS BU THOB PA'I DUS DANG DBANG PO 'PHO BA'I DUS ZHES BYA BA DUS GSUM DU 'THOB PO, ,DE BZHIN DU DGRA BCOM PA NYID KYI 'BRAS BU THOB PAR BYED PA DES GZUGS DANG GZUGS MED PA'I NYON MONGS PA BSGOM PAS SPANG BAR BYA BA CHEN PO'I CHEN PO @143B NAS CHUNG NGU'I CHUNG NGU'I BAR RNAM PA DGU SPANGS PA GANG DAG YIN PA DE DAG LAS SRID PA'I RTZE MO PA'I RNAM PA THA MA CHUNG NGU'I CHUNG NGU MA GTOGS PA THAMS CAD KYI BRAL BA YANG YANG GNYEN PO SKYES PA'I DUS DANG, DGRA BCOM PA NYID KYI 'BRAS BU'I DUS DANG DBANG PO 'PHO BA'I DUS ZHES BYA BA DUS GSUM KHO NAR 'THOB BO, ,GZUGS MED PA NA SPYOD PA'I RNAM PA CHUNG NGU'I CHUNG NGU GANG YIN PA DE'I BRAL BA NI GNYEN PO SKYES PA DANG BRAL BA NYID KYI 'BRAS BU THOB PA DUS GCIG PA'I PHYIR GNYEN PO SKYES PA'I DUS ZHES BYA BAR YANG RUNG DGRA BCOM PA NYID KYI 'BRAS BU THOB PA'I DUS ZHES BYA BAR YANG RUNG STE, GANG YANG RUNG BA ZHIG DANG DBANG PO 'PHO BA ZHES BYA BA DUS GNYIS SU 'THOB STE RE ZHIG DE LTA BU NI DBANG PO RTUL POS 'THOB PA BSHAD PA YIN NO, ,DBANG PO RNON POS NI DBANG PO 'PHO BA'I DUS GCIG TU BOR NAS NYON MONGS PA KHA CIG GI NI DUS LNGAR 'THOB PAS NA DUS GNYIS KYI BAR DU 'THOB PO ZHES BYA BAR BRJOD PAR BYA STE, DE LA NI THAMS CAD DU DBANG PO 'PHO BA MED DO, ,DES NI NYON MONGS PA RNAMS KYI BRAL BA DUS GCIG TU 'THOB PA YOD DE, BSGOM PAS SPANG BAR BYA BA SRID PA'I RTZE MO PA'I RNAM PA CHUNG NGU'I CHUNG NGU BRAL BA LTA BU YIN NA DE NI YANG 'THOB PAR MI 'GYUR BAS MI BRJOD DO ZHES BYA BAR LTA'O, ,'BRAS BU LA RGYU BTAGS PA'I PHYIR RO ZHES BYA BA NI SPANGS PA'O, ,RGYU NI YONGS SU SHES PA STE, ,YE SHES KYI NGO BO NYID YIN NO, ,'BRAS BU SPANGS PA DE LA YONGS SU SHES PA'O ZHES RGYU NYE BAR BTAGS PA YIN TE, DPER NA REG PA'I SKYE MCHED DRUG PO SDON MNGON PAR 'DUS BYAS SHING CHED DU BSTZAGS PA 'DI DAG NI SNGON GYI LAS YIN PAR RIG PAR BYA'O ZHES 'BYUNG BA LTA BU'O, ,YANG GANG NAS SPANG BA LA YONGS SU SHES PA'I SGRAR BSTAN ZHE NA MDO LAS TE, 'DI SKAD DU DGE SLONG DAG YONGS SU SHES PAR BYA BA'I CHOS RNAMS DANG, YONGS SU SHES PA DAG DANG, YONGS SU SHES PA DANG LDAN PA'I GANG ZAG KYANG BSHAD PAR BYA STE, YONGS SU SHES PAR BYA BA'I CHOS RNAMS GANG ZHE NA, NYE BAR LEN PA'I PHUNG PO LNGA'O, ,YONGS SU SHES PA GANG ZHE NA, 'DI LA 'DUN PA'I 'DOD CHAGS SPANGS PA DANG, 'DUN PA'I 'DOD CHAGS LAS YANG DAG PAR @144A *, ,'DAS PA STE, 'DI NI YONGS SU SHES PA ZHES BYA BA'O ZHES BYA BA RGYAS PAR GSUNGS SO, ,'DOD PA NA DANG PO'I RNAM GNYIS ZAD LA GCIG CES BYA BA NI YONGS SU SHES PAR RNAM PAR GZHAG BA'I GTAN TSIGS BRAL BA'I THOB PA ZAD MED DANG, SRID RTZE NYAMS PAR BYAS PA DANG,, RGYU GNYIS KUN DU BCOM PA'I PHYIR, ,YONGS SHES ZHES BYA BA 'DI NAS 'CHAD BAR 'GYUR RO, ,THA MA'I CHA DANG MTHUN PA SPANGS PA ZHES BYA BA NI 'DOD PA'I KHAMS KYI ZAG PA SPANGS PA ZHES BYA BA'I THA TSIG STE 'DI NYID DE'I MING YIN NO, ,GZUGS KYI ZAG PA SPANGS PA ZHES BYA BA NI GZUGS KYI KHAMS KYI ZAG PA SPANGS PA ZHES BYA BA'I DON TE, DE'I MING NAS GZUGS KYI KHAMS KYI 'DOD CHAGS ZAD PA'I YONGS SU SHES PA ZHES BYA'O, ,NGA RGYAL LA SOGS PA'I NYON MONGS PA DANG NYE BA'I NYON MONGS PA GZUGS NA SPYOD PA GZHAN DAG KYANG YOD MOD KYI 'DI'I YONGS SU SHES PA RNAM PAR GZHAG PA NI DE NA 'DOD CHAGS GTZO BO YIN PA'I PHYIR GONG MA'I CHA DANG MTHUN PA'I KUN DU SBYOR BA'I NI GZUGS KYI 'DOD CHAGS ZAD PA'I YONGS SU SHES PA ZHES BSHAD DO, ,KUN DU SBYOR BA THAMS CAD YONGS SU GTUGS PA'I YONGS SU SHES PA'O ZHES BYA BA 'DI NI ZAG PA THAMS CAD SPANGS BA'I MING YIN NO, ,YONGS SU SHES PA NI THA DAD PAR BSTAN LA ZHES BYA BA NI BSGOM PAS SPANG BAR BYA BA GZUGS NA SPYOD PA RNAMS SPANGS PA NI GZUGS KYI 'DOD CHAGS ZAD PA'I YONGS SU SHES PA YIN NO, ,GZUGS MED PA RNAMS KYIS NI KUN DU SBYOR BA THAMS CAD YONGS SU GTUGS PA'I YONGS SU SHES PA YIN NO ZHES 'BYUNG BA'I PHYIR RO, , MTHONG BAS SPANG BAR BYA BA RNAMS KYI NI MA YIN TE ZHES BYA BA NI CI'I PHYIR GZUGS DANG GZUGS MED PA NA SPYOD PA'I MTHONG BAS SPANG BAR BYA BA RNAMS KYI YONGS SU SHES PA SO SOR MI BSTAN TE, DE BZHIN DU GZUGS DANG GZUGS MED PA NA SPYOD PA MTHONG BAS SPANG BAR BYA BA RNAMS SPANGS PA YANG YONGS SU SHES PA GSUM YIN TE ZHES 'BYUNG BA'I PHYIR RO, ,BSGOM PAS SPANG BAR BYA BA RNAMS KYI GNYEN PO MI 'DRA BA'I PHYIR RO ZHES BYA BA NI 'DI LTAR SA DANG SA NA GZUGS NA SPYOD PA'I BSGOM PAS SPANG BAR BYA BA RNAM PA DGU'I GNYEN PO BAR CHAD MED PA DANG RNAM PAR GROL BA'I LAM ZAG PA MED PA MI @144B LCOGS PA MED PA LA SOGS PA'I SA DANG, ZAG PA DANG BCAS PA BSAM GTAN GNYIS BA'I NYER BSDOGS KYIS BSDUS PA NAS NAM MKHA' MTHA' YAS SKYE MCHED KYI NYER BSNGOGS KYIS BSDUS PA'I BAR RNAM PA DGU YOD LA GZUGS MED PA NA SPYOD PA RNAMS KYI GNYEN PO BAR CHAD MED PA'I LAM DANG, RNAM PAR GROL BA'I LAM NI CI RIGS PAR ZAG PA MED PA'I SA 'OG MA PA 'AM, CI RIGS PAR ZAG PA DANG BCAS PA GONG MA'I NYER BSDOGS KYIS BSDUS PA DAG YOD DE, GZHAN KHO NA YIN PAS GNYEN PO MI 'DRA BA'I PHYIR 'DI DAG GIS YONGS SU SHES PA THA DAD PAR BSTAN TO, ,MTHONG BAS SPANG BAR BYA BA RNAMS KYI GNYEN PO 'DRA STE, RJES SU SHES PA'I BZOD PA LA SOGS PA GZUGS NA SPYOD PA RNAMS KYI GNYEN PO DE DAG NYID GZUGS MED PA RNAMS KYI YANG YIN PAS YONGS SU SHES PA THA DAD DU RNAM PAR MI GZHAG GO, ,THA MA'I CHA DANG MTHUN PA SPANGS PA LA SOGS PA YONGS SU SHES PA STE ZHES BYA BA NI THA MA'I CHA DANG MTHUN PA SPANGS PA'I YONGS SU SHES PA DANG, GZUGS KYI 'DOD CHAGS ZAD PA'I YONGS SU SHES PA DANG, KUN DU SBYOR BA THAMS CAD YONGS SU GTUGS PA'I YONGS SU SHES PA'O, ,'DI DAG NI BSGOM PA'I LAM GYI 'BRAS BU YIN PA'I PHYIR SHES PA'I 'BRAS BU YIN TE, BSGOM PA'I LAM LA BZOD PA DAG NI MED DO, ,JI LTAR YONGS SU SHES PA BZOD PA'I 'BRAS BU YIN ZHES BYA BA NI YONGS SU SHES PA DANG SHES PA ZHES BYA BA NI DON GCIG STE, SHES PA DANG YONGS SU SHES PA NI ZAG PA MED PA'I YE SHES YIN NO ZHES 'BYUNG BA'I PHYIR RO,, ,, BAM PO BZHI BCU RTZA BZHI PA, DRI MED BZOD RNAMS SHES PA MIN, ,ZHES 'BYUNG BAS BZOD PA NI SHES PA'I NGO BO NYID YIN PAR YANG MI RUNG NA, DE JI LTAR YONGS SU SHES PA BZOD PA'I 'BRAS BU YIN TE, 'BRAS BU LA RGYU BTAGS PA BYAS NA YANG MI RUNG NGO SNYAM DU BSAMS PA YIN NO, ,'DIR BZOD PA RNAMS NI SHES PA'I 'KHOR CAN YIN PA'I PHYIR ZHES BYA BA SMOS TE, 'DI DAG LA 'KHOR SHES PA YOD PAS NA SHES PA'I 'KHOR CAN TE, BZOD PA RNAMS SO, ,DE'I PHYIR SHES PA'I 'BRAS BU YANG BZOD PA RNAMS KYI 'BRAS BU ZHES BYA'O, ,RGYAL PO'I 'KHOR LA RGYAL PO NYE BAR @145A *, ,BTAGS PA BZHIN TE, DPER NA RGYAL PO'I 'KHOR LA RGYAL PO NYE BAR BTAGS PA'I PHYIR 'KHOR GYIS BYAS PA LA YANG RGYAL POS BYAS PA ZHES BYA BA DANG 'DRA'O, ,SHES PA DANG 'BRAS BU GCIG PA'I PHYIR RO ZHES BYA BA NI BZOD PA DAG NI SHES PA DANG LHAN CIG 'BRAS BU GCIG PA YIN TE, BZOD PA DAG GI 'BRAS BU GANG YIN PA DE NYID SHES PA RNAMS KYI YIN PAS BZOD PA'I 'BRAS BU YANG YONGS SU SHES PAR RUNG NGO, ,MI LCOGS MED 'BRAS THAMS CAD DO, ,ZHES BYA BA NI 'DI LTAR MI LCOGS PA'I SA PA'I LAM GYIS KHAMS GSUM PA'I MTHONG BA DANG, BSGOM PAS SPANG BAR BYA BA'I ZAG PA RNAMS SPONG BA SRID DE, ZAG MED MI LCOGS MED PA YIS, ,THAMS CAD LAS NI 'DOD CHAGS BRAL, ,ZHES 'BYUNG BA'I PHYIR RO, ,GZUGS DANG GZUGS MED PA NA NYON MONGS PA SPANGS PA'I RANG BZHIN GANG DAG YIN PA'O ZHES BYA BA NI BYE BRAG TU SMRA BA RNAMS NA RE GZUGS DANG GZUGS MED BAN SPYOD PA'I MTHONG BAS SPONG BAR BYA BA RNAMS SPANGS PA JI SKAD BSHAD PA'I YONGS SU SHES PA GSUM DANG BSGOM PAS SPANG BAR BYA BA GZUGS NA SPYOD PA RNAMS SPANGS PA GZUGS KYI 'DOD CHAGS ZAD PA'I YONGS SU SHES PA DANG, GZUGS MED PA NA SPYOD PA RNAMS SPANGS PA KUN DU SBYOR BA THAMS CAD YONGS SU GTUGS PA'I YONGS SU SHES PA ZHES BYA BA LNGA STE, BSAM GTAN GYI DNGOS GZHI LA BRTEN NAS GZUGS DANG GZUGS MED PA NA SPYOD PA'I NYON MONGS PA SPONG BA SRID PA'I PHYIR RO, ,'DOD PA NA SPYOD PA'I NYON MONGS PA SPANGS BA NI BSAM GTAN GYI DNGOS GZHI'I 'BRAS BU MA YIN TE, BSAM GTAN GYI DNGOS GZHI RNAMS NI 'DOD PA'I KHAMS KYI GNYEN PO MA YIN PA'I PHYIR RO, ,DE LTA BAS NA 'DOD CHAGS DANG BRAL BA RNAMS LA BRAL BA'I THOB PA ZAG PA MED PA YOD DU ZIN KYANG THA MA'I CHA DANG MTHUN PA SPANGS PA'I YONGS SU SHES PA BZHIN DU 'DOD PA NA SPYOD PA MTHONG BAS SPANG BAR BYA BA SPANGS PA NI BSAM GTAN GYI DNGOS GZHI'I 'BRAS BU MA YIN NO ZHES ZER RO, ,BTZUN PA DBYANGS SGROGS KYI LUGS KYIS NI BRGYAD DE ZHES BYA BA NI BTZUN PA DBYANGS SGROGS DE NI 'DOD PA'I 'DOD CHAGS DANG BRAL BA'I GANG @145B ZAG GI YANG 'DOD PA NA SPYOD PA MTHONG BAS SPANG BAR BYA BA RNAMS SPANGS PA YONGS SU SHES PA GSUM GYI NGO BO NYID 'PHAGS PA'I LAM GYI 'BRAS BU YIN PAR 'DOD DO, ,CI'I PHYIR ZHE NA, BRAL BA'I THOB PA ZAG PA MED PA RNYED PA'I PHYIR TE, BSAM GTAN GYI DNGOS GZHI LA BRTEN NAS NGES PA LA 'JUG PA NA YANG MTHONG BAS SPANG BAR BYA BA'I ZAG PA SNGON 'JIG RTEN PA'I LAM GYIS SPANGS PA RNAMS KYIS BRAL BA'I THOB PA ZAG PA MED PA YANG 'THOB LA DE LA NI MTHONG BA'I LAM GYI NUS PA YOD PAS GZUGS DANG GZUGS MED PA NA SPYOD PA'I MTHONG BAS SPANG BAR BYA BA SDANGS PA BZHIN DU, 'DOD PA NA SPYOD PA'I MTHONG BAS SPANG BAR BYA BA SNGON SPANGS PA'I YONGS SU SHES PA YANG DNGOS GZHI BSAM GTAN GYI 'BRA BU'O ZHES BYA BAR RNAM PAR GZHAG GO, ,DE LTA BAS NA 'DOD PA NA SPYOD PA'I MTHONG BAS SPANG BAR BYA BA SPANGS PA'I YONGS SU SHES PA GSUM PO 'DI DAG DANG SNGAR BSHAD PA GZUGS DANG GZUGS MED PA'I YONGS SU SHES PA DANG BCAS PA YONGS SU SHES PA BRGYAD BSAM GTAN GYI 'BRAS BU YIN NO ZHES BYA BA NI BTZUN PA DBYANGS SGROGS KYI GZHUNG LUGS YIN NO, ,THA MA'I CHA DANG MTHUN PA SPANGS PA'I YONGS SU SHES PA NI MI LCOGS PA MED PA'I 'BRAS BU KHO NA YIN NO ZHES BYA BA NI 'DOD PA LAS 'DOD CHAGS DANG MA BRAL BA NI MI LCOGS PA MED PA KHO NAS THA MA'I CHA DANG MTHUN PA SPONG BAR BYED KYI DNGOS GZHIS NI MA YIN TE, DE MA THOB PA'I PHYIR RO, ,'DOD CHAGS DANG BRAL BA SNGON DU 'GRO BA YANG GANG GI TSE BSAM GTAN LA BRTEN NAS NGES PA LA 'JUG PA DES KYANG SO SO'I SKYE BO'I GNAS SKABS NA 'JIG RTEN PA'I LAM GYIS 'DOD PA NA SPYOD PA'I NYON MONGS PA THAMS CAD SPANGS PAS DE BSAM GTAN GYI DNGOS GZHI'I 'BRAS BU MA YIN NO, ,SEMS KYI SKAD CIG MA BCU DRUG LA DE'I THA MA'I CHA DANG MTHUN PA SPANGS PA'I YONGS SU SHES PA BSAM GTAN GYI DNGOS GZHI LA BRTEN PAR YANG RNAM PAR GZHAG MOD KYI DE'I 'BRAS BU ZHES BYA BAR RNAM PAR GZHAG PA NI MA YIN NO, ,'O NA CI ZHE NA, GNAS SKABS DE NA THA MA'I CHA DANG MTHUN PA SPANGS PA'I 'JIG RTEN PA'I LAM GYIS THOB PA'I BRAL BA'I THOB PA ZAG PA MED PA YANG 'THOB PAS DE SPANGS PA'I YONGS SU SHES PAR RNAM PAR GZHAG STE, @146A *, ,DE'I TSE NI MTHONG BAS SPANG BAR BYA BA SNGA MA SPANGS PAS SNGAR MTHONG BA'I LAM GYIS SPANG BAR BYA BA SPANGS PA GANG YIN PA DANG, SNGAR SPANGS PA THA MA'I CHA DANG MTHUN PA SPANGS PA BSDOMS NAS THA MA'I CHA DANG MTHUN PA SPANGS PA'I YONGS SU SHES PA GCIG TU RNAM PAR GZHAG STE, KHAMS LAS 'DOD CHAGS BRAL BA DANG, ,'BRAS BU THOB PHYIR DE DAG BSDOMS, ,ZHES THAMS CAD BSDOMS PA'I GTAN TSIGS YOD PA'I PHYIR RO, ,DE LTA BAS NA THA MA'I CHA DANG MTHUN PA SPANGS PA'I YONGS SU SHES PA DE NI MI LCOGS PA MED PA'I 'BRAS BU KHO NAR RNAM PAR GZHAG GI DNGOS GZHI'I 'BRAS BU NI MA YIN TE, 'DI LA NI BYE BRAG TU SMRA BA DANG, BTZUN PA DBYANGS SGROGS KYI GZHUNG LUGS MTHUN NO, ,BSAM GTAN KHYAD PAR CAN YANG BSAM GTAN BZHIN DU BLTA BAR BYA'O ZHES BYA BA NI BSAM GTAN KHYAD PAR CAN GYI ZAG PA MED PAS KYANG NYON MONGS PA SPONG BAR 'GYUR TE, DE LTA BAS NA MI LCOGS PA MED PA DANG, DNGOS GZHI'I BSAM GTAN RNAMS KHO NA'I 'BRAS BU KHO NA BSHAD KYI, BSAM GTAN KHYAD PAR CAN GYIS NI MA YIN NO, ,DE'I PHYIR BSAM GTAN KHYAD PAR CAN YANG BSAM GTAN BZHIN DU BLTA BAR BYA'O ZHES BYA BA SMOS TE, BSAM GTAN KHYAD PAR CAN NI BSAM GTAN DANG PO KHO NA RTOG PA DANG BRAL BAS KHYAD PAR DU 'PHAGS PA YIN PA'I PHYIR RO, ,NAM MKHA' MTHA' YAS SKYE MCHED KYI NYER BSDOGS KYI ZHES BYA BA NI DE NI 'JIG RTEN YIN YANG 'PHAGS PA KHO NA LA 'BRAS BU YONGS SU SHES PAR RNAM PAR GZHAG STE, BRAL BA'I THOB PA ZAG PA MED PA SRID PA'I PHYIR RO, ,GZUGS MED DNGOS GZHI GSUM GYI YANG, ,ZHES BYA BA NI ZAG PA MED PA'I'O, ,'JIG RTEN PA'I LAM GYI 'BRAS BU NI GNYIS TE ZHES BYA BA NI 'PHAGS PA 'JIG RTEN PA'I LAM GYIS 'DOD PA'I KHAMS LAS 'DOD CHAGS DANG BRAL BAR BYED PA NA 'O, , RJES SU SHES PA'I 'BRAS BU YANG YONGS SU SHES PA GNYIS TE ZHES BYA BA NI BSGOM PA'I LAM GYIS BSDUS PA'I STE, THA MA GZUGS KYI 'DOD CHAGS ZAD PA DANG, KUN DU SBYOR BA THAMS CAD YONGS SU GTUGS PA'I YONGS SU SHES PA DAG GO, ,CHOS SHES PA NI GSUM YIN NO ZHES BYA BA NI @146B BSGOM PA'I LAM GYIS BSDUS PA'I STE, BSGOM PA'I LAM LA 'GOG PA'AM, ,LAM LA CHOS SHES GANG YIN TE, ,KHAMS GSUM GYI NI GNYEN PO YIN, ,ZHES 'BYUNG BAS SO, ,DE'I 'BRAS BU NI THA MA GSUM PO THA MA'I CHA DANG MTHUN PA SPANGS PA DANG GZUGS KYI 'DOD CHAGS ZAD PA DANG KUN DU SBYOR BA THAMS CAD YONGS SU GTUGS PA'I YONGS SU SHES PA YIN NO, ,CI'I PHYIR ZHE NA, KHAMS GSUM PA'I BSGOM PAS SPANG BAR BYA BA'I GNYEN PO YIN PA'I PHYIR RO ZHES BYA BA SMOS SO, ,DE PHYOGS MTHUN GYI DRUG DANG LNGA, ,ZHES BYA BA NI CHOS SHES PA DANG RJES SU SHES PA DAG GI PHYOGS DANG MTHUN PA'I NI CI RIGS PAR DRUG DANG LNGA YIN NO, ,PHYOGS DANG MTHUN PA ZHES SMOS PA NI BZOD PA DANG SHES PA DAG BSDU BA YIN NO, ,CHOS KYI BZOD PA DANG SHES PA RNAMS KYI 'BRAS BU GANG DAG YIN PA KHO NA'O ZHES BYA BA NI CHOS KYI BZOD PA RNAMS DANG CHOS SHES PA RNAMS KYI ZHES BYA BAR TSIG BSDU STE, CHOS SHES PA'I BZOD PA RNAMS KYI 'BRAS BU NI MA YIN, 'DOD PA NA SPYOD PA MTHONG BAS SPANG BAR BYA BA SPANGS PA'I NGO BO NYID KYIS YONGS SU SHES PA JI SKAD BSHAD PA GSUM YIN NO, ,CHOS SHES PA RNAMS KYI YANG BSGOM PA'I LAM LA SDUG BSNGAL DANG KUN 'BYUNG BA SHES PAS BSDUS PA RNAMS KYI NI THA MA'I CHA DANG MTHUN PA SPANGS PA'I YONGS SU SHES PA GCIG GO, ,'GOG PA DANG LAM SHES PAS BSDUS PA RNAMS KYI NI THA MA'I CHA DANG MTHUN PAR SPANGS PA DANG GZUGS KYI 'DOD CHAGS ZAD PA DANG, KUN DU SBYOR BA THAMS CAD YONGS SU GTUGS PA'I YONGS SU SHES PA GSUM CHAR YANG YIN NO, ,RJES KYI BZOD PA DANG SHES PA RNAMS KYI 'BRAS BU GANG DAG YIN PA KHO NA'O ZHES BYA BA NI RJES KYI BZOD PA RNAMS DANG RJES KYI SHES PA RNAMS KYI STE, DE DAG KYANG GZUGS DANG GZUGS MED PA NA SPYOD PA'I MTHONG BAS SPANG BAR BYA BA SPANGS PA'I NGO BO NYID KYIS YONGS SU SHES PA JI SKAD BSHAD PA GSUM DANG, YONGS SU SHES PA THA MA GNYIS SO, ,CI'I PHYIR SPANGS PA RE RE YONGS SU SHES PAR RNAM PAR MI GZHAG CES BYA BA NI CI'I PHYIR SDUG BSNGAL MTHONG BAS SPANG BAR BYA BA SPANGS PA DANG, KUN DU 'BYUNG BA MTHONG BAS SPANG BAR BYA BA SPANGS PA NAS RGYAS PAR SRID PA'I @147A *, ,RTZE MO'I RNAM PA CHUNG NGU'I CHUNG DU SPANGS PA ZHES BYA BA'I BAR DU MI GZUNG, BRAL BA'I THOB PA ZAG MED DANG, ,ZHES BYA BA NI BRAL BA'I THOB BA ZAG PA MED PA RNYED PA'I PHYIR ZHES BYA BA'I THA TSIG GO, ,SRID RTZE NYAMS PAR BYAS PA DANG, ,ZHES BYA BA NI SRID PA'I RTZE MO'I PHYOGS SPANGS PA'I PHYIR ZHES BYA BA'I DON TO, ,RGYU GNYIS KUN DU BCOM PA'I PHYIR, ,ZHES BYA BA NI SDUG BSNGAL DANG KUN 'BYUNG MTHONG BAS SPANG BAR BYA BA'I KUN DU 'GRO BA GNYIS SPANGS PA'I PHYIR ZHES BYA BA'I THA TSIG GO, ,DE SPANGS PA'I YONGS SU SHES PA ZHES BYA BA NI RGYU DE DAG GIS KHYAD PAR DU 'PHAGS PA NI SPANGS PA YIN TE, DE'I PHYIR YONGS SU SHES PA ZHES BYA BAR RNAM PAR GZHAG GO, ,CHOS DANG RJES SU SHES PA GZHAN DAG LA ZHES BYA BA NI CHOS SHES PA DANG RJES SU SHES PA KUN 'BYUNG LA CHOS SHES PA NAS BZUNG STE ZAD PA SHES PA ZHES BYA BA'I BAR DE DAG LA'O, ,SHES PA'I 'BRAS BU SPANGS PA NI ZHES BYA BA NI BSGOM PA'I LAM LA STE, DE NI BZOD PA'I 'BRAS BU MA YIN PAS SO, ,KHAMS LAS 'DAS PA LAS KYANG ZHES BYA BA NI KHAMS LAS 'DAS PA LAS KYANG ZHES BYA BA STE, 'DIR KYANG ZHES BYA BA'I SGRA MI MNGON PAR BYAS PA YIN PAS SO, ,DE'I PHYIR 'DI SKAD DU BZHI PA ZHES 'BREL PAR BYED DO, ,GANG GI TSE KHAMS LAS YANG DAG PAR 'DA' BA NA'O ZHES BYA BA NI 'DOD PA'I KHAMS GZUGS KYI KHAMS DANG GZUGS MED PA'I KHAMS LAS YANG DAG PAR 'DA' BA STE, DE'I TSE YONGS SU SHES PA'I MING 'THOB BO ZHES BYA BA'I TSIG LHAG MA YIN NO, ,CI'I PHYIR ZHE NA, KHAMS MTHA' DAG LAS 'DOD CHAGS DANG BRAL BA'I PHYIR ZHES BYA BA SMOS TE, KHAMS RIL LAS 'DOD CHAGS DANG BRAL BA'I PHYIR YIN GYI NYAMS PAR BYAS PA TZAM GYI PHYIR NI MA YIN TE, DE'I TSE NI SHIN TU SPANGS PA YIN NO SNYAM DU BSAMS PA YIN NO, ,GNYIS KUN DU SBYOR BA DANG BRAL BA ZHES BYA BA NI DMIGS PAR BYA BA DANG DMIGS PAR BYED PA'I NYON MONGS PA'I SKAD CIG KUN DU SBYOR BA NI GNYIS KUN DU SBYOR BA'O, ,DE DANG BRAL BA NI GNYIS KUN DU SBYOR BA DANG BRAL BA STE, CHOS MNGON PA PA RNAMS KYIS RGYU LNGA PA DE SMRAS TE, RGYU 'DIS NA SPANGS PA LA YONGS SU SHES PA ZHES BYA'O, ,RNAM PA @147B GANG ZHIG SPANGS LA ZHES BYA BA NI SDUG BSNGAL MTHONG BAS SPANG BAR BYA BA NAS LAM MTHONG BAS SPANG BAR BYA BA'I BAR DANG BSGOM PAS SPANG BAR BYA BA'O, ,GAL TE SPANGS PA'I RNAM PA DE LA DMIGS PA'I NYON MONGS PA MTHONG BAS SPANG BAR BYA BA'AM BSGOM PAS SPANG BAR BYA BA GZHAN DANG BRAL BAR GYUR NA'O ZHES BYA BA YIN TE, DE GZHAN DAG NA RE 'DI YANG SPANGS PA LA YONGS SU SHES PA ZHES BYA BA'I RGYU LNGA PA YIN NO ZHES ZER RO, ,DE NI GZHAN MA YIN ZHES BYA BA RGYAS PAR 'BYUNG BA NI GNYIS KUN DU SBYOR BA DANG BRAL BA DE NI RGYU GNYI GA YANG DAG PAR BCOM PA STE, SDUG BSNGAL MTHONG BAS SPANG BAR BYA BA DANG, KUN 'BYUNG MTHONG BAS SPANG BAR BYA BA'I KUN DU 'GRO BA'I RGYU YANG DAG PAR BCOM PA DANG, KHAMS LAS YANG DAG PAR 'DAS PA LAS GZHAN MA YIN NO, ,'DI LTAR SDUG BSNGAL MTHONG BAS SPANG BAR BYA BA DAG SPANGS KYANG JI SRID DU DE LA DMIGS PA KUN DU 'BYUNG BA MTHONG BAS SPANG BAR BYA BA'I KUN DU 'GRO BA'I RGYU SPANGS PAR MA GYUR PA DE SRID DU RGYU GNYI GA YANG DAG PAR BCOM PA MED LA BSGOM PAS SPANG BAR BYA BA DAG KYANG RNAM PA BRGYAD KYI BAR SPANGS KYANG JI SRID DU RNAM PA DGU PA MA SPANGS PA, DE SRID DU KHAMS LAS YANG DAG PAR 'DA' BA MED PAS MI BRJOD DO, ,GCIG MIN ZHES BYA BA RGYAS PAR 'BYUNG BA LA RE ZHIG SO SO'I SKYE BO NI MI LDAN PA KHO NA STE, BRAL BA'I THOB PA ZAG PA MED PA MED PA'I PHYIR RO, ,'PHAGS PA MTHONG BA'I LAM LA GNAS PA YANG KUN 'BYUNG LA CHOS SHES PA'I BZOD PA LA GNAS PA'I BAR DU ZHES BYA BA NI BAR DU ZHES BYA BA'I SGRAS NI SDUG BSNGAL LA CHOS SHES PA DANG RJES SU SHES PA'I BZOD PA DANG, KUN 'BYUNG BA LA CHOS PA'I BZOD PA LA GNAS PA YANG MI LDAN PA KHO NA STE, RGYU GNYI GA MA SPANGS PA'I PHYIR RO, ,KUN 'BYUNG LA CHOS SHES PA NI GCIG DANG LDAN LA KUN 'BYUNG LA RJES SU SHES PA'I BZOD PA LA GNAS PA YANG GCIG KHO NA DANG LDAN NO ZHES BYA BAR KHONG DU CHUD PAR BYA'O, ,KUN 'BYUNG LA RJES SU SHES PA NI GNYIS DANG LDAN TE, DE'I TSE SNGAR BSHAD PA'I 'DOD PA NA SPYOD PA'I SDUG BSNGAL DANG KUN 'BYUNG BA MTHONG BAS SPANG BAR BYA BA SPANGS PA'I YONGS SU SHES PA DANG, GZUGS DANG GZUGS MED PA NA SPYOD PA'I SDUG BSNGAL DANG KUN @148A *, ,'BYUNG BA MTHONG BAS SPANG BAR BYA BA SPANGS PA'I YONGS SU SHES PA DANG LDAN LA, 'GOG PA LA CHOS SHES PA'I BZOD PA LA GNAS PA YANG GNYIS KHO NA DANG LDAN NO, ,'GOG PA LA CHOS SHES PA NI GSUM DANG LDAN NO ZHES BYA BA LA SOGS PA NI SBYAR BAR BYA STE, MTHONG BA'I LAM LA GNAS PA LNGA'I BAR DANG LDAN GYI DRUG DANG NI MA YIN TE, SKAD CIG MA BCU DRUG PA NI BSGOM PA'I LAM GYIS BSDUS PA'I PHYIR RO, ,LAM LA RJES SU SHES PA LA GNAS PA YONGS SU SHES PA DRUG DANG LDAN NO ZHES BYA BA NI SNGAR BSHAD PA RNAMS DANG, GZUGS DANG GZUGS MED PA NA SPYOD PA LAM MTHONG BAS SPANG BAR BYA BA SPANGS PA'I YONGS SU SHES PA DANG LDAN NO, ,'BRAS BU BZHI RNAMS GZHAG PA NI, ,RGYU LNGA DAG NI SRID PHYIR RO, ,'BRAS LA SNGON LAM BTANG BA DANG, ,GZHAN THOB PA DANG ZAD BSDOMS DANG, ,SHES PA BRGYAD MTSAN THOB PA DANG, ,RNAM PA BCU DRUG THOB PA'O, , ZHES 'CHAD PAR 'GYUR BA MA YIN NAM ZHE NA, SPANGS PA SDOM PA YIN MOD KYI, YONGS SU SHES PA SDOM PA NI MA YIN PAS 'GAL BA MED DO, ,JI SRID DU 'DOD PA LA 'DOD CHAGS DANG BRAL BA MA THOB PA ZHES BYA BA LA, JI SRID DU ZHES BYA BA'I SGRAS NI BSGOM PAS SPANG BAR BYA BA'I NYON MONGS PA'I RNAM PA DANG PO SPANGS PA NAS RNAM PA BRGYAD SPANGS PA'I BAR LA GNAS PA YANG DRUG KHO NA DANG LDAN NO ZHES BSTAN PA YIN NO, ,DE LAS YONGS SU NYAMS PA ZHES BYA BA NI 'DOD PA LAS 'DOD CHAGS DANG BRAL BA NI YONGS SU NYAMS PAS BSDOMS PA DE DANG 'DRA BAS SO, ,SNGON NAM GYIS 'DOD PA LA 'DOD CHAGS DANG BRAL BA THOB PA ZHES BYA BA NI MNGON PAR RTOGS PA'I SNGON ROL LAM 'OG TU'AM JI LTA ZHE NA 'JIG RTEN PA'I LAM GYIS 'DOD PA LA 'DOD CHAGS DANG BRAL BAR BYAS NAS NGES PA LA ZHUGS PA NI LAM LA RJES SU SHES PA'I TSE THA MA'I CHA DANG MTHUN PA SPANGS PA'I YONGS SU SHES PA GCIG DANG LDAN TE, 'DI LTAR 'PHAGS PA DE NI SEMS KYI SKAD CIG BCU DRUG LA THOB NA PHYIR MI 'ONG BA YIN GYI RGYUN DU ZHUGS PA'AM PHYIR 'ONG BA NI MA YIN NO, ,THA MA'I CHA DANG MTHUN PA LNGA SPANGS PAS PHYIR MI 'ONG BA YIN NO ZHES KYANG 'BYUNG STE, DE LTA BAS NA MTHONG BAS SPANG BAR BYA BA SPANGS PA @148B RNAMS DANG, THA MA'I CHA DANG MTHUN PA LNGA SPANGS PA BSDOMS PA'I PHYIR THA MA'I CHA DANG MTHUN PA SPANGS PA'I YONGS SU SHES PA GCIG KHO NA DANG LDAN LA, MNGON PAR RTOGS PA'I 'OG TU RIM GYIS 'DOD PA LAS 'DOD CHAGS DANG BRAL BA THOB PA YANG THA MA'I CHA DANG MTHUN PA SPANGS PA'I YONGS SU SHES PA GCIG KHO NA DANG LDAN NO, ,DGRA BCOM PA NYID THOB PA NI GCIG KHO NA DANG LDAN TE, DE'I TSE YONGS SU SHES PA BSDOMS PA'I PHYIR RO, ,GZUGS NA SPYOD PA'I KUN NAS DKRIS PAS YONGS SU NYAMS NA YANG ZHES BYA BA'I KHYAD PAR SMOS PA NI 'DOD PA NA SPYOD PAS YONGS SU NYAMS PA YONGS SU SHES PA DRUG DANG LDAN PA SPANGS PA'I PHYIR DANG GZUGS MED PA NA SPYOD PAS YONGS SU NYAMS PA YONGS SU SHES PA GNYIS DANG LDAN PA SPANGS PA'I PHYIR RO, ,GZUGS KYI 'DOD CHAGS DANG BRAL BA THOB PA NI YONGS SU SHES PA GNYIS DANG LDAN NO ZHES BYA BA NI PHYIR MI 'ONG BA GZUGS KYI 'DOD CHAGS DANG BRAL BA ZHES BYA BA'I DON TO, ,KHAMS LAS 'DOD CHAGS DANG BRAL BA YIN NA CI'I PHYIR MI SDOM ZHE NA, 'BRAS BU THOB PA MED PA'I PHYIR TE, KHAMS LAS 'DOD CHAGS DANG BRAL BA DANG 'BRAS BU THOB PA RGYU MTHA' DAG GIS YONGS SU SHES PA SDOM PAR 'DOD KYI GCIG KHO NAS NI MA YIN NO, ,GZUGS MED PA NA SPYOD PA'I KUN NAS DKRIS PAS YONGS SU NYAMS PA YANG ZHES BYA BA NI DGRA BCOM PA NYID THOB PAS BSDOMS PA THA MA'I CHA DANG MTHUN PA SPANGS PA DANG, GZUGS KYI 'DOD CHAGS ZAD PA'I YONGS SU SHES PA DAG GZUGS MED PA NA SPYOD PA'I NYON MONGS PAS DGRA BCOM PA NYID LAS YONGS SU NYAMS NA PHYIR 'THOB PA'I PHYIR RO, ,GZUGS NA SPYOD PAS YONGS SU NYAMS PA NI GCIG DANG LDAN PAR 'GYUR LA, 'DOD PA NA SPYOD PAS YONGS SU NYAMS NA NI DRUG DANG LDAN PAR 'GYUR BAS DE'I PHYIR GZUGS MED PA NA SPYOD PA'I KUN NAS DKRIS PA ZHES SMOS SO, ,PHYIR MI 'ONG BA DANG DGRA BCOM PA DAG GI ZHES BYA BA NI GZUGS KYI 'DOD CHAGS DANG MA BRAL BA'I PHYIR PHYIR MI 'ONG BA DANG DGRA BCOM PA DAG GI ZHES BYA BAR BRJOD PAR 'DOD PA YIN TE, GZUGS KYI 'DOD CHAGS DANG BRAL BA'I PHYIR MI 'ONG BA NI YONGS SU SHES PA GNYIS DANG @149A *, ,LDAN PAR 'BYUNG BA'I PHYIR RO, ,MANG DU NI MA YIN ZHES BYA BA NI RIM GYIS RGYUN DU ZHUGS PA BZHIN DU CHES MANG BA NI MA YIN NO SNYAM DU BSAMS PA YIN NO, ,SDOM ZHES BYA BA NI DON CI ZHE NA, GCIG TU RNAM PAR 'JOG PA ZHES BYA BA'I THA TSIG GO, ,RGYU GNYIS KYIS ZHES BYA BA NI RNAM PAR BSHAD PA YIN NO, ,DE GNYIS YANG ZHES BYA BA NI KHAMS LAS 'DOD CHAGS DANG BRAL BA DANG 'BRAS BU THOB PA'O, ,GNAS SKABS DE GNYIS NA ZHES BYA BA NI GZUGS KYI 'DOD CHAGS DANG MA BRAL BA'I PHYIR MI 'ONG BA DANG, DGRA BCOM PA DAG NYID KYI GNAS SKABS DAG NA'O, , YONGS SU SHES PA GCIG CES BYA'O ZHES BYA BA NI GZUGS KYI 'DOD CHAGS DANG MA BRAL BA'I PHYIR MI 'ONG BA NI THA MA'I CHA DANG MTHUN PA SPANGS PA'I YONGS SU SHES PA GCIG YIN LA, DGRA BCOM PA'I YANG KUN DU SBYOR BA THAMS CAD YONGS SU GTUGS PA'I YONGS SU SHES PA GCIG YIN NO, , LA LA GCIG GNYIS LNGA DANG DRUG ,CES BYA BA RGYAS PAR 'BYUNG BA NI LA LAS GCIG 'DOR, LA LAS GNYIS, LA LAS LNGA, LA LAS NI DRUG 'DOR RO ZHES BYA BA'I THA TSIG GO, ,'THOB PA YANG LA LAS NI GCIG ,LA LAS NI GNYIS, LA LAS NI DRUG GO, ,LA LAS LNGA 'THOB PO ZHES BYA BA 'DI MED DO, ,DE'I PHYIR LNGA MIN NO ZHES BYA BA SMOS TE, MDO'I DON GYI TSUL NI 'GAS KYANG MI 'THOB PA KHO NA'O ZHES BYA BA YIN NO, ,'GREL PA BSHAD PAR BYA STE, SEMS GANG YANG RUNG BA ZHIG GIS DGRA BCOM PA NYID LAS YONGS SU NYAMS NA KUN DU SBYOR BA THAMS CAD YONGS SU GTUGS PA'I SHES PA GCIG 'DOR TE, DGRA BCOM PA NYID KYI GNAS SKABS NA BSDOMS PAS, DE GCIG PU KHO NA YOD PA'I PHYIR RO, ,DE BZHIN DU GZUGS KYI 'DOD CHAGS DANG BRAL BA'I PHYIR MI 'ONG BA 'DOD PA LA 'DOD CHAGS DANG BRAL BA LAS YONGS SU NYAMS PA'I YANG THA MA'I CHA DANG MTHUN PA SPANGS PA'I YONGS SU SHES PA GCIG KHO NA GTONG NGO, ,THA MA'I CHA DANG MTHUN PA SPANGS PA'I YONGS SU SHES PA DANG, GZUGS KYI 'DOD CHAGS SPANGS PA'I YONGS SU SHES PA GTONG NGO, ,DE SU ZHIG YIN ZHE NA, PHYIR MI 'ONG BA GZUGS KYI 'DOD CHAGS DANG BRAL BA ZHIG @149B 'DOD PA LA 'DOD CHAGS DANG BRAL BA LAS YONGS SU NYAMS NA ZHES BYA BA SMOS SO, ,'DOD CHAGS DANG BRAL BA SNGON DU 'GRO BA LAM LA RJES SU SHES PA LA GNAS PA NI LNGA GTONG ZHES BYA BA NI MNGON PAR RTOGS PA'I SEMS KYI SKAD CIG BCU DRUG PA LA GNAS TE, DE NI THA MA'I CHA DANG MTHUN PA SPANGS PA'I YONGS SU SHES PA THOB NA 'JIG RTEN PA'I LAM GYIS THOB PA DE'I BRAL BA ZAG PA MED PA THOB PA YONGS SU SHES PA SNGA MA SKAD CIG MA BCO LNGA THOB PA LNGA GTONG NGO, ,DRUG PA GZUGS DANG GZUGS MED PA NA SPYOD PA LAM MTHONG BAS SPANG BAR BYA BA SPANGS PA'I YONGS SU SHES PA NI MI GTONG MOD KYI, , 'ON KYANG KHAMS LAS 'DOD CHAGS DANG BRAL BA DANG 'BRAS BU THOB PA'I SGO NAS THA MA'I CHA DANG MTHUN PA SPANGS PA'I YONGS SU SHES PA'I NANG DU BSDOMS PA'I PHYIR MED PA'I NGO BO NYID DANG 'DRA BAS DE NYE BAR MI 'GOD DO, ,MTHAR GYIS PA 'DOD CHAGS DANG BRAL BA SNGON DU 'GRO BA MA YIN PA GANG YIN PA NI 'DOD PA LA 'DOD CHAGS DANG BRAL BAR BYED PA'I RGYUS DRUG GTONG STE, KHAMS GSUM PA'I MTHONG BAS SPANG BAR BYA BA RNAMS SPANGS PA'I YONGS SU SHES PA GANG DAG YIN PA'O, ,DE BZHIN DU THOB PA YANG ZHES BYA BA NI LNGA ZHES BYA BA MA GTOGS PA LA LAS NI GCIG 'THOB PA NAS DRUG GI BAR DU 'THOB PA YIN NO, ,GANG LA LA ZHIG GIS SNGON MED PA THOB PA'O ZHES BYA BA NI MTHONG BA'I LAM LA GNAS PA GANG ZHIG GIS YONGS SU SHES PA DGU LAS SNGON MA THOB BA ZHIG DANG POR THOB PA DES NI GCIG 'THOB BO, ,BSGOM PA'I LAM YANG 'DOD CHAGS DANG BRAL BA SNGON DU 'GRO BAS MTHONG BA'I LAM GYI THA MAR THA MA'I CHA DANG MTHUN PA SPANGS PA'I YONGS SU SHES PA GCIG 'THOB BO, ,MTHAR GYIS PAS KYANG 'DOD PA LAS 'DOD CHAGS DANG BRAL BA'I LAM RNAM PAR GROL BA'I LAM DGU PA LA GCIG KHO NA 'THOB BO, ,DGRA BCOM PAS KYANG THA MA GCIG THOB BO, ,GZUGS MED BA'I KHAMS LAS KYANG 'DOD CHAGS DANG BRAL BA 'GA' ZHIG LAS YONGS SU NYAMS PA'O ZHES BYA BA NI GZUGS KYI 'DOD CHAGS DANG BRAL BA LAS YONGS SU NYAMS PA MA YIN ZHES BYA BAR STON TE, DES NI THA MA'I CHA DANG MTHUN PA SPANGS PA'I YONGS SU SHES PA DANG, GZUGS KYI 'DOD CHAGS ZAD @150A *, ,PA'I YONGS SU SHES PA 'THOB PO, ,KHA CIG GIS NI DRUG STE, GANG ZHIG PHYIR MI 'ONG BA'I 'BRAS BU LAS YONGS SU NYAMS ZHES BYA BA NI MTHAR GYIS RGYUN DU ZHUGS PA'O, ,'DOD CHAGS DANG BRAL BA SNGON DU 'GRO BA LA NI YONGS SU NYAMS PA MED DE, DE'I 'DOD CHAGS DANG BRAL BA NI LAM GNYIS THOB PA'I PHYIR RO, ,DE NYID KYI PHYIR LNGA 'THOB PA NI 'GA' YANG MED PA NYID DE, GAL TE 'DOD CHAGS DANG BRAL BA SNGON DU 'GRO BA ZHIG YONGS SU NYAMS PAR GYUR NA, DE KHO NAS CIG CAR YONGS SU SHES PA LNGA 'THOB PAR 'GYUR RO, ,CHOS MNGON PA'I MDZOD KYI 'GREL BSHAD DON GSAL BA ZHES BYA BA SLOB DPON RGYAL PO'I SRAS GRAGS PA'I BSHES GNYEN GYIS MDZAD PA LAS PHRA RGYAS BSTAN PA ZHES BYA BA MDZOD KYI GNAS LNGA PA'O,, ,,MDZOD KYI GNAS LNGA PA DANG DRUG PA DAG GI 'BREL PA NYE BAR BSTAN PA'I PHYIR, JI SKAD DU SPANGS PA NI ZHES BYA BA LA SOGS PA 'DI NYE BAR 'GOD DE, JI SKAD DU SPANGS PA NI YONGS SU SHES PA'I MING 'THOB BO ZHES BSHAD PA ZHES BYA BA NI 'BRAS BU LA RGYU NYE BAR BTAGS PA'I PHYIR ZHES 'BYUNG BA'I PHYIR RO, ,SPANGS PA DE YANG BSHAD DO ZHES BYA BA NI BSTAN PA'O, ,JI SKAD DU ZHE NA, BDEN PA MTHONG DANG BSGOMS PA LAS, , ZHES BYA BA SMOS SO, ,ZLAS DBYE BA GCIG DANG LDAN PA'I NGO BOR BSTAN PA YIN TE, BDEN PA MTHONG BA'I PHYIR DANG, BSGOM PA'I PHYIR NA BDEN PA MTHONG BA DANG BSGOMS PA LAS TE RGYU DE LAS SO, ,DE DAG BCU DANG BDUN BDUN BRGYAD, ,LTA BA GSUM GNYIS MA GTOGS PA, ,'DOD NA SDUG BSNGAL LA SOGS PA, ,MTHONG BAS RIM BZHIN SPONG BAR BYED, ,CES BYA BA DANG, BZHI NI BSGOM PAS SPANG BYA YIN, ,ZHES BYA BA LA SOGS PAS NYON MONGS PA RNAMS MTHONG BAS SPANG BAR BYA BA DANG, BSGOM PAS SPANG BAR BYA BA YIN NO ZHES RGYAS PAR BSHAD PA BDEN PA MTHONG BA NI MTHONG BA'I LAM GYIS YIN LA, BDEN PA BSGOM PA NI BSGOM PA'I LAM GYIS YIN PAS DE'I PHYIR DA NI MTHONG BA DANG BSGOM PA'I LAM DE DAG CI ZAG PA MED PA'AM ZHES BYA BA LA SOGS PA 'DI BRJOD DO, DE LAM BSTAN PA NYE BAR DGOD PA LA ZHES BYA BAR SBYAR RO, ,KHAMS GSUM PA'I GNYEN PO YIN @150B PA'I PHYIR ZHES BYA BA NI MTHONG BA'I LAM 'JIG RTEN PA NYID CIG YIN NA SRID PA'I RTZE MO'I GNYEN POR MI 'GYUR RO ZHES BYA BA YIN NO, ,GZHAN YANG MTHONG BAS SPANG BAR BYA BA RNAM PA DGU CIG CAR DU SPONG BA'I PHYIR BSGOM PA'I LAM BZHIN DU 'JIG RTEN PA NI MA YIN NO, ,'JIG RTEN PA LA NI KHAMS GSUM PA SPONG BA DANG RNAM PA DGU CIG CAR DU SPONG BA DE 'DRA BA'I MTHU MED DO, ,GAL TE 'JIG RTEN LAS 'DAS PA RNAM PA DGU CIG CAR DU SPONG BA'I MTHU ZHIG YOD NA BSGOM PAS SPANG BAR BYA BA RNAM KYANG 'JIG RTEN LAS 'DAS PAS CIG CAR SPONG BAR THAL BAR 'GYUR RO ZHE NA, 'JIG RTEN LAS 'DAS PA KHO NAS CIG CAR SPONG NGO ZHES BYA BAR NGES PAR GZUNG GI ,'JIG RTEN LAS 'DAS PAS CIG CAR DU SPONG BA KHO NA YIN NO ZHES BYA BAR NI MA YIN PAS DER THAL BAR NI MI 'GYUR RO, ,BSGOM PAS SPANG BAR BYA BA'I NYON MONGS PA RNAMS NI GZHI DANG BCAS PA YIN PA'I PHYIR BSTAN PA YIN TE, DE'I PHYIR DE DAG NI 'JIG RTEN LAS 'DAS PAS KYANG CIG CAR DU MI SPONG NGO, ,DE LTA MA YIN NA ZHES BYA BA NI GAL TE JI LTAR MNGON PAR RTOGS PA BZHIN BSTAN PAR BZHED PA MA YIN PA ZHIG TU GYUR NA, 'JIG RTEN NA RGYU RNAMS SNGA BAR MTHONG BA'I PHYIR RGYU NI SNGAR BSTAN TE, KUN 'BYUNG BA'I BDEN PA SNGAR BSTAN PAR 'GYUR RO, ,DPER NA DRAN PA NYE BAR GZHAG PA DANG, BSAM GTAN LA SOGS PA LTA BU'O ZHES BYA BA NI DRAN PA NYE BAR GZHAG PA LA SOGS PA SKYE BA DANG MTHUN PAR BSTAN PA LTA BU STE, LUS DRAN PA NYE BAR GZHAG PA NI JI LTAR RAGS PA BZHIN DMIGS PA'I SGO NAS TE, RGYU BA PHRA BA DANG RAGS PA'I SGO NAS SAM, SNGA MA DANG PHYI MA RGYU DANG 'BRAS BUR GYUR PA'I SGO NAS SNGAR SKYES LA DE'I 'OG TU TSOR BA DRAN PA NYE BAR GZHAG PA'O, ,DE'I 'OG TU SEMS DRAN PA NYE BAR GZHAG PA'O, ,DE'I 'OG TU CHOS DRAN PA NYE BAR GZHAG PA'O, ,DE LTAR NA 'DI DAG NI SKYE BA DANG MTHUN PAR BSTAN PA YIN TE, BSAM GTAN LA SOGS PA YANG DE DANG 'DRA'O, ,STZOGS PA ZHES BYA BA'I SGRAS NI RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA YANG SKYE BA DANG MTHUN PAR BSTAN PA YIN NO, ,KHA CIG NI RAB TU BRTAGS PA DANG MTHUN PAR BSTAN ZHES BYA BA NI RAB TU @151A *, ,BRTAGS PA DANG MTHUN PAR TE, RTOGS SLA BAR BSTAN ZHES BYA BA'I THA TSIG GO, ,DPER NA YANG DAG PAR SPONG BA RNAMS LTA BU STE ZHES BYA BA NI DKAR PO DANG NAG PO'I PHYOGS DAG LA SO SOR SKYES PA DANG MA SKYES PA'I BYE BRAG GI SGO NAS BSTAN PA LTA BU STE, SKYES PA NI 'DUL BA'I SKYE BOS SKYES PA RTOGS PAR SLA'I MA SKYES PA NI MA YIN PA'AM, NAG PO'I PHYOGS RTOGS PAR SLA BAS SO, ,JI LTA ZHE NA, SDIG PA MI DGE BA'I CHOS SKYES PA RNAMS SPANGS PA'I PHYIR 'DUN PA BSKYED DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, , MA SKYES PA RNAMS MI SKYED PA'I PHYIR 'DUN PA BSKYED DO ZHES BYA BA SNGA MA BZHIN NO, ,DGE BA'I CHOS MA SKYES PA RNAMS BSKYED PA'I PHYIR 'DUN PA BSKYED DO ZHES BYA BA SNGA MA BZHIN NO, ,SKYES PA RNAMS GNAS PAR BYA BA DANG, MI BRJOD PAR BYA BA DANG GOMS PAR BYA BA'I PHYIR 'DUN PA BSKYED DO ZHES BYA BA SNGA MA BZHIN NO, ,GANG SNGAR NI SKYES PA RNAMS SPANG BAR BYA BA'I PHYIR 'DUN PA BSKYED LA, PHYIS NI MA SKYES PA RNAMS MI SKYE BAR BYA BA'I PHYIR 'DUN PA BSKYED PA'I NGES PA 'DI NI MED DO, ,'O NA CI ZHE NA, SNGAR YANG MA SKYES PA RNAMS MI SKYED PA'I PHYIR, 'DUN PA BSKYED LA PHYIS KYANG SKYES PA RNAMS SPANG BA'I PHYIR 'DUN PA BSKYED DE, DPER BRJOD PA NI 'DI YIN NO, ,DGE BA'I PHYOGS LA YANG DE BZHIN DU SBYAR BAR BYA'O, ,BDEN PA RNAMS NI MNGON PAR RTOGS PA DANG MTHUN PAR BSTAN PA YIN NO ZHES BYA BA NI GZHAN DU NA RGYU DANG 'BRAS BU SDUG BSNGAL DANG KUN 'BYUNG BA'I BDEN PA SNGAR DANG PHYIS BSTAN PA DAG PHYIS DANG SNGAR BSTAN PAR THAL BAR 'GYUR RO ZHES STON PAR BYED DO, ,GANG LA CHAGS PA ZHES BYA BA NI SDUG BSNGAL GYI BDEN PA LA'O, ,GANG GIS GNOD PA BYED PA ZHES BYA BA NI DE NYID KYIS SO, ,GANG LAS THAR BA ZHES BYA BA NI SDUG BSNGAL GYI BDEN PA DE KHO NA LAS TE, DE NYID LA DANG POR TE SBYOR BA'I GNAS SKABS SU'O, ,GANG DU ZHE NA, RNAM PAR DPYOD PA'I GNAS SKABS NA ZHES BYA BA SMOS SO, ,YONGS SU RTOGS PA'I GNAS SKABS NA STE, NGES PAR 'BYED PA'I CHA DANG MTHUN PA'I GNAS SKABS NA ZHES BYA BA'I THA TSIG GO, ,NAD MTHONG NAS ZHES BYA BA LA SOGS @151B PA 'BYUNG BA LA NAD NI SDUG BSNGAL GYI BDEN PA'I DPE YIN NO, ,DE'I GZHI NI KUN 'BYUNG GI BDEN PA YIN NO, ,DE ZAD PA NI 'GOG PA'I BDEN PA YIN NO, ,DE'I SMAN NI LAM GYI BDEN PA'I DPE YIN NO, ,BDEN PA RNAMS KYI DPE 'DI NI MDO LAS KYANG BSTAN TO ZHES BYA BA NI NANG LA SOGS PA'I MDO LAS SO, ,JI SKAD DU ZHE NA, YAN LAG BZHI DANG LDAN PA'I SMAN PA ZUG RNGU 'BYIN PA NI RGYAL PO'I 'OS YIN ZHING RGYAL PO'I SPU LA 'BAB PA YIN LA RGYAL PO'I YAN LAG NYID KYI GRANGS SU YANG 'GRO'O, ,BZHI PO GANG DAG CE NA, NAD LA MKHAS PA YIN, NAD KYI GZHI LA MKHAS PA YIN, NAD SPONG BA LA MKHAS PA YIN NAD SPANGS NAS PHYIR MI SKYE BA LA MKHAS PA YIN NO, ,DE BZHIN DU YAN LAG BZHI DANG LDAN PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYANG SMAN PA ZUG RNGU 'BYIN PA BLA NA MED PA ZHES BYA BA'O, ,BZHI PO GANG DAG CE NA, DGE SLONG DAG 'DI NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS NI 'DI NI SDUG BSNGAL 'PHAGS PA'I BDEN PA'O ZHES BYA BA YANG DAG PA JI LTA BA BZHIN DU RAB TU MKHYEN TO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES BYA BAR YANG DAG PA JI LTA BA BZHIN DU MKHYEN TO ZHES 'BYUNG BA YIN NO, ,SNGAR 'PHANGS PA'I PHYIR ZHES BYA BA NI SNGON GYI SHUGS KYIS SO, ,DKYUS BSTAN PA'I RTA THAGS THOGS MED PAR RGYUG PA BZHIN NO ZHES BYA BA NI, RTA JI LTAR DKYUS KYIS BSTAN PA LA 'GYUR BA MED PAR RGYUG PA DE DANG 'DRA'O, ,KHA CIG NI THAGS THOGS MED PAR DKYUS SNYOL BA BZHIN NO ZHES 'DON TO, ,RDZAS SU YANG BYE BRAG YOD DE ZHES BYA BA LA YANG ZHES BYA BA'I SGRAS NI MING GI SGO NAS KYANG ZHES BSTAN PA YIN NO, ,PHYIN CI MA LOG PA'I PHYIR ZHES BYA BA NI 'DI LTAR DE NI 'PHAGS PA RNAMS DANG, GZHAN DAG LA YANG PHYIN CI MA LOG PA STE, SDUG BSNGAL LA SOGS PA KHO NA YIN GYI GZHAN NI MA YIN NO, ,'PHAGS PA RNAMS KYIS NI BDEN PA 'DI DAG JI LTA BA DE KHO NA BZHIN DU GZIGS TE, SDUG BSNGAL GYI BDEN PA LA YANG SDUG BSNGAL DANG, MI RTAG PA DANG, STONG @152A *, ,PA DANG, BDAG MED PAR GZIGS LA, DE BZHIN DU LAM GYI BDEN PA LA YANG LAM DANG RIGS PA DANG, SGRUB PA DANG, NGES PAR 'BYIN PA'I BAR DU GZIGS KYI 'PHAGS PA MA YIN PA GZHAN DAG GIS NI DE LTAR MTHONG BA MA YIN PAS DE'I PHYIR 'DI DAG NI 'PHAGS PA RNAMS KYI BDEN PA ZHES BYA'I, 'PHAGS PA MA YIN PA RNAMS KYI BDEN PA ZHES BYA BA NI MA YIN NO, ,CI'I PHYIR ZHE NA, PHYIN CI LOG TU MTHONG BA'I PHYIR RO, ,DE DAG GIS NI SDUG BSNGAL GYI BDEN PA LA NI BDE'O ZHES BYA BA LA SOGS PA'I RNAM PAR MTHONG LA, KUN 'BYUNG BA LA NI KUN 'BYUNG PA MA YIN PA'O ZHES BYA BA LA SOGS PAR MTHONG NGO, ,'GOG PA LA NI 'GOG PA MA YIN NO ZHES BYA BA LA SOGS PAR RO, ,LAM LA NI LAM MA YIN NO ZHES BYA BA LA SOGS PAR MTHONG NGO, ,DE NI GZHAN GYI SDUG BSNGAL RIG ,CES BYA BA NI 'DI LTA STE, 'GOG PA'I BDEN PA NI YANG SRID PA MED PA'I PHYIR, G-YANGS BZHIN DU BYIS PA RNAMS 'JIGS PAR BYED PA YIN PAS SO, ,'PHAGS PAS SDUG BSNGAL RIG CES BYA BA NI NYE BAR LEN PA'I PHUNG PO LNGA'O, ,GNYIS NI 'PHAGS PA RNAMS KYI BDEN PA YIN LA ZHES BYA BA SDUG BSNGAL DANG, KUN 'BYUNG BA'I BDEN PA DAG STE, PHYIN CI MA LOG PAR GZIGS PA'I PHYIR RO, ,GNYIS NI 'PHAGS PA YANG YIN TE, DGE BA'I PHYIR DANG ZAG PA MED PA'I PHYIR RO, ,'PHAGS PA RNAMS KYI BDEN PA YANG YIN TE, PHYIN CI MA LOG PAR GZIGS PA'I PHYIR RO, ,DE LTAR NA GCIG LUS PAR BSTAN PA'I PHYIR, 'PHAGS PA'I BDEN PA DAG CES BYA BAR 'GYUR RO, ,GANG GI TSE TSOR BA'I PHYOGS GCIG SDUG BSNGAL GYI RANG BZHIN YIN PA ZHES BYA BA NI TSOR BA'I PHUNG PO'I PHYOGS GCIG PO SDUG BSNGAL DANG, YID MI BDE BA'I NGO BO NYID DO, ,CI RIGS MA LUS SDUG BSNGAL LO, ,ZHES BYA BA LA, CI RIGS PA'I DON NI YID DU 'ONG BA RNAMS NI 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID KYIS SDUG BSNGAL BA YIN NO, ,YID DU MI 'OD BA RNAMS NI SDUG BSNGAL GYI SDUG BSNGAL NYID DANG, 'DU BYED KYI SDUG BSNGAL NYID KYIS SO, ,DE DAG LAS GZHAN PA RNAMS NI 'DU BYED KYI SDUG BSNGAL KHO NAS SO @152B ZHES BYA BA YIN NO, ,YID DU 'THAD PAS NA YID DU 'ONG BA RNAMS SO, ,DE DAG LAS GZHAN PA RNAMS ZHES BYA BA NI YID DU 'ONG BA DANG, YID DU MI 'ONG BA DAG LAS GZHAN PA RNAMS SO, ,TSOR BA GSUM DANG GO RIMS BZHIN TE ZHES BYA BA NI TSOR BA BDE BA NI YID DU 'ONG BA DAG YIN NO, ,SDUG BSNGAL BA NI YID DU MI 'ONG PA DAG YIN NO, ,BDE BA YANG MA YIN SDUG BSNGAL BA YANG MA YIN PA NI YID DU 'ONG BA YANG MA YIN, YID DU MI 'ONG BA DAG KYANG MA YIN PA DAG YIN NO ZHES BYA BA'I THA TSIG GO, ,DE'I DBANG GIS ZHES BYA BA NI TSOR BA'I DBANG GIS TE GZUGS DANG SGRA LA SOGS PA'I TSOR BA'I RANG BZHIN MA YIN PA RNAMS KYANG DE DANG MTHUN PA'I PHYIR, YID DU 'ONG BA LA SOGS PA'I MING 'THOB BO, ,'GYUR BAS SDUG BSNGAL BA NYID CES BYA BA NI MI RTAG PA NYID KYIS 'GYUR BAS ZHES BYA BA'I DON TO, ,JI SKAD DU, KYI HUD SHING RTA SNA TSOGS TSAL, ,KYI HUD MTSE'U DANG DAL GYIS 'BAB, ,KYI HUD SDUG PA RNAM SHES LHA, ,SMRE SNGAGS 'DON BZHIN SA LA LHUD, ,ZHES 'BYUNG BA LTA BU'O, ,SDUG BSNGAL GYI NGO BO KHO NAS ZHES BYA BA NI GNOD PA'I NGO BO NYID KHO NAS ZHES BYA BA'I THA TSIG GO, ,SDUG BSNGAL GYI TSOR BA NI SKYE BA NA YANG SDUG BSNGAL LA GNAS PA NA YANG SDUG BSNGAL LO ZHES BYA BA SHUGS KYIS NA 'DI 'GYUR BA'I BDE BAR 'GYUR BA MA YIN NAM, DE LTA YIN NA NI MTSAN NYID 'CHOL BAR 'GYUR RO ZHE NA, 'DI NI 'DI'I MTSAN NYID MA YIN NO, ,'O NA CI ZHE NA, SUN DBYUNG BA'I PHYIR NYE BAR BSTAN PAR ZAD DO, ,YANG NA DE LTA YIN DU ZAD DE DE NI NGO BO GANG GIS RNAM PAR SUN 'BYIN PA DE NYID LA LTOS NAS SDUG BSNGAL KHO NA YIN TE, DPER NA BDE BA'I TSOR BA SKYE BA DANG, GNAS PA NA BDE BA'I PHYIR BDE BA YIN DU ZIN KYANG RNAM PAR SUN DBYUNG BAR BYA BA NYID DU BZHED PA'I PHYIR, 'GYUR BA'I SDUG BSNGAL NYID KYIS SDUG BSNGAL BA YIN NO ZHES DE LTAR RNAM PAR SUN 'BYIN PAR BYED PA DANG 'DRA'O, ,'DU BYED KHO NAS SDUG BSNGAL BA NYID CES BYA BA NI 'DU BYED KHO NAS TE, SKYE PA KHO NAS ZHES BYA BA'I THA TSIG GO, ,GANG MI RTAG PA DE NI SDUG BSNGAL BA YIN NO ZHES BYA BA NI GANG ZHIG NGES PAR MI GNAS PA DE NI SDUG BSNGAL BA STE, GANG ZHIG SKYES SHING @153A *, ,'JIG PA DE SDUG BSNGAL BA'O ZHES BYA BA'I DON TO, ,DE'I PHYIR RKYEN GYIS MNGON PAR 'DU BYED PA'I PHYIR ZHES BYA BA SMOS TE, GANG GI PHYIR RKYEN GYIS MNGON PAR 'DU BYED PA DE'I PHYIR SDUG BSNGAL BA ZHES BYA'O, ,DE MYONG BAR 'GYUR BA'I 'DU BYED RNAMS KYANG TSOR BA DANG 'DRA BAR BRJOD DO ZHES BYA BA NI BDE BA'I TSOR BA MYONG BAR 'GYUR BA'I 'DU BYED RNAMS NI 'GYUR BAS SDUG BSNGAL BA NYID DE, BDE BA'I TSOR BA MYONG BAR 'GYUR BA'I 'DU BYED RNAMS NI SKYE BA NA YANG BDE, GNAS PA NA YANG BDE LA, 'GYUR BA NA SDUG BSNGAL LO ZHES BYA BA DANG, SDUG BSNGAL GYI TSOR BA MYONG BAR 'GYUR BA'I 'DU BYED RNAMS NI SDUG BSNGAL GYI RANG GI NGO BO KHO NAS SDUG BSNGAL BA NYID DE, SDUG BSNGAL GYI TSOR BA MYONG BAR 'GYUR BA'I 'DU BYED RNAMS NI SKYE BA YANG SDUG BSNGAL LA, GNAS PA YANG SDUG BSNGAL LO ZHES BYA BA DANG, BDE BA YANG MA YIN SDUG BSNGAL BA YANG MA YIN PA'I TSOR BA MYONG BAR 'GYUR BA'I 'DU BYED RNAMS NI RKYEN GYIS MNGON PAR 'DU BYED PA'I PHYIR 'DU BYED KHO NAS SDUG BSNGAL BA NYID DE ZHES BYA BA YIN NO, ,SDUG BSNGAL NYID SDUG BSNGAL NYID YIN PAS ZHES BYA BA LA YIN PA'I BAR ZHES 'BYUNG BA'I PHYIR 'GYUR BA NYID SDUG BSNGAL BA NYID YIN PAS 'GYUR BA'I SDUG BSNGAL NYID YIN LA, 'DU BYED NYID SDUG BSNGAL NYID YIN PAS 'DU BYED KYI SDUG BSNGAL NYID DO ZHES BRJOD PAR BYA'O, ,RNAM GRANGS 'DI NI TSIG RNAM PAR SBYAR BA KHO NAS KHYAD PAR DU GYUR PAR ZAD KYI DON GYIS NI MA YIN PAS 'DIR DON NI DE KHO NA GZUNG BAR BYA'O, ,THUN MONG MA YIN PA'I PHYIR ZHES BYA BA RGYAS PAR 'BYUNG BA NI 'DU BYED YID DU'ONG BA RNAMS NI SDUG BSNGAL NYID DANG THUN MONG MA YIN TE, DE'I PHYIR DE DAG NI THUN MONG MA YIN PAS 'GYUR BA'I SDUG BSNGAL NYID DU BSHAD DO, ,YID DU MI 'ONG BA RNAMS NI 'GYUR BA'I SDUG BSNGAL NYID DANG THUN MONG MA YIN TE, DE'I PHYIR DE DAG NI THUN MONG MA YIN PAS SDUG BSNGAL GYI SDUG BSNGAL NYID DU BSHAD DO ZHES BYA BA YIN NO, ,YID DU 'ONG BA LA SOGS PA 'DU BYED THAMS CAD NI 'DU BYED KYI SDUG BSNGAL NYID KYIS SDUG BSNGAL BA NYID DE, DE NI KHYAB BA YIN PA'I PHYIR RO, ,GAL TE THAMS CAD KYANG DE LTAR SDUG BSNGAL BA @153B YIN NA, CI'I PHYIR KUN GYIS MI MTHONG ZHE NA, DE'I PHYIR SMRAS PA, DE DAG KYANG 'PHAGS PA RNAMS KHO NAS GZIGS KYI GZHAN DAG GIS NI MA YIN NO, ,JI LTA ZHE NA, 'DIR SMRAS PA ZHES PA 'DI THAMS CAD NYE BAR 'GOD PAR BYED DO, ,DE LTA NA 'O NA NI ZHES BYA BA NI GAL TE 'DU BYED KYI SDUG BSNGAL NYID KYIS 'DU BYED THAMS CAD KYANG SDUG BSNGAL BA YIN NA NI, LAM YANG 'DUS BYAS YIN PA'I PHYIR 'DU BYED KYI SDUG BSNGAL NYID DU THAL BAR 'GYUR TE, RKYEN GYIS BSKYED PA YIN PA'I PHYIR ZHES BYA BA'I THA TSIG GO, ,SDUG BSNGAL ZHES BYA BA'I MTSAN NYID NI MI MTHUN PA YIN PA'I PHYIR ZHES BYA BA NI GZHAN KHO NA ZHIG CI STE BRJOD, SNGAR RKYEN GYIS MNGON PAR 'DUS BYAS PA'I PHYIR 'DU BYED THAMS CAD MI RTAG PA YIN LA, GANG MI RTAG PA DE NI SDUG BSNGAL BA YIN NO ZHES BSHAD PAS LAM YANG RKYEN GYIS MNGON PAR 'DUS BYAS PA'I PHYIR, MI RTAG PA YIN TE, DE LTA BAS NA SDUG BSNGAL BA YIN NO ZHES BYA BAR THAL BAR 'GYUR RO, ,GAL TE SDUG BSNGAL GYI MTSAN NYID MI MTHUN PA KHO NA YIN PAR 'DOD NA NI SNGAR BSHAD PA DE MTSAN NYID MA YIN PAR 'GYUR RO, ,JI STE DE SDUG BSNGAL GYI MTSAN NYID YIN NA NI, 'DI MTSAN NYID MA YIN NO ZHE NA DE NI NYES PA MED DO, ,JI LTA ZHE NA 'DIR DGONGS PA'I DON NI MI RTAG PA GANG ZHIG 'PHAGS PA RNAMS DANG MI MTHUN PA DE SDUG BSNGAL BA YIN NO ZHES BYA BA 'DI YIN NO, ,'PHAGS PA RNAMS DANG MI MTHUN PA YANG GANG ZHIG YIN ZHE NA, ZAG PA DANG BCAS PA'I DNGOS PO GANG YIN PA'O, ,YANG CI'I PHYIR ZAG PA MED PA'I LAM YANG DE KHO NA DANG 'DRA BAR MI RTAG PA YIN BZHIN DU YANG 'PHAGS PA RNAMS DANG MI MTHUN BA MA YIN ZHE NA, DE'I PHYIR DE SKYE BA NI SDUG BSNGAL THAMS CAD ZAD PA 'DREN PA'I PHYIR 'PHAGS PA RNAMS DANG MI MTHUN PA MED DO ZHES BYA BA SMOS SO, ,'JIG RTEN NA KHYAD PAR MED PAR BRJOD KYANG KHYAD PAR RTOG PA MTHONG STE, DPER NA 'GRO BAS NA BA LANG NGO ZHES BYA BAR 'GRO BAS NA MA HE YANG BA LANG DU 'GYUR BA NI MA YIN NO ZHES BYA BA LTA BU'O, ,DON DE LTAR NGES PA YIN DANG CI'I PHYIR BA LANG YIN ZHE NA, GANG GI PHYIR 'GRO BAS SO ZHES BYA BA DE BZHIN DU 'DIR YANG ZAG PA DANG BCAS PA'I DNGOS PO GANG YIN PA DE NI 'PHAGS PA RNAMS DANG MI MTHUN PA @154A *, ,YIN NO, ,CI'I PHYIR ZHE NA, MI RTAG PA'I PHYIR RO ZHES BYA BA YIN NO, ,SDUG BSNGAL DU MTHONG BAS GANG YIN PA DE KHO NA ZHES BYA BA NI ZAG PA DANG BCAS PA'I DNGOS PO DE'I 'GOG PA LA DE LTAR LTA'I LAM GYI LA NI MA YIN NO ZHES BYA BAR KHONG DU CHUD PAR BYA'O, ,MON SRAN SDE'U LA SOGS PA YOD BZHIN DU MON SRAN GRE'U'I PHUNG PO ZHES STON PA BZHIN ZHES BYA BA NI 'JIG RTEN NA MON SRAN GRE'U'I PHUNG PO'I NANG NA MON SRAN SDE'U DANG, SRAN CHUNG DANG, SRAN MA LA SOGS PA YOD BZHIN DU YANG NYUNG BA'I PHYIR MON SRAN SDE'U LA SOGS PA LA MON SRAN GRE'U'I PHUNG PO ZHES THA SNYAD 'DOGS PA SNANG BA DE DANG 'DRA'E, ,CHUS GDAB PA'I BDE BA CHUNG DUS ZHES BYA BA NI, DE NI BDE BA YANG YIN LA CHUNG DU YANG YIN PAS BDE BA CHUNG NGU'O, ,CHUS GDAB PA'I BDE BA CHUNG NGU NI CHUS GDAB PA'I BDE BA CHUNG DU STE DES SO, ,YANG SMRAS PA ZHES BYA BA NI BTZUN PA GZHON NU LEN GYIS TE, SDUG BSNGAL BDUN CU PA LAS SO, , SDUG BSNGAL GYI NI RGYU PHYIR DANG, ,ZHES BYA BA NI BDE BA NI SDUG BSNGAL GYI RGYU YIN TE, SDUG BSNGAL MYONG BAR 'GYUR BA'I LAS DANG MTSUNGS PAR LDAN PA'I PHYIR RO, ,SDUG BSNGAL MANG POS SKYED PHYIR DANG, ,ZHES BYA BA NI 'DI LTAR BDE BA NI GZHAN LA BRTEN PA DANG, ZHING LA SOGS PAS BYAS PA'I SDUG BSNGAL SHIN TU MANG POS BSKYED DE 'BYUNG BAR BYED PA YIN PAS SO, ,SDUG BSNGAL YOD NA BDE 'DOD PHYIR, ,ZHES BYA BA NI 'DI LTAR BKRES PA DANG SKOM PA LA SOGS PAS BYAS PA'I SDUG BSNGAL YOD NA ZAS DANG SKOM LA SOGS PAS BYAS PA'I BDE BA 'DOD KYI GZHAN DU NI MA YIN NO, ,DE'I PHYIR RGYU DE DAG GIS NA, BDE BA SDUG BSNGAL ZHES RTOGS SO, ,ZHES BYA'O SRID PA THAMS CAD NI BDE BA DANG BCAS TE ZHES BYA BA LA NI ZHES BYA BA'I SBRA PHYOGS SNGA MA BZLOG PA'I PHYIR RO, ,'DU BYED KYI SDUG BSNGAL DU RO GCIG PAS ZHES BYA BA NI 'DU BYED KYI SDUG BSNGAL DU RNAM PA GCIG PAS SO, ,DA NI JI LTAR BDE BA'I RANG BZHIN GYI ZHES BYA BA NI JI LTAR SDUG BSNGAL GYI RANG BZHIN MA YIN PA'I TSOR[?] BA RNAMS LA SDUG BSNGAL ZHES BYA BA YIN NO, ,MI RTAG PA'I MTSAN NYID KYIS MI MTHUN PA'I PHYIR RO ZHES BYA BA NI MI RTAG PA'I PHYIR MI MTHUN LA MI MTHUN PA'I PHYIR SDUG BSNGAL DU LTA'O ZHES BYA BA'I THA TSIG GO, ,DPER NA GZUGS DANG 'DU SHES LA SOGS PA YANG @154B ZHES BYA BA NI, DPER NA GZUGS DANG 'DU SHES DANG 'DU BYED DANG RNAM PAR SHES PA DAG LA YANG SDUG BSNGAL NYID DU LTA MOD KYI DE DAG JI LTAR SDUG BSNGAL GYI TSOR BA BZHIN DU SDUG BSNGAL BA NI MA YIN PA BZHIN TE, DE NI GNOD PAR BYED PA'I NGO BO NYID YIN PA'I PHYIR LA, DE DAG GI MTSAN NYID NI DE MA YIN PA'I PHYIR RO,, GANG ZHIG CES BYA BA NI BTZUN PA GZHON NU LEN TO, ,BTZUN PA GZHON NU LEN DE'I DE NI KUN 'BYUNG GI RNAM PA YIN GYI, SDUG BSNGAL GYI RNAM PA NI MA YIN TE, SDUG BSNGAL LA RGYUR LTA BA'I PHYIR RO, ,GZHAN YANG GZUGS DANG GZUGS MED PAR SKYES PA'I 'PHAGS PA RNAMS LA YANG SDUG BSNGAL GYI 'DU SHES 'JUG PAR 'GYUR TE, 'JUG PAR MI 'GYUR BA ZHIG NA ZHES BYA BA'I THA TSIG GO, ,PHYIR MI 'ONG BA DE DAG GI SDUG BSNGAL GYI TSOR BA'I RGYU STE, TSOR BA SDUG BSNGAL BA'I RGYU NI MA YIN NO, ,GANG DAG CIG CE NA, GZUGS DANG GZUGS MED PA NA SPYOD PA'I PHUNG PO RNAMS SO, ,CI'I PHYIR RGYU MA YIN ZHE NA, YANG SDUG BSNGAL BA'I GNAS SU MI 'ONG BA'I PHYIR RO, ,'DU BYED KYI SDUG BSNGAL NYID KYANG CI'I PHYIR GSUNGS PAR GYUR CES BYA BA NI GAL TE SDUG BSNGAL GYI RGYU YIN PA'I PHYIR BDE BA YANG SDUG BSNGAL NYID DU LTA NA GANG MI RTAG PA DE NI SDUG BSNGAL BA YIN NO ZHES 'DU BYED KYI SDUG BSNGAL DU BSHAD BA GANG YIN PA DE CI DGOS TE, SDUG BSNGAL GYI RGYU YIN PA KHO NAS DGOS PA DE GRUB PA'I PHYIR RO, ,SDUG BSNGAL GYI RGYU YIN PAR SMRA BAS GAL TE ZHES BYA BA LA SOGS PA SMRAS TE, GAL TE GANG MI RTAG PA DE NI SDUG BSNGAL BA YIN PAS MI RTAG PA'I PHYIR SDUG BSNGAL NYID DU LTA'I SDUG BSNGAL GYI RGYU YIN PA'I PHYIR NI MA YIN NO,, 'O NA MI RTAG PA DANG SDUG BSNGAL GYI RNAM PA DAG LA KHYAD PAR CI ZHIG YOD, SLOB DPON GYIS, SKYE ZHING 'JIG PA'I CHOS CAN YIN PA'I PHYIR, ,ZHES BYA BA LA SOGS PAS RGYAS PAR SMOS SO, ,JI LTAR NA MI MTHUN PA'I PHYIR SDUG BSNGAL YIN PA DE BZHIN DU BSTAN PA'I PHYIR MI RTAG PAR MTHONG NA MI MTHUN PAR 'GYUR BAS MI RTAG PA'I RNAM PAS SDUG BSNGAL GYI RNAM PA 'DREN PAR BYED DO ZHES BYA BA SMOS SO, ,DE NI 'DI SKAD DU GANG MI RTAG PA DE NI SDUG BSNGAL BA YIN NO ZHES BSHAD PA GANG YIN PA DE NI RNAM PA GCIG PA'I PHYIR DE SKAD BSHAD PA NA MA YIN GYI, 'ON KYANG BDE BA DE MI RTAG PAR MTHONG NA NI MI @155A *, ,MTHUN PAR 'GYUR LA, MI MTHUN PA'I PHYIR SDUG BSNGAL NYID DU LTA'O ZHES BSHAD PA YIN NO, ,KHA CIG NA RE ZHES BYA BA NI BTZUN PA DPAL LEN LA SOGS PA'O, ,DE NI 'DI LTAR SDUG BSNGAL LO ZHES BYA BA NI 'DIR SDUG BSNGAL GYI MTSAN NYID YIN NO ZHES BYA BA'I THA TSIG GO, , BDE BA'I TSOR BA NI SDUG BSNGAL DU BLTA BAR BYA'O ZHES BYA BA NI MDO'I TSIG GZHAN YIN NO, ,GRANG BA DANG DRO BA LA SOGS PA ZHES BYA BA LA SOGS PA ZHES BYA BA'I SGRA NI SKYUR BA DANG MANG RAB LA SOGS PA BSDU'O,, ,,BAM PO BZHI BCU RTZA LNGA PA, HA CANG SPYAD PA NI HA CANG YONGS SU SPYAD PA'O,, DUS MA YIN PAR SPYAD PA NI DPER NA DGUN GRANG BA SPYAD PA DANG SO GA DRO BA SPYAD PA LTA BU'O, ,MNYAM PAS ZHES BYA BA NI BDE BA'I RGYUS SO, ,SPYOD LAM GYI BYE BRAG LA YANG DE BZHIN DU BRJOD PAR BYA'O ZHES BYA BA NI BDE BA'I RGYU NYAL BA LA SOGS PAR 'DOD PA GANG DAG YIN PA DE DAG KHO NA ZHES BYA BA NAS GSAL BAR 'GYUR BAR ZAD DE ZHES BYA BA'I BAR THAMS CAD BRJOD PAR BYA'O, ,SDUG BSNGAL GYI GNYEN PO LA BDE BA'I BLO SKYE BA'I YANG PHYIR CI ZHE NA, BDE BA'I TSOR BA MED DO ZHES BYA BA'I SKABS DANG SBYAR RO, ,SDUG BSNGAL GYI BYE BRAG LA CI ZHE NA, BDE BA'I BLO SKYE BA'I PHYIR DE BZHIN DU BDE BA'I TSOR BA MED DO ZHES BYA BAR SBYAR RO, ,SDUG BSNGAL GYI GNYEN PO LA BDE BA'I BLO SKYE BA BSTAN PA'I PHYIR, JI SKAD DU BKRES PA DANG ZHES BYA BA LA SOGS PA RGYAS PAR SMOS SO, ,SDUG BSNGAL GYI BYE BRAG LA BDE BA'I BLO SKYES PA BSTAN PA'I PHYIR BYIS PA RNAMS NI SDUG BSNGAL GYI BYE BRAG LA YANG ZHES BYA BA LA SOGS PA RGYA CHER SMOS SO, ,PHRAG PA NAS PHRAG PAR KHUR SBED PA KHUR TZA BA RNAMS KHUR GYIS NON TE, SDUG BSNGAL BA KHO NAR GNAS BZHIN DU BDE'O SNYAM DU BLO SKYED PAR BYED DO, ,'DI NYID RIGS PA YIN NO ZHES ZER BA NI SLOB DPON NO, ,'PHAGS PA RNAMS MI BZHED PA YIN TE ZHES BYA BA NI 'DOD PA'I BDE BA'O, ,MI 'DOD PA NI GZHAN DU YIN PA'I PHYIR RO ZHES BYA BA NI BAG MED BA'I GNAS NYID LA SOGS PA'I RNAM PA GZHAN GYIS SO, ,DON DE BSTAN PAR BYA BA'I PHYIR TSOR BA GANG ZHIG CES BYA BA LA SOGS PA RGYAS PAR SMOS TE, BAG MED PA'I GNAS ZHES BYA BA NI BDE BA LAS NYAMS PA'I RGYU YIN PA'I PHYIR RO, ,MNGON @155B PAR 'DU BYA BA CHEN POS BSGRUB PAR BYA BA DANG, RNAM PAR 'GYUR BA CAN NI MJUG THOGS SU SDUG BSNGAL SKYE BA CAN DANG, SDUG BSNGAL YANG MA YIN BDE BA YANG MA YIN PA SKYE BA CAN ZHES BYA BA'I DON NAM, YANG NA NGO BO NYAMS PAR GYUR PA ZHES BYA BA YIN NO, ,MI RTAG PAR ZHES BYA BA NI RNAM PAR 'JIG PAR ZHES BYA BA'I THA TSIG GO, ,RANG GI MTSAN NYID KYI RNAM PAS NI MA YIN NO ZHES BYA BA NI PHAN 'DOGS PAR BYED PA'I RANG GI MTSAN NYID KYI RNAM PAS TE, BDE BA'I TSOR BA NI 'PHAGS PA RNAMS LA YANG PHAN 'DOGS PAR BYED PAS MI SLU BA YIN NO, ,GAL TE BDE BA'I TSOR BA 'DI RANG GI MTSAN NYID KYIS TE, PHAN 'DOGS PAR BYED PA'I BDAG NYID KYIS MI 'DOD PA ZHIG YIN PAR GYUR NA I BDE BA'I TSOR BA DE LA SU YANG 'DOD CHAGS SKYE BAR MI 'GYUR BA ZHIG STE, SDUG BSNGAL GYI TSOR BA BZHIN NO SNYAM DU BSAMS PA YIN NO, ,GANG GI PHYIR 'DOD CHAGS DANG 'BRAL BA'I CHED DU ZHES BYA BA NI RGYU GANG GI PHYIR 'DOD CHAGS DANG 'BRAL BAR BYA BA'I CHED DU RNAM PA GZHAN GYIS KYANG SKYON CAN DU LTA BAR 'GYUR TE, GZHAN DU NA TSEGS MAD PA KHO NAR 'DOD CHAGS MED PA 'GRUB PAS 'DOD CHAGS DANG BRAL BAR BYA BA'I CHED DU 'BAD PA DON MED PAR 'GYUR RO, ,BCOM LDAN 'DAS KYIS GANG CI TSOR YANG RUNG DE NI 'DIR SDUG BSNGAL LO ZHES KYANG GSUNGS NA ZHES BYA BA'I MDO'I TSIG 'DI NI GNAS BRTAN KUN DGA' BOS BZLAS PA YIN NO, ,DES KYANG 'DI SKAD DU ZHUS PAR 'GYUR LA ZHES BYA BA NI GNAS BRTAN KUN DGA' BOS GANG CI TSOR YANG RUNG DE NI 'DIR SDUG BSNGAL LO ZHES BYA BA'I TSIG 'DI RIGS PA MA YIN PA'I NGO BOR MTHONG NA NI DE KHO NA ZHUS PAR 'GYUR TE, GANG CI TSOR YANG RUNG DE NI 'DIR SDUG BSNGAL LO ZHES BYA BA 'GAL BA'I PHYIR RO, ,GAL TE TSOR BA GSUM ZHES BYA BA 'DI RIGS PA MA YIN PA'I NGO BOR MTHONG NA NI BCOM LDAN 'DAS KYIS CI LAS DGONGS NAS TSOR BA GSUM ZHES BKA' STZAL ZHES ZHUS PAR 'GYUR TE DE 'GAL BA'I PHYIR RO, ,BCOM LDAN 'DAS KYIS KYANG 'DI SKAD DU TSOR BA GSUM ZHES BYA BA 'DI NI NGAS DGONGS NAS BSHAD PA YIN NO ZHES LUNG BSTAN PAR 'GYUR GYI, 'DI SKAD DU GANG CI TSOR YANG RUNG DE NI 'DIR SDUG BSNGAL LO ZHES BYA BA NI NGAS 'DU BYED MI RTAG PA NYID DANG, 'DU BYED RNAM PAR 'GYUR BA NYID LAS @156A *, ,DGONGS NAS GSUNGS SO ZHES LUNG BSTAN PAR YANG MI 'GYUR BA ZHIG NA YANG TSOR BA GSUM SMOS PA'I PHYIR DE SKAD KYANG BKA' MA STZAL TE, DE LTA BAS NA TSOR BA GSUM NI RANG GI NGO BOS YOD LA, GANG CI TSOR YANG RUNG DE NI 'DIR SDUG BSNGAL LO ZHES BYA BA 'DI NI NGAS DGONGS NAS BSHAD PA YIN NO ZHES GSUNGS PA'I PHYIR GANG CI TSOR YANG RUNG DE NI 'DIR SDUG BSNGAL LO ZHES BYA BA'I TSIG 'DI NI BCOM LDAN 'DAS KYIS DGONGS PA CAN DU STON PAR MDZAD PA YIN TE, 'DU BYED 'GYUR BA NYID LAS DGONGS PA'I PHYIR RO, ,RNAM PAR 'GYUR BA DANG, MI RTAG PA'I CHOS CAN YIN PA'I PHYIR ZHES BYA BA NI RNAM PAR 'GYUR BA'I CHOS CAN YIN PA'I PHYIR DANG, MI RTAG PA'I CHOS CAN YIN PA'I PHYIR TE, RNAM PAR 'GYUR BA NI GZHAN DU 'GYUR BA NYID DO, ,'DOD PA'I YON TAN ZHES BYA BA 'DI NI GZUGS DANG SGRA DANG, DRI DANG RO DANG REG BYA YID DU 'ONG BA RNAMS KYI MING YIN NO, ,SKYE BA YANG SKYE BA YID DU 'ONG BA'I MING YIN TE, SKYE BA YANG DE 'DRA BAR BDE BA NI CHUNG LA SDUG BSNGAL NI MANG BA YIN NA GCIG TU BDE BAR LTA BA NI PHYIN CI LOG PA YIN NO, ,GAL TE 'JIG RTEN DANG MTHUN PAR GSUNGS PA YIN NO ZHE NA ZHES BYA BA NI JI STE 'JIG RTEN GYI TSOR BA RTOGS PA DANG MTHUN PAR TSOR BA GSUM MO ZHES GSUNGS SO ZHE NA, DE NI MA YIN TE, TSOR BA THAMS CAD SDUG BSNGAL BA NYID NI DGONGS NAS GSUNGS SO ZHES BKA' STZAL BA'I PHYIR TE, BCOM LDAN 'DAS KYIS KUN DGA' BO GANG CI TSOR YANG RUNG STE 'DI NI SDUG BSNGAL LO ZHES BYA BA NI, NGAS 'DU BYED MI RTAG PA NYID DANG, 'DU BYED RNAM PAR 'GYUR BA NYID LAS DGONGS NAS GSUNGS SO ZHES DGONGS TE, BSHAD PA YIN PAR BKA' STZAL BA'I PHYIR RO, ,DE'I PHYIR 'JIG RTEN DANG MTHUN PAR TSOR BA GSUM ZHES GSUNGS PA NI MA YIN NO, ,'O NA CI ZHE NA, RANG GI MTSAN NYID KYI SGO NAS NGES PAR 'DZIN PAR MDZAD DO ZHES BYA BAR BSAMS PA YIN NO, ,YANG DAG PA JI LTA BA BZHIN ZHES GSUNGS PA'I YANG PHYIR 'JIG RTEN DANG MTHUN PAR TSOR BA GSUM MO ZHES GSUNGS PA NI MA YIN NO, ,JI LTA ZHE NA, BDE BA'I DBANG PO GANG YIN PA DANG, YID BDE BA'I DBANG PO GANG YIN PA 'DI NI BDE BA'I TSOR BA YIN PAR BLTA BAR BYA'O ZHES RGYAS PAR GSUNGS NAS ZHES BYA BA SMOS TE, SDUG @156B BSNGAL GYI DBANG PO GANG YIN PA 'DI NI BDE BA'I TSOR BA YIN PAR BLTA BAR BYA'O, ,YID MI BDE BA'I DBANG PO GANG YIN PA 'DI NI SDUG BSNGAL GYI TSOR BA YIN NO, ,BTANG SNYOMS KYI DBANG PO GANG YIN PA 'DI NI BDE BA YANG MA YIN SDUG BSNGAL YANG MA YIN PA'I TSOR BA YIN NO ZHES BYA BA DE LTA BU LA SOGS PA RGYAS PAR GSUNGS NAS SO, ,'DIR TSOR BA GSUM YOD PA'I KHUNGS NI GANG GIS DBANG PO LNGA PO 'DI DAG DE LTAR YANG DAG PA'I SHES RAB KYIS YANG DAG PA JI LTA BA BZHIN DU MTHONG ZHING ZHES BYA BA 'DI YIN TE, YANG DAG PA JI LTA BA BZHIN ZHES BYA BA NI SGRO 'DOGS PA MED PA DANG, SKUR PA 'DEBS PA MED PA'I PHYIR RO, ,'JIG RTEN YANG JI LTAR NA SDUG BSNGAL GYI TSOR BA LA BDE BA DANG SDUG BSNGAL DANG BDE BA YANG MA YIN SDUG BSNGAL YANG MA YIN PA RNAM PA GSUM DU RTOGS PAR 'GYUR TE, SDUG BSNGAL GYI NGO BO NYID KYIS SDUG BSNGAL DU RTOGS PA KHO NAR 'GYUR BA'I PHYIR RO, ,GAL TE CHUNG NGU DANG 'BRING DANG CHEN PO DAG LA ZHES BYA BA RGYAS PAR 'BYUNG BA NI JI STE SDUG BSNGAL CHUNG NGU LA NI BDE BA'I BLO 'BYUNG LA, CHEN PO LA NI SDUG BSNGAL GYI BLO 'BYUNG, 'BRING LA NI BDE BA YANG MA YIN SDUG BSNGAL BA YANG MA YIN PA'I BLO 'BYUNG NGO ZHE NA, 'DI LA BDE BA LA YANG RNAM PA GSUM YOD PAS ZHES BYA BA RGYAS PAR SMOS TE, CHUNG NGU DANG 'BRING DANG CHEN PO THA DAD PAS SO, ,SDUG BSNGAL CHUNG NGU LA SOGS PA LA ZHES BYA BA NI CHUNG NGU DANG 'BRING DANG CHEN PO DAG LA'O, ,BDE BA CHEN PO LA SOGS PA'I BLO SKYE BAR 'GYUR RO ZHES BYA BA NI BDE BA CHEN PO DANG 'BRING DANG CHUNG NGU'I BLO SKYE BAR 'GYUR RO ZHES BYA BA'I THA TSIG GO, ,JI LTA ZHE NA SDUG BSNGAL CHUNG NGU LA NI BDE BA CHEN PO'I BLO SKYE BAR 'GYUR LA, 'BRING LA NI BDE BA 'BRING GI BLO SKYE BAR 'GYUR ZHING, CHEN PO LA NI BDE BA CHUNG NGU'I BLO SKYE BAR 'GYUR RO, ,SDUG BSNGAL CHEN PO LA BDE BA CHUNG NGU'I BLO SKYE BAR NI RIGS PA MA YIN NO, ,CI'I PHYIR ZHE NA, GAL TE DE LA BDE BA CHUNG NGU'I BLO SKYE BAR GYUR NA SDUG BSNGAL DE CHEN PO NYID DU YANG MI 'GYUR RO, ,GAL TE SDUG BSNGAL CHUNG NGU LA BDE BA CHEN PO'I BLO SKYE BAR GYUR NA YANG SDUG BSNGAL DE JI LTAR CHUNG NGU NYID YIN TE, DE LTAR GSAL BAR NYAMS SU MYONG BA LA NI CHUNG NGU NYID DU RIGS PA MA YIN NO, ,SDUG BSNGAL YANG MA YIN BDE BA YANG MA YIN @157A *, ,PA'I MJUG THOGS SU BDE BA NYAMS SU MYONG BA MTHONG BAS, GANG GI TSE DRI DANG RO DANG REG BYA'I KHYAD PAR LAS SKYES PA'I ZHES BYA BA SMOS TE, KHYED KYI LTAR NA BDE BA YANG MA YIN SDUG BSNGAL YANG MA YIN PA NI 'BRING YIN GYI CHUNG NGU'I RNAM PA MA YIN PAS DE'I PHYIR DE'I TSE GANG LA 'DI BDE BA'I BLOR 'GYUR BA SDUG BSNGAL CHUNG NGUR GYUR PA YANG GANG ZHIG YIN PA BRJOD DGOS SO, ,DE LTA BAS NA BDE BA NI YUL GYI STOBS KHO NAS SKYE'I MTSUNGS PA DE MA THAG PA'I RKYEN SDUG BSNGAL CHUNG NGU'I STOBS SAM MTSUNGS PA DE MA THAG PA'I RKYEN SDUG BSNGAL CHEN PO'I STOBS KYIS NI MA YIN NO, ,GZHAN YANG GAL TE SDUG BSNGAL CHUNG NGU LA BDE BA'I BLO SKYE BAR SEMS NA, SDUG BSNGAL CHUNG NGU DE MA SKYES PA DANG 'GAGS NA STE, MA SKYES PA DANG 'GAGS PAR GYUR NA, SDUG BSNGAL MA LUS PA DANG BRAL BA'I PHYIR BDE BA'I BLO SHIN TU CHES SKYE BAR YANG 'GYUR RO, ,'DI LTAR SDUG BSNGAL MA LUS PA DANG BRAL BA, SDUG BSNGAL LHAG MA DANG BCAS PAR BRAL NA YANG BDE BA'I BLO SKYE BAR 'DOD NA MA LUS PAR BRAL NA LTA SMOS KYANG CI DGOS SNYAM DU BSAMS PA YIN NO, ,'DOD PA'I BDE BA MNGON SUM DU GYUR PA YANG DE BZHIN DU BRJOD PAR BYA'O ZHES BYA BA NI DRI DANG RO DANG REG BYA'I KHYAD PAR LAS SKYES PA'I BDE BA BSHAD PA LTAR 'DOD PA'I BDE BA MNGON SUM DU GYUR PA YANG DE BZHIN DU BRJOD PAR BYA STE, JI LTA ZHE NA, 'DOD CHAGS KYI SDUG BSNGAL CHUNG NGU LA 'DOD PA'I BDE BA'I BLO SKYE BAR 'GYUR NA, 'DOD CHAGS KYI SDUG BSNGAL CHUNG NGU DE MA SKYES PA DANG 'GAGS NA 'DOD PA'I BDE BA SKYE BA'I BLO SHIN TU CHES SKYE BAR YANG 'GYUR BA ZHIG NA DE LTA BU YANG MA MTHONG NGO, ,TSOR BA CHUNG NGU LA NI ZHES BYA BA LA SOGS PA RGYAS PAR 'BYUNG BA NI TSOR BA CHUNG NGU LA ZHES BYA BA NI SDUG BSNGAL GYI LA ZHES BYA BA'I THA TSIG GO, ,NYAMS SU MYONG BA SHES CHEN POR 'DZIN ZHES BYA BA NI MNGON PAR 'DZIN PA'O, ,'BRING LA NI MI GSAL BAR 'DZIN ZHES BYA BA NI SDUG BSNGAL 'BRING LA BDE BA YANG MA YIN SDUG BSNGAL YANG MA YIN PA'I TSOR BAR 'DZIN ZHES BYA BA GANG YIN PA 'DI YANG JI LTAR RUNG ZHES BYA BA'I THA TSIG STE, SDUG BSNGAL CHUNG NGU LA DE YANG MI GSAL BAR 'GYUR RO SNYAM DU BSAMS PA YIN NO, ,BSAM GTAN GSUM NA ZHES BYA BA RGYAS PAR 'BYUNG BA NI MDO LAS @157B DE NA BDE BA'I TSOR BA YOD DO ZHES GSUNGS PA'I PHYIR, BSAM GTAN GSUM PO DANG PO DANG GNYIS PA DANG GSUM PA NA BDE BA YOD DO ZHES 'BYUNG BAS SDUG BSNGAL CHUNG NGUR YANG 'GYUR TE, CI'I PHYIR ZHE NA, KHYED SDUG BSNGAL CHUNG NGU LA BDE BA'I BLO SKYE BAR 'DOD PA'I PHYIR RO, ,MDO LAS, GONG NA STE BSAM GTAN BZHI PA DANG GZUGS MED PA DAG NA BDE BA YANG MA YIN SDUG BSNGAL BA YANG MA YIN PA YOD DO ZHES 'BYUNG BAS SDUG BSNGAL 'BRING DU 'ANG 'GYUR TE, CI'I PHYIR ZHE NA, DE BZHIN DU SDUG BSNGAL 'BRING LA BDE BA YANG MA YIN SDUG BSNGAL YANG MA YIN PA'I BLO SKYE BAR YANG 'DOD PA'I PHYIR RO, ,DE'I PHYIR SDUG BSNGAL CHUNG NGU LA SOGS PA LA BDE BA LA SOGS PA'I TSOR BA RNAM PAR GZHAG TU MI RUNG STE, BSAM GTAN 'OG MA DAG NA NI SDUG BSNGAL CHUNG NGU YOD LA, GONG NA NI 'BRING YOD DO ZHES BYA BAR JI LTAR RUNG BAR 'GYUR, MING CHEN GAL TE GZUGS ZHES BYA BA NI MING CHEN GAL TE GZUGS GCIG TU SDUG BSNGAL BA ZHIG YIN PAR GYUR NA NI BDE BA YANG MED, BDE BA DANG RJES SU 'BREL PA YANG MED, YID BDE BA YANG MED, YID BDE BA DANG RJES SU 'BREL PA YANG MED LA, BDE BA'I TSOR BA YANG GZUGS LA KUN DU 'DOD CHAGS PA'I RGYUR YANG MI 'GYUR BA ZHIG NA, GANG GI PHYIR GZUGS BDE BA YANG YOD, BDE BA DANG RJES SU 'BREL PA YANG YOD CES BYA BA SNGA MA BZHIN TE, DE'I PHYIR GZUGS KYANG 'DI LTA STE, KUN DU 'DOD CHAGS PA'I RGYUR 'GYUR RO ZHES 'BYUNG BA YIN NO, ,BDE BA'I RGYU RNAM PAR MI GNAS PA'I PHYIR RO ZHES BYA BA 'DI LA BRJOD PAR BYA STE, GAL TE BDE BA'I RGYU RNAM PAR MI GNAS PA'I PHYIR BDE BA MED NA SDUG BSNGAL GYI YANG RNAM PAR MI GNAS PA'I PHYIR SDUG BSNGAL YANG MED PA YIN NO, ,GZHAN YANG BDE BA'I RGYU NI RNAM PAR GNAS PA KHO NA YIN NO, ,JI LTA ZHE NA, RTEN GYI KHYAD PAR LA LTOS PA'I ZHES BYA BA RGYAS PAR SMOS TE, GAL TE YUL 'BA' ZHIG RGYU YIN NA NI RGYU RNAM PAR MI GNAS PA KHO NAR YANG 'GYUR BA ZHIG NA YANG, YUL 'BA' ZHIG NI RGYU MA YIN GYI 'DI LTAR RGYU NI RTEN GYI KHYAD PAR LA LTOS PA YIN NO, ,ME DE NYID CES BYA BA LA DON GYI LUGS TE, DPER NA ME DE NYID MNGON PAR 'DOD PA'I 'BRAS CHAN TSOS PA'I RGYU YIN PA'I PHYIR BTZO BAR BYA BA'I 'BYUNG BA'I @158A *, ,KHYAD PAR 'BRAS KYI TSOGS SHAS KYIS TSOS PA LA NI ZHIM PAR TSOS PA'I RGYU YANG YIN ZHING, DE NYID DE TSIG PA'I RGYU YIN PA'I PHYIR MI ZHIM PAR TSOS PA'I RGYU YANG YIN LA, BTZO BAR BYA BA'I 'BYUNG BA'I GNAS SKABS GANG DANG PHRAD NAS ZHIM PAR TSOS PA'I RGYU YIN PAR GYUR PA DE DANG PHRAD NAS PHYIS RGYU MA YIN PA NI MA YIN TE, ZHIM PAR TSOS PA DE LTA BU'I ZHES BYA BA'I THA TSIG GO, ,'DI NI DNGOS KYI DON SNGAR BSHAD PA DE'I DPE YIN NO, ,BSAM GTAN DAG NA YANG BDE BA'I RGYU JI LTAR MI GNAS PA YIN ZHES BYA BA NI BSAM GTAN DANG PO NAS GSUM PA'I BAR DE NYID NI DUS RING MO ZHIG TU YANG SNYOMS PAR ZHUGS PA RNAMS KYI SDUG BSNGAL GYI RGYUR MI 'GYUR BAS SO, ,BSAM GTAN LAS SKYES PA'I BDE BA LA YANG GANG GI GNYEN PO YIN ZHES BYA BA NI, BSAM GTAN DAG NA SDUG BSNGAL MED PAS SO, ,STZOGS PA ZHES BYA BA'I SGRAS NI GAL TE SDUG BSNGAL GYI GNYEN PO LA BDE BA'I BLO SKYE BAR 'GYUR NA, MING CHEN GAL TE GZUGS GCIG TU SDUG BSNGAL BA ZHIG YIN PAR GYUR NA NI, BDE BA YANG MED BDE BA DANG RJES SU 'BREL PA YANG MED CES BYA BA DE LTA BU LA SOGS PA GSUNGS PAR YANG MI 'GYUR RO ZHES BYA BA 'DI YANG BRJOD PAR BYA BA YIN NO, ,JI SRID DU LUS KYI GNAS SKABS DE LTA BU DE ZHES BYA BA NI BDE BA SKYE BA DANG MTHUN PA'O, ,BDE BA KHO NA SKYE BAR 'GYUR RO ZHES BYA BA NI DE NI BDE BA'I TSOR BA KHO NA SKYE BAR 'GYUR BA YIN GYI, DE SDUG BSNGAL GYI TSOR BA LA BDE BA NYID DU BTAGS PA NI MA YIN NO, ,DE LTA MA YIN TE, JI SRID DU LUS KYI GNAS SKABS DE LTA BU DE MED PAR MA GYUR GYI BAR DU GNAS SKABS GZHAN LAS SKYES PA'I BDE BA KHO NA SKYE BAR MI 'GYUR NA NI, DE LTA MA YIN NA PHYIS BDE BA'I BLO JE MANG DU SKYE BAR 'GYUR RO, ,GAL TE DANG PO NAS ZHES BYA BA RGYAS PAR 'BYUNG BA NI JI STE, GAL TE DANG PO NAS DE'I RTZOM PA ZHIG MED NA ZAS DANG SKOM LA SOGS PA'I MJUG TU SDUG BSNGAL GYI RGYUR GAL 'GYUR ZHE NA, 'DI LA LUS YONGS SU 'GYUR PA'I KHYAD PAR LAS TE ZHES SMOS TE, SKOM PA LA SOGS PA LA CHANG BSTEN PAS GANG GIS NA BDE BA SKYE BA'I GNAS SKABS NA SDUG BSNGAL MI SKYE'I MJUG TU NI SKYE BAR 'GYUR BA DE LTA BU'I LUS YONGS SU 'GYUR BA'I KHYAD PAR PHYIS SKYE BA @158B 'BYUNG BAR 'GYUR RO, ,CI DANG 'DRA ZHE NA, ,CHANG LA SOGS PA MNGAR BA MJUG TU SKYUR POR 'GYUR BA BZHIN NO ZHES BYA BA SMOS TE, DPER NA CHANG DANG 'O MA LA SOGS PA SNGAR MNGAR BA'I GNAS SKABS YIN PA LAS MJUG TU MNGAR BA MED PA SKYUR PO STE, SKYUR BA NYID 'BYUNG BAR 'GYUR BA GANG YIN PA DE 'DRA BA'I YONGS SU 'GYUR BA'I KHYAD PAR PHYIS SKYE BAR 'GYUR BA LTA BU'O, ,YANG NA DPER NA CHANG LA SOGS PA YONGS SU 'GYUR BA'I KHYAD PAR LAS DANG POR MNGAR BA KHO NAR 'GYUR BA'AM, SKYUR BA DE LAS DE BCOS PA'I PHAN PA LAS SMAN BYAS PA'I 'GYUR BA'I KHYAD PAR LAS MNGAR POR 'GYUR ZHING YONGS SU 'GYUR BA'I KHYAD PAR KHO NA LAS, YANG PHYIS SKYUR BA NYID DU 'GYUR BA LTA BU STE, 'DIR MNGAR BA NI BDE BA'I DPER BRJOD PA YIN NO, ,SKYUR BA NI SDUG BSNGAL GYI DPER BRJOD PA YIN NO, ,KUN 'BYUNG GI BDEN PA GANG YIN PA DE NYID SDUG BSNGAL GYI BDEN PA YIN NO ZHES BYA BA DE ZHES BYA BA NI RGYUR GYUR PA RNAMS NI KUN 'BYUNG GI BDEN PA YIN TE ZHES 'BYUNG BA'I PHYIR DANG, MDZOD KYI GNAS DANG PO NAS, SDUG BSNGAL KUN 'BYUNG 'JIG RTEN DANG, ,ZHES 'BYUNG BA'I PHYIR RO, ,MDO LAS NI SRED PA KHO NA YIN PAR BSHAD DO ZHES BYA BA NI KUN 'BYUNG GI BDEN PA GANG ZHE NA, GANG 'DI DGA' BA'I 'DOD CHAGS DANG LHAN CIG PA'I SRED PA STE, DE DANG DE LA MNGON PAR DGA' BA CAN YIN NO ZHES 'BYUNG NGO, ,BYE BRAG TU SMRA BAS DE NI GTZO BO YIN PA'I PHYIR ZHES BYA BA SMOS TE, GZHAN LAS GZHAN YANG YIN PAR GSUNGS PA'I PHYIR ZHES BYA BA NI MDO GZHAN LAS LAS DANG MA RIG PA LA SOGS PA GZHAN YANG YIN PAR GSUNGS PA'I PHYIR GZHAN DAG KYANG KUN 'BYUNG BA YIN NO, ,PHYI MA'I TSE LA ZHES BYA BA NI TSE PHYI MA LA STE, 'JIG RTEN PHA ROL ZHES BYA BA'I THA TSIG GO, ,YANG MDO GZHAN LAS DGE SLONG DAG SA BON GYI RNAM PA LNGA MA GRUGS, MA SMAS, MA RUL LA, RLUNG DANG NYI MAS MA NYAMS SHING GRUNG POR GNAS LA, SA'I KHAMS DANG CHU'I KHAMS KYANG YOD NA DE LTA NA SA BON DE DAG 'PHEL ZHING RGYAS PA DANG MCHED PAR 'GYUR RO, ,DGE SLONG DAG DE LTAR NA CI NAS KYANG DON 'DI KHONG DU CHUD PAR BYA BA'I PHYIR DPE 'DI BSTAN PA YIN TE ZHES GSUNGS SO, ,DPE 'DI NYE BAR BKOD NAS YANG DGE SLONG DAG SA BON GYI RNAM PA LNGA ZHES BYA BA 'DI NI NYE @159A *, ,BAR LEN PA DANG BCAS PA'I RNAM PAR SHES PA'I TSIG BLA DAGS YIN NO, ,SA'I KHAMS ZHES BYA BA 'DI NI RNAM PAR SHES PA GNAS PA BZHI'I TSIG BLA DAGS YIN NO ZHES GSUNGS TE SA BON GYI RGYU YIN NO, ,RGYU GANG YIN PA DE NI KUN 'BYUNG BA YIN NO, ,RNAM PAR SHES PA GNAS PA YANG RTEN GYI RGYU YIN NO, ,DE LTA BAS NA ZHES BYA BA NI GANG GI PHYIR LAS LA SOGS PA YANG RGYU YIN PA NYID DU GSUNGS PAS KUN 'BYUNG BA'I BDEN PA NYID DU GRUB PA'I PHYIR MDO LAS BSTAN PA NI DGONGS PA CAN YIN NO, ,DGONGS PA LAS BYUNG BA'AM, DGONGS PAS RTZEN PA NI DGONGS PA CAN TE, SRED PA LHAG PA'I GANG ZAG GI DBANG DU MDZAD NAS BSTAN TO SNYAM DU BSAMS PA YIN NO, ,CHOS MNGON PA LAS BSTAN PA NI MTSAN NYID PA YIN NO ZHES BYA BA NI MTSAN NYID LAS BYUNG BA NI MTSAN NYID PA STE, ZAG PA DANG BCAS PA'I PHUNG PO LNGA CHAR KUN 'BYUNG BA'I BDEN PA NYID KYI MTSAN NYID DANG LDAN PA'I PHYIR CHOS MNGON PA LAS ZAG PA DANG BCAS PA'I DNGOS PO THAMS CAD KUN 'BYUNG BA'O ZHES BSTAN PA NI MTSAN NYID PA YIN NO ZHES PAS SO, ,BYE BRAG TU SMRA BA DE NYID KYIS SRED PA LA SOGS PA KUN 'BYUNG BA NYID YIN PA DGONGS PA CAN YIN PAR BRJOD PAR 'DOD NAS SO, ,GZHAN YANG ZHES BYA BA RGYAS PAR SMRAS TE, MNGON PAR 'GRUB PA'I RGYU BKA' STZAL PA NA NI MDO LAS KUN 'BYUNG GI BDEN PA SRED PA KHO NA YIN PAR GSUNGS LA SKYE BA DANG MNGON PAR 'GRUB PA'I RGYU RGYU DANG BCAS PAR BKA' STZAL PA NA NI LAS DANG SRED PA DANG MA RIG PA'I BAR YIN PAR GSUNGS TE SKYE BA'I RGYU NI LAS YIN NO, ,MNGON PAR 'GRUB PA'I RGYU NI SRID PA DAG LA SRED PA YIN NO, ,DE DAG GI RGYU LAS DANG SRED PA KHO NA YIN PAR GSUNGS LA SKYE BA DANG SRED PA DE GNYIS KYI RGYU NI MA RIG PA YIN NO, ,SMRAS PA, TSIGS SU BCAD PA LAS SKYES PA'I RGYU NI LAS YIN LA, MNGON PAR 'GRUB PA'I RGYU NI SRED PA YIN PAR 'BYUNG NGO ZHES BYA BA JI LTAR SHES SHE NA, MDO LAS, LAS NI SKYE BA'I RGYU YIN LA SRED PA NI MNGON PAR 'GRUB PA'I RGYU YIN ZHES 'BYUNG BA'I PHYIR TE, MDO GZHAN LAS 'BYUNG BA'I PHYIR RO, ,YANG NA MDO LAS RGYU DANG BCAS RKYEN DANG BCAS ZHES BYA BA RGYAS PAR 'BYUNG BA NI, YANG NA TSIGS SU @159B BCAD PA LAS, LAS DANG SRED PA DANG MA RIG PA DAG TSE PHYI MA LA MIG LA SOGS PA'I 'DU BYED RNAMS KYI RGYU YIN PAR BSTAN PA 'DI NI MDO 'DI LAS 'BYUNG BA'I RIM PAR TE RGYU BRGYUD PA'I RIM PA DANG MTHUN PAR BSTAN PA YIN NO, ,DE NI 'DI SKAD DU TSIGS SU BCAD PA LAS BYUNG BA 'DI NI LAS NI SKYE BA'I RGYU YIN LA ZHES 'BYUNG BA'I MDO 'DI DANG, RGYU DANG BCAS, RKYEN DANG BCAS, GZHI DANG BCAS PA'I RIM PA 'BYUNG BA'I MDO DANG SBYAR NA 'DI LTA BU YIN NO ZHES BSHAD PAR 'GYUR RO, ,JI LTA ZHE NA, DGE SLONG DAG MIG NI RGYU DANG BCAS, RKYEN DANG BCAS, GZHI DANG BCAS PA YIN NO, ,DGE SLONG DAG MIG GI RGYU NI GANG YIN, RKYEN NI GANG YIN, GZHI NI GANG YIN ZHE NA, DGE SLONG DAG MIG GI RGYU NI LAS YIN NO, ,RKYEN NI LAS YIN NO, ,GZHI NI LAS YIN NO, ,DGE SLONG DAG LAS KYANG RGYU DANG BCAS, RKYEN DANG BCAS, GZHI DANG BCAS PA YIN NO, ,DGE SLONG DAG LAS KYI RGYU NI GANG YIN, RKYEN NI GANG YIN, GZHI NI GANG YIN ZHE NA, DGE SLONG DAG LAS KYI RGYU NI SRED PA YIN NO, ,RKYEN NI SRED PA YIN NO, ,GZHI NI SRID PA YIN NO, ,DGE SLONG DAG SRED PA YANG RGYU DANG BCAS, RKYEN DANG BCAS, GZHI DANG BCAS PA YIN NO, ,DGE SLONG DAG SRED PA'I RGYU NI GANG YIN, RKYEN NI GANG YIN, GZHI NI GANG YIN ZHE NA, DGE SLONG DAG SRED PA'I RGYU NI MA RIG PA YIN NO, ,RKYEN NI MA RIG PA YIN NO, ,GZHI NI MA RIG PA YIN NO, DGE SLONG DAG MA RIG PA YANG RGYU DANG BCAS, RKYEN DANG BCAS, GZHI DANG BCAS PA YIN NO, ,DGE SLONG DAG MA RIG PA'I RGYU NI GANG YIN, RKYAN NI GANG YIN, GZHI NI GANG YIN ZHE NA, DGE SLONG DAG MA RIG PA'I RGYU NI TSUL BZHIN MA YIN PA YID LA BYED PA'O, ,RKYEN NI TSUL BZHIN MA YIN PA YID LA BYED PA'O, ,GZHI NI TSUL BZHIN MA YIN PA YID LA BYED PA'O ZHES 'BYUNG NGO, ,SA BON DANG ZHING GI DNGOS POR STON PAR MDZAD PAS RNAM PAR SHES PA LA SOGS PA YANG KUN 'BYUNG GI BDEN PAR GSUNGS KYI SRED PA LA SOGS PA 'BA' ZHIG TU NI MA ZAD PAS MDO LAS BSTAN PA NI DGONGS PA CAN YIN TE, DE LTAR NA SDUG BSNGAL THAMS CAD KYANG KUN 'BYUNG BA'I DNGOS PO MTSAN NYID PA YIN PAR BSGRUBS PA YIN NO, ,SKYE @160A *, ,GNAS LA SOGS PA'I RNAM PA'I BYE BRAG GIS ZHES BYA BA LA SOGS PA LA ZHES BYA BA'I SGRAS NI, RIGS DANG PHO DANG MO LA SOGS PA'I RNAM PA'I BYE BRAG CES BYA BA BSDU'O, ,BYE BRAG MED PAR ZHES BYA BA NI, KHAMS DANG 'GRO BA DANG SKYE GNAS LA SOGS PA'O, ,DE NYID KYI RGYU NI GO RIMS BZHIN DU ZHES BYA BA NI SKYE BA'I RGYU NI LAS YIN NO, ,MNGON PAR 'GRUB PA'I RGYU NI SRED PA YIN NO, ,DPER NA SA BON NI ZHES BYA BA RGYAS PAR 'BYUNG BA NI S'A LU'I SA BON NI S'A LU'I MYU GU SKYE BA'I RGYU YIN NO ZHES BYA BA LA SOGS PA LTA BU'O, ,CHU NI BYE BRAG MED PAR JI LTAR S'A LU'I MYU GU SKYE BA'I RGYU YIN PA DE BZHIN DU NAS KYI YANG YIN PAS DE'I PHYIR DE NI MYU GU THAMS CAD SKYE BA TZAM GYI RGYU YIN PA LTA BU'O, ,SRED PA MED NA SKYE BA MED PA'I PHYIR ZHES BYA BA 'DI LA SGRUB PA NI SKYE BA'I RGYU NI SRID PA YIN TE, DE YOD DAM MED NA DE YOD PA DANG MED PA'I PHYIR DPER NA MYU GU'I SA BON LTA BU'O, ,RGYUD GZHOL BA'I YANG PHYIR TE ZHES BYA BA 'DI'I DON RNAM PAR DGROL BA'I PHYIR GANG LA SRED PA DANG BCAS PA ZHES BYA BA RGYAS PAR SMOS TE, GZUGS LA SOGS PA'I YUL GANG LA SEMS KYI RGYUD SRED PA DANG BCAS PA DER SEMS KYI RGYUD YANG DANG YANG DU GZHOL BAR MTHONG BAS, DE LTA BAS NA YANG SRID PA LA YANG SEMS KYI RGYUD SRED PA DANG BCAS PA DE DANG 'DRA'O, ,CI'I PHYIR ZHE NA, DE LA GZHOL BAS TE, GANG LA GZHOL BA DE LA NI 'JUG PAR SHES SO, ,'DI LA GRUB PA NI YANG SRED PA LA SEMS KYI RGYUD SRED PA DANG BCAS PA 'JUG PAR 'GYUR TE, GZHOL BA'I PHYIR GZUGS LA SOGS PA'I YUL LA GZHOL BA BZHIN NO, ,'DAG PA'I CHAL SRAN CHUNG GI PHYE MA'I LDE GU SKAMS PAS LUS BZUNG BA BZHIN DU ZHES BYA BA LA, 'DAG PA'I CHAL SRAN CHUNG GI PHYE NI KHRUS KYI CHAL SRAN CHUNG GI PHYE'O, ,DE'I LDE GU NI 'DI LA 'DAG PA'I CHAL SRAN CHUNG GI PHYE MA'I LDE GU SKAM PO YOD PAS NA 'DAG PA'I CHAL SRAN CHUNG GI PHYE MA'I LDE GU SKAMS PAS LUS BZUNG BA'O, ,DE DANG 'DRA BAR TE, DPER NA 'DAG PA'I CHAL SRAN CHUNG GI PHYE MA'I LDE GU SKAMS PAS LUS BZUNG BA DE BZHIN DU SRED PAS LUS BZUNG NGO ZHES BSTAN PA YIN NO, ,'DI NI RIGS PA YIN NO ZHES BYA BA NI MNGON PAR 'GRUB PA'I RGYU SRED PA YIN NO ZHES BYA BA'I DON 'DI LA'O, ,BDEN PA GNYIS ZHES KYANG @160B GSUNGS ZHES BYA BA 'DI NI BDEN PA BZHI'I ZHAR LA SMOS PA YIN NO, ,BUM CHU BZHIN ZHES BYA BA NI 'JIG PA GNYIS NYE BAR BSTAN PA'I PHYIR DPE GNYIS NYE BAR BKOD PA YIN TE, 'JOMS PAS 'JIG PA NI BUM PA LA SOGS PA'O, ,BLOS 'JIG PA NI CHU LA SOGS PA STE, CHU LA SOGS PA LA NI BCOM PAS RO LA SOGS PA BSAL BAR MI 'THAD PA'I PHYIR RO, ,RNAM PA GCIG TU NA KUN RDZOB NI RNAM PA GNYIS TE, KUN RDZOB GZHAN LA BRTEN PA DANG, RDZAS GZHAN LA BRTEN PA'O, ,DE LA KUN RDZOB GZHAN LA BRTEN PA GANG YIN PA DE LA NI 'JIG PA YANG SRID LA GZHAN SEL BA YANG SRID DO, ,RDZAS GZHAN LA BRTEN PA GANG YIN PA DE LA NI GZHAN SEL BA KHO NA SRID KYI 'JIG PA MA YIN TE, RDUL PHRA RAB RDZAS BRGYAD LA CHA SHAS SU DBRAL BAR NI MI NUS SO, ,KUN RDZOB TU YOD DE ZHES BYA BA NI THA SNYAD DU YOD PA'O, ,DON DAM YOD CES BYA BA NI DON DAM PAR YOD PA STE, RANG GI MTSAN NYID DU YOD PA ZHES BYA BA'I THA TSIG GO, , TSOR BA YOD PA LA SOGS PA YANG DE BZHIN DU BLTA BAR BYA'O ZHES BYA BA NI TSOR BA DANG, 'DU SHES DANG, SEMS PA LA SOGS PA YANG RDZAS SU YOD PA KHO NAR LTA'O, ,JI LTA ZHE NA, TSOR BA LA SOGS PA'I CHOS RNAMS NI BLOS BSAL NA TSOR BA'I NGO BO NYID KYI BLO 'BYUNG BAS TSOR BA NI RDZAS SU YOD PA YIN TE, 'DU SHES DANG SEMS PA LA SOGS PA LA YANG DE BZHIN DU SBYAR BAR BYA'O, ,BUM PA DANG CHU YOD DO ZHES BRJOD PA NA BDEN PA KHO NAR SMRAS PA YIN GYI BRDZUN PA NI MA YIN PAS ZHES BYA BA NI KUN RDZOB KYI BDEN PA SMOS PA'I DGONGS PA STON PAR BYED DE, SANGS RGYAS RNAMS KYIS CHOS BSTAN PA, ,BDEN PA GNYIS LA BRTEN NAS TE, ,'JIG RTEN KUN RDZOB BDEN PA DANG, DAM PA'I DON GYI BDEN PA'O, ,ZHES BSHAD DO, ,DE BZHIN DU DON DAM PA'I BDEN PA ZHES BYA BA NI YE SHES DAM PA'I DON YIN PAS DON DAM PA'O, ,DE NI DON DAM PA YANG YIN LA DE NI BDEN PA YANG YIN PAS DON DAM PA'I BDEN PA'O, ,JI LTAR GZHAN 'JIG RTEN PAS 'DZIN PA DE LTAR NI KUN RDZOB KYI BDEN PA YIN TE, KUN RDZOB KYI THA SNYAD DAM SHES PA NYON MONGS PA CAN DANG, NYON MONGS PA CAN MA YIN PAS 'DZIN PAS NA KUN RDZOB KYI BDEN PA'O, ,RNAL 'BYOR SPYOD PA RNAMS KYI LTAR NA YOD PA NI RNAM PA GSUM STE, @161A *, ,KUN RDZOB TU YOD PA DANG, DON DAM PAR YOD PA DANG, RDZAS SU YOD PA'O, ,DE LA RDZAS SU STE, RANG GI MTSAN NYID DU YOD PA NI RDZAS SU YOD PA ZHES BYA BA'O, ,TSUL GNAS ZHES BYA BA RGYAS PAR 'BYUNG BA LA TSUL NI TSUL KHRIMS TE, DE NI 'DU 'DZI MED PA'I RGYU DANG, RNAM PAR MI G-YENG BA'I RGYU DANG, CHO GA PHUN SUM TSOGS PA'I RGYU YIN NO, ,BDEN PA MTHONG BA DANG MTHUN PA'I ZHES BYA BA NI THOS PA GANG ZHIG BDEN PA MTHONG BA LA PHAN 'DOGS PA'I THOS PA DE 'DZIN ZHING 'DON PAR BYED DO, ,DON NYAN PAR BYED DO ZHES BYA BA NI DE'I DON MNYAN PA'I SGO NAS RNAM PAR SHES PAR BYED DO; ;BSAMS PA LAS BYUNG BA JI LTAR GNYI GA LA DMIGS PA YIN PA BSTAN PA'I PHYIR SMRAS PA, RES 'GA' NI YI GES DON 'DREN PAR BYED DE, MING 'DI'I DON NI 'DI YIN NO ZHES YI GES BSGRUB PA'I MING GIS DON 'DREN PAR BYED DO, ,RES 'GA' NI BRJOD PAR BYA BA'I DON 'DI'I YI GE NI 'DI'O ZHES DON GYIS YI GE 'DREN PAR BYED DE, MING NI 'DI'I ZHES BYA BA'I THA TSIG GO, ,YI GE ZHES BYA BA'I SGRA 'DI NI MING YIN PAR RAB TU SBYAR BA YIN TE, MDO LAS KYANG, DON BZANG PO, YI GE BZANG PO ZHES 'BYUNG BAS SO, ,SLOB DPON GYIS RTOG PA 'DI LA NI ZHES BYA BA RGYAS PAR SMOS TE, BSAMS PA LAS BYUNG BA'I SHES RAB 'GRUB PAR MI 'GYUR GYI ZHES BYA BA NI MTSAN NYID THOS PA DANG BSGOMS PA LAS BYUNG BA'I MTSAN NYID DANG 'CHOL BAR BSHAD KYI, MA 'CHOL BAR NI MA YIN PAS 'GRUB PAR MI 'GYUR RO, ,RIGS PAS NGES PAR BRTAGS PA LAS SKYES PA YIN NO ZHES BYA BA NI RIGS PAS NGES PAR BRTAGS SHING NGES PAR DPYAD PA DE LAS SKYES PA YIN NO, ,'DU 'DZI DANG MI DGE BA'I RNAM PAR RTOG PA THAG BSRINGS PA'I PHYIR ZHES BYA BA LA 'DU 'DZI THAG BSRINGS PA NI GANG GCIG TU GNAS PA NYID DE, DE LTA BAS NA LUS KYIS BSRINGS PA YIN NO, ,MI DGE BA'I RNAM PAR RTOG PA THAG BSRINGS PA NI GANG NYON MONGS PA CAN GYI RNAM PAR RTOG PA SPANGS PAS TE, DE LTA BAS NA SEMS KYIS BSRINGS PA YIN NO, ,GYA NOM PA MA YIN PA DANG, MANG PO MA YIN PA RNYED PAS YID MI BDE PA NI ZHES BYA BA NI SLOB DPON GYI GZHUNG LUGS YIN TE, YID MI BDE BA NI YID MI BDE BA NYID DO, ,DES MA MGU ZHING MA RANGS PA ZHES @161B BYA BA'I THA TSIG STE, GYA NOM PA MA YIN PA 'AM MANG PO MA YIN PA'I PHYIR RNYED PA DES YID MI BDE BA NI CHOG MI SHES PA YIN NO, ,GYA NOM PA'ANG RUNG, MANG PO 'ANG RUNG BA RNYED PA LAS 'DOD PA NI 'DOD CHEN CAN YIN NO, ,'DOD PA NA SPYOD PA DAG KHO NA YIN NO ZHES BYA BA NI CHAGS PA NI MI DGE BA'I RANG BZHIN YIN PA'I PHYIR RO, ,SPONG BA DANG BSGOM PA LA DGA' BA NYID NI 'GOG PA DANG, LAM LA DGA' BA NYID DO, ,DE NI CHOG SHES PA'I NGO BO NYID MA YIN PAS, JI LTAR NA 'PHAGS PA'I RIGS BZHI PA 'DI YANG MA CHAGS PA'I RANG BZHIN YIN ZHE NA, DE'I PHYIR SRID PA DANG, 'DOD PA'I 'DOD CHAGS LA RGYAB KYIS PHYOGS PA'I PHYIR RO ZHES BYA BA SMOS SO, ,SRID PA LA RGYAB KYIS PHYOGS PA'I PHYIR DANG, 'DOD PA'I 'DOD CHAGS LA RGYAB KYIS PHYOGS PA'I PHYIR TE, RGYAB KYIS PHYOGS PA NI MA CHAGS PA YIN NO, ,RANG GI TSUL DANG, LAS KYI MTHA' YONGS SU SPANGS PA ZHES BYA BA NI RANG GI TSUL YONGS SU SPANGS PA DANG, RANG GI LAS KYI MTHA' YONGS SU SPANGS PA STE, DE LA TSUL NI GANG GIS 'TSO BAR BYED PA'I 'TSO BA 'AM, ZAS DANG SKOM LA SOGS PA'O, ,LAS KYI MTHA' NI ZHING DANG BZO LA SOGS PA'O, ,'BYUNG BA DANG 'JIG PA DE LTA BU'I PHYIR ZHES BYA BA LA DE LTA BU ZHES BYA BA'I SGRA NI 'BYUNG BA DANG 'JIG PA'I RNAM PAR STON PAR BYED PA YIN TE, DE LA 'BYUNG BA'I RNAM PA LA SRED PA NI KYE MA BDAG DBANG POR GYUR KYANG CI MA RUNG, 'KHOR LOS SGYUR BAR GYUR KYANG CI MA RUNG SNYAM PA DE LTA BU LA SOGS PA YIN NO, ,'JIG PA LA SRED PA NI RNAM PAR 'JIG PA LA SRED PA STE, KYE MA BDAG SHI YANG CI MA RUNG, MED KYANG CI MA RUNG, MA BYUNG YANG CI MA RUNG SNYAM PA LA SOGS PA YIN NO, ,'JUG PA NI GANG NAS 'JUG PA'I MTHA' YIN NO, ,'DOD CHAGS NYE BA DANG, SHIN TU SPYAD PA ZHES BYA BA NI GANG GI 'DOD CHAGS GZHI CHUNG NGUS MYUR DU SKYE BA DE NI 'DOD CHAGS NYE BAR SPYAD PA YIN NO, ,GANG GI 'DOD CHAGS CHE BA DE NI 'DOD CHAGS SHIN TU SPYAD PA YIN NO, ,SNA TSOGS LA MI DMIGS PA'I PHYIR ZHES BYA BA NI RLUNG LA KHA DOG DANG DBYIBS SNA TSOGS MED PA'I PHYIR RO, ,KHA PHYIR MA BLTAS PA'I PHYIR TE, KHA NANG DU BLTAS PA'I PHYIR 'DI NI RNAM PAR RTOG PA GCOD PAR BYED PA YIN NO ZHES BYA BA SKABS DANG @162A *, ,SBYAR RO, ,DE'I YUL LA NYE BAR RTOG PA'I PHYIR RO ZHES BYA BA NI MIG GI YUL LA NYE BAR RTOG PA'I PHYIR RO ZHES BYA BA'I THA TSIG GO, ,RNAM PAR BSNGOS PA LA SOGS PA DMIGS PA ZHES BYA BA LA, SOGS PA ZHES BYA BA SMOS PA NI RNAM PAR RNAGS PA LA SOGS PA BSDU'O, ,RNAM PAR 'BUS GZHIGS PA ZHES BYA BA NI 'BU ZHUGS PA GANG YIN PA'O, ,CHAGS PA'I GZHI RNAM PA BZHI PO 'DI THAMS CAD MED DO ZHES BYA BA NI KHA DOG DANG, DBYINGS DANG, REG PA DANG, BSNYEN BKUR GYI BDAG NYID DO, ,MOS PA DANG, NYI TSE YID LA BYED PA YIN PA'I PHYIR ZHES BYA BA NI MOS PA YID LA BYED PA YIN PA'I PHYIR DANG, NYI TSE YID LA BYED PA'I PHYIR ZHES BYA BA'I THA TSIG GO, ,'DI NI GTZOR MOS PA YID LA BYED PA YANG YIN LA, 'DI NI NYI TSE BA YANG YIN TE, KHYAB PA MA YIN NO ZHES BYA BA'I THA TSIG GO, ,MI SDUG PA NI PHUNG PO LNGA CHAR LA DMIGS PA 'AM, SA THAMS CAD LA DMIGS PA MA YIN NO, ,'O NA CI ZHE NA, PHUNG PO'I PHYOGS GCIG LA DMIGS PA YIN TE, DE'I PHYIR MI SDUG PAS NYON MONGS PA SPONG BA NI MA YIN GYI RNAM PAR GNON PA'I SPONG BA NI YIN NO ZHES BYA BA'I DON TO, ,RANG GI LUS KYI YAN LAG LA SEMS GTOD PAR BYED CES BYA BA NI 'DOD CHAGS DANG BCAS PA'I RGYU YONGS SU SPONG BA'I PHYIR RE ZHIG SBYOR BA'I GNAS SKABS NYID NA BUD MED KYI YAN LAG NI MA YIN NO, ,RUS PA RNAM PAR SBYONG[?] BAR BYED PA NA ZHES BYA BA NI RUS PA LAS SHA BSAL NAS THAMS CAD RUS PA'I KENG[?] RUS SU LTA BA NA STE, JI SKAD DU, DGE SLONG SLOB PA GZHON PA'I RABS, ,SEMS MA BYUNG BA GANG ZHIG NI, ,GAL TE 'DOD CHAGS 'JOMS 'DOD NA, DES NI DUR KHROD 'GRO BAR GYIS, ,DE NAS RNAM PAR BSNGOS LA LTOS, ,DE NAS RNAM PAR RNAGS LA LTOS, ,DE NAS RNAM PAR BAM RUS PA'I, ,RUS GONG LA SOGS BLTA BAR GYIS, ,ZHES GSUNGS PA LTA BU'O, ,'DI LA MI SDUG PA LA GNAS PA'I RNAL 'BYOR SPYOD PA NI MDOR BSDU NA RNAM PA GSUM STE, LAS DANG PO PA DANG, YONGS SU SBYANG BA BYAS PA DANG, YID LA BYED PA RDZOGS PA'O, ,DE LA SEMS SDUD PA'I RNAL 'BYOR SPYOD PA'I LAS DANG PO PA NI DANG PA'I MTHE BO GCIG CIG LA SEMS GTAD NAS RKANG PA'I MTHE BO MYUGS PAR LTA BA NAS DE BZHIN DU BDAG GI LUS THAMS CAD KYI BAR DU RUS PA'I @162B KENG RUS SU MOS PAR BYED PA YIN NO, ,YONGS SU SBYANG BA BYAS PA NI DE BZHIN DU THOD PA PHYED KYI BAR DU MOS PAR BYED PA YIN NO, ,YID LA BYED PA RDZOGS PA NI SMIN MA GNYIS KYI BAR DU SEMS 'DZIN PAR BYED PA'I BAR YIN NO, ,RGYAS PAR NI, RUS PA RGYA MTSO'I BAR DU NI, ,SPRO ZHING SDUD PA LAS DANG PO, ,ZHES BYA BA LA SOGS PA RNAM PA GSUM 'BYUNG BA YIN NO, ,DE LTAR BYAS NA MU BZHI BA'I 'DRI BA 'BYUNG BAS YID LA BYED PA SBYANG BA BYAS PA DANG, SBYANG BA MA BYAS PA DAG DANG ZHES BYA BA RGYAS PAR SMOS SO, ,MU DANG PO NI YID LA BYED PA SBYANG BA BYAS PA'I MI SDUG PA RANG GI LUS LA DMIGS PA YIN TE, LUS CHUNG BA'I PHYIR DMIGS PA YANG CHUNG BAS CHUNG BA YIN GYI YID LA BYED PA SBYANG BA BYAS PA'I PHYIR DBANG CHUNG BAS NI MA YIN TE, YID LA BYED PA RDZOGS PA'I PHYIR RO ZHES BYA BA'I THA TSIG GO, MU GNYIS PA NI YID LA BYED PA SBYANG BA MA BYAS PA'I MI SDUG PA RGYA MTSO'I MTHAS KLAS PA LA DMIGS PA YIN TA, DBANG CHUNG BAS CHUNG BA YIN GYI DMIGS PA CHUNG BAS NI MA YIN NO, ,NYER BSDOGS DANG, BSAM GTAN KHYAD PAR CAN DANG BCAS PA DANG ZHES BYA BA NI BSAM GTAN BZHI NYER BSDOGS DANG BSAM GTAN KHYAD PAR CAN DANG BCAS PA DANG, 'DOD PA'I KHAMS NA YOD DE, DE LTAR NA BSAM GTAN GYI NYER BSDOGS BZHI YOD PAS SA BCU PA YIN NO, ,DE NYID KYI PHYIR DON LA DMIGS PA ZHES BYA BA NI KHA DOG DANG DBYIBS LA DMIGS PA'I PHYIR DON LA DMIGS PA YIN GYI, MING LA DMIGS PA NI MA YIN NO SNYAM DU BSAMS PA YIN NO, ,MING NYID KYI MI SDUG PA'I RNAM PA ZHES BYA BA GRUB PO ZHES BYA BA NI RNAM PA'I DON NI BSHAD MI DGOS SO SNYAM DU BSAMS PA YIN NO, ,DUS GANG YIN PA DE'I DUS LA DMIGS SO ZHES BYA BA NI MIG GI RNAM PAR SHES PA BZHIN DU 'DAS PA'I DMIGS PA YANG 'DAS PA YIN PA NAS DA LTAR BYUNG BA'I DMIGS PA YANG DA LTAR BYUNG BA'I BAR DU YIN NO, ,RANG GI DMIGS PA NGES PA'I PHYIR DANG, MOS PA YID LA BYED PA YIN PA'I PHYIR MDOR NI MA BYAS SO, ,'DRIS PA DANG MA 'DRIS PA YIN PA'I PHYIR ZHES BYA BA NI THOG MA MED PA CAN GYIS 'KHOR BA NA 'DRIS PA'I PHYIR 'DOD CHAGS DANG BRAL BAS THOB PA YIN NO, ,MA 'DRIS PA'I PHYIR SBYOR BA LAS BYUNG BA YIN NO, ,SHES RAB KYI RANG BZHIN YIN PA LAS DE'I STOBS BSKYED PAS 'JUG PA'I @163A *, ,PHYIR TE, DE DAG LAS DRAN PA DE STOBS BSKYED PAS 'JUG PA YOD PA'O, ,LUS DRAN PA NYE BAR GZHAG PA LA SOGS PA DRAN PA'I STOBS BSKYED PAS 'JUG PA'I PHYIR LUS LA SOGS PA'I SHES RAB LA DRAN PA NYE BAR GZHAG PA ZHES BYA BA DE BZHIN DU DRAN PA'I STOBS BSKYED PAS 'JUG PA'I PHYIR DBUGS RDUB PA DANG DBUGS 'BYUNG BA'I SHES RAB LA DBUGS RDUB PA DANG DBUGS 'BYUNG BA'I DRAN PA ZHES BYA'O, ,SA LNGA PO ZHES BYA BA NI BSAM GTAN BZHI PA'I NYER BSDOGS MA GTOGS PA'I NYER BSDOGS GSUM DANG, BSAM GTAN KHYAD PAR CAN DANG, 'DOD PA'I KHAMS NA SPYOD PAS SA LNGA NA YOD DO, ,CI'I PHYIR ZHE NA, BTANG SNYOMS DANG MTSUNGS PAR LDAN PA'I PHYIR TE, 'DI LTAR BSAM GTAN DANG PO LA SOGS PA'I NYER BSDOGS NA BTANG SNYOMS KYI TSOR BA YOD PAS SO, ,BSAM GTAN BZHI PA'I NYER BSDOGS NA YANG BTANG SNYOMS YOD MOD KYI DE NI DBUGS RDUB PA DANG DBUGS 'BYUNG BA DAG GIS MA YIN NO, ,YANG CI'I PHYIR BTANG SNYOMS KYI DBANG PO NGANG[?] MTSUNGS PAR LDAN PA KHO NAR NGES PAR BZUNG ZHE NA, DE'I PHYIR RNAM PAR RTOG PA DANG MTHUN PA'I PHYIR ZHES BYA BA SMOS SO, ,DE'I GNYEN PO STE, RNAM PAR RTOG PA'I GNYEN PO DBUGS RDUB PA DANG DBUGS 'BYUNG BA DRAN PA NI BDE BA DANG SDUG BSNGAL DE DAG DANG MTSUNGS PAR MI LDAN NO, ,BDE BA DANG YID BDE BA DAG KYANG GTOD PA LA BAR CHAD BYED PA'I PHYIR TE, GTOD PAR BYED PA'I DGRAR GYUR LA, DBUGS RDUB PA DANG DBUGS 'BYUNG BA DE YANG GTAD PAS BSGRUB PAR BYA BA YIN PA'I PHYIR DE DAG DANG MTSUNGS PAR MI LDAN NO, ,RNAM PAR RTOG PA DANG MTHUN PA'I PHYIR ZHES BYA BA LA SOGS PA ZHES GRAG GO ZHES BYA BA LA GRAG CES BYA BA'I SGRA NI GZHAN GYI GZHUNG LUGS STON PAR BYED PA YIN NO, ,DE'I PHYIR PHYOGS GZHAN GANG DAG BSAM GTAN DNGOS GZHI DE DAG NA ZHES BYA BA 'DI RGYAS PAR 'GOD DO, ,YAN CHAD CES BYA BA NI BSAM GTAN BZHI PA NAS BZUNG STE'O, ,'DOD PA'I KHAMS KYI RTEN CAN YIN ZHES BYA BA NI DE NA RNAM PAR RTOG PA MANG BA'I PHYIR RO, ,SBYOR BA LAS BYUNG BA NI MA 'DRIS PA'I PHYIR RO, ,'DOD CHAGS DANG BRAL BAS THOB PA NI 'DRIS PA'I PHYIR RO, ,CHOS 'DI PA RNAMS ZHES BYA BA NI 'DI DAG LA SANGS RGYAS KYI CHOS 'DI YOD PAS NA @163B CHOS 'DI PA RNAMS TE, SANGS RGYAS PA 'DI DAG KHO NA'I YIN GYI ZHES BYA BA'I THA TSIG GO, ,LUNG MED PA'I PHYIR ZHES BYA BA NI PHYI ROL PA RNAMS LA SROG 'DZIN PA'I LUNG YOD KYI DBUGS RDUB PA DANG DBUGS 'BYUNG BA DRAN PA'I LUNG NI MED DO, ,BDAG NYID KYIS CHOS ZAB MO MNGON PAR MI RTOGS PA'I PHYIR RO ZHES BYA BA NI LUNG MED PAR RO, ,'DI LTAR PHYI ROL PA RNAMS LA NI BDAG NYID KYIS CHOS ZAB MO MNGON PAR RTOGS PA MED DE, 'DI'I ZAG PA NYID NI RGYU DRUG DANG LDAN PA'I PHYIR RO, ,LUS DANG SEMS RNAL DU GZHAG STE ZHES BYA BA NI MA CHAGS PAR BYAS TE ZHES BYA BA'I THA TSIG GO, ,MTHO GANG DANG 'DOM GANG GI BAR DU ZHES BYA BA NI SROG CHAGS STOBS DANG LDAN PA DANG, NYAM CHUNG BA DANG 'BREL PA'I[?] PHYIR RO, ,RLUNG GI DKYIL 'KHOR ZHES BYA BA NI 'OG TU 'GRO BA'O, ,RNAM PAR 'THOR BYED KYI RLUNG ZHES BYA BA NI GYEN DU'O, ,RLUNG GI DKYIL 'KHOR DANG RNAM PAR 'THOR BYED KYI RLUNG GI BAR DU'O ZHES BYA BA 'DI NI DE KHO NA YID LA BYED PA YIN PA'I PHYIR RIGS PA MA YIN GYI, RTOG PA 'DI NI MOS PA YID LA BYED PA LA RUNG BAR 'GYUR RO, ,CI 'DI DAG PHAN 'DOGS PAR BYED PA ZHIG GAM ZHES BYA BA NAS DRO BA DAG CIG CES BYA BA'I BAR 'DI NI 'JOG PA KHO NA YIN PAR BLTA BAR BYA STE, LUS KYI PHYOGS LA PHAN 'DOGS PA LA SOGS PA'I KHYAD DU 'JOG PA'I SGO NAS SO, ,DE DAG LA BRTEN PA SEMS DANG SEMS LAS BYUNG BA RNAMS ZHES BYA BA NI DE DAG LA RAG LAS TE, 'BYUNG BA RNAMS ZHES BYA BA'I THA TSIG GO, ,GONG NAS GONG DU DGE BA'I RTZA BA RNAMS LA ZHES BYA BA NI DRAN PA NYE BAR GZHAG PA DANG DRO BAR GYUR PA LA SOGS PA'O, ,MTHONG BA'I LAM LA SOGS PA LA, ,ZHES BYA BA LA, SOGS PA ZHES BYA BA'I SGRAS NI BSGOM PA'I LAM BSDU'O, ,RNAM PAR DAG PA NI ZAD PA SHES PA LA SOGS PA'O ZHES BYA BA LA, SOGS PA ZHES BYA BA'I SGRAS NI MI SKYE BA SHES PA DANG MI SLOB PA'I YANG DAG PA'I LTA BA BSDU BA'O, ,DBUGS RDUB DBUGS 'BYUNG GANG LAS LUS, ,ZHES BYA BA NI DBUGS RDUB PA DANG DBUGS 'BYUNG BA DRAN PA DANG 'BREL PAS DBUGS RDUB PA DANG DBUGS 'BYUNG BA'I SA THAMS CAD STON PAR BYED DO, ,LUS SA GANG YIN PA ZHES BYA BA NI 'DOD PA NA SPYOD PA NAS BSAM GTAN GSUM PA'I SA PA'I BAR TE, 'DI DAG NI DE'I SA PA YIN GYI GZHAN GYI SA PA NI MA YIN NO, ,LUS DANG SEMS KHYAD PAR CAN LA BRTEN NAS ZHES BYA BA NI @164A *, ,DBUGS RDUB PA DANG, DBUGS 'BYUNG BA DAG NI LUS KHYAD PAR CAN LA BRTEN PA DANG, SEMS KHYAD PAR CAN LA BRTEN NAS 'JUG PA YIN NO, ,CI'I PHYIR ZHE NA, GZUGS MED PA DANG NUR NUR POR GYUR PA LA SOGS PA RNAMS LA MED PA'I PHYIR ZHES BYA BA SMOS TE, GZUGS MED PAR GYUR PA RNAMS LA NI LUS MED PA'I PHYIR MED DO, ,NUR NUR PO LA SOGS PAR GYUR PA STE, NUR NUR PO DANG, MER MER PO DANG, NAR NAR PO LA SOGS PAR GYUR PA RNAMS LA YANG LUS KHYAD PAR CAN MED PA'I PHYIR MED DO, SBUBS CAN MED PA'I PHYIR RO ZHES BYA BA'I DON TO, ,SEMS MED PA RNAMS LA YANG SEMS MED PA'I PHYIR MED DO, ,BSAM GTAN BZHI PA LA SNYOMS PAR ZHUGS PA RNAMS LA YANG DBUGS RDUB PA DANG DBUGS 'BYUNG BA'I SA PA'I SEMS MED PA'I PHYIR MED DO, ,DE NYID KYI PHYIR GAL TE LUS KYANG SBUBS YOD PA YIN LA ZHES BYA BA RGYAS PAR SMOS SO, ,DBANG PO DANG THA DAD PA'I PHYIR RO ZHES BYA BA NI DBANG PO DANG THA DAD PAR 'JUG PA'I PHYIR RO ZHES BYA BA THA TSIG GO, ,LUS RGYAS PAR 'GRIB PAR 'GYUR BA'I PHYIR RGYAS PA LAS BYUNG BA MA YIN NO, ,DBUGS RDUB PA DANG DBUGS 'BYUNG BA RNAMS CHAD NAS YANG NYING MTSAMS SBYOR BA'I PHYIR RNAM PAR SMIN PA LAS SKYES BA MA YIN NO, ,RNAM PAR SMIN PA'I GZUGS LA NI DE LTA BU MED DO ZHES BYA BA NI RNAM PAR SMIN PA'I BDAG NYID KYI GZUGS MIG LA SOGS PA LA NI YANG NYING MTSAMS SBYOR BA 'DI MED KYI, SEMS DANG SEMS LAS BYUNG BA NI YANG NYING MTSAMS SBYOR BA MI ZLOGS SO, ,'OG MA PA SPYOD LAM PA DANG SPRUL PA'I SEMS KYIS MI RTOGS SO ZHES BYA BA NI BSAM GTAN BZHI PAR SKYES PA'I BAR YANG SA 'OG MA PA'I SPYOD LAM DANG SPRUL PA'I SEMS MNGON DU BYED DE, DE'I PHYIR DOGS NAS SA 'OG MA PA DE DAG GIS MI RTOGS SO ZHES BRJOD DO, ,LHAG MTHONG BSGRUB PAR BYA BA'I PHYIR ZHES BYA BA NI SHES RAB BSGRUB PAR BYA BA'I PHYIR ZHES BYA BA'I DON TO, NYON MONGS PA RNAMS NI YE SHES KYIS GZHOM PAR BYA BA YIN NO ZHES 'BYUNG BA'I PHYIR TING NGE 'DZIN GRUB TU ZIN KYANG SHES RAB MED PAR NYON MONGS PA RNAMS SPONG BAR MI 'GYUR RO, ,YANG DRAN PA NYE BAR GZHAG PA BSGOMS PAS LHAG MTHONG 'GRUB PAR 'GYUR RO ZHES BYA BA 'DI GA LAS SHE NA, MDO LAS TE, DGE SLONG DAG BGROD PA GCIG PA'I LAM NI 'DI YIN TE, 'DI LTA STE DRAN @164B BA NYE BAR GZHAG PA RNAMS SO, ,DGE BA'I PHUNG PO MA 'DRES PA NI 'DI YIN TE, 'DI LTA STE, DRAN PA NYE BAR GZHAG PA BZHI'O ZHES 'BYUNG BA'I PHYIR RO, ,LUS TSOR ZHES BYA BA LA, TSOR ZHES BYA BA 'DI NI TSOR BA'O, ,DE DAG GI RANG GI MTSAN NYID NI RANG GI NGO BO'O ZHES BYA BA NI LUS RANG GI NGO BO NI 'BYUNG BA DANG 'BYUNG BA LAS GYUR PA NYID DO, ,TSOR BA NI MYONG BA NYID DO, ,SEMS KYI NI DMIGS PA NYID DO, ,GSUM PO DE DAG LAS GZHAN PA RNAMS KYI RANG GI NGO BO NI BDAG NYID JI LTA BA BZHIN NO, ,ZAG PA DANG BCAS PA RNAMS SDUG BSNGAL BA NYID CES BYA BA LA, SDUG BSNGAL GYI MTSAN NYID NI 'PHAGS PA DANG MI MTHUN PA'O ZHES PA[?] NI BSHAD ZIN TO, ,GSUM LAS GZHAN PA DAG CES BYA BA 'DI MA 'DRES PAR RNAM PAR GZHAG PA LAS BSAMS NAS DE SKAD DU BRJOD PA YIN TE, 'DRES PAR RNAM PAR BZHAG NA NI LUS LA SOGS PA YANG GZUNG NGO, ,DE DAG KYANG 'DUS BYAS DANG 'DUS MA BYAS KYI CHOS THAMS CAD YIN PAR LTA'O, ,RANG BZHIN GYI DRAN PA NYE BAR GZHAG PA NI SHES RAB PO ZHES BYA BA NI GANG GI PHYIR 'BREL PA DANG DMIGS PA LA LTOS NAS SHES RAB NYID NYE BAR GNAS PA DE'I PHYIR DRAN PA NYE BAR GZHAG PA ZHES BYA'O, ,THOS PA LA SOGS PAS BYUNG BA'O ZHES BYA BA'I KHYAD PAR SMOS PA NI 'DI LTAR DRAN PA NYE BAR GZHAG PA RNAMS SBYOR BA LAS BYUNG BA YIN GYI SKYE BAS 'THOB PA NI MA YIN PAS SO, ,CI'I PHYIR SHES RAB KYI RANG BZHIN ZHES BYA, CI DE LTA MA YIN PA'I DRAN PA NYE BAR GZHAG PA YANG YOD DAM ZHE NA, GZHAN NI 'BREL DANG DMIGS PA LAS, ,ZHES BYA BA SMOS TE, GZHAN DE DANG LHAN CIG 'BYUNG BA NI TSOR BA NI TSOR BA LA SOGS PA'O, ,'BREL PAS DRAN PO NYE BAR GZHAG PA NI 'BREL PA'I DRAN PA NYE BAR GZHAG PA YIN TE, RANG BZHIN GYI DRAN PA NYE BAR GZHAG PA DANG 'BREL PA'I PHYIR RO, ,DE DAG GI DMIGS PA YIN PA'I PHYIR ZHES BYA BA NI RANG BZHIN DANG 'BREL PA'I DRAN PA NYE BAR GZHAG PA'I DMIGS PA YIN PA'I PHYIR DMIGS PA'I DRAN PA NYE BAR GZHAG PA'O, ,KHA CIG NI DE DAG GI DMIGS PA NI DMIGS PA'I DRAN PA NYE BAR GZHAG PA'O ZHES 'DON TE, DMIGS PAR BYA BA YIN PAS NA DMIGS PA STE, DE DAG KYANG LUS DANG, TSOR BA DANG, SEMS DANG, CHOS RNAMS SO, ,DE LTA YIN NA DMIGS PA'I DRAN PA NYE BAR GZHAG PA DE NI CHOS THAMS CAD KYI NGO BO NYID YIN @165A *, ,TE; BCOM LDAN 'DAS KYIS KYANG DGE SLONG DAG CHOS THAMS CAD CES BYA BA 'DI NI DRAN PA NYE BAR GZHAG PA BZHI'I TSIG BLA DAGS YIN NO ZHES GSUNGS SO, ,SHES RAB DES DE DANG LDAN PA STE, SHES RAB DANG LDAN PA RJES SU LTA BAR BYED DO ZHES BYA BA NI RJES SU LTA BAR BYED PAS NA RJES SU LTA BAR BYED PA'O, ,SHES RAB KYI NGO BO NYID YIN NA NI 'DI LTAR TSIG RNAM PAR SBYAR TE, RJES SU LTA BA'I GANG ZAG TU BYED PSA NA RJES SU LTA BAR BYED PA STE RJES SU LTA BAR BYED PA NI RJES SU LTA BA YIN NO, ,SHES RAB DES DE DANG LDAN PA STE, SHES RAB DANG LDAN PA RJES SU LTA BAR BYED DE, , DPER NA SHES RAB DANG LDAN PA'I PHYIR GANG ZAG SHES RAB CAN ZHES BYA BA DE BZHIN DU RJES SU LTA BA DANG LDAN PA'I PHYIR RJES SU LTA BA CAN YIN NO, ,DE LTAR SHES RAB NI RJES SU LTA BA ZHES BYA BAR GRUB PO, ,DE LTAR BCOM LDAN 'DAS KYIS NANG GI LUS DANG, SO SO'I NANG GI LUS LA LUS KYI RJES SU LTA BA DANG, LUS DANG MTHUN PAR LTA ZHING GNAS SO ZHES KYANG GSUNGS TE, DE'I PHYIR YANG RJES SU LTA BA SHES RAB YIN NO ZHES BYA BA MANG NGO, ,JI LTA ZHE NA, SGRUB PAR BYED DE 'DI LA RJES SU LTA BA STE, JI LTA ZHE NA, LTA BA YOD PAS SO, ,RJES SU LTA BA NI LTA BA'I MTSAN NYID DO, ,DE'I PHYIR RJES SU LTA BA PA NI GANG ZAG YIN TE DBYUG PA CAN ZHES BYA BA LTA BU'O, ,DE BAS NA LUS LA RJES SU LTA BA NI LUS KYI RJES SU LTA BA'O ZHES BDUN PAR TSIG BSDU BA YIN NO, ,GAL TE 'DI LA LUS LA RJES SU LTA BA'I NGANG TSUL YOD PAS LUS LA RJES SU LTA BA'O ZHES BYA BAR BRJOD NA, DE LTA NA YANG NGO BO 'DI 'GRUB PO ZHES BYA BAR LTA'O, ,DRAN PA SHAS CHES PA'I PHYIR ZHES BYA BA NI DRAN PA LHAG PA'I PHYIR ZHES BYA BA'I THA TSIG GO, ,SHING GSHEGS PA KHYE'US 'DZIN PA LTAR ZHES BYA BA NI DPER NA SHING 'CHEG PA SHING MKHAN GYIS SHING GSHEGS PA KHYE'US 'DZIN PA DE BZHIN DU SHES RAB 'DI YANG DRAN PA'I STOBS BSKYED PAS DMIGS PA LA 'JUG GO, ,DRAN PA'I STOBS BSKYED PAS 'JUG PA NYID KYI PHYIR ZHES BYA BA LA STOBS BSKYED PA NI STOBS SPEL BA STE, DRAN PA'I STOBS BSKYED PA YIN NO, ,'DI LA DRAN PA'I STOBS BSKYED PAS 'JUG PA YOD PAS NA DRAN PA'I STOBS BSKYED PAS 'JUG PA'I SHES RAB STE DE'I NGO BO NYID DO, ,DE'I PHYIR TE, GAL TE DRAN PAS DMIGS @165B PA 'DZIN NA DE LTA NA SHES RAB KYIS RAB TU SHES PAR 'GYUR RO, ,DE LTAR NA BYE BRAG TU SMRA BA'I DON NI DRAN PAS NYE BAR GZHAG PA NI DRAN PA NYE BAR GZHAG PA'O ZHES BYA BA YIN NO, ,'DI LTAR NA RUNG STE ZHES BRJOD PA NI SLOB DPON TE, 'DI NI BYED PAR SGRUB PA YIN NO, ,'DIS DRAN PA NYE BAR GNAS PAS NA ZHES BYA BA 'DI NI DON RAB TU BSTAN PA TZAM DU ZAD DO, ,TSIG RNAM PAR SBYAR BA NI 'DI LTAR BYA STE, 'DIS NYE BAR 'JOG PAS NA NYE BAR GZHAG PA'O, ,DRAN PA NYE BAR 'JOG PAS NA DRAN PA NYE BAR GZHAG PA'O ZHES BYA'O, ,JI LTAR NA 'DIS DRAN PA NYE BAR 'JOG CE NA, JI LTAR MTHONG BAS MNGON PAR BRJOD PA'I PHYIR RO ZHES BYA BA SMOS SO, ,'DI LTAR SHES RAB KYIS DON JI LTAR MTHONG BA DE KHO NA BZHIN DU DRAN PAS MNGON PAR RJOD PAR BYED DE 'DZIN PAR BYED DO ZHES BYA BA'I DON TO, ,GANG LA NYE BAR 'JOG CE NA, LUS NAS CHOS RNAMS KYI BAR LA STE, LUS LA DRAN PA NYE BAR 'JOG PA NI LUS DRAN PA NYE BAR GZHAG PA YIN PA NAS DE BZHIN DU CHOS RNAMS LA DRAN PA NYE BAR 'JOG PA NI CHOS DRAN PA NYE BAR GZHAG PA'I BAR DU YIN NO, ,RANG BZHIN GYI DRAN PA NYE BAR GZHAG PA JI LTA BAR 'BREL PA'I DRAN PA NYE BAR GZHAG PA YANG DE DANG 'DRA STE, JI LTAR SHES RAB KYIS LUS LA SOGS PA LA DRAN PA NYE BAR 'JOG PA DE BZHIN DU DE DANG MTSUNGS PAR LDAN BA DAG GIS KYANG NYE BAR 'JOG PAR BYED DO, ,DA NI MDO GZHAN LAS GSUNGS PA'I DRAN PA NYE BAR GZHAG PA RNAMS BYED PAR BSGRUB PA NYID DU MI 'THAD PAR MTHONG STE, BYED PA GZHAN DU DON BRJOD PAR 'DOD NAS GANG LAS DGE SLONG DAG CES BYA BA RGYA CHER SMOS SO, ,JI LTAR LUS KUN 'BYUNG BA DANG NUB PA NGAG BSHAD PA LTAR TSOR BA LA SOGS PA LA YANG DE BZHIN DU BRJOD PAR BYA'O, ,JI LTAR ZHE NA, REG PA KUN 'BYUNG BAS NI TSOR BA KUN 'BYUNG BA YIN LA, REG PA 'GAGS PAS NI TSOR BA NUB PA YIN NO, ,MING DANG GZUGS KUN 'BYUNG BAS NI SEMS KUN 'BYUNG BA YIN LA MING DANG GZUGS 'GAGS PAS NI SEMS NUB PA YIN NO, ,YID LA BYED PA KUN 'BYUNG BAS NI CHOS RNAMS KUN 'BYUNG BA YIN LA, YID LA BYED PA 'GAGS PAS NI CHOS RNAMS NUB PA YIN NO ZHES BYA BA'O, ,MDO DE LAS NI DMIGS PA LUS DANG TSOR BA DANG SEMS DANG, CHOS RNAMS KHO NA DRAN PA NYE BAR GZHAG PAR GSUNGS PA YIN TE, LUS LA SOGS PA 'DI LA DRAN PA NYE BAR GNAS PA'I PHYIR RO, ,DE LTAR @166A *, ,NA BZHIR BSGRUB PAR BSTAN PA YIN TE, 'DI LA DRAN BA NYE BAR 'JOG PAS NA DRAN PA NYE BAR GZHAG PA'O LUS NYID DRAN PA ZHE BAR GZHAG PA YIN PA NAS CHOS RNAMS NYID DRAN PA NYE BAR GZHAG PA'I BAR YIN PAS NA CHOS DRAN PA NYE BAR GZHAG PA'O ZHES BYA BAR TSIG RNAM PAR SBYAR RO, , GAL TE DE LAS DMIGS PA'I DRAN PA NYE BAR GZHAG PA YIN PAR BZHED PAR MA GYUR NA NI BCOM LDAN 'DAS KYIS 'DI SKAD DU, DGE SLONG DAG JI LTAR DRAN PA NYE BAR GZHAG PA RNAMS KUN DU 'BYUNG BA DANG NUB PA YIN ZHE NA, ZAS KUN 'BYUNG BAS NI LUS KUN 'BYUNG BA YIN LA ZAS 'GAGS NA NI LUS NUB PA YIN NO ZHES RGYAS BAR GSUNGS PAR YANG MI 'GYUR TE, LUS LA SOGS PA DRAN PA NYE BAR GZHAG PA NYID YIN NA NI DE SKAD DU BRJOD PAR RUNG BAR 'GYUR RO, ,DE LTA BAS NA LUS LA SOGS PA NI DMIGS PA'I DRAN PA NYE BAR GZHAG PA YIN NO ZHES BYA BAR GRUB BO, ,'DI DAG GI MING NI DMIGS PA JI LTA BA BZHIN NO ZHES BYA BA NI LUS DRAN PA NYE BAR GZHAG PA LA SOGS PA'I MING NI DMIGS PA LA LTOS NAS LUS DRAN PA NYE BAR GZHAG PA NAS CHOS DRAN PA NYE BAR GZHAG PA ZHES BYA BA'I BAR DU RNAM PAR GZHAG GO, ,,BAM PO BZHI BCU RTZA DRUG PA, RANG DANG GZHAN DANG GNYI GA'I RGYUD LA DMIGS PA'I PHYIR ZHES BYA BA NI LUS DRAN PA NYE BAR GZHAG PA LA SOGS PA 'DI DAG RANG GI RGYUD LA DMIGS PA'I PHYIR DANG, GZHAN GYI RGYUD LA DMIGS PA'I PHYIR DANG, GNYI GA'I RGYUD LA DMIGS PA'I PHYIR SO SO RE RE ZHING RNAM PA GSUM GSUM YIN NO ZHES BYA BA NI, MDO LAS BYUNG BA'I PHYIR TE JI SKAD DU ZHE NA, BRTUN PA DANG SHES BZHIN DANG DRAN PA DANG LDAN PAR GYUR NA 'JIG RTEN LA BRNAB SEMS DANG YID MI BDE BA RNAM PAR SPANGS TE, NANG GI LUS LA LUS KYI RJES SU LTA ZHING GNAS SO ZHES BYA BA DANG, PHYI'I LUS LA LUS KYI RJES SU LTA ZHING GNAS SO ZHES BYA BA SNGA MA BZHIN NO, , NANG DANG PHYI'I LUS LA LUS KYI RJES SU LTA ZHING GNAS SO ZHES BYA BA SNGA MA BZHIN TE, DE LTAR NA RE ZHIG LUS DRAN PA NYE BAR GZHAG PA RNAM PA GSUM YIN NO, ,TSOR BA DRAN PA NYE BAR GZHAG PA LA SOGS PA LA YANG NANG GI TSOR BA LA TSOR BA'I RJES SU LTA ZHING GNAS SO ZHES BYA BA RGYAS PAR RNAM PA @166B GSUM GSUM SBYAR BAR BYA'O, ,SNGAR RAGS PA MTHONG BA'I PHYIR RO ZHES BYA BA NI LUS NI RNAM PAR SHES PA DRUG GIS RNAM PAR SHES PAR BYA BA YIN PA'I PHYIR GSUM PAS DE SNGAR MTHONG NGO, ,TSOR BA NI GNYIS PAS RGYU BA RAGS PA'I PHYIR DE'I 'OG TU DE MTHONG NGO, ,CHOS RNAMS NI RGYU BA PHRA BA'I PHYIR RNAM PAR SHES PAR DKA' BAS PHRA BA YIN TE, DE'I PHYIR DE'I RNAM PAS NI SEMS SNGAR MTHONG LA THA MAR NI CHOS RNAMS MTHONG NGO, ,DE YANG ZHES BYA BA NI 'DOD PA LA 'DOD CHAGS PA'O, ,DE YANG SEMS ZHES BYA BA NI TSOR BA MNGON PAR 'DOD PA DE'O, ,DE YANG NYON MONGS PA MA SPANGS PA'I PHYIR ZHES BYA BA NI MA ZHI BA DE YANG NGO, ,GO RIMS BZHIN DU BSTAN TE ZHES BYA BA NI LUS DRAN PA NYE BAR GZHAG PA NI GTZANG BAR PHYIN CI LOG PA'I GNYEN POR BSTAN TO, ,TSOR BA DRAN BA NYE BAR GZHAG PA NI BDE BAR PHYIN CI LOG PA'I GNYEN POR TE, GANG CI TSOR YANG DE NI 'DIR SDUG BSNGAL BA'O ZHES 'BYUNG BAS SO, ,SEMS DRAN PA NYE BAR GZHAG PA NI RTAG PAR PHYIN CI LOG PA'I GNYEN POR TE, SEMS NI MYUR DU 'GYUR BA'I PHYIR RO, ,CHOS DRAN BA NYE BAR GZHAG PA NI BDAG TU PHYIN CI LOG PA'I GNYEN POR BSTAN TO, ,CHOS RNAMS NI RIL PO RNAM PAR DBYE BA'I SGO NAS RANG DBANG MED PA'I PHYIR TE, CHOS RNAMS ZHES BYA'I TSIG NI KHAMS TZAM DU ZAD DE, BDAG DANG BRAL BA'O ZHES BYA BA YIN PAS SO, ,YANG NA DE NI CHOS 'DI DAG NI SO SO LOGS SHIG NA GNAS PA YIN GYI 'DI LA BDAG NI 'GA' YANG MED DO ZHES BSTAN PA'I PHYIR RO, ,BZHI PA NI GNYI GA YIN ZHES BYA BA NI CHOS DRAN PA NYE BAR GZHAG PA NI LUS DANG TSOR BA DANG SEMS LA MA GTOGS PA'I CHOS LA DMIGS PA NYID SRID PAS MA 'DRES SHING 'DRES PA MA YIN PA LA DMIGS PA YANG SRID LA 'DRES PA LA DMIGS PA YANG SRID DO, ,LUS LA SOGS PA GNYIS SAM GSUM MAM BZHI PO SPYI LA LTA NA ZHES BYA BA NI GAL TE 'DRES PA LA DMIGS PA DE LUS DANG TSOR BA GNYIS LA LTA NA YANG CHOS DRAN PA NYE BAR GZHAG PA YIN LA, CI STE LUS NAS SEMS KYI BAR LA LTA NA DE YANG KHO NA DANG 'DRA'O, ,'ON TE LUS DANG TSOR BA DANG SEMS PAR CHOS RNAMS SPYI LA LTA NA DE YANG CHOS DRAN PA NYE BAR GZHAG PA ZHES BYA'O, ,SPYI LA DMIGS PA LA GNAS TE ZHES BYA BA NI LUS @167A *, ,DANG TSOR BA DANG SEMS DANG CHOS RNAMS SPYIR BSDUS TE'O, ,DRO BAR GYUR PA ZHES BYA BA NI DRO BA'I RNAM PA'I DGE BA'I RTZA BA'O, ,SNGA LTAS YIN PA'I PHYIR RO ZHES BYA BA NI DANG PO'I MTSAN MA YIN PA'I PHYIR RAM DANG PO'I NGO BO NYID YIN PA'I PHYIR RO, ,RGYUN CHAGS PA YIN PA'I PHYIR RO ZHES BYA BA NI RGYUN 'BREL PA YIN PA'I PHYIR ZHES BYA BA'I THA TSIG GO, ,'DI DAG GI BYE BRAG NI 'OG NAS BSHAD PAR BYA'O ZHES BYA BA NI MDZOD KYI GNAS BDUN PA NAS, RDZAS SU RNAM PA BCU DRUG GO ZHES BYA BA 'DI NAS SO, ,GAL TE DE YANG DE DANG 'DRAN GO 'O NA CI'I PHYIR BSTAN ZHE NA DE'I PHYIR CHES MCHOG TU GYUR PA'I PHYIR MING GZHAN DU BTAGS SO ZHES BYA BA SMOS SO, ,YANG CI'I PHYIR RTZE MO ZHES BYA ZHE NA, DGE BA'I RTZA BA G-YO BA'I RTZE MO YIN PA'I PHYIR ZHES BYA BA SMOS SO, ,RTZE MO ZHES BYA BA'I SGRA 'DI NI RAB KYI MTHA' STON PA YIN TE, 'DI LTAR 'JIG RTEN NA YANG 'DI DPAL GYI RTZE MOR PHYIN TO ZHES ZER RO, ,DRO BAR GYUR PA DANG RTZE MO'I MTSAN NYID KYI DGE BA'I RTZA BA GNYIS NI G-YO BA YIN TE, YONGS SU NYAMS PA SRID PA'I PHYIR RO, ,BZOD PA DANG 'JIG RTEN PA'I CHOS KYI MCHOG GI MTSAN NYID GNYIS NI MI G-YO BA STE, BZLOG PA YIN PA'I PHYIR RO, ,DE LA G-YO BA DAG LAS CHUNG NGU GANG YIN PA DE NI DRO BAR GYUR PA YIN NO, , CHEN PO GANG YIN PA DE DAG NI RTZE MO YIN NO, ,MI G-YO BA DAG LAS KYANG CHUNG NGU GANG YIN PA DE NI BZOD PA YIN NO, ,CHEN PO GANG YIN PA DE DAG NI 'JIG RTEN PA'I CHOS KYI MCHOG YIN NO, ,DE DAG LAS LTUNG BA'AM 'DA' BAR 'GYUR BA'I PHYIR RO ZHES BYA BA LA RTZE MO DAG LAS LTUNG BA NI YONGS SU NYAMS PA'O, ,'DA' BA NI BZOD PA MNGON DU 'GYUR BA STE, RTZE MO DAG NI G-YO BA YIN PA'I PHYIR RO, ,'JIG RTEN NA YANG SHING GI RTZE MO NAS LTUNG BA'AM 'DA' BA STE, GONG DU PHYIN PAR 'GYUR BA MTHONG BAS RTZE MO DANG CHOS MTHUN NO, ,DANG PO NYID DU BDEN PA RNAMS LA RNAM PA DAG 'GOD PA'O ZHES BYA BA NI THOG MAR BDEN PA RNAMS LA MI RTAG PA LA SOGS PA'I RNAM PA DAG GTOD PAR BYED PA STE, DE DAG LA DMIGS PA RNAMS 'JUG PAR BYED PA'O ZHES BYA BA'I THA TSIG GO, ,GZHAN DAG GIS KYANG ZHES BYA BA NI CHOS DRAN PA NYE BAR GZHAG PA MA YIN PA DAG GIS KYANG ZHES BYA BA'I THA TSIG GO, , @167B 'PHEL BAR BYED PA NI GOMS PAR BYANG BAR BYED PA'O, ,RNAM PAR 'PHEL BAR BYED PA NA ZHES BYA BA RGYAS PAR 'BYUNG BA NI RNAM PAR 'PHEL BAR BYED PA'I RNAL 'BYOR PA NI 'PHEL BAS KHYAD PAR CAN DU GYUR PA RNAMS MNGON SUM DU BYED DO, ,SNGON THOB PA RNAMS ZHES BYA BA NI KHYAD PAR CAN MA YIN PA DAG NI MNGON SUM DU MI BYED DO, ,CI'I PHYIR ZHE NA, DGA' BA CHEN PO MED PA'I PHYIR TE, DMAN PA NYID KYIS DGA' BA MED PA'I PHYIR RO ZHES BYA BA'I THA TSIG GO, ,BDEN PA LA CHER BZOD PA'I PHYIR RO ZHES BYA BA NI DRO BAR GYUR PA'I GNAS SKABS NA NI BDEN PA LA CHUNG NGU BZOD CING 'DOD DO, ,RTZE MO'I GNAS SKABS NA NI 'BRING DU'O, ,DE'I RJES LA NI BDEN PA LA CHER[?] BZOD PA'I PHYIR BZOD PA SKYE'O, ,JI LTAR SHES SHE NA, DE'I PHYIR YONGS SU MI NYAMS PA'I SGO NAS ZHES BYA BA SMOS TE, 'DI LTAR BZOD PA LAS YONGS SU NYAMS PAR MI 'GYUR GYI, RTZE MO DAG LAS NI YONGS SU NYAMS PA ZHES BYA BA SRID PA YOD DO, , RNAM PA GNYIS DE BZHIN ZHES BYA BA NI RTZE MO RNAMS JI SKAD BSHAD PA LTAR BZOD PA CHUNG NGU DANG 'BRING DAG KYANG DE DANG 'DRA'O, ,DE KHO NA BZHIN DU RNAM PA GTOD PA'I PHYIR RO ZHES BYA BA NI CHOS DRAN PA NYE BAR GZHAG PA'I BDEN PA RNAMS LA RNAM PA DAG GTOD PA'I PHYIR RO ZHES BYA BA'I DON TO, ,BZOD PA NI THAMS CAD CES BYA BA NI BZOD PA NI CHUNG NGU DANG 'BRING DANG, CHEN PO'I BYE BRAG GIS THA DAD PA THAMS CAD CHOS DRAN PA NYE BAR GZHAG PA KHO NAS 'PHEL BAR BYED KYI LUS DRAN PA NYE BAR GZHAG PA LA SOGS PA GZHAN GYIS NI MA YIN NO, ,CI'I PHYIR ZHE NA, CHOS KYI MCHOG DANG NYE BA'I PHYIR TE, CHOS KYI MCHOG NI MTHONG BA'I LAM DANG NYE BAS CHOS DRAN PA NYE BAR GZHAG PA'I BDAG NYID KHO NA YIN NO, ,CHOS KYI MCHOG DANG NYE BA'I PHYIR, ,ZHES BYA BA NI BZOD PA NI RTZE MO'I MJUG THOGS SU SKYE BA'I PHYIR CHOS KYI MCHOG 'DOD PA NA SPYOD PA'I SDUG BSNGAL GYI BDEN PA LA DMIGS PA RNAMS DANG NYE BAS 'DOD PA NA SPYOD PA'I SDUG BSNGAL GYI BDEN PA LA DMIGS PA NYID YIN TE, CHOS KYI MCHOG DANG NYE BA'I PHYIR DE DANG 'DRA'O, ,NGES PA MA SMOS PA'I PHYIR ZHES BYA BA NI DRO BAR GYUR PA LA SOGS PA'I DMIGS PA NI BZOD PA CHEN PO BZHIN DU SO SOR NGES PA MA SMOS PA'I PHYIR BZOD PA CHEN PO BZHIN NGES PAR GZUNG BA KHO NAS DRO BAR GYUR PA LA SOGS @168A *, ,PA DE DAG NI KHAMS GSUM PA'I SDUG BSNGAL LA SOGS PA LA DMIGS PA NYID DU GRUB PO, ,JI LTA ZHE NA, 'DI LA YUL 'DOD PAR GTOGS PA KHO NA'I SDUG BSNGAL YOD PAS DE NI 'DOD PAR GTOGS PA'I SDUG BSNGAL GYI YUL CAN YIN TE, BZOD PA CHEN PO YIN NO, ,BZOD PA CHEN PO KHO NA'O ZHES NGES PAR GZUNG BA'I PHYIR DRO BAR GYUR PA LA SOGS PA GZHAN NI KHAMS GSUM PA'I SDUG BSNGAL GYI BDEN PA LA DMIGS PA YIN NO ZHES BYA BAR GRUB PO, ,GANG GI TSE ZHES BYA BA RGYAS PAR 'BYUNG BA NI GANG GI TSE GZUGS DANG GZUGS MED PA'I GNYEN PO LA SOGS PA ZHES BYA BA LA SOGS PA ZHES BYA BA'I SGRAS NI GZUGS DANG GZUGS MED PA'I 'GOG PA DANG, KUN 'BYUNG BA DANG, SDUG BSNGAL RNAMS DANG 'DOD PA NA SPYOD PA'I GNYEN PO LA SOGS PA BSDU'O, ,BDEN PA'I RNAM PA DMIGS PA RE RE NAS PHRI NAS ZHES BYA BA NI BDEN PA'I RNAM PA RE RE DANG BDEN PA'I DMIGS PA RE RE NAS PHRI NAS GZUGS DANG GZUGS MED PA'I RNAM PA 'BRI BA NAS BZUNG STE, 'DOD PA NA SPYOD PA'I SDUG BSNGAL KHO NA LA SKAD CIG MA GNYIS SU YID LA BYED PA'I BAR DE THAMS CAD NI BZOD PA 'BRING YIN NO, ,JI LTA ZHE NA, RE ZHIG RJES SU SHES PA'I PHYOGS DANG MTHUN PA'I LAM LA LAM DANG, RIGS PA DANG, SGRUB PA DANG, NGES PAR 'BYIN PA STE, RNAM PA BZHI PO 'DI DAG GIS RNAM PA GTOD PAR BYED DO, ,DE'I 'OG TU GCIG POR NAS GSUM GYIS SO, ,DE'I 'OG TU GNYIS POR NAS GNYIS KYIS SO, ,DE'I 'OG TU GCIG GIS SO, ,DE NAS LAM BOR NAS GZUGS DANG GZUGS MED PA'I 'GOG PA LA RANG GI RNAM PA BZHIS RNAM PA GTOD PAR BYED DE, DE'I 'OG TU GSUM DANG GNYIS DANG GCIG KHO NAS RNAM PA GTAD NAS 'GOG PA'I BDEN PA DE YANG BOR TE KUN 'BYUNG BA'I BDEN PA LA RANG GI RNAM PA BZHI DANG GSUM DANG GNYIS DANG GCIG GIS RNAM PA GTAD NAS DE KHO NA BZHIN DU DE YANG BOR TE SDUG BSNGAL GYI BDEN PA LA RANG GI RNAM PA BZHI NAS GCIG GI BAR GYIS RNAM PA GTAD NAS BDEN PA DE YANG BOR TE, 'DOD PA NA SPYOD PA'I GNYEN PO LA RANG GI RNAM PA BZHI DANG GSUM DANG GNYIS DANG GCIG GIS RNAM PA GTOD PAR BYED DO, ,DE YANG BOR TE 'DOD PA NA SPYOD PA'I @168B 'GOG PA DANG, KUN 'BYUNG BA'I BDEN PA DAG LA DE KHO NA BZHIN DU RANG GI RNAM PA 'BRI BA'I RIM PAS RNAM PA GTOD PA DANG DOR BAR BYAS NAS 'DOD PA NA SPYOD PA'I SDUG BSNGAL GYI BDEN PA LA RNAM PA BZHIS RNAM PAR GTOD PAR BYED DO, ,DE'I 'OG TU GSUM GYIS SO, ,DE'I 'OG TU GNYIS KYIS RNAM PA GTOD PAR BYED DO, DE LTAR NA DANG PO 'BRI BA NAS BZUNG STE, SKAD CIG MA DE THAMS CAD BZOD PA 'BRING YIN NO ZHES BSHAD PA YIN NO, ,DE LA DMIGS PA NYID SKAD CIG MA GSUM PA LA NI BZOD PA CHEN PO YIN NO, ,DE LA DMIGS PA NYID BZHI PA LA NI CHOS KYI MCHOG YIN NO, ,BZOD PA CHUNG NGU NI GANG SNGAR RTZE MO DAG GI MJUG THOGS SU 'DOD PA NA SPYOD PA'I SDUG BSNGAL GYI BDEN PA NAS LAM GYI BDEN PA'I BAR DANG, GZUGS DANG GZUGS MED PA NA SPYOD PA LA RANG RANG GI RNAM PA THAMS CAD KYIS MI DBRI BAR YID LA BYED PA YIN PAR KHONG DU CHUD PAR BYA'O, ,DE LTAR RE ZHIG KHA CIG NI DMIGS PA DBRI BA RNAM PA DBRI BA SNGON DU 'GRO BA CAN YIN NO ZHES ZER RO, ,GZHAN DAG NA RE DMIGS PA RNAM PA RE RE NAS PHRI NAS ZHES BYA BA NI DE LTAR BDEN PA'I RNAM PA RE RE NAS PHRI BA DANG DMIGS PA RE RE NAS PHRI NAS ZHES BYA BA NI GZUNG BAR MI BYA'O, ,'O NA CI ZHE NA, GZUGS DANG GZUGS MED PA'I GNYEN PO LA SOGS PA BDEN PA RE RE'I RNAM PA GANG DAG YIN PA DE DAG DMIGS PA PHRI NAS ZHES BYA BAR BSHAD PAR BYA'O, ,BZOD PA 'BRING NI SKAD CIG MA BRGYA RTZA BCU DGU YIN PAR BRJOD NA DMIGS PA 'BRI BA RNAM PA 'BRI BA SNGON DU 'GRO BA CAN YIN NA NI SEMS KYI SKAD CIG MA MANG POR 'PHRO BAR 'GYUR RO, , DE YANG RIGS PA MA YIN TE, BDEN PA DAG YOD BZHIN DU RNAM PA 'DOR BAR NI RUNG BA MA YIN NO, ,GANG GI TSE BDEN PA DAG POR BAR GYUR BA DE'I TSE NI RNAM PA 'DOR RO ZHES BYA BAR RIGS SO, ,DE LTA YIN NA SNGAR NI BDEN PA'I DMIGS PA 'BRI BAR BYED LA PHYIS NI RNAM PA 'BRI BAR BYED DE, YUL GYI GZHI NI BOR NA DE LA DMIGS PA 'DOR BAR RIGS SO, ,SDUG BSNGAL DANG KUN 'BYUNG BA DANG 'GOG PA DANG LAM DAG NI MNYAM PAR BZHAG PA DANG MNYAM PAR MA BZHAG PA STE, BRGYAD DU RNAM PAR GZHAG LA, DE DAG GI RNAM PA SUM CU RTZA GNYIS YIN NO ZHES ZER RO, ,DA NI RIGS PA GZHAN 'DI NYE BAR BSTAN @169A *, ,PAR BYA STE, JI LTAR BYAS PAS SHE NA, GANG GI TSE 'DOD PA NA SPYOD PA'I SDUG BSNGAL LA RNAM PA BZHIS YID LA BYED PA NAS DE BZHIN DU GZUGS DANG GZUGS MED PA NA SPYOD PA RNAMS KYI GNYEN PO LA RNAM PA BZHIS YID LA BYED PA'I BAR 'DI NI BZOD PA CHUNG NGU YIN NO, ,GANG GI TSE GZUGS DANG GZUGS MED PA NA SPYOD PA RNAMS KYI GNYEN PO BOR TE, 'DOD PA NA SPYOD PA'I SDUG BSNGAL LA RNAM PA BZHIS YID LA BYED PA NAS DE BZHIN DU 'DOD PA NA SPYOD PA'I 'DU BYED RNAMS KYI GNYEN PO'I BAR LA RNAM PA BZHIS YID LA BYED PA DE NAS BZUNG STE, BZOD PA 'BRING BRTZAMS PA YIN NO, ,DE LA GZUGS DANG GZUGS MED PA NA SPYOD PA'I GNYEN PO BOR NAS SEMS KYI SKAD CIG MA NYI SHU RTZA BRGYAD YIN NO, ,'DOD PA NA SPYOD PA'I 'DU BYED KYI GNYEN PO BOR NA NYI SHU RTZA BZHI'O, ,GZUGS DANG GZUGS MED PA NA SPYOD PA'I 'DU BYED KYI 'GOG PA BOR NA NYI SHU'O, ,'DOD PA NA SPYOD PA'I 'GOG PA BOR NA BCU DRUG GO, ,GZUGS DANG GZUGS MED PA NA SPYOD PA'I KUN 'BYUNG BA BOR NA BCU GNYIS SO, ,'DOD PA NA SPYOD PA'I KUN 'BYUNG BA BOR NA BRGYAD DO, ,GZUGS DANG GZUGS MED PA NA SPYOD PA'I SDUG BSNGAL BOR NA BZHI STE, 'DOD PA NA SPYOD PA'I SDUG BSNGAL RNAM PA BZHIS YID LA BYED PAS DE DAG NI 'DI'I RNAM PA BZHI YIN NO, ,RNAL 'BYOR SPYOD PA DE YANG RNAM PA GNYIS TE, LTA BA SPYAD PA DANG, SRED PA SPYAD PA'O, ,LTA BA SPYAD PA YANG RNAM PA GNYIS TE, BDAG TU LTA BA SPYAD PA DANG, BDAG GIR LTA BA SPYAD PA'O, ,DE LA BDAG TU LTA BA SPYAD PA GANG YIN PA DE NI BDAG MED PA'I RNAM PAS NGES PA LA 'JUG GO, ,BDAG GIR LTA BA SPYAD PA GANG YIN PA DE NI STONG PA'I RNAM PAS SO, ,SRED PA SPYAD PA YANG RNAM PA GNYIS TE NGA'O SNYAM PA'I NGA RGYAL GYIS NYAMS PA DANG, LE LO LHAG PA CAN NO, ,DE LA NGA'O SNYAM PA'I NGA RGYAL GYIS NYAMS PA GANG YIN PA DE NI MI RTAG PA'I RNAM PAS NGES PA LA 'JUG GO; ,LE LO LHAG PA CAN GANG YIN PA DE NI SDUG BSNGAL GYI RNAM PAS SO, ,DE LA RNAL 'BYOR SPYOD PA BDAG TU LTA BA SPYAD PA NI 'DOD PA NA SPYOD PA'I SDUG BSNGAL LA RNAM PA GCIG BOR NAS RNAM PA GSUM GYIS YID LA BYED DO, ,DE'I 'OG TU STONG[?] PA DANG BDAG MED PA'I RNAM PA GNYIS KYIS SO, ,DE'I 'OG TU @169B SDUG BSNGAL LA CHOS SHES PA'I BZOD PA DANG SDUG BSNGAL LA CHOS SHES PA DANG 'DRA BAS BDAG MED PA'I RNAM PA GCIG PU LA LAN GNYIS SU MNGON SUM DU BYED DE, DE LTAR NA BZOD PA 'BRING DE NI SEMS KYI SKAD CIG MA BRGYA RTZA BCU DGU YIN PAR 'GYUR RO, ,BDAG GIR MOS PA YANG DE DANG 'DRA STE, DE NI STONG PA DANG, BDAG MED PA'I RNAM PA DAG GIS RNAM PA GTAD NAS STONG PA NYID KYI RNAM PA LAN GNYIS SU MNGON DU BYED DE, DE LTAR NA BZOD PA 'BRING DE NI SKAD CIG MA BRGYA RTZA BCU DGU YIN NO, ,DE BZHIN DU SRED PA SPYAD PA RNAM PA GNYIS PO NGA'O SNYAM PA'I NGA RGYAL GYIS NYAMS PA DANG, LE LO LHAG PA CAN YANG BRJOD PAR BYA'O, ,BZOD PA CHEN PO NI SKAD CIG MA GCIG KHO NA YIN TE, DE NI GANG ZAG GIS JI LTAR SPYAD PA BZHIN DU MI RTAG PA'I RNAM PA'AM, SDUG BSNGAL GYI RNAM PA'AM, STONG PA'I RNAM PA'AM, BDAG MED PA'I RNAM PA DANG MTSUNGS PAR LDAN PA YIN NO, ,YANG CI'I PHYIR BDEN PA'I RNAM PA DMIGS PA RE RE NAS 'BRI BAR BYED CE NA, KHAMS GSUM PA LA SUN 'BYIN PAR BYED PA DES DANG POR NI GNYEN PO MTHA' DAG LA DMIGS SO, ,PHYIS NI 'DOD PA'I KHAMS DANG POR SPANG BAR BYA BA DANG, YONGS SU SHES PAR BYA BA YIN PA'I PHYIR 'DOD PA NA SPYOD PA'I SDUG BSNGAL KHO NA LA DMIGS PA YIN NO, ,DE'I RTZAL GYIS LAM 'DREN PAR BYED PA'I PHYIR RO ZHES BYA BA NI SNGON ZAG PA MED PA'I PHYIR SKAL BA MNYAM PA'I RGYU MED PAR CHOS KYI MCHOG GI RTZAL GYIS LAM GYI BDEN PA 'DREN PAR BYED PA'I PHYIR CHOS KYI MCHOG RNAMS NI 'JIG RTEN PA KUN GYI NANG NAS MCHO GA NYID YIN PAR SHES SO; ;THAMS CAD PHUNG PO LNGA, 'KHOR DANG BCAS TE SMOS PA'I PHYIR RO ZHES BYA BA NI DRO BAR GYUR PA LA SOGS PA MNYAM PAR GZHAG PA'I SA PA YIN PA'I PHYIR RNAM PAR RIG BYED MA YIN PA'I MTSAN NYID KYI GZUGS KYI PHUNG PO YOD PAS 'KHOR DANG BCAS TE SMOS PA'I PHYIR DRO BAR GYUR BA LA SOGS PA NI PHUNG PO LNGA YIN TE, 'KHOR DANG BCAS PA YIN PAR GZUNG NGO, ,'PHAGS PA LA ZHES BYA BA RGYAS PAR 'BYUNG BA NI 'PHAGS PA LA THOB PA MNGON SUM DU GYUR PAS 'BRAS BU THOB PA NA, DRO BAR GYUR PA LA SOGS PA SBYOR BAR GYUR BA RNAMS MNGON SUM DU 'GYUR DU 'ONG BAS THOB PA RNAMS NI DRO BAR @170A *, ,GYUR PA LA SOGS PAS MA BSDUS TE, SBYOR BA'I 'BRAS BU THOB ZIN PA'I 'PHAGS PA MNGON DU BYED PAR NI RIGS PA MA YIN NO, ,BDEN PA GSUM LA DMIGS PA'I DRO BAR GYUR PA RNAM PA GTOD PA LA ZHES BYA BA NI SDUG BSNGAL DANG, KUN 'BYUNG BA DANG, LAM LA DMIGS PA'I DRO BAR GYUR PA RNAM PA GTOD PA LA, CHOS DRAN PA NYE BAR GZHAG PA DA LTAR BYUNG BA YIN TE, DANG PO 'BAD PAS BSKYED PAR BYA BA'I RNAM PA GTOD PA LA NI SPYI LA DMIGS PA NYID KYIS CHOS DRAN PA NYE BAR GZHAG PA KHO NAS GTOD PAR NUS PA'I PHYIR RO, ,SO SOR NGES PA LA DMIGS PA'I PHYIR LUS DRAN BA NYE BAR GZHAG PA LA SOGS PAS NI MI NUS SO, ,MA 'ONGS PA NI BZHI CHAR 'THOB BO ZHES BYA BA NI GANG GI PHYIR DRAN PA NYE BAR GZHAG PAS NI LUS DANG TSOR BA LA SOGS PA SDUG BSNGAL GYI BDEN PA LA SOGS PAS BSDUS PA YANG BSDUS LA, LUS DRAN PA NYE BAR GZHAG PA LA SOGS PA YANG SNGAR THOB PA YIN PA DE'I PHYIR BZHI CHAR YANG 'THOB STE, THOB PA SKYE BA'I PHYIR RO, ,'GOG PA'I BDEN PA LA DMIGS PA LA NI DE KHO NA GNYI GA YIN NO ZHES BYA BA NI 'GOG PA'I BDEN PA LA DMIGS PA'I DRO BAR 'GYUR BA RNAM PA GTOD PA LA NI CHOS DRAN PA NYE BAR GZHAG PA DA LTAR BYUNG BA YIN ZHING DE KHO NA MA 'ONGS PA 'THOB KYI, LUS DRAN PA NYE BAR GZHAG PA LA SOGS PA NI MA YIN TE, 'GOG PA'I BDEN PA LA LUS LA SOGS PA MED PA'I PHYIR RO, ,RNAM PA DAG NI THAMS CAD DU 'DRA BA YIN NO ZHES BYA BA NI BDEN PA GSUM LA DMIGS PA DANG, 'GOG PA LA DMIGS PA'I DRO BAR GYUR PA'I RNAM PA GTOD PA LA YANG RNAM PA DAG NI 'DRA BA KHO NA 'THOB STE, SDUG BSNGAL GYI BDEN PA LA DMIGS PA LA YANG SDUG BSNGAL GYI BDEN PA'I RNAM PA BZHI KHO NA 'THOB KYI KUN 'BYUNG BA'I BDEN PA LA SOGS PA'I RNAM PA NI MA YIN NO, ,KUN 'BYUNG BA'I BDEN PA LA DMIGS PA LA YANG KUN 'BYUNG BA'I BDEN PA'I RNAM PA BZHI KHO NA 'THOB KYI GZHAN DAG NI MA YIN NO ZHES BYA BA LA SOGS PA YIN NO, ,BDEN PA GSUM LA DMIGS PA RNAM PAR 'PHEL BA LA NI LUS DRAN PA NYE BAR GZHAG PA LA SOGS PA BZHI LAS GANG YANG RUNG BA ZHIG DA LTAR BYUNG BA YIN NO, ,'GOG PA LA DMIGS PA DE KHO NA LA NI THA MA DA @170B LTAR BYUNG BA YIN NO, ,GNYI GA LA YANG MA 'ONGS PA NI BZHI CHAR RO, ,RNAM PA NI BCU DRUG PO THAMS CAD KYANG 'THOB BO, ,CI'I PHYIR ZHE NA, RIGS RNAMS THOB ZIN PA'I PHYIR[?] TE, CI RIGS PAR BDEN PA BZHI LA DMIGS PA LUS DRAN PA NYE BAR GZHAG PA LA SOGS PA'I RIGS RNAMS THOB ZIN PA'I PHYIR RO ZHES BYA BA'I THA TSIG GO, ,RTZE MO BDEN PA BZHI LA DMIGS PA ZHES BYA BA RGYAS PAR 'BYUNG BA NI, RTZE MO RNAM PA GTOD PAR BYED PA LA NI THAMS CAD LA YANG CHOS DRAN PA NYE BAR GZHAG PA KHO NA DA LTAR BYUNG BA YIN TE, LUS DRAN PA NYE BAR GZHAG PA LA SOGS PAS NI RNAM PA GTOD PA MI NUS PA'I PHYIR RO, ,'GOG PA LA DMIGS PA 'PHEL BA YANG THA MA CHOS DRAN PA NYE BAR GZHAG PA DA LTAR BYUNG BA YIN TE, GZHAN DAG NI MA YIN PA'I PHYIR RO, ,BDEN PA GSUM LA DMIGS PA RNAM PAR 'PHEL BA LA NI BZHI LAS GANG YANG RUNG BA ZHIG DA LTAR BYUNG BA YIN NO, ,THAMS CAD DU YANG MA 'ONGS PA NI BZHI CHAR RO, ,DE DAG GI RIGS THOB ZIN PA'I PHYIR RNAM PA YANG THAMS CAD DO ZHES BYA BAR KHONG DU CHUD PAR BYA'O, ,BZOD PA RNAMS NI THAMS CAD DU THA MA YIN LA ZHES BYA BA NI RNAM PA GTOD PA DANG RNAM PAR 'PHEL BA YANG THA MA CHOS DRAN PA NYE BAR GZHAG PA DA LTAR BYUNG BA YIN TE, 'DI LTAR BZOD PA NI THAMS CAD CHOS KYIS 'PHEL BAR BYED CES BSHAD DO, ,CHOS KYI MCHOG DAG NI THA MA YIN ZHES BYA BA NI CHOS KYI MCHOG DAG MNGON SUM DU BYED PA LA NI THA MA CHOS DRAN PA NYE BAR GZHAG PA DA LTAR BYUNG BA YIN NO, ,MA 'ONGS PA NI MI SKYE BA'I CHOS CAN KHO NA BZHI CHAR 'THOB BO, RNAM PA BZHI KHO NA STE ZHES BYA BA NI MI RTAG PA DANG, SDUG BSNGAL BA DANG, STONG PA DANG, BDAG MED PA'I BDAG NYID KYI RNAM PA DAG GO, ,GZHAN MED PA'I PHYIR ZHES BYA BA NI 'DI LTAR CHOS KYI MCHOG LA KUN 'BYUNG BA LA SOGS PA'I RNAM PA GZHAN NI MED DO, SDUG BSNGAL TZAM LA DMIGS PA'I PHYIR RO, ,'O NA JI LTAR CHOS KYI MCHOG GI NGO BO NYID MA YIN PA LUS DRAN PA NYE BAR GZHAG PA LA SOGS PA MNGON DU MA GYUR KYANG CHOS KYI MCHOG KUN DU 'BYUNG BA'I GNAS SKABS NA, LUS DRAN PA NYE BAR GZHAG PA LA SOGS PA MA 'ONGS PA THOB PA DE BZHIN DU CHOS KYI MCHOG GI @171A *, ,NGO BO NYID MA YIN PA KUN 'BYUNG BA LA SOGS PA'I RNAM PA KUN DU MI 'BYUNG YANG KUN 'BYUNG BA LA SOGS PA'I RNAM PA MA 'ONGS PA THOB PAR GO CI STE MI 'DOD CE NA, DE'I PHYIR MTHONG BA'I LAM DANG 'DRA BA'I PHYIR ZHES BYA BA SMOS TE, SDUG BSNGAL GYI RNAM PA BZHI KHO NA 'THOB BO, ,CI'I PHYIR ZHE NA, MTHONG BA'I LAM DANG 'DRA BA'I PHYIR TE, MTHONG BA'I LAM LA NI BDEN PA GANG ZHIG MTHONG BAR 'GYUR BA DE'I RNAM PA DAG KHO NA 'THOB LA, CHOS KYI MCHOG RNAMS KYANG MTHONG BA'I LAM DANG 'DRA BAS SO, ,YANG NYE BA'I PHYIR 'DI DAG MTHONG BA'I LAM DANG 'DRA BA CI ZHIG YOD CE NA, DE KHO NA BZHIN DU DANG POR 'DOD PA NA SPYOD PA'I SDUG BSNGAL LA DMIGS PA NYID YIN NO, ,YANG NA SA MTSUNGS PA NYID YIN TE, 'DI LTAR MTHONG BA'I LAM GYI DBANG DU BYAS NAS, DE NI CHOS MCHOG DANG SA GCIG CES 'CHAD PAR 'GYUR RO, ,YANG NA CHOS KYI MCHOG RNAMS NI SO SO'I SKYE BO NYID 'JOMS PAR BYED PA SDUG BSNGAL LA CHOS SHES PA'I BZOD PA'I BAR CHAD MED PA'I LAM LTA BUR GYUR BA YIN NO, ,DE LTAR NA 'DI DAG NI MTHONG BA'I LAM DANG 'DRA BA YIN TE, BAR CHAD MED PA'I LAM RNAMS NI RNAM PAR GROL BA'I LAM DAG DANG 'DRA BAS SO, ,NGES PAR 'BYED PAS NA ZHES BYA BA RGYAS PAR 'BYUNG BA LA, JI LTAR NGES PAR 'BYED PA YIN ZHE NA, SMRAS PA, DES THE TSOM SPANG BA'I PHYIR TE, BDEN PA RNAMS LA 'DI NI SDUG BSNGAL LO ZHES BYA BA NAS 'DI NI LAM MO ZHES BYA BA'I BAR DU GTAN LA PHAB NAS RNAM PAR 'BYED PA'I PHYIR NGES PAR 'BYED PA STE, 'PHAGS PA'I LAM YIN NO, ,DE'I CHA NI MTHONG BA'I LAM GYI PHYOGS GCIG YIN TE, DE 'DREN PAR BYED PA NYID KYIS TE, SKYED PAR BYED PA NYID KYIS PHAN 'DOGS PA'I PHYIR RO, ,DES NA NGES PAR 'BYED PA'I CHA DANG MTHUN PA ZHES BYA BA YIN NO, ,MI LCOGS MED PA DANG, KHYAD PAR BSAM GTAN SA PA'O, ,ZHES BYA BA NI 'DI LA MI LCOGS PA MED PA DANG KHYAD PAR CAN DANG BSAM GTAN GYI SA DAG YOD PAS NA, MI LCOGS PA MED PA DANG, KHYAD PAR BSAM GTAN SA PA'O, ,GONG NA NI MED DO ZHES BYA BA NI MTHONG BA'I LAM GYI 'KHOR YIN PA'I PHYIR GZUGS MED PA DAG NA NI NGES PAR 'BYED PA'I CHA DANG MTHUN PA MED DO[?], @171B MTHONG BA'I LAM GYI SBYOR BA MED PA'I PHYIR RO ZHES BYA BA'I THA TSIG GO, ,DE MED PA NI 'DOD PA'I KHAMS LA DMIGS PA YIN PA'I PHYIR RO ZHES BYA BA LA, DE MED PA ZHES BYA BA NI MTHONG BA'I LAM DE MED PA'O, ,GANG ZHE NA, GONG NA ZHES BYA BAR SBYAR TE, GZUGS MED PA NA ZHES BYA BA'I THA TSIG GO, , CI'I PHYIR ZHE NA, 'DOD PA'I KHAMS LA DMIGS PA YIN PA'I PHYIR TE, 'DI LTAR GZUGS MED PA DAG NI 'DOD PA'I KHAMS LA MI DMIGS PA YIN NO, ,SMRAS PA, MTHONG BA'I LAM 'DOD PA'I KHAMS LA DMIGS PA CIR DGOS SHE NA, DE'I PHYIR, DE YANG SNGAR YONGS SU SHES PAR BYA ZHING SPANG BAR BYA BA YIN PA'I PHYIR RO ZHES BYA BA SMOS TE, 'DOD PA'I KHAMS DE'I SDUG BSNGAL GYI NGO BO NI SNGAR YONGS SU SHES PAR BYA BA YIN PA'I PHYIR RO, ,KUN 'BYUNG BA'I NGO BO NI SPANG BAR BYA BA YIN PA'I PHYIR RO, ,'DI LA GTAN TSIGS NI TSIG 'DI LTAR RNAL 'BYOR BA DE NI 'DOD PA NA SPYOD PA'I SDUG BSNGAL GYIS RNAM PAR GNOD PAR BYAS PAS DES NA DE DANG POR DE LAS THAR PA TSOL BAR BYED DO, ,DE DAG GI RNAM PAR SMIN PA NI GZUGS KYI KHAMS KYI PHUNG PO LNGA YIN NO ZHES BYA BA NI NGES PAR 'BYED PA'I CHA DANG MTHUN PA DE DAG NI GZUGS NA SPYOD PA YIN PA'I PHYIR GAL TE RNAL 'BYOR PA DE GZUGS KYI KHAMS SU SKYE NA, DE'I RNAM PAR SMIN PA DER PHUNG PO LNGA MNGON PAR 'GRUB PAR 'GYUR RO, ,DE DAG KYANG YID DU 'ONG BA MYONG BAR 'GYUR BA SKYED PA'I PHYIR YONGS SU RDZOGS PAR BYED PA DAG KHO NA YIN GYI RIS MTHUN PA 'PHEL BAR BYED PA DAG NI MA YIN TE, SRID PA'I GNYEN PO YIN PA'I PHYIR TE, MI RTAG PA LA SOGS PA'I RNAM PAS SUN 'BYIN PAS SO, ,GNYIS NI ZHES BYA BAS NI DRO BAR GYUR PA DANG, RTZE MO'I NGO BO NYID DAG GO, ,'DOD RTEN ZHES BYA BA NI 'DI LTAR 'DI KHO NAR BDEN PA MNGON PAR RTOGS KYI KHAMS GZHAN DU NI MA YIN PA DANG, GONG NA MTHONG LAM MED, ,MI SKYO LUNG LAS 'DI RTZOM ZHING, ,DER MTHAR PHYIN CES 'BYUNG PHYIR RO, ,ZHES BYA BA'I PHYIR RO, ,GLING GSUM DU ZHES BYA BA NI BYANG GI SGRA MI SNYAN MA GTOGS PAR ZHES BYA BAR RNAM PAR BSHAD PAR BYA STE, BYANG GI SGRA MI SNYAN PA RNAMS NI DBANG PO RTUL BA'I PHYIR RO, ,LHA DAG GI NANG DU MNGON SUM DU BYED DO ZHES BYA BA NI 'DOD PA NA SPYOD PA GANG DAG @172A *, ,GI NANG DU'O, ,NGES PAR 'BYED PA'I CHA DANG MTHUN PA BZHI PA NI LHA DAG GI NANG DU SKYED PAR YANG BYED DO ZHES BYA BA NI DE DAG KHO NA'I NANG DU STE, GZHAN DU NI MA YIN NO, ,NGES PAR 'BYED PA'I CHA DANG MTHUN PA GSUM NI CHOS KYI MCHOG DAG MA GTOGS PA'O, ,TSE 'DI NYID LA SKYES PA DANG BUD MED KYI DBANG PO GYUR NA, SKYES PA DANG BUD MED RNAMS KYIS GNYI GA'I RTEN CAN TE, SKYES PA DANG BUD MED KYI RTEN CAN DAG 'THOB BO, ,BUD MED RNAMS KYIS 'DI DAG BSKYED NAS TSE GZHAN DU BUD MED KYI LUS SU SKYES NA BUD MED KYI RTEN CAN DAG MNGON DU BYED DO, ,TSE GZHAN DU SKYES PAR SKYES NA NI SKYES PA'I RTEN CAN DAG MNGON DU BYED DE, DE DAG THOB PA'I BUD MED RNAMS TSE GZHAN DU MO'I LUS SU MI SKYE BA NI MA YIN NO, ,SKYES PA RNAMS KYANG DE BZHIN DU TSE GZHAN DU MO'I LUS SU GYUR NA NI MO'I RTEN CAN DAG MNGON DU BYED LA, PHO'I LUS SU GYUR NA NI PHO'I RTEN CAN DAG MNGON DU BYED DO, ,CHOS KYI MCHOG RNAMS KYI DBANG DU BYAS NAS, CHOS MCHOG BUD MED KYIS, GNYI GA'I RTEN CAN THOB PAR 'GYUR, ,ZHES BYA BA SMOS TE, BUD MED KHO NAS CHOS KYI MCHOG GNYI GA'I RTEN CAN THOB KYI, SKYES PAS NI MA YIN NO, ,'DI LTAR DE DAG THOB NAS BUD MED KYI RTEN CAN DE'I TSE NA YOD PA DE DAG DANG LDAN PA YIN GYI; TSE GZHAN DU BRJES NA NI 'DOD PA'I KHAMS SU SKYES PA'I LUS SU SKYES NA YANG SKYES PA DE SKYES PA'I RTEN CAN DAG DANG LDAN NO, ,SKYES PAS NI SKYES PA'I RTEN CAN 'BA' ZHIG THOB BO, ,CI'I PHYIR ZHE NA, BUD MED NYID NI SO SOR BRTAGS PA MA YIN PAS 'GOG PA THOB PA'I PHYIR RO ZHES BYA BA SMOS TE, TSE DE NYID LA TSE RABS GZHAN DU YANG BUD MED NYID DU 'GYUR BA MED PA ZHES BYA BA DE'I SO SOR BRTAGS PA MA YIN PAS 'GOG PA 'THOB BO, ,GANG ZHIG CHOS KYI MCHOG DAG SKYED PAR BYED PA DES NA GDON MI ZA BAR MJUG THOGS SU MTHONG BA'I LAM SKYED PAR BYED LA, BDEN PA MTHONG BA YANG BUD MED NYID DU SKYE BA MED DO ZHES BYA BA NI GRUB MTHA' YIN NO, ,SA BOR NAS ZHES BYA BA RGYAS PAR 'BYUNG BA NI 'PHAGS PA NI NGES PAR 'BYED PA'I CHA DANG MTHUN PA BSAM GTAN DANG PO'I SA PA NAS BSAM GTAN BZHI PA'I SA PA'I BAR SA GANG DAG THOB PAR GYUR PA'I BSAM GTAN DANG PO NAS BSAM GTAN BZHI @172B PA'I BAR GYIS DE DAG 'DOR BA NA BDAG NYID JI LTA BA BZHIN BSAM GTAN DANG PO'I SA PA NAS BSAM GTAN BZHI PA'I SA PA'I BAR DE DAG KYANG STONG GI GZHAN DU NI MA YIN TE, SO SO'I SKYE BO LTAR 'CHI BA 'AM NYAMS PAS NI MA YIN NO ZHES BYA BA'I THA TSIG GO, ,SA 'DOR BA NI SA 'PHOS PA'I PHYIR RO ZHES BYA BA NI 'DOD CHAGS DANG BRAL BA'I SGO NAS NI MA YIN NO ZHES BYA BAR STON TO, ,SO SO'I SKYE BO NI ZHES BYA BA NI SO SO'I SKYE BO NI SA 'PHO YANG RUNG MI 'PHO YANG RUNG STE, NGES PAR 'BYED PA'I CHA DANG MTHUN PA RNAMS RIS MTHUN PA BTANG BA KHO NAS GTONG NGO, ,'DI LTAR SO SO'I SKYE BO NI SA GANG BA'I NGES PAR 'BYED PA'I CHA DANG MTHUN PA DAG THOB PA DE'I GONG DU SKYE BA NI DE DAG GI SA 'PHO BA NA 'CHI BAS 'DOR RO, ,'DOD CHAGS DANG MA BRAL BA NI SA 'PHO BA MED PAR 'CHI BAR GTONG STE 'DOD PA'I KHAMS NYID DU SKYE'O, ,'PHAGS PA'I GANG ZAG NI DE LTA MA YIN TE, DE'I DGE BA'I RTZA BA'I RGYUD NI MTHONG BA'I LAM GYIS NYE BAR SPEL BA'I PHYIR RO, ,SO SO'I SKYE BO KHO NA DE LTAR GTONG NGO ZHES BYA BAR JI LTAR SHES SHE NA, BSTAN BCOS LAS SGO NGA DANG, NUR NUR PO LA SOGS PAR GYUR PA'I SO SO'I SKYE BO NI LUS DANG LDAN GYI LUS KYI LAS DANG NI MA YIN NO ZHES 'BYUNG BA'I PHYIR RO, ,SLOB DPON DBYIG BA SHES[?] NA RE NI SO SO'I SKYE BO NI SA 'PHO BA YANG RUNG MI 'PHO BA YANG RUNG STE RIS MTHUN PA KHO NAS GTONG NGO ZHES BYA BA 'DIR SA SMOS PAR BSAM GTAN MTHA' DAG GZUNG STE, DE LA GANG GI TSE SO SO'I SKYE BO TSANGS RIS PA DAG NAS SHI 'PHOS TE, TSANGS PA'I MDUN NA 'DON DAG GI NANG DU SKYE BA DE'I TSE RIS MTHUN PA BTANG BAS GTONG NGO, , GANG GI TSE BSAM GTAN DANG PO NAS SHI 'PHOS NAS BSAM GTAN GNYIS PAR SKYES PA DE'I TSE NI SA BOR BA DANG RIS MTHUN PA BTANG BA DAG GIS GTONG NGO ZHES ZER RO, ,DE NI TSANGS PA'I 'JIG RTEN DU SKYES PA'I SO SO'I SKYE BO RNAMS LA NGES PAR 'BYED PA'I CHA DANG MTHUN PA MED PA'I PHYIR RIGS PA MA YIN TE, NGES PAR 'BYED PA'I CHA DANG MTHUN PA DAG NI 'DOD PA'I KHAMS SU SKYED PAR BYED LA, 'DOD PA'I KHAMS NAS 'CHI 'PHO BA NYID KYIS DE DAG GI NGES PAR 'BYED PA'I CHA DANG MTHUN PA GTONG BAS SO, ,'DI NI SLOB DPON 'DUS BZANG GIS KYANG BSTAN TE, SO SO'I SKYE BO YANG SA GANG BA'I NGES PAR 'BYED PA'I CHA DANG @173A *, ,MTHUN PA THOB PA DE NAS GONG DU SKYE BA'I TSE NGES PAR 'BYED PA'I CHA DANG MTHUN PA DAG 'DOR BA MA YIN NAM ZHE NA, DE NI MED DE, RIS MTHUN PA BTANG BA KHO NAS BOR BA'I PHYIR RO, ,'CHI BA'I SRID PA LA GNAS PAS DE DAG 'DOR BAS SRID PA BAR MA LA GNAS PAS BOR ZIN TE, DE'I GONG DU SKYE BA NA 'DOR BAR GYUR BA GANG YIN PA DE NI MED PAS 'CHI BA KHO NAS ZHES BSHAD DO ZHES BYA BA YIN NO, ,SO SOR THAR PA'I SDOM PA BZHIN DU ZHES BYA BA NI DPER NA SO SOR THAR PA'I SDOM PA BTANG BA PHYIS LEN PA NA SNGON GYI MA YIN PA THOB PA DANG 'DRA'O, ,CI'I PHYIR ZHE NA, MA 'DRIS PA DANG 'BAD DE BSGRUB PAR BYA BA YIN PA'I PHYIR RO ZHES BYA BA SMOS TE, MA 'DRIS PA'I PHYIR DANG, 'BAD DE BSGRUB PAR BYA BA YIN PA'I PHYIR RO, ,GONG GI PHYIR THOG MA MED PA CAN GYI 'KHOR BA NA 'DRIS PA MA YIN PA'I PHYIR 'DOD CHAGS DANG BRAL BAS 'THOB PA MA YIN NO, ,GANG GI PHYIR 'BAD PAS BSGRUB PAR BYA BA YIN PA DE'I PHYIR SDUN BTANG BA DAG MI 'THOB BO, ,MTSAMS STON PAR BYED PA ZHIG YOD NA NI ZHES BYA BA LA, MTSAMS NI BAR MTSAMS SO, ,STON PAR BYED PA NI STON PA PO STE, SMON NAS SHES PA 'THOB PA'O, ,DE YOD NA THOB STE NYAMS PA'I GONG MA SKYED PAR BYED DE MA BSKYED PA GANG YIN PA SKYED PAR BYED DO ZHES BYA BA'I DON TO, ,MTSAMS STON PAR BYED PA MED NA NI BZHI KHO NAS SKYED PAR BYED DE DRO BAR GYUR PA NAS BRTZAMS TE ZHES BYA BA'I THA TSIG GO, ,RNAM PAR NYAMS PA DANG YONGS SU NYAMS PA 'DI DAG GI ZHES BYA BA NI, 'PHAGS PAS DE DAG SA BOR NAS, ,GTONG NGO ZHES 'BYUNG BAS RNAM PAR NYAMS PA YANG BSHAD LA, DANG PO GNYIS YONGS NYAMS PAS KYANG, ,ZHES 'BYUNG BAS YONGS SU NYAMS PA YANG BSHAD DE, DE'I PHYIR 'DI DAG GI ZHES BYA BA STON TO, ,NYAMS PA GNYIS ZHES BYA BA NI RNAM PAR NYAMS PA DANG YONGS SU NYAMS PA DAG GI SPYI'I NGO BO YONGS SU BZUNG BAS GNYI GA SMOS PA YIN NO, ,YONGS SU NYAMS PA NI NYES PAS BYAS PA YIN GYI ZHES BYA BA NI NYON MONGS PAS BYAS PA YIN GYI ZHES BYA BA'I THA TSIG GO, ,RNAM PAR NYAMS PA NI GDON MI ZA BA MA YIN NO ZHES BYA BA DE NI NYES PAS BYAS PA 'BA' ZHIG TU MA ZAD KYI YON TAN GYIS BYAS PA YANG YIN NO, ,DE LA YON TAN GYIS BYAS PA NI 'DI LTA STE MTHONG BA'I @173B LAM SKYES NA SO SO'I SKYE BO NYID RNAM PAR NYAMS PA LTA BU'O, ,NYES PAS BYAS PA NI 'DI LTA STE, LOG PAR LTA BAS DGE BA'I RTZA BA RNAM PAR NYAMS PA LTA BU'O, ,YANG NA NYID MTSAMS SBYOR BA'I SEMS KYIS CHOS KHA CIG RNAM PAR NYAMS PA LTA BU'O, ,DE LTA NA YONGS SU NYAMS PA GANG YIN PA DE NI RNAM PAR NYAMS PA YANG YIN NO, ,RNAM PAR NYAMS PA GANG YIN PA DE NI GDON MI ZA BAR YONGS SU NYAMS PA MA YIN TE, YONGS SU NYAMS PA NI YON TAN GYI KHYAD PAR DAG KHO NA LAS YONGS SU NYAMS PAS SO, ,MI SKYE BA'I CHOS NYID 'THOB STE ZHES BYA BA NI 'GRO BA LA SOGS PA DE DAG GI SO SOR BRTAGS PA MA YIN PAS 'GOG PA 'THOB STE ZHES BYA BA'I DON TO, ,DE DAG CI RIGS PAR TE ZHES BYA BA NI MI SKYE BA'I CHOS NYID DE DE DAG NI JI LTAR 'OS 'OS SU BZOD PA CHUNG NGU DANG CHEN PO'I TSE 'THOB BO ZHES BYA BAR SBYAR RO, ,JI LTAR BYAS PAS SHE NA, BZOD PA CHUNG NGU'I TSE NI NGAN SONG GI 'GRO BA RNAMS KYI MI SKYE BA'I CHOS NYID 'THOB BO, ,CHEN PO'I TSE NI SGO NGA LAS SKYE BA DANG, DROD GSHER LAS SKYE BA'I SKYE GNAS DAG GI'O, ,CHUNG NGU'I TSE NI 'DU SHES MED PA'I SEMS CAN DANG, BYANG GI SGRA MI SNYAN DANG, TSANGS PA CHEN POR SKYE BA RNAMS KYI'O, ,CHEN PO'I TSE NI ZAM DANG MA NING DANG MTSAN GNYIS PA'I LUS RNAMS KYI'O, ,CHEN PO NYID KYI TSE NI SRID PA BRGYAD PA LA SOGS PA STE, SRID PA BRGYAD PA LA SOGS PA DANG, DGU PA LA SOGS PA DANG, MTHONG BAS SPANG BAR BYA BA'I MI SKYE BA'I CHOS NYID 'THOB BO, ,RIGS DE NYID CES BYA BA NI SLOB DPON GYI GZHUNG LUGS YIN TE, BZOD PAS YONGS SU BSGOS PA'I NYAN THOS KYI RIGS TE, DE NI BZOD PAS YONGS SU BSGOS PA NYID KYIS BZLOG TU MI RUNG BA'I PHYIR RO SNYAM DU BSAMS PA'O, ,GZHAN GSUM YANG ZHES BYA BA NI RANG SANGS RGYAS SU NI NYAN THOS KYI RIGS LAS BZOD PA YANG BZLOG NAS 'GYUR TE, DE DAG NI GZHAN GYI DON DU NGAN SONG DU MI 'GRO BA'I PHYIR RO SNYAM DU BSAMS PA YIN NO, ,TING NGE 'DZIN MI G-YO BA DANG, GSAL BA'I PHYIR ZHES BYA BA NI SKYON BRGYAD LAS GROL BA'I PHYIR TING NGE 'DZIN MI G-YO BA YIN NO, ,DE NYID KYI PHYIR RAM DBANG PO RNON PO'I PHYIR GSAL ZHING SBYANGS PA YIN NO, ,GANG DAG GI LTAR NA @174A *, ,BSE RU LTA BU LAS GZHAN PA'I RANG SANGS RGYAS YOD PAR 'DOD PA ZHES BYA BA NI CHOS MNGON PA PA GANG DAG GI GZHUNG LUGS KYIS BSE RU LTA BU LAS GZHAN PA'I RANG SANGS RGYAS KYANG YOD PAR 'DOD PA STE, NGES PAR 'BYED PA'I CHA DANG MTHUN PA TZAM BSKYED PA TSOGS SHING SPYOD PA'I RANG SANGS RGYAS SO SNYAM DU BSAMS PA YIN NO, ,DE DAG GI LTAR NA DE'I RIGS DRO BAR GYUR PA DANG, RTZE MO RNAMS NI ZLOG PAR DGAG PA MED DE, BSE RU LTA BU KHO NA DMIGS KYIS BKAR BA'I PHYIR RO, ,MYUR BA SRID PA GSUM GYIS THAR, ,ZHES BYA BA NI GANG ZHIG THAR PA MYUR BAR THOB PA DE TSE GCIG LA NI THAR PA'I CHA DANG MTHUN PA'I DGE BA'I RTZA BA SKYED PAR BYED DO, ,GNYIS PA LA NI NGES PAR 'BYED PA'I CHA DANG MTHUN PA RNAMS SO, ,GSUM PA LA NI 'PHAGS PA'I LAM MO, ,GANG ZHIG TSE SNGA MA LA THAR PA'I CHA DANG MTHUN PA'I TSOGS BSAGS PA DE NI TSE GCIG KHO NA LA YANG NGES PAR 'BYED PA'I CHA DANG MTHUN PA RNAMS DANG, 'PHAGS PA'I LAM SKYED PAR BYED DO ZHES BYA BAR KHONG DU CHUD PAR BYA'O, ,SA BON 'DEBS PA DANG ZHES BYA BA LA SOGS PA 'BYUNG BA NI SA BON 'DEBS PA LTA BU'I THAR PA'I CHA DANG MTHUN PA SKYE BA YIN NO, ,'BRU SKYE BA LTA BU NI NGES PAR 'BYED PA'I CHA DANG MTHUN PA SKYE BA YIN NO, ,'BRAS BU CHAGS PA LTA BU NI 'PHAGS PA'I LAM YIN NO, ,CHOS NYID 'DI LA ZHES BYA BA NI GSUNG RAB KYI CHOS NYID LA'O, ,'JUG PA DANG YONGS SU SMIN PA DANG RNAM PAR GROL BAR 'GYUR ZHES BYA BA NI DON GYI DNGOS YIN TE, 'JUG PA NI THAR PA'I CHA DANG MTHUN PAS SO, ,YONGS SU SMIN PA NI NGES PAR 'BYED PA'I CHA DANG MTHUN PA RNAMS KYIS SO, ,RNAM PAR GROL BA NI 'PHAGS PA'I LAM GYIS SO, ,DE'I SMON LAM GYIS YONGS SU BZUNG BA'I PHYIR ZHES BYA BA NI YID KYI SMON LAM GYIS YONGS SU BZUNG BA'I PHYIR TE, SMON LAM NI SEMS PA'I KHYAD PAR YIN NO, ,ZAS 'GA' TZAM BYIN NAS ZHES BYA BA NI LUS KYI LAS YIN NO,, BSLAB PA 'GA' TZAM YANG MNOS NAS ZHES BYA BA NI NGAG GI LAS YIN TE, DE DAG KYANG YID KYI LAS KYI KUN NAS BSLANG BAS LAS GSUM GYI RANG BZHIN YIN NO, ,'DI NI CHUNG NGU ZIN KYANG THAR PA 'DOD PA'I STOBS SKYED PA LAS THAR PA'I CHA DANG MTHUN PA'I 'PHEN PAR 'GYUR RO, ,THAR PA'I CHA NI THAR PA'I CHA STE @174B THAR PA 'THOB PA YIN NO, ,DE LA PHAN PA NI THAR PA'I CHA DANG MTHUN PA ZHES BYA'O, ,GZHAN NAS NI MA YIN TE, CI RIGS PAR SHES RAB DANG, SKYO BA MED PA'I PHYIR RO ZHES BYA BA NI RE ZHIG SGRA MI SNYAN DAG NA NI GNYI GA MED DO, ,NGAN SONG DAG NA NI SKYO BA YOD LA SHES RAB MED DO, ,LHA DAG GI NANG NA NI SKYE BA MED LA SHES RAB YOD DE, DE'I PHYIR MI RNAMS KYI NANG KHO NA DANG GLING GSUM NAS 'PHEN GYI GZHAN NAS NI MA YIN NO, ,MNGON PAR RTOGS PA'I RIM PAR BSHAD PAR BRTZAMS PA ZHES BYA BA NI, TSUL GNAS THOS DANG BSAM LDAN PA, ,BSGOM PA LA NI RAB TU SBYOR, ,ZHES BYA BA NAS BRTZAMS TE, NGES PAR 'BYED PA'I CHA DANG MTHUN PA'I GO RIMS DANG, DE'I ZHAR LA THAR PA'I CHA DANG MTHUN PA NYE BAR BKOD PA YIN NO, ,CHOS KYI BZOD PA ZAG PA MED, ,CES BYA BA NI NGES PAR 'BYED PA'I CHA DANG MTHUN PA RNAMS KYIS KYANG CHOS LA BZOD PAS DE'I PHYIR RGYU MTHUN PAS KHYAD PAR DU BYA STE, GANG GI RGYU MTHUN PA CHOS SHES PA YIN PA DE NI CHOS SHES PA'I BZOD PA YIN NO, ,CHOS SHES PA'I PHYIR BZOD PA NI CHOS SHES PA'I BZOD PA STE, ME TOG DANG 'BRAS BU'I SHING BZHIN NO ZHES BYA BA NI DPER NA ME TOG GI CHED KYI SHING LA ME TOG GI SHING ZHES BYA BA DANG, 'BRAS BU'I CHED KYI SHING LA 'BRAS BU'I SHING ZHES BYA BA DANG 'DRA'O, ,TSIG LE 'UR BYAS PA LAS CHOS KYI BZOD PA ZHES SMOS PA NI PHYOGS GCIG SMOS PA'I PHYIR TE, DPER NA LHAS BYIN LA LHAS BYIN ZHES BYA BA DANG 'DRA'O, ,YANG DAG PA NYID NI MDO LAS MYA NGAN LAS 'DAS PA YIN PAR BSHAD DO ZHES BYA BA NI YANG DAG PA NYID GANG ZHE NA, GANG ZHIG 'DOD CHAGS YONGS SU GTUGS TE, SPANGS PA DE YIN NO ZHES BYA BA RGYAS PAR 'BYUNG NGO, ,DE NGES PA NI NGES PA STE ZHES BYA BA NI YANG DAG PA NYID DER NGES SHING GCIG TU GYUR PA NI NGES PA ZHES BYA'O, ,DER 'JUG PA NI MNGON PAR 'GRO BA STE ZHES BYA BA NI GCIG TU GYUR PA DER 'JUG PA NI PHYIN PA STE, DE LTAR NA PHYIN CI MA LOG PAR 'JUG PA'I PHYIR NGES PAR 'JUG PA ZHES BYA'O, ,DE SKYES NA ZHES BYA BA NI CHOS SHES PA LA BZOD PA'O, ,MAR ME DANG SKYE BA BZHIN NO ZHES BYA BA NI MAR ME BZHIN DANG, SKYE BA BZHIN NO ZHES BYA BA'I THA TSIG STE, DPER NA MAR ME MA 'ONGS PA MUN PA BSAL BAR NUS PA DANG, SKYE BA @175A *, ,MA 'ONGS PA BSKYED PAR BYA BA SKYED PAR NUS PA DE BZHIN DU SDUG BSNGAL LA CHOS SHES PA'I BZOD PA MA 'ONGS PAS KYANG SO SO'I SKYE BO NYID BZLOG PAR NUS PAR KHAS LEN GYI BYED PA GZHAN NYON MONGS PA SPONG BA NI MA YIN NO, ,GZHAN DAG NA RE 'JIG RTEN PA'I CHOS KYI MCHOG RNAMS KYIS BZLOG GO ZHES ZER RO ZHES BYA BA NI SO SO'I SKYE BO NYID ZLOG PAR BYED DO ZHES BYA BAR SKABS DANG SBYAR RO, ,MA YIN TE DE'I CHOS YIN PA'I PHYIR RO ZHES BYA BA NI 'JIG RTEN PA'I CHOS KYI MCHOG RNAMS KYIS DE ZLOG PAR BYED DO ZHES BYA BA DE NI RIGS PA MA YIN NO, ,CI'I PHYIR ZHE NA DE DAG SO SO'I SKYE BO'I CHOS YIN NO SO SO'I SKYE BO'I CHOS KYIS SO SO'I SKYE BO CHOS JI LTAR BZLOG PAR 'GYUR, DE DANG 'GAL BA'I PHYIR NYES PA MED DO ZHES BYA BA NI CHOS KYI MCHOG RNAMS NI SO SO'I SKYE BA NYID DANG 'GAL BA'I PHYIR DE NI NYES PA MED DO, ,DPER NA CI DANG 'DRA ZHE NA, DGRA BO'I PHRAG PA LA ZHON NAS DE LA 'TSOG PA BZHIN NO ZHES BYA BA SMOS TE, DPER NA 'GA' ZHIG GIS DGRA BO'I PHRAG PA LA ZHON LA DGRA BO NYID LA 'TSOG PAR BYED PA DE BZHIN DU CHOS KYI MCHOG RNAMS KYIS KYANG DGRA BO SO SO'I SKYE BO NYID KYI PHRAG PA LA ZHON TE, SO SO'I SKYE BO NYID DE KHO NA LA 'JOMS PAR BYED DO ZHES GRAG GO, ,GZHAN DAG NA RE GNYI GAS ZLOG STE ZHES BYA BA NI SO SO'I SKYE BO NYID 'JIG RTEN PA'I CHOS KYI MCHOG RNAMS DANG, BZOD PAS KYANG ZLOG GO ZHE'O, ,JI LTA ZHE NA, BAR CHAD MED PA DANG RNAM PAR GROL BA'I LAM DANG CHOS MTHUN PA'I PHYIR RO ZHES BYA BA SMOS TE, 'JIG RTEN PA'I CHOS KYI MCHOG RNAMS NI BAR CHAD MED PA'I LAM DANG CHOS MTHUN PA YIN NO, ,BZOD PA NI RNAM PAR GROL BA'I LAM DANG CHOS MTHUN PA YIN TE, DPER NA BAR CHAD MED PA'I LAM GYIS NYON MONGS PA SPONG BAR BYED LA RNAM PAR GROL BA'I LAM GYIS SPANGS PA DE BZHIN DU 'JIG RTEN PA'I CHOS KYI MCHOG RNAMS KYIS SO SO'I SKYE BO NYID RNAM PAR NYAMS PAR BYED LA BZOD PAS RNAM PAR NYAMS PA YIN NO, ,DE NI SDUG BSNGAL LA CHOS SHES PA ZHES BYA'O ZHES BYA BA NI BSTAN BCOS LAS MING DES THA SNYAD 'DOGS SO ZHES BYA BAR STON TE, THAMS CAD DU YANG ZAG PA MED PA'I SKABS YIN ZHES BYA BA NI DE'I PHYIR, DE NAS NI DE NYID LA CHOS SHES ZHES BYA BA ZAG PA MED PAR ZHES BYA BAR MNGON NO, , @175B SPYI LA DMIGS PA ZHES BYA BA NI GZUGS DANG GZUGS MED PA NA SPYOD PA'I SDUG BSNGAL LA DMIGS PA'I PHYIR RO, ,DANG PO NYID DU CHOS KYI DE KHO NA NYID SHES PA'I PHYIR ZHES BYA BA NI DANG PO SDUG BSNGAL LA SOGS PA'I CHOS KYI DE KHO NA NYID SHES PA'I PHYIR ZHES BYA BA'I THA TSIG GO, ,DE'I RGYU LAS BYUNG BA'I PHYIR ZHES BYA BA NI DE'I RGYU CAN YIN PA'I PHYIR ZHES BYA BA'I DON TO, ,DE BZHIN DU RTOGS PA'I PHYIR RO ZHES BYA BA NI JI LTAR CHOS SHES PAS SDUG BSNGAL LA SOGS PA'I BDEN PA LA SDUG BSNGAL LA SOGS PA'I RNAM PAR RTOGS SHING YONGS SU SHES PA KHO NA BZHIN DU GZUGS DANG GZUGS MED PA NA SPYOD PA'I SDUG BSNGAL LA SOGS PA YANG RTOGS PA'I PHYIR RJES SU SHES PA YIN NO, ,DE BZHIN DU ZHES BYA BA RGYAS PAR 'BYUNG BA NI DE BZHIN DU MJUG THOGS SU SKYE BA'I RIM GYIS GZUGS DANG GZUGS MED PA NA SPYOD PA'I KUN 'BYUNG LHAG MA LA RJES SU SHES PA'I BZOD PA DANG ZHES BYA BA RGYAS PAR SBYAR BAR BYA'O, ,SDE PA GZHAN ZHES BYA BA NI 'PHAGS PA CHOS SRUNG BA'I SDE PA LA SOGS PA'O, ,BYE BRAG MED PAR NI MNGON PAR RTOGS PA ZHES BYA'O ZHES BYA BA NI, DE LTAR BDEN PA MNGON RTOGS 'DI, ,SEMS BCU DRUG GO ZHES BYA BA MTHONG BA'I MNGON PAR RTOGS PA DANG, DMIGS PA'I MNGON PAR RTOGS PA DANG, BYA BA'I MNGON PAR RTOGS PA YIN TE, DE LTAR NA SEMS BCU DRUG CES BYA BA NI BYE BRAG MED PA YIN NO, ,MTHONG BA'I MNGON PAR RTOGS PA ZHES BYA BA NI MTHONG BA NYID MNGON PAR RTOGS PA YIN TE DMIGS PA'I MNGON PAR RTOGS PA DANG, BYA BA'I MNGON PAR RTOGS PA YANG DE DANG 'DRA'O, ,MTHONG BA'I MNGON PAR RTOGS PA NI ZAG PA MED PA'I SHES RAB KYIS ZHES BYA BA NI, DGE SLONG DAG ZAG PA MED PA'I SHES RAB KYIS MTHONG BA GANG YIN PA DE NI MTHONG BA'O ZHES 'BYUNG BAS SHES RAB NYID MTHONG BA YIN NO ZHES BYA BAR RNAM PAR GZHAN GO, ,DMIGS PA ZHES BYA BA SMOS PA NI DE DANG MTSUNGS PAR LDAN PA TSOR BA LA SOGS PAS KYANG MNGON PAR RTOGS PA YIN NO, ,KYANG ZHES BYA BA'I SGRAS NI SHES RAB KYIS KYANG YIN TE, 'DI LTAR SEMS DANG SEMS LAS BYUNG BA RNAMS KYIS BDEN PA DAG LA DMIGS PAR BYED DO, ,BYA BA NI BDEN PA GANG ZHIG LA BYA BA GANG YIN PA STE, 'DI LTA STE SDUG BSNGAL LA YONGS SU SHES PA DANG, KUN 'BYUNG @176A *, ,BA LA SPANG BA DANG, 'GOG PA LA MNGON SUM DU BYA BA DANG, LAM LA BSGOM PA'O, ,DE DANG LDAN PA MA YIN PA TSUL KHRIMS DANG, SKYE BA LA SOGS PAS KYANG MNGON PAR RTOGS PA'O ZHES BYA BA LA, KYANG ZHES BYA BA'I SGRAS NI SHES RAB DANG MTSUNGS PAR LDAN PA DAG GIS KYANG YIN TE, BYA BA BZHI PO NI SHES RAB DANG MTSUNGS PAR LDAN PA DANG, LDAN PA MA YIN PA RNAMS KYIS BYED PAS SO, ,SKYE BA LA SOGS PA ZHES BYA BA LA SOGS PA ZHES BYA BA'I SGRAS NI MTSAN NYID GZHAN DANG THOB PA RNAMS KYANG BSDU'O, ,SDUG BSNGAL MTHONG NA ZHES BYA BA RGYAS PAR 'BYUNG BA NI SHES RAB KYIS SDUG BSNGAL MTHONG NA MNGON PAR RTOGS PA PO'AM, SDUG BSNGAL DE'I MNGON PAR RTOGS PA NI JI SKAD BSHAD PA GSUM MO, ,KUN 'BYUNG ZHES BYA BA LA SOGS PA 'BYUNG BA NI KUN 'BYUNG BA DANG, 'GOG PA DANG, LAM RNAMS KYI NI BYA BA'I MNGON PAR RTOGS PA YIN TE, SPONG BA DANG MNGON SUM DU BYED PA DANG, BSGOM PA'I PHYIR RO, ,GO RIMS BZHIN DU KUN 'BYUNG BA NI SPONG BA STE, NYON MONGS PA'I THOB PA CHAD PA'I PHYIR RO, ,'GOG PA NI MNGON SUM DU BYED DE, THOB PA SKYED PA'I PHYIR RO, ,LAM NI BSGOM STE, MNGON SUM DU BYED PA'I PHYIR RO, ,RNAM PA THA DAD PA'I PHYIR ZHES BYA BA NI SDUG BSNGAL LA SOGS PA 'DI DAG GI RNAM PA NI RE RE ZHING THA DAD PA'I PHYIR TE, DE DAG GI RNAM PA'I THA DAD PAS KUN 'BYUNG BA LA SOGS PA SDUG BSNGAL GYI RNAM PAR MTHONG BA NI RUNG BA MA YIN NO, ,'ON TE SDE PA GZHAN DAG CHOS THAMS CAD KYI SPYI'I MTSAN NYID STONG PA NYID DANG BDAG MED PA DAG NYID YIN ZHES TE, BDEN PA THAMS CAD BDAG MED PA'I RNAM PAR MTHONG NGO ZHES ZER NA NI 'O NA NI BDEN PA RNAMS, SDUG BSNGAL BA DANG KUN 'BYUNG BA DANG, 'GOG PA DANG LAM ZHES BYA BA LTA BUR SDUG BSNGAL LA SOGS PAR MTHONG BAR MI 'GYUR RO, ,DE LTA YIN NA NI THAMS CAD BDAG MED PA'I RNAM PAR MTHONG NGO ZHES SMRA BA MDO DANG 'GAL TE, 'DI LTAR MDO LAS NI 'DI SKAD DU, 'PHAGS PA NYAN THOS ZHES BYA BA RGYAS PAR 'BYUNG NGO, ,'ON TE MDO DANG 'GAL BA MED DE, 'DI LTAR 'PHAGS PA NYAN THOS SDUG BSNGAL LA SDUG BSNGAL DU YID LA BYED PA 'AM ZHES BYA BA LA SOGS @176B PA 'BYUNG BA NI MNGON PAR RTOGS PA'I GNAS SKABS KYI SNGON ROL SBYOR BA'I GNAS SKABS NA YIN NO, ,DE'I PHYIR THAMS CAD BDAG MED PA'I RNAM PAR MTHONG BA'I PHYIR MNGON PAR RTOGS PA NI GCIG KHO NA YIN NO SNYAM DU SEMS NA, ZAG PA MED PA'I YID LA BYED PA DANG MTSUNGS PAR LDAN PA'I CHOS RNAMS RNAM PAR 'BYED PA GANG YIN PA ZHES 'BYUNG BA'I PHYIR DE YANG RUNG BA MA YIN TE, SBYOR BA'I GNAS SKABS NA NI ZAG PA MED PA'I YID LA BYED PA MI SRID DO, ,GAL TE 'PHAGS PA NYAN THOS SDUG BSNGAL LA SDUG BSNGAL DU YID LA BYED PA 'AM ZHES BYA BA RGYAS PAR 'BYUNG BA GANG YIN PA DE LTA BU NI BSGOM PA'I LAM LA YIN NO ZHE NA MA YIN TE, JI LTAR MTHONG BA BZHIN BSGOM PA'I PHYIR RO ZHES BYA BA NI DE NI DE LTA MA YIN TE, JI LTAR BDEN PA RNAMS SNGAR MTHONG BA KHO NA BZHIN DU PHYIS DE DAG BSGOM STE, BSGOM PA'I LAM YIN NO ZHES BYA BA'I THA TSIG GO, ,LHAG MA RNAMS LA DBANG THOB PA'I PHYIR ZHES BYA BA LA, DBANG THOB PA NI SBYOR BA MED PAR KUN 'BYUNG BA LA SOGS PAR MTHONG BA MNGON SUM DU 'GYUR BA'I MTHU 'THOB PA STE DE'I PHYIR RO, ,BAR SKABS SU LDANG BA YOD DAM MED CES DPYAD PAR BYA BA YIN NO ZHES BYA BA NI LHAG MA RNAMS LA DBANG THOB PA'I PHYIR BAR SKABS SU LDANG BAR 'GYUR BAS NYES PAR 'GYUR RO SNYAM DU BSAMS PA YIN NO, ,GNYI GA LTAR RNAM PAR DPYAD NA YANG MDO SDE MANG PO DANG 'GAL TE, DE DAG DANG JI LTAR 'GAL BA DE LTA BU NI LUNG LAS MNYAN PAR BYA'O, ,GCIG MTHONG NA LHAG MA RNAMS BYA BA'I MNGON PAR RTOGS PA YIN NO ZHES 'BYUNG BA'I PHYIR RO ZHES BYA BA NI GANG GI PHYIR 'DI SKAD DU SDUG BSNGAL MTHONG NA DE'I MNGON PAR RTOGS PA NI GSUM MO, ,KUN 'BYUNG BA LA SOGS PA NI BYA BA'I MNGON PAR RTOGS PA YIN TE, SPONG BA DANG MNGON SUM DU BYED PA DANG BSGOM PA'I PHYIR RO ZHES 'BYUNG BA DE YOD PA'I PHYIR KHO BO CAG KYANG DE LTAR KHAS LEN PAS NYES PA MED DO, ,SMRAS PA; GAL TE KHAS LEN PAS DE LTAR MNGON PAR RTOGS PA YIN NA MDO LAS BDEN PA RNAMS RIM GYIS MNGON PAR RTOGS PAR 'BYUNG BA DANG 'GAL LO ZHE NA, DE'I PHYIR MDO LAS MTHONG BA'I MNGON PAR RTOGS PA'I PHYIR ZHES BYA BA RGYAS PAR SMOS SO, ,DPE DANG BCAS PA'I MDO GSUM KHUNGS SU YOD @177A *, ,DO ZHES BYA BA NI YANG DAG PAR LDAN PA'I MDO LAS 'BYUNG BA YIN NO, ,JI SKAD DU ZHE NA, MGON MED ZAS SBYIN GYIS GSOL BA, BTZUN PA CI LAGS, 'PHAGS PA'I BDEN PA BZHI PO MTHAR GYIS MNGON PAR RTOGS SAM, 'ON TE MNGON PAR RTOGS PA GCIG LAGS, KHYIM BDAG 'PHAGS PA'I BDEN PA BZHI NI MTHAR GYIS MNGON PAR RTOGS KYI MNGON PAR RTOGS PA GCIG PA NI MED DO, ,KHYIM BDAG GANG ZHIG 'DI SKAD DU BDAG GIS SDUG BSNGAL 'PHAGS PA'I BDEN PA MNGON PAR MA RTOGS PAR KUN 'BYUNG BA 'PHAGS PA'I BDEN PA MNGON PAR RTOGS PAR BYA'O ZHES BYA BA NAS, RGYAS PAR SDUG BSNGAL 'GOG PA 'PHAGS PA'I BDEN PA MA RTOGS PAR SDUG BSNGAL 'GOG PAR 'GRO BA'I LAM 'PHAGS PA'I BDEN PA MNGON PAR RTOGS PAR BYA'O ZHES BYA BA'I BAR DU SMRA NA, DE SKAD DU NI MA SMRA SHIG CES BRJOD PAR BYA'O, ,DE CI'I PHYIR ZHE NA, SDUG BSNGAL 'PHAGS PA'I BDEN PA MNGON PAR MA RTOGS PAR KUN 'BYUNG BA 'PHAGS PA'I BDEN PA MNGON PAR RTOGS PAR 'GYUR BA GANG YIN PA DE NI GNAS MED CING GO SKABS MED DO ZHES BYA BA NAS 'DI NI GNAS MED CING ZHES BYA BA'I BAR SNGA MA BZHIN NO, ,'DI NI GNAS YOD DO ZHES BYA BA'I BAR YANG SNGA MA BZHIN NO, ,KHYIM BDAG DPER NA GANG ZHIG 'DI SKAD DU BDAG GIS KHANG PA BRTZEGS MA 'AM, KHANG PA BRTZEGS MA CHEN PO'I RMANG LA RKANG PA MA BZHAG PAR RTZIG PA LA GZHAG PAR BYA'O, ,RTZIG PA LAM BZHAG PAR PHYAM SO LA GZHAG PAR BYA'O, ,PHYAM SO LA MA BZHAG PAR G-YOGS MA LA GZHAG PAR BYA'O ZHES SMRA NA DE SKAD DU MA SMRA SHIG CES BRJOD PAR BYA'O,, ,,BAM PO BZHI BCU RTZA BDUN PA, DE CI'I PHYIR ZHE NA, KHANG PA BRTZEGS MA 'AM ZHES BYA BA NAS GNAS MED CING GO SKABS MED DO ZHES BYA BA'I BAR SNGA MA BZHIN NO, ,RMANG LA RKANG PA BZHAG NAS RTZIG PA LA RKANG PA GZHAG GO ZHES BYA BA NAS PHYAM SO LA RKANG PA BZHAG NAS G-YOGS MA LA GZHAG GO ZHES BYA BA GANG YIN PA DE NI GNAS YOD DO ZHES BYA BA'I BAR SNGA MA BZHIN NO, ,KHYIM BDAG DE BZHIN DU SDUG BSNGAL GYI BDEN PA MA MTHONG BAR KUN 'BYUNG BA'I BDEN PA MTHONG BAR 'GYUR BA GANG YIN PA DE NI GNAS MED CING ZHES BYA BA RGYAS PAR 'BYUNG BA'I BAR @177B SNGA MA BZHIN NO, ,DE NAS DGE SLONG GCIG CIG GIS GSOL PA, BTZUN PA CI LAGS, 'PHAGS PA'I BDEN PA BZHI PO MTHAR GYIS MNGON PAR RTOGS SAM, 'ON TE MNGON PAR RTOGS PA GCIG LAGS, BCOM LDAN 'DAS KYIS BKA' STZAL PA, DGE SLONG BDEN PA BZHI NI ZHES BYA BA LA SOGS PA SNGA MA BZHIN NO, ,DGE SLONG DPER NA GANG ZHIG 'DI SKAD DU BDAG GIS BANG RIM BZHI YOD PA'I THEM SKAS THA MA LA MA GZEGS PAR GNYIS PA LA 'DZEG PAR BYA'O, ,GNYIS PA LA MA GZEGS[?] PAR GSUM PA LA, GSUM PA LA MA GZEGS PAR BZHI PA LA 'DZEG PAR BYA'O ZHES SMRA NA DE SKAD DU MA SMRA SHIG CES BRJOD PAR BYA'O, ,DE CI'I PHYIR ZHE NA, BANG RIM BZHI PA'I THEM SKAS LA BANG RIM THA MA LA MA GZEGS PAR BANG RIM GNYIS PA LA 'DZEG PA NAS, DE BZHIN DU GSUM PA LA MA GZEGS PAR BZHI PA LA 'DZEG PA'I BAR 'DI NI GNAS MED CING GO SKABS MED DO, ,DE BZHIN DU 'DI LA YANG SDUG BSNGAL GYI BDEN PA MA MTHONG BAR KUN 'BYUNG BA'I BDEN PA MTHONG BAR 'GYUR BA GANG YIN PA 'DI NI GNAS MED DO ZHES BYA BA LA SOGS PA 'BYUNG NGO, ,DE BZHIN DU 'PHAGS PA KUN DGA' BOS GSOL PA, BTZUN PA CI LAGS, 'PHAGS PA'I BDEN PA BZHI PO MTHAR GYIS MNGON PAR RTOGS SAM, 'ON TE MNGON PAR RTOGS PA GCIG PA LAGS ZHES BYA BA LA SOGS PA MDO SNGA MA BZHIN NO, ,KUN DGA' BO DPER NA GANG ZHIG 'DI SKAD DU BDAG GIS GDANG BU BZHI PA'I SKAS LA, GDANG BU THA MA LA RKANG PAS MA GZEGS PAR GDANG BU GNYIS PA LA 'DZEG GO ZHES BYA BA NAS DE BZHIN DU GDANG BU BZHI PA LA RKANG PAS MA GZEGS PAR KHANG BZANGS KYI THOG TU 'DZEG GO ZHES SMRA NA DE SKAD DU MA SMRA ZHIG CES BRJOD PAR BYA'O ZHES BYA BA LA SOGS PA RGYAS PAR SNGA MA BZHIN NO, ,KUN DGA' BO GANG ZHIG 'DI SKAD DU BDAG GIS SDUG BSNGAL 'PHAGS PA'I BDEN PA MNGON PAR MA RTOGS PAR KUN 'BYUNG BA'I BDEN PA MNGON PAR RTOGS PAR BYA'O ZHES BYA BA NAS RGYAS PAR 'DI NI GNAS MED DE ZHES BYA BA'I BAR SNGA MA BZHIN TE, MDO GSUM NI 'DI DAG YIN NO, ,GANG ZHIG SDUG BSNGAL LA ZHES BYA BA RGYAS PAR 'BYUNG BA NI CI STE MDO LAS, GANG ZHIG SDUG BSNGAL LA @178A *, ,NEM NUR MED CING THE TSOM MED PA DE NI SANGS RGYAS LA YANG ZHES GSUNGS PAS MNGON PAR RTOGS PA GCIG GO ZHES BYA BAR 'DOD NA'O, ,JI LTA ZHE NA, SANGS RGYAS NI MI SLOB PA'I CHOS RNAMS YIN LA, MI SLOB PA'I CHOS DE DAG KYANG LAM YIN NO, ,DE LTA BAS NA SDUG BSNGAL MNGON PAR RTOGS PA'I PHYIR DES LAM YANG MNGON PAR RTOGS PA YIN TE, ,'DI LTAR SDUG BSNGAL BZHIN DU SANGS RGYAS LA YANG NEM NUR MED CING THE TSOM MED PAS SO, ,NEM NUR DANG, THE TSOM ZHES BYA BA NI DON THA DAD PA MA YIN NO, ,YANG NA NEM NUR NI NGES PAR MI 'DOD PA YIN NO, ,THE TSOM NI JI SKAD BSHAD PA'I MTSAN NYID KYI YID GNYIS YIN NO, ,MA YIN TE, KUN DU MI 'BYUNG BA DANG, GDON MI ZA BAR SPONG BA LAS DGONGS TE, GSUNGS PA'I PHYIR RO ZHES BYA BA NI KUN DU MI 'BYUNG BA DANG, GDON MI ZA BAR SPONG BA LAS DGONGS TE, GSUNGS PA'I PHYIR MDO LAS MNGON PAR RTOGS PA GCIG PA'O ZHES 'BYUNG NGO ZHES ZER BA DE NI DE LTA MA YIN TE, SDUG BSNGAL MNGON PAR RTOGS NA YANG SANGS RGYAS KYI YUL LA THE TSOM ZA BA KUN DU MI 'BYUNG BA DANG GDON MI ZA BAR SPONG BAR 'GYUR RO, ,DE'I PHYIR GANG ZHIG SDUG BSNGAL LA NEM NUR MED CING THE TSOM MED PA DE NI SANGS RGYAS LA YANG ZHES GSUNGS PAR DGONGS PA YIN NO, ,DE DAG NI SA DRUG PA'O ZHES SNGAR BSHAD ZIN TO ZHES BYA BA NI, MI LCOGS PA MED PA DANG KHYAD PAR BSAM GTAN SA BA'O ZHES 'BYUNG BA'I PHYIR RO, ,BAR CHAD BYA BAR MI NUS PA'I PHYIR ZHES BYA BA LA BAR CHAD BYA BAR NUS PA NI BAR CHAD DO, ,BAR CHAD MED PAS NA BAR CHAD MED PA'O, ,DE DAG GIS NYON MONGS PA'I THOB PA RNAM PAR GCOD DE DE DAG GI GNAS SKABS DE NI RING BA YIN PAR 'DOD DO, ,BAR CHAD MED PA'I LAM ZHES BYA BA LA, BAR CHAD MED PA NI BAR CHAD MED PA'I NGO BO 'AM BAR CHAD MED PA'I LAM MO, ,DE'I LAM NI BAR CHAD MED PA'I LAM MO, ,RNAM PAR GROL BA'I LAM ZHES BYA BA NI RNAM PAR GROL BA'I LAM NI RNAM PAR GROL BA'I LAM STE, NYON MONGS PA LAS RNAM PAR GROL BA'I GNAS SKABS KYI LAM MO ZHES BYA BA'I THA TSIG GO, ,GNYIS KYIS RKUN PO 'BYIN PA DANG, SGO GCOD PA BZHIN NO ZHES BYA BA NI DPER NA GNYIS LAS GCIG GIS NI RKUN PO @178B PHYIR 'BYIN PAR BYED LA, GNYIS PAS NI DE NANG DU MI SHOR BAR BYA BA'I PHYIR SGO GCOD PA DE BZHIN DU, BAR CHAD MED PA'I LAM GYIS NI NYON MONGS PA'I CHOM RKUN DE'I THOB PA GCOD PA'I SGO NAS 'BYIN PAR BYED LA, RNAM PAR GROL BA'I LAM GYIS NI BRAL BA'I THOB PA DA LTAR DU BYED PA'I SGO NAS SGO GCOD PAR BYED DO, ,GAL TE ZHES BYA BA RGYAS PAR 'BYUNG BA NI GAL TE BAR CHAD MED PA'I LAM GNYIS PA SDUG BSNGAL BA LA RJES SU SHES PA'I BZOD PA KHO NA BRAL BA'I THOB PA LHAN CIG SPYI'I SDUG BSNGAL LA CHOS SHES PA NI MI SKYE BA KHO NA STE, 'DIS BYA DGOS PA GANG YIN PA DE NI SDUG BSNGAL LA RJES SU SHES PA'I BZOD PA KHO NAS BYED PAR 'GYUR NA ZHES BSAMS PA YIN NO, ,DMIGS PA DE KHO NA LA THE TSOM SPANGS PA'I SHES PA ZHES BYA BA NI DMIGS PA 'DOD PA NA SPYOD PA'I SDUG BSNGAL DE KHO NA LA THE TSOM SPANGS PA'I SHES PA SKYE BAR MI 'GYUR RO, ,SDUG BSNGAL DE LA CHOS SHES PA'I BZOD PA NI THE TSOM DANG BCAS PA KHO NAR 'JUG STE, THE TSOM MA SPANGS PA'I PHYIR RO, ,SDUG BSNGAL DE LA RJES SU SHES PA'I BZOD PA THE TSOM SPANGS PA YIN NO ZHES BYA BAR RNAM PAR GZHAG PAR YANG MI NUS TE DE'I YUL MA YIN PA'I PHYIR RO, ,GAL TE BZOD PA RNAMS KYIS ZHES BYA BA RGYAS PAR 'BYUNG BA NI GAL TE BZOD PA RNAMS KYIS NYON MONGS PA SPONG BA'I PHYIR BSTAN BCOS LA KUN DU SBYOR BA'I RIS DGU STE, SDUG BSNGAL LA CHOS SHES PAS SPANG BAR BYA BA'I KUN DU SBYOR BA'I RIS DANG, KUN 'BYUNG BA LA CHOS SHES PAS SPANG BAR BYA BA DANG, 'GOG PA LA CHOS SHES PAS SPANG BAR BYA BA DANG, LAM LA CHOS SHES PAS SPANG BAR BYA BA DANG SDUG BSNGAL LA RJES SU SHES PAS SPANG BAR BYA BA DANG, KUN 'BYUNG BA LA RJES SU SHES PAS SPANG BAR BYA BA DANG, 'GOG PA LA RJES SU SHES PAS SPANG BAR BYA BA DANG, LAM LA RJES SU SHES PAS SPANG BAR BYA BA DANG, BSGOM PAS SPANG BAR BYA BA'I KUN DU SBYOR BA'I RIS SO ZHES 'BYUNG BA DANG, MDO LAS DGE SLONG DAG DE LTA NA[?] NYON MONGS PA RNAMS NI SHES PAS GZHOM PAR BYA BA YIN NO, ,SEMS NI GLOG LTA BU'O ZHES 'BYUNG BA GANG YIN PA DE DANG YANG 'GAL TE, DE LAS NI BZOD PAS SPANG BAR BYA BA'I KUN DU SBYOR BA'I RIS MA BSHAD DO ZHE NA MA YIN TE, BZOD PA RNAMS NI ZHES BYA BA RGYAS PAR SMOS TE, @179A *, ,DE NI DE LTA MA YIN NO, ,CI'I PHYIR ZHE NA, BZOD PA RNAMS NI SHES PA'I 'KHOR YIN PA'I PHYIR TE, BZOD PA RNAMS NI SHES PA'I 'KHOR YIN NO, ,DE'I PHYIR BZOD PAS SPANG BAR BYA BA'I KUN DU SBYOR BA'I RIS LA SHES PAS SPANG BAR BYA BA ZHES BRJOD DE, RGYAL POS BYAS SO ZHES THA SNYAD 'DOGS PA BZHIN NO DPER NA RGYAL PO'I 'KHOR GYIS BYAS PA'I DON 'GA' ZHIG LA RGYAL[?] POS BYAS SO ZHES THA SNYAD 'DOGS PA DE DANG 'DRA'O, ,BSGOM PAS SPANG BAR BYA BA'I KUN DU SBYOR BA'I RIS NI SHES PAS SPANG BAR BYA BA KHO NA YIN TE, DE LA NI BAR CHAD MED PA'I LAM YANG SHES PA'I NGO BO NYID YIN PAS SO, , NYON MONGS PA SPANG BAR BYA BA LA NI BAR CHAD MED PA'I LAM KHO NA KHYAD PAR DU GTOGS PA YIN NO, ,BDEN PA MA MTHONG BA MTHONG BA'I PHYIR RO ZHES BYA BA SHES PA'I TSE JI LTAR BDEN PA MA MTHONG BA MTHONG BA YIN ZHE NA, DE YANG BDEN PA GZHAN MA MTHONG BA'I TSE NA YOD PAS MTHONG BA'I LAM GYI BAR NA YOD PA'I SHES PA MTHONG BA'I LAM YIN TE, BRGYUD PA LA BSAMS NAS DES KYANG MTHONG BA MTHONG BA YIN NO, ,YANG NA MA MTHONG BAS MA MTHONG BA MTHONG BA'I PHYIR SKAD CIG MA BCO LNGA NI MTHONG BA'I LAM YIN TE, JI SRID DU GANG ZAG 'DI'I MA MTHONG BA MTHONG BA 'JUG PA DE SRID DU 'DI'I SKAD CIG MA RNAMS MTHONG BA'I LAM YIN NO, ,'DIS SDUG BSNGAL MTHONG YANG 'DI LA KUN 'BYUNG BA LA MA MTHONG BA MTHONG BA 'JUG PA KHO NA'O ZHES BYA BA LA SOGS PA YIN NO, ,SKAD CIG MA BCU DRUG PA NI BSGOM PA'I LAM KHO NA YIN NO ZHES BYA BAR TSIG KHONG NAS DRANG NGO, ,DES KYANG MA MTHONG BA MTHONG BA MA YIN NAM ZHES BYA BA NI CI ZHIG MA MTHONG ZHE NA, LAM LA RJES SU SHES PA'I BZOD PA ZHES BYA BA SMOS TE, LAM LA RJES SU SHES PA'I BZOD PA NI BDAG NYID MA GTOGS PA LHAG MA RJES SU SHES PA'I PHYOGS DANG MTHUN PA'I LAM LA DMIGS PAR BYED DE, RANG LA BDAG NYID BYED PA NI 'GAL BA'I PHYIR RO, ,DE'I PHYIR LAM LA RJES SU SHES PA'I BZOD PA MA MTHONG BA MTHONG ZHES BYA'O, ,BDEN PA'I PHYIR BSAM GYI ZHES BYA BA RGYAS PAR 'BYUNG BA NI BDEN PA LA MTHONG NGAM MA MTHONG ZHES BSAM GYI SKAD CIG MA MTHONG NGAM 'ON TE MA MTHONG ZHES BYA BA NI MA YIN NO, ,CI'I PHYIR ZHE NA, SKAD @179B CIG MA BCO LNGA PAS RJES SU SHES PA'I PHYOGS DANG MTHUN PA'I MTSAN NYID KYIS BDEN PA MTHONG BA GANG YIN PA DE KHO NA BCU DRUG PAS KYANG MTHONG BAS BDEN PA SNGON MA MTHONG BA MTHONG BA MED PA'I PHYIR SKAD CIG MA BCU DRUG PA MTHONG BA'I LAM ZHES BYA BA RNAM PAR MI GZHAG GO, ,LAM LA RJES SU SHES PA'I BZOD PA'I MTSAN NYID KYI SKAD CIG MA GCIG MA MTHONG BAS NI LAM GYI BDEN PA STE MA MTHONG BA MA YIN NO, ,'JIG RTEN PA'I DPE BSTAN PAR SMRAS PA, DPER NA NYAG MA GCIG MA BRNGAS PAS TE, ZOR BAS 'BRU'I NYAG MA GCIG MA BRNGAS SHING MA BCAD PA ZHING MA BRDAS PA MA YIN PA BZHIN NO, , 'O NA CI ZHE NA, BRNGAS PA KHO NA YIN NO ZHES BYA BA'I THA TSIG STE, 'DI LTAR BAG MED PAR GYUR BAS ZHING LA NYAG MA GCIG CIG MA BRNGAS KYANG 'DI SKAD DU BDAG CAG GIS ZHING BRNGAS SO ZHES ZER BA LTA BU'O, ,'BRAS BU YIN PA'I PHYIR DANG ZHES BYA BA RGYAS PAR 'BYUNG BA NI, 'BRAS BU YIN PA'I PHYIR ZHES BYA BA LA SOGS PA'I GTAN TSIGS KYIS SKAD CIG MA BCU DRUG PA BSGOM PA'I LAM KHO NA YIN PAR SGRUB PAR BYED DO, ,SKAD CIG MA BCU DRUG PA NI BSGOM PA'I LAM YIN TE, 'DUS BYAS KYI DGE SBYONG GI TSUL GYI 'BRAS BU YIN PA'I PHYIR LAN CIG PHYIR 'ONG BA'I 'BRAS BU'AM, DGRA BCOM PA NYID KYI 'BRAS BU'I BAR LTA BU'O, ,DE BZHIN DU SHES PA BRGYAD DANG RNAM PA BCU DRUG THOB PA'I PHYIR DANG, ZHUGS PA'I LAM RNAM PAR NYAMS PA'I PHYIR DANG, RGYUN CHAGS PA YIN PA'I PHYIR BSGOM PA'I LAM KHO NA YIN TE, 'BRAS BU GZHAN BZHIN NO, ,SKAD CIG MA BCU DRUG PA LA NI SDUG BSNGAL LA CHOS SHES PA NAS LAM LA RJES SU SHES PA'I BAR SHES PA BRGYAD KYANG 'THOB LA, MI RTAG PA LA SOGS PA'I RNAM PA BCU DRUG KYANG 'THOB BO, ,MTHONG BA'I LAM LA NI DE KHO NA BZHIN DU SHES PA BRGYAD DANG, RNAM PA BCU DRUG 'THOB PA MED DE, MTHONG BA LA NI BZOD PA DANG, ,SHES PA JI LTAR SKYES PA RNAMS, ,MA 'ONGS PA THOB CES 'BYUNG BA'I PHYIR DE LA NI SHES PA DANG RNAM PA SKAL BA MNYAM PA KHO NA 'THOB BO, ,LAM LA RJES SU SHES PA LA NI LAM SNGA MA STE, ZHUGS PA'I LAM RNAM PAR NYAMS PA YIN GYI MTHONG BA'I LAM GYIS NI LAM SNGA MA RNAM PAR NYAMS PA MA YIN NO, ,LAM @180A *, ,LA RJES SU SHES PA 'DI NI RGYUN CHAGS PA YIN GYI, MTHONG BA'I LAM LA NI BZOD PA'AM SHES PA 'ANG RUNG RGYUN CHAGS PA CHUNG ZAD KYANG MED DE DE'I PHYIR LAM LA RJES SU SHES PA NI BSGOM PA'I LAM YIN NO, ,'DOD CHAGS DANG BRAL BA PHYIR RGOL BAR BYED DE, SKAD CIG MA BCU DRUG PA NI MTHONG BA'I LAM YIN TE, GDON MI ZA BAR YONGS SU MI NYAMS PA'I PHYIR SDUG BSNGAL LA CHOS SHES PA'I BZOD PA LA SOGS PA BZHIN NO, ,YANG NA PHYOGS SNGA MA SUN 'BYIN PAR BYED DE, PHYOGS 'DI NI RJES SU DPAG PAS 'ONGS PA'I CHOS KYI RANG GI NGO BO LAS BZLOG BAS SKYON CHAGS PA YIN TE, BSGOM PA'I LAM NYID DU BSGRUB PAR BYA BA YIN NO, ,YANG DE'I YONGS SU MI NYAMS PA NYID KYI RJES SU DPAG PAS BSAL BA YIN NO ZHE NA, DE LTA BAS NA RGOL BA 'DI'I DOGS PA BSU BAR YONGS SU MI NYAMS PA NI ZHES BYA BA RGYAS PAR SMOS TE, 'DI LTAR MTHONG BAS SPANG BAR BYA BA'I NYON MONGS PA RNAMS KYIS SPANGS PA LAM LA RJES SU SHES PA RTEN GYI GNYEN POS YANG DAG PAR 'DZIN TO, ,GAL TE YANG 'BRAS BU'I LAM SKAD CIG MA BCU DRUG PA DE LAS YONGS SU NYAMS PAR 'GYUR NA NI, RGYUN DU ZHUGS PA'I 'BRAS BU LAS YONGS SU NYAMS PAR 'GYUR BA ZHIG NA, RGYUN DU ZHUGS PA'I 'BRAS BU LAS NI YONGS SU NYAMS PA YANG MED DE, DE'I PHYIR DE LAS YONGS SU NYAMS PAR MI 'GYUR RO, ,PHA ROL POS DE NYID KYI PHYIR ZHES BYA BA SMOS SO, ,DE CI ZHIG CE NA, YONGS SU MI NYAMS PA'I GTAN TSIGS KHO NA SMRA BA YIN, KHO BO CAG KYANG DON 'DI SMRA NA DMIGS PAR 'DRA BA LAS CI STE 'DI LAN DU RJOD PAR BYED CE NA, SLOB DPON GYIS GAL TE DE NYID KYI PHYIR MTHONG BA'I LAM YIN NO ZHE NA ZHES BYA BA SMOS TE, GAL TE GANG GI PHYIR MTHONG BAS SPANG BAR BYA BA'I SPANGS PA LAM LA RJES SU SHES PAS 'DZIN PA DE NYID KYI PHYIR MTHONG BA'I LAM YIN NO SNYAM DU SEMS NA MA YIN TE, HA CANG THAL BAR 'GYUR BA'I PHYIR RO, ,GAL TE LAM LA RJES SU SHES PAS MTHONG BAS SPANG BAR BYA BA'I SPANGS PA YANG DAG PAR 'DZIN PAS DE'I PHYIR MTHONG BA'I LAM DU GYUR NA, DE LTA YIN NA NI HA CANG THAL BAR 'GYUR TE, 'DI LTAR LAM LA RJES SU SHES PA PHAN @180B CHAD KYI BSGOM PA'I LAM THAMS CAD KYIS MTHONG BAS SPANG BAR BYA BA'I SPANGS PA YANG DAG PAR 'DZIN PAS THAMS CAD MTHONG BA'I LAM KHO NAR 'GYUR BA ZHIG NA, DE YANG 'DOD PA MA YIN TE, KHYED NI SKAD CIG MA BCU DRUG KHO NA MTHONG BA'I LAM YIN PAR 'DOD KYI, RGYUN CHAGS PA'I TSUL GYIS 'BYUNG BA SKAD CIG MA BCU BDUN PA DANG BCO BRGYAD PA ZHES BYA BA LA SOGS PA 'AM, NYI MA GNYIS PA 'AM, GSUM PA LA DE DANG RIGS MTHUN PA KHYAD PAR GYI LAM GYIS BSDUS PA GANG YIN PA DE NI MA YIN TE, DE'I PHYIR YANG YONGS SU NYAMS PA MED DO, ,DE LTA MA YIN NA GTAN TSIGS GDON MI ZA BAR YONGS SU MI NYAMS PA NYID GANG YIN PA DE MA NGES PA YIN NO ZHES BSTAN PAR 'GYUR RO, ,DE MA NGES PA YIN PA'I PHYIR DE NI PHYIR SGRUB PA YANG MA YIN LA, PHYOGS SNGA MA SUN 'BYIN PA YANG MA YIN NO ZHES BSTAN TO, ,SMRAS PA, CI'I PHYIR SDUG BSNGAL LA CHOS SHES PA NAS LAM LA CHOS SHES PA'I BAR SHES PA BDUN MTHONG BA'I LAM YIN ZHE NA ZHES BYA BA NI BRGYAD PA LAM LA RJES SU SHES PA NI MA YIN NO SNYAM DU SEMS PA YIN NO, ,MTHONG BA MA RDZOGS PA'I PHYIR ZHES BYA BA NI LAM LA RJES SU SHES PA'I BZOD PA LA MTHONG BA RDZOGS PA YIN TE, DE'I TSE BDEN PA THAMS CAD MTHONG BA'I PHYIR RO, ,SDUG BSNGAL LA CHOS SHES PA SKYES PA'I TSE NA 'DOD PA NA SPYOD PA'I SDUG BSNGAL MTHONG MOD KYI RE ZHIG GZUGS DANG GZUGS MED PA NA SPYOD PA'I SDUG BSNGAL LA SOGS PA NI MA MTHONG NGO, ,DE BZHIN DU LAM LA CHOS SHES PA SKYES PA'I BAR DU RE ZHIG GZUGS DANG GZUGS MED PA'I GNYEN PO MA MTHONG BAS MTHONG BA DE LHAG MA DANG BCAS PA YIN TE, MA RDZOGS PAS DE'I BAR MAR GYUR BA'I PHYIR TE, MTHONG BA'I LAM GYI BAR MAR GYUR PA'I PHYIR RAM BZOD PA DE GNYIS KYI BAR MAR GYUR PA'I PHYIR DE DAG KYANG MTHONG BA'I LAM YIN NO, ,RNAL 'BYOR PA DE BLTA BAR BYA BA LHAG MA LA 'DOD PA DANG BCAS PA'I PHYIR RO SNYAM DU BSAMS PA YIN NO, ,SNGON GZHAN GYI DRING GIS TE GZHAN GYI LUNG GIS DON GYI RJES SU 'BRANG BA'I PHYIR TE, SDUG BSNGAL LA SOGS PA'I BDEN PA RTOGS PA'I PHYIR RO ZHES BYA BA'I THA TSIG GO, ,SNGON ZHES BYA BA'I @181A *, ,KHYAD PAR SMOS PA NI BSGOM PA'I TSE NI GZHAN GYI LUNG LA MI LTOS PAS DON GYI RJES SU 'BRANG NGO ZHES BSTAN PA YIN NO, ,CHOS KYI RJES SU 'BRANG BA YANG DE DANG 'DRA STE ZHES BYA BA NI CHOS DAG GI RJES SU 'BRANG BAS NA CHOS KYI RJES SU 'BRANG BA'O, ,DE 'DI LA YOD PAS SAM 'DI CHOS KYI RJES SU 'BRANG BA'I NGANG TSUL CAN YIN PAS NA CHOS KYI RJES SU 'BRANG BA'O, ,SNGON BDAG NYID KHO NAS MDO LA SOGS PA GSUNG RAB KYI YAN LAG BCU GNYIS KYI CHOS KYI DON GYI RJES SU 'BRANG BA'I PHYIR TE, SNGA MA BZHIN DU RNAM PAR BSHAD DO, ,RNAM PA LNGA'I BAR DU SPANGS PA ZHIG YIN NA YANG ZHES BYA BA LA, BAR DU ZHES BYA BA'I SGRAS NI GAL TE RNAM PA GCIG GAM, GNYIS SAM, GSUM MAM, BZHI 'AM, LNGA SPANGS PA ZHIG YIN NA YANG JI LTAR 'CHING BA MTHA' DAG DANG LDAN PA DE KHO NA BZHIN DU DANG PO'I 'BRAS BU LA ZHUGS PA DAG CES BYA'O, ,GNYIS PA LA DGU PA TSUN CHAD ZAD PA YIN ZHES BYA BA LA, GNYIS PA LA ZHES BYA BA NI GNYIS PA'I PHYIR ZHES BYA BA'I THA TSIG STE, DPER NA PAGS PA'I PHYIR GUNG GSOD DO ZHES BYA BA LTA BU'O, ,DGU PA TSUN CHAD ZAD PA YIN ZHES BYA BA NI RNAM PA DGU SPANGS PA MAN CHAD DE DON GYIS NA RNAM PA DGU SPANGS PA MA GTOGS PA ZHES BSHAD DO, ,GAL TE GANG ZAG DE GNYIS KYIS RNAM PA LNGA PA SPANGS PA DE YAN CHAD RNAM PA DRUG GAM BDUN NAM BRGYAD CIG SNGON 'JIG RTEN PA'I LAM GYIS SPANGS PA YIN NA NI DE GNYIS 'BRAS BU GNYIS PA LA ZHUGS PA ZHES BYA STE, GNYIS PA LA ZHES 'BYUNG BA'I PHYIR DANG, ZHUGS PA DAG CES BYA BA'I SKABS KYANG YIN PA'I PHYIR TSIG GI DON DE LTAR RNAM PAR GZHAG PAR 'GYUR RO, ,YANG NA GONG MA LAS ZHES BYA BA NI BSAM GTAN DANG PO LAS 'DOD CHAGS DANG BRAL BA NAS CI YANG MED PA'I SKYE MCHED KYI BAR LAS 'DOD CHAGS DANG BRAL BA DAG GO, ,DGRA BCOM PA NYID NI DANG PO NYID DU THOB PAR MI NUS ZHES BYA BA NI PHYIR MI 'ONG BA'I 'BRAS BU MA THOB PAR DANG PO KHO NAR DGRA BCOM PA NYID THOB PAR NI MI NUS SO, ,CI'I PHYIR ZHE NA, MTHONG BA'I LAM GYIS BSGOM PAS SPANG BAR BYA BA MI SPONG BA'I PHYIR ZHES BYA BA SMOS TE, GANG GIS NA MTHONG BA'I LAM GYI NGO BO NYID KYIS SKAD CIG MA BCO LNGA LA GNAS PA 'BRAS @181B BU GSUM PA LA ZHUGS PA'I SNGON ROL DU DGRA BCOM PA NYID KYI 'BRAS BU MNGON DU BYA BA'I PHYIR ZHUGS PAR 'GYUR ZHING SEMS BCU DRUG PA SKYES NA PHYIR MI 'ONG BA'I SNGON ROL[?] DU DGRA BCOM PAR 'GYUR BA, SRID PA'I RTZE MO PA'I BSGOM PAS SPANG BAR BYA BA SPANGS PA NI MED DO, ,DGRA BCOM PA NYID NI SRID PA'I RTZE MO BSGOM PAS SPANG BAR BYA BA SPANGS PA LA RNAM PAR GZHAG GO, ,SMRAS PA, GAL TE MTHONG BA'I LAM GYIS SRID PA'I RTZE MO PA'I BSGOM PAS SPANG BAR BYA BA RNAMS SPONG BA MED PAS DE'I PHYIR DGRA BCOM PA NYID THOB PAR MI NUS NA, 'O NA NI DANG PO SO SO'I SKYE BO GNAS SKABS KHO NA NA BSGOM PA'I LAM GYIS SRID PA'I RTZE MO LAS 'DOD CHAGS DANG BRAL BA'I PHYIR DE DAG LA GNAS PA DGRA BCOM PA NYID KYI 'BRAS BU MNGON DU BYA BA'I PHYIR ZHUGS PA YIN PAR 'GYUR LA, SEMS KYI SKAD CIG MA BCU DRUG PA LA NI DANG PO DGRA BCOM PA NYID YIN NO ZHE NA DE'I PHYIR SNGAR YANG SRID PA'I RTZE MO LAS 'DOD CHAGS DANG BRAL BA MI SRID PA'I PHYIR RO ZHES BYA BA SMOS TE, SNGON SO SO'I SKYE BO'I GNAS SKABS NA NI 'JIG RTEN PA'I LAM GYIS SRID PA'I RTZE MO LAS 'DOD CHAGS DANG 'BRAL BA MI SRID DE, GONG NA SA MED PA'I PHYIR RO, ,DE LTA BAS NA DANG PO NYID DU DGRA BCOM PA NYID LA ZHUGS PA DANG DGRA BCOM PAR RNAM PAR MA BZHAG GO, ,DAD PA DANG SHES RAB LHAG PAS MOS PA DANG MTHONG BAS RAB TU PHYE BA'I PHYIR RO ZHES BYA BA NI DAD PA LHAG PAS MOS PAS RAB TU PHYE BA'I PHYIR DAD PAS MOS PA STE, DAD PA LHAG PAS MOS PA'I PHYIR RO, ,DE LA SHES RAB MED PA NI MA YIN MOD KYI DES RAB TU MA PHYE BAS DE'I MING MI 'GRUB BO, ,SHES RAB LHAG PAS LTA BAS RAB TU PHYE BA'I PHYIR MTHONG BAS THOB PA STE, DE LA DAD PA MED PA NI MA YIN MOD KYI ZHES BYA BA SNGA MA BZHIN DU BRJOD PAR BYA'O, ,GZHAN DAG NI NGES PA'I TSIG GI TSUL LA DMIGS NAS RNAM PAR 'CHAD PAR BYED DE, DAD PA'I DBANG GIS MTHONG BAS SPANG BAR BYA BA DAG LAS GROL BAS NA DAD PA'I DBANG GIS GROL BA YIN NO, ,LTA BA'I DBANG GIS 'BRAS BU THOB PAS NA MTHONG BAS THOB PA YIN NO ZHE'O, ,RNAM LNGA'I BAR BCOM ZHES BSHAD PA DE'I PHYIR, CI'I PHYIR ZHES BYA BA RGYAS PAR @182A *, ,'DRI BAR BYED DO, ,'BRAS BU KHYAD PAR CAN GYI LAM MI THOB BO ZHES BYA BA NI BSGOM BAS SPANG BAR BYA BA'I RNAM PA DANG PO LA SOGS PA'I GNYEN PO'I LAM MI BSGOM MO ZHES BYA BA'I THA TSIG GO, ,JI SRID KHYAD PAR DU BYA BA'I PHYIR 'BRAS BU GZHAN THOB PAR BYA BA LA MI BRTZON PA ZHES BYA BA NI JI SRID DU NYON MONGS PA MA SPANGS PA SPANG BA'I PHYIR 'BRAS BU GZHAN THOB PAR BYA BA'I CHED DU SBYOR BA GZHAN MI BYED PA DE SRID DU ZHUGS PA ZHES MI BYA'O, ,SHUGS KYIS NA GANG GI TSE RAB TU SBYOR BA DE'I TSE NI ZHUGS PA YIN NO ZHES BSHAD PAR 'GYUR TE, GRUB PA'I MTHA' LAS DE SNGON NYON MONGS PA SPANGS PA'I GNYEN PO SNGAR MA THOB PA DANG, DE'I SPANGS PA'I ZAG PA MED PA YANG SKYE'O ZHES 'BYUNG BAS SO, ,DE BZHIN DU 'BRAS BU GZHAN LA YANG SBYAR BAR BYA'O ZHES BYA BA NI SEMS KYI SKAD CIG MA BCU DRUG PA LA RGYUN DU ZHUGS PA KHO NA YIN NO ZHES 'BYUNG BAS RGYUN DU ZHUGS PA BSHAD ZIN TO, ,DE'I PHYIR GZHAN LAN CIG PHYIR 'ONG BA'I 'BRAS BU DANG PHYIR MI 'ONG BA'I 'BRAS BU LA YANG RIG PAR BYA STE, 'JIG RTEN PA'I LAM GYIS RNAM PA DRUG SPANGS KYANG SEMS BCU DRUG PA LA LAN CIG PHYIR 'ONG BA KHO NA'O ZHES BYA'O[?], PHYIR MI 'ONG BA'I 'BRAS BU LA ZHUGS PA NI MA YIN TE, GANG GI PHYIR, 'BRAS THOB 'BRAS BU KHYAD PAR GYI, ,LAM THOB MED PAS ZHES 'BYUNG BA'I PHYIR RO, ,DE BZHIN DU 'DOD PA'AM YANG NA GONG MA LAS 'DOD CHAGS DANG BRAL BA YANG SEMS BCU DRUG PA LA DGRA BCOM PA NYID KYI 'BRAS BU LA ZHUGS PA ZHES MI BYA STE, GANG GI PHYIR, 'BRAS THOB 'BRAS BU KHYAD PAR GYI, ,ZHES BYA BA SNGA MA BZHIN NO, ,GANG ZHIG BSAM GTAN GSUM PA LAS 'DOD CHAGS DANG BRAL BA[?] ZHES BYA BA RGYAS PAR 'BYUNG BA NI BSAM GTAN GSUM PA LAS 'DOD CHAGS DANG BRAL BA ZHIG SA 'OG MA LA BRTEN TE, MI LCOGS PA MED PA DANG, BSAM GTAN KHYAD PAR CAN NAM, BSAM GTAN DANG PO 'AM, GNYIS PA LA BRTEN TE NGES PAR 'JUG PA ZHES BYA BA NI SRID PA YOD DE, DE NI GDON MI ZA BAR GANG LAS BSAM GTAN GSUM PAS BSDUS PA'I ZAG PA MED PA'I BDE BA'I DBANG PO THOB PAR 'GYUR BA 'BRAS BU KHYAD PAR CAN GYI LAM BSAM GTAN GSUM PAS BSDUS PA MNGON @182B DU BYED DO, ,'DIS 'BRAS BU KHYAD PAR CAN GYI LAM MNGON DU BYED PAR 'GYUR BA GANG YIN PA DE NI SRID PA YOD DE, 'DI LTAR NA 'DIS BSAM GTAN GSUM PA'I SA PA'I NYON MONGS PA SPANGS PAS SO, ,DE'I PHYIR GDON MI ZA BAR 'BRAS BU KHYAD PAR CAN GYI LAM MNGON DU BYED DO ZHES BYA BAR NGES PAR BYED PA YIN NO, ,DE LTA MA YIN NA ZHES BYA BA NI GAL TE MNGON DU MI BYED NA ZHES BYA BA'I THA TSIG GO, ,DE'I GONG DU SKYES PA DE ZHES BYA BA NI 'PHAGS PA STE, BSAM GTAN GSUM PA DE'I GONG BSAM GTAN BZHI PA'AM, GZUGS MED PA DAG TU SKYES PA BDE BA'I DBANG PO DANG MI LDAN PAR 'GYUR RO, , ZAG PA DANG BCAS PA'I BDE BA'I DBANG PO GANG YIN PA DE NI SA 'PHOS NAS GTONG NGO, ,ZAG PA MED PA GANG YIN PA DE YANG GAL TE MNGON SUM DU MA BYAS PAR GYUR NA BDE BA'I DBANG PO GNYI GA DANG YANG MI LDAN PAR 'GYUR BA ZHIG NA BDE BA'I DBANG PO DANG NI BSAM GTAN BZHI PA DANG, GZUGS MED PAR SKYES PA'I SO SO'I SKYE BO MI LDAN GYI 'PHAGS PA NI LDAN NO ZHES 'BYUNG BA'I PHYIR DANG GANG ZHIG YID BDE BA'I DBANG PO DANG LDAN PA DE NI GDON MI ZA BAR BTANG SNYOMS DANG, SROG DANG, YID DANG, BDE BA DANG, YID BDE BA ZHES BYA BA LNGA DANG LDAN NO ZHES BYA BA LA SOGS PA 'BYUNG BA'I PHYIR GONG DU SKYES PA'I 'PHAGS PA YANG GDON MI ZA BAR BDE BA'I DBANG PO DANG YANG LDAN PAR BSHAD DO, ,'DIR SMRAS PA, PHYOGS 'DI NI RNAM PAR BSHAD PA'I NANG DU BRIS PA YOD MOD KYI, DE NI GZHAG PA'I PHYOGS MA YIN PAR MNGON TE, GZHAN DAG NA RE NI ZHES 'BYUNG BA'I PHYIR RO, ,BSAM GTAN BZHI PA THOB PA GANG ZHIG SA DRUG LAS GANG YANG RUNG BA ZHIG LA BRTEN TE NGES PAR 'JUG PA DE NI SEMS BCU DRUG PA LA PHYIR MI 'ONG BA'I 'BRAS BU MI LCOGS PA MED PA'I SA PA NAS BSAM GTAN BZHI PA'I SA PA'I BAR SA DRUG PA DANG LDAN PA YIN TE, DE LTAR 'DOD CHAGS DANG BRAL BA'I PHYIR RO, ,GANG ZHIG BSAM GTAN GSUM PA THOB PA DE NI BSAM GTAN BZHI PA'I SA PA MA GTOGS PA SA LNGA PA DANG LDAN NO, ,BSAM GTAN GNYIS PA THOB LA GSUM PA MA THOB PA DE NI GSUM PA DANG, BZHI PA'I SA PA MA GTOGS PA BZHI PA DANG LDAN NO, ,'DOD CHAGS DANG BRAL BA BSAM GTAN DANG PO THOB LA GNYIS PA MA THOB @183A *, ,PA GANG YIN PA DE NI GAL TE PHYIR MI 'ONG BA'I 'BRAS BU THOB NA DE PHYIR MI 'ONG BA'I 'BRAS BU MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG PO'I SA PA STE, SA GSUM DANG LDAN NO, ,PHYIR MI 'ONG BA THAMS CAD KYI THA SHAL BA[?] YANG GDON MI ZA BAR DE LTAR PHYIR MI 'ONG BA'I 'BRAS BU SA GSUM PA DANG LDAN NO ZHES BRJOD DO, ,DE LTA BAS NA SLOB DPON GYIS GZHAN GYI PHYOGS LA LTOS PAS DE SKAD DU BSHAD PAS RIGS PA YIN NO, ,RE ZHIG PHAL CHER LAS DANG 'DOD PA LAS 'DOD CHAGS DANG BRAL BA RNAMS KYI ZHES BYA BA NI PHAL CHER LAS 'DOD CHAGS DANG BRAL BA RNAMS DANG, 'DOD PA LAS 'DOD CHAGS BRAL BA RNAMS KYI STE, DE LA PHAL CHER LAS 'DOD CHAGS DANG BRAL BA NI GANG GIS SNGAR RNAM PA BDUN NAM BRGYAD SPANGS PA YIN NO, ,GANG GI SA SNGAR RNAM PA DGU SPANGS PA DE NI 'DOD PA LAS 'DOD CHAGS DANG BRAL BA YIN NO, ,PHAL CHER LAS 'DOD CHAGS DANG BRAL BA RNAMS KYI GANG ZAG RNAM PAR GZHAG PA NI GNYIS PA LA, DGU PA TSUN CHAD ZAD PA YIN, ,ZHES 'BYUNG BA'I PHYIR RO, ,'DOD PA LAS 'DOD CHAGS DANG BRAL BA RNAMS KYI NI, 'DOD PA 'AM YANG NA GONG MA LAS CHAGS BRAL ZHES 'BYUNG BA'I PHYIR RO, ,JI LTAR 'DOD PA'I KHAMS KYI ZHES BYA BA NI, RNAM LNGA'I BAR BCOM GNYIS PA LA, ,DGU PA TSUN CHAD ZAD PA YIN, ,'DOD PA'AM YANG NA GONG MA LAS, ,CHAGS BRAL ZHES 'BYUNG BA'I 'DOD PA'I KHAMS KYI NYON MONGS PA RNAM PA DGU PA BSTAN PA LTAR RO, ,GOS LAS ZHES BYA BA NI BGO BA LAS SO, ,'DI NI DPE'I RNAM PA YIN NO ZHES BYA BA NI DPE'I TSUL YIN NO, ,GZHAN DAG NA RE DPE'I RNAM PA ZHES BYA BA NI DPE'I RNAM PA YIN NO ZHES ZER TE, DE LTAR TSUL 'DIS SAM RNAM PA 'DIS DPE GZHAN YANG BRJOD PAR BYA'O ZHES STON PAR BYED DO, ,DE LTA MA YIN NA 'DI NI DPE YIN NO ZHES DE SKAD DU BRJOD PAR 'GYUR RO, ,'KHOR BA THOG MA MED PA ZHES BYA BA NI 'KHOR BA THOG MA MED PA NA STE, BRGYUD PAS SPEL BA NI MNGON PAR SPEL BA'O, ,DE DAG LA BDAG NYID KYIS TSAD CHEN PO YOD PAS NA CHEN PO'O, ,NYON MONGS PA DE RNAMS @183B THOB PA GCOD PA'I SGO NAS RTZA BA NAS MED PAR BYED PA'I PHYIR RO, ,THOB PA RNAMS NI RTZA BA DANG CHOS MTHUN PA YIN TE, DE LAS NYON MONGS PA RNAMS RGYUN CHAGS PA'I PHYIR RO, ,SMAN TRI BRID THUN GCIG GIS 'BYIN PA LTA BU ZHES BYA BA NI, DPER NA, SMAN TRI BRID SRANG LA BCAL BA'I ZHO GCIG GIS RLUNG LAS GYUR PA DANG, MKHRIS PA LAS GYUR PA LA SOGS PA YUN RING MO NAS BSAGS PA'I SKYON RNAMS SEL BA DE BZHIN DU 'PHAGS PA'I LAM CHUNG NGUS KYANG NYON MONGS PA RNAMS DE DANG 'DRA'O, ,YANG DPER NA MAR ME SKAD CIG MA CHUNG NGUS MUN PA CHEN PO 'JOMS PA LTAR NYON MONGS PA RNAMS KYANG DE DANG 'DRA'O, ,DE MCHOG TU THOGS NA SRID PA LAN BDUN ZHES BYA BA NI DE RAB TU THOGS NA SRID PA LAN BDUN DU ZAD KYI PHAN CHAD NI MA YIN NO ZHES BYA BA'I THA TSIG GO, ,DE NAS DER 'GRO BA'I PHYIR RO ZHES BYA BA NI LAM DE LAS MYA NGAN LAS 'DAS PAR 'GRO BA'I PHYIR RO ZHES BYA BA'I DON TE, 'JIG RTEN NA YANG RGYUN GYI NANG NAS 'GRO BA'I PHYIR RO, ,GAL TE LAM DANG PO THOB PA'I PHYIR RO ZHE NA ZHES BYA BA LA, ZAG PA MED PA'I LAM DANG PO NI MTHONG BA'I LAM YIN TE, GAL TE DE THOB PA'I PHYIR RO ZHE NA, BRGYAD PA YANG RGYUN DU ZHUGS PA YIN PAR 'GYUR TE, RGYUN DU ZHUGS PA'I 'BRAS BU LA ZHUGS PA YANG YIN PAR 'GYUR RO ZHES BYA BA'I THA TSIG GO, ,'DI LTAR DGRA BCOM PA NAS BZUNG STE LUGS LAS BZLOG PA'I RIM GYIS BGRANG NA DGRA BCOM PA DANG, DGRA BCOM PA LA ZHUGS PA LA SOGS PA SKYES BU GANG ZAG BRGYAD KYI NANG NA RGYUN DU ZHUGS PA'I 'BRAS BU LA 'JUG PA DAD PAS RJES SU 'BRANG BA DANG, CHOS KYIS RJES SU 'BRANG BA BRGYAD PA YIN TE, DES KYANG LAM DANG PO THOB PA'I PHYIR DE YANG RGYUN DU ZHUGS PA YIN PAR 'GYUR RO, ,GAL TE 'BRAS BU DANG PO THOB PA'I PHYIR RO ZHE NA ZHES BYA BA NI, 'ON TE 'BRAS BU DANG PO THOB PA'I PHYIR RGYUN DU ZHUGS PA'O ZHES BYA BAR 'DOD NA NI PHAL CHER LAS 'DOD CHAGS DANG BRAL BA YANG YIN PAR 'GYUR TE, NYON MONGS PA RNAM PA DRUG SPANGS PA LA GNAS PA GANG ZHIG SKAD CIG MA BCU DRUG PA LA LAN CIG PHYIR 'ONG BA YIN PA DE YANG RGYUN DU ZHUGS PA YIN PAR 'GYUR TE, DES @184A *, ,KYANG SNGON MA THOB PA'I 'BRAS BU THOB PA'I PHYIR RO, ,DE BZHIN DU 'DOD PA LAS 'DOD CHAGS DANG BRAL BA YANG YIN PAR 'GYUR TE, DE'I 'BRAS BU DE NI DANG PO YIN PAS SO, ,DA NI LAN BRJOD PAR BYA STE, 'BRAS BU THAMS CAD 'THOB PA'I DBANG DU BYAS NAS 'BRAS BU DANG PO 'THOB PA'I PHYIR RO ZHES BYA BA SMOS SO, ,'BRAS BU THAMS CAD CES BYA BA NI RGYUN DU ZHUGS PA'I 'BRAS BU LA SOGS PA BZHI'O, ,'DI NI DE DAG 'THOB PA'I NGANG TSUL CAN YIN PAS 'BRAS BU 'THOB PA'AM, 'DI LA 'BRAS BU THAMS CAD 'THOB PA YOD PAS NA 'BRAS BU THAMS CAD 'THOB PA'O, ,DE'I DBANG DU BYAS NAS DE LAS BSAMS NAS 'BRAS BU DANG PO 'THOB PA'I PHYIR TE, SNGON MA THOB PA'I 'BRAS BU 'THOB PA'I PHYIR RGYUN DU ZHUGS PA ZHES BYA'O, ,CI'I PHYIR ZHES BYA BA RGYAS PAR 'BYUNG BA NI, CI'I PHYIR DE KHO NA LA RGYUN DU ZHUGS PA ZHES BYA'O, BRGYAD PA NI MA YIN TE, DE YANG 'PHAGS PA'I LAM GYI RGYUN LA NI ZHUGS SO ZHE NA, ZHUGS PA DANG 'BRAS BU'I LAM THOB PA'I PHYIR RO ZHES BYA BA RGYAS PAR SMOS TE, 'DI LTAR 'BRAS BU THAMS CAD 'THOB PA DES NI ZHUGS PA'I LAM SKAD CIG MA BCO LNGA'I NGO BO NYID KYANG THOB LA, BSGOM PA'I LAM SKAD CIG MA BCU DRUG GI MTSAN NYID KYANG THOB KYI, BRGYAD PAS NI ZHUGS PA'I LAM KHO NA THOB PAR ZAD PAS SO, ,MTHONG BA DANG BSGOM PA'I LAM THOB PA 'DI'I PHYIR YANG STE, 'DI LTAR DES NI MTHONG BA'I LAM DE KHO NA DANG, BSGOM PA'I LAM DE KHO NA YANG THOB KYI BRGYAD PAS NI MTHONG BA'I LAM KHO NA THOB PAS SO, ,LAM LA RJES SU SHES PAS RGYUN THAMS CAD MNGON PAR RTOGS PA'I YANG PHYIR TE, 'DI LTAR 'DIS NI LAM LA RJES SU SHES PA'I BZOD PA'I MTSAN NYID KYANG MTHONG BAS RGYUN THAMS CAD MNGON PAR RTOGS PA YIN GYI BRGYAD PAS NI MA YIN NO, ,DE LTA BAS NA RGYU DE DAG GIS NA 'BRAS BU THAMS CAD 'THOB PA KHO NA LA RGYUN DU ZHUGS PA ZHES BYA'O, BRGYAD PA LA NI MA YIN NO, ,MCHOG TU GYUR PA'I PHYIR DE SKAD CES BRJOD DE, DPER NA 'JIG RTEN NA YANG GANG ZHIG MCHOG TU GSAL BAR BYED PA DE LA NYI MA ZHES BYA'O, SRIN BU ME KHYER LA NI MA YIN PA DE DANG 'DRA'O, ,DE LAS GZHAN PA ZHES BYA BA NI DE'I TSE SRID PA DE LAS GZHAN PA'O, ,GNAS BDUN LA MKHAS PA ZHES @184B BYA BA DANG, 'DAB MA BDUN PA ZHES BYA BA BZHIN NO ZHES BYA BA NI DPER NA BDUN TSAN DU MTHUN PA'I PHYIR MDO LAS DGE SLONG GNAS BDUN LA MKHAS PA ZHES BSHAD PA LTA BU'O, ,JI LTA ZHE NA RGYAS PAR BSHAD NAS BKA' STZAL PA, DGE SLONG DAG JI LTAR NA DGE SLONG GNAS BDUN LA MKHAS PA YIN ZHE NA, GZUGS YANG DAG PA JI LTA BA BZHIN RAB TU SHES SO, ,GZUGS KUN 'BYUNG BA DANG, GZUGS 'GOG PA DANG, GZUGS 'GOG PAR 'GRO BA'I LAM DANG, GZUGS KYI RO MYANG BA DANG, GZUGS KYI NYES DMIGS DANG, NGES PAR 'BYUNG BA YANG DAG PA JI LTA BA BZHIN RAB TU SHES SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG DAG PA JI LTA BA BZHIN RAB TU SHES SO ZHES BYA BA NAS RNAM PAR SHES PA KUN 'BYUNG BA ZHES BYA BA RGYAS PAR NGES PAR 'BYUNG BA YANG DAG PA JI LTA BA BZHIN RAB TU SHES SO ZHES BYA BA'I BAR DU 'BYUNG NGO, ,DE LTAR NA TSUL 'DIS BDUN TSAN LNGA NI SUM CU RTZA LNGA YIN PAS SUM CU RTZA LNGA LA MKHAS PA YIN NO, ,LO MA BDUN PA ZHES BYA BA DANG YANG 'DRA STE, DPER NA LO MA RE RE LA 'DAB MA BDUN YOD PAR 'DRA BA'I PHYIR, 'DAB MA BRGYA PHRAG DU MA ZHIG YOD KYANG SHING DE LA LO MA BDUN PA ZHES BYA BA DE DANG 'DRA'O, ,DPE GNYIS NYE BAR BKOD PA'I DGOS PA NI DPE DANG PO NI GSUNG RAB LA GRUB PA YIN LA, GNYIS PA NI 'JIG RTEN NA GRAGS PAS SO, ,GAL TE BDUN TSAN DU MTHUN PA'I PHYIR DE[?] LTAR THOGS NA SRID PA LAN BDUN PA YIN NO ZHES 'CHAD NA, 'O NA GANG MDO LAS GSUNGS PA DE DANG 'GAL TE, DE'I PHYIR BSHAD PA 'DI NI NGAN TO SNYAM DU BSAMS PA YIN NO, ,'GRO BA GCIG TU SRID PA BRGYAD PA MNGON PAR MI 'GRUB KYI, 'GRO BA GZHAN DU NI MNGON PAR 'GRUB PAR 'GYUR BAS 'GAL BA MED DO, ,'ON TE LHA RNAMS DANG MI'I NANG DU LAN BDUN 'KHOR ZHING SONG NAS SDUG BSNGAL GYI MTHAR BYED DO ZHES 'BYUNG BA SGRA JI BZHIN DU BRTAGS NA NI LHA DANG MI ZHES 'BYUNG BA'I PHYIR SRID PA BAR MA YANG YOD PAR MI 'GYUR BA ZHIG NA, LHA DANG MI'I 'GRO BA DAG TU SRID PA BDUN MNGON PAR 'GRUB KYI, SRID PA @185A *, ,BAR MA RNAMS NI MA BGRANGS SO ZHES BYA BAR YANG 'DOD DO, ,GAL TE SRID PA BAR MA RNAMS DANG BCAS TE SRID PA BDUN DU BGRANG BAR GYUR NA NI DE'I SKYE BA BZHI KHO NAR 'GYUR RO, ,DE LTAR NA MI 'DOD PAR 'GYUR BA'I TSIG 'DIS NI BDAG NYID KYI RNAM PAR BSHAD PA 'GRO BA GCIG TU DGONGS PA YIN NO ZHES BYA BA DE GZHUNG 'DZUGS PAR BYED DO, ,CIG SHOS KYIS DE LTAR YANG SRID PA'I RTZE MO'I BAR DU GONG DU 'PHO BA ZHES BYA BA RGYAS PAR SMRAS TE, GAL TE 'GRO BA GCIG TU SRID PA BRGYAD PA MNGON PAR MI 'GRUB PA'I PHYIR RO ZHES RNAM PAR 'CHAD PAR BYED NA, 'O NA JI LTAR GONG DU 'PHO BA 'GRO BA GCIG TU SRID PA BRGYAD PA MNGON PAR 'GRUB PAR 'GYUR, DE 'PHAR PHYED 'PHAR THAMS CAD DU, ,'CHI 'PHO GZHAN SRID RTZE MOR 'GRO, ,ZHES 'BYUNG BA'I PHYIR 'OG MIN GYI BAR DU GONG DU 'PHO BA LA YANG SRID PA BRGYAD PA MNGON PAR 'GRUB PA SRID NA, CI'I PHYIR SRID PA'I RTZE MO'I BAR DU ZHES BYA BA KHYAD PAR DU SMOS SHE NA, DE YANG BRJOD PAR BYA BA NI YIN MOD KYI BSAM PA NI SRID PA'I MCHOG BRJOD PAR 'DOD NAS SRID PA'I RTZE MO'I BAR DU GONG DU 'PHO BA SMOS PA YIN NO ZHES BYA BAR MNGON NO, ,'DOD PA'I KHAMS LAS DGONGS TE GSUNGS PA'I PHYIR NYES PA MED DO ZHES BYA BA NI 'GRO BA GCIG PO MI'I 'GRO BA'AM LHA'I 'GRO BA GANG YIN PA DENG SRID PA BRGYAD PA MNGON PAR MI 'GRUB KYI GZUGS DANG GZUGS MED PA'I KHAMS DAG[?] TU NI MA YIN NO, ,DE NI 'DOD PA'I KHAMS LAS DGONGS TE GSUNGS SO ZHES BYA BA NI 'DI LA SHES PAR BYED PA MDO'AM RIGS PA CI ZHIG YOD CES BYA BA LA MDO NI LUNG NGO, ,RIGS PA NI DON RJES SU DPOG PA'O, ,GANG GIS 'DI LA SHES PAR BYED PA MDO'AM RIGS PA CI ZHIG YOD CES GLENGS PA DE NYID KYIS YANG LHA DANG MI DAG GI NANG DU SO SOR ZHES BYA BA RGYAS PAR SMOS TE, LHA DANG MI DAG GI NANG SO SOR LAN BDUN DU 'KHOR GYI LHA DANG MI GNYI GA'I NANG DU NI MA YIN NO ZHES BYA BA LA YANG SHES PAR BYED PA CI ZHIG YOD, 'DI SKAD DU GANG ZHIG MI RNAMS KYI NANG DU BDEN PA MTHONG BA DE NI LHA RNAMS KYI NANG DU LAN GSUM DU 'KHOR LA MI RNAMS KYI NANG DU YANG @185B LAN GSUM KHO NA 'KHOR NAS DE NAS LHA RNAMS KYI NANG DU 'ONGS TE YONGS SU MYA NGAN LAS 'DA'O, ,GANG ZHIG LHA RNAMS KYI NANG DU BDEN PA MTHONG BA DE YANG DE KHO NA BZHIN DU MI RNAMS KYI NANG DU LAN GSUM 'KHOR LA, LHA RNAMS KYI NANG DU YANG LAN GSUM KHO NA 'KHOR NAS DE NAS MI RNAMS KYI NANG DU 'ONGS TE, YONGS SU MYA NGAN LAS 'DA'O ZHES SMRAS PA YIN NO, ,'DI SKAD DU LHA DANG MI RNAMS KYI NANG DU LAN BDUN ZHES 'BYUNG NGO ZHES BYA BA NI SPYI'I NGO BOR 'BYUNG GI KHYAD PAR DU BYAS NAS SO SOR ZHES NI MI 'BYUNG NGO ZHES BYA BA'I THA TSIG GO, ,DE LTAR BYE BRAG TU SMRA BA'I PHYOGS THE TSOM DANG BCAS PA'I GNAS SKABS SU BYAS PA DANG, SLOB DPON GYIS GZHUNG GZUGS PA'I PHYIR 'OD SRUNGS PA RNAMS ZHES BYA BA RGYAS PAR SMOS TE, 'OD SRUNGS PA RNAMS ZHES BYA BA NI SDE BA GZHAN DAG GO, ,DE DAG NI 'DI SKAD DU, LHA RNAMS SU LAN BDUN MI RNAMS SU LAN BDUN ZHES 'DON TE, DE LTAR NA SO SO ZHES BYA BA'I DON DU 'GYUR RO, ,DE LTA BAS NA 'DIS NI 'DOD PA'I KHAMS LAS DGONGS TE GSUNGS SO ZHES BYA BA 'DI LA SHES PAR BYED PA MDO'AM RIGS PA CI ZHIG YOD CES GANG SMRAS PA DANG, LHA DANG MI DAG GI NANG DU SO SOR LAN BDUN SKYE'I GNYI GA'I NANG DU LAN BDUN MA YIN PA NYID DO ZHES BYA BA 'DI LA YANG SHES PAR BYED PA CI ZHIG YOD CES SMRAS PA GNYI GA'I LAN YANG BTAB PA YIN TE, SO SOR YIN PA'I DON SMOS PA KHO NAS 'DOD PA'I KHAMS LA DGONGS PAR YANG BSTAN PA YIN TE, GZUGS DANG GZUGS MED PA'I KHAMS DAG TU LHA DANG MI RNAMS KYI NANG DU LAN BDUN 'KHOR BAR RUNG BA MA YIN TE, DER SKYES PA'I PHYIR MI 'ONG BA RNAMS MI'I NANG DU MI 'ONG BA'I PHYIR RO, ,RIGS PA YANG DE NYID KYI PHYIR KHONG DU CHUD PAR BYED DE, GANG DU RE[?] LTAR THOGS NA SRID PA LAN BDUN PAR BSHAD PA'I SA DE KHO NAR SRID PA BRGYAD PA BKAG PAR ZAD KYI GZHAN DU NI MA YIN NO, ,DE BAS NA 'DI LA YANG SHES PAR BYED PA CI ZHIG YOD CES 'DI LA MNGON PAR ZHEN PAR MI BYA'O, ,DE 'DRA STE ZHES BYA BA NI GANG GIS NA DUS DE SRID KYIS GDON MI ZA BAR RGYUD YONGS SU SMIN PA'I PHYIR SRID PA BRGYAD MNGON PAR MI 'GRUB PA DE LTA BU YIN NO, ,SBRUL GOM PA BDUN @186A *, ,PAS ZIN PA LTA BU ZHES BYA BA NI DPER NA SBRUL[?] GOM PA BDUN PA ZHES BYA BA DES ZIN NA GOM PA BDUN POR NAS 'CHI'I PHAN CHAD DU YANG MA YIN LA TSUN CHAD DU YANG MA YIN TE, DUG GI RIGS DE DE LTA BU YIN PA DANG, RIMS NYIN BZHI PA BZHIN TE, DPER NA RIMS NYIN BZHI PA NI NYI MA BZHI ZHING 'DEBS KYI PHAN CHAD KYANG MA YIN LA TSUN CHAD KYANG MA YIN TE, NAD KYI RIGS DE DE LTA BU YIN PA DE DANG 'DRA'O, ,THA MA'I CHA DANG MTHUN PA GNYIS, ,ZHES BYA BA NI 'DOD PA LA 'DUN PA DANG, GNOD SEMS DAG STE, 'DOD PA LAS 'DOD CHAGS DANG MA BRAL BA'I PHYIR DE GNYIS YOD DO, ,GONG MA'I CHA DANG MTHUN PA LNGA, ,ZHES BYA BA NA GZUGS DANG GZUGS MED PA LAS SKYES PA'I 'DOD CHAGS GNYIS DANG, RGOD PA DANG, NGA RGYAL DANG, GTI MUG GO, ,DE'I PHYIR TSUN CHAD DU YANG MYA NGAN LAS 'DAS PA MI 'THOB LA SRID PA BRGYAD PA YANG MNGON PAR 'GRUB PAR MI 'GYUR RO, ,SLOB DPON 'DUS BZANGS NA RE, KUN DU SBYOR BA BDUN LUS PA'I PHYIR RO ZHES BYA BA DE NI GTAN TSIGS SU MI RUNG STE, GONG MA'I CHA DANG MTHUN PA RNAMS NI SA GONG MA PA YIN PA'I PHYIR 'DOD PA'I KHAMS SU SKYE BA 'GRUB PAR BYED MI NUS SO ZHES ZER RO, ,GTAN TSIGS DE SMRA BA NA RE YANG DE DAGS GONG MA YIN MOD KYI DE DAG GI THOB PA'I MTHUS SRID PA DE SNYED CIG MNGON PAR 'GRUB PAR 'GYUR TE, DE DAG NI LUNG DU MA BSTAN PA'I PHYIR GONG MAR YANG RNAM PAR SMIN PA'I RGYU NYID DU NI RNAM PAR MI GZHAG GO ZHES ZER RO, ,BAR SKABS SU ZHES BYA BA NI BAR DU STE TSUN CHAD DU ZHES BYA BA'I THA TSIG GO, ,CHOS NYID KYIS THOB PA ZHES BYA BA NI MI SLOB PA'I LAM GYI MTHUS THOB PA ZHES BYA BA'I DON TE, YANG DGE SLONG GI RTAGS DANG SBYOR BAR BYED PA DE NI DE'I RANG BZHIN NO, ,LOG PAR LTUNG BA'I CHOS CAN MA YIN PA ZHES BYA BA NI MDO LAS RGYUN DU ZHUGS PA YIN TE, LOG PAR LTUNG BA'I CHOS CAN MA YIN PA DANG, RDZOGS PA'I BYANG CHUB TU NGES PAR GZHOL BA YIN, DE[?] LTAR THOGS NA SRID PA LAN BDUN PA YIN TE, LHA RNAMS DANG MI RNAMS KYI NANG DU LAN BDUN 'KHOR ZHING SONG NAS SDUG BSNGAL GYI MTHAR BYED DO ZHES 'BYUNG NGO, ,CI'I PHYIR DE LTA BU YIN ZHE NA, DER 'GRO BA'I LAS MI SOGS @186B PA'I PHYIR ZHES BYA BA SMOS TE, LOG PAR LTUNG BA NI NGAN SONG STE, DMYAL BA LA SOGS PA'O, ,DER 'GRO BAR 'GYUR BAS NA DER 'GRO BA STE, DER 'GRO BA NYID DER 'GRO BA YIN NO, ,CI'I PHYIR ZHE NA LAS TE, 'PHAGS PA'I GNAS SKABS NA DE MI SOGS PA'I PHYIR DANG BSAGS PA YANG RGYUD RNAM PAR SMIN PA DANG MI MTHUN PAR BYAS PA'I PHYIR TE, SO SO'I SKYE BO'I GNAS SKABS NA DER 'GRO BA'I LAS MYONG BAR 'GYUR BA MA NGES PA BSAGS PA YANG RGYUD RNAM PAR SMIN PA DANG MI MTHUN PAR BYAS PA'I PHYIR LOG PAR LTUNG BA'I CHOS CAN MA YIN NO ZHES BYA'O, ,DE'I PHUNG PO'I RGYUD DE DER 'GRO BA'I LAS BSAGS PA RNAM PAR SMIN PA DANG MI MTHUN PAR GNAS PA DE LTA BUR YONGS SU GYUR PA YIN NO, ,YANG CI'I PHYIR PHUNG PO'I RGYUD DE DER 'GRO BA'I LAS BSAGS PA RNAM PAR SMIN PA DANG MI MTHUN PAR GNAS PA YIN ZHE NA, DE'I PHYIR DGE BA'I RTZA BA STOBS DANG LDAN PAS BSGOS PA'I PHYIR ZHES BYA BA SMOS TE; 'DI LTAR PHUNG PO'I RGYUD DE NI DGE BA'I RTZA BA STOBS DANG LDAN PA RNAMS KYIS BSGOS SHING BSGOS PA YIN NO, ,DGE BA'I RTZA BA STOBS DANG LDAN PAS KYANG JI LTAR BSGOS SHE NA, SBYOR BA DANG BSAM PA DAG PA'I SGO NAS ZHES BYA BA SMOS TE, SBYOR BA DAG PA DANG, BSAM PA DAG PA'I SGO NAS SO, , DE LA SBYOR BA DAG PA NI 'PHAGS PA DGYES PA'I TSUL KHRIMS SO, ,BSAM PA DAG PA NI SANGS RGYAS LA SOGS PA LA DAD PA MI PHYED PA'O, ,SKAD CIG KYANG BSKYED PAR MI 'GYUR RO ZHES BYA BA NI SKAD CIG KYANG SEMS BSKYED PAR MI 'GYUR NA SBYOR BA LTA CI SMOS SNYAM DU BSAMS PA YIN NO, , YANG NA NGAN SONG DU NGES PA'I LAS YOD NA NI GANG ZAG DES NGES PAR 'BYED PA'I CHA DANG MTHUN PA'I MTSAN NYID KYI BZOD PA YANG BSKYED PAR MI 'GYUR NA ZAG PA MED PA'I LAM LTA CI ZHIG SMOS ZHES BYA BA YIN NO, ,JI LTAR DGE BA'I RTZA BA STOBS DANG LDAN PAS BSGOS PA'I MI DGE BA BSAGS PA RNAM PAR SMIN PA DANG MI MTHUN PAR 'GYUR BA DE TSIGS SU BCAD PAS STON PA'I PHYIR, MI MKHAS PAS NI SDIG PA CHUNG NGU BYAS KYANG ZHES BYA BA THAMS CAD SMOS SO, ,MI MKHAS PAS NI SDIG PA CHUNG NGU BYAS KYANG 'OG TU STE NGAN SONG DU 'GRO'O, ,MKHAS PAS NI SDIG PA CHEN PO BYAS KYANG @187A *, ,GNOD PA STE, NGAN SONG RAB TU SPONG BAR 'GYUR RO, ,DON 'DI GNYIS GO RIMS BZHIN DU DPE GNYIS KYIS SGRUB PAR BYED DE, LCAGS KYI GONG BU STE THU LUM GYI NGO BO CHUNG NGU YANG BCOS LEGS MA BYAS PA'I PHYIR CHU'I GTING DU 'BYING BAR 'GYUR LA, LCAGS DE NYID SNOD DU BYAS NA CHER YANG BCOS LEGS BYAS PA'I YON TAN GYIS CHU'I STENG DU 'PHYO ZHING 'BYING BAR MI 'GYUR RO, ,DE BZHIN DU MI MKHAS PA NI YON TAN RNAMS KYI SNOD DU MA BYAS PA'I PHYIR 'BYING BAR 'GYUR GYI, MKHAS PAS NI MA YIN TE, YON TAN DAG GI SNOD DU BYAS PA'I PHYIR RO, ,GANG PHAN CHAD SDUG BSNGAL MED PA ZHES BYA BA NI SRID PA GZHAN GYIS BSDUS PA'O, ,SDUG BSNGAL GYI MTHA' NI SDUG BSNGAL GYI MJUG CES BYA BA'I THA TSIG GO, ,GZHAN YANG 'CHI BA'I TSE SDUG BSNGAL GYI MTHA' YOD MOD KYI SDUG BSNGAL DE NI NYID MTSAMS SBYOR BA DANG BCAS PA YIN PAS DE'I PHYIR SDUG BSNGAL GYI NYING MTSAMS MI SBYOR BAR BYED CES BYA BA'I THA TSIG GO ZHES BYA BA SMOS SO, ,MYA NGAN LAS 'DAS PA CI LTAR BYED CES BYA BA NI RTAG PA'I PHYIR BYA BAR MI RUNG NGO SNYAM DU BSAMS PA YIN NO, ,DE 'THOB PA'I GAGS BSAL BA'I PHYIR ZHES BYA BA NI MYA NGAN LAS 'DAS PA 'THOB PA'I GAGS BSAL BA'I PHYIR RO, ,DE 'THOB PA'I GAGS NI NYON MONGS PA'AM PHUNG PO YIN NO, ,DE BSAL BA'I PHYIR MYA NGAN LAS 'DAS PA BYED DE, DPER NA NAM MKHA' NI KHANG PA'I GNAS NA MI MNGON TE, DE NI DE'I GAGS YIN PAS SO, ,DE BSAL BA'I PHYIR RTAG KYANG NAM MKHA' BYED DO ZHES BYA BA YIN NO, , DE'I PHYIR DPER NA SMRA BA PO 'DUN KHANG RTIB[?] LA NAM MKHA' GYIS ZHES 'DZER BA LTA BU YIN NO ZHES BYA BA SMOS SO, ,GZHAN YANG ZHES BYA BA NI SO SO'I SKYE BO'I RGYUD YONGS SU SMIN PA'O, ,MA NGES PAS ZHES BYA BA NI GAL TE NA 'DI NYID DAM SRID PA BAR MA LA SOGS PAR YONGS SU MYA NGAN LAS 'DAS PAR 'GYUR BAS DE'I PHYIR MI BRJOD DO, ,TSE GNYIS GSUM ZHES BYA BA NI 'DI LA TSE GNYIS SAM GSUM YOD PAS NA TSE GNYIS GSUM MO, ,TSIGS SU BCAD PA'I NANG DU NI GNYIS SHIG SMOS ZHES BYA BA NI NYON MONGS PA SPANGS PA DANG TSE DAG GO, ,CI'I PHYIR ZHE NA, MTHAR GYIS PA'I RGYUN DU @187B ZHUGS PA MTHONG BAS SPANG BAR BYA BA RNAMS SPANGS NAS PHYIS BSGOM PAS SPANG BAR BYA BA'I NYON MONGS PA RNAMS LAS RNAM PA GCIG NAS BZHI'I BAR SPONG BAR BYED NA DE'I GNYEN PO STE, RNAM PA GCIG DANG GNYIS DANG GSUM LA SOGS PA'I GNYEN PO'O, ,ZAG PA MED PA'I DBANG PO 'THOB PA NI MA SMOS KYANG 'GRUB PA'I PHYIR DE TSIGS SU BCAD PA LAS MA SMOS SO, ,GNYEN PO MED PAR NI NYON MONGS PA'I RNAM PA SPONG BA MED DE, 'PHAGS PA DE NI 'JIG RTEN PA'I LAM GYIS NYON MONGS PA'I RNAM PA SPANGS NA YANG DE'I GNYEN PO ZAG PA MED PA'I DBANG PO 'THOB PAR 'GYUR RO, ,SKYE BA NI GAL TE NA CHES NYUNG BAR YANG 'GYUR BAS ZHES BYA BA NI GAL TE 'DI NYID DU 'AM SRID PA BAR MA'AM SKYES NAS YONGS SU MYA NGAN LAS 'DA' BAR 'GYUR NA'O, ,GONG MA'I SKAL BA DANG LDAN PA'I PHYIR TE, RGYUN DU ZHUGS PA'I 'BRAS BU'I GONG MA LAN CIG PHYIR 'ONG BA NYID NAS DGRA BCOM PA NYID KYI BAR GYI SKAL PA DANG LDAN PA'I PHYIR RO, ,DE'I PHYIR 'DI'I TSE NI, TSE GNYIS GSUM DU RIGS NAS RIGS ZHES NGES PAR BYA BA'I PHYIR SMOS PA YIN NO, ,'DIR 'DI DPYAD PAR BYA STE, GANG ZHIG RNAM PA GCIG GAM GNYIS LAS GROL BA DE CI ZHIG YIN ZHE NA, KHA CIG NA RE RIGS NAS RIGS SU SKYE BA YIN TE, RNAM PA GSUM DANG BZHI LAS GROL BA SMOS PA NI, DPER NA BRJOD PA'I PHYIR RAM, DE PHAN CHAD DU NI MA YIN NO ZHES TSAD[?] DU BYA BA'I PHYIR RO ZHES ZER RO,, ,,BAM PO BZHI BCU RTZA BRGYAD PA, GZHAN DAG NA RE RNAM PA GCIG GAM GNYIS LAS GROL BA NI TSO LNGA'AM DRUG PA YIN TE, RNAM PA GSUM MAM BZHI LAS GROL BA ZHES KHYAD PAR SMOS PA'I PHYIR RO ZHES ZER TE, 'DI NI BSHAD PA BYED PA RNAMS KYIS MA DPYAD PAS 'DI DPYAD DGOS PA YIN NO, ,CI'I PHYIR RNAM PA LNGA SPANGS PA'I PHYIR MA YIN ZHE NA ZHES BYA BA NI CI YIN ZHE NA, RIGS NAS RIGS SU SKYE BAR 'GYUR BA ZHES BYA BA'I SKABS YIN NO, ,DE SPANGS NA ZHES BYA BA RGYAS PAR 'BYUNG BA NI RNAM PA LNGA SPANGS NA RNAM PA DRUG PA YANG GDON MI ZA BAR SPONG BA'I PHYIR RO, ,CI'I PHYIR ZHE NA, SMRAS PA, DE'I RNAM PA DRUG PA GCIG GIS NI LAN CIG PHYIR 'ONG BA'I 'BRAS BU LA BGEGS BYA BAR MI NUS SO, ,BAR @188A *, ,CHAD GCIG PA'I BZHIN DU ZHES BYA BA 'DI NI BZLOG PA'I DPE YIN TE, JI LTAR BAR CHAD GCIG PA'I RNAM PA DGU PA GCIG GIS PHYIR MI 'ONG BA'I 'BRAS BU LA BGEGS BYA BAR NUS PA DE LTAR RGYUN DU ZHUGS PA 'DI'I RNAM PA DRUG PAS NI LAN CIG PHYIR 'ONG BA'I 'BRAS BU LA BGEGS BYA BAR MI NUS SO, ,CI'I PHYIR ZHE NA, KHAMS LAS MI 'DA' BA'I PHYIR RO ZHES BYA BA SMOS SO, ,BAR CHAD GCIG PA NI 'DOD PA'I KHAMS LAS 'DA' BAS DE'I PHYIR 'DI RNAM PA DGU PA GCIG GIS KYANG 'BRAS BU LA BGEGS BYA BAR NUS TE, KHAMS LAS 'DA' BA NI DKA' BA'I PHYIR RO; LAN CIG PHYIR 'ONG BA NI KHAMS LAS MI 'DA' BAS DE'I NYON MONGS PA'I RNAM PA DRUG PA GCIG GIS 'BRAS BU LA BGEGS BYA BAR MI NUS SO, ,LHA'I RIS DE 'AM GZHAN DU ZHES BYA BA NI 'DI LTA STE, SUM CU RTZA GSUM PA DAG GI NANG DU BDEN PA RNAMS MTHONG NAS RIGS GNYIS SAM GSUM DU 'KHOR TE, SUM CU RTZA GSUM PA DE NYID KYI NANG DU YONGS SU MYA NGAN LAS 'DA' BA'AM GZHAN RGYAL CHEN RIGS BZHI PA'AM, 'THAB BRAL BA RNAMS KYI NANG DU YONGS SU MYA NGAN LAS 'DA' BA LTA BU STE, DE BZHIN DU GZHAN DAG LA YANG SBYAR BAR BYA'O, ,'DOD CHAGS DANG ZHE SDANG DANG GTI MUG RNAMS BSRABS PA'I PHYIR ZHES 'BYUNG BA ZHES BYA BA NI MDO SDE LAS SO, ,JI SKAD DU ZHE NA, KUN DU SBYOR BA GSUM SPANGS PA'I PHYIR DANG, 'DOD CHAGS DANG ZHE SDANG DANG GTI MUG RNAMS BSRABS PA'I PHYIR LAN CIG PHYIR 'ONG BA ZHES 'BYUNG BA'I PHYIR RO, ,CHUNG NGU'I RNAM PA LUS PA'I PHYIR RO ZHES BYA BA NI CHUNG NGU'I CHEN PO DANG, CHUNG NGU'I 'BRING DANG, CHUNG NGU'I CHUNG NGU ZHES BYA BA DE TZAM ZHIG LUS PA'I PHYIR RO, ,NYES CHA BDUN DANG BRGYAD ZAD PA, ,ZHES BYA BA LA, NYES CHA NI NYES PA'I CHA SHAS TE, RNAM PA BDUN DANG BRGYAD KYI MTSAN NYID YIN NO, ,'DIR YANG DBANG PO LAS NI ZHES BYA BA RGYU GSUM PA MDOR MA BYAS PAS DE KHO NA BZHIN DU BSHAD PAR BYA'O, ,JI LTAR NA 'DI'I ZHES BYA BA RGYAS PAR 'BYUNG BA NI JI LTAR NA 'DI'I RNAM PA DGU PA GCIG GIS 'BRAS BU LA BGEGS BYA BAR NUS KYI, RIGS NAS RIGS SU SKYE BA'I RNAM PA GCIG GIS NI 'BRAS BU LA @188B BGEGS BYA BAR MI NUS SHE NA, SMRAS PA, KHAMS LAS 'DA' BA'I PHYIR RO, ,'DI LTAR 'DI NI RNAM PA DGU PA SPANGS NA 'DOD PA'I KHAMS LAS YANG DAG PAS 'DA' BAR 'GYUR BAS DER YANG MI SKYE LA, RNAM PA DGU PA DE YANG LAS DANG LHAN CIG TU DER SKYES NAS MYONG BAR 'GYUR BA YIN TE, DE'I PHYIR DE'I RNAM PAR SMIN PA DANG RGYU MTHUN PA'I 'BRAS BU'I SA LAS 'DA' BAS 'BRAS BU LA BGEGS BYED PAR NUS PA YIN NO, ,GONG DU LAS RNAMS NI GNAS SKABS GSUM DU BGEGS BYA BA'I PHYIR NYE BAR GNAS SO ZHES BSHAD ZIN TO ZHES BYA BA NI, BZOD DANG PHYIR MI 'ONG DGRA BCOM, , 'THOB LA LAS BGEGS SHIN TU BYED, ,CES BYA BA YIN NO, ,'DIR NYON MONGS PA DAG DANG SBYOR BA YIN TE, DE NYID KYI PHYIR, LAS RNAMS JI LTA BAR NYON MONGS PA RNAMS KYANG DE DANG 'DRA'O ZHES BYA BA LA SOGS PA SMOS SO, ,DE'I MYA NGAN LAS 'DAS PA LA TSE GCIG GIS CHOD PA'I PHYIR RAM ZHES BYA BA NI RNAM PA BDUN DANG BRGYAD ZAD PA'I LAN CIG PHYIR 'ONG BA DE'I MYA NGAN LAS 'DAS PA LA TSE GCIG GIS CHOD PA'I PHYIR RAM, 'DI'I PHYIR MI 'ONG BA'I 'BRAS BU LA NYON MONGS PA'I RNAM PA GCIG GIS CHOD PAS NA BAR CHAD GCIG PA YIN NO, ,DE SRID DU RIGS NAS RIGS SU SKYE BA'AM BAR CHAD GCIG PA MA YIN ZHES BYA BA NI SNGON 'JIG RTEN PA'I LAM GYIS RNAM PA GSUM DANG BZHI LAS GROL YANG, RE ZHIG RIGS NAS RIGS SU SKYE BA MA YIN LA, RNAM PA BDUN DANG BRGYAD ZAD KYANG RE ZHIG BAR CHAD GCIG PA MA YIN TE, DE DAG GI GNYEN PO ZAG PA MED PA'I DBANG PO THOB PA MED PA'I PHYIR RO, ,DE NYID KYI PHYIR, JI SRID DU 'BRAS BU KHYAD PAR CAN GYI LAM MNGON DU MA BYAS PA ZHES BYA BA SMOS TE, DE DAG GI GNYEN PO'AM DE DAG GI GONG MA'I GNYEN PO 'BRAS BU KHYAD PAR CAN MNGON DU BYAS NA, DE'I TSE ZAG PA MED PA'I DBANG PO 'THOB PA'I PHYIR RIGS NAS RIGS SU SKYE BA'AM, BAR CHAD GCIG PA YIN NO ZHES SHUGS KYIS BSHAD PAR 'GYUR RO, ,KUN DU SBYOR BA, THA MA'I CHA DANG MTHUN PA LNGA, ,ZHES BYA BA RGYAS PAR 'BYUNG BA NI MDO SDE LAS, KUN DU SBYOR BA THA MA'I CHA DANG MTHUN PA LNGA SPANGS PA'I PHYIR @189A *, ,PHYIR MI 'ONG BA ZHES BYA'O ZHES 'BYUNG BA NI SPANGS PA BSDOMS PA'I PHYIR TE, 'JIG TSOGS LA LTA BA LA SOGS PA SPANGS PA GCIG NYID DU RNAM PAR GZHAG PA'I PHYIR RO, ,SNGON GNYIS SAM GSUM SPANGS PA YIN NO ZHES BYA BA NI GAL TE RE ZHIG 'DOD PA LAS 'DOD CHAGS DANG BRAL BA ZHIG NGES PA LA 'JUG NA SNGON 'JIG RTEN PA'I LAM GYIS 'DOD PA'I 'DUN PA DANG, GNOD SEMS DANG GNYIS SPANGS PA YIN TE, 'JIG TSOGS LA LTA BA LA SOGS PA YONGS SU GTUGS TE MA SPANGS PA'I PHYIR RO, ,'ON TE MTHAR GYIS PA ZHIG YIN NA NI MNGON SUM SPANGS PA YIN NO, ,GANG GIS SHE NA, MTHONG BA'I LAM GYIS TE, 'JIG TSOGS LA LTA BA DANG, TSUL KHRIMS DANG, BRTUL ZHUGS MCHOG TU 'DZIN PA DANG, THE TSOM MO, ,DE LTA BAS NA, BSDOMS PA LNGA SPANGS PA YI PHYIR, ,ZHES BYA BA YIN NO, ,DE NI BAR SKYES 'DU BYED DANG, ,'DU BYED MED YONGS MYA NGAN 'DA', ,ZHES BYA BA LA, DE NI ZHES BYA BA NI PHYIR MI'ONG BA'O, ,'DI LA BAR MDO[?] DANG, SKYES NAS DANG, 'DU BYED PA DANG, 'DU BYED PA MED PAR YONGS SU MYA NGAN LAS 'DA' BA YOD PAS NA, BAR SKYES 'DU BYED DANG, 'DU BYED MED YONGS MYA NGAN 'DA', ,ZHES BYA BA YIN NO, ,PHYIR MI 'ONG BA DE NYID RNAM PA LNGA YIN TE ZHES BYA BA NI BAR MDOR[?] YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' BA DANG, MNGON PAR 'DU BYED PA MED PAR YONGS SU MYA NGAN LAS 'DA' BA DANG, GONG DU 'PHO BA'O ZHES STON PAR BYED PA YIN NO, ,PHUNG PO'I LHAG MA DANG BCAS PA'I YONGS SU MYA NGAN LAS 'DA' BAS ZHES BYA BA NI MYA NGAN LAS 'DA' BA RNAM PA GNYIS YOD PAS PHUNG PO'I LHAG MA DANG BCAS PA'I MYA NGAN LAS 'DA' BAS YONGS SU MYA NGAN LAS 'DA'O ZHES KHYAD PAR DU BYED PA YIN TE ZAG PA THAMS CAD ZAD PAR BYED DO ZHES BYA BA'I THA TSIG GO, ,MNGON PAR BRTZON PA DANG, LAM NGANG GIS 'BYUNG BA NYID KYI PHYIR RO ZHES BYA BA LA MNGON PAR BRTZON PA NI BRTZON 'GRUS DANG @189B LDAN PA STE, BRTZON 'GRUS BRTZAMS PA ZHES BYA BA'I THA TSIG GO, 'DI[?] LA LAM NGANG GIS 'BYUNG BA YOD PAS NA LAM NGANG GIS 'BYUNG BA'O, ,JI LTAR LAM NGANG GIS 'BYUNG BA YIN ZHE NA, MNGON PAR 'DU BYED PA MED PAR MNGON DU 'GYUR BA'I PHYIR RO, ,'DI NI MNGON PAR BRTZON PA YANG YIN LA LAM NGANG GIS 'BYUNG BA YANG YIN PAS MNGON PAR BRTZON PA DANG LAM NGANG GIS 'BYUNG BA'O, ,DE'I NGO BO STE, DE'I PHYIR SKYES PA TZAM LAS MI 'CHI BAR YONGS SU MYA NGAN LAS 'DA'O, ,DE YANG PHUNG PO'I LHAG MA MED PAS SO ZHES BYA BA NI GZHAN DAG NA RE BAR MDOR YONGS SU MYA NGAN LAS 'DA' BA 'BA' ZHIG DGRA BCOM PA NYID THOB NAS TSE YONGS SU MA RDZOGS PAR PHUNG PO'I LHAG MA MED PA'I MYA NGAN LAS 'DA' BAS YONGS SU MYA NGAN LAS 'DA' BAR MA ZAD KYI, SKYES NAS YONGS SU MYA NGAN LAS 'DA' BA YANG DE DANG 'DRA'O ZHES ZER RO, ,MA YIN TE, TSE 'DOR BA LA DBANG MED PA'I PHYIR RO ZHES BYA BA NI DE YANG PHUNG PO'I LHAG MA MED PAS SO ZHES BYA BA DE NI DE LTA MA YIN NO, ,CI'I PHYIR ZHE NA, TSE 'DOR BA LA DBANG MED PA'I PHYIR TE, DE NI TSE DOR BAR BYA BA LA DBANG MED PA'I PHYIR RO, ,YANG CI'I PHYIR 'DI DE LA DBANG MED CE NA, 'DI LTAR RAB KYI MTHA' BA'I BSAM GTAN BZHI PA THOB PA NI TSE 'DOR BA LA DBANG LA RAB KYI MTHA' BA'I BSAM GTAN DE YANG GLING GSUM DAG TU MI RNAMS KYI NANG DU SKYED PAR BYED NA DE NI GZUGS KYI NANG DU SKYES PAS SO, ,BAR MDOR[?] YONGS SU MYA NGAN LAS 'DA' BA TSE 'DOR BA LA DBANG NGAM ZHE NA, GANG GI PHYIR 'DI GO 'DI LTAR PHUNG PO'I LHAG MA MED PA'I YONGS SU MYA NGAN LAS 'DA' BAS YONGS SU MYA NGAN LAS 'DA' ZHE NA, DE LA YANG DBANG MED MOD KYI SRID PA BAR MAR GNAS PAR BYED PA LA NI SKYES NAS YONGS SU MYA NGAN LAS 'DA' BA'I CI 'DRA BA DE LTA BU'I LAS NI MED DO, ,DE'I PHYIR BAR MDOR[?] YONGS SU MYA NGAN LAS 'DA' BA NI MYUR DU YONGS SU MYA NGAN LAS 'DA' LA, SKYES NAS YONGS SU MYA NGAN LAS 'DA' BA NI TSE JI SRID BAR GNAS NAS YONGS SU MYA NGAN LAS 'DA' BAS SKYES NAS YONGS SU MYA NGAN LAS 'DA' BA KHO NA PHUNG PO'I LHAG MA DANG BCAS PA'I YONGS SU @190A *, ,MYA NGAN LAS 'DA' BAS YONGS SU MYA NGAN LAS 'DA'O ZHES BYA'O, ,MNGON PAR 'DU BYED PA DANG BCAS PAS ZHES BYA BA LA SOGS PA LA, GRAG GO ZHES BYA BA'I SGRA NI BYE BRAG TU SMRA BA'I GZHUNG LUGS RJOD PAR BYED PA YIN TE, RANG GI GZHUNG LUGS NI MDO SDE DANG MTHUN PAR PHYIS 'CHAD DO, ,SBYOR BA MA BTANG ZHES BYA BA NI SNGON GYI SBYOR BA'I 'PHEN PAS SBYOR BA MA BOR BAR ZHES BYA BA'I THA TSIG STE, MNGON PAR 'DU BYED PA DANG BCAS SHING 'BAD PA DANG BCAS PA'O, ,MNGON PAR BRTZON PA DANG LAM NGANG GIS 'BYUNG BA MA YIN PA'I PHYIR RO ZHES BYA BA NI RNAL 'BYOR PA DE MNGON PAR BRTZON PA'I PHYIR DANG, LAM NGANG GIS 'BYUNG BA MA YIN PA'I PHYIR TE, DE NYID KYI PHYIR 'DI MNGON PAR 'DU BYED PA DANG BCAS PAS YONGS SU MYA NGAN LAS 'DA' BAR 'GRUB BO, ,MNGON PAR 'DU BYED PA MED PAR ZHES BYA BA NI SNGA MA LAS BZLOG PA STE SBYOR BA BTANG BA'I PHYIR RO; ,MNGON PAR BRTZON PA DANG, LAM NGANG GIS 'BYUNG BA MED PA'I PHYIR RO ZHES BYA BA NI MNGON PAR BRTZON PA STE, BRTZON 'GRUS MED PA'I PHYIR DANG, LAM NGANG GIS 'BYUNG BA MED PA'I PHYIR RO ZHES BYA BA'I THA TSIG GO, ,DE LTA BAS NA DE LTAR MNGON PAR BRTZON PA LA SOGS PA DE DAG THA DAD PA'I PHYIR YONGS SU MYA NGAN LAS 'DA' BA'I KHYAD PAR BSHAD PA YIN TE, SKYES NAS YONGS SU MYA NGAN LAS 'DA' BA LA NI MNGON PAR BRTZON PA DANG LAM NGANG GIS 'BYUNG BA GNYI GA YANG YOD DO, ,MNGON PAR 'DU BYED PA DANG BCAS PAS YONGS SU MYA NGAN LAS 'DA' BA LA NI MNGON PAR BRTZON PA YOD KYI 'DI LA LAM NGANG GIS 'BYUNG BA NI MED DO, ,MNGON PAR 'DU BYED PA MED PAR YONGS SU MYA NGAN LAS 'DA' BA LA NI GNYI GA YANG MED DE, MNGON PAR BRTZON PA YANG MED LA, LAM NGANG GIS 'BYUNG BA YANG MED DO, ,'DUS BYAS DANG 'DUS MA BYAS LA DMIGS PA'I LAM GYIS YONGS SU MYA NGAN LAS 'DA' BA'I PHYIR RO ZHES BYA BA LA, 'DUS BYAS DANG 'DU BYED CES BYA BA NI DON GCIG STE, 'DUS MA BYAS DANG 'DU BYED MA YIN PA YANG DE DANG 'DRA'O, ,GANG ZHIG 'DU BYED LA DMIGS PA STE, SDUG BSNGAL DANG KUN 'BYUNG DANG, LAM LA DMIGS PA'I LAM @190B GYIS NYON MONGS PA RNAMS SPONG BAR BYED PA DE NI MNGON PAR 'DU BYED PA DANG BCAS PAS YONGS SU MYA NGAN LAS 'DA' BA YIN LA, GANG ZHIG 'DU BYED MA YIN PA LA DMIGS PA STE, 'GOG PA LA DMIGS PAS SPONG BA DE NI MNGON PAR 'DU BYED PA MED PAR YONGS SU MYA NGAN LAS 'DA' BA YIN NO ZHE'O, , DE NI MI RUNG STE, HA CANG THAL BAR 'GYUR BA'I PHYIR RO ZHES BYA BA NI DE NI DE LTA MA YIN NO, ,CI'I PHYIR ZHE NA, HA CANG THAL BAR 'GYUR BA'I PHYIR TE, BAR MDO[?] DANG, SKYES NAS YONGS SU MYA NGAN LAS 'DA' BA DAG KYANG 'DUS BYAS DANG, 'DUS MA BYAS LA DMIGS PA'I LAM GYIS YONGS SU MYA NGAN LAS 'DA' BAS, SO SOR MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA NYID DU THAL BAR 'GYUR RO, ,DE'I PHYIR GANG ZAG GNYIS KHO NAR THAL BAR 'GYUR GYI LNGA NI MA YIN NO, ,MNGON PAR 'DU BYED PA MED PAR YONGS SU MYA NGAN LAS 'DA' BA SNGAR 'BYUNG BAS ZHES BYA BA NI MNGON PAR 'DU BYED PA MED PAR YONGS SU MYA NGAN LAS 'DA' BA 'DI MNGON PAR 'DU BYED PA DANG BCAS PAS YONGS SU MYA NGAN LAS 'DA' BA BAS SNGAR 'BYUNG NGO, ,DE KHO NA BZHIN DU RUNG STE ZHES BYA BA RGYAS PAR 'BYUNG BA NI, GANG ZAG MNGON PAR 'DU BYED PA MED PA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' BA LAM NGANG GIS 'BYUNG BA DANG, NGANG GIS 'BYUNG BA MA YIN PA DAG GIS YONGS SU MYA NGAN LAS 'DA' BA DAG NI GO RIMS BZHIN DU SNGA MA NI MNGON PAR 'DU BYED PA MED PAS BSGRUB PAR BYA BA YIN PA'I PHYIR LA, CIG SHOS NI MNGON PAR 'DU BYED PAS MNGON PAR BSGRUB PAR BYA BA YIN PA'I PHYIR RO, ,JI LTAR NA DE LTAR BSGRUB PAR BYA BA NYID YIN ZHE NA, SMRAS PA, DE DAG GI YONGS SU MYA NGAN LAS 'DA' BA DAG NI GO RIMS BZHIN DU 'BAD PA MED PA DANG, 'BAD PAS 'THOB PA'I SGO NAS SO, ,YANG NA LAM NGANG GIS 'BYUNG BA DANG NGANG GIS 'BYUNG BA MA YIN PA DAG KHO NA MOS PAS GANG ZAG DANG MI SBYAR GYI 'BAD PA MED PA DANG 'BAD PAS 'THOB PA'I SGO NAS TE, LAM SNGA MA 'BAD PA MED PAR MNGON DU 'GYUR BA DANG, CIG SHOS 'BAD PAS 'THOB PA'I SGO NAS LAM NGANG GIS 'BYUNG BA NI @191A *, ,MNGON PAR 'DU BYED PA MED PAS BSGRUB PAR BYA BA YIN PA'I PHYIR LA, NGANG[?] GIS 'BYUNG BA MA YIN PA NI MNGON PAR 'DU BYED PAS BSGRUB BAR BYA BA YIN PA'I PHYIR RO, ,DE LTAR NA MNGON PAR 'DU BYED PA MED PAR YONGS SU MYA NGAN LAS 'DA' BA SNGA BAR RUNG NGO, ,SMRAS PA, GAL TE MNGON PAR 'DU BYED PA MED PAS BSGRUB PAR BYA BA YIN PA'I PHYIR MNGON PAR 'DU BYED PA MED PAR YONGS SU MYA NGAN LAS 'DA' BA'I LAM NGANG[?] GIS 'BYUNG BA YIN NA, SKYES NAS YONGS SU MYA NGAN LAS 'DA' BA'I LAM YANG DANG GIS 'BYUNG BA YIN PAS DE GNYIS LA KHYAD PAR CI ZHIG YOD CE NA, DE'I PHYIR SMRAS PA, SKYES NAS YONGS SU MYA NGAN LAS 'DA' BA NI LAM CHES NGANG GIS 'BYUNG BA DANG CHES CHE BA YIN GYI MNGON PAR 'DU BYED PA MED PAR YONGS SU MYA NGAN LAS 'DA' BA NI DE LTAR RGYU BSAGS PA'I SGO NAS CHES CHE BA MA YIN NO, ,LAM CHES CHA BA NYID KYIS ZAD PAR BYAS PA'I PHYIR PHRA RGYAS CHES CHUNG BA YIN NO, ,GONG DU 'PHO BA ZHES BYA BA NI 'DI LA GONG DU 'PHO ZHING 'GRO BA YOD PAS NA GONG DU 'PHO BA DAG GO, ,BSAM GTAN SPEL BA DANG, SPEL BA MA YIN PA'I PHYIR RO ZHES BYA BA NI BSAM GTAN BSRES PA DANG, BSRES PA MA YIN PA'I PHYIR RO ZHES BYA BA'I THA TSIG STE, BSAM GTAN ZAG PA DANG BCAS PA DANG ZAG PA MED PA DANG BSRES PA'I PHYIR RO, ,'DIR BSAM GTAN RNAMS SPEL NAS BSAM GTAN GSUM LAS YONGS SU NYAMS PA ZHES BYA BA NI, DANG POR BZHI PA SPEL BAR BYED, ,CES 'BYUNG BAS BSAM GTAN SPEL BA NI BSAM GTAN BZHI PA SPEL BA SNGON DU 'GRO BA CAN YIN TE, BSAM GTAN BZHI PA KHO NAS DANG POR SPEL BAR NUS KYI GZHAN GYIS NI MA YIN NO, ,BSAM GTAN BZHI PA LAS YONGS SU MA NYAMS PAR BSAM GTAN DANG PO LA SOGS PAR SKYE BA MED PAS DE'I PHYIR BSAM GTAN GSUM PA LAS YONGS SU NYAMS PA ZHES SMOS SO, ,JI LTAR YONGS SU NYAMS SHE NA, BSAM GTAN DANG PO'I RO MYANGS TE ZHES BYA BA SMOS SO, ,BAR DU MI 'GRO BAS NA ZHES BYA BA NI BAR MAR MI 'GRO BAS SO, ,PHYED DU 'PHAR BAS ZHES BYA BA RGYAS PAR 'BYANG BA NI GNAS GTZANG MA RNAMS SU SKYES @191B NAS; GNAS GZHAN 'GA' TZAM YANG RGAL TE 'OG MIN DU 'JUG PA GANG YIN PA'O ZHES TSIG DE LTAR SBYAR BAR BYA'O, ,LTA BA'I GNAS YIN PA'I PHYIR ZHES BYA BA NI TSANGS PA CHEN PO DANG, DANG POR SKYES PA RNAMS KYANG TSANGS PA CHEN PO LA SPRUL PA PO YIN PAR MNGON PA'I NGA RGYAL BYED PA'I PHYIR RO; ;GTZO BO GCIG TU ZAD PA'I PHYIR ZHES[?] BYA BA CI ZHE NA, 'PHAGS PA NI TSANGS CHEN PA DAG GI NANG DU MI SKYE STE, 'PHAGS PA DER SKYE NA MTHU'I SGO NAS GNYI GA GTZO BO NYID DU 'GYUR BA ZHIG NA, DE'I BDAG PO NI 'GRAN ZLA MED PA'I LAS KYIS 'GYUR BAS DE'I PHYIR 'GRAN ZLA DANG BCAS PAR MI 'GYUR RO, ,GNAS GZHAN THAMS CAD DU ZHES BYA BA NI TSANGS RIS PA DAG GI NANG NAS SHI 'PHOS TE CHANGS PA'I MDUN NA 'DON LA SOGS PA GYA NOM SNANG BA LA THUG PA'I BAR GNAS GZHAN BCU BZHIR 'PHOS NAS 'OG MIN DU 'JUG PA YIN NO, ,GONG DU SKYES PA DE'I 'OG DANG DENG GTAN DU MI 'ONG BA'I PHYIR ZHES BYA BA NI GANG DU SKYES PA 'DI LTA STE, BSAM GTAN DANG POR SKYES NAS DE'I 'OG 'DOD PA'I KHAMS SU GTAN MI 'ONG BA'I PHYIR DANG, DE BZHIN DU GONG DU SKYES PA DER YANG GTAN MI 'ONG BA'I PHYIR TE, BSAM GTAN DANG PO DER YANG GTAN MI 'ONG BA'I PHYIR LAN GNYIS SU PHYIR DER MI SKYE BAS PHYIR MI 'ONG BA NYID YONGS SU RDZOGS PA YIN NO, ,'DI NI ZHI GNAS SPYAD PA YIN NO ZHES BYA BA NI SRID PA'I RTZE MOR THUG PA GANG YIN PA DE NI TING NGE 'DZIN LA DGA' BA YIN TE, GZUGS MED PA DAG GI TING NGE 'DZIN NI RAB TU ZHI BA YIN PAS DE'I PHYIR 'DI GZUGS MED BDAG TU 'JUG GO,, SNGA MA NI LHAG MTHONG SPYAD PA YIN NO ZHES BYA BA NI 'OG MIN GYI MTHAR THUG PAR BSHAD PA GANG YIN PA DE NI SHES RAB LA DGA' BA YIN TE, GNAS GTZANG MA RNAMS SU 'JUG GO, ,BAR SKABS SU YANG YONGS SU MYA NGAN LAS 'DA' BAR ZHES BYA BA RGYAS PAR 'BYUNG BA NI 'DI NI BSTAN BCOS BYED PA RNAMS KYIS BRIS PA YANG MED LA BKAG PA YANG MED DO, ,DE'I PHYIR MA BKAG PAS GONG DU 'PHO BA 'OG MIN GYI MTHAR THUG PA DANG, SRID PA'I RTZE MO'I MTHAR THUG PA YANG 'OG MIN DANG SRID PA'I RTZE MOR MA ZHUGS PAR BAR SKABS SU MYA NGAN LAS 'DA' BAR RUNG BAR LTA STA SRID PAR @192A *, ,LTA'O ZHES BYA BA'I THA TSIG GO, ,'OG MIN GYI MTHAR THUG PA DANG, SRID PA'I RTZE MO'I MTHAR THUG PA ZHES BSHAD PA MA YIN NAM ZHE NA, SMRAS PA, 'OG MIN DANG SRID PA'I RTZE MO'I MTHAR THUG PA NYID NI PHAN CHAD DU 'GRO BA MED PA'I PHYIR TE, 'OG MIN DANG, SRID PA'I RTZE MO LAS GONG DU 'GROR MED PA'I PHYIR RO, ,DPER NA RGYUN DU ZHUGS PA MCHOG TU THOGS NA LAN BDUN PA NYID BZHIN TE, DE LA SRID PA GNYIS SAM GSUM MNGON PAR GRUB NAS YONGS SU MYA NGAN LAS 'DA' BA MI SRID PA MA YIN MOD KYI, DE PHAN CHAD SRID PA BRGYAD PA MNGON PAR 'GRUB PAR MI BYED PAS MCHOG TU THOGS NA LAN BDUN PA ZHES BSHAD DO, ,DE YANG RNAM PA BZHI STE ZHES BYA BA NI BAR MA DOR YONGS SU MYA NGAN LAS 'DA' BA MED PA'I PHYIR RNAM PA LNGA NI MED DO, ,DE DAG NI PHYIR MI 'ONG BA DRUG YIN NO ZHES BYA BA NI BAR MA DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' BA DANG, MNGON PAR 'DU BYED PA MED PAS YONGS SU MYA NGAN LAS 'DA' BA DANG, GONG DU 'PHO BA DANG DRUG PA GZUGS MED PAR NYE BAR 'GRO BA STE DBYE BA RNAM PA BZHI PA BGRANGS SO, ,MTHONG BA'I CHOS LA YONGS SU MYA NGAN LAS 'DA' BA NI TSE 'DI LA YONGS SU MYA NGAN LAS 'DA' BA ZHES BYA BA'I THA TSIG GO, ,GSUM PO GANG DAG CE NA ZHES BYA BA RGYAS PAR 'BYUNG BA NI PHA ROL PO PHYIR MI 'ONG BA GSUM ZHES NGES PAR PHYE STE, MA BSHAD PAS KHONG DU MA CHUD DE 'DRI BA YIN NO, ,SLOB DPON GYIS KYANG DE DAG NI DON GYI SHUGS GYIS BSHAD PA YIN NO ZHES BYA BAR GZIGS NAS RNAM PAR 'GREL PAR MDZAD DE, BAR MA DO DANG SKYES NAS YONGS SU MYA NGAN LAS 'DA' BA DAG NI BAR MA DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA ZHES BYA BA'I THA TSIG GO, ,GONG DU 'PHO BA NI GSUM PA YIN NO, ,DPE GSUM GYIS MYUR BA DANG, MYUR BA MA YIN PA DANG, YUN RING MO ZHIG NA YONGS SU MYA NGAN LAS 'DA' BA'I PHYIR RO ZHES BYA BA NI MYUR BAR YONGS SU MYA NGAN LAS 'DA' BA DANG, MYUR BA MA YIN PAR YONGS SU MYA NGAN LAS 'DA' BA DANG, YUN RING @192B MO ZHIG NA YONGS SU MYA NGAN LAS 'DA' BA DPE GSUM DANG SBYAR BAR BYA BA YIN TE, DPER NA ZHOG MA CHUNG NGU'I ME MNGON PAR 'GRUB BZHIN DU 'CHI BAR 'GYUR BA LTAR DANG PO DE, MYUR BAR YONGS SU MYA NGAN LAS 'DA' BA GANG YIN PA DE DANG 'DRA'O, ,DPER NA LCAGS KYI THU LUM MAM, THONG LUGS ME[?] KUN DU 'BAR PA RAB TU BSREGS PA LCAGS KYI THO BAS BRGYAB PA RNAMS KYI TSA TSA GYEN DU YAR BZHIN DU 'CHI BAR 'GYUR BA LTAR GNYIS PA MYUR BA MA YIN PA YONGS SU MYA NGAN LAS 'DA' BA GANG YIN PA YANG DE DANG 'DRA'O, ,DPER NA LCAGS KYI THU LUM MAM ZHES BYA BA LA SOGS PA SNGA MA BZHIN TE, TSA TSA GYEN DU YAR NAS SA LA MA LHUNG BA KHO NAR 'CHI BAR 'GYUR BA LTAR GSUM PA YUN RING MO ZHIG NA YONGS SU MYA NGAN LAS 'DA' BA GANG YIN PA YANG DE DANG 'DRA STE, MDO 'DI NI GONG DU BRIS ZIN PAS YANG MI 'DRI'O, ,SKYES NAS DANG, MNGON PAR 'DU BYED PA DANG, MNGON PAR 'DU BYED PA MED BAR YONGS SU MYA NGAN LAS 'DA' BA'I PHYIR RO ZHES BYA BA NI SKYES NAS YONGS SU MYA NGAN LAS 'DA' BA'I PHYIR DANG, MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA'I PHYIR RNAM PA GSUM DU PHYE BAS PHYIR MI 'ONG BA DGU YIN NO ZHES BYA BAR SBYAR RO, ,SKYES NAS YONGS SU MYA NGAN LAS 'DA' BA NI SKYES PA TZAM GYIS YONGS SU MYA NGAN LAS 'DA' BA GANG YIN PA STE, MNGON PAR 'DU BYED PA'AM, MNGON PAR 'DU BYED PA MED PAR YONGS SU MYA NGAN LAS 'DA' BA NI MA YIN NO, ,MNGON PAR 'DU BYED PA DANG BCAS PAS YONGS SU MYA NGAN LAS 'DA' BA NI SKYES PA TZAM KHO NAS YONGS SU MYA NGAN LAS 'DA' BA MA YIN NO, ,'O NA CI ZHE NA, MNGON PAR 'DU BYED PA DANG, SNGON MNGON PAR 'DU BYED PA MA BTANG BA'I MTHUS YONGS SU MYA NGAN LAS 'DA' BA YIN NO, ,'DI LA NI LAM NGANG GIS 'BYUNG BA NI YOD MOD KYI, MNGON PAR BRTZON BAS YONGS SU MYA NGAN LAS 'DA' LA SKYES NAS YONGS SU MYA NGAN LAS 'DA' BA NI MNGON PAR BRTZON PA MED PAS KHYAD PAR YOD DO, ,MNGON PAR 'DU BYED PA MED PAS YONGS SU MYA NGAN LAS 'DA' BA NI SNGON GYI MNGON PAR 'DU BYED PA BTANG BA STE, MNGON PAR 'DU BYED PA @193A *, ,MED PAR YONGS SU MYA NGAN LAS 'DA' BA YIN NO, ,DE LTAR NA DE DAG GI KHYAD PAR NI DE YIN PAR KHONG DU CHUD PAR BYA'O, ,JI LTAR NA MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA DAG KYANG SKYES NAS YONGS SU MYA NGAN LAS 'DA' BA'I MING THOB PAR 'GYUR BA DE BZHIN DU BSTAN PA'I PHYIR DE DAG THAMS CAD KYANG SKYES NAS YONGS SU MYA NGAN LAS 'DA' BA'I PHYIR SKYES NAS YONGS SU MYA NGAN LAS 'DA' BA DAG YIN NO ZHES BYA BA SMOS SO, ,'PHAR PA LA SOGS PA'I BYE BRAG GIS SO ZHES BYA BA NI 'PHAR BA DANG, PHYED DU 'PHAR BA DANG, THAMS CAD DU 'CHI 'PHO BA'I BYE BRAG GIS SO ZHES BYA BA'I THA TSIG GO, ,YANG NA GSUM PO THAMS CAD CES BYA BA NI BAR MDO DANG, SKYES NAS YONGS SU MYA NGAN LAS 'DA' BA DANG, GONG DU 'PHO BA RNAMS MYUR BA DANG, MYUR BA MA YIN PA DANG, YUN RING MO ZHIG NA YONGS SU MYA NGAN LAS 'DA' BA'I PHYIR RNAM PA GSUM DU DBYE STE, BAR MA DOR YONGS SU MYA NGAN LAS 'DA' BA YANG LA LA NI MYUR BAR YONGS SU MYA NGAN LAS 'DA'O, ,LA LA NI MYUR BA MA YIN PAR YONGS SU MYA NGAN LAS 'DA'O, ,LA LA NI YUN RING MO ZHIG NAS YONGS SU MYA NGAN LAS 'DA'O, ,SKYES NAS YONGS SU MYA NGAN LAS 'DA' BA DANG, GONG DU 'PHO BA YANG DE DANG 'DRA STE, ,RNAM PA GSUM DU DBYE BA'I PHYIR YANG PHYIR MI 'ONG BA DGU YIN NO ZHES SBYAR BA DE NYID BRJOD PAR BYA'O, ,DE DAG GIS NI KHYAD PAR RNAMS ZHES BYA BA RGYAS PAR 'BYUNG BA NI GSUM PO BAR MDO DANG, SKYES NAS YONGS SU MYA NGAN LAS 'DA' BA DANG, GONG DU 'PHO BA DANG DE DAG NYID SO SOR RNAM PA GSUM DU PHYE[?] BAS DGU PO DE DAG GI KHYAD PAR JI SKAD DU BRJOD PA NI LAS DANG, NYON MONGS PA DANG, DBANG PO'I BYE BRAG LAS TE, LAS DANG, NYON MONGS PA DANG, DBANG PO'I BYE BRAG LAS 'GYUR RO, ,JI LTA ZHE NA, RE ZHIG GSUM PO NI ZHES BYA BA RGYAS PAR SMOS SO, ,MNGON PAR 'GRUB PA NI SRID PA BAR MA STE, MNGON PAR 'GRUB PA MYONG BAR 'GYUR BA'I LAS BSAGS PA'I PHYIR BAR MA DOR YONGS SU MYA NGAN LAS 'DA' BA YIN NO, ,SKYES NAS @193B MYONG BAR 'GYUR BA'I LAS BSAGS PA'I PHYIR SKYES NAS YONGS SU MYA NGAN LAS 'DA' BA YIN NO, ,LAN GRANGS GZHAN LA MYONG BAR 'GYUR BA'I LAS BSAGS PA'I PHYIR GONG DU 'PHO BA YIN TE, RE ZHIG GSUM PO DE DAG GI KHYAD PAR LAS KYI BYE BRAG LAS GYUR PA NI DE LTA BU YIN NO, , NYON MONGS PA KUN DU SPYOD PA CHUNG BA DANG, 'BRING DANG, CHEN PO'I PHYIR GO RIMS BZHIN DU DE DAG NYID KYI KHYAD PAR NYON MONGS PA'I BYE BRAG LAS GYUR PA YIN NO, ,DBANG PO CHEN PO'I DANG, 'BRING DANG, CHUNG NGU'I PHYIR GO RIMS BZHIN DU DE DAG NYID KYI KHYAD PAR DBANG PO'I BYE BRAG LAS GYUR PA YIN NO, ,DE NYID KYI PHYIR DE DAG SO SO'I BYE BRAG KYANG CI RIGS PAR ZHES BYA BA NI LAS LA SOGS PA'I BYE BRAG DE NYID KYI PHYIR TE, SO SO THA DAD PA DGU PO DE DAG GI KHYAD PAR YANG ZHES BYA BA'I THA TSIG GO, ,CI RIGS PAR YIN GYI GO RIMS BZHIN DU KHONG DU CHUD PAR BYA BA NI MA YIN NO, , JI LTA ZHE NA, GSUM TSAN DANG PO GNYIS NI ZHES BYA BA RGYAS PAR SMOS TE, GSUM TSAN BAR MA DOR YONGS SU MYA NGAN LAS 'DA' BA RNAMS GANG YIN PA DES, SKYES NAS YONGS SU MYA NGAN LAS 'DA' BA RNAMS GANG YIN PA'O, ,GSUM TSAN DE GNYIS KYI KHYAD PAR NI NYON MONGS PA DANG DBANG PO'I BYE BRAG LAS 'GYUR TE, NYON MONGS PA KUN DU SPYOD PA CHUNG BA DANG, 'BRING DANG, CHEN PO'I PHYIR DANG, DBANG PO CHEN PO DANG, 'BRING DANG, CHUNG NGU'I PHYIR GO RIMS BZHIN DU KHYAD PAR DU 'GYUR RO, ,LAS KYI BYE BRAG LAS NI MA YIN TE, 'DI LTAR GSUM TSAN DANG PO'I LAS MNGON PAR 'GRUB PA MYONG PAR 'GYUR BA YANG MTSUNGS LA, GNYIS PA'I LAS SKYES NAS MYONG BAR 'GYUR BA YANG MTSUNGS PAS SO, ,GSUM TSAN THA MA NI LAN GRANGS GZHAN LA MYONG BAR 'GYUR BA'I LAS KYI BYE BRAG LAS KYANG KHYAD PAR DU BLTA STE, 'BAR[?] BA LA SOGS PA'I LAS LAN GRANGS GZHAN LA MYONG BAR 'GYUR BA NI THA DAD PAS DE'I PHYIR, LAN GRANGS GZHAN LA MYONG BAR 'GYUR BA'I LAS KYI BYE BRAG DAG[?] KYANG ZHES BYA BAS DRANGS PA NYON MONGS PA DANG, DBANG PO'I BYE BRAG LAS KHYAD PAR DU 'GYUR TE, NYON MONGS PA KUN DU SPYOD PA CHUNG NGU DANG, 'BRING DANG, CHEN PO'I PHYIR DANG, DBANG @194A *, ,PO CHEN PO DANG, 'BRING DANG, CHUNG NGU'I PHYIR GO RIMS BZHIN NO ZHES BYA BA'I THA TSIG GO, ,DE DAG NI NYON MONGS PA DANG DBANG PO'I RNAM PA DGU'I PHYIR ZHES BYA BA NI PHYIR MI 'ONG BA DE DAG NI NYON MONGS PA'I RNAM PA DGU'I PHYIR DANG, DBANG PO'I RNAM PA DGU'I PHYIR PHYIR MI 'ONG BA DGU YIN NO, ,LAS MA SMOS PA NI KHYAB PA YIN PA'I PHYIR TE, GSUM TSAN DANG PO GNYIS NI LAS KYI BYE BRAG LAS KHYAD PAR DU GYUR PA MED DO, ,YANG JI LTAR NA NYON MONGS PA DE DAG RNAM PA DGU YIN ZHE NA, 'DI LA NYON MONGS PA NI CHUNG NGU DANG, 'BRING DANG, CHEN PO DANG RNAM PA GSUM STE, BAR MA DOR YONGS SU MYA NGAN LAS 'DA' BA RNAMS KYI NI CHUNG NGU YIN NO, ,SKYES NAS YONGS SU MYA NGAN LAS 'DA' BA RNAMS KYI NI 'BRING YIN NO, ,GONG DU 'PHO BA RNAMS KYI NI CHEN PO YIN NO, ,DE YANG BAR MA DOR YONGS SU MYA NGAN LAS 'DA' BA DANG PO NI NYON MONGS PA CHUNG NGU'I CHUNG NGU CAN YIN NO, ,GNYIS PA NI NYON MONGS PA CHUNG NGU'I 'BRING PO CAN YIN NO, ,GSUM PA NI NYON MONGS PA CHUNG NGU'I CHEN PO CAN YIN NO, ,SKYES NAS YONGS SU MYA NGAN LAS 'DA' BA RNAMS LA YANG DANG PO STE, SKYES NAS YONGS SU MYA NGAN LAS 'DA' BA NI NYON MONGS PA 'BRING PO'I CHUNG NGU CAN YIN NO, ,GNYIS PA MNGON PAR 'DU BYED PA DANG BCAS PAS YONGS SU MYA NGAN LAS 'DA' BA NI NYON MONGS PA 'BRING PO'I 'BRING PO YIN NO, ,GSUM PA MNGON PAR 'DU BYED PA MED PAR YONGS SU MYA NGAN LAS 'DA' BA NI NYON MONGS PA 'BRING PO'I CHEN PO CAN YIN NO, ,GONG DU 'PHO BA RNAMS LA YANG 'PHAR BA NI NYON MONGS PA CHEN PO'I CHUNG NGU CAN YIN NO, ,PHYED DU 'PHAR BA NI NYON MONGS PA CHEN PO'I 'BRING PO CAN YIN NO, ,GNAS THAMS CAD DU 'CHI 'PHO BA NI NYON MONGS PA CHEN PO'I CHEN PO CAN YIN NO, ,JI LTAR NA DBANG PO'I RNAM PA DGU YIN ZHE NA, DE BZHIN DU DBANG PO YANG CHEN PO DANG 'BRING PO DANG CHUNG NGU RNAMS TE, BAR MA DOR YONGS SU MYA NGAN LAS 'DA' BA RNAMS KYI NI CHEN PO YIN NO, ,SKYES NAS YONGS SU MYA NGAN LAS 'DA' BA RNAMS KYI NI 'BRING YIN NO, ,GONG DU 'PHO BA RNAMS KYI NI CHUNG NGU YIN NO, ,DE LA YANG BAR MA DOR YONGS SU MYA NGAN LAS 'DA' BA DANG PO NI DBANG @194B PO CHEN PO'I CHEN PO CAN YIN NO, ,GNYIS PA NI DBANG PO CHEN PO'I 'BRING PO CAN YIN NO, ,GSUM PA NI DBANG PO CHEN PO 'CHUNG NGU CAN YIN NO, ,SKYES NAS YONGS SU MYA NGAN LAS 'DA' BA RNAMS LA YANG DANG PO STE, SKYES NAS YONGS SU MYA NGAN LAS 'DA' BA NI DBANG PO 'BRING PO'I CHEN PO CAN YIN NO, ,MNGON PAR 'DU BYED PA DANG BCAS PAS YONGS SU MYA NGAN LAS 'DA' BA NI DBANG PO 'BRING PO'I 'BRING PO CAN YIN NO, ,MNGON PAR 'DU BYED PA MED PAR YONGS SU MYA NGAN LAS 'DA' BA NI DBANG PO 'BRING PO'I CHUNG NGU CAN YIN NO, ,GONG DU 'PHO BA RNAMS LA YANG 'BAR BA NI DBANG PO CHUNG NGU'I CHEN PO CAN NO, PHYED DU 'PHAR BA NI DBANG PO CHUNG NGU'I 'BRING PO CAN YIN NO, ,GNAS THAMS CAD DU 'CHI 'PHO BA NI DBANG PO CHUNG NGU'I CHUNG NGU CAN YIN NO, ,'O NA MDO LAS SKYES BU DAM PA'I 'GRO BA BDUN BSTAN PA JI LTA BU ZHE NA ZHES BYA BA NI DGE SLONG DAG NGAS SKYES BU DAM PA'I 'GRO BA BDUN DANG, NYE BAR LEN PA MED PAR YONGS SU MYA NGAN LAS 'DA' BA YANG BSTAN PAR BYA'O ZHES 'BYUNG BA YIN NO, ,MDO DE THAMS CAD NI 'GRO MDO LAS ZHES BYA BA'I PHYOGS DER BRIS ZIN PAS YANG MI BRI'O, ,MDO DE LAS NI SKYES BU DAM PA'I 'GRO BA BDUN BSTAN TE, BAR MA DOR YONGS SU MYA NGAN LAS 'DA' BA GSUM DANG, SKYES NAS YONGS SU MYA NGAN LAS 'DA' BA GSUM STE, 'GRO BA DRUG GO, ,BDUN PA NI GONG DU 'PHO BA'I 'GRO BA YIN NO, ,DE MA PHYE BAR BSTAN PA'I PHYIR ZHES BYA BA NI GONG DU 'PHO BA DE 'PHAR BA LA SOGS PA PHYE STE MA BSTAN PA'I PHYIR ZHES BYA BA'I THA TSIG STE, MDO LAS BSTAN PA NI GDUL PA'I BSAM PA LA LTOS PA YIN NO, ,SLOB PA'I 'GRO BA GZHAN DAG NI MA YIN ZHES BYA BA NI RGYUN DU ZHUGS PA DANG LAN CIG PHYIR 'ONG BA'I 'GRO BA DAG MA YIN ZHES BYA BA'I THA TSIG STE, 'GRO BA DANG, SKYE BA DANG, TSE PHYI MA ZHES BYA BA 'DI DAG NI MOD LAS RNAM GRANGS SU BSHAD DO, ,DE DAG CES BYA BA NI PHYIR MI 'ONG BA DAG STE, SROG GCOD PA LA SOGS PA MI BYED PA'I PHYIR LAS DAM PA LA 'JUG CING MI TSANGS PAR SPYOD PA LA SOGS PA MI BYED PA'I PHYIR DAM PA MA YIN PA LA MI 'JUG STE, MI TSANGS PAR SPYOD PA LA SOGS PA NI MI DGE BA'I BSAM @195A *, ,PA'I SEMS KYIS BYED NA, 'DOD CHAGS DANG BRAL BA DE DAG NI MI DGE BA SPANGS PA'I PHYIR DAM PA KHO NA LA 'JUG GI DAM PA MA YIN PA LA MI 'JUG GO, ,YANG PHYIR 'ONG BA MED CES BYA BA NI 'GRO BA GANG DAG TU SKYES PA DE'I 'OG GAM DER GTAN MI 'ONG ZHES BYA BA'I THA TSIG GO, ,JI SKAD DU BSHAD PA 'DI GZHAN LA NI MED PAS ZHES BYA BA NI DAM PA KHO NA LA 'JUG CING DAM PA MA YIN PA LA MI 'JUG PA DANG, YANG PHYIR 'ONG BA MED PA GANG YIN PA DE RGYUN DU ZHUGS PA DANG, LAN CIG PHYIR 'ONG BA LA MED PAS SO, ,GZHAN DAG LA YANG ZHES BYA BA NI RGYUN DU ZHUGS PA DANG, LAN CIG PHYIR 'ONG BA DAG LA YANG ZHES BYA BA'I DON TO, ,RNAM GRANGS PA ZHES BYA BA NI RNAM GRANGS LAS BYUNG BAS NA RNAM GRANGS PA STE, RNAM PA 'GA' ZHIG GIS YIN ZHES BYA BA'I THA TSIG GO, ,JI LTAR ZHE NA SDIG PA RNAM PA LNGA GTAN MI BYED PA'I SDOM PA THOB PA'I PHYIR ZHES BYA BA SMOS TE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YIM PA DANG, BRDZUN DU SMRA BA DANG, CHANG 'THUNG BA'I MTSAN NYID KYI SDIG PA RNAM PA LNGA MI BYED PAS MI BYED PAR SDOM PA NI SDOM PAR BYED PA STE, DE THOB PA'I PHYIR RO, ,'PHAGS PA NI TSE RABS GZHAN NA YANG SDIG PA RNAM PA LNGA PO 'DI MI SPYOD DO, ,MI BYED PA'I SDOM PA ZHES SMOS PA NI YANG DAG PAR LEN PA'I SDOM PA NI GDON MI ZA BA MA YIN PA'I PHYIR RO, ,PHAL CHER ZHES BYA BA NI MTHONG BAS SPANG BAR BYA BA NI MI DGE BA THAMS CAD GTAN SPANGS PA'I PHYIR DANG, CI RIGS BAR BSGOMS PAS SPANG BAR BYA BA 'DOD PA NA SPYOD PA KHA CIG SPANGS PA'I PHYIR RO, ,GANG DAG LA ZHES BYA BA RGYAS PAR 'BYUNG BA NI GANG DAG LA RNAM GRANGS MED PAR YOD PA STE, RGYUN DU ZHUGS PA DANG, LAN CIG PHYIR 'ONG BA LTAR RNAM PA GZHAN GYIS SKYES BU DAM PA NYID YIN PA LTA BU NI MA YIN NO, ,'O NA CI ZHE NA, SDIG PA THAMS CAD GTAN MI BYED PA'I SDOM PA THOB PA'I PHYIR DANG, MTHONG BAS SPONG BAR BYA BA MI DGE BA THAMS CAD SPANGS PA'I PHYIR DANG, BSGOM PAS SPANG BAR BYA BA 'DOD PA NA SPYOD PA RNAM PA DGU PO THAMS CAD SPANGS PA'I PHYIR MDO 'DIR SKYES BU DAM PA'I 'GRO @195B BA BDUN ZHES GSUNGS PA NI SKYES BU DAM PA PHYIR MI 'ONG BA DA DAG GI SKABS YIN NO, ,DE'I PHYIR GZHAN DAG KYANG RNAM GRANGS PA'I SKYES BU DAM PA NYID YIN PA NI MI DAG GO, ,CI PHYIR MI 'ONG BA TSE YONGS SU GYUR PA LA YANG BAR MA DOR YONGS SU MYA NGAN LAS 'DA' BA ZHES BYA BA DE LTA BU LA SOGS PA'I DBYE BA 'DI YOD DAM ZHES BYA BA PHYIR MI 'ONG BA TSE YONGS SU GYUR PA NI GANG ZHIG TSE DANG PO LA RGYUN DU ZHUGS PA'I 'BRAS BU 'AM, LAN CIG PHYIR 'ONG BA'I 'BRAS BU THOB NAS TSE GNYIS PA LA PHYIR MI 'ONG BAR GYUR PA YIN NO, ,'DOD PAR ZHES BYA BA KHYAD PAR SMOS PA NI 'DI LTAR GZUGS KYI KHAMS SU TSE YONGS SU GYUR PA NI RES 'GA' GZUGS MED PA DAG TU 'JUG PAS SO, ,TSE DE NYID LA YONGS SU MYA NGAN LAS 'DA' BA'I PHYIR RO ZHES BYA BA NI 'DI 'DOD PA'I KHAMS LA SDUG BSNGAL MANG BA NYID KYIS SHIN TU SKYO BA'I PHYIR RO, ,'O NA BRGYA BYIN GYIS ZHES BYA BA RGYAS PAR 'BYUNG BA NI BRGYA BYIN GYIS BDAG 'DI NAS SHI 'PHOS TE MI'I NANG DU SKYES NAS GAL TE DGRA BCOM PA NYID THOB STE, YONGS SU MYA NGAN LAS MI 'DA'I, BDAG NI THA MAR NYAMS NA LHA GANG 'OG MI NA ZHES, RNAM PAR GRAGS PA DER NI SKYE BAR 'GYUR BAR SHOG ,CES SMRAS TE DE NI LHA DAG GI NANG KHO NAR RGYUN DU ZHUGS PAR GYUR NAS MI DAG GI NANG DU 'ONGS TE, YONGS SU MYA NGAN LAS 'DA'O ZHES SMRAS PA'I PHYIR TSE YONGS SU GYUR PA YIN PAR 'GYUR RO, ,THA MAR RIS MTHUN PA'I MJUG TU NYAMS NA STE, DGRA BCOM PA NYID MA THOB PAR MA THOB PA'I YONGS SU NYAMS PAS NYAMS NA, 'OG MIN DER NI SKYE BAR 'GYUR BAR SHOG ,CES DON DU GNYER BAR SMRAS PA'I PHYIR KHAMS GZHAN DU 'GRO BA YOD DO ZHES BSTAN PA YIN NO ZHES BYA BAR MNGON NA DE JI LTAR MDO'I DON 'DOD PA'I KHAMS SU TSE GZHAN DU YONGS SU GYUR PA'I 'PHAGS PA KHAMS GZHAN DU MI 'GRO'O ZHES BSHAD DO ZHES BYA BAR SNANG, KHYOD BRGYA BYIN GYIS CHOS KYI MTSAN NYID MNGON PAR MI SHES PA'I PHYIR DE SKAD DU SMRAS PAR ZAD DE, DE LTA BAS NA ZHES PA MED DO ZHES ZER NA, BCOM LDAN 'DAS DE SKAD DU GSAN PAS KYANG CI'I PHYIR KHYOD DE SKAD DU MA SMRA SHIG CES DE MA BZLOG CE NA, DE'I PHYIR YANG DAG PAR DGA' BAR BYA BA YIN PA'I @196A *, ,PHYIR BCOM LDAN 'DAS KYIS KYANG MA BKAG GO ZHES BYA BA SMOS TE, 'DOD PA'I SDUG BSNGAL YONGS SU SPANG BAR 'DOD PAS YANG DAG PAR DGA' BAR BYA BA YIN NO SNYAM DU BSAMS PA'O, ,SLOB DPON 'DUS BZANGS NA RE SHI 'PHO BA'I RGYU MTSAN CAN GYI SKYE BA'I SDUG BSNGAL GYIS YID BYUNG BA NI YANG DAG PAR DGA' BAR BYA BA YIN PA'I PHYIR RO ZHES ZER RO, ,DBANG PO RNAMS CHES YONGS SU SMIN PA'I PHYIR ZHES BYA BA NI SHES RAB LA SOGS PA'I DBANG PO RNAMS KYI RGYU MTHUN PA'I 'BRAS BU KHYAD PAR DU GYUR PA'I PHYIR ZHES BYA BA'I THA TSIG GO ,RTEN KHYAD PAR CAN THOB PA'I PHYIR RO ZHES BYA BA NI 'DI LTAR RTEN KHYAD PAR CAN MA NYAMS PA LAM MNGON DU 'GYUR BA DANG MTHUN PA THOB PA STE, DBANG PO RNON PO DAG YIN YANG RTEN MI MTHUN PAS YON TAN DAG LAS NYAMS PA SNANG NGO, ,DE LTA BAS NA TSE RABS GZHAN NAS YONGS SU 'DRIS PAS DBANG PO RNAMS CHES YONGS SU SMIN PA'I PHYIR DBANG PO 'PHO BA MED LA, RTEN KHYAD PAR CAN THOB PA'I PHYIR YONGS SU NYAMS PA MED DE, TSE RABS GZHAN NAS YONGS SU 'DRIS PA DE NYID KYIS KHAMS GZHAN DU 'GRO BAR YANG MI 'GYUR RO, ,LAM MA 'DRIS PAS MNGON SUM DU MI 'GYUR PA'I PHYIR ZHES BYA BA NI GANG GI PHYIR LAM MA 'DRIS PAS MNGON SUM DU MI 'GYUR BA RGYU DE'I PHYIR SLOB PA 'DOD CHAGS DANG MA BRAL BA RGYUN DU ZHUGS PA DANG, LAN CIG PHYIR 'ONG BA BAR MA DOR YONGS SU MYA NGAN LAS 'DA' BAR MI 'GYUR RO, ,PHRA RGYAS RNAMS SHIN DU CHUNG BA MA YIN PA'I PHYIR RO ZHES BYA BA NI GANG GI PHYIR DE'I PHRA RGYAS RNAMS SHIN DU CHUNG BA MA YIN PA DE'I PHYIR BAR MA DOR YONGS SU MYA NGAN LAS 'DA' BAR MI 'GYUR RO ZHES BYA BA YIN TE 'DI NI SLOB DPON GYI LAN YIN NO, ,BYE BRAG TU SMRA BA RNAMS KYI LAN GANG YIN ZHE NA, BYE BRAG TU SMRA BA RNAMS NA RE 'DOD PA'I KHAMS LAS 'DA' BAR DKA' BA'I PHYIR ZHES BYA BA SMOS SO, ,JI LTA ZHE NA, SMRAS PA, 'DIS NYON MONGS PA MI DGE BA DANG LUNG MA BSTAN PA SPANG PA STE, 'DIS MI DGE BA 'DOD PA NA SPYOD PA RNAMS DANG, LUNG DU MA BSTAN PA GZUGS DANG GZUGS MED PA NA SPYOD PA RNAMS SPANG BAR BYA DGOS SO, , @196B SLOB PA 'DOD CHAGS DANG BRAL BAS NI LUNG DU MA BSTAN PA KHO NA SPANG BAR ZAD DO, ,DGE SBYONG GI TSUL GYI 'BRAS BU GNYIS SAM GSUM THOB PA ZHES BYA BA NI DGE SBYONG GI TSUL GYI 'BRAS BU GNYIS SAM GSUM THOB PAR BYA DGOS TE, LAN CIG PHYIR 'ONG BAS NI PHYIR MI 'ONG BA'I 'BRAS BU DANG, DGRA BCOM PA NYID KYI 'BRAS BU DANG, DGE SBYONG GI TSUL GYI 'BRAS BU GNYIS THOB PAR BYA DGOS LA, RGYUN DU ZHUGS PAS NI GSUM STE, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID KYI 'BRAS BU'O, ,'DOD CHAGS DANG BRAL BAS NI DGRA BCOM PA NYID KYI 'BRAS BU GCIG KHO NA THOB PAR BYA BAR ZAD DO, ,'DOD CHAGS DANG MA BRAL BAS KHAMS GSUM LAS YANG DAG PAR 'DA' BAR YANG BYA DGOS LA, 'DOD CHAGS DANG BRAL BA GZUGS KYI 'DOD CHAGS DANG MA BRAL BA BAR MA DOR YONGS SU MYA NGAN LAS 'DA' BAR 'GYUR BAS NI KHAMS GNYIS LAS YANG DAG PAR 'DA' BAR BYA BAR ZAD DO, ,SPEL BAR BYED CES BYA BA NI SRE BAR YANG BYED CING 'DREN MAR BYED PAS TE, ZAG PA DANG BCAS PA'I BSAM GTAN BZHI PA ZAG PA MED PA DAG DANG SPEL BAR BYED CES BYA BA'I THA TSIG GO, ,LAM SLA BA RNAMS KYI NANG NA MCHOG YIN PA'I PHYIR RO ZHES BYA BA LA, LAM SLA BA NI DNGOS GZHI'I BSAM GTAN BZHI YIN TE, BSAM GTAN DAG GI LAM RNAMS SLA, ,ZHES 'BYUNG BA'I PHYIR RO, ,BSAM GTAN BZHI PA NI SKYON BRGYAD LAS GROL BA'I PHYIR DE DAG GI NANG NA MCHOG YIN NO, ,GANG GI TSE ZHES BYA BA LA, GRAG CES BYA BA NI, BYE BRAG TU SMRA BA'I GZHUNG LUGS STON PAR BYED PA YIN TE, RANG GI GZHUNG LUGS NI 'OG NAS SKAD CIG MA SPEL BAR NI MI NUS TE ZHES BYA BA RGYAS PAR 'BYUNG BAS STON TO, ,SKAD CIG MA GNYIS NI BAR CHAD MED PA'I LAM LTA BU YIN ZHES BYA BA NI ZAG PA MED PA DANG, ZAG PA DANG BCAS PA DAG GO, ,GSUM PA NI RNAM PAR GROL BA'I LAM LTA BU YIN NO ZHES BYA BA NI ZAG PA MED PA'O, ,DBANG PO RTUL PO RNAMS NI NYON MONGS PAS KYANG 'JIGS PA'I PHYIR SPEL BAR BYED DE, YANG ZHES BYA BA'I SGRAS NI GNAS GTZANG MAR SKYE BAR BYA BA'I PHYIR DANG, MTHONG BA'I @197A *, ,CHOS LA BDE BAR GNAS PAR BYA BA'I PHYIR YANG SPEL BAR BYED DO, ,DBANG PO RNON PO RNAMS NI GNAS GTZANG MAR SKYE BAR BYA BA'I PHYIR DANG, MTHONG BA'I CHOS LA BDE BAR GNAS PAR BYA BA KHO NA'I PHYIR SPEL BAR BYED KYI DE DAG LA YANG YONGS SU NYAMS PA MI SRID PA'I PHYIR NYON MONGS PAS 'JIGS PA'I PHYIR NI MA YIN NO, ,YANG JI LTAR NA NYON MONGS PAS 'JIGS PAS YONGS SU MI NYAMS PAR BYA BA'I PHYIR SPEL BAR BYED CE NA, RO MYONG BA DANG MTSUNGS PAR LDAN PA'I TING NGE 'DZIN THAG BSRING BA'I SGO NAS YONGS SU MI NYAMS PAR BYA BA'I PHYIR RO ZHES BYA BA SMOS TE 'BRAS BU LAS YONGS SU MI NYAMS PAR BYA BA'I PHYIR RO, ,RNAM PA LNGA YIN TE ZHES BYA BA NI CHUNG NGU DANG, 'BRING DANG, CHEN PO DANG, SHIN TU CHE BA DANG, SHIN TU CHES CHE BA'O, ,DANG PO LA NI SEMS GSUM ZHES BYA BA NI GANG ZAG DE LA NUS PA DE TZAM ZHIG YOD PAS TE, DE BZHIN DU 'OG MA RNAMS LA YANG BRJOD PAR BYA'O, ,GNYIS PA LA NI DRUG GO ZHES BYA BA NI ZAG PA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM DANG, YANG ZAG PA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM STE DRUG YIN NO, ,GSUM PA LA NI DGU'O, ,BZHI PA LA NI BCU GNYIS SO, ,LNGA PA LA NI BCO LNGA STE ZHES BYA BA LA, YANG DE KHO NA BZHIN DU SBYAR BAR BYA'O, ,DE DAG GI 'BRAS BU NI GRANGS BZHIN DU ZHES BYA BA NI SPEL MAR BSGOM PA DE DAG GI 'BRAS BU NI GRANGS BZHIN DU GNAS GTZANG MA LNGA YIN TE, BSGOM PA CHUNG NGU'I 'BRAS BU MI CHE BA YIN PA NAS BSKOM PA SHIN TU CHES CHE BA'I 'BRAS BU 'OG MIN YIN PA'I BAR DU'O, ,DAD PA'I DBANG PO LA SOGS PA LHAG PA'I PHYIR ZHES BYA BA NI BTZUN PA DPAL LEN GYI GZHUNG LUGS YIN TE, BSGOM PA DANG DAD PA SHAS CHE BA'I 'BRAS BU MI CHE BA YIN PA NAS DE BZHIN DU BSGOM PA SHES RAB SHAS CHE BA'I 'BRAS BU 'OG MIN YIN PA'I BAR DU'O, ,PHYIR MI 'ONG BA GANG LA LA ZHES BYA BA NI DAD PAS MOS PA'AM MTHONG BAS THOB PA'O, ,LUS KYI MNGON SUM DU BYED PA'I PHYIR ZHES BYA BA NI SEMS MED PA'I PHYIR LUS KHO NAS MNGON SUM DU BYED DO,, @197B JI LTAR LUS KHO NAS YIN ZHE NA, SMRAS PA, LUS LA BRTEN TE SKYE BA'I PHYIR RO, ,'DI LTA BU YIN PAR 'GYUR TE ZHES BYA BA NI SLOB DPON RANG GI GZHUNG LUGS YIN NO, ,THOB PA DANG ZHES PAS MNGON SUM DU BYED PA DAG GIS ZHES BYA BA NI TING NGE 'DZIN GYI DUS NA DE DANG MTHUN PA'I RTEN GYIS THOB PA MNGON SUM DU BYED PA'I PHYIR DANG LANGS PA'I DUS NA DE YANG SO SOR YANG DAG PAR MYONG BA'I SHES PAS MNGON SUM DU BYED PA'I PHYIR RO, ,MNGON SUM DU GYUR PA NI MNGON DU BYED PA YIN NO ZHES BYA BA NI RNAM PAR SHES PA DANG BCAS PA'I LUS ZHI BA THOB PA'I GNAS SKABS NA MNGON DU BYED PAR RUNG NGO SNYAM DU BSAMS PA YIN NO, ,RNAM PAR SHES PA DANG BCAS PA'I LUS ZHI BA THOB PAS RNAM PAR SHES PA MED PA'I LUS ZHI BA'I GNAS SKABS NA YANG DE THOB PAR MNGON NO, ,MDO LAS SLOB PA BCO BRGYAD CES GSUNGS PA DER ZHES BYA BA NI BCOM LDAN 'DAS LA KHYIM BDAG MGON MED ZAS SBYIN GYIS ZHUS PA; BTZUN PA YON GNAS DU ZHIG MCHIS LAGS, BCOM LDAN 'DAS KYIS BKA' STZAL PA, KHYIM BDAG SLOB PA BCO BRGYAD DANG, MI SLOB PA DGU NI YON GNAS YIN TE, SLOB PA BCO BRGYAD GANG ZHE NA, RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA DANG, RGYUN DU ZHUGS PA DANG; LAN CIG PHYIR 'ONG BA'I 'BRAS BU MNGON SUM DU BYA BA'I PHYIR ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU MNGON DU BYA BA'I PHYIR ZHUGS PA DANG, PHYIR MI 'ONG BA DANG DGRA BCOM PA NYID KYI 'BRAS BU MNGON DU BYA BA'I PHYIR ZHUGS PA DANG, DAD PAS RJES SU 'BRANG BA DANG, CHOS KYI RJES SU 'BRANG BA DANG, DAD PAS MOS PA DANG, MTHONG BAS THOB PA DANG, RIGS NAS RIGS SU SKYE BA DANG, BAR CHAD GCIG PA DANG, BAR MA DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, MNGON PAR 'DU BYED PA DANG BCAS PAS YONGS SU MYA NGAN LAS 'DA' BA DANG, MNGON PAR 'DU BYED PA MED PAS YONGS SU MYA NGAN LAS 'DA' BA DANG, GONG DU 'PHO BA STE, KHYIM BDAG DE DAG NI SLOB PA BCO BRGYAD YIN NO, ,MI SLOB PA DGU GANG YIN ZHE NA, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU SRUNG BA'I CHOS CAN DANG, GNAS @198A *, ,PA LAS MI G-YO BA DANG, RTOGS PA'I SKAL BA CAN DANG, MI G-YO BA'I CHOS CAN DANG, YONGS SU MI NYAMS PA'I CHOS CAN DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA STE, KHYIM BDAG DE DAG NI MI SLOB PA DGU YIN NO ZHES 'BYUNG BA YIN NO, ,BSLAB PA GSUM DANG DE'I 'BRAS BU ZHES BYA BA LA, BSLAB PA GSUM NI 'PHAGS PA'I LAM GYI RANG BZHIN YIN TE, LHAG PA'I TSUL KHRIMS DANG, LHAG PA'I SHES RAB BO, ,DE DAG GI 'BRAS BU NI BRAL BA'O, ,DE'I KHYAD PAR GYIS SLOB PA RNAMS RNAM PAR GZHAG GO ZHES BYA BA NI BSLAB PA'I KHYAD PAR DANG, DE'I 'BRAS BU'I KHYAD PAR GYIS ZHES BYA BA'I THA TSIG GO, ,DE'I KHYAD PAR YANG JI LTA BU ZHIG YIN ZHE NA, ,SLOB PA BCO BRGYAD KYI BSLAB PA DANG, 'BRAS BU BRAL BA GZHAN DANG GZHAN MI 'DRA BA YIN NO, ,'GOG PA'I SNYOMS PAR 'JUG PA NI SPONG BA'I LAM GYI RANG BZHIN MA YIN PA'I PHYIR BSLAB PA YANG MA YIN LA, BRAL BA'I RANG BZHIN MA YIN PA'I PHYIR SLOB PA'I 'BRAS BU YANG MA YIN TE, DE'I PHYIR DE DANG LDAN PAS TE, 'GOG PA'I SNYOMS PAR 'JUG PA DANG LDAN PAS SLOB PA BCO BRGYAD PO DE DAG JI LTA BAR SLOB PA'I BYE BRAG TU MA GSUNGS KYI, 'DI SLOB PA MA YIN PA NI MA YIN NO, ,DE LA MDO LAS, SLOB PA BCO BRGYAD CES GSUNGS PA DER LUS KYIS MNGON SUM DU BYED PA CI'I PHYIR MA GSUNGS ZHES GANG ZER BA DE NI DE LTA BU'I SLOB PAR MA GSUNGS PAR ZAD DO, ,DBYE BA CHE LONG YIN NO ZHES BYA BA NI GZUGS SU NYE BAR 'GRO BA'I PHYIR MI 'ONG BA LNGA ZHES BYA BA DANG, GZHAN NI GZUGS MED 'GRO RNAM BZHI, ,ZHES BYA BA DANG, GZHAN NI 'DI LA MYA NGAN 'DA', ,ZHES BYA BA DE LTA BU LA SOGS PA'O,, ,,BAM PO BZHI BCU RTZA DGU PA, ZHIB TU DBYE BA NI ZHES BYA BA RGYAS PAR 'BYUNG BA NI 'DIR SLOB DPON GYIS BRTZE BA'I THABS RAB TU BSTAN PA'I PHYIR DANG PO'I BAR MA DOR YONGS SU MYA NGAN LAS 'DA' BA'I DBANG PO DANG, SA DANG RIGS LA SOGS PA'I KHYAD PAR BYE BRAG TU STON PAR MDZAD DO, ,CI'I PHYIR ZHE NA, DE'I BYE BRAG BGRANGS NA JI LTAR BAR MA DOR YONGS SU MYA NGAN LAS 'DA' BA DBANG PO @198B LA SOGS PA'I BYE BRAG GIS THA DAD PA LTAR GONG DU 'PHO BA'I BAR DU YANG DE DANG 'DRA'O ZHES BSGRE SLA BAR BYA BA'I PHYIR RO, ,DE DAG NYID SA'I BYE BRAG GIS BZHI'O ZHES BYA BA LA, DE DAG NYID NI BAR MA DOR YONGS SU MYA NGAN LAS 'DA' BA RNAMS SO, ,SA DAG NI BSAM GTAN BZHI YIN TE, GZUGS SU NYE BAR 'GRO BA'I PHYIR MI 'ONG BA RNAMS BRJOD PAR BZHED PA'I PHYIR RO, ,DE LA BSAM GTAN DANG POR BAR MA DOR YONGS SU MYA NGAN LAS 'DA' BA NAS BSAM GTAN BZHI PA'I BAR TE BZHI'O, ,YONGS SU NYAMS PA'I CHOS CAN LA SOGS PA'I RIGS KYI BYE BRAG GIS DRUG GO ZHES BYA BA NI DE NYID YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU SRUNG BA'I CHOS CAN DANG, GNAS PA LAS MI G-YO BA DANG, RTOGS PA'I SKAL BA CAN DANG, MI G-YO BA'I CHOS CAN ZHES BYA BA YIN NO, ,GNAS GZHAN GYI BYE BRAG GIS BCU DRUG GO ZHES BYA BA NI TSANGS RIS LA SOGS PA 'OG MIN LA THUG PA DAG GO, ,TSANGS CHEN NI BYE BRAG TU SMRA BA'I LUGS KYIS KYANG GNAS GZHAN MA YIN LA, NYI 'OG PA'I LUGS KYIS NI GNAS GZHAN NYID YIN MOD KYI DER 'PHAGS PA MI SKYE BAS MI BGRANG STE, DE LTAR NA GNAS GZHAN GYI BYE BRAG GIS BAR MA DOR YONGS SU MYA NGAN LAS 'DA' BA BCU DRUG YIN NO, ,SA DANG 'DOD CHAGS DANG BRAL BA'I BYE BRAG GIS SUM CU RTZA DRUG STE ZHES BYA BA NI SA'I BYE BRAG DANG DE LA 'DOD CHAGS DANG BRAL BA'I BYE BRAG GIS BAR MA DOR YONGS SU MYA NGAN LAS 'DA' BA SUM CU RTZA DRUG GO, ,JI LTA ZHE NA, GZUGS KYI KHAMS KYI 'CHING BA MTHA' DAG DANG LDAN PA ZHES BYA BA RGYAS PAR 'BYUNG BAS STON PAR BYED DE, GZUGS KYI KHAMS KYI BSAM GTAN DANG PO'I 'CHING BA MTHA' DAG DANG LDAN PA DANG RNAM PA GCIG LAS 'DOD CHAGS DANG BRAL BA NAS RNAM PA BRGYAD LAS 'DOD CHAGS DANG BRAL BA'I BAR DGU'O, ,GNYIS PA'I YANG 'CHING BA MTHA' DAG DANG LDAN PA NAS RNAM PA BRGYAD LAS 'DOD CHAGS DANG BRAL BA'I BAR DGU'O, ,DE BZHIN DU GSUM PA'I DGU DANG, DE BZHIN DU BZHI PA'I DGU STE, DGU BZHI SUM CU RTZA DRUG YIN NO, ,BSAM GTAN BZHI PA'I RNAM PA BRGYAD LAS @199A *, ,'DOD CHAGS DANG BRAL BA'I BAR RO ZHES BYA BA LA, BAR ZHES BYA BA'I SGRAS NI BSGRES PA'I DON 'DI 'THOB BO, ,BSAM GTAN BZHI PA'I DGRU PA'I RNAM PA LAS 'DOD CHAGS DANG BRAL BA ZHES NI MI BRJOD DE, 'DI NI GZUGS MED PA'I 'CHING BA MTHA' DAG DANG LDAN PA YIN NO, , 'DIR NI GZUGS MED PAR 'GRO BA'I DBANG DU BYED PA MA YIN GYI, SRID PA BAR MA DANG SBYAR BAS 'DIR GZUGS SU NYE BAR 'GRO BA RNAMS BRJOD PAR 'DOD PA'I PHYIR RO, ,DE LTA YIN PAS GNAS GZHAN DANG RIGS DANG 'DOD CHAGS DANG BRAL BA DANG DBANG PO'I BYE BRAG GIS ZHES BYA BA RGYAS PAR SMOS TE, GNAS GZHAN RNAMS DANG, RIGS RNAMS DANG, 'DOD CHAGS DANG BRAL BA RNAMS DANG, DBANG PO RNAMS KYI BYE BRAG GIS BAR MA DOR YONGS SU MYA NGAN LAS 'DA' BA DE DAG NYIS STONG LNGA BRGYA DGU BCU RTZA GNYIS YIN TE, RTZA DGU BCU RTZA GNYIS SO, ,JI LTAR BYAS PAS DE LTAR 'GYUR ZHE NA, SMRAS PA, GNAS GCIG NA STE, DPER NA TSANGS RIS LTA BU NA YONGS SU NYAMS PA'I CHOS CAN LA SOGS PA'I BYE BRAG GIS RIGS DRUG GO, ,RIGS RE RE LA ZHES BYA BA NI ZLOG PA YIN NO, ,'CHING BA MTHA' DAG DANG LDAN PA NAS RANG GI GNAS DPER NA TSANGS RIS LTA BU'I RNAM PA BRGYAD LAS 'DOD CHAGS DANG BRAL BA'I BAR GANG ZAG DGU DGU'O, ,RIGS DANG LDAN PA'I GANG ZAG DGU DGU SMOS PA'I PHYIR DGU DRUG NI LNGA BCU BZHI'O, ,GNAS GZHAN BCU DRUG SMOS PA'I PHYIR LNGA BCU RTZA BZHI PHRAG BCU DRUG NA BRGYAD BRGYA DRUG CU RTZA BZHI STE, RTZA DRUG CU RTZA BZHI'O, ,YANG DBANG PO BYE BRAG GIS GSUM DU 'GYUR TE, CHUNG NGU DANG 'BRING DANG, CHEN PO'I BYE BRAG GIS SO, ,DE LTAR BYAS PAS SO, ,CI ZHE NA, NYIS STONG LNGA BRGYA DGU BCU RTZA GNYIS YIN NO, ,TSUL GANG GIS 'CHING BA MTHA' DAG DANG LDAN PA NAS RNAM PA BRGYAD LAS 'DOD CHAGS DANG BRAL BA'I BAR GANG ZAG DGU DGUR RNAM PAR GZHAG PA'I TSUL DE BSTAN PA'I PHYIR, BSAM GTAN 'OG MA'I ZHES BYA BA RGYAS PAR SMOS TE, BSAM GTAN 'OG MA STE, DANG PO NAS GSUM PA'I BAR GYI RNAM PA DGU LAS 'DOD CHAGS DANG BRAL BA GANG YIN PA DE NI BSAM GTAN GONG MA STE, @199B GNYIS PA NAS BZHI PA'I BAR GYI 'CHING BA MTHA' DAG DANG LDAN PA YIN NO ZHES BSHAD DO, ,CI'I PHYIR ZHE NA, 'DRA BAR BRTZI BA'I PHYIR ZHES BYA BA RGYAS PAR SMOS TE, CI NAS KYANG BSAM GTAN BZHI PA NA DGU DGUR 'GYUR BAR BYA BA'I PHYIR RO, ,GZHAN DU NA MI 'DRA BAR BRTZIS PAR 'GYUR TE, BSAM GTAN DANG PO NA 'CHING BA MTHA' DAG DANG LDAN PA NAS RNAM PA DGU LAS 'DOD CHAGS DANG BRAL BA'I BAR BCUR 'GYUR RO, ,GNYIS PA NI RNAM PA GCIG LAS 'DOD CHAGS DANG BRAL BA NAS RNAM PA DGU LAS 'DOD CHAGS DANG BRAL BA'I BAR DGUR 'GYUR TE, GSUM PA NA YANG DE DANG 'DRA'O, ,BZHI PA NA NI RNAM PA GCIG LAS 'DOD CHAGS DANG BRAL BA NAS RNAM PA BRGYAD LAS 'DOD CHAGS LAS BRAL BA'I BAR BRGYAD DU 'GYUR TE, RNAM PA DGU LAS 'DOD CHAGS DANG BRAL BA NI GZUGS MED PA'I 'CHING BA MTHA' DAG DANG LDAN PA YIN PA'I PHYIR RO ZHES BSHAD ZIN TO, ,GONG DU 'PHO BA'I BAR DU YANG DE DANG 'DRA BAS ZHES BYA BA NI SKYES NAS DANG, MNGON PAR 'DU BYED PA DANG BCAS PA DANG MNGON PAR 'DU BYED PA MED PA DANG, GONG DU 'PHO BA RNAMS KYANG GNAS GZHAN DANG, RIGS DANG, 'DOD CHAGS DANG BRAL BA DANG, DBANG PO'I BYE BRAG GIS DE BZHIN DU SO SOR NYIS STONG LNGA BRGYA DGU BCU RTZA GNYIS YIN TE, THAMS CAD BSDUS NA PHYIR MI 'ONG BA'I KHYAD PAR LNGA PO DAG KHRI NYIS STONG DGU BRGYA RTZA DRUG CU YIN NO, ,GZUGS MED PAR 'GRO BA SKYES NAS ZHES BYA BA LA SOGS PA RNAM PA BZHI'I KHYAD PAR DAG DANG BCAS NA NI DE'I TSE DE DAG MANG MO ZHIG TU 'GYUR BA LAM 'DIS KHONG DU CHUD PAR 'GYUR BA NYID PAS MA BRIS SO, ,SRID RTZE'I BAR CHA BRGYAD ZAD PA, ,ZHES BYA BA NI SRID PA'I RTZE MO'I RNAM PA BRGYAD KYI BAR ZAD PAR BYED PA NAS SRID RTZE'I BAR CHA BRGYAD ZAD PA STE, SRID PA'I RTZE MO'I RNAM PA BRGYAD KYI BAR ZAD PAR YANG BYED PA ZHES BYA BA'I THA TSIG GO; ;PHYIR MI 'ONG BA DE BSAM GTAN DANG PO'I RNAM PA GCIG LAS 'DOD CHAGS DANG BRAL BA NAS BZUNG STE ZHES BYA BA NI GANG GI PHYIR 'DOD PA LAS 'DOD CHAGS DANG BRAL BAS PHYIR MI 'ONG BA RNAM PAR GZHAG PA DE'I PHYIR DE YAN CHAD NI DGRA BCOM PA NYID KYI 'BRAS BU LA ZHUGS PA YIN NO, , @200A *, ,JI LTAR RDO RJES THAMS CAD 'JOMS PA DE BZHIN DU TING NGE 'DZIN 'DIS KYANG BRA RGYAS THAMS CAD 'JOMS PAS MTHU'I SGO NAS 'DI RDO RJE DANG 'DRA BAS NA RDO RJE LTA BU YIN NO, ,BCOM ZIN PA'I PHYIR 'DIS THAMS CAD 'JOMS PA NI MA YIN ZHES BYA BA NI KHAMS GSUM PA'I MTHONG BAS SPANG BAR BYA BA DANG, BSGOM PAS SPANG BAR BYA BA 'DOD PA NA SPYOD PA NAS SRID PA'I RTZE MO PA'I RNAM PA BRGYAD KYI BAR DAG GO, ,GAL TE THAMS CAD MI 'JOMS NA CI'I PHYIR PHRA RGYAS THAMS CAD 'JOMS PA YIN ZHES BYA ZHE NA, DE'I PHYIR THAMS CAD 'JOMS PAR NUS PA YIN NO ZHES BYA BA SMOS TE, SRID PA'I DBANG DU BYAS NAS BSHAD DO SNYAM DU DGONGS PA YIN NO, ,MI LCOGS PA MED PAS BSDUS PA ZHES BYA BA RGYAS PAR 'BYUNG BA NI DGRA BCOM PA NYID NI SA DGU PO MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI DANG, SRID PA'I RTZE MO MA GTOGS PA GZUGS MED PA GSUM LA BRTEN NAS 'THOB STE, DE'I PHYIR 'DI LTAR SPROS SO, ,SDUG BSNGAL DANG KUN 'BYUNG BA LA RJES SU SHES PA'I RNAM PA DAG DANG MTSUNGS PAR LDAN PA BRGYAD CES BYA BA NI SRID PA'I RTZE MO PA'I SDUG BSNGAL LA DMIGS PA RJES SU SHES PA'I RNAM PA BZHI DANG MTSUNGS PAR LDAN PA BZHI DANG, SRID PA'I RTZE MO PA'I KUN 'BYUNG BA LA DMIGS PA RJES SU SHES PA'I RNAM PA GZHAN BZHI DANG MTSUNGS PAR LDAN PA BZHI STE BRGYAD DO, ,'GOG PA DANG LAM LA CHOS SHES PA'I RNAM PA DAG DANG MTSUNGS PAR LDAN PA BRGYAD CES BYA BA LA'ANG DE KHO NA BZHIN DU BRJOD PAR BYA STE, BSGOM PA'I LAM LA 'GOG PA'AM, ,LAM LA CHOS SHES GANG YIN TE, ,KHAMS GSUM GYI NI GNYEN PO YIN, ,ZHES 'BYUNG BAS 'DIR DE GNYIS KHO NA NYE BAR DGOD KYI SDUG BSNGAL DANG KUN 'BYUNG BA LA CHOS SHES PA DAG NI MI GZUNG NGO, ,DE BZHIN DU SRID PA'I RTZE MO'I 'GOG PA LA DMIGS PA'I BAR DU ZHES BYA BA LA, BAR DU ZHES BYA BA'I SGRAS NI JI LTAR BSAM GTAN DANG PO'I 'GOG PA LA DMIGS PA'I RNAM PA DAG DANG MTSUNGS PAR LDAN PA BZHI YIN PA DE BZHIN DU BSAM GTAN GNYIS PA DANG, GSUM PA DANG, @200B BZHI PA DANG, NAM MKHA' DANG, RNAM SHES DANG, CI YANG MED PA'I SKYE MCHED DANG, SRID PA'I RTZE MO'I 'GOG PA LA DMIGS PA DAG KYANG SO SOR BZHI BZHI YIN PAR BRJOD PAR BYA'O, ,LAM LA RJES SU SHES PA'I RNAM PA DAG DANG MTSUNGS PAR LDAN PA BZHI STE ZHES BYA BA 'DI NI SO SO'I LAM LA DMIGS PA RJES SU SHES PA'I RNAM PA DAG DANG MTSUNGS PAR LDAN PA BZHI BZHI ZHES MI BRJOD DO, ,CI'I PHYIR LAM LA ZHE NA, RJES SU SHES PA'I PHYOGS DANG MTHUN PAR ZAD PA LA DMIGS PA'I PHYIR RO ZHES BYA BA SMOS SO, ,RJES SU SHES PA'I PHYOGS DANG MTHUN PA'I LAM NI GNYEN PO'I NGO BOR YANG KHYAD PAR MED LA LAM NI PHAN TSUN GYI RGYU YANG YIN PAS RIL KHO NA LA DMIGS KYI 'GOG PA NI MA YIN NO, ,DE'I PHYIR LAM LA RJES SU SHES PA'I RNAM PA DAG DANG MTSUNGS PAR LDAN PA NI BZHI KHO NAR ZAD DO, ,DE DAG NI SHES PA'I RNAM PA DAG DANG DMIGS PA'I BYE BRAG GIS THA DAD PA'I PHYIR ZHES BYA BA NI SHES PA'I RNAM PA'I BYE BRAG DANG, DMIGS PA'I BYE BRAG GIS THA DAD PA'O, ,YANG NA SHES PA RNAMS DANG RNAM PA RNAMS DANG, DMIGS PA RNAMS KYI BYE BRAG GIS THA DAD PA STE, RE ZHIG SHES PA'I RNAM PA'I BYE BRAG GIS THA DAD PA NI SDUG BSNGAL DANG KUN 'BYUNG BA LA RJES SU SHES PA'I RNAM PA DAG DANG ZHES BYA BA DE LTA BU LA SOGS PA 'BYUNG BA'I PHYIR RO, ,DMIGS PA'I BYE BRAG GIS THA DAD PA YANG SRID PA'I RTZE MO PA'I SDUG BSNGAL DANG KUN 'BYUNG BA LA DMIGS PA ZHES BYA BA DE LTA BU LA SOGS PA 'BYUNG BA'I PHYIR RO, ,LNGA BCU RTZA GNYIS YIN NO ZHES BYA BA NI DANG PO BRGYAD TSAN GNYIS TE, BCU DRUG DANG, BSAM GTAN DANG PO'I 'GOG PA LA DMIGS PA BZHI NAS LAM LA RJES SU SHES PA'I RNAM PA DAG DANG MTSUNGS PAR LDAN PA BZHI'I BAR DU BZHI TSAN DGU LA SUM CU RTZA DRUG STE, BCU DRUG DANG SUM CU RTZA DRUG NI LNGA BCU RTZA GNYIS SU 'GYUR RO, ,MI LCOGS PA MED PAS BSDUS PA JI LTA BAR ZHES BYA BA RGYAS PAR 'BYUNG BA NI DNGOS GZHI'I BSAM GTAN LA MA BRTEN CING MA ZHUGS PAR SKYE BAS NA MI LCOGS PA MED PAS TE, BSHAD MA THAG PA'I RNAM PA GANG GIS MI LCOGS PA MED PAS BSDUS PA'I RDO RJE LTA BU'I TING NGE 'DZIN LNGA BCU RTZA GNYIS @201A *, ,YIN PA'I RNAM PA DE NYID KYI BSAM GTAN KHYAD PAR CAN GYIS BSDUS PA YANG LNGA BCU RTZA GNYIS YIN NO, ,JI LTAR SHES PAS SHE NA, BSAM GTAN KHYAD PAR CAN GYIS BSDUS PA SRID PA'I RTZE MO BA'I SDUG BSNGAL DANG KUN 'BYUNG BA LA DMIGS PA SDUG BSNGAL DANG KUN 'BYUNG BA LA RJES SU SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA DANG LAM LA CHOS SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA LA RJES SU SHES PA'I RNAM PA DAG DANG MTSUNGS PAR LDAN PA BSAM GTAN DANG PO'I 'GOG PA LA DMIGS PA BZHI NAS DE BZHIN DU SRID PA'I RTZE MO'I 'GOG PA LA DMIGS PA'I BAR DU BZHI DANG, LAM LA RJES SU SHES PA'I RNAM PA DAG DANG MTSUNGS PAR LDAN PA BZHI STE, RJES SU SHES PA'I PHYOGS DANG MTHUN PA ZAD PAR LA DMIGS PA'I PHYIR RO, ,DE DAG NI SHES PA'I RNAM PA DANG, DMIGS PA'I BYE BRAG GIS THA DAD PA'I PHYIR LNGA BCU RTZA GNYIS YIN NO, ,BSAM GTAN KHYAD PAR CAN GYIS BSDUS PA JI LTA BA DE BZHIN DU BSAM GTAN DANG POS BSDUS PA LNGA BCU RTZA GNYIS YIN PA NAS BSAM GTAN BZHI PAS BSDUS PA'I BAR DU LNGA BCU RTZA GNYIS YIN NO, ,GRANGS BZHIN DU ZHES BYA BA RGYAS PAR 'BYUNG BA NI NAM MKHA' MTHA' YAS SKYE MCHED KYIS BSDUS PA NI NYI SHU RTZA BRGYAD DO, ,RNAM SHES MTHA' YAS SKYE MCHED KYIS BSDUS PA NI NYI SHU RTZA BZHI'O, ,CI YANG MED PA'I SKYE MCHED KYIS BSDUS PA NI NYI SHU'O, ,SRID PA'I RTZE MO NA NI 'PHAGS PA'I LAM MED PAS DES BSDUS PA MED PA'I PHYIR MI BSAM MO, ,DE DAG NA CHOS SHES PA MED PA'I PHYIR ZHES BYA BA NI CHOS SHES PA NI SA DRUG PA YIN PA'I PHYIR DE LTA BAS NA 'GOG PA DANG LAM LA CHOS SHES PA'I RNAM PA DAG DANG MTSUNGS PAR LDAN PA BRGYAD MED DO, ,RJES SU SHES PAS SA 'OG MA'I 'GOG PA LA DMIGS PA MED PA'I PHYIR 'GOG PA LA RJES SU SHES PA'I RNAM PA DAG DANG MTSUNGS PAR LDAN PA BSAM GTAN BZHI'I 'GOG PA LA DMIGS PA BCU DRUG KYANG MED PAS NYI SHU RTZA BRGYAD DU 'GYUR TE, LNGA BCU RTZA GNYIS LAS BRGYA DANG BCU DRUG DE LTAR BOR BA'I PHYIR RO, ,JI LTA ZHE NA, NAM MKHA' MTHA' YAS SKYE MCHED KYIS BSDUS PA @201B SRID PA'I RTZE MO PA'I SDUG BSNGAL DANG KUN 'BYUNG BA LA RJES SU SHES BA'I RNAM PA DAG DANG MTSUNGS PAR LDAN PA BRGYAD DO, ,'GOG PA LA RJES SU SHES PA'I RNAM PA DAG DANG MTSUNGS PAR LDAN PA NAM MKHA' MTHA' YAS SKYE MCHED LA SOGS PA'I 'GOG PA LA DMIGS PA BCU DRUG DANG, LAM LA RJES SU SHES PA'I RNAM PA DAG DANG MTSUNGS PAR LDAN PA BZHI STE, DE DAG NI SHES PA'I RNAM PA DANG, DMIGS PA'I BYE BRAG GIS THA DAD PA'I PHYIR NYI SHU RTZA BRGYAD YIN NO, ,DE BZHIN DU RNAM SHES MTHA' YAS SKYE MCHED KYIS BSDUS PA NI NAM MKHA' MTHA' YAS SKYE MCHED KYI 'GOG PA LA DMIGS PA BZHI BOR NAS NYI SHU RTZA BZHI YIN PAR SBYAR RO, ,CI YANG MED PA'I SKYE MCHED KYIS BSDUS PA NI RNAM SHES MTHA' YAS SKYE MCHED KYI 'GOG PA LA DMIGS PA GZHAN BZHI YANG BOR NAS NYI SHU YIN NO, YANG CI'I PHYIR GZUGS MED PA RNAMS RANG GI SA DANG SA GONG MA PA KHO NA'I 'GOG PA LA DMIGS KYI, BSAM GTAN BZHIN DU SA 'OG PA NI MA YIN ZHE NA, SA 'OG MA'I SDUG BSNGAL LA MA DMIGS PAR DE'I 'GOG PA LA DMIGS PAR MI NUS SO, ,SDUG BSNGAL YANG THAMS CAD ZAG PA DANG BCAS PA YIN LA, GZUGS MED RNAM BZHI DGE RNAMS KYI, ,SPYOD YUL ZAG BCAS 'OG MA YIN, ,ZHES BYA BA 'DI YANG NGES PAS 'DI NI RGYU YIN NO, ,BSAM GTAN RNAMS NI KUN DU LTA BA YIN PA'I PHYIR MI DGAG STE, BSAM GTAN DGE YUL YOD DGU YIN, ,ZHES 'CHAD PAR 'GYUR RO, ,YANG CI'I PHYIR 'GOG PA KHO NA LA DMIGS KYI SDUG BSNGAL LAM KUN 'BYUNG BA LA NI MA YIN ZHE NA, SRID PA'I RTZE MO MAN CHAD KYI SA LAS 'DOD CHAGS DANG BRAL BA'I PHYIR RO, ,DE LA NI SRID PA'I RTZE MO PA'I RNAM PA DGU PA RDO RJE LTA BUS GZHOM PAR BYA BA KHO NA LUS SO, ,SA 'OG MA PA'I GNYEN PO LA DMIGS PA NI YOD DE ZHES BYA BA NI SHES PA'I DBANG DU BYAS PA YIN TE, DE YANG RDO RJE LTA BU'I TING NGE 'DZIN DANG MTSUNGS PAR LDAN PAR RIG PAR BYA'O, ,GNYEN PO DE NI PHAN TSUN[?] DU RGYU YIN PA'I PHYIR RO ZHES BYA BA NI, SA DGU'I LAM NI PHAN TSUN DU, ,MNYAM DANG KHYAD PAR CAN DAG GI ,ZHES BYA BA'I PHYIR LAM LA RJES SU SHES PA THAMS CAD NI RJES SU SHES PA'I PHYOGS DANG MTHUN PA SA DGU PA'I DMIGS PA @202A *, ,YIN NO, ,GANG DAG CES BYA BA RGYAS PAR 'BYUNG BA NI CHOS MNGON PA GANG DAG 'GOG PA LA RJES SU SHES PA 'BA' ZHIG TU MA ZAD KYI, LAM LA RJES SU SHES PA YANG SA RE RE'I GNYEN PO LA DMIGS PA YIN PAR 'DOD PA DE DAG GI LTAR NA NYI SHU RTZA BRGYAD LHAG PAR BSNAN NA MI LCOGS PA MED PAS BSDUS PA'I RDO RJE LTA BU NI BRGYAD CU YIN NO, ,JI LTAR BYAS PAS SHE NA, SNGA MA LTAR NA RJES SU SHES PA'I PHYOGS DANG MTHUN PA ZAD PAR LA DMIGS PA YIN PA'I PHYIR LAM LA RJES SU SHES PA'I RNAM PA BZHI DANG MTSUNGS PAR LDAN PA BZHI YIN NO, ,DE[?] NI KHA CIG GI GZHUNG LUGS KYIS SA RE RE'I GNYEN PO LA DMIGS PA YIN PAR YANG RNAM PAR 'JOG STE, MI LCOGS PA MED PAS BSDUS PA BSAM GTAN DANG PO'I GNYEN PO LA DMIGS PA, LAM LA RJES SU SHES PA'I RNAM PA DAG DANG MTSUNGS PAR LDAN PA BZHI NAS, DE BZHIN DU CI YANG MED PA'I SKYE MCHED KYI GNYEN PO LA DMIGS PA LAM LA RJES SU SHES PA'I RNAM PA DAG DANG MTSUNGS PAR LDAN PA'I BAR DU BZHI STE, DE LTAR NA NYI SHU RTZA BRGYAD LHAG PA YIN NO, ,LNGA BCU RTZA GNYIS LA NYI SHU RTZA BRGYAD KYIS LHAG PAR BSNAN NA BRGYAD CUR 'GYUR RO, ,YANG CI'I PHYIR SRID PA'I RTZE MO'I GNYEN PO LA DMIGS PA LAM LA RJES SU SHES PA'I RNAM PA DAG DANG MTSUNGS PAR LDAN PA BZHI MI BGRANG ZHE NA, SMRAS PA, ZAG PA MED PA'I LAM SRID PA'I RTZE MO'I BSDUS PA SRID PA'I RTZE MO'I GNYEN PO NI MED KYI, BSAM GTAN DANG PO'I SA PA NAS CI YANG MED PA'I SKYE MCHED KYIS PA'I BAR NI YOD DE, DE LTA BAS NA DE DAG GI GNYEN PO LA DMIGS PA KHO NA BSHAD KYI SRID PA'I RTZE MO'I GNYEN PO LA DMIGS PA NI MA YIN NO, ,GZHAN DAG 'CHAD PA NI GANG DAG LAM LA RJES SU SHES PA YANG SA RE RE'I GNYEN PO LA DMIGS PA YIN PAR 'DOD PA NI 'GOG PA LA RJES SU SHES PA JI LTA BA BZHIN DU 'DOD PA ZHES BYA BAR BSAM PA YIN NO, ,DE DAG GI LTAR NA SRID PA'I RTZE MO PA'I SDUG BSNGAL DANG, KUN 'BYUNG BA LA RJES SU SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA DANG LAM LA CHOS SHES PA'I RNAM PA DAG DANG MTSUNGS PAR LDAN PA BRGYAD DANG, @202B 'GOG PA LA RJES SU SHES PA'I RNAM PA DAG DANG MTSUNGS PAR LDAN PA BSAM GTAN DANG PO'I 'GOG PA LA DMIGS PA BZHI NAS SRID PA'I RTZE MO'I 'GOG PA LA DMIGS PA'I BAR DU BZHI STE SUM CU RTZA GNYIS DANG, DE BZHIN DU LAM LA RJES SU SHES PA'I RNAM PA DAG DANG MTSUNGS PAR LDAN PA YANG DE DANG 'DRA BAR SUM CU RTZA GNYIS YIN PAS MI LCOGS PA MED PAS BSDUS PA RDO RJE LTA BU NI BRGYAD CU YIN NO ZHES ZER RO, ,DE DAG GI LTAR NA RJES SU SHES PA'I PHYOGS DANG MTHUN PAR ZAD PAR LA DMIGS PA'I PHYIR LAM LA RJES SU SHES PA'I RNAM PA DAG DANG MTSUNGS PAR LDAN PA BZHI PO GANG DAG YIN PA DAG NI MED KYI DE DAG GI GOR SRID PA'I RTZE MO'I GNYEN PO LA DMIGS PA DAG YOD PAS 'DIR RDO RJE LTA BU BRGYAD CU YIN NO, ,BSAM GTAN BZHI PAS BSDUS PA'I BAR DU YANG DE DANG 'DRA'O, ,JI LTA ZHE NA, NYI SHU RTZA BRGYAD LHAG PAR BSNAN NAS BSAM GTAN KHYAD PAR CAN GYIS BSDUS PA'I RDO RJE LTA BU BRGYAD CU YIN NO, ,BSAM GTAN KHYAD PAR CAN GYIS BSDUS PA JI LTA BA DE BZHIN DU, BSAM GTAN DANG PO DANG, GNYIS PA DANG, GSUM PA DANG, BZHI PAS BSDUS PA'I RDO RJE LTA BU YANG BRGYAD CU YIN NO, ,NAM MKHA' MTHA' YAS SKYE MCHED LA SOGS PA DAG NI ZHES BYA BA NI SRID PA'I RTZE MO MA GTOGS PA'I GZUGS MED PA GSUM PO DAG NA NI GO RIMS BZHIN DU BZHI BCU DANG, SUM CU RTZA GNYIS DANG, NYI SHU RTZA BZHI YIN NO, ,JI LTAR BYAS PAS SHE NA, RE ZHIG NAM MKHA' MTHA' YAS SKYE MCHED KYI RDO RJE LTA BU'I TING NGE 'DZIN NYI SHU RTZA BRGYAD LA NAM MKHA' MTHA' YAS SKYE MCHED KYI GNYEN PO LA DMIGS PA LAM LA RJES SU SHES PA'I RNAM PA DAG DANG MTSUNGS PAR LDAN PA BZHI NAS CI YANG MED PA'I SKYE MCHED KYI GNYEN PO LA DMIGS PA'I BAR BZHIS BSNAN TE, BCU GNYIS KYIS BSNAN NA BZHI BCUR 'GYUR RO, ,DE BZHIN DU NYI SHU RTZA BZHI LA NI RNAM SHES MTHA' YAS SKYE MCHED KYI GNYEN PO LA DMIGS PA BZHI DANG, CI YANG MED PA'I SKYE MCHED KYI GNYEN PO LA DMIGS PA BZHIS BSNAN NAS SUM CU RTZA GNYIS SU 'GYUR RO, ,DE BZHIN DU NYI SHU LA NI CI YANG MED PA'I SKYE MCHED KYI GNYEN PO LA DMIGS PA GNYEN PO BZHIS BSNAN NAS NYI SHU RTZA BZHIR 'GYUR RO, , @203A *, ,SMRAS PA, SA 'OG MA'I GNYEN PO LA DMIGS PA NI YOD DE, DE NI PHAN TSUN RGYU YIN PA'I PHYIR RO ZHES BSHAD PA YIN NAM, ,YANG CI'I PHYIR NAM MKHA' MTHA' YAS SKYE MCHED LA SOGS PAS BSDUS PA RANG GI SA DANG SA GONG MA'I GNYEN PO LA DMIGS PA KHO NAR BSHAD KYI, SA 'OG MA'I GNYEN PO LA DMIGS PA NI MA YIN ZHE NA, 'DIR SMRAS PA, KHYAD PAR DU MA BYAS PAR RJES SU SHES PA'I PHYOGS DANG MTHUN PA'I LAM SA DGU PA NI SA 'OG MA'I GNYEN PO LA DMIGS PA YIN NO ZHES BSHAD KYI, NAM MKHA' MTHA' YAS SKYE MCHED LA SOGS PAS BSDUS PA SA 'OG MA'I GNYEN PO LA DMIGS PA NI MA YIN NO, ,'O NA CI ZHE NA, RANG GI SA DANG SA GONG MA'I GNYEN PO KHO NA LA DMIGS PA YIN NO, ,DE LA RJES SU SHES PA'I KHYAD PAR MED PA'I NGO BOR 'OG MA LA DMIGS PA YIN GYI, KHYAD PAR GYI NGO BOR NI MA YIN NO, ,RANG GI SA DANG SA GONG MA LA DMIGS PA NI KHYAD PAR GYI NGO BOR YANG YIN NO ZHES BYA BA 'DIR NI GZHAN GYI GZHUNG LUGS KYIS BSHAD PA YIN NO, ,SNGA MA STE RJES SU SHES PA NI RJES SU SHES PA'I PHYOGS DANG MTHUN PA THAMS CAD LA CI'I NGO BO KHO NAR DMIGS SO ZHES BYA BA DE NI BYE BRAG TU SMRA BA RNAMS KYI GZHAG PA'I PHYOGS YIN TE, 'DI LTAR SLOB DPON 'DUS BZANGS KYIS LAM LA RJES SU SHES PA THAMS CAD NI RJES SU SHES PA'I PHYOGS DANG MTHUN PAS DGU PA'I DMIGS PA YIN NO ZHES BSHAD DO, ,GZHAN DAG NI 'DI SKAD ZER TE, SRID PA'I RTZE MO'I SDUG BSNGAL DANG, KUN 'BYUNG BA LA RJES SU SHES PA'I RNAM PA DAG DANG MTSUNGS PAR LDAN PA BRGYAD DANG, 'GOG PA LA RJES SU SHES PA'I RNAM PA DAG DANG MTSUNGS PAR LDAN PA NAM MKHA' MTHA' YAS SKYE MCHED KYI 'GOG PA LA DMIGS PA BZHI NAS SRID PA'I RTZE MO PA'I 'GOG PA LA DMIGS PA'I BAR BZHI STE, BCU DRUG DANG, LAM LA RJES SU SHES PA'I RNAM PA DAG DANG MTSUNGS PAR LDAN PA YANG NAM MKHA' MTHA' YAS SKYE MCHED KYI GNYEN PO LA DMIGS PA BZHI NAS SRID PA'I RTZE MO'I GNYEN PO LA DMIGS PA'I BAR BZHI STE BCU DRUG GO, ,DE DAG NI BCU DRUG PHRAG GNYIS DANG, SNGAR BSHAD PA'I BRGYAD NAS NAM MKHA' MTHA' YAS SKYE MCHED KYIS BSDUS PA'I RDO RJE LTA BU BZHI @203B BCUR 'GYUR BA YIN NO, ,RNAM SHES MTHA' YAS SKYE MCHED KYIS BSDUS PA NI SUM CU RTZA GNYIS TE, NAM MKHA' MTHA' YAS SKYE MCHED KYI 'GOG PA DANG GNYEN PO LA DMIGS PA BRGYAD DOR RO, ,CI YANG MED PA'I SKYE MCHED KYIS BSDUS PA NI NYI SHU RTZA BZHI STE, RNAM SHES MTHA' YAS SKYE MCHED KYI 'GOG PA DANG, LAM LA DMIGS PA GZHAN BRGYAD KYANG DOR RO ZHES ZER TE, ,DE DAG NI SRID PA'I RTZE MO LA YANG, GNYEN PO'I LAM SA 'OG MA PA YOD DO ZHES ZER RO, ,YANG RIGS DANG DBANG PO'I BYE BRAG GIS NI CHES MANG BA YIN NO ZHES BYA BA JI LTA BU YIN ZHE NA, RE ZHIG THAMS CAD KYI DANG POR BRGYAD BSHAD PA DE DAG LAS SRID PA'I RTZE MO PA'I SDUG BSNGAL LA DMIGS PA MI RTAG PA'I RNAM PA DANG MTSUNGS PAR LDAN PA'I RDO RJE LTA BU GANG YIN PA DE RIGS DRUG GI BYE BRAG GIS KHYAD PAR RNAM PA DRUG GO, ,DE BZHIN DU SDUG BSNGAL LA SOGS PA'I RNAM PA DANG MTSUNGS PAR LDAN PA GSUM YANG SO SOR KHYAD PAR RNAM PA DRUG YIN LA, DE DAG KYANG SO SOR DBANG PO CHUNG NGU DANG 'BRING DANG CHEN PO'I BYE BRAG GIS THA DAD DO, ,JI LTAR 'DI DAG GI SO SOR RIGS DANG DBANG PO'I BYE BRAG GIS THA DAD PA DE BZHIN DU SRID PA'I RTZE MO PA'I KUN 'BYUNG BA LA DMIGS PA BZHI YANG SO SOR RIGS DRUG GI BYE BRAG GIS KHYAD PAR RNAM PA DRUG YIN LA, DBANG PO GSUM GYI BYE BRAG GIS KHYAD PAR RNAM PA GSUM YIN NO, ,JI LTAR BRGYAD PO 'DI DAG RIGS DANG, DBANG PO'I BYE BRAG GIS SO SOR KHYAD PAR RNAM PA DRUG DANG, RNAM PA GSUM YIN PA DE BZHIN DU MI LCOGS PA MED PAS BSDUS PA SHES PA'I RNAM PA DANG, DMIGS PA'I BYE BRAG GIS THA DAD PA DAG NAS CI YANG MED PA'I SKYE MCHED KYIS BSDUS PA'I BAR THAMS CAD KYANG RIGS DANG, DBANG PO'I BYE BRAG GIS THA DAD PAR LAM 'DIS SBYAR BAR BYA'O, ,YANG NA 'DI LTAR SBYAR BAR BYA'O, ,PHYOGS DANG PO LA MI LCOGS PA MED PAS BSDUS PA LNGA BCU RTZA GNYIS YIN PAR RIGS DANG DBANG PO'I BYE BRAG GIS THA DAD PAR LAM 'DIS SBYAR BAR BYA'O, ,PHYOGS DANG PO LA MI LCOGS PA MED PA MED PAS BSDUS PA LNGA BCU RTZA GNYIS YIN PA LTAR CI YANG MED PA'I SKYE MCHED KYIS BSDUS PA NYI SHU YIN PA'I @204A *, ,BAR YANG DE DANG 'DRA STE, SPYIR BSDUS NA RDO RJE LTA BU SUM BRGYA BRGYAD CU RTZA BZHIR 'GYUR RO, ,DE DAG RIGS DANG DBANG PO'I BYE BRAG GIS DRUG 'GYUR DANG, SUM 'GYUR DU BSGYUR NA DRUG STONG DGU BRGYA RTZA BCU GNYIS SU 'GYUR RO, ,PHYOGS GNYIS PA LA NI GANG LA DANG PO BRGYAD CU YIN PA NAS CI YANG MED PA'I SKYE MCHED LA NYI SHU RTZA BZHI YIN PA'I BAR GCIG TU BSDOMS NA LNGA BRGYA BDUN CU RTZA DRUG TU 'GYUR RO, ,RIGS DANG DBANG PO'I BYE BRAG GIS DRUG 'GYUR DANG SUM 'GYUR DU BSGYUR NA RDO RJE LTA BU KHRI SUM BRGYA DRUG CU RTZA BRGYAD DU 'GYUR RO, ,DE NYID KYI PHYIR DE NI DANG PO NYID DU ZHES BYA BA GANG GI PHYIR ZHE NA, DANG PO NYID DU ZAG PA THAMS CAD ZAD PA'I THOB PA DANG LHAN CIG SKYE BA'I PHYIR ZHES BYA BA SMOS TE, GANG GI PHYIR SHES PA DE DANG PO NYID DU ZAG PA THAMS CAD ZAD PA'I THOB PA DANG LHAN CIG SKYES PA'I PHYIR ZAD PA SHES PA ZHES BYA STE, BAR GYI TSIG MI MNGON PAR BYAS PA'I PHYIR RAM, NGES PA'I TSIG GI TSUL GYIS SO, ,DANG PO NYID DU ZHES SMOS PA NI MI SKYE BA SHES PA LAS KHYAD PAR DU BYA BA'I PHYIR RO, ,THAMS CAD CES SMOS PA NI RGYUN DU ZHUGS PA LA SOGS PA'I SHES PA LAS KHYAD PAR DU BYA BA'I PHYIR TE, SGRA 'JUG PA NI BRDA LA LTOS PAS SO, ,DE NYID KYI PHYIR ZHES BYA BA NI DE RANG GI DON YONGS SU RDZOGS PA NA GZHAN GYI DON BYED PAR 'OS PA'I PHYIR TE, GZHAN GYI DON BYED PAR BSHAD PA'I PHYIR ZHES BYA BA'I THA TSIG GO, ,'DOD CHAGS DANG BCAS PA THAMS CAD KYIS MCHOD PAR 'OS PA'I PHYIR ZHES BYA BA LA 'DOD CHAGS DANG BCAS PA NI SO SO'I SKYE BO DANG SLOB PA RNAMS TE; DE DAG THAMS CAD KYIS MCHOD PAR 'OS PAS DGRA BCOM PA YIN NO, ,GRUB PO ZHES BYA BA CI GRUB CE NA, GANG ZAG SNGAR BSHAD PA GZHAN BDUN NI SLOB PA DAG YIN NO ZHES BYA BA SMOS TE, 'BRAS BU LA GNAS PA GSUM DANG, ZHUGS PA BZHI BSHAD PA YIN TE, 'DI KHO NA MI SLOB PA YIN NO ZHES DMIGS KYIS BSTZAL BA'I PHYIR 'DI LAS GZHAN PA'I 'PHAGS PA RNAMS NI SLOB PA YIN NO ZHES BYA BAR GRUB BO, ,CI'I PHYIR SLOB PA YIN ZHES BYA BA NI RGYU GANG GIS NA GANG ZAG BDUN PO DE DAG SLOB PA ZHES BYA ZHE NA, ZAG PA ZAD PAR BYA BA'I PHYIR RTAG TU SLOB PA'I NGANG TSUL CAN YIN PA'I @204B PHYIR ZHES BYA BA SMOS TE, 'DI DAG SLOB PA'I NGANG TSUL CAN YIN PAS NA SLOB PA DAG GO, ,GANG LA SLOB PA'I NGANG TSUL CAN YIN ZHE NA, BSLAB PA GSUM PO LA'O, ,BSLAB PA GANG YIN ZHE NA, LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB BO, ,DE DAG GI RANG BZHIN CI ZHE NA, TSUL KHRIMS DANG, TING NGE 'DZIN DANG, SHES RAB KYI RANG BZHIN DAG YIN NO ZHES BYA BA SMOS SO, ,LHAG PA'I TSUL KHRIMS LA SLOB PAS NA LHAG PA'I TSUL KHRIMS LA STE, DE BZHIN DU LHAG PA'I SHES RAB KYI BAR LA SLOB PAS NA LHAG PA'I SHES RAB SLOB PA'O, ,BSLAB PA GSUM LAS THA MI DAD PA'I PHYIR TSUL KHRIMS LA SOGS PA'I RANG BZHIN NYID BSLAB PA YIN NO ZHES ZER RO, ,SO SO'I SKYE BO YANG SLOB PA YIN PAR 'GYUR RO ZHES BYA BA NI SO SO'I SKYE BO YANG JI SKAD BSHAD PA DAG LA SLOB PAS SO, ,MA YIN TE, BDEN PA YANG DAG PA JI LTA BA BZHIN RAB TU MI SHES PA'I PHYIR DANG ZHES BYA BA NI DE NI DE LTA MA YIN NO, ,CI'I PHYIR ZHE NA, DGE SLONG DAG 'PHAGS PA'I SHES RAB KYIS MTHONG BA GANG YIN PA DE NI ZHES 'BYUNG BAS SDUG BSNGAL LA SOGS PA'I BDEN PA RNAMS YANG DAG PA JI LTA BA BZHIN RAB TU MI SHES PA'I PHYIR TE, KHONG DU MA CHUD PA'I PHYIR RO, ,'DI LTAR MDO LAS LHAG PA'I TSUL KHRIMS DANG, LHAG PA'I SEMS KYI BSLAB PA RGYA CHER BSHAD NAS LHAG PA'I SHES RAB KYI BSLAB PA GANG YIN ZHE NA, 'DI NI SDUG BSNGAL 'PHAGS PA'I BDEN PA YIN NO ZHES BYA BAR YANG DAG PA JI LTA BA BZHIN RAB TU SHES SHING, 'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA YIN NO ZHES BYA BAR YANG DAG PA JI LTA BA BZHIN SHES PA YIN NO ZHES GSUNGS TE, DE LTAR BDEN PA YANG DAG PA JI LTA BA BZHIN DU MI SHES PA'I PHYIR RO, ,GZHAN YANG SLOB PA GTONG BA'I PHYIR TE, SO SOR THAR PA'I SDOM PA YONGS SU GTONG BA DANG DRO BAR GYUR PA LA SOGS PA LAS YONGS SU NYAMS PA'I SGO NAS TSUL KHRIMS LA SOGS PA GANG LA BSLAB PA DE LA SLOB PA GTONG BA'I PHYIR RO, ,'PHAGS PA NI CHUNG ZAD GTONG DU ZIN KYANG THAMS CAD MA @205A *, ,YIN TE, 'PHAGS PA NI NAM YANG BSLAB PA GSUM CHAR MED PA MA YIN NO, ,'PHAGS PA RANG BZHIN DU GNAS PA ZHES BYA BA NI SEMS CAN RNAMS KYI RANG BZHIN NI MNYAM BAR MA BZHAG PA'I GNAS SKABS YIN TE, DE LA GNAS PA'I 'PHAGS PA BSOD SNYOMS PA LA SOGS PA SPYOD DU GSHEGS PA SLOB PA'I NGANG TSUL CAN MA YIN PAS SLOB PA MA YIN PAR 'GYUR RO SNYAM DU BSAMS PA YIN NO, ,BSAM PA'I SGO NAS TE ZHES BYA BA NI 'DUN PA'I SGO NAS SO, ,LAM DU 'GRO BA GNAS PA BZHIN NO ZHES BYA BA LA, LAM DU 'GRO BA ZHES BYA BA NI GANG ZHIG LAM DU ZHUGS TE 'GRO BA DE NI 'DUG[?] TU ZIN KYANG 'GRO BA'I BSAM PA MA BOR BA'I PHYIR LAM DU 'GRO BA ZHES BYA BA NYID DE DE DANG 'DRA'O, ,THOB PA DANG RJES SU 'BREL BA'I YANG PHYIR TE, 'PHAGS PA NI RANG BZHIN DU GNAS KYANG TSUL KHRIMS DANG, TING NGE 'DZIN DANG, SHES RAB DAG GIS THOB PA DANG RJES SU 'BREL TO,, DE LTA BAS NA RANG BZHIN LA GNAS KYANG SLOB PA'I NGANG TSUL CAN KHO NA YIN NO, ,SLOB PA DANG MI SLOB PA'I ZHAR LA YANG SLOB PA'I CHOS RNAMS GANG ZHE NA ZHES BYA BA LA SOGS PA 'DI BRJOD DO, ,SLOB PA'I CHOS ZAG PA MED PA 'DUS BYAS KYI NGO BO NYID DAG YIN TE, MI SLOB PA'I CHOS MI SLOB PA RNAMS KYANG DE DANG 'DRA'O, ,CI'I PHYIR MYA NGAN LAS 'DA' BA SLOB PA MA YIN ZHES BYA BA NI SLOB PAS THOB PA GANG YIN PA SNYAM DU BSAMS PA YIN NO, ,MI SLOB PA DANG SO SO'I SKYE BO GNYI GA YANG DE DANG LDAN PA'I PHYIR RO ZHES BYA BA NI SO SO'I SKYE BO YANG 'JIG RTEN PA'I LAM GYIS THOB PA'I MYA NGAN LAS 'DAS PA DANG LDAN NO, ,ZHUGS PA DANG PO ZHES BYA BA NI MTHONG BA'I LAM LA GNAS PA'O, ,ZHUGS PA LHAG MA RNAMS ZHES BYA BA RGYAS PAR 'BYUNG BA NI ZHUGS PA LHAG MA LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA NYID LA ZHUGS PA RNAMS NI 'BRAS BU LA GNAS PA GSUM LAS THA MI DAD PA'I PHYIR RO, ,RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU LA NAS PA DAG LAS THA MI DAD PA'I PHYIR TE, LAN CIG PHYIR 'ONG BA LA ZHUGS PA LA SOGS PA NI RGYUN CU ZHUGS PA LA SOGS PA LAS THA DAD PA MA YIN NO ZHES BYA BA'I THA TSIG GO, ,MTHAR @205B GYIS 'THOB PA'I PHYIR DE SKAD CES BSHAD KYI ZHES BYA BA NI MTHAR GYIS 'BRAS BU BZHI 'THOB PA'I PHYIR RDZAS SU NI LNGA YIN TE ZHES BSHAD PAR ZAD DO, ,PHAL CHER DANG 'DOD PA LAS 'DOD CHAGS DANG BRAL BA DAG CIG YIN NA NI ZHES BYA BA NI PHAL CHER LAS 'DOD CHAGS DANG BRAL BA NI RNAM PA DRUG ZAD PA'O, , 'DOD PA LAS 'DOD CHAGS DANG BRAL BA NI RNAM PA DGU ZAD PA'O, ,MTHONG BA'I LAM LA STE, MTHONG BA'I LAM GYI GNAS SKABS NA GO RIMS BZHIN DU LAN CIG PHYIR 'ONG BA DANG, PHYIR MI 'ONG BA'I 'BRAS BU LA ZHUGS PA DAG YIN GYI RGYUN DU ZHUGS PA DANG, LAN CIG PHYIR 'ONG BA DAG NI MA YIN NO, , 'O NA CI ZHE NA, DE LAS GZHAN PA DAG YIN NO, ,DE LTA YIN DANG RDZAS SU RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU LA ZHUGS PA GSUM DANG, 'BRAS BU LA GNAS PA BZHI STE BDUN DU 'GYUR GYI DGRA BCOM PA NYID KYI 'BRAS BU LA ZHUGS PA GCIG PU PHYIR MI 'ONG BA'I 'BRAS BU LAS THA MI DAD DO ZHES BYA BAR KHONG DU CHUD PAR BYA'O, ,BSGOM PA'I LAM RNAM PA GNYIS SU BSHAD PA LA ZHES BYA BA NI BSGOM PA'I LAM NI RNAM PA GNYIS TE, MTHONG BA ZHES BYA ZAG PA MED, ,CES 'BYUNG BA'I PHYIR RO, ,DE'I NYON MONGS PA RGYAS PAR 'GYUR BA'I PHYIR TE ZHES BYA BA NI 'DI LTAR 'JIG RTEN PA'I LAM DE LA DE'I SA PA'I NYON MONGS PA DMIGS PA'I SGO NAS RGYAS PAR 'GYUR RO, ,NYON MONGS PA GANG ZHIG CES BYA BA RGYAS PAR 'BYUNG BA NI, CHOS MTHUN PA DANG CHOS MI MTHUN PA'I DPE STON PAR BYED PA YIN TE, SA GANG BA'I LAM YIN PA DE NI SA DE'I NYON MONGS PA'I GNYEN PO MA YIN TE, DE'I NYON MONGS PA RGYAS PAR 'GYUR BA'I PHYIR SA DE PA'I CHOS GZHAN MNYAM PAR MA BZHAG PA LTA BU'O, ,CHOS MI MTHUN PA NI GONG MA'I NYER BSDOGS KYI LAM LTA BU 'AM DE'I GNYEN PO ZAG PA MED PA'I LAM LTA BU'O, ,'JIG RTEN PA'I LAM GYIS KYANG 'DOD CHAGS DANG BRAL BA ZHES BYA BA NI SA GONG MA'I NYER BSDOGS KYIS SO, ,'JIG RTEN LAS 'DAS PAS KYANG ZHES BYA BA NI DE'I GNYEN PO ZAG PA MED PA'I LAM RANG GI DANG SA 'OG MA PAS SO, ,'PHAGS PA 'JIG RTEN PA'I LAM GYI 'DOD CHAGS DANG BRAL BAR ZHES BYA BA NI @206A *, ,DPER NA RGYUN DU ZHUGS PA ZHI GNAS SPYAD PA ZHIG 'JIG RTEN PA'I LAM GYIS 'DOD CHAGS DANG BRAL BAR GYUR PA RNAMS RNAM PA RE RE ZHING BRAL BA'I THOB PA ZAG PA DANG BCAS PA DANG, ZAG PA MED PA DAG SKYE'O, ,BSAM GTAN LA BRTEN TE ZHES BYA BA NI 'DI LTAR, MI SLOB PA DGU LA BRTEN TE, SLOB PA DRUG LA ZHES 'BYUNG BA'I PHYIR SLOB PA NI SA DRUG LA BRTEN TE DBANG PO RNAMS 'PHO BAR BYED KYI GZUGS MED PA LA NI MA YIN NO ZHES BYA BAR NGES SO, ,DE'I PHYIR SMRAS PA, BSAM GTAN LA BRTEN TE DBANG PO RNAMS 'PHO BAR BYED PA GANG YIN PA DE LAM SNGA MA ZAD PAR BTANG BA'I PHYIR TE; GZUGS MED PA'I LAM DBANG PO RTUL POS BSDUS PA SNGAR THOB PA RNAMS BTANG BA'I PHYIR DANG, 'PHEL BA 'BRAS BU KHYAD PAR BCAS, ,BTANG STE 'BRAS BU 'THOB PAR 'GYUR, ,ZHES 'BYUNG BAS 'BRAS BU'I LAM 'BA' ZHIG THOB PA'I PHYIR TE, PHYIR MI 'ONG BA'I 'BRAS BU DBANG PO RNON PO'I NGO BO NYID 'BA' ZHIG THOB PA'I PHYIR, SA GONG MA'I NYON MONGS PA'I BRAL BA STE, GZUGS MED PA NA SPYOD PA'I NYON MONGS PA'I BRAL BA DANG MI LDAN PAR 'GYUR RO, ,NYES PA GZHAN 'DI YANG YOD DE, SA GONG MA PA'I NYON MONGS PA'I BRAL BA DE BTANG NAS SA GONG MA'I NYON MONGS PA DE DAG DANG LDAN PAR YANG 'GYUR RO, ,SRID RTZE'I PHYED LAS RNAM GROL DANG, ,GONG MAR SKYES PA BZHIN MI LDAN, ,ZHES BYA BA NI PHYED LAS RNAM PAR GROL BA NI PHYED LAS RNAM PAR GROL LO, ,SRID PA'I RTZE MO'I PHYED LAS RNAM PAR GROL BA NI SRID RTZE'I PHYED LAS RNAM GROL LO, ,GONG DU SKYES PA NI GONG DU SKYES PA'O, ,SRID PA'I RTZE MO'I PHYED LAS GROL BA DANG, GONG DU SKYES PA NI SRID PA'I RTZE MO'I PHYED LAS GROL BA DANG, GONG DU SKYES PA YIN NO, ,DE DANG 'DRA BAS SRID RTZE'I PHYED LAS RNAM GROL DANG, GONG MAR SKYES PA BZHIN NO, ,MI LDAN PA NI DE DAG DANG DE ZHES BYA BA TSIG LHAG MA YIN NO, ,DU ZHES BYA BA'I SGRA NI NYES PA SNGA MA BSAL BA'I PHYIR RO, ,DON DE RNAM PAR GROL BA'I PHYIR DE LA 'JIG RTEN PA'I BRAL BA'I THOB PA MED DU ZIN KYANG ZHES BYA BA RGYAS PAR SMOS TE, GANG ZAG DE LA 'JIG RTEN PA'I THOB PA MED DU ZIN KYANG NYON MONGS PA DE DAG LDAN PAR MI 'GYUR RO, ,DPER NA SRID PA'I RTZE MO'I RNAM PA PHYED @206B LAS RNAM PAR GROL BA LA ZHES BYA BA RGYAS PAR 'BYUNG BA NI DE LA NI SRID PA'I RTZE MO'I RNAM PA PHYED LAS BRAL BA'I THOB PA 'JIG RTEN PA MED DE, DE'I GNYEN PO 'JIG RTEN PA'I LAM MED PA'I PHYIR RO, ,DE'I BRAL BA'I THOB PA 'JIG RTEN LAS 'DAS PA YANG BSAM GTAN LA BRTEN TE, DBANG PO 'PHO BAS BTANG BAR 'GYUR MOD KYI, KHYED SRID PA'I NYON MONGS PA'I RNAM PA DE DAG DANG LDAN PAR MI 'GYUR BAR KHAS LEN PA LTAR 'DI YANG DE DANG 'DRA'O, ,YANG DPER NA SO SO'I SKYE BO BSAM GTAN DANG PO YAN CHAD DU SKYES PA STE, BSAM GTAN GNYIS PA LA SOGS PAR SKYES PA BSAM GTAN DANG PO'I SA PA DE'I BRAL BA THOB PA'I PHYIR RO, ,'DOD PA NA SPYOD PA'I NYON MONGS PA'I BRAL BA'I THOB PA GTANG BAS TE, SA 'PHOS PA DANG NYAMS PA YIS, ,BSAM GTAN THOB PA'I DGE BA GTONG, ,DE BZHIN DU GZUGS MED CES BYA BAR NGES PAS GTONG BA YIN NO, ,DE'I PHYIR YANG 'DOD PA NA SPYOD PA'I NYON MONGS PA DE DAG DANG LDAN PAR MI 'GYUR BAR KHAS LEN PA LTAR GANG ZAG 'DI YANG DE DANG 'DRA'O, ,SO SO'I SKYE BO ZHES SMOS PA NI 'DI LTAR 'PHAGS PA 'JIG RTEN PA'I LAM GYIS 'DOD PA'I KHAMS KYI GONG MA LAS 'DOD CHAGS DANG BRAL BAR 'GYUR BA LA NI NYON MONGS PA'I BRAL BA'I THOB PA 'JIG RTEN PA DANG 'JIG RTEN LAS 'DAS PA YANG YOD DO, ,DE LA 'DOD PA NA SPYOD PA'I NYON MONGS PA'I BRAL BA'I THOB PA 'JIG RTEN PA GANG YIN PA DE NI BSAM GTAN DANG PO YAN CHAD DU SKYES PAS 'PHO BAS BTANG BAR 'GYUR GYI 'JIG RTEN LAS 'DAS PA NI MA YIN TE, 'PHAGS PA NI, 'BRAS THOB SBYANGS DANG NYAMS PA YIS, ,ZHES BYA BAR GTONG BAR NGES PA'I PHYIR RO, ,'PHAGS PA NI BSAM GTAN DANG PO YAN CHAD DU SKYES KYANG 'JIG RTEN LAS 'DAS PA DE YOD NA YANG DE DAG DANG LDAN PA MI SRID KYI SO SO'I SKYE BO NI DE LTA MA YIN PAS SO SO'I SKYE BO SMOS SO, ,DE LTA BAS NA, BTANG LA NYON MONGS MI LDAN PHYIR, ZHES SMOS PA GANG YIN PA 'DI NI SHES PAR BYED PA MA YIN NO, ,THAMS CAD LAS ZHES BYA BA NI RANG GI SA DANG SA GONG MA DANG 'OG MA LAS TE, DE NI ZAG PA MED PA'I PHYIR RO, ,BTANG SNYOMS KYI DBANG PO THUN MONG @207A *, ,MA YIN PA'I PHYIR ZHES BYA BA NI BSAM GTAN BZHI PA LA SOGS PA'I SNYOMS PAR 'JUG PA DANG, DE'I NYER BSDOGS DAG BTANG SNYOMS KYI DBANG PO 'DRA BAS SO, ,LA LA BSAM GTAN DNGOS GZHI LA 'JUG MI NUS TE ZHES BYA BA NI DBANG PO RTUL PO'O, ,DBANG PO 'PHO BAN DKA' BA'I PHYIR RO ZHES BYA BA NI BTANG SNYOMS KYI DBANG PO'I MJUG THOGS SU YID BDE BA'I DBANG PO'AM, BDE BA'I DBANG PO BSKYED DKA' BA'I PHYIR DNGOS GZHI DANG NYER BSDOGS DAG GIS BTANG SNYOMS KYI DBANG PO 'DRA BAS SO, ,CI'I PHYIR DNGOS GZHI KHO NA LAS RNAM PAR GROL BA'I LAM THA MA MNGON DU BYED KYI NYER BSDOGS LAS NI MA YIN ZHE NA, 'DOD CHAGS DANG BRAL BA'I SA LA GUS PA'I PHYIR RO, ,'DOD CHAGS DANG BRAL ZIN PA'I PHYIR 'OG MA LA NI MA YIN TE, DE'I NYER BSDOGS KHO NAS 'OG MA LAS 'DOD CHAGS DANG BRAL BAR BYAS PA'I PHYIR RO, ,BDEN PA'I RNAM PAR ZHUGS PA DAG YIN NO ZHES BYA BA NI MI RTAG PA LA SOGS PA'I RNAM PAR ZHUGS PA DAG YIN NO, ,CI RIGS PAR ZHES BYA BA NI KHA CIG NA RE SA 'OG MA LA RAGS PAR LTA NA GONG SA LA DE LAS BZLOG PA ZHI BAR BLTA'O ZHES ZER RO, ,GZHAN DAG NA RE ZHI BA LA SOGS PA'I RNAM PA DAG LA RES 'GA' NI RNAM PA DANG PO GCIG GI RNAM PAR LTA STE, MTHA' DAG TU LTA BAR NGES PA NI MED DO ZHES ZER RO, ,RAGS PA ZHES BYA BA LA, RAGS PA ZHES BYA BA NI CHE LONG YIN NO, ,MA ZHI BA'I PHYIR RAGS PA'O, ,JI LTAR SA 'OG MA ZHI BA YIN ZHE NA, MNGON PAR 'DU BYED PA SHIN TU CHES PA NYID KYIS TE, GNAS 'OG MA 'DI YANG LAM DANG BCAS TE MNGON PAR 'DU BYED PA CHEN POS 'BAD DE BSGRUB PAR BYA BA YIN LA, GNAS GONG MA 'DI YANG LAM DANG BCAS TE MNGON PAR 'DU BYED PA CHEN PO YIN PA LAS, DE GNYIS KYI NANG NA 'DI MNGON PAR 'DU BYED PA SHIN TU CHE SA CHE BA YIN NO, ,DE'I NGO BO NI NYID DE DE'I PHYIR RO, ,THA BA NI GZHIG PAR DKA' BA YIN NO, ,SMAD PA'I THA BA NI NGAN PA STE, THA BA NGAN PAS NA THA BA NGAN PA'O, ,JI LTAR SA 'OG MA GYA NOM PA MA YIN ZHE NA, GNAS NGAN LEN RAB TU MANG BA NYID KYIS MI MTHUN PAR GYUR PA'I PHYIR RO ZHES BYA BA SMOS TE, GNAS NGAN LEN NI @207B LUS DANG SEMS DAG LAS SU MI RUNG BA NYID DE, NYON MONGS PA DANG MTHUN PA ZHES BYA BA'I THA TSIG GO, ,'DI LA GNAS NGAN LEN MANG PO YOD PAS NA GNAS NGAN LEN MANG PO STE, GNAS 'OG MA 'DI YANG LAM DANG BCAS TE GNAS NGAN LEN MANG PO YIN LA, GNAS GONG MA 'DI YANG LAM DANG BCAS TE GNAS NGAN LEN MANG PO YIN PA LAS DE DAG GNYIS KYI NANG NA 'DI GNAS NGAN LEN SHIN TU CHES MANG NGO, ,DE'I NGO BO NI NYID DE DE'I PHYIR RO, ,RTZIG PA LAS NGES PAR MI 'BYUNG BA BZHIN TE, DPER NA RTZIG PA DE NYID KYIS DES NON PA'I NAM MKHA'I PHYOGS KYI RTZIG PA DE NYID LAS NGES PAR MI 'BYUNG BA LTAR DE NYID KYIS SA DE LAS NGES PAR MI 'BYUNG BA'I PHYIR TE, SA DE NYID KYIS SA DE NYID LAS NGES PAR MI 'BYUNG BA'I PHYIR RO, ,RTZIG PA STUG PO LTA BUR ZHES BYA BA NI RTZIG PA STUG PO'I NGO BOR RO, ,DE DAG LAS BZLOG PA ZHES BYA BA NI MNGON PAR 'DU BYED PA SHIN TU CHUNG BA NYID KYI PHYIR DANG, GNAS NGAN LEN RAB TU NYUNG BA NYID KYIS MI MTHUN PA MED PAR GYUR PA'I PHYIR DANG, SA DE GNYIS LAS DES NGES PAR 'BYUNG BA YIN PA'I PHYIR GO RIMS BZHIN DU ZHI BA DANG, GYA NOM PA DANG, NGES PAR 'BYUNG BA'I RNAM PA CAN DAG YIN NO, ,ZHAR LA 'ONGS PA RDZOGS SO,, ,,DKYUS MA KHO NA BRJOD PAR BYA STE ZHES BYA BA NI ZAD PA SHES PA'I RJES LA 'BYUNG BA BRJOD PAR BYA BA YIN TE, 'JIG RTEN PA'I BAR CHAD MED PA DANG RNAM PAR GROL BA'I LAM GYI MTSAN NYID NI ZHAR LA BSTAN PAR ZAD DO, ,GAL TE MI G-YO ZAD SHES LAS, ,MI SKYES BLO GROS ZHES BYA BA NI YANG BYAR MED PA NYID DU SHES PA STE, DE'I TSE DE LA 'DI SKYE'O, ,YONGS SU NYAMS PA SRID PA'I PHYIR ZHES BYA BA NI NYON MONGS PA SKYE BA'I GO SKABS YOD PAS 'DI LA MI SKYE BA SHES PAS MI SKYE'O, ,CI'I PHYIR ZHE NA, YONGS SU NYAMS PA SRID PA'I PHYIR TE, 'DI LTAR 'DI NI YONGS SU NYAMS PA SRID LA GANG LA MI SKYE BA SHES PA YOD PA DE LA NI YONGS SU NYAMS PA MED PAS SO, ,DES DGE SBYONG DU 'GYUR ZHES BYA BA NI DGE SBYONG GI TSUL DANG LDAN PAS DGE SBYONG YIN TE, DPER NA DKAR PO'I TSUL DANG LDAN PAS RAS YUG DKAR PO ZHES BYA BA LTA BU'O, ,DE'I RGYU MTHUN PA DANG SKYES BU BYED PA'I 'BRAS BU YIN PA'I PHYIR RO ZHES BYA BA NI CI RIGS PAR RNAM PAR GROL BA'I @208A *, ,LAM DANG, 'DUS MA BYAS RNAMS KYANG DGE SBYONG GI TSUL BAR CHAD MED PA'I LAM GYI MTSAN NYID DE'I RGYU MTHUN PA'I 'BRAS BU DANG SKYES BU BYED PA'I 'BRAS BU YIN PA'I PHYIR TE, RNAM PAR GROL BA'I LAM RNAMS NI DE'I RGYU MTHUN PA DANG, SKYES BU BYED PA'I 'BRAS BU YIN NO, ,'DUS MA BYAS RNAMS NI SKYES BU BYED PA'I 'BRAS BU KHO NA YIN TE, GANG GI STOBS KYIS GANG BSKYED DE, ,SKYES BU BYED LAS SKYES PA'I 'BRAS, ,GANG GI STOBS KYIS GANG THOB PA, ,DE NI SKYES BU BYED PA'I 'BRAS, ,ZHES BYA BA'I PHYIR RO, ,DE LTA NA 'O NA NI ZHES BYA BA RGYAS PAR 'BYUNG BA LA, TSIG GI DON NI JI LTAR SO SO'I SKYE BO PA NI NI'I TSIG LA KHA BSKANG BA BYED PA LTAR SANGS RGYAS THAMS CAD MKHYEN PAS GANG GSUNGS PA YANG KHA BSKANG PAR BYA DGOS PAR 'GYUR RO ZHES BYA BA'O, ,LAM SNGA MA BTANG BA DANG ZHES BYA BA RGYAS PAR 'BYUNG BA LA, LAM SNGA MA BTANG BA NI ZHUGS PA'I LAM BTANG BA'I PHYIR RO, ,SNGON MED PA'I LAM THOB PA NI 'BRAS BU'I THOB PA'I PHYIR RO, ,THAMS CAD KYI THOB PA GCIG RNYED PA'I PHYIR RO ZHES BYA BA NI RGYUN DU ZHUGS PA'I 'BRAS BU 'THOB PA'I DUS NA MTHONG BAS SPANG BA THAMS CAD KYI THOB PA BSGOM PA'I LAM GYIS BSDUS PA GCIG RNYED LA, DE BZHIN DU LAN CIG PHYIR 'ONG BA'I 'BRAS BU THOB PA'I DUS NA YANG MTHONG BAS SPANG BAR BYA BA SPANGS PA DANG, BSGOM PAS SPANG PA RNAM PA DRUG PO THAMS CAD KYI THOB BA GCIG RNYED DE, PHYIR MI 'ONG BA DANG, DGRA BCOM PA NYID KYI 'BRAS BU DAG LA YANG DE BZHIN DU SBYAR BAR BYA'O, ,CHOS DANG RJES SU SHES PA RNAM PA BZHI'I ZHES BYA BA NI BDEN PA'I BYE BRAG GIS CHOS DANG RJES SU SHES PA RNAM PA BZHI PO YANG DE KHO NA BZHIN DU RNAM PA BZHI BZHI YIN PAS SHES PA BRGYAD CIG CAR DU 'THOB BO, ,'JIG RTEN PA'I LAM GYIS THOB PA'I 'BRAS BU GNYIS ZHES BYA BA NI LAN CIG PHYIR 'ONG PA'I 'BRAS BU DANG, PHYIR MI 'ONG BA'I 'BRAS BU STE, DE DAG NI 'JIG RTEN PA'I LAM GYIS KYANG THOB PAR SRID NA, DE JI LTAR DGE SBYONG GI TSUL ZAG PA MED PA'I LAM GYIS MTSAN NYID KYI 'BRAS BUR RUNG, MTHONG BA'I LAM KYI 'BRAS BU SPANGS PA YANG ZHES BYA BA LA, YANG ZHES BYA BA'I SGRAS NI BSGOM PA'I LAM GYI 'BRAS BU YANG GZUNG @208B STE; SPANGS PA RNAM PA GNYIS PO DE'I THOB PA YANG LAN CIG PHYIR 'ONG BA'I 'BRAS BUR BSDUS PA'AM PHYIR MI 'ONG BA'I 'BRAS BUR BSDUS PA GCIG RNYED DO, ,DE LTA BAS NA MTHONG BA'I LAM GYI 'BRAS BU SPANGS PA DANG LDAN PA'I PHYIR LAN CIG PHYIR 'ONG BA'I 'BRAS BU'AM PHYIR MI 'ONG BA'I 'BRAS BU 'DUS MA BYAS NI DGE SBYONG GI TSUL GYI 'BRAS BU YIN NO, ,KUN DU SBYOR BA GSUM SPANGS PA ZHES BYA BA LA KUN DU SBYOR BA GSUM NI MTHONG BA'I LAM GYIS SPANGS PA YIN NO, ,THA MA'I CHA DANG MTHUN PA LNGA'I PHYOGS GCIG PO 'JIG TSOGS LA LTA BA DANG TSUL KHRIMS DANG BRTUL ZHUGS MCHOG TU 'DZIN PA DANG, THE TSOM RNAMS KYANG MTHONG BA'I LAM KHO NAS SPANGS NA, SPANGS PA DE CI'I PHYIR LAN CIG PHYIR 'ONG BA DANG, PHYIR MI 'ONG BA'I 'BRAS BU NYID DAG TU GZHAG ,DE'I PHYIR SPANGS PA 'DREN MAR 'JUG PAS BCOM LDAN 'DAS KYIS DE SKAD GSUNGS SO ZHES BYA BAR MNGON NO, ,DE'I STOBS KYIS YONGS SU NYAMS PA MI 'CHI BA'I PHYIR ZHES BYA BA NI, 'JIG RTEN PA YIS CHAGS BRAL BA'I, ,'PHAGS LA BRAL BA'I THOB RNAMS GNYIS, ,ZHES BYA BA DE LA BRAL BA'I THOB PA ZAG PA MED PAS 'JIG RTEN PA'I LAM GYIS THOB PA'I SPANGS PA GANG YIN PA DE 'DZIN PAR BYED DO, ,'BRAS LA NYAMS PA 'CHI BA MED, ,CES 'BYUNG BA'I PHYIR THOB PA DANG LDAN PA'I GNAS SO ZHES BYA BA'I THA TSIG STE, DE MED NA 'JIG RTEN PA YONGS SU NYAMS PA BZHIN DU 'CHI BAR 'GYUR RO, ,DE'I STOBS KYIS ZHES BYA BA NI BRAL BA'I THOB PA ZAG PA MED PA'I STOBS KYIS ZHES BYA BA'I THA TSIG GO,, ,,BAM PO LNGA BCU PA, ZAG PA MED PA'I THOB PA 'JIG RTEN PA'I LAM GYIS NYE BAR SKYED PA DA LTAR YOD PA DANG, 'PHAGS PA'I LAM YAN LAG BRGYAD PO 'JIG RTEN PA'I STOBS KYIS THOB PAR BYA BA MA 'ONGS PA 'DUS BYAS DE LA DGE SBYONG GI TSUL GYI 'BRAS BU YOD PAR RNAM PAR GZHAG NA YANG MI 'GAL LO, ,MDO LAS NI GTZO BO YIN PA'I PHYIR DGE SBYONG GI TSUL GYI 'BRAS BU 'DUS MA BYAS SMOS TE, DER NI 'DUS BYAS KYANG 'DOD PAR BYA'O, ,NYON MONGS PA RNAMS SPONG BA'I PHYIR TSANGS PA'I TSUL LO ZHES BYA BA NI 'DIS SDIG PA MI DGE BA'I CHOS RNAM PA DU MA SPANGS PAS TSANGS PA'O, ,DE'I NGO BO NI TSANGS PA'I TSUL YIN TE, ZAG PA MED PA'I LAM MO, , @209A *, ,JI LTAR TSANGS PA'I 'KHOR LO YIN ZHE NA, TSANGS PA'I 'KHOR LO NI, TSANGS PAS BSKOR PHYIR RO ZHES BYA BA SMOS TE, GANG GI PHYIR TSANGS PAS BSKOR BA DE'I PHYIR TSANGS PA'I 'KHOR LO ZHES BYA 'O, ,TSANGS PA'I TSUL BLA NA MED PA DANG LDAN PA'I PHYIR ZHES BYA BA NI ZAG PA MED PA'I LAM BLA NA MED PA DANG LDAN PA'I PHYIR ZHES BYA BA'I THA TSIG GO, ,DPER BRJOD PA NI, BCOM LDAN 'DAS DE NI TSANGS PA ZHES KYANG BYA ZHES BYA BA 'DI NI YIN TE, 'DI NI 'TSO BYED KYIS SMRAS PA YIN NO, ,MYUR BAR 'GRO SOGS RTZIBS SOGS PHYIR, ,ZHES BYA BA NI MYUR BAR 'GRO BA LA SOGS PA'I PHYIR DANG; RTZIBS LA SOGS PA'I PHYIR ZHES BYA BA'I THA TSIG GO, ,MYUR DU 'GRO BA'I PHYIR DANG ZHES BYA BA RGYAS PAR 'BYUNG BA NI 'DI NI MTHONG BA'I LAM 'KHOR LO RIN PO CHE DANG CHOS MTHUN PAR BRJOD PA YIN TE, JI LTAR 'KHOR LO RIN PO CHE MYUR DU 'GRO BA DE BZHIN DU MTHONG BA'I LAM YANG SEMS KYI SKAD CIG BCO LNGAS BDEN PA MNGON PAR RTOGS PA'I PHYIR MYUR DU 'GRO BA YIN NO, ,'DOR BA DANG 'JUG PA'I PHYIR ZHES BYA BA NI JI LTAR YUL GZHAN 'DOR ZHING YUL GZHAN DU 'JUG PA DE BZHIN DU 'DIR YANG BAR CHAD MED PA'I LAM NI 'DOR LA RNAM PAR GROL BA'I LAM NI MNGON DU 'GYUR BA'I SGO NAS 'JUG PA 'AM BDEN PA'I DMIGS PA GZHAN 'DOR BA DANG 'JUG PA'I PHYIR RO, ,MA RGYAL BA RGYAL BAR BYED PA DANG RGYAL BA RNAL DU DGOD PA'I PHYIR ZHES BYA BA NI JI LTAR DE GRONG DANG GRONG RDAL LA SOGS PA MA RGYAL BA LAS NI RGYAL BAR BYED LA RGYAL BA DAG NI RNAL DU DGOD PA DE BZHIN DU 'DI YANG BAR CHAD MED PA'I LAM GYIS 'JIG TSOGS LA LTA BA LA SOGS PA NYON MONGS PA MA RGYAL BA RNAMS LAS NI DE DAG GIS THOB PA GCOD PA'I SGO NAS RGYAL BAR BYED LA, RNAM PAR GROL BA'I LAM GYIS RGYAL BA RNAMS NI NYON MONGS PA'I BRAL BA'I THOB PA DANG LHAN CIG SKYES PA'I SGO NAS RNAL DU 'GOD DO, ,'PHAR BA DANG 'BAB PA'I PHYIR ZHES BYA BA NI JI LTAR DE LA LAR 'PHAR SHING LA LAR 'BAB PA DE BZHIN DU 'DI YANG BAR CHAD MED PA'I LAM DANG RNAM PAR GROL BA'I LAM RNAMS YANG DANG YANG MNGON DU BYED PA'AM, 'DOD PA LA SOGS PA'I SDUG BSNGAL LA SOGS PA'I DMIGS PA'I SGO NAS CI RIGS PAR 'PHAR ZHING 'BAB STE, GZUGS DANG GZUGS MED PA'I KHAMS LA DMIGS @209B PA'I PHYIR 'PHAR RO, ,'DOD PA'I KHAMS LA DMIGS PA'I PHYIR 'BAB BO, ,YANG DAG PA'I LTA BA DANG ZHES BYA BA RGYAS PAR 'BYUNG BA NI, 'DI NI TSUL KHRIMS LA BRTEN NAS TING NGE 'DZIN THOB LA TING NGE 'DZIN THOB PAS SHES RAB YANG DAG PA JI LTA BA BZHIN RAB TU SKYE'O, ,DE'I PHYIR YANG DAG PA'I NGAG DANG, LAS KYI MTHA' DANG, 'TSO BA RNAMS NI LTE BA LTA BU YIN TE, TSUL KHRIMS NI GZHIR GYUR PA YIN PAS YANG DAG PA'I LTA BA LA SOGS PA DE LA RAG LAS TE 'JUG PA'I PHYIR RO, ,TING NGE 'DZIN NI MU KHYUD LTA BU YIN TE, DES GZHAN DAG NYE BAR 'DZIN PA'I PHYIR RO, ,YANG DAG PA'I LTA BA LA SOGS PA NI RTZIBS LTA BU YIN TE, 'KHOR LO'I RTZIBS BZHIN DU PHAN TSUN DU 'JUG PA'I PHYIR RO, ,'DI GA LAS ZHES BYA BA NI MTHONG BA'I LAM CHOS KYI 'KHOR LO YIN NO ZHES BYA BA NI BYE BRAG TU SMRA BA RNAMS KYI RANG DGA' ZHIG YIN NAM, 'ON TE LUNG LAS 'BYUNG ZHES BYA BA YIN NO, ,DE SKYES NA CHOS KYI 'KHOR LO BSKOR RO ZHES BYA BA NI MDO LAS MTHONG BA'I LAM SKYES NA, CHOS KYI 'KHOR LO BSKOR TO ZHES 'BYUNG BA'I PHYIR RO, ,JI SKAD DU ZHE NA, BCOM LDAN 'DAS YUL W'A[?] R'A nA S'I NA DRANG SRONG LHUNG BA RI DAGS KYI GNAS NA BZHUGS SO, ,DE NAS BCOM LDAN 'DAS KYIS DGE SLONG LNGA SDE PO RNAMS LA BKA' STZAL PA, DGE SLONG DAG SNGON MA THOS PA'I CHOS RNAMS LA 'DI NI SDUG BSNGAL 'PHAGS PA'I BDEN PA YIN NO ZHES TSUL BZHIN DU YID LA BYED PA LA MIG SKYES SO, ,SHES PA DANG, RIG PA DANG, BLO SKYES SO, ,SNGON MA THOS PA'I CHOS RNAMS LA 'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES BYA BAR TSUL BZHIN YID LA BYED PA LA MIG SKYES SO, ,SHES PA DANG, RIG PA DANG, BLO SKYES SO, ,SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DE BDAG GIS MNGON PAR SHES PAS YONGS SU SHES PAR BYA'O ZHES TSUL BZHIN DU YID LA BYED PA LA MIG SKYES SO ZHES BYA BA SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL KUN 'BYUNG BA 'PHAGS PA'I BDEN PA DE BDAG GIS MNGON PAR SHES PAS SPANG BAR BYA'O ZHES BYA BA SNGA MA BZHIN NO, ,SNGON MA THOS PA'I CHOS RNAMS @210A *, ,LA SDUG BSNGAL 'GOG PA 'PHAGS PA'I BDEN PA DE BDAG GIS MNGON PAR SHES PAS MNGON DU BYA'O ZHES BYA BA DE SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE BDAG GIS MNGON PAR SHES PAS BSGOM PAR BYA'O ZHES BYA BA SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DE BDAG GIS MNGON PAR SHES PAS YONGS SU SHES SO ZHES BYA BA SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL KUN 'BYUNG BA 'PHAGS PA'I BDEN PA DE BDAG GIS MNGON PAR SHES PAS SPANGS SO ZHES BYA BA SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL 'GOG PA 'PHAGS PA'I BDEN PA DE BDAG GIS MNGON PAR SHES PAS MNGON DU BYAS SO ZHES BYA BA DE SNGA MA BZHIN NO, ,SNGON MA THOS PA'I CHOS RNAMS LA SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE DA DAG GIS MNGON PAR SHES PAS BSGOMS SO ZHES BYA BA SNGA MA BZHIN NO, ,DGE SLONG DAG JI SRID DU NGA LA 'PHAGS PA'I BDEN PA BZHI PO DAG LA DE LTAR LAN GSUM DU BZLAS TE, RNAM PA BCU GNYIS PA'I MIG MA SKYES SHING, SHES PA YANG MED, RIG PA YANG MED, BLO YANG MED PA DE SRID DU NGA LHA DANG BCAS, BDUD DANG BCAS, TSANGS PA DANG BCAS, DGE SBYONG DANG BRAM ZE DANG BCAS, LHA DANG MIR BCAS PA'I SKYE DGU'I 'JIG RTEN 'DI LAS GROL ZHING NGES PAR 'BYUNG STE, MI LDAN PAS PHYIN CI LOG DANG BRAL BA'I SEMS KYIS MANG DU GNAS PAR MA GYUR TO, ,DE SRID DU NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR SHES PAR MA GYUR TO, ,DGE SLONG DAG GANG NAS BZUNG STE, NGA 'PHAGS PA'I BDEN PA BZHI PO DAG LA DE LTAR LAN GSUM DU BZLAS TE, RNAM PA BCU GNYIS PA'I MIG SKYES SHING, SHES PA DANG, RIG PA DANG, BLO SKYES PA DE NAS BZUNG STE, NGA LHA DANG BCAS, BDUD DANG BCAS, TSANGS PA DANG BCAS, DGE SBYONG DANG BRAM ZER BCAS PA, LHA DANG MIR BCAS PA'I SKYE DGU'I 'JIG RTEN 'DI LAS GROL ZHING NGES PAR 'BYUNG STE, MI LDAN PAS PHYIN CI LOG DANG BRAL BA'I @210B SEMS KYIS MANG DU GNAS PAR GYUR TO, ,DE NAS NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR SHES PAR GYUR TO, ,CHOS KYI RNAM GRANGS 'DI BSHAD PA NA, TSE DANG LDAN PA KUN SHES KOOndI N+YA DANG, LHA BRGYAD KHRI CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS KYIS TSE DANG LDAN PA KUN SHES KOOndI N+YA KHYOD KYIS CHOS KUN SHES SAM, BCOM LDAN 'DAS BDAG GIS CHOS KUN 'TSAL TO, ,KUN SHES KOOndI N+YA KHYOD KYIS CHOS KUN SHES SAM, BDE BAR GSHEGS PA BDAG GIS CHOS KUN 'TSAL TO ZHES GSOL BA DANG, SA BLA BA'I GNOD SBYIN RNAMS KYIS TSE DANG LDAN PA KUN SHES KOOndI N+YAS CHOS KUN SHES SO ZHES SGRA 'BYIN DBYANGS SGROGS PAR BYED CING GROGS PO DAG BCOM LDAN 'DAS KYIS YUL W'A R'A nA S'IR DRANG SRONG LHUNG BA RI DAGS KYI GNAS 'DIR CHOS KYI 'KHOR LO CHOS DANG MTHUN PA DGE SBYONG[?] NGAM BRAM ZE'AM, LHA'AM, BDUD DAM TSANGS PA'AM, SUS KYANG 'JIG RTEN NA SKYE BO MANG PO LA PHAN PAR BYA BA'I PHYIR CHOS DANG MTHUN PAR MA BSKOR BA LAN GSUM DU BZLAS TE, RNAM PA BCU GNYIS PA BSKOR TO ZHES BYA BA RGYAS PAR 'BYUNG NGO, ,DE BAS NA MDO LAS DE LTAR 'PHAGS PA KOOndI N+YA LA MTHONG BA'I LAM SKYES PA DANG LHA RNAMS KYIS BCOM LDAN 'DAS KYIS CHOS KYI 'KHOR LO BSKOR TO ZHES SMRAS PAR 'BYUNG BA'I PHYIR MTHONG BA'I LAM CHOS KYI 'KHOR LO YIN NO ZHES BYA BAR MNGON NO, ,JI LTAR NA DE LAN GSUM DU BZLAS PA DANG ZHES BYA BA RGYAS PAR 'BYUNG BA NI, 'DI NI SDUG BSNGAL 'PHAGS PA'I BDEN PA'O ZHES BYA BA NI BZLAS PA GCIG YIN NO, ,DE YONGS SU SHES PAR BYA'O ZHES BYA BA NI GNYIS PA YIN NO, ,DE YONGS SU SHES SO ZHES BYA BA NI GSUM PA YIN TE, 'DI DAG NI LAN GSUM DU BZLAS PA YIN NO, ,BZLAS PA RE RE LA STE, SDUG BSNGAL LO ZHES BYA BA 'DI LA MIG SKYES SO, ,SHES PA DANG, RIG PA DANG, BLO SKYES SO ZHES BYA BA RNAM PA BZHI'O, ,YONGS SU SHES PAR BYA'O ZHES BYA BA 'DI LA YANG RNAM PA BZHI'O, ,YONGS SU SHES SO ZHES BYA BA 'DI LA'ANG BZHI STE, 'DI DAG NI RNAM PA BCU GNYIS YIN NO, ,DE LA ZAG PA MED PA'I SHES RAB NI DON @211A *, ,MNGON SUM GYI PHYIR MIG GO, ,THE TSOM MED PA'I PHYIR SHES PA'O, ,YANG DAG PA'I DON GYI PHYIR RIG PA'O, ,RNAM PAR DAG PA'I PHYIR BLO STE, NGES PA'I TSIG TU RNAM PAR DAG PA'I BLO LA BLO ZHES BYA BA'I PHYIR RO, ,YANG PHYI ROL BA DAG GIS BDEN PA MTHONG BA NI LTA BA NGAN PA DANG, THE TSOM DANG, MA RIG PA RNAMS KYI GNYEN PO MA YIN LA ZAG PA DANG BCAS PA YANG YIN PAS KHYAD PAR DU BYA BA'I PHYIR MIG LA SOGS PA SMOS SO, ,YANG LAN GSUM DU BZLAS PA DAG LA DANG PO MTHONG BA NI MIG GO, ,JI LTAR MTHONG BA LA DPYOD PA NI SHES PA'O, ,JI LTAR YOD PA LA BRTEN NAS RIG PA STE, JI SNYED YOD PA 'DZIN PA'I PHYIR RO, ,JI LTA BA BZHIN DU YOD PA LA BRTEN NAS BLO STE, YANG DAG PA JI LTA BA BZHIN DU RAB TU RTOGS PA'I PHYIR RO, ,YANG MA THOS PA'I CHOS DAG LA RJES SU DPOG PA'I SHES PA DGAG PA'I PHYIR MIG CES BYA'O, ,MOS PA LAS BYUNG BA'I SHES PA DGAG PA'I PHYIR SHES PA ZHES BYA'O, ,MNGON PA'I NGA RGYAL LAS BYUNG BA'I SHES PA DGAG PA'I PHYIR RIG PA ZHES BYA'O, ,ZAG PA DANG BCAS PA DGAG PA'I PHYIR BLO ZHES BYA'O, ,BDEN PA RE RE LA YANG DE DANG 'DRA'O ZHES BYA BA 'DI NI SDUG BSNGAL KUN 'BYUNG BA 'PHAGS PA'I BDEN PA'O, ,DE SPANG BAR BYA'O, ,DE SPANGS SO ZHES BYA BA 'DI DAG NI LAN GSUM DU BZLAS PA YIN NO, ,BZLAS PA RE RE LA MIG SKYES SO, ,SHES PA DANG, RIG PA DANG, BLO SKYES SO ZHES BYA BA 'DI DAG NI RNAM PA BCU GNYIS YIN TE, 'GOG PA DANG LAM GYI BDEN PA DAG LA YANG DE BZHIN DU SBYAR BAR BYA'O, ,SMRAS PA GAL TE BDEN PA RE RE LA YANG DE DANG 'DRA BAR LAN GSUM DU BZLAS PA DANG RNAM PA BCU GNYIS YIN NA GO, ,LAN BCU GNYIS SU BZLAS PA DANG RNAM PA BZHI BCU RTZA BRGYAD DU 'GYUR NA, CI'I PHYIR LAN GSUM DU BZLAS TE RNAM PA BCU GNYIS ZHES BYA ZHE NA, DE'I PHYIR GSUM TSAN DANG BCU GNYIS SU CHOS MTHUN PA'I PHYIR LAN GSUM DU BZLAS TE RNAM PA BCU GNYIS ZHES BSHAD CES BYA BA SMOS SO, ,GNYIS DANG, GNAS BDUN LA MKHAS PA BSTAN PA BZHIN NO ZHES BYA BA NI GNYIS BSTAN PA LTA BU DANG, GNAS BDUN LA MKHAS PA BSTAN PA LTA BU'O, ,DPER NA MANG PO ZHIG BSHAD PA'I RJES LA, DGE SLONG DAG DE'I @211B PHYIR KHYED LA GNYIS SHIG BSTAN PAR BYAS TE DE LEGS PAR RAB TU NYON LA YID LA ZUNG SHIG DANG BSHAD DO, ,GNYIS GANG ZHE NA, MIG DANG, GZUGS RNAMS ZHES BYA BA NAS YID DANG CHOS RNAMS SO ZHES BYA BA'I BAR LTA BU STE, JI LTAR 'DI LA GNYIS SU CHOS MTHUN PA'I PHYIR GNYIS ZHES BSHAD PA DE BZHIN DU SUM TSAN DANG BCU GNYIS SU CHOS MTHUN PA'I PHYIR LAN GSUM DU BZLAS TE RNAM PA BCU GNYIS ZHES BSHAD DO, ,YANG DPER NA DGE SLONG GNAS BDUN LA MKHAS PA NI GZUGS YANG DAG PA JI LTA BA BZHIN RAB TU SHES SO, ,GZUGS KUN 'BYUNG BA DANG, GZUGS 'GOG PA DANG, GZUGS 'GOG PAR 'GYUR BA'I LAM DANG, GZUGS KYI RO MYANG BA DANG, NGES PAR 'BYUNG BA DANG, NYES DMIGS KYANG YANG DAG PA JI LTA BA BZHIN RAB TU SHES SO, ,GNAS BDUN LA MKHAS PA'I DGE SLONG DON RNAM PA GSUM LA NYE BAR RTOG PA NI MYUR BA KHO NAR CHOS 'DUL BA 'DI LA SDUG BSNGAL GYI MTHA' RAB TU SHES SO ZHES 'BYUNG BA LTA BU STE, PHUNG PO RE RE LA GNAS BDUN LA MKHAS PAR CHOS MTHUN PA'I PHYIR RO, ,DE BZHIN DU 'DIR YANG SUM TSAN DANG BCU GNYIS SU CHOS MTHUN PA'I PHYIR LAN GSUM DU BZLAS TE RNAM PA BCU GNYIS ZHES BSHAD DO, ,BZLAS PA 'DI DAG GIS ZHES BYA BA RGYAS PAR 'BYUNG BA NI MDO LAS JI SKAD DU BSTAN PA'I BZLAS PA 'DI DAG GIS NI GRANGS BZHIN DU MTHONG BA DANG, BSGOM PA DANG, MI SLOB PA'I LAM RNAMS BSTAN TE, 'DI NI SDUG BSNGAL 'PHAGS PA'I BDEN PA'O ZHES BYA BA NAS BZUNG STE, 'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES BYA BA'I BAR GYIS NI MTHONG BA'I LAM BSTAN TO, ,SDUG BSNGAL 'PHAGS PA'I BDEN PA DE MNGON PAR SHES PAS YONGS SU SHES PAR BYA'O ZHES BYA BA NAS BZUNG STE, SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE MNGON PAR SHES PAS BSGOM PAR BYA'O ZHES BYA BA'I BAR GYIS NI BSGOM PA'I LAM BSTAN TO, ,SDUG BSNGAL 'PHAGS PA'I BDEN PA DE MNGON PAR SHES PAS YONGS SU SHES SO ZHES BYA BA NAS BZUNG STE, SDUG BSNGAL 'GOG PAR[?] 'GYUR BA'I LAM 'PHAGS PA'I BDEN PA DE MNGON PAR SHES PAS BSGOMS SO ZHES BYA BA'I BAR GYIS NI @212A *, ,MI SLOB PA'I LAM BSTAN TO, ,'DIR SLOB DPON GYIS, GAL TE DE LTA NA ZHES BYA BA RGYAS PAR SMOS TE, GAL TE DE LTAR BZLAS PA DE DAG GI GRANGS BZHIN DU MTHONG BA LA SOGS PA'I LAM BSTAN NA, 'O NA NI MTHONG BA'I LAM KHO NA LAN GSUM DU BZLAS PA YANG MA YIN LA RNAM PA BCU GNYIS KYANG MA YIN NO, ,'O NA CI ZHE NA, LAN CIG BZLAS PA DANG RNAM PA BZHI YIN NA, JI LTAR MTHONG BA'I LAM 'DI CHOS KYI 'KHOR LOR RNAM PAR GZHAG ,BZLAS PA MED PAS 'KHOR LO DANG CHOS MTHUN PA MED PA'I PHYIR 'KHOR LO MI RUNG NGO SNYAM DU DGONGS PA YIN NO, ,DE LTA BAS NA CHOS KYI RNAM GRANGS DE NYID CHOS KYI 'KHOR LO YANG YIN TE, CHOS KYI 'KHOR LO RAB TU STON PA'I PHYIR RO, ,LAN GSUM DU BZLAS PA DANG RNAM PA BCU GNYIS KYANG YIN PAR RUNG STE DE DAG GI DON RAB TU STON PA'I PHYIR RO, ,LAN GSUM DU BZLAS PA'I PHYIR RO ZHES BYA BA NI SDUG BSNGAL ZHES BYA BA NAS LAM ZHES BYA BA'I BAR NI BZLAS PA GCIG YIN NO, ,YONGS SU SHES PAR BYA ZHES BYA BA NAS BSGOM PAR BYA ZHES BYA BA'I BAR NI GNYIS PA YIN NO, ,YONGS SU SHES SO ZHES BYA BA NAS BSGOMS SO ZHES BYA BA'I BAR NI GSUM PA YIN NO, ,BDEN PA RNAMS LA RNAM PA GSUM DU BYAS PA'I PHYIR RO ZHES BYA BA NI SDUG BSNGAL LO, ,KUN 'BYUNG BA'O, ,'GOG PA'O, ,LAM MO ZHES BYA BAR BDEN PA'I RANG GI NGO BO LA DMIGS PA'I RNAM PA BZHI'O, ,YONGS SU SHES PAR BYA, SPANG BAR BYA, MNGON SUM DU BYA, BSGOM PAR BYA ZHES BYA BA YONGS SU SHES PA LA SOGS PA'I TSUL BYA BA'I NGO BOR DMIGS PA'I RNAM PA GNYIS PA BZHI'O, ,YONGS SU SHES SO, ,SPANGS SO, ,MNGON SUM DU BYAS SO, ,BSGOMS SO ZHES BYA BA YONGS SU SHES PA LA SOGS PA'I TSUL MTHAR THUG PAR DMIGS PA'I RNAM PA GSUM PA BZHI STE, RNAM PA BCU GNYIS SU 'GYUR RO, ,DE BSKOR BA ZHES BYA BA NI CHOS KYI RNAM GRANGS DE BSKOR BA NI GZHAN GYI RGYUD LA GO BAR BYED PA STE, GDUL BA'I SKYE BO'I RGYUD LA GTONG BAR BYED PA YIN NO, ,JI LTAR GO BAR BYED CE NA, DON SHES PAR BYED PA'I PHYIR RO, ,YANG NA 'PHAGS PA'I LAM THAMS CAD DE, MTHONG BA DANG, BSGOM PA DANG, MI SLOB PA'I LAM YANG CHOS KYI @212B 'KHOR LO YIN TE, 'DUL BA'I SKYE BO'I RGYUD LA 'JUG PAS 'KHOR LO ZHES BYA BA'I PHYIR RO, ,GAL TE 'PHAGS PA'I LAM THAMS CAD CHOS KYI 'KHOR LO YIN NA, JI LTAR 'PHAGS PA KOO ndI N+YA LA MTHONG BA'I LAM SKYES PA TZAM GYIS DE BSKOR TO ZHES SMRAS SHE NA DE'I PHYIR SMRAS PA, DE NI GZHAN GYI RGYUD LA STE, 'PHAGS PA KOO ndI N+YA'I RGYUD LA MTHONG BA'I LAM BSKYED PA'I PHYIR BSKOR BAR BRTZAMS PA YIN TE, DANG POR BSKOR BA YIN PAS DE'I PHYIR BSKOR BA ZHES BYA'O, ,LAS DANG PO PA LA YANG RAB TU ZHES PA'I SGRA YOD DE, DPER NA 'BRAS CHAN RAB TU ZOS SO ZHES BYA BA LTA BU'O, ,GSUM PA GO CI'I PHYIR MI THOB CES BYA BA NI, GAL TE GZUGS KYI KHAMS SU SKYES PA ZHIG NGES PA LA 'JUG NA SEMS KYI SKAD CIG BCU DRUG LA CI'I PHYIR PHYIR MI 'ONG BA'I 'BRAS BU MI THOB SNYAM DU BSAMS PA YIN NO, ,LAN DU GONG NA MTHONG LAM MED CES BYA BA SMOS TE, NYAN PA MED CES BYA BA NI GZUGS MED PA'I KHAMS NA YOD NA YANG RANG BYUNG GI BYANG CHUB NI MI SRID PA'I PHYIR NYAN THOS KYI BYANG CHUB KHO NA YOD PAR 'GYUR GRANG NA, NYAN THOS KYI MNGON PAR RTOGS PA YANG GZHAN LAS MA THOS PAR MI 'BYUNG NGO, ,GZHAN YANG KHAMS 'OG MA LA MI DMIGS PA'I PHYIR TE, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES 'BYUNG BA LA MTHONG BA'I LAM NI KHAMS GSUM CHAR LA DMIGS DGOS PAS DE'I PHYIR DE NA DE MED DO, ,RTZOM PA NI MGO 'JUG PA STE, THABS ZHES BYA BA'I THA TSIG GO, ,'DI LA YONGS SU NYAMS PA'I CHOS KYI RANG BZHIN YOD PAS NA YONGS SU NYAMS PA'I CHOS CAN NO, ,'CHE BAR SEMS PA'I CHOS CAN NI BDAG NYID 'CHI BAR SEMS PA'I CHOS CAN NO, ,RJES SU SRUNG BA'I CHOS CAN NI RNAM PAR GROL BA DE RJES SU SRUNG NUS PA GANG YIN PA'O, ,GNAS PA LAS MI BSKYOD PA NI RNAM PAR GROL BA GANG LA GNAS PA DE LAS MI G-YO BA'O, ,RTOGS PA'I SKAL BA CAN NI DBANG PO 'PHO BA'I SKAL BA CAN NO, ,MI G-YO PA'I CHOS CAN NI 'DI LA MI G-YO ZHING MI 'GYUR BA'I CHOS YOD PAS NA MI G-YO BA'I CHOS CAN NO, ,DE YANG RNAM PA GNYIS TE, RANG BZHIN GYIS DBANG PO RNON PO DANG, DBANG PO 'PHOS PAS DBANG PO RNON BO'O, ,LNGA NI DAD PAS @213A *, ,MOS LAS SKYES, ,ZHES BYA BA NI DAD PAS MOS PA LAS SKYES PA KHO NA YIN NO ZHES NGES PAR BZUNG BA YIN NO, ,DE DAG NI DAD PAS MOS PAR GYUR PA LAS SKYES BA'O ZHES BYA BA'I THA TSIG STE, ,DAD PAS MOS PA SNGON DU 'GRO BA DAG YIN NO ZHES BSHAD PA'I DON TO, ,DRUG PA NI GZHAN DU YANG 'GYUR RO ZHES BSHAD ZIN TO, ,DUS DANG SBYOR BA ZHES BYA BA NI YO BYAD DANG, NAD MED PA DANG, YUL GYI KHYAD PAR LA SOGS PA'I MTSAN NYID KYI DUS LAS BYUNG BAS NA DUS DANG SBYOR BA PA'O, ,'PHANGS PA YIN ZHES BYA BA CI ZHE NA, SEMS KYI RNAM PAR GROL BA'O, ,CI'I PHYIR 'PHANGS SHE NA, RTAG TU RJES SU BSRUNG BAR BYA BA YIN PA'I PHYIR TE, 'JIG RTEN NA YANG 'PHANGS PA NI RTAG TU RJES SU BSRUNG BAR BYA BA YIN NO ZHES BYA BAR SNANG NGO, ,MDO LAS KYANG 'DI LTA STE DPER NA SKYES BU MIG GCIG YOD PA LA NYE DU RNAMS 'DI'I MIG GCIG MA ZHAR BA GANG YIN PA NGA YANG ZHAR BAR GYUR NA MI RUNG NGO ZHES DE'I MIG LA GRONG BA DANG, TSA BA DANG, RDAL RDUL GYIS MI PHOG PAR BYA BA'I PHYIR MIG YA GCIG LA LEGS PAR RAB TU RJES SU BSRUNG BAR BYA'O SNYAM DU SEMS PA LTAR ZHES GSUNGS SO, ,DE BZHIN DU DGRA BCOM PA DUS KYIS RNAM PAR GROL BA'I CHOS 'DI YANG RJES SU BSRUNG BAR BYA BA DANG, BRTZE BAR BYA BA DANG, RJES SU GZUNG BAR BYA BA YIN NO, ,DE'I PHYIR DUS KYIS RNAM PAR GROL BA'I DGRA BCOM PA YANG DE BZHIN DU CI NAS KYANG BDAG CHOS 'DI LAS YONGS SU MI NYAMS PAR BYA'O ZHES LEGS PAR RAB TU RJES SU SRUNG ZAR SEMS PAS DE LAS YONGS SU NYAMS PAR MA 'GYUR RO, ,MAR GYI BUM PA BZHIN NO ZHES BYA BA NI DPER NA MAR GYIS GANG BA'I BUM PA LA BAR GYI TSIG GANG BA ZHES BYA BA'I SGRA MI MNGON PAR BYAS PA'I PHYIR MAR GYI BUM PA ZHES BYA BA LTA BU'AM, DPER NA MAR LA LTOS PA'I BUM PA NI MAR GYI BUM PA STE, GANG DU MAR LDUGS PA YIN NO, ,LTOS PA ZHES BYA BA'I SGRA MI MNGON PAR BYAS PA'I PHYIR MAR GYI BUM PA ZHES BYA BA DE BZHIN DU 'DIR YANG BAR GYI TSIG LTOS PA ZHES BYA BA'I SGRA MI MNGON PAR BYAS BA'I PHYIR RO, ,'DI DAG NI DUS LA LTOS PA YANG YIN LA RNAM PAR GROL PA YANG YIN PAS DUS KYIS RNAM PAR GROL BA ZHES BSHAD DO, ,DUS NI YO BYAD LA SOGS PA YIN PAR BSHAD ZIN TO, ,JI @213B LTAR G-YO BAR MI NUS PA'I PHYIR ZHE NA, YONGS SU MI NYAMS PA'I SGO NAS ZHES BYA BA SMOS SO, ,YANG NA DUS GZHAN GYI BAR DANG, GTAN DU RNAM PAR GROL BA'I PHYIR ZHES BYA BA NI DUS GZHAN GYI BAR DU RNAM PAR GROL BA'I PHYIR DUS KYIS RNAM PAR GROL BA NYID YIN LA GTAN DU RNAM PAR GROL BA'I PHYIR DUS DANG MI SBYOR BAR RNAM PAR GROL BA NYID YIN NO ZHES BYA BA'I THA TSIG GO, ,JI LTAR DE LTA YIN ZHE NA SMRAS PA, YONGS SU NYAMS PA SRID PA DANG, MI SRID PA'I SGO NAS TE, YONGS SU NYAMS PA SRID PA'I SGO NAS DUS GZHAN GYI BAR DU RNAM PAR GROL BA'I PHYIR DUS KYIS RNAM PAR GROL BA ZHES BYA BA LA YONGS SU NYAMS PA MI SRID PA'I SGO NAS GTAN DU RNAM PAR GROL BA'I PHYIR DUS DANG MI SBYOR BAR RNAM PAR GROL BA ZHES BYA'O, ,DE NI MTHONG THOB RGYU LAS BYUNG, ,ZHES BYA BA NI GAL TE DE SLOB PAR GYUR PA LAS DBANG PO DAG 'PHO BAR BYED NA YANG MTHONG BAS THOB PA NYID DU 'GYUR LA, 'ON TE RANG BZHIN GYIS DBANG PO RNON PO ZHIG YIN NA YANG SEMS KYI SKAD CIG BCU DRUG LA MTHONG BAS THOB PA KHO NA YIN TE, DE LTA BAS NA MI G-YO BA'I CHOS CAN 'DI NI MTHONG BAS THOB PA SNGON DU 'GRO BA ZHES BYA'I, MI G-YO BA'I CHOS CAN DGRA BCOM PA NYID KYI GNAS SKABS NA DBANG PO DAG 'PHO BAR BYED PA GANG YIN PA DE NI MTHONG BAS THOB PA SNGON DU 'GRO BA MA YIN ZHES BYA BAR KHONG DU CHUD PAR BYA'O, ,KHA CIG NI DANG PO NYID NAS 'CHI BAR SEMS PA'I CHOS CAN GYI RIGS CAN YIN LA ZHES BYA BAR BRJOD KYI YONGS SU NYAMS PA'I CHOS CAN YIN NO ZHES NI MI BRJOD DO, ,'DI LTAR DE NI SBYANGS PA LAS GYUR PA MA YIN PAS KHA CIG NI DANG PO NAS DE'I RIGS CAN YIN NO ZHES BSTAN TO, ,YONGS SU NYAMS PA'I CHOS CAN GYI RIGS CAN ZHES BYA BA NAS MI G-YO BA'I CHOS CAN GYI RIGS CAN ZHES BYA BA'I BAR 'DI CI ZHIG YIN ZHE NA, DES NI YONGS SU NYAMS PA'I CHOS CAN LA SOGS PA'I RIGS MA BSTAN TO, ,DE LA KHA CIG NI 'DI SKAD DU RIGS ZHES BYA BA NI DGE BA'I RTZA BA DAG YIN TE, 'GA' ZHIG LA YONGS SU NYAMS PA'I CHOS CAN NAS MI G-YO BA'I CHOS CAN GYI BAR DU 'GYUR BA GANG YIN PA DE LTA BU DE DAG YOD DO ZHES BRJOD DO, ,GZHAN DAG NA RE RIGS ZHES BYA BA NI SO SO'I @214A *, ,SKYE BO'I GNAS SKABS NAS BZUNG STE, DBANG PO'I KHYAD PAR YIN NO ZHES ZER RO, ,MDO SDE BDAG[?] NA RE RIGS ZHES BYA BA NI SEMS KYI SA BON NUS BA YIN TE SO SO'I SKYE BO DANG SLOB PA'I GNAS SKABS NA YANG YONGS SU NYAMS PA'I CHOS KYI SA BON RGYU YOD NA YONGS SU NYAMS PA'I CHOS CAN GYI RIGS CAN ZHES BYA BA LA, DE BZHIN DU MI SLOB PA'I GNAS SKABS NA YANG DE'I SA BON 'JUG PA RNYED NAS YONGS SU NYAMS PA'I CHOS CAN ZHES BYA STE, MI G-YO BA'I CHOS CAN GYI BAR DU YANG DE DANG 'DRA'O ZHES ZER RO, ,DE LA YONGS SU NYAMS PA'I CHOS CAN ZHES BYA BRGYAS[?] PAR 'BYUNG BAL, GAL TE YONGS SU NYAMS PA'I CHOS CAN NI YONGS SU NYAMS PAR 'GYUR BA'I SKAL BA DANG LDAN ZHES BYA BA DE TZAM KHO NA ZHIG BRJOD KYI, 'DI 'CHI BAR SEMS PA LA SOGS PA'I CHOS CAN NI MA YIN PA ZHES BYA BA DE MA BRJOD NA, 'CHI BAR SEMS PA'I CHOS CAN LA SOGS PA BZHI DO[?] BDAG[?] THAMS CAD KYANG YONGS SU NYAMS PAR 'GYUR BA'I SKAL BA DANG LDAN PAS YONGS SU NYAMS PA'I CHOS CAN DE DAG KHO NA GANG YANG RUNG BA ZHIG YIN BAR 'GYUR GYI, DE DAG LAS GZHAN LNGA PA NI MED DO, ,DE'I PHYIR LNGA PA 'DI NI DE DAG LAS GZHAN PA KHO NA ZHES KHYAD PAR DU BYA BA'I PHYIR 'CHI BAR SEMS PA LA SOGS PA'I CHOS CAN MA YIN PA'O ZHES SMOS SO, ,'CHI BAR SEMS PA'I CHOS CAN LA SOGS PA BZHI NI YONGS SU NYAMS PA'I CHOS CAN MA YIN PA LAS RE RE'I KHYAD PAR GYI MTSAN NYID BSTAN PA KHO NAS 'CHI BAR SEMS PA'I CHOS CAN NI 'CHI BAR SEMS PAR 'GYUR BA'I SKAL BA DANG LDAN GYI, RJES SU SRUNG BA'I CHOS CAN MA YIN PA GANG YIN PA'O ZHES BYA BA 'DI NI BRJOD MI DGOS PAR 'GYUR TE, RJES SU SRUNG BA'I CHOS CAN YANG DE DANG 'DRA'O, ,YONGS SU NYAMS PAR 'GYUR BA'I RKYEN STOBS DANG LDAN PA MED NA ZHES BYA BA NI GAL TE YONGS SU NYAMS BAR 'GYUR BA'I RKYEN STOBS DANG LDAN PAR GYUR NA DE YONGS SU NYAMS PAR 'GYUR RO SNYAM DU BSAMS PA YIN NO, ,RKYEN STOBS DANG LDAN PA SMOS PA 'DIS NI SNGAR BSHAD PA YONGS SU NYAMS PA'I CHOS CAN LAS KHYAD PAR DU BYED DE, YONGS SU NYAMS PA'I CHOS CAN NI YONGS SU NYAMS PAR 'GYUR BA'I RKYEN STOBS DANG MI LDAN PAS KYANG YONGS SU NYAMS @214B BAR 'GYUR RO, ,YONGS SU NYAMS PAR 'GYUR BA'I RKYEN RNAMS NI MDO LAS JI SKAD DU 'BYUNG BA STE, RKYEN LNGA DANG, RGYU LNGAS DUS KYIS RNAM PAR GROL BA'I DGRA BCOM PA YONGS SU NYAMS PAR 'GYUR RO, ,LNGA GANG ZHE NA, LAS KYI MTHA' LA ZHUGS PA YIN, SMRA BA LA ZHUGS PA YIN, RTZOD PA LA ZHUGS PA YIN, RING DU RGYU BA'I SBYOR BA DANG LDAN PA YIN, NANG KYI RNAM PA YUN RING POS THEBS PA YIN ZHES BYA BA YIN NO, ,RJES SU MA BSRUNGS KYANG ZHES BYA BA 'DIS NI RJES SU SRUNG BA'I CHOS CAN LAS KHYAD PAR DU BYED DE, 'DI NI RJES SUM BSRUNGS KYANG YONGS SU NYAMS PAR MI 'GYUR LA DE NI BSRUNGS KYANG NYAMS PAR 'GYUR BAS 'BRAS BU DE RJES SUM BSRUNGS KYANG 'BRAS BU DE LA GNAS PAR 'GYUR BA'I SKAL BA CAN YIN ZHING 'BRAS BU DE LAS NYAMS PAR MI 'GYUR BA DANG, MNGON PAR BRTZON PA MED NA STE, BRTZON 'GRUS MED NA RTOGS PA'I SKAL BA CAN THOB BAR 'PHEL BAR YANG MI 'GYUR BA STE, SHUGS KYIS NA GAL TE BRTZON PAR BYED NA SKAL BA CAN DU 'GYUR RO ZHES BSHAD PA YIN NO, ,DE LTAR NA 'DI RTOGS PA'I SKAL BA CAN LAS KYANG BYE BRAG TU BYAS PA YIN TE, DE NI MNGON PAR BRTZON PA MED KYANG RTOGS PAR 'GYUR BA'I SKAL BA CAN YIN NO, ,DANG PO GNYIS ZHES BYA BA RGYAS PAR 'BYUNG BA LA YONGS SU NYAMS PA'I CHOS CAN NI RGYUN DU SBYOR BA DANG GUS PAR SBYOR BA MED PA YIN NO, ,'CHI BAR SEMS PA YANG RGYUN DU SBYOR BA MED PA YIN MOD KYI, KHYAD PAR DU GUS PAR SBYOR BA MED PA YIN PAS 'DI GNYIS BYE BRAG YIN NO, ,DBANG PO RTUL PO YIN NO ZHES BYA BA NI DRUG PA LAS KHYAD PAR DU BYED PA YIN NO, ,DRUG PA NI DBANG PO RNON PO YIN TE, 'DI GNYIS DBANG POS BYAS PA'I BYE BRAG YOD KYI SBYOR BAS BYAS PA NI MA YIN NO, ,DE LTAR BYAS NA ZHES BYA BA RGYAS PAR 'BYUNG BA NI GANG GI PHYIR DE LTAR NGES PA MED PA DE'I PHYIR GZUGS DANG GZUGS MED PA'I KHAMS DAG NA YANG DGRA BCOM PA DRUG YOD KYI, 'DOD PA'I MAS 'BA' ZHIG NA DRUG YOD PA NI MA YIN NO SNYAM DU BSAMS PA YIN NO, ,GZUGS DANG GZUGS MED PA'I KHAMS DAG NA NI GNAS PA LAS MI BSKYOD PA DANG MI G-YO BA'I CHOS CAN DANG GNYIS ZHES BYA BA LA, GNAS PA LAS MI BSKYOD BA NI GNAS PA LAS MI BSKYOD @215A *, ,PA NYID DU DAD PAR 'GYUR BA YIN GYI RTOGS PA'I SKAL BA CAN NYID DU BYA BAR GUS PA NI MA YIN PAS 'DOD PA'I KHAMS KYI GNAS PA LAS MI G-YO BA NI RTOGS PA'I SKAL BA CAN NYID DU 'GYUR LA, DE GZUGS DANG GZUGS MED PA'I KHAMS DAG NA NI YONGS SU NYAMS PA'I RKYEN STOBS DANG LDAN PA MED PAS DE YONGS SU NYAMS PAR YANG MI 'GYUR LA, DBANG PO DAG 'PHO BA YANG MED PAS DE NA GNAS PA LAS MI G-YO BA'I RIGS KHO NAR 'DUG GO, ,MI G-YO BA'I RNAM BAR GROL BA DANG LDAN PA'I PHYIR MI G-YO BA'I CHOS CAN YANG YOD PA NYID PAS DE GNYIS KHO NA YOD KYI DE LAS GZHAN PA DAG NI MED DO, ,GZUGS DANG GZUGS MED PA'I KHAMS DE GNYIS NA YONGS SU NYAMS PA DANG 'CHI BAR SEMS PA DANG DBANG PO 'PHO BA MED PA'I PHYIR TE, RE ZHIG DE NA YONGS SU NYAMS PA MED PA'I PHYIR YONGS SU NYAMS PA'I CHOS CAN MED DO, ,RJES SU SRUNG BA'I CHOS CAN YANG YONGS SU NYAMS PA MED PA NYID KYIS RJES SU BSRUNG BAR BYA BA NYID MI 'THAD PA'I PHYIR MED DO, ,DBANG PO 'PHO BA MED PA DE NYID KYI PHYIR RTOGS PA'I SKAL BA CAN YANG MED DE, DE SKAD DU, DE DANG GONG DU SKYES PA NI, ,YONGS NYAMS DBANG PO 'PHO MI BSTEN, ,ZHES 'BYUNG BAS SO, ,DE NA NI BDAG NYID 'CHI BAR SEMS PA YANG MED LA GZHAN GYIS GSOD PA YANG MED PAS 'CHI BAR SEMS PA YANG MED DO, ,'CHI BAR SEMS PA'I CHOS CAN LA SOGS PA ZHES BYA BA NI 'CHI BAR SEMS PA DANG, RJES SU SRUNG BA'I CHOS CAN DANG, GNAS PA LAS MI BSKYOD PA DANG, RTOGS PA'I SKAL BA CAN DAG GO, ,YONGS SU NYAMS PA'I CHOS CAN NI RANG GI RIGS LAS YONGS SU NYAMS PAR MI 'GYUR RO ZHES BYA BA NI RIGS DE BCOS MAM YIN BA'I PHYIR RO, ,YONGS SU NYAMS PA'I CHOS CAN LA SOGS PA LNGA ZHES BYA BA NI 'DI LTAR 'BRAS BU NI GLO BUR BA YIN PA'I PHYIR YONGS SU NYAMS PA'I CHOS CAN YANG 'BRAS BU LAS YONGS SU NYAMS PA SRID DO, ,DANG PO LAS NI ZHES BYA BA NI RIGS DANG 'BRAS BU LAS SO, ,DE YONGS SU NYAMS PAR MI 'GYUR ZHES BYA BA NI DGRA BCOM PA'O, ,CI'I PHYIR ZHE NA, SLOB PA DANG, MI SLOB PA'I LAM DAG GIS BRTEN POR BYAS PA'I PHYIR RO ZHES BYA BA SMOS TE, SLOB PA'I @215B GNAS SKABS NA YOD PA'I RIGS GANG YIN PA DE NI SLOB PA'I LAM GYIS KYANG BSGOMS LA MI SLOB PA'I GNAS SKABS NA YANG BSGOMS PAS LAM DE DAG GIS BRTAN POR BYAS PA'I PHYIR DGRA BCOM PA DE DE LAS YONGS SU NYAMS PAR MI 'GYUR RO, ,SLOB PA JI LTA BU YIN ZHE NA, SMRAS PA, SLOB PA NI 'JIG RTEN PA DANG 'JIG RTEN LAS 'DAS PA'I LAM DAG GIS BRTAN POR BYAS PA'I PHYIR RIGS DANG PO LAS YONGS SU NYAMS PAR MI 'GYUR TE, DE'I BDAG NYID KYI RIGS DANG PO GANG YIN PA DE NI SNGON 'JIG RTEN PA'I LAM GYIS KYANG BSGOMS LA PHYIS SLOB PA'I LAM GYIS KYANG BSGOMS PAS DE DE LAS YONGS SU NYAMS PAR MI 'GYUR RO, ,'DIR LA LA NA RE GANG GI RIGS DANG PO GANG YIN PA DE LAS NI DE YONGS SU NYAMS PAR MI 'GYUR TE, SLOB PA DANG MI SLOB PA'I LAM DAG GIS BRTEN POR BYAS PA'I PHYIR RO ZHES BSHAD PA GANG YIN PA DE NI GTAN TSIGS MA YIN TE, 'DI LTAR 'CHI BAR SEMS PA'I CHOS CAN SBYANGS PA LAS GYUR BA'I RIGS GANG YIN PA DE LAS YONGS SU NYAMS PAR 'GYUR BA'I RIGS DE YANG SLOB PA DANG MI SLOB PA'I LAM DAG GIS BRTAN POR BYAS PAS YONGS SU MI NYAMS PAR 'GYUR RO, ,DE LTA BAS NA RIGS DE NYID 'DI LTAR DANG PO LAS NI YONGS SU NYAMS PAR MI 'GYUR LA SBYANGS TE THOB PA LAS NI YONGS SU NYAMS PAR 'GYUR BA DE LTA BU YIN NO, ,GANG YANG SLOB PA NI 'JIG RTEN PA DANG 'JIG RTEN LAS 'DAS PA'I LAM DAG GIS BRTAN POR BYAS PA'I PHYIR YONGS SU NYAMS BAR MI 'GYUR RO ZHES SMRAS PA GANG YIN PA DE YANG GTAN TSIGS MA YIN TE, RGYUN DU ZHUGS BA YANG YONGS SU NYAMS PAR THAL BAR 'GYUR PA'I PHYIR TE, RGYUN DU ZHUGS PA'I 'BRAS BU NI 'JIG RTEN PA'I LAM GYIS BRTAN POR BYAS PA MA YIN PAS 'DI LA 'BAD PAR BYA'O ZHES ZER RO, ,'DIR BDAG GIS GANG GI PHYIR DE SKAD DU BSHAD PA, SLOB DPON GYI DGONGS PA BSTAN PAR BYA'O, ,JI LTAR ZHE NA, RE ZHIG 'CHI BAR SEMS PA'I CHOS CAN SBYANGS PA LAS GYUR BA'I RIGS GANG YIN PA DE LAS YONGS SU NYAMS PAR 'GYUR ZHES SMRAS PA GANG YIN PA DE NI RIGS PA MA YIN TE, 'CHI BAR SEMS PA'I CHOS CAN GYI RIGS GANG @216A *, ,YIN PA NI SLOB PA'I GNAS SKABS NA YANG BSGOMS LA, PHYIS MI SLOB PA'I GNAS SKABS NA YANG BSGOMS TE BRTEN POR BYAS PAS DGRA BCOM PA NYID LAS YONGS SU NYAMS PAR MI 'GYUR TE, SLOB PA'I GNAS SKABS NA DANG POR GYUR PA'I PHYIR RO, ,SLOB DPON 'DUS BZANGS[?] GIS KYANG SLOB PA'I GNAS SKABS NA RIGS GZHAN THOB NAS DGRA BCOM PA NYID 'THOB PA GANG YIN PA DE YANG LAM DE YONGS SU MI 'DOR TE, SBYANGS PA LAS GYUR PA'I RIGS KHO NA LAS MI GNAS PA NI MA YIN NO ZHES BSHAD DO, ,'CHI BAR SEMS PA'I CHOS CAN GYI RIGS MI SLOB PA'I GNAS SKABS NA 'PHRAL KHO NA LA THOB KYI SLOB PA'I GNAS SKABS NA THOB PA MA YIN PA GANG YIN PA DE LAS NI DE YONGS SU NYAMS PAS NA NYAMS PAR 'GYUR TE, DE NI GNAS SKABS GNYIS KYIS BRTAN POR MA BYAS PA'I PHYIR RO, ,DE BAS NA 'DI NI GTAN TSIGS SU MI RUNG BA NYID DO, ,GANG YANG SLOB PA NI 'JIG RTEN DANG 'JIG RTEN LAS 'DAS PA'I LAM DAG GIS BRTAN POR BYAS PA'I PHYIR YONGS SU NYAMS PAR MI 'GYUR RO ZHES SMRAS PA GANG YIN PA DE YANG GTAN TSIGS MA YIN TE, RGYUN DU ZHUGS PA YANG YONGS SU NYAMS PAR 'GYUR BA'I PHYIR TE, RGYUN DU ZHUGS PA'I 'BRAS BU NI 'JIG RTEN PA DANG 'JIG RTEN LAS 'DAS PA'I LAM GYIS BRTAN POR MA BYAS PAS ZHES SMRAS PA GANG YIN PA DE YANG KHONG DU MA CHUD PAR SMRAS PA YIN NO, ,GTAN TSIGS DE NI RIGS KYI PHYIR BSHAD PA YIN GYI, 'BRAS BU'I PHYIR NI MA YIN TE, DE LA NI GANG GIS NA 'BRAS BU DANG PO LAS YONGS SU NYAMS PAR MI 'GYUR BA'I GTAN TSIGS 'CHAD PAR 'GYUR RO, ,'BRAS BU GANG ZHIG CIG CAR DU 'JIG RTEN DANG 'JIG RTEN LAS 'DAS PA'I LAM DAG GIS 'THOB PA NI CHUNG ZAD KYANG MED KYI, RIGS NI 'JIG RTEN DANG 'JIG RTEN LAS 'DAS PA'I LAM DAG GIS BRTAN POR BYAS PA SRID DE, TSE 'DI PA'I DRO BAR GYUR PA LA SOGS PA'AM TSE PHA ROL PO'I SPONG BA'I LAM MAM, 'JIG RTEN PA DANG 'JIG RTEN LAS 'DAS PA'I LAM GZHAN GYIS SLOB PA'I GNAS SKABS NA BSGOMS PA'I PHYIR RO, ,PHYIS SBYANGS PAS THOB PA GANG YIN PA DE LAS NI ZHES BYA BA NI PHYIS THOB PA'I RIGS SLO BUR BA GANG YIN PA STE, @216B GNAS SKABS GNYIS SU THOB PA MA YIN PA DE LAS NI YONGS SU NYAMS PAR 'GYUR RO, ,RIGS BSTAN NAS 'BRAS BU BSTAN PAR BYA STE, GANG GI 'BRAS BU DANG PO GANG YIN PA ZHES BYA BA RGYAS PAR SMOS SO, ,DE NYID KYI PHYIR RGYUN DU ZHUGS PA'I 'BRAS BU LAS YONGS SU NYAMS PA MED DO ZHES BYA BA NI 'DI LTAR RGYUN DU ZHUGS PA'I 'BRAS BU NI GAL TE 'THOB NA GDON MI ZA BAR DANG PO YIN NO, ,LAN CIG PHYIR 'ONG BA DANG, ,PHYIR MI 'ONG BA'I 'BRAS BU DAG NI RES 'GA' DANG PO YIN TE, GAL TE PHAL CHER 'DOD CHAGS DANG BRAL BA DANG, 'DOD PA LAS 'DOD CHAGS DANG BRAL BA DAG YIN NA'O; ;RES 'GA' NI DANG PO MA YIN TE, GAL TE MTHAR GYIS PA'I YIN NA'O, ,DE LA RGYUN DU ZHUGS PA'I 'BRAS BU 'AM, LAN CIG PHYIR 'ONG BA'I 'BRAS BU'AM, PHYIR MI 'ONG PA'I 'BRAS BU YANG RUNG 'BRAS BU DANG PO GANG DANG GANG YIN PA DE LAS NI YONGS SU NYAMS PAR MI 'GYUR GYI, LAN CIG PHYIR 'ONG BA'I 'BRAS BU'AM, PHYIR MI 'ONG BA'I 'BRAS BU'AM, DGRA BCOM PA NYID KYI 'BRAS BU'ANG RUNG PHYIS THOB PA GANG YIN PA DE LAS NI YONGS SU NYAMS PAR 'GYUR RO, ,DE LTAR BYAS NA ZHES BYA BA NI GANG GI RIGS DANG 'BRAS BU DANG PO GANG YIN PA DE LAS YONGS SU NYAMS PAR MI 'GYUR RO ZHES BYAS NA'O, ,GO RIMS BZHIN DU RNAM PA LNGA DANG DRUG DANG BDUN YIN ZHES BYA BA NI RJES SU SRUNG BA'I CHOS CAN NI RNAM PA LNGA YIN TE, DE'I SO NA GNAS BZHIN DU YONGS SU MYA NGAN LAS 'DA' BA DBANG PO 'PHO BA DANG, YONGS SU NYAMS NAS SLO BA PA NYID DU 'GYUR BA DANG, YONGS SU NYAMS PA DANG; 'CHI BAR SEMS PA'I CHOS CAN GYI RIGS SU SLAR 'ONG BA DANG, GNAS PA LAS MI BSKYOD PA NI RNAM PA DRUG YIN TE, LNGA PO DE DAG NYID DANG, DRUG PA RJES SU SRUNG BA'I CHOS CAN GYI RIGS SU SLAR 'ONG BA'O, ,RTOGS PA'I SKAL BA CAN NI RNAM PA BDUN YIN TE, DRUG PO DE DAG NYID DANG, BDUN BA GNAS PA LAS MI BSKYOD PA'I RIGS CAN DU SLAR 'ONG BA'O, ,DE SLOB PAR GYUR NA PHYIS ZHES BYA BA'I TSIG GCIG KHONG NAS DBYUNG NGO, ,GANG GI RIGS DANG PO GANG YIN PA SLOB PA'I GNAS SKABS NA YOD PA DE KHO NA LA GNAS KYI GZHAN LA NI MA YIN NO, ,DE LTA MA YIN NA RIGS KHYAD @217A *, ,BAR CAN RNYED PA'I PHYIR TE, SLOB PA'I GNAS SKABS KYI RIGS LAS KHYAD PAR CAN RNYED PA'I PHYIR GANG ZAG DE 'PHEL BA KHO NAR 'GYUR GYI YONGS SU NYAMS PAR NI MI 'GYUR RO, ,JI LTAR BYAS PAS SHE NA, RE ZHIG DPER NA YONGS SU NYAMS PA'I CHOS CAN DGRA BCOM PA NYID KYI GNAS NA DBANG PO SBYANGS PAS RTOGS PA'I SKAL BA CAN NYID DU GYUR PA DE DGRA BCOM PA NYID LAS YONGS SU NYAMS TE, SLOB PAR GYUR PA DE 'I RIGS PAS KYANG YONGS SU NYAMS NA LUGS LAS BZLOG PA GNAS PA LAS MI BSKYOD PA'I RIGS NAS 'CHI BAR SEMS PA'I CHOS CAN GYI RIGS KYI BAR LA MI GNAS SO, ,DE LTA MA YIN NA ZHES BYA BA NI GAL TE RIGS GZHAN LA GNAS PAR GYUR NA'O, ,RIGS KHYAD PAR CAN RNYED PA'I PHYIR ZHES BYA BA NI RIGS DE NI YONGS SU NYAMS PA'I RIGS LAS KHYAD ZHUGS PA YIN PAS SO, ,DE LTA BAS NA DGRA BCOM PA NYID LAS YONGS SU NYAMS NA DBANG PO SBYANGS PAS THOB PA LAS KYANG GDON MI ZA BAR YONGS SU NYAMS PAR 'GYUR RO, ,CI'I PHYIR 'BRAS BU DANG PO LAS YONGS SU NYAMS PA MED CES BYA BA NI GANG GI 'BRAS BU DANG PO GANG YIN PA DE STE, RGYUN DU ZHUGS PA'I 'BRAS BU'AM, LAN CIG PHYIR 'ONG BA'I 'BRAS BU'AM, PHYIR MI 'ONG BA'I 'BRAS BU'O, ,MTHONG BAS SPANG BAR BYA BA RNAMS GZHI MED PA'I PHYIR TE, RTEN MED PA'I PHYIR RO ZHES BYA BA'I THA TSIG GO, ,DE DAG NI, BDAG GI GZHI LA 'JUG PA YIN, ,ZHES BYA BA RGYAS PAR 'BYUNG BA NI MTHONG BAS SPANG BAR BYA BA DE DAG LA BRTEN NAS ZHUGS PA YIN NO, ,CI'I PHYIR ZHE NA, 'JIG TSOGS LA LTA BA'I RTZA BA CAN YIN PA'I PHYIR RO, ,'DI LTAR MTHONG BAS SPANG BAR BYA BA RNAMS NI BDAG TU LTA BA'I DBANG GIS KUN DU 'BYUNG STE, MDO LAS KYANG, 'JIG RTEN NA LTA BA THA DAD PAR GYUR PA GANG YIN PA DE DAG NI 'JIG TSOGS LA LTA BA'I GZHI CAN YIN TE, 'JIG TSOGS LA LTA BA LAS KUN DU 'BYUNG BA, 'JIG TSOGS LA LTA BA'I RIGS CAN, 'JIG TSOGS LA LTA BA LAS RAB TU SKYE BA YIN NO ZHES GSUNGS SO, ,BDAG DE YANG MED DO ZHES BYA BA NI GZHI MED PA'I PHYIR YONGS SU NYAMS PA MED DO, ,BDEN PA LA DMIGS PA'I PHYIR ZHES BYA BA NI SDUG BSNGAL LA @217B SOGS PA'I BDEN PA DAG LA RTAG PA LA SOGS PAR 'DZIN PA'I PHYIR RO, ,DE LTA MA YIN PA'I NYON MONGS PA GANG ZHIG YIN TE, 'DOD CHAGS LA SOGS PA BSGOM PAS SPANG BAR BYA BA YANG MI GTZANG BA LA SOGS PA'I DNGOS PO LA GTZANG BA DANG, BDE BA DANG, RTAG PA DANG BDAG GI RNAM PA DAG TU DMIGS PA'I PHYIR PHYIN CI LOG TU DMIGS PA YIN NO, ,BDAG YANG DAG PA MA YIN PA SGRO 'DOGS PAR BYED LA ZHES BYA BA NI JI SKAD DU DGE SLONG DAG GANG LA LA BDAG GO ZHES YANG DAG PA RJES SU LTA BA NI NYE BAR LEN PA'I PHUNG PO LNGA PO 'DI KHO NA LA BDAG DANG BDAG GIR YANG DAG PAR RJES SU LTA BAR ZAD DO ZHES GSUNGS PA LTA BU YIN NO, ,MTHAR 'DZIN PA LA SOGS PA YANG DE'I GZHI LA ZHUGS PA YIN PAS ZHES BYA BA NI DE LAS GZHAN PA'I MTHONG BAS SPANG BAR BYA BA RNAMS KYANG BDAG GI GZHI'I RJES SU ZHUGS PA YIN TE, BDAG RTAG GO, ,CHAD DO ZHES BYA BA'AM, BDAG MED DO ZHES BYA BA'AM, 'DI KHO NA MCHOG YIN NO, ,'DI NI DAG PA YIN NO, ,CI 'DI YOD DAM MED CES BYA BA DE LTA BU LA SOGS PA'I RNAM PAR ZHUGS PAS GZHI MED PA DAG CES BYA STE, RTEN DAG MED CES BYA BA'I DON TO, ,BDAG LA SOGS PA NI BDAG KYANG MED DO ZHES BYA BA NI GANG GI PHYIR DNGOS POR BRJOD PA ZHES BYA BA'I THA TSIG STE, STZOGS[?] PA SMOS PA NI BDAG GI BSDU BA 'AM, DBANG PHYUG LA SOGS PA BSDU BA YIN NO, ,GZHI YID DU 'ONG BA DANG, YID DU MI 'ONG BA'I MTSAN NYID SO SOR NGES PA ZHES BYA BA NI BSGOM PAS SPANG BAR BYA BA 'DOD CHAGS KYI GZHI NI SKRA DANG SO SDUG PA LA SOGS PA'I MTSAN NYID YID DU 'ONG BA YIN NO, ,KHONG KHRO BA'I NI DE DAG MI SDUG PA YID DU MI 'ONG BA YIN TE, NGA RGYAL GYI YANG YID DU 'ONG BA YIN NO, ,MA RIG PA'I YANG GNYIS PO DE NYID CHUNG ZAD KUN DU RMONGS PAR 'GYUR PA YIN NO, ,MTHONG BAS SPANG BAR BYA BA RNAMS LA NI, BDAG LA SOGS PA'I MTSAN NYID MED, CES BYA BA NI MTHONG BAS SPANG BAR BYA BA DE LA DMIGS PA'I 'DOD CHAGS LA SOGS PA LA MA GTOGS PA RNAMS LA NI BZHI PO BDAG GI MTSAN NYID SO SOR NGES PA CUNG ZAD KYANG MED PAS, DE LTA BAS NA GZHI MED PA DAG CES BYA BA STE, DE LTA BAS NA GZHI SO SOR NGES PA MED PA DAG @218A *, ,CES BYA BA'O ZHES BYA BA'I DON TE, ,SLOB DPON GYIS GZHAN YANG ZHES BYA BA RGYAS PAR SMOS TE, 'PHAGS PA SLOB PA NGES PAR MI RTOG CING MI SEMS PA LA DRAN PA NYAMS PAS TE, DRAN PA NYON MONGS PA CAN DANG LDAN PAS 'DOD CHAGS LA SOGS PA NYON MONGS PA RNAMS SKYE BAR 'GYUR GYI NGES PAR RTOG PA LA NI MA YIN TE, NGES PAR MI RTOG PA 'GA' ZHIG LA DRAN PA NYAMS PAS THAG PA LA SPRUL GYI 'DU SHES SKYE'I NGES PAR RTOG PA LA NI MA YIN PA DE DANG 'DRA'O, ,BDAG TU LTA BA LA SOGS PA ZHES BYA BA LA SOGS PA BYA BA'I SGRAS NI MTHAR 'DZIN PAR LTA BA LA SOGS PA BSDU'O, ,YANG CI'I PHYIR NGES PAR MI RTOG PA LA BDAG TU LTA BA LA SOGS PA 'BYUNG BAR MI RUNG ZHE NA, KUN DU RTOG PAR BYED PA YIN PA'I PHYIR TE, GANG DAG CE NA BDAG TU LTA BA LA SOGS PA NYON MONGS PA RNAMS SO, ,DE BAS NA 'PHAGS PA LA NGES PAR MI RTOG PA'I SGO NAS BDAG TU LTA BA LA SOGS PA 'BYUNG BAR MI RUNG BAS YONGS SU NYAMS PA'I RGYU MED PA'I PHYIR MTHONG BAS SPANG BAR BYA BA SPANGS PAS YONGS SU NYAMS PA MED DO, ,DGRA BCOM PA NYID LAS KYANG YONGS SU NYAMS PA MED DO ZHES BYA BA LA, KYANG ZHES BYA BA'I SGRAS NI MTHONG BAS SPANG BAR BYA BA SPANGS PAS YONGS SU NYAMS PA MED PA 'BA' ZHIG TU MA ZAD KYI, DGRA BCOM PA NYID LAS KYANG YONGS SU NYAMS PA MED DO ZHES STON PAR BYED DO, ,DANG PO MA YIN PA LA LAN CIG PHYIR 'ONG BA DANG PHYIR MI 'ONG BA'I 'BRAS BU DAG LAS NI YONGS SU NYAMS PA SRID DE, DE NI 'JIG RTEN PA'I LAM GYIS THOB PA SRID PA'I PHYIR RO SNYAM DU BSAMS PA YIN NO, ,DE NYID RIGS PA YIN NO ZHES BYA BA NI SLOB DPON GZHUNG 'DZUGS PA YIN NO, ,DGE SLONG DAG 'PHAGS PA'I SHES RAB KYIS SPANGS PA GANG YIN PA DE NI SPANGS PA YIN NO ZHES BYA BA NI 'PHAGS PA'I SHES RAB KYIS SPANGS PA GANG YIN PA DE KHO NA SPANGS PA YIN TE, DA NI YANG MI SKYE'I 'JIG RTEN PAS SPANGS PA GANG YIN PA DE NI YANG SKYE'O SNYAM DU DGONGS PA YIN NO, ,SLOB PA LA BAG YOD PA LA ZHES BYA BA RGYAS BAR 'BYUNG BA NI DGRA BCOM PA NYID LAS YONGS SU NYAMS PA MED DO ZHES BYA BA'I KHUNGS MDO'I TSIG @218B GNYIS PA YIN TE, 'DI'I DON NI SLOB PA LA BAG YOD PAR BYA BA'I PHYIR SLOB PAS BAG YOD PAR BYA'O ZHES BAG YOD PA'I LAS STON PAR MDZAD PA 'DI YIN NO, ,SLOB PA LA YANG 'PHAGS PA'I SHES RAB KYIS SPANGS PA YOD PA MA YIN NAM, JI LTAR NA DE LA BAG YOD PA LA BAG YOD PAR BYAR YOD CE NA, 'DI LTAR 'DIS NI 'BRAS BU'I KHYAD PAR BA YANG THOB PAR BYA DGOS LA, DE LA SPANGS PA 'JIG RTEN PA'I LAM GYIS BYAS BA YANG YOD PAS SO, ,'DIR BYE BRAG TU SMRA BA DAG NA RE MDO LAS, KUN DGA' BO DGRA BCOM PA LA YANG RNYED PA DANG BKUR STIS BAR CHAD BYED PA YIN PAR NGA SMRA'O ZHES 'BYUNG BA'I PHYIR DGRA BCOM PA LA YANG YONGS SU NYAMS PA YOD DO ZHES ZER NA DE'I PHYIR, KUN DGA' BO DGRA BCOM PA LA YANG ZHES BYA BA RGYAS PAR MDO 'DI LAS MTHONG BA'I CHOS LA BDE BAR GNAS PA TZAM KHO NA LAS YONGS SU NYAMS PAR 'GYUR BAR GSUNGS PAR ZAD DE, ZHES 'BYUNG BA'I BAR 'DI SMOS SO,, ,,BAM PO LNGA BCU GCIG PA, JI LTA ZHE NA, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DGRA BCOM PA LA YANG RNYED PA DANG BKUR STIS BAR CHAD BYED PA YIN PAR NGA SMRA'O, ,TSE DANG LDAN PA KUN DGA' BOS GSOL PA, BCOM LDAN 'DAS DE CI'I SLAD DU 'DI SKAD CES KUN DGA' BO DGRA BCOM PA LA YANG RNYED PA DANG BKUR STIS PAR CHAD BYED PA YIN PAR NGA SMRA'O ZHES GSUNGS, BCOM LDAN 'DAS KYIS BKA' STZAL PA, KUN DGA' BO MA THOB PA THOB PAR BYA BA DANG, MA RTOGS PA RTOGS PAR BYA BA DANG, MNGON SUM DU MA BYAS PA MNGON SUM DU BYA BA LA BAR CHAD BYED PA NI MA YIN PA NYID DO, ,'ON KYANG 'DIS LHAG PA'I SEMS LAS BYUNG BA MTHONG BA'I CHOS LA BDE BAR GNAS BA BZHI PO THOB PA GANG DAG YIN PA DE GANG YANG RUNG BA ZHIG LAS 'DI YONGS SU NYAMS PAR 'GYUR BAR NGA SMRA STE, DE YANG 'DRES PAR GNAS PA YIN NO, ,GCIG PU MA 'DRES PA BAG YOD PA BRTUN PAR GNAS PA 'DIS SEMS KYI RNAM PAR GROL BA LUS KYIS MNGON DU BYAS PA GANG YIN PA DE LAS NI RNAM GRANGS GANG GIS KYANG YONGS SU NYAMS PAR 'GYUR BAR NGA MI SMRA'O, , @219A *, ,KUN DGA' BO DE LTA BAS NA KHYOD KYIS 'DI LTAR SLOB PAR BYA STE, RNYED PA DANG BKUR STI GANG YIN PA DE ZIL GYIS GNON PAR BYA'I, RNYED PA DANG BKUR STI BYUNG BA LA SEMS KUN NAS DKRIS TE MI 'DUG PA DE LTAR KUN DGA' BO KHYOD KYIS BSLAB PAR BYA'O ZHES GSUNGS PA YIN NO, ,GAL TE BYE BRAG TU SMRA BA NA RE MI G-YO BA ZHES KHYAD PAR DU BYAS PA'I PHYIR RNAM PAR GROL BA DUS DANG SBYOR BA LA YONGS SU NYAMS PA YOD DO ZHES ZER NA DE'I PHYIR SMRAS PA, GAL TE DUS DANG SBYOR BA LA YOD DO ZHE NA, KHO BO CAG KYANG DE SKAD DU DUS DANG SBYOR BA LA YONGS SU NYAMS PA YOD DO ZHES ZER RO, ,DE DPYAD PAR BYA STE; RNAM PAR GROL BA DUS DANG SBYOR BA DE NI DPYAD PAR BYA BA YIN NO, ,JI LTA ZHE NA, SMRAS PA CI RNAM PAR GROL BA DUS DANG SBYOR BA DGRA BCOM PA NYID YIN NAM, 'ON TE RNAM PAR GROL BA DUS DANG SBYOR BA 'JIG RTEN PA'I BSAM GTAN DAG KHO NA YIN ZHES BYA BA YIN NO, ,CI'I PHYIR DE LTAR DOGS PAR BYED CE NA, BSAM GTAN DNGOS GZHI'I TING NGE 'DZIN ZHES BYA BA LA SOGS PA SMOS TE, BSAM GTAN NYID TING NGE 'DZIN YIN PAS BSAM GTAN GYI TING NGE 'DZIN NO, ,DNGOS GZHI SMOS PA NI LAM SLA BA RNAMS KYI MCHOG YIN PA'I PHYIR RO, ,DUS SU MNGON SUM DU 'GYUR BA'I PHYIR RO ZHES BYA BA NI SGRA MED PA LA SOGS PA'I DUS LA LAR MNGON SUM DU 'GYUR BA'I PHYIR TE, DUS LAS BYUNG BAS NA RNAM PAR GROL BA DUS DANG SBYOR BA ZHES KYANG BYA'O, ,YANG DANG YANG DU BTZAL BAR BYA BA YIN PA'I PHYIR PHANGS PA ZHES BYA BA NI NYAMS SHING NYAMS NA 'DOD PAR BYA BA YIN PA'I PHYIR TE, DON DU GNYER BAR BYA BA YIN PA'I PHYIR RO ZHES BYA BA'I THA TSIG GO, ,GZHAN DAG NA RE RO MYANG BAR BYA BA YIN PA'I PHYIR ZHES ZER RO ZHES BYA BA NI BTZUN PA DGA' LDAN YIN TE, ZAG PA DANG BCAS PA NYID KYIS RO MYANG BA DANG MTSUNGS PAR LDAN PA'I BSAM GTAN DANG LDAN PA'I PHYIR PHANGS PA YIN NO SNYAM DU BSAMS PA YIN NO, , DGRA BCOM PA NYID KYI RNAM PAR GROL BA ZHES BYA BA RGYAS PAR 'BYUNG BA NI DGRA BCOM PA NYID RNAM PAR GROL BA YIN PAS NA DGRA BCOM PA NYID KYI RNAM PAR GROL BA STE, THOB PA'I TSUL GYIS RTAG TU RJES SU 'BREL PA'I PHYIR RO, ,DUS DANG SBYOR BA YIN PAR YANG MI RUNG ZHES BYA BA 'DIS NI RNAM @219B PAR GROL BA DUS DANG SBYOR BA LAS DGRA BCOM PA NYID KYI RNAM PAR GROL BA BZLOG STE STON TO, ,YANG DON DU GNYER BAR BYA BA MA YIN PA'I PHYIR PHANGS PA YANG MA YIN NO ZHES BYA BA 'DIS NI PHANGS PA LAS BZLOG STE, DGRA BCOM PA NYID KYI RNAM PAR GROL BA PHANGS PA MA YIN NO ZHES STON PAR BYED DO, ,RTAG TU RJES SU 'BREL PA NYID DU YOD PAS DON DU GNYER BAR BYA BA MA YIN PA'I PHYIR PHANGS PA MA YIN NO ZHES BYA BA'I THA TSIG GO, ,LHAG BA'I SEMS LAS BYUNG BA DAG KHO NA LAS ZHES BYA BA NI LHAG PA'I SEMS LA YOD PAS NA LHAG PA'I SEMS LAS BYUNG BA STE, MTHONG BA'I CHOS LA BDE BAR GNAS PA DAG YIN NO, ,CI'I PHYIR DE DAG KHO NA LAS YONGS SU NYAMS PAR GSUNGS SHE NA, LHAG PA'I SEMS LAS BYUNG BA MTHONG BA'I CHOS LA BDE BAR GNAS PA BZHI PO THOB PA GANG DAG YIN PA DE GANG YANG RUNG BA ZHIG LAS 'DI YONGS SU NYAMS PAR 'GYUR BAR NGA SMRA'O ZHES 'BYUNG BA'I PHYIR RO, ,GAL TE RNAM PAR GROL BA DUS DANG SBYOR BA'I MTSAN NYID KYI DGRA BCOM PA NYID LAS YONGS SU NYAMS PA ZHIG SRID PAR GYUR NA, DE CI'I PHYIR DE DAG KHO NA LAS YONGS SU NYAMS PAR 'GYUR RO ZHES GSUNGS PAR 'GYUR TE, DE DAG KHO NA LAS YONGS SU NYAMS PAR 'GYUR RO ZHES GSUNGS PAR MI 'GYUR RO ZHES BYA BA'I THA TSIG GO, ,DBANG NYAMS PA'I PHYIR ZHES BYA BA NI TING NGE 'DZIN MNGON DU 'GYUR BA'I DBANG NYAMS PA'I PHYIR RO ZHES BYA BA'I DON TO, ,DE NI YONGS SU NYAMS PAR MI 'GYUR BA'I CHOS CAN YIN ZHES BYA BA NI MDO LAS YONGS SU NYAMS PAR MI 'GYUR BA'I CHOS CAN LAS GZHAN YIN PAR 'BYUNG STE, SLOB PA BCO BRGYAD CHER BSHAD NAS, BKA' STZAL PA, MI SLOB PA DGU GANG ZHE NA, YONGS SU NYAMS PA'I CHOS CAN DANG, YONGS SU NYAMS PAR MI 'GYUR BA'I CHOS CAN DANG, 'CHI BAR SEMS PA'I CHOS CAN DANG, RJES SU BSRUNG BA'I CHOS CAN DANG, GNAS PA LAS MI BSKYOD BA DANG, RTOGS PA'I SKAL BA CAN DANG, MI G-YO BA'I CHOS CAN DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA STE, 'DI DAG NI MI SLOB PA DGU ZHES BYA'O ZHES GSUNGS SO, ,DE LA GANG ZHIG MTHONG BA'I CHOS LA BDE BAR GNAS PA DAG LAS YONGS SU @220A *, ,NYAMS PAR 'GYUR BA DE NI YONGS SU NYAMS PA'I CHOS CAN YIN NO, ,GANG ZHIG DE DAG NYID LAS YONGS SU NYAMS PAR MI 'GYUR BA DE NI YONGS SU NYAMS PAR MI 'GYUR BA'I CHOS CAN YIN NO, ,DE BZHIN DU 'CHI BAR SEMS PA'I CHOS CAN LA SOGS PA LA YANG SBYAR BAR BYA'O, ,JI LTA ZHE NA, GANG ZHIG TING NGE 'DZIN NYAMS PA'I 'JIGS PAS BDAG NYID 'CHI BAR SEMS PA DE NI 'CHI BAR SEMS PA'I CHOS CAN NO, ,GANG ZHIG YON TAN GYI KHYAD PAR CUNG ZAD CIG RJES SU BSRUNG BA DE NI RJES SU BSRUNG BA'I CHOS CAN NO, ,GANG ZHIG YON TAN GANG KHO NA LA GNAS PA DE LAS RJES SU MA BSRUNGS KYANG MI G-YO BA DE NI GNAS PA LAS MI BSKYOD PA YIN NO, ,GANG ZHIG GANG DU RTOGS PAR BYED CING YON TAN GYI KHYAD PAR SKYED PAR BYED PA ZHES BYA BA'I THA TSIG STE, DE NI RTOGS PA'I SKAL BA CAN NO, ,GANG ZHIG BYUNG BA DAG LAS YONGS SU NYAMS PAR MI 'GYUR BA DE NI MI G-YO BA'I CHOS CAN NO, ,KHYAD PAR CI YOD CE NA ZHES BYA BA NI YONGS SU NYAMS PAR MI 'GYUR BA'I CHOS CAN LA SOGS PA GSUM CHAR YANG YONGS SU MI NYAMS PA DANG LDAN PA'I PHYIR KHYAD PAR MA MTHONG NAS 'DRI BA YIN NO, ,SBYANGS PA LAS GYUR PA MA YIN ZHES BYA BA NI RANG BZHIN GYIS DBANG PO RNON PO YIN GYI, DBANG PO SBYANGS PAS THOB PA NI MA YIN NO ZHES BYA BA'I THA TSIG GO, ,DE LAS G-YO BAR 'GYUR PA YIN ZHES BYA BA NI YON TAN GYI KHYAD PAR DE LAS ZHES BYA BA'I DON TO, ,'DI NI KHYAD PAR YIN PAR MNGON NO ZHES BYA BA NI SLOB DPON RANG GI GZHUNG LUGS STON PA YIN NO, ,GAL TE BYE BRAG TU SMRA BA NA RE TSE DANG LDAN PA GNAG TSOGS CAN DGRA BCOM PA NYID LAS YONGS SU NYAMS PA MA YIN NAM ZHES DE SKAD DU SMRA BAR 'GYUR BAS DE'I LAN BRTZAM PAR BYA STE, TSE DANG LDAN PA GNAG TSOGS CAN ZHES BYA BA RGYAS PAR SMOS SO, ,SLOB PAR GYUR PA ZHES BYA BA NI RE ZHIG DGRA BCOM PA MA YIN PA'O, ,LUS DANG SROG LA MI LTA BA'I RGYUS MTSON GYIS 'DEBS PAR BYED CES BYA BA NI MTSON GYIS SNUN PAR BYED PA'O, ,'CHI BA'I DUS KHO NAR DGRA BCOM PA NYID THOB PA NI MTSON GYIS BTAB PA'I 'OG TU ZHES BYA BA'I THA TSIG STE, MTSON GYIS BTAB PA DE NYID KYIS @220B YONGS SU MYA NGAN LAS 'DAS PAR GYUR TO, ,BCU LAS 'PHROS PA LAS KYANG ZHES BYA BA NI BCU LAS 'PHROS PA ZHES BYA BA'I MDO LAS SO, ,CI ZHIG GSUNGS SHE NA, BSKYED PAR BYA BA'I CHOS NI GCIG STE ZHES BYA BA SMOS SO, ,GANG YIN ZHE NA, SEMS RNAM PAR GROL BA DUS DANG SBYOR BAS YID DU 'ONG BA YIN NO ZHES BYA BA SMOS TE, MTHONG BA'I CHOS LA BDE BAR GNAS PA'O SNYAM DU DGONGS PA YIN NO, ,MNGON SUM DU BYA BA'I CHOS NI GCIG STE, GANG ZHE NA, SEMS RNAM PAR GROL BA MI G-YO BA YIN NO ZHES BYA BA SMOS TE, DGRA BCOM BA NYID DO SNYAM DU DGONGS PA YIN NO, ,RNAM PAR GROL BA MI G-YO BA'I MTSAN NYID KYI DGRA BCOM PA NYID LOGS SHIG TU SMOS PA'I PHYIR SEMS RNAM PAR GROL BA YID DU 'ONG BA NI DGRA BCOM PA NYID KYI NGO BO NYID MA YIN PAR GSUNGS SO SNYAM DU BSAMS PA YIN NO, ,BYE BRAG TU SMRA BA DAG DGRA BCOM PA RNAM PA GNYIS YOD PA'I PHYIR LOGS SHIG TU SMOS PAR ZAD DO ZHES SMRA BAR 'GYUR BA'I GO SKABS MTHONG NAS YANG, GAL TE ZHES BYA BA RGYAS PAR SMOS TE, GAL TE SEMS RNAM PAR GROL BA DUS DANG SBYOR BA PA YID DU 'ONG BA DGRA BCOM PA NYID KHO NA YIN PAR GYUR NA CI'I PHYIR MDO GZHAN LAS MA YIN GYI, BCU TSAN DE KHO NA LAS MNGON SUM DU BYA BA'I CHOS NI GCIG STE, SEMS RNAM PAR GROL BA NI MI G-YO BA'O ZHES DGRA BCOM PA NYID LAS GNYIS SU SMOS PAR 'GYUR, RMI 'GYUR BA KHO NA'O ZHES BYA BA'I THA TSIG STE, 'DI SKAD DU MNGON SUM DU BYA BA'I CHOS NI GCIG STE, SEMS RNAM PAR GROL BA YIN NO ZHES BSHAD PAR 'GYUR RO, ,GAL TE KHYOD DGRA BCOM PA NYID RNAM PA GNYIS YOD PAS DE'I PHYIR GCIG NI BSKYED PAR BYA BA YIN NO, ,GNYIS PA NI MNGON SUM DU BYA BA YIN NO ZHES TSIG GI BYE BRAG TU BSHAD PA YIN NO ZHES ZER NA, 'DIR SMRAS PA, DGRA BCOM PA NYID BSKYED PAR BYA BA YIN PAR NI GANG DU YANG MA GSUNGS SO, ,'O NA CI ZHE NA MDO DE DANG DE LAS MNGON SUM DU BYA BA YIN PAR GSUNGS SO, ,KHAS BLANGS TE YANG BRJOD PAR BYA STE, DBANG PO RTUL POS BSDUS PA'I DGRA BCOM PA NYID BSKYED PAR BYA BA YIN NO ZHE NA, YANG 'DIS CI ZHIG SHES PAR BYAS SHING BSTAN PA YIN, @221A *, ,RE ZHIG GAL TE BSKYED PAR BYA BAR NUS PA YIN NO ZHES BYA BA 'DI SHES PAR BYAS PA YIN NO ZHE NA NI GZHAN DBANG PO RNON POS BSDUS PA'I DGRA BCOM PA NYID KYANG NUS SO, ,DE LTA YIN NA NI MDO LAS 'DI SKAD DU, BSKYED PAR BYA BA'I CHOS NI GCIG STE, SEMS RNAM PAR GROL BA'O ZHES BRJOD DGOS PAR 'GYUR RO, ,'ON TE BSKYED PAR 'OS PA YIN NO ZHES BYA BA 'DI SHES PAR BYAS PA YIN NO ZHE NA NI GZHAN DBANG PO RNON POS BSDUS PA'I DGRA BCOM PA NYID CHES SHIN TU 'OS PA YIN TE, DE NI MI G-YO BA'I PHYIR SHIN TU BSKYED PAR BYA BAR 'OS SO SNYAM DU BSAMS PA YIN NO, ,'O NA DUS KYIS RNAM PAR GROL BA ZHES BYA BA RGYAS PAR 'BYUNG BA NI GAL TE RNAM PAR GROL BA DUS DANG SBYOR BA DGRA BCOM PA NYID YIN NA NI DE LTA NA DE DANG LDAN BA'I PHYIR DUS KYIS RNAM PAR GROL BA'I DGRA BCOM PA ZHES BYAR RUNG NGO SNYAM DU BSAMS PA YIN NO, ,TING NGE 'DZIN MNGON SUM DU 'GYUR BA DUS LA LTOS PA YIN NO ZHES BYA BA NI 'DI LTAR 'DI'I TING NGE 'DZIN NI ZAG PA NGANG BCAS PA'AM ZAG PA MED PA YANG RUNG NAD MED PA DANG, YUL GYI KHYAD PAR LA SOGS PA'I MTSAN NYID KYI DUS LA LTOS SO, ,CHOS MNGON PA LAS KYANG ZHES BYA BA RGYAS PAR 'BYUNG LA, 'DIR DPER BRJOD PA NI 'DOD PA'I 'DOD CHAGS KYI PHRA RGYAS MA SPANGS ZHES BYA BA 'DI YIN NO, ,DE LA YANG TSUL BZHIN MA YIN PA'I YID LA BYED PA ZHES BYA BA 'DI YANG DPER BRJOD PA YIN NO, ,GAL TE DE LTA BU NI YONGS SU TSANG BA LAS SKYES PA YIN NO ZHE NA ZHES BYA BA NI GAL TE DE LTA BU NI NYON MONGS PA'I RGYU YONGS SU TSANG BA LAS SKYE BA YIN NO, ,YUL GYI STOBS KHO NA LAS SKYE BA NI NYON MONGS PA'I RGYU YONGS SU MA TSANG PA YIN NO SNYAM DU SEMS NA, DE NI RIGS PA MA YIN NO, ,CI'I PHYIR ZHE NA, RGYU YONGS SU MA TSANG BAR GO GANG ZHIG SKYE ZHES BYA BA SMOS TE, SKYE BA DANG LDAN PA GANG ZHIG RGYU YONGS SU MA TSANG BAR SKYE, RGYU DANG RKYEN TSOGS PA JI SNYED CIG GIS 'BRAS BU SKYED PAR GRAGS PA DE NI DE'I PHYOGS GCIG MA TSANG NA DE SKYED PAR MI 'GYUR TE, DPER NA MIG DANG GZUGS LA SOGS PA DANG YID LA BYED PA TSOGS PAS MIG GI RNAM PAR SHES PA SKYED PAR GRAGS PA DE NI DE LAS GANG @221B YANG RUNG BA ZHIG MA TSANG NA DE SKYED PAR MI 'GYUR BA LTA BU'O, ,DE LTA BAS NA DE NI GYI NA'O, ,DE LTA BU ZHES BYA BA NI DE'I RNAM PA 'AM DE'I NGO BO NYID DO, ,'ON TE MA SKYES ZHES BYA BA NI GNYEN PO'O, ,DE'I SA BON GYI CHOS NYID CES BYA BA NI SA BON GYI NGO BO NYID CES BYA BA'I THA TSIG STE, DE RTZA NAS MA BTON CING DRUNGS MA PHYUNG NA JI LTAR ZAG PA ZAD PA YIN, KHYOD DE LTA YIN DU ZAD MOD CES ZER NA, DE'I PHYIR ZAG PA MA ZAD NA YANG JI LTAR DGRA BCOM PA NYID YIN ZHES BYA BA SMOS TE, DE LTAR DPYOD PA ZHES BYA BA NI DRAN PA DANG LDAN PAR DPYOD PA ZHES BYA BA'I THA TSIG STE, DE MA THAG TU DRAN PA SMOS PA'I PHYIR RO, ,DE NI SLOB PA YIN NO ZHES ZER BA 'DI YONGS SU SPANG BA'I PHYIR YONGS SU NYAMS PAR SMA BA DE NYID KYIS DE NI DE LAS DGRA BCOM PA KHO NA YIN PAR BSTAN ZHES BYA BA SMOS SO, ,JI LTAR BSTAN PA YIN ZHE NA, YUN RING PO NAS ZHES BYA BA RGYAS PAR SMOS SO, ,YONGS SU MI NYAMS PAR SMRA BA DAG 'DI SKAD DU, SEMS DBEN PA LA GZHOL BA YIN ZHES BYA BA NAS MYA NGAN LAS 'DA' BA LA BAB PA ZHES BYA BA'I BAR 'DI NI SLOB PA YIN NO ZHES SMRA BAR 'GYUR BA'I GO SKABS 'DI YONGS SU SPANGS PA'I PHYIR YANG YONGS SU NYAMS PAR SMA BAS MDO GZHAN LAS DE NI DGRA BCOM PA'I STOBS YIN PAR YANG GSUNGS ZHES BYA BA SMRAS SO, ,JI SKAD DU ZHE NA, BTZUN PA DGE SLONG DGRA BCOM PA ZAG BZAD PA'I STOBS DU ZHIG MCHIS, SH'A RI'I BU DGE SLONG DGRA BCOM PA'I STOBS NI BRGYAD DE, YUN RING PO NAS SEMS DBEN PA LA GZHOL BA YIN ZHES BYA BA NAS, MYA NGAN LAS 'DAS PA LA BAB PA YIN ZHES BYA BA'I BAR DANG, 'DIS NI 'DOD PA RNAMS SOL BA'I PHUNG PO LTA BUR MTHONG BA YIN TE, JI LTAR 'DOD PA RNAMS SHES SHING 'DOD PA RNAMS MTHONG BA 'DIS 'DOD PA LA 'DOD PA'I 'DUN PA DANG, 'DOD PA'I CHAGS PA NAS RGYAS PAR 'DOD PA LA LHAG PAR ZHEN PA'I BAR GANG YIN PA DE LA 'DI'I SEMS YONGS SU GTUGS TE MI GNAS PA DE LTAR YANG 'DIS 'DOD PA RNAMS MTHONG BA YIN NO ZHES RGYAS PAR 'BYUNG NGO, ,GZHAN YANG SOL PA'I PHUNG PO LTA BU'I MDO DE NYID LAS BSIL BAR GYUR CING GSAL BAR GYUR PA ZHES GSUNGS PA'I PHYIR DGRA @222A *, ,BCOM PA KHO NA YIN PAR BSTAN TO, ,DE SKAD DU 'BYUNG BA YANG YOD MOD KYI ZHES BYA BA NI SOL BA'I PHUNG PO LTA BU'I MDO LAS DGRA BCOM PA YIN PAR BSTAN TO ZHES GANG SMRAS PA'O, ,JI SRID DU SPYOD PA LEGS PAR MA RTOGS PA ZHES BYA BA NI BSOD SNYOMS LA SOGS PA SPYOD PA'O; ;SLOB PA'I GNAS SKABS KYI DBANG DU MDZAD NAS DE SKAD GSUNGS PA'I PHYIR NYES PA MED DO ZHES BYA BA NI BRGYA LA RES 'GA' ZHIG DRAN PA NYAMS PA LAS SDIG PA MI DGE BA'I RNAM PAR RTOG PA DAG SKYE BAR 'GYUR RO ZHES GSUNGS PA GANG YIN PA DE NI SLOB PA'I GNAS SKABS KYI DBANG DU MDZAD NAS GSUNGS KYI DGRA BCOM PA NYID KYI GNAS SKABS NI MA YIN NO, ,YUN RING PO NAS SEMS DBEN PA LA GZHOL BA ZHES GSUNGS PA GANG YIN PA DE NI SLOB PA LA YANG SRID LA DGRA BCOM PA NI PHUL DU PHYIN PA YIN PAS KHYAD PAR YOD DO, ,ZAG PA'I GNAS LTA BU'I CHOS THAMS CAD LAS BSIL BAR GYUR CING BSAL BAR GYUR PA ZHES GSUNGS PA GANG YIN PA DE YANG SLOB PA'I GNAS SKABS KYI DBANG DU MDZAD PA YIN TE, ZAG PA'I GNAS LTA BU'I CHOS 'DOD PA NA SPYOD PA LAS BSIL BAR GYUR PA ZHES GSUNGS PA'I PHYIR RO, ,SLOB DPON NI DGRA BCOM PA NYID KYI GNAS SKABS KYI DBANG DU MDZAD NAS DE SKAD DU GSUNGS KYANG NYES PA MED DO SNYAM DU DGONGS SO, ,SBYOR BA MI SRID PA'I PHYIR MTHONG BA'I LAM LA NI MA YIN NO ZHES BYA BA NI MTHONG BA'I LAM NI SKAD CIG BCO LNGA YIN TE, DE LA DBANG PO 'PHO BAR SBYOR BA'I GO SKABS MED DO, ,LA LA NI SO SO'I SKYE BO'I GNAS SKABS NA DBANG PO RNAMS 'PHO'O ZHES BYA BA CI RIGS PA'I RNAM PA DANG LDAN PA'I LAM GYIS DBANG PO RNAMS 'PHO'AM, 'ON TE ZHI BA LA SOGS PA'I RNAM PA DANG LDAN PAS YIN ZHE NA, KHYAD PAR DU MA BYAS PA'I PHYIR GNYI GAR YANG SRID DO SNYAM BYED DE, 'DI LTAR DON 'DI NI SLOB DPON GYIS 'PHAGS PA RNAMS KYI DBANG PO NI ZAG PA DANG BCAS PA'I LAM GYIS 'PHO BA MED DO ZHES 'CHAD PAR 'GYUR BAS 'BAGS PA RNAMS KYI ZHES KHYAD PAR DU MDZAD PA'I PHYIR RO, ,CI NAS KYANG BDAG GI DBANG PO DAG RNON POR 'GYUR BAR BYA'O ZHES SBYOR BAR BSAMS NAS, 'JIG @222B RTEN PA'AM 'JIG RTEN LAS 'DAS PA'I LAM GOMS PAR BYED PA NA BAR CHAD MED PA DANG RNAM PAR GROL BA'I LAM GYI RIM GYIS DBANG PO DAG 'PHO'O ZHES BYA BAR RIG PAR BYA'O, ,LA LA NI DAD PAS MOS PA'I GNAS SKABS NA'O ZHES BYA BA 'DIR MI SLOB PA MA SMOS PA NI SLOB PA DANG SO SO'I SKYE BO'I GNAS SKABS YIN PA'I PHYIR TE, MI SLOB PA YANG DBANG PO DAG 'PHO'O ZHES BYA BAR KHONG DU CHUD PAR BYA'O, ,JI LTAR NA MI G-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PAR 'GYUR ZHES BYA BA NI 'DI DBANG PO RNO BA'I PHYIR MTHONG BA'I CHOS LA BDE BAR GNAS PA DAG LAS KYANG YONGS SU NYAMS PA MI SRID NA RNAM PAR GROL BA MI G-YO BA LAS LTA SMOS KYANG CI DGOS TE MI SRID DO[?] SNYAM NAS 'DRI BA YIN NO, ,SANGS RGYAS LA NI NYE BAR SPYAD PA LAS YONGS SU NYAMS PA KHO NA MNGA' ZHES BYA BA NI GDUL BA'I DON LA ZHUGS PA'I PHYIR MTHONG BA'I CHOS LA BDE BAR GNAS PA DAG NYE BAR MI SPYOD DE MNGON DU MI MDZAD DO ZHES BYA BA'I DON TO, ,DE DANG MA THOB PA LAS YONGS SU NYAMS PA YANG YOD CES BYA BA NI MI G-YO BA'I CHOS CAN LA NI JI ZHIG GIS BRTZAL BAS NYE BAR SPYAD PA LA YONGS SU NYAMS PA DE DANG, GANG ZAG KHYAD PAR CAN GYI CHOS MA THOB PA'I PHYIR MA THOB PA LAS YONGS SU NYAMS PA YANG YOD DE, 'DI LTAR MI G-YO BA'I CHOS CAN LA YANG LA LAS NYAN THOS CHEN PO 'PHAGS PA SH'A RI'I BU DANG MOOD GAL LA SOGS PA'I RAB KYI MTHA' PA LA SOGS PA'I CHOS DANG, RANG BYUNG GI CHOS KYANG KHA CIG MA THOB LA NYAN THOS CHEN POS KYANG RUNG BYUNG GI CHOS KHYAD PAR CAN KHA CIG THOB PA DANG MI LDAN NO ZHES BYA BA LA SOGS PA YIN NO, ,DGRA BCOM PA GZHAN LA ZHES BYA BA NI YONGS SU NYAMS PA'I CHOS CAN LA SOGS PA DBANG PO RTUL PO LA'O, ,THOB PA LAS YONGS SU NYAMS PA YANG YOD DO ZHES BYA BA LA, YANG ZHES BYA BA'I SGRAS NI SNGAR BSHAD PA'I YONGS SU NYAMS PA YANG YOD DO, ,MI G-YO BA'I CHOS CAN NYE BAR SPYAD PA LAS YONGS SU NYAMS PAR 'BYUNG BA'I PHYIR MDO DANG MI 'GAL LO ZHES BYA BA NI, 'DIS MTHONG BA'I CHOS LA ZHES BYA BA NAS GANG @223A *, ,YANG RUNG BA ZHIG LAS 'DI YONGS SU NYAMS PAR 'GYUR BAR NING SMRA ZHES BYA BA'I BAR 'BYUNG BA GANG YIN PA'I MDO DE DANG MI 'GAL LO, ,DGRA BCOM PA DRUG CAR GYI RNAM PAR GROL BA YANG MI G-YO BA YIN NO ZHES BSHAD PA DANG BYE BRAG TU SMRA BA NA RE GAL TE DGRA BCOM PA THAMS CAD KYI RNAM PAR GROL BA ZAG PA MED PA MI G-YO BA NYID YIN NA, CI'I PHYIR DUS DANG MI SBYOR BAR RNAM PAR GROL BA KHO NA MI G-YO BA'I CHOS CAN DU RNAM PAR 'JOG LA GZHAN DAG NI MA YIN ZHES SMRA BAR 'GYUR TE, DE'I PHYIR YONGS SU MI NYAMS PAR SMRA BA NA RE THAMS CAD KYI RNAM PAR GROL BA ZAG PA MED PA MI G-YO BA YIN LA ZHES BYA BA 'DI SMOS TE, DE YANG BDEN NA, MI G-YO BA'I CHOS CAN DU JI LTAR RNAM PAR BZHAG PA NI DE BZHIN DU BSHAD ZIN CES BYA BA NI MTHONG BA'I CHOS LA BDE BAR GNAS PA DAG LAS NI LA LA RNYED PA DANG BKUR STIS G-YEN SPYO BA'I NYES PAS DBANG NYAMS PA'I PHYIR YONGS SU NYAMS PAR 'GYUR TE, DBANG PO RTUL PO GANG YIN PA'O, ,LA LA YONGS SU NYAMS PAR MI 'GYUR TE, DBANG PO RNON PO GANG YIN PA STE, DE NYID MI G-YO BA'I CHOS CAN DU GZHAG GO ZHES BYA BA YIN NO, ,GANG GI PHYIR DBANG PO RTUL PO MTHONG BA'I CHOS LA BDE BAR GNAS PA DAG LAS RNYED PA DANG BKUR STIS G-YEN SPYO BA'I NYES PAS YONGS SU NYAMS PAR 'GYUR GYI DBANG PO RNON PO NI MA YIN PA DE'I PHYIR JI LTAR NA MI G-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PAR 'GYUR ZHES BYA BA 'DI NI KLAN KAR MI RUNG NGO ZHES ZER RO, ,YANG NA 'DI NI SBYAR BA GZHAN YIN TE, GONG DU NI MI G-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PA MED DO ZHES BSHAD DO, ,MDO LAS NI KHYAD PAR DU MA SMOS PAS GANG LA RNAM PAR GROL BA MI G-YO BA YOD PA DE YANG MTHONG PA'I CHOS LA BDE BAR GNAS PA DAG LAS YONGS SU NYAMS PA SKAD DU 'BYUNG BAS DE'I PHYIR, THAMS CAD KYI RNAM PAR GROL BA ZAG PA MED PA NI MI G-YO BA YIN ZHES BYA BA 'DI BRJOD DE, DE KHO NAS MI G-YO BA'I CHOS CAN DU RNAM PAR GZHAG PA NI MA YIN NO SNYAM DU BSAMS PA YIN NO, ,DE NYID KYI PHYIR MI G-YO BA'I CHOS @223B CAN DU JI LTAR RNAM PAR GZHAG PA NI DE BZHIN DU BSHAD ZIN PAS DE'I PHYIR MDO SDE LA BRTEN NAS JI LTAR MI G-YO BA'I CHOS CAN MTHONG BA'I CHOS LA BDE BAR GNAS PA DAG LAS YONGS SU NYAMS PAR 'GYUR ZHES SMRAS PA GANG YIN PA 'DI NI KLAN KAR MI RUNG NGO ZHES ZER RO, ,CHUNG DU ZHES BYA BA NI ZHAN PA'O, ,DE LTA MA YIN NA TSANGS PAR SPYAD PA YID BRTAN DU MI RUNG BAR 'GYUR RO ZHES BYA BA NI GAL TE DGRA BCOM PA NYID LAS YONGS SU NYAMS PA YANG SKYE BAR 'GYUR NA, TSANGS SPYOD 'DI LA LEGS SPYAD CING, ,RNAM LA 'ANG LEGS PAR BSGOMS PA NI, ,J LTAR NAD DANG BRAL BA BZHIN,, CHE ZAD PA LAS DGA' BAR 'GYUR, ,ZHES BYA BA YID BRTAN DU RUNG BA DE LTA BUR MI 'GYUR RO, ,BYA BA MA YIN DE MI BYED, ,CES BYA BA NI MI TSANGS PAR SPYOD PA LA SOGS PA'I MTSAN NYID DO, ,RTZAL PO CHE 'GRED PA RDEG MI 'CHA' PA BZHIN NO ZHES BYA BA NI DPER NA RTZAL PO CHE 'GRED NA MTHUS BDAG NYID GZUNG BA'I PHYIR RDEG 'CHA' BAR MI 'GYUR BA DE BZHIN DU 'PHAGS PA 'BRAS BU LAS YONGS SU NYAMS PA YANG 'BRAS BU DE MA THOB PAR MI 'CHI 'O, ,RTZAL PO CHE ZHES SMOS PA NI RTZAL ZHAN PA MA YIN NO, ,GZHAN DAG NA RE RTZAL PO CHE NI STOBS DANG LDAN PA YIN NO ZHES ZER RO, ,JI LTAR GOMS PAR BYAS PA YIN ZHE NA, SLOB PA DANG MI SLOB PA'I LAM DAG GIS BRTEN POR BYAS PA'I PHYIR RO ZHES BYA BA SMOS, ,SPYOR PA'I LAM LAM NI THAMS CAD DU GCIG KHO NA YIN NO ZHES BYA BA NI MI G-YO BA RTOGS PAR BYA BA DANG, MTHONG PAS THOB PAR BYED PA LA'O, ,'PHAGS PA RNAMS KYI DBANG PO NI ZAG PA DANG BCAS PA'I LAM GYIS 'PHO PA MED DO ZHES BYA BA NI 'PHAGS PA'I DBANG PO 'PHO PAR BRJOD PAR 'DOD PA'I PHYIR RO, ,DE LTA MA YIN NA, LA LA NI SO SO'I SKYE BO'I GNAS SKABS NA DBANG PO RNAMS 'PHO'O ZHES BYA BA DE 'GAL BAR 'GYUR RO, ,GZHAN DU NI MA YIN TE, YONGS SU NYAMS PA MI SRID PA'I PHYIR RO ZHES BYA BA NI YONGS SU NYAMS PAS 'JIGS PA'I PHYIR DBANG PO 'PHO BAR 'DOD NA GZHAN 'DOD PA NA SPYOD BA'I LHA'I RIS DRUG DANG, GZUGS DANG GZUGS MED BA'I KHAMS DAG NA NI YONGS SU NYAMS PA MED DO, ,'PHAGS PA[?] , @224A *, ,KHAMS GONG MAR SKYES PA NI DBANG PO DAG KYANG MI 'PHO LA, JI LTAR YANG YONGS SU NYAMS PAR MI 'GYUR RO ZHES BSHAD PA YIN TE, 'DI LA GTAN TSIGS NI DUS GZHAN GYI BAR DU YONGS SU BSGOMS PAS DBANG PO RNAMS CHES YONGS SU SMIN PA'I PHYIR DANG, RTEN KHYAD PAR CAN RNYED PA'I PHYIR RO ZHES BSHAD PA YIN NO, ,YANG CI'I PHYIR 'DOD PA NA SPYOD PA'I LHA DAG GI NANG NA YONGS SU NYAMS PA MED CE NA, SNGON YUL SHIN TU RGYA CHEN PO DAG LAS YID BYUNG STE, DES NA BDEN PA RNAMS MTHONG BAR GYUR PA GANG YIN PA DE DAG JI LTAR DE DAG NYID LA DMIGS NAS YONGS SU NYAMS PAR 'GYUR TE, GDON MI ZA BAR DBANG PO RNON PO DAG YIN NO SNYAM DU BSAMS PA YIN NO, ,MI SLOB PA DGU DAG LA BRTEN TE ZHES BYA BA NI DE'I 'BRAS BU SA DGUS BSDUS PA NYID SRID PA'I PHYIR RO, ,'BRAS BU DANG 'BRAS BU KHYAD PAR CAN ZHES BYA BA LA, 'BRAS BU NI LAN CIG PHYIR MI 'ONG BA'I 'BRAS BU'O, ,'BRAS BU KHYAD PAR CAN NI SPONG BA'I SBYOR BA DANG, BAR CHAD MED PA DANG, RNAM PAR GROL BA DANG, KHYAD PAR GYI LAM GYI MTSAN NYID BSAM GTAN DANG PO LA SOGS PA'O, ,LAM GYI 'BRAS BU KHO NA 'THOB PAR 'GYUR ZHES BYA BA NI 'DOD PA'I KHAMS LAS 'DOD CHAGS DANG BRAL BA TZAM GYIS BSDUS PA'O, ,PHYIR MI 'ONG BA'I 'BRAS BU GZUGS MED PAS BSDUS PA NI MED DO ZHES BYA BA NI, MDO LAS, THA MA'I CHA DANG MTHUN PA LNGA SPANGS PA'I PHYIR PHYIR MI 'ONG BPA YIN NO ZHES 'BYUNG BA'I PHYI DANG, DE NA YANG MTHONG BA'I LAM MED PA'I PHYIR TE, DE MED PA NI 'DOD PA'I KHAMS LA MI DMIGS PA'I PHYIR RO ZHES DE NI BSHAD ZIN TO, ,MI G-YO BA'I CHOS CAN RNAM PA GNYIS TE ZHES BYA BA NI MDO LAS 'BYUNG BA'I PHYIR RO, ,SANGS RGYAS GNYIS NI MI G-YO BA'I BYE BRAG KHO NA YIN ZHES BYA BA NI MI G-YO BA'I CHOS CAN DBANG PO CHUNG DU DANG, 'BRING DANG, CHEN PO'I BYE BRAG GIS RNAM PA GSUM DU DBYE STE, NYAN THOS KYIS MI G-YO BA'I CHOS CAN NI DBANG PO CHEN PO'I CHUD NGU YIN NO, ,RANG SANGS RGYAS NI DBANG PO CHEN PO'I 'BRING YIN NO, ,YANG DAG PAR RDZOGS PA'I SANGS RGYAS NI CHEN PO'I CHEN PO YIN NO,, @224B CHUNG NGU'I CHUNG NGU LA SOGS PO DBANG PO RNAM PA DGU'I BYE BRAG GIS ZHES BYA BA NI YONGS SU NYAMS PA'I CHOS CAN DBANG PO CHUNG NGU'I CHUNG NGU YIN PA NAS BCOM LDAN 'DAS DBANG PO CHEN PO'I CHEN PO YIN PA'I BAR RO, ,BDUN YIN TE ZHES BYA BA NI, RANG SANGS RGYAS DANG YANG DAG PAR RDZOGS PA'I SANGS RGYAS DAG NI GNYI GA'I CHA LAS RNAM PAR GROL BA KHO NAS BSDUS PA'I PHYIR RO, ,DANG PO NYID NAS ZHES BYA BA RGYAS PAR 'BYUNG BA NI DANG PO SO SO'I SKYO BO'I GNAS SKABS NYID NA GZHAN GYI DRING 'JOG PAS GZHAN LAS DRAN PA NYE BAR GZHAG PA LA SOGS PA'I CHOS THOS NAS PHYIS DON RNAMS LA SBYOR BA'I PHYIR TE, BSAM PA DANG BSGOM PA STON PA'I PHYIR RO ZHES BYA BA'I THA TSIG GO, ,DE BZHIN DU SNGON SO SO'I SKYE BO'I GNAS SKABS NYID NA SHES RAB KYIS GSUNG RAB YAN LAG BCU GNYIS PA'I CHOS KYI RJES SU 'BRANG BAS BDAG NYID KYIS BYANG CHUB KYI PHYOGS DANG MTHUN PA LA SOGS PA'I CHOS KYI RJES SU 'BRANG ZHING DON RNAMS LA SBYOR BA'I PHYIR TE, BSAM PA DANG BSGOM PA BSTEN PA'I PHYIR RO, ,DE LTAR NA SBYOR BA LAS NI DAD PA DANG, CHOS KYI RJES SU 'BRANG BA DAG YIN NO, ,DAD PAS MOS PA DANG SHES RAB LHAG PA'I SGO NAS ZHES BYA BA NI DAD PAS MOS PA LHAG PA DANG, SHES RAB LHAG PA'I SGO NAS SO, ,DAD PAS MOS PA NI DAD PAS MOS PA STE, DE LHAG PA'I PHYIR, DBANG PO RTUL PO NYID YIN LA, SHES RAB LHAG PA'I PHYIR DBANG PO RNON PO NYID YIN NO, ,RNAM PAR GROL BA LAS NI ZHES BYA BA NI NYON MONGS PA LAS RNAM PAR GROL BA LAS SO, ,SHES RAB KYIS RNAM PAR GROL BA ZHES BYA BA NI SHES RAB KYIS NYON MONGS PA LAS RNAM PAR GROL BA'I PHYIR RO, ,SNYOMS PAR 'JUG PA DANG RNAM PAR GROL BA LAS NI ZHES BYA BA NI SNYOMS PAR 'JUG PA DANG RNAM PAR GROL BA LAS SO, ,DE LA DAD PA'I RJES SU 'BRANG BA LA DBANG PO'I SGO NAS NI ZHES BYA BA RGYAS PAR 'BYUNG BA LA, DAD PAS RJES SU 'BRANG BA 'DI DAG JI LTAR BGRANG BA DE BZHIN DU GZHUNG JI LTA BA RAB TU BSTAN PAR BYA STE, DBANG PO CHUNG NGU DANG, 'BRING DANG, CHEN PO PHYIR DBANG PO'I SGO NAS NI GSUM MO, ,'DIR YANG 'DI LTAR KHONG[?] DU CHUD PAR BYA STE, DAD PAS RJES SU 'BRANG BA THAMS CAD DBANG PO RTUL PO KHO @225A *, ,NA YIN MOD KYI, 'ON KYANG SHIN TU RTUL BA DANG CHES SHIN TU RTUL BAR GNAS PA'I PHYIR 'DI DAG LA DBANG PO CHUNG NGU DANG, 'BRING DANG, CHEN PO ZHES BYA BA KHYAD PAR RNAM PA GSUM YOD DO, ,RIGS KYI SGO NAS NI LNGA'O, ,JI LTA ZHE NA, YONGS SU NYAMS PA'I CHOS CAN GYI RIGS NAS RTOGS PA'I SKAL BA CAN GYI RIGS ZHES BYA BA'I BAR LNGA YIN NO, ,YANG RIGS DANG DBANG PO'I BYE BRAG GIS BRGYAD DU GYUR PA DA DAG RA ZHING LAM GYI SGO NAS NI BCO LNGA YIN NO, ,JI LTA ZHE NA BZOD PA BRGYAD DANG SHES PA BDUN LA GNAS PA'O ZHES BYA BA SMOS TE, MTHONG BA'I LAM LA SKAD CIG BCO LNGA STE, SDUG BSNGAL LA CHOS SHES PA'I BZOD PA NAS LAM LA RJES SU SHES PA'I BZOD PA'I BAR BZOD PA BRGYAD DANG, SDUG BSNGAL LA CHOS SHES PA NAS 'GOG PA LA RJES SU SHES PA'I PHYIR SHES PA BDUN NO, ,LAM LA RJES SU SHES PA NI BSGOM PA'I LAM GYIS BSDUS PA'I PHYIR RO, ,BRGYAD DANG BDUN NI BCO LNGAR 'GYUR TE, DE LTA BU DE LA GNAS PA BCO LNGA YIN NO, ,DE LTAR LAM GYI SGO NAS RNAM PA BCO LNGAR THA DAD PA 'DI DAG YANG RE RE BZHIN 'DOD CHAGS DANG BRAL BA'I SGO NAS NI BDUN CU RTZA GSUM STE, JI LTAR ZHE NA, RE ZHIG 'DOD PA'I KHAMS LA 'CHING BA[?] MTHA' DAG DANG LDAN PA GCIG DANG, 'DOD PA LAS 'DOD CHAGS DANG BRAL BA RNAM PA GCIG LAS 'DOD CHAGS DANG BRAL BA NAS RNAM PA DGU LAS 'DOD CHAGS DANG BRAL BA'I BAR DANG, CI YANG MED PA'I SKYE MCHED LAS 'DOD CHAGS DANG BRAL BA DGU'I BAR YIN NO, ,GONG NA NI MI SRID DE; 'JIG RTEN PA'I LAM SRID PA'I RTZE MO'I GNYEN PO MED PA'I PHYIR RO, ,DE DAG NI DGU BRGYAD NI BDUN CU GNYIS YIN TE, SNGAR BSHAD PA 'CHING BA MTHA' DAG DANG LDAN PAS BSNAN NA BDUN CU RTZA GSUM DU 'GYUR RO, ,YANG 'DOD CHAGS DANG BRAL BA'I SGO NAS BDUN CU RTZA GSUM DU SO SOR THA DANG PA 'DI DAG RE RE ZHING RTEN GYI SGO NAS NI DGU'O, ,JI LTA ZHE NA, GLING GSUM DANG, LHA'I RIS DRUG TU SKYES PA'O ZHES BYA BA SMOS TE, GLING GSUM NI BYANG GI SGRA MI SNYAN MA GTOGS PA DAG STE, BYANG GI SGRA MI SNYAN NA NI LAM MED PA'I PHYIR RO, ,LHA'I RIS DRUG NI 'DOD PA NA SPYOD PA DAG STE, @225B DE'I GONG NA MTHONG BA'I LAM MED PA'I PHYIR RO, ,DE RNAMS SU SKYES PAS NA 'DI DAG RE RE ZHING DGU 'GYUR DU 'GYUR RO, ,DBANG PO DANG RIGS DANG, LAM DANG, 'DOD CHAGS DANG BRAL BA DANG, RTEN GYI SGO NAS BSNGOMS NA NI ZHES BYA BA NI MJUG SDUD PAR SMOS PA STE, 'DI NYID GCIG GO ZHES BYA BA NI 'GREL BA'I NANG DU BRIS PAR ZAD DO, ,GANG ZAG GZHAN DAG KYANG CI RIGS PAR DE BZHIN DU BRTZI BAR BYA'O ZHES BYA BA NI CHOS KYI RJES SU 'BRANG BA LA SOGS PA STE, JI LTAR DAD PAS RJES SU 'BRANG BA DBANG PO DANG, RIGS DANG LAM DANG 'DOD CHAGS DANG BRAL BA DANG RTEN GYI SGO NAS BRTZIS PA DE KHO NA BZHIN DU BRTZI BAR BYA'O, ,CI RIGS PAR ZHES BYA BA NI CHOS KYI RJES SU 'BRANG BA DANG, MTHONG BAS THOB PA DANG, DUS DANG MI SBYOR BAR RNAM PAR GROL BA RNAMS LA NI RIGS KYI KHYAD PAR MED LA, DAD PAS MOS PA DANG, DUS KYIS RNAM PAR GROL BA DAG LA NI, RIGS KYI KHYAD PAR YANG YOD PAS CI RIGS PAR ZHES SMOS SO,, DE LA CHOS KYI RJES SU 'BRANG BA DBANG PO'I SGO NAS NI GSUM MO, ,RIGS KYI SGO NAS NI GCIG KHO NA STE KHYAD PAR MED DO, ,LAM GYI SGO NAS NI BCO LNGA STE, BZOD PA BRGYAD DANG SHES PA BDUN LA GNAS PA'O, ,'DOD CHAGS DANG BRAL BA'I SGO NAS NI BDUN CU RTZA GSUM STE, 'CHING BA MTHA' DAG DANG LDAN PA DANG, 'DOD PA LAS 'DOD CHAGS DANG BRAL BA'I PHYIR DGU NAS DE BZHIN DU CI YANG MED PA'I SKYE MCHED LAS 'DOD CHAGS DANG BRAL BA'I PHYIR GYI BAR DU'O, ,RTEN GYI SGO NAS NI DGU STE, GLING GSUM DANG, LHA'I RIS DRUG TU SKYES PA'O, ,DE BZHIN DU DBANG PO DANG, RIGS DANG, LAM DANG; 'DOD CHAGS DANG BRAL BA DANG, RTEN GYI SGO NAS BSDOMS NA NI NYI KHRI DGU STONG LNGA BRGYA DRUG CU RTZA LNGAR 'GYUR RO, ,DE BZHIN DU DAD PAS MOS PA DBANG PO'I SGO NAS NI GSUM MO, ,RIGS KYI SGO NAS NI SO SOR LNGA'O, ,'DOD CHAGS DANG BRAL BA'I SGO NAS NI SO SOR BDUN CU RTZA GSUM KHO NA STE SNGA MA BZHIN NO, ,RTEN GYI SGO NAS NI DGU STE, GLING GSUM DANG, LHA'I RIS DRUG TU SKYE PA'O, ,DE BZHIN DU DBANG PO DANG, RIGS DANG, 'DOD CHAGS DANG BRAL BA DANG, RTEN GYI SGO NAS BSDOMS NA NI DGU STONG BRGYAD BRGYA LNGA BCU RTZA LNGAR 'GYUR RO, ,'DIR NI 'BRAS BU LA GNAS PA SEMS @226A *, ,BCU DRUG THOB PA 'BA' ZHIG GI DBANG DU BYAS PA YIN TE, DE'I TSE DBANG PO RTUL PO DANG, RNON PO DAG DAD PAS MOS PA DANG, MTHONG BAS THOB PA DAG YIN PAS 'DIR DE GNYIS BRJOD PAR 'DOD PA'I PHYIR RO, ,SKAL LDAN KHYAD PAR CAN NA RE LAM GYI SGO NAS NI DGU YIN TE, BSGOM PA'I LAM LA GNAS PA YIN NO ZHES ZER RO, ,DE NI BSAM PA GANG GIS DE SKAD DU SMRAS PA KHONG DU MA CHUD DO, ,GAL TE 'DI SKAD DU LAM GYI SGO NAS NI SA DANG SA NA DGUR 'GYUR RO SNYAM DU SEMS PAR 'GYUR NA NI 'DOD CHAGS DANG BRAL BA'I SGO NAS NI BDUN CU RTZA GSUM STE ZHES BYA BA DE DANG THA MI DAD PA'I PHYIR DE KHO NA BSTAN PAR GYUR PAS RIGS PA YIN TE, TSAD KYANG DE KHO NAR ZAD DO, ,'ON TE BSGOM PA'I LAM ZAG PA MED PA SA DGU PAL GNAS PA'I PHYIR 'DI DAG DGU NYID DU RNAM PAR 'JOG NA NI, DE LTA YIN NA TSAD DE YANG DGUR BSGYUR BA BYAS NA DE DAG 'DI SNYED DU 'GYUR TE, BRGYAD KHRI BRGYAD STONG DRUG BRGYA DGU BCU RTZA LNGAR 'GYUR TE, DE BZHIN DU 'OG MA YANG BSHAD PAR BYA'O, ,GAL TE DAD PAS MOS PA RDO RJE LTA BU'I TING NGE 'DZIN GYI BAR BZUNG NA NI DE'I PHYIR DE LTA BU MA YIN PAR BRTZI DGOS TE, DAD PAS MOS PA DBANG PO'I SGO NAS NI GSUM MO, ,RIGS KYI SGO NAS NI SO SOR LNGA'O,, 'DOD CHAGS DANG BRAL BA'I SGO NAS NI BDUN CU RTZA GSUM GYI THOG TU SRID PA'I RTZE MO'I RNAM PA BRGYAD LAS 'DOD CHAGS DANG BRAL BA'I PHYIR BRGYAD KYIS BSNAN TE BRGYAD CU RTZA GCIG GO, ,RTEN GYI SGO NAS NI NYI SHU RTZA DGU'O, ,JI LTA ZHE NA, 'DOD PA'I KHAMS NI SKYE BA'I GNAS DGU DANG, GZUGS KYI KHAMS NA GNAS BCU DRUG DANG, GZUGS MED PA BZHI'O, ,DE BZHIN DU DBANG PO DANG, RIGS DANG, 'DOD CHAGS DANG BRAL BA DANG, RTEN GYI SGO NAS BSDOMS NA NI SUM KHRI LNGA STONG NYIS BRGYA SUM CU RTZA LNGA'O, ,MTHONG BAS THOB PA LA RIGS KYI BYE BRAG NI MED DO, ,DBANG PO DANG, 'DOD CHAGS DANG BRAL BA DANG, RTEN GYI SGO NAS BSDOMS NA NI STONG DGU BRGYA BDUN CU RTZA GCIG TU 'GYUR RO, ,GAL TE MTHONG BAS THOB PA RDO RJE LTA BU'I TING NGE 'DZIN GYI BAR GZUNG NA NI 'DI LTAR BRTZI BAR BYA STE, DBANG PO DANG, 'DOD CHAGS DANG BRAL BA DANG, RTEN GYI SGO NAS BSDOMS NA BDUN STONG BZHI BCU @226B RTZA BDUN DU 'GYUR RO, ,LUS KYIS MNGON DU BYED PA NI DAD PAS MOS PA DANG, MTHONG BAS THOB PA'I NANG DU 'DUS PAS MI RTZI'O, ,GAL TE RTZI NA DBANG PO'I SGO NAS NI GSUM MO, ,RIGS KYI SGO NAS NI GAL TE LUS KYIS MNGON DU BYED PA DE DAD PAS MOS PA YIN NA LNGA'O, ,GAL TE MTHONG BAS THOB PA YIN NA NI RIGS KYI KHYAD PAR MED DO, ,LAM NI GNYI GA'I YANG DBYE BA MED DO, ,CI YANG MED PA'I SKYE MCHED LAS 'DOD CHAGS DANG BRAL BA'I PHYIR 'DOD CHAGS DANG BRAL BA'I SGO NAS KYANG KHYAD PAR MED DO, ,GAL TE SRID PA'I RTZE MO PA'I 'CHING BA MTHA' DAG DANG LDAN PA DANG RNAM PA GCIG LAS 'DOD CHAGS DANG BRAL BA NAS RNAM PA BRGYAD LAS 'DOD CHAGS DANG BRAL BA'I BAR ZHIG YIN NA NI LAM DAD 'DOD CHAGS DANG BRAL BA'I SGO NAS KHYAD PAR YOD MOD KYI LUS KYIS MNGON DU BYED PA NYID NI LAM DANG 'DOD CHAGS DANG BRAL BAS BYAS PA MA YIN PAS 'DI DES BYAS PA DE'I KHYAD PAR DU NI RNAM PAR MI GZHAG 'O, ,SKAL LDAN KHYAD PAR CAN NA RE RTEN GYI SGO NAS NI KHYAD PAR RNAM PA MANG STE, 'DOD PA NA SPYOD PA'I RTEN CAN YIN PA NAS SRID PA'I RTZE MO'I BAR GYI RTEN CAN YIN PA'I PHYIR RO ZHES ZER TE, JI LTAR NA LUS KYIS MNGON DU BYED PA NAM MKHA' MTHA' YAS SKYE MCHED LA SOGS PA'I RTEN CAN YIN, 'DI LTAR RIGS PA SNYAM BYED DE, RTEN GYI SGO NAS NI 'DOD PA'I KHAMS NA SKYE BA'I GNAS DGU DANG, GZUGS KYI KHAMS NA GNAS BCU DRUG STE NYI SHU RTZA LNGA'O, ,'PHAGS PA NI DE DAG TU 'GOG PA'I SNYOMS PAR 'JUG PA SKYED DO, ,GAL TE 'DOD PA DANG GZUGS KYI RTEN CAN GYI 'GOG PA'I SNYOMS PAR 'JUG PA'I SKYED PA DANG LDAN PA'I PHYIR MI 'ONG BA LUS KYIS MNGON DU BYED PAR GYUR PA DE'I LDAN PA TZAM DANG 'BREL PA'I PHYIR PHYIS KYANG LUS KYIS MNGON DU BYED PA SRID PA'I RTZE MO'I RTEN CAN NYID DU 'DOD NA NI SRID PA'I RTZE MO'I RTEN CAN DANG NYI SHU RTZA DRUG YIN PAR KHONG DU CHUD PAR BYA'O, ,DE BZHIN DU DBANG PO DANG, RIGS DANG RTEN GYI SGO NAS BGRANGS TE BRTZI BAR BYA STE, SHES RAB KYIS RNAM PAR GROL BA'I BYE BRAG KYANG DBANG PO'I SGO NAS NI GSUM MO, SHES RAB KYIS RNAM PAR GROL BA RIGS KYI SGO NAS NI GAL TE DUS KYIS RNAM PAR GROL BA ZHIG YIN NA LNGA'O, ,'ON TE DUS DANG MI SBYOR BA RNAM PAR GROL BA ZHIG YIN NA NI KHYAD PAR MED DO, , @227A *, ,GNYI GA'I CHA LAS RNAM PAR GROL BA YANG DE BZHIN DU SBYAR BAR BYA'O, ,SHES RAB DANG TING NGE 'DZIN GYI STOBS DAG GIS NYON MONGS PA DANG RNAM PAR THAR PA'I SGRIB PA LAS RNAM PAR GROL BA'I PHYIR RO ZHES BYA BA NI SHES RAB KYI STOBS KYIS NYON MONGS PA'I SGRIB PA LAS RNAM PAR GROL BA'I PHYIR DANG, TING NGE 'DZIN GYI STOBS KYIS RNAM PAR THAR PA'I SGRIB PA LAS RNAM PAR GROL BA'I PHYIR RO, ,RNAM PAR THAR PA DAG NI GZUGS CAN GZUGS RNAMS LA LTA BA ZHES BYA BA BRGYAD 'CHAD PAR 'GYUR RO, ,DE LA NYON MONGS PA'I SGRIB PA ZHES BYA BA NI NYON MONGS PA NYID SGRIB PA YIN NO, ,RNAM PAR THAR PA'I SGRIB PA ZHES BYA BA NI RNAM PAR THAR PA RNAMS KYIS SGRIB PA YIN TE, DE YANG GANG GIS RNAM PAR THAR PA DAG SKYED PAR MI NUS PA STE, LUS DANG SEMS LAS SU MI RUNG BA NYID DO, ,'DI LA GANG ZHIG NYON MONGS PA LNGA SPANGS TE ZHES BYA BA NI 'JIG TSOGS LA LTA BA LA SOGS PA THA MA'I CHA DANG MTHUN PA LNGA BSHAD PA YIN NO, ,MI 'PHROGS CHOS LDAN ZHES BYA BA NI YONGS SU MI NYAMS PA'I CHOS CAN ZHES BYA BA'I THA TSIG GO, ,'BRAS BU KHO NA LAS SO ZHES BYA BA RGYAS PAR 'BYUNG BA NI DAD PAS MOS PA YIN PA'I PHYIR DBANG PO'I SGO NAS YONGS SU RDZOGS PA NYID MA YIN NO, , LUS KYIS MNGON DU BYED PA MA YIN PA'I PHYIR SNYOMS PAR 'JUG PA'I SGO NAS KYANG MA YIN NO, ,PHYIR MI 'ONG BA YIN PA'I PHYIR 'BRAS BU'I SGO NAS NI YONGS SU RDZOGS PA NYID YOD DO, ,DBANG PO KHO NA LAS SO ZHES BYA BA NI MTHONG BAS THOB PA YIN PA'I PHYIR DBANG PO'I SGO NAS YONGS SU RDZOGS PA NYID YIN LA, 'DOD CHAGS DANG MA BRAL BA'I PHYIR 'BRAS BU'I SGO NAS KYANG MA YIN LA, SNYOMS BAR 'JUG PA'I SGO NAS KYANG MA YIN TE, PHYIR MI 'ONG BA'I 'BRAS BU DANG, SNYOMS PAR 'JUG PA DAG MA THOB PA'I PHYIR RO, ,DE BZHIN DU GZHAN DAG LA YANG CI RIGS PAR SBYAR BAR BYA'O, ,SNYOMS PAR 'JUG PA KHO NA DANG ZHES BYA BA NI SNYOMS PAR 'JUG PA KHO NA'I SGO NAS YONGS SU RDZOGS PA NYID YIN GYI, DBANG PO DANG 'BRAS BU DAG GI SGO NAS NI MA YIN NO ZHES BYA BA DE NI MED DO, ,CI'I PHYIR ZHE NA, PHYIR MI 'ONG BA'I 'BRAS BU MA THOB PAR 'GOG PA'I SNYOMS PAR 'DUG PA MED PAS SO, ,'BRAS BU MED PAR SNYOMS PAR @227B 'DUG PA DANG, DBANG PO LAS ZHES BYA BA NI 'GOG PA'I SNYOMS PAR 'JUG PA DANG DBANG PO KHO NA LAS YONGS SU RDZOGS PA NYID YIN GYI 'BRAS BU'I SGO NAS NI MA YIN NO ZHES BYA BA DE YANG MED DE, 'DI LTAR PHYIR MI 'ONG BA'I 'BRAS BU MA THOB PA LA 'GOG PA'I SNYOMS PAR 'JUG PA MED PAS SO, ,DBANG PO DANG SNYOMS PAR 'JUG PA LAS SO ZHES BYA BA NI DBANG PO RNO BA'I PHYIR DANG, 'GOG PA'I SNYOMS PAR 'JUG PA THOB PA'I PHYIR ZHES BYA BA'I THA TSIG GO, ,DBANG PO KHO NA LAS SO ZHES BYA BA NI DUS DANG MI SBYOR BAR RNAM PAR GROL BA ZHES 'BYUNG BA'I PHYIR, 'DI DBANG PO'I SGO NAS NI YONGS SU RDZOGS PA NYID YIN LA, SHES RAB KYIS RNAM PAR GROL BA ZHES 'BYUNG BA'I PHYIR 'DI SNYOMS PAR 'JUG PA'I SGO NAS YONGS SU RDZOGS PA NYID NI MA YIN TE, 'GOG PA'I SNYOMS PAR 'JUG PA MA THOB PA NI SHES RAB KYIS RNAM PAR GROL BA ZHES BSHAD DO, ,SNYOMS PAR 'JUG PA KHO NA LAS SO ZHES BYA BA NI DUS KYIS RNAM PAR GROL BA ZHES 'BYUNG BA'I PHYIR 'DI DBANG PO'I SGO NAS YONGS SU RDZOGS PA NYID MA YIN NO, ,GNYI GA'I CHA LAS RNAM PAR GROL BA ZHES 'BYUNG BA'I PHYIR 'DI SNYOMS PAR 'JUG PA'I SGO NAS YONGS SU RDZOGS PA NYID NI YIN TE, 'GOG PA'I SNYOMS PAR 'JUG PA THOB PA NI GNYI GA'I CHA LAS RNAM PAR GROL BA ZHAS BSHAD DO, ,DBANG PO DANG SNYOMS PAR 'JUG PA DAG LAS SO ZHES BYA BA CI ZHE NA, YONGS SU RDZOGS PA NYID YIN TE, DUS DANG MI SBYOR BAR RNAM PAR GROL BA'I PHYIR DBANG PO'I SGO NAS SO, ,GNYI GA'I CHA LAS RNAM PAR GROL BA'I PHYIR SNYOMS PAR 'JUG PA LAS SO ZHES STON PAR BYED DO, ,BAR CHAD MED PA'I LAM NI GANG GIS SGRIB PA RAB TU SPONG BA'O ZHES BYA BA NI MI SPONG BA'I LAM SRID PA'I PHYIR TE, BAR CHAD MED PA'I LAM GANG ZHIG GIS DBANG PO 'PHO BA LA SOGS PAR SGRIB PA RAB TU MI SPONG BAR BYED PA DE YOD DO, ,DES SPANG BAR BYA BA'I SGRIB PA LAS NGES PAR GROL BA DANG PO NYID DU SKYE BA GANG YIN PA'O ZHES BYA BA NI BAR CHAD MED PA'I LAM GYIS SPANG BAR BYA BA'I SGRIB PA LAS NGES PAR GROL BA GANG YIN PA'O, ,DANG PO NYID DU ZHES BYA BA KHYAD PAR SMOS PA NI, 'DI LTAR SKAD CIG MA GSUM PA LA SOGS PA LA DE DANG RIGS MTHUN PA'I LAM NI KHYAD PAR CAN GYI LAM @228A *, ,YIN PAR 'DOD DE, DE NYID KYI PHYIR KHYAD PAR CAN GYI LAM NI DE DAG LAS GZHAN PA'I LAM GANG YIN PA'O ZHES BYA BA SMOS SO, ,GZHAN YANG GAL TE DANG PO NYID DU ZHES BYA BA MA BRJOD KYI RNAM PAR GROL BA'I LAM NI DES SPANG BAR BYA BA'I SGRIB PA LAS NGES PAR GROL BA GANG YIN PA'O ZHES BYA BA DE TZAM ZHIG SMOS PAR 'GYUR NA, DE LTA NA NI SDUG BSNGAL LA CHOS SHES PA PHAN CHAD BAR CHAD MED PA'I LAM LA SOGS PA THAMS CAD DES SPANG BAR BYA BA'I SGRIB PA LAS NGES PAR GROL BAR SKYE BA YIN PAS THAMS CAD RNAM PAR GROL BA'I LAM DU 'GYUR BA ZHIG NA BAR CHAD MED PA'I LAM LA SOGS PA YANG RNAM PAR GROL BA'I LAM NYID DU THAL BAR 'GYUR BA'I PHYIR DE YANG MI 'DOD DO, ,DE LTA BAS NA BAR CHAD MED PA'I LAM SDUG BSNGAL LA CHOS SHES PA'I BZOD PAS SPANG BAR BYA BA'I SGRIB PA MTHONG BAS SPANG BAR BYA BA'I RIS NAS, BSGOM PAS SPANG BAR BYA BA'I RIS KYI BAR GANG YIN PA SPANG BAR BYA BA'I SGRIB PA DE LAS NGES PAR GROL BAS DANG PO NYID DU SKYES PA GANG YIN PA DES RNAM PAR GROL BA'I LAM YIN GYI GZHAN NI DES SPANG BAR BYA BA'I SGRIB PA LAS NGES PAR GROL BA NYID YIN YANG MA YIN NO, ,SBYOR BA'I LAM LA SOGS PA GSUM PO DE DAG LAS GZHAN PA GANG YIN PA DE NI KHYAD PAR CAN GYI LAM YIN TE, SKAD CIG MA BCU DRUG PA LAM LA RJES SU SHES PA'I MTSAN NYID PHAN CHAD DE DANG RIS MTHUN PA SKAD CIG MA BCU BDUN PA LA SOGS PA ZAG PA MED PA'I SKAD CIG MA GANG YIN PA DE DAG NI KHYAD PAR CAN GYI LAM GYI NGO BO NYID YIN PAR KHONG DU CHUD PAR BYA'O, ,GZHAN RNAM PAR GROL BA'I YE SHES KYI RAB KYI MTHA' PA ZAD PA SHES PA LA SOGS PA GANG YIN PA DE YANG DE DANG 'DRA BAR BRJOD PAR BYA STE, MTHONG BA'I CHOS LA BDE BAR GNAS PAR BYED PA'AM, YON TAN KHYAD PAR CAN MNGON PAR SGRUB PAR BYED PA'I LAM GANG YIN PA DE YANG KHYAD PAR CAN GYI LAM KHO NA YIN NO, ,SBYOR BA'I LAM NI GANG GI MJUG THOGS SU BAR CHAD MED PA'I LAM SKYE BA'O ZHES BSHAD PAS DE'I PHYIR SBYOR BA'I LAM NI 'JIG RTEN PA'I CHOS KYI MCHOG YIN NO ZHES BYA BAR MNGON NO, ,LUGS LAS BZLOG PAR BZOD PA LA SOGS PA'I LAM GANG YIN PA DE GANG GI NANG DU 'DUS PAR BRJOD PAR BYA ZHE NA SMRAS PA, SBYOR BA'I LAM KHO NA'I NANG DU 'DUS NA 'DI NI SBYOR BA'I LAM THAG RING @228B PO YIN PAS DE NI 'JIG RTEN PA'I CHOS KYI MCHOG DAG DANG KHYAD PAR DE YOD DO, ,YANG NA DPER BRJOD PA'I PHYIR BAR CHAD MED PA DANG, NYE BA KHO NA SBYOR BA'I LAM DU BSHAD DO,, ,,BAM PO LNGA BCU GNYIS PA, DE NAS DER 'GRO BA'I PHYIR 'DI NI MYA NGAN LAS 'DAS PA'I LAM YIN NO ZHES BYA BA NI 'JIG RTEN NA GANG NAS 'GRO BA DE LAM YIN NO ZHES GRAGS LA 'DI NAS KYANG MYA NGAN LAS 'DAS PAR 'GRO ZHING PHYIN PAR BYED DE, DE LTA BAS NA LAM YIN NO ZHES STON PAR BYED DO, ,'DIS MYA NGAN LAS 'DAS PA TSOL BA'I PHYIR ZHES BYA BA NI SKAD KYI DBYINGS LAS LAM TSOL BAR BYED PA YIN NO ZHES 'BYUNG BAS GANG GIS MYA NGAN LAS 'DAS PA TSOL ZHING THOB PAR BYED PA DE NI LAM YIN NO, ,RNAM PAR GROL BA DANG KHYAD PAR CAN GYI LAM DAG JI LTAR NA LAM NYID YIN ZHES BYA BA NI DE GNYIS KYIS MYA NGAN LAS 'DAS PA THOB PAR BYED PA MA YIN TE, DE THOB PA LA NI SBYOR BA DANG BAR CHAD MED PA'I LAM KHO NA NUS PA YOD KYI DE GNYIS NI MA YIN NO SNYAM DU BSAMS PA YIN NO, ,DE DANG 'DRA BA DANG CHES CHE BA YIN PA'I PHYIR ZHES BYA BA NI DMIGS PA DANG RNAM PA DANG ZAG PA MED PA NYID DU CHOS NA THUN PA'I PHYIR SPANG BA'I LAM DANG 'DRA BA YIN LA, RGYU BSAGS PA'I SGO NAS CHES CHE BA DAG KYANG YIN TE, JI LTAR BAR CHAD MED PA'I LAM BDEN PA BZHI LA DMIGS SHING RNAM PA BCU DRUG DANG ZAG PA MED PA YIN PA LTAR RNAM PAR GROL BA DANG KHYAD PAR CAN GYI LAM DAG KYANG DE DANG 'DRA LA CHES CHE BA NYID KYIS DE GNYIS KHYAD ZHUGS PA YANG YIN NO, ,GONG NAS GONG DU PHYIN PAR BYED PA'I PHYIR RAM PHUNG PO'I LHAG MA MA LUS PAR 'JUG PA'I PHYIR RO ZHES BYA BA NI GANG GI PHYIR RNAM PAR GROL BA'I LAM DANG KHYAD PAR CAN GYI LAM GYIS LAM GONG NAS GONG DU PHYIN PAR BYED PA'AM, GANG GI PHYIR DE GNYIS KYIS PHUNG PO'I LHAG MA MED PA'I MYA NGAN LAS 'DAS PAR 'JUG STE, DE DAG SKYES NAS PHUNG PO'I LHAG MA MED PA'I MYA NGAN LAS 'DAS PAR 'JUG PA DE'I PHYIR 'DI GNYIS LAM NYID YIN NO ZHES BYA BA'I THA TSIG GO, ,GZHAN DAG NA RE 'DI SKAD DU GONG NAS GONG DU PHYIN PAR BYED PA'I PHYIR PHUNG PO'I LHAG MA MA LUS PAR 'JUG PA YIN TE, DE LTA BAS NA 'DI GNYIS LAM NYID YIN NO ZHES ZER RO, ,MYA NGAN LAS 'DAS PA SGRUB PAR BYED PA'I PHYIR ZHES BYA BA NI 'DI LTAR 'DIS MYA NGAN LAS @229A *, ,'DAS PA SGRUB PAR BYED PAS ZHES BYA BA'I THA TSIG GO, ,DE BZHIN DU SLA BA YANG RNAM PA GNYIS SO ZHES BYA BA NI MNGON PAR SHES PA BUL BA SLA BA'I LAM YANG YOD, MNGON PAR SHES PA MYUR BA SLA BA'I LAM YANG YOD CES BYA BA YIN NO, ,YAN LAG GIS YONGS SU ZIN PA DANG, ZHI GNAS DANG LHAG MTHONG MNYAM PA DAG GIS 'BAD MI DGOS BAR NGANG GIS 'BYUNG BA'I PHYIR RO ZHES BYA BA NI YAN LAG DAG GIS YONGS SU ZIN PA DANG, ZHI GNAS DANG LHAG MTHONG DAG MNYAM PA NYID NI YAN LAG GIS YONGS SU ZIN PA DANG, ZHI GNAS DANG LHAG MTHONG MNYAM PA NYID DE, DE DAG GIS NA 'BAD MI DGOS PAR NGANG GIS 'BYUNG BA YIN PAS DE'I PHYIR LAM SLA BA YIN NO, ,GANG GI PHYIR BSAM GTAN DAG NI YAN LAG GIS YONGS SU ZIN PA DANG, ZHI GNAS DANG LHAG MTHONG DAG MNYAM PA YIN PA DE'I PHYIR 'BAD PA MI DGOS PAR NGANG GIS 'BYUNG BA YIN PAS DE'I PHYIR LAM DE NI SLA BA ZHES BYA'O, ,YAN LAG GIS YONGS SU MA ZIN PA'I PHYIR ZHES BYA BA RGYAS PAR 'BYUNG BA NI MI LCOGS PA MED PA DANG, BSAM GTAN KHYAD PAR CAN DANG, GZUGS MED PA DAG NI YAN LAG GIS YONGS SU MA ZIN PA'I PHYIR 'BAD NAS 'BYUNG BA YIN NO, ,DE DAG CI RIGS PAR ZHI GNAS DANG LHAG MTHONG CHUNG BA'I PHYIR 'BAD NAS 'BYUNG BA YANG YIN TE, MI LCOGS PA MED PA DANG, BSAM GTAN KHYAD PAR CAN DAG NI ZHI GNAS CHUNG BA'I PHYIR 'BAD NAS 'BYUNG BA YIN NO, ,GZUGS MED PA DAG NI LHAG MTHONG CHUNG BA'I PHYIR 'BAD NAS 'BYUNG BA YIN NO, ,DE'I PHYIR MI LCOGS PA MED PA LA SOGS PA DE DAG NI LAM DKA' BA YIN NO, ,MNGON PAR SHES PA BUL BA ZHES BYA BA NI 'DI LA MNGON PAR SHES PA BUL BA YOD PAS MNGON PAR SHES PA BUL BA STE, SHES RAB CHUNG BA ZHES BYA BA'I THA TSIG GO, ,MNGON PAR SHES PA MYUR BA ZHES BYA BA NI SHES RAB RNO BA'O, ,YANG NA MNGON PAR SHES PA 'DI GANG ZAG MONG RTUL ZHING BLUN PA'I YIN PAS MNGON PAR SHES PA BUL BA YIN TE, DE BZHIN DU MNGON PAR SHES PA GANG ZAG YID RNON PO'I YIN PAS MNGON PAR SHES PA MYUR BA'O ZHES BYA BAR SBYAR BAR BYA'O, ,DRAN PA NYE BAR GZHAG PA BZHI NI LUS DANG, TSOR BA DANG, SEMS DANG, CHOS DRAN PA NYE BAR @229B GZHAG PA JI SKAD DU BSHAD PA DAG YIN NO, ,YANG DAG PAR SPONG BA BZHI NI SDIG PA MI DGE BA'I CHOS SKYES PA RNAMS SPONG BA'I PHYIR 'DUN PA SKYED DO, ,RTZOL BA BYED DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,SDIG PA MI DGE BA'I CHOS MA SKYES PA RNAMS NI MI SKYED PA'I PHYIR 'DUN PA SKYED DO ZHES BYA BA SNGA MA BZHIN NO, ,DGE BA'I CHOS MA SKYES PA RNAMS SKYED PA'I PHYIR 'DUN PA SKYED DO ZHES BYA BA SNGA MA BZHIN NO, ,DGE BA'I CHOS SKYES PA RNAMS GNAS PA DANG, MI BRJED PA DANG, BSGOM PA YONGS SU RDZOGS PAR BYA BA DANG, PHYIR ZHING GOMS PA DANG, 'PHEL ZHING RGYAS PA DANG, YE SHES KYIS MNGON SUM DU BYA BA'I PHYIR 'DUN PA SKYED DO ZHES BYA BA SNGA MA BZHIN NO, ,RDZU 'PHRUL GYI RKANG PA BZHI NI 'DUN PA'I TING NGE 'DZIN SPONG PA'I 'DU BYED DANG LDAN PA, RDZU 'PHRUL GYI RKANG PA DANG, DE BZHIN DU BRTZON 'GRUS DANG, SEMS DANG, DPYOD PA'I TING NGE 'DZIN SPONG BA'I 'DU BYED DANG LDAN PA RDZU 'PHRUL GYI RKANG PA DAG STE, RDZU 'PHRUL GYI RKANG PA NI RDZU 'PHRUL GYI RGYU ZHES BYA BA'I THA TSIG GO, ,DBANG PO LNGA NI DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO DAG GO, ,STOBS LNGA NI DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI STOBS DAG GO, ,BYANG CHUB KYI YAN LAG BDUN NI DRAN PA DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG DAG STE, DRAN PA NYID YANG DAG BYANG CHUB KYI YAN LAG YIN PAS DRAN PA YANG DAG BYANG CHUB KYI YAN LAG STE BTANG SNYOMS NYID YANG DAG BYANG CHUB KYI YAN LAG YIN PAS NA BTANG SNYOMS YANG DAG BYANG CHUB KYI YAN LAG GI BAR DU YANG DE DANG 'DRA'O, ,'PHAGS PA'I LAM YAN LAG BRGYAD NI YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DE GNYIS KYIS MA RIG PA MA LUS PAR SPANGS PA'I PHYIR ZHES BYA BA NI GANG GI PHYIR KHAMS GSUM PA'I MA RIG PA MA @230A *, ,LUS PAR SPANGS PA DE'I PHYIR DE GNYI GA BYANG CHUB YIN TE, 'DIS NI SLOB PA DANG SO SO'I SKYE BO RNAMS KYI SHES RAB NI BYANG CHUB TU RNAM PAR MI BZHAG GO ZHES STON PAR BYED DO, ,GZHAN YANG GO RIMS BZHIN DU, RANG GI DON BYAS PA DANG YANG BYAR MED PA NYID YANG DAG PA JI LTA BA BZHIN DU RTOGS PA'I PHYIR TE, ZAD PA SHES PAS BDAG GIS SDUG BSNGAL YONGS SU SHES SO ZHES BYA BAR YANG DAG PA JI LTA BA BZHIN DU RAB TU SHES SO, ,BDAG GIS KUN 'BYUNG BA SPANGS SO ZHES BYA BA DANG, BDAG GIS 'GOG PA MNGON DU BYAS SO ZHES BYA BA DANG, BDAG GIS LAM BSGOMS SO ZHES BYA BAR YANG DAG PA JI LTA BA BZHIN DU SHES SO ZHES BYA BAR YANG DAG PA JI LTA BA BZHIN RTOGS PA'I PHYIR ZAD PA SHES PA DE BYANG CHUB YIN NO, ,MI SKYE BA SHES PAS KYANG BDAG GIS SDUG BSNGAL YONGS SU SHES TE, YANG YONGS SU SHES PAR BYAR MED DO ZHES BYA BAR YANG DAG PA JI LTA BA BZHIN DU RAB TU SHES SO, , BDAG GIS KUN 'BYUNG BA SPANGS TE, YANG SPANG DU MED DO ZHES BYA BA DANG, BDAG GIS 'GOG PA MNGON DU BYAS TE, YANG MNGON DU BYAR MED DO ZHES BYA BA DANG, BDAG GIS LAM BSGOMS TE, YANG BSGOM DU MED DO ZHES BYA BAR YANG DAG PA JI LTA BA BZHIN DU RAB TU SHES SO ZHES BYA BAR YANG BYAR MED PA JI LTA BA BZHIN RTOGS PA'I PHYIR MI SKYE BA SHES PA DE YANG BYANG CHUB YIN NO, ,BDAG GIS SDUG BSNGAL YONGS SU SHES SO ZHES BYA BA 'DIS NI ZAD PA SHES PA BSTAN LA, YANG SHES PAR BYAR MED DO ZHES BYA BA 'DIS NI MI SKYE BA SHES PA BSTAN PAS GNYI GA YANG GANG ZAG DBANG PO RNON PO'I YIN PAR STON TO ZHES THAMS CAD LA SBYAR BAR BYA'O, ,DE LTAR ZAD PA SHES PA DANG, MI SKYE BA SHES PA BYANG CHUB YIN NO ZHES YAN LAG GI DON RAB TU BSGRUBS NAS SPYI'I DON RAB TU BSGRUB PA'I PHYIR, DE DANG MTHUN PA NYID PHYIR, SUM CU RTZA BDUN DE'I PHYOGS MTHUN, ,ZHES BYA BA SMOS TE, BYANG CHUB DE DANG MTHUN PA NI DE DANG MTHUN PA'O, ,DE'I NGO BO NI DE DANG MTHUN PA NYID DE, DE DANG MTHUN PA NYID DE'I PHYIR BYANG CHUB KYI PHYOGS DANG MTHUN PA'O, ,BYANG CHUB KYI PHYOGS LA BZANG ZHING MTHUN PAS NA GSUNG RAB LAS, DRAN PA NYE BAR GZHAG PA LA SOGS G DAG PA' ZA BDUN BYANG CHUB KYI PHYOGS DANG MTHUN PA YIN PAR @230B 'BYUNG NGO, ,RDZAS SUM CU ZHES BYA BA NI KHA CIG GI GZHUNG LUGS YIN TE, BYE BRAG TU SMRA BA RNAMS KYI LTAR NA LUS DANG NGAG DAG THA DAD PA'I PHYIR TSUL KHRIMS KYI YAN LAG RNAMS RDZAS GNYIS YIN PAS BCU GCIG YIN NO ZHES 'CHAD PAR 'GYUR BA'I PHYIR RO, ,DRAN PA NYER GZHAG SHES RAB STE, ,ZHES BYA BA NI DRAN PA NYE BAR GZHAG PA NI SHES RAB YIN NO ZHES BYA BA'I THA TSIG GO, ,'DIS DRAN PA NYE BAR 'JOG PA'I PHYIR TE, 'DI LTAR MDO LAS, LUS LA LUS KYI RJES SU LTA ZHING GNAS SO ZHES BYA BA RGYAS PAR 'BYUNG NGO, ,BRTZON 'GRUS YANG DAG 'JOG CES BYA, ,ZHES BYA BA NI 'DI LTAR SDIG PA MI DGE BA'I CHOS SKYES PA RNAMS SPANGS PA'I PHYIR 'DUN PA SKYED DO, ,RTZOL BAR BYED DO, ,BRTZON 'GRUS RTZOM MO ZHES 'BYUNG BA THAMS CAD SBYAR RO, ,RDZU 'PHRUL RKANG PA'I TING NGE 'DZIN TO, ,ZHES BYA BA NI 'DI LTAR 'DUN PA'I TING NGE 'DZIN SPONG BA'I 'DU BYED DANG LDAN PA RDZU 'PHRUL GYI RKANG PA SGOM PAR BYED DO ZHES 'BYUNG BA THAMS CAD SBYAR RO, ,'DIR SPONG BA'I 'DU BYED CES SMOS PA'I MDO LAS BRGYAD 'BYUNG BA YIN NO, ,JI LTA ZHE NA DE LTA BU'I 'DUN PA GANG YIN PA DANG, RTZOL BA GANG YIN PA DANG, SHIN TU SBYANGS PA GANG YIN PA DANG, DRAN PA GANG YIN PA DANG, SHES BZHIN GANG YIN PA DANG, SEMS 'DU BYED PA GANG YIN PA DANG, SEMS MNGON PAR 'DU BYED PA GANG YIN PA DANG, BTANG SNYOMS GANG YIN PA DE DAG NI SPONG BA'I 'DU BYED CES BYA'O ZHES 'BYUNG NGO, ,DE'I PHYIR RE ZHIG DBANG PO DANG ZHES RGYAS PAR 'BYUNG BA NI RANG GI MING GIS SMOS PA'I DBANG PO DANG STOBS KYI NGO BO NYID DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI RDZAS LNGA GANG DAG YIN PA DE DAG LAS DRAN PA NYE BAR GZHAG PA BZHI PO GANG DAG YIN PA DE NI SHES RAB KHO NA YIN LA, BYANG CHUB KYI YAN LAG DAG GI NANG NA CHOS RNAM PAR 'BYED PA YANG DAG BYANG CHUB KYI YAN LAG GANG YIN PA DANG, LAM DAG GI NANG NA YANG DAG PA'I LTA BA GANG YIN PA YANG RDZAS GZHAN MA YIN NO, ,YANG DAG PAR SPONG BA BZHI PO GANG DAG YIN PA DANG, BYANG CHUB KYI YAN LAG DAG GI NANG NA BRTZON 'GRUS YANG DAG BYANG CHUB KYI YAN LAG GANG YIN PA DANG, LAM DAG GI NANG NA YANG DAG PA'I RTZOL BA GANG YIN PA DE NI BRTZON 'GRUS KHO NA YIN NO,, @231A *, ,RDZU 'PHRUL GYI RKANG PA BZHI PO GANG DAG YIN PA DANG, BYANG CHUB KYI YAN LAG DAG GI NANG NA TING NGE 'DZIN YANG DAG BYANG CHUB KYI YAN LAG GANG YIN PA DANG, LAM GYI NANG NA YANG DAG PA'I TING NGE 'DZIN NI TING NGE 'DZIN KHO NA YIN NO, ,GANG SHES RAB KYI DBANG PO LA SOGS PA'I NGO BO NYID MA YIN PA CI ZHIG LUS SHE NA, BYANG CHUB KYI YAN LAG DAG GI NANG NA DGA' BA DANG, SHIN TU SBYANGS PA DANG, BTANG SNYOMS YANG DAG BYANG CHUB KYI YAN LAG RNAMS DANG, LAM GYI YAN LAG DAG GI NANG NA YANG DAG PA'I RTOG PA DANG, TSUL KHRIMS KYI YAN LAG GSUM PO YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA RNAMS ZHES BYA BA DAG LUS SO, ,RDZAS BCU PO YIN NO ZHES BYA BA NI DAD PA LA SOGS PA LNGA DANG, DGA' BA YANG DAG BYANG CHUB KYI YAN LAG LA SOGS PA LNGA STE, TSUL KHRIMS KYI YAN LAG GSUM NI RNAM PAR RIG BYED MA YIN PA'I NGO BO NYID YIN PA'I PHYIR RDZAS GCIG TU RNAM PAR GZHAG GO, ,BYE BRAG TU SMRA BA RNAMS KYI LTAR NA LUS DANG NGAG GI LAS DAG THA DAD CING RIGS MI MTHUN PA'I PHYIR RDZAS GNYIS YIN PAS RDZAS BCU GCIG YIN NO, ,BSAM PA'I DBANG GIS NI PHYOGS GNYI GA LTAR NA YANG NYES PA MED DO, ,GAL TE DNGOS SU TSOGS PA DE LA RDZAS JI SNYED CIG YOD PA RIL GYIS BGRANG NA NI DE DAG RDZAS BCU MA YIN PA DE NYID DE, MNYAM PAR GZHAG PA'I RNAM PAR RIG BYED MA YIN PA'I GZUGS RNAMS RDZAS BDUN YIN PA'I PHYIR RDZAS BCU DRUG YIN NO ZHES BRJOD DGOS PAR 'GYUR RO, ,GTZO BO SMOS PAS DRAN PA NYE BAR GZHAG PA LA SOGS PA NI SHES RAB LA SOGS PA'I RANG BZHIN YIN NO ZHES DE SKAD BSHAD KYI DRAN PA NYE BAR GZHAG PA DANG, YANG DAG PAR RAB TU 'JOG PA DANG RDZU 'PHRUL GYI RKANG PA RNAMS NI CI RIGS PAR SBYOR BA LAS BYUNG BA'I YON TAN THOS PA DANG BSAMS PA DANG BSGOMS PA LAS BYUNG BA ZAG PA DANG BCAS PA DANG ZAG PA MED PA THAMS CAD KYANG YIN NO, ,GTZO BO ZHES BYA BA NI DE'I STOBS KYIS GZHAN DAG 'JUG PA LA BYA'I DE DAG MED PA NI MA YIN TE, DRAN PA NYE BAR GZHAG PA RNAMS KYI GTZO BO NI SHES RAB YIN PAS DE'I PHYIR SHES RAB SMOS KYI, DRAN PA NYE BAR GZHAG PA SHES RAB KHO NA YIN PAR NI MA ZAD DO, ,'O NA CI ZHE NA, SHES RAB DANG, @231B BRTZON 'GRUS DANG, TING NGE 'DZIN DANG, DGA' BA DANG, SHIN TU SBYANGS PA DANG, BTANG SNYOMS DANG, YANG DAG PA'I RTOG PA LA SOGS PA YANG YIN NO, ,SBYOR BA LAS BYUNG BA ZHES SMOS PA NI SKYES NAS THOB PA'I DAD PA LA SOGS PA GSAL BA'I PHYIR RO, ,DE BZHIN DU YANG DAG PAR SPONG BA RNAMS KYI GTZO BO NI BRTZON 'GRUS YIN LA, RDZU 'PHRUL GYI RKANG PA RNAMS KYI GTZO BO NI TING NGE 'DZIN YIN PAS ZHES BYA BA RGYAS PAR BRJOD PAR BYA'O, ,RDZU 'PHRUL GYI RKANG PA DAG NI TING NGE 'DZIN YIN NO ZHES BYA BA 'DI GA LAS BYUNG ZHE NA, MDO LAS TE, DGE SLONG DAG DGE SLONG GI 'DUN PA'I DBANG DU BYAS NAS TING NGE 'DZIN THOB STE, DE NI 'DI'I 'DUN PA'I TING NGE 'DZIN YIN NO, ,DGE SLONG DAG DGE SLONG GI SEMS DANG, BRTZON 'GRUS DANG, DPYOD PA'I DBANG DU BYAS NAS KYANG TING NGE 'DZIN THOB STE, DE NI 'DI'I DPYOD PA'I TING NGE 'DZIN GYI BAR YIN NO ZHES GSUNGS SO, ,DES LUS DANG NGAG DANG YID YANG DAG PAR RAB TU 'JOG PAS SO ZHES BYA BA NI RAB TU 'JOG PA DANG, 'DZIN PA DANG, NGES PAR BYED PA'AM, RES 'GA' 'DIS 'JUG PAR BYED PAS NA RAB TU 'JOG PA'O, ,DE NI YON TAN THAMS CAD 'BYOR PA'I RTEN YIN PA'I PHYIR RO ZHES BYA BA NI 'DI LTAR YON TAN THAMS CAD 'BYOR PA'I MTSAN NYID RDZU 'PHRUL NI TING NGE 'DZIN DE LA BRTEN TE, RDZU 'PHRUL GYI RKANG PA DANG, RTEN YIN PAS NA RDZU 'PHRUL GYI RKANG PA ZHES BYA'O, ,GANG DAG RDZU 'PHRUL NI TING NGE 'DZIN KHO NA YIN LA 'DUN PA LA SOGS PA 'DUN PA DANG, SEMS DANG BRTZON 'GRUS DANG, DPYOD PA ZHES BYA BA DAG NI RKANG PA YIN NO ZHES DE SKAD DU ZER BA BYE BRAG TU SMRA BA DE DAG GI LTAR NA 'DUN PA DANG SEMS PA DAG LHAG PA'I PHYIR BCU GCIG GI NANG DU BSNAN NA BYANG CHUB KYI PHYOGS DANG MTHUN PA BCU GSUM DU 'GYUR RO, ,BRTZON 'GRUS DANG SHES RAB DAG NI LHAG MA YIN TE, YANG DAG PAR SPONG BA DANG, DRAN PA NYE BAR GZHAG PA DAG GI NANG DU 'DUS PA'I PHYIR RO, ,MANG POR 'GYUR BA ZHES BYA BA'I BAR RGYAS PAR GSUNGS ZHES BYA BA NI MANG POR GYUR CING GCIG TU 'GYUR BA DANG, SNANG BAR 'GYUR BA DANG MI SNANG BAR 'GYUR BA SHES PA DANG MTHONG BAS NYAMS SU MYONG BAR BYED DE, LUS KYIS THOGS PA MED PAR RTZIG PA LA YANG THAL BYUNG DU 'GRO'O, ,SA LA YANG BYE'U ZUL BYED DE, DPER @232A *, ,NA CHU LA BYA BA BZHIN NO, ,CHU'I RGYUN LA YANG MI 'BYING BAR 'GRO STE, DPER NA SA LA BYA BA BZHIN NO, ,NAM MKHA' LA YANG SKYIL MO KRUNG BCAS NAS 'DUG STE, DPER NA 'DAB CHAGS BYA BZHIN NO, ,NYI MA DANG ZLA BA 'DI LTAR RDZU 'PHRUL CHE ZHING 'DI LTAR MTHU CHE BA 'DI DAG LA YANG LAG PAS NYUG PAR BYED YONGS SU NYUG PAR BYED CING TSANGS PA'I 'JIG RTEN GYI BAR DU LUS KYIS DBANG SGYUR BAR BYED DE, 'DI NI RDZU 'PHRUL ZHES BYA'O, ,RDZU 'PHRUL GYI RKANG PA DAG GANG ZHE NA, 'DUN PA'I TING NGE 'DZIN DANG, BRTZON 'GRUS KYI TING NGE 'DZIN DANG, SEMS KYI TING NGE 'DZIN DANG, DPYOD PA'I TING NGE 'DZIN TE, 'DI DAG NI RDZU 'PHRUL GYI RKANG PA ZHES BYA'O ZHES 'BYUNG BA YIN NO, ,TING NGE 'DZIN GYI MTSAN NYID NI DE LTA BU MA YIN TE, DE LTA BAS NA RDZU 'PHRUL NI TING NGE 'DZIN KHO NA MA YIN NO, ,'DIR SLOB DPON 'DUS BZANG NA RE DE DAG LA NYES PA 'DIR MI 'GYUR TE, DE DAG NI TING NGE 'DZIN RDZU 'PHRUL GYI RKANG PA DANG RDZU 'PHRUL YANG YIN NO ZHES BYA BAR 'DOD DO, ,'DUN PA LA SOGS PA SMOS PA NI TING NGE 'DZIN BZHI TSAN NYID DU SHES PAR BYA BA'I PHYIR RO, ,TING NGE 'DZIN LA LA NI DGE BA'I RTZA BA SBYOR BA'I GNAS SKABS NA GTZO BO YIN LA, LA LA NI DGE BA'I RTZA BA GRUB PA'I GNAS SKABS NA GTZO BO YIN TE, 'DI LA SNGA MA NI RDZU 'PHRUL GYI RKANG PA YIN NO, ,PHYI MA NI RDZU 'PHRUL ZHES BYA'O, ,'DI LAS RDZU 'PHRUL GYI RKANG PA'I 'BRAS BU RDZU 'PHRUL GYI SGRAR BSHAD PAS 'DI DAG LA MDO SDE DANG 'GAL BA YANG MED DE, YONGS SU SHES PA'I 'BRAS BU LA DE'I SGRAR BRJOD PA LA SOGS PA BZHIN NO ZHES ZER RO, ,CHUNG DU DANG, CHEN PO DAG GIS ZHES BYA BA NI, DBANG PO RNAMS NI CHUNG NGU YIN NO, ,STOBS RNAMS NI CHEN PO YIN NO, ,'DI DAG GI CHUNG NGU DANG, CHEN PO'I BYE BRAG JI LTA BU ZHE NA, GTAN TSIGS SU RDZI BA DANG RDZI BA MED PA'I PHYIR RO ZHES BYA BA SMOS TE, DE DAG GI MI MTHUN PA'I PHYOGS SU GYUR PA MA DAD PA DANG, LE LO DANG, BRJOD PAS PA DANG, G-YENG BA DANG, SHES BZHIN MA YIN PA RNAMS PAR BAR DU KUN DU 'BYUNG BA'I PHYIR DBANG PO RNAMS NI RDZI BA YIN NO, ,STOBS RNAMS NI DE LTA MA YIN PAS YANG DE DAG LA STOBS ZHES BSHAD DO, ,LAS NI DANG PO PA DAG DANG, ,NGES 'BYED CHA MTHUN RNAMS DANG NI, ,ZHES BYA BA NI 'DI @232B DAG GNAS SKABS SNGAR BSHAD PA YIN NO, ,BSGOM DANG MTHONG LA RAB TU PHYE, ,ZHES BYA BA NI GNAS SKABS GNYIS YIN PAS GNAS SKABS BDUN DAG TU SDE TSAN BDUN GO RIMS BZHIN RAB TU 'BYED CING RAB TU RNAM PAR 'JOG PA 'AM, GTZO BOR BYED PA YIN TE, LAS DANG PO PA'I GNAS SKABS SU NI DRAN PA NYE BAR GZHAG PA RNAMS SO, ,DRO BAR GYUR PA'I GNAS SKABS SU NI YANG DAG PAR RAB TU 'JOG PA RNAMS SO, ,RTZE MO'I GNAS SKABS SU NI RDZU 'PHRUL GYI RKANG PA RNAMS SO, ,BZOD PA'I GNAS SKABS SU NI DBANG PO RNAMS SO, ,'JIG RTEN PA'I CHOS KYI MCHOG GI GNAS SKABS SU NI STOBS RNAMS SO, ,BSGOM PA'I LAM GYI GNAS SKABS SU NI BYANG CHUB KYI YAN LAG RNAMS SO, ,MTHONG BA'I LAM GYI GNAS SKABS SU NI 'PHAGS PA'I LAM YAN LAG BRGYAD PA'O, ,BYAD PAR THOB PA'I RGYUS BRTZON 'GRUS SPEL TE, DE'I PHYIR DRO BAR GYUR PA DAG LA NI YANG DAG PAR RAB TU 'JOG PA RNAMS SO, ,YONGS SU NYAMS PAR MI 'GYUR BA'I DGE BA'I RTZA BA LA 'JUG PA'I PHYIR RTZE MO DAG LA ZHES BYA BA NI, RTZE MO THOB PA RTZA MI 'CHAD, ,CES 'BYUNG BAS RTZE MO RNAMS NI YONGS SU MI NYAMS PA DANG, MTHUN PA DAG LA 'JUG PA YIN TE, 'DI RNAMS KYIS 'JUG PA'I PHYIR 'JUG PA'O, ,YONGS SU MI NYAMS PA NI BZOD PA DAG GI TSE YIN TE, DE'I GNAS SKABS KYI TING NGE 'DZIN RNAMS 'BYOR PA'I RTEN YIN PAS RTZE MO DAG LA NI RDZU 'PHRUL GYI RKANG PA RNAMS RNAM PAR GZHAG GO, ,YANG YONGS SU NYAMS PAR MI 'GYUR BA'I SGO NAS ZHES BYA BA RGYAS PAR 'BYUNG BA NI GANG GI PHYIR SNGA MA GNYIS KHO NA LAS YONGS SU NYAMS PA SRID KYI BZOD PA DAG LA NI YANG YONGS SU NYAMS PA MED PA DE'I PHYIR DAD PA LA SOGS PA DBANG PO THOB PA YIN NO, ,DE BAS NA BZOD PA DAG LA NI DBANG PO RNAMS RNAM PAR GZHAG GO, ,NYON MONGS PA RNAMS KYIS MI BRDZI BA'I PHYIR RAM ZHES BYA BA NI 'DI LTAR GNAS SKABS DE NA NYON MONGS PA KUN DU MI 'BYUNG BA'I PHYIR NYON MONGS PA RNAMS KYIS MI BRDZI BA YIN NO, ,'JIG RTEN PA'I CHOS GZHAN DAG GIS MI BRDZI BA'I PHYIR ZHES BYA BA NI YANG NA 'JIG RTEN PA'I CHOS GZHAN DAG GIS MI BRDZI BA'I PHYIR 'JIG RTEN PA'I CHOS KYI MCHOG GI GNAS SKABS SU NI DAD PA LA SOGS PA STOBS RNAMS ZHES BYA BAR @233A *, ,RAB TU 'BYED DO, ,BYANG CHUB DANG NYE BA'I PHYIR ZHES BYA BA NI ZAD PA DANG, MI SKYE BA SHES PA DANG NYE BA'I PHYIR ZHES BYA BA'I THA TSIG GO, ,ZAD PA DANG MI SKYE BA SHES PA DAG NI BSGOM PA'I LAM LA YIN GYI MTHONG BA'I LAM LA NI MA YIN TE, MTHONG BA'I LAM NI DE DAG DANG THAG RING STE, DE'I BAR DU BSGOM PA'I LAM GYIS CHOD PA'I PHYIR RO, ,'GRO BAS RAB TU PHYE BA'I PHYIR, ,ZHES BYA BA NI LAM LA NI 'JIG RTEN NA 'DIS 'GRO'O ZHES 'GRO BAS RAB TU PHYE BA YIN NO, ,YANG NA LAM 'GRO BAS NA LAM YIN TE, 'JIG RTEN NA LAM 'DI DMAR BU CAN DU 'GRO ZHES ZER BA'I PHYIR RO, , MTHONG BA'I LAM NI SHIN TU 'GRO BAS RAB TU PHYE BA YIN GYI BSGOM PA'I LAM NI MA YIN NO, ,JI LTA ZHE NA, DE NI MYUR BAR 'GRO BA YIN PA'I PHYIR RO ZHES BYA BA SMOS TE, DE DANG LDAN PA YANG DES MYUR DU 'GRO'I BSGOM PA'I LAM LA NI SA'I DBYE BA BRTZAL BA'I PHYIR YUN RING MO ZHIG TU 'GRO'O, ,GZHAN DAG CES BYA BA NI SLOB DPON YIN TE, BDAG LA SOGS PA ZHES BSAM PA'I PHYIR RO, ,GO RIMS MA NYAMS PA KHO NAR ZHES BYA BA NI JI LTAR BYE BRAG TU SMRA BA RNAMS KYIS RIM PA GZHAN DU SBYAR BA DE LTAR DE BZHIN DU MA SBYAR BAR BYANG CHUB KYI PHYOGS DANG MTHUN PA RNAMS GO RIMS BZHIN DU BRJOD DE, BYANG CHUB KYI YAN LAG RNAMS MTHONG BA'I LAM LA 'JOG PA'I PHYIR RO, ,YUL RNAM PA MANG PO LA ZHES BYA BA RGYAS PAR 'BYUNG BA NI YUL NI GZUGS LA SOGS PA'I BYE BRAG DANG SNGON PO LA SOGS PA'I BYE BRAG GIS RNAM PA MANG PO YIN TE, DE LA G-YENG BA NI RNAM PAR G-YENG BA'O, ,'DI DAG LA YUL RNAM PA MANG PO LA G-YENG BAR 'PHRO BA'I NGANG TSUL YOD PAS NA YUL RNAM PA MANG PO LA G-YENG BAR 'PHRO BA'I BLO RNAMS TE, DE DAG TSAR GCAD PA'I PHYIR DRAN PA NYE BAR GZHAG PA RNAMS SO, ,ZHEN PA LA BRTEN PA ZHES BYA BA NI SRED PA LA BRTEN PA ZHES BYA BA'I THA TSIG GO, ,DRAN PA'I KUN DU RTOG PA RNAMS ZHES BYA BA NI YUL NYAMS SU MYONG BA DRAN PA'I KUN DU RTOG PA RNAMS ZHES BYA BA'AM, 'DOD PA'I KUN DU RTOG PA RNAMS ZHES BYA BA'I DON TO, ,DE'I STOBS KYIS ZHES BYA BA NI DRAN PA NYE BAR GZHAG PA'I STOBS KYIS ZHES BYA BA'I THA TSIG GO, ,DGOS PA RNAM PA BZHI BSGRUB PA'I PHYIR ZHES BYA BA LA, DGOS PA RNAM PA @233B BZHI NI SDIG PA MI DGE BA'I CHOS SKYES PA RNAMS SPANG BA DANG MA SKYES PA RNAMS MI SKYED PA DANG, DE BZHIN DU DGE BA MA SKYES PA RNAMS SKYED PA DANG, SKYES PA RNAMS GNAS PAR BYA BA LA SOGS PA YIN NO, ,DE'I 'OG TU TING NGE 'DZIN RNAM PAR SBYONG BA'I PHYIR ZHES BYA BA NI DE'I 'OG TU YANG DAG PAR RAB TU 'JOG PA DAG GI RJES LA TING NGE 'DZIN RNAM PAR SBYONG BA'I PHYIR RDZU 'PHRUL GYI RKANG PA RNAMS RAB TU 'BYED DO, ,'JIG RTEN LAS 'DAS PA'I CHOS RNAMS KYI BDAG POR GYUR PA ZHES BYA BA NI DE 'DREN PAR BYED PA YIN PA'I PHYIR DE DAG GI BDAG POR GYUR PAR RIG PAR BYA'O, ,DBANG PO DE DAG NYID GANG GI TSE MI MTHUN PA'I PHYOGS KUN DU SPYOD PA LAS NGES PAR RGYAL BA STE, MA DANG PHA LA SOGS PA KUN DU SPYOD PA LAS NGES PAR RGYAL BAR GYUR PA DE'I TSE STOBS RNAMS SO, ,DBANG PO'I GNAS SKABS NA NI NYON MONGS PA KUN DU SPYOD PA SRID DE, BZOD PA'I GNAS SKABS NA NI THAG RING BA'I PHYIR RO, ,MTHONG BA'I LAM LA NI BYANG CHUB KYI YAN LAG RNAMS ZHES BYA BA NI BYANG CHUB NI ZAG PA MED PA'I SHES RAB YIN PA'I PHYIR RO, ,GNYI GA LA NI LAM GYI YAN LAG RNAMS ZHES BYA BA NI MTHONG BA'I LAM DANG BSGOM PA'I LAM DAG LA'O, ,JI LTA ZHE NA, 'DI LTAR ZHES BYA BA RGYAS PAR SMOS TE, BSGOM PA'I LAM YONGS SU RDZOGS PA NI BSGOM PA YONGS SU RDZOGS PA'O, ,'PHAGS PA'I LAM YAN LAG BRGYAD PA GNAS SKABS DER GYUR PA NA STE DER GYUR NA DRAN PA NYE BAR GZHAG PA BZHI YONGS SU RDZOGS PAR 'GYUR BA NAS BYANG CHUB KYI YAN LAG BDUN GYI BAR DU YONGS SU RDZOGS PAR 'GYUR RO ZHES BSGOM PA YONGS SU RDZOGS NA ZHES GSUNGS PA'I PHYIR BSGOM PA'I LAM LA YANG 'PHAGS PA'I LAM YAN LAG BRGYAD PO YOD DO ZHES BYA BAR MNGON NO, ,MTHONG BA'I LAM LA NI BSGOM PA YONGS SU RDZOGS PAR MI 'GYUR RO, ,'O NA JI LTA ZHE NA, BSGOM PA'I LAM LA RDZOGS PAR 'GYUR RO, ,YANG GSUNGS SO ZHES BYA BA NI GNYI GA LA LAM GYI YAN LAG DAG RNAM PAR GZHAG PA ZHES BYA BA YIN NO, ,'DI NI 'PHAGS PA'I BDEN PA'I TSIG BLA DGAS YIN NO ZHES BYA BA NI MTHONG BA'I LAM YIN PAR STON TO, ,JI LTAR RTOGS PA'I LAM GYIS 'JUG CES BYA BA NAS RGYAS PAR 'DI NI 'PHAGS PA'I @234A *, ,LAM YAN LAG BRGYAD KYI TSIG BLA DGAS YIN NO ZHES BYA BA'I BAR 'BYUNG BA NI BSGOM PA'I LAM YIN PAR STON TE, JI LTAR THOB PA'I LAM GYIS BYANG CHUB KYI BAR DU 'JUG CING NGES PAR 'BYUNG BAS SO, ,DE LTAR MTHONG BA'I LAM LA YANG LAM GYI YAN LAG RNAMS RNAM PAR 'JOG PAS DE'I PHYIR, GNYI GA LA 'PHAGS PA'I LAM YAN LAG BRGYAD 'DOD PAR BYA DGOS PAS BYANG CHUB KYI YAN LAG RNAMS NI SNGA LA, 'PHAGS PA'I LAM YAN LAG BRGYAD PA NI 'PHYI'O ZHES BYA BA'I GO RIMS GRUB PA YIN NO, ,BYANG CHUB YAN LAG LAM YAN LAG ,ZAG PA MED CES BYA BA NI ZAG PA MED PA KHO NA YIN NO ZHES NGES PAR GZUNG BA YIN NO, ,GZHAN RNAMS GNYIS PO ZHES BYA BA NI DRAN PA NYE BAR GZHAG PA LA SOGS PA STOBS LA THUGS PA RNAMS SO, ,STOBS KYIS DRANG DGOS PA'I PHYIR ZHES BYA BA NI STOBS KYIS TE, BRTZON 'GRUS KYIS MNGON DU BYA BA YIN PA'I PHYIR MI LCOGS PA MED PA NA DGA' BA MED DE, BDE BLAG TU THOB PA NI SEMS DGA' BAR 'GYUR GYI GZHAN NI MA YIN NO, ,GZHAN YANG SA 'OG MA'I DOGS PA DANG BCAS PA'I PHYIR TE, YONGS SU NYAMS PAR DOGS PA DANG BCAS PA DE'I PHYIR DE NA DGA' BA MED DE, DOGS PA DANG BCAS NA SEMS DGA' BAR MI 'GYUR RO, ,YANG DAG PA'I RTOG PA MA GTOGS PA ZHES BYA BA LA, YANG DAG PA'I RTOG PA NI RNAM PAR RTOG PA YIN PAS SO, ,BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,ZHES BYA BA JI LTAR NA SRID PA'I RTZE MO NA LUS DRAN PA NYE BAR GZHAG PA YOD DE DE NA LUS NI MED DO, ,LUS DRAN PA NYE BAR GZHAG PA NI LUS LA DMIGS PA'I SHES RAB YIN NA GRUB PA'I MTHA' LAS, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES 'BYUNG BAS SRID PA'I RTZE MO NI 'DOD PA'I KHAMS DANG GZUGS KYI KHAMS LA DMIGS PA YANG MA YIN NO ZHE NA, 'DI NI RNAM PAR BSHAD PA BYED PA GANG GIS KYANG MA BRIS TE, DE'I PHYIR 'DIR NI RNAM PAR GZHAG PAR BYA'O, ,LUS KYI NGO BO NYID GANG YIN ZHE NA, 'BYUNG BA DANG 'BYUNG BA LAS GYUR PA NYID YIN PAR BSHAD DE, LUS NI 'BYUNG BA DANG 'BYUNG BA LAS GYUR PA YIN NO ZHES BYA BA'I THA TSIG GO, ,DE LA GAL TE SHES @234B RAB 'BYUNG BA 'BA' ZHIG LA DMIGS PA 'AM, 'BYUNG BA LAS GYUR PA 'BA' ZHIG LA DMIGS PAR GYUR NA YANG DE LUS DRAN PA NYE BAR GZHAG PA KHO NA YIN PAR 'GYUR LA, SRID PA'I RTZE MO NA YANG SHES RAB DGE BA ZAG PA DANG BCAS PAS ZAG PA MED PA'I SDOM PA LA LAM ZHES BYA BA 'AM, CI YANG MED PA'I SKYE MCHED CES BYA BAR DMIGS SO, ,GZUGS MED PA'I DNGOS GZHI DGE BA RNAMS NI ZAG PA DANG BCAS PA 'OG MA LA DMIGS PAR MI 'DOD KYI, ZAG PA MED PA 'OG MA LA DMIGS PAR MI 'DOD PA NI MA YIN PAS DE'I PHYIR DE NA LUS DRAN PA NYE BAR GZHAG PA YOD PAR RIG PAR BYA'O,, SHES NAS DANG PO NI BZHI STE, SANGS RGYAS DANG, CHOS DANG, DGE 'DUN LA SHES NAS DAD PA DANG, 'PHAGS PA DGYES PA'I TSUL KHRIMS DAG GO, ,DE LA SDUG BSNGAL GYI BDEN PA LA SOGS PA NI CHOS YIN PA'I PHYIR DANG, SANGS RGYAS DANG, CHOS DANG, DGE 'DUN GYI NGO BO NYID MA YIN PA'I PHYIR GO RIMS BZHIN DU, CHOS SHES NAS DAD PA DANG, 'PHAGS PA DGYES PA'I TSUL KHRIMS ZAG PA MED PA RNAMS 'THOB KYI SANGS RGYAS DANG DGE 'DUN LA SHES NAS DAD PA NI MA YIN NO, ,LAM GYI BDEN PA MNGON PAR RTOGS NA, ,SANGS RGYAS DANG DE'I NYAN THOS KYI DGE 'DUN LA SHES NAS DAD PA 'THOB STE, LAM NI SANGS RGYAS DANG, DGE 'DUN GYI NGO BO NYID YIN PA'I PHYIR RO, ,'DIR GANG LA CHOS SU DGONGS PA YIN ZHES BYA BA NI DGE BA'I CHOS ZHES BYA BA LA SOGS PA MANG BA ZHIG YOD NA, CHOS LA SHES NAS DAD PA 'THOB PO ZHES BSHAD PA GANG YIN PA DE 'DIR GANG LA CHOS SU DGONGS PA YIN ZHES BYA BA YIN NO, ,YANG NA 'DI NI SANGS RGYAS DKON MCHOG DANG DGE 'DUN DKON MCHOG CES BYA BA YIN TE, DE LTA BAS NA 'DI YANG 'DIR CHOS DKON MCHOG YIN PAR DGONGS PAR 'GYUR TE, DKON MCHOG GSUM GYI NGO BO NYID NI, GANG ZHIG GSUM LA SKYABS 'GRO DE, ,SANGS RGYAS DGE 'DUN BYED PA'I CHOS, ,MI SLOB PA DANG GNYI GA DANG, ,MYA NGAN 'DAS LA SKYABS SU 'GRO, ,ZHES BSHAD PA 'DI YIN PAS, DE CI 'DI MYA NGAN LAS 'DAS PA'I CHOS YIN PAR DGONGS SAM SNYAM NAS, DE'I PHYIR 'DIR GANG LA CHOS SU DGONGS PA YIN ZHES 'DRI'O, ,CHOS BDEN GSUM @235A *, ,DANG ZHES BYA BA RGYAS PAR 'BYUNG BA NI SDUG BSNGAL DANG, KUN 'BYUNG BA DANG, 'GOG PA'I BDEN PA DANG, BYANG CHUB SEMS DPA' SLOB PA'I GNAS SKABS KYI LAM ZAG PA MED PA DANG, RANG SANGS RGYAS KYI LAM SLOB PA DANG MI SLOB PA'I MTSAN NYID NI 'DIR CHOS YIN PAR DGONGS SO, ,DE'I PHYIR BDEN PA BZHI CHAR YANG ZHES BYA BA RGYAS PAR 'BYUNG BA NI LAM GYI BDEN PA MNGON PAR RTOGS NA YANG BYANG CHUB SEMS DPA' DANG RANG SANGS RGYAS KYI LAM GYI MTSAN NYID KYI CHOS MNGON PAR RTOGS PAR 'GYUR TE, DE LTA BAS NA BDEN PA BZHI CHAR YANG MNGON PAR RTOGS NA CHOS LA SHES NAS DAD PA THOB PO ZHES BSHAD DO, ,SANGS RGYAS DANG DGE 'DUN DAG GI LAM LA NI CHOS ZHES MI BRJOD DE 'DI LTAR DE MNGON PAR RTOGS NA SANGS RGYAS DANG DGE 'DUN LA SHES NAS DAD PA THOB PAS SO, ,YANG JI LTAR LAM MNGON PAR RTOGS NA DAD PA'I MTSAN NYID GSUM PO SANGS RGYAS DANG, CHOS DANG DGE 'DUN LA SHES NAS DAD PA RNAMS CIG CAR DU MNGON DU 'GYUR ZHE NA, DE NYID DAD PA'I GZHI'I BYE BRAG LA LTOS NAS MING GSUM 'THOB PAS NYES PA MED DO, ,YANG NA CHOS LA SHES NAS DAD PA NI DA LTAR BYUNG BA YIN LA, MA 'ONGS PA NI GSUM CHAR 'THOB PAS DE'I PHYIR, LAM MNGON RTOGS NA SANGS RGYAS DANG, ,DE YI DGE 'DUN DAG LA YANG, ,ZHES BSHAD DO, ,GAL TE GZHI LA LTOS TE SHES NAS DAD PA RNAM PAR GZHAG NA NI CHOS LA SHES NAS DAD PA SNGAR GDON DGOS SO ZHE NA, DE'I PHYIR 'DI DAG GI RIM PA NI LANGS NAS JI LTAR MNGON DU BYED PA DE BZHIN DU BKOD DO ZHES BYA BA SMOS SO, ,SMAN PA DANG, SMAN DANG NAD G-YOG LTA BUR GYUR PA'I PHYIR RO ZHES BYA BA LA, BCOM LDAN 'DAS NI MDO LAS SMAN PA ZUG RNGU 'BYIN PA BLA NA MED PA ZHES 'BYUNG BAS SMAN PA LTA BU YIN TE, CHOS KYI SMAN STON PA'I PHYIR RO, ,CHOS NI SMAN LTA BU YIN TE, NYON MONGS PA'I NAD GSO BA'I PHYIR DANG, MYA NGAN LAS 'DAS PA NAD MED PA 'THOB PAR BYED PA'I PHYIR RO, ,DGE 'DUN NI NAD G-YOG LTA BU YIN TE, MYA NGAN LAS 'DAS PA NAD MED PA THOB PAR BYA BA'I PHYIR, PHAN TSUN GROGS BYED PA'I PHYIR RO, ,SEMS RAB TU DANG BAS BYAS PA'I TSUL KHRIMS KYANG RAB TU DANG BA YIN PAS ZHES BYA BA NI SEMS RAB TU DANG @235B BA RNAM PA GSUM PO KYE MA BCOM LDAN 'DAS NI YANG DAG PAR RDZOGS PA'I SANGS RGYAS YIN NO, ,DE'I CHOS 'DUL BA NI LEGS PAR GSUNGS PA YIN NO, ,DE'I NYAN THOS KYI DGE 'DUN NI LEGS PAR ZHUGS PA YIN NO ZHES BYA BA DES BYAS PA'I TSUL KHRIMS KYANG RAB TU DANG BA YIN NO, ,TSUL KHRIMS NYID RAB TU DANG BA YIN PA 'AM TSUL KHRIMS KYI RAB TU DANG BA ZAG PA MED PA NYID YIN PAS TSUL KHRIMS RAB TU DANG BA STE TSUL KHRIMS RAB TU DANG BA NI RAB TU DANG BA GSUM GYI THA MAR BZHI PA BSHAD DO, ,CI'I PHYIR ZHE NA, SMRAS PA, 'DI NI KYE MA BCOM LDAN 'DAS NI YANG DAG PAR RDZOGS PA'I SANGS RGYAS YIN NO ZHES BYA BA RGYAS PAR 'BYUNG BA DE LTAR RAB TU DANG BAR GYUR PA'I SGRUB PA YIN TE, 'PHAGS PA DGYES PA'I TSUL KHRIMS NI SGRUB PA YIN NO ZHES BYA BA'I THA TSIG GO, ,YANG NA NAD MED PAR GYUR PA LTA BU YIN PA'I PHYIR RO ZHES BYA BA CI ZHE NA, SMAN PA DANG, SMAN DANG, NAD G-YOG DANG, NAD MED PA'I GO RIMS DANG MTHUN PAR TSUL KHRIMS RAB TU DANG BA THA MAR BSHAD PA YIN NO, ,YANG NA STON PAR BYED PA DANG, LAM DANG, LAM GROGS DANG, BZHON PA LTA BU YIN NO ZHES BYA BA CI ZHE NA, THA MAR BZHI PA BSHAD DO ZHES BYA BA'I SKABS YIN NO, ,BCOM LDAN 'DAS NI STON PAR BYED PA LTA BU YIN NO, , CHOS NI LAM LTA BU YIN NO, ,DGE 'DUN NI LAM GROGS LTA BU YIN NO, ,'PHAGS PA DGYES PA'I TSUL KHRIMS DAG NI BZHON PA LTA BU YIN NO, ,'PHAGS PA RNAMS DGYES SHING MNYES PAR 'GYUR BAS NA 'PHAGS PA DGYES PA DAG GO, ,YAN LAG BRGYAD DANG LDAN NO ZHES BYA BA NI SLOB PA NI YAN LAG BRGYAD DANG LDAN NO, ,BRGYAD GANG ZHE NA SLOB PA'I YANG DAG PA'I LTA BA NAS, SLOB PA'I YANG DAG PA'I TING NGE 'DZIN GYI BAR RO, ,MI SLOB PA NI YAN LAG BCU DANG LDAN NO, ,BCU GANG ZHE NA, MI SLOB PA'I YANG DAG PA'I LTA BA NAS MI SLOB PA'I YANG DAG PA'I TING NGE 'DZIN GYI BAR DANG, MI SLOB PA'I YANG DAG PA'I RNAM PAR GROL PA DANG, MI SLOB PA'I YANG DAG PA'I SHES PA'O, ,RNAM PAR GROL BA DANG DE SO SO RANG GI SHES PA DAG GI RAB TU PHYE BA YIN PAS ZHES BYA BA NI RNAM PAR GROL BA STE SO SO RANG GI SHES PAS DE'I SO SO RANG GI SHES PA'O, ,RNAM PAR GROL BA DANG DE'I SO SO RANG GI SHES PA NI RNAM PAR @236A *, ,GROL BA DANG DE'I SO SO RANG GI SHES PA DAG GO, ,DE DAG GIS RAB TU PHYE BA YIN TE, NYON MONGS PA LAS RNAM PAR GROL BA DANG, NYON MONGS PA LAS RNAM PAR GROL BA SO SO RANG GI SHES PAS BDAG NI NYON MONGS PA DAG LAS RNAM PAR GROL LO ZHES BYA BAR RAB TU PHYE ZHING RAB TU BSTAN PAS ZHES BYA BA'I THA TSIG GO, ,MI SLOB PA DE KHO NA LA DE SMOS PA STE RNAM PAR GROL BA SMOS PA DANG, RNAM PAR GROL BA'I YE SHES SMOS PA RIGS PA DANG LDAN PA YIN GYI SLOB PA LA NI MA YIN NO, ,MOS PA NI RNAM PAR GROL BA 'DUS BYAS YIN NO ZHES BYA BA NI MOS PA DANG RNAM PAR GROL BA ZHES BYA BA NI SKAD KYI DBYINGS GCIG PA'I PHYIR RO, ,YAN LAG RNAMS NI 'DUS BYAS YIN PA'I PHYIR RO ZHES BYA BA NI JI LTAR YANG DAG PA'I LTA BA LA SOGS PA 'DUS BYAS YIN PA DE BZHIN DU MOS PA YANG 'DUS MA BYAS NI MA YIN TE, SKAL BA MI MNYAM PA'I PHYIR RO, ,MDO LAS, RNAM PAR GROL BA GNYIS SU GSUNGS, ,ZHES BYA BA NI 'DOD CHAGS LAS 'DOD CHAGS DANG BRAL PA'I PHYIR SEMS RNAM PAR GROL LA, MA RIG PA LAS 'DOD CHAGS DANG BRAL BA'I PHYIR SHES RAB RNAM PAR GROL BAS SEMS RNAM PAR GROL BA DANG, SHES RAB RNAM PAR GROL BA YIN NO ZHES BYA BA'I THA TSIG GO, ,DE NYID RNAM PAR GROL BA'I PHUNG PO YIN PAR YANG LTA'O ZHES BYA BA NI TSUL KHRIMS KYI PHUNG PO DANG, TING NGE 'DZIN GYI PHUNG PO DANG SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO ZHES BYA BA 'DIR BLTA BAR BYA'O, ,GZHAN DAG NA RE ZHES BYA BA NI SLOB DPON NO, ,'O NA MDO LAS ZHES BYA BA NI STAG GI BYANG CHUB KYI BU DAG BZHI PO 'DI DAG NI YONGS SU DAG PA'I GTZO BO YIN TE, BZHI GANG ZHE NA, TSUL KHRIMS YONGS SU DAG PA GTZO BO DANG, TING NGE 'DZIN YONGS SU DAG PA GTZO BO DANG, LTA BA YONGS SU DAG PA GTZO BO DANG, RNAM PAR GROL BA YONGS SU DAG PA GTZO BO ZHES BYA BA RGYAS PAR BSHAD NAS, STAG GI BYANG CHUB KYI BU DAG RNAM PAR GROL BA YONGS SU DAG PA GTZO BO GANG YIN ZHE NA ZHES BYA BA NAS 'DUN PA DANG BRTZON 'GRUS ZHES BYA BA'I BAR RGYAS PAR GSUNGS SO, ,STAG GI BYANG CHUB KYI BU DAG CES MANG PO'I TSIG SMOS @236B PA NI DE DAG MANG BA'I PHYIR RO, ,RNAM PAR GROL BA YONGS SU DAG PA'I GTZO BO ZHES BYA BA NI RNAM PAR GROL BA'I YONGS SU DAG PA'I GTZO BO NI RNAM PAR GROL BA YONGS SU DAG PA STE DE'I CHED KYI GTZO BO NI BRTZON 'GRUS YIN PAS RNAM PAR GROL BA YONGS SU DAG PA'I GTZO BO'O, ,DE LTAR NA 'DIR RNAM PAR GROL BA DANG, YONGS SU DAG PA DANG, GTZO BO ZHES BYA BA DRI BA GSUM STE, DE LA 'DI LA DGE SLONG 'DOD CHAGS LAS SEMS 'DOD CHAGS DANG BRAL ZHING RNAM PAR GROL BA YIN ZHE SDANG DANG GTI MUG LAS SEMS 'DOD CHAGS DANG BRAL ZHING RNAM PAR GROL BA YIN TE ZHES BYA BA NI RNAM PAR GROL BA BSHAD DO, ,'DI LTAR RNAM PAR GROL BA'I PHUNG PO YONGS SU MA RDZOGS PA YONGS SU RDZOGS PAR BYED PA'AM, YONGS SU RDZOGS PA RJES SU 'DZIN PAR BYED PA ZHES BYA BAS NI RNAM PAR GROL BA YONGS SU DAG PA YONGS SU RDZOGS PA DANG RDZAS SU 'DZIN PA'I MTSAN NYID BSHAD DO, ,'DUN PA DANG BRTZON 'GRUS GANG YIN PA ZHES BYA BA RGYAS PAR 'BYUNG BAS NI GTZO BO BSHAD DE, GANG GI PHYIR DE LTAR 'DOD CHAGS LA SOGS PA LAS RNAM PAR GROL ZHING SPANGS PA YIN NO ZHES MDO LAS RNAM PAR GROL BA'I MTSAN NYID DE LTA BU YIN PAR BSHAD KYI MOS PA NI MA YIN PAR BSHAD PA DE'I PHYIR RNAM PAR GROL BA NI MOS PA KHO NA YIN PAR MA ZAD DO, ,'O NA CI ZHE NA, DE KHO NA SHES PAS 'DOD CHAGS LA SOGS PA SPANGS NA, SEMS DRI MA MED PA NYID DE ZAG PA MED PA'I NGO BO NYID DANG DON GZHAN MA YIN PAR GYUR PA MAR GYI NYING KHU DANG BA LTA BU YIN NO ZHES ZER RO, ,DE SKYE BA LA GEGS BYED PA'I PHYIR RO ZHES BYA BA NI MI SLOB PA'I SEMS DE SKYE BA LA GEGS BYED PA'I PHYIR NYON MONGS PA'I THOB PA NI GEGS YIN NO, ,'O NA SKYE BAR 'GYUR BA MA YIN PA ZHES BYA BA NI MI SLOB PA MA 'ONGS PA NYID RDO RJE LTA BU'I MJUG THOGS SU MI 'BYUNG BA GANG YIN PA'O, ,'JIG RTEN BA ZHES BYA BA NI MI SLOB PA KHO NA'I RGYUD LA 'JIG RTEN PA YOD PA GANG YIN PA'O, ,SKYE BAR NGES PA GANG YIN PA DE KHO NA BSHAD DO ZHES BYA BA NI BSTAN BCOS LAS, MA 'ONGS PA SKYE BA LA MNGON DU PHYOGS PA GANG YIN PA DE KHO NA RNAM PAR GROL BAR 'GYUR RO ZHES BSHAD DE, DE RNAM PAR GROL BA NI BRTAG SLA BA'I PHYIR RO SNYAM DU DGONGS PA YIN NO, ,SKYE BA'I SGRIB @237A *, ,PA DE NYID LAS SO ZHES BYA BA NI DE'I NYON MONGS PA'I THOB PA DE NYID LAS TE, 'DIR GTAN TSIGS KYANG DE SKYE BA LA GEGS BYED PA'I PHYIR RO ZHES BYA BA DE KHO NA BRJOD PAR BYA'O, ,GAL TE MI SLOB PA'I RGYUD LA YOD PA'I 'JIG RTEN PA RNAM PAR GROL BAR 'GYUR RO ZHES KHAS LEN NA SLOB PA LA YANG 'JIG RTEN PA SKYEN CI'I PHYIR RNAM PAR GROL BAR 'GYUR RO ZHES BYA BAR KHAS MI LEN CE NA, DE'I PHYIR DE NI DE DANG MI 'DRA'O ZHES BYA BA LA SOGS PA SMOS TE, SLOB PA'I 'JIG RTEN PA DE NI NYON MONGS PA'I THOB PA DANG, LHAN CIG PA YIN GYI MI SLOB PA'I 'JIG RTEN PA DE NI DE LTA MA YIN PAS MI 'DRA'O, ,'GAG PAR 'GYUR BA ZHES BYA BA NI 'GAG PA LA MNGON DU PHYOGS PA'O, ,DE'I SGRIB PA ZHES BYA BA NI MI SLOB PA'I SEMS KYI SGRIB PA'O, ,BSTAN BCOS SAM, 'DI NYID LAS, NYON MONGS BCOM PA 'DUS MA BYAS, ,ZHES RNAM PAR GROL BA 'DUS MA BYAS SU BSHAD PA GANG YIN PA DANG, KHAMS GSUM PO 'BYUNG BA GANG DAG YIN PA STE, GANG LAS 'BYUNG ZHE NA, MDO 'AM, BSTAN BCOS LAS SO, ,'DOD CHAGS KUN ZAD 'DOD CHAGS BRAL, ,ZHES BYA BA NI KHYAD PAR BRJOD PAR BZHED NAS 'DI SKAD CES BSHAD DO, ,KHYAD PAR BRJOD PAR MI BZHED NA NI 'DOD CHAGS DANG BRAL BA GANG YIN PA DE SPANGS PA ZHES KYANG BYA LA, 'GOG PA ZHES KYANG BYA BA LA SOGS PA YIN NO, ,GZHI ZHES BYA BA NI GZUGS LA SOGS PA ZAG PA DANG BCAS PA'O, ,MU BZHI'O ZHES BYA BA NI YID 'BYUNG BAR 'GYUR LA 'DOD CHAGS DANG BRAL BAR MI 'GYUR BA YANG YOD, 'DOD CHAGS DANG BRAL BAR 'GYUR LA YID 'BYUNG BAR MI 'GYUR BA YANG YOD, GNYI GAR 'GYUR BA YANG YOD, GNYI GAR MI 'GYUR BA YANG YOD CES BYA BA YIN NO, ,SDUG BSNGAL RGYU BZOD SHES RNAMS KYIS, ,YID 'BYUNG ZHES BYA BA 'DIS NI DNGOS PO'I RGYU LAS BYUNG BA'I YID 'BYUNG BA STON TO, ,GANG GIS SPONG 'GYUR BA, KUN GYI 'DOD CHAGS BRAL PAR 'GYUR, ,ZHES BYA BA 'DIS NI SPONG BAR BYED PA'I RGYU LAS BYUNG BA'I 'DOD CHAGS DANG BRAL BAR STON TO, ,DE LTA NA MU BZHI GRUB STE ZHES BYA BA NI DE LTAR YID 'BYUNG BA DANG 'DOD CHAGS DANG BRAL BA'I RGYU YONGS SU BCAD DE, SBYAR NA MU BZHI 'GRUB PO SNYAM DU DGONGS PA YIN NO, ,JI LTA ZHE NA, YID 'BYUNG @237B BA KHO NA YIN ZHES BYA BA RGYAS PAR SMOS TE, SDUG BSNGAL DANG KUN 'BYUNG BA LA BZOD PA RNAMS DANG, SDUG BSNGAL BA DANG KUN 'BYUNG BA LA SHES PA RNAMS KYIS NI YID 'BYUNG BA KHO NA YIN TE, YID 'BYUNG BA'I DNGOS PO LA DMIGS PA'I PHYIR RO, ,SDUG BSNGAL DANG KUN 'BYUNG BA DAG NI YID 'BYUNG BA'I DNGOS PO'I DMIGS PA YIN NO, ,'DOD CHAGS DANG BRAL BAR MI 'GYUR TE, NYON MONGS PA DAG MI SPONG NA ZHES BYA BA'I TSIG GIS SPONG BAR BYED PA MED PA'I PHYIR RO, ,MTHONG BA'I LAM LA 'GOG PA DANG, LAM LA BZOD PA RNAMS DANG BSGOM PA'I LAM LA 'GOG PA DANG LAM SHES PA RNAMS KYI NI 'DOD CHAGS DANG BRAL BA KHO NA YIN TE, NYON MONGS PA DAG SPONG NA ZHES 'BYUNG BAS SPONG BAR BYED PA YOD PA'I PHYIR RO, ,YID 'BYUNG BAR MI 'GYUR TE, MCHOG TU DGA' BA'I DNGOS PO LA DMIGS PA'I PHYIR RO, ,MYA NGAN LAS 'DAS PA DANG LAM DAG NI MCHOG TU DGA' BA'I DNGOS PO'I DMIGS PA YIN NO,, SNGA MA RNAMS KYI NYON MONGS PA DAG SPONG NA GNYI GA YIN NO ZHES BYA BA NI SNGA MA SDUG BSNGAL DANG KUN 'BYUNG BA LA BZOD PA DANG SHES PA RNAMS KYIS NI YID 'BYUNG BAR YANG 'GYUR LA, 'DOD CHAGS DANG BRAL BAR YANG 'GYUR TE, YID 'BYUNG BA'I DNGOS PO LA DMIGS PA'I PHYIR YID 'BYUNG BAR 'GYUR RO, , NYON MONGS PA DAG SPONG NA ZHES BYA BA'I TSIG GIS DE SPONG BAR BYED PA YOD PA'I PHYIR 'DOD CHAGS DANG BRAL BAR 'GYUR RO, ,PHYI MA RNAMS KYI NYON MONGS PA DAG MI SPONG BA GNYI GA MA YIN NO ZHES BYA BA NI PHYI MA 'GOG PA DANG LAM LA BZOD PA DANG SHES PA RNAMS KYIS NI YID 'BYUNG BAR YANG MI 'GYUR LA, 'DOD CHAGS DANG BRAL BAR YANG MI 'GYUR TE, MCHOG TU DGA' BA'I DNGOS PO LA DMIGS PA'I PHYIR YID 'BYUNG BAR MI 'GYUR RO, ,NYON MONGS PA DAG MI SPONG NA ZHES BYA BA'I TSIG GIS SPONG BAR BYED PA MED PA'I PHYIR 'DOD CHAGS DANG BRAL BAR MI 'GYUR RO, ,SMRAS PA MU DANG PO DANG, BZHI PA LA NYON MONGS PA DAG MI SPONG NA ZHES BSTAN PA GANG ZHIG GANG DAG NYON MONGS PA MI SPONG ZHE NA, DE LA 'DOD CHAGS DANG BRAL BA ZHIG CES BYA BA RGYAS PAR SMOS TE, DE LA ZHES BYA BA NI DON NYE BAR DGOD PA'I PHYIR RO, ,'DOD PA'I KHAMS NAS CI YANG MED PA'I SKYE MCHED KYI BAR LAS KYANG RUNG 'DOD CHAGS DANG @238A *, ,BRAL BA ZHIG BDEN PA RNAMS LTA ZHING MNGON PAR RTOGS PAR BYED NA CHOS SHES PA DANG BZOD PA RNAMS KYIS CHOS SHES PA RNAMS DANG, CHOS LA BZOD PA RNAMS KYIS NYON MONGS PA DAG MI SPONG STE, 'JIG RTEN PA'I BSGOM PA'I LAM GYIS SNGAR SPANGS ZIN PA'I PHYIR BRAL PA'I THOB PA ZAG PA MED PA SKYE BA 'BA' ZHIG TU ZAD DO, ,RJES SU SHES PA DANG BZOD PA DAG GIS NI GDON MI ZA BAR NYON MONGS PA DAG SPONG STE, 'JIG RTEN PA'I LAM GYIS SRID PA'I RTZE MO LAS 'DOD CHAGS DANG BRAL BA MED DO, ,SHES PA RNAMS KYIS NI BSGOM PA'I LAM LA SBYOR BA DANG, RNAM PAR GROL BA DANG, KHYAD PAR CAN GYI LAM RNAMS DANG, BAR CHAD MED PA'I LAM YANG KHA CIG GIS DBANG PO 'PHO BA LA SOGS PA'I GNAS SKABS NA NYON MONGS PA DAG MI SPONG NGO, ,GANG DAG CIG LUS SHE NA, DE DAG LAS GZHAN PA'I BAR CHAD MED PA'I LAM RNAMS TE, DE RNAMS KYIS NYON MONGS PA SPONG NGO ZHES BYA BAR GRUB PO, ,CHOS MNGON PA'I MDZOD KYI 'GREL BSHAD SLOB DPON RGYAL PO'I SRAS GRAGS PA'I BSHES GNYEN GYIS MDZAD PA DON GSAL BA ZHES BYA BA LAS GANG ZAG DANG LAM BSTAN PA ZHES BYA BA STE MDZOD KYI GNAS DRUG PA'O,, ,,BAM PO LNGA BCU GSUM PA, MDZOD KYI GNAS DRUG PA'I 'OG TU BDUN PA NYE BAR DGOD PA 'BREL PA BSTAN PA'I PHYIR, BZOD PA RNAMS ZHES KYANG 'BYUNG ZHES BYA BA RGYAS PAR SMOS TE, 'JIG RTEN PA'I CHOS MCHOG LAS, CHOS KYI BZOD PA ZAG PA MED, ,CES BYA BA NAS BZUNG STE, BZOD PA BRGYAD BSHAD DO, ,'DOD SDUG BSNGAL LA DE NAS NI, ,DE NYID LA CHOS SHES DE BZHIN, ,ZHES BYA BA DER SHES PA BSHAD DO, ,GAL TE MIN, ZAD PA SHES SAM MI SLOB LTA, ,ZHES BYA BA DER YANG DAG PA'I LTA BA BSHAD DO, ,DE NYID RNAM GROL GNYIS BYANG CHUB, ,JI SKAD BSHAD SHES PA ZHES BYA BAR YANG DAG PA'I SHES PA BSHAD DO, ,YANG NA DRUG PA'I MJUG 'DI NYID NAS, ,SDUG BSNGAL RGYU BZOD SHES RNAMS KYIS, ,YID 'BYUNG GANG GIS SPONG 'GYUR BA, ,KUN GYI 'DOD CHAGS BRAL BAR 'GYUR, ,ZHES 'BYUNG BAS 'DI THAMS CAD BSHAD DO, ,YANG NA BSTAN BCOS DANG 'BREL BA'I PHYIR 'DI NYE BAR 'GOD DE, BSTAN BCOS @238B LAS NI BZOD PA RNAMS ZHES KYANG 'BYUNG, SHES PA RNAMS ZHES KYANG 'BYUNG, YANG DAG PA'I LTA BA ZHES KYANG 'BYUNG, YANG DAG PA'I SHES PA ZHES KYANG 'BYUNG LA, 'DI NI DER MDOR BSDU BA TZAM YIN PAS DE'I PHYIR, CI BZOD PA DAG YIN LA SHES PA MA YIN NAM ZHES BYA BA RGYAS PAR 'DRI'O, ,DRI MED BZOD RNAMS SHES PA MIN, ,ZHES BYA BA BZOD PA DRI MA MED PA DAG KHO NA SHES PA MA YIN NO ZHES NGES PAR GZUNG BA'I PHYIR BZOD PA ZAG PA DANG BCAS PA RNAMS NI SHES PA YIN NO ZHES BSHAD PAR 'GYUR TE, DE NI KUN RDZOB SHES PA YIN PAR 'DOD DO, ,DES SPANG BAR BYA BA ZHES BYA BA NI BZOD PAS SPANG BAR BYA BA'I PHRA RGYAS THE TSOM MA SPANGS PA'I PHYIR TE, SKABS LA BAB PA'I PHYIR GNAS SKABS DE DAG TU PHRA RGYAS RNAMS SPONG GI SPANGS PA NI MA YIN NO, ,SHES PA NI NGES PA YIN PAR 'DOD KYI MA NGES PA NI MA YIN PAS BZOD PA RNAMS SHES PA MA YIN TE, BZOD PA RNAMS NI BZOD PA'I NGO BOR SKYE'I NGES PA'I NGO BO MA YIN PAS SHES PA MA YIN NO ZHES BRJOD DO, ,PHRA RGYAS THE TSOM MA SPANGS PA'I PHYIR RO ZHES BYA BA DE TZAM ZHIG BRJOD PAR BYA BA YIN NO, CI'I PHYIR DES SPANG BAR BYA BA'I ZHES KHYAD PAR SMOS SHE NA, SKAD CIG MA GNYIS PA LA BZOD PA DANG PO SPANG BAR BYA BA'I PHRA RGYAS THE TSOM SPANG BAR 'GYUR BAS BZOD PA DANG PO KHO NA SHES PA MA YIN NO ZHES BYA BAR GO BAR 'GYUR GYI BZOD PA GZHAN DAG NI MA YIN PAS DE'I PHYIR NGE SPANG BAR BYA BA'I ZHES KHYAD PAR SMOS SO, ,YANG DAG PAR RTOG PA'I BDAG NYID CAN YIN PA'I PHYIR ZHES BYA BA NI NYE BAR RTOG PA'I NGO BO NYID YIN PA'I PHYIR RO ZHES BYA BA'I THA TSIG GO, , YANG DAG PAR RTOG PA MED PA DANG YONGS SU TSOL BA'I BSAM PA CAN MA YIN PA'I PHYIR ZHES BYA BA NI 'DI LA YANG DAG PAR RTOG PA MED PAS NA YANG DAG PAR RTOG PA MED PA'O, ,YONGS SU TSOL BAR SEMS SHING 'DOD PA NI YONGS SU TSOL BA'I BSAM PA MED PA'O, ,'DI LA YONGS SU TSOL BA'I BSAM PA MED PAS YONGS SU TSOL BA'I BSAM PA CAN MA YIN NO, ,DE NI YANG DAG PAR RTOG PA MED PA YANG YIN LA, YONGS SU TSOL BA'I BSAM PA CAN MA YIN PA YANG YIN PAS YANG DAG PAR RTOG PA MED PA DANG, YONGS SU TSOL BA'I BSAM PA CAN MA YIN PA STE, DE'I PHYIR ZAD PA SHES @239A *, ,PA DANG MI SKYE BA SHES PA LTA BA MA YIN NO ZHES BYA BA'I THA TSIG GO, ,'DI JI SRID DU BYA BA MA BYAS PA DE SRID DU SDUG BSNGAL LA SOGS PA'I BDEN PA DAG LA NYE BAR RTOG CING BSAM PA DAG PA NAS MI RTAG PA LA SOGS PA'I RNAM PA JI SKAD BSHAD PA DAG GIS YONGS SU TSOL BAR BYED DO, ,BYA BA BYAS NAS NI DE DAG GIS SDUG BSNGAL LA SOGS PA 'PHAGS PA'I BDEN PA JI LTAR MTHONG BA DAG KHO NA LA BDAG GIS SDUG BSNGAL YONGS SU SHES TE YANG SHES PAR BYAR MED DO ZHES BYA BA LA SOGS PAR SO SOR RTOG PA TZAM DU ZAD DE, DE LTA BAS NA DE DAG NI LTA BA'I NGO BO NYID MA YIN NO, , DE LAS GZHAN 'PHAGS BLO GNYI GA ,ZHES BYA BA NI SDUG BSNGAL LA CHOS SHES PA NAS LAM LA RJES SU SHES PA'I BAR GYI SHES RAB DE NI NYE BAR RTOG PAR ZHUGS PA YANG YIN LA, DE'I YUL CAN GYI THE TSOM SPANGS PA YIN NO, ,GZHAN ZHES BYA BA NI 'JIG RTEN PA STE, DE NI THAMS CAD SHES PA YIN NO ZHES NGES PAR GZUNG BAS SHES PA MA YIN PA'I SHES RAB GANG YIN PA DE MED DO ZHES BYA BA'I THA TSIG GO, ,SHES RAB DE YANG GANG ZHE NA, RNAM PAR SHES PA'I TSOGS LNGA LAS BYUNG BA DGE BA DANG, MI DGE BA DANG, LUNG DU MA BSTAN PA DANG, YID LAS BYUNG BA LTA BA'I NGO BO NYID MA YIN PA NYON MONGS PA DANG MTSUNGS PAR LDAN PA DANG, MA BSGRIBS LA LUNG DU MA BSTAN PA'O, ,LTA BA'I NGO BO NYID GANG YIN PA DANG, YID LAS BYUNG BA DGE BA GANG YIN PA DE CI ZHIG YIN ZHE NA, DRUG NI LTA BA'ANG YIN ZHES BYA BA SMOS TE, 'JIG RTEN PA'I SHES RAB RNAM PA DE DRUG NI LTA BA YIN GYI DRUG KHO NA ZHES NGES PAR GZUNG BA'I PHYIR GZHAN NI LTA BA MA YIN NO, ,GZHAN YANG GANG ZHE NA, SNGAR BSHAD PA 'JIG RTEN PA GANG YIN PA'O, ,'DI DANG GZHAN DAG KYANG SHES PA NI YIN NO ZHES BYA BA NI LTA BA'I NGO BO NYID KYI SHES RAB RNAM PA DRUG PO 'DI DANG, DE LAS GZHAN PA SNGAR BSHAD PA RNAMS KYANG SHES PA ZHES NI BYA'O, ,GANG GI PHYIR DRUG PO 'DI DAG SHES PA ZHES KYANG BYA LA, LTA BA ZHES KYANG BYA BA DE NYID KYI PHYIR DRUG NI LTA BA 'ANG YIN ZHES YANG ZHES BYA BA'I SGRA 'DON TO, ,SHES PA BCUS ZHES BYA BA GANG DAG GIS SHE NA, CHOS DANG RJES DANG KUN RDZOB DANG, ,GZHAN GYI SEMS DANG @239B SDUG BSNGAL DANG, KUN 'BYUNG BA DANG 'GOG PA DANG, LAM DANG ZAD DANG MI SKYE SHES PA DAG GIS SO, ,SHES PA BCU KHO NAR BSHAD PA 'DI NI NGES PAR GZUNG BAR BYA BA'I DON YIN TE, 'CHI 'PHO BA DANG SKYE BA DANG, GANG ZAG DANG 'KHOR SHES PA LA SOGS PA NI 'DI DAG KHO NA'I NANG DU 'DUS PA'I PHYIR RO, ,MDOR BSDU NA NI GNYIS TE, SHES PA ZAG BCAS ZAG PA MED, ,CES BYA BA YIN NO, ,PHAL CHER ZHES BYA BA KHYAD PAR SMOS PA NI KUN RDZOB KYI SHES PA PHAL CHER BUM PA DANG SDAM[?] BU LA SOGS PA KUN RDZOB TU YOD PA'I DNGOS PO LA DMIGS KYI RES 'GA' NI RANG DANG SPYI'I MTSAN NYID KYANG 'DZIN TO, ,KUN RDZOB KYI ZHES BYA BA NI KUN RDZOB LA 'BYUNG BA'O, ,ZAG PA MED PA YANG MDOR BSDU NA CHOS SHES PA DANG, RJES SU SHES PA ZHES BYA BA GNYIS TE, SDUG BSNGAL SHES PA LA SOGS PA NI 'DI DAG KHO NA'I NANG DU 'DUS PA'I PHYIR RO, ,DMIGS PA NI CI RIGS PAR ZHES BYA BA NI GANG GIS DMIGS PA GANG YIN PA DE NI DE'I YIN TE, MIG GI RNAM PAR SHES PA'I DMIGS PA NI SGRA MA YIN NO, ,DE DAG LA DMIGS PA'I PHYIR RO ZHES BYA BA NI SDUG BSNGAL LA SOGS PA LA DMIGS PA'I PHYIR RO ZHES BYA BA'I THA TSIG GO, ,RNAM BZHI DE DAG NI ZHES BYA BA NI CHOS DANG RJES SU SHES PA GNYIS PO LTA BA'I RANG BZHIN MA YIN PA SDUG BSNGAL LA SOGS PA LA DMIGS PA'I BYE BRAG GIS RNAM PA BZHI PO DE DAG KHO NA ZAD PA SHES PA DANG, MI SKYE BA SHES PA ZHES BYA'O, ,DE GNYIS DANG PO SKYES PA NI ZAD PA SHES PA DANG MI SKYE BA SHES PA DE GNYIS DANG PO SKYES PA NI SDUG BSNGAL RGYU RJES SHES PA YIN TE, GDON MI ZA BAR SDUG BSNGAL DANG KUN 'BYUNG BA LA DMIGS PA DAG YIN NO ZHES BYA BA'I DON TE, CI'I PHYIR ZHE NA, SRID PA'I RTZE MO PA'I PHUNG PO LA SDUG BSNGAL LAM KUN 'BYUNG BA LA RJES SU SHES PA'I RNAM PAR DMIGS PA'I PHYIR RO ZHES BYA BA SMOS TE, 'DI LTAR ZAD PA DANG MI SKYE BA SHES PA DANG PO SKYES PA DE DAG NI GDON MI ZA BAR SRID PA'I RTZE MO PA'I PHUNG PO RNAMS LA MI RTAG PA LA SOGS PA'I SDUG BSNGAL GYI RNAM PA DANG, RGYU LA SOGS PAS KUN 'BYUNG BA'I RNAM PAR DMIGS SO, ,DANG POR SKYES PA MA YIN PA DE DAG NI @240A *, ,BDEN PA GZHAN LA DMIGS PA DAG KYANG YIN NO ZHES BYA BAR SHUGS KYIS BSHAD PAR 'GYUR RO, ,RDO RJE LTA BU'I TING NGE 'DZIN GYI MJUG THOGS SU ZAD PA SHES PA 'BYUNG LA, DE'I RJES LA MI SKYE BA SHES PA 'BYUNG BA DE'I PHYIR CI RDO RJE LTA BU'I TING NGE 'DZIN KYANG DE GNYIS DANG DMIGS PA GCIG PA ZHIG YIN NAM ZHES 'DRI STE, KYANG ZHES BYA BA'I SGRA'I DON NI JI LTAR ZAD PA DANG, MI SKYE BA SHES PA DMIGS PA GCIG YIN PA LTAR, CI RDO RJE LTA BU'I TING NGE 'DZIN KYANG DE GNYIS DANG DMIGS PA GCIG PA ZHIG YIN NAM ZHES BYA BA YIN NO, ,DE GNYIS DANG ZHES BYA BA NI DANG PO SKYES PA DAG DANG ZHES BYA BA'I DON TO, ,GAL TE SDUG BSNGAL DANG KUN 'BYUNG BA LA DMIGS NA NI YIN NO ZHES BYA BA CI ZHE NA, DE GNYIS DANG DMIGS PA GCIG PA YIN NO ZHES BYA BAR SBYAR RO, ,'ON TE 'GOG PA DANG LAM LA DMIGS PA ZHIG YIN NA NI DMIGS PA GCIG PA MA YIN TE, DE GNYIS NI NGES PAR SRID PA'I RTZE MO PA'I PHUNG PO LA DMIGS PA'I PHYIR RO, ,DPER NA DUG MDAS PHOG STE, SHI BA'I DUG YAN LAG THAMS CAD LA KHYAB NAS SHI BA'I TSE RMA'I PHYOGS KHO NAR GNAS KYI GZHAN DU MA YIN PA DE BZHIN DU RNAL 'BYOR PA 'DI'I SHES PA DE DAG KYANG SPANG BAR BYA BA SRID PA'I RTZE MO PA'I PHUNG PO'I MTSAN NYID KHO NA LA GNAS SO, ,BZHI LAS PHA ROL SEMS RIG PA, ZHES BYA BA NI CHOS SHES PA LA SOGS PA BZHI KHO NA LAS YIN TE, DE DAG GIS BSDUS PA'I PHYIR RO, ,SDUG BSNGAL SHES PA LA SOGS PA LAS NI MA YIN TE, GZHAN GYI RNAM PA CAN YIN PA'I PHYIR RO; ;GZHAN GYI SEMS SHES PA ZAG PA MED PA NI LAM SHES PA YIN PA'I PHYIR LAM GYI RNAM PA CAN KHO NA YIN NO, ,ZAG PA DANG BCAS PA GANG YIN PA DE NI 'DOD CHAGS DANG BCAS PA DANG, ,'DOD CHAGS DANG BRAL BA ZHES BYA BAR 'JIG RTEN PA'I RNAM PA CAN YIN NO, ,DAD PAS MOS PA DANG DUS KYIS RNAM PAR GROL BA'I LAM GYIS ZHES BYA BA NI GRANGS BZHIN DU DAD PAS MOS PA'I LAM GYIS MTHONG BAS THOB PA'I LAM MI SHES LA, DUS KYIS RNAM PAR GROL BA'I LAM GYIS DUS DANG MI SBYAR BAR RNAM BAR GROL BA'I LAM MI SHES SO, ,'OG MAS GONG MA ZHES BYA BA NI PHYIR MI 'ONG BA'I @240B LAM GYIS DGRA BCOM PA'I LAM MI SHES LA, DGRA BCOM PA'I LAM GYIS RANG SANGS RGYAS KYI LAM MI SHES SO ZHES BYA BA LA SOGS PA'O, ,DE GNYIS NI 'DOD PA'I KHAMS LA SOGS PA DANG KHAMS GONG MA'I GNYEN PO LA DMIGS PA'I PHYIR RO ZHES BYA BA NI CHOS SHES PA'I PHYOGS DANG MTHUN PA DANG; RJES SU SHES PA'I PHYOGS DANG MTHUN PA DE GNYIS LA CHOS SHES PA'I PHYOGS DANG MTHUN PA NI 'DOD PA'I KHAMS KYI GNYEN PO LA DMIGS SO, ,RJES SU SHES PA'I PHYOGS DANG MTHUN PA NI KHAMS GONG MA'I GNYEN PO LA DMIGS SO ZHES BYA BAR NGES SO, ,MTHONG BA'I LAM LA PHA ROL GYI SEMS SHES PA MED DO ZHES BYA BA NI MTHONG BA'I LAM YUN THUNG BA'I PHYIR RO, ,SDUG BSNGAL LA CHOS SHES PA'I BZOD PA DANG CHOS SHES PA'O ZHES BYA BA NI SRID PA'I PHYIR DE SKAD BSHAD DE, RES 'GA' NI SBYOR BA'I DBANG GIS SDUG BSNGAL LA RJES SU SHES PA'I BZOD PA DANG SDUG BSNGAL LA RJES SU SHES PA YANG SHES PAR SRID DO, ,BRGYAD PA KUN 'BYUNG BA LA RJES SU SHES PA DANG ZHES BYA BA NI CHOS LA SHES PA DANG BZOD PA'I PHYOGS DANG MTHUN PA GNYIS SHES NAS RJES SU SHES PA'I PHYOGS DANG MTHUN PA'I SEMS SHES PAR BYA'O ZHES SBYOR BAR BYAS NAS BRGYAD PA KUN 'BYUNG BA LA RJES SU SHES PA SHES PAR NUS SO, ,SBYOR BA CHUNG BA'I PHYIR RO ZHES BYA BA NI SBYOR BA CHUNG BA'I PHYIR ZHES BYA BA'I THA TSIG STE, NYAN THOS KYI GZHAN GYI SEMS SHES PA RJES SU SHES PA'I PHYOGS DANG MTHUN PA LA DMIGS PA DE NI SBYOR BA CHEN POS BSGRUB PAR BYA BA YIN TE, DE'I PHYIR DE JI SRID DE LA SBYOR BA RTZOM PA DE SRID KYIS DES SEMS BCU DRUG RJES SU 'THOB PAR 'GYUR BAS DE'I PHYIR BAR SKABS SU NI MI SHES SO, ,DANG PO DANG GNYIS PA DANG BCO LNGA PA RNAMS ZHES BYA BA DE GSUM KHO NA SHES SO, ,JI LTA ZHE NA, SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA SHES NAS SBYOR BA GZHAN BYAS TE SKAD CIG MA BCO LNGA PA LAM LA RJES SU SHES PA'I BZOD PA SHES SO, ,JI LTAR NA ZAG PA MED PA'I SHES PAS DE LTAR SHES ZHES BYA BA NI ZAG PA MED PA RNAMS NI SDUG BSNGAL LA SOGS PA'I RNAM PA CAN YIN PA'I PHYIR LA, 'DI NI BDAG GIS SDUG BSNGAL YONGS SU SHES @241A *, ,SO ZHES BYA BA LA SOGS PA'I RNAM PA CAN YIN PA'I PHYIR KUN RDZOB LA SOGS PA'I RNAM PA CAN YIN PAS DE'I PHYIR 'DRI'O, ,BSTAN BCOS LAS DE'I BYE BRAG GIS DE GNYIS KYI BYE BRAG BSTAN TO ZHES BYA BA NI, DE'I RJES LA THOB PA KUN RDZOB KYI SHES PA GNYIS PO DE'I BYE BRAG GIS TE, BDAG GIS SDUG BSNGAL YONGS SU SHES SO ZHES BYA BA NAS, LAM BSGOMS SO ZHES BYA BAR SHES PA'I BAR DANG, BDAG GIS SDUG BSNGAL YONGS SU SHES TE, YANG YONGS SU SHES PAR BYAR MED DO ZHES BYA BA NAS, BDAG GIS LAM BSGOMS TE YANG BSGOM DU MED DO ZHES BYA BAR SHES PA'I BAR DE LTA BU'I NGO BOS ZAD PA DANG MI SKYE BA SHES PA ZAG PA MED PA DE GNYIS KYI BYE BRAG BSTAN CING SHES PAR BYAS SO, ,DE NYID KYI PHYIR DE'I RGYU LAS BYUNG BA NI DE RGYUR BYAS PA DANG DE SNGON DU BTANG BA ZHES BYA BA'I THA TSIG STE, RGYU MTHUN PAS RNAM PAR MI RTOG PA DE GNYIS KYI KHYAD PAR RJES SU DPAG GO SNYAM DU BSAMS PA YIN NO, ,ZAG PA MED PAS KYANG DE LTAR SHES TE ZHES BYA BA NI GZHAN DAG NA RE RNAM PA BCU DRUG LA MA GTOGS PA'I ZAG PA MED PA'I RNAM PA YOD DE, DES DE LTAR SHES SO ZHES ZER RO, ,GAL TE BSTAN BCOS LAS DE'I RGYU LAS BYUNG BA'I SHES PA DANG MTHONG BA ZHES 'BYUNG BAS ZAD PA DANG MI SKYE BA SHES PA ZAG PA MED PA NI SDUG BSNGAL YONGS SU SHES SO ZHES BYA BA LA SOGS PA KUN RDZOB KYI SHES PA'I 'BRAS BU CAN YIN PAR BRJOD NA, ZAD DANG MI SKYE'I BLO LTA MIN, ,ZHES LTA BA MA YIN PAR 'BYUNG BA GANG YIN PA DE DANG 'GAL LO ZHE NA DE'I PHYIR MTHONG BA SMOS PA NI BSHAD PA 'PHANGS BA'I PHYIR ZHES BYA BA SMOS SO, ,BSTAN BCOS LAS SHES PA DANG, MTHONG BA ZHES SMOS PA GANG YIN PA DE NI BSHAD PA 'PHANGS PA LAS GYUR TE, SDUG BSNGAL SHES PA LA SOGS PA LA SHES PA DANG MTHONG BA DANG, RIG PA DANG, BLO DANG, RTOGS PA ZHES 'BYUNG BAS TSIG DE 'PHANGS PA'I PHYIR 'DI NYE BAR GNAS PA YIN PAS DE 'DON PA RNAMS KYI TSIG TU ZAD KYI ZAD PA DANG MI SKYE BA SHES PA DE DAG LTA BA'I NGO BO NYID NI MA YIN TE, LTA BA MA YIN PA'I NGO BO NYID DAG GO ZHES BYA BA'I THA TSIG GO, , @241B YANG NA MNGON SUM DU 'JUG PA'I PHYIR RO ZHES BYA BA NI SHES PA 'DI GNYIS LA MNGON SUM DU 'JUG PA YOD PAS 'DI NI MNGON SUM DU 'JUG PA'O, ,DE'I PHYIR 'DI GNYIS LA MTHONG BA ZHES SMOS TE, SHES PA 'DI GNYIS NI RJES SU DPAG PA LAS BYUNG BA LTA BU 'AM, LUNG LAS BYUNG BA LTA BUR LKOG TU 'JUG PA NI MA YIN NO, ,MTHONG BA YANG MNGON SUM DU 'JUG PA YIN PAR 'DOD DE, DPER NA MIG GI RNAM PAR SHES PA LTA BU'O, ,DE DANG CHOS MTHUN PAR SHES PA 'DI GNYIS KYANG MTHONG BA ZHES BSHAD DO, ,DE NYID KYI PHYIR ZHES BYA BA NI MNGON SUM DU 'JUG PA DE NYID KYI PHYIR BSTAN BCOS LAS, RE ZHIG SHES PA GANG YIN PA DE NI MTHONG BA YANG YIN NO, ,MTHONG BA YIN LA SHES PA MA YIN PA YANG YOD DE, MNGON PAR RTOGS PA'I KHONGS SU GTOGS PA BZOD PA BRGYAD LTA BU'O ZHES 'BYUNG NGO, ,DE'I PHYIR 'DI SKAD DU 'DI GNYIS NI MTHONG BA NYID YIN PAR 'DOD KYI LTA BA MA YIN NO ZHES BSHAD PAR 'GYUR RO, ,DE LA ZHES BYA BA NI SHES PA BCU PO DAG LA KUN RDZOB SHES PA NI KUN RDZOB SHES PA KHO NA STE, RANG GI NGO BOS BSDUS PA YIN NO, ,GCIG PO GZHAN GYI SEMS SHES PA'I CHA PHYOGS GCIG KYANG YIN TE, ZAG PA DANG BCAS PA DANG, ZAG PA MED PA DE'I ZAG PA DANG BCAS PA'I CHA KHO NA KUN RDZOB SHES PA YIN GYI, ZAG PA MED PA NI MA YIN NO, ,CHOS SHES PA NI SHES PA BCU DAG GI NANG NA SHES PA GCIG YIN TE, CHOS SHES PA KHO NA YIN NO, ,SDUG BSNGAL DANG KUN 'BYUNG BA DANG 'GOG PA DANG, LAM DANG, GZHAN GYI SEMS DANG, ZAD PA DANG MI SKYE BA SHES PA BDUN GYI CHA YANG YIN NO, ,JI LTA ZHE NA, SDUG BSNGAL SHES PA NI CHOS DANG RJES SU SHES PA'I NGO BO NYID YIN TE, DE'I CHA CHOS SHES PA GANG YIN PA DE CHOS SHES PA YIN NO, ,DE BZHIN DU KUN 'BYUNG BA SHES PA NAS MI SKYE BA SHES PA'I BAR CHOS DANG RJES SU SHES PA'I NGO BO NYID KYI CHA CHOS SHES PAS DE CHOS SHES PA YIN GYI RJES SU SHES PA'I CHA NI MA YIN NO, ,GZHAN GYI SEMS SHES PA CHOS DANG RJES DANG KUN RDZOB SHES PA'I NGO BO NYID KYI YANG CHOS SHES PA'I CHA DE CHOS SHES PA YIN NO, ,RJES SU SHES PA YANG DE DANG 'DRA STE, RJES SU SHES PA GCIG KHO NA @242A *, ,YIN LA, BDUN GYI CHA YANG YIN TE, SDUG BSNGAL SHES PA LA SOGS PA DE DAG NYID KYI CHA RJES SU SHES PA GANG YIN PA DE NI RJES SU SHES PA YIN NO ZHES BYA BAR SBYAR RO, ,SDUG BSNGAL SHES PA NI SHES PA BCU'I NANG NA SHES PA GCIG YIN TE, SDUG BSNGAL SHES PA DE NYID YIN NO, ,CHOS DANG RJES DANG ZAD PA DANG MI SKYE BA SHES PA BZHI'I CHA YANG YIN TE, CHOS SHES PA LA SOGS PA BZHI PO DE DAG NI BDEN PA BZHI LA DMIGS PA YIN TE, DE DAG GI CHA SDUG BSNGAL LA DMIGS PA GANG YIN PA DE SDUG BSNGAL SHES PA YIN GYI CHA GZHAN NI MA YIN NO, , KUN 'BYUNG BA DANG 'GOG PA SHES PA YANG DE 'DRA BAR SBYAR BAR BYA STE, SO SOR SHES PA GCIG YIN TE, KUN 'BYUNG BA SHES PA DANG 'GOG PA SHES PA YIN LA, BZHI'I CHA YANG YIN TE, CHOS DANG RJES DANG ZAD PA DANG MI SKYE BA SHES PA RNAMS KYI CHA KUN 'BYUNG BA LA DMIGS PA 'AM, 'GOG PA LA DMIGS PA'I CHA GANG YIN PA DE NI KUN 'BYUNG BA SHES PA DANG, 'GOG PA SHES PA YIN NO, ,LAM SHES PA NI SHES PA BCU'I NANG NA SHES PA GCIG YIN TE, LAM SHES PA DE NYID YIN NO, ,CHOS DANG, RJES DANG, ZAD PA DANG, MI SKYE BA DANG, GZHAN GYI SEMS SHES PA DANG, LNGA'I CHA YANG YIN TE, LNGA PO 'DI DAG NI LAM SHES PA DANG, LAM SHES PA MA YIN PA'I NGO BO NYID YIN TE, DE DAG GI CHA LAM SHES PA GANG YIN PA DE NI LAM SHES PA YIN GYI GZHAN NI MA YIN NO, ,PHA ROL GYI SEMS SHES PA NI SHES PA BCU'I NANG NA SHES PA GCIG YIN TE, PHA ROL GYI SEMS SHES PA DE NYID YIN NO, ,CHOS DANG, RJES DANG, LAM DANG, KUN RDZOB SHES PA BZHI'I CHA YANG YIN TE, SHES PA BZHI PO 'DI DAG NI GZHAN GYI SEMS SHES PA DANG, GZHAN GYI SEMS SHES PA MA YIN PA'I NGO BO NYID YIN TE, DE DAG GI CHA GZHAN GYI SEMS SHES PA GANG YIN PA DE NI GZHAN GYI SEMS SHES PA YIN GYI GZHAN NI MA YIN NO, ,ZAD PA SHES PA NI SHES PA BCU'I NANG NA SHES PA GCIG YIN TE, ZAD PA SHES PA DE NYID YIN PAS RANG GI NGO BOS BSDUS PA YIN NO, ,CHOS DANG, RJES DANG, SDUG BSNGAL DANG, KUN 'BYUNG BA DANG, 'GOG PA DANG, LAM @242B SHES PA DRUG GI CHA YANG YIN TE, ZAD PA SHES PA NI BDAG GIS SDUG BSNGAL YONGS SU SHES SO ZHES BYA BA LA SOGS PA'I RNAM PA CAN GYI SHES PA'I RGYU MTHUN PA CAN YIN NO, ,DE LA 'DOD PA NA SPYOD PA'I SDUG BSNGAL LA SOGS PA LA DMIGS PA GANG YIN PA DE NI CHOS SHES PA'I NANG DU 'DUS SO, ,GZUGS DANG GZUGS MED PA NA SPYOD PA'I SDUG BSNGAL LA SOGS PA LA DMIGS PA GANG YIN PA DE NI RJES SU SHES PA'I NANG DU 'DUS SO, ,SDUG BSNGAL LA SOGS PA SO SO LA DMIGS PA GANG YIN PA DE NI SDUG BSNGAL SHES PA NAS LAM SHES PA'I BAR YIN NO, ,DE LTA BAS NA 'DIR DE DAG GI CHA DE LTA BU'I MTSAN NYID GANG YIN PA DE NI ZAD PA SHES PA YIN GYI GZHAN NI MA YIN PAS DRUG GI CHA YANG YIN ZHES BYA'O, ,MI SKYE BA SHES PA YANG DE DANG 'DRA BAR SHES PA BCU'I NANG NA SHES PA GCIG YIN TE, MI SKYE BA SHES PA DE NYID YIN NO, ,DRUG GI CHA YANG YIN TE, CHOS DANG RJES DANG SDUG BSNGAL DANG KUN 'BYUNG BA DANG 'GOG PA DANG LAM SHES PA DAG GI CHA BDAG GIS SDUG BSNGAL YONGS SU SHES TE YANG YONGS SU SHES PAR BYAR MED DO ZHES BYA BA LA SOGS PA'I RNAM PA CAN 'DOD PA DANG, GZUGS DANG GZUGS MED PA NA SPYOD PA'I SDUG BSNGAL LA SOGS PA LA DMIGS PA GANG YIN PA DE NI MI SKYE BA SHES PA YIN GYI, CHA GZHAN NI MA YIN PAS DRUG GI CHA YANG YIN ZHES BYA'O, ,RNAM PA RNAM PA SPYOD YUL DANG, ,ZHES BYA BA NI RNAM PA DANG, SPYOD YUL NI RNAM PA SPYOD YUL LO, ,RNAM PA DANG RNAM PA DANG SPYOD YUL NI RNAM PA RNAM PA SPYOD YUL TE, DE'I PHYIR RO, ,RANG BZHIN LAS NI KUN RDZOB SHES PA STE ZHES BYA BA NI RANG BZHIN LAS TE, NGO BO NYID KYI KUN RDZOB KYI SHES PA YIN NO, ,YANG NA KUN RDZOB LA SHES PAS NA KUN RDZOB SHES PA STE, DE CI'I PHYIR ZHE NA, DON DAM PA MI SHES PA'I PHYIR RO, ,CHOS SHES PA NI 'DOD PA'I KHAMS KYI GNYEN PO YIN[?] LA RJES SU SHES PA NI, KHAMS GONG MA'I GNYEN PO YIN TE, 'DI LTAR BSTAN BCOS LAS, CHOS SHES PA GANG ZHE NA, 'DOD PA DANG LDAN PA'I 'DU BYED RNAMS SHES PA ZAG PA MED PA GANG YIN PA DANG, 'DOD PA DANG LDAN PA'I 'DU BYED RNAMS KYI RGYU SHES PA ZAG PA MED PA GANG @243A *, ,YIN PA DANG, 'DOD PA DANG LDAN PA'I 'DU BYED RNAMS 'GOG PA SHES PA ZAG PA MED PA GANG YIN PA DANG, 'DOD PA DANG LDAN PA'I 'DU BYED RNAMS SPONG BAR 'GYUR BA'I LAM SHES PA ZAG PA MED PA GANG YIN PA 'DI NI CHOS SHES PA ZHES BYA'O, ,GZHAN YANG CHOS SHES PA DANG, CHOS SHES PA'I SA SHES PA ZAG PA MED PA GANG YIN PA DE NI CHOS SHES PA ZHES BYA'O, ,RJES SU SHES PA GANG ZHE NA, GZUGS DANG GZUGS MED PA DANG LDAN PA'I 'DU BYED RNAMS SHES PA ZAG PA MED PA GANG YIN PA DANG, GZUGS DANG GZUGS MED PA DANG LDAN PA'I 'DU BYED RNAMS KYI RGYU SHES PA ZAG PA MED PA GANG YIN PA DANG, GZUGS DANG GZUGS MED PA DANG LDAN PA'I 'DU BYED RNAMS 'GOG PA SHES PA ZAG PA MED PA GANG YIN PA DANG, GZUGS DANG GZUGS MED PA DANG LDAN PA'I 'DU BYED RNAMS SPONG BAR 'GYUR BA'I LAM SHES PA ZAG PA MED PA GANG YIN PA 'DI NI RJES SU SHES PA ZHES BYA'O, ,GZHAN YANG RJES SU SHES PA DANG[?], RJES SU SHES PA'I SA SHES PA ZAG PA MED PA GANG YIN PA 'DI NI RJES SU SHES PA ZHES BYA'O ZHES BYA BA LA SOGS PA BSHAD DO, ,RNAM PA LAS NI SDUG BSNGAL DANG KUN 'BYUNG BA SHES PA DAG CES BYA BA NI RNAM PA KHO NA LAS YIN GYI DE GNYIS NYE BAR LEN PA'I PHUNG PO LNGA'I MTSAN NYID DU KHYAD PAR MED PA'I PHYIR DMIGS PA LAS NI MA YIN TE, 'DI LTAR BSTAN BCOS LAS, SDUG BSNGAL SHES PA GANG ZHE NA, NYE BAR LEN PA'I PHUNG PO LNGA LA MI RTAG PA DANG, SDUG BSNGAL BA DANG, STONG PA DANG BDAG MED PAR YID LA BYED PA'I SHES PA ZAG PA MED PA GANG YIN PA'O, ,KUN 'BYUNG BA SHES PA GANG ZHE NA, ZAG PA DANG BCAS PA'I RGYU LA RGYU DANG, KUN 'BYUNG BA DANG, RAB TU SKYE BA DANG, RKYEN NYID DU YID LA BYED PA'I SHES PA ZAG PA MED PA GANG YIN PA STE, 'DI NI KUN 'BYUNG BA SHES PA ZHES BYA'O ZHES BSHAD DO, ,RNAM PA DANG DMIGS PA LAS NI 'GOG PA DANG LAM SHES PA DAG CES BYA BA NI 'GOG PA DANG, LAM SHES PA DAG NI RNAM PA DANG DMIGS PA LAS RNAM PAR GZHAG STE, 'DI LTAR BSTAN BCOS LAS, 'GOG PA SHES PA GANG ZHE NA 'GOG PA LA 'GOG PA DANG, ZHI BA DANG, GYA NOM PA DANG, @243B NGES PAR 'BYUNG BA'I YID LA BYED PA'I SHES PA ZAG PA MED PA GANG YIN PA STE, 'DI NI 'GOG PA SHES PA ZHES BYA'O, ,LAM SHES PA GANG ZHE NA, LAM LA LAM DANG, RIGS PA DANG, SGRUB PA DANG, NGES PAR 'BYIN PAR YID LA BYED PA'I SHES PA ZAG PA MED PA GANG YIN PA STE, 'DI NI LAM SHES PA ZHES BYA'O ZHES BSHAD DO, ,DANG PO NYID DU ZHES BYA BA SMOS PA NI MI SKYE BA SHES PA LAS KHYAD PAR DU BYA BA'I PHYIR TE, DE YANG BYA BA BYAS PA'I RGYUD LA NI SKYE'O, ,ZAG PA MED PA'I SHES PA THAMS CAD KYI RGYU CAN YIN PA'I PHYIR RO ZHES BYA BA NI SHES PA BCU SNGAR SKYED PA'I DBANG DU BYAS TE MI SKYE BA SHES PA NI SKAL BA MNYAM PA'I RGYUS ZAG PA MED PA THAMS CAD KYI RGYU CAN YIN NO, ,ZAD PA SHES PA NI ZAG PA MED PA THAMS CAD KYI RGYU CAN MA YIN TE, MI SKYE BA SHES PA KHYAD PAR DU 'PHAGS PA'I PHYIR RGYU MA YIN NO, ,THAMS CAD KYI GNYEN PO THAMS CAD YIN PA'I PHYIR ZHES BYA BA NI 'DOD PA'I KHAMS MTHONG BA DANG BSGOM PAS SPANG BAR BYAS PAS BSDUS PA RNAM PA LNGA PO THAMS CAD KYI GNYEN PO CHOS SHES PA MTHONG BA DANG BSGOM PA'I LAM GYIS BSDUS PA'I PHAGS PA'I BDEN PA BZHI LA DMIGS PA THAMS CAD YIN PAS CHOS SHES PA 'DOD PA'I KHAMS KHO NA'I GNYEN PO YIN NO ZHES BSHAD MOD KYI, 'ON KYANG CHOS SHES PA GZUGS DANG GZUGS MED PA'I KHAMS DAG GI GNYEN PO YANG YOD PA SRID DO, ,DE GANG ZHE NA, 'GOG PA DANG LAM LA CHOS SHES PA GANG YIN PA STE, 'GOG PA DANG LAM DAG NI, KHAMS SU GTOGS PA MA YIN PAS DE DAG NI 'OG MA YANG DMAN PAR RNAM PAR MI GZHAG GO, ,SDUG BSNGAL DANG KUN 'BYUNG BA'I BDEN PA DAG NI SA 'OG MA DMAN PA YIN PAS DE DAG LA DMIGS PA'I CHOS SHES PA NI GZUGS DANG GZUGS MED PA'I KHAMS KYI GNYEN PO MA YIN NO ZHES BYA BAR KHONG DU CHUD PAR BYA'O, ,BSGOM PA'I LAM LA ZHES BYA BA SMOS PA NI GZUGS DANG GZUGS MED PA NA SPYOD PA'I MTHONG BAS SPANG BAR BYA BA RNAMS NI RJES SU SHES PA'I BZOD PAS GZHOM PAR BYA BA YIN NO, ,'O NA RJES SU SHES PA 'GOG PA DANG LAM LA DMIGS PA BSGOM PA'I LAM GYIS BSDUS PA CI'I PHYIR KHAMS GSUM GYI @244A *, ,GNYEN PO MA YIN ZHE NA, 'DOD PA'I KHAMS LAS RGYAL ZIN PA'I PHYIR TE, CHOS SHES PA KHO NAS 'DOD PA'I KHAMS LAS SNGAR RGYAL BAR GYUR NAS DE'I 'OG TU RJES SU SHES PA SKYE BAS DE'I PHYIR 'DOD PA'I KHAMS LAS RGYAL ZIN PAS DE NI 'DOD PA'I KHAMS KYI GNYEN PO MA YIN GYI, CHOS SHES PA NI GZUGS DANG GZUGS MED PA'I KHAMS DAG LAS MA RGYAL BA'I PHYIR GNYEN PO YIN PAR RUNG NGO, ,RJES SU SHES PA NI RNAM PA THAMS CAD DU ZHES BYA BA NI BSGOM PA'I LAM GYIS BSDUS PA YANG ZHES BYA BA YIN NO, ,DE DAG NI 'OG NAS ZHES BYA BA NI MI RTAG PA LA SOGS PA'I RNAM PA DE DAG NI 'OG NAS BSHAD PAR BYA'O, ,RNAM PA BCU DRUG CES BYA BA NI DRO BAR GYUR PA LA SOGS PA NA'O, ,RANG DANG SPYI'I MTSAN NYID LA SOGS PA 'DZIN PA'I PHYIR RO ZHES BYA BA NI RANG GI MTSAN NYID DANG SPYI'I MTSAN NYID 'DZIN PA'I PHYIR RO, ,SOGS PA ZHES BYA BA'I SGRAS NI ZO SHIG ,'DUG SHIG SONG SHIG CES BYA BA LA SOGS PA BSDU STE, 'DI DAG NI RANG GI MTSAN NYID KYI RNAM PA YANG MA YIN LA, SPYI'I MTSAN NYID KYI RNAM PA YANG MA YIN NO, ,'O NA CI ZHE NA, DE LTA BU RNAM PA DAG KHO NA YIN NO, ,GNYI GA YANG ZHES BYA BA NI ZAG PA DANG BCAS PA DANG ZAG PA MED PA'O, ,'O NA ZHES BYA BA RGYAS PAR 'BYUNG BA NI 'DOD CHAGS DANG SEMS CIG CAR 'DZIN TO SNYAM DU BSAMS PA YIN TE, MDO LAS 'DI SKAD DU, 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS SO ZHES BYA BAR YANG DAG PA JI LTA BA BZHIN RAB TU SHES SO, ,'DOD CHAGS DANG BRAL BA'I SEMS LA 'DOD CHAGS DANG BRAL BA'I SEMS SO ZHES BYA BAR YANG DAG PA JI LTA BA BZHIN RAB TU SHES SO, ,'DOD CHAGS DANG BCAS PA DANG 'DOD CHAGS DANG BRAL BA JI LTA BA BZHIN DU ZHE SDANG DANG BCAS PA DANG ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG; KUN DU BSDUS PA DANG, RNAM PAR G-YENGS PA DANG, ZHUM PA DANG, RAB TU GZUNG BA DANG, CHUNG NGU DANG CHEN POR GYUR PA DANG, NYE BAR MA ZHI PA DANG, NYE BAR ZHI BA DANG, RGOD PA DANG, RGOD PA[?] MA YIN PA DANG, MNYAM PAR MA BZHAG PA DANG, MNYAM PAR BZHAG PA DANG, @244B MA BSGOMS PA DANG, BSGOMS PA DANG, RNAM PAR MA GROL BA DANG, RNAM PAR GROL BA'O ZHES BYA BAR YANG DAG PA JI LTA BA BZHIN RAB TU SHES SO ZHES 'BYUNG NGO, ,GOS DANG DRI MA CIG CAR MI 'DZIN PA BZHIN NO ZHES BYA BA NI JI LTAR GOS DANG DRI MA DAG CIG CAR MI 'DZIN PA DE 'DRA'O, ,JI LTA ZHE NA, GANG GI TSE RNAM PAR SHES PA GOS SO SNYAM DU YONGS SU GCOD PA'I RNAM PA CAN DU SKYE BA DE'I TSE DRI MA MI 'DZIN LA, GANG GI TSE RNAM PAR SHES PA DRI MA'O SNYAM DU YONGS SU GCOD PA'I RNAM PA CAN DU SKYE BA DE'I TSE GOS MI 'DZIN TO, ,'DRES PA'I 'DOD CHAGS DANG BCAS PA NYID DANG, LDAN PA'I 'DOD CHAGS DANG BCAS PA NYID DO ZHES BYA BA LA, 'DRES PA'I 'DOD CHAGS DANG BCAS PA NYID NI 'DOD CHAGS DANG MTSUNGS PAR LDAN PA'I PHYIR RO, ,LDAN PA'I 'DOD CHAGS DANG BCAS PA NYID NI, KHA CIG NA RE 'DOD CHAGS KYI THOB PA DANG 'BREL PA'I PHYIR RO ZHES ZER RO, ,GZHAN DAG NA RE 'DOD CHAGS RGYAS PAR 'GYUR PA'I DMIGS PA YIN PA'I PHYIR RO ZHES ZER RO, ,GNYIS KYIS ZHES BYA BA NI 'DRES PA'I 'DOD CHAGS DANG BCAS PA NYID DANG, LDAN PA'I 'DOD CHAGS DANG BCAS PA NYID KYIS ZHES BYA BA'I THA TSIG GO, ,DE LAS GZHAN PA ZAG PA DANG BCAS PA ZHES BYA BA NI NYON MONGS PA CAN DANG, LUNG DU MA BSTAN PA DANG, 'JIG RTEN PA'I DGE BA GANG YIN PA DE NI LDAN PA'I 'DOD CHAGS DANG BCAS PAS 'DOD CHAGS DANG BCAS PA YIN TE, DE LTAR NA 'DI GNYI GA YANG 'DOD CHAGS DANG BCAS PA KHO NAR BSHAD PA YIN NO, ,SMRAS PA CI'I PHYIR LA LA'I GZHUNG LUGS KYIS 'DOD CHAGS KYI GNYEN PO NI 'DOD CHAGS DANG BRAL BA YIN NO ZHES ZER NA, 'DI LTAR DE DAG NA RE GAL TE 'DOD CHAGS DANG MTSUNGS PAR MI LDAN PA 'DOD CHAGS DANG BRAL BA YIN NA NI NYON MONGS PA GZHAN DANG MTSUNGS PAR LDAN PA STE, ZHE SDANG LA SOGS PA DANG MTSUNGS PAR LDAN PA YANG 'DOD CHAGS DANG BRAL BA YIN PAR 'GYUR BA ZHIG NA, 'DOD CHAGS DANG MTSUNGS PAR MI LDAN PA DE YANG 'DOD CHAGS DANG BCAS PA YIN TE, MDO LAS ZHE SDANG LA SOGS PA DANG MTSUNGS PAR LDAN PA LA 'DOD CHAGS DANG BRAL BA ZHES NI MA BSHAD DE, @245A *, ,ZHE SDANG DANG BCAS PA DANG, GTI MUG DANG BCAS PA ZHES BYA BA LA SOGS PA 'BYUNG BA'I PHYIR RO, ,GANG DAG GI LTAR NA 'DOD CHAGS KYI GNYEN PO NI 'DOD CHAGS DANG BRAL BA YIN NO ZHES BYA BA DE DAG GI LTAR NA NI 'DI NYES PA MED DE, 'DOD CHAGS KYI GNYEN PO NI ZHE SDANG LA SOGS PA DANG MTSUNGS PAR LDAN PA MA YIN NO ZHES ZER RO, ,GZHAN DAG NA RE ZHES BYA BA NI CHOS MNGON PA PA DAG GO, ,DE LTA NA NI 'O NA ZHES BYA BA RGYAS PAR 'BYUNG BA NI GAL TE 'DOD CHAGS DANG MTSUNGS PAR LDAN PA'I SEMS NI 'DOD CHAGS DANG BCAS PA YIN LA, 'DOD CHAGS KYI GNYEN PO NI 'DOD CHAGS DANG BRAL BA YIN NA DE'I GNYEN PO MA YIN PA 'DOD CHAGS DANG BCAS PA'I SEMS KYI GNYEN PO MA YIN PA'I SEMS NYON MONGS PA CAN MA YIN PA MA BSGRIBS LA LUNG DU MA BSTAN PA NI 'DOD CHAGS DANG MTSUNGS PAR MI LDAN PA'I PHYIR 'DOD CHAGS DANG BCAS PA YANG MA YIN LA, 'DOD CHAGS KYI GNYEN PO MA YIN PA'I PHYIR 'DOD CHAGS DANG BRAL BA YANG MA YIN NO, ,DE LTA BU LA SOGS PA ZHES BYA BA'I SGRAS NI ZHE SDANG DANG BCAS PA DANG, GTI MUG DANG BCAS PA ZHES BYA BA YANG 'DRA BAR THAL BAR 'GYUR BAR SBYAR BAR BYA'O, ,JI LTA ZHE NA, KHA CIG NA RE MDO 'DIR NI ZHE SDANG DANG MTSUNGS PAR LDAN PA'I SEMS NI ZHE SDANG DANG BCAS PA YIN LA, ZHE SDANG GI GNYEN PO NI ZHE SDANG DANG BRAL BAR BSHAD PA YIN TE, GAL TE ZHE SDANG DANG MTSUNGS PAR MI LDAN PA ZHE SDANG DANG BRAL BA YIN NA NI NYON MONGS PA GZHAN DANG MTSUNGS PAR LDAN PA YANG YIN PAR 'GYUR RO ZHES ZER RO, ,GZHAN DAG NA RE DE LTA NA NI 'O NA DE'I GNYEN PO MA YIN PA'I SEMS NYON MONGS PA CAN MA YIN PA ZHE SDANG DANG BCAS PA MA YIN LA, ZHE SDANG DANG BRAL BA YANG MA YIN ZHES BYA BA DANG, DE BZHIN DU GTI MUG DANG BCAS PA'I SEMS KYANG BRJOD PAR BYA'O, ,DE LTA BAS NA 'DIR 'DOD CHAGS DANG LDAN PAS KYANG 'DOD CHAGS DANG BCAS PA'I SEMS SU 'DOD PAR BYA'O, ,KYANG ZHES BYA BA'I SGRAS NI 'DOD CHAGS DANG MTSUNGS PAR LDAN PAS KYANG ZHES BYA BA YIN NO, ,GTI MUG DANG BCAS PA DANG, GTI MUG DANG BRAL BA'I BAR DU YANG DE DANG 'DRA BAR SHES PAR BYA'O ZHES @245B BYA BA NI DE LTA BAS NA MDO 'DIR ZHE SDANG DANG LDAN PAS KYANG ZHE SDANG DANG BCAS PA DANG, GTI MUG DANG LDAN PAS KYANG GTI MUG DANG BCAS PAR 'DOD PAR BYA'O ZHES BYA BA YIN NO, ,DMIGS PA LA MNGON PAR SDUD PA'I PHYIR ZHES BYA BA NI DGE BA'I SEMS NI RNAM PAR G-YENG BA DANG MTSUNGS PAR MI LDAN TE, DE LTA BAS NA DE'I DMIGS PA LA DE MNGON PAR SDUD PAS KUN DU BSDUS PA YIN NO, ,NYON MONGS PA CAN GYI GNYID DANG MTSUNGS PAR LDAN PA'I PHYIR ZHES BYA BA NI GNYID NI RNAM PA GNYIS TE, NYON MONGS PA CAN DANG, NYON MONGS PA CAN MA YIN PA'O, ,SEMS DE NYID NYON MONGS PA CAN GYI GNYID DANG MTSUNGS PAR LDAN PA'I PHYIR BSDUS PA YANG YIN LA, NYON MONGS PA CAN YIN PA'I PHYIR RNAM PAR G-YENG BA YANG YIN BAR 'GYUR BAR 'CHOL BA'I SKYON DU 'GYUR RO, ,BSTAN BCOS DANG 'GAL BAR YANG 'GYUR RO ZHES BYA BA JI LTA ZHE NA, SEMS KUN DU BSDUS PA YANG DAG PA JI LTA BA BZHIN RAB TU SHES SO ZHES RGYAS PAR JI SKAD DU 'GREL PA'I NAD DU BRIS PA LTA BU YIN NO, ,DE DAG LAS RE ZHIG RJES SU SHES PA NI KUN DU BSDUS PA'I SEMS LA DMIGS PA MA YIN TE, 'DOD PA'I KHAMS LAS YAN CHAD NA GNYID MED PA'I PHYIR DANG, RJES SU SHES PA YANG 'DOD PA'I KHAMS LA MI DMIGS PA'I PHYIR RO, ,LAM LA SHES PA YANG KUN DU BSDUS PA LA DMIGS PAR MI SRID DE, LAM SHES PA NI LAM LA DMIGS PA YIN LA LAM GYIS BSDUS PA'I SEMS KYANG GNYID DANG MTSUNGS PAR MI LDAN PAS SO, ,DES NA 'DI SKAD DU DE SHES PA'I SHES PA NI GNYIS TE, CHOS SHES PA DANG, KUN RDZOB SHES PA'O ZHES BRJOD DGOS PAR 'GYUR RO, ,GANG DAG NA RE KUN DU BSDUS PA'I SHES PA NI DMIGS PA LA MNGON PAR SDUD PA'I PHYIR DGE BA YIN NO ZHES ZER BA DE DAG GI LTAR NA NYES PA 'DI GNYIS SU MI 'GYUR TE, DE NI NYON MONGS PA CAN GYI GNYID DANG MTSUNGS PAR MI LDAN PAS BSDUS PA YANG YIN LA, RNAM PAR G-YENGS PA YANG YIN PAR MI 'GYUR RO, ,BSTAN BCOS DANG 'GAL BA YANG MED DE, KUN DU BSDUS BA'I SEMS DGE BA NI KHAMS GSUM GYIS BSDUS PA DANG MA BSDUS PA YIN PAS DE SHES PA'I SHES PA NI BZHI ZHES BYA BA 'GRUB STE, GZUGS DANG @246A *, ,GZUGS MED PA'I SEMS DGE BA LA DMIGS PA ZAG PA MED PA'I SHES PA NI RJES SU SHES PA YIN LA, LAM GYIS BSDUS PA'I SEMS DGE BA LA DMIGS PA NI LAM SHES PA YANG YIN NO, ,RNAM PAR BYAD BA CHUNG NGU DAG GIS BSTEN PA'I PHYIR ZHES BYA BA NI DGE BA CHUNG NGU DAG GIS BSTEN PA'I PHYIR ZHES BYA BA'I THA TSIG GO, ,DE LAS BZLOG PA YIN PA'I PHYIR ZHES BYA BA NI RNAM PAR BYANG BA CHEN PO DAG GIS BSTEN PA'I PHYIR ZHES BYA BA'I DON TO, ,RTZA BA DANG RIN DANG ZHES BYA BA RGYAS PAR 'BYUNG BA NI RTZA BA LA SOGS PA STOB SA LA THUG PA RNAMS RE RE ZHING CHUNG BA DANG CHE BA NYID YIN TE, RTZA BA NYUNG BA DANG MANG BA'I PHYIR GO RIMS BZHIN DU CHUNG NGU DANG CHEN POR GYUR PA YIN PAR RIG PAR BYA'O, ,JI LTA ZHE NA, SMRAS PA NYON MONGS PA CAN MI DGE BA'I RTZA BA GNYIS PA GTI MUG DANG CHAGS PA DANG ZHE SDANG DAG LAS GANG YANG RUNG BA ZHIG GIS RTZA BA DANG BCAS PA YIN TE, TSOGS PA GCIG LA DE GNYIS 'DU BA MED PA'I PHYIR RO, ,DGE BA NI DGE BA'I RTZA BA GSUM PO MA CHAGS PA DANG, ZHE SDANG MED PA DANG GTI MUG MED PA DAG GIS TE, 'DI RNAMS NI MED NA MI 'BYUNG BA'I PHYIR RO, ,DE DANG 'DRA BA MA 'ONGS PA THOB PA MED PA'I PHYIR ZHES BYA BA NI LUGS KYI DGE BA'I CHOS 'DUS BYAS DAG 'THOB PAR 'GYUR RO ZHES BYA BA YIN PAS NYON MONGS PA CAN DANG 'DRA BA MA 'ONGS PA THOB CING RNYED PA NI MED PA'I PHYIR RO, ,PHUNG PO GSUM GYIS RJES SU 'BRANG BA DANG BCAS PA YIN NO ZHES BYA BA NI TSOR BA DANG, 'DU SHES DANG, 'DU BYED KYI PHUNG PO RNAMS SO, ,RNAM PAR SHES PA'I PHUNG POS NI MA YIN TE, TSOGS PA GCIG LA RNAM PAR SHES PA GNYIS PA MED PA DANG, BDAG NYID KYIS BDAG NYID LA BYED PA YANG 'GAL BA'I PHYIR RO, ,DGE BA NI DE DANG 'DRA BA MA 'ONGS PA THOB PA YOD PA'I PHYIR 'KHOR BA MANG BA YIN LA, PHUNG PO BZHI PO TSOR BA LA SOGS PA GSUM PO DE DAG GZUGS KYI PHUNG PO BSAM GTAN DANG, ZAG PA MED PA'I SDOM PAS BSDUS PA, SEMS KYI RJES SU 'BRANG BAS CI RIGS PAR RJES SU 'BRANG BA DANG BCAS PA YIN NO, ,YANG NYON MONGS PA CAN NI STOBS CHUNG BA YIN NO ZHES BYA BA DGE BA YANG LOG @246B BAR LTA BA'I SKAD CIG MA GCIG GIS DGE BA'I PHUNG PO LNGA 'JOMS PA'I PHYIR, STOBS CHUNG BA MA YIN NAM ZHE NA, DE NI GTAN DU 'CHAD PA MA YIN TE, YANG MTSAMS SBYOR BA'I PHYIR RO, ,SDUG BSNGAL LA CHOS SHES PA'I BZOD PAS NI PHRA RGYAS BCU PO GTAN DU GCOD DO, ,DE'I PHYIR YANG ZHES BYA BA LA, YANG ZHES BYA BA'I SGRAS NI SNGAR BSHAD PA'I PHYIR YANG ZHES BYA BA YIN NO, ,DE'I GNYEN PO YIN PA'I PHYIR ZHES BYA BA NI RGOD PA'I GNYEN PO YIN PA'I PHYIR RO ZHES BYA BA'I THA TSIG GO, ,RNAM PAR MA ZHI BA DANG, RNAM PAR ZHI BA YANG DE DANG 'DRA'O ZHES BYA BA NI RNAM PAR MA ZHI PA NI RGOD PA DANG MTSUNGS PAR LDAN PA'I PHYIR NYON MONGS PA CAN YIN LA, RNAM PAR ZHI BA NI DE'I GNYEN PO YIN PA'I PHYIR DGE BA YIN NO, ,YANG NA DE NI NYON MONGS PA DANG MTSUNGS PAR LDAN PA DANG MTSUNGS PAR MI LDAN PA'I SGO NAS NYE BAR ZHI[?] BA DANG NYE BAR ZHI PA YIN NO, ,MNYAM PAR GZHAG PA NI DE'I GNYEN PO YIN PA'I PHYIR DGE BA YIN NO ZHES BYA BA NI RNAM PAR G-YENG BA'I GNYEN PO YIN PA'I PHYIR RO, ,'THOB PA DANG BSTEN PA'I BSGOM PA DAG GIS ZHES BYA BA NI SNGON MA THOB PA LAS 'THOB PA NI 'THOB BA'O, ,MNGON DU BYED PA NI BSTEN PA'O, ,DE DAG NYID BSGOM PA YIN TE, MA BSGOMS PA NI DE DAG GIS MA BSGOMS PA'I PHYIR RO, ,NYON MONGS PA CAN NI DGE BA BZHIN DU MA 'ONGS PA THOB PA YANG MED LA, DMAN PA'I PHYIR BSTEN PAR 'OS PA YANG MA YIN TE, 'THOB DANG BSTEN CES BYA BA NI DGE BA 'DUS BYAS 'THOB PA'O ZHES 'BYUNG NGO, ,DE GNYIS KYIS ZHES BYA BA NI 'THOB PA DANG BSTEN PA'I BSGOM PA DAG GIS ZHES BYA BA'I THA TSIG GO, ,RANG BZHIN DANG RGYUD RNAM PAR GROL BA DAG GIS RNAM PAR MA GROL BA'I PHYIR ZHES BYA BA NI NYON MONGS PA DAG DANG MTSUNGS PAR LDAN PA'I PHYIR RANG BZHIN RNAM PAR GROL BAS KYANG RNAM PAR GROL BA MA YIN LA, NYON MONGS PA ZAD PA'I RGYUD LA MI SKYE BA'I PHYIR RGYUD RNAM PAR GROL BAS KYANG RNAM PAR GROL BA MA YIN NO, ,RNAM PAR GROL BA NI NYON MONGS PA DANG MTSUNGS PAR MI LDAN PA'I PHYIR DANG, NYON MONGS PA ZAD PA'I RGYUD LA SKYE BA'I PHYIR DGE BA YIN NO, ,RMUGS PA DAD GNYID DANG LHAN CIG @247A *, ,PAR GYUR ZHES BYA BA NI RMUGS PA DANG GNYID DANG MTSUNGS PAR LDAN PA'O, ,LHAG MTHONG DANG MTSUNGS PAR MI LDAN PA ZHES BYA BA NI NANG DU KUN DU 'GOG PA DANG LHAN CIG PAR GYUR ZHES BYA BA DE KHO NA STON PAR BYED PA YIN NO, ,RNAM PAR 'PHROS PA ZHES BYA BA NI RJES SU G-YENGS PA ZHES BYA BA 'DI'I BSHAD PA YIN NO, ,NYON MONGS PA CAN GYI GNYID DANG LHAN CIG PAR GYUR BA RNAM PAR G-YENGS PA NYID DU DAM MA BCAS PA'I PHYIR RO ZHES BYA BA CI'I PHYIR 'DI LA RNAM PAR G-YENGS PA NYID DU YIN PAR DAM MI 'CHA', CI NYON MONGS PA CAN GYI SEMS GNYID DANG LHAN CIG PAR GYUR PA LA RNAM PAR G-YENGS BA NYID MED PAS DAM MI 'CHA' 'AM 'ON TE 'DI LA RNAM PAR G-YENGS BA NYID YOD MOD KYI KUN DU BSDUS PA NYID DU RNAM PAR GZHAG PA'I PHYIR DAM MI 'CHA' ZHE NA, GNYI GAR YANG 'CHAD DE KHA CIG NA RE NYON MONGS PA CAN GNYID DANG LHAN CIG PAR GYUR PA LAS GZHAN PA'I NYON MONGS PA CAN GANG YIN PA DE NI RNAM PAR G-YENGS PA YIN LA, GNYID DANG LHAN CIG PAR GYUR PA NI NYON MONGS PA CAN MA YIN PAR KHYAD PAR MED PAR KUN DU BSDUS PA YIN PAR DAM 'CHA'O ZHES ZER RO, ,GZHAN DAG NA RE GNYID DANG MTSUNGS PAR LDAN PA GANG YIN PA DE NI KUN DU BSDUS PA KHO NA YIN GYI RNAM PAR G-YENGS PA NI MA YIN TE, RNAM PAR G-YENGS PA NI YUL RNAMS LA RNAM PAR 'PHROS PA GANG YIN PA DE KHO NA YIN NO, ,DE'I PHYIR 'DIR GNYID DANG MTSUNGS PAR LDAN PA'I SEMS LA DAM MI 'CHA'O ZHES ZER RO, ,BSTAN BCOS DANG 'GAL BA NI BLA'I ZHES BYA BA NI BSTAN BCOS CHOS MNGON PA SANGS RGYAS KYIS GSUNGS PA MA YIN NO SNYAM DU BSAMS PA YIN NO, ,MTSAN NYID KYANG THA MI DAD PAR BSHAD PA'I PHYIR ZHES BYA BA NI DE DAG THAMS CAD NYON MONGS PA CAN DU BSHAD PAS RNAM PAR G-YENGS PA LA SOGS PA NAS RNAM PAR MA GROL BA LA THUG PA 'DI DAG GI MTSAN NYID NYON MONGS BA CAN NYID DU KHYAD PAR MED DE, NYON MONGS PA CAN NYID NI NYON MONGS BA'I SA MANG PO DAG DANG MTSUNGS PAR LDAN PA'I PHYIR RO, ,KUN DU BSDUS PA DANG, RAB TU GZUNG BA LA SOGS PA'I MTSAN NYID KYANG THA MI DAD PAR BSHAD PA'I PHYIR DON GYI KHYAD PAR @247B YANG MA BSHAD PA YIN NO ZHES BYA BAR SBYAR RO, ,SOGS PA ZHES BYA BA'I SGRAS NI CHEN PO DANG, RGOD PA MA YIN PA DANG, RNAM PAR ZHI BA DANG, MNYAM PAR BZHAG PA DANG, BSGOMS PA DANG, RNAM PAR GROL BA RNAMS BSDUS TE, 'DI DAG NI DGE BA NYID DU KHYAD PAR MED DO, ,DGE BA NYID GANG YIN ZHE NA, DGE BA'I SA MANG PO PA NGAG DANG MTSUNGS PAR LDAN PA'I PHYIR RO, ,MA BSHAD PA MA YIN PA NYID DE ZHES BYA BA LA, NYID CES BYA BA NI TSIG GI PHRAD DO, ,MA BSHAD PA MA YIN ZHES DGAG PA GNYIS SMOS PA NI BSHAD PA[?] KHO NA ZHES BYA BA'I THA TSIG GO, ,CI ZHIG BSHAD CE NA, TSIG RNAMS KYI DON GYI KHYAD PAR RO, ,JI LTAR ZHE NA, SMRAS PA, RNAM PAR G-YENGS PA LA SOGS PA NYON MONGS PA CAN DU MTSUNGS SHING NYON MONGS PA CAN NYID DU 'DRA YANG 'DI LTAR SEMS NYON MONGS PA CAN 'DI NI RNAM PAR G-YENGS BA DANG LDAN PA'I PHYIR RNAM PAR G-YENGS PA NYID YIN NO,, NYON MONGS PA CAN GYI LE LO DANG LDAN PA'I PHYIR ZHUM PA YIN NO, ,RGOD PA DANG LDAN PA'I PHYIR RGOD PA YIN NO ZHES BYA BA DE LTA BU LA SOGS PA NYES PA'I KHYAD PAR BSTAN PAS DE DAG GI NYES PA'I KHYAD PAR YANG DAG PAR BSTAN PA'I PHYIR DON GYI KHYAD PAR BSHAD PA KHO NA YIN NO, ,DE BZHIN DU KUN DU BSDUS PA LA SOGS PA DGE BA'I YANG 'DI LTAR SEMS DGE BA 'DI NI KUN DU BSDUS PA YIN NO, ,RAB TU BZUNG BA YIN NO ZHES BYA BA RGYAS PAR YON TAN GYI KHYAD PAR YANG DAG BAR BSTAN PAS DON GYI KHYAD PAR BSHAD PA KHO NA YIN NO, ,MDO DANG 'GAL BA MA SPANGS PA'I PHYIR ZHES BYA BA NI MDO LAS NI KUN DU BSDUS PA NI RMUGS PA DANG, GNYID DANG LHAN CIG PAR GYUR PA YIN NO ZHES 'BYUNG STE, RMUGS PA DANG LDAN PAS NYON MONGS PA CAN GYI GNYID DANG MTSUNGS PAR LDAN PA GANG YIN PA DE NI KUN DU BSDUS PA YIN GYI, DGE BA NI MA YIN TE, RMUGS PA NI NYON MONGS PA'I SA MANG PO PA YIN PA'I PHYIR RO, ,GAL TE MDO LAS ZHES BYA BA RGYAS PAR 'BYUNG BA NI GAL TE MDO LAS KHYED KYI LUGS LTAR BCOM LDAN 'DAS KYIS ZHUM PA NYID RGOD PA YIN PAR DGONGS PAR GYUR NA NI, ZHUM PA DANG RGOD PA DAG THA DAD PAR[?] GSUNGS PA NYID DU MI 'GYUR RO, ,JI LTA ZHE NA, @248A *, ,SMRAS PA, GANG GI TSE SEMS ZHUM PA STE LE LO DANG MTSUNGS PAR LDAN PA DANG, ZHUM PAR DOGS PA STE 'DI NI ZHUM PAR 'GYUR RO ZHES BYA BAR DOGS PA NI ZHUM PAR DOGS PA'O, ,DE'I TSE SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG RNAMS BSGOM PA NI DUS MA YIN NO ZHES BYA BA NGES PAR 'DIR MI 'GYUR GYI 'DI SKAD DU DE'I TSE CHOS RAB TU RNAM PAR 'BYED PA DANG, BRTZON 'GRUS DANG, DGA' BA YANG DAG BYANG CHUB KYI YAN LAG RNAMS BSGOM PA'I DUS KYANG MA YIN NO ZHES BRJOD DGOS PAR 'GYUR RO, ,CI'I PHYIR ZHE NA, SEMS ZHUM PA DE NYID RGOD PA YIN PA'I PHYIR RO, ,DE BZHIN DU SEMS RGOD PA DANG RGOD PAR DOGS PA DE'I TSE CHOS RAB TU RNAM PAR 'BYED PA DANG, BRTZON 'GRUS DANG, DGA' BA YANG DAG BYANG CHUB KYI YAN LAG RNAMS BSGOM PA'I DUS MA YIN NO ZHES BYA BA'I NGES PA 'DIR MI 'GYUR GYI 'DI SKAD DU DE'I TSE SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG RNAMS BSGOM PA'I DUS KYANG MA YIN NO ZHES BRJOD DGOS PAR 'GYUR RO, ,CI'I PHYIR ZHE NA, SEMS RGOD PA DE NYID ZHUM PA MA YIN PA'I PHYIR RO, ,YANG NA BYE BRAG MED PAR GANG GI TSE SEMS ZHUM PA DANG ZHUM PAR DOGS PA'AM, RGOD PA DANG RGOD PAR DOGS PA DE'I TSE SHIN TU SPBYANGS PA DANG, TING NGE 'DZIN DANG, BTANG SNYOMS DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA YANG DAG BYANG CHUB KYI YAN LAG RNAMS BSGOM PA'I DUS MA YIN NO ZHES BRJOD DGOS PAR 'GYUR RO, ,DRAN PA YANG DAG BYANG CHUB KYI YAN LAG MA SMOS PA NI DRAN PA NI KUN DU 'GRO BA YIN PA'I PHYIR SEMS GNYI GA LA MA BSHAD KYANG GRUB PA'I PHYIR TE, MDO LAS, DRAN PA NI KUN DU SONG BA YIN NO ZHES DA SMRA'O ZHES 'BYUNG BA'I PHYIR RO, ,YANG JI LTAR NA BYE BRAG TU SMRA BA ZHUM PA GANG YIN PA DE NYID RGOD PA YIN NO ZHES BYA BAR 'DOD PAR MNGON ZHE NA, SEMS ZHUM PA NI LE LO DANG MTSUNGS PAR LDAN PA'I PHYIR NYON MONGS PA CAN YIN NO, ,SEMS RGOD PA NI RGOD PA DANG @248B MTSUNGS PAR LDAN PA'I PHYIR NYON MONGS PA CAN YIN NO ZHES 'BYUNG BA'I PHYIR RO, ,CI 'DI LA BYANG CHUB KYI YAN LAG RNAMS SO SOR BSGOM MAM ZHES BYA BA NI GAL TE RES 'GA' SHIN TU SBYANGS PA LA SOGS PA BSGOM PA KHO NA YIN LA, CHOS RAB TU RNAM PAR 'BYED PA LA SOGS PA BSGOM PA MA YIN PA'AM, RES 'GA' CHOS RAB TU RNAM PAR 'BYED PA LA SOGS PA BSGOM PA KHO NA YIN GYI SHIN TU SBYANGS PA LA SOGS PA BSGOM PA MA YIN NA SO SOR BSGOM PA YIN NO, ,'DI DAG YID LA BYED PA BSGOM PA YIN PAR 'DOD KYI MNGON SUM DU 'GYUR BA NI MA YIN NO ZHES BYA BA LA, YID LA BYED PA NI DMIGS PAR BYED PA STE, SEMS ZHUM PA'I TSE SHIN TU SBYANGS PA LA SOGS PA LA DMIGS PAR BYA ZHING GTAD PAR BYA BA'I DUS MA YIN LA, SEMS RGOD PA'I TSE CHOS RAB TU RNAM PAR 'BYED PA LA SOGS PA DMIGS PAR BYA BA'I DUS MA YIN NO ZHES BYA BA'I DON YIN GYI, DE'I TSE SHIN TU SBYANGS BA LA SOGS PA MNGON DU MI BYA BA'I CHOS RAB TU RNAM PAR 'BYED PA LA SOGS PA NI MNGON DU BYA'O ZHES BYA BA'AM, CHOS RAB TU RNAM PAR 'BYED PA LA SOGS PA MNGON DU BYA'I SHIN TU SBYANGS PA LA SOGS PA NI MA YIN NO ZHES BYA BA LTA BUR MNGON SUM DU 'GYUR BA'I BSGOM PA YIN PAR NI MI 'DOD DO, ,'DI LAS LE LO LHAG PA'I SEMS ZHES BYA BA RGYAS PAR 'BYUNG BA NI GANG LE LO LHAG CING SHAS CHE LA RGOD PA NI BAG LA ZHA BAR 'DUG PA DE NI ZHUM PA YIN LA, GANG LA RGOD PA LHAG LA LE LO NI BAG LA ZHA BAR 'DUG PA DE NI RGOD PA YIN PAS 'DI GNYIS LA BYE BRAG YOD PA'I PHYIR MDO LAS SO SOR SMOS PA DANG 'GAL BA MED DO,, ,,BAM PO LNGA BCU BZHI PA, DE GNYIS KYANG TSOGS PA GCIG LA LHAN CIG PA YIN PA'I PHYIR SEMS DE NYID ZHUM PA YANG YIN LA, DE NYID RGOD PA YANG YIN NO ZHES SMRA'O ZHES BYA BA NI ZHUM PA NI LE LO DANG MTSUNGS PAR LDAN PA'I PHYIR NYON MONGS PA CAN YIN NO, ,RGOD PA NI RGOD PA DANG MTSUNGS PAR LDAN PA'I PHYIR NYON MONGS PA CAN YIN NO, ,SLOB DPON GYIS BSAM PA CAN ZHES BYA BA NAS MDO'I DGONGS PA NI LE LO LHAG PA'I SEMS NI ZHUM PA ZHES BSHAD LA, RGOD PA @249A *, ,LHAG PA NI RGOD PA ZHES BSHAD CES BYA BA 'DI MA YIN NO ZHES BYA BA'I BAR SMOS TE, 'DI LTAR GANG GI TSE SEMS ZHUM PA DANG ZHUM PAR DOGS PA ZHES BYA BA RGYAS PAR GSUNGS KYI, 'DI SKAD DU LE LO LHAG PA ZHE 'AM, RGOD PA LHAG PA ZHES KHYAD PAR DU NI MA MDZAD DO, ,'DOD CHAGS DANG LDAN PA'I SEMS THAMS CAD 'DOD CHAGS DANG BCAS PA YIN NO ZHES GANG BSHAD PA ZHES BYA BA JI SKAD DU BSHAD CE NA, DE LA 'DOD CHAGS DANG MTSUNGS PAR LDAN PA'I SEMS NI GNYIS KYI 'DOD CHAGS DANG BCAS PA YIN NO, DE LAS GZHAN PA GANG ZAG PA DANG BCAS PA NI LDAN PA'I 'DOD CHAGS DANG BCAS PAS 'DOD CHAGS DANG BCAS PA YIN NO ZHES 'BYUNG BA'I PHYIR DANG, DE LTA BAS NA 'DIR 'DOD CHAGS DANG BCAS PA'I SEMS SU 'DOD PAR BYA STE ZHES 'BYUNG BA'I PHYIR RO, ,SLOB PA'I SEMS ZAG PA MED PA YANG 'DOD CHAGS DANG BCAS PAR 'GYUR RO ZHES BYA BA NI SLOB PA'I RGYUD LA 'DOD CHAGS KYI LHAG MA DANG BCAS PA'I PHYIR RO, ,GAL TE 'DOD CHAGS KYI DMIGS PA YIN NO ZHES BYA BA NI 'DOD CHAGS KYI DMIGS PA GANG YIN PA STE 'DOD CHAGS DANG LDAN PAS 'DOD CHAGS DANG BCAS PA YIN PAR 'DOD NA NI DGRA BCOM PA'I SEMS ZAG PA DANG BCAS PA YANG GZHAN GYI 'DOD CHAGS KYI DMIGS PA YIN PA'I PHYIR 'DOD CHAGS DANG LDAN PAS NA GZHAN GYI SEMS RIG PA'AM, GZHAN GYI SEMS SHES PAS 'DOD CHAGS DANG BCAS PA ZHES BYA BAR GZUNG BAR 'GYUR RO, ,'ON TE DE LA 'DOD CHAGS KYI MI DMIGS SO ZHES BYA BAR 'DOD NA DE'I PHYIR, YANG NA DE JI LTAR ZAG PA DANG BCAS PA YIN ZHES BYA BA SMOS SO, ,GAL TE NYON MONGS PA SPYI PA'I DMIGS PA YIN PA'I PHYIR RO ZHE NA ZHES BYA BA NI 'ON TE NYON MONGS PA SPYI PA LTA BA DANG, THE TSOM DANG MA RIG PA RNAMS KYI DMIGS PA YIN PAS DE'I PHYIR ZAG PA DANG BCAS PA'O ZHES BYA BAR 'DOD NA DE LTA NA YANG DGRA BCOM PA'I SEMS ZAG PA DANG BCAS PA GTI MUG GI DMIGS PA YIN PA'I PHYIR GTI MUG DANG BCAS PAR GZUNG BAR 'GYUR TE, GTI MUG KYANG NYON MONGS PA SPYI PA YIN PA DGRA BCOM PA NYID KYI SEMS KYANG GZHAN GTI MUG GI DMIGS PAR 'GYUR @249B BAS SO, ,GZHAN GYI SEMS SHES PA NI THOB PA LA DMIGS PA YANG MA YIN ZHES BYA BA NI GANG GI PHYIR GZHAN GYI SEMS SHES PA SEMS DANG SEMS LAS BYUNG BA LA DMIGS PA YIN PAR 'DOD PAS DE'I PHYIR 'DOD CHAGS KYI THOB PA DANG BCAS PA NYID KYI 'DOD CHAGS DANG LDAN PA'I PHYIR 'DOD CHAGS DANG BCAS PA'O ZHES BYA BAR YANG MI DMIGS SO, ,SEMS DE LA DMIGS PA'I 'DOD CHAGS LA DMIGS PA CAN YANG MA YIN NO ZHES BYA BA LA, DE LA ZHES BYA BA NI PHA ROL PO'I SEMS GZHAN GYI SEMS SHES PAS GZUNG BAR BYA BA GANG YIN PA DE NI DE LA ZHES BYA BA'I SGRAR BRJOD DO, ,SEMS DE LA DMIGS PA NI SEMS DE LA DMIGS PA'I 'DOD CHAGS SO, ,GZHAN GYI SEMS SHES PA 'DI LA DMIGS PA SEMS DE LA DMIGS PA'I 'DOD CHAGS YOD PAS NA DE NI SEMS DE LA DMIGS PA'I 'DOD CHAGS LA DMIGS PA CAN NO, ,'DI LTAR GZHAN GYI SEMS SHES PA NI 'DOD CHAGS DE LTA BU LA DMIGS PA YANG MA YIN TE, SHIN TU BSKAL BA'I PHYIR RO, ,GZHAN GYI SEMS SHES PA NI RDZAS RE RE ZHING YUL YIN PAS GZHAN GYI SEMS SHES PA NI SEMS DE'I DMIGS PA NI MI 'DZIN TE, DE'I RNAM PA DANG DMIGS PA LA MI LTOS PA YIN TE ZHES 'BYUNG BA'I PHYIR DANG, SEMS 'DI CHAGS PA YIN NO ZHES BYA BAR SHES KYI ZHES 'BYUNG BA'I PHYIR RO, ,DE'I PHYIR 'DOD CHAGS DANG LDAN PAS 'DOD CHAGS DANG BCAS PA'I SEMS MA YIN NO, ,'DOD CHAGS DANG MTSUNGS PAR MI LDAN PA'I SEMS ZHES BYA BA NI 'DOD CHAGS KYI THOB PA YOD DU ZIN KYANG ZHES BYA BAR BSAMS PA YIN NO, ,'DOD PA'I SRID PA DANG, GZUGS KYI SRID PA DANG, GZUGS MED PA'I SRID PAR PHYIR MI LDOG PA'I CHOS CAN YIN ZHES BYA BA NI KHAMS GSUM PA'I 'DOD CHAGS DANG BRAL BAR BSTAN PA'I PHYIR RO SNYAM DU BSAMS PA YIN NO, ,DER NI DE'I THOB PA DANG BRAL BA LAS DGONGS TE GSUNGS PA YIN NO ZHES BYA BA NI 'DOD CHAGS LA SOGS PA'I THOB PA'I BRAL BA LAS DGONGS TE GSUNGS PA YIN GYI, ,MI LDAN PA TZAM NI MA YIN NO ZHES STON PAR BYED DO, ,BSHAD PA MA YIN NAM ZHES BYA BA RGYAS PAR 'BYUNG BA GONG DU BSHAD CE NA, KHA CIG NA RE @250A *, ,MDO 'DIR NI ZHES BYA BA NAS, GAL TE 'DOD CHAGS DANG MTSUNGS PAR MI LDAN PA 'DOD CHAGS DANG BRAL BA YIN NA NI NYON MONGS PA GZHAN DANG MTSUNGS PAR LDAN PA YANG YIN PAR 'GYUR RO ZHES ZER BA DER RO, ,NYON MONGS PA GZHAN DANG MTSUNGS PAR LDAN YANG 'DOD CHAGS DANG MTSUNGS PAR MI LDAN PA'I PHYIR 'DOD CHAGS DANG BRAL BA YIN NO SNYAM PA'I DGONGS PA 'DIS SO, ,GAL TE DE LTA NA ZHE SDANG DANG BCAS PA DANG, GTI MUG LA STZOGS PA DANG BCAS PA ZHES BYA BA LA SOGS PAR BRJOD PAR MI BYA BAR 'GYUR RO ZHE NA, DE'I PHYIR DE NI 'DOD CHAGS DANG BRAL BA ZHES BYA BAR MI GZUNG NGO ZHES BYA BA LA SOGS PA SMOS TE, ZHE SDANG LA SOGS PA DANG MTSUNGS PAR LDAN PA'I SEMS DE NI 'DOD CHAGS DANG BRAL BAR MI GZUNG NGO, ,'O NA CI ZHE NA, ZHE SDANG DANG BCAS PA DANG, GTI MUG DANG BCAS PA ZHES BYA BA DE LTA BU LA SOGS PAR BZUNG STE, ZHE SDANG LA SOGS PA DANG MTSUNGS PAR LDAN PA NYID KYI KHYAD PAR DU BYAS PA NYID DO, ,'DIR STZOGS PA ZHES BYA BA'I SGRAS NI KUN DU BSDUS PA DANG, RNAM PAR G-YENGS PA ZHES BYA BA LA SOGS PA MDO LAS BSHAD PA'I TSIG RNAMS BSDU'O, ,DE LTA MA YIN NA ZHES BYA BA RGYAS PAR 'BYUNG BA NI GAL TE GZUGS LA SOGS PA'I DNGOS PO CHE GE MO ZHIG LA CHAGS SO ZHES BYA BAR SHES PAR 'GYUR NA NI, DE LA GZUGS LA DMIGS PAR YANG 'GYUR TE, DE LTA YIN NA NI GZUGS LA DMIGS PA'I PHYIR DE GZHAN GYI SEMS SHES PA YIN PAR YANG MI 'GYUR RO, ,DE LA DMIGS PA'I PHA ROL GYI SEMS 'DZIN PA NA RANG GI NGO BO 'DZIN PAR 'GYUR RO ZHES BYA BA NI PHA ROL GYI SEMS DMIGS PA DANG BCAS PA 'DZIN PAR 'DOD NA GZHAN GYI SEMS SHES PAS RANG GI BDAG NYID 'DZIN PAR 'GYUR TE, 'DI LTAR GZHAN GYI SEMS RIG PAS GANG ZHIG GI SEMS 'DZIN PAR BYED PA DE YANG GZHAN GYI SEMS RIG PA DE'I SEMS LA DMIGS PAR 'GYUR BA GANG YIN PA DE NI SRID PA YOD DO, ,DE'I PHYIR GZHAN GYI SEMS SHES PAS DMIGS PA RANG NYID YONGS SU SHES PA'I PHYIR GZHAN GYI SEMS RIG PA 'DIS RANG GI SEMS KHO NA LA DMIGS PAR 'GYUR BA ZHIG NA, SEMS DES DE NYID 'DZIN PA GANG YIN PA DE NI @250B RIGS PA MA YIN TE, BDAG NYID LA BYED PA 'GAL BA'I PHYIR RO, ,GZHAN GYI SEMS SHES PA THAMS CAD CES BYA BA RGYAS PAR 'BYUNG BA NI 'DI LA YUL SEMS DANG SEMS LAS BYUNG BA RNAMS DANG, RDZAS KYI RANG GI MTSAN NYID DANG, DA LTAR BYUNG BA RNAMS DANG, PHA ROL GYI RGYUD DANG, 'DOD PA DANG, GZUGS DANG LDAN PA YIN PA RNAMS ZHES BSDU BA'I TSIG RNAM PAR SBYAR TE, SEMS DANG SEMS LAS BYUNG BA ZHES SMOS PA NI GZUGS LA SOGS PA LAS KHYAD PAR DU BYA BA'I PHYIR RO, ,RDZAS ZHES SMOS PA NI KUN RDZOB TU YOD PA BSAL BA'I PHYIR RO, ,RANG GI MTSAN NYID CES SMOS PA NI SPYI'I MTSAN NYID BZLOG PA'I PHYIR RO, ,DA LTAR BYUNG BA ZHES SMOS PA NI 'DAS PA DANG MA 'ONGS PA LAS DGAR BA'I PHYIR RO, ,PHA ROL GYI RGYUD CES SMOS PA NI RANG GI RGYUD GSAL BA'I PHYIR RO, ,'DOD PA DANG GZUGS DANG LDAN PA DANG, LDAN PA MA YIN PA ZHES SMOS PA NI GZUGS MED PA DANG LDAN PA DGAG PA'I PHYIR RO, ,MTHONG BA'I LAM BKAG PA ZHES BYA BA NI MTHONG BA'I LAM LA GNAS PA NA GZHAN GYI SEMS SHES PA MNGON DU MI BYED PAS DE'I PHYIR MTHONG BA'I LAM GYIS BSDUS PA MED DE, MTHONG BA'I LAM NI SEMS DANG SEMS LAS BYUNG BA RNAM PAR CHAD PA LA DMIGS PA MA YIN NO, , BSGOM PA'I LAM LA DMIGS PA ZHES BYA BA NI BSGOM PA'I LAM GYIS BSDUS PA YIN NO ZHES BYA BA'I THA TSIG GO, ,STONG PA NYID DANG MTSAN MA MED PA DANG MI LDAN PA ZHES BYA BA NI STONG PA NYID KYI TING NGE 'DZIN DANG, MTSAN MA MED PA'I TING NGE 'DZIN DANG MI LDAN PA STE, STONG PA NYID KYI TING NGE 'DZIN NI SDUG BSNGAL SHES PA DANG MTSUNGS PAR LDAN LA, MTSAN MA MED PA'I TING NGE 'DZIN NI 'GOG PA SHES PA DANG MTSUNGS PAR LDAN PA YIN NA, GZHAN GYI SEMS SHES PA NI RNAM PA DANG DMIGS PA THA DAD PA'I PHYIR SDUG BSNGAL SHES PA'AM 'GOG PA SHES PA MA YIN PAS DE GNYIS DANG MI LDAN PA ZHES BYA'O, ,SHUGS KYIS NA SMON PA MED PA'I TING NGE 'DZIN DANG MTSUNGS PAR LDAN PA NI SRID DO ZHES BSHAD PAR 'GYUR RO, ,ZAD PA DANG MI SKYE BA SHES PAS MA BSDUS PA ZHES BYA BA NI ZAD PA SHES PA DANG MI SKYE BA SHES PAS MA BSDUS PA STE, ZAD PA DANG MI SKYE BA SHES PA'I @251A *, ,NGO BO NYID MA YIN NO ZHES BYA BA'I DON TO, ,CI'I PHYIR ZHE NA, GZHAN GYI SEMS SHES PA NI RDZAS KYI RANG GI MTSAN NYID LA DMIGS PA DANG, KUN DU RTOG PA DANG YONGS SU TSOL BA'I BSAM PA CAN YIN NA, ZAD PA SHES PA DANG MI SKYE BA SHES PA NI DE LTA BU MA YIN PAS DE GNYIS KYIS MA BSDUS SO, ,BAR CHAD MED PA'I LAM BKAG PA ZHES BYA BA NI DE'I SPONG BA'I LAM YIN LA, GZHAN GYI SEMS SHES PA NI RNAM PAR GROL BA DANG KHYAD PAR GYI LAM YIN PAS SO, ,DON DAM PA DAG YIN YANG KUN RDZOB LA BRTEN PA'I PHYIR RO ZHES BYA BA NI DON DAM PA'I RGYU MTSAN CAN YIN PA 'AM, DON DAM PAS RTZEN PA'I PHYIR DON DAM PA DAG GO, ,DE GNYIS KUN RDZOB LA BRTEN PA'I PHYIR TE, GANG GI PHYIR 'DI DAG KUN RDZOB LA BRTEN PA DE'I PHYIR STONG PA DANG BDAG MED PA'I RNAM PA CAN DAG MED DO, ,JI LTAR 'DI DAG KUN RDZOB LA BRTEN CE NA, BDAG GI SKYE BA ZAD DO, 'DI LAS SRID PA GZHAN MI SHES SO ZHES BYA BA YIN TE GO RIMS BZHIN NO, ,'DI DAG ZAG PA MED PA YIN NA JI LTAR DE LTA BU'I RNAM PA CAN DAG YIN ZHE NA, DE DAG GI STOBS KYIS RJES SU THA SNYAD 'DOGS PA'I SGO NAS TE, SHES PA GZHAN GYIS ZHES BYA BA TSIG LHAG MA YIN NO, ,GANG GI PHYIR DE DAG GI RJES LAS SKYES PA KUN RDZOB KYI SHES PA DE DAG DE LTA BU'I RNAM PA CAN DU 'JUG PA DE'I PHYIR DE DAG GI RGYU MTHUN PAS DE GNYIS KUN RDZOB LA BRTEN PA ZHES BYA'I DE GNYIS DNGOS SU KUN RDZOB LA BRTEN PA NI MA YIN NO SNYAM DU BSAMS PA YIN NO, ,GANG GI PHYIR DE LTAR RGYU MTHUN PAS DE NYID BDAG TU LTA BA LA BRTEN PA KHO NAR 'JUG PA'I PHYIR STOD PA DANG BDAG MED PA'I RNAM PA MA GTOGS PA RNAM PA BCU BZHI DANG MTSUNGS PAR LDAN PA DAG YIN NO, ,MI LDAN PA'I SEMS KYIS ZHES BYA BA NI ZAG PA MED PAS SO, ,RIGS PAS BSKYED PA'I SGO NAS SHES PAR 'GYUR RO ZHES BYA BA NI PHYIN CI MA LOG PAR SHES PAR 'GYUR RO ZHES BYA BA'I THA TSIG GO, ,'DI NI GNAS YOD DO, ,'DI NI GZHI YOD DO ZHES BYA BA NI 'DI GNYIS KYANG ZAG PA MED PA'I RNAM PA YIN TE, 'DI NI GNAS YOD DO ZHES BYA BA NI 'DI NI MTSAN NYID YOD DO ZHES BYA BA'I DON TO, ,'DI NI GZHI YOD DO ZHES BYA BA NI 'DI NI RGYU YOD DO ZHES BYA BA'I THA TSIG GO, , @251B 'DI'I DON NI 'DI MA YIN ZHES BYA BA RGYAS PAR 'BYUNG BA NI NGAG GAM TSIG GNYIS PO 'DI YIN TE, GAL TE 'DI NI GNAS YOD DO, ,'DI NI GZHI YOD DO ZHES BYA BA MI RTAG PA LA SOGS PAR SHES PAR 'GYUR BA GANG YIN PA 'DI NI SRID DO, ,'DI NI RIGS SO ZHES BYA BA YIN NO ZHES BYA BAR 'DOD NA DE NI GZHAN NAS MI 'BYUNG BA'I PHYIR MI RUNG STE, TSIG GZHAN NAS TSIG DE GNYIS MI 'BYUNG BA'I PHYIR RO, ,MTHONG BAS SPANG BAR BYA BA ZHES BYA BA NI MTHONG BAS SPANG BAR BYA BA'I RNAM PA'O, ,RIGS PA MA YIN PAS BSKYED PA'I SGO NAS SHES PAR 'GYUR ZHES BYA BA NI PHYIN CI LOG TU SHES PAR 'GYUR RO ZHES STON TO, ,BDAG DANG BDAG GI ZHES BYA BA NI 'JIG TSOGS LA LTA BA DANG MTSUNGS PAR LDAN PA'I SEMS KYIS SO, ,CHAD PA DANG RTAG PA ZHES BYA BA NI MTHAR 'DZIN PA'I LTA BAS SO, ,RGYU MED PA DANG BYED PA MED PA DANG SKUR PA 'DEBS PA ZHES BYA BA NI LOG PAR LTA BAS SO, ,MCHOG DANG GTZO BO DANG KHYAD PAR DU 'PHAGS PA DANG, DAM PA ZHES BYA BA NI LTA BA MCHOG TU 'DZIN PAS SO, ,DAG PA DANG GROL BA DANG NGES PAR 'BYIN PA ZHES BYA BA NI TSUL KHRIMS DANG BRTUL ZHUGS MCHOG TU 'DZIN PAS SO, ,NEM NUR DANG YID GNYIS DANG THE TSOM ZHES BYA BA NI THE TSOM GYIS SO, ,CHAGS PA ZHES BYA BA NI 'DOD CHAGS KYIS SO, ,SDANG BA ZHES BYA BA NI ZHE SDANG GIS SO, ,RLOM PA ZHES BYA BA NI NGA RGYAL GYIS SO, ,RMONGS PA ZHES BYA BA NI GTI MUG GIS SO, ,DER YANG 'DI SKAD DU 'BYUNG BAR 'GYUR BA ZHIG NA, DE SKAD KYANG MI 'BYUNG STE, DE'I PHYIR DE'I DON NI 'DI MA YIN NO ZHES BYA BAR SHES SO, ,RDZAS SU BDUN YIN ZHES BYA BAR NI KHA CIG GI GZHUNG LUGS KYIS RDZAS SU SDUG BSNGAL GYI RNAM PA BZHI DANG KUN 'BYUNG BA LA SOGS PA RNAM PA RE RE STE BDUN YIN NO, ,RGYU'I RNAM PA GANG YIN PA DE NI KUN 'BYUNG BA DANG, RAB TU SKYE BA DANG, RKYEN KYANG YIN PAS RNAM GRANGS TZAM DU ZAD KYI KHYAD PAR NI MED DE DPER NA DBANG PO DANG BRGYA BYIN DANG KHYER 'JIG CES BYA BA DANG 'DRA'O, ,DE BZHIN DU 'GOG PA NYID ZHI BA DANG GYA NOM PA DANG NGES PAR 'BYUNG BA YIN PAS RNAM PA GCIG YIN LA, LAM NYID KYANG RIGS PA DANG, SGRUB PA DANG, NGES PAR @252A *, ,'BYIN PA YIN PAS RNAM PA GCIG YIN NO ZHES ZER TE, DES NA 'DI SKAD DU RNAL 'BYOR PAS SDUG BSNGAL GYI RNAM PA NI BZHIR MNGON DU BYED LA RGYU LA SOGS PA'I RNAM PA NI GCIG TU MNGON DU BYED DO ZHES BSHAD PAR 'GYUR RO, ,BYE BRAG TU SMRA BA RNAMS NI RDZAS SU RNAM PA BCU DRUG GO ZHES BRJOD DE SDUG BSNGAL GYI RNAM PA BZHIN DU KUN 'BYUNG BA LA SOGS PA'I RNAM PA THAMS CAD KYANG SO SOR MNGON DU BYA DGOS PA'I PHYIR RNAMS RNAMS NI SHES RAB KYI NGO BO NYID YIN PAS SO ZHES ZER RO, ,RKYEN LA RAG LAS PA'I PHYIR ZHES BYA BA RGYAS PAR 'BYUNG BA NI MI RTAG PA NI RKYEN LA RAG LAS PA'I PHYIR NGES PA MA YIN TE, RKYEN LA RAG LAS TE SKYE BA'I PHYIR RO ZHES BYA BA'I THA TSIG GO, ,GNOD PA'I BDAG NYID YIN PA'I PHYIR ZHES BYA BA NI GNOD PAR BYED PA'I BDAG NYID YIN PA'I PHYIR RO ZHES BYA BA'I DON TO, ,MI MTHUN PA'I PHYOGS KYIS ZHES BYA BA NI GNYEN POS ZHES BYA BA'I THA TSIG STE, 'GAL BA'I PHYOGS NI MI MTHUN PA'I PHYOGS YIN PAS SO, ,SA BON GYI CHOS KYI TSUL GYI RGYU'O ZHES BYA BA NI THAG RING PO'I GNAS SKABS KYI RGYU STON PAR BYED DE, DANG PO'I SA BON LTA BU'O, ,TSUL ZHES BYA BA'I SGRAS NI 'DIR LUGS KYI DON YIN NO, ,'BYUNG BA'I TSUL GYIS KUN 'BYUNG BA'O ZHES BYA BA NI SKAD CIG MA GANG GI MJUG THOGS SU SKYE BAR 'GYUR BA THAG NYE BA'I GNAS SKABS KYI RGYU STON PAR BYED DE, 'DI LAS KUN 'BYUNG BA'I PHYIR RO, ,'BREL BA'I TSUL GYIS RAB TU SKYE BA'O ZHES BYA BA NI, RGYUN GYI TSUL GYIS RGYUN MI 'CHAD PAR STON PAR BYED DE SA BON DANG MYU GU DANG SDONG BU LA SOGS PA DANG 'DRA'O, ,MNGON PAR SGRUB PA'I DON GYIS NA RKYEN ZHES BYA BA NI RGYU LA SOGS PA MANG PO ZHIG LAS SKYE BAR STON PAR BYED DE DPER NA 'JIM GONG DANG THAL ZHAR LA SOGS PA MANG PO ZHIG LAS BUM PA 'GRUB PA DE DANG 'DRA'O, ,ME GSUM ZHI BA'I PHYIR ZHES BYA BA NI 'DOD CHAGS DANG ZHE SDANG DANG GTI MUG GI ME ZHI BA'I PHYIR ZHES BYA BA'I DON TO, ,'TSE BA MED PA'I PHYIR ZHES BYA BA NI SDUG BSNGAL MED PA'I PHYIR ZHES BYA BA'I DON TO, ,SKYON THAMS CAD DANG BRAL BA'I PHYIR ZHES BYA BA NI SDUG BSNGAL GYI RGYU THAMS CAD DANG BRAL BA'I PHYIR RO, ,BGROD PA'I DON GYIS ZHES BYA BA NI MYA @252B NGAN LAS 'DAS PAR RO, ,RIGS PA DANG LDAN PA'I PHYIR ZHES BYA BA NI 'THAD PA DANG LDAN PA'I PHYIR RAM THABS DANG LDAN PA'I PHYIR RO, ,YANG DAG PAR BSGRUB PA'I DON GYIS SGRUB PA'O ZHES BYA BA NI 'DIS MYA NGAN LAS 'DAS PA SGRUB PAS NA SGRUB PA'O, ,DES PAR 'BYIN PAR BYED PA'O ZHES BYA BA NI GTAN DU NGES PAR 'BYIN PAR BYED PAS NA NGES PAR 'BYIN BAR BYED PA'O, ,GTAN DU BA MA YIN PA'I PHYIR MI RTAG PA'O ZHES BYA BA SNGAR NI SNGA NA MED PAS MI RTAG PAR BSHAD LA NGA NI ZHIG NAS MED PAS MI RTAG PA'O ZHES STON TO, ,KHUR LTA BUR GYUR PA'I PHYIR ZHES BYA BA NI KHUR BU LTA BUR GYUR PA'I PHYIR ZHES BYA BA'I DON TO, ,SDUG BSNGAL GYIS GANG ZAG DE 'TSIR ZHING GNOD PAR BYED DO ZHES BYA BA'I THA TSIG GO, ,'DOD DGUR BYED PA MED PA'I PHYIR ZHES BYA BA NI 'DI LA 'DOD DGUR BYED PA'I NGANG TSUL YOD PAS NA 'DOD DGUR BYED PA'O, ,'DOD DGUR BYED PA MA YIN PAS NA 'DOD DGUR BYED PA MED PA STE, DE'I PHYIR BDAG MED PA YIN NO, ,DON 'DI NI MDO LAS KYANG GSUNGS TE, DGE SLONG DAG GAL TE GZUGS BDAG YIN PAR GYUR NA GZUGS BDAG NYID LA GNOD PA BYED PAR MI 'GYUR GYI, NGES PA'I TSIG LAS BDAG NI 'DOD DGUR BYED PA YIN NO ZHES SMOS PA'I PHYIR GZUGS LA 'DI LTAR NI GYUR CIG ,'DI LTAR NI MA GYUR CIG CES BYA BA BZHIN DU YANG 'GYUR BA ZHIG NA ZHES 'BYUNG BA YIN NO, ,'ONG BA'I TSUL GYIS RGYU'O ZHES BYA BA NI 'DI LAS 'ONG BAS NA RGYU STE 'DI LAS SKYE BAS NA ZHES BYA BA'I THA TSIG GO, ,'BYUNG BA'I TSUL GYIS ZHES BYA BA NI MA 'ONGS PA'I DUS NAS 'BYUNG BAS NA ZHES BYA BA'I THA TSIG GO, ,'PHEL BA'I TSUL GYIS ZHES BYA BA NI RGYUN CHAGS PA'I TSUL GYIS SO, ,SO SOR 'BRANG BA'I DON GYIS ZHES BYA BA NI BSKYED PAR BYA BA LA GTZO BO YIN NO SNYAM DU BSAMS PA YIN NO, ,'BREL PA MED PAS 'BREL PA ZHIG BA'I PHYIR ZHES BYA BA NI SDUG BSNGAL SNGA MA ZHIG PAS PHYI MA'I 'BREL PA ZHIG PAR 'GOG PA YIN NO ZHES BYA BA'I THA TSIG GO, ,'DUS BYAS KYI MTSAN NYID GSUM DANG BRAL BA'I PHYIR ZHES BYA BA NI SKYE BA DANG 'JIG PA DANG GNAS PA LAS GZHAN DU 'GYUR BA NYID DANG BRAL BA'I PHYIR RO, ,YID @253A *, ,BRTAN PA'I MCHOG YIN PA'I PHYIR ZHES BYA BA NI SDUG BSNGAL THAMS CAD RGYUN CHAD PAS MCHOG TU BDE BA'I PHYIR RO, ,MYA NGAN LAS 'DAS PA'I GRONG DANG MI 'GAL BA'I DON GYIS SGRUB PA'O ZHES BYA BA NI 'DI LTAR 'DI NI MYA NGAN LAS 'DAS PA'I GRONG DANG MI 'GAL ZHING SLU BAR MI BYED DO, ,'O NA CI ZHE NA SGRUB PAR BYAD PA KHO NA STE, DE'I PHYIR 'DIS SGRUB PAR BYED PAS NA SGRUB PA'O, ,'DUN PA'I RTZA BA CAN ZHES BYA BA NI 'DUN PA'I RGYU CAN ZHES BYA BA'I THA TSIG STE, 'DIR 'DUN PA NI SRED PA'I RNAM GRANGS YIN NO, ,'DUN PA LAS KUN 'BYUNG BA ZHES BYA BA NI 'DUN PA LAS YANG DAG PAR SGRUB PA'O, ,'DUN PA'I RIGS CAN ZHES BYA BA NI 'DUN PA'I RKYEN CAN ZHES BYA BA'I THA TSIG GO, ,RAB TU SKYE BA ZHES BYA BA'I SGRA THA MAR GDON PA 'BA' ZHIG TU ZAD DO ZHES BYA BA NI CHOS MNGON PA PA RNAMS KYIS ZHES BYA BA'I TSIG GCIG KHONG NAS 'BYUNG BA STE, MDO'I RJES SU 'BRANG BAR BYA'O SNYAM DU BSAMS PA YIN NO, ,RGYU DANG KUN 'BYUNG BA DANG RKYEN DANG RAB TU SKYE ZHES BYA BA'I THA TSIG GAM 'DUN PA'I TSOGS 'DI DAG LA KHYAD PAR CI ZHIG YOD PAR 'GYUR, NGA'O SNYAM PA NI BYE BRAG MED PAR LUS LA 'DUN PA YIN NO ZHES BYA BA NI RDZAS GCIG LA DMIGS KYIS MA BKAR BAR NYE BAR LEN PA'I PHUNG PO LNGA PO SPYIL KHYAD PAR MED PAR NGA'O SNYAM DU 'DZIN PA'AM RNAM PA GZHAN GYIS KHYAD PAR DU BYAS PA DA LTAR BYUNG BA'I LUS KYI DNGOS PO LA DMIGS PA 'AM DUS GSUM PA'I LUS LA DMIGS PA'I SGO NAS LUS DON DU GNYER BA NI LUS LA 'DUN PA STE DANG PO YIN NO, ,GYUR CIG SNYAM PA NI BYE BRAG MED PAR ZHES BYA BA NI YANG SRID PA TZAM DON DU GNYER GYI KHYAD PAR GYI NGO BO'I DON DU GNYER BA NI MA YIN PA STE GNYIS PA YIN NO, ,'DI LTA BUR GYUR CIG SNYAM PA ZHES BYA BA NI RNAM PA 'DI LTA BUR GYUR CIG SNYAM PA NI BYE BRAG TU YANG SRID BA LA 'DUN PA STE GSUM PA YIN NO, ,BZHI PA NI NYID MTSAMS SBYOR BA 'CHID BA LA 'DUN PA YIN NO ZHES BYA BA NI NYID MTSAMS SBYOR BA NYID 'CHING BA YIN PAS NA NYID MTSAMS SBYOR BA 'CHING BA STE, BZHI PA NI DE LA 'DUN CING DON DU GNYER BA YIN NO, ,YANG NA LAS MNGON PAR @253B 'DU BYED PA LA 'DUN PA YIN NO ZHES BYA BA NI BZHI PA ZHES BYA BA'I SKABS YIN TE, YANG NA LAS MNGON PAR 'DU BYED PA DE LA 'DUN PA YIN NO, ,JI LTAR DE LA 'DUN ZHE NA SBYIN PA 'DI LTA BU DANG 'DI LTA BUR SBYIN NO SNYAM PA YIN NO, ,YANG NA JI LTAR NA 'DUN PA DE DAG RTZA BA LA SOGS PA'I SGRAR BRJOD CE NA, DE BSTAN PA'I PHYIR DE LA DANG PO NI ZHES BYA BA RGYAS PAR SMOS TE, RGYU DANG PO'AM DANG PO'I RGYU YIN PAS NA DANG PO'I RGYU STE, DE'I PHYIR 'DUN PA'I RTZA BA CAN YIN TE, RTZA BA'I SGRA NI RGYU'I DON YIN NO, ,'BRAS BU'I SA BON BZHIN NO ZHES BYA BA NI DPER NA 'BRAS BU'I DANG PO'I RGYU STE THAG RING BA'I RGYU SA BON YIN PA DE DANG 'DRA BAR 'DUN PA DANG PO 'DI YANG SDUG BSNGAL GYI DANG PO'I RGYU YIN NO, ,DES DE YANG DAG PAR 'GRUB PA'I PHYIR ZHES BYA BA NI 'DUN PA GNYIS PA DES SKAD CIG MA BRGYUD PAS YANG SRID PA YANG DAG PAR 'GRUB PA'I PHYIR 'BRAS BU'I MYU GU LA SOGS PA SKYE BA BZHIN TE DPER NA MYU GU LA SOGS PA SKYE BA BRGYUD PAS 'BRAS BU KUN 'BYUNG BA DE DANG 'DRA'O, ,'DUN PA GSUM PA 'DI LTA BUR GYUR CIG SNYAM PA NI DE DANG 'DRA BA'I SDUG BSNGAL GYI RKYEN YIN ZHES BYA BA NI YANG SRID PA'I 'DUN PA CI 'DRA BA DE DANG 'DRA BA'I SDUG BSNGAL GYI RKYEN DU 'GYUR TE, DE LA KHYAD PAR GYI NGO BO YOD PA'I PHYIR 'BRAS BU KHYAD PAR GYI NGO BO CAN KHO NA SKYE'O SNYAM DU BSAMS PA YIN NO, ,'BRAS BU'I ZHING DANG, CHU DANG LUD LA SOGS PA BZHIN NO ZHES BYA BA LA, LUD NI BA LANG GI LCI BA SKAM PO'O, ,STZOGS PA ZHES BYA BA'I SGRAS NI RLUNG DANG NYI MA LA SOGS PA BSDU STE; DES KYANG 'BRAS BU PHUN SUM TSOGS PAR 'GYUR BAS SO, ,NUS PA NI BSIL BA'I NUS PA DANG DRO BA'I NUS PA NYID DO, ,SMIN PA NI DRO BA ZHU BA DANG, BSIL BA ZHU BA NYID DO, ,MTHU NI NUS PA'I KHYAD PAR YIN TE, DPER NA 'BRAS BUR 'DRA BA LAS BI DZA PU RA'I KHU BA NI MKHRIS PA SKYED LA, SKYU RU RA'I KHU BA NI ZHI BAR BYED PA LTA BU'O, ,DE KHO NA LAS DE SKYE BA'I PHYIR ZHES BYA BA NI NYID MTSAMS SBYOR BA'I 'CHING BA LA 'DUN PA DE KHO NA LA YANG SRID PA'I MTSAN NYID DE SKYE ZHING 'BYUNG BA'I PHYIR 'BRAS BU'I THA MA ME TOG BZHIN NO, ,DPER NA THA MA ME TOG LAS 'BRAS @254A *, ,BU RAB TU SKYE BA DE DANG 'DRA STE, 'DIR 'DUN PA BZHI PA NI YANG SRID PA'I MNGON SUM GYI RGYU YIN NO, ,SNGA MA GSUM NI BRGYUD PA'I RGYU YIN NO, ,YANG NA ZHES BYA BA RGYAS PAR 'BYUNG BA NI SRID PA RNAM PAR DPYAD PA RNAMS KYI 'DUN PA BZHI NI GO RIMS BZHIN DU LNGA TSAN GNYIS DANG BZHI TSAN GNYIS YIN TE, 'DUN PA DANG PO NI RNAM PA LNGA YIN LA, GNYIS PA YANG RNAM PA LNGA YIN NO, ,GSUM PA NI RNAM PA BZHI YIN LA, BZHI PA YANG RNAM PA BZHI YIN NO, ,JI LTAR ZHE NA DGE SLONG DAG NGA'O SNYAM PA YOD CING BDAG TU LTA BA YOD NA NGA 'DI LTA BU'O SNYAM PA 'BYUNG STE ZHES BYA BA NI NGA NI 'DI 'DRA BA'O SNYAM PA 'BYUNG BA STE, DE DANG LDAN PAS SRED PA SKYED PAR BYED DO ZHES BYA BA'I DON TO, ,NGA NI 'DI 'DRA'O SNYAM PA ZHES BYA BA NI SNGON JI LTA BA KHO NA YIN GYI GZHAN DU MA YIN NO ZHES BYA BA'I THA TSIG GO, ,NGA DE LTA MA YIN NO SNYAM PA ZHES BYA BA NI KHA DOG DANG STOBS DANG SPOBS PA LA SOGS PA RNAM PA GZHAN DU MTHONG BA'I PHYIR RO, ,NGA BZANG NGO SNYAM PA DANG, BZLOG PA NGA NGAN NO SNYAM PA 'BYUNG BAR 'GYUR TE, BDAG LA 'DUN PA RNAM PA LNGA PO 'DI NI KHYAD PAR MED PA DANG PO YIN NO, ,DE LA 'BYUNG BAR 'GYUR RO SNYAM PA 'BYUNG BAR 'GYUR ZHES BYA BA NI RTAG PA'I NGO BOR RO, ,'BYUNG BAR MI 'GYUR RO SNYAM PA ZHES BYA BA NI CHAD PA'I NGO BOR RO, ,'DI LTA BUR 'BYUNG BAR 'GYUR RO SNYAM PA ZHES BYA BA NI RGYAS PAR BSHAD PA SNGA MA DANG 'DRA STE, YANG SRID PA LA 'DUN PA RNAM PA LNGA PO 'DI KHYAD PAR MED PAR GNYIS PA YIN NO, ,DE LA GYUR CIG SNYAM PA 'BYUNG BAR 'GYUR ZHING DE LA 'DI LTA BUR GYUR CIG SNYAM PA DANG, DE 'DRA BAR GYUR CIG SNYAM PA DANG, DE LTA MA YIN PAR GYUR CIG SNYAM PA 'BYUNG BAR 'GYUR BA YANG SRID PA LAS 'DUN PA RNAM PA BZHI PO 'DI KHYAD PAR MED PA GSUM PA YIN NO, ,GYUR KYANG CI MA RUNG SNYAM PA DANG, 'DI LTA BUR GYUR KYANG CI MA RUNG SNYAM PA DANG, DE 'DRA BAR GYUR KYANG CI MA RUNG SNYAM PA DANG, DE LTA MA YIN PAR GYUR KYANG CI MA RUNG SNYAM PA 'BYUNG BAR 'GYUR BA NYID MTSAMS SBYOR BA 'CHING BA LA 'DUN BA RNAM PA BZHI PO 'DI NI BZHI PA YIN NO, ,DE LA DANG PO NI SDUG BSNGAL GYI DANG PO'I RGYU YIN PA'I PHYIR RTZA BA'I RGYU YIN NO ZHES BYA BA RGYAS PAR SNGA MA BZHIN DU SBYAR @254B BAR BYA'O, ,SO SOR NGES PA'I PHYIR SGRUB BA STE ZHES BYA BA NI NGES PAR SGRUB CING SGRUB PAR BYED PA NI SGRUB PA'O, ,YANG JI LTAR SO SOR NGES PA YIN ZHE NA, DE NYID KYIS DER 'GRO BA'I PHYIR TE, JI SKAD DU ZHES BYA BA RGYAS PAR 'BYUNG BA LTA BU YIN NO, ,RTAG PA DANG BDE BA DANG BDAG GI DANG BDAG TU LTA BA SPYAD PA RNAMS KYI ZHES BYA BA NI 'DI DAG LA RTAG PA DANG BDE BA DANG BDAG GI DANG BDAG GO ZHES BYA BAR LTA BA SPYAD PA YIN PAS NA GANG ZAG 'DI DAG NI RTAG PA DANG BDE BA DANG BDAG GI DANG BDAG TU LTA BA SPYAD PA YIN TE DE DAG GI GNYEN POR GO RIMS BZHIN DU MI RTAG PA LA SOGS PA'I RNAM PA YIN NO, ,RGYU MED DO ZHES RGYU MED PAR LTA BA SPYAD PA RNAMS KYI GNYEN POR RGYU'I RNAM PA'O, ,RGYU DBANG PHYUG GAM, GTZO BO 'AM, DUS ZHES BYA BA GCIG PU YIN NO ZHES RGYU GCIG PUR LTA BA SPYAD PA RNAMS KYI GNYEN POR RGYU NI KUN 'BYUNG BA YIN GYI GCIG PU MA YIN NO ZHES 'BYUNG BA'I RNAM PA'O, ,DNGOS PO NI 'GYUR BA YIN NO ZHES 'GYUR BAR LTA BA SPYAD PA RNAMS KYI GNYEN POR DANG PO 'BYUNG BA 'DI YIN GYI SNGA NAS GNAS PA LAS 'GYUR BA NI MA YIN NO ZHES RAB TU SKYE BA'I RNAM PA'O, ,'JIG RTEN 'DI NI BLO SNGAR BTANG STE BYAS PA YIN NO ZHES BLO SNGAR BTANG BAR LTA BA RNAMS KYI GNYEN POR RKYEN GYI RNAM PA STE, 'GRO BA 'DI NI DBANG PHYUG GIS BYAS PA MA YIN NO, ,'O NA CI ZHE NA, RKYEN CES BYA BA'I SGRAS NI ZLOS PA'I DON YIN PAS DE DANG DE LA BRTEN NAS 'DI 'BYUNG NGO ZHES BYA BA YIN NO, ,DE LTA BAS NA 'GRO BA NI RKYEN DU MAS BSKYED PA YIN NO ZHES BSTAN PAR 'GYUR RO, ,'DI LTAR RIG PAR 'GYUR RO ZHES BYA BA NI MDO SDE BA'I GZHUNG LUGS YIN NO, ,RNAM PA NI DMIGS PA 'DZIN PA'I BYE BRAG YIN NO ZHES BYA BA NI NGES PA'I TSUL STON PAR BYED DE, DE LTA YIN NA SHES RAB KYANG RNAM PA DANG BCAS PAR 'GYUR RO ZHES BYA BAR GRUB PO, ,DGE BA LA SOGS PA'I BYE BRAG CES BYA BA LA, STZOGS PA ZHES BYA BA'I SGRAS NI MI DGE BA DANG LUNG DU MA BSTAN PA DANG, SA DANG RTEN BSDU'O, ,TSIGS SU BCAD PA'I DANG PO NA YOD PA'I PHYIR ZHES BYA BA NI 'DI'I DANG PO YIN GYI BSTAN BCOS KYI NI MA YIN NO ZHES STON TE, BSTAN BCOS LAS NI CHOS SHES PA DANG POR 'BYUNG NGO, ,DRUG NA CHOS @255A *, ,ZHES BYA BA NI 'DOD PA NA SPYOD PA'I SDUG BSNGAL LA SOGS PA LA DMIGS PA'I PHYIR RO, ,GZUGS MED PA GSUM NA YOD DO ZHES BYA NI RJES SU SHES PA BSGOM PA'I LAM GYIS BSDUS PA KHO NA'O, ,DE BZHIN DRUG CES BYA BA NI SDUG BSNGAL SHES PA LA SOGS PA RJES SU SHES PA'I NGO BO NYID SRID PA'I PHYIR RO, ,GZUGS DANG GZUGS MED PA'I KHAMS DAG TU NI MNGON SUM DU MI BYED DO ZHES BYA BA NI GZUGS MED PA RNAMS 'DOD PA NA SPYOD PA'I SDUG BSNGAL LA SOGS PA'I MI DMIGS PA'I PHYIR RE ZHIG CHOS SHES PA GZUGS MED PA'I KHAMS SU MNGON SUM DU MI BYED PAR NI RIGS NA, GZUGS KYI KHAMS SU GO CI'I PHYIR MNGON SUM DU MI BYED CE NA, KHA CIG NA RE CHOS SHES PA NI LHUR 'DOD PA'I KHAMS RNAM PAR SUN 'BYIN PA YIN NA, GZUGS KYI KHAMS SU SKYES PA LA NI CHOS SHES PA 'DOD PA'I KHAMS RNAM PAR SU NA 'BYIN PA MI 'BYUNG STE, 'DOD CHAGS DANG BRAL BA DANG SA 'PHOS PAS DE YONGS SU BTANG BA'I PHYIR RO, ,'DOD PA'I KHAMS SU SKYES PA NI DE'I 'DOD CHAGS DANG BRAL YANG 'DOD PA'I KHAMS KYI PHUNG PO'I LHAG MA LUS PA'I PHYIR DE MNGON SUM DU BYED DO, ,DE'I PHYIR CHOS SHES PA GZUGS KYI KHAMS SU MNGON SUM DU MI BYED DO ZHES ZER RO, ,SLOB DPON 'DUS BZANG NA RE CHOS SHES PA 'DOD PA'I KHAMS KHO NAR MNGON SUM DU BYED KYI DE LA SNYOMS PAR 'JUG PA DANG LDANG BA'I SEMS RNAMS 'DOD PA'I KHAMS KHO NA NA YOD PA'I PHYIR GZUGS DANG GZUGS MED PA'I KHAMS DAG TU MA YIN NO, ,YANG NA RJES SU 'BRANG BA'I RTEN MED PA'I PHYIR TE, 'CHAL BA'I TSUL KHRIMS KUN NAS SLONG BAR BYED PA'I NYON MONGS PA'I 'THOB PA'I MI MTHUN PA'I PHYOGS YIN PA'I PHYIR CHOS SHES PA'I RJES SU 'BRANG BA'I TSUL KHRIMS KYI RTEN 'DOD PA NA SPYOD PA'I 'BYUNG BA DAG KHO NA YIN NA, DE DAG KYANG DE NA MED PAS CHOS SHES PA NI 'DOD PA'I KHAMS KYI RTEN CAN KHO NA YIN NO ZHES ZER RO, ,'GOG PAR SHES PA NI GCIG STE, CHOS DRAN PA NYE BAR GZHAG PA YIN NO ZHES BYA BA NI CHOS DRAN PA NYE BAR GZHAG PA BSTAN PA LAS CHOS NI LUS DANG TSOR BA DANG SEMS DAG LAS GZHAN PA YIN BSHAD PAS SO, , @255B GZHAN PA'I SHES PA RNAMS NI DRAN PA NYE BAR GZHAG PA BZHI CHAR YIN NO ZHES BYA BA NI CHOS DANG RJES DANG KUN RDZOB DANG, SDUG BSNGAL DANG, KUN 'BYUNG BA DANG, LAM DANG, ZAD PA DANG MI SKYE BA SHES PA RNAMS LA NI DRAN PA NYE BAR GZHAG PA BZHI'I NGO BO NYID YOD DE, SDUG BSNGAL SHES PA YANG RES 'GA' NI LUS LA DMIGS LA, RES 'GA' NI CHOS KYI BAR LA DMIGS SO, ,KUN 'BYUNG SHES PA YANG DE DANG 'DRA'O, ,LAM SHES PA YANG GAL TE ZAG PA MED PA'I SDOM PA LA DMIGS NA DE LUS DRAN PA NYE BAR GZHAG PA YIN NO, ,LHAG MA NI GO SLA'O, ,RJES SU SHES PA MA GTOGS SO ZHES BYA BA NI CHOS SHES PA MA GTOGS SO, ,GAL TE ZAG PA MED PA'I SHES PA LA DMIGS PAR BYED NA, CHOS SHES PA'I PHYOGS DANG MTHUN PA KHO NA LA DMIGS PAR BYED LA, DE BZHIN DU RJES SU SHES PA YANG RJES SU SHES PA'I PHYOGS DANG MTHUN PA KHO NA LA DMIGS PAR BYED DO ZHES BYA BAR NGES TE, DE LA CHOS SHES PA LAM SHES PAR GYUR PA'I DMIGS PAS NI CHOS SHES PA GZHAN DANG SDUG BSNGAL SHES PA LA SOGS PA MI SKYE BA SHES PA LA THUG PA'I BAR YIN PAR SRID LA, SDUG BSNGAL BA DANG KUN 'BYUNG BA SHES PAR GYUR PA'I DMIGS PA NI KUN RDZOB SHES PA YIN PAR SRID LA, GZHAN GYI SEMS SHES PAR GYUR PA'I DMIGS PA NI GZHAN GYI SEMS SHES PA YIN PAR SRID PAS, DE'I DMIGS PA SHES PA DGU YIN NO, ,DE BZHIN DU RJES SU SHES PA LA YANG SBYAR BAR BYA'O, ,LAM SHES PA'I DMIGS PA LA YANG DGU KHO NA YIN TE, KUN RDZOB SHES PA MA GTOGS SO ZHES BYA BA NI LAM SHES PA NI ZAG PA MED PA'I LAM LA DMIGS PAR NGES PA'I PHYIR KUN RDZOB SHES PA LA MI DMIGS SO, GNYIS TE KUN RDZOB DANG GZHAN GYI SEMS SHES PA YIN NO ZHES BYA BA NI SDUG BSNGAL DANG KUN 'BYUNG BA'I BDEN PA'I KHONGS SU GTOGS PA DAG GO, ,GZHAN GYI SEMS SHES PA ZAG PA MED PA GANG YIN PA DE'I DMIGS PA NI SHES PA DGU YIN LA, ZAG PA DANG BCAS PA GANG YIN PA DE'I DMIGS PA NI KUN RDZOB SHES PA DANG, GZHAN GYI SEMS SHES PA YIN PAR SRID DO, ,ZAD PA SHES @256A *, ,BA DANG MI SKYE BA SHES PA DAG NI SDUG BSNGAL DANG KUN 'BYUNG BA SHES PA LA SOGS PA'I NGO BO NYID YIN PAS DE DAG GI DMIGS PA NI SHES PA BCU CHAR YANG YIN NO, ,MTSUNGS PAR LDAN PA DANG LDAN PA MA YIN PA'I BYE BRAG GIS ZHES BYA BA LA, MTSUNGS PAR LDAN PA NI SEMS DANG SEMS LAS BYUNG BA RNAMS SO, ,LDAN PA MA YIN PA NI THOB PA LA SOGS PA'O, ,DGE BA DANG LUNG DU MA BSTAN PA'I BYE BRAG GIS ZHES BYA BA LA DGE BA NI SO SOR BRTAGS PAS 'GOG PA YIN TE, MCHOG TU BDE BA'I PHYIR RO, ,LUNG DU MA BSTAN PA NI NAM MKHA' DANG, SO SOR BRTAGS PA MA YIN PAS 'GOG PA DAG GO, ,'DOD PA NA SPYOD PA DANG, ZAG PA MED PA DANG BZHI ZHES BYA BA NI MTSUNGS PAR LDAN PA DANG LDAN PA MA YIN PA'I BYE BRAG GIS SO, ,GZUGS DANG GZUGS MED PA NA SPYOD PA DANG ZAG PA MED PA DANG DRUG CES BYA BA NI SO SOR MTSUNGS PAR LDAN PA DANG LDAN PA MA YIN PA'I BYE BRAG GIS TE, 'DOD PA DANG GZUGS DANG, GZUGS MED PA NA SPYOD PA RNAMS KYANG BYE BRAG DE NYID KYIS DRUG YIN NO, ,GNYIS TE ZAG PA MED PA DAG YIN NO ZHES BYA BA NI DE NYID KYIS SO, ,'DOD PA DANG GZUGS NA SPYOD PA DANG ZAG PA MED PA MTSUNGS PAR LDAN PA RNAMS YIN NO ZHES BYA BA NI GZUGS MED PA NA SPYOD PA'I SEMS DANG SEMS LAS BYUNG BA RNAMS DANG LDAN PA MA YIN PA DANG, 'DUS MA BYAS THAMS CAD NI GZHAN GYI SEMS SHES PA'I YUL MA YIN PA'I PHYIR RO, ,'DUS MA BYAS LUNG DU MA BSTAN PA MA GTOGS SO ZHES BYA BA NI ZAD PA DANG MI SKYE BA SHES PA DAG NI BDEN PA BZHI LA DMIGS PA'I PHYIR LA, 'DUS MA BYAS LUNG DU MA BSTAN PA NI BDEN PA BZHI LA MA GTOGS PA'I PHYIR RO, ,SHES PA GCIG GIS CHOS THAMS CAD SHES PAR 'GYUR BA YOD DAM ZHE NA, MED DO ZHES BYA BA JI LTAR SHES SHE NA, MDO LAS TE, KYE GOO TAM BDAG CAG 'DUN KHANG 'DIR 'DUS TE MCHIS PA RNAMS 'DI LTA BU'I BKA' MCHID THOR BU GLENG LANGS TE, DGE SBYONG GOO TA MA 'DI SKAD DU DGE SBYONG NGAM BRAM ZE YANG RUNG GANG THAMS CAD SHES SHING THAMS CAD MTHONG BAR 'GYUR BA DE NI 'GA' YANG MED DO ZHES @256B GSUNGS ZHES GRAG GO ZHES MCHI NA KYE GOO TA MA 'DI MAD DAM, BKA' STZAL PA, KYE NGAS DA SKAD DU SMRAS BAR NI DRAN MOD KYI, 'ON KYANG DGE SBYONG NGAM BRAM ZE YANG RUNG GANG CIG CAR THAMS CAD SHES PA'AM MTHONG BA DE NI 'GA' YANG MED DO ZHES BYA BA YIN NO ZHES 'BYUNG NGO, ,YUL DAD YUL CAN THA DAD PA'I PHYIR ZHES BYA BA RGYAS PAR 'BYUNG BA NI YUL DANG YUL CAN GANG YIN BA DE NYID DE'I YUL MA YIN TE, RAL GRI'I SO DE NYID DE NYID KYIS MI GCOD PA DE'I PHYIR KUN RDZOB SHES PA DES RANG GI NGO BO MI 'DZIN TO, ,DMIGS PA GCIG PA'I PHYIR DES LHAN CIG 'BYUNG BA'I SEMS DANG SEMS LAS BYUNG BA RNAMS KYANG MI 'DZIN TE, KUN RDZOB SHES PA 'DI'I DMIGS PA GANG YIN PA DE NYID MTSUNGS PAR LDAN PA RNAMS KYI YIN NO, ,GAL TE MTSUNGS PAR LDAN PA DE DAG 'DZIN PAR 'GYUR NA NI, KUN RDZOB SHES PA DANG DMIGS PA GCIG PA'I PHYIR RANG GI NGO BO LA DMIGS PAR 'GYUR BA ZHIG NA DE YANG RIGS PA MA YIN TE, DE LTA BAS NA DES DE DAG MI 'DZIN TO, ,HA CANG NYE BA'I PHYIR LHAN CIG 'BYUNG BA LDAN PA MA YIN PA DE DAG KYANG MI 'DZIN TE, MIG GIS MIG SMAN DANG MIG SMAN GYI THUR MA MI MTHONG BA BZHIN NO, ,DE YANG ZHES BYA BA NI KUN RDZOB SHES PA'O, ,DE NI SA RNAM BAR CHAD PA LA DMIGS BA'I PHYIR RO ZHES BYA BA NI 'DI LTAR KUN RDZOB SHES PA GZUGS NA SPYOD PA BSGOMS PA LAS BYUNG BA NI 'DOD PA'I KHAMS SAM, BSAM GTAN DANG PO NAS SRID PA'I RTZE MO'I BAR SA RNAM PAR CHAD PA KHO NA LA DMIGS SO, ,CI'I PHYIR ZHE NA, BAR CHAD MED PA DANG RNAM PAR GROL BA'I LAM RNAMS GO RIMS BZHIN DUS 'OG MA DANG GONG MA LA DMIGS PA'I PHYIR TE GO RIMS BZHIN DU, ZHI STZOGS RAGS STZOGS RNAM PA NI, ,GONG DANG 'OG MA'I SPYOD YUL CAN, ,ZHES 'BYUNG BAS SO, ,GAL TE DES SA THAMS CAD LA DMIGS PAR GYUR NA NI THAMS CAD LAS CIG CAR 'DOD CHAGS DANG BRAL BAR 'GYUR RO, ,SBYOR BA DANG KHYAD PAR GYI LAM DAG GI DMIGS PA YANG CI RIGS PAR SA 'GA' ZHIG KHO NA YIN NO, ,JI LTA ZHE NA, NGES PAR 'BYED PA'I CHA DANG MTHUN PA'I SBYOR BA'I LAM GYIS BSDUS PA GANG GI DMIGS PA 'DOD PA'I KHAMS YIN PA @257A *, ,DE'I KHAMS GZHAN DAG MA YIN TE, GANG GI DMIGS PA GZHAN DAG YIN BA DE'I 'DOD PA'I KHAMS MA YIN NO, ,MI SDUG PA DANG, TSAD MED PA DANG, ZIL GYIS GNON PA'I SKYE MCHED LA SOGS PA DANG, RNAM PAR SUN 'BYIN PA DANG, KHYAD PAR CAN GYI LAM GYIS BSDUS PA'I DMIGS PA NI 'DOD PA'I KHAMS KHO NA YIN GYI, KHAMS GZHAN DAG MA YIN NO, ,ZAG MED SKAD CIG DANG PO LA, ,CHAGS CAN SHES PA GCIG DANG LDAN, ,ZHES BYA BA NI 'DI LTAR BZOD PA YANG SHES PA MA YIN LA, ZAG PA MED PA'I SHES PA GZHAN DANG YANG MI LDAN PAS SO, ,CHAGS CAN ZHES SMOS PA NI 'DI LTAR 'DOD CHAGS DANG BRAL BA NI GZHAN GYI SEMS SHES PA DANG YANG LDAN PAR 'GYUR RO, ,GNYIS PA LA GSUM ZHES BYA BA NI SDUG BSNGAL LA CHOS SHES PA DE NYID CHOS SHES PA ZHES KYANG BYA LA, SDUG BSNGAL SHES PA ZHES KYANG BYA BAS MING THA DAD PA'I SGO NAS GNYIS SU NYE BAR GDAGS NA CHOS SHES PA DANG, SDUG BSNGAL SHES PA DANG, KUN RDZOB SHES PA STE GSUM DANG LDAN NO, ,BZHI LA ZHES BYA BA NI SDUG BSNGAL LA RJES SU SHES PA'I SKAD CIG DANG, KUN 'BYUNG BA DANG, 'GOG PA DANG, LAM LA CHOS SHES PA'I SKAD CIG MA DAG LA STE, BZOD PA DAG LA NI SNGA MA KHO NA BZHIN DU LDAN PA'I PHYIR RO, ,SDUG BSNGAL LA RJES SU SHES PA'I SKAD CIG MA LA NI RJES SU SHES PA KHO NA 'PHEL GYI, CHOS SHES PA NI MA YIN TE, DE DAG DANG NI SNGA NAS LDAN PA'I PHYIR RO, ,KUN 'BYUNG BA LA CHOS SHES PA'I SKAD CIG MA LA NI KUN 'BYUNG BA SHES PA KHO NA 'PHEL GYI, CHOS DANG RJES SU SHES PA DAG NI MA YIN TE, DE DAG DANG NI SNGA NAS LDAN PA'I PHYIR RO, ,DE BZHIN DU 'GOG PA DANG LAM LA CHOS SHES PA'I SKAD CIG MA DAG LA NI 'GOG PA DANG LAM SHES PA DAG KHO NA 'PHEL LO ZHES BRJOD PAR BYA'O, ,'DOD CHAGS DANG BRAL BA ZHIG YIN NA NI THAMS CAD DU GZHAN GYI SEMS SHES PA LHAG PAR LDAN ZHES BYA BA NI SDUG BSNGAL LA CHOS SHES PA'I BZOD PA NAS LAM LA CHOS SHES PA'I SKAD CIG MA'I BAR LA GZHAN GYI SEMS SHES PA DANG JI SKAD BSHAD PA'I SHES PA DE DAG DANG YANG LDAN NO ZHES BYA BAR RIG PAR BYA'O, ,LAM @257B LA RJES SU SHES PA LA NI 'DOD CHAGS DANG MA BRAL BA ZHIG YIN NA BDUN PO DE DAG DANG LDAN NO, ,'DOD CHAGS DANG BRAL BA ZHIG YIN NA NI BRGYAD DE, DE DAG DANG GZHAN GYI SEMS SHES PA DANG LDAN NO, ,ZAD PA DANG MI SKYE BA SHES BA DAG DANG NI DGRA BCOM PA KHO NA DANG LDAN NO ZHES BYA BAR RTOGS PAR SLA[?] BA'I PHYIR DE'I PHYIR MDOR MA BYAS SO ZHES BYA BAR KHONG DU CHUD PAR BYA'O, ,SHES PA JI LTAR SKYES PA RNAMS, ,MA 'ONGS PA 'THOB CES BYA BA NI 'DIR RNYED PA'I 'THOB PA DANG, BSTEN PA'I 'THOB PA DANG, 'THOB PA RNAM PA GNYIS KYI DBANG DU BYAS PA YIN TE, RNYED PA'I 'THOB PA NI THOB PA'I SGO NAS SO, ,BSTAN PA'I 'THOB PA NI MNGON SUM DU GYUR BA'I SGO NAS SO, ,JI LTAR SKYES PA RNAMS 'THOB CES BYA BA NI GANG DANG GANG SKYES PA DE DAG 'THOB PO ZHES BYA BA'I THA TSIG STE, DPER NA SDUG BSNGAL LA CHOS SHES PA'I BZOD PA SKYES NA DE DANG 'DRA BA'I BZOD PA MA 'ONGS PA KHO NA 'THOB PO, ,DE'I RNAM PA BZHI ZHES BYA BA NI SKAL BA 'DRA BA'I PHYIR BZOD PA'I RNAM PA STE, MI RTAG PA LA SOGS PA'I RNAM PA BZHI YIN GYI GZHAN NI MA YIN NO, ,DE BZHIN DU SDUG BSNGAL LA CHOS SHES PA SKYES NA DE NYID MA 'ONGS PA 'THOB CING DE'I RNAM PA BZHI KHO NA 'THOB STE, DE BZHIN DU SDUG BSNGAL LA RJES SU SHES PA'I BZOD PA LA SOGS PA LA YANG SBYAR BAR BYA'O, ,SHES PA DANG RNAM PA 'DRA BA KHO NA 'THOB CE NA ZHES BYA BA NI CI'I PHYIR MTHONG BA'I LAM KHO NA LA SHES BA 'DRA BA 'THOB CING RNAM PA YANG 'DRA BA 'THOB KYI BSGOM PA'I LAM LA NI MA YIN ZHES BYA BA YIN NO, ,BZOD PA RNAMS YONGS SU MA DRIS PA NI BSGOM PA'I LAM LA DE DAG MED PA'I PHYIR RO, ,YANG NA DE DAG KYANG 'DRA BA 'THOB PA'I PHYIR DRI BAR BYA DGOS TE, SDUG BSNGAL LA BZOD PA SKYES NA KUN 'BYUNG BA LA SOGS PA'I BZOD PA'I RNAM PA 'THOB PA NI MA YIN NO, ,DPER BRJOD PA TZAM GYI DON DU ZAD PAS SHES PA YONGS SU DRIS KYI BZOD PA NI YONGS SU MA DRIS SO, ,RIGS RNAMS MA THOB PA'I PHYIR ZHES BYA BA NI SKAL BA MNYAM PA'I RGYU RNAMS MA THOB PA'I PHYIR RO ZHES BYA BA'I THA TSIG GO, ,JI LTA ZHE NA, SDUG BSNGAL LA CHOS SHES PA'I BZOD PA SKYES NA DE'I RIGS DANG DE'I RNAM PA BZHI'I RIGS RNAMS 'THOB PAR @258A *, ,'GYUR GYI, SDUG BSNGAL LA CHOS SHES PA LA SOGS PA'I MA YIN NO, ,YANG MI RTAG PA LA SOGS PA'I RNAM PA DAG LAS RNAM PA RE RE ZHIG MNGON SUM DU GYUR NA, CI'I PHYIR RNAM PA LHAG MA RNAMS KYI RIGS 'THOB, GANG GIS NA DE DAG KYANG 'THOB PAR 'GYUR ZHE NA, DMIGS PA MTSUNGS PA NYID KYIS 'DRA BA'I PHYIR THAMS CAD KYI RIGS 'THOB BO, ,DE BZHIN DU SDUG BSNGAL LA CHOS SHES PA SKYES PA NAS, LAM LA RJES SU SHES PA'I BZOD PA SKYES PA'I BAR LA DE DAG DANG DE DAG GI RNAM PA'I RIGS RNAMS 'THOB PAR 'GYUR BAS DE DAG KHO NA 'THOB BAR 'GYUR GYI GZHAN NI MA YIN NO, ,BSGOM PA'I LAM LA NI SHES PA 'DRA BA DANG, MI 'DRA BA DANG, DE DAG GI RNAM PA THAMS CAD MNGON SUM DU 'GYUR BA'I PHYIR THAMS CAD KYI RGYU THOB PAR 'GYUR BAS DE LAS KHYAD PAR DU 'PHAGS PA'I SHES PA'I RNAM PA MA 'ONGS PA 'THOB PAR 'GYUR RO, ,RJES GSUM LA NI KUN RDZOB KYANG, ,ZHES BYA BA NI SNGON MA THOB PA'O, ,CHOS SHES PA LA NI MA YIN TE, BDEN BA ZAD PAR MNGON PAR MA RTOGS PA'I PHYIR RO ZHES BYA BA NI DE'I TSE GZUGS DANG GZUGS MED PA NA SPYOD PA'I SDUG BSNGAL YONGS SU SHES PA DANG, KUN 'BYUNG BA SPANGS PA DANG, DE'I 'GOG PA MNGON DU BYAS PA MA YIN NO, ,LAM GYI BDEN PA NI SNGON 'JIG RTEN PA'I LAM GYIS MNGON PAR MA RTOGS PA'I PHYIR ZHES BYA BA NI THOG MA MED PA CAN GYI 'KHOR BA NI SNGON 'JIG RTEN PA'I LAM GYIS SDUG BSNGAL DANG KUN 'BYUNG BA DANG, 'GOG PA MNGON PAR RTOGS KYI, KUN RDZOB SHES PAS NI NAM YANG LAM LA LAM LA SOGS PA'I RNAM PAR MNGON PAR MA RTOGS SO, ,DE BAS NA GSUM LAS BDEN PA RE RE MNGON PAR RTOGS PA'I RJES LA 'THOB PAR 'GYUR GYI, LAM LA RJES SU SHES PA LA NI MA YIN NO, ,LAM NI ZAD PAR BSGOM PAR MI NUS ZHES BYA BA NI MNGON SUM DU BYA BAR ZHES BYA BA'I THA TSIG GO ,DE'I TSE KUN 'BYUNG BA YANG THAMS CAD SPANGS PA MA YIN PAS ZHES BYA BA NI 'GOG PA DANG, LAM MTHONG BA DANG, BSGOM PAS SPANG BAR BYA BA'O, ,SDUG BSNGAL NI KHAMS GSUM PA THAMS CAD YONGS SU SHES TE, DE NI YONGS SU SHES PAR BYA BA YIN @258B BA'I PHYIR RO, ,DE'I PHYIR KUN 'BYUNG BA 'BA' ZHIG LA RGOL LO, ,DE'I BDEN PA MTHONG BAS SPANG BAR BYA BA ZHES BYA BA NI KUN 'BYUNG BA'I BDEN PA MTHONG BAS SPANG BAR BYA BA ZHES BYA BA'I DON TO, ,RIGS MANG BA'I PHYIR ZHES BYA BA LA, RIGS NI LUS KYI RGYUD KYI NUS PA'I KHYAD PAR YIN NO, ,'DI LA RIGS DE DAG MANG PO ZHIG YOD PAS LAM RIGS MANG PO CAN YIN TE, NYAN THOS KYI RIGS DANG, RANG SANGS RGYAS KYI RIGS DANG, DE BZHIN DU SANGS RGYAS KYI RIGS SO, ,NYAN THOS KYI RIGS KYANG CHUNG NGU DANG CHEN PO'I BYE BRAG GIS PHAN TSUN THA DAD PA STE, DE DAG LAS MTHONG BAS SPANG BAR BYA BA'I GNYEN PO 'GA' ZHIG KHO NA BSGOM ZHING MNGON SUM DU BYED PAR ZAD KYI LAM ZAD PAR BSGOM PAR NI MI NUS SO, ,MTHONG BA'I LAM GYI 'KHOR YIN PA'I PHYIR ZHES BYA BA NI KUN RDZOB SHES PA NI MTHONG BA'I LAM GYI 'KHOR YIN PAS DE'I PHYIR MTHONG BA'I LAM LA BDEN PA GSUM GYI RJES KHO NA LA 'THOB KYI, LAM GYI RJES LA NI MA YIN TE, DE NI BSGOM PA'I LAM YIN PA'I PHYIR RO, ,BSGRUB PAR BYA BA MA YIN PA'I PHYIR, SHES PAR BYED PA MA YIN NO ZHES BYA BA NI MTHONG BA'I LAM GYI 'KHOR KHO NA YIN GYI, BSGOM PA'I LAM GYI 'KHOR MA YIN NO ZHES BYA BA 'DI NI BSGRUB DGOS SO; ;KHO BO NI DE BSGOM PA'I LAM GYI 'KHOR YANG YIN NO ZHES ZER RO, ,CHOS[?] KHYAD PAR DU 'PHAGS PA BDEN PA LA DMIGS PA ZHES BYA BA NI MTHONG BA'I GNAS SKABS LAS SNGON 'JIG RTEN PA YOD PA GANG YIN PA DE BAS 'JIG RTEN PA 'DI CHES KHYAD PAR DU 'PHAGS SO SNYAM DU BSAMS BA YIN NO, ,DE MNGON SUM DU 'GYUR BAR NUS PA'I RTEN RNYED PA GANG YIN PA DE NYID CES BYA BA NI KUN RDZOB SHES PA STE, MNGON SUM DU 'GYUR BAR NUS PA'I RTEN RNYED PA GANG YIN PA 'DI DE RNYED PA YIN GYI DON GZHAN DU 'GYUR BA NI MED DO ZHES BYA BA YIN NO, ,RIGS RNYED NA RIGS LAS BYUNG BA YANG RNYED PA YIN NO ZHES BYA BA LA, RIGS NI DA SKYED PAR NUS PA'I RGYU YIN NO, ,DE LAS BYUNG BA NA RIGS LAS BYUNG BA NI KUN RDZOB SHES PA YIN TE, 'DI SKAD DU DE MNGON SUM DU 'GYUR BAR NUS PA'I RTEN RNYED NA RTEN DES BSKYED PAR BYA BA DE YANG RNYED PA YIN NO ZHES BSHAD PAR @259A *, ,'GYUR RO, ,YANG CI'I PHYIR BYE BRAG TU SMRA BA RNAMS DE LTAR MI 'DOD CE NA, DE NI MTHONG BA'I LAM GYIS THOB PAR BYA BA YIN NO, ,JI LTAR DE BSGOM PA'I LAM LA MNGON SUM DU 'GYUR TE MTHONG BA'I LAM LA NI DE SKYE BA'I GO SKABS MED PAS MI SKYE BA'I CHOS CAN YIN NO ZHES BRJOD DO, ,DE BZHIN DU MTHONG BA'I LAM BSAM GTAN BZHI PA'I SA PA YIN NO ZHES BYA BA RGYAS PAR 'BYUNG BA NI GAL TE BSAM GTAN DANG PO'I SA BA ZHIG YIN NA, BSAM GTAN DANG PO'I SA PA DANG, MI LCOGS PA MED PA'I SA PA DANG, 'DOD PA NA SPYOD PA DANG SA GSUM PA 'THOB PO, GAL TE BSAM GTAN KHYAD PAR CAN GYIS PA ZHIG YIN NA BSAM GTAN KHYAD PAR CAN GYI SA BA DANG, SNGAR BSHAD PA BSAM GTAN DANG PO LA SOGS PA'I SA PA DANG, SA BZHI PA 'THOB PO, DE BZHIN DU GAL TE BSAM GTAN GNYIS PA'I SA PA YIN NA, BSAM GTAN GNYIS PA'I SA PA NAS 'DOD PA NA SPYOD PA'I BAR SA LNGA PA 'THOB PO, ,GAL TE BSAM GTAN GSUM PA'I SA PA ZHIG YIN NA, BSAM GTAN GSUM PA NAS 'DOD PA NA SPYOD PA'I BAR SA DRUG PA 'THOB BO, ,GAL TE BSAM GTAN BZHI PA'I SA PA ZHIG YIN NA BSAM GTAN BZHI PA'I SA PA NAS 'DOD PA NA SPYOD PA'I BAR SA BDUN PA 'THOB BO, ,GCIG GRANGS BCAD PAS LHAG MA NI DRAN PA NYE BAR GZHAG PA BZHI CHAR YIN NO ZHES BYA BAR GRUB BO ZHES BYA BA NI 'GOG PA'I NI THA MA KHO NA YIN LA THA MA KHO NA YANG 'GOG PA'I YIN NO ZHES GNYI GA NGES PAR GZUNG BA'I PHYIR LHAG MA NI DRAN PA NYE BAR GZHAG PA BZHI'I NGO BO NYID YIN NO ZHES BYA BAR GRUB PAR 'GYUR RO, ,SDUG BSNGAL NI LUS LA SOGS PA'I NGO BO NYID PA'I PHYIR SDUG BSNGAL MNGON PAR RTOGS PA NA 'THOB PA'I KUN RDZOB SHES PA GANG YIN PA DE NI DRAN PA NYE BAR GZHAG PA BZHI CHAR YIN TE, DE BZHIN DU KUN 'BYUNG BA LA YANG BRJOD BAR BYA'O, ,BDEN PA DE'I RNAM PA CAN KHO NA YIN NO ZHES BYA BA NI SDUG BSNGAL MNGON PAR RTOGS PA NA, 'THOB PA'I KUN RDZOB SHES PA GANG YIN PA DE NI SO SOR MI RTAG PA DANG SDUG BSNGAL BA DANG, STAD[?] PA DANG, BDAG MED PA'I RNAM PA CAN @259B YIN TE, DE BZHIN DU KUN 'BYUNG BA DANG, 'GOG PA LA YANG BRJOD PAR BYA'O, ,'DI'I DMIGS PA YANG BDEN PA DE NYID YIN NO ZHES BYA BA NI 'DI LTAR RNAM PA DE NI DE LA DMIGS PA'I PHYIR RO, ,SBYOR BA LAS BYUNG BA YIN ZHES BYA BA NI DES NA SKYE BAS 'THOB PA MA YIN NO, ,PHUNG PO BZHI DANG, LNGA'I RANG BZHIN YIN NO ZHES BYA BA NI 'DOD PA NA SPYOD PA LA RJES SU 'BRANG BA'I GZUGS MED PA'I PHUNG PO BZHI'I RANG BZHIN YIN TE, TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO'I NGO BO NYID YIN NO ZHES BYA BA'I THA TSIG GO, ,SA GONG MA PA NI PHUNG PO LNGA'I RANG BZHIN YIN TE; BSAM GTAN GYI SDOM PA'I MTSAN NYID KYI GZUGS KYI PHUNG PO YOD PA'I PHYIR RO, ,SHES PA GNYIS DA LTAR BYUNG BA YIN ZHES BYA BA NI RJES SU SHES PA DANG LAM SHES PA STE, LAM LA RJES SU SHES PA NI DE GNYI GA'I NGO BO NYID YIN PA'I PHYIR RO, ,MA 'ONGS PA DRUG CES BYA BA NI CHOS SHES PA LA SOGS PA'O, ,KUN RDZOB SHES PA NI MI 'THOB STE, SNGON RNYED ZIN PA NI MI 'THOB BO ZHES 'CHAD PAR 'GYUR RO, ,GZHAN GYI SEMS SHES PA YANG MI 'THOB STE, 'DOD CHAGS DANG BRAL BA'I PHYIR RO, ,DE'I GONG MA CHAGS BCAS KYI, ,BSGOM PA'I LAM LA BDUN 'THOB BO, ,ZHES BYA BA NI RNAM PA GCIG SPANGS PA NAS RNAM PA BRGYAD SPANGS PA'I BAR TE, JI SRID DU 'DOD CHAGS DANG BRAL BA MA YIN ZHING, JI SRID DU RNAM PA DGU PA SPANGS PA YIN PA'I BAR SKABS 'DIR SBYOR BA DANG BAR CHAD PA[?] MED PA DANG RNAM PAR GROL BA DANG KHYAD PAR CAN GYI LAM THOB PA NA SHES PA BDUN 'THOB STE, GZHAN GYI SEMS SHES PA MA GTOGS PA CHOS SHES PA LA SOGS PA 'THOB BO, ,GAL TE BSGOM PA'I LAM 'JIG RTEN PA ZHI BA LA SOGS PA DANG RAGS PA LA SOGS PA'I RNAM PA CAN ZHIG YIN NI KUN RDZOB SHES PAD LTAR 'BYUNG BA YIN NO, ,SHES PA BZHI LAS ZHES BYA BA NI SDUG BSNGAL DANG KUN 'BYUNG BA DANG 'GOG PA DANG, LAM LA CHOS SHES PA GANG YANG RUNG BA ZHIG GO, ,'DOD PA'I KHAMS KYI GNYEN PO MA YIN PA'I PHYIR RJES SU SHES PA RNAMS NI MA YIN NO,, ,,BAM PO LNGA BCU LNGA PA, MNGON PAR SHES PA LNGA ZHES BYA BA NI ZAG PA ZAD PA'I MNGON PAR SHES PA MA GTOGS @260A *, ,SO; ;RJES SU SHES PA BZHI ZHES BYA BA NI SDUG BSNGAL DANG KUN 'BYUNG BA DANG 'GOG PA DANG, LAM LA RJES SU SHES PA'O, ,CHOS SHES PA GNYIS ZHES BYA BA NI 'GOG PA DANG, LAM LA DMIGS PA DGRA STE, KHAMS GSUM GYI GNYEN PO NYID DU RUNG BA'I PHYIR RO, ,KUN RDZOB SHES PA MI 'THOB STE, SRID PA'I RTZE MO'I GNYEN PO MA YIN PA'I PHYIR RO ZHES BYA BA NI SA BDUN LAS 'DOD CHAGS DANG BRAL BA NI 'JIG RTEN LAS 'DAS PAS THOB KYANG KUN RDZOB SHES PA 'THOB STE, NYON MONGS PA'I RNAM PA DE'I GNYEN PO NI 'JIG RTEN LAS 'DAS PA 'BA' ZHIG TU MA ZAD KYI, KUN RDZOB SHES PA YANG YIN PAS DE NA DE LTA BU'I KUN RDZOB SHES PA YANG 'THOB BO, ,MI G-YO BA RTOGS PAR BYED PA NA NI KUN RDZOB SHES PA GNYEN PO'I NGO BO DE LTA BU MED PAS DE'I PHYIR DE NI MI 'THOB BO, ,DER NI ZAD PA SHES PA BDUN PA YIN ZHES BYA BA NI BAR CHAD MED PA'I LAM LA GNAS PA'I PHYIR DE NA ZAD SHES PA 'THOB KYI, MI SKYE BA SHES PA NI MA YIN TE, BAR CHAD MED PA'I LAM LA GNAS PA NI MI G-YO BA'I CHOS CAN MA YIN NO, ,MI G-YO BA'I CHOS CAN GYIS NI MI SKYE BA SHES PA YANG 'THOB BO, ,SRID PA'I RTZE MO LAS 'DOD CHAGS DANG BRAL BA'I RNAM PAR GROL BA'I LAM BRGYAD LA YANG SHES PA BDUN KHO NA 'THOB CES BYA BA NI GZHAN GYI SEMS SHES PA JI LTAR 'THOB CE NA, GZHAN GYI SEMS SHES PA NI BAR CHAD MED PA'I LAM LA BKAG GI ,RNAM PAR GROL BA'I LAM LA NI MA YIN PAS, DE'I PHYIR RNAM PA GCIG SPANGS PA NAS RNAM PA BRGYAD SPANGS PA'I BAR LA 'PHAGS PA'I GANG ZAG DE LAM DE LAS LANGS NAS MNGON SUM DU BYED PAR 'GYUR BA GZHAN GYI SEMS SHES PA SNGA MA PAS KHYAD PAR DU 'PHAGS PA'I GZHAN GYI SEMS SHES PA 'THOB STE, RGYUD KYI KHYAD PAR GYI SGO NAS GZHAN GYI SEMS SHES PA KHYAD PAR CAN DU 'DOD DO, ,'DOD CHAGS DANG BCAS PA DANG, 'DOD CHAGS DANG BRAL BA GNYI GAS RNAM PAR GROL BA'I LAM LA 'THOB BO ZHES BYA BA YIN NO, ,SBYOR BA'I LAM LA NI DE GNYIS KYIS ZHES BYA BA NI 'DOD CHAGS DANG BCAS PA DANG 'DOD CHAGS DANG BRAL BA DE GNYIS KYIS KUN RDZOB SHES PA YANG 'THOB GO, ,RNAM PAR GROL BA'I LAM LA CI'I PHYIR RTZOD CE NA, @260B KHA CIG NA RE MTHONG BA'I LAM DANG 'DRA BA'I PHYIR DE NA MNGON PAR RTOGS PA'I RJES LAS BYUNG BA DANG 'DRA BAR DE 'THOB BO ZHES ZER RO, ,GZHAN DAG NA RE, MNGON PAR RTOGS PA YANG MED LA, MTHONG BA'I LAM DANG 'DRA BA YANG MA YIN NO ZHES ZER TE, DE LTAR RTZOD DO, ,DRUG 'THOB STE SNGA MA BZHIN NO ZHES BYA BA NI CHOS DANG RJES DANG SDUG BSNGAL DANG, KUN 'BYUNG BA DANG 'GOG PA DANG LAM SHES PA RNAMS SO, ,KUN RDZOB SHES PA NI MA YIN TE, MTHONG BA'I LAM DANG 'DRA BA'I PHYIR RO ZHES BYA BA 'DIR MTHONG BA'I LAM DANG CI ZHIG 'DRA ZHE NA, 'BRAS BU 'THOB PA STE, JI LTAR MTHONG BA'I LAM GYIS RGYUN DU ZHUGS PA'I 'BRAS BU'AM, LAN CIG PHYIR 'ONG BA'AM, PHYIR MI 'ONG BA'I 'BRAS BU 'THOB BA DE BZHIN DU 'DIS KYANG BAR CHAD MED PA'I LAM GYIS SLOB PA'I DBANG PO SBYONG BA NA RGYUN DU ZHUGS PA'I 'BRAS BU LA SOGS PA DBANG PO RNON POS BSDUS PA 'DUS BYAS DAG 'THOB LA, MTHONG BA'I LAM LA YANG BAR CHAD MED PA'I LAM GYI GNAS SKABS NA KUN RDZOB SHES PA MI 'THOB PA LTAR 'DIR YANG DE DANG 'DRA'O, ,DE LTA BAS NA MTHONG BA'I LAM DANG 'DRA BA'I PHYIR BAR CHAD MED PA'I LAM LA KUN RDZOB SHES PA MI 'THOB BO, ,DE BZHIN DU DRUG 'THOB PO ZHES BYA BA NI CHOS DANG RJES DANG SDUG BSNGAL DANG, KUN 'BYUNG BA DANG 'GOG PA DANG, LAM SHES PA RNAMS SO, ,'DIR YANG SRID PA'I RTZE MO'I GNYEN PO MA YIN PA'I PHYIR KUN RDZOB SHES PA YANG MI 'THOB LA, BAR CHAD MED PA'I LAM THAMS CAD LA BKAG PA'I PHYIR GZHAN GYI SEMS SHES PA YANG MA YIN NO, ,LHAG MA GANG ZHIG YIN PA'I ZHES BYA BA RGYAS PAR 'BYUNG BA JI LTAR 'DOD PA LAS 'DOD CHAGS DANG BRAL BA'I RNAM PAR GROL BA'I LAM DGU PA LHAG MA YIN ZHE NA, DE YI GONG MA CHAGS BCAS KYI, ,BSGOM PA'I LAM LA BDUN 'THOB PO, ,ZHES 'BYUNG BA'I PHYIR RO, ,SA BDUN LAS 'DOD CHAGS DANG BRAL BA DANG, MNGON PAR SHES PA DANG, SPEL MAR BSGOM PA DAG GI RNAM PAR GROL BA'I LAM RNAMS KYANG LHAG MA YIN TE, SA BDUN LAS RGYAL MNGON SHES DANG, ,MI G-YO THOB DANG SPEL BSGOMS PA'I, ,BAR CHAD MED PA'I LAM DAG @261A *, ,DANG; ;ZHES 'BYUNG BA'I PHYIR RO, ,DE BZHIN DU GANG ZHIG MI G-YO BA NYID DU 'PHO BA DE'I RNAM PAR GROL BA'I LAM THA MA LA YANG BCU 'THOB PO ZHES 'BYUNG BA'I PHYIR RNAM PAR GROL BA'I LAM BRGYAD KYANG LHAG MA YIN NO, ,'DOD CHAGS DANG BRAL BA PHYIR MI 'ONG BA'I SBYOR BA DANG KHYAD PAR CAN GYI LAM THAMS CAD KYANG LHAG MA YIN TE, DE DAG GI THOB PA MA SMOS PA'I PHYIR RO, ,SLOB PA'I NI DE LTA BU YIN NO ZHES BYA BA NI BSHAD PA'I LHAG MA LA BRGYAD 'THOB CES GANG BSTAN PA YIN NO, ,YANG DE LTAR KHYAD PAR DU NI MA BYAS NA, JI LTAR KHYAD PAR RTOGS PAR 'GYUR ZHE NA, MI SLOB PA NI GDON MI ZA BAR SHES PA DGU 'AM BCU 'THOB PA DANG LDAN PA'I PHYIR RO, ,DE NYID KYI PHYIR MI SLOB PA NI MNGON PAR SHES PA LA SOGS PA ZHES BYA BA LA SOGS PA SMOS TE, STZOGS PA ZHES BYA BA'I SGRAS NI SPEL MAR BSGOM PA DANG, BSAM GTAN LA SOGS PA BSDU'O, ,MNGON PAR SHES PA MNGON PAR SGRUB PA DANG; SPEL MAR BSGOMS PA'I SBYOR BA DANG, RNAM PAR GROL BA DANG, KHYAD PAR CAN GYI LAM GANG YIN PA DE DAG LA GAL TE DUS KYIS RNAM PAR GROL PA ZHIG YIN NA NI MI SKYE BA SHES PA MA GTOGS PA SHES PA DGU 'THOB PO, ,GAL TE MI G-YO BA'I CHOS CAN ZHIG YIN NA NI DE NYID BSNAN TE BCU 'THOB PO, ,BRGYAD DAM DGU 'THOB BO ZHES BYA BA NI DUS KYIS RNAM PAR GROL BAS NI BRGYAD 'THOB LA, MI G-YO BA'I CHOS CAN GYIS NI GZHAN GYI SEMS SHES PA MA GTOGS PA DGU 'THOB STE, DE'I BAR CHAD MED PA'I LAM DAG LA BKAG PA'I PHYIR RO, ,MNGON PAR SHES PA'I RNAM PAR GROL BA'I LAM GNYIS ZHES BYA BA NI LHA'I RNA BA DANG LHA'I MIG GI MNGON PAR SHES PA'I RNAM PAR GROL BA'I LAM DAG STE, MIG DANG RNA BA'I MNGON SHES NI, ,LUNG DU MA BSTAN ZHES 'BYUNG BA'I PHYIR DE DAG GI RNAM PAR GROL BA'I LAM DAG KYANG LUNG DU MA BSTAN PA YIN LA, CHOS LUNG DU MA BSTAN PA LA NI MA 'ONGS PA 'THOB PA MED DO, ,SO SO'I SKYE BO NI 'DOD PA DANG, BSAM GTAN GSUM LAS 'DOD CHAGS DANG BRAL BA ZHES BYA BA NI BSAM GTAN BZHI PA MA SMOS PA NI 'DI LTAR BSAM GTAN BZHI PA LAS 'DOD CHAGS DANG BRAL BA'I RNAM PAR GROL BA'I LAM THA MA GANG @261B YIN PA DE LA NI NAM MKHA' MTHA' YAS SKYE MCHED KYI DNGOS GZHI 'THOB LA, GZHAN GYI SEMS SHES PA GZUGS MED PA'I KHAMS KYIS BSDUS PA YANG MED DE, GZUGS LA BRTEN NAS SGRUB PAR BYED PA YIN PA'I PHYIR RO, ,SBYOR BA RNAMS DANG MNGON PAR SHES PA GSUM GYI RNAM PAR GROL BA'I LAM RNAMS DANG, TSAD MED PA LA SOGS PA'I YON TAN MNGON PAR SGRUB PA RNAMS ZHES BYA BA NI SBYOR BA'I LAM RNAMS DANG MNGON PAR SHES PA GSUM GYIS RNAM PAR GROL BA'I LAM RNAMS DANG, TSAD MED PA LA SOGS PA'I YON TAN MNGON PAR SGRUB PA RNAMS ZHES TSIG RNAM PAR SBYAR RO, ,STZOGS PA ZHES BYA BA'I SGRAS NI RNAM PAR THAR PA DANG, ZIL GYIS GNON PA'I SKYE MCHED LA SOGS PA'I YON TAN BSDUS TE, TSAD MED PA LA SOGS PA'I YON TAN MNGON PAR BSGRUB PA ZHES BYA BA YIN NO, ,BSAM GTAN GYIS PA SMOS PA NI NYER BSNGOGS BSTZAL BA'I PHYIR TE, DE LA GZHAN GYI SEMS SHES PA MED DO, ,MNGON PAR SHES PA GSUM NI RDZU 'PHRUL GYI YUL SHES PA'I MNGON PAR SHES PA DANG, SNGON GYI GNAS RJES SU DRAN BA'I MNGON PAR SHES PA GSUM GYI RNAM PAR GROL BA'I LAM DANG SEMS KYI RNAM GRANGS SHES PA'I MNGON PAR SHES PA'O, ,'DOD PA DANG BSAM GTAN GSUM LAS 'DOD CHAGS DANG BRAL BA'I RNAM PAR GROL BA'I LAM THA MA DE DAG DANG, BSAM GTAN GYIS PA DAG GI SBYOR[?] BA'I LAM DAG DANG, BSAM GTAN GYI SA PA KHO NA'I MNGON PAR SHES PA GSUM GYI RNAM PAR GROL BA'I LAM DANG TSAD MED PA DANG, RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA'I YON TAN MNGON BAR BSGRUR[?] PA RNAMS KYI SBYOR[?] BA DANG, RNAM PAR GROL BA DANG, KHYAD PAR CAN GYI LAM DE DAG LA DE DAG GIS BSDUS PA GANG YIN PA'I KUN RDZOB SHES PA MA 'ONGS PA 'THOB PO, ,DRO BAR GYUR BA LA SOGS PA NGES PAR 'BYED PA'I CHA DANG MTHUN PA DAG MA GTOGS PA PHA ROL GYI SEMS SHES PA KHYAD PAR CAN YON TAN GYI KHYAD PAR THOB PA MNGON SUM DU BYED PAR 'GYUR BA GANG YIN PA DE KHO NA YANG 'THOB PO, ,NGES PAR 'BYED PA'I CHA DANG MTHUN PA DE DAG LA NI GZHAN GYI SEMS SHES PA MI 'THOB PO, ,CI'I PHYIR ZHE NA, MTHONG BA'I LAM GYI 'KHOR YIN PA'I @262A *, ,PHYIR RO ZHES BYA BA SMOS TE, JI LTAR MTHONG BA'I LAM LA GZHAN GYI SEMS SHES PA MI 'THOB PA DE BZHIN DU, DE'I 'KHOR LA YANG MI 'THOB PO SNYAM DU BSAMS PA YIN NO, ,SNGON MED PA'I LAM 'THOB PA GZHAN LA ZHES RGYAS PAR 'BYUNG BA NI SO SO'I SKYE BO KHO NA'I SNGON MED PA'I LAM 'THOB PA GZHAN LA STE, 'DOD PA DANG BSAM GTAN GSUM LAS 'DOD CHAGS DANG MA BRAL BA'I RNAM PAR GROL BA'I LAM THA MA RNAMS MA GTOGS PA SBYOR BA DANG, BAR CHAD MED PA DANG, KHYAD PAR CAN GYI LAM 'THOB PA GANG YIN PA SNGON MED PA'I LAM THOB PA DE LA NI KUN RDZOB SHES PA KHO NA MA 'ONGS PA 'THOB KYI GZHAN GYI SEMS SHES PA NI MA YIN NO, ,DE BZHIN DU MNGON PAR SHES PA GSUM DANG, TSAD MED PA LA SOGS PA'I YON TAN MNGON PAR SGRUB PA DAG GI BAR CHAD MED PA'I LAM THOB PA GANG YIN PA SNGON MED PA'I LAM THOB PA DE DE LA YANG KUN RDZOB SHES PA KHO NA MA 'ONGS PA 'THOB KYI GZHAN GYI SEMS SHES PA NI MA YIN TE, DE NI GNYAN PO MA YIN PA'I PHYIR RO, ,YANG LAM GANG LA ZHES BYA BA NI 'JIG RTEN PA'AM 'JIG RTEN LAS 'DAS PA LA'O, ,LAM SA GANG YIN PA ZHES BYA BA NI MI LCOGS PA MED PA LA SOGS PA ZAG PA DANG BCAS PA DANG ZAG PA MED PA'O, ,DANG PO NYID DU SA GANG THOB PA ZHES BYA BA NI 'DOD CHAGS DANG BRAL BA'I SGO NAS BSAM GTAN DANG PO NAS SRID PA'I RTZE MO'I BAR TE, SA DE LA ZHES BYA BA'I THA TSIG GO, ,JI LTA ZHE NA, GAL TE MI LCOGS PA MED PA'I SA LA BRTEN TE, 'JIG RTEN PA'I LAM GYIS 'DOD PA LAS 'DOD CHAGS DANG BRAL NAS BSAM GTAN DANG PO THOB NA RNAM PAR GROL BA'I LAM DGU PA LA KUN RDZOB SHES BA NYER BSDOGS KYI NGO BO NYID MI LCOGS PA MED PA'I SA PA DANG, DNGOS GZHI'I NGO BO NYID BSAM GTAN DANG PO'I SA PA 'THOB PO, ,DE BZHIN DU BSAM GTAN GNYIS PA'I NYER BSDOGS LA BRTEN TE BSAM GTAN DANG PO LAS 'DOD CHAGS DANG BRAL NAS, BSAM GTAN GNYIS BA 'THOB NA YANG DE KHO NA BZHIN DU KUN RDZOB SHES PA BSAM GTAN GNYIS PA'I NYER BSDOGS KYIS BSDUS PA DANG BSAM GTAN GNYIS BA'I DNGOS GZHIS BSDUS PA 'THOB PO, ,DE BZHIN DU 'DU SHES MED 'DU SHES MED MIN SKYE MCHED KYI NYER BSDOGS @262B LA BRTEN TE, CI YANG MED PA'I SKYE MCHED LAS 'DOD CHAGS DANG BRAL NAS SRID PA'I RTZE MO 'THOB NA ZHES BYA BA'I BAR RGYAS PAR SBYAR BAR BYA'O, ,GANG GI TSE MI LCOGS PA MED PA'I SA ZAG PA MED PA LA BRTEN TE 'DOD PA LAS 'DOD CHAGS DANG BRAL NAS BSAM GTAN DANG PO 'THOB PA DE'I TSE YANG DE KHO NA BZHIN DU KUN RDZOB SHES PA DE 'THOB PO, ,GANG GI TSE BSAM GTAN DANG PO'I DNGOS GZHI'I SA LA BRTEN TE BSAM GTAN DANG PO LAS 'DOD CHAGS DANG BRAL NAS ZAG PA MED PA'I BSAM GTAN DANG PHO 'THOB PA DE'I TSE YANG KUN RDZOB SHES PA BSAM GTAN GNYIS PA'I NYER BSDOGS KYIS BSDUS PA BSAM GTAN DANG PO'I RNAM PA DANG PO'I GNYEN POR GYUR PA NAS, BRGYAD PA'I GNYEN POR GYUR BA'I BAR 'THOB STE, SA DE NI DE'I TSE DANG POR 'THOB BO, ,RNAM PAR GROL BA'I LAM DGU PA LA NI KUN RDZOB SHES PA MA 'ONGS PA BSAM GTAN GNYIS PA'I DNGOS GZHIS BSDUS PA YANG 'THOB PO; ,DE BZHIN DU ZAG PA MED PA'I BSAM GTAN KHYAD PAR CAN GYI SA PA LA BRTEN PA NAS CI YANG MED PA'I SKYE MCHED ZAG PA MED PA LA BRTEN TE KUN RDZOB SHES PA 'THOB PA'I BAR SBYAR BAR BYA'O, ,GANG LAS CHAGS BRAL BYA PHYIR ZHES BYA BA NI SA GANG LAS 'DOD CHAGS DANG BRAL BAR BYA BA'I PHYIR RO, , GANG THOB PA ZHES BYA BA NI SA GANG ZHIG THOB PA NI GANG THOB PA STE, DE GNYI GAR YANG ZAG PA MED PA'I SHES PA DE'I 'OG MA YANG 'THOB BO, ,JI LTA ZHE NA, 'GREL PA LAS SA GONG LAS 'DOD CHAGS DANG BRAL BAR BYA BA LA YANG ZHES BYA BA SMOS TE, YANG ZHES BYA BA'I SGRAS NI SA GANG YIN PA 'BA' ZHIG TU MA ZAD KYI ZHES BYA BA YIN NO, ,SBYOR BA'I LAM LA SOGS PA ZHES BYA BA LA, STZOGS PA ZHES BYA BA'I SGRAS NI BAR CHAD MED PA DANG, RNAM PAR GROL BA DANG, KHYAD PAR CAN GYI LAM BSDU'O, ,LAM YANG RNAM PA GNYIS YIN ZHES BYA BA NI 'JIG RTEN PA DANG 'JIG RTEN LAS 'DAS PA'O, ,'DOD CHAGS DANG BRAL BAS SA GANG ZHIG THOB PA ZHES BYA BA NI SA GONG MA PA STE, DE'I SA PA DANG SA 'OG MA PA'I ZAG PA MED PA'I SHES PA RNAMS THOB PAR 'GYUR RO, ,'DI LTA STE, ZAG PA MED PA'I BSAM GTAN GNYIS PA LA BRTEN NAS BSAM GTAN GSUM PA LAS 'DOD CHAGS DANG BRAL BAR BYED NA, LAM SA GANG YIN PA STE, @263A *, ,BSAM GTAN GNYIS PA'I SA PA YIN PA DE'I SA PA'I ZAG PA MED PA'I SHES PA YANG 'THOB LA, RNAM PAR GROL BA'I LAM DGU PA LAS SA GANG LAS 'DOD CHAGS DANG BRAL BAR BYED PA STE, SA GSUM LAS 'DOD CHAGS DANG BRAL BAR BYED PA DE'I SA PA BSAM GTAN GSUM PA'I SA PA'I ZAG PA MED PA'I SHES PA YANG 'THOB PO, ,SA 'OG MA PA BSAM GTAN DANG PO'I SA PA DANG, BSAM GTAN KHYAD PAR CAN GYI SA PA DANG, MI LCOGS PA MED PA'I SA PA'I ZAG PA MED PA'I SHES PA YANG 'THOB STE, SA 'OG MA PA YANG DE'I SBYOR BA'I LAM LA SOGS PA YIN PA SRID PAS DE LTA BU 'THOB PAR 'GYUR RO, ,'ON TE BSAM GTAN GSUM PA'I NYER BSDOGS LA BRTEN TE BSAM GTAN GNYIS PA LAS 'DOD CHAGS DANG BRAL BAR BYED NA, DE NA BAR CHAD MED PA'I LAM DANG, RNAM PAR GROL BA'I LAM BRGYAD LA NYER BSDOGS TE ZAG PA DANG BCAS PA YIN PAS DE'I SA PA'I ZAG PA MED PA'I SHES PA MI 'THOB STE; DE MED PA'I PHYIR RO, ,SA 'OG MA PA'I ZAG PA MED PA'I SHES PA BSAM GTAN GNYIS PA'I SA PA DANG, BSAM GTAN DANG PO'I SA PA DANG, MI LCOGS PA MED PA'I SA PA DE LTA BU NI 'THOB PO, ,DE BZHIN DU GZHAN LA YANG SBYAR BAR BYA STE, 'DI NI PHYOGS YIN NO, ,ZAD PA SHES PA ZAG BCAS KYANG, ,ZHES BYA BA LA, KYANG ZHES BYA BA'I SGRAS NI ZAG PA MED PA YANG ZHES BYA BA YIN TE, DGRA BCOM PAR GYUR NAS YON TAN ZAG PA DANG BCAS PA GANG DAG MNGON SUM DU BYED PA DE DAG GNAS SKABS DE NA 'THOB PAR 'GYUR RO, ,TSAD MED PA DANG RNAM PAR THAR PA LA SOGS PA ZHES BYA BA LA SOGS PA ZHES BYA BA'I SGRAS NI ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA BSDU'O, ,SPROG MA THAG PA BCAD DE DBUGS PHYIN PA LTA BU DANG CHOS MTHUN PAR ZHES BYA BA NI SPROG MA GANG ZHIG THAG PAS GZHUNGS TE BCINGS PA THAG PA BCAD NAS SPROG MA DBUGS PHYIN PA LTA BU ZHES BYA STE, DBUGS PHYIN BA LTA BU DANG 'DRA BA'I SGRAR BRJOD PA'I PHYIR RO, ,SPROG MA THAG PA BCAD DE DBUGS PHYIN PA LTA BU DE DANG CHOS MTHUN PAR TE, JI LTAR SPROG MA DE THAG PAS GZHUNGS TE BCINGS PA LAS THAG PA BCAD DE DBUGS PHYIN PA LTA BU DE BZHIN DU RDO RJE LTA BU'I TING NGE 'DZIN GYIS NYON MONGS PA'I THOB PA BCAD DE, MI @263B SLOB PA'I RGYUD LA MI SDUG PA LA SOGS PA'I YON TAN JI SKAD BSHAD PA RNAMS 'BYUNG BA NA DBUGS PHYIN PA LTA BU YIN NO, ,DBUGS PHYIN PA NI SROG CHAGS KYI CHOS YIN PA'I PHYIR LTA BU ZHES BYA BAR SMOS SO, ,CI'I PHYIR ZHE NA, RANG GI SEMS LA RGYAL SRID CHEN PO NYID THOB NA ZHES BYA BA SMOS TE, RGYAL PO THAMS CAD PAS LHAG PA'I RGYAL PO NI RGYAL SRID CHEN PO'O, ,DE'I NGO BO NI RGYAL SRID CHEN PO DE NYID DO, ,NYON MONGS PA'I GZHAN GYI DBANG DANG BRAL BA'I PHYIR RANG GI SEMS LA RGYAL SRID CHEN PO NYID DE, RANG GI SEMS LA DBANG BA ZHES BYA BA'I THA TSIG GO, ,DE THOB PA'I DGRA BCOM PA LA CHOS DGE BA THAMS CAD SKYES LTA BU'I THOB BA DAG GIS BSTZU BA'I PHYIR YON TAN DE DAG THOB PAR 'GYUR TE, DPER NA RGYAL PO YANG RGYAL PO 'GA' ZHIG GIS RGYAL SRID CHEN PO THOB NA YUL GYI MI RNAMS GOS LA SOGS PA'I SKYES KYIS BSTZU BA DE DANG 'DRA'O, ,DE BZHIN DU NYON MONGS PA'I THOB PA BCAD NA RANG GI THOB PA RNYED PA'I PHYIR YON TAN RNAMS DBUGS PHYIN PA BZHIN DU DE DAG CHES SBYANGS PA'I THOB PA SKYE'O ZHES BYA BA'I THA TSIG STE, 'DOD PA'I KHAMS SU DGRA BCOM PA NYID THOB NA NI CI RIGS PAR MI SDUG PA LA SOGS PA THOS PA DANG BSAMS PA DANG BSGOMS PA LAS BYUNG BA KHAMS GSUM PA THOB PO, ,GZUGS DANG GZUGS MED PA'I KHAMS DAG TU DGRA BCOM PA THOB NA NI GO RIMS BZHIN DU KHAMS GNYIS PA DANG, KHAMS GSUM PA 'THOB STE, DE BZHIN DU SA'I SGO NAS KYANG RTOGS PAR BYA'O, ,'DU SHES MED 'DU SHES MED MIN SKYE MCHED DU SKYES PA ZHIG GIS DGRA BCOM PA NYID THOB NA NI DE'I SA PA KHO NA'I YON TAN 'THOB PO ZHES BYA BAR KHONG DU CHUD BAR BYA'O, ,GANG JI SNYED PA ZHES BYA BA RGYAS PAR 'BYUNG BA LA SLOB DPON NI 'KHOR BA NA 'DRIS PA GANG RNAM PAR NYAMS PA LAS YANG RNYED CING MNGON SUM DU BYED PA DE YANG MA 'ONGS PA MI 'THOB STE, 'KHOR BA NA THOB PA BTANG BA'I PHYIR RO, ,'DI NI BSAM GTAN DANG TSAD MED PA LA SOGS PA 'KHOR BA NA 'DRIS PA MA YIN PA KHYAD PAR CAN GANG ZAG PA MED PA DANG MTHUN PA GANG YIN PA DE MNGON SUM DU GYUR NA, DE DANG MTHUN PA KHO NA MA 'ONGS PA 'THOB PO ZHAS STON TO, ,SLOB DPON 'DUS BZANG YANG DON DE NYID 'CHAD DE SNGON RNYED ZIN PA NI MI @264A *, ,'THOB PO, ,GANG RNAM PAR NYAMS PA LAS KYANG RNYED PA DE YANG MI 'THOB STE, SHUGS KYIS NA GANG SNGON MA RNYED PA DE NI 'BAD NAS MNGON DU BYED PA'I PHYIR 'THOB PO, ,LAM RGYUN MA BCAD PA NI 'BAD NAS MNGON DU BYED PAS, DES 'PHANGS PA YANG STOBS DANG LDAN PA'I PHYIR MA 'ONGS PA 'THOB PO, ,SNGON RGYUN BCAD PA NI THOB PA RGYUN BCAD BA'I PHYIR 'BAD PA MED PAR MNGON SUM DU 'GYUR TE, BYA BA BYAS PA DANG 'BRAS BU BYUNG ZIN PA'I PHYIR SHUGS NYAMS PAS DE MNGON DU GYUR NA MA 'ONGS PA 'THOB PA MED KYI, MA 'ONGS PA GANG ZHIG 'BAD NAS BSKYED PA DE NI 'THOB PO SNYAM DU BSAMS PA YIN NO, ,DE LTA YIN NA RE ZHIG KUN RDZOB SHES PA NI ZHES BYA BA LA SOGS PA RGYAS PAR 'BYUNG BA GANG YIN PA DE NI 'PHAGS PA'I RGYUD LA MNGA' BA KHO NA YIN PAR GZUNG STE, 'KHOR BA NA 'DRIS PA MA YIN PA'I PHYIR RO, ,'DIR SLOB DPON DBYIG BSHES KYIS BRIS PA NI, 'DI LA BYE BRAG TU SMRA BA RNAMS NA DE[?] 'DI NI DE LTA MA YIN NO, ,CI'I PHYIR ZHE NA, 'DI LTAR BTANG BA'I PHYIR 'DI NI MA THOB PA YIN TE, DE LTA BAS NA THOB PA BTANG BA YANG PHYIS RNYED NA THOB PAR 'GYUR BA KHO NA'O ZHES ZER ZHES GRAGS TE, DE JI LTAR NA SNGON MED PA YIN, JI TZAM DU SNGON RNYED PA ZHES BYA BA DE LTA BU NI 'JIG RTEN NA SNGON MED PAR GRAGS PA MA YIN NO ZHE'O, ,GZHAN DAG NA RE 'DI NI TSE GCIG GI DBANG DU BYAS NAS BSHAD PA YIN GYI TSE RABS GZHAN DU NI MA YIN TE, TSE 'DI KHO NA LA RNAM PAR NYAMS PA LAS YANG RNYED PA GANG YIN PA DE NI MI 'THOB STE, THOB PA BTANG BA'I PHYIR RO, ,TSE RABS GZHAN NA RNYED PA GANG YIN PA DE NI THOB STE, RNYED PAS RJED PA'I PHYIR RO ZHES ZER RO, ,'THOB PA NI RNAM PA BZHI ZHES BYA BA LA, RNYED PA NYID 'THOB PA YIN PAS NA, RNYED PA 'THOB PA STE, MA 'ONGS PA RNYED PA NYID 'THOB PA YIN NO ZHES BYA BA'I THA TSIG GO, ,DE BZHIN DU BSTEN PA NYID DANG, GNYEN PO NYID DANG, THAG BSRING BA NYID THOB BA YIN PAS ZHES BRJOD PAR BYA'O, ,BSTEN PA NI CI ZHIG YIN THAG BSRING BA'I BAR NI CI ZHIG YIN ZHE NA, BSTEN PA NI YANG DANG YANG DU MNGON SUM DU BYED PA'O, ,GNYEN PO NI LAM YIN TE, JI SKAD DU MDO LAS LUS BSGOMS PA, SEMS BSGOMS PA ZHES 'BYUNG BA LTA BU STE, LUS DANG SEMS KYI GNYEN PO BSGOMS PA @264B ZHES BYA BA'I THA TSIG GO, ,LUS KYI GNYEN PO NI BSAM GTAN BZHI PA LAS 'DOD CHAGS DANG BRAL BAR BYED PA'I LAM GANG YIN PA STE, 'DI LTAR LUS BSGOMS PA DANG, SEMS BSGOMS PA DANG, TSUL KHRIMS BSGOMS PA NI DGE SLONG ZHES BYA'O, ,JI LTAR LUS BSGOMS PA YIN ZHE NA, LUS LA 'DOD CHAGS DANG BRAL BA, SRID PA DANG BRAL BA SGOM PA DANG BRAL BA, DGA' BA DANG BRAL BA, 'CHUMS PA DANG BRAL BA'O ZHES 'BYUNG NGO, ,YANG NA LUNG LAS GZUGS KYI 'DOD CHAGS ZAD PAR BYED PA'I BAR CHAD MED PA'I LAM GANG YIN PA DE YIN TE, DES 'DOD CHAGS DANG BRAL BAR 'GYUR RO ZHES 'BYUNG NGO, ,THAG BSRING BA NI NYON MONGS PA'I THOB PA GCOD PA'O, ,MA 'ONGS PA RNAMS KYI NI GCIG GO ZHES BYA BA NI RNYED BA 'THOB PA'O, ,DA LTAR BYUNG BA RNAMS KYI NI GNYI GA'O ZHES BYA BA NI RNYED PA DANG BSTEN BA THOB PA DAG GO, ,DE LTAR NA ZHES BYA BA RGYAS PAR 'BYUNG BA NI GANG GI PHYIR ZAG PA DANG BCAS PA DANG, ZAG PA MED PA RNAMS KYI KHYAD PAR MED PAR RNYED PA DANG BSTEN PA THOB PA DAG NI, DGE BA 'DUS BYAS RNAMS KYI YIN, ,ZHES BSHAD PA LA NYON MONGS PA CAN DANG NYON MONGS PA CAN MA YIN PA KHYAD PAR MED PAR GNYEN PO DANG THAG BSRING BA 'THOB PA DAG NI ZAG PA DANG BCAS PA'I CHOS RNAMS KYI YIN ZHES BSHAD PA DE'I PHYIR 'DI LTAR DGE BA ZAG PA DANG BCAS PA 'THOB PAR 'DOD PA GANG DAG YIN PA'I 'THOB PA BZHI YIN TE, DGE BA YIN PA'I PHYIR RNYED PA DANG BSTEN BA 'THOB PA DAG YIN LA, ZAG PA DANG BCAS PA DAG YIN PA'I PHYIR GNYEN BO DANG THAG BSRING BA 'THOB PA DAG YIN NO, ,'O NA 'DUS BYAS KYI DGE BA ZAG BA DANG BCAS PA MA YIN PA ZAG PA MED PA GANG DAG YIN PA DANG, NYON MONGS PA CAN LUNG DU MA BSTAN PA GANG DAG YIN PA DE DAG GI THOB PA DU ZHE NA, ZAG PA MED PA RNAMS KYI GNYIS YIN ZHES BYA BA SMOS TE, RNYED PA DANG BSTEN PA 'THOB PA DAG YIN NO, ,NYON MONGS PA CAN LUNG DU MA BSTAN PA RNAMS KYI CI ZHE NA, 'THOB PA GNYIS YIN TE, GNYEN PO DANG, THAG BSRING BA 'THOB BA DAG GO, ,SDAM[?] NI DBANG BO RNAMS KYI YIN ZHES BYA BA NI MIG LA SOGS PA'I NI SDOM PA 'THOB PA YIN NO ZHES BYA BA'I THA TSIG GO, ,PHYI MA NI LUS KYI YIN ZHES BYA BA NI RNAM PAR 'JIG PA 'THOB PA'O, ,YANG THOB PA DE GNYIS GO RIMS BZHIN DU @265A *, ,LUNG GIS BSTAN PA'I PHYIR DBANG PO DRUG PO 'DI DAG CES BYA BA RGYAS PAR SMOS TE, DBANG PO SDOM PA DE NI DRAN PA DANG SHES BZHIN GYI NGO BO NYID YIN PAR BSHAD LA, RNAM PAR 'JOG PA YANG LUS LA DMIGS PA'I NYON MONGS PA THAG BSRID BA YIN NO, ,DE GNYIS ZHES BYA BA RGYAS PAR 'BYUNG BA NI SDOM PA DANG RNAM PAR 'JIG PA 'THOB PA DAG NI GO RIMS BZHIN DU GNYEN PO DANG THAG BSRING BA 'THOB PA'I KHONGS SU YANG 'DUS LA, GNYI GA YANG GNYI GA'I KHONGS SU 'DUS SO ZHES BYAS KYANG 'GAL BA MED DO, ,GANG ZAG THAMS CAD KYIS 'THOB PA SPYIR BSHAD KYI ZHES BYA BA NI, ZANG PA SHES LA THAG BCAS KYANG, ,ZHES 'BYUNG BA'I PHYIR NYAN THOS DANG RANG SANGS RGYAS DANG, YANG DAG PAR RDZOGS PA'I SANGS RGYAS RNAMS KYIS ZAD PA SHES PA'I SKAD CIG MA LAS YON TAN THOB PAR BSHAD PA YIN NO, ,STOBS BCU ZHES BYA BA RGYAS PAR 'BYUNG BA LA, BYE BRAG TU SMRA BA RNAMS NI STOBS LA SOGS PA THUGS RJE CHEN PO LA THUG PA 'DI DAG MA 'DRES BA BCO BRGYAD DU RNAM PAR 'JOG GO, ,KHA CIG NI STOBS LA SOGS PA MA GTOGS BAM 'DRES PA BCO BRGYAD GZHAN BRJOD DE, 'DI LTA STE, DE BZHIN GSHEGS PA LA 'KHRUL PA MI MNGA', CA CO MI MNGA', 'PHYAR BA MI MNGA', 'DU SHES THA DAD PA MI MNGA', THUGS LUNG DU MA BSTAN PA MI MNGA', SO SOR MA BRTAGS PA'I BTANG SNYOMS MI MNGA', 'DAS PA LA YE SHES GZIGS PA THOGS PA MI MNGA', MA 'ONGS PA LA YE SHES GZIGS PA THOGS PA MI MNGA', DA LTAR BYUNG BA LA YE SHES GZIGS PA THOGS PA MI MNGA', SKU'I PHRIN LAS THAMS CAD YE SHES KYI RJES SU 'BRANG BA YIN, GSUNG GI PHRIN LAS THAMS CAD YE SHES KYI RJES SU 'BRANG BA YIN, THUGS KYI PHRIN LAS THAMS CAD YE SHES KYI RJES SU 'BRANG BA YIN TE, 'DUN PA NYAMS PA MI MNGA', BRTZON 'GRUS NYAMS PA MI MNGA', DRAN PA NYAMS PA MI MNGA', TING NGE 'DZIN NYAMS PA MI MNGA', RNAM PAR GROL BA NYAMS PA MI MNGA', RNAM PAR GROL BA'I YE SHES GZIGS PA NYAMS PA MI MNGA' ZHES BYA BA YIN NO, ,DE LA CA CO ZHES BYA BA NI BAB COL DU SMRA BA'O, ,'PHYAR BA NI RTZE BAR SEMS PA'O, ,'DU SHES SNA TSOGS NI 'DOD CHAGS DANG ZHE SDANG DANG GTI MUG GI SGO NAS BDE @265B BA DANG, SDUG BSNGAL DANG, SDUG BSNGAL YANG MA YIN BDE BA YANG MA YIN PA'I YUL DAG LA 'DU SHES THA DAD PA NYID DO, ,LHAG MA NI GO SLA'O, ,STOBS BCU NI GNAS DANG GNAS MA YIN PA MKHYEN PA'I STOBS DANG, LAM DANG RNAM PAR SMIN PA MKHYEN PA'I STOBS DANG, BSAM GTAN DANG RNAM PAR THAR PA DANG, TING NGE 'DZIN DANG SNYOMS PAR 'JUG PA MKHYEN PA'I STOBS DANG, DBANG PO MCHOG DANG MCHOG MA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, 'CHI 'PHO DANG SKYE BA MKHYEN PA'I STOBS DANG, ZAG PA ZAD PA MKHYEN PA'I STOBS SO, ,MDO LAS 'BYUNG BA NI, TSE DANG LDAN PA DE BZHIN GSHEGS PA'I STOBS NI BCU STE, BCU GANG ZHE NA, TSE DANG LDAN PA 'DI LA DE BZHIN GSHEGS PA NI GNAS LA YANG GNAS SU YANG DAG PA JI LTA BA BZHIN RAB TU MKHYEN, GNAS MA YIN PA YANG GNAS MA YIN PAR YANG DAG PA JI LTA BA BZHIN RAB TU MKHYEN TO, ,TSE DANG LDAN PA 'DI NI DE BZHIN GSHEGS PA'I STOBS DANG PO YIN TE, STOBS DE DANG LDAN NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KHYU MCHOG GI GNAS RLABS PO CHE ZHAL GYIS 'CHE ZHING TSANGS PA'I 'KHOR LO BSKOR BAR MDZAD, 'KHOR GYI NANG DU SENG GE'I SGRA SGROGS PAR MDZAD DO, ,TSE DANG LDAN PA GZHAN YANG DE BZHIN GSHEGS PA NI LAS KYI CHOS YANG DAG PAR BLANGS PA 'DAS PA DANG, MA 'ONGS PA BA DANG, DA LTAR BYUNG BA RNAMS LA GNAS DANG, RGYU DANG, GZHI DANG RNAM PAR SMIN PAR YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS GONG MA LTAR RNAM PAR SMIN PA'I BAR DU YANG DAG PA JI LTA BA BZHIN RAB TU MKHYEN PA GANG YIN PA 'DI NI DE BZHIN GSHEGS PA'I STOBS GNYIS PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA RNAMS KYI KUN NAS NYON MONGS PA DANG, RNAM PAR BYANG BA DANG, RNAM PAR DAG PA YANG @266A *, ,DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PA ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS GSUM PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI SEMS CAN GZHAN RNAMS DANG, GANG ZAG GZHAN RNAMS KYI DBANG PO MCHOG DANG MCHOG MA YIN PA YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS BZHI PA YIN TE, STOBS DE DANG ZHES BYA BA SNGA MA BZHIN NO, , TSE DANG LDAN PA GZHAN YANG DE BZHIN GSHEGS PA NI SEMS CAN RNAMS KYI KHAMS SNA TSOGS DANG, KHAMS DU MA YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS LNGA PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI 'JIG RTEN GYI MOS PA SNA TSOGS DANG, MOS PA DU MA YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS DRUG PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI THAMS CAD DU 'GRO BA'I LAM YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,DE BZHIN GSHEGS PA'I STOBS BDUN PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI SNGON GYI GNAS RNAM PA DU MA RJES SU DGONGS TE, 'DI LTA STE TSE GCIG KYANG DGONGS, GNYIS DANG, GSUM DANG, BZHI DANG, LNGA DANG, DRUG DANG, BDUN DANG, , BRGYAD DANG, DGU DANG, BCU DANG, NYI SHU NAS 'JIG PA DANG CHAGS PA'I BSKAL PA DU MA'I BAR DU YANG RJES SU DGONGS TE, GANG DU BDAG MING NI 'DI ZHES BYA, RIGS NI 'DI LTA BU, RUS NI 'DI LTA BU, KHA ZAS NI 'DI LTA BU ZA ZA, BDE BA DANG, SDUG BSNGAL NI 'DI LTA BU ZHIG NYAMS SU MYONG, TSE NI @266B 'DI TZAM THUB, YUN NI 'DI SRID CIG GNAS GNAS, TSE'I MTHA' NI 'DI SRID CIG YIN PAR GYUR BA NA SEMS NI DE DAG BYUNG NGO, ,BDAG GNAS DE NAS SHI 'PHOS NAS NI CHE GE MO ZHIG TU SKYES SO, ,DE NAS KYANG SHI 'PHOS NAS NI 'DIR SKYES SO ZHES SNGON GYI GNAS RNAM PA DU MA RNAM PA DANG BCAS, YUL PHYOGS DANG BCAS, GLENG GZHI DANG BCAS PAR RJES SU DGONGS SO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS BRGYAD PA YIN TE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI LHA'I SPYAN RNAM PAR DAG PA MI'I LAS 'DAS PAS SEMS CAN 'CHI 'PHO BA DANG, SKYE BA DANG, KHA DOG BZANG PO DANG, KHA DOG NGAN PA DANG, DMAN PA DANG, GYA NOM PA RNAMS KYANG GZIGS LA SEMS CAN LAS JI LTA BA BZHIN DU NYE BAR 'GRO BA BDE 'GRO LA SOGS PAR 'GRO BA YANG YANG DAG PA JI LTA BA BZHIN RAB TU MKHYEN TE, SEMS CAN 'DI DAG NI LUS KYI NYES PAR SPYOD PA DANG LDAN PA, NGAG DANG YID KYI NYES PAR SPYOD PA DANG LDAN PA, 'PHAGS PA RNAMS LA SKUR PA 'DEBS PA, LOG PAR LTA BA'I LAS KYI CHOS YANG DAG PAR BLANGS PA'I PHYIR RGYU DE DANG RKYEN DES LUS ZHIG STE, SHI BA'I 'OG TU NGAN 'GRO LOG PAR LTUNG BA SEMS CAN DMYAL BA DAG GI NANG DU SKYE BAR 'GYUR RO, ,SEMS CAN 'DI DAG NI LUS KYI LEGS PAR SPYOD PA DANG LDAN PA, NGAG DANG YID KYI LEGS PAR SPYOD PA DANG LDAN PA, 'PHAGS PA RNAMS LA SKUR PA MI 'DEBS PA YANG DAG PA'I LTA BA CAN TE, YANG DAG PA'I LTA BA'I LAS KYI CHOS YANG DAG PAR BLANGS PA'I PHYIR RGYU DE DANG RKYEN DES LUS ZHIG NAS BDE 'GRO MTHO RIS SU LHA DAG GI NANG DU SKYE BAR 'GYUR RO ZHES BYA BAR YANG DAG PA JI LTA BA BZHIN RAB TU MKHYEN TO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS DGU PA STE, STOBS DE DANG ZHES BYA BA SNGA MA BZHIN NO, ,TSE DANG LDAN PA GZHAN YANG DE BZHIN GSHEGS PA NI ZAG PA RNAMS ZAD PA'I PHYIR MTHONG BA'I CHOS KHO NA LA ZAG PA MED PA'I SEMS RNAM PAR GROL PA DANG, SHES RAB RNAM PAR GROL BA RANG GI MNGON PAR SHES PAS MNGON SUM DU BYAS NAS @267A *, ,RDZOGS PAR BYAS TE, BDAG GI ZAG PA ZAD DO, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES BYA BA GSUNGS SO, ,TSE DANG LDAN PA DE BZHIN GSHEGS PAS ZHES BYA BA SNGA MA BZHIN NO, ,'DI NI DE BZHIN GSHEGS PA'I STOBS BCU PA YIN TE; STOBS DE DANG ZHES BYA BA SNGA MA BZHIN DU 'BYUNG NGO, ,GNAS DANG GNAS MIN SHES PA BCU, ,ZHES BYA BA LA GNAS DANG, GNAS MA YIN PA NI GNAS DANG GNAS MIN TE, DE MKHYEN PA NYID STOBS YIN NO, ,DE NI SHES PA BCU YIN TE, SHES PA BCU'I NGO BO NYID DO ZHES BYA BA'I DON TO, ,JI LTA ZHE NA, GNAS DANG GNAS MA YIN PA NI MDOR BSDU NA 'DUS BYAS DANG 'DUS MA BYAS SO, ,DE YANG 'DOD PA DANG GZUGS DANG GZUGS MED PA NA SPYOD PA DANG, ZAG PA MED PA RNAMS MTSUNGS PAR LDAN PA DANG, LDAN PA MA YIN PA'I BYE BRAG GIS RNAM PA BRGYAD DU DBYE'O, ,DE BZHIN DU 'DUS MA BYAS KYANG DGE BA DANG LUNG DU MA BSTAN PA'I BYE BRAG GIS RNAM PA GNYIS SU DBYE'O, ,DE LA KUN RDZOB SHES PA'I YUL NI CHOS BCU CHAR YIN TE, DE CHOS BCU CHAR LA 'JUG GO ZHES BYA BA'I THA TSIG GO, ,CHOS SHES PA NI LNGA STE, 'DOD PA NA SPYOD PA DANG ZAG PA MED PA DANG GZHI DANG 'DUS MA BYAS DGE BA'O, ,RJES SU SHES PA NI BDUN TE, GZUGS DANG GZUGS MED PA NA SPYOD PA DANG, ZAG PA MED PA DRUG DANG 'DUS MA BYAS DGE BA'O, ,SDUG BSNGAL DANG KUN 'BYUNG BA SHES PA DAG GI NI DRUG STE, 'DOD PA DANG GZUGS DANG GZUGS MED PA NA SPYOD PA RNAMS SO, ,'GOG PA SHES PA'I NI GCIG STE, 'DUS MA BYAS DGE BA KHO NA'O, ,LAM SHES PA'I NI GNYIS TE, ZAG PA MED PA DAG GO, ,GZHAN GYI SEMS SHES PA'I NI GSUM STE, 'DOD PA DANG GZUGS NA SPYOD PA DANG, ZAG PA MED PA MTSUNGS PAR LDAN PA DAG GO, ,ZAD PA DANG MI SKYE BA SHES PA DAG GI YUL NI CHOS DGU YIN TE, 'DUS MA BYAS LUNG DU MA BSTAN PA MA GTOGS SO, ,DE LTAR BYAS NA GNAS DANG GNAS MA YIN PA MKHYEN PA'I STOBS NI SHES PA BCU YIN NO, ,YANG JI LTAR NA CHOS BCU LA GNAS DANG GNAS MA YIN PA ZHES BYA ZHE NA, SRID BA NI GNAS SO, ,MI SRID PA NI GNAS MA YIN PA'O, ,YANG NA BUD MED SANGS RGYAS NYID BYED PAR @267B 'GYUR BA GANG YIN PA 'DI NI GNAS MA YIN ZHING GO SKABS MED DO, ,SKYES PA BYED BAR 'GYUR BA GANG YIN PA 'DI NI GNAS YIN NO, ,BUD MED TSANGS PA NYID BYED PAR 'GYUR BA GANG YIN PA 'DI NI GNAS MA YIN ZHING GO SKABS MED DO, ,SKYES PA BYED PAR 'GYUR BA GANG YIN PA 'DI NI GNAS YIN NO ZHES BYA BA DANG, DE BZHIN DU SDUG BSNGAL 'GOG PA 'DI NI GNAS YIN NO ZHES BYA BA DE LTA BU LA SOGS PA'I RNAM PAR ZHUGS PA NI GNAS DANG GNAS MA YIN PA MKHYEN PA'I STOBS YIN PAR KHONG DU CHUD PAR BYA'O, ,LAS 'BRAS LA BRGYAD CES BYA BA NI LAS ZAG PA DANG BCAS PA DANG DE'I RNAM PAR SMIN PA NI SDUG BSNGAL DANG KUN 'BYUNG BA'I BDEN PAS BSDUS PA'I PHYIR 'GOG PA DANG LAM SHES PA DAG NI MA YIN NO, ,DE'I PHYIR DE LAS GZHAN PA DE DAG LA DMIGS PA'I SHES PA BRGYAD SRID DO, ,BSAM GTAN STZOGS, ,DBANG PO MOS DANG ZHES BYA BA RGYAS PAR 'BYUNG BA NI, 'DI DAG LA BSAM GTAN LA SOGS PA YOD PAS NA BSAM GTAN LA SOGS PA STE, BSAM GTAN DANG RNAM PAR THAR PA DANG, TING NGE 'DZIN DANG SNYOMS PAR 'JUG PA'O, ,BSAM GTAN NI BZHI'O, ,RNAM PAR THAR PA NI BRGYAD DO, ,TING NGE 'DZIN NI STONG PA NYID LA SOGS PA GSUM MO, ,SNYOMS PAR 'JUG PA NI 'DU SHES MED PA'I SNYOMS PAR 'JUG PA DANG 'GOG PA'I SNYOMS PAR 'JUG PA DANG GNYIS DANG, MTHAR GYIS GNAS PA'I SNYOMS PAR 'JUG PA DGU'O, ,DBANG PO NI DBANG PO RNAMS SO, ,MOS PA NI SEMS LAS BYUNG BA'O, ,BSAM GTAN LA SOGS PA DANG, DBANG PO RNAMS DANG MOS PA DAG CECS ZLAS DBYE BA YIN TE, DE DAG LA NI 'GOG PA SHES PA MA GTOGS PA SHES PA DGU'O, ,JI LTA ZHE NA, BSAM GTAN LA SOGS PA NI ZAG PA DANG BCAS PA DANG ZAG PA MED PA DANG, MTSUNGS PAR LDAN PA DANG, LDAN PA MA YIN BA'I BYE BRAG GIS DE DAG LA DMIGS PA'I SHES PA DGU SRID DO, ,DE DAG 'DUS BYAS YIN PA'I PHYIR 'GOG PA SHES PA NI MA YIN NO, ,DAD PA LA SOGS PA'I DBANG PO DAG LA YANG DBANG PO CHUNG NGU DANG, 'BRING DANG CHEN PO'I BYE BRAG GIS GTZO BO DANG GTZO BO MA YIN PA MKHYEN PA GANG YIN PA DE NI MCHOG DANG MCHOG MA YIN PA MKHYEN PA'I STOBS YIN LA, ZAG PA DANG BCAS PA DANG ZAG PA MED PA'I @268A *, ,BYE BRAG GIS THA DAD PA DE DAG LA YANG 'GOG PA SHES PA MA GTOGS PA SHES PA DGU SRID DO, ,MOS PA SNA TSOGS PA DE DAG NI ZAG PA DANG BCAS PA DANG, ZAG PA MED PA DANG, KHAMS GSUM PA YIN PAS DE DAG LA DMIGS PA'I PHYIR DE KHO NA BZHIN DU 'GOG PA SHES PA MA GTOGS PA SHES PA DGU SRID DE, KHAMS SNA TSOGS MKHYEN PA'I STOBS KYANG DE DANG 'DRA'O, ,DE LA KHAMS NI SLOB DPON 'DUS BZANG NA RE, SNGON GOMS PA'I BAG CHAGS KYIS YANG DAG PAR GRUB PA'I BSAM PA LA BYA'O ZHES ZER RO, ,DE YANG SEMS DANG SEMS LAS BYUNG BA KHYAD PAR CAN DE DANG DE DAG YIN TE, DE BZHIN DU ZAG PA DANG BCAS PA DANG, ZAG PA MED PA'I BYE BRAG GIS THA DAD PA RNAMS LA 'GOG PA SHES PA MA GTOGS PA SHES PA DGU YIN NO ZHES SNGA MA BZHIN DU SBYAR BAR BYA'O, ,LAM DAG LA ZHES BYA BA RGYAS PAR 'BYUNG BA LA, 'DIR LAM NI DMYAL BA LA SOGS PAR 'GRO BA MANG PO ZHIG YOD DE, DMYAL BAR 'GRO BA'I LAM NAS LHAR 'GRO BA DANG 'GOG PAR 'GRO BA'I BAR YIN NO, ,DE LA DMYAL BAR 'GRO BA'I LAM GANG YIN PA DE NI RGYU YIN TE DE DAG GIS BSGRUB PA'I PHYIR RO, ,LAM NI SGRUB PA YIN PAR RUNG STE, DES BRAL BSGRUB PAR BYED NA 'GOG PA GO JI LTA ZHE NA, DE YANG SGRUB PA YIN TE, DER BSGRUB PA'I PHYIR RO, ,YANG NA BSGRUBS PA'I 'BRAS BU YIN PA'I PHYIR SGRUB PA ZHES BYA'O, ,DE NYID KYI PHYIR GAL TE LAM 'BRAS BU DANG BCAS PAR GZUNG NA NI ZHES BYA BA SMOS SO, ,THAMS CAD DU 'GRO BA'I LAM NA 'DIR RGYUN YIN PAR 'DOD DE, 'DI LTAR THAMS CAD DU 'GRO BA'I LAM MKHYEN PA'I STOBS ZHES 'BYUNG NGO, ,'JIG TSOGS 'BYUNG BA DANG BRAL BAR 'GRO BA ZHES BYA BA'I THA TSIG STE, DE LA 'JIG TSOGS NI NYE BAR LEN PA'I PHUNG PO LNGA'O, ,'BYUNG BA NI 'DIR KUN 'BYUNG BA YIN PAR 'DOD DE, DE LTAR NA SDUG BSNGAL GYI PHUNG PO CHEN PO 'BA' ZHIG KUN 'BYUNG BAR 'GYUR RO ZHES 'BYUNG NGO, ,'BRAL BA NI 'JIG TSOGS 'GOG PA YIN NO, ,'DI LA DE THAMS CAD DU 'GRO BA'I NGANG TSUL YOD PAS NA THAMS CAD DU 'GRO BA'O, ,'DI NI THAMS CAD DU 'GRO BA YANG YIN LA LAM YANG YIN PAS THAMS CAD DU 'GRO BA'I @268B LAM STE, DE MKHYEN PA'O, ,DE NYID STOBS YIN PAS THAMS CAD DU 'GRO BA'I LAM MKHYEN PA'I STOBS TE, DE NI SHES PA BCU YIN PAR SBYAR BAR BYA'O, ,GAL TE ZAG BA ZAD PA SHES PA 'GOG PA SHES PA KHO NA YIN NA ZHES BYA BA NI ZAG PA RNAMS ZAD CING 'GAG PAR SHES PA STE, ZAG PA MED PA'I 'GOG PA LA DMIGS PA'I SHES PA ZHES BYA BA'O, ,DE LTA YIN NA SHES PA DRUG YIN TE, 'GOG PA SHES PA'I RIGS KHO NA CHOS SHES PA LA SOGS PA'I BYE BRAG GIS THA DAD PAR BYAS PA'I PHYIR RO, ,'ON TE ZAD PA SHES PA ZAG PA ZAD PA'I RGYUD LA ZHES BYA BA NI ZAG PA ZAD PA NA SHES PA GANG YIN PA DE NI ZAG PA ZAD PA'I SHES PA'O ZHES BYA BA'I DON TE, ZAG PA ZAD PA'I RGYUD LA NI SHES PA THAMS CAD 'BYUNG BAS SHES PA BCU YIN NO, ,GZHAN DU SANGS RGYAS MI 'BYUNG BA'I PHYIR RO ZHES BYA BA NI 'DZAM BU'I GLING LAS GZHAN DU SANGS RGYAS MI 'BYUNG BA'I PHYIR RO, ,STOBS BCU NI 'DZAM BU'I GLING GI SKYES PA'I RTEN CAN YIN TE, SANGS RGYAS LA BRTEN NAS SKYE BA'I PHYIR RO SNYAM DU BSAMS PA YIN NO, ,SHES PA RNAM PA BCU PO DE NYID GZHAN GYI NI STOBS ZHES MI BYA'I ZHES BYA BA NI GZHAN LA NI DE YOD MOD KYI THOGS PA YOD PA'I PHYIR STOBS MA YIN GYI, GANG THOGS PA MED PA DE STOBS MA 'DRES PA YIN NO SNYAM DU BSAMS PA YIN NO, ,RAB TU 'BYUNG BAR 'DOD PA'I PHYIR BTANG BA ZHES BYA BA RGYAS PAR 'BYUNG BA NI, RAB TU 'BYUNG BAR 'DOD PA NI RAB TU 'BYUNG BAR 'DOD PA'O, ,RAB TU 'BYUNG BAR 'DOD PA'I MI DE SLAR BTANG BA NA NI RAB TU 'BYUNG PAR 'DOD PA'I MI PHYIR BTANG BA'O, ,'DI NI JI LTAR GZHAN GYI SHES PA THOGS PAR 'GYUR BA'I DPER BRJOD PA YIN TE, 'PHAGS PA SH'A RI'I BUS RAB TU 'BYUNG BAR 'DOD PA'I MI ZHIG THAR PA'I CHA DANG MTHUN PA'I DGE BA'I RTZA BA RNAM PAR BLTAS NA, MA MTHONG NAS SLAR BTANG STE RAB TU MA BYUNG NGO ZHES BYA BA'I THA TSIG GO, , BCOM LDAN 'DAS KYIS NI GZIGS NAS RAB TU BYUNG NGO, ,DE'I DBANG DU BYAS NAS DGE SLONG RNAMS KYIS ZHUS PA DANG, BCOM LDAN 'DAS KYIS BKA' STZAL BA, 'DI NYID KYIS GANG DGRA BCOM PA NYID 'THOB PA'I LAS DE BYAS TE, LAS RNAMS NI SA'I KHAMS LA RNAM PAR MI SMIN, @269A *, ,CHU'I KHAMS LA MA YIN, ME'I KHAMS LA MA YIN, RLUNG GI KHAMS LA MA YIN GYI, ZIN PA'I PHUNG PO DANG, KHAMS DANG, SKYE MCHED DE DAG KHO NA LA ZHES BYA BA RGYAS PAR GSUNGS SO, ,YANG 'DI SKAD DU, 'BYUNG KHUNGS RDO YI GSAB GSEB NA, ,BAG LA ZHA BA'I GSER BZHIN DU, DES[?] NI 'DI YI THAR PA YI, ,SA BON SHIN TU PHRA BA MTHONG, ,ZHES BYA BA GSUNGS SO ZHES GRAG GO, ,SKYE BA LA SOGS PA'I MTHA' MA ZHES BYA BA LA SOGS PA ZHES BYA BA'I SGRAS NI 'CHI 'PHO BA'I MTHA' MA SHES PA BSDU'O, ,SRED MED KYI BU'I STOBS ZHES BYA BA LA, SRED MED CES BYA BA 'DI NI STOBS KYI MING YIN NO, ,GANG LA STOBS DE YOD PA DE MING SRED MED KYI BU ZHES BYA BA STE, STOBS MCHOG DANG TSAN PO CHE BZHIN NO, ,BTZUN PA ZHES BYA BA NI DPES STON PA'I GNAS BRTAN YIN NO, ,DE LTA MA YIN NA ZHES BYA BA NI SKU'I STOBS THUGS KYI STOBS BZHIN DU MI 'DOD NA YE SHES KYI STOBS MTHA' YAS PA BZOD PAR MI 'GYUR TE, BCOM LDAN 'DAS BZOD PA'I NGANG TSUL CAN DU MI 'GYUR RO ZHES BYA BA'I THA TSIG GO, ,GZHAN DAG TSIGS NA ZHES BSHAD PAR RUS PA'I TSIGS KYI KHYAD PAR NYE BAR DGOD PA'I PHYIR, KLU MDUD PA ZHES BYA BA RGYAS PAR SMOS TE, SANGS RGYAS RNAMS KYI TSIGS NI KLU MDUD PA LTA BU YIN NO, ,GLU MDUD PA NI KLU SPREL BA YIN NO, ,RANG SANGS RGYAS RNAMS KYI TSIGS NI LU GU RGYUD LTA BU YIN NO, ,'KHOR LOS SGYUR BA RNAMS KYI TSIGS NI GZER BUS BTAB PA LTA BU YIN NO, ,GLANG CHEN STZOGS, BDUN CUS KLAGS PA'I STOBS YIN NO, ,ZHES BYA BA NI GLANG CHEN LA SOGS PA STE; GLANG PO DANG, SPOS KYI GLANG PO CHE DANG, TSAN PO CHE DANG, RAB GNON DANG, YAN LAG MCHOG DANG, STOBS MCHOG DANG, SRED MED KYI BU DANG BDUN YIN NO, ,DE'I STOBS BCUR BSGRES PA STE, JI LTA ZHE NA, SMRAS PA GLANG PO CHE PHAL PA BCU'I STOBS GANG YIN PA DE NI SPOS KYI GLANG PO CHE GCIG GI STOBS YIN NO, ,DE BZHIN DU SPOS KYI GLANG PO CHE BCU'I STOBS GANG YIN PA DE NI TSAN PO CHE GCIG GI STOBS YIN PA NAS, DE BZHIN DU STOBS MCHOG BCU'I STOBS GANG YIN PA DE NI SRED MED KYI BU GCIG GI STOBS YIN TE, 'DI NI GONG DU BCUR BSGRE BA'I LUGS YIN NO, ,GONG DU BCU 'GYUR DU @269B SKYED BA NI SRED MED KYI BU'I STOBS KYI PHYED YIN ZHES BYA BA NI DANG POR DE KHO NA BZHIN DU BSDOMS LA STOBS MCHOG LA SOGS PA BCU'I STOBS GANG YIN PA DE NI SRED MED KYI BU'I STOBS PHYED YIN NO, ,DE GNYIS SU BSGYUR BA NI SRED MED KYI BU'I STOBS YIN NO, ,SLOB DPON NI JI LTAR CHES CHE PA DE LTAR RUNG NGO ZHES PHYOGS SNGA MA NYID GZHUNG 'DZUGS TE, GTAN TSIGS NI DE LTA MA YIN NA, MKHYEN PA'I STOBS MTHA' YAS PA BZOD PAR MI 'GYUR RO ZHES BYA BA DE NYID YIN NO, ,GZHAN DU NA LHAS BYIN GYIS BSAD PA'I GLANG PO CHE ZHABS KYI MTHE BOS RA BA DANG 'OBS BDUN 'DOR BAR YANG MI 'GYUR RO, ,'BYUNG BA CHEN PO'I KHYAD PAR KHO NA YIN ZHES BYA BA NI STOBS 'DI NI 'BYUNG BA CHEN PO'I KHYAD PAR KHO NA YIN GYIS 'BYUNG BA LAS GYUR PA NI MA YIN NO ZHES STON PAR BYED DO, ,BDUN LAS DON GZHAN DU GYUR PA RGYUR BYAS PA'I GZUGS YIN ZHES BYA BA NI GZHAN DAG NA RE STOBS ZHES BYA BA NI RGYUR BYAS PA'I GZUGS 'JAM PA NYID LA SOGS PA SNGAR BSHAD PA DAG LAS DON GZHAN DU GYUR PA KHO NA YIN NO ZHES ZER RO,, ,,PAM PO LNGA BCU DRUG PA, MDO LAS JI SKAD 'BYUNG PA BZHIN NO ZHES BYA BA NI SH'A RI'I BU BZHI PO 'DI DAG NI DE BZHIN GSHEGS PA'I MI 'JIGS PA YIN TE, MI 'JIGS PA DE DAG DANG LDAN NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KHYU MCHOG GI GNAS RLABS PO CHE ZHAL GYIS 'CHE ZHING TSANGS PA'I 'KHOR LO BSKOR BAR MDZAD, 'KHOR GYI NANG DU SENG GE'I SGRA YANG DAG PAR SGROGS PAR MDZAD DO, ,BZHI GANG ZHE NA, KYE MA NGA MNGON PAR RDZOGS PAR SANGS RGYAS PA LA 'DI NA CHOS 'DI DAG MNGON PAR RDZOGS PAR SANGS MA RGYAS SO ZHES PA LA DGE SBYONG NGAM BRAM ZE GANG YANG RUNG 'GA' YANG CHOS DANG MTHUN PAS RGOL ZHING GLENG BAR BYED PA'I RGYU MTSAN YANG DAG PAR RJES SU MA MTHONG NGO, ,DE LTAR NGAS RGYU MTSAN YANG DAG PAR RJES SU MA MTHONG BAS BDE BA THOB PA DANG 'JIGS PA MED PAR GYUR CING MI 'JIGS PA THOB PAR GNAS TE, KHYU MCHOG GI GNAS RLABS PO CHE ZHAL GYIS 'CHE ZHING, TSANGS PA'I 'KHOR LO BSKOR, 'KHOR GYI NANG DU SENG GE'I SGRA YANG DAG PAR SGROGS PA 'DI NI MI 'JIGS PA DANG PO YIN NO, ,KYE MA NGA ZAG PA ZAD PA LA 'DI NA ZAG PA 'DI DAG MA SPANGS SO @270A *, ,ZHES NGA LA ZHES BYA BA SNGA MA BZHIN NO, ,'KHOR GYI NANG DU SENG GE'I SGRA SGROGS ZHES BYA BA'I BAR DU SNGA MA BZHIN TE, 'DI NI MI 'JIGS PA GNYIS PA YIN NO, ,'DI NI NGAS NYAN THOS RNAMS LA BAR DU GCOD PA'I CHOS SU GSUNGS PA GANG DAG YIN PA DE DAG BSTEN NA BAR DU GCOD PAR MI 'GYUR RO ZHES NGA LA ZHES BYA BA SNGA MA BZHIN TE, 'DI NI MI 'JIGS PA GSUM PA YIN NO, ,'DI NA NGAS NYAN THOS RNAMS LA NGES PAR 'BYIN PA'I LAM DU GSUNGS PA NGES PAR 'BYIN PA SDUG BSNGAL YANG DAG PAR ZAD PAR BYED PA'I CHED DU NGES PAR 'BYUNG BA LA SDUG BSNGAL GYI MTHAR BYED PA'I CHED DU NGES PAR 'BYUNG BA MA YIN NO ZHES NGA LA ZHES BYA BA SNGA MA BZHIN TE, ,'DI NI MI 'JIGS PA BZHI PA YIN NO ZHES 'BYUNG NGO, ,GNAS DANG GNAS MA YIN PA MKHYEN PA'I STOBS JI LTA BAR ZHES BYA BA RGYAS PAR 'BYUNG BA NI GNAS DANG GNAS MA YIN PA MKHYEN PA'I STOBS SHES PA BCU DANG SA THAMS CAD KYIS BSDUS PA JI LTA BAR KYE MA NGA MNGON PAR RDZOGS PAR SANGS RGYAS PAR GYUR PA LA ZHES BYA BA'I MI 'JIGS PA 'DI YANG DE DANG 'DRA STE, DE KHO NA BZHIN DU CHOS RNAMS RNAM PA BCUR PHYE NAS SBYAR BAR BYA'O, ,ZAG PA ZAD PA MKHYEN PA'I STOBS SHES PA DRUG GAM BCU DANG SA BCU GCIG GIS BSDUS PA JI LTA BAR KYE MA NGA ZAG PA ZAD PAR GYUR PA LA ZHES BYA BA'I MI 'JIGS PA 'DI YANG DE DANG 'DRA STE, 'DIR YANG KHO NA BZHIN DU CHOS RNAMS RNAM PA BCUR PHYE NAS SHES PA DRUG GAM BCUR SBYAR BAR BYA'O, ,LAS BDAG GIR BYA BA MKHYEN PA'I STOBS 'GOG PA DANG, LAM SHES PA MA GTOGS PA SHES PA BRGYAD DANG, SA THAMS CAD KYIS BSDUS PA JI LTA BAR NGAS GANG DAG NYAN THOS RNAMS LA BAR DU GCOD PA'I CHOS SU GSUNGS PA LA ZHES BYA BA RGYAS PAR GSUNGS PA MI 'JIGS PA GSUM PA YANG DE DANG 'DRA'O, ,'DIR YANG DE KHO NA BZHIN DU CHOS RNAMS PHYE NAS SDUG BSNGAL DANG KUN 'BYUNG BA'I BDEN PAS BSDUS PA KHO NA BAR DU GCOD PA YIN GYI; 'GOG PA DANG LAM GYI BDEN PAS BSDUS PA NI MA YIN PAS, SHES PA BRGYAD DO ZHES SBYAR BAR BYA'O, ,KUN DU 'GRO BA'I LAM MKHYEN PA'I STOBS SHES PA BCU 'AM DGU DANG, SA THAMS CAD KYIS BSDUS PA JI LTA BAR NGAS NYAN THOS RNAMS KYI NGES PAR 'BYUNG BA'I LAM DU GSUNGS @270B PA LA ZHES BYA BA'I MI 'JIGS PA 'DI YANG DE DANG 'DRA'O, ,'DI YANG ZAG PA DANG BCAS PA DANG, ZAG PA MED PA'I LAM 'BRAS BU DANG BCAS PA GZUNG NA NI SHES PA BCU'O DE 'BRAS BU MED PA GZUNG NA NI DGU'O ZHES BYA BAR SBYAR RO, ,MI 'JIGS PA NI MI SKRAG PA YIN LA 'DI DAG GIS KYANG MI SKRAG PAR 'GYUR RO ZHES BYA BA NI BYE BRAG TU SMRA BA NI SHES PA RNAMS MI 'JIGS PA YIN NO ZHES ZER RO, ,SLOB DPON NI SHES PAS BYAS PA NI MI 'JIGS PA YIN PAR RUNG GI SHES PA NYID NI MA YIN NO ZHES 'CHAD DO, ,YANG NA MI 'JIGS PA NI MI SKRAG PA YIN LA ZHES BYA BA NI 'DI THAMS CAD SLOB DPON GYI TSIG KHO NA YIN TE, 'DI LTAR DE NI 'JIGS PA'I GNYEN POS SEMS LAS BYUNG BA'I CHOS YIN LA 'JIGS PA YANG SEMS LAS BYUNG BA'I CHOS YIN NO, ,SHES PA RGYUR GYUR PA 'DI DAG GIS KYANG MI SKRAG PAR 'GYUR BAS NA JI LTAR SHES PA NYID MI 'JIGS PA YIN TE, SHES PAS BYAS PA NI MI 'JIGS PA YIN PAR RUNG GI SHES PA NYID NI MA YIN NO ZHE'O, ,MDO LAS JI SKAD 'BYUNG BA BZHIN NO ZHES BYA BA NI DGE SLONG DAG DRAN PA NYE BAR GZHAG PA GSUM PO 'DI DAG NI GANG DAG 'PHAGS PA STEN PAR BYED PA STE, 'PHAGS PAS DE DAG BSTEN NA 'KHOR LA RJES SU STON PAR 'OS SO, , GSUM GANG ZHE NA, DGE SLONG DAG 'DI NA STON PA THUGS BRTZE BA THUGS RJE CAN, DON BZHED PA PHAN PAR BZHED PA THUGS RJE STE, NYAN THOS RNAMS LA 'DI NI KHYED LA PHAN PAR BYED PA, 'DI NI KHYED LA BDE BAR BYED PA 'DI NI KHYED LA PHAN PA DANG BDE BAR BYED PA'O ZHES CHOS STON PAR MDZAD CING, NYAN THOS DE DAG DE LA NYAN PAR BYED, RNA BA GTOD PAR BYED KUN SHES PA'I SEMS NYE BAR 'JOG PAR BYED, CHOS KYI RJES SU MTHUN PA'I CHOS SGRUB PAR BYED, STON PA'I BSTAN PA LAS MI 'GAL BAR BYED NA, DES DE BZHIN GSHEGS PA KUN DU DGYES PAR YANG MI 'GYUR GYI, YID BDE BA YANG MA YIN THUGS YA YA POR YANG MI 'GYUR GYI, DE LA DE BZHIN GSHEGS PA DRAN PA DANG SHES BZHIN DU BTANG SNYOMS SU BZHUGS TE, 'DI NI GANG DAG 'PHAGS PA STON PAR BYED PA STE, 'PHAGS PAS DE DAG BSTEN NA TSOGS LA RJES SU STON PAR 'OS PA'I DRAN PA NYE BAR GZHAG PA DANG PO YIN NO, ,GZHAN YANG @271A *, ,DGE SLONG DAG 'DI NA STON PA THUGS BRTZE BA ZHES BYA BA SNGA MA BZHIN NO, ,NYAN THOS DE DAG DE LA NYAN PAR MI BYED, ,RNA BA GTOD PAR MI BYED, KUN SHES PA'I SEMS NYE BAR 'JOG PAR MI BYED, CHOS KYI RJES SU MTHUN PA'I CHOS SGRUB PAR MI BYED, STON PA'I BSTAN PA LAS 'GAL BAR BYED NA, DES DE BZHIN GSHEGS PA KUN NAS MA NAR SEMS SU YANG MI 'GYUR, MI BZOD PA YANG MA YIN, 'TSIG PA YANG MI MNGA', THUGS MA RANGS PA YANG MI MNGA'I, DE LA DE BZHIN GSHEGS PA DRAN PA DANG SHES BZHIN DU BTANG SNYOMS SU BZHUGS TE, 'DI NI GANG DAG 'PHAGS PAS STEN PAR BYED PA STE, 'PHAGS PAS DE DAG BSTEN NA TSOGS LA RJES SU STON PAR 'OS PA'I DRAN PA NYE BAR GZHAG PA GNYIS PA YIN NO, ,GZHAN YANG DGE SLONG DAG 'DI NA STON PA THUGS BRTZE BA ZHES BYA BA SNGA MA BZHIN NO, ,NYAN THOS KHA CIG NI DE LA NYAN PAR BYED PA NAS STON PA'I BSTAN PA LAS MI 'GAL BA'I BAR DU BYED LA, KHA CIG NI NYAN PAR MI BYED PA NAS STON PA'I BSTAN PA LAS 'GAL BA'I BAR DU BYED NA, DES DE BZHIN GSHEGS PA KUN DU DGYES PAR YANG MI 'GYUR, YID BDE BA YANG MA YIN, THUGS YA YA POR YANG MI 'GYUR LA, KUN NAS MNAR SEMS SU YANG MI 'GYUR, ,MI BZOD PA YANG MA YIN, 'TSIG PA YANG MI MNGA', THUGS MA RANGS PA YANG MI MNGA'I, DE LA DE BZHIN GSHEGS PA DRAN PA DANG SHES BZHIN DU BTANG SNYOMS SU BZHUGS TE, 'DI NI GANG DAG 'PHAGS PA STEN PAR BYED PA STE, 'PHAGS PAS DE DAG BSTEN NA TSOGS LA RJES SU STON PAR 'OS PA'I DRAN PA NYE BAR GZHAG PA GSUM PA YIN NO ZHES 'BYUNG NGO, ,DRAN DANG SHES RAB CES BYA BA NI GNYI GA'I NGO BO NYID YIN PAR STON TE, DRAN PA DANG SHES BZHIN DU ZHES 'BYUNG BA'I PHYIR RO, ,GANG GI TSE NYAN THOS KYANG ZHES BYA BA RGYAS PAR 'BYUNG BA NI, GANG GI TSE NYAN THOS NYON MONGS PA SPANGS PA YANG SLOB MA GUS PAR NYAN PA DANG, GUS PAR MI NYAN PA DANG, GNYI GA DAG LA KUN DU DGA' BA STE, RJES SU CHAGS PA 'AM, KUN NAS MNAR SEMS TE ZHE SDANG MI 'BYUNG NA, CI'I PHYIR 'DI DAG SANGS RGYAS KYI CHOS MA 'DRES PA THUN MONG MA YIN PA RNAMS ZHES @271B BA ZHE NA, BAG CHAGS DANG BCAS PAR SPANGS PA'I PHYIR RO ZHES BYA BA SMOS TE, KUN DU DGA' BA LA SOGS PA BAG CHAGS DANG BCAS TE SPANGS PA'I PHYIR RO, ,BAG CHAGS ZHES BYA BA 'DI CI ZHE NA, NYAN THOS RNAMS LAS GANG ZHIG GIS SNGON NYON MONGS PA GANG SPYAD PA DE'I DES BYAS PA'I LUS DANG NGAG GI G-YO BAR 'GYUR BA'I RGYU NUS PA'I KHYAD PAR SEMS LA YOD PA NI BAG CHAGS ZHES BYA'O, ,BTZUN PA GO CHA MTHA' YAS NA RE BAG CHAGS NI LUNG DU MA BSTAN PA'I SEMS KYI KHYAD PAR YIN NO ZHES ZER RO, ,SLOB DPON GYIS YANG NA ZHES BYA BA RGYAS PAR SMOS TE, NYAN THOS RNAMS GANG GI YIN PA NI NYAN THOS RNAMS SANGS RGYAS BCOM LDAN 'DAS KYI YIN GYI, NYAN THOS KYI MA YIN NO, ,CI'I PHYIR ZHE NA, NYAN THOS THAMS CAD NI SANGS RGYAS KYI PHYIR RAB TU BYUNG BA YIN NO, ,GUS PAR NYAN PA DANG GUS PAR MNYAN PA DANG GNYIS PO DE DAG LA STE, NYAN THOS DE DAG GUS PAR NYAN PA DANG GUS PAR MI NYAN PA DANG, GNYI GA DAG LA NYAN PA DANG THOS PA DANG LDAN PA'I DE KHO NA LA DE MI 'BYUNG BA STE, KUN DU DGA' BA DANG, KUN NAS MNAR SEMS MI 'BYUNG BA YA MTSAN RMAD DU BYUNG BAR RNAM PAR GZHAG GI GZHAN NYAN THOS LA NI MA YIN NO ZHES BYA BA'I THA TSIG GO, ,DE LTA MA YIN NA ZHES BYA BA RGYAS PAR 'BYUNG BA NI GAL TE KUN RDZOB SHES PA'I NGO BO NYID MA YIN GYI SNYING RJE BZHIN DU ZHE SDANG MED PA'I NGO BO NYID YIN PAR GYUR NA NI SEMS CAN THAMS CAD LA DMIGS PAR YANG 'GRUB PAR MI 'GYUR TE, KHAMS GSUM PA'I SEMS CAN LA DMIGS PAR 'GRUB PAR MI 'GYUR RO ZHES BYA BA'I THA TSIG GO, ,DPER NA SNYING RJE NI KHAMS GSUM PA LA DMIGS PA MA YIN NO, ,'O NA CI ZHE NA, SEMS CAN SDUG BSNGAL BA LA DMIGS PA'I PHYIR, 'DOD PA NA SPYOD PA'I SEMS CAN LA DMIGS PA YIN TE, 'DI YANG DE DANG 'DRA BAR 'GYUR RO SNYAM DU BSAMS PA YIN NO, ,SNYING RJE BZHIN DU SDUG BSNGAL GSUM GYI RNAM PA CAN DU YANG 'GRUB PAR MI 'GYUR RO ZHES BYA BAR SBYAR RO, ,JI LTAR SNYING RJE SDUG BSNGAL GYI SDUG BSNGAL KHO NA'I RNAM PA CAN YIN GYI SDUG BSNGAL GSUM GYI RNAM PA CAN MA YIN TE, SDUG BSNGAL GYI SDUG BSNGAL DANG, 'GYUR BA'I SDUG BSNGAL DANG, 'DU BYED KYI SDUG BSNGAL GYI RNAM PA CAN DE LTA BUR MI 'GYUR BA ZHIG NAS[?] @272A *, ,SDUG BSNGAL GSUM GYI RNAM PA CAN DU YANG 'DOD DE, DE'I PHYIR KUN RDZOB SHES PA'I NGO BO NYID YIN NO, ,CHEN PO'I SGRAR BRJOD PA NYID KYI RGYU BSTAN PA'I PHYIR 'DI CI'I PHYIR ZHES BYA BA LA SOGS PA SMOS SO, ,BSOD NAMS DANG YE SHES KYI TSOGS CHEN POS YANG DAG PAR 'GRUB PA'I PHYIR RO ZHES BYA BA NI, BSOD NAMS KYI TSOGS CHEN POS YANG DAG PAR 'GRUB PA'I PHYIR DANG, YE SHES KYI TSOGS CHEN POS YANG DAG PAR 'GRUB PA'I PHYIR RO ZHES BYA BA'I THA TSIG STE, DE LA BSOD NAMS KYI TSOGS CHEN PO NI PHA ROL TU PHYIN PA GSUM PO SBYIN PA DANG, TSUL KHRIMS DANG BZOD PA'I PHA ROL TU PHYIN PA'O, ,YE SHES KYI TSOGS CHEN PO NI SHES RAB KYI PHA ROL TU PHYIN PA'O, ,BRTZON 'GRUS DANG BSAM GTAN GYI PHA ROL TU PHYIN PA DAG NI GNYI GAR GTOGS PA'I PHYIR RNAM PA GNYI GA YIN TE, BRTZON 'GRUS MED PAR SBYIN PA SBYIN PA DANG, TSUL KHRIMS YANG DAG PAR LEN PA DANG, BZOD PA BSGOM PA YANG MED PAS BRTZON 'GRUS NI BSOD NAMS KYI TSOGS CHEN PO DANG CHA MTHUN PA YIN NO, ,DE BZHIN DU BRTZON 'GRUS MED PAR SHES RAB MI 'BYUNG BAS YE SHES KYI TSOGS CHEN PO DANG CHA MTHUN PA YIN NO, ,DE BZHIN DU BSAM GTAN YANG BYAMS PA LA SOGS PA TSAD MED PA RNAM PA BZHI BSGOM PA'I PHYOGS DANG MTHUN PA NI BSOD NAMS KYI TSOGS CHEN PO DANG CHA MTHUN PA YIN NO, ,DRAN PA NYE BAR GZHAG PA LA SOGS PA BYANG CHUB KYI PHYOGS DANG MTHUN PA'I CHOS SUM CU RTZA BDUN BSGOM PA'I PHYOGS DANG MTHUN PA'I BSAM GTAN NI YE SHES KYI TSOGS CHEN PO DANG CHA MTHUN PA YIN NO, ,DE LTAR BSOD NAMS DANG YE SHES KYI TSOGS CHEN PO DAG GIS YANG DAG PAR 'GRUB CING 'GRUB PA'I PHYIR, THUGS RJE 'DI CHE BAS NA THUGS RJE CHEN PO'O, ,RNAM PA NI SDUG BSNGAL GSUM LA RTOGS PA'I PHYIR RO ZHES BYA BA NI 'DI LTAR SDUG BSNGAL GSUM CHAR LA YANG DMIGS KYI, SNYING RJE BZHIN DU SDUG BSNGAL GYI SDUG BSNGAL KHO NA LA DMIGS PA NI MA YIN NO, ,DMIGS PA NI KHAMS GSUM PA'I SEMS CAN LA DMIGS PA'I PHYIR RO ZHES BYA BA NI 'DI LTAR KHAMS GSUM DU SKYES PA'I SEMS CAN RNAMS LA DMIGS KYI, SNYING RJE BZHIN DU 'DOD PA'I KHAMS SU SKYES PA KHO NA LA DMIGS PA NI MA YIN TE, SPYOD YUL 'DOD PA'I SEMS CAN YIN, ,ZHES 'BYUNG BA'I PHYIR RO, ,MNYAM PA NYID NI @272B SEMS CAN THAMS CAD LA 'DRA BAR 'JUG PA'I PHYIR RO ZHES BYA BA NI 'DI LTAR KHAMS GSUM DU GTOGS PA'I SEMS CAN THAMS CAD LA 'DU BYED KYI SDUG BSNGAL GYI RNAM PAR 'DRA BAR 'JUG STE, DE'I PHYIR YANG THUGS RJE CHEN PO ZHES BYA'O, ,DE BAS CHES CHE BA MED PA'I PHYIR RO ZHES BYA BA NI SHES RAB KYI NGO BO NYID YIN PAS SHIN TU RNO BA'I PHYIR TE, JI LTAR DES THUGS RJE CHE BA LTAR SNYING RJE NI DE LTA MA YIN NO, ,THA DAD DU BYA BA NI KHYAD PAR RO, ,ZHE SDANG MED PA DANG GTI MUG MED PA'I NGO BO NYID YIN PA'I PHYIR RO ZHES BYA BA NI GO RIMS BZHIN DU SNYING RJE NI ZHE SDANG MED PA'I NGO BO NYID YIN PA'I PHYIR LA, THUGS RJE CHEN PO NI GTI MUG MED PA'I NGO BO NYID YIN PA'I PHYIR RO ZHES BYA BA'I THA TSIG GO, ,SDUG BSNGAL GCIG DANG GSUM GYI RNAM PA CAN YIN PA'I PHYIR RO ZHES BYA BA NI SNYING RJE NI SDUG BSNGAL GCIG GI RNAM PA CAN YIN PA'I PHYIR LA, THUGS RJE CHEN PO NI SDUG BSNGAL GSUM GYI RNAM PA CAN YIN PA'I PHYIR TE, 'OG MA THAMS CAD LA YANG GRANGS BZHIN DU SBYAR BAR BYA'O, ,BSAM GTAN BZHI DANG BSAM GTAN BZHI PA'I SA PA YIN PA'I PHYIR RO ZHES BYA BA NI SNYING RJE NI BSAM GTAN BZHI PA'I SA PA YIN NO, ,MI LCOGS PA MED PA DANG, BSAM GTAN KHYAD PAR CAN DAG NI BSAM GTAN DANG PO SMOS PAS BSDUS PA'I PHYIR SA DRUG PA ZHES NI MA BSHAD DO, ,THUGS RJE CHEN PO NI BSAM GTAN BZHI PA'I SA PA KHO NA YIN TE TING NGE 'DZIN THAMS CAD LAS SU RUNG BA NYID KYIS DE KHO NAS DE SKYED PAR NUS PA'I PHYIR RO, ,NYAN THOS LA SOGS PA DANG, SANGS RGYAS KYI RGYUD LAS SKYES PA YIN PA'I PHYIR RO ZHES BYA BA LA SOGS PA ZHES BYA BA'I SGRAS NI RANG SANGS RGYAS DANG SO SO'I SKYE BO RNAMS BSDU'O, ,'DOD PA'I KHAMS DANG SRID PA'I RTZE MO LAS 'DOD CHAGS DANG BRAL BAS THOB PA'I PHYIR RO ZHES BYA BA NI SNYING RJE NI 'DOD PA LAS 'DOD CHAGS DANG BRAL BAS 'THOB LA, THUGS RJE CHEN PO NI SRID PA'I RTZE MO LAS 'DOD CHAGS DANG BRAL BAS 'THOB BO, ,YONGS SU MI SKYOB PA DANG YONGS SU SKYOB CES BYA BA NI SNYING RJE NI NYAN THOS LA SOGS PAR SNYING RJE BAR BYED PA 'BA' ZHIG TU ZAD PAS YID LA NYAM NGA BA 'BA' ZHIG TU ZAD KYI ZHES BYA BA'I THA TSIG SNYE 'KHOR BA'I 'JIGS PA LAS NI @273A *, ,YONGS SU MI SKYOB PO, ,THUGS RJE CHEN POS NI BCOM LDAN 'DAS THUGS RJE BAR MDZAD PA NI 'KHOR BA'I 'JIGS PA CHEN PO LAS YONGS SU SKYOB PO, ,MI 'DRA BA DANG 'DRA BAR THUGS RJE MDZAD PA'I PHYIR RO ZHES BYA BA NI SNYING RJES NI SDUG BSNGAL BA KHO NA LA SNYING RJE BA'I PHYIR MI 'DRA BAR SNYING RJE BAR BYED DE, THUGS RJE CHEN POS NI SEMS CAN THAMS CAD LA 'DRA BAR THUGS RJE BAR MDZAD PA'I PHYIR RO, ,SNGON GYI BSOD NAMS DANG YE SHES KYI TSOGS KYIS YANG DAG PAR 'GRUB PA ZHES BYA BA NI TSE RABS SNGA MA DAG GI BSOD NAMS KYI TSOGS DANG, YE SHES KYI TSOGS SNGAR BSHAD PAS YANG DAG PAR 'GRUB PO, ,CHOS KYI SKU YONGS SU 'GRUB CES BYA BA LA, CHOS KYI SKU NI ZAG PA MED PA'I CHOS KYI RGYUN GYI TSOGS SAM GNAS YONGS SU GYUR PA YIN NO, ,DON SPYOD PA ZHES BYA BA LA, ,DON NI 'JIG RTEN GYI MTHO RIS DANG BYANG GROL MDZAD PA'O, ,DE SGRUB PA NI DON SPYOD PA STE, SANGS RGYAS THAMS CAD KYI GZHAN GYI DON MDZAD PA'I RGYU THUGS RJE CHEN PO NI 'DRA'O, ,DUS JI LTA BA BZHIN DU ZHES BYA BA NI THAMS CAD LA SBYAR RO, ,JI LTA ZHE NA, YUN SHIN TU RING BA DANG YUN THUNG NGUR 'TSO BA'I PHYIR ZHES BYA BA SMOS TE, DUS JI LTA BA BZHIN DU SKYE DGU RNAMS KYI TSE RING BA'I TSE NI SANGS RGYAS BCOM LDAN 'DAS SKU TSE RING BAR 'BYUNG LA, THUNG BA'I TSE NI THUNG BAR RO, ,DE BZHIN DU CI RIGS PAR 'JIG RTEN GYI RGYAL RIG SA BKUR BA'I TSE NI RGYAL RIGS SU 'BYUNG LA, BRAM ZE BKUR BA'I TSE NI BRAM ZER RO, ,DUS JI LTA BA BZHIN DU 'OD SRUNGS LA SOGS PA'I RIGS DANG, GOO TA MA LA SOGS PA'I RIGS SU YANG 'BYUNG NGO, ,DE BZHIN DU 'JIG RTEN PA'I BONG TSOD CHUNG BA'I TSE NI SKU BONG TSOD CHUNG LA, BONG TSOD CHE BA'I TSE NI SKU BONG TSOD CHE BA'O, ,RGYU PHUN SUM TSOGS PA NI BSOD NAMS DANG YE SHES KYI TSOGS NI MTSAN NYID DO, ,'BRAS BU PHUN SUM TSOGS PA NI CHOS KYI SKU'I MTSAN NYID DO, ,PHAN 'DOGS PA PHUN SUM TSOGS PA NI 'GRO BA'I DON SPYOD PA'I MTSAN NYID DO, , BSOD NAMS DANG YE SHES KYI TSOGS THAMS CAD LA GOMS PA ZHES BYA BA LA, BSOD NAMS NI PHA ROL TU PHYIN PA LNGA'I NGO BO NYID DO, ,YE SHES NI SHES RAB KYI PHA ROL TU PHYIN PA'I NGO BO NYID DAG STE, BSOD NAMS DANG YE SHES DE DAG THAMS CAD KYI CHOGS SO, ,DE GOMS PA NI YANG DANG YANG DU SBYOR BA'O, , @273B YUN RING PO NAS GOMS PA ZHES BYA BA NI BSKAL PA GRANGS MED PA GSUM DU'O, ,BAR CHAD MED PA'I GOMS PA ZHES BYA BA NI BAR CHAD DANG BCAS PA MA YIN PAR RO, ,GUS PAR BYAS TE GOMS PA ZHES BYA BA NI GUS PA DRAG POS SO, ,'BRAS BU PHUN SUM TSOGS PA YANG RNAM PA BZHI STE ZHES BYA BA NI CHOS KYI SKU YONGS SU GRUB PAS, YE SHES LA SOGS PA PHUN SUM TSOGS PA BZHIR 'GYUR BAS DE DAG KYANG 'BRAS BU PHUN SUM TSOGS PA ZHES BYA BAR RNAM PAR GZHAG GO, ,YE SHES PHUN SUM TSOGS PA YANG RNAM PA BZHI STE ZHES 'CHAD PAR 'GYUR LA, DE BZHIN DU SPANGS PA PHUN SUM TSOGS PA DANG, MTHU PHUN SUM TSOGS PA DANG, GZUGS KYI SKU PHUN SUM TSOGS PA YANG RNAM PA BZHI STE ZHES 'CHAD PAR 'GYUR BAS 'DI DAG NI DE'I TSE NYID LA 'CHAD PAR 'GYUR RO, ,PHAN 'DOGS PA PHUN SUM TSOGS PA YANG RNAM PA BZHI STE, JI LTA ZHE NA, ,NGAN SONG GSUM DANG 'KHOR BA'I SDUG BSNGAL LAS GTAN DU THAR PAR MDZAD PA PHUN SUM TSOGS PA'O ZHES BYA BA NI DMYAL BA LA SOGS PA NGAN SONG GSUM DANG 'KHOR BA STE, DE DAG GI SDUG BSNGAL LAS GTAN DU THAR PAR MDZAD PA DE NYID PHUN SUM TSOGS PA YIN NO, ,YANG NA THEG PA GSUM DANG BDE 'GRO LA 'GOD PAR MDZAD PA PHUN SUM TSOGS PA'O ZHES BYA BA NI NYAN THOS KYI THEG PA LA SOGS PA THEG PA GSUM DANG BDE 'GRO LA 'GOD PA'O, ,DE NYID PHUN SUM TSOGS PA YIN TE YANG NA PHAN 'DOGS PA PHUN SUM TSOGS PA RNAM PA BZHI DE YIN NO, ,,MA BSTAN PAR MKHYEN PA ZHES BYA BA NI BDAG NYID KYIS MNGON PAR RDZOGS PAR BYANG CHUB PA'I DON GYIS SO, ,THAMS CAD MKHYEN PA ZHES BYA BA NI RANG DANG SPYI'I MTSAN NYID MA LUS PAR THUGS SU CHUD PA'I DON GYIS SO, ,RNAM PA THAMS CAD MKHYEN PA ZHES BYA BA NI RNAM PA KUN MKHYEN PA'I DON GYIS SO, ,MA 'BAD PAR MKHYEN PA ZHES BYA BA NI BZHED PA TZAM GYIS THUGS SU CHUD PA'I DON GYIS SO, ,NYON MONGS PA THAMS CAD SPANGS PA ZHES BYA BA NI MTHONG BA DANG BSGOM PAS SPANG BAR BYA BA'I NYON MONGS PA KHAMS GSUM PA CHAD PA'I PHYIR RO, ,GTAN DU SPANGS PA ZHES BYA BA NI YONGS SU MI NYAMS PA'I SGO NAS SO, ,BAG CHAGS DANG BCAS TE SPANGS PA ZHES BYA BA NI RJES SU 'BREL PA MED PA'I PHYIR RO, ,TING NGE 'DZIN DANG SNYOMS PAR 'JUG PA'I SGRIB PA THAMS @274A *, ,CAD SPANGS PA'O ZHES BYA BA NI GNYI GA'I CHA LAS RNAM PAR GROL BA'I PHYIR RO, ,PHYI'I YUL SPRUL PA DANG YONGS SU BSGYUR BA DANG, BYIN GYIS RLOB PA'I MNGA' PHUN SUM TSOGS PA ZHES BYA BA DE LA SPRUL PA NI PHYI'I YUL SNGON MED PA 'BYIN PA'O, ,YONGS SU BSGYUR BA NI RDO LA SOGS PA GSER LA SOGS PA'I DNGOS POR MDZAD PA'O, ,BYIN GYIS RLOB PA NI YUN RING DU GNAS PAR MDZAD PA'O, ,SKU TSE GTONG BA DANG BYIN GYIS RLOB PA'I MNGA' PHUN SUM TSOGS PA NI SKU TSE GTONG BA DANG BYIN GYIS RLOB PAR MDZAD PA LA MNGA' PHUN SUM TSOGS PAS SO, ,BSGRIBS PA DANG ZHES BYA BA RGYAS PAR 'BYUNG BA NI BSGRIBS PA LA GSHEGS PA DANG, NAM MKHA' LA GSHEGS PA DANG, SHIN TU RING BA LA MYUR DU GSHEGS PA'O, ,CHUNG NGUR MANG PO 'JUG PAR MDZAD PA NI KHYOD CHUNG NGU'I NANG DU GLANG PO CHE LA SOGS PA MANG PO 'JUG PAR MDZAD PA STE, BSGRIBS PA DANG NAM MKHA' DANG SHIN TU RING BA LA MYUR BAR GSHEGS PA DANG, CHUNG NGUR MANG PO 'JUG PAR MDZAD PA STE, DE DAG LA MNGA' PHUN SUM TSOGS PA ZHES BYA BAR SBYAR RO, ,YA MTSAN GYI CHOS NAR MA RANG BZHIN GYIS 'BYUNG BA RNAM PA SNA TSOGS RNAM PA DU MA DE DAG PHUN SUM TSOGS PA ZHES BYA BAR SBYAR RO, ,SANGS RGYAS BCOM LDAN 'DAS DE DAG GSHEGS PA NA MTHON DMAN MNYAM PAR 'GYUR TE MTHONG BA GANG YIN PA DE NI DMA' BAR 'GYUR LA, DMA' BA GANG YIN PA DE NI MTHON POR 'GYUR RO, ,LONG BA RNAMS KYIS NI MIG 'THOB BO, ,'ON PA RNAMS KYIS NI RNA BA 'THOB PO, ,SMYON PA RNAMS KYIS NI DRAN PA 'THOB BO ZHES BYA BA GANG YIN PA DE NI CHOS NYID YIN TE, THAMS CAD MDO LAS JI SKAD 'BYUNG BA BZHIN KHONG DU CHUD PAR BYA'O, ,MTSAN PHUN SUM TSOGS PA ZHES BYA BA NI SKYES BU CHEN PO'I MTSAN MDZOD SPU DANG, GTZUG TOR LA SOGS PA SUM CU RTZA GNYIS PHUN SUM TSOGS PA'O, ,DPE BYAD BZANG PO PHUN SUM TSOGS PA ZHES BYA BA NI SOR MO ZLUM PA DANG, SEN MO ZANGS KYI MDOG LTA BU LA SOGS PA DPE BYAD BZANG PO BRGYAD CU PHUN SUM TSOGS PA'O, ,STOBS PHUN SUM TSOGS PA NI SRED MED KYI BU'I STOBS SO, ,'DI'I SKU GDUNG RDO RJE LTA BUR SRA BAS NA SKU GDUNG RDO RJE SRA BA'O, ,SKU GDUNG RDO RJE LTAR SRA BA'I NGO BO STE, DE PHUN SUM TSOGS PAS NA SKU GDUNG RDO RJE LTAR SRA BA NYID PHUN SUM TSOGS @274B PA'O, ,DE LTAR NA DE DAG NI SANGS RGYAS RNAMS KYI CHE BA'I BDAG NYID KUN NAS MDOR BSDUS PA YIN TE, SKYES BU DAM PA RAB TU DANG BA SKYED PA GANG SU YANG RUNG BA SANGS RGYAS BCOM LDAN 'DAS LA BSTOD PA DANG, STOD PA DANG, BSTOD PAR 'GYUR BA DE DAG THAMS CAD NI PHUN SUM TSOGS PA DAM PA GSUM PO 'DI KHO NAS SO, ,'DI LA BSKAL PA GRANGS MED PA DU MA YOD PAS NA SKU TSE BSKAL PA GRANGS MED PA DU MA STE, SANGS RGYAS BCOM LDAN 'DAS RNAMS GAL TE DE BYIN GYIS RLOB PAR MDZAD NA, DE LTAR NA DE DAG GI CHE BA'I BDAG NYID DE MTHA' DAG MKHYEN PA DANG BRJOD PAR SPYOD DE, DE'I RAB TU DBYE BA MTHA' YAS PAS SHIN TU MANG BA'I PHYIR RO SNYAM DU DGONGS PA YIN NO, ,RE ZHIG DE LTAR NA ZHES BYA BA RGYAS PAR 'BYUNG BA NI, YON TAN RNAMS DANG YE SHES RNAMS, ,MTHU DANG PHAN 'DOGS PA ZHES ZLAS DBYE BA YIN NO, ,MTHA' YAS PA YANG YIN LA RMAD DU BYUNG BA YANG YIN PAS ZHES GZHI MTHUN PAR BSDU BA YIN NO, ,DE DAG NYID RIN PO CHE CHEN PO STE, DE BZHIN GSHEGS PA RNAMS NI DE DAG GI 'BYUNG GNAS YIN NO, ,'ON KYANG BYIS PA SO SO'I SKYE BO RANG GI YON TAN DBUL BAS RJES SU DPOG PAR GYUR PAS MOS PA BCOM ZHING DGA' BA BCOM PAR GYUR BA RNAMS NI SANGS RGYAS LA GUS PA'I BAR DU MI BYED DE, DAD PAR MI BYED DO ZHES BYA BA'I THA TSIG GO, ,DAD PA TZAM GYIS ZHES BYA BA NI MI RTOGS PAR ZHES BYA BA'I THA TSIG GO, ,RNAM PAR SMIN PAR MA NGES PA ZHES BYA BA NI RNAM PAR SMIN PAR NGES PA RNAMS LAS NI RGAL BAR MI 'GYUR RO SNYAM DU BSAMS PA YIN NO, ,LHA DAG GI NANG NA YOD PAS NA LHA'I YIN NO, ,'BRAS BU MED PA MA YIN PA DANG, YID DU 'ONG BA DANG, MCHOG TU GYUR BA DANG, MYUR BA DANG MTHA' BZANG BA'I PHYIR RO ZHES BYA BA LA, 'BRAS BU MED PA MA YIN PA NI 'BRAS BU 'BYIN PAR NGES PAR GNAS PA'I PHYIR RO, ,'BRAS BU YID DU 'ONG BA NI 'BRAS BU LHA'I YUL YIN PA'I PHYIR RO, ,'BRAS BU MCHOG TU GYUR PA NI 'BRAS BU MANG BA'I PHYIR RO, ,'BRAS BU MYUR BA NI 'BRAS BU MTHONG BA'I CHOS LA SOGS PA LA MYONG BAR 'GYUR BA'I PHYIR RO, ,'BRAS BU MTHA' BZANG BA NI 'BRAS BU MYA NGAN LAS 'DAS PA YIN PA'I PHYIR YIN TE, DE BZHIN GSHEGS PA NI DE DAG MNGA' BA'I PHYIR BSOD NAMS KYI ZHING BLA NA MED PA ZHES BYA'O, ,BYA BA ZHES BYA BA NI MCHOD PA LA SOGS PA PHAN PA'O,, @275A *, ,CI RIGS PAR ZHES BYA BA NI JI SRID PAR TE, SANGS RGYAS BCOM LDAN 'DAS RNAMS KYI YON TAN NYON MONGS PA MED PA DANG, ,SMON NAS SHES PA LA SOGS PA KHA CIG NI NYAN THOS DANG THUN MONG YIN NO, ,MNGON PAR SHES PA DANG, BSAM GTAN DANG GZUGS MED PA LA SOGS PA KHA CIG NI SO SO'I SKYE BO DANG THUN MONG YIN NO, ,SOGS PA ZHES BYA BA'I SGRAS NI STONG PA NYID DANG MTSAN MA MED PA DANG, SMON PA MED PA LA SOGS PA BSDU'O, ,'GA' YANG DE LA DMIGS NAS 'DOD CHAGS SAM ZHE SDANG NGAM NGA RGYAL SKYE BAR MI 'GYUR BA ZHES BYA BA NI DES BDAG NYID MTHONG BA LA SOGS PA YONGS SU SPONG BA'I PHYIR TE, JI LTA JI LTAR TING NGE 'DZIN LAS MA LANGS PA DES BDAG MTHONG NAS 'DI'I 'DOD CHAGS SKYE BAR MA GYUR CIG ,'DI'I ZHE SDANG DANG, 'DI'I NGA RGYAL DANG, 'DI'I BAG MED PA SKYE BAR MA GYUR CIG CES BYA BAR MNGON PAR RTOGS PAR GYUR PA DE LTA DE LTAR TING NGE 'DZIN DE LAS LANGS NAS KYANG RJES SU MTHUN PAR BYED DO, ,'DI NI GZHAN GYI SEMS SRUNG BA'I THABS KYI KHYAD PAR YIN GYI, NYON MONGS PA MED PA'I TING NGE 'DZIN DE SKYES PA TZAM KHO NA'I MTHUS GZHAN DAG GI NYON MONGS PA SKYE BAR MI 'GYUR BA NI MA YIN NO ZHES BYA BA'I DON DU BZUNG NGO, ,NYON MONGS PAR MI BYED PAS NA ZHES BYA BA NI NYON MONGS PAR BYED PAR MI 'GYUR BAS ZHES BYA BA'I THA TSIG GO, ,BSAM GTAN BZHI PA NI LAM SLA BA RNAMS KYI MCHOG YIN PA'I PHYIR RO, ,NYON MONGS PA MED PA NI DE'I SA PA KHO NA YIN GYI, SA GZHAN PA NI MA YIN NO, ,YONGS SU SPANG BAR MI NUS SO ZHES BYA BA NI YONGS SU NYAMS PA SRID PA'I PHYIR RO, ,NYON MONGS PA BZHI DANG BCAS PA NI 'DOD CHAGS LA SOGS PA BSGOM PAS SPANG BAR BYA BA DAG YIN NO, ,NYON MONGS PA BZHI MED PA NI KUN DU 'GRO BA MTHONG BAS SPANG BAR BYA BA DAG YIN TE, KUN DU 'GRO BA NI RANG GI SA MTHA' DAG LA DMIGS PA'I PHYIR GZHAN GYI RGYUD LA DMIGS PA YANG YOD PAS YONGS SU SPANG BAR MI NUS SO, ,DE'I DMIGS PA THAMS CAD CAD DO ZHES BYA BA NI THAMS CAD LA DMIGS PAS DMIGS PA THAMS CAD DO, ,YANG NA 'DI'I DMIGS PA THAMS CAD YIN PAS DMIGS PA THAMS CAD DE NYON MONGS PA MED PA BZHIN DU NYON MONGS PA TZAM LA DMIGS PA NI MA YIN NO, ,'O NA CI ZHE NA, GZUGS LA SOGS PA LA DMIGS PA YANG YIN NO ZHES @275B BYA BA'I THA TSIG GO, ,BYE BRAG TU SMRA BA RNAMS NA RE ZHES SMOS PA NI GZHAN DAG GI GZHUNG LUGS LTAR NA GZUGS MED PA YANG MKHYEN TO ZHES STON TE, SANGS RGYAS RNAMS KYI YUL DU MA GYUR PA NI MED DO SNYAM DU BSAMS PA YIN NO, ,SMON NAS SHES PAS GZUGS MED PA RNAMS MNGON SUM DU NI MI SHES SO, ,CI'I PHYIR ZHE NA, 'DI LTAR SMON NAS SHES PA NI BSAM GTAN BZHI PA'I SA PA YIN TE, RANG DANG 'OG SA'I YUL CAN YIN ZHES 'CHAD PAR 'GYUR LA, SMOS NAS SHES PA YANG MNGON PAR SHES PA DANG 'DRA BA YIN PAS SO, ,RGYU MTHUN PA DANG SPYOD PA'I BYE BRAG LAS ZHES BYA BA DE LA RGYU MTHUN PA NI DMAN ZHING DMAN PA YIN NO, ,SPYOD PA NI GZUGS MED PA'I SNYOMS PAR 'JUG PA LA GNAS PA YIN NO, ,DE LTAR NA 'BRAS BUS RGYU RJES SU DPAG LA, RGYUS KYANG 'BRAS BU RJES SU DPAG GO ZHES BSTAN PA YIN TE, DE NAS SHI 'PHOS PA RNAMS DANG, DE'I SNYOMS PAR 'JUG PA THOB PA RNAMS KYI DE GNYI GA 'DIR MNGON SUM PA YIN NO, ,'DIR DPE NI ZHING PA LTA BU'O ZHES BYA BA NI DPER NA ZHING PAS 'BRAS BUS SA BON DANG SA BON GYIS 'BRAS BU RTOGS PA LTA BU'AM, DPER NA ZHING PAS ZHING 'DI LTA BU LUS NI 'BRU 'DI LTA BUR 'GYUR RO ZHES BYA BAR SHES PA'AM, 'BRU MTHONG NAS 'DI'I ZHING NI 'DI 'DRA'O ZHES RJES SU DPAG PAR BYED PA DE BZHIN DU SEMS CAN LUS ZHI BA MTHONG NAS 'DI NI GZUGS MED PA NAS SHI 'PHOS PA'O ZHES BYA BA DANG, GZUGS MED PA DAG TU SKYE BAR 'GYUR RO ZHES BYA BAR RJES SU DPOG GO, ,SMON PA SNGAR BTANG BA ZHES BYA BA NI GTOD PA SNGAR BTANG BA STE, SMON CING GTOD NAS ZHES BYA BA'I THA TSIG GO, ,TING NGE 'DZIN DE'I YUL DU JI TZAM ZHIG GYUR PA ZHES BYA BA NI NYAN THOS KYI YUL DU YANG JI TZAM ZHIG GYUR PA DE TZAM SHES LA, RANG SANGS RGYAS KYI BAR DU YANG RANG GI YUL DU JI TZAM ZHIG GYUR PA ZHES BYA BA LA SOGS PA YIN NO, ,CHOS SO SO YANG DAG PAR RIG PA NI 'DIR BSTAN PA'I CHOS YIN NO, ,CHOS ZHES BYA BA'I SGRA NI DON DU MA STE, 'DI LTA STE, DGE SLONG DAG KHYED LA CHOS BSHAD PAR BYA STE, THOG MAR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, ,MA 'DRES PA, YONGS SU DAG PA, YONGS SU BYANG BA, TSANGS PAR SPYOD PA RAB TU BSHAD DO ZHES BYA BA DER NI BSHAD PA'I CHOS YIN NO, ,CHOS @276A *, ,GANG ZHE NA, 'PHAGS PA'I LAM YAN LAG BRGYAD PA'O ZHES BYA BA DER NI SGRUB PA'I CHOS YIN NO, ,CHOS LA SKYABS SU 'GRO'O ZHES BYA BA DER NI 'BRAS BU'I CHOS MYA NGAN LAS 'DAS PA ZHES BYA BA LA SOGS PA YIN NO, ,THOGS PA MED PA ZHES BYA BA NI BZLOG PAR MI NUS PA'O, ,DE BZHIN ZHES BYA BA'I SGRA NI MI G-YO BA'I CHOS CAN GYI YIN PA DANG, MI'I RTEN CAN NYID YIN NO ZHES BYA BA'I DON 'DI GNYIS KHO NA DANG SBYAR TE, DMIGS PA LA SOGS PA NI LOGS SHIG SMOS PA'I PHYIR RO, ,RIGS PA DANG THAGS THOGS MED PAR MNGON PAR BRJOD PA NYID CES BYA BA LA RIGS PA NI DON DANG 'BREL PA'O, ,THAGS THOGS MED PA NI THOGS PA MED PA'O, ,RIGS PA DANG THAGS THOGS MED PAR MNGON PAR BRJOD PA NI RIGS PA DANG THAGS THOGS MED PAR MNGON PAR BRJOD PA'O, ,DE'I NGO BO STE, RIGS PA DANG THAGS THOGS MED PAR MNGON PAR BRJOD PA NYID DE LA'O, ,TING NGE 'DZIN LA DBANG BA NI TING NGE 'DZIN LA DBANG BA'O, , TING NGE 'DZIN LA DBANG BA GSAL BAR BYA ZHING MI BRJED PAR BYA BA NI TING NGE 'DZIN LA DBANG BA GSAL BAR BYA'O, ,SPOBS PA SO SO YANG DAG PAR RIG PA NI DE LA THOGS PA MED PAR SHES PA YIN PAS KHYAD PAR YOD DO, ,JI LTAR SPOBS PA SO SO YANG DAG PAR RIG PA NI SHES PA DGU'I RANG BZHIN YIN ZHE NA, NGAG LA DMIGS PA GANG YIN PA DE NI SDUG BSNGAL DANG, KUN 'BYUNG BA DANG, CHOS DANG RJES DANG ZAD PA DANG, MI SKYE BA DANG, KUN RDZOB SHES PA'I RANG BZHIN YIN LA, LAM LA DMIGS PA GANG YIN PA DE NI LAM DANG, CHOS DANG, RJES DANG, ZAD PA DANG, MI SKYE BA DANG, KUN RDZOB DANG, GZHAN GYI SEMS SHES PA'I RANG BZHIN YIN PAS MDOR BSDU NA SHES PA DGU'I RANG BZHIN YIN TE, 'GOG PA SHES PA MA GTOGS SO, ,GAL TE DON CHOS THAMS CAD YIN NA NI SHES PA BCU YIN NO ZHES BYA BA NI CI RIGS PAR SHES PA BCU'I DMIGS PAR MI 'GYUR BA'I CHOS GANG YIN PA DE NI MED DO, ,GAL TE DON MYA NGAN LAS 'DAS PA YIN NA NI SHES PA DRUG STE ZHES BYA BA NI 'GOG PA SHES PA NI CHOS SHES PA LA SOGS PA LNGA'I RANG BZHIN YIN PA'I PHYIR RO, ,MING GI TSOGS LA SOGS PA DANG, NGAG LA DMIGS PA'I PHYIR RO ZHES BYA BA NI SDUG BSNGAL SHES PA LA SOGS PA ZAD PA MED PA NI SDUG BSNGAL GYI PHYOGS GCIG GAM, KUN 'BYUNG @276B BA'I PHYOGS GCIG LA RANG GI MTSAN NYID KYI RNAM PAR MI DMIGS SO, ,'O NA CI ZHE NA, NYE BAR LEN PA'I PHUNG PO LNGA LA SPYI'I MTSAN NYID DU DMIGS TE, DE'I PHYIR KUN RDZOB SHES PA'I RANG BZHIN DAG YIN NO, ,YAN CHAD NA MING GI TSOGS MED PA'I PHYIR RO ZHES BYA BA NI, GZUGS MED PA'I KHAMS NA CHOS SO SO YANG DAG PAR RIG PA MED DO ZHES STON PAR BYED DE, GANG NA MING GI TSOGS YOD PA DE NYID NA TSIG DANG YI GE'I TSOGS KYANG YOD DO ZHES BYA BAR TSUL 'DRA BAS MING GI TSOGS MED PAR BRJOD PAS TSIG DANG YI GE'I TSOGS KYANG MED PAR GRUB PA YIN NO, ,YAN CHAD NA RTOGS PA MED PA'I PHYIR RO ZHES BYA BA NI BSAM GTAN GNYIS PA LA SOGS PA NA STE, MDO LAS BRTAGS SHING DPYAD NAS TSIG TU SMRA'O ZHES 'BYUNG BA'I PHYIR RO, ,SO SO YANG DAG PAR RIG PA 'DI DAG NI SNYOMS PAR ZHUGS PA NA YANG MING DANG DON LA SOGS PA LA DMIGS PA NYID YIN LA, LANGS NAS YANG DE'I RJES LA THOB PA'I SHES PA THOGS PA MED PAS MING DANG DON LA SOGS PA LA DMIGS PA NYID YIN NO, ,SMRA BA NI DE'I RJES LAS THOB PA KHO NA YIN NO, ,PHO DANG MO LA SOGS PA'I TSIG BLA DAGS ZHES BYA BA LA SOGS PA ZHES BYA BA'I SGRAS NI DUS DANG BYED PA PO LA SOGS PA BSDU'O, ,TSIG BLA DAGS NI RNAM GRANGS YIN NO, ,YANG NA DE'I DBANG DU BYAS PA'I TSIG NI TSIG BLA DAGS SO, ,DE LA THAGS THOGS MED PAR ZHES BYA BA NI TSIG BLA DAGS DE LA'AM, TSIG DANG YI GE'I TSOGS DE LA'O, ,DE NYID KYIS 'DI DAG GI GO RIMS DRUG PA YIN NO ZHES BYA BA NI GANG GI PHYIR TSIG DANG YI GE'I RJES SU 'BRANGS NAS DON RTOGS PA DANG, DE'I GCIG DANG, GNYIS DANG MANG PO DANG, MO DANG, PHO LA SOGS PA'I BLA DAGS DANG, DE LA THAGS THOGS MED PAR DE'I PHYIR GO RIMS DRUG PA YIN NO, ,DE'I PHYIR GZUGS ZHES BYA BA DE LTA BU LA SOGS PA YIN NO ZHES BYA BA LA, SOGS PA ZHES BYA BA'I SGRAS NI RNAM PAR SHES PAS NA RNAM PAR SHES PA'O, ,SOGS PAS NA SEMS SO ZHES 'BYUNG BA LA SOGS PA'I NGES PA'I TSIG BSDU'O, ,LAN DANG LAN SPOBS PAS NA SPOBS PA YIN NO ZHES BYA BA NI BRTZAD PA'I TSUL GYIS SO, ,GO RIMS BZHIN DU ZHES BYA BA NI CHOS SO SO YANG DAG PAR RIG PA'I SNGON GYI SBYOR BA NI RTZIS YIN NO, ,DON SO SO YANG DAG PAR RIG PA'I NI SANGS RGYAS KYI BKA' YIN NO, ,NGES @277A *, ,PA'I TSIG SO SO YANG DAG PAR RIG PA'I NI SGRA RIG PA YIN NO, ,SPOBS PA SO SO YANG DAG PAR RIG PA'I NI GTAN TSIGS YIN NO, ,BYE BRAG TU SMRA BA RNAMS NA RE SANGS RGYAS KYI BKA' KHO NA YIN NO ZHES BRJOD DO, ,DE NI RNAM DRUG CES BYA BA NI BSAM GTAN BZHI PA LA LA NI NYON MONGS PA MED PA'I BDAG NYID YIN LA, LA LA NI SMON NAS SHES PA'I BDAG NYID YIN NO, ,LA LA NI SO SO YANG DAG PAR RIG PA GSUM GYI BDAG NYID YIN NO, ,LA LA NI DE DAG LA MA GTOGS PAR RAB KYI MTHA' BA 'BA' ZHIG YIN NO, ,SO SO YANG DAG PAR RIG PA GSUM ZHES BYA BA NI DE NA RTOG PA MED PA'I PHYIR NGES PA'I TSIG SO SO YANG DAG PAR RIG PA MA GTOGS TE, DE NI RTOG PA DANG DPYOD PA DANG BCAS PAS SLONG BAR BYED DO, ,'O NA JI LTAR KHYAD PAR MED PA DRUG PO DE DAG RAB MTHA' PAS ZHES DE SKAD DU BSHAD CE NA, DE'I PHYIR NGES PA'I TSIG SO SO YANG DAG PAR RIG PA NI DE'I STOBS KYIS 'THOB PA YIN GYI, DE BSAM GTAN BZHI PA'I SA PA NI MA YIN NO ZHES BYA BA SMOS SO, ,'O NA CI ZHE NA, 'DOD PA'I KHAMS DANG BSAM GTAN DANG PO'I SA PA ZHES BYA BA'I THA TSIG GO, ,SA THAMS CAD KYIS MTHUN PAR BYAS PA ZHES BYA BA NI SA KUN GYIS MTHUN PAR BYAS PA ZHES BYA BA'I DON TO, ,'DI LA MTHAR RAB TU PHYIN PA YOD PA'I PHYIR RAB KYI MTHA' PA'O, ,MU BZHI PA BZHIN NO ZHES BYA BA NI DPER NA MU BZHI BA NI DRI MA RNAM PA BZHI YIN PA DE DANG 'DRA'O, ,RDZU 'PHRUL GYI YUL ZHES BYA BA RGYAS PAR 'BYUNG BA LA, MNGON PAR SHES PA DRUG NI RDZU 'PHRUL GYI YUL SHES PA MNGON DU BYA BA DANG, LHA'I RNA BA DANG, SEMS KYI RNAM GRANGS DANG, SNGON GYI GNAS DANG, 'CHI 'PHO DANG, SKYE BA DANG, ZAG PA ZAD PA SHES PA MNGON DU BYA BA'I MNGON PAR SHES PA'O, ,'DIR MDO NI 'DI NA DGE SLONG RDZU 'PHRUL GYI YUL SHES PA MNGON DU BYA BA'I MNGON PAR SHES PA RNAM PA DU MA NYAMS SU MYONG BAR BYED DE, GCIG TU GYUR NAS MANG POR 'GYUR, ,MANG POR GYUR NAS GCIG TU 'GYUR, ,ZHES BYA BA NAS 'DI NI RDZU 'PHRUL GYI YUL SHES PA MNGON DU BYA BA'I MNGON PAR SHES BZHES BYA'O ZHES BYA BA'I BAR 'BYUNG BA YIN TE, GZHUNG RGYAS PAR NI, RDZU 'PHRUL RKANG PA TING NGE 'DZIN, ,ZHES BYA BA DER BRIS PAR BLTA BAR BYA'O, ,DE BZHIN DU 'DI NA DGE SLONG LHA'I RNA BA RNAM PAR DAG @277B PA MI LAS 'DAS PAS MI DANG MI MA YIN PA'I SGRA THAG RING PO NA YOD PA GANG DAG YIN PA 'AM, THAG NYE BA NA YOD PA GANG DAG YIN PA YANG RUNG GNYI GA THOS TE, 'DI NI LHA'I RNA BA SHES PA MNGON DU BYA BA'I MNGON PAR SHES PA ZHES BYA'O, ,'DI NA DGE SLONG LHA'I MIG RNAM PAR DAG PA MI'I LAS 'DAS PAS SEMS CAN RNAMS MTHONG STE ZHES BYA BA NAS 'DI NI LHA'I MIG SHES PA MNGON DU BYA BA'I MNGON PAR SHES PA ZHES BYA'O ZHES BYA BA'I BAR GZHUNG MDO MANG PO LAS 'BYUNG BA BZHIN NO, ,'DI NA DGE SLONG SNGON GYI GNAS RNAM PA DU MA RJES SU DRAN TE ZHES BYA BA NAS 'DI NI SNGON GYI GNAS RJES SU DRAN PA MNGON DU BYA BA'I MNGON PAR SHES PA ZHES BYA'O ZHES BYA BA'I BAR DANG, 'DI NA DGE SLONG SEMS CAN GZHAN DANG GANG ZAG GZHAN DAG NI YID KYI RTOG PA DANG DPYOD PA YID KYIS YANG DAG PA JI LTA BA BZHIN RAB TU SHES TE, 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS SO ZHES BYA BAR YANG DAG PA JI LTA BA BZHIN RAB TU SHES SO, ,'DOD CHAGS DANG BRAL BA'I SEMS LA 'DOD CHAGS DANG BRAL BA'I SEMS SO ZHES BYA BAR YANG DAG PA JI LTA BA BZHIN RAB TU SHES SO, ,ZHE SDANG DANG BCAS PA DANG, ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, RNAM PAR G-YENGS PA DANG, KUN DU BSDUS PA DANG, ZHUM PA DANG, RAB TU 'DZIN PA DANG, RGOD PA DANG, RGOD PA MA YIN PA DANG, RNAM PAR MA ZHI BA DANG, RNAM PAR ZHI BA DANG, MNYAM PAR BZHAG PA DANG, RNAM PAR BZHAG PA MA YIN PA DANG, MA BSGOMS PA DANG, BSGOMS PA DANG, SEMS RNAM PAR MA GROL BA LA SEMS RNAM PAR MA GROL BA'O ZHES BYA BAR YANG DAG PA JI LTA BA BZHIN RAB TU SHES SO, ,SEMS RNAM PAR GROL BA LA SEMS RNAM PAR GROL BA'O ZHES BYA BAR YANG DAG PA JI LTA BA BZHIN RAB TU SHES TE, 'DI NI SEMS KYI RNAM GRANGS SHES PA MNGON DU BYA BA'I MNGON PAR SHES PA ZHES BYA BA'O, ,'DI NA DGE SLONG 'DI NI SDUG BSNGAL 'PHAGS PA'I BDEN PA'O ZHES BYA BAR YANG DAG PA JI LTA BA BZHIN RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES BYA @278A *, ,BAR YANG DAG PA JI LTA BA BZHIN RAB TU SHES SO, ,DE LTAR SHES SHING DE LTAR MTHONG BA DE 'DOD PA'I ZAG PA LAS SEMS RNAM PAR GROL BAR 'GYUR, ,SRID PA'I ZAG PA DANG, MA RIG PA'I ZAG PA LAS SEMS RNAM PAR GROL BAR 'GYUR RO, ,RNAM PAR GROL NA RNAM PAR GROL LO ZHES BYA BAR YE SHES MTHONG BAR 'GYUR ZHING, BDAG GI ZAG PA ZAD DO ZHES BYA BA NAS, 'DI LAS SRID PA GZHAN MI SHES SO ZHES BYA BA'I BAR DU YANG DAG PA JI LTA BA BZHIN RAB TU SHES TE, 'DI NI ZAG PA ZAD PA SHES PA MNGON DU BYA BA'I MNGON PAR SHES PA ZHES BYA'O ZHES BYA BA GZHUNG MDO MANG PO LAS 'BYUNG BA BZHIN NO, ,RDZU 'PHRUL NI TING NGE 'DZIN TO, ,DE'I YUL NI SPRUL PA DANG 'GRO BA STE, RDZU 'PHRUL GYI YUL SHES PA'O, ,DE MNGON DU BYA BA NI MNGON SUM DU 'GYUR BA YIN PAS RDZU 'PHRUL GYI YUL SHES PA MNGON DU BYA BA'I MNGON PAR SHES PA'O, ,LHA'I RNA BA DE LAS BYUNG BA'I SHES PA STE, DE MNGON DU BYA BA NI LHA'I RNA BA SHES PA MNGON DU BYA BA'I'O, ,SEMS KYI RNAM GRANGS NI KHYAD PAR TE, CHAGS PA DANG, SDANG BA DANG, RMONGS PA ZHES BYA BA'AM, YANG NA RNAM GRANGS NI GO RIMS YIN TE, RES 'GA' NI CHAGS SO, ,RES 'GA' NI SDANG NGO, ,RMONGS SO ZHES BYA BA LTA BU'O, ,DE SHES PA STE, DE MNGON DU BYA BA'I'O, ,SNGON GYI GNAS DE RJES SU DRAN PA STE, DE SHES PA DE MNGON DU BYA BA'I'O, ,'CHI 'PHO BA DANG SKYE BA NI 'CHI 'PHO DANG SKYE BA DAG GO, ,DE DAG SHES PA STE, DE MNGON DU BYA BA'I'O, ,ZAG PA RNAMS ZAD PA DE SHES PA STE, DE MNGON DU BYA BA'I MNGON PAR SHES PA ZHES RE RE LA SBYAR BAR BYA'O, ,DE DGE SBYONG GI TSUL GYI 'BRAS BU BZHIN DU ZHES BYA BA NI DPER NA DGE SBYONG GI TSUL GYI 'BRAS BU 'DUS BYAS RNAM PAR GROL BA'I LAM GYI RANG BZHIN YIN PA DANG 'DRA'O, ,SEMS LA SHES PA LNGA YIN NO ZHES BYA BA LA SEMS LA ZHES BYA BA NI SEMS KYI RNAM GRANGS MNGON PAR SHES PA'O, ,DE NI SHES PA LNGA'I NGO BO NYID YIN NO ZHES BYA BA'I THA TSIG STE, GZHAN GYI SEMS SHES PA ZAG PA MED PA NI CHOS DANG, RJES DANG LAM DANG GZHAN GYI SEMS SHES PA NYID SRID LA, ZAG PA DANG BCAS PA NI KUN RDZOB DANG GZHAN GYI SEMS SHES PA NYID SRID PA'I PHYIR RO, ,STOBS BZHIN NO ZHES BYA BA NI ZAG PA THAD PA'I STOBS SHES PA JI LTA @278B BA BZHIN NO, ,GAL TE ZAG PA ZAD PA SHES PA ZAG PA ZAD PA LA DMIGS PA YIN NA NI SHES PA DRUG YIN TE, 'GOG PA SHES PA NI CHOS DANG RJES DANG ZAD PA DANG MI SKYE BA SHES PA ZHES BYA BA'I PHYIR LA, KUN RDZOB SHES PA YANG 'GOG PA LA DMIGS PA NYID SRID PA'I PHYIR RO, ,GAL TE ZAG PA ZAD PA'I SHES PA GANG YIN PA DE YIN NA NI SHES PA BCU STE, ZAG PA ZAD PA'I RGYUD LA SHES PA BCU CHAR YOD PA'I PHYIR RO, ,DE BZHIN DU GAL TE ZAG PA ZAD PA LA DMIGS PAR 'GYUR BA MNGON PAR SHES PA GANG YIN PA DE ZAG PA ZAD PA SHES PA MNGON SUM DU BYA BA'I MNGON PAR SHES PA YIN NA NI SHES PA DRUG YIN TE, DE DANG 'DRA'O, ,GAL TE ZAG PA ZAD PA'I MNGON PAR SHES PA GANG YIN PA DE YIN NA NI SHES PA BCU STE, DE DANG 'DRA'O, ,'DI NI SA THAMS CAD PA YIN PAR YANG SHES PAR BYA'O ZHES BYA BA NI STOBS BZHIN NO ZHES SMOS PA 'DI KHO NAS KYANG DON 'DIR 'GYUR LA, GANG GI PHYIR LNGA KHO NA BSAM GTAN BZHI DAG NA'O ZHES NGES PAR GZUNG BA DE'I PHYIR YANG MNGON PAR SHES PA DRUG PA 'DI NI SA THAMS CAD PA YIN NO ZHES BYA BAR MNGON NO, ,RE ZHIG GSUM NI MED DE ZHES BYA BA NI RDZU 'PHRUL DANG, LHA'I RNA BA DANG, MIG GI MNGON PAR SHES PA DAG GO, ,CI'I PHYIR ZHE NA, GZUGS LA DMIGS PA YIN PA'I PHYIR TE, GZUGS MED PA RNAMS NI GZUGS KYI 'DU SHES BSHIG PA'I PHYIR GZUGS LA MI DMIGS SO, ,GZUGS LA STEGS BCAS NAS MNGON PAR BSGRUB PAR BYA BA YIN PA'I PHYIR RO ZHES BYA BA NI GZUGS KYI SGO NAS BSGRUB PAR BYA BA YIN PA'I PHYIR RO, ,GZUGS LA DMIGS PA'I LAM GYIS BSGRUB PAR BYA BA YIN PA'I PHYIR RO ZHES BYA BA'I THA TSIG STE, GZUGS 'DI 'DRA BAS NA SEMS 'DI 'DRA BAR 'GYUR RO ZHES BYA BA YIN NA, GZUGS MED PA RNAMS NI GZUGS LA MI DMIGS SO, ,SNGON GYI GNAS RJES SU DRAN PA YANG MED DE, MTHAR GYIS SNGON GYI GNAS GZHAN RJES SU DRAN PAS MNGON PAR 'GRUB PA'I PHYIR, ,'DI LTAR MTHAR GYIS BDAG NYID KYI GNAS GZHAN DAG RJES SU DRAN PAS SGRUB PAR BYED NA, GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES 'CHAD PAR 'GYUR BAS GZUGS MED PA RNAMS KYANG 'DOD PA NA SPYOD PA'I CHOS LA @279A *, ,MI DMIGS LA, BDAG NYID KYI GNAS GZHAN 'DOD PA NA SPYOD PA DE DAG KYANG MNGON PAR BSGRUB PA'I DUS NA DE'I DMIGS PA YIN PAS DE'I PHYIR DE'I SA PA MED DO, ,GNAS DANG RUS LA SOGS PA LA DMIGS PA'I PHYIR ZHES BYA BA NI DE NAS SHI 'PHOS NAS KYANG CHE GE MO ZHIG TU SKYES SO ZHES BYA BA LTA BU STE, 'DI LTAR MDO LAS, GANG DU BDAG MING 'DI ZHES BYA, RIGS NI 'DI LTA BU, RUS NI 'DI LTA BU, KHA ZAS NI 'DI LTA BU ZA ZA, BDE BA DANG SDUG BSNGAL NI 'DI LTA BU ZHIG NYAMS SU MYONG, TSE NI 'DI TZAM ZHIG THUB, YUN NI 'DI SRID CIG GNAS GNAS, TSE'I MTHA' NA 'DI SRID CIG YIN PAR GYUR NA, SEMS CAN NI DE DAG BYUNG NGO, ,BDAG GNAS DE NAS SHI 'PHOS NAS NI CHE GE MO ZHIG TU SKYES SO, ,DE NAS KYANG SHI 'PHOS NAS NI 'DI SKYES SO ZHES SNGON GYI GNAS RNAM PA DU MA RNAM PA DANG BCAS, YUL PHYOGS DANG BCAS, GLENG GZHI DANG BCAS PAR RJES SU DRAN NO ZHES GSUNGS NA, GZUGS MED PA RNAMS NI GNAS DANG RUS LA SOGS PA LA DMIGS PA DANG, SA 'OG MA LA DMIGS PA MA YIN PAS 'DI'I PHYIR YANG GZUGS MED PA'I SA PA MA YIN NO, ,JI LTAR GZHAN GYI SEMS SHES PA GZUGS LA STEGS BCAS NAS MNGON PAR BSGRUB PAR BYA BA YIN ZHE NA, DE'I PHYIR GZHAN GYI SEMS SHES PAR 'DOD PA NI ZHES BYA BA RGYAS PAR SMOS SO, ,GTOD CES BYA BA NI GTOD PAR BYED PA'O, ,MTSAN MA BZUNG NAS ZHES BYA BA NI SEMS KYI RNAM PA YONGS SU BCAD NAS ZHES BYA BA'I THA TSIG GO, ,DE'I LUGS LAS BZLOG STE ZHES BYA BA NI SEMS DE'I LUGS LAS BZLOG PA STE, 'GAGS MA THAG PA'I GNAS SKABS GZHAN RNAMS YID LA BYED DO, ,THOD RGAL DU YANG DRAN NO ZHES BYA BA TSE GCIG GAM GNYID THOD RGAL DU RGAL NAS KYANG DRAN NO, ,GNAS GTZANG MA RNAMS JI LTAR DRAN ZHE NA ZHES BYA BA NI GAL TE SNGON NYAMS SU MYONG BA KHO NA DRAN NA'O, ,GNAS GTZANG MA RNAMS 'DIR 'ONG BA NI MED DE PHYIR MI 'ONG BA YIN PA'I PHYIR RO, ,DES NA 'DIR DE DAG NYAMS SU MYONG BA MED DO, ,DER YANG MA YIN TE SO SO'I SKYE BO RNAMS DER MI SKYE BA'I PHYIR RO, ,THOS PAS NYAMS SU MYONG BA'I PHYIR RO ZHES BYA BA NI DES GNAS GTZANG MA PA'I LHA RNAMS NI 'DI LTA BU YIN NO ZHES THOS PAS SO, ,NYAM SU MYONG BA RNAM @279B GNYIS TE, ,MTHONG BAS NYAMS SU MYONG BA DANG, ,THOS PAS NYAMS SU MYONG BA'O, ,PHA ROL PO'I RGYUD LA BRTEN NAS BSKYED DO ZHES BYA BA NI SNGON GYI GNAS RJES SU DRAN PA SHES PA NI BSAM GTAN GYIS BSDUS PA YIN PAS DES GZUGS MED PA NA SPYOD PA'I SEMS MI 'DZIN NA NI JI LTAR PHA ROL PO'I RGYUD LA BRTEN NAS SKYED CE NA, PHA ROL PO'I YID KYI RNAM PAR SHES PA 'GAGS MA THAG PA'I MTSAN MA BZUNG NAS ZHES BYA BA RGYAS PAR SBYAR RO, ,GZHAN DAG CES BYA BA NI GANG DAG GZUGS MED PA NAS SHI 'PHOS PA MA YIN PA DE DAG GI SNGON GYI GNAS RJES SU DRAN PA SHES PA NI RANG GI RGYUD LA BRTEN NAS SKYED[?] DE SLA BA'I PHYIR RO, ,RDZU 'PHRUL LA SOGS PA'I ZHES BYA BA NI RDZU 'PHRUL DANG, LHA'I RNA BA DANG, LHA'I MIG GI MNGON PAR SHES PA GSUM PO DAG GI STE, GO RIMS BZHIN DU RDZU 'PHRUL GYI SBYOR BA NI YANG BA YID LA BYED PA YIN NO, ,LHA'I RNA BA'I SBYAR BA NI SGRA YID LA BYED PA YIN NO, ,LHA'I MIG GI NI SNANG BA YID LA BYED PA YIN NO, ,'DI DAG JI LTAR 'THOB CE NA ZHES BYA BA NI 'THOB PA'I DBANG DU BYAS NAS 'DRI BA STE, MNGON SUM DU 'GYUR BA NI 'DRIS PA DANG MA 'DRIS PA GNYI GA YANG SBYOR BA KHO NAS YIN NO, ,MA 'DRIS PA RNAMS NI SBYOR BAS ZHES BYA BA NI BYE BRAG CAN TE SNGON MA BSKYED PA THAMS CAD DO, ,THAMS CAD KYANG SBYOR BAS BSKYED PA YIN NO ZHES BYA BA NI 'DOD CHAGS DANG BRAL BAS 'THOB BA GANG DAG YIN PA DANG, SBYOR BAS 'THOB PA GANG DAG YIN PA DE DAG THAMS CAD KYANG NGO, ,SGRA MA GTOGS SO ZHES BYA BA NI SGRA NI RGYUN CHAD PA'I PHYIR SPRUL PAR MI BYED DE, 'DOD PAR GTOGS PA'I SPRUL PA NI PHYI'I SKYE MCHED BZHI ZHES 'CHAD PAR 'GYUR RO, ,'O NA CI ZHE NA ZHES BYA BA RGYAS PAR 'BYUNG BA NI GAL TE MIG GI MNGON PAR SHES PA'I DMIGS PA GZUGS KYI SKYE MCHED YIN NA, 'O NA JI LTAR SHI 'PHOS PA DANG SKYE BA SHES PAS SEMS CAN 'DI DAG NI LUS KYIS NYES PAR SPYOD PA DANG LDAN NO ZHES BYA BA DE LTA BUR SHES TE, MIG GI RNAM PAR SHES PAS NI NGAG DANG YID KYI LAS DANG LDAN PAR MI 'DZIN NO, ,SOGS PA ZHES BYA BA'I SGRAS NI LOG PAR LTA BA BSDU'O, ,DE NI DES MI SHES SO ZHES BYA BA NI NGAG DANG YID KYI LAS DANG LDAN PA LA SOGS PA DE NI MIG GI RNAM PAR SHES PA DES MI SHES SO, ,'O NA GANG GIS SHES SHE NA, DE LAS @280A *, ,GZHAN PA MNGON PAR SHES PA'I 'KHOR DU GYUR PA'I SHES PA ZHES BYA BA SMOS TE, DE NI YID KYI YIN NO ZHES BYA BA'I THA TSIG GO, ,LHAG MA ZHES BYA BA NI SNGON GYI GNAS DANG ZAG PA ZAD PA'I MNGON PAR SHES PA DAG NI DRAN PA NYE BAR GZHAG PA BZHI CHAR GYI RANG BZHIN DAG YIN NO, ,JI LTAR ZAG PA ZAD PA'I MNGON PAR SHES PA DRAN PA NYE BAR GZHAG PA BZHI'I RANG BZHIN YIN ZHE NA, SHES PA BCU'I NGO BO NYID YIN PA'I PHYIR RO, ,SHES PA DRUG GI NGO BO NYID YIN NA YANG LUS DANG TSOR BA DANG SEMS DRAN PA NYE BAR GZHAG PA MA 'ONGS PA DAG 'THOB BO, ,'O NA JI LTAR DE DAG BSAM GTAN BZHI PA'I SA PAR 'GRUB CES BYA BA NI MIG GI SHES PA DANG, RNA BA'I SHES PA DANG BSAM GTAN GNYIS PA LA SOGS PA'I SA PA NI MED DE, MIG DANG RNA BA'I SHES PA DANG MTSUNGS PAR MI LDAN PA'I PHYIR RO, ,DE DAG KYANG GNYIS PA LA SOGS PA NA MED PA'I PHYIR TE, GNYIS PA SOGS NA LUS MIG DANG, ,RNA BA'I RNAM SHES RNAM RIG SLONG, ,GANG YIN DE NI DANG POR GTOGS, ,ZHES KHYAD PAR 'GYUR RO, ,RTEN GYI DBANG GIS ZHES BYA BA RGYAS PAR 'BYUNG BA NI RTEN MIG DANG RNA BA'I DBANG GIS DE DAG GI SHES PA DAG KYANG BSAM GTAN BZHI BA'I SA PA NYID YIN TE, MIG DANG RNA BA DAG NI BSAM GTAN BZHI PA'I SA BAR RNAM PAR GZHAG GO, ,DE NI GTZO BO'AM PHAL CHE BA BSTAN PA YIN NO ZHES BYA BA NI GTZO BOR GYUR PAS NA GTZO BO STE, PHAL CHE BA YANG DE DANG 'DRA'O, ,MNGON PAR SHES PA DGE BA NI GTZO BOR GYUR PAS DE'I PHYIR DE LA LTOS NAS MNGON PAR SHES PA BCU NI SHES RAB DGE BA'I ZHES BSTAN PAR MDZAD DO, ,YANG NA MNGON PAR SHES PA PHAL CHER DGE BA YIN PAS DE'I PHYIR DE SKAD DU BSTAN TE, MON SREN SDE'U LA SOGS PA YOD BZHIN DU YANG MON SRAN GRE'U'I PHUNG PO ZHES THA SNYAD 'DOGS PA BZHIN NO, ,SNGON MTHA' SOGS, MA RIG PA NI BZLOG PHYIR RO, ,ZHES BYA BA NAS GO RIMS BZHIN DU ZHES BYA BA'I BAR 'BYUNG BA NI RE ZHIG SKAL LDAN KHYAD PAR CAN LA SOGS PA NA RE SNGON GYI GNAS RJES SU DRAN PAS NI SNGON GYI MTHA' LA KUN DU RMONGS PA ZLOG PAR BYED DO, ,'CHI 'PHO DANG SKYE BA'I MNGON PAR SHES PAS NI BAR LA KUN DU RMONGS PA ZLOG PAR BYED DO, ,ZAG PA ZAD PA'I MNGON PAR SHES PAS NI 'DI LAS SRID PA GZHAN MI SHES SO @280B ZHES PHYI MA'I MTHA' LA KUN DU RMONGS PA SEL BAR BYED DO ZHES ZER TE, 'CHAD PAR BYED PA DE DAG GI BSAM PA NI DUS KYI RIM PA NI 'DAS PA DANG, DA LTAR BYUNG BA DANG, MA 'ONGS PA'I DUS ZHES BYA BA YIN PAS DE LTA BAS NA DON GYI TSUL NI DE LTA BU YIN NO SNYAM PA YIN NO, ,SLOB DPON 'DUS BZANG NA RE, SNGON MTHA' SOGS, MA RIG PA NI BZLOG PHYIR RO, ,ZHES BYA BA SNGON GYI GNAS MNGON PAR SHES PAS NI SNGON GYI MTHA' LA KUN DU RMONGS PA ZLOG PAR BYED DO, ,'CHI 'PHO DANG SKYE BA'I MNGON PAR SHES PAS NI PHYI MA'I MTHA' LA KUN DU RMONGS PA ZLOG PAR BYED DO,, ,,BAM PO LNGA BCU BDUN PA, ZAG PA ZAD PA'I MNGON PAR SHES PAS NI BAR LA KUN DU RMONGS PA ZLOG PAR BYED DO, ,DE'I PHYIR GSUM KHO NA RIG PA NYID YIN TE, SNGA MAS NI BDAG DANG GZHAN GYI RGUD PA MTHONG NAS KUN DU SKYO BA SKYE BA'I PHYIR RO, ,BAR MAS NI GZHAN KHO NA'I STE, DE LTAR KUN DU SKYO NA GSUM PAS YANG DAG PA'I DON RTOGS PA'I PHYIR RO ZHES ZER RO, ,'DIR GANG YIN PAR KHONG DU CHUD PAR BYA ZHE NA, SLOB DPON 'DUS BZANG GIS BSHAD PA KHO NA RIG PA'I NGO BO YIN PAR BLTA BAR BYA'O, ,SLOB DPON GYI DGONGS PA YANG DE LTA BU NYID YIN PAR MNGON TE, 'DI LTAR SNGON GYI GNAS DANG, 'CHI 'PHO DANG, SKYE BA DANG ZAG PA ZAD PA SHES PA MNGON DU BYA BA RNAMS NI MI SLOB PA'I RIG PA GSUM ZHES BYA'O ZHES BSHAD NAS, 'DI DAG GIS NI GO RIMS BZHIN DU SNGON GYI MTHA' DANG, PHYI MA'I MTHA' DANG, BAR LA KUN DU RMONGS PA ZLOG PAR BYED DO ZHES BSHAD DO, ,MNGON PAR SHES PA GSUM KHO NA RIG PA GSUM YIN NO ZHES BYA BA CI MNGON ZHE NA, 'DI LTAR MDO NYID LAS 'DI SKAD DU MI SLOB PA'I SNGON GYI GNAS RJES SU DRAN PA SHES PA MNGON DU BYED MPA'I RIG PA DANG, MI SLOB PA'I 'CHI 'PHO DANG SKYE BA SHES PA MNGON DU BYA BA'I RIG PA DANG, MI SLOB PA'I ZAG PA ZAD PA SHES PA MNGON DU BYED PA'I RIG PA ZHES 'BYUNG BAS RIG PA GSUM DU RNAM PAR GZHAG PA'I PHYIR LA, 'DI SKAD DU SDE SNOD GSUM PA YIN, RIG PA GSUM YIN ZHES KYANG 'BYUNG BAS SO, ,MI SLOB PA'I RIG PA YIN NO ZHES BYA BA NI, ZAG PA MED PA'I PHYIR RO SNYAM DU BSAMS PA YIN NO, ,DE GNYIS NI ZHES BYA BA NI SNGON GYI GNAS DANG, 'CHI 'PHO DANG SKYE BA'I MNGON PAR SHES @281A *, ,PA DAG NI ZAG PA ZAD PA DANG BCAS PA'I PHYIR SLOB PA YANG MA YIN LA MI SLOB PA YANG MA YIN NO, ,GO RIMS BZHIN DU CHO 'PHRUL GSUM YIN TE ZHES BYA BA NI RDZU 'PHRUL GYI YUL GYI MNGON PAR SHES PA DAG NI RDZU 'PHRUL GYI CHO 'PHRUL YIN NO, ,SEMS KYI RNAM GRANGS KYI MNGON PAR SHES PA NI KUN RJOD PA'I CHO 'PHRUL TE, KHYOD KYI SEMS NI 'DI 'DRA'O ZHES BYA BA YIN NO, ,ZAG PA ZAD PA'I MNGON PAR SHES PA NI RJES SU BSTAN PA'I CHO 'PHRUL TE, YANG DAG PA JI LTA BA BZHIN STON PA ZHES BYA BA'I THA TSIG GO, ,ZHE 'GRAS PA DANG BAR MAR GNAS PA RNAMS KYI ZHES BYA BA NI NGES PA'I TSIG GI TSUL BRTEN NAS BSHAD PA YIN NO, ,MI 'KHRUL PA'I PHYIR ZHES BYA BA NI NYON MONGS PA ZAG PA ZAD PA MED NA MI 'BYUNG BA'I PHYIR RO, ,'BYOR PAR BYED CES BYA BA NI 'GRUB PAR BYED CES BYA BA'I THA TSIG GO, ,THAG RING PO LA NYE BAR MOS NAS ZHES BYA BA NI MOS PAS GRUB PA NI MOS PA LAS BYUNG BA STE, THAG RING PO GANG YIN PA DE NYE BAR MOS SHING DES MYUR DU 'GRO BA'I PHYIR MOS PA LAS BYUNG BA ZHES BYA'O, ,PHYI'I SKYE MCHED BZHI ZHES BYA BA NI NANG GI SKYE MCHED NI SPRUL PAR MI BYED DE, DE SPRUL NA SNGON MED PA'I SEMS CAN 'BYUNG BAR THAL BAR 'GYUR BA'I PHYIR RO, ,BDAG DANG GZHAN GYI LUS DANG 'BREL PA'O ZHES BYA BA NI BDAG NYID SENG GER BSGYUR BA'AM GLANG PO CHER BSGYUR BA GANG YIN PA DE NI BDAG GI LUS DANG 'BREL PA YIN NO, ,BDAG NYID LAS PHYI ROL DU SENG GE'AM GLANG PO CHER SPRUL PA GANG YIN PA DE NI GZHAN GYI LUS DANG 'BREL PA YIN NO, ,DE KHO NA BZHIN DU RNAM PA GNYIS YIN ZHES BYA BA NI BDAG DANG GZHAN GYI LUS DANG 'BREL PA'O, ,GZUGS KYI KHAMS NA YANG DE DANG 'DRA BAS ZHES BYA BA NI JI LTAR 'DOD PA'I KHAMS SU SKYES PA SPRUL PA 'DOD PA NA SPYOD PA DANG, ,GZUGS NA SPYOD PA DANG RNAM PA GNYIS SPRUL PAR BYED LA, DE YANG BDAG GI LUS DANG 'BREL PA DANG, GZHAN GYI LUS DANG 'BREL PA DANG RNAM PA GNYIS YIN PAS RNAM PA BZHI YIN PA DE BZHIN DU, GZUGS KYI KHAMS SU SKYES PA YANG RNAM PA BZHI SPRUL PAR BYED PAS MDOR BSDU NA SPRUL PA NI RNAM PA BRGYAD YIN NO, ,GOS DANG RGYAN BZHIN DU MI LDAN NO ZHES BYA BA NI DPER NA GOS DANG RGYAN RANG GI LUS DANG 'BREL PA DAG KYANG SEMS CAN DU MI BGRANG BA'I PHYIR RAM, DBANG PO'I @281B RTEN DANG MA 'BREL PA'I PHYIR MI LDAN PA DE DAG 'DRA'O, ,SKYE MCHED GNYIS ZHES BYA BA NI GZUGS DANG REG BYA'I SKYE MCHED DO, ,DRI DANG RO'I SKYE MCHED NI MA YIN TE, MI LDAN PA'I PHYIR RO SNYAM DU BSAMS PA YIN NO, ,SGRA'I SKYE MCHED KYANG MA YIN TE 'CHAD PA'I PHYIR RO, ,GZHAN DAG NA RE BSNUN PA LAS 'BYUNG BA'I PHYIR RO ZHES ZER TE, GLO BUR BA YIN PA'I PHYIR RO SNYAM DU BSAMS PA YIN NO, ,BSAM GTAN GNYIS PA'I 'BRAS BU NI GSUM STE ZHES BYA BA NI SA 'OG MA PA DE GNYIS DANG RANG GI SA PA'O, ,BZHI DANG LNGAR SBYAR BAR BYA'O ZHES BYA BA NI BSAM GTAN GSUM PA'I SA PA NI BZHI STE, SA 'OG MA PA GSUM DANG RANG GI SA PA'O, ,BSAM GTAN BZHI PA'I SA PA NI LNGA STE, SA 'OG MA PA BZHI DANG RANG GI SA PA'O ZHES BYA BA YIN NO, ,BSAM GTAN GNYIS PA LA SOGS PA'I 'BRAS BU ZHES BYA BA RGYAS PAR 'BYUNG BA NI SPRUL PA POS SPRUL PA BSAM GTAN GNYIS PA LA SOGS PA'I 'BRAS BU SPRUL PA GANG YIN PA DE NI BSAM GTAN DANG PO'I SA PA'I SPRUL PA DE'I 'BRAS BU STE, BSAM GTAN DANG PO'I 'BRAS BU LAS KHYAD PAR DU 'PHAGS TE, SPRUL PA BSAM GTAN GNYIS PA'I 'BRAS BU DE NI BSAM GTAN GNYIS PA'I SA PAR 'GRO BA'I BSAM GTAN DANG PO'I 'BRAS BU NI DER MI 'GRO'O, ,'O NA CI ZHE NA, BSAM GTAN DANG PO'I SA PA KHO NAR 'GRO BAS, 'GRO BA'I BYE BRAG GI SGO NAS KHYAD PAR YOD DO, ,DE BZHIN DU BSAM GTAN GSUM PA LA SOGS PA'I 'BRAS BU LA YANG SBYAR BAR BYA'O, ,RNYED PA NI BSAM GTAN BZHI YIN NO ZHES BYA BA NI SPRUL PA'I SEMS RNAMS KYANG BSAM GTAN GYI DNGOS GZHI DAG BZHIN DU 'DOD CHAGS DANG BRAL BA'I SGO NAS RNYED DO, ,SPRUL PA'I SEMS NI BSAM GTAN DAG PA PA'I MJUG THOGS SU SKYE ZHES BYA BA NI SPRUL PA'I SEMS MNGON SUM DU GYUR PA NA, DANG PO GANG YIN PA DE NI DAG PA PA LAS SKYE'O, ,SPRUL PA'I SEMS KYI MJUG THOGS SU ZHES BYA BA NI GNYIS PA LA SOGS PA'I RGYUN GYI TSE'O, ,SPRUL PA'I SEMS LAS KYANG BSAM GTAN DAG PA PA ZHES BYA BA NI SPRUL PA'I SEMS LAS LANGS PA'I TSE'O, ,SPRUL PA'I SEMS ZHES BYA BA NI RGYUN GYI TSE'O, ,TING NGE 'DZIN GYI 'BRAS BU LA GNAS PA ZHES BYA BA NI SPRUL PA'I SEMS LA GNAS PA'O, ,SA GONG MA PA ZHES BYA @282A *, ,BA NI BSAM GTAN GNYIS PA LA SOGS PA'I SA PA STE, BSAM GTAN DANG PO'I SA PAS SMRAR 'JUG GO, ,YAN CHAD BSAM GTAN GNYIS PA LA SOGS PA NA NI RNAM PAR RIG BYED KUN NAS SLONG BAR BYED PA RTOG PA DANG DPYOD PA DANG BCAS PA'I SEMS MED PA'I PHYIR RO, , 'DI LTAR BRTAGS SHING DPYAD NAS TSIG TU SMRA'O ZHES 'BYUNG BAS SO, ,SPRUL PA'I SEMS MED PA'I PHYIR SPRUL PA MED NA ZHES BYA BA NI RGYU MTSAN MED NA RGYU MTSAN LAS BYUNG BA YANG MED PAS YOD PA MA YIN NA, JI LTAR SPRUL PA 'DI SMRAR 'JUG SNYAM DU BSAMS PA YIN NO, ,BYIN GYIS BRLABS NAS GZHAN 'JUG PHYIR, ,ZHES BYA BA NI SPRUL PA PO GNAS PAR 'DOD PAS SPRUL PA'I SEMS KYIS SPRUL PA SPRUL NAS, DE YANG 'DI GNAS PAR GYUR CIG CES BYIN GYIS BRLABS NAS DE'I 'OG TU GZHAN RNAM PAR RIG BYED KUN NAS SLONG BAR BYED PA RTOG PA DANG DPYOD PA DANG BCAS PA'I SEMS KYIS SMRAR 'JUG GO, , SNGON GYI BSAM PA'I RGYUN RJES SU 'BRANG BA'I PHYIR TE, DES SNGAR SPRUL PA SPRUL PAR BYA'O, ,DES BYIN GYIS BRLAB PAR BYA'O, ,DE SMAR GZHUG GO SNYAM DU SEMS LA RNAM PAR GZHAG PAS SO, ,GNAS SKABS GNYIS LA BYIN GYI RLABS SRID PA'I PHYIR CI GSON PO KHO NA LA BYIN GYI RLABS YOD DAM ZHES 'DRI'O,, 'PHAGS PA 'OD SRUNGS CHEN PO'I BYIN GYI RLABS KYIS ZHES BYA BA NI 'PHAGS PA 'OD SRUNGS CHEN PO'I MOS PAS ZHES BYA BA'I THA TSIG GO, ,SKYE BA LAS SKYES RNAM GSUM MO, ,ZHES BYA BA NI LHA LA SOGS PA RES 'GA' NI GZHAN DAG LA PHAN GDAGS PA'I PHYIR SPRUL PAR BYED LA, RES 'GA' NI RNAM PAR 'TSE BA'I PHYIR ZHES BYA BA LA SOGS PA YIN NO, ,DE DAG GIS BYAS PA ZHES BYA BA RGYAS PAR 'BYUNG BA NI LHA LA SOGS PAS BYAS PA'I SPRUL PA'I BDAG DANG GZHAN DANG 'BREL PA NI SKYE MCHED DGU PA YIN NO, ,DE CI'I PHYIR ZHE NA, SGRA MED PA'I GZUGS CAN GYI SKYE MCHED YIN PA'I PHYIR TE, 'DI LTAR DE LA SGRA MED PA'I MIG LA SOGS PA'I SKYE MCHED DANG, GZUGS LA SOGS PA'I SKYE MCHED YOD PAS SO, ,SGRA NI RGYUN MED PA'I PHYIR SPRUL PAR MI BYED DO, ,SEMS MED PA YIN PA'I PHYIR YID DANG CHOS KYI SKYE MCHED DAG KYANG SPRUL PAR MI BYED DO, ,SPRUL PA SEMS MED DO ZHES BYA BA CI MNGON ZHE NA, BSTAN BCOS @282B LAS TE, 'DI SKAD DU SPRUL PA DE 'BYUNG BA CHEN PO BZHI LAS GYUR PA ZHES BRJOD PAR BYA'AM, 'BYUNG BA CHEN PO BZHI LAS GYUR PA MA YIN PA ZHES BRJOD PAR BYA, SMRAS PA 'BYUNG BA CHEN PO BZHI LAS GYUR PA'O ZHES BRJOD PAR BYA'O, ,RGYUR BYAS PA'I GZUGS CAN NAM, RGYUR BYAS PA'I GZUGS CAN MA YIN PA ZHES BRJOD PAR BYA, SMRAS PA RGYUR BYAS PA'I 'BRAS BU GZUGS CAN NO ZHES BRJOD PAR BYA STE, SEMS MED PA ZHES KYANG BRJOD PAR BYA'O, ,GANG GI SEMS KYI DBANG GIS 'JUG CES BRJOD PAR BYA, SMRAS PA, SPRUL PA PO'I SEMS KYI DBANG GIS 'JUG GO ZHES BRJOD PAR BYA'O ZHES 'BYUNG NGO, , GAL TE SKYE MCHED DGU PA SPRUL PAR BYED NA DBANG PO SPRUL PA'I PHYIR JI LTAR SNGON MED PA'I SEMS CAN 'BYUNG BAR MI 'GYUR TE, DBANG PO RNAMS NI SEMS CAN DU STON PA YIN NO ZHE NA, DE'I PHYIR DBANG PO DANG THA MI DAD PA'I PHYIR RO ZHES BYA BA SMOS TE, 'DI GANG GI PHYIR MIG LA SOGS PA'I DBANG PO LNGA RANG DANG GZHAN GYI LUS DANG 'BREL PA'I SPRUL PA GZUGS DANG DRI DANG, RO DANG REG BYA'I NGO BO NYID DANG THA MI DAD PAR GNAS PA DE'I PHYIR SKYE MCHED DGU PA ZHES BYA BA'I DBANG PO NI SPRUL PAR MI BYED DE, 'DI NI GRUB PA'I MTHA' YIN NO, ,RANG DANG GZHAN GYI LUS DANG MA 'BREL PA SPRUL PAR BYED PA GANG YIN PA DE NI SKYE MCHED BZHI PA KHO NA YIN NO, ,DPER NA NGA LAS GZHON NU DANG, SRID PA BAR MA RNAMS KYI LTA BU'O ZHES BYA BA 'DI GNYIS NI LAS LAS SKYES PA'I RDZU 'PHRUL GYI DPER BRJOD PA YIN NO, ,DE DAG CI LHA'I KHO NA YIN NAM ZHES BYA BA NI LHA'I ZHES BYA BA SGRA 'DI DNGOS SHIG YIN NAM, 'ON TE NYE BAR BTAGS PA ZHIG YIN SNYAM DU SEMS PA STE, GAL TE DE DAG LHA LA YOD PAS NA LHA'I'O ZHES BYA BA'I DON DU GZUNG NA NI SGRA 'DI DNGOS YIN PAR 'GYUR RO, ,'ON TE LHA'I DANG 'DRA BAS LHA'I'O ZHES BYA BA NI NYE BAR BTAGS PA YIN NO, ,BYANG CHUB SEMS DPA' DANG, 'KHOR LOS SGYUR BA DANG, KHYIM BDAG RIN PO CHE RNAMS KYI LTA BU ZHES BYA BA NI NYE BAR BTAGS PA NYID KYI DPE YIN PAR STON TO, ,RNAM PAR SHES PA DANG BCAS PA YIN PA'I PHYIR ZHES BYA BA NI GZUGS NYAMS SU MYONG BA'I SGO NAS BSGRUB PA'I PHYIR RTAG TU RNAM PAR SHES PA DANG BCAS PAS BRTEN PAS MTSUNGS PA KHO NA YIN NO, ,ZHAR BA DANG NONGS PA MED PA'I PHYIR ZHES BYA BA LA ZHAR BA @283A *, ,NI GTAN MA TSANG BA'O, ,NONGS PA NI YO BA'O, ,THAMS CAD MI MTHONG BA ZHES BYA BA NI DON GYIS NI 'DI SKAD DU LHA'I MIG GIS NI RGYAB LOGS SU YANG MTHONG LA MDUN DU YANG MTHONG GI ,LHA'I MIG MA YIN PAS NI DE LTA MA YIN NO ZHES BSHAD PA YIN NO, ,LHA'I RNA BA LA SOGS PA BZHI YANG ZHES BYA BA LA SOGS PA ZHES BYA BA'I SGRAS NI LHA'I MIG DANG, SNGON GYI GNAS RJES SU DRAN PA DANG, GZHAN GYI SEMS SHES PA BSDUS TE, LHA'I RNA BA LA SOGS PA BZHI PO 'DI YANG SKYE BAS 'THOB PA YOD DO, ,GANG DAG GIS LHA'I MIG SKYE BAS 'THOB PA YIN ZHE NA, 'DOD PA NA SPYOD PA'I LHA RNAMS DANG, KLU RNAMS DANG, GZUGS NA SPYOD PA RNAMS KYI'O, ,GZUGS MED PA NA SPYOD PA RNAMS KYI NI MA YIN TE, DE NA GZUGS MED PA'I PHYIR RO, ,RDZU 'PHRUL GYIS 'GRO BA DANG, SPRUL PA YANG MED DO, ,LHA'I RNA BA DANG MIG KYANG 'THOB BA MED DO, ,RANG DANG GZHAN GYI RGYUD DU YONGS SU DPYOD PA MED PA'I PHYIR GZHAN GYI SEMS SHES PA YANG MED DO, ,'DOD PA DANG GZUGS NA SPYOD PA'I SEMS CAN LTA BUR SNGON GYI GNAS RJES SU DRAN PA YANG MED DE, DE LTA BU'I LUS YANG DAG PAR MI 'GRUB PA'I PHYIR RO, ,YANG NA 'DOD PA DANG GZUGS NA SPYOD PA'I SEMS CAN LTA BUR MNGON PAR SHES PA THAMS CAD KYANG MED DE, DE LTA BU'I LUS YANG DAG PAR MI 'GRUB PA'I PHYIR RO, ,JI LTAR BSGOMS PA'I 'BRAS BU DGE BA KHO NA YIN PA LTA BU NI MA YIN NO ZHES BYA BA NI BZLOG PA'I DPE'O, ,'GRO BA GZHAN NA GNAS PAS NI RTAG TU SHES SO ZHES BYA BA NI LHA LA SOGS PA'I 'GRO BA NA GNAS PAS NI GZHAN GYI SEMS SHES PA DANG, SNGON GYI GNAS RJES SU DRAN PA DE DAG GIS DE RTAG TU SHES TE, SDUG BSNGAL GYI TSOR BAS MNYEN PA'I PHYIR, MI LA SKYE BAS THOB PA MED, CES BYA BA NI MI RNAMS KYI RDZU 'PHRUL LA SOGS PA JI SKAD BSHAD PA DE NI 'DOD CHAGS DANG BRAL BA THOB PA DANG, RTOG GE DANG, RIG PA DANG, SMAN GYI LAS KYIS BYAS PA NI YOD KYI, ,SKYES NAS THOB PA NI MED DO, ,'O NA RANG BZHIN GYIS TSE RABS DRAN PA GANG YIN PA JI LTA BU ZHES BYA BA NI TSE RABS DRAN PA NYID NI SNGON GYI GNAS RJES SU DRAN PAR 'GYUR LA, DE YANG SKYES NAS 'BYUNG BAS JI LTAR RO, ,'DI SKYES NAS THOB PA MA YIN SNYAM DU BSAMS PA YIN NO, , @283B DE DAG GIS NI LAS KYI KHYAD PAR LAS SKYES PA YIN ZHES SMOS PA NI BYANG CHUB SEMS DPA' DE DAG GI NI LAS KYI KHYAD PAR GYIS 'GRUB PA YIN NO, ,SKYES NAS THOB PA ZHES BYA BA NI GANG THAMS CAD KYI SKYES PA'I DUS NYID NA RANG BZHIN GYIS 'THOB PA YIN GYI DPER NA BYA RNAMS NAM MKHA' LA 'GRO BA LTA BU SKYES PA'I DUS KYI 'OG TU YANG GANG YANG RUNG BA'I NI MA YIN PA NYID DO, ,DE LTA BAS NA DE DAG GI DE NI LAS KYI KHYAD PAR LAS SKYES PA YIN NO, ,JI LTA ZHE NA, RNAM PA GSUM STE ZHES BYA BA RGYAS PAR SMOS TE, BSGOMS PA'I 'BRAS BU NI JI SKAD DU BSHAD PA LTA BU YIN NO, ,SKYE BAS THOB PA NI LHA LA SOGS PA YIN NO, ,LAS LAS SKYES PA NI DPER NA BYANG CHUB SEMS DPA' DE DAG GI LTA BU YIN NO, ,CHOS MNGON PA'I 'GREL BSHAD SLOB DPON RGYAL PO'I SRAS GRAGS PA'I BSHES GNYEN GYIS MDZAD PA DON GSAL BA ZHES BYA BA LAS YE SHES BSTAN PA ZHES BYA BA STE MDZOD KYI GNAS BDUN PA'O,, ,,BDUN PA'I 'OG TU MDZOD KYI GNAS BRGYAD PA NYE BAR DGOD PA'I 'GREL PA BSTAN PA'I PHYIR, SHES PA'I SKABS KYIS ZHES BYA BA RGYAS PAR SMOS TE, SHES PA'I SKABS SHES PA BCU'I SKABS KYIS SHES PA'I RANG BZHIN SHES PA'I NGO BO NYID SMON NAS SHES PA DANG, SO SO YANG DAG PAR RIG PA'I SHES PA LA SOGS PA BSHAD ZIN TO, ,RANG BZHIN GZHAN TING NGE 'DZIN LA SOGS PA BRJOD PAR BYA'O, ,YON TAN THAMS CAD KYI RTEN YIN PA'I PHYIR ZHES BYA BA NI GZUGS MED PA DAG KYANG YON TAN GYI RTEN YIN PAR NI 'DOD MOD KYI, YON TAN THAMS CAD KYI RTEN NI MA YIN NO, ,BSAM GTAN RNAMS NI YON TAN RNAMS KYI RTEN YIN NO, ,BSAM GTAN RNAMS NI RNAM PA GNYIS SO ZHES BYA BA NI RGYU'I BSAM GTAN DANG 'BRAS BU'I BSAM GTAN RNAMS SO ZHES BYA BA'I THA TSIG GO, ,DGE BA RTZE GCIG PA ZHES BYA BA NI SEMS DGE BA RNAMS KYI RTZE GCIG PA'O, ,BYE BRAG MED PAR ZHES BYA BA NI BSAM GTAN THAMS CAD KYI MTSAN NYID KYANG 'DI YIN NO, ,DE'I PHYIR TING NGE 'DZIN GYI RANG BZHIN YIN PA'I PHYIR RO ZHES BYA BA SMOS TE, BSAM GTAN RNAMS NI ZHES BYA BA TSIG LHAG MA YIN NO, ,YANG NA BYE BRAG MED PAR ZHES BYA BA NI TING NGE 'DZIN TZAM SMOS PA YIN NO, ,DBYE NA NI, RJES 'BRANG BCAS NA @284A *, ,PHUNG PO LNGA, ,ZHES BYA BA YIN TE, 'DIR GZUGS KYI PHUNG PO NI RNAM PAR RIG BYED MA YIN PA'I GZUGS SO, ,DMIGS PA GCIG PA NYID DO ZHES BYA BA NI SEMS RNAMS KYI DMIGS PA GCIG PA NYID DO, ,YANG SEMS DANG SEMS LAS BYUNG BA THAMS CAD KYANG DMIGS PA GCIG PA NYID YIN NA, CI'I PHYIR SEMS RNAMS KYI DMIGS PA GCIG PA NYID CES BYA'I, SEMS DANG SEMS LAS BYUNG BA RNAMS KYI ZHES NI MI BYA ZHE NA GTZO BO YIN PA'I PHYIR RO, ,SEMS DMIGS PA GCIG PA DAG KHO NA TING NGE 'DZIN YIN ZHES BYA BA NI GNAS SKABS KYI KHYAD PAR YIN PA'I PHYIR SEMS KYI YON TAN DANG NGO BO BZHIN NO, ,BYE BRAG TU SMRA BA NA RE, SEMS RNAMS KHO NA TING NGE 'DZIN MA YIN GYI, GANG GIS DE DAG RTZE GCIG CING MNYAM PAR GZHAG PAR BYED PA'I CHOS DE TING NGE 'DZIN YIN TE, DPER NA BYE BRAG PA'I LUGS KYIS DKAR PO'I YON TAN DANG LDAN PA'I PHYIR RAS YUG DKAR PO YIN LA, YON TAN DE NYID 'DI LA YOD PAS NI DKAR PO CAN ZHES BYA BA DE DANG 'DRA'O ZHES ZER RO, ,SKAD CIG MA YIN PA'I PHYIR SEMS THAMS CAD RTZE GCIG PA NI MA YIN NAM, CI NA 'DI SKAD DU GANG GIS DE DAG RTZE GCIG PAR BYED PA'I CHOS DE TING NGE 'DZIN YIN ZHES BRJOD GAL TE GNYIS PA DE LAS RNAM PAR MI G-YENG BA YIN NO ZHE NA ZHES BYA BA NI, GAL TE 'DI SNYAM DU SEMS GNYIS PA TING NGE 'DZIN DE'I SGO NAS DMIGS PA DE LAS RNAM PAR MI G-YENG BA YIN NO SNYAM DU SEMS NA, MTSUNGS PAR LDAN PA LA TING NGE 'DZIN DON MED PA YIN NO, ,SEMS DANG PO TING NGE 'DZIN DANG MTSUNGS PAR LDAN PA GANG YIN PA'I MTSUNGS PAR LDAN PA DE LAS TING NGE 'DZIN DON MED PA YIN TE, TING NGE 'DZIN GYIS DE LA BYA BA NI MI BYED KYI, GNYIS PA LA BYA BA BYED PA'I PHYIR RO, ,GZHAN YANG RGYU GANG KHO NA LAS TING NGE 'DZIN RTZE GCIG PA NYID KYI MTSAN NYID DU 'DOD PA'I RGYU DE KHO NA LAS SEMS RNAMS KYI DMIGS PA GCIG PA NYID DU YANG CI'I PHYIR MI 'DOD, TING NGE 'DZIN DON GZHAN DU GYUR PAS CI ZHIG BYA SNYAM DU BSAMS PA YIN NO, ,MA YIN TE, TING NGE 'DZIN STOBS CHUNG BA'I PHYIR RO ZHES BYA BA NI TING NGE 'DZIN SA MANG PO PA YOD PA'I PHYIR SEMS THAMS CAD RTZE GCIG PA NYID DU NI THAL BAR MI 'GYUR TE, @284B SEMS GANG ZHIG TING NGE 'DZIN STOBS CHUNG BA DE DANG MTSUNGS PAR LDAN PA DE NI RTZE GCIG PA MA YIN LA SEMS GANG ZHIG STOBS CAN DANG MTSUNGS PAR LDAN PA DE NI RTZE GCIG PA YIN PAS TING NGE 'DZIN SA MANG PO PA NYID YIN YANG SEMS THAMS CAD RTZE GCIG PA NYID DU THAL BAR MI 'GYUR RO, ,SEMS RTZE GCIG PA DAG KHO NA ZHES BYA BA RGYAS PAR 'BYUNG BA NI SEMS RTZE GCIG PA DAG KHO NA TING NGE 'DZIN YIN GYI, ,DON GZHAN DU GYUR PA NI MA YIN NO, ,'DI LTAR MDO LAS LHAG PA'I SEMS KYI BSLAB PA ZHES BYA BA NI LHAG PA'I SEMS KYI BSLAB PA GANG ZHE NA, BSAM GTAN BZHI'O ZHES BYA BA THAMS CAD DANG, DE BZHIN DU SEMS YONGS SU DAG PA'I GTZO BO NI BSAM GTAN BZHI KHO NA YIN NO ZHES BSHAD DO, ,MDO 'DI NI, RDZU 'PHRUL RKANG PA TING NGE 'DZIN, ,CES BYA BA DER BRIS SO, JI LTAR LHAG PA'I TSUL KHRIMS KYI BSLAB PA TSUL KHRIMS KHO NA YIN GYI DE LAS GZHAN PA MA YIN LA, LHAG PA'I SHES RAB KYI BSLAB PA YANG SHES RAB KHO NA YIN GYI, DE LAS GZHAN PA MA YIN PA DE BZHIN DU LHAG PA'I SEMS KYI BSLAB PA YANG SEMS KHO NA YIN GYI DE LAS GZHAN PA NI MA YIN PAS SEMS LAS MA GTOGS PA'I TING NGE 'DZIN MED DO ZHES BYA BA'I THA TSIG STE, LHAG PA'I SEMS KYI BSLAB PA NI TING NGE 'DZIN MIN PAR 'DOD DO, ,YANG JI LTAR MDO DE NYID LAS TSUL KHRIMS YONGS SU DAG PA'I GTZO BO DANG, LTA BA YONGS SU DAG PA'I GTZO BO DANG, RNAM PAR GROL BA YONGS SU DAG PA'I GTZO BO ZHES BSHAD PA'I TSUL KHRIMS YONGS SU DAG PA NI TSUL KHRIMS LAS GZHAN PA MA YIN LA, DE BZHIN DU LTA BA YONGS SU DAG PA DANG, RNAM PAR GROL BA YONGS SU DAG PA YANG DE DAG LAS GZHAN PA MA YIN PA DE KHO NA DANG 'DRA BAR SEMS YONGS SU DAG PA YANG SEMS LAS GZHAN PA MA YIN TE, SEMS YONGS SU DAG PA NI BSAM GTAN BZHI'I MTSAN NYID KYI TING NGE 'DZIN YIN PAS SO, ,DE LTA NA NI 'O NA ZHES BYA BA NI GAL TE BSAM GTAN RNAMS TING NGE 'DZIN GYI RANG BZHIN YIN NA, TING NGE 'DZIN THAMS CAD BSAM GTAN DU THAL BAR 'GYUR RO, ,TING NGE 'DZIN DGE BA DANG NYON MONGS PA CAN DANG LUNG DU MA BSTAN PA RNAMS KYANG BSAM GTAN DU THAL BAR 'GYUR TE, TING NGE 'DZIN NI @285A *, ,SA MANG PO PA YIN PA'I PHYIR RO, ,MA YIN TE, PHUL DU PHYIN PA DANG LDAN PA LA ZHES BYA BA RGYAS PAR 'BYUNG BA NI DE NI DE LTA MA YIN TE, TING NGE 'DZIN PHUL DU PHYIN PA DANG LDAN PA LA BSAM GTAN GYI MING DU BTAGS PA'I PHYIR NYI MA BZHIN NO, ,DPER NA GANG ZHIG PHUL DU PHYIN PAR SNANG BAR BYED PA DE KHO NA NYI MA YIN GYI, SRIN BU ME KHYER LA SOGS PA NI MA YIN PA DE DANG 'DRA'O, ,DE NI ZHES BYA BA RGYAS PAR 'BYUNG BA NI YAN LAG DANG LDAN PA'I TING NGE 'DZIN DE NI ZHI GNAS DANG LHAG MTHONG RTA GNYA' SBREL BAS SHING RTA 'DREN PA DANG 'DRA BAS ZUNG DU 'BREL BAR NGANG GIS 'BYUNG BA'O, ,DE'I PHYIR MDO LAS MTHONG BA'I CHOS LA BDE BAR GNAS PA ZHES BSHAD DO, ,LAM SLA BA ZHES BYA BA NI YAN LAG DANG LDAN PA'I TING NGE 'DZIN NYID LAM SLA BA ZHES BSHAD DO ZHES BYA BAR SBYAR TE, SLA BA'I PHYIR DES NI SHIN TU YANG SEMS PAR BYED DO, ,NYON MONGS PA CAN JI LTAR BSAM GTAN YIN ZHE NA ZHES BYA BA NI GAL TE DGE BA'I YAN LAG DANG LDAN PA'I TING NGE 'DZIN BSAM GTAN YIN NA, ,NYON MONGS PA CAN RO MYANG BA DANG MTSUNGS PAR LDAN PA JI LTAR BSAM GTAN NYID DU BSHAD CES BYA BA TSIG LHAG MA YIN NO, ,BSAM GTAN NI RNAM PA GSUM STE RO MYANG BA DANG MTSUNGS PAR LDAN PA DANG, DAG PA DANG, ZAG PA MED PA'O ZHES PA 'BYUNG BA'I PHYIR RO, ,LOG PAR NGES PAR SEMS PA'I PHYIR RO ZHES BYA BA NI LOG PAR NGES PAR RTOG PA'I PHYIR RO ZHES BYA BA'I THA TSIG GO, ,HA CANG THAL BAR 'GYUR RO ZHES BYA BA NI 'DOD PA'I 'DOD CHAGS KYIS KUN NAS DKRIS PA'I SEMS KYIS KYANG LOG PAR NGES PAR SEMS PA'I PHYIR DER THAL BAR 'GYUR RO ZHE NA, MA YIN TE DE DANG MTHUN PA KHO NA LA ZHES BYA BA RGYAS PAR SMOS TE DE NI DE LTAR THAL BAR 'GYUR BA MA YIN TE, DE DANG MTHUN PA MTSAR GCIG MTSAN NYID MANG PO MI MTHUN PA MED PA'I NYON MONGS PA CAN LA BSAM GTAN ZHES MING DU BTAGS PA STE SA BON RUL BA BZHIN NO, ,DPER NA RDO LA SOGS PA SA BON MA YIN PA KHA CIG NI DE'I RIGS DANG MTSAN NYID SHIN TU MI 'DRA BA'I PHYIR SA BON RUL PA ZHES MI BYA'O, ,'O NA CI ZHE NA, SA BON GYI RIGS NYID NYAMS PA GANG YIN PA DE KHO NA LA SA BON RUL PA'O ZHES MING DU 'DOGS PA DE DANG 'DRA'O, ,BSAM GTAN MI DGE BA DAG KYANG GSUNGS SO ZHES BYA BA NI 'DOD PA'I 'DOD @285B CHAGS KYIS KUN NAS DKRIS PA DE 'DOD PA'I 'DOD CHAGS KYIS KUN NAS DKRIS PA NANG DU BYAS NAS SEMS PAR BYED, RAB TU SEMS PAR BYED DO ZHES RGYAS PAR 'BYUNG BA YIN TE, 'DIS NI 'DOD PA'I 'DOD CHAGS LA SOGS PAS KUN NAS DKRIS PA YANG BSAM GTAN NYID YIN PAS NYES PA MED DO,, ZHES STON PAR BYED DO, ,DU BA DANG ME BZHIN NO ZHES BYA BA NI DPER NA 'DI NA DU BA YOD PAS ZHES DU BA SMOS PAS ME YANG SMRAS PA YIN TE, ME MED NA DU BA MI 'BYUNG BAS LHAN CIG SPYOD PA'I PHYIR RO, ,MED NA MI 'BYUNG BA 'DI NYID KYIS DU BA GTZO BO YIN NO, ,GANG NA DU BA YOD PA DE NA ME YOD KYI GANG NA ME YOD PA DE NA DU BA YOD PA NI MA YIN TE, 'DI LTAR LCAGS BZHU BA DANG MDAG MA LA SOGS PA LA ME KHO NA 'DZIN GYI DU BA NI MA YIN NO, ,DE LTA BAS NA DU BA NI GTZO BO YIN PA'I PHYIR SNGAR SMOS TE, NOR LHA DANG SRID SGRUB BZHIN NO, ,DE LTA MA YIN NA NI ME ZHES BYA BA'I SGRA SNGAR SMOS PAR 'GYUR RO, ,YANG LHAN CIG SPYOD PA JI LTA BU RTOG PA MED PAR NI DGA' BA DANG BDE BA DANG LDAN PA'I DPYOD PA MED DO ZHES BYA BA SMOS TE, JI LTAR BSAM GTAN KHYAD PAR CAN GYI DPYOD PA DGA' BA DANG BDE BA DANG LDAN PA MA YIN PAS RTOG PA MED PA LTAR DPYOD PA 'DI NI DE LTA BU MA YIN NO, ,DE BAS NA DPYOD PA DANG DGA' BA DANG BDE BA DANG LDAN ZHES DGA' BA DANG BDE BA DANG BCAS PAR STON PAS DPYOD PA 'DI KHYAD PAR DU BYAS PA YIN TE, BSAM GTAN DANG PO NI DGA' BA DANG BDE BA DANG LDAN PA'I DPYOD PA DANG DGA' BA DANG BDE BA DANG MTSUNGS PAR LDAN NO ZHES BYA BA'I THA TSIG GO, ,GAL TE RTOG PA DANG DGA' BA DANG BDE BA DANG LDAN PA'O ZHES MDOR BYAS NA NYES PA CI YOD CE NA, DE LTAR BYA BAR NI MI NUS TE, YAN LAG LNGA LNGA SPANGS PA YIN, ,ZHES 'CHAD PAR 'GYUR BA BSAM GTAN GNYIS PA NI RTOG PA SPANGS PA'O ZHES BYAS NA BSAM GTAN KHYAD PAR CAN YANG BSAM GTAN GNYIS PAR 'GYUR RO, ,GZHAN YANG BSAM GTAN DANG PO YAN LAG BZHI PAR BSTAN PA'I MJUG NAS GO RIMS BZHIN 'DI SKAD DU, RTOG PA DANG BCAS, DPYOD PA DANG BCAS DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS SO ZHES BSHAD DO, ,DE LA BSAM GTAN DANG PO LA DPYOD PA DANG DGA' BA DANG BDE BA DANG TING NGE 'DZIN DAG @286A *, ,YOD PAS YAN LAG DE BZHI DANG THAMS CAD KYI DANG POR BSHAD PA RTOGS PA DANG, YAN LAG LNGA PA ZHES BYA BA'O, ,GNYIS PA YANG RTOG PA MED CING DPYOD PA MED LA TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA RDZOGS PAR BYAS TE GNAS SO ZHES 'BYUNG STE, YAN LAG BZHI PO 'DI DAG LAS YAN LAG DANG PO DPYOD PA'I MTSAN NYID SPANGS PA YIN NO, ,GSUM PA YANG 'DI SKAD DU, DGA' BA LAS 'DOD CHAGS DANG BRAL NAS BTANG SNYOMS SU GNAS SHING ZHES BYA BA NAS RGYAS PAR BDE BAR GNAS SO ZHES BRJOD PA BSAM GTAN GSUM PA RDZOGS PAR BYAS TE GNAS SO ZHES BYA BA'I BAR 'BYUNG BA YIN TE, YAN LAG GZHAN DGA' BA'I MTSAN NYID KYANG SPANGS PA YIN NO, ,BZHI PA YANG 'DI SKAD DU, BDE BA YANG SPANGS SHING ZHES BYA BA NAS RGYAS PAR SDUG BSNGAL YANG MA YIN PA BDE BA YANG MA YIN PA BTANG SNYOMS DANG DRAN PA YONGS SU DAG PA CAN BSAM GTAN BZHI PA RDZOGS PAR BYAS TE GNAS SO ZHES BYA BA'I BAR 'BYUNG BA YIN TE, YAN LAG BDE BA YANG SPANGS PAS DE LA TING NGE 'DZIN 'BA' ZHIG LUS SO, ,DE'I PHYIR 'DI SKAD DU, DPYOD DANG DGA' DANG BDE DANG LDAN, ,ZHES MDOR BYAS SO, ,DE DAG GI YANG SKYE BA RNAMS NI BSHAD ZIN TO ZHES BYA BA NI, GZUGS MED KHAMS NA GNAS MED DE, ,SKYE BA LAS NI RNAM PA BZHI, ,ZHES 'BYUNG BA'I PHYIR RO, ,RJES SU 'BRANG BA'I GZUGS MED PA'I PHYIR RO ZHES BYA BA NI BSAM GTAN DANG ZAG PA MED PA'I SDOM PA MED PA'I PHYIR RO ZHES BYA BA'I THA TSIG GO, ,DBEN PA ZHES BYA BA NI 'DIS RNAM PAR 'BYED PAR BYED PAS DBEN PA'O, ,LAM GANG GIS ZHES BYA BA NI BAR CHAD MED PA'I LAM GYIS SO, ,YANG NA RNAM PAR GROL BA'I LAM GYIS KYANG YIN TE, DE DANG 'BRAS BU GCIG PA'I PHYIR RO, ,'DOD CHAGS DANG BRAL BAR 'GYUR BA'I PHYIR RO ZHES BYA BA NI DES 'DOD CHAGS DANG BRAL BAR 'GYUR BA'I PHYIR RO ZHES BYA BA'I DON TO, ,GZUGS KYI 'DU SHES BSHIG CES BYA, ,ZHES BYA BA NI 'DI LA GZUGS KYI 'DU SHES BSHIG PA YOD PAS NA GZUGS KYI 'DU SHES BSHIG PA'O, ,'DI DAG LA GZUGS KYI 'DU SHES BSHIG PA ZHES BYA BAS NA GZUGS KYI 'DU @286B SHES BSHIG CES BYA'O, ,RE ZHIG 'DI NI BSGRUB PAR BYA BA YIN NO ZHES ZER BA NI SDE PA GZHAN DAG GO, ,GAL TE YOD NA ZHES ZER BA NI BYE BRAG TU SMRA BA'O, ,CHUNG ZAD SER BA BZHIN NO ZHES BYA BA NI JI LTAR CHANG CHUNG TZAM SER BA LA CUNG ZAD SER BA ZHES BYA BA DE BZHIN DU, GZUGS CUNG ZAD CIG YOD PA LA GZUGS MED PA ZHES BYA'O, ,DE DAG MED NA DE LUS DANG NGAG MED NA JI LTAR DE DAG GI SDOM PA STE LUS DANG NGAG GI SDOM PA DAG TU 'GYUR, GZUGS MED PA NA SPYOD PA'I 'BYUNG BA MED PAR NI GZUGS MED PA NA SPYOD PA'I 'BYUNG BA LAS GYUR PA MI RUNG NGO, ,GAL TE ZAG PA MED PA'I SDOM PA BZHIN NO ZHES BYA BA NI DE LA 'DI SNYAM DU JI LTAR ZAG PA MED PA'I 'BYUNG BA DAG MED BZHIN DU YANG ZAG PA MED PA'I SDOM PA 'BYUNG BA LAS GYUR PA'I GZUGS YOD PA DE BZHIN DU GZUGS MED PA NA SPYOD PA'I 'BYUNG BA DAG KYANG MED MOD KYI, 'ON KYANG GZUGS MED PA NA SPYOD PA'I SDOM PA 'BYUNG BA LAS GYUR PA'I GZUGS YOD DO SNYAM DU SEMS NA, DE NI MA YIN TE, ZAG PA DANG BCAS PA'I 'BYUNG BA YOD PA'I PHYIR RO, ,ZAG PA DANG BCAS PA'I 'BYUNG BA DAG YOD PAS DE DAG GZUGS MED PA RNAMS NA YOD CING, ZAG PA MED PA'I 'BYUNG BA DAG NI MED DE, DE'I PHYIR ZAG PA MED PA'I SDOM PA NI GANG DU SKYES PA DE NA YOD PA'I ZAG PA DANG BCAS PA DAG RGYUR BYAS NAS SKYES PAS MI 'DRA BA'I PHYIR RTOG PA 'DI NI RUNG BA MA YIN NO, ,SNYOMS PAR 'JUG PA LA YANG DE DGAG PA BSHAD DO ZHES BYA BA NI SKYE BA'I GZUGS BKAG PA 'DI NYID KYIS SNYOMS PAR 'JUG PA LA YANG GZUGS BKAG PAR BSHAD PA YIN PAS 'DI LA 'BAD PA GZHAN NI MI BYA'O, ,JI LTA ZHE NA, GAL TE LUS DANG NGAG GI SDOM PA TZAM ZHIG GO ZHE NA, DE DAG MED NA JI LTAR DE DAG GI SDOM PAR 'GYUR, 'BYUNG BA MED PAR NI 'BYUNG BA LAS GYUR PA MI RUNG NGO, ,GAL TE ZAG PA MED PA'I SDOM PA BZHIN NO ZHE NA MA YIN TE, ZAG PA DANG BCAS PA'I 'BYUNG BA YOD PA'I PHYIR RO ZHES BYA BA YIN NO, ,GZHAN DAG NA RE RNAM PA THAMS CAD DU GZUGS KYI 'DU SHES LAS YANG DAG PAR 'DAS NAS ZHES 'BYUNG BAS SNYOMS PAR 'JUG PA LA YANG DE DGAG PAR BSHAD PA YIN NO ZHES ZER RO, ,DE LTAR NA GZUGS MED PA'I SNYOMS PAR @287A *, ,'JUG PA LA YANG GZUGS MED LA GZUGS MED PAR SKYE BA DAG LA YANG MED DO ZHES BSHAD PA YIN NO, ,GAL TE BONG TSOD CHUNG BA'I PHYIR RO ZHE NA NI ZHES BYA BA NI 'ON TE RDUL PHRA RAB TZAM GYI GZUGS SHIG YOD BA DE'I PHYIR DE DAG LA GZUGS CUNG ZAD CIG YOD DO ZHES BYA BAR 'DOD NA NI PHRA BA'I PHYIR CHU'I SKYE BO GZUGS BLTAR MI SNANG BA DAG LA YANG THAL BAR 'GYUR TE, GZUGS MED BAR THAL BAR 'GYUR RO ZHES BYA BA'I DON TO, ,GAL TE DANG BA'I PHYIR RO ZHE NA ZHES BYA BA NI DE LA 'DI SNYAM DU GZUGS DANG BA'I PHYIR GZUGS MED PA DAG YIN NO SNYAM DU SEMS NA, SRID PA BAR MA DANG, GZUGS NA SPYOD PA DAG LA YANG THAL BAR 'GYUR TE, SRID PA BAR MA DANG GZUGS NA SPYOD PA DAG LA YANG THAL BA NI DANG BA'I PHYIR RDO RJE'I RIL YANG THOGS PA MED PAR 'GRO BAS DE DAG LA YANG THAL BAR 'GYUR RO, ,SNYOMS PAR 'JUG PA BZHIN DU SKYE BA KHYAD PAR DU 'PHAGS PA'I PHYIR RO ZHES BYA BA NI JI LTAR NAM MKHA' MTHA' YAS LA SOGS PA'I SNYOMS PAR 'JUG PA DAG CHES SHIN TU KHYAD PAR DU 'PHAGS PA DE BZHIN DU DAG GI SKYE BA'I KHYAD PAR YANG DANG BA DANG CHES DANG BA DANG CHES SHIN TU DANG BA'O ZHES KHAS BLANG DGOS SO, ,DE'I PHYIR SNYOMS PAR 'JUG PA BZHIN DU SKYE BA CHES SHIN TU DANG BAS ZHES BYA BAR KHYAD PAR DU 'PHAGS PA'I PHYIR DE KHO NA GZUGS MED PA KHO NAR 'GYUR RO, ,GAL TE YANG GZUGS MED PAR SKYE BA'I GZUGS NA DANG BA'I PHYIR SA 'OG MA PA'I DBANG POS MI 'DZIN PAS GZUGS MED PA RNAMS ZHES BYA BA'O ZHE NA, BSAM GTAN DU SKYE BA'I GZUGS KYANG ZHES BYA BA RGYAS PAR SMOS SO, ,'DI LTAR SBYAR TE, BSAM GTAN DU SKYE BA'I GZUGS, BSAM GTAN GNYIS PA'I SA PA YANG SA 'OG MA PA'I DBANG PO STE, BSAM GTAN DANG PO'I SA PA'I DBANG POS MI ZIN LA, DE BZHIN DU SA GONG MA PA'I CHES SHIN TU DANG BA'I PHYIR BSAM GTAN BZHI PA'I SA PA'I GZUGS KYANG BSAM GTAN GSUM PA'I SA PA'I BAR GYI DBANG POS MI ZIN TO, ,DE LTAR NA BSAM GTAN DU SKYES PA'I GZUGS KYANG SA 'OG MA PA'I DBANG POS MI ZIN PA'I PHYIR, GZUGS MED PA DE DANG KHYAD PAR CI ZHIG YOD NA 'DI LTAR CHES SHIN TU GSAL BA'I @287B TSUL 'DRA BA YANG DE DAG KHO NA GZUGS MED PAR 'DOD KYI GZUGS NA SPYOD PA RNAMS NI MA YIN TE, DE LTA BAS NA DE NA GZUGS MED DO, ,'ON TE KHAMS GNYIS KYI MING NI DON DANG MTHUN PA YIN TE, 'DOD PA'I YON TAN GYIS RAB TU PHYE BA NI 'DOD PA'I KHAMS YIN LA, GZUGS KYIS RAB TU PHYE BA NI GZUGS KYI KHAMS YIN GYI, GZUGS MED PA'I KHAMS KYI MING NI DON DANG MTHUN PA MA YIN NO, ,'O NA CI ZHE NA, 'DOD RGYAL BA YIN NO ZHE NA, KHAMS GNYIS KYI MING NI DON DANG MTHUN PA YIN GYI, GZUGS MED PA'I KHAMS KYI NI MA YIN NO ZHES BYA BA DE LA RIGS PA CI ZHIG YOD, DE LTAR RIGS PAS GZUGS MED PA'I KHAMS NA GZUGS MED DO ZHES BKAG NAS LUNG SMOS TE DOGS PA ZLOG PAR BYED DO, ,DE LA GZUGS RAB TU GRUB PAR BYA BA'I PHYIR GAL TE TSE DANG DROD GNYIS ZHES BYA BA RGYAS PAR SMOS TE, GAL TE GZUGS MED PA DAG NA GZUGS YOD PA NYID GRUB BO ZHE NA ZHES BYA BA'I TSIG 'DI NI RE RE LA SBYAR BAR BYA'O, ,JI LTA ZHE NA, GAL TE TSE DANG DRONG GNYIS 'DRES PAR GSUNGS PA'I PHYIR, GZUGS YOD PA NYID DU GRUB BO ZHE NA ZHES BYA BA STE, DE LA 'DI SNYAM DU MDO LAS, TSE DANG LDAN PA GSUS PO CHE TSE GANG YIN PA DANG DROD GANG YIN PA'I CHOS 'DI DAG NI 'DRES PA STE, MA 'DRES PA MA YIN NO ZHES RGYAS PAR 'BYUNG BAS DE'I PHYIR DE NA TSE YOD NA DROD KYANG YOD PAR 'GYUR LA, DROD NI GZUGS YIN NO ZHES BYA BAR GRUB BO SNYAM DU SEMS NA'O, ,GAL TE 'DAM BU'I SHOG GNYIS BZHIN DU MING DANG GZUGS DAG PHAN TSUN BSTAN TO ZHES GSUNGS PA'I PHYIR GZUGS MED PA DAG NA GZUGS YOD PA NYID DU 'GRUB BO ZHE NA ZHES BYA BA STE, MDO LAS TSE DANG LDAN PA SH'A RI'I BU DPER NA 'DAM BU'I SHOG GNYIS GNAM DU BSGRENGS TE PHAN TSUN BSTEN CING 'DUG PA DE LA 'GA' ZHIG GIS GCIG BOR NA CIG SHOS 'GYEL BAR 'GYUR LA CIG SHOS BOR NA YANG CIG SHOS 'GYEL BAR 'GYUR RO, ,TSE DANG LDAN PA SH'A RI'I BU DE BZHIN DU MING DANG GZUGS KYANG PHAN TSUN BRTEN CING GNAS ZHES BYA BA RGYAS PAR 'BYUNG BA YIN NO, ,GAL TE RNAM PAR SHES PA'I RKYEN GYIS MING DANG GZUGS ZHES GSUNGS PA'I PHYIR DE LTA @288A *, ,BAS NA GZUGS MED PA DAG NA GZUGS YOD PA NYID DU 'GRUB BO ZHE NA ZHES BYA BA STE, RTEN CING 'BREL PAR 'BYUNG BA'I MDO LAS, NYING MTSAMS SBYOR BA'I MTSAN NYID KYI SKABS SU RNAM PAR SHES PA'I RKYEN GYIS MING DANG GZUGS ZHES GSUNGS PA'I PHYIR DE LTA BAS NA GZUGS MED PA DAG NA GZUGS YOD DO ZHES BYA BAR GRUB BO ZHE NA ZHES BYA BA YIN NO, ,GZUGS NAS 'DU BYED KYI BAR LAS ZHES BYA BA RGYAS PAR 'BYUNG BA NI GAL TE MDO LAS DGE SLONG DAG RNAM PAR SHES PA GZUGS SU NYE BAR 'GRO BA, GZUGS LA DMIGS PA, GZUGS LA BRTEN PA GNAS SO, ,DGE SLONG DAG GANG LA LA ZHIG 'DI SKAD DU BDAG NI GZUGS DANG TSOR BA NAS 'DU BYED KYI BAR DAG LAS GZHAN DU RNAM PAR SHES PAR 'GRO BA'AM 'ONG BAR SMRA'O ZHES ZER NA, DE'I NGAG DE NI DE'I TSIG TZAM DU ZAD DO ZHES GSUNGS TE, LUNG 'DI DANG SBYAR NA YANG GZUGS MED PA DAG NA GZUGS YOD DO ZHES BYA BAR 'GRUB BO ZHES DE SNYAM DU SEMS NA MA YIN TE, DPYAD PAR BYA BA YIN PA'I PHYIR RO, ,'ON TE THAMS CAD LAS ZHES BYA BA NI 'DOD PA DANG GZUGS DANG GZUGS MED PA NA SPYOD PA LAS SO, ,'DIR DGONGS PA'I DON 'DI YIN TE, 'DOD PA NA SPYOD PA'I TSE KHO NA LAS DGONGS NAS DE SKAD DU GSUNGS PA YIN TE, 'DI LTAR, TSE DANG DROD DANG RNAM SHES KYIS, ,GANG TSE LUS 'DI 'DOR BYED CING, ,BOR NAS DE TSE NYAL BA NI, ,JI LTAR SHING LA SEMS MED BZHIN, ,ZHES 'BYUNG NGO, ,GZUGS MED PA'I KHAMS NA NI LUS KYANG MED NA LUS 'JIG PA LTA GA LA ZHIG YOD, GZUGS KYI KHAMS NA NI LUS YOD MOD KYI LUS 'JIG PAR MNGON PA NI MED DO, ,GANG YANG MING DANG GZUGS DAG PHAN TSUN BSTEN PA NYID DU GSUNGS PA DE YANG 'DOD PA DANG, GZUGS NA SPYOD PA KHO NA LAS DGONGS TE GSUNGS SO ZHES BYA BAR MNGON TE, GNYI GA YOD NA PHAN TSUN BSTEN PA NYID SRID PAS SO,, GANG YANG RNAM PAR SHES PA'I RKYEN GYIS MING DANG GZUGS ZHES BYA BA NI 'DI LA RKYEN RNAM PAR SHES PA YOD PAS RNAM PAR SHES PA'I RKYEN GYIS MING DANG GZUGS SO ZHES DE SKAD DU DRUG PA'I DON DU 'BRU MANG PO PAR TSIG BSDUS PA YIN NO, ,'DIR CI RNAM PAR SHES PA 'DOD PA NA SPYOD PA'I 'DU BYED KYI RKYEN @288B CAN NAS, GZUGS MED PA NA SPYOD PA'I 'DU BYED KYI RKYEN CAN GYI BAR THAMS CAD MING DANG GZUGS KYI RKYEN YIN NAM, 'ON TE MING DANG GZUGS THAMS CAD RNAM PAR SHES PA'I RKYEN CAN YIN ZHE NA, RNAM PAR SHES PA'I RKYEN GYIS MING DANG GZUGS ZHES BYA BA 'DI LA BDAG NI MING DANG GZUGS THAMS CAD KYI RKYEN RNAM PAR SHES PA YIN NO ZHES BYA BAR NGES PAR GZUNG GI RNAM PAR SHES PA THAMS CAD MING DANG GZUGS KYI RKYEN YIN NO ZHES BYA BAR NI NGES PAR MI BZUNG NGO ZHES ZER TE, RNAM PAR SHES PA CUNG ZAD CIG NI MING KHO NA'I RKYEN YIN TE, GZUGS MED PA NA SPYOD PA'I 'DU BYED KYI RKYEN CAN GANG YIN PA'O, ,CUNG ZAD CIG NI MING DANG GZUGS KYI RKYEN YIN TE, 'DOD PA DANG, GZUGS NA SPYOD PA'I 'DU BYED KYI RKYEN CAN GANG YIN PA'O, ,DES NA 'DI SKAD DU MING DANG GZUGS 'DI'I RKYEN NI RNAM PAR SHES PA KHO NA YIN GYI, MING DANG GZUGS 'DI 'DUS PA KHO NA'I RKYEN NI MA YIN NO ZHES BSHAD PA YIN NO, ,SRID PA'I PHYIR DE SKAD DU BSHAD PAR ZAD DE, 'DI LTAR RDZUS TE SKYE BA RNAMS NI RNAM PAR SHES PA'I RKYEN GYIS SKYE MCHED DRUG KHO NA YIN GYI, MING DANG GZUGS NI MA YIN NO, ,SKYE MCHED DRUG MA GRUB PA'I GNAS SKABS KYI PHUNG PO LNGA LA NI MING DANG GZUGS ZHES BYA'O, , DON 'DI NYID MDO LAS KYANG STON TE, KUN DGA' PO GAL TE RNAM PAR SHES PA MA'I MNGAL DU ZHUGS PAR MA GYUR NA, 'ON KYANG MING DANG GZUGS DE NUR NUR PO NYID DU BRGYAL BAR 'GYUR RAM, BTZUN PA MA LAGS SO, ,KUN DGA' BO GAL TE RNAM PAR SHES PA ZHUGS NAS MYUR BA KHO NAR 'DOR BAR BYED NA 'ON KYANG MING DANG GZUGS DE 'DI LTA BU NYID DU MNGON PAR 'GYUR RAM, BTZUN PA MA LAGS SO, ,KUN DGA' BO GANG GI TSE BYIS PA'AM GZHON NU MA'AM GZHON NU MA'I RNAM PAR SHES PA CHAD CING ZHIG LA MED PAR GYUR NA, 'ON KYANG MING DANG GZUGS DE 'PHEL ZHING RGYAS PAR 'GYUR RAM, BTZUN PA MA LAGS SO, ,DE LTA BAS NA KHYOD KYIS RNAM GRANGS 'DIS KYANG 'DI LTAR RIG PAR BYA STE, MING DANG GZUGS KYANG RNAM PAR SHES PA'I RKYEN CAN YIN LA, RNAM PAR SHES PA GANG YIN PA YANG MING DANG GZUGS KYI RKYEN CAN YIN NO ZHES BYA BA RGYAS PAR GSUNGS SO, , @289A *, ,'DIR CI GZUGS LA SOGS PA DE DAG THAMS CAD MED NA DE BKAG GAM ZHES BYA BA NI 'ONG BA DANG 'GRO BA BKAG PA'O, ,DE LA 'JIG RTEN SNGA MA NAS SRID PA BAR MA'I RGYUN GYIS 'DIR SKYE BA NI 'ONG BA'O, ,SRID PA BAR MA'I RGYUN GYIS YANG 'JIG RTEN 'DI NAS 'JIG RTEN PHA ROL DU SKYE BA NI 'GRO BA'O, ,'ON TE GZUGS LA SOGS PA'I NANG NAS GANG YANG RUNG BA 'GA' ZHIG KYANG ZHES BYA BA NI 'DI DPYAD PAR BYA DGOS SO, ,BDAG NI THAMS CAD MED NA DE BKAG PA YIN NO ZHES ZER RO, ,GAL TE BYE BRAG MED PAR GSUNGS PA'I PHYIR DPYAD PAR MI BYA'O ZHE NA ZHES BYA BA NI GAL TE 'DI SNYAM DU MDO'I TSIG ,TSE DANG LDAN PA GSUS PO CHE TSE GANG YIN PA DANG DROD GANG YIN PA ZHES BYA BA NAS, RGYAS PAR RNAM PAR SHES PA GZUGS SU NYE BAR 'GRO BA GNAS SO ZHES BYA BA'I BAR 'DI NI KHYAD PAR MED PAR GSUNGS PA YIN TE, MDO'I TSIG 'DI DANG SBYAR NA 'DOD PA DANG GZUGS NA SPYOD PA'I TSE LAS DGONGS TE GSUNGS SAM ZHES BYA BA NAS DE DAG THAMS CAD MED NA DE BKAG GAM ZHES BYA BA'I BAR LTA BUR BYE BRAG TU NI MA PHYE'O SNYAM DU SEMS NA, 'DIR SMRAS PA, HA CANG THAL BAR 'GYUR TE, BYE BRAG MED PAR GSUNGS PA'I PHYIR TSE MED PAR PHYI'I DRO BA YANG YOD PAR MI 'GYUR TE, 'DI SKAD DU TSE DANG LDAN PA GSUS PO CHE TSE GANG YIN PA DANG, NANG GI DRO BA GANG YIN PA ZHES BYA BA LA SOGS PA LTA BUR KHYAD PAR DU NI MA BYAS SO, ,PHYI'I GZUGS SHING DANG RTZIG PA LA SOGS PA SEMS CAN DU BGRANG BA MA YIN PA YANG RNAM PAR SHES PA LA BRTEN PA NYID DU 'GYUR TE, KHYAD PAR MED PAR 'BYUNG BA'I PHYIR RO, ,RNAM PAR SHES PA GNAS PA BZHI BZHIN DU ZHES BYA BA RGYAS PAR 'BYUNG BA NI JI LTAR KHYOD KYI LTAR NA RNAM PAR SHES PA GNAS PA BZHI KHYAD PAR MED PAR GSUNGS PA'I PHYIR GZUGS MED PA'I KHAMS NA GZUGS YOD PA NYID BZHIN DU ZAS BZHI GSUNGS PA'I PHYIR GZUGS DANG GZUGS MED PA'I KHAMS DAG NA YANG KHAM DU BYED PA'I ZAS YOD PAS THAL BAR 'GYUR RO, ,MDO LAS NI 'DI SKAD DU ZAS BZHI NI SEMS CAN BYUNG BA RNAMS GNAS PAR BYED PA DANG SRID PA TSOL BA RNAMS LA PHAN 'DOGS PAR BYED PA YIN NO, ,BZHI GANG ZHE NA, KHAM @289B GYI ZAS RAGS PA DANG PHRA BA DANG, GNYIS PA REG PA'I ZAS DANG, GSUM PA YID LA SEMS PA'I ZAS DANG, BZHI PA RNAM PAR SHES PA'I ZAS SO ZHES 'BYUNG STE, DE LTAR SEMS CAN RNAMS GNAS PAR BYA BA'I PHYIR ZAS BZHI KHYAD PAR MED PAR GSUNGS KYI 'DOD PA NA SPYOD PA RNAMS ZHES BYE BRAG TU NI MA MDZAD PA'I PHYIR KHYOD KYI LTAR NA GZUGS DANG GZUGS MED PA'I KHAMS DAG NA YANG KHAM GYI ZAS YOD PAR THAL BAR 'GYUR RO, ,GAL TE KHAM DU BYED PA'I ZAS ZA BA'I LHA RNAMS LAS 'DAS ZHES BYA BA RGYAS PAR 'BYUNG BA NI DE LA SDE PA GZHAN DAG 'DI SNYAM DU SPYIR BSTAN PA LA DMIGS KYIS BSTZAL BA YOD DE, 'CHAR BYED LA SOGS PA'I MDO LAS, LUS ZHIG NAS KHAM DU BYED PA'I ZAS ZA BA'I LHA RNAMS LAS 'DAS TE, LHA YID KYI LUS CAN 'GA' ZHIG TU SKYE'O ZHES KHAM DU BYED PA'I ZAS ZA BA'I LHA RNAMS LAS 'DAS TE ZHES GSUNGS PA'I PHYIR DANG DGA' BA'I ZAS ZHES GSUNGS PA'I PHYIR ZHES BYA BA NI DGE SLONG DAG 'JIG RTEN 'JIG PA'I DUS GANG YIN PA DE YOD DE, 'JIG RTEN 'JIG PA NA SEMS CAN PHAL CHER 'OD GSAL BA'I LHA'I RIS SU SKYE BAR 'GYUR ZHING DE DAG GZUGS BZANG PO YID LAS BYUNG BA DBANG PO MA TSANG[?] BA MED CING NGAN PA MA YIN PA, YAN LAG DANG NYING LAG THAMS CAD DANG LDAN PA, KHA DOG BZANG PO BRTAN PA RANG GI 'OD CAN NAM MKHA' LA 'GRO BA, DGA' BA ZA ZHING DGA' BA'I ZAS CAN TSE RING BA DUS RING POR GNAS PAR 'GYUR RO ZHES BYA BA DE LTA BU LA SOGS PA MDO DAG LAS GSUNGS PA'I PHYIR KHAM DU BYED PA'I ZAS YOD PAR THAL BAR MI 'GYUR RO SNYAM DU SEMS NA, GAL TE DE LTA NA GZUGS MED PA DAG NA YANG GZUGS YOD PAR THAL BAR MI 'GYUR RO, ,CI'I PHYIR ZHE NA, DMIGS KYIS BSTZAL BA'I PHYIR RO, ,JI LTA ZHE NA, GZUGS MED PA RNAMS NI GZUGS RNAMS LAS NGES PAR 'BYUNG BA YIN NO ZHES BYA BA NI MDO'I TSIG DMIGS KYIS BSTZAL BA GCIG YIN NO, ,GZUGS MED PA'I RNAM PAR THAR PA ZHI BA GANG DAG GZUGS RNAMS LAS 'DAS NAS ZHES BYA BA NI GNYIS PA YIN NO, ,GZUGS CAN MA YIN PA'I SEMS CAN DAG YOD CES BYA BA NI GSUM PA YIN NO, ,RNAM PA THAMS CAD DU GZUGS KYI 'DU SHES @290A *, ,RNAMS LAS YANG DAG PAR 'DAS NAS ZHES BYA BA NI BZHI PA YIN NO, ,GZUGS SHIG YOD NA ZHES BYA BA NI GAL TE GZUGS MED PA'I SNYOMS PAR 'JUG PA DANG, SKYE BA DAG LA GZUGS SHIG YOD PAR GYUR NA, GZUGS YOD PHAN[?] CHAD RANG GI GZUGS GDON MI ZA BAR 'DU SHES PAR BYED PAR 'GYUR BAS RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS NAS ZHES 'BYUNG BA SMOS PAR MI 'GYUR PA ZHIG NA SMOS TE, DE'I PHYIR YANG DE NA GZUGS MED DO, ,GAL TE SA 'OG MA PA'I GZUGS RAGS PA ZHES BYA BA RGYAS PAR 'BYUNG BA NI GAL TE 'DI SNYAM DU GZUGS MED PA'I RNAM PAR THAR PA GANG DAG CES BYA BA RGYAS PAR 'BYUNG BA NI SA 'OG MA PA'I GZUGS RAGS PA LAS DGONGS TE GSUNGS PA YIN NO SNYAM DU SEMS NA, 'DI LA BDAG KHAM GYI ZAS LA YANG MTSUNGS SO ZHES ZER RO, ,JI LTA ZHE NA, KHAM DU BYED PA'I ZAS ZA BA'I LHA RNAMS LAS 'DAS TE ZHES BYA BA NI SA 'OG MA PA'I KHAM GYI ZAS RAGS PA LAS DGONGS TE GSUNGS PA YIN GYI, GZUGS NA SPYOD PA'I KHAM GYI ZAS PHRA BA LAS DGONGS PA NI MA YIN NO, ,GAL TE YANG SA 'OG MA PA'I GZUGS RAGS PA LAS NGES PAR 'BYUNG BA'I PHYIR GZUGS MED PA DAG CES BYA NA NI BSAM GTAN RNAMS KYANG SA 'OG MA PA LAS NGES PAR 'BYUNG BA YIN PA'I PHYIR GZUGS MED PAR THAL PAR 'GYUR RO, ,JI LTA ZHE NA, BSAM GTAN DANG POR NI 'DOD PA NA SPYOD PA'I GZUGS RAGS PA LAS NGES PAR 'BYUNG BA YIN LA, DE BZHIN DU BSAM GTAN BZHI PA'I BAR DU GONG NAS GONG DU GZUGS RAGS PA LAS NGES PAR 'BYUNG BA YIN PAS GZUGS MED PAR THAL BAR 'GYUR RO, ,TSOR BA LA SOGS PA LAS KYANG NGES PAR 'BYUNG BA YIN PAR CI'I PHYIR MA BSHAD CES BYA BA NI GAL TE RANG GI SA PA'I GZUGS YOD BZHIN DU YANG SA 'OG MA PA'I GZUGS YOD BZHIN DU RAGS PA LAS NGES PAR 'BYUNG BA'I PHYIR GZUGS MED PA DAG CES BYA BA NI RANG GI SA PA'I TSOR BA YOD BZHIN DU YANG GZUGS MED PA RNAMS NI TSOR BA LA SOGS PA LAS NGES PAR 'BYUNG BA YIN PA'I PHYIR TSOR BA MED PA'O ZHES KYANG CI'I PHYIR MA BSHAD, SOGS PA ZHES BYA BA'I SGRA NI RANG GI @290B SA PA'I RNAM PAR SHES PA YOD BZHIN DU RNAM PAR SHES PA MED PA'O ZHES BYA BA'I BAR DU CI'I PHYIR MA BSHAD CES BYA BA YIN NO, ,CI'I PHYIR ZHE NA, SA 'OG MA PA'I TSOR BA LA SOGS PA LAS NGES PAR 'BYUNG BA'I PHYIR TE, SA 'OG MA PA'I TSOR BA LA SOGS PA RAGS PA LAS NGES PAR 'BYUNG BA'I PHYIR RO ZHES BYA BA'I THA TSIG GO, ,GZUGS KYI RNAM PA ZAD PA LAS 'DAS PA ZHES BYA BA NI GZUGS MED PA DAG NI SNYOMS PAR 'JUG PA DANG, SKYE BA LA GZUGS KYI RNAM PA GANG CI YANG RUNG RAGS PA'AM, PHRA BA'AM, NANG GI'AM, PHYI'I YANG RUNG STE DE THAMS CAD LAS 'DAS PA YIN NO, ,TSOR BA LA SOGS PA'I RNAM PA LAS NI MA YIN TE, GZUGS MED PA DAG NI SNYOMS PAR 'JUG PA DANG, SKYE BA LA TSOR BA THAMS CAD LAS 'DAS PA MA YIN TE, BDE BA YANG MA YIN SDUG BSNGAL YANG MA YIN PA'I TSOR BA YOD PA'I PHYIR RO, ,SOGS PA ZHES BYA BA'I SGRAS NI RNAM PAR SHES PA'I BAR BRJOD PAR BYA'O, ,DE'I PHYIR GZUGS RNAMS LAS NGES PAR 'BYUNG BA ZHES GSUNGS KYI TSOR BA LA SOGS PA LAS NGES PAR 'BYUNG BA ZHES NI MA GSUNGS SO, ,DE LTA BAS NA KHO BO CAG DE SKAD DU SMRA BA LA NI SA 'OG MA PA'I TSOR BA LA SOGS PA LAS NGES PAR 'BYUNG BA'I PHYIR TSOR BA LA SOGS PA LAS KYANG NGES PAR 'BYUNG BA YIN PAR CI'I PHYIR MA BSHAD CES BYA BA'I THAL BA 'DIR MI 'GYUR RO, ,SMRAS PA, GAL TE GZUGS MED PA RNAMS GZUGS RNAMS LAS NGES PAR BYUNG BA YIN NA, 'O NA MDO LAS NGA NI SRID PAS SRID PA LAS 'BYUNG BAR MI SMRA'O ZHES GSUNGS PA GANG YIN PA DE JI LTAR NA GZUGS MED PA'I SRID PAS GZUGS KYI SRID PA LAS NGES PAR 'BYUNG ZHE NA, SRID PAS SRID PA LA NGES PAR MI 'BYUNG BAR GSUNGS PA NI DE NYID KYIS DE LAS NGES PAR MI 'BYUNG BA'I PHYIR DE SKAD DU BSHAD PAR ZAD DO, ,THAMS CAD DANG GTAN DU NGES PAR 'BYUNG BA MA YIN PA'I PHYIR TE, THAMS CAD LAS NGES PAR 'BYUNG BA MA YIN PA NI GZUGS KYI SRID PAS 'DOD PA'I SRID PA LAS NGES PAR 'BYUNG MOD KYI, DES GZUGS MED PA'I SRID PA LAS KYANG NGES PAR 'BYUNG BA NI MA YIN NO, ,DES 'DOD PA'I SRID PA LAS GTAN DU NGES PAR 'BYUNG BA YANG MA YIN TE, YANG 'ONG BA'I PHYIR RO, ,DE BZHIN DU GZUGS MED @291A *, ,PA'I SRID PAS KYANG GZUGS KYI SRID PA LAS NGES PAR BYUNG GI 'DOD PA'I SRID PA LAS NI MA YIN LA GZUGS MED PA'I SRID PAS GZUGS KYI SRID PA LAS GTAN DU NGES PAR 'BYUNG BA YANG MA YIN NO, ,JI LTAR GNAS PA NI SNGAR BSHAD ZIN TO ZHES BYA BA NI, DER NI RIS DANG SROG LA YANG, ,SEMS KYI RGYUD NI BRTEN PA YIN, ,ZHES BYA BA LA SOGS PA YIN NO, ,GSUM PO ZHES BYA BA NI GZUGS MED PA ZHES BYA BAR SBYAR BA'I PHYIR PHO'I RTAGS KYIS BSTAN PA YIN NO, ,DE LTAR SBYOR PHYIR ZHES BYA BA NI SBYOR BA'I DUS NA NAM MKHA' LA SOGS PAR 'GYUR GYI GZHAN NA NI CI RIGS PAR CHOS GZHAN DAG LA YANG DMIGS SO ZHES STON TO, ,DMAN PHYIR 'DU SHES MED 'DU SHES MED PA'ANG MA YIN PA'O ZHES BYA BA NI CI'I PHYIR GZUGS MED PA BZHI PA 'DU SHES CAN ZHES KYANG MI BYA LA 'DU SHES MED PA ZHES KYANG MI BYA ZHE NA, DMAN PA'I PHYIR TE, DMAN PHYIR ZHES BYA BA NI RGYU GANG GIS GZUGS MED PA BZHI PA DE 'DU SHES MED 'DU SHES MED MIN SKYE MCHED CES BYA BA'I RGYU DE NYID BRJOD PA YIN NO, ,MING DANG DON DANG MTHUN PAR BTAGS PA'I PHYIR 'DI'I SBYOR BA YANG DE LTA BU YIN PAR BRJOD PA YIN NO, ,DE NYID KYI PHYIR GAL TE DE LA YANG 'DI LTAR SBYOR MDO KYI ZHES BYA BA LA SOGS PA SMOS SO, ,'DU SHES NI 'BRAS SO ZHES BYA BA NI 'BRAS DANG 'DRA BAS NA 'BRAS TE ZUG RDU'I BAR DU YANG DE DANG 'DRA'O, ,'DU SHES MED PA PA NI KUN DU RMONGS PA'O ZHES BYA BA NI 'DU SHES MED PA YANG KUN DU RMONGS PA'I RGYU YIN NO ZHES BYA BAR SHES TE, 'DU SHES KUN DU CHAD PA'I PHYIR RO SNYAM DU BSAMS PA YIN NO, ,'DI NI ZHI BA ZHES BYA BA GANG YIN ZHE NA, 'DI LTA STE, 'DU SHES MED 'DU SHES MED MIN SKYE MCHED CES BYA BA SMOS TE, 'DU SHES DMAN PA LA MNGON PAR DAG 'O,, ,,BAM PO LNGA BCU BRGYAD PA, 'DIR CI'I PHYIR DE DAG GIS DE LA DE LTAR 'DZIN ZHES DRI BAR BYA STE, DE DAG GIS ZHES BYA BA NI DE LA SNYOMS PAR 'JUG BA DAG GIS SO, ,DE LA ZHES BYA BA NI 'DU SHES MED 'DU SHES MED MIN SKYE MCHED LA'O, ,DE LTAR 'DZIN ZHES BYA BA NI 'DU SHES MED 'DU SHES MED MIN ZHES 'DZIN ZHES BYA BA'I THA TSIG GO, ,DE BAS NA DE SKAD DU YONGS SU 'DRI BAS BRGAL BAS NI 'DU SHES RNAMS CHUNG BA'I PHYIR @291B 'DU SHES MED 'DU SHES MED MIN SKYE MCHED CES BYA'O ZHES BYA BA 'DI GDON MI ZA BAR BRJOD DGOS PAS DE NYID BSHAD DO, ,SNYOMS PAR 'JUG PA'I DNGOS GZHI'I RDZAS ZHES BYA BA NI DE DAG GI YAN LAG NI NYE BAR MI DGOD DO SNYAM DU BSAMS PA YIN NO, ,JI LTAR BDUN NI RNAM PA GSUM YIN ZHE NA, RO MYANG BA DANG MTSUNGS PAR LDAN PA RNAMS DANG DAG PA PA RNAMS DANG, ZAG PA MED PA RNAMS SO ZHES BYA BA SMOS SO, ,ZAG PA MED PA NI MED DO ZHES BYA BA NI 'DU SHES DMAN PA'I PHYIR RO, ,RO MYONG PAR BYED PA GANG YIN PA DE LAS NI LANGS PA YIN NO ZHES BYA BA DAG PA PA LAS SO, ,GANG GIS RO MYONG BAR BYED PA DE LA NI SNYOMS PAR ZHUGS PA YIN NO ZHES BYA BA NI RO MYONG BA DANG MTSUNGS PAR LDAN PA LA'O, ,YAN LAG BZHI PA'I DMAG YAN LAG LAS DON GZHAN DU GYUR PA MA YIN PAS JI LTA BAR YAN LAG LNGA PA'I BSAM GTAN YANG DE DANG 'DRA STE, DON GZHAN MA YIN NO ZHES RANG GI GZHUNG LUGS STON PAR BYED DO, ,DGA' BA LA SOGS PA ZHES BYA BA NI SNGAR BSHAD PA DGA' BA DANG BDE BA DANG, SEMS RTZE GCIG PA NYID DANG NANG RAB TU DANG BA STE, GNYIS PA NI YAN LAG BZHI PA YIN NO, ,GSUM PA LA LNGA BTANG SNYOMS DANG ZHES BYA BA NI 'DI 'DU BYED KYI BTANG SNYOMS YIN PAR BZUNG STE, DGA' BA LA RTZOL BA MED PA'I MTSAN NYID GANG YIN PA'O, ,DRAN PA NI BTANG SNYOMS KYI RGYU MTSAN MI BRJED PA YIN NO, ,SHES BZHIN NI DRAN PA MI BRJED PA YIN NO, ,BZHI PA LA BTANG SNYOMS YONGS SU DAG PA ZHES BYA BA NI BTANG SNYOMS KYI YONGS SU DAG PA NI BTANG SNYOMS YONGS SU DAG PA STE, SA 'OG MA PA'I SKYON DANG BRAL BA'I PHYIR RO, ,SKYON NI BRGYAD 'CHAD PAR 'GYUR RO, ,DRAN PA YONGS SU DAG PA YANG DE DANG 'DRA'O, ,BSAM GTAN DANG PO PA ZHES BYA BA NI BSAM GTAN DANG PO NA YOD PA'O, ,DE NYID KYI PHYIR SMRAS PA ZHES BYA BA NI GANG GI PHYIR GNYIS PA LA SOGS PA NA NANG RAB TU DANG BA LA SOGS PA 'PHEL BAS SO, ,JI LTA ZHE NA, MU BZHI STE BSAM GTAN DANG PO NA YOD LA GNYIS PA NA MA YIN PA YANG YOD, GNYIS PA NA YOD LA DANG PO NA MA YIN PA YANG YOD, GNYI GA NA YOD PA YANG YOD, ,GNYI GA NAM YIN PA YANG YOD DO, ,DE BZHIN DU BSAM GTAN GYI YAN LAG @292A *, ,THAMS CAD PHAN TSUN SBYAR BAR BYA'O ZHES BYA BA JI LTA ZHE NA, YAN LAG GANG DAG BSAM GTAN DANG PO NA YOD PA DE DAG GSUM PA NA YANG YOD DAM ZHE NA, MU BZHI STE, MU DANG PO NI RTOG PA DANG DPYOD PA DANG DGA' BA DANG BDE BA DAG GO, ,GNYIS PA NI BTANG SNYOMS DANG DRAN PA DANG SHES BZHIN DANG BDE BA DAG GO, ,GSUM PA NI TING NGE 'DZIN TO, ,MU BZHI PA NI BSHAD PA LA MA GTOGS PA'I CHOS RNAMS SO, ,YAN LAG GANG DAG BSAM GTAN DANG PO NA YOD PA DE DAG BZHI PA NA YANG YOD DAM ZHE NA, MU BZHI STE, MU DANG PO NI RTOG PA DANG DPYOD PA DANG DGA' BA DANG BDE BA DAG GO, ,GNYIS PA NI BDE BA YANG MA YIN, SDUG BSNGAL BA YANG MA YIN PA'I TSOR BA DANG, BTANG SNYOMS YONGS SU DAG PA DANG, DRAN PA YONGS SU DAG PA'O, ,GSUM PA NI TING NGE 'DZIN TO, ,BZHI PA NI BSHAD PA LA MA GTOGS PA'I CHOS RNAMS SO, ,YAN LAG GANG DAG BSAM GTAN GNYIS PA NA YOD PA DE DAG GSUM PA NA YANG YOD DAM ZHE NA, MU BZHI STE, MU DANG PO NI NANG RAB TU DANG BA DANG, DGA' BA DANG BDE BA DAG GO, ,GNYIS PA NI BTANG SNYOMS DANG DRAN PA DANG SHES BZHIN DANG BDE BA DAG GO, ,GSUM PA NI TING NGE 'DZIN TO, ,BZHI PA NI BSHAD PA LAM GTOGS PA'I CHOS RNAMS SO, ,YAN LAG GANG DAG BSAM GTAN GNYIS PA NA YOD PA DE DAG BZHI PA NA YANG YOD DAM ZHE NA, MU BZHI STE, MU DANG PO NI NANG RAB TU DANG BA DANG, DGA' BA DANG BDE BA DAG GO, ,GNYIS PA NI TING NGE 'DZIN MA GTOGS PA DE'I YAN LAG RNAMS SO, ,GSUM PA NI TING NGE 'DZIN TO, ,BZHI PA NI BSHAD PA LA MA GTOGS PA'I CHOS RNAMS SO, ,YAN LAG GANG DAG BSAM GTAN GSUM PA NA YOD PA DE DAG BZHI PA NA YANG YOD DAM ZHE NA MU BZHI STE, MU DANG PO NI TING NGE 'DZIN MA GTOGS PA DE'I YAN LAG RNAMS SO, ,GNYIS PA NI TING NGE 'DZIN MA GTOGS PA DE'I YAN LAG RNAMS SO, ,GSUM PA NI TING NGE 'DZIN TO, ,BZHI PA NI BSHAD PA LA MA GTOGS PA'I CHOS RNAMS TE, 'DI NI DE DAG LAS GCIG DBRI BA ZHES BYA BA YIN NO, ,CI'I PHYIR BSAM GTAN GSUM PA NA YOD PA'I BDE BA RDZAS GZHAN DU BRJOD CE NA ZHES BYA BA JI SKAD DU BRJOD CE NA, ,DE DAG @292B NI BSAM GTAN GYI YAN LAG BCO BRGYAD YIN TE ZHES RGYAS PAR BSHAD NAS, YANG MING GI SGO NAS NI DE LTA'O, ,RDZAS SU BCU GCIG ,RDZAS SU NI DE DAG BCU GCIG YIN TE, BSAM GTAN DANG PO'I SA PA NI LNGA PA'O, ,GNYIS PA LA NI NANG RAB TU DANG BA LHAG GO, ,GSUM PA LA NI BTANG SNYOMS DANG, DRAN PA DANG, SHES BZHIN DANG, BDE BA RNAMS SO ZHES SMOS PA'I PHYIR RO, ,BDE BA'I DBANG PO DANG MI LDAN PA'I PHYIR TE ZHES BYA BA NI BDE BA'I DBANG PO MI SRID PA'I PHYIR RO, ,BSAM GTAN GSUM CHAR NA YANG SEMS LAS BYUNG BA'I BDE BA'I DBANG PO MED PA KHO NA'O, ,'O NA CI ZHE NA, LUS KYI BDE BA KHO NA YAN LAG TU RNAM PAR GZHAG STE, MNYAM PAR GZHAG PA'I GNAS KYI BAR SKABS SU KUN 'BYUNG BA'I PHYIR RO, ,'DI NI DPES STON PA RNAMS KYI PHYOGS YIN NO ZHES GRAG STE, DE DAG GI LTAR NA BDE BA'I DBANG POS GNYIS PA 'DOD PA DANG BSAM GTAN DANG PO'I SA PA KHO NAR MA ZAD DO, ,'O NA CI ZHE NA, BDE BA'I DBANG PO NI 'DOD PA NA SPYOD PA NAS BSAM GTAN GSUM PA'I SA PA'I BAR SA BZHI PA YANG YIN NO, ,DE NYID KYI PHYIR BYE BRAG TU BSHAD PA LAS, MDO SDE PA'I BTZUN PAS CHOS MNGON PA PA RNAMS KYI LTAR NA ZO CHUN RGYUD MO LTA BUR MIG GI RNAM PAR SHES PA LA SOGS PA 'OG NAS GONG DU 'DREN TO ZHES BSHAD DE, DE'I 'DOD PA NI MIG GI RNAM PAR SHES PA LA SOGS PA BSAM GTAN GNYIS PA LA SOGS PA'I SA PA YANG YOD DO ZHES BYA BA 'DI YIN NO, ,TSIG DE NI 'GA' ZHIG GIS SGRO BTAGS PA YIN ZHES BYA BA NI SEMS LAS BYUNG BA ZHES 'BYUNG BA GANG YIN PA DE'O, , BDE BA LUS KYIS MYONG LA ZHES RANG GI SGRAS GSUNGS PA'I PHYIR RO ZHES BYA BA NI BSAM GTAN GSUM PA BSTAN PA LAS 'DI SKAD DU, DGA' BA LAS 'DOD CHAGS DANG BRAL NAS, BTANG SNYOMS DANG DRAN PA DANG SHES BZHIN DU GNAS SHING BDE BA LUS KYIS MYONG LA GANG 'PHAGS PA RNAMS KYIS BTANG SNYOMS DANG DRAN PA DANG SHES BZHIN DANG LDAN ZHING BDE BA LA GNAS SO ZHES BRJOD PA BSAM GTAN GSUM PA RDZOGS PAR BYAS TE GNAS SO ZHES BSHAD DO, ,GAL TE DE SEMS LAS BYUNG BA YIN PAR GYUR NA JI LTAR DE LUS KYIS MYONG BAR 'GYUR, YID KYI LUS KYIS ZHES BYA BA NI YID KYI TSOGS KYIS @293A *, ,SO, ,DE SKAD DU BSHAD DE YON TAN CI ZHIG YOD CES BYA BA NI BDE BA YID KYIS MYONG LA ZHE'AM, BDE BA MYONG LA ZHES DE SKAD DU BRJOD PAR BYA BAR 'GYUR RO SNYAM DU BSAMS PA YIN NO, ,BSAM GTAN BZHI PA LA SHIN TU SBYANGS PA MANG BZHIN DU BDE BA MA SMOS PA'I YANG PHYIR RO ZHES BYA BA NI BSAM GTAN BZHI PA LA SHIN TU SBYANGS PA'I BDE BA MANG BA YIN ZHING CHES PHAL CHE BA YIN TE, BSAM GTAN GZHAN DAG PAS BSAM GTAN BZHI PA CHES SHIN TU SBYANGS PA'I PHYIR RO, ,DE MANG BZHIN DU YANG BDE BA MA SMOS TE, BSAM GTAN BZHI PA LA BDE PA MA BRJOD DO, ,BDE BA DE MA BRJOD PA'I PHYIR BSAM GTAN GSUM PA LA TSOR BA'I BDE BA KHO NA YOD DO ZHES BYA BAR SHES KYI, BZHI PA LA NI TSOR BA'I BDE BA YOD PA MA YIN PAS DE LA MA BRJOD DO SNYAM DU BSAMS PA YIN NO, ,GAL TE BDE BA'I TSOR BA DANG MTHUN PA'I SHIN TU SBYANGS PA BDE BA YIN NO ZHE NA ZHES BYA BA NI, GAL TE BSAM GTAN DANG PO DANG GNYIS PA DAG LA NI BDE BA'I TSOR BA DANG MTHUN PA'I SHIN TU SBYANGS PA YOD PAS DE DAG GIS NI BDE BA ZHES BSHAD DO, ,BSAM GTAN BZHI PA'I SHIN TU SBYANGS PA NI BDE BA'I TSOR BA DANG MTHUN PA MA YIN PAS MA BSHAD DO SNYAM DU SEMS NA, GAL TE DE LTA NA GSUM PA NA YOD PA'I SHIN TU SBYANGS PA BDE BAR MA GSUNGS PA YANG CI'I PHYIR BSAM GTAN GSUM PA'I SHIN TU SBYANGS PA YANG BDE BA'I TSOR BA DANG MTHUN PA YIN NA, CI'I PHYIR DE LA SHIN TU SBYANGS PA'I BDE BA MA BSHAD, KHYED KYIS NI DE LA TSOR BA'I BDE BA KHO NA RNAM PAR GZHAG GI SHIN TU SBYANGS PA'I BDE BA NI MA YIN TE, BDE BA GNYIS MI SMOS PA'I PHYIR RO, ,GAL TE BTANG SNYOMS KYIS BCOM PA'I PHYIR RO ZHE NA ZHES BYA BA NI, GAL TE BSAM GTAN GSUM PA'I BTANG SNYOMS NI LAS SU RUNG BA'I MTSAN NYID YIN TE, DES SHIN TU SBYANGS PA BCOM PAS MA BRJOD DO ZHES BYA BAR 'DOD NA MA YIN TE, BTANG SNYOMS KHO NAS DE 'PHEL BA'I PHYIR RO, ,DE NI DE LTA MA YIN TE, BTANG SNYOMS KHO NAS BSAM GTAN GSUM PA'I SHIN TU SBYANGS PA'I BDE BA 'PHEL BA'I PHYIR RO, ,GNOD PAR BYED PA'I RGYU NYID KYI 'PHEL PAR RUNG BA MA YIN NA, JI LTAR BTANG SNYOMS KHO NAS DE 'PHEL ZHE NA, DE'I PHYIR SNGA MA GNYIS PAS DE KHYAD PAR @293B DU 'PHAGS PAS ZHES BYA BA SMOS TE, SNGA MA BSAM GTAN DANG PO DANG GNYIS PA'I SHIN TU SBYANGS PA DAG PAS BSAM GTAN GSUM PA'I SHIN TU SBYANGS PA KHYAD PAR DU 'PHAGS PA YIN TE, BSAM GTAN SNGA MA DAG PAS GSUM PA KHYAD PAR DU 'PHAGS PA'I PHYIR RO, ,GANG GI TSE ZHES BYA BA RGYAS PAR 'BYUNG BA NI GANG GI TSE 'PHAGS PA NYAN THOS RAB TU DBEN PA LAS SKYES PA'I BDE BA LUS KYIS MNGON SUM DU BYAS NAS RDZOGS PAR BYAS TE, GNAS PA DE'I TSE 'DI'I CHOS LNGA NI SPONG BAR 'GYUR LA, CHOS LNGA PO NANG RAB TU DANG BA DANG, DGA' BA DANG SHIN TU SBYANGS PA DANG, BDE BA DANG TING NGE 'DZIN NI BSGOMS PA YONGS SU RDZOGS PAR 'GYUR RO ZHES 'BYUNG NGO, ,SHIN TU SBYANGS PA DANG BDE BA DAG GZHAN MA YIN PA NYID YIN NA JI LTAR 'DI DAG LNGA NYID DU 'GYUR, DON GZHAN NYID YIN NA NI BSAM GTAN GSUM CHAR NA YANG BDE BA LUS KYI KHO NA YIN NO ZHES BYA BAR GRUB PA YIN NO, ,GAL TE SNYOMS PAR ZHUGS PA LA JI LTAR LUS GYI RNAM PAR SHES PA 'BYUNG ZHE NA, 'DIR SMRAS PA, TING NGE 'DZIN GYI KHYAD PAR LAS SKYES PA SHIN TU SBYANGS PA ZHES BYA BA NI SHIN TU SBYANGS PA ZHES BRJOD PA BDE BA MYONG BAR 'GYUR BA BDE BA'I TSOR BA DANG MTHUN PA'I RLUNG GIS LUS LA RGYAS PA'I PHYIR TE, LUS LA KHYAB PA'I PHYIR RO, ,CI ZHE NA, LUS KYI RNAM PAR SHES PA 'BYUNG BA KHO NA'O, ,GAL TE PHYI ROL DU RNAM PAR G-YENGS PA'I PHYIR TING NGE 'DZIN LAS NYAMS PAR 'GYUR RO ZHE NA ZHES BYA BA NI GAL TE LUS KYI RNAM PAR SHES PA SKYES PAS PHYI ROL DU RNAM PAR G-YENGS PA'I PHYIR TE, PHYI'I YUL LA RNAM PAR G-YENGS PA'I PHYIR TING NGE 'DZIN NYAMS PAR 'GYUR RO SNYAM DU SEMS NA MA YIN TE, TING NGE 'DZIN LAS SKYES PA ZHES BYA BA RGYAS PAR SMOS TE, DE NI DE LTAR MI 'GYUR RO, ,CI'I PHYIR ZHE NA, TING NGE 'DZIN LAS SKYES PA LUS KYI NANG DU BYUNG BA STE, PHYI ROL DU BYUNG BA MA YIN PA ZHES BYA BA'I THA TSIG GO, ,LUS KYI BDE BA LUS KYI RNAM PAR SHES PA DANG MTSUNGS PAR LDAN PA'I TSOR BA'I BDE BA NI TING NGE 'DZIN DANG MTHUN PA'I PHYIR TING NGE 'DZIN NYAMS PAR MI 'GYUR RO ZHES BYA BA'I THA TSIG GO, ,MA YIN TE, DE NYID KYI PHYIR RO ZHES BYA BA NI DE NYID KYI PHYIR LUS KYI RNAM PAR SHES PA SKYES PA'I TSE @294A *, ,LDANG BAR MI 'GYUR TE, TING NGE 'DZIN DANG MTHUN PA'I PHYIR RO ZHES BYA BA'I THA TSIG GO, ,DE MNGON DU GYUR MA THAG TU TING NGE 'DZIN NYE BAR GNAS SO SNYAM DU BSAMS PA YIN NO, ,'DOD PA NA SPYOD PA'I LUS KYI RNAM PAR SHES PAS GZUGS NA SPYOD PA'I REG BYA MI 'DZIN PA'I PHYIR LUS KYI RNAM PAR SHES PA DE NI GZUGS NA SPYOD PA KHO NA YIN GYI 'DOD PA NA SPYOD PA NI MA YIN NO, ,DE NYID KYI PHYIR DE DANG MTSUNGS PAR LDAN PA'I BDE BA NI BSAM GTAN GYI YAN LAG TU MI 'GRUB BO ZHE NA, SHIN TU SBYANGS PA'I RNAM PAR SHES PA SKYES PA'I PHYIR RO ZHES BYA BA NI TING NGE 'DZIN GYI STOBS BSKYED PA'I SGO NAS 'DOD PA NA SPYOD PA'I LUS KYI DBANG POS GZUGS NA SPYOD PA 'DZIN TE MNYAM PAR GZHAG PA'I LUS KYI DBANG PO GANG YIN PA DE NI SA GONG MA PA'I LUS KYI RNAM PAR SHES PA'I RTEN DU 'GYUR BA'I GNAS SKABS DER 'GYUR BA YIN NO, ,ZAG PA MED PA DAG TU YANG 'GYUR RO ZHES BYA BA NI SHIN TU SBYANGS PA'I MTSAN NYID KYI REG BYA DANG DE LA DMIGS PA LUS KYI RNAM PAR SHES PA STE, REG BYA DANG LUS KYI RNAM PAR SHES PA DE DAG ZAG PA MED PAR YANG 'GYUR RO, ,CI'I PHYIR ZHE NA, YAN LAG CUNG ZAD CIG NI ZAG PA DANG BCAS PA CUNG ZAD CIG NI ZAG PA MED PA YIN NA MI RUNG PAS ZHES BYA PA SMOS TE, GAL TE DE SNYAM DU SEMS NA, LUS KYI SHIN TU SBYANGS PA YANG DAG BYANG CHUB KYI YAN LAG TU GSUNGS PAS 'DOD PA'I PHYIR RO ZHES BYA BA SMOS TE, LUS SHIN TU SBYANGS PA YANG DAG BYANG CHUB KYI YAN LAG MNGON PAR SHES PA DANG, RDZOGS PAR BYANG CHUB PA DANG MYA NGAN LAS 'DA' BAR 'GYUR BA GANG YIN PA DANG, SEMS SHIN TU SBYANGS PA YANG DAG BYANG CHUB KYI YAN LAG MNGON PAR SHES PA DANG, RDZOGS PAR BYANG CHUB PA DANG MYA NGAN LAS 'DA' BAR 'GYUR BA GANG YIN PA ZHES 'BYUNG BA'I PHYIR RO, ,BYANG CHUB KYI YAN LAG NYID DU 'BYUNG BA'I PHYIR REG BYA DANG LUS KYI RNAM PAR SHES PA DAG ZAG PA MED PAR 'DOD DO, ,GAL TE BYANG CHUB KYI YAN LAG DANG MTHUN PA'I PHYIR RO ZHE NA ZHES BYA BA NI JI STE 'DI SKAD DU GANG GI PHYIR LUS SHIN TU SBYANGS PA BYANG CHUB KYI YAN LAG DANG MTHUN PA DE'I PHYIR BYANG CHUB KYI YAN LAG CES NYE BAR 'DOGS KYI DE BYANG CHUB KYI YAN LAG NI MA YIN NO ZHES LAN 'DEBS PAR BYED NA, @294B ZAG PA MED PA NYID KYANG DE DANG 'DRA STE, REG BYA DANG LUS KYI RNAM PAR SHES PA DE DAG NI ZAG PA MED PA DANG MTHUN PA'I PHYIR ZAG PA MED PA ZHES NYE BAR 'DOGS KYI, ZAG PA MED PA NYID NI MA YIN PAS DE LTAR NA 'DI DAG ZAG PA MED PA NYID YIN NO, ,GAL TE ZAG PA DANG BCAS PA'I CHOS ZHES BYA BA RGYAS PAR 'BYUNG BA NI GAL TE ZAG PA DANG BCAS PA'I CHOS RNAMS GANG ZHE NA, MIG JI SNYED PA DANG, GZUGS RNAMS JI SNYED PA DANG, MIG GI RNAM PAR SHES PA GZHAN JI SNYED PA DANG, LUS JI SNYED PA DANG, REG BYA RNAMS JI SNYED PA DANG, LUS KYI RNAM PAR SHES PA RNAMS JI SNYED PA'O ZHES 'BYUNG BA'I MDO 'DI DANG 'GAL LO ZHES DE SNYAM DU SEMS NA MA YIN TE, REG BYA DANG LUS KYI RNAM PAR SHES PA GZHAN LAS DGONGS TE GSUNGS PA'I PHYIR SHIN TU SBYANGS PA DE LA MA GTOGS PA'I REG BYA RNAMS DANG, LUS KYI RNAM PAR SHES PA DE LA MA GTOGS PA'I LUS KYI RNAM PAR SHES PA RNAMS LAS DGONGS TE GSUNGS PA'I PHYIR RO, ,GAL TE ZAG PA MED PA LA ZHES BYA BA RGYAS PAR 'BYUNG BA NI ZAG PA MED PA STE, ZAG PA MED PA RNAM PAR GZHAG PA LA YAN LAG CUNG ZAD CIG NI ZAG PA DANG BCAS PA CUNG ZAD CIG NI ZAG PA MED PAR 'GYUR BA MA YIN NAM ZHES BYA BA NI GAL TE REG BYA DANG LUS KYI RNAM PAR SHES PA NI ZAG PA DANG BCAS PA YIN PA'I PHYIR LA, DE DAG LAS GZHAN PA NI ZAG PA MED PA YIN PA'I PHYIR NYES PA DER 'GYUR RO SNYAM DU SEMS NA, 'DIR CIG CAR MA YIN PA'I PHYIR NYES PA CI ZHIG YOD CES BYA BA SMOS TE, GANG GI TSE ZAG PA MED PA'I YAN LAG KUN DU 'BYUNG BA DE'I TSE ZAG PA DANG BCAS PA KUN DU MI 'BYUNG LA, GANG GI TSE ZAG PA DANG BCAS PA KUN DU 'BYUNG BA DE'I TSE ZAG PA MED PA KUN DU MI 'BYUNG BAS DE NI NYES PA MED DO, ,GAL TE BDE BA DANG DGA' BA PHRAD PA MED PA'I PHYIR TE, LUS KYI BDE BA DANG SEMS KYI DGA' BA PHRAD PA MED CING CIG CAR MA YIN PA'I PHYIR BSAM GTAN DANG PO YAN LAG LNGA PAR MI 'GYUR RO ZHE NA ZHES BYA BA NI GAL TE DE SNYAM DU SEMS NA, DE NI NYES PA MED DO, ,CI'I PHYIR ZHE NA, SRID PA'I PHYIR BSTAN PAS RTOG PA DANG DPYOD PA BZHIN NO, ,JI LTAR BSAM GTAN DANG PO RTOG PA DANG BCAS DPYOD PA DANG BCAS ZHES BYA BA RTOG PA DANG DPYOD @295A *, ,PA DAG RNAM GRANGS KYIS 'BYUNG BA LTAR BDE BA DANG DGA' BA DAG KYANG DE DANG 'DRA STE, SRID PA'I PHYIR BSTAN PAS DE NI NYES PA MED DO, ,GAL TE BSGRUB PAR BYA BA YIN NO ZHE NA ZHES BYA BA NI RTOG PA DANG DPYOD PA DAG RNAM GRANGS KYIS 'BYUNG NGO ZHES BYA BA BSGRUB PAR BYA BA YIN NO ZHE NA SMRAS PA, SGRUB PA YIN NO, ,JI LTA ZHE NA, RTOG PA DANG DPYOD PA DAG 'GAL BA'I PHYIR ZHES BYA BA SMOS TE, GANG GI TSE SEMS RTZING BA DE'I TSE ZHIB PA NYID MED LA, GANG GI TSE ZHIB PA NYID DE'I TSE RTZING BA NYID MED PAS 'GAL BA'I PHYIR RTOG PA DANG DPYOD PA DAG CIG CAR MA YIN NO, ,NYES PA SMOS PA'I PHYIR ZHES SMOS PA NI RTZING BA DANG ZHIB PA NYID SA DANG RNAM PA'I BYE BRAG GIS LTOS PA CAN YIN NA NI SRID PA'I RTZE MO'I BAR LA RTOG PA DANG DPYOD PA DAG YOD PAR 'GYUR RO ZHES BYA BA LA SOGS PA YIN NO, ,KHA CIG NI NYES PA MA SMOS PA'I PHYIR ZHES 'DON TE, PHRAD PA MED PA LA NYES PA 'GA' YANG MA SMOS SO ZHES BYA BA'I THA TSIG GO, ,YAN LAG GNYIS DANG GSUM DANG BZHI BOR NAS ZHES BYA BA NI YAN LAG GNYIS BOR NAS BSAM GTAN GNYIS PA RNAM PAR GZHAG STE, DE NA RTOG PA DANG DPYOD PA DAG MED PA'I PHYIR RO, ,YAN LAG GSUM BOR NAS BSAM GTAN GSUM PA RNAM PAR GZHAG STE, DE NA DGA' BA YANG MED PAS SO, ,YAN LAG BZHI BOR NAS BSAM GTAN BZHI PA RNAM PAR GZHAG STE, DE NI BDE BA YANG MED DO, ,'DU SHES LA SOGS PA NI YAN LAG NYID DU BSHAD PA MA YIN NO ZHES BYA BA NI DON 'DU SHES LA SOGS PA NI BSAM GTAN GZHAN DAG LA BOR BA MED PAS SO, ,YANG NA CI'I PHYIR LNGA KHO NA YAN LAG NYID YIN ZHES BYA BA NI GAL TE DON 'DI YIN PAR MI DGONGS NA'O, ,GAL TE PHAN PA'I PHYIR LNGA KHO NA YAN LAG NYID YIN NO ZHE NA, DE NI MA YIN TE RTOG PA DANG DPYOD PA GNYIS PAS DRAN PA DANG SHES RAB DAG CHES PHAN PA'I PHYIR RO, ,JI LTAR DRAN PA DANG SHES RAB DAG PHAN PAR 'DOD PA DE LTAR RTOG PA DANG DPYOD PA DAG NI CHES PHAN PA MA YIN TE, DRAN PA NYE BAR GNAS PA YANG DAG PA JI LTA BA BZHIN RAB TU SHES PA LA ZHUM PA DANG RGOD PA LA SOGS PA MED PA'I PHYIR RO, ,DE LTA BAS NA 'DI NI DPYAD PAR BYA BA YIN NO ZHES BYA BA NI 'DI NI RNAL 'BYOR @295B SPYOD PA'I SA MTHONG BAS DPYOD PAR BYA BA YIN NO ZHES SLOB DPON GYIS DER BLTA BAR KHUNGS 'BYIN PA YIN NO, ,DE LA BSDUS PA'I DON NI 'DI YIN PAR BLTA STE, CHOS GZHAN DAG YOD BZHIN DU CI'I DBANG DU BYAS NAS RTOG PA LA SOGS PA KHO NA YAN LAG NYID DU RNAM PAR GZHAG CE NA DE TZAM GYIS GNYEN PO DANG, PHAN YON DANG, DE GNYI GA'I RTEN GYI YAN LAG YONGS SU RDZOGS PA'I PHYIR RO, ,GZUGS MED PA DAG LA NI YAN LAG RNAM PAR GZHAG PA MED DO, ,ZHI GNAS SU RO GCIG PA NYID KYI PHYIR RO, ,'DI SKAD DU GNYEN PO'I YAN LAG GI PHYIR DANG, PHAN YON GYI YAN LAG GI PHYIR DANG, DE GNYI GA'I RTEN GYI YAN LAG GI PHYIR ZHES BSHAD PA YIN TE, RE ZHIG BSAM GTAN DANG PO LA GNYEN PO'I YAN LAG NI RTOG PA DANG DPYOD PA YIN TE, DE DAG GIS 'DOD PA'I GNOD SEMS DANG, RNAM PAR 'TSE BA SPONG BA'I PHYIR RO, ,PHAN YON GYI YAN LAG NI DGA' BA DANG BDE BA YIN TE, RTOG PA DANG DPYOD PA DAG GIS MI MTHUN PA'I PHYOGS SPANGS NAS DE LAS DBEN PA LAS SKYES PA'I DGA' BA DANG BDE BA 'THOB PA'I PHYIR RO, ,DE GNYI GA'I RTEN GYI YAN LAG NI SEMS RTZE GCIG PA NYID YIN TE, RTEN GYI STOBS KYIS RTOG PA LA SOGS PA 'JUG PA'I PHYIR RO, ,DE BZHIN DU BSAM GTAN GNYIS PA LA GNYEN PO'I YAN LAG NI NANG RAB TU DANG BA YIN TE, DES RTOG PA DANG DPYOD PA SPONG BA'I PHYIR RO, ,DGA' BA DANG BDE BA DANG SEMS RTZE GCIG PA NYID NI YAN LAG LHAG MA DAG YIN TE, SNGA MA BZHIN NO, ,BSAM GTAN GSUM PA LA GNYEN PO'I YAN LAG NI BTANG SNYOMS DANG, DRAN PA DANG, SHES BZHIN YIN TE DE DAG GIS DGA' BA SPONG BA'I PHYIR RO, ,BDE BA DANG SEMS RTZE GCIG PA NYID NI GO RIMS BZHIN DU YAN LAG LHAG MA DAG YIN TE SNGA MA BZHIN NO, ,BSAM GTAN BZHI PA LA GNYEN PO'I YAN LAG NI BTANG SNYOMS YONGS SU DAG PA DANG, DRAN PA YONGS SU DAG PA YIN TE, DE DAG GIS BSAM GTAN DAG NA BDE BA SPONG BA'I PHYIR RO, ,PHAN YON GYI YAN LAG NI BDE BA YANG MA YIN SDUG BSNGAL YANG MA YIN PA'I TSOR BA YIN NO, ,DE GNYI GA'I RTEN GYI YAN LAG NI SEMS RTZE GCIG PA NYID YIN NO, ,RAB TU DANG BA DAD PA YIN, ,ZHES BYA BA NI DAD @296A *, ,PA NYID RAB TU DANG PA YIN PAS RAB TU DANG BA DAD PA YIN NO, ,RDZAS GZHAN MED NA JI LTAR SEMS LAS BYUNG BA NYID DU 'GRUB CES BYA BA NI RTOG PA LA SOGS PA'O, ,SKAL LDAN KHYAD PAR CAN NA RE SEMS LA SNA TSOGS PA YOD PA'I PHYIR SEMS KYI GNAS SKABS KYI BYE BRAG KYANG SEMS LAS 'BYUNG BA YIN TE, YID KYI BRJOD PA TSOL BA'I GNAS SKABS NI RTOG PA'O, ,YID KYI BRJOD PA SO SOR RTOG PA'I GNAS SKABS NI DPYOD PA'O, ,SEMS KYI GNAS SKABS DAG KUN NAS SLONG BAR BYED PA NI RTOG PA'O, ,DE LAS GZHAN PA'I GNAS SKABS NI DPYOD PA'O ZHES ZER RO,, SEMS KYI GNAS SKABS RNAM PAR MA G-YENGS PA NI TING NGE 'DZIN TO, ,SEMS KYI GNAS SKABS RAB TU ZHI BAR 'BYUNG BA NI NANG RAB TU DANG BA'O, ,BSAM GTAN DAG NA YOD PA'I BDE BA NI YID BDE BA YIN PAR MI RUNG BA NYID KYI ZHES BYA BA NI BDE BA'I TSOR BA'I NGO BO NYID DU 'DRAN YID KYI YIN YANG CI'I PHYIR YID BDE BA LA BDE BA ZHES MI BRJOD CE NA, RGYU YOD DE DGA' BA 'DI NI NYE BAR MA ZHI BA YIN PAS DE NI SEMS MNYAM PAR GZHAG PA DE YANG G-YENGS PA LTA BU DANG, KHENGS PA LTA BU DANG, DGA' BA DANG BCAS PA DANG, GAD MO DANG BCAS PA DANG, 'PHYAR BA LTA BUR RNAM PAR 'JOG STE, GANG GI TSE NYE BAR ZHI BAR GYUR PA DE'I TSE SA GZHAN THOB NA DE'I RIGS CAN[?] NYID KYI TSOR BA LA BDE BA ZHES BYA'O, ,NYON MONGS PA LAS DBEN PA MA YIN PA'I PHYIR RO ZHES BYA BA NI DE'I SA PA'I NYON MONGS PA RNAMS LAS MA GROL BA'I PHYIR RO ZHES BYA BA'I THA TSIG GO, ,NYON MONGS PAS RNYOGS PA'I PHYIR RO ZHES BYA BA NI NYON MONGS PA RNAMS KYIS RAB TU MA DANG BA'I PHYIR RO ZHES BYA BA'I THA TSIG GO, ,NYON MONGS PA CAN GYI BDE BAS KUN DU RMONGS PAR BYAS PA'I PHYIR RO ZHES BYA BA NI NYON MONGS PA CAN GYI BDE BAS BSLAD PA'I PHYIR DRAN PA DANG SHES BZHIN MED DO, ,NYON MONGS PAS DRI MA CAN DU BYAS PA'I PHYIR RO ZHES BYA BA NI DE'I SA PA'I NYON MONGS PA RNAMS KYIS DRI MA CAN DU BYAS PA'I PHYIR BTANG SNYOMS DANG DRAN PA YONGS SU RDZOGS PA DAG MED DO, ,DE GNYIS NI DGE BA'I SA MANG PO PA YIN PA'I PHYIR RO ZHES BYA BA NI SHIN TU SBYANGS PA DANG BTANG SNYOMS DAG NI DGE BA'I SA MANG PO PA LAS BYUNG BA STE, DAD DANG @296B BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE LAS 'BYUNG, ,ZHES 'BYUNG BA'I PHYIR RO, ,YANG CI PHYOGS SNGA MA LTAR NA BSAM GTAN NYON MONGS PA CAN DAG LA YANG DE DAG YOD DAM ZHE NA SMRAS PA MED DO,, CI'I PHYIR DE SKAD DU MA BSHAD CE NA, MA BSHAD BZHIN DU 'GRUB PA'I PHYIR RO, ,GZHAN DAG NA RE DGE BA'I SA MANG PO PA SHIN TU SBYANGS PA DANG BTANG SNYOMS DAG MA SMOS PA'I PHYIR DE DAG YOD PA KHO NA'O ZHES ZER RO, ,DBUGS DAG CES BYA BA NI DBUGS 'BYUNG BA DANG, DBUGS RDUB[?] PA DAG STE GNYIS NYID DU RAB TU BSTAN PA'I PHYIR 'DIR GNYIS KYI TSIG TU BSTAN TO, ,GZHAN DAG NA RE RTOG PA DANG DPYOD PA DANG DGA' BA DANG BDE BA DAG GIS G-YO BAR MI 'GYUR BA'I PHYIR ZHES BYA BA NI JI LTAR BSAM GTAN SNGA MA GSUM RTOG PA LA SOGS PAS G-YO BAR BYED DE, BSAM GTAN DANG PO NI RTOG PA DANG DPYOD PA DAG GIS G-YO LA, GNYIS PA NI DGA' BAS, GSUM PA NI BDE BAS G-YO BA, DE LTAR BZHI PA NI SKYON BRGYAD DANG BRAL BA'I PHYIR DE DAG GIS MI G-YO STE, MDO LAS, DPER NA RLUNG MED PA'I MAR ME RLUNG GIS MI G-YO BA DE DANG 'DRA'O ZHES GSUNGS SO ZHES ZER RO,, DANG POR GTOGS ZHES BYA BA NI BSAM GTAN DANG POS BSDUS PA YIN NO, ,SPRUL PA'I SEMS BZHIN DU ZHES BYA BA NI SA DE PA'I SPRUL PA SPRUL PAR 'DOD PA'I SPRUL PA PO GANG DAG YIN PA SA 'OG MA'I SPRUL PA'I SEMS MNGON SUM DU BYED PA DE DANG 'DRA'O, ,DMAN PA'I PHYIR DGE BA YANG MA YIN NO ZHES BYA BA NI BSAM GTAN DANG PO'I SA PA'I DGE BA DE NI BSAM GTAN GNYIS PA'I SA PA BAS DMAN ZHING THA CHAD YIN PAS DE'I PHYIR MNGON SUM DU MI BYED DE, DGONGS PA'I PHYIR DE DAG BSAM GTAN DANG PO'I SA PA MNGON SUM DU BYED KYI GUS PAS NI MA YIN NO, ,DGE BA DE NI RNAM PAR SMIN PA DANG BCAS PA YIN NA DE DAG NI DE'I RNAM PAR SMIN PA DON DU GNYER BA MA YIN PAS DGE BA'I SEMS MNGON DU BYA BA LA 'BAD PA MI BYED DO, ,'DOD CHAGS BRAL, SKYE BA LAS ZHES BYA BA NI 'DOD CHAGS DANG BRAL BAS SO, ,SKYE BAS SHE 'AM ZHES BYA BA'I SGRA MI MNGON PAR BSTAN PA YIN TE, DE DANG MI LDAN PA @297A *, ,NI SA 'OG MA LAS 'DOD CHAGS DANG BRAL BAS BSAM GTAN NAM GZUGS MED PA DAG PA PA 'THOB STE, 'DOD PA LAS 'DOD CHAGS DANG BRAL BAS NI NGES PAR 'BYED PA'I CHA DANG MTHUN BA MA GTOGS PA DAG PA PA DANG PO RNAM PA GSUM 'THOB LA, DE BZHIN DU CI YANG MED PA'I SKYE MCHED LAS 'DOD CHAGS DANG BRAL BAS NI SRID PA'I RTZE MO 'THOB PA'I BAR DU'O, ,SRID PA'I RTZE MO MA GTOGS PA ZHES BYA BA NI DE NI SA 'OG MA LAS 'DOD CHAGS DANG BRAL BA KHO NAS 'THOB BO, ,SA 'OG MAR SKYE BA LAS ZHES BYA BA NI GONG NAS SA 'OG MAR SKYE BA NA DE 'THOB BO, ,SBYOR BA LAS KYANG NGES PAR 'BYED PA'I CHA DANG MTHUN PA'I ZHES BYA BA NI DE'I 'THOB PA DE NI 'DOD CHAGS DANG BRAL BA DANG SKYE BAS BYAS PA MA YIN NO, ,YONGS SU NYAMS PA LAS KYANG NYAMS PA'I CHA DANG MTHUN PA ZHES BYA BA NI, GNAS PA'I CHA DANG MTHUN PA LAS YONGS SU NYAMS NA NYAMS PA'I CHA DANG MTHUN PA 'THOB BO,, DE NYID KYI PHYIR ZHES BYA BA NI GANG GI PHYIR YONGS SU NYAMS PAS KYANG NYAMS PA'I CHA DANG MTHUN PA 'THOB PA'I PHYIR RO, ,DE BZHIN DU YONGS SU NYAMS PA DANG, SKYE BAS 'THOB PA DANG 'DOR BAR 'GYUR BA YANG SBYAR BAR BYA'O, ,JI LTA ZHE NA, DAG PA PA YONGS SU NYAMS PAS 'THOB LA YONGS SU NYAMS PAS 'DOR BA YOD DAM ZHE NA, YOD DO, ,DAG PA PA SKYE BAS 'THOB LA SKYE BAS 'DOR BA YOD DAM ZHE NA, SMRAS PA YOD DO, ,JI LTA ZHE NA, BSAM GTAN DANG PO NYAMS PA'I CHA DANG MTHUN PA'O ZHES BYA BA SMOS TE, BSAM GTAN DANG PO NI TSANGS PA'I 'JIG RTEN SA GSUM GYI KHYAD PAR CAN TE, TSANGS PA'I 'JIG RTEN SKYE BA NA ZHES 'BYUNG BA'I PHYIR RO, ,TSANGS PA'I 'JIG RTEN LAS 'DOD CHAGS DANG BRAL BAS 'DOR RO ZHES BYA BA NI, 'DI LTAR BSAM GTAN DANG PO LAS 'DOD CHAGS DANG BRAL BAS NYAMS PA'I CHA DANG MTHUN PA'I BSAM GTAN NYON MONGS PA DANG MTHUN PA'I PHYIR, DE'I SA PA'I NYON MONGS PA BZHIN DU 'DOR TE, DE'I PHYIR TSANGS PA'I 'JIG RTEN LAS 'DOD CHAGS DANG BRAL BAS 'DOR RO ZHES BYA BA'O, ,RE ZHIG DRI BA DANG PO'I LAN NI DE LTA BU YIN NO, ,TSANGS PA'I 'JIG RTEN LAS 'DOD CHAGS DANG BRAL BA LAS YONGS SU NYAMS PA LAS 'THOB CES BYA BA NI GAL TE @297B TSANGS PA'I 'JIG RTEN LAS 'DOD CHAGS DANG BRAL BA LAS YONGS SU NYAMS PAS YONGS SU NYAMS NA YANG SA DE PA'I NYON MONGS PA BZHIN DU YONGS SU NYAMS PA'I CHA DANG MTHUN PA DE 'THOB BO, ,'DOD PA LAS 'DOD CHAGS DANG BRAL BA LAS YONGS SU NYAMS PA LAS 'DOR RO ZHES BYA BA NI GANG GI TSE 'DOD PA LAS 'DOD CHAGS DANG BRAL BA LAS YONGS SU NYAMS PA DE'I TSE DAG PA PA 'DOR RO, ,GONG NAS TSANGS PA'I 'JIG RTEN DU SKYE BA NA 'THOB CES BYA BA NI BSAM GTAN GNYIS PA LA SOGS PA NAS TSANGS PA'I 'JIG RTEN DU SKYE BA NI DE'I SA PA'I NYON MONGS PA BZHIN DU NYAMS PA'I CHA DANG MTHUN PA 'THOB BO, ,DE NAS 'DOD PA'I KHAMS SU SKYE BA NA 'DOR RO ZHES BYA BA NI CHA NGAS PA'I 'JIG RTEN DE NAS 'DOD PA'I KHAMS SU SKYE BA NA 'DOR RO, ,DBANG PO 'PHO BA LAS KYANG SLOB PA DANG MI SLOB PA 'THOB BO ZHES BYA BA NI DAD PAS MOS PA MTHONG BA THOB PA NYID DU GYUR NA SLOB PA 'THOB LA DUS KYIS RNAM PAR GROL BA YANG MI G-YO BA RTOGS NA MI SLOB PA 'THOB BO, ,MTHAR GYIS PAS MI 'THOB PA'I PHYIR GDON MI ZA BA MA YIN TE ZHES BYA BA NI GAL TE MTHAR GYI SA PA ZHIG MI LCOGS PA MED PA LA BRTEN NAS NGES PA LA 'JUG PA LA NI MI 'THOB BO, ,RANG GI SA PA'I DAG PA PA DANG ZAG PA MED PA DAG CES BYA BA NI LANGS PA'I TSE DANG RGYUN GYI TSE'O, ,BSAM GTAN GNYIS PA DANG GSUM PA'I SA PA'I ZHES BYA BA NI SPEL MA DANG SPEL MA MA YIN PA LUGS BZHIN SNYOMS PAR 'JUG PA DANG THOD RGAL DU SNYOMS PAR 'JUG PA NA'O, ,RANG GI SA PA'I DAG PA PA DANG, ZAG PA MED PA ZHES BYA BA NI SNGA MA BZHIN NO, ,RNAM SHES MTHA' YAS SKYE MCHED KYI SA PA'I YANG DE KHO NA BZHIN TE, LUGS DANG MI MTHUN PAR SNYOMS PAR 'JUG PA NA'O, ,SRID PA'I RTZE MO'I DAG PA PA KHO NA STE, ZAG PA MED PA MED PA'I PHYIR RO ZHES BYA BA NI ZHEN PA'I PHYIR ZAG PA MED PA MED DO ZHES BSHAD DE, LUGS DANG MTHUN PAR SNYOMS PAR 'JUG PA LAS LANGS PA'I TSE DE 'BYUNG NGO, ,BSAM GTAN GSUM PA DANG BZHI PA DANG, DANG PO'I SA PA PA'I ZHES BYA BA NI SPEL MA DANG, SPEL MA MA YIN PA LUGS DANG MTHUN PA DANG LUGS DANG MI MTHUN PA DANG THOD RGAL DU SNYOMS PAR 'JUG PA'I DUS DAG @298A *, ,NA'O; ;NAM MKHA' MTHA' YAS SKYE MCHED DANG BSAM GTAN BZHI PA'I SA PA BZHI ZHES BYA BA NI DUS DE DAG NYID DU 'O, ,GSUM PO ZHES BYA BA NI ZAG PA MED PA MED PA'I PHYIR RO, ,DE BZHIN DU BSAM GTAN DANG GZUGS MED PA GZHAN GYI MJUG THOGS SU YANG RDZAS BCU SBYAR BAR BYA'O ZHES BYA BA NI, 'DI LTA STE, BSAM GTAN GSUM PA'I MJUG THOGS SU BCU STE, RANG GIS PA DAG PA PA DANG ZAG PA MED PA DANG GNYIS DANG BSAM GTAN BZHI PA DANG NAM MKHA' MTHA' YAS SKYE MCHED KYI SA PA BZHI DANG, DE BZHIN DU BSAM GTAN DANG PO DANG GNYIS PA'I SA PA BZHI'O,, BSAM GTAN BZHI PA'I MJUG THOGS SU BCU STE, RANG GI SA PA DAG PA PA DANG ZAG PA MED PA DANG GNYIS DANG, NAM MKHA' DANG RNAM SHES MTHA' YAS SKYE MCHED KYI SA PA BZHI DANG, BSAM GTAN GNYIS PA DANG GSUM PA'I SA PA BZHI'O, ,NAM MKHA' MTHA' YAS SKYE MCHED KYI MJUG THOGS SU BCU STE, RANG GI SA PA GNYIS DANG RNAM SHES DANG CI YANG MED PA'I SKYE MCHED KYI SA PA DANG, BSAM GTAN GSUM PA DANG BZHI PA'I SA PA BZHI 'BYUNG BAS DE LTAR NA BCUR 'GYUR RO, ,RJES SU SHES PA'I MJUG THOGS SU ZHES BYA BA RGYAS PAR 'BYUNG BA NI BSAM GTAN RNAMS NI SA GONG MA DANG 'OG MA LA DMIGS PA'I PHYIR THAL BAR 'GYUR BA YOD PAS 'DI BYE BRAG TU BSHAD DO, ,DE'I RTEN DANG DMIGS PA 'OG MA YIN PA'I PHYIR RO ZHES BYA BA NI 'DI LTAR CHOS SHES PA DE'I RTEN NI 'OG MA YIN TE, 'DOD PA'I KHAMS KYI RTEN CAN YIN LA DMIGS PA YANG 'OG MA YIN TE, 'DOD PA'I SDUG BSNGAL LA SOGS PA LA DMIGS SO, ,DE'I RTEN DANG DMIGS PA 'OG MA YIN PA'I PHYIR CHOS SHES PA'I MJUG THOGS SU GZUGS MED PA DAG LA SNYOMS PAR MI 'JUG GO, ,LHAG MA NI ZAG PA MED PA LAS JI LTA BA BZHIN NO ZHES BYA BA NI LHAG MA JI LTAR ZAG PA MED PA LAS RANG GIS PA'I DAG PA PA DANG ZAG PA MED PA DAG DANG SA GONG MA DANG SA 'OG MA PA GSUM PA'I BAR 'BYUNG BA BZHIN NO, ,BSAMS NAS ZHES BYA BA RGYAS PAR 'BYUNG BA NI, GAL TE 'GA' ZHIG GIS 'DI SNYAM DU BDAG GIS NAM PHYED DAM, ZLA BA SHAR BA'AM ZLA BA NUB PA'I TSE SAD PAR BYA'O SNYAM DU BLO BSKYED NAS NYAL NA RGYUN @298B SNGON GYI BSAM PA'I RJES SU 'JUG PA'I PHYIR DUS DE KHO NAR SAD PAR 'GYUR RO, ,JI LTAR DE LTAR BSAMS NAS NYAL BA DE 'DOD PA'I DUS SU SAD PAR 'GYUR BA LTAR 'DI YANG DE DANG 'DRA 'O, ,RNAM PA THAMS CAD DU MI SKYE'O ZHES BYA BA NI RANG GI SA PA YANG MI SKYE LAS 'OG MA PA YANG MI SKYE'O ZHES BYA BA'I THA TSIG GO; ;SNYOMS PAR 'JUG PA'I DUS KYI PHYIR DE SKAD DU BSHAD KYI ZHES BYA BA NI DAG PA PA DANG NYON MONGS PA CAN GYI MJUG THOGS SU RANG GI SA PA'I NYON MONGS PA CAN KHO NA SKYE'I GZHAN GYI SA PA NI MA YIN NO ZHES BYA BA YIN NO, ,JI SKAD DU ZHE NA, DAG PA LAS, DE BZHIN RANG GIS PA'I NYON MONGS KYANG, ,NYON MONGS CAN LAS RANG DAG DANG, ,NYON MONGS ZHES DE SKAD DU'O, ,SHI 'PHO BA'I TSE NI 'CHI BA'I SRID PA NA'O, ,SKYE BAS THOB PA'I DAG PA PA'I ZHES BYA BA RGYAS PAR 'BYUNG BA NI SKYE BA'I BSAM GTAN DAG NA SKYE BAS THOB PA'I DGE BA MNYAM PAR GZHAG PA MA YIN PA GANG YIN PA DE YANG BSAM GTAN DAG PA PA ZHES BYA BAS DE 'DIR SHI 'PHO BA'I TSE ZHES BYA BA 'DI RGYAS PAR SMOS SO, ,CI'I PHYIR ZHE NA, 'CHI BA'I SRID PA NI MNYAM PAR GZHAG PA MA YIN PA'I PHYIR TE, DE'I TSE SNYOMS PAR 'JUG PA'I BSAM GTAN DAG PA PA MED PAS SO, ,DE'I PHYIR SA THAMS CAD PA'I NYON MONGS PA SKYE'O ZHES BYA BA SMOS TE, NYING MTSAMS SBYOR BA'I SEMS NYON MONGS PA CAN MNYAM PAR GZHAG PA MA YIN PA RANG GI SA PA DANG SA GONG MA PA DANG 'OG MA PA SKYE'O ZHES BYA BA'I THA TSIG GO, ,SA 'OG MA PA NI MA YIN NO ZHES BYA BA NI NYON MONGS PA CAN YOD NA DER SKYE BA MI SRID PA'I PHYIR RO, , KHYAD PAR GYI CHA DANG MTHUN PA MA GTOGS SO ZHES BYA BA NI GONG NA MED PA'I PHYIR RO, ,ZAG PA MED PA NI DE LAS SKYE'O ZHES BYA BA NI NGES PAR 'BYED PA'I CHA DANG MTHUN PA LAS SO, ,NYAMS PA DANG GNAS PA'I CHA DANG MTHUN PA DAG GO ZHES BYA BA NI NYAMS PA'I CHA DANG MTHUN PA NI RGYUN GYI DUS SU'O,, GNAS PA'I CHA DANG MTHUN PA NI KHYAD PAR DU 'GRO BA'I DUS SU'O, ,NYAMS PA'I CHA DANG MTHUN PA MA GTOGS SO ZHES BYA BA NI KHYAD PAR GYI CHA DANG MTHUN PA LAS RNAM PAR NYAMS PA GNAS PA'I CHA DANG MTHUN PA YONGS SU MA BTANG NA DE NYID SKYE BAR RUNG BA'I PHYIR RO, ,DE GCIG PU SKYE'O ZHES BYA BA NI @299A *, ,NES PAR 'BYED PA'I CHA DANG MTHUN PA DE NYID RGYUN GYI TSUL GYIS SO, ,'BRE BA DANG ZHES BYA BA NI GO RIMS BZHIN DU'O ZHES BYA BA NI LUGS DANG MTHUN PA'I GO RIMS BZHIN DANG LUGS DANG MI MTHUN PA'I GO RIMS BZHI DU'O, ,BYED DE ZHES BYA BA NI BYED PA'I MA 'JOG PA ZHES BYA BA'I THA TSIG GO, ,CI'I PHYIR ZHE NA, DMAN PA'I PHYIR, SRID RTZER 'PHAGS PA CI YANG MED, ,CES BYA BA LA, 'PHAGS PA NI ZAG PA MED PA STE, SRID PA'I RTZE MOR SKYES PA NI ZAG PA MED PA'I CI YANG MED PA'I SKYE MCHED MNGON SUM DU BYAS SHING MNGON SUM DU GYUR PA LAS ZAG PA SPONG BAR 'GYUR RO; ;NI ZHES BYA BA'I SGRA NI DMIGS KYIS BSTZAL BA'I DON STON PAR BYED DO, ,RANG GI MED PA'I PHYIR ZHES BYA BA NI SRID PA'I RTZE MO PA'I ZAG PA MED PA'I LAM MED PA'I PHYIR RO ZHES BYA BA'I THA TSIG GO, ,DE YANG NYE BA'I PHYIR RO ZHES BYA BA NI CI YANG MED PA DE NYE BA'I PHYIR TE THAG NYE BA'I PHYIR RO, ,SA RNAMS NI SRED PAS YONGS SU BCAD PA'I PHYIR ZHES BYA BA NI SA GANG GI SRED PA GANG YIN PA DE NI SA DE KHO NA LA RGYAS PAR 'GYUR BA'I PHYIR DES SA DE YONGS SU BCAD PA YIN NO, ,DE LTA MA YIN NA DE GONG MA NYID DU YANG 'GRUB PAR MI 'GYUR BA KHO NA STE, SA GCIG PA'I GNAS GZHAN BZHIN NO, ,DE NYID KYI PHYIR GNAS GZHAN GSUM GSUM PA RNAMS DANG, BRGYAD PO DAG LTAG 'OG TU 'DUG KYANG SA GCIG PA NYID DU 'GRUB STE, SRED PA'I 'CHOL BAR 'GRO BA DANG LDAN PA'I PHYIR RO, ,DGE BA NYID DU THAL BAR 'GYUR BA'I PHYIR ZAG PA MED PA LA YANG MA YIN NO ZHES BYA BA NI DE DON DU GNYER BA NI DGE BA'I CHOS LA 'DUN PA YIN PAS SO, ,GZUGS MED DNGOS GZHI DGE RNAMS KYI, ,SPYOD YUL ZAG BCAS 'OG MA MIN, ,ZHES BYA BA LA GZUGS MED CES SMOS PA NI BSAM GTAN BSTZAL BA'I PHYIR TE, BSAM GTAN DAG NI KUN DU LTA BA YIN PA'I PHYIR DNGOS GZHI YANG BRAG PA DANG BCAS PA'I DGOS PO 'OG MA LA DMIGS PAR 'GYUR RO, ,DNGOS GZHI ZHES SMOS PA NI NYER BSNGOGS BSTZAL BA'I PHYIR TE, GZUGS MED PA'I NYER BSNGOGS DAG NI SA 'OG MA PA ZAG PA DANG BCAS PA LA DMIGS SO, ,DGE BA ZHES SMOS PA NI @299B RO MYANG BA DANG MTSUNGS PAR LDAN PA BSTZAL BA'I PHYIR DANG, GNYI GA DGE BAR BSDU BA'I PHYIR RO, ,GAL TE GZUGS MED PA ZHES BYA BA DE KHO NA ZHIG BRJOD NA NI GZUGS MED PA'I DNGOS GZHI RO MYANG BA DANG MTSUNGS PAR LDAN PA DAG KYANG SPYOD YUL ZAG PA MED PA 'OG MA CAN YIN NO ZHES BYA BA SRID PAR 'GYUR BAS 'DI SKAD DU GZUGS MED PA ZAG PA DANG BCAS PA DAG CES 'DZIN PAR 'GYUR RO, ,ZAG BCAS ZHES SMOS PA NI ZAG PA MED PA BZLOG PA'I PHYIR TE, CHOS 'OG MA ZAG PA MED PA DAG NI GZUGS MED PA'I DNGOS GZHI DGE BA RNAMS KYI DMIGS PAR 'GYUR RO, ,'OG MA ZHES SMOS PA NI GONG MA LAS KHYAD PAR DU BYA BA'I PHYIR TE, ZAG PA DANG BCAS PAS GONG MA PA NI DMIGS PAR SRID PA'I PHYIR RO, ,DMIGS PA ZAG PA MED PA NI ZHES BYA BA SMOS NAS, RJES SU SHES PA'I PHYOGS DANG MTHUN PA YIN ZHES BYA BA STON TE, RJES SU SHES PA'I PHYOGS DANG MTHUN PA ZHES BYA BA LA, PHYOGS DANG MTHUN PA ZHES SMOS PAS NI SDUG BSNGAL LA SOGS PA LA RJES SU SHES PA'I BZOD PA DAG DANG DE DAG DANG, LHA CIG 'BYUNG BA RNAMS BZUNG NGO, ,THAMS CAD CES BYA BA NI DBANG PO DANG RIGS LA SOGS PA'I BYE BRAG GIS THA DAD PAS DGU PA RIL GZUNG NGO,, CHOS SHES PA'I PHYOGS DANG MTHUN PA YANG MA YIN TE, 'DOD PA SDUG BSNGAL LA SOGS PA LA DMIGS PA NYID KYIS THAG RING BA'I PHYIR RO, ,SA 'OG MA PA'I 'GOG PA YANG MA YIN NO ZHES BYA BA NI GONG DU SA 'OG MA LA 'DZIN PAR THAL BAR 'GYUR RO ZHES RNAM PAR BSHAD ZIN TO,, ZAG PA MED PAS NYON MONGS PA RNAMS SPONG NGO ZHES BYA BA NI BSAM GTAN DANG GZUGS MED PA RNAMS LA ZAG PA MED PA GANG ZHIG SRED PA DES NYON MONGS PA RNAMS CI RIGS PAR SPONG NGO, ,ZAG PA MED PA GANG GIS SHE NA, DNGOS GZHIS TE, NYER BSDOGS[?] NI NYER BSDOGS[?] PAS KYANG ZHES DMIGS KYIS BSTZAL BA'I NGO BOR 'CHAD PAR 'GYUR RO, ,DAG PA PAS KYANG MI SPONG NA, ,ZHES BYA BA NI NYON MONGS PA RNAMS MI SPONG NA ZHES BYA BA'I THA TSIG DBANG DU BYAS PA YIN NO, ,NYON MONGS CAN GYIS LTA SMOS KYANG CI DGOS ZHES BYA BA NI NYON MONGS PA CAN GYIS NYON MONGS PA SPONG PA MI SRID @300A *, ,PA KHO NA'O SNYAM DU BSAMS PA YIN NO, ,CI'I PHYIR DAG PA PAS NYON MONGS PA DAG MI SPONG ZHE NA, 'DOD CHAGS DANG BRAL BA'I PHYIR 'OG MA PA LA YANG MA YIN ZHES BYA BA RGYAS PAR PAR SMOS TE, SA 'OG MA LAS 'DOD CHAGS DANG BRAL BA'I PHYIR DAG PA LAS KYANG SA 'OG MA BA'I NYON MONGS PA RNAMS MI SPONG NA NYON MONGS PA CAN GYIS LTA SMOS KYANG CI DGOS, DE NYID DE'I GNYEN PO MA YIN PA NYID KYI PHYIR RANG GI SA NA YOD PA YANG MA YIN NO ZHES BYA BA NI BSAM GTAN DANG PO NAS 'DU SHES MED 'DU SHES MED MIN SKYE MCHED KYI BAR DE NYID DE'I GNYEN PA MA YIN PA'I PHYIR RO,, DE'I GNYEN PO MA YIN PA NI DE'I GNYEN PO MA YIN PA'O, ,DE'I NGO BO NI NYID DE, DE'I GNYEN PO MA YIN PA NYID KYI PHYIR RANG GI SA NA YOD PA'I NYON MONGS PA RNAMS SPONG BAR MI 'GYUR TE, SRID PAS SRID PA LAS NGES PAR 'BYUNG BA NI MA YIN NO, ,CHES KHYAD PAR DU 'PHAGS PA'I PHYIR GONG MA YANG MA YIN NO ZHES BYA BA NI SA GONG MA PA'I NYON MONGS PA RNAMS NI SA 'OG MA PA'I DAG PA PAS MI SPONG STE, NYONG MONGS PA RNAMS CHES KHYAD PAR DU 'PHAGS PA'I PHYIR RO, ,DMAN PA LA BRTEN NAS KHYAD PAR CAN RNAMS SPONG BAR NI RUNG BA MA YIN TE, DE'I PHYIR DAG PA PAS KYANG NYON MONGS PA RNAMS MI SPONG NA NYON MONGS PA CAN GYIS LTA SMOS KYANG CI DGOS ZHES BYA BA 'DI GRUB PA YIN NO, ,DAG PA PAS KYANG ZHES BYA BA LA, KYANG ZHES BYA BA'I SGRAS NI ZAG PA MED PAS KYANG ZHES BYA BA YIN TE, SRID PA'I SGO NAS DE SKAD DU BSHAD PA YIN NO, ,DE NYID KYI PHYIR SA 'OG MA PA'I GNYEN PO YIN PA'I PHYIR RO ZHES BYA BA SMOS TE, 'DOD PA NA SPYOD PA'I NYON MONGS PA RNAMS NI BSAM GTAN DANG PO'I NYER BSDOGS KYIS SPONG LA, BSAM GTAN DANG PO'I SA PA RNAMS NI BSAM GTAN GNYIS PA'I NYER BSDOGS KYIS SPONG BA NAS DE BZHIN DU CI YANG MED PA'I SKYE MCHED PA RNAMS NI 'DU SHES[?] MED 'DU SHES MED MIN SKYE MCHED KYI NYER BSNGOGS KYIS SPONG BA'I BAR DU'O, ,GANG GIS DE LA 'JUG PA ZHES BYA BA NI NYER BSNGOGS GANG GIS BSAM GTAN DANG GZUGS MED PA'I DNGOS GZHI DE DAG LA 'JUG PA'O, ,CI DE DAG KYANG RNAM PA GSUM YIN LA ZHES BYA BA NI RO MYONG PA DANG MTSUNGS @300B PAR LDAN PA LA SOGS PA'I BYE BRAG GIS SO, ,DE DAG LA TSOR BA YANG DE DANG 'DRA BAR YOD DAM ZHES BYA BA NI CI BSAM GTAN DANG PO DANG GNYIS PA NA NI DGA' BA YOD LA, GSUM PA LA NI NI BDE BA, BZHI PA LA NI BTANG SNYOMS ZHES BSHAD PA LTAR NYER BSDOGS DAG LA YANG DE DANG 'DRA 'AM ZHES BYA BA YIN NO, ,BTANG SNYOMS KYI DBANG PO DANG MTSUNGS PAR LDAN PA DAG KYANG YIN TE 'BAD DE DRANG BAR BYA BA YIN PA'I PHYIR ZHES BYA BA NI MNGON PAR 'DU BYA BA MED PAR 'BYUNG BA'I LAM NI DGA' BA DANG BDE BA DAG DANG MTSUNGS PAR LDAN PA YIN NA, NYER BSDOGS DE DAG NI 'BAD DE DRANG DGOS PAS MNGON BAR 'DU BYA BA DANG BCAS PAR 'BYUNG BA YIN TE, DE'I PHYIR BTANG SNYOMS KYI DBANG PO DANG MTSUNGS PAR LDAN PA YIN NO, ,YANG SA 'OG MA LAS YID BYUNG BA DANG MA BRAL BA'I PHYIR DGA' BA DANG BDE BA DAG DANG MI LDAN TE, DE'I PHYIR YANG BTANG SNYOMS KYI DBANG PO DANG MTSUNGS PAR LDAN NO, ,'DOD CHAGS DANG BRAL BA'I LAM YIN PA'I PHYIR RO MYANG BA DANG MTSUNGS PAR LDAN PA MA YIN NO, ,GAL TE RO MYANG BA DANG MTSUNGS PAR LDAN PAR GYUR NA, 'DOD CHAGS DANG BRAL LAM YIN BAR MI 'GYUR TE, SRED PA DANG MTSUNGS PAR LDAN PA'I LAM GYIS NI NYON MONGS PA SPONG BAR MI 'GYUR RO, ,YANG NA 'DI LTAR SBYAR TE, 'BAD DE DRANG BAR BYA BA YIN PA'I PHYIR BTANG SNYOMS KYI DBANG PO DANG MTSUNGS PAR LDAN PA DAG KYANG YIN LA, SA 'OG MA LAS YID BYUNG BA DANG MA BRAL BA'I PHYIR DANG, 'DOD CHAGS DANG BRAL BA'I LAM YIN PA'I PHYIR ZHES BYA BAR RGYU GNYIS KYIS RO MYANG BA DANG MTSUNGS PAR LDAN PA MA YIN NO ZHES BYA BA YIN NO, ,LHAG MA NI SNGA MA BZHIN DU BRJOD DO, ,NYER BSNGOGS KYI SEMS KYIS NYING MTSAMS SBYOR BA NYON MONGS PA CAN YIN MOD KYI ZHES BYA BA NI BSAM GTAN DANG GZUGS MED PA BRGYAD CAR NA YANG GANG GI NYER BSNGOGS GANG YIN PA DE'I NYER BSDOGS KYI SEMS NYON MONGS PA CAN MNYAM PAR GZHAG PA MA YIN PA DES NYING MTSAMS SBYOR RO ZHES BYA BA 'DI NI GRUB PA'I MTHA' YIN NO, ,DE'I PHYIR 'DI SKAD DU NYER BSDOGS KYI SEMS KYIS NYING MTSAMS SBYOR BA NYON MONGS PA CAN YIN MOD KYI ZHES BYA BA @301A *, ,RGYAS PAR SMOS SO, MI LCOGS PA MED PA RO MYANG BA DANG MTSUNGS PAR YANG 'DOD DO ZHES BYA BA NI MI LCOGS PA MED PA NI BSAL BA'I PHYIR JI LTAR DE ZAG PA MED PA YANG SRID PA DE BZHIN DU RO MYANG BA DANG MTSUNGS PAR LDAN PA YANG YIN NO SNYAM DU BSAMS PA'O, ,SLOB DPON 'DUS BZANGS NA RE DNGOS GZHI LA SNYOGS PA'I PHYIR RO MYANG BA'I SNYOMS PAR 'JUG PA YOD PA'I PHYIR RO ZHES ZER RO, ,BSAM GTAN GYI KHYAD PAR YIN PA'I PHYIR RO ZHES BYA BA NI BSAM GTAN DANG PO'I DNGOS GZHI DE NYID RTOG PA DANG BRAL BAS KHYAD PAR DU 'PHAGS PAR GYUR PA LA BSAM GTAN KHYAD PAR CAN ZHES BYA BA'I THA TSIG GO, ,KHYAD PAR MED PA'I PHYIR ZHES BYA BA NI JI LTAR BSAM GTAN DANG PO LA KHYAD PAR YOD DE, LA LAR NI RTOG PA DANG DPYOD PA DAG ,LA LAR NI DPYOD PA KHO NA YIN PA LTAR GNYIS PA LA SOGS PA LA NI DA LTA MA YIN PAS DE'I PHYIR BSAM GTAN GNYIS PA LA SOGS PA LA BSAM GTAN KHYAD PAR CAN RNAM PAR MI GZHAG GO, ,DE GNYIS KYI PHYIR LAM DKA' BA YIN NO ZHES BYA BA NI MNGON PAR 'DU BYA BA DANG BCAS PAS DRANG BA YIN PA DE NYID KYI PHYIR RO, ,RTOG PA TZAM ZHIG BKAG PA'I PHYIR ZHES BYA BA NI, RTOG MED BSAM GTAN KHYAD PAR CAN, ,ZHES SMOS PA'I PHYIR RO, ,DE LA DMIGS PA'I TING NGE 'DZIN MTSAN MA MED PA'I TING NGE 'DZIN YIN TE ZHES BYA BA NI MTSAN MA MED PA LAS BYUNG BAS NA MTSAN MA MED PA'O, ,RNAM PA BCU YIN NO ZHES BYA BA NI MI RTAG PA DANG SDUG BSNGAL GYI RNAM PA STE GNYIS DANG KUN 'BYUNG GI RNAM PA BZHI DANG, LAM GYI RNAM PAR BZHI STE, DE DAG NI RNAM PA BCU YIN NO, ,MI RTAG PA DANG SDUG BSNGAL BA DANG DE'I RGYU DAG GIS YID 'BYUNG BA'I PHYIR ZHES BYA BA NI MI RTAG PA DANG SDUG BSNGAL BA DANG DE'I RGYU STE SDUG BSNGAL DE'I RGYU KUN 'BYUNG BAS YID 'BYUNG BA'I PHYIR RO, ,CI ZHE NA SMON PA MED PA YIN TE, 'KHOR BA MA BYAS PA YIN ZHES BYA BA'I THA TSIG GO, ,LAM YANG GDON MI ZA BAR GZINGS LTA BUR DOR BAR BYA BA YIN PA NYID KYI PHYIR DE GZINGS ZHES BYA BA NI GZINGS SO, ,'DI LA DE DANG 'DRA BA YIN PAS NA LAM NI GZINGS LTA BU'O, ,DE'I NGO BO NI NYID DE, LAM NI GZINGS LTA BU'I PHYIR GDON MI ZA BAR DOR BAR @301B BYA BA NYID YIN NO, ,DE LTA BAS NA SMON PA MED PA YIN NO ZHES BYA BA'I DBANG DU BYAS PA STE, ,DPER NA GZINGS LA BRTEN NAS CHU BO RGAL BA NI DE GDON MI ZA BAR DOR PAR BYA BA YIN PA'I PHYIR GZINGS LA 'CHEL TE MI 'DUG PA DE BZHIN DU LAM LA BRTEN NAS RGAL BA YANG DE GDON MI ZA BAR DOR BAR BYA BA YIN PA'I PHYIR LAM LA 'CHEL TE MI 'DUG GO, ,DE'I RNAM PA CAN ZHES BYA BA NI DE DAG GI RNAM PA BCU PO JI SKAD DU BSHAD PA CAN NO, ,DE LAS 'DA' BAR MNGON DU PHYOGS PA'I PHYIR RO ZHES BYA BA NI LAM DE LAS 'DA' BAR MNGON DU PHYOGS PA'I PHYIR TE, 'DIS NI DE GDON MI ZA BAR SPONG BAR BYA BA NYID DU STON TO, , MI RTAG PA DANG SDUG BSNGAL BA DANG DE'I RGYU LAS 'DA' BAR MNGON DU PHYOGS PA ZHES BYA BA DE NI MA BSHAD KYANG KHONG DU CHUD PA NYID DO, ,STONG PA DANG BDAG MED PA DAG GIS NI YID MI 'BYUNG NGO ZHES BYA BA NI STONG PA DANG BDAG MED PA'I RNAM PA DAG GIS NI RNAL 'BYOR PA YID 'BYUNG BAR MI 'GYUR RO, ,SDUG BSNGAL GYI BDEN PA LA STONG PA DANG BDAG MED PA'I RNAM PA DAG TU DMIGS MOD KYI DE DAG GIS SDUG BSNGAL DE LAS YID 'BYUNG BA NI MA YIN NO, ,DE CI'I PHYIR ZHE NA, MYA NGAN LAS 'DAS PA DANG 'DRA BA'I PHYIR TE, STONG PA DANG BDAG MED PA DAG NI CHOS THAMS CAD KYI MTSAN NYID YIN PAS MYA NGAN LAS 'DAS PA YANG STONG PA DANG BDAG MED PA'I MTSAN NYID YIN NA, DE DAG GIS MYA NGAN LAS 'DAS PA DE LAS YID 'BYUNG BA YANG MA YIN NO, ,DE LTA BAS NA SMON PA MED PA'I TING NGE 'DZIN NI DE DAG GI RNAM PA CAN MA YIN NO, ,'JIG RTEN PA RNAMS NI SA BCU GCIG NA YOD DO ZHES BYA BA NI 'DOD PA'I KHAMS DANG MI LCOGS PA MED PA DANG BSAM GTAN KHYAD PAR CAN DANG BSAM GTAN DANG GZUGS MED PA DAG NA'O, ,GANG NA LAM YOD PA NA YOD DO ZHES BYA BA NI 'DOD PA'I KHAMS DANG SRID PA'I RTZE MO DANG BSAM GTAN GNYIS PA LA SOGS PA'I NYER BSNGOGS MA GTOGS PA'I SA RNAMS NA'O, ,THAR PA'I SGO YIN PA'I PHYIR ZHES BYA BA NI SGO'I DON NI SGO MO'I DON TO ZHES STON TO, ,STONG PA NYID LA SOGS PA LA DMIGS PA'I PHYIR DE SKAD CES BYA'O ZHES BYA BA NI STONG PA NYID DANG SMON PA MED PA DANG, MTSAN MA MED PA LA DMIGS PA'I PHYIR STONG PA NYID STONG PA NYID DANG, SMON PA MED PA SMON PA MED PA DANG, MTSAN MA MED @302A *, ,MED PA MTSAN MA MED PA ZHES BYA'O, ,STONG PA DANG MI RTAG PAR ZHES BYA BAR NI GRANGS BZHIN DU STONG PA NYID STONG PA NYID NI MI SLOB PA'I STONG PA NYID KYI TING NGE 'DZIN LA 'DI NI BDAG GI MA YIN NO ZHES STONG PA NYID KYI RNAM PAR DMIGS KYI BDAG MED PA'I RNAM PAR NI MA YIN NO,, SMRAS PA 'DIR STONG PA NYID STONG PA NYID KYI TING NGE 'DZIN NI STONG PA'I RNAM PA KHO NA YIN GYI, STONG PA NYID LTAR BDAG MED PA'I RNAM PA YANG YIN PA NI MA YIN PA GANG YIN PA DE CI'I PHYIR ZHE NA, 'DIR SMRAS PA STONG PA NYID KYI RNAM PAR ZHUGS PA'I STONG PA NYID KYI RJES LA BSKYED PAR BYA BA YIN PA'I PHYIR RO, ,SMRAS PA CI'I PHYIR STONG PA NYID KYI RNAM PAR ZHUGS PA'I STONG PA NYID KYI RJES LAS SKYE'I, BDAG MED PA'I RNAM PAR ZHUGS PA'I STONG PA NYID KYI RJES LAS MA YIN ZHE NA, 'DIR SMRAS PA DE SKYE BA DANG MTHUN PA'I PHYIR TE STONG PA NYID KYI RNAM PA CAN GYI STONG PA NYID KYI TING NGE 'DZIN DE KHO NA STONG PA NYID STONG PA NYID KYI TING NGE 'DZIN DE SKYE BA DANG MTHUN PAR GNAS KYI BDAG MED PA'I RNAM PA NI MA YIN NO, ,JI LTAR STONG PAR MTHONG BA DE BZHIN DU BDAG MED PAR MTHONG BA NI SKYO BAR BYED PA MA YIN TE, SRID PA DAG LA BDAG MED PAR MTHONG BZHIN DU YANG STONG PAR MA MTHONG BA'I PHYIR 'KHOR BA LA MNGON PAR DGA' BA YOD DE, DPER NA LAM DU ZHUGS PA NI 'DRON PO NGO MI SHES PA MTHONG BAS KYANG DGA' LA GCIG PU NI DES STONG PA'I PHYIR MI DGA' BA DE DANG 'DRA'O, ,BAM PO LNGA BCU DGU PA, MI RTAG PA'I RNAM PAR DMIGS SO ZHES BYA BA NI RNAM PA BCU'I NANG NAS SO, ,SDUG BSNGAL BAR YANG MA YIN LA ZHES BYA BA RGYAS PAR 'BYUNG BA NI ZAG PA MED PA NI DE'I MTSAN NYID MA YIN PA'I PHYIR SDUG BSNGAL DU MI DMIGS TE, 'PHAGS PA DANG MI MTHUN PA NYID KYIS SDUG BSNGAL DU 'DOD DO, ,ZAG PA MED PA NI DE'I MTSAN NYID MA YIN PA NYID KYI PHYIR RGYU DANG KUN 'BYUNG BA DANG, RAB TU SKYE BA DANG RKYEN GYI RNAM PA DAG TU YANG MA YIN TE, ZAG PA MED PA NI KUN MI 'BYUNG BA LA SOGS PA'I MTSAN NYID YIN PA'I PHYIR RO ZHES BYA BA'I THA TSIG GO, ,LAM GYI RNAM PA RNAMS SU YANG MA YIN TE, SUN DBYUNG BAR BYA BA YIN PA'I PHYIR ZHES BYA BA NI MI SLOB PA'I TING NGE 'DZIN DE NI SUN DBYUNG BAR BYA BA YIN NA, LAM GYI RNAM PA @302B DAG KYANG SUN 'BYIN PA'I NGO BO MA YIN PAS DE'I PHYIR TING NGE 'DZIN DE LA LAM GYI RNAM PA DAG TU MI DMIGS SO, ,'GOG PA'I RNAM PA DAG TU NI 'BREL PA MED PA NYID PAS DE DAG TU NI MI BSAM MO, ,LHAG MA NI MI RTAG PA'I RNAM PA KHO NAR RO, ,MA BRTAGS ZAD PA LA ZHES BYA BA NI SO SOR MA BRTAGS PAS 'GOG PA LA ZHES BYA BA'I THA TSIG STE, MI SLOB PA'I MTSAN MA MED PA'I TING NGE 'DZIN GYIS SO SOR MA BRTAGS PAS 'GOG PA LA 'DI NI ZHI BA'O ZHES ZHI BAR DMIGS SO, ,DE'I SO SOR MA BRTAGS PAS 'GOG PA JI LTA BU ZHE NA, MI SLOB PA'I MTSAN MA MED PA'I TING NGE 'DZIN LAS LANGS PA LA DE'I RJES LA ZAG PA DANG BCAS PA'I SKAD CIG MA DANG ZAG PA MED PA GZHAN 'DA' BA GANG DAG YIN PA STE, GAL TE DE DAG BYUNG BAR MA GYUR NA MI SLOB PA'I MTSAN MA MED PA'I SKAD CIG MA RNAMS 'BYUNG BAR 'GYUR RO, ,ZAG PA DANG BCAS PA DANG ZAG PA MED PA GZHAN DE DAG SKYE BA'I DUS NA MI SLOB PA'I MTSAN MA MED PA'I SKAD CIG MA DE DAG RKYEN MA TSANG BAS SO SOR MA BRTAGS PAS 'GOG PAR 'GYUR TE, SO SOR MA BRTAGS PAS 'GOG PA DE LA ZHI BA'I RNAM PAR DMIGS SO, ,ZAG PA MED PA LA SO SOR BRTAGS PAS 'GOG PA MED PA'I PHYIR SO SOR BRTAGS PAS 'GOG PA LA MI DMIGS SO,, CI'I PHYIR ZAG PA MED PA LA SO SOR BRTAGS PAS 'GOG PA MED CE NA, MI MTHUN PA MED PA'I PHYIR TE, GANG ZHIG 'PHAGS PA RNAMS DANG MI MTHUN PA DE NI LDAN BA BRAL BAR BYA BA'I PHYIR DE DAG SGRIM MO, ,BRAL BA YANG SO SOR BRTAGS PAS 'GOG PA YIN TE, DE'I PHYIR ZAG PA MED PA LA SO SOR BRTAGS PAS 'GOG PA MED DO, ,GZHAN YANG MI SLOB PA'I MTSAN MA MED PA'I TING NGE 'DZIN LA SO SOR BRTAGS PAS 'GOG PA MED PA'I PHYIR DANG SO SOR MA BRTAGS PAS 'GOG PA YANG DE'I PHYIR RGOL BAR 'GYUR BA'I PHYIR DE LA DGA' BA KHO NAS DE RNAM PAR SUN 'BYIN PAR 'DOD PA NA, DE'I SO SOR MA BRTAGS PAS 'GOG PA KHO NA LA DMIGS TE, 'JIG RTEN NA YANG DGRA DANG BSDONGS NAS GSAD PAR BYA BA GSOD PA SNANG NGO, ,'GOG PA DANG GYA NOM PA DANG, NGES PAR 'BYUNG BA'I RNAM PAR NI MA YIN TE ZHES BYA BA NI 'DI LTAR MI RTAG PA NYID KYI 'GOG PA DANG THUN MONG YIN TE, DE'I NGO BO NI NYID DE, MI RTAG PA NYID KYI 'GOG PA @303A *, ,DANG THUN MONG YIN PA NYID DE, DE'I PHYIR SO SOR MA BRTAGS PAS 'GOG PA 'DI LA 'GOG PA'I RNAM PAR MI DMIGS SO, ,DE LTA MA YIN NA DE LA ZHI BA'I RNAM PAR KHYAD PAR DU 'PHAGS PA DMIGS PAR MI 'GYUR RO, ,'GOG PA'I RNAM PAS NI MI RTAG PA NYID KYI 'GOG PA KHO NAS SO SOR MA BRTAGS PAS 'GOG PA DE SUN PHYUNG BA NYID DU 'GYUR LA, DE SUN PHYUNG NA YANG MI SLOB PA'I MTSAN MA MED PA'I TING NGE 'DZIN SUN PHYUNG BAR MA GYUR TO SNYAM DU BSAMS PA YIN NO, ,SO SOR MA BRTAGS PAS 'GOG PA NI LUNG DU MA BSTAN PA YIN PA'I PHYIR GYA NOM PA'I RNAM PAR YANG MA YIN TE, GYA NOM PA NI DGE BA YIN GYI LUNG DU MA BSTAN PA NI MA YIN PAS DE'I PHYIR GYA NOM PA'I RNAM PAR MI DMIGS SO, ,SO SOR MA BRTAGS PAS 'GOG PA NI BRAL BA MA YIN PA'I PHYIR NGES PAR BYUNG BA'I RNAM PAR MI DMIGS TE, KUN NAS NYON MONGS PA DANG BRAL BA NI KUN NAS NYON MONGS PA LAS NGES PAR 'BYUNG BA YIN PAR 'DOD DO, ,DE LTA BAS NA SO SOR MA BRTAGS PAS 'GOG PAS 'KHOR BA LAS NGES PAR BYUNG BA MA YIN TE, 'DI LTAR CHOS DGE BA DANG MI DGE BA KHA CIG GI SO SOR MA BRTAGS PAS 'GOG PA YOD BZHIN DU DE DAG GI THOB PA MA CHAD PA'I PHYIR DE DAG DANG LDAN PA KHO NA YIN NO, ,'PHAGS PA'I LAM LA SDANG BA'I PHYIR ZHES BYA BA JI LTAR SDANG ZHE NA, STONG PA NYID LA SOGS PA'I RNAM PAS DE LA RGYAB KYIS PHYOGS PA'I PHYIR RO, ,MI G-YO LA ZHES BYA BA'I MI G-YO BA'I CHOS CAN LA STE, DBANG PO RNO BA'I PHYIR DE SKYED PA'I MTHU YOD KYI DGRA BCOM PA GZHAN LA NI MA YIN NO, ,DE DAG GI MTHONG BA'I CHOS LA BDE BAR GNAS PAR 'GYUR BA'I PHYIR KUN DU CHAGS PA'I GNAS SU 'GYUR BA MI SLOB PA'I STONG PA NYID LA SOGS PA'I TING NGE 'DZIN DAG LA RGYAB KYIS PHYOGS PAR BYA BA'I PHYIR TING NGE 'DZIN GZHAN DAG LA SNYOMS PAR 'JUG GO, ,RGYA CHER 'BYUNG ZHES BYA BA NI MDO LAS TING NGE 'DZIN BSGOM PA KUN DU BSTEN GOMS PAR BYAS LAN MANG DU BYAS NA MTHONG BA'I CHOS LA BDE BAR GNAS PAR 'GYUR BA YANG YOD CES BYA BA NAS, TING NGE 'DZIN BSGOM PA KUN DU BSTEN GOMS PAR BYAS LAN MANG DU BYAS NA ZAG PA ZAD PAR 'GYUR BA YANG YOD CES BYA BA'I BAR 'BYUNG BA YIN NO, ,DE LA KUN DU BSTEN PA NI BSTEN PA BSDOMS PAS SO, ,GOMS PAR BYAS PA NI MI MTHUN PA SPANGS @303B PAS SO, ,LAN MANG DU BYAS PA NI MI MTHUN PA THAG BSRING BAS SO, ,DE DANG PO YIN PA'I PHYIR GZHAN DANG GZHAN DAG KYANG YIN PAR SHES PAR BYA'O ZHES BYA BA NI DPER BRJOD PA'I NGO BO YIN PA'I PHYIR RO, ,TSE PHYI MA LA BDE BAR GNAS PAR 'GYUR BA NI NGES PA MED CES BYA BA LA, TSE PHYI MA NI MA 'ONGS PA'I SKYE BA'O, ,DER BDE BAR GNAS PA STE, 'DI NI DE'I CHED DU GDON MI ZA BA MA YIN NO, ,CI'I PHYIR ZHE NA SMRAS PA, BSAM GTAN DANG PO LAS NYAMS PA RNAMS DANG, GNYIS PA LA SOGS PAR SKYES PA RNAMS DANG, YONGS SU MYA NGAN LAS 'DAS PA RNAMS LA TSE PHYI MA LA BDE BAR GNAS PA MED PA'I PHYIR RO, ,SHES PA MTHONG BAR 'GYUR BA ZHES BYA BA NI SHES PAR 'GYUR BA DANG, MTHONG BAR 'GYUR BA ZHES BYA BA'I THA TSIG BSDU'O, ,DE LA SHES PA NI YID KYI RNAM PAR SHES PA DANG MTSUNGS PAR LDAN PA'I SHES RAB STE, SEMS CAN 'DI DAG NI LUS KYI NYES PAR SPYOD PA DANG LDAN PA'O ZHES BYA BA DE LTA BU LA SOGS PAR RNAM PAR RTOG PA'O, ,MTHONG BA NI MIG GI RNAM PAR SHES PA DANG MTSUNGS PAR LDAN PA'I SHES RAB RTOG PA MED PA'O, ,SMRAS PA LHA'I MIG GI MNGON PAR SHES PA NI SHES PA MTHONG BAR 'GYUR BA YIN NO ZHES BSHAD PA LHA'I MIG GI MNGON PAR SHES PA NI TING NGE 'DZIN BSGOM PA MA YIN NO ZHE NA, 'DIR SMRAS PA 'DI NI 'BRAS BU LA RGYU BTAGS PA YIN TE, RGYU TING NGE 'DZIN BSGOM PA GANG GI 'BRAS BU LHA'I MIG GI MNGON PAR SHES PA YIN PA'I 'BRAS BU DE LA SHES PA MTHONG BAR 'GYUR BA'I TING NGE 'DZIN BSGOM PA YIN NO ZHES RGYU NYE BAR BTAGS SO, ,GANG DAG GI PHYOGS, RNAM GROL LAM BLO RNAM PA DRUG ,CES BYA BA 'DI YIN BA DE DAG GI LTAR NA NI MNGON PAR SHES PA DRUG YID KYI RNAM PAR GROL BA'I LAM BSAM GTAN GYIS BSDUS PA KHO NA YIN PAS DE NI KLAN KAR MI RUNG BA NYID DE, RNAM PAR GROL BA'I LAM DE DAG NI MNYAM PAR GZHAG PA YIN PA'I PHYIR RO, ,CHOS MNGON PA'I MDZOD SEMS PA RNAMS KYI LTAR NA NI PHYOGS GONG MA KHO NA LTAR KHONG DU CHUD PAR BYA STE, LHA'I MIG DANG RNA BA'I RNAM PAR SHES PA DAG MNGON PAR SHES PA NYID DU 'DOD PA'I PHYIR RO, KHAMS GSUM PA DANG ZAG PA MED PA ZHES BYA BA LA, KHAMS GSUM PA NI MI SDUG PA DANG DBUGS RNGUB PA DANG 'BYUNG BA DRAN PA DANG, NYON MONGS PA MED PA DANG, SMON NAS SHES PA DANG, SO SO YANG DAG PAR REG @304A *, ,PA DANG, MNGON PAR SHES PA DANG, RNAM PAR THAR PA DANG, ZIL GYIS GNON PA'I SKYE MCHED LA SOGS PA'O, ,ZAG PA MED PA NI RNAM PAR THAR PA'I SGO DANG THOD RGAL GYI SNYOMS PAR 'JUG PA DANG, ZAG PA ZAD PA'I MNGON PAR SHES PA LA SOGS PA STE, 'DIR NI TING NGE 'DZIN DANG MTSUNGS PAR LDAN PA'I PHYIR SBYOR BA LAS BYUNG BA'I YON TAN RNAMS LA TING NGE 'DZIN BSGOM PA'O ZHES BYA BAR NYE BAR BTAGS PA YIN NO, ,SHES RAB RAB TU RNAM PAR DBYE BAR 'GYUR BA ZHES BYA BA NI SHES RAB KYI KHYAD PAR PHUL DU PHYIN PAR 'GYUR BA'O, ,BCOM LDAN 'DAS KYIS CHOS STON PA 'DI NI BDAG NYID LA NYE BAR GTOD PA YIN TE ZHES BYA BA LA, ,RANG LA NYE BAR GTOD PA NI BDAG NYID LA NYE BAR GTOD PA'O, ,BDAG NYID KYI DBANG DU MDZAD DE BSHAD CES BYA BA'I THA TSIG STE, BYANG CHUB SEMS DPA' LAS KYI MTHA' LA GZIGS PA'I CHED DU PHYIR BYUNG STE, SHING 'DZAM BU'I DRUNG DU BSAM GTAN DANG PO BSKYED DO, ,BYANG CHUB KYI SHING DRUNG DU NI THUN DANG PO LA LHA'I BU'I BDUD BCOM NAS LHA'I SPYAN BSKYED DE, LHA'I SPYAN DES 'CHI 'PHO BA DANG SKYE BA'I GNAS NYAM NGA BAR SEMS CAN RNAMS LA GZIGS NAS DE DAG YONGS SU BSKYAB PA'I PHYIR GUNG THUN LA BSAM GTAN DANG, RNAM PAR THAR PA DANG, SNYOMS PAR 'JUG PA RNAMS MNGON SUM DU MDZAD DE, 'DI'I SBYOR BA LAS BYUNG BA'I YON TAN DE DAG NI SHES RAB RAB TU RNON POR BYED PAR 'GYUR BA YIN NO, ,DE'I 'OG TU THUN GSUM PA LA BSAM GTAN BZHI PA LA BRTEN TE, NGES PAR ZHUGS PA NAS, RDO RJE LTA BU'I TING NGE 'DZIN GYIS KUN DU SBYOR BA THAMS CAD SPANGS PA'I DBANG DU MDZAD DO, , GANG GI PHYIR DE LTAR CHOS STON PA BDAG NYID LA NYE BAR GTOD PA YIN PA DE'I PHYIR BSAM GTAN THA MA BZHI PA KHO NA'I RDO RJE LTA BU'I TING NGE 'DZIN GANG YIN PA ZHES BYA BA'O, ,SEMS CAN TSAD MED PA LA DMIGS PA'I PHYIR RO ZHES BYA BA 'DI NI TSAD MED PA'I 'DU SHES SU BYA BA'I BYED RGYU YIN NO, ,GRANGS BZHIN NO ZHES BYA BA NI GNOD SEMS MANG BA RNAMS KYI NI DE SPANG BA'I PHYIR BYAMS PA'O, ,RNAM PAR 'TSE BA MANG BA RNAMS KYI NI DE SPONG BA'I PHYIR SNYING RJE'O, ,MI DGA' BA MANG BA RNAMS KYI NI DE SPANG BA'I PHYIR DGA' BA'O, ,'DOD PA'I 'DOD CHAGS DANG GNOD SEMS MANG[?] PA RNAMS KYI NI DE DAG SPANG BA'I PHYIR BTANG @304B SNYOMS SO, ,'DOD PA'I 'DOD CHAGS KYI GNYEN PO NYID DU KHYAD PAR CI ZHIG YOD CE NA ZHES BYA BA NI 'DOD PA'I 'DOD CHAGS MANG BA RNAMS KYI PHYIR SEMS PA YIN NO, ,PHA DANG MA DANG BU DANG NYE DU'I 'DOD CHAGS KYI GNYEN PO NI ZHES BYA BA NI MI 'BREL BA MED PA DAG LA JI LTA BA DE BZHIN DU DE DAG LA BTANG SNYOMS SU BYED DO SNYAM DU BSAMS PA YIN NO, ,DE NI CHAGS PAS DRANGS PA YIN PA'I PHYIR RO ZHES BYA BA NI GANG GI PHYIR GNOD SEMS CHAGS PAS DRANGS PA YIN PA DE'I PHYIR CHAGS PA'I GNYEN PO'I NGO BO NYID STON TO SNYAM DU BSAMS PA YIN NO, ,'DI NI GNYI GA'I RANG BZHIN YIN NA RUNG NGO ZHES BYA BA NI MA CHAGS PA'I RANG BZHIN DANG ZHE SDANG MED PA'I RANG BZHIN YIN NA RUNG NGO ZHES BYA BA'I THA TSIG STE, CI'I PHYIR ZHE NA, 'DOD CHAGS DANG ZHE SDANG DAG GI GNYEN PO YIN PA'I PHYIR RO, ,'DIR CHOS GCIG LA GNYI GA'I RANG BZHIN YIN NO ZHES BYA BAR NI MI BZUNG NGO, ,'O NA CI ZHE NA, MCHAGS PA DANG ZHE SDANG MED PA DAG LA BTANG SNYOMS KYI SGRA 'JUG PA YIN NO, ,KYE MA SEMS CAN RNAMS BDE BAR GYUR CIG CES BYA BA NI SHOG SHIG SNYAM DU BSAMS PA YIN NO, ,KYE MA SEMS CAN RNAMS NI SDUG BSNGAL LO ZHES BYA BA NI SDUG BSNGAL LAS GROL BAR GYUR CIG SNYAM DU BSAMS PA YIN TE, DE SKAD DU 'CHAD PAR 'GYUR RO, ,BAR MAR GNAS PA YIN PA'I PHYIR RO ZHES BYA BA NI PHYOGS SU MA LHUNG BA NYID KYIS RJES SU CHAGS PA YANG MED, ZHE 'GRAS PA YANG MED CES BYA BA'I THA TSIG GO, ,DE DANG MI LDAN PA RNAMS LA ZHES BYA BA RGYAS PAR 'BYUNG BA NI BDE BA DANG MI LDAN PA RNAMS BDE BA YOD PAR MOS PA'I PHYIR JI LTAR NA PHYIN CI LOG PA NYID DU MI 'GYUR ZHE NA, GYUR CIG SNYAM DU SEMS PA'I PHYIR RO ZHES BYA BA NI BDE BAR GYUR CIG SNYAM DU SEMS PA'I PHYIR PHYIN CI LOG MA YIN NO ZHES BYA BAR SKABS DANG SBYAR RO, ,YANG NA BSAM PA PHYIN CI MA LOG PA'I PHYIR ZHES BYA BA LA, BSAM PA NI DGE BA'I CHOS TE, SEMS CAN RNAMS BDE BAR GYUR CIG SNYAM PA'I SEMS DANG SEMS LAS BYUNG BA 'KHOR DANG BCAS PA DE DAG YIN TE, BSAM PA DE PHYIN CI MA LOG PA'I PHYIR PHYIN CI LOG NYID MA YIN NO, ,JI LTAR BSAM PA PHYIN CI LOG NYID MA YIN ZHE NA, MOS PAR 'DU SHES PA'I PHYIR RO ZHES BYA BA SMOS TE, MOS PA'I 'DU SHES PA NI MOS PAR 'DU SHES PA'O, ,DE LTA BAS NA @305A *, ,JI LTAR MOS PA DE KHO NA LTAR 'DU SHES TE, 'DI NI MOS PA YID LA BYED PA YIN NO ZHES BYA BAR YONGS SU GCOD DO, ,GAL TE MI DGE BA NYID YIN NO ZHE NA ZHES BYA BA NI PHYIN CI LOG TU 'DZIN PAS SO, ,MA YIN TE, DGE BA'I RTZA BA YIN PA'I PHYIR RO ZHES BYA BA NI DE NI DE LTA MA YIN NO, ,CI'I PHYIR ZHE NA, DGE BA'I RTZA BA YIN PA'I PHYIR RO, ,YANG JI LTAR DGE BA YIN ZHE NA, GNOD SEMS LA SOGS PA'I GNYEN PO YIN PAS ZHES BYA BA SMOS TE, BYAMS PA NI GNOD SEMS MED PA'I RANG BZHIN YIN PAS GNOD SEMS KYI GNYEN PO'O, ,SNYING RJE NI SDUG BSNGAL SEL BA'I RNAM PA YIN PAS SDUG BSNGAL NYE PAR BSGRUB PA RNAM PAR 'TSE BA'I GNYEN PO YIN NO, ,DGA' BA NI YID BDE BA'I NGO BO YIN PA'I PHYIR MI DGA' BA'I GNYEN PO'O, ,BTANG SNYOMS NI BAR MAR GNAS PA'I PHYIR 'DOD PA'I 'DOD CHAGS DANG GNOD SEMS DAG GI GNYEN PO YIN PAS SO, ,DE LA DMIGS PA'I ZHES BYA BA NI 'DOD PA NA SPYOD PA'I SEMS CAN LA DMIGS PA RNAMS KYI ZHES BYA BA'I DON TO, ,DE NI SNOD KYIS SNOD NA GNAS PA BSTAN PA YIN NO ZHES BYA BA NI SNOD KYIS SNOD CAN SEMS CAN GYI 'JIG RTEN BSTAN TO ZHES BYA BA'I THA TSIG GO, ,MNYAM PAR GZHAG PA DANG MNYAM PAR GZHAG PA MA YIN PA DANG, DNGOS GZHI SBYOR BA SMOS PA'I PHYIR RO ZHES BYA BA NI CI RIGS PAR GSUM CHAR YANG SA DRUG DANG LNGA DANG BCU PA NYID YIN PA DAG GI RGYU BRJOD PA YIN TE DE LAS MNYAM PAR GZHAG PA MA YIN PA NI 'DOD PA'I KHAMS DANG SBYOR BA NI NYER BSNGOGS DAG YIN PAR CI RIGS PAR SBYAR RO, ,SA DRUG PAR RNAM PAR GZHAG PA LA NI NYER BSNGOGS MI LCOGS PA MED PA YANG YIN PAR 'DOD DE, GSAL BA NYID KYIS DNGOS GZHI DANG 'DRA BA'I PHYIR RO, ,SA SNGA MA RNAM PAR GZHAG PA LA LA NI DNGOS GZHI DAG KHO NA BZUNG STE, BSAM GTAN KHYAD PAR CAN NI DNGOS GZHI'I BSAM GTAN DANG PO'I KHYAD PAR YIN PA'I PHYIR RO, ,SA BCU PA RNAM PAR GZHAG PA LA NI MNYAM PAR GZHAG PA MA YIN PA 'DOD PA'I KHAMS KYANG YIN PAR 'DOD LA, SBYOR BAR GYUR PA NYER BSNGOGS RNAMS KYANG YIN PAR BZUNG NA DNGOS GZHI DAG LTA SMOS KYANG CI DGOS, BSAM GTAN DNGOS GZHI'I SA PA YIN PA'I PHYIR RO ZHES BYA BA NI DNGOS GZHI NI BSAM GTAN DAG PA PA'I SA PA YIN ZHES BYA BA'I THA TSIG STE, @305B BSAM GTAN DAG PA PA NGAG GIS NI NYON MONGS PA MI SPONG NGO ZHES SNGAR BSHAD ZIN TO, ,MOS PA YID LA BYED PA'I PHYIR DE DAG GI NYON MONGS PA RNAMS MI SPONG STE, DE KHO NA NYID YID LA BYED PAS NI NYON MONGS PA SPANG NA, SEMS CAN LA DMIGS PA YIN PA'I PHYIR DE DAG GIS MI SPONG STE, CHOS KYI SPYI'I MTSAN NYID YID LA BYED PAS NYON MONGS PA SPONG NGO ZHES BYA BA NI GRUB PA'I MTHA' YIN NO, ,'O NA JI LTA BU ZHE NA, DE DAG GI SBYOR BAS ZHES BYA BA RGYAS PAR SMOS TE, BYAMS PA LA SOGS PA'I SBYOR BAS GNOD SEMS LA SOGS PA RNAM PAR GNON PA'I PHYIR RO, ,DE DAG GI GNYEN PO NYID DU BSHAD DO ZHES BYA BA NI GNOD SEMS LA SOGS PA'I GNYEN PO NYID DU BSHAD DE, DE DAG NI RNAM PAR GNON PA'I SPONG BA YIN NO ZHES BYA BA'I THA TSIG GO, ,SPANGS PA THAG SRING BAR BYED PA'I PHYIR ZHES BYA BA LA, 'DI LTAR BAR CHAD MED PA'I LAM 'JIG RTEN PA'AM 'JIG RTEN LAS 'DAS PA'I GNOD SEMS LA SOGS PA NYON MONGS PA DANG NYE BA'I NYON MONGS PA SPANGS PA RNAMS DE DAG GIS THAG SRING BAR BYED DE, DE'I PHYIR DE DAG GI GNYEN PO NYID DU BSHAD DO, ,JI LTA ZHE NA, STON PAR BYED DE, BYAMS PA LA SOGS PA GSUM PO DAG 'DOD PA'I KHAMS KYI SA PA DANG MI LCOGS PA MED PA'I SA PA RNAMS NI DNGOS GZHI'I TSAD MED PA DANG 'DRA BA DAG YOD DO, ,SBYOR BA DANG DMIGS PA DANG RNAM PA DANG NGO BO NYID 'DRA BA'I PHYIR DNGOS GZHI DAG DANG 'DRA BA YIN NO, ,TSAD MED PA GSUM PO DE DAG GIS NYON MONGS PA DE RNAMS RNAM PAR MNAN NAS SPONG BA'I LAM BAR CHAD MED PA'I LAM RNAMS KYIS RAB TU SPONG BAR BYED DO, ,RKYEN STOBS DANG LDAN PA RNYED KYANG ZHES BYA BA NI GNOD SEMS LA SOGS PA'I RKYEN STOBS DANG LDAN PA RNYED DU ZIN KYANG NYON MONGS PA DE DAG GIS MNGON DU 'GYUR BA'I SGO NAS MI BRDZI BA YIN NO, ,CHEN PO LA ZHES BYA BA NI MDZA' BO'I PHYOGS LA STE, MDZA' BO'I PHYOGS LA NI BYAMS PAR BYA SLA BAS SO, ,RGYAS PAR BYED DO ZHES BYA BA NI KHYAB PAR BYED DO, ,SNGON GYI BSOD NAMS DANG BSOD NAMS MA YIN PA'I 'BRAS BU SNANG BA'I SGO NAS ZHES BYA BA NI SNGON BSOD NAMS KYI 'BRAS BU SNANG BA'I SGO NAS GANG ZAG DGE BA'I RTZA BA KUN DU CHAD PA LA YANG 'DIS NI GANG GIS NA 'DI'I GZUGS LA SOGS PA PHUN SUM TSOGS PAR GYUR PA'I @306A *, ,BSOD NAMS ZHIG BYAS PAR GYUR TO ZHES YON TAN GZUNG BAR NUS LA, RANG SANGS RGYAS LA YANG 'DIS NI GANG GIS NA 'DI LA 'DI LTA BU'I GZUGS LA SOGS PA MED PA'I BSOD NAMS MA YIN PA ZHIG GDON MI ZA BAR BYAS PAR GYUR TO ZHES SKYON GZUNG BAR NUS SO, ,SDUG BSNGAL LAS THAR KYANG CI MA RUNG SNYAM DU MOS SHING SNYING RJE LA SBYOR BAR BYED DO, ,MNGON PAR DGA' BAR GYUR KYANG CI MA RUNG SNYAM DU MOS SHING DGA' BA LA SBYOR BAR BYED DO, ,DGA' BA DANG MI LDAN NO ZHES BYA BA NI GSUM PA DANG BZHI PA DAG NA YID BDE BA MED PA'I PHYIR RO, ,RNAM PAR THAR PA BRGYAD CES BYA BA NI MDO LAS JI SKAD 'BYUNG BA BZHIN NO, ,JI SKAD DU ZHE NA, RNAM PAR THAR PA NI RNAM PA BRGYAD DE, BRGYAD GANG ZHE NA, GZUGS CAN GZUGS RNAMS LA LTA BA 'DI NI RNAM PAR THAR PA DANG PO'O, ,NAD GZUGS MED PAR 'DU SHES PAS PHYI ROL GYI GZUGS RNAMS LA LTA BA 'DI NI RNAM PAR THAR PA GNYIS PA'O, ,SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS PA 'DI NI RNAM PAR THAR PA GSUM PA'O, ,RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS NAS THOGS PA'I 'DU SHES RNAMS NUB PAR GYUR CING SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM STE, NAM MKHA' MTHA' YAS SKYE MCHED RDZOGS PAR BYED DE GNAS PA 'DI NI RNAM PAR THAR PA BZHI PA STE, 'DI LTA STE NAM MKHA' MTHA' YAS SKYE MCHED DU NYE BAR 'GRO BA'I LHA RNAMS LTA BU'O, ,GZHAN YANG RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PA 'DI NI RNAM PAR THAR PA LNGA PA STE, 'DI LTA STE RNAM SHES MTHA' YAS SKYE MCHED DU NYE BAR 'GRO BA'I LHA RNAMS LTA BU'O, ,GZHAN YANG RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS PA 'DI NI RNAM PAR THAR PA DRUG PA STE, 'DI LTA STE CI YANG MED PA'I SKYE MCHED DU NYE BAR 'GRO BA'I LHA RNAMS LTA BU'O, ,GZHAN YANG RNAM PA THAMS CAD DU CI YANG MED PA'I @306B SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS PA 'DI NI RNAM PAR THAR PA BDUN PA STE, 'DI LTA STE 'DU SHES MED 'DU SHES MED MIN SKYE MCHED DU NYE BAR 'GRO BA'I LHA RNAMS LTA BU'O, ,RNAM PA THAMS CAD DU 'DU SHES MED 'DU SHES MED MIN SKYE MCHED LAS YANG DAG PAR 'DAS TE TSOR BA DANG 'DU SHES 'GOG PA LUS KYIS MNGON SUM DU BYAS NAS RDZOGS PAR BYAS TE GNAS PA 'DI NI RNAM PAR THAR PA BRGYAD PA'O ZHES 'BYUNG NGO, ,GZUGS CAN GZUGS RNAMS LA LTA BA ZHES BYA BA NI BDAG NYID KYI GZUGS RNAMS LA RNAM PAR MA BSHIG PAR PHYI ROL GYI GZUGS RNAMS LA YANG LTA BA YIN NO, ,RNAM PAR BSDOS PA LA SOGS PAR DMIGS PA'I PHYIR TSUL NI MI SDUG PA BZHIN RIG PAR BYA'O ZHES BYA BA NI 'DOD CHAGS LHAG PA'I KHA DOG GI 'DOD CHAGS LA SOGS PA'I GNYEN PO LAS BRTZAMS TE CI RIGS PAR, MI SDUG MA CHAGS SA BCU DANG,, DMIGS PA 'DOD SNANG MIS SKYED DGE ,ZHES BYA BA RGYAS PAR SBYAR BAR BYA'O, ,GRANGS BZHIN NO ZHES BYA BA NI 'DOD PA NA SPYOD PA'I KHA DOG GI 'DOD CHAGS KYI GNYEN POR NI BSAM GTAN DANG PO'I SA PA'I RNAM PAR THAR PA YIN LA, BSAM GTAN DANG PO'I SA PA'I KHA DOG GI 'DOD CHAGS KYI GNYEN PO YANG BSAM GTAN GNYIS PA'I SA PA'I RNAM PAR THAR PA YIN TE, 'DI GNYIS KYANG THAG BA SRING BA'I GNYEN PO YIN PAR RIG PAR BYA'O, ,SMRAS PA BSAM GTAN GNYIS PA LA SOGS PA NI KHA DOG GI 'DOD CHAGS MED DO ZHES BYA BAR JI LTAR SHES SHE NA, MIG GI RNAM PAR SHES PA MED PA'I PHYIR RO, , GANG ZHIG YUL GANG LAS 'DOD CHAGS DANG BRAL BA DE NI NGES PAR DE 'DZIN PAR BYED PA'I RNAM PAR SHES PA LAS KYANG 'DOD CHAGS DANG BRAL BA YIN LA, BSAM GTAN GNYIS PA LA SOGS PA NA MIG GI RNAM PAR SHES PA LA SOGS PA MED PAS DE'I PHYIR DE DAG NI KHA DOG GI 'DOD CHAGS DANG BRAL BA'O ZHES BYA BAR GRUB BO, ,GZUGS MED MNYAM GZHAG DGE RNAMS SO, ,ZHES BYA BA NI DAG PA BA DANG, ZAG PA MED PA'O, ,GZHAN NA YANG MNYAM PAR MA BZHAG PA YOD DE ZHES BYA BA NI GZUGS MED PA DAG GI RNAM PAR SMIN PA'I SEMS DANG SEMS LAS BYUNG BA RNAMS LAS BSAMS NAS BRJOD PA YIN @307A *, ,NO; ;PHYOGS SNGA MA LA NI GZUGS MED PA MNYAM PAR MA BZHAG PA ZHES BYA BA 'CHI BA'I SRID PA'I GNAS SKABS KHO NA'I YIN PAR STON TO, ,NYER BSDOGS KYI RNAM PAR GROL BA'I LAM DAG KYANG RNAM PAR THAR PA ZHES BYA BA'I MING 'THOB BO ZHES BYA BA LA, KYANG ZHES BYA BA'I SGRAS NI DNGOS GZHI DAG LTA SMOS KYANG CI DGOS ZHES BYA BA'I DON TO, ,BAR CHAD MED PA'I LAM RNAMS NI MA YIN TE ZHES BYA BA RGYAS PAR 'BYUNG BA NI GANG GI PHYIR SA 'OG MA PA LA RGYAB KYIS PHYOGS PAR RNAM PAR THAR PA DAG CES BYA BA DE'I PHYIR BAR CHAD MED PA'I LAM RNAMS NI 'OG MA LA DMIGS PAS RNAM PAR THAR PA ZHES BYA BA'I MING MI 'THOB KYI RNAM PAR GROL BA'I LAM DAG NI GONG MA LA DMIGS PA'I PHYIR MING 'THOB BO, ,'GOG PA'I SNYOMS PAR 'JUG PA ZHES BYA BA NI BRGYAD PA'O ZHES BYA BA'I TSIG LHAG MA YIN NO, ,'DU SHES DANG TSOR BA LA RGYAB KYIS PHYOGS PA'I PHYIR ZHES BYA BA NI 'DU SHES LA RGYAB KYIS PHYOGS PA'I PHYIR DANG TSOR BA LA RGYAB KYIS PHYOGS PA'I PHYIR RNAM PAR THAR PA'O, ,YANG NA 'DU SHES THAMS CAD LA RGYAB KYIS PHYOGS PA'I PHYIR RNAM PAR THAR PA'O, ,SNYOMS PAR 'JUG PA'I SGRIB PA LAS RNAM PAR THAR PA'I PHYIR RNAM PAR THAR PA'O ZHES BYA BA'I THA TSIG GO, ,DE LA SNYOMS PAR 'JUG PA'I SGRIB PA NI SGRIB PA GANG ZHIG YOD NA SEMS LAS SU MI RUNG BAS KHAMS GSUM PA'I 'DOD CHAGS DANG BRAL BA DAG GIS KYANG BSAM GTAN DANG PO'I DNGOS GZHI YANG SKYED PAR MI BYED PA YIN NO, ,CI RIGS PAR ZHES BYA BA NI GNYIS KYI DMIGS PA NI RNAM PAR BSDOS PA LA SOGS PA'I GZUGS YID DU MI 'ONG BA 'O, ,GSUM PA'I DMIGS PA NI YID DU MI 'ONG BA'O, ,DE'I RGYU DANG 'GOG PA DAG CES BYA BA NI SDUG BSNGAL DE'I KUN 'BYUNG BA DANG 'GOG PA DAG GO, ,RJES SU SHES PA'I PHYOGS DANG MTHUN PA'I LAM THAMS CAD CES BYA BA NI GONG MA DANG, 'OG MA DANG, RANG GIS NGA[?] ZHES BYA BA'I THA TSIG GO, ,SO SOR MA BRTAGS PAS 'GOG PA YANG YIN NO ZHES BYA BA NI SO SOR MA BRTAGS PAS 'GOG PA YANG GZUGS MED PA'I RNAM PAR THAR PA RNAMS KYI DMIGS PA YIN NO ZHES BRJOD PAR BYA STE, GANG DAG GZUGS CAN MIN DE DAG ,SPYOD YUL GANG DANG RANG GI SA'I, ,SDUG BSNGAL @307B SOGS DANG RJES SHES PHYOGS, ,ZHES BYA BA 'DIR MA SMOS PA'I PHYIR RO, ,SMRAS PA SO SOR MA BRTAGS PAS 'GOG PA GANG ZHIG DE DAG GIS DMIGS PA YIN ZHE NA, 'DIR SMRAS PA, MI SLOB PA'I MTSAN MA MED PA'I TING NGE 'DZIN GYIS SO SOR MA BRTAGS PAS 'GOG PA LA DMIGS TE, GZUGS MED PA'I RNAM PAR THAR PA DE DAG NI MTSAN MA MED PA MTSAN MA MED PA'I TING NGE 'DZIN GYI NGO BO NYID YIN PA SRID PAS SO, ,DE DAG KYANG NYER BSDOGS BDUN MA GTOGS PAS GZHAN BCU GCIG PO 'DOD PA'I KHAMS DANG, MI LCOGS PA MED PA DANG, BSAM GTAN KHYAD PAR CAN DANG, BSAM GTAN DANG GZUGS MED PA DAG NI BRGYAD NA YOD DO, ,BSTAN BCOS NI KHA BSKANG BA DANG BCAS PA YIN PAS BSTAN BCOS KYI MTSAN NYID BSTAN PA YIN NO, ,NAM MKHA' YANG GCIG YIN NO ZHES BYA BAR BRJOD PAR BYA STE, NAM MKHA' MTHA' YAS SKYE MCHED KYI DMIGS PA YIN NO, ,BSAM GTAN GNYIS PA'I SA PA'I KHA DOG GI 'DOD CHAGS MED PA'I PHYIR ZHES BYA BA NI SPANG BAR BYA BA BSAM GTAN GNYIS PA'I SA PA'I KHA DOG GI 'DOD CHAGS MED PA'I PHYIR ZHES BYA BA'I DON TO, ,DE MED PA NI MIG GI RNAM PAR SHES PA MED PA'I PHYIR RO, ,BDE BA'I SNYING POS BSKYED PA'I PHYIR RO ZHES BYA BA LA, BDE BA'I SNYING PO NI BDE BA THAMS CAD KYI GONG NA 'DUG PA'O ZHES BYA BA'I THA TSIG GO, ,DES BSKYED PA'I PHYIR TE, G-YO BAR BYAS PA'I PHYIR BSAM GTAN GSUM PA LA RNAM PAR THAR PA RNAM PAR MI GZHAG GO, ,GAL TE BSAM GTAN GSUM PA'I SA PA'I KHA DOG GI 'DOD CHAGS MED NA, CI'I PHYIR SDUG BA'I RNAM PAR THAR PA SKYED PAR BYED CE NA DE'I PHYIR MI SDUG PAS RGYUD ZHUM BAR RAB TU DGA' BAR BYA BA'AM, RTAG PA'I PHYIR TE ZHES BYA BA SMOS SO, ,RNAM PAR THAR PA LA SOGS PA ZHES BYA BA LA, SOGS PA ZHES BYA BA'I SGRAS NI ZIL GYIS GNON PA'I SKYE MCHED LA SOGS PA NYE BAR BSDU'O, ,'PHAGS PA'I RDZU 'PHRUL CI ZHE NA, MNGON PAR BSGRUB PA'I CHED DU ZHES BYA BAR SKABS DANG SBYAR RO, ,NYON MONGS PA THAG BSRING BA'I PHYIR ZHES BYA BA NI RNAM PAR THAR PA LA SOGS PA THAG BSRING BA'I GNYEN PO YIN PA'I PHYIR RO, ,SNYOMS PAR 'JUG PA LA DBANG BAR BYA BA'I PHYIR ZHES BYA BA NI SNYOMS PAR 'JUG PA LA DBANG BA NYID DE YANG NYON MONGS PA MED PA LA SOGS @308A *, ,PA'I YON TAN MNGON PAR BSGRUB PA'I CHED YIN NO, ,DE YANG GANG GIS DNGOS PO YONGS SU BSGYUR BA DANG BYIN GYIS RLOB PA DANG TSE GTONG BA LA SOGS PA BYED PA'O ZHES BYA BA NI DE LA DNGOS PO YONGS SU BSGYUR BA NI DNGOS PO GANG ZHIG LA JI LTAR MOS PA DE KHO NA BZHIN DU DER 'GYUR BA STE, JI LTAR GSER LA SAR BYA BA DE LTAR MOS PA'I PHYIR RO, ,BYIN GYIS RLOB PA NI DNGOS PO BSTAN PA LA DUS 'DI SRID DU GNAS PAR GYUR CIG SNYAM PA STE, TSE GTONG BA YANG DE DANG 'DRA'O, ,SOGS PA ZHES BYA BA'I SGRAS NI RI RAB RDUL PHRA RAB KYI NANG DU 'DZUD PA ZHES BYA BA DE LTA BU LA SOGS PA STE, GZHAN YANG MDO SDE LAS BLTA BAR BYA'O, ,CI'I PHYIR GSUM PA DANG BRGYAD PA DAG KHO NA MNGON SUM DU BYA BAR BSHAD LA GZHAN DAG NI MA YIN ZHES BYA BA LA, JI LTAR GSUM PA MNGON SUM DU BYA BAR BSHAD CE NA, SDUG PA'I RNAM PAR THAR PA LUS KYIS MNGON SUM DU BYAS NAS RDZOGS PAR BYAS TE GNAS PA ZHES 'BYUNG NGO, ,BRGYAD PA YANG 'DU SHES DANG TSOR BA 'GOG PA LUS KYIS MNGON SUM DU BYAS NAS RDZOGS PAR BYAS TE GNAS PA ZHES 'BYUNG BAS SO, ,DE LA MNGON SUM DU BYAS NAS ZHES BYA BA NI MNGON SUM DU BYAS TE ZHES BYA BA'I THA TSIG GO, ,RDZOGS PAR BYAS TE GNAS PA ZHES BYA BA NI TING NGE 'DZIN DE DAG LA SNYOMS PAR ZHUGS TE GNAS PA ZHES BYA BA'I DON TO ZHE NA 'DIR SMRAS PA, RNAM PAR THAR PA DANG PO DANG GNYIS PA BAS RNAM PAR THAR PA GSUM PA GNAS GYUR PA'I SGO NAS GZUGS CAN GYI RNAM PAR THAR PA'I SGRIB PA MTHA' DAG SPANGS PAS GTZO BO YIN PA'I PHYIR GSUM PA MNGON SUM DU BYA BAR BSHAD DO, ,DE BZHIN DU BRGYAD PA YANG GNAS GYUR PA'I SGO NAS GZUGS MED PA'I RNAM PAR THAR PA'I SGRIB PA MTHA' DAG SPANGS PA'I PHYIR GTZO BO YIN PAS MNGON DU BYA BAR BSHAD DO, ,KHAMS DANG SA'I MTHA' NA GNAS PA'I PHYIR RO ZHES BYA BA NI BSAM GTAN BZHI PA NI GZUGS KYI KHAMS DANG SA'I MTHA' NA GNAS PA YIN LA SRID PA'I RTZE MO YANG GZUGS MED PA'I KHAMS DANG SA'I MTHA' NA GNAS PA YIN NO, ,DE BZHIN DU CHEN PO RNAMS DANG ZHES BYA BA NI NANG GZUGS SU 'DU SHES PAS PHYI ROL GYI GZUGS CHEN PO KHA DOG BZANG PO DANG KHA DOG NGAN PA RNAMS LA LTA ZHING ZHES BYA BA NAS RGYAS PAR 'DI NI ZIL GYIS GNON PA'I SKYE MCHED GNYIS PA'O ZHES BYA BA'I BAR 'BYUNG BA'O, ,DE KHO NA BZHIN @308B DU NANG GZUGS MED PAR 'DU SHES PA ZHES BYA BA JI LTA BU ZHE NA, NANG GZUGS MED PAR 'DU SHES PAS PHYI ROL GYI GZUGS CHUNG NGU KHA DOG BZANG PO DANG KHA DOG NGAN PA RNAMS ZHES BYA BA NAS 'DI NI ZIL GYIS GNON PA'I SKYE MCHED GSUM PA'O ZHES BYA BA'I BAR SNGA MA BZHIN NO, ,DE BZHIN DU NANG GZUGS MED PAR 'DU SHES PAS PHYI ROL GYI GZUGS CHEN PO KHA DOG BZANG PO DANG KHA DOG NGAN PA RNAMS LA LTA ZHING ZHES BYA BA NAS 'DI NI ZIL GYIS GNON PA'I SKYE MCHED BZHI PA'O ZHES BYA BA'I BAR SNGA MA BZHIN TE, DE LTAR BZHI PO DE DAG DANG, GZUGS MED PAR 'DU SHES PA KHO NA SNGON PO DANG SER PO DANG DMAR PO DANG DKAR PO RNAMS LA LTA STE ZHES BYA BA'O, ,JI LTA BU ZHE NA, NANG GZUGS MED PAR 'DU SHES PAS PHYI ROL GYI GZUGS SNGON PO KHA DOG SNGON PO SNGON PO LTA BUR STON PA, 'OD SNGON PO 'BYUNG BA DPER NA ZAR MA'I ME TOG GAM, YUL B'A R'A nA S'I'I RAS PHUN SUM TSOGS PA SNGON PO KHA DOG SNGON PO SNGON PO LTA BUR STON PA, 'OD SNGON PO 'BYUNG BA LTA BU RNAMS LA LTA ZHING GZUGS DE DAG ZIL GYIS MNAN NAS SHES ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED LNGA PA'O, ,NANG GZUGS MED PAR 'DU SHES PAS PHYI ROL GYI GZUGS SER PO KHA DOG SER PO SER PO LTA BUR STON PA 'OD SER PO 'BYUNG BA DPER NA DONG KA'I ME TOG GAM, YUL B'A R'A nA S'I'I RAS PHUN SUM TSOGS PA SER PO KHA DOG SER PO SER PO LTA BUR STON PA 'OD SER PO 'BYUNG BA LTA BU RNAMS LA LTA ZHING ZHES BYA BA NAS RGYAS PAR 'DI NI ZIL GYIS GNON PA'I SKYE MCHED DRUG PA'O ZHES BYA BA'I BAR DANG, NANG GZUGS MED PAR 'DU SHES PAS PHYI ROL GYI GZUGS DMAR PO KHA DOG DMAR PO DMAR PO LTA BUR STON PA 'OD DMAR PO 'BYUNG BA DPER NA BAN DU DZI BA KA'I ME TOG GAM, YUL B'A R'A nA S'I'I RAS PHUN SUM TSOGS PA DMAR PO KHA DOG DMAR PO DMAR PO LTA BUR STON PA 'OD DMAR PO 'BYUNG BA RNAMS LA LTA ZHING ZHES BYA BA NAS RGYAS PAR 'DI NI ZIL GYIS GNON PA'I SKYE MCHED BDUN PA YIN NO ZHES BYA BA'I BAR DANG, NANG GZUGS MED PAR 'DU SHES PAS PHYI ROL GYI GZUGS DKAR PO KHA DOG DKAR PO DKAR PO LTA BUR STON PA 'OD DKAR PO 'BYUNG BA DPER NA SKAR MA PA BA SANGS SAM, YUL B'A R'A nA S'I'I RAS PHUN SUM @309A *, ,TSOGS PA DKAR PO KHA DOG DKAR PO DKAR PO LTA BUR STON PA, 'OD DKAR PO 'BYUNG BA RNAMS LA LTA ZHING ZHES BYA BA NAS RGYAS PAR 'DI NI ZIL GYIS GNON PA'I SKYE MCHED BRGYAD PA'O ZHES BYA BA'I BAR 'BYUNG STE, SNGA MA BZHI DANG 'DI BZHIN BRGYAD DU 'GYUR RO, ,GNYIS NI RNAM PAR THAR PA DANG PO BZHIN TE ZHES BYA BA NI JI LTAR RNAM PAR THAR PA DANG PO GZUGS CAN GZUGS RNAMS LA LTA BA ZHES BYA BA BDAG LA YOD PA'I GZUGS LA LTA ZHING PHYI ROL GYI GZUGS LA LTA BA LTAR ZIL GYIS GNON PA'I SKYE MCHED DANG PO DAG KYANG DE DANG 'DRA'O, ,DE GNYIS LAS GCIG NI BDAG YOD PA'I GZUGS LA LTA ZHING PHYI ROL NA YOD PA'I GZUGS LA LTA STE 'DI SKAD DU NANG GZUGS SU 'DU SHES PAS PHYI ROL GYI GZUGS CHUNG NGU ZHES BYA BA RGYAS PAR 'BYUNG NGO, ,GNYIS PA YANG DE KHO NA DANG 'DRA STE, KHYAD PAR NI PHYI ROL GYI GZUGS CHEN PO RNAMS LA LTA BA ZHES BYA BA 'DI YOD DO, ,GZHAN YANG JI LTAR RNAM PAR THAR PA DANG PO BSAM GTAN DANG PO'I SA PA DANG, 'DOD PA NA SPYOD PA'I KHA DOG GI 'DOD CHAGS KYI GNYEN PO DANG, 'DOD PA NA SPYOD PA'I GZUGS KYI SKYE MCHED LA DMIGS PA YIN PA LTAR ZIL GYIS GNON PA'I SKYE MCHED 'DI DAG KYANG DE DANG 'DRA BAR RIG PAR BYA'O, ,GNYIS NI GNYIS PA BZHIN NO ZHES BYA BA NI JI LTAR RNAM PAR THAR PA GNYIS PA'I MTSAN NYID NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA ZHES BYA BA DE LTA BU YIN PA LTAR ZIL GYIS GNON PA'I SKYE MCHED GSUM PA DANG, BZHI PA DAG KYANG DE DANG MTSAN NYID DE DANG 'DRA STE, DE DAG KYANG 'DI SKAD DU 'BYUNG STE, GSUM PA NI NANG GZUGS MED PAR 'DU SHES PAS PHYI ROL GYI GZUGS CHUNG NGU KHA DOG BZANG PO DANG KHA DOG NGAN PA RNAMS LA LTA ZHES 'BYUNG NGO, ,BZHI PA NI NANG GZUGS MED PAR YANG 'DU SHES PAS PHYI ROL GYI GZUGS CHEN PO KHA DOG BZANG PO DANG KHA DOG NGAN PA RNAMS LA LTA ZHING ZHES 'BYUNG NGO, ,GZHAN YANG JI LTAR RNAM PAR THAR PA GNYIS PA BSAM GTAN GNYIS PA'I SA PA DANG BSAM GTAN DANG PO'I SA PA'I KHA DOG GI 'DOD CHAGS KYI GNYEN PO DANG GZUGS NA SPYOD PA'I GZUGS LA DMIGS PA YIN PA LTAR ZIL GYIS GNON PA'I SKYE MCHED GSUM PA DANG BZHI PA @309B YANG DE DANG 'DRA'O, ,GZHAN SDUG PA'I RNAM PAR THAR PA BZHIN ZHES BYA BA NI JI LTAR SDUG PA'I RNAM PAR THAR PA BSAM GTAN BZHI PA'I SA PA DANG, GZUGS NA SPYOD PA'I GZUGS KYI SKYE MCHED YID DU 'ONG BA LA DMIGS PA YIN PA LTAR SNGON PO DANG DMAR PO DANG SER PO DANG DKAR PO ZIL GYIS GNON PA'I SKYE MCHED DAG KYANG DE DANG 'DRA STE, 'DIR NI KHA DOG BZHI CAN RNAM PAR PHYE NAS BZUNG BA 'BA' ZHIG TU ZAD DO, ,SDUG PA'I RNAM PAR THAR PA'I NGO BO NYID MA CHAGS PA YIN PA LTAR 'DI DAG GI YANG DE DANG 'DRA'O, ,JI LTAR SDUG PA'I RNAM PAR THAR PA 'DI 'KHOR DANG BCAS PAR BZUNG BAS PHUNG PO LNGA'I RANG BZHIN YIN PA LTAR 'DI DAG KYANG DE DANG 'DRA BAR KHONG DU CHUD PAR BYA'O, ,DE DAG GIS NI RGYAB KYIS PHYOGS PA TZAM DU ZAD LA ZHES BYA BA NI DMIGS PA ZIL GYIS GNON PA MA YIN PA'O, ,JI LTAR NA ZIL GYIS GNON PA'I SKYE MCHED DAG GIS DMIGS PA ZIL GYIS GNON CE NA, DE'I PHYIR JI LTAR 'DOD PA BZHIN DU MOS PA'I PHYIR ZHES BYA BA SMOS TE, DE DAG GIS SNGON PO DANG SER PO LA SOGS PAR MOS PA'I PHYIR TE, SKAD CIG LA SNGON PO DANG SKAD CIG LA SER PO ZHES BYA BA LA SOGS PA LTA BU'AM RNAM PAR BSDOS PA LA SOGS PA YID DU MI 'ONG BA YID DU 'ONG BAR MOS PA'I PHYIR RO, ,NYON MONGS PA MI SKYE PA'I PHYIR RO ZHES BYA BA NI KUN NAS NYON MONGS PA'I DNGOS PO LA SDUG PAR DMIGS KYANG NYON MONGS PA MI SKYE BA'I PHYIR ZIL GYIS GNON PA'I SKYE MCHED DE DAG GIS DMIGS PA ZIL GYIS GNON PA YIN NO, ,BAR CHAD MED PAR ZAD PAR RGYAS PAR BYED PA'I PHYIR ZHES BYA BA NI BAR CHAD MED PAR ZAD PAR SA LA SOGS PAR RGYAS SHING KHYAB PAR BYED PAS DE'I PHYIR ZAD PAR GYI SKYE MCHED RNAMS ZHES BYA'O, ,'DOD PA NA SPYOD PA'I GZUGS KYI SKYE MCHED YIN NO ZHES BYA BA NI, 'JIG RTEN GYI NI THA SNYAD DU, ,KHA DOG DBYIBS LA SA ZHES BRJOD, ,CHU ME YANG NGO RLUNG TSOGS KHAMS, ,NYID YIN DE DANG 'DRA BA'ANG YIN, ,ZHES 'BYUNG BA'I PHYIR RO, ,KHA CIG NA RE RLUNG GI NI REG BYA'I SKYE MCHED YIN NO ZHES ZER RO ZHES BYA BA NI GANG DAG RLUNG LA GZUGS KYI SKYE MCHED YIN PAR MI 'DOD PA DE DAG NA RE ZAD PAR RLUNG GI DMIGS PA NI REG BYA'I SKYE MCHED YIN NO ZHES ZER RO, ,RNAM PAR THAR PA 'JUG PA LAS BYUNG BA CAN YIN ZHES BYA BA NI 'JUG PA @310A *, ,NYID 'JUG PA LAS BYUNG BA CAN YIN PA'AM 'JUG PA LAS BYUNG BA YIN NO, ,GONG NAS GONG DU KHYAD PAR DU 'PHAGS PA'I PHYIR RO ZHES BYA BA NI 'DI LTAR RNAM PAR THAR PA DAG PAS GONG MA ZIL GYIS GNON PA'I SKYE MCHED KHYAD PAR DU 'PHAGS LA ZIL GYIS GNON PA'I SKYE MCHED DAG PAS GONG MA ZAD PAR GYI SKYE MCHED KHYAD PAR DU 'PHAGS TE, 'DI SKAD DU RNAM PAR THAR PA DAG BSKYED NAS ZIL GYIS GNON PA'I SKYE MCHED RNAMS SKYED PAR BYED LA, ZIL GYIS GNON PA'I SKYE MCHED DAG BSKYED NAS ZAD PAR GYI SKYE MCHED RNAMS SKYED PAR BYED DO ZHES BSHAD PA YIN NO, ,'GOG PA LAS GZHAN PA'I RNAM PAR THAR PA ZHES BYA BA NI DE NI GCIG TU 'PHAGS PA'I RGYUD LA YOD PA'I PHYIR RO, ,'DRIS PA DANG MA 'DRIS PA'I PHYIR RO ZHES BYA BA NI 'DOD CHAGS DANG BRAL BAS THOB PA NI 'DRIS PA DAG YIN NO, ,SBYOR BA LAS BYUNG BA NI MA 'DRIS PA DAG YIN NO, ,LHAG MA ZHES BYA BA RGYAS PAR 'BYUNG BA LA LHAG MA GANG ZHIG YIN ZHE NA, RNAM PAR THAR PA DANG PO GSUM DANG, ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BRGYAD DE DE DAG NI MI'I RTEN CAN KHO NA YIN NO, ,CI'I PHYIR ZHE NA, LUNG GI MTHUS SKYED PA'I PHYIR TE LHA LA SOGS PA GZHAN NA NI LUNG MED PA'I PHYIR RO, ,JI LTAR NA GZUGS DANG GZUGS MED PA'I KHAMS DAG TU GZUGS MED PA DANG BSAM GTAN GYI KHYAD PAR SKYE ZHE NA ZHES BYA BA NI GZUGS ME DPA'I KHAMS SAM, GZUGS KYI KHAMS SU STE, SA GONG DU SKYES PA DE'I GONG MA'I BSAM GTAN DANG GZUGS MED PA GANG YIN PA DE NI DE BAS KHYAD PAR DU 'PHAGS PAS GZUGS MED PA DANG BSAM GTAN GYI KHYAD PAR RO, ,GZUGS MED PA DANG BSAM GTAN GYI KHYAD PAR DE LUNG MED PAR JI LTAR SKYED DE, LHAG MA NI MI'I RTEN CAN KHO NA YIN TE, LUNG GI MTHUS SKYED PA'I PHYIR RO ZHES BSHAD PAS DE'I PHYIR 'BREL PA DES NA JI LTAR NA GZUGS DANG GZUGS MED PA'I KHAMS DAG TU ZHES BYA BA RGYAS PAR 'DRI'O; ;RGYU'I STOBS KYIS NI NYE BA DANG YANG DANG YANG DU GOMS PA LAS SO ZHES BYA BA NI NYE BA LAS DANG YANG DANG YANG DU GOMS PA LAS SO, ,JI LTA ZHE NA, 'GA' ZHIG GZUGS MED PA'I SNYOMS PAR 'JUG PA LA MNYAM PAR BZHAG NAS DE LAS YONGS SU NYAMS TE RJES KHO NA LA GZUGS KYI @310B KHAMS SU SKYE NA GZUGS MED PA'I SNYOMS PAR 'JUG PA'I MTSAN NYID KYI SKAL BA MNYAM PA'I RGYU STOBS DANG LDAN PA'I PHYIR DE LA GZUGS KYI KHAMS SU GZUGS MED PA'I SNYOMS PAR 'JUG PA SKYE'O, ,YANG DANG YANG DU GOMS PA LAS KYANG 'GA' ZHIG GZUGS MED PA'I SNYOMS PAR 'JUG PA LA YANG DANG YANG DU MNYAM PAR BZHAG NAS DE LAS YONGS SU NYAMS TE, GZUGS KYI KHAMS SU SKYE NA DE'I GZUGS MED PA'I SNYOMS PAR 'JUG PA'I MTSAN NYID KYI SKAL PA MNYAM PA'I RGYU STOBS DANG LDAN PA'I PHYIR GZUGS KYI KHAMS SU GZUGS MED PA'I SNYOMS PAR 'JUG PA SKYE'O, ,DE BZHIN DU RNAM SHES MTHA' YAS SKYE MCHED LAS YONGS SU NYAMS TE, NAM MKHA' MTHA' YAS SKYE MCHED DU SKYES PA LA YANG DE KHO NA BZHIN DU DE'I SNYOMS PAR 'JUG PA SKYE STE, DE'I GONG DU SKYES PA LA YANG DE DANG 'DRA'O, ,LAS KYI STOBS KYIS NI GZUGS KYI KHAMS SU SKYES PA LA LAN GRANGS GZHAN LA MYONG BAR 'GYUR BA'I LAS KYI RNAM PAR SMIN PA NYE BAR GNAS PA'I PHYIR DE LAS 'DOD CHAGS DANG BRAL BA DANG MTHUN PA'I RGYUD GNAS TE, 'OG MA LAS 'DOD CHAGS DANG MA BRAL BAS NI GONG MA GZUGS MED PA'I KHAMS SU SKYE BAR MI NUS SO, ,DE BZHIN DU GZUGS MED PA'I KHAMS SU YANG NAM MKHA' MTHA' YAS SKYE MCHED DU SKYES PA LA LAS KYI STOBS KYIS NI SA GONG MA PA RNAM SHES MTHA' YAS SKYE MCHED KYIS PA'I LAS LAN GRANGS GZHAN LA MYONG BAR 'GYUR BA'I RNAM PAR SMIN PA NYE BAR GNAS PA'I PHYIR DE LAS 'DOD CHAGS DANG BRAL BA DANG MTHUN PA'I RGYUD GNAS TE, 'OG MA LAS 'DOD CHAGS DANG BRAL BAS NI GONG DU SKYE BAR MI NUS SO, ,RGYU DANG LAS KYI STOBS DE DAG GI BSAM GTAN DANG PO LA SOGS PAR, BSAM GTAN GNYIS PA LA SOGS PA JI LTAR SKYE ZHE NA, RGYU'I STOBS KYIS NI NYE BA DANG YANG DANG YANG DU GOMS PA LAS SO, ,LAM GYI STOBS KYIS NI SA GONG MA'I ZHES BYA BA RGYAS PAR SBYAR BAR BYA'O, ,CHOS NYID KYIS KYANG ZHES BYA BA LA CHOS NYID CES BYA BA 'DI CI ZHE NA, MDO SDE PA KHA CIG NA RE CHOS 'JUG PA SHAS CHEN PO 'DI DAG NYID SNGON GYI BSAM GTAN GYI BAG CHAGS KYI DBANG GIS DE SKYES PA'I LUNG MED PAR BSAM GTAN SKYE BA DANG MTHUN PA NI CHOS NYID DE, RANG BZHIN DANG NGO BO NYID YIN NO ZHES BYA BA'I THA TSIG GO ZHES ZER RO, ,BYE BRAG TU @311A *, ,SMRA BA KHA CIG NA RE YANG, GZHAN LAS DE'I LUNG MA MNOS PAR TSE RABS SNGA MA'I SKAL BA MNYAM PA'I RGYU LAS RGYU MTHUN PA'I 'BRAS BU BSAM GTAN SKYE BA NI CHOS NYID YIN NO ZHES ZER RO, ,DGE BA'I CHOS RNAMS KYI 'JUG PA SHAS CHE BA NYID KYI PHYIR ZHES BYA BA NI 'JIG PA'I DUS DE NA DGE BA'I LAS KYI LAM RNAMS KYI ZHES BYA BA'I THA TSIG STE, 'JUG PA NI CHOS DE DAG NYID KYI BYED PA GANG YIN PA'O, ,'DI DAG LA 'JUG PA SHAS CHE ZHING MCHOG TU GYUR PA YOD PAS NA 'JUG PA SHAS CHE BA DAG GO, ,DE'I NGO BO NI NYID DE DE'I PHYIR RO, ,'DI SKAD DU DGE BA DE DAG BDAG NYID MCHOG TU GYUR PA THOB PA'I PHYIR TE, DE SKYE BA DANG MTHUN PA'I BDAG NYID DU RED PA'I PHYIR GZHAN LAS LUNG MNOS PA MED PAR SNGON GYI BSAM GTAN GYI BAG CHAGS YOD NA BSAM GTAN SKYE'O ZHES BSHAD PA YIN NO, ,CHOS RNAMS KYI RNAM PA 'DI LTA BU ZHES BYA BA NI ZAG PA DANG BCAS PA DANG ZAG PA MED PA'I CHOS RNAMS KYI RNAM PA KHAMS DANG SA DANG, DMIGS PA DANG RNAM PA LA SOGS PA STE CI RIGS PA ZHES BYA BA'I THA TSIG GO, ,DE 'DZIN BYED PA SMRA BYED DANG, ,SGRUB PAR BYED PA KHO NA YIN, ,ZHES BYA BA NI LUNG DANG RTOGS PA'I BDAG NYID KYI DAM PA'I CHOS DE STE GRANGS BZHIN DU LUNG NI SMRA BAR BYED PA GANG DAG YIN PA DE DAG DE 'DZIN PAR BYED PA YIN LA, RTOGS PA NI SGRUB PAR BYED PA GANG DAG YIN PA DE DAG 'DZIN PAR BYED PA YIN NO, ,RTOGS PA NI DE LTA BU YIN GYI ZHES BYA BA NI LO STONG DU GNAS SO ZHES BYA BA'O, ,LUNG NI YUN RING DU GNAS SO ZHES BYA BA NI LO STONG GI 'OG TU YANG ZHES BYA BA'I THA TSIG STE, PHYOGS 'DI DAG NYID RIGS PAR LTA'O, ,GANG YIN PA'I ZHES BYA BA RGYAS PAR 'BYUNG BA NI CI CHOS MNGON PA'I MDZOD KYI MTSAN NYID 'DI LAS CHOS MNGON PA BSHAD PA GANG YIN PA 'DI NYID STON PAS CHOS MNGON BA YE SHES LA 'JUG PA LA SOGS PA'I MTSAN NYID DU BSHAD DAM ZHE NA, DE'I PHYIR, BDAG GI MNGON PA'I CHOS 'DI PHAL CHER NI, KHA CHE BYE BRAG SMRA BA'I TSUL GRUB BSHAD, ,CES BYA BA 'DI RGYAS PAR SMOS TE, KHA CHE'I YUL NA 'KHOD PAS NA KHA CHE'O, ,BYE BRAG TU BSHAD PAS RTZEN PAS NA BYE BRAG TU SMRA BA'O ZHES DE NI RNAM PAR BSHAD ZIN TO, ,KHA CHE YIN LA BYE BRAG TU SMRA BA MA YIN PA YANG YOD DE, 'DUL BA SHES PA LA SOGS @311B PA DANG, MDO SDE PA BTZUN PA LA SOGS PA GANG DAG YIN PA'O, ,BYE BRAG TU SMRA BA YIN LA KHA CHE MA YIN PA YANG YOD DE, NYI 'OG PA'I BYE BRAG TU SMRA BA GANG DAG YIN PA'O, ,DE BAS NA KHYAD PAR GNYI GA SMOS TE, BDAG GIS NI 'DIR DE DAG GI LUGS KYI GRUB PA'I CHOS MNGON BA GANG YIN PA DE PA LA CHER BSHAD DO, ,SHUGS KYIS NA GZHAN GYI LUGS KYIS GRUB PA YANG BSTAN TO ZHES BSHAD PA YIN NO, ,KHA CHE[?] BYE BRAG TU SMRA BA'I LUGS SAM, GZHAN GYI LUGS KYANG RUNG TSIG 'DI LA NYES PAR ZIN PA GANG YIN PA DE NI BDAG GIS NYES TE BDAG GI SKYON YIN NO, ,CI'I PHYIR ZHE NA, DAM CHOS TSUL LA TSAD MA THUB RNAMS YIN, ,ZHES BYA BA SMOS TE, RTOGS PA DANG LUNG GI MTSAN NYID KYI DAM PA'I CHOS KYI TSUL LA STE BRJOD PA LA TSAD MA NI THUB PA SANGS RGYAS BCOM LDAN 'DAS RNAMS DANG, SANGS RGYAS KYI SRAS 'PHAGS PA SH'A RI'I BU LA SOGS PA YIN TE, CHOS THAMS CAD RNAM PA THAMS CAD DU RTOGS PAR BYA BA LA THUGS GCUGS PA DAG CES BYA BA'I THA TSIG GO, ,STON PA 'JIG RTEN MIG NI ZUM GYUR CING, ,ZHES BYA BA NI 'JIG RTEN GYI KHAMS KYI MIG TU GYUR PA LAM DANG LAM MA YIN PA YANG DAG PAR STON PAR BYED PA BCOM LDAN 'DAS YONGS SU MYA NGAN LAS 'DAS SHING STE, 'DIS NI 'JIG RTEN LONG BAR GYUR PA NYID STON TO, ,DPANG GYUR SKYE BO PHAL CHER ZAD PA NA, ,ZHES BYA BA LA, DPANG DU GYUR PA NI MNGON SUM DU MTHONG BA STE, BCOM LDAN 'DAS KYI DPANG DU GYUR PA'I SKYE BO BCOM LDAN 'DAS NI LAM DANG LAM MA YIN PA MKHYEN PA YIN NO ZHES BYA BAR DE KHO NA NYID RTOGS PA GROGS SU GYUR PA GANG YIN PA DE ZAD CING YONGS SU MYA NGAN LAS 'DAS PA NA MA RIG PA'I MUN PAS DE KHO NA NYID MA MTHONG BA RANG DGAR GYUR PA BCOS SU MI BTUB PA RANG GI LTA BAS RTOG GE NGAN PAR ZHUGS PA KHYED CAG GIS BCOM LDAN 'DAS KYI BSTAN PA TSIG DANG DON GYI SGO NAS DKRUGS SO, ,RANG BYUNG RANG BYUNG BSTAN PA GCES 'DZIN RNAMS, ,MCHOG TU ZHIR GSHEGS 'GRO MGON MED PA NA, ,ZHES BYA BA'I TSIGS SU BCAD PA GNYIS PA 'DIS NI SNGAR BSHAD PA'I TSIGS SU BCAD PA'I DON GYI GTAN TSIGS KYI NGO BO NYE BAR BKOD PA YIN TE, @312A *, ,SANGS RGYAS DANG SANGS RGYAS KYI SRAS RNAMS YONGS SU MYA NGAN LAS 'DAS TE, 'GRO BA MGON MED BA NA BSTAN PA NUB PAR BYED PA'I RGYU LTA BA LA SOGS PA SKYON GYI DRI MA RANG NYAMS SU GYUR PAS DGA' MGUR RANG DGAR DENG SANG 'JIG RTEN 'DI NA SPYOD DO, ,DE BAS NA DE LTAR LKOG MAR SROG PHYIN 'DRA STE SROG LKOG MAR PHYIN PA DANG 'DRA BAR ZHES BYA BA'I THA TSIG GO, ,DE YANG RIG LA SKYON RNAMS KYANG STOBS DANG LDAN PA'I DUS SU RIG NAS THAR PA 'DOD PA DAG GIS BAG YOD KYIS ZHES BYA BA YIN NO, ,CHOS MNGON PA MDZOD KYI 'GREL BSHAD DON GSAL BA ZHES BYA BA SLOB DPON RGYAL PO'I SRAS GRAGS PA'I BSHES GNYEN GYIS MDZAD PA LAS SNYOMS PAR 'JUG PA BSTAN PA ZHES BYA BA STE MDZOD KYI GNAS BRGYAD PA'O,, ,,BAM PO DRUG CU PA, YANG CI 'DI LAS GZHAN LA THAR PA YOD DAM ZHES BYA BA NI, THAR PA 'DOD PA DAG GIS BAG YOD GYIS,, ZHES 'BYUNG BAS DON GYIS NI SLOB DPON GYIS 'DI KHO NA THAR PA'I THABS YIN GYI 'DI LAS THAR PA'I THABS GZHAN MED DE, DE LTA BAS NA THAR PA 'DOD PA RNAMS KYIS 'DI LA BAG YOD PAR BYA'O ZHES BSHAD PAS, GLENG BA POS KYANG CI 'DI LAS ZHES BYA BA RGYAS PAR 'DRI BA LA MED DO ZHES BYA BA SMRAS SO, ,CI'I PHYIR ZHE NA, BDAG TU LTA BA'I PHYIN CI LOG LA ZHEN PA NYID KYI PHYIR ZHES BYA BA SMOS TE, MU STEGS CAN RNAMS NI BDAG TU LTA BA'I PHYIN CI LOG LA ZHEN PA YIN PAS BDAG TU LTA BA PHYIN CI LOG LA ZHEN PA'O, ,DE'I NGO BO NI NYID DE, DE'I PHYIR GZHAN LA THAR PA MED DO, ,DON 'DI NI BSTOD PA BYAS BAS KYANG BSHAD DE, YID LA NGA RU 'DZIN DANG BCAS NA SKYE RGYUN ZHI MA 'GYUR, ,BDAG TU LTA BA YOD NA SNYING LAS NGAR 'DZIN MI G-YO LAGS, ,GAD PHYIR 'GRO LA BDAG MED SMRA BA'I STON PA GZHAN MED PA, ,DE'I PHYIR KHYOD KYI LUGS LAS NYER ZHI BYED PA'I LAM GZHAN MED,, CES BYA BA YIN NO, ,'DI LA SGRUB PA NI SER SKYA DANG 'UG PA PA LA SOGS PA LA NI THAR PA MED DE, BDAG TU LTA BA PHYIN CI LOG LA ZHEN PA'I PHYIR DE KHO NA NYID MA MTHONG BA'I SKYES BU BZHIN NO, ,NYON MONGS PA RNAMS NI BDAG TU 'DZIN PA LAS RAB TU SKYE BA YIN NO ZHES BYA BA NI JI SKAD DU 'JIG RTEN @312B 'DI NA DGE SBYONG DANG BRAM ZE KHA CIG GI LTA BA THA DAD PAR GYUR PA GANG DAG YIN PA DE DAG NI 'JIG TSOGS LA LTA BA'I RTZA BA CAN YIN NO ZHES RGYAS PAR 'BYUNG BA LTA BU STE, BDAG TU LTA BA YOD NA BDAG LA CHAGS PA LA SOGS PA NYON MONGS PA RNAMS RAB TU 'BYUNG NGO, ,BDAG TU MNGON BAR BRJOD PA 'DI NI PHUNG PO'I RGYUD KHO NA LA 'JUG GI ZHES BYA BA LA, BDAG TU MNGON PAR BRJOD PA NI BDAG TU 'DOGS PA ZHES BYA BA'I THA TSIG GO, ,BRJOD PAR BYA BA GZHAN LA NI MA YIN NO ZHES BYA BA NI PHUNG PO'I RGYUD LAS GZHAN PA BRTAGS PA LA NI ZHES BYA BA'I DON TO, ,CI'I PHYIR DE LTAR YIN ZHE NA, MNGON SUM DANG RJES SU DPAG PA MED PA'I PHYIR ZHES BYA BA SMOS TE, MNGON SUM DANG RJES SU DPAG PA MED PA'I PHYIR DE MED PA NYID DO SNYAM DU BSAMS PA YIN NO, ,LUNG NI RJES SU DPAG PA'I NANG DU 'DUS PA'I PHYIR LOGS SHIG TU MA BRJOD DO, ,DE DAG NI BAR CHAD BYED PA MED NA MNGON SUM DU DMIGS PA YIN TE ZHES BYA BA LA BAR CHAD BYED PA MED NA ZHES BYA BA NI DMIGS PA'I BGEGS BYED PA HA CANG NYE BA DANG HA CANG RING BA LA SOGS PA MED NA'O, ,MNGON SUM ZHES BYA BA NI DMIGS PA'I KHYAD PAR YIN TE, MNGON SUM NYID DU DMIGS PA ZHES BYA BA'I THA TSIG GO, ,YANG NA DMIGS PA NI MNGON SUM GYI TSAD MA YIN TE 'DIS DMIGS PAR BYED PAS NA DMIGS PA'O, ,YUL DRUG CES BYA BA NI GZUGS DANG SGRA DANG DRI DANG RO DANG REG BYA'I SKYE MCHED RNAMS DANG CHOS KYI SKYE MCHED TSOR BA LA SOGS PA'I MTSAN NYID DANG RNAL 'BYOR PA'I YUL LUNG DANG RNAM PAR RTOG PA LAS 'DAS PA'O; ,YID CES BYA BA CI ZHE NA MNGON SUM DU DMIGS PA YIN TE, 'GAGS MA THAG PA'I YID NI MJUG THOGS SU BYUNG BA'I YID KYI RNAM PAR SHES PAS CHAGS PA'AM SDANG BA'AM, BDE BA DANG MTSUNGS PAR LDAN PA'AM, SDUG BSNGAL DANG MTSUNGS PAR LDAN PA ZHES BYA BA DE LTA BU LA SOGS PA RNAM PAR SHES SO, ,GZHAN DAG NA RE RANG RIG PAS DMIGS SU ZHES ZER RO, ,MNGON SUM RNAM PA GNYIS PO 'DI NI GZUNG BA'I RNAM PA DANG 'DZIN PA'I RNAM PA YIN NO, ,YANG NA RJES SU DPAG PAS ZHES BYA BA RGYAS PAR 'BYUNG BA NI GANG DU MNGON SUM MI 'JUG PA DER NI RJES @313A *, ,SU DPAG PAS DMIGS PA YIN NO, ,DPER NA DBANG PO LNGA LTA BU'O ZHES BYA BA NI MIG GI DBANG PO LA SOGS PA LTA BU'O, ,RGYU ZHING DANG CHU LA SOGS PA YOD KYANG RGYU GZHAN SA BON GYI MTSAN NYID MED NA 'BRAS BU MED PAR MTHONG LA SA BON DE YOD NA NI YANG MYU GU YOD PAR MTHONG NGO, ,DPER NA MYU GU LTA BU'O ZHES BYA BA NI DPE NYE BAR BKOD PA YIN NO, ,DE LTAR DPE NYE BAR BKOD NAS DNGOS BSTAN PA'I PHYIR YUL SNANG BAR GYUR PA DANG RGYU YID LA BYED PA YOD KYANG ZHES BYA BA RGYAS PAR SMOS TE, YUL GZUGS LA SOGS PA MNGON SUM DU GYUR PA DANG, DE SKYED PA RGYU YID LA BYED PA YOD DU ZIN KYANG YUL 'DZIN PA MIG GI RNAM PAR SHES PA LA SOGS PA MED PAR MTHONG LA YANG YOD PAR MTHONG NGO, ,GANG DAG GI ZHE NA, GRANGS BZHIN DU STON TE, LONG BA DANG 'ON PA LA SOGS PA'I NI MED DO, ,MA LONG BA DANG MA 'ON PA LA SOGS PA'I YOD DO, ,STZOGS PA ZHES BYA BA'I SGRAS NI SNA'I DBANG PO LA SOGS PA NYAMS PA'I BSDU'O, ,DE'I PHYIR DE LA YANG RGYU GZHAN MA NGES PA'I NGO BO CI ZHIG GRANGS BZHIN DU MED PA DANG YOD PA KHO NAR NGES SO, ,DE YANG CI ZHIG YIN ZHE NA, SMRAS PA LTOS PAR BYA BA'I RGYU GZHAN GANG YIN PA DE NI DBANG PO STE MIG LA SOGS PA YIN NO SNYAM DU BSAMS PA YIN NO, ,'DI LA SGRUB PA NI RNAM PAR SHES PA LNGA'I TSOGS SKYED PAR BYED PAR 'DOD PA YUL DANG YID LA BYED PA'I MTSAN NYID KYI DNGOS PO 'DI NI RGYU GZHAN DANG LHAN CIG RANG GI 'BRAS BU SKYED PAR BYED PA YIN TE, RES 'GA' KHO NA RANG GI 'BRAS BU SKYED PAR BYED PA'I PHYIR RO, ,GANG ZHIG RES 'GA' KHO NA RANG GI 'BRAS BU SKYED PAR BYED PA DE NI RGYU GZHAN DANG LHAN CIG RANG GI 'BRAS BU SKYED PAR BYED PA YIN NO, ,DPER NA MYU GU SKYED PAR BYED PA ZHING DANG CHU DANG SA BON GYI MTSAN NYID KYI RGYU GZHAN DANG LHAN CIG RANG GI 'BRAS BU MYU GU SKYED PAR BYED PA RES 'GA' KHO NA RANG GI 'BRAS BU SKYED PAR BYED PA LTA BU STE, SA BON YOD PA'I GNAS SKABS NA MYU GU SKYED PAR BYED PA'I PHYIR DANG, SA BON MED PA'I GNAS SKABS NA RANG GI 'BRAS BU SKYED PAR MI BYED PA'I PHYIR RO, ,YUL DANG YID LA BYED PA'I MTSAN NYID KYI DNGOS PO DE YANG DE DANG 'DRA STE, DE NI MA LONG BA DANG MA 'ON PA'I @313B GNAS SKABS NA NI RANG GI 'BRAS BU RNAM PAR SHES PA LNGA'I TSOGS KYI MTSAN NYID SKYED PAR BYED PA YIN LA, LONG BA DANG 'ON PA'I GNAS SKABS NA NI SKYED PAR BYED PA MA YIN NO, ,DE LTA BAS NA 'DI NI RGYU GZHAN DANG LHAN CIG 'BRAS BU SKYED PAR BYED PA YIN NO, ,DE NI DBANG PO YIN NO ZHES BYA BA JI LTAR NA DE DBANG PO YIN NO ZHES BYA BAR YONGS SU GCOD DE, 'DI LA RGYU GZHAN ZHIG YOD DO ZHES BYA BA DE KHO NA TZAM ZHIG TU YONGS SU GCOD KYI DE DBANG PO YIN NO ZHES BYA BAR NI MA YIN NO ZHE NA 'DI NI DRANG SRONG CHEN PO'I SMON NAS SHES PA'I YONGS SU BCAD PA'I PHYIR DANG, MIG GI RNAM PAR SHES PA LA SOGS PA'I RGYU MIG GI DBANG PO LA SOGS PA YOD PA NYID DO ZHES BYA BA LA, THAMS CAD RTZOD PA MED PA'I PHYIR GRUB PA KHO NA YIN NO, ,BDAG NI DE LTAR YOD PA MA YIN PAS BDAG MED DO ZHES BYA BA NI MJUG SDUD PA YIN NO, ,SGRUB PA NI DON GYIS NA 'DI SKAD DU BDAG NI MED DE, TSAD MAS MI DMIGS PA'I PHYIR GTAN MED PA LTA BU'O ZHES BSHAD PA YIN NO, ,GAL TE RJES SU DPAG PA YOD DE DE'I PHYIR GTAN TSIGS MA GRUB PA YIN NO ZHE NA MA YIN TE, DE BRJOD DGOS PA'I PHYIR RO, ,GAL TE DE YOD NA DE SMROS SHIG ,TSIG TZAM GYIS NI GTAN TSIGS 'DI MA GRUB PA YIN NO ZHES BZLOG TU MI RUNG NGO, ,'O NA GANG GNAS MA'I BU RNAMS ZHES BYA BA RGYAS PAR 'BYUNG BA GNAS MA'I BU NI 'PHAGS PA MANG POS BKUR BA'I SDE PA DAG STE, 'DIS NI BDAG TU LTA BA PHYIN CI LOG LA ZHEN PA NYID KYI MTSAN NYID KYI GTAN TSIGS MA NGES SO ZHES STON PAR BYED DE, GNAS MA'I BU RNAMS NI SANGS RGYAS PA YIN PA'I PHYIR THAR PA MI 'DOD PA MA YIN NO, ,YANG NA BDAG MED DO ZHES BYA BA 'DIS PHYOGS 'DI SKYON DANG BCAS PA YIN NO ZHES PHYOGS SNGA MA 'GAL BAR STON TE, GNAS MA'I BU'I SDE DAG RANG GI PHYOGS YIN PAS SO, ,'DI NI RE ZHIG DPYAD PAR BYA BA YIN TE ZHES BYA BA NI DE'I SDE'I GANG ZAG BTAGS PAR YOD PA YIN PAS NYES PA MED DO SNYAM DU BSAMS PA'O, ,RDZAS SU ZHES BYA BA NI CI ZHIG BTAGS PAR ZHES BYA BA 'DI YANG CI ZHIG YIN ZHES GLENGS PA DANG, SLOB DPON GYIS GAL TE GZUGS LA SOGS PA BZHIN DU DNGOS @314A *, ,PO GZHAN ZHIG YIN NO ZHE NA NI RDZAS SU YOD PA YIN NO ZHES BYA BA SMOS TE, GAL TE JI LTAR GZUGS LA SOGS PA SGRA LA SOGS PA LAS DNGOS PO THA DAD PA LTAR 'DOD NA NI GZUGS NI SGRA LAS MTSAN NYID THA DAD PA YIN NO ZHES BYA BA LA SOGS PA LTA BUR GANG ZAG RDZAS SU YOD DO ZHES KHAS BLANGS PA YIN NO, ,GAL TE 'O MA LA SOGS PA BZHIN DU SPYI YIN NO ZHE NA ZHES BYA BA NI GAL TE JI LTAR 'O MA DANG KHYIM DANG, DMAG LA SOGS PA GZUGS DANG SGRA DANG DRI DANG RO DANG REG BYA DAG DANG RTZVA DANG SHING DANG SO BAG DAG DANG, GLANG PO CHE DANG, RTA DANG SHING RTA LA SOGS PA DE DAG LAS DNGOS PO GZHAN YIN PAR MI 'DOD KYI, DE DAG NYID KYI SPYI TZAM DU ZAD DO ZHES BYA BA DE LTAR 'DOD NA NI, GANG ZAG BTAGS PAR YOD DO ZHES KHAS BLANGS PA YIN TE, GZUGS LA SOGS PA DANG RTZVA LA SOGS PA DANG, GLANG PO CHE LA SOGS PA LAS GZHAN PA 'O MA DANG, KHYIM DANG DMAG CES BYA BA'I DNGOS PO NI CI YANG MED DO, ,DE LAS CIR 'GYUR ZHES BYA BA NI DE LAS NYES PA CIR 'GYUR ZHES BYA BA'I THA TSIG GO, ,RE ZHIG GAL TE RDZAS SU YOD NA ZHES BYA BA NI PHYOGS SNGA MA LA BRTEN NA'O, ,GANG ZAG DE RANG BZHIN THA DAD PA'I PHYIR TE MTSAN NYID THA DAD PA'I PHYIR PHUNG PO RNAMS LAS GZHAN NO ZHES BRJOD PAR BYA'I PHUNG PO'I SPYI TZAM NI MA YIN NO, ,PHAN TSUN GYI PHUNG PO BZHIN NO ZHES BYA BA NI JI LTAR MTSAN NYID THA DAD PA'I PHYIR GZUGS KYI PHUNG PO LAS TSOR BA'I PHUNG PO GZHAN YIN PA LTAR PHUNG PO DAG LAS GANG ZAG KYANG DE DANG 'DRA BAR 'GYUR TE, GANG ZAG NI GZUGS KYI PHUNG PO LA SOGS PA'I MTSAN NYID MA YIN PA'I PHYIR RO, ,'DI'I RGYU YANG BRJOD DGOS SO ZHES BYA BA NI GAL TE 'DUS BYAS YIN NO SNYAM DU BSAMS PA YIN NO, ,'ON TE 'DUS MA BYAS YIN NA NI DE'I PHYIR MU STEGS CAN GYI LTA BUR YANG THAL BAR 'GYUR ZHES BYA BA NI 'DUS MA BYAS YIN BA DE'I PHYIR GNAS MA'I BU RNAMS MU STEGS CAN GYI LTA BAR THAL BAR 'GYUR RO, ,DGOS PA MED PA NYID DU YANG 'GYUR RO ZHES BYA BA NI, MKHA' LA CHAR NYIS CI ZHIG BYA, ,DE GNYIS 'BRAS BU PAGS PA YOD, ,GAL TE PAGS 'DRA DE MI RTAG ,GAL TE MKHA' 'DRA 'BRAS BU MED, ,SNYAM DU @314B BSAMS PA YIN NO, ,LONG BA LTA BU'I TSIG DON MI GSAL BA 'DI ZHES BYA BA 'DI LONG BA DANG 'DRA BAS NA LONG BA LTA BU'O, ,CI'I PHYIR ZHE NA, 'DI LTAR DON MI GSAL BA STE, DON MI MNGON PA ZHES BYA BA'I THA TSIG GO, ,PHUNG PO RNAMS LA DMIGS NAS ZHES BYA BA NI BZUNG NAS ZHES BYA BA'I DON TE, JI LTAR DPER NA GZUGS LA SOGS PA BZUNG NAS 'O MA 'DOGS KYI, GZUGS LA SOGS PA LA MA GTOGS PA'I 'O MA MED PA LTAR GANG ZAG KYANG DE DANG 'DRA BAS GANG ZAG BTAGS PA'I YOD PAR 'GYUR RO ZHES BYA BA'I THA TSIG GO, ,PHUNG PO RNAMS LA BRTEN NAS ZHES BYA BA NI GAL TE PHUNG PO RNAMS LA BRTEN TE GNAS NAS SO, ,SKYON DE NYID DU 'GYUR RO ZHES BYA BA NI PHUNG PO DE DAG NYID LA GANG ZAG 'DOGS PAR 'GYUR RO ZHES BYA BA'I THA TSIG GO, ,YANG NA GANG ZAG 'DOGS PA'I RKYEN NI PHUNG PO DAG YIN GYI GANG ZAG NI MA YIN NO, ,GANG ZAG NI DE KHO NA BZHIN DU BTAGS PA'I YOD PA YIN PAS SKYON DE NYID DU 'GYUR RO, ,JI LTAR BUD SHING RGYUR BYAS NAS ME 'DOGS PA BZHIN NO ZHES BYA BA LA, GNAS MA'I BU RNAMS KYI BSAM PA NI GANG ZAG RDZAS SU YOD PA LA GZHAN MA YIN PA YANG MA YIN TE, RANG GI NYE BAR LEN PA RGYUR BYAS NAS GDAGS PAR BYA BA YIN PA'I PHYIR RO, , DNGOS PO GZHAN YANG MA YIN GZHAN MA YIN PA YANG MA YIN PA GANG ZHIG RANG GI NYE BAR LEN PA RGYUR BYAS NAS 'DOGS PA DE NI RDZAS SU YOD DE, DPER NA ME LTA BU'O SNYAM PA YIN NO, ,DE NYID KYI PHYIR GAL TE GZHAN YIN NA NI ZHES BYA BA RGYAS PAR SMRAS TE, 'JIG RTEN DANG 'GAL BA DANG RANG GI GRUB PA'I MTHA' DANG 'GAL BA STON PAR BYED DO, ,RTAG PAR THAL BAR 'GYUR RO ZHES BYA BA NI 'DUS MA BYAS LTA BUR RO, ,CHAD PAR THAL BAR 'GYUR RO ZHES BYA BA NI PHUNG PO BZHIN DU'O, ,RE ZHIG 'JIG RTEN NA NI SHING LA SOGS PA ME 'BAR BA LA BUD SHING ZHES BYA BA RGYAS PAR 'BYUNG BA 'DIS NI DPE MA GRUB PA NYID DU STON TE, ME DANG BUD SHING DAG NI GZHAN PA NYID DU 'DOD DO, ,DES DE TSIG PA DANG SREG PAR BYED CES BYA BA NI ME DES BUD SHING DE TSIG PAR BYED SREG PAR BYED CES BYA BA'I THA TSIG STE, DA GZHOB TU 'BYIN CING THAL BAR RLOG GO, ,RGYUR 'GYUR BAR BYED PA'I PHYIR RO ZHES @315A *, ,BYA BA NI THAL BAR RLOG GO ZHES BYA BA'I THA TSIG GO, ,GZHAN DAG NA RE TSIG PA DANG SREG PAR BYED PA ZHES BYA BA NI RNAM GRANGS DAG YIN NO ZHES ZER RO, ,BRGYAD PA YIN NO ZHES BYA BA NI BUD SHING DANG ME DE GNYI GA 'BYUNG BA CHEN PO BZHI DANG RGYUR BYAS PA'I GZUGS BZHI PO GZUGS NAS REG BYA'I BAR ZHES BYA BA RDZAS BRGYAD PA YIN TE, GRUB PA'I MTHA' LAS, 'DOD NA DBANG PO MED PA YI, ,SGRA MED RDUL PHRAN RDZAS BRGYAD DO, ,ZHES BYA BA'I PHYIR RO, ,DUS THA DAD PA'I PHYIR ZHES BYA BA NI BUD SHING NI SNGA LA ME NI 'PHYI'O, ,DUS THA DAD PA DAG KYANG GZHAN PA NYID DU MTHONG STE SA BON DANG MYU GU DAG LTA BU'O, ,MI RTAG PAR YANG 'GYUR RO ZHES BYA BA NI SKYE BA DANG LDAN PA GZUGS LA SOGS PA MI RTAG PA NYID DU MTHONG BA'I PHYIR RO, ,'ON TE SHING LA SOGS PA 'BAR BA DE NYID LA ZHES BYA BA NI DE GNYI GA'I MTSAN NYID KYI SPYI LA'O, ,DE GNYIS KYANG MTSAN NYID THA DAD PA'I PHYIR GZHAN NYID YIN PAR GRUB BO ZHES BYA BA NI ME DANG BUD SHING MTSAN NYID DE LTA BU DE GNYIS KYANG MTSAN NYID THA DAD PA'I PHYIR GZHAN NYID YIN PAR GRUB STE, SA'I KHAMS LA SOGS PA'I MTSAN NYID GZHAN YIN PA'I PHYIR RO, ,MTSAN NYID THA DAD PA RNAMS NI GZHAN NYID YIN PAR MTHONG STE; GZUGS DANG TSOR BA LA SOGS PA LTA BU'O, ,RGYUR BYAS PA'I DON YANG BRJOD DGOS TE ZHES BYA BA NI GZHAN YIN PA'I PHYIR RO SNYAM DU BSAMS PA YIN NO, ,DE NI DE'I RGYU YANG MA YIN LA ZHES BYA BA NI 'BYUNG BA GSUM GYI MTSAN NYID KYI BUD SHING DE NI DRO BA'I MTSAN NYID KYI ME DE'I RGYUR RUNG BA MA YIN TE, LHAN CIG SKYES PA'I PHYIR BA LANG GI RVA G-YAS G-YON BZHIN NO, ,DE GDAGS PA'I RGYU YANG MA YIN ZHES BYA BA NI ME GDAGS PA'I'O, ,GAL TE RGYUR BYAS PA'I DON RTEN GYI DON NAM ZHES BYA BA NI BUD SHING RGYUR BYAS NAS ZHES BYA BA BUD SHING LA BRTEN NAS ZHES BYA BA'I THA TSIG GO, ,LHAN CIG 'BYUNG BA'I DON ZHES BYA BA NI LHAN CIG 'BYUNG BA'I DON BUD SHING DANG LHAN CIG 'BYUNG BA NYID DU BZUNG NAS ZHES BYA BA'I DON TO, ,RTEN NAM LHAN CIG 'BYUNG BA DAG YIN PAR 'GYUR ZHES BYA BA NI RTEN DU GYUR PA DANG LHAN CIG 'BYUNG BAR 'GYUR RO ZHES BYA BA'I THA TSIG @315B STE, GNAS MA'I BU RNAMS GZHAN NYID DU GSAL BAR DAM 'CHA' BA YIN NO, ,DA MAD NA ZHES BYA BA NI PHUNG PO MED NA'O, ,'BYUNG BA GZHAN GYI RANG BZHIN YIN PA'I PHYIR RO ZHES BYA BA NI SA'I KHAMS LA SOGS PA'I RANG BZHIN YIN PA'I PHYIR RO, ,GZHAN PA DA YANG ZHES BYA BA NI DRO BA NYID DANG LDAN PA 'BA' ZHIG DRO BAR MA ZAD KYI GZHAN ME 'BAR BA DANG 'BREL PA'I SA LA SOGS PA DE YANG DRO BAR 'GRUB PO, ,DE'I PHYIR JI LTAR DE GZHAN NYID YIN NA NYES PA MED PA LTAR 'DI YANG DE DANG 'DRA'O, ,DES NA BRJOD PAR BYA BA MA YIN NO ZHES BYA BA'I PHYOGS DE MED PAR 'GYUR RO, ,SHING LA SOGS PA ZHES BYA BA NI SHING DANG RTZVA DANG BA LANG GI LCI BA LA SOGS PA'O, ,BRJOD PAR BYA BA MA YIN PA ZHES BYA BA NI GANG ZAG GO, ,BRJOD PAR MI BYA BAR 'GYUR TE ZHES BYA BA NI SHES BYA NI RNAM PA LNGA STE ZHES BYA BAR RO, ,'O NA JI SKAD DU BRJOD PAR BYA ZHE NA, DE NI 'DAS PA LA SOGS PA LAS LNGA PA YANG MA YIN LA LNGA PA MA YIN PAR BRJOD PAR BYA'O ZHES BYA BA SMOS SO, ,GZUGS KYANG ZHES BYA BA RGYAS PAR 'BYUNG BA NI GZUGS KYANG MIG LA SOGS PA YOD NA DE DMIGS PA'I PHYIR MIG LA SOGS PA RGYUR BYAS NAS GZUGS 'DOGS SO ZHES BTAGS PA YIN PAR BRJOD PAR BYA'O, ,DMIGS PAR BYED NA ZHES BYA BA NI NYE BAR MTSON PAR BYED NA STE, DE'I NYE BAR LEN PA YIN PA'I PHYIR RO, ,GZUGS RNAMS ZHES KYANG BRJOD PAR MI BYA GZUGS RNAMS MA YIN NO ZHES KYANG BRJOD PAR MI BYA'O ZHES BYA BA NI DE'I MTSAN NYID MA YIN PA'I PHYIR DANG BRJOD PAR BYA BA MA YIN PA'I PHYIR TE, CHOS KYI BAR DU YIN PA DANG MA YIN PAR BRJOD PAR MI BYA BA YANG DE DANG 'DRA'O, ,'O MA 'AM CHU DMIGS PAR BYED NA ZHES BYA BA NI DPER BRJOD PA GNYIS SO, ,DE LTA BAS NA DE NI 'DI SKAD DU GAL TE MIG GIS RNAM PAR SHES PAR BYA BA'I GZUGS RNAMS LA BRTEN NAS 'O MA DMIGS PAR BYED NA NI 'O MA MIG GIS RNAM PAR SHES PAR BYA BA YIN NO ZHES BRJOD PAR BYA BA LA, GZUGS RNAMS ZHES KYANG BRJOD PAR MI BYA, GZUGS RNAMS MA YIN ZHES KYANG BRJOD PAR MI BYA'O ZHES BYA BA THAMS CAD BRJOD PAR BYA'O, ,DE BZHIN DU GAL TE MIG GIS RNAM PAR SHES PAR BYA BA'I GZUGS RNAMS @316A *, ,LA BRTEN NAS CHU DMIGS PAR BYED NA NI CHU MIG GIS RNAM PAR SHES PAR BYA BA YIN NO ZHES BRJOD PAR BYA LA, GZUGS RNAMS ZHES KYANG BRJOD PAR MI BYA, GZUGS RNAMS MA YIN ZHES KYANG BRJOD PAR MI BYA'O ZHES BYA BA 'DI THAMS CAD KYANG BRJOD PAR BYA'O, ,'O MA DANG CHU GNYIS BZHI NYID DU THAL BAR 'GYUR DU 'ONG BAS SO ZHES BYA BA NI GAL TE GZUGS RNAMS ZHES BYA BA NAS REG BYA RNAMS ZHES BYA BA'I BAR DU BRJOD NA NI 'O MA DANG CHU BZHI TSAN DU THAL BAR 'GYUR TE 'O MA DANG CHU RNAM PA BZHI PAR 'GYUR RO ZHES BYA BA'I THA TSIG GO, ,SGRA NI GLO BUR PA YIN PAS 'DIR MA GTOGS SO, ,DE'I PHYIR JI LTAR GZUGS LA SOGS PA 'DUS PA'I SPYI KHO NA LA 'O MA 'AM CHU ZHES 'DOGS PA DE BZHIN DU PHUNG PO RNAMS KYI SPYI KHO NA LA GANG ZAG 'DOGS SO ZHES BYA BAR GRUB BO, ,GZUGS RNAMS GANG ZAG DMIGS PA'I RGYU ZHIG YIN NAM ZHES BYA BA DANG, GZUGS RNAMS DMIGS NA GANG ZAG DMIGS ZHES BYA BA 'DI GNYIS LA KHYAD PAR CI ZHIG CE NA, PHYOGS SNGA MA LA NI GZUGS RNAMS RGYU NYID KYI DBANG DU BYAS PA YIN NO, ,GNYIS PA LA NI RGYU NYID MA YIN NO, ,'O NA CI ZHE NA, GZUGS RNAMS RGYUR BYAS NAS GANG ZAG DMIGS SO ZHES BYA BA YIN NO; ,DE LA GAL TE GZUGS RNAMS RGYU NYID YIN PAR 'DOD LA GANG ZAG DE YANG PHUNG PO DE DAG LAS GZHAN DU BRJOD PAR MI BYA'O ZHE NA, 'O NA NI KHYED LA GZUGS KYANG ZHES BYA BA RGYAS PAR 'BYUNG BA 'DI LTA BUR THAL BAR 'GYUR TE, JI LTAR KHYED KYI GZUGS RNAMS GANG ZAG DMIGS PA'I RGYU YIN LA DE YANG DE DAG LAS GZHAN DU BRJOD PAR MI BYA BA LTAR, SNANG BA DANG MIG DANG YID LA BYED PA DAG KYANG GZUGS DMIGS PA'I RGYU YIN LA, DE YANG SNANG BA LA SOGS PA DE DAG LAS GZHAN DU BRJOD PAR MI BYA'O, ,DE DAG NI DE DMIGS PA'I RGYU YIN PA'I PHYIR RO ZHES BYA BA NI SNANG BA LA SOGS PA DE DAG NI GZUGS DMIGS PA'I RGYU YIN PA'I PHYIR RO, ,GANG ZAG GZUGS LAS RANG BZHIN THA MI DAD PAR 'GYUR TE, DMIGS PA DE KHO NAS DMIGS PAR BYA BA YIN PA'I PHYIR GZUGS BZHIN NO, ,GZUGS KHO NA LA DE 'DOGS PAR ZHES BYA BA NI GANG ZAG DE 'DOGS @316B PAR TE 'GYUR NA ZHES BYA BAR SBYAR RO; ,CI'I PHYIR ZHE NA, RGYU DE NYID KYI PHYIR RO, ,'DI NI GZUGS SO ZHES BYA BA RGYAS PAR 'BYUNG BA NI DMIGS PA GCIG PA NYID YIN NA GZUGS DANG GANG ZAG DAG YONGS SU GCOD PAR MI 'GYUR RO, ,'ON TE 'DI NI GZUGS SO, ,'DI NI GANG ZAG GO ZHES BYA BA DE LTAR YONGS SU MI GCOD NA NI JI LTAR GNYI GA DAM BCA', GZUGS KHO NA DAM BCA' DGOS PAR 'GYUR TE, DE DMIGS PA YOD PA'I PHYIR RO, ,DE BZHIN DU CHOS KYI BAR DAG LAS KYANG BRJOD PAR BYA'O ZHES BYA BA JI LTAR ZHE NA, GANG YANG RNA BAS RNAM PAR SHES PAR BYA BA'I SGRA RNAMS LA BRTEN NAS GANG ZAG DMIGS PAR BYED CES SMRAS PA'I TSIG DE'I DON CI ZHIG YIN ZHE NA, CI RE ZHIG SGRA RNAMS GANG ZAG DMIGS PA'I RGYU ZHIG YIN NAM, 'ON TE SGRA RNAMS DMIGS NA GANG ZAG DA MIGS SO ZHES BYA BA YIN, GAL TE SGRA RNAMS GANG ZAG DMIGS PA'I RGYU YIN LA, DE YANG DE DAG LAS GZHAN DU BRJOD PAR MI BYA'O ZHE NA NI, DE LTA NA NI 'O NA SGRA YANG RNA BA DANG YID LA BYED PA LA SOGS PA LAS GZHAN DU BRJOD PAR MI BYA STE, DE DAG NI DE MI DMIGS PA'I RGYU YIN PA'I PHYIR RO, ,'ON TE SGRA RNAMS DMIGS NA GANG ZAG DMIGS SO ZHE NA NI, CI DMIGS PA DE KHO NAS DMIGS SAM 'ON TE GZHAN GYIS, GAL TE DE KHO NAS SO ZHE NA NI GANG ZAG SGRA LAS RANG BZHIN THA MI DAD PA'AM, SGRA KHO NA LA DE 'DOGS PAR 'GYUR NA 'DI NI SGRA'O, ,'DI NI GANG ZAG GO ZHES BYA BA 'DI YANG JI LTAR YONGS SU GCOD 'ON TE DE LTAR YONGS SU MI GCOD NA NI GZUGS KYANG YOD DO, GANG ZAG KYANG YOD DO ZHES BYA BA 'DI YANG JI LTAR DAM BCA' STE, DMIGS PA'I DBANG GIS DE YOD PAR DAM BCA' BAR ZAD DO, ,PHYOGS 'DIS CHOS KYI BAR DAG LAS KYANG SBYAR BAR BYA'O, ,SNGON PO LAS SER PO LTA BU ZHES BYA BA NI GANG GI TSE YONGS SU GCOD PAS SNGON PO DMIGS PA DE'I TSE SER PO MI DMIGS SO, ,PHYIS DMIGS PA NI DMIGS PA GZHAN GYIS DMIGS TE SER PO DE YANG SNGON PO LAS GZHAN YIN NO ZHES BYA BAR GRAGS SO, ,DE LTA NA GANG ZAG KYANG DMIGS PA GZHAN GYIS DMIGS PAS GZUGS LAS GZHAN PAR 'GYUR RO, ,DE BZHIN DU SKAD CIG MA LAS SKAD CIG MA GZHAN GZHAN YIN PA BZHIN NO ZHES @317A *, ,DPER BRJOD PAR BYA'O, ,DE BZHIN DU CHOS KYI BAR DAG LAS KYANG BRJOD PAR BYA'O ZHES BYA BA JI LTA ZHE NA, 'ON TE GZHAN GYIS SO ZHE NA NI, DUS THA DAD PAR DMIGS PA'I PHYIR GZHAN YIN PAR 'GYUR TE, DPER NA RJA BO CHE'I SGRA LAS RDZA RJA'I SGRA DANG, SKAD CIG MA LAS SKAD CIG MA GZHAN BZHIN TE, JI SKAD DU GONG DU SNGON PO LAS SER PO LTA BU DANG, SKAD CIG MA LAS SKAD CIG MA GZHAN BZHIN NO ZHES BSHAD PA LTA BU'O, ,'ON TE GZHAN GYIS SO ZHE NA NI ZHES BYA BA NAS RGYAS PAR CHOS KYI BAR DAG LAS KYANG BRJOD PAR BYA BAS NA YUL MTSAN NYID THA DAD PA DANG MTSAN NYID THA DAD MA YIN PA DUS THA DAD PAR DMIGS PAS GZHAN PA NYID DU BSTAN PA KHO NA YIN NO, ,'O NA GZUGS DANG GANG ZAG BZHIN DU ZHES BYA BA RGYAS PAR 'BYUNG BA NI GAL TE JI LTAR GZUGS DANG GANG ZAG DAG GZHAN DANG GZHAN MA YIN PAR BRJOD PAR BYA BA MA YIN PA DE BZHIN DU, DE DAG DMIGS PA DAG KYANG GZHAN DANG GZHAN MA YIN PAR BRJOD PAR BYA BA MA YIN NO ZHES DE SKAD DU SMRA NA 'O NA NI DES NA 'DUS BYAS KYANG BRJOD PAR BYA BA MA YIN PA'I PHYIR RO, ,DE DAG DMIGS PA 'DUS BYAS DE YANG BRJOD PAR BYA BA MA YIN PAS GRUB PA'I MTHA' NYAMS PA YIN NO, ,GRUB PA'I MTHA' GANG ZAG KHO NA BRJOD PAR BYA BA MA YIN NO ZHES BYA BA GANG YIN PA 'DI NYAMS PAR 'GYUR TE, 'DUS BYAS KYANG BRJOD PAR BYA BA MA YIN PA'I PHYIR RO, ,GAL TE YANG 'DI YOD LA ZHES BYA BA RGYAS PAR 'BYUNG BA NI GAL TE 'DI GZUGS RNAMS SAM MA YIN NO ZHES BRJOD PAR BYA BA MA YIN NA, 'O NA CI'I PHYIR BCOM LDAN 'DAS KYIS GZUGS BDAG MA YIN PA NAS RNAM PAR SHES PA BDAG MA YIN ZHES BYA BA'I BAR 'DI GSUNGS TE, DE SKAD DU GSUNGS PAS GANG ZAG NI BRJOD PAR BYA BA KHO NA YIN GYI BRJOD PAR BYA BA MA YIN PA NI MA YIN NO ZHES BSTAN PA YIN NO, ,SGRA LA SOGS PA BZHIN DU ZHES BYA BA NI GANG ZAG NI GZUGS KYI RNAM PAR SHES PAS MI DMIGS TE, DE'I DMIGS PA'I RKYEN DU MA GYUR PA'I PHYIR SGRA BZHIN NO, ,SOGS PA ZHES BYA BA'I SGRAS NI 'DIR DRI BZHIN NO, ,RO BZHIN NO ZHES BYA BA LA SOGS PAR SBYAR TE, DE BZHIN DU 'DI RNA BA'I RNAM PAR SHES PA LA SOGS PA MI @317B DMIGS PA NYID DU BRJOD PAR BYA STE 'DI NI PHYOGS YIN NO, ,NYE BAR DGOD PA 'DIS NI DAM BCAS PA CHOS CAN GYI KHYAD PAR LAS BZLOG PA'I SKYON BRJOD DO ZHES BYA BAR KHONG DU CHUD PAR BYA'O, ,GNYIS LA BRTEN NAS ZHES BYA BA NI GNYIS LA BRTEN NAS ZHES GSUNGS KYI GSUM LA BRTEN NAS SKYE'O ZHES NI MA GSUNGS PAS 'DIS NI MDO DANG 'GAL BA YIN NO, ,DGE SLONG MIG GI RNAM PAR SHES PA SKYED PA LA RGYU NI MIG YIN NO ZHES BYA BA RGYAS PAR 'BYUNG BA LA NYE BA'I RKYEN NI RGYU YIN NO, ,RING BA NI RKYEN KHO NA YIN NO, ,GZHAN DAG NA RE SKYED PAR BYED PA NI RGYU'O, ,RKYEN NI DMIGS PA TZAM DU ZAD DO ZHES ZER RO; ,GZHAN DAG NA RE 'DI GNYIS NI RNAM GRANGS YIN NO ZHES ZER RO, ,GANG ZAG GZUGS LAS GZHAN YIN ZHES BYA BA'I PHYOGS SU THAL BAR 'GYUR TE, RNA BA'I RNAM PAR SHES PAS RNAM PAR SHES PAR BYA BA YIN PA'I PHYIR SGRA BZHIN NO, ,DE BZHIN DU GANG ZAG SGRA LAS GZHAN YIN ZHES BYA BA'I PHYOGS SU THAL BAR 'GYUR TE, MIG GI RNAM PAR SHES PA'I YUL YIN PA'I PHYIR GZUGS BZHIN NO, ,DE BZHIN DU GZHAN DAG LAS KYANG SBYAR BAR BYA'O ZHES BYA BA NI GANG ZAG GZUGS DANG SGRA DAG LAS GZHAN YIN NO ZHES BYA BA'I PHYOGS SU THAL BAR 'GYUR TE, SNA'I RNAM PAR SHES PAS RNAM PAR SHES PAR BYA BA YIN PA'I PHYIR DRI BZHIN NO ZHES BYA BA STE, 'DI NI SBYOR BA'I PHYIR PHYOGS YIN NO, ,RANG RANG GI SPYOD YUL DANG YUL NYAMS SU MYONG BA YIN GYI ZHES 'BYUNG BA'I PHYIR GANG ZAG NYAMS SU MYONG BA NI MA YIN NO ZHES BSHAD PA YIN NO, ,YID KYI DBANG PO NI 'DI DAG GI RTEN YIN NO ZHES BYA BA 'DI NI ZHAR LA BSHAD PAR ZAD KYI 'DI DPER BRJOD PA NI MA YIN NO, ,DE LTA MOD KYI YID NI DBANG PO 'DI DAG GI RTEN YIN NO ZHES BYA BA NI DE LA LTOS PA'I DBANG PO RNAMS RNAM PAR SHES PA SKYE BA'I RGYU YIN NO ZHES BYA BA'I THA TSIG GO, ,YANG NA GANG ZAG YUL MA YIN PAR 'GYUR RO ZHES BYA BA NI GAL TE MDO SDE TSAD MAR BYA NA'O, ,DES NA CIR 'GYUR ZHE NA, GAL TE YUL MA YIN NO ZHE NA ZHES BYA BA SMOS TE, GAL TE GANG GI YUL YANG MA YIN NA 'O NA NI RNAM PAR SHES PAR BYA BA MA YIN PAR 'GYUR RO, ,DE'I PHYIR ZHES BYA BA NI RNAM PA LNGA STE ZHES BYA BA RANG GI GRUB PA'I MTHA' DANG 'GAL BAR 'GYUR RO, ,GAL TE DE LTAR MDO LAS GZHAN GYIS GZHAN GYI SPYOD @318A *, ,YUL DANG YUL NYAMS SU MYONG BA NI MA YIN NO ZHES 'BYUNG BA'I PHYIR MIG LA SOGS PA LNGA'I TSAD MAR BYAS NA RANG GI YUL 'KHRUL PA MED DO, ,RANG GI YUL LA 'KHRUL PA MED NA YANG GANG ZAG MIG GI RNAM PAR SHES PA LA SOGS PAS RNAM PAR SHES PAR BYA BA MA YIN NO, ,DE LTAR NA NI YID KYI DBANG PO YANG 'KHRUL PA MED PAR 'GYUR TE, MDO LAS DBANG PO DRUG PO 'DI DAG NI SPYOD YUL THA DAD PA CAN YIN ZHING ZHES BYA BA RGYAS PAR 'BYUNG BA'I PHYIR RO, ,'GA' ZHIG GIS SROG CHAGS DRUG PO KHYI DANG BYA DANG WA DANG CHU SRIN BYIS PA GSOD DANG SBRUL DANG SPRE'U RNAMS SPREL NAS BAR DU MDUD PA BOR TE, BOR BA DE DAG GRONG DANG NAM MKHA' DANG, DUR KHROD DANG, CHU'I NANG DANG GROG MKHAR DANG, NAGS TSAL GYI NANG 'DOD PA'I PHYIR RANG RANG GI SPYOD YUL DANG YUL 'DOD PA DE BZHIN DU DBANG PO DRUG PO 'DI DAG KYANG RANG RANG GI SPYOD YUL DANG YUL 'DOD PA YIN NO ZHES DE LTAR 'DIR DPE TZAM DU BYA'O, ,GAL TE MDO'I TSIG YOD BZHIN DU YANG YID KYI DBANG PO 'KHRUL PA YIN NA NI, DE LTA NA MIG LA SOGS PA'I DBANG PO RNAMS KYANG 'KHRUL PAR 'GYUR RO, ,'KHRUL NA NI GANG ZAG MIG GI RNAM PAR SHES PA LA SOGS PAS RNAM PAR SHES PAR BYA BA YIN PAR 'GYUR RO ZHE NA, ,'DIR DE NI DBANG PO KHO NA LA DBANG PO YIN PAR MA GSUNGS KYI ZHES BYA BA RGYAS PAR SMOS TE, SROG CHAGS DRUG PA LTA BU'I MDO DE LAS NI, MIG LA SOGS PA'I DBANG PO KHO NA LA DBANG PO YIN PAR MA GSUNGS SO, ,CI'I PHYIR ZHE NA, MIG LA SOGS PA DBANG PO LNGA LA MTHONG BA LA SOGS PAR 'DOD PAR MI SRID PA'I PHYIR RO, ,'DI LTAR 'DI DAG LA MTHONG BA DANG THOS PA LA SOGS PAR 'DOD PA MI SRID DE, GZUGS KYI NGO BO NYID YIN PA'I PHYIR RO, ,DE DAG NI RNAM PAR SHES PA ZHES MIG GI RNAM PAR SHES PA LA YANG MTHONG BA LA SOGS PAR 'DOD PA MI SRID PA'I PHYIR RO, ,CI'I PHYIR 'DI DAG LA MTHONG BA DANG THOS PA LA SOGS PA 'DOD PA MI SRID CE NA, RNAM PAR RTOG PA MED PA'I PHYIR RO, ,DE DAG GI DBANG GIS DRANGS PA'I YID KYI RNAM PAR SHES PA NI DBANG PO YIN PAR GSUNGS TE DBANG PO DANG 'DRA BA'I PHYIR RO, ,DE NI DE DAG GI DBANG GIS DRANGS PA YIN NO ZHES BYA BAR JI LTAR SHES SHE NA, GAL TE MIG GI SGO DANG RNA BA LA SOGS PA'I SGO NAS MIG GI RNAM PAR SHES PA @318B LA SOGS PA SKYES PAR MA GYUR NA GZHAN DU NA JI LTAR YID KYI RNAM PAR SHES PA RNAM PAR RTOG PA CAN DE SKYE BAR 'GYUR, DE'I PHYIR DE DAG GI DBANG GIS DRANGS PA YIN NO ZHES BYA BAR SHES PAS YID KYI RNAM PAR SHES PA MIG GI DBANG PO LA SOGS PA LTA BU DE RANG RANG GI SPYOD YUL DANG YUL NYAMS SU MYONG ZHING GZUGS LA SOGS PA 'DOD PA YIN NO, ,YID KYI DBANG 'BA' ZHIG GIS DRANGS PA'I YID KYI RNAM PAR SHES PA GANG YIN PA ZHES BYA BA RGYAS PAR 'BYUNG BA NI YID KYI DBANG GIS DRANGS PA GANG YIN PA DE NI DE LAS GZHAN PA MIG LA SOGS PA'I YUL LA MI 'DOD PA NYID DO, ,'O NA CI ZHE NA, RANG GI YUL CHOS KYI SKYE MCHED KHO NA LA DMIGS TE, DE'I PHYIR GAL TE DE LTA NA YID KYI DBANG PO YANG 'KHRUL PA MED PAR 'GYUR TE ZHES SMRAS PA GANG YIN PA DE NYES PA MED DO, ,GANG ZAG NI MA YIN PAS ZHES BYA BA CI ZHE NA MNGON PAR SHES PAR BYA BA DANG YONGS SU SHES PAR BYA BA'O, ,DE LTA BAS NA GANG ZAG 'DI RNAM PAR SHES PAR BYA BA YANG MA YIN TE, DON GYIS NA 'DI MNGON BAR SHES PAR BYA BA DANG YONGS SU SHES PAR BYA BA MA YIN NO ZHES BSHAD KYI DON GYI RNAM PAR SHES PAR BYA BA MA YIN NO ZHES NI MA BSHAD PA YIN NAM ZHE NA, DE'I PHYIR SHES RAB DANG RNAM PAR SHES PA GNYIS NI YUL 'DRA BA'I PHYIR RO ZHES BYA BA SMOS SO, ,MIG LA SOGS PA NI RNAM PAR SHES PAR BYA BA YANG YIN GYI MNGON PAR SHES PAR BYA BA 'BA' ZHIG TU NI MA ZAD DO, ,BDAG MED BAS ZHES BYA BA NI MIG GIS TE, MIG GI RNAM PAR SHES PAS ZHES BYA BA'I DON TO, ,NGES PA'I DON GYI MDO LA BRTEN PAR GSUNGS ZHES BYA BA NI DGE SLONG DAG BZHI PO 'DI DAG NI BRTEN PA YIN NO, ,BZHI GANG ZHE NA, CHOS LA BRTEN GYI GANG ZAG LA MA YIN PA DANG, DON LA BRTEN GYI TSIG 'BRU LA MA YIN PA DANG, NGES PA'I DON GYI MDO LA BRTEN GYI DRANG BA'I DON LA MA YIN PA DANG, YE SHES LA BRTEN GYI RNAM PAR SHES PA LA MA YIN PA'O ZHES 'BYUNG BA YIN NO, ,BTAGS PA LA LHUNG BAR ZAD CES BYA BA NI GANG KHO NA LA THA SNYAD GDAGS PA'I DON DU BDAG GO ZHES GDAGS PAR BYA BA DE KHO NA LA BDAG TU MNGON PAR ZHEN PAR ZAD DO, ,'DIR DPER BRJOD PA NI, 'DI LA BDAG GAM SEMS CAN MED, ,CES BYA BA 'DI DANG, @319A *, ,GANG ZAG DMIGS PA MA YIN NO, ,ZHES BYA BA 'DI YIN NO, ,DE YANG 'GA' YANG MI DMIGS SO, ,ZHES BYA BA 'DI YANG DPER BRJOD PA YIN TE, GANG ZHIG STONG PA NYID GOMS PAR BYED PA'I RNAL 'BYOR PA YANG MED DO, ,BDAG TU LTA BA DANG ZHES BYA BA NAS SROG TU LTA BAR 'GYUR ZHES BYA BA'I BAR NI NYES DMIGS DANG PO'O, ,MU STEGS CAN RNAMS DANG KHYAD PAR MED PAR 'GYUR ZHES BYA BA NI GNYIS PA'O, ,LAM GOL BAR ZHUGS PAR 'GYUR ZHES BYA BA NI GSUM PA'O, ,'DI'I SEMS STONG PA NYID LA MI 'JUG CING ZHES BYA BA NAS RNAM PAR GROL BAR MI 'GYUR ZHES BYA BA'I BAR NI BZHI PA'O, ,'DI'I 'PHAGS PA'I CHOS RNAMS RNAM PAR BYANG BAR MI 'GYUR RO ZHES BYA BA NI LNGA PA'O, ,'O NA NI DE DAG GI STON PA YANG SANGS RGYAS MA YIN ZHES BYA BA NI DE DAG LA SANGS RGYAS KYI BKA' TSAD MA MA YIN PAS SO SNYAM DU BSAMS PA'O, ,'DI NI SANGS RGYAS KYI BKA' MA YIN NO ZHES BYA BA 'DI 'GA' ZHIG GIS MDO SDE RNAMS SGRO BTAGS SO SNYAM DU BSAMS PA YIN NO, ,SDE PA GZHAN THAMS CAD LAS ZHES BYA BA NI GOS DMAR BA'I SDE PA LA SOGS PA LAS SO, ,MDO DANG MI 'GAL BA NI MDO SDE DANG 'GAL BA MED PA'O, ,CHOS NYID DANG YANG MI 'GAL BA NI RTEN CING 'BREL PAR 'BYUNG BA'I CHOS NYID DANG NGO, ,CHOS THAMS CAD NI BDAG MED PA'O ZHES BYA BA NI DE DAG NI BDAG GI NGO BO NYID KYANG MA YIN LA, DE DAG LA YANG BDAG MED PAS CHOS THAMS CAD NI BDAG MED PA'O, ,GNYIS LA BRTEN NAS ZHES BYA BA NI MIG DANG GZUGS RNAMS NAS, YID DANG CHOS RNAMS KYI BAR LA'O, , BDAG MED PA NI PHUNG PO DANG, SKYE MCHED DANG KHAMS RNAMS YIN NO ZHES SMRAS NA RE ZHIG SNGAR GZUGS RNAMS ZHES KYANG BRJOD PAR MI BYA, GZUGS RNAMS MA YIN ZHES KYANG BRJOD PAR MI BYA'O ZHES SMRAS PA GANG YIN PA DE NI BSAL TE, BDAG GZHAN YIN PA'I PHYIR DE NI BOR BAR 'GYUR RO,, DE LTA BAS NA BDAG TU 'DZIN PA THAMS CAD NI BDAG MED PA KHO NA LA YIN NO ZHES BYA BA NI DE LAS GZHAN MED PAS SO, ,GAL TE DE LTA NA ZHES BYA BA RGYAS PAR 'BYUNG BA NI GAL TE RJES SU DRAN PA NA NYE BAR LEN PA'I PHUNG PO LNGA PO 'DI DAG KHO NA RJES SU DRAN PAR GYUR TAM, RJES SU DRAN NAM RJES SU DRAN PAR 'GYUR GYI GANG @319B ZAG NI MA YIN NAM, CI'I PHYIR BDAG NI 'DAS PA'I DUS NA GZUGS 'DI LTA BU DANG LDAN PAR GYUR TO ZHES GSUNGS TE, BDAG CES GSUNGS PA'I PHYIR GANG ZAG LA BYA BAR STON TO, ,GANG ZAG DE LTAR RNAM PA DU MAS RJES SU DRAN PA DE DAG DE LTAR RJES SU DRAN NO ZHES BYA BAR TSIG KHONG NAS DRANG NGO, ,'DI LA NI MA BTON PA KHO NA SKABS YIN NO ZHES BYA BA NI BDAG MED CES 'DON PA YIN NA 'JIG TSOGS LA LTA BA YONGS SU 'DZIN PAR THAL BAR 'GYUR RO ZHES BYA BA'I THA TSIG GO, ,'JIG TSOGS LA LTA BA'I MU NI NYI SHU 'BYUNG STE, BDAG GZUGS YIN NO ZHES YANG DAG PAR RJES SU LTA BA DANG, BDAG GZUGS DANG LDAN PA DANG, GZUGS BDAG GI YIN PA DANG, GZUGS LA BDAG GNAS PA ZHES BYA BA NAS DE BZHIN DU RNAM PAR SHES PA'I BAR DU BRJOD PAR BYA'O, ,PHUNG PO DANG RGYUN LA SOGS PA BZHIN NO ZHES BYA BA NI PHUNG PO BZHIN DANG RGYUN BZHIN NO, ,SOGS PA ZHES BYA BA'I SGRAS NI BTUNG BA LA SOGS PA BSDU'O, ,SKAD CIG MA GCIG LA MANG PO RNAMS 'DUS PA NI PHUNG PO'O, ,SKAD CIG MA MANG PO LA 'DUS PA DAG NI RGYUN NO, ,PHUNG PO'I DPE NI CHOS MANG PO DAG LA GANG ZAG 'DOGS PAR STON TO, ,RGYUN GYI DPE NI GZUGS DANG TSOR BA LA SOGS PA'I PHUNG PO DAG NI RGYUN MANG PO NYID YOD NA GANG ZAG 'DOGS PAR STON TO, ,'DI JI LTAR KHONG DU CHUD CES BYA BA NI SANGS RGYAS ZHES BYA BA'I RGYUD LA GANG DU BZHED PAR GTAD PA TZAM GYIS PHYIN CI MA LOG PA'I MKHYEN PA SKYE BA GANG YIN PA'I MTHU 'DI YOD KYI, GANG ZAG NI MA YIN NO ZHES BYA BA'O, ,SMRAS PA, 'DAS PA LA SOGS PA GSUNGS PA'I PHYIR TE, RDZOGS SANGS RGYAS 'DAS GANG DAG DANG, ,ZHES BYA BA RGYAS PAR BRJOD NAS, DE LTA BAS NA PHUNG PO'I RGYUN KHO NA LA SANGS RGYAS ZHES BYA'I GANG ZAG LA NI MA YIN NO ZHES MJUG BSDU'O, ,DGE SLONG DAG KHYED LA KHUR YANG BSTAN TO ZHES BYA BA RGYAS PAR 'BYUNG BA NI DGE SLONG DAG KHYED LA KHUR LEN PA DANG KHUR 'DOR BA DANG KHUR KHYER BA YANG BSTAN GYI DE'I PHYIR LEGS PAR RAB TU NYON LA YID LA ZUNG SHIG DANG BSHAD DO, ,KHUR GANG ZHE NA, NYE BAR LEN PA'I PHUNG PO LNGA'O, ,KHUR LEN PA GANG ZHE NA, YANG SRID PA'I SRED PA DGA' BA'I 'DOD CHAGS DANG LDAN PA DE DANG DER MNGON PAR DGA' BA'O, ,KHUR 'DOR BA GANG ZHE NA, YANG NA @320A *, ,SRID PA PA'I SRED PA DGA' BA'I 'DOD CHAGS DANG LDAN PA DE DANG DER MNGON PAR DGA' BA DE NYID MA LUS PAR SPANGS PA DANG, SO SOR NGES PAR 'BYUNG BA DANG, BYANG BAR GYUR PA DANG, ZAD PA DANG, 'GOG PA DANG, NYE BAR ZHI BA DANG, NUB PA GANG YIN PA'O, ,KHUR KHYER PA GANG ZHE NA, GANG ZAG YIN NO ZHES BRJOD PAR BYA STE, TSE DANG LDAN PA DE MING NI 'DI ZHES BYA, RIGS NI 'DI ZHES BYA, ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG, TSE NI 'DI TZAM ZHIG THUB, YUN NI 'DI SRID CIG GNAS GNAS, TSE'I MTHA' NI 'DI TZAM ZHIG GO ZHES BYA BA GANG YIN PA'O, ,KHUR KHYER BAR BYED PAS NA KHUR KHYER BA STE DPER BRJOD PA NI 'DI YIN NO, ,DE NYID KYI PHYIR KHUR NYID KHUR KHYER BA YIN PAR NI RIGS PA MA YIN TE ZHES BYA BA SMOS SO, ,JI SKAD DU BSHAD PA'I MTSAN NYID CAN GYI PHUNG PO LEN PA YANG PHUNG POS MA BSDUS PAR THAL BAR YANG 'GYUR RO ZHES BYA BA NI GANG ZAG BZHIN DU PHUNG POS MA BSDUS PAR THAL BAR 'GYUR BA ZHIG NA, DE LTAR YANG MI 'DOD DE DE LTA BAS NA PHUNG PO LEN PA BZHIN GANG ZAG PHUNG PO DAG LAS DON GZHAN DU 'GYUR BA MA YIN NO, ,KHUR KHYER BA NI BCOM LDAN 'DAS KYIS CI NAS KYANG ZHES BYA BA THAMS CAD RGYAS PAR BRJOD NAS, GZHAN DU SHES PAR MI 'GYUR BAR ZHES BYA BA BRJOD PAR BYA'O, ,GAL TE GANG ZAG RDZAS SU YOD PAR 'GYUR NA MDO DE LAS KHUR KHYER BA GANG ZHE NA, GANG ZAG YIN NO ZHES BRJOD PAR BYA STE ZHES BYA BA DE KHO NA TZAM ZHIG GSUNGS PAR 'GYUR GYI, YANG TSE DANG LDAN PA MING NI 'DI ZHES BYA ZHES BYA BA NAS RGYAS PAR TSE'I MTHA' NI 'DI TZAM ZHIG GO ZHES BYA BA'I BAR RNAM PAR MA PHYE BAR 'GYUR RO, ,YANG KHYAD PAR DU MDZAD PA 'DI NI GANG ZAG BTAGS PAR YOD PA YIN NO ZHES SHES PAR BYA BA'I PHYIR RO SNYAM DU DGONGS PA YIN TE, CI NAS KYANG DE NYID BTAGS PA'I YOD PA YIN PAR SHES PAR BYA'I, GANG ZAG RDZAS SU YOD PA LA RTAG PA DANG BRJOD PAR BYA BA MA YIN NO ZHES GZHAN DU NI SHES PAR MA BYED CIG CES BYA BA YIN NO, ,PHUNG PO SNGA MA RNAMS ZHES BYA BA RGYAS PAR 'BYUNG BA DE LA PHUNG PO GANG DAG GNOD PA BYED CING SDUG BSNGAL GYI RGYUR GYUR PA DE @320B DAG NI KHUR ZHES BSHAD DO, ,PHYI MA GNOD PAR 'GYUR BA GANG DAG YIN PA DE DAG NI KHUR KHYER BA ZHES BSHAD DO, ,SEMS CAN SKYE BA PA ZHES BYA BA NI SKYE BA LA MDZES PAR BYED PA'I PHYIR RO, ,GANG ZAG BDEN PA RNAMS KYI KHONGS SU MA GTOGS PA'I PHYIR RO ZHES BYA BA NI JI LTAR KUN BRTAGS PA'I GANG ZAG NI SDUG BSNGAL LA SOGS PA'I KHONGS SU MA GTOGS TE, GANG ZAG NI SDUG BSNGAL NAS LAM GYI BAR MA YIN NO, ,DE'I GANG ZAG LA SKUR PA 'DEBS PA'I LOG PAR LTA BA 'DI NI BDEN PA MTHONG BAS SPANG BAR BYA BA YANG MA YIN TE, BDEN PA GANG LA LOG PAR ZHUGS PA DE NI BDEN BA DE MTHONG BAS SPONG BAR 'GYUR RO, ,DE BZHIN DU GANG ZAG SDUG BSNGAL DANG KUN 'BYUNG BA'I KHONGS SU MA GTOGS PA'I PHYIR BSGOM PAS SPANG BAR BYA BA YANG MA YIN TE, BSGOM PAS SPANG BAR BYA BA'I NYON MONGS PA NI BSGOM PAS SPANG BAR BYA BA'I SDUG BSNGAL DANG KUN 'BYUNG BA'I DNGOS PO KHO NA LA DMIGS SO, ,DE LTAR NA DE NI BSGOM PAS SP ANG BAR BYA BA MA YIN PA NYID DU THAL BAR 'GYUR TE, GANG ZAG DE GNYIS KYI KHONGS SU MA GTOGS PAS DE'I PHYIR DE BSGOM PAS SPANG BAR BYA BA MA YIN PAR 'GYUR RO, ,YANG NA LTA BA NI NAM YANG BSGOM PAS SPANG BAR BYA BA MA YIN PAS DE BSGOM PAS SPANG BAR BYA BA MA YIN NO, ,TIL GCIG DANG 'BRAS THUG PO CHE GCIG CES BYA BA LTA BU DANG, PHUNG PO GCIG DANG TSIG GCIG CES BYA BA BZHIN NO ZHES BYA BA NI JI LTAR RDZAS BRGYAD PA YIN YANG TIL GCIG DANG 'BRAS THUG PO GCIG CES BYA BA DANG, DE BZHIN DU PHUNG PO GCIG DANG TSIG GCIG CES BYA BA LTAR GANG ZAG GCIG CES BYA BA YANG DE DANG 'DRA'O, ,SKYE BA DANG LDAN PA NYID DU KHAS BLANGS PA'I PHYIR RO ZHES BYA BA NI SKYE'O ZHES SMRAS PAS DE SKYE BA DANG LDAN PA NYID DU KHAS BLANGS PA YIN TE, DE'I PHYIR KHYED KYIS 'DUS BYAS YIN NO ZHES BRJOD DGOS SO, ,PHUNG PO GZHAN LEN PA'I PHYIR ZHES BYA BA NI DE 'DUS BYAS NYID DU MI 'GYUR RO SNYAM DU BSAMS PA YIN NO, ,DPER NA RIG PA BLANGS PA'I PHYIR MCHOD SBYIN PA SKYES SO ZHES BYA BA 'DI 'BYUNG BA'I DON DU SKYES PA MA YIN PA DE DANG 'DRA STE, THAMS tCAD SBYAR BAR BYA'O, ,CHOS SU BRDAR BTAGS PA MA GTOGS PA ZHES BYA BA NI RTEN CING 'BREL PAR @321A *, ,'BYUNG BA'I MTSAN NYID LA MA GTOGS PA STE, DE YANG 'DI LTA STE, 'DI YOD PAS NA ZHES BYA BA LA SOGS PA YIN NO, ,BYED PA PO NI MI DMIGS SO ZHES BYA BA RGYAS PAR 'BYUNG BA NI LAS NI BYED PA PO MI DMIGS SO, ,DE YANG CI 'DRA BA ZHIG CE NA SMRAS PA, GANG ZHIG TSE 'DI'I PHUNG PO RNAMS 'DOR ZHING GTONG LA TSE PHYI MA'I PHUNG PO GZHAN DAG NYID MTSAMS SBYOR ZHING NYE BAR LEN PAR BYED PA RDZAS SU YOD PAR GNAS PA'O, ,DBO LAS SKYES LEN CES MI SMRA'O ZHES BYA BA NI GAL TE NGAS 'DI SKAD DU 'DI LEN TO SMRAS NA, TSIG DE KHYOD LA LEGS PAR 'GYUR RAM, BTZUN PA MA LAGS SO, ,DE LTA BAS NA PHUNG PO RNAMS LEN PAR BYED PA DANG 'DOR BAR BYED PA NI 'GA' YANG MED DO ZHES 'BYUNG BA YIN NO, ,DE YANG DE DANG 'DRA LA ZHES BYA BA NI SKAD CIG RE RE LA SNGON MED PA KHO NA LAS SKYE BA KHO NA'O ZHES BYA BA'I THA TSIG STE, GAL TE GANG ZAG YIN NO ZHE NA NI DE MA GRUB PO ZHES BYA BA LA SOGS PA NYE BAR DGOD PAS NI DPE MA GRUB PA NYID DU STON TO, ,LUS DANG RIG PA DANG RTAGS BZHIN DU ZHES BYA BA LA RIG PA DANG RTAGS NI RIG PA DANG RTAGS SO, ,LUS DANG RIG PA DANG RTAGS NI LUS DANG RIG PA DANG RTAGS DAG GO, ,DE DAG DANG 'DRA BAR TE LUS DANG RIG PA DANG RTAGS BZHIN DU PHUNG PO DANG GANG ZAG DAG GZHAN NYID DU 'GYUR RO, ,JI LTAR BLANG BAR BYA BA'I RIG PA DANG RTAGS LAS LUS GZHAN NYID YIN PA DE BZHIN DU BLANG BAR BYA BA PHUNG PO LAS KYANG GANG ZAG GZHAN NYID YIN NO SNYAM DU BSAMS PA YIN NO, ,RGA BA DANG NA BA YANG LUS GZHAN KHO NA YIN NO ZHES BYA BA NI GNAS SKABS RNAMS SKAD CIG RE RE LA GZHAN NYID YIN PAR BSAMS PA STE DE LA RGA BA SKYES SO, ,NA BA SKYES SO ZHES GANG SMRAS PA'I DPE MA GRUB PO ZHES STON PAR BYED DO, ,'ON TE YANG LUS GNAS PA LA GNAS SKABS GZHAN LOG NA GNAS SKABS GZHAN 'BYUNG NGO SNYAM DU SEMS NA GRANGS CAN PA'I 'GYUR BAR SMRA BA DE NI MDZOD GYI GNAS GONG MAR BKAG ZIN TO, ,JI SKAD DU ZHE NA GNAS PA GANG LA CHOS GZHAN GYI KHYAD PAR DU YONGS SU BRTAG PAR BYA BA'I CHOS CAN DE NYID YOD PA MA YIN TE, DE NYID 'DI YIN LA DE LTA NA YANG MA YIN NO ZHES BYA BA'I TSIG GI RIGS PA 'DI NI SNGON @321B MA BYUNG BA ZHES BYA BA'O, ,'BYUNG BA DAG NI BA ZHI YIN, GZUGS NI GCIG YIN ZHES BYA BA NI GZUGS GANG ZHE NA, 'BYUNG BA CHEN PO BZHI DAG DANG ZHES BYA BA LA SOGS PA YIN NO, ,SMRA BA 'DI NI PHYOGS LA YOD PA YIN NO ZHES BYA BA NI SMRA BA 'DI PHYOGS 'GA' ZHIG LA YOD DO ZHES BYA BA'I THA TSIG GO, ,'BYUNG BA TZAM GYI PHYOGS LA 'O ZHES BYA BA NI GNAS BRTAN SANGS RGYAS LHA'I PHYOGS LA YOD KYI, KHO BO CAG GI PHYOGS LA NI MA YIN NO ZHES BYA BA'I DON TO, ,DE LTA NA YANG ZHES BYA BA NI 'BYUNG BA TZAM GYI PHYOGS LA 'BYUNG BA DAG LAS GZUGS GZHAN MA YIN PA DE BZHIN DU PHUNG PO DAG LAS GANG ZAG GZHAN MA YIN NO ZHES KHAS BLANGS PA YIN PAS RANG GI GRUB PA'I MTHA' YONGS SU BOR BAR 'GYUR RO SNYAM DU BSAMS PA YIN NO, ,CI'I PHYIR BCOM LDAN 'DAS KYIS SROG DE NYID LUS YIN PA'AM GZHAN YIN NO ZHES LUNG MA BSTAN ZHES BYA BA LA, DE LA DA DAG GI BSAM PA NI GAL TE PHUNG PO DAG KHO NA LA GANG ZAG NYE BAR 'DOGS NA CI'I PHYIR LUS KHO NA SROG YIN NO ZHES MA BSHAD SNYAM PA 'DI YIN NO, ,SNGA MA DAG KHO NAS ZHES BYA BA NI GNAS BRTAN KLU SDE LA SOGS PAS SO, ,SMRA BA MANG BA ZHES BYA BA NI GCOR PA'O, ,PHA ROL POS GAL TE GANG ZAG BRJOD PAR BYA BA MA YIN NA CI'I PHYIR BCOM LDAN 'DAS KYIS KYANG MED PA KHO NA'O ZHES MA GSUNGS ZHES BYA BA SMOS SO, ,DE NI DE BSTAN PA YANG MI BZOD DO ZHES BYA BA NI BDAG MED PA BSTAN DU MI RUNG NGO ZHES BYA BA'I DON TO, ,SNGA NAS KUN DU RMONGS PA ZHES BYA BA NI 'JIG TSOGS LA LTA BA DANG LDAN PA'I RMONGS PAS SO, ,PHYIR ZHING CHES RGYAS PAR 'GYUR ZHES BYA BA NI CHAD PAR LTA BA DANG LDAN PA'I LTA BA GZHAN SKYED PAR 'GYUR RO SNYAM DU BSAMS PA YIN NO, ,DE NYID KYI PHYIR BDAG GI BDAG SNGON YOD PAR 'GYUR BA LAS DA NI BDAG GI DE YANG MED DO ZHES BYA BA SMOS SO, ,'DIR SMRAS PA ZHES BYA BA NI BTZUN PA GZHON NU LEN GYIS SO, ,LTA BA'I MCHE BAS SMOS PA DANG ZHES BYA BA NI LTA BA NYID MCHE BA YIN TE, SANGS RGYAS BCOM LDAN 'DAS RNAMS NI DES SMAS PA LA LTOS NAS GNYEN PO CHOS BDAG MED PA YANG STON PAR MDZAD DO, ,LAS RNAMS 'JIG PA LA LTOS NAS TE BYAS PA CHUD ZA BA LA LTOS NAS GANG ZAG YOD PA NYID LTA BUR STON PA RNAMS GZHAN DU YANG STON @322A *, ,PAR MDZAD DO, ,STAG MOS PHRU GU KHYER BA LTAR, ,ZHES BYA BA NI JI LTAR STAG MOS 'DI'I LUS MCHE BAS SMOS PAR 'GYUR NA MI RUNG DE SNYAM NAS SOS HA CANG BAG MED PAR BZUNG STE YANG PHRU GU MI KHYER MI KHRID LA 'DIS 'DI LA LHUNG STE SNAD PAR GYUR DU 'ONG NGO SNYAM NAS SOS HA CANG LHAD LHOD DU BZUNG STE, YANG DE MI KHYER GYI RAN PAR BZUNG STE KHYER BA LTA BUR ZHES BYA BA'I THA TSIG GO, ,GZHAN DAG NI KHRID PA ZHES 'DON TE GNAS GZHAN NAS KHRID CING SPOG PAR BYED PA ZHES BYA BA'I DON TO, ,DE BZHIN DU DON STON PA LA RGYU BSTAN PA'I PHYIR BDAG YOD NYID DU ZHES BYA BA LA SOGS PA RGYAS PAR SMOS TE, GAL TE BDAG YOD PA NYID DU ZHUGS PAR GYUR NA 'DUL BA'I SKYE BO NI 'JIG TSOGS LA LTA BA'I MTSAN NYID KYI LTA BA'I MCHE BAS ZHES SMOS PAR 'GYUR RO, ,KUN RDZOB RTOGS PAR MA GYUR NAS ZHES BYA BA NI CHOS KYI BRDA MI SHES PA STE, LAS KYI 'BRAS BU MED DO SNYAM NAS DGE BA'I CHOS STAG GI PHRU GU LTA BU NYAMS PAR BYED PAR 'GYUR RO, ,BTAGS PA LA YOD PA NI BTAGS PA STE LA LA GANG ZAG KUN RDZOB TU YOD PA YANG MED DO SNYAM DU 'DZIN PAR 'GYUR BAS DE'I PHYIR MED DO ZHES KYANG MA GSUNGS SO, ,YOD NA CI'I PHYIR YOD MI GSUNG, ,ZHES BYA BA NI GAL TE GANG ZAG YANG DAG PA'I DON DU YOD NA BCOM LDAN 'DAS CI'I PHYIR GANG ZAG YOD DO ZHES MI GSUNG, GZUGS YOD DO ZHES SMRAS PA LA NI NYES PAR MI 'GYUR TE, DE YOD PA'I PHYIR RO, ,GCER BU PA'I NYAN THOS KYI BYE'U BZUNG BA BZHIN NO ZHES BYA BA NI GCER BU PA'I NYAN THOS SHIG GIS BYE'U GSON PO ZHIG BZUNG NAS BCOM LDAN 'DAS LA BYI'U 'DI GSON NA MA MI GSON ZHES DRIS SO, ,DE'I BSAM PA NI 'DI YIN TE, GAL TE DGE SBYONG GOO TA MA GSON NO ZHES GSUNGS NA NI DES DE BTZIR NAS BSAD DE STON PAR BYED DO, ,GAL TE BCOM LDAN 'DAS KYIS 'DI SKAD DU SHI'O ZHES GSUNGS NA NI DES DE GSON PO KHO NAR STON PAR BYED DO,, DE NI JI LTAR NA 'JIG RTEN GYI THAMS CAD MKHYEN PA MA YIN PAR SHES PAR 'GYUR SNYAM DU MNGON BAR ZHEN TO, ,BCOM LDAN 'DAS KYIS NI DE'I BSAM PA MKHYEN NAS LUNG MA BSTAN GYI, 'DI GSON NAM MI GSON PA NI KHYOD KYI SEMS KYI KHO NA LAS SO ZHES BYA BA KHO NA GSUNGS PA DE DANG 'DRA BAR 'DI YANG LUNG MA @322B BSTAN TO, ,BZHI TSAN 'DI NI DON MTHUN NO, ,ZHES BYA BA NI 'JIG RTEN RTAG GO 'JIG RTEN MI RTAG GO ZHES BYA BA'I BZHI TSAN 'DI DANG 'JIG RTEN MTHA' DANG LDAN NO, ,'JIG RTEN MTHA' DANG MI LDAN NO ZHES BYA BA'I BZHI TSAN 'DI DON GCIG GO, ,GAL TE DE LTA NA JI LTAR LUNG MA BSTAN PA'I DNGOS PO BCU BZHIR 'GYUR TE, 'JIG RTEN RTAG GO ZHES BYA BA NI BZHI TSAN GCIG GO, ,MTHA' DANG LDAN NO ZHES BYA BA NI BZHI TSAN GNYIS PA'O, ,DE BZHIN 'ONGS PA SHI NAS YOD, ,CES BYA BA NI BZHI TSAN GSUM PA'O, ,SROG DE LUS DE YIN PA DANG, ,SROG KYANG GZHAN LA LUS KYANG GZHAN NO ZHES BYA BA NI GNYIS TSAN NO, ,BZHI TSAN GSUM DANG, GNYIS TSAN GCIG NA LUNG DU MA BSTAN PA'I DNGOS PO BCU BZHI'O ZHE NA, RNAM GRANGS KYI NGO BO NYID DU RNAM PAR GZHAG PA LA YANG BCU BZHI NYID SRID PAS NYES PA MED DO, ,DE NYID RNAM GRANGS GZHAN GYIS 'DRI 'AM ZHES BYA BA 'DI MTHA' DANG LDAN PA ZHES ZHUS PA GANG YIN PA'O, ,JI LTA ZHE NA CI LAGS, 'JIG RTEN THAMS CAD LAM 'DIS NGES PAR 'BYUNG NGAM ZHES BYA BA 'DI NI MTHA' DANG LDAN BA ZHES BYA BA DANG RTAG PA ZHES BYA BA ZHUS PA YIN NO, ,'ON TE 'JIG RTEN PHYOGS GCIG LAGS, ,ZHES BYA BA 'DIS NI MTHA' DANG LDAN PA YANG YIN LA MTHA' DANG MI LDAN PA YANG YIN ZHES BYA BA DANG, RTAG PA YANG YIN MI RTAG PA YANG YIN ZHES BYA BA DANG PO YIN NO, ,GANG ZAG GSON PO NI YOD DO ZHES BYA BA NI GANG ZAG DE NYID DANG GZHAN NYID DU BRJOD PAR BYA BA MA YIN PAR BRJOD PA 'DI NI LUNG STON PA SNYAM DU BSAMS PA YIN NO, ,RTAG PA'I NYES PAR THAL BAR 'GYUR BA'I PHYIR RO ZHES BYA BA NI GNAS MA'I BU'I TSIG GO, , 'O NA CI'I PHYIR 'DI LUNG STON CES BYA BA RGYAS PAR 'BYUNG BA NI SLOB DPON GYI TSIG GO, ,GZIGS SAM MI GZIGS ZHES BYA BA 'DI YANG BRJOD PAR MI BYA BA YIN NA ZHES BYA BA NI GZIGS SO, ,MI GZIGS SO ZHES BRJOD PAR MI BYA BA YIN NA ZHES BYA BA'I THA TSIG GO, ,RIM GYIS RIM GYIS MI BRJOD PAR GYIS SHIG CES BYA BA NI BCOM LDAN 'DAS THAMS CAD MKHYEN PA YIN NAM MA YIN ZHES MI BRJOD PA'O, ,RIM GYIS RIM GYIS ZHES SMOS PA NI SH'AKYA BU'I MTSUNGS PA DAG RAB TU 'KHRUG PA YONGS SU SPANGS PA'I PHYIR RO, ,BDEN PA DANG GNAS PAR ZHES BYA BA NI BRTAN PA'I NGO POR @323A *, ,ZHES BYA BA'I THA TSIG GO, ,LTA BA'I GNAS SU GSUNGS SO ZHES BYA BA NI LOG PAR LTA BA'I GNAS SU GSUNGS SO SNYAM PA YIN NO, ,SLOB DPON GYIS YOD DO SNYAM PA YANG LTA BA'I GNAS SU GSUNGS ZHES BYA BA SMOS TE, 'JIG TSOGS LA LTA BA'I GNAS SU ZHES BYA BA'I DON TO; ,PHYOGS 'DI NI LAN BTAB ZIN ZHES BYA BA JI SKAD DU ZHE NA, ,MA YIN TE BKAG PA'I PHYIR RO, ,BCOM LDAN 'DAS KYIS DON DAM PA STONG PA NYID KYI MDO KHO NA LAS ZHES BYA BA NAS RGYAS PAR 'DI DAG NI DPE NGAN PA YIN NO ZHES BYA BA'I BAR YIN NO, ,GZHAN DAG NA RE RGYUR BYAS NAS ZHES BYA BA 'DI CI ZHES BYA BA NAS BZUNG STE ZHES RNAM PAR 'CHAD DO, ,RANG GI GZHUNG LUGS KYIS JI LTAR 'KHOR BA DE BZHIN DU BSTAN PA'I PHYIR, JI LTAR ME SKAD CIG MA YIN YANG ZHES BYA BA RGYAS PAR SMOS SO, ,ME NI SKAD CIG MA YIN PAR GRAGS LA, DE YANG YUL GZHAN DU 'BYUNG BA'I RGYUN GYIS 'GRO BA DE BZHIN DU SRED PA NYE BAR LEN PA CAN SEMS CAN ZHES BYA BA PHUNG PO'I TSOGS 'DI LA SRED PA NYE BAR LEN PA YOD PA SRED PAS NYE BAR LEN PA CAN TE, SKAD CIG MA YAN YID 'KHOR RO, ,MIG BZANGS ZHES BYA BA'I STON PA ZHES BYA BA NI NYI MA BDUN 'CHAR BA'I MDO LAS, BCOM LDAN 'DAS 'DI YANG DRANG SRONG MIG BZANGS ZHES BYA BAR GYUR TO ZHES 'BYUNG NGO, ,PHUNG PO RNAMS GZHAN YIN PA'I PHYIR RO ZHES BYA BA NI SKAD CIG MA NYID YIN NA GZHAN YIN PA'I PHYIR RO SNYAM DU BSAMS PA'O, ,RGYUD GCIG PA NYID DU STON PAR MDZAD PA YIN ZHES BYA BA NI GANG GI PHYIR MIG BZANGS, SANGS RGYAS KYI RGYUD KHO NA YIN PAR 'GYUR BA DE'I PHYIR DE NYID NGA YIN NO ZHES THA MI DAD PAR NYE BAR BTAGS SO,, ,,BAM PO DRUG CU GCIG PA STE THA MA'O, ,DPER NA SNGON MTHONG BA'I ME GANG YIN PA DE SREG CING 'ONGS SO ZHES BYA BA DE LTA BU STE, RGYUN GYI 'JUG PAS DE NYID YIN NO ZHES BYA BAS DE DANG 'DRA'O, ,DE NI DE DAG GI 'JIG TSOGS LA LTA BA YIN NO ZHES BYA BA NI DE NI DE BZHIN GSHEGS PA DE DAG GI BDAG DANG BDAG GI RNAM PA CAN GYI 'JIG TSOGS LA LTA BAR 'GYUR RO, ,BDAG DANG BDAG GIR CHAGS PA 'CHING BA SHIN TU DAM POS GLAGS PA ZHES BYA BA NI, BDAG TU LTA BA DANG BDAG GIR LTA BA YOD NA @323B BDAG TU CHAGS PA DANG BDAG GIR CHAGS PAR 'GYUR RO, ,DE'I PHYIR 'JIG TSOGS NI 'CHING BA YIN PAS 'CHING BA DAM PO CAN RNAMS LA THAR PA THAG RING BAR 'GYUR TE MED PA KHO NAR 'GYUR RO SNYAM DU BSAMS PA YIN NO, ,KHA CIG NI GANG ZAG TU 'DZIN ZHES BYA BA NI GNAS MA'I BU RNAMS SO, ,KHA CIG NI THAMS CAD MED PA NYID DU 'DZIN PA GANG YIN PA ZHES BYA BA NI DBU MA SEMS PAR BYED PA RNAMS SO SNYAM DU BSAMS PA'O, ,DRAN PA'I YUL LA 'DU SHES PA'I RGYU LAS BYUNG BA'I SEMS KYI KHYAD PAR LAS SO ZHES BYA BA LA DRAN PA'I YUL NI NYAMS SU MYONG BA'I DON TO, ,'DI LA DE LA 'DU SHES PA'I RGYU LAS BYUNG BA RGYU YOD PAS NA DRAN PA'I YUL LA 'DU SHES PA'I RGYU LAS BYUNG BA'I SEMS KYI KHYAD PAR TE, SEMS 'GA' KHO NA ZHIG YIN GYI THAMS CAD NI MA YIN NO ZHES BYA BA'I THA TSIG GO, ,DE LAS DRAN PA'AM NGO SHES PAR 'GYUR RO, ,DE LTAR GNYI GA KHYAD PAR DU BYAS PA DANG; SEMS KYI KHYAD PAR JI LTA BU LAS ZHES 'DRI BA LA DE LA GTAD PA DANG ZHES BYA BA RGYAS PAR SMOS SO, ,DRAN PAR BYA BA DE LA GTAD BA NI DE LA GTAD PA STE, GANG LA DE DANG 'DRA BA DANG 'BREL PA CAN GYI 'DU SHES LA SOGS PA DANG LDAN PA GANG DAG YIN PA DE DAG YOD PA NI DE LA GTAD PA DANG 'DRA BA DANG 'BREL PA CAN GYI 'DU SHES LA SOGS PA DANG LDAN PA'I SEMS KYI KHYAD PAR RO, ,SOGS PA ZHES BYA BA SMOS PAS NI SMON PAS GZAS PA DANG GOMS PA LA SOGS PA BSDU'O, ,'DI DAG LA RTEN GYI KHYAD PAR DANG MYA NGAN DANG, RNAM PAR G-YENGS PA LA SOGS PA YOD BAS NA RTEN GYI KHYAD PAR DANG MYA NGAN DANG RNAM PAR G-YENGS PA LA SOGS PA'O, ,DE DAG GI MTHU MA NYAMS PA'I SEMS KYI KHYAD PAR TE DE NYID 'DIS BSTAN PA YIN NO, ,SEMS KYI KHYAD PAR DE LTA BU DE LAS DRAN PA'AM NGO SHES PAR 'GYUR RO, ,DE LTA BAS NA 'DI SKAD DU BSHAD PA YIN TE, DE LA GTAD PA DANG LDAN PA LAS NI GAL TE DE LA GTONG PAR BYED NA 'O, ,'DRA BA'I 'DU SHES LA SOGS PA DANG LDAN PA LAS NI GANG LA 'DRA BA LAS KYANG DRAN PAR 'BYUNG BA'O, ,'BREL BA CAN GYI 'DU SHES LA SOGS PA DANG LDAN PA LAS NI GANG LA 'DRA BA MED KYANG DU BA LA SOGS PA MTHONG BA LAS @324A *, ,DRAN PAR 'GYUR BA'O, ,SMON PAS GZAS PA DANG GOMS PA LA SOGS PA DANG LDAN PA LAS NI GANG LA DUS 'DI'I TSE DRAN BAR BYA'O SNYAM PA'AM, 'DI DE DRAN PAR BYA BA LA GOMS PA'O, ,RTEN GYI KHYAD PAR LA SOGS PAS MTHU MA NYAMS PA CAN LAS ZHES BYA BA NI RTEN GYI KHYAD PAR NAD KYI MTSAN NYID DANG MYA NGAN DANG BYA BA GZHAN LA RNAM PAR G-YENGS PAS SO, ,SOGS PA ZHES BYA BA'I SGRAS NI LAS DANG RIG SNGAGS LA SOGS PAS ZIN PA BSDU'O, ,DE LTA BU YIN YANG ZHES BYA BA RGYAS PAR 'BYUNG BA NI DE LA GTAD PA ZHES BYA BA NAS 'DU SHES PA LA SOGS PA DANG LDAN PA DANG, MTHU MA NYAMS PA CAN YIN YANG NGO ZHES BYA BA'I THA TSIG GO, ,DE'I RGYU LAS BYUNG BA MA YIN PA ZHES BYA BA NI DRAN PA'I YUL LA 'DU SHES PA'I RGYU LAS BYUNG BA MA YIN PA ZHES BYA BA'I DON TO, ,SKYED PAR ZHES BYA BA NI SKYED PA'O, ,GZHAN LTA BUS ZHES BYA BA NI DE LA GTAD PA ZHES BYA BA NAS 'DU SHES LA SOGS PA DANG LDAN PA DANG MTHU MA NYAMS PA CAN MA YIN PAS SO, ,MA YIN TE 'BREL PA MED PA'I PHYIR RO ZHES BYA BA NI LHA SBYIN DANG MCHOD SBYIN GYI SEMS DAG RGYU DANG 'BRAS BU'I DNGOS POR ZHEN PA'I THA TSIG GO, ,JI LTAR RGYUD GCIG LA YOD PA'I SEMS DAG RGYU DANG 'BRAS BUR GYUR PA'I PHYIR 'BREL PA LTAR LHA SBYIN DANG MCHOD SBYIN GYI SEMS DAG NI DE LTAR 'BREL PA MA YIN PAS 'DIS NI DPE DANG DNGOS PO DAG MI 'DRA BA NYID DU STON TO, ,DE LA GAL TE PHA ROL PO 'DI SKAD DU LTA SBYIN GYIS NYAMS SU MYONG BA'I SEMS KYIS DON NYAMS SU MYONG BA NI DE'I DRAN PA'I SEMS KYIS MI DRAN TE, GZHAN YIN PA'I PHYIR MCHOD SBYIN GYI SEMS BZHIN NO ZHES SGRUB PAR SMRA BAR BYED NA, DE'I SGRUB PA'I GTAN TSIGS NI RANG LA MA NGES PA'I PHYIR DANG PHYOGS SNGA MA MNGON SUM DANG 'GAL BAS PHYOGS SKYON DANG BCAS PA'I PHYIR RO, ,'ON TE LHA SBYIN GYIS NYAMS SU MYONG BA'I SEMS DANG RJES SU DRAN PA'I SEMS DAG GZHAN PA NYID DU DAM BCA' BA LA SUN 'BYIN PA 'DI BRJOD NA NI DE SUN 'BYIN PA MA YIN TE, MTHONG BAS GNOD PA SUN 'BYIN PA MI 'THAD PA'I PHYIR RO, ,KHYOD KYI GRUB PA'I MTHA' LAS KYANG LHA SBYIN GYI NYAMS SU MYONG BA'I SEMS KYIS NYAMS SU MYONG BA'I DON NI @324B DE'I DRAN PA'I SEMS KYIS DRAN PAR 'BYUNG NGO, ,SEMS GZHAN GYIS MTHONG LA SEMS GZHAN GYIS DRAN NO ZHES KYANG MI ZER RO ZHES BYA BA NI GZHAN GYI NA ZHIG GIS DRAN PA MA YIN NO SNYAM DU BSAMS PA YIN NO, ,MTHONG BA'I SEMS LAS DRAN PA'I SEMS GZHAN SKYE'O ZHES BYA BA NI RGYU YOD PA'I PHYIR TE; RGYU SA BON YOD PA LAS MYU GU BZHIN NO ZHES BYA BA'I THA TSIG GO, ,DRAN PA KHON LAS NGO SHES PA YANG YIN NO ZHES BYA BA NI DRAN PA YOD NA NGO SHES TE BDAG GIS MTHONG BA GANG YIN PA DE NYID 'DI YIN NO ZHES BYA BAR DRAN PA'I PHYIR RO, ,'O NA GANG NAG PAS DRAN NO ZHES BYA BA NI GAL TE SEMS KYI KHYAD PAR KHO NAS DRAN NA, 'O NA GANG NAG PAS DRAN NO ZHES BYA BA JI LTA BU YIN ZHES BYA BA'I TSIG KHONG NAS DRANG NGO, ,DE YANG DE ZHES BYA BA RGYAS PAR 'BYUNG BA NI NAG PA ZHES BYA BA 'DU BYED KYI TSOGS KYI RGYUN DE YANG BA ZHES BYA BA DE YUL GZHAN DU DANG 'GYUR BA 'BYUNG BA STE, YUL GZHAN DU 'BYUNG BA DANG 'GYUR BA 'BYUNG BA LA RGYU'I DNGOS POR YIN LA BSAMS NAS CI ZHE NA, RJE BO ZHES BRJOD PAR ZAD KYI GANG ZAG NI MA YIN TE, THA SNYAD 'DI NI RGYU DANG 'BRAS BU'I DNGOS PO LA LTOS PA YIN GYI GANG ZAG LA LTOS PA NI MA YIN NO SNYAM DU BSAMS PA YIN NO, ,DE NYID KYI PHYIR GCIG PU NI 'GA' YANG MED CES BYA BA RGYAS PAR SMOS SO, ,DE BZHIN DU SU ZHIG GIS RNAM PAR SHES PA ZHES BYA BA LA SOGS PA RGYAS PAR 'BYUNG BA NI BDAG MED NA SU ZHIG GIS DE LTAR RNAM PAR SHES, RNAM PAR SHES ZHES BYA BA'I DON 'DI CI YIN, RNAM PAR SHES PAS YUL 'DZIN PA'O, ,CI DE 'DZIN PA RNAM PAR SHES PA LAS GZHAN ZHIG YIN NAM, 'O NA NI RNAM PAR SHES PAR BYED DO, ,GANG GIS DE BYED PA DE NI BSHAD ZIN TE, RNAM PAR SHES PA'I RGYU NI DBANG PO DANG DON DANG YID LA BYED PA DAG DANG SEMS KYI KHYAD PAR YIN NO ZHES BRJOD PAR BYA STE, DBANG PO LA SOGS PA RGYU GZHAN DANG LDAN PA'I PHYIR RO; ,DE NYID KYI PHYIR CI RIGS PAR DBANG PO DANG DON DANG YID LA BYED PA DAG YIN NO ZHES BYA BA 'DI NI KHYAD PAR YIN NO ZHES BYA BA SMOS SO, ,'O NA GANG NAG PAS RNAM PAR SHES SO ZHES BYA BA JI LTA BU ZHE NA, NAG PA ZHES BYA BA'I RGYUD DE LAS DE SKYE BAR MTHONG NAS SMRA BAR ZAD DO, ,BDAG @325A *, ,MED NA RNAM PAR SHES PA 'DI SU'I YIN, DRUG PA 'DI'I DON JI LTA BU YIN, RJE BO'I DON YIN NO, ,DPER NA GANG GI RJE BO GANG LTA BU YIN ZHES BYA BA NAS RGYAS PAR RNAM PAR SHES PA GANG DU SBYAR BAR BYA BA NI 'DI LTAR 'DI'I RJE BO BTZAL, RNAM PAR SHES PAR BYA BA'I DON LA'O, ,CI'I PHYIR SBYAR BAR BYA, RNAM PAR SHES PAR BYA BA'I PHYIR RO, ,KYE MA DE NYID DE'I DON DU SBYAR RO ZHES BYA BA NI BSOD NAMS KYIS BSKYED PA RNAMS KYIS LEGS PAR SMRAS SO, ,JI LTAR SBYAR BAR BYA, BSKYED PA'I SGO NAS SAM, 'ON TE MNGAG PA'I SGO NAS RNAM PAR SHES PA LA 'GRO BA MI RUNG BAS BSKYED PA'I SGO NAS SO, ,DE LTA BAS NA NI RGYU KHO NA RJE BO YIN LA; 'BRAS BU KHO NA BRAN YIN PAR 'GYUR TE ZHES BYA BA'I BAR DANG RGYAS PAR DE NI RNAM PAR SHES PA'I RGYU GANG YIN PA DE KHO NA'I YIN NO, ,GANG YANG NAG PAS ZHES BYA BA'I BAR DANG, RGYAS PAR DE LTA BAS NA DE LA YANG RGYU'I DNGOS PO MA GTOGS PA RJE BO'I DNGOS PO MED DO ZHES BYA BA'I BAR YIN NO, ,SOGS PA ZHES BYA BA'I SGRAS NI SU ZHIG GIS TSOR, SU'I TSOR BA YIN, SU ZHIG GIS 'DU SHES, SU'I 'DU SHES YIN ZHES BYA BA LA SOGS PA BSDU STE, 'DI NI PHYOGS YIN NO, GANG BYA BA NI BYED PA PO LA LTOS PA'I PHYIR TE ZHES ZER BA NI, BRDA SPROD PA PA'O, ,DE YANG DGOS SO ZHES BYA BA NI RNAM PAR SHES PA PO YANG DGOS TE, GANG ZAG GO SNYAM DU BSAMS PA YIN NO, ,'GRO'O 'GRO BA'O ZHES BRJOD PA BZHIN NO ZHES BYA BA NI DPER NA ME 'GRO'O, ,SGRA 'GRO'O ZHES 'GRO BA PA'I SGRAR BRJOD PA'AM, DPER NA ME'I 'GRO BA'O SGRA'I 'GRO BA'O ZHES BYA BA LTAR LHA SBYIN GYI 'GRO BA'O; ,LHA SBYIN GYI 'GRO BA'O ZHES BYA BA YANG DE DANG 'DRA STE, DPE 'DI NA LHA SBYIN GYIS RNAM PAR SHES SO ZHES BYA BA 'GRUB BO, ,'DRA BAR BDAG NYID THOB PA'I PHYIR, ZHES BYA BA NI RGYU DANG 'DRA BAR 'BRAS BU'I BDAG NYID THOB PA'I PHYIR RO, ,CHUNG ZAD KYANG MI BYED MOD KYI ZHES BYA BA NI YONGS SU G-YO BA MI BYED MOD KYI ZHES BYA BA'I DON TO, ,DE'I RNAM PA NYID DO ZHES BYA BA NI SNGON PO LA SOGS PA YUL GYI RNAM PA NYID DO ZHES BYA BA'I THA TSIG GO, ,RNAM PAR SHES PA'I RGYUR GYUR PA'I PHYIR ZHES BYA BA NI RNAM PAR SHES PA YANG RNAM PAR SHES PA GZHAN GYI RGYU YIN TE, DE'I PHYIR RNAM PAR SHES PA @325B GZHAN SKYED PAR BYED PA LA RNAM PAR SHES SO ZHES BYA'O, ,RGYU LA BYED PA PO'I SGRAR BSTAN PA'I PHYIR ZHES BYA BA NI RGYU NI BYED PA POR GYUR BA'I PHYIR DPER NA DRI LA BU NI SGROGS PA'I RGYU YIN PAS DRIL BUS SGROGS SO ZHES BYA BA DE DANG 'DRA'O, ,GCIG KHO NA YIN PA'I PHYIR SGRON MA ZHES BYA BA NI ME LCE RNAMS KYI RGYUN LA NYE BAR 'DOGS PAR BYED LA DE YUL GZHAN DAG TU 'BYUNG BA STE, SGRON MA RGYUN GYI NGO BO DE YUL GZHAN DU 'BYUNG BA LA YUL DE DANG DER 'GRO'O ZHES BYA'O, ,DE BZHIN DU GCIG KHO NA YIN PA'I PHYIR SEMS RNAMS KYI RGYUD LA RNAM PAR SHES PA NYE BAR 'DOGS PAR BYED LA, RNAM PAR SHES PA RGYUN GYI NGO BO DE YUL GZHAN DAG LA SKYE BA LA RNAM PAR SHES SO ZHES BYA STE, RNAM PAR SHES PA RGYUN GYI SKYE PAS RNAM PAR SHES SO SNYAM DU BSAMS PA YIN NO, ,YANG NA JI LTAR GZUGS 'GYUR RO ZHES BYA BA LA SOGS PA RGYAS PAR 'BYUNG BA NI JI LTAR 'GYUR BA PO GZUGS LAS 'GYUR BA DANG, GNAS PA PO LAS GNAS PA DON GZHAN MA YIN PA LTAR RNAM PAR SHES PA LA YANG DE DANG 'DRA BAR 'GYUR TE, BYA BA LOGS SHIG NA MI DMIGS PA'I PHYIR RNAM PAR SHES PA PO'I RNAM PAR SHES PA LAS BYA BA DON GZHAN MA YIN PA NYID DO, ,YANG NA BYE BRAG TU SMRA BA'I GZHUNG LUGS KYI RJES SU 'BRANGS PAS SUN DBYUNG BA YIN NO, ,BDAG LAS MA YIN NA ZHES BYA BA NI GAL TE RNAM PAR SHES PA BDAG LAS MI SKYE NA, RNAM PAR SHES PA'I MTSAN NYID KYI RGYU LA KHYAD PAR MED PA'I PHYIR RNAM PAR SHES PA DE DANG 'DRA BA KHO NAR SKYE BAR 'GYUR RO, ,GAL TE BDAG LAS SKYE NA NI DE'I BSAM PA'I KHYAD PAR LAS RNAM PAR SHES PA KHYAD PAR CAN SKYE'O SNYAM DU BSAMS PA YIN NO, ,RIM PA NGES PAR SKYE BAR MI 'GYUR ZHES BYA BA NI CI'I PHYIR RIM PA DANG NGES PAR SKYE BAR MI 'GYUR, RIM PA MA NGES PAR NI MI SKYE STE, BA LANG GI BLO'I MJUG THOGS SU BUD MED KYI BLO DANG, BUD MED KYI BLO LAS MA HE'I BLO SKYE NA CI'I PHYIR MYU GU DANG SDONG BU DANG 'DAB MA LA SOGS PA BZHIN DU MJUG THOGS SU BA LANG GI SEMS KHO NA SKYE BAR MI 'GYUR, MYU GU LAS SDONG BU KHO NA SKYE BAR 'GYUR GYI 'DAB MA LA SOGS PA MA YIN PA DANG, SDOM BU LAS 'DAB MA KHO NA SKYE BAR 'GYUR GYI, @326A *, ,ME TOG LA SOGS PA'AM, MYU GU LA SOGS PA MA YIN PA DE DANG 'DRA BAR RO, ,BSAM GTAN RDZOGS PA LAS MNYAM PAR GZHAG PA RNAMS LA ZHES BYA BA NI BSAM GTAN RDZOGS SHING MTHAR PHYIN PAS MNYAM PAR GZHAG PA RNAMS LA LUS DANG SEMS 'DRA BA SKYE NA'O, , BDAG NYID CES BYA BA NI GZHAN GYIS MA BRTZAL BAR SNYAM DU BSAMS PA YIN NO, ,DE LTAR NA 'DIS NI CI'I PHYIR RTAG TU DE DANG 'DRA PA KHO NAR SKYE BAR MI 'GYUR ZHES DRIS PA GANG YIN PA DE'I LAN BTAB PA YIN NO, ,RIM PA NGES PAR SKYE BAR MI 'GYUR ZHES DRIS PA GANG YIN PA DE BSTAN PA'I PHYIR SEMS RNAMS KYI RIM PA YANG NGES PA KHO NA STE ZHES BYA BA STE, 'DI NI 'DOD PA KHO NA'O, ,RIGS KYI BYE BRAG LAS ZHES BYA BA NI BSGOS PA'I BYE BRAG LAS SO, ,BUD MED KYI SEMS KYI MJUG THOGS SU ZHES BYA BA RGYAS PAR 'BYUNG BA NI BUD MED KYI SEMS TE BUD MED LA DMIGS PA'I SEMS KYI MJUG THOGS SU'O, ,BUD MED KYI DE'I LUS NI DE'I LUS SO, ,GAL TE BRAM ZE 'AM GZHAN YANG RUNG DGE BA ZHIG LA DE'I LUS SUN 'BYIN PA BYED PA'I SEMS SAM, DE'I KHYO'AM BU LA SOGS PA'I SEMS SKYES PA STE DE'I KHYO DANG BU LA SOGS PA'O, ,SOGS PA ZHES BYA BA'I SGRAS NI BU MO LA SOGS PA BSDU'O, ,DE DAG LA DMIGS PA'I SEMS NI KHYO DANG BU LA DMIGS PA'I SEMS TE, GAL TE DE'AM GZHAN ZHIG BUD MED KYI SEMS DE'I MJUG THOGS SU SKYES PAR 'GYUR BA YANG PHYIS DUS GZHAN RGYUD LA YONGS SU GYUR PA LAS BUD MED KYI SEMS SKYE NA BUD MED KYI SEMS PHYIS SKYES PA DE NI DE'I LUS SUN 'BYIN PA'I SEMS BSKYED PA STE, BUD MED KYI LUS SUN 'BYIN PA'I SEMS BSKYED PA LA NUS PA'AM, DO'I[?] KHYO'AM BU LA SOGS PA'I SEMS BSKYED PA LA NUS PA YIN NO, ,CI'I PHYIR ZHE NA, DE'I RIGS CAN YIN PA NYID KYI PHYIR RO ZHES BYA BA SMOS TE, 'DI LA DE'I LUS SUN 'BYIN PA'I SEMS SAM, DE'I KHYO'AM BU LA SOGS PA'I RIGS YOD PAS NA DE'I RIGS CAN GYI SEMS SO, ,DE'I NGO BO NI NYID DO, ,DE'I PHYIR TE DE DANG RIGS MTHUN PA'I PHYIR RO SNYAM DU BSAMS PA YIN NO, ,GZHAN DU NA NI ZHES BYA BA NI DE'I @326B RIGS CAN MA YIN PA'O, ,YANG BUD MED KYI SEMS LAS RNAM GRANGS KYIS ZHES BYA BA RGYAS PAR 'BYUNG BA NI CIG CAR MA YIN PAR RNAM GRANGS KYIS BUD MED KYI SEMS LAS DE'I LUS SUN 'BYIN PA'I SEMS KYANG SKYE BA DE LAS DE'I KHYO'I SEMS DANG, DE LAS DE'I BU'I SEMS DANG DE NYID LAS DE'I BU MO'I SEMS DANG DE NYID LAS YANG YONGS SU GYUR BA LAS DANG PO'I SEMS SKYES PAR GYUR NA BUD MED KYI SEMS DE LAS MJUG THOGS SU SKYES PA'I SEMS RNAMS KYI NANG NAS BSKYED PAR BYA BA'I SEMS RGYUN GYIS CHES MANG BA DANG NUS PA'I SGO NAS CHES GSAL BA DANG, CHES NYE BA GANG YIN PA'I SEMS DE KHO NA SKYE BAR 'GYUR RO, ,DE'I DGOS PA STOBS DANG LDAN PA'I PHYIR RO ZHES BYA BA NI CHES MANG BA'AM, CHES GSAL BA 'AM CHES NYE BA DE'I DGOS PA STOBS DANG LDAN PA'I PHYIR RO, ,DE'I 'DUS PA'I LUS DANG ZHES BYA BA RGYAS PAR 'BYUNG BA DE'I DUS NA NYE BAR GNAS PA NI DE'I 'DUS PA STE, LUS KYI RKYEN GYI KHYAD PAR DANG, PHYI ROL GYI RKYEN GYI KHYAD PAR RO, ,MA GTOGS PA NI MED NA ZHES BYA BA'I THA TSIG STE, GANG LA LUS SAM PHYI ROL GYI RKYEN NYE BAR GNAS PA DE NYID SKYE BAR 'GYUR BAS SO, ,BSGOS PA DE NYID CHOS STOBS DANG LDAN PA ZHES BYA BA NI CHES MANG BA DANG, CHES GSAL BA DANG CHES NYE BAR BSGOS BAR BSHAD PA GANG YIN PA DE NYID STOBS DANG LDAN PA YIN NA CI'I PHYIR RTAG TU 'BRAS BU MI 'BYIN, SEMS DE MI 'BYUNG BA NI MA YIN NO ZHES GZHAN GYIS BRGAL BA DANG, BSHAD PA GNAS PA GZHAN DU 'GYUR BA NYID NA 'DUS BYAS KYI MTSAN NYID YIN PA'I PHYIR, 'DI'I MTSAN NYID GNAS PA LAS GZHAN DU 'GYUR BA NYID YIN PAS NA GNAS PA LAS GZHAN DU 'GYUR BA'I MTSAN NYID DE'I PHYIR RO, ,'DUS BYAS KYI MTSAN NYID GZHAN DU 'GYUR BA DE YANG BSGOS PA GZHAN GYI 'BRAS BU SKYE BA STE, BSGOS PA GZHAN GYI 'BRAS BU SEMS GZHAN SKYE BA'I RJES SU MTHUN PA'I PHYIR RTAG TU DE NYID 'BRAS BU MI 'BYIN TO ZHES BYA BAR SBYAR RO, ,'DI SKAD DU ZHES BYA BA NI GNAS BRTAN SGRA GCAN ZIN GYIS SO, ,RNAM PA THAMS CAD CES BYA BA 'DI RNAM PA KUN TE RNAM PA KUN RMA BYA'I MDONGS 'DI'I KHA DOG DANG DGOD PA LA SOGS PA'I RNAM PA JI SNYED PA DE DAG GI , @327A *, ,'DIS NA KHA DOG NI 'DI LTA BU'O, ,DGOD PA NI 'DRA BA'O, ,'DI LTAR NI 'TSER RO ZHES BYA BA 'DI LTA BU LA SOGS PA'I RNAM PA 'DI NI RGYU YIN NO, ,'DI NI RGYU MA YIN NO ZHES BYA BAR SHES PAR BYA BA MIN TE, THAMS CAD MKHYEN PA MA YIN PA NYAN THOS DANG RANG SANGS RGYAS LA SOGS PAS SHES PAR MI NUS SO, ,DE SHES KUN MKHYEN STOBS YIN NO, ,ZHES BYA BA NI GANG GIS DE'I RGYU SHES PAR BYED PA DE NI THAMS CAD MKHYEN PA'I STOBS YIN NO SNYAM DU BSAMS PA YIN NO, ,GZUGS CAN MA YIN PA'I SEMS KYI BYE BRAG RNAMS LTA SMOS KYANG CI DGOS ZHES BYA BA NI GZUGS KYI RGYU YANG RNAM PA THAMS CAD SHES PAR MI NUS NA GZUGS CAN MA YIN PA RNAMS KYI LTA SMOS KYANG CI DGOS ZHES BYA BA'I THA TSIG GO, ,MU STEGS CAN GANG LA LA ZHES BYA BA NI BYE BRAG PA'O, ,GAL TE YID DANG PHRAD PA'I BYE BRAG LA LTOS PA'I PHYIR RO ZHE NA ZHES BYA BA NI GAL TE SEMS SKYE BA NI BDAG LAS RAB TU SKYE BAR 'DRA MOD KYI, BDAG RES 'GA' YID DANG 'BREL BA'I BYE BRAG LAS SKYE BAS DE'I PHYIR SEMS RTAG TU DE DANG 'DRA BA KHO NAR YANG SKYE BAR MI 'GYUR LA MYU GU DANG SDONG BU DANG 'DAB MA LA SOGS PA BZHIN DU RIM PA NGES PAR YANG SKYE BAR MI 'GYUR RO ZHES BYA BAR 'DOD NA NI MA YIN NO, ,'BREL PA GZHAN MA YIN PA'I PHYIR RO ZHES BYA BA NI DE NI DE LTA MA YIN NO, ,CI'I PHYIR ZHE NA, BDAG DANG YID DE DAG LAS 'BREL PA GZHAN DU MA GRUB PA'I PHYIR TE, KHO BO CAG LA NI 'BREL PA ZHES BYA BA'I DNGOS PO GRUB PA CI YANG MED DO, ,'BREL PA CAN DAG CES BYA BA RGYAS PAR 'BYUNG BA NI 'BREL PA KHAS BLANGS KYANG 'BREL PA CAN 'JIG RTEN NA GRAGS PA SHING NGAM GZHAN GANG YANG RUNG BA DAG NI YONGS SU CHAD PA'I PHYIR TE, YUL YONGS SU CHAD PAR MTHONG BA'I PHYIR ZHES BYA BA'I THA TSIG GO, ,MTSAN NYID RNAM PAR BSHAD PA'I PHYIR ZHES BYA BA NI BYE BRAG PA'I RGYUD LAS PHRAD PA'I MTSAN NYID BSTAN PA'I PHYIR RO, ,DES NA CI ZHE NA BDAG YONGS SU CHAD PAR THAL BAR 'GYUR TE, GANG NA BDAG YOD PA DE NA YID MED LA GANG NA YID YOD PA DE NA BDAG MED PAS YUL YONGS SU CHAD PA NYID DU THAL BAR 'GYUR RO, ,BDAG YID DANG PHRAD PA ZHES BYA BA 'DIS NI RJES SU DPAG PA DANG, LUNG GI PHYOGS PA 'DI CHOS CAN GYI KHYAD PAR LAS BZLOG @327B PAR 'GYUR BA BSTAN PA YIN TE, CHOS CAN NI BDAG GO, ,DE'I KHYAD PAR NI THAMS CAD NA YOD PA NYID DO, ,DE LAS BZLOG PA NI THAMS CAD NA MED PA NYID DO, ,DE'I PHYIR YID 'PHOS PA LAS BDAG 'PHO BAR THAL BAR 'GYUR ZHES BYA BA NI PHRAD PA NI MA PHRAD PA SNGON DU 'GRO BA'I PHRAD PA YIN NO ZHES BYA BA'I MTSAN NYID DE'I PHYIR TE, YID 'PHOS PA LAS TE YID LUS KYI PHYOGS GANG DANG GANG DU 'PHO BA DE DANG DE NAS BDAG 'PHO ZHING 'DOR RO ZHES BYA BAR THAL BAR 'GYUR TE, DPER NA SKYES BU SA'I PHYOGS GANG DANG GANG DU 'PHO BA DE DANG DE NAS NYI MA 'PHOS PA LTA BU'O, ,DE LTA YIN NA YANG 'DI NI BYA BA MED PA NYID LA GNOD PAR 'GYUR BAS DE NYID DAM BCAS PA'I NYES PA YIN NO, ,NYAMS PAR ZHES BYA BA NI BDAG CES BYA BA DANG THAL BAR 'GYUR RO ZHES BYA BAR SBYAR RO, ,GANG DANG GANG DU YID 'PHO BA DE DANG DER BDAG 'JIG PAS DE NYID 'DIR DAM BCAS PA'I NYES PA YIN TE, BDAG MI RTAG PAR 'GYUR BA'I PHYIR RO, ,GAL TE PHYOGS GCIG PHRAD DO ZHE NA ZHES BYA BA NI YID BDAG GI PHYOGS GCIG DANG PHRAD PA'AM, BDAG GI PHYOGS GCIG YID DANG PHRAD PA STE, GAL TE LUS KYI PHYOGS GANG NA YID GNAS PAR GYUR PA DE NA YOD PA'I BDAG GI PHYOGS DANG NI YID MI PHRAD KYI PHYOGS GZHAN DANG NI GLO NAS PHRAD DO DE LTA BAS NA PHRAD PA NI MA PHRAD PA SNGON DU 'GRO BA NYID YIN YANG BDAG GI PHYOGS MA PHRAD PA KHO NA DANG YID DANG PHRAD DO ZHES BYA BAR 'DOD NA, DE NI MA YIN TE PHYOGS DE NYID KYI YIN PA NYID DU MI RUNG BA'I PHYIR RO, ,BDAG LA NI PHYOGS GZHAN YANG YOD PA MA YIN LA, BDAG GI PHYOGS KYANG RUNG BA MA YIN NO, ,PHRAD PA YOD DU CHUG NA YANG ZHES BYA BA RGYAS PAR 'BYUNG BA NI PHRAD PA KHAS BLANGS SU ZIN KYANG, 'ON KYANG 'GYUR BA MED PA'I PHYIR YID RTAG TU KHYAD PAR MED PA LA JI LTAR PHRAD PA KHYAD PAR DU 'GYUR TE, JI LTAR PHRAD PA KHYAD PAR CAN DU 'GYUR NA 'DI LTAR DE SKAD BSHAD, GAL TE BLO'I KHYAD PAR LTOS PA YIN NO ZHE NA, JI LTAR BLO'I KHYAD PAR YIN ZHES DE NYID LA KLAN KA TSOL BAR BYED DO ZHES BYA BA NI, BDAG RTAG TU KHYAD PAR MED PA YIN NA CI'I PHYIR DE 'DRA BA KHO NAR MI SKYE, RGYU'I KHYAD PAR LAS NI 'BRAS BU'I KHYAD PAR DU 'DOD DE DUNG DANG RDZA RNGA PA tA HA LA @328A *, ,SOGS PA'I SGRA BZHIN NO, ,GAL TE 'DU BYED KYI KHYAD PAR LA LTOS PA'I BDAG DANG YID PHRAD PA LAS SO ZHE NA ZHES BYA BA NI GAL TE BDAG DANG YID NI RTAG TU KHYAD PAR MED MOD KYI BDAG DANG YID SBYOR BA 'DU BYED KYI KHYAD PAR LA LTOS PA'I KHYAD PAR LAS BLO'I KHYAD PAR DU 'GYUR BAR 'DOD NA'O, ,'DI SKAD DU DGOS PA'I KHYAD PAR GYI MTSAN NYID KYIS 'DU BYED KYI KHYAD PAR LAS BDAG DANG YID SBYOR BA'I KHYAD PAR DU 'GYUR LA, DE'I KHYAD PAR LAS BLO'I KHYAD PAR DU 'GYUR RO ZHES SMRAS PA YIN NO, ,'DIR 'DU BYED KYI KHYAD PAR LA LTOS PA'I SEMS KHO NA LAS ZHES BYA BA RGYAS PAR SMOS TE; 'DI LA SLOB DPON GYI DGONGS PA NI KHO BO'I LTAR NA SEMS KYANG YOD NA, DGOS PA'I KHYAD PAR GYI MTSAN NYID KYI 'DU BYED KYI KHYAD PAR GANG KHO BO CAG BAG CHAGS DANG SA BON ZHES BYA BAR RNAM PAR 'JUG PA DE YANG YOD PA NYID PAS BRTZAD PA MED KYI, DNGOS PO GZHAN YIN NAM MA YIN ZHES BYA BA TZAM ZHIG KHYAD PAR YOD DO, ,DE LTA BAS NA 'DU BYED KYI KHYAD PAR LA LTOS PA'I SEMS KHO NA LAS BLO'I KHYAD PAR DU 'GYUR BA NA, BDAG GAM DE DANG PHRAD PAR BRTAGS PAS CI ZHIG BYA SNYAM PA 'DI YIN NO, ,BDAG GI NUS PA NI CHUNG ZAD KYANG MI DMIGS TE ZHES BYA BA RGYAS PAR 'BYUNG BA NI SMAN PA NGAN G-YO CAN 'GA' ZHIG GIS NAD PA 'GA' ZHIG SMAN BYIN NAS BSAMS PA, SMAN 'DI NI RNYED SLA BA YIN TE, DE 'KHOR DANG BCAS PAS KYANG SHES SO, ,SMAN 'DIS KYANG NAD PA 'DI'I NAD ZHI BAR NI 'GYUR RO, ,DE LTA BAS NA BDAG KHYAD DU BSAD NAS GZHAN YANG 'DI BYED PAR 'GYUR RO, ,DE NAS BDAG GIS NOR RNYED PAR MI 'GYUR RO SNYAM DU BSAMS NAS PHU SV'A H'A THU SV'A H'A ZHES SNGAGS KYIS BTAB NAS SNGAGS 'DIS NI SMAN 'DI 'GRUB BO ZHES SKYE BO LA BSTAN NA, DE LA JI LTAR SMAN GYI DON 'GRUB PAR BYA BA LA SMAN PA NGAN PA G-YO CAN GYIS PHU SV'A H'A ZHES BYA BA RNAMS KYI NUS PA MED KYI, SMAN GYI NUS PA YIN PA DE BZHIN DU BLO'I KHYAD PAR SKYE BAR BYA BA LA BDAG GI NUS PA MED KYI SEMS KHO NA'I NUS PA YIN NO, ,GAL TE BDAG YOD NA DE GNYIS SRID DO ZHE NA NI ZHES BYA BA NI GAL TE BDAG YOD NA 'DU BYED DANG SEMS DE GNYIS SRID PAS DE'I PHYIR BDAG YOD DO ZHES BYA BAR 'DOD NA, 'DIR SMRAS PA'I @328B TSIG TZAM DU ZAD KYI 'DI LA RIGS PA NI 'GA' YANG MED DO, ,GAL TE DE NI RTEN YIN NO ZHE NA ZHES BYA BA NI GAL TE DE NI DE GNYIS KYI RTEN YIN NO ZHES BYA BAR 'DOD NA'O, ,DPER NA GANG GI RTEN GANG YIN PA DE LTA BU ZHES BYA BA NI RTEN GYI NGO BO'I DPER BRJOD PA TSOL BA'O, ,'DI RTEN GYI DON DU MI RIGS PA DE BSTAN PA'I PHYIR DE DAG KYANG ZHES BYA BA RGYAS PAR SMOS TE, 'DU BYED DANG SEMS DE DAG KYANG RI MO DANG RGYA SHUG LA SOGS PA LTAR DE DPER NA RTZIG PA LA RI MO DANG GZHONG BU LA RGYA SHUG BRTEN PA LTAR RO, ,SOGS PA ZHES BYA BA'I SGRAS NI SNOD LA ZAS ZHES BYA BA NAS SOGS PA BSDU STE, 'DU BYED DANG SEMS DE DAG NI RTEN BDAG DE LA DE LTA MA YIN LA, DE YANG RTZIG PA DANG GZHONG BU LA SOGS PA LTAR RTEN DU RIGS PA MA YIN TE, BDAG DE YANG RTZIG PA LTA BU DANG GZHONG BU LTA BUR RTEN DU RIGS PA MA YIN NO, ,SOGS PA ZHES BYA BA'I SGRAS NI SNOD LA SOGS PA BSDU'O, ,CI'I PHYIR ZHE NA, THOGS PA THA DAD PA NYID KYI NYES PAR 'GYUR BA'I PHYIR RO ZHES BYA BA SMOS TE THOGS PA NYID DU NYES PAR 'GYUR BA'I PHYIR DANG, THA DAD PA NYID KYI NYES PAR 'GYUR BA'I PHYIR RO, ,THOGS PA DANG BCAS PA NYID DU THAL BAR 'GYUR BA'I PHYIR DANG, YUL THA DAD PA NYID DU THAL BAR 'GYUR BA'I PHYIR RO ZHES BYA BA'I THA TSIG STE, JI LTAR RI MO DANG RGYA SHUG DAG DANG, RTZIG PA DANG GZHONG BU DAG LA BRTEN PA DANG RTEN GYI NGO BO YIN LA, THOGS PA NYID DANG THA DAD PA NYID DU MTHONG BA LTAR DE DAG KYANG DE DANG 'DRA BAR 'GYUR BA ZHIG NA DE LTAR YANG MI 'DOD DE DE'I PHYIR BDAG NI RTEN MA YIN NO, ,DPER NA DRI LA SOGS PA LAS SA GZHAN MA YIN PA LTAR BLO LA SOGS PA LAS KYANG BDAG GZHAN MA YIN NO, ,SKYES BU DAM PA SU ZHIG DRI LA SOGS PA LAS SA GZHAN YIN PAR NGES PAR 'DZIN PAR BYED DE, SA GANG ZHIG YIN ZHES SMRA NA 'DI LTAR GZUGS DANG DRI LA SOGS PA LAS GZHAN PA'O ZHES BYA BA LTA BUR GZUGS DANG DRI DANG RO DANG REG[?] BYA DAG LAS GZHAN PAR NI BSTAN PAR MI NUS SO, ,GAL TE DRI LA SOGS PA LAS SA GZHAN PA YIN NA SA'I DRI LA SOGS PA ZHES BYA BA'I THA SNYAD 'DI JI LTAR 'DOGS TE, NAG PA'I LA BA ZHES GZHAN GYIS GZHAN THA SNYAD 'DOGS PAR MI MTHONG NGO ZHE NA, 'DIR SA'I DRI LA SOGS PA @329A *, ,ZHES BYA BA'I THA SNYAD NI ZHES BYA BA RGYAS PAR SMOS SO, ,KHYAD PAR DU BYA BA'I PHYIR ZHES BYA BA NI CHU LA SOGS PA KHYAD PAR DU BYA BA'I PHYIR ZHES BYA BA'I THA TSIG GO, ,JI LTA ZHE NA CI NAS DE BDAG NYID CES BYA BA RGYAS PAR 'BYUNG BAS STON PAR BYED DO, ,NYID CES BYA BA NI DA DAG LA MA GTOGS PA SA'I RDZAS BZLOG PA'I PHYIR TE, CI NAS KYANG DRI LA SOGS PA BSDU'O, ,DE DAG NYID DE ZHES BYA BAS ZHES BYA BAR SHES PAR 'GYUR BA DE LTAR KHYAD PAR DU BYA BA'I PHYIR THA SNYAD 'DOGS SO ZHES BYA BAR SBYAR RO, ,GZHAN NI MA YIN NO ZHES BYA BA NI CI NAS KYANG SA ZHES BYA BA LAS GZHAN PA CHU ZHES BYA BA LA SOGS PAR SHES PAR MI 'GYUR BAR ZHES BYA BA'I DON TO, ,SHING GI GZUGS KYI LUS BZHIN NO ZHES BYA BA NI 'JI BA LAS BYAS PA LA SOGS PA GZHAN DAG LAS KHYAD PAR DU BYA BA'I PHYIR SHING GI GZUGS KYI LUS ZHES THA SNYAD 'DOGS LA SHING GI GZUGS KYI LUS GZHAN YANG MA YIN PA LTAR 'DIR YANG DE BZHIN DU THA SNYAD 'DOGS PAR 'GYUR BAS BRI LA SOGS PA LAS GZHAN PA YANG MA YIN NO, ,'DU BYED KYI KHYAD PAR LA LTOS PA YIN DU ZIN KYANG BDAG DANG YID PHRAD PA'O, ,GANG ZHIG STOBS CHE BA ZHES BYA BA NI 'DU BYED KYI KHYAD PAR TE, DES 'DU BYED KYI KHYAD PAR GZHAN DAG LA BGEGS BYED DO, ,STOBS CHE BA NYID CI'I PHYIR 'BRAS BU MI 'BYIN TE ZHES BYA BA NI SLOB DPON GYI TSIG YIN NO, ,DE NYID KYI YANG BSHAD PA DE'I TSUL TE 'DU BYED KYI TSUL 'JIGS PA'AM BGEGS BYED PA GANG YIN PA DE NI SA BON GYI BDAG NYID KYIS BSGOS PA'I YIN NA NI BDAG TU RTOG PA NI DON MED CING DGOS PA MED PA YIN TE, 'DU BYED KYI DON DU DER BRTAG GRANG NA 'DU BYED DE'I BYA BA GANG YIN PA DE NI BSGOS PA KHO NAS BYED DO, ,DRAN PA LA SOGS PA ZHES BYA BA RGYAS PAR 'BYUNG BA NI GAL TE DRAN PA DANG 'DU BYED DANG 'DOD PA DANG ZHE SDANG LA SOGS PA NI YON TAN GYI DNGOS PO YIN PA'I PHYIR LA, RDZAS LA BRTEN PA'I YON TAN NI YON TAN DANG LDAN PA YIN NO ZHES DE SKAD DU MTSAN NYID BSTAN PA'I PHYIR YON TAN GYI RDZAS DE YANG GDON MI ZA BAR RDZAS LA BRTEN PA YIN PA'I PHYIR RO, ,GZHAN NI MNGON SUM PA MA YIN PA NYID LA SOGS PA'I RGYUS NA DE DAG GI RTEN SA LA SOGS PA'I GZHAN YIN PAR YANG RUNG BA MA YIN NO, ,DE BAS NA 'DI DAG @329B GI RTEN GANG YIN PA DE NI BDAG YIN PAS DE LTA BAS NA BDAG NI YOD DO ZHES BYA BAR 'DOD NA, MA YIN TE MA GRUB PA'I PHYIR TE, DE NI DE LTA MA YIN NO, ,CI'I PHYIR ZHE NA, ,DRAN PA LA SOGS PA NI YON TAN GYI DNGOS PO NYID DU MA GRUB PA'I PHYIR RO, ,YOD PA THAMS CAD RDZAS YIN ZHES BYA BA NI MTSAN NYID KYI SGO NAS YOD PA GANG YIN PA DE NI RDZAS YIN NO, ,DGE SBYONG GI TSUL GYI 'BRAS BU NI RDZAS DRUG GO ZHES BYA BA NI GZUGS KYI PHUNG PO LA SOGS PA LNGA NI DGE SBYONG GI TSUL GYI 'BRAS BU 'DUS BYAS YIN LA, DRUG PA NI 'DUS MA BYAS YIN PAS RDZAS DRUG YIN NO, ,DE DAG RDZAS LA BRTEN PA NYID DU YANG MA GRUB PA STE ZHES BYA BA NI DRAN PA LA SOGS PA'O, ,RTEN GYI DON NI BRTAGS ZIN TO ZHES BYA BA NI DPER NA GANG GI RTEN GANG LTA BU DE DAG KYANG RI MO DANG RGYA SHUG LA SOGS PA LTA BUR BRTEN PA MA YIN LA ZHES BYA BA RGYAS PAR RO, ,RNAM PA DE DAG CES BYA BA NI DKAR SHAM LA SOGS PA'I RNAM PA DAG GO, ,'DI NI PHUNG PO RNAMS LAS ZHES BYA BA NI BDAG TU 'DZIN PA'O, ,BDAG TU 'DZIN PA NI MA YIN NO ZHES BYA BA NI BDAG GO SNYAM PA DE LTA BU'I RNAM PA CAN GYI SHES PA NI MA YIN NO ZHES BYA BA'I THA TSIG GO, ,'DI NI DE NYID 'ONGS PA YIN NO ZHES BYA BA NI DRUG PA 'DI'I DON JI LTA BU YIN, RJE BO'I DON YIN NO, ,DPER NA GANG GI RJE BO GANG LTA BU YIN, DPER NA BA'I RNAM PA NAG PA LTA BU YIN NO, ,'DI JI LTAR DE'I RJE BO YIN, DE RMO BA DANG BZHO BA LA SOGS PA LA SBYAR BA DE LA RAG LUS PA YIN NO, ,NGAR 'DZIN PA GANG DU SBYAR BAR BYA BA NI 'DI LTAR 'DI'I RJE BO BTZAL[?], BDAG TU 'DZIN PAR BYA BA'I DON LA'O, ,CI'I PHYIR SBYAR BAR BYA, BDAG TU 'DZIN PAR BYA BA'I PHYIR RO, ,KYE MA DE NYID DE'I DON DU SBYAR RO ZHES BYA BA NI BSOD NAMS KYIS BSKYED PA RNAMS KYIS LEGS PAR SMRAS SO, ,JI LTAR SBYAR BAR BYA, CI SKYED PA'I SGO NAS SAM, 'ON TE MDAG PA'I SGO NAS BDAG TU 'DZIN PA LAS 'GRO BA MI RUNG BAS BSKYED PAR BYA BA'I SGO NAS SO, ,DE LTA NA NI RGYU KHO NA RJE BO YIN LA 'BRAS BU KHO NA BRAN YIN PAR 'GYUR TE, 'DI LTAR RGYU NI 'BRAS BU LA DBANG BYED LA 'BRAS BUS KYANG DE DANG LDAN PA RGYU YIN PAS DE NI BDAG TU 'DZIN PA'I RGYU GANG YIN PA DE KHO NA'I YIN NO ZHES BYA BA YIN NO, ,SHING LJON PA'I @330A *, ,ME TOG CHAGS SO ZHES BYA BA NI GRUB PA'I MTHA' GANG LA SHING LJON PA YAN LAG CAN DU MI 'DOD CING 'BYUNG BA CHEN PO RIGS MI MTHUN PA BZHIS BRTZAMS PA YIN PAR MI 'DOD PA DE LA DPE YIN NO, ,GANG LA SHING LJON PA YAN LAG CAN YOD PA DE LA NI DPE GNYIS PA NAGS TSAL 'BRAS BU CHAGS SO ZHES BYA BA YIN TE, ,NAGS TSAL ZHES BYA BA NI CHUNG ZAD KYANG MED DO, ,JI LTAR NAGS TSAL GANG LA 'BRAS BU BYUNG BA DE'I 'BRAS BU CHAGS SO ZHES BYA BA DE BZHIN DU SKYE MCHED DRUG GI MTSAN NYID KYI RTEN GANG LA BDE BA'AM SDUG BSNGAL BYUNG BA DE LA BDE BA'AM SDUG BSNGAL BA ZHES BYA'O, ,DE LTAR NI BSHAD ZIN TO ZHES BYA BA NI, DE GYUR BA LAS 'GYUR BA'I PHYIR, ,RTEN NI MIG LA SOGS PA YIN, ,ZHES SKYE MCHED DRUG JI LTAR BRTEN PA DE LTAR NI BSHAD ZIN TO, ,'ON TE PHUNG PO LNGA ZHES BYA BA NI KHYOD DPER BYED NA ZHES BYA BAR SKABS DANG SBYAR RO, ,DE NYID BYED PA PO YIN TE ZHES BYA BA NI PHUNG PO LNGA'I MTSAN NYID DE NYID BYED PA PO YIN GYI BDAG NI MA YIN PAS, KHO BO CAG GI PHYOGS GRUB PO, ,DE LA YANG RANG DBANG MED PAR BRTEN PA'I PHYIR LAS 'DI RNAM PA GSUM STE ZHES BYA BA RGYAS PAR SMRAS SO, ,LUS NI SEMS GZHAN GYI DBANG GIS 'JUG STE LUS KYI LAS NI SEMS KYIS RAB TU BCUG PA'I PHYIR RO, ,SEMS KYANG LUS LA RANG GI RGYU'I DBANG GIS 'JUG STE, YID LA BYED PA LA SOGS PA'I GZHAN GYI DBANG YIN PA'I PHYIR RO, ,DE YANG DE DANG 'DRA STE SNYAM SEMS KYI RGYUD YANG RANG GI RGYU'I GZHAN GYI DBANG GIS 'JUG PAS LUS SAM SEMS SAM SEMS KYI RGYU 'AM GZHAN YANG RUNG GANG LA YANG RANG DBANG MED KYI, BZHI YIS SEMS DANG SEMS BYUNG RNAMS, ,GSUM GYIS SNYOMS PAR 'JUG PA GNYIS, ,GZHAN DAG GNYIS LAS SKYE BAR 'GYUR, ,ZHES 'BYUNG BAS DNGOS PO THAMS CAD NI RKYEN GYI GZHAN GYI DBANG GIS 'JUG GO, ,BDAG KYANG LTOS PA MED PA NI BLO'I KHYAD PAR SKYE BA'I RGYU MA YIN PAS RGYU NYID DU KHAS MI LEN PA'I PHYIR RANG DBANG CAN DU MI 'GRUB BO, ,DE LTA BAS NA DE LTA BU'I MTSAN NYID CES BYA BA NI BYED PA PO RANG DBANG CAN NO, ,'O NA BYED PA PO JI LTA BU ZHE NA, GANG ZHIG GANG GI RGYU'I GTZO BO YIN PA DE NI DE'I BYED PA PO ZHES BYA BA SMOS TE, GTZOR DE LA @330B BRTEN NAS SKYE BA'I PHYIR RO, ,DE NI DE LTA BUR YANG BYED PA POR MI RUNG NGO ZHES BYA BA NI RGYU'I GTZO BO'I NGO BOR YANG MI RUNG NGO ZHES BYA BA'I THA TSIG GO, ,DE RGYU MA YIN PA NYID DU BSTAN PA'I PHYIR DRAN PA LAS NI 'DUN PA SKYE'O ZHES BYA BA RGYAS PAR SMOS TE, DANG POR DRAN PAR BYA BA'I DON LA DRAN PA SKYE'O, , DRAN PA LAS NI 'DUN PA SKYE STE BYED PAR 'DOD PA'O, ,'DUN PA LAS NI RTOG PA STE, ,RNAL 'BYOR SPYOD PA'I LUGS KYIS NI 'DU BYED KYI MTSAN NYID SEMS PA'I KHYAD PAR RAM, SHES RAB KYI KHYAD PAR YIN NO, ,BYE BRAG TU SMRA BA'I LUGS KYIS NI RNAM PAR RTOG PA'I MTSAN NYID KYI NGES PAR RTOG PA'O,, RNAM PAR RTOG PA LAS RAB TU 'BAD PA STE BRTZON 'GRUS SO, ,RAB TU 'BAD PA LAS RLUNG NGO, ,DE NAS RLUNG LAS NI LAS DE YUL GZHAN DU 'BYUNG BA'I MTSAN NYID 'BYUNG NA, 'DI LA BDAG CI ZHIG BYED RNAM PAR SHES PA LA NUS PA BKAG PA'I PHYIR RO ZHES BYA BA NI DMIGS PA GANG YIN PA DE NYID RNAM PAR SHES PA YIN NA 'DU BYED KYI KHYAD PAR LA LTOS PA'I SEMS KHO NA LAS YIN PAR ZAD KYI BDAG GI NUS PA NI CHUNG ZAD KYANG MI DMIGS TE, SMAN GYI 'BRAS BU GRUB PA LA SMAN PA NGAN G-YO CAN GYIS PHU SV'A H'A ZHES SMRAS PA DAG BZHIN NO ZHES RNAM PAR SHES PA LA NI BDAG GI NUS PA BKAG GO, ,JI LTAR YIN PA DE LTAR NI BSHAD ZIN TO ZHES BYA BA NI, DER GYUR PA LAS 'GYUR BA'I PHYIR, ,RTEN NI MIG LA SOGS PA NI, ,ZHES BYA BA'O, ,DE LA BRTEN PA ZHES BYA BA NI BDAG LA BRTEN PA'O, ,TSIG GI LUGS KYIS NI LAN BTAB ZIN TO ZHES BYA BA NI GANG GI RTEN GANG LTA BU, DE DAG KYANG RI MO DANG RGYA SHUG LA SOGS PA LTA BUR BRTEN PA MA YIN LA, DE YANG RTZIG PA DANG GZHONG BU LA SOGS PA LTAR RTEN DU RIGS PA MA YIN TE, THOGS PA DANG THA DAD PA NYID KYI NYES PAR 'GYUR BA'I PHYIR RO, ,GAL TE DE NI DE LTA BUR RTEN MA YIN NO, ,'O NA JI LTA BU ZHE NA ZHES BYA BA RGYAS PAR 'BYUNG BA YIN NO, ,DES BSKYED PAS SO ZHES BYA BA NI SA BON DES DE'I NUS PA BSKYED PAS SO ZHES BYA BA'I THA TSIG GO, ,JI SKAD DU BSHAD PA LTA BU'O ZHES BYA BA LTA BU NI GNAS BRTAN SGRA GCAN ZIN GYIS SO, ,NYE BA GANG DANG GOMS GANG DANG, ,ZHES BYA BA RGYAS PAR 'BYUNG BA NI RGYUD GCIG LA LAS BZHI PO LCI BA DANG NYE BA DANG GOMS PA DANG SNGON BYAS PA @331A *, ,YOD PA'I BZHI PO DE DAG NI DE DAG GI NANG NA LAS LCI BA SNGA MA YIN PAS DE NI GSUM PAS SNGAR SMIN TO, ,NYE BA DANG GOMS PA DANG SNGAR BYAS PA RNAMS KYI NANG NA YANG NYE BA SNGA MA YIN PAS DE NI GNYIS PAS SNGAR SMIN TO, ,GOMS PA DANG SNGAR BYAS PA DAG LA YANG GOMS PA SNGA MA YIN PAS GCIG PAS SNGAR SMIN TO, ,DE DAG MED NA TSE SNGA MA LA BYAS PA LAN GRANGS GZHAN LA MYONG BA SMIN PAR 'GYUR RO, ,NYON MONGS PA CAN MA YIN PA RNAMS KYI ZHES BYA BA NI DGE BA DANG MA BSGRIBS LA LUNG DU MA BSTAN PA RNAMS KYI'O, ,RNAM PAR 'DRUL BA'I KHYAD PAR LAS SKYES PA ZHES BYA BA NI SA DANG CHU DANG 'BREL PA LAS 'BRAS BU'I RNAM PAR 'GYUR BA PHRA MO NI RNAM PAR[?] 'DRUL BA'O, ,DE'I KHYAD PAR NI DE NYID KHYAD PAR CAN YIN TE, DE LAS RNAM PAR 'GYUR BA'I KHYAD PAR SKYE'O, ,DE LAS 'BRAS BU GZHAN SKYE'O, ,RNAM PAR 'GYUR BA'I KHYAD PAR JI LTA BU ZHIG LAS YIN PA BSTAN PA'I PHYIR, DE LAS 'BYUNG BA'I RNAM PA MYU GU 'GRUB PAR BYED PA YOD PA GANG YIN PA DE NI DE'I SA BON ZHES BYA BA SMOS TE, MYU GU DE'I SA BON YIN NO, ,'BYUNG BA'I RNAM PA GZHAN NI MA YIN TE, SNGON GYI SA BON GYI GNAS SKABS KYI 'BYUNG BA'I RNAM PA NI MA YIN NO ZHES BYA BA'I THA TSIG GO, ,'GYUR BA'I MING GIS ZHES BYA BA NI JI LTAR 'BRAS CHAN 'TSED DO, ,PHYE 'THAG GO ZHES 'BYUNG BAR 'GYUR BA'I MING GIS THA SNYAD 'DOGS PA DE BZHIN DU, RGYUN SNGA MA SA BON GYI GNAS SKABS MA RUL BA LA YANG 'BYUNG BAR 'GYUR BA'I MING GIS SA BON ZHES BYA'O, ,'DRA BA'I PHYIR ZHES BYA BA NI RGYUN SNGA MA DE YANG 'BYUNG BA RNAM PAR 'GYUR BA'I KHYAD PAR RNAM PAR 'DRUL BA'I KHYAD PAR LAS SKYES PA DANG 'DRA BA'I PHYIR SA BON ZHES BYA'O, ,DE BZHIN DU 'DI LA YANG ZHES BYA BA RGYAS PAR 'BYUNG BA NI GAL TE DAM PA'I CHOS NYAN PA DANG TSUL BZHIN YID LA BYED PA'I RKYEN GYI KHYAD PAR LAS SKYES PA DGE BA ZAG PA DANG BCAS PA'I SEMS KYI 'GYUR BA SKYE BA'AM DAM PA MA YIN PA'I CHOS MNYAN PA DANG TSUL[?] BZHIN MA YIN PA YID LA BYED PA'I RKYEN GYI KHYAD PAR LAS SKYES PA MI DGE BA'I SEMS KYI 'GYUR BA SKYE NA, DE LAS RNAM PA GZHAN SKYE'I, GZHAN DU NI MA YIN PAS DE NI MTSUNGS SO, ,JI LTAR 'BRAS BU KHO NA LAS 'BRAS BU GZHAN MI 'BYUNG GI ,'O NA CI @331B ZHE NA 'GYUR BA'I KHYAD PAR LAS YIN PA DE BZHIN DU RNAM PAR SMIN PA KHO NA LAS RNAM PAR SMIN PA GZHAN MI 'BYUNG NGO, ,'O NA CI ZHE NA SEMS KYI 'GYUR BA'I KHYAD PAR LAS 'BYUNG BAS DE NI MTSUNGS SO, ,'BRAS BU'I NANG DU GE SAR DMAR PO ZHES BYA BA NI 'BRAS BU'I NANG DU GANG NA BI DZA PU RA'I KHU BA SKYUR BO YOD PA'I GE SAR RO, ,DE LAS NI DE GZHAN MI SKYE BA ZHES BYA BA NI GE SAR DMAR PO DE LAS NI YANG GE SAR DMAR PO DE MI SKYE'O, ,'O NA CI ZHE NA GE SAR PHAL PA DMAR PO MA YIN PA KHO NA SKYE'O ZHES BYA BA'I THA TSIG GO, ,'DI NI 'DIR DPER BRJOD PA YIN TE, JI LTAR RGYA SKYEGS KYIS KHA DOG BSGYUR BA'I MA TU LUNG GA'I ME TOG DANG 'BRAS BU CAN GYI GE SAR DMAR PO GZHAN MI 'BYUNG BA DE BZHIN DU LAS LAS SKYES PA'I RNAM PAR SMIN PA LAS KYANG RNAM PAR SMIN PA GZHAN MI SKYE'O, ,'DIR SMRAS PA, SEMS 'DI SA BON MTHA' YAS PA DANG LHAN CIG RGYUN GYIS 'BYUNG, ,SA BON DE NI RANG RKYEN BYUNG NA SEMS LA RGYAS PAR 'GYUR,, DE RGYAS RIM GYIS 'JUG PA RNYED NA DUS SU 'BRAS BU 'GRUB, ,MA TU LUNG GA'I ME TOG BSKUS TSON DE YI GE SAR BZHIN, ,YANG SMRAS PA, JI LTAR RAS BAL SA BON DANG, ,MA TU LUNG GA'I ME TOG LA, ,RGYA SKYEGS BSKUS NA DE ZHIG KYANG, ,BSGOS PA'I RGYUD KYI RIM PA YIS, ,RAS BAL DANG NI GE SAR LA, ,DMAR PO 'BYUNG BAR 'GYUR BA LTAR, ,LAS RNAMS ZHIG NA'ANG BSGOS PA NI, ,DE NYID DE YI 'BRAS BU SKYED, ,LAS DANG ZHES BYA BA THAMS CAD 'BYUNG BA LA, DE BSGOS ZHES BYA BA NI LAS KYIS BSGOS PA'O, ,BSGOS PA DE'I 'JUG PA RNYED PA NI DE'I RNYED PA STE, ,DE DANG 'JUG PA RNYED PA DE LAS 'BRAS BU ZHES BYA BA 'DI BZHIN NO, ,SANGS RGYAS LAS GZHAN PA NYAN THOS LA SOGS PAS DGA' MGUR RNAM PA THAMS CAD DE'I RNAM PA KUN NGES PAR GDON MI ZA BAR RAB TU MI SHES SO, ,DON GYIS NA SANGS RGYAS KHO NAS DE THAMS CAD RNAM PA THAMS CAD RAB TU MKHYEN TO ZHES BSHAD PA YIN NO, , DE LTAR ZHES BYA BA RGYAS PAR 'BYUNG BA NI SKABS RDZOGS PA'I DON TAM GONG DU RAB TU BSTAN PA'I DON TO, ,SANGS RGYAS RNAMS KYI GSUNG RAB KYI CHOS NYID GTAN TSIGS KYI LAM LEGS PAR GSUNGS PAS DAG PA KHA NA MA THO BA MED BA 'DI MTHONG NAS TE MTHONG BAR GYUR NAS SO, ,MU STEGS DAG NI YANG DAG @332A *, ,PA JI LTA BA BZHIN MTHONG BA MED PAS LONG BA DAG GO, ,LTA NGAN NI LTA BA SMAD PA STE, DE G-YO BA'O, ,'DI DAG LA LTA BA NGAN PA SNA TSOGS G-YO BA YOD PAS NA LTA BA NGAN PA SNA TSOGS G-YO CAN DAG STE, MTHO RIS DANG BYANG GROL GYI LAM LA MA ZHUGS PA DANG LOG PA LA ZHUGS PA[?] RNAMS SO ZHES BYA BA'I THA TSIG GO, ,MU STEGS SER SKYA BA DANG 'UG PA LA SOGS PA DE LTA BU DE DAG GI GZHUNG LUGS SAM, LTA BA SPANGS SHING BOR TE 'KHOR BA NAS MYA NGAN LAS 'DAS PAR 'GRO'O ZHES BYA BA'I TSIG KHONG NAS DRANG NGO, ,SEMS CAN DE DAG GANG ZHE NA, 'PHAGS PA NYAN THOS SHES RAB KYI MIG DANG LDAN PA RNAMS SO, ,YANG NA GSUNG RAB KYI CHOS NYID DE KHO NA LA 'GRO STE SGRUB PO ZHES BYA BA'I THA TSIG GO, ,GSUNG RAB KYI CHOS NYID NI 'DIR BDAG MED PA'AM, SANGS RGYAS KYI RJES SU BSTAN PA'O, ,GZHAN DAG NA RE GSUNG RAB NI MDO LA SOGS PA GSUNG RAB KYI YAN LAG BCU GNYIS SU BTAGS PA'O, ,DE'I CHOS NYID NI RIGS PA DANG LDAN PA'I PHYIR LEGS PAR GSUNGS PA NYID DANG MYA NGAN LAS 'DAS PA BRJOD PA'I PHYIR MYA NGAN LAS 'DAS PA LA GZHOL BA NYID YIN TE, JI SKAD DU CHOS 'DI DAG THAMS CAD NI MYA NGAN LAS 'DAS PA LA GZHOL BA MYA NGAN LAS 'DAS PA LA BAB PA MYA NGAN LAS 'DAS PA LA 'BAB PA STE, MNGON BAR BRJOD PA NA MYA NGAN LAS 'DAS PA KHO NA MNGON BAR BRJOD PA'O ZHES GSUNGS PA LTA BU'O ZHES ZER RO, ,BDAG MED PAR 'DU SHES PA NI MYA NGAN LAS 'DAS PA ZHI BA'I 'DU SHES SU GNAS TE, BDAG CHAD PA DANG BRAL BA'I PHYIR RO, ,DE LTAR NA LONG BA MA YIN PA RNAMS 'GRO'I, LONG BA RNAMS NI MA YIN NO, ,LONG BA RNAMS NI BDAG MED PA MA MTHONG BAS 'KHOR BA'I RGYA MTSOR 'KHYAMS PA NYID DO, ,DE BSTAN PA'I PHYIR DE BZHIN GSHEGS PA ZHES BYA BA LA SOGS PA SMOS SO, ,DE BZHIN GSHEGS PA NYID NYI MA STE, DE BZHIN GSHEGS PA NI CHOS ZAB MO MNGON BAR RAB TU STON PA'I PHYIR NYI MA LTA BU YIN NO, ,DE'I GSUNG DAG STE DE DAG NYID 'OD YIN NO, ,DE DAG GI SNANG BA DANG LDAN PAS DE BZHIN GSHEGS PA NYI MA'I GSUNG 'OD KYI SNANG LDAN ZHES BYA'O, ,MYA NGAN LAS 'DAS PA NYID GRONG YIN PAS MYA NGAN LAS 'DAS GRONG NGO, ,DE'I LAM GCIG PA ZHES BYA BA NI @332B MYA NGAN LAS 'DAS PA'I GRONG GI LAM GCIG PU STE, LAM GZHAN MA YIN NO ZHES BYA BA'I THA TSIG GO, ,'PHAGS PA STONG PHRAG GIS BGROD PAS NA 'PHAGS PA STONG GIS BGROD PA'O, ,'DI ZHES BYA BA NI BDAG MED PA 'DI'O, ,PHYE YANG ZHES BYA BA NI BDAG MED PA MYA NGAN LAS 'DAS PA'I GRONG GI LAM GCIG PU DE BZHIN GSHEGS PA NYI MA'I GSUNG GI 'OD ZER GYI SNANG BA DANG LDAN PA'I 'DI'I RNAM PA PHYE YANG MU STEGS CAN NAM GNAS MA'I BU YANG RUNG STE, SHES RAB KYI MIG GSAL BA MED PA'I PHYIR RAM, MIG MA RIG PA'I RAB RIB KYI SPUBS KYIS KHEBS PA'I PHYIR DMAN PA'I MIG GIS MI MTHONG NGO, , 'DIR LAM GYI YON TAN NI GSUM STE 'DI LTA STE, 'DOD PA'I YUL DU PHYIN PAR BYED PA'I PHYIR BGROD PA GCIG PU NYID DANG GANG GIS NA BAG TSA BA MED PAR 'GRO BA SNANG BA DANG BCAS PA NYID DU, SDONG DUM DANG TSER MA LA SOGS PA RNAL BA'I PHYIR GANG GIS NA BDE BLAG TU 'GRO BA BGROD CING RJES SU BGROD PA'O, ,BDAG MED PA'I LAM 'DI YANG DE DANG CHOS MTHUN PAR BLTA BAR BYA'O, ,RGYU BZHIS NI LAM MI MTHONG STE, MUN PA MUN NAG DANG BCAS PA NYID DANG, NYI MAS SNANG BAR BYAS KYANG MA BGROD PA NYID DANG, MI MANG POS BGROD KYANG BSGRIBS PA NYID DANG, PHYE YANG LTA BA PO'I MIG DMAN PA NYID DO, ,DE DAG LAS 'DIR LAM 'DI MI MTHONG BA'I RGYUR NI LTA BA PO'O, ,NYES PA KHO NAS LAM MA MTHONG GI LAM GYI NYES PAS NI MA YIN NO ZHES BYA BA GCIG KHO NA BSHAD DE, 'DIR MIG DMAN PA DES 'DI MI MTHONG ZHES BYA BAR KHONG DU CHUD PAR BYA'O, ,DE LTAR 'DI NI PHYOGS TZAM ZHIG CES BYA BA THAMS CAD 'BYUNG BA LA, DE LTAR ZHES BYA BA NI JI SKAD DU BSHAD PA LTAR RO, ,PHYOGS NYID PHYOGS TZAM STE TZAM ZHES BYA BA NI NYID CES BYA BA'I DON TO, ,YANG NA 'DI LA PHYOGS TZAM YOD PAS NA PHYOGS TZAM STE, CHOS MNGON PA'I BSTAN BCOS CHEN PO LAS NYUNG DU 'DI DAG GIS BSTAN TO ZHES BYA BA TSIG LHAG MA YIN NO, ,SU DAG LA ZHE NA SHIN TU MKHAS PA RNAMS LA ZHES BYA BA STE DAM PA RNAMS LA ZHES BYA BA'I DON TO, ,JI LTA BUR ZHE NA, RANG GI MTHU YIS RNAM 'PHEL BA'I, ,DUG LA RMA YI PHYOGS BZHIN DU, ,ZHES BYA BA SMOS TE, JI LTAR 'GA' ZHIG GI DUG NI NANG GI MTHUS RMA'I PHYOGS KHYAB NAS YAN @333A *, ,LAG DANG NYING LAG THAMS CAD KYI NANG DU 'PHEL BAR 'GYUR RO SNYAM DU BSAMS NAS JI LTAR NA 'DI 'PHEL BAR 'GYUR SNYAM STE, DE'I RMA 'BYIN PA DE BZHIN DU SHIN TU MKHAS PA RNAMS NI RANG GI MTHUS 'PHEL BA'I PHYIR DUG DANG 'DRA BA YIN NO, ,DE BAS NA SHIN TU MKHAS PA MGO SMOS PAS GO BA SHES RAB CAN DE DAG LA BDAG GIS JI LTAR NA GZHUNG NYUNG DUS CHOS MNGON PA'I BSTAN BCOS CHEN PO KHA CHE'I BYE BRAG TU SMRA BA'I LUGS GRUB PA DON GYI SGO NAS RTOGS PAR 'GYUR SNYAM STE 'DI BSTAN TO, ,GZHAN DAG NA RE 'DI NI PHYOGS TZAM ZHIG CES BYA BA 'DI NI BDAG MED PAR DGAG PA 'DI KHO NA'I DBANG DU BYAS NAS BSHAD PA YIN TE, BDAG GIS MNGON PA'I CHOS 'DI PHAL CHER NI, ,KHA CHE BYE BRAG SMRA'I TSUL GRUB PA BSHAD, ,CES BYA BA 'DI NYID KYIS DON DE BSHAD ZIN PA DE'I PHYIR RO ZHES ZER RO, ,MDZOD KYI GNAS BRGYAD PA DANG 'GREL PA GANG ZAG RNAM PAR GTAN LA 'BEBS PA 'DI YANG RDZOGS SO,, ,,CHOS MNGON SNA TSOGS DON GYI ZA MA TOG ,CHOS MNGON MDZOD 'DI RNAM PAR PHYE BA YI, ,DGE BA BDAG GIS THOB PA GANG YIN DES, ,'JIG RTEN KUN GYI BDE BA 'BYUNG GYUR CIG ,BSTAN BCOS PADMA MTSO LAS SKYES PA GTZAD, ,BDUD RTZI'I RO RMAD BYUNG BA SRED SEL GNAS GYUR PA, ,BDAG GI BSHAD TSIG NYI ZER DAG GIS GSAL BYAS 'DI, ,SKYE BO MKHAS PA'I BUNG BA RNAMS KYIS BRTEN PAR SHOG ,GANG GIS BSTAN BCOS THAMS CAD RTOGS GYUR NAS, ,MKHAS PA'I GRAGS THOB GRAGS PA'I BSHES GNYEN DES, ,RNAM PAR BSHAD PA GZHAN LA MA MGU NAS, ,RNAM PAR BSHAD PA 'DI NI BYAS PA YIN, ,DE YIS RNAM PAR BSHAD PA 'DI, ,DPAL DANG TSIG GI BDAG PO STE, ,DAM PA'I DON LUNG DON GNYER BA, ,LHA SKU LHA DANG 'DRA PHYIR BYAS, ,CHOS MNGON PA'I MDZOD KYI 'GREL BSHAD DON GSAL BA ZHES BYA BA SLOB DPON RGYAL PO'I SRAS GRAGS PA'I BSHES GNYEN GYIS MDZAD PA RDZOGS SO,, ,,RGYA GAR GYI MKHAN PO BI SHUDDHA SIm HA DANG, ZHU CHEN GYI LO TZ'A BA BANDE DPAL BRTZEGS KYIS BSGYUR CING ZHUS TE GTAN LA PHAB PA,, 'DI LA SHLOKA NI KHRI BRGYAD STONG YOD DO, ,BAM PO NI DRUG CUR BYAS SO,, ,,