@1A [DD] #, ,RGYA GAR SKAD DU, AA BHI DHARMA KO shA t'I KA LAKshA nA SY'A NU SA RI N'A MA, BOD SKAD DU, CHOS MNGON PA'I MDZOD KYI 'GREL BSHAD MTSAN NYID KYI RJES SU 'BRANG BA ZHES BYA BA, 'PHAGS [DD] PA 'JAM DPAL GZHON NUR GYUR PA LA PHYAG 'TSAL LO, ,GANG ZHIG RANG NYID THUGS KYI MUN PA ZHES BYA MA LUS YUL CAN RGYUD KUN ZHI, ,NYON MONGS CAN DANG NYON MONGS CAN MIN MTHA' YAS MKHYEN RAB GZENG MTHOS MTHAR BSKYAL ZHING, ,THUGS RJES YONGS SU KHYAB PA'I THUGS MNGA' CHOS 'CHAD PA YI PHYAG BRKYANG TSUL DAG GIS, ,'KHOR BA'I 'DAM LAS 'GRO BA DRANGS MDZAD DE LA DANG POR RAB TU PHYAG 'TSAL TE, ,NYID KYI DON LEGS THUGS CHUD CING, ,GROL BA'I THUGS MNGA' THUB PA YIS, ,CHOS MNGON GANG ZHIG BSHAD GYUR PA, ,DE NYID RAB TU SPRO BAR BYA, ,BSTAN BCOS MDZAD PAR BZHED PAS BSTAN BCOS RTZOM PA'I DGOS PA'I DBANG DU MDZAD NAS BSHAD DE, DE YANG STON PA DANG BSTAN BCOS LA GUS PA BSKYED PA'O, ,RANG DANG GZHAN GYI DON PHUN SUM TSOGS @2A *, ,PA BRJOD PAS BCOM LDAN 'DAS KYI CHE BA'I BDAG NYID SHES PA LAS NI GUS PA SKYE STE, SPANGS PA DANG YE SHES PHUN SUM TSOGS PA DANG LDAN PA'I PHYIR DANG, 'KHOR BA'I 'DAM DU BYING BA'I SEMS CAN DAG DRANGS PAS 'BRAS BU MTHAR THUG PA LA RAB TU SBYOR BAR MDZAD PA NYID KYI PHYIR RO, ,GUS PA SKYES NAS YANG 'KHOR BA'I 'DAM DU BYING BA RNAMS KLOG PA DANG, KHA TON DANG, THOS PA DANG, BSAM PA LA SOGS PA'I BYA BA DAG LA 'BAD PAS 'JUG PAS NA DE LAS BRGAL BAR 'GYUR RO, ,DE NAS NYAN PA PO DRAN PA DANG SHES RAB ZHAN PA RNAMS MI RMONGS PAR BYA BA'I PHYIR SLOB DPON DBYIG GNYEN GYIS SBYAR BA CHOS MNGON PA'I MDZOD KYI BSHAD PA'I DON RNAM PAR DBYE BAR BYA'O, ,BYED NA YANG RE ZHIG GNAS BRGYAD PO DAG KHO NA'I GO RIMS KYI DGOS PA BRJOD PAR BYA STE, 'DI NI CHOS RNAMS BSDU BA BSTAN PA 'DUS BYAS DANG 'DUS MA BYAS LA SOGS PA GZHAN YOD DU ZIN KYANG, ZAG BCAS ZAG PA MED CHOS RNAMS, ,ZHES BYA BA'I TSUL 'DI LAS MI 'TSOL BAR BSTAN PA DANG, KUN NAS NYON MONGS PA'I PHYOGS DANG, RNAM PAR BYANG BA'I PHYOGS LAS BRTZAMS TE BSTAN BCOS 'DI MDZAD DO ZHES BYA BAR NGES TE, DE'I PHYIR KUN @2B NAS NYON MONGS PA DANG RNAM PAR BYANG BA'I PHYOGS DAG CI RIGS PAR PHUNG PO DANG, KHAMS DANG, SKYE MCHED KYIS BSDUS PA'I PHYIR DANG POR PHUNG PO LA SOGS PA'I RNAM PAR GZHAG PA MDZAD DE, KHAMS BSTAN PA NI PHAL CHE BA'I PHYIR KHAMS KYI MDZOD KYI GNAS ZHES SGROGS SO, ,KUN NAS NYON MONGS PA DANG RNAM PAR BYANG BA DAG 'JUG PA DANG DMIGS PA NI DBANG PO'I SGO NAS YIN TE, DE'I PHYIR DE'I MJUG THOGS SU DBANG PO NYE BAR BKOD DO, ,DE NAS KHAMS DANG, 'GRO BA DANG, SKYE GNAS LA SOGS PA'I DBYE BAS KHAMS DANG DBANG PO'I BDAG NYID CAN GYI KUN NAS NYON MONGS PA SEMS CAN ZHES BYA BA DANG, SNOD CES BYA BA 'DI MA RIG PA LA SOGS PA DANG, RLUNG GI DKYIL 'KHOR LA SOGS PA'I RIM PAS RTEN DANG BRTEN PA'I KHYAD PAR DU JI LTAR SKYE BA DE LTAR BSNYAD DO, ,DE LTAR KHYAD PAR MTHA' YAS PA 'BYUNG BA DE YANG DBANG PHYUG LA SOGS PA DAG LAS NI MA YIN GYI, 'ON KYANG LAS DAG LAS YIN PAS DE'I MJUG THOGS SU LAS RNAMS BSHAD DO, ,LAS DE DAG KYANG NYON MONGS PA DANG LHAN CIG TU GYUR PA RNAMS YANG SKYE BA LA NUS PA DANG LDAN PA YIN GYI, 'DOD CHAGS DANG BRAL BA LA SKYE BA MA MTHONG BA'I PHYIR 'BA' ZHIG PA DAG NI MA YIN TE, DE'I PHYIR DE'I MJUG THOGS SU DE NYON MONGS PA BSTAN TO, ,DE LTAR RAB TU ZHUGS PA'I KUN NAS NYON MONGS PA'I RNAM PAR BYANG BA'I GO RIMS NI, DE LA 'JUG PA MI SDUG DANG, ,ZHES BYA BA 'DI YIN LA, GNAS SKABS DER DE'I SGRUB PA PO GANG ZAG RNAMS RNAM PAR GZHAG PA YANG BSTAN TO, ,RNAM PAR BYANG BA YANG NYON MONGS PA DAG NI YE SHES KYIS GZHOM PAR BYA BA YIN NO ZHES 'BYUNG BA LAS NI SHES PA LAS YIN TE, DE'I PHYIR DE'I MJUG THOGS SU SHES PA RNAMS DANG, DES THOB PAR BYA BA'I YON TAN RNAMS BSHAD DO, ,SEMS MNYAM PAR GZHAG PA NI YANG DAG PA JI LTA BA BZHIN DU RAB TU SHES SO ZHES BYA BA'I MDO LAS NI SHES PA RNAMS KYANG BSAM GTAN DAG MED PA MA YIN TE, DE'I PHYIR BSAM GTAN DAG DANG BSAM GTAN GYI RANG BZHIN GYI YON TAN RNAMS BSTAN TO, ,GANG ZAG RNAM PAR GTAN LA DBAB PA NI @3A *, ,MDZOD KYI GNAS BRGYAD PA'I ZHAR LA 'ONGS PAR 'BREL PA KHO NA'O, ,GAL TE DE DAG YOD BZHIN DU BYE BRAG TU BSHAD PA LA SOGS PA DANG DGOS PA MTSUNGS PA 'DI RTZOM PA DGOS PA MED PAR JI LTAR MI 'GYUR ZHE NA, BYE BRAG TU BSHAD PA LA SOGS PA RNAMS LA RGYAS PA DANG, BSDUS PA DANG, SIL BU LA SOGS PA'I NYES PA MTHONG BAS YONGS SU DGA' BA MA SKYES PAS BYA BA MANG PO'I SPROS PAS BLO DKRUGS PA RNAMS LA PHAN GDAGS PAR BYA BA'I PHYIR CHOS MNGON PA MDZOD CES BYA BA'I BSTAN BCOS RGYAS PA DANG BSDUS PA SPANGS PA, DON MA DKRUGS PA NYE BAR STON PA, CHOS MNGON PA BSDUS PA GZHAN ZHIG BRTZAMS PA YIN TE, DE'I PHYIR 'DI RTZOM PA DGOS PA MED PA MA YIN NO ZHES TSIGS SU BCAD PA NYE BAR BKOD DO, ,'BREL PA NI GANG ZHIG ,DGOS PA NI CI, BRJOD BYA NI GANG ZHE NA, BSTAN BCOS BYED PAR 'DOD PAS ZHES BYA BA 'DI NI 'BREL PA'O, ,RANG GI STON PA'I CHE BA'I BDAG NYID SHES PAR BYA BA'I PHYIR ZHES BYA BA 'DI NI DGOS PA'O, ,DE LA YON TAN BRJOD PA SNGON DU 'GRO BA'I PHYAG 'TSAL BA RTZOM PA ZHES BYA BA 'DI NI BRJOD PAR BYA BA'O, ,'DRIS PAR BYA BAS NA YON TAN RNAMS TE, LEGS PA DON DU GNYER BA RNAMS KYIS GOMS PAR BYA'O ZHES BYA BA'I DON TO, ,KUN LA ZHES BYA BA NI SPANGS PA PHUN SUM TSOGS PA'O, ,GTAN ZHES BYA BA NI YE SHES PHUN SUM TSOGS PA'O, ,'KHOR BA'I 'DAM LAS 'GRO BA DRANGS MDZAD PA, ,ZHES BYA BA NI GZHAN LA PHAN PA PHUN SUM TSOGS PA'O, ,DON BZHIN STON PA DE LA PHYAG 'TSAL NAS, ,ZHES BYA BA NI KHAMS GSUM GYI STON PA GCIG PU 'DI PHUN SUM TSOGS PA'O, ,'KHOR BA'I 'DAM LAS 'GRO BA DRANGS MDZAD PA, ,ZHES BYA BA LA, 'KHOR BAS NA 'KHOR BA STE, NYE BAR LEN PA'I PHUNG PO LNGA'AM, 'GRO BA LNGA STE, 'GRO BA DANG 'ONG BA'I DNGOS PO YIN ZHING SKYE BA DANG 'GAG PA'I DNGOS PO YIN NO ZHES BYA BA'I DON TO, ,'KHOR BA NYID 'DAM YIN PAS 'DAM MO, ,'DAM DANG 'DRA BAS NA 'DAM STE KUN TU CHAGS PA'I GNAS YIN PA'I PHYIR DANG, BRGAL BAR DKA' BA'I PHYIR 'DAM LTA BU'O, ,SKYE BA DANG, 'CHI BA DANG LDAN PA'I PHYIR NA 'GRO BA'O, ,DRANGS MDZAD PA ZHES BYA BA NI DRANGS PAS @3B MJAD PAR GYUR PA'O, ,DON BZHIN STON PA ZHES BYA BA LA, GANG ZHIG GANG GI DON YIN PA NI DON BZHIN NO, ,DON JI LTA BA BZHIN DU STON PAS DON BZHIN STON PA STE, DON BZHIN STON PA DE LA PHYAG 'TSAL TE, ,ZHES BYA BAR SBYAR RO, DE LA NI RANG DANG GZHAN PHAN DANG LDAN PA LA'O, ,PHYAG 'TSAL TE ZHES BYA BAS NI, LUS DANG, NGAG DANG, YID DAG BTUD NAS BSTAN PAR 'GYUR RO, ,BSTAN BCOS RAB BSHAD BYA ZHES BYA BA LA, PHAN PA THOB PA DANG MI PHAN PA BTANG BA'I RGYUR GYUR PA STON PA'I PHYIR DANG, NYES PA DANG SDUG BSNGAL DAG LAS SKYOB PA'I PHYIR BSTAN BCOS TE, DE LAS GZHAN DU NI MTSON CHA YIN NO, ,DE'I MCHOG TU BYUNG BA'AM, RNAM PAR PHYE STE 'CHAD PA NI RAB TU BSHAD PAR BYA BA'O, ,BSTAN BCOS MANG BA'I PHYIR BSTAN BCOS GANG ZHES 'DRI NA, CHOS MNGON MDZOD CES BYA BA SMOS TE, CHOS MNGON SMOS PA NI RTOG GE LA SOGS PA'I BSTAN BCOS GCAD PAR BYA BA'I PHYIR RO, ,MDZOD CES SMOS PA NI CHOS MNGON PA LAS BSDUS PA GZHAN SHES PAR BYA BA'I PHYIR TE, DE SKAD DU YANG, 'DIR DE DON DU YANG DAG CHUD PHYIR RAM, ,'DI YI GNAS DE YIN PAS CHOS MNGON MDZOD, ,CES BYA BA LA SOGS PA 'CHAD PAR 'GYUR RO, ,BSTAN BCOS BYED PAR 'DOD PAS ZHES BYA BA LA, SLOB MA 'CHOS PAS NA BSTAN BCOS SO, ,'CHOS PA YANG BDE 'GRO DANG THAR PA'I RGYU RAB TU 'JOG PA DANG, NGAN 'GRO DANG 'KHOR BA'I RGYU SPONG BA'O, ,BYED PAR 'DOD PAS ZHES BYA BA NI DGOD PAR 'DOD PA DANG, BSTAN PAR 'DOD PA DANG, RNAM PAR BSHAD PAR 'DOD PA ZHES BYA BA'I DON TO, ,DON BSTAN PAS NI BSTAN BCOS BSTAN PAR 'GYUR RO, ,RANG GI STON PA'I ZHES BYA BA LA, STON PA'I SGRAS STON PA SPYIR BZUNG BAS RANG GI ZHES SMOS LA, RANG GI RTA LA SOGS PA GZHAN YANG YOD PAS STON PA'I ZHES BYA BA SMOS TE, 'DI SKAD DU SANGS RGYAS BCOM LDAN 'DAS KYIS ZHES BSTAN PAR 'GYUR RO, ,DE'I SKYABS SU 'GRO BAR KHAS BLANGS PA'I PHYIR DANG, DE'I BSTAN PA RJES SU BSGRUB PA'I PHYIR DE'I RANG GI STON PAR 'GYUR RO, ,YANG NA BDAG GIS DE DAG LAM DANG LAM GYI 'BRAS BU LA RJES SU BSTAN PA YIN ZHES BYANG @4A *, ,CHUB TU SEMS BSKYED PA'I DUS NYID NAS SEMS CAN THAMS CAD SLOB MA'I DNGOS POR NYE BAR BLANGS PA'I PHYIR DANG, DE'I DON KHO NA'I TSOGS DAG LA RAB TU ZHUGS PA DANG, MNGON PAR RDZOGS PAR BYANG CHUB PAR BYA BA'I PHYIR 'DI NYID SEMS CAN THAMS CAD KYI RANG NYID KYI STON PA YIN GYI, GZHAN NI MA YIN NO, ,DE LTAR SEMS CAN MA LUS PA NYE BAR GZUNG BA'I PHYIR DANG, MNGON PAR RDZOGS PAR BYANG CHUB PA LAS YIN NO ZHES BSTAN PA'I PHYIR, RANG GI STON PA'I ZHES SMOS TE, 'GRO BA BKREN PAS GTI MUG GIS, ,DPA' BO THUGS RJE RO GCIG CING; ,YUN RINGS PHAN PAR BZHED PA YI, ,RANG NYID MGON PO KHYOD MI 'TSAL, ,ZHES JI SKAD DU BSHAD PA LTA BU'O, ,CHE BA'I BDAG NYID SHES PAR BYA BA'I PHYIR ZHES BYA BA LA, CHE BA'I BDAG NYID KYI DNGOS PO NI CHE BA'I BDAG NYID DE, DE YANG SEMS CAN THAMS CAD KYI MCHOG NYID DANG, SEMS CAN THAMS CAD KYI SKYABS SU 'OS PA NYID DO, ,DE LA LAS DANG, SPANGS PA DANG, YE SHES PHUN SUM TSOGS PA BRJOD PAS NI SEMS CAN THAMS CAD KYI MCHOG NYID DU SHES PAR BYA STE, DE LAS GZHAN PA RNAMS BLA NA MED PA'I SPANGS PA DANG YE SHES MED PA'I PHYIR RO, , 'KHOR BA'I 'DAM LAS 'GRO BA DRANGS PAS NI SEMS CAN THAMS CAD KYI SKYABS SU 'OS PA NYID DO, ,RNAM PA GCIG TUN CHE BA'I BDAG NYID NI RANG GI DON PHUN SUM TSOGS PA DANG, GZHAN GYI DON PHUN SUM TSOGS PA'O, ,DE LA YON TAN BRJOD PA SNGON DU 'GRO BA'I PHYAG 'TSAL BA RTZOM MO ZHES BYA BA'AM, 'DI LA YON TAN BRJOD PA SNGON DU 'GRO BA ZHES TSIG BSDU STE, DE NI TSIGS SU BCAD PA'I PHYED GONG MA'O, ,RKANG PA GSUM PAR NI, DE LA PHYAG 'TSAL TE ZHES PHYAG 'TSAL BA BRTZAMS TE, DE'I PHYIR PHYAG 'TSAL BA NI YON TAN BRJOD PA SNGON DU 'GRO BA YIN NO; ,YON TAN BRJOD PA NI YON TAN RNAMS GSAL BAR BYED PA'O, ,DE LA PHYAG 'TSAL BA RTZOM MO ZHES BYA BA NI RANG GI STON PA DE LA STE, PHYAG 'TSAL BA DANG 'BREL PAS BZHI PA'O, ,RNAM PAR DBYE BA BSGYUR BA NI DON GYI DBANG GIS SO, ,PHYAG 'TSAL BA RTZOM MO ZHES BYA BA NI @4B BSTAN BCOS BYED PAR 'DOD PAS ZHES BYA BA 'DI DANG SBYAR NA, PHYAG 'TSAL BA NI YON TAN THUN MONG MA YIN PA MNGA' SNYAM PA SNGON DU 'GRO BA'I MGO BOS 'DUD PA'O, ,YANG NA RANG DANG GZHAN DAG LA BSOD NAMS NYE BAR BSAG PAR 'DOD PAS STON PA LA MCHOD PA BSGRUB PAR BYA BA'I PHYIR LUS DANG, NGAG DANG, YID DAG GI SGO NAS YON TAN BRJOD PA SNGON DU 'GRO BAS PHYAG 'TSAL BA RTZOM STE, DE LTA NA NI CHE BA'I BDAG NYID KYANG SHES PAR BYAS LA, RANG DANG GZHAN DAG LA BSOD NAMS NYE BAR BSAGS PA RJES SU BSGRUB PA BYAS PAR YANG 'GYUR RO, , NGAG GI DON RTOGS PA NI TSIG GI DON RTOGS PA SNGON DU 'GRO BA YIN PAS DA NI TSIG GI DON BSAM PAR BYA BA NI, GANG ZHIG CES BYA BA NI SANGS RGYAS BCOM LDAN 'DAS KYI DBANG DU BYAS NAS SMRAS PA'O ZHES BYA BA LA, GANG ZHIG CES BYA BA NI MING THAMS CAD PA ZHES BYA BA THUN MONG BA RJOD PAR BYED PA'I SGRA YIN LA, THUN MONG BA'I SGRA YANG DON DANG, SKABS DANG, RTAGS LA SOGS PA LA LTOS PA MED PAR KHYAD PAR LA GNAS PAR BYA BAR MI NUS SO, ,DE'I PHYIR 'DI NI CHOS MNGON PA 'CHAD PA'I SKABS KYIS GZHAN LAS RNAM PAR BCAD DE SANGS RGYAS BCOM LDAN 'DAS NYID LA 'JUG STE, CHOS MNGON PA 'CHAD PAR RTZOM PA NA SANGS RGYAS LAS GZHAN STON PA MA YIN TE, DE'I PHYIR GANG ZHIG CES BYA BA NI SANGS RGYAS BCOM LDAN 'DAS KYI DBANG DU BYAS NAS SMRAS PA'O ZHES BSHAD DO, ,GANG ZHIG CES BYA BA LA, LDAN PA YANG THUN MONG GI SGRA KHYAD PAR LA GNAS PA'I RGYUR MTHONG STE, DPER NA BE'U DANG BCAS PA DANG, RDE'U DANG BCAS PA DANG, LU GU DANG BCAS PA'I DRUS MA 'ON CIG CES BYA BA BZHIN NO, ,SHES BYA THAMS CAD LA MA CHAGS MA THOGS PA'I YE SHES KYI NUS PA RGYAS PAS NA RANG NYID SANGS RGYAS TE, PADMA BZHIN NO, ,RNAM PA GCIG TU NA NYON MONGS PA DANG NYON MONGS PA CAN MA YIN PA'I RMONGS PA'I GNYID GTAN DU BRAD PAS NA SANGS RGYAS TE, SKYES BU GNYID SAD PA BZHIN NO, ,DPER NA SAD PA'I SKYES BU NI GNYID ZAD PAS RANG NYID SAD PA ZHES BYA'O, ,GZHAN DAG @5A *, ,GIS SAD PAR BYAS PA ZHES BYA BA MA YIN PA DE BZHIN DU 'DIR YANG YIN NO, ,BDUD BZHI BCOM PAR GYUR PAS NA BCOM LDAN 'DAS TE, DE DAG KYANG NYON MONGS PA DANG, PHUNG PO DANG, 'CHI BDAG DANG, LHA'I BU ZHES BYA BA RNAMS SO, ,YANG NA 'DI SKAL BA DANG LDAN PAS NA BCOM LDAN 'DAS TE, LDAN PA YANG JI SKAD DU, DPAL DANG GRAGS DANG DBANG PHYUG DANG, ,YE SHES DANG NI GZUGS BZANG DANG, ,BRTZON 'GRUS PHUN SUM TSOGS PA STE, ,DRUG PO DAG LA LDAN ZHES BYA, ,ZHES BSHAD PA LTA BU'O, ,SANGS RGYAS LAS GZHAN DBANG PHYUG DANG, ,GRAGS PA LA SOGS PA PHUN SUM TSOGS PA DAG YOD PA MA YIN TE, DE'I PHYIR SANGS RGYAS NYID BCOM LDAN 'DAS SO, ,'O NA CI'I PHYIR SANGS RGYAS DANG BCOM LDAN 'DAS ZHES GNYIS KA BRJOD PA NI SANGS RGYAS KYI SGRA NYE BA'I TSIG DANG BRAL BA NA NYAN THOS DANG, RANG SANGS RGYAS DANG, YANG DAG PAR RDZOGS PA'I SANGS RGYAS GSUM CHAR LA 'JUG STE, DE'I PHYIR SANGS RGYAS BCOM LDAN 'DAS KYI DBANG DU BYA BA NAS SMRAS LA, BCOM LDAN 'DAS KYI SGRA YANG BDAG NYID MA SBYANGS PA KHA CIG GIS GZHAN DU YANG THAL BAR BYAS PAS SANGS RGYAS BCOM LDAN 'DAS ZHES SMRAS SO, ,YANG NA NYE BA'I TSIG MED PAR BCOM LDAN 'DAS KYI MTSAN NAS SMOS PA MI RIGS PAS GNYIS CHAR SMOS SO, ,KUN LA MUN PA GTAN BCOM ZHING, ,ZHES BYA BA LA, 'DI NI KUN LA MUN PA BCOM PAS NA KUN LA MUN BCOM MO ZHES BDUN PA'I DE'I SKYES BU TSIG GNYIS PO'I 'BRU MANG PO PA'I SNYING PO CAN NO, ,GAL TE 'BRU MANG PO PA LA NI shthA'O ZHES BYA BAS BCOM MO, ,DGRA BO THAMS CAD CES BYA BA LTAR NIshthA'I MTHA' CAN GONG DU 'DON PAR 'GYUR BA MA YIN NAM ZHE NA, BRGAL BA 'DI'I LAN GDAB PA'I PHYIR, 'DI'I 'AM 'DIS MUN PA BCOM PAS ZHES BYA BA SMOS TE, AA TI TA AAG NI LA SOGS PAR GTOGS PA'I PHYIR shthA'I MTHA' CAN GONG DU 'DON PA'I NGES PA MED DO, ,GAL TE GANG GI TSE 'DI'I MUN PA BCOM MO ZHES DRUG PAR TSIG RNAM PAR SBYAR BA DE'I TSE NI, BCOM LDAN 'DAS MUN PA @5B 'JOMS PA'I 'BREL PA CAN NYID DU NYE BAR BZUNG BAS MUN PA'I 'JOMS PA PO DANG BYED PA MA BSTAN LA, GANG GI TSE 'DIS MUN PA BCOM MO ZHES BYED PA PO'I MTSAN NYID KYIS GSUM PA YIN PA DE'I TSE YANG BCOM LDAN 'DAS MUN PA 'JOMS PA'I BYED PA PO NYID DU BRJOD PAR 'DOD PA'I PHYIR, GANG GI'AM BYED PA GANG GIS BCOM ZHES MUN PA BCOM PA'I 'BREL PA CAN DANG BYED PA MI SHES SO ZHE NA, NYES PA 'DI NI MED DE, GZHAN 'JOMS PA PO DANG 'BREL PA CAN DU MA BSTAN PA'I PHYIR, DE NYID BDAG NYID KYI MUN PA'I 'JOMS PA PO DANG, 'DIS BDAG NYID KYI MUN PA BCOM MO ZHES BYA BAR KHONG DU CHUD PAR 'GYUR TE, DE NYID KYI PHYIR CI NAS KYANG DE NYID MUN PA 'JOMS PA PO LA BYED PA PO NYID DANG 'BRAL PA CAN NYID SHES PAR BYA BA'I PHYIR GNYIS KA LTAR YANG TSIG RNAM PAR SBYAR RO, ,BYED PA NI GNYEN PO BRNYES PA STE, DE YOD NA MUN PA SPONG BA'I PHYIR RO, ,GTAN ZHES BYA BA NI NYE BA'I TSIG YIN GYI, DE DANG TSIG BSDU BA NI MA YIN TE, MI ZAD PA YIN PA'I PHYIR RO, ,GTAN ZHES BYA BA 'DI NI DON NYE BAR STON PA LHUR BYED PA YIN GYI, TSIG RNAM PAR SBYAR BA LHUR BYED PA NI MA YIN LA, KUN LA MUN PA BCOM ZHES BYA BA 'DI NI TSIG RNAM PAR SBYAR BA LHUR BYED PA YIN NO, ,THAMS CAD LA NI SHES BYA LA STE, SKYE MCHED BCU GNYIS DANG, GZHI LNGA DANG, 'DUS BYAS DANG 'DUS MA BYAS PA DANG, ZAG PA DANG BCAS PA DANG, ZAG PA MED PA LA'O, ,DE LA MUN PA'I RNAM PA THAMS CAD NI NYON MONGS PA CAN DANG, NYON MONGS PA CAN MA YIN PA DANG, 'DOD PA DANG, GZUGS DANG, GZUGS MED PA'I DBYE BA DANG, DUS KYI DBYE BAS RNAM PA GSUM MAM, SPANGS PA'I BYE BRAG GIS RNAM PA LNGA'O, ,'JIG RTEN NA PHYI ROL GYI MUN PA GZUGS MTHONG BA LA GEGS SU GYUR PAS LONG BA LTAR BYED PA'I PHYIR MUN PA ZHAS BYA BAR GRAGS TE, 'DIR YANG YANG DAG PA'I DON MTHONG BA'I GEGS SU 'DRA BAS MI SHES PA NYID MUN PA YIN NO ZHES BSTAN PA'I PHYIR, MI SHES PA NI YANG DAG PA'I DON MTHONG BA LA GEGS SU GYUR PA'I MUN PA STE ZHES SMOS SO, ,MTHONG BA NI RNAM PA GNYIS TE, YANG DAG @6A *, ,BA'I DON MTHONG BA DANG, YANG DAG PA MA YIN PA'I DON MTHONG BA'O, ,DE LA YANG DAG PA'I DON MTHONG BA NI THOS PA DANG, BSAM PA DANG, BSGOM PAS BSDUS PA STE, YANG DAG BA'I DON SDUG BSNGAL LA SOGS PA'I BDEN PA MTHONG BA LA SKYE PA'I GEGS BYED PAR GYUR PA YIN NO, ,YANG DAG PA MA YIN PA'I DON MTHONG BA NI 'JIG TSOGS LA LTA BA LA SOGS PA STE, DE LA NI GEGS SU GYUR PA MA YIN TE, MA RIG PAS PHAN BTAGS PA KHO NA LAS DE 'BYUNG BA'I PHYIR RO, ,DE NYID KYI PHYIR YANG DAG PA'I DON MTHONG BA SMOS PA NI KHYAD PAR YIN NO, ,MUN PA DE YANG SANGS RGYAS BCOM LDAN 'DAS KYIS BCOM PA STE ZHES BYA BAR SBYAR RO, ,GNYEN PO BRNYES NAS ZHES BYA BA NI LAM MNGON DU GYUR PA'I NGO BOS SO, ,GNYEN PO NI SPONG BAR BYED PA'I PHYOGS TE, DE YANG KHA CIG NA RE RDO RJE LTA BU'I TING NGE 'DZIN YIN TE, 'DI LTAR RDO RJE LTA BU'I TING NGE 'DZIN GYI MJUG THOGS SU BCOM LDAN 'DAS GNYIS KA'I CHA LAS RNAM PAR GROL BA DANG, THAMS CAD LA THOGS PA MED PA'I YE SHES KYI NUS PA MNGA' BAR 'GYUR RO ZHE'O, ,DE BRNYES PA NI MNGON DU GYUR PA'I NGO BOS SO, ,GZHAN DAG NI RDO RJE LTA BU KHO NA NI MA YIN GYI, 'O NA CI ZHE NA, SDUG BSNGAL LA CHOS SHES PA'I BZOD PA NAS BZUNG STE, RDO RJE LTA BU'I TING NGE 'DZIN GYI BAR SPONG BA'I LAM THAMS CAD KHO NA DE'I GNYEN POR 'DOD DE, GNYEN PO BRNYES NAS BCOM GYI, NGO BO NYID DANG, 'DOD RGYAL DANG, DAM PA SBYIN PA'I MTHUS NI MA YIN NO ZHES STON PAR BYED DO, ,GNYEN PO BRNYES NAS BCOM STE ZHES BYA BAS NI DE'I SO SOR BRTAGS PA'I 'GOG PA BRNYES PAR STON PAR BYED LA, PHYIS MI SKYE BA'I CHOS CAN DU GYUR PA'I PHYIR ZHES BYA BA 'DIS NI SO SOR BRTAGS PA MA YIN PA'I 'GOG PA BRNYES PAR STON PAR BYED DE, DE LTA YIN DANG BCOM LDAN 'DAS MUN PA SPANGS PA DANG, YONGS SU MI NYAMS PA'I CHOS CAN NYID DU GSAL BAR BYAS PAR 'GYUR TE, SO SOR BTAGS PA'I 'GOG PA BRNYES PA'I PHYIR RO, ,'DI NI ZHES BYA BAS NI SANGS RGYAS BCOM LDAN 'DAS DE YIN GYI GZHAN NI 'GA' @6B YANG MA YIN NO ZHES STON TO, ,GAL TE 'DOD CHAGS LA SOGS PA DAG KYANG SHES BYA THAMS CAD LA PHYIS MI SKYE BA'I CHOS CAN DU GYUR PA'I PHYIR, GTAN RNAM PA THAMS CAD DU BCOM PA YIN NA, CI'I PHYIR MI SHES PA BCOM PA KHO NA'I SGO NAS BCOM LDAN 'DAS LA BSTOD PA BRJOD CE NA, MI SHES PA NI GTZO BO YIN PA'I PHYIR RO, ,GZHAN YANG STON PA NYID PHUN SUM TSOGS PAR BSTAN PAR BYA BA'I PHYIR RO, ,STON PA NYID PHUN SUM TSOGS PA THAMS CAD LA THOGS PA MED PA'I YE SHES DANG, 'GRO BA 'KHOR BA'I 'DAM NAS 'DRAN PAR MDZAD PA'I SBYOR BA STE, GZHAN GYI DON LA RAB TU MI SBYOR BA'AM, PHYIN CI LOG TU SBYOR BA NI STON PA MA YIN NO, ,DE'I PHYIR MI SHES PA BCOM PA KHO NA'I SGO NAS BCOM LDAN 'DAS LA BSTOD PA BRJOD PAR RIGS SO, ,NYAN THOS DANG, RANG SANGS RGYAS RNAMS KYANG ZHES BYA BA LA, YANG DAG PA'I GDAMS NGAG GIS 'BRAS BU SGROGS PAR BYED PAS NA NYAN THOS SO, ,BDAG NYID GCIG PU SO SOR SANGS RGYAS PA'AM RANG SANGS RGYAS RNAMS TE, DE DAG NI BDAG NYID GCIG PU 'DUL BAR BYED KYI, GZHAN NI MA YIN NO, ,'DOD MOD KYI ZHES BYA BA NI KHAS BLANGS NAS LAN BRJOD PAR 'DOD PAS YIN MOD KYI ZHES BYA BA'I DON TO, ,NYON MONGS PA CAN GYI RMONGS PA DANG GTAN NAS BRAL BA'I PHYIR ZHES BYA BAS NI KUN LA MUN PA BCOM PA STON PAR BYED DO, ,GAL TE NYAN THOS LA SOGS PA RNAMS THAMS CAD LA NYON MONGS PA CAN GYI RMONGS PA DANG GTAN NAS BRAL BAR MI 'GYUR NA NI NYON MONGS PA DANG, LAS DANG, SKYE BA'I KUN NAS NYON MONGS PA DANG BRAL BAR MI 'GYUR TE, NYON MONGS PA DANG, LAS DANG, SKYE BA'I KUN NAS NYON MONGS PA RNAMS NI NYON MONGS BA CAN GYI RMONGS PA'I RGYU CAN YIN PA'I PHYIR RO, ,YANG JI LTAR NA NYON MONGS PA CAN MA YIN PA'I MI SHES PA YOD PAS NYAN THOS DANG RANG SANGS RGYAS RNAMS LA KUN NAS NYON MONGS PA GSUM LDOG PAR 'GYUR ZHE NA, NYON MONGS PA CAN NYID KUN NAS NYON MONGS PA'I RGYU YIN PA'I PHYIR TE, NYON MONGS BA CAN MA YIN PA NA MA YIN NO, , @7A *, ,GTAN NAS NI MA YIN TE ZHES BYA BA LAS, CI ZHE NA, MUN PA BCOM PA ZHES BYA BA DANG SBYAR TE, SKABS SU BAB PA'I PHYIR RO, ,'DI LTAR ZHES BYA BA NA GANG GI PHYIR GYI DON TO, ,SANGS RGYAS KYI CHOS DANG ZHES BYA BA LA, SANGS RGYAS KYI CHOS NI STOBS DANG MI 'JIGS PA LA SOGS PA RNAMS TE, DE DAG NI THAMS CAD MKHYEN PA MA YIN PA'I SHES PA'I YUL LAS 'DAS PAS DE LA THAMS CAD MKHYEN PA LAS GZHAN PA RNAMS KYI SHES PA MI 'JUG GO, ,DE NYID KYI PHYIR SHES PA RNAM PA BCU NI SANGS RGYAS KHO NA'I STOBS YIN GYI, GZHAN GYI STOBS SU NI MI BRJOD DE, 'DI STOBS GANG PHYIR THOGS MI MNGA', ,ZHES 'BYUNG BA'I PHYIR RO, ,RNAM PA GZHAN DU NYAN THOS DANG RANG SANGS RGYAS RNAMS LAS KHYAD PAR DU 'PHAGS PA NYID DU YANG MI 'GYUR RO, ,MDO LAS KYANG, SH'A RI'I BU KHYOD KYIS DE BZHIN GSHEGS PA'I TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO SHES SAM ZHES DRIS PA DANG, GSOL PA, BCOM LDAN 'DAS MA LAGS SO ZHES GSUNGS TE, DE'I PHYIR SANGS RGYAS KYI CHOS RNAMS LAS SANGS RGYAS LAS GZHAN PA'I SHES PA MI 'JUG GO, ,DE'I PHYIR NYAN THOS LA SOGS PA RNAMS LA SANGS RGYAS KYI CHOS KYI YUL CAN NYON MONGS PA CAN MA YIN PA'I MI SHES PA YOD DO ZHES BYA BAR SHES SO, ,YUL DANG DUS SHAN TU BSKAL BA DANG, DON DANG ZHES BYA BA DE LA YUL SHIN TU BSKAL PA NI 'JIG RTEN GYI KHAMS 'BUM PHRAG DU MAS MCHOD PA'I RTEN GYI YUL RNAMS SO, ,DGRA BCOM BSE RU STON RNAMS KYIS, ,STONG NYID GSUM DANG GRANGS MED MTHONG, ,ZHES 'BYUNG BA LAS NA YUL SHIN TU BSKAL PA RNAMS LA NYAN THOS DANG RANG SANGS RGYAS RNAMS KYI SHES PA MI 'JUG STE, GNAS BRTAN MOO DAG LA GYI BUS LAS KYI RLUNG GI 'PHAGS PA'I YI DAGS MA MTHONG BA DANG, BCOM LDAN 'DAS KYIS DE DAG RDZU 'PHRUL GYIS BKUG NAS RGAN PO'I GAN DU BZHAG GO ZHES BYA BA DPER BRJOD PAR BYA'O, ,DUS SHIN TU BSKAL PA NI 'DAS PA DANG MA @7B 'ONGS PA'I BSKAL PA DU MAS MCHOD PA RNAMS TE, DE LA YANG DE RNAMS KYI SHES PA THOGS PA KHO NA STE, GANG GI DBANG DU MDZAD NAS BCOM LDAN 'DAS KYIS, NGA YIS 'DI YI THAR PA'I CHA'I, ,SA BON SHIN TU PHRA BA YANG, ,MTSON DANG RDO YI GSEB NA GSER, ,BAG LA ZHA BA LTA BUR GZIGS, ,ZHES GSUNGS TE, GNAS BRTAN SH'A RI'I BUS RAB TU BYUNG BAR LTOS PA'I SKYES BU BTANG BA DE NYID BCOM LDAN 'DAS KYIS RAB TU BYUNG BAR 'OS PA NYID DU GZHAG PAR MDZAD PA YIN NO, ,DON DANG ZHES BYA BA NI SHES BYA RING BA NYID DE, DE NYID KYI PHYIR, RMA BYA'I MDONGS NI GCIG BUL, ,RGYU YI RNAM PA THAMS CAD DAG ,KUN MKHYEN MIN PA'I SHES BYA MIN, ,DE SHES KUN MKHYEN STOBS YIN NO, ,ZHES GSUNGS SO, ,KHAMS DANG, 'GRO BA DANG, SKYE GNAS DANG, SA DAG LA RANG BZHIN LA SOGS PA THA DAD PAS RAB TU DBYE BA RNAMS LA YANG NYAN THOS DANG, RANG SANGS RGYAS RNAMS KYI NYON MONGS PA CAN MA YIN PA'I MI SHES PA YOD PA NYID DO, ,DE LTAR NA 'DIR NYAN THOS LA SOGS PA RNAMS KYI MI SHES PA'I RGYU RNAM PA BZHI BSHAD PAR 'GYUR TE, SHES BYA RING BA NYID DANG, YUL RING BA NYID DANG, DUS RING BA NYID DANG, RAB TU BYE BA RING BA NYID DO, ,DE NYID KYI PHYIR, SHES BYA YUL DANG RAB DBYE DANG, ,DUS NI RING BA NYID KYIS NA, ,RING BA NYID BZHIN RAB BSHAD PA, ,RDZOGS SANGS RGYAS KYIS RAB TU MKHYEN, ,ZHES BSHAD DO, ,GANG GI PHYIR DE LTAR NYAN THOS LA SOGS PA DAG LA, SANGS RGYAS KYI CHOS LA SOGS PA RNAMS LA NYON MONGS PA CAN MA YIN PA'I MI SHES PA YOD PA NYID YIN PA DE'I PHYIR DE DAG KUN LA MUN PA GTAN BCOM PA MA YIN NO, ,DE LTAR BDAG LA PHAN PA PHUN SUM TSOGS PAS YANG DAG PAR BSTOD NAS ZHES BYA BA LA, DE LTAR GYI SGRA NANG SKAD DU BSHAD PA'I BSTOD PA'I RNAM PA BSTAN PAR BYA BA'I PHYIR RO, ,BDAG LA PHAN PA'I PHYIR BSGRUB PA NI BDAG LA PHAN PA BSGRUB PA STE, GANG LAS BDAG LA PHAN PA 'THOB PA'I BDAG LA PHAN PA YANG 'DI THAMS CAD SHES PA NYID LA MNGON PAR 'DOD LA, DE YANG MUN PA BCOM PA @8A *, ,LAS 'THOB PA'I PHYIR MUN PA BCOM PA NI 'DIR BDAG LA PHAN PA BSGRUBS PAS MUN PA BCOM PA'O, ,DE'I PHUN SUM TSOGS PA NI THAMS CAD LA RNAM PA THAMS CAD DU SPANG BA'O, ,GAL TE BYANG CHUB SEMS DPA' RNAMS KYI SBYOR BA DANG DE'I 'BRAS BU THAMS CAD KYANG GZHAN GYI DON NYID YIN TE, JI SKAD DU, GDAMS PA KHYOD KYI BSOD NAMS 'BRAS BU GANG, ,THAMS CAD GZHAN GYI DON TE BDAG PHYIR MIN, ,DES NA KHYOD GRAGS ZLA SNANG DANG 'DRA BAS, ,PHYOGS YUL MA LUS BRGYAN PA NYID DU 'GYUR, ,ZHES GSUNGS PA MA YIN NAM, DE'I PHYIR JI LTAR BDAG LA PHAN PA SGRUB PA ZHES BRJOD CE NA, NYES PA 'DI NI MED DE, JI LTAR MA MA BDAG LAM MA'I TSUL GYIS PHAN 'DOGS PA, ,BYIS PA NAD MED PHYIR YIN DGA' BA SPYAD DANG LUS PHYIR MIN, ,DE PHYIR KHYOD DAG LHOD MED 'BAD PAS YON TAN SKYED MDZAD PA, ,'GROS LONGS SPYAD BYA'I PHYIR TE GZHAN ZIL MNAN DANG GRAGS PHYIR MIN, ,DE'I PHYIR JI LTAR BKOD PA NYID LA RAG GO, ,YANG BCOM LDAN 'DAS DE NYID LA ZHES BYA BA LA, YANG GI SGRA NI BCOM LDAN 'DAS DE NYID LA RNAM PA GZHAN GYI SGO NAS BSTONG PA BRJOD PA MTSON PAR BYED PA'O, ,GZHAN LA PHAN PA PHUN SUM TSOGS PA BSTOD PA NI ZHES BYA BA LA, GZHAN LA PHAN PA'I PHYIR SGRUB PA NI GZHAN LA PHAN PA SGRUB PA STE, GZHAN LA PHAN PA'I SBYOR BA ZHES BYA BA'I DON TO, ,GZHAN LA PHAN PA NI SEMS CAN RNAMS MYA NGAN LAS 'DAS PA'I SA LA BKOD PA STE, 'KHOR BA'I 'DAM LAS 'GRO BA DRANGS MDZAD PA, ,ZHES GANG GSUNGS PA'O, ,GZHAN LA PHAN PA SGRUB PA ZHES BYA BA LA, DE'I PHUN SUM TSOGS PA NI 'GRO BA LA BLA NA MED PA'I DON SGRUB PAR MDZAD PA'O, ,'KHOR BA NI 'GRO BA'I KUN TU CHAGS PA'I GNAS YIN PA'I PHYIR DANG, BRGAL BAR DKA' BA'I PHYIR 'DAM LTA BU YIN TE ZHES BYA BA LA, 'DI DAG GIS SAM, 'DIR 'GRO BA 'KHOR BA NAS 'KHOR BA STE, NYE BAR LEN PA'I PHUNG PO LNGA 'AM, 'GRO BA LNGA'O, ,KUN NAS CHAGS PAS NA KUN TU CHAGS PA'AM, 'DIS CHAGS PAR BYED PAS NA KUN TU CHAGS PA STE, BDAG DANG BDAG @8B GI BA'I SRID PA'I GZHI'I NGO BO'I PHYIR NA 'GRO BA KUN DU CHAGS PA'I GNAS YIN LA, BDAG DANG BDAG GIR LTA BA'I GNAS YIN PAS NA BRGAL BAR DKA' BA STE 'JIG TSOGS LA LTA BA'I DBANG GIS 'GOG PA LA SKRAG PAS DE LAS MI BRGAL BA'I PHYIR RO, ,KUN DU CHAGS PA'I GNAS DANG BRGAL BAR DKA' BA DAG GIS NA 'KHOR BA 'DAM LTA BU STE 'DAM DANG 'DRA'O, ,YANG NA 'KHOR BAS NA 'KHOR BA STE, THOG MA DANG THA MA MED PA'I SKAD CIG MI GNAS PA STE, RIGS MTHUN PA DANG SKAL PA MNYAM PA RNAMS LAS SNGAR SKYES PA ZHIG NAS BAR CHAD MED PAR GZHAN DAG GIS BDAG NYID THOB PA'O ZHES BYA BA'I DON TO, ,'KHOR BA NI 'DAM DANG CHOS MTSUNGS PA LAS 'DAM DANG 'DRA BAS NA 'DAM ZHES BYA STE, DPER NA 'DAM CHUS BRLAN PA'I DBANG GIS KUN DU CHAGS PA'I GNAS TE, 'BYING BAR BYED PA'I BDAG NYID YIN LA, DER BYING BA BA LANG RGAN PO LA SOGS PA RNAMS KYIS RANG GIS G-YO 'GUL DAG GIS BRGAL BAR DKA' BA DE BZHIN DU, 'KHOR BA YANG SRID PA'I SRED PA'I BRLAN GYI DBANG GIS 'GRO BA KUN DU CHAGS PA'I GNAS YIN LA, LTA BA NGAN PA'I G-YO BAG DAG GIS BRGAL BAR DKA' BA'O, ,RNAM PA GCIG TU NA 'JIG TSOGS LA LTA BAS DE'I 'GOG PA LA SKRAG PAS 'JIG TSOGS LA LTA BA'I DBANG GIS KUN DU CHAGS PA'I GNAS YIN LA, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM GYIS BRGAL BAR DKA' BA STE, LAM GZHAN LA BRTEN PA DANG, LAM LA THE TSOM ZA BA'I PHYIR TE; 'DI LTAR, 'GRO MI 'DOD DANG LAM NOR DANG, ,LAM LA THE TSOM DE SNYED CIG ,THAR PA BGROD LA GEGS BYED PA, ,DE YI PHYIR NA GSUM BSTAN TO, ,ZHES BSHAD DO, ,YANG NA JI LTAR 'DAM MI 'BRAL BA'I BDAG NYID YIN PA'I PHYIR KUN DU CHAGS PA'I GNAS YIN LA, GZHAN LA BSTAN NAS BRGAL BA YIN PA'I PHYIR BRGAL BAR DKA' BA YIN PA DE BZHIN DU 'KHOR BA YANG RJES SU CHAGS PA'I KUN DU CHAGS PA'I GNAS YIN LA, YANG DAG PAR RDZOGS PA'I SANGS RGYAS LA BRTEN NAS BRGAL BA'I PHYIR BRGAL PAR DKA' BA STE, AU DUM W'A RA'I ME TOG LTAR SANGS @9A *, ,RGYAS 'BYUNG BA DKON PA'I PHYIR RO, ,'GRO BA DER BYING BA SKYABS MED PA LA ZHES BYA BA LA, CHES 'GRO BAS NA 'GRO BA STE, TE POR 'GRO BA'I PHYIR RO, ,BYING BA MI NUS PA STE, DE'I BDAG NYID DU GNAS ZHES BYA BA'I THA TSIG GO, ,SKYABS MED PA NI DPUNG GNYEN MED CING CHO NGES BRDUNG BA MED PA'O, ,THUGS BRTZE BA DANG LDAN PA NI SNYING BRTZE BA DANG LDAN PA STE, THUGS RJE BA DANG LDAN PAS 'KHOR BA'I 'DAM LAS 'GRO BA DRANGS SO ZHES BYA BA'O, ,SKYABS MED PA SMOS PA NI RJES SU BRTZE BAR 'OS PA NYID DU SHES PAR BYA BA'I PHYIR RO, ,DAM PA'I CHOS STON PA'I PHYAG BRKYANG BDAG GIS ZHES BYA BA LA, DAM PA BKRA SHIS PA MCHOD PAR 'OS PA RNAMS KYI MDO LA SOGS PA'I CHOS RNAMS STON PA NI GSAL BAR BYED PA'O, ,DAM PA'I CHOS STON PA NYID PHYAG BRKYANG PA YIN PAS NA DAM PA'I CHOS STON PA'I PHYAG RKYONG BA DAG STE, 'KHOR BA'I 'DAM DU BYING BA DRANG BA DANG 'BREL PAS PHYAG DANG CHOS MTHUN PAS PHYAG BRKYANG BA DANG 'DRA BAS NA PHYAG BRKYANG PA YIN PA'I PHYIR RO, ,MANG PO'I TSIG NI GDUL BA'I DBYE BA LTAR BSTAN PA'I DBYE BA BSTAN PAR BYA BA'I PHYIR TE, SPYOD PA RNAMS KYI GNYEN BOR NI, ,CHOS KYI PHUNG PO MTHUN PAR GSUNGS, ,ZHES JI SKAD DU BSHAD PA LTA BU'O, ,GAL TE 'KHOR BA YANG PHUNG PO LNGA YIN LA, 'GRO BA YANG PHUNG PO LNGA YIN NA, DE'I PHYIR JI LTAR DE NYID DE, 'DREN PA LAS 'BYUNG KHUNGS KYI DON YIN ZHE NA, NYES PA 'DI NI MED DE, 'KHOR BA NI 'GRO BA LNGA DANG, KHAMS GSUM ZHES BYA BA YI LA, DRANGS PHA NI GDUL BYA SKAL BA DANG LDAN PA'I NGO BO'I 'GRO BA STE, NGAN 'GRO GSUM DANG, SKYE BA NYAM NGA BA THAMS CAD LAS 'DREN PAS 'BYUNG KHUNGS KYI DON 'THAD DO, ,GAL TE BDAG CAG LA SOGS PA RNAMS 'KHOR BA NA GNAS NA JI LTAR 'GRO BA 'KHOR BA'I 'DAM LAS DRANGS ZHES BYA BA'I 'GAL BA 'DI BSAL BA'I PHYIR, SKAL BA JI LTA BA BZHIN DU DRANGS SO ZHES BYA BA SMOS SO, ,PHYOGS CAN BZHIN DU PHYOGS LA YANG 'DOGS PA'I PHYIR RAM, 'GRO BA MA LUS PA LA DMAN PA'I DOGS PA 'JUG PA'I PHYIR 'GRO BA MTHA' DAG 'DREN PAR SPYOD PA'I DBANG DU BYAS @9B NAS DE SKAD BRJOD DE, NYI MA BZHIN NO, ,'DI LTAR NYI MA NI PADMA KHA 'BYED PAR NUS PA YIN YANG GANG YONGS SU SMIN PA DE NYID KHA 'PHYED PAR BYED PA DE BZHIN DU BCOM LDAN 'DAS KYIS KYANG 'GRO BA 'DREN PAR SPYOD PA NA, GANG DAG RGYUD YONGS SU SMIN PA DE DAG KHO NA DRANGS TE, GZHAN DAG NA MA YIN NO, ,SMRAS PA, JI LTAR NYI MA SHAR PA NA, ,YONGS SMIN PADMA KHA 'BYED LTAR, ,DE BZHIN DE BZHIN GSHEGS BYUNG YANG, ,BSAM PA YONGS SMIN KHO NA SBYONG, ,'DIR BSNAN PA YANG STE, GANG DANG GANG SKAL BA DANG LDAN PA DE DANG DE DRANGS SO ZHES BYA BA'I DON TO, , YANG SKAL BA DANG LDAN PA GANG ZHIG CE NA, THAR PA'I CHA DANG MTHUN PA'I DGE BA'I RTZA BA YONGS SU SMIN PA'O, ,SKAL BA DANG MI LDAN PA RNAMS NI RANG GIS NYES PAS SANGS RGYAS BCOM LDAN 'DAS SEMS CAN 'DUL BA'I THABS MKHAS PA'I MTHAR THUG PA BRNYES PA RNAMS KYIS 'KHOR BA'I 'DAM NAS DRANG BAR MI SPYOD DE, JI SKAD DU, KHYOD KYIS PHYI ROL YAN LAG STOBS, ,MTHA' DAG YANG DAG BSGRUBS MOD KYI, ,GANG GI BDAG NYID STOBS BRAL BA, ,BYIS PA RNAMS NI NYON MONGS BSTEN, ,ZHES BSHAD DO, ,GZHAN YANG, BRTZEBS BSTAN PA'I PHYAG BRKYANG NAS, , THAR PA'I SA BON BSKRUN PA YI, ,SEMS CAN RNAMS NI NGAN 'GRO DANG, ,SRID BA DAG LAS 'DREN PAR MDZAD, ,CES GSUNGS SO, ,SKAL BA DANG MI LDAN PA NI LOG PA NYID DU NGES PA NAS THAR PA'I CHA DANG MTHUN PA'I DGE BA'I RTZA BA YONGS SU MA SMIN PA DANG, MA BSTAN PA DANG, GZUGS DANG GZUGS MED PAR SKYE BA RNAMS TE, DER MTHONG BA'I LAM MI SKYE BA'I PHYIR RO, ,DE'I PHYIR, SKAL BA DANG LDAN PA RNAMS KHO NA PHYI DANG NANG GI PHUN SUM TSOGS PA DANG LDAN PAS DRANGS PA YIN NO, ,BSHAD PA, LHA YI RGYAL POS CHAR PHAB KYANG, ,SA BON MI RUNG MI 'KHRUNGS LTAR, ,SANGS RGYAS RNAMS NI BYUNG GYUR KYANG, ,SKAL BA MED PAS 'BRAS MI MYONG, ,ZHE'O, ,YANG NA GANG ZHIG RNAM PA GANG GI SKAL BA DANG LDAN PA DE DE KHO NAS DRANGS TE, PHUNG PO BSTAN PA'AM, KHAMS DANG SKYE MCHED DAM, RTEN CING 'BREL PAR 'BYUNG BA BSTAN PAS SO, @10A *, ,DE LTA NA 'DIS NI BCOM LDAN 'DAS KYIS CHOS GSUNGS PA DON DANG BCAS PAR STON PAR BYED DO, ,RNAM PA GCIG TU NYAN THOS DANG, RANG SANGS RGYAS DANG, SANGS RGYAS KYI RIGS CAN YIN PAS SEMS CAN RNAM PA GSUM YIN LA, DE DAG LAS GANG ZHIG THEG PA GANG GIS DRANG BAR SKAL BA DANG LDAN PA DE NYID KYIS DRANGS TE, 'DIS NI BCOM LDAN 'DAS SEMS CAN THAMS CAD LA PHAN 'DOGS PA DANG, BLA NA MED PA'I DGE BA'I BSHES GNYEN NYID DU BSTAN TO, ,DON BZHIN STON PA'O ZHES BYA BA LA, DON GANG ZHIG JI LTAR GNAS PA DE DE KHO NA LTAR STON GYI GZHAN DU MA YIN PAS NA DON BZHIN STON PA'O, ,YANG NA DON JI LTA BA DANG, DGOS PA JI LTA BA BZHIN DU 'DUL BAR BYED PAS NA DON BZHIN STON PA STE, NYAN THOS KYI BYANG CHUB 'DOD PA RANG SANGS RGYAS KYI BYANG CHUB LA 'DUL BAR BYED PA NI MA YIN NO, ,DE BZHIN DU GZHAN LA YANG BRJOD PAR BYA'O, ,YANG JI LTAR DON BZHIN STON PA NYID KYI SGO NAS 'DI'I GZHAN LA PHAN PA SGRUB PA'I THABS GSAL BAR BYED CE NA, DE'I PHYIR, DE NI STON PA NA YANG DAG PA JI LTA BA BZHIN DU STON PAS ZHES BYA BA LA SOGS PA SMOS TE, MTHU'I SGRA NUS MTHU'I RJOD PAR BYED PA NI RDZU 'PHRUL GYI MTHU MA YIN LA, DAM PA SBYIN PA'I MTHUS KYANG MA YIN NO ZHES RE RE LA YANG SBYAR BAR BYA'O, ,GAL TE YANG DE BZHIN GSHEGS PA'I BYIN RLABS KYIS SEMS CAN RNAMS SKAD CIG TZAM SEMS ZHE SDANG DANG BRAL BA LA SOGS PAR NI 'GYUR LA, GZHAN GYI SEMS KYANG SHES MOD KYI, BCOM LDAN 'DAS KYI MTHUS DE DAG GI NYON MONGS PA SPANGS PAR MI 'GYUR TE, 'O NA CI ZHE NA, DAM PA'I CHOS BSTAN PA LAS DON RTOGS PA'I NYON MONGS PA RNAMS SPONG BAR 'GYUR RO, ,DE SKAD DU YANG, YANG DAG PA'I LTA BA BSKYED PA LA RGYU GNYIS DANG, RKYEN GNYIS TE, GZHAN GYI SGRA DANG, NANG GI TSUL BZHIN YID LA BYED PA'O ZHES BSHAD DO, ,NYON MONGS PA SPANGS PA MED PAR 'KHOR BA'I 'DAM DANG BRAL BA YANG YOD PA MA YIN TE, DE'I PHYIR DE NI STON PA NA YANG DAG PA JI LTA BA BZHIN DU STON PAS 'KHOR BA'I 'DAM LAS 'GRO BA DRANGS SO, , @10B RDZU 'PHRUL GYIS NAM MKHA' LA 'GRO BA LA SOGS PA'O, ,DAM PA SBYIN PA NI DPER NA DBANG PHYUG CHEN PO LA SOGS PA RNAMS KYIS, SGRA SGROGS LA SOGS PA DAG LHA LA SOGS PA RNAMS KYIS BSAD PAR BYA BA MA YIN PA NYID LTA BU'O, ,GZHAN DAG NI JI LTAR NOR BU DANG SMAN GYI MTHUS RIMS LA SOGS PA DANG BRAL BAR 'GYUR BA LTAR, MTHU RDZU 'PHRUL DANG, DAM PA SBYIN PA LA SOGS SU 'DOD DO, ,DE LTA NA JI LTAR GRONG KHYER DU ZHUGS PAS LONG BA RNAMS KYIS GZUGS MTHONG, 'ON PA RNAMS KYIS SGRA THOS ZHES BYA BA LA SOGS PA LTAR RGYAL PO'I MTHUS NYON MONGS PA SPANGS PAR MI 'GYUR RO, ,GNYEN PO SKYES PA MED PA NI RDZU 'PHRUL MTHONG BA RNAMS LAS 'GAGS KYANG NYON MONGS PA MED PAR MA MTHONG LA, DAM PA SBYIN PA'I MTHUS KYANG MA YIN NO, ,RDZU 'PHRUL DANG, KUN BRJOD PA DAG GIS NI SEMS CAN RNAMS RANG SA PA TZAM ZHIG TU 'GYUR NA, RANGS PA TZAM GYIS NI NYON MONGS PA SPONG BA YANG MA YIN NO, ,NYON MONGS PA RNAMS NI 'KHOR BA'I RTZA BA YIN PA'I PHYIR NYON MONGS PA SPANGS PA MED PAR 'KHOR BA'I 'DAM LAS BRGAL BA YOD PA MA YIN TE, DE'I PHYIR RDZU 'PHRUL DANG, DAM PA SBYIN PA'I MTHUS 'KHOR BA'I 'DAM LAS DRANGS PA MED DO, ,TSIGS SU BCAD PA 'DIR NI GZHAN GYIS STON PA DANG, BSTAN PA DANG, SLOB MA DAG LAS BCOM LDAN 'DAS PA DAG DANG, DE'I BSTAN PA DANG, DE'I SLOB MA RNAMS KHYAD PAR DU 'PHAGS PAR BRJOD DE, SPANGS PA DANG YE SHES PHUN SUM TSOGS PA'I PHYIR DANG, 'KHOR BA'I 'DAM LAS BRGAL BA'I THABS YIN PA'I PHYIR DANG, 'KHOR BA'I 'DAM LAS BRGAL BA'I PHYIR RO, ,GZHAN DAG NI STON PAR KHAS BLANGS PAR ZAD KYI, SPANGS PA DANG YE SHES PHUN SUM TSOGS PA MA YIN LA, DE DAG GI BSTAN PA NI 'KHOR BA'I 'DAM LAS BRGAL BA'I THABS MA YIN ZHING DE DAG GI SLOB MA RNAMS KYANG 'KHOR BA'I 'DAM LAS BRGAL BA MA YIN NO ZHES DON GYIS BSTAN PAR 'GYUR RO, ,YANG NA GO RIMS BZHIN DU SPANGS PA'I MTHAR PHYIN PA DANG, YE SHES KYI MTHAR PHYIN PA DANG, GZHAN LA PHAN PA'I MTHAR PHYIN PA DANG, GZHAN @11A *, ,LA PHAN PA'I THABS KYI MTHAR PHYIN PA'O, ,DE LTAR BDAG DANG GZHAN LA PHAN PA SGRUB PA PHUN SUM TSOGS PA DE LTA BU DANG LDAN PA ZHES BYA BA LA, DE LTAR GYI SGRA NI JI SKAD BSHAD PA'I BSTOD PA'I RNAM PAR BSTAN PAR BYA BA'I PHYIR RO, ,SPANGS PA DANG YE SHES PHUN SUM TSOGS PA DANG LDAN PAS BDAG LA PHAN PA PHUN SUM TSOGS PA DANG LDAN PA YIN LA, DAM PA'I CHOS STON PA 'BRAS BU DANG BCAS PA'I STON PA PO YIN PA'I PHYIR, GZHAN LA PHAN PA SGRUB PA PHUN SUM TSOGS PA DANG LDAN PA'O, ,TSOGS BSNYANG NAS ZHES BYA BAS GUS PA'I KHYAD PAR BSTAN PAR BYA BA'I PHYIR, PHYAG 'TSAL NAS ZHES BYA BA NI MGOS BTUD NAS SO ZHES BSHAD DO, ,GAL TE NA MA'I SGRA DANG LDAN NA BZHI PAR 'GYUR NA, 'DI NA NI NA MA'I SGRA MED PA MA YIN NAM ZHE NA, NYES PA 'DI NI MED DE, YANG DAG PAR BYED PA'I MTSAN NYID KYI DON CAN GYI BZHI PA'O, ,'DI LTAR BYA BA SMOS PA BRJOD DE, KHYIM THAB LA NYAL 'GYED PA LA GO BGOS ZHES NYAL BA NGANG BGO BA'I BYA BAS KHYIM THAB DANG G-YUL 'GYED PA MNGON PAR 'DOD PAS YANG DAG PAR SBYIN PA'I BZHI PA GRUB PA DE BZHIN DU 'DIR YANG PHYAG 'TSAL BAS STON PA MNGON PAR 'DOD PAR BYED PA PO'I MTSAN NYID KHO NA'I BZHI PA YIN NO, ,BTUD NAS KYI SGRA NI NA MA'I SGRA DANG DON 'DRA BAS NYES PA MED DO, ,DE LA PHYAG 'TSAL NAS ZHES GSUNGS PA LA, BYED PA PO MTSUNGS PA'I BYA BA GNYIS KYIS SNGAR GYI DUS KYI BYA BA LA GNAS BSGRUB PAR BYA STE, DPER NA KHRUS BYAS NAS BZA'O ZHES BYA BA LTA BU'O, ,DE'I PHYIR BYA BA GZHAN LA BLTAS PAS CI ZHIG BYA ZHES BYA BA SMRAS SO, ,SLOB DPON GYIS KYANG, BSTAN BCOS RAB BSHAD BYA, ZHES BYA BA GSUNGS TE, SLOB MA 'CHOS PAS NA BSTAN BCOS TE, 'DOD CHAGS LA SOGS PA'I NYON MONGS PA DANG; NYE BA'I NYON MONGS BA KUN TU RGYU'I DBANG GIS LAM GOL BAR RGYU BA'I SLOB MA BSTAN BCOS KYI RJES SU MTHUN PA'I LAM LA 'JOG PA'O, ,'CHOS PAS NA BSTAN BCOS SAM, 'DIS 'CHOS PAS NA BSTAN BCOS SO, ,RNAM PA GCIG TU NI NYON MONGS PA'I SGRA 'CHOS PA DANG, @11B NGAN 'GRO DANG SRID PA LAS SKYOB PAS NA BSTAN BCOS TE, NYON MONGS DGRA RNAMS MA LUS 'CHOS PA DANG, ,NGAN 'GRO SRID LAS SKYOB PA GANG YIN DE, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES JI SKAD DU GSUNGS PA LTA BU'O, , BSTAN BCOS GANG ZHE NA ZHES BYA BA NI MING CI ZHIG CES BYA BA'I DON TE, DE'I PHYIR, CHOS MNGON MDZOD CES GSUNGS SO, ,CHOS MNGON PA SMOS PA NI BSTAN BCOS KHYAD PAR DU BYAS PA'I PHYIR RO, ,MDZOD SMOS PA NI CHOS MNGON PA'I BSDUS PA'I NGO BOR SHES PAR BYA BA'I PHYIR RO, ,'DI'I MDZOD CHOS MNGON PA YIN PA'AM, CHOS MNGON PA'I MDZOD YIN PAS CHOS MNGON BA MDZOD DO, ,CI'I PHYIR 'DI BRTZAMS SHE NA, CHOS MNGON PA RGYAS PA BSDU BAR BYA BA'I PHYIR RO, ,DE LTA YIN DANG BYA BA DU MAS SEMS G-YENG BA DANG BLO ZHAN PA RNAMS RJES SU GZUNG BAR BYAS PAR 'GYUR RO, ,DE LA GANG LA BSTOD PA DANG, JI LTAR DANG, GANG GI DON DU BSTOD PA DE TSIGS SU BCAD PA 'DI NGO BSTAN TO, ,CHOS MNGON MDZOD CES SMRAS PA NA TSIG BSDU BA'I YAN LAG YIN PA'I PHYIR GNYIS DAM BCAS PAR 'GYUR TE, CHOS MNGON PA MDZOD DO, ,CHOS MNGON PA DMIGS KYIS DGAR BA'I PHYIR, CHOS MNGON PA ZHES BYA BA 'DI GANG ZHE NA ZHES BYA BA SMRAS TE, YAN LAG GI DON DMIGS KYIS DGAR NA TSIG BSDU BA'I DON BDE BLAG TU KHONG DU CHUD PAR 'GYUR RO, ,CHOS MNGON SHES RAB DRI MED RJES 'BRANG BCAS, ,ZHES BYA BA LA, SHES RAB SMOS PA NI GTZO BO YIN PA'I PHYIR TE, CHOS MNGON PA NI PHUNG PO LNGA'I ZHES 'BYUNG BAS SHES RAB KHO NA CHOS MNGON PA NI MA YIN NO, ,CHOS RAB TU RNAM PAR 'BYED BA'O ZHES BYA BA NI CHOS RNAMS RNAM PAR PHYE STE, RANG DANG SPYI'I MTSAN NYID DU RTOGS PA'O, ,DRI MED CES BYA BA NI ZAG PA DANG BCAS PA BSAL BAR BYA BA'I PHYIR TE, DON DAM PA BRJOD PAR 'DOD PA'I PHYIR RO, ,DRI MA RNAMS NI ZAG PA'I RNAM GRANGS YIN PA'I PHYIR ZAG PA MED PA'O ZHES SMOS TE, DE LA 'DOD CHAGS LA SOGS PA ZAG PA RNAMS KUN TU RGYAS PAR MI 'GYUR BAS NA ZAG PA MED PA'O, ,YANG CI SHES RAB DRI MA @12A *, ,MED PA KHO NA CHOS MNGON PA YIN NAM ZHE NA, SMRAS PA MA YIN NO, ,'ON CI ZHE NA, RJES 'BRANG BCAS SO, ,RJES SU 'BRANG BA NI SHES RAB KYI 'KHOR TE, DUS DANG 'BRAS BU LA SOGS PA DAG DANG, DGE BA NYID KYIS SHES RAB KYI RJES SU 'JUG PA'I GZUGS DANG TSOR BA LA SOGS PA SEMS LAS BYUNG BA RNAMS DANG, SEMS DANG, DE DAG GI THOB PA DANG, SKYE BA LA SOGS PA DAG GO, ,DE LA MI LCOGS PA MED PA DANG, BSAM GTAN DANG, BSAM GTAN KHYAD PAR CAN LA BRTEN PA'I SHES RAB LA NI GANG GIS GANG DE SKAD DU BSHAD PA YANG DAG PA'I DAG DANG, LAS KYI MTHA' DANG, 'CHO BAS BSDUS PA RNAM PAR RIG BYED MA YIN PA'I GZUGS KYANG RJES SU 'JUG PAR YOD DO, ,DE LTAR NA ZAG PA MED PA'I PHUNG PO LNGA LA CHOS MNGON PA ZHES BSTAN PAR 'GYUR RO, ,GZUGS MED PA GSUM LA BRTEN PA'I CHOS MNGON PA NI PHUNG PO BZHI PA'O, ,GAL TE SEMS LAS BYUNG BA THAMS CAD KYI RTEN YIN PA'I PHYIR SEMS NYID GTZO BO YIN TE, DE'I PHYIR DE NYID DRI MA MED PA RJES SU 'BRANG BA DANG BCAS PA CHOS MNGON PA YIN LA RAG MOD CE NA, BYA BA DANG, MTHONG BA DANG, DMIGS PA MNGON PAR RTOGS PA LA NUS PA DANG LDAN PA'I PHYIR, SEMS DANG SEMS LAS BYUNG BA GZHAN DAG BAS GTZO BO YIN PA DE'I PHYIR SHES RAB KHO NA RJES SU 'BRANG BA DANG BCAS PA LA CHOS MNGON PAR BRJOD KYI, SEMS NI MA YIN TE, DE'I PHYIR ZAG PA MED PA'I SHES RAB KYI DBANG PO RJES SU 'BRANG BA DANG BCAS PA NI DON DAM PA'I CHOS MNGON PA'I ZHES LEGS PAR BSHAD PAR 'GYUR RO, ,RE ZHIG 'DI NI DON DAM PA'I DGOS PA CAN TE, MYA NGAN LAS 'DAS PA'I DGOS PA CAN YIN PAS DON DAM PA YIN PA'I RNAM PAR 'GYUR BA BZHIN DU RANG GI DON LA 'PHEL BA BSGRUBS PAS DON DAM PA NYID DON DAM PA PA'O, ,DON DAM PA PA ZHES KHYAD PAR DU BYAS PAS BRDAR BTAGS PA YANG YOD DO ZHES SHES PAR BYAS PA YIN NO, ,BRDAR BTAGS PA PA ZHES BYA BA NI BTAGS PA DANG KUN TU THA SNYAD PA ZHES BYA BA'I DON TO, ,GANG DANG ZHES BYA BA NI THOS PA DANG, BSAMS PA DANG, BSGOMS PA LAS BYUNG BA'O, ,ZAG PA DANG BCAS PA ZHES BYA'O, , @12B ZAG PA MED PA RNAM PAR GCAD PAR BYA BA'I PHYIR, ZAG PA DANG BCAS PA ZHES KHYAD PAR DU BYAS PA NI BSGOMS PA LAS BYUNG BA KHO NA RNAM PA GNYIS PA YIN PA'I PHYIR TE, THAMS CAD LA NI KHYAD PAR MA YIN NO, ,'DIR THOS PA LA SOGS PA LAS BYUNG BA'I SHES RAB RNAMS KYI GO RIMS NI SKYE BA'I DBANG GIS SO; ,SHES RAB KYI KHYAD PAR 'DI DAG MTHOB PA'I ZAG PA MED PA MI SKYE'O, ,'DI DAG GI MTSAN NYID NI, THOS SOGS LAS BYUNG BLO RNAMS NI, ,MENG DANG GNYIS KA DON YUL CAN, ,ZHES 'CHAD PAR 'GYUR RO, ,SKYE GNAS THOB PA ZHES BYA BA NI SKYE PAS THOB CING LDAN PA GANG LA YOD PA YIN GYI, SBYOR BA LAS BYUNG BA NI MA YIN TE, GONG NAS 'DOD PA'I KHAMS SU SKYE BA NA NYON MONGS PA DANG, NYE BA'I NYON MONGS PA DANG 'DRA BAR THOB PA'O, ,RJES SU 'BRANG BA DANG BCAS PA'O ZHES KHA MAR BSTAN PA NI THOS PA LAS BYUNG BA LA SOGS PA DAG LA YANG SBYAR RO, ,DE LA JI LTAR SKYES THOB PA RJES SU 'BRANG BA DANG BCAS PA PHUNG PO BZHI'I RANG BZHIN YIN PA DE BZHIN DU THOS PA LAS BYUNG BA DANG BSAMS PA LAS BYUNG BA YANG YIN NO, ,BSGOMS PA LAS BYUNG BA NI PHUNG PO LNGA PA STE, NYE BAR BSDOGS PA DANG, BSAM GTAN DANG, BSAM GTAN KHYAD PAR CAN DAG NA BSAN GTAN GYI SDOM PA YOD PA'I PHYIR RO, ,NYE BAR BSNGOGS PA RNAMS DANG, GZUGS MED PA RNAMS NA NI PHUNG PO BZHI PA'O, ,BSTAN BCOS GANG NI YE SHES LA 'JUG PA LA SOGS PA STE, DE YANG MING DANG, TSIG DANG, YI GE'I TSOGS KYI BDAG NYID YIN PA'I PHYIR MI LDAN PA'I 'DU BYED KYI RANG BZHIN YIN LA, TSIG GI RANG BZHIN YIN PA'I PHYIR SGRA'I RANG BZHIN TE, DE SKAD DU YANG, TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,ZHES GSUNGS SO, ,GZHAN DAG NA RE 'DIR YANG 'KHOR DANG BCAS PA SMOS DA'I RJES BSNYAGS PA LAS NA BSTAN SCOS KYANG PHUNG PO GNYIS BA'AM; PHUNG PO GCIG PA ZHES DE LA YANG DE'I PHYOGS SU 'GYUR BAS CHOS MNGON PA ZHES BYA STE, DE'I PHYIR 'DIS NI DE BRDAR BTAGS PA NYID DU GSAL BAR BYED DO, ,CHOS MNGON PA'I RGYU NI CHOS MNGON PA YIN TE, DPER NA ZHO DANG GGON NI MNGON PA'O, ,LTENG KA'I CHU LA RKANG NAD DO ZHES RIMS KYI RGYU @13A *, ,LA RIMS ZHES BRJOD PA BZHIN NO, ,SGRA RNAMS KYI 'JUG PA GNYIS TE, GTZO BO DANG, PHAL BA'O, ,TSOGS SU GYUR PA NI RGYUR GYUR PA STE, CI RIGS PAR DNGOS DANG BRGYUD PA'I SGO NAS RIG PAR BYA'O, ,JI LTAR SKYES NAS THOB PA'I SHES RAB MED PAR YE SHES LA 'JUG PA LA SOGS PA'I TSIG GI RNAM PAR 'DON PAR MI NUS PAS DNGOS DANG BRGYUD PA'I SGO NAS SHES RAB ZAG PA MED PA'I TSOGS SU 'GYUR BAS SKYE BAS THOB PA CHOS MNGON PAR 'DOD PA DE BZHIN DU, BSTAN BCOS KYANG DON GSAL BAR BYED PA YIN PA'I PHYIR DNGOS SAM BRGYUD PA'I SGO NAS THOS PA LA SOGS PA LAS BYUNG BA'I SHES RAB RNAMS KYI TSOGS SU GYUR PAS CHOS MNGON PA ZHES BYA'O, ,DE LTAR NA 'O NA MDO SDE LA SOGS PA DE BZHIN GSHEGS PA'I GSUNG GI RNAM PA THAMS CAD ZAG PA MED PA'I SHES RAB KYI TSOGS SU GYUR PAS CHOS MNGON PA NYID DU 'GYUR RO ZHE NA, DE NI DE LTA YIN MOD KYI, 'ON KYANG MDO SDE NI PHAL CHER GDUL BYA'I BSAM PA LA MNGON DU PHYOGS PA YIN ZHING, 'DUL BA NI BYUNG BAS RAB TU PHYE BA YIN LA, CHOS MNGON PA NI CHOS KYI MTSAN NYID LA MNGON DU PHYOGS PA KHO NA YIN PHAS DE KHON LA CHOS MNGON PA ZHES MING DU GRAGS SO, ,DE'I PHYIR GZHAN LA THOB PAR 'GYUR BA MED DO, , NGES PA'I TSIG TU NA ZHES BYA BA LA SOGS PA NI NGES PAR PHYE PAR STE GTAN LA PHAB PA'I TSIG STE, MING 'GOD PA'I RGYU MTSAN STON PA'O ZHES BYA BA'I THA TSIG GO, ,RANG GI MTSAN NYID 'DZIN PA'I PHYIR NA CHOS SO, ,HA CANG THAL BAR 'GYUR RO ZHE NA, 'DOD PA'I PHYIR NYES PA MED DO, ,KHO BO CAG GI LTAR NA NI THAMS CAD RANG GI MTSAN NYID 'DZIN PA'I PHYIR CHOS KYI RANG BZHIN LAS MI 'DA'O ZHES BYA BA'I DON NO, ,DE LTA BAS NA 'DI NI DON DAM PA'I CHOS ZHES BYA BA LA SOGS PA LA, DAM PA'I SGRA NI MCHOG GI RNAM GRANGS SO, ,DON GYI SGRA NI SHES BYA'I RNAM GRANGS SO, ,CHOS KYI SGRA NI DNGOS PO'I RNAM GRANGS TE, DON DAM PA'I CHOS ZHES BYA BAS MCHOG TU BYUNG BA'I SHES BYA'I DNGOS PO ZHES BYA BA 'DI BSTAN PAR 'GYUR RO, ,YANG DE CI ZHIG CE NA, DE'I PHYIR, MYA NGAN LAS 'DAS PA ZHES BYA BA SMOS TE, 'AM GYI SGRA NI RNAM PAR BRTAG PA'I DON TO, ,MYA NGAN LAS 'DAS PA NI DGE BA @13B DANG DAG BA'I PHYIR 'DUS BYAS DANG 'DUS MA BYAS KYI CHOS THAMS CAD KYI MCHOG YIN NO, ,RNAM PA GCIG TU NA DAM PA NI 'JIG RTEN LAS 'DAS PA'I YE SHES SO, ,DE'I DON NI DON DAM PA'O, ,SDUG BSNGAL DANG, KUN 'BYUNG DANG, LAM RNAMS KYANG DE'I DON YIN PAS DE'I PHYIR MYA NGAN LAS 'DAS PA ZHES BYA BA SMOS SO, ,YANG NA DON GYI SGRA NI DGOS PA BRJOD PA'O, ,DGOS PA DAM PA NI DON DAM PA STE, DE LAS GZHAN PA'I DGOS PA KHYAD PAR DU 'PHAGS PA YOD PA MA YIN NO, ,DE YANG CI ZHIG CE NA, DE'I PHYIR MYA NGAN LAS 'DAS PA ZHES BYA BA SMOS TE, SKYE BA'I SNAM BU THAG PA LAS NGES PAR BYUNG BAS MYA NGAN LAS 'DAS PA'O, ,CHOS KYI MTSAN NYID CES BYA BA LA SOGS PA LA, 'DIS MTSON PAR BYED PAS NA MTSAN NYID DE, ZAG PA DANG BCAS PA RNAMS MI RTAG PA LA SOGS PA'I RNAM PA DANG, RGYU LA SOGS PA'I RNAM PA DANG, ZAG PA MED PA RNAMS ZHI BA LA SOGS PA'I RNAM PA DANG, LAM LA SOGS PA'I RNAM PAR RO, ,MNGON PA ZHES BYA BA 'DI NYE BAR BSGYUR BA STE, MNGON DU PHYOGS PA'O, ,DE LA MYA NGAN LAS 'DAS PA THOB PAR BYED PAS NA MNGON DU PHYOGS PA YIN LA, CHOS KYI MTSAN NYID MNGON PAR RTOGS PAS CHOS KYI MTSAN NYID LA MNGON DU PHYOGS PA'O, , YANG GZHAN DAG NA RE DON DAM PA PA DANG BRDAR BTAGS PA PA GNYIS CHAR YANG DON DAM PA'I CHOS MYA NGAN LAS 'DAS PA LA MNGON DU PHYOGS LA, NYE BA DANG RING BA'I BYE BRAG NI KHYAD PAR RO ZHES 'CHAD DO, ,CHOS MNGON PA BSHAD ZIN TO ZHES BYA BA NI RANG BZHIN DANG, RAB TU DBYE BA DANG, NGES PA'I TSIG GI SGO NAS SO, ,DE LA RANG BZHIN NI CI RIGS PAR SHES RAB GTZO BOR GYUR PA PHUNG PO LNGA 'AM BZHI'I RANG BZHIN NO, ,RAB TU DBYE BA NI DON DAM PA PA DANG BRDAR BTAGS PA PA'O, ,NGES TSIG NI MYA NGAN LAS 'DAS PA DANG, CHOS KYI MTSAN NYID LA MNGON DU PHYOGS PA'O, ,TSIG BSDU BDU MA 'THAD PAS TSIG BSDU BA KHONG DU CHUD PAR 'DOD NAS, BSTAN BCOS 'DI JI LTAR NA CHOS MNGON PA'I MDZOD YIN ZHE NA ZHES BYA BA SMRAS TE, DON GANG GIS ZHES BYA BA'O, ,DE'I PHYIR, 'DIR DE DON DU ZHES BYA BA LA SOGS PA SMOS TE, DE ZHES BYA BA NI DE MA THAG PA YIN PA'I PHYIR BSTAN BCOS KYI MING CAN TE, @14A *, ,SHES RAB KYI BDAG NYID CAN LA MI SRID PA'I PHYIR RO, ,MANG BA'I PHYIR DE 'DIR CHUD PAR MI 'THAD DO ZHE NA, DE'I PHYIR, DON DU ZHES BYA BA SMOS TE, YI GE'I SGO NAS NI MA YIN NO ZHES STON TO, ,DON DU YANG JI LTAR GCES GCES YIN GYI, THAMS CAD NI MA YIN NO, ,DON RNAMS KYI GCES PA NI GANG ZHIG BSTAN NA DON DU MA BSTAN PAR 'GYUR BA'O, ,DE LA 'DI PHYUNG BA NI DON GCES GCES RNAMS KYI MING DANG, TSIG DANG, YI GE BLANGS PA LAS SO, ,MDZOD DANG 'DRA BAS NA MDZOD DE, RAL GRI'I SHUBS DANG MTSUNGS PA'I PHYIR TE, DPER NA RAL GRI GANG LAS BYUNG BA DANG, GANG DU 'JUG PA DE LA DE'I SHUBS ZHES BRJOD PA BZHIN NO, ,GONG MA NI DRUG PA'I DE'I SKYES BU'O, ,'OG MA NI 'BRU MANG PO PA'O, ,DE'I PHYIR DE LTAR NA CHOS MNGON PA RNAM PA GNYIS BSTAN TE, DON DAM PA PA DANG, BRDAR BTAGS PA PA'O, ,BRDAR BTAGS PA PA YANG RNAM PA GNYIS TE, SHES RAB DANG, BSTAN BCOS KYI BDAG NYID CAN YIN PA'I PHYIR RO, ,TSIG BSDU BA GNYIS KYIS DON NGES PAR GZUNG BA BYAS ZIN TO, ,YANG CI'I PHYIR CHOS MNGON PA BSTAN ZHES BYA BA NI DGOS PA CI YOD CES BYA BA'I DON TO, ,DGOS PA DANG BCAS PA'I BSTAN BCOS MDOR BSDUS PA BYED PA NI LEGS PAR 'GYUR GYI, DGOS PA MED PA NI MA YIN NO, ,BSTAN BCOS DGOS PA CHUNG BA DAG YOD DE, DPER NAS MI KshAG LA SOGS PA LTA BU'O, ,DON MA YIN PA'I DGOS PA CAN YANG YOD DE, 'JIG RTEN RGYANG 'PHEN PA'I BSTAN BCOS DAG LTA BU'O, ,DE'I PHYIR DGOS PA DRIS PA YIN NO, ,'DI DANG PO NYID DU SUS BSTAN ZHES BYA BA NI, NANGS KYI SNGON DU SUS BSTAN ZHES BYA BA'O, ,YID CHES PAS BSTAN PA'I RTEN CAN GYI BSTAN BCOS NI MNGON PAR BRJOD PA RIGS KYI, YID CHES PA MA YIN PAS BSTAN PA MA YIN PA NI NYE BAR STON PA PO TSOL BA YIN NO, ,CHOS LA RTEN GYI GANG ZAG LA NI MA YIN NO ZHES 'BYUNG BAS 'DI BRTZAM PAR MI BYA'O ZHE NA, GANG ZAG CHAD MANG BYED PA'I DBANG DU BYAS NAS 'DI DANG PO NYID DU SUS BSTAN NA ZHES DE SKAD BSNYAD DE, CHOS MNGON PA 'DI NI 'PHAGS PA K'A TY'A YA NA'I BU LA SOGS PA RNAMS KYIS BYAS SO ZHES THAS NAS TSOL BAR BYED DO, ,DE NYID KYI PHYIR, 'DI LTAR SLOB DPON CHOS MNGON PA 'CHAD PAR GUS ZHES SMOS TE, @14B 'CHAD PAR GUS PAR BYED CES BYA BA'I THA TSIG GO, ,DE'I PHYIR GANG GI DON DU BSTAN PA DANG, GANG GIS BSTAN PA DE GNYIS CHAR RAB TU BSTAN PA'I PHYIR, CHOS RNAMS RAB TU RNAM 'BYED MED PAR ZHES RGYA CHER SMOS SO, ,GANG GI PHYIR RAB TU RNAM PAR 'BYED PA MED PAR ZHES BYA BA LA SOGS PA LA, DE LA CI LTAR LAM MED PAR MYA NGAN LAS 'DAS PA MI THOB PO ZHES BYA BA LA, LAM YANG GZHAN YIN LA, MYA NGAN LAS 'DAS PA YANG GZHAN YOD PA LTAR CHOS RAB TU RNAM PAR 'BYED PA YANG GZHAN YIN LA, NYON MONGS PA'I ZHI PA'I THABS KYANG GZHAN DU 'GYUR RO ZHE NA, DANG MED PAR YANG 'DI 'DRA BA'I STON PA YOD DE, DPER NA ZAS DANG MED PAR YANG 'DI 'DRA BA'I STON PA YOD DE, DPER NA ZAS MED PAR SROG 'DZIN PA'I THABS MED DO ZHES BYA BAR ZAS NYID SROG 'DZIN PA'I THABS YIN PA DANG, BRDA SPROD PA MED PAR THABS SLABS SGRA DAG SHES PAR MI NUS SO ZHES BYA BAR BRDA SPROD PA KHO NA SGRA SHES PA'I THABS SLAB YIN PA BZHIN NO, ,GAL TA NYON MONGS PA SPANGS PAR MA GYUR NA DE LAS CIR 'GYUR ZHE NA, DE'I PHYIR, NYON MONGS PAS KYANG 'JIG RTEN ZHES BYA BA LA SOGS PA SMOS TE, GTING THUB PAR DKA' BA DANG, BRGAL BAR DKA' BA'I PHYIR 'KHOR BA NI MTSO STE, MTSO DANG 'DRA BAS NA MTSO'O, ,'KHOR BA ZHES BYA BA KHAMS GSUM PA'AM; 'GRO BA LNGAR SEMS CAN RNAMS KYI NYON MONGS PA'I RGYU MTSAN CAN GYI SKYE BA YANG DANG YANG DU GNAS PAS NA NYON MONGS PAS 'JIG RTEN 'KHYAM PAR BYED DO, ,DE BAS PHYIR ZHES BYA BA NI GANG GI PHYIR NYON MONGS PA RNAMS KYIS 'JIG RTEN 'KHOR BA'I RGYA MTSO CHEN PO 'DIR 'KHYAM PAR BYED PAS SO; ,DE'I PHYIR ZHES BYA BA NA CHOS RNAMS RAB TU RNAM PAR 'BYED PA DE'I DON DU STE, DE'I RGYU MTSAN DU ZHES BYA BA'I DON TO, ,STON PA ZHES BYA BA NI SANGS RGYAS BCOM LDAN 'DAS SO, ,GSUNGS SO ZHES BYA BA NI BSTAN PA STE, SH'A RI'I BU LA SOGS PA RNAMS KYIS KYANG CHOS KYI MTSAN NYID BSTAN PA DANG, RAB TU RNAM PAR 'BYED PAR MI NUS PAS STON PA SANGS RGYAS KYIS BSTAN BCOS MDZAD PAR 'OS PA'I PHYIR CHOS MNGON PA 'DI NYE BAR BSTAN TO, ,YANG CI LTAR CHOS RAB TU 'BYED PA LAS GZHAN NYON MONGS PA SPANGS PA'I THABS MED DO ZHES BYA BA 'DI KHONG DU CHUD PAR BYA ZHE NA, CHOS RAB TU RNAM PAR 'BYED PA NI GTI @15A *, ,MUG GI GNYEN PO YIN PA'I PHYIR LA, NYON MONGS PA DANG NYE BA'I NYON MONGS PA 'BYUNG BA YANG BLUN PO LA SRID KYI, BLUN PO MA YIN PA LA NI MA YIN TE, DE'I PHYIR CHOS RAB TU RNAM PAR 'BYED PA LAS NYON MONGS PA SPANGS PA'I THABS GZHAN MED DO, ,'DIR CI'I PHYIR CHOS MNGON PA BSTAN ZHES GANG SMRA BA DE'I LAN NI, CHOS RAB TU RNAM PAR 'BYED PA'I DON DU ZHES BYA BA'O, ,'DI DANG PO NYID DU SUS BSTAN ZHES BYA BA DE'I LAN NI, SANGS RGYAS BCOM LDAN 'DAS KYIS ZHES BYA BA'O, ,LO'I SGRA NI GZHAN GYI BSAM PA RAB TU BSTAN PAR BYA BA'I PHYIR, GAL TE CHOS RAB TU RNAM PAR 'BYED PA MED PAR NYON MONGS PA NYE BAR ZHI BA'I THABS MED NA, CHOS RAB TU 'BYED PA DE NYID BYA BA YIN GYI, CHOS MNGON PA BSTAN PA CI DGOS SHE NA, DE'I PHYIR, CHOS MNGON PA BSTAN PA MED PAR NI SLOB MAS CHOS RAB TU 'BYED PAR MI NUS SO ZHES BYA BA SMOS SO, ,KUN NAS NYON MONGS PA DANG RNAM PAR BYANG BA'I CHOS RNAMS KYI RANG DANG SPYI'I MTSAN NYID KYI RAB TU 'BYED PA PHYIN CI MA LOG PA RTOGS PA NI BSTAN PA LA RAG LAS PA'I PHYIR RO, ,GAL TE CHOS MNGON PA'I BYED PA PO DAG NA CI LTAR YE SHES LA 'JUG PA NI 'PHAGS PA K'A TY'A YA NA'I BU'O, ,RNAM PAR SHES PA'I TSOGS PAS NI GNAS BRTAN LHA SKYID DO, ,RAB TU 'BYED PA'I RKANG PA NI 'PHAGS PA DBYIG BSHES SO, ,YANG DAG PAR 'GRO BA'I RNAM GRANGS NI GNAS BRTAN SH'A RI'I BU'O, ,BTAGS PA RNAMS KYIS NI GNAS BRTAN MOOD GAL GYI BU ZHES BYA BA DE LTA BU LA SOGS PA THOS PA MA YIN NAM, CI LTAR CHOS MNGON PA BCOM LDAN 'DAS KYIS BSTAN ZHES BYA BA'I DOGS PA BSAL BAR BYA BA'I PHYIR, DE NI SIL BUR BSHAD PA ZHES BYA BA SMOS TE, CHOS MNGON PA DE NI BCOM LDAN 'DAS KYIS GDUL BYA'I RANG BZHIN GYI DRI BA LA LTOS NAS SIL BUR BSHAD LA, STON PA MYA NGAN LAS 'DAS PA'I GSUNG RAB TU GYUR PA NA, GNAS BRTAN K'A TY'A'I BU LA SOGS PA MNGON PAR SHES PA DRUG DANG LDAN PA RNAMS KYIS SMON NAS SHES PAS, CHOS KYI RJE'I DGOS PA DANG, CHOS NYID LA LTOS TE BSDUS SHING TSOMS SU BYAS NAS SIL BU LA SOGS PA PHUNG POR BCAD DE GZHAG STE, BTZUN PA CHOS SKYOB KYIS @15B CHED DU BRJOD PA'I SDE SDE TSAN BYAS PA BZHIN NO, ,CHED DU BRJOD PA'I TSIGS SU BCAD PA DAG NI LUNG DAG DANG 'DUL BA LAS LA LAR BSHAD LA, DE DAG KYANG BTZUN PA CHOS SKYOB KYIS SDE TSAN DU BYAS NAS GZHAG PA BZHIN DU CHOS MNGON PA YIN NO, ,CHOS MNGON PA NI SANGS RGYAS KYIS GSUNGS PA KHO NA YIN TE; DGRA BCOM PA DAG GIS BSDUS PA'I PHYIR MDO SDE DANG 'DUL BA BZHIN NO, ,GAL TE MA GRUB BO ZHE NA, 'PHAGS PA 'OD SRUNGS KYIS BSDUS PA'I PHYIR RO, ,YANG NA SANGS RGYAS KYI RJES SU BZHED PA'I PHYIR, YANG DAG PA'I 'GRO BA'I RNAM GRANGS BZHIN NO, ,DE'I PHYIR 'DIR CHOS RNAMS NI DAM PA DRUG GI SGO NAS BSTAN TE, GRANGS DANG, MTSAN NYID DANG, RAB TU DBYE BA DANG, BSDU BA DANG, MTSUNGS PAR LDAN PA DANG, SGRUB BYED KYI KHYAD PAR GYIS SO, ,DE LA GRANGS NI, ZAG BCAS ZAG PA MED CHOS RNAMS, ,'DUS BYAS CHOS RNAMS DE DAG KYANG, ,GZUGS LA SOGS PA'I PHUNG PO LNGA, ,ZHES BYA'O; ,MTSAN NYID NI, TSOR BA MYONG BA 'DU SHES PA, ,MTSAN MAR 'DZIN PA'I BDAG NYID DO, ,ZHES BYA'O, ,RAB TU DBYE BA NI, BSTAN YOD 'DIR NI GZUGS GCIG TU, ,THOGS DANG BCAS PA GZUGS CAN BCU, ,ZHES BYA BA LA'O, ,BSDUS PA NI, PHUNG PO DANG NI SKYE MCHED DANG, ,KHAMS GCIG GIS NI THAMS CAD BSDUS, ,ZHES BYA BA LA SOGS PA'O, ,MTSUNGS PAR LDAN PA NI, BDE BA DAG DANG 'DOD CHAGS SU, ,MTSUNGS LDAN ZHES BYA BA LA SOGS PA'O, SGRUB BYED NI, DBANG PHYUG SOGS MIN RIMS SOGS PHYIR, ,ZHES BYA BA DANG, DUS RNAMS KUN DU YOD GSUNGS PHYIR, ,GNYIS PHYIR YUL YOD PHYIR 'BRAS PHYIR, ,ZHES BYA'O, ,'DIR SMRAS PA, GRANGS DANG MTSAN NYID BSTAN PA DANG, ,DE BZHIN RAB DBYE BSDU BA DANG, ,SGRUB BYED MTSUNGS PAR LDAN PA STE, ,CHOS NI DRUG TU RAB TU BSGRAGS, ,SPROS PAS CHOG GO, ,DKYUS MA NYID BRTZAM PAR BYA STE, CHOS RAB TU RNAM PAR 'BYED PA'I PHYIR CHOS MNGON PA BSTAN TO ZHES SMRAS NA, CHOS DAG NI SMRAS PAS DE NGES PAR BYA BA'I PHYIR, CHOS DE DAG KYANG GANG ZHE NA SMRAS SO, ,ZAG BCAS ZAG PA MED CHOS RNAMS, ,ZHES BYA BA LA, ZAG PA DANG BCAS PA DANG, ZAG PA MED CES DANG GI DON BZLAS PA LA ZLAS DBYE BA'O, ,CHOS SMOS @16A *, ,PAS NI 'DI NI CHOS TZAM KHO NA STE, 'DI NI BDAG GAM BDAG GI BAG YOD PA MA YIN NO ZHES SHES PAR BYA BA'I DON TO, ,ZAG PA DANG BCAS PA DANG ZAG BA MED PA'I CHOS RNAMS NI RNAM PA GNYIS KHO NA STE, RNAM PAR LDOG PA GZHAN MED PA'I PHYIR RO, ,YANG CI'I PHYIR PHUNG PO LNGA'O ZHES PHUNG PO BSTAN PA MA SMRAS SHE NA, CHOS THAMS CAD DE RNAMS SU MA 'DUS PA'I PHYIR RO, ,DE LTAR NA 'ON KHAMS BSTAN PA DANG, SKYE MCHED BSTAN PA YIN LA RAG GO ZHE NA, DE YANG KUN NAS NYON MONGS PA PA DANG RNAM PAR BYANG BA 'CHOL BA'I PHYIR LA, 'DIR NI KUN NAS NYON MONGS PA DANG RNAM PAR BYANG BA'I PHYOGS GNYIS MA 'CHOL BAR BSTAN PAR BRJOD PA'I PHYIR RO, ,RNAM PAR BYANG BA NI KUN NAS NYON MONGS PA PO SNGON DU 'GRO BA CAN YIN PA'I PHYIR ZAG PA DANG BCAS PA SNGAR SMOS SO, ,'DI NI CHOS THAMS CAD CES BYA BA NI ZAG PA DANG BCAS PA DANG, ZAG PA MED PA'I RAB TU DBYE BA LAS THA DAD PA'I CHOS 'GA' YANG YOD PA MA YIN NO ZHES BSTAN PA'O, ,CHOS RNAMS RGYAS PAR STON PA KHAMS DANG, SKYE MCHED KYANG YOD PAS MDOR BSDUS TE BSTAN PA'O ZHES KHYAD PAR DU BYAS SO, ,GAL TE NGAG THAMS CAD NI NGES PAR GZUNG BA DANG BCAS PA YIN LA, NGES PAR GZUNG BA MED PA'I NGAG NI 'BRAS NGU MED PA YIN PAS; 'DIR GDON MI ZA BAR NGES PAR GZUNG BAR 'GYUR DGOS SO, ,DE LA GAL TE 'DI NI MDOR BSDUS TE BSTAN PA KHO NA YIN NA, RGYAS PAR NI MI 'GYUR RO ZHES DE LTAR NGES PAR BZUNG NAS NI NGES PAR GZUNG BA 'DI MI RIGS TE, 'DI LTAR KHAMS LA SOGS PA BSTAN PA LA LTOS NAS 'DI BSDUS PA'I TSIG YIN PA DE BZHIN DU, CHOS BSTAN PA LA LTOS NAS RGYAS PA'I TSIG KYANG YIN NO, ,CI STE 'DI KHO NA MDOR BSDUS TE BSTAN PA YIN GYI MDOR BSDUS TE BSTAN PA GZHAN NI YOD PA MA YIN NO ZHES NGES PAR 'DZIN NA 'DIR YANG MI RIGS SO, ,MDOR BSDUS TE BSTAN PA NI GZHAN YANG YOD DO, ,DPER NA 'DUS BYAS DANG; 'DUS MA BYAS DANG, GZUGS CAN DANG, GZUGS CAN MA YIN PA DANG, BRTAN PA DANG, MI BRTAN PA ZHES BYA BA LA SOGS PA LTA BU'O ZHEN, GNYIS KA LTAR YANG NGES PA MED DE, CHOS RNAMS KYI RANG BZHIN KHONG DU MA CHUD PAR GYUR NA DE'I RANG BZHIN RNAM PAR PHYE STE GSAL BA'I DON DU, ZAG BCAS @16B ZAG MED CES BSHAD NA, CHOS KYI SGRA NI DE'I RANG BZHIN RNAM PAR PHYE STE STON PAR BYED PA MA YIN PAS 'DIR CHOS KYI SGRA LA THAL BAR 'GYUR BA MED DE, DE'I PHYIR 'DI NI MDOR BSDUS TE BSTAN PA KHON YIN GYI RGYAS PA YANG MA YIN NO, ,'DUS BYAS DANG 'DUS MA BYAS LA SOGS PAR BSTAN PA LA YANG KUN NAS NYON MONGS PA DANG RNAM PAR BYANG BA BSTAN PA DAG 'CHOL LA, 'DIR NI 'CHOL BA MED PAR MDOR BSDUS TE BSTAN PAR BRJOD PAR 'DOD PA LA YIN PAS 'DI KHO NA MDOR BSDUS PA YIN GYI, GZHAN MA YIN NO, ,GAL TE 'THAB PA DANG BCAS PA DANG, 'THAB PA MED PA LA SOGS PA YANG 'CHOL PA MED PAR STON PA YOD BA MA YIN NAM ZHE NA, YOD MOD KYI, DE YANG ZAG BA DANG BCAS PA DANG, ZAG PA MED PA'I RNAM GRANGS NYID YIN PAS GZHAN DU BRJOD PAR MI 'DOD DE, DE'I PHYIR 'DI KHO NA MDOR BSDUS TE BSTAN PA YIN GYI, GZHAN NI MA YIN NO ZHES BYA BAR GNAS SO, ,CI LTAR CHOS RNAMS MI SHES PA 'DI KHO NA LTAR ZAG PA DANG BCAS PA MA YIN TE, DE'I PHYIR DE LA ZAG PA DANG BCAS PA'I CHOS RNAMS GANG ZHE NA ZHES BYA BA LA SOGS PA SMOS TE, DE LA ZHES BYA BA NI ZAG PA DANG BCAS PA DANG, ZAG PA MED PA GNYIS GZUNG NGO, ,LAM MA GTOGS PA'I 'DUS BYAS RNAMS ZAG BCAS ZHES BYA BA LA, 'DUS MA BYAS NI ZAG PA MED PA YIN TE, DE'I PHYIR 'DUS BYAS SMOS PAS RNAM PAR BCAD DO, ,LAM NI 'DUS BYAS NYID YIN BZHIN DU ZAG PA MED PA KHO NA YIN PAS DE'I PHYIR, LAM MA GTOGS PA ZHES SMOS SO, ,DE DAG KYANG GANG ZHE NA, GZUGS LA SOGS PA'I NYE BAR LEN PA'I PHUNG PO LNGA'O, ,BDEN PA SMOS PA MED KYANG 'GREL PA LAS, LAM GYI BDEN PA MA GTOGS PA, ,ZHES BSHAD PA NI DE MA THAG TU, ZAG MED LAM GYI BDEN PA DANG, ,ZHES DOR BAR GYUR PA YONGS SU BZUNG BAS SO, ,LAM GYI BDEN PA MA GTOGS PA'I 'DUS BYAS RNAMS NYID LA ZAG PA DANG BCAS PA NYID MI SRID PAR 'DRI BA NI, CI'I PHYIR ZHEN ZHES BYA'O, ,'DI LTAR NOR DANG BCAS PA BZHIN DU ZAG PA RNAMS KYANG GDON MI ZA BAR YOD PA NI ZAG PA DANG BCAS PA'O ZHES GDON MI ZA BAR KHAS BLANG BAR BYA DGOS SO, ,DE LA GAL TE ZAG PA RNAMS KYIS DMIGS PAS ZAG PA YOD PA YIN NA NI 'GOG PA DANG, LAM GYI BDEN PA DAG KYANG DE DAG LA DMIGS @17A *, ,PA'I NYON MONGS PA YOD PA'I PHYIR RO, ,ZAG PA DANG BCAS PA NYID DU THAL BAR 'GYUR RO, ,CI STE BRTEN PAS YIN NA DE LTAR NA YANG MIG LA SOGS PA KHO NA ZAG PA DANG BCAS PA YIN GYI, GZUGS LA SOGS PA RNAMS MA YIN LA, MIG LA SOGS PA RNAMS KYANG THAMS CAD MA YIN TE; THAMS CAD NYON MONGS PA'I RTEN MA YIN PA'I PHYIR RO, ,'ON TE MTSUNGS PAR LDAN PAS YIN NA NI DE LTAR NA YANG SEMS DANG SEMS LAS BYUNG BA'I PHYOGS GCIG ZAG PA DANG BCAS PA NYID DU 'GYUR TE, SEMS DANG SEMS LAS BYUNG BA THAMS CAD NYON MONGS PA DANG MTSUNGS PAR MI LDAN PA'I PHYIR RO; ,DE STE ZAG PA RNAMS DANG LHAN CIG 'BYUNG BAS ZAG PA YOD PA PA YIN NA DE DE LTAR NA YANG NYON MONGS PA CAN GYI SEMS KHO NA'I NYE BAR LEN PA'I PHUNG PO LNGA ZAG PA DANG BCAS PAR 'GYUR GYI, SEMS GZHAN GYI NI MA YIN NO ZHE NA, ZAG PA RNAMS RGYAS PAR 'GYUR BAS ZAG PA YOD PA NI ZAG PA DANG BCAS PA YIN GYI, GZHAN DU NI MA YIN NO ZHES BSTAN PA'I PHYIR, GANG PHYIR DE DAG LA, ZAG RNAMS KUN DU RGYAS PAR 'GYUR, ,ZHES BYA BA SMOS TE, DE'I PHYIR DE DAG ZAG PA DANG BCAS PA YIN NO ZHES SBYAR RO, MDO SDE PA SNGA RABS RNAMS GANG DU NYON MONGS PA SKYE BAR 'GYUR BA DE NI ZAG PA DANG BCAS PA'O ZHE'O, ,DE DGAG PA'I PHYIR, 'GOG PA DANG LAM GYI BDEN PA LA DMIGS PAS KYANG ZHES BYA BA LA SOGS BA SMOS TE, 'DOD MOD KYI ZHES BYA BA LA NI YIN MOD KYI ZHES BYA BA'I DON TE, 'GOG DANG LAM MTHONG SPANG BYA BA, ,LTA DANG THE TSOM DE DAG DANG, ,LDAN DANG 'BA' ZHIG MA RIG PA, , DRUG NI ZAG MED SPYOD YUL CAN, ,ZHES 'BYUNG BA'I PHYIR RO, ,SKYE BA'I BAR NI 'DOD MOD KYI, ,DE GNYIS LA RGYAS PAR NI MI 'GYUR ZHES BYA BA NI GNAS MI THOD DO ZHES BYA BA'I DON TO, ,DE GNYIS LA ZHES BYA BA NI 'GOG PA DANG, LAM GYI BDEN PA DE DAG LA ZHES BYA BA'I DON TO, ,JI LTAR RGYAS PAR MI 'GYUR BA, ,ZHES BYA BA 'BYUNG STE, JI LTAR ZHE NA, ZAG MED GONG MA'I YUL CAN MIN, ,ZHES BYA BA LA SOGS PAS SO, ,DNGOS PO GANG ZHIG TU LTA BA DANG SRID PA DAG GIS BDAG GIS BYAS PA DE LA PHRA RGYAS GZHAN DAG KYANG RGYAS PAR NUS TE, SNAM BU GSHER BA LA RDUL CHAGS PA BZHIN NO, ,ZAG PA MED PA YANG DE @17B LTA MA YIN LA, SA GONG MA YANG MA YIN PAS DE'I PHYIR DE DAG LA DMIGS PA RNAMS DE DAG LA RGYAS PAR MI 'GYUR RO, ,ZAG PA DANG BCAS PA DAG GANG DAG YIN PA DANG, CI LTAR YIN PA BSHAD ZIN TO, ,ZAG MED LAM GYI BDEN PA DANG, ,ZHES BYA BA LA SOGS PA LA, GAL TE ZAG PA DANG BCAS PA NYID BKAG PA KHO NA LAS 'DI ZAG PA MED PA NYID DU SHES PA MA YIN NAM, YANG CI'I PHYIR 'DI ZAG PA MED PA NYID KYI NANG DU SMOS SHE NA, MDO SDE PA'I LUGS BZHIN DU RNAM GRANGS KYI ZAG PA DANG BCAS PA DANG, ZAG PA MED PA NYID YIN PA DGAG PAR BYA BA'I DON TE, ZAG PA DANG BCAS PA DAG LAS BKOL BA YIN YANG ZAG PA MED PAR NGES PA'I RGYU MED PA'I PHYIR RO, ,'DI NI DE LTA MA YIN TE, RNAM PA GNYIS LA BKOD PA LAS ZAG PA DANG BCAS PA DAG TU BKAG PAS DON GYIS ZAG MED DU SHES PAR 'GYUR RO ZHE NA, GAL TE MA BSTAN PAR YANG DON GYIS SHES NA NI, 'DUS BYAS RNAMS ZAG BCAS ZHES BYA BAS 'DUS MA BYAS KYANG MA BSTAN PA KHO NAR ZAG PA MED PA NYID DU SHES PAR 'GYUR RO, ,RNAM PA GNYIS NYE BAR BKOD PA LAS MA GTOGS PAR GNAS PA MI SRID DO ZHES BYA BA 'AM, GZHAN DU 'DUS MA BYAS LA YANG ZAG PA MED PA SMOS BAR MI BYA STE, 'DI NI LAN MA YIN NO, ,LAM GYI SGRA NI 'JIG RTEN PA DANG 'JIG RTEN LAS 'DAS PA GNYIS KA YANG 'GRO BA YIN MOD KYI, 'DIR NI 'JIG RTEN PA LAS RNAM PAR GCAD PAR BYA BA'I PHYIR, ZAG MED LAM GYI BDEN PA DANG, ,ZHES SMOS TE, DE NYID KYI PHYIR LAM GYI BDEN PA ZHES SMOS PAR MDZAD DO, ,'JIG RTEN PA NI LAM KHO NA YIN GYI, LAM GYI BDEN PA NI MA YIN TE, SDUG BSNGAL DANG KUN 'BYUNG GI BDEN PAS BSDUS PA'I PHYIR RO, ,'GREL BA LAS KYANG 'CHAD PAR 'GYUR BA LA LTOS PA NYID KYIS LAM GYI BDEN PA MA GTOGS PA ZHES BSHAD DO, ,YANG NA GRUB BZHIN DU BRTZAM PA NI NGES PA'I PHYIR YIN TE, LAM GYI BDEN PA 'DUS BYAS DAG LAS BKOL BAS ZAG BA MED PA NYID DU GRUB BZHIN DU SLAR YANG ZAG PA MED PA DAG GI NANG DU SMOS PA NI NGES BAR BYA BA'I DON DU'O, ,KHA CIG DGRA BCOM PA'I GZUGS DANG, MA ZIN PA'I GZUGS ZAG PA MED PAR 'DOD DE, DE'I PHYIR 'DUS BYAS DAG LAS LAM GYI BDEN PA KHO NA ZAG BA MED PA YIN GYI 'DUS BYAS KYI CHOS GZHAN NI MA YIN NO @18A *, ,ZHES 'DI NGES PA YIN NO, ,DE BZHIN DU KHA CIG NI SO SOR BRTAGS PA'I 'GOG PA KHO NA 'DUS MA BYAS DANG, ZAG PA MED PAR KHAS LEN GYI, NAM MKHA' NI MA YIN NO, ,DE NI 'DUS BYAS TE, SGRA DE TZAM LAS BYUNG BA'I PHYIR RO, ,SO SOR BRTAGS PA MA YIN PA'I 'GOG PA NI KHAS MI LEN PA NYID DO, ,GZHAN DAG NI 'DUS MA BYAS RNAM PA GSUM BRTAGS PAR KHAS LEN GYI, RDZAS SU NI MA YIN NO, ,DE'I PHYIR 'DUS MA BYAS ZAG PA DANG BCAS PA NYID YIN PA BSAL DU ZIN KYANG, 'DUS MA BYAS NYID DANG, ZAG PA MED PA NYID DANG, DNGOS PO NYID DU KHAS BLANG BAR SHES PAR BYA BA'I PHYIR; 'DUS MA BYAS RNAM GSUM YANG STE ZHES BYA BA SMOS SO, ,RNAM PA GCIG TU NA CHOS THAMS CAD MDOR BSDU NA RNAM PA GNYIS SU BSTAN TE, ZAG PA DANG BCAS PA DANG, ZAG PA MED PA'O, ,DE LA ZAG PA DANG BCAS PA RNAMS NI RANG GI NGO BO DANG, MTSAN NYID KYI SGO NAS BSHAD PAR BYAS ZIN TE, LAM MA GTOGS PA 'DUS BYAS RNAMS ZHES BYA BA'I RANG GI NGO BO'O, ,GANG PHYIR DE DAG LA, ZAG RNAMS KUN DU RGYAS PAR 'GYUR, ,ZHES BYA BA NI MTSAN NYID DO, ,DE BZHIN DU ZAG PA MED PA RNAMS KYANG RANG GI NGO BO DANG, MTSAN NYID KYI SGO NAS BSHAD PAR BYA DGOS PAS DE'I PHYIR, ZAG MED LAM GYI BDEN PA DANG; ,'DUS MA BYAS RNAM GSUM YANG STE, ,RANG GI NGO BO'I SGO NAS SMOS LA, MTSAN NYID NI, GANG PHYIR DE DAG LA, ZAG RNAMS RGYAS PAR MI 'GYUR RO, ,ZHES SMRAS ZIN PA BZLOG PA'I SGO NAS RTOGS PA NYID DO, ,DE'I PHYIR 'DI NI MTSAN NYID BRJOD PAR BYA BA'I PHYIR SMRAS ZIN PA'I DON RJES SU BRJOD PA YIN PAS 'DUS MA BYAS NI RTEN GYI PHYIR DANG, RAB TU MA GRAGS PA'I PHYIR SMOS SO, ,DANG GI SGRA NI BSDU BA'I DON TO, ,YANG GI SGRA NI NGES PAR GZUNG BA'I DON TO, ,LUGS GZHAN DGAG PAR BYA BA'I PHYIR, RNAM PA GSUM KHO NA'O ZHES STON PAR BYED DE, JI LTAR 'GA' ZHIG GIS RTEN CING 'BREL PAR 'BYUNG BA YANG 'DUS BYAS SU 'DOD PA BZHIN NO, ,GAL TE CHOS GANG GI RAB TU RNAM PAR PHYE BAS NYON MONGS PA NYE BAR ZHI BA'I RGYUR GYUR PA'I CHOS DE DAG KHO NA BSTAN PAR BYA BA MA YIN NAM, NAM MKHA' DANG SO SOR BRTAGS PA MA YIN PA'I 'GOG PA DAG NI MA YIN NO ZHE NA, DE GNYIS BDEN PA'I KHONGS SUM GTOGS @18B PA'I PHYIR, NAM MKHA' DANG SO SOR BRTAGS PA MA YIN PA'I 'GOG PA RNAM PAR PHYE BA NI NYON MONGS PA NYE BAR ZHI BA'I THABS MA YIN MOD KYI, DE LTA YIN YANG ZAG PA MED PA'I CHOS KYI ZHAR LA ZAG PA MED PA THAMS CAD NYE BAR BSTAN TO, ,DE DAG LA ZAG PA MED PAR 'GYUR BA MED PA'I PHYIR RO ZHES BYA BA NI GNAS MI THOD DO ZHES BYA BA'O, ,'DUS MA BYAS NI BRJOD BYA NYUNG BAS DE BSTAN PA'I MJUG THOGS SU BSHAD PAR RTZOM STE, BRJOD BYA MANG PO'I PHYIR 'DUS BYAS NI MA YIN PA NYID DO ZHES MA GRAGS PA'I PHYIR, RNAM PA GSUM GANG ZHE NA, DRIS PA DANG, NAM MKHA' DANG NI 'GOG PA GNYIS, ,ZHES 'BYUNG NGO, ,NAM MKHA' NI 'JIG RTEN NA YANG RAB TU GRAGS PAS SNGAR SMOS SO, ,'GOG PA NYID NI 'GAR YANG MA GRAGS TE, DE NYID KYI PHYIR, DE GNYIS GANG ZHE NA ZHES SMOS SO, ,DE DAG LA ZAG PA RGYAS PAR 'GYUR BA MED PA'I PHYIR RO ZHES BYA BA NI GNAS MI THOD DO ZHES BYA BA'O, ,DE LA NAM MKHA' MI SGRIB PA ZHES BYA BA LA, DE LA NI 'DUS MA BYAS RNAM PA GSUM MO, ,DE LA MI SGRIB PA LA DNGOS PO DANG THOGS PA MED PA THAMS CAD KYANG NAM MKHA' NYID DU THAL BA'I PHYIR, MI SGRIB PA NI SGRIB PA MED PA TZAM MA YIN LA, SGRIB PA LAS GZHAN PA DAG KYANG MA YIN TE, 'O NA CI ZHE NA, RANG BZHIN GYI KHYAD PAR TE, DE NYID KYI PHYIR SGRIB PA MED PA'I RANG BZHIN TE ZHES SMOS SO, ,SGRIB PA NI SGRIB PA YIN LA, 'DI NI SGRIB PA MED PA'I RANG BZHIN YIN PAS SGRIB PA MED PA STE, SGRIB PA'I 'GAL ZLA'I CHOS TE, DON MA YIN PA BZHIN NO, ,DGAG PA NI MI MTHUN PA'I PHYOGS KYI DON YIN PA'I PHYIR TE, DE'I PHYIR 'DI LA SGRIB PA MED PA'I RANG BZHIN YOD PAS ZHES BYA'O, ,DE NYID KYI PHYIR TSOR BA LA SOGS PA NAM MKHA' NYID DU THAL BAR MI 'GYUR TE, TSOR BA LA SOGS PA DAG NI SGRIB PA MED PA'I RANG BZHIN CAN MA YIN TE, NYAMS SU MYONG BA LA SOGS PA'I RANG BZHIN YIN PA'I PHYIR RO, ,GANG NA GZUGS KYI GO YOD PA'O ZHES BYA BAS NI BYA BA'I SGO NAS KYANG 'DI YOD PA NYID DU STON PAR BYED DO, ,GZUGS KYI NI YUL LA GNAS PA'I PHYIR YUL GZHAN DAG TU SKYE BA GO MI 'BYED PA MI RNYED PAR 'GYUR GYI, GZHAN DAG GIS NI MA YIN TE, YUL LA MI GNAS PA'I PHYIR RO, ,DE'I GZUGS NYID LA DE SKAD DU BSHAD DO, ,'DI NI PHUNG PO'I GZUGS YONGS SU @19A *, ,BZUNG GI SKYE MCHED KYI GZUGS NI MA YIN NO, ,DE LTAR NA 'DIR NAM MKHA' NI RANG GI NGO BO DANG BYA BA'I SGO NAS BSHAD PAR 'GYUR RO, ,SO SOR BRTAGS PAS 'GOG BA ZHES BYA BA NI MTSAN GZHI STON PA'O, ,GANG BRAL BA'O, ,SO SO SO SO YIN ZHES BYA BA NI SKYE BA DANG, SNYOMS PAR 'JUG PA DANG; MI RTAG PA NYID DANG, SO SOR BRTAGS PA MA YIN PA'I 'GOG PA RNAMS GCAD PA'I SGO NAS BSHAD DE, DE RNAMS BRAL BA MA YIN PA'I BDAG NYID YIN PA'I PHYIR RO, ,GANG ZAG PA DANG BCAS PA'I CHOS RNAMS DANG BRAL BA ZHES BYA BA LA, 'DI CI ZHIG NYON MONGS PA RGYAS PAR 'GYUR BA'O, ,DE THOB NA BRAL BAR 'GYUR BA YIN GYI, 'DIS BRAL BAR BYED PA DANG BRAL BAS NA BRAL BA MA YIN NO, ,DE LTAR BYED NA NI LAM DANG, ZAG PA DANG BCAS PA'I CHOS KYI BRAL BA TZAM LA YANG THAL BAR 'GYUR RO, ,BRTAGS PA NI BRAL BA DANG, RNAM PAR 'BYED PA STE, ZAG PA MED PA'I SHES RAB BO, ,SO SOR NI BSNAN PA'I DON TO, ,'DI SKAD BSTAN PAR 'GYUR TE, SDUG BSNGAL LA SOGS PA 'PHAGS PA'I BDEN PA RNAMS LA SO SOR TE, SO SO NI SO SOR BRTAGS PA'O, ,'PHAGS PA'I BDEN PA SMOS PA NI, TSOR BA RNAM PAR GCAD PAR BYA BA'I PHYIR RO, ,BSTAN PA NI PHAL CHE 'AM GTZO BO YIN TE, GZHAN DU NA 'JIG RTEN PA'I LAM GYIS THOB PA SO SOR BRTAGS PA'I 'GOG PAR MI 'GYUR RO, ,SHES RAB KYI BYE BRAG GO ZHES BYA BA NI BAR CHAD MED PA'I LAM MO, ,DES THOB BAR BYA BA'I 'GOG PA ZHES BYA BA NI SHES RAB KYI BYE BRAG DES SO, ,BAR GYI TSIG MI MNGON PAR BYAS PA STE ZHES BYA BA NI SO SOR BRTAGS PAS THOB PAR BYA BA'I 'GOG PA ZHES BYA BA STE, THOB PA ZHES BYA BAR BAR GYI TSIG GANG YIN PA DE MI MNGON PAR BYAS PA'I PHYIR RO, ,DPER NA BA LANG DAG DANG LDAN BA'I SHING RTA LA BA LANG GI SHING RTA ZHES BYA BA LTA BU'O ZHES BYA BA NI LDAN PA'I SGRA MI MNGON PAR BYAS PA STE, STON PAR BYED DO, ,LA LAR NI DANG PO LA MI MNGON PA YIN TE, DPER NA BDEN SMRA LA SMRA BA PA ZHES BYA BA LTA BU'O, ,LA LAR MTHA' TSIG MI MNGON PA STE, 'JIGS SDE LA 'JIGS PA ZHES BYA BA LTA BU'O, ,DE'I PHYIR 'DIR BAR GYI TSIG MI MNGON PAR BYAS PAS SO SOR BRTAGS PAS 'GOG PA ZHES BYA STE, 'DI SGRA'I SGO NAS GRAGS PA KHO NAS STON PA @19B YIN NO; ,YANG CI NAM MKHA' LTAR GCIG KHO NA 'AM, GAL TE BRAL BA'I RDZAS LTAR DU MA YIN, DE'I PHYIR, SO SO SO SO YIN ZHES BYA BA SMOS TE, GZHAN DANG GZHAN YIN NO ZHES BYA BA'I DON TO, ,'DI NYID RNAM PAR 'CHAD PA NI, LDAN PA'I RDZAS RNAMS JI SNYED PA ZHES RGYAS PAR 'BYUNG BA STE; LDAN PA'I CHED KYI RDZAS NI ZHES TSIG RNAM PAR SBYAR RO, ,YANG NA DMIGS PA DANG LDAN PAR MTSUNGS PAR LDAN PA'I SGO NAS SKYES PAR 'GYUR BA'I PHYIR TE, DE DAG KYANG NYE BAR LEN PA'I PHUNG PO LNGA'O, ,YANG NA LDAN PAR GYUR PA'I RDZAS NI LDAN PA'I RDZAS RNAMS TE, 'CHING BAR GYUR PA'I PHYIR RO, ,BRAL BA NYID RDZAS YIN PA NI BRAL BA'I RDZAS RNAMS SO, ,DE LTA MA YIN NA ZHES RGYA CHER 'BYUNG STE, GAL TE ZAG PA DANG BCAS PA'I CHOS THAMS CAD NI SO SOR BRTAGS PAS 'GOG PA GCIG YIN NA'O, ,NYON MONGS PA THAMS CAD 'GOG PA MNGON DU BYED PAR ZHES BYA BA NI KUN 'BYUNG DANG, 'GOG PA DANG, LAM MTHONG BA DANG, BSGOM PAS SPANG BAR BYA BA 'GOG PA THOB PAR 'GYUR RO ZHES BYA BA'I DON TO, ,SDUG BSNGAL MTHONG BAS SPANG BAR BYA BA'I 'GOG PA'I NYON MONGS BA NYID KYI 'GOG PA YIN PA'I PHYIR RO, ,DE LTA YIN NA ZHES BYA BA RGYAS PAR 'BYUNG STE, LAM GYI SKAD CIG GNYIS KYIS PHRA RGYAS MA LUS PA'I BRAL BA THOB PA'I PHYIR LHAG MA GNYEN PO SGOM PA DON MED PAR 'GYUR RO, ,PHRAG GCIG LA CUNG ZAD GCIG NI MNGON SUM DU BYAS LA, CUNG ZAD GCIG NI MNGON SUM DU MA BYAS SO ZHES BYA BAR BRJOD PAR YANG MI NUS SO, ,BDEN PA MA MTHONG BA MTHONG BAR BYA BA'I DON YIN PA'I PHYIR LHAG MA'I GNYEN PO BSGOM PA 'BRAS BU DANG BCAS PAR YANG MI RUNG STE, BDEN PA LHAG MA MTHONG BA NI DE DAG MTHONG BAS SPANG BAR BYA BA'I NYON MONGS PA BRAL BA THOB PA'I DON KHO NAR YIN PA'I PHYIR RO, ,GAL TE BDEN PA DANG PO MTHONG BA NYID KYIS NYON MONGS PA MA LUS PA'I BRAL BA THOB NA NI DE LTA NA BDEN PA LHAG MA MTHONG BA DON BYAS ZIN PA YIN PAS, DE DAG MTHONG BA DON MED PA KHO NAR 'BYUNG BAR 'GYUR RO, ,NYON MONGS PA SPANGS PA THAG BSRING BAR BYA BA DANG, YONGS SU MI MNYAM PAR BYA BA'I PHYIR LHAG MTHONG GI GNYEN PO BSGOM MO ZHE NA, MI G-YO BA'I CHOS CAN LA DON MED PAR THAL BAR 'GYUR TE, YONGS SU NYAMS PA MI SRID PA'I PHYIR RO, ,DE LTA @20A *, ,YIN NA NYON MONGS PA'I BYE BRAG RNAM PAR GZHAG PA DANG, GANG ZAG GI BYE BRAG RNAM PAR GZHAG PAR YANG MI 'GYUR TE, KHAMS GSUM MA LUS PA YANG 'DOD PA'I SDUG BSNGAL MTHONG BAS SPANG BAR BYA BA YIN PA'I PHYIR RO, ,'O NA ZHES RGYAS PAR 'BYUNG BA LA, GANG LAS BSHAD CE NA, MDO LAS TE, DGE SLONG MA CHOS SBYIN MA LA, KHYIM BDAGS GAS, CI 'PHAGS MA 'GOG PA 'DRA BA YIN NAM, 'ON TE MI 'DRA BA YIN ZHES DRIS BA DANG, TSE DANG LDAN PAS GA 'DRA BA MA YIN NO ZHES BSHAD DO, ,'DRA BA NI SKAL BA DANG BCAS BA 'AM, SKAL BA DANG MNYAM PA STE; 'DRA ZHING MTSUNGS ZHES BYA BA'I DON TO, ,DU MA NYID YIN NA NI GNYIS PA DANG BCAS PA NYID DAM 'DRA BA NYID MI 'GAL BAS 'DRA BA MA YIN NO ZHES DE DGAG PAR MI BYA'O, ,'DI 'DRA BA'I RGYU GANG YANG MA YIN LA ZHES BYA BA RGYAS PAR 'BYUNG BA LA, 'DIR NI RGYU'I SGRA MI MNGON PAR BYAS PAS 'DRA BA'I RGYU NYID LA 'DRA BA MA YIN NO ZHES BRJOD DE, DPER NA 'JIGS SDE LA 'JIGS PA ZHES BYA BA BZHIN NO, ,DE'I PHYIR 'DI LAS 'DRA BA'I RGYU BKAG GI, 'DRA BA NI MA BKAG GO, ,'DI SKAD DU 'DI NI 'DUS MA BYAS YIN PA'I PHYIR RGYU YANG MA YIN LA 'BRAS BU YANG MA YIN ZHES BSHAD PAR 'GYUR TE, DE'I PHYIR 'DRA BA MA YIN NO ZHES BYA'O, ,YANG GZHAN DAG NI 'GOG PA MTHA' DAG GI DBANG DU BYAS NAS 'GOG PA NI 'DRA BA MA YIN NO ZHES BSHAD DE, 'GOG PA DANG 'DRA BA CHOS GZHAN DANG, DGE BA GZHAN NI YOD PA MA YIN NO, ,SKYE LA GTAN DU ZHES BYA BA'I 'BYUNG STE, 'DAS PA DANG DA LTAR BYUNG PA RNAMS 'BYUNG BA LA GEGS BYED PA MA YIN PAS MA 'ONGS PA RNAMS KHO NA'I 'THOB BA'O, ,'GOG PA NI RNAM PA LNGA BSAM PAR BYA STE, MI RTAG PA DANG, SNYOMS PAR 'JUG PA DANG, SKYE BA DANG, SO SOR BRTAGS PA DANG, SO SOR BRTAGS BA MA YIN PA'I 'GOG PA'I BYE BRAG GIS SO, ,DE LA SKYE LA SMOS PA NI MI RTAG PA NYID KYI 'GOG PA RNAM PAR GCAD PAR BYA BA'I PHYIR TE, DE NI DA LTAR BYUNG BA RNAMS LA GNAS PA LA GEGS SU GYUR PA YIN GYI, SKYE BA LA NI MA YIN NO, ,GTAN DU GEGS BYED PA SMOS PA NI, SKYE BA DANG, SNYOMS PAR 'JUG PA'I BSAM GTAN BZLOG PAR BYA BA'I @20B PHYIR TE; DE GNYIS NI MA 'ONGS PA'I SEMS DANG SEMS LAS BYUNG BA LA DUS CUNG ZAD CIG GEGS SU GYUR PA'I PHYIR RO, ,GZHAN SMOS PA NI THAL MA THAG TU SMOS PA BRAL BA'I MTSAN NYID CAN SO SOR BRTAGS PAS 'GOG PA LAS RNAM PAR GCAD PAR BYA BA'I PHYIR RO, ,SO SOR BRTAGS PA NI RIGS PA DANG DPYAD PAS BSGRUBS PA'I SHES RAB STE, DE NI DES THOB PA MA YIN NO, ,'ON CI ZHE NA, DE MED PAR RKYEN DANG BRAL BA LAS 'THOB STE, DE'I PHYIR 'DI BRJOD DO, ,GANG ZHIG RGYU DANG MTSUNGS PA DE MA THAG DANG, DMIGS PA DANG, BDAG PO STE, RKYEN BZHI PO DAG LAS BZHI 'AM, GSUM MAM, GNYIS KYANG RUNG, GEGS KUN RNYED PA STE, CI SNYED CIG GIS BSKYED PA DE SKYE BA LA DE DAG MA TSANG BAS GTAN DU GEGS SU GYUR PA SO SOR BRTAGS PA MA YIN PA ZHES BYA BA RDZAS CIG 'THOB BO, ,DPER NA MIG DANG YID LUS GCIG LA YENGS PA'I ZHES BYA BA LA, MIG DANG YID LAS GZHAN RNAMS SO, ,SGRA DANG, DRI DANG, RO DANG, REG PA DAG KYANG STE, DE DAG THAMS CAD LA MA DMIGS PA'I PHYIR RO, ,'DAS PAR GYUR LA ZHES BYA BA NI ZHIG PAR GYUR PA'O, ,DA LTAR BDAG LA RGYU DANG, DMIGS PA DANG, BDAG PO'I RKYEN YOD KYANG MTSUNGS PA DE MA THAG PA'I RKYEN MA TSANG BAS DE DAG LA DMIGS PA'I RNAM PAR SHES PA'I TSOGS LNGA PO MA SKYES PA DAG YANG SKYE BAR MI NUS TE, SO SOR BRTAGS PA MA YIN PAS 'GOG PA THOB PA'I PHYIR RO, ,YANG SKYE BAR MI 'GYUR RO ZHES BYA BA 'DI JI LTAR SHES PAR BYA ZHE NA, DE'I PHYIR DE DAG 'DAS PA'I YUL LA DMIGS PA'I MTHU MED PA'I PHYIR RO ZHES BYA BA SMOS TE, 'DI SKAD BSTAN PAR 'GYUR TE, MIG LA SOGS PA'I RNAM PAR SHES PA RNAMS NI DA LTAR BA'I YUL CAN YIN PA'I PHYIR GZUGS LA SOGS PA 'DAS PA RNAMS LA MI SKYE TSTE, DMIGS PA'I RKYEN MA CHENG BA'I PHYIR RO ZHES BYA'O, ,YID DANG SKYE MCHED KYI PHYOGS 'GA' ZHIG KYANG BRJOD PAR BYA STE, MIG LA SOGS PA'I RNAM PAR SHES PA DAG NI DPE NYID DU BRJOD PAR 'DOD PA'I PHYIR RO, ,'DIR MU BZHIR 'GYUR TE ZHES BYA BA 'BYUNG STE, CI'I DON DU ZHE NA, SBYANG BAR BYA BA'I PHYIR TE, GZHAN DU NA GANG DAG SO SOR BRTAGS PA MA YIN PAS 'GOG PA DE @21A *, ,DAG KHO NA SO SOR BRTAGS PAS 'GOG PA 'AM, GANG DAG SO SOR BRTAGS PAS 'GOG PA DE DAG SO SOR BRTAGS PA YIN PAS 'GOG PAR GYUR NA, 'GYUR BA YANG MA YIN TE, 'DI LTAR 'DIR ZAG PA DANG BCAS PA RNAMS KHO NA SO SOR BRTAGS PAS 'GOG PA THOB LA, 'DUS BYAS MI SKYE BA'I CHOS RNAMS NI SO SOR BRTAGS PA MA YIN PAS 'GOG PA THOB PA'I PHYIR RO, ,ZAG PA DANG BCAS PA 'DAS PA DANG, DA LTAR BYUNG BA DANG, 'BYUNG BA'I CHOS CAN RNAMS BRTAGS PA'I 'GOG PA KHO NA YIN GYI, SO SOR BRTAGS PA MA YIN PAS 'GOG PA NI MA YIN TE; DE NI MI SKYE BA'I CHOS RNAMS KHO NA'I YIN NO, ,ZAG PA DANG BCAS PA SMOS PA NI ZAG PA MED PA RNAM PAR GCAD PAR BYA BA'I PHYIR TE, NYES PA MED PA'I PHYIR ZAG PA RNAMS NI SO SOR BRTAGS PAS 'GOG PA MA YIN NO, ,ZAG PA MED PA'I 'DUS BYAS MI SKYE BA'I CHOS CAN RNAMS NI SO SOR BRTAGS PA MA YIN PAS 'GOG PA KHO NA THOB STE, DE DAG ZAG PA MED PA YIN PA'I PHYIR SO SOR BRTAGS PAS 'GOG PA MED KYI, RKYEN MA TSANG BA NYID KYI PHYIR SO SOR BRTAGS PA MA YIN PAS 'GOG PA 'THOB BO, ,MI SKYE BA'I CHOS CAN SMOS PAS NI 'DAS PA DANG, DA LTAR BYUNG BA DANG, 'BYUNG BA'I CHOS CAN RNAM PAR GCAD PAR BYA BA'I PHYIR RO, ,ZAG PA MED PA SMOS PA NI ZAG PA DANG BCAS PA BSAL BAR BYA BA'I PHYIR RO, ,'DUS BYAS SMOS PA NI 'DUS MA BYAS BSAL BAR BYA BA'I PHYIR TE, DE YANG MI SKYE BA'I CHOS CAN DANG ZAG PA MED PA YIN NO, ,DPER NA DAD PAS RJES SU 'BRANG BA'I LAM MNGON DU GYUR PA NA CHOS KYI RJES SU 'BRANG BA'I LAM RKYEN MA TSANG BAS SO SOR BRTAGS PA MA YIN PAS 'GOG PA 'THOB PA DANG, SDUG BSNGAL LA CHOS SHES PA'I BZOD PA'I TSE SDUG BSNGAL LA CHOS SHES PA'I BZOD PA MA 'ONGS PA RNAM PA BZHI CHAR YANG SO SOR BRTAGS PA MA YIN PAS 'GOG PA THOB PA LTA BU STE, DE BZHIN DU BDEN PA RE RE LA YANG BRJOD PAR BYA LA, DE BZHIN DU GZHAN LA YANG SBYAR BAR BYA'O, ,GNYIS KA NI ZAG PA DANG BCAS PA MI SKYE BA'I CHOS CAN RNAMS TE, DE RNAMS NI ZAG PA DANG BCAS PA'I PHYIR SO SOR BRTAGS PA'I 'GOG PA YIN LA, MI SKYE BA'I CHOS CAN YIN PAS SO SOR BRTAGS PA MA YIN PA'I 'GOG PA'O, , @21B GNYIS KA MA YIN PA NI ZAG PA MED PA 'DAS PA DANG, DA LTAR BYUNG BA DANG, 'BYUNG BA'I CHOS CAN RNAMS TE, DE RNAMS NI ZAG PA MED PA YIN PA'I PHYIR SO SOR BRTAGS PAS 'GOG PA MI 'THOB LA, BYUNG BA DANG 'BYUNG BA'I CHOS CAN YIN PA'I PHYIR SO SOR BRTAGS PA MA YIN PAS 'GOG PA MI THOB BO, , 'BYUNG BA'I CHOS CAN RNAMS KYI MI SKYE BA NI GTAN DU BA MA YIN PA'I PHYIR TE, SO SOR BRTAGS PA MA YIN PAS 'GOG PA NI SKYE BA LA GTAN DU GEGS SU GYUR PA YIN PA'I PHYIR RO, ,JI LTAR ZAG PA DANG BCAS PA RNAMS KYIS MI SHES PA DE BZHIN DU 'DUS BYAS RNAMS KYANG YIN PAS, 'DUS BYAS DE DAG GANG ZHAN ZHES DRIS TE, YONGS SU SPANGS PA'I LAM GYI BDEN PA BSDU BAR BYA BA'I PHYIR 'DUS BYAS RNAMS ZHES PHYIR DRIS SO, ,DE'I PHYIR, 'DUS BYAS CHOS RNAMS DE DAG KYANG, ,ZHES BYA BA LA SOGS PA SMOS TE, DE DAG CES BYA BA NI SNGAR BSHAD PA 'DZIN TO, ,KYANG ZHES BYA BA LA, ZAG BCAS ZAG PA MED CES DE DAG GI RAB TU DBYE BA GZHAN YANG BSHAD ZIN TO, ,'DUS BYAS SMOS PA NI 'DUS MA BYAS BSAL BAR BYA BA'I PHYIR RO, ,BYAS PA SMOS PA NA MNGON PAR GSAL BAR DGAG PAR BYA BA'I PHYIR RO, ,CHOS KYI SGRA NI BDAG MED PA GSAL BAR BYED PA'I PHYIR RO, ,GZUGS LA SOGS PA SMOS PA NI TSUL KHRIMS LA SOGS PA'I PHUNG PO LNGA RNAM PAR GCAD PAR BYA BA'I PHYIR TE, DE DAG GIS NI 'DUS BYAS THAMS CAD MA BSDUS SO, ,PHUNG PO SMOS PA NI GZUGS LA SOGS PA YUL DGAG PA'I PHYIR RO, ,GAL TE GZUGS LA SOGS PA RNAMS BYAS PA'I PHYIR NA BYAS ZHES BRJOD PAR BYA BA MA YIN NAM, BYED PA'I KHYAD PAR 'DUS PA DON MED DO ZHE NA, DON MED PA MA YIN TE, DE NI RKYEN GCIG GIS BSKYED PA 'GA' YANG MED DO ZHES BSTAN PA'I PHYIR TE, BYAS ZHES BRJOD NA NI GZUGS LA SOGS PA RKYEN GCIG GIS BSKYED PA NYID MA BKAG PAR 'GYUR RO, ,RGA BA DANG NA BA DANG 'CHI BA LA SOGS PA NYE BAR 'TSO BA'I KHYAD PAR RNAMS KYIS GNOD PAS NA PHUNG PO'O, ,'DUS BYAS KYI SGRA'I DON BSTAN PA'I PHYIR, RKYEN RNAMS 'DUS SHING PHRAD NAS BYAS PA DAG NI 'DUS BYAS RNAMS TE ZHES BYA BA SMOS SO, ,'DUS SHING ZHES BYA BA NI TSOGS SHING STE, 'BRAS BU SKYE BA LA PHAN TSUN RJES SU @22A *, ,MTHUN PAR GYUR NAS ZHES BYA BA'I DON TO, ,PHRAD NAS ZHES BYA BA NI DUS GCIG TU GYUR NAS SO, ,'DUS SHING ZHES BYA BA 'DIS NI DUS THA DAD PA RNAMS 'BRAS BU LA RJES SU MTHUN PA'I PHYIR 'DUS PAR STON TO, ,DPER NA YID KYI RNAM PAR SHES PA LAS 'DAS PA DANG; MA 'ONGS PA'I CHOS RNAMS LTA BU'O, ,PHRAD NAS ZHES BYA BA 'DIS NI DUS THA DAD PA RNAMS TE, DPER NA MIG GI RNAM PAR SHES PA LA MIG DANG GZUGS GNYIS GZHAN NO, ,GZHAN DAG NA RE SNGA MAS NI PHAN TSUN PHRAD NAS ZHES BYA BA YIN LA, PHYI MAS NI RKYEN THAMS CAD KYI BYED PA STON TO, , SNGA MA'I SGO NAS NI RES 'GA' RKYEN GCIG GIS KYANG BYAS SO SNYAM DU DOGS PAR 'GYUR RO, ,DE NYID KYI PHYIR, RKYEN GCIG GIS BSKYED PA NI 'GA' YANG MED DO ZHES SMOS TE, JI SKAD DU, GZHI YI SEMS DANG SEMS BYUNG RNAMS, ,ZHES BYA BA LA SOGS PA BSHAD DO ZHES ZER RO, ,GZHAN DAG NA RE SNGA MA NI BSTAN PA'I TSIG YIN LA, PHYI MA NI BSHAD PA'I TSIG YIN TE, SNGA MA KHO NA'I RNAM GRANGS YIN PA'I PHYIR RO ZHE'O, ,GAL TE 'DUG PA'I DUS LA K'A BYAS PAS MA BYAS PA BYED PAR GYUR PA DANG, MI SKYE BA'I CHOS CAN RNAMS JI LTAR 'DUS BYAS NYID DU BRJOD CE NA, DE'I PHYIR, DE DANG RIGS MTHUN PA'I PHYIR MA 'ONGS PA DAG LA YANG MI 'GAL TA, 'O MA BZHIN NO ZHES BYA BA SMOS TE, DPER NA DE DANG RIGS MTHUN PA'I PHYIR 'JOG PAR 'GYUR BA DANG, 'JO BAR 'GYUR BA MA YIN PA LA 'O MA ZHES BRJOD PA DE BZHIN DU MA 'ONGS PA SKYE BA'I CHOS CAN DANG, MI SKYE BA'I CHOS LA YANG 'DUS BYAS ZHES BYA STE, SKYE BA LA SOGS PA MTSAN NYID DANG LDAN PAS 'DUS BYAS RNAM PAR GCAD PA'I SGO NAS DE DANG RIGS MTHUN PA'I PHYIR RO, ,YANG NA RANG GI MTSAN NYID 'DRA BA'I PHYIR TE, DE DANG RIGS MTHUN PA'I PHYIR RO, ,BCOM LDAN 'DAS KYIS DUS LA SOGS PA RNAMS KYANG BSTAN LA, 'DUS BYAS DANG 'DUS MA BYAS LA GTOGS PA'I CHOS GZHAN DAG KYANG MED NA DE'I PHYIR CI, DUS LA SOGS PA RNAMS 'DUS BYAS PA YIN NAM, 'ON TE 'DUS MA BYAS YIN ZHE NA, DE'I PHYIR, DE DAG NYID DUS ZHES BYA BA RGYA CHER 'BYUNG NGO, ,YANG NA DE DAG NYID DUS ZHES BYA BA LA SOGS PAS CHOS @22B 'DUS BYAS RNAMS KYI MING GSUNG RAB LAS GRAGS PA STAN PAR BYED DO, ,GZUGS LA SOGS PA DE DAG NYID SKYE BA DANG 'JIG PA'I CHOS CAN YIN PAS SONG BA DANG, 'GRO BA DANG, 'GRO BAR 'GYUR BA'I PHYIR DUS RNAMS TE, GZUGS LA SOGS PA'I PHUNG PO LAS THA DAD PAR DUS GZHAN NA YOD PA MA YIN NO ZHES STON TO, ,'GYUR BA'I SGRA NI RE RE LA YANG SBYAR BAR BYA'O, ,GAL TE 'JIG RTEN NA BGROD PAR BYA BA LA LAM GYI SGRA GRAG PA MA YIN NAM, JI LTAR BYED PA PO LA LAM GYI SGRA NI BYE BRAG TU BSHAD CE NA, LAM 'DI NI GRONG NGAM LHAS GA GE MO ZHIG TU SONG BA DANG, 'GRO BA DANG, 'GRO BAR 'GYUR RO ZHES 'JIG RTEN NA BYED PA PO LA LAM GYI SGRA MTHONG STE, DE'I PHYIR BYED PA PO LAM GYI SGRA BSTAN DU RUNG NGO, ,MI RTAG PA NYID KYIS ZA BA'I PHYIR BYA ZHES PA LA CI ZHE NA, NGES TSIG GI TSUL GYIS, DUS RNAMS SO ZHES BYA STE, ZA ZHING 'CHA' LA 'JIG CES BYA BA'I DON TO, ,GTAM NI NGAG GO ZHES BYA BA LA SOGS PA 'BYUNG NGO, ,DE'I GTAM GYI'O, ,GZHI NI YUL LAM RTEN TE, NGAG NI MING LA 'JUG LA, MING NI DON BRJOD PAR BYED DO ZHES 'CHAD PAR 'GYUR BA'I PHYIR RO, ,GAL TE MING GTAM GYI GZHI YIN NA GZUGS LA SOGS PA'I PHUNG PO RNAMS GTAM GYI GZHI MA YIN TE, MING NI 'DU BYED KYI PHUNG PO'I PHYOGS GCIG YIN PA'I PHYIR RO ZHE NA, DE'I PHYIR, DON DANG BCAS PA'I GZHI SMOS PA'I PHYIR NA ZHES BYA BA SMOS SO, YANG JI LTAR MING DANG BCAS PA'I GZHI SMOS PA ZHES BYA BA 'DI SHES PAR BYA ZHE NA, DE'I PHYIR BSHAD PA DE LTA MA YIN NA RAB TU BYED PA'I GZHUNG GTAM GYI GZHI RNAMS NI KHAMS BCO BRGYAD KYIS BSDUS SO ZHES BYA BA DANG 'GAL BAR 'GYUR RO, ,JI LTAR NA GZHAN DU MA YIN ZHE NA, GAL TE DON DANG BCAS PA'I GZHI MA SMOS NA CI LTAR DE DANG 'GAL ZHE NA, GAL TE MING GI ZHI DON DANG BCAS PA MA SMOS NA NI MING NI CHOS KYI KHAMS KYI PHYOGS KYIS BSDUS PA'I PHYIR, JI LTAR GTAM GYI GZHI RNAMS KHAMS BCO BRGYAD KYIS BSDUS PAR 'GYUR, JI LTAR MI LDAN PA'I 'DU BYED MING LA DON YOD PAR 'GYUR ZHE NA, NGAG NI MING LA 'JUG PA'I PHYIR LA, MING NI DON RJOD PAR BYED PA'I PHYIR RO, ,GZHAN DAG NI 'DI BRJOD PAR BYA BAS NI GTAM STE, NGAG @23A *, ,TU BYED PA'I GZHUNG DANG MI 'GAL LO ZHES ZER RO, ,GAL TE GTAM GYI GZHI DON DANG BCAS PA SMOS NA 'DUS MA BYAS KYANG CI STE MI GZUNG STE, DE LA YANG GTAM GYI GZHI MING YOD PA BZHIN NO ZHE NA, MA YIN TE MDO DANG RIGS PAS SO, ,RE ZHIG MDO NI DGE SLONG DAG GSUM PO 'DI DAG NI GTAM GYI GZHI YIN TE, BZHI PA DANG, LNGA PA NI MA YIN NO ZHES BYA BA NAS, GSUM PO GANG DAG CIG CE NA, 'DAS PA GTAM GYI GZHI DANG, MA 'ONGS PA GTAM GYI GZHI DANG, DA LTAR BYUNG BA GTAM GYI GZHI'O ZHES BYA BA'I BAR RO, ,RIGS PAS KYANG MING DON DANG LHAN CIG PA'I DON RIGS PAS GTAM GYI GZHI NI DON DANG BCAS PA'I MING NGO ZHES BSHAD DE, DE'I PHYIR MING GANG ZHIG DON DANG LHAN CIG PAR BRJOD PAR NUS PA DE GTAM GYI GZHI YIN NA, MING DUS SU GTOGS PA DANG, 'DUS MA BYAS SU MA GTOGS PA NI LHAN CIG GO ZHES BYA BAR MI RUNG NGO, , DE'I PHYIR 'DUS MA BYAS NI GTAM GYI GZHI MA YIN NO, ,GZHAN DAG NA RE GANG NA NGAG DANG, MIG DANG, DON GSUM YOD PA DE NI GTAM GYI GZHI YIN NA, 'DUS MA BYAS NI DON KHO NA YIN GYI, NGAG DANG MING MA YIN PAS GTAM GYI GZHI MA YIN NO ZHE'O, ,GDON MI ZA BAR 'BYUNG BA NI NGES PAR 'BYUNG BA STE ZHES BYA BA LA, 'BYUNG BA NI 'BYUNG BA STE, 'GRO ZHES BYA BA'I DON TO, ,GOR MA CHAG PAR 'BYUNG BA NI NGES PAR 'BYUNG BA'O, ,DE YANG PHUNG PO LHAG MA MED PA'I MYA NGAN LAS 'DAS PA'I DBYINGS TE, DER SONG BA LA SLAR 'OD BA MED PA'I PHYIR RO, DE NYID KYI PHYIR, 'DUS BYAS THAMS CAD KYI MYA NGAN LAS 'DAS PA'O ZHES BYA BA SMOS TE, LAM YANG GZINGS DANG 'DRA BA NYID KYIS SPANG BAR BYA BAR BSHAD DE, DE'I PHYIR 'DUS BYAS THAMS CAD KYI ZHES BYA BA SMOS SO, ,PHUNG PO LHAG MA DANG BCAS PA'I MYA NGAN LAS 'DAS PA NI 'DUS BYAS THAMS CAD KYI MA YIN PAS DE 'DIR MI 'DOD DO, ,'DIR MU BZHI DANG 'GAL BA YOD PA MA YIN TE, THOB PA LA MU BZHI BRJOD PA'I PHYIR DANG, PHUNG PO LHAG MA MED PA LA THOB PA MED PA'I PHYIR RO, ,DE 'DI DAG LA YOD PAS NGES PAR 'BYUNG BA DANG BCAS PA DAG STE, NOR DANG BCAS PA BZHIN NO, ,RGYU DANG BCAS PA'I PHYIR GZHI @23B DANG BCAS PA DAG STE ZHES BYA BA LA, 'DI LA DNGOS PO GNAS PAS NA GZHI STE, DE LAS SKYES PA'I PHYIR GNAS PA LTA BUR GNAS KYI, SER SKYA PA RNAMS KYI LTAR DE LA GNAS PA KHO NA NI MA YIN NO SNYAM DU DGANGS SO, ,RGYU DE GANG DAG LA YOD PA DE NI RGYU DANG BCAS PA DAG GO, ,GSUNG RAB LAS DON MANG PO LA GZHI'I SGRA MTHONG BA'I PHYIR RGYU DANG BCAS PA'I PHYIR ZHES KHYAD PAR DU BYAS SO, ,'DI NI RGYU'I TSIG YIN NO LO ZHES BYA BA LA, LO'I SGRA NI 'DIR GZHI'I SGRA RANG BZHIN GYI TSIG YIN GYI, RGYU'I TSIG MA YIN NO ZHES SHES PAR BYA BA'I PHYIR RO, ,GZHAN DU YANG MA TSUNGS PA MA YIN NAM, GSUNG RAB LAS NI DON LNGA LA GZHI'I SGRA MTHONG STE, RANG BZHIN DANG, YUL DANG, LDAN PA DANG, RGYU DANG, YONGS SU 'DZIN PA LA'O, ,DE LA RANG BZHIN LA NI JI SKAD DU, GNAS BRTAN KUN DGA' BOS, BTZUN PA BDAG GIS DGE SLONG GSAR BU GSAR BU 'DI DAG LA JI LTAR GDAMS PAR BGYI, JI LTAR RJES SU BSTAN PAR BGYI, JI LTAR 'DI DAG LA CHOS BSTAN PAR BGYI ZHES GSOL BA DANG, KUN DGA' BO KHYOD KYIS 'DIR DGE SLONG GSAR BU GSAR BU DAG GZHI 'DZIN DU CHUG SHIG, GZHI KLOG TU CHUG SHIG CES BYA BA LTA BU STE, 'DI NI RANG BZHIN YIN NO ZHES BYA BAR KHONG DU CHUD DO, ,SHES BYA'I CHOS GANG DAG CE NA, BSHAD PA, CHOS THAMS CAD DNGOS PO JI LTA BA BZHIN DU SHES PAS SHES PAR BYA BA YIN NO ZHES PA NI YUL JI LTA BA BZHIN DU ZHES BYA BAR RTOGS SO, ,GZHI GANG LA RJES SU CHAGS PA'I KUN TU SBYOR BA DANG LDAN PA'I GZHI DE LA KHONG KHRO BA'I KUN TU SBYOR BA DANG YANG LDAN NO ZHES BYA BA NI LDAN PA'O ZHES PAR KHONG DU CHUD DO, ,GZHI DANG BCAS PA'I CHOS RNAMS GANG ZHE NA, 'DUS BYAS KYI CHOS THAMS CAD DO ZHES BYA BA NI RGYU DANG BCAS PA'O ZHES BYA BAR RTOGS SO, ,ZHANG GI GZHI DANG, KHYIM GYI GZHI DANG, ZONG GI GZHI ZHES BYA BA NI YONGS SU 'DZIN PA'O ZHES BYA BAR KHONG DU CHUD DE; DE'I PHYIR DE LTAR GZHI'I SGRA DON DU MA CAN YIN PA DANG, 'DIR RANG BZHIN GYI DON NO ZHES JI LTAR RTOGS TE, DE YANG PHYIN NAS DPYAD PAR BYA'O, ,DE LTAR DE DAG NI 'DUS BYAS KYI CHOS KYI RNAM GRANGS DAG YIN TE, BRJOD PAR BYA BA'I DNGOS PO MTSUNGS PA'I PHYIR RO ZHES BYA BA'I DON TO, , @24A *, ,'DUS BYAS DE DAG KHO NA LAS, ,GANG DAG ZAG BCAS NYER LEN PA'I, ,PHUNG PO YANG NI DE DAG GO, ,GAL TE LAM MA GTOGS PA 'DUS BYAS RNAMS, ZAG BCAS ZHES ZAG PA DANG BCAS PA RNAMS KYI BSHAD PA GANG KHO NAR BYAS ZIN MA YIN NAM ZHE NA, 'DI NI BDEN MOD KYI; 'DI NI DE DAG KHO NA'I MING GZHAN YIN NO ZHES BSTAN PAR BYA BA'I PHYIR TE, RTZOM PA 'DI NI 'DUS BYAS THAMS CAD PHUNG PO ZHES BYA BAR BSHAD NAS, GANG ZAG PA DANG BCAS PA DE NI NYE BAR LEN PA'I PHUNG PO ZHES BYA BA YANG YIN NO ZHES BYA BA DANG, ZAG PA MED PA'I PHUNG PO ZHES BYA BA KHO NA YIN ZHES MING NGES PAR BYA BA'I DON DU'O, ,'DIS CI ZHIG 'GRUB BAR 'GYUR ZHE NA, NYE BAR LEN PA'I PHUNG PO GANG DAG YIN PA DE DAG NI PHUNG PO YANG YIN TE, GZUGS LA SOGS PA'I DNGOS PO LA SPUNGS PA'I DON BYE BRAG MED PA'I PHYIR RO, ,PHUNG PO DAG KHO NA YIN LA, NYE BAR LEN PA'I PHUNG PO YANG MA YIN PA DAG KYANG YOD DE, 'DU BYED ZAG PA MED PA RNAMS SO, ,DE DAG NI NYE BAR LEN PA DAG LAS BYUNG BA YANG MA YIN LA NYE BAR LEN PA DAG LA RAG LUS PA YANG MA YIN ZHING, DE DAG LAS NYE BAR LEN PA RNAMS 'BYUNG BA YANG MA YIN NO, ,'DOD CHAGS LA SOGS PA'I NYON MONGS PA RNAMS KHO NA LA NYE BAR LEN PA'I MING GIS BTAGS TE, DE DAG GIS SRID PA GSUM DU SKYE BA DANG 'DZIN PAR BYED PA'I PHYIR RO, ,YANG SRID PA 'PHEN PAR BYED PA'I LAS NYE BAR LEN PA'I PHYIR RO, ,DE DAG LAS BYUNG BA'I PHYIR NA NYE BAR LEN PA'I PHUNG PO DAG GO, ,RTZVA DANG SOG MA'I ME BZHIN ZHES BYA BA NI DPER NA RTZVA LAS BYUNG BA'I ME RTZVA'I ME YIN LA, SOG MA LAS BYUNG BA'I ME SOGS MA'I ME YIN PA DE BZHIN DU NYE BAR LEN PA LAS BYUNG BA'I PHUNG PO NI NYE BAR LEN PA'I PHUNG PO DAG STE, SKYE BA'I LAS DANG NYON MONGS PA'I RGYU CAN YIN PA'I PHYIR RO, ,GAL TE RE ZHIG DE DAG GI RGYU MTHUN PA DANG, RNAM PAR SMIN PA'I 'BRAS BU YIN PA'I PHYIR, GANG DAG NYON MONGS PA CAN DANG, LUNG DU MA BSTAN PA KHA CIG DAG NI NYE BAR LEN PA LAS BYUNG BAR RIG MOD KYI, 'ON KYANG DGE BA ZAG PA DANG BCAS PA RNAMS DANG, LUNG DU MA BSTAN PA KHA CIG NYE BAR LEN PA LAS BYUNG BAR JI LTAR BRJOD CE NA, BSOD NAMS @24B DANG; BSOD NAMS MA YIN PA DANG, MI G-YO BA'I 'DU BYED RNAMS NI MA RIG PA'I RKYEN CAN NYID YIN PA'I PHYIR DANG, ZAG PA DANG BCAS PA NYON MONGS PA CAN MA YIN PA RNAMS RNAM PAR SMIN PA DANG, SKYES BU BYED PA DANG, BDAG PO'I 'BRAS BU YIN PA'I PHYIR RO, ,YANG NA NYE BAR LEN PA RNAMS KYI PHUNG PO NI NYE BAR LEN PA DAG GO, ,JI LTAR NYE BAR LEN PA'I PHUNG PO DAG YIN ZHE NA, NYE BAR LEN PA LA RAG LAS PA'I PHYIR RGYAL PO'I MI BZHIN NO, ,JI LTAR RGYAL PO LA RAG LAS PA'I SKYES BU RGYAL PO'I MI YIN PA DE BZHIN DU NYE BAR LEN PA LA RAG LAS PA'I PHUNG PO DAG KYANG NYE BAR LEN PA'I PHUNG PO YIN TE; NYE BAR LEN PA'I DBANG GIS DMIGS PA DANG, 'GRO BA GZHAN DAG TU GZHOL BA'I PHYIR TE, 'JUG PA'I PHYIR RO ZHES BYA BA'I DON TO, ,DGRA BCOM PA DAG GI PHUNG PO RNAMS KYANG NYON MONGS PAS ZIN PA'I GNOD PA'I DBANG GIS GZUGS KYI PHUNG PO RNAM PAR 'GYUR BA'I PHYIR DANG, DE DAG DANG RJES SU MTHUN PA'I SEMS DANG SEMS LAS BYUNG BA SKYE BA'I PHYIR NYE BAR LEN PA LA RAG LAS PA YIN NO, ,YANG NA DE DAG LAS NYE BAR LEN PA RNAMS 'BYUNG BAS NYE BAR LEN PA'I PHUNG PO RNAMS SO, ,ME TOG DANG 'BRAS BU'I SHING LJON PA BZHIN NO ZHES BYA BA LA, 'DI LAS ME TOG GAM 'BRAS BU 'BYUNG BAS ME TOG DANG 'BRAS BU'I LJON SHING YIN PA DE BZHIN DU PHUNG PO DAG LAS NYE BAR LEN PA RNAMS 'BYUNG BA YIN NO, ,DGRA BCOM PA'I RGYUD KYI ZAG PA DANG BCAS PA DAG LAS KYANG, RGYUD GZHAN GYI NYE BAR LEN PA RNAMS 'BYUNG STE, DMIGS PA'I SGO NAS RGYAS PAR 'GYUR PA'I PHYIR RO, ,DE DAG NYID MTHA' BCAS KYANG ZHES BYA BA LA SOGS PA LA, 'THAB PA NI NYON MONGS PA RNAMS TE, PHAL PA'I BRTAGS PAS 'THAB PA DANG 'DRA BA NI 'THAB PA DAG GO, ,DE NYID KYI PHYIR BRTAGS PA'I RGYU MTSAN BSTAN PA'I PHYIR, BDAG DANG GZHAN LA GNOD PA'I PHYIR RO ZHES BYA BA SMOS SO, ,'JIG RTEN NA YANG GANG DU BDAG DANG GZHAN LA GNOD PA MED PA DE LA 'THAB PA STE, G-YUL ZHES BRJOD LA, NYON MONGS PA YANG 'BYUNG BA NA BDAG DANG GZHAN LA GNOD PA BYED DE, DE'I 'DOD PA'I 'DOD CHAGS SKYAS PA NI BDAG LA GNOD PA'I PHYIR GNAS SO, ,GZHAN LA GNOD PA DANG, ,GNYIS KA LA GNOD PA'I PHYIR GNAS @25A *, ,SO ZHES MDO LAS 'BYUNG BA'I PHYIR RO, ,DE'I PHYIR 'THAB PA'I SGRA NI PHUNG PO LA RTZOD PA DANG, RTOGS PA DANG, KUN NAS NYON MONGS PA DAG LA NGES PAR BZUNG BA YIN NO, ,DE DAG GIS RGYAS PAR BYA BA'I PHYIR ZHES BYA BA LA SOGS PA LA, 'THAB PA DE DAG GIS RGYAS PAR BYAS PA NI DE DAG GIS RGYAS PAR BYAS PA YIN LA DE DAG GIS RGYAS PAR BYAS PA'I DNGOS PO NYID DE, DE'I PHYIR, DE DAG GIS RGYAS PAR BYAS PA NYID KYI PHYIR TE, DMIGS PA DANG LDAN PAR MTSUNGS PA'I SGO NAS SO ZHES BYA BA'I DON TO, ,JI LTAR ZAG PA RNAMS RGYAS PAS ZAG PA DANG BCAS PA YIN PA DE BZHIN DU DE DAG GIS RGYAS PAR 'GYUR BA'I 'THAB PA DAG GIS 'THAB PA DANG BCAS PA YIN NO, ,ZAG PA DANG BCAS PA'I CHOS DE DAG NI GSUNG RAB LAS MING GZHAN DAG GIS KYANG THA SNYAD 'DOGS TE, SDUG BSNGAL KUN 'BYUNG ZHES BYA BA RGYA CHER 'BYUNG NGO, ,'PHAGS PA RNAMS DANG MI MTHUN PA'I PHYIR ZHES BYA BA LA, SDUG BSNGAL NI MI MTHUN PA'I MTSAN NYID CAN TE, NYE BAR LEN PA'I PHUNG PO LNGA PO RNAMS NI 'DU BYED KYI SDUG BSNGAL NYID KYIS 'PHAGS PA RNAMS DANG MI MTHUN ZHING, MNGON PAR MI 'DOD PAR 'GYUR TE, DE'I PHYIR, SDUG BSNGAL ZHES BRJOD DO, ,'PHAGS PA SMOS PA NI BDE BA DANG, BDE BA YANG MA YIN SDUG BSNGAL BA YANG MA YIN PA TSOGS DANG BCAS PA DAG NI 'PHAGS PA MA YIN PA RNAMS DANG MI MTHUN PA MA YIN PA'I PHYIR TE, 'DU BYED KYI SDUG BSNGAL NYID KYIS ZAG PA DANG BCAS PA THAMS CAD YID 'BYUNG BA'I GNAS YIN PA'I PHYIR 'PHAGS PA RNAMS DANG MI MTHUN PAR 'GYUR RO, ,'DI LA SDUG BSNGAL KUN 'BYUNG BAS ZHES BYA BA NI 'DI LAS SDUG BSNGAL SKYE ZHES BYA BA'I DON GANG YIN PA DE, DNGOS PO RIGS MTHUN PA'I RGYU YIN PA'I PHYIR RO, ,LAM LA YANG KUN 'BYUNG BA NYID THAL BAR 'GYUR RO ZHE NA THAL BA MED DE, SDUG BSNGAL LA SKYE BA RNAMS 'DI'I KUN 'BYUNG BA ZHES DE'I RGYU YONGS SU RTOGS PA LA 'JUG PA'I PHYIR SDUG BSNGAL GYI RGYU KHO NA KUN 'BYUNG YIN GYI, LAM GYI RGYU NI MA YIN NO, ,'DI LTAR 'GA' YANG LAM LA SKYO BAS DE'I RGYU YONGS SU RTOGS PAR MI BYED DO, ,RU DZA NA 'JIG PA LA'O ZHES BYA BA'I SKAD KYI BYINGS LA 'DI 'JIG PAS NA 'JIG RTEN NO, ,'JIG @25B BA DE YANG RNAM PA GNYIS TE, MI RTAG PAS 'JIG PA DANG, GNYEN POS 'JIG PA'O, ,BCOM LDAN 'DAS KYIS KYANG 'JIG CING RAB TU 'JIG PAS ZHES TSIG GNYIS KYIS GSUNGS SO, ,DE LTA NA LAM LA THAL BAR 'GYUR BA MED DO, ,'JIG CING MI RTAG PA NYID KYIS 'JIG GI, GNYEN POS 'JIG PAS NI MA YIN TE, SKYON MED PA'I PHYIR RO, ,GANG DU 'JIG RTEN GYI SGRA 'DI GTING TSUGS PA DE NYID DU 'DI'I NGES PA'I TSIG BYED PAS LAM LA THAL BA MED DO, ,'DI LA LTA BA ZHES BYA BA 'BYUNG NGO, ,GAL TE DE LA DMIGS PA LAS YIN NA NI ZAG PA MED PA LA YANG THAL BAR 'GYUR RO ZHE NA, DE'I PHYIR RGYAS PAR 'BYUNG BA'I SGO NAS ZHES BYA BA SMOS TE, GANG ZHIG GANG DU DMIGS PA'AM, MTSUNGS PAR LDAN PA'I RGYAS PAR 'GYUR BA DE NI DE NA GNAS PAR 'GYUR RO, ,GAL TE ZAG PA DANG BCAS PA'I DNGOS PO LA NYON MONGS PA THAMS CAD RGYAS PAR 'GYUR BA MA YIN NAM ZHE NA, 'DI BDEN MOD KYI; DE LTA NA YANG, ZAG PA DANG BCAS PA'I DNGOS PO THAMS CAD KYI TSE RNAM GRANGS MED PAR NI LTA BA RNAMS KYI GNAS G-YO BA MED PA YIN TE, BRTAN PAR 'DZIN PA'I PHYIR RO, ,DE'I PHYIR ZAG PA DANG BCAS PA'I DNGOS PO NI DE KHO NA NYID YIN GYI, DE LTAR 'DOD CHAGS LA SOGS PA DANG, MA RIG PA DANG, THE TSOM RNAMS KYI NI MA YIN NO, ,RANG GI MTSAN NYID KYI NYON MONGS PA MA YIN PA'I PHYIR 'DOD CHAGS LA SOGS PA NI THAMS CAD MA YIN LA, THAMS CAD KYI TSE LA YANG MA YIN TE, GANG LA DE SKYES MA SPANGS PA, ,ZHES BYA BA LA SOGS PA 'BYUNG BAR 'GYUR RO, ,MA RIG PA NI THAMS CAD KYI TSE YIN GYI, RNAM GRANGS MED PAR NI MA YIN TE, 'DOD CHAGS LA SOGS PA DANG MTSUNGS PAR LDAN PA THAMS CAD 'DOD CHAGS LA SOGS PA BZHIN DU RTOGS PA'I PHYIR RO, ,THE TSOM LA NI THAMS CAD YOD MOD KYI BRTAN PAR 'DZIN PA NI MA YIN NO, ,DE'I PHYIR DE NI DE DAG GI GNAS SU MI BRJOD DO; ,'DIR 'GYUR TE, DUS KUN PA DANG THAMS CAD LA, ,RNAM GRANGS MED DANG MI G-YO BA, ,LTA YIN DE LTAR CHAGS SOGS DANG, ,MA RIG PA DANG THE TSOM MIN, ,'BYUNG BAS NA SRID PAS TE ZHES BYA BA NI 'BYUNG NGO ZHES BYA BA'I DON GANG YIN PA STE, GANG ZHIG KUN 'BYUNG BA LAS 'BYUNG BA DE MA MNGON @26A *, ,PAR 'DOD DO, ,DE LTA NA LAM LA THAL BA MED DO, ,YANG NA SRID PA'I SGRA 'DI NI NYE BAR LEN PA'I PHUNG PO LNGA LA MTSAMS BCAD PAS DE DAG NYID LA NGES PAR BRJOD DE, ,MDO LAS, SRID PA GANG ZHE NA, NYE BAR LEN PA'I PHUNG PO LNGA'O ZHES GSUNGS PA'I PHYIR RO, ,GZHAN DAG NI 'DI LAS 'DI YOD NA 'BYUNG BA SRID PA'O ZHE'O, ,GANG GI SGRA NI ZANG ZING DANG BCAS PA LA SOGS PA'I RNAM GRANGS BSDU BAR BYA BA'I PHYIR RO, ,DE LTAR 'DI DAG NI ZAG PA DANG BCAS PA'I ZHES BYA BA RGYAS PAR 'BYUNG BA LA, NYE BAR LEN PA'I PHUNG PO ZHES BYA BA NAS SRID PA ZHES BYA BA'I BAR 'DI DAG NI RNAM GRANGS DON DANG MTHUN PA DAG GO, ,'DRA BA'I SGO NAS DON RJES SU 'GRO BA NYID KYI PHYIR DON DANG MTHUN PA DAG GO, ,RNAM GRANGS DE DAG YIN LA, DON DANG MTHUN PA DAG KYANG YIN PAS NA RNAM GRANGS DON DANG MTHUN PA DAG GO, ,YANG NA RNAM GRANGS DON DANG RJES SU 'BREL BA DAG NA RNAM GRANGS DON DANG RJES SU MTHUN PA DAG GO, ,GZUGS LA SOGS PA PHUNG PO LNGA, ,ZHES SMRAS PA ZHES BYA BA LA, SMRAS PA'I TSIG NI DBANG DU BYA BA LA RAB TU BSTAN PAR BYA BA'I DON TE, ZAG PA DANG BCAS PA'I RNAM GRANGS BSHAD PAS BAR DU CHOD PA'I GZUGS LA SOGS PA'I PHUNG PO RNAMS DBANG DU BYA BA'I PHYIR RO, , GZUGS NI DBANG PO LNGA DANG ZHES BYA BA LA SOGS PA LA, PHUNG PO BSDUS PA RNAMS KYI RAB TU DBYE BA BSHAD ZIN TO, ,DA NI SO SO'I RAB TU DBYE BA BSHAD PAR BYA'O, ,GZUGS SMOS PAS NI SKABS KYI PHUNG PO'I GZUGS BZUNG BAR RIG PAR BYA'O, SKYE MCHED KYI GZUGS NI MA YIN NO, ,GNYIS GAR GRANGS BSTAN PA NI DBANG PO RNAMS DANG YUL RNAMS MANG BA'I PHYIR RO, ,THAMS CAD KYANG GZUGS KYI BDAG NYID DU KHAS BLANGS PA'I PHYIR DANG, YUL CAN DANG, YUL GYI SGO NAS GZUGS KYI PHUNG PO BSTAN PA'I PHYIR MIG LA SOGS PA DAG DANG, GZUGS LA SOGS PA DAG LA MNGON PAR 'DOD DO ZHES SHES PAR BYA'O, ,RNAM PAR RIG BYED MA YIN PA NI CHOS KYI SKYE MCHED KYIS BSDUS PA'I PHYIR DON LNGA'I KHONGS SU MA 'DUS PAS DBANG PO LNGA'I YUL MA YIN PA'I PHYIR LOGS SHIG TU BSTAN TO, ,NYID KYI SGRA NI NGES PAR GZUNG BA'I DON TE, RNAM PAR RIG BYED MA YIN PA KHO @26B NA'O ZHES DE LAS GZHAN PA CHOS KYI SKYE MCHED KYIS BSDUS PA'I GZUGS MDO SDE PA LA SOGS PAS KUN BRTAGS PA RNAM PAR GCAD PAR BYA BA'I PHYIR RO, ,DANG GI SGRA NI BSDU BA'I DON TO, ,MIG LA SOGS PA DAG GAM, DE DAG GI RNAM PAR SHES PA DAG GIS RTOGS PAS NA DON TE, KHONG DU CHUD CAS BYA BA'I DON TO, ,'DIR SKYE MCHED BCU DANG, GCIG GI PHYOGS GCIG YIN NO ZHES BSTAN PAR 'GYUR RO, ,CI STE 'DI DAG GI MTSAN NYID CI ZHIG CE NA, DE'I PHYIR, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,ZHES BYA BA SMOS TE, BAR DU CHOD PA ME PA'I PHYIR, DE'I SGRA NI 'JIG RTEN LA GRAGS PA KHAS BLANGS TE, GZUGS LA SOGS PA DON RNAMS DANG SBYAR BAR BYA'O, ,'JIG RTEN NA NI GZUGS KYI BLO SGRA'I BLO ZHES YUL GYI SGO NAS RNAM PAR SHES PA STON GYI, RNAM PAR SHES PA'I SGO NAS NI MA YIN NO, ,RNAM PAR SHES PA'I TSOGS LAS KYANG, DE NI GZUGS KYI RNAM PAR SHES PA YIN GYI, GANG ZAG GI RNAM PAR SHES PA NI MA YIN NO ZHES BSHAD DO, ,DE DAG RNAMS KYI RNAM PAR SHES PA RNAMS KYI RTEN RNAMS NI DE DAG RNAMS KYI RNAM SHES RTEN TE, JI SKAD DU, DE DAG GYUR PAS GYUR NYID PHYIR, ,RTEN NI MIG LA SOGS PA YIN; ,ZHES BSHAD PA LTA BU'O, ,GZUGS DANG BA'I BDAG NYID LNGA PO ZHES BYA BA NI GZUGS GYI RANG BZHIN CAN NO, ,DBANG PO LAS 'DAS PA'I DON RTOGS PA NI LUNG NGAM RIGS PA LAS 'GYUR LA, YID CHES PA MA YIN PA RNAMS KYI TSIG GIS NI GUS PAR BYED PA YANG MA YIN PAS, MIG LA SOGS GZUGS DANG BA RNAMS, ,ZHES BYA BA 'DI LA LUNG STON PA NI, BCOM LDAN 'DAS KYIS JI SKAD DU ZHES RGYA CHER 'BYUNG BA'O, ,DE LA DANG BA'I DON NI 'DI YIN TE, DPER NA ME LONG DANG BA'AM CHU'I SNOD DU GZUGS LA BRTEN NAS DE'I SNANG BA GZUGS BRNYAN 'BYUNG BA DE BZHIN DU GZUGS KYI BDAG NYID CAN DANG BA LNGA PO LA YANG GZUGS LA SOGS PA DAG LA BRTEN NAS DE'I SNANG BA'I GZUGS BRNYAN 'BYUNG NGO, ,'DIR GZUGS DANG BA'I BDAG NYID DU KHYAD PAR MED PA'I PHYIR DANG, RTEN GYI DNGOS PO KHYAD PAR MED PA'I PHYIR NA MIG LA SOGS PA RNAMS PHAN TSUN DANG, YOD @27A *, ,LAS RNAM PAR GCAD PAR BYA DGOS TE, DE'I PHYIR DE DAG RNAMS KYI RNAM PAR SHES PA'I RTEN DANG, GZUGS DANG BAS ZHES BYA BA GNYIS KA BRJOD DO, ,DE LA DE DAG RNAMS KYI RNAM PAR SHES PA'I RTEN NYID KYIS NI MIG LA SOGS PA RNAMS PHAN CHUN LAS RNAM PAR GCOD DE, GZUGS KYI RNAM PAR SHES PA'I RTEN MIG KHON YIN GYI, RNA BA LA SOGS PA RNAMS MA YIN NO, ,REG BYA'I RNAM PAR SHES PA'I RTEN NI LUS KHO NA YIN GYI, MIG LA SOGS PA RNAMS NI MA YIN NO ZHES BYA BA'I BAR YANG DE BZHIN NO, ,GAL TE DE LTAR LNGA RNAMS KYI, ,DE DANG LHAN CIG SKYES PA'ANG YIN, ,ZHES 'BYUNG BAS YID KYANG MIG LA SOGS PA NYID DU THAL BAR 'GYUR TE, DE YANG DE'I RTEN YIN PA'I PHYIR RO ZHE NA, DE'I PHYIR GZUGS DANG BA ZHES BRJOD DO, ,DE DAG GI RNAM PAR SHES PA'I RTEN GZUGS DANG BA'I BDAG NYID CAN GANG DAG YIN PA DE DAG NI MIG LA SOGS PA RNAMS KHO NA YIN GYI, YID MA YIN NO ZHES SHES PAR BYA BAR 'GYUR RO, ,YANG NA MIG LA SOGS PA 'DI DAG SMOS PA GANG DAG YIN PA ZHES BYA BA RGYA CHER 'BYUNG NGO, ,DE DAG GI SGRA NI DANG PO RNAMS KHO NA DANG 'BREL GYI, DON DAG DANG NI MA YIN TE, JI LTAR MIG LA SOGS PA RNAMS CHOD PA YIN, YANG SHUGS KYIS DE DAG GI SGRA DANG 'BREL PA LTAR, KHYOD BZHIN AUTPAL SNGO 'DAB LTA'I MIG CAN, ,DE YI ZE'U 'BRU DANG MTSUNGS DRI LDAN 'DI'I, ,ZHES CHOD PA DANG YANG 'BREL PAR MTHONG BA'I PHYIR RO, ,SHUGS NI 'DIR GSUNG RAB LAS MIG GI RNAM PAR SHES PA, RNA BA'I RNAM PAR SHES PA ZHES DBANG PO DAG GIS RNAM PAR SHES PA STON PA'I PHYIR RO, ,DE LTA NA NI RNAM PAR SHES PA RNAMS MA 'DRES PAR BSTAN PAR 'GYUR RO, ,YUL DAG GIS NI MA YIN TE, DER MIG LA SOGS PA'I RNAM PAR SHES PA RNAMS DANG, YID KYI RNAM PAR SHES PA DBYER MED BA'I PHYIR RO, ,DE NYID KYI PHYIR, DE LTAR BSHAD NA RAB TU BYED PA ZHES BYA BA SMOS SO, ,GZUGS KYI PHUNG PO RDZAS BCU GCIG PA BSTAN PA LAS DBANG PO RNAMS BSHAD PAR BYAS ZIN TO, ,DE'I MJUG THOGS SU DE DAG GI DON RNAMS BSHAD PAR BYA DGOS TE, DE'I PHYIR, DBANG PO RNAMS @27B BSHAD ZIN TO, ,DON LNGA BSHAD PAR BYA STE ZHES BYA BA SMOS SO, ,DE LA JE GZUGS BSHAD PAR BYA DGOS PAS RE ZHIG GI SGRA NI GO RIMS KYI DON TO, ,GZUGS RNAM GNYIS DANG ZHES BYA BA NI RNAM PA GNYIS DANG ZHES BYA BA'I DON TO, ,GZUGS LA SOGS PA DAG NI MIG LA SOGS PA DBANG PO'I YUL DAG GO ZHES 'JIG RTEN NA RAB TU GRAGS PAS, DE DAG GI MTSAN NYID MA BRJOD PAR DE DAG GI DBYE BA KHO NA STON TO, ,DE NI 'JIG RTEN NA GRAGS PA'I PHYIR RO, ,SNGON PO LA SOGS PA'O ZHES BYA BA LA SOGS PA'I SGRA NI SER PO DANG, DMAR PO DANG, DKAR PO SDUD DO, ,GZHAN DAG NI DE'I BYE BRAG GO ZHES BYA BA NI SNGON PO LA SOGS PA'I BDOG GI BYE BRAG CES BYA BA'I DON TO, ,DE DAG KYANG GANG DAG CE NA, SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA'O, ,DE LTAR BYAS NAS KHA DOG RNAM PA BCU GNYIS SU 'GYUR TE, RTZA BA'I KHA DOG BZHI DANG, DE DAG SHAS CHE BA DANG, SHAS CHUNG BA DANG 'BREL PA'I BYE BRAG GIS SPRIN LA SOGS PA BRGYAD DO, ,KHA CIG NA RE NAM MKHA'I KHAMS KYI BYE BRAG KHO NA YIN GYI, KHA DOG GZHAN MA YIN NO ZHE'O, ,GRIB MA DANG MUN BA'I 'OD LA GNOD PA BYAS PAS SKYED PA'O, ,'DIR KHYAD BAR NI 'DI YIN TE; GRIB MA NI GANG NA GZUGS RNAMS SNANG BA'O, ,BZLOG PA NI MUN PA STE, GANG NA GZUGS RNAMS MI SNANG BA'O ZHES BYA BA'I DON TO, ,RNAM PAR MA PHYE ZHES BYA BA NI RNAM PAR DBYE BA MA BYAS PA'O, ,GZUGS KYI SKYE MCHED KHA DOG TU YOD LA DBYIBS SPU MED PA YANG YOD DO ZHES BYA BA NI SNGON PO DANG SER PO ZHES BYA BA RGYAS PAR 'BYUNG BA'O, ,DBYIBS SU YOD LA KHA DOG TU MED PA YANG YOD DE, RING PO LA SOGS PA'I PHYOGS ZHES BYA BA NI RING PO DANG, THUNG DU DANG, LHAM PA DANG, ZLUM PO DANG, MTHON PO DANG, DMA' BA DANG, PHYA LE BA DANG, PHYA LE BA MA YIN PA RNAMS KYI PHYOGS GCIG GO, ,DE GANG ZHE NA, DE'I PHYIR LUS KYI RNAM PAR RIG BYED KYI NGO BO NYID DO ZHES BYA BA SMOS SO, ,KHA DOG DANG DBYIBS GNYIS KAR YOD PA YANG YOD DE, GZUGS KYI SKYE MCHED LHAG MA'O, ,YANG DE NI LUS KYI RNAM PAR RIG BYED MA GTOGS PA RING PO LA SOGS PA'I @28A *, ,DBYIBS DANG, SPRIN DANG, DU BA DANG, RDUL DANG, KHUG RNA'O, ,GZHAN DAG NA RE NYI MA DANG SNANG BA KHO NA KHA DOG TU YOD KYI, SNGON PO DANG, SER PO DANG, DKAR PO DANG, GRIB MA DANG, MUN PA ZHES BYA BA NI MA YIN NO ZHE'O, ,CI'I PHYIR ZHE NA, 'DI LTAR RING PO LA SOGS PA'I DBYIBS MA GTOGS PAR SNGON PO LA SOGS PA RNAMS 'DZIN PA MED KYI, SNGON PO LA SOGS PA RNAMS RING PO LA SOGS PAR YONGS SU CHAD PAR SNANG BA'I PHYIR TE, SNGON PO DANG, SER PO DANG, DMAR PO DANG, DKAR PO DANG, GRIB MA DANG, MUN PA RNAMS GNYIS KAR SMOS PA'I PHYIR RO, ,GNYIS KAR YOD PA YANG YOD DO, ,GZUGS KYI SKYE MCHED LHAG MA'O ZHES GANG SMRAS PA LA, JI LTAR NA RDZAS GCIG LA GNYIS KAR YOD CE NA ZHES BYA BA NI YOD PA BDOG PA'I DON DU KHAS BLANGS NAS BRGAL BA'O, ,GNYIS KAR NI RNAM PA GNYIS KAR RO, ,'DI LTAR RANG GI NGO BO THA DAD PAS NI RDZAS THA DAD PA YIN TE, DE'I PHYIR DE LA GCIG NYID 'GAL LO, ,SNANG BA LA SOGS PA BZHIN DU KHA DOG KHO NAR 'GYUR BA'AM, LUS KYI RNAM PAR RIG BYED LTAR DBYIBS KHO NAR 'GYUR RO, ,DE LA GNYIS KA MNGON PA'I PHYIR TE ZHES BYA BA LA, DE LA ZHES BYA BA NI RDZAS GCIG LA STE; KHA DOG LA YANG DBYIBS DANG DBYIBS LA YANG KHA DOG MNGON PA'I PHYIR RO, ,YONG PA 'DI NI SHES PA'I DON YIN GYI YOD PA'I DON NI MA YIN NO ZHES BYA BA LA, 'DI SKAD DU GNYIS KA YANG MNGON PA'I PHYIR RO ZHES BSHAD PAR 'GYUR RO, ,GANG KHA DOG KHO NAR YOD LA DBYIBS SU MA YIN PA DANG, DBYIBS KHO NAR YOD KYI KHA DOG TU MA YIN NO ZHES BSHAD PA DER NI YOD PA'I DON KHO NA YIN NO, ,'O NA NI LUS KYI RNAM PAR RIG BYED LA YANG KHA DOG DANG DBYIBS SU YOD PA ZHES THAL BAR 'GYUR TE, LUS KYI RNAM PAR RIG BYED KYI RANG BZHIN THAL MO SBYAR BA LA SOGS PA DAG LA YANG DMAR PO LA SOGS PA'I KHA DOG MNGON PA'I PHYIR RO, ,DE'I PHYIR LUS KYI RNAM PAR RIG BYED NI DBYIBS KHO NAR ZHES BYA BA DE DANG 'GAL BAR 'GYUR RO, ,'DI NI MI MTHUN PA NYE BAR BKOD PA STE, DER NI THAL MO LA SOGS PA'I DBYIBS DGE BA'AM, MI DGE BA 'AM, @28B LUNG DU MA BSTAN PA LA'ANG RUNG STE RGYU MTHUN PA SKYE BA YIN LA, DE YANG LUS KYI RNAM PAR RIG BYED YIN NO, ,KHA DOG NI LUNG DU MA BSTAN PA KHO NA YIN TE, DE'I PHYIR DER KHA DOG GANG YIN PA DE NI GZUGS KYI SKYE MCHED LHAG MAS BSDUS PA NYID DO, ,GZUGS KYI SKYE MCHED BSHAD ZIN TO ZHES BYA BA NI MJUG BSDUS PA'I GZHUNG STE SGRA DANG SBREL BAR BYA BA'I PHYIR RO, ,SGRA NI RNAM PA BRGYAD YOD DE ZHES BYA BA LA, 'DIS DNGOS PO RNAMS SGROGS PAR BYED PA STE, GCOD PAR BYED CES BYA BA'I DON TO, ,YANG NA SGROGS PAS NA SGRA'O, ,BDE BAR GSHEGS PA DAG NA RE RNA BA'I YUL GZUGS 'BYUNG BA BZHI LAS GRUB BO ZHE'O, ,DE LA ZIN PA DAG NI LUS SU GTOGS PA RNAMS TE, PHAN TSUN MTHUN PAR BYED PA'I PHYIR SEMS DANG SEMS LAS BYUNG BA DAG GI RTEN GYI DNGOS POR NYE BAR GZUNG BA'I PHYIR RO, ,DE NI MIG LA SOGS PA DA LTAR BYUNG BA DANG THA DAD PA RNAM PAR SMIN PA LAS SKYES PA DANG RGYAS PA LAS BYUNG BA DAG STE, BZLOG PA NI MA ZIN PA DAG GO, ,DE DAG GANG LAS RGYU YOD PAS NA ZIN PA'I 'BYUNG BA CHEN PO'I RGYU LAS BYUNG BA'O, ,DE LA ZIN PA'I 'BYUNG BA CHEN PO'I RGYU LAS BYUNG BA NI 'DI LTA STE, LAG PA DANG NGAG GI SGRA LTA BU'O ZHES BYA BA LA, GAL TE NGAG GI SGRA MA ZIN PA'I 'BYUNG BA CHEN PO'I RGYU LAS BYUNG BA YANG YOD PA MA YIN NAM, DPER NA TSANGS PAR 'DOD PAR GTOGS PA'I SBRUL PAS SMRA BA DANG, BSAM GTAN GNYIS PAR SKYES PA RNAMS KYI NGAG GI RNAM PAR RIG BYED LTA BU STE, RNAM RIG SPYOD DANG BCAS DAG NA, ,ZHES 'BYUNG BA'I PHYIR RO ZHE NA, YOD MOD KYI, 'DI NI NYES PA MED DE, DPE NYID DU NYE BAR BLANGS PA'I PHYIR TE, 'DIR LAG PA DANG NGAG GI SGRA NI ZIN PA'I 'BYUNG BA CHEN PO'I RGYU KHO NA LAS BYUNG BA KHO NA YIN NO ZHES NGES PAR GZUNG BA MA YIN PA'I PHYIR RO, ,SAMS CAN DU STON PA NI NGAG GI RNAM PAR RIG BYED KYI SGRA'O, ,GZHAN NI SEMS CAN DU STON PA MA YIN PA'O ZHES BYA BA NI GANG ZHIG NGAG GI RNAM PAR RIG BYED KYI SGRA LAS GZHAN PA ZIN PA MA YIN PA'I 'BYUNG BA'I RGYU CAN RNAM PA GNYIS CHAR YANG NGO, ,DE LTAR ZIN PA DANG MA ZIN PA'I 'BYUNG BA'I RGYU CAN GNYIS RE RE ZHING SEMS CAN DU STON PA DANG, SEMS CAN MA YIN PAR STON PA YIN @29A *, ,PA'I PHYIR RNAM PA BZHI YIN LA, RNAM PA BZHI PO YANG RE RE ZHING YID DU 'ONG BA DANG YID DU MI 'ONG BA'I DBYE BAS RNAM PA BRGYAD YIN NO, ,YID DU 'ONG BA NI YID DANG MTHUN PA STE, MAR 'DZIN PA DANG, PHAR 'DZIN BA BZHIN NO, ,'DIR RGYU'I DBYE BA DANG, RANG GI NGO BO'I DBYE BAS SGRA'I RAB TU DBYE BA'I MTSAN NYID BSTAN TO, ,GZHAN DAG NA RE ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA'I SGRA YANG YOD DE ZHES BYA BA 'BYUNG STE, DE LA LAG PA'I 'BYUNG BA CHEN PO DAG NI ZIN PA'O, ,RDZA RNGA'I 'BYUNG BA CHEN PO DAG NI MA ZIN PA'O, ,LAG PA DANG RDZA RNGA PHRAD PA LAS 'BYUNG BA GNYIS KAL BRTEN NAS SKYES PA'I PHYIR ZIN PA DANG, MA ZIN PA'I RGYU LAS BYUNG BA'O, ,DE NI JI LTAR KHA DOG GI RDUL PHRA RAB GCIG LA ZHES BYA BA RGYAS PAR 'BYUNG STE, LAG PA DANG RDZA RNGA PHRAD PA LAS SKYES PA'I SGRA'I RDUL PHRA RAB NI 'BYUNG BA BZHI TSAN GNYIS RGYUR BYAS PA MA YIN TE, RGYUR BYAS PA'I GZUGS YIN PA'I PHYIR KHA DOG GI RDUL PHRA RAB BZHIN NO, ,RGYUR BYAS PA'I GZUGS KYI RDUL PHRA RAB RNAMS NI RE RE ZHING 'BYUNG BA BZHI TSAN LA BRTEN PA'I PHYIR TE, DE'I PHYIR ZIN PA'I 'BYUNG BA CHEN PO'I RGYU LAS BYUNG BA ZHIG GAM YANG NA MA ZIN PA'I 'BYUNG BA CHEN PO'I RGYU LAS BYUNG BA ZHIG TU 'GYUR RO, ,SGRA'I RDUL PHRA RAB KYI TSOGS SPYIR NI ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA LTA BUR MNGON NO, ,RO NI RNAM DRUG CES BYA BA LA, MYANG BAR BYA BAS NA RO STE, RO MYANG BAR BYA BA'I DON TO, ,RANG BZHIN GYI BYE BRAG KHAS BLANGS NAS BYE BRAG DRUG BSTAN GYI; DE DAG SBYAR BA'I BYE BRAG LAS NI MTHA' YAS SO, ,GO RIMS THA DAD PA NI DE'I YUL CAN GYI RNAM PAR SHES PA'I SKYE BA NGES PA MED PAR BSTAN PAR BYA BA'I PHYIR RO, ,DRI RNAM BZHI ZHES BYA BA RNAM PA BZHI'O, ,BSNAM PAR BYA BAS NA DRI STE, BRDUB PAR BYA BA ZHES BYA BA'I DON TO, ,DRI ZHIM PA DANG DRI NGA BA GNYIS DRI MNYAM PA DANG MI MNYAM PA YIN PA'I PHYIR RO ZHES BYA BA NI RIGS LAS NI DRI ZHIM PA DANG, DRI NGA BA ZHES BYA BA RNAM PA GNYIS KHO NA YIN NO ZHES STON PAR BYED PA'O, ,YANG BSTAN BCOS LAS GSUM PA DRI MNYAM PA BSHAD PA, DE NI KHA CIG DRI ZHIM PA'I PHYOGS SU BRLAN PAR @29B BYA BA LA; KHA CIG DRING BA'I PHYOGS SU BRLAN PAR BYA BA YIN PAS RIGS LAS GSUM PA YOD PA MA YIN NO, ,DE LA DRI MNYAM PA NI GANG SHAS MI CHE BA'O, ,DRI MI MNYAM PA NI SHAS CHE BA'O, ,BSTAN BCOS LAS NI ZHES BYA BA LA, DRI MI MNYAM PA NI DRI ZHIM PA DANG DRI NGA BA'I BYE BRAG YIN PA'I PHYIR LA; DRI MNYAM PA NI DE GNYIS LAS GZHAN PA THUN MONG BA YIN PAR RIG PAR BYA'O, ,REG BYA BCU GCIG BDAG NYID DO, ,ZHES PA LA, REG PAR BYA BA YIN PAS NA REG BYA'AM, LUS KYI DBANG POS REG PAR NUS PAS NA REG BYA'O, ,GAL TE GANG GIS GANG LA REG PA DE LA YANG DES REG PAS LUS KYI DBANG PO YANG REG BYAR 'GYUR BA MA YIN NAM ZHE NA, LUS KYI DBANG PO NI REG PAR BYED PA YIN GYI, REG PAR BYA BA NI MA YIN TE, MIG BZHIN NO, ,MIG NI LTA BA YIN GYI, BLTA BA NI MA YIN NO, ,'JAM PA NYID NI MNYEN PA'O ZHES BYA BA LA, 'JAM PA KHO NA 'JAM PA NYID DE, SO SO KHO NA SO SO NYID YIN PA BZHIN NO, ,NGES PA'I TSIG NI SBREL BAR BYA BAS NA 'JAM PA'O, ,MNYEN PA NI RUD RUD PO MA YIN PA STE, SPRAD PAR BZOD CES BYA BA'I DON TO, ,RTZUB PA NYID NI RUD RUD PO'I ZHES BYA BA LA, RTZUB PA 'DI LA YOD PAS NA RTZUB PA STE, SPU CAN BZHIN NO, ,RTZUB PA ZHES BYA BA NI STOBS KYI RNAM GRANGS TE, RTZUB PA KHO NA RTZUB PA NYID DO, ,RUD RUD PO NI GYONG BA STE, 'JAM PA MA YIN ZHES BYA BA'I DON TO, ,LCI BA NYID NI GANG GIS NA DNGOS PO RNAMS 'JAL BAR BYED PA'O ZHES BYA BA NI DMA' BAR BYED CES BYA BA'I THA TSIG GO, ,'DI YOD NA DMA' BAR 'GYUR BAS NA LCI BA STE, NONGS PAR 'GYUR ZHES BYA BA'I DON TO, ,LCI BA KHO NA LCI BA NYID DO, ,BYE BRAG TU SMRA BA PA RNAMS NI GANG LAS SRANG MDA' MTHO BAR 'GYUR BA'O ZHE'O, ,BZLOG PA NI YANG BA'O ZHES BYA BA LA, GANG GIS DNGOS PO RNAMS 'JAL BAR MI BYED PA STE, 'DI YOD NA DMA' BAR MI 'GYUR BAS YANG BA'O, ,YANG BA KHO NA YANG BA NYID DO, ,GANG BA NI DRO BAR 'DOD PAR BYED PA'O ZHES BYA BA NA GANG GIS NYAM THAG PAS DRO BA 'DOD PAR 'GYUR BA STE, DE NI BGROD PAS NA GRANG BA STE, PHAN 'DOGS PA DANG GNOD PA BYED PA YIN PA'I PHYIR MYUR DU BGROD PAR BYA BA'O ZHES BYA BA'I DON TO, , @30A *, ,BKRES PA NI ZAS 'DOD PAR BYED PA'O ZHES BYA BA RGYA CHER 'BYUNG NGO, ,GAL TA SEMS LAS BYUNG BA'I CHOS NI LUS KYI DBANG PO'I YUL DU MA YIN NO ZHE NA, DE'I PHYIR, RGYU LA 'BRAS BU BTAGS PA'I PHYIR TE ZHES BYA BA SMOS TE, KHONG PA NA ZAS 'DOD PA DANG, SGOM 'DOD PA'I RGYU REG BYA'I KHYAD PAR ZHIG 'BYUNG STE, DER ZAS 'DOD PA'I RGYU LAS BKRES PA DANG, SKOM 'DOD PA'I RGYU LAS SKOM PA ZHES BYA BSHAD DE, RGYU LA 'BRAS BU BTAGS PA BYAS PA'I PHYIR RO, ,GAL TE 'DIR RGYU LA 'BRAS BU BTAGS PA BRJOD PAR MI 'DOD NA NI 'DI SKAD DU, BKRES PA NI ZAS 'DOD PAR BYED PA'O, ,SKOM PA NI SKOM 'DOD PAR BYED PA'O ZHES MI BRJOD PAR 'GYUR TE, 'O NA CI ZHE NA, BKRES PA DANG SKOM PA DAG NI ZAS DANG SKOM 'DOD PA DAG GO ZHES DE SKAD BRJOD PAR 'GYUR RO, ,DE NYID LA DPE, SANGS RGYAS RNAMS NI 'BYUNG BA BDE BA NYID MA YIN GYI, BDE BA'I RGYU YIN PAS BDE BAR BSHAD DO, ,DE BZHIN DU CHOS BSTAN PA LA SOGS PA DAG LA YANG BRJOD PAR BYA'O, ,DE LA GZUGS KYI KHAMS NA NI BKRES PA DANG SKOM PA DAG MED DE, KHAM GYI ZAS KYI 'DOD CHAGS DANG BRAL BA RNAMS DER SKYE PA'I PHYIR DANG, LUS LA GNOD PA MED PA'I PHYIR RO,, GZHAN DU NA NI DE NA YANG BKRES PA DANG SKOM PA'I SDUG BSNGAL YOD PAR 'GYUR RO, ,YANG BA NYID LA SOGS PA LHAG MA RNAM PA LNGA NI YOD DO, ,GAL TE BTAGS PA LAS BYANG GI SGRA MI SNYAN PA RNAMS KYI DPAG BSAM SHING GI GOS NI SRANG GCIG 'JAL LO, ,RGYAL CHEN BZHI PA RNAMS KYI NI DE'I PHYED DO, ,SUM CU RTZA GSUM PA RNAMS KYI NI DE'I PHYED DO, ,DE LTAR PHYED PHYED PHRI BAS GZHAN 'PHRUL DBANG BYED PA RNAMS KYI DPAG BSAM SHING GI GOS NI SRANG GI BZHI CHA'I BCU DRUG CHA 'JAL GYI, DE YAN CHAD GZUGS NA SPYOD PA RNAMS KYI GOS DAG NI MI 'JAL LO ZHES BSHAD NA, LCI BA NYID YOD NA JI LTAR MI 'JAL, GZUGS KYI KHAMS NA NI SEMS CAN GYI LUS RNAMS DANG, DE'I RTEN RNAMS NOR BU'I 'OD LTAR DANG BA'I PHYIR LCI BA NYID MI SRID DO ZHE NA, DE LA BTAGS PA'I BSTAN BCOS GZHUNG GZUGS PAR BYA BA'I PHYIR BSHAD PA, GAL TE DE NA GOS RE RE NAS MI 'JAL YANG @30B BSAGS PA DAG NI 'JAL LO, ,'DI JI LTAR SHES PAR BYA ZHE NA, BSDUS PA DANG BRGYANG BA LAS TE, KA SHA'I ME TOG GI SNAL MA BZHIN NO, ,KA SHA'I ME TOG GI SNAL MA BSDUS PA DANG, BRGYANG BA DANG LDAN PA DAG LA NI TSOGS PA DAG 'JAL GYI RE RE BA MA YIN NO, ,RTEN YOD PA'I PHYIR YANG GZUGS KYI KHAMS NA LCI BA NYID YOD DO, ,GNOD PAR BYED PA'I GRANG BA MED KYI, PHAN PAR BYED PA NI YOD DO LO ZHES BYA BA LA, KHA CIG NA RE LO'I SGRA NI TING NGE 'DZIN LAS THA DAD PA'I PHAN 'DOGS PAR BYED PA KHAS MA BLANGS PAR GSAL BAR BYA BA'I DON DU'O ZHE'O, ,KHA CIG NI DE DAG GI LTAR NA BSAM GTAN DANG PO NI RNAM PAR SHES PA'I TSOGS GSUM GYI BDE BAS PHAN 'DOGS PAR BYED PAR MI 'GYUR RO ZHE'O, ,GZHAN DAG NI DE NA SHIN TU SBYANGS PA ZHES BYA BA'I REG BYA'I KHYAD PAR LAS GZHAN PA'I REG PA PHAN 'DOGS PAR BYED PA MED DO ZHES ZER RO, ,GANG 'DI GZUGS RNAM PA MANG PO BSHAD PA ZHES BYA BA NI SKYE MCHED KYI GZUGS TE, GZUGS RNAM PA GNYIS DANG RNAM PA NYI SHU ZHES BYA'O, ,DE LA RES 'GA' NI RDZAS GCIG GIS ZHES BYA BA RGYAS PAR 'BYUNG STE, 'DIR RDZAS KYI SGRA NI SNGON PO LA SOGS PA'I RIGS BRJOD KYI, RDUL PHRA RAB KYI RDZAS NI MA YIN TE, RNAM PAR SHES PA'I TSOGS LNGA NI BSAGS PA LA DMIGS PA'I PHYIR RO, ,DE'I RNAM PA BYE BRAG TU GCOD PA ZHES BYA BA NI KHA CIG NA RE YID KYI RNAM PAR SHES PAS SNGON PA MA YIN PA BSAL NA SNGON PO'I SNYAM PA STE, DE BZHIN DU GZHAN LA YANG SBYAR BAR BYA'O, ,MIG LA SOGS PA'I RNAM PAR SHES PAS NI YUL BYE BRAG TU GCOD PAR MI NUS TE, RNAM PAR RTOG PA MED PA'I PHYIR RO ZHE'O, ,GANG GI TSE MIG GI RNAM PAR SHES PA RDZAS GCIG GI RGYU CAN ZHIG RDZAS GZHAN GYI RANG GI NGO BO LA MA REG PAR BYE BRAG TU BCAD PA'I YUL LA SKYE BA DE'I TSE, DE'I RNAM PA BYE BRAG TU GCOD PA ZHES BRJOD DO, ,MIG GI RNAM PAR SHES PAS RDZAS GZHAN GYI RANG GI NGO BOS DBEN PA'I DON GCIG BZUNG STE, PHYI NAS RIM GYIS YID KYI RNAM PAR SHES PAS DE LAS GZHAN PA'I DNGOS PO RNAM PAR GCOD PA'I RNAM PA'I SGO NAS RNAM PAR RTOG PAR BYED DE, DE'I PHYIR MIG GI RNAM PA LA YANG DE'I RNAM PA BYE BTAG TU GCOD PA MI 'GAL LO, , @31A *, ,NYE NA KHA DOG DANG DBYIBS 'DZIN PA'I GO SKABS YOD PA DE'I PHYIR, DPER NA THAG RING PO NAS ZHES BYA BA SMOS SO, ,RNA BA LA SOGS PA'I RNAM PAR SHES PA YANG DE BZHIN DU RIG PAR BYA'O ZHES BYA BA LA RES 'GA' NI RDZAS GCIG GIS RNA BA'I RNAM PAR SHES PA SKYED DE, GANG GI TSE 'DI NI PHA tA HA'I SGRA YIN GYI, DUNG GI SGRA NI MA YIN NO ZHES DE'I RNAM PA BYE BRAG TU GCOD PAR 'GYUR BA NA'O, ,RES 'GA' NI MANG POS TE, GANG GI TSE DE'I RNAM PA BYE BRAG TU MI GCOD PA NA STE, CA CO'I SGRA DANG, GLU DBYANGS KYI SGRA DU MNYAN PA'I LTA BU'O, ,LUS KYI RNAM PAR SHES PA LA NI ZHES BYA BA LA, RES 'GA' NI GCIG GI STE, GANG GI TSE 'DI NI GRANG BA YIN GYI, DRO BA NI MA YIN NO, ,'JAM PA YIN GYI, RTZUB PA NI MA YIN NO ZHES DE'I RNAM PA BYE BRAG TU GCOD PAR 'GYUR BA NA'O, ,RES 'GA' NI GNYIS KYIS TE, 'BYUNG BA GNYIS SAM 'BYUNG BA DANG 'BYUNG BA LAS GYUR BA GNYIS SO; ,YANG RES 'GA' NI GSUM DANG, BZHI NAS LNGA'I BAR GYIS TE, 'BYUNG BA RNAMS DANG 'JAM PA LA SOGS PA GCIG GIS TE, RTZUB PA NYID LA SOGS PA RNAMS NI 'BYUNG BA BZHI TSAN GZHAN LA BRTEN PA'I PHYIR RO, ,GZHAN DAG NA RE BCU GCIG PA THAMS CAD KYIS KYANG ZHES BYA BA LA SOGS PA 'DIR YANG SHIN TU MANG NA ZHES BYA BA BSNYEGS TE, LCI BA DANG, GRANG BA DANG, RTZUB PA PA'I NGO BO NYE BAR GZUNG NAS BYE BRAG TU MA GCAD PAR 'DZIN PAR MTHONG BA YANG YIN NO, ,DE'I PHYIR DRUG DANG, BDUN DANG, BCU GCIG GI BAR DAG GIS KYANG RKYAL CHEN LTO BKUG PA RNAMS LA LUS KYI RNAM PAR SHES PA REG BYA BCU GCIG GI YUL CAN RNAM PA BYE BRAG DU MA BCAD PA SKYE BA YIN NO, ,DE LTA NA SPYI LA DMIGS PA'I PHYIR ZHES BYA BA LA, CHOS MNGON PA LAS RNAM PAR SHES PA'I TSOGS LNGA RANG GI MTSAN NYID KYI YUL CAN DU 'DON TE, DE'I PHYIR SNGON PO LA SOGS PA'I RNAM PA SPYI LA DMIGS PA'I PHYIR SNGON PO LA SOGS PA RNAMS KYI SPYI'I GZUGS NYID LA SOGS PA GANG YIN PA DE'I RNAM PA 'DZIN PA'I PHYIR, SPYI'I YUL CAN NYID DU 'GYUR RO ZHES RTZOD PA BYED DO, ,GZHAN DAG NI 'DI LA RNAM PAR SHES PA'I TSOGS LNGA NI SPYI'I YUL CAN YIN TE, RANG GI YUL MTHA' DAG LA @31B DMIGS PA'I PHYIR, CHOS THAMS CAD BDAG MED PAR SHES PA BZHIN NO ZHES SBYOR BA NYID BYED DO, ,DE'I PHYIR, 'DI DAG NI SKYE MCHED KYI RANG GI MTSAN NYID KYI ZHES RGYAS PAR 'BYUNG NGO, ,BSTAN BCOS LAS NI SKYE MCHED KYI RANG GI MTSAN NYID KYI DBANG DU MDZAD NAS RANG GI MTSAN NYID KYI YUL CAN DU BSHAD LA, SKYE MCHED KYI RANG GI MTSAN NYID KYANG SNGON PO DANG RING PO LA SOGS PA RNAMS KYI SPYI'I YIN PAS SPYI'I YUL CAN NYID DU KHAS BLANGS PAR 'GYUR TE, DE'I PHYIR GRUB PA LA SGRUB BO, ,RANG GI SKYE MCHED KYI RDZAS DU MAS BSKYED PAR BYA BA YIN PA'I PHYIR LA, SPYIR KHYAD PAR MED PA'I BYE BRAG TU MA BCAD PAR DE DAG LA YUL DU YOD PAS SPYI'I YUL CAN YIN GYI, GZUGS NYID LA SOGS PA'I SPYI NYID NI MA YIN TE, DE NI BTAGS PAR YOD PA'I PHYIR DANG, RNAM PAR SHES PA'I TSOGS LNGA NI RDZAS SU YOD PA LA DMIGS PA'I PHYIR RO, ,GZHAN DU NI SNGON PO LA SOGS PA'I RANG GI MTSAN NYID KYI SHES PA YANG SPYI'I YUL CAN DU 'GYUR TE, RDUL PHRA RAB KYI RDZAS DU MAS BSKYED PAR BYA BA YIN PA'I PHYIR RO, ,YANG SKYE MCHED KYI RANG GI MTSAN NYID GANG ZHIG YIN LA, RDZAS KYI RANG GI MTSAN NYID KYANG GANG ZHIG YIN ZHE NA, MIG LA SOGS PA'I RNAM PAR SHES PA MTSUNGS PAR LDAN PA DANG BCAS PA'I RTEN DANG DMIGS PAR RUNG BA NI CI RIGS PAR MIG LA SOGS PA'I SKYE MCHED RNAMS DANG, GZUGS LA SOGS PA'I SKYE MCHED RNAMS KYI RANG GI MTSAN NYID DO, ,DE LA MIG GI DBANG PO'I YUL KHO NA LA MIG GI RNAM PAR SHES PA SKYE'I, GZHAN LA NI MA YIN PAS 'DI DAG NI SKYE MCHED KYI RANG GI MTSAN NYID LA SKYE MCHED KYI RANG GI MTSAN NYID KYI YUL CAN YIN GYI, THA DAD PA DAG LA THA MI DAD PA BTAGS PA LAS NI MA YIN TE, DE DAG NI RNAM PAR RTOG PA MED PA YIN PA'I PHYIR RO, ,RDZAS KYI RANG GI MTSAN NYID NI SNGON PO LA SOGS PA RNAMS KYI RANG GI NGO BO THUN MONG MA YIN PA, MIG GI RNAM PAR SHES PA LA SOGS PAS SHES PAR BYA'O, ,GAL TE RDZAS KYI RANG GI MTSAN NYID KYI YUL CAN DU 'DOD NA NYES PA CIR 'GYUR ZHE NA, BSDUS PA LA DMIGS PA'I MIG LA SOGS PA'I RNAM PAR SHES PA MI SKYE BAR 'GYUR NA, DE SKYE BA YANG YIN NO, ,'DI DPYAD PAR BYA STE ZHES BYA BA RGYAS PAR 'BYUNG @32A *, ,STE; LUS DANG LCE'I DBANG PO GNYIS NI RTEN GCIG PA'I PHYIR DANG, PHRAD NAS 'DZIN PA'I PHYIR DANG, RO DANG REG BYA DAG KYANG PHAN TSUN THA DAD PA MED PA'I PHYIR YUL DANG PHRAD PA'I GO RIMS LAS RNAM PAR SHES PA SKYE BA'I GO RIMS MI SRID PA STE, DE'I PHYIR RNAM PAR SHES PA LNGAR GANG SKYE BA DPYAD PA YIN NO, ,GANG GI YUL SHAS CHE BA'O ZHES BYA BA RGYAS PAR 'BYUNG NGO, ,ZA BAR 'DOD PAS ZHES BYA BA LA, ZA BAR 'DOD PA NI 'DUN PA YIN LA, DE YANG YID LA BYED PA DANG MTSUNGS PAR LDAN PA YIN ZHING, YID LA BYED PA'I DBANG GIS KYANG SEMS KYI RGYU DMIGS PA GZHAN RNAMS LA 'JUG PAS LCE'I RNAM PAR SHES PA LNGAR SKYE'O, ,GANG GI TSE YUL MNYAM PA DANG PHRAD PA LA BZA' BAR 'DOD PA MED PA DE'I TSE NI GANG GI RTEN G-YENG BA DE LNGAR SKYE'O, ,DBANG PO LNGA'I DON DANG ZHES BYA BA LA, DBANG PO LNGA PO RNAMS KYI DON DAG NI DBANG PO LNGA'I DON TO, ,DE DAG JI LTAR 'DZIN PA NI RES 'GA' NI RDZAS GCIG GIS MIG GI RNAM PAR SHES PA SKYED DE ZHES RGYAS PAR RO, ,DE NI DE DAG GI MJUG THOGS SU BSTAN PA'I PHYIR, DE DAG GI BSHAD PA'I MJUG THOGS SU RNAM PAR RIG BYED MA YIN PA BRJOD PAR BYA'O, ,G-YENGS DANG SEMS MED PA YI YANG, ,ZHES BYA BA NI NGAG GI RNAM PAR RIG BYED LAS KHYAD PAR DU BYED PA STE, NGAG GI RNAM PAR RIG BYED NI SEMS MED PA DANG, GZHAN GYI SEMS DANG LDAN PA LA MI 'BYUNG STE, RGYUN CHAD PA'I PHYIR RO, ,RJES 'BREL GANG ZHES BYA BA NI LUS KYI RNAM PAR RIG BYED LAS KHYAD PAR DU BYED PA'O, ,GAL TE RNAM PAR RIG BYED KYANG RJES SU 'BREL PA MA YIN NAM ZHE NA, RNAM PAR RIG BYED LOG KYANG RNAM PAR RIG BYED MA YIN PA MI LDOG PA'I PHYIR 'DIR MCHOG TU GYUR PAR SHES PAR BYA'O, ,DGE DANG MI DGE ZHES BYA BA NI MIG LA SOGS PA'I RGYUN LAS KHYAD PAR DU BYED PA'O, ,'BYUNG BA CHER RNAMS RGYUR BYAS PA, ,ZHES BYA BA NI THOB PA'I RGYUN LAS KHYAD PAR DU BYA BA'I PHYIR RO, ,DE LAS GZHAN PA'I SEMS KYI YANG YIN PA'O ZHES BYA BA LA, 'DIR DE'I SGRAS NI KUN NAS SLONG BA'I SEMS TZAM ZHIG BRJOD PAR 'DOD LA, DE LA GZHAN NI DE SLONG BAR BYED PA'I SEMS DANG MI 'DRA BA'I PHYIR DGE BA DANG LUNG DU MA BSTAN PA YANG RUNG STE, RJES SU 'JUG PAR BYED PA @32B G-YENGS BA THAMS CAD LA BRJOD KYI, NYON MONGS PA CAN KHO NA NI MA YIN NO, ,GNYID DANG BRGYAL BA SEMS MED PAR KHAS MA BLANGS PA'I PHYIR DANG, 'DU SHES MED PA PA LA RNAM PAR RIG BYED MA YIN PA MED PA'I PHYIR, 'DU SHES MED PA DANG 'GOG PA'I SNYOMS PAR 'JUG PA LA SNYOMS PAR ZHUGS PA'I YANG YIN PA'O ZHES BYA BA SMOS TE, SEMS MED PA'I SNYOMS PAR 'JUG PA GNYIS KHO NA YIN NO ZHES STON PAR BYED DO, ,YANG ZHES BYA BA'I SGRAS NI ZHES BYA BA NI YANG GI SGRA GANG ZHIG TSIG LE'UR BYAS PA LAS, G-YENGS DANG SEMS MED PA YI YANG, ,ZHES BYA BA STE, MA G-YENGS PA SEMS DANG BCAS PA'I YANG YIN NO ZHES BYA BAR MNGON NO, ,'DIR YANG SEMS BCAS PA SMOS PA NI 'DI SEMS G-YENGS PA MED PAS NA SEMS MA G-YENGS PA STE, SEMS G-YENGS PA BKAG PA'I PHYIR DANG, MI G-YENG BA MNGON DU GYUR PA'I PHYIR RO, ,YANG NA SEMS DANG BCAS PA'I GNAS SKABS RNAM PA GNYIS TE, G-YENGS PA'I SEMS DANG BCAS PA'I GNAS SKABS DANG, MA G-YENGS PA'I SEMS DANG BCAS PA'I GNAS SKABS SO, ,DE LA G-YENGS PA SEMS DANG BCAS PA'I GNAS SKABS NI DNGOS SU BSTAN LA, MA G-YENGS SEMS DANG BCAS PA'I GNAS SKABS MING GI SGRAS SO, ,DE LTA YIN DANG SEMS DANG SEMS MED PA YANG ZHES BYA BA 'DIS GNAS SKABS GSUM BSTAN PAR 'GYUR RO, ,RJES 'BREL GANG ZHES BYA BA NI RGYUN NO, ,GAL TE SKAD CIG DANG PO LA RJES SU 'BREL PA MED PA'I PHYIR RNAM PAR RIG BYED MA YIN PA MED DO ZHE NA, SKAD CIG DANG PO YANG SKAD CIG PHYI MA LA LTOS NAS RJES SU 'BREL BA'I PHYIR RO, ,GAL TE RNAM PAR RIG BYED MA YIN PA RJES SU 'BREL PA'I MTSAN NYID CAN YIN LA, RJES SU 'BREL PA YANG RGYUN YIN PA'I PHYIR BTAGS PAR YOD PAR 'GYUR RO ZHE NA, RNAM PAR RIG BYED MA YIN PA GZUGS KYI MTSAN NYID CAN YIN PA NA RGYUN TE, RGYUN CHAGS PA YIN LA, RGYUN CAN DAG KYANG YOD PA YIN GYI, DER RGYUN TZAM ZHIG KHO NA NI MA YIN NO, ,GAL TE DE LTAR RJES 'BREL ZHES CI'I PHYIR BRJOD CE NA, RNAM PAR RIG BYED 'PHEN PAR BYED PA'I 'BYUNG BA 'GAGS KYANG MA BTANG GI BAR DU RJES SU 'JUG PAR SHES PAR BYA BA'I PHYIR RO, ,THOB PA'I RGYUN YANG ZHES BYA BA LA SOGS PA @33A *, ,LA; THOB PA RNAMS NI MI LDAN PA YIN PA'I PHYIR 'BYUNG BA CHEN PO RNAMS RGYUR BYAS PA MA YIN NO, ,'BYUNG BA CHEN PO RNAMS RGYUR BYAS PA ZHES BYA BA LA, JI LTAR BUD SHING RGYUR BYAS NAS ME 'BYUNG BA LTAR, 'BYUNG BA CHEN PO RNAMS RGYUR BYAS PA STE, RGYU MTSAN DU BYAS PA STE, DE LTAR BYAS PA ZHES BYA BAR RTOGS SO, ,DE NYID KYI PHYIR, RGYUR BYAS PA'I DON NI RGYU'I DON TE ZHES SMOS SO, ,JI LTAR 'BYUNG BA CHEN PO RNAMS 'DI'I RGYU YIN ZHE NA, DE'I PHYIR, SKYED PA LA SOGS PA'I RGYU'I NGO BO YIN PA'I PHYIR RO ZHES BRJOD DE, BSKYED PA DANG, RTEN PA DANG, GNAS PA DANG, RTON PA DANG, 'PHEL PAR BYED PA'I RGYU'I NGO BO'I YIN PA'I PHYIR RO ZHES BYA BA'I DON TO, ,DE NI RNAM PAR RIG BYED MIN ZHES BYA BA LA RGYUN DE'O, ,RNAM PAR RIG BYED MIN ZHES BYA BA LA, RNAM PAR RIG BYED MA YIN PA NI RNAM PAR RIG BYED BKAG PA TZAM MA YIN LA, GANG CUNG ZAD CIG RNAM PAR RIG BYED LAS GZHAN PA YANG MA YIN TE, GO RIMS JI LTA BA BZHIN DU RDZAS SU YOD PA MA YIN PA DANG, BUM PA LA SOGS PA RNAMS KYANG RNAM PAR RIG BYED MA YIN PA NYID DU THAL BAR 'GYUR BA'I PHYIR RO, ,'O NA CI ZHE NA, GZUGS DANG BYED PA'I RANG BZHIN YIN PA'I PHYIR RNAM PAR RIG BYED DANG 'DRA BA'I GZUGS GZHAN ZHIG, RANG KUN SLONG BAR BYED PA'I SEMS DANG SEMS LAS BYUNG BA RNAM PAR RIG BYED MA YIN PAS RNAM PAR RIG BYED MA YIN PA STE, 'DRA BA DGAG TSIG BRJOD PA'I PHYIR BRAM ZE MA YIN PA BZHIN NO, ,GZUGS DANG BYED PA'I RANG BZHIN YIN YANG ZHES BYA BAS, GZUGS SMOS PA NI SEMS PA LAS KHYAD PAR DU BYA BA'I PHYIR RO, , BYED PA SMOS PA NI MIG LA SOGS PA LAS KHYAD PAR DU BYA BA'I PHYIR RO, ,DE'I PHYIR DE LTA NA NI'I SGRAS 'DI SHES PAR BYAS PAR 'GYUR RO, ,SLOB DPON GYI TSIG YIN PAR STON PA'O ZHES BYA BA NI STON PA'I GSUNG MA YIN NO SNYAM DU DGONGS SO, ,YANG NA BRJOD CES BYA BA LA, GANG LAS SHE NA, MDO LAS TE, RNAM GSUM DRI MED GZUGS GSUNGS DANG, ,'PHEL DANG MA BYAS LAM SOGS PHYIR, ,ZHES 'CHAD PAR 'GYUR RO, ,MDOR NA RNAM PAR RIG BYED DANG TING NGE 'DZIN LAS BYUNG BA ZHES BYA BA RGYAS PAR 'BYUNG STE, DE LA DGE BA DANG MI DGE BA ZHES MA BRJOD NA NI RNAM PAR RIG BYED DANG, TING NGE 'DZIN LAS BYUNG BA'I @33B RNAM PAR SMIN PA LAS SKYES PA DANG, RGYAS PA LAS BYUNG BA DAG LA YANG THAL BAR 'GYUR RO, ,RNAM PAR RIG BYED DANG TING NGE 'DZIN LAS BYUNG BA MA BRJOD NA NI RNAM PAR RIG BYED KYI GZUGS LA YANG GZUGS THAL BAR 'GYUR TE, DE'I PHYIR GNYIS KA SMOS SO, ,DA LA RNAM PAR RIG BYED LA SKYES PA NI SDOM PA DANG SDOM PA MA YIN PA'I BDAG NYID CAN DGE BA DANG MI DGE BA'O, ,TING NGE 'DZIN LAS BYUNG BA NI DGE BA KHO NA STE, RNAM PAR RIG BYED MA YIN PA'I GZUGS BSAM GTAN DANG ZAG PA MED PA'I SDOM PA'I BDAG NYID CAN NO, ,'DIR SMRAS PA, RIG BYED SOGS STOBS KYIS DRANGS SHING, ,DGE DANG MI DGE'I RJES 'BREL GANG, ,DGE SLONG BYED GZUGS CAN DE, ,RNAM RIG BYED MIN GOS PA'O, ,'BYUNG BA DAG NI SA KHAMS DANG, ,ZHES BYA BA LA SOGS PA LA DANG PO DANG MTHAR KHAMS SMOS PA NI BAR DU YANG DE SHES PAR BYA BA'I PHYIR RO, ,KHAMS SMOS PA NI KHA DOG DANG DBYIBS KYI BDAG NYID KYI SA LA SOGS PA BSAL BAR BYA BA'I PHYIR TE, ,GZHAN DU BSHAD NA NI DE DAG LA YANG THAL BAR 'GYUR RO, ,SA NYID KHAMS YIN PA NI SA'I KHAMS TE, LHAG MA DAG LA YANG DE SKAD DU BRJOD PAR BYA'O, ,RANG GI MTSAN NYID DANG RGYUR BYAS PA'I GZUGS 'DZIN PA'I PHYIR KHAMS DAG GO ZHES BYA BA NI NGES PA'I TSIG GI TSUL GYIS TE; RANG GI MTSAN NYID NI SRA BA DANG, GSHER BA LA SOGS PA'O, ,RGYUR BYAS PA'I GZUGS NI 'BYUNG BA DAG LAS GZHAN PA'I GZUGS THAMS CAD DO, ,GZHAN DAG NI GZUGS THAMS CAD KYI 'BYUNG GNAS YIN PAS NA 'BYUNG GNAS DAG GO, ,'BYUNG BA RNAMS KYANG 'BYUNG BA RNAMS KYI 'BYUNG GNAS YIN TE; SKAL PA MNYAM PA'I RGYU YIN PA'I PHYIR RO, ,'JIG RTEN NA 'BYUNG GNAS DAG LA KHAMS KYI MING 'DOGS TE, ZANGS KYI 'BYUNG KHUNGS BZHIN NO, ,'BYUNG BA CHEN PO BZHI RNAMS ZHES BYA BA NI ZHES BYA BA LA, YANG JI LTAR 'DI DAG CHEN PO NYID DANG, 'BYUNG BA NYID DANG, BZHI NYID YIN ZHE NA, 'DI DAG GZUGS GZHAN THAMS CAD KYI RTEN NYID DU RAGS PA'I PHYIR NA CHEN PO NYID DO ZHES BYA BA LA, GANG ZHIG 'BYUNG BA DAG LAS GZHAN PA'I GZUGS DE'I RTEN NYID DU RIGS PA'I PHYIR TE, GTOS CHE ZHES BYA BA'I PHYIR RO ZHES BYA BA'I DON TO, ,YANG NAS DANG CHU DANG ZHES BYA BA LA SOGS PA LA, 'BYUNG @34A *, ,BA DE DAG GI BYA BA SHAS CHE BA GANG DAG LA YOD PAS LA SOGS PA'I PHUNG PO DE DAG NI DE DAG GI BYA BA SHAS CHE BA DAG GO, ,BYA BA NI 'DZIN PA LA SOGS PA LAS SO, SHAS CHE BA NYID NI MTSAN NYID RGYAS PA LAS DE DAG MNGON PAR GSAL BA'O, ,SA LA SOGS PA'I PHUNG PO DAG NI KHA DOG DANG DBYIBS KYI BDAG NYID CAN DAG GO, ,CHEN POR GNAS PA NYID NI RGYA CHEN POR GNAS PA NYID DO, ,GZUGS LA SOGS PA'I TSIGS PA THAMS CAD LA SRA BA LA SOGS PA YOD PAS NA DE DAG NI CHEN PO NYID DE, GZUGS KYI KHAMS NA DRI DANG RO GNYIS MED LA, SNGON PO LA SOGS PA RNAMS KYANG DE LA TSOGS PA RNAMS LA PHAN TSUN MED PA DE LTAR SRA BA LA SOGS PA RNAMS 'GAR YANG MED PA MA YIN NO, ,DE LTAR RE ZHIG CHEN PO NYID YIN NO, ,'BYUNG BA NYID NI GZUGS RNAM PA SNA TSOGS MNGON PAR 'GRUB PA LA DE DANG DE DAG GI RNAM PAR 'BYUNG BAS NA 'BYUNG BA DAG GO, ,GZHAN DAG RE 'KHOR BA THOG MA MED PA NAS SEMS CAN THAMS CAD KYI LAS KYI DBANG GIS NAM YANG MA BYUNG MA MYONG BAS NI 'BYUNG BA DAG GO ZHE'O, ,YANG NA 'BYUNG BA NYID 'BYUNG BA'I DNGOS PO'I NGO BO MCHED PAR BYED PAS NA 'BYUNG BA DAG STE, DNGOS PO'I YOD PA DANG, SEMS CAN GYI SKYE BA RGYAS PAR BYED CES BYA BA'I DON TO, ,YANG JI LTAR 'BYUNG BA CHEN PO DAG NI BZHI KHO NA YIN GYI, JI LTAR PHYI ROL PA LTAR NAM MKHA' NI MA YIN ZHES BYA BA 'DI KHONG DU CHUD PAR BYA ZHE NA, NAM MKHA' NI 'BYUNG BA DANG MTSAN NYID MI MTHUN PA'I PHYIR 'BYUNG BA MA YIN LA, SA LA SOGS PA LTAR DNGOS PO RNAMS LA PHAN 'DOGS PA DANG, GNOD PA MED PA'I PHYIR DANG, 'BRAS BU SNA TSOGS PA MI BYED PA'I PHYIR 'BYUNG BA CHEN PO MA YIN NO, ,SA LA SOGS PA'I 'BYUNG BA DAG NI MIG LA SOGS PA 'BRAS BU SNA TSOGS PAR BYED PAR MTHONG NA NAM MKHA' NI RTAG PA DANG SNA TSOGS PA MA YIN NO, ,RTAG PA DANG SNA TSOGS PA MA YIN PA NI RGYU LA 'BRAS BU MI RTAG PA DANG, SNA TSOGS PA 'BYUNG BAR YANG MI RUNG STE, JI SKAD DU, DNGOS PO RTAG PA LAS BYUNG BA, ,MI RTAG PAR NI JI LTAR 'GYUR, ,RGYU 'BRAS MTSAN NYID MI MTHUN PA, ,DE NI NAM YANG MTHONG BA MED, ,CES BSHAD DO, ,DNGOS PO RNAMS SKYE BA DANG 'JIG PA'I DUS DAG TU KHYAD PAR MED PA'I PHYIR NAM MKHA' NI SA LA SOGS PA LTAR 'BYUNG BA CHEN PO MA YIN NO, , @34B SA BON LA SOGS PA'I GNAS SKABS KYI 'BYUNG BA DAG NI RNAM PAR 'GYUR BAR 'GYUR BA NA MYU GU LA SOGS PA'I GNAS SKABS KYI RKYEN DAG TU MTHONG NA, NAM MKHA' NI DE LTAR RNAM PAR 'GYUR BA MA YIN TE RTAG PA'I PHYIR RO, ,JI SKAD DU, RGYU NI RNAM PAR 'GYUR BA NA, ,GZHAN GYI RGYU RU 'GYUR BA STE, ,GANG LA RNAM PAR 'GYUR YOD PA'I, ,DE NI RTAG CES BYA YOD MIN, ,ZHES BSHAD PA LTA BU'O, ,GZHAN DAG NA RE, NAM MKHA' NI CHEN PO YIN GYI, 'BYUNG BA NI YIN TE 'BYUNG BA NI SKYES PA'I RNAM GRANGS YIN PA'I PHYIR RO, ,JI SKAD DU 'BYUNG BA CHEN PO NYID KYIS 'THAD PA'I PHYIR DANG, GANG YANG RUNG BA ZHIG MA TSANG NA 'BYUNG BA LAS GYUR PA SKYED PAR MI NUS PA'I PHYIR MA TSANG BA DANG LHAG MA MED PAR BZHI NYID YIN NO ZHES BSHAD DO, ,BYE BRAG TU SMRA BA PA RNAMS KYI NUS PA MED PA DON MED PAR THAL BA'I PHYIR TE, KHRI'U RKANG BZHI PA BZHIN NO ZHE NA'O, ,YANG KHAMS DE DAG CES BYA BA RGYAS PAR 'BYUNG BA LA, GAL TE RANG GI NGO BO TZAM ZHIG BSTAN PAR BYA BA YIN BZHIN DU CI'I PHYIR SA'I KHAMS LA SOGS PA'I LAS BRJOD CE NA, TSOGS PA THAMS CAD LA DE DAG GI RNAG BZHIN MA DMIGS KYANG LAS DE YOD PA NYID DU RJES SU DPAG PAR BYA BA'I PHYIR TE, CHU DAG LA GRU 'DEBS PAS SA YOD LA, SA LA SDUD PA MTHONG BAS CHU DANG, CHU DAG LA GRANG BA PHUL DU BYUNG BA MTHONG BAS DRO BA YOD PAS SO ZHES BYA BA LA SOGS PA'O, ,LAS DANG RANG BZHIN LA KHYAD PAR CI YOD CE NA, 'BYUNG BA'I MTSAN NYID DANG LAS RNAMS NI DUS GSUM PA DAG, DUS GCIG PA NYID YIN PA'I PHYIR RO, ,RGYAS PAR BYED PA NI 'PHEL BA DANG RGYAS PAR BYED PA YIN NO, , 'PHEL BA NI MYU GU LA SOGS PA RNAMS STENG DANG, 'OG DANG, DNGOS SU SA BON LA SOGS PA DAG LAS CHES LHAG PAR SKYE BA YIN LA, RGYAS PAR BYED PA NI SHING LJON PA LA SOGS PA RNAMS BAR CHAD MED PAR YUL GZHAN DAG TU BSAGS KAR SKYE BA'O, ,SRA GSHER DRO NYID G-YO BA RNAMS, ,ZHES BYA BA LA; DNGOS PO'I RKYEN BSHAD PA NI RDZAS LAS DNGOS PO DON GZHAN MA YIN PA NYID DU SHES PAR BYA BA'I PHYIR TE, DE NYID KYI PHYIR DRO BA NYID NI ME'I KHAMS SO ZHES BSHAD DO, ,DNGOS PO RNAMS KYI MTSAN NYID NI RANG BZHIN KHO NA YIN LA, 'PHRUL BA MED PAS NI DE NYID KYIS DE STON TE, MCHI GU'I @35A *, ,BU'A LUS LA SOGS PA STON PA BZHIN NO, ,SRA BA NI SA'I KHAMS SO ZHES BYA BA LA, MA KHRANG BA DANG 'THAS PA ZHES BYA BA'I BAR DU BSTAN PAR 'GYUR RO, ,GSHER BA NI CHU'I KHAMS SO ZHES BYA BA LA, BRLAN PA'I BDAG NYID CAN YIN PA'I PHYIR NA GSHER BA'O, ,GZHAN DAG NI PHRA BA NYID DO ZHE'O, ,DRO BA NYID NI ME'I KHAMS SO ZHES BYA BA LA, SREG PAR BYED PA ZHES BYA BA'I THA TSIG GO, ,G-YO BA NI RLUNG GI KHAMS SO ZHES PA NI YANG DAG PAR G-YO BA STE, SNA TSOGS SU 'THOR ZHES BYA BA'I DON TO, ,DE NYID KYI PHYIR, 'DIS 'BYUNG BA'I RGYUN ZHES BYA BA SMOS SO, ,'BYUNG BA SMOS PA NI GZUGS CAN MA YIN PA NI YUL NI MI GNAS BA RLUNG GI YUL CAN SKYED PA MI SRID PA'I PHYIR RO, ,RGYUN SMOS PA NI SKA CIG MA YIN PAS GCIG LA YUL GZHAN DU SKYE BA MI SRID PA'I PHYIR RO, ,SGRON MA G-YO BA BZHIN DU ZHES BYA BA LA, JI LTAR SGRON MA SKAD CIG MA YIN PAS 'GRO BA MED BZHIN DU YUL GZHAN DU SKYED PA RLUNG GI G-YO BA 'BYUNG BA DE BZHIN DU GZHAN 'BYUNG BA'I RGYUN LA YANG YIN NO, ,MDO SDE BSTAN BCOS 'GAL BA'I LAN GDAGS PA'I PHYIR, RAB TU BYED PA DAG CES BYA BA RGYAS PAR 'BYUNG BA LA, RAB TU BYED PA DAG LAS RLUNG GI KHAMS GANG ZHE NA, YANG ZHING G-YO BA NYID DO ZHES BA STAN LA, MDO SDE LAS NI RLUNG GI KHAMS NI YANG BA NYID DO ZHES BSTAN TO, ,YANG BA NYID DE NI RLUNG GI KHAMS NYID MA YIN TE, 'O NA CI ZHE NA, RAB TU BYED PA DAG LAS LCI BA NYID DANG YANG BA NYID DO ZHES BSHAD PA RGYUR BYAS PA'I GZUGS GZHAN YANG YIN NO, ,DE'I PHYIR RLUNG GI KHAMS NI YANG BA NYID DO ZHES BRJOD PA NA; RGYUR BYAS PA'I GZUGS LA YANG THAL BAR 'GYUR NA, G-YO BA'I RANG BZHIN NO ZHES JI SKAD DU BKOD PA LTAR NA NI NYES PA MED DO, ,RANG BZHIN GYI SGRA NI 'DIR LAS LA BLTA BAR BYA'I RANG GI NGO BO LA NI MA YIN TE, DE'I BYA BA NI G-YO BA LAS 'BYUNG BA RNAMS YUL GZHAN DU SKYED PA'O, ,DE NYID KYI PHYIR, 'DI'I RANG BZHIN LAS KYI GSAL BA YIN NO ZHES RNAM PAR BSHAD DO, ,'DI SKAD BSHAD PAR 'GYUR TE, G-YO BA'I LAS DANG YANG BA NYID KYI RANG BZHIN CAN NI RLUNG GI KHAMS SO, ,SA LA SOGS PA BDAG GIS 'BYUNG BA RNAMS MA BSTAN PA'I PHYIR SA LA SOGS PA DAG 'BYUNG BA RNAMS LAS GZHAN YIN NO ZHES @35B DON GYIS SMRAS PAR 'GYUR RO, ,DE'I PHYIR 'DRI BA NI, SA LA SOGS PA DAG DANG ZHES RGYA CHER 'BYUNG BA'O, ,KHA DOG DBYIBS LAS ZHES BYA'O, ,GZUGS DANG, DRI DANG, RO DANG LDAN PA NI SA'I SNYAM DU JI LTAR GZEGS CAN PAR NAMS SEMS PA LTAR NI MA YIN TE, DE DAG GIS GZUGS LA SOGS PA'I TSOGS PA TSOGS PA LAS THA DAD PA'I SA BSTAN PAR MI NUS PA'I PHYIR TE, NAS KYI KHU BA DANG, BTUNG BA LA SOGS PA BZHIN NO, ,GAL TE SA'I SGRAS TSOGS PA BZUNG LA, DE LA DRI DANG, RO DANG, REG PA YONG KYANG KHA DOG DANG DBYIBS KHO NA LAS ZHES BYA BA'I RGYU BRJOD PAR BYA'O ZHE NA, 'JIG RTEN GYI THA SNYAD DU ZHES BRJOD PA MA YIN NAM, 'JIG RTEN LAS GRAGS PA NI BRTAGS PAR YOD PA YIN LA, 'JIG RTEN GYI YANG SA STON PA NA KHA DANG DANG DBYIBS STON PAR BYED DO, ,'DI LTAR ZHE BYA BA NI GANG GI PHYIR GYI DON TO, ,RLUNG TSOGS KHAMS NYID YIN ZHES BYA BA NI RLUNG LA KHA DOG DANG DBYIBS MA MTHONG BA'I PHYIR RO, ,DE DANG 'DRA BA YIN ZHES BYA BA LA, JI LTAR 'JIG RTEN GYI THA SNYAD DU KHA DOG DANG DBYIBS LA SAR BRJOD PA DE BZHIN DU RES 'GA' 'JIG RTEN GYI THA SNYAD KHAS BLANGS NAS RLUNG YANG YIN NO, ,RLUNG RNAMS KYI TSOGS NI RLUNG NGO, ,RNAG GI NGO BO PHAN TSUN THA DAD PA DAG LA, SGRA MI THAD PA 'JUG PA'I RGYU MTSAN KHONG DU MA CHUD PA'I PHYIR TE, GZUGS NYID MED PA'I PHYIR RO ZHES BYA BA'I BSAM PAS SAM, YANG NA THAMS CAD LA 'CHAD PAR 'GYUR BA'I NGES PA'I TSIG MED PA'I PHYIR 'DRI BA NI, CI'I PHYIR ZHES BYA BA RGYA CHER 'BYUNG BA'O, ,GZUGS SU RUNG BA'I PHYIR TE ZHES BYA BA 'DI NI GZUGS KYI NGES PA'I TSIG GO, ,GZUGS SU YOD CING GZUGS SU RUNG NGO ZHES BYA BAR NGES PAR GZUNG BAR CI NAS KYANG SHES PAR BYA BA'I PHYIR TE, LAG PA LA SOGS PAS REG PAR GYUR PA RNAM PAR 'GYUR BAR 'GYUR RO ZHES BYA BA'I DON TO, ,GZUGS SU RUNG BA ZHES BYA BA NI GNOD PAR BYAR RUNG ZHES BYA BA 'DI LA, KHUNGS NI DON GYI SDE TSAN DAG LAS MDOG GSUNGS PA YIN NO, ,'DI LA DPER BRJOD PA NI, ZUG RNGUS ZUG BZHIN GNOD PAR 'GYUR, ,ZHES BYA BA 'DI YIN TE, GNOD PA'I GNAS SU GZUGS SU RUNG BA'I SGRAR SBYAR BA'I PHYIR RO, ,GAL TE ZUG RNGUS ZUG PA LA SOG PA DANG BCAS PAS ZUG RDUS BSNUN PA LAS @36A *, ,SKYES PA'I SDUG BSNGAL GYIS GNOD PAR 'GYUR BA DANG, GNOD PA TSOL BAR BYED PA LA, ,DE'I TSOR BA'I 'DOD PA LA GNOD PA BYAS PAS BSKYED PAS GNOD PAR 'GYUR RO ZHES BYA BA NI RIGS NA, GZUGS LA NI SEMS PA CAN MA YIN PAS SDUG BSNGAL MED PA'I PHYIR RAM, YANG NA GZUGS SKAD CIG MA YIN PA NYID KYIS GNOD PA BYED PA'I DUS MED PA'I PHYIR, GNOD PA GANG ZHIG YOD CE NA, DE'I PHYIR, YONGS SU 'GYUR BA SKYED PA'O ZHES BYA BA SMOS TE RGYUN GYI DBANG DU BYAS NAS YIN GYI, SKAD CIG GI NI MA YIN NO, ,YONGS SU 'GYUR BA NI GZHAN DU 'GYUR BA PA NYID DO, ,MI 'DRA BA YONGS SU 'GYUR BA NI YONGS SU 'GYUR BA STE, SNGA MA DANG MI 'DRA BA NYID DU BSKYED PA'O ZHES BYA BA'I DON TO, ,GZHAN DAG NA RE GZUGS SU RUNG BA NI THOGS PA'O ZHES BYA BA NI RANG GI YUL DU GZHAN SKYE BA'I GEGS SO, ,'O NA NI RDUL PHRA RAB CES BYA BA LA, GAL TE GZUGS SU RUNG BA YONGS SU 'GYUR BA BSKYED PA DANG THOGS PA YIN NA NI GNYIS KA LTAR YANG GZUGS SU MI 'GYUR TE CHA SHAS MED PA'I PHYIR RO, ,DE NI JI LTAR BLTA BAR MI NUS PA DE BZHIN DU LAG PA LA SOGS PA'I LUS DE REG PA LA SOGS PA DAG GIS REG PAR YANG MI NUS TE, YONGS SU 'GYUR BA YANG MA YIN LA THOGS PA YANG MA YIN NO SNYAM DU BSAM PA'O, ,'DI NI RDZAS KYI RDUL PHRA RAB LA MNGON PAR 'DOD KYI, 'DUS PA'I RDUL PHRA RAB NI MA YIN TE, DE NI RDZAS BRGYAD PA YIN PAS GZUGS SU RUNG BA MI 'GAL LO, ,DE NYID KYI PHYIR, RDUL PHRA RAB KYI RDZAS GCIG PU LOGS SHIG TU GYUR PA NI MED PA NYID DO ZHES BYA BA SMOS TE, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,CES BYA BA LA SOGS PAR NGES PA'I PHYIR RO, ,'DUS PA LA GNAS PA DE LA NI GZUGS SU RUNG BA NYID DO STE, YONGS SU 'GYUR BA'AM THOGS PA YIN NO, ,'O NA NI 'DAS PA DANG MA 'ONGS PA ZHES BYA BA LA, YUL NA MI GNAS PA'I PHYIR GNOD PAR BYAR RUNG BA MA YIN ZHING THOGS PA MA YIN TE, GZUGS MA YIN NO SNYAM DU BSAMS PA'O, ,DE YANG GZUGS SU YOD ZIN PA DANG ZHES BYA BA NI 'DAS PA'O, ,GZUGS SU YOD PAR 'GYUR BA ZHES BYA BA NI MA 'ONGS PA SKYE BA'I CHOS CAN NO, ,DE DANG RIGS MTHUN PA ZHES @36B BYA BA NI GZUGS SU YOD PAR GYUR PA DANG RIGS MTHUN PA MI SKYE BA'I CHOS CAN LA 'DOD DO, BUNG SHING BZHIN NO, ,DPER NA SHING LA SOGS PA 'BUD BZHIN PA MA YIN PA YANG BUD SHING DU BRJOD DO, ,GANG ZHIG 'BUD PAR 'GYUR BA DANG, GANG ZHIG 'BUD PAR 'GYUR BA MA YIN PA DE THAMS CAD DE DANG RIGS MTHUN PA'I PHYIR BUD SHING YIN PA DE BZHIN DU 'DIR YANG YIN NO, ,'O NA NI RNAM PAR RIG BYED MA YIN PA GZUGS MA YIN PAR 'GYUR TE, DE DANG RIGS MTHUN PA MA YIN PA'I PHYIR DANG, THOGS PA MED PA'I PHYIR RO ZHE NA, RNAM PAR RIG BYED KYANG RGYUR BYAS PA'I GZUGS DANG RIGS MTHUN PA'I PHYIR GZUGS DANG RIGS MTHUN PA NYID DE, 'BYUNG BA CHEN PO DAG RGYUR BYAS NAS 'BYUNG BA'I PHYIR RO, ,DE YANG RNAM PAR RIG BYED LA GZUGS SU YOD PA'I PHYIR GZUGS SU YOD PAR 'GYUR TE ZHES BYA BA LA SOGS PA LA, DE KUN NAS SLONG BAR BYED PA LUS DANG NGAG GI RNAM PAR RIG BYED LAG PA LA SOGS PA'I 'DUS TE REG PA DAG GIS RNAM PAR 'GYUR BAR 'GYUR BA'I PHYIR RNAM PAR RIG BYED MA YIN PA YANG GZUGS SU YOD PAR 'GYUR TE, 'GYUR BA MED PA'I PHYIR MA YIN TE ZHES BYA BA LA, RNAM PAR RIG BYED RNAM PAR 'GYUR BZHIN DU RNAM PAR RIG BYED MA YIN PAR MI 'GYUR TE KHYAD PAR MED PA'I PHYIR RO, ,'DI LTAR THAL MO SBYAR BA DANG, ,SGRA LA SOGS PAR 'GYUR BA NA, ,RNAM PAR RIG BYED MA YIN PA LA KHYAD PAR YOD PA MA YIN NO, ,SHING LJON PA LA NI YAL GA DANG PO LA SOGS PA'I CHUNG BA DANG, 'PHEL BA YIN PA DANG, GRIB MA CHUNG BA DANG, 'PHEL BAR 'GYUR BAS SHING LJON PA G-YOS PAS GRIB MA G-YO BA MI 'GAL LO, ,GZHAN YANG; JI LTAR SHING LJON PA LOG NA GRIB MA LOG PA LTAR, RNAM PAR RIG BYED LOG PA NA RNAM PAR RIG BYED MA YIN PA LDOG PAR 'GYUR NA, DE LTAR NI 'GYUR BA YANG MA YIN TE, DE NI DE RNAM PAR 'GYUR BA'I RJES SU BYED PA MA YIN PA'I PHYIR RO; ,GZHAN DAG NA RE RTEN GYI 'BYUNG BA LA GZUGS SU YOD PA'I PHYIR RO ZHES ZER RO ZHES BYA BA NI SLOB DPON DBYIG GNYEN SNGA MA STE, SNGON PO LA SOGS PA RGYUR BYAS PA'I GZUGS SU 'BYUNG BA LA BRTEN PA NI 'BYUNG BA DANG, GRUB PA DANG, BDE BA GCIG PAR MTHONG BA STE, DE'I PHYIR RGYUR BYAS PA'I @37A *, ,GZUGS YIN PAS 'DI YANG RTEN GYI 'BYUNG BA LA GZUGS SU YOD PA'I PHYIR GZUGS SU RUNG NGO, ,THOGS PA DANG BCAS PA'I PHYIR RGYUR BYAS PA'I GZUGS GZHAN NI GZUGS SU YOD PA DNGOS SU KHAS BLANGS PA'I PHYIR LA, 'DI NI THOGS PA MED PA'I PHYIR RTEN GYI SGO KHO NAS GZUGS SU RUNG BA YIN NO ZHE'O, ,DE LTA NA NI MIG GI RNAM PAR SHES PA LA SOGS PA DAG KYANG ZHES BYA BA RGYAS PAR 'BYUNG STE, DE RNAMS KYI RTEN MIG LA SOGS PA DAG NI THOGS PA DANG BCAS PA YIN NO ZHE'O, ,NYE BAR BKOD PA 'DI NI MI MTHUN PA YIN TE ZHES BYA BA NI DE NYID LAN SMRA BA'O, ,RNAM PAR RIG BYED MA YIN PA NI LJON PA LA GRIB MA NYID DANG ZHES BYA BA RGYA CHER 'BYUNG STE, JI LTAR LJON PA DANG, GRIB MA DANG, NOR BU DANG, 'OD GRUB PA DANG, BDE BA GCIG PA DE BZHIN DU RNAM PAR RIG BYED MA YIN PA YANG 'BYUNG BA DAG DANG, GRUB PA DANG, BDE BA GCIG GO SNYAM DU DGONGS SO, ,MIG GI RNAM PAR SHES PA LA SOGS PA DAG NI DE LTAR MIG LA SOGS PA DAG GRUB PA DANG BDE BA GCIG PA MA YIN NO, ,DE DAG NI DE DAG GI SKYE BA'I RGYU MTSAN TZAM 'BA' ZHIG TU ZAD PAS SO ZHES BYA BA RGYAS PAR 'BYUNG BA LA, DBANG PO DA DAG NI RNAM PAR SHES PA DE DAG GI SKYE BA'I RGYU MTSAN TE, BSKYAD PAR BYA BA RGYU MTSAN DU 'GYUR RO, ,'DI NI RE ZHIG BYA BRAG TU SMRA BA MA YIN TE ZHES BYA BA LA, 'DI BYE BRAG TU SMRA BA RNAMS KYI YIN PA NI BYE BRAG TU SMRA BA'I 'O, ,BYE BRAG TU SMRA BA'I MA YIN PA NI BYE BRAG TU SMRA BA'I MA YIN PA'O, ,DE GANG ZHE NA, SHING LJON PA LA BRTEN NAS GRIB MA DANG ZHES BYA BA RGYAS PAR 'BYUNG BA'O; ,JI LTAR BYE BRAG TU SMRA BA'I MA YIN ZHE NA, GRIB MA LA SOGS PA KHA DOG GI RDUL PHRA RAB RNAMS ZHES BYA BA LA SOGS PA'O, ,DE LA GRIB MA DANG 'OD CES BYA BA NI KHA DOG GI GZUGS KHO NA LA BRJOD LA, KHA DOG GI RDUL PHRA RAB RNAMS NI RANG GI 'BYUNG BA BZHI TSAN LA BRTEN PA'I PHYIR SHING LJON PA LA SOGS PA DAG RTEN DU MI 'DOD DO, ,GRIB MA DANG 'OD DE GA LA BRTEN PA YIN YANG ZHES BYA BA LA, SHING LJON PA DANG NOR BU DAG LA BRTEN PA NYID DO, ,GANG DAG CE NA, GRIB MA DANG 'OD DAG CES BYA BA DANG SBYAR RO, ,GRIB MA DANG 'OD NI RANG GI 'BYUNG BA LA BRTEN LA, DE DAG NI SHING LJON PA DANG NOR BU @37B LA BRTEN TE, DE DAG GI RJES SU BYED PA'I PHYIR RO, ,RNAM PAR RIG BYED MA YIN PA'I RTEN 'BYUNG BA CHEN PO DAG 'GAGS KYANG ZHES BYA BA LA, 'DOD GTOGS RNAM RIG MIN SKAD CIG ,PHYIN CHAD 'DAS PA'I RGYU LAS 'BYUNG, ,ZHES 'BYUNG BAS RTEN GYI 'BYUNG BA CHEN PO DAG 'GAGS KYANG 'DOD PAR GTOGS PA'I RNAM PAR RIG BYED MA YIN PA RJES SU 'JUG PA YIN GYI, GRIB MA DANG 'OD DAG NI DE LTAR RTEN 'GAGS PAS MI 'GAG PA MA YIN NO, ,DE'I PHYIR RNAM PAR RIG BYED MA YIN PA'I SHING LJON PA LA GRIB MA NYID DANG ZHES GANG SMRAS PA DE NI LAN MA YIN NO, ,GZHAN DAG GIS NI 'DI LA ZHES BYA BA NI SLOB DPON NYID DE, MIG LA SOGS PA'I RNAM PAR SHES PA DAG GZUGS NYID DU THAL BAR 'GYUR RO ZHES BYA BA 'DI LA'O, ,'DI SKAD BSTAN PAR 'GYUR TE, GAL TE RTEN GZUGS SU YOD PA'I PHYIR MIG LA SOGS PA'I RNAM PAR SHES PA DAG KYANG RNAM PAR RIG BYED MA YIN PA LTAR GZUGS NYID YIN NA NI DE LTA NA DE'I RTEN GZUGS SU YOD PA MA YIN PA'I PHYIR, 'GA' ZHIG GZUGS NYID MA YIN PAR YANG 'GYUR NA, GCIG LA CHOS PHAN TSUN 'GAL BA'I 'DU BA YANG MA YIN TE, RTAG PA DANG MI RTAG PA BZHIN NO, ,RNAM PAR RIG BYED MA YIN PA DE LTAR RTEN THA DAD DU GYUR PA MA YIN TE, 'O NA CI ZHE NA; THAMS CAD GZUGS SU YOD PA YIN NO, ,DE LTA BAS NA 'DRA BAS THAL BA MED DO, ,PHUNG PO RNAM PAR GZHAG PA'I MJUG THOGS SU KHAMS DANG SKYE MCHED RNAM PAR GZHAG PA'I RIG PA LAS 'DAS TE, TSOR BA LA SOGS PA'I PHUNG PO'I MTSAN NYID MA BSTAN PA KHO NAR, DBANG DON DE DAG KHO NA LA, ,SKYE MCHED DANG NI KHAMS BCUR 'DOD, ,CES GZUGS KYI PHUNG PO'I SKYE MCHED DANG, KHAMS RNAM PAR GZHAG PA SMOS PA NI BDE BLAG TU BSTAN PAR BYA BA'I PHYIR RO, ,DE DAG KHO NA ZHES BYA BA NI GZUGS NI DBANG PO LNGA DANG DON LNGA DANG ZHES BYA BA GANG DAG GZUGS KYI PHUNG PO'I RANG BZHIN DU BSTAN PA DAG GO, ,DBANG PO RNAMS DANG DON RNAMS NI DBANG DON NO, ,YID KYI DBANG PO LA SOGS PA DBANG PO DAG DANG, YID KYI RNAM PAR SHES PAS SHES PAR BYA BA TSOR BA LA SOGS PA DON RNAMS GZHAN DANG GZHAN YANG YOD PA DE'I PHYIR DE DAG KHO NA LA ZHES BYA BA SMOS SO, ,GZUGS @38A *, ,KYI PHUNG PO DANG ZHES BYA BA NI, GZUGS NI DBANG PO LNGA DANG ZHES BYA BA LA SOGS PAS SO, DE'I SKYE MCHED DANG, KHAMS RNAM PAR GZHAG PA BSHAD ZIN TO ZHES BYA BA LA, DE'I STE GZUGS KYI PHUNG PO'I'O, JI LTAR ZHE NA, GONG MA BZHIN NO, ,GAL TE RNAM PAR RIG BYED MA YIN PA'I GZUGS KYI SKYE MCHED DANG KHAMS RNAM PAR GZHAG PAR BYA DGOS PA MA YIN NO ZHE NA, BYA DGOS PA BDEN MOD KYI, DRUNGS PA GCIG MA BRDAS PAS ZHING MA BRDAS PA ZHES BYA BA NI MA YIN NO, ,CHOS KYI SKYE MCHED KYIS BSDUS PA'I PHYIR RNAM PAR RIG BYED MA YIN PA'I SKYE MCHED DANG KHAMS NI PHYI NAS RNAM PAR 'JOG PAR 'GYUR RO, ,TSOR BA LA SOGS PA BRJOD PAR BYA STE ZHES BYA BA LA, 'DUS BYAS CHOS RNAMS DE DAG NI, ,GZUGS LA SOGS PA PHUNG PO LNGA, ,ZHES BSHAD PA DE LA, GZUGS KYI PHUNG PO NI BSHAD ZIN TO, ,DA NI TSOR BA LA SOGS PA DAG BRJOD PAR BYA'O; ,TSOR BA MYONG BA ZHES BYA BA LA, NYAMS SU MYONG BA NI MYONG BA'O, ,YUL DANG MTHUN PAR NYAMS SU MYONG BA NI MYONG BA STE, DNGOS PO'I RANG GI NGO BO SIM PA DANG, NYE BAR GDUNG BA DANG, RNAM PA DE GNYIS KA LAS RNAM BAR GROL BA MNGON SUM DU BYED PA'O, ,YANG NA NYAMS SU MYONG BAR BYED PAS NA MYONG BA'O, ,DE YANG RANG BZHIN THA DAD PA LAS RNAM PA GSUM MO, ,DE LA LUS DANG SEMS 'PHEL BAR 'JUG PA NI BDE BA'O, ,'GRIB PAR 'JUG PA NI SDUG BSNGAL LO, ,GANG ZHIG GNYIS YANG MI 'JUG LA, YOD PA'I MYONG BA DE NI BDE BA YANG MA YIN SDUG BSNGAL YANG MA YIN TE, GNAG BA YANG MA YIN DKAR BA YANG MA YIN PA'I LAS BZHIN NO, ,RGYU MTSAN GYI DBYE BA LAS NI RNAM PA DRUG STE, MIG DANG, GZUGS DANG, RNAM PAR SHES PA DANG GSUM TSOGS PA NI MIG GI 'DUS TE REG PA YIN LA, DE LAS SKYES PA NI MIG GI 'DUS TE REG PA LAS BYUNG BA'O, ,RNA BA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA YANG DE BZHIN DU RIG PAR BYA'O, ,'DU SHES NI, MTSAN MAR 'DZIN PA'I BDAG NYID DO, ,ZHES BYA BA LA RGYU MTSAN NI KHYAD PAR TE, BDAG NYID RANG BZHIN DANG, RANG GI NGO BO ZHES BYA BA NI RNAM GRANGS DAG GO, ,'DI SKAD DU @38B KHYAD PAR 'DZIN PA'I RANG BZHIN NI ZHES BSHAD PAR 'GYUR TE, DPER NA BUD MED NI BU SKYED PAR BYED PA'I BDAG NYID DO ZHES BYA BA LTA BU'O, ,'DU SHES NI CHOS DANG SEMS KYI KHYAD PAR LA BRTEN TE 'JUG PA'I PHYIR NA SNGON PO DANG, SER PO DANG, RING PO DANG ZHES BYA BA LA SOGS PA 'DI TZAM ZHIG DPER BRJOD DO, ,MIG GI 'DUS TE REG PA'I 'DU SHES LA GNYIS, DPER BRJOD PA NI KHA DOG DANG DBYIBS GZUGS KYI SKYE MCHED KYI RAB TU DBYE BA MA YIN PAR BSTAN PA'I PHYIR TE, DE BZHIN DU GZHAN LA YANG SBYAR BAR BYA'O, ,DE YANG DBYE NA ZHES BYA BA RGYAS PAR 'BYUNG BA LA, MIG LA SOGS PA RKYEN GYIS BYAS PA'I DBYE BA DRUG GO, ,TSOR BA BZHIN NO ZHES BYA BA LA, DPER NA TSOR BA'I PHUNG PO RTEN GYI DBYE BAS DRUG TU PHYE BA DE BZHIN DU 'DU SHES KYI PHUNG PO YANG MIG GI 'DUS TE REG PA LAS BYUNG BA'I 'DU SHES NAS YID KYI 'DUS TE REG PA LAS BYUNG BA'I 'DU SHES ZHES BYA BA'I BAR DRUG TU DBYE'O, , TSOGS KYI SGRA NI RE RE ZHING RDZAS DU MA YIN PAR SHES PAR BYA BA'I PHYIR RO, ,GAL TE YUL GYI KHYAD PAR 'DZIN PA'I RNAM PAR RTOG PA NI THOGS PA'I REG PA RNAM PAR RTOG PA MED PA DANG MTSUNGS PAR LDAN PAR JI LTAR RUNG ZHE NA, 'DU SHES NI SA MANG PO PA YIN PA'I PHYIR TSOR BA BZHIN DU RNAM PAR SHES PA THAMS CAD DANG MTSUNGS PAR LDAN TE, THOGS PA'I REG PA DANG MTSUNGS PAR LDAN PA NA, G-YENG BA MA YIN PHYIR ZHES PAS NA DE LA BYA BA MNGON PAR GSAL BAR MI 'GYUR GYI, G-YENG BA'I PHYIR TSIG BLA DAGS KYI REG PA DANG MTSUNGS PAR LDAN PA LA NI DE'I BYA BA MNGON PAR GSAL BAR 'GYUR RO ZHES BYA BA 'DI NI KHYAD PAR RO, ,MIG GI RNAM PAR SHES PA'I DUS SU RGYU MTSAN MA BZUNG BAS NI YID KYI RNAM PAR SHES PAS NGES PAR RTOGS PAR MI NUS TE, DE DRANGS PA'I PHYIR RO, ,DE LTA MA YIN TE, GAL TE DBANG PO'I RNAM PAR SHES PA MED PAR YID KYI RNAM PAR SHES PA GZUGS LA SOGS PA LA DNGOS SU 'JUG NA NI LONG BA YANG LONG BA MA YIN PAR 'GYUR RO, ,DE'I PHYIR TSOR BA BZHIN DU 'DU SHES KYANG REG PA THA DAD PA LA THA DAD PAR MI 'GAL LO, ,'DU BYED PHUNG PO GZHI LAS GZHAN, ,ZHES BYA BA LA, GANG DAG JI SKAD DU BSHAD PA GSUM DANG 'CHAD PAR 'GYUR BA'I RNAM PAR SHES PA'I PHUNG @39A *, ,PO LAS GZHAN PA MTSUNGS PAR LDAN PA DANG MI LDAN PA'I 'DU BYED DE DAG NI 'DU BYED KYI PHUNG PO'O, ,JI LTAR RNAM PAR SHES PA'I PHUNG PO MA BSTAN PAR BZHI LAS GZHAN ZHES BRJOD CE NA, 'DUS BYAS CHOS RNAMS DE DAG NI, ,GZUGS LA SOGS PA PHUNG PO LNGA, ,ZHES RNAM PAR SHES BA SNGAR BSTAN ZIN PAS NYES PA 'DI NI MED DO, ,BCOM LDAN 'DAS KYIS MDO LA SOGS PAS NI LUNG DANG 'GAL BA SPONG NGO, ,MDO LAS NI 'DU BYED KYI PHUNG PO GANG ZHE NA, SEMS PA'I TSOGS DRUG GO ZHES GSUNGS LA, KHA CIG MDO 'DI LA BRTEN NAS 'DU BYED KYI PHUNG PO NI SEMS PA KHO NA YIN NO SNYAM DU SEMS TE, DE DAG LA MDO 'DI NI DGONGS PA CAN YIN NO ZHES BSHAD PAR BYA BA'I PHYIR, BCOM LDAN 'DAS KYIS MDO LAS ZHES BYA BA SMOS SO, ,YANG CI'I PHYIR, SEMS LAS BYUNG BA DANG LDAN PA MA YIN PAR 'DU BYED KYI PHUNG BOS BSDUS PA GZHAN RNAMS KYANG YOD NA, SEMS PA KHO NA 'DU BYED KYI PHUNG PO NYID DU GSUNGS SHE NA, DE'I PHYIR GTZO BO YIN PA'I PHYIR TE ZHES BYA BA SMOS SO, ,GANG LAS GTZO BO YIN ZHE NA, ,DE LAS GZHAN REG PA DANG, YID LA BYED PA DANG, THOB PA LA SOGS PA 'DU BYED KYI PHUNG POS BSDUS PAS SO, , LHAG MA RNAMS LAS DE GTZO BOR GYUR PA CIS BYAS PA ZHIG CE NA, DE'I PHYIR BSHAD PA, DE NI LAS KYI RANG BZHIN YIN PA'I PHYIR, DE DANG MTSUNGS PAR LDAN PA LHAG MA RNAMS LAS MNGON PAR 'DU BYA BA LA GTZO BO YIN NO, MNGON PAR 'DU BYA BA NI RNAM PAR SMIN PA 'PHEN PA YIN LA, DE'I DBANG GIS LHAG MA RNAM PAR SMIN PA 'PHEN PA'I PHYIR GTZO BO YIN NO, ,GZHAN DAG NA RE 'DI LTA BU DAD 'DI LTA BUR GYUR CIG CES DE LTAR MNGON PAR 'DU BYA BA LA GTZO BO YIN NO ZHES ZER RO, ,DE NYID KYI PHYIR ZHES BYA BA NI SEMS PA MNGON PAR 'DU BYA BA DE NYID KYI PHYIR RO, ,BCOM LDAN 'DAS KYIS 'DUS BYAS MNGON PAR 'DU BYED DE ZHES BYA BA RGYAS PAR 'BYUNG BA LA YANG GAL TE 'DUS BYAS NYID YIN NA, DE MNGON PAR 'DU BYED CE NA, KHA CIG NA RE CUNG ZAD CIG YOD DU ZIN KYANG 'BRAS BU 'PHEN PA LA GTZO BO YIN PAS SKYE BA DANG RJES SU MTHUN PAR RNAM PAR 'JOG PAR BYED PAS LUS MNGON PAR 'DU BYED @39B DO BRJOD DO ZHES ZER RO, ,GZHAN DAG NA RE DPER NA 'BRAS CHAN 'TSED, PHYE 'THAG CES 'BYUNG BAR 'GYUR BA'I MING GIS YIN BA DE BZHIN DU PHUNG PO LNGA'I MTSAN NYID KYIS 'DUS BYAS KYANG 'DI LTA BU DANG, 'DI LTA BUR GYUR CIG CES DE LTAR MNGON PAR 'DU BYED DO ZHE'O, ,YANG NA PHUNG PO BZHIS MA BSDUS PA'I 'DU BYED RNAMS BSDU BAR BYA BA'I PHYIR CHOS KYI SKYE MCHED DANG, KHAMS BZHIN DU 'DU BYED NYE BAR LEN PA'I PHUNG PO'O ZHES 'DU BYED KYI SGRAS PHYIR BSTAN TO, ,DE LTA MA YIN NA TSOR BA LA SOGS PA'I PHUNG PO LTAR SEMS PA'I PHUNG PO ZHES BRJOD PAR 'GYUR RO, ,DE LTA MA YIN NA ZHES BYA BA LA; GAL TE SEMS PA KHO NA 'DU BYED KYI PHUNG PO YIN GYI, REG PA DANG, YID LA BYED PA LA SOGS PA RNAMS DANG, THOS PA LA SOGS PA RNAMS MA YIN NA DE LTA NA DE RNAMS GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO DAG TU MA BSDUS PA'I PHYIR, SDUG BSNGAL DANG KUN 'BYUNG BA'I BDEN PA NYID DU MI 'GYUR TE, 'DUS MA BYAS BZHIN NO, DE RNAMS GZUGS KYI PHUNG POS BSDUS PAR NI MI RIGS TE, GZUGS SU YOD PA MED PA'I PHYIR RO, ,TSOR BA LA SOGS PA'I PHUNG POS BSDUS PA YANG MA YIN TE, NYAMS SU MYONG BA LA SOGS PA'I MTSAN NYID MED PA'I PHYIR RO, ,DE LA CIR 'GYUR ZHE NA, YONGS SU SHES PA DANG SPANG BAR YANG MI 'GYUR RO, ,YONGS SU SHES PA DANG, SPANG BA DAG STE, SDUG BSNGAL YONGS SU SHES PA DANG, KUN 'BYUNG SPANG BAR MI 'GYUR RO, ,YONGS SU SHES PA DANG, SPANGS PA MED NA NYES PA CI YOD CE NA, DE'I PHYIR, BCOM LDAN 'DAS KYIS NI ZHES BYA BA RGYAS PAR SMOS SO, ,MNGON PAR MA SHES ZHES BYA BA NI MTHONG BA'I LAM GYIS SO, ,YONGS SU MA SHES PAR ZHES BYA BA NI BSGOM PA'I LAM GYIS SO, ,YANG NA MNGON PAR MA SHES SHING ZHES BYA BA NI 'JIG RTEN PA'I SHES PAS SO, ,YONGS SU MA SHES PAR ZHES BYA BA NI 'JIG RTEN LAS 'DAS PA'I SHES PA STE, ZAG PA MED PA'I SHES PA NI YONGS SU SHES PA'O ZHES BSHAD PA'I PHYIR RO, ,YANG NA GO RIMS JI LTA BA BZHIN DU CHOS DANG RJES SU SHES PA DAG GAM, BZOD PA @40A *, ,DANG SHES PA DAG GIS YIN PAR RIG PAR BYA'O, ,DE BZHIN DU MA SPANGS PAR ZHES GSUNGS TE ZHES BYA BA NI CHOS GCIG KYANG MNGON PAR MA SHES SHING, MA SPANGS PAR SDUG BSNGAL GYI MTHAR BYED PAR NGA MI SMRA'O ZHES BYA BA'O, ,DE LA SDUG BSNGAL SHES PAS YONGS SU MA SHES SHING, KUN 'BYUNG SHES PAS MA SPANGS PAR TE, BSHAD PA NI THAL MA THAG TU BSTAN PA NYID YIN NO, ,DE'I PHYIR GDON MI ZA BAR REG PA DANG, YID LA BYED PA LA SOGS PA DANG, THOB PA LA SOGS PA DE RNAMS 'DU BYED KYI PHUNG POS BSDUS PAR KHAS BLANG BAR BYA STE, DE LTA MA YIN NA SANGS RGYAS 'BYUNG BA DANG, CHOS STON PA DON MED PAR THAL BAR 'GYUR RO, ,DE ZHES BYA BA NI RNAM PAR SHES PA'I PHUNG PO RNAM PAR GCAD PAR BYA BA'I PHYIR RO, ,GSUM ZHES BYA BA NI GZUGS KYI PHUNG PO GSAL BAR BYA BA'I PHYIR RO, ,SKYE MCHED BCU GCIG DANG, KHAMS BCU BDUN GYIS MA BSDUS PA'I CHOS RNAMS CHOS KYI SKYE MCHED DANG, CHOS KYI KHAMS KYIS BSDUS PAS, DE'I PHYIR RNAM RIG BYED MIN DANG, ,'DUS MA BYAS RNAMS BCAS PA NI, ,ZHES BYA BA SMOS TE, SKYE MCHED RNAM PAR GZHAG PA NI CHOS KYI SKYE MCHED RDZAS BDUN GYI BDAG NYID CAN YIN LA, KHAMS RNAM PAR GZHAG PA NI CHOS KYI KHAMS ZHES BYA'O, ,RNAM SHES SO SOR RNAM RIG PA, ,ZHES BYA BA NI GZUGS BRNYAN DANG SGRA BRNYAN LTAR YUL SO SOR SNANG BA'I PHYIR DNGOS PO TZAM LA LTA BA NYID YIN NO, ,RNAM PAR SHES PA'I KHAMS KYI RAB TU DBYE BA BSTAN PAR BYA BA'I PHYIR SO SOR BSNAN PAR BRJOD DE, DE NYID KYI PHYIR, YUL DANG YUL LA SO SOR RNAM PAR RIG CES BYA BA SMOS SO, ,DE YANG GANG ZHIG CE NA, DMIGS PA ZHES BYA BA SMOS TE, DE NI DNGOS PO TZAM GYI SNANG BRNYAN NYID YIN PAR RIG PAR BYA'O, ,GANG ZHIG MDO LAS, RNAM PAR SHES PAR BYED PAS NA, ,ZHES BYED PA POR BSTAN PA NI RANG GI NGO BO TZAM STE, DE LA THA DAD PA'I RNAM PAR SHES PA PO DGAG PAR BYA BA'I PHYIR RO, ,DPER NA MI 'GRO'O ZHES BYA BA LTA BU STE, DE NI BAR MTSAMS MED PAR YUL GZHAN DAG TU SKYE BA NA CUNG ZAD KYANG MI BYED PAR BYED PA PO'I SDANG BA THOB PA DE BZHIN DU RNAM PAR SHES @40B PA YANG YUL GZHAN DAG TU RGYUN CHAGS SU SKYE BA CUNG ZAD KYANG MI BYED KYANG YUL DE DANG DE SHES PAR BYED DO ZHES BYED PA PO'I SDANG BA 'THOB BO, ,GANG LAS SHE NA, GRE SKYES RNAM PAR SHES PAR BYED DO ZHES NI NGA MI SMRA'O ZHES GZHAN LAS BYED PA PO BKAG PA'I PHYIR RO, ,DE YANG RNAM PAR SHES PA'I TSOGS DRUG STE ZHES BYA BA RGYAS PAR 'BYUNG STE, DMIGS PA DE NI MIG LA SOGS PA'I RNAM PAR SHES PA'I DBYE BAS DRUG TU 'GYUR RO, ,YID KYI SKYE MCHED KYANG DE YIN ZHES BYA BA LA, RNAM PAR SHES PA'I RDZAS RE RE ZHING YID KYI SKYE MCHED YIN GYI, 'DI BTAGS PA TSOGS PA PA NI MA YIN NO, ,KHAMS BDUN DAG TU 'DOD PA STE, BDUN GANG ZHE NA, RNAM SHES DRUG DANG DE NAS YID, ,CES BYA BA LA, DE NAS KYI SGRA NI SKABS SU BABS PA SNGA MA SBYOR BA STE, DPER NA DE NAS BCOM LDAN 'DAS 'DI SNYAM DU DGONGS TE ZHES BYA BA LTA BU'O, ,'ANG GI SGRA NI RNAM PAR SHES PA'I RDZAS RE RE ZHING KHAMS NYID YIN GYI, 'DI TSOGS PA ZHES BYA BA NI MA YIN NO ZHES BSTAN PA'I PHYIR RO, ,DE LTAR NA 'DIR PHUNG PO LNGA DANG ZHES BYA BA RGYAS PAR 'BYUNG BA LA, 'DIR ZHES BYA BA NI 'DUS BYAS DANG 'DUS MA BYAS ZHES 'CHAD PAR RO, ,GZHAN DAG NI ZAG PA DANG BCAS PA DANG ZAG PA MED PAR RO ZHES ZER RO, ,JI LTAR ZHE NA, 'DUS BYAS CHOS RNAMS DE DAG KYANG, ,GZUGS LA SOGS PA PHUNG PO LNGA, ,ZHES 'BYUNG BA'I PHYIR RO, ,SKYE MCHED DANG KHAMS NYE BAR BSTAN PA'I PHYIR, RNAM PAR RIG BYED MA YIN PA MA GTOGS PA GZUGS KYI PHUNG PO NI ZHES BYA BA RGYA CHER 'BYUNG NGO, ,RNAM PAR SHES PA'I PHUNG PO NI RNAM PAR SHES PA DRUG GI BDAG NYID YIN LA, DE DAG KYANG KHAMS RNAM PAR GZHAG PAR MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR RO ZHES BSTAN PA NYID DE, DE'I PHYIR RNAM PAR SHES PA'I PHUNG POS MA BSDUS PA YID KYI KHAMS YOD PA MA YIN PA NYID DO ZHES SNYING LA BZHAG NAS, YANG DE DAG LAS GZHAN PA YID KYI KHAMS DE DAG GANG YIN PA ZHES 'DRI STE, RNAM PAR SHES PA'I KHAMS DRUG PO DE DAG LAS ZHES BYA BA'I DON TO, ,DRUG PO 'DAS MA THAG BA YI, ,ZHES BYA BA RGYAS PAR 'BYUNG BA LA, @41A *, ,THAG PA SMOS PA NI BAR DANG BCAS PA RNAM PAR GCAD PAR BYA BA'I PHYIR RO, ,'DAS PA SMOS PA NI MA 'ONGS PA RNAM PAR GCAD PAR BYA BA'I DON DU'O, ,RNAM PAR SHES PA SMOS BA NI 'DAS MA THAG BA'I TSOR BA LA SOGS PA RNAM PAR GCAD PAR BYA BA'I PHYIR RO, ,NI SMOS PA NI RNAM PAR SHES PA DRUG LAS DE MA THAG TU 'DAS PA KHO NA YIN GYI, DE LAS THA DAD BA NI YOD PA MA YIN NO ZHES NGES PAR GZUNG BA'I DON DU'O, ,GANG SMOS PA NI GANG DANG GANG DE MA THAG TU 'DAS PA ZHES BSTAN PAR BYA BA'I PHYIR TE, DE DANG DE NI YOD DO ZHES BYA BAR KHONG DU CHUD PAR 'GYUR RO, ,'DIR 'DAS MA THAG PA NI RIGS MTHUN PA'I SKAD CIG MAS CHOD PA YIN GYI, RIGS MI MTHUN PAS CHOD BA NI MA YIN TE, DE LTAR NA 'GOG PA'I SNYOMS PAR 'JUG PA LAS LDANG BA'I SEMS LA YANG YOD PA NYID DU 'GYUR RO, ,DPER NA BU DE NYID GZHAN GYI PAR 'GYUR BA DANG ZHES BYA BA LA SOGS PA LA; BU DE NYID DUS DANG GNAS SKABS KYIS CHOD PA NA GNAS KYI PHAR 'GYUR LA, 'BRAS BU DE NYID DUS DANG GNAS SKABS KYIS CHOD PA NA GZHAN GYI SA BON YIN PA LTA BU STE, SEMS YOD PA DANG SEMS MED BA DAG LA DE MTHONG BAS GNYIS DPER BRJOD DO, ,DE BZHIN DU MIG LA SOGS PA'I RNAM PAR SHES PA GZHAN LA BRTEN PA NYID DUS GNAS SKABS KYIS CHOD PA NA GZHAN GYI RTEN DU 'GYUR RO, ,DE LTA YIN DANG, NGE NYID STON PA YIN PA'I PHYIR RNAM PAR SHES PA YIN LA, RTEN YIN PA'I PHYIR YID YIN NO ZHES BYA BAR 'GRUB PAR 'GYUR RO, ,DE LTA 'O NA NI ZHES BYA BA RGYA CHER 'BYUNG NGO, , JI LTAR ZHE NA, DE'I PHYIR, RNAM PAR SHES PA'I KHAMS DRUG DANG, YID KYI KHAMS RNAMS GCIG GI NANG DU GCIG 'DUS PA'I PHYIR ZHES BYA BA SMOS SO, ,GRANGS BSGRUB PA NI DON GYI DBANG GIS 'GYUR NA, DE LA GAL TE YID KYI KHAMS DRUG GI NANG DU 'DUS SO ZHES BYA BA YIN NA NI, DE LTA NA YID KYI KHAMS MA GTOGS PA GZHAN KHAMS BCU BDUN RDZAS SU YOD PAR 'GYUR RO, ,CI STE RNAM PAR SHES PA'I KHAMS DAG YID KYI KHAMS KYI NANG DU 'DU NA NI DE LTAN GZUGS CAN BCU DANG, YID KYI KHAMS DANG, CHOS KYI KHAMS ZHES BYA BA BCU GNYIS SU 'GYUR RO, ,DE LTA 'ANG YIN @41B MOD KYI ZHES BYA BA LA, DNGOS SU NA DON DAM PAR DE LTAR BCU BDUN NAM BCU GNYIS YOD MOD KYI, 'ON KYANG RTEN DANG BRTEN PA'I DBYE BAS PHYE NAS, DRUG PA'I RTEN NI RAB SGRUB PHYIR, ,KHAMS NI BCO BRGYAD DAG TU 'DOD DE, GANG GI PHYIR JI LTAR RNAM PAR SHES PA RNAMS DMIGS BA MED NA SKYE BAR MI 'GYUR BA DE BZHIN DU RTEN MED NA YANG YIN LA, DRUG PA YID KYI RNAM PAR SHES PA'I KHAMS LA NI JI LTAR MIG LA SOGS PA'I RNAM PAR SHES PA RNAMS LA MIG LA SOGS PA LTAR RTEN GZHAN YOD PA MA YIN NO, ,DE'I PHYIR YID KYI RNAM PAR SHES PA'I KHAMS KYI RTEN RAB TU BSGRUB PAR BYA BA'I PHYIR YID KYI KHAMS BSTAN TO, ,YANG JI LTAR 'GAGS ZIN PA DA LTAR BA'I RTEN DU BRJOD, DA LTAR BA'I RTEN NI DA LTAR BA KHO NA YIN PAR MTHONG STE, DPER NA MYU GU LA SOGS PA RNAMS KYIS YIN PA BZHIN NO ZHE NA, RIGS TE, DE SKYE BA LA NYE BA'I RGYUR GYUR PA'I PHYIR RO, ,JI LTAR GZUGS YOD KYANG MIG MED PAR DE'I RNAM PAR SHES PA MI SKYE BA DE BZHIN DU YUL RNAMS YOD KYANG, RNAM PAR SHES PA SNGA MA 'DUS PA MED PAR RNAM PAR SHES PA PHYI MA MI 'BYUNG NGO, DE NYID KYI PHYIR, 'GAGS MA THAG PA ZHES BRJOD KYI, CHES SNGAR 'GAGS PA NI MA YIN TE, DES GO PHYIR YANG DE MI SKYE BA'I PHYIR RO, ,DE'I PHYIR 'DI NI 'DIR RTEN GYI DNGOS PO YIN TE, DE YOD NA YOD PA'I PHYIR RO, ,YANG NA DA LTAR BA KHO NA SA DE'I RTEN GYI BYA BA BYED DE, DE MTSUNGS PA DE MA THAG PA'I RKYEN GYI 'BRAS BU NYID DU YONGS SU GZUNG BA'I PHYIR RO, ,'DAS PAS NI BYAS ZIN PA KHO NA'O, ,DE LTAR NA ZHES BYA BA RGYAS PAR 'BYUNG STE, DE LA RTEN DRUG TSAN NI MIG LA SOGS PA YID LA THUG PA'O, ,BRTEN PA DRUG TSAN NI MIG GI RNAM PAR SHES PA LA SOGS PA YID KYI RNAM PAR SHES PA LA THUG PA'O, ,DMIGS PA DRUG TSAN NI GZUGS LA SOGS PA CHOS KYI KHAMS KYI MTHAR THUG PA'O, ,'O NA NI DGRA BCOM PA'I ZHES BYA BA LA THA MA NI, GANG NAS MTSAMS MI SBYOR BA YONGS SU MYA NGAN LAS 'DAS PA'I DUS KYI TSE, THAMS CAD KYI THA MA GANG YIN PA'O, ,DE NYID LA RGYU SMRAS PA NI, DE GANG GI ZHES BYA BA RGYAS PAR 'BYUNG BA STE, RNAM PAR SHES PA 'DAS MA THAG PA LA YID CES BYA LA, DE GANG GIS 'DAS MA THAG PAR 'GYUR BA, DGRA @42A *, ,BCOM BA'I SEMS THA MA LAS SEMS GZHAN SKYE BA YANG MA YIN NO, ,DE YANG YID KYI NGO BOR ZHES BYA BA LA, PHYI MA'I RTEN GYI NGO BOR GNAS PA'I PHYIR NA DER YID NYID MA NYAMS SO SNYAM DU DGONGS SO, ,GO 'BYED PA LAS NI YID DU 'GYUR TE, MIG BZHIN NO, ,JI LTAR MIG RTEN GYI NGO BOR GNAS LA, RGYU GZHAN MA TSANG BA'I PHYIR RNAM PAR SHES PA MI SKYE BA DE BZHIN DU, RGYU GZHAN MA TSAD BA'I PHYIR RNAM PAR SHES BA PHYI MA MI SKYE'O, ,DE LA YID LAS MJUG THOGS SU RNAM PAR SHES PA SKYE BA'I RGYU GZHAN NI MTHONG BA'I CHOS KYI RNAM PAR SMIN PA LHAG MA DANG, 'GRO BAR NYID MTSAMS SBYOR BA'I NYON MONGS PA'I THOB PA YIN NO, ,DGRA BCOM PA'I RNAM PAR SHES PA THA MA LA NI YID KYI NGO BOR GNAS KYANG GNYIS KA MED PAS RNAM PAR SHES PA PHYI MA MI SKYE'O, ,CI STE PHUNG PO LA SOGS PA 'DI DAG LAS GANG GIS GANG BSDUS SHE NA, DE LA PHUNG PO DAG GIS NI, ,ZHES BYA BA LA SOGS PA SMOS TE, 'DUS BYAS CHOS RNAMS DE DAG KYANG, ,ZHES BYA BA DER CHOS 'DUS BYAS ZAG PA DANG BCAS PA DANG ZAG PA MED PA THAMS CAD BSDUS PAS PHUNG PO DAG GIS NI 'DUS BYAS THAMS CAD BSDUS SO, ,GANG DAG ZAG BCAS NYER LEN PA'I, ,PHUNG PO 'DI ZHES BYA BA DER ZAG BA DANG BCAS PA RNAMS KHO NA BSDUS PA'I PHYIR RO, ,NYE BAR LEN BA'I PHUNG PO DAG GIS NI ZAG PA DANG BCAS PA THAMS CAD BSDUS SO, ,SKYE MCHED DANG KHAMS DAG GIS NI CHOS THAMS CAD BSDUS SO, ,CHOS THAMS CAD KYANG PHUNG PO LNGA DANG 'DUS MA BYAS SO, ,'DI NI RE ZHIG RGYAS PA'I SGO NAS CHOS THAMS CAD BSDUS PA YIN LA, MDOR BSDUS NA NI, PHUNG PO DANG NI SKYE MCHED DANG, ,ZHES BYA BA RGYAS PAR 'BYUNG BA YIN NO, ,DANG GI SGRA NI CI NAS KYANG GZUGS KYI PHUNG PO DANG, YID KYI SKYE MCHED DANG, CHOS KYI KHAMS BSDUS PA DAG GIS YIN PA DE LTAR SHES PAR BYA'I, RE RES YIN PA DE LTAR SHES PAR NI MI BYA'O ZHES BSDU BA'I DON TO, ,DE LA GZUGS KYI PHUNG POS NI GZUGS CAN GYI KHAMS BCU DANG, RNAM PAR RIG BYED MA YIN NO, ,YID KYI SKYE MCHED KYIS NI SEMS KYI KHAMS BDUN NO, ,CHOS KYI KHAMS KYIS NI TSAR BA LA SOGS PA GSUM DANG, 'DUS MA BYAS @42B DANG; RNAM PAR RIG BYED MA YIN PA'O, ,YANG CI'I PHYIR GSUM PO 'DI DAG KHO NAS YIN GYI, GZHAN DAG GIS SAM, GNYIS SAM, GCIG GIS MA YIN ZHE NA, DE'I PHYIR, BSDU BA DE NI ZHES RGYAS PAR SMOS SO, ,GANG DANG GANG NAS BYUNG YANG RUNG, ,ZHES BYA BA LA, PHUNG PO DANG, SKYE MCHED DANG, KHAMS DAG GIS YIN PA 'BA' ZHIG TU MA ZAD KYI, 'O NA CI ZHE NA, GNAS NAS BDEN PA DANG, 'GRO BA DANG, KHAMS DANG, RTEN CING 'BREL PAR 'BYUNG BAS BSDU BA 'BYUNG BAR YANG RIG PAR BYA'O, ,RANG GI NGO BO NYID KYIS TE, GZHAN GYI DNGOS POS NI MA YIN NO, ,DE NYID LA RGYU BSHAD PA NI, GZHAN GYI DNGOS DANG MI LDAN PHYIR, ,ZHES BYA BA'O, ,'DI NI DNGOS PO RNAMS KYI RANG BZHIN YIN TE, 'DI LTA STE, RANG GI NGO BOS BSDUS PA'O, ,RANG GI NGO BOS NI ZLA BA'I DON DANG BRAL BA LA MNGON PAR 'DOD DO, ,GZHAN GYI DNGOS POS BSDUS NA NI CHOS GCIG SKYES PA DANG 'JIG PAS CHOS THAMS CAD SKYE BA DANG 'JIG PA MI 'DOD PA NYID DU THAL BAR 'GYUR LA, RIGS GCIG SPANGS PA LAS THAMS CAD SPANGS PAR 'GYUR BAS GONG MA'I GNYEN PO DON MED PA NYID DO, ,RANG GI NGO BOS BSDUS PAR BSTAN PA'I PHYIR RO, ,DPER NA MIG GI DBANG PO NI GZUGS KYI PHUNG PO DANG ZHES BYA BA LA SOGS PA RGYAS PAR 'BYUNG STE, GZUGS KYI MTSAN NYID DANG RJES SU 'BREL BA'I PHYIR RO, ,MIG GI SKYE MCHED DANG, KHAMS DAG GIS NI DE DAG GI RANG BZHIN YIN PA'I PHYIR RO, ,SDUG BSNGAL DANG KUN 'BYUNG BA'I BDEN PA DAG GIS ZHES BYA BA LA, GANG MI RTAG PA DE NI SDUG BSNGAL LO ZHES BYA BA'I PHYIR LA; SDUG BSNGAL GYI RGYU YIN PA'I PHYIR NA KUN 'BYUNG GI BDEN PAS BSDUS SO, ,DE DAG GI NGO BO YIN PA'I PHYIR RO ZHES BYA BA NI RE RE DANG SBYAR RO, ,JI LTAR ZHE NA, GZUGS KYI PHUNG PO'I NGO BO YIN PA'I PHYIR RO, ,MIG GI SKYE MCHED DANG KHAMS KYI NGO BO YIN PA'I PHYIR DANG, SDUG BSNGAL DANG KUN 'BYUNG BA'I NGO BO YIN PA'I PHYIR RO, ,GZHAN GYI DNGOS DANG MI LDAN PHYIR, ,ZHES BYA BA 'DI JI LTAR ZHE NA, DE DAG GI NGO BO DANG MI LDAN PA'I PHYIR PHUNG PO LA SOGS PA GZHAN DAG GIS NI MA YIN NO ZHES BYA BA SMOS TE, MI LDAN PA'I PHYIR TSOR BA LA SOGS PA'I PHUNG PO DAG DANG, RNA BA LA SOGS PA'I SKYE MCHED DANG, @43A *, ,KHAMS DAG DANG, 'GOG PA DANG LAM GYI BDEN PA DAG GIS NI MA YIN NO, ,DPER NA BSDU BA'I DNGOS PO BZHI PO DAG GIS 'KHOR RNAMS ZHES BYA BA RGYA CHER 'BYUNG BA LA, BSDU BA'I DNGOS PO BZHI NI SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA'O; ,'KHOR NI DGE SLONG DANG, DGE SLONG MA DANG, DGE BSNYEN DANG, DGE BSNYEN MA ZHES BYA BA STE, BSDU PA'I DNGOS PO DAG GIS NI 'KHOR RNAMS KYI RANG GI NGO BO MA YIN NO, ,GZHAN GYIS GZHAN BSDUS SO ZHES BYA BA NI MI 'DRA BAS SO, ,RES 'GA' BA YIN PA'I PHYIR ZHES BYA BA LA SOGS PA LA; RES 'GA' 'BYUNG BA NI RES 'GA' BA YIN LA, DE'I DNGOS PO NI RES 'GA' BA NYID DE, RES 'GA' BA NYID DE'I PHYIR RO, ,BRDAR BTAGS PA ZHES BYA BA NI THA SNYAD PA ZHES BYA BA'I DON TO, ,DE SNGAR DANG PHYIS MED PAS NA RES 'GA' BA'O, ,BSDU BA'I DNGOS PO DAG GIS NI 'KHONG RNAMS BDAG GIR BYED PAR ZAD DO, ,'O NA NI GANG PHUNG PO GSUM GYIS LAM BSDUS SO ZHES DE SKAD BRJOD CE NA, DER NI BSDU BA'I SGRAS RJES SU MTHUN PA TZAM ZHIG BRJOD DO, ,RANG GI NGO BOS BSDUS PAS NI RTAG PA DANG DON DAM PA PA YIN NO ZHES BSTAN PA'I PHYIR RO, ,RTEN GYI DBYE BAS KHAMS DBYE BA'I DBANG DU BYAS NAS 'DRI BA NI, MIG DANG RNA BA DANG SNA DAG CES BYA BA RGYAS PAR 'BYUNG BA'O, ,RIGS DANG, SPYOD YUL DANG, RNAM PAR SHES PA'I DBYE BAS KHAMS DBYE'I, RTEN GYI DBYE BAS NI MA YIN NO ZHES BSTAN PA'I PHYIR MI 'GYUR TE ZHES BYA BA LA SOGS PA SMOS SO, ,DE LA MIG LA SOGS PA RNAMS PHAN TSUN KHAMS THA DAD PA NI RIGS DANG, SPYOD YUL DANG, RNAM PAR SHES PA THA DAD PA LAS SO, ,GZUGS LA SOGS PA YUL GYI KHAMS RNAMS NI RIGS DANG, RNAM PAR SHES PA THA DAD PA LAS SO, ,RNAM PAR SHES PA'I KHAMS DRUG NI RIGS DANG SPYOD YUL THA DAD PA LAS SO, ,DE LTA MA YIN NA KHAMS NYI SHU RTZA GCIG TU 'GYUR BA MA YIN NAM ZHES BRJOD PAR MI BYA'I, 'O NA CI ZHE NA, 'DI SKAD DU KHAMS CHED MED PA DAG TU 'GYUR BA MA YIN ZHES BRJOD PAR BYA'O, ,DE BZHIN DU RNA BA DANG SNA DAG LA YANG SBYAR BAR BYA'O ZHES BYA BA LA, RIGS 'DRA BA NI SO SOR @43B GNYIS KA YANG RNA BA DANG SNA'I RANG BZHIN YIN PA'I PHYIR RO, ,SPYOD YUL 'DRA BA NI SGRA DANG DRI'I YUL CAN YIN PA'I PHYIR RO, ,RNAM PAR SHES PA 'DRA BA NI SO SOR GNYIS KA RNA BA DANG SNA'I RNAM PAR SHES PA'I RTEN YIN PA'I PHYIR RO, ,DE NYID KYI PHYIR RIGS DANG, SPYOD YUL DANG, RNAM PAR SHES PA 'DRA BAS PHO DANG MO'I DBANG PO DAG LUS KYI KHAMS LAS LOGS SHIG TU RNAM PAR MA BZHAG GO, ,GAL TE MIGGEL SOGS PA RNAMS KHAMS GCIG NYI YIN NA, CI'I PHYIR DE RNAMS KYI RTEN GCIG NYID DU MI 'GYUR ZHE NA, DE'I PHYIR, MDZES BYA'I PHYIR NA GNYIS 'BYUNG NGO, ,ZHES BYA BA SMOS SO, ,GAL TE DNGOS PO RNAMS 'BYUNG BA RGYU'I DBANG GIS YIN GYI, DGOS PA'I DBANG GIS MA YIN NAM ZHE NA 'DI NI DA LTAR YIN PA'I PHYIR RO, ,CI'I PHYIR, MDZES BYA'I PHYIR NA GNYIS 'BYUNG NGO, ,ZHES BYA BA SMRAS SHE NA, JI LTAR DA LTA'I SEMS CAN SO SOR RIGS MTHUN PA RNAMS MIG LA SOGS PA DAG GI RTEN THA DAD PAS YAN LAG RNAM PAR 'BYED PA'I RTEN LA MDZES PAR MNGON PAR RLOM PA DE BZHIN DU 'DAS PA'I DUS NA YANG YIN PAR GDON MI ZA STE, DE'I PHYIR SRED PA SNGON DU 'GRO BA CAN GYI LAS KYIS MNGON PAR BSGRUBS PA'I LUS LA DGONGS NA MDZES BYA'I PHYIR NA GNYIS SU 'BYUNG NGO ZHES BSHAD DE, DE BSKYED PA'I LAS KYI GZHI BSTAN PA'I PHYIR RO, ,DPER NA RGYAN MDZES PA LA DMIGS PA'I 'DUN PA'I 'DOD CHAGS KYI RGYU CAN GYI LAS KYI 'BRAS BU YIN PAS MDZES PAR BYA BA'I DON DU BRJOD PA YIN NO, ,'DIR BSHAD PA, JI LTAR GDU BU LA SOGS LA, ,MDZES BYA'I DON ZHES BRJOD PA NI, ,MDZES 'DUN BYA BA YIN PA LTAR, ,MIG SOGS NYIS 'GYUR BRJOD DE BZHIN, ,DE LTA MA YIN TE ZHES BYA BA LA, GAL TE MIG LA SOGS PA RTEN GNYIS PAR MA GYUR NA NI SHIN TU MDZES PAR 'GYUR TE, RTEN GNYIS PA'I TSIG LA SOGS PA DAG LA MDZES PAR MNGON PAR RLOM PA'I PHYIR RO; ,PHUNG PO DANG, KHAMS DANG, SKYE MCHED KYI DON ZHES BYA BA RGYAS PAR 'BYUNG NGO, ,DES PA'I TSIG GI DBANG DU BYAS NA, SPUNGS DANG SKYE SGO RIGS KYI DON, ,PHUNG PO SKYE MCHED KHAMS RNAMS YIN, ,ZHES BYA BA SMOS TE, 'DI RNAMS LA SPUNGS PA DANG, SKYE BA'I SGO DANG, RIGS DAG @44A *, ,YOD PAS NA ZHES TSIG RNAM PAR SBYAR RO, ,DE RNAMS KYANG GANG ZHE NA, PHUNG PO SKYE MCHED KHAMS RNAMS YIN, ,ZHES BYA BA STE, SGRA RNAMS YIN NO ZHES BYA BA NI TSIG GI LHAG MA'O, ,PHUNG BO'I DON NI SPUNGS PA'I DON ZHES BYA BAR JI LTAR RTOGS SHE NA, MDO LAS, DE DAG THAMS CAD GCIG TU BSDUS TE, GZUGS KYI PHUNG PO ZHES BYA BA'I GRANGS SU 'GRO'O ZHES 'BYUNG BA'I PHYIR RO, ,GCIG GI DNGOS PO NI GCIG NYID DO, ,GZUGS 'DAS PA NI MI RTAG PA NYID KYIS 'GAGS PA'O ZHES BYA BA LA, MI RTAG PA NYID KYIS 'GAGS PA SMOS PA NI SO SOR BRTAGS PA MA YIN PAS 'GOG PA LAS KHYAD PAR DU BYA BA'I PHYIR RO, ,MA 'ONGS PA NA MA BYUNG BA'O ZHES BYA BA NI DA LTAR BYUNG BA NYID MA THOB PA'I PHYIR RO, ,DE LTAR BYUNG BA NI BYUNG LA MA 'GAGS PA'O ZHES BYA BA LA, BYUNG BA ZHES BYA BA DE TZAM ZHIG YIN NA NI 'DAS PA YANG THAL BAR 'GYUR RO, ,MA 'GAGS PA ZHES BYA BA DE TZAM ZHIG GIS NA MA 'ONGS PA LA YANG 'GYUR BAS, THAL BAR 'GYUR BA DGAG PA'I PHYIR GNYIS KA SMOS SO, ,NANG GI NI RANG GI RGYUD LA YOD PA'O ZHES BYA BA NI MIG LA SOGS PA DANG, GZUGS LA SOGS PA'O, ,GZHAN NI PHYI'I 'O ZHES NI GANG ZHIG RANG GI RGYUD KYI LAS GZHAN GYI RGYUD KYI DANG, RGYUD DU MA GTOGS PA'O; ,YANG NA SKYE MCHED KYI SGO NAS SO ZHES BYA BA LA, MIG LA SOGS PA NANG GI SKYE MCHED LDA DANG, GZUGS LA SOGS PA PHYI'I SKYE MCHED DRUG GO, ,DE'I PHYIR MIG LA SOGS PA DAG GZHAN GYI RGYUD KYI YIN YANG NANG GI GZUGS YIN LA, GZUGS LA SOGS PA DAG RANG GI RGYUD DU GTOGS KYANG PHYI'I YIN NO, ,RAGS PA NI THOGS PA DANG BCAS PA STE, SKYE MCHED BCU'I RANG BZHIN NO, ,PHRA BA NI THOGS PA MED DE, RNAM PAR RIG BYED MA YIN PA'I GZUGS SO, ,YANG NA LTOS PA PA YIN TE, BIL BA'I GZUGS NI RAGS PA YIN LA, SKYU RU RA'I GZUGS NI PHRA BA'O, ,GAL TE LTOS PA PA YIN PA'I PHYIR MA GRUB PA STE, RNAM PAR GNAS PA MED DO ZHE NA, JI LTAR SKYU RU RA'I GZUGS DE NYID BIL BA DANG RGYA SHUG LA LTOS NAS PHRA BA DANG RAGS PA YANG YIN PAS CUNG ZAD PHRA BA DANG RAGS PAR RNAM PAR GNAS PAR MI 'GYUR TE, PHA ROL DANG TSU ROL BZHIN NO ZHE NA, MA YIN TE, LTOS @44B PAS THA DAD PA'I PHYIR RO ZHES BYA BA LA, LTOS PAR BYA BAS NA LTOS PA'O, ,LTOS PAS NA LTOS PA STE, DES THA DAD CING LTOS PAS THA DAD DE, GZHAN NYID DO ZHES BYA BA'I DON TO, ,DE NYID KYI PHYIR, GANG LA LTOS TE RAGS PA YIN PA NI NAM DU YANG DE LTA LTOS NAS PHRA BA MA YIN TE ZHES BYA BA SMOS TE, JI LTAR RGYA SHUG LA LTOS TE BIL BA'I GZUGS RAGS PA YIN PA NI YANG RGYA SHUG LA LTOS NAS PHRA BA MA YIN PA LTA BU'O, ,PHA DANG BU BZHIN NO ZHES BYA BA LA, DPER NA LHAS BLANGS TE DE NYID DU BU LA LTOS TE PHA ZHES BRJOD CING PHA LA LTOS NAS BU ZHES BYA LA, LTOS PAS THA DAD PA'I PHYIR 'DI'I PHA DANG BU'I DNGOS PO MI 'GRUB PA YANG MA YIN PA DE DANG 'DRA'O, ,NGAN PA NI NYON MONGS PA CAN TE, BSGRIBS PA DANG MI DGE BA'O, ,GYA NOM PA NI NYON MONGS PA CAN MA YIN PA STE, DGE BA DANG MA BSGRIBS LA LUNG DU MA BSTAN PA'O, ,RING BA NI 'DAS PA DANG MA 'ONGS PA STE, PHAN TSUN DU DA LTAR BAS CHOD PA'I PHYIR RO, NYE BA NI DA LTAR BYUNG BA STE, GNYIS KA DANG NYE BA'I PHYIR RO, ,RNAM PAR SHES PA'I BAR DU YANG DE DANG 'DRA ZHES BYA BA LA, CHOR BA DANG, 'DU SHES DANG, 'DU BYED GANG CI YANG RUNG, 'DAS PA DANG, MA 'ONGS PA DANG, DA LTAR BYUNG BA 'AM, NANG GI 'AM, PHYI'I 'AM, RAGS PA 'AM, PHRA BA 'AM, NGAN PA 'AM; GYA NOM PA 'AM, THAG RING BA NA YOD PA GANG YIN PA 'AM, NYE BA NA YOD PA GANG YIN PA DE DAG THAMS CAD GCIG TU BSDUS TE, RNAM PAR SHES PA'I PHUNG PO ZHES BYA BA'I GRANGS SU 'GRO ZHES BYA BAR RO, ,DE LA RAGS PA DANG PHRA BA MA GTOGS PA 'DAS PA LA SOGS PA RNAMS NI DE KHO NA LTAR BSTAN TO; ,DE NYID KYI PHYIR, 'DI NI KHYAD PAR YIN TE ZHES BYA BA SMOS SO, ,RAGS PA NI DBANG PO LNGA LA BRTEN PA'O ZHES BYA BA NI RTEN GYIS RJES SU BYED PA'I PHYIR TE, RTEN YANG RAGS PA NYID KYI PHYIR RO, ,PHRA BA NI YID LAS BYUNG BA'O ZHES BYA BA LA, YID LAS SRID PA NI YID LAS BYUNG BA STE, YID KYI DBANG PO LA RTEN ZHES PA'I DON TE, MA BSAGS PA DANG THOGS PA MED PA'I RTEN CAN YIN PA'I PHYIR RO, ,YANG NAS LAS ZHES BYA BA LA, 'DOD PA'I KHAMS LA SOGS PA'I SA DAG LAS, SA 'OG MA PA'I TSOR BA LA SOGS PA DAG NI RAGS PA YIN LA, GONG MA'I SA PA NI PHRA BA'O, ,DE LTAR BYAS DANG 'DOD PA NA @45A *, ,SPYOD PA DAG NI RAGS PA KHO NA YIN LA, SRID PA'I RTZE MO PA DAG NI PHRA BA KHO NA YIN ZHING, GZHAN NA YOD PA NI GNYIS KA YIN NO, ,'DAS PA DANG MA 'ONGS PA NI RANG GI SGRAS BRJOD PA YIN BZHIN DU RING POR SGRO BTAGS PA DANG, NGAN PA DANG GYA NOM PA'I DON YONGS SU MA RGYAS PAR MA RANGS PAS ZHE'O ZHES BYA BA SMOS SO, ,BTZUN PA ZHES BYA BA NI DPE STON BA GNAS BRTAN CHOS SKYOB BO, ,DBANG PO LNGAS GZUNG BAR BYA'O ZHES BYA BA NI PHYI'I SKYE MCHED LNGA'O, ,GZHAN NI PHRA BA'O ZHES BYA BA NI YID KYI DBANG PO'I GZUNG BAR BYA BA STE, DE YANG MIG LA SOGS PA SKYE MCHED GZUGS CAN RNAMS DANG, RNAM PAR RIG BYED MA YIN PA'O, ,NGAN PA NI YID DU MI 'ONG BA'O ZHES BYA BA NI YID DANG MI MTHUN PA'O, ,DE NI YID DU MI 'ONG BAR BYED PA MA YIN TE, DGA' BAR BYED PA MA YIN PA'I PHYIR RO, ,GYA NOM PA NI YID DU 'ONG BA'O ZHES BYA BA NI YID DANG MTHUN PA STE, DE NI YID DU 'THAD PA'I PHYIR YID DU 'ONG BAR BYED DO; ,DE LTAR NA DOR BA'I DON GYIS NA NGAN PA YIN LA, TSIM PAR BYED PA'I DON GYIS NA GYA NOM PA'O, ,RING BA NI YUL MI SNANG BA CAN NO ZHES BYA BA'I RTEN GYI YUL GYI DBANG DU BYAS NAS YIN TE, 'GA' ZHIG NYE YANG PHRA BA'I PHYED MI SNANG BAS YUL SMOS SO, ,CUNG ZAD CIG NYE BA YIN YANG CHAD PA'I PHYER YANG YUL MI SNANG BA CAN DU 'GYUR MOD KYI, DE'I RTEN DE NA GNAS PA NYID KYIS LTA BAR NUS PAS KRI TYA'I RKYEN NI NUS PA'I DON LA RIG PAR BYA'O, ,NYE BA NI YUL SNANG BA CAN ZHES BYA BA LA SKAR MA LA SOGS PA CUNG ZAD CIG NI RING YANG SNANG BA DE'I PHYIR YUL SNANG BCAN NO ZHES BYA BA SMOS SO, , YANG RGYU CI'I PHYIR BTZUN PAS BYE BRAG TU SMRA BAS BSHAD PA'I RING BA DANG NYE BA LAS RNAM PA GZHAN DU RING BA DANG NYE BAR BSTAN CE NA, DE'I PHYIR 'DAS PA LA SOGS PA RANG GI MING GIS BSTAN PA'I PHYIR TE ZHES BYA BA SMOS TE, 'DI LTAR CUNG ZAD CIG RANG GI SGRAS RAB TU DBYE BA SMRAS PA NI RAB TU DBYE BA GZHAN GYI MTSAN NYID LAS 'JUG PA MA YIN TE, THA MI DAD PAR 'GYUR RO ZHES BYA BAR DGONGS SO, ,DE DAG GI NYE BA DANG RING BA DAG NI ZHES BYA BA LA, TSOR BA LA SOGS PA YUL MI SNANG BA LA BRTEN PA NI RING BA YIN LA, YUL SNANG BA LA BRTEN PA NI NYE BA'O, ,RAGS PA DANG PHRA BA NYID NI SNGA MA BZHIN NO ZHES BYA BA @45B NI JI SKAD DU BYE BRAG TU SMRA BA RNAMS KYI RAGS PA NI DBANG PO LNGA LA BRTEN PA'O, ,PHRA BA NI YID LAS BYUNG BA'O, ,YANG NA SA LAS RIG PAR BYA'O ZHES BSHAD PA LTA BU'O, ,YANG RGYU CI'I PHYIR GZUGS RNAM PA BCU GCIG RNAM PAR GZHAG CE NA, SRID PA RNAM PA BCU GCIG GI DMIGS PA YIN PAR BSTAN PAR BYA PA'I PHYIR RO, ,SRID PA RNAM PA BCU GCIG NI LTA BA'I SRED PA DANG, MNGON PAR DGA' BA'I SRED PA DANG, LHAG PAR ZHEN PA'I SRED PA DANG, BDAG GI DNGOS PO LA SRED PA DANG, YUL LA SRED PA DANG, 'DOD PA LA SRED PA DANG, SNYOMS PAR 'JUG PA'I SRED PA DANG, NYES PAR SPYAD PA'I SRED PA DANG; LEGS PAR SPYAD PA'I SRED PA DANG, RING BA'I SRED PA DANG, NYE BA'I SRED PA ZHES BYA BA STE, 'DI DAG NI GO RIMS JI LTA BA BZHIN DU GZUGS RNAM PA BCU GCIG LA DMIGS PAR RIG PAR BYA'O, ,SEMS DANG SEMS LAS BYUNG BA RNAMS SKYE BA'I SGO'I DON NI SKYE MCHED KYI DON TE ZHES BYA BA LA, GANG LAS RTOGS SHE NA, NGES PA'I TSIG LAS SO, ,DE NYID KYI PHYIR, NGES PA'I TSIG TU NA SEMS DANG SEMS LAS BYUNG BA RNAMS ZHES RGYAS PAR 'BYUNG NGO, ,SKYE BA NI 'ONG BA LA BRJOD DE, SEMS DANG SEMS LAS BYUNG BA RNAMS SKYE ZHING BDAG GI DNGOS POR RED PA'O, ,DE'I PHYIR DE DAG NI SEMS DANG SEMS LAS BYUNG BA RNAMS SKYE BA MCHED PAR BYED PAS NA SKYE MCHED DE MCHED PAR BYED RGYAS PAR BYED, BDAG GI DNGOS POR RED PA RGYUN DU GNAS PAR BYED CES BYA BA'I DON TO, ,RIGS KYI DON NI KHAMS KYI DON TE ZHES BYA BA LA, GANG LA KHONG DU CHUD CE NA, RIGS SU 'DRA BA'I PHYIR RO, ,DE NYID KYI DPER NA RI 'GA' ZHIG LA ZHES BYA BA RGYAS PAR 'BYUNG STE, DPER NA GSER LA SOGS PA'I SA GZHI RIGS LA KHAMS ZHES BRJOD PA LTA BU'O, ,DE BZHIN DU RTEN ZHES BYA BA RGYAS PAR 'BYUNG STE, LUS SAM SEMS DANG SEMS LAS BYUNG BA'I RGYUN LA'O, ,YANG NA RTEN CIG CES BRJOD NA SKAD CIG MA NYID LA GNAS PAR 'GYUR BAS DE'I PHYIR, RGYUN ZHES BYA BA SMOS SO, ,RIGS BCO BRGYAD DAG YOD PA STE, SA BON BCO BRGYAD YOD PA LA KHAMS BCO BRGYAD CES BYA'O, ,SKAL BA MNYAM PA'I RGYU YIN PA'I PHYIR RO ZHES BYA BA LA, ,MIG GI DBANG PO SNGAR SKYES PA NI MIG GI DBANG PO PHYIS SKYES PA DANG @46A *, ,MA SKYES PA'I SKAL BA MNYAM PA'I RGYU YIN TE, DE BZHIN DU GZHAN LA YANG BRJOD PAR BYA'O, ,'DUS MA BYAS KHAMS MA YIN PAR 'GYUR RO ZHE NA ZHES BYA BA LA, SNGA MA DANG PHYI MA NYID MED PA'I PHYIR TE, DE NI 'GA'I YANG SKAL BA MNYAM PA'I RGYU MA YIN PA'I PHYIR RO, ,'O NA NI SEMS DANG SEMS LAS BYUNG BA RNAMS KYI DMIGS PA DANG BDAG PO'I RKYEN DU GYUR PA'I PHYIR 'DUS MA BYAS KYANG 'BYUNG GNAS NYID DU GRUB BO, ,DE LTA NA YANG DER SKYE MCHED DANG KHAMS KYI DON DBYER MED PAR 'GYUR TE, GNYIS KA YANG SEMS DANG SEMS LAS BYUNG BA'I 'BYUNG GNAS SU GYUR PA'I PHYIR RO; ,DE'I PHYIR GZHAN DAG NA RE KHAMS ZHES BYA BA'I SGRA 'DI NI RIGS KYI TSIG YIN NO ZHES ZER TE, DPER NA GSER LA SOGS PA'I RIGS RNAMS PHAN TSUN RIGS THA DAD PA DE BZHIN DU MIG LA SOGS PA DAG KYANG YIN NO, ,DE LTAR NA RIGS SU 'DRA BAS KHAMS KYI SGRA 'DI NI RIGS KYI TSIG YIN NO, , RANG BZHIN ZHES BYA BA LA, RANG BZHIN NI RIGS GZHAN RNAM PAR BCAD PA'I SGO NAS RANG GI DNGOS PO STE, DE LTAR BYAS DANG 'DUS MA BYAS LA YANG KHAMS SU BSNYAD PA KHA NA MA THO BA MED PAR GRUB BO, ,BYE BRAG TU SMRA BA RNAMS KYIS SKYE MCHED DANG KHAMS LTAR PHUNG PO YANG RDZAS SU 'DOD LA, SPUNGS PA YANG RDZAS SU MA 'DUS PA'I BDAG NYID CAN YIN PAS RDZAS SU YOD PA LA SPUNGS PA NYID MI SRID DO SNYAM STE, 'DRI BA NI, GAL TE SPUNGS PA'I DON PHUNG PO'I DON YIN NA ZHES BYA BA'O, ,SPUNGS PA DANG GANG ZAG BZHIN NO ZHES BYA BA LA, JI LTAR 'BRU LA SOGS PA RDZAS DU MA 'DUS PA'I PHYIR LA, 'BRU LA SOGS PA BSAL NA DE'I BLO MED PA'I PHYIR SPUNGS PA'I BTAGS PA YOD PA MA YIN PA'I PHYIR RDZAS SU MA YIN LA, DE BZHIN DU, JI LTAR YAN LAG TSOGS LAS NI, ,SHING RTA'O ZHES MING BTAGS PA DE BZHIN DU PHUNG PO LA BRTEN NAS, KUN RDZOB TU NI SEMS CAN BRJOD, ,CES BYA BA'I LUNG LAS NA GZUGS LA SOGS PA'I PHUNG PO 'DUS PA KHO NA GANG ZAG YIN GYI, RDZAS SU MA YIN PA DE BZHIN DU 'DAS PA DANG, MA 'ONGS PA DANG, DA LTAR BYUNG BA LA SOGS PA'I RDZAS SNA TSOGS PA'I BDAG NYID CAN YIN PA'I PHYIR PHUNG PO RNAMS KYANG BTAGS PA'I YOD PAR 'GYUR NA, DE KHYED CAG GI @46B 'DOD PA YANG MA YIN PAS PHUNG PO'I DON GZHAN ZHIG BRJOD PAR BYA DGOS SO, ,'DI LA LAN SMRAS PA NI MA YIN TE, RDZAS KYI ZHES BYA BA LA SOGS PA STE, RDUL PHRA RAB GCIG TU YANG PHUNG POR BRJOD DE, GZHAN DU NA PHUNG PO RNAMS RANG BZHIN MED PA'I PHYIR PHUNG PO RNAMS KYI SKYE MCHED DANG KHAMS LTAR, CHOS RNAMS KYI RANG BZHIN BSDUS PAR MI 'GYUR LA, DE BZHIN DU MI RTAG PA DANG, SDUG BSNGAL BA DANG, STONG BA DANG, BDAG MED PA DANG, SPANGS PA DANG, YONGS SU SHES PA LA SOGS PA RAB TU YANG MI 'GYUR RO, ,SMRAS PA, PHUNG RNAMS BTAGS PAR YOD NYID NA, DES CHOS BSDUS PAR MI 'GYUR ZHING, ,MI RTAG NYID KYANG MA YIN LA, ,YONGS SHES SPANGS PA NYID KYANG MIN, ,GANG GI PHYIR RDUL PHRA RAB GCIG PU YANG DE DANG DER PHUNG PO YIN PA'I PHYIR RO ZHES LAN SMRAS SO, ,'O NA SPUNGS PA'I PHUNG PO'I DON NI PHUNG PO'I DON NO ZHES BRJOD PAR MI BYA STE, 'DIR DON NI RDZAS KYI RNAM GRANGS YIN PA'I PHYIR SPUNGS PA LA DON MI 'THAD LA, SPUNGS PA'I NYE BAR LEN PA DAG DON YIN GYI, SPUNGS PA NYID NI MA YIN NO, ,RDUL PHRA RAB GCIG PO YANG DUS GSUM GYIS BSDUS PA'I PHYIR BLOS MNGON PAR BSDUS PA'I SGO NAS SPUNGS PA NYID 'THAD PAS PHUNG PO RNAMS BTAGS PA'I YOD PA YANG MA YIN NO ZHE NA, DE LTAR NA YANG MDO DANG 'GAL BA NI GCIG PU LA SPUNGS PA NYID MED PA'I PHYIR RO ZHES BYA BA STE, DE DAG THAMS CAD GCIG NYID DU BSDUS TE ZHES 'BYUNG BA'I PHYIR RO, ,GZHAN DAG NA RE KHUR KHYER BA'I DON TAM ZHES BYA BA LA, BYA BA NYID KHUR YIN PA NI BYA BA'I KHUR RO, , KHYER BA NI DE LA RAG LAS PA NYID DE, DE LA RAG LAS SHING BDAG NYID RNYED CES BYA BA'I DON TO, ,'DI LTAR LUS KYI PHYOGS GANG ZHIG KHUR KHYER BAR NUS PA PHRAG PA YIN LA, 'DIR YANG BYA BA'I KHUR KHYER BA'I DON NI PHUNG PO'I DON YIN NO, ,GANG ZHIG GANG GI KHUR YIN ZHE NA, RE ZHIG THUN MONG DU NI PHUNG PO LNGA PO RNAMS KYI SKYE MCHED DRUG YIN TE, JI SKAD DU, MING DANG GZUGS KYI RKYEN GYIS SKYE MCHED DRUG CES BSHAD PA LTA BU'O, ,TSOR BA NI SRED PA STE, TSOR BA'I RKYEN GYIS SRED PA ZHES 'BYUNG BA'I PHYIR RO, ,'DU SHES DANG 'DU BYED RNAMS KYI NI SKYE MCHED DRUG NYID DE, MING DANG GZUGS KYI RKYEN @47A *, ,GYIS SKYE MCHED DRUG CES 'BYUNG BA'I PHYIR DANG, TSOR BA DANG 'DU SHES RNAMS KYANG MING GIS BSDUS PA'I PHYIR RO, ,RNAM PAR SHES PA'I YANG MING DANG GZUGS TE, RNAM PAR SHES PA'I RKYEN GYIS MING DANG GZUGS ZHES 'BYUNG BA'I PHYIR RO, ,DE'I PHYIR DE LTAR NA RDZAS GCIG KYANG PHUNG PO NYID DU SGRUB LA, TSOGS PA RNAMS KYI NANG NAS RE RE YANG PHUNG POR GRUB PA DANG BYA BA'I KHUR KHYER BA'I DON NA NI PHUNG PO'I DON TO, ,YONGS SU CHAD PA'I DON NI ZHES BYA BA LA, CI ZHIG CE NA, PHUNG PO'I DON TE, JI LTAR ZHE NA, 'DIR SMRA BA PO ZHES BYA BRGYAS PAR SMOS TE, RDUL PHRA RAB GCIG KYANG BLOS GCAD PAR BYA BAR NUS PAS PHUNG PO RNAMS RDZAS SU YOD PA YIN GYI, BTAGS PAR MA YIN NO, ,DE NI MDO DANG 'GAL LO ZHES BYA BA NI BYA BA'I KHUR KHYER BA'I DON NAM, YONGS SU CHAD PA'I DON NI PHUNG PO'I DON TE ZHES BYA BA'O, ,CI'I PHYIR ZHE NA, DE'I PHYIR, MDO LAS NI SPUNGS PA'I DON KHO NAR GSUNGS TE ZHES BYA BA SMOS SO, ,JI LTAR ZHE NA, BSTAN PA'I PHYIR, GZUGS GANG CI YANG RUNG 'DAS PA'AM, MA 'ONGS PA'AM ZHES RGYAS PAR SMOS SO, ,DER NI GZUGS 'DAS PA LA SOGS PA SO SOR PHUNG PO NYID YIN PAR SHES TE ZHES BYA BA LA, DER NI MDOR RO, ,JI LTAR ZHE NA, GZUGS 'DAS PA LA SOGS PA THAMS CAD RE RE ZHING GZUGS KYI PHUNG PO YIN NO ZHES BYA BA SMES TE, DPER NA SA'I KHAMS GANG ZHE NA, SKRA DANG, SPU DAG DANG ZHES BYA BA RGYAS BAR GSUNGS TE, SKRA LA SOGS PA RNAMS RE RE ZHING SA'I KHAMS NYID DU SHES PA BZHIN NO, , DE LTAR SHES PAR MI NUS TE ZHES BYA BA RGYAS PAR 'BYUNG STE, SO SO RE RE PHUNG PO NYID YIN NA DE THAMS CAD GCIG TU BSDUS NAS ZHES 'CHAD PAR MI 'GYUR TE, 'O NA CI ZHE NA, DE THAMS CAD PHUNG PO'O ZHES 'CHAD PAR 'GYUR RO, ,DE'I PHYIR SNGAR GANG SMRAS PA DE DAG NYID MJUG SDUD PA NI, DE LTA BAS NA PHUNG PO DAG NI SPUNGS PA BZHIN DU BTAGS PA'I YOD PA YIN NO ZHES BYA BA'O, ,THAL BAR 'GYUR BA'I SGO NAS PHUNG PO RNAMS BTAGS PA'I YOD PA NYID BZLOG PAR 'DOD PAS NA, DE LTAR NA SKYE MCHED GZUGS CAN RNAMS ZHES BYA BA RGYAS PAR SMOS TE, THOGS PA MED PA'I SKYE MCHED BKAG STE BCU CHAR YANG BZUNG NGO, , @47B MIG LA SOGS PA'I RDUL PHRA RAB MANG PO RNAMS SKYE BA'I SGOR GYUR PA'I PHYIR RO ZHES BYA BA NI BTAGS PA'I YOD PA NYID LA RGYU SGRAS SMRAS PA STE, RNAM PAR SHES PA'I TSOGS LNGA NI BSAGS PA LA BRTEN PA DANG, DMIGS PA YIN PA'I PHYIR RO, ,MIG GI DBANG PO'I RDUL PHRA RAB DANG, KHA DOG GI RDUL PHRA RAB MANG PO BSAGS PA KHO NA RTEN DANG DMIGS PA'I NGO BO'I MIG GI RNAM PAR SHES PA MTSUNGS PAR LDAN PA DANG BCAS PA'I SKYE BA'I SGOR GYUR TE, LUS KYI SKYE MCHED DANG REG BYA'I SKYE MCHED KYI BAR DU YANG DE DANG 'DRA'O, ,DE'I PHYIR RDZAS DU MA 'DUS PA'I PHYIR MIG LA SOGS PA'I SKYE MCHED RNAMS RDZAS SU YOD PA NYID MA YIN TE, TSOGS PA RNAMS RE RE NAS RGYU'I NGO BOR GYUR PA'I PHYIR ZHES BYA BA LA, GANG MANG PO RNAMS SKYE BA'I SGOR GYUR PA'I PHYIR RO ZHES PA DE LTAR NA KHAS MI LEN TE, GANG GI PHYIR TSOGS PA THAMS CAD KYANG RE RE STE, SO SO NAS RGYUR 'GYUR TE, MIG LA SOGS PA'I RNAM PAR SHES PA RNAMS RDUL PHRA RAB RE RE LA BRTEN PA'I PHYIR DANG, RDUL PHRA RAB RE RE LA DMIGS PA'I PHYIR RO, ,CI STE CI'I PHYIR BSAGS PA KHO NA RTEN YIN ZHING BSAGS PA KHO NA DMIGS PA YIN SNYAM DU SEMS NA, TSOGS PA LHAN CIG BYED PA LA LTOS PA RNAMS RGYUR GYUR PA'I PHYIR TE, DE RNAMS RE RE SKYE MCHED NYID DU GRUB LA, RIGS DANG, SPYOD YUL DANG, RNAM PAR SHES PA 'DRA BA'I PHYIR NI GCIG TU BYAS SO, ,'DI SNYAM DU DE NYID KYI PHYIR RDZAS DU MA 'DUS PA NYID MI 'DA' STE, LTOS PA DANG BCAS PA RNAMS RGYU YIN PA'I PHYIR RO, ,'DI LTAR GAL TE RE RE ZHING SKYE MCHED DU 'GYUR NA NI GZUGS CAN MA YIN PA'I SKYE MCHED LTAR GNYIS PA LA MI LTOS PAR 'GYUR BA ZHIG GO SNYAM NA, 'DI'I LAN DU, YUL LHAN CIG BYED PA'I PHYIR ZHES BYA BA RGYAS PAR SMOS SO, ,GAL TE LHAN CIG BYED PA LA LTOS PA DANG BCAS PA RNAMS RGYUR GYUR PA'I PHYIR DBANG PO'I RDUL PHRA RAB RNAMS RE RE NAS SKYE MCHED NYID DU MI 'DOD NA, DE LTA NA MIG LA SOGS BA DANG PO'I GZUGS LA SOGS PA DAG LAS LOGS SHIN TU SKYE MCHED DU MI 'GYUR RO, ,CI'I PHYIR ZHE NA, YUL LHAN CIG BYED PA'I PHYIR TE, YUL LA LTOS PA MED PA'I DBANG PO 'BA' ZHIG SEMS DANG SEMS LAS BYUNG BA RNAMS KYI SKYE BA'I SGOR MI 'GYUR LA, KHYOD KYI LTAR NA MIG @48A *, ,GI DBANG PO GZUGS LA SOGS PA DAG LAS LOGS SHIG TU SKYE MCHED DU MI 'GYUR BA YANG MA YIN TE, MDO LAS, SKYE MCHED BCU GNYIS SO ZHES 'BYUNG BA'I PHYIR RO, ,DE LTAR NA MIG LA SOGS PA'I RDUL PHRA RAB RNAMS KYANG SO SOR SKYE MCHED YIN NO ZHES BYA BAR SHES SO; ,BYE BRAG TU BSHAD PA LAS NI ZHES BYA BA 'DIS PHUNG PO RNAMS BTAGS PA'I YOD PA YIN NO ZHES STON PAR BYED DO, ,PHUNG PO BTAGS PA'I YOD PAR LTA NA NI ZHES BYA BA NI PHUNG PO BTAGS PA'I YOD PAR RNAM PAR SPYOD NA NI ZHES BYA BA'I DON TE, MA BLTAS PAR NI SPUNGS PA BZHIN DU GCIG GI NGO BOR MI RIGS SO, ,RDUL PHRA RAB KHAMS GCIG CES BYA BA NI GZUGS CAN BCU LAS GANG YANG RUNG BA'O, ,SKYE MCHED GCIG CES BYA BA NI GZUGS CAN RNAMS LAS GANG YANG RUNG BA'O, ,PHUNG PO GCIG GI ZHES BYA BA NI PHUNG PO LNGA LAS GZUGS KYI PHUNG PO'O, ,PHYOGS CHA NI CHA SHAS TE, RDZAS KYI RDUL PHRA RAB KYI DBANG DU BYAS PA'I PHYIR RO, ,'ON TE MI LTA NA NI ZHES BYA BA LA, CI ZHE NA, PHUNG PO BTAGS PA'I YOD PAR RO, ,DE RDUL PHRA RAB KHAMS GCIG DANG SKYE MCHED GCIG CES BYA BA 'DIR NI GTZO BO'I SGRA STE, GANG GI PHYIR RDUL PHRA RAB RE RE YANG SKYE MCHED DANG, KHAMS NYID DU MI 'GAL BA'I PHYIR RO, , GAD PHUNG PO GCIG YIN NO ZHES BYA BA 'DI NI PHAL BA'I RTOG PAS YIN TE, DE NYID KYI PHYIR, PHYOGS YIN YANG PHYOGS CAN BZHIN DU NYE BAR 'DOGS PA STE, THA SNYAD DU 'DOGS PA YANG YOD DE ZHES BYA BA SMOS SO, ,DE LA PHYOGS NI RDUL PHRA RAB BO, ,PHYOGS CAN NI GZUGS KYI PHUNG PO'O, ,DE NYID LA 'JIG RTEN LA GRAGS PA'I DPE SMOS PA NI, DPER NA RAS YUG GI PHYOGS GCIG ZHES BYA BA RGYAS PAR 'BYUNG BA'O, ,LA BA LA SOGS PA TSIG PA DGAG PA BRJOD PAR 'DOD PA DANG, MA TSIG PA DGAG PA BRJOD PAR 'DOD PA'I TSE, RAS YUG GI PHYOGS GCIG TSIG PA LA RAS YUG TSIG GO ZHES BRJOD KYI, RIL DANG PHYOGS GCIG TSIG PA BRJOD PAR 'DOD PA'I TSE NI MA YIN PA DE BZHIN DU 'DIR YANG PHUNG PO GZHAN DAG PA BRJOD PA DANG, PHUNG PO MA YIN PA DGAG PA BRJOD PAR 'DOD PA'I TSE, PHUNG PO'I PHYOGS GCIG LA PHUNG POR 'DOGS SO, ,BSDUS PA'I DON NI RE ZHIG GZUGS @48B NI GCIG TU RDZAS SU YOD PA YIN LA, GZUGS KYI PHUNG PO NI DGONGS PAS YIN NO, ,GAL TE GZUGS NYID PHUNG PO YIN PAS GZUGS KYI PHUNG PO YIN NA NA GI ZUGS KYI PHUNG PO RDZAS SU YOD PA YIN LA, 'ON TE GZUGS KYI PHUNG PO'I GZUGS RNAMS KYI PHANG PO YIN NA NI DE'I PHYIR BTAGS PA'I YOD PA'O ZHES BYA BA 'DI YIN NO, ,PHUNG PO DANG, KHAMS DANG, SKYE MCHED DAG GI BSTAN PA THA DAD PA CI DGOS TE, CHOS THA DAD PA MED PA'I PHYIR RO ZHES 'DRI BA NI, YANG CI'I PHYIR BCOM LDAN 'DAS ZHES BYA BA RGYAS PAR 'BYUNG BA'O, ,BDE BAR GSHEGS PA'I DGONGS PA NI SHES PAR DKA' MOD KYI; RTOG GE BA LAS NI 'DI LTAR SNANG STE, GDUL BA RNAMS KYI, RMONGS DBANG 'DOD RNAM GSUM GYI PHYIR, ,ZHES BYA BA RGYAS PAR 'BYUNG BA'O, ,RNAM GSUM GYI SGRA NI RE RE DANG SBREL BAR BYA STE, RMONGS PA RNAM PA GSUM GYI PHYIR, ,ZHES BYA BA NAS 'DOD PA RNAM PA GSUM GYI BAR GYI PHYIR RO; ,SEMS CAN RNAMS KYI RMONGS PA NI RNAM PA GSUM STE ZHES BYA BA LA, KHA CIG NI SEMS LAS BYUNG BA RNAMS LA SMOS SO, ,JI LTAR ZHE NA, RIL PO'I BDAG TU 'DZIN PAS ZHES BYA BA STE, SEMS LAS BYUNG BA RNAMS RIL POR BZUNG STE, PHYIS BDAG TU 'DZIN PAS TSOR BA DANG, 'DU SHES DANG; 'DU BYED PHAN TSUN THA DAD PA DAG KYANG GCIG NYID DU BZUNG NAS BDAG TU MNGON PAR ZHEN TE, DE'I PHYIR DE DAG LA BDAG TU 'DZIN PA RIL POR 'DZIN PA SNGON DU 'GRO BA CAN DE'I GNYEN POR BSTAN PA BRTZAMS SO, ,DE LTAR NA TSOR BA LA SOGS PA'I DBYE BA BSTAN PA'I GCIG TU 'DZIN PA LOG PA DANG, BDAG TU 'DZIN PA YANG LDOG PAR 'GYUR TE, DE MNGON DU 'GRO BA CAN YIN PA'I PHYIR RO, ,KHA CIG NI GZUGS KHO NA LA'O ZHES BYA BA LA, RIL POR 'DZIN PAS RMONGS SO ZHES BYA BAR SBYAR RO, ,JI SKAD DU, PHRA BA BAS KYANG CHES PHRA BA CHEN PO BAS KYANG CHES CHE BA ZHES BYA BA LA SOGS PA SMRAS PA LTA BU STE, RMONGS PA DE'I GNYEN POR GZUGS NYID RNAM PA BCU DANG, SEMS DANG SEMS LAS BYUNG BA DAG KYANG RE RE ZHING SKYE MCHED NYID DU PHYE'O, ,DE LTAR NA RIL PO PHYE BAS RIL POR 'DZIN PA SNGON DU 'GRO BA CAN GYI BDAG TU 'DZIN PA YANG LDOG PAR 'GYUR RO, ,KHA CIG NI GZUGS DANG SEMS DAG LA STE, RMONGS SO @49A *, ,ZHES BYA BAR SNYEGS SO, ,DE DAG NI RMONGS PA LDOG PAR BYA BA'I PHYIR KHAMS BSTAN PA LAS GZUGS RNAM PA BCU DANG, SEMS RNAM PA BDUN DU PHYE NAS BSTAN TO, ,DE LA SEMS LAS BYUNG BA DAG LA RMONGS PA GANG YIN PA DE NI RMONGS PA'I RNAM PA CHUNG BA YIN TE, DNGOS PO PHRA BA DANG RIGS MTHUN BA LA RMONGS PA'I PHYIR RO, ,GANG ZHIG GZUGS LA RMONGS PA DE NI RMONGS PA'I RNAM PA 'BRING PO YIN TE, DNGOS PO RAGS SHING RIGS MTHUN PA LA RMONGS PA'I PHYIR RO, ,GANG ZHIG GZUGS DANG SEMS DAG LA RMONGS PA DE NI RMONGS PA'I RNAM PA CHEN PO YIN TE, DNGOS PO PHRA BA DANG, RAGS PA DANG, RIGS MTHUN PA DANG, MTHUN PA MA YIN PA LA RMONGS PA'I PHYIR RO, ,DE LTAR NA PHUNG PO BSTAN PA 'DIS 'JIG TSOGS LA LTA BA RIL POR 'DZIN PA SNGON DU 'GRO BA CAN BZLOG CING, DE SNGON DU 'GRO BA CAN GYI NYON MONGS PA RNAMS KYANG SPANGS PA YIN NO, ,GRAG GO'I SGRA NI LUGS GZHAN BSAL BAR BYA BA'I PHYIR RO, ,BSTAN BCOS GZHAN DAG LAS PHUNG PO LA SOGS PA BSTAN PA LA DGONGS NAS GZHAN BSTAN TE, GO RIMS JI LTA BA BZHIN DU GCIG PA NYID DANG, BYED PO NYID DANG, ZAB PO NYID DU 'DZIN PA BSAL BA'I SGO NAS PHUNG PO LA SOGS PA BSTAN TE, DE DAG LA BDAG TU 'DZIN PA NI GCIG PA NYID DU 'DZIN PA LA SOGS PA SNGON DU 'GRO BA CAN YIN PA'I PHYIR RO, ,DBANG PO DAG KYANG RNAM GSUM STE, ,ZHES BYA BA LA, 'DIR DBANG PO DAG NI DAD PA LA SOGS PA'O, ,DE LA GANG ZAG DBANG PO RNON PO'I DBANG DU BYAS NAS NI PHUNG PO BSTAN TE, DE NI DBANG PO RNON PO'I PHYIR PHUNG PO'I DBYE BA KHO NAS SKYE MCHED DANG KHAMS KYI DBYE BA RTOGS PAR NUS SO, ,GANG ZAG DBANG PO 'BRING PO'I DBANG DU BYAS NAS NI SKYE MCHED BSTAN TE, DBANG PO 'BRING PO YIN PA'I PHYIR BAR MA SKYE MCHED KYI RAB TU DBYE BAS KHAMS DBYE BA RTOGS PAR NUS SO, ,GANG ZAG DBANG PO RTUL PO'I DBANG DU BYAS NAS NI KHAMS BSTAN TE, DE NI DBANG PO RTUL BA'I PHYIR MA BSHAD PAR RANG GI BLO'I NUS PAS MI RTOGS SO, ,DE'I PHYIR DE LTAR NA THAMS CAD LA PHAN GDAGS PAR BYAS NAS 'GYUR RO, ,'DOD PA YANG RNAM PA GSUM STE ZHES BYA BA LA, 'DOD PA NI MOS PA'O, ,DE LA GZHUNG BSDUS PA 'DOD PA'I GANG ZAG @49B GI DBANG DU BYAS NAS, PHUNG PO BSTAN TE, DE NI BRJOD BYA NYUNG BA'I PHYIR RO, ,GZHUNG BAR MA LA DGA' BA'I GANG ZAG GI DBANG DU BYAS NAS SKYE MCHED BSTAN LA, GZHUNG RGYA CHEN PO 'DOD PA'I GANG ZAG GI DBANG DU BYAS NAS NI KHAMS BSTAN TO, ,YANG CI'I PHYIR DE DAG DE LTAR 'DOD PAR GYUR ZHE NA; SDON GOMS PA'I SBYOR BA LAS TE, GZHAN DU MOS PA RNAMS LA GZHAN DU CHOS BSTAN PA NI YID MI CHES PA'I RGYUR 'GYUR BA KHO NA 'BA' ZHIG TU ZAD PAS GDUL BA'I MOS PA'I KHYAD PAR LAS PHUNG PO LA SOGS PA'I SGO NAS RNAM PA GSUM BSTAN TO, ,YANG CI'I PHYIR ZHES BYA BA RGYAS PAR 'BYUNG STE, BSAM PA CI ZHIG CE NA, TSOR BA DANG 'DU SHES BZHIN DU SEMS PA LA SOGS PA RNAMS KYANG LOGS SHIG TU PHUNG PO RNAM PAR GZHAG PA CI STE MA BYAS, YANG NA SEMS PA LA SOGS PA LTAR TSOR BA DANG, 'DU SHES GNYIS KYANG GCIG TU CI'I PHYIR MA BZHAG PA'I RGYU BRJOD PAR BYA'O SNYAM PA'O, ,RTZOD PA'I RTZA BAR GYUR PA DANG 'KHOR BA'I RGYU PHYIR ZHES BYA BA RGYA CHER SMOS SO, ,RTZOD PA'I RTZA BA DAG NI GNYIS TE, 'DOD BA LA LHAG PAR CHAGS PA DANG, LTA BA LA LHAG PAR CHAGS PA'O ZHES BYA BA LA, KHYIM PA DANG RAB TU BYUNG BA RNAMS NI PHAL CHER GO RIMS JI LTA BA BZHIN DU 'DOD PA DANG LTA BA DAG LA 'DUN PAR 'DOD CHAGS DAG 'DOD PAR BYA BAS NA 'DOD CHAGS DAG STE, GZUGS LA SOGS PA YUL RNAMS SO, ,DE DAG LA LHAG PAR CHAGS PA NI 'DUN PA'I 'DOD CHAGS SO, ,LTA BA DAG NI 'JIG TSOGS LA LTA BA LA SOGS PA RNAMS SO, ,DE DAG LA LHAG PAR CHAGS PA NI 'DUN PA'I 'DOD CHAGS KHO NA'O, ,DE GNYIS KYI RGYU'I GTZO BO NI GO RIMS BZHIN DU TSOR BA DANG 'DU SHES DAG STE ZHES BYA BA LA, DE GNYIS KYI NI 'DOD PA DANG, LTA BA LA LHAG PAR CHAGS PA'I MCHAN NYID CAN RTZOD PA'I RTZA BA GNYIS KYI'O, ,GTZO BO SMOS PA NI MA RIG BA LA SOGS PA RNAMS KYANG NGE GNYIS KYI RGYUR 'GYUR BAS SO; ,TSOR BA RO MYONG BA'I DBANG GIS NI ZHES BYA BA LA RO MYANG DAM PAS NA ZHES BSHAD PAS NA TSOR BA NYID RO MYANG BA YIN PAS NA TSOR BA RO MYANG BA'O, ,DE NI RO MNGAR BA DANG 'DRA BA'I PHYIR RO MYANG BA STE, DE'I DBANG GIS 'DUN PA'I 'DOD CHAGS KYI SKO NAS 'DOD BA LA MNGON PAR ZHEN PA YIN NO, ,DE LTAR NA @50A *, ,'DOD PA LA LHAG PAR ZHEN PA'I RGYU'I GTZO BO NI TSOR BA YIN NO, ,'DU SHES PHYIN CI LOG GI DBANG GIS NI LTA BA RNAMS LA'O ZHES BYA BA LA, CI ZHE NA, MNGON PAR ZHEN LA ZHES BYA BA SKABS SU BAB PAR ZAD DE, CHOS MA YIN PA LA CHOS SU 'DU SHES PA DANG, BDAG MED PA LA SOGS PA DAG LA BDAG TU 'DU SHES PA NI TSUL KHRIMS DANG BRTUL ZHUGS MCHOG TU 'DZIN PA DANG, 'JIG TSOGS DANG, MTHAR 'DZIN PAR LTA BA DANG, LOG PAR LTA BA DANG, LTA BA GCIG TU 'DZIN PAR LTA BA DE DANG, DE DAG LA MNGON PAR ZHEN NO, ,GANG GI TSE BDEN PA MTHONG BA RNAMS LA 'DU SHES YOD KYANG PHYIN CI LOG MED PAS LTA BA LA MNGON BAR ZHEN PA YOD PA MA YIN TE, DE'I PHYIR GANG GIS 'DU SHES PHYIN CI LOG TU BYAS PA DE NYID LTA BA LA MNGON PAR ZHEN PA'I RGYU YIN TE, DE YOD PA DANG MED PA DAG GIS YOD PA DANG MED PA'I PHYIR RO ZHE NA, DE NI DE LTA MA YIN TE, MI GSAL BA'I BDAG NYID KYIS MUN PA DANG BRAL BA'I PHYIR NA PHYIN CI LOG TU RTOGS PA'I RGYU MA RIG PA NI LTA BA LA MNGON PAR ZHEN PA'I RGYU MA YIN GYI, GANG ZHIG DE DANG 'DRES SHING MTSAN MAR 'DZIN PA'I RNAM PA CAN GYI 'DU SHES DE NI RGYU YIN NO, ,SMRAS BA, 'DAM BYING NYA NI YANG YANG 'PHAR BA YIS; ,CHU NI RNYOG PAR BYED PA JI BZHIN DU, ,MA RIG PA DANG RJES 'BREL 'DU SHES KYIS, RIG PA SUN 'BYIN BYED PA'ANG DE DANG 'DRA, ,DE'I PHYIR 'DU SHES PHYIN CI LOG GI DBANG GIS NI LTA BA DAG LA MNGON PAR ZHEN TO ZHES BYA BA 'DI RIGS SO, ,TSOR BA LA ZHEN PA NI TSOR BA LA CHAGS PA'O, , 'DU SHES PHYIN CI LOG TU GYUR PA NI PHYIN CI LOG TU MTSAN MAR 'DZIN PA LAS SO, ,DE LA TSOR BA LA ZHEN CING SRED PA LA SPYOD PA NI 'KHOR RO, ,'DU SHES PHYIN CI LOG TU GYUR PA NI LTA BA LA SPYOD PA'O, ,TSOR BA LA ZHEN PA DANG PHYIN CI LOG BZHIS 'DU SHES PHYIN CI LOG TU GYUR PA KHO NA NYID MTSAMS SBYOR BA'I TSE 'KHOR TE, JI SKAD DU, BLO NI PHYIN CI LOG GYUR PAS, ,RTZE DAGS 'GRO BA'I YUL DU 'GRO, ,ZHES BSHAD PA LTA BU'O, ,DE NI ZHES BYA BA NI PHUNG PO'I GO RIMS KYI RGYU DE'O, ,DE NYID DU BSHAD PAR BYA'O ZHES BYA BA NI, RIM NI RAGS DANG KUN NYON MONGS, ,SNOD SOGS DON RNAMS JI BZHIN NO, , @50B ZHES BYA BAR RO, ,PHUNG PO DAG GIS 'DUS BYAS THAMS CAD BSDUS SO ZHES GONG DU BSHAD PA DE'I PHYIR, 'O NA CI'I PHYIR ZHES BYA BA LA SOGS PA DRI BA SMOS SO, ,PHUNG PO DAG TU 'DUS MA BYAS, ,DON DU MI RUNG PHYIR MA BSHAD DE, PHUNG PO DAG TU 'DUS MA BYAS 'CHAD PA NA, DE DAG KHO NA'I KHOBS SU SDUD PAR RAM, DE DAG LAS THA DAD PAR DAG PA GZHAN ZHIG TU RNAM PAR 'JOG, ,DE YANG NYE BAR LEN PA'I PHUNG PO DAG GAM, PHUNG PO DAG GI KHONGS SU BSDUS GRAD NA, RNAM PA THAMS CAD DU YANG MI RUNG NGO, ,CI'I PHYIR ZHE NA, DON DU MI RUNG BA'I PHYIR RO, ,RE ZHIG PHUNG PO DAG GI KHONGS SU BSDU BAR NI MI NUS TE, DE DAG GI NYE BAR LEN PA'I DON MI RIGS PA'I PHYIR RO, ,DE DAG GI NYE BAR LEN PA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA DAG YOD NA, 'DUS MA BYAS NI GZUGS LA SOGS PA'I BDAG NYID KYANG MA YIN TE; JI LTAR DE'I BDAG NYID MA YIN PA DE GZUGS LA SOGS PA'I PHUNG PO DAG GIS BSDU BAR RIGS, DE NYID KYI PHYIR DE DE GZUGS MA YIN ZHING RNAM PAR SHES PA'I BAR DU YANG MA YIN PAS ZHES BSHAD DO, ,'DI SKAD DU, DE NI GZUGS SU RUNG BA'I DON GYIS GZUGS MA YIN LA, MYONG BA'I DON GYIS TSOR BA MA YIN ZHING, 'DUS TE SHES PA'I DON GYIS 'DU SHES MA YIN LA, MNGON PAR 'DU BYED PA'I DON GYIS 'DU BYED MA YIN ZHING, RNAM PAR RIG PA'I DON GYIS RNAM PAR SHES PA MA YIN NO ZHES BSTAN PAR 'GYUR RO, ,PHUNG PO DRUG PAR BRJOD PA YANG MI NUS SO, ,CI'I PHYIR ZHE NA; DON DU MI RUNG BA'I PHYIR TE, PHUNG PO'I DON DU MI RIGS PA'I PHYIR RO, ,DE NYID KYI PHYIR, PHUNG PO'I DON NI SPUNGS PA'I DON TO ZHES BSHAD NA 'DUS MA BYAS NI ZHES BYA BA RGYA CHER SMOS SO, ,DE'I PHYIR PHUNG PO DAG TU 'DUS MA BYAS MA BSHAD DE, SPUNG BAR BYED PA NI PHYOGS NAS 'GUGS PA'AM; DUS LAS 'GUGS PA ZHIG GI YIN GRANG NA, GNYIS KA YANG 'DUS MA BYAS PHYOGS DANG DUS SU MA GTOGS PA LA SRID PA MA YIN NO, ,YANG KUN NAS NYON MONGS PA'I GZHI SHES PAR BYA BA'I PHYIR ZHES BYA BA LA, GZHI'I SGRA NI 'DIR RGYU'I RNAM GRANGS TE, ZAG PA DANG BCAS @51A *, ,PA RNAMS NI KUN NAS NYON MONGS PA'I RGYU YIN PA'I PHYIR RO, ,BYA BA'I PHYIR SGRA NI 'DIR DGOS PA'I TSIG GO, ,KUN NAS NYON MONGS PA DANG RNAM PAR BYANG BA'I GZHI SHES PA'I PHYIR ZHES BYA BA NI ZAG BA DANG BCAS PA RNAMS KUN NAS NYON MONGS PA'I RGYU YIN PA'I PHYIR LA; ZAG PA MED PA RNAMS RNAM PAR BYANG BA'I RGYU'I PHYIR YIN NA, 'DUS MA BYAS NI GNYIS KA YANG MA YIN NO, ,KUN NAS NYON MONGS PA RGYAS PAR YANG MI 'GYUR BA'I PHYIR KUN NAS NYON MONGS PA'I RGYU MA YIN TE, ZAG PA MED PA'I PHYIR RO, ,LAM GYI BDAG NYID MA YIN PA'I PHYIR RNAM PAR BYANG BA'I GZHI MA YIN TE, 'DIS RNAM PAR BYANG BAR BYED PAS NA RNAM PAR BYANG BA STE, LAM LA MNGON PAR 'DOD DO, ,KHA CIG NA RE JI LTAR BUM PA CHAG PA BUM PA MA YIN PA ZHES BYA BA RGYAS PAR 'BYUNG BA LA, BUM PA CHAG PA ZHES BYA BA NI BUM PA 'GAGS PA STE, BUM PA MA YIN PA DE BZHIN DU PHUNG PO ZHIG PA STE, PHUNG PO 'GAGS PA SO SOR BRTAGS PA DANG, SO SOR BRTAGS PA MA YIN PAS 'GOG PA GNYIS KYANG PHUNG PO MA YIN NO, ,NAM MKHA' NI GCIG KHO NA YIN PA'I PHYIR PHUNG PO MA YIN NO ZHES ZER RO, ,DE DAG GI LTAR NA KHAMS DANG SKYE MCHED DAG LA YANG DE LTAR THAL BAR 'GYUR RO ZHES BYA BA LA, JI LTAR BUM PA CHAG PA BUM PA MA YIN PA DE BZHIN DU KHAMS DANG SKYE MCHED ZHIG PA YANG KHAMS DANG SKYE MCHED YIN PAR MI 'OS SO ZHES BYA BAR RO, ,PHUNG PO RNAMS KYI RNAM PA GZHAN BSHAD ZIN TO ZHES BYA BA LA, SKYE MCHED DANG, KHAMS DAG LAS RNAM PA GZHAN DU BRJOD PA'I PHYIR TE, PHUNG PO DAG TU 'DUS MA BYAS MA BSHAD DO ZHES BYA BA'I DON TO, ,DA NI GO RIMS LHAG MAR LUS PA DE BRJOD PAR BYA STE, SANGS RGYAS RNAMS LA DGONGS PA MNGON DU MA BTAD BA'I CHOS STON PA MI MNGA' ZHING, DGONGS PA YANG 'DIR GSAL BAR MA BYAS PA DE'I PHYIR, RIM NI RAGS DANG KUN NYON MONGS, ,ZHES BYA BA LA SOGS PA SMOS SO, ,GZUGS NI THOGS PA DANG BCAS PA'I ZHES BYA BA LA, TSOR BA LA SOGS PA THAMS CAD PAS RAGS TE, TSOR BA LA SOGS PA DAG NI THOGS PA MED PA'I PHYIR PHRA'O, ,GZHAN @51B DAG NA RE RNAM PAR SHES PA'I TSOGS LNGA'I RTEN YIN PA'I PHYIR DANG, RNAM PAR SHES PA'I TSOGS DUG GI YUL YIN PA'I PHYIR RAGS SO ZHES ZER RO, ,GZUGS CAN MA YIN PA RNAMS KYI NANG NA YANG NGA ZHES BYA BA LA SOGS PA LA, TSOR BA NI RGYU BA RAGS PA'I PHYIR TE ZHES BYA BA NI LUS MED KYANG RTOGS PAR CHES SLA BA'I PHYIR TE, DE NYID KYI PHYIR 'DI LTAR NGA'I LAG PAS ZHES BYA BA RGYAS PAR 'BYUNG NGO, ,'DU SHES NI GNYIS PAS CHES RAGS PA'O ZHES BYA BA NI 'DU BYED DANG, RNAM PAR SHES PA GNYIS PAS TE, DE'I BYA BA RTOGS PAR CHES SLA BA'I PHYIR RO, ,'DU SHES NI SKYES PA DANG BUD MED LA SOGS PA'I MTSAN MA 'DZIN PA'O, ,RNAM PAR SHES PA PAS NI 'DU BYED DE CI ZHE NA, RAGS TE 'DOD CHAGS LA SOGS PA'I KUN DU SPYOD PA TE POR GSAL BAR RTOGS PA'I PHYIR RO, ,THAMS CAD PAS PHRA BA'I PHYIR NA RNAM PAR SHES PAS NI MTHAR TE, 'DUL BA RNAMS GZUD PA DANG RJES SU MTHUN PA'I PHYIR NA RIGS PA JI LTA BA BZHIN GO RIMS YIN NO, ,YANG NA THOG MA MED PA CAN GYI ZHES BYA BA RGYAS PAR 'BYUNG BA LA, MO NI PHO'I GZUGS LA MNGON PAR DGA' LA, PHO YANG MO'I GZUGS LA MNGON PAR DGA' BA STE, PHAN TSUN KHA DOG DANG; DBYIBS DANG, SGRA DANG, DRI DANG, RO DANG, REG BYA LA MNGON PAR ZHEN NO ZHES BYA BA'I DON TO, ,DE DAG KYANG CHOR BA'I RO MYANG BA LA MNGON PAR CHAGS PA'I PHYIR RO ZHES BYA BA LA, PHO DANG MO DAG PHAN TSUN GZUGS LA MNGON PAR DGA' BA DE DAG NI TSOR BA'I RO MYANG BA LA CHAGS BA LAS TE, TSOR BA THOB PA DANG MA THOB PA NYID KYI PHYIR NA CHAGS PA DANG MNGON PAR CHAGS PA LAS SO, ,DE LA CHAGS PA YANG 'DU SHES PHYIN CI MA LOG PA'I PHYIR RO ZHES BYA BA LA, SDUG BSNGAL BA LA BDE'O SNYAM PA NI 'DU SHES PHYIN CI LOG STE, TSOR BA BDE BA NI 'DU BYED DANG 'GYUR BA'I SDUG BSNGAL NYID DAG GIS SDUG BSNGAL LO, ,PHYIN CI LOG DE YANG KUN NAS NYON MONGS PA DAG GIS SO ZHES BYA BA LA, 'DU SHES PHYIN CI LOG STE, NYON MONGS PA DAG GIS 'KHRUL BAR BYAS BA NI 'DU SHES PHYIN CI LOG TU 'GYUR RO, ,SEMS KYANG DE DAG GIS KUN NAS NYON MONGS PA @52A *, ,CAN DU BYAS PA ZHES BYA BA LA, JI SKAD BSHAD PA'I NYON MONGS PA DAG GIS SO, ,DE'I PHYIR PHUNG PO RNAMS KYI GO RIMS NI NYON MONGS PA JI LTA BA BZHIN YIN TE, GANG NAS KUN NAS NYON MONGS PA DANG, GANG GI DON DU KUN NAS NYON MONGS PA DANG, GANG DAG GIS KUN NAS NYON MONGS PA DANG, GANG GIS KUN NAS NYON MONGS PA DE BSTAN PAR BYA BA'I PHYIR NYON MONGS PA JI LTA BA BZHIN GO RIMS BRJOD DO, ,YANG NA SNOD LA SOGS PA'I DON GYIS TE ZHES BYA BA RGYA CHER 'BYUNG BA LA, GZUGS NI SNOD LTA BU'O, ,SNOD DANG 'DRA BA NI SNOD DE, TSOR BA ZAS KYI RTEN YIN PA NYID KYI PHYIR RO, ,TSOR BA NI ZAS LTA BU STE, RO MYANG BAR BYA BA'I PHYIR RO, ,PHAN PA DANG GNOD PAR 'JUG PA'I PHYIR 'DU SHES NI TSOD MA LTA BU'O, ,'DIS GSAL BAR BYED PAS NA 'DU SHES NI TSOD MA LTA BU STE, DES YID DU 'ONG BA DANG YID DU MI 'ONG BA'I MTSAN MA BZUNG NAS TSOR BA GSAL BAR BYED DO, ,YANG NA 'DU SHES PHYIN CI LOG GI DBANG GIS TSOR BA'I RO MNGON PAR 'DOD PA'I PHYIR NA 'DU SHES NI TSOD MA LTA BU'O, ,'DU BYED RNAMS NI BYAN PO LTA BU STE, DE'I DBANG GIS RNAM PAR SMIN PA YID DU 'ONG BA DANG YID DU MI 'ONG BA MNGON PAR 'GRUB PA'I PHYIR RO, , DMIGS PA'I PHYIR NA RNAM PAR SHES PA NI ZA BA PO LTA BU STE, GANG DU ZA BA DANG, GANG ZA BA DANG, GANG DANG ZA BA DANG, GANG DAG GIS MNGON PAR 'DUS BYAS PA ZA BA DANG, GANG ZHIG ZA BA PO YIN PA DE YONGS SU GSAL BAR BYAS PAR 'GYUR RO, ,YANG NA KHAMS KYIS TE, CI ZHE NA; PHUNG PO'I GO RIMS SO, ,JI LTAR ZHE NA, 'DOD PA'I YON TAN GZUGS KYIS ZHES BYA BA SMOS TE, YID PHYIR 'JUG PA'I PHYIR DER YUL LNGA 'DOD PA'I YON TAN YIN TE, KUN TU RTOG PA'I 'DOD CHAGS KYI MTSAN NYID CAN GYI 'DOD PAS GOMS PAR BYA BA'I PHYIR RO, ,'DOD PA'I YON TAN NYID GZUGS YIN PA NI 'DOD PA'I YON TAN GYI GZUGS TE, 'DOD PA'I YON TAN GYI GZUGS DES MNGON PAR GSAL BAR BYAS SHING GO BA DANG RAB TU GSAL BAR BYAS PA'O, ,TSOR BAS RAB TU PHYE BA NI BSAM GTAN RNAMS SO ZHES BYA BA LA, TSOR BA THA DAD PAS DE THA DAD PA'I @52B PHYIR TE; 'DI LTAR SNYOMS PAR 'JUG PA'I BSAM GTAN DANG PO GNYIS NA NI YID BDE BA'O, ,GONG MA GNYIS NA NI BDE BA DANG BTANG SNYOMS DAG GO, ,SKYE BA'I BSAM GTAN DAG NA NI, ,YID BDE BDE DANG BTANG SNYOMS DANG, ,BTANG SNYOMS YID BDE BDE BA DANG, ,BTANG SNYOMS BTANG SNYOMS TSOR BA YOD, ,CES PA'O, 'DU SHES KYIS RAB TU PHYE BA NI GZUGS MED PA GSUM MO ZHES BYA BA LA, DE DAG NA DE'I MTSAN MA GSAL BA'I PHYIR 'DU SHES GTZO BO YIN TE, BTANG SNYOMS THUN MONG BA YIN PA DANG RNAM PAR GCAD PA MED PAS NA DE GTZO BO MA YIN NO, ,'DU BYED TZAM GYIS RAB TU PHYE BA NI SRID PA'I RTZE MO STE ZHES BYA BA NI RNAM PA THAMS CAD PAS DE'I SEMS PA 'BRAS BU CHE BA'I PHYIR TE, 'JIG RTEN PA YID DGE BA LA, ,SRID RTZE'I SEMS PA 'BRAS RAB CHE, ,ZHES 'CHAD PAR 'GYUR RO, ,GANG NAS GANG ZHIG SHAS CHE BA DE NYID DER NYE BAR MTSON PAR BYAS SO, ,'DI DAG NI GANG DU RNAM PAR SHES PA GNAS PA YIN LA ZHES BYA BA NI GZUGS SU NYE BAR 'GRO BA 'DOD PA'I KHAMS DANG TSOR BAR NYE BAR 'GRO BA GZUGS KYI KHAMS DANG, 'DU SHES SU NYE BAR 'GRO BA GZUGS MED PA GSUM DANG, 'DU BYED DU NYE BAR 'GRO BA SRID PA'I RTZE MO'O, ,DE DAG LA RNAM PAR SHES PA GNAS SO ZHES BYA BA NI RNAM PAR SHES PA GNAS PA DE DAG LA STE, SRID PA'I RLAN GYI MTHUS SO, ,PHUNG PO'I GO RIMS ZHING DANG SA BON GYI GO RIMS LTA BUR BSTAN PA'I PHYIR RO ZHES BYA BA LA, RNAM PAR SHES PA GNAS PAS BSDUS PA PHUNG PO BZHI NI ZHING LTA BU YIN LA, RNAM PAR SHES PA NI SA BON TE, ZHING NI SNGAR YIN LA, SA BON NI PHYI NAS TE, DE NYID KYI PHYIR ZHES BYA BA RGYAS PAR 'BYUNG STE, JI LTAR RAGS PA'I GO RIMS DANG, KUN NAS NYON MONGS PA'I GO RIMS JI LTA BA BZHIN DANG, SNOD LA SOGS PA DON GYI GO RIMS DANG, ZHING DANG SA BON GYI GO RIMS KYI GO RIMS DE NYID KYI PHYIR, PHUNG PO RNAMS MI MANG MI NYUNG NGO, ,RIM RGYU'I PHYIR ZHES GANG SMRAS PA DE SBYAR BAR BYA BA'I PHYIR GO RIMS RGYU DE NYID KYI PHYIR ZHES BYA BA RGYAS PAR 'BYUNG NGO, ,CI LTAR ZHE NA, GANG GI PHYIR 'DI DAG GIS CHES RAGS PA ZHES BYA BA SMOS TE, SEMS LAS BYUNG BA THAMS CAD PAS @53A *, ,SO, ,KUN NAS NYON MONGS PA'I GO RIMS KYI RGYU ZHES BYA BA NI PHO DANG MO DAG PHAN TSUN GZUGS LA DGA' BA STE, SNGA MA BZHIN NO, ,ZAS DANG TSOD MA LTA BU ZHES BYA BA NI SEMS LAS BYUNG BA DAG PAS SO, ,DE DAG GI KHAMS GNYIS RAB TU PHYE BA ZHES BYA LA, TSOR BAS RAB TU PHYE BA NI GZUGS KYI KHAMS SO, ,'DU SHES KYIS RAB TU PHYE BA NI GZUGS MED PA GSUM MO, ,MIG LA SOGS PA'I KHAMS DANG ZHES BYA BA RGYA CHER 'BYUNG STE, KHAMS DANG SKYE MCHED SMOS PA NI GO RIMS KYI DBANG DU BYA BA'I GZHI YIN PA'I PHYIR RO, ,DRUG GI ZHES BYA BA SMOS PA NI DE DAG GI GNYIS KA'I RNAM PAR BZHAG PA LA GO RIMS KYI RGYU THA DAD PA MED PA'I PHYIR RO, ,MIG LA SOGS PA'I SMOS PA NI PHYI'I SKYE MCHED DGAG PAR BYA BA'I PHYIR RO, ,DE'I BDAG NYID KYIS NA ZHES BYA BA LA SOGS PA LA, JI LTAR ZHE NA, YUL CAN GYI RTEN GYI NGO BOS GTZO BO YIN PA'I PHYIR TE, YUL RNAM PAR GZHAG PA NI YUL CAN GYI DBANG YIN PA'I PHYIR RO, ,DBANG NI RAG LAS PA'O, ,RTEN PAR RNAM PAR GZHAG PA YANG RTEN GYI DBANG NGO, ,DE NYID KYI PHYIR DE'I DBANG GIS NA ZHES BYA BA RGYAS PAR 'BYUNG STE, SKYE MCHED DANG KHAMS DRUG GI DBANG NYID KYIS DE'I YUL TE, GZUGS LA SOGS PA RNAMS DANG; DE'I RNAM PAR SHES PA STE, MIG LA SOGS PA'I RNAM PAR SHES PA RNAMS KYI GO RIMS SU 'BYUNG NGO, ,DBANG PO DRUG LAS, DANG POR LNGA STE, MIG LA SOGS PA DAG GO, ,CI'I PHYIR ZHE NA, DA LTA'I DON PHYIR ZHES BYA BA STE, DA LTAR BA'I DON GYI DNGOS PO NI DA LTAR BA'I DON NYID DE, DA LTAR BA'I DON NYID DE'I PHYIR MIG LA SOGS PA LNGA SNGAR SMOS SO, ,DA LTAR BYUNG BA NI CHOD PA MED PAS NYE BA YIN TE, DE BAS NA YUL NGES PA CAN YIN PA'I PHYIR DE DAG GI YUL RNAMS NI SNGAR SMOS SO, ,YID NI YUL MA NGES PA CAN YIN TE ZHES BYA BA NI DE'I PHYIR MIG LA SOGS PA DAG PAS PHYIS SMOS SO ZHES STON TO, ,YID NI KHA CIG GI YUL NI DA LTAR BA YIN PA NAS KHA CIG DUS GSUM DANG, DUS MA YIN PA'I BAR YIN NO ZHES BYA BA LA BAR SMOS PA NI 'DAS PA'I YUL CAN DANG, MA 'ONGS PA'I YUL CAN DANG, DA LTAR BA'I YUL CAN DANG, DUS GSUM BSDUS PA'I @53B YUL CAN DANG, DUS MA YIN PA'I YUL CAN DANG, DUS GSUM DANG DUS MA YIN PA'I YUL CAN SDUD DO, ,DE LA KHA CIG NI DA LTAR BA'I YUL CAN TE, DPER NA GZHAN GYI SEMS SHES PA LTA BU'O, ,KHA CIG NI 'DAS PA'I YUL CAN TE, DPER NA SNGON GYI GNAS RJES SU DRAN PA'I SHES PA'O, ,KHA CIG NI MA 'ONGS PA'I YUL CAN TE, DPER NA MNGON PAR 'DOD PA'I SHES PA'AM, 'CHI 'PHO BA DANG SKYE BA SHES PA BZHIN NO, ,KHA CIG NI DUS GSUM GYI YUL CAN TE, DPER NA CHOS THAMS CAD MI RTAG GO SNYAM PA LTA BU'O, ,KHA CIG NI DUS MED PA'I YUL CAN TE, DPER NA 'GOG PA LA DMIGS PA BZHIN NO, ,KHA CIG NI DUS GSUM DANG DUS MA YIN PA'I YUL CAN TE, DPER NA CHOS THAMS CAD BDAG MED DO SNYAM PA LTA BU STE, DE'I PHYIR YID NI MA NGES PAS PHYIS BSHAD DO, ,'BYUNG BA LAS GYUR DON PHYIR BZHI, ,ZHES BYA BA NI MIG LA SOGS PA NAS LCE'I DBANG PO LA THUG PA STE, RGYUR BYAS PA'I GZUGS, GZUGS DANG, SGRA DANG, DRI DANG, RO'I YUL CAN YIN PA'I PHYIR RO, ,LUS KYI YUL NI MA NGES TE, ,ZHES BYA BA LA, RES 'GA' NI 'BYUNG BA DAG YIN TE, GANG GI TSE SRA BA NYID LA SOGS PA LA REG PA NA'O, , RES 'GA' NI 'BYUNG BA LAS GYUR PA DAG YIN PA NI GANG GI TSE 'JAM PA NYID LA SOGS PA NA REG PA NA'O, ,RES 'GA' GNYI GA YIN NO ZHES BYA BA NI 'BYUNG BA DAG DANG 'BYUNG BA LAS GYUR PA STE, LUS KYI RNAM PAR SHES PA SNA TSOGS PA LA DMIGS PA SKYE BA NA'O, ,DE'I PHYIR YUL NGES PA CAN NI SNGAR YIN LA, YUL MA NGES PA CAN NI PHYI NAS SO, ,LHAG MA CI RIGS PAR ZHES BYA BA LA, CI RIGS PAR MIG LA SOGS PA GNYIS NI GNYIS DANG GCIG NI GSUM DANG, GCIG NI GCIG PAS SNGAR SMOS TE, MIG DANG RNA BA NI YUL RGYANG RING BA'I PHYIR GNYIS PAS DE DAG SNGAR SMOS SO, ,DE GNYIS LAS KYANG ZHES BYA BA LA, MIG DANG, RNA BA GNYIS LAS KYANG MIG NI CHES RING PO LA 'JUG STE, DE'I PHYIR GNYIS 'BA' ZHIG TU MA ZAD KYI GSUM PAS KYANG SNGAR SMOS SO, ,DE NYID KYI PHYIR CHU KLUNG RGYANG RING PO NAS MTHONG YANG DE'I SGRA MI THOS PAS @54A *, ,ZHES SMRAS SO, ,SNA NI CHER MYUR BAR 'JUG PA'I PHYIR GCIG PAS SNGAR SMOS TE, CI LTAR ZHE NA, ZAS LCE DANG MA PHRAD PA NYID KYI DRI 'DZIN PA'I PHYIR RO ZHES BYA BA SMOS SO, ,GAL TE MA PHRAD PA'I ZAS KYI GONG BU LA BRTEN PA'I DRI KHO NA SNAS 'DZIN NA, SNA PHRAD NAS 'DZIN PA NYID LA GNOD PAR 'GYUR RO ZHE NA, DE NI DE LTA MA YIN TE, ZAS DANG 'DRES PA'I RDZIS MYUR DU SNA'I YUL DU PHYIN PA YIN TE, DE DANG RIGS MTHUN PA'I PHYIR NI RDZI LA BRTEN PA'I DRI LA ZAS KYI DRI ZHES BYA'O, ,YANG NA JI LTAR GNAS PA'I RIM ZHES BYA BA LA, GSUM NI PHRENG BA LTAR GNAS KYANG, GANG DANG GANG GI DBANG PO'I RTEN DANG PO NA GNAS PA DE DANG DE SNGAR SMOS TE, DE NYID KYI PHYIR, MIG GI RTEN NI DANG PO NA GNAS SO ZHES BYA BA RGYA CHER SMOS SO, ,LUS KYI RTEN NI LCE'I DBANG PO'I RTEN DE'I 'OG NA GNAS SO, ,LUS THAMS CAD LA KHYAB PA'I PHYIR LUS KYI DBANG PO GANG NA YANG GNAS MOD KYI, 'OG NA NI CHES MANG NGO, ,DE NYID KYI PHYIR, PHAL CHER ZHES BYA BA SMOS TE, DE'I GONG NA MI GNAS PA NI MA YIN NO, ,YID KYI DBANG PO'I GO JI LTAR ZHE NA, DE'I PHYIR, YID NI DE DAG LA BRTEN PA DANG, YUL NA MI GNAS PA'I PHYIR TE ZHES BYA BA SMOS TE, RNAM PAR SHES PA'I TSOGS LNGA'I MTSAN NYID DANG, YID KYI RNAM PAR SHES PA'I TSOGS KYI MTSAN NYID DE, 'DI DAG RNAM PA DRUG CAR YANG GZUGS CAN MA YIN PA'I PHYIR YUL NA MI GNAS SO, ,YANG CI'I PHYIR ZHES BYA BA RGYAS PAR 'BYUNG NGO, ,DBANG DON DE DAG KHO NA LA, ,SKYE MCHED DANG NI KHAMS BCUR 'DOD, ,CES BYA BA DER GZUGS CAN GYI SKYE MCHED BCU GZUGS KYI PHUNG PO'I RANG BZHIN DU BSHAD LA, CHOS RNAMS RAB TU RNAM 'BYED MED PAR ZHES BYA BA DER SKYE MCHED THAMS CAD CHOS KYI RANG BZHIN DU BSHAD PA DE'I PHYIR, BYE BRAG DON DANG ZHES BYA BA RGYAS PAR 'BYUNG NGO, ,GAL TE GZUGS KYI BDAG NYID DU KHYAD PAR MED KYANG GCIG NI GZUGS KYI SKYE MCHED CES BYA BAR BRJOD KYI, GZHAN DAG MA YIN, YANG NA SGRA LA SOGS PA'I SKYE MCHED LTAR 'DI LA YANG MING GZHAN CI'I PHYIR MI BRJOD DO, 'DI LA RGYU CI ZHIG YOD, DE BZHIN DU @54B CHOS KYI SKYE MCHED LA YANG BRJOD PAR BYA'O ZHE NA, BSHAD PA, BYE BRAG NI GZUGS KYI CHOS NYID DU KHYAD PAR MED PA RNAMS SO SOR SKYE MCHED NYID YIN PAR SHES PAR BYA BA'I PHYIR RO, ,BYE BRAG DE YANG GANG ZHIG CE NA, MING NGO, ,GAL TE GZUGS KYI RANG BZHIN YIN PA'I PHYIR BCU CHAR LA YANG GZUGS KYI SKYE MCHED CES BRJOD NA NI MING LA SOGS PA DANG, GZUGS LA SOGS PA RNAMS SO SOR YUL DANG YUL CAN GYI DNGOS POR RTOGS PAR MI 'GYUR LA, DE MA RTOGS PAS KYANG DE DAG SO SOR SKYE MCHED NYID DU SHES PAR MI 'GYUR RO, ,DE'I PHYIR SKYE MCHED GSUM DU 'GYUR RO; ,DE'I DON DU GZUGS KYI BDAG NYID CAN DU KHYAD PAR MED KYANG GCIG GZUGS KYI SKYE MCHED DU BRJOD NA, SGRA LA SOGS PA RNAMS MING GZHAN DAG GI SKYE MCHED DU RNAM PAR GZHAG PAR BRJOD DO, ,GZUGS LA YANG SKYE MCHED GZHAN RNAM PAR GCAD PAR BYA BA'I PHYIR MING GZHAN MI 'DOGS TE; DE NI BYED RGYU LTAR GZUGS KYI MING THUN MONG PA KHO NAS GZHAN DAG LAS RNAM PAR GCOD PAS KHYAD PAR GYI MING GDAGS PA DON MED DO, ,DE NYID KYI PHYIR, MIG LA SOGS PA BYE BRAG TU BYAS PA DAG GIS ZHES BYA BA RGYAS PAR SMOS TE, MTSAN MA MA BTAB PA'I BA LANG BZHIN NO, ,YANG NA GZUGS KYI SKYE MCHED KHO NA GTZO BO YIN PA'I PHYIR GZUGS KYI MING THUN MONG STON PAR MDZAD KYI, GZUGS KYI BDAG NYID YIN YANG GZHAN DAG NI MA YIN TE, GTZO BO MA YIN PA'I PHYIR RO, ,GZHAN DAG PAS GTZO BOR BSTAN PA'I PHYIR, DE NI THOGS PA DANG BCAS PA YIN PA'I PHYIR TE ZHES BYA BA RGYAS PAR SMOS SO, ,GAL TE REG BYA MA YIN PA'I PHYIR GZUGS KYI SKYE MCHED LA LAG PA LA SOGS PA'I 'DUS TE REG PA DAG GIS CI LTAR REG CE NA, DE NYID LA REG PAR NI MI BRJOD DO, ,'ON KYANG DE'I RTEN 'BYUNG BA RNAMS LAG PA LA SOGS PA'I 'DUS TE REG PA RNAM PAR 'GYUR BA LAS GZUGS SU RUNG BA NA, DE YANG GZUGS SU RUNG BAS REG NA GZUGS SU RUNG BA ZHES BRJOD DE, RANG GI RTEN DANG, GRUB PA DANG, BDE BA GCIG PA'I PHYIR RO, ,YANG DE YANG THOGS PA DANG BCAS PA'I PHYIR LAG PA LA SOGS PA RNAMS KYI 'DUS TE REG PA DAG GIS TE, @55A *, ,'BREL BA DAG GIS REG NA STE, PHRAD NA GZUGS SU RUNG ZHING GZHOM DU RUNG NGO, ,'DI NI 'DI NA'O ZHES BYA BA NI YUL NYE BAR BRTAG TU RUNG BA LAS SO, ,CHE GE MO ZHIG NA'O ZHES BYA BA NI YUL THAG RING BA BRTAG TU RUNG BA LAS SO, ,DE'I PHYIR DE LTA NA GZUGS SU RUNG BA'I PHYIR DANG, BRTAG TU RUNG BA'I PHYIR GZUGS KYI SKYE MCHED KHO NA GTZO BO YIN NO, ,GZHAN DAG LA NI BRTAG TU RUNG BA MED PA'I PHYIR GTZO BO MA YIN TE, GANG GI PHYIR MIG LA SOGS PA RNAMS NI RDZAS SU DPAG PAS GZUNG BAR BYA BA YIN PA'I PHYIR 'DI NA'O, ,CHE GE MO ZHIG NA'O ZHES DNGOS SU BRTAG TU MI RUNG LA, DRI DANG, RO DANG, REG BYA'I SKYE MCHED DAG NI PHRAD NAS GZUNG BAR BYA BA YIN PA'I PHYIR CHE GE MO ZHIG NA'O ZHES YONGS SU BRTAG PAR MI NUS SO, ,SGRA'I SKYE MCHED LA YANG PHYOGS BSTAN PA BRTAG TU YOD PAR ZAD KYI, YUL BRTAG PA NI MED DO, ,'JIG RTEN NA YANG GZUGS SO ZHES GRAGS SO, SGRA LA SOGS PA GZHAN DAG LA NI MA YIN NO, ,BCOM LDAN 'DAS KYIS CHOS BSTAN PA YANG 'JIG RTEN LA BSTAN PAR BYA BA'I PHYIR YIN TE, BYE BRAG LA SOGS PA BSTAN BCOS RIG PA RNAMS KYIS KYANG SGRA LA SOGS PA RNAMS GZUGS NYID DU MA GTOGS SO, ,BYE BRAG GI DON NYID KYIS GCIG NI CHOS KYI SKYE MCHED DU BSHAD KYI, THAMS CAD MA YIN NO ZHES BYA BA LA, CI NAS KYANG YUL DANG YUL CAN NYID DU ZHES BYA BA RGYA CHER SBYAR RO, ,MIG LA SOGS PA BYE BRAG TU BYAS PA DAG GIS SPYI MING BTAGS KYI GZHAN LA NI MA YIN NO, ,CHOS MANG BA DANG ZHES BYA BA LA; 'DIR CHOS KYI MING CAN GYI CHOS MANG PO RNAMS KHO NA 'DUS TE, CHOS RNAM PAR 'BYED PA YANG DAG BYANG CHUB KYI YAN LAG DANG, SHES PA DANG, RJES SU DRAN PA DANG, DAD PA DANG, DRAN PA NYE BAR GZHAG PA DANG, SO SO YANG DAG PAR RIG PA DANG, SKYABS DANG, DKON MCHOG LA SOGS PA RNAMS SO, ,'DIR TSOR BA LA SOGS PA CHOS MANG PO ZHES BYA BA LA, TSOR BA DANG, 'DU SHES DANG, 'DU BYED RNAMS DANG, 'DUS MA BYAS RNAMS DANG, RNAM PAR RIG BYED MA YIN PA BSDUS TE, CHOS KYI SGRA SPYI MING MED PAR DE DAG JI LTAR 'DZIN PAR @55B 'GYUR; DE'I PHYIR SPYI MING BRJOD PAS CHOS MANG PO BSDUS TE, 'DU BYED KYI PHUNG PO BZHIN ZHES STON TO, ,CHOS KYI MCHOG CES BYA BA RGYAS PAR 'BYUNG BA LA, MYA NGAN LAS 'DAS PA NI MCHOG NYID DE, DGE BA DANG RTAG PA'I PHYIR RAM, SDUG BSNGAL RGYU DANG BCAS PA NYE BAR ZHI BA'I PHYIR DANG, DE BZHIN DU CHOS GANG DAG CES BYA BA NAS DE DAG LAS 'DOD CHAGS BRAL BA'I MCHOG CES BYA'O ZHES BYA BA'I BAR DU 'BYUNG BA'I PHYIR TE, DES NA CHOS KYI SKYE MCHED GTZO BO NYID DU STON TO, ,GZHAN DAG NA RE RNAM PA NYI SHUS RAGS PA'I PHYIR DANG ZHES BYA BA NI JI SKAD DU, GZUGS RNAM GNYIS DANG RNAM NYI SHU, ,ZHES BSHAD PA'O, ,SHA DANG, LHA DANG, 'PHAGS PA'I SHES RAB DANG, MIG GSUM GYI SPYOD YUL YIN PA'I PHYIR ZHES BYA BA 'BYUNG STE, DE LA SHA'I MIG NI BDAG CAG LTA BU RNAMS KYI'O, ,LHA NI LHA RNAMS KYI'O, ,'PHAGS PA'I SHES RAB KYI MIG NI 'PHAGS PA RNAMS KYI STE, ZAG PA MED PA'I SHES PA'O, ,SHA'I MIG NI CHOS THAMS CAD LA DMIGS PA'O, ,LHA'I NI GZUGS KYI YUL CAN KHO NA'O, ,DE'I PHYIR DE LTAR NA RAGS PAS RNAM PA CHES MANG POR BRTAG TU RUNG BA'I PHYIR DANG, MANG PO DAG GIS BRTAG PAR RUNG BA'I PHYIR TE; GO RIMS BZHIN DU SHA DANG LHA'I MIG GI MDUN DU RAGS PA DANG, THAMS CAD DU PHRA BAR BRTAG TU RUNG BA'I PHYIR DANG, 'PHAGS PA'I SHES RAB KYI MIG GIS MI RTAG PA LA SOGS PAR BRTAG TU RUNG BA'I PHYIR GCIG GZUGS KYI SKYE MCHED DU BSTAN TO, ,PHUNG PO LA SOGS PA BSDU BAR BRJOD PAR 'DOD PAS, MDO DAG LAS ZHES BYA BA 'DI SMOS SO, ,GAL TE MDO GZHAN LAS BSTAN PA'I PHUNG PO DANG, SKYE MCHED DANG, KHAMS RNAMS 'DI DAG KHO NAR 'DU NA NI DE LTA YIN DANG GANG ZHIG GANG DU 'DU BA BRJOD PAR BYA'O, ,'ON TE THA DAD PA YIN NA NI DE LTA NA YANG 'DUS BYAS THAMS CAD DANG, ZAG PA DANG BCAS PA RNAMS DANG, CHOS THAMS CAD NI GO RIMS BZHIN DU PHUNG PO DAG DANG, NYE BAR LEN PA'I PHUNG PO DAG DANG, SKYE MCHED DANG, KHAMS DAG GIS BSDUS SO ZHES BYA BA DE DANG 'GAL BAR 'GYUR RO, ,MDO GZHAN LAS BSTAN PA'I PHUNG PO LA SOGS PA 'DI @56A *, ,DAG GI NANG DU MI 'DU NA CIR 'GYUR ZHE NA, GSUNG RAB KYI THA SNYAD DAG LA KUN DU RMONGS PAR 'GYUR TE, DE BZLOG PAR BYA BA'I PHYIR 'DI DAG TU 'DU BA BRJOD PA NI, CHOS KYI PHUNG PO BRGYAD KHRI DAG ,CES BYA BA LA SOGS PA'O, ,GANG DAG GI LTAR NA SANGS RGYAS KYI GSUNG TSIG GI RANG BZHIN PA DE DAG GI LTAR NA DE DAG NI GZUGS KYI PHUNG POS BSDUS TE, DAG GI RNAM PAR RIG BYED SGRA NI GZUGS KYI PHUNG PO'I KHONGS SU 'DUS PA'I PHYIR RO, ,GANG DAG GI LTAR NA MING GI RANG BZHIN PA DE DAG GI LTAR NA 'DU BYED KYI PHUNG POS BSDUS TE, MING NI MI LDAN PA'I 'DU BYED KYIS BSDUS PA'I PHYIR RO, ,GANG DAG GI LTAR NA LDAN PA MA YIN PA MED PA DE DAG GI LTAR NA GZUGS KYI PHUNG PO KHO NAS BSDUS LA, GANG GI LTAR NA YOD PA DE DAG GI LTAR NA NI 'DU BYED KYI PHUNG PO KHO NAS BSDUS SO, ,GAL TE GSUNG NI TSIG YIN PAR GRAGS PA MA YIN NAM, JI LTAR MIR SANGS RGYAS KYI GSUNG NYID DU BRJOD CE NA, SANGS RGYAS KYI GSUNG NI DON GYIS RAB TU PHYE BA'I PHYIR LA MING YANG DON RJOD PAR BYED PA'I PHYIR SANGS RGYAS KYI GSUNG MING GI BDAG NYID YIN NO ZHES ZER RO, ,'DIR MING NI DPE TZAM ZHIG TU ZAD DE, SANGS RGYAS KYI GSUNG MING DANG, TSIG DANG, YI GE'I TSOGS KYI BDAG NYID YIN BA'I PHYIR RO, ,CHOS KYI PHUNG PO BRGYAD KHRI DAG ,CES SMRAS PA DE'I PHYIR YANG CHOS KYI PHUNG PO'I TSAD JI TZAM ZHE NA ZHES 'DRI STE, DE'I PHYIR, KHA CIG BSTAN BCOS TSAD CES ZER, ,ZHES BYA BA SMOS SO, ,BSTAN BCOS KYI TSAD NI BSTAN BCOS TSAD DO, ,BSTAN BCOS KYI TSAD LTA BU'I TSAD GANG LA YOD PA DE NI BSTAN BCOS TSAD DE, CHOS MNGON PA CHOS KYI PHUNG PO ZHES BYA BA'I'O, ,YANG DE TSAD JI TZAM ZHIG NA DE'I NI SHU LOG DRUG STONG NGO ZHES BYA BA SMOS TE DE NYID KYI PHYIR DES GZHAN DAG GI TSAD KYANG YONGS SU GCOD PAR 'GYUR RO SNYAM STE, DE LA CHOS KYI PHUNG PO ZHES MING BTAGS SO, ,PHUNG PO LA SOGS GTAM RE YIN, ,ZHES BYA BA LA; PHUNG PO DANG SKYE MCHED LA SOGS PA RNAMS RE RE ZHING GTAM RGYUD RE RE SO SOR CHOS KYI PHUNG PO YIN PAS, GSUNG RAB LAS PHUNG PO DAG LAS BRTZAMS TE BSTAN PA GANG YIN PA DE CHOS KYI PHUNG PO GCIG YIN LA, KHAMS DAG LAS BRTZAMS TE BSTAN PA GANG YIN PA DE NI CHOS KYI PHUNG PO @56B GZHAN YIN TE, DE BZHIN DU SKYE MCHED DANG RTEN CING 'BREL PAR 'BYUNG BA LA SOGS PA DAG LA YANG BRJOD PAR BYA'O, ,SOGS PA'I SGRAS NI DGE BA DANG MI DGE BA'I LAS KYI LAM DANG, BSDU BA'I DNGOS PO LA SOGS PA SDUD DO, ,SPYOD PA RNAMS KYI GNYEN POR NI, ,ZHES BYA BA RGYAS PAR 'BYUNG STE, 'DI NI GNAS PA YIN NO, ,SEMS CAN RNAMS KYI SPYOD PA NI 'DOD CHAGS DANG, ZHE SDANG DANG, GTI MUG DANG, NGA RGYAL DANG, LTA BA DANG, RTOG PA LA SOGS PA'I BYE BRAG GIS BRGYAD KHRI STE, DE RNAMS KYI GNYEN POR BCOM LDAN 'DAS KYIS NI SDUG PA DANG, BYAMS PA DANG, RTEN CING 'BREL BAR 'BYUNG BA DANG, MI RTAG PA'I 'DU SHES DANG, STOD PA NYID DANG, DBUGS RDUB PA DANG 'BYUNG BA DRAN PA LA SOGS PA BSTAN PA'I SGO NAS CHOS KYI PHUNG PO BRGYAD KHRI GSUNGS SO, ,GZHAN DAG NA RE, PHUNG PO LA SOGS GTAM RE YIN, ,ZHES BYA BA 'DI NYID, SPYOD PA RNAMS KYI GNYEN POR NI, ,ZHES RNAM GRANGS GZHAN GYIS BSTAN TE, GANG ZHIG NYON MONGS PA'I GNYEN POR MI 'GYUR BA'I PHUNG PO BSTAN PA DE NI 'GA' YANG MED PA'I PHYIR RO ZHES ZER RO, ,PHUNG PO LA SOGS PA JI SKAD DU BSHAD PA BSDU BAR BYA STE ZHES BYA BA LA, CI RIGS PAR GZUGS LA SOGS PA'I PHUNG PO DANG; MIG LA SOGS PA'I KHAMS DANG, MIG LA SOGS PA'I SKYE MCHED DAG TU BSDU BAR BYA STE, DE NYID KYI PHYIR, TSUL KHRIMS KYI PHUNG PO NI GZUGS KYI PHUNG POS BSDUS SO ZHES SMOS TE, TSUL KHRIMS KYI PHUNG PO NI LUS DANG, NGAG GI LAS KYI RANG BZHIN YIN PA'I PHYIR GZUGS KYI PHUNG PO ZHES BYA BAS BSDUS SO, ,LHAG MA RNAMS NI 'DU BYED KYI PHUNG POS BSDUS SO ZHES BYA BA LA, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO DAG NI SEMS DANG MTSUNGS PAR LDAN PA'I 'DU BYED KYI PHUNG PO'I MTSAN NYID CAN YIN PA'I PHYIR 'DU BYED KYI PHUNG POS BSDUS SO, ,'DI NI RNAM PAR GROL BA'I PHUNG PO MI SLOB PA'I MOS PAS 'DUS BYAS KYI RNAM PAR GROL BA YIN GYI, 'DUS MA BYAS KYI MA YIN NO, ,ZAD PAR GYI SKYE MCHED BCU PO DAG LAS ZHES BYA BA LA, ZAD PAR SA LA SOGS PA'I SKYE MCHED DAG LAS ZAD @57A *, ,PAR NAM MKHA' DANG, RNAM PAR SHES PA MA GTOGS PA BRGYAD NI MA CHAGS PA'I RANG BZHIN YIN PA'I PHYIR TE, JI SKAD DU, ZAD PAR BCU PO BRGYAD MA CHAGS, ,ZHES BSHAD DO, ,MA CHAGS PA YANG CHOS KYI SKYE MCHED KYIS BSDUS PA'I PHYIR ZAD PAR BRGYAD NI CHOS KYI SKYE MCHED KYIS BSDUS SO, ,'KHOR DANG BCAS NA NI ZHES RGYA CHER 'BYUNG BA LA, TSOR BA LA SOGS PA PHUNG PO GSUM DANG, RJES SU 'JUG PA'I GZUGS NI CHOS KYI SKYE MCHED KYIS BSDUS LA, RNAM PAR SHES PA'I PHUNG PO YID KYI SKYE MCHED KYIS BSDUS SO, ,ZIL GYIS GNON PA'I SKYE MCHED RNAMS KYANG DE DANG 'DRA'O ZHES BYA BA LA, DE DANG 'DRA'O ZHES BYA BA'I SGRAS NI MA CHAGS PA'I BDAG NYID DANG, 'KHOR DANG BCAS PA RNAMS NI PHUNG PO LNGA'I RANG BZHIN DANG, YID DANG, CHOS KYI SKYE MCHED DAG GI NANG DU 'DUS PA YONGS SU BZUNG NGO, ,ZAD PAR GYI SKYE MCHED BCU LAS, ZAD PAR NAM MKHA' DANG, RNAM SHES MTHA' YAS SKYE MCHED DAG DANG, NAM MKHA' MTHA' YAS SKYE MCHED LA SOGS PA BZHI PO DAG GIS TE, NAM MKHA' DANG, RNAM PAR SHES PA DANG, CI YANG MED PA DANG, 'DU SHES MED 'DU SHES MED MIN SKYE MCHED DAG NI RJES SU 'BRANG BA'I GZUGS MED PA'I PHYIR PHUNG PO BZHI'I RANG BZHIN TE, YID DANG, CHOS KYI SKYE MCHED DAG GIS BSDUS SO, ,RNAM PAR GROL BA'I SKYE MCHED LNGA NI ZHES BYA BA RGYAS PAR 'BYUNG BA LA, RNAM PAR GROL BA'I SKYE MCHED DANG PO GSUM LA NI GZHUNG 'DZIN PAS SGRA'I SKYE MCHED YOD DO, ,BZHI PA LA YANG GAL TE BRJOD CING BRJOD NAS SEMS PAR BYED NA NI SKYE MCHED GSUM YOD LA, DE LTA MA YIN NA YID DANG, CHOS KYI SKYE MCHED DAG GIS BSDUS SO, ,LNGA PA LA YANG YID DANG, CHOS KYI SKYE MCHED DAG YOD DE, DE'I PHYIR 'KHOR DANG BCAS PA RNAMS SGRA DANG, YID DANG, CHOS KYI SKYE MCHED KYIS BSDUS SO, ,RNAM PAR GROL BA'I SKYE MCHED LNGA GANG ZHE NA, MDO LAS, 'DI LA DGE SLONG LA STON PA'AM, TSANGS PA MTSUNGS PAR SPYOD PA BLA MA LTA BU GANG YANG RUNG BA ZHIG GIS CHOS STON PAR BYED NA, 'DI LA STON PA 'AM MKHAS PA BLA MA'I SA LTA BU GANG YANG RUNG BZHIG JI LTA JI LTAR CHOS STON PAR BYED PA DE LTA DE LTAR CHOS DE DAG LA, @57B DON SO SO YANG DAG PAR RIG PA DANG, CHOS SO SO YANG DAG PAR RIG PAR 'GYUR RO, ,DON SO SO YANG DAG PAR RIG PA DANG CHOS SO SO YANG DAG PAR RIG PA DE LA RAB TU DGA' BA SKYED DO, ,RAB TU DGA' BAR GYUR BA LA DGA' BA SKYE'O, ,YID DGA' BAR 'GYUR BA'I LUS SHIN TU SBYANGS PAR 'GYUR RO; ,LUS SHIN TU SPYANGS PA NI BDE BMYONG BAR 'GYUR RO, ,BDE BAR GYUR NA SEMS MNYAM PAR 'JOG GO, ,SEMS MNYAM PAR GZHAG NA NI YANG DAG PA JI LTA BA BZHIN DU RAB TU SHES SHING, YANG DAG PA JI LTA BA BZHIN DU MTHONG BAR 'GYUR RO, ,YANG DAG PA JI LTA BA BZHIN DU SHES SHING YANG DAG PA JI LTA BA BZHIN DU MTHONG BA NA YID BYUNG BAR 'GYUR RO, ,YID BYUNG BA NA 'DOD CHAGS DANG BRAL BAR 'GYUR RO, ,'DOD CHAGS DANG BRAL NA RNAM PAR GROL BAR 'GYUR RO, ,'DI NI RNAM PAR GROL BA'I SKYE MCHED DANG PO'O, ,DE BZHIN DU KHA DON BYED, GZHAN DAG LA YANG STON PAR BYED, SEMS PAR BYED; TING NGE 'DZIN GYI RGYU MTSAN BZANG PO LEGS PAR 'DZIN PAR 'GYUR ZHES RGYA CHER GSUNGS SO, ,RNAM PAR GROL BA NI MI SLOB PA'I MOS PA'O, ,DE LA GEGS BYED PA NI NYON MONGS PA DAG STE, DE DAG NI SHES RAB KYI MTSON GYIS GCOD PAR BYED PA LA, DE BCAD PAS RNAM PAR GROL BA SKYE BAR 'GYUR TE; DE'I PHYIR SHES RAB NI RNAM PAR GROL BA SKYE BA'I SGOR GYUR PAS NA, RNAM PAR GROL BA'I SKYE MCHED NI SHES RAB YIN NO, ,SGRA NI DE DAG GI SBYOR BA YIN LA, SHES RAB NI DNGOS GZHI'O, ,SKYE MCHED GNYIS LAS ZHES BYA BA NI 'DU SHES MED PA'I SEMS CAN DANG, 'DU SHES MED 'DU SHES MED MIN GYI SKYE MCHED GNYIS LAS TE, JI SKAD DU, KUN DGA' BO SKYE MCHED NI GNYIS TE, 'DU SHES MED PA'I SEMS CAN GYI SKYE MCHED DANG, 'DU SHES MED 'DU SHES MED MIN GYI SKYE MCHED DO ZHES GSUNGS PA LTA BU'O, ,SKYE MCHED GNYIS PO DE DAG LAS 'DU SHES MED PA'I SEMS CAN NI SKYE MCHED BCUS BSDUS TE, GZUGS KYI KHAMS SU GTOGS PA'I PHYIR DE NA DRI DANG RO MED PA'I PHYIR DANG, 'CHI 'PHO BA DANG SKYE BA'I DUS DAG NA YID KYI SKYE MCHED YOD PA'I PHYIR RO, ,'DU SHES MED 'DU SHES MED MIN SKYE MCHED DU NYE BAR 'GRO BA NI YID DANG CHOS KYI SKYE MCHED DAG GIS BSDUS SO ZHES BYA BA LA, DER @58A *, ,TSOR PA LA SOGS PA PHUNG PO GSUM NI CHOS KYI SKYE MCHED KYIS BSDUS LA, RNAM PAR SHES PA'I PHUNG PO NI YID KYI SKYE MCHED KYIS BSDUS SO, ,DE BZHIN DU KHAMS MANG PO LAS KHAMS DRUG CU RTZA GNYIS BSTAN PA DE DAG KYANG CI RIGS PAR BSDU BAR RIG PAR BYA'O ZHES BYA BA LA; JI LTAR BYAS NAS SHE NA, KHAMS NI BCO BRGYAD DE, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG ZHES BYA BA RGYA CHER 'BYUNG STE, DE LA SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG; RNAM PAR SHES PA'I KHAMS DE DAG GIS BSDU BA NI PHYI NAS 'CHAD PAR 'GYUR RO, ,YANG KHAMS DRUG STE, 'DOD PA'I KHAMS DANG, GNOD SEMS KYI KHAMS DANG, RNAM PAR 'TSE BA'I KHAMS DANG, NGES PAR 'BYUNG BA'I KHAMS DANG, GNOD SEMS MED PA'I KHAMS DANG, RNAM PAR MI 'TSE BA'I KHAMS TE, 'DI DAG NI CHOS KYI KHAMS SU 'DU'O, ,DE LA 'DOD PA'I KHAMS KYI SGRAS NI 'DOD PA'I 'DOD CHAGS LA MNGON PAR 'DOD KYI, 'DOD PA'I KHAMS NI MA YIN TE, GZHAN DUN DE'I KHONGS SU 'DU BAS GNOD SEMS KYI KHAMS DANG, RNAM PAR 'TSE BA'I KHAMS LOGS SHIG TU NI BRJOD PAR 'GYUR RO, ,YANG KHAMS DRUG STE, SDUG BSNGAL GYI KHAMS DANG, BDE BA'I KHAMS DANG, YID MI BDE BA'I KHAMS DANG, YID BDE BA'I KHAMS DANG, BTANG SNYOMS KYI KHAMS DANG, MA RIG PA'I KHAMS SO, ,'DI DAG KYANG CHOS KYI KHAMS SU 'DU'O, ,YANG KHAMS BZHI STE, TSOR BA'I KHAMS DANG, 'DU SHES KYI KHAMS DANG, 'DU BYED KYI KHAMS DANG, RNAM PAR SHES PA'I KHAMS TE, GSUM NI CHOS KYI KHAMS SU 'DU LA, RNAM PAR SHES PA'I KHAMS NI RNAM PAR SHES PA'I KHAMS DRUG TU'O, ,YANG KHAMS GSUM STE, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS TE, 'DOD PA'I KHAMS NI KHAMS BTZO BRGYAD DAG TU 'DU'O, ,GZUGS KYI KHAMS NI KHAMS BCU BZHIR 'DU'O, ,GZUGS MED PA'I KHAMS NI YID DANG, YID KYI RNAM PAR SHES PA DANG, CHOS KYI KHAMS DAG TU 'DU'O, ,YANG KHAMS GSUM STE, @58B GZUGS KYI KHAMS DANG, GZUGS MED PA'I KHAMS DANG, 'GOG PA'I KHAMS SO, ,GNYIS KYIS BSDU BA NI SMRAS ZIN TO, ,'GOG PA'I KHAMS NI CHOS KYI KHAMS SU 'DU'O, ,YANG KHAMS GSUM STE, 'DAS PA'I KHAMS DANG, MA 'ONGS PA'I KHAMS DANG, DA LTAR BYUNG BA'I KHAMS TE, 'DI DAG NI RE RE ZHING KHAMS BCO BRGYAD DAG TU 'DU'O, ,YANG KHAMS GSUM STE, DMAN PA'I KHAMS DANG, GYA NOM PA'I KHAMS DANG, BAR MA'I KHAMS TE, GSUM PO 'DI DAG KYANG CI RIGS BAR KHAMS BCO BRGYAD DAG TU 'DU'O, ,YANG KHAMS GZHAN GSUM STE, DGE BA'I KHAMS DANG, MI DGE BA'I KHAMS DANG, LUNG DU MA BSTAN PA'I KHAMS SO, ,DANG PO GNYIS NI GZUGS KYI KHAMS DANG, SGRA'I KHAMS DANG, YID KYI KHAMS DANG, RNAM PAR SHES PA'I KHAMS DRUG DANG, CHOS KYI KHAMS SU 'DU'O, ,GSUM PA NI BCO BRGYAD CHAR DU 'DU'O, , YANG KHAMS GSUM STE, SLOB PA'I KHAMS DANG, MI SLOB PA'I KHAMS DANG, SLOB PA YANG MA YIN MI SLOB PA YANG MA YIN PA'I KHAMS SO, ,DE LA SLOB PA DANG MI SLOB PA'I KHAMS GNYIS NI YID DANG, CHOS DANG, YID KYI RNAM PAR SHES PA'I KHAMS SU 'DU'O, ,GSUM PA NI BCO BRGYAD DU YANG 'DU'O, ,YANG KHAMS GNYIS TE, ZAG PA DANG BCAS PA'I KHAMS DANG, ZAG PA MED PA'I KHAMS TE, DANG PO NI BCO BRGYAD DU 'DU'O, ,GNYIS PA NI, YID DANG, CHOS DANG, YID KYI RNAM PAR SHES PA'I KHAMS DAG TU'O, ,YANG KHAMS GNYIS TE, 'DUS BYAS KYI KHAMS DANG; 'DUS MA BYAS KYI KHAMS SO, ,DANG PO NI BCO BRGYAD DAG TU 'DUL, GNYIS PA NI CHOS KYI KHAMS SU 'DU'O, ,DE'I PHYIR KHAMS BCO BRGYAD PO DE DAG NI DRUG TSAN GSUM DANG, BZHI TSAN GCIG DANG, GSUM TSAN DRUG DANG, GNYIS TSAN GNYIS DANG, DRUG CU RTZA GNYIS SU 'GYUR RO; DE LTAR NA KHAMS BZHI BCU RTZA BZHI PO DE DAG NI KHAMS BCO BRGYAD PO DE DAG TU 'GYUR RO, ,DER GANG DAG CES BYA BA LA, DER ZHES BYA BA NI KHAMS MANG PO PA'I MDOR RO, ,GNYIS KYI MTSAN NYID MA BSHAD NA ZHES BYA BA NI NAM MKHA' DANG, RNAM PAR SHES PA'I KHAMS GNYIS KYI'O, ,SA'I @59A *, ,KHAMS LA SOGS BA RNAMS KYI NI, SRA GSHER DRO NYID G-YO BA RNAMS, ,ZHES BSHAD ZIN TO, ,GAL TE, RNAM SHES SO SOR RNAM RIG PA, ,ZHES RNAM PAR SHES PA'I KHAMS KYI MTSAN NYID KYANG BSHAD PA MA YIN NAM ZHEN, BSHAD MOD KYI, RNAM PAR PHYE NAS NI MA BSHAD DE, RNAM PAR SHES PA NI ZAG PA DANG BCAS PA DANG, ZAG BA MED PA YIN PA'I PHYIR RO, ,DE NYID KYI PHYIR, JI LTAR SA LA SOGS PA'I KHAMS LTAR, RNAM PAR SHES PA THAMS CAD KYANG RNAM PAR SHES PA'I KHAMS YIN PAR RIG PAR BYA 'AM ZHES BYA BA SMOS SO, ,NAM MKHA'I MTSAN NYID KYANG SGRIB PA MED PA SMRAS MOD KYI, NAM MKHA'I KHAMS KYI NI MA YIN TE, DE NYID KYI PHYIR, CI NAM MKHA' NYID NAM MKHA'I KHAMS YIN LA ZHES BYA BA SMOS SO, ,SMRAS BA MA YIN NO ZHES BYA BA LA, KHA DANG SNA LA SOGS PA ZHES BYA BA'I, SOGS PA'I SGRAS NI SNA LA SOGS PA DAG GI'O, , BU GZHES BYA BA CI ZHIG YIN PAR RIG PAR BYA ZHES BYA BA LA, NAM MKHA'I KHAMS BZHIN DU BU GA'I DON YANG MA RTOGS PA'I PHYIR RAM, BU GA NI NAM MKHA' NYID YIN NO SNYAM DU LOG PAR RTOGS PA'I PHYIR 'DRI BA'O, ,SNANG DANG MUN PA DAG YIN LO, ,ZHES BYA BA NI GAL TE BU GNAM MKHA'I KHAMS YIN LA, NAM MKHA'I KHAMS KYANG BU GA YIN NA NI DER YANG DE LTAR 'GYUR BAS THUG PA MED PAR 'GYUR BA ZHIG GO, ,LO'I SGRA NI RDUL PHRA RAB RNAMS LA PHAN TSUN REG PA MED PA'I PHYIR BSAGS PA LA GDON MI ZA BAR BU GA YOD PAR 'GYUR BAS MRANGS PA'I DON TO, ,GZHAN DAG NA RE BYE BRAG TU SMRAS BA'I TSIG YIN NO ZHES ZER RO, ,MTSAN MO DANG NYIN MO'I RANG BZHIN DU ZHES BYA BA LA, MUN PA NI MTSAN MO'I RANG BZHIN NO, ,SNANG BA NI NYIN MO'I RANG BZHIN NO, ,MTSAN MO MAR ME'I SNANG BA SRID PA'I PHYIR 'CHOL BAR 'GYUR RO ZHE NA, MA YIN TE, NYI MA'I BLA BRJOD PAR 'DOD PA'I PHYIR RO, ,YANG NA PHAL CHE BAS BSTAN TE, MON SRAN STE'U LA SOGS PA YOD KYANG GRE'U'I PHUNG POR BSNYAD PA BZHIN NO, ,DE NYID THOGS PA'I NYE 'KHOR GYI GZUGS ZHES BYA STE ZHES BYA BA LA, DE NYID NI NAM MKHA'I KHAMS SO, ,BSAGS PAR GNAS PA'I GZUGS TE ZHES BYA BA 'BYUNG STE, CI'I PHYIR ZHE NA, SHIN @59B TU GNOD PAR BYAR RUNG BA'I PHYIR RO, ,TSOGS PA NI BSAGS PA'O, ,BSAGS PAR GNAS PA NI BSAGS PA LA GNAS SHING 'DUS PA LA GNAS PA ZHES BYA BA'I DON TE, GNOD PAR BYED PA DANG, GNOD PAR BYAR RUNG BA'O, ,DE NI DE'I NYE 'KHOR RO, ,ZHES BYA BA LA, DE'I NI BSAGS PAR GNAS PA'I GZUGS KYI STE, NYE 'KHOR DU YOD PA'I PHYIR RO, ,GZHAN DAG NA RE DE LA GZHAN MIN THOGS PA'I PHYIR TE, DE NI THOGS MED KYANG YIN LA ZHES BYA BA LA, THOGS MED CES BYA BA NI THOGS PA YOD PA MA YIN PA'O, ,CI'I PHYIR ZHEN, DE LA GZHAN PA MI THOGS PA'I PHYIR RO, ,GZHAN GYI NYE 'KHOR YANG YIN TE, RTZIG PA DANG RIL SOGS PA'I'O, MDO SDE PA RNAMS NA RE NAM MKHA'I KHAMS NI NAM MKHA' LAS THA DAD PA MED LA, NAM MKHA' YANG RDZAS MA YIN PA'I PHYIR NAM MKHA'I KHAMS RDZAS SU MED DO ZHES ZER RO, ,BYE BRAG TU SMRA BA RNAMS NA RE NAM MKHA'I KHAMS NI NAM MKHA' LAS THA DAD DO ZHE'O, ,GANG LAS SHE NA, NANG DANG PHYI'I NAM MKHA' GSUNGS PA'I PHYIR TE, MDO LAS, NANG GI NAM MKHA'I KHAMS GANG ZHEN, LUS 'DI'I NANG GI NAM MKHA' GANG ZHIG NANG LA BRTEN PA NAM MKHAR GYUR PA, MI GSAL BA, KHRAG DANG LPAGS PAS MA KHYAB PA STE, DPER NA MIG GI BU GA LTA BU ZHES BYA BA LA SOGS PA DANG, PHYI ROL GYI NAM MKHA' GANG ZHE NA, PHYI'I NAM MKHA' GANG ZHIG PHYI'I NAM MKHAR GYUR PA, MI GSAL BA, GZUGS SU GYUR PAS MA KHYAB BA ZHES BYA BA LA SOGS PA GSUNGS SO, ,'DUS MA BYAS NI NANG NGAM PHYI'I ZHES BYA BAR RIGS PA YANG MA YIN NO, , GZUGS KYI 'DOD CHAGS DANG BRAL BA LA NAM MKHA'I KHAMS SPANGS PAR BSTAN PA'I YANG PHYIR TE, BCOM LDAN 'DAS KYIS GANG GI PHYIR DE'I SEMS KHAMS LDA LAS 'DOD CHAGS DANG BRAL BA RNAM PAR GROL BAR 'GYUR LA, DE NAS DE'I RNAM PAR SHES PA NYID LHAG MAR LUS PAR 'GYUR RO ZHES GSUNGS PA'I PHYIR RO, ,NAM MKHA' NI SPANGS PAR BSNYAD PAR RIGS PA YANG MA YIN TE, ZAG PA MED PA'I PHYIR RO, ,SA LA SOGS PA LTAR SKYES BUR GDAGS PA'I NYE BAR LEN PA YIN PA'I YANG PHYIR TE, SKYES BU 'DI NI KHAMS DRUG YIN NO ZHES GSUNGS PA'I PHYIR RO, ,ZAG DANG BCAS PA'I @60A *, ,RNAM SHES NI, ,RNAM SHES KHAMS YIN GYI ZAG PA MED PA MA YIN NO, ,CI'I PHYIR ZHEN, 'DI LTAR KHAMS DRUG PO 'DI DANG GI ZHES RGYAS PAR RGYU SMRAS TE, KHAMS DRUG LA BRTEN NAS MNGAL DU 'JUG PAR 'GYUR RO, ,SA LA SOGS PA LTAR SKYE BA'I RTEN NYID DU 'DOD PA'I PHYIR RNAM PAR SHES PA'I KHAMS KYANG ZAG PA DANG BCAS PA NYID DO, ,DE DAG NI NYING MTSAMS SBYOR BA'I SEMS NAS ZHES BYA BA RGYAS PAR 'BYUNG NGO, ,ZAG PA MED PA'I CHOS RNAMS NI DE LTA MA YIN NO ZHES BYA BA NI SKYE BA RGYUN GCOD PA DANG, GNOD PA BYED PA DANG, KUN NAS NYON MONGS PA SPONG BA LA 'JUG PA'I PHYIR RO; ,GZHAN DAG NA RE SKYED PAR BYED PA DANG, GSOS 'DEBS BA DANG, SPEL BAR BYED BA'I PHYIR GZHIR GYUR PA ZHES ZER TO, ,'DIL SKYED PAR BYED PA NI RNAM PAR SHES PA'I KHAMS TE, NYING MTSAMS SBYOR BA'I SA BON YIN BA'I PHYIR RO, ,JI LTAR ZHE NA, 'BYUNG BA'I KHAMS BZHI NI REG BYA'I KHAMS KYI NANG DU 'DUS SO, ,LNGA PA NI GZUGS KYI KHAMS KYI NANG DU 'DUS SO, ,DRUG BA NI RNAM PAR SHES PA'I KHAMS BDUN PO DAG TU 'DUS SO, ,KHAMS BCO BRGYAD KYI RANG GI MTSAN NYID DANG, CHOS THAMS CAD PHUNG PO DANG, SKYE MCHED DANG, KHAMS DAG GIS BSDUS PA BSHAD ZIN TO, ,DA NI CHOS RAB TU RNAM PAR DBYE BAR BYA BA'I PHYIR BSTAN BCOS BRTZAMS PA DE DAG GI RNAM PAR BSAM PAR BYA'O, ,DE LA KHAMS RNAMS SU GZUGS DANG SEMS RNAM PAR PHYE STE BSTAN PAS ZAG PA DANG BCAS PA'I RNAM PA LA SOGS PA RNAMS BSTAN PA BDE BLAG TU KHONG DU CHUD BAS KHAMS RNAMS KHO NA LAS BRTZAMS TE BSAM PAR BYA'I, PHUNG PO DANG SKYE MCHED DAG LAS BRTZAMS TE NI MA YIN NO; ,DE NID KYI PHYIR, GANG DAG KHAMS BCO BRGYAD BSTAN PA ZHES BYA BA RGYA CHER 'BYUNG NGO, ,BSTAN YOD 'DIR NI ZHES BYA BA LA, KHAMS ZHES SKABS DANG SBYAR RO, ,DE YANG GANG ZHIG YIN BA MI SHES PAS DE'I PHYIR, GZUGS ZHES BYA BA SMOS SO, ,BSTAN PA DANG LHAN CIG PA NI BSTAN YOD DO, BSTAN PA ZHES BYA BA 'DI YANG GANG ZHIG CE NA, 'DI NI 'DI NA'O, ,CHE GE MO ZHIG NA'O ZHES BSTAN PA'I PHYIR STOBS KYIS BYUNG BA'I MIG GI RNAM PAR SHES PA LA STE, DE'I YUL CAN YIN PA'I PHYIR GZUGS LA DE DANG LHAN CIG GIS ZHES BSNYAD DO, ,GZHAN DAG NA RE 'DI NI 'DI NA'O, ,CHE GE MO ZHIG NA'O ZHES @60B BSNYAD PA 'DI NYID BSTAN BA YIN LA, GANG ZHIG LA DE YOD PAS NA BSTAN DU YOD PA STE, DMIGS PA DANG BCAS PA BZHIN NO ZHES ZER RO, ,BSTAN DU YOD BA'I MTSAN NYID JI SKAD DU BSHAD PA BZLOG PA'I SGO NAS LHAG MA RNAMS NI BSTAN DU MED BA'O ZHES BSHAD PAR 'GYUR RO, ,THOGS DANG BCAS PA GZUGS CAN BCU; ,ZHES BYA BA LA, GZUGS CAN SMOS PA NI GZUGS CAN MA YIN PA RNAM PAR GCAD PAR BYA BA'I PHYIR RO, ,CHOS KYI SKYE MCHED LA RNAM PAR RIG BYED MA YIN PA'I GZUGS YOD PAS GZUGS CAN DU THA SNYAD GDAGS SU YOD PAS BCU ZHES BYA BA SMOS SO, ,DE NYID KYI PHYIR BSHAD PA LAS KYANG, BCU GANG DAG CES BYA BA RGYAS PAR SMOS SO, ,DE DAG LA GZUGS SU RUNG BA YOD PAS NA GZUGS CAN NO, ,THOGS PA ZHES BYA BA 'DI CI ZHIG CE NA, THOGS PA ZHES BYA BA NI BRDUGS PA'O ZHES BYA BA SMOS SO, ,DE DAG LA YOD PAS NA THOGS BA DANG BCAS PA STE, NOR DANG BCAS PA BZHIN NO, ,DE LA RNAM PA GSUM STE ZHES BYA BA RGYAS PAR 'BYUNG STE, THOGS PA'I SGRA THAMS CAD DU 'JUG PA'I PHYIR RO, ,DE LA SGRIB PA LA THOGS PA NI RANG GI YUL DU GZHAN SKYE BA'I GEGS BYED PA STE ZHES BYA BA LA, JI LTAR ZHE NA, DPER NA LAG PA 'AM RDO BA LA LAG PA BRDZUGS SHING THOGS PA ZHES BYA BA SMOS TE, LAG PA'I YUL DU LAG PA GZHAN MI SKYE'O ZHES BYA BA'I DON TO, ,RDO BA LA YANG LAG PA BRDUGS TE, DE'I YUL DU MI SKYE BA'I PHYIR DE LA THOGS SO, ,RDO BA YANG DE GNYIS LA ZHES BYA BA NI LAG PA DANG RDO BA GNYIS LA STE, DE'I YUL DU MI SKYE BA'I PHYIR THOGS PA ZHES BYA BA'O, ,YUL LA THOGS PA NI MIG LA SOGS PA YUL CAN RNAMS RANG GI YUL DAG LA STE, YUL LA SOGS PA NI PHRAD PA YIN NO ZHES BSTAN PA'I PHYIR, BTAGS PA LAS JI SKAD DU ZHES BYA BA DRANGS SO, ,BTAGS PA'I BSTAN BCOS LAS CHU LA THOGS LA ZHES BYA BA NI RANG GI YUL CHU LA THOGS PA STE, YUL CHU DANG PHRAD CES BYA BA'I DON TE, SKAM LA NI MA YIN NO; ,NYA PA LA SOGS PA KHA CIG GI CHU LA THOGS PAS DE'I PHYIR, MI PHAL CHE'I LTA BU'O ZHES BYA BA SMOS SO, ,GNYIS KAR THOGS PA YANG YOD DE, CHU SRIN BYIS PA GSOD LA SOGS PA RNAMS KYI LTA BU'O, ,GNYIS KAR MA YIN PA'I YANG YOD DE ZHES BYA BA RGYAS PAR 'BYUNG BA LA, MNGAL DU NGES PAR @61A *, ,'CHI BA DANG, DMIGS PA GZHAN LA SEMS G-YENGS PA DANG, 'GOG PA DANG, 'DU SHES MED PA'I SNYOMS PAR 'JUG PA LA SNYOMS PAR ZHUGS PA DANG, 'DU SHES MED PA MNGON DU GYUR PA DANG, 'JIG RTEN GYI BAR DAG TU SKYES PA RNAMS KYI MIG NI GNYIS KAR YANG MI THOGS SO, ,MIG GANG MTSAN MO THOGS LA ZHES BYA BA NI MTSAN MO 'JUG CES BYA BA'I DON TO, ,PHA WANG ZHES BYA BA NI LPAGS PA'I BYE'U'O, ,MING LA CHE'I LTA BU'O ZHES BYA BA LA, PHAL CHE BA SMOS PA NI KHA CIG GI MTSAN MOR YANG 'JUG STE, LAS DANG SMAN LA LTOS PA'I PHYIR RO, ,BYI LA SOGS PA RNAMS KYI LTA BU'O ZHES BYA BA LA SOGS PA'I SGRAS NI STAG LA SOGS PA RNAMS KYI BSDU'O, ,GNYIS KAR MA YIN ZHES BYA BA NI MTSAN MO MA YIN ZHING NYIN BAR MA YIN PA'O, ,RNAM PA DE DAG MA GTOGS PA, ,ZHES BYA BA LA, MNGAL DU NGES PAR 'CHI BA RNAMS KYI NAS, ,'JIG RTEN GYI BAR DAG TU SKYES PA RNAMS KYI LTA BU'I BAR BRJOD PAR BYA'O, ,DPER BRJOD PA 'DI GNYIS KYI KHYAD PAR NI YUL DANG DUS KYIS BYAS PA'O, ,DMIGS PA LA THOGS PA NI SEMS DANG SEMS LAS BYUNG BA RNAMS KYIS RANG GI DMIGS PA 'DZIN PA STE, DE'I PHYIR 'DI NI SEMS DANG SEMS LAS BYUNG BA RNAMS KHO NA'I RANG GI DMIGS PA DAG LA RNAM PAR GZHAG GO, ,GANG LA GANG ZHIG BYED PA ZHES BYA BA NI DPER NA GZUGS LA SOGS PA DAG LA MIG LA SOGS PA RNAMS BYED PA LTA BA LA SOGS PA'O, ,YANG BYED PA ZHES BYA BA 'DI CI ZHIG CE NA, NUS PA STE, 'DI LTAR GANG ZHIG GANG LA NUS PAR 'GYUR BA 'DI NI DER NGA'I YUL YIN NO ZHES SMRA BA POR 'GYUR RO, ,GANG ZHIG DE'I SNANG BA SKYES PA LAS SEMS DANG SEMS LAS BYUNG BA RNAMS KYIS 'DZIN CING DMIGS PA DE NI DMIGS PA'O, ,THOGS PA NI 'JUG PA BRDUGS PA YIN LA, 'JUG PA MA BRDUGS PA NI MA BRDUGS PA YIN NO ZHES 'JIG RTEN NA GRAGS PA DE'I PHYIR, YANG JI LTAR NA RANG GI YUL LAM ZHES DRI BRGYA CHER 'BYUNG NGO, ,DE LAS GZHAN DU MI 'JUG PA'I PHYIR RO ZHES BYA BA LA, RNAM PAR SHES PA'AM DBANG PO YANG RUNG STE, GZUGS LA SOGS PA'I CHA SHAS GANG ZHIG TU ZHUGS PA DE LAS GZHAN DU GZHAN NI 'DZIN PA'I PHYIR RO, ,GANG ZHIG GANG GIS BSGRIBS PA DE @61B NI DE LAS GZHAN DU MI 'JUG PA YIN PA DE BZHIN DU 'DIR YANG RUNG BA'I YUL LAS GZHAN DU MI 'JUG PA THOGS PA YIN NO, ,YANG NA 'DI LA GTOD PA NI THOGS PA YIN TE ZHES BYA BA NI RANG GI YUL LA 'JUG PA'O, ,YUL LA 'JUG PA PA 'DI GANG ZHIG CE NA, DE'I YUL GYI NI YUL DU SKYE BA YIN NA YUL CAN NI 'DZIN PA'I NGO BOR DER 'BREL BA STE, DE NYID KYI PHYIR REG PA GSUM 'DUS PA'O ZHES BRJOD DO, ,KHAMS BCU THOGS PA DANG BCAS PA DANG, THOGS PA YANG RNAM PA GSUM MO ZHES BSHAD PA DE LA, THOGS PA GANG GIS THOGS PA DANG BCAS PA MI SHES PA DE'I PHYIR DE LTA BAS NA 'DIR BCU PO 'DI DAG NI SGRIB PA LA THOGS PAS ZHES RGYAS PAR 'BYUNG NGO, ,PHAN TSUN SGRIB PA'I PHYIR RO ZHES BYA BA 'DI NI RDUL PHRA RAB BSAGS PA YIN PA'I PHYIR PHAN TSUN SGRIB PAR BYED DO ZHES SGRIB PA LA THOGS PAS THOGS PA DANG BCAS PA NYID KYI RGYU YIN NO, ,DE LTA YIN DANG SGRIB PA LA THOGS PA NI GZUGS LA SOGS PA RNAMS DANG, MIG LA SOGS PA RNAMS SO, ,YUL LA THOGS PA NI MIG LA SOGS PA RNAMS DANG, SEMS DANG SEMS LAS BYUNG BA RNAMS SO, ,DMIGS PA LA THOGS PA NI SEMS DANG SEMS LAS BYUNG BA RNAMS SO, ,DE'I PHYIR MU BZHI DANG, TSIG PHYI MA DANG YANG SBYOR BAR YANG 'GYUR RO, , MU DANG PO NI SEMS KYI KHAMS BSTAN PA DANG, CHOS KYI KHAMS KYI PHYOGS ZHES BYA BA LA, GANG ZHIG SEMS DANG SEMS LAS BYUNG BA RNAMS KYI DMIGS PA YIN PA DE NI DE RNAMS KYI YUL YANG YIN PAS YUL LA SOGS PA YIN GYI, SGRIB PA LA THOGS PAS NI MA YIN TE, RDUL PHRA RAB BSAGS PA MA YIN PA'I PHYIR RO, ,YUL DAG NI RDUL PHRA RAB BSAGS PA YIN PA'I PHYIR SGRIB PA LA THOGS PA KHO NA YIN GYI, YUL LA THOGS PA NI MA YIN TE, YUL CAN MA YIN PA'I PHYIR RO, ,'DI LTAR YUL DAG LA NI YUL YOD PA MA YIN NO, ,DBANG PO DAG NI RDUL PHRA RAB BSAGS PA YIN PA'I PHYIR DANG, YUL CAN YIN PA'I PHYIR GNYIS KA LA THOGS PA YIN NO, ,MTSUNGS PAR LDAN PA MA GTOGS PA ZHES BYA BA LA, LDAN PA MA YIN PA RNAMS DANG, 'DUS MA BYAS RNAMS DANG, RNAM PAR RIG BYED MA YIN PA STE, DE DAG NI YUL NA MI GNAS PA'I PHYIR SGRIB PA LA THOGS PA MA YIN LA, DE DAG LA @62A *, ,DMIGS PA MED PA'I PHYIR YUL YOD PA MA YIN NO, ,GANG DAG YUL LA THOGS PAS THOGS PA DANG BCAS PA DE DAG DMIGS PA LA THOGS PAS KYANG YIN NAM ZHE NA, TSIG PHYI MA DANG SBYOR BA STE ZHES BYA BA LA, STON PAR BYED PAS NA TSIG STE GO BAR BYED CES BYA BA'I DON TO, , TSIG GNYIS LAS TSIG PHYI MA SHOS GANG YIN PA DES STON PAR BYED PA DE NI TSIG PHYI MA DANG SBYOR BA YIN LA, GANG ZHIG SNGA MAS YIN PA DE NI TSIG SNGA MA DANG SBYOR BA'O, ,RE ZHIG DMIGS PA LA THOGS PAS ZHES BYA BA LA, GANG GI PHYIR YUL MED PAR NI SEMS DANG SEMS LAS BYUNG BA RNAMS MI 'BYUNG BA'I PHYIR RO; ,DBANG PO LNGA RNAMS NI YUL LA THOGS PA KHO NA YIN NO, ,LDAN PA MA YIN PA DANG GZUGS CAN RNAMS LA NI DMIGS PA MED PA'I PHYIR RO, ,GANG LA YID SKYE BAR 'DOD PA LA ZHES BYA BA RGYAS PAR 'BYUNG BA LA, SEMS DANG, YID DANG, RNAM PAR SHES BA ZHES BYA BA NI DON GZHAN MA YIN NO, ,GANG LA RNAM PAR SHES PA SKYE BAR 'DOD PA NI RTEN DANG DMIGS PA GANG LA'O, ,SKYE BAR 'DOD PA NI 'BYUNG BAR 'DOD PA STE, RNAM PAR SHES PA SKYE BAR 'DOD PA DE LA GZHAN DAG GIS THOGS PA STE, GANG GIS NA DE DAG GI RNAM PAR SHES PA MI SKYE BAR 'GYUR BA NA, BAR DU SGRIB PAR BYAR NUS PA STE, DPER NA MIG DANG GZUGS DAG GI BAR NA SGRIB PA YOD NA DE DAG GI RNAM PAR SHES PA MI SKYE BA BZHIN NO, ,DE'I PHYIR MIG LA SOGS PA DE NI THOGS PA DANG BCAS PAR SHES PAR BYA'O, ,DE'I PHYIR DE LTAR NA DE DAG GI RNAM PAR SHES PA SKYE BA NA BAR DU BSGRIBS PA NI THOGS PA YIN LA, DE THOGS PAS THOGS PA DANG BCAS PA'O, , BZLOG PA NI THOGS PA MED PAR 'DOD DO ZHES BYA BA LA, JI LTAR YID KYI KHAMS DANG CHOS KYI KHAMS LA YOD KYI, RNAM PAR SHES PA BSKYED PAR BYA BA LA GZHAN DAG GIS SGRIB PAR MI NUS PA LTA BU STE, DE'I PHYIR SEMS KYI KHAMS BDUN DANG, CHOS KYI KHAMS NI THOGS PA MED PA'O ZHES BYA BAR GRUB PO, , LUNG MA BSTAN PA BRGYAD CES BYA BA LA, JI LTAR NGES PAR GZUNG BAR BYA, ,CI BRGYAD LUNG DU MA BSTAN PA KHO NA YIN NAM, 'ON TE BRGYAD KHO NA LUNG DU MA BSTAN PA YIN ZHE NA, BRGYAD NI LUNG DU MA BSTAN PA KHO NA'O ZHES NGES PAR GZUNG GI ,BRGYAD KHO NA LUNG DU MA BSTAN NO ZHES BYA BAR NI MA YIN TE, GZHAN RNAM GSUM @62B ZHES 'BYUNG BA'I PHYIR RO, ,DE DAG KYANG THOGS PA DANG BCAS PA BSHAD PA GANG DAG YIN PA DE DAG NYID GZUGS KYI KHAMS DANG, SGRA'I KHAMS MA GTOGS PA GZHAN DAG STE, LUNG DU MA BSTAN PA YIN NO, ,DGE BA DANG MI DGE BA'I NGO BOR LUNG BSTAN DU MED PA'I PHYIR RO, ,LUNG DU MA BSTAN PA DAG GO ZHES BYA BA LA, GAL TE DE LTAR YIN NA MI DGE BA DANG LUNG DU MA BSTAN PA'I NGO BOR LUNG DU MA BSTAN PA'I PHYIR DGE BA YANG LUNG DU MA BSTAN PAR 'GYUR LA, MI DGE BA LA YANG LUNG DU MA BSTAN PAR 'GYUR TE, DGE BA DANG LUNG DU MA BSTAN PA'I NGO BOR LUNG DU MA BSTAN PA'I PHYIR RO ZHE NA DE NI DE LTAR MA YIN TE, RANG LAS LUNG DU MA BSTAN PA YIN DANG LUNG DU MA BSTAN PA'I NYES PA MED DO, ,GZHAN DAG NA RE RNAM PAR SMIN PA'I PHYIR LUNG BSTAN DU MED PA'I PHYIR RO ZHES ZER TE ZHES BYA BA LA, LUNG DU MA BSTAN PA LA 'BRAS BU MED PA'I PHYIR RO ZHES ZER RO, ,DE LTA NA NI ZAG PA MED PA LA YANG THAL BAR 'GYUR TE, RNAM PAR SMIN PA MED PA'I PHYIR LUNG DU MA BSTAN PA NYID DU THAL LO, ,ZAG PA DANG BCAS PA GANG ZHIG 'BRAS BU 'BYIN PAR MI NUS PAR DE KHO NA LA THAL BA 'DIR 'GYUR RO ZHES ZER RO, ,GZHAN RNAM GSUM ZHES BYA BA LA, KHAMS ZHES BYA BA SKABS SU BAB PAR RJES BSNYAG STE, RNAM PA GCIG GAM, RNAM PA GNYIS NI MA YIN NO, , DE LA DGE BA NI NAD DANG BRAL BA STE, SON TO ZHES BYA BA'I DON TO, ,YANG NA KU SHA ZHES BYA BA NI SHES RAB KYI RNAM GRANGS SO, ,LA NI LEN PA STE, SHES RAB KYIS YONGS SU BZUNG PA'O, ,YANG NA DGE BA NI SHES RAB YONGS SU 'DZIN PAR BYED PA'O, DE LTA YIN NA HA CANG THAL BAR 'GYUR RO ZHE NA, MA YIN TE, KHYAD PAR DU 'PHAGS PA KHO NA DANG MNGON PAR 'BREL BA'I PHYIR RO, ,DE LA SEMS KYI KHAMS BDUN NI DON DAM PA DANG, NGO BO NYID DANG, KUN NAS SLONG BAS DGE BAR MA GYUR PA'I PHYIR TE, DE'I PHYIR MCHAGS PA LA SOGS PA DANG MTSUNGS PA DAG NI DGE BA YIN NO ZHES BYA BA SMOS SO, ,CHAGS PA LA SOGS PA DAG DANG MTSUNGS PAR LDAN PA DAG NI MI DGE BA'O, ,GZHAN DAG NI ZHES BYA BA NI RNAM PAR SMIN PA LAS SKYES PA RNAMS LA SOGS PA LUNG DU MA BSTAN PA DAG GO, ,CHOS KYI KHAMS NI MA CHAGS PA LA SOGS PA'I ZHES BYA BA LA, MA CHAGS PA DANG, ZHE SDANG MED PA DANG, GTI MUG MED PA DANG, NGO @63A *, ,TSA SHES PA DANG, KHREL YOD PA DANG, CHOS LNGA PO DE DAG NI RANG GI NGO BOS DGE BA YIN GYI, GZHAN DANG MTSUNGS PAR LDAN PAS NI MA YIN NO, ,TSOR BA LA SOGS PA SEMS LAS BYUNG BA GZHAN GANG DAG ,MCHAGS PA LA SOGS PA DANG MTSUNGS PAR LDAN PA DE DAG NI MTSUNGS PAR LDAN PA KHO NAS DGE BA YIN GYI, RANG GI NGO BOS NI MA YIN NO, ,MA CHAGS PA LA SOGS PAS KUN NAS BSLANG BA SKYE BA LA SOGS PA LDAN PA MA YIN PA DANG, RNAM PAR RIG BYED MA YIN PA'I GZUGS KYANG STE, 'DI DAG GI DGE BA NYID NI KUN NAS SLONG BA'I DBANG GIS YIN GYI, MTSUNGS PAR LDAN PA DANG RANG GI NGO BOS NI MA YIN NO, ,SO SOR BRTAGS PAS 'GOG PA NI ZHES BYA BA NI DON DAM PAS DGE BA YIN NO, ,CHAGS PA LA SOGS PA'I NGO BO NYID DANG ZHES BYA BA LA, CHAGS PA DANG, SDANG BA DANG, GTI MUG DANG, NGO TSA MED PA DANG, KHREL MED PA NI RANG GI NGO BOS MI DGE BA'O, ,CHAGS PA LA SOGS PA DANG MTSUNGS PAR LDAN PA TSOR BA LA SOGS PA NI MTSUNGS PAR LDAN PA'I SGO NAS SO, ,SKYE BA LA SOGS PA DANG, RNAM PAR RIG BYED MA YIN PA'I GZUGS NI KUN NAS SLONG BA'I SGO NAS SO, ,GZHAN NI LUNG MA BSTAN PA YIN NO ZHES PA NI GANG ZHIG DGE BA DANG MI DGE BA'I NANG GI NGO BO DANG, DE DAG DANG MTSUNGS PAR LDAN PA DANG; DE DAG GI KUN NAS SLONG BA MA YIN PA STE, DPER NA NAM MKHA' DANG, SO SOR BRTAGS PA MA YIN PAS 'GOG PA DANG, TSOR BA LA SOGS PA LUNG DU MA BSTAN PA'I SEMS DANG MTSUNGS PAR LDAN PA DANG, JI SKAD DU BSHAD PA'I LUNG DU MA BSTAN PA'I SEMS KYIS KUN NAS BSLANG BA LDAN PA MA YIN PA DAG GO; ,GZUGS DANG SGRA'I KHAMS DAG NI KUN NAS BSLANG BA'I DBANG GIS DGE BA DANG MI DGE BA NYID DO, ,LUS DANG NGAG GI RNAM PAR RIG BYED KYIS BSDUS PA ZHES BYA BA LA, GZUGS KYI KHAMS NI LUS KYI RNAM PAR RIG BYED KYIS BSDUS LA, SGRA'I KHAMS NI NGAG GI RNAM PAR RIG BYED KYIS BSDUS SO, ,DE LAS GZHAN PA DAG NI LUNG DU MA BSTAN PA YIN NO ZHES BYA BA LA, LUNG DU MA BSTAN PA'I SEMS KYIS KUN NAS BSLANG BA'I LUS DANG NGAG GI RNAM PAR RIG BYED DANG, RNAM PAR RIG BYED LAS THA DAD PA'I GZUGS DANG, SGRA THAMS CAD DO, ,DGE BA LA SOGS PA'I DBYE BA BSHAD ZIN TO, ,'DOD KHAMS @63B GTOGS PA THAMS CAD DO, ,ZHES BYA BA LA, GTOGS PA NI MA BRAL BA STE, 'DOD PA'I KHAMS KYI RANG BZHIN YIN TE, 'DOD PA NA SPYOD PA'I SRED PAS BDAG GIR BYAS ZHES BYA BA'I DON TO, ,GZUGS KYI KHAMS NA BCU BZHI'O, ,ZHES BYA BA LA, GZUGS KYI KHAMS NA NA KHAMS BCU BZHI STE, GZUGS GTZO PO YIN PA'I PHYIR GZUGS KYI KHAMS LA GZUGS DAG CES BRJOD DO, ,YANG JI LTAR NA BCU BZHIR 'GYUR ZHE NA, DRI DANG RO DANG SNA DANG NI, ,LCE YI RNAM SHES KHAMS MA GTOGS, ,ZHES BYA BA SMOS SO, ,DE GNYIS NI ZHES BYA BA NI DRI DANG, RO GNYIS SO, ,DE'I 'DOD CHAGS DANG BRAL BA RNAMS KYANG DER SKYE BA'I PHYIR RO ZHES BYA BA LA; KHAM GYI ZAS KYI 'DOD CHAGS DANG BRAL BA RNAMS GZUGS KYI KHAMS SU SKYE BA'I PHYIR RO, ,DRI DANG RO MED PAS SNA DANG LCE'I RNAM PAR SHES PA GNYIS KYANG MED DE, DMIGS PA MED PA'I PHYIR RO, ,GANG GI PHYIR YUL MED PA'I RNAM PAR SHES PA NI 'GA' YANG MI SKYE BA'I PHYIR TE, DPER NA GZUGS MED PA'I KHAMS NA GZUGS DANG SGRA LA SOGS PA'I RNAM PAR SHES PA BZHIN NO, ,DE LTA NA NI 'O NA ZHES BYA BA RGYA CHER 'BYUNG STE, KHAM GYI ZAS NI 'DOD PA NA, ,SKYE MCHED GSUM GYI BDAG NYID DO, ,ZHES BYA BAS DRI DANG, RO DANG, REG BYA'I KHAMS KYANG KHAM GYI ZAS YIN PA'I PHYIR MED PAR THAL BAR 'GYUR RO, ,DE'I PHYIR GZUGS KYI KHAMS NA BCU GNYIS SO ZHES BRJOD PAR BYA'I, BCU BZHI ZHES NI MI BYA'O, ,CI STE GZUGS DANG SGRA BZHIN DU, ,REG BYA YANG DE NA YOD PA NYID YIN NA NI DE LTA NA NI 'O NA DE'I 'DOD CHAGS DANG BRAL BA RNAMS DER SKYE BA'I PHYIR RO ZHES BYA BA'I GTAN TSIGS MA NGES SO, ,ZAS KYI RANG BZHIN MA YIN PA GANG YIN PA DE NI DE NA YOD DO ZHES BYA BA NI MA NGES PAR SPONG BA STE, DE DAG NI KHAMS KYI RANG BZHIN LAS 'DOD CHAGS DANG BRAL GYI, REG BYA THAMS CAD LAS NI MA YIN LA, ZAS KYI RANG BZHIN YIN PA NI DE NA YOD PA MA YIN PAS MA NGES PA MED DO, ,DRI DANG RO DAG KYANG DE LAR THAL BAR 'GYUR RO ZHES BYA BA LA, REG BYA LTAR GANG DAG ZAS KYI RANG BZHIN MA YIN PA DE GNYIS DE NA YOD PAR 'GYUR TE, DE LTA YIN DANG, GZUGS NA YANG KHAMS BCO BRGYAD DO ZHES BRJOD PAR BYA'I, BCU BZHI'O ZHES NI MI BYA'O, ,ZAS MED PAS ZHES BYA BA NI, DRI DANG RO DAG REG BYA LTAR KHAM GYI ZAS LAS THA DAD PA'I BDAG NYID MED DO ZHES STON TO, ,DE'I @64A *, ,PHYIR BSHAD PA JI LTAR NYE BAR BKOD PA KHO NA MI 'GAL LO, ,REG BYA NI ZHES BYA BA NI GZHAN DU YONGS SU LONGS SPYOD PA'I PHYIR KHAM GYI ZAS LAS THA DAD PA'I BDAG NYID STON PAR BYED DO, ,DBANG PO'I RTEN GYI DNGOS POR NI 'BYUNG BA RNAMS TE, REG BYA MED NA NI, DE NA 'BYUNG BA RNAMS MED PAR 'GYUR LA, DE MED PAR RGYUR BYAS PA'I GZUGS KYANG MED PA'I PHYIR GZUGS MED PA DANG MTSUNGS PA GO GZUGS KYI KHAMS SU JI LTAR 'GYUR, GZHI DANG ZHES BYA BA NI GANG LA RAB TU GNAS PA GZHAL MED KHANG DAG GO, ,'GOG PA'I DNGOS POR NI DGOS PA DAG STE, DE'I PHYIR GZHAN DU YONGS SU LONGS SPYOD PA'I PHYIR GZUGS KYI KHAMS NA DRI DANG RO GNYIS DGOS PA MED KYI, REG BYA NI MA YIN TE, RNAM PA GZHAN DU YONGS SU LONGS SPYOD PA YOD PA'I PHYIR RO, ,GZHAN DAG NA RE ZHES BYA BA NI SLOB DPON DPAL LEN NO, ,SNYOMS PAR 'JUG PA'O ZHES BYA BA RGYAS PAR 'BYUNG STE, SNYOMS PAR 'JUG PA SMOS PA NI SKYE BA'I BSAM GTAN LAS KHYAD PAR DU BYAS PA'I PHYIR RO, ,SNYOMS PAR 'JUG PA'I BSAM GTAN NI SNYOMS PAR 'JUG PA'I BSAM GTAN NO, ,'DIR ZHES BYA BA NI 'DOD PA'I KHAMS SU'O, ,GZUGS RNAMS KYANG MTHONG ZHING ZHES BYA BA NI LHA'I MIG GIS TE, PHRA BA DANG, CHANG PA DANG, THAG RING BA RNAMS SO, ,SGRA RNAMS KYANG THOS LA ZHES BYA BA NI LHA'I RNA BAS SO, ,SHIN TU SBYANGS PA DANG LHAN CIG PAR GYUR PA NI SHIN TU SBYANGS PA DANG LHAN CIG SKYES PA'O, ,REG BYA'I KHYAD PAR GYIS ZHES BYA BA NI LUS MNYEN PA NYID DO, ,DE YANG RGYUR BYAS PA'I GZUGS 'JAM PA NYID KYIS BSDUS PA LUS LAS SU RUNG BA NYID DO, ,BSAM GTAN GYIS KUN NAS BSLAD BA GZUGS SPYOD PAS LUS LA PHAN 'DOGS PAR BYED DO, ,'DIR SNYOMS PAR 'JUG BA CI 'DRA BA DE DANG 'DRA BA ZHIG STE, DER SKYE'O ZHES BYA BA NI GRUB PA'I MTHA' YIN PA'I PHYIR, GZUGS DANG, SGRA DANG, REG BYA'I KHAMS GSUM KHO NA DE NA YOD KYI, DRI DANG, RO GNYIS NI MA YIN NO, ,SLOB DPON DPAL LEN GYI LUGS BYAS TE, BYE BRAG TU SMRA BA'I LUGS GLAGS DANG BCAS PAR MTHONG NAS RNAM PAR GTAN LA DBAB PA MTHONG NGO, ,'DI LA BYE BRAG TU SMRA BA RNAMS KYIS YOD PA DANG MED PA NYID KYI RGYUR DGOS PA DANG BCAS PA NYID DANG, DGOS PA MED @64B PA NYID SMRA STE, DE'I PHYIR GTAN TSIGS 'KHRUL PAR BSTAN PA'I PHYIR, DE LTA NA NI 'ON SNA DANG LCE'I DBANG PO DAG KYANG ZHES RGYA CHER SMOS TE, 'DI LTAR DBANG PO'I DGOS PA NI RANG GI YUL DMIGS PA YIN NA, DE NA NI DRI DANG RO DAG LA DMIGS PA MED DE DE DAG GI YUL MED PA'I PHYIR RO, ,DA'I PHYIR SNA NGANG LCE GNYIS DRI DANG RO LTAR DGOS PA MED PA'I PHYIR DE NA YOD PA MI RIGS SO, ,DGOS PA YOD DE ZHES BYA BA LA, LNGA PO RNAMS NI DON BZHI LA DBANG BYED CES MIG LA SOGS PA RNAMS KYI DGOS PA RNAM PA BZHI YIN NO, ,GAL TE YANG SNA DANG LCE DAG LA DER GZHAN RNAM PA GSUM MI SRID MOD KYI, DE GNYIS MED PAR RTEN MDZES PAR MI 'GYUR LA, LCE'I DBANG PO MED PAR MNGON PAR BRJOD PAR YANG MI 'GYUR RO, ,GZHAN DAG NA RE GRANGS BZHIN DU SBYAR RO ZHES ZER RO, ,GAL TE DGOS PA DER ZAD NA ZHES BYA BA RGYAS PAR 'BYUNG STE, BSTAN DU YOD PA RNAMS KHO NA MDZES KYI, BSTAN DU MED PA RNAMS NI MA YIN NO, ,DBANG PO MED PA'I RTEN NI MI SRID DO ZHES BYA BA LA, DE LA MIG LA SOGS PA'I RTEN NI CHOS MTHUN PA'I SGO NAS YIN LA PHO'I DBANG PO'I RTEN NI CHOS MI MTHUN PA'I SGO NAS SO, ,DE NI DGOS PA MED PA'I PHYIR ZHES BYA BA LA, PHO'I DBANG PO'I RTEN GYIS NI DPER MDZES PA LA SOGS PA'I DGOS PA MI SGRUB PAS, DE DGOS PA MED PA'I PHYIR DRI DANG RO LTAR MI SRID PAR RIGS KYI, SNA DANG LCE'I RTEN NI MDZES PA DANG, MNGON PAR BRJOD PA'I DGOS PA DANG LDAN PA'I PHYIR, DBANG PO MED PAR YANG SRID PAS RIGS SO, ,DGOS PA DANG BCAS PA 'BA' ZHIG TU MA ZAD KYI, DGOS PA MED PAR YANG DBANG PO MNGON PAR GRUB PAR 'GYUR RO, , DON 'DI NI DPE MED PAR BSTAN PAR MI NUS PAS, DPER NA MNGAL DU NGES PAR 'CHI BA RNAMS KYI LTA BU'O ZHES DPE SMOS TE, NGES PA SMOS PA NI 'CHI BA MA NGES PA RNAMS LA CHA GCIG LA DGOS PA YOD PA'I PHYIR TE, SKYES PAS GZUGS LA SOGS PA MTHONG BA SRID PA'I PHYIR RO, ,DGOS PA MED PA YIN MOD KYI; RGYU MED PA CAN NI MA YIN NO ZHES BYA BA LA, 'DI SKAD BSTAN PAR 'GYUR TE, MNGAL DU NGES PAR 'CHI BA RNAMS LA DBANG PO SKYE BA'I RGYU YOD KYI, GZUGS KYI KHAMS NA NI SNA DANG LCE'I DBANG PO GNYIS MNGON PAR GRUB PA'I RGYU MED PAS DE NA SNA DANG LCE'I DBANG PO BDAG MED PA NYID DO, ,DE NA RGYU MED PA MI SRID @65A *, ,DO SNYAM STE 'DRI BA NI, DBANG PO SKYE BA'I RGYU GANG ZHE NA ZHES BYA BA'O, ,DBANG PO LA SRID PA DANG BCAS PA'I LAS KYI KHYAD PAR RO ZHES BYA BA LA, SKYE MCHED DRUG LA BDAG TU CHAGS PA DANG LDAN PA'I YUL LA MNGON PAR ZHEN PA'I PHYIR TE, DE NYE BAR LONGS SPYOD PA'I DBANG PO LA SRID PA DANG BCAS PA'I LAS KYI KHYAD PAR RO, ,GANG YANG YUL LA SRID PA DANG BRAL BA DE NI GDON MI ZA BAR DBANG PO LAS KYANG SRID PA DANG BRAL BA YIN PAS ZHES BYA BA LA, YUL SO SOR MYONG BAR BYA BA'I PHYIR DBANG PO 'DOD DE, DPER NA GANG ZHIG 'KHRIG PA'I REG PA LAS 'DOD CHAGS DANG BRAL BA DE NI PHO'I DBANG PO'I LAS KYANG 'DOD CHAGS DANG BRAL BA YIN PA BZHIN NO, ,DE'I PHYIR SNA DANG LCE'I DBANG PO LA 'DOD CHAGS DANG BRAL BA'I PHYIR DE NA DE DAG GI RGYU LAS KYI KHYAD PAR YOD PA MA YIN TE, PHO'I DBANG PO'I RGYU BZHIN NO, ,CI STE YUL LA 'DOD CHAGS DANG BRAL YANG DBANG PO LA 'DOD CHAGS DANG BRAL BAR MI 'GYUR RO ZHE NA, DE'I PHYIR SLOB DPON GYIS PHO'I DBANG PO YANG CI STE 'GRUB PAR MI 'GYUR ZHES BYA BA SMOS TE, GAL TE YUL LAS 'DOD CHAGS DANG BRAL YANG 'DZIN PAR BYED PA'I DBANG PO LAS 'DOD CHAGS DANG BRAL BAR MI 'GYUR NA'O, ,DE'I PHYIR RGYU DANG BCAS PA SKYE'O, ,BYE BRAG TU SMRA BA RNAMS NA RE MI MDZES PAR BYED PA'I PHYIR YIN GYI, DER DE LA 'DOD CHAGS DANG BRAL BA'I PHYIR NI MA YIN NO ZHE'O, ,RDZOGS PA'I SANGS RGYAS DANG 'KHOR LOS SGYUR BA LTAR 'DOMS KYI SPA BA SBUBS SU NUB PA RNAMS KYI CI'I PHYIR MI MDZES PAR 'GYUR, 'DOMS KYI SBA BA NI 'DOMS KYI SBA BA'O, ,'DOMS NI GANG GI PHO'I DBANG PO DE GTUMS PA'O; ,SPA BA NI PHO'I DBANG PO'O, ,SBUBS NI GANG NA 'DOMS KYI SBA BA DE GNAS PA'O, ,GANG DAG LA 'DOMS KYI SBA BA SPUBS SU NUB PA YOD PA DE DAG NI 'DOMS KYI SBA BA SBUBS SU NUB PA YIN TE, DE'I PHYIR DE RNAMS KYI ZHES TSIG BSDU PA'O, ,DGOS PA'I DBANG GIS 'BYUNG BA YANG MA YIN NO ZHES BYA BA NI SLOB DPON GYIS GSUNGS PA'O, ,'O NA CI ZHIG CE NA, SMRAS PA, RGYU'I DBANG GIS TE, DE'I PHYIR RGYU YOD NA MI MDZES PAR BYED BZHIN DU YANG 'BYUNG BAR 'GYUR BA NYID DO, ,YANG DE'I RGYU GANG ZHIG CE NA, DE LA 'DOD CHAGS DANG MA BRAL BA'I LAS KYI KHYAD PAR SRED PA SNGON DU 'GRO BA CAN NO, ,'O NA NI MDO @65B LAS ZHES BYA BA NI BYE BRAG TU SMRA BA RNAMS KYIS SMRAS PA'O, ,KHAS BLANGS PA LA GNOD PA SMRAS PA STE, GAL TE PHO'I DBANG PO LTAR SNA DANG LCE'I DBANG PO GNYIS DER MI SKYE NA'O, ,MDO GANG ZHIG CE NA, DBANG PO RNAMS MA TSANG BA MED CING MED PA MA YIN NO ZHES BYA BA DE'O, ,DE NA DBANG PO GANG DAG SRID PA ZHES BYA BA NI SLOB DPON GYIS LUNG DANG 'GAL BA SPONG BA SMRAS PA STE, MIG DANG, RNA BA DANG, LUS KYI DBANG PO DAG GIS YIN GYI SNA DANG LCE'I DBANG PO 'DOD PA NA SPYOD PA DAG GIS DBANG PO RNAMS MED PA MA YIN PA NI MA YIN NO ZHES STON TO, ,SLOB DPON NYID KYIS DE LTA MA YIN NA ZHES BYA BA SMOS SO; ,DE LTA MA YIN TE, DE NA DBANG PO GANG DAG SRID PA DE DAG GIS DBANG PO RNAMS MED PA MA YIN NO ZHES DE LTAR MI 'DOD NA NI, SNA DANG CLE'I DBANG PO GNYIS JI LTA BA BZHIN DU PHO'I DBANG PO LA YANG THAL BAR 'GYUR TE, GAL TE 'DOD PA NA SPYOD PA RNAMS KYI EDBANG DU BYAS NAS DBANG PO RNAMS MED PA MA YIN PAR 'GYUR NA'O, ,'DI SKAD DU ZHES BYA BA NI SNGON GYI SLOB DPON RNAMS KYIS SMRAS PA'O, ,LUS KYI SGO NAS SKYE MCHED DRUG PA SRED PA KUN DU SPYOD KYIS ZHES BYA BA LA, 'DI LA BDAG TU NGA RGYAL BA GZHAG PAS NI SKYE MCHED DRUG LUS YIN TE, NGA 'AM BDAG GI SNYAM DU SEMS PA'I PHYIR RO, ,DE'I PHYIR KHYAD PAR MED PAR SKYE MCHED DRUG LA SRED PA 'JUG GO, ,YUL GYI SGO NAS NI MA YIN PAS ZHES BYA BA NI YUL DMIGS PA'I SGO NAS MA YIN PA STE, DE'I PHYIR YUL LA 'DOD CHAGS DANG BRAL BAS DE'I 'DZIN PAR BYED PA DBANG PO LA 'DOD CHAGS DANG BRAL BAR MI 'GYUR RO, ,'KHRIG PA'I REG PA'I 'DOD CHAGS DANG BRAL BA RNAMS NI PHO'I DBANG PO LAS 'DOD CHAGS DANG BRAL BAR MI 'GYUR TE, 'KHRIG PA'I REG PA'I SGO NAS DE LA SRED PA 'JUG PA'I PHYIR TE, 'KHRIG PA'I REG PA'I DMIGS PA'I SGO NAS ZHES BYA BA'I DON TO, ,GAL TE PHO'I DBANG PO YANG YUL GYI SKYE MCHED KYIS BSDUS PA'I PHYIR SKYE MCHED DRUG GIS BSDUS PA NYID MA YIN NAM, LUS LAS PHO DANG MO DBANG DAG ,CES 'BYUNG BA'I PHYIR RO, ,DE'I PHYIR DE LA LUS KYI SGO NAS SRED PA 'JUG PAR THAL BAR 'GYUR RO ZHE NA, PHO'I DBANG PO YANG DAG PAR GRUB PAR BYED PA'I LAS NI 'KHRIG PA'I REG PA LA SRED PA SNGON DU 'GRO BA CAN YIN TE, DE'I @66A *, ,PHYIR 'DI LA YUL GYI SGO NAS SRED PA KUN DU SPYOD KYI, LUS KYI SGO NAS NI MA YIN NO, ,GZUGS MED PA'I KHAMS NA KHAMS DAG DU ZHIG YOD CE NA, GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,ZHES BYA BA SMOS SO, ,KHAMS GSUM PO 'DI DAG KHO NA YIN GYIS GZHAN NI MA YIN NO, ,CI'I PHYIR ZHE NA, GZUGS KYI 'DOD CHAGS DANG BRAL BA RNAMS DER SKYES TE, DE'I PHYIR DE NA GZUGS KYI RANG BZHIN GYIS ZHES BYA BA SMOS TE, DBANG PO'I KHAMS LNGA DANG, YUL GYI KHAMS LNGA MED LA, DE DAG LA BRTEN PA DANG DMIGS PA RNAM PAR SHES PA'I KHAMS LNGA LA YANG MED DO, ,MIG LA SOGS PA DANG, GZUGS LA SOGS PA DE DAG GO RIMS BZHIN RTEN DANG DMIGS PA GANG RNAMS LA YOD PA MIG LA SOGS PA'I RNAM PAR SHES PA DE RNAMS NI DE DAG LA BRTEN PA DANG DMIGS PA YIN TE, GO RIMS BZHIN DU MIG LA SOGS PA RTEN YIN ZHING, GZUGS LA SOGS PA DMIGS PA YIN NO, ,'DI LTAR RTEN MED PA DANG DMIGS PA MED PA'I RNAM PAR SHES PA NI YOD PA MA YIN TE, RNAM PAR SHES PA NI GNYIS LA BRTEN NAS SKYE'O ZHES 'BYUNG BA'I PHYIR RO, ,DE'I PHYIR DE NA MIG LA SOGS PA RNAMS DANG, GZUGS LA SOGS PA RNAMS MED PA'I PHYIR MIG LA SOGS PA RNAM PAR SHES PA'I KHAMS RNAMS MED DO, ,ZAG PA DANG BCAS PA DANG ZAG PA MED PA'I RNAM PA'I SKABS SU BABS PAS GANG DAG LAM GYI BDEN PA DANG, 'DUS MA BYAS KYIS BSDUS PA ZHES BYA BA 'BYUNG BA LA, BDEN PA SMOS PA NI 'JIG RTEN PA'I LAM BZLOG PAR BYA BA'I PHYIR TE, 'JIG RTEN PA'I LAM SDUG BSNGAL DANG, KUN 'BYUNG GI BDEN PAS BSDUS PA'I PHYIR LAM GYI BDEN PA MA YIN NO, ,DE LA LAM GYI BDEN PAS BSDUS PA'I CHOS KYI KHAMS NI ZAG PA MED PA'I SDOM PA DANG, SEMS LAS BYUNG BA RNAMS DANG, LDAN PA MA YIN PA'I 'DU BYED ZAG PA MED PA RNAMS SO, ,LAM GYI BDEN PAS BSDUS PA'I YID KYI KHAMS DANG, YID KYI RNAM PAR SHES PA'I KHAMS DAG NI ZAG PA MED PA'I RNAM PAR SHES PA'O, ,'DUS MA BYAS NI CHOS KYI KHAMS KHO NAS BSDUS SO, ,LHAG MA RNAMS NI ZAG BCAS SO, ,ZHES BYA BA LA, NI'I SGRA NI LHAG MA RNAMS ZAG @66B PA DANG BCAS PA KHO NA'O ZHES NGES PAR BZUNG BA DANG, RIM PA BZHIN DU SBYOR BAR RIG BAR BYA'O, ,RTOG DANG DPYOD DANG BCAS PA NI, ,RNAM PAR SHES PA'I KHAMS LNGA YIN, ,ZHES BYA BA LA, NI'I SGRA NI RTOG PA DANG, DPYOD PA DANG BCAS PA NYID DO ZHES NGES PAR BZUNG BA'I DON NO, ,DE'I PHYIR, 'DI DAG NI RTAG TU ZHES BYA BA LA SOGS PA SMOS SO, ,YANG CI'I PHYIR 'DI DAG RTAG TU RTOG PA DANG DPYOD PA DAG DANG MTSUNGS PAR LDAN ZHE NA, 'DI LTAR DE DAG KHA PHYI ROL TU BLTAS PA'I PHYIR RTZING BA DANG, RTOG PA DANG, DPYOD PA DANG, RJES SU 'BREL BA'I SA NA YOD PA'I PHYIR RO, ,THA MA GSUM NI RNAM GSUM MO, ,ZHES BYA BA LA, CI LTAR NGES PAR GZUNG ZHE NA, THA MA GSUM KHO NA RNAM PA GSUM MO ZHES NGES PAR GZUNG NGO, ,MTHAR 'DON PA'I PHYIR NA THA MA'O, ,LDAN PA MA YIN PA LA RTOG PA DANG, DPYOD PA DANG, MTSUNGS PAR LDAN PA MED PAS RTOG PA DANG DPYOD PA DANG BCAS PA MI SRID PA DE'I PHYIR; CHOS KYI KHAMS ZHES BYA BA LA SOGS PA SMOS SO, ,CHOS KYI KHAMS MTSUNGS PAR LDAN PA SMOS PAS RTOG PA DANG DPYOD PA GNYIS LA YANG THAL BAR 'GYUR LA, DE DAG LA YANG RTOG PA DANG DPYOD PA GNYIS PA MED PAS RTOG PA DANG BCAS DPYOD PA DANG BCAS PA MI SRID DO, ,DE'I PHYIR, RTOG PA DANG DPYOD PA DAG LAS GZHAN PA ZHES BYA BA SMOS SO, ,BSAM GTAN DANG PO'I GONG NA RTOG PA MED PA'I PHYIR DANG, BSAM GTAN KHYAD PAR CAN GYI GONG NA DPYOD PA MED PA'I PHYIR DANG, KHAMS THA MA DAG KYANG KHAMS GSUM PA'I PHYIR DANG, 'DOD PA'I KHAMS DANG, BSAM GTAN DANG PO NA NI ZHES BYA BA SMOS TE 'DOD PA'I KHAMS DANG, BSAM GTAN DANG PO DAG NA NI GANG ZHIG RTOG PA DANG, DPYOD PA DANG MTSUNGS PAR MI LDAN PAR 'GYUR BA, RTOG PA DANG DPYOD PA SPANGS PA'I SEMS DANG SEMS LAS BYUNG BA'I RNAM PA 'GA' YANG YOD PA MA YIN NO, ,BSAM GTAN KHYAD PAR CAN RTOG PA MED PA'I GONG NA YANG YOD PAS DE'I PHYIR BSAM GTAN KHYAD PAR CAN NI RTOG PA MED CING DPYOD PA TZAM DAG YIN NO ZHES BYA BA SMOS TE, DPYOD PA KHO NA DANG MTSUNGS PAR LDAN GYI, RTOG PA DANG NI MA YIN NO ZHES BYA BA'I THA TSIG GO, ,BSAM GTAN GNYIS PA NAS BZUNG STE ZHES BYA BA LA, BSAM GTAN KHYAD PAR CAN @67A *, ,GYI GONG NA RTOG PA DANG DPYOD PA MED PAS MTSUNGS PAR LDAN PA MED PA'I PHYIR RO, ,CHOS KYI KHAMS MTSUNGS PAR LDAN PA MA YIN PA THAMS CAD KYANG GNYIS GA MA YIN PA STE, THAMS CAD SMOS PA NI 'DUS BYAS DANG, 'DUS MA BYAS BSDU BAR BYA BA'I PHYIR DANG, SA BSDU BAR BYA BA'I PHYIR RO; ,BSAM GTAN KHYAD PAR CAN GYI DPYOD PA NI ZHES BYA BA NI RTOG PA MED PA'I PHYIR DANG, DPYOD PA GNYIS PA MED PA'I PHYIR TE, RTOG PA YANG MED LA DPYOD PA YANG MED PA DAG YIN NO ZHES BYA BAR SNYEGS SO, ,RTOG PA NI RTOG PA GNYIS PA MED PA'I PHYIR DANG, DPYOD PA DANG MTSUNGS PAR LDAN PA'I PHYIR RTAG TU RTOG PA MED CING DPYOD PA TZAM YIN TE, DPYOD PA DANG MTSUNGS PAR LDAN PA'I PHYIR NA DPYOD PA DANG BCAS PA'O, ,'DOD PA'I KHAMS DANG BSAM GTAN DANG PO'I DPYOD PA NI RNAM PA GSUM PO 'DI DAG GI NANG DU MI 'DU NA ZHES BYA BA LA, RTOG PA DANG BCAS DPYOD PA DANG BCAS PA DANG, RTOG PA MED LA DPYOD PA TZAM DANG, RTOG PA YANG MED LA DPYOD PA YANG MED PA'I NANG DU'O, ,JI LTAR ZHE NA, RE ZHIG RTOG PA DANG BCAS DPYOD PA DANG BCAS PA ZHES BYA BA RNAM PA DANG PO'I NANG DU NI MI 'DU STE, DPYOD PA GNYIS PA MED PA'I PHYIR RO, ,RTOG PA MED LA DPYOD PA TZAM YANG MI SRID DE, 'DOD PA'I KHAMS DANG, BSAM GTAN DANG PO NA RTOG PA DANG LHAN CIG TU GYUR PA'I PHYIR DANG, DPYOD PA GNYIS PA MED PA'I PHYIR RO, ,RTOG PA YANG MED LA DPYOD PA YANG MED PA MI SRID DE, RTOG PA DANG MTSUNGS PAR LDAN PA'I PHYIR RO, ,DE JI SKAD DU BRJOD PAR BYA ZHES BYA BA NI 'DOD PA'I KHAMS DANG, BSAM GTAN DANG PO'I SA PA'I DPYOD PA LA'O, ,DE'I PHYIR, DPYOD PA MED CING RTOG PA TZAM YIN NO ZHES BYA BA SMOS TE, DPYOD PA GNYIS PA MED PA'I PHYIR DANG, RTOG PA DANG MTSUNGS PAR LDAN PA'I PHYIR RO, ,DE NYID KYI PHYIR ZHES BYA BA LA, GANG GI PHYIR DE NA DPYOD PA RNAM PA GSUM PO DAG TU MI 'DU BA DE'I PHYIR DE LA GZHAN DU RNAM PAR GZHAG PAR BYED DO, ,RTOG PA DANG BCAS DPYOD PA DANG BCAS PA'I SA NAS ZHES BYA BA RGYAS PAR 'BYUNG BA LA, 'DOD PA'I KHAMS DANG, BSAM GTAN DANG PO NA'O, ,RNAM PA DANG PO NI RTOG PA DANG, DPYOD PA DANG MTSUNGS PAR LDAN PA'I PHYIR RO, ,RNAM PA GNYIS PA @67B NI DPYOD PA DANG MTSUNGS PAR LDAN PA'I PHYIR DANG, RTOG PA GNYIS PA MED PA'I PHYIR RO, ,RNAM PA GSUM PA NI LDAN PA MA YIN PA NYID KYI PHYIR RO, ,RNAM PA BZHI PA NI RTOG PA DANG MTSUNGS PAR LDAN PA'I PHYIR DANG, DPYOD PA GNYIS PA MED PA'I PHYIR RO, ,LHAG MA RNAMS NI GNYIS KA SPANGS, ,ZHES BYA BA LA; JI LTAR NGES PAR GZUNG ZHE NA, LHAG MA RNAMS NI GNYIS KA SPANGS PA NYID DO ZHES BYA BAR RO, ,DE GNYIS DANG MTSUNGS PAR MI LDAN PA'I PHYIR RTOG PA DANG DPYOD PA SPANGS PA STE, SEMS DANG SEMS LAS BYUNG BA'I RANG BZHIN MA YIN PA DE'I PHYIR RO, ,GAL TE RNAM PAR SHES PA'I TSOGS LNGA PO RNAMS ZHES BYA BA RGYAS PAR 'BYUNG STE, RTOG PA NI RNAM PAR RTOG PA YIN NA DE DANG MTSUNGS PAR LDAN PA RNAMS JI LTAR RNAM PAR RTOG PA MED PA DAG CES BYA, YANG RNAM PAR RTOG PA MED PA DAG CES GANG DU BSHAD CE NA, YID KYI RNAM PAR SHES PA KHO NA DE DANG DE LAS RNAM PAR RTOG PA CAN NYID DU BSTAN PAS DON GYIS RNAM PAR SHES PA'I TSOGS LNGA PO RTOG PA MED PAR BSHAD DO, ,GZHAN YANG GSUNGS TE, RNAM PAR RTOG PA MED PA'I PHYIR LUS DANG NGAG GI LAS KUN NAS SLONG BAR MI BYED DO ZHES 'BYUNG BA'I PHYIR RO, ,NGES PAR RTOG PA DANG, RJES SU DRAN PA'I RNAM PAR RTOG PAS RNAM PAR MI RTOG GO ZHES RNAM PAR RTOG PA MED PA DAG YIN GYI, NGO BO NYID KYIS RNAM PAR RTOG PAS RNAM PAR MI RTOG PA NI MA YIN NO, ,RNAM PAR RTOG PAS NI RNAM PA GSUM MO ZHES GRAG STE ZHES BYA BA LA, GRAG STE'I SGRAS NI BYE BRAG TU SMRA BA'I TSIG YIN PAR STON TO, , DE BAS NA RNAM PAR SHES PA'I TSOGS LNGA LA NGO BO NYID KYI RNAM PAR RTOG PA YOD MOD KYI, NGES PAR RTOG PA DANG, RJES SU DRAN PA'I RNAM PAR RTOG PA MED DO, ,DE'I PHYIR RNAM PAR RTOG PA MED PA DAG CES BYA STE, DPER NA RTA RKANG GCIG PA LA RKANG PA'I BYA BA MI NUS PA'I PHYIR RKANG MED CES BYA BA DE BZHIN DU DMIGS PA NGES PAR RTOG PA DANG, MNGON PAR BRJOD PA MED PA'I PHYIR RNAM PAR RTOG PA GCIG PA DAG LA YANG RNAM PAR RTOG PA MED PA ZHES BYA'O, ,GAL TE YID KYI RNAM PAR SHES PA YANG RNAM PAR RTOG PA GCIG PA YOD PA MA YIN NAM, DPER NA BSAM GTAN GNYIS @68A *, ,PA LA SOGS PA DAG GI MNYAM PAR GZHAG PA GANG YIN PA DE RJES SU DRAN PA'I RNAM PAR RTOG PA KHO NAS RNAM PAR RTOG PA DANG BCAS PA BZHIN NO ZHE NA, YOD MOD KYI, YID KYI RNAM PAR SHES PA'I RIGS LA BSAMS NAS DE SKAD BSHAD DO, ,JI LTAR ZHE NA, 'DOD PA'I KHAMS DANG; BSAM GTAN DANG PO'I YID KYI RNAM PAR SHES PA MNYAM PAR MA BZHAG PA GANG YIN PA DE NI RNAM PAR RTOG PA GSUM GYIS RNAM PAR RTOG PA DANG BCAS SO, ,BSAM GTAN DANG PO'I MNYAM PAR BZHAG PA DANG, GNYIS PA LA SOGS PA DAG GIS MNYAM PAR MA BZHAG PA NI GNYIS KYIS YIN LA, MNYAM PAR BZHAG PA NI GCIG GIS SO, ,DE LA NGO BO NYID KYI RNAM PAR RTOG PA NI RTOG PA YIN TE ZHES BYA BA LA, RNAM PAR SHES PA'I TSOGS LNGA NI RTZING BA'I PHYIR RTOG PA'I NGO BO NYID DES RNAM PAR RTOG PA CAN YIN TE, DE DE DAG LA MTSUNGS PAR LDAN BAR YOD PA'I PHYIR RO, ,'DIR SEMS LAS BYUNG BA'I RANG BZHIN STON PA'I SKABS SU MA BAB PO ZHE NA, DE'I PHYIR, DE NI 'OG NAS SEMS LAS BYUNG BA DAG GI NANG NAS ZHES BYA BA LA SOGS PA SMOS TE, RTOG PA DANG DPYOD PA RTZING ZHIB NYID CES BYA BA DE GNAS SO, ,NGES PAR RTOG PA DANG, RJES SU DRAN PA'I RNAM PAR RTOG PA DAG GIS NI GNAS SKABS KYIS GZHAG PA DE NYID KYI MTSAN NYID NI GDON MI ZA BAR 'DI NYID DU BRJOD PAR BYA DGOS TE, GZHAN DU GNAS SKABS MED PA'I PHYIR RO, ,DE NYID KYI PHYIR, GZHAN DAG GI RANG BZHIN NI ZHES BYA BA SMRAS TE, SHES RAB NI MIG LA SOGS PA'I RNAM PAR SHES PA DANG LHAN CIG SKYE BA DANG, YID LAS BYUNG BA YANG YOD LA, YID LAS BYUNG BA YANG MNYAM PAR BZHAG PA DANG, MNYAM PAR MA BZHAG PA YANG YOD PAS DE'I PHYIR, YID KYI SHES RAB G-YENG ZHES KHYAD PAR GNYIS NYE BAR BZUNG NGO, ,AA GRA NI DMIGS PA LA MNGON PAR 'DOD DO, ,DMIGS PA DANG BRAL BA NI G-YENG BA DANG, DMIGS PA SNA TSOGS TE, DMIGS PA GZHAN LA G-YENGS PA'I PHYIR RO, ,CI'I PHYIR DE NGES PAR RTOG PA'I RNAM PAR RTOG PAR BRJOD CE NA, MING LA LTOS NAS DMIGS PA GZHAN LA 'JUG PA'I PHYIR TE, GZUGS SO, ,TSOR BA'O, ,'DU SHES SO, ,'DU BYED DO, ,RNAM PAR SHES PA'O SNYAM DU @68B NGES PAR RTOG PA'I PHYIR DANG, MI RTAG PA DANG SDUG BSNGAL BA DANG, STONG PA DANG, BDAG MED PA'O ZHES BYA BA LA SOGS PA NGES PAR RTOG PA'I PHYIR RO, ,BSGOMS PA LAS BYUNG BA'I SHES RAB MNYAM PAR GZHAG PA NI MING LA MI LTOS PA KHO NAR DMIGS PA LA 'JUG STE, DES NA MNYAM PAR MA BZHAG PA GANG YIN PA DE NI NGES PAR RTOG PA'I RNAM PAR RTOG PA STE, MING GI DBANG GIS DON LA NGES PAR RTOG PA'I PHYIR RO, ,SHES RAB MNYAM PAR GZHAG PA NI MING LA LTOS PA MED PA'I PHYIR DON 'BA' ZHIG LA DMIGS PA KHO NA YIN NO, ,YID KYI DRAN PA THAMS CAD NYID, ,CES BYA BA LA, THAMS CAD SMOS PA NI MNYAM PAR BZHAG PA DANG MNYAM PAR MA BZHAG PA GZUNG BAR BYA BA'I DON TO, ,YID SMOS PA NI MIG LA SOGS PA'I RNAM PAR SHES PA DANG MTSUNGS PAR LDAN PA'I DRAN PA'I BSAL BAR BYA BA'I PHYIR RO, ,DMIGS PA MNGON PAR BRJOD PA YID YIN PA'I PHYIR DANG, MING NGES PAR RTOG PA LA LTOS PA MED PA'I PHYIR YIN GYI, DRAN PA MNYAM PAR BZHAG PA DANG MNYAM PAR BZHAG PA MA YIN PA THAMS CAD KHO NA RJES SU DRAN PA'I RNAM PAR RTOG PA'O, ,MIG LA SOGS PA'I RNAM PAR SHES PA DANG MTSUNGS PAR LDAN PA NI MI G-YENG BA'I PHYIR RJES SU DRAN PA'I RNAM PAR RTOG PA MA YIN TE, RNAM PAR RTOG PA MED PA'I RNAM PAR SHES PA DANG MTSUNGS PAR LDAN PA'I PHYIR RO, ,DMIGS BCAS SEMS KYI KHAMS BDUN NO, ,ZHES BYA BA LA, BDUN NI DMIGS PA DANG BCAS PA NYID DO ZHES BYA BA GZUNG BAR BYA'O, ,'DI GANG LAS SHE NA, CHOS KYI PHYED KYANG ZHES 'BYUNG BA'I PHYIR RO, ,'DI DAG LA DMIGS PA YOD PAS NA DMIGS PA DANG BCAS PA'O, ,YUL DANG, SPYOD YUL DANG, DMIGS PA ZHES BYA BA NI RNAM GRANGS DAG GO, ,CHOS KYI PHYED KYANG ZHES BYA BA LA, CI ZHIG CE NA, DMIGS BCAS ZHES BYA BAR BSNYEGS SO, ,KYANG GI SGRAS NI BSDU BA'I DON TE, GZHAN DAG NA RE NGES PAR GZUNG BA'I DON TO ZHES ZER RO, ,DE LTAR NA SEMS DANG SEMS LAS BYUNG BA DAG LAS GZHAN PA RNAMS NI DMIGS PA MED PA'O ZHES BYA BA 'GRUB BO, ,MA ZIN DGU ZHES BYA BA 'BYUNG STE, 'DI LA DANG GI SGRA DANG PO NI BSDU BA'I DON TO, ,DANG GI SGRA GNYIS PA NI SGRA'I RNAM GRANGS GZHAN GSAL BAR BYA BA'I DON TE, @69A *, ,KHA CIG NA RE SGRA YANG DBANG PO DANG THA MI DAD PA YOD DO ZHES ZER RO, ,DGU PO GZHAN NI RNAM PA GNYIS ZHES 'BYUNG BA'I PHYIR, DGU NI MA ZIN PA'I KHO NA'O ZHES BYA BAR SHES SO, ,CHOS KYI KHAMS KYI PHYED DMIGS PA DANG BCAS PAR BSHAD LA, THAMS CAD NI MA YIN LA MA ZIN PAR NI THAMS CAD 'DOD PA NYID DE, DE'I PHYIR, BRGYAD PA'I PHYED DANG BCAS TE ZHES SMOS SO, ,DGU PO GZHAN NI RNAM PA GNYIS, ,ZHES BYA BA LA, BRTZAM PAR MA GYUR NA NI ZIN PA KHO NA'O ZHES BYA BAR SHES PAR 'GYUR BA ZHIG GO, ,DA LTAR 'BYUNG BA RNAMS NI ZIN PA YIN TE, DE DAG LA PHAN BTAGS PA DANG, GNOD PA BYAS NAS SEMS DANG SEMS LAS BYUNG BA RNAMS LA PHAN BTAGS PA DANG, GNOD PA BYAS PAR 'GYUR BA'I PHYIR RO, ,'DAS PA DANG, MA 'ONGS PA RNAMS NI MA ZIN PA YIN TE, DE DAG LA PHAN BTAGS PA DANG GNOD PA MI SRID PA'I PHYIR RO, ,GZUGS LA SOGS PA DBANG PO DANG THA MI DAD PA RNAMS DANG, DBANG PO NI GRUB PA DANG BDEN PA GCIG PA'I PHYIR DBANG PO BZHIN THA MI DAD DO, ,GZHAN DAG NI DA LTAR BA YIN YANG MA ZIN PA RNAMS TE, GANG DAG LUS 'DI LA DBANG PO DANG THA DAD PAR GNAS PA RNAMS SO, ,'DI LTA STE, RTZA BA MA GTOGS PA'I ZHES BYA BA LA, SKRA DANG, BA SPU DANG, SEN MO DANG, SO DAG GI RTZA BA NI LUS KYI DBANG PO DANG THA MI DAD PAS SPANGS PA'I PHYIR TE, 'DI LTAR SKRA LA SOGS PA RNAMS BTON NAS TSOR BA 'BYUNG GI BCAD NAS NI MA YIN NO, ,DE LTAR NA RE ZHIG NANG DAG LA YOD PA'O, ,PHYI ROL DAG LA YOD PA BSHAD PA NI; SA DANG CHU LA SOGS PA DAG LA YOD PA ZHES BYA BA STE, SOGS PA SMOS PAS NI ME DANG RLUNG DANG, SHING DANG, SO PHAG LA SOGS PA DAG SDUD DO, ,'DU BYED RNAMS BDAG MED PA YIN DANG 'DZIN PA PO MED PAS MIG LA SOGS PA RNAMS LA ZIN PA NYID MI SRID DO SNYAM STE 'DRI BA NI, ZIN PA ZHES BYA BA'I DON CI ZHE NA ZHES BYA BA'O, ,BSTAN BCOS LAS NI BDAG GI LUS SU GTOGS PA'I ZHES 'BYUNG NGO, ,DE YANG CI ZHIG CE NA, SEMS DANG SEMS LAS BYUNG BA RNAMS KYIS BDAG GIR BYAS PA GANG YIN PA'O, ,BDAG GIR BYAS PA ZHES BYA BA NI GANG ZHIG SEMS DANG SEMS LAS @69B BYUNG BA RNAMS KYIS RTEN GYI DNGOS POR NYE BAR GZUNG BA'O, ,SEMS DANG SEMS LAS BYUNG BA GZUGS CAN MA YIN ZHING, YUL NA MI GNAS PA RNAMS KYIS RTEN GYI DNGOS POR NYE BAR GZUNG BA NI MOS PAR DKA'O ZHE NA, DE'I PHYIR RNAM PA PHAN PA DANG GNOD PA DAG GI PHAN TSUN MTHUN PAR BYED PA'I PHYIR NYE BAR GZUNG BA YIN GYI, DE LA GNAS PA'I PHYIR NI MA YIN NO, ,'DI LTAR MIG LA SOGS PA RNAMS LA SNAR BLUGS PA DANG MIG SMAN LA SOGS PAS PHAN BTAGS NA, RNAM PAR SHES PA GSAL ZHING MA 'KHRUGS PA SKYE BAR RLUNG LA SOGS PAS GNOD PA BYAS NA MI GSAL BA DANG 'KHRUGS PA SKYE BA YIN NO; ,DE BZHIN DU RNAM PAR SHES PA TSOR BA BDE BA DANG, SDUG BSNGAL DANG MTSUNGS PAR LDAN PA RNAMS SKYES NA MIG LA SOGS PA RNAMS 'PHEL BA DANG, 'GRIB PAR 'GYUR TE, DE LTAR NA PHAN TSUN MTHUN PAR BYED PA YIN NO, ,SEMS DANG SEMS LAS BYUNG BA RNAMS MIG LA SOGS PA RNAMS KYIS ZIN PA NYID DU THAL BAR 'GYUR BA SPANGS PA'I PHYIR, 'JIG RTEN NA SEMS PA DANG BCAS PA'O ZHES BRJOD PA GANG YIN PA'O ZHES BYA BA SMOS SO, ,GANG ZHIG LA 'JIG RTEN NA SEMS PA DANG BCAS PA ZHES BRJOD CE NA, GANG GI RTEN LA GNOD PA BYAS PAS SDUG BSNGAL 'BYUNG BA DANG, GANG ZHIG 'DIS RTZVA KU SHA DANG, TSVA SGO DANG, ME DANG, TSER MA DANG, GNAM LCAGS LA SOGS PA DAG LAS SRUNG BA DANG, GANG ZHIG 'DOD PA DANG, KHRO BA DANG, MYA NGAN DANG, 'JIG PA DANG DGA' BA LA SOGS PA DAG GIS RNAM PAR 'GYUR BA'O, ,SEMS DANG SEMS LAS BYUNG BA RNAMS NI 'DZIN PA YIN PA'I PHYIR ZIN PA'O ZHES MI BRJOD DO, ,BYE BRAG TU SMRA BA RNAMS NI GZUGS GANG ZHIG LA GZIR BA'AM, BCAD PA NA SDUG BSNGAL 'BYUNG ZHING, BZLOG PAS BDE BA 'BYUNG BA DE NI ZIN PA'O ZHES ZER RO, ,REG BYA RNAM PA GNYIS YIN TE ZHES BYA BA LA, 'DI CI ZHIG NGES PAR BZUNG STE; CI REG BYA NYID RNAM PA GNYIS YIN NAM, 'ON TE REG BYA RNAM PA GNYIS NYID YIN ZHE NA, GNYIS KA LTAR YANG NGES PAR GZUNG DU RUNG NGO, ,'BYUNG BA DANG 'BYUNG BA LAS GYUR PA'O ZHES BYA BA LA, CI'I PHYIR 'BYUNG BA LAS GYUR PA ZHES BRJOD CE NA, 'BYUNG BA DAG LA YOD PA'I PHYIR RO ZHES BYA BA @70A *, ,SMOS TE, SKYE PHYIR RTEN PHYIR GNAS PHYIR DANG, ,RTOG PA'I PHYIR DANG 'PHEL PHYIR RO, ,LHAG MA GZUGS CAN DGU PO NI, ,'BYUNG 'GYUR ZHES BYA BA LA, GANG LAS LHAG MA YIN ZHE NA, REG BYA'I KHAMS BSHAD ZIN PA LAS LHAG MA DAG GO, ,LHAG MA ZHES SMRAS PAS GZUGS CAN MA YIN PA LA THAL BAR 'GYUR BA'I PHYIR GZUGS CAN ZHES BYA BA SMOS SO, ,CHOS KYI KHAMS LA YANG RNAM PAR RIG BYED MA YIN PA'I GZUGS YOD PAS GZUGS CAN NYID YIN PA DE'I PHYIR DGU PO ZHES BYA BA SMOS SO, ,RNAM PAR RIG BYED MA YIN PA'I GZUGS KYANG 'BYUNG BA LAS GYUR PA LAS YIN PAS DE'I PHYIR DE BSDU BA'I PHYIR, CHOS KHAMS PHYOGS GCIG KYANG ZHES BYA BA SMOS SO, ,KYANG GI SGRA NI BSDU BA'I DON TO, ,GZHAN DAG NA RE KYANG GI SGRA NI KHAMS 'BYUNG BA'I BDAG NYID KHO NA YOD PA MA YIN PA NYID DU BSTAN PA'I DON TO ZHES ZER RO, ,LHAG MA RNAMS NI MA BRTZAMS PA KHO NAS GNYIS KA MA YIN PA ZHES BYA BA 'GRUB BO, ,SKYE MCHED BCU PO DAG NI 'BYUNG BA TZAM MO ZHES ZER RO ZHES BYA BA LA, TZAM GYI SGRA NI 'BYUNG BA LAS GYUR PA YIN PA RNAM PAR GCAD PA'I DON TO, ,DE LTA YIN DANG DRI BA DANG LAN MI 'THAD DO ZHE'O, ,SKYE MCHED BCU PO DE NI 'BYUNG BA TZAM MO ZHES BYA BA DE NI DE LTA MA YIN NO, ,TSIG TZAM GYIS DAD PAR MI 'GYUR BAS RGYU SMRAS PA NI, 'BYUNG BA RNAMS NI BZHI NYID DANG SRA BA LA SOGS PA MTSAN NYID DU NGES PAR GZUNG BA'I PHYIR RO ZHES BYA BA STE, MDO LAS, BZHI NYID DU NGES PAR GZUNG BA'I PHYIR DANG, SRA BA LA SOGS PA MTSAN NYID DU NGES PAR GZUNG BA'I PHYIR RO, ,DE LA 'BYUNG BA CHEN PO 'DI DAG NI BZHI STE ZHES BZHI NYID DU NGES PAR GZUNG BAS NI 'BYUNG BA CHEN PO BCU DAG MED DO ZHES STON TE, GAL TE 'BYUNG BA LAS THA DAD PA'I 'BYUNG BA LAS GYUR PA MED NA, DE LTA YIN DANG SKYE MCHED NI BZHI'AM GCIG GO ZHES BRJOD DGOS KYI, BCU ZHES MA YIN NO, ,SRA BA LA SOGS PA'I MTSAN NYID DU NGES PAR GZUNG BA NI MIG LA SOGS PA RNAMS DANG, GZUGS LA SOGS PA RNAMS 'BYUNG BA DAG GI NANG DU MA 'DUS PAR STON TE, SRA BA LA SOGS PA'I RANG GI NGO BO DANG MTSAN NYID MI MTHUN PA'I PHYIR TE, @70B TSOR BA LA SOGS PA BZHIN NO, ,YANG JI LTAR DE RNAMS 'BYUNG BA DAG DANG MTSAN NYID MI MTHUN PAR KHONG DU CHUD CE NA, 'BYUNG BA DE DAG REG BYA YIN PA'I PHYIR DANG, REG PA'I YUL YIN PA'I PHYIR RO, ,'BYUNG BA'I BDAG NYID CAN DU KHYAD PAR MED PA'I PHYIR GZUGS LA SOGS PA THAMS CAD DBANG PO THAMS CAD KYI GZUNG BAR BYA BAR 'GYUR ZHING, DE'I PHYIR DBANG PO DU MA DON MED PAR 'GYUR NA, DE NI YOD PA YANG MA YIN NO, ,MIG LA SOGS PAS KYANG STE, MIG DANG, RNA BA DANG, SNA DANG, LCE RNAMS KYIS NI SRA BA LA SOGS PA STE, SRA BA DANG, GSHER BA DANG, DRO BA DANG, YANG ZHING G-YO BA NYID DAG MI 'DZIN TE, DE'I PHYIR SA LA SOGS PA DAG GZUGS LA SOGS PA'I BDAG NYID MA YIN NO, ,LUS KYI DBANG POS KYANG KHA DOG LA SOGS PA STE, KHA DOG DANG, SGRA DANG, DRI DANG, RO DAG 'DZIN PA MA YIN TE, DE'I PHYIR GZUGS LA SOGS PA RNAMS 'BYUNG BA'I RANG BZHIN MA YIN NO ZHES BYA BAR GRUB BO, ,MIG LA SOGS PA RNAMS NI YUL CAN YIN PA'I PHYIR DANG, YUL NGES PA'I PHYIR YUL DAG DANG RANG BZHIN THA DAD PA DANG, PHAN TSUN RANG BZHIN THA DAD PAR KHONG DU CHUD PAR BYA'O, ,DE'I PHYIR SKYE MCHED BCU PO DAG NI 'BYUNG BA TZAM MA YIN PAR GRUB BO; ,'DI NI RE ZHIG RIGS PA YIN NO, ,DA NI LUNG STON TE, MDO LAS DGE SLONG DAG CES BYA BA RGYAS PAR 'BYUNG BA LA, GZUGS SU RUNG BAS NA GZUGS TE, GNOD PAR BYAR RUNG ZHES BYA BA'I DON TO, ,DE 'DI LA YOD PAS NA MIG LA SOGS PA'I SKYE MCHED LA GZUGS CAN ZHES BYA'O, , REG BYA'I SKYE MCHED KHO NAS 'BYUNG BA CHEN PO BZHI DAG GO ZHES BYA BAR GSUNGS KYI, MIG LA SOGS PA'I SKYE MCHED RNAMS NI MA YIN TE, RGYU BYAS PA ZHES BYA BA 'BYUNG BA'I PHYIR RO, ,REG BYA'I SKYE MCHED KYI PHYOGS GCIG KHO NAS 'BYUNG BA RNAMS BSDUS PA'I PHYIR LHAG MA MIG LA SOGS PA DANG, 'JAM BA NYID LA SOGS PA NI 'BYUNG BA DAG MA YIN NO ZHES BYA BAR GSAL BAR KUN DU BSTAN PA YIN NO, ,THAMS CAD DU 'BYUNG BA'I BDAG NYID YIN NA REG BYA'I SKYE MCHED KHO NA RNAM PA GNYIS SU BSTAN GYI, MIG LA SOGS PA'I SKYE MCHED RNAMS MA YIN PA DANG, MIG LA SOGS PA'I SKYE MCHED RNAMS KHO NA RNAM PA @71A *, ,GCIG TU BSTAN GYI, REG BYA'I SKYE MCHED MA YIN PA ZHES BYA BA 'DI LA 'BYUNG BA DANG 'BYUNG BA LAS GYUR PA GNYIS RANG GI NGO BO THA DAD PAS RGYU GZHAN PO MA YIN PA MA YIN TE, DE'I PHYIR MDO DANG 'GAL BAS SKYE MCHED BCU PO DAG 'BYUNG BA TZAM MA YIN NO, ,'O NA MDO LAS GANG ZHES BYA BA RGYAS PAR 'BYUNG BA LA, GAL TE MIG 'BYUNG BA'I RANG BZHIN MA YIN NA, CI'I PHYIR 'DI SKAD DU, MIG GI SHA'I GONG BU LA, ,SRA BA MKHREGS PAR GYUR PA STE, ,MKHRANG BA'I RNAM PA GANG YIN PA, ,ZHES GSUNGS SHE NA, DE DANG THA MI DAD PAR 'DUG PA ZHES BYA BA RGYAS PAR 'BYUNG BA LA, DE LAS MIG DE DANG THA MI DAD PAR 'DUG PA'I NGANG TSUL YOD PAS THA MI DAD PAR 'DUG PA'O, ,'DI SKAD BSTAN PAR 'GYUR TE, GANG MIG GI SHA'I GONG BU LA, ,ZHES BYA BA LA NYE BAR BSTAN PA 'DI NI SHA'I MIG GI GONG BU GANG ZHIG MIG GI DBANG PO DANG LHAN CIG 'DUG CING, DE'I RTEN DU GYUR PA DE'I YIN TE, RTEN LA BRTEN PA BTAGS PA'I PHYIR RO, ,GANG GI PHYIR MIG NI SHA'I GONG BU'I BDAG NYID MA YIN TE, DANG BA'I BDAG NYID CAN MA YIN PA'I PHYIR RO, ,GZHAN DAG NA RE 'JIG RTEN GYI THA SNYAD DANG MTHUN PAR THA SNYAD GDAGS PA'I PHYIR DE SKAD GSUNGS TE, 'JIG RTEN NA NI DE'I RTEN SHA'I GONG BU 'BYUNG BA DANG 'BYUNG BA LAS GYUR PA'I BDAG NYID CAN LA MIG TU 'DU SHES KYI, DBANG PO LA NI MA YIN NO ZHES ZER RO, ,YANG NA RGYU MTSAN GYI 'DUN PA BRJOD PAR GZHI'I 'DUN PA MA YIN PAR RTOGS PAR 'GYUR TE, DE LAS 'BYUNG BA DBANG PO DE DANG THA MI DAD PA 'DUG PA GONG BU MTHA' DAG GI RTEN GSUNGS PA'I PHYIR RO, , GAL TE MIG LA SOGS PA RNAMS DANG, GZUGS LA SOGS PA RNAMS 'BYUNG BA'I BDAG NYID MA YIN NA DGE SLONG MI 'DI NI KHAMS DRUG PA YIN TE, SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA'I KHAMS YIN NO ZHES BYA BA STON PA'I GSUNG DANG 'GAL BAR 'GYUR TE, GZUGS LA SOGS PA DANG, MIG LA SOGS PA SA LA SOGS PA LAS THA DAD PA RNAMS YOD NA MI 'DI NI KHAMS DRUG PA YIN NO ZHES BRJOD PAR MI RIGS SO ZHE NA, MNGAL DU 'JUG PA NA SEMS CAN GYI RDZAS KYI GZHI BSTAN PAR BYA BA'I PHYIR TE, MDO NI DGONGS PA CAN YIN PA'I PHYIR @71B 'GAL BA MED DO, ,DE LAS NUR NUR PO LA SOGS PA'I GNAS SKABS KYI SEMS CAN GYI RDZAS KYI GZHI STE, DANG PO BSTAN PA'I PHYIR GZUGS LA SOGS PA RNAMS YOD BZHIN DU KHAMS DRUG TU GSUNGS TE, DE LA 'BYUNG BA BZHI LAS MIG LA SOGS PA REG PA'I SKYE MCHED RNAMS SKYE BA'I PHYIR DANG, RNAM PAR SHES PA'I KHAMS KYANG YID KYI 'DUS TE REG PA'I SKYE MCHED DE, CI ZHE NA, SKYE BA'I PHYIR SEMS CAN GYI RDZAS KYI GZHI YIN NO, ,MIG LA SOGS PA RNAMS DANG, GZUGS LA SOGS PA RNAMS 'BYUNG BA LA BRTEN PA'I PHYIR 'BYUNG BA DAG BZHIR BSTAN GYI, BRTEN PA SEMS LAS BYUNG BA RNAMS DANG, 'BYUNG BA LAS GYUR PA NI MA YIN NO, ,GZHAN DAG NI NYING MTSAMS 'BYOR PAR 'BREL BA'I TSE MIG LA SOGS PA RNAMS MED PAS DE DAG MA GSUNGS LA, DE'I TSE LUS KYI DBANG PO YOD MOD KYI, DES DE'I GNAS SKABS NA GRANG BA LA SOGS PA YONGS SU GCOD PAR NI MI NUS TE, YOD KYANG RANG GI DGOS PA MI BYED PA GANG YIN PA DE NI DGOS PA DANG MI LDAN PA RNAMS KYIS RNAM PAR MI 'JOG GO SNYAM DU SEMS SO, ,DE LTAR NA KHAMS DRUG PO 'DI DAG SEMS CAN GYI RDZAS KYI GZHI YIN TE, NYING MTSAMS SBYOR SEMS NAS 'CHI 'PHO BA'I SEMS KYI BAR DU DGOS PA DANG BCAS PA'I PHYIR RO; ,GAL TE STON PA'I DGONGS PA DE LTAR YIN GYI, 'BYUNG BA TZAM ZHIG BZHED PA NI MA YIN NO ZHES BYA BAR KHOD DU CHUD CE NA, YANG RIG PA'I TSOGS DRUG GSUNGS PA'I PHYIR TE, MDO DE NYID LAS MIG GI 'DUS TE REG PA'I SKYE MCHED NAS YID KYI 'DUS TE REG PA'I SKYE MCHED KYI BAR REG PA'I SKYE MCHED DRUG GSUNGS TE, DE'I PHYIR 'BYUNG BA TZAM MA YIN PA'I PHYIR KHAMS DRUG GSUNGS PA YIN NO ZHES BYA BAR SHES TE, DE LTAR MA YIN NA MIG LA SOGS PA RNAMS SA'I KHAMS LA SOGS PA LAS THA MI DAD PA'I PHYIR, REG PA'I SKYE MCHED DRUG CES YANG MI GSUNG BAR YANG MI 'GYUR RO; ,DE LA MIG NYID REG PA'I SKYE MCHED YIN PA NI MIG GI REG PA'I SKYE MCHED DE, YID KYI REG PA'I SKYE MCHED KYI BAR NI SEMS LAS BYUNG BA'I CHOS REG PA'I RTEN YIN NO ZHES BYA BA'I DON TO, ,SEMS LAS BYUNG BA RNAMS MED PAR THAL BAR 'GYUR BA'I YANG PHYIR RO, ,CI YIN ZHE NA, KHAMS DRUG TZAM YIN PA'I PHYIR @72A *, ,MDO LAS KHAMS DRUG GSUNGS KYI, 'BYUNG BA LAS GYUR PA NI YOD PA MA YIN NO ZHES BYA BA MA YIN TE, 'O NA CI ZHE NA, SEMS KYI RDZAS KYI GZHI BSTAN PA'I PHYIR YIN NO, ,GAL TE MDO LAS SA'I KHAMS LA SOGS PA LTAR MIG LA SOGS PA DANG, GZUGS LA SOGS PA RNAMS MA GSUNGS PAS DE RNAMS MED PAR 'DOD NA DE LTAR NA TSOR BA LA SOGS PA SEMS LAS BYUNG BA RNAMS KYANG MA GSUNGS PAS DE DAG KYANG MED PAR THAL BAR 'GYUR RO, ,CI STE JI LTAR 'BYUNG BA DAG KHO NAS 'BYUNG BA LAS GYUR PA YIN PA DE BZHIN DU SEMS NYID SEMS LAS BYUNG BA RNAMS YIN GYI SEMS LAS DON GZHAN DU GYUR PA NI MA YIN PAS THAL BA 'DIR MI 'GYUR RO ZHE NA, DE'I PHYIR, SEMS NYID CES BYA BA RGYAS PAR SMOS SO, ,CI'I PHYIR ZHE NA, MDO DANG 'GAL BA'I PHYIR TE, MDO LAS 'DU SHES DANG ZHES BYA BA RGYAS PAR 'BYUNG NGO, ,GZHAN YANG SEMS 'DOD CHAGS DANG BCAS PA LA SOGS PA 'BYUNG BA'I PHYIR TE, MDO LAS ZHES BYA BAR SBYAR RO, ,SEMS NYID SEMS LAS BYUNG BA RNAMS YIN NO ZHES KHAS BLANG BAR NI MI RIGS TE, GANG GI PHYIR SEMS 'DOD CHAGS DANG BCAS, SEMS ZHE SDANG DANG BCAS, SEMS GTI MUG DANG BCAS ZHES GSUNGS PA'I PHYIR RO, , GZHAN ZHIG GZHAN DANG BCAS SO ZHES BYA BAR NI BRJOD KYI, BDAG NYID BDAG NYID DANG NI MA YIN TE, DE'I PHYIR SEMS NYID SEMS LAS BYUNG BA RNAMS YIN NO ZHES BYA BAR KHAS BLANG BAR MI RIGS SO, ,DE LTA BAS NA BYE BRAG TU SMRA BA'I LUGS NYE BAR BKOD PA KHO NA LEGS SO, ,GZUGS CAN BCU NI BSAGS PA'O ZHES BYA BA LA, GZUGS CAN BCU KHO NA BSAGS PA ZHES BYA BAR NGES PAR GZUNG BA NYID KYIS GZHAN BRGYAD BSAGS PA MA YIN PA'O ZHES BYA BAR RTOGS SO, ,YANG JI LTAR NA DE DAG BSAGS PA MA YIN ZHE NA, DE'I PHYIR, RDUL PHRA RAB 'DUS PA YIN PA'I PHYIR ZHES BYA BA SMOS SO, , GCOD BYED GCAD PAR BYA BA NYID, ,PHYI ROL GYI NI KHAMS BZHI YIN, ,ZHES BYA BA LA, PHYI ROL SMOS PA NI NANG GI KHAMS BSAL BAR BYA PA'I PHYIR RO, ,BZHI SMOS PA NI SGRA DANG CHOS KYI KHAMS BSAL BAR BYA BA'I PHYIR RO, ,DGRA STA DANG SHING ZHES BYA BA LA SOGS PA'O ZHES BYA BA LA, SOGS PA'I SGRAS NI RE @72B RE DANG SBYAR BAR BYA STE, DGRA STA DANG RAL GRI ZHES BYA BA LA SOGS PA NI GCOD PAR BYED PA'O, ,SHING DANG LUS ZHES BYA BA LA SOGS PA NI GCAD PAR BYA BA'O, ,'DIR NI'I SGRA NI GNYIS CHAR LA GNYIS KA BSTAN PA'I DON TE, 'DIR NI GRAGS PA'I DBANG GIS THA DAD PAR DPER BRJOD DO, ,NYID KYI SGRA NI NGES PAR GZUNG BA'I DON TE, PHYI ROL GYI KHO NA'O SNYAM DU DGONGS SO, ,GAL TE BDAG NYID DU RED MA THAG TU 'JIG PA'I 'DU BYED THAMS CAD LA BYA BA MED PAS GCOD PA ZHES BYA BA'I CHOS 'DI NI CI ZHE NA ZHES BYA BA NI SKAD CIG MA NYID KYI PHYIR GCAD PAR BYA BA DANG, GCOD PAR BYED PA MED NA GCOD PA ZHES BYA BA'I CHOS 'DI CI ZHIG CES BYA BA'O, ,'DUS PA'I RGYUN 'BREL PAR 'BYUNG PA CAN RNAM PAR 'BYED PA SKYED PA'O ZHES BYA BA LA, 'BREL PA NI RGYU DANG 'BRAS BUR 'BREL PA'O, ,'DI LA RGYUN MI 'CHAD PAR 'BYUNG BA YOD PAS NA 'BREL PAR 'BYUNG BA CAN TE, 'DUS PA'I RGYUN RGYUD CHAGS PA 'BREL PAR 'BYUNG BA CAN DE RNAM PAR 'BYED PA'I SKYED PAS GCOD PA ZHES BYA'I, GCAD PAR BYA BA'I RGYUN LAS DON GZHAN DU GYUR PA NI MA YIN NO, ,RDUL PHRA RAB GCIG LA RNAM PAR 'BYED PA SKYE BA MED PA'I PHYIR DANG, 'BREL PA DANG RNAM PAR BYE BA'I DUS GNYIS KYANG RDZAS KYI SKAD CIG GCIG LA MI SRID PAS 'DUS PA'I RGYUN LA ZHES BYA BA SMOS SO, ,LUS KYI DBANG PO LA SOGS PA NI GCAD PAR BYA BA MA YIN ZHES BYA BA LA, LUS KYI DBANG PO LA SOGS PA DAG LA NI RNAM PA DE LTA BU'I GCOD PA DE MI RIGS TE, CI'I PHYIR ZHE NA, YAN LAG MA LUS PAR BCAD NA DE DAG LA GNYIS SU BYAR MED PA'I PHYIR RO, , MA LUS PAR SMOS PA NI YAN LAG 'PHRO DANG BCAS PAR BCAD NA DBANG PO LA RNAM PAR DBYE BA MTHONG BA'I PHYIR RO, ,'DI LA YANG TSIG TZAM GYIS DAD PAR MI 'GYUR RO ZHE NA, DE'I PHYIR, DBANG PO RNAMS LA NI GNYIS SU 'GYUR BA MED DO ZHES BYA BA SMOS SO, ,NI'I SGRA NI DBANG PO RNAMS NI GCOD PAR BYED PA'I RKYEN GYIS RNAM PA GNYIS SU SBYAR MI NUS PA NYID DO ZHES NGES PAR GZUNG BA'I DON TO, ,DE NYID LA RGYU SMRAS PA, GCAD PA'I YAN LAG LA DBANG PO MED PA'I PHYIR RO, ,DE YANG YAN LAG DES YUL MI 'DZIN PA LAS SHES TE, 'DI NI RAB TU GRAGS PAS MA BSHAD DO, ,DE LTA NA GAL TE SNA'I RTZE MO BCAD PA SLAR @73A *, ,SBYAR BAS LUS KYI RNAM PAR SHES PA JI LTAR BSKYED CE NA, RGYAS PA LAS 'BYUNG BA'I DBANG PO SKYE BA'I PHYIR NYES PA MED DE, 'DIS NI DUD 'GRO'I KHYAD PAR 'GA' ZHIG GI MJUG MA GCAD PA SLAR SKYE BA YANG RNAM PAR BSHAD PA YIN NO, ,GCOD PAR BYED PA YANG MA YIN NO ZHES BYA BA LA, DBANG PO'I MTSAN NYID CAN RNAMS NI NOR BU'I 'OD BZHIN DU DANGS PA'I PHYIR RO, ,NOR BU'I 'OD NI GCAD PAR BYA BA MA YIN TE, NOR BU MA LUS PAR BCAD NA DE GNYIS SU BYAR MED PA'I PHYIR TE, 'DI NI NGES BAR GZUNG BA LAS RNYED PAR 'GYUR RO, ,DE BZHIN BSREG BYA 'JAL BYED PA'O, , ZHES BYA BA NI BSGRE BA SMOS PA STE, DE DAG NYID BSREG PAR BYA BA YIN LA, DE NYID 'JAL BAR BYED PA YIN NO, ,SREG PA ZHES BYA BA'I CHOS 'DI CI ZHE NA, RGYU'I RGYUN LAS ME LA SOGS PA'I RKYEN GYI RGYU CAN 'BRAS BU MI 'DRA BA SKYE BA'O, ,DBANG PO RNAMS NI MA YIN TE, DANGS PA'I PHYIR 'OD BZHIN NO STE, DBANG PO NI BSREG PAR BYA BA DANG, 'JAL BAR BYED PA MA YIN TE, DANGS PA'I PHYIR RO, ,SGRA YANG MA YIN TE, CHAD PA YIN PA'I PHYIR RO ZHES BYA BA LA, RGYUN CHAGS PAR 'DUG PA MA YIN PA'I PHYIR GZUGS LA SOGS PA RNAMS DANG LHAN CIG RGYUN CHAGS SU GNAS PA MA YIN TE, DE'I PHYIR 'DI LA DRUG TSAN 'DI DAG YOD PA MA YIN NO, ,SREG DANG GZHAL LA MI MTHUN SMRA, ,ZHES BYA BA LA, SREG DANG GZHAL BA NI SREG DANG GZHAL BA DAG STE, SREG PA DANG GZHAL BA DE DAG LA'O, ,CI STE ZHE NA, MI MTHUN SMRA'O, ,MI MTHUN PAR SMRA BA NI RIGS TE, PHYOGS GNYIS KA RIGS PAR MTHONG BA'I PHYIR RO; ,JI LTAR ZHE NA SMRAS PA, KHA CIG NA RE KHAMS BZHI PO DE DAG NYID SREG PAR BYED PA YIN TE, MTHA' DAG RNAM PAR 'GYUR BA'I RGYU YIN PA'I PHYIR RO ZHES BRJOD DO, ,KHA CIG NA RE, ME'I KHAMS KHO NA SREG PAR BYED PA YIN TE, GANG GI PHYIR BYED PA GZHAN DANG LDAN PA'I PHYIR DANG, 'BYUNG BA GZHAN ZIL GYIS MNAN NAS ME'I KHAMS KYIS BYA BA THOB PA'I PHYIR MA ZHES BYA BA MA YIN PA'I SA LA SOGS PAS MI SREG PA'I PHYIR RO ZHES BRJOD DO, ,GZHAN DAG NA RE PHYI ROL GYI KHAMS BZHI PO 'BYUNG BA ME SHAS CHE BA KHO NA SREG PAR BYED DE, GAL TE ME'I KHAMS KHO NA SREG PAR BYED NA NI LHAN CIG TU GYUR PA'I @73B 'BYUNG BA GSUM DANG, DE DAG LA BRTEN PA'I RGYUR BYAS PA'I GZUGS KYANG SREG PAR BYED PAR 'GYUR ZHING, ME MED PAR THAL BAR 'GYUR RO, ,DE'I PHYIR 'BYUNG BA BZHI THAMS CAD NYID SREG PAR ZHES BYA BA RNAM PAR 'GYUR BA'I RGYU YIN GYI, ME'I KHAMS KHO NA NI SREG PAR BYED PA MA YIN NO, ,GZHAL BAR ZHES BYA BA LA, SAS SRANG MGO DMA' BA'I RGYU YIN PA'I PHYIR LCI BA NYID KHO NA GZHAL BAR BYA BA YIN TE, YANG BA RNAMS LA SRANG MGO DMA' BA'I RGYU MI SRID PA'I PHYIR RO, ,SRA BA NYID KYI LHAN CIG BYED PA DANG LDAN PA'I RDZAS RNAMS SRANG MGO DMA' BA'I RGYU NYID DU SMRA'I, YANG BA NYID KYI LHAN CIG BYED PA DANG LDAN PA RNAMS NI MA YIN TE, DE LTA NA YANG DER LCI BA NYID NUS PA DANG LDAN PAR SNANG NGO, ,RNAM PAR SMIN LAS SKYES PA DANG, ,RGYAL LAS BYUNG BA NANG GI LNGA, ,ZHES BYA BA LA, LNGA ZHES BYA BA NI RNAM PAR SHES PA'I KHAMS GSAL BAR BYA BA'I PHYIR RO, ,'DI CI ZHIG TU NGES PAR GZUNG ZHE NA, NANG GI LNGA NI RNAM PAR SMIN PA DANG, RGYAS PA LAS BYUNG BA KHO NA'O ZHES BYA BAR NGES PAR GZUNG NGO, ,'DIS GANG LAS SHE NA, RGYU MTHUN PA LAS BYUNG BA NI MED DE ZHES BYA BA SMOS SO, ,JI LTAR ZHE NA, DE DAG LAS MA GTOGS PA RGYU MTHUN PA MED PA'I PHYIR RO ZHES BYA BA SMOS TE, RNAM PAR SMIN PA DANG RGYAS PA LAS BYUNG BA'I RGYUD LAS MA GTOGS PA SKAL BA MNYAM PA DANG, KUN DU 'GRO BA'I RGYUS SKYED PA RGYU MTHUN PA'I 'BRAS BU GZHAN MED PA'I PHYIR RO ZHES BYA BA'I DON TE, MED PA NYID NI MA YIN NO, ,MIG LA SOGS PA SNGAR SKYES PA RNAMS NI MIG LA SOGS PA PHYIS SKYES PA DANG, MA SKYES PA DAG GI SKAL BA MNYAM PA'I RGYUS RGYU YIN LA, RGYU MTHUN PA YANG SKAL BA MNYAM PA'I RGYU'I 'BRAS BU YIN NO, ,DE DAG GI RGYU MTHUN PA NI RNAM PAR SMIN PA DANG RGYAS PA LAS BYUNG BA KHO NA YIN GYI DON GZHAN MA YIN NO, ,JI LTAR RNAM PAR SMIN PA LAS SKYES PA LAS THA DAD PAR RGYAS PA LAS 'BYUNG BA'I YOD PA'AM; SHI BA LA RGYU MTHUN PA LAS BYUNG BA'I GZUGS LA SOGS PA DAG DMIGS PA DE BZHIN DU RNAM PAR SMIN PA LAS SKYES PA DANG, RGYAS PA LAS 'BYUNG BA DE DAG GI RGYU MTHUN PA NI DE DAG LAS THA DAD PAR DMIGS PA MED DE, DE'I PHYIR RNAM PAR SMIN PA DANG RGYAS PA LAS BYUNG BA LAS MA GTOGS PA'I RGYU MTHUN @74A *, ,PA MED PA'I PHYIR, MIG LA SOGS PA DAG RGYU MTHUN PA LAS BYUNG BA MED PAR BSHAD DO, ,GAL TE RNAM PAR SMIN PA NI RNAM PAR SMIN PA GZHAN DANG 'BREL PA MA YIN NA JI LTAR DE DAG RNAM PAR SMIN PA LAS SKYES PA ZHES BYA ZHE NA, RNAM PAR SMIN PA LAS SKYES PA NI RNAM PAR SMIN PA MA YIN NO, ,'O NA CI ZHE NA, RNAM PAR SMIN PA'I RGYU LAS SKYES PA NI RNAM PAR SMIN PA LAS SKYES PA'O, ,DE NYID KYI PHYIR, BAR KYI TSIG MI MNGON PAR BYAS PA'I PHYIR BA LANG GI SHING RTA LTA BU'O ZHES SMOS SO, ,YANG NA 'BRAS BU'I DUS SU PHYIN PA'I LAS NI ZHES BYA BA LA, DUS GANG GI TSE BAR MED PAR LAS LAS 'BRAS BU'I SKYE BA DE NI 'BRAS BU'I DUS TE, DE'I TSE DE'I LAS RNAM PAR SMIN PAR 'GYUR BAS RNAM PAR SMIN PA ZHES BYA'O, ,'DI SKAD BSTAN PAR 'GYUR TE, BAR MED PAR 'BRAS BU SKYED PAR RUNG BA'I LAS LAS SKYES PAS NA RNAM PAR SMIN PA LAS SKYES PA'O, ,GAL TE 'BRAS BU LA MNGON DU PHYOGS PA'I LAS RNAM PAR SMIN PAR 'GYUR BAS RNAM PAR SMIN BA YIN NA, 'O NA 'BRAS BU JI LTAR RNAM PAR SMIN BA YIN ZHE NA, DE'I PHYIR, 'BRAS BU NI RNAM PAR SMIN PA KHON YIN PAS RNAM PAR SMIN PA'O ZHES BYA BA SMOS TE, DNGOS PO SGRUB PA'O, ,YANG NA RGYU LA 'BRAS BU BTAGS PA YIN TE ZHES BYA BA LA, RNAM PAR SMIN PA'I RGYU LA RNAM PAR SMIN PA BTAGS PA'O, ,RNAM PAR SMIN PA SKYED PAR BYED PA'I LAS LA RNAM PAR SMIN PA BTAGS TE, DPER NA 'BRAS BU LA RGYU BTAGS PA REG PA'I SKYE MCHED DRUG PO 'DI DAG NI SNGON GYI LAS YIN PAR RIG PAR BYA'O ZHES GSUNGS PA LTA BU'O, ,REG PA'I SKYE MCHED DRUG PO 'DI DAG NI SNGON GYI LAS MA YIN TE, 'O NA CI ZHE NA, SNGON GYI LAS KYI 'BRAS BU YIN TE, DE'I PHYIR 'BRAS BU LA RGYU BTAGS PAR 'GYUR RO, ,ZAS LA LEGS PAR BYA BA DANG, TING NGE 'DZIN DANG, GNYID LOG PA'I KHYAD PAR DAG GIS RGYAS PAR BYAS PAS NA RGYAS PA LAS BYUNG BA DAG STE, RGYAS PA LAS YOD PA NI RGYAS PA LAS BYUNG BA DAG STE, SDE TSAN BZHIN NO, ,YANG NA RGYAS PA NYID RGYAS PA LAS BYUNG BA STE, RANG GI DON LA 'PHEL BA BYAS PAR 'GYUR BA BZHIN NO, ,KHYAD PAR GYI SGRA NI RE RE DANG SBYAR RO, ,DE LA LEGS PAR BYA BA NI KHRUS DANG BSKU MNYE DANG, 'BAD RTZOL DANG, BSKU BYUG LA SOGS PA'O, , @74B GZHAN DAG NA RE TSANGS PAR SPYOD PAS KYANG ZHES BYA BA LA, ZAS LA SOGS PA SPYOD KYANG MI TSANGS PAR SPYAD PA LAS 'GRIB PA DANG, GNOD PAR MTHONG BA'I PHYIR TE, 'DI LTAR BA LANG DANG RTAL SOGS PA 'OG BCAD PA RNAL BA RNAMS LA RGYAS PA MTHONG BA'I PHYIR RO, ,GAL TE DE LTA YIN NA TSANGS PAR SPYOD PA RNAMS KYI CI 'I PHYIR RGYAS PAR MI 'GYUR LA, DE LA 'DOD PA'I RNAM PAR RTOG PAS YONGS SU GDUNG BAS GNOD PA'I PHYIR RO ZHE NA, DES NI MI GNOD PA TZAM DU ZAD KYI, RGYAS PA NI ZAS LA SOGS PA DAG KHO NAS YIN NO, ,ZAS LA SOGS PA DAG NI RNAM PAR SMIN PA LA PHAN 'DOGS PAR BYED DE, DE NYID KYI PHYIR, RGYAS PA'I RGYUD NI RNAM PAR SMIN PA'I RGYUD LA PHYI BZHIN DU KUN DU SRUNG NGO ZHES BYA BA SMOS SO, ,RNAM PAR SMIN PA'I RGYUD NI 'GRO BA LA SOGS PA'I BYA BA LA NUS PA MED PA'I PHYIR NI STOBS CHUNG BA YIN LA, RGYAS PA'I RGYUD NI STOBS CHUNG BA RAB DANG 'DRA BA DE GNAS PAR BYA BA'I PHYIR DANG 'DRA BAR 'GYUR RO, ,RGYAS PA LAS BYUNG BA MED PAR RNAM PAR SMIN PA LAS SKYES PA MED KYI, RNAM PAR SMIN PA LAS SKYES PA MED PAR RGYAS PA LAS BYUNG BA NI YOD PAR 'GYUR TE, DPER NA LHA'I MIG BZHIN NO, ,RNAM PAR SMIN PA LAS BYUNG BA KHO NA BKAG PAR SGRA NI RGYAS PA LAS 'BYUNG BA DANG, RGYU MTHUN PA LA YOD DO ZHES BYA BAR KHONG DU CHUD DE, MGUL PA LA SOGS PA'I 'BYUNG BA CHEN PO RGYAS PA LAS BYUNG BA DANG THA MI DAD PAR 'DUG PA'I SGRA NI RGYAS PA LAS BYUNG BA'O, ,RGYU MTHUN PA LAS BYUNG BA'I 'BYUNG BA DANG THA MI DAD PAR 'DUG PA NA RGYU MTHUN PA LAS BYUNG BA'O, ,SGRA NI RNAM SMIN LAS SKYES PA YIN NO; ,TSIG TZAM GYIS 'DOD PA MI 'GRUB PAS DE'I RGYU DRIS PA DANG, 'DOD DGUR 'BYUNG BA'I PHYIR RO ZHES RGYU SMRAS TE, MIG LA SOGS PA RNAM PAR SMIN PA NI 'DOD KYANG MI 'BYUNG LA, MI 'DOD KYANG 'BYUNG GI, SGRA NI DE LTA MA YIN TE, BRJOD PAR 'DOD PA SNGON DU 'GRO BA'I PHYIR RO, ,RNAM PAR SMIN PA LAS SKYES PA'I GZUGS NI RNAM PAR CHA DA NAS YANG SKYE BA YANG MA YIN NA, SGRA NI SKYE BA YANG MA YIN TE, DE'I PHYIR RNAM PAR SMIN PA'I CHOS LAS 'DAS PA'I PHYIR SGRA NI RNAM PAR SMIN PA LAS SKYES PA MA YIN NO, ,BSTAN BCOS DANG 'GAL BA BRJOD PA'I PHYIR, 'O NA GANG BSTAN BCOS BTAGS PA @75A *, ,LAS ZHES BYA BA RGYAS PAR SMRAS SO, ,'GRUB PA BDEN MOD KYI, 'DI NI RNAM PAR SMIN PA MA YIN PAS 'DIR BSTAN BCOS DANG 'GAL BA MED DO, ,'O NA CI YIN ZHEN, KHA CIG NA RE BRGYUD PA 'DI NI GSUM PA YIN TE, DE LTAR NA TSIG RTZUB PO SPONG BA SGRA'I RGYU'I RGYU YIN GYI DNGOS SU MA YIN LA, RNAM PAR SMIN PA NI DE LTAR YANG MA YIN NO ZHES ZER RO, ,KHA CIG NA RE GANG GI PHYIR RNAM PAR SMIN PA LAS SKYES PA LAS RNAM PAR SMIN PA LAS SKYES PA YIN PA SKYE BAR MI RIGS TE, DE'I PHYIR BRGYUD PA 'DI BZHI PA'AM LNGA PA YIN TE, JI LTAR ZHE NA, LAS DAG LAS NI RNAM PAR SMIN PA LAS SKYES PA'I 'BYUNG BA RNAMS SO, ,DE DAG LAS NI RGYAS PA LAS 'BYUNG BA RNAMS TE, ZAS DANG LEGS PAR BYA BA'I KHYAD PAR DAG GIS BSKYED KYANG, RNAM PAR SMIN PA LAS BSKYED PA'I 'BYUNG BA LA BRTEN NAS SKYE BAS DE DAG LA NI RGYAS PA LAS BYUNG BA RNAMS TE ZHES BRJOD DO, ,DE DAG LAS NI RGYU MTHUN PA LAS BYUNG BA RNAMS TE, DE DAG GI SKAL BA MNYAM PA'I RGYU YIN PA'I PHYIR RO, ,DE DAG LAS NI SGRA'O ZHES ZER RO, ,DE LTA NA 'O NA LUS KYI TSOR BA YANG ZHES BYA BA RGYAS PAR 'BYUNG STE, DE LA TSOR BA GANG ZHIG DNGOS KYI LAS KYI 'BRAS BU YIN PA DE NI RNAM PAR SMIN PAR 'GYUR GYI, LAS LAS SKYES KYI 'BYUNG BA LAS SKYES PA NI MA YIN TE, SGRA BZHIN NO SNYAM DU BSAMS PA YIN NO, ,GAL TE SGRA BZHIN DU RIGS PA DANG 'GAL BAR 'GYUR NA ZHES BYA BA LA, RNAM PAR SMIN PA MA YIN PAR 'GYUR RO ZHES BYA BAR SBYAR RO, ,SGRA NI 'DOD DGUR 'BYUNG BA'I PHYIR RNAM PAR SMIN PA YIN PAR RIGS PA DANG 'GAL TE, MIG LA SOGS PA RNAM PAR SMIN PA NI 'DOD DGUR 'BYUNG BA MA YIN NO, ,TSOR BA NI 'DOD PAS 'JUG PA'AM LDOG PA MA YIN PAS TSOR BA DE RNAM PAR SMIN PA LAS SKYES PA NYID YIN PAR RIGS PA DANG MI 'GAL GYI, SGRA NI 'GAL TE; 'DOD DGUR 'GYUR BA'I PHYIR DANG, CHAD PA'I PHYIR RO, ,DE LA BDE BA DANG SDUG BSNGAL GYI RKYEN NYE BAR 'DUS PA MED KYANG 'BYUNG ZHING BDE BA DANG SDUG BSNGAL GYI RKYEN LOG KYANG MI LDOG PA'I TSOR BA BDE BA DANG SDUG BSNGAL DE NI RNAM PAR SMIN PA LAS SKYES PA MA YIN LA, GANG ZHIG BDE BA @75B DANG SDUG BSNGAL MYONG BAR 'GYUR BA'I YUL NYE BAR TSOGS PA LAS 'BYUNG ZHING, DE MED NA MI 'BYUNG BA DE NI RGYU MTHUN PA LAS BYUNG BA'O, ,RGYU MTHUN LAS BYUNG RNAM SMIN SKYES, ,THOGS PA MED BRGYAD CES BYA BA LA, RGYU MTHUN PA LAS BYUNG BA DANG RNAM PAR SMIN PA SKYES PA KHO NA'O ZHES BYA BA NGES PAR BZUNG GI ,BRGYAD KHO NA NI MA YIN TE, GSUM RNAM GSUM ZHES 'BYUNG BA'I PHYIR RO, ,GANG DAG SKAL BA MNYAM BA DANG, KUN TU 'GRO BA'I RGYUS BSKYED CING RNAM PAR SMIN PA LAS THA DAD PA RNAMS NI RGYU MTHUN PA LAS BYUNG BA DAG GO, ,GANG DAG RNAM PAR SMIN PA'I RGYUS BSKYED PA DE RNAMS NI RNAM PAR SMIN PA LAS SKYES PA DAG GO, ,DE LA CHOS KUN NAS NYON MONGS PA CAN GANG DAG KUN TU 'GRO BA'I RGYUS BSKYED PA DE DAG NI SKAL BA MNYAM PA'I RGYUS BSKYED PA YANG YIN TE, KUN 'GRO ZHES BYA NYON MONGS CAN, ,RNAMS KYI ZHES 'BYUNG BA'I PHYIR RO, ,SKAL BA MNYAM PA'I RGYUS BSKYED PA KHO NA YIN GYI; KUN TU 'GRO BA'I RGYUS SKYED PA MA YIN PA YANG YOD DE, DGE BA DANG, MA BSGRIBS LA LUNG DU MA BSTAN PA RNAMS SO, ,RGYAS PA LAS BYUNG BA NI MED DE, CI'I PHYIR ZHE NA, THOS PA MED PA RNAMS LA RGYAS PA MED PA'I PHYIR RO, ,GZUGS CAN RNAMS PHAN TSUN THOGS PAS BAR MTSAMS MED PAR GNAS PA LA SOGS PA ZHES BYA BA NI 'DI NI THOGS PA MED PA DAG LA SRID PA MA YIN PAS DE DAG RGYAS PA LAS BYUNG BA MED DO, ,GZHAN RNAM GSUM RNAM PA GCIG GAM, RNAM PA GNYIS NI MA YIN NO, ,ZHES NGES PAR GZUNG NGO, ,DE LA RNAM PAR SMIN PA LAS KSYES PA'I DBANG PO DANG THA MI DAD PA RNAMS NI RNAM PAR SMIN PA LAS SKYES PA DAG GO, ,RGYAS PA LAS BYUNG BA'I DBANG PO DANG THA MI DAD PAR 'DUG PA RNAMS NI RGYAS PA LAS BYUNG BA DAG GO, ,LHAG MA RNAMS NI RGYU MTHUN PA LAS BYUNG BA DAG GO, ,RNAM PAR SMIN PA LAS BYUNG BA DANG, RGYAS PA LAS BYUNG BA MA GTOGS PA RGYU MTHUN PA YOD DO ZHES BYA BAR JI LTAR RTOGS PAR BYA ZHE NA, SHI BA LA YANG RJES SU 'JUG PA'I PHYIR TE, SHI BA LA RNAM PAR SMIN PA DANG RGYAS PA RJES SU 'JUG PA MI RIGS PA'I PHYIR RO, ,RDZAS DANG LHAN CIG CES BYA BA LA, GCIG KHO NA RDZAS DANG LDAN NO ZHES NGES PAR @76A *, ,GZUNG GI, GCIG RDZAS DANG LDAN PA KHO NA'O ZHES BYA BAR NI MA YIN TE, DE LA 'DUS BYAS BRTAN PA MA YIN PA YANG YOD PA'I PHYIR RO, ,'DUS MA BYAS NI BRTAN PA'I PHYIR RAM, 'DUS BYAS THAMS CAD SPANGS PA'I SGO NAS DGE BA DANG RTAG PA'I PHYIR RDZAS SO, ,'JIG RTEN NA GSER LA SOGS PA'I RDZAS LA BRTEN NO ZHES SMRA BA PO DAG YOD DE, DE'I PHYIR DE KHO NA RDZAS YIN GYI GZHAN NI RDZAS MA YIN NO ZHES BYA BAR GRUB BO, ,GANG LAS SHEN, RDZA SA NGAN PA'I PHYIR CHUNG MA NGAN PA BZHIN NO, ,THA MA GSUM SKAD CIG MA STE ZHES BYA BA LA, THAM GSUM KHO NA SKAD CIG MA STE ZHES BYA BA NGES PAR GZUNG NGO, ,GAL TE 'DUS BYAS THAMS CAD SKAD CIG MA NYID MA YIN NAM ZHE NA, DE BZHIN NO ZHES SMRA'O, ,'O NA NI JI LTAR THA MA GSUM KHO NA SKAD CIG MA YIN ZHE NA, DE BSTAN PA'I PHYIR, DE DAG NI ZAG PA MED PA'I DBANG PO SDUG BSNGAL LA CHOS SHES PA'I BZOD PA'I TSOGS LA SKAD CIG MA GCIG RGYU MTHUN PA LAS BYUNG BA MA YIN PAR 'GYUR TE, DE'I PHYIR SKAD CIG MA ZHES BYA BA SMOS TE, DE DAG LA RGYU MTHUN PA LAS BYUNG BA MA YIN PA'I SKAD CIG YOD PAS NA SKAD CIG MA RNAMS SO, ,JI LTAR DE DAG RGYU MTHUN MA YIN PA'I SKAD CIG MAR 'GYUR ZHE NA, ZAG PA MED PA'I SKAL BA MNYAM PA'I RGYU MED PAS SGAL BA MNYAM PA'I RGYU MED PAR SKYES PA'I PHYIR RO, ,'DUS BYAS KYI CHOS GZHAN NI RGYU MTHUN PA LAS MA BYUNG BA 'GA' YANG MED PAS DE DAG NI SKAD CIG MA MA YIN NO, ,SDUG BSNGAL LA CHOS SHES PA'I BZOD PA'I SKAD CIG MA NI SKAL BA MNYAM PA'I RGYU LA LTOS PA MED PAR SKYE STE, MTSUNGS PA DE MA THAG PA'I RKYEN CHES STOBS DANG LDAN PA'I PHYIR RO, ,DE'I RGYU STOBS DANG LDAN PA NYID NI 'PHAGS PA'I LAM DANG RNAM PA MTSUNGS PA'I CHOS DU MAS GSOS BTAB CING, DE'I BDAG NYID DU GYUR PA NI DON DE LA RAB TU SPYOR BA'I PHYIR RO, SNGAR BSHAD PA'I KHAMS GSUM PO GANG DAG YIN PA DE DAG BSTAN PA'I PHYIR, DE LA SDUG BSNGAL LA CHOS SHES PA'I BZOD PA DANG MTSUNGS PAR LDAN PA'I ZHES BYA BA RGYA CHER SMOS TE, SDUG BSNGAL LA CHOS SHES PA'I BZOD PA DANG MTSUNGS PAR LDAN PA'I RNAM PAR SHES PA GANG YIN PA DE NI YID KYI KHAMS DANG YID KYI RNAM PAR SHES @76B PA'I KHAMS YIN NO, ,LHAG MA BZOD PA DANG LHAN CIG 'BYUNG BA TSOR BA LA SOGS PA MTSUNGS PAR LDAN PA RNAMS DANG, THOB PA DANG SKYE BA LA SOGS PA DANG LDAN PA MA YIN PA RNAMS DANG, ZAG PA MED PA'I SDOM PA NI CHOS KYI KHAMS SO, ,GANG MIG GI KHAMS DANG MI LDAN BA ZHES BYA BA RGYAS PAR 'BYUNG NGO, ,'DI'I 'BREL PA GANG YIN ZHE NA, CHOS MNGON PA NI MTSAN NYID KYIS RAB TU PHYE BA'I PHYIR 'DI LA 'BREL PA CI ZHIG BYA, CHOS MNGON PA'I LUGS SHES PA RNAMS NI, MTSAN NYID 'CHAD PA NA 'BREL PA LA GUS PAR MI BYED DO, ,RNAM PA GCIG TU NA MIG DANG MIG GI RNAM PAR SHES PA DAG BSHAD ZIN DANG, DA NI DE GNYIS KYI 'THOB PA DANG LDAN PA DAG BSAM PAR BYA'O ZHES BYA BA 'DI NI 'BREL PA YIN NO, ,SO SO ZHES BYA BA NI MU GNYIS TE, MIG GI KHAMS DANG YIN LA, MIG GI RNAM PAR SHES PA'I KHAMS DANG MA YIN PA YANG YOD CES BYA BA DANG, MIG GI RNAM PAR SHES PA'I KHAMS DANG YIN LA; MIG GI KHAMS DANG MA YIN PA YOD CES BYA'O, ,LHAN CIG CES BYA BA NI MU GSUM PA STE, MIG GI KHAMS DANG YIN PA DANG, MIG GI RNAM PAR SHES PA'I KHAMS DANG YIN PA'O, ,DANG ZHES BYA BA NI MU BZHI PA STE, MIG GI KHAMS DANG MIG GI RNAM PAR SHES PA'I KHAMS DANG MA YIN PA YANG YOD DE ZHES BYA'O, ,YANG GI SGRA'I DON NI 'BREL PA LAS 'CHAD DO, ,'DOD PA'I KHAMS NA RIM GYIS MIG GI DBANG PO 'THOB PA DANG ZHES BYA BA LA, 'DOD PA'I KHAMS SMOS PA NI GZUGS KYI KHAMS BSAL BAR BYA BA'I PHYIR RO, ,RIM SMOS PA NI RDZUS TE SKYE BA BZLOG PAR BYA BA'I DON TO, ,GANG GI PHYIR NUR NUR PO LA SOGS PA'I GNAS SKABS NI NYING MTSAMS SBYOR BA NAS BZUNG BA NAS MIG GI RNAM PAR SHES PA DGE BA DANG, NYON MONGS PA CAN DANG LDAN PA KHO NA YIN GYI, LUNG BSTAN MING THOB LHAN CIG SKYE, ,ZHES 'BYUNG BA LAS NA MIG GI KHAMS DANG NI MA YIN TE, DE'I PHYIR GANG GI TSE MIG GI DBANG PO THOB PA DE'I TSE MIG GI KHAMS KHO NA DANG MI LDAN PA THOB KYI, MIG GI RNAM PAR SHES PA'I KHAMS DANG MA YIN TE, SNGAR KHO NA NAS LDAN ZIN PA'I PHYIR RO, ,GZUGS MED PA NAS SHI 'PHOS NAS BSAM GTAN GNYIS PA LA SOGS PAR SKYE BA NA ZHES BYA BA LA, CI MIG @77A *, ,GI KHAMS DANG MI LDAN PA 'THOB KYI, MIG GI RNAM PAR SHES PA'I KHAMS DANG NI MA YIN NO ZHES BYA BAR SKABS SU BAB PA DANG SBYAR RO, ,SOGS PA SMOS PAS NI BSAM GTAN GSUM PA LA SOGS PA BSDU'O, ,GZUGS MED PAR SKYES PA RNAMS GNYIS KA DANG MI LDAN PA'I PHYIR GZUGS MED PA NAS 'CHI 'PHOS NAS ZHES BSHAD DO, ,BSAM GTAN GNYIS PA LA SOGS PAR SKYES PA MIG GI RNAM PAR SHES PA MNGON DU BYED PA DANG ZHES BYA BA LA, BSAM GTAN DANG PO'I SA PA'I 'O, ,DE NI DE'I TSE MIG GI RNAM PAR SHES PA'I KHAMS DANG MI LDAN PA 'THOB KYI, MIG GI KHAMS DANG NI MI LDAN PA YOD PA MA YIN TE, DE DAG NI DBANG PO MA TSANG BA MED PA'I PHYIR SNGAR KHO NA NAS MIG GI KHAMS THOB ZIN PA'I PHYIR RO, ,MIG GI RNAM PAR SHES PA NI BSAM GTAN GNYIS PA'I SA PA MED PA'I PHYIR BSAM GTAN DANG PO'I SA PA'I MIG GI RNAM PAR SHES PA LUNG DU MA BSTAN PA MNGON DU BYED DE, DE'I PHYIR SNGA NAS MI LDAN PAS LTA BA'I TSE KHO NAS MIG GI RNAM PAR SHES PA DANG LDAN PA 'THOB KYI, MIG GI KHAMS DANG NI MA YIN NO, ,DE DAG NAS SHI 'PHOS NAS 'OG MAR SKYE BA NA'O ZHES BYA BA NI BSAM GTAN GNYIS PA NAS SHI 'PHOS NAS TSANGS PA'I 'JIG RTEN NAM 'DOD PA'I KHAMS SU SKYE BA STE, DE NI MIG GI KHAMS DANG LDAN ZIN PA KHO NA YIN LA, MIG GI RNAM PAR SHES PA'I KHAMS DANG NI SNGAR MI LDAN PA LAS SRID PA BAR MA DO'I GNAS SKABS SU LDAN PA 'THOB PO, ,LHAN CIG TU YANG ZHES BYA BA LA SOGS PA 'BYUNG NGO, ,GZUGS MED PA'I KHAMS NAS SHI 'PHOS NAS ZHES BYA BA LA, DE NI SNGAR NAS GNYIS KA DANG MI LDAN PA 'DOD PA'I KHAMS DANG, TSANGS PA'I 'JIG RTEN DU SKYE BA NA CIG CAR LDAN PA 'THOB BO, ,GNYIS KA MA YIN PA NI RNAM PA DE DAG MA GTOGS PA'O ZHES BYA BA NI GZUGS MED PA'I KHAMS NAS SHI 'PHOS NAS DE NYID DU SKYE BA DANG, TSANGS PA'I 'JIG RTEN DANG LDAN PA'I SHI 'PHOS NAS DE NYID DU SKYE BA NA'O, ,THOB PA BSHAD ZIN TO,, ,,DA NI LDAN PA BRJOD PAR BYA STE, GANG MIG GI KHAMS DANG LDAN PA DE MIG GI KHAMS KHO NA DANG LDAN GYI, MIG GI RNAM PAR SHES PA'I KHAMS DANG NI MA YIN TE, RANG GI SA PA MED PA'I @77B PHYIR DANG, BSAM GTAN DANG PO'I SA PA YANG MNGON DU MA BYAS PA'I PHYIR RO, ,MU GNYIS PA NI 'DOD PA'I KHAMS NA ZHES BYA BA RGYAS PAR 'BYUNG BA STE, DE NI MIG GI RNAM PAR SHES PA MA 'ONGS PA KHO NA DANG LDAN GYI, MIG GI KHAMS DANG NI MA YIN NO, ,MA THOB PA DMUS LONG NGO, , NYAMS PA NI MIG LA GNOD PA BYAS PAS LONG BA'O, ,GSUM PA NI 'DOD PA'I KHAMS NA MIG THOB PA DANG, MA NYAMS PA DANG ZHES BYA BA NI GNYIS KA DANG LDAN PA'O, ,BSAM GTAN DANG POR SKYES PA NI DE NA DBANG PO MA TSANG BA MED PA'I PHYIR THOB PA DANG MA NYAMS PA MI BYA'O, , BSAM GTAN GNYIS PA LA SOGS PAR SKYES PA LTA BU'O ZHES BYA BA LA, CI ZHE NA, GNYIS KA DANG LDAN PA'O, ,BZHI PA NI RNAM PA DE DAG MA GTOGS PA'O ZHES BYA BA NI GZUGS MED PAR SKYES PA STE, DE NI GNYIS KA DANG LDAN PA MA YIN NO, ,DE BZHIN DU MIG GI KHAMS DANG, GZUGS KYI KHAMS DAG DANG ZHES BYA BA RGYA CHER 'BYUNG STE, GANG MIG GI KHAMS DANG MI LDAN PA LDAN PA 'THOB PA DE GZUGS KYI KHAMS DANG MA YIN NAM ZHEN, 'DI NI MU BZHI MED DO, ,'O NA CI ZHE NA, TSIG PHYI MA DANG SBYOR BA STE, GANG ZUGS KYI KHAMS DANG MI LDAN PA LDAN PA THOB PA DE MIG GI KHAMS DANG YIN TE, GZUGS MED PA'I KHAMS NAS SHI 'PHOS NAS 'DOD PA'I KHAMS DANG GZUGS KYI KHAMS SU SKYE BA NA'O, ,MIG GI KHAMS KHO NA DANG MI LDAN PA LDAN PA THOB PA YIN GYI, SNGA NAS LDAN PA'I PHYIR GZUGS KYI KHAMS MA YIN PA YOD DE, RIM GYIS MIG GI DBANG PO THOB PA NA'O, ,GANG MIG GI KHAMS DANG YANG LDAN PA DE GZUGS KYI KHAMS DANG YIN NAM ZHE NA, 'DIR YANG MU BZHI MI RIGS TE, 'O NA CI ZHE NA, TSIG SNGA MA DANG SBYOR BA STE, GANG MIG GI KHAMS DANG LDAN PA DE GZUGS KYI KHAMS DANG YANG YIN NO, ,GZUGS KYI KHAMS KHO NA DANG YIN GYI, MIG GI KHAMS DANG MA YIN PA YANG YOD DE, MIG MA THOB DANG NYAMS PA'O, ,GANG MIG GI RNAM PAR SHES PA DANG MI LDAN PA LDAN PA 'THOB PA DE GZUGS KYI KHAMS KYANG MA YIN NAM ZHE NA, MU BZHI STE, MU DANG PO NI BSAM GTAN GNYIS PA LA SOGS PAR SKYES @78A *, ,PA MIG GI RNAM PAR SHES PA MNGON DU BYED BA DANG, BSAM GTAN GNYIS PA LA SOGS PA NAS SHI 'PHOS NAS 'DOD PA'I KHAMS DANG TSANGS PA'I 'JIG RTEN DU SKYE BA NA'O, ,GNYIS PA NI GZUGS MED PA NAS SHI 'PHOS NAS BSAM GTAN GNYIS PA LA SOGS PA DAG TU SKYE NA STE, DE NI GZUGS KYI KHAMS KHO NA DANG MI LDAN PA 'THOB KYI, MIG GI RNAM PAR SHES PA'I KHAMS DANG NI MA YIN TE, MIG GI RNAM PAR SHES PA GNYIS PA LA SOGS PA NAS MED PA'I PHYIR RO, ,MU GSUM PA NI GZUGS MED PA'I KHAMS NAS SHI 'PHOS NAS 'DOD PA'I KHAMS DANG BSAM GTAN DANG PO DAG TU SKYE BA NA STE, DE NI GZUGS KYI KHAMS DANG MI LDAN PA LDAN PA 'THOB LA, MIG GI RNAM PAR SHES PA'I KHAMS DANG YANG YIN NO, ,MU BZHI PA NI GZUGS MED PA'I KHAMS SU SKYES PA DE NAS SHI 'PHOS NAS DE NYID DU SKYE BA DANG, 'DOD PA'I KHAMS DANG BSAM GTAN DANG POR SKYES PA DE DAG DE NAS SHI 'PHOS NAS DE DAG NYID DU SKYE BA'O, ,GANG MIG GI RNAM PAR SHES PA'I KHAMS DANG LDAN PA DE GZUGS KYI KHAMS DANG YIN NAM ZHE NA, 'DIR YANG TSIG SNGA MA DANG SBYOR BA STE, GANG MIG GI RNAM PAR SHES PA'I KHAMS DANG LDAN PA DE GZUGS KYI KHAMS DANG YIN TE, 'DOD PA'I KHAMS DANG, BSAM GTAN DANG POR SKYES PA DANG, BSAM GTAN GNYIS PA LA SOGS PAR SKYES PA MIG GI RNAM PAR SHES PA MNGON DU BYED PA NA'O, ,GZUGS KYI KHAMS KHO NA DANG YIN GYI, RNAM PAR SHES PA'I KHAMS DANG MA YIN PA YANG YOD DE, BSAM GTAN GNYIS PA LA SOGS PAR SKYES PA MIG GI RNAM PAR SHES PA MNGON DU MI BYED PA NA'O, ,NANG GI BCU GNYIS ZHES BYA BA LA, 'DI CI ZHIG TU GZUNG BAR BYA, CI BCU GNYIS NANG KHO NA YIN GYI, 'ON TE BCU GNYIS KHO NA NANG GI YIN ZHE NA, GNYIS KA LTAR YANG NGES PAR GZUNG STE, NGES PAR GZUNG BA NYID KYIS NI GZHAN DAG PHYI'I ZHES BYA BAR GRUB BO, ,GRANGS TZAM ZHIG BSTAN PAS KHYAD PAR DU RTOG PAR MI 'GYUR BAS DE'I PHYIR, BCU GNYIS GANG DAG CE NA ZHES DRIS SO, ,DE DMIGS KYIS DGAR BA'I PHYIR, GZUGS LA SOGS MA GTOGS ZHES BYA BA SMOS @78B SO; ,BDAG GI DBANG DU BYAS NA NI NANG GI STE, NANG GI NYID NI NANG GI'O, ,BDAG MED NA NANG GI'AM PHYI 'DI 'GYUR TE, TSUL KHRIMS MED PAR NI LHAG PA'I TSUL KHRIMS BSLAB PAR MI 'GYUR RO ZHE NA, SEMS NI NGAR 'DZIN PA'I RTEN YIN PA'I PHYIR ZHES BYA BA RGYAS PAR 'BYUNG STE, BDAG TU SMRA BA RNAMS KYIS NGAR 'DZIN PA'I RTEN LA BDAG CES BRJOD DE, 'DI LTAR GZEGS ZAN PA LA SOGS PA RNAMS KYIS NI NGAR 'DZIN PA BDAG GI YON TAN NYID DAM, BDAG GI YUL CAN NYID DU RTOGS SO, ,NGAR 'DZIN PA YANG SEMS LA BRTEN TE, DE YANG RTOG PA'I BDAG MED PA'I PHYIR TE, GANG ZAG SMRA BAR RNAM PAR DPYAD PAR BYA'O, ,'DI LA BDAG TU NGA RGYAL BA BZHAG PAS NA SEMS KHO NA BDAG YIN LA, SEMS LAS BYUNG BA RNAMS KYANG SEMS LA BRTEN PA'I PHYIR SEMS KHO NA LA BDAG TU NYE BAR 'DOGS SO, ,'DIR SEMS LA BDAG TU MNGON PAR BZHED DO ZHES BYA BA 'DI YANG JI LTAR RTOGS SHE NA, DE'I PHYIR, MKHAS PAS BDAG NYID SHIN TU NI, ,ZHES BYA BA RGYAS PAR 'BYUNG NGO, ,'DI YANG LUNG GZHAN LA LTOS TE DON DE NYID KYI KHUNGS YIN GYI, YAN GAR BA NI MA YIN NO ZHES BSTAN PA'I PHYIR, BCOM LDAN 'DAS KYIS GZHAN LAS ZHES BYA BA RGYAS PAR SMOS TE, 'DI LAS NI, SEMS DUL BAS NI BDE BA 'DREN, ,ZHES SEMS DUL BA GSUNGS SO, ,DE'I PHYIR 'DIR BDAG GI SGRA SEMS KHO NA MNGON PAR BZHED DO ZHES BYA BAR SHES SO, ,DE'I PHYIR, MIG LA SOGS PA NI SEMS BDAG TU GYUR PA'I ZHES BYA BA RGYAS PAR 'BYUNG BA LA, BDAG TU GYUR PA'I NI BDAG DANG 'DRA BA'O, ,RTEN GYI DNGOS POR ZHES BYA BA NI RTEN DANG 'DRA BAS NA RTEN TO, ,NYE BAR GNAS PA'I PHYIR ZHES BYA BA LA, MIG LA SOGS PA RNAMS LA GANG ZHIG GZUGS LA SOGS PA DAG LA YOD PA MA YIN PAS SEMS YUL NA MI GNAS PA'I RTEN GYI DNGOS PO GANG ZHIG YOD CE NA, KHYAD PAR GANG ZHIG YOD NA SEMS DE DAG 'GYUR BA'I RJES SU BYED PAR 'GYUR LA, DE DAG 'GYUR BA'I RJES SU BYED PA LAS KYANG RNAM PAR SHES PA DE DAG YUL NA MI GNAS KYANG MIG LA SOGS PA DAG KHO NA MNGON GYI, GZUGS LA SOGS PA DAG LA NI MA YIN TE, 'DI LTAR @79A *, ,TSOR BA BDE BA'AM SDUG BSNGAL DANG MTSUNGS PAR LDAN PA'I RNAM PAR SHES PA NI LUS KYI YUL LA YONGS SU GCOD KYI, GZUGS LA SOGS PA YUL GYI YUL LA NI MA YIN NO, ,DE'I PHYIR KHYAD PAR 'DI LAS MIG LA SOGS PA DANG, GZUGS LA SOGS PA RNAMS RNAM PAR SHES PA SKYED PA'I RGYUR KHYAD PAR MED KYANG RTEN NYID DANG YUL NYID DU 'GRUB PA YIN TE, DE'I PHYIR NANG GI DANG PHYI'I NYID KYANG YIN PA'O, ,GAL TE MIG LA SOGS PA DAG RNAM PAR SHES PA'I RTEN GYI DNGOS PO YIN NA, DE LTA NA 'O NA RNAM PAR SHES PA'I KHAMS DRUG PO DAG CES BYA BA RGYAS PAR 'BYUNG NGO, ,DE DAG YID KYI KHAMS NYID DU MA GYUR PA ZHES BYA BA NA NI DRUG PO 'DAS MA THAG PA'I GNAS SKABS MA THOB PA'O, ,DA LTAR BA'AM MA 'ONGS PA NI SEMS KYI RTEN MA YIN TE, DRUG PO 'DAS MA THAG PA YI, ,RNAM SHES GANG YIN DE YID DO, ,ZHES DE'I TSE YID KYI KHAMS NYID DU RNAM PAR GZHAG PA'I PHYIR RO, ,GANG GIS YANG DE'I TSE NA YANG ZHES BYA BA LA, 'DAS PA'AM DA LTAR BYUNG BA YIN YANG RUNG STE, MIG GI RNAM PAR SHES PA'I KHAMS LA SOGS PA DE DAG NYID DE DAG STE, YID KYI KHAMS YIN NO, ,RNAM PAR SHES PA 'DAS PA LA NI SNGAR MA BYUNG BA'I YID KYI KHAMS NYID DU 'GYUR BA'AM, MIG LA SOGS PA'I RNAM PAR SHES PA'I KHAMS NYID SNGAR YOD PA 'AM LDOG PA MED DE, RNAM PAR SHES PA NYID RNAM PAR SHES PA'I GZHAN GYI RTEN GYI DNGOS POS YID KYI KHAMS SU 'JOG PA'I PHYIR RO, ,DE'I PHYIR YID KYI MTSAN NYID LAS MI 'DA'O, ,DE LTA MA YIN NA ZHES BYA BA 'BYUNG STE, DE LTA MA YIN NA CI LTAR 'GYUR ZHE NA, GAL TE RNAM PAR SHES PA DA LTAR 'BYUNG BA DANG, MA 'ONGS PA'I YID KYI KHAMS SU MI 'GYUR NA NI 'DAS PA YANG YID KYI KHAMS DANG, MIG LA SOGS PAR SHES PAR MI MI 'GYUR RO, ,DE LTA YIN NA, YID KYI KHAMS 'DAS PA KHO NA YIN PAR 'GYUR GYI ZHES BYA BA RGYAS PAR 'BYUNG NGO, ,GAL TE YID KYI KHAMS 'DAS PA KHO NA YIN PAR 'GYUR NA CIR 'GYUR ZHE NA, DE'I PHYIR, KHAMS BCO BRGYAD PO DAG NI ZHES BYA BA SMOS SO, ,YANG CI'I PHYIR DE LTAR 'DOD CE NA, @79B DE'I PHYIR GAL TE RNAM PAR SHES PA MA 'ONGS PA DANG ZHES BYA BA LA SOGS PA SMOS SO, ,DE NYID LA RGYU BSHAD PA NI, MTSAN NYID NI DUS RNAMS SU 'KHRUL PA MED DO ZHES BYA BA STE, 'KHRUL PA RNAMS NI MA 'ONGS PA GZHAN DAG YIN ZHING, DA LTAR BYUNG BA GZHAN DAG YIN LA, 'DAS PA GZHAN YIN PA'O, ,DE'I PHYIR RNAM PAR SHES PA MA 'ONGS PA DANG, DA LTAR BYUNG BA'I MTSAN NYID GANG YIN PA DE NYID 'DAS PA'I YANG YIN TE, RNAM PAR SHES PA MA 'ONGS PA DANG, DA LTAR BYUNG BA YANG YID KYI KHAMS KYI MTSAN NYID RNAM PAR GNAS PA'I PHYIR, 'DAS PA'I DUS SU DE'I MTSAN NYID 'KHRUL PA MED DO, ,DE'I PHYIR RNAM PAR SHES PA RNAMS LA RNAM PAR SHES PA'I RTEN GYI RANG BZHIN NYID NI THAMS CAD KYI TSE YOD PA MA YIN LA, DRUG PO 'DAS MA THAG PA YI, ,RNAM SHES GANG YIN DE YID DO, ,ZHES 'DAS PA RNAMS LA NI MNGON PAR GSAL BA YIN NO, , DE'I PHYIR 'DAS PA DANG, MA 'ONGS PA DANG, DA LTAR BYUNG BA'I RNAM PAR SHES PA'I KHAMS DRUG CAR YANG NANG GI YIN NO ZHES BYA BAR GRUB BO, ,CHOS ZHES BYA BA NI BRTEN PA DANG BCAS ZHES BYA BA LA, BRTEN PA DANG BCAS PA KHO NA'O ZHES BYA BAR NGES PAR GZUNG STE, LHAG MA NI DE DANG MTSUNGS PA DAG KYANG YIN ZHES 'BYUNG BA'I PHYIR RO, ,'DI NI BRTEN PA DANG BCAS PA'I YUL GYI MTSAN NYID DO, ,YUL GANG ZHIG RNAM PAR SHES PA GANG GI DMIGS PAR NGES LA, GAL TE YUL DE LA RNAM PAR SHES PA SKYES PA 'AM ZHES BYA BRGYAS PAR SBYAR BAR BYA'O, ,SKYE BA'I CHOS CAN ZHES BYA BA NI MI SKYE BA'I CHOS CAN LAS KHYAD PAR DU BYED PA'O, ,DE LTAR NA DE NI GZUNG BA 'DZIN PAR 'GYUR BA YIN LA, CHOS KYI KHAMS KYANG GZUNG BA 'DZIN PAR 'GYUR BA DE LTA BU'I MTSAN NYID CAN YIN PAS BRTEN PA DANG BCAS PA ZHES BYA'O, ,GANG LA YOD KYI RNAM PAR SHES PA ZHES BYA BA LA, YID NI SHES BYA MA LUS PA'I YUL CAN YIN PA'I PHYIR TE, GANG LA YID KYI RNAM PAR SHES PA MTHA' YAS PA MA SKYES PA'AM, SKYE BAR MI 'GYUR BA'I CHOS KYI KHAMS DUS GSUM PA DANG, DUS MED PA GANG YIN PA DE NI 'GA' YANG MED DO, ,MTHA' YAS PA ZHES BYA BA NI YONGS SU BGRANG @80A *, ,DU MED PA'O, ,CI LTAR ZHE NA, 'DI LTAR ZHES BYA BA SMOS TE, GANG GI PHYIR ZHES BYA BA'I DON TO, ,GANG GI PHYIR, 'PHAGS PA'I GANG ZAG THAMS CAD LA NI GDON MI ZA BAR CHOS THAMS CAD BDAG MED DO SNYAM PA'I SHES PA 'DI SKYE STE, DE'I PHYIR CHOS KYI KHAMS NI RTAG TU BRTEN PA DANG BCAS PA YIN NO, ,DE'I DMIGS PA YANG RANG GI NGO BO DANG LHAN CIG TU BYUNG BA MA GTOGS PA ZHES BYA BA LA, CHOS THAMS CAD BDAG MED DO SNYAM PA'I SHES PA DE'I DMIGS PA YANG RANG GI BDAG NYID LA BYED PAR 'GAL BAS DE NYID KYIS DE MI 'DZIN PA'I PHYIR RANG GI NGO BO STE, BDAG NYID MA GTOGS PA DANG LHAN CIG 'BYUNG BA STE, DMIGS PA GCIG PAS SEMS LAS BYUNG BA RNAMS MA GTOGS PA DANG, SHIN TU NYE BA'I PHYIR THOB PA DANG SKYE BA LA SOGS PA LDAN PA RNAMS MA GTOGS PA DE DAG LAS GZHAN PA'I CHOS THAMS CAD YIN NO, ,SEMS MTSUNGS PAR LDAN PA DANG BCAS SHING LHAN CIG 'BYUNG BA DANG BCAS PA DE YANG SEMS GZHAN GYIS BDAG MED PAR 'DZIN PA YIN TE, DE LTAR NA SKAD CIG MA GNYIS KYI DMIGS PAR NI CHOS THAMS CAD 'GYUR TE, KUN RDZOB GCIG PUS RANG TSOGS LAS, ,GZHAN NI BDAG MED NYID RIG 'BYUNG, ,ZHES 'CHAD PAR 'GYUR RO, ,'O NA KHAMS BCO BRGYAD PO THAMS CAD BDAG MED PA'I SHES PA'I YUL YIN PA'I PHYIR, CHOS KYI KHAMS BZHIN DU BRTEN PA DANG BCAS PAR 'GYUR RO ZHE NA, MI 'GYUR TE, DE DAG NI RANG GI BYED PA LA LTOS NAS BRTEN PA DANG BCAS PA DANG, DE DANG MTSUNGS PA NYID DU RNAM PAR 'JOG PA'I PHYIR RO, ,LHAG MA NI DE DANG MTSUNGS PA DAG KYANG YIN ZHES BYA BA LA, GAL TE CHOS ZHES BYA BA BRTEN PA DANG BCAS PA KHO NA YIN NO ZHES NGES PAR GZUNG BA NYID KYIS DE LAS GZHAN PA RNAMS BRTEN PA DANG BCAS PA DANG DE DANG MTSUNGS PA NYID DU GRUB NA, YANG CI'I PHYIR RTZOM PAR BYED CE NA, CI NAS KYANG DE KHAMS GCIG LA DE DANG MTSUNGS PA YOD PA MA YIN GYI, 'ON KYANG THAMS CAD GNYIS KA YIN NO ZHES BYA BAR RTOGS PAR 'GYUR BAR KHYAD PAR DU BYA BA'I PHYIR RO, , @80B GANG ZHIG RANG GI LAS MI BYED, ,DE NI DE DANG MTSUNGS PA'O, ,ZHES STON TE, GANG RANG GI LAS BYED PA DE NI BRTEN PA DANG BCAS PA'O ZHES BSHAD PAR 'GYUR RO, ,DE DAG LAS GANG GI LAS GANG YIN ZHE NA, DE LA MIG GANG GIS GZUGS RNAMS MTHONG BA'AM ZHES RGYAS PAR 'BYUNG NGO; ,DE DANG MTSUNGS PA'I MIG LA SLOB DPON RNAMS KYI BLO THA DAD PAR 'GYUR TE, BYE BRAG TU SMRA BA RNAMS NI RNAM PA BZHI YIN NO ZHES ZER RO, ,GZUGS RNAMS MA MTHONG BAR 'GAG PA DANG ZHES BYA BA RGYA CHER 'BYUNG BA LA, MIG DA LTAR BA NI 'GAG PA LA MNGON DU PHYOGS PA'I PHYIR 'GAGS PA ZHES BYA STE, MI RTAG PA NYID KYI BYED PA GNAS PA'I PHYIR RO, ,MA 'ONGS PA NI SKYE BA'I CHOS CAN YIN PA'I PHYIR 'GAG PAR 'GYUR BA ZHES BYA STE, DE NI GDON MI ZA BAR JI LTAR SKYE BA DE BZHIN DU 'GAG PAR 'GYUR BA YIN NO, ,MI SKYE BA'I CHOS CAN GANG YIN PA DE YANG RKYEN MA TSANG PA LAS MI SKYE BA NYID YIN PAS CHES SHIN TU DE DANG MTSUNGS PA YIN NO, ,NUB PHYOGS PA RNAMS KYI LTAR NA RNAM PA LNGA STE ZHES BYA BA RGYAS PAR 'BYUNG STE, JI LTAR ZHE NA, RNAM PA GSUM NI SNGA MA BZHIN NO, ,MI SKYE CHOS CAN NI RNAM PAR SHES PA DANG LDAN PA DANG LDAN PA MA YIN PA STA, JI LTAR MIG DA LTAR BA CUNG ZAD CIG NI RNAM PAR SHES PA DANG LDAN PA YIN LA, 'GA' ZHIG NI MI LDAN PA YIN PA DE BZHIN DU MI SKYE BA'I CHOS CAN YANG YIN NO, ,YID MI SKYE BA'I CHOS CAN KHO NA DE DANG 'DRA BA YIN TE, SKYES PA GDON MI ZA BAR DMIGS PA 'DZIN PA YIN NO, ,'DI LTAR DMIGS PA MED PA'I RNAM PAR SHES PA SKYE BA NI YOD PA MA YIN TE, GNYIS LA BRTEN NAS RNAM PAR SHES PA 'BYUNG NGO ZHES BYA BA'I PHYIR RO, ,RANG GI DBANG PO'I BYED PAS ZHES BYA BA LA, RANG GI DBANG PO'I BYED PA SMOS PAS NI, SKAL BA MNYAM PA'I RGYU LA SOGS PA'I BYED PA GSAL BAR BYA BA'I PHYIR RO, , GCIG GI MIG BRTEN PA DANG BCAS PA GANG YIN PA ZHES BYA BA RGYAS PAR 'BYUNG STE, LHA SBYIN GYI MIG BRTEN PA DANG BCAS PA GANG YIN PA DE NI NAG PO LA SOGS PA THAMS CAD KYI YANG YIN NO, ,DE DANG MTSUNGS PA RNAMS KYANG DE BZHIN ZHES BYA BA LA, GCIG GI MIG DE DANG MTSUNGS PA @81A *, ,GANG YIN PA DE NI THAMS CAD KYI YANG YIN TE, YID KYI BAR DU YANG DE DANG 'DRA'O, ,CI'I PHYIR ZHE NA, THUN MONG MA YIN PA'I PHYIR RGYUD GCIG GIS BRTEN PA DANG BCAS PA DANG, DE DANG MTSUNGS PA NYID DU RNAM PAR 'JOG GO, ,GZUGS NI GANG ZHIG LTA BA DE'I BRTEN PA DANG BCAS PA YIN LA, GANG MI LTA BA DE'I NI DE DANG MTSUNGS PA YIN NO, ,DE'I PHYIR ZHE NA, THUN MONG MA YIN PA'I PHYIR RGYUD GCIG GI DBANG GIS GZUGS BRTEN PA DANG BCAS PA DANG, DE DANG MTSUNGS PA NYID DU RNAM PAR GZHAG GO, ,GZUGS GANG LA GCIG LTA BA DE LAS ZHES RGYA CHER 'BYUNG BA LA, GZUGS NI THUN MONG YIN PA'I PHYIR MIG GI RNAM PAR SHES PA DU MA BSKYED PA'I NUS PA YOD DO, ,DE'I PHYIR DE NI RGYUD DU MA'I DBANG GIS RNAM PAR GZHAG PA'I PHYIR GANG GIS LTA BA DE'I BRTEN PA DANG BCAS PA YIN GYI, THAMS CAD KYI NI MA YIN NO; ,LHA SBYIN GYIS MIG GIS NI GZHAN NAM YANG LTA BA MA YIN NO, ,BSGRE BA NI, GZUGS JI LTA BA DE BZHIN DU SGRA DANG ZHES RGYAS PAR SMOS SO, ,SGRA NI DE LTA YIN DU CHUG NA ZHES BYA BA NI RGOL BA PO RJES SU YID MA RANG BA'O, ,DRI LA SOGS PA NI GANG DAG GCIG GIS 'DZIN PA DE DAG GZHAN GYIS MI 'DZIN TO, ,JI LTAR ZHE NA, PHRAD NAS 'DZIN PA'I PHYIR RO ZHES BYA BA SMOS TE, DE'I MIG LA SOGS PA BZHIN DU DE DAG KYANG THUN MONG MA YIN NO, ,'DI LA SMRAS PA, GCIG GI SNA LA SOGS PA'I RNAM PAR SHES PA SKYED PAR 'GYUR BA'I DRI LA SOGS PA GANG DAG YIN PA ZHES BYA BA LA, RES 'GA' ZHIG RKYEN NYE NA DE DAG NYID THUN MONG YIN PA'I PHYIR GZHAN GYI SNA LA SOGS PA'I YUL DU SKYES PA NA, DE DAG GI RNAM PAR SHES PA SKYED PAR 'GYUR BA SRID PA DE NI YOD KYI, GZHAN GYI MIG GIS GZHAN LTA BA NI NAM YANG YOD PA MA YIN TE, THUN MONG MA YIN PA NYID KYI PHYIR RO, ,GAL TE CHOS KYI KHAMS KYANG THUN MONG YIN PA'I PHYIR GZUGS LA SOGS PA BZHIN DU RGYUD DU MA'I DBANG GIS BRTEN PA DANG BCAS PA DANG, DE DANG MTSUNGS PA NYID DU CI'I PHYIR RNAM BAR MI 'JOG CE NA, GZUGS NE DA LTAR BYUNG BA KHO NA MTHONG GI 'DAS PA DANG, MA 'ONGS @81B PA DANG; MI SKYE BA'I CHOS CAN NI MA YIN TE, REG BYA'I BAR DU YANG DE DANG 'DRA'O, ,DE'I PHYIR GZUGS LA SOGS PA RNAMS KYI BRTEN PA DANG BCAS PA DANG, DE DANG MTSUNGS PA'I NGO BO RGYUD DU MA'I DBANG GIS BYA BA BYED PA LAS RNAM PAR GZHAG GO, ,CHOS ZHES BYA BA LA NI RNAM PAR RTOG PA DE LTA BU YOD PA MA YIN TE, DE NI DUS GSUM DANG, DUS SUM GTOGS PA LA YANG RNAM PAR SHES PA'I YUL YIN PA'I PHYIR RO, ,MIG GI RNAM PAR SHES PA LA SOGS PA DAG GI ZHES BYA BA RGYA CHER 'BYUNG BA LA, JI LTAR BRTEN PA DANG BCAS PA DANG, DE DANG MTSUNGS PA NYID YIN ZHE NA, DE'I PHYIR SKYE BA DANG MI SKYE BA'I CHOS CAN YIN PA'I PHYIR TE ZHES BYA BA SMOS TE, DMIGS PA MED PA'I RNAM PAR SHES PA NI SKYE BA MED PA'I PHYIR RO, ,DE NYID KYI PHYIR, YID KYI KHAMS JI LTA BA BZHIN NO ZHES DPER BRJOD PA SMOS SO, ,SKYE BA'I CHOS CAN GYI YID NI BRTEN PA DANG BCAS PA YIN LA, MI SKYE BA'I CHOS CAN NI DE DANG MTSUNGS PA YIN PA DE BZHIN DU 'DIR YANG YIN NO, ,BRTEN PA DANG BCAS PA'I DON CI ZHE NA, BRTEN PA NI BRTEN PA'O, ,DE 'DI DAG LA YOD PAS BRTEN PA DANG BCAS PA RNAMS SO, ,DE YANG DBANG PO DANG, YUL DANG, RNAM PAR SHES PA RNAMS PHAN TSUN BRTEN PA GANG YIN PA STE, RTEN DANG YUL DANG YUL CAN GYI DNGOS POR PHAN TSUN RJES SU MTHUN PA NYID CES BYA BA'I DON TO, ,YANG NA BYED PA LA BRTAN PA STE, GANG ZHIG GANG GIS BYED PA YIN PA DE LA DE RJES SU MTHUN PA'I NGO BO'O, ,DPER NA MIG GI DBANG PO'I BYED PA LTA BA YIN PA DANG, RNAM PAR SHES PA'I RNAM PAR SHES PA DANG, GZUGS KYI DE DAG GI YUL GYI DNGOS POR GNAS PA YOD PA LTA BU STE, DE BZHIN DU GZHAN LA YANG BRJOD PAR BYA'O, ,YANG NA 'BRAS BU REG PA 'DRA BA'I PHYIR TE, RTEN MTSUNGS PA YIN NO ZHES BYA BAR SBYAR RO; 'DI LTAR REG PA NI DE DAG LA RAG LAS PA'I PHYIR YUL DANG, DBANG PO DANG, RNAM PAR SHES PA BRTEN PAS BRTEN PA YIN TE, DE'I PHYIR BRTEN PA MTSUNGS PA DAG STE, REG PA MTSUNGS ZHES BYA BA'I DON TO, ,DE DAG GI REG PA NI SEMS LAS BYUNG BA'I CHOS 'BRAS BU MTSUNGS @82A *, ,PA DES NA RGYUN DNGOS POR MTSUNGS PA'I PHYIR TE, 'DRA BA'I PHYIR RO ZHES BYA BA'I DON TO, ,GANG DAG BRTEN PA DANG BCAS PA MA YIN PA ZHES BYA BA RGYAS PAR 'BYUNG STE, DE DAG NI BRTAN PA DANG BCAS PA DE DAG DANG 'DRA BAS DE DANG MTSUNGS PA DAG GO, ,TSUL GANG GIS SHE NA; BSHAD PA, RIGS MTHUN PAS MTSUNGS PA'I PHYIR TE, DE DANG 'DRA BA'I PHYIR RO ZHES BYA BA'I DON TO, ,DE DAG GNYIS KA YANG LTA BA DANG, SKYE MCHED GCIG DANG, KHAMS GCIG YIN NA'O, ,YANG NA PHAN TSUN RGYU YIN PA'I RIGS 'DRA BA STE, PHAN TSUN 'BREL PA'I PHYIR DANG, PHAN TSUN 'DREN PAR BYA BA'I PHYIR RO, ,MTHONG BAS SPANG BAR BYA BA'I KHAMS RNAMS NI DU ZHES BYA BA RGYA CHER 'BYUNG STE, DE LA GANG DAG MTHONG BAS SPONG BAR 'GYUR BA DE DAG NI MTHONG BAS SPANG BAR BYA BA RNAMS SO, ,GANG DAG BSGOM PAS SPONG BAR 'GYUR BA DE DAG NI BSGOM PAS SPANG BAR BYA BA RNAMS SO, ,ZAG PA MED PA DAG NI SPANG BAR BYA BA MA YIN PA'O, ,YANG RNAM PA DGU CHAR YANG RDO BCAG PA'I TSUL DU LAM RNAM PA GCIG GIS SPONG BA DE DAG NI MTHONG BAS SPANG BAR BYA BA'O, ,RNAM PA DGU, LAM RNAM PA DGUS PADMA'I RTZA BA'I THAG PA'I TSUL DU SPONG BA GANG DAG YIN PA DE DAG NI BSGOM PAS SPANG BAR BYA BA STE, MTHONG BA DANG BSGOM PAS SPANG BAR BYA BA'I RNAM PAR GZHAG PA NI, ZAG PA DANG BCAS PAS MTHONG BAS SPANG BAR BYA BA DAG KYANG YOD DO, ,BSGOM PAS SPANG BAR BYA BA DAG KYANG YOD CES RGYAS PAR MDO NYID LAS GSUNGS SO, ,RE ZHIG GZUGS CAN ZHES BYA BA RGYAS PAR 'BYUNG STE, GZUGS CAN MA YIN PA RNAM PAR GCAD PAR BYA BA'I PHYIR RO, ,BCU ZHES BYA BA NI CHOS KYI KHAMS GSAL BAR BYA BA'I PHYIR RO, ,LNGA YANG ZHES BYA BA NI YID KYI RNAM PAR SHES PA'I KHAMS MA GTOGS PA MIG LA SOGS PA'I RNAM PAR SHES PA'I KHAMS DAG GO, ,'DI LTA BU CI ZHIG TU NGES PAR GZUNG ZHE NA, KHAMS LNGA PO DAG NI BSGOM PAS SPANG BAR BYA BA KHO NA'O ZHES BYA BAR NGES PAR GZUNG GI ,DE DAG KHO NA BSGOM PAS SPANG BAR BYA BA'O ZHES NI MA YIN TE, THA MA'I RNAM GSUM ZHES 'BYUNG BA'I PHYIR RO, ,DE LA GZUGS CAN BCU PO @82B DAG NI BSGOM PAS SPANG BAR BYA BA NYID YIN TE, BDEN PA DAG LA LOG PAR RTOGS PA MED PA'I PHYIR RO, ,JI LTAR LOG PAR RTOGS PA MED CE NA, DMIGS PA MED PA'I PHYIR RO, ,MIG LA SOGS PA'I RNAM PAR SHES PA LNGA PO DAG NI DMIGS PA DANG BCAS PA NYID YIN DU ZIN YANG KHA PHYIR BLTAS PAR 'JUG PA'I PHYIR BSGOM PAS SPANG BAR BYA BA NYID DO, ,MTHONG BAS SPANG BAR BYA BA RNAMS NI KHA NANG DU BLTAS PAS 'JUG STE, NGES PAR RTOG PAS 'JUG PA'I PHYIR RO, ,SPANG BAR BYA BA MA YIN PA YANG MA YIN TE, ZAG PA DANG BCAS PA'I PHYIR RO, ,YANG GI SGRA NI BSDU BA'I DON TO; ,THA MA'I GSUM RNAM GSUM ZHES BYA BA LA, 'DON PA'I GO RIMS KYIS MTHA' NA YOD PA'I PHYIR THA MA'O, ,PHRA RGYAS BRGYAD CU RTZA BRGYAD NI KHAMS GSUM GYI BDEN PA MTHONG BAS SPANG BAR BYA BA DAG GO, ,DE DAG DANG LHAN CIG 'BYUNG BA SMOS PAS NI DE DAG DANG MTSUNGS PAR LDAN PA SEMS DANG SEMS LAS BYUNG BA RNAMS DANG, DE DAG GI MTSAN NYID DANG, PHRA RGYAS RNAMS KYI LHAN CIG SKYES PA'I THOB PA SDUD DO, ,DE DAG GI THOB PA ZHES BYA BA NI GANG DAG SNGAR SKYES PA DANG, PHYI NAS SKYE BA DE DAG SDUD DO, ,RJES SU 'BRANG BA DANG BCAS PA ZHES BYA BA NI DE DAG GI RJES SU 'BRANG BA RJES KYI THOB PA DANG MTHUN PA'I MTSAN NYID RNAMS SO, ,DE LA PHRA RGYAS BRGYAD CU RTZA BRGYAD DANG MTSUNGS PAR LDAN PA'I RNAM PAR SHES PA NI YID KYI KHAMS DANG, YID KYI RNAM PAR SHES PA'I KHAMS SO, ,LHAG MA MTSUNGS PAR LDAN PA PHRA RGYAS DAG DANG LHAN CIG PA RNAMS DANG LDAN PA MA YIN PA RNAMS KYI CHOS KYI KHAMS TE, KHAMS GSUM PO 'DI DAG NI MTHONG BAS SPANG BAR BYA BA RNAMS SO, ,ZAG PA DANG BCAS PA LHAG MA RNAMS NI BSGOM PAS SPANG BAR BYA BA DAG YIN NO ZHES BYA BA DAG 'BYUNG STE, MA MTHONG BA ZAG PA MED PA RNAMS NI SPANG BAR BYA BA MA YIN PA DAG GO ZHES BYA BA NI LAM GYI BDEN PA DANG, 'DUS MA BYAS KYIS BSDUS PA'I KHAMS GSUM PO DE NYID DE, NYES PA MED PA NI SPANG BAR MI 'OS LA, CHOS ZAG PA MED PA RNAMS KYANG NYES PA MED PA YIN NO, ,SO SO'I SKYE BO NYID DANG ZHES BYA BA RGYAS PAR 'BYUNG STE, KHA CIG NA RE GANG GI PHYIR SO SO'I SKYE @83A *, ,BO NYID DANG, NGAN SONG BA'I LUS DANG, NGAG GI LAS KYANG 'PHAGS PA'I LAM DANG 'GAL BA'I PHYIR 'JIG TSOGS DANG, MTHAR 'DZIN PAR LTA BA LA SOGS PA LTAR MTHONG BAS SPANG BAR BYA BA YIN TE, 'DI LTAR LAM GYI SKAD CIG DANG POR SKYES PA NA SO SO'I SKYE BO NYID DANG MI LDAN PA 'THOB PA DANG, RGYUN DU ZHUGS PA LOG PAR MI LTUNG BA'I CHOS CAN NO ZHES KYANG BSHAD NA, NGAN SONG BA'I LUS DANG NGAG GI LAS MA SPANGS PAR NI NGAN SONG ZAD PAR YANG MI RIGS SO, ,DE'I PHYIR PHRA RGYAS BRGYAD CU RTZA BRGYAD DANG, DE DAG DANG LHAN CIG PA'I 'BYUNG BA DANG ZHES BYA BA LA SOGS PA NI SHIN TU NYUNG BAR BRJOD PA YIN NO ZHES ZER RO, ,'DI LA LAN BRJOD PAR BYA STE, SO SO'I SKYE BO NYID DANG, NGAN SONG BA'I LUS DANG, NGAG GI LAS DE DAG NI MTHONG BAS SPANG BAR BYA BA MA YIN TE, CI'I PHYIR ZHE NA, DE'I PHYIR MDOR BSDU BA NI 'DI YIN NO ZHES BYA BA SMOS SO, ,NYON MONGS CAN MIN MTHONG YANG MIN, ,ZHES BYA BA 'DIS NI SO SO'I SKYE BO NYID SPANG BAR BYA BA NYID MA YIN NO ZHES STON TO, ,GZUGS MIN ZHES BYA BA 'DIS NI NYON MONGS PA CAN YIN YANG NGAN SONG BA'I LUS DANG, DAG GI LAS MTHONG BAS SPANG BAR BYA BA MA YIN NO ZHES STON TO, ,DRUG PA MIN SKYES MIN ZHES BYA BA 'DIS NI NYON MONGS PA CAN YIN YANG, MTHONG BAS SPANG BAR BYA BA MA YIN NO ZHES STON PAR BYED DO, ,GAL TE, BCU NI BSGOM PAS SPANG BYA YIN NO, ,LNGA YANG ZHES BSHAD NA, YANG CI'I PHYIR, GZUGS MIN DRUG PA MIN SKYES MIN, ,ZHES BRJOD CE NA, NGES PAR BYA BA'I PHYIR RO, ,THA MA GSUM NI RNAM GSUM MO, ,ZHES BSHAD PA DER NYON MONGS PA CAN MA YIN PA NI MTHONG BAS SPANG BAR BYA BA MA YIN LA, NYON MONGS PA CAN YIN YANG RNAM PAR RIG BYED MA YIN PA'I GZUGS MTHONG BAS SPANG BAR BYA BA MA YIN ZHING, NYON MONGS PA CAN YIN YANG TSOR BA LA SOGS PA DRUG PA LAS SKYES PA MA YIN PA MTHONG BAS SPANG BAR BYA BA MA YIN NO ZHES NGES BAR BYED PA YIN TE, DE NYID KYI PHYIR, NYON MONGS PA CAN MA YIN PA NI MTHONG BAS SPANG BAR BYA BA CUNG ZAD KYANG MED LA, GZUGS KYANG MA YIN NO, ,SO @83B SO'I SKYE BO NYID NI NYON MONGS PA CAN MA YIN PA'I LUNG DU MA BSTAN PA YIN TE ZHES BYA BA SMOS TE, MA BSGRIBS LA LUNG DU MA BSTAN ZHES BYA BA'I DON TO, ,MI DGE BA'I CHOS THAMS CAD KYI GZHIR GYUR PA GANG YIN PA DE NYON MONGS PA CAN MA YIN PAR MI RIGS SO ZHES BYA BA LOG PAR RTOGS PA LA DE RAB TU BSGRUB PAR BYA BA'I PHYIR RO, ,DGE BA'I RTZA BA KUN DU CHAD PA DANG, ,ZHES BYA BA RGYAS PAR SMOS SO, ,GAL TE DE DGE BA YIN PAR 'GYUR NA NI DGE BA'I RTZA BA CHAD PA RNAMS SO SO'I SKYE BO MA YIN PAR 'GYUR LA, DGE BA YIN PA'I PHYIR DANG, DE YANG CHAD PA'I PHYIR 'PHAGS PA NYID DU 'GYUR NA DE NI 'DOD PA YANG MA YIN TE, DE'I PHYIR DGE BA MA YIN NO, ,NYON MONGS PA CAN YANG MA YIN TE, NYON MONGS PA CAN SMRAS PA NI MI DGE PA LA MNGON PAR 'DOD DO, ,'DI SKAD BSTAN PAR 'GYUR TE, MI DGE BA YANG MA YIN TE 'DOD CHAGS DANG BRAL BA RNAMS KYANG DE DANG LDAN PA'I PHYIR TE, 'JIG RTEN PA'I 'DOD CHAGS DANG BRAL BA RNAMS SO SO'I SKYE BO NYID DANG LDAN PA'I PHYIR RO, ,MI DGE BA YIN NA NI SA DE PA'I NYON MONGS PA SPANGS PA LTAR DE'I RANG BZHIN SPANG BAR 'GYUR NA, SO SO'I SKYE BO NYID KYI RANG BZHIN NI SPANGS PAR 'DOD PA YANG MA YIN TE, 'O NA CI ZHEN, DE LA DMIGS PA'I 'DUN PA 'DOD CHAGS SPANGS PAS SPONG BAR 'GYUR RO, ,SO SO'I SKYE BO NYID NI NYON MONGS PA CAN MA YIN TE, DE LTA BAS NA MTHONG BAS SPANG BAR BYA BA MA YIN NO, ,LUS DANG NGAG GI LAS NI GZUGS YIN NA GZUGS NI NYON MONGS PA CAN YIN YANG RUNG STE, MTHONG BAS SPANG BAR BYA BA CUNG ZAD KYANG MED DO, ,CI'I PHYIR ZHE NA, BDEN PA DAG LA SOGS PAR MI RTOGS PA'I PHYIR DANG MTHONG BAS SPANG BAR BYA BA NI NYON MONGS PA RNAMS KYIS KUN NAS BSLANG BA'I PHYIR RO, ,SDUG BSNGAL LA CHOS SHES PA'I BZOD PA NA SO SO'I SKYE BO NYID DU THAL BAR 'GYUR BA'I YANG PHYIR RO ZHES BYA BA LA, GAL TE SDUG BSNGAL LA CHOS SHES PA'I BZOD PAS DE SPONG NA NI BZOD PA SKYES PA NA YANG DES SPANG BAR BYA BA RNAMS DANG LDAN PA'I PHYIR 'PHAGS PA YANG SO SO'I SKYE BOR 'GYUR RO, ,GAL TE KHYOD KYI LTAR NA YANG SO SO'I SKYE BO NYID BSGOM PAS SPANG BAR BYA BA NYID YIN PA'I @84A *, ,PHYIR SLOB PA DANG YANG LDAN PAS NYES PA SHIN TU CHEN POR 'GYUR BA MA YIN NAM ZHE NA, MA YIN TE, SDUG BSNGAL LA CHOS SHES PA'I BZOD PA NYID DANG LHAN CIG TU DE'I THOB PA GCOD PHYIR RO, ,'O NA JI LTAR MA SPANGS SHE NA, DE LA DMIGS PA'I NYON MONGS PA DAG MA SPANGS PA'I PHYIR TE, SNGAR NI DE NYAMS PA NYID YIN GYI SPANGS PA NI MA YIN NO, ,YANG BRAL BA DANG SPANGS PA DAG GI KHYAD PAR NI ZHIG CE NA, CUNG ZAD CIG DANG BRAL BA NI BRAL BA YIN TE, CUNG ZAD ZA BA BZHIN NO, ,RAB TU BRAL BA NI SPANGS PA STE, BRAL BA LA DMIGS PA'I NYON MONGS PA RNAMS SKYE LA, DMIGS PA MA YIN NO ZHES BYA BA GANG YIN PA SRID PA NI MED DO, ,GAL TE SPANGS PA LA DMIGS PA'I NYON MONGS PA MI SKYE NA'O NA NI DANG PO'I RNAM PA SPANGS KYANG DE'I, YUL CAN DRI MA RNAMS KYI LDAN, ,ZHES CI STE BRJOD CE NA, TSUL DE NI NYON MONGS PA CAN YIN LA, SO SO'I SKYE BO NYID NI NYON MONGS PA CAN MA YIN PA'I, LUNG DU MA BSTAN PA YIN PAS 'GAL BA MED DO, ,DRUG PA LAS SKYES PA YANG MA YIN TE, DRUG PA ZHES BYA BA NI YID KYI SKYE MCHED DO ZHES BYA BA LA, DRUG PA LAS SKYED PA NI DRUG PA SKYES TE, YID KYI RNAM PAR SHES PA'O, ,DRUG PA LAS SKYES PA MA YIN PAR NI DRUG PA MIN SKYES TE, DBANG PO LNGA LAS SKYES PA GANG YIN PA'O, ,DE NYID KYI PHYIR, DE LAS GZHAN LAS SKYES PA NI DRUG PA LAS MA SKYES PA STE ZHES BYA BA SMOS TE, DE YANG KHA PHYIR BLTAS PAR ZHUGS PA'I PHYIR MTHONG BAS SPANG BAR BYA BA MA YIN NO, ,MIG DANG CHOS KYI KHAMS PHYOGS NI, ,LTA BA YIN TE ZHES 'BYUNG STE, ,DE LA CHOS THAMS CAD KYI NANG NAS LTA BA'I RANG BZHIN NI CHOS GNYIS YIN TE, GZUGS CAN RNAMS LAS NI MIG GI DBANG PO'O, ,GZUGS CAN MA YIN PA RNAMS LAS NI SHES BYA RTOGS PAR SEMS PA RGYU BA GSAL BA CAN GYI SHES RAB KHA NANG DU BLTAS PAR ZHUGS PA'O, ,DE LA RE ZHIG MIG GI MTSAN NYID NI, ,DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,ZHES BSHAD ZIN TO, ,GAL TE YANG DAG PA'I LTA BA SMOS PAS 'DI DAG GSUM CHAR YANG BSTAN PAR 'GYUR BA MA YIN NAM ZHE NA, DE LTA YIN MOD @84B KYI; SO SO'I SKYE BO DANG, SLOB PA DANG, MI SLOB PA'I SA BSTAN PAR BYA BA'I PHYIR DANG, SKYE BA'I RIM PA BSTAN PAR BYA BA'I PHYIR RNAM PA GSUM DU DBYE BAR BYA'O, ,DE LA 'JIG TSOGS LA LTA BA LA SOGS PA RNAMS NI 'DOD CHAGS LA SOGS PA BZHIN DU PHRA RGYAS KYI RANG BZHIN YIN PA'I PHYIR PHRA RGYAS BSTAN PAR STON PA'I DUS LA BAB PAR 'GYUR RO, ,JI SKAD CE NA, BDAG DANG BDAG GI RTAG CHAD DANG, ,ZHES BYA BA LA SOGS PAR RO, ,LTA BA GSUM PO DAG GI RANG GI NGO BOR NI GZHAN DU STON PA'I SKABS MED PAS 'DI NYID DU DE DAG GI RANG GI NGO BO BSTAN TO, ,MIG LA SOGS PA'I RNAM PAR SHES PA DANG MTSUNGS PAR LDAN PA'I SHES RAB DANG, MI DGE BA DANG, LUNG DU MA BSTAN PA DANG, ZAG PA MED PA YOD PAS DE'I PHYIR, YID KYI RNAM PAR SHES PA DANG MTSUNGS PAR LDAN PA'I SHES RAB DGE BA ZAG PA DANG BCAS PA'O ZHES KHYAD PAR RNAM PA GSUM BRJOD DO, ,SLOB PA'I ZAG PA MED PA'I SHES RAB NI SLOB PA'I LTA BA STE, SLOB PA SMOS PA NI MI SLOB PA LAS KHYAD PAR DU BYA BA'I PHYIR RO, ,ZAG PA MED PA SMOS PA NI ZAG PA DANG BCAS PA LAS KHYAD PAR DU BYA BA'I PHYIR RO, ,MI SLOB PA'I ZAG PA MED PA'I SHES RAB NI MI SLOB PA'I LTA BA'O, ,SPRIN DANG BCAS PA DANG, SPRIN MED PA'I MTSAN MO DANG, NYIN MO'I GZUGS LA LTA BA BZHIN DU ZHES BYA BA RGYAS PAR 'BYUNG STE, DE LA SNANG BA DANG BRAL BA'I PHYIR MUN PAS ZIL GYIS GNON PA'I PHYIR MTSAN MO SGANG GSHONG SPEL MA DAG LA PHYIN CI LOG TU LTA BA DE BZHIN DU, 'JIG RTEN PA'I NYON MONGS PA CAN DAG GIS CHOS LA LTA'O, ,'JIG RTEN GYI LTA BAS NI 'GRO BA RTAG TU MTSAN MOR GYUR PAR MTHONG STE, ZAG PA MED PA'I YE SHES KYI SNANG BA MED PA'I PHYIR RO, ,DE LA NI MA RIG PA'I RKYEN GYI DRA BAS G-YOGS PA'I PHYIR, NYON MONGS PA CAN GYI CHOS KUN DU SPYOD PA'I GNAS SKABS NA 'GRO BA SPRIN DANG BCAS PA'I MTSAN MO DANG 'DRA BAR 'GYUR TE, 'DI LTAR MI RTAG PA DANG, STONG PA DANG, BDAG MED PA LA SOGS PA'I NGO BO YOD PAR MI MTHONG BAR RTAG PA LA SOGS PA'I NGO BO YOD PA MA YIN PA RTOG PA'I PHYIR RO, ,DE NAS 'JIG RTEN PA'I @85A *, ,YANG DAG PA'I LTA BAS LTA BA CHOS YONGS SU DAG PAR 'GYUR TE, SPRIN DANG BRAL BAS ZLA BA'I 'OD KYIS MUN PA BCOM PA'I MTSAN MO'I GZUGS DMIGS PA BZHIN NO, ,'JIG RTEN PA'I LTA BAS NYON MONGS PA CAN MA YIN PA DAG GIS NI DE LTAR CHOS LA BLTA STE, SPRIN GYI DRA BA LTA BU'I GTI MUG MED PA'I PHYIR RO, ,MI RTAG PA DANG, STONG PA DANG, BDAG MED PA LA SOGS PA'I NGO BOR LTA BA YOD MOD KYI YONGS SU GSAL BA NI MA YIN NO, ,DE NAS SLOB PA'I LTA BA NI NYI MA'I DKYIL 'KHOR SPRIN GYIS G-YOGS PA'I NYIN MO GZUGS MTHONG BA BZHIN TE, SLOB PA'I LTA BA DAG GIS NI DE LTAR CHOS LA LTA'O, ,SLOB PA LA NI ZAG PA MED PA'I YE SHES KYI SNANG BA MNGON DU GYUR PA'I PHYIR 'GRO BA NYIN MO LTA BUR GYUR PA YIN TE, MA RIG PA'I SPRIN GYI DRA BA LHAG MA DANG BCAS PA'I PHYIR NI SPRIN DANG BCAS PA LTA BUR 'GYUR RO, ,JI LTAR NYI MA'I 'OD ZER GYIS MUN PA BSAL BA'I NYIN MO GZUGS DMIGS PA LTAR MI SLOB PA'I LTA BA DAG GIS CHOS LA LTA BA YANG DE BZHIN TE, NYON MONGS PA CAN GYI MA RIG PA'I SPRIN GYI DRA BA MA LUS PA DANG BRAL BA'I PHYIR RO, ,DE'I PHYIR MI SLOB PAS NI CHOS LA GSAL BAR LTA BAR 'GYUR RO, ,'O NA JI LTAR SANGS RGYAS BCOM LDAN 'DAS KYIS GZIGS PA PHUL DU BYUNG BAR 'GYUR BA ZHES BYA BA BRJOD PAR BYA'O ZHE NA, SANGS RGYAS BCOM LDAN 'DAS RNAMS NI NYON MONGS PA CAN MA YIN PA'I MA RIG PA'I SPRIN GYI DRA BA MA LUS PA DANG BRAL BA'I PHYIR LA, DGRA BCOM PA RNAMS NI MA YIN NO ZHES BYA BA 'DI NI KHYAD PAR RO, ,RNAL 'BYOR PA RNAMS JI LTA JI LTAR SHES RAB GOMS PA'I SGO NAS SNYING GI MUN PA SPONG BA DE LTA DE LTAR DMIGS PA RNAM PAR DAG PAR KHYAD PAR DU 'GYUR TE, 'DI LTAR DMIGS PA RNAM PAR DAG PA DANG, RNAM PAR DAG PA MA YIN PA NI CUNG ZAD KYANG MED KYI, RNAM PAR DAG PAS RNAM PAR DAG PAR 'GYUR ZHES BYA BA NI BLO DRI MA DANG BCAS PAS DRI MA CAN DU BYAS PA DANG, DAG PAS DAG PAR BYAS PAR NGES PAR GZUNG BA'O, ,BSDUS PA'I DON NI 'DI YIN TE, LTA BA RNAMS NI RNAM PA LNGA STE, LUNG DU MA BSTAN PA DANG, NYON MONGS PA CAN DANG, DGE BA ZAG PA DANG BCAS PA DANG, SLOB PA DANG, @85B MI SROB PA'I DBYE BAS SO, ,DE LA LUNG DU MA BSTAN PA'I RIGS PAS NI MI LTA BA YIN GYI, RNA BA LA SOGS PA DANG, SHES RAB MA BSGRIBS LA LUNG DU MA BSTAN PA THAMS CAD NI MA YIN NO, ,NYON MONGS PA CAN GYI RIGS LAS NI LTA BA LNGA PO DE DAG LAS GZHAN PA'I SHES RAB LTA BA MA YIN TE; DE YANG 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM LA SOGS PA DANG LHAN CIG SKYE BA'O, ,SLOB PA'I RIGS LAS NI LTA BA MA YIN PA'I SHES RAB 'GA' YANG MED DO, ,MI SLOB PA'I RIGS LAS NI ZAD PA DANG, MI SKYE BA SHES PAS LTA BA MA YIN NO; ,DGE BA ZAG PA DANG BCAS PA'I RIGS LAS NI YID KYI RNAM PAR SHES PA DANG MTSUNGS PAR LDAN PA KHO NA YIN GYI, RNAM PAR GYI, RNAM PAR NGA DANG MTSUNGS PAR LDAN PA NI MA YIN TE, DE NYID KYI PHYIR, YANG CI'I PHYIR YID KYI RNAM PAR SHES PA DANG MTSUNGS PAR LDAN PA KHO NA LA ZHES BYA BA SMRAS TE, DGE BA ZAG PA DANG BCAS PA NYID DU KHYAD PAR MED KYANG YID KYI RNAM PAR SHES PA DANG MTSUNGS PAR LDAN PA KHO NA LA BYA'I, RNAM PAR SHES PA LNGA DANG MTSUNGS PAR LDAN PA NI MA YIN ZHE NA, RNAM SHES LNGA DANG MTSUNGS SKYES BLO, ,NGES RTOG MED PHYIR LTA MA YIN, ,ZHES BYA BA 'BYUNG STE, RTOG PAR BYED PA NI LTA BA YIN TE, NGES PAR SEMS PA LAS ZHUGS PA YIN PA'I PHYIR RO, ,NGES PAR RTOG PA NI YUL NGES PAR SEMS PA SNGON DU 'GRO BA CAN NGES PAR 'DREN PAR BYED PA CAN YIN NA RNAM PAR SHES PA LNGA DANG LHAN CIG SKYES PA'I SHES RAB NI DE LTA MA YIN TE ZHES BYA BA RGYAS PAR RO, ,JI LTAR NGES PAR SEMS PA LA MI 'JUG PA'I PHYIR MIG LA SOGS PA DANG MTSUNGS PAR LDAN PA'I SHES RAB RTOG PAR BYED PA MA YIN PA DE BZHIN DU NYON MONGS PA CAN DANG, NYON MONGS PA CAN MA YIN PA'I SHES RAB GZHAN LA RTOG PA LA SEMS PAR MA ZHUGS PA'I PHYIR, RTOG PAR BYED PA MA YIN PAS LTA BA MA YIN TE, DE YANG GONG KHO NAR RGYAS PAR BSHAD ZIN TO, ,GAL TE RTOG PAR BYED PA MA YIN PA'I PHYIR SHES RAB LTA BA YIN NA NI 'O NA NI MIG KYANG RTOG PAR BYED PA NYID MED NA JI LTAR LTA BA YIN ZHE NA, GZUGS LA LTA BA'I DON GYIS TE ZHES BYA BA LA, MIG NI GZUGS LA LTA BA'I @86A *, ,DON GYIS LTA BA ZHES BRJOD DE, NGES PAR RTOG PAR BYED PA'I DON GYIS NI MA YIN LA, SHES RAB NI NGES PAR RTOG PAR BYED PA'I DON GYIS YIN GYI, LTA BA'I DON GYIS NI MA YIN PAS, GNYIS KA YANG LTA BA NYID YIN PAR 'GAL BA MED DO, ,GANG GI PHYIR MIG GIS GZUGS RNAMS MTHONG ZHES BYA BA LA, GZUGS MTHONG BA NI GZUGS LA LTA BA YIN TE, DE'I PHYIR GZUGS LA LTA BA'I DON GYIS MIG LA LTA BA ZHES BYA'O, ,GAL TE MIG GIS MTHONG BAR 'GYUR NA RNAM PAR SHES PA GZHAN DANG LDAN PAS KYANG MTHONG BAR 'GYUR RO ZHE NA ZHES BYA BA NI RNAM PAR SHES PA GZHAN MNGON DU GYUR PAS KYANG ZHES BYA BA'I DON TO, ,DE BZHIN DU RNA BA LA SOGS PAR RANG GI RNAM PAR SHES PA LA LTOS PA MED PA RNAMS LA YANG NYAN PA LA SOGS PA YOD PAR KHAS BLANGS PA'I PHYIR DANG, YUL THAMS CAD CIG CAR DMIGS PAR THAL BAR 'GYUR RO ZHEN; MIG THAMS CAD KYIS MTHONG BA NI MA YIN PA NYID DE, MIG 'GA' ZHIG KHO NAS LTA BAR KHAS BLANGS PA'I PHYIR RO, ,GANG GI TSE RNAM PAR SHES PA DANG BCAS PA ZHES BYA BA NI RNAM PAR SHES PA GNAS PA'O, ,RNAM PAR SHES PA RNAMS NI CIG CAR DBANG PO RNAMS LA GNAS PA YANG MA YIN PAS YUL THAMS CAD CIG CAR DMIGS PAR YANG MI 'GYUR RO, ,DE LTAN 'O NA ZHES BYA BA RGYAS PAR 'BYUNG BA LA, RNAM PAR SHES PA KHO NA LTA BA LA NUS PA DANG LDAN PAR SNANG BA'I PHYIR RNAM PAR SHES PA NYID KYIS MTHONG BAR 'GYUR RO ZHE NA, DE LA BRTEN PA'I RNAM SHES MIN, ,ZHES BYA BA NI MIG LA BRTEN PA'I 'O, ,CI'I PHYIR ZHE NA, DE'I PHYIR, GANG PHYIR BAR DU CHOD PA YI, ,GZUGS NI MTHONG BA'I MIN PHYIR LO, ,ZHES BYA BA SMOS SO, ,LO'I SGRA NI RGYU 'DIS NI RNAM PAR SHES PA MTHONG BA 'GOG PAR NUS PA MA YIN NO ZHES MI 'DOD PAR BSTAN PA'I DON DU'O, ,SLOB DPON 'DUS BA ZANG NA RE, RNAM PAR SHES PA NI MTHONG BA MA YIN TE, RIGS PA DANG LUNG MED PA'I PHYIR DANG, 'JIG RTEN DANG 'GAL BA'I PHYIR RO, ,MIG GI RNAM PAR SHES PAS MTHONG NGO ZHES RNAM PAR GZHAG PA'I RGYU MED PAR RIGS PA MED DO, ,GANG ZHIG THOS PA LAS MIG GI RNAM PAR @86B SHES PA MTHONG NGO ZHES BYA BAR RTOG PAR 'GYUR BA LUNG YANG 'GA' YANG YOD PA MA YIN TE, BCOM LDAN 'DAS KYIS MIG KHO NA MTHONG BA'I SGRAS DE DANG DER GSUNGS PA'I PHYIR RO, ,MIG GI RNAM PAR SHES PAS MTHONG NGO ZHES BYA BA 'DI NI 'JIG RTEN DANG 'GAL BA YANG YIN TE, MIG MED NA LONG BA ZHES SMRA'I MIG GI RNAM PAR SHES PA MED NA NI MA YIN LA, GANG ZHIG MIG DANG MI LDAN PAR 'GYUR BA DE LA NI LONG BA ZHES BRJOD KYI, MIG GI RNAM PAR SHES PA DANG MI LDAN PA NI MA YIN TE, BSAM GTAN GNYIS PA LA SOGS PAR SKYES PA RNAMS NI MIG GI RNAM PAR SHES PA MNGON DU GYUR PA MED PA NI MIG DANG MI LDAN PA LAS LONG BAR 'GYUR BA MA YIN NO, ,MIG DANG MI LDAN PA'I LONG BA THAMS CAD KYANG MIG GI RNAM PAR SHES PA DANG LDAN PAS MTHONG BA DANG BRAL BAR MI RIGS SO ZHES ZER TE, ZHAR LA 'ONGS PAS CHOG GI SKABS SU BAB PA NYID BRTZAM PAR BYA BA'O, ,'DI NI PHYOGS TZAM ZHIG YIN GYI, GZHUNG MANGS PA 'JIGS PAS RNAM PAR DPYAD PA RGYAS PAR NI MA BYAS TE, DKYUS MA NYID BRTZAM PAR BYA'O, ,GAL TE RNAM PAR SHES PAS MTHONG BAR 'GYUR NA ZHES ZER BA NI BYE BRAG TU SMRA BA RNAMS TE, GAL TE RNAM PAR SHES PAS MTHONG NA RTZIG PA LA SOGS PA DAG LA THOGS PA MED PA'I PHYIR MCHOD PA LTAR RTZIG PA LA SOGS PAS CHOD PA'I GZUGS KYANG MTHONG BAR GYUR PA NA CHOD PA NI MTHONG BAS YANG MA YIN TE, DE'I PHYIR GANG GIS NA CHOD PA MI MTHONG BAR 'GYUR BA LTA BA'I BDAG NYID MA YIN PAR RGYU GZHAN YOD PA MA YIN NO, ,DE LTA NA GZUGS CHOD PA MI MTHONG BA'I PHYIR RNAM PAR SHES PA LTA BA'I BDAG NYID CAN MA YIN LA, LTA BA'I BDAG NYID CAN MA YIN PA'I PHYIR NA MA CHOD PA YANG MI MTHONG NGO, ,MIG NI LTA BA'I BDAG NYID YIN YANG BAR DU CHOD PA LA THOGS PAS BAR DU CHOD PA'I GZUGS MI MTHONG BA DANG, THOGS PA MED PAS BAR DU MCHOD PAR MTHONG BAR 'GAL BA MED DO, ,BSGRIBS PA LA NI MIG GI RNAM PAR SHES PA MI SKYE BA NYID DE ZHES BYA BA RGYAS PAR 'BYUNG STE, LTA BA'I BDAG NYID MA YIN PA'I PHYIR BSGRIBS PA MI MTHONG BA NI MA YIN NO, ,'O NA CI ZHE NA, MA SKYES PA'I PHYIR MI MTHONG BA'O, ,CI STE MI SKYE ZHES BYA BA RGYAS PAR 'BYUNG STE, RNAM PAR SHES PA @87A *, ,KHO NA YUL LA BYED PA YIN GYI, MIG MA YIN TE, MIG GI RNAM PAR SHES PA KHO NA LA BYED PA YIN LA, MIG YANG THOGS PA MED PA YIN NO, ,DE'I PHYIR YUL DANG DBANG PO YOD NA RNAM PAR SHES PA CI'I PHYIR MI SKYE, GANG GI LTAR NA MIG GIS MTHONG ZHING RNAM PAR SHES PAS SHES PA DE LTAR NA NI RNAM PAR SHES PA RTEN MIG DANG LHAN CIG TU YUL GCIG LA 'JUG PA'I PHYIR, GZUGS GANG ZHIG MIG GIS MTHONG BA DE NYID RNAM PAR SHES PAS RNAM PAR SHES SO, ,DE'I PHYIR RTEN DANG LHAN CIG YUL LA 'JUG CING, MIG KYANG THOGS PA DANG BCAS PA'I PHYIR CHOD PA'I GZUGS LA 'JUG PA MED PA DANG MTHONG BA MED DE, DE'I PHYIR RNAM PAR SHES PA YANG MI SKYE BAR RUNG NGO, ,MIG KYANG LUS KYI DBANG PO BZHIN DU ZHES RGYAS PAR 'BYUNG BA LA, LUS KYI DBANG PO DANG REG BYA LTAR YUL DANG PHRAD PA YIN NA NI CHOD PA MI MTHONG BAR 'GRUB PA ZHIG GO, ,THOGS PA DANG BCAS PA'I PHYIR BAR CHOD KYIS BAR DU BCAD PA'I YUL DANG MA PHRAD PA'I PHYIR MI REG GO ZHES BYA BAR NI RIGS NA MIG GI DBANG PO NI YID LTAR MA PHRAD PA'I YUL CAN YIN PA'I PHYIR BAR DU GCOD PAS CUNG ZAD KYANG BYED PA MA YIN PAS BAR DU CHOD PA'I GZUGS KYANG CI STE MI MTHONG, MCHING BU DANG, LHANG TSER DANG; SHEL DANG, CHU DAG GIS ZHES BYA BA RGYAS PAR 'BYUNG STE, GAL TE MIG THOGS PA DANG BCAS PA'I PHYIR LUS KYI DBANG PO BZHIN RANG GI YUL GCIG PA LA SOGS PAS CHOD PA LA MI 'JUG NA, MCHING BU DANG LHANG TSER LA SOGS PA DAG GIS CHOD PA LA YANG DE KHO NA LTAR MI 'JUG PAR 'GYUR BA ZHIG NA, MCHING BU LA SOGS PA DAG GIS BAR DU CHOD PA NI MTHONG BA YANG YIN NO, ,DE'I PHYIR THOGS PA DANG BCAS PA NYID RGYU MA YIN NO, ,'O NA CI ZHE NA, GANG LA SNANG BA LA GEGS MED NA ZHES BYA BA 'BYUNG STE, MIG GI SNANG BA'I LHAN CIG BYED PA CAN YIN PA'I PHYIR LHANG TSER LA SOGS PA GANG LA SNANG BA LA, GEGS MED NA, DES GZUGS BSGRIBS BZHIN DU YANG MIG GI RNAM PAR SHES PA SKYE BA NYID YIN PAS DES CHOD PA'I GZUGS KYANG MTHONG LA, RTZIG PA LA SOGS PA GANG DU GEGS YOD NA NI DES CHOD PA'I GZUGS LA MIG GI RNAM PAR SHES PA MI SKYE STE, @87B LHAN CIG BYED PA'I RGYU MED PA'I PHYIR RO, ,DE BAS NA MI SKYE BA'I PHYIR RTZIG PA LA SOGS PA DAG GIS BSGRIBS PA MI MTHONG NGO, ,'O NA GANG MDO LAS ZHES BYA BA NI LUNG DANG 'GAL BAR STON TO, ,GAL TE RNAM PAR SHES PAS MTHONG NA NI 'DI SKAD DU, MIG GI RNAM PAR SHES PAS GZUGS RNAMS MTHONG NAS ZHES BYA BAR GSUNGS PAR 'GYUR BA ZHIG NA, MIG GIS GZUGS RNAMS MTHONG NAS MTSAN MAR 'DZIN PAR MI 'GYUR, MNGON RTAGS SU 'DZIN PAR MI 'GYUR ZHES BYA BA DE SKAD DU RGYA CHER GSUNGS PA YANG YIN TE, DE'I PHYIR MIG KHO NAS MTHONG GI RNAM PAR SHES PAS NI MA YIN NO ZHES BYA BAR NGES SO, ,DE NI DE LTAR MA YIN TE, LUNG NI DGONGS PA CAN YIN PA'I PHYIR RO, ,YANG 'DIR DGONGS PA GANG YIN ZHE NA, 'DIR DGONGS PA NI DE LA BRTEN TE ZHES BYA BA 'DI YIN TE ZHES BYA BA STE, MIG LA BRTEN NAS RNAM PAR SHES PAS GZUGS RNAMS MTHONG NAS ZHES BYA BA'I DON TO, , JI LTAR DE LA BRTEN NAS RNAM PAR SHES PAS ZHES BYA BA YIN GYI, MIG KHO NAS MA YIN NO ZHES BYA BA 'DI SHES PAR BYA ZHE NA, DE'I PHYIR, DPER NA YID KYIS CHOS RNAMS RNAM PAR SHES PAR BYAS NAS ZHES BYA BA SMOS TE, MDO DE NYID LAS YID KYIS CHOS RNAMS SHES PAR BYAS NAS MTSAN MAR 'DZIN PAR MI 'GYUR, MNGON RTAGS SU 'DZIN PAR MI 'GYUR ZHES GSUNGS SO, ,YID NI 'DAS PA YIN PA'I PHYIR CHOS RNAMS RNAM PAR MI SHES SO ZHES BYA BA LA 'DAS PA NI BYED PA ZHIG PA'I PHYIR RAM, BRJOD DU MED PA'I PHYIR RAM YID KYIS CHOS RNAM PAR MI SHES SO, ,'O NA CI ZHE NA, DA LTAR BA YIN PA'I PHYIR; YID KYI RNAM PAR SHES BAS YIN TE, DE'I PHYIR DE LA BRTEN NAS ZHES BYA BAR RTOGS SO, ,GAL TE DER YID KYI MTSAN NYID CAN YIN PA'I YID KYI SGRAS YID KYI RNAM PAR SHES PA RNAMS GSUNGS PAR 'GYUR BA MA YIN NAM ZHE NA, MIG LA SOGS PA'I SKABS YIN PAS NA MA YIN NO ZHES BYA BAR KHONG DU CHUD DE, GANG GI TSE MIG LA SOGS PA RNAMS MIG GI RNAM PAR SHES PA LA SOGS PA'I RTEN YIN PA DE BZHIN DU YID KYANG YID KYI RNAM PAR SHES PA'I RTEN YIN PA'I PHYIR RO, ,YANG NA BRTEN PA'I LAS RTEN LA NYE BAR BTAGS PA YIN TE ZHES BYA BA LA, BRTEN PA MIG GI RNAM PAR SHES PA DE'I @88A *, ,LAS GZUGS MTHONG BA DE'I RTEN MIG DAG LA NYE BAR BTAGS PA YIN NO, ,DE NYID LA DPE NI, DPER NA KHRE'U DGA' BOD DO ZHES BYA BA STE, BRTEN PA'I LAS 'BOD PA DE'I RTEN LA NYE BAR 'DOGS PA BZHIN NO, ,JI LTAR MDO LAS MIG GI RNAM PAR SHES PAR BYA BA'I ZHES BYA BA LA, RNAM PAR SHES PA NI DE'I BRTEN PA RNAM PAR SHES PA'I LAS YIN GYI, MIG GI NI MA YIN NO, ,DE BZHIN DU MDO LAS KYANG BRTEN PA'I LAS RTEN LA BRJOD DO ZHES STON PAR BYED DO, ,DE NYID LA LUNG GZHAN SMRAS PA NI, MDO LAS BRAM ZE ZHES BYA BA RGYAS PAR 'BYUNG BA'O, ,GAL TE MIG GI SA MTHONG NA CI'I PHYIR BCOM LDAN 'DAS KYIS SGO NYID DU NGES PAR GSUNGS, SGO NAS NI GZHAN GYIS MTHONG BA YIN GYI SGOS NI MA YIN TE, DE'I PHYIR MIG GI SGO NAS RNAM PAR SHES PAS MTHONG NGO ZHES BYA BAR SHES SO, ,DER NI LTA BA LA SGO ZHES BYA BAR ZAD DO ZHES BYA BA LA, MDO DER NI LTA BA GANG YIN PA DE MIG GI LAS YIN ZHING LTA BA DE LA SGO ZHES BRJOD PA YIN TE, DE'I PHYIR MIG NYID KYIS MTHONG GI ,RNAM PAR SHES PAS NI MA YIN NO, ,SGO DANG LTA BA GNYIS DON THA MI DAD PA NYID YIN NA NI BRJOD PA DON MED PA'I PHYIR 'DI NI MI RUNG NGO, ,CI ZHE NA, MIG GIS GZUGS RNAMS MTHONG BAR BYA BA LA LTA BA YIN NO ZHES DE SKAD SMRAS PAR 'GYUR BA'O, ,YID NI CHOS RNAMS SHES PAR BYA BA LA SGO YIN NO ZHES BYA BA GSUNGS PAR DER YANG YID 'DAS PA KHO NA YID KYI RNAM PAR SHES PA'I RTEN GYI DNGOS POR GYUR PAS SGO ZHES GSUNGS TE, YID 'DAS PAS CHOS RNAM PAR SHES PAR NUS PA MED PA'I PHYIR RO, ,DE BZHIN DU 'DIR YANG GZUGS MTHONG BA'I RTEN YIN PA'I PHYIR MIG LA RTEN ZHES GSUNGS KYI DE LA MTHONG BA'I NUS PA NI YOD PA MA YIN TE, BEMS PO YIN PA'I PHYIR RO, ,GAL TE RNAM PAR SHES PAS MTHONG NA GANG GIS RNAM PAR SHES, GANG GI LTAR NA MIG GIS MTHONG BA DE'I LTAR NA NI RNAM PAR SHES PAS GZUGS MTHONG NGO, ,RNAM BAR SHES SO ZHES THA SNYAD RIGS NA, GANG GI LTAR NA RNAM PAR SHES PAS MTHONG BA DE'I LTAR NA NI GZHAN GYIS RNAM PAR SHES PA MED PAS THA SNYAD MED PAR 'GYUR RO ZHE NA, 'DI NYID LA KHYAD PAR CI YOD DE ZHES BYA BA LA, MTHONG BA DANG RNAM PAR SHES PA 'DI GNYIS LA KHYAD PAR CI ZHIG YOD, GANG GIS @88B ZHES BYA BA RGYAS PAR 'BYUNG STE, GANG GIS GZUGS MTHONG BA DMIGS PA DE NYID KYIS 'DI RNAM PAR SHES PA YIN NO, ,GAL TE DMIGS PA MTHONG BA YIN NA SGRA LA SOGS PA DAG TU YANG DMIGS PA MTHONG BAR 'GYUR RO ZHE NA, THOG MA'I DMIGS PA LA MTHONG BAR 'DOD KYI, DMIGS PA THAMS CAD NI MA YIN NO, ,DPER NA SHES RAB 'GA' ZHIG LA MTHONG BA ZHES BYA BA RGYAS PAR 'BYUNG STE, LTA BA'I RANG BZHIN BRGYAD MTHONG BA YANG YIN ZHING, RAB TU SHES PA YANG YIN LA, DE DAG LAS GZHAN RNAMS NI RAB TU SHES PA KHO NA YIN PA DE BZHIN DU MIG GI RNAM PAR SHES PA NI MTHONG BA YANG YIN ZHING RNAM PAR SHES PA YANG YIN GYI RNA BA LA SOGS PA'I RNAM PAR SHES PA NI RNAM PAR SHES PA KHO NA YIN NO, ,GZHAN DAG NA RE NI GAL TE ZHES BYA BA LA SOGS PA LA, DE LA NI GANG BYED PA NA MTHONG NGO ZHES BRJOD PA, RNAM PAR SHES PA LAS MA GTOGS PA'I BYA BA GZHAN 'DRA BA ZHIG MED LA, BYA BA MED PAR YANG BYED PA PO NYID MI RIGS TE, 'GRO BA PO NYID BZHIN NO ZHES ZER RO, ,DE NI KLAN KAR MI RUNG STE ZHES BYA BA RGYAS PAR 'BYUNG STE, RNAM PAR SHES PA LA NI RNAM PAR SHES PA ZHES BRJOD NA, DE LA NI BYED PA PO DANG BYE BRAG KYANG MED DE, RNAM PAR SHES PA LAS MA GTOGS PA'I RNAM PAR SHES PA'I BYA BA MED PA'I PHYIR RO, ,JI SKAD DU, 'DUS BYAS THAMS CAD SKAD CIG MAS, ,MI GNAS BYA BA GA LA YOD, ,GANG DAG 'BYUNG BA DE NYID NI, ,BYA BA DE NYID BYED POR BRJOD, ,CES GSUNGS SO, ,DE BZHIN DU 'DI LA YANG RUNG BAR 'GYUR RO ZHES BYA BA LA, CI ZHE NA, MIG LA BYED PA PO DANG BYA BA'I BYE BRAG MED KYANG MIG GIS MTHONG NGO ZHES BYA BA 'DIR 'GYUR RO ZHES STON TO, ,GZHAN DAG NA RE NI MTHONG BA NI MIG GI RNAM PAR SHES PA YIN LA ZHES BYA BA NI MTHONG BA NI LTA BA'O, ,DE'I RTEN DU GYUR PA'I PHYIR ZHES BYA BA LA, MIG NI MIG GI RNAM PAR SHES PA'I RTEN DU GYUR PA'I PHYIR MTHONG BA ZHES BYA'O, ,DPER NA SGROGS PA'I RTEN DU GYUR PA'I ZHES BYA BA NI DE NYID LA 'JIG RTEN LA GRAGS PA'I DPE SMRAS PA STE, SGRA SGROGS MOD KYI DE'I RTEN DU GYUR PA'I PHYIR DRIL SGROGS SO ZHES BYA BA DE BZHIN DU 'DIR YANG YIN NO, ,DE LTAR NA MIG CES BYA BA RGYAS PAR 'BYUNG STE, GAL TE @89A *, ,MTHONG BA'I RTEN DU GYUR PA'I PHYIR MIG GIS MTHONG NGO ZHES BYA BA YIN NA, DE LTA NA RNAM PAR SHES PA'I RTEN DU GYUR PA'I PHYIR MIG GIS RNAM PAR SHES SO ZHES BYA BAR 'GYUR RO ZHE NA, MI 'GYUR TE, BYED PA PO DANG BYA BA'I THA SNYAD 'DI NI 'JIG RTEN PA YIN LA, 'JIG RTEN NA YANG; RNAM PAR SHES PA DE NI MTHONG BA ZHES GRAGS KYI RNAM PAR SHES SO ZHES BYA BAR NI MA YIN NO, ,SHES PAR BYED PA SMRAS PA, 'DI LTAR DE SKYES NA GZUGS MTHONG NGO ZHES 'DZER GYI, RNAM PAR SHES SO ZHES NI MI ZER RO, ,BYA BRAG TU BSHAD PA LAS KYANG ZHES RGYAS PAR 'BYUNG STE, 'JIG RTEN NA YIN PA 'BA' ZHIG TU MA ZAD KYI BSTAN BCOS LAS KYANG, DE MTHONG BAR BRJOD DO ZHES STON TO, ,MIG DANG PHRAD CING ZHES BYA BA NI MIG GIS BLTAS SHING DE LA SNANG BAR GYUR PA STE, DE'I YUL GYI DNGOS POR GYUR CING ZHES BYA BA'I THA TSIG GO, ,GAL TE MTHONG BA'I RTEN DU GYUR PA'I PHYIR MIG GIS MTHONG NGO ZHES BYA NA, 'O NA NI GANG GI RTEN DU GYUR PAS RNAM PAR SHES PAS GZUGS RNAM PAR SHES SO ZHES BRJOD DO, ,DE LA RNAM PAR SHES PA LAS THA DAD PA'I BYA BA GZHAN NI YOD PA MA YIN NO ZHE NA, DE'I PHYIR, RNAM PAR SHES PA NI YOD PA TZAM GYIS ZHES BYA BA SMOS SO, ,SLOB DPON GYIS PHYOGS PA DAG NA RE MIG NI NYE BA TZAM GYIS MTHONG NGO ZHES BSTAN PAR MI NUS TE, DE DANG MTSUNGS PA'I MIG KYANG YOD PA'I PHYIR RO, ,RNAM PAR SHES PA NI DE LTA MA YIN PAS DE YOD PA TZAM GYIS GZUGS RNAM PAR SHES SO ZHES BRJOD DE, DPER NA NYI MAS NYIN PAR BYED DO ZHES BYA BA BZHIN NO, ,'DI LTAR GLING RNAMS KYI SNANG BA'I GNAS NI NYIN PAR YIN LA, DE YANG 'OD DANG BCAS PA'I NYI MA LAS GZHAN YOD PA MA YIN NO, ,DE'I PHYIR NYI MA YOD PA NYID LAS NYIN PAR BYED DO ZHES BYA BA DE BZHIN DU 'DIR YANG YIN NO ZHES ZER RO, ,'DI LA MDO SDE PA RNAMS NA RE NI ZHES BYA BA LA, CI MIG GIS MTHONG NGAM, RNAM PAR SHES PAS MTHONG NGO ZHES BYA BA'I SKABS GANG YIN PA DER RO, ,DE DAG JI SKAD ZER ZHE NA, NAM MKHA' LDAD PA 'DI CI DGOS ZHES BYA BA STE, RNAM PAR DPYAD PA 'DI NI NAM MKHA' 'CHA' BA DANG 'DRA BAR DGOS PA MED DO ZHES BYA BA'I DON TO, ,YANG JI LTAR RNAM PAR DPYAD PA 'DI DGOS PA MED CE NA, DE'I @89B PHYIR; MIG DANG GZUGS LA BRTEN NAS ZHES BYA BA RGYAS PAR 'BYUNG BA LA, 'DI SKAD BSTAN PAR 'GYUR TE, 'BRAS BU'I YOD PA NI RGYU'I YOD PA SNGON DU 'GRO BA YIN NA, DE LA LTA BA NI SU ZHIG YIN, LTA BA NI GANG ZHIG YIN, 'DI LA TSIG TZAM GYIS DAD PAR MI 'GYUR RO ZHE NA, DE'I PHYIR, 'DI NI BYED PA MED PA DANG; ,ZHES BYA BA LA SOGS PA SMOS SO, ,BYED PA MED PA ZHES BYA BA NI RGYU'I YOD PA LAS THA DAD PA'I BYA BA 'GAG PA STE, DE LAS THA DAD PA'I BYA BA KHAS BLANGS NA SKAD CIG MAR 'JIG PA LA GNOD PAR 'GYUR NA, DNGOS PO RNAMS SKAD CIG PHAN CHAD GNAS PA NI TSAD MA DAG DANG 'GAL LO, ,CHOS TZAM ZHES BYA BA NI NANG GI BYED PA'I SKYES BU 'GOG PAR BYED PA'O, ,RGYU'I BYED PA DANG NANG GI BYED PA'I SKYES BU MED KYANG RGYU DANG 'BRAS BU DAG LA RGYU DANG 'BRAS BU'I 'BREL PAR MI 'GAL LO ZHES BSTAN PA'I PHYIR, RGYU DANG 'BRAS BU TZAM DU ZAD LA ZHES BYA BA SMOS SO, ,THA SNYAD GDAGS PA'I DON DU ZHES BYA BA NI 'JIG RTEN DANG BSTAN BCOS SU'O, ,'DUN PA NI SGO NAS ZHES BYA BA'I DON GYI RGYU MTSAN GYIS NI MA YIN NO ZHES STON PA'O, ,'DI LA MNGON PAR ZHEN PAR MI BYA STE, THA SNYAD PA'I DON NI BTAGS PA YIN PA'I PHYIR RO, ,CI ZHIG LAS SHE NA, SGRA'I SGO NAS 'BYUNG BA NI 'BYUNG BA PO LA LTOS PA'I PHYIR ZHES BYA BA LA SOGS PA LAS TE, DON NGAM PAR BTZAL NA MI DMIGS PA'I PHYIR RO, ,BCOM LDAN 'DAS KYIS ZHES BYA BAS NI THA SNYAD PA'I DON LA MNGON PAR ZHEN PA NI BCOM LDAN 'DAS KYIS DGAG PAR MDZAD DO ZHES STON PAR BYED DO, ,LJONGS KYI MI'I TSIG LA MNGON PAR ZHEN PAR MI BYA'O ZHES BYA BA LA LJONGS KYI MI DANG LJONGS KYI MI NGES PA STE, GTAN LA PHAB PA'I TSIG LJONGS KYI MI'I TSIG GO, ,CI'I PHYIR 'DI 'DIR NGES PAR BYAS ZHES DE DAG LA MNGON PAR ZHEN PAR MI BYA STE, CI'I PHYIR 'DI NI NGES PA'I TSIG YIN GYI, THAMS CAD DON DANG LDAN PAR RTOGS PAR MI BYA'O ZHES BYA BA'I DON TO, ,'JIG RTEN GYI MING LA RAB TU BRGYUG PAR MI BYA'O ZHES BYA BA LA, RTOG PA DANG RAB TU BRGYUG PAR BYA ZHES BYA BA 'DI NI DON GCIG GO, ,LUS LA SOGS PA LAS THA DAD PA'I BDAG NI YOD DE ZHES BYA BAR YANG DAG PA MA YIN PAR SGRO BTAGS PA'I SGO NAS BDAG DANG SROG CES BYA BA DE LTA BU LA SOGS PA 'JIG RTEN PA'I THA SNYAD @90A *, ,LHAG PAR SGO GDAGS PAR MI BYA'O, ,KHA CHE'I BYE BRAG TU SMRA BA RNAMS KYI GRUB PA'I MTHA' YIN NO ZHES BYA BA LA, 'DIR NI KHA CHE'I BYE BRAG TU SMRA BA LA GRAGS PA'I CHOS MNGON PAR BSHAD PA'I SKABS SU BAB PAS DE'I PHYIR DE DAG NYID PHYOGS PHYI MAR GNAS PAR BYED DO, ,GAL TE GANG YANG RUNG BA ZHIG BTZUMS NA GZUGS GANG YANG RUNG BA ZHIG DMIGS PA'I PHYIR GNYIS KAS MTHONG BAR NUS PAR GRUB BZHIN DU, YANG CI'I PHYIR, CI MIG GCIG GIS ZHES RGYAS PAR SPYOD CE NA, GNYIS KA PHYE NA MTHONG BA GANG YIN PA DE CI RIM GYIS SAM 'ON TE CIG CAR YIN ZHES BYA BA 'DI MA DPYAD BAS DE'I PHYIR DE DMIGS KYIS NGES PAR BYA BA'I PHYIR RTZOM MO, ,'DI LA NGES PA MED DE MIG NI GNYIS KA DAG GIS KYANG MTHONG STE, KYANG GI SGRAS NI GCIG GIS KYANG NGO, ,'DIR GNYIS KHO NA 'AM GCIG KHO NAS ZHES NGES PAR NI MI GZUNG NGO, ,NGES PA 'DI GANG LAS SHE NA, GSAL BAR MTHONG PHYIR RO, ,CHOS MNGON PA PA SMOS PA NI MDO SDE PA RNAMS LAS KHA CIG GCIG GIS MTHONG NGO ZHES BYA BAR 'DOD PAR BSTAN PA'I PHYIR RO, ,'DI LTAR GNYIS KA PHYE NA ZHES BYA BA RGYAS PAR 'BYUNG BA LA, MIG GCIG BTZUMS NAS GZUGS GANG ZHIG RGYUN CHAGS SU 'JUG PA MI GSAL BAR DMIGS PA DE NYID GNYIS KA PHYE BAS CHES GSAL BAR DMIGS TE, GCIG GIS MTHONG NA NI SNGA MA DANG PHYI MA DAG TU MTHONG BA KHYAD PAR DU MI 'GYUR RO, ,GANG YANG RUNG BA ZHIG GZHAN DU GYUR NA NI MA YIN NO ZHES BYA BA LA, GAL TE PHYE BA GANG YIN PA DE, PHYED BTZUMS PA'AM, PHYED BTZUMS PA DE THAMS CAD PHYE BA'AM THAMS CAD BTZUMS NA, DE NAS ZLA BA GNYIS SU 'DZIN PAR MI 'GYUR TE, DE'I PHYIR MIG GCIG GIS MTHONG BA YIN NO, ,DE LTA MA YIN NA MIG GCIG PHYE BA DANG, GNYIS PA PHYED BTZUMS NA ZLA BA GNYIS SU 'DZIN PAR MI 'GYUR RO, ,DE'I PHYIR GNYIS KA YANG DER CIG CAR NUS SO ZHES BYA BAR NGES SO, ,GAL TE GNYIS KAS MTHONG NA RTEN RNAM PAR CHAD PAS RNAM PAR SHES PA RNAM PAR CHAD PAS SEMS CAN GCIG GI DBANG BO LTAR SKAD CIG MA GCIG LA RNAM PAR SHES PA GNYIS SU THAL BAR 'GYUR RO ZHE NA, DE'I PHYIR, RTEN RNAM PAR CHANG PAS ZHES BYA BA RGYAS PAR SMOS SO, ,CI'I PHYIR ZHE NA, YUL NA MI GNAS PA'I PHYIR RO, ,MIG GI RNAM @90B PAR SHES PA NI 'KHAR GZHONG DANG RGYA SHUG BZHIN RTEN DANG BRTEN PA'I NGO BOS MIG LA GNAS TE, DE DAG GYUR PAS 'GYUR BA'I PHYIR MIG LA DE'I RTEN ZHES BYA'O, ,DE'I PHYIR RTEN GCIG LA RAG LAS PA'I PHYIR DANG, DE YANG GCIG YIN PA'I PHYIR MIG BRGYAS KYANG RNAM PAR SHES PA GCIG BSKYED PAR 'GAL BA MED NA; GNYIS KYIS YIN PA LA LTA SMOS KYANG CI DGOS, MIG RNAG GIS BAR CHOD PA GCIG KYANG RNAM PAR SHES PA DU MA SKYED PAR THAL BAR 'GYUR NA, YUL NA MI GNAS PA DE'I RTEN RNAM PAR CHAD PAS RNAM PAR CHAD PA YANG MA YIN NO, ,GZUGS BZHIN DU ZHES BYA BA NI MI MTHUN PA'I DPE'O, ,CI 'DI DAG YUL DANG PHRAD PA ZHIG GAM ZHES BYA BA LA SOGS PA LA THE TSOM 'DI GA LAS SHE NA, GNYIS KA YANG BSNYAD PA MTHONG BA'I PHYIR RO, ,BCOM LDAN 'DAS KYIS 'DI SKAD DU MIG NI YID DU 'ONG BA DANG, YID DU MI 'ONG BA'I GZUGS LA THOGS SO ZHES GSUNGS NAS, MA PHRAD PA LA NI THOGS PA MI RIGS SO, , SLAR YANG DE'I LHA'I MIG GIS SEMS CAN DAG LA LTA'O ZHES BYA BA RGYAS PAR 'BYUNG BA DANG, RING BA GANG DAG YIN PA DANG, NYE BA GANG DAG YIN PA ZHES GSUNGS NAS, YUL DANG PHRAD PA NYID YIN NA NI NYE BA DANG, RING BA'I RNAM PAR GZHAG PAR MI SRID DO, ,DE'I PHYIR, MIG DANG YID DANG RNA BA DANG, ,YUL DANG MA PHRAD CES BYA BA SMOS SO, ,SHES PAR YOD PA CI ZHIG YOD CE NA, 'DI LTAR GZUGS RGYANG RING PO NAS ZHES BYA BA SMOS TE, 'DIS NI YUL DANG MA PHRAD PA'O ZHES BYA BAR SHES PAR BYED DO, ,MIG LA YOD PA'I MIG SMAN MI MTHONG ZHES BYA BA LA, 'DIS NI 'DI YUL DANG PHRAD PA YIN PA ZLOG PAR BYED PA'O, ,DE LTA YIN DANG YUL DANG MA PHRAD PA KHO NA'O ZHES BYA BAR NGES PAR GZUNG BAR 'GYUR RO, ,GANG DAG BRTEN NAS BYUNG STE YUL LA GNAS SO ZHES YUL DANG PHRAD PAR 'DOD PA DE DAG GI DE YANG 'DOD PA TZAM DU ZAD DE, NYE BA DANG RING BDAG LA DUS MNYAM PAR RTOGS PA'I PHYIR RO, ,CHOS 'DI NI NAG PA LA SOGS PA 'GRO BA DANG LDAN PA RNAMS LA MTHONG BA YANG MA YIN NO, ,MIG NI 'OD ZER YIN PA'I PHYIR MAR ME BZHIN DU THAG NYE BA DANG RING BA DAG LAN CIG GSAL BAR BYED PAR MI 'GAL LO ZHE NA, BLTA BAR 'DOD PA RNAMS MUN KHUNG NA SNANG BA TSOL BA'I PHYIR 'OD ZER NYID MA GRUB PO, ,MIG GI 'OD ZER @91A *, ,NYUNG BA'I PHYIR PHYI ROL GYI SNANG BA TSOL BAR BYED DO ZHE NA, NYUNG DU NI MANG POS ZIL GYIS GNON PAR BYED PA'I PHYIR DMIGS PA NYID DU YANG MI 'GYUR RO, ,DPE DON DANG MTSUNGS PA YANG MA YIN TE, BAR MED PA PHRAD PA GSAL BAR BYED PA'I PHYIR RO, ,MAR ME NI SDONG BU DANG MAR LA SOGS PA PHRAD PA SREG CING SNANG BAR BYED NA, MIG NI ME LTAR MIG SMAN LA SOGS PA SHIN TU NYE BA RNAMS 'DZIN BAR BYED PA MA YIN NO, ,SHEL LA SOGS PAS CHOD PA YANG DMIGS PAS MA PHRAD PAR 'DZIN PA'I PHYIR DANG, THE TSOM MTHONG BA'I PHYIR NA MIG NI YUL DANG PHRAD PA MA YIN NO, ,PHRAD PA YIN NA NI RENG RENG PO LTAR MTHO YOR LA MI YIN SNYAM DU DE'I KHYAD PAR DAG LA THE TSOM ZA BAR YANG MI RIGS TE, DE DANG BDAG NYID THAMS CAD KYIS NYE BA'I PHYIR RO, ,DPAG TSAD STONG PHRAG DU MAS BSKAL BA DANG PHRAD PA MI PHRAD PA'I YANG PHYIR TE, LAN CIG PHYE MA THAG TU MIG ZLA BA DANG PHRAD DO ZHES BYA BAR BRJOD PA NI MI RIGS TE, DE SKAD DU YANG, MIG DE 'GRO DANG LDAN 'GYUR NA, ,RGYANG RING YUN RING GYIS MTHONG 'GYUR, ,NYE BA DANG NI RING BA YI, ,GZUGS NI MTSUNGS NA DE GO CI, ,GAL TE GZUGS MTHONG MIG 'GRO NA, ,'GRO LA YON TAN CI ZHIG YOD, ,BLTA BAR BYA BA NGES PA NI, ,'DOD CES BYA BA DON MED 'GYUR, ,ZHES BSHAD DO; ,DE'I PHYIR MIG NI YUL DE'I PHYIR DANG MA PHRAD PA NYID YIN NO, ,DE BZHIN DU SGRA RGYANG RING PO NAS THOS SO ZHES BYA BA NI RNA BA YUL DANG MA PHRAD PA NYID KYIS SHES PAR BYED PA STE, YUL DANG PHRAD PA NYID YIN NA NI SNA LTAR PHRAD PA'I YUL KHO NA RTOGS PAR 'GYUR GYI, RING BA NI MA YIN NO, ,SGRA RGYANG RING PO NAS THOS SO ZHES BYA BA JI LTAR RTOGS SHE NA, PHYOGS LA SOGS PA'I BYE BRAG GI SGO NAS NGES PA'I PHYIR RO, ,LHO PHYOGS KYI SGRA'O, ,BYANG PHYOGS KYI'O, ,RGYANG RING BA'O, ,NYE BA'O ZHES DE LTAR NGES PA'I PHYIR TE, PHRAD PA LA DE MI RIGS TE, DRIL SOGS PA BZHIN NO, ,YUL DANG PHRAD PA NYID GCIG YIN NA NI ZHES BYA BA RGYAS PAR 'BYUNG NGO, , 'DI NA ZHES BYA BA NI MI DAG NA'O, ,GAL TE MI G-YUL DANG MA PHRAD PA NYID KYIS SNA LA SOGS PA DAG LAS KHYAD PAR DU GYUR NA NI DE LTAR NA, BSAM GTAN PA RNAMS LA LHA'I MIG GZUGS PHRA BA DANG, CHOD PA DANG, THAG RING BA LA SOGS PAR 'DZIN PAR BYED PA SKYE BAR MI 'GAL TE, 'BAD RTZOL GYI KHYAD PAR @91B LAS 'BRAS BU 'BYUNG BA'I PHYIR RO, ,DE BZHIN DU SGRA LA YANG BRJOD PAR BYA'O, ,YUL DANG PHRAD PA NYID YIN NA NI LHA'I DANG, LHA'I MA YIN PA DAG LA KHYAD PAR MED PA'I PHYIR 'BAD RTZOL DON MED PAR 'GYUR RO, ,GAL TE MIG YUL DANG MA PHRAD PA YIN NA CI'I PHYIR THAG RING BA DANG, BAR DU CHOD PA THAMS CAD MI MTHONG ZHE NA, BSHAD PA, NUS PA'I KHYAD PAR LAS TE, KHAB LONG BZHIN NO, ,KHAB LONG GIS MA PHRAD PA'I LCAGS 'DREN ZHES TE, CHOD PA DANG, THAG RING BA DANG, MNGON DU PHYOGS PAR MI GNAS PA THAMS CAD 'DREN PAR NI MI NUS PA NYID DE, DE BZHIN DU MIG KYANG YUL DANG MA PHRAD PA YIN MOD KYI, MA PHRAD PA THAMS CAD MTHONG BA MA YIN NO, ,YUL DANG PHRAD PA NYID YIN NA YANG THAL BAR 'GYUR BA 'DI MTSUNGS SO ZHES 'CHAD PA NI, CI'I PHYIR MIG SMAN NAM ZHES BYA BA RGYAS PAR 'BYUNG STE, MIG SMAN NAM THUR MA NI PHRAD PA MI MTHONG NGO, ,JI LTAR SNA LA SOGS PA ZHES BYA BA LA NUS PA THA DAD PAS PHRAD PA YUL YIN GYI, THAMS CAD NI MA YIN NO, ,JI LTAR THAMS CAD MA YIN ZHE NA, LHAN CIG SKYES PA'I DRI MI 'DZIN PA'I PHYIR ZHES BYA BA SMOS TE, SNA LA SOGS PA DBANG PO DANG LHAN CIG 'BYUNG BA'I DRI DANG, RO DANG, REG BYA DAG NI PHRAD PA YIN PA YANG SNA LA SOGS PA DAG GIS MI 'DZIN TE, DE BZHIN NO, ,YID NI GZUGS CAN MA YIN PA'I PHYIR ZHES BYA BA LA, PHRAD PA NI PHAN TSUN 'DAB CHAGS PAR 'BYUNG BA YIN LA, DE YANG YUL NA GNAS PA'I PHYIR GZUGS CAN RNAMS KHO NA YIN NA YID NI GZUGS CAN MA YIN PA'I PHYIR YUL NA MI GNAS TE, DE'I PHYIR RANG GI YUL DANG PHRAD PAR MI NUS PA NYID DO, ,RNA BA'I NANG DU YANG ZHES BYA BA LA, YANG GI SGRAS NI THAG RING PO NAS KYANG THOS PA'I PHYIR RNA BA YUL DANG MA PHRAD PA YIN PAR SEMS SO, ,MU STEGS BYED KHA CIG NA RE, SGRA RGYUN CHAGS PAR 'JUG PA'I RIM PAS RNA BAS 'ONGS PA RTOGS PAR BYED PA'I PHYIR RNA BA NI YUL DANG PHRAD PA KHO NA YIN ZHES ZER RO, ,DE NI DE LTA MA YIN TE, LAG PAR BCANGS PAS DRIL BU'I SGRA 'GAGS MA THAG TU SGRA MI THOS PA'I PHYIR RO, ,DE ZHIG KYANG GANG ZHIG BAR NAS CHU RLABS KYI TSUL DU 'ONG BA'I SGRA DE 'DZIN PA SUS BZLOG ,DE'I PHYIR DRIL BU'I YUL NA GNAS PA'I SGRA KHO NA 'DZIN GYI, CHU RLABS KYI TSUL DU RNA @92A *, ,'BRUG GI BU GAR PHYIN PA NI MA YIN NO, ,GSUM GZHAN DU ZHES BYA BA LA, GZHAN DU ZHES SMOS PA NI YUL DANG PHRAD PA NYID DO ZHES NGES PAR GZUNG BA'I PHYIR RO, ,GAL TE YUL DANG PHRAD PA DANG MA PHRAD PA YIN PAR 'DOD NA NI DE LTAR GZHAN DU DANG, GZHAN DU MA YIN PA ZHES BYA BAR SMA BAR 'GYUR RO, ,SNA JI LTAR YUL DANG PHRAD PA YIN ZHE NA ZHES BYA BA 'BYUNG STE, GANG LAS THE TSOM ZA ZHE NA, DRI'I RTEN ME TOG LA SOGS PA THAG RING PO 'DZIN PA'I PHYIR TE, RO DANG REG BYA DAG NI DE LTAR MA YIN NO, ,DBUGS MA BRDUBS PAR MI 'DZIN PA'I PHYIR RO ZHES BYA BA LA, DBUGS BRDUBS PA DANG BCAS PAS DRI DANG LDAN PA'I ME TOG GIS BSGOS PA'I RLUNG SNA'I DBANG PO DANG 'DAB CHAGS PAR SKYES PA NA DRI 'DZIN PA'I PHYIR RAM, DRI'I BYUNG BA CHEN POS DRANGS PAS SNA'I DBANG PO DANG 'DAB CHAGS PAR SKYES PA'I DRI 'DZIN PA'I PHYIR DANG, DRANGS PA MED PAS MA BRDUBS PA LA DRI DANG DBANG PO PHRAD PA MED PA DE'I PHYIR SNA NI YUL DANG PHRAD PA NYID DU NGES SO, ,YUL DANG MA PHRAD PA NYID YIN NA NI MIG DANG RNA BA BZHIN DU BRDUBS BA DANG BCAS PA DANG MA BRDUBS PA GNYIS LA KHYAD PAR 'GA' YANG MED PA'I PHYIR RO, ,KHA CIG GIS NI LDAN PA'I MING GNYIS PA CAN PHRAD PA DON GZHAN ZHIG 'DOD DE, DPER NA BYE BRAG PA RNAMS KYIS 'DOD PA LTA BU'O; ,DE'I PHYIR, PHRAD PA ZHES BYA BA 'DI CI ZHE NA ZHES BYA BA DRIS SO, ,'DAB CHAGS PAR 'BYUNG BA'O ZHES BYA BA 'BYUNG STE, DE LTAR NA 'DAB CHAGS PAR 'BYUNG BA LAS MA GTOGS PA'I PHRAD PA GZHAN YOD PA MA YIN NO ZHES BYA BAR SHES PAR BYAS PAR 'GYUR RO, ,'DAB CHAGS PAR 'BYUNG BA YANG KHA CIG GI LTAR NA NAM MKHA'I KHAMS MA GTOGS PA'I GZUGS KYIS MCHOD PA NYID KYI PHYIR YIN LA, GZHAN GYI LTAR NA GZUGS THAMS CAD KYIS MCHOD PA NYID KYI PHYIR YIN NO, ,CI RDUL PHRA RAB RNAMS ZHES BYA BA RGYAS PAR 'BYUNG BA LA, GAL TE PHAN TSUN REG NA NI CHA SHAS DANG BCAS PAR THAL BAR 'GYUR LA, CHA SHAS MED PA NYID YIN NA YANG SEMS DANG SEMS LAS BYUNG BA LTAR REG PA MED DO, ,CI STE MI REG NA DE LTA YIN DANG GSUM NI YUL DANG PHRAD PA'O ZHES BYA BAR 'GAL TE, MA REG PA NI PHRAD PA MA YIN NO, ,'DIR NI RDZAS KYI RDUL PHRA RAB LA MNGON PAR 'DOD KYI, 'DUS PA'I RDUL PHRA @92B RAB NI MA YIN TE, DE NI CHA SHAS DANG BCAS PA'I PHYIR RO, ,'DRES PAR 'GYUR RO ZHES BYA BA NI YUL THA MI DAD PAR 'GYUR RO ZHES BYA BA'I DON TE, DE'I DNGOS PO MED PAR THAL BAR SNANG NGO, ,DE'I PHYIR BDAG NYID THAMS CAD KYIS MI REG GO, ,'ON TE PHYOGS GCIG REG NA NI ZHES BYA BA LA, 'GA' ZHIG DAG GIS REG CING 'GA' ZHIG DAG GIS MI REG NA CHA SHAS DANG BCAS PA DAG TU THAL BAR 'GYUR RO, ,GAL TE MI REG NA REG PA'I MTSAN NYID CAN THOGS PA LAS SGRA 'BYUNG BAR MTHONG STE, 'DRI BA NI, 'O NA JI LTAR ZHES BYA BA LA SOGS PA'O, ,GAL TE BDAG NYID THAMS CAD KYIS MA YIN ZHING, PHYOGS GCIG GIS KYANG MA YIN PHAN TSUN MA REG PAS THOGS PA MED PA'I PHYIR JI LTAR SGRA 'GRUB PAR 'GYUR TE, DE NYID KYI PHYIR ZHES ZER BA NI KHA CHE BA RNAMS SO, ,GANG GI PHYIR RDUL PHRA RAB KYI PHAN TSUN MI REG PA DE NYID KYI PHYIR SGRA 'GRUB BO, ,GAL TE REG NA NI LA CHA LA LA CHA GZHAG LTAR LAG PAS LAG PA LA BSNUN NA YANG 'BYING BAR 'GYUR TE, GCIG PAR 'GYUR RO SNYAM DU BSAMS PA'O, ,DE'I PHYIR THOGS PA DANG BCAS PA NYID NYAMS PAR 'GYUR LA, DE MED NA THOGS PA MED PAS GANG LAS SGRA 'BYUNG BAR 'GYUR, SKAD CIG MA YIN PA'I PHYIR LDAN PA'I DUS MI 'THAD PAS GZEGS ZAN PA LTAR LDAN PA LAS SGRA 'BYUNG BAR KHAS BLANG BAR YANG MI BYA STE, 'O NA CI ZHE NA, GSUNG RAB LAS BYUNG BA DAG KHO NA LA LDAN PA'I MING NGAM PHRAD PA'I MING BTAGS SO, ,'BYUNG BA BZHI TSAN 'GA' ZHIG GIS NI 'BYUNG BA'I KHYAD PAR GZHAN 'DAB CHAGS SU SKYED PA NA, GANG ZHIG SGRA SKYED PAR BYED PAR 'BYAR PA PHRAD PA ZHES BYA BA'I MING THOB LA, DE DANG LHAN CIG SKYES PA'I SGRA 'DZIN PAS 'DIR CI STE MI DPYOD, JI LTAR BSAGS PA LA ZHES BYA BA RGYAS PAR 'BYUNG BA LA, BSAGS PA CI ZHIG CE NA, BONG BA DANG SO PHAG LA SOGS PA STE, DE DAG GI RDUL PHRA RAB RNAMS PHAN TSUN MA 'BYAR BA'I PHYIR BRGYAB NA BYE MA 'DUS PA BZHIN JI LTAR MI 'JIG PAR 'GYUR, RLUNG GI KHAMS KYIS GZUNG BA'I PHYIR RO ZHES BYA BA LA, GAL TE RLUNG GI KHAMS KYIS BRDABS PA'I DNGOS PO RNAMS LA YANG 'BRAL BA'I RGYU MA YIN NAM ZHE NA, BYE BRAG TU SMRA BA RNAMS NA RE 'DI NI GCIG PU NGES PA MED DE, SEMS CAN GYI LAS KYI DBANG GIS BYUNG BA'I RLUNG GI KHAMS KHA CIG NI 'JIG PAR ZHUGS PA YIN TE, @93A *, ,DPER NA 'JIG PA'I TSE'I LTA BU'O, ,KHA CIG NI 'DZIN PAR ZHUGS PA YIN TE, DPER NA CHAGS PA'I TSE LTA BU STE, DE BZHIN DU GZHAN DU YANG 'GYUR RO ZHES ZER RO, ,GAL TE RDUL PHRA RAB RNAMS PHAN TSUN MI REG NA, DA NI JI LTAR 'DAB CHAGS PAR PHRAD PA ZHES BYA BA RGYAS PAR 'BYUNG STE, PHAN TSUN PHRAD PA MED PAR 'DAB CHAGS PA NYID MI RIGS SO, ,DE DAG GI DBUS NA CUNG ZAD KYANG MED PA ZHES BYA BA RGYAS PAR 'BYUNG STE, SNANG BA LA SOGS PA'I GZUGS GZHAN NO, ,YANG ZHES BYA BA NI GZHAN YANG ZHES BYA BA'I DON TO, ,NYES PA MED DO ZHES BYA BA NI BDAG NYID THAMS CAD KYIS REG GAM, PHYOGS GCIG GIS REG CES NYES PA BRJOD PA GANG YIN PA'O, ,GZHAN DAG NA RE, DA NI JI LTAR 'DAB CHAGS PAR PHRAD PAS ZHES BYA BA LA SOGS PA SMRAS PA GANG YIN PA DE NYES PA MED DO ZHES ZER RO, ,DE LTAR BYAS NAS ZHES BYA BA LA, GAL TE 'DUS PA RNAMS PHAN TSUN REG PA NA'O, ,CI REG PA'I RGYU CAN GYI ZHES BYA BA LA, GANG LA REG PA RGYUR YOD PA DE NI REG PA'I RGYU CAN NO, ,REG PA ZHIG SKYE'AM ZHES BYA BA NI, GANG ZHIG GZHAN GYIS REG PA'O, ,MA REG PA'I RGYU CAN ZHES BYA BA NI, REG PA RGYUR GANG LA YOD PA'O ZHES TSIG RNAM PAR SBYAR TE, RDUL PHRA RAB RNAMS NI PHAN TSUN MA REG PAS MA REG PA'O,, RGYU'I PHYIR ZHES BYA BA LA, REG PA'AM MA REG PA YANG RUNG STE, GANG ZHIG GANG GI RGYU YIN PA DE NI DE'I RGYU STE, RGYU'I PHYIR SMRAS PA'O, ,RES 'GA' ZHES BYA BA RGYAS PAR 'BYUNG STE, GANG GI TSE BSAGS PA ZHIG RDUL PHRA RAB KYI GNAS SKABS SU GYUR PA DE'I TSE REG PA'I RGYU CAN GYI MA REG PA SKYE'O, ,RES 'GA' NI MA REG PA'I RGYU CAN GYI ZHES BYA BA LA SOGS PA LA, GANG GI TSE RDUL PHRA RAB RNAMS BSAGS PAR MA GYUR PA DE'I TSE NI, MA REG PA'I RGYU CAN GYI REG PAR 'GYUR TE, DPER NA KHAB BZHIN NO, ,DE NI STENG NAS MA REG PA LTUNG ZHING, SA LA BAB NAS REG PAR 'GYUR RO, ,RES 'GA' NI REG PA'I RGYU CAN GYI REG PA SKYE STE ZHES BYA BA LA, GANG GI TSE BSAGS PA DANG LDAN PA BSAGS PA STE, 'DUS PA RNAMS 'DUS PA DE'I TSE NI REG PA'I RGYU CAN GYI REG PAR 'GYUR TE, DPER NA 'JI BA'I GONG BU GNYIS 'DUS PA BZHIN NO, ,RES 'GA' NI MA REG PA'I RGYU CAN GYI MA REG PA SKYE STE, DPER NA NYI ZER GYI RDUL LTA BU'O,, @93B ZHES BYA BA LA, NYI ZER GYI RDUL NI RGYUN GYI SKAD CIG GNYIS PA MA PHRAD PA'I RGYU CAN MA 'PHRAD PA STE, DE NI PHAN TSUN MI REG PAS MA REG PA ZHES BYA'O, ,SKAD CIG MAR 'JIG PA DANG 'GAL BA LA RGYU SMRAS PA NI, SKAD CIG MA PHYI MAR GNAS PAR 'GYUR RO ZHES BYA BA STE, REG PA'I SKAD CIG NA SKYES PA'I SKAD CIG PAS 'PHYI BA YIN TE, BDAG NYID THOB MA THAG TU PHAN TSUN REG PA'I PHYIR RO, ,SKAD CIG MAR GNAS PA YANG MA YIN TE, DE'I PHYIR REG PA'I DUS SU 'GAG PA'I PHYIR MI REG GO, ,BTZUN PA NA RE NI REG PA NI MED KYI, 'DAB CHAGS PA LA REG GO SNYAM DU 'DU SHES PAR ZAD DO ZHES ZER RO,, BYE BRAG TU SMRA BA'I LUGS LAS 'DI LA KHYAD PAR CI YOD CE NA, 'DI NI GZUGS 'BA' ZHIG NYID DU MA ZAD KYI BAR DU NAM MKHA' YANG MI 'DOD DO, ,BTZUN PA'I LUGS 'DOD PAR BYA'O ZHES ZER BA NI BSTAN BCOS MKHAN PO'O, ,SLOB DPON 'DUS BZANG NA RE, BTZUN PA'I LUGS 'DOD PAR YANG MI BYA LA, SDANG BAR YANG MI BYA'O, ,'O NA CI ZHE NA, BTZA' BAR BYA STE, GAL TE 'DI DAG LA BAR CUNG ZAD MED NA, DE LTAR NA CHA SHAS DANG BCAS PA'AM, GO GCIG PAR 'GYUR RO ZHES NYES PA SNGA MA LAS MI 'DA' BA'I PHYIR JI LTAR BTZUN PA'I LUGS 'DOD CES ZER RO, ,'DIR BSTAN BCOS MKHAN PO BTZUN PA'I LUGS LA RJES SU YI RANG BA'I RGYU SMRA BA NI, DE LTAR MA YIN NA NI ZHES BYA BA LA SOGS PA STE, GAL TE BTZUN PA'I LUGS LAS GZHAN DU RDUL PHRA RAB KYI BAR DAG TU NAM MKHA' 'DOD NA'O, ,BAR STONG PA DAG TU ZHES BYA BA NI, GZUGS GZHAN GYIS MA BKAG PA DAG TU'O, , 'GRO BA LA 'GOG PA NI THOGS PA STE, DE NI RDUL PHRA RAB KYI BAR STONG PA DAG LA MI RIGS PAS THOGS PA DANG BCAS PA NYID NYAMS PAR 'GYUR RO, ,YANG 'DUS PA RNAMS NI CHA SHAS DANG BCAS PA YIN PA'I PHYIR REG PAR 'GYUR BAS ZHES GANG SMRAS PA, DE'I LAN SMRAS PA, JI SKAD DU BYE BRAG PA RNAMS YAN LAG DAG LAS YAN LAG CAN NO ZHES SMRAS PA LTAR RDUL PHRA RAB RNAMS BSAGS PA DAG GZHAN PA YANG MA YIN NO, ,'O NA CI ZHE NA, RDUL PHRA RAB DE DAG KHO NA BSAGS PA YIN NO, ,REG PA YIN TE DPER NA GZUGS SU RUNG BA LTA BU'O ZHES BYA BA LA, RDUL PHRA RAB PHAN TSUN @94A *, ,LTOS PA RNAMS KHO NA GZUGS SU RUNG GI ,MED PA'I PHYIR 'DUS PA NI MA YIN PA, DE BZHIN DU RDUL PHRA RAB RNAMS BSAGS PA KHO NA LA REG GI 'DUS PA DAG LA NI MA YIN TE, 'DUS PA RNAMS RDUL PHRA RAB KYI LAS THA DAD PA MED PA'I PHYIR RO, ,DE'I PHYIR RDUL PHRA RAB RNAMS LAS 'DRES PAR 'GYUR BA DANG, CHA SHAS DANG BCAS PA NYID KYI NYES PA SO NA 'DUG PA NYID DO, ,'ON TE, PHYOGS GCIG GIS REG NA NI CHA SHAS DANG BCAS PA DAG TU THAL BAR 'GYUR BA ZHIG NA ZHES GANG SMRAS PA DE LA BSHAD PA NI, GAL TE RDUL PHRA RAB LA PHYOGS THA DAD PAR RTOG NA NI ZHES BYA BA RGYAS PAR 'BYUNG BA'O, ,PHYOGS CHAS THA DAD PA NI PHYOGS THA DAD PA STE, SHAR NI GZHAN NYID YIN LA, NUB KYANG GZHAN NYID YIN, STENG NI GZHAN NYID DU YIN ZHING, 'OG GI BAR DU GZHAN YIN NO, ,DE LTAR NA PHYOGS CHA THA DAD PA YOD PA NYID KYI PHYIR REG PA 'BA' ZHIG TU MA ZAD KYI, MA REG PA YANG CHA SHAS DANG BCAS PAR THAL BAR 'GYUR RO, ,GAL TE PHYOGS CHA THA DAD PAR RTOG PA MA YIN NA NI REG KYANG THAL BAR MI 'GYUR RO, ,GANG DU ZHE NA, CHA SHAS DANG BCAS PA NYID DU STE, GO GCIG PAR NI MA YIN NO, ,CI STE ZHE NA, THAL BAR MI 'GYUR BA'O, ,PHYOGS CHA THA DAD PAR BRJOD PA NI CHA SHAS DANG BCAS PAR BRJOD PA'I RNAM GRANGS YIN NO, ,MYUR DU 'JUG PAS ZHES BYA BA NI LTA BA DE DANG, NYAN PA'I BYE BRAG MYUR DU 'JUG PAS SO, ,MGAL ME'I 'KHOR LO LA SOGS PA BZHIN DU ZHES BYA BA LA, DPER NA YUL GZHAN DU MYUR DU 'JUG PAS MGAL ME LA 'KHOR LO'I BLOR 'GYUR BA BZHIN NO, ,'ON TE MNYAM PA DANG MI MNYAM PA ZHIG LA ZHES BYA BA LA, RGUN 'BRU LA SOGS PA MTHONG NA NI MNYAM PA'O, ,SKRA'I RTZE MO DANG RI LA SOGS PA MTHONG BA NI MI MNYAM BA LA'O SNYAM DU DGONGS SO, ,DBANG PO RDUL PHRA RAB RNAMS JI SNYED PA ZHES BYA BA RGYA CHER 'BYUNG STE, SNA LA SOGS PA DAG GIS NI DBANG PO'I RDUL PHRA RAB DAG PAS CHES LHAG PA'I YUL GYI RDUL PHRA RAB RNAMS MI RTOGS SO, ,'DI LTAR DBANG PO'I RDUL PHRA RAB RNAMS NI YUL CHES CHUNG BA LA YANG DE SNYED CIG BYED PA DANG BCAS KYI, CHES CHUNG PA NI MA YIN TE, DE LTA NA DE DAG YUL DANG PHRAD PA NYID DU 'GRUB KYI, GZHAN DU NI MA YIN NO, ,MIG DANG RNA BA DAG GIS MA NGES PAR SMRAS PAS SNGA MA DAG LAS NI MNYAM PA KHO NA 'DZIN NO ZHES BYA BAR SMRAS @94B PAR 'GYUR RO, ,RES 'GA' NI CHUNG STE ZHES BYA BA RGYAS PAR 'BYUNG BA LA, 'DI SKAD DU, YUL MA NGES PA'I PHYIR LHAG PAR 'DZIN GYI, MGAL ME'I 'KHOR LO LTAR MYUR DU 'JUG PA'I PHYIR NI MA YIN NO ZHES BSTAN PAR 'GYUR RO, ,MIG PHYE BA TZAM GYIS ZHES BYA BA LA, CAM SMOS PA NI MYUR DU RGYU BAR RTOGS PA BZLOG PAR BYA BA'I PHYIR RO, ,DE BZHIN DU RNA BAS ZHES BYA BA RGYAS PAR 'BYUNG BA LA, RES 'GA' NI CHUNG STE, GANG GI TSE SBRANG BU'I SGRA THOS BA NA'O, ,RES 'GA' NI CHE STE, GANG GI TSE 'BRUG GI SGRA THOS PA NA'O, ,SGRA LA RES 'GA' NI MNYAM STE ZHES NI MI BRJOD DO, ,TSAD NGES PAR MA BZUNG BA'I PHYIR RO, ,YANG NA NI BRJOD PAR BYA STE, GANG GI TSE RNA BA'I NANG DU SGRA THOS PA DE'I TSE MNYAM PA YIN PA'I PHYIR RO, ,YID KYIS JI LTAR 'DZIN ZHE NA, DE'I PHYIR YID NI LUS CAN MA YIN PA KHO NA BAS ZHES BYA BA SMOS TE, TSAD NI LUS CAN GYI RDZAS LA BRTEN PA'I PHYIR NA YID LA TSAD YOD PA MA YIN TE, LUS CAN MA YIN PA'I PHYIR RO, ,DE'I PHYIR 'DI LA TSAD MI DPYOD DO, ,DBANG PO NYAMS PA RNAMS LA RTEN YOD KYANG GZUGS MTHONG BA YOD PA MA YIN PA DE'I PHYIR, MIG LA SOGS PA DAG RTEN LAS GZHAN NYID YIN NO ZHES BYA BAR NGES MOD KYI, DE DAG NGAG TU'AM JI LTAR GNAS PA NI MA NGES PAS DE'I PHYIR 'DRI BA NI, YANG MIG GI DBANG PO LA SOGS PA 'DI DAG GI ZHES RGYAS PAR 'BYUNG STE, MIG GIS GZUNG BAR BYA BA MA YIN PA'I PHYIR RO, ,'DI DAG GI GNAS TSUL RNAM PAR GZHAG PAR DKA' MOD KYI, THOGS PA DANG BCAS PA RNAMS YUL THA DAD PAR GNAS PA'I PHYIR DANG, 'DUS PA RNAMS SKYE BA'I PHYIR GDON MI ZA BAR GANG DAG JI LTAR GNAS PA DE BRJOD PAR BYA DGOS SO, ,RE ZHIG MIG GI RDUL PHRA RAB RNAMS NI ZHES BYA BA RGYAS PAR 'BYUNG STE, MIG GI 'BRAS BU STE, RNO MIG GI KOR LING LA GO SNYOD KYI ME TOG BZHIN DU YUL MNGON DU PHYOGS PAR GNAS SO, ,GO SNYOD KYI ME TOG SMOS PA NI PHAN TSUN MA 'BREL BAR BSTAN PA'I PHYIR RO, ,PHAN TSUN DU MA 'BREL BA'I PHYIR 'GYES PAR THAL ZHES BYA BA'I DGOS PA BZLOG PA'I PHYIR, KHA DOG DANGS PAS BKAG PAS ZHES BYA BA LA SOGS PA SMOS TE, KHA DOG DANGS PA SMOS PA NI SHEL LTAR LTA BA'I GEGS BSAL BA'I PHYIR RO, ,BLA 'OG NAS GNAS NA NANG MA RNAMS LA SGRIB PAR 'GYUR RO ZHE NA, DE'I PHYIR, PHAN TSUN @95A *, ,MI SGRIB BO ZHES BYA BA SMOS SO, ,SHEL GYI CHA SHAS DAG NI PHAN TSUN MI SGRIB STE, PHAN TSUN SGRIB NA SHEL GYIS SGRIB PA'I GZUGS MI 'DZIN PAR 'GYUR RO, ,RNA 'BRUG GI NANG NA GNAS SO ZHES BYA BA LA, RNA 'BRUG NI RNA KHUNG DU BU GA'I BAR RO, ,GANG ZHIG GRO SHOG GI KHA DOG GI RNAM PA CAN DE NI 'GRO BA DANG 'DRA BAS RNA 'BRUG STE, DE'I NANG NA GNAS SO, ,MTSUL PA'I NANG NA ZHES BYA BA LA, SNA'I NANG NA RTEN DANG 'DRA BAR KHA THUR DU BLTAS PA'O, ,DBANG PO DANG PO GSUM NI PHRENG BA BZHIN DU GNAS SO ZHES BYA BA NI MNYAM POR TSAR DU GNAS PA STE, DE DAG GI RTEN RNAMS PHRENG BA DANG 'DRA BAR GNAS PA'I PHYIR RO, ,JI LTAR LCE'I DBANG PO'I RDUL PHRA RAB RNAMS ZLA BA KHAM PA LTA BUR GNAS SHE NA, LCE'I DBUS NA SKRA'I RTZE MO'I KHYON TZAM ZHIG CES BYA BA SMOS TE, MKHEBS PA NI MKHYAB PA'O, ,GRAG GO'I SGRA NI LUNG YIN PAR BSTAN PAR BYA BA'I PHYIR RO, ,LUS KYI DBANG PO'I RDUL PHRA RAB RNAMS NI ZHES BYA BA RGYAS PAR 'BYUNG STE, RKANG PA'I MTHE BO NAS LUS KYI MTHAR THUG PA STE, THAMS CAD LA KHYAB PA'I PHYIR RO, ,DE NYID KYI PHYIR, LUS BZHIN DU GNAS SO ZHES BYA BA SMOS SO, ,SER SKYA BA DAG NI 'DOMS NI LUS KYI DBANG PO STE, RMA TZAM ZHIG GO ZHES BYA BAR LOG PAR RTOGS TE, DE DGAG PAR BYA BA'I PHYIR RNGA'I SBUBS LTA BU YIN NA ZHES BYA BA SMOS TE, LUS KYI KHAMS LAS DON GZHAN MA YIN NO, ,PHO'I DBANG PO NI RTEN TZAM MA YIN TE, 'O NA CI ZHE NA, MTHE BO LTAR GNAS SO, ,DE YANG LUS KYI KHAMS LAS DON GZHAN MA YIN NO, ,DE LA MIG GI DBANG PO'I RDUL PHRA RAB RNAMS ZHES BYA BA RGYA CHER 'BYUNG BA LA, RES 'GA' NI THAMS CAD BRTEN PA DANG BCAS PA DAG YIN TE, GANG GI TSE PHRAD PAR 'DOD PAS 'DZIN PAR 'DOD PA'I DBANG PO LA LTA BAN STE, DE'I TSE THAMS CAD BRTEN PA DANG BCAS PAR 'GYUR RO, ,RES 'GA' NI DE DAG MTSUNGS PA DAG YIN TE, GANG GI TSE GNYID LOG PA DANG, MIG BTZUMS PAR GYUR PA NA'O, ,RES 'GA' NI KHA CIG BRTEN PA DANG BCAS PA YIN TE, GANG GI TSE PHRAD PAR 'DOD PA MED PAR 'DOD RGYAL DU LTA BA NA STE, DE'I TSE NA KHA CIG BRTEN PA DANG BCAS PA YIN NO, ,KHA CIG DE DANG MTSUNGS PA DAG GO, ,LUS KYI DBANG PO'I RDUL PHRA RAB RNAMS NI ZHES BYA BA RGYAS PAR 'BYUNG STE, SHIN TU MANG BA'I PHYIR PHRAD PAR @95B 'DOD PAS GZUNG BAR 'DOD PA'I DNGOS PO LA YANG THAMS CAD BRTEN PA DANG BCAS PAR MI 'GYUR RO, ,DMYAL BA DAG NI BRTEN PA DANG BCAS PAR 'GYUR RO SNYAM DU SEMS NA, DE'I PHYIR RAB TU 'BAR BA'I DMYAL BA'I NANG NA GNAS PA RNAMS LA YANG ZHES BYA BA LA SOGS PA SMOS TE, RE ZHIG DMYAL BA NA YANG THAMS CAD BRTEN PA DANG BCAS PA MA YIN NO, ,DE NYID LA RGYU SMRAS PA NI, THAMS CAD KYIS RNAM PAR SHES PA BSKYED NA NI LUS ZHIG PAR 'GYUR LO ZHES BYA BA'O, ,LO'I SGRA NI DER LUS MI 'JIG PA NI LAS KYIS GZUNG BA'I PHYIR YIN GYI, THAMS CAD KYIS RNAM PAR SHES PA MI BSKYED PA'I PHYIR NI MA YIN NO ZHES BYA BA'O,, DBANG PO'I RDUL PHRA RAB BAM ZHES BYA BA LA SOGS PA 'BYUNG STE, DBANG PO LAS 'DAS PA'I PHYIR RTEN DANG DMIGS PAR MI SRID DO, ,DE NYID KYI PHYIR, RNAM PAR SHES PA'I TSOGS LNGA PO DAG GI RTEN DANG DMIGS PA NI BSAGS PA YIN PA'I PHYIR RO ZHES BYA BA SMOS TE, RTEN BSAGS PA YIN PA'I PHYIR DANG, DMIGS PA BSAGS PA YIN PA'I PHYIR RO, ,DE NYID KYI PHYIR ZHES BYA BA NI GANG GI PHYIR DBANG PO'I RDUL PHRA RAB BAM YUL GYI RDUL PHRA RAB GCIG GIS RNAM PAR SHES PA SKYED PA MED PA'I PHYIR RO, ,YID NI GCIG PU ZHIG KHO NA YID KYI RNAM PAR SHES PA'I RTEN DU 'GYUR LA, CHOS GCIG DANG DU MA YANG YIN PAS LNGA PO DAG GI ZHES KHYAD PAR DU BYAS SO, ,BSTAN DU MED PA YANG DON GANG GIS SHE NA, DE'I PHYIR, MI MTHONG BA'I PHYIR ZHES BYA BA SMOS SO, ,CI MIG GI RNAM PAR SHES PA NAS ZHES BYA BA 'BYUNG STE, 'DI NI RTEN NGES PAR BSTAN PAR BYA BA'I PHYIR BRTZAMS TE, RTEN BSTAN PAR BYA BA'I PHYIR NI MA YIN NO, ,THA MA'I RTEN 'DAS ZHES BYA BA NI GONG DU DRUG PO 'DAS MA THAG PA'I ZHES BYA BA'I MDO DER BSTAN ZIN TO, ,THA MA'I RTEN NI 'DAS PA KHO NA YIN NO ZHES NGES PAR GZUNG NGO, ,THA MA NI 'DON PA'I GO RIMS KYIS YID KYI RNAM PAR SHES PA YIN LA, DE'I RTEN NI 'DAS PA KHO NA YIN GYI, DA LTAR BA MA YIN ZHING, MA 'ONGS PA MA YIN NO, ,YANG ZHES BYA BA'I SGRA NI 'DAS PA YANG YIN PA ZHES BYA BAS NI, LNGA RNAMS KYI, DE DAG LHAN CIG SKYES PA YIN, ,ZHES SMRAS NA 'DAS PA'I MI RTOGS LA, 'DAS PA NI 'DOD PA YANG YIN TE, DE'I PHYIR YANG GI SGRA NI DE BSDU BAR BYA BA'I PHYIR YIN NO ZHES STON TO, ,DE LTAR NA LNGA PO RNAMS KYI 'DAS PA DANG, DA LTAR YIN GYI, MA 'ONGS PA NI MA YIN @96A *, ,PAS RTEN GYI RNAM PAR GZHAG PA YUL DANG 'DRA BA MA YIN NO ZHES BYA BAR SHES PAR BYAS PAR 'GYUR RO, ,DE NYID KYI PHYIR ZHES BYA BA NI GANG GI PHYIR RNAM PAR SHES PA'I TSOGS LNGA DBANG PO GNYIS KYI RTEN CAN YIN LA, YID KYI RNAM PAR SHES PA YID KYI DBANG PO KHO NA'I RTEN CAN YIN PA'I PHYIR RO; ,MU DANG PO MIG YIN NO ZHES BYA BA NI RTEN GYI DNGOS POR YIN GYI, MTSUNGS PA DE MA THAG PA'I RKYEN GYI DNGOS POR NI MA YIN PA STE, MIG GI RNAM PAR SHES PA DANG LHAN CIG SKYES PA'I PHYIR DANG, SEMS DANG SEMS LAS BYUNG BA RNAMS KHO NA MTSUNGS PA DE MA THAG PA'I DNGOS POR NGES PA'I PHYIR, MIG GI RNAM PAR SHES PA'I MTSUNGS PA DE MA THAG PA'I RKYEN MA YIN NO, ,GNYIS PA NI CHOS KYI KHAMS SEMS LAS BYUNG BA 'DAS MA THAG PA YIN NO ZHES BYA BA LA, SEMS LAS BYUNG BA RNAMS RNAM PAR SHES PA'I RTEN MA YIN PA'I PHYIR MTSUNGS PA DE MA THAG PA'I RKYEN GYI DNGOS PO KHO NAR YIN GYI, RTEN GYI DNGOS POR NI MA YIN NO; ,SEMS LAS BYUNG BA SMOS PA NI LDAN PA MA YIN PA DGAG PAR BYA BA'I PHYIR RO, ,'DAS MA THAG PA ZHES BYA BA NI 'DAS PA SMOS PA NI MA 'ONGS PA DANG RNAM PAR GCAD PAR BYA BA'I PHYIR RO, ,DE MA THAG PA SMOS PA NI BAR DANG BCAS PA DGAG PAR BYA BA'I PHYIR RO, ,GSUM PA NI 'DAS MA THAG PA'I YID YIN NO ZHES BYA BA NI RTEN GYI DNGOS POR YANG YIN LA, MTSUNGS PA DE MA THAG PA'I DNGOS POR YANG YIN PA'O, ,BZHI PA NI BSHAD PA LAS MA GTOGS PA'I CHOS RNAMS SO ZHES BYA BA NI RTEN GYI DNGOS POR YANG MA YIN LA, MTSUNGS PA DE MA THAG PA'I DNGOS POR YANG MA YIN PA STE, DE DAG NI GZUGS LA SOGS PA YUL RNAMS DANG, RNA BA LA SOGS PA RNAMS DANG, SEMS LAS BYUNG BA MI SKYE BA'I CHOS CAN RNAMS DANG, 'DUS MA BYAS SO, ,DE BZHIN DU GANG LUS KYI RNAM PAR SHES PA'I BAR GYI RTEN GYI DNGOS POR YIN PA DE, DE'I MTSUNGS PA DE MA THAG PA'I RKYEN GYI DNGOS POR YANG YIN NAM ZHE NA, MU BZHI STE, MU DANG PO NI LUS YIN NO, ,GNYIS PA NI CHOS KYI KHAMS SEMS LAS BYUNG BA 'DAS MA THAG PA YIN NO, ,GSUM PA NI 'DAS MA THAG PA'I YID YIN NO, ,MU BZHI PA NI BSHAD PA LAS MA GTOGS PA'I CHOS RNAMS YIN NO, ,YID KYI RNAM PAR SHES PA'I NI TSIG SNGA MA DANG SBYOR BA STE ZHES BYA BA LA, GANG DU SNGAR MTHONG BA'I TSIG GIS DON GO BA DE NI TSIG SNGA MA DANG SBYOR @96B BA'O; ,GANG DU PHYI MAR MTHONG BA'I TSIG GIS DON GO BA DE NI TSIG PHYI MA DANG SBYOR BA'O, ,GANG ZHIG RTEN GYI DNGOS POR YIN PA DE NI MTSUNGS PA DE MA THAG PA'I RKYEN GYIS DNGOS POR YANG YIN NO ZHES BYA BA LA, 'DAS MA THAG PA'I YID DE NI DE'I RTEN DANG MTSUNGS PA DE MA THAG PA'I RKYEN YIN NO, ,CHOS KYI KHAMS SEMS LAS BYUNG BA 'DAS MA THAG PA'O ZHES BYA BA LA, DE NI DE'I MTSUNGS PA DE MA THAG PA'I RKYEN KHO NA YIN GYI, RTEN NI MA YIN NO, ,YANG MIG GI RNAM PAR SHES PA NI GNYIS KA LA RAG LUS TE SKYE BA NA ZHES BYA BA RGYAS PAR 'BYUNG BA LA, MIG GI RNAM PAR SHES PA RKYEN DU MA LAS GRUB PA YIN BZHIN DU YANG GNYIS KHO NA CI'I PHYIR SMOS SHE NA, RTEN DANG DMIGS PA NYID KYI SGO NAS RKYEN CHES NYE BA YIN PA'I PHYIR RO, ,SNANG BA MED KYANG MTSAN MO'I RGYU BA RNAMS DANG, NAM MKHA' MED PAR CHU LA RGYU BA RNAMS DANG, MCHING BU DANG, LHANG TSER DANG, SHEL GYIS BAR DU GCAD PA LA MI RNAMS DANG GNYIS KA MED PAR LHA'I MIG DANG LDAN PA LA MIG GI RNAM PAR SHES PA SKYE BA DE LTAR, MIG DANG GZUGS DAG MED PA NI MA YIN NO, ,YID LA BYED PA YANG RNAM PAR SHES PA'I TSOGS DRUG SKYED PA LA RTEN THUN MONG BA YIN TE, MIG DANG GZUGS NI DE LTAR MA YIN NO, ,DE'I PHYIR 'DI GNYIS KHO NA SMOS PA MDZES SO, ,DE DAG GYUR PAS GYUR NYID PHYIR, ,ZHES BYA BA LA, DE RNAMS GYUR PA NI DE DAG GYUR PA'O, ,DE DAG GYUR PAS GYUR PA DE DAG LA YOD PAS NA DE GYUR PAS GYUR PA STE, MIG LA SOGS PA'I RNAM PAR SHES PA RNAMS SO, ,DE DAG GYUR PAS GYUR PA'I DNGOS PO NI DE DAG GYUR PAS GYUR NYID DO, ,DE DAG GYUR PAS NYID DE'I PHYIR RO, , PHAN PA DANG, GNOD PA DANG, GSAL BA DANG, MI GSAL BA NYID KYI RJES SU BYED PA'I PHYIR RO ZHES BYA BA LA, PHAN PA DANG GNOD PA DAG NI RKYEN LA LTOS PA YIN LA, GSAL BA DANG MI GSAL BA NYID CES BYA BA NI MIG GI RANG BZHIN NYID DO, ,RJES SU BYED PA'I SGRA NI PHAN PA'I RJES SU BYED PA'I PHYIR RO ZHES BYA BA LA, MI GSAL BA NYID KYI RJES SU BYED PA'I PHYIR RO ZHES RE RE DANG SBYAR RO, ,MIG LA SOGS PA'I RNAM PAR SHES PA RNAMS NI GO RIMS BZHIN BDE BA SKYE BA DANG, SDUG BSNGAL SKYE BA'I SGO NAS MIG LA SOGS PA DAG LA MIG SMAN DANG, RDUL LA SOGS PA DAG GIS PHAN BTAGS PA DANG, GNOD PA BYAS PA'I RJES SU BYED @97A *, ,CING; DE BZHIN DU GSAL BA DANG MI GSAL BA SKYES PAS GSAL BA DANG MI GSAL BA'I RANG BZHIN DU GYUR PA NYID KYIS KYANG RJES SU BYED DE, DE'I PHYIR MIG LA SOGS PA DAG RNAM PAR GYUR PAS RNAM PAR SHES PA RNAM PAR 'GYUR BA YIN NO ZHES BYA BAR SHES SO, ,GZUGS LA SOGS PA DAG GYUR PAS DE DAG 'GYUR BA NI MA YIN TE, GZUGS LA SOGS PA DAG GI ,PHAN PA DANG, GNOD PA DANG, GSAL BA DANG, MI GSAL BA NYID KYI RJES SU MI BYED PA'I PHYIR RO, ,'DI LTAR GZUGS GSAL BA YANG MIG SER GYIS MIG NYAMS PA RNAMS KYIS DUNG SER POR MTHONG BA YIN NO, ,RAB RIB LA SOGS PAS GNOD PAR BYAS PA GZUGS RNAM PAR 'GYUR BA MTHONG BA YIN NO, ,DE BZHIN DU MIG MI GSAL NA GZUGS RANG GI MTSAN NYID KYIS TSANG YANG MIG GI RNAM PAR SHES PA MI GSAL BA NYID DU 'GYUR RO, ,DE LTAR NA MIG GSAL NA GZUGS MI GSAL YANG DE'I RNAM PAR SHES PA GSAL BAR SKYE'O, , 'DIR RTEN GYI DON NI RJES SU BYED PA'I DON YIN NO, ,SHIN TU LEGS PA YIN GYI ZHES BYA BA NI CHES LEGS SO ZHES BYA BA'I DON TO, ,GANG LA RNAM PAR SHES PA BYED PA DE NYID KYI DE BSNYAD PAR RIGS SO SNYAM DU BSAMS TE 'DRI BA NI, CI'I PHYIR ZHES BYA BA RGYA CHER 'BYUNG BA'O, ,RTEN GYI DON BSHAD ZIN PA'I PHYIR THUN MONG MA YIN PA NYID 'DRI BA NI, JI LTAR THUN MONG MA YIN PA NYID YIN ZHES PA'O, ,MIG NI RNAM PAR SHES PA GZHAN GYI ZHES BYA BA LA, GZHAN NYID NI RANG GI RGYUD DU GTOGS KYANG RIGS THA DAD PA'I PHYIR YID KYI RNAM PAR SHES PA YIN LA, RIGS MTSUNGS NYID YIN YANG SEMS CAN GYI RTEN THA DAD PAS MIG GI RNAM PAR SHES PA STE, RTEN MA YIN NO, ,LUS KYI BAR DU YANG DE DANG 'DRA'O, ,GANG GI PHYIR SKYE GNAS GCIG LA GNAS PA'I GZUGS LA YANG SKYE GNAS BZHI LA GNAS PA'I MIG GI RNAM PAR SHES PA SKYE'I, SKYE GNAS GCIG LA GNAS PA'I MIG GIS SKYE GNAS GNYIS LA GNAS PA'I MIG GI RNAM PAR SHES PA YANG MI SKYE NA, SKYE GNAS BZHI LA GZHAN PA LTA CI SMOS, DE BZHIN DU KHAMS DANG 'GRO PA NGES PA LAS KYANG THUN MONG MA YIN NO, ,GAL TE YANG SKYE GNAS GZHAN LA GNAS PA'I YID KYI RNAM PAR SHES PA SKYE GNAS GZHAN LA GNAS PA SKYE MOD KYI, GCIG GIS CIG CAR SKYE GNAS DU MA LA GNAS PA SKYED PA NI MA YIN TE, GZUGS LA @97B SOGS PA DAG LA JI LTA BA BZHIN NO, ,DE BZHIN RTEN GYI RJES SU BYED PA'I PHYIR DANG, THUN MONG MA YIN PA'I PHYIR DE DAG GIS BSTAN TO, ,DPER NA RNGA BO CHE'I SGRA DANG, NAS KYI MYU GU BZHIN NO ZHES BYA BA LA, SGRA DANG MYU GU 'BYUNG BA RGYU DU MA LA RAG LAS PA YIN YANG RNGA BO CHE DANG NAS GNYIS THUN MONG MA YIN PA'I PHYIR, RNGA BO CHE'I SGRA NAS KYI MYU GU ZHES DE DAG GIS BSTAN GYI, RNGA LCAG LA SOGS PA DAG DANG, CHU LA SOGS PA DAG NI, RNGA PA tA HA LA SOGS PA'I SGRA DAG DANG, S'A LU'I MYU GU LA SOGS PA DAG LA YANG THUN MONG MA YIN PAS RNGA LCAG GI SGRA CHU'I MYU GU ZHES DE DAG GIS MA BSTAN TO, ,GANG LAS SHE NA, THUN MONG MA YIN PA'I PHYIR RO; ,'ON KYANG RNGA BO CHE'I SGRA NAS KYI MYU GU ZHES BSTAN TO, ,DE BZHIN DU 'DIR YANG MIG LA SOGS PA'I RNAM PAR SHES PA YIN GYI, GZUGS LA SOGS PA'I RNAM PAR SHES PA NI MA YIN NO, ,YANG LUS GANG LA GNAS TE ZHES BYA BA LA, YANG GI SGRA NI DBANG DU BYA BA'I DON TO, ,GANG LA ZHES BYA BA NI 'DOD PAR GTOGS PA'AM; BSAM GTAN DANG PO'AM, GNYIS PA'AM, GSUM PA'AM, BZHI PA'I SA PA'O, ,CI LUS DANG ZHES BYA BA LA SOGS PA LA, CI LUS 'DOD PAR GTOGS NA MIG DANG, GZUGS DANG, RNAM PAR SHES PA DAG KYANG 'DOD PAR GTOGS PA KHO NA YIN PA NAS DE BZHIN DU LUS BSAM GTAN BZHI PA'I SA PA YIN NA, MIG DANG, GZUGS DANG, RNAM PAR SHES PA DAG KYANG BSAM GTAN BZHI PA'I SA PA'I BAR DU YIN PA ZHIG GAM, 'ON TE LUS 'DOD PAR GTOGS NA MIG DANG, GZUGS DANG, RNAM PAR SHES PA GZHAN GYIS PA YIN PA NA, DE BZHIN DU LUS BSAM GTAN BZHI PA'I SA YIN NA, MIG DANG, GZUGS DANG; RNAM PAR SHES PA NGAG KYANG GZHAN GYI SA PA'I BAR DU YIN PA ZHIG CE NA, BZHI CHAR YANG PHAN TSUN NGES PA MED PAR BSTAN PA'I PHYIR, THAMS CAD LA BYE BRAG YOD DE ZHES BYA BA SMOS SO, ,'DOD PA'I KHAMS DANG BSAM GTAN DANG POR GTOGS PA MA GTOGS PA GZHAN DU SKYES PA RNAMS KYI BZHI PA 'DI DAG THAMS CAD RANG GI SA PA MI SRID DE, 'DOD PA DANG BSAM GTAN DANG POR SKYES PA DAG LA NI RANG GI MIG GIS RANG GI GZUGS RNAMS LA LTA BA NAS THAMS CAD RANG GI SA PA YANG SRID DO, ,'DI NYID BSTAN PA'I PHYIR RO, ,'DOD PA'I KHAMS SU SKYES PA RANG GI MIG GIS ZHES BYA BA RGYAS PAR SMOS SO, ,BSAM GTAN @98A *, ,GSUM PA DANG BZHI PA'I SA PA'I MIG GIS ZHES BYA BA LA SOGS PA LA, JI LTAR 'DOD PA'I KHAMS SU SKYES PA'I BSAM GTAN DANG PO DANG, GNYIS PA'I MIG GIS DE'I SA PA DANG, SA 'OG MA'I GZUGS RNAMS LA LTA BA NA, GANG GI SA PA YIN PA DE RGYAS PAR BSHAD PA DE BZHIN DU BSAM GTAN GSUM PA DANG, BZHI PA'I MIG GIS LTA BAR YANG SBYAR BAR BYA'O, ,DE LA BSAM GTAN GSUM PA'I MIG GIS 'DOD PAR GTOGS PA'I GZUGS RNAMS LA LTA BA NA, GZUGS DANG LUS NI 'DOD PAR GTOGS PA YIN LA, MIG GI RNAM PAR SHES PA NI BSAM GTAN DANG PO'I SA PA YIN NO, ,MIG NI GSUM PA'I YIN NO, ,BSAM GTAN DANG PO'I GZUGS RNAMS LA LTA BA NA LUS NI 'DOD PA LA SPYOD PA YIN LA, GZUGS RNAMS DANG, MIG GI RNAM PAR SHES PA NI DANG PO PA'O, ,MIG NI BSAM GTAN GSUM PA'I SA PA'O, ,BSAM GTAN GNYIS PA'I GZUGS RNAMS LA LTA BA NA, LUS NI 'DOD PAR GTOGS PA YIN LA, MIG GI RNAM PAR SHES PA NI DANG PO'I YIN NO, ,GZUGS RNAMS NI GNYIS PA'I YIN NO, ,MIG NI BSAM GTAN GSUM PA'I YIN NO, ,BSAM GTAN GSUM PA'I GZUGS RNAMS LA LTA BA NA, LUS NI 'DOD PA NA SPYOD PA YIN LA, MIG GI RNAM PAR SHES PA NI BSAM GTAN DANG PO'I SA PA YIN NO, ,GZUGS DANG MIG NI GSUM PA'I YIN NO, ,DE BZHIN DU BSAM GTAN BZHI PA'I MIG GIS 'DOD PAR GTOGS PA RNAMS LA LTA BA NA, LUS DANG GZUGS NI 'DOD PA'I KHAMS YIN LA, MIG GI RNAM PAR SHES PA NI DANG PO'I YIN NO, ,MIG NI BSAM GTAN BZHI PA'I SA PA YIN NO; ,BSAM GTAN DANG PO'I SA PA RNAMS LA LTA BA NA LUS NI SNGA MA DANG 'DRA'O, ,GZUGS RNAMS DANG RNAM PAR SHES PA NI DANG PO'I YIN NO, ,MIG NI BZHI PA'I YIN NO, ,BSAM GTAN GNYIS PA'I SA PA RNAMS LA LTA BA NA LUS NI 'DOD PA NA SPYOD PA YIN LA, MIG GI RNAM PAR SHES PA NI DANG PO'I YIN NO, , GZUGS RNAMS NI GNYIS PA'I YIN NO, ,MIG NI BZHI PA'I YIN NO, BSAM GTAN GSUM PA'I SA PA RNAMS LA LTA BA NA LUS NI 'DOD PAR GTOGS PA YIN LA, RNAM PAR SHES PA NI BSAM GTAN DANG PO'I YIN NO, ,GZUGS NI GSUM PA'I YIN NO, ,MIG NI BZHI PA'I YIN NO, ,BSAM GTAN BZHI PA'I SA PA @98B RNAMS LA LTA BA NA, LUS NI 'DOD PA NA SPYOD PA YIN LA, MIG GI RNAM PAR SHES PA NI BSAM GTAN DANG PO'I SA PA YIN NO, ,GZUGS DANG MIG NI BZHI PA'I YIN NO, ,BSAM GTAN GSUM LA SOGS PA'I MIG GIS LTA BA'I YANG DE BZHIN DU SBYAR BAR BYA'O ZHES BYA BA LA, BSAM GTAN DANG POR SKYES PA BSAM GTAN GSUM PA'I MIG GIS 'DOD PA'I GZUGS RNAMS LA LTA BA NA, GZUGS RNAMS NI 'DOD PA NA SPYOD PA YIN LA, LUS DANG RNAM PAR SHES PA DAG NI DANG PO'I YIN NO, ,MIG NI GSUM PA'I YIN NO, ,BSAM GTAN DANG PO'I GZUGS RNAMS LA LTA BA NA LUS DANG, RNAM PAR SHES PA DANG, GZUGS RNAMS NI DANG PO'I YIN LA, MIG NI GSUM PA'I YIN NO, ,BSAM GTAN GNYIS PA'I GZUGS RNAMS LA LTA BA NA, LUS DANG RNAM PAR SHES PA DAG NI DANG PO'I YIN LA, GZUGS NI GNYIS PA'I YIN NO, ,MIG NI GSUM PA'I YIN NO, ,RANG GI GZUGS RNAMS LA LTA BA NA LUS DANG RNAM PAR SHES PA DAG NI DANG PO'I YIN LA, MIG DANG GZUGS GNYIS NI GSUM PA'I YIN NO, ,BSAM GTAN BZHI PA'I MIG GIS LTA BA'I YANG DE BZHIN DU SBYAR BAR BYA'O, ,BSAM GTAN GNYIS PA LA SOGS PAR SKYES PA ZHES BYA BA LA, DE LA BSAM GTAN GNYIS PAR SKYES PA'I RANG GI MIG NI BSAM GTAN GNYIS PA'I SA PA YIN NO, , BSAM GTAN GSUM PA DANG BZHI PA NI GZHAN GYI MIG GO, ,DE BZHIN DU BSAM GTAN GSUM PAR SKYES PA'I RANG GI MIG NI BSAM GTAN GSUM PA'I SA PA'O, ,GZHAN GYI MIG NI BSAM GTAN BZHI PA'I SA PA'O, ,BSAM GTAN BZHI PAR SKYES PA'I MIG NI RANG GI SA PA KHO NA YIN GYI, GZHAN GYI SA PA NI MA YIN NO, , RANG DANG GZHAN GYI GZUGS RNAMS LA LTA BA'I YANG ZHES BYA BA LA, BSAM GTAN GNYIS PAR SKYES PA'I RANG GIS PA'I GZUGS NI BSAM GTAN GNYIS PA'I GZUGS DAG GO, ,LHAG MA GONG MA DANG 'OG MA DAG NI GZHAN GYIS PA RNAMS SO, ,BSAM GTAN GSUM PA DANG, BZHI PAR SKYES PA GNYIS KYI YANG DE BZHIN DU SBYAR BAR BYA STE, BZHI PAR SKYES PA'I GZHAN GYI SA PA'I GZUGS RNAMS NI 'OG MA DAG KHO NA YIN GYI, GONG MA DAG NI YOD PA MA YIN NO, ,CI RIGS PAR SBYAR BAR BYA'O ZHES BYA BA 'BYUNG STE, DE LA RIGS PA 'DI YIN TE, BSAM GTAN GNYIS PAR SKYES PA'I 'DOD PAR GTOGS PA DANG, BSAM GTAN DANG PO'I SA @99A *, ,PA'I MIG MED KYI, RANG GIS PA'I MIG GIS RANG DANG 'OG MA'I GZUGS RNAMS LA LTA STE, GONG MA DAG LA NI MA YIN NO, ,BSAM GTAN GSUM PA'I SA PAS NI BSAM GTAN BZHI PA'I GZUGS MA GTOGS PA'I GZUGS RNAMS LA LTA'O, ,BSAM GTAN BZHI PA'I MIG GIS NI THAMS CAD LA LTA BA NYID DO, ,DE LTAR NA BSAM GTAN GSUM PA DANG BZHI PAR SKYES PA RNAMS NI SA 'OG MA'I MIG MED KYI, RANG GI SA PA'I MIG GIS RANG GI SA PA DANG SA 'OG MA'I GZUGS LA LTA STE, SA GONG MA LA NI MA YIN NO, ,LUS LA 'OG MA'I MIG MA YIN ZHES BYA BA LA, 'OG MA BKAG PAS RANG GI SA PA DANG SA GONG MA PA GNANG BAR 'GYUR RO, ,'DI LTAR SA GONG MA PA'I LUS LAS 'OG MA PA'I MIG RNAM PAR SMIN PA LAS SKYES PA MI RIGS TE, SA 'OG MA PA'I RNAM PAR SMIN PA'I RGYUS GONG MA'I 'BRAS BU MI 'BYIN PA'I PHYIR RO, ,RGYAS PA LAS BYUNG BA YANG MI RUNG STE, SA 'OG MA PA'I RGYAS PA'I RGYU MED PA'I PHYIR RO, , LUS DANG, MIG DANG, GZUGS RNAMS NI GZUGS KYI RANG BZHIN YIN PA'I PHYIR DANG, BSAM GTAN BZHI PA'I GONG NA GZUGS MED PA'I PHYIR SA LNGA PA KHO NA YIN GYI, SA GONG MA DAG NI MED DO, ,MIG GI RNAM PAR SHES PA NI ZHES BYA BA LA, 'DOD PA'I KHAMS DANG BSAM GTAN DANG PO NA YOD KYI, GONG NA NI YOD PA MA YIN TE; RTOG PA DANG BCAS SHING DPYOD PA DANG BCAS PA'I PHYIR DANG, BSAM GTAN GNYIS PA LA SOGS PA DAG NA RTOG PA DANG DPYOD PA MED PA'I PHYIR RO, ,MIG GIS GONG MA'I GZUGS MA YIN ZHES BYA BA LA, GONG MA'I BKAG PAS RANG GI SA PA DANG SA 'OG MA PA KHAS BLANGS PAR 'GYUR RO, ,YANG CI'I PHYIR MIG GONG MA'I GZUGS KYI YUL CAN DU MI 'DOD CE NA, SA 'OG MA'I MIG NI YUL RAGS PA LA 'TSAM PA'I PHYIR, SA GONG MA'I GZUGS PHRA MO LA LTA BA'I NUS PA MED DO, ,RNAM PAR SHES PA'ANG GONG MA NI MIG GIS MA YIN TE ZHES BYA BA 'DIR YANG RANG GI SA PA DANG SA 'OG MA PA KHAS BLANGS PAR 'GYUR TE, JI LTAR SA GONG MA'I GZUGS SA 'OG MA PA'I MIG GI YUL MA YIN PA DE BZHIN DU, SA GONG MA PA'I RNAM PAR SHES PA YANG SA 'OG MA PA'I MIG GIS BRTEN PAR MI 'GYUR TE, RANG GI RTEN DANG LHAN CIG YUL GCIG LA 'JUG PA'I PHYIR RO, ,'DI NA LHA TSANGS PA LA SOGS PA MTHONG BA'I PHYIR DANG, DE'I DBANG GIS RNAM PAR SHES @99B PA SKYE BA'I PHYIR 'DI NI KHYAD PAR BYA DGOS SO ZHES BYA BA 'DI NI RGOL BA'I GZHI YIN NO ZHE NA, SPRUL PA'I GZUGS MTHONG BA'I PHYIR NA 'DI NI BSHAD ZIN TO, ,GZUGS NI 'DI'I LUS KYI'ANG GNYIS KA THAMS CAD DU ZHES BYA BA 'BYUNG STE, 'DI'I ZHES BYA BA BSHAD MA THAG PA'I MIG GI RNAM PAR SHES PA'I ZHES BYA BA LA; RNAM PAR SHES PA'I RIGS KYI YUL NI GZUGS THAMS CAD DU YIN TE, 'DOD PA NA SPYOD PA'I MIG GI SHES PA'I YUL NI RANG GI SA PA'I GZUGS KHO NA'O, ,BSAM GTAN DANG PO'I SA PA'I MIG GI RNAM PAR SHES PA'I YUL NI RANG DANG 'OG DANG, GONG MA'I SA PA'I GZUGS YIN LA LUS KYI YANG GZUGS DANG RNAM PAR SHES PA DAG GNYIS KA RANG DANG, 'OG DANG, GONG MA'I SA PA DAG THAMS CAD DU YIN NO, ,DE LA RNAM PAR SHES PA'I RANG GI SA PA'I GZUGS NI RANG GI RNAM PAR SHES PAS SHES PA'I 'DOD PA DANG BSAM GTAN DANG PO'I GZUGS SO, ,BSAM GTAN DANG PO'I RNAM PAR SHES PA'I GONG MA'I SA PA NI BSAM GTAN GNYIS PA LA SOGS PA'I GZUGS SO, ,SA 'OG MA PA'I 'DOD PA'I GZUGS SO, ,LUS KYI GZUGS DANG RNAM PAR SHES PA RANG GI SA PA DAG NI 'DOD PA DANG BSAM GTAN DANG POR SKYES PA'I'O, ,SA 'OG MA PA DAG NI BSAM GTAN GNYIS PA LA SOGS PAR SKYES PA'I'O, ,SA GONG MA PA DAG NI 'DOD PA'I KHAMS SU SKYES PA KHO NA'I'O, ,LUS LA 'OG MA'I RNA BA MIN, ,ZHES BYA BA LA, SA GONG MA PA'I LUS YIN PAS SA DE PA 'AM GONG MA'I RNA BA YIN GYI, SA 'OG MA PA NI MA YIN NO, ,'DI'I RNA BA'I YUL NI DE'I SA PA'I SA GONG MA PA'I SGRA MA YIN NO, ,RNA BA'I GONG MA'I SGRA MA YIN ZHES BYA BA NI RNA BA'I DBANG PO STE; SA GONG MA'I SGRA SA 'OG MA'I RNA BAS THOS PAR NI NAM YANG MI NUS SO, ,RNAM PAR SHES PA YANG GONG MA NI RNA BA'I MA YIN TE, SGRA BZHIN NO, ,RNAM PAR SHES PA 'ANG SGRA NI 'DI'O, ,LUS KYI 'ANG GNYIS KA THAMS CAD DU, 'DI'I ZHES BYA BA BSHAD MA THAG PA'I RNA BA'I RNAM PAR SHES PA'I YUL NI GONG MA DANG, 'OG MA DANG; RANG GI SA PA'I SGRA THAMS CAD DU YIN LA, LUS KYI YANG SGRA DANG RNAM PAR SHES PA DAG GNYIS KA THAMS CAD DU YIN NO, ,GSUM DAG NI ZHES BYA BA RGYAS PAR 'BYUNG STE, YUL DANG PHRAD PA YIN PA'I PHYIR LUS DANG DBANG PO DANG YUL GYI BDAG NYID CAN GSUM CHAR GDON MI ZA BAR RANG GI SA PA YIN GYI, RNAM @100A *, ,PAR SHES PA LA NI BYE BRAG YOD DO, ,DRI DANG RO DAG NI 'DOD PA'I KHAMS KHO NA NA YOD PA'I PHYIR DANG, LUS DANG, REG PA DANG, LUS KYI DBANG PO NI SA LNGA PA YIN LA, LUS KYI RNAM PAR SHES PA NI SA GNYIS PA YIN PA DE'I PHYIR, 'DI LA DBYE BA YOD DO, ,YID MA NGES TE ZHES BYA BA LA, RE ZHIG MTSUNGS PA'I SA PA NI SA LNGA PO DAG TU SKYES PA GANG YIN PA'I RANG GI SA PA BZHI PO KHO NA YIN GYI, GANG GI TSE RANG GI SA PA'I YID KYI RNAM PAR SHES PAS RANG GIS PA'I CHOS RNAMS SHES PA NA'O, ,DE NYID KYI PHYIR, SA LNGA PA'I YUL LA YANG YID LA SOGS PA THAMS CAD PA DAG YIN TE ZHES BYA BA SMOS TE, YID DANG, CHOS DANG, YID KYI RNAM PAR SHES PA DAG NI 'DOD PA NA SPYOD PA NAS SRID PA'I RTZE MO PA'I BAR SA THAMS CAD PA YIN NO, ,SNYOMS PAR 'JUG PA DANG SKYE BA'I TSE ZHES BYA BA 'BYUNG NGO, ,DE LA NYOMS PAR 'JUG PA'I TSE YID SA GONG MA PA YIN NA NI GANG GI TSE 'DOD PA'I KHAMS SU SKYE BA ZHIG BSAM GTAN DANG PO LA SOGS PA'I MJUG THOGS SU 'DOD PA NA SPYOD PA'I YID KYI RNAM PAR SHES PAS 'DOD BA NA SPYOD PA'I CHOS RNAMS SHES PA NA STE, DE'I TSE YID NI SA GONG MA PA YIN LA, LUS DANG, YID KYI RNAM PAR SHES PA DANG CHOS RNAMS NI SA 'OG MA PA YIN NO, ,YANG NA 'DOD PA'I KHAMS SU SKYES PA 'DOD PAR GTOGS PA'I SPRUL PA SPRUL PA NA STE, YID NI CI RIGS PAR BSAM GTAN BZHI PA'I SA PA YIN LA, GSUM NI 'DOD PAR GTOGS BA'I YIN NO, ,SA 'OG MA'I YID NI BSAM GTAN DANG POR SKYE BA'I SPRUL PA SDUD PA'I TSE STE, YID SA 'OG MA PA YIN LA, LUS DANG, YID KYI RNAM PAR SHES PA DANG, CHOS RNAMS NI SA GONG MA PA YIN NO, ,SKYE BA'I TSE YID SA GONG MA PA YIN LA, LUS DANG, YID KYI RNAM PAR SHES PA DANG, CHOS RNAMS SA 'OG MA PA YIN PA NI GANG ZHIG SA GONG MA PA'I RNAM PAR SHES PA'I MJUG THOGS SU 'DOD PA DANG GZUGS KYI KHAMS SU NYID MTSAMS SBYOR NA STE, DE'I YID NI SA GONG MA PA YIN LA, LUS DANG, YID KYI RNAM PAR SHES PA NI SA 'OG MA PA YIN NO, ,CHOS RNAMS NI DE'I SA PA DANG, SA GONG MA PA DANG MI LDAN PA DAG YIN NO, ,DE BZHIN DU YID SA 'OG MA PA YIN LA, LUS DANG, YID KYI RNAM PAR SHES PA DANG, CHOS RNAMS SA GONG MA PA YIN PA NI GANG GI TSE 'DOD PA'I KHAMS NAS 'CHI 'PHOS TE, DE NAS @100B GZUGS KYI KHAMS SU NYID MTSAMS SBYOR BA NA STE, DE'I TSE YID NI SA 'OG MA PA YIN LA, LUS DANG, YID KYI RNAM PAR SHES PAR SHES PA NI SA GONG MA PA YIN NO, ,CHOS RNAMS NI MA NGES TE, DE'I SA PA DANG, SA GONG MA PA DANG MI LDAN PA DAG GAM, 'DOD PA NA SPYOD PA'I SPRUL PA'I SEMS SO, ,'DI RGYAS PAR NI SNYOMS PAR 'JUG PA BSTAN PA ZHES BYA BA LA SOGS PA NI, ZAG PA MED PA'I MJUG THOGS SU, ,LTAG 'OG GSUM PA'I BAR DGE BA, ,SKYE BO DAG PA LAS DE BZHIN, ,RANG GI SA PA'I NYON MONGS KYANG, ,NYON MONGS CAN LAS RANG DAG DANG, ,NYON MONGS 'OG MA'I DAG GCIG KYANG, ,'CHI 'PHO DAG LAS NYON MONGS KUN, ,NYON MONGS CAN LAS GONG MA MIN, ,ZHES BYA BA DANG, RIGS MI MTHUN PA'I GSUM PAR 'GRO, ,THOD RGAL GYI NI SNYOMS 'JUG YIN, ,ZHES BYA BA DE LTA BU LA SOGS PA'O, ,ZHAR LAS 'ONGS PA'I SKABS ZHES BYA BA LA, ZHAR LAS 'ONGS PA NI ZHAR LAS BYUNG BA STE, LUS GANG LA GNAS TE ZHES BYA BA LA SOGS PA 'DI NI, MIG GIS GZUGS RNAMS MTHONG ZHES BYA BA DE LAS 'ONGS BA YIN NO, ,KHAMS KYI RAB TU DBYE BA'I SKABS SU BAB PAS DE'I PHYIR, GNYIS KYI RNAM SHES PHYI YI LNGA, ,ZHES BYA BA 'DI SMOS SO, ,LNGA ZHES BYA BA NI CHOS KYI KHAMS GSAL BAR BYA BA'I PHYIR RO, ,PHYI'I ZHES BYA BA NI MIG LA SOGS PA GSAL BAR BYA BA'I PHYIR RO, ,PHYI'I LNGA KHO NA NYID KYIS SHES PAR BYA BA YIN NO ZHES NGES PAR GZUGS BAS GNYIS KYIS SHES PAR BYA BA KHO NA NI MA YIN TE, CHOS MNGON PA LAS SRID PA'I DBANG DU BYAS NAS BSHAD DO, ,NGES PAR GZUNG BA NYID KYI KHAMS LHAG MA BCU GSUM NI YID KYI RNAM PAR SHES PAS SHES PAR BYA BA YIN NO ZHES BYA BAR 'GRUB PAR 'GYUR TE, LNGA PO RNAMS KYI YUL MA YIN PA'I PHYIR RO, ,'DUS MA BYAS NI RTAG PA KHO NA'O ZHES BYA BAR NGES PAR GZUNG BAS CHOS KYI KHAMS KYI PHYOGS GCIG RTAG GO ,LHAG MA RNAMS DANG, CHOS KYI KHAMS KYI PHYOGS GCIG NI MI RTAG GO ZHES BYA BAR SHES PAR BYAS PAR 'GYUR RO, ,JI LTAR 'DUS MA BYAS KHO NA RTAG PA YIN ZHE NA, DUS SU RGYU BA MED PA'I PHYIR RO, ,DE MED PA NI SKYE BA LA SOGS PA'I 'DUS BYAS KYI MTSAN NYID DANG MI LDAN PA'I PHYIR RO, ,CHOS KYI PHYED DANG GANG DAG NI, ,BCU GNYIS NANG GIR BSHAD DBANG PO, ,ZHES BYA BA LA, KHAMS DAG GO ZHES SKABS DANG SBYAR RO, ,MDO LAS, MIG @101A *, ,GI DBANG PO DANG ZHES BYA BA NI DE NAS BRAM ZE RANG BZHIN NYAN GYIS BCOM LDAN 'DAS LA 'DI SKAD CES GSOL TO, ,KYE GOO TA MA DBANG PO RNAMS ZHES BGYI NA, KYE GOO TA MA DBANG PO RNAMS NI DU, DBANG PO CI SNYED CIG GIS DBANG PO BSDUS PAR 'GYUR, BRAM ZE, DBANG PO NI NYI SHU RTZA GNYIS PO 'DI DAG STE, NYI SHU RTZA GNYIS GANG DAG ZHIG CE NA, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO DANG, YID KYI DBANG PO DANG, MO'I DBANG PO DANG, PHO'I DBANG PO DANG, SROG GI DBANG PO DANG, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO DANG, DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO DANG, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, KUN SHES PA DANG LDAN PA'I DBANG PO STE, BRAM ZE 'DI DAG NI DBANG PO NYI SHU RTZA GNYIS SO, ,DBANG PO 'DI DAG TZAM GYIS DBANG PO BSDUS PAR 'GYUR RO ZHES BYA BA 'BYUNG STE, MDO LAS NI SKYE MCHED DRUG RNAM PAR GZHAG PA LAS LUS KYI DBANG PO'I MJUG THOGS SU YID KYI DBANG PO BSHAD LA, CHOS MNGON PA RNAMS KYIS NI RNAM PA STON PA DAG TU CHES BDE BLAG TU BSTAN PAR BYA BA'I PHYIR, DMIGS PA MED CING LUNG DU MA BSTAN LA, GCIG PA ZAG PA DANG BCAS PA RNAMS 'DON PA'I GO RIMS GCIG TU BYAS TE, DE NAS DMIGS PA DANG BCAS PA'I DBANG PO YID KYI DBANG PO STON TO, ,DE LA ZHES BYA BA NI DON NYE BAR DGOD PA'I TSIG STE, DBANG PO GANG DAG BSHAD PA LA, ,CHOS KYI KHAMS KYI PHYOGS GCIG YIN PA'I PHYIR CHOS KYI PHYED CES BYA BA'O, ,SROG GI DBANG PO LA SOGS PA DBANG PO BCU GCIG DANG ZHES BYA BA LA, CHOS KYI KHAMS KYI PHYED NI SROG GI DBANG PO DANG, TSOR BA'I DBANG PO LNGA DANG, DAD PA LA SOGS PA LNGA DANG, GSUM PO DAG GI CHA STE, MI SHES PA KUN SHES PAR BYED PA'I DBANG PO LA SOGS PA RDZAS DGU'I BDAG NYID CAN RNAMS LAS YID KYI DBANG PO MA GTOGS PA GZHAN RDZAS BRGYAD DO, ,MIG LA SOGS PA LNGA NI RANG GI MIG GIS SMOS SO ZHES BYA BA LA, MIG LA SOGS PA'I KHAMS LNGA @101B NI DBANG PO LNGA STE, MIG GI DBANG PO NAS LUS KYI DBANG PO'I BAR RO, ,PHO DANG MO'I DBANG PO GNYIS NI LUS KYI KHAMS KYI PHYOGS YIN TE, GANG GI PHYIR PHO'I KHAMS DANG, MO'I KHAMS GZHAN MED PA'I PHYIR RO, ,'OG NAS 'CHAD DO ZHES BYA BA NI, LUS LAS PHO DANG MO DBANG DAG ,CES BYA BA DE NAS SO, ,LHAG MA KHAMS LNGA PO DAG CES BYA BA NI GZUGS DANG, SGRA DANG, DRI DANG, RO DANG, REG BYA'I KHAMS DAG GO, ,CHOS KYIS KHAMS KYI PHYOGS NI DBANG PO MA YIN PA ZHES BYA BA NI DBANG PO BCU GCIG MA GTOGS PA RNAMS SO, ,SLOB DPON GANG BA SPEL BAS MDZAD PA CHOS MNGON PA MDZOD KYI 'GREL BSHAD MTSAN NYID KYI RJES SU 'BRANG BA ZHES BYA BA LAS KHAMS BSTAN PA ZHES BYA BA MDZOD KYI GNAS DANG PO'I 'GREL BSHAD DO,, ,,DBANG PO RNAMS BSHAD PA LA ZHES BYA BA LA, GAR BSHAD CE NA, KHAMS KYI MDZOD KYI MTHAR RO, ,JI LTAR BSHAD CE NA, BSDU BA DANG, RAB TU DBYE BA'I SGO NAS TE, CHOS KYI PHYED DANG GANG DAG NI, , BCU GNYIS NANG GIR BSHAD DBANG PO, ,ZHES BYA BA NI BSDU BA'O, ,MIG GI DBANG PO NAS, KUN SHES PA DANG LDAN PA'I DBANG PO DANG ZHES BYA BAR NI RAB TU DBYE BA'O, ,DE LTAR DBANG PO RNAMS BSHAD PA LA DBANG PO'I DON MI SHES PA DE'I PHYIR DBANG PO'I DON CI ZHE NA ZHES BYA BAR SMOS SO, ,'DI'I SGRA'I DON GYI DBANG DU BYAS NAS DRIS PA YIN GYI, DNGOS PO'I DON NI MA YIN TE, DNGOS PO PHAN TSUN THA DAD PA RNAMS LA THA MI DAD PA NYE BAR BZUNG NAS SGRA 'JUG PA NI MI RIGS PA'I PHYIR RO, ,DNGOS PO'I DON NI MIG LA SOGS PA PHO'I DBANG PO LA THUG PA 'GA' ZHIG GI NI MDZOD KYI GNAS DANG PO KHO NAR BSTAN LA, SROG GI DBANG PO NI LDAN PA MA YIN PA RNAMS KYI NANG NAS 'CHAD DO, ,DAD PA LA SOGS PA RNAMS NI SEMS LAS BYUNG BA RNAMS KYI NANG NAS SO, ,BDE BA LA SOGS PA RNAMS DANG, MI SHES PA KUN SHES PAR BYED PA'I DBANG PO LA SOGS PA DAG NI DBANG PO'I SKABS 'DI NYID NAS STON PAR 'GYUR RO, ,DE'I PHYIR DNGOS PO'I DON GYI DBANG DU BYAS NAS DRIS PA MA YIN NO ZHES BYA BAR SHES SO, ,SLOB DPON YANG SGRA'I DON KHO NA STON CING, SKAD KYI DBYINGS KYI DON YONGS SU 'DZIN PAR MDZAD PA NI, DBANG NI DBANG PHYUG DAM PA'O, ,ZHES BYA BA STE, DNGOS PO'I YUL CAN GYI DRI BA YIN NA NI 'DI LAN DU MI RUNG NGO, ,DE DBANG BYED PAS NA ZHES BYA BA LA, SKAD KYI DBYINGS 'DI @102A *, ,GZUGS SU BLTA BAR BYA'O, ,DBANG BYED PAS NA DBANG PO RNAMS TE, DBANG BDAG BYED CES BYA BA'I DON TO, ,'DUS PA 'DI LA DBANG BYED DO SNYAM DU BSAM MO, ,DE'I PHYIR ZHES BYA BA LA, GANG GI PHYIR DBANG BYED PAS DBANG PO RNAMS YIN PA DE'I PHYIR DBANG BYED PA'I DON NI DBANG PO'I DON TO, , GAL TE DBANG BYAD PAS DBANG PO RNAMS YIN NA NI, DBANG BYED RNAMS SO ZHES BYA BAR 'GYUR RO ZHE NA, DBANG PO NI DBANG BYED PA'I RTAGS DANG, DBANG BYED PAS BSTEN PA DANG, DBANG BYED PAS PHYUNG BA'O ZHES BYA BAS 'DON PA'I PHYIR DBANG PO ZHES BYA BAR 'GYUR RO, ,DE LTAR NA YANG GHA NYA'I DON BRJOD PAR BYA DGOS NA, DE YANG MA SMRAS PAS 'DI NI LAN MA YIN NO ZHE NA, 'DI NI RNAM PAR SHES PA DANG 'DRA BAR 'GYUR TE, DPER NA RNAM PAR SHES PAR BYED PAS NA RNAM PAR RIG PA'O ZHES BYA BAR 'GYUR BA NI DE LAS THA DAD PA'I SHES PA POS BSDUS PA BSAL BAR BYA BA'I PHYIR, LA tA'I DON LA GUS PA MED PAR BYA STE, RNAM PAR SHES PA ZHES BSHAD PA DE BZHIN DU 'DIR YANG DBANG BYED PA ZHES BYA BA DBANG PO LAS THA DAD PAR BRTAGS PA GSAL BAR BYA BA'I PHYIR YIN NO, ,DE'I PHYIR BCOM LDAN 'DAS KYIS DE DAG LAS THA DAD PA'I DBANG BYED PAS BRTAGS PA GSAL BAR BYA BA'I DON DU, DON DE DANG DE DAG LA DBANG BYED PAR GYUR PA'I PHYIR DBANG BYED PA'I DON GYIS NA DBANG PO RNAMS SO ZHES GSUNGS SO, ,LNGA PO RNAMS NI DON BZHI LA, ,ZHES BYA BA LA, GRANGS MI MNYAM PAR BSTAN PAR BYA BA'I PHYIR DANG, BSNAN PA NI MNGON PAR BYAS PA'I PHYIR DANG, LNGA PO RNAMS RE RE ZHING DON BZHI LA DBANG BYED PA'I ZHES BYA BAR SHES SO, ,DE NYID KYI PHYIR, RE ZHIG MIG DANG RNA BA DAG ,CES DON THA DAD PA BYE BRAG TU PHYE SDE NYA BAR BKOD DO, ,RE RE ZHING ZHES BYA BA NI BSDUS PA MA YIN PA'O, ,LUS MDZES PAR BYAS PA DANG ZHES BYA BA LA, LUS NI 'DIR GZUGS KYI TSOGS LA MNGON PAR 'DOD DO, ,MDZES PA NI GANG GZUNG BAR 'OS PA'I NGO BO NYID DO, ,MI MDZES PA'I NGO BO YIN PA'I PHYIR ZHES BYA BA NI GZUNG BAR 'OS PA'I NGO BO MA YIN PA'I PHYIR TE, MA LONG BA DANG MA 'ON PA DAG NI RTEN DU GZUNG BAR 'OS PA NYID KYI PHYIR LUS MDZES PAR BYA BA LA DBANG BYED PA'O, ,LUS YONGS SU SRUNG BA DANG ZHES BYA BA NI MIG DANG RNA BA DAG DBANG BYED DO ZHES BYA BA DANG SBYAR RO, ,SRUNG BA NI YONGS SU 'DREN DANG 'TSO BA STE, SROG GI BAR CHAD KYI RGYU YONGS SU SPONG BA'O ZHES BYA @102B BA'I DON TO, ,LUS SRUNG BA DE JI LTAR MIG DANG, RNA BA DAG GIS YIN ZHE NA, DE'I PHYIR, MTHONG BA DANG THOS PA NAS ZHES BYA BA RGYAS PAR SMOS TE, GCONG RONG LA SOGS PA MTHONG ZHING, STAG LA SOGS PA'I SGRA THOS NAS GCONG RONG LA SOGS PA DANG, STAG LA SOGS PA SROG GI BAR CHAD KYI RGYU YONGS SU SPONG BA'I PHYIR RO, ,MTSUNGS PAR LDAN PA DANG BCAS PA DAG CES BYA BA NI SEMS LAS BYUNG BA DANG BCAS PA DAG STE, MIG DANG RNA BA GYUR PA'I RJES SU BYAS PAS RTEN GYI NGO BO GNAS PA'I PHYIR DE DAG GI RNAM PAR SHES PA SKYES PA LA DBANG BYED DO, ,GZUGS LTA BA DANG SGRA MNYAN PA DAG GIS ZHES BYA BA LA, GZUGS DANG SGRA 'DZIN PA DAG GIS ZHES BYA BA'I DON TO, ,'DI DAG GI BYED PA NI LUS LA 'DZIN PA ZHIG 'DOD PA'I PHYIR RO, ,THUN MONG MA YIN PA'I RGYU NYID LA ZHES BYA BA NI YUL MA 'DRES PA'I YIN PA'I PHYIR TE, RNA BAS GZUGS LTA BA'AM, MIG GIS NYAN PA NI MA YIN NO, ,CI'I PHYIR MIG DANG RNA BA DAG KHO NA GZUGS LTA BA DANG; SGRA NYAN PA DAG DANG THUN MONG MA YIN PA'I RGYU NYID DO, ,SNA DANG, LCE DANG, LUS RNAMS NI ZHES BYA BA RGYAS PAR 'BYUNG BA LA, DE DAG LAS DBANG PO GANG YANG RUNG BA ZHIG NYAMS NA YANG RTEN GZUNG BAR MI 'OS PA NYID KYI PHYIR RO, ,RTEN NYID MDZES PAR BYA BA LA DBANG BYED DO, ,ZHE NA, MA YIN TE, SHI BA'I GZUGS MI MDZES PA'I PHYIR RO, ,DE DAG GIS KHAM GYI ZAS LA YONGS SU LONGS SPYOD PA'I PHYIR ZHES BYA LA, KHAM GYI ZAS NI DRI LA SOGS PA SKYE MCHED GSUM GYI BDAG NYID YIN LA, DRI LA SOGS PA DE DAG KYANG SNA LA SOGS PA DAG GIS YONGS SU LONGS SPYOD PAS KHAM GYI ZAS YONGS SU LONGS SPYOD PA'I PHYIR LUS SRUNG BA YIN TE, 'GRO BA ZAS KYIS GNAS PA YIN, ,ZHES GSUNGS PA'I PHYIR RO, ,SNA LA SOGS PA'I RNAM PAR SHES PA ZHES BYA BA NI DON GO BAR ZAD DO, ,DRI BSNAM PA DANG, RO MYANG BA DANG, REG BYA REG PA RNAMS KYI THUN MONG MA YIN PA'I RGYU NYID LA DBANG BYED PA'O ZHES BYA BA NI SNGA MA BZHIN NO, ,BZHI RNAMS GNYIS LA'O ZHES BYA BAR 'BYUNG STE, 'DIR YANG BSNAN PA STE, RE RE ZHING DON GNYIS DANG, GNYIS LA DBANG BYED DO ZHES BYA BAR SKABS DANG SBYAR RO, ,BZHI PO RNAMS RE RE ZHING DBANG BYED DO, ,YUL DANG YUL CAN DAG GRANGS MI MNYAM PA'I PHYIR RE RE ZHING YIN NO ZHES BYA BAR SHES SO, ,LO'I SGRA NI RANG GI DON DANG THAMS CAD CES BYA @103A *, ,BA LA SOGS PA RNAM GRANGS PHYI MA GSAL BAR BYED PA'I DON TO, ,SEMS CAN GYI BYE BRAG DANG KHYAD PAR DAG LA DBANG BYED DE ZHES BYA BA LA, SEMS CAN RNAMS MIG LA SOGS PA NI DBANG PO CAN DU MTSUNGS KYANG, PHO'O, MO'O ZHES BYA BA'I BYE BRAG 'DI PHO DANG MO'I DBANG POS BYAS PA YIN TE, 'DI LTAR SKAL PA DANG PO PA RNAMS NI DBANG PO GNYIS 'BYUNG BA'I GONG ROL DU SEMS CAN SEMS CAN ZHES BYA BAR BYE BRAG MED PAR RNAM PAR GNAS LA, DBANG PO GNYIS BYUNG BAS NI PHO'O, ,MO'O ZHES BYA BA DE LTAR BYE BRAG TU GYUR TO, ,GANG GI PHYIR DBANG PO GNYIS BYUNG BA'I GONG ROL DU BSKAL PA DANG PO PA RNAMS KYI NU MA LA SOGS PA DBYIBS DANG, NGA RO DANG, SPYOD PA LA SOGS PA DAG BYE BRAG MED LA, DBANG PO BYUNG BAS NU MA LA SOGS PA'I DBYIBS DANG, NGA RO DANG, SPYOD PA LA SOGS PA DAG BYE BRAG YOD PA DE'I PHYIR DE DAG NI SEMS CAN GYI KHYAD PAR LA YANG DBANG BYED DO, ,GZHAN DAG NA RE NI KUN NAS NYON MONGS PA DANG, RNAM PAR BYANG BA DAG LA DBANG BYED DE ZHE'O, ,'DI LTAR ZHES BYA BA NI GANG GI PHYIR GYI DON TO, ,DE DAG DANG MI LDAN PA DANG, NYAMS PA ZHES BYA BA NI DE DAG DANG MI LDAN PA DANG, DE DAG DANG NYAMS PA'O, ,PHO DANG MO'I DBANG PO DAG DANG BRAL BA NI ZA MA RNAMS TE, 'BYIN PA MED PA'I PHYIR RO, , DE DAG NYAMS PA NI MA NING RNAMS TE, GNOD PAS NYAMS PA'I PHYIR RO, ,MTSAN GNYIS PA NI GNYIS KA NYAMS PA STE, GNAS NYAMS PA'I PHYIR DANG, BDE BA CHUNG DU'I RGYU YIN PA'I PHYIR RO, ,KUN NAS NYON MONGS PA NI NYES PAR SPYOD PA RAB DANG, DE'I RGYU NYON MONGS PA STE, DE NI SDOM PA MA YIN PA DANG, MTSAMS MED PA DANG, DGE BA'I RTZA BA CHAD PA DE RNAMS MED DO, ,ZA MA MA NING SGRA MI SNYAN, ,MTSAN GNYIS MA GTOGS MI RNAMS LA, ,SDOM MIN ZHES BYA BA DANG, ZA MA SOGS LA MI 'DOD DE, ,ZHES BYA BA DANG, SKYES PA BUD MED KYIS SPYOD DO, ,ZHES BYA BA DANG, LTA SPYAD CES 'CHAD PAR 'GYUR RO, , 'DIS NYON MONGS PA DAG DANG, DE DAG GIS KUN NAS BSLANG BA'I LAS RNAM PAR 'BYANG BAR BYED PAS NA RNAM PAR BYANG BA STE, DE SDOM PA DANG, 'BRAS BU THOB PA DANG, 'DOD CHAGS DANG BRAL BA DE RNAMS MED DO, ,GANG GI PHYIR KUN NAS NYON MONGS PA DANG, RNAM PAR BYANG BA SKYES PA DANG BUD MED GNYIS KHO NA @103B LA YOD KYI, ZA MA DANG, MA NING DANG, MTSAN GNYIS PA DAG LA MED PA DE'I PHYIR, PHO DANG MO'I DBANG PO DAG NI KUN NAS NYON MONGS PA DANG RNAM PAR BYANG BA LA DBANG BYED DO, ,SROG GI DBANG PO NI ZHES BYA BA LA, 'DIR RIS MTHUN PAR MTSAMS SBYOR BA NI 'CHI BA'I SRED PA'I MJUG THOGS SU SRID PA BAR MA DOR MTSAMS SBYOR BA'AM, SKYE BA'I SRID PAR MTSAMS SBYOR BA BZUNG STE, GZUGS MED PA DAG TU YANG DE RNYED PA YIN DANG SKYE BA NGES PA'I PHYIR RO, ,DE'I 'OG ROL DU NI YANG DAG PAR 'DZIN TE, 'DI LTAR NYON MONGS PA DANG, DGE BA'I SEMS DANG LDAN PA THAMS CAD KYANG SROG GI DBANG PO'I STOBS KYIS GZUGS MED PA'I KHAMS NAS 'CHI 'PHO BA MED PAR MTHONG NGO, ,YID KYI DBANG PO NI YANG SRID PAR MTSAMS SBYOR BA DANG ZHES BYA BAR 'BYUNG STE, NYON MONGS PA CAN GYIS YANG SRID PAR MTSAMS SBYOR BA'I PHYIR RO, ,DE NYID LA KHUNGS SMOS PA NI, JI SKAD DU DE'I TSE DRI ZA'I ZHES BYA BA STE, PHA MA LOG PAR 'JUG PA'I TSE SEMS GNYIS PA ZHES BYA BA RGYAS PAR 'BYUNG NGO, ,'DIS NI KUN NAS NYON MONGS PA CAN GYI SEMS KUN TU SPYOD PA MED PAR SKYE BA'I SRED PA MED PA'I PHYIR YID NI SRID PAR YANG MTSAMS SBYOR BA LA DBANG BYED DO ZHES STON PAR BYED DO, ,GZHAN DAG NI 'DI LA, KUN DGA' BO GAL TE RNAM PAR SHES PA MA'I MNGAL DU 'JUG PAR MA GYUR NA NI ZHES BYA BA RGYAS PAR 'BYUNG BA KHONGS SU SMRA'O, ,DBANG GI NGO BO DANG MTHUN PAR BYED PA LA DBANG BYED PA NYID KYIS NI YID KYI DBANG GIS LUS DANG, NGAG DAG MTHUN PAR 'JUG GO ZHES BYA BA'I DON TO, ,DE NYID LA KHUNGS NI, JI SKAD DU ZHES BYA BA RGYAS PAR SMOS TE, 'JIG RTEN 'DI NI SEMS KYIS KHRID, ,SEMS KYIS YONGS SU DRANGS PA YIN, ,'DI DAG THAMS CAD SEMS KYI CHOS, ,GCIG GI DBANG DU MTHUN BAR 'GRO, ,ZHES BYA BA 'BYUNG NGO, ,'DIR 'JIG RTEN NI NYE BAR LEN PA'I PHUNG PO LNGA LA BYA STE, NYE BAR LEN PA'I PHUNG PO LNGA'I MTSAN NYID CAN RTEN THAMS CAD DAM, DBANG PO DANG BCAS PA'I LUS LA SEMS DBANG DU BYED PAR GSUNGS SO, ,LNGA DANG BRGYAD PO DE DAG NI, ,KUN NAS NYON MONGS RNAM BYANG LA, ,ZHES BYA BA LA, LNGA DANG BRGYAD PO 'DI RNAMS TE, ,LNGA NI KUN NAS NYON MONGS PA LA DBANG BYED LA, BRGYAD PO RNAMS NI RNAM PAR BYANG BA LA STE, GRANGS MNYAM @104A *, ,PAR BSTAN PA'I PHYIR RO, ,DE NYID KYI PHYIR, GO RIMS BZHIN DU ZHES BYA BA SMOS SO, ,DE DAG LA 'DOD CHAGS LA SOGS PA RGYAS PAR 'GYUR BA NYID KYI PHYIR RO ZHES BYA BA NI DMIGS PA DANG LDAN PAR MTSUNGS PA'I SGO NAS 'DOD CHAGS LA SOGS PA RGYAS PA'I GZHIR GYUR PA NYID KYI PHYIR RO ZHES BYA BA'I DON TE, JI SKAD DU TSOR BA BDE BA LAS NI 'DOD CHAGS RGYAS PAR 'GYUR RO, ,SDUG BSNGAL LAS NI ZHE SDANG NGO, ,BDE BA YANG MA YIN SDUG BSNGAL YANG MA YIN PA LAS NI GTI MUG GO ZHES GSUNGS PA LTA BU'O, ,DAD PA LA SOGS PA NI RNAM PAR BYANG BA LA DBANG BYED DE ZHES BYA BA DE NYID LA RGYU SMOS PA NI, DE DAG GI RNAM PAR BYANG BA LA BYED DO ZHES BYA BA STE, GANG GI PHYIR DE DAG GIS RNAM PAR BYANG BAR BYED PA DE'I PHYIR DE DAG RNAM PAR BYANG BA LA DBANG BYED DO, ,RNAM PAR BYANG BAR BYED DO ZHES BYA BA NI SPONG BAR BYED DO ZHES BYED PA'I DON TE, DE SKAD DU YANG, 'PHAGS PA NYAN THOS DAD PA'I SGO GTAN PHUN SUM TSOGS PA; BRTZON 'GRUS KYI DPUNG PHUN SUM TSOGS PA, DRAN PA'I SGO SRUNG PHUN SUM TSOGS PA, SEMS MNYAM PAR GZHAG PA NI SHES RAB KYI MTSON GYIS RNAM PAR GROL BAR 'GYUR RO ZHES BYA BA DE LTA BU LA SOGS PA GSUNGS SO, ,GSUM PO 'DI DAG NI 'DI DAG KHO NA'I NANG DU 'DUS SO, ,GZHAN DAG NA RE BDE BA LA SOGS PA RNAMS NI RNAM PAR BYANG BA LA, YANG ZHES BYA BA LA YANG GI SGRAS NI KUN NAS NYON MONGS PA LA YANG NGO ZHES BYA BAR RTOGS TE, BDE BAR GYUR PA'I SEMS MNYAM PAR 'JOG PAR 'GYUR RO, ,SEMS MNYAM PAR GZHAG PAS NI YANG DAG PA JI LTA BA BZHIN DU RAB TU SHES SO ZHES BYA BA LA SOGS PA 'BYUNG NGO, , DE LTAR NA BDE BA'I DBANG PO NI RNAM PAR BYANG BA LA YANG DBANG BYED DO, ,DAD PA GANG LA SDUG BSNGAL RGYU STE, RGYU MTSAN DU YOD PA DE NI SDUG BSNGAL GYI RGYU CAN TE, 'DIS NI DAD PA SDUG BSNGAL GYI RGYU CAN YIN PA'I PHYIR SDUG BSNGAL GYI DBANG PO YANG RNAM PAR BYANG BA LA DBANG BYED PAR STON TE, NGES PAR 'BYUNG BA LA BRTEN PA DRUG CES BYA BA 'BYUNG STE, NGES PAR 'BYUNG BA NI ZAG PA DANG BCAS PA DANG, ZAG PA MED PA'I LAM MO, ,NGES PAR 'BYUNG BA LA BRTEN PA NI NGES PAR 'BYUNG BA LA DMIGS PA'O, ,YID BDE BA LA SOGS PA STE, SOGS PA'I SGRAS NI YID MI BDE BA DANG, BTANG SNYOMS GZUNG NGO, ,GZUGS LA SOGS PA YUL GYI DBYE @104B PAS NI RNAM PA DRUG TU DBYE STE, MDO LAS JI SKAD DU MIG GIS SHES PAR BYA BA'I GZUGS RNAMS LA BRTEN NAS YID BDE BA LA NGES PAR 'BYUNG BA LA BRTEN PA, NGES PAR 'BYUNG BA DANG MTHUN PA, NGES PAR 'BYUNG BA LA DMIGS PA SKYE'O ZHES BYA BA NAS, DE BZHIN DU YID KYIS SHES PAR BYA BA'I CHOS RNAMS LA BRTEN NAS YID BDE BA, NGES PAR 'BYUNG BA LA BRTEN PA SKYE'O ZHES BYA BA'I BAR DANG, DE BZHIN DU YID MI BDE BA DANG, BTANG SNYOMS KYANG BSDUS PA LTA BU'O, ,GZUGS LA SOGS PA RNAMS LA SO SOR RTOG PA LA NI YONGS SU SPYOD PA SNGON DU 'GRO BA CAN GYI YID BDE BA DGE BA 'DOD CHAGS DANG BRAL BA DANG MTHUN PA'I PHYIR NGES PAR 'BYUNG BA LA BRTEN PA SKYE LA, GZUGS LA SOGS PA DAG GIS BSLUS PA LA TSUL BZHIN DU YID MI BDE BA 'DOD CHAGS DANG BRAL BA DANG MTHUN PA'I PHYIR NGES PAR 'BYUNG BA LA BRTEN PA'O, ,GZUGS LA SOGS PA'I YUL DAG LA SO SOR BRTAGS TE, BTANG SNYOMS SU GNAS TE, YID BDE BAR YANG MI 'GYUR, YID MI BDE BAR YANG MI 'GYUR BA ZHES BYA BA NI NGES PAR 'BYUNG BA LA BRTEN PA'I BTANG SNYOMS TE, 'DOD CHAGS DANG BRAL BA DANG RJES SU MTHUN PA'I PHYIR RO, ,DE LTAR NA YID BDE BA DANG, YID MI BDE BA DANG, BTANG SNYOMS RNAMS KYANG RNAM PAR BYANG BA LA DBANG BYED DO ZHES BYA BAR SHES SO ZHES ZER RO ZHES BYA BA SMOS SO; ,JI SKAD SMRAS PA'I DON MA LUS PA RNAMS LA DBANG BYED PA MI SRID PAS SLOB DPON MA RANGS PAR STON PAR BYED PA'O, ,GZHAN DAG NA RE NI ZHES BYA BA NI MDO SDE PA DAG NA RE'O, ,RNAM PAR SHES NAS YANG BA YONGS SU SPONG BA'I PHYIR ZHES BYA BA LA, BYANG BAS DE GNOD PAR BYED PA NYID DU YONGS SU SPONG BA'I PHYIR MIG DANG, RNA BA DAG GIS NI LUS SU BYUNG BA MA YIN TE, 'DI LTAR MA BYANG BA NI MTHONG ZHING THOS KYANG YONGS SU MI SPONG NGO, ,GAL TE LUS SU YONGS SU BSRUNG BA MA YIN NA DE DAG GANG LA DBANG BYED CE NA, DE'I PHYIR, DE GNYIS RNAM PAR SHES PA LA NI DBANG BYED DO ZHES BYA BA SMOS TE, DE GNYIS NI MIG DANG RNA BA GNYIS SO, ,NI'I SGRA NI RNAM PAR SHES PA KHO NA LA'O ZHES NGES PAR GZUNG BA'I DON TO, ,RNAM PAR SHES PA LAS GZHAN PA GZUGS MTHONG BA'AM ZHES BYA BA RGYAS PAR 'BYUNG STE, GZUGS MTHONG BA DANG SGRA THOS PA NI RNAM PAR DPYAD PA NA 'DZIN PA LAS THA DAD PAR MI DMIGS LA, 'DZIN PA YANG RNAM PAR SHES PA KHO NA YIN PAS GZHAN MA YIN NO, , @105A *, ,DE'I PHYIR MIG DANG RNA BA'I RNAM PAR SHES PA MTSUNGS PAR LDAN PA DANG BCAS PA DAG BSKYED PA LA DBANG BYED PAR SMRAS PA GANG YIN PA DE NYID 'DZIN PA LA YIN GYI, GZHAN LA NI MA YIN NO SNYAM DU BSAMS PA'O, ,LUS MDZES PA LA RTEN KHO NA DBANG BYED KYI, DBANG PO LAS 'DAS PA'I PHYIR DBANG PO RNAMS NI MA YIN TE, 'DI YANG MDZES PAR BYA BA'I DON DANG TSIG GI DON DU RTEN KHO NAS CHOG GI ZHES SNGAR BSHAD ZIN PAS YANG NYE BAR MA BKOD DO, ,RANG GI DON DANG THAMS CAD LA DMIGS PAR ZHES BYA BA RGYAS PAR 'BYUNG BA LA, RANG GI DON NI RANG GI DON TE, GANG ZHIG GANG GI YUL YIN PA'O, ,RANG GI DON GYI DMIGS PA NI RANG GI DON LA DMIGS PA'O, ,DBANG BYED PA'I DNGOS PO NI DBANG BYED PA'I STE, RANG GI DON GYI DMIGS PA LA DBANG BYED PA NI RANG GI DON LA DMIGS PAR BYED PA STE, RANG GI DON LA DMIGS PAR DBANG BYED PA NYID DE'I PHYIR RO, ,CI ZHE NA, LNGA PO DAG DBANG PO NYID YIN NO, ,THAMS CAD LA ZHES BYA BA NI DMIGS PAR DBANG ZHES BYA BA DANG SBYAR RO, ,GANG ZHIG CE NA, YID DO, ,'DI LA DON RNAMS KYANG ZHES BYA BA LA, JI LTAR DBANG PO MED PAR DMIGS PAR MI 'GYUR BAS DE BZHIN DU DON MED PA YANG DMIGS PAR MI 'GYUR BAS DBANG PO LTAR DON YANG DE LA DBANG BYED PAR 'GYUR RO ZHE NA, DON NI DBANG BYED PA MA YIN NO, ,LHAG PAR DBANG BYED PA NYID NI DBANG BYED PA YIN LA ZHES BYA BA LA, LHAG PAR DBANG BYED PA NI DBANG BYED PA YIN LA, DE'I DNGOS PO NI, LHAG PAR DBANG BYED PA NYID DO, ,YANG GANG ZHIG DON LA MED PA DBANG PO RNAMS KYI DBANG BYED PA NYID CI ZHIG CE NA, DE'I PHYIR, MIG NI GZUGS THAMS CAD DMIGS PA LA THUN MONG GI RGYU YIN PA'I PHYIR DANG ZHES BYA BA SMOS TE, MIG NI SNGON PO DANG SER PO LA SOGS PA'I GZUGS THAMS CAD KYI DMIGS PA LA THUN MONG GI RGYU YIN PA'I PHYIR RO, ,DMIGS PA DE DAG GSAL BA DANG MI GSAL BA NYID CES BYA BA LA SOGS PA 'BYUNG STE, 'DI LTAR DMIGS PA NI MIG LA SOGS PA GSAL BA DANG MI GSAL BA'I RJES SU BYED PA YIN TE, KHAMS KYI MDZOD KYI GNAS NAS JI SKAD BSHAD PA BZHIN NO, ,SOGS PA'I SGRAS NI TSOR BA 'KHRUGS PA DANG, MA 'KHRUGS PA'I RJES SU BYED PA GZUNG NGO, ,DE LAS BZLOG PA'I PHYIR GZUGS NI MA YIN TE ZHES BYA BA LA, GZUGS SNGON PO NI @105B GZUGS SO SOR NGES PA DMIGS PA'I RGYU YIN PA'I PHYIR MIG LTAR GZUGS THAMS CAD DMIGS PA'I BYA BA THUN MONG GI RGYU MA YIN LA, DMIGS PA DE GSAL BA DANG MI GSAL BA'I RJES SU BYED PA YANG MA YIN NO, ,DE'I PHYIR GZUGS NI GZUGS KYI DMIGS PA LA LHAG PAR DBANG BYED PA NYID MA YIN NO, ,YID CHOS RNAMS LA DBANG BYED PA'I BAR DU YANG DE BZHIN DU SBYAR RO, ,LUS KYI DBANG PO KHO NA LAS ZHES BYA BA RGYAS PAR 'BYUNG BA STE, REG BYA'I YUL CAN YIN PA'I PHYIR LUS KYI DBANG PO LAS GZHAN MA YIN ZHES BYA BAR SHES SO, ,GZHAN NYID YIN NA NI MIG LA SOGS PA BZHIN DU REG BYA'I YUL CAN DU MI 'GYUR RO, , LUS KYI RNAM PAR SHES PA'I RTEN YIN PA'I PHYIR YANG LUS KYI DBANG PO LAS GZHAN MA YIN TE, GZHAN NYID YIN NA NI MIG LA SOGS PA LTAR LUS KYI DBANG PO RNAM PAR SHES PA'I RTEN DU MI 'GYUR RO, ,DE'I PHYIR 'DOD PA NA SPYOD PA'I LUS KYI DBANG PO'I PHYOGS YIN TE, 'DOD CHAGS DANG LHAN CIG SKYES PA'I LUS KYI RNAM PAR SHES PA NYON MONGS PA CAN KHO NA'I RTEN DU GYUR PA GANG YIN PA'O, ,MO NYID LA DBANG BYED PA'I PHYIR DANG, PHO NYID LA DBANG BYED PA'I PHYIR NA MO'I DBANG PO DANG, PHO'I DBANG PO RNAM PAR GZHAG GO, ,MO NYID NI MO'I DBANG PO'O, ,GSUM PA LA YANG NGO BO ZHES BYA STE, DE'I PHYIR BUD MED KYI CHA BYAD DANG ZHES BYA BA SMOS SO; ,KHA CIG CHA BYAD KYANG DON GZHAN YIN PAR SEMS PA DE'I PHYIR NGA RO DANG, G-YO BA DANG, BSAM PA DAG STE ZHES BYA BA SMOS SO, ,'DI NYID RNAM PAR DPYAD PAR BYA BA'I PHYIR, DE NI MO'I MO NYID YIN NO ZHES BYA BA SMOS TE, JI LTAR KHA CIG RTOGS PAR BYED PA LTAR BUD MED KYI SKAL BA MNYAM PA'I MTSAN NYID CAN GZHAN NI MA YIN NO, ,PHO'I NGO BO NYID NI PHO'I CHA BYAD DANG ZHES BYA BA 'DI LTAR YANG BSHAD ZIN PA'I RJES SU 'BRANGS TE BRJOD PAR BYA'O, ,DE LA BUD MED KYI BSAM PA NI SKYES PA'I YUL CAN TE, BUD MED NI SKYES PA'I BSAM PA CAN NO ZHES BYA BA 'BYUNG BA'I PHYIR RO, ,PHO'I BSAM PA NI BUD MED KYI YUL CAN TE, SKYES PA DAG LA NI BUD MED KYI YUL CAN YIN NO ZHES 'BYUNG BA'I PHYIR RO, ,PHO DANG MO GNYIS KYI NGA RO YANG THA DAD DE, 'DI LTAR MA MTHONG BAR PHO'AM MOR SKAD KYIS SHES PAR 'GYUR RO, ,G-YO BA 'GROS LA SOGS PA YANG PHO DANG MO RNAMS LA PHAN TSUN MTSAN NYID MI MTHUN PAR DMIGS SO, ,SROG GI DBANG PO NI RIS MTHUN PAR GNAS PAR BYA @106A *, ,BA LA ZHES BYA BA RGYAS PAR 'BYUNG STE GNAS PA NI 'DIR RGYUN DU RJES SU 'JUG PA STE, 'DIR GZUGS KYI KHAMS NA DGE BA DANG, NYON MONGS PA CAN GYI SEMS DANG LDAN PA RNAMS KYANG SROG GI DBANG PO'I MTHUS RIS MTHUN PAR RJES SU 'JUG LA, SROG GI DBANG PO 'GAGS NA 'GAG PAR 'GYUR RO, , GAL TE; 'GRO BA ZAS KYIS GNAS PA YIN, ,ZHES BYA BAS ZAS DAG KYANG DBANG PO NYID DU THAL BAR 'GYUR BA MA YIN NAM ZHE NA, MA YIN TE, MED KYANG GNAS PA'I PHYIR TE, GZUGS DANG GZUGS MED PAR SKYES PA RNAMS NI KHAM GYI ZAS MED KYANG RIS MTHUN PAR RJES SU 'JUG PA YIN NO, ,DE BZHIN DU 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA LA SNYOMS PAR ZHUGS PA RNAMS DANG, 'DU SHES MED PA LA MNGON DU GYUR PA LA REG PA DANG, SEMS PA DANG, RNAM PAR SHES PA MED KYANG RIS MTHUN PAR RJES SU 'JUG PA MTHONG ZHING, SROG GI DBANG PO MED PAR NI MA YIN NO, ,DE'I PHYIR RIS MTHUN PAR GNAS PA LA DBANG BYED PA'I PHYIR NA SROG GI DBANG PO KHO NA DBANG PO NYID YIN GYI, ZAS RNAMS NI MA YIN NO, ,TSOR BA RNAMS NI KUN NAS NYON MONGS PAR BYA BA LA DBANG BYED DO ZHES BYA BA 'BYUNG STE, BSHAD PA, SNGA MA LA KHYAD PAR CI YOD CE NA, BDE BA LA SOGS PA NI RNAM PAR BYANG BA LA YANG DBANG BYED DO ZHES BSAL BAR BYA BA'I PHYIR RO, ,LHAG PAR DBANG BYED PA NYID NI DBANG BYED PA YIN GYI, RGYU TZAM NI MA YIN LA, TSOR BA RNAMS KYANG KUN NAS NYON MONGS PA LA LHAG PAR DBANG BYED KYI, RNAM PAR BYANG BAR BYA BA LA NI MA YIN PAS, DE DAG NI KUN NAS NYON MONGS PA KHO NA LA DBANG BYED DO, ,DE NYID BSTAN PAR BYA BA'I PHYIR, 'DI LTAR MDO LAS TSOR BA BDE BA LA NI 'DOD CHAGS RGYAS PAR 'GYUR ZHES BYA BA LA SOGS PA SMOS TE, DMIGS PA DANG MTSUNGS PAR LDAN PA'I SGO NAS SO, ,DAD PA LA SOGS PA DBANG PO LNGA DAG NI ZHES BYA BA LA, 'DIS RNAM PAR BYANG BAR BYED PAS NA RNAM PAR BYANG BA STE LAM MO, ,DE NYID LA RGYU SMRAS PA NI, 'DI LTAR DE DAG GIS ZHES BYA BA RGYAS PAR 'BYUNG STE, DRAN PA NYE BAR GZHAG PA DANG DRO BAR GYUR PA'I GNAS SKABS DAG GIS LAM SKYE BA'I GEGS SU GYUR PA'I NYON MONGS PA RNAMS KYANG RNAM PAR GNON LA, SKAL BA MNYAM PA'I RGYU MED PAR DE'I STOBS @106B KYIS LAM BSKYED PA'I PHYIR CHOS MCHOG GI GNAS SKABS DAG GIS NI LAM YANG 'DREN PAR BYED DO, ,DE DAG KHO NA RNAM PAR BYANG BA LA DBANG BYED KYI, RNAM PAR BYANG BA'I BDAG NYID YIN PA'I PHYIR KUN SHES PAR BYED PA'I DBANG PO LA SOGS PA DAG NI MA YIN NO ZHES NGES PAR BYA BA'I PHYIR YANG SMOS SO, ,DE BZHIN ZHES BYA BA'I SGRA NI JI LTAR MIG LA SOGS PA DAD PA LA SOGS PA'I MTHAR THUG PA RNAMS SO SOR DBANG PO YIN PA DE BZHIN DU KUN SHES PAR BYED PA ZHES BYA BA DANG, KUN SHES PA ZHES BYA BA DANG, KUN SHES LDAN PA ZHES BYA BA YANG SO SOR DBANG PO YIN NO ZHES NYE BAR BSTAN PAR BYA BA'I PHYIR RO, ,GAL TE DBANG BYED PA THA DAD PA NYID KYIS SO SOR DBANG PO NYID DU SHES PA YIN NAM ZHE NA, RDZAS THA MI DAD PAS THE TSOM ZA BA BSAL BAR BYA BA'I PHYIR DE BZHIN ZHES BYA BA'I SGRA RAB TU SBYAR RO, ,DE LA KUN SHES PAR BYED PA'I DBANG PO NI KUN SHES PA'I DBANG PO THOB PAR BYA BA LA DBANG BYED DO ZHES BYA BA NI BSGOM PA'I LAM NI MTHONG BA'I LAM SNGON DU 'GRO BA CAN YIN PA'I PHYIR LA, DE DAG KYANG MTHONG BA DANG BSGOM PA'I LAM LA RNAM PAR GZHAG PA'I PHYIR RO, ,KUN SHES PA'I DBANG PO NI KUN SHES PA DANG LDAN PA'I DBANG THOB PAR BYA BA LA DBANG BYED DE MI SLOB PA'I LAM BSGOM PA'I LAM SNGON DU 'GRO BA CAN YIN PA'I PHYIR RO, ,KUN SHES PA DANG LDAN PA'I DBANG PO NI YONGS SU MYA NGAN LAS 'DAS PA LA DBANG BYED DE, LAM GZHAN MED PA'I PHYIR RO, ,MYA NGAN LAS 'DAS PA NI 'DIR PHUNG PO LHAG MA MED PA'O, ,CI DBANG PO DANG PO GNYIS LA MYA NGAN LAS 'DAS PA LA DBANG BYED PA MED DAM ZHE NA, DE NYID KYI PHYIR, SEMS RNAM PAR MA GROL BA LA YONGS SU MYA NGAN LAS 'DAS PA MED PA'I PHYIR RO ZHES BYA BA SMRAS SO, ,SEMS RNAM PAR GROL BA NI ZAD PA SHES PA YIN LA, DE DANG DE'I 'OG ROL GYI ZAG PA MED PA'I LA MA THAMS CAD NI KUN SHES PA DANG LDAN PA'I DBANG PO YIN TE, DE'I PHYIR KUN SHES PA DANG LDAN PA'I DBANG PO NI YONGS SU MYA NGAN LAS 'DAS PA LA DBANG BYED DO, , SOGS PA ZHES BYA BA'I SGRA NI RNAM GRANGS GZHAN BSTAN PAR BYA BA'I PHYIR TE ZHES BYA BA RGYAS PAR 'BYUNG STE, DBANG PO DANG PO GNYIS NI MTHONG BA DANG BSGOM PAS BSDUS PAS GO RIMS BZHIN DU MTHONG BA DANG, BSGOM PAS SPANG BAR BYA BA'I NYON MONGS PA SPONG BA LA DBANG BYED PA NYID DO, ,GAL TE SBYOR BA DANG, RNAM @107A *, ,PAR GROL BA DANG, KHYAD PAR GYI LAM RNAMS GNYEN PO MA YIN PA'I PHYIR DE DAG NYID MA YIN PAR 'GYUR RO ZHE NA, MA YIN TE, DE RNAMS KYANG DE DAG DANG RIGS MTHUN PA'I PHYIR MI SKYE BA'I CHOS CAN GYI DBANG PO BZHIN NO, ,MTHONG BA'I CHOS LA BDE BAR GNAS PA'I PHYIR DBANG BYED DE ZHES BYA BA LA, MTHONG BA'I CHOS NI MTHONG BA'I CHOS TE, SKYE BA MNGON SUM PA ZHES BYA BA'I DON TO, ,BDE BAR GNAS PA NI BDE BAR GNAS PA'O, ,MTHONG BA'I CHOS LA BDE BAR GNAS PA NI MTHONG BA'I CHOS LA BDE BAR GNAS PA STE, DE LA KUN SHES PA DANG LDAN PA'I DBANG PO DBANG BYED DO, ,CI LTAR ZHE NA, DE'I PHYIR RNAM PAR GROL BAS DGA' BA DANG, BDE BA DANG, SO SOR YANG DAG PAR MYONG BA'I PHYIR RO ZHES BYA BA SMOS SO, ,RNAM PAR GROL BA NI NYON MONGS PA SPANGS PA'O, ,DGA' BA NI YID BDE BA'O, ,BDE BA NI SHIN TU SBYANGS PA'I BDE BA'O, ,RNAM PAR GROL BAS DGA' BA DANG BDE BA SO SOR YANG DAG PAR MYONG BA NI RNAM PAR GROL BAS DGA' BA DANG BDE BA SO SOR YANG DAG PAR MYONG BA'O, ,DBANG BYED PA'I PHYIR DBANG PO NYID YIN NA GO, ,MA RIG PA LA SOGS PAS KHA BSKANG DGOS TE, CI ZHE NA, BYA DGOS SO ZHES BYA BA NI TSIG GI LHAG MA'O, ,NYE BAR KHA SKONG BA NI KHA SKONG BA'O, ,MTSAN NYID KYIS BRJOD PA 'THOB PA MA BRJOD PA SMRA BA NA KHA SKONG BA'O; ,SOGS PA SMOS PAS NI 'DU BYED LA SOGS PA SDUD DO, ,NGAG LA SOGS PA DAG DANG, LAG PA DANG, RKANG PA DANG, RKUB DANG, MDO MAS KYANG ZHES BYA BA LA, GRANGS CAN PA DAG NI NGAG GI DBANG PO LA SOGS PA RNAMS MIG LA SOGS PA'I DBANG PO THA DAD PAR RTOGS PAR BYED DE DAG GI DBANG PO NI GANG GIS TSIG SMRA BA'O, ,LAG PA'I DBANG PO NI GANG GIS RDZAS 'GA' ZHIG LEN PA'O, ,RKANG PA'I DBANG PO NI GANG GIS 'GRO BAR BYED PA STE, 'CHAG CES BYA BA'I DON TO, ,RKUB KYI DBANG PO NI GANG GIS RTUG PA RTUG PAR BYED PA'O, ,MDOMS KYI DBANG PO NI LUS KYI DBANG PO'I PHYOGS LAS THA DAD PA STE, GANG GIS KUN DU DGA' BA'I BDE BA'I KHYAD PAR THOB PAR BYED DO, ,KHA BSKANG BAR MI BYA STE, BCOM LDAN 'DAS KYIS DON GANG ZHIG SHES PAR BYA BA'I PHYIR DBANG PO NI NYI SHU RTZA GNYIS DAG GO ZHES MDO LAS BSTAN PA DE LA, MA RIG PA LA SOGS PA DANG, NGAG LA SOGS PA DGOS PA MED PA'I PHYIR RO, ,DON DE YANG GANG ZHIG YIN ZHE NA, DE'I PHYIR, @107B SEMS KYI RTEN DANG BYE BRAG CES BYA BA RGYAS PAR SMOS SO, ,BDAG TU GYUR PA'I SEMS KYI RTEN NI DE'I RTEN TO, ,RTEN DE'I BYE BRAG NI PHO'O, ,MO'I ZHES BYA BA'O, ,GNAS NI RGYUN RJES SU 'JUG PA'O, ,KUN NAS NYON MONGS PA DANG, RNAM PAR BYANG BA'I TSOGS DANG, RNAM PAR BYANG BA NI SEMS BDAG TU GYUR PA KHO NA'I YIN NO, ,SKYE MCHED DRUG PO DE DAG NI SEMS CAN GYI RDZAS KYI GZHI YIN NO ZHES BYA BA NI DANG PO DANG GTZO BO'O, ,SEMS CAN GYI RDZAS NI GCIG TU SEMS KYI GRANGS SU BGRANGS PA'I PHYIR RO, ,DE DAG GI RTEN CAN GZUGS CAN LA SOGS PA DAG DANG, DE DAG GI RNAM PAR SHES PA DAG NI SEMS CAN GYI RDZAS YIN GYI, GZHAN NI MA YIN TE, DE'I DBANG GIS 'BYUNG BA'I PHYIR RO, ,YANG NA LHAG PAR CHAGS PA'I GNAS YIN PA'I PHYIR TE, DE LA RAB TU CHAGS PAR 'GYUR PA'I PHYIR RO, ,GZHAN DAG NI DBANG PO'I RNAM PAR GZHAG PA RNAM PA GZHAN DU 'CHAD PA NI, YANG NA 'JUG PA'I RTEN DANG NI ZHES BYA BA RGYA CHER 'BYUNG BA'O, ,'KHOR BA'I 'JUG PA DANG LDOG PA DAG NI GTZO BO YIN LA, DE DAG GI RTEN DANG, SKYE BA DANG, GNAS PA DANG, NYE BAR SPYAD PA YANG GTZO BO YIN ZHING 'DI TZAM GYIS SKYES BU'I DON YONGS SU RDZOGS PAS GANG DAG DBANG BYED PA DE DAG DBANG PO NYID DU RNAM PAR GZHAG GO, ,'JUG PA NI 'BYUNG BA STE; 'KHOR BA ZHES BYA BA'I DON TO, ,SEMS CAN GYI RDZAS 'KHOR BA LAS SKYE MCHED DRUG NI 'JUG PA'I RTEN YIN TE, DE'I BDAG NYID YIN PA'I PHYIR RO, ,DE'I PHYIR DBANG PO DRUG PO DAG NI 'GRO BA DAG TU SKYE BAR RGYUN CHAGS PA'I MTSAN NYID CAN 'JUG PA'I RTEN TE, RGYU YIN LA, 'JUG PA NI 'BRAS BU YIN NO, ,SKYE BA NI PHO DANG MO'I DBANG PO DAG YIN ZHES BYA BA 'BYUNG STE DE DAG CI'I PHYIR SKYE BA YIN ZHE NA, DE'I PHYIR, DE LAS SKYE BA'I PHYIR RO ZHES BYA BA SMOS TE, GANG GI PHYIR PHO DANG MO'I DBANG PO DE LAS SKYE BA'I PHYIR SKYE BA'I RGYU LA SKYE BA ZHES BSTAN TO, ,DE DAG NI KHU BA DANG KHRAG 'JUG PA'I DUS NA LUS DANG YID KYI DBANG PO GNYIS KYI DNGOS KYI RGYU YIN LA, MIG LA SOGS PA'I DBANG PO BZHI PO DAG GI NI RGYUD NAS YIN TE, MTHAR GYIS ZHES 'BYUNG BA'I PHYIR RO, ,TSUL 'DI NI MI DANG, DUD 'GRO DANG, YI DAGS KYI 'GRO BA DAG LA YIN GYI GZHAN DU NI MA YIN GYI, MNGAL NAS SKYE BA DANG, SGO NGA LAS SKYE BA'I SEMS CAN DU GYUR PA'I PHYIR RO,, @108A *, ,SROG GI DBANG POS NI GNAS PAR BYED DE, SKYE MCHED DRUG GI RGYUN RGYUN MI GCOD PAR BYED PA'I PHYIR RO, ,TSOR BA RNAMS KYIS NI NYE BAR SPYOD PAR BYED DE, 'JUG PA'I RTEN LA PHAN PA DANG GNOD PAR BYED PA LA ZHUGS PA'I PHYIR RO, ,DE LTAR NA BCU BZHI PO 'DI DAG NI 'JUG PA LA GTZOR BYED PAR ZHUGS PA'I PHYIR DBANG PO NYID DO, ,RNAM PA DE NYID KYIS ZHES BYA BA NI RTEN LA SOGS PA'I RNAM PAS ZHES BYA BA'I DON TO, ,GZHAN DAG NI LDOG PA YIN TE ZHES BYA BA RGYAS PAR 'BYUNG BA LA, LDOG PA NI LDOG PA YIN TE, DE YANG SKYE MCHED DRUG GTAN 'GAGS PA'O, ,DE'I RTEN NI DAD PA LA SOGS PA RNAMS YIN TE, DGE BA'I RTZA BA THAMS CAD SKYE BA LA GTZO BO YIN PA'I PHYIR RO, ,SKYE BA NI KUN SHES PAR BYED PA'I DBANG PO YIN TE, NANGS KYI DANG POR YANG DAG PAR NGES PA'I PHUNG PO LA GNAS PA'I PHYIR RO, ,GNAS PA NI KUN SHES PA'I DBANG PO YIN TE, DE NI RGYUN DANG LDAN PA'I PHYIR NA SKYE BA GZHAN DU YANG RJES SU 'JUG PA'I PHYIR RO, , KUN SHES PA DANG LDAN PA'I DBANG POS NYE BAR SPYOD PAR BYED DE, MTHONG BA'I CHOS LA BDE BAR GNAS PAS PHYE BA'I PHYIR RO, ,DE'I PHYIR BCOM LDAN 'DAS KYIS DBANG PO DE SNYED CIG GSUNGS TE, DE SNYED CIG KHO NAS BRJOD PAR 'DOD PA'I DON YONGS SU RDZOGS PA'I PHYIR RO, ,DE'I PHYIR MA RIG PA LA SOGS PA DANG, NGAG LA SOGS PA RNAMS DBANG PO NYID DU KHA BSKANG BAR MI BYA STE, MDO NYID LAS BSHAD PA'I DBANG PO'I DON MI SRID PA'I PHYIR RO, ,DE NYID KYI PHYIR, DE DAG GI GO RIMS KYANG DE YIN NO ZHES BYA BA NI MIG GI DBANG PO NAS KUN SHES PA DANG LDAN PA'I DBANG PO'I BAR RO, ,SEMS KYI RTEN YIN PA'I PHYIR NA SNGAR MIG LA SOGS PA RNAMS BSHAD DO,, DE'I BYE BRAG GI RGYU YIN PA'I PHYIR DE'I MJUG THOGS SU PHO DANG MO'I DBANG PO'O ZHES BYA BA RGYAS PAR BRJOD PAR BYA'O, ,YANG NA LDOG PA 'JUG PA SNGON DU 'GRO BA CAN YIN PAS SKYE MCHED DRUG 'JUG PA'I RTEN NYID DU SNGAR BSHAD DE, DE BZHIN DU GZHAN LA YANG RGYAS PAR BRJOD PAR BYA'O, ,NGAG NI DBANG PO MA YIN PA NYID DE, GANG LA ZHE NA, TSIG SMRA BAR BYA BA LA STE, SLOB PA'I KHYAD PAR LA LTOS PA'I PHYIR RO, ,GANG ZHIG GANG LA DBANG BYED PA DE DAG NI LOGS SU SLOB PA LA LTOS PA MA YIN TE, MIG LA SOGS PA BZHIN NO, ,BYIS PA NI SKYES PA TZAM GYIS SLOB PA MED PAR MIG GIS GZUGS LTA'I, BSLAB PA'I KHYAD PAR MED PAR SMRA BA NI MI NUS TE, 'DI LTAR @108B LEGS PAR SBYAR BA DANG THA MAL PA'I YUL GYI BYE BRAG GIS SLOB PA LA LTOS NAS TSIG THA DAD PA YIN NO, ,DE'I PHYIR DBANG PO'I CHOS LAS 'DAS PA'I PHYIR NGAG LA SOGS PA RNAMS DBANG PO YIN PAR MI 'OS SO, ,RE ZHIG NGAG GI DBANG PO NYID CI ZHIG YIN, GAL TE GANG LAS TSIG 'BYUNG BA YIN NA, DE LTA NA NI RTOG PA DANG DPYOD PA LA SOGS PA DAG DANG, DE DAG GIS KUN NAS BSLANGS PA'I RLUNG RNAMS KYANG DE'I DBANG PO NYID DU THAL BAR 'GYUR RO, ,GAL TE YANG MGRIN PA DANG, RKAN DANG, MCHU LA SOGS PA RNAMS LA BRTEN NAS 'BYUNG MOD KYI, DE LTAR NA YANG RTOG PA LA SOGS PA DAG STE KUN NAS SLONG BAR BYED PA'I PHYIR GTZO BO YIN NO, ,LAG PA DANG RKANG PA YANG LEN PA DANG 'GRO BA LAS GZHAN MA YIN PA'I PHYIR TE ZHES BYA BA LA, LAG PA DE NYID GZHAN DANG GZHAN DU 'BYUNG BA LA LEN PA ZHES BYA LA, RKANG PA NYID GZHAN DANG GZHAN DU 'BYUNG BA LA 'GRO BA ZHES BYA STE, DE LA NI SKAD CIG MA YIN PA'I PHYIR YUL GZHAN DU PHYIN PA MED CING BYA BA DON GZHAN DU GYUR PA YANG MED DO; ,DE'I PHYIR LEN PA DANG 'GRO BA LAG PA DANG RKANG PA LAS GZHAN MA YIN NO, ,DE'I PHYIR DE LA DBANG BYED PA NI MA YIN TE, RANG NYID LA NI DBANG BYED PAR MI RUNG NGO, ,JI LTAR MIG GZUGS LA DBANG BYED CING, MIG GI DBANG PO LAS GZUGS GZHAN MA YIN LA, RANG NYID LA DBANG BYED PA MA YIN PA DE BZHIN DU 'DIR YANG YIN NO, ,SPRUL LA SOGS PA LA ZHES BYA BA LA, SPRUL LA SOGS PA RNAMS LA LAG PA DANG RKANG PA YOD PA MA YIN MOD KYI, DE LTA NA YANG DE DAG KHAS LEN PA DANG BRANG GIS 'GRO BA YIN TE, DE BZHIN DU NYA LA SOGS PA RNAMS LA YANG BRJOD PAR BYA'O, ,RKUB KYANG RTUG PAR BYA BA LA DBANG PO MA YIN TE ZHES BYA BA NI MI GTZANG BA RTUG PAR BYA BA LA'O, ,DE RLUNG GIS KYANG BRO BAR BYED PA'I PHYIR RO ZHES BYA BA LA, MI GTZANG BA BRO BAR BYED PA'I PHYIR RO, ,KHA CIG NI KHA NAS KYANG RTUG PAR BYED PAR MTHONG BA'I PHYIR RO, ,DE LTAR NA DBANG PO'I RNAM PAR GZHAG PA 'CHOL BAR 'GYUR TE, KHAS LEN PA DANG RTUG PA'I PHYIR LA, LAG PA GNYIS KYIS LEN PA DANG 'GRO BA'I PHYIR RO, ,DE BZHIN DU RKANG PA GNYIS KYIS LEN CING 'GRO'O, ,KUN DU DGA' BA NI NYON MONGS PA CAN GYI BDE BA'O, ,DE NYID KYI PHYIR, BDE BA DE NI MO DANG PHO'I DBANG POS BYAS PA'I PHYIR RO ZHES BYA BA SMOS SO, ,DE NYID MDOMS YIN NO ZHE NA, DE LTA NA 'O NA NI MDOMS KYI DBANG PO LUS KYI DBANG PO LAS @109A *, ,GZHAN MA YIN TE, PHO DANG MO'I DBANG PO DAG NI LUS KYI DBANG PO'I PHYOGS YIN PA'I PHYIR RO, ,DE LTA MA YIN NA LKOG MA LA SOGS PA RNAMS KYANG GRANGS BZHIN DU MED PA LA SOGS PA LA DBANG BYED PA'I PHYIR DBANG PO THAL BAR 'GYUR TE, NGES PA'I RGYU MED PA'I PHYIR RO, ,SA BON DANG MYU GU LA SOGS PA RGYUR GYUR PA THAMS CAD KYANG RANG GI BYA BA MYU GU DANG, 'DAB MA DANG, SBAL MIG BCAS BA'I MTSAN NYID LA DBANG BYED PA'I PHYIR DBANG PO NYID DU THAL BAR 'GYUR RO, ,DBANG PO'I DON DE RNAM PAR GZHAG PA'I RGYU BSHAD ZIN TO, ,DE DAG GI RANG GI NGO BO BRJOD PAR BYA STE, DE LA MIG LA SOGS PA PHO'I DBANG PO LA THUG PA RNAMS NI BSTAN ZIN TO ZHES BYA BA NI, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,ZHES BYA BA DANG, LUS LAS PHO DBANG MO DBANG DAG ,CES BYA BA LAS SO, ,SROG GI DBANG PO NI ZHES BYA BA NI, SROG NI TSE YIN DROD DANG NI, ,RNAM SHES RTEN GANG YIN PA'O, , ZHES BYA BA DE NAS SO, ,DAD PA LA SOGS PA RNAMS NI SEMS LAS BYUNG BA DAG GI NANG NAS ZHES BYA BA NI, DAD DANG BAG YOD SHIN TU SBYANGS, ,ZHES BYA BA DE NAS SO, ,BDE BA LA SOGS PA DANG, KUN SHES PAR BYED PA'I DBANG PO LA SOGS PA BSHAD PAR BYA STE ZHES BYA BA 'BYUNG STE, GAL TE BDE BA LA SOGS PA RNAMS KYANG SEMS LAS BYUNG BA YIN PA'I PHYIR DAD PA LA SOGS PA BZHIN DU SEMS LAS BYUNG BA DAG GI NANG NAS BSHAD PAR BYA BA MA YIN ZHE NA, MA YIN TE, SEMS LAS BYUNG BA DAG TU NI TSOR BA DANG, 'DU SHES SEMS PA DANG ZHES SPYI'I DBANG DU BYAS KYI, DE'I PHYIR 'DI NYID DU DE DAG GI KHYAD PAR GYI MTSAN NYID BSTAN PA'I SKABS SU BAB PAS DBANG PO'I SKABS 'DI NYID DU STON PAR BYED DO, ,GAL TE YID KYI MTSAN NYID NI BSHAD ZIN LA, DAD PA LA SOGS PA RNAMS NI SEMS LAS BYUNG BA RNAMS KYI NANG NAS 'CHAD PAR 'GYUR ZHING, BDE BA DANG, YID BDE BA DANG, BTANG SNYOMS RNAMS 'DI NYID NAS 'CHAD NA, GANG ZHIG 'DIR BSHAD PAR BYA BA BRJOD PA KUN SHES PAR BYED PA'I DBANG PO LA SOGS PA GSUM PO GZHAN GANG ZHIG YOD CE NA, DE NI DE DAG LAS GZHAN MED DO, ,'O NA CI ZHIG CE NA, 'DI DAG GNAS SKABS GANG ZHIG GIS KHYAD PAR DU 'PHAGS PA NA, KUN SHES PAR BYED PA LA SOGS PA ZHES BYA BA 'THOB PA'I GNAS SKABS DE BSTAN @109B PAR BYA DGOS PAS KUN SHES PAR BYED PA LA SOGS PA'I DBANG PO BSHAD PAR BYA STE, DE BRJOD PAR BYA'O ZHES DE SKAD DU BSTAN PA YIN NO, ,LUS TSOR SIM PA MA YIN GANG, ,SDUG BSNGAL DBANG PO'O ZHES BYA BA LA, LUS KYI DBANG PO SIM PA YANG YOD PAS SIM PA MA YIN ZHES BYA BA KHYAD PAR DU BYAS SO, ,SEMS KYI SIM PA MA YIN PA YANG YOD PAS LUS KYI ZHES BYA BA SMOS SO, ,SIM PA MA YIN PA'I BRJOD PA'I DON MA GTOGS PA'I PHYIR RNAM GRANGS GZHAN GYIS DE'I DON STON PAR BYED PA NI, SIM PA MA YIN PA ZHES BYA BA NI GNOD PAR BYED PA STE, SDUG BSNGAL ZHES BYA BA'I THA TSIG GO ZHES BYA BA'O, ,'DI SKAD BSTAN PAR 'GYUR TE, RNAM PAR SHES PA LNGA DANG LHAN CIG SKYES PA'I NYAMS SU MYONG BA BKAG ,'DI SKAD BSTAN PAR 'GYUR TE, RNAM PAR SHES PA LNGA DANG LHAN CIG SKYES PA DANG, RNAM PAR SHES PA GSUM DANG LHAN CIG SKYES PA'I NYAMS SU MYONG BA PHAN 'DOGS PA NI BDE BA'I DBANG PO'O, ,BSAM GTAN GSUM PA NA YANG BDE BA'I DBANG PO YOD PAR 'DOD NA, DE NI LUS KYI YIN PAR 'DOD PA YANG MA YIN NO ZHE NA, DE'I PHYIR, BSAM GTAN GSUM PA NA, SEMS KYI DE NI BDE DBANG PO, ,ZHES BYA BA SMOS TE, GNOD PA BYED PA NI SDUG BSNGAL GYI DBANG PO'O ZHES BYA'O SIM PA NI BDE BA'O, ,SKABS SU BAB PA'I PHYIR LUS KYI DBANG PO DANG SBYAR BAR BYA'O, , 'DIR YANG KHYAD PAR DANG KHYAD PAR CAN GYI DNGOS PO NI SNGA MA BZHIN NO, ,SEMS KYI ZHES BYA BA 'DIS NI LUS KYI RNAM PAR GCOD DO, ,DE NYID CES BYA BA 'DIS NI SIM PA MA YIN PA RNAM PAR GCOD DE, DE NYID KYI PHYIR, DE NYID CES BYA BA SMOS TE, SEMS KYI TSOR BA SIM PA NI BDE BA'I DBANG PO YIN NO, ,YANG CI'I PHYIR 'DOD PA'I KHAMS DANG, BSAM GTAN DANG POR LUS KYI SIM PA BDE BA'I DBANG POR RNAM PAR GZHAG LA, BSAM GTAN GSUM PAR NI SEMS KYI YIN ZHE NA, DE'I PHYIR, LUS KYI TSOR BA NI MED DO ZHES BYA BA SMOS SO, ,CI'I PHYIR MED CE NA, DE'I PHYIR, DE NA RNAM PAR SHES PA'I TSOGS LNGA MED PA'I PHYIR ZHES BYA BA SMOS SO; ,GZHAN NA DE YID BDE BA YIN, ,ZHES BYA BA LA, BSAM GTAN GSUM PA LAS GZHAN YID BDE BA'I DBANG PO YIN NO, ,GZHAN NA ZHES BYA BA SMOS PA BSAM GTAN GSUM PA'I GONG DU YANG DER THAL BAR 'GYUR BA BZLOG PA'I PHYIR, ,'DOD PA'I KHAMS DANG, BSAM GTAN DANG PO DANG, GNYIS PA NA NI ZHES BYA BA @110A *, ,SMOS TE; DE NI DE DAG KHO NAR SRID PA'I PHYIR RO, ,YANG CI'I PHYIR BSAM GTAN DANG PO DANG GNYIS PA BZHIN DU BSAM GTAN GSUM PAR YANG DE'I BDE BA'I DBANG POR MA BSHAD CE NA, DE'I PHYIR, BSAM GTAN GSUM PA NA NI ZHES BYA BA RGYAS PAR 'BYUNG NGO, ,YID BDE BA NI DGA' BA YIN LA, DGA' BA'I 'DOD CHAGS DANG BRAL BAS KYANG BSAM GTAN GSUM PA THOB STE, MDO LAS, DGA' BA'I 'DOD CHAGS DANG BRAL BAS BTANG SNYOMS LA GNAS PA, DRAN PA DANG LDAN PA, BDE BA LA GNAS PA ZHES GSUNGS SO, ,DE'I PHYIR BSAM GTAN GSUM PA NA BDE BA'I DBANG PO KHO NAR BRJOD KYI, YID BDE BA'I DBANG POR NI MA YIN NO, ,PHAN 'DOGS PAR BYED PA'I NYAMS SU MYONG BAR MTSUNGS PA YIN NO, ,YID 'DI GNYIS LA KHYAD PAR CI ZHIG YOD CE NA, 'JUG PAS BYAS PA'O, ,SEMS KYI BDE BA'I DBANG PO NI BRTAN PAR 'JUG PA YIN LA, YID BDE BA NI MI BRTAN PAR 'JUG PA YIN TE, SEMS YA YA BOR BYED PA'I PHYIR RO, ,SEMS KYI SIM PA MA YIN PA, ,MI BDE BA'O ZHES BYA BA LA, SEMS KYI YID MI BDE BA NI GNOD PAR BYED PA'O, ,LUS DANG SEMS KYI SIM PA DANG, SIM PA MA YIN PA'I DBYE BAS TSOR BA GSUM PO DAG RNAM PAR GZHAG PA BYAS ZIN TO, ,DA NI BTANG SNYOMS KYI DBANG PO BRJOD PAR BYA DGOS PAS, DE'I PHYIR; BTANG SNYOMS NI BAR MA'O ZHES BYA BA RGYAS PAR SMOS SO, ,SIM PA NI BDE BA'O, ,SIM PA MA YIN PA NI SDUG BSNGAL LO ZHES THAL MA THAG TU BSHAD LA, 'DIR NI BAR MA'O ZHES BSHAD PA DE'I PHYIR SIM PA YANG MA YIN SIM PA MA YIN PA YANG MA YIN PA DE NI BAR MA'O ZHES BYA BAR 'GYUR RO, ,DE'I PHYIR, SIM PA YANG MA YIN SIM PA MA YIN PA YANG MA YIN PA ZHES BYA BA SMOS SO, ,DE LTA NA YANG MI SHES PA DE'I PHYIR GSUNG RAB LAS GRAGS PA'I RNAM GRANGS GZHAN GYIS STON PA NI, SDUG BSNGAL YANG MA YIN BDE BA YANG MA YIN PA'I TSOR BA NI ZHES BYA BA LA SOGS PA'O, ,BDE BA DANG SDUG BSNGAL LTAR LUS DANG SEMS LA BRTEN PA'I PHYIR DANG, DE DANG 'DRA BAR PHYE NAS MA BSTAN PA'I PHYIR THE TSOM ZA BA NA 'DRI BA NI, CI LUS KYI 'AM, SEMS KYI ZHES BYA BA STE, BTANG SNYOMS KYI DBANG PO ZHES BYA BAR SKABS DANG SBYAR RO, ,DE'I PHYIR SMRAS PA, GNYIS KA'I YIN NO, ,CI'I PHYIR ZHES BYA BA RGYAS PAR 'BYUNG STE, BDE BA DANG, SDUG BSNGAL DAG NI RTEN THA DAD PA LA GUS PA @110B MED PAR BYAS TE, BSDUS NAS TE BSDOMS NAS DBANG PO GCIG TU BYAS PA 'DI LA RGYU CI ZHIG YOD DE, DE BZHIN GSHEGS PA RNAMS LA NI THAMS CAD LA THOGS PA MED PA'I YE SHES MNGA' BA'I PHYIR DANG THAMS CAD LA DRAN PA NYE BAR GNAS PA'I PHYIR, RGYU MED PAR CHOS STON PA MI MNGA'O ZHE NA, DE'I PHYIR MI RTOG PHYIR ZHES BYA BA SMRAS SO, ,BSDUS NAS DBANG PO GCIG TU BYAS PA LA RGYU SMRAS PA NI, SEMS KYI BDE BA DANG SDUG BSNGAL BA NI PHAL CHER RNAM PAR RTOG PA LA ZHES BYA BA RGYAS PAR 'BYUNG BA'O, ,PHAL CHER SMOS PAS NI DGA' BA'I BDE BA TING NGE 'DZIN LAS SKYES PA DANG, RNAM PAR SMIN PA LAS SKYES PA SPANG BAR BYA BA'I PHYIR RO ZHES BYA BA 'DI STON TO, ,LUS KYI BDE BA DANG SDUG BSNGAL NI RNAM PAR RTOG PA LAS MI SKYE'O, ,DE NYID LA RGYU SMRAS PA NI YUL GYI DBANG GIS NI ZHES BYA BA LA SOGS PA STE, MDZA' BA DANG MI MDZA' BA'I RNAM PAR RTOG PA SPANGS PA'I DGRA BCOM PA RNAMS LA YANG YUL YID DU 'ONG BA DANG, MI 'ONG BA'I DBANG GIS NGES PAR SKYE BA'I PHYIR RO, ,DE'I PHYIR DE DAG CES BYA BA LA, LUS KYI DANG SEMS KYI BDE BA DANG, SDUG BSNGAL DAG BDE BA'I DBANG PO, SDUG BSNGAL GYI DBANG PO, YID BDE BA'I DBANG PO, YID MI BDE BA'I DBANG PO ZHES DBANG PO THA DAD DO, ,BTANG SNYOMS NI LUS KYI 'AM, SEMS KYI 'AM; RNAM PAR SMIN PA LAS SKYES PA'AM, RGYAS PAR 'BYUNG BA YIN YANG RUNG STE, RNAM PAR MI RTOG PA KHO NAR RANG GI NGANG GIS TE, MNGON PAR 'DU BYA BA MED PAR SKYE STE, DE'I PHYIR DBANG PO GCIG TU BYAS SO, ,LUS KYI BDE BA YANG GZHAN DU PHAN 'DOGS LA ZHES BYA BA RGYAS PAR 'BYUNG STE, LUS KYI BDE BA DANG SDUG BSNGAL NI NYI TSE BAR ZHUGS PAR LUS DANG SEMS DAG LA PHAN 'DOGS PA DANG, GNOD PA BYED PA YIN LA, LUS KYI BDE BA DANG, SDUG BSNGAL GYI DRAG PA DANG, MGYOGS PAR BYED PA DANG, RGYUN CHAGS PA YANG YIN GYI, SEMS KYI NI DE LTA MA YIN TE, YID LA SMIN PA YONGS SU RDZOGS PA DANG, SDUG PA'I RNAM PAR RTOG PA'I RGYU CAN GYIS DUS CUNG ZAD PHAN 'DOGS PA'AM, GNOD PAR BYED DO, ,BTANG SNYOMS LA NI LUS KYI BTANG SNYOMS NI GZHAN DU PHAN 'DOGS LA, SEMS KYI YANG GZHAN DU PHAN 'DOGS SO ZHES BYA BA'I KHYAD PAR 'DI MED DE, DE BAS NA BTANG SNYOMS LA BYE BRAG MED PAS THA DAD PA MED @111A *, ,DO; ,ZAG PA MED PA RNAMS KYI SKABS SU BAB PA LA, DE DAG LA NI LOGS SU BSTAN PAR BYA BA CUNG ZAD KYANG MED MOD KYI, 'ON KYANG, MTHONG BSGOM MI SLOB LAM LA DGU GSUM YIN, ,LAN GSUM DU DBANG PO DGU LA KUN SHES PAR BYED PA'I DBANG PO LA SOGS PAR BRJOD DO, ,KUN SHES PAR BYED PA'I DBANG PO LA SOGS PA'I DBANG PO RNAMS BUM PA LTAR BTAGS SU YOD PA NYID DU 'GYUR BA YIN NAM ZHE NA MI 'GYUR TE, DBANG BYED PA'I DON NI DBANG PO'I DON YIN LA, TSOGS PA DAG KYANG RE RE ZHING DBANG BYED PAS KUN SHES PAR BYED PA LA SOGS PA'I DBANG PO NYID YIN GYI, BUM PA LA SOGS PA RNAMS NI RE RE ZHING BUM PA LA SOGS PAR BSNYAD PA MA YIN NO, ,MTHONG BA'I LAM LA SOGS PA DAG NA YOD PA'I RNAM PAR SHES PA GANG YIN PA DE NI YID KYI DBANG PO'O, ,BDE BA LA SOGS PA TSOR BA'I DBANG PO GSUM NI CI RIGS PAR RTEN GYI DBANG GIS YIN TE, MTHONG BA DANG, BSGOM PA'I LAM DAG NI SA DRUG PA DANG, SA DGU PA YIN PA'I PHYIR RO, ,DGE LA THAMS CAD DAG TU LNGA, ,ZHES BYA BAS DAD PA LA SOGS PA DAG NI THAMS CAD NA YOD KYI, BDE BA DANG, YID BDE BA DANG, BTANG SNYOMS RNAMS NI DE LTAR CIG CAR SRID PA YOD PA MA YIN NO, ,CI'I PHYIR, 'DI DAG LAM GSUM DU GO RIMS BZHIN DU KUN SHES PAR BYED PA'I DBANG PO LA SOGS PA NYID CES BYA ZHE NA, MTHONG BA'I LAM LA NI BDEN PA BZHI MI SHES PA KUN SHES SO SNYAM DU ZHUGS PA'I DBANG PO KUN SHES PAR BYED PA'I DBANG PO YIN NO, ,BSGOM PA'I LAM LA NI SNGON MA MTHONG BA KUN SHES PAR BYA BA NI MED KYI ZHES BYA BA NAS KUN SHES PAR BYED PA'I DBANG PO NYID KYIS SHES PAR BYA BA'I BDEN PA BZHI STE, DRI MED BCU DRUG GZHAN RNAMS MED, ,CES 'BYUNG BA'I PHYIR RO, ,DE'I PHYIR BSGOM PA'I LAM LA SNGA NAS MED PA KUN SHES PAR BYA BA MED DE, DE'I PHYIR BDEN PA BZHI'I BDEN PA RTOGS PA YIN DANG GANG ZHIG DBANG PO YIN PA DE NI KUN SHES PA'I DBANG PO YIN NO, ,DE NYID KUN SHES PAR BYED PA'O ZHES BYA BA NYID 'BYUNG STE, BSGOM PA'I LAM NI MTHONG BA'I LAM GYIS MNGON PAR RTOGS PAR BYAS ZIN PA'I BDEN PA BZHI'I YUL CAN YIN PA'I PHYIR RO, ,GAL TE MTHONG BA'I LAM NYID KYIS BDEN PA BZHI KUN SHES PAR BYAS NA SPANG BA'I PHYIR BSGOM PA'I LAM GYIS RTOGS PAR BYED CE NA, PHRA RGYAS LHAG MA SPANG BAR BYA BA'I PHYIR RO, , @111B 'DI LTAR MTHONG BA'I LAM GYIS NI MTHONG BAS SPANG BAR BYA BA'I PHRA RGYAS SPANG BAR BYA BA'I PHYIR KUN SHES PAR BYED PA YIN LA, BSGOM PA'I LAM GYIS NI BSGOM PAS SPANG BAR BYA BA'I NYON MONGS PA SPANG BAR BYA BA'I PHYIR KUN SHES PA YIN NO, ,KUN SHES SO SNYAM PA DANG LDAN PA NI KUN SHES PA ZAD PA DANG, MI SKYE BA SHES PA'I MTSAN NYID CAN TE, DE 'DI LA YOD PAS SAM KUN SHES PA BSRUNG BA'I NGANG TSUL 'DI LA YOD PAS NA KUN SHES PA DANG LDAN PA STE, LDAN PA'I DON DANG, DE'I NGANG TSUL CAN GYI DON YIN NO, ,DE LTA BUR GYUR PA KUN SHES PA DANG LDAN PA'I DBANG PO'O, ,KUN SHES PA'I DBANG PO DANG 'DI LA KHYAD PAR CI ZHIG YOD; DES KYANG KUN SHES PA NYID SHES PA YIN NO ZHE NA, DE'I PHYIR, ZAD PA DANG MI SKYE BA SHES PA'I YE SHES THOB PA'I PHYIR ZHES BYA BA RGYA CHER 'BYUNG NGO, ,DE LTA BU'I DBANG PO NI ZHES BYA BA NI KUN SHES PA RTOGS PA DANG, SRUNG BA'I NGANG TSUL CAN GYI ZHES BYA BA'I THA TSIG GO, ,'DIR RANG GI NGO BO STON PA'I DBANG DU BYAS PA YIN PAS, LUS TSOR SIM PA MA YIN GANG, ,SDUG BSNGAL DBANG PO ZHES BYA BA LA SOGS PAS DE DAG RANG GI NGO BO BSTAN ZHING, 'CHAD PAR 'BYUNG BA'I SROG GI DBANG PO LA SOGS PA RNAMS RANG GI NGO BO BSTAN ZIN PAR BYA STE, RANG GI NGO BO BSTAN NAS ZHES BYA BA 'DI MNGON PAR BRJOD DO, ,RNAM PA'I BYE BRAG BRJOD PAR BYA STE ZHES BYA BA NI ZAG PA DANG BCAS PA DANG, ZAG PA MED PA LA SOGS PA STE, CHOS MNGON PA NI CHOS RAB TU RNAM PAR DBYE BAR BYA BA'I DON DU YIN PA'I PHYIR RO, ,GSUM NI DRI MED CES BYA BA LA, GSUM NI DRI MA MED PA KHO NA'O ZHES BYA BAR NGES PAR GZUNG STE, DGU RNAM GNYIS ZHES 'BYUNG BA'I PHYIR DANG ZAG PA MED PA'I LAM GSUM GYIS BSDUS PA'I PHYIR 'DI DAG ZAG PA DANG BCAS PA NI MED DO, ,GZUGS CAN SROG DANG SDUG BSNGAL DAG ,ZAG DANG BCAS PA KHO NA'O, ,ZHES NGES PAR GZUNG STE, DGU RNAM GNYIS ZHES GSUNGS PA'I PHYIR DANG, LAM GYI BDEN PA'I DANG, 'DUS MA BYAS KYIS MA BSDUS PA'I PHYIR RO; ,GZUGS KYI PHUNG POS BSDUS PA'I PHYIR RO ZHES BYA BA NI, GZUGS CAN ZHES BRJOD PAR 'JUG PA'I RGYU MTSAN BSTAN PAR BYA BA'I PHYIR SMOS SO, ,DGU RNAM GNYIS ZHES BYA BA 'BYUNG STE, LAM DANG LAM MA YIN PAS BSDUS PA'I PHYIR RO, ,GAL TE GCIG TU ZAG PA DANG BCAS PA DANG, ZAG PA MED PAR @112A *, ,NGES PA'I PHYIR DGU RNAM GNYIS ZHES BYA BA MA SMRAS KYANG, GNYIS NYID DU RTOG PAR 'GYUR BA MA YIN NA MA ZHE NA, 'DI NI BZHI KHO NA MA YIN GYI, DGU CHAR YANG RNAM PA GNYIS YIN NO ZHES DAD PA LA SOGS PA GCIG TU ZAG PA MED PA NYID YIN PA DGAG PAR BYA BA'I PHYIR YIN PAR 'GYUR RO, ,KHA CIG NA RE DAD PA LA SOGS PA RNAMS NI ZAG PA MED PA KHO NA YIN GYI, ZAG PA DANG BCAS PA NI MED DO ZHES ZER RO, ,DON DE NYID LA KHUNGS SMRAS PA NI, BCOM LDAN 'DAS KYIS ZHES BYA BA LA SOGS PA RGYAS PAR 'BYUNG BA'O, ,RNAM PA THAMS CAD DU ZHES BYA BA NI CHUNG DU DANG, 'BRING DANG, CHEN PO'I RNAM PAR RO,, THAMS CAD CES BYA BA NI LNGA CHAR ZHES BYA BA'I DON TO, ,'DI LTAR ZAG PA NGANG BCAS PA'I CHOS RNAMS NI ZAG PA MED PA LTAR SO SO'I SKYE BO RNAMS LA MED PA MA YIN LA, DAD PA LA SOGS PA RNAMS NI SO SO'I SKYE BO RNAMS LA YOD PA YANG MA YIN TE, DGAG PA MDZAD PA'I PHYIR RO, ,DE'I PHYIR ZAG PA MED PA KHO NA YIN NO ZHES BYA BAR SHES SO ZHE NA, 'DI DAD PA LA SOGS PA RNAMS ZAG PA MED PA'I KHUNGS SU MI RUNG NGO, ,CI'I PHYIR ZHE NA, ZAG PA MED PA RNAMS KYI DBANG DU MDZAD NAS GSUNGS PA'I PHYIR RO, ,GAL TE KHYAD PAR MED PAR DAD PA LA SOGS PA'I DBANG PO RNAMS KYI DBANG DU MDZAD PAR GYUR NA NI 'DI KHUNGS SU 'GYUR BA ZHIG NA; 'DI NI ZAG PA MED PA RNAMS KHO NA'I DBANG DU MDZAD PA YIN TE, DE'I PHYIR 'DI KHUNGS SU MI RUNG NGO, ,'DI JI LTAR SHES SHE NA, DE'I PHYIR, 'DI LTAR 'PHAGS PA'I GANG ZAG RNAM PAR GZHAG PA MDZAD NAS ZHES BYA BA RGYAS PAR SMOS SO, ,'DI LTAR ZHES BYA BA'I SGRA NI GANG GI PHYIR GYI DON TO, , MDO LAS NI DGE SLONG DAG DBANG PO LNGA PO 'DI DAG TZAM STE, LNGA GANG ZHE NA, DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO'O, ,DGE SLONG DAG DBANG PO LNGA PO 'DI DAG RAB YIN PA'I PHYIR DANG, RNO BA YIN PA'I PHYIR DANG, BSTEN PA YIN PA'I PHYIR DANG, YONGS SU RDZOGS PA'I PHYIR DGRA BCOM PA GNYIS KA'I CHA LAS RNAM PAR GROL BA YIN NO, ,DE BAS CHES RTUL BA DANG, CHES ZHAN PA DAG GIS NI DGRA BCOM PA SHES RAB KYI RNAM PAR GROL BA YIN NO, ,DE BAS CHES RTUL BA DANG, CHES ZHEN PA DAG GIS NA RNAM PAR GROL BA DUS DANG @112B SBYOR BA YIN NO, ,DE BAS CHES RTUL BA DANG CHES ZHAN PA DAG GIS NI MTHONG BAS THOB PA, DE BAS CHES RTUL BA DANG CHES ZHAN PAS NI DAD PAS MOS PA, DE BAS CHES RTUL BA DANG CHES ZHAN PAS NI CHOS KYI RJES SU 'BRANG BA YIN NO, ,DE BAS CHES RTUL BA DANG CHES PHRA BAS NI DAD PAS RJES SU 'BRANG BA YIN NO ZHES BYA BA NAS, GANG LA DBANG PO LNGA PO 'DI DAG RNAM PA THAMS CAD DU THAMS CAD MED PA DE NI PHYI ROL SO SO'I SKYE BO'I PHYOGS LA GNAS PAR NGA SMA'O ZHES BYA BA'I BAR DU GSUNGS SO, ,DE'I PHYIR DE LTAR NA 'PHAGS PA'I GANG ZAG RNAM PAR GZHAG PAR MDZAD NAS, GANG LA DBANG PO LNGA PO 'DI DAG CES GSUNGS TE, GANG DAG 'DIR DBANG DU MDZAD PA MA YIN NO ZHES BYA BAR RTOGS SO, ,DE LTAR MA YIN NA GANG LA DBANG PO LNGA PO 'DI DAG CES MI GSUNG BAR 'GYUR BA ZHIG GO, ,DE'I PHYIR DER DAD PA LA SOGS PA'I DBANG PO THAMS CAD KYI DBANG DU MDZAD PA MA YIN NO ZHES BYA BAR RTOGS SO, ,DE'I PHYIR PHYI ROL SO SO'I SKYE BO'I PHYOGS LA GNAS PA ZAG PA DANG BCAS PA DAG DANG LDAN PA MI 'GAL LO, ,YANG NA SO SO'I SKYE BO RNAM PA GNYIS TE, NANG PA DANG, PHYI ROL PA'O, ,DGE BA'I RTZA BA KUN DU MA CHAD PA NI NANG PA ZHES BYA STE, BDEN PA MNGON PAR RTOGS PAR RUNG BA'I PHYIR DANG, DE'I TSOGS SOGS PAR RUNG BA'I PHYIR RO, ,DGE BA'I RTZA BA KUN DU CHAD PA NI PHYI ROL PA STE, BZLOG PA'I PHYIR RO; ,DE LTA MA YIN NA NI PHYI ROL GSUNGS PA LA DEN MI MNGA' BAR 'GYUR RO, ,DGE BA'I RTZA BA KUN DU CHAD PA DANG, KUN DU MA CHAD PA GNYIS CHAR 'PHAGS PA'I CHOS MA THOB PAR MTSUNGS PA'I SGO NAS SO SO'I SKYE BO'I PHYOGS LA GNAS PAS NANG PA LAS KHYAD PAR DU BYA BA'I PHYIR, PHYI ROL ZHES GSUNGS SO, ,RNAM PA THAMS CAD DU ZHES BYA BA NI ZAG PA DANG BCAS PA DANG, ZAG PA MED PA'I RNAM PAR RO, ,THAMS CAD CES BYA BA NI RNAM PA CHUNG DU'I CHUNG DU YANG MED PA'O, ,DE LTA MA YIN NA NI GANG LA DBANG PO LNGA PO 'DI DAG MED PA DE NI SO SO'I SKYE BO'I PHYOGS LA GNAS PAR NGA SMRA'O ZHES GSUNGS PAR 'GYUR RO, ,DAD PA LA SOGS PA ZAG PA DANG BCAS PA NYID DU RAB TU BSGRUB PA LA KHUNGS GZHAN SMOS PA NI, MDO LAS KYANG SEMS CAN 'JIG RTEN DU SKYES SHING ZHES BYA BA LA SOGS PA RGYAS PAR 'BYUNG BA'O, ,MDO 'DI YANG ZAG PA MED PA RNAMS KYI DBANG DU MDZAD NAS GSUNGS SO ZHE NA, DE'I PHYIR, CHOS KYI 'KHOR LO MA BSKOR BA KHO NA NYI TSE ZHES BYA BA DRANGS TE, CHOS KYI 'KHOR @113A *, ,LO MA BSKOR BAR NI 'JIG RTEN NA SEMS CAN RNAMS LA DAD PA LA SOGS PA ZAG PA MED PA DAG YOD PA NYID MA YIN TE, SANGS RGYAS 'BYUNG BA DANG, CHOS KYI 'KHOR LO BSKOR BA DON MED PAR THAL BAR 'GYUR BA'I PHYIR RO, ,DE'I PHYIR CHOS KYI 'KHOR LO BSKOR BA'I GONG ROL NA SEMS CAN RNAMS KYI DAD PA LA SOGS PA ZAG PA DANG BCAS PA KHO NA ZHES BYA BAR SHES SO, ,'DIR DBANG PO RNON PO LA SOGS PA BSTAN PA NI YID KYI DBANG PO'I DBANG DU MDZAD NAS YIN NO ZHE NA, MA YIN TE, DAD PA LA SOGS PA'I DBANG PO PHUN SUM TSOGS PAS SKAL BA DANG LDAN PA YIN PA'I PHYIR RO, ,'DI LTAR MDO LAS NI SKAL BA DANG LDAN PA'I DBANG DU MDZAD NAS, BCOM LDAN 'DAS CHOS BSHAD DU GSOL, SEMS CAN DBANG PO RNON PO DAG KYANG MCHIS, ,ZHES BYA BA NAS, BCOM LDAN 'DAS KYI CHOS KUN SHES PAR 'GYUR, ,ZHES BYA BA'I BAR DU GSUNGS KYI, YID KYI DBANG PO NI MA YIN NO, ,YID KYI DBANG PO YIN NA NI DGE BA'I RTZA BA KUN DU CHAD PA RNAMS SKAL BA MI LDAN PA'I PHYIR RO, ,YANG NGAS JI SRID DU ZHES BYA BA RGYAS PAR 'BYUNG STE, 'DI NI DAD PA LA SOGS PA DAG ZAG PA DANG BCAS PA NYID DU RAB TU BSGRUB PA LA LUNG GZHAN YIN NO ZHES STON TO, ,CI STE YANG MDO 'DI NYID ZAG PA MED PA'I DBANG DU MDZAD NAS GSUNGS PA YIN NO SNYAM NA, DE'I PHYIR, ZAG PA MED PA RNAMS LA NI ZHES BYA BA SMOS SO, ,GAL TE YANG LAM LA SKYE BA DANG 'GAG PA YOD PAS KUN 'BYUNG BA DANG, MI SNANG BA GNYIS SRID MOD KYI RO MYONG BA DANG, NYES DMIGS NI MI SRID PAS LAM LA YONGS SU BRTAG PA RNAM PA 'DI MI RIGS SO, ,DE'I PHYIR DAD PA LA SOGS PA DAG ZAG PA DANG BCAS PA DANG, ZAG PA MED PA YIN NO ZHES BYA BAR GRUB BO, ,RE ZHIG GCIG TU ZHES BYA BA NI BYE BRAG MED CES BYA BA'I DON TO, ,SROG NI RNAM SMIN ZHES BYA BA LA, SROG GI DBANG PO NI RNAM PAR SMIN PA KHO NA YIN NO ZHES BYA BAR NGES PAR GZUNG STE, BCU GNYIS GNYIS ZHES 'BYUNG BA'I PHYIR RO, ,BYIN GYIS BRLABS PA'I TSE JI LTAR ZHES TE, DE RNAM PAR SMIN PA MA YIN PA NYID DU SHES PAR BYA BA'I PHYIR, 'O NA DGE SLONG DGRA BCOM PA'I ZHES BYA BA LA SOGS PA 'DI SMOS SO, ,SROG GI DBANG PO GANG YIN PA DE DAG GANG GI RNAM PAR SMIN PA YIN ZHE NA ZHES BYA BA NI CI TSE RABS GZHAN GYI LAS YIN NAM, 'ON TE DA LTAR BYUNG BA'I TSE RABS KYI YIN ZHES BYA BA'O, ,BSTAN BCOS LAS @113B ZHES BYA BA NI DE SKYE BA DA LTAR BA'I LAS KYI 'BRAS BU YIN NO ZHES LUNG GIS STON PA'O, ,DGRA BCOM PA ZHES BYA BA NI PHYIR MI 'ONG BA MA YIN PA'O, ,RDZU 'PHRUL DANG LDAN PA ZHES BYA BA NI MNGON PAR SHES PA THOB PA'O, ,SEMS LA DBANG THOB PA ZHES BYA BA NI DUS DANG MI SBYOR BAR RNAM PAR GROL BA'O, ,GANG ZAG LA ZHES BYA BA NI GANG DU MTHONG BA'I CHOS LA MYONG BAR 'GYUR BA STE, GANG DAG 'GOG BYAMS NYON MONGS MED, ,CES BYA BA LA SOGS PA'O, ,'TSE BA'I YO BYAD CES BYA BA LA 'CHO BA'I CHED KYI YO BYAD NI 'TSO BA'I YO BYAD DE, DE DANG RJES SU MTHUN PA'I PHYIR RO, ,DE PHUL NAS DE BSAMS TE, DE CHER BSAMS SHING SEMS LA GZHAG STE 'DUN PA BSKYED NAS SO, ,JI LTAR ZHE NA, BDAG GI LONGS SPYOD KYI RNAM PAR SMIN PA GANG YIN PA DE TSE'I RNAM PAR SMIN PAR GYUR CIG SNYAM DU'O, ,DE'I LONGS SPYOD KYI RNAM PAR SMIN PA GANG YIN PA ZHES BYA BA LA SOGS PA LA, SMON LAM DE'I SHUGS DANG RAB KYI MTHA' PA'I MJUG THOGS SU BRJOD PA'I RNAM PAR RIG BYED KYI SHUGS KYIS DGE 'DUN NAM GANG ZAG LA 'BUL BA'I SEMS PA'I 'BRAS BU YIN PA'I PHYIR RNAM PAR SMIN PA KHO NA'O, ,RNAM PAR SMIN PA'I LHAG MA RNAM PAR SMIN PAR BYED DO ZHES BYA BAR 'BYUNG NGO, ,DUS MA YIN PAR 'CHI BAS TSE'I RNAM PAR SMIN PA YONGS SU MA RDZOGS SHING, RNAM PAR SMIN PA'I LAS GANG YIN PA DE'I RNAM PAR SMIN PA LHAG MA STE, RAB KYI MTHA' PA'I BSAM GTAN BZHI PA'I BSGOMS PA'I STOBS KYIS DRANGS NAS SO SOR MYONG BAR BYED DO, ,DE'I PHYIR DE LTAR NA GZHAN DAG NI RNAM PA 'DIS KYANG SROG NI DE'I RNAM PAR SMIN PA KHO NA YIN PAR 'GYUR TE; SNYOMS PAR 'JUG PA'I MTHUS SKYE BA GZHAN SNGA MA LAS MYONG BAR 'GYUR BAR NGES PA'I LAS KYIS 'PHAGS PA'I TSE DAG DRANGS NAS 'DIR SO SOR MYONG BAR BYED DO ZHES ZER RO, ,TSE'I 'DU BYED DAG JI LTAR GTONG ZHE NA ZHES BYA BA RGYAS PAR 'BYUNG NGO, ,DE'I DE LTA BUR 'GYUR RO ZHES BYA BA LA, TSE'I RNAM PAR SMIN PA LONGS SPYOD KYI RNAM PAR SMIN PAR 'GYUR RO, ,LUS KYI DE NYID LA ZHES BYA BA NI 'DOD PA NA SPYOD PA LA'O, ,TSE DANG MTHUN PA ZHES BYA BA NI SNGON GYI LAS KYI RNAM PAR SMIN PA'I SROG GNAS PA DANG MTHUN PA DAG GO, ,RNAM PA 'DIS KYANG SROG NI RNAM PAR SMIN PA KHO NA YIN NO, ,'GAL BA DAG CES BYA BA NI 'BYUNG @114A *, ,PA CHEN PO DAG STE, TSE DANG ZHES BYA BAR SBYAR RO, ,'DI LTA BU YIN TE ZHES SMRA BA NI BSTAN BCOS MKHAN PO'O, ,DE DAG GI DE LTA BU NI TING NGE 'DZIN GYI MTHU KHO NA STE ZHES BYA BA LA, DE DAG GI NI RNAL 'BYOR PA DAG GI STE, BSAM GTAN PA RNAMS KYI BSAM GTAN GYI YUL GYI BSAM GYIS MI KHYAB NGO ZHES 'BYUNG BA'I PHYIR RO, ,DES ZHES BYA BA NI TING NGE 'DZIN GYI MTHU DANG SBYAR RO, ,TSE RABS GZHAN SNGA MA LA BYED PA'I LAS SKYES PA NI SNGON GYI LAS SKYES PA'O, ,GNAS PA NI DBANG PO'I 'BYUNG BA CHEN PO RNAMS KYI RGYUN NO, ,GNAS PA'I DUS NI DBANG PO'I 'BYUNG BA CHEN PO RNAMS GNAS PA'I DUS SO, ,DE'I 'PHEN PA NI DUS KYI 'PHEN PA STE, GNAS PA'I DUS KYI 'PHEN PA'I SHUGS ZHES BYA BA'I DON TO, ,'PHEN PA'I SHUGS DE YANG YANG SRID PAR MTSAMS SBYOR BA'I SKAD CIG STE, GANG GIS RGYUN DUS DE SRID DU 'JUG PAR 'GYUR ZHING, SNGON GYI LAS DAG GIS DE LTA BU'I RANG BZHIN GYI NUS PA GZHAG PA DE NI 'PHEN PA'I SHUGS ZHES BYA'O, ,DBANG PO'I 'BYUNG BA CHEN PO RNAMS KYI ZHES BYA BA LA, DBANG PO RNAMS DANG 'BYUNG BA CHEN PO RNAMS KYI GNAS PA'I DUS KYI 'PHEN PA SNGON GYI LAS LAS SKYES PA NI TING NGE 'DZIN GYI MTHUS ZLOG PAR BYED LA, DBANG PO'I 'BYUNG BA CHEN PO RNAMS KYI GNAS PA'I DUS KYI 'PHEN PA SNGON MED PA NI TING NGE 'DZIN GYI MTHUS 'PHEN PAR BYED DE, DE LTA BAS NA TING NGE 'DZIN GYI MTHUS 'PHANGS PA'I SROG GI DBANG PO GANG YIN PA DE NI RNAM PAR SMIN PA MA YIN LA DE LAS GZHAN PA NI RNAM PAR SMIN PA YIN TE, TING NGE 'DZIN LAS SKYES PA LAS GZHAN PA SNGON GYI LAS LAS SKYES PA GANG YIN PA'O ZHES BYA BA'I DON TO, ,DE NI 'DI LTA BU ZHES BYA BA 'DI YIN NO ZHES BYA BAR GSAL BAR BRJOD PAR BYA'O ZHE NA, DE NI RGYAS PA LAS 'BYUNG BA ZHIG STE, DBANG PO'I 'BYUNG BA CHEN PO RNAMS KYI GNAS PA'I DUS KYI 'PHEN PA NI TING NGE 'DZIN GYI RGYU CAN YIN PA'I PHYIR RO, ,BTZUN PA MTHA' YAS GO CHA NA RE NI KHYAD PAR STON PA DE DAG BZHI KA YANG SKYON DANG BCAS PA YIN NO ZHES ZER RO, ,JI LTAR ZHE NA, DANG PO LTAR NA NI TSE'I RNAM PAR SMIN PA'I LAS MTHONG BA'I CHOS KYI 'BRAS BU CAN DU 'GYUR NA, TSE'I RNAM PAR SMIN PA'I LAS NI MTHONG BA'I CHOS CAN LA MYONG BAR 'GYUR BAR YANG MI RIGS TE, LAS 'BRAS BU NYE LA 'BRAS BU RING BA MA YIN PA YANG YOD CES BYA BA RGYAS @114B PAR 'BYUNG NGO, ,GNYIS PA LTAR NA LAS RNAMS NGES PA MED PAR THAL BAR 'GYUR RO, ,GAL TE RNAM PAR SMIN PA LHAG MA SMIN PAR BYED PAR 'GYUR NA NI LAS GSUM PO MTHONG BA'I CHOS DANG, LAN GRANGS GZHAN DANG, SKYES NAS MYONG BAR 'GYUR BA RNAMS NGES PAR MED PAR 'GYUR RO, ,JI LTA ZHE NA, 'DIR SKYES NAS MYONG BAR 'GYUR BA'I LAS KYI RNAM PAR SMIN PA NI SMIN PAR 'GYUR LA, LAS DE NYID KYI RNAM PAR SMIN PA LHAG MA NI, LAN GRANGS GZHAN LA YIN NO, ,MTHONG BA'I CHOS LA MYONG BAR 'GYUR BA NI MTHONG BA'I CHOS LA RNAM PAR SMIN PAR 'GYUR LA, DE NYID KYI SKYE BA GSUM PA LA YIN PAS, LAS DE NYID MTHONG BA'I CHOS LA MYONG BAR 'GYUR BAR YANG 'GYUR ZHING, DE NYID SKYES NAS DANG, LAN GRANGS GZHAN LA MYONG BAR 'GYUR NA, 'DI NI 'DOD PA YANG MA YIN NO, ,GSUM PA LTAR NA NI GZUGS NA SPYOD PA'I 'BYUNG BA CHEN PO RNAMS LA 'GAL BA NYID MI SRID PA'I PHYIR PHAN 'DOGS PAR BYED PAR 'GYUR BA DE DAG TSE RGYUN GCOD PAR BYED PAR JI LTAR 'GYUR TE, GNOD PAR BYED PA MA YIN PA'I MTSAN NYID CAN YIN PA'I PHYIR RO, ,BZHI PA LTAR NA SNGON GYI LAS KYI RNAM PAR SMIN PA ZAD PA'I PHYIR DANG, SNGON MED PA SKYES PA'I PHYIR 'CHI 'PHOS PA DANG, SKYES PAR 'GYUR TE, DE'I PHYIR TSE RABS GZHAN BZHIN DU SO SOR THAR PA'I SDOM PA GTANG BAR 'GYUR TE, BSLAB PA PHUL DANG 'CHI 'PHO DANG, ,ZHES 'BYUNG BA'I PHYIR RO, ,DE NYID KYIS RANG GI LUGS SMRAS BA NI TSE MA NGES PA 'PHEN PA YIN TE, 'DI NA MA NGES THA MAR NI, ,LO BCU DANG PO DPAG TU MED, ,CES 'BYUNG BA'I PHYIR DUS MA NGES ZHES BYA BA'I THA TSIG GO, ,THAMS CAD KYANG KYE MA MA LA BDAG TSE RING BAR GYUR CIG CES SMON LAM 'DEBS KYI, TSE BRGYA 'AM STONG ZHES NI MA YIN NO, ,GAL TE DE LTA YIN NA, 'O NA CI'I PHYIR BCOM LDAN 'DAS KYIS DGE SLONG DAG DENG SANG NI MI RNAMS TSE LO BRGYA PA'O ZHES GSUNGS SHE NA, DE YAN CHAD NA BCUD KYIS LEN PA LA SOGS PA DAG TU GNAS PA'I RGYU 'BYUNG BA CHEN PO'I CHA RKYEN MED PA'I PHYIR RO ZHES BYA BA'O, ,'DI LA BYE BRAG TU SMRA BA RNAMS NA RE BSTAN BCOS KYI DON MA RTOGS PAS DE SKAD DU SMRAS PA YIN TE, MTHONG BA'I CHOS KYI 'BRAS BU CAN DU 'GYUR NA ZHES GANG SMRAS BA DE NI 'DOD PA NYID DE, MCHOD RTEN RNYING PA LA SOGS PA GSOS PA LAS TSE @115A *, ,'PHEL BAR 'DOD PA KHO NA YIN NO, ,MDO LAS KYANG SROG NI RNAM PAR SMIN PA YIN GYI, 'DAS PA'I LAS KHO NA'I NI MA YIN NO ZHES GSUNGS TE, RE ZHIG SROG NI RNAM PAR THAMS CAD DU RNAM PAR SMIN PA KHO NA YIN NO, ,GAL TE BSAM GTAN LA SOGS PA'I STOBS KHO NA LAS YIN LA RAG MOD, CI'I PHYIR LHUNG BZED LA SOGS PA LA LTOS SHE NA, LHAN CIG BYED PA'I RKYEN LA LTOS PA'I PHYIR RO, ,BZHI PA LTAR NA LAS KYI RNAM PAR SMIN PA ZAD PAS 'CHI 'PHO DANG, SKYE BAR 'GYUR TE, DE'I PHYIR SKYE BA GZHAN BZHIN DU SO SOR THAR PA'I SDOM PA GTANG BAR 'GYUR TE ZHES GANG SMRAS PA DE LA YANG BRJOD BAR BYA STE, 'DIR 'CHI 'PHO BA DANG SKYE BA YANG MI RIGS LA, SNGOM PA GTONG BA YANG MA YIN TE, SNGAR GYI RIS MTHUN PA RJES SU 'JUG PA'I PHYIR DANG, SNGA NA MED PA'I RIS MTHUN PA MA SKYES PA'I PHYIR RO, ,DE'I PHYIR JI SKAD SMRAS PA'I NYES PAR THAL BAR MI 'GYUR RO, ,TSE MA NGES PA 'PHEN LA, CHA RKYEN MA TSANG BAS 'CHI BAR 'GYUR RO ZHES GANG SMRA NA, DE LTAR 'DOD NA NI LONGS SPYOD BAD PA KHO NA LAS 'CHI BAR 'GYUR GYI, TSE ZAD PA LAS NI MA YIN TE, DE LTA MA YIN DANG TSE ZAD PA YIN GYI, BSOD NAMS ZAD PA MA YIN PA YANG YOD DE ZHES BYA BA LA SOGS PA MU BZHI LA GNOD PAR 'GYUR RO, ,SPROS PAS CHOG GO; ,BSTAN BCOS LA 'JUG PAR BYA STE, DRI BA LAS DRI BA GZHAN 'BYUNG STE ZHES BYA BA LA, 'O NA DGE SLONG DGRA BCOM PA'I TSE'I 'DU BYED 'JOG PAR BYED PA'I ZHES BYA BA'I DRI BA DE AS DRI BA GZHAN 'DI 'BYUNG NGO, ,CI'I PHYIR CHE'I 'DU BYED DAG BYIN GYIS RLOB PAR BYED CE NA ZHES BYA BA LA, SANGS RGYAS BCOM LDAN 'DAS NI GZHAN LA PHAN PA'I DON DU'O, ,GZHAN NI BSTAN PA GNAS PAR BYA BA'I DON DU YANG NGO, ,GAL TE BSTAN PA GNAS PA YANG GZHAN LA PHAN PA'I DON KHO NA MA YIN NAM ZHE NA, 'DI LA KHYAD PAR YOD DE, BSTAN PA GNAS PAR GYUR KYANG GZHAN LA, PHAN PA 'GA' ZHIG LA GZHAN NUS PA MTHONG NGO; ,DE NYID KYI PHYIR, DE LA GZHAN NUS PA MTHONG BA YIN NO ZHES BYA BAR SMOS SO, ,GZHAN LA PHAN PA CHUNG BA DANG, ,ZHES BYA BA NI CHOS GOS DANG, BSOD SNYOMS LA SOGS PA BSLANG BA NYE BAR LONGS SPYOD PAS BYAS PA'O, ,NAD LA SOGS BA LTA BU ZHES BYA BA NI NAD DANG, 'BRAS DANG, ZUNG RDU LA @115B SOGS PA LTA BU STE, SDUG BSNGAL NYID GSUM DANG LDAN PA'I PHYIR RO, ,TSANGS SPYONG 'DI LA ZHES BYA BA RGYAS PAR 'BYUNG BA LA, LUS NAD LA SOGS PA'I SNOD DU GYUR PA'I PHYIR NA PHUNG PO LHAG MA MED PA'I MYA NGAN LAS 'DAS PAR 'JUG PA'I TSE DE DANG BRAL NA DGA' BAR 'GYUR GYI, ZHUGS PA NA NI MA YIN TE, DE'I TSE SEMS DANG SEMS LAS BYUNG BA 'GAG PA'I PHYIR RO, ,'O NA GANG DU 'AM GANG ZHIG GI ZHES BYA BA LA, GANG DU ZHES BYA BA 'DI'I LAN NI MI'I NANG KHO NA DAG TU STE, GLING GSUM PO DAG TU'O ZHES BYA BA STE, BSTAN PA MED PA'I PHYIR BYANG GI SGRA MI SNYAN DU NI MA YIN NO, ,GANG ZHIG GI ZHES BYA BA'I LAN NI, DGRA BCOM PA PHO MO ZHES BYA BA STE, ZA MA LA SOGS PA RNAMS LA MNGON PAR RTOGS PA MED PA'I PHYIR RO, ,GNYIS KA SMOS PA NI DGRA BCOM PA DUS MI SBYOR BAR RNAM BAR GROL BA'I YIN GYI, PHYIR MI 'ONG BA DANG, RNAM PAR GROL BA DUS DANG SBYOR BA NI MA YIN NO ZHES BSTAN PAR BYA BA'I PHYIR RO, ,DE NI RAB KYI MTHA' PA'I BSAM GTAN THOB PAS TING NGE 'DZIN LA DBANG ZHING, NYON MONGS PA MED PAS NYON MONGS PA DAG GIS KYANG RGYUD MA BRTAN PA YIN TE, KHAMS GSUM GYI 'DOD CHAGS DANG BRAL BA'I PHYIR RO, ,PHYIR MI 'ONG BAL NI TING NGE 'DZIN LA DBANG BSNYED YOD MOD KYI, NYON MONGS PA DAG GIS RGYUD NYE BAR MA BRTAN PA NI MA YIN TE; NYON MONGS PA DANG BCAS PA'I PHYIR RO, ,RNAM PAR GROL BA DUS DANG SBYOR BA NI NYON MONGS PA DAG GIS RGYUD NYE BAR MA BRTAN PA YIN MOD KYI, TING NGE 'DZIN LA DBANG BA NYID NI MA YIN TE, GCIG NI NYON MONGS PAS BCINGS LA, GNYIS PA LA NI TING NGE 'DZIN GYI KHYAD PAR MED DO, ,SROG GTONG BA DANG; BYIN GYIS RLOB PA'I ZHAR LA 'DI DPYAD PAR BYA STE, MDO LAS BCOM LDAN 'DAS KYIS SROG GI 'DU BYED DAG BYIN GYIS BRLABS NAS ZHES BYA BA RGYAS PAR 'BYUNG NGO, ,MING THA DAD PAS DON THA DAD PAR DOGS PA BYAS NAS 'DRI BA NI, DE DAG LA KHYAD PAR CI YOD CES BYA BA'O, ,KHA CIG NA RE CUNG ZAD KYANG MED DE ZHES BYA BA LA; JI LTAR ZHE NA, 'DI LTAR ZHES BYA BA RGYAS PAR 'BYUNG NGO, ,GANG NAS GSUNGS SHE NA, CHOS MNGON PA LAS SO, ,JI LTAR GSUNGS SHE NA, SROG GI DBANG PO GANG ZHE NA, KHAMS GSUM PA'I TSE YIN NO ZHES BYA BAR RO, ,SROG GI 'DU BYED DAG BYIN GYIS BRLABS NAS ZHES 'BYUNG BA'I PHYIR RO, ,SROG GI 'DU @116A *, ,BYED DAG NI DA LTAR BYUNG BA'I LAS KYI 'BRAS BU YIN PAR RTOGS SO, ,TSE'I 'DU BYED KYANG GTONG NGO ZHES BYA BA NI SNGAR BSLANGS PA GTONG BA YIN NO, ,GANG DAG GIS RIS MTHUN PAR ZHES BYA BA LA SOGS PA LA, LAS GANG DAG GIS RIS MTHUN PA MA 'ONGS PA GNAS PAR 'GYUR BA DE DAG NI TSE'I 'DU BYED DAG YIN LA, SNGON GYI LAS GANG DAG GIS DA LTA DUS GZHAN GYI BAR DU 'TSO BDE DAG NI SROG GI 'DU BYED DAG YIN NO, ,SROG GI 'DU BYED DAG CES MANG PO'I TSIG GANG YIN PA'I MANG PO'I TSIG CI'I PHYIR YIN ZHES ZER BA LA, MANG PO'I TSIG NI ZHES BYA BA RGYAS PAR SMOS SO, ,TSED BA SROG GI 'DU BYED KYI ZHES BYA BA RGYAS PAR 'BYUNG BA LA, SROG GI 'DU BYED KUN LA GNAS PA MANG PO RNAMS LA GTONG ZHING BYIN GYIS RLOB PA'I PHYIR RO, ,SKAD CIG MA GCIG GTONG BA'AM BYIN GYIS RLOB PA LA NI DGOS PA YOD PA MA YIN TE, DES GZHAN LA PHAN PA DANG, BSTAN PA GNAS PA'I MTSAN NYID CAN GYI DON THOB PAR MI BYED PA'I PHYIR DANG, TSE SKAD CIG MA GCIG LUS PA LAS GTONG BA DANG BYIN GYIS RLOB PA'I SEMS KUN DU SPYOD PA MI RIGS PA'I PHYIR RO, ,DUS GZHAN GYI BAR DU 'DU GA PA'I ZHES BYA BA LA, 'DIS NI TSE SKAD CIG MA NYID DU STON PAR BYED DO, ,GNAS PA'I NGANG TSUL CAN NI 'DUG PA STE, JI LTAR BYE BRAG PA RNAMS KYI LTA BA BDAG DANG YID SBYOR BA BRTAN PA'I SROG YIN PA DE DAG NI 'DI NA MED DO, ,'DU BYED MANG PO RNAMS LA ZHES BYA BRGYAS PAR 'BYUNG BA LA, MDO SDE PA NA RE NI 'DIS CI RIGS PAR GZUGS LA SOGS PA LNGA DANG, TSOR BA LA SOGS PA PHUNG PO BZHI LA LDAN PA MA YIN PA'I 'DU BYED KYI MTSAN NYID CAN SROG GI DBANG PO 'GOG PAR MDZAD DO ZHES ZER RO, ,DE NYID GYI PHYIR RDZAS GCIG PU NI MED DO ZHES BYA BA SMOS SO, ,DE LTA MA YIN NA ZHES BYA BA NI GAL TE TSE'I DBANG PO RDZAS SU YOD PAR GYUR NA NI ZHES BYA BA'I DON TO, ,'O NA CI ZHE NA, SROG DAG BYIN GYIS BRLABS NAS TSE DAG GTONG NGO ZHES GSUNGS PAR 'GYUR RO, ,'CHI BA LA MNGA' BA NYID DU BSTAN PA'I PHYIR NI ZHES BYA BA NI 'CHI BA LA MNGA' BA NYID 'DI LA YOD PAS SO, ,ZLA BA GSUM KHO NA BYIN GYIS BRLABS KYI MTSANG BA DANG LHAG PA NI MA YIN NO, ,DE NYID KYI PHYIR, 'DUL BA'I DON MED PA'I PHYIR ZHES BYA BA SMOS SO, ,DUS DE TZAM GYIS RAB BZANG GI RGYUD YONGS SU SMIN PA'I PHYIR ZLA BA @116B GSUM GONG MA 'OG TU BYIN GYIS BRLABS PA LA DGOS PA MI MNGA'O, ,GANG YANG RDZU 'PHRUL GYI RKANG PA ZHES BYA BA RGYAS PAR 'BYUNG BA LA, 'DU NA PA DANG, SEMS DANG, BRTZON 'GRUS DANG, DPYOD PA'I RDZU 'PHRUL GYI RKANG PA STE, RDZU 'PHRUL YANG YIN LA, RKANG PA YANG YIN PAS RDZU 'PHRUL GYI RKANG PA'O, ,RKANG PA'I DON NI RTEN GYI DON TE, RDZU 'PHRUL NI YON TAN THAMS CAD GYI RTEN YIN PA'I PHYIR RO, ,'DOD NA BSKAL PA'AM BSKAL PA LAS LHAG PAR ZHES BYA BA LA, BSKAL PA NI GCIG CHANG BA'O, ,BSKAL PA LAS LHAG PA NI BSKAL PA LAS LHAG PA STE, BA SKAL PA LAS BLA LHAG CES BYA BA'I DON TO, ,DE YANG BSGRUB PA'I PHYIR ZHES BYA BA LA NI ZHAL GYIS BZHES PA BSGRUB PAR BYA BA'I PHYIR RO, ,DE LTA MA YIN NA, TSIG TZAM DU 'GYUR BAS SO, ,PHUNG PO DANG, 'CHI BDAG GI BDUD DAG CES BYA BA LA PHUNG PO'I BDUD LAS RGYAL BAR BYA BA'I PHYIR BTANG LA, BTANG NA 'GRONGS PAR 'GYUR BAS DE NAS 'CHI BDAG GI BDUD LAS RGYAL BAR BYA BA'I PHYIR BYIN GYIS BRLABS SO, ,BYANG CHUB KYI SHING DRUNG DU NI ZHES BYA BA RGYAS PAR 'BYUNG STE, DE LA SROD LA NI LHA'I BU'I BDUD BTU LA LO, ,THUN GNYIS PA LA LHA'I SPYAN GYIS 'JIG RTEN LA GZIGS NAS, THUN GSUM PA LA NYON MONGS PA'I BDUD BTU LA LO, ,YANGS PA CAN DU ZLA BA GSUM SKU TSE'I 'DU BYED KYANG BYIN GYIS BRLABS NAS SO, ,JI SKAD DU, KHYOD KYIS BYANG CHUB BRNYES NAS NI, ,'DOD PA'I KHAMS KYI DBANG PHYUG BTUL, ,BYANG CHUB BAR CHAD MED LAM DU, ,KHAMS GSUM DBANG PHYUG PHAN PAR MDZAD, ,CES GSUNGS PA LTA BU'O, ,NYON MONGS PA DANG, LHA'I BU'I BDUD DAG BDUD NYID YIN PA DE NI PHUNG PO DANG, 'CHI BDAG GI BDUD LAS 'DA' BAR BYA BA LA, BAR DU GCOD PAR BYED PA YIN PA'I PHYIR RO, ,DE LTAR NA BCOM LDAN 'DAS NI BDUD BZHI LAS RNAM PAR RGYAL BA YIN NO ZHES BYA BAR 'THAD PA YIN NO, ,ZHAR LA 'ONGS PA STE DRI BA GZHAN BYUNG BA GANG YIN PA RDZOGS SO, ,BCU GNYIS GNYIS ZHES BYA BA LA BCU GNYIS NI RNAM PA GNYIS KHO NA'O ZHES BYA BA DANG, BCU GNYIS KHO NA RNAM PA GNYIS SO ZHES BYA BAR NGES PAR GZUNG NGO, ,GNYIS ZHES BYA BA NI RNAM PAR SMIN PA YANG YIN LA, RNAM PAR SMIN PA MA YIN PA YANG YIN PA'O, ,DBANG PO NYI SHU RTZA GCIG PO RNAMS LA KHYAD PAR MED PA'I PHYIR DE DAG MI SHES @117A *, ,PAS 'DRI BA NI, BCU GNYIS GANG ZHE NA ZHES BYA BA'O, ,DE'I PHYIR, THA MA BRGYAD DANG YID MI BDE, ,MA GTOGS PA STE ZHES BYA BA SMOS SO, ,THA MA BRGYAD NI GCIG TU DGE BA YIN LA, RNAM PAR SMIN PA NI LUNG DU MA BSTAN PA YIN NO, ,YID MI BDE BA YANG DGE BA'ANG MI DGE BA'I YIN GYI, LUNG DU MA BSTAN PA NI MED DE, DE'I PHYIR, THA MA BRGYAD DANG YID MI BDE BA MA GTOGS SO, ,SROG GI DBANG PO LAS GZHAN PA RNAMS ZHES BYA BA NI BDE BLAG TU KHONG DU CHUD PAR BYA BA'I PHYIR SMOS SO, ,SROG GI DBANG PO LAS GZHAN PA RNAMS ZHES BYA BA NI YID MI BDE BA LAS GZHAN PA TSOR BA BZHI DANG, YID DANG; MIG LA SOGS PA BDUN NO, ,DE LA MIG LA SOGS PA ZHES BYA BA RGYAS PAR 'BYUNG BA LA, MIG LA SOGS PA RNAMS LA RNAM PAR SMIN PA LAS SKYES PA DANG, RGYAS PA LAS BYUNG BA MA GTOGS PA'I BYE BRAG GZHAN MED PA DE'I PHYIR LHAG MA RNAMS NI RNAM PAR SMIN PA YIN NO ZHES BYA BA SMOS SO, ,DGE BA DANG; NYON MONGS PA CAN RNAMS DANG ZHES BYA BA NI RNAM PAR SMIN PA LUNG DU MA BSTAN PA YIN PA'I PHYIR RO, ,SPYOD LAM BA DANG, BZO'I GNAS PA DANG, SPRUL PA PA RNAMS NI ZHES BYA BA NI LUNG DU MA BSTAN PA YIN YANG, 'BAD PAS BSGRUB PAR BYA BA YIN PA'I PHYIR RNAM PAR SMIN PA MA YIN NO, ,CI RIGS PAR ZHES BYA BA LA, 'DI DAG NI SPYOD LAM LA SOGS PA MNGON PAR 'DU BYA BAR ZHUGS BA'I PHYIR RTOG PA DANG BCAS PA YIN PAS YID KYI RNAM PAR SHES PA KHO NA YIN NO, ,DA LA 'DOD PA'I KHAMS NA NI GSUM CHAR YANG YOD DO, ,GZUGS KYI KHAMS NA NI BZO'I GNAS PA MA GTOGS PA DAG GO, ,GZUGS MED PA'I KHAMS NA NI SPYOD LAM LA SOGS PA MED PA'I PHYIR GSUM KA YANG MED DO, ,DE LA 'DOD PA NA SPYOD PA'I SPYOD LAM PA DANG, BZO'I GNAS PA LA NI YID DANG, YID BDE BA DANG, BTANG SNYOMS KYI DBANG PO DAG GO, ,BDE BA DANG SDUG BSNGAL GNYIS KA NI MED DE, DE DAG NI 'DOD PA'I KHAMS RNAM PAR SHES PA'I TSOGS LNGA PA YIN PA'I PHYIR RNAM PAR RTOG PA MED PA NYID YIN NO, ,'DI GNYIS NI RTOG PA DANG BCAS PA YANG YIN NO, ,YID MI BDE BA YANG MA YIN TE, DGE BA DANG MI DGE BA YIN PA'I PHYIR RO, ,GZUGS NA SPYOD PA'I SPYOD LAM PA LA NI YID DANG, BDE BA DANG, YID BDE BA DANG, BTANG SNYOMS @117B KYI DBANG PO RNAMS SO, ,DE LA NI BSAM GTAN GSUM PA'I YID KYIS PA'I BDE BA YOD PA YIN NO, ,SPRUL PA NI SA LNGA CHAR LA YANG YID DANG, BTANG SNYOMS KYI DBANG PO GNYIS SO, ,BDE BA DANG, YID BDE BA'I DBANG PO GNYIS NI MED DE, SBYOR BA'I KHYAD PAR GYI BSGRUB PAR BYA BA YIN PA'I PHYIR RO, , LHAG MA RNAMS NI RNAM PAR SMIN PA MA YIN PA ZHES BYA BA LA, DAD PA LA SOGS PA BRGYAD DANG, YID MI BDE BA'O, ,YANG JI LTAR DE RNAMS RNAM PAR SMIN PA MA YIN PAR GRUB CE NA, GCIG TU RNAM PAR SMIN PA NYID DANG, RNAM PAR SMIN PA DANG, RNAM PAR SMIN PA MA YIN PA YANG YIN PA BSTAN PA LAS SO, , DE LTAR NA SROG GI DBANG PO NI RNAM PAR SMIN PA KHO NA'O, ,DGU NI RNAM PAR SMIN PA MA YIN PA KHO NA'O, ,BCU GNYIS NI RNAM PA GNYIS SO, ,MDO 'DI LTAR DRANG ZHE NA ZHES BYA BA LA, GAL TE YID BDE BA DANG, BTANG SNYOMS MYONG BAR 'GYUR BA'I LAS LTAR YID MI BDE BA MYONG BAR 'GYUR BA YID MI BDE BA'I RNAM PAR SMIN PA CAN DU MI 'DOD PA DE'I PHYIR MDO DANG 'GAL LO ZHES STON TO, ,BDE BA MYONG BAR 'GYUR BA'I REG PA LTAR MTSUNGS PAR LDAN PA'I MYONG BAR 'GYUR BA'I DPANG DU MDZAD NAS GSUNGS PA YIN GYI, RNAM PAR SMIN PA MYONG BAR 'GYUR BA'I DBANG DU MDZAD NAS NI MA YIN PAS MDO DANG 'GAL BA MED DO, ,LAS 'DI LA YID MI BDE BA MYONG BAR 'GYUR BA'AM, YID BDE BA DANG MTSUNGS PAR MYONG BAR 'GYUR BA STE, MTSUNGS PAR LDAN PA ZHES BYA BA'I THA TSIG GO, ,MYONG 'GYUR RNAM PA LNGA ZHES BYA, ,ZHES PHYI NAS 'CHAD PAR 'GYUR RO, ,'O NA NI YID BDE BA DANG, BTANG SNYOMS MYONG BAR 'GYUR RO, ,LAS KYANG ZHES BYA BA LA SOGS PA LA, YID MI BDE BA MYONG BAR 'GYUR BA'I LAS BZHIN DU YID BDE BA DANG, BTANG SNYOMS MYONG BAR 'GYUR BA'I LAS KYANG, YID BDE BA DANG, BTANG SNYOMS DAG DANG MTSUNGS PAR LDAN PA'I LAS NI YID BDE BA DANG BTANG SNYOMS MYONG BAR 'GYUR BA'I LAS SO ZHES MTSUNGS PAR LDAN PA'I MYONG BAR 'GYUR BA KHO NA'I DBANG DU MDZAD NAS STON PAR THAL BAR 'GYUR RO, ,DE LTAR NA YID BDE BA DANG, BTANG SNYOMS GNYIS KYANG YID MI BDE BA DANG 'DRA BAR RNAM PAR SMIN PA MA YIN PAR 'GYUR TE, DGE BA DANG MI DGE BA'I LAS DAG DANG MTSUNGS PAR LDAN PA'I PHYIR RO, ,JI LTAR DGA' BA DE LTA YIN LA RAG STE ZHES BYA BA NI GNYIS @118A *, ,KA LTAR YANG 'GAL BA MED PA'I PHYIR RO, ,YID BDE BA DANG, BTANG SNYOMS MYONG BAR 'GYUR BA'I LAS ZHES BYA BA NI YID BDE BA DANG, BTANG SNYOMS KYI RNAM PAR SMIN PA CAN DANG, YID BDE BA DANG, BTANG SNYOMS DANG MTSUNGS PAR LDAN PA ZHES BYA BA GNYIS KA LTAR YANG 'GAL BA MED DO, ,DE'I PHYIR JI LTAR DGA' BA DE LTAR YIN LA RAG GO, ,GO SKABS MED PAS DE NI DE LTAR SHES SO ZHES BYA BA LA, GO SKABS MED PA NI MI SRID PA'O, ,GAL TE YID MI BDE BA LTAR YID BDE BA DANG, BTANG SNYOMS DAG LA RNAM PAR SMIN PA'I GO SKABS MED PAR GYUR NA NI DE'I PHYIR YID BDE BA DANG, BTANG SNYOMS DAG KYANG YID MI BDE BA DANG 'DRA BAR MTSUNGS PAR LDAN PA'I MYONG BA'I DBANG DU MDZAD NAS BSTAN GYI, RNAM PAR SMIN PAR MYONG BAR 'GYUR BA'I DBANG DU MDZAD NAS MA YIN PA DE LTAR SHES PAR 'GYUR RO, ,YANG NA 'DI NI DON GZHAN YIN TE, GO SKABS MED PAS NA YID MI BDE BA MYONG BAR 'GYUR BA'I LAS DE NI MTSUNGS PAR LDAN PA'I MYONG BAR 'GYUR BA'I DBANG DU MDZAD NAS GSUNGS SO ZHES BYA BA DE LTAR SHES TE, GANG LAS YID MI BDE BAR MYONG BAR 'GYUR BA'I LAS KYANG YID BDE BA DANG, BTANG SNYOMS MYONG BAR 'GYUR BA'I LAS DANG 'DRA BAR RNAM PAR SMIN PA MYONG BAR 'GYUR BA'I DBANG DU MDZAD NAS GSUNGS SO ZHES BYA BAR SHES PAR 'GYUR BA, YID MI BDE BA LA NI YID BDE BA DANG, BTANG SNYOMS LTAR RNAM PAR SMIN PA SRID PA YOD PA MA YIN NO, ,TSIG TZAM GYIS DAD PAR MI 'GYUR BAR DE'I PHYIR RNAM PAR SMIN PA'I GO SKABS ZLOG PAR BYED PA'I RGYU DRIS PA NI, 'DI LA RIGS PA CI ZHIG YOD, ,CES BYA BA LA SOGS PA'O, ,RGYU SMRAS PA NI, YID MI BDE BA DE NI ZHES RGYAS PAR 'BYUNG BA'O, ,YID MI BDE BA NI YID DU MI 'ONGS PAS BSAM PA LA SOGS PA KUN DU RTOG PA'I KHYAD PAR DAG GIS SKYED PAR BYED CING ZHI BAR BYED PA YIN GYI, RNAM PAR SMIN PA NI DE LTA MA YIN NO, ,MIG LA SOGS PA RNAM PAR SMIN PA NI RNAM PAR RTOG PA LA MI LTOS PA LAS KYI 'PHEN PA'I DBANG GIS 'JUG PA DANG, LDOG PA NYID YIN NO, ,DE LTAR NA, YID BDE PA YANG DE DANG 'DRA, ,ZHES BYA BA 'DIS NI 'KHRUL PAR STON TE, YID BDE BA YANG YID DU 'ONG BA BSAM PA LA SOGS PA'I RNAM PAR RTOG PA DAG GIS SKYED PAR BYED CID ZHI BAR BYED PA YIN MOD @118B KYI; 'ON KYANG RNAM PAR SMIN PAR 'DOD PAS 'DI NI RIGS PA MA YIN NO, ,YID MI BDE BA RNAM PAR SMIN PA MA YIN PA NYID DU BSGRUBS BA LA RIGS PA NUS PA DANG LDAN PA GZHAN SMRA BA NI, 'O NA GAL TE YID MI BDE BA ZHES BYA BA RGYAS PAR 'BYUNG BA'O, ,DE'I PHYIR ZHES BYA BA STE, MTSAMS MED PA'I RGYU CAN GYIS YID MI BDE BA SKYE BAS LAS DE RNAM PAR SMIN PAR 'GYUR RO, ,DE LTAR NA MTHONG BA'I CHOS LA MYONG BAR 'GYUR BA YIN GYI, SKYES NAS MYONG BAR 'GYUR PA YANG MA YIN NO, ,YID BDE BA YANG DE DANG 'DRA STE ZHES BYA BA LA, SKYES NAS MYONG BAR 'GYUR BA'I LAS DGE BA MTHONG BA'I CHOS LA MYONG BAR 'GYUR BA NYID YIN NA MI RUNG BAS, YID MI BDE BA BZHIN DU YID BDE BA YANG RNAM PAR SMIN PAR KHAS BLANG BAR MI BYA'O ZHES DE LTAR 'KHRUL PAR SMRAS PA DANG, YANG YID MI BDE BA RNAM PAR SMIN PA MA YIN PA NYID LA RGYU GZHAN SMRAS PA NI, 'O NA 'DOD CHAGS DANG BRAL BA RNAMS LA ZHES BYA BA RGYAS PAR 'BYUNG BA'O, ,'DOD CHAGS DANG BRAL BA RNAMS LA NI SDUG BSNGAL GYI DBANG PO LTAR YID MI BDE BA RJES SU 'JUG PA YIN TE, STON PA MYA NGAN LAS 'DAS KYANG BDAG LA MYA NGAN LA SOGS PA MI 'BYUNG NGO ZHES MDO LAS BKAG PA'I PHYIR RO, ,RNAM PAR SMIN PA NI DE LTA MA YIN NO ZHES BYA BA LA, MIG LA SOGS PA RNAM PAR SMIN PA NI 'DOD CHAGS DANG BRAL BA RNAMS LA LDOG PA MA YIN NO, ,DGOS PA MED PA'I PHYIR NA DGE BA MNGON DU BYED PA YANG MA YIN TE, DE NI YID BDE BA DANG 'DRA BAR PHAN 'DOGS PAR BYED PA MA YIN NO, ,DE DAG GI YID BDE BA ZHES BYA BA RGYAS PAR 'BYUNG STE, 'DOD CHAGS DANG BRAL BA RNAMS LA YID BDE BA DGE BA SNYOMS PAR 'JUG PAS BSDUS PA DANG, SANGS RGYAS KYI YON TAN BSAM PA'I RGYU CAN YOD MOD KYI, DGE BA RNAM PAR SMIN PA NI MA YIN NO, ,DE'I PHYIR DE DAG GI YID BDE BA LUNG DU MA BSTAN PA RNAM PAR SMIN PA JI LTA BU YIN PA BRJOD PAR BYA DGOS TE, DE KUN DU 'BYUNG BA NI YONGS SU GCAD DU MED DO, ,CI 'DRA YANG RUNG STE ZHES BYA BRGYAS PAR 'BYUNG BA LA, YID BDE BA NI KUN DU 'BYUNG BA SRID PAS RNAM PAR SMIN PA'I GO SKABS YOD DE, DE NI GANG GI TSE RES 'GA' PHYI ROL GYI RGYU MTSAN MED PA NI KUN DU RTOG PA MED PAR SKYE STE, LUNG DU MA BSTAN PA RNAM PAR SMIN PA NI DE LTA BU YIN NO, ,YID MI BDE BA NI RNAM PA THAMS CAD DU YANG @119A *, ,KUN DU MI 'BYUNG BAS ZHES BYA BA 'BYUNG BA LA, DGE BA DANG LUNG DU MA BSTAN PA YIN NA, DGE BA GO GA LAS YIN, LUNG LAS KYANG STE, GANG LA BRTEN NAS YID BDE BA RNAM PAR SMIN PA SO SOR YANG DAG PAR MYONG BAR BYED CES GSUNGS KYI, DE LTAR NAG PO'I PHYOGS LA NI GANG LA BRTEN NAS YID MI BDE BA RNAM PAR SMIN PA SO SOR YANG DAG PAR MYONG BAR BYED CES MA YIN NO, ,DE'I PHYIR LUNG DANG RIGS PA LAS, YID MI BDE BA RNAM PAR SMIN PA MA YIN NO ZHES BYA BAR GRUB BO, ,DE LA BRGYAD PA SROG GI DBANG PO DANG LDAN PA RNAMS NI ZHES BYA BA RGYAS PAR 'BYUNG BA LA, MIG LA SOGS PA PHO'I DPANG PO'I MTHAR THUG PA RNAMS NI BRGYAD PA SROG GI DBANG PO DANG LDAN PA'O, ,BDE 'GRO NI LHA DANG MI'O, ,NGAN 'GRO NI NGAN SONG GSUM MO, ,YID KYI DBANG PO NI GNYIS KAR ZHES BYA BA LA, GNYIS KA ZHES BYA BA NI BDE 'GRO DANG NGAN 'GRO DAG TU'O, ,GNYIS KA'I ZHES BYA BA NI DGE BA DANG, MI DGE BA'I STE, GANG GI TSE YID KYI DBANG PO RNAM PAR SMIN PA LAS SKYES PA SDUG BSNGAL DANG MTSUNGS PAR LDAN PAR GYUR PA DE'I TSE NI, BDE 'GRO 'AM NGAN 'GRO NA NYES PAR SPYAD PA'I RNAM PAR SMIN PA'O, ,GANG GI TSE RNAM PAR SMIN PA LAS SKYES PA BDE BA DANG, YID BDE BA DANG, BTANG SNYOMS DANG MTSUNGS PAR LDAN PAR GYUR PA DE'I TSE NI DGE BA'I YIN NO, ,BDE BA DANG, YID BDE BA DANG, BTANG SNYOMS KYI DBANG PO RNAMS NI DGE BA'I RNAM PAR SMIN PA YIN NO ZHES BYA BAR NI DMYAL BA DAG MA GTOGS PA'I BDE 'GRO 'AM NGAN 'GRO NA'O, ,SDUG BSNGAL GYI DBANG PO NI MI DGE BA'I ZHES BYA BA NI BDE 'GRO DANG, NGAN 'GRO DAG TU'O, ,BRGYAD PA SROG GI DBANG PO DANG LDAN PA RNAMS NI BDE 'GRO NI DGE BA'I RNAM PAR SMIN PA YIN LA ZHES BSHAD NAS, MTSAN GNYIS PA'I DBANG PO GNYIS BDE 'GRO NA DGE BA'I RNAM PAR SMIN PA JI LTAR YIN ZHE NA, DE'I PHYIR, BDE 'GRO NA ZHES BYA BA RGYAS PAR SMOS SO, ,BDE 'GRO NA STE MI DAG GI NANG NAS MI DGE BA'I LAS KYIS DBANG PO GNYIS PO DE RJES SU MI 'TSAM PA'I GNAS SU RNYED PA YIN TE, DE NI SEMS DANG LDAN PA MA YIN PA'I 'DU BYED DO, ,DBANG PO NI LUS KYI DBANG PO'I PHYOGS YIN PA'I PHYIR DGE BA KHO NA'I YIN TE, LUS KYI DBANG PO BZHIN DU BDE 'GRO NA GCIG TU DGE BA'I KHO NA'I RNAM PAR SMIN PA @119B YIN NO; ,DE NYID KYI PHYIR, DBANG PO NI MA YIN TE, DGE BAS 'PHANGS PA YIN PA'I PHYIR RO ZHES BYA BA SMOS SO, ,DBANG PO DU NI RNAM PAR SMIN PA DANG BCAS ZHES BYA BA LA SOGS PA LA, RNAM PAR SMIN PA DANG LHAN CIG PA NI RNAM PAR SMIN PA DANG BCAS PA DAG STE, GANG DAG LA RNAM PAR SMIN PA'I 'BRAS BU YOD PA ZHES BYA BA'I DON TO, ,GANG 'DI DAG MI BDE BA RNAM PAR SMIN PA MA YIN NO ZHES BSHAD MA THAG PA DE GCIG NI, RNAM PAR SMIN BCAS DE GCIG PU NI RNAM PAR SMIN PA DANG BCAS PA KHO NA YIN TE, LUNG DU MA BSTAN PA DANG, ZAG PA MED PA RNAMS KHO NA RNAM PAR SMIN PA'I RGYU MA YIN PA'I PHYIR DANG, DE NI GNYIS KA LAS LOG PA'I PHYIR RO, ,NI ZHES BYA BA'I SGRA NI KHO NA ZHES BYA BA'I DON DANG ZHES BYA BA NI NGES PAR GZUNG BA'I DON DANG ZHES BYA BA'I THA TSIG GO, ,RIM PA GZHAN DU SBYAR BA ZHES BYA BA NI, DE GCIG PU, RNAM PAR SMIN BCAS NI, ZHES MTHAR RIG PAR BYA STE ZHES BYA BA'I DON TO, ,RIM PA GZHAN DU SBYAR NA NI JI SKAD BSHAD PA'I NGES PAR GZUNG BAR RIG STE, DE LTA MA YIN NA DE KHO NA RNAM PAR SMIN PA DANG BCAS SO ZHES BYA BAR NGES PAR GZUNG BAR SHES PAR 'GYUR RO, ,DE LTA NA GZHAN DAG RNAM PAR SMIN PA MED PAR THAL BAR 'GYUR BAS, BCU RNAM GNYIS ZHES BRJOD PAR MI BYA'O, ,YID MI BDE BA RNAM PAR SMIN PA DANG BCAS PA KHO NA YIN NO ZHES BYA BA GANG YIN PA 'DI LA RGYU CI YOD CE NA, DE'I PHYIR, DE NI LUNG DU MA BSTAN PA YANG MED LA ZHES BYA BA RGYA BAR 'BYUNG STE, SA BON RUL BA BZHIN DU LUNG DU MA BSTAN PA NI RNAM PAR SMIN PA MED PA YIN LA, ZAG PA MED PA YANG SA BO NA GRUNG PO RLAN GYIS MA BRLAN PA LTAR SRED PA MA BRLAN PA'I PHYIR RNAM PAR SMIN PA MED PA YIN NA, YID MI BDE BA NI DGE BA ZAG PA DANG BCAS PA YIN PA'I PHYIR DANG, MI DGE BA YIN PA'I PHYIR RNAM PAR SMIN PA DANG BCAS PA YIN NO, ,MNYAM PAR GZHAG PA MA YIN PA'I PHYIR ZHES BYA BA NI ZAG PA MED PA'I MED PA LA RGYU SMRAS PA STE, MNYAM PAR MA BZHAG PA'I ZAG PA MED PA 'DUS BYAS NI YOD BA MA YIN NO, ,BCU RNAM GNYIS ZHES BYA BA LA, BCU KHO NA RNAM PA GNYIS YIN NO ZHES BYA BAR NGES PAR GZUNG BAS GZHAN RNAM PA GCIG GO ZHES BYA BAR GRUB PAR 'GYUR RO, ,YID DANG TSOR GZHAN DAD LA SOGS, ,ZHES BYA BA NI YID DANG, TSOR BA GZHAN DANG, DAD PA LA SOGS PA RNAMS SO, ,TSOR BA NI @120A *, ,RIG PA'O, ,GZHAN SMOS PA NI YID MI BDE BA MA GTOGS PA'I TSOR BA GZUNG STE, YID MI BDE BA BSHAD ZIN PA'I PHYIR RO, ,DAD PA LA SOGS PA NI STE, GZUNG NGO ZHES SKABS DANG SBYAR RO, ,GZHAN NI RNAM PAR SMIN PA MED PA YIN NO ZHES BYA BAR GRUB BO, ,GZHAN GANG ZHE NA, DBANG PO BCU GCIG GO, ,DE LA MIG LA SOGS PA BDUN DANG, BRGYAD PA SROG DANG LDAN PA RNAMS NI LUNG MA BSTAN PA'I PHYIR RNAM PAR SMIN PA MED PA MA YIN NO, ,KUN SHES PAR BYED PA'I DBANG PO LA SOGS PA GSUM NI ZAG PA MED PA'I PHYIR RNAM PAR SMIN PA MED PA'O, ,DGE BA BRGYAD CES BYA BA MA CHAGS PA LA SOGS PA DANG MTSUNGS PAR LDAN PA'I PHYIR DGE BA KHO NA'O ZHES BYA BAR GZUNG STE, DE DAG LAS GZHAN PA RNAMS KYANG DGE BA YIN PA'I PHYIR RO, ,YID MI BDE BA RNAM GNYIS ZHES BYA BA LA, YID MI BDE BA'I NI RNAM PAR SMIN PA DANG BCAS PA'I PHYIR RNAM PA GNYIS KHO NA STE, SNGAR LUNG DU MA BSTAN PAR MED PAR BSHAD PA'I PHYIR RO; ,YID DANG TSOR GZHAN NI, RNAM GSUM ZHES BYA BA LA, GZHAN SMOS PAS NI YID MI BDE BA LAS GZHAN PA'I TSOR BA GZUNG NGO, ,DBANG PO LNGA PO 'DI DAG DGE BA'I RTZA BA DANG MTSUNGS PAR LDAN PA NI DGE BA'O, ,MI DGE BA DANG MTSUNGS PAR LDAN PA NI MI DGE BA'O, ,DE DAG LAS GZHAN PA RNAM PAR SMIN PA LAS SKYES PA DANG, SPYOD LAM DANG, BZO'I GNAS PA DANG, SPRUL PA PA DAG NI LUNG DU MA BSTAN PA RNAMS SO, ,GZHAN NI RNAM PA GCIG CES BYA BAR NGES PAR GZUNG NGO, ,NGES PAR MA BZUNG NA NI CIR 'GYUR ZHE NA, CI RNAM PA GCIG YIN NAM RNAM PA GNYIS YIN SNYAM DU THE YIS YIN SNYAM DU THE DE LTA NA YANG THE TSOM ZA BAR KHO NA'O, ,CIR ZHE NA, DGE BA'AM, MI DGE BA'AM LUNG DU MA BSTAN PAR RO, ,LUNG MA BSTAN BRGYAD DE DAG NYID, ,GZUGS SGRA MA GTOGS ZHES BYA BA DANG, SROG NI RNAM SMIN ZHES BYA BA DANG, RNAM SMIN LUNG DU MA BSTAN ZHES BYA BA 'BYUNG BA'I PHYIR THE TSOM ZA BAR MI 'GYUR RO, ,DRI MED MA GTOGS 'DOD PAR GTOGS, ,ZHES BYA BA LA, DBANG PO THAMS CAD 'DOD PAR GTOGS SO ZHES BYA BA 'DI NI SPYIR BTANG BA YIN LA, DRI MED MA GTOGS ZHES BYA BA NI 'DI'I DMIGS KYIS BSAL BA'O, ,DE LTAR NA DRI MA MED PA KHO NA MA GTOGS PA'I LHAG MA NI 'DOD PAR GTOGS PA'O ZHES BYA BAR GRUB PA YIN NO, ,DRI MA MED @120B PA'I DBANG PO MA GTOGS PA'I RGYU SMRAS PA NI, DE NI LDAN PA MA YIN PA KHO NA YIN NO ZHES BYA BA'O, ,PHO MO'I DBANG DANG SDUG BSNGAL DAG ,MA GTOGS GZUGS GTOGS DANG ZHES BYA BA NI, DRI MED DANG ZHES RJES SU DRANG BA'I DON TE, MA GTOGS ZHES BYA BAR SBYAR RO, ,SDUG BSNGAL DAG CES BYA BA NI SDUG BSNGAL DANG, YID MI BDE BA DAG STE, GNYIS KA YANG RJES SU MI MTHUN PA'I PHYIR SGRA GCIG GIS BRJOD DO, ,GZUGS KYI KHAMS NA NI MO DANG PHO DANG, SDUG BSNGAL DANG, YID MI BDE BA'I DBANG PO DAG DANG, SNGAR SMOS PA'I ZAG PA MED PA GSUM MA GTEGS PA DBANG PO LHAG MA'O, ,MI MDZES PAR BYED PA'I PHYIR ZHES BYA BA NI MDOMS KYI SBA BA SPUBS SU NUB PA RNAMS KYIS CI'I PHYIR MI MDZES TE, GTAN TSIGS SNGA MA KHO NA LEGS SO, ,'DIR PHO'I DBANG PO'I RGYU MTSAN CAN DU MTHONG NAS DRI BA NI PHO'I DBANG PO'I MED NA DA NI JI LTAR NA DE DAG PHO ZHES BYA BA'O, ,TSUL BZHIN MA YIN PAS DRIS PA'I PHYIR 'DRI BA 'DI NI, GANG LAS 'BYUNG ZHES BYA BA STE, DE NI PHO'I NGO BO PHO'I DBANG PO LAS GZHAN PA 'DOD PA'I KHAMS NA YOD PA GANG YIN PA DE NI YOD DO, ,DE NI NGA RO DANG, G-YO BA DANG, DBYIBS KYIS BSDUS PA YIN TE, DE YANG 'DOD PA'I KHAMS NA PHO'I KHAMS NA PHO'I DBANG PO DANG LHAN CIG TU RGYU BAR MTHONG GI ,MO'I DBANG PO DANG LHAN CIG RGYU BAR NI MA YIN NO, ,SDUG BSNGAL GYI DBANG PO MED DO ZHES BYA BA RGYAS PAR 'BYUNG BA LA, LUS DANG BA'I PHYIR BRDEGS PA LAS SKYES PA'I SDUG BSNGAL GYI DBANG PO MED LA, MI DGE BA MED PA'I PHYIR RNAM PAR SMIN PA LAS SKYES PA'I YANG MED DO, ,YID MI BDE BA'I DBANG PO MED DO ZHES BYA BA LA SOGS PA LA, DE YANG RGYUS BSKYED PA DANG, RKYEN GYIS BSKYED PA ZHIG TU 'GYUR GRANG, DE LA RGYUS BSKYED PA MED DE, RGYUD ZHI GNAS KYIS BRLAN PA'I PHYIR RO, ,ZHI GNAS TE TING NGE 'DZIN GYIS KHONG KHRO DANG BRAL BA'I PHYIR DE DAG GI RGYUD LA RTZUB PA NYID MED DE, DE'I PHYIR DE'I RGYU CAN YID MI BDE BA'I DBANG PO YANG MED DO, ,RGYUD LA YOD PA'I RTZUB PA NI KHONG KHRO BA'O, ,DE'I PHYIR 'DIS NI DE NA RTZUB PAS BSKYED PA'I YID MI BDE BA MED DO ZHES BYA BAR SHES PAR BYAS PAR 'GYUR RO, ,KUN NAS MNAR SEMS KYI GZHI MED PA'I PHYIR ZHES BYA BAS NI DE LA MNAR SEMS KYIS BSKYED PA MED DO ZHES BYA BA @121A *, ,'DI SHES PAR BYED DO, ,MNAR SEMS NI RAB TU 'KHRUG PA'O, ,DE'I GZHI NI YUL LO, ,DE'I PHYIR 'DIS NI YUL GYIS BSKYED PA'I YID MI BDE BA MED DO ZHES BYA BAR SHES TE, DE NA MNAR SEMS KYI GZHI DGU MED PA'I PHYIR RO, ,DE DAG KYANG NGA LA DON MA YIN PA BYAS PA DANG, BYED PA DANG; BYED PAR 'GYUR RO ZHES BYA BA NI MNAR SEMS KYI GZHI GSUM MO, ,NGA'I BSHES LA DON MA YIN PA BYAS PA DANG, BYED PA DANG, BYED PAR 'GYUR RO ZHES BYA BA 'DI NI GZHAN GSUM MO, ,NGA'I DGRA LA DON BYAS PA DANG, BYED PA DANG, BYED PAR 'GYUR RO ZHES BYA BA 'DI NI GZHAN GSUM MO, , GZUGS MED GTOGS ZHES BYA BA RGYAS PAR 'BYUNG BA LA, DANG GI SGRAS NI PHO DANG MO'I DBANG PO DAG DANG, SDUG BSNGAL DAG DANG, DRI MA MED PA ZHES BYA BA DANG SBREL TE, SKABS SU BAB PA'I PHYIR NA MA GTOGS PA ZHES BYA BAR SBYAR RO, ,BDE BA ZHES BYA BA NI BDE BA DANG, YID BDE BA DAG STE, PHAN 'DOGS PAR BYED PA NYID DU MTSUNGS PAS GNYIS KA YANG SGRA GCIG GIS BRJOD DO, ,GZUGS CAN SMOS PAS NI MIG LA SOGS PA DBANG PO LNGA PO RNAMS BSDUS SO, ,GAL TE GZUGS CAN SMOS PAS PHO DANG MO'I DBANG PO GNYIS KYANG GZUNG BA MA YIN ZHE NA, GAL TE GZUGS CAN SMOS PAS NYID KYIS MIG LA SOGS PA LNGAR PO DANG MO'I DBANG PO GNYIS KYANG BKAG NA NI DE LTA YIN DANG, SDUG BSNGAL LA SOGS PA RNAMS BSAL BAR BYA BA'I PHYIR SLAR YANG 'BAD PAS GZHAN DAG GIR BYA DGOS SO, ,DE'I PHYIR 'DIR DBANG PO GZUGS CAN DNGOS SU DGAG PA NYID DU BRJOD PAR 'DOD DO, ,LHAG MA RNAMS NI SKABS DANG MTHUN PAR SBYAR BA KHO NAS BKAG PA NYID DO, ,YID DANG TSOR BA RNAM GSUM ZHES BYA BA LA, BDE BA DANG, YID BDE BA DANG, BTANG SNYOMS NI YID KYI RNAM PAR SHES PA'I TSOGS PA YIN PA'I PHYIR DANG, ZAG PA DANG BCAS PA DANG, ZAG PA MED PA YIN PA'I PHYIR GSUM NYID DO, ,BDE BA NI BSAM GTAN GSUM PA'I SA PA'I SEMS KYI YIN LA, 'DOD PA'I KHAMS DANG, BSAM GTAN DANG PO NA NI LUS KYI KHO NA YIN NO, ,DE LA LUS KYI BDE BA DANG, BSAM GTAN GYI DBANG BO DAG DANG, RNAM PAR SHES PA LNGA'I BDAG NYID KYI YID NI BSGOM PAS SPANG BAR BYA BA KHO NA'O, ,SEMS KYI BDE BA DANG, BTANG @121B SNYOMS DANG, YID BDE BA DANG, YID KYI RNAM PAR SHES PA'I BDAG NYID CAN GYI YID MTHONG BAS SPANG BAR BYA BA'I NYON MONGS PA DANG MTSUNGS PAR LDAN PA DE DAG NI MTHONG BAS SPANG BAR BYA BA YIN NO, ,LHAG MA NYON MONGS PA CAN DANG, LUNG DU MA BSTAN PA DAG DANG, DGE BA ZAG PA DANG BCAS PA RNAMS NI BSGOM PAS SPANG BAR BYA BA YIN NO, ,ZAG PA MED PA RNAMS NI SPANG BAR BYA BA MA YIN PA YIN NO, ,GNYIS KYIS SPANG BYA'I YID MI BDE, ,ZHES BYA BA, YID MI BDE BA DANG LDAN PAS NA YID MI BDE BA'O, ,DE'I DNGOS PO NI YID MI BDE BA NYID DE, YID MI BDE ZHES BYA BA'I DON TO, ,MNYAM PAR GZHAG PA MED PA'I PHYIR ZAG PA MED PA MED DO, ,MTHONG BAS SPANG BAR BYA BA'I NYON MONGS PA DANG, MTSUNGS PAR LDAN PA NI MTHONG BAS SPANG BAR BYA BA'O, ,LHAG MA DGE BA DANG NYON MONGS PA CAN NI BSGOM PAS SPANG BAR BYA BA'O, ,MIG LA SOGS PA BDUN DANG, SROG DANG, SDUG BSNGAL GYI DBANG PO NI CI RIGS PAR GZUGS CAN YIN PA'I PHYIR DANG, NYON MONGS PA CAN MA YIN PA'I PHYIR DANG, DRUG PA LAS SKYES PA MA YIN PA'I PHYIR BSGOM PAS SPANG BAR BYA BA KHO NA YIN GYI, MTHONG BAS SPANG BAR BYA BA NI MA YIN TE, JI SKAD DU, NYON MONGS CAN MIN MTHONG SPANG MIN, ,GZUGS MIN DRUG PA MIN SKYES MIN, ,ZHES BSHAD PA BZHIN NO, ,GCIG TU ZAG PA DANG BCAS PA'I PHYIR SPANG BAR BYA BA MA YIN PA NI MA YIN NO, ,LNGA PO NI SPANG BAR BYA MIN YANG, ZHES BYA BA LA, YANG GI SGRA YOD PA'I PHYIR DANG, SKABS SU BAB PA'I PHYIR DANG, BSGOM PAS SPANG BAR BYA BA DAG KYANG MA YIN NO ZHES BYA BAR SHES SO, ,ZAG PA MED PA'I PHYIR SPANG BAR BYA BA MA YIN PA DAG YIN LA, DGE BA ZAG PA DANG BCAS PA'I PHYIR BSGOM PAS SPANG BAR BYA BA YIN NO, ,GSUM MIN ZHES BYA BA LA, KUN SHES PAR BYED PA'I DBANG PO LA SOGS PA GANG DU YANG NI SPANG BYA MA YIN PA NYID DE, ZAG PA MED PA RNAMS NI NYES PA MED PA'I PHYIR RO, ,GAL TE GZINGS LTA BU'I CHOS KYI RNAM GRANGS LAS LAM YANG SPANG BAR BYA BA NYID DU GSUNGS PA MA YIN NAM ZHE NA, GSUNGS MOD KYI MTHONG BA DANG BSGOM PA DAG GIS NI SPANG BAR BYA BA MA YIN TE, PHUNG PO LHAG MA MED PA'I MYA NGAN LAS 'DAS PA'I DBYINGS SU 'JUG PA'I TSE GTONG BAS SPONG BA ZHES BYA BA YIN NO, ,KHAMS @122A *, ,GANG DU DANG PO NYID DU ZHES BYA BA RGYAS PAR 'BYUNG BA LA, RNAM PAR SMIN PA ZHES BYA BA KHO NA DANG POR RNYED PA DRIS PA LA DGOS PA CI YOD CE NA, NYON MONGS PA CAN MA YIN PA'I SEMS KYIS NYING MTSAMS SBYOR BA GSAL BAR BYA BA'O, ,'DOD PAR DANG POR RNAM SMIN GNYIS, ,ZHES BYA BA LA; DANG POR ZHES BYA BA CI'I DON DU YIN ZHE NA, MIG DANG, RNA BA DANG, SNA DANG, LCE'I DBANG PO RNAM PAR SMIN PAS BSDUS PA RNAMS PHYIS RIM GYIS RNYED PA'I PHYIR RO, ,RDZUS TE SKYE BAS MIN ZHES BYA BA LA, RDZUS TE SKYE BA RNAMS NI DBANG PO TSANG BAR SKYE BA'I PHYIR, CI'I PHYIR YID DANG BTANG SNYOMS KYI DBANG PO DAG MA YIN ZHE NA, RNAM PAR SMIN PA'I DBANG DU BYAS PA'I PHYIR RO, ,SKYE BA'I SRID PA NYON MONGS CAN, ,ZHES BYA BAS DE DAG DE'I TSE GDON MI ZA BAR NYON MONGS PA CAN DU 'GYUR LA, RNAM PAR SMIN PA NI LUNG DU MA BSTAN PA YIN NO, ,DAD PA LA SOGS PA RNAMS KYANG DE'I TSE RNYED MOD KYI; DE DAG DGE BA YIN PA'I PHYIR, ,RNAM PAR SMIN PA NI MA YIN NO, ,NUR NUR PO LA SOGS PA'I GZUGS DBANG PO MA YIN PA'I RNAM PAR SMIN PA LAS SKYES PA RNAMS KYANG DE'I TSE RNYED MOD KYI, DE DAG 'DIR NI MA SMOS TE, DBANG PO'I SKABS SU BAB PA YIN PA'I PHYIR RO, ,YANG RDZUS TE SKYE BA DAG GIS DU ZHIG 'THOB CE NA STE, 'DOD PA DAG TU DANG POR ZHES SBYAR RO, ,GAL TE MTSAN MED PA ZHIG YIN NA STE ZHES BYA BA NI PHO DANG MO'I DBANG PO MED PA'I PHYIR RO, ,PHO NYID DANG MO NYID DU MNGON PAR GSAL BAR BYED PA YIN PA'I PHYIR PHO'I DBANG PO DANG MO'I DBANG PO LA MTSAN ZHES BRJOD DO, ,RDZUS TE SKYE BA MTSAN MED PA RNAMS DA LTA MED PAS 'DIR BSKAL PA DANG PO PA LTA BU'O ZHES BYA BA SMOS SO, ,MTSAN GCIG PA ZHIG YIN NA STE ZHES BYA BA NI, PHO DANG MO'I DBANG PO GANG YANG RUNG BA ZHIG MED PA'I PHYIR RO, ,MI RNAMS KYI NANG NA DA LTA RDZUS TE SKYE BA MED PAS 'DI LTAR LHA LA SOGS PA DAG NA'O ZHES BYA BA SMOS SO, , 'DI NI SKYE GNAS KHYAD PAR DU 'PHAGS PA YIN NO ZHES BYA BAR MTHONG STE, 'DRI BA NI, CI RDZUS TE SKYE BA YANG MTSAN GNYIS PA ZHES BYA BA RGYAS PAR 'BYUNG BA'O, ,'DOD PA'I SGRA NI YUL DAG GAM YUL GYI 'DOD CHAGS RNAMS LA 'JUG GI ,KHAMS LA NI MA YIN NO ZHE NA, DE'I PHYIR, 'DOD PA'I GTZO BO @122B YIN PA'I PHYIR ZHES BYA BA RGYAS PAR SMOS TE, 'DOD PA NI GZUGS LA SOGS PA YUL RNAMS YIN LA, DE GTZO BOR GYUR PA NI 'DOD PA'I KHAMS YIN TE, DE'I PHYIR 'DOD PA'I KHAMS ZHES BSTAN TO, ,'DOD PA DANG GZUGS KYI KHAMS GNYIS KA GZUGS YOD PA NYID DU MTSUNGS BZHIN DU GZUGS KYI KHAMS KHO NA GZUGS ZHES BYA BA'I SGRAS CI'I PHYIR BRJOD CE NA, DE'I GZUGS GTZO BO YIN PA'I PHYIR ZHES BYA BA RGYAS PAR SMOS TE, GZUGS DE NI DANG BA YIN PA'I PHYIR DANG, 'OD CAN YIN PA'I PHYIR GTZO BO YIN NO, ,MDO LAS KYANG ZHES BYA BA 'DIS NI MDO LAS GTZO BO YIN PA'I PHYIR GZUGS KYI SGRAS GZUGS KYI KHAMS GSUNGS SO ZHES STON TO, ,GONG MAR GCIG CES BYA BA LA, ,GZUGS MED PA'I KHAMS NI GZUGS KYI KHAMS PAS GONG MA YIN NO, ,YUL NA MI GNAS PAS GZUGS MED PA'I KHAMS GZUGS KYI KHAMS PAS GONG MAR CI LTAR BRJOD CE NA, DE'I PHYIR SNYOMS PAR 'JUG PAS RING BA'I PHYIR DANG ZHES BYA BA SMOS TE, GANG GI PHYIR GZUGS SU SNYOMS PAR 'JUG PA NI SNGA MA LA GZUGS MED PAR SNYOMS PAR 'JUG PA NI 'PHYI BA YIN NO, ,DE LTA SNGA PHYI NYID KYIS YIN GYI, 'DOD PA'I DANG GZUGS KYI KHAMS LTAR YUL NA GNAS PA NYID KYIS NI MA YIN NO, ,GANG GI PHYIR GZUGS MED PA'I KHAMS NI GZUGS KYI KHAMS PAS SKYE BAS CHES MCHOG YIN PA'I YANG PHYIR RO, ,DER NI BSKAL PA STONG PHRAG MANG POR CHES RAB TU ZHI BA RNAM PAR SMIN PAR 'GYUR TE, DE'I PHYIR YANG GONG MA YIN NO, ,SROG GI DBANG PO GCIG BU KHO NA DANG POR RNAM PAR SMIN PA ZHES BYA BAR SKABS DANG SBYAR RO; ,DE NA GZUGS MED PA'I PHYIR MIG LA SOGS PA RNAMS MA YIN LA, DGE BA DANG NYON MONGS PA CAN YIN PA'I PHYIR GZHAN RNAMS KYANG MA YIN NO, ,SLOB DPON 'DUS BZANG NA RE NI SROG GI DBANG PO RDZAS SU YOD PA NYID KYI SHES PAR BYED PA NYID 'DI KHO NA YIN TE, DE MED NA GANG RNYED PAS GZUGS MED PA DAG TU SKYES PA ZHES BYA, NYON MONGS PA CAN GYI SEMS KYIS SKYE BAR NYING MTSAMS SBYOR BAS KHAS BLANGS PA'I PHYIR NA RNAM PAR SMIN PA'I SEMS KYIS MTSAMS SBYOR BAR YANG MI RIGS LA, RNAM PAR SMIN PA DANG 'BREL PA MED PAR SKYE BA YANG MI RIGS PA DE'I PHYIR, GDON MI ZA BAR SKYE BA'I RTAGS SU GYUR PA CHOS GZHAN @123A *, ,ZHIG KHAS BLANG BAR BYA DGOS SO ZHES ZER RO, ,GZUGS MED DAG TU 'CHI BA NI, ,ZHES BYA BAR RGYAS PAR 'BYUNG BA NI SROG DANG, YID DANG, BTANG SNYOMS RNAMS PHAN TSUN MI GTONG BA'I PHYIR TE, BTANG SNYOMS DANG NI SROG DANG NI, ,YID DANG LDAN LA NGES GSUM LDAN, , ZHES 'CHAD PAR 'GYUR RO, ,NYON MONGS PA CAN DANG LUNG DU MA BSTAN PA'I SEMS KYIS 'CHI BA LA DAD PA LA SOGS PA MED PAS GZUGS MED PA'I KHAMS SU 'CHI BA NA GDON MI ZA BAR GSUM PO DE DAG 'GAG GO, ,NYID KYANG ZHES BYA BA'I TSIG PHRAD DAG GI GNYIS KA DON YANG GCIG STE, SNGA MAS NI TSOR BA NGES PAR 'DZIN TO, ,'OG MAS NI GZUGS CAN 'GAG PA 'GOG STE, KHA CIG NA RE DE NA GZUGS YOD DO ZHES ZER RO, ,GZUGS NA BRGYAD DE DAG GO, ,DE NYID LA RGYU SMRAS PA NI, RDZUS TE SKYE BA THAMS CAD NI, ,ZHES BYA BA RGYAS PAR 'BYUNG BA STE, RDZUS TE SKYE BA RNAMS LA MER MER PO LA SOGS PA RNAMS MED PA'I PHYIR DANG, RIM GYIS 'CHI BA MED PA'I PHYIR DBANG PO TSANG BA RNAMS SKYE ZHING 'CHI BA YIN NO, ,'DOD PAR BCU'AM DGU'AM BRGYAD, ,CES BYA BA LA, MTSAN GNYIS PA DBANG PO TSANG BA ZHIG YIN NA NI BCU 'GAG GO, ,MTSAN GCIG PA ZHIG YIN NA NI ZHES BYA BA NI PHO DANG MO'I DBANG PO DAG LAS GANG YANG RUNG BA ZHIG DANG LDAN PA'O, ,MTSAN MED PA NI DE GNYIS KA DANG BRAL BA'O, ,CIG CAR 'CHI BA LA NI 'DOD PAR BCU 'AM, DGU 'AM, BRGYAD CES BYA BA TSUL DE LTA BU YIN NO, ,RIM GYIS 'CHI BA DAG LA ZHES BYA BA 'DI GANG LAS SHE NA, RIM GYIS 'CHI BA DAG LAS BZHI ZHES MJUG THOGS SU 'CHAD PA LAS SO, ,MIG LA SOGS PA RNAMS SNGAR 'GAGS ZIN PA'I PHYIR DANG, LUS DANG, SROG DANG, YID KYI DBANG PO DANG, BTANG SNYOMS RNAMS PHAN TSUN MI 'DOR BAS SO SOR 'GAG PA MA YIN PA DE'I PHYIR RIM GYIS 'CHI BA DAG LAS BZHI 'GAG GO, ,TSUL DE LTA BU YIN PAR ZHES BYA BA RGYAS PAR 'BYUNG BA LA, 'CHI BA'I SRID PA'I SEMS NI GSUM STE, NYON MONGS PA CAN DANG, LUNG DU MA BSTAN PA DANG, DGE BA'O, ,DE LA NYON MONGS PA CAN DANG, LUNG DU MA BSTAN PA'I SEMS KYIS 'CHI BA LA NI JI SKAD BSHAD PA'I DBANG PO 'GAG PAR RIG PAR BYA STE, DBANG PO GZHAN MED PA'I PHYIR RO, ,DGE LA @123B THAMS CAD DAG TU LNGA, ,ZHES BYA BA LA, THAMS CAD DAG TU ZHES BYA BA LA NI KHAMS GSUM CHAR GYI 'CHI BA LAS YANG ZHES BYA BA'I DON TO, ,DGE BA LAS NI GDON MI ZA BAR DAD PA LA SOGS PA LNGA PO 'GAG STE, DAD PA LA SOGS PA RNAMS NI DGE BA'I SEMS LA NGES PAR YOD PA'I PHYIR RO, ,'ANG ZHES BYA BA'I SGRAS NI JI SKAD BSHAD PA'ANG 'GAG GO ZHES SHES PAR BYED DO, ,RGYAS PAR BRTZI BAR BYA'O ZHES BYA BA NI 'DOD PA'I KHAMS NA CIG CAR 'CHI BA LA BCO LNGA'AM, BCU BZHI 'AM, BCU GSUM YIN LA, RIM GYIS 'CHI BA DAG LA DGU ZHES BYA BA'O, ,DBANG PO'I SKABS SU ZHES BYA BA RGYAS PAR 'BYUNG BA LA, DBANG PO'I PHUNG POR DBANG PO'I CHOS GNAS SKABS KYI KHYAD PAR DANG, BYED PA'I KHYAD PAR THAMS CAD DPYAD DE, DES NA 'DIR YANG DPYAD PAR BYA STE, BSTAN BCOS 'DI NI DE'I MDZOD YIN PA'I PHYIR RO SNYAM DU BSAMS PA'O, ,DGE SBYONG GI TSUL GYI 'BRAS BU ZHES BYA BA RGYAS PAR 'BYUNG STE, DBANG PO MA YIN PA DAG GIS KYANG DGE SBYONG GI 'BRAS BU RNAMS 'THOB MOD KYI, DBANG PO RNAMS KYI SKABS SU BAB PA DE'I PHYIR DE RNAMS KHO NA DPYAD PAR BYA'O, ,'BRAS BU THA MA NYID DGUS 'THOB, ,CES BYA BA LA DGU KHO NAS NGES PAR GZUNG NGO, ,BSTAN BCOS LAS NI GANG ZAG 'BRAS BU THAMS CAD DU THOB PA'I DBANG DU MDZAD NAS 'DON TO, ,MTHA' NA YOD PA'I PHYIR THA MA'O, ,RGYUN DU ZHUGS PA'I 'BRAS BU DANG, DGRA BCOM PA NYID DAG NI MTHA' MA STE, SNGON GYI MTHA' DANG, PHYI MA'I MTHA' BZHIN DU DANG PO YANG MTHA' MA YIN NO, ,DE GNYIS KYI DBUS NA MA YIN PA'I PHYIR LAN CIG PHYIR 'ONG BA DANG, PHYIR MI 'ONG BA DAG NI BAR MA'O, ,DE LA RGYUN DU ZHUGS PA'I 'BRAS BU NI ZHES BYA BA RGYAS PAR 'BYUNG STE, RGYUN DU ZHUGS PA'I 'BRAS BU NI MTHONG BA DANG BSGOM PA'I LAM GYI 'BRAS BU YIN PA'I PHYIR DAD PA LA SOGS PA DANG, KUN SHES PA DANG LDAN PA'I DBANG PO MA GTOGS PA DAG DANG ZHES BYA BAR SMOS SO, ,DE LA DGE BA YIN PA'I PHYIR DAD PA LA SOGS PA RNAMS YOD DO, ,LAM LA RJES SU SHES PA'I BZOD PA MTHONG BA'I LAM YIN PA'I PHYIR DE NA KUN SHES PAR BYED PA'I DBANG PO YOD DO, ,LAM LA RJES SU SHES PA NI BSGOM PA'I LAM YIN PAS DE NA KUN SHES PA'I DBANG PO YOD DO, ,RGYUN DU ZHUGS PA'I 'BRAS BU'I LAM NI MI @124A *, ,LCOGS PA MED PAS BSDUS PA'I PHYIR DANG, DE NA TSOR BA BTANG SNYOMS KHO NA YOD PAS BTANG SNYOMS KYI DBANG PO YANG YOD DO, ,DE NA YOD PA'I RNAM PAR SHES PA GANG YIN PA DE NI YID KYI DBANG BO'O, ,LAM LA RJES SU SHES PA'I BZOD PA NI BAR CHAD MED PA'I LAM LA'O, ,RJES SU SHES PA NI RNAM PAR GROL BA'I LAM LA'O, ,GNYIS KAS KYANG ZHES BYA BA NI BAR CHAD MED PA DANG, RNAM PAR GROL BA'I LAM GNYIS KAS SAM, DBANG PO GNYIS KAS SO, ,DE 'THOB STE ZHES BYA BA NI RGYUN DU ZHUGS PA'I 'BRAS BU'O, ,JI LTAR ZHE NA, BRAL BA'I THOB PA'I ZHES BYA BA RGYAS PAR 'BYUNG BA LA; BAR CHAD MED PA'I LAM NI 'DREN PAR BYED PA YIN PA'I PHYIR TE, BRAL BA'I THOB PA SKYE BA'I GEGS SU GYUR PA'I NYON MONGS PA'I THOB PA GCOD PA'I PHYIR RO, ,DE NYID KYI PHYIR BRAL BA'I THOB PA NI BAR CHAD MED PA'I LAM RNAMS KYI RGYU MTHUN PA DANG, SKYES BU BYED PA'I 'BRAS BU YIN NO, ,RNAM PAR GROL BA'I LAM DANG LHAN CIG TU BRAL BA'I THOB PA SKYE BA'I PHYIR, RNAM PAR GROL BA'I LAM NI BRAL BA'I THOB PA'I RTEN NYID YIN NO, ,DE LTAR NA BRAL BA NI RNAM PAR GROL BA'I LAM GYI 'BRAS BU MA YIN ZHING, DE'I THOB PA YANG MA YIN NA, JI LTAR KUN SHES PA'I DBANG POS RGYUN DU ZHUGS PA'I 'BRAS BU 'THOB BO ZHES BRJOD CE NA, BAR CHAD MED PA'I LAM RNAMS NI RNAM PAR GROL BA'I LAM GYI 'KHOR YIN PA'I PHYIR RO, ,RGYAL PO'I 'KHOR GYIS BYAS PA RGYAL PO LA NYE BAR 'DOGS PA BZHIN TE, DE BZHIN DU BAR CHAD MED PA'I LAM GYIS BYAS PA RNAM PAR GROL BA'I LAM RNAMS LA NYE BAR 'DOGS PA YIN NO, , DGRA BCOM PA NYID NI DAD PA LA SOGS PA KUN SHES PAR BYED PA'I DBANG PO MA GTOGS PA DANG ZHES BYA BA LA, RE ZHIG DAD PA LA SOGS PA DAG NI DGE BA'I SEMS LAS BYUNG NGO, ,DGRA BCOM PA NYID NI BSGOM PA'I LAM GYI 'BRAS BU YIN PA'I PHYIR NA BAR CHAD MED PA'I LAM NI KUN SHES PA'I DBANG PO STE, DE YANG RDO RJE LTA BU'I TING NGE 'DZIN TO, ,RNAM PAR GROL BA'I LAM NI KUN SHES PA DANG LDAN PA'I DBANG PO STE, DE YANG ZAD PA SHES PA'I TSE NA'O, ,BAR CHAD MED PA DANG, RNAM PAR GROL BA'I LAM DAG NI BRAL BA'I THOB PA 'DREN PAR BYED PA DANG, BRTEN PA YIN PA'I PHYIR RO, ,KUN SHES PAR BYED PA'I DBANG PO NI MA @124B GTOGS TE, MTHONG BA'I LAM GYI BDAG NYID YIN PA'I PHYIR RO, ,YID KYI DBANG PO DANG ZHES BYA BA LA, YID KYI DBANG PO NI RDO RJE LTA BU DANG, ZAD PA SHES PA NA YOD PA'I RNAM PAR SHES PA GANG YIN PA'O, ,BDE BA DANG, YID BDE BA DANG, BTANG SNYOMS KYI DBANG PO RNAMS LA GANG YANG RUNG BA ZHIG DANG ZHES BYA BA LA, DGRA BCOM PA NYID KYI RTEN NI DGU STE, BSAM GTAN BZHI DANG, MI LCOGS PA MED PA DANG, KHYAD PAR CAN DANG, GZUGS MED PA GSUM DAG GO, ,MDO LAS DGE SLONG DAG BSAM GTAN DANG PO LA BRTEN NAS ZAD PAR SMRA'O ZHES BYA BA NAS, CI YANG MED PA'I SKYE MCHED LA BRTEN NAS ZHES BYA BA'I BAR DU GSUNGS SO, ,DE LA BSAM GTAN GSUM PA LA BRTEN NAS THOB NA NI BDE BA'I DBANG PO'O, ,BSAM GTAN DANG PO DANG, GNYIS PA LA BRTEN NAS THOB NA NI YID BDE BA'I DBANG PO'O, ,MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI PA DANG, GZUGS MED PA GSUM LA BRTEN NAS THOB NA NI BTANG SNYOMS KYI DBANG PO'O, ,DE LTAR RTEN GYI BYE BRAG GIS BDE BA DANG, YID BDE BA DANG, BTANG SNYOMS RNAMS LAS GANG YANG RUNG BA ZHIG GIS DGRA BCOM PA NYID 'THOB BO, ,GNYIS NI BDUN DANG BRGYAD DANG DGUS, ,ZHES BYA BA LA 'THOB BO ZHES BYA BA NI SKABS YIN NO, ,RE ZHIG GAL TE LAN CIG PHYIR 'ONG BA'I 'BRAS BU MTHAR GYIS 'THOB LA, DE YANG 'JIG RTEN PA'I LAM GYIS 'THOB NA NI DE DBANG PO BDUN DAG GIS 'THOB BO, ,JI LTAR BYAS NAS SHE NA, LAM MI LCOGS PA MED PA'I SA PA YIN PA'I PHYIR NA BTANG SNYOMS KYI DBANG PO DANG, DE DANG MTSUNGS PAR LDAN PA'I SEMS KHO NAS 'THOB BO, ,'ON TE 'JIG RTEN LAS 'DAS PA'I LAM GYIS 'THOB NA NI ZHES BYA BA RGYAS PAR 'BYUNG BA LA, GANG ZHIG RGYUN DU ZHUGS PA'I 'BRAS BU THOB NAS LAN CIG PHYIR 'ONG BA'I 'BRAS BU 'THOB PA MTHAR GYIS PA DE KHO NA STE, DE YANG 'JIG RTEN LAS 'DAS PA'I LAM GYIS LAN CIG PHYIR 'ONG BA'I 'BRAS BU THOB NA NI DE'I TSE DBANG PO BRGYAD DAG GIS 'THOB STE, SNGA MA BDUN LA KUN SHES PA'I DBANG POS BSNAN PA BRGYAD YIN NO, ,GNYIS KA YANG BSGOM PA'I LAM YIN PA'I PHYIR NA DE'I BAR CHAD @125A *, ,MED PA DANG, RNAM PAR GROL BA'I LAM DAG LA KUN SHES PA'I DBANG PO KHO NA YIN GYI, BAR CHAD MED PA'I LAM DANG, RNAM PAR GROL BA'I LAM GNYIS KA THA DAD PA'I PHYIR RGYUN DU ZHUGS PA DANG, DGRA BCOM PA NYID KYI 'BRAS BU DAG JI LTA BA BZHIN NI MA YIN TE, DE LTAR 'DIR NI MA YIN NO, ,CI STE PHAL CHER LAS 'DOD CHAGS DANG BRAL BA ZHIG GIS ZHES BYA BA LA, GANG ZHIG 'JIG RTEN PA'I LAM GYIS 'DOD PAR GTOGS PA'I NYON MONGS PA RNAMS LAS RNAM PA DRUG SPANGS PA DE NI DGUS TE, MTHONG BA'I LAM KHO NAS RGYUN DU ZHUGS PA'I 'BRAS BU THOB PA LTA BU STE; DE DANG 'DRA BA KHO NAR DBANG PO DGUS 'THOB BO, ,GAL TE PHYIR MI 'ONG BA'I 'BRAS BU MTHAR GYIS 'THOB LA ZHES BYA BA LA, RGYUN DU ZHUGS PA'I 'BRAS BU THOB NAS, PHYIR MI 'ONG BA'I 'BRAS BU THOB LA, DE YANG 'JIG RTEN PA'I LAM GYIS 'THOB NA, DE DBANG PO BDUN GYIS 'THOB STE, LAN CIG PHYIR 'ONG BA'I 'BRAS BU JI LTA BA BZHIN NO, ,'ON TE 'JIG RTEN LAS 'DAS PA'I LAM GYIS 'THOB NA NI DE BRGYAD KYIS 'THOB STE, JI LTAR LAN CIG PHYIR 'ONG BA'I 'BRAS BU LA KUN SHES PA'I DBANG PO BRGYAD PA YIN PA DE DANG 'DRA'O, ,CI STE 'DOD CHAGS DANG BRAL BA ZHIG GIS ZHES BYA BA LA; DE NI 'DOD PA LAS 'DOD CHAGS DANG BRAL ZHING, CI YANG MED PA'I SKYE MCHED KYI BAR LAS 'DOD CHAGS DANG BRAL BA SO SO'I SKYE BOR GYUR PAS MTHONG BA'I LAM SKYES PA ZHIG STE, DE NI DE'I TSE BDEN PA MNGON PAR RTOGS PA'I MTHAR 'DOD PAR GTOGS PA'I NYON MONGS PA RNAM PA DGU PA SPANGS PA'I PHYIR PHYIR MI 'ONG BA KHO NA YIN NO, ,RGYUN DU ZHUGS PA'I 'BRAS BU JI LTA BA BZHIN NO ZHES BYA BA LA, BAR CHAD MED PA'I LAM LA KUN SHES PAR BYED PA'I DBANG PO DANG, RNAM PAR GROL BA'I LAM LA KUN SHES PA'I DBANG PO DANG, DAD PA LA SOGS PA RNAMS DANG, YID DE DE KHO NA DANG 'DRA'O; ,'DI NI KHYAD PAR YIN TE ZHES BYA BA RGYAS PAR 'BYUNG BA LA, MI LCOGS PA MED PAS THOB PAR BYA BA YIN PA'I PHYIR NA RGYUN DU ZHUGS PA DANG, LAN CIG PHYIR 'ONG BA'I 'BRAS BU DAG LA NI RTAG TU BTANG SNYOMS KHO NA YIN GYI, PHYIR MI 'ONG BA'I 'BRAS BU LA NI RTEN GYI BYE BRAG LAS BDE BA DANG, YID @125B BDE BA DANG, BTANG SNYOMS KYI DBANG PO RNAMS LAS GANG YANG RUNG BA ZHIG STE, BSAM GTAN GSUM PA LA BRTEN NAS THOB PA NA NI BDE BA'I DBANG PO'O, ,BSAM GTAN DANG PO DANG, GNYIS PA LA BRTEN NAS BDEN PA DAG KYANG MTHONG NA NI YID BDE BA'I DBANG PO'O, ,MI LCOGS PA MED PA DANG, BSAM GTAN KHYAD PAR CAN DANG, BSAM GTAN BZHI PA LA BRTEN NAS 'THOB NA NI, BTANG SNYOMS KYI DBANG PO'O, ,GANG GI TSE 'DI MTHAR GYIS PA ZHIG YIN LA ZHES BYA BA RGYAS PAR 'BYUNG BA LA, DBANG PO RNON PO KHO NA RNAM PAR GROL BA'I LAM DGU PA LA NYE BAR BSDOGS PA NAS BSAM GTAN LA 'JUG PAR NUS KYI, DBANG PO RTUL PO NI MA YIN NO, ,TSOR BA SPO BAR DKA' BA'I PHYIR DANG, DBANG PO RNON PO YANG NGES PA MED PA'I PHYIR RO, ,GANG GI TSE 'DI MTHAR GYIS PA ZHIG YIN LA ZHES BYA BA LA SOGS PA SMOS TE, DE LA RNAM PAR GROL BA'I LAM DGU PA LA BSAM GTAN GYI DNGOS GZHI'I SA PA'I YID BDE BA'I DBANG PO LHAG MA YIN NO, ,BAR CHAD MED PA'I LAM LA NI RTAG TU BTANG SNYOMS KYI DBANG PO KHO NAR STE ZHES BYA BA LA, GAL TE BSAM GTAN LA 'JUG PA'AM, MI 'JUG KYANG NGO, ,DE NI GNYIS KAS KYANG 'THOB BO ZHES BYA BA NI BTANG SNYOMS DANG, YID BDE BA'I DBANG PO GNYIS KAS TE, GO RIMS BZHIN DU DE DAG BAR CHAD MED PA DANG, RNAM PAR GROL BA'I LAM YIN PA'I PHYIR BRAL BA'I THOB PA 'DREN PAR BYED PA DANG, RTEN YIN PA'I PHYIR RO, ,'ON TE 'JIG RTEN LAS 'DAS PAS ZHES BYA BA LA, GAL TE 'JIG RTEN LAS 'DAS PA'I LAM GYIS PHYIR MI 'ONG BA'I 'BRAS BU THOB CING, DBANG PO RNON PO YIN PA'I PHYIR RNAM PAR GROL BA'I LAM DGU PA LA BSAM GTAN LA 'JUG PA NA NI DE LA SNGAR SMOS PA BDUN DANG, BSAM GTAN GYI DNGOS GZHI'I SA PA'I YID BDE BA'I DBANG PO BRGYAD PA DANG, KUN SHES PA'I DBANG PO DGU PA YIN NO, ,'BRAS BU THA MA GNYIS DGUS 'THOB, ,CES BYA BA 'DI LA 'GAL BA BSTAN PA'I PHYIR, 'O NA CHOS MNGON PA LAS ZHES BYA BA SMOS TE, YE SHES 'JUG PA LAS SO, ,CHOR BA GSUM CIG CAR MNGON DU GYUR PA MA YIN TE, DE'I PHYIR DE NI DGU KHO NAS 'THOB BO, ,DE'I PHYIR 'GAL BA MED DO, ,BSTAN BCOS NI DGONGS PA CAN YIN PA'I PHYIR RO, ,'DIR DGONGS PA GANG YIN @126A *, ,ZHE NA; DE'I PHYIR, BCU GCIG DAG GIS DGRA BCOM NYID, ,CES BYA BA LA SOGS PA SMOS SO, ,BDE BAS THOB PA LA YONGS SU NYAMS SHING YANG YID BDE BAS 'THOB LA, DE LAS YONGS SU NYAMS TE, SLAR BTANG SNYOMS KYIS 'THOB KYI, SA THA DAD PA YIN PA'I PHYIR DANG, PHAN TSUN RNAM PA 'GAL BA'I PHYIR DANG, RDZAS NYID MTSUNGS PAR LDAN PA YIN PA'I PHYIR, ,BDE BA LA SOGS PA RNAMS DUS GCIG TU SRID PA YOD PA NI MA YIN NO, ,'DI PHYIR MI 'ONG BA LA YANG ZHES BYA BA RGYAS PAR 'BYUNG STE, PHYIR MI 'ONG BA'I 'BRAS BU YANG DGRA BCOM PA NYID LTAR BDE BA DANG, YID BDE BA DANG; BTANG SNYOMS RNAMS KYIS 'THOB STE, DE'I PHYIR DE YANG YONGS SU NYAMS NAS DBANG PO BCU GCIG DAG GIS 'THOB PAR 'GYUR RO SNYAM DU SEMS NA, 'DI NI YONGS SU NYAMS PHAN CHAD, ,CES BYA BA RGYAS PAR 'BYUNG STE, PHYIR MI 'ONG BA'I 'BRAS BU LAS YONGS SU NYAMS PA GANG YIN PA DA NI 'DOD PA'I KHAMS LAS 'DOD CHAGS DANG BRAL BA LAS KYANG YONGS SU NYAMS PAR 'GYUR TE, DE'I PHYIR DE LA PHYIS BDE BA'I DBANG POS 'THOB PA MI SRID DE, BDE BA'I DBANG PO NI BSAM GTAN GSUM PA'I SA PA YIN PA'I PHYIR RO, ,DE NYID KYI PHYIR, 'DI NI NYAMS PHAN CHAD NAM YANG BDE BA'I DBANG POS 'THOB PA MED DO ZHES BYA BA SMOS SO, ,CI GANG LAS BDE BA'I DBANG POS THOB PA KHO NA BKAG PAS YID BDE BA 'THOB PAR 'GYUR RAM ZHE NA, DE'I PHYIR BSHAD PA, GAL TE RNAM PAR GROL BA'I LAM DGU PA LA BSAM GTAN GYI DNGOS GZHI LA 'JUG NA NI 'THOB PAR 'GYUR BA ZHIG GO, ,DE NI YOD PA MA YIN TE, ,'DI LTAR YONGS SU NYAMS PAR GYUR PA GANG YIN PA DE NI DBANG PO RTUL PO YIN LA, GANG ZHIG DBANG PO RTUL PO YIN PA DE NI RNAM PAR GROL BA'I LAM DGU PA BSAM GTAN GYI DNGOS GZHI LA 'JUG PAR MI NUS SO, ,DBANG PO RNON POS NUS MOD KYI, DE LA YONGS SU NYAMS PA MI SRID PA'I PHYIR RO, ,DE LTA BU YOD MOD KYI, 'ON KYANG DE DBANG PO RTUL PO YIN KYANG MTHAR GYIS PAR GYUR PAS PHYIR MI 'ONG BA'I 'BRAS BU THOB CING, DE LAS YONGS SU NYAMS PAR GYUR PAS MI LCOGS PA MED PA LA BRTEN TE, DBANG PO SPO BAR BYED LA, DBANG PO 'PHOS PAS DBANG PO RNON POR YANG GYUR NAS MTHAR GYIS PA'I TSUL GYIS PHYIR MI 'ONG BA'I @126B 'BRAS BU THOB PA NA, GAL TE RNAM PAR GROL BA'I LAM DGU PA LA BSAM GTAN GYI DNGOS GZHI LA 'JUG NA NI DE'I PHYIR MI 'ONG BA'I 'BRAS BU DE BRGYAD DAG GAM, DGU DAG GIS THOB PAR 'GYUR RO, ,CI STE 'JIG RTEN PA'I 'DOD CHAGS DANG BRAL BA BDE BA'I DBANG POS THOB NAS YONGS SU NYAMS PA STE, YANG YID BDE BA DANG, BTANG SNYOMS DAG GIS THOB PAR 'GYUR RO SNYAM NA, DE'I PHYIR 'DOD CHAGS DANG BRAL BA SNGON DU 'GRO BA LA NI ZHES BYA BA SMOS SO, ,YONGS SU NYAMS PA MED PA'I RGYU NI, DE'I 'DOD CHAGS DANG BRAL BA NI ZHES BYA BA LA SOGS PA STE, 'JIG RTEN PA DANG, 'JIG RTEN LAS 'DAS PA'I LAM GNYIS KYIS THOB PAR BYAS PAS 'DOD CHAGS DANG BRAL BA NI BRTEN PA YIN TE, 'BRAS LAS NYAMS 'GYUR DANG PO LAS MA YIN ZHES 'CHAD PAR 'GYUR RO, ,DE'I PHYIR DE LAS NYAMS PA MED DO, ,DBANG PO'I SKABS SU DBANG PO'I CHOS THAMS CAD DPYAD PAR BYA BA YIN PAS, DBANG PO DU ZHIG DANG LDAN NA ZHES BYA BA 'DI YANG DPYAD PAR BYA'O, ,BTANG SNYOMS DANG NI SROG DANG NI, ,YID DANG ZHES BYA BA LA SOGS PA RGYAS PAR 'BYUNG STE, GDON MI ZA BA KHO NAR GSUM DANG LDAN PAR 'GYUR GYI, 'DI DAG KHO NA DANG LDAN PA MA YIN NO, ,'DI DAG NI PHAN TSUN MED NA MI LDAN PA YIN NO, ,CI'I PHYIR ZHE NA, SA DANG SEMS CAN GYI RTEN THAMS CAD LA KHYAB PAR BYED PA YIN PA'I PHYIR RO, ,'DI LTAR DAD PA LA SOGS PA RNAMS NI SA THAMS CAD LA KHYAB PAR BYED PA YIN YANG SEMS CAN GYI LUS THAMS CAD LA KHYAB PAR BYED PA NI MA YIN LA, DAD PA LA SOGS PA LAS GZHAN PA DAG NI GNYIS GA LAS KHYAB PAR BYED PA MA YIN TE, DE'I PHYIR LHAG MA RNAMS DANG NI MA NGES TE, BTANG SNYOMS LA SOGS PA GSUM LAS GZHAN BA GANG DAG YIN PA DE NI LDAN PA YANG YOD, MI LDAN PA YANG YOD DO, ,DE LA RE ZHIG MIG DANG, RNA BA DANG, SNA DANG, LCE'I DBANG PO DAG NI GZUGS MED PAR SKYES PA DAG DANG MI LDAN TE, GZUGS KYI 'DOD CHAGS DANG BRAL BA RNAMS DER SKYES PA'I PHYIR GZUGS MI SRID DO, ,'DOD PA'I KHAMS NA NI GANG GIS MA THOB PA DANG, RNAM PAR NYAMS PA DAG DANG MI LDAN NO ZHES BYA BA LA, GANG LA NUR NUR PO LA SOGS PA'I GNAS SKABS SU MA SKYES PA DAG DANG, DMUS LONG LA SOGS PA RNAMS LA PHYIS KYANG MA SKYES PA DAG @127A *, ,DANG MI LDAN NO, ,RNAM PAR NYAMS PA DAG NI SKYES NAS GNOD PA BYAS PA'AM, NAD KYIS CHUD ZOS PA DAG GO, ,LUS KYI DBANG PO LOGS SU SMOS PA NI 'DOD PA'I KHAMS SU GANG GIS MA THOB PA DANG, RNAM PAR NYAMS PA DAG DANG MI LDAN NO ZHES BYA BA'I LHAG MA 'DI MIG LA SOGS PA DAG KHO NA LA SRID PA'I PHYIR TE, LUS KYI DBANG PO LA NI MA YIN NO, ,LUS KYI DBANG PO NI GZUGS MED PA'I KHAMS SU 'KHRUL PA YIN NO, ,PHO DANG MO'I DBANG PO DAG NA MIG LA SOGS PA LTAR 'KHRUL MOD KYI 'DI KHYAD PAR YOD DE, GZUGS KYI KHAMS NA YANG PHO DANG MO'I DBANG PO DAG MED DO, ,BDE BA'I DBANG PO DANG NI BSAM GTAN BZHI BA DANG, GZUGS MED PAR SKYES PA'I SO SO'I SKYE BO DANG MI LDAN NO ZHES BYA BA LA, BSAM GTAN GSUM PA'I GONG NA BDE BA'I DBANG PO MED PA'I PHYIR LA, SA 'PHOS PAS BSAM GTAN GSUM PAR GTOGS PA'I BDE BA'I DBANG PO YONGS SU BTANG BA'I PHYIR RO, ,'PHAGS PA NI SKYES KYANG SNGAR BSKYED PA'I BSAM GTAN GSUM PA'I BDE BA ZAG PA MED PA DANG LDAN PA NYID DE, DE NI ZAG PA MED PA RNAMS SPANG BAR BYA BA MA YIN PA'I PHYIR SPANGS PA MED LA, MI LDAN PA YIN PA'I PHYIR SA 'PHOS PAS GTONG BA YANG MA YIN TE, DE'I PHYIR 'PHAGS PA LAS KHYAD PAR DU BYAS PA'I PHYIR SO SO'I SKYE BO ZHES BYA BA SMOS SO, ,YID BDE BA'I DBANG PO DANG NI ZHES BYA BA LA, 'PHAGS PA NI BSAM GTAN GNYIS PA'I GONG DU SKYES KYANG ZAG PA MED PA'I YID BDE PA'I DBANG PO DANG LDAN PAS, SO SO'I SKYE BO KHO NA DANG ZHES KHYAD PAR DU BYAS SO, ,SDUG BSNGAL GYI DBANG PO DANG NI ZHES BYA BA LA SOGS PA LA, SDUG BSNGAL GYI DBANG PO DANG NI 'DOD PAR GTOGS PA KHO NA YIN PAS DE DANG, GZUGS DANG, GZUGS MED PAR SKYES PA MI LDAN NO, ,YID MI BDE BA DANG 'DOD CHAGS DANG BRAL BA MI LDAN PA'I RGYU NI SNGA MA BZHIN NO, ,DAD PA LA SOGS PA DAG DANG NI ZHES BYA BA RGYAS PAR 'BYUNG BA LA, DAD PA LA SOGS PA RNAMS NI GCIG TU DGE BA YIN PA'I PHYIR LOG PAR LTA BA CHEN PO YONGS SU RDZOGS PA DE DAG KUN DU SPYOD PA'I PHYIR RO, ,KUN SHES PAR BYED PA'I DBANG PO DANG NI ZHES BYA BA LA, ZAG PA MED PA'I PHYIR SO SO'I SKYE BO DANG MI LDAN NO, ,MTHONG BA'I LAM GTANG BA'I PHYIR 'BRAS BU LA GNAS PA DANG MI LDAN @127B NO; ,KUN SHES PA'I DBANG PO DANG NI ZHES BYA BA LA, ZAG PA MED PA'I BSGOM PA'I LAM GYI BDAG NYID YIN PA'I PHYIR, SO SO'I SKYE BO DANG, MTHONG BA DANG, MI SLOB PA'I LAM LA GNAS PA RNAMS MI LDAN NO, ,KUN SHES PA DANG LDAN PA'I DBANG PO DANG NI ZHES BYA BA LA, MI SLOB PA'I LAM GYI BDAG NYID YIN PA'I PHYIR SO SO'I SKYE BO DANG, SLOB PA DAG DANG MI LDAN NO, ,MA BKAG PA'I GNAS SKABS DAG TU NI, ,ZHES BYA BA RGYAS PAR 'BYUNG STE, MIG LA SOGS PA BZHI NI GZUGS KYI KHAMS SU SKYES PA DANG LDAN NO, ,'DOD PA'I KHAMS NA THOB PAR DANG MA NYAMS PA YANG MIG LA SOGS PA DAG DANG LDAN NO; ,LUS KYI DBANG PO DANG NI 'DOD PA DANG, ,GZUGS KYI KHAMS SU SKYES PA DAG LDAN NO, ,PHO DANG MO'I DBANG PO DANG NI 'DOD PA'I KHAMS KHO NAR THOB PA DANG, MA NYAMS PA LDAN NO, ,BDE BA'I DBANG PO NI BSAM GTAN BZHI PA'I 'OG TU SKYES PA DANG, BSAM GTAN BZHI PA LA SOGS PAR SKYES PA'I 'PHAGS PA DANG LDAN NO, ,YID BDE BA'I DBANG PO DANG NI BSAM GTAN GSUM PA'I 'OG TU SKYES PA DANG, BSAM GTAN GSUM PA LA SOGS PAR SKYES PA'I 'PHAGS PA LDAN NO, ,SDUG BSNGAL GYI DBANG PO DANG NI 'DOD PA'I KHAMS SU SKYES PA LDAN NO, ,YID MI BDE BA'I DBANG PO DANG NI 'DOD PA'I 'DOD CHAGS DANG MA BRAL BA LDAN NO, ,DAD PA LA SOGS PA DAG DANG NI DGE BA'I RTZA BA KUN DU MA CHAD PA LDAN NO, ,KUN SHES PAR BYED PA'I DBANG PO DANG NI MTHONG BA'I LAM LA GNAS PA LDAN NO, ,KUN SHES PA'I DBANG PO DANG NI BSGOM PA'I LAM LA GNAS PA LDAN NO, ,KUN SHES PA DANG LDAN PA'I DBANG PO DANG NI MI SLOB PA'I LAM LA GNAS PA DAG LDAN NO, ,DE LTAR MA BKAG PA'I GNAS SKABS DE DAG TU NI JI SKAD BSHAD PA DANG LDAN PAR RIG PAR BYA'O, ,BDE LUS LDAN LA BZHI DAG DANG, ,ZHES BYA BA LA, BDE BA'I DBANG PO LA BTANG SNYOMS DANG, SROG DANG, YID DAG GIS KHYAB PA'I PHYIR 'KHRUL PA MED DO; ,GANG ZHIG BDE PA'I DBANG PO DANG LDAN PA DE NI GDON MI ZA BAR DBANG PO BZHI DAG DANG LDAN NO ZHES BYA BAR RGYAS PAR BTANG SNYOMS LA SOGS PA LTAR 'KHRUL PA BRJOD PAR BYA'O, ,DE BZHIN DU LUS KYI DBANG PO DANG LDAN PA YANG BRJOD PAR BYA'O, ,'KHRUL PA NI SNGA MA BZHIN NO, ,MIG SOGS LDAN LA @128A *, ,LNGA DANG LDAN, ,ZHES BYA BA LA, MIG DANG, RNA BA DANG, SNA DANG, LCE RNAMS NI RE RE ZHING BTANG SNYOMS LA SOGS PA BZHIS KHYAB PA'I PHYIR NA GANG ZHIG MIG LA SOGS PA RNAMS LAS GANG YANG RUNG BA ZHIG DANG LDAN PA NI GDON MI ZA BAR DBANG PO LNGA DANG LDAN NO, ,DE LA MIG GI DBANG PO DANG LDAN PA NI GDON MI ZA BAR RNA BA LA SOGS PA DAG DANG LDAN PA MA YIN TE, 'DOD PA'I KHAMS NA DE DAG MA THOB PA DANG, NYAMS PA SRID PA'I PHYIR RO, ,RNA BA DANG, SNA DANG, LCE'I DBANG PO DAG DANG LDAN PA YANG DE DANG 'DRA BAR RIG PAR BYA'O ZHES BYA BA 'BYUNG STE, MIG LA SOGS PA DE DAG NI LUS KYI DBANG PO MED PAR MI 'BYUNG STE, DE LA RAG LAS TE 'JUG PA'I PHYIR RO, ,PHAN TSUN NI MA YIN TE, PHAN TSUN LTOS PA MED PAR 'JUG PA'I PHYIR RO, ,YID BDE LDAN YANG STE, MIG LA SOGS PA'I DBANG PO DANG LDAN PA LTAR BTANG SNYOMS DANG, SROG DANG, YID DANG, BDE BA DANG, YID BDE BA DANG, DBANG PO LNGA DANG LDAN NO, ,LHAG MA RNAMS DANG NI LDAN PA YANG YOD, MI LDAN PA YANG YOD DO, ,BSAM GTAN GNYIS PAR SKYES PA BSAM GTAN GSUM PA MA 'THOB PA ZHES BYA BA LA SOGS PA LA, BSAM GTAN GNYIS PAR SKYES PA LA LUS KYI BDE BA MED CING, SEMS KYI BDE BA MED DE, DE'I PHYIR YID BDE BA DANG LDAN PA NI MIG LA SOGS PA LTAR BDE BA'I DBANG PO DANG YANG GDON MI ZA BAR LDAN PA MA YIN NO SNYAM DU SEMS TE 'DRI BA NI, BDE BA'I DBANG PO GANG DANG LDAN PA YIN, ,ZHES BYA BA'O, ,BSAM GTAN GSUM PA'I SA PA'I NYON MONGS PA CAN DANG LDAN ZHES BYA BA LA; SA 'OG MA PA'I MI SRID PA'I PHYIR DANG, GO RIMS BZHIN SBYOR BA LA RAG LAS PA'I PHYIR DANG, SKYE BA LA RAG LAS PA'I PHYIR BSAM GTAN GSUM PA'I SA PA'I DGE BA DANG LUNG DU MA BSTAN PA MI SRID PA'I PHYIR TE, GANG GI PHYIR 'OG MAR SKYES PA SA GONG MA PA'I NYON MONGS PA DAG DANG LDAN BA DE NYID KYI PHYIR, NYON MONGS PA CAN DANG LDAN NO ZHES SMOS SO, ,SDUG BSNGAL DANG LDAN BDUN DANG GDON MI ZA BAR LDAN NO ZHES BYA BAR SNYEGS TE, DE NYID KYI PHYIR, GANG ZHIG SDUG BSNGAL GYI DBANG PO DANG LDAN PA ZHES BYA BA LA SOGS PA SMOS SO, ,'DI NI 'DOD PA'I KHAMS SU SKYES PA STE, @128B DE'I PHYIR NGES PAR LUS KYI DBANG PO DANG, YID BDE BA MA GTOGS PA TSOR BA'I DBANG PO BZHI DANG, YID DANG SROG GI DBANG PO DAG DANG LDAN PAS GDON MI ZA BAR BDUN DANG LDAN NO, ,DBANG PO LHAG MA 'KHRUL PA NI SNGA MA BZHIN DU BRJOD PAR BYA'O, ,MO'I DBANG SOGS LDAN BRGYAD DANG,, GDON MI ZA BAR LDAN NO ZHES BYA BAR SBYAR TE, PHO DANG, MO DANG, YID MI BDE BA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG LDAN PA ZHES BYA BA'I DON TO, ,GANG ZHIG MO'I DBANG PO DANG LDAN PA DE NI 'DOD PA'I KHAMS SU SKYES PA STE, GDON MI ZA BAR BRGYAD DANG LDAN NO, ,GANG DAG DANG ZHE NA, BDUN PO DE DAG DANG MO'I DBANG PO DANG ZHES BYA BA SMOS SO, ,LHAG MA RNAMS DANG NI LDAN PA YANG YOD, MI LDAN PA YANG YOD DO, ,GANG ZHIG PHO'I DBANG PO 'AM YID MI BDE BA'I DBANG PO DANG LDAN PA DE NI GDON MI ZA BAR DBANG PO BRGYAD DANG LDAN PA YIN TE, JI SKAD DU BSHAD PA BDUN DANG, BRGYAD PA PHO'I DBANG PO'AM YID MI BDE BA'I DBANG PO DE DANG LDAN NO, ,GANG GI PHYIR GANG ZHIG YID MI BDE BA DANG LDAN PA DE NI GDON MI ZA BAR TSOR BA LNGA DANG, LUS DANG, SROG DANG, YID DANG LDAN TE, LHAG MA NI SNGA MA BZHIN DU BRJOD PAR BYA'O,, DAD PA LA SOGS PA DANG LDAN PA NI ZHES BYA BA RGYAS PAR 'BYUNG BA LA, GANG ZHIG DAD PA'I DBANG PO DANG LDAN PA DE NI GDON MI ZA BAR DBANG PO BRGYAD DANG LDAN TE, DAD PA LA SOGS PA RNAMS NI BTANG SNYOMS LA SOGS PA DAG MED PAR MI 'BYUNG ZHING, DE BZHIN DU PHAN TSUN MED NA MI 'BYUNG BA'I PHYIR RO; ,DE NYID KYI PHYIR DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO STE LNGA PO DE DAG DANG, BTANG SNYOMS DANG, SROG DANG, YID DAG DANG LDAN NO ZHES BYA BA SMOS SO, ,DE BZHIN DU RE RE ZHING BRTZON 'GRUS LA SOGS PA DAG DANG LDAN PA YANG BRJOD PAR BYA'O, ,LHAG MA RNAMS DANG NI LDAN PA YANG YOD, MI LDAN PA YANG YOD DO, ,KUN SHES KUN SHES LDAN PA YI, ,DBANG PO LDAN LA BCU GCIG LDAN, ,ZHES BYA BA LA, DBANG PO LDAN ZHES BYA BA'I SGRA NI KUN SHES PA'I DBANG PO DANG LDAN PA DANG, KUN SHES PA DANG LDAN PA'I DBANG @129A *, ,PO DANG LDAN PA LA ZHES RE RE DANG SBREL BAR BYA'O, ,KUN SHES PA DANG LDAN PA'I DBANG PO KHO NA LA KUN SHES PA ZHES BRJOD DE, DE NI SDUG BSNGAL YONGS SU SHES SO, ,KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO SNYAM DU BDEN PA BZHI KUN NAS SHES PA YIN PAS KUN SHES PA ZHES BSHAD DO, ,DE NYID KYI PHYIR, KUN SHES PA LA DBANG BYED PAS NA KUN SHES PA DANG LDAN PA'I DBANG PO'O ZHES BYA BA SMOS TE, MA LUS PAR KUN SHES ZHES BYA BA'I DON TO, ,KUN SHES PA'I DBANG PO YANG KUN SHES PA YIN MOD KYI MA LUS PAR NI MA YIN TE, SPANG BAR BYA BA LHAG MA DANG BCAS PA'I PHYIR RO, ,GANG ZHIG KUN SHES PA'I DBANG PO DANG LDAN PA ZHES BYA BA RGYAS PAR 'BYUNG STE, BSGOM PA'I LAM GYIS BSDUS PA'I PHYIR KUN SHES PA'I DBANG PO DANG NI SLOB PA KHAMS GSUM DU SKYES PA YANG LDAN PA SRID DO, ,BCU GCIG MA GTOGS PA RNAMS DANG NI LDAN PA YANG YOD, MI LDAN PA YANG YOD DE, DE BZHIN DU KUN SHES PA DANG LDAN PA'I DBANG PO DANG LDAN PA YANG ZHES BYA BA LA, MI SLOB PA'I LAM GYIS BSDUS PA'I PHYIR KUN SHES PA'I DBANG PO LDOG GO, ,GZHAN RNAMS LDAN PA NI 'KHRUL BA YIN NO, ,KUN SHES BYED PA'I DBANG LDAN LA, ,BCU GSUM DAG DANG LDAN PA YIN, ,ZHES BYA BA LA; GDON MI ZA BAR ZHES BYA BAR SBYAR RO, ,MTHONG BA'I LAM NI 'DOD PA'I KHAMS KHO NAR YIN TE, DE'I PHYIR GDON MI ZA BAR LUS KYI DBANG PO DANG LDAN NO, ,'DOD CHAGS DANG BRAL BA NGES PA LA 'JUG PA'I TSE YID MI BDE BA MI SRID DO ZHE NA, DE'I PHYIR, TSOR BA'I DBANG PO BZHI DAG DANG, ,ZHES BYA BA SMOS SO,, LHAG MA RNAMS DANG NI LDAN PA YANG YOD, MI LDAN PA YANG YOD DO, ,DE DAG DANG 'BREL PA'I PHYIR 'DIR PHO DANG MO'I DBANG PO DAG KYANG GANG RUNG ZHIG BRJOD PAR BYA'O ZHES BYA BA'I BRGAL BA'I TSIG NI BRJOD PAR MI BYA STE 'KHRUL BA'I PHYIR RO, ,RES 'GA' RIM GYIS 'CHI BA'I GNAS SKABS SU PHO 'AM, MO'I DBANG PO 'GAGS DANG DE'I TSE SKYE BA SKYE ZHING NGES PA LA 'JUG PAR 'GYUR TE, DE NYID KYI PHYIR, MO YIN LA MO'I DBANG PO DANG MI LDAN PA YOD DAM ZHE NA, YOD DO ZHES BRJOD DE, MO'I DBANG PO 'GAGS KYANG DE'I RIS MTHUN PA MI 'GAGS PA'I PHYIR RO, ,PHO'I DBANG PO LA YANG DE DANG 'DRA BAR BRJOD PAR BYA'O, ,GSUM @129B LDAN ZHES BYA BA LA SOGS PAS GNAS SKABS MA NGES PAR DBANG PO'I LDAN PA BSHAD ZIN TO, ,BTANG SNYOMS KYI DBANG PO DANG LDAN PA'I GANG ZAG GANG YIN PA DE NI 'DOD PA'I KHAMS SU SKYES PA'AM, SRID PA'I RTZE MO'I BAR DU SKYES PA ZHIG YIN GYI, GANG DBANG PO GSUM KHO NA YOD PA 'PHAGS PA'AM SO SO'I SKYE BO'I GANG ZAG GCIG PU NI 'GA' YANG YOD PA MA YIN PAS 'DIR GANG ZAG SPYIR GYI DBANG DU BYAS KYI, GANG ZAG GCIG NI MA YIN NO, ,DBANG PO NYI SHU RTZA GCIG LAS KHA CIG NI 'KHRUL PA YIN, RNAM PA GCIG TU NA DBANG PO RNAMS LA MED PA MI 'BYUNG BA'I 'BREL PA DPYAD PA YIN GYI, RGYUD GCIG LA NI MA YIN PAS DE NI GANG ZAG NGES PAR BRJOD PAR BYA'O, ,YANG GANG ZHIG NANG NA NYUNG BA DAG DANG LDAN PA ZHES BYA BA RGYAS PAR 'BYUNG NGO, ,'DIR NI NYUNG BA DAG DANG LDAN PA 'GOG PA YIN GYI, MANG BA DAG TU LDAN PA NI MA YIN NO, ,DGE BA'I RTZA BA KUN DU CHAD PA NI DGE BA'I CHOS THAMS CAD DANG MI LDAN PA'I PHYIR DGE MED CES BYA'O, ,DGE BA'I RTZA BA KUN DU CHAD PA LA NI 'DOD PA'I KHAMS LA 'DOD CHAGS DANG BRAL BA SRID PA YOD PA MA YIN TE, DE'I PHYIR, TSOR BA LNGA DAG DANG ZHES BYA BA SMOS SO, ,'DOD PA'I KHAMS LAS GZHAN PA NI DGE BA'I RTZA BA KUN DU CHAD PA YOD PA MA YIN NO, ,'DOD PA'I KHAMS NA LUS KYI DBANG PO 'KHRUL BA YANG MA YIN TE, DE'I PHYIR, LUS DANG ZHES BYA BA SMOS SO, ,TSOR BAR BYED PA NI MYONG BA STE TSOR BAR BYED PA'I PHYIR RO ZHES BYA BA NI BYED PA PO'I 'DRI BA STE BYED PA PO YIN NO, ,YANG NA TSOR BA NI TSOR BA STE ZHES BYA BA NI DNGOS PO BSGRUB PA'O, ,SHES PAR BYED PA STON PA NI, DPER NA PHUN SUM TSOGS PA LA PHUN SUM TSOGS PA ZHES BYA BA BZHIN NO ZHES BYA BA'O, ,DGE MED YIN PA NYID KYI PHYIR NA DAD PA LA SOGS PA RNAMS DANG, DRI MA MED PA DAG DANG LDAN PA YANG MA YIN NO, ,MIG LA SOGS PA PHO'I DBANG PO'I MTHAR THUG PA MA THOB PA DANG, NYAMS PA RNAMS DANG YANG LDAN PA MA YIN NO, ,GZUGS MED BYIS PA DE BZHIN NO, ,ZHES BYAS BA LA, DE BZHIN ZHES BYA BA'I SGRA NI GRANGS TZAM ZHIG DANG SBYAR GYI, GANG DAG DANG DGE MED LDAN PA DE DAG KHO NA DANG LDAN PA NI MA YIN NO, ,DE NYID KYI PHYIR, BTANG SNYOMS SROG YID DGE RNAMS DANG, ,ZHES BYA BA SMOS SO, ,BYIS PA ZHES BYA BA NI SO SO'I SKYE BO'I MING YIN NO ZHES BYA BA 'DI @130A *, ,JI LTAR RTOGS SHE NA, MDO LAS 'BYUNG BA'I PHYIR TE, BCOM LDAN 'DAS KYIS DGE SLONG DAG BYIS PA SO SO'I SKYE BO THOS PA DANG MI LDAN PA, RTAG PAR LTUNG BA RNAMS NI BDAG DANG BDAG GI ZHES BYA BA RGYAS PAR GSUNGS SO, ,DE NI BYA BA DANG BYA BA MA YIN PA MI SHES PAS BYIS PA DANG 'DRA BAS BYIS PA YIN NO, ,GAL TE GCIG TU DGE BA'I PHYIR, ,DGE BA SMOS PAS NI DAD PA LA SOGS PA GZUNG BAR BYA STE ZHES BYA BAS DGE BA DAG KHO NA YIN GYI, MI DGE BA DANG LUNG DU MI BSTAN PA DAG MA YIN NO, ,KUN SHES PAR BYED PA'I DBANG PO LA SOGS PA RNAMS KYANG GZUNG BAR THAL BAR 'GYUR TE, DE DAG KYANG DAD PA LA SOGS PA LTAR GCIG TU DGE BA YIN NO ZHE NA, MA YIN TE, BRGYAD KYI SKABS YIN PA'I PHYIR RO, ,DGE MED NA NGAN NYUNG LDAN PA, ,LUS TSOR SROG YID BRGYAD DANG LDAN, ,ZHES 'DIR BRGYAD KYI DBANG DU BYAS PA YIN TE, DE DAG 'DZIN NA NI BCU GCIG TU 'GYUR GYI, BRGYAD NI MA YIN NO, ,BYIS PA'I SKABS YIN PA'I PHYIR RO ZHES BYA BA LA, BYIS PA ZHES BYA BA NI SO SO'I SKYE BO LA BYA STE, SO SO'I SKYE BO NYID NI 'PHAGS PA'I CHOS RNAMS MA THOB PA'O ZHES 'BYUNG BA'I PHYIR RO, ,DE BAS NA KUN SHES PAR BYED PA'I DBANG PO LA SOGS PA 'DZIN PA MA YIN NO, ,YANG NA GZUGS MED PA NA KUN SHES PAR BYED PA'I DBANG PO MED PA'I PHYIR RO, ,YANG GANG ZHIG GANG NA DBANG PO MANG PO DAG DANG LDAN PA ZHES BYA BA RGYAS PAR 'BYUNG NGO, ,MTSAN NYID PA LA ZAG PA MED PA'I CHOS MED PA'I PHYIR KUN SHES PAR BYED PA'I DBANG PO LA SOGS PA DAG DANG MI LDAN NO, ,MTSAN GNYIS PA GDON MI ZA BAR BCU DGU DANG LDAN PA YANG MA YIN TE, SRID PA'I DBANG DU BYAS NAS BRJOD PA YIN NO, , DBANG PO TSANG BA GANG YIN PA NI MIG LA SOGS PA PHO'I DBANG PO'I MTHAR THUG PA THOB PA DANG MA NYAMS PA DAG DANG LDAN NO, ,MTSAN GNYIS PA NYID YIN PA'I PHYIR, ,DGE BA'I RTZA BA KUN DU CHAD PA MED PA'I PHYIR, 'DOD PA LA 'DOD CHAGS DANG BRAL BA MED PA'I PHYIR DAD PA LA SOGS PA DAG DANG, TSOR BA LNGA DAG DANG, SROG DANG, YID DANG LDAN NO, ,'PHAGS PA CHAGS BCAS TE ZHES BYA BA LA, 'PHAGS PA SMOS PA NI SO SO'I SKYE BO LAS KHYAD PAR DU BYAS PA'I PHYIR TE, ,DE NI ZAG PA MED PA'I DBANG PO DANG LDAN PA MA YIN NO, ,CHAGS BCAS ZHES BYA BA NI CHAGS PA DANG BRAL PA LAS KHYAD PAR DU BYED PA STE, DE NI YID MI BDE @130B BA DANG LDAN PA MA YIN NO, ,MTSAN GCIG DRI MED GNYIS MA GTOGS, ,ZHES BYA BA LA, MTSAN GCIG NI PHO'AM MO'I DBANG PO'O, ,DE CI'I PHYIR MA GTOGS SHE NA, MTSAN GNYIS PA LA 'PHAGS PA'I LAM MI SKYE BA'I PHYIR RO, ,GAL TE MTHONG BA'I LAM LA GNAS PA YIN NA NI DE'I PHYIR KUN SHES PA'I DBANG PO DANG; KUN SHES PA DANG LDAN PA'I DBANG PO MA GTOGS TE, DE NYID NI BSGOM PA DANG, MI SLOB PA'I LAM YIN PA'I PHYIR RO, ,'ON TE BSGOM PA'I LAM LA GNAS PA YIN NA NI DE'I PHYIR KUN SHES PAR BYED PA'I DBANG PO DANG, KUN SHES PA DANG LDAN PA'I DBANG PO MA GTOGS TE, DE DAG NI MTHONG BA DANG, MI SLOB PA'I LAM YIN PA'I PHYIR RO, ,DBANG PO RNAMS KYI RAB TU DBYE BA ZHES BYA BA RGYAS PAR 'BYUNG NGO, CI LTAR ZHE NA, KHAMS RAB TU DBYE BA'I ZHAR LA 'ONGS PA ZHES BYA BA 'BYUNG STE, KHAMS BCO BRGYAD PO DE DAG LAS DBANG PO RNAMS NI DU, DBANG PO MA YIN PA NI DU ZHES DE LTAR KHAMS RAB TU DBYE BA'I ZHAR LA 'ONGS PA RNAMS KYI RAB TU DBYE BRGYAS PAR BSHAD ZIN TE, GRANGS DANG, MING DANG, RANG GI NGO BO DANG, RNAM PA RAB TU DBYE BA BRJOD PA'I PHYIR RO, ,DA NI 'DI DPYAD PAR BYA STE, CI 'DUS BYAS KYI CHOS 'DI DAG ZHES BYA BA RGYA CHER 'BYUNG NGO, ,DPYOD PA 'DI LA DGOS PA CI YOD CE NA, CHOS RAB TU RNAM PAR DBYE BA'I DON DU CHOS MNGON PA BSTAN TO ZHES DANG PO NYID DU KHO NAR BSHAD PA MA YIN NAM, YANG NA JI LTAR 'UG PA PA RNAMS KYI LTAR NA YAN LAG CAN GYI RDZAS GCIG SKYE BA DE DGAG PAR BYA BA'I DON DU RDZAS BRGYAD SKYE BA'O ZHES RGYU DANG, RKYEN RNAMS KYI 'BRAS BU GCIG PA NYID DGAG PAR BYA BA'I PHYIR RO,, JI LTAR MTSAN NYID THA DAD PA ZHES BYA BA NI GZUGS NI GZUGS SU RUNG BA'I MTSAN NYID CAN NO, ,TSOR BA NI MYONG BA'I MTSAN NYID CAN NO ZHES RANG GI MTSAN NYID THA DAD PAS SO, ,'DUS MA BYAS RNAMS KYANG MTSAN NYID THA DAD MOD KYI, SKYE BA NI MA YIN PAS DE'I PHYIR 'DUS BYAS SMOS SO, ,DES PAR LHAN CIG SKYE BA YANG YOD CES BYA BA LA, KHA CIG LHAN CIG SKYE BA YOD KYI, NGES PAR LHAN CIG SKYE BA NI MA YIN TE, DPER NA MIG LA SOGS PA'I RNAM PAR SHES PA RNAMS DANG, MIG LA SOGS PA DAG LTA BU STE, MIG LA SOGS PA DAG NI BRTEN PA DANG BCAS PA DANG, DE DANG MTSUNGS PA NYID YIN PA'I PHYIR RO, ,DE'I @131A *, ,PHYIR NGES PA SMOS SO, ,CHOS 'DI DAG THAMS CAD NI ZHES BYA BA LA, RNAM PA DU MA YOD KYANG MDOR BSDUS PA BRJOD PAR 'DOD NA LNGAR 'GYUR RO, ,JI LTAR ZHE NA, CHOS RNAMS NI RNAM PA GNYIS TE, GZUGS CAN DANG, GZUGS CAN MA YIN PA'O, ,DE LA GZUGS CAN MA YIN PA RNAMS LA RNAM PA BZHIR DBYE BA BYAS TE LNGAR 'GYUR RO, ,YANG CI'I PHYIR RNAM PA LNGAR BSTAN ZHE NA, LOG PAR RTOGS PA DGAG PA'I PHYIR TE, GZUGS LA LOG PAR RTOGS PA DE DGAG PAR BYA BA'I PHYIR 'BYUNG BA DANG 'BYUNG BA LAS GYUR PA THA DAD PAR BSHAD DO, ,SEMS DANG SEMS LAS BYUNG BA DON GZHAN MA YIN NO SNYAM PA LA, SEMS DANG SEMS BYUNG NGES LHAN CIG ,CES 'CHAD PAR 'GYUR RO, ,THOB PA LA SOGS PA RNAMS NI YOD PA MA YIN NO SNYAM PA LA, MI LDAN PA'I 'DU BYED RNAMS ZHES 'CHAD PAR 'GYUR RO, ,'DUS MA BYAS RDZAS MA YIN NO SNYAM PA LA, BRAL BA BLO YIS ZAD PA YIN, ,ZHES 'CHAD DO,, DE LTA NA BSTAN PA 'DIS NI LOG PAR RTOGS PA DE RNAMS BKAG PAR 'GYUR LA, RANG GI GRUB MTHA' YANG GSAL BAR BYAS PAR 'GYUR RO, ,DE LA 'DUS MA BYAS LA NI SKYE BA MED PA NYID DO ZHES BYA BA 'BYUNG STE, DE LA NGES PAR LHAN CIG SKYE BA BSAM PA'I SKABS YOD PA MA YIN NO, ,CHOS GZUGS CAN RNAMS KYI ZHES BYA BA LA, CHOS GZUGS CAN RNAMS NI RNAM PA GNYIS TE, RDUL PHRA RAB CES BYA BA DANG, RDUL PHRA RAB MA YIN PA ZHES BYA BA'O, ,RDUL PHRA RAB CES BYA BA YANG RNAM PA GNYIS TE, 'DOD PA NA SPYOD PA RNAMS DANG, GZUGS NA SPYOD PA RNAMS SO, ,'DOD PA NA SPYOD PA RNAMS KYANG RNAM PA GNYIS TE, DBANG PO MED PA RNAMS DANG, DBANG PO DANG BCAS PA RNAMS SO, ,GZUGS NA SPYOD PA RNAMS KYANG DE DANG 'DRA BAR RNAM PA GNYIS KHO NA'O, ,NGES PA NI 'DI YIN TE ZHES BYA BA NI 'CHAD PAR 'GYUR BA THAMS CAD 'PHEN PA'O, ,DE LA RE ZHIG ,'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,CES BYA BA RGYAS PAR 'BYUNG NGO, ,THAMS CAD PAS PHRA BA BSAGS PA'I GZUGS NI RDUL PHRA RAB CES BYA STE ZHES BYA BA LA, RDUL PHRA RAB NI RNAM PA GNYIS TE, RDZAS KYI RDUL PHRA RAB DANG, BSAGS PA'I RDUL PHRA RAB PO, ,DE LA RDZAS KYI RDUL PHRA RAB NI THAMS CAD PAS PHRA BA THOGS PA DANG BCAS PA'I GZUGS KYI YAN LAG STE, GANG @131B ZHIG GZUGS GZHAN NAM BLOS KYANG RAB TU RNAM PAR DBYE BAR MI NUS PA'O, ,DE NYID KYI PHYIR, DE CHA SHAS MED PAS DE LA GZUGS KYI MTHA' ZHES BYA STE, SKAD CIG MA PHYED MED PAS SKAD CIG MA DUS KYI MTHA' NYID YIN PA BZHIN NO, ,'DUS PA'I RDUL PHRA RAB NI GANG LAS CHES PHRA BA'I 'DUS PA GZHAN MED PA TSOGS PA'I YAN LAG STE, GZUGS GZHAN GYIS GZHOM PAR MI NUS PA GANG YIN PA'O, ,GAL TE 'DUS PA'I RDZAS KYI YIN PA'I PHYIR SKYEB MI RIGS PA MA YIN NAM ZHE NA, 'DUS PA SKYE BA ZHES DE SKAD DU SMRA, 'O NA CI ZHE NA, 'DOD PA'I KHAMS NA DBANG PO DANG SGRA'I RDUL PHRA RAB MA GTOGS PA RDZAS BRGYAD PHAN TSUN 'BREL PA MED PAR SKYE'O, ,'DI SKAD DU RDZAS BRGYAD SKYE'O, ,GANG YANG RUNG BA ZHIG MA TSANG BA NI MA YIN NO ZHES BSTAN PAR 'GYUR TE, DE NI 'DOD PA'I KHAMS NA SGRA DANG, DBANG PO DANG BRAL BA'I RDZAS BRGYAD MA 'BREL BAR SKYE BA YIN NO, ,'DOD PA SMOS PA NI GZUGS KYI KHAMS GSAL BAR BYA BA'I PHYIR RO, ,DE NI DRI DANG RO MED PAS RNAM PA GZHAN DU NGES PAR SKYE BAR RNAM PAR GZHAG GO, ,LUS DBANG LDAN LA ZHES BYA BA LA, RDUL PHRA RAB DANG SBYAR TE, 'KHAR BA CAN BZHIN NO, ,DE NI RDZAS DGU NGES PAR LHAN CIG SKYE STE, LUS KYI DBANG PO NI MIG LA SOGS PA MA GTOGS PAR YOD PA'I PHYIR RO, ,DBANG PO GZHAN LDAN RDZAS BCU'O, , ZHES BYA BA LA, 'DUS PA GANG LA MIG LA SOGS PA GZHAN YOD PA DE NI RDZAS BCU PA YIN TE, MIG LA SOGS PA RNAMS NI LUS KYI DBANG PO MED NA MI 'BYUNG BA'I PHYIR DANG, PHAN TSUN THA DAD PAR 'JUG PA'I PHYIR RO, ,RDUL PHRA RAB DE DAG SGRA DANG BCAS PA ZHIG TU ZHES BYA BA RGYAS PAR 'BYUNG STE, DE LA DBANG PO MED PA NI RDZAS DGU PA'O, ,LUS KYI DBANG PO DANG LDAN PA NI RDZAS BCU PA'O, ,DBANG PO GZHAN DANG LDAN PA NI RDZAS BCU GCIG PA STE, DE DAG NI RES 'GA' SGRA MED PA YANG YIN TE, SGRA NI 'BYUNG BA BRDEGS PA LAS SKYES PA'I PHYIR NA GZUGS LA SOGS PA BZHIN DU RTAG TU MED PA'I PHYIR RO, ,DE'I PHYIR NA RDUL PHRA RAB DE DAG SGRA DANG BCAS PA ZHIG TU SKYES NA NI ZHES BYA BA SMOS SO, ,DE NYID KYI PHYIR DBANG PO DANG THA MI DAD PA'I SGRA MI DMIGS PAR DOGS PAR BYAS PA DE'I PHYIR, DBANG PO DANG THA MI DAD PA'I SGRA YANG YOD DE ZHES BYA BA RGYAS PAR SMOS SO, ,JI LTAR NA 'BYUNG BA RNAMS THA MI DAD PA LAS 'DI NA ZHES BYA BA DANG, NGES PAR LHAN CIG SKYE @132A *, ,BA'I PHYIR NA DBANG PO RNAMS NI THA MI DAD PA STE, PHAN TSUN RNAM PAR DBYE BAR MI NUS SO ZHES BYA BA'I THA TSIG GO, ,DE'I PHYIR JI LTAR NA THA DAD PA MED NA, 'DUS PA KHA CIG KHO NA NI ZHES BYA BA RGYAS PAR 'BYUNG STE, 'DUS PA THAMS CAD LA THAMS CAD MTSUNGS PAR YOD PAS THAMS CAD KYI RANG GI NGO BO DMIGS PAR 'GYUR GYI, SRA BA LA SOGS PAR RE RE DMIGS PAR NI MI 'GYUR RO SNYAM DU SEMS NA, GANG ZHIG GANG NA CHES GSAL BA'I, ,ZHES BYA BA SMOS SO, ,JI LTAR ZHE NA, BSHAD PA, MTHU'I SGO NAS SHAS CHE BA STE, NUS PA'I SGO NAS SHAS CHE BA'I RDZAS TE, TSAD KYI SGO NAS NI MA YIN NO ZHES BYA BA'I DON TO, ,DE NI DE NA DMIGS TE ZHES BYA BA LA, 'BYUNG BA'I 'DUS PA SRA BA NI SA'I 'BYUNG BA MTHU'I SGO NAS SHAS CHE STE, DE'I PHYIR DE KHO NA DER DMIGS KYI, GZHAN DAG NI MA YIN TE, BYA BA SHAS CHE BA MA YIN PA'I PHYIR RO, ,DE BZHIN DU LHAG MA RNAMS LA YANG BRJOD PAR BYA'O; ,DE NYID LA DPE NI, DPER NA KHAB DANG SDONG BU'I TSOGS LA REG PA LTA BU DANG ZHES BYA BA RGYAS PAR 'BYUNG BA STE, DMIGS PA'I RGYU NI YOD PA TZAM KHO NA YOD PA MA YIN TE, 'O NA CI ZHE NA, GSAL BA NYID KYANG YIN TE, DPER NA KHAB DANG, SDONG BU RNAMS DANG, PHYE DANG, LAN TSVA DAG TSAD MNYAM YANG KHAB DANG, SDONG BU'I TSOGS LA MTHU'I SGO NAS SRA BA SHAS CHE BA'I PHYIR KHAB KYI REG BYA KHO NA DMIGS KYI, SDONG BU'I REG BYA NI MA YIN NO, ,DE BZHIN DU MTHU DANG LDAN PA'I PHYIR LAN TSVA'I RO KHO NA DMIGS PAR 'GYUR GYI, PHYE'I RO NI MA YIN NO, ,GANG GI PHYIR ZIL GYIS MNAN PAS MA DMIGS PA NI MA YIN TE, 'O NA CI ZHE NA, MED PAS KYANG YIN NO ZHES 'DRI BA NI, YANG JI LTAR DE DAG NA ZHES BYA BA STE, SRA BA DANG, GSHER BA DANG, DRO BA LA SOGS PA'I 'DUS PA DAG LA 'BYUNG BA LHAG MA GSUM YOD PA NYID DU RTOGS SHE NA, LAS KYI SGO NAS TE, 'BYUNG BA RNAMS KYI LAS SO SOR NGES PAR 'DZIN PA DANG, SDUD PA DANG; SMIN PA DANG, 'PHEL BA'I BDAG NYID CAN NI, 'DZIN PA LA SOGS LAS SU GRUB, ,CES BYA BAS GONG KHO NAR BSHAD ZIN TO, ,DE'I PHYIR GANG NA GANG GI LAS DMIGS PA DE NA DE YOD PA NYID DO ZHES BYA BAR RTOGS TE, 'DZIN PA LA SOGS PA LAS NI BYED PA PO LA NI LTOS PA'AM, BYED PA PO GZHAN DANG @132B LDAN PA MED PA'I PHYIR RO, ,DE LA RDO LA SOGS PA'I 'DUS PA SRA BA LA NI DRUD PA DANG, ME 'BYUNG BA DANG, 'PHEL ZHING LTUNG BA DAG LAS CHU DANG, ME DANG, RLUNG RNAMS YOD PA NYID DU RTOGS LA, 'DUS PA GSHER BA LA NI GRU LA SOGS PA RNAMS 'DZIN PA'I PHYIR DANG, DRO BA'I PHYIR DANG, G-YO BA'I PHYIR LHAG MA RNAMS YOD PA NYID DU RTOGS SO, ,ME'I 'DUS PA DRO BA LA ME LCE RNAMS BRTEN PA DANG, BSDUS PA DANG, G-YO BA DAG LAS LHAG MA RNAMS YOD PA NYID DU RTOGS SO, ,RLUNG GI 'DUS PA G-YO BA LA 'DZIN PA DANG, GRANG BA DANG, DRO BA DAG DMIGS PA LAS LHAG MA RNAMS YOD PA NYID DU RTOGS SO, ,RKYEN DANG PHRAD NA ZHES BYA BA RGYAS PAR 'BYUNG STE, ME LA SOGS PA'I RKYEN DANG PHRAD NA ZANGS LA SOGS PA RNAMS GSHER BAR DMIGS PA'I PHYIR DE LA CHU'I KHAMS YOD PAR KHONG DU CHUD LA, GRANG BA LA SOGS PA'I RKYEN DANG PHRAD PAS GSHER BA LA SRA BA LA SOGS PA MTHONG BA'I PHYIR DE LA SA'I KHAMS YOD PA NYID DU NGES SO, ,DE BZHIN DU SRA BA'I TSOGS DRUD PA LAS DRO BA DMIGS PA'I PHYIR ME YOD PA NYID DANG, MNGON PAR BRDEGS PA LAS YAN LAG BYER BA LAS RLUNG GI KHAMS YOD PA NYID DU SHES SO, ,YOD PA NI RKYEN GYI MTHU'I SGO NAS BYA BA CHAS CHE BA NYID DU BYED KYI, MED PA SKYE BAR NI MA YIN TE, HA CANG THAL BAR 'GYUR BA'I PHYIR RO, ,GZHAN DAG NA RE CHU DAG LA GRANG BA'I KHYAD PAR GYI SGO NAS ZHES BYA BA NI SLOB DPON DPAL LEN YIN TE, ME CHUNG CHES PA DANG, CHES CHUNGS PA DANG, CHUNG BA DANG 'DRES PA'I PHYIR CHU DAG LA GRANG BA'I KHYAD PAR TE, GRANG BA DANG, CHES GRANG BA DANG, GRANGS CHES PA ZHES BYA BA RUNG STE, GRANG BA DANG NI DRO BA'I GNYEN PO YIN PA'I PHYIR RO ZHES ZER RO, ,DNGOS PO RNAMS MI MTHUN PA'I PHYOGS DANG 'DRES PA NYID LAS CHES ZHAN PA DANG, ZHAN CHES PA LA SOGS PAR THA DAD DO ZHES BYA BA 'DI NI GCIG TU NGES PA MA YIN NO, ,ZHES BSTAN PA'I PHYIR, MA 'DRES KYANG ZHES BYA BA RGYAS PAR 'BYUNG STE, JI LTAR SGRA RDZAS GZHAN DANG 'DRES PA MED CING RANG GI RIGS LAS MA 'DAS PA GSAL BA DANG, CHES GSAL BA DANG, GSAL CHES PA YIN PA DANG, DE BZHIN DU BDE BA DANG, SDUG BSNGAL CIG CAR SRID PA MED MOD KYI, 'ON KYANG RANG GI RIGS LAS MA 'DAS PAR TSOR BA LA KHYAD PAR MTHONG BA'I PHYIR NA TSOR BA BDE BA, MA TSOR BA @133A *, ,SDUG BSNGAL DANG 'DRES PA LA LTOS PA MED LA, SDUG BSNGAL MA TSOR BA BDE BA DANG 'DRES PA LA LTOS PA MED LA DE BZHIN DU CHU DAG LA YANG RDZAS GZHAN DANG 'DRES PA MED CING, RANG GI RIGS LAS MA 'DAS PA GRANG BAR KHYAD PAR DU 'GYUR RO, ,GZHAN DAG NA RE DE DAG LA SA BON GYI SGO NAS YOD KYI ZHES BYA BA LA SOGS PA LA, SA BON GYI SGO NAS ZHES BYA BA NI NUS PA'I SGO NAS SO, ,DE DAG LA ZHES BYA BA NI SRA BA LA SOGS PA'I TSOGS PA DAG LA'O, ,DE DAG CES BYA BA NI SA LA SOGS PA DAG GO, ,RANG GI NGO BOR NI MA YIN TE ZHES BYA BA NI RDZAS SU NI MA YIN TE ZHES BYA BA'I DON TO, ,CI'I PHYIR RANG GI NGO BOR MA YIN ZHE NA, DE'I PHYIR, SHING GI PHUNG PO 'DI LA KHAMS RNAM PA SNA TSOGS YOD DO ZHES BYA BA SMOS TE, SA BON RNAMS ZHES BYA BAR RTOGS KYI, GSER LA SOGS PA'I KHAMS RNAMS RANG GI NGO BOS GNAS PA NI MA YIN TE, 'GAL BA'I PHYIR RO, ,SHING GI PHUNG PO'I CHA SHAS CHUNG YANG BSAM GTAN PA DU MA'I MOS PA THA DAD PA'I PHYIR, RNAL 'BYOR PA RNAMS KYIS LHAG PAR MOS PA'I KHYAD PAR GYI SGO NAS GSER GYI KHAMS SO, ,DNGUL GYI KHAMS SO, ,ZANGS KYI KHAMS SO ZHES BYA BA DE LTA BU LA SOGS PA RNAMS SU YONGS SU RTOGS KYI, 'GAL BA'I PHYIR NA RANG GI NGO BOR NI MA YIN NO SNYAM DU BSAMS PA'O, ,BSAM GTAN PA RNAMS KYI MOS PA THA DAD PA'I PHYIR 'DI NI MI SDUG PA LTAR MOS PA YID LA BYED PA YIN GYI DE KHO NA YID LA BYED PA NI MA YIN NO ZHES GANG BSHAD PA YIN NO, ,DNGOS PO RNAMS NI MTHONG BA THA DAD PA'I RJES SU BYED PA NA RANG GI BDAG NYID YONGS SU 'GYUR BA MA YIN TE, GCIG LA CIG CAR BDAG NYID DU MI 'THAD PA'I PHYIR RO; ,GAL TE RDUL PHRA RAB RDZAS BRGYAD PO NGES PAR LHAN CIG SKYE NA, RLUNG LA KHA DOG JI LTAR YOD, ,CES PA 'AM, YANG NA GSHER BA NYID LA SOGS PA RKYEN YOD NA SRA BA LA SOGS PA RNAMS LA GSHER BA NYID LA SOGS PA DMIGS PA'I PHYIR SNGAR YANG DE YOD PA NYID DU SMRAS NA, GANG DANG 'BREL PA LAS RLUNG LA KHA DOG DMIGS PAR 'GYUR BA'I RKYEN NI 'GA' YANG YOD PA MA YIN TE, DE'I PHYIR RLUNG LA KHA DOG JI LTAR YOD PA BRJOD PAR BYA'O ZHE NA, DON 'DI NI DAD PAR BYA BA YIN GYI, RJES SU DPAG PAR BYA BA NI MA YIN NO ZHES BYA BA 'BYUNG STE, LKOG TU GYUR PA'I DON LA NI RNAM PA GNYIS KYIS RTOGS TE, RJES SU DPAG PA @133B DANG; YID CHES PA'I LUNG GIS SO, ,DE'I PHYIR 'DIR NI BSHAD MA THAG BA'I RJES SU DPAG PA MI SRID KYI, YID CHES PA'I TSIG TSAD MA NYID DU GYUR PA KHO NA LAS RTOGS PAR BYA'O, ,DON 'DI NI MCHOG TU YID CHES PA DAG GIS GSUNGS SO ZHES BYA BAR RTOGS PAR BYA'I, DON 'DI RJES SU DPAG PAS BSGRUB PAR BYA BA NI MA YIN NO, ,YANG NA DAD PAR BYA BA YIN PA 'BA' ZHIG TU MA ZAD DE, 'O NA CI ZHE NA, RJES SU DPAG PAR BYA BA YANG YIN NO, ,'DRES PAR DRI 'DZIN PA'I PHYIR TE ZHES BYA BA LA, DRI DANG LDAN PA'I RDZAS DANG 'DRES PAS RLUNG GIS DRI KHROD NAS 'ONGS PA'I PHYIR DANG, 'DZIN PA'I PHYIR DANG, DRI 'ONGS PA LA YANG KHA DOG 'KHRUL PA MED PA'I PHYIR RO, ,GZUGS NI GZUGS KYI KHAMS LA DRI 'KHRUL GYI, DRI NI GZUGS LA MA YIN TE, DE'I GANG NA DRI YOD PA DE NA GZUGS YOD DO ZHES BYA BAR RTOGS PAR BYA'O, ,RDZAS DRUG DANG, BDUN DANG, BRGYAD DANG LDAN PA ZHES BYA BA LA, GZUGS KYI KHAMS NA NI DRI DANG RO GNYIS MED DE, DE'I PHYIR DBANG PO DANG, SGRA DANG BRAL BA NI RDZAS DRUG DANG LDAN NO, ,LUS KYI DBANG PO DANG LDAN PA NI RDZAS BDUN DANG LDAN NO, ,DBANG PO GZHAN DANG LDAN PA NI RDZAS BRGYAD PA YIN NO, ,SMRAS PA, GZUGS NA DBANG PO MED PA DANG, ,SGRA MED PHRA RAB RDUL RDZAS DRUG ,LUS DBANG LDAN PA RDZAS BDUN TE, ,DBANG PO GZHAN LDAN RTAG RDZAS BRGYAD, ,CES SO, ,DE DAG SGRA DANG BCAS NA NI RDZAS BDUN DANG, BRGYAD DANG, DGU DANG LDAN NO, ,DON GYIS BSHAD ZIN PA DANG 'DRA BA NYID KYI PHYIR, DE BSHAD ZIN PA 'DRA BA'I DNGOS PO NI BSHAD ZIN PA 'DRA BA NYID DO, ,BRJOD PA DON MED PAR THAL BAR 'GYUR BA'I PHYIR YANG MI BSHAD DO, ,YANG CI 'DIR ZHES BYA BA NI RDUL PHRA RAB RDZAS BRGYAD DANG LDAN PAR RO, ,RDZAS KHO NA RDZAS SU GZUNG ZHES BYA BA NI RDZAS KYI SGRAS SA LA SOGS PA'I RANG GI MTSAN NYID KHO NA BRJOD KYI, SKYE MCHED KYI RANG GI MTSAN NYID MA YIN PA'O, ,'ON TE SKYE MCHED KYI RDZAS ZHES BYA BA NI SKYE MCHED KYI RANG GI MTSAN NYID MANG PO RNAMS KYI GCIG NYID GANG YIN PA STE, DPER NA RNAM PA NYI SHU'I DBYE BAS PHYE BA NI GZUGS KYI SKYE MCHED YIN NO ZHES BYA BA LA SOGS PA LTA BU'O, ,GAL TE RDZAS KHO NA LA RDZAS SU GRUB GZUNG NA NI ZHES BYA BA LA, GAL TE RDZAS KHO NA RDZAS KYI SGRAS GZUNG GI ,SKYE MCHED KYI RANG GI MTSAN NYID MA YIN @134A *, ,NA NI DE LTA YIN DANG HA CANG NYUNGS PAR SMRAS PA YIN TE, RDUL PHRA RAB DE LA BRGYAD DANG, DGU DANG, BCU DANG, BCU GCIG LAS THA DAD PA'I RDZAS GZHAN YANG YOD PA'I PHYIR TE, DBYIBS DE YANG RDUL PHRA RAB BSAGS PA YIN PA'I PHYIR RO, ,LCI BA NYID DANG, YANG BA NYID DAG LA SA GANG YANG RUNG BA ZHIG DANG, 'JAM PA NYID DANG, RTZUB PA NYID DAG LAS GANG YANG RUNG BA ZHIG KYANG GDON MI ZA BAR YOD DE, 'DUS PA'I GZUGS NI LCI BA NYID DANG, YANG BA NYID DANG BRAL BA'AM, 'JAM PA NYID DANG, RTZUB PA NYID DANG BRAL BA 'GA' YANG MED DO, ,GRANG BA DANG, BKRES PA DANG, SKOM PA DAG NI RDUL PHRA RAB THAMS CAD LA MI SRID PAS KHA CIG LA NI ZHES BYA BA SMOS SO, ,'ON TE SKYE MCHED LA ZHES BYA BA RGYAS PAR 'BYUNG STE, GAL TE SKYE MCHED KYI RANG GI MTSAN NYID DBANG DU BYAS NAS RDZAS SU BRJOD KYI, RDZAS KYI RANG GI MTSAN NYID MA YIN NA'O, ,RDZAS BZHI DANG LDAN PA ZHES BYA BA LA, CI'I PHYIR ZHE NA, DE'I PHYIR 'BYUNG BA LAS GYUR PA 'BA' ZHIG TU MA ZAD KYI, 'BYUNG BA JI SNYED PA DAG KYANG REG BYA'I SKYE MCHED YIN NO ZHES BYA BA SMOS SO, ,RTEN DU GYUR PA GANG YIN PA'O ZHES BYA BA NI SA LA SOGS PA STE, DE NI RGYUR BYAS PA'I GZUGS KYI RTEN YIN NO, ,RTEN CAN DU GYUR PA GANG YIN PA'O ZHES BYA BA NI RGYUR BYAS PA'I GZUGS SO, ,DE LTAR NA DBYIBS NI GZUGS KYI SKYE MCHED KYI KHONGS SU 'DU LA, LCI BA NYID LA SOGS PA RNAMS NI REG BYA'I SKYE MCHED KYI KHONGS SU 'DU BA'I PHYIR HA CANG NYUNGS PA DANG HA CANG MANGS PAR SMRAS PA MA YIN NO, ,GAL TE RTEN DU GYUR PA RDZAS KHO NA LA RDZAS SU GZUNG BA DE LTA NA YANG MANGS PA NYID LAS MI GROL LO, ,CI'I PHYIR ZHE NA, RGYUR BYAS PA'I GZUGS RNAMS ZHES BYA BA LA SOGS PA SMOS TE, 'BYUNG BA BZHI TSAN GANG ZHIG RGYUR BYAS PA'I GZUGS GCIG GI RTEN YIN PA DE NYID RGYUR BYAS PA GZHAN GYI NI MA YIN TE, 'O NA CI ZHE NA, DE'I RTEN NI 'BYUNG BA BZHI TSAN GZHAN NYID YIN NO ZHES BYA BA NI GRUB PA'I MTHA' YIN NO, ,'BYUNG BA'I RDZAS RNAMS NI MANG PO NYID YIN LA, DE DAG KYANG RGYUR BYAS PA'I GZUGS LTAR GDON MI ZA BAR PHAN TSUN NGES PAR LHAN CIG SKYE BAR 'GYUR RO, ,'DI NI RIGS LAS RDZAS SU GZUNG STE ZHES BYA BA NI SA LA SOGS PA'I RIGS SO, ,'BYUNG BA BZHI TSAN GZHAN DAG KYANG 'BYUNG BA BZHI TSAN GCIG GI RIGS GANG YIN PA DE KHO NA LAS MI 'DA' STE, DE NYID KYI RGYU BSHAD @134B PA; 'BYUNG BA BZHI TSAN GZHAN DAG KYANG SA LA SOGS PA'I RIGS LAS MI 'DA' BA'I PHYIR RO, ,MIG LA SOGS PA RE RE'I RTEN 'BYUNG BA BZHI TSAN GANG DAG YIN PA DE DAG NI PHAN TSUN 'BYUNG BA BZHI TSAN GYI RIGS LAS MI 'DA' STE, DE'I PHYIR 'BYUNG BA CHEN PO BZHI ZHES 'BYUNG BA'I BZHI TSAN GCIG NYID DU BSHAD DO, , DE LTAR 'BAD DE ZHES BYA BA RGYAS PAR 'BYUNG STE, 'DIR CUNG ZAD CIG NI RDZAS KHO NA RDZAS YIN LA, CUNG ZAD CIG NI SKYE MCHED KYI RDZAS YIN ZHING, SLAR YANG RIGS KYI RDZAS YIN NO ZHES DE LTAR BYE BRAG TU BSTAN PAR BYA BA'I PHYIR 'BAD PA 'DI LA DON CI YOD, 'DUN PA'I SGO NAS ZHES BYA BA NI 'DUN PA ZHES BYA BA'I DON TE, MDOR BSDUS PA DANG, RGYAS PA'I RJES SU BYED PA'I PHYIR RO, ,DON LA BRTAG PAR BYA'O ZHES BYA BA NI CI RDZAS 'DI DAG LHAN CIG NGES PAR SKYE BA YIN NAM MA YIN ZHES BYA BAR RO, ,GZUGS CAN RNAMS KYI NGES PAR LHAN CIG SKYE BA BSHAD ZIN TO ZHES BYA BA NI, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,CES BYA BA LA SOGS PAS SO, ,LHAG MA RNAMS KYI BRJOD PAR BYA'O ZHES BYA BA NI SEMS DANG SEMS LAS BYUNG BA DANG LDAN PA MA YIN PA RNAMS KYI'O, ,SEMS DANG SEMS BYUNG NGES LHAN CIG ,CES BYA BA LA, SEMS THAMS CAD SEMS LAS BYUNG BA THAMS CAD DAM, SEMS LAS BYUNG BA THAMS CAD SEMS THAMS CAD DANG LHAN CIG NGES PAR SKYE BA NI MA YIN TE, 'O NA CI ZHE NA, SEMS DANG SEMS LAS BYUNG BA RNAMS PHAN TSUN BRAL BA SKYE BA MA YIN NO ZHES BYA BAR NGES PAR GZUNG BAR BYA'O, ,DE NYID KYI PHYIR, 'DI DAG NI ZHES BYA BA RGYAS PAR SMOS TE, PHAN TSUN RAG LAS TE, LUS KYI RNYED PA'I PHYIR PHAN TSUN MED NA 'BYUNG BAR MI NUS SO, ,BSHAD PA, SEMS LAS BYUNG BA MED PA YI, ,SEMS NI NAM YANG MI 'BYUNG STE, ,NYI MA DANG NI 'OD ZER BZHIN, ,DE DAG NYID DANG LHAN CIG 'BYUNG, ,THAMS CAD 'DUS BYAS MTSAN NYID DANG, ,ZHES BYA BA LA, 'DUS BYAS NI SKYE BA LA SOGS PA'I MTSAN NYID NI 'KHRUL PA MED PA'I PHYIR RO, ,THAMS CAD CAS BYA BA NI GZUGS DANG, SEMS DANG SEMS LAS BYUNG BA DANG LDAN PA MA YIN PA'I 'DU BYED DAG YIN GYI, 'DUS MA BYAS NI MA YIN TE, SKYE BA'I DBANG DU BYAS PA'I PHYIR RO, ,DE NYID KYI PHYIR, GANG CUNG ZAD SKYE BA ZHES SMRAS SO, ,THOB PA'AM ZHES BYA BA LA, SEMS CAN DU STON @135A *, ,PA KHO NA THOB PA DANG LHAN CIG GDON MI ZA BAR SKYE'I, SEMS CAN DU STON PA MA YIN PA NI MA YIN NO, ,SEMS CAN DU MI 'GRANG BA LA THOB PA MED DO ZHES BYA BA 'DI LA RGYU CI YOD CE NA, SEMS CAN THAMS CAD KYI THUN MONG BA YIN PA'I PHYIR LA, THOB PA NI THUN MONG MA YIN PA'I PHYIR RO; ,DE NYID KYI PHYIR, BYE BRAG TU BYA BA'I PHYIR RAM ZHES BYA BA'I SGRA SMOS SO ZHES BSHAD DE, CUNG ZAD CIG THOB PA DANG LHAN CIG SKYE LA, CUNG ZAD CIG MI SKYE BA'I PHYIR RO, ,BSHAD MA THAG PA'I 'DUS BYAS RNAM PA BZHI LAS GZUGS NI GZUGS KYI PHUNG PO BSTAN PAR RNAM PAR PHYE ZIN TO, ,SEMS NI KHAMS BSTAN PAR RNAM PAR PHYE'O, ,SEMS LAS BYUNG BA RNAMS DANG LDAN PA MA YIN PA RNAMS NI RNAM PAR DBYE BA MA BYAS TE, DE'I PHYIR SEMS LAS BYUNG BA'I RNAM PAR DBYE BA BSTAN PA'I PHYIR, SEMS BYUNG RNAM LNGA STE ZHES BYA BA SMOS SO, ,DE DAG KYANG GANG DAG CIG CE NA, DE'I PHYIR, SA MANG LA SOGS THA DAD PHYIR, ,ZHES BYA BA SMOS SO, ,GANG DAG SEMS THAMS CAD LA 'BYUNG BA DE DAG NI SA MANG PO PA'O, ,GANG DAG DGE BA KHO NA LA 'BYUNG BA DE DAG NI DGE BA'I SA MANG PO PA RNAMS SO, ,GANG DAG NYON MONGS PA CAN KHO NA LA 'BYUNG BA DE DAG NI NYON MONGS PA'I SA MANG PO PA'O, ,GANG DAG MI DGE BA KHO NAL BYUNG BA DE DAG NI MI DGE BA'I SA MANG PO PA RNAMS SO, ,GANG DAG NYON MONGS PA CHUNG NGU DANG MTSUNGS PAR LDAN PA'I SEMS LAS BYUNG BA DE DAG NI NYON MONGS PA CHUNG DU PA'I SA PA RNAMS SO, ,SA ZHES BYA BA NI GO SKABS KYI YUL TE ZHES BYA BA LA, GO SKABS ZHES BYA BA NI GO 'AM SKYE BA'O, ,GANG ZHIG GANG GIS GO SKABS KYI YUL YIN PA ZHES BYA BA LA, GANG DU GANG GIS GO MI RDUG PA DE NI DE'I GO SKABS KYI YUL TE, DE NYID LA 'JIG RTEN NAS ZHES BYA'O, ,DE LA 'DI DAG LA SA MANG PO YOD PAS NA SA MANG PO PA RNAMS TE, GANG DAG RNAM PA THAMS CAD DU SEMS THAMS CAD DANG LHAN CIG SKYE 'AM, KHAMS GSUM PA DANG, DGE BA DANG, MI DGE BA DANG, LUNG DU MA BSTAN PA 'AM, ZAG PA DANG BCAS PA DANG, ZAG PA MED PA DANG LHAN CIG SKYE'O, ,DE NYID KYI PHYIR, SEMS NI SA CHEN PO PA YIN TE, SEMS GZHAN DANG LHAN CIG MI 'BYUNG BA'I PHYIR RO, ,GO SKABS KYI YUL NI GO SKABS KYI YUL LO,, @135B CHOS BCU PO 'DI DAG NI ZHES BYA BA RGYAS PAR 'BYUNG STE, GRAG GO ZHES BYA BA'I SGRA NI YID LA BYED PA DANG, BTANG SNYOMS MI RTZOL BA GNYIS SEMS KYI SKAD CIG GCIG LA 'GAL BAS MI 'DOD PAR BSTAN PAR BYA BA'I PHYIR RO, ,TSOR BA MYONG BA ZHES SNGAR TSOR BA'I RANG GI NGO BOR BSHAD PAS DA LTAR RAB TU DBYE BTZAM ZHIG STON PA NI, MYONG BA RNAM PA GSUM STE ZHES BYA BA'O, ,DBANG PO RNAM PAR GZHAG PAR LUS KYI DANG, SEMS KYI DBYE BA RNAM PA LNGAR BSHAD PA GANG YANG YIN PA DE NI MYONG BA RNAM PA GSUM LAS MA 'DAS SO ZHES BSTAN PA'I PHYIR YANG MYONG BA RNAM PA GSUM STE ZHES BSHAD DO, ,DE LA, BDE BA DANG, SDUG BSNGAL BA DANG, BDE BA YANG MA YIN SDUG BSNGAL YANG MA YIN PA'I NYAMS SU MYONG BA NI GO RIMS BZHIN DU LUS LA PHAN 'DOGS PA DANG, GNOD PA DANG, SNYOMS PAR BYED PA 'DOD PA DANG, MI 'DOD PA DANG, GNYIS KA LAS BZLOG PA'I REG PAS BSKYED PA YIN PAR RIG PAR BYA'O, ,SEMS PA NI SEMS MNGON PAR 'DU BYED PA'O ZHES BYA BA LA, SEMS PA NI YID G-YO BA DGE BA DANG, MI DGE BA DANG, LUNG DU MA BSTAN PA DMAN PA DANG, BAR MA DANG, GYA NOM PA SEMS G-YO BA DANG, RAB TU G-YO BA STE, GANG ZHIG YOD NA KHAB LONG GI DBANG GIS LCAGS G-YO BA LTAR SEMS DMIGS PA LA G-YO BAR 'GYUR BA STE, SKAD CIG GZHAN DU MI GNAS SHING, ,BYED MED YID KYANG GANG GIS NA, ,BYED DANG BCAS PAR SNANG BYED PA, ,SEMS PA DE NI BDE KYI LAS, ,ZHES BSHAD DO, ,YUL LA MTSAN MAR 'DZIN PA'O, ,ZHES BYA BA LA, MTSAN MA NI YUL GYI BYE BRAG STE, SKYES PA DANG, BUD MED LA SOGS PA'I DMIGS PA'I RNAM PAR GZHAG PA'I RGYU ZHES BYA BA'I DON TO, ,'DUN PA NI BYED 'DOD PA'I ZHES BYA BA NI DMIGS PA 'DZIN PAR 'DOD CES BYA BA'I DON TO, ,SEMS DANG SEMS LAS BYUNG BA THAMS CAD NI MNGON PAR 'DOD PA SNGON DU 'GRO BA CAN TE, DE NYID KYI PHYIR CHOS THAMS CAD NI 'DUN PA'I RTZA BCAN DU BRJOD DO, ,GAL TE 'DUN PA LA MNGON PAR DAD PA'I BDAG NYID CAN YIN NA 'DUN PA DANG SRED PA GNYIS LA KHYAD PAR CI YOD CE NA, SRED PA NI MNGON PAR ZHEN PA'I MTSAN NYID CAN YIN LA, 'DUN PA NI MNGON PAR 'DOD PA'I MTSAN NYID CAN YIN PAR KHYAD PAR YOD DO, ,REG PA @136A *, ,NI ZHES BYA BA RGYAS PAR 'BYUNG BA LA, DBANG PO DANG, YUL DANG, RNAM PAR SHES PA RGYU DANG 'BRAS BUR GYUR PA DAG PHAN TSUN REG PA DANG 'DRA BA, GNAS SKABS DE DANG LDAN PA DAG LAS SEMS LAS BYUNG BA'I CHOS GZHAN DU GYUR PA, TSOR BA THAMS CAD KYI RGYU REG PA ZHES BYA BA ZHIG SKYE BA DE LA REG PA ZHES BRJOD DO, ,SHES RAB STE CHOS RAB TU RNAM PAR 'BYED PA'O ZHES BYA BA LA, RAB TU RNAM PAR 'BYED PAR BYED PAS NA RAB TU RNAM PAR 'BYED PA STE, GANG GIS RANG DANG SPYI'I MTSAN NYID 'DRES PA'I CHOS RNAMS LA ME TOG DAG DANG 'DRA BAR RAB TU RNAM PAR 'BYED PAR BYED CING, RNAM PAR 'BYED PAR BYED PA'I BLO NI 'DI DAG ZAG PA DANG BCAS PA RNAMS SO, ,'DI DAG NI ZAG PA MED PA RNAMS SO, ,'DI DAG NI GZUGS CAN MA YIN PA RNAMS SO, ,'DI DAG NI GZUGS CAN RNAMS SO SNYAM DU RNAM PAR 'BYED PA'I RTOGS PA'O, ,DRAN PA NI DMIGS PA MI BRJED PA'O ZHES BYA BA NI DMIGS PA 'DZIN PA LA NYAMS PA MED PA'I RGYU'O ZHES BYA BA'I DON TO, ,YID LA BYED PA NI SEMS KYI 'JUG PA'O ZHES BYA BA LA, DMIGS PA LA SEMS 'JUG PAR BYED PA'I LAS CAN MTHUN PAR SEMS PA SEMS LAS 'BYUNG BA'I CHOS NI YID LA BYED PA STE, GANG ZHIG LA 'JIG RTEN PA RNAMS SEMS GTOD PA ZHES SMRA BA'O; ,YID LA BYED PAS NA YID LA BYED PA STE, LCAGS BYED PA BZHIN NO, ,SEMS MTSUNGS PAR LDAN PA DANG BCAS PA DMIGS PA LA 'JUG PAR BYED DO ZHES BYA BA'I DON GANG YIN PA STE, DE LA NI LAG PAS RIL BA BHRiNG GA RA LTAR 'JUG CING, SEMS DMIGS PA LA 'DZUD PAR BYED DO, ,MOS PA NI 'DOD PA'O ZHES BYA BA NI 'DI NI 'DI LTAR YIN NO SNYAM PA STE, DMIGS PA LA BYING BYING PO MED PA NYID DO, ,GZHAN DAG NA RE 'DOD PA'O ZHES ZER RO, ,GZHAN DAG NA RE NI NGES PAR JI LTA BA BZHIN DU NGES PAR 'DZIN PA'O ZHE'O, ,TING NGE 'DZIN NI SEMS RTZE GCIG PA NYID DO ZHES BYA BA LA, RTZE NI DMIGS PA DANG YUL ZHES BYA BA'I DON TO; ,GANG YOD NA SEMS DANG SEMS LAS BYUNG BA RNAMS DMIGS PA GCIG PAR 'BYUNG BA'I CHOS DE NI TING NGE 'DZIN ZHES BYA BA STE, RNAM PAR MA SPROS PA'I TSUL GYIS YUL 'DZIN PA LA MI G-YENGS PA'I RGYU ZHES BYA BA'I THA TSIG GO, ,SLOB DPON DPAL LEN NA RE SA MANG PO PA RNAMS NI MED KYI, GAL TE BRTAG @136B NA NI GSUM KHO NA ZHIG STE, MDO LAS TSOR BA DANG, 'DU SHES DANG, SEMS PA DAG NI LHAN CIG SKYE'O ZHES 'BYUNG BA'I PHYIR RO ZHES ZER RO, ,DE NI DE LTA MA YIN NO, ,MDO GZHAN LAS SEMS LAS BYUNG BA'I CHOS GZHAN YANG BSTAN TE, BCOM LDAN 'DAS KYIS CHES THAMS CAD NI 'DUN PA'I RTZA BA CAN YID LA BYED PA LAS BYUNG BA, REG PA'I KUN 'BYUNG BA CAN CHOR BA LA BRTEN PA, DRAN PA'I BDAG PO CAN TING NGE 'DZIN GTZO BOR GYUR PA, SHES RAB MCHOG TU GYUR PA, RNAM PAR GROL BA'I SNYING PO CAN MYA NGAN LAS 'DAS PA'I MTHAR THUG PA'O ZHES GSUNGS PA JI LTAR SA MANG PO PA DAG GSUM KHO NAR GSUNGS, DE LTAR NA GAL TE JI LTAR SEMS KYI RGYUN GCIG LA MTSAN NYID THA DAD PA BCU YOD PA NYID DU RTOGS PAR BYA ZHE NA, DE'I PHYIR, SEMS LAS BYUNG BA RNAMS KYI BYE BRAG NI PHRA BAS ZHES BYA BA SMOS TE, BRTZON 'GRUS MED PA DANG, SHES RAB MED PA DANG, DAD PA MED PA DAG GIS RTOGS PAR MI NUS SO, ,'DI LTAR PHRA BA ZHIG GI STE, GANG ZHIG RGYUN RNAMS LA YANG YONGS SU GCAD PAR DKA' NA SKAD CIG MA DAG LA LTA SMOS KYANG CI DGOS, DAD PA DANG, BRTZON 'GRUS DANG, SHES RAB CAN DAG GIS KHA CIG NI RANG GI NGO BO'I SGO NAS YONGS SU GCAD PAR BYA BAR NUS LA, KHA CIG NI BYA BA'I SGO NAS YONGS SU GCAD PAR BYA BAR NUS PAS YONGS SU GCAD PAR DKA' NA ZHES BYA BA SMOS SO, ,SEMS PA DANG YID LA BYED PA DAG NI SHIN TU MTSAN NYID THA DAD DO SNYAM DU MTHONG BAS, RE ZHIG SMAN LA SOGS PA GZUGS CAN RNAMS LA YANG ZHES BYA BA SMOS TE, AA RU RA LA SOGS PA SMAN LUS CAN RNAMS LA YANG STE, AA RU RA LA NI LAN TSVA'I RO MA GTOGS PA LHAG MA RO LNGA DAG YOD PA YIN NO, ,DBANG PO GZUNG BAR BYA BA RNAMS, ,ZHES BYA BA NI LCE'I DBANG POS GZUNG BAR BYA BA RNAMS TE, NGES PAR GZUNG BAR DKA' BAS YONGS SU GCAD PAR DKA' NA, CHOS GANG DAG LUS CAN MA YIN ZHING BLOS BZUNG BA STE, YID KYI RNAM PAR SHES PA TZAM GYIS GZUNG BAR BYA BA RNAMS LTA SMOS KYANG CI DGOS, ,DE'I PHYIR, DE RNAMS NI YID CHES PAS BSTAN PA'I PHYIR DE KHO NA LTAR RTOGS PAR BYA STE, DON GYI RNAM PA DU MA CIG CAR RTOGS PA'I PHYIR DANG, GCIG LA CIG CAR DE DAG DANG LDAN PA MI 'THAD PA'I PHYIR RO, ,CHOS GZHAN RJES SU ZHUGS @137A *, ,NA RGYUN RNAMS LA RNAM PAR 'GYUR BA MTHONG STE, 'BRU MAR BSNAN PA DANG, DRI MA DANG, CHU DANG, RLUNG ZHUGS NA MAR ME'I RGYUN LA CIG CAR YONGS SU GSAL BA DANG, MI GSAL BA DANG, SGRA DANG, G-YO BA LA SOGS PA MTHONG BA'I PHYIR RO, ,DE'I PHYIR SA MANG PO PA RNAMS YOD DO ZHES JI LTAR NYE BAR BKOD PA KHO NA YIN NO, ,DAD PA NI SEMS DANG BA'O ZHES BYA BA LA, DAD PA NI SEMS KYI RNYOG PA DANG 'GAL BA STE, DE DANG MTSUNGS BAR LDAN NA NYON MONGS PA DANG, NYE BA'I NYON MONGS PA'I DRI MA'I RNYOG PA DANG BRAL BAR 'GYUR BA'I PHYIR, DAD PA LA BRTEN NA SEMS DANG BAR 'GYUR BAS SEMS DANG BA'O ZHES BRJOD DO, ,DAD PA NI SEMS LAS BYUNG BA'I CHOS GZHAN NOR BU CHU 'DANG DANG 'DRA BA ZHIG GO, ,GZUGS DANG BA YANG YOD PAS DE'I PHYIR SEMS DANG BA ZHES BYA BA SMOS SO, ,GZHAN DAG NA RE BDEN BA DANG DKON MCHOG CES BYA BA LA SOGS PA LA, BDEN PA DANG, DKON MCHOG RNAMS DANG; LAS RNAMS DANG, 'BRAS BU RNAMS LA MNGON PAR YID CHES PA STE, YID CHES SHING LEGS PA 'DOD PA DANG, MOS PA GSOS 'DEBS PA NI DAD PA'O, ,BAG YOD PA NI DGE BA'I CHOS RNAMS BSGOM PA'O ZHES 'BYUNG STE, GANG YOD NA ZHES BRJOD PAR BYA'O, ,DGE BA'I CHOS RNAMS BSGOM PA NI RNYED PA DANG; BRTEN PA LA MNGON PAR 'DOD DE, DE NI BAG YOD PA LAS 'GYUR RO, ,DE NYID KYI PHYIR, DE DAG LAS GZHAN PA ZHES BYA BA SMOS SO, ,DGE BA'I CHOS DAG LAS GZHAN PA BSGOM PA STE, YOD PA MA YIN PA KHO NA'O SNYAM DU BSAMS PA'O, ,DE DAG NYID LA GCES SU 'DZIN PA GANG YIN PA'O ZHES BYA BA LA; GCES SU 'DZIN PA ZHES BYA BA 'DI CI ZHIG LHUR LEN PA'O, ,LHUR LEN PA 'DI CI ZHIG ,GANG YOD NA DGE BA'I PHYOGS SU LHUR BYED PAR 'GYUR BA'O, ,SEMS KUN DU SRUNG BA'O ZHES BYA BA LA, BDAG LA PHAN PA GCES SU 'DZIN PA'I LUS DANG, NGAG DANG, YID KUN NAS SRUNG BA LHUR LEN PA BAG MED PA DANG 'GAL BA'I CHOS NI BAG YOD PA'O, ,SHIN TU SBYANGS PA NI SEMS LAS SU RUNG BA NYID DO ZHES BYA BA LA, LAS SU RUNG BA NYID KYANG GANG ZHE NA, YANG DAG PAR YID LA BYED PA LA ZHUGS PA'I SEMS SIM PA DANG, YANG PA'I RGYU SEMS LAS BYUNG BA'I CHOS GZHAN GANG YIN PA STE, DE DANG LDAN @137B PAS SEMS DMIGS PA LA MA CHAGS PAR 'JUG PA DE'I PHYIR, SEMS LAS SU RUNG BA NYID DO ZHES BRJOD DE, BSREG PA DANG, CHUS GTOR BA DANG, BRDUNGS PAS SBYANG BA BYAS PA'I GSER BZHIN NO, ,MDO LAS, GANG ZHIG SHIN TU SBYANGS PA BYANG CHUB KYI YAN LAG TU GYUR PA'I RNAM GRANGS GANG ZHE NA, LUS SHIN TU SBYANGS PA YANG YOD DO, ,SEMS SHIN TU SBYANGS PA YANG YOD DO, ,GANG YANG LUS SHIN TU SBYANGS PA, SHIN TU SBYANGS PA YANG DAG BYANG CHUB KYI YAN LAG DE YANG MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR BYED PAR 'GYUR RO, ,GANG YANG SEMS SHIN TU SBYANGS PA, SHIN TU SBYANGS PA YANG DAG BYANG CHUB KYI YAN LAG DE YANG MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR BYED PAR 'GYUR RO ZHES LUS SHIN TU SBYANGS PA YANG GSUNGS PA MA YIN NAM, 'DIR SEMS LAS SU RUNG BA KHO NA SHIN TU SBYANGS PAR BSHAD PAS SHIN TU SBYANGS PA'I MTSAN NYID MA KHYAB PA MA YIN NAM ZHE NA, MDO LAS MA GSUNGS PA NI MA YIN NO, ,DE NI LUS KYI TSOR BA JI LTA BA BZHIN DU ZHES BYA BA LA, SEMS KYI YIN YANG DBANG PO GZUGS CAN LA BRTEN NAS SKYES PA'I PHYIR MIG LA SOGS PA'I RNAM PAR SHES PA DANG MTSUNGS PAR LDAN PA LA, LUS KYI ZHES BSHAD PA DE BZHIN DU LUS SHIN TU SBYANGS PA YANG RIG PAR BYA STE, SEMS KYI YIN YANG DBANG PO GZUGS CAN LA BRTEN NAS SKYE BA'I PHYIR, RNAM PAR SHES PA LNGA DANG MTSUNGS PAR LDAN PA LA LUS KYI ZHES BYA BA'O, ,DE YANG MIG LA SOGS PA'I RNAM PAR SHES PA DGE BA RNAMS LAS SU RUNG BA NYID DE, SHIN TU SBYANGS PA NI SA MANG PO PA YIN PA'I PHYIR RO, ,DE NA LUS DANG SEMS SHIN TU SBYANGS PA GNYIS LA NGO BO'I KHYAD PAR 'GA' YANG YOD PA MA YIN PAS MTSAN NYID KHYAB PA YIN GYI MA KHYAB PA MA YIN NO, ,DE JI LTAR NA BYANG CHUB KYI YAN LAG TU ZHES BYA BA 'BYUNG STE, MIG LA SOGS PA'I RNAM PAR SHES PA RNAMS MNYAM PAR MA BZHAG DA YIN PA'I PHYIR DANG, BYANG CHUB KYI YAN LAG RNAMS ZAG PA MED PA YIN PA'I PHYIR, MIG LA SOGS PA'I RNAM PAR SHES PA DANG MTSUNGS PAR LDAN PA'I SHIN TU SBYANGS PA NI BYANG CHUB KYI YAN LAG DAG TU RUNG BA MA YIN NO ZHE NA, 'O NA MDO DER NI LUS LAS SU RUNG BA 'BYUNG BA'I KHYAD PAR DGA' BAS DRANGS PA KHO NA @138A *, ,LUS SHIN TU SBYANGS PA YIN PAR RIG PAR BYA STE, MDO LAS YID DGA' BAR GYUR PA'I LUS SHIN TU SBYANGS PAR 'GYUR RO ZHES 'BYUNG BA'I PHYIR RO, ,KHA CIG NA RE NI LUS MNYAN PA NYID DU ZHES ZER RO, ,DE JI LTAR NA BYANG CHUB KYI YAN LAG CES BYA ZHE NA ZHES BYA BA LA, BYANG CHUB KYI YAN LAG RNAMS NI YID KYIS PA DANG, ZAG PA MED PA DAG YIN LA, LUS SHIN TU SBYANGS PA NI SEMS LAS BYUNG BA'I BDAG NYID MA YIN ZHING, ZAG PA DANG BCAS PA YIN PAS DE YANG BYANG CHUB KYI YAN LAG DAG TU MI RUNG NGO ZHE NA, BYE BRAG TU SMRA BA RNAMS NA RE, BYANG CHUB KYI YAN LAG DANG MTHUN PA'I PHYIR TE, LUS SHIN TU SBYANGS PA DE YANG SEMS SHIN TU SBYANGS PA BYANG CHUB KYI YAN LAG GI BDAG NYID CAN DANG RJES SU MTHUN PAS DE LA YANG BYANG CHUB KYI YAN LAG CES BRJOD DO ZHES ZER RO, ,JI LTAR MTHUN ZHE NA, LUS LAS SU RUNG BA DE NYID CES BYA BA RGYAS PAR 'BYUNG NGO, ,DE LTA BU ZHES BYA BA NI DE'I RANG BZHIN MA YIN YANG MTHUN PA'I PHYIR DE DANG 'DRA BAR NYE BAR 'DOGS PA'O, ,DE'I RANG BZHIN MA YIN YANG DGA' BA YANG DAG BYANG CHUB KYI YAN LAG DANG RJES SU MTHUN PA'I PHYIR, DGA' BA'I GNAS LTA BU'I CHOS RNAMS DGA' BA YANG DAG BYANG CHUB KYI YAN LAG TU GSUNGS SHING, KHONG KHRO BA'I RGYU MTSAN MNAR SEMS KYI GZHI DGU GNOD SEMS DANG MTHUN PA'I PHYIR GNOD SEMS KYI SGRIB PAR GSUNGS LA, GANG GI TSE LAM PHUNG PO GSUM DU MDZAD PA DE'I TSE RTOG PA DANG RTZOL BA SHES RAB KYI PHUNG POR GSUNGS NA, RTOG PA DANG RTZOL BA GNYIS NI SHES RAB RANG BZHIN MA YIN TE, 'O NA CI ZHE NA, RTOG PA DANG BRTZON 'GRUS KYI RANG BZHIN YIN NO, ,BTANG SNYOMS NI SEMS MNYAM PA NYID CES BYA BA NI BYING RGOD KYI MI MTHUN PA'I PHYOGS SO, ,SEMS TSUL BZHIN DU RGYU BA LAS MA 'DAS PA ZHES BYA BA'I DON TE, SEMS LHUN GYIS GRUB PA NYID DO ZHES 'BYUNG BA'I PHYIR RO, ,GZHAN DAG NA RE NI YID LA BYED PA'I GEGS YIN NO ZHES ZER RO; ,'DI NI 'DU BYED BTANG SNYOMS YIN PAR RIG PAR BYA'I, TSOR BA NI MYONG BA RNAM PA GSUM MO ZHES BYA BA DE NYID LAS DE SMOS PA'I PHYIR TSOR BA BTANG SNYOMS MA YIN LA, DGE BA'I SEMS THAMS CAD LA 'BYUNG BA'I PHYIR TSAD MED PA BTANG SNYOMS KYANG MA YIN NO, ,GANG GI PHYIR GSUNG RAB LAS NI TSOR @138B BA BTANG SNYOMS DANG, 'DU BYED BTANG SNYOMS DANG, TSAD MED PA BTANG SNYOMS ZHES BYA BA BTANG SNYOMS PA RNAM PA GSUM GSUNGS MOD KYI, 'DIR NI DGE BA'I SA MANG PO PA'I SKABS YIN PAS TSOR BA DANG, TSAD MED PA BTANG SNYOMS DAG MI GZUNG NGO, ,DA NI JI LTAR NA ZHES BYA BA RGYAS PAR 'BYUNG STE; 'DI NI SA MANG PO PA YIN PA'I PHYIR DANG, DGE BA'I SA MANG PO PA YIN PA'I PHYIR, YID LA BYED PA DANG BTANG SNYOMS DAG SEMS GCIG LA 'BYUNG NA DE NI 'THAD PA YANG MA YIN TE, PHAN TSUN 'GAL BA'I PHYIR RO ZHE NA, 'DI DAG GI BYE BRAG NI SHES PAR DKA'O ZHES BSHAD PA MA YIN NAM ZHES BYA BA LA; SDUG BSNGAL BAS SHES PA NI SHES PAR DKA' BA'O, ,SHES PAR DKA' BA YANG ZHES BYA BA RGYAS PAR 'BYUNG STE, GANG ZHIG REG PA DANG TSOR BA JI LTA BA BZHIN DU SEMS KYI SKAD CIG GCIG LA SEMS LAS BYUNG BA'I CHOS GZHAN DANG MI 'GAL BA DE NI SHES PAR DKA' YANG SHES PA YIN GYI, GANG ZHIG RTZOL BA DANG, RTZOL BA MED PA PHAN TSUN 'GAL BA DAG GCIG LA 'BYUNG BA MI 'GAL LO ZHES BYA BA 'DI NI SHIN TU SHES PAR DKA' STE, BDE BA DANG SDUG BSNGAL BA DAG NI SEMS GCIG LA 'BYUNG BAR MA MTHONG NGO, ,RTZOL BA YANG GZHAN DU 'BYUNG BA LA ZHES BYA BA RGYAS PAR 'BYUNG STE, CHOS GZHAN NYID YIN PA'I PHYIR RTZOL BA NYID RTZOL BA MED PA MA YIN LA, DE GNYIS DNGOS PO GCIG LA 'JUG PA YANG MA YIN TE, GANG GI TSE GZUGS LA RTZOL BA DE'I TSE SGRA LA SOGS PA DAG LA RTZOL BA MAD PA YIN PAS 'DI LA 'GAL BA CI YOD CE NA, 'O NA NI NGA ZHES BYA BA LA SOGS PA, RTZOL BA DANG, RTZOL BA MED PA GNYIS YUL THA DAD PA'I PHYIR MTSUNGS PAR LDAN PA THAMS CAD DMIGS PA GCIG PAR MI 'GYUR NA, MTSUNGS PAR LDAN PA RNAMS DMIGS PA THA MI DAD PA NYID DU 'DOD PA YANG YIN TE, DMIGS PA MTSUNGS PA NYID KYIS MTSUNGS PAR LDAN PA NYID DU KHAS BLANGS PA'I PHYIR RO, ,'DI LAS 'DI LTA BU'I RIGS ZHES BYA BA LA, DPER NA RTOG PA DANG, DPYOD PA GNYIS BZHIN DU 'GAL YANG MI 'GAL BA'I RIGS TE, RTZING BA DANG ZHIB PA DAG PHAN TSUN 'GAL BA'I PHYIR RO, ,MI 'GAL BA NI SEMS GCIG LA 'BYUNG BA'I PHYIR RO, ,DE'I TSUL GANG YIN PA DE NI 'DI LA YANG ZHES BYA BA LA, RNAM GRANGS KYIS GNAS SO ZHES BYA BAR BSAMS PA'O, , @139A *, ,NGO TSA SHES PA DANG, KHREL YOD PA NI 'OG NAS 'CHAD PAR 'GYUR RO ZHES BYA BA NI, MA GUS NGO TSA MED KHREL MED, ,KHA NA MA THO 'JIGS MI LTA, ,ZHES BYA BA DER TE, BZLOG PA NI NGO TSA SHES PA DANG, KHREL YOD PA YIN PAR RIG PAR BYA'O, ,RTZA BA GNYIS NI ZHES BYA BA RGYAS PAR 'BYUNG STE, DE LA MA CHAGS PA NI RNYED PA DANG, MA RNYED PA'I YUL LA LHAG PAR ZHEN PA DANG, DON DU GNYER BA DANG 'GAL ZHING MNGON PAR MA ZHEN PA'O, ,ZHE SDANG MED PA NI SEMS CAN RNAMS LA GNOD SEMS MED CING, RJES SU BRTZE BA'I SA BON DU GYUR PA'O, ,DGE BA'I RTZA BA RNAMS PHAN TSUN MED NA MI 'BYUNG BA'I PHYIR DGE BA'I SEMS THAMS CAD LA MTSUNGS PAR 'BYUNG YANG GTI MUG MED PA MA BSTAN PAS, DGE BA'I SA MANG PO PA'I BSHAD PA MA TSANG BA YIN NO SNYAM DU DOGS PA SPANGS PA'I PHYIR, GTI MUG MED PA YANG YOD MOD KYI ZHES BYA BA RGYAS PAR SMOS SO, ,'DI SKAD BSTAN PAR 'GYUR TE, GANG DAG DGE BA'I SEMS GZHAN LA YANG 'BYUNG BAS DGE BA'I SA MANG PO PA YIN TE, DE NA SEMS GZHAN LA YANG 'BYUNG BAS DGE BA'I SA MANG PO BA MA YIN TE, 'DUN PA LA SOGS PA BZHIN NO, ,DE'I PHYIR DGE BA'I SA MANG POPA'IBSHAD PA LA MTSANG BA NYID MED DO, ,RNAM PAR MI 'TSE BA NI ZHES YBA B ANI RNAM PAR THO MI 'TSAMS PA STE, SEMS CAN GZHAN LA GNOD PAR DGA' BA DANG 'GAL BA SEMS BZANG PO NYID NI RNAM PAR MI 'TSE BA'O, ,BRTZON 'GRUS NI SEMS MNGON PAR SPRO BA'O ZHES BYA BA LA, YON TAN DANG SKYON SKYES ZIN PA KUN DU BSRUNGS BA DANG, SPANGS PA DANG, MA SKYES PA BSKYED PA DANG, MI BSKYED PAR BYA BA'I PHYIR SEMS LA LE LO MED PA NI MNGON PAR SPRO BA STE, GANG YOD NA SEMS RIGS PAR RTZOM PA DANG, MCHOG TU 'GYUR BA DE NI BRTZON 'GRUS SO, ,'DIR DANG GI SGRA DAG NI SKYO BA DANG, RAB TU DGA' BA BSDUS PA'I DON TE, ,DE GNYIS NI RNAM PA 'GAL BA'I PHYIR SEMS GCIG LA SRID PA MA YIN PAS DGE BA'I SA MANG PO PA NYID DU MI 'THAD PA'I PHYIR DANG, RAB TU BYED PA DAG LAS MA BSHAD PA'I PHYIR RO, ,DE NYID KYI PHYIR NGANG GI SGRA GNYIS 'BYUNG STE, TSOGS PA GNYIS LA DE DAG DMIGS PA'I PHYIR RO, ,'DI DAG LA NYON MONGS PA'I SA MANG PO YOD PAS ZHES BYA BA NI NYON MONGS PA'I SGO NAS DE DANG MTSUNGS PAR @139B LDAN PA'I SEMS KHO NA STON TE, DE NYID KYI PHYIR, GANG DAG NYON MONGS PA CAN GYI SEMS LA RTAG TU 'BYUNG BA YIN ZHES BYA BA SMOS SO, ,DE LA RMONGS PA ZHES BYA BA NI MA RIG PA'O, ,MA RIG PA 'DI GANG ZHIG CE NA, MI SHES PA'O, ,MI SHES PA 'DI GANG ZHE NA, MI GSAL BA'O, ,MI GSAL BA 'DI YANG CI ZHIG CE NA, GSAL BA NI SHES RAB YIN TE, DE'I PHYIR SHES BYA DAG LA JI LTA BA BZHIN DU RTOGS PA'I GEGS SU GYUR PA MI GSAL BA'I MTSAN NYID CAN GYI CHOS NI RMONGS PA ZHES BYA BA'O, ,BAG MED PA NI DGE BA'I CHOS RNAMS MI BSGOM PA STE ZHES BYA BA LA, GANG ZHIG YOD NA ZHES BYA BAR KHONG DU CHUD PAR BYA'O, ,DGE BA'I CHOS RNAMS MI BSGOM PA NI MA RNYED PA RNAMS MI RNYED PA DANG, RNYED PA RNAMS MNGON DU MI BYED PA'O, ,BSGOM PA'I MI MTHUN PA'I PHYOGS ZHES BYA BA NI BDAG LA PHAN PA LA GCES SU 'DZIN PA YAL BAR 'DOR ZHES BYA BA'I THA TSIG GO, ,LE LO NI SEMS MNGON PAR MI SPRO BA STE ZHES BYA BA NI DGE BA'I LAS LA STE, DE NYID KYI PHYIR, BRTZON 'GRUS KYI MI MTHUN PA'I PHYOGS ZHES BYA BA SMOS SO, ,DE LTAR BYAS DANG MI DGE BA'I LAS LA SEMS MNGON PAR SPRO BA DE NI BRTZON 'GRUS MA YIN NO, ,DE NI GSUNG RAB LAS LE LO KHO NAR 'DON TE, 'DI LTAR BCOM LDAN 'DAS KYIS 'DI LAS PHYI ROL PA RNAMS KYI BRTZON 'GRUS GANG YIN PA DE NI LE LO KHO NA YIN NO ZHES GSUNGS SO, ,DE NYID KYI PHYIR BRTZON 'GRUS DMAN PA NYID CES BYA'O, ,DMAN PAR ZHUGS PAS NI LE LO STE, DE'I DNGOS PO NI LE LO NYID DO, ,MA DAD PA NI SEMS MA DAD PA STE ZHES BYA BA LA, LOG PAR LTA BA'I RGYU MTHUN PA STE, BDEN PA DANG, DKON MCHOG DANG, LAS DANG, 'BRAS BU LA MNGON PAR YID MI CHES PA'I RNAM PA CAN NO, ,DE NYID GYI PHYIR, DAD PA'I MI MTHUN PA'I PHYOGS SO ZHES BYA BAR SMOS SO, ,RMUGS PA GANG ZHE NA ZHES BYA BA RGYAS PAR 'BYUNG BA LA, TSIG SNGA MA SNGA MA GNYIS RNAM PAR BSHAD PA YIN PAR BSAMS TE; TSIG PHYI MA PHYI MA GNYIS BRJOD DO, ,G-YEL BA DANG MI DGA' BAS BSKYED PA'I SEMS LCI BA NYID NI RMUGS PA STE, GANG GIS BZUNG NA BLUN PA NYID KYI TSUL GYIS SEMS LAS SU MI RUNG BA NYID DU 'GYUR BA'O, ,DE NYID KYI PHYIR 'DI NI SHIN TU SBYANGS PA'I MI MTHUN PA'I PHYOGS ZHES BYA'O, ,LUS KYI TSOR @140A *, ,BA JI LTA BA BZHIN NO ZHES BYA BA LA, DBANG PO GZUGS CAN LA BRTEN NAS SKYE BA'I PHYIR SEMS KYI YIN BZHIN DU LUS KYI ZHES BRJOD PA DE BZHIN DU, RNAM PAR SHES PA'I TSOGS LNGA'I RMUGS PA SEMS KYI KHO NA YIN BZHIN DU DBANG PO GZUGS CAN LA BRTEN PA'I PHYIR LUS KYI ZHES BYA'O, , RGOD PA NI SEMS RNAM PAR MA ZHI BA STE ZHES BYA BA LA, GLU DANG, GAR LA SOGS PA DANG, SGEG PA'I CHA LUGS DANG, RGYAN GYIS SEMS RNAM PAR MA ZHI BA STE, GANG DANG LDAN PAS LAM GOL BA KHO NAR ZHUGS PAR 'GYUR BA DE NI RGOD PA'O, ,CHOS MNGON PA LAS ZHES BYA BA RGYAS PAR 'BYUNG STE, BRJED NGAS PA DANG, RNAM PAR G-YENG BA DANG, SHES BZHIN MA YIN PA DANG, TSUL BZHIN MA YIN PA YID LA BYED PA DANG, LOG PAR SMOS PA NYON MONGS PA'I SA MANG PO PA NYID DU BSHAD PA RNAMS MA BRJOD PA'I PHYIR DANG, MA BSTAN PA'I RMUGS PA'I NYON MONGS PA'I SA MANG PO PA DAG GI NANG DU BRJOD PA'I PHYIR CHOS MNGON PA DANG 'GAL LO ZHE NA, 'GYUR BA SHES PA ZHES BYA BA NI GZHUNG TSAD MAR BYAS TE, NYON MONGS PA'I SA MANG PO PA BCUR 'GYUR RO ZHES BYA BA SHES KYI, SLOB DPON GYI 'DOD PA STE, SLOB DPON GYI BZHED PA NI MI SHES PA STE, BRJED NGAS PA LA SOGS PA DE DAG NI SA MANG PO PA YIN PA'I PHYIR NYON MONGS PA'I SA MANG PO PA YIN YANG 'DIR DE DAG GI NANG DU MA BKOD DO, ,'DIR NI NGES PAR GZUNG BA DANG BCAS PA'I NGAG BRJOD PAR 'DOD DE, 'DIR NYON MONGS PA'I SA MANG PO PA RNAMS KHO NA BRJOD PAR 'DOD PA'I PHYIR RO, ,RAB TU BYED PA DAG LAS NI NYON MONGS PA'I SA MANG PO BCU DAG 'DON TE, NGES PAR GZUNG BA MED PA'I PHYIR RO, ,YANG JI LTAR NA DE DAG SA MANG PO PA YIN ZHE NA, DE'I PHYIR, DRAN PA NYON MONGS PA KHO NA ZHES BYA BA RGYAS PAR SMOS SO, ,SOGS PA ZHES BYA BA'I SGRAS NI SHES RAB NYON MONGS PA CAN KHO NA SHES BZHIN MA YIN PA YIN LA, YID LA BYED PA NYON MONGS PA CAN KHO NA TSUL BZHIN MA YIN PA YID LA BYED PA YIN NO, ,MOS PA NYON MONGS PA CAN KHO NAR LOG PAR MOS PA YIN PAR GZUNG NGO, ,DE NYID KYI PHYIR ZHES BYA BA NI GANG GI PHYIR DRAN PA LA SOGS PA NYON MONGS PA CAN DAG KHO NA BRJED NGAS PA LA SOGS PA DAG YIN PA'I PHYIR RO, ,DE LTAR NA NI MU BZHIR 'GYUR TE, DRAN PA LA SOGS PA RNAM PA GNYIS KA'I BDAG NYID YIN PA'I PHYIR RO, @140B MU DANG PO NI SA MANG PO PA KHO NA STE, TSOR BA LA SOGS PA RNAMS SO, ,GNYIS PA NI NYON MONGS PA'I SA MANG PO PA KHO NA STE, MA DAD PA LA SOGS PA RNAMS SO, ,GSUM PA NI SA MANG PO PA DAG KYANG YIN LA, NYON MONGS PA'I SA MANG PO PA DAG YIN TE, DRAN PA LA SOGS PA LNGA'O, ,BZHI PA NI SA MANG PO BDAG KYANG MA YIN PA'O, ,RNAM PA DE DAG MA GTOGS PA ZHES BYA BA NI DGE BA'I SA MANG PO PA RNAMS DANG, NYON MONGS PA CHUNG DU'I SA PA RNAMS DANG, GZHAN LDAN PA MA YIN PA LA SOGS PA RNAMS SO, ,DE DAG GI MU BZHI NI DE LTA MA YIN NO ZHES BYA BA 'BYUNG NGO, ,JI LTAR DE LTA MA YIN ZHE NA, SNGAR NI MU DANG PO TSOR BA LA SOGS PA CHOS LNGA MU DANG PO YIN PAR BSHAD LA, DE LTA NA NI TING NGE 'DZIN LHAG PAR BSNAN TE DRUG YIN NO, ,SNGAR NI MU GNYIS PA LE LO LA SOGS PA CHOS LNGA YIN LA DA LTA NI RNAM PAR G-YENG BA LHAG PAR BSNAN TE DRUG YIN LA, SNGAR NI RNAM PAR G-YENG BA DANG BCAS PA LNGA MU GSUM PA YIN LA DA LTA NI RNAM PAR G-YENG BA BOR BA BZHIN NO, ,MU BZHI PA NI SNGA MA BZHIN NO, ,DE LAS RMUGS PA MI 'BYUNG STE, ,ZHES GANG SMRAS PA DE'I LAN NI, RMUGS PA NI ZHES BYA BA LA, RMONGS PA LA SOGS PA LTAR NYON MONGS PA THAMS CAD DANG MTSUNGS PAR LDAN PA'I PHYIR NYON MONGS PA'I SA MANG PO PAR 'DOD PAS, DE LTAR DE NYON MONGS PA'I SA MANG PO PA'I MTSAN NYID DANG LDAN YANG NYON MONGS PA'I SA MANG PO PA DAG GI NANG DU MA BTON PA SU ZHIG GIS NYES TE, CI NGAS NYES SAM, 'ON TE GANG DAG MI 'DON PAS NYES ZER NA, GDON PAR BYA BA NI YIN MOD KYI ZHES SO, ,CI'I PHYIR MA BTON ZHE NA, TING NGE 'DZIN DANG MTHUN PA'I PHYIR MA BTON TO, ,JI LTAR NA DE DANG MTHUN PA NYID YIN ZHE NA, RMUGS PA SPYOD PA NI TING NGE 'DZIN SHIN TU MYUR DU ZHES BYA BA RGYAS PAR 'BYUNG STE, RMUGS PA NI RNAM PAR G-YENG BAR BYED PA MA YIN PA'I PHYIR, DE SPYOD PA NI TING NGE 'DZIN MYUR DU SKYED PAR BYED KYI, RGOD PA SPYOD PA NI MA YIN TE, RNAM PAR G-YENG PAR BYED PA'I PHYIR RO; ,GRAG GO ZHES BYA BA'I SGRA NI MI SRID PA'O, ,BYING BA DANG RGOD PA GNYIS NI TING NGE 'DZIN GYI GEGS SU GYUR PA'I PHYIR GEGS KHO NA YIN PA NI MTHUN PAR RIGS PA MA YIN TE, DKAR PO DANG NAG PO DAG BZHIN DU PHAN TSUN DU 'GAL BA'I PHYIR RO, ,'GAL BA NYID YIN YANG RNAM PAR MI G-YENG BAR BYED PAR @141A *, ,MTSUNGS PAS MTHUN PA NYID DO, ,GANG ZHIG CES BYA BA LA SOGS PA LA, 'DI SKAD BSTAN PAR 'GYUR TE, GANG ZHIG RMUGS PA SPYOD PA DE NI GDON MI ZA BAR RGOD PA SPYOD PA YIN LA, GANG ZHIG RGOD PA SPYOD PA DE YANG GDON MI ZA BAR RMUGS PA SPYOD PA YIN NO, ,CI'I PHYIR ZHE NA, DE'I PHYIR, 'DI DAG NI NAM DU YANG LHAN CIG SPYOD PA NYID 'DOR BAR MI 'GYUR MOD KYI ZHES BYA BA SMOS TE, NANG DU YANG ZHES BYA BA NI GZHAR YANG NGO, ,LHAN CIG SPYOD PA'I CHOS NI LHAN CIG SPYOD PA YIN LA, DE'I DNGOS PO NI LHAN CIG SPYOD PA NYID DO, ,'ON KYANG ZHES BYA BA 'BYUNG STE, GAL TE YANG DE LTA YIN MOD KYI, DE LTA NA YANG RMUGS PA DANG RGOD PA GANG ZHIG GANG LA MTHU'I SGO NAS SHAS CHE'I, TSAD KYI SGO NAS MA YIN PA DE NI DE SPYOD PAR SHES PAR BYA STE, DE'I PHYIR NYON MONGS PA'I SA CHEN PO PA NI DRUG KHO NAR GRUB KYI BCUR NI MA YIN NO, ,YANG CI'I PHYIR, GZHAN DAG KYANG YOD BZHIN DU 'DI DAG KHO NA NYON MONGS PA'I SA MANG PO PAR BRJOD CE NA, DE DAG KYANG NI RTAG TU NYON MONGS PA CAN GYI SEMS LA 'BYUNG GI ,GZHAN DU MA YIN PAS NYON MONGS PA'I SA CHEN PO PAR BRJOD DO, ,MI DGE LA NI KHREL MED DANG, ,NGO TSA MED PA'O ZHES BYA BA LA, NI ZHES BYA BA'I SGRA NI MI DGE BA KHO NA LA ZHES NGES PAR BZUNG BA'I DON TO, ,DE GNYIS KYI ZHES BYA BA LA SOGS PA NI, MA GUS NGO TSA MED KHREL MED, ,KHA NA MA THO 'JIGS MI LTA, ,ZHES BYA BA DE NAS SO, ,'DI DAG LA NYON MONGS PA CHUNG DU'I SA YOD PAS ZHES BYA BA RGYAS PAR 'BYUNG NGO, ,CHUNG DU ZHES BYA BA NI NYUNG DU STE, DE DAG NI NYON MONGS PA CAN GYI SEMS THAMS CAD LA DMIGS LA, GANG DU DMIGS PA DER YANG RE RE NAS DMIGS KYI, TSOGS PAR NI MA YIN NO, ,MA RIG PA TZAM DANG ZHES BYA BA LA, TZAM ZHES BYA BA'I SGRA NI 'DOD CHAGS LA SOGS PA BSAL BAR BYA BA'I PHYIR TE, KHRO BA LA SOGS PA RNAMS NI RANG DBANG BA YIN PA'I PHYIR 'DOD CHAGS LA SOGS PA DAG DANG MTSUNGS PAR LDAN PA MA YIN NO, ,BSGOM PAS SPANG BAR BYA BA DANG, ,ZHES BYA BA NI MTHONG BAS SPANG BAR BYA BA MA YIN TE, KHRO BA LA SOGS PA RNAMS BSGOM PAS SPANG BAR BYA BA YIN PA'I PHYIR RO, ,YID KYI SA PA KHO NA DANG ZHES BYA BA NI MIG LA SOGS PA'I RNAM PAR SHES PA DANG MTSUNGS PAR LDAN PA MA YIN TE, KHRO BA LA SOGS PA RNAMS YID KYIS PA YIN PA'I @141B PHYIR RO; ,DANG ZHES BYA BA'I SGRA NI BSDU BA'I DON TO, ,'DI SKAD BSTAN PAR 'GYUR TE, BSGOM PAS SPANG BAR BYA BA'I MA RIG PA TZAM DANG LHAN CIG SKYES PA'I YID KYI RNAM PAR SHES PA KHO NA DANG MTSUNGS PAR LDAN PA'I PHYIR NYON MONGS PA'I SA CHUNG DU'I SA PA DAG CES BYA'O, ,'DI DAG NI NYE BA'I NYON MONGS PA DAG GI NANG NAS STON PAR 'GYUR RO ZHES BYA BA NI PHRA RGYAS KYI MDZOD KYI GNAS NAS TE, GZHAN YANG NYON MONGS DRI MA DRUG ,NYE BA'I NYON MONGS RANG DBANG YANG, ,ZHES BYA BA DE NAS SO, ,SEMS LAS BYUNG BA RNAM PA LNGA PO DE DAG 'BA' ZHIG KHO NAR MA ZAD KYI, 'O NA CI ZHE NA, MA NGES PA GZHAN DAG KYANG YOD DO, ,DE DAG GANG ZHE NA; DE'I PHYIR, RTOG PA DANG, DPYOD PA DANG, 'GYOD PA DANG, GNYID LA SOGS PA ZHES BYA BA SMOS SO, ,SOGS PA ZHES BYA BA'I SGRAS NI 'DOD CHAGS DANG, KHONG KHRO DANG, NGA RGYAL DANG, THE TSOM DAG GZUNG NGO, ,'DIR SMRAS PA, RTOG DANG DPYOD DANG 'GYOD PA DANG, ,GNYID DANG KHONG KHRO CHAGS RNAMS DANG, ,NGA RGYAL THE TSOM ZHES BYA BA, ,BRGYAD NI MA NGES PAR BSHAD DO, ,ZHES BYA BA NI BSDU BA'I TSIGS SU BCAD PA STE, 'DI DAG NI GDON MI ZA BAR NGES PAR LHAN CIG 'BYUNG BA MA YIN NO, ,DA NI THAMS CAD KYI SEMS GANG LA DU ZHIG GDON MI ZA BAR 'BYUNG BA RNAM PAR DBYE BAR BYA'O, ,RE ZHIG 'DOD PA NA SPYOD PA'I SEMS NI RNAM PA LNGA STE ZHES BYA BA LA, JI LTA ZHE NA, DGE BA NI RNAM PA GCIG KHO NA DANG, MI DGE BA RNAM PA GNYIS TE, GANG LA MA RIG PA 'BA' ZHIG YOD PA MA 'DRES PA DANG, 'DOD CHAGS LA SOGS PA NYON MONGS PA GZHAN DANG MTSUNGS PAR LDAN PA DANG, LUNG DU MA BSTAN PA YANG RNAM PA GNYIS TE; 'JIG TSOGS LA LTA BA DANG, MTHAR 'DZIN PAR LTA BA DANG MTSUNGS PAR LDAN PA DANG, BSGRIBS LA LUNG DU MA BSTAN DANG, MA BSGRIBS LA LUNG DU MA BSTAN PA RNAM PAR SMIN PA LAS SKYES PA DANG, SPYOD LAM PA DANG, BZO'I GNAS PA DANG, SPRUL PA PA'O, ,'DOD PA'I DGE BA'I SEMS LA NI NYI SHU GNYIS 'BYUNG BA KHO NA YIN GYI, NYI SHU GNYIS KHO NA'O ZHES BYA BAR NI NGES PA MI GZUNG STE, LA LA DAG TU 'GYOD PAS BSNAN, ,ZHES 'BYUNG BA'I PHYIR RO, ,MA NGES PA'I SA MANG PO PA'I CHOS NI GNYIS TE, 'GYOD PA DANG, GNYID DO, ,GANG GI PHYIR 'DI GNYIS NI RNAM PAR SHES PA'I TSOGS DRUG PA MA YIN LA, KHAMS @142A *, ,GSUM PA YANG MA YIN ZHING, GCIG TU NYON MONGS PA CAN YANG MA YIN NO, ,DE'I PHYIR DGE BA'I SEMS GANG LA 'GYOD PA'I GO SKABS YOD PA DER DES BSNAN PAS NYI SHU RTZA GSUM DU 'GYUR RO, ,NGAN PAR BYAS PA'I NGO BO NI 'GYOD PA'O ZHES BYA BA LA, BYAS PA NYID NI DON 'BREL GYI, , SEMS KYI CHOS NI MA YIN NO, ,DE NYID KYI PHYIR, 'DIR NI ZHES BYA BA RGYAS PAR 'BYUNG NGO, ,DE'I RANG GI NGO BO CI ZHE NA, YID LA GCAGS PA ZHES BYA BA SMOS SO, ,JI LTAR NA 'GYOD PA LA DMIGS PA'I YID LA GCAGS PA LA 'GYOD PA ZHES BYA STE, DE NI NGAN PAR BYAS PA'I NGO BO MA YIN NO ZHE NA, DMIGS PAR BYED PA LA DMIGS PA NYE BAR BTAGS PA'I PHYIR RO, ,DPER NA STONG PA NYID LA DMIGS PA'I ZHES BYA BA RGYAS PAR 'BYUNG STE, STONG PA NYID NI 'DU BYED RNAMS NANG GI BYED PA'I SKYES BU DANG BRAL BA YIN LA, DE LA DMIGS PA'I TING NGE 'DZIN RNAM PAR THAR PA'I SGO LA STONG PA NYID CES BYA BA DANG, MI SDUG PA NI RNAM PAR BAM PA DANG, RNAM PAR BSNGOS PA LA SOGS PA'I DNGOS POS BSDUS PA YIN LA, DE LA DMIGS PA'I MA CHAGS PA LA MI SDUG PA ZHES BYA BA BZHIN NO, ,YANG NA GNAS PA LA GNAS BTAGS PAS NGAN PAR BYAS PA LA DMIGS PA'I YID LA GCAGS PA LA 'GYOD PA ZHES BYA'O, ,GNAS PA LA GNAS BTAGS PA GAR MTHONG ZHE NA, DE'I PHYIR, 'JIG RTEN NA YANG ZHES BYA BA RGYAS PAR SMOS TE, BSTAN BCOS 'BA' ZHIG LAS YIN PA 'BA' ZHIG TU MA ZAD KYI ZHES BYA BAR BSAMS PA'O, ,'GYOD PA YANG YID LA GCAGS PA'I GNAS SU GYUR PA YIN TE, DE LA BRTEN NAS DE 'BYUNG BA'I PHYIR RO, ,DE'I PHYIR 'GYOD PA ZHES 'GYOD PA GNAS KYIS GNAS PA YID LA GCAGS PA PHYIS GDUNG BA'I MTSAN NYID CAN STON BAR BYED DO, ,YANG NA 'DI NI 'BRAS BU LA RGYU BTAGS PA YIN TE ZHES BYA BA LA, RGYU NI 'GYOD PA'O, ,'BRAS BU NI YID LA GCAGS PA'O, ,DE NYID LA DPE NI DPER NA REG PA'I SKYE MCHED DRUG PO 'DI DAG NI ZHES BYA BA RGYAS PAR 'BYUNG BA'O, ,MIG LA SOGS PA REG PA'I SKYE MCHED RNAMS NI SNGON GYI LAS MA YIN TE, 'O NA CI ZHE NA, SNGON GYI LAS KYI 'BRAS BU YIN BA'I PHYIR SNGON GYI LAS YIN NO ZHES BSHAD DO, ,'O NA GANG YANG MA BYAS PA LA DMIGS PA ZHES BYA BA LA, NGAN PA BYAS PA'I NGO BO NI 'GYOD @142B PA YIN NA, MA BYAS PA NI NGAN PAR BYAS PA MA YIN PAS DE'I NGO BO 'GYOD PA YIN PAR MI RUNG NGO ZHES BYA BA NI 'DRI BA'I BSAMS PA'O, ,MA BYAS PA LA YANG BYAS PA ZHES BYA BA YOD DE ZHES BYA BA RGYAS PAR 'BYUNG STE, DE NI DGE BA 'AM, MI DGE BA MA BYAS NAS GDUNG BA GANG YIN PA'O, ,'GYOD PA DGE BA GANG ZHE NA, ZHES BYA BA LA SOGS PA LA, SBYIN PA LA SOGS PA MA BYAS NAS GDUNG BA DANG, SROG GCOD PA LA SOGS PA MI DGE BA BYAS NAS GDUNG BA STE, DE NI 'GYOD PA DGE BA'O, ,BZLOG PA NI 'GYOD PA MI DGE BA YIN NO ZHES BYA BA NI GANG ZHIG MI DGE BA MA BYAS NAS GDUNG BA DANG, DGE BA BYAS NAS PHYIS SHIN TU GDUNG BA'O; ,DE GNYIS KA YANG ZHES BYA BA NI DGE BA DANG, MI DGE BA'I 'GYOD PA'O, ,GNYIS KA LA YANG BRTEN PA YIN NO ZHES BYA BA NI JI SKAD BSHAD PA'I TSUL DU DGE BA DANG, MI DGE BA LA BRTEN PA'O, ,LTA BA DANG LDAN PA ZHES BYA BA LA, DANG ZHES BYA BA'I SGRA NI BSDU BA'I DON TO, ,MI DGE BA NI ZHES BYA BA RJES SU DRANG BA'I DON TO; ,SA MANG PO PA KHO NA'I SHES RAB KYI KHYAD PAR 'GA' ZHIG LTA BA ZHES BYA BA LA, YANG DAG PAR RTOG PA'I SHES RAB GANG YIN PA NI LTA BA YIN LA, DE NI 'DIR MI DGE BAR GZUNG NGO, ,DE'I PHYIR, LOG PAR LTA BA'AM ZHES BYA BA LA SOGS PA SMOS SO, ,NYON MONGS BZHI DANG KHRO SOGS DANG, ,ZHES BYA BA LA SOGS PA LA, NYI SHU RTZA GCIG 'BYUNG BA KHO NA YIN GYI, NYI SHU RTZA GCIG KHO NA NI MA YIN TE, GNYID NI KUN LA MI 'GAL BA'I PHYIR RO, ,MI DGE BA'I SEMS MA 'DRES PA MA YIN PA NYON MONGS PA BZHI DANG MTSUNGS PAR LDAN PA DANG, KHRO BA LA SOGS PA DANG MTSUNGS PAR LDAN PA DANG, 'GYOD PA DANG MTSUNGS PAR LDAN PA DE LA NI NYI SHU RTZA GCIG 'BYUNG STE, MA 'DRES PAR BSHAD PA NYI SHU DANG, NYON MONGS PA DANG, NYE BA'I NYON MONGS PA DANG, 'GYOD PA LA SOGS PA JI SKAD BSHAD PA RNAMS LAS GANG YANG RUNG BA'O, ,BSGRIBS LA BCO BRGYAD CES BYA BA LA, 'DOD PA'I KHAMS NA 'JIG TSOGS LA LTA BA DANG; MTHAR 'DZIN PAR LTA BA DANG MTSUNGS PAR LDAN PA'I SEMS NI BSGRIBS PA STE, DE LA GDON MI ZA BAR BCO BRGYAD 'BYUNG GI ,BCO BRGYAD KHO NA 'BYUNG NGO ZHES NI NGES PAR MI GZUNG STE, GNYID NI KUN LA MI 'GAL BA'I PHYIR RO, ,LUNG MA BSTAN GZHAN LA BCU GNYIS DAG TU 'DOD CES BYA BA LA, 'DIR @143A *, ,YANG GNYID MI 'GAL BA'I PHYIR SNGA MA BZHIN DU NGES PAR GZUNG NGO, ,NYI 'OG PA DAG NI ZHES BYA BA RGYAS PAR 'BYUNG NGO, ,BCU GSUM ZHES BYA BA 'BYUNG STE, MA BSGRIBS LA LUNG DU MA BSTAN PA'I SEMS 'GA' ZHIG LA 'GYOD PA 'BYUNG NGO, ,DE LA LUNG DU MA BSTAN PA NI BYAS SAM MA BYAS NAS YID LA GCAGS PA GANG YIN PA STE, NGAS MA ZHU BAR CI'I PHYIR ZOS ZHES BYA BA'AM, RTZIG PA DE LA CI STE MA BRIS SNYAM DU YID LA GCAGS PA GANG YIN PA DE LUNG DU MA BSTAN PA'I 'GYOD PA YIN NO, ,'GYOD PA NI YID BDE BA DANG MTSUNGS PAR LDAN LA, YID MI BDE BA YANG DGE BA DANG MI DGE BA YIN PAS 'GYOD PA LUNG DU MA BSTAN PA LA MTSUNGS PAR LDAN PA MED DO ZHE NA, DE'I PHYIR SMRAS PA, YID MI BDE BA YANG YID BDE BA DANG 'DRA BAR RNAM PA GSUM YIN NO, ,KHA PHYE BA RNAMS NA RE NI 'GYOD PA LUNG DU MA BSTAN PA MED DE, YID MI BDE BA DANG RJES SU 'BREL PA'I PHYIR, 'DOD CHAGS DANG BRAL BA RNAMS LA MED PA'I PHYIR TE, DE NYID KYI PHYIR SNGAR RNAM PAR SMIN PA MA YIN NO ZHES BSHAD DO ZHES ZER RO, ,MA BSGRIBS LA ZHES BYA BA GANG SMOS PA LA, RNAM PAR SMIN PA LAS SKYED PA DANG, SPYOD LAM DANG, BZO'I GNAS PA DANG, SPRUL PA'I SEMS KYI BDAG NYID NI MA BSGRIBS LA LUNG DU MA BSTAN PA'O, ,DE LA BCU GSUM 'BYUNG BAR 'GYUR RO ZHES BYA BA NI SA MANG PO PA BCU DANG, RTOG PA DANG, DPYOD PA DANG, 'GYOD PA LUNG DU MA BSTAN PA DE NYID DO, ,GNYID NI KUN LA MI 'GAL PHYIR, ,ZHES BYA BA RGYAS PAR 'BYUNG STE, GNYID NI DGE BA DANG, MI DGE BA DANG, LUNG DU MA BSTAN PA YIN PA'I PHYIR SEMS CAN THAMS CAD DANG MI 'GAL TE, GNYID LOG PA LA YANG DGE BA DANG, MI DGE BA DANG, LUNG DU MA BSTAN PA'I SEMS SRID PA'I PHYIR RO, ,DE'I PHYIR GNYID NI DE DAG DANG MI 'GAL LO, ,DE'I PHYIR SEMS GANG LA GNYID YOD PA DE LA DE NYID BSNAN TO, ,GANG LA NYI SHU RTZA GNYIS ZHES 'BYUNG STE, GNYID NI KUN LA MI 'GAL BA'I PHYIR JI SKAD BSHAD PA'I RJES SU 'BRANGS TE RGYAS PAR BRJOD PAR BYA'O, ,DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES BYA BA LA, BSAM GTAN DANG PO NA SEMS DANG SEMS LAS BYUNG BA'I NGES PA JI SKAD BSHAD PA DE LAS 'GYOD PA LA SOGS PA RNAMS MED DE, 'GYOD PA NI YID MI BDE BA DANG MTSUNGS @143B BAR LDAN NA DE DAG NI RGYUD ZHI GNAS KYIS BRLAN PA YIN PAS DE NA YID MI BDE BA MED DO, ,GNYID NI SEMS MNGON PAR SDUD PA'I MTSAN NYID CAN YIN NA, DE DAG NI SEMS BSDUS PA NA TING NGE 'DZIN KHO NA LA NYE BAR GNAS PAR 'GYUR BAS DE NA GNYID MED DO, ,GANG YANG CUNG ZAD MI DGE BA, ,ZHES BU BA RGYAS PAR 'BYUNG NGO, ,G-YE DANG, SGYU DANG, RGYAGS PA MA GTOGS PA KHRO BA LA SOGS PA DANG ZHES BYA BA NI KHRO BA DANG, KHON DU 'DZIN PA DANG, PHRAG DOG DANG, 'TSIG PA DANG, 'CHAB PA DANG, SER SNA DANG, RNAM PAR 'TSE BA RNAMS THAMS CAD DU MED DE ZHES BYA BAR SKABS DANG SBYAR RO, ,GZHAN THAMS CAD NI DE DANG 'DRA'O, ,JI LTAR BYAS NAS SHE NA, BSAM GTAN DANG PO'I SEMS NI RNAM PA BZHI STE, DGE BA DANG, BSGRIBS LA LUNG DU MA BSTAN PA'O, ,DE NI RNAM PA GNYIS TE, MA 'DRES PA DANG, NYON MONGS PA GZHAN DANG MTSUNGS PAR LDAN PA DANG, MA BSGRIBS LA LUNG DU MA BSTAN PA'O, ,DE LA RE ZHIG DGE BA'I SEMS LA NI SEMS LAS BYUNG BA NYI SHU RTZA GNYIS 'BYUNG STE, SA MANG PO PA BCU DANG, DGE BA'I SA MANG PO PA BCU DANG, RTOG PA DANG, DPYOD PA'O, ,MA 'DRES PA LA NI BCO BRGYAD DE, SA MANG PO PA BCU DANG, NYON MONGS PA'I SA MANG PO PA DRUG DANG, RTOG PA DANG, DPYOD PA'O, ,LTA BA LDAN PA LA YANG DE BZHIN NO, ,'DOD CHAGS DANG, NGA RGYAL DANG, THE TSOM DANG MTSUNGS PAR LDAN PA LA NI BCU DGU STE, NYON MONGS PA DE DANG, MA 'DRES PA BSHAD PA BCO BRGYAD DO, ,G-YO DANG, SGYU DANG, RGYAGS PA DANG MTSUNGS PAR LDAN PA'I SEMS LA YANG BCU DGU KHO NA STE, G-YO LA SOGS PA RNAMS RANG DBANG MA YIN PA'I PHYIR RO, ,MA BSGRIBS LA LUNG DU MA BSTAN PA LA YANG CI RIGS PAR RNAM PAR SMIN PA LAS SKYES PA LA SOGS PA RNAMS LAS GANG YANG RUNG BA ZHIG LA BCU GNYIS 'BYUNG STE, SA MANG PO PA BCU DANG, RTOG PA DANG, DPYOD PA'O, ,RTOG PA 'ANG BSAM GTAN KHYAD PAR NA, ,ZHES BYA BA LA; 'ANG ZHES BYA BA'I SGRAS NI 'GYOD PA DANG, GNYID DANG, MI DGE BA RNAMS KYANG MED DO, ,LHAG MA NI DE DANG 'DRA'O ZHES BYA BA LA, DGE BA'I SEMS LA NI SNGA MA BZHIN DU RTOG PA MA GTOGS PA SEMS LAS BYUNG BA NYI SHU RTZA GCIG 'BYUNG STE, MA 'DRES PA DANG, LTA BA DANG MTSUNGS PAR LDAN PA NI @144A *, ,RTOG PA NYID MA GTOGS PA BCU BDUN NO, ,'DOD CHAGS LA SOGS PA DANG MTSUNGS PAR LDAN PA DANG, SGYU LA SOGS PA GANG YANG RUNG BA ZHIG DANG MTSUNGS PAR LDAN PA LA BCO BRGYAD 'BYUNG STE, SNGAR BSHAD PA BCU BDUN DANG, 'DOD CHAGS LA SOGS PA DANG, SGYU LA SOGS PA GANG YANG RUNG BA'O, ,MA BSGRIBS LA LUNG DU MA BSTAN PA LA NI BCU GCIG STE, SA MANG PO PA BCU DANG, DPYOD PA'O, ,DE'I GONG NA DPYOD PA YANG ZHES BYA BA LA, NI'I SGRAS NI 'GYOD PA DANG, GNYID DANG, MI DGE BA YANG MED DO, ,YANG GI SGRAS NI G-YO DANG SGYU YANG MED DO, ,LHAG MA NI DE DANG 'DRA'O; ,JI LTAR ZHE NA, RE ZHIG DGE BA LA NI RTOG PA DANG, DPYOD PA MA GTOGS PA SEMS LAS BYUNG BA NYI SHU 'BYUNG NGO, ,MA 'DRES PA'I BSGRIBS LA LUNG DU MA BSTAN PA DANG, LTA BA DANG MTSUNGS PAR LDAN PA LA NI BCU DRUG GO, ,'DOD CHAGS LA SOGS PA NYON MONGS PA DANG, NYE BA'I NYON MONGS PA DANG MTSUNGS PAR LDAN PA LA NI BCU BDUN NO, ,MA BSGRIBS LA LUNG DU MA BSTAN PA LA NI SA MANG PO PA BCU KHO NA 'BYUNG NGO, ,TSANGS PA'I BAR DU G-YO YOD PAR 'GYUR GYI ZHES BYA BA 'BYUNG STE, G-YO NI SGYU SNGON DU 'GRO BA YIN PA'I PHYIR SGYU YANG GZUNG BAR 'GYUR RO, ,JI LTAR NA TSANGS PA 'DOD CHAGS DANG BRAL BA LA YANG G-YO YOD CE NA, 'KHOR DANG 'BREL BA'I PHYIR RO ZHES BYA BA SMOS SO, ,DE NYID KYI PHYIR 'KHOR MED PA'I PHYIR TSANGS PA'I GONG BSAM GTAN GNYIS PA LA SOGS PA RNAMS NA G-YO MED DO, ,'DI LTAR 'KHOR NI BRGYAD 'DON TE, RGYAL RIGS KYI 'KHOR DANG, TSANGS PA'I 'KHOR DANG, BRAM ZE'I 'KHOR DANG, KHYIM BDAG GI 'KHOR DANG, DGE SBYONG GI 'KHOR DANG, RGYAL CHEN BZHI'I 'KHOR DANG, SUM CU RTZA GSUM PA'I 'KHOR DANG, BDUD KYI 'KHOR RO, ,TSANGS PA'I 'JIG RTEN GYI GONG DU NI 'KHOR MA BSTAN TE, DES NA DE NA 'KHOR DANG 'BREL PA MED DO, ,JI LTAR DE NA 'KHOR DANG 'BREL PAS G-YO YOD DO ZHES BYA BAR SHES SHE NA, DE'I PHYIR, DE NI RANG GI 'KHOR GYI NANG DU ZHES BYA BA RGYAS PAR SMOS SO, ,DE NI RNAG GI 'KHOR LA BAG 'KHUMS PA YONGS SU SPANG BAR 'DOD NA GZUGS MED PA'I KHAMS SU 'BYUNG BA CHEN PO DAG YONGS SU MA LUS PAR 'GAG MOD KYI, DE'I SNYOMS PAR 'JUG PA MA THOB PAS @144B MA SHES PA NA GTAM RLUNG BSKUR RO, ,TSANGS PA'O ZHES SMRAS NAS YANG TSANGS PA CHEN PO ZHES BYA ZER BA NI DE LAS GZHAN PA'I TSANGS PA DAG PAS MCHOG YIN PAR SHES PAR BYA BA'I PHYIR RO, ,DBANG PHYUG GO, ,BYED PA PO'O ZHES BYA BA NI PHYI MA PHYI MAS BSHAD PA'O, ,SA GANG NA SEMS GANG LA ZHES BYA BA RGYAS PAR 'BYUNG NGO, ,SA DAG NI GSUM STE, RTOG PA DANG BCAS SHING DPYOD PA DANG BCAS PA'I SA DANG, RTOG PA MED LA DPYOD PA TZAM GYI SA DANG, RTOG PA YANG MED DPYOD PA YANG MED PA'I SA'O, ,SA RNAM PA GSUM PO 'DI DAG NA SEMS GANG LA SEMS LAS BYUNG BA JI SNYED CIG MTSUNGS PAR LDAN PA DE RGYAS PAR BSHAD ZIN TO, ,YANG NA MNYAM PAR GZHAG PA DANG MNYAM PAR GZHAG PA MA YIN PA'I SA'AM, BSAM GTAN KHYAD PAR CAN DANG BCAS PA SA BCU DANG SBYAR RO, ,DA NI GZHUNG LAS SEMS LAS BYUNG BA KHA CIG GI ZHES BYA BA RGYAS PAR 'BYUNG NGO, ,RANG GI NGO BO 'DRA BAS DE DAG GI BYE BRAG BDE BLAG TU KHONG DU MI CHUD DE; DE'I PHYIR DE RAB TU BSTAN PAR BYA BA'I GZHUNG LAS, THA DAD DU BYA BA BSHAD PA BRJOD PAR BYA'O, ,GZHUNG LAS 'BYUNG BA ZHES BYA BA CI'I PHYIR ZHE NA, 'JIG RTEN PA DANG SANGS RGYAS PA KHA CIG GIS GNYIS KA YANG 'DZEM PA'I BDAG NYID DU KHAS BLANGS PA'I PHYIR RO, ,THA DAD DU BYA BA CI YOD CES BYA BA NI KHYAD PAR CI YOD CES BYA BA'O, ,MA GUS NGO TSA MED CES BYA BA RGYAS PAR 'BYUNG BA LA, YON TAN RNAMS ZHES BYA BA NI TSUL KHRIMS DANG, TING NGE 'DZIN DANG, SHES RAB RNAMS SO, ,YON TAN CAN RNAMS LA ZHES BYA BA NI CHO GA DANG SPYOD YUL PHUN SUM TSOGS PA RNAMS LA STE, MKHAN PO LA SOGS PA GANG ZAG RNAMS LA BRNYAS PA NI MA GUS PA NYID DO, ,'DI LA GUS PA MED PAS NA MA GUS PA'O, ,DE'I DNGOS PO NI MA GUS PA NYID DE, SEMS LAS BYUNG BA'I CHOS SO, ,BKUR BA MED PA NYID CES BYA BA LA, SLOB MA LA DBANG BAS NI BKUR BA STE, BLA MA 'AM BLA MA'I GNAS DANG 'DRA BA'O, ,'DI LA BKUR BA MED PAS NA BKUR BA MED PA'O, , DE'I DNGOS PO NI BKUR BA MED PA NYID DO, ,'JIGS PAS DBANG SGYUR BA'I NGANG TSUL 'DI LA YOD PAS NA 'JIGS PAS DBANG SGYUR BA'O, ,'JIGS PAS DBANG SGYUR BA MED PA NI, 'JIGS PAS DBANG MI SGYUR BA STE, DE'I DNGOS PO NI 'JIGS PAS DBANG MI SGYUR BA NYID DO, ,'JIGS PA ZHES BYA BA NI SEMS LAS @145A *, ,BYUNG BA'I CHOS YID KYIS PA STE, RTOG PA MED PA'I PHYIR RNAM PAR SHES PA'I TSOGS LNGA PO DAG LA NI 'JIGS PA MED DO, ,BLA MA DAG DANG BLA MA 'DRA BA DAG LA GUS PA DANG BCAS PA NI DE DAG LA 'JIGS PAR 'GYUR GYI, MI GUS PA NI MA YIN LA, 'JIGS PA DANG BCAS PA YANG DBANG DU 'GYUR GYI, MI 'JIGS PA NI MA YIN NO, ,JI LTAR NA BLA MA'AM BLA MA'I GNAS LTA BU DAG LA 'JIGS PA YIN ZHE NA, DE DAG LA BRNYAS PAS CHOS MA YIN PAR 'GYUR RO SNYAM DU DOGS PA LAS SO, ,'DIR MA GUS PA NI GUS PA MED PA TZAM MA YIN LA, GZHAN GANG CI YANG RUNG BA YANG MA YIN TE, 'O NA CI ZHE NA, GUS PA'I MI MTHUN PA'I CHOS TE, GUS PA'I GEGS SU GYUR PA SEMS LAS BYUNG BA'I CHOS GZHAN ZHIG LA BRJOD DO, ,KHREL MED, KHA NA MTHO 'JIGS MI LTA, ,ZHES BYA BA LA, KHA NA MA THO BA NI SMRA BAR BYA BA MA YIN PA STE, DE NYID KYI PHYIR, KHA NA MA THO BA ZHES BYA BA NI GANG ZHIG DAM PA RNAMS KYIS SMAD PA STE ZHES BYA BA SMOS TE, SLAR GSHE BA DANG, SPANGS PA'O, ,DE'I SMAD PA DANG, 'BRAS BU RNM PAR SMIN PA YID DU MI 'AOD BA GNG YIN PA STE, DE LA 'JIGS PAR MI LTA BA NI KHREL MED PA'O, ,'JIGS PA ZHES BYA BA NI 'JIG RTEN LA SKRAG PA LA GRAGS SO ZHE NA, DE'I PHYIR, 'DIR 'JIGS PA NI MI 'DOD PA'I 'BRAS BU STE ZHES BYA BA SMOS TE; GANG ZHIG GNOD SBYIN LA SOGS PA DAG LA SKRAG PA NI MA YIN NO, ,DE JI LTAR 'JIGS PA YIN ZHE NA, DE'I PHYIR, 'DI LAS 'JIGS PAR 'GYUR BA'I PHYIR RO ZHES BYA BA SMOS SO, ,GAL TE MI 'JIGS PAR LTA BA YIN NA NI LTA BA SHES RAB KYI RNAM GRANGS YIN PA'I PHYIR SHES RAB YIN PAR SHES PAR 'GYUR RO, , MI 'DOD PA'I 'BRAS BU 'JIGS PAR MI LTA BA YIN NA NI MA RIG PA YIN PAR SHES PAR 'GYUR TE, MI LTA BA NI MA RIG PA'I RNAM GRANGS YIN PA'I PHYIR RO, ,DE NYID KYI RGYU MTSAN ZHES BYA BA LA, LTA BA DANG, MI LTA BA GNYIS SO, ,SHES PA DANG, LOG PA'I SHES PA DAG KUN DU SPYOD PA'I RGYUR GYUR PA'I CHOS NYE BA'I NYON MONGS PA ZHES BYA BA 'GA' ZHIG YOD PA DE NI KHREL MED PA STE, KHA NA MA THO BA KUN DU SPYOD PA LA DOGS PA MED CES BYA BA'I DON TO, ,GZHAN DAG NA RE NI BDAG LA LTOS NAS ZHES BYA BA RGYAS PAR 'BYUNG STE, BDAG NYID NYES PA LA 'JUG PAR MI RIGS PA NYID DU MTHONG YANG NYES PA DAG LA MI 'DZEM PA NI NGO TSA @145B MED PA YIN LA, 'DI NI GZHAN DAG GIS SMAD PA YIN NO ZHES BYA BA MTHONG BZHIN DU YANG NYES PA DAG LA MI 'DZEM PA NI KHREL MED PA'O ZHE'O, ,MI DGE BA'I SA MANG PO PA YIN PA'I PHYIR SEMS GCIG LA GNYIS KA 'GAL LO ZHES BSTAN PA'I PHYIR, DE LTA NA YANG LTOS PA GNYIS ZHES BYA BA RGYAS PAR SMOS SO, , GZHAN GYI BDAG NYID DAG NI CIG CAR LTOS PAR MI RIGS TE, YUL THA DAD PA'I PHYIR RO, ,BDAG DANG GZHAN LA LTOS PA CIG CAR RO ZHES NI MI ZER RO ZHES BYA BA LA SOGS PA LA, RNAM GRANGS KYIS 'JUG PAR 'DOD PAS SKYON MED DO, ,BZLOG PA ZHES BYA BA LA SOGS PA 'BYUNG NGO, ,RE ZHIG RTOG PA DANG PO LTAR NA ZHES BYA BA RGYAS PAR 'BYUNG STE, 'DIS GNON CING SPYING BAR BYED PAS NA GUS PA'O, ,GUS PA'I DNGOS PO NI GUS PA NYID DE, DE'I YUL DANG, RGYU MTSAN CAN GYI GCES SPRAS TE, 'DI NI YUL GYI 'DUN PA'AM RGYU MTSAN GYI 'DUN PA YIN PA'I PHYIR RO, ,GUS PA DANG LHAN CIG PA NI GUS PA DANG BCAS PA STE, NOR DANG BCAS PA BZHIN NO, ,DE'I DNGOS PO NI GUS PA DANG BCAS PA NYID DE, GANG ZHIG YOD NA BLA MA'I GNAS RNAMS DANG, YON TAN RNAMS LAS 'DA' BAR MI NUS PA SEMS LAS BYUNG BA'I CHOS SO, ,CHOS GANG DANG LDAN PAS BKUR PA DANG BCAS PAR 'GYUR BA DE NI BKUR BA DANG BCAS PA NYID DO, ,GUS PA DANG BCAS PA NI BLA MA DANG 'DRA BA'I GNAS DAG LA 'JIGS PAR 'GYUR GYI, MI GUS PA NI MA YIN LA 'JIGS PA DANG BCAS PA NI DBANG SGYUR GYI, MI 'JIGS PA NI MA YIN NO, ,DE'I PHYIR GANG DANG LDAN PAS 'JIGS PAS DBANG SGYUR BA DANG BCAS PAR 'GYUR BA DE NI 'JIGS PAS DBANG SGYUR BA DANG BCAS PA NYID DO, ,KHA NA MA THO BA DAG LA ZHES BYA BA NI GANG DANG 'BREL PA LAS 'JIGS PAS DBANG SGYUR BAR 'GYUR BA'O, ,RTOG PA GNYIS PA LTAR NA ZHES BYA BA RGYAS PAR 'BYUNG STE, BDAG LA LTOS NAS NYES PA DAG LA 'DZEM PA NI NGO TSA SHES PA YIN LA, GZHAN LA LTOS NAS NI KHREL YOD PA'O, ,KHA CIG NI DGA' BA DANG GUS PA GNYIS GCIG NYID DO SNYAM DU SEMS TE, DE'I PHYIR 'DI NYID KYI THA DAD DU BYA BA BSTAN PA'I PHYIR, DGA' DAD CES BYA BA SMOS SO, ,DGA' DAD CES BYA BA NI DGA' BA NYON MONGS PA CAN MA YIN PA LA BSAMS NAS BRJOD PA YIN TE, DE @146A *, ,NYID KYI PHYIR, DGA' BA RNAM PA GNYIS TE, NYON MONGS PA CAN DANG, NYON MONGS PA CAN MA YIN PA'O ZHES BYA BA LA SOGS PA SMOS SO, ,NYON MONGS PA CAN MA YIN PA NI DAD PA STE ZHES BYA BA LA, DAD PA NI RNAM PA GNYIS TE, MNGON PAR YID CHES PA'I MTSAN NYID DANG, 'DOD PA'I MTSAN NYID CAN NO, ,MNGON PAR YID CHES PA NI 'GA' ZHIG LA 'DOD PA SKYE STE, DE'I PHYIR 'DIR DGA' BA DAD PA PHYI MA YIN NO, ,DAD PA YIN LA DGA' BA MA YIN PA YOD DE ZHES BYA BA LA, MU BZHI STE, SDUG BSNGAL DANG KUN 'BYUNG BA LA DMIGS PA'I DAD PA NI DAD PA KHO NA YIN GYI, DGA' BA MA YIN TE, MNGON PAR 'DOD PA MA YIN PA'I DNGOS PO LA DMIGS PA'I PHYIR RO, ,BU DANG CHUNG MA LA SOGS PA DAG LA DGA' BA NI DAD PA MA YIN TE, NYON MONGS PA CAN YIN PA'I PHYIR DANG, DAD PA NI DGE BA'I SA MANG PO PA YIN PA'I PHYIR RO, ,GNYIS KA YIN PA NI DGA' BA YANG YIN LA DAD PA YANG YIN PA STE, 'GOG PA DANG LAM LA DMIGS PA'I DAD PA'O, ,GNYIS KA MA YIN PA ZHES BYA BA NI DAD PA YANG MA YIN LA DGA' BA YANG MA YIN PA'O, ,RNAM PA DE DAG MA GTOGS PA ZHES BYA BA NI RNAM PA DE DAG STE, SDUG BSNGAL DANG, KUN 'BYUNG BA DANG, 'GOG PA DANG, LAM LA DMIGS PA DANG, BU LA SOGS PA LA DMIGS PA DAG LAS MA GTOGS PA GANG DAG SEMS LAS BYUNG BA GZHAN RNAMS DANG LDAN PA MA YIN PA LA SOGS PA'I CHOS RNAMS SO, ,GANG ZAG DAG LA NI DGA' BA YIN LA, GUS PA MA YIN PA NI ZHES BYA BA 'BYUNG NGO, ,BU DANG CHUNG MA ZHES BYA BA LA, DAG PA DANG SKYOB PAR BYED PAS NA BU'O, ,LUNG PHOG PA LA SOGS PA DANG 'BREL PA'I SLOB MA NI LHAN CIG GNAS PA'O, ,RIG PA LA SOGS PA BLANGS PA DANG 'BREL PA NI NYE GNAS SO, ,GUS PA YIN LA DGA' BA MA YIN PA NI BLA MA GZHAN YON TAN DANG LDAN PA DAG LA GUS PA'O, ,GNYIS KA YIN PA NI RANG GI BLA MA DAG LA DGA' BA DANG GUS PA LTA BU'O, ,RNAM BA DE DAG MA GTOGS PA ZHES BYA BA NI 'BREL PA MED PA DANG, YON TAN MED PA DANG, 'JIG RTEN GZHAN GANG DAG YIN PA STE, DE LA NI DGA' BA YANG MA YIN LA GUS PA YANG MA YIN NO, ,GZHAN DAG NA RE DAD PA ZHES BYA BA NI ZHES BYA BA LA SOGS PA LA, GZHAN DAG NA RE NI YON TAN YOD DO SNYAM PA NI DAD PA YIN LA, DE'I SGO NAS DGA' BA SKYE STE, DE'I PHYIR DGA' BA NI DAD @146B PA'I 'BRAS BU YIN GYI, DAD PA NI MA YIN NO ZHES ZER RO, ,GUS PA NI NGO TSA SHES PA JI SKAD BSHAD PA YIN NO ZHES BYA BA LA, MA GUS NGO TSA MED CES BYA BA LA BZLOG PA DANG, BDAG LA LTOS NAS NYES PA DAG LA 'DZEM PA'O, ,GZHAN DAG NA RE GUS PA ZHES BYA BA NI RGYAS PAR 'BYUNG BA LA, GUS PA'I 'BRAS BU 'DZEM PA NI NGO TSA SHES PA YIN GYI, GUS PA NYID NI MA YIN NO ZHES ZER RO, ,DE GNYIS 'DOD DANG GZUGS DAG NA, ,ZHES BYA BA NI NGES PAR GZUNG BA'I DON DU BRTZAMS PA STE, DE NYID KYI PHYIR GZUGS MED PA'I KHAMS NA NI DGA' BA DANG GUS PA DAG MED DO ZHES BYA BA SMOS SO, ,DE DAG MED PA'I RGYU CI ZHIG CE NA DGA' BA DANG GUS PA'I RTEN MED PA DANG, DE DAG GI RGYU MED PA'O, ,RTEN NI SLOB DPON DANG SLOB MA'O, ,DE LA SLOB MA RNAMS NI SLOB DPON LA DGA' BA DANG GUS PA YIN LA, SLOB DPON RNAMS NI SLOB MA RNAMS LA DGA' BA KHO NA YIN GYI GUS PA MA YIN NO, ,RGYU NI LUS DANG NGAG GI LAS DAG PA DANG 'DRES PA YIN NA, DE GNYIS KA YANG GZUGS MED PA DAG NA MED DO, ,DE'I PHYIR DGA' BA DANG GUS PA MED DO, ,DAD PA DANG NGO TSA SHES PA ZHES BYA BA RGYAS PAR 'BYUNG STE, DGA' BA DANG, GUS PA GNYIS NI DAD PA DANG NGO TSA SHES PA'I RANG BZHIN YIN LA, DAD PA DANG NGO TSA SHES PA DAG NI DGE BA'I SA MANG PO PA YIN PA'I PHYIR GZUGS MED PAR BKAG PA 'GAL LO ZHE NA; DAD PA NI RNAM PA GNYIS TE ZHES BYA BA LA SOGS PA RGYAS PAR 'BYUNG STE, DER NI GANG ZAG LA DMIGS PA'I DAD PA DANG, NGO TSA SHES PA DAG BKAG GI ,CHOS LA DMIGS PA DAG LA NI MA YIN PAS 'GAL BA MED DO, ,'DI GANG LAS SHE NA, SKABS KYIS TE, GANG ZAG DAG LA DGA' BA DANG GUS PA YIN NO ZHES BYA BA NI SKABS YIN NO, ,DE NYID KYI PHYIR, 'DIR NI DGA' BA DANG GUS PA DE DAG LA BSAM PA YIN NO ZHES BYA BA SMOS TE, GANG DAG GANG ZAG LA DMIGS PA'I DAD PA DANG NGO TSA SHES PA DAG LA YIN GYI, CHOS LA DMIGS PA DAG LA NI MA YIN NO, ,RTOG PA DANG DPYOD PA DAG LA ZHES BYA BA RGYAS PAR 'BYUNG NGO, ,SEMS GCIG LA DE GNYIS JI LTAR LDAN ZHE NA ZHES BYA BA LA, DE DAG GI RANG GI NGO BO MA BSTAN PAS SEMS GZHAN NYID MA YIN LA, SEMS GCIG LA RTZING BA DANG ZHIB PA NYID YOD PA YANG MA YIN TE, PHAN TSUN 'GAL BA'I PHYIR RO ZHE NA, KHA CIG NA RE ZHES BYA BA RGYAS PAR 'BYUNG NGO, ,MAR SAR @147A *, ,CHU DAG GI NANG DU BOR BA ZHES BYA BA LA SOGS PA LA, BSKYUR BA ZHES BYA BA'I THA TSIG GO, ,RTOG PA DANG, DPYOD PA DANG, RJES SU 'BREL BA'I PHYIR SEMS HA CANG RTZING BA DANG, HA CANG ZHIB PAR MI 'GYUR RO ZHES BYA BA NI DPE DANG CHOS MTSUNGS PA'O, ,HA CANG YANG MI 'KHYAG CES BYA BA NI HA CANG 'THAS PAR MI 'GYUR BA'O, ,HA CANG MI 'JU BA NI HA CANG ZHU BAR MI 'GYUR BA'O, ,DE DAG GI NGO BO NYID KYI HA CANG NI MA YIN PA LTAR ZHES BYA BA LA, RTZING BA DANG ZHI BA PA NYID KYI RANG GI NGO BO NI MA YIN NO, ,GAL TE RTOG PA DANG DPYOD PA DAG NI SEMS KYI RTZING BA DANG ZHIB PA NYID DO ZHES BYA BA 'DI NI BYA BA'I SGO NAS BSTAN PA YIN GYI, RANG GI NGO BO'I SGO NAS NI MA YIN ZHES KHAS LEN TE, DE'I PHYIR RGYU MTSAN DU GYUR PA YIN NO ZHES BYA BA'I THAL BA 'DIR MI 'GYUR RO, ,'DIR LTAR MDO LAS RNAM PAR SHES PA GANG CI YANG RUNG STE, RAGS PA'AM, PHRA BA'AM ZHES BYA BA GSUNGS TE, DE'I PHYIR CHOS GANG YOD NA SEMS RTZING BAR SKYE BA STE DE NI RTOG PA YIN LA, GANG ZHIG YOD NA ZHIB PAR SKYE BA DE NI DPYOD PA'O, ,DE LTAR NA YANG SEMS GCIG LA RTZING BA DANG ZHIB PA GNYIS MI 'THAD DE, PHAN TSUN 'GAL BA'I PHYIR RO, ,SLOB DPON 'DUS BZANG NA RE NI SEMS GCIG LA MI DMIGS SHING RDZAS MNYAM YANG MTHU'I DUS GZHAN NYID YIN PA'I PHYIR 'GAL BA MED DO, ,TSOGS LA RTOGS PA'I MTHU BLA LHAG NA NI DPYOD PA'I MTHU NYAMS PA'I PHYIR SEMS RTZING BAR 'GYUR LA, DPYOD PA'I MTHU BLA LHAG NA NI RTOG PA'I MTHU NYAMS PA'I PHYIR ZHIB PAR 'GYUR TE, TSA DANG CHU GRANG SRANG RE BZHIN NO, ,'DIR GANG ZHIG MTHU SHAS CHE BA DE NI TSA DANG MTSUNGS LA, GANG ZHIG CHA SHAS CHUNG BA DE NI CHU DANG MTSUNGS PAS DPE LA MI MTHUN PA MED DO, ,DE LTAR NA RTOG PA DANG DPYOD PA CIG CAR BA YIN LA, SEMS RTZING BA DE NYID NI ZHIB PA MA YIN NO ZHES ZER RO, ,RTZING BA DANG ZHIB PA SA DANG RNAM PA'I BYE BRAG GIS ZHES BYA BA 'BYUNG STE, DE LA SA'I BYE BRAG GIS MNGON PAR 'DU BYA BA CHE BA'I PHYIR BSAM GTAN DANG PO LA LTOS NAS 'DOD PA'I KHAMS RAGS LA, 'DU BYA BA CHUNG BA'I PHYIR 'DOD PA'I KHAMS LA LTOS NAS BSAM GTAN DANG BO PHRA ZHING RAB TU ZHI BA YIN NA, ,YANG DE NYID BSAM GTAN GNYIS PA LA LTOS NAS RAGS LA, BSAM GTAN @147B GNYIS PA YANG BSAM GTAN DANG PO LA LTOS NAS PHRA BA YIN TE, SRID PA'I RTZE MO'I BAR DU YANG DE DANG 'DRA BAR BRJOD PAR BYA'O, ,RNAM PA'I BYE BRAG GIS NI SA GCIG LA YANG CHUNG DU DANG, 'BRING DANG, CHEN PO RNAMS LA SLAR CHUNG DU LA SOGS PAR PHYE BA LAS, DE LTAR SRID PA'I RTZE MO'I BAR DU RTOG PA NGANG DPYOD PA DAG YOD PAR 'GYUR RO, ,SA'I BYE BRAG GIS NI 'DOD PA'I KHAMS NA RTOG PA KHO NA YOD LA, SRID PA'I RTZE MON DPYOD PA KHO NA YOD CING, BAR NA GNYIS KA YOD PAR 'GYUR RO, ,RNAM PA'I BYE BRAG GIS NI SA THAMS CAD NA NI GNYIS KA YANG YOD KYI, 'DOD PA'I KHAMS DANG, BSAM GTAN DANG PO GNYIS KHO NA NA YOD PA NI MA YIN NO, ,SLOB DPON 'DUS BZANG NI SLAR YANG SEMS RTZING BA DANG ZHIB PA NYID NI SEMS KYI RTZING BA DANG ZHIB PA NYID DO, ,ZHES MI SMRA'I, 'O NA JI LTAR ZHE NA, SEMS RTZING BA NI SEMS LA YOD PA'I RTZING BA'O, ,DE'I DNGOS PO NI SEMS RTZING BA NYID DO, ,SEMS ZHIB PA YANG DE DANG 'DRA'O ZHES ZER RO, ,RTZING BA DANG ZHIB PA NYID CES BYA BA LA SOGS PA LA, RTZING BA DANG ZHIB PA NYID DE, RTOG PA DANG DPYOD PA DAG PHAN TSUN NAM SEMS LAS RANG BZHIN THA DAD PAR YANG RIGS PA MA YIN TE, RANG GI NGO BO THA DAD PA MA YIN NO ZHES BYA BA'I THA TSIG GO, ,SEMS DE NYID GNAS SKABS 'GA' ZHIG LA ZHIB PA YIN LA, GNAS SKABS 'GA' ZHIG NA RTZING BA YIN GYI, DE LA RTZING BA'AM ZHIB PA CHOS GZHAN NI MED DO SNYAM DU BSAMS BA'O, ,YANG NA TSOR BA DANG 'DU SHES DAG KYANG RTOG PA DANG DPYOD PA NYID DU THAL BAR 'GYUR TE, TSOR BA NI RAGS PA YIN LA, 'DU SHES NI PHRA BA YIN PA'I PHYIR RO, ,RANG BZHIN THA DAD PAR GYUR PA LA NI THA DAD PA MTHONG NA, RTZING BA DANG ZHIB PA NYID KYIS NI MA YIN TE, RANG BZHIN GCIG LA YANG RTZING BA DANG ZHIB PA MTHONG BA'I PHYIR RO, ,GZHAN DAG NA RE ZHES BYA BA 'BYUNG NGO, ,NGAG MNGON PAR 'DU BYED PA ZHES BYA BA LA, NGAG KUN NAS SLONG BAR BYED PA'I 'DU BYED NI NGAG MNGON PAR 'DU BYED PA'O, ,RTOG PA DANG DPYOD PA DAG NI MNGON PAR 'DU BYED PA'I YIN PAR 'DOD DO ZHES BYA BA 'DI GANG LAS SHE NA, DE'I PHYIR, BRTAGS SHING DPYAD NAS ZHES BYA BA SMRAS SO, ,BRTAGS SHING DPYAD NAS ZHES BYA BA NI 'DI LTA BU DANG, 'DI LTA BU ZHIG SMRA BAR BYA'O SNYAM PA'I DON TO, ,DE LA RTZING BA GANG DAG @148A *, ,YANG BA ZHES BYA BA NI NGAG RTZING BA 'JUG PAR BYED PA'O, ,ZHIB PA NI ZLOG PA'O, ,RTOG PA 'DI LTAR NA NI RTOG PA DANG, DPYOD PA GNYIS BTAGS PAR YOD PA DANG, RNAM GRANGS KYIS YOD PAR KHAS BLANG BAR 'GYUR TE, SEMS DANG SEMS LAS BYUNG BA'I TSOGS PA NGAG KUN NAS SLONG BAR BYED PA YIN PA'I PHYIR DANG, NGAG RTZING BA DANG ZHIB PA DAG KYANG CIG CAR MI 'BYUNG BA'I PHYIR RO, ,GAL TE SEMS GCIG LA ZHES BYA BA RGYAS PAR 'BYUNG STE, SEMS GCIG LA DE GNYIS JI LTAR LDAN ZHES MDO SDE PAS GANG SMRAS PA DE LA KHAS BLANGS NAS LAN SMRAS PA NI, 'DI 'GAL BA CI ZHIG YOD CES BYA BA STE, BYE BRAG TU SMRA BA RNAMS NA RE GAL TE TSOR BA DANG 'DU SHES LTAR SEMS GCIG LA RTOG PA RTZING BA YANG CHOS GZHAN YIN, ZHIB PA DPYOD PA YANG GZHAN YIN PA ZHES BYA BA 'DI LA 'GAL BA CI ZHIG YOD DE, RIGS PA'AM LUNG CI ZHIG YOD CES ZER RO, ,GAL TE TSOR BA DANG 'DU SHES BZHIN DU RTOG PA DANG DPYOD PA GNYIS KYANG RIGS THA DAD PA ZHIG YIN NA NI 'GAL BA MED PAR 'GYUR RO, ,RIGS THA DAD PA YIN NA TSOR BA RAGS PA YIN ZHING 'DU SHES PHRA BA YIN PAS DE GNYIS RTZING BA DANG ZHIB PA YIN YANG SEMS GCIG LA MI 'GAL NA, RTOG PA DANG DPYOD PA DAG LA NI DE LTAR RIGS THA DAD PA MED DO, ,RTZING BA DANG ZHIB PA NYID MA GTOGS PAR DE DAG RANG GI NGO BO NGES PAR MA BZUNG BA'I PHYIR, MTSAN NYID NGES PAR MA ZIN PA'I RIGS GCIG LA CHUNG DU DANG, CHEN PO NYID DE, RTZING BA DANG ZHIB PA NYID CIG CAR 'BYUNG BA MI SRID DE, SEMS KYI RDZAS GCIG LA'O, ,THUN MONG BA LAS RTZING BA DANG ZHIB PA YIN PA 'BA' ZHIG TU MA ZAD KYI TSOR BA DANG 'DU SHES LTAR RIGS THA DAD PA YANG YOD DE, DE'I PHYIR RTOG PA DANG DPYOD PA GNYIS CIG CAR 'BYUNG BA MI 'GAL LO, ,'O NA NI RTOG PA DANG DPYOD PA DAG GI RIGS THA DAD PA DE TSOR BA DANG 'DU SHES LTAR PHAN TSUN RANG GI NGO BO KHYAD PAR DU 'PHAGS PAR NGES PAR GZUNG STE BRJOD PAR BYA DGOS TE, MA BRJOD PAR NI RTOGS PAR MI NUS SO, ,KHYAD PAR PHRA BA'I PHYIR DE NI BRJOD PAR DKA' STE, DE'I PHYIR CHUNG DU DANG CHEN PO NYID KYIS GSAL BAR 'GYUR TE, SEMS CHUNG BAS GSAL BAR 'GYUR ZHING MNGON PAR 'GYUR TE, MNGON DU DPYOD PAR 'GYUR RO ZHES BYA BA'I THA TSIG GO, ,GANG GI DBANG GIS ZHIB PA MNGON DU DPYOD PAR 'GYUR BA DE NI RGYU MTSAN CUNG @148B ZAD CIG YOD PA YIN NO, ,DE BZHIN DU RTZING BA LA YANG BRJOD PAR BYA'O, ,DE LTA NA NI GSAL BAR MI 'GYUR TE, CI ZHE NA, RIGS THA DAD PA'O, ,CI'I PHYIR ZHE NA, RIGS RNAMS RE RE ZHING CHUNG DU DANG CHEN PO YIN PA'I PHYIR RIGS THA DAD PAR GSAL BAR MI 'GYUR RO, ,SLOB DPON 'DUS BZANG NA RE NI CHOS KYI MTSAN NYID RNAM PA DU MAR BSTAN PA'I PHYIR RANG BZHIN DANG, MTSUNGS PAR LDAN PA DANG, RGYU DANG, 'BRAS BU DANG, NUS PA DANG, DMIGS PA LA SOGS PA RNAMS KYI MTSAN NYID STON PAR BYED KYI, GDON MI ZA BAR RANG BZHIN KHO NAS NI MA YIN TE, CHOS KYI RANG BZHIN DAG NI MCHOG TU KHONG DU CHUD PAR DKA'O ZHES ZER RO, ,GZHAN DAG NA RE SEMS GCIG LA RTOG PA DANG DPYOD PA DAG MI 'BYUNG BA NYID DO ZHES BYA BA LA SOGS PA LA RNAM GRANGS KYIS 'BYUNG BA'I PHYIR SEMS KYI SKAD CIG GCIG RTZING BA DANG ZHIB PA NYID DU THAL BAR MI 'GYUR RO SNYAM DU BSAMS PA'O, ,SA LAS BSAM GTAN DE NI JI LTAR, DANG PO LA LNGA RTOG DPYOD DANG, ,DGA' DANG BDE DANG TING 'DZIN RNAMS, ,ZHES BSAM GTAN DANG PO YAN LAG LNGA PAR BSHAD, YAN LAG BZHI ZHES BRJOD PAR BYA STE, RTOG PA DANG DPYOD PA DAG GANG YANG RUNG BA ZHIG MED PA'I PHYIR RO SNYAM DU BSAMS PA'O, ,SA LAS BSAM GTAN DANG PO DE YAN LAG LNGA PAR BSHAD DE, RES 'GA' NI RTOG PA DANG LDAN LA, RES 'GA' NI DPYOD PA DANG NGO, ,DE'I PHYIR DE LTAR NA RGYUN GYI DBANG DU BYAS NAS DE SKAD BSHAD KYI, SKAD CIG LAS NI MA YIN TE, SKAD CIG LA NI RTOG PA DANG DPYOD PA DAG CIG CAR 'BYUNG BAR MI RUNG NGO, ,NGA RGYAL KHENGS PA ZHES BYA BA LA SOGS PA LA 'DUD PA DANG, MNGON DU LDANG BA DANG, SRI ZHU LA SOGS PA 'GAL BA SEMS LAS BYUNG BA'I CHOS BDAG LA STOD PA DANG GZHAN LA SMOD PAR BYED PA NI NGA RGYAL LO, ,GANG YANG RUNG BA ZHES BYA BA NI DE NYID DANG DE NYID MA YIN PA'O, ,PHA ROL PO LAS KHYAD PAR YONGS SU BRTAGS NAS SEMS KHENGS PA NI NGA RGYAL LO, ,BDAG NI GTONG BA DANG LDAN NO; ,NOR DANG LDAN NO, ,TSUL KHRIMS DANG LDAN NO, ,BLO DANG LDAN NO SNYAM DU RANG GI CHOS KHO NA LA CHAGS PA LA SEMS KYI DGE BA'I RTZA BA YONGS SU GTUGS PAR BYED PA'I DREGS PA SKYE BA GANG YIN PA DE NI RGYAGS PA ZHES BYA'O, ,YANG NA 'DIS YONGS SU GTUGS PAR BYED PAS NA YONGS SU GTUGS PA @149A *, ,STE; SO GA'I NYI MAS CHU MIG G-YO BA YONGS SU GTUGS PAR BYED PA LTAR, SEMS LAS BYUNG BA'I CHOS RANG GI CHOS LA CHAGS PA LAS SKYES PA DE DGE BA'I CHOS MNGON DU GYUR PA'I YONGS SU GTUGS PAR BYED PA'O, ,GZHAN DAG NA RE CHANG LAS SKYES PA JI LTA BA DE BZHIN DU ZHES BYA BA LA SOGS PA LA, CHANG LAS SKYES PA'I KUN DU DGA' BA JI LTA BA DE BZHIN DU 'DOD CHAGS LAS SKYED PA'I KUN DU DGA' BA YANG YIN NO, ,KUN DU DGA' BA'I BYE BRAG CES BYA BA LA, KUN DU DGA' BA'I BYE BRAG SMOS PA NI YID BDE BA LAS KHYAD PAR DU BYA BA'I PHYIR RO, ,SEMS LAS BYUNG BA RNAMS SEMS DANG BCAS TE RNAM PA RE RE NAS BSHAD ZIN TO ZHES BYA BA LA, RE ZHIG SEMS NI RANG GI MTSAN NYID DANG, PHUNG PO DANG, SKYE MCHED DANG, KHAMS DANG, DGE BA DANG, MI DGE BA DANG, LUNG DU MA BSTAN PA DANG, KHAMS KYI RAB TU DBYE BAS RNAM PA RE RE NAS BSHAD ZIN TO, ,SEMS LAS BYUNG BA RNAMS KYANG RANG GI MTSAN NYID DANG, PHAN TSUN GYI KHYAD PAR DANG, GRANGS NGES PAR GZUNG BA DANG, 'DOD PA'I KHAMS DANG, BSAM GTAN DANG PO LA SOGS PA SA'I RAB TU DBYE BAS RNAM PA RE RE NAS BSHAD DE, RANG GI MTSAN NYID KYIS GANG DAG DANG, GANG DAG LHAN CIG 'BYUNG BA'O, ,GSUNG RAB LAS ZHES BYA BA RGYAS PAR 'BYUNG STE, MING DANG MING CAN GYI 'BREL PA LA BYANG BA'I SLOB MA NI GSUNG RAB LA BDE BLAG TU THA SNYAD 'DOGS PAR BYED PAS DE'I PHYIR DE DAG GI MING 'DI DAG BRJOD DE, SEMS DANG YID DANG RNAM SHES NI, ,DON GCIG CES BYA BA, SEMS GANG YIN PA DE NYID YID YIN LA, DE NYID RNAM PAR SHES PA YIN TE, NGES PA'I TSIG GIS BYAS PA'I KHYAD PAR 'GA' ZHIG NI YOD DO, ,DGE BA DANG MI DGE BA RNAMS MNGON PAR 'DU BYED CES BYA BA'I DON TO, ,SHES PAS NA ZHES BYA BA NI RLOM PAR BYED PA'I DON GYIS TE, NGAR 'DZIN PA'I RTEN YIN PA'I PHYIR RO, ,RNAM PAR SHES PAS NA ZHES BYA BA NI GZUGS LA SOGS PA'I YUL RTOGS BAS NA'O, ,KHA CIG NA RE ZHES BYA BA LA, DGE BA DANG, MI DGE BA'I CHOS KYIS BAG CHAGS GNAS PA'I TSUL GYIS BSAGS PA'I PHYIR SEMS ZHES BYA'O, ,DE NYID RTEN DU GYUR PA ZHES BYA BA LA, 'DAS MA THAG PA RTEN DU GYUR PA YOD DO, ,DA LTAR BA NI RNAM PAR SHES PA'O, ,YANG NA KHAMS DANG, SKYE @149B MCHED DANG, PHUNG POR BTAGS PAR BYAS PA'I KHYAD PAR TE, KHAMS SU BTAGS PAR BYAS PA'I KHAMS BCO BRGYAD DU BTAGS PA LAS NI SEMS KYI KHAMS BDUN ZHES BSTAN PA'I PHYIR RO, ,SKYE MCHED BCU GNYIS SU BTAGS PA LAS NI YID KYI SKYE MCHED DU BSTAN PA'I PHYIR RO, ,GZUGS LA SOGS PA'I PHUNG POR BTAGS PA LAS NI RNAM PAR SHES PA'I PHUNG PO ZHES BSTAN PA'I PHYIR RO, ,SEMS DANG SEMS BYUNG DANG, RTEN DANG DMIGS DANG RNAM BCAS DANG, ,ZHES BYA BA LA, 'DA ZHES BYA BA'I SGRA NI DON GCIG CES BYA BA RJES SU DRANG BAR BYA BA'I DON TO, ,SEMS DANG SEMS BYUNG DANG ZHES BYA BA'I SGRA 'DIS BRJOD PA GANG DAG YIN PA DE DAG KHO NA RTEN ZHES BYA BA'I SGRA 'DI NYID BRJOD PA YIN TE, DMIGS PA DANG BCAS PA DANG, RNAM PA DANG BCAS PA DANG, MTSUNGS PAR LDAN PA DANG BCAS PA DAG KYANG DE DANG 'DRA'O, ,DE LA DBANG PO LA BRTEN PA'I PHYIR NA RTEN DANG BCAS PA DAG STE, MIG LA SOGS PA'I SKYE MCHED DRUG LA BRTEN PA'I PHYIR RO, ,'DI DAG LA DMIGS PA YOD PAS NA DMIGS PA DANG BCAS PA DAG STE, YUL 'DZIN PA'I PHYIR RO, ,RNAM PA RE RE NAS BYE BRAG TU GCOD PA'I PHYIR RO ZHES BYA BA NI RNAM PA RE RE NAS 'DZIN PA'I PHYIR RO, ,JI LTAR ZHE NA, RNAM PAR SHES PA NI SNGON PO LA SOGS PA'I RNAM PA RNAMS BYE BRAG TU GCOD PAR BYED LA; JI LTAR DMIGS PA DE NYID KYI MTSAN MA NI 'DU SHES KYIS 'DZIN PAR BYED DO, ,TSOR BAS MYONG NGO, ,SEMS PAS SEMS PAR BYED DO, ,MNYAM PAR LDAN PA'I PHYIR MTSUNGS PAR LDAN PA DAG GO ZHES BYA BA LA, GZHAN DANG LHAN CIG MNYAM PAR LDAN PAR GYUR PA'I PHYIR MTSUNGS PAR LDAN PA DAG GO, , MNYAM PAR LDAN PA'I PHYIR NA MTSUNGS PAR LDAN PA DAG STE, 'GA' ZHIG RDZAS LHAG PA DANG, LHAN CIG 'BYUNG BA MA YIN NO ZHES BYA BA'I DON TO, ,LHAN CIG 'BYUNG BA NI SNGA PHYIR MA YIN NO ZHES BYA BA'I DON TO, ,GZHAN DANG ZHES BYA BA NI DE NYID DE DANG MTSUNGS PAR LDAN PA MED PA'I PHYIR TE, RANG GI NGO BO NI RANG GI NGO BO DANG MTSUNGS PAR LDAN PAR MI RUNG NGO ZHES BYA BA'I DON TO, ,RTEN DANG, DMIGS PA DANG, RNAM PA DANG, DUS DANG, RDZAS MTSUNGS PA DAG GIS ZHES BYA BA LA, MIG LA SOGS PA'I DBANG PO'I SKAD CIG GANG DAG RNAM PAR SHES PA'I RTEN YIN PA DE DAG KHO NA DE DANG MTSUNGS PAR LDAN BA TSOR BA LA SOGS PA RNAMS @150A *, ,KYI YANG RTEN YIN NO, ,DE BZHIN DU THAMS CAD DMIGS PA THA MI DAD PA'I PHYIR NA DMIGS PA MTSUNGS PA NYID YIN LA, THAMS CAD RNAM PA GCIG TU 'BYUNG BA'I PHYIR RNAM PA MTSUNGS PA NYID DO, ,DUS GANG NA TSOR BA LA SOGS PA YOD PA DE NYID NA SEMS KYANG YOD PA NI DUS MTSUNGS PA'O, ,RDZAS MTSUNGS PA ZHES BYA BA NI GRANGS MNYAM PA'O, ,SEMS KYI TSOGS 'GA' ZHIG TU SEMS LAS BYUNG BA BCU GNYIS 'BYUNG LA, KHA CIG TU NYI SHU RTZA GNYIS 'BYUNG NGO ZHES BYA BA LA SOGS PA MA YIN NAM ZHE NA, DE NYID KYI PHYIR, RDZAS MTSUNGS PA GANG ZHES BYA BA SMOS TE, JI LTAR SEMS GCIG YIN PA DE BZHIN DU SEMS LAS BYUNG BA RNAMS KYANG RE RE YIN TE, RDZAS RIGS MTHUN PA GNYIS PHRAD PA MED PA'I PHYIR RO ZHES BYA BA'I DON TO, ,RGYAS PA DANG RAB TU DBYE BA DANG BCAS PA ZHES BYA BA LA, RGYAS PA NYID RAB TU DBYE BA YIN PA NI RGYAS PA DANG RAB TU DBYE BA'O, ,RGYAS PA DANG, RAB TU DBYE BA DANG LHAN CIG PA NI RGYAS PA DANG RAB TU DBYE BA DANG BCAS PA'O, ,DE LA RE ZHIG SEMS KYI RGYAS PA DANG RAB TU DBYE BA NI, RNAM SHES SO SOR RNAM RIG PA, ,YID KYI SKYE MCHED KYANG DE YIN, ,ZHES BYA BA LA SOGS PA BSHAD ZIN TO, ,SEMS LAS BYUNG BA RNAMS KYI TSOR BA MYONG BA ZHES BYA BA NAS BRTZAMS TE, SEMS BYUNG RNAM LNGA STE ZHES BYA BA'I BAR GYIS SO, ,DA NI SEMS LAS BYUNG BA'I MJUG THOGS SU BSTAN PA LDAN PA MA YIN PA RNAMS BSHAD PA'I SKABS SU BAB PAS DE'I MTSAN NYID BRJOD PAR 'DOD NAS MI LDAN PA'I 'DU BYED RNAMS ZHES BYA BA RGYA CHER SMOS SO, ,DANG ZHES BYA BA'I SGRA NI MI 'PHROD PA LA SOGS PA RNAMS BSDU BAR BYA BA'I PHYIR RO, ,YANG GI SGRA NI NGES PAR GZUNG BA'I DON DU STE, GNAS PA DANG RNYED PA LA SOGS PA RNAMS NI THOB PA KHO NA YIN GYI, DE LAS THA DAD PA MA YIN NO, ,THOB PA LA SOGS PA'I CHOS 'DI DAG NI LDAN PA MA YIN PA'O, ,GANG DANG LDAN PA MA YIN ZHE NA, SEMS DANG SBYAR BAR BYA'O, ,SEMS DANG LDAN PA MA YIN PA ZHES BRJOD PAR BYA STE, SEMS LAS BYUNG BA DAG LTAR SEMS DANG LHAN CIG DMIGS PA LA MI 'JUG CES BYA BA'I DON TO, SEMS DANG LDAN PA MA YIN ZHES SEMS SMOS PA NI SEMS DANG RIGS MTHUN PAR SHES PAR BYA BA'I DON TO, ,DE DAG GI SEMS DANG @150B RIGS MTHUN PA NYID KYANG CI ZHIG CE NA, 'DI DAG GZUGS CAN MA YIN PA YIN PA'O, ,DE NYID KYI PHYIR GZUGS KYIS NI SEMS DANG RIGS MI MTHUN PA'I PHYIR LDAN PA MA YIN PA'I MING MI 'THOB STE, DE DANG GANG KHO NA MTSUNGS PAR LDAN PA SRID PA DE KHO NA DANG MI LDAN PA ZHES BYA'I, GZUGS DANG MI LDAN PA NI MA YIN NO; ,SEMS LAS BYUNG BA RNAMS KYANG DE DANG RIGS MTHUN PAS DMIGS PA MED PANGES PAR ZUNG BAS DE GSAL BAR BYA BA'I PHYIR YANG LDAN PA MA YIN PA SMOS SO, ,'DUS MA BYAS KYANG DE DANG RIGS MTHUN PA DANG, DMIGS PA MED PA YIN PAS DE SPANGS PA'I PHYIR 'DU BYED SMOS TE, DE NYID KYI PHYIR, 'DU BYED 'DI DAG NI SEMS DANG MTSUNGS PAR LDAN PA YANG MA YIN LA, GZUGS KYI RANG BZHIN YANG MA YIN PAS ZHES BYA BA SMOS SO, ,'DI SKAD BSTAN PAR 'GYUR TE, SEMS DANG MTSUNGS PAR MI LDAN PA KHO NA LAS LDAN PA MA YIN PA'I 'DU BYED CES MI BYA'I, 'O NA CI ZHE NA, GANG DAG 'DU BYED YIN BZHIN DU GZUGS KYI RANG BZHIN YANG MA YIN LA, SEMS DANG MTSUNGS PAR YANG MI LDAN PA DE DAG LA LDAN PA MA YIN PA ZHES BYA'O, ,'DIR SEMS SMOS PA NI GTZO BO YIN PA'I PHYIR YIN GYI, SEMS KHO NA DANG MI LDAN PA NI MA YIN NO, ,DE LTA MA YIN NA NI SEMS DANG MTSUNGS PAR MI LDAN PA'I PHYIR SEMS DANG LDAN PA MA YIN PA NYID DU THAL BAR 'GYUR TE, RANG GI NGO BO DANG MTSUNGS PAR MI LDAN PA'I PHYIR RO, ,DE'I PHYIR SEMS DANG SEMS LAS BYUNG BA DANG MI LDAN PA DAG CES BYA'O, ,SEMS NI SEMS LAS BYUNG BA DANG MTSUNGS PAR LDAN PA'I PHYIR LDAN PA MA YIN PA NYID DU THAL BAR MI 'GYUR RO, ,DE LTAR NA BSTAN PA 'DI DAG GI BSHAD PA BYA DGOS SO ZHE NA, DE LA RE ZHIG CES BYA BA SMOS SO, ,DE LA ZHES BYA BA NI DMIGS KYIS DGAR BAR BYA BA'I DON DU STE, DE LA STE, DE DAG LA'O, ,RE ZHIG GI SGRA NI RIM GYI DON DU STE, CIG CAR BSHAD PAR MI NUS PA'I PHYIR RO, ,THOB PA ZHES BYA BA NI BSTAN PA'I TSIG GO, ,RNYED DANG LDAN PA'O ZHES BYA BA NI BSHAD BA'I TSIG GO, ,THOB PA DANG RNYED PA DANG LDAN PA'I SGRA DON GCIG PAR 'DOD MOD KYI, 'ON KYANG RNYED PA DANG LDAN PA ZHES BYA BA 'DI NI BYE BRAG TU BSTAN PA YIN NO, ,SNGAR MA THOB PA RNAMS KYI THOB PA GANG DAG YIN PA DE NI ZHES KHYAD BAR DU BSTAN TE, NANGS KYI DANG POR THOB PA SKYES PA NI RNYED PA YIN PA'I PHYIR RO, , @151A *, ,THOB ZIN PA RNAMS KYI THOB BA GANG ZHIG SKAD CIG GNYIS PA LA SOGS PA DAG NA YOD PA DE NI LDAN PA STE, KUN DU RJES SU 'GRO BA NI LDAN PA YIN PA'I PHYIR RO, ,DE'I PHYIR DE LTAR NA THOB PA'I SGRA NI RNYED PA DANG LDAN PA LA 'JUG GO, ,DE NYID KYI PHYIR, THOB PA NI RNAM PA GNYIS TE ZHES RGYAS PAR SMOS SO; ,MA THOB PA STE SNGAR NAM YANG MA THOB PA GANG YIN PA DANG, RNAM PAR NYAMS PA STE THOB NAS SA 'PHOS PA DANG, YONGS SU NYAMS PA LA SOGS PAS BTANG BA LAS NANGS KYI DANG POR THOB PA NI RNYED PA'O, ,SKAD CIG GNYIS PA LA SOGS PA DAG NA NI THOB NAS LDAN PA'O, ,BZLOG PA NI MA THOB PA ZHES BYA BA LA SOGS PA LA, SNGAR MA THOB PA RNAMS NI MI RNYED PA'O, ,THOB PA NYAMS PA RNAMS NI MI LDAN PA'O, ,DE LTAR NA THOB PA LAS BZLOG PA NI MA THOB PA YIN NO, ,DE NYID KYI PHYIR SO SO'I SKYE BO NYID NI 'PHAGS PA'I CHOS RNAMS KYIS MA RNYED PA ZHES BYA'I, MI LDAN PA NI MA YIN NO, ,THOB PA DANG MA THOB PA 'DI DAG GANG GIS YIN ZHES BYA BA NI 'DUS BYAS SAM, 'DUS MA BYAS SAM, SEMS CAN DU STON PA'AM, SEMS CAN DU STON PA MA YIN PA'AM, RGYUD DU GTOGS PA'AM, RGYUD DU GTOGS PA MA YIN PA ZHIG YIN ZHES BYE BRAG TU MA BYAS PAR 'DRI BA'O, ,RE ZHIG 'DUS BYAS KYI DBANG DU BYAS NAS BRJOD PAR BYA STE; THOB DANG MA THOB RANG RGYUD DU, ,GTOGS PA RNAMS KYI'O, ,'DIR GZHAN GYI RGYUD DU GTOGS PA RNAMS KYI MA YIN LA, RGYUD DU MA GTOGS PA RNAMS KYI YANG MA YIN NO ZHES NGES PAR GZUNG BAR BYA'O, ,'DI LA RANG GI RNAMS KYI ZHES BYA BA 'DI TZAM ZHIG SMRAS NA NI GOS LA SOGS PA SEMS CAN DU STON PA MA YIN PA RNAMS DANG YANG LDAN PAR 'GYUR LA, RGYUD DU GTOGS PA RNAMS KYI ZHES SMRAS NA NI, GZHAN GYI RGYUD DU GTOGS PA RNAMS DANG YANG LDAN PAR 'GYUR TE, DE'I PHYIR THAL BAR 'GYUR BA GNYIS KA SPANG BAR BYA BA'I PHYIR DANG ZHES BYA BA DANG, RGYUD DU GTOGS PA ZHES SMOS SO, ,GZHAN GYI PHUNG PO LA SOGS PA DAG DANG NI 'GA' YANG LDAN PA MED DE, DE DAG DANG LDAN NA NI SO SO'I SKYE BO DANG, 'PHAGS PA DANG, SLOB PA DANG, MI SLOB PA DANG, 'DOD CHAGS DANG BRAL BA DANG, 'DOD CHAGS DANG BRAL BA MA YIN PA DANG, DGE BA'I RTZA BA KUN DU CHAD PA DANG, DGE BA'I RTZA BA KUN DU CHAD PA MA YIN PA LA @151B SOGS PA 'CHOL BAR 'GYUR RO, ,SEMS CAN DU MI BGRANG BA GOS DANG RGYAN LA SOGS PA DAG DANG NI 'GA' YANG LDAN PA MED DE, THUN MONG PA YIN PA'I PHYIR DANG, THOB PA NI THUN MONG MA YIN PA'I PHYIR RO, ,DE'I PHYIR THOB PA RGYUD DU MA GTOGS PA RNAMS KYI YANG MA YIN NO, ,'DUS MA BYAS RNAMS KYI ZHES BYA BA RGYAS PAR 'BYUNG STE, SO SOR BRTAGS PA DANG, SO SOR BRTAGS PA MA YIN PAS 'GOG PA GNYIS KYI NI MA YIN NO ZHES BSTAN TO, ,CI STE GANG ZAG GANG ZHIG 'GOG PA GANG DANG LDAN ZHE NA, DE'I PHYIR, SO SOR BRTAGS PA MA YIN PAS 'GOG PA DANG NI ZHES BYA BA SMOS SO, ,'DI NYID BSTAN PA'I PHYIR, DE NYID KYI ZHES BYA BA RGYAS PAR SMOS SO, ,GRAG GO ZHES BYA BA'I SGRA NI LDAN PA RDZAS SU YOD PA NYID DU MI 'THAD PA'I PHYIR DANG, 'GOG PA GNYIS KYANG RDZAS SU YOD PA NYID DU MA GYUR PAS MA RANGS PAR BSTAN PA'I PHYIR RO, ,SO SOR BRTAGS PAS 'GOG PA DANG NI ZHES BYA BA RGYAS PAR 'BYUNG BA LA; 'CHING BA MTHA' DAG DANG LDAN PA YANG DE DAG YIN LA, SKAD CIG MA DANG PO LA GNAS PA YANG DE DAG YIN PA DE DAG NI 'CHING BA MTHA' DAG DANG LDAN PA SKAD CIG DANG PO LA GNAS PA'O, ,DE DAG SPANGS PA GANG RNAMS LA YOD PA DE RNAMS NI 'CHING BA MTHA' DAG DANG LDAN PA SKAD CIG DANG PO LA GNAS PA MA GTOGS PA'O, ,DE RNAMS GANG DAG CIG CE NA, DE'I PHYIR, 'PHAGS PA THAMS CAD CES BYA BA SMOS TE, DE RNAMS NI SO SOR BRTAGS PAS 'GOG PA DANG LDAN NO, ,'CHING BA MTHA' DAG DANG MI LDAN PA SKAD CIG DANG PO LA GNAS PA DAG DANG, SKAD CIG GNYIS PA LA SOGS PA GNAS PA DAG NI SO SOR BRTAGS PAS 'GOG PA DANG LDAN PAS 'CHING BA MTHA' DAG DANG LDAN BA SKAD CIG DANG PO LA GNAS PA ZHES GNYIS KA SMOS TE, SO SOR BRTAGS PAS 'GOG PA DANG MI LDAN PA DE'I PHYIR NI MA GTOGS PA YIN NO, ,DE DAG LAS GZHAN PA 'CHING BA MTHA' DAG DANG MI LDAN PA SKAD CIG MA DANG PO LAS GNAS PA DANG; SKAD CIG MA GNYIS PA LA SOGS PA LA GNAS BA THAMS CAD LDAN PA YIN NO, ,SO SO'I SKYE BO KHA CIG KYANG LDAN PA YIN NO ZHES BYA BA NI GANG ZAG 'JIG RTEN PA'I LAM GYIS BRAL BA'I THOB PA RNYED PA'O, ,NAM MKHA' DANG NI 'GA' YANG LDAN PA MED DO, ,CI'I PHYIR ZHE NA, 'BREL PA MED PA'I PHYIR RO,, @152A *, ,NAM MKHA' DANG NI 'GA' YANG 'BREL BA MED DE, DGAG PAR BYA BA DANG 'GOG PA MED PA'I PHYIR RO, ,DE'I PHYIR 'DI LA THOB PA MED DO, ,GANG LA THOB PA YOD BA MA YIN PA DE LA NI MA THOB PA YANG MED DE, BRAL BA NI LDAN PA SNGON DU 'GRO BA CAN YIN PA'I PHYIR RO, ,DE LTAN NI THOB PA RNAMS KHO NA LA MA THOB BA YOD PAR 'GYUR GYI, MA THOB PA RNAMS LA NI MA YIN TE, DE'I PHYIR GRUB PA'I MTHA' TSAD MAR BYAS PA NYID LAS 'DOD PA YIN NO, ,BRAL BA NI LDAN PA SNGON DU 'GRO BA'I PHYIR RO ZHES GANG SMRAS PA 'DI NI BSTAN BCOS DANG 'GAL BA STE, BSTAN BCOS LAS NI CHOS DAG LA THOB PA YOD PA DE DAG KHO NA LA MA THOB PA YANG YOD DO ZHES BYA BAR NGES KYI, DE SNGON DU 'GRO BA CAN NYID DU NI MA YIN NO, ,DBANG PO LAS 'DAS PA'I DON RTOGS PA NI LUNG NGAM RIGS PA ZHIG LAS 'GYUR BA ZHIG NA, DE LA THOB PA ZHES BYA BA CHOS GZHAN YOD DO ZHES BYA BAR CI LUNG LAS RTOGS SAM, 'ON TE RIGS PA LAS YIN, DNGOS PO GZHAN DU GYUR PA LAS LOG PAR RTOGS PAS SA BON GYI BDAG NYID CAN YOD DO ZHES SMRAS PAR 'GYUR RO, ,BYE BRAG TU SMRA BA RNAMS NI LUNG LAS NGES SO ZHES BSTAN PA'I PHYIR, MDO LAS SMRA'O, ,MDO LAS TE ZHES BYA BA RGYAS PAR 'BYUNG BA LA, MI SLOB PA'I CHOS BCU NI MI SLOB PA'I 'PHAGS PA'I LAM YAN LAG BRGYAD DANG, YANG DAG PA'I RNAM PAR GROL BA DANG, YANG DAG PA'I YE SHES SO, ,BSKYED CING NI MNGON DU GYUR CING NGO, ,SO SOR THOB LA NI THOG MAR THOB LA'O, ,KUN DU LDAN PAS NA NI PHYI NAS THOB PAS NA'O, ,YAN LAG LNGA RNAM PAR SPANGS PA ZHES BYA BA LA, THA MA'I CHA DANG MTHUN PA'I KUN DU SBYOR BA LNGA DAG SPANG BAR 'GYUR ZHING YONGS SU SHES PAR 'GYUR TE, 'DI LTA STE, 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM DANG, 'DOD PA LAS 'DUN PA DANG, GNOD SEMS SO, ,GZHAN DAG NA RE THA MA'I CHA DANG MTHUN PA RNAMS NI SNGAR SLOB PA'I GNAS SKABS KHO NAR SPANGS PA'I PHYIR 'DIR NI GONG MA'I CHA DANG MTHUN PA RNAMS KHO NA BZUNG STE, 'DI LTA STE, GZUGS KYI 'DOD CHAGS DANG, GZUGS MED PA'I 'DOD CHAGS DANG, RGOD PA DANG, NGA RGYAL DANG, RMONGS PA'O ZHES ZER RO, ,GZHAN DAG NA RE LNGA PAR MTSUNGS PA'I PHYIR GONG MA'I CHA DANG MTHUN PA DANG, THA MA'I CHA DANG MTHUN PA RNAMS GNYIS KA BZUNG STE, @152B GNAS BDUN LA MKHAS PA STON PA BZHIN NO ZHES ZER RO, ,THOB PA NI GANG ZHIG YOD NA MNGON DU MA GYUR PA YANG CHUD MI BZA BA 'DRA BAR GYUR PA'I CHOS ZHIG GO, ,'DIR KHUNGS NI SO SOR THOB PA KUN DU LDAN PAS NA ZHES BYA BA 'DI YIN NO, ,YANG GANG ZAG 'DI NI DGE BA'I CHOS RNAMS DANG YANG LDAN NO, ,MI DGE BA'I CHOS RNAMS DANG YANG LDAN NO ZHES RGYAS PAR GSUNGS SO, ,GAL TE MDO LAS SO SOR THOB PA DANG, KUN DU LDAN PA 'BYUNG BA'I PHYIR CHOS THOB PA GZHAN YIN NA, 'O NA NI DES NA SEMS CAN DU MI STON PA DAG DANG ZHES BYA BA RGYAS PAR 'BYUNG NGO, ,SEMS CAN GZHAN DAG DANG, SEMS CAN DU MI STON PA DAG DANG LDAN PAR RTOGS PA NI RIGS PA MED PA DANG, LUNG MED PA YIN NO SNYAM DU SEMS TE 'DRI BA NI CI'I PHYIR ZHES BYA BA'O, ,BSTAN BCOS MKHAN POS MDO LAS ZHES BYA BA RGYAS PAR SMOS TE, 'DI LAS KYANG LDAN PA ZHES 'BYUNG BA'I PHYIR DNGOS PO GZHAN DANG LDAN PAR 'GYUR TE, DE'I PHYIR SEMS CAN DU STON PA MA YIN PA DANG; SEMS CAN GZHAN DAG DANG LDAN PAR THAL BAR 'GYUR RO, ,RIN PO CHE SNA BDUN NI 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BLON PO RIN PO CHE'O, ,DE LA NOR BU RIN PO CHE DANG, 'KHOR LO RIN PO CHE NI SEMS CAN DU MI STON PA'O, ,LHAG MA GLANG PO DANG, RTA DANG, BUD MED DANG, KHYIM BDAG DANG, BLON PO RIN PO CHE LNGA PO DAG NI SEMS CAN DU STON PA STE, GZHAN GYI RGYUD DU GTOGS PA DANG LDAN PAR 'GYUR RO, ,MI 'GYUR TE, CI'I PHYIR ZHE NA, MDO NI DGONGS PA CAN YIN PA'I PHYIR RO, ,DGONGS PA CA YIN ZHE NA, DER NI DBANG BA NYID LA LDAN PA'I SGRAR GSUNGS TE ZHES BYA BA SMRAS SO, ,TSIG PHYI MA NI SNGA MA'I RNAM PAR BSHAD PA YIN NO, ,DGA' DGUR BYED PA NI 'DOD PA LA RAG LAS PA NYID DO, ,LDAN PA DER NI DBANG NYID YIN, ,ZHES BYA BA RGYAS PAR 'BYUNG STE, MDO GNYIS SU LDAN PA'I SGRA KHYAD PAR MED KYANG GCIG TU NI LDAN PA DBANG BA NYID YIN LA, GZHAN DU NI CHOS GZHAN YIN NO ZHES BYA BA NI GANG LAS TE, CI RIGS PA LAS SAM, 'ON TE MDO GZHAN LAS YIN, SLOB DPON 'DUS BZANG NA RE NI GCIG TU NI LDAN PA DBANG BA NYID YIN LA, GZHAN DU NI CHOS GZHAN YIN NO ZHES BYA BA'I 'THAD PA LAS YIN NO, , @153A *, ,DA LTAR BA DAG KHO NA LA DBANG BA NYID 'THAD DE, DE'I BDAG PO'I 'BRAS BU YIN PA'I PHYIR DANG, JI LTAR 'DOD PA BZHIN LONGS SPYOD PA RTAG TU NYE BA'I SGO NAS DE'I DBANG BA NYID DU RTOGS PA'I PHYIR RO, ,DGE BA MNGON DU MA GYUR PA DANG, 'DAS PA DANG MA 'ONGS PA'I MI DGE BA DAG LA NI THOB PA MA GTOGS PA'I DBANG BA NYID GZHAN CI ZHIG BRTAG CES ZER RO, ,DE LTA NA YANG MI RUNG BA CI ZHIG YOD CES BYA BA 'BYUNG STE, JI LTAR 'KHOR LOS SGYUR BA'I MDOR CHOS GZHAN DANG MI LDAN PA'I PHYIR DBANG BA NYID DU RTOGS LA, DE BZHIN DU CIG SHOS SU CHOS GZHAN NO ZHES YONGS SU BRTAGS PA LA, GANG LAS DER NI LDAN PA CHOS GZHAN DU MI 'DOD PAR 'GYUR BA, RIGS PA YANG MDO DANG 'GAL BA CI ZHIG YOD, 'GAL BA 'DI YOD DE, RDZAS KYI CHOS MI SRID PA'O, ,RDZAS KYI CHOS NI RANG GI NGO BOS MNGON SUM GYI TSAD MA'I YUL NYID YIN PA'AM, 'BRAS BU'I SGO NAS RJES SU DPAG PA'I YUL NYID YIN NO, , THOB PA NI RANG GI NGO BOS SNANG BA MA YIN TE, MNGON SUM GYI TSAD MAS MA DMIGS PA'I PHYIR RO, ,GZUGS DANG SGRA LA SOGS PA LTAR RAM, 'DOD CHAGS DANG ZHE SDANG LA SOGS PA LTAR ZHES BYA BA NI CHOS MI MTHUN PA'I DPE STE, GZUGS LA SOGS PA RNAMS NI MIG LA SOGS PA'I RNAM PAR SHES PA DAG GIS RANG GI NGO BOS DMIGS LA, DE'I MJUG THOGS SU NI YID KYI RNAM PAR SHES PAS DMIGS SO, ,'DOD CHAGS DANG ZHE SDANG DANG LA SOGS PA RNAMS NI YID KYI RNAM PAR SHES PA KHO NAS DMIGS SO, ,MIG DANG RNA BA LA SOGS PA LTAR BYA BA YANG MI SNANG BA ZHES BYA BA LA, MIG LA SOGS PA RNAMS NI DBANG PO LAS 'DAS PA'I PHYIR MNGON SUM GYIS RANG GI NGO BO MA DMIGS KYANG 'BRAS BU LAS, DE GZUGS LA SOGS PA LAS THA DAD PAR YOD PA NYID DU RJES SU DPAG PA YIN NO, ,'DI LTAR GZUGS DANG, RNA BA DANG, YID LA BYED PA LA SOGS PA YOD KYANG LONG BA DANG 'ON PA LA SOGS PA RNAMS LA MIG LA SOGS PA MA GTOGS PA'I RNAM PAR SHES PA MI SKYE LA, LONG BA LA SOGS PA DANG BRAL NA PHYIS SKYE BA YIN NO, ,DE'I PHYIR GANG LA GNOD PA BYAS PA DANG, GNOD PA MA BYAS PA LAS MIG LA SOGS PA'I RNAM PAR SHES PA MI SKYE BA DANG, SLAR SKYE BAR 'GYUR BA GZUGS LA SOGS PA MA GTOGS @153B PA'I RGYU GZHAN ZHIG YOD DO ZHES BYA BAR NGES SO, ,MIG LA SOGS PA RNAMS NI RJES SU DPAG PA LAS YOD PA NYID DO, ,THOB PA NI RANG GI NGO BO MA DMIGS PAS MNGON SUM MA YIN LA 'BRAS BU MA DMIGS PAS RJES SU DPAG PAS GZUNG BAR BYA BA MA YIN NO, ,DE'I PHYIR RDZAS KYI CHOS MI SRID PAS MI RUNG NGO, ,CHOS MTHUN PA'I DPE NI MIG LA SOGS PA'O, ,GAL TE CHOS RNAMS SKYE BA'I RGYU ZHES BYA BA LA, GAL TE DNGOS PO SKYE BA 'THOB PA'I 'BRAS BU YIN TE, DE'I PHYIR RANG GI NGO BOS MA DMIGS PA RNAMS KYANG MIG LA SOGS BA LTAR 'BRAS BU LAS NGES PAR RDZAS KYI CHOS LAS 'DAS PA MED DO ZHE NA, 'DUS MA BYAS KYI MA YIN PAR 'GYUR RO ZHES BYA BA LA, THOB PA SKYE BA'I 'BRAS BU CAN YIN PA'I PHYIR DE RNAMS LA THOB PA YOD DO ZHES BYA BAR DNGOS PO THAMS CAD KYI THOB PA SKYE BA'I SGO NAS RTOGS NA NI 'DUS MA BYAS LA SKYE BA MED PA'I PHYIR, NAM MKHA' LTAR THOB PA'I RJES SU DPAG PA MED PAS 'DUS MA BYAS KYI MA YIN PAR 'GYUR RO, ,CHOS GANG DAG MA THOB PA RNAMS DANG ZHES BYA BA RGYAS PAR 'BYUNG STE, DE LA MA THOB PA RNAMS NI SBYOR BA LAS BYUNG BA RNAMS DANG, 'DOD CHAGS DANG BRAL BA THOB PA RNAMS SO, ,SA 'PHOS PAS BTANG BA DAG NI NYON MONGS PA CAN MA YIN PA RNAMS TE, DE DAG NI DGE BA DANG, MA BSGRIBS LA LUNG DU MA BSTAN PA RNAMS SO; ,'DOD CHAGS DANG BRAL BAS BTANG BA DAG NI NYON MONGS PA CAN RNAMS TE, DE DAG KYANG MI DGE BA DANG, BSGRIBS PA RNAMS SO, ,SKYE BA'I RGYU THOB PA MED PA'I PHYIR DE DAG JI LTAR SKYE BAR 'GYUR TE, GANG GI TSE SA GONG MA NAS 'CHI 'PHOS NAS SA 'OG MAR SKYE BA 'AM, DE LAS 'DOD CHAGS DANG BRAL BA LAS YONGS SU NYAMS PA DE'I TSE, THOB PA MED PAS SA 'OG MA'I CHOS RNAMS SKYE BAR MI 'GYUR LA, THOB PA LHAN CIG SKYE BA YIN PA'I PHYIR MA BSGRIBS LA LUNG DU MA BSTAN PA RNAMS KYANG SKYE BAR MI 'GYUR RO, ,DE'I PHYIR THOB PA MED KYANG SKYE BA MTHONG BA'I PHYIR 'BRAS BU MA YIN NO, ,DE'I PHYIR 'BRAS BU MED PA'I PHYIR THOB PA RJES SU DPAG PAS GZUNG BAR BYA BA MA YIN PAS RDZAS KYI CHOS MI SRID PA SO NA 'DUG GO, ,'ON TE LHAN CIG SKYES PA'I THOB PA'I RGYU CAN YIN NO ZHE NA ZHES BYA BA LA, MA THOB PA LA SOGS PA'I CHOS GANG DAG YIN PA DE DAG LA SNGAR SKYES PA THOB PA MED MOD KYI, LHAN CIG SKYES PA NI YOD DE, DE'I PHYIR DE DAG GI @154A *, ,SKYE BA NI MA BSGRIBS LA LUNG DU MA BSTAN PA LTAR LHAN CIG SKYES PA'I THOB PA'I RGYU CAN YIN TE, DE'I PHYIR DE MED KYANG SKYE BA MTHONG BA ZHES BYA BA NI MI RIGS PAR SMRAS PA YIN NO ZHE NA, DE'I TSE SKYE BA'AM ZHES BYA BA 'BYUNG STE, GAL TE CHOS LHAN CIG SKYES PA THOB PA'I RGYU CAN YIN NA NI DE'I TSE SKYE BA CI ZHIG SKYED PAR 'GYUR, GANG GI PHYIR SKYE BA'I 'BRAS BU THUN MONG MA YIN PA NI SKYED PA KHO NA YIN NO, ,GAL TE THOB PA SKYED PAR BYED PA YIN NA NI DE'I TSE SKYE BA CI ZHIG BYED PAR 'GYUR TE, GNAS PA LA SOGS PA LTAR DE LA BYED PAS GZHAN MED PA'I PHYIR RO, ,DES NA DE YONGS SU BRTAGS PA DON MED PAR 'GYUR LA, YANG NA CHOS RNAMS LHAN CIG SKYES PA'I THOB PA'I RGYU MTSAN YIN NO ZHES BYA BA KHAS BLANG BAR MI BYA'O, ,CI STE SKYE BA DON MED PAR 'GYUR DU 'ONG BAS DE'I PHYIR THOB PAS SKYE BA SKYED PAR BYED LA, SKYE BAS CHOS SKYED PAR BYED DO ZHES BYA BA DE LTAR 'DOD DO SNYAM NA, DE'I PHYIR SKYE BA'I SKYE BA ZHES BYA BA SMOS TE, CI ZHIG BYED PAR 'GYUR ZHES SBYAR BAR BYA'O, ,GAL TE THOB PAS SKYE BA SKYED PAR BYED KYI, SKYE BA'I SKYE BAS MA YIN NO, ,DE LTAR NA MTHUN PA'I MTSAN NYID BRTAGS PA DON MED PAR 'GYUR RO, ,'CHING BA MTHA' DAG LDAN PA RNAMS KYI ZHES BYA BA RGYAS PAR 'BYUNG STE, 'CHING BA MTHA' DAG DANG LDAN PA ZHES BYA BA NI GANG DAG GIS NYON MONGS PA'I RNAM PA GCIG KYANG MA SPANGS PA'O, ,GANG GI PHYIR THOB PA DANG LDAN PA'I KHYAD PAR THOB PA LA KHYAD PAR MED PA DE'I PHYIR 'CHING BA MTHA' DAG DANG LDAN PA RNAMS KYI NYON MONGS PA CHUNG DU DANG, 'BRING DANG, CHEN PO SKYE BA KHYAD PAR DU MI 'GYUR TE, DE'I RGYUR GYUR PA'I THOB PA LA BYE BRAG MED PA'I PHYIR RO, ,GZHAN DAG NA RE NE RGYUD GZHAN LA LTOS NA THOB PA BYE BRAG MED PA'I PHYIR TE, 'DI LTAR 'CHING BA MTHA' DAG DANG LDAN PA THAMS CAD KYI THOB PA RNAMS MTSUNGS TE, NYON MONGS PA CHUNG DU'I CHUNG DU RNAMS KYI THOB PA CHUNG DU'I CHUNG DU YIN PA NAS, CHEN PO'I CHEN PO RNAMS KYI THOB PA CHEN PO'I CHEN PO'I PAR KHO NA YIN PAS, THAMS CAD KYI THOB PA BYE BRAG MED PA DANG, LHA SBYIN LA SOGS PA RNAMS KYI NYON MONGS PA CHUNG DU DANG, 'BRING DANG, CHEN PO SKYE BA'I KHYAD PAR DU GA LA 'GYUR TE, RGYU LA BYE BRAG MED NA 'BRAS BU'I BYE BRAG MI RIGS SO ZHES ZER RO, ,'CHING BA MTHA' DAG DANG LDAN PA SMOS PA NI 'CHING BA DANG BRAL BA RNAMS @154B LA CHUNG DU LA SOGS PA'I KHYAD PAR DU NYON MONGS PA SKYE BA'I GO SKABS YOD PA'I PHYIR RO, ,CI STE THOB PA LA BYE BRAG MED KYANG GOMS PA LA SOGS PA'I RGYU MTSAN GZHAN LAS NYON MONGS PA SKYE BA KHYAD PAR DU 'GYUR BAS NYES PA 'DI MED DO SNYAM NA, DE'I PHYIR, DE LAS DE DAG GI BYE BRAG TU 'GYUR NA NI ZHES BYA BA SMOS SO, , GOMS PA'AM GZHAN LAS CHUNG DU DANG, 'BRING DANG, CHEN PO'I BDAG NYID CAN DU 'GYUR BA DE KHO NA LAS DE DAG SKYE LA RAG STE, RGYU GZHAN GANG ZHIG LAS NYON MONGS PA'I KHYAD PAR YONGS SU BRTAGS PA DE KHO NA LAS NYON MONGS PA RNAMS CHUNG DU DANG, 'BRING DANG, CHEN PO NYID DU SKYE LA RAG MOD, THOB PA DON GZHAN DU 'GYUR BA YONGS SU BRTAGS PA CI DGOS, DE SKAD DU SU ZER ZHES BYA BA RGYAS PAR 'BYUNG STE, RNAM PAR GZHAG PA'I RGYU NI NGES PA'I RGYU ZHES BYA BA'I DON TO, ,RE ZHIG SO SO'I SKYE BO RNAMS NI 'JIG RTEN PA'I YID DANG LDAN PA YIN PAS DE DAG LA KHYAD PAR DU BYAS PA DON MED DO, ,'PHAGS PA RNAMS NI 'JIG RTEN LAS 'DAS PA'I LAM MNGON SUM DU GYUR PA'I TSE 'JIG RTEN LAS 'DAS PA'I YID DANG LDAN PA YIN PAS DE'I PHYIR, 'JIG RTEN PA'I YID DANG LDAN PA ZHES BYA BA SMOS SO, ,YID NI YID NYID DO, ,LAM MNGON SUM DU GYUR PA'I TSE NI THOB PA MED PAR YANG 'PHAGS PA SO SO'I SKYE BO'I RNAM PAR GZHAG PAR BYA BAR NUS TE, LAM NYID RNAM PAR GZHAG PA'I RGYU YIN PA'I PHYIR RO, ,'JIG RTEN PA'I YID DANG LDAN PA RNAMS LA NI THOB PA MED PAR 'DI DAG NI 'PHAGS PA'O, ,'DI DAG NI SO SO'I SKYE BO'O ZHES BYA BAR RNAM PAR GZHAG PAR MI 'GYUR NA 'DOD PA YANG MA YIN TE, DE'I PHYIR ZAG PA MED PA'I LAM GYI THOB PA YOD PA DANG, DE MED PA NI 'PHAGS PA DANG, SO SO'I SKYE BOR RNAM PAR GZHAG PA'I RGYU YIN NO ZHES BYA BAR NGES SO, ,SLOB DPON 'DUS BZANG NA RE RDZAS KYI CHOS MI SRID PAS MI RUNG NGO ZHES BYA BA NI YOD PA MA YIN TE, THOB PA NI CHOS THOB ZIN PA CHUD MI ZA BA'I RGYU YIN PA'I PHYIR RO, ,THOB ZIN PA'I CHOS CHUD MI ZA BA'I RGYU NI YOD PA NYID KYI RGYU ZHES BYA BA'I THA TSIG STE, THOB PA'I DBANG GIS NI CHOS DE DAG 'GAGS PA DANG, MA SKYES KYANG YOD DO ZHES BYA BA BRJOD DO, ,'DI NI 'DI'O SNYAM PA'I SHES PA'I RTAGS MTSAN YANG YIN TE, 'DOD CHAGS LA SOGS PA'I CHOS GZHAN PA'I 'DI NI 'DI 'I 'BREL PA CAN YIN NO SNYAM DU 'BREL PA CAN GYI SHES PA @155A *, ,SKYE BA GANG YIN PA DE NI RTAGS MTSAN DU GYUR PA'I THOB PA YOD NA YIN TE, DE LTA MA YIN NA 'DOD CHAGS LA SOGS PA RNAMS 'GAGS PA DANG, MA SKYES PA NA 'BREL PA CAN GYI SHES PA'I RTAGS SU GYUR PA'I THOB PA MED PA DANG, DE DAG 'BREL PA CAN GYI SHES PA GANG YIN PA DE DAG TU MI 'GYUR RO ZHES ZER RO, ,DE NI NYON MONGS PA SPANGS PA DANG MA SPANGS PA NYID KYI BYE BRAG LAS 'GYUR BAR 'OS SO ZHES BYA BA LA, NYON MONGS PA SPANGS PA DANG MA SPANGS PA DAG GI DNGOS PO NI NYON MONGS PA SPANGS PA DANG, MA SPANGS PA NYID DE, DE NYID BYE BRAG YIN NO, ,DE LA NYON MONGS PA SPANGS PA NYID NI NYON MONGS PA'I SA BON RTZA BA NAS BTON PA LAS NYON MONGS PA RNAMS YANG MI SKYE BA'O, ,NYON MONGS PA MA SPANGS PA NYID NI NYON MONGS PA'I SA BON RTZA BA NAS MA BTON PA LAS NYON MONGS PA YANG SKYE BA SRID PA'O, ,DE LTAR NA 'JIG RTEN PA'I YID DANG LDAN PA YIN YANG GANG DAG LA SA BON MED PAS NYON MONGS NAM YANG MI SKYE BA'I CHOS CAN YIN PA DE DAG NI 'PHAGS PA YIN LA, GANG DAG LA SA BON RGYUN MA BCAD PAS YANG SKYE BAR 'GYUR BA DE DAG NI SO SO'I SKYE BO YIN PAS RNAM PAR GZHAG PA GRUB BO, ,'DI DAG NI NYON MONGS SPANGS PA'O ZHES BYA BA LA SOGS PA 'BYUNG STE, 'DI LTAR 'PHAGS PA DANG SO SO'I SKYE BO RNAMS LAS GANG LAS 'DI DAG NI NYON MONGS PA SPANGS PA'O, ,'DI DAG NI MA SPANGS PA'O ZHESE MA SPANGS PA'O SBAR 'GYUR BA, NYON MONGS PA SPANGS PA DANG MA SPANGS PA'I RTAGS MTSAN CUNG ZAD KYANG MED DE, DE'I PHYIR NYON MONGS PA SPANGS PA DANG MA SPANGS PA NYID DU MI RTOGS PA'I PHYIR 'DI DAG NI 'JIG RTEN PA'I YID DANG LDAN PA'I 'PHAGS PA'O; ,'DI DAG NI SO SO'I SKYE BO'O ZHES BYA BA'I RNAM PAR GZHAG PA MED PA SO NA 'DUG GO, ,THOB PA YOD NA NI 'DI DAG NI NYON MONGS PA SPANGS PA'O, ,'DI DAG NI MA SPANGS PA'O ZHES BYA BA 'DIR YANG 'GYUR RO, ,JI LTA ZHE NA, DE'I PHYIR, DE DANG BRAL BA DANG MA BRAL BA LAS ZHES BYA BA SMOS TE, GANG DAG GI RGYUD LA NYON MONGS PA'I THOB PA RNAMS DANG MI LDAN PA DANG, RNAM PAR CHAD PA DE DAG NI NYON MONGS PA SPANGS PA'O, ,GANG DAG GI RGYUD MA BRAL BA DANG RGYUN MA CHAD PA DE DAG NI NYON MONGS PA MA SPANGS PA'O, ,'DI NI RTEN GYI BYE BRAG LAS GRUB PAR 'GYUR TE ZHES BYA BA NI 'DI DAG NI NYON MONGS PA SPANGS PA'O, ,'DI DAG NI MA SPANGS @155B PA'O ZHES BYA BA'O, ,'DIR RTEN NI PHUNG PO LNGA'O, ,GZHAN DAG NA RE SEMS DANG SEMS LAS BYUNG BA'I BDAG NYID DO ZHES ZER RO, ,'PHAGS PA DANG, SO SO'I SKYE BO DAG DANG, NYON MONGS PA SPANGS PA DANG, MA SPANGS PA DAG GI RTEN GYI BYE BRAG BSTAN PA'I PHYIR, 'PHAGS PA RNAMS KYI GNAS NI ZHES BYA BA RGYA CHER SMOS SO; ,'PHAGS PA'I LAM LA SKYES PA'I RTEN NI MTHONG BA DANG BSGOM PAS SPANG BAR BYA BA'I NYON MONGS PA'I SA BON DANG RJES SU 'BREL PA'I RTEN GZHAN GYI RGYUR 'GYUR BAS GNAS SKABS DER NI SO SO'I SKYE BO ZHES BYA STE, KHAMS GSUM PA'I NYON MONGS PA MA LUS PA'I SA BON DANG RJES SU 'BREL PA'I SKAD CIG GZHAN SKYED PAR BYED PA YIN PA'I PHYIR RO, ,NYON MONGS PA'I GNYEN PO NI MTHONG BA'I LAM MAM BSGOM PA'I LAM MNGON DU 'GYUR LA, DE MNGON DU GYUR NA RTEN DE DAG GIS SPANG BAR BYA BA'I NYON MONGS PA'I SA BON DANG RJES SU 'BREL PA'I SKAD CIG MA GZHAN GYI RGYU MA YIN TE, DE SKYE BA DANG 'GAL BA'I RKYEN THOB PA'I PHYIR RO, ,DE'I PHYIR RTEN DES MTHONG BA DANG BSGOM BAS SPANG BAR BYA BA'I NYON MONGS PA RNAMS KYANG SKYED PAR MI NUS TE, SA BON MED PA'I PHYIR RO, ,SA BON MED PA RNAMS NI SKYE BAR MI RIGS TE, HA CANG THAL BAR 'GYUR BA'I PHYIR RO, ,DE NYID KYI PHYIR NYON MONGS PA'I SA BON RGYUN CHAD PA LAS MTHONG BA DANG BSGOM PA'I LAM GYI MTHUS JI LTAR DE DAG GIS NUB PAR BYA BA'I NYON MONGS PA RNAMS YANG 'BYUNG PBAR MI NUS BA DE LTAR GYUR PA YIN TE ZHES BYA BA SMOS TE, RTEN DE LAS NYON MONGS PA'I SA BON DRUNGS PHYUNG BA'I PHYIR RO, ,DE'I PHYIR RTEN 'BRU MES TSIG PA BZHIN DU ZHES BYA BA LA SOGS PA SMOS TE, 'BRU MES TSIG PA LAS MYU GU SKYES PA'I SA BON MED PAS RTEN DES YANG MYU GU MI SKYED PAS SA BON DU MA GYUR BA DE BZHIN DU, RTEN LAM GYI MES TSIG CING NYON MONGS PA RNAMS KYI SA BON DU MA GYUR PA NA NYON MONGS PA SPANGS PA ZHES BYA'O, ,DE LTAR NA 'O NA NI 'JIG RTEN PA'I 'DOD CHAGS DANG BRAL BA NYON MONGS PA SPANGS PAR MI 'GYUR TE, 'JIG RTEN PA'I LAM GYIS NYON MONGS PA'I SA BON RGYUN MI GCOD PA'I PHYIR RO ZHE NA, DE'I RTEN NI RTEN LA 'JIG RTEN PA'I LAM GYIS NYON MONGS PA RNAMS KYI SA BON GYI DNGOS PO NYAMS PAR BYAS NA NYON MONGS PA SPANGS PA ZHES BYA'O, ,BZLOG PA NI SPANGS PA MA YIN PA ZHES BYA BA LA, 'PHAGS PA DANG 'PHAGS PA MA YIN PA'I LAM DAG @156A *, ,GIS RTEN MA TSIG PA SA BON GYI DNGOS PO NYAMS PAR MA BYAS NA NYON MONGS PA MA SPANGS PA ZHES BYA'O, ,RTEN LA RTZA NAS MA BTON PA DANG, NYAMS PAR MA BYAS PA'I SA BON YOD PAS GANG MA SPANGS PA DE DANG NI LDAN NO, ,RTEN LA SA BON RTZA NAS BTON PA'I PHYIR RAM, SA BON NYAMS PAR BYAS PA'I PHYIR GANG SPANGS PA DE DANG NI MI LDAN NO, ,DE LTA YIN DANG 'JIG RTEN PA'I YID DANG LDAN PA NYID DU KHYAD PAR MED KYANG RTEN LA SA BON RTZA NAS BTON PA DANG, RTZA NAS MA BTON PA'I PHYIR 'PHAGS PA DANG SO SO'I SKYE BOR RNAM PAR GZHAG LA, SA BON NYAMS PAR BYAS PA DANG, NYAMS PAR MA BYAS PA'I PHYIR 'JIG RTEN PA'I 'DOD CHAGS DANG BRAL BA DANG, 'DOD CHAGS DANG BRAL BA MA YIN PA ZHES BYA BAR RNAM PAR GZHAG GO ZHES BYA BAR GDAGS TE, SA BON RGYUN CHAD PA DANG, NYAMS PAR BYAS PA'I PHYIR DANG, RGYUN MA CHAD PA DANG, NYAMS PAR MA BYAS PA'I PHYIR THA SNYAD GDAGS SO ZHES BYA BA'I THA TSIG GO; ,CHOS NYON MONGS PA CAN RNAMS KYI LDAN PA DANG MI LDAN PA'I THA SNYAD BRJOD PA'I MJUG THOGS SU DGE BA RNAMS KYI BRJOD PAR BYA BA YIN PAS DE'I PHYIR, DGE BA'I CHOS RNAMS KYANG RNAM PA GNYIS TE ZHES BYA BA RGYAS PAR SMOS SO, ,MA 'BAD PAR SKYE BA RNAMS NI 'BAD PA LA MI LTOS PA RNAMS TE, GANG DAG SKYES PA TZAM GYIS THOB PA'O, ,'BAD DE SKYE BA RNAMS NI GANG DAG SKYE BA LA MI LTOS PAR KHYAD PAR THOB BA'O, ,DE NYID KYI PHYIR, GANG DAG SKYE BAS ZHES BYA BA RGYAS PAR SMOS TE, GANG DAG SKYES PA NYID KYIS 'THOB KYI 'BAD RTZOL GZHAN LA LTOS PA DE DAG NI SKYES PAS 'THOB PA RNAMS SO, ,'DIR SKYE BA NI CI RIGS PAR SRID PA BAR MAR NYID MTSAMS SBYOR BA DANG, SKYE BA'I SRID PAR NYING MTSAMS SBYOR BA'O, ,GANG DAG SBYONG BA'I KHYAD PAR LA RAG LAS TE, SKYE BA DE DAG NI SBYOR BA LAS BYUNG BA'O, ,DE DAG GI SA BON GYI DNGOS PO NYAMS PAR MA BYAS PA'I PHYIR ZHES BYA BA LA, DE DAG GI SGRA NI MA 'BAD PAR SKYE BA DANG SBYAR RO, ,DGE BA'I RTZA BA KUN DU MA CHAD PA RNAMS LA NI LOG PAR LTA BA MED PA'I PHYIR DE DAG GI SA BON GYI DNGOS PO NYAMS PAR MA BYAS PAS MA 'BAD PAR SKYES PA RNAMS DANG NI DGE BA'I RTZA BA KUN DU MA CHAD PA LDAN NO ZHES BYA BA'O, ,SA BON GYI DNGOS PO DE GANG GIS NYAMS PAR BYED CE NA, DE'I PHYIR, DE NYAMS @156B PA YANG ZHES BYA BA LA SOGS PA SMOS SO, ,DGE BA'I CHOS RNAMS KYI RTZA BA GTAN DU YANG DAG PAR BCOM PA MA YIN NO ZHES BYA BAR JI LTAR RTOGS SHE NA, YANG DGE BA'I RTZA BA NYING MTSAMS SBYOR BA'I PHYIR DANG, SA BON KUN DU CHAD PA RNAMS YANG 'BYUNG BA'I PHYIR RO, ,MDO LAS KYANG, DGE SLONG DAG LHA SBYIN GYI DGE BA'I RTZA BA RNAMS NYID MTSAMS SBYAR BA NYID CES GSUNGS SO, ,GAL TE GTAN DU YANG DAG PAR MA BCOM NA 'O NA NI BCOM LDAN 'DAS KYIS DE BZHIN DU GANG ZAG DE LA DGE BA'I CHOS RNAMS MI MNGON PAR 'GYUR RO, ,MI DGE BA'I CHOS RNAMS SKYE BAR 'GYUR RO, ,DE LA DGE BA'I RTZA BA KUN DU MA CHAD PA RDUL DANG MNYAM PA ZHIG YOD DE, DE'I DE YANG DUS GZHAN DU THAMS CAD KYIS THAMS CAD DU CHAD PAR 'GYUR RO ZHES GSUNGS SHE NA, DE NI RNAM PA THAMS CAD DU MNGON DU MI RGYU BA'I DNGOS PO MED PA'I DBANG DU MDZAD NAS GSUNGS PAR RIG PAR BYA'O, ,GANG DAG 'BAD DE SKYE BA NI ZHES BYA BA RGYAS PAR 'BYUNG STE, SKYE BA'I DBANG NYID DO, ,DE YANG CI ZHIG CE NA, DE LAS SKYES SHING DE'I RGYUR GYUR PA'I NUS PA'I KHYAD PAR ZHIG STE, DE LA THOGS PA MED PA'I PHYIR TE, GEGS MA BYAS PA'I PHYIR DE DAG DANG LDAN NO, ,DE'I PHYIR 'DIR SA BON KHO NA RTZA NAS BTON PA ZHES BYA BA RGYAS PAR 'BYUNG STE, DE LA RTZA NAS MA BTON PA NI 'JIG RTEN LAS 'DAS PA'I LAM GYIS NYON MONGS PA CAN RNAMS KYI SA BON NO, ,NYAMS PAR MA BYAS PA NI 'JIG RTEN PA'I LAM GYI DE DAG NYID KYI SA BON DANG LOG PAR LTA BA KUN DU MI RGYU BA LAS DGE BA SKYES NAS THOB PA RNAMS KYI SA BON NO, ,DBANG BA'I DUS NA RGYAS PAR GYUR PA NI ZHES BYA BA NI 'BAD DE SKYE BA'I STE, SA BON ZHES BYA BA'I SKABS YIN NO, ,RGYAS PAR GYUR PA NI RIGS PAR BRTZON PAS YANG DANG YANG DU BSKYED PA LAS SO, ,THOGS PA NI BSKYED PAR BYA'I PHYIR MI BRTZON PA'AM LOG PAR BRTZON PA LAS SO, ,SA BON ZHES BYA BA 'DI CI ZHIG YIN ZHES BYA BA NI DE'I RANG GI NGO BOS NGES PAR ZIN PA'I PHYIR 'DRI BA'O, ,'BRAS BU BSKYED PAR BYA BA LA ZHES BYA BA LA SOGS PA LA, 'BRAS BU NI DGE BA DANG, MI DGE BA DANG, LUNG DU MA BSTAN PA'I CHOS RNAMS TE, DE LA BSKYED PAR BYA BA LA NUS PA'I MING DANG GZUGS GANG YIN PA DE NI DE DAG GI SA BON NO ZHES BYA BA'O, ,MNGON SUM MAM BRGYUD PAS ZHES BYA BA LA, MNGON SUM NI BAR MED PA'O,, @157A *, ,BRGYUD PA NI DE'I RGYUN DU GTOGS PA'I SKAD CIG GZHAN GYIS BAR CHOD PA'O, ,YONGS SU 'GYUR BA GZHAN LAS KHYAD PAR DU GYUR PA NI 'GYUR BA'I BYE BRAG GO, ,DE NI 'BRAS BU SKYED PAR BYED PA'I NUS PA ZHIG STE, GANG GI MJUG THOGS SU 'BRAS BU SKYE BA'O, ,GRANGS CAN PA'I 'GYUR BA LAS RNAM PAR DBYE BAR BYA BA'I PHYIR, 'GYUR PA ZHES BYA BA NI CI YIN ZHES BYA BA SMOS SO, ,DE NYID KYI PHYIR, RGYUD GZHAN NYID DU 'GYUR BA'O ZHES BYA BA SMOS TE, RGYU THA MI DAD PA RI 'BRAS BU RGYU DANG MI 'DRA BAR 'BYUNG BA ZHES BYA BA'I DON TO, ,RGYUD CES BYA BA 'DI YANG CI ZHIG YIN ZHES BYA BA NI DNGOS PO RNAMS KYI RNAM PAR GZHAG PA NI GNYIS TE, DON DAM PA DANG, BTAGS PA'O, ,DE LA DON DAM PA RGYUD DU 'DOD NA NI DE LTA NA GRANGS CAN PA RNAMS DANG KHYAD PAR MED DE, DE DAG GI LTAR NA YANG NI RNAM PAR GNAS PA'I RDZAS KYI GZHAN DU 'GYUR BA NYID 'GYUR BA YIN NO, ,'ON TE BTAGS PAR YOD PA YIN NA NI JI LTAR DE GZHAN DU GYUR PA NYID YIN SNYAM DU SHES PAR 'DOD PAS 'DRI BA'O, ,'DU BYED DUS GSUM RGYU DANG 'BRAS BUR GYUR PA RNAMS SO ZHES GNYIS KA SMOS PA NI LHAN CIG SKYES PA RNAMS KYANG RGYU DANG 'BRAS BU'I DNGOS PO YIN PA'I PHYIR DANG, YANG DAG PA'I LTA BA LA SOGS PA ZAG PA MED PA RGYU DANG 'BRAS BUR MA GYUR PA RNAMS RNAM PAR SMIN PA'I 'BRAS BU'I NGO BO MA YIN YANG DUS GSUM PA YIN PA'I PHYIR RO, ,DE'I PHYIR DE LTAR NA 'DU BYED RGYUD MA CHAD PAR 'BYUNG BA NI RGYUD YIN NO ZHES BYA BAR BSTAN PAR 'GYUR TE, RGYUD KYI NYE BAR LEN PAR GYUR PA'I 'DU BYED RNAMS SNGA MA DANG PHYI MA MI 'DRA BAR SKYE BA NI RGYUD GZHAN DU GYUR PA NYID DO ZHES BYA'O, ,GANG LAS CHAGS PA DANG ZHES BYA BA RGYAS PAR 'BYUNG STE, GAL TE DE LAS CHAGS PA'I SA BON KHO NA RTZA NAS MA BTON PA DANG, NYAMS PAR MA BYAS PA NI LDAN PA'O ZHES BYA NA NI NAM YANG DRAN PA NYE BAR GZHAG PA DAG BSGOM PAR MI NUS PAR 'GYUR ZHING, 'DI NI THOB PA LA YANG MTSUNGS PAR 'GYUR RO, ,DE'I PHYIR DE LAS CHAGS PA DANG DU LEN PA DANG, MI SEL BA LA LDAN PA'I SGRAR GSUNGS SO ZHES BYA BAR SHES SO, ,DE LTAR NA ZHES BYA BA RGYAS PAR 'BYUNG STE, GAL TE SKYE BA'I RGYU'AM, GAL TE RNAM PAR GZHAG PA'I RGYU'AM, GAL TE RTEN GYI BYE BRAG YIN YANG RUNG STE, RNAM PA THAMS CAD DE, RNAM PAR KUN DU BRTAGS PA'I CHOS @157B YIN GYI; SNGAR BSHAD PA'I RGYUS RDZAS KYI CHOS NI MA YIN TE, BRTAGS PAS THA SNYAD DU GZHAG GO ZHES BYA BA'I DON TO, DE 'GOG PA ZHES BYA BA LA, LDAN PA ZHES BYA BA NI DE BKAG PA MI LDAN BA'O, ,CI ZHE NA, BSAL BAR RIG PAR BYA STE, SA BON LA LDAN PA'I SGRAR BRJOD PA GANG YIN PA DE NI MA BSAL LO, ,BYE BRAG TU SMRA BA RNAMS NA RE NI THOB PA DANG MA THOB PA GNYIS KA RDZAS KHO NA YIN NO ZHES BRJOD DO, ,GANG LAS SHE NA, MDO LAS 'BYUNG BA'I PHYIR RO, ,'DI SKAD DU GANG ZAG 'DI NI DGE BA'I CHOS RNAMS DANG YANG LDAN NO ZHES GSUNGS PA LTA BU STE, RGYAS PAR SNGA MA BZHIN NO, ,RIGS PA YANG YOD DO, ,'DIR RIGS PA GANG ZHE NA; THOB PA NI, RDZAS SU YOD PA YIN TE, DE'I 'BRAS BU DMIGS PA'I PHYIR MIG LA SOGS PA BZHIN NO, ,DUS GSUM PA'I RNAM PA GSUM ZHES BYA BA LA, BSHAD PA 'DI NI DMIGS KYIS BSAL BA DANG BCAS PA ZHIG STE, LUNG BSTAN MIN THOB LHAN CIG SKYE, ,ZHES 'BYUNG BA'I PHYIR RO, ,THOB PA'I RGYUN LA LTOS TE, 'DAS PA LA SOGS PA RNAMS RE RE LA YANG THOB PA RNAM PA GSUM GSUM MO, ,JI LTAR ZHE NA, 'DAS PA RNAMS KYI BE'U LTAR 'BRANG BA GANG YIN PA DE SKYES LA 'GAGS PA NI 'DAS PA'O, ,SKYES LA MA 'GAGS PA NI DA LTAR BA'O, ,MA SKYES PA NI MA 'ONGS PA'O, ,DA LTAR BYUNG BA RNAMS KYI SNGAR SKYES PA NI 'DAS PA'O, ,LHAN CIG SKYE BA NI DA LTAR BA'O, ,DUS PHYIS SKYE BA NI MA 'ONGS PA'O, ,MA 'ONGS PA RNAMS KYI KHYU MCHOG 'DRA BA GANG YIN PA DE SKYES LA 'GAGS PA NI 'DAS PA'O, ,SKYES LA MA 'GAGS PA NI DA LTAR BA'O, ,MA SKYES PA NI MA 'ONGS PA'O, ,DGE LA SOGS KYI ZHES BYA BA LA SOGS PA LA, DE NI DGE BA LA SOGS PA RE RE LA YANG DGE BA LA SOGS PA YIN PAR 'GYUR NA MI RUNG BAS DE'I PHYIR, GO RIMS BZHIN DU ZHES BYA BA SMOS SO, ,YANG CI'I PHYIR THOB PA CHOS DANG 'DRA BA RNAM PAR GZHAG GI ,DE LTA MA YIN PAR CHOS LAS BZLOG STE MA YIN ZHE NA, 'DOD CHAGS DANG BRAL BA MI DGE BA'I CHOS RNAMS DANG LDAN PA DANG, DGE BA'I RTZA BA KUN DU CHAD PA DGE BA'I CHOS RNAMS DANG LDAN PAR THAL BAR 'GYUR RO, ,DE LTAR NA 'O NA THAMS CAD DU LUNG DU MA BSTAN PA YIN PAR 'GYUR RO ZHE NA, DE NI DE LTAR MA YIN TE, LUNG DU MA BSTAN PA'I CHOS LTAR GZHAN DAG TU YANG 'DRA BA NYID DU THAL BAR 'GYUR @158A *, ,RO; ,LUNG DU MA BSTAN PA YIN PA'I PHYIR CHOS NYON MONGS PA CAN RNAMS KYI THOB PA LAM DANG MI 'GAL BAR 'GYUR RO, ,DE'I PHYIR NYON MONGS PA CAN RNAMS KYI RANG GI NGO BO SPANGS PA MA YIN PAS CHOS DANG 'DRA BA KHO NAR 'DOD DO, ,DER GTOGS RNAMS KYI RANG KHAMS PA, ,ZHES BYA BA LA, LDAN PA NI LDAN PA CAN LA RAG LAS PAS KHAMS GZHAN PA RNAMS KYI THOB PA NI KHAMS GZHAN PA MA YIN NO, ,DE LA RE ZHIG 'DOD PA'I KHAMS SU YANG SKYES PA'I 'DOD PA NA SPYOD PA RNAMS KYI NI 'DOD PA NA SPYOD PA'O, ,GZUGS DANG GZUGS MED PA NA SPYOD PA RNAMS KYI NI GZUGS DANG GZUGS MED PA NA SPYOD PA'O, , GZUGS KYI KHAMS SU SKYES PA'I GZUGS NA SPYOD PA RNAMS KYI NI GZUGS NA SPYOD PA YIN LA, 'DOD PAR GTOGS PA SPRUL PA'I SEMS KYI NI 'DOD PA NA SPYOD PA'O, ,GZUGS MED PA NA SPYOD PA NYON MONGS PA CAN RNAMS KYI NI GZUGS MED PA NA SPYOD PA'O, ,GZUGS MED PA'I KHAMS SU SKYES PA'I GZUGS MED PA'I KHAMS NA SPYOD PA RNAMS KYI NI GZUGS MED PA'I KHAMS PA KHO NA'O, ,MA GTOGS RNAMS KYI RNAM PA BZHI, ,ZHES BYA BA LA, ZAG PA MED PA RNAMS NI 'DOD PA DANG, GZUGS DANG GZUGS MED PA'I SRID PAS BDAG GIR MA BYAS PA'I PHYIR MA GTOGS PA RNAMS SO, ,DE LA SO SOR BRTAGS PA MA YIN PAS 'GOG PA'I NI KHAMS GSUM PA'I YIN NO ZHES BYA BA LA, DE NI KHAMS GSUM PA'I RKYEN MA TSANG BAS THOB PAR BYA BA YIN PA'I PHYIR DANG, SKYE BA'I DBANG GIS KHAMS GSUM PA NYID YIN GYI, GANG DAG GI RKYEN MA TSANG BAR 'GYUR BA CHOS KYI DBANG GIS NI MA YIN TE, GZHAN DU NI LAM GYI BDEN PAS BSDUS PA'I CHOS RNAMS KYI SO SOR BRTAGS PA MA YIN PAS 'GOG PA MI LDAN PAR 'GYUR RO, ,SO SOR BRTAGS PAS 'GOG PA'I ZHES BYA BA LA SOGS PA LA, GZUGS NA SPYOD PA'I LAM GYIS THOB PA'I NI GZUGS NA SPYOD PA YIN LA, GZUGS MED PA NA SPYOD PA'I LAM GYIS THOB PA'I NI GZUGS MED PA NA SPYOD PA STE, 'DI NI 'PHAGS PA MA YIN PA'I 'DOD CHAGS DANG BRAL BA LA NGES PA'O, ,ZAG PA MED PA YANG YIN NO, ,CI ZHE NA, SO SOR BRTAGS PAS 'GOG PA'I STE, ZAG PA MED PAS THOB PA'I NI ZAG PA MED PA'O, ,LAM GYI BDEN PA'I NI ZAG PA MED PA NYID DE ZHES BYA BA LA, DE NI LAM GZHAN DU MA GTOGS PA YIN PA'I PHYIR NA CHOS KYI DBANG KHO @158B NAS THOB PA NGES PA YIN NO, ,SLOB PA'I GANG ZAG GI CHOS RNAMS NI SLOB PA RNAMS SO, ,MI SLOB PA RNAMS NI MI SLOB PA RNAMS SO, ,DE LA RE ZHIG SLOB PA'I CHOS RNAMS KYI THOB PA NI SLOB PA'I LAM GYIS BSDUS PA'I PHYIR SLOB PA KHO NA YIN NO, ,DE BZHIN DU MI SLOB PA RNAMS KYANG RIG PAR BYA'O, ,ZAG PA DANG BCAS PA'I CHOS RNAMS DANG, 'DUS MA BYAS RNAMS NI SLOB PA DANG MI SLOB PA'I LAM GYIS BSDUS PA'I PHYIR SLOB PA YANG MA YIN MI SLOB PA YANG MA YIN PA RNAMS SO, ,RE ZHIG ZAG PA DANG BCAS PA RNAMS KYI THOB PA NI SLOB PA DANG MI SLOB PA MI SRID PAS SLOB PA YANG MA YIN MI SLOB PA YANG MA YIN NO, ,'DUS MA BYAS KYI NI 'GA' ZHIG SLOB PA YANG MA YIN MI SLOB PA YANG MA YIN LA 'GA' ZHIG GI NI RNAM PA GSUM YIN PAS DE'I PHYIR, SO SOR BRTAGS PA MA YIN PAS ZHES BYA BA SMOS TE, SLOB PA YANG MA YIN MI SLOB PA YANG MA YIN NO ZHES BYA BAR SBYAR RO, ,'PHAGS PA MA YIN PAS THOB PA ZHES BYA BA LA SOGS PA LA, 'PHAGS PA MA YIN PA'I LAM GYIS THOB PA SO SOR BRTAGS PAS 'GOG PA'I THOB PA NI ZAG PA DANG BCAS PA'I LAM GYIS BSDUS PA'I PHYIR SLOB PA YANG MA YIN MI SLOB PA YANG MA YIN NO, ,NGANG GI SGRA NI SKABS SU BAB P RJES SU DRANG BAR BYA BA'I DON TO, ,SLOB PA'I LAM GYIS BSDUS PA'I PHYIR SLOB PA'I LAM GYIS THOB PA'I THOB PA NI SLOB PA PA'O; ,DE BZHIN DU MI SLOB PA YANG RIG PAR BYA'O, ,BAR CHAD MED PA DANG RNAM PAR GROL BA'I LAM DAG NI ZAD PA'I THOB PA 'DREN PAR BYED PA DANG, RTEN DU GYUR PA'I PHYIR ZAD PA SHES PA LA 'GOG PA THOB PAR BYED PA'I NUS PA YOD PAS, DE'I PHYIR MI SLOB PA'I LAM GYIS THOB PA'I NI MI SLOB PA'O ZHES BYA BA SNOS SO; ,MTHONG BA DANG BSGOM PAS SPANG BAR BYA BA KHO NA YIN NO ZHES BYA BA 'BYUNG STE, MTHONG BA DANG BSGOM PAS SPANG BAR BYA BA RNAMS KYI THOB PA NI CHOS KYI DBANG GIS RNAM PAR GZHAG PA'I PHYIR RO, ,SPANG BAR BYA BA MA YIN PA RNAMS KYI NI BYE BRAG YOD PAS ZHES BYA BA RGYAS PAR 'BYUNG STE, SO SOR BRTAGS PA MA YIN PAS 'GOG PA'I THOB PA LUNG DU MA BSTAN PA DANG, 'JIG RTEN PAS SO SOR BRTAGS PAS 'GOG PA'I DGE BA ZAG PA DANG BCAS PA YIN PAS NYON MONGS PA CAN MA YIN PA'I PHYIR DANG, ZAG PA DANG BCAS PA YIN PA'I PHYIR BSGOM PAS SPANG BAR BYA BA STE, DE SKAD DU YANG, NYON MONGS CAN MIN MTHONG SPANG MIN,, @159A *, ,ZHES BSHAD DO, ,DE NYID CES BYA BA LA, SO SOR BRTAGS PAS 'GOG PA 'PHAGS PA'I LAM GYIS THOB PA'O, ,'PHAGS PA RNAMS KYIS 'JIG RTEN PA'I LAM GYIS THOB PA'I ZAG PA MED PA GANG YIN PA DE YANG 'PHAGS PA'I LAM GYI STOBS KYIS 'THOB PA STE DE'I PHYIR ZAG PA MED PA YIN NO, ,LAM GYI BDEN PA'I YANG ZAG PA MED PA YIN PA'I PHYIR SPANG BAR BYA BA MA YIN NO, ,LUNG BSTAN MI THOB LHAN CIG SKYE, ,ZHES BYA BA LA, DMIGS KYIS BSAL BA 'DI NI DMIGS KYIS BSAL BA DANG BCAS PA ZHIG STE, MNGON SHES SPRUL PA MA GTOGS PA, ,ZHES 'BYUNG BA'I PHYIR RO,, STOBS CHUNG BA'I PHYIR ZHES BYA BA LA, STOBS CHUNG BA NYID RNAM PAR SMIN PA MED PA'I PHYIR RO, ,ZAG PA MED PA RNAMS LA THAL BAR 'GYUR BA YANG MA YIN TE, MNGON PAR 'DU BYA BA CHEN POS BSGRUB PAR BYA BA YIN PA'I PHYIR RO, ,MNGON SHES SPRUL PA MA GTOGS PA, ,LUNG DU MA BSTAN PA RNAMS KYIS THOB PA LHAN CIG SKYE'O ZHES BYA BAR SBYAR RO, ,MNGON PAR SHES PA NI RNAM PA GNYIS TE, LHA'I MIG DANG RNA BA STE, MIG DANG RNA BA'I MNGON SHES NI, LUNG DU MA BSTAN ZHES 'BYUNG BA'I PHYIR RO, ,SPRUL PA'I SEMS ZHES BYA BA NI, LUNG BSTAN MIN RNAM BZHI ZHES 'BYUNG BA'I PHYIR RO, ,DE DAG NI SBYOR BA'I KHYAD PAR GYIS 'GRUB PA ZHES BYA BA 'DI NI MNGON PAR 'DU BYED PA LAS 'BYUNG BA'I PHYIR STOBS DANG LDAN PA NYID DO ZHES STON PAR BYED DO, ,BZO'I GNAS PA ZHES BYA BA LA SOGS PA LA, 'DIR 'DU BYED KYI KHYAD PAR LA BRTEN GYI, 'DU BYED TZAM LA NI MA YIN NO, ,DE NYID KYI PHYIR SHIN TU GOMS PA'I ZHES BYA BA SMOS TE; SPYOD LAM PA'I NI DPER NA BCOM LDAN 'DAS DANG RTA THUL LA SOGS PA RNAMS KYI SPYOD LAM PA'I LTA BU'O, ,BZO'I GNAS PA'I NI DPER NA SUM CU RTZA GSUM PA RNAMS KYI BI SHVA KARMA DANG, LHA MA YIN RNAMS KYI MA YUL BZO'I GNAS PA'I LTA BU STE, DE DAG NI SBYOR BA'I KHYAD PAR GYIS 'GRUB PAS STOBS DANG LDAN PA'I PHYIR RO, ,GZHAN DAG NI STOBS CHUNG BA'I PHYIR THOB PA LHAN CIG SKYE BA NYID DO, ,BSGRIBS PA'I GZUGS KYI YANG ZHES BYA BA LA, GZUGS SMOS PA'I NI GZUGS MA YIN PA RNAM PAR GCAD PAR BYA BA'I PHYIR TE, DE'I THOB PA NI RNAM PA GZHAN DU RNAM PAR 'JOG PA'I PHYIR RO, ,BSGRIBS PA NI BSAM GTAN @159B DANG PO KHO NA'I LUS DANG NGAG GI RNAM PAR RIG BYED KYI GZUGS NYON MONGS PA CAN GYI YIN GYI, GONG MA'I MA YIN ZHING, 'DOD PA'I KHAMS KYI NI MA YIN TE, KUN NAS SLONG BAR BYED PA MED PA'I PHYIR RO, ,BSGRIBS PA'I GZUGS CHEN POS KUN NAS SLONG BA'I RNAM PAR RIG BYED KYIS KYANG, RNAM PAR RIG BYED MA YIN PA 'PHEN PAR MI NUS PA STOBS CHUNG BAR GRUB STE, DE'I PHYIR THOB PA LHAN CIG SKYE BA KHO NA'O, ,'DOD PA NA, GZUGS KYI SNGAR NI SKYE BA MED, ,CES BYA BA LA, 'DOD PA'I KHAMS KYI SDOM PA LA SOGS PA'I GZUGS DGE BA DANG MI DGE BA'I THOB PA NI RNAM PA THAMS CAD DU SNGAR SKYE BA MED DO, ,LHAN CIG SKYE BA DANG DUS PHYIS SKYE BA NI YOD DO ZHES BYA BA 'BYUNG STE, DE LA LHAN CIG SKYE BA NI LHAN CIG 'BYUNG BA'I PHYIR SKYE BA NI CHOS 'DAS PA SKYE BA STE, DE NI 'DAS PA DANG DA LTAR BA YANG YIN NO, ,DE LA 'DOD PA NA ZHES BYA BA NI GZUGS NA SPYOD PA GSAL BAR BYA BA'I PHYIR RO, ,GZUGS SMOS PA NI GZUGS CAN MA YIN PA GSAL BAR BYA BA'I PHYIR RO, ,RNAM PA THAMS CAD DU ZHES BYA BAS NI DGE BA'I YANG MED LA MI DGE BA'I YANG MED DO ZHES BYA BAR RTOGS PAR 'GYUR TE, MA BSGRIBS LA LUNG DU MA BSTAN PA RNAMS GONG DU BKAG PA'I PHYIR RO, ,'DOD PA NA SPYOD PA'I GZUGS DGE BA DANG MI DGE BA NI SBYOR BA LAS BYUNG BA YIN GI, SKYES NAS THOB PA NI MA YIN NO, ,MNYAM PAR MA BZHAG PA'I SA BA YIN PA'I PHYIR MA 'ONGS PA RNYED PA NI MA YIN TE, DE'I PHYIR DE'I THOB PA SNGAR SKYED PA MED DO, ,THOB PA BSHAD ZIN TO, ,CI MA THOB PA LA YANG THOB PA BZHIN DU RNAM PA BYE BRAG YOD DAM, SMRAS PA, MED DO, ,'O NA JI LTA BU ZHE NA, MA THOB MA BSGRIBS LUNG MA BSTAN; ,MA THOB MA BSGRIBS LA LUNG DU MA BSTAN PA KHO NA YIN NO ZHES BYA BAR JI LTAR RTOGS SHE NA, GAL TE CHOS DANG 'DRA BA YIN NA NI DE LTA NA DGRA BCOM PA RNAMS MI DGE BA'I CHOS RNAMS DANG, BSGRIBS LA LUNG DU MA BSTAN PA RNAMS DANG LDAN PAR 'GYUR LA, DGE BA'I RTZA BA KUN DU CHAD PA RNAMS KYANG DGE BA RNAMS DANG LDAN PAR 'GYUR ZHING, SO SO'I SKYE BO RNAMS KYANG 'PHAGS PA'I CHOS RNAMS DANG LDAN PAR 'GYUR RO, ,'ON TE CHOS LA BZLOG PA YIN NA, DE LTA NA YANG DGRA BCOM PA RNAMS KYANG CHOS NYON MONGS PA CAN RNAMS DANG LDAN PAR 'GYUR LA, DGE BA'I RTZA BA KUN DU CHAD PA RNAMS KYANG DGE BA'I RTZA BA DAG DANG @160A *, ,LDAN PAR 'GYUR RO, ,DE'I PHYIR MA THOB PA NI MA BSGRIBS LA LUNG DU MA BSTAN PA KHO NA YIN NO, ,'DAS MA SKYES KYI DE RNAMS GSUM, ,ZHES BYA BA NI RGYUN LA LTOS NAS SO, ,DA LTAR BYUNG BA'I MA THOB PA DA LTAR BYUNG BA NI MED DO ZHES 'BYUNG BAS 'DAS PA DANG, MA 'ONGS PA NI YOD DO ZHES BYA BAR RTOGS SO, ,DA LTAR BYUNG BA NI GDON MI ZA BAR THOB PA DANG LHAN CIG 'BYUNG BAR 'GYUR NA, THOB PA DANG MA THOB PA DAG NI CIG CHAR YANG YOD PA MA YIN PAS DA LTAR PA'I MA THOB PA DA LTAR BA YIN PAR MI RIGS SO, ,'DOD SOGS GTOGS DANG ZHES BYA BA LA SOGS PA LA, 'DOD PA LA SOGS PAR GTOGS PA RNAMS NI 'DOD SOGS GTOGS TE, 'DOD PA DANG MI LDAN PA MA YIN ZHES BYA BA'I DON TO, ,MA THOB PA NI SKYE BA'I RTEN GYI DBANG GIS RNAM PAR GZHAG GI ,CHOS KYI DBANG GIS NI MA YIN TE, ,CHOS DANG 'GAL BA'I PHYIR RO, ,DE LA 'DOD PA'I KHAMS SU SKYES PA'I 'DOD PA DANG, GZUGS DANG, GZUGS MED PA NA SPYOD PA RNAMS KYI MA THOB PA NI 'DOD PA NA SPYOD PA'O, ,JI LTAR ZHE NA, 'DOD PA NA SPYOD PA'I SBYOR BA LAS BYUNG BA RNAMS DANG, DGE BA'I RTZA BA KUN DU CHAD PAS SKYES NAS THOB PA RNAMS DANG, GZUGS DANG GZUGS MED PA NA SPYOD PA RNAMS LAS NYON MONGS PA RNAMS DANG LDAN PA KHO NA YIN MOD KYI, 'DOD CHAGS DANG BRAL BA MA YIN PA'I PHYIR NYON MONGS PA CAN MA YIN PA RNAMS DANG, SO SO'I SKYE BO YIN PA'I PHYIR ZAG PA MED PA RNAMS KYI MA THOB PA NI 'DOD PA NA SPYOD PA YIN NO, ,DE BZHIN DU GZUGS DANG GZUGS MED PA'I KHAMS SU SKYES PA'I 'DOD PA DANG, GZUGS DANG, GZUGS MED PA NA SPYOD PA'I CHOS RNAMS DANG, ZAG PA MED PA RNAMS KYI MA THOB PA NI GZUGS DANG GZUGS MED PA NA SPYOD PA YIN NO ZHES RGYAS PAR BRJOD PAR BYA'O, ,MA THOB PA CHOS KYI DBANG GIS RNAM PAR MI GZHAG GO ZHES BYA BA 'DI'I SHES PAR BYED PA NI MA THOB PA ZAG PA MED PA NI 'GA' YANG MED DO ZHES BYA BA 'DI KHO NA YIN NO, ,MA THOB PA GANG ZAG PA MED PA MED DO ZHES BYA BA 'DI GANG LAS RTOGS SHE NA, BSTAN BCOS LAS SO, ,'DI LTAR ZHES BYA BA NI RGYAS PAR BSTAN BCOS NYE BAR DGOD PA'O, ,'DIR BSTAN BCOS NI YE SHES LA 'JUG PA LA MNGON PAR 'DOD DO, ,SO SO'I SKYE BO NYID NI ZAG PA MED PA YIN PAR MI 'OS SO ZHES BYA BA LA, CI'I PHYIR ZHE NA, @160B SO SO'I SKYE BO'I DNGOS PO NI SO SO'I SKYE BO NYID YIN NA, ZAG PA MED PA'I CHOS RNAMS NI SO SO'I SKYE BO'I DNGOS POR RUNG BA YANG MA YIN TE, 'PHAGS PA RNAMS KYANG SO SO'I SKYE BO NYID DU THAL BAR 'GYUR BA'I PHYIR RO, ,SLOB PA DANG MI SLOB PA'I BYE BRAG DANG, GANG ZAG GI BYE BRAG DANG, GNYEN PO'I BYE BRAG GIS 'PHAGS PA'I CHOS RNAMS MANG BA'I PHYIR DANG, 'PHAGS PA'I CHOS RNAMS KYI MA RNYED PA'O ZHES KHYAD PAR MED PAR BRJOD PA'I PHYIR 'PHAGS PA'I CHOS GANG DAG GI ZHES DRIS DANG, DE'I PHYIR, THAMS CAD KYI YIN TE ZHES BYA BA SMOS TE, SLOB PA DANG MI SLOB PA LA SOGS PA'I BYE BRAG GIS THA DAD PA RNAMS GYI'O; ,'DI GANG LAS RTOGS SHE NA, DE'I PHYIR, KHYAD PAR MED PAR 'BYUNG BA'I PHYIR RO ZHES BYA BA SMOS TE, BSTAN BCOS LAS ZHES BYA BAR SBYAR RO, ,GAL TE THAMS CAD KYI MA RNYED PA SO SO'I SKYE BO NYID YIN NO, ,DE LTA NA THAMS CAD KYIS RNYED PA LAS 'PHAGS PA YIN NO ZHES BYA BAR THAL BAR 'GYUR LA, DE LTA NA 'GA' LA YANG ZAG PA MED PA'I CHOS MA LUS PA RNYED PA MED PAS 'PHAGS PA MED PAR THAL BAR 'GYUR RO ZHE NA, DE'I PHYIR, DE NI RNYED PA MED PA GANG YIN PA STE ZHES BYA BA SMOS SO, ,SO SO'I SKYE BO NYID NI THAMS CAD KYI MA RNYED PA LA BRJOD KYI, 'GA' ZHIG GI MA RNYED PA NI MA YIN LA, 'PHAGS PAS NI 'GA' ZHIG DAG MA RNYED PA YIN PAS DE 'PHAGS PA MA YIN PA NYID DU THAL BAR MI 'GYUR RO, ,DE LTA YIN DANG 'PHAGS PA'I CHOS RNAMS KYI MA RNYED PA RNAM PA GNYIS BSTAN PAR 'GYUR TE, MA RNYED PA SNGON DU 'GRO BA CAN DANG, RNYED PA SNGON DU 'GRO BA CAN YIN PA'O, ,DE LA SO SO'I SKYE BO NYID NI MA RNYED PA SNGON DU 'GRO BA CAN GANG YIN PA DE YIN GYI, RNYED PA SNGON DU 'GRO BA CAN NI MA YIN NO, ,DE LTA MA YIN NA ZHES BYA BA LA, GAL TE RNYED PA SNGON DU 'GRO BA CAN SO SO'I SKYE BO NYID YIN PAR 'GYUR NA'O, ,RANG GI RIGS CAN RNAMS KHO NA RNYED PA'I PHYIR SANGS RGYAS KYANG ZHES BYA BA RGYAS PAR 'GYUR RO, ,'O NA NI KHO NA ZHES BYA BA'I SGRA 'DON DGOS SO ZHES BYA BA NI 'PHAGS PA'I CHOS RNAMS MA RNYED PA KHO NA ZHES BYA BAR TE, DE LTA NA NI RNYED PAR GYUR PA NA RNYED PA GANG YIN PA DE SO SO'I SKYE BO NYID MA YIN NO ZHES BYA BAR BSTAN PAR 'GYUR GYI, GZHAN DU NI MA YIN NO, ,GDON MI DGOS SO, ,CI'I PHYIR ZHE NA, DER NGES PAR GZUNG BA MA BTON YANG RTOGS PAR 'GYUR BA NYID @161A *, ,DO; ,JI LTAR NA MA SMRAS PAR RTOGS PAR 'GYUR ZHE NA, DE'I PHYIR, TSIG GCIG PU DAG KYANG ZHES BYA BA SMOS SO, ,CHU 'THUNG NGO, ,RLUNG ZA'O ZHES BYA BA 'DIR KHO NA ZHES BYA BA'I SGRA MED PAS TSIG GNYIS PA MED MOD KYI, 'ON KYANG 'DIR CHU KHO NA 'THUNG BA'O, ,RLUNG KHO NA ZA'O ZHES NGES PAR GZUNG BA RTOGS PA YIN NO, ,GAL TE CHU YANG 'THUNG ZHING ZAS KYANG ZA BA YIN NA NI CHU 'THUNG NGO ZHES BYA BA'I NGAG 'DI LA 'BRAS BU CI ZHIG YOD, DA'I PHYIR CHU 'THUNG NGO ZHES NGES PAR GZUNG BA KHONGS SU BSDUS PA'I PHYIR KHO NA'I SGRA YANG MI BRJOD DE, DE BZHIN DU 'DIR YANG GAL TE 'PHAGS PA'I CHOS RNAMS KYI RNYED PA DANG MA RNYED PA SO SO'I SKYE BO NYID YIN NA, SO SO'I SKYE BO NYID NI 'PHAGS PA'I CHOS RNAMS KYI MA RNYED PA'O ZHES BYA BA'I NGAG 'DI LA 'BRAS BU CI ZHIG YOD, DE'I PHYIR 'DI NI NGES PAR GZUNG BA KHONGS SU BSDUS PA KHO NA YIN NO ZHES BYA BAR SHES SO, ,DE'I PHYIR KHO NA ZHES BYA BA'I SGRA'I DON KHONG DU CHUD PA'I PHYIR 'DIR KHO NA ZHES BYA BA'I SGRA DON MED PAS MI 'DON NO, ,DE BZHIN DU RLUNG ZA BA'O ZHES BYA BA LA YANG BRJOD PAR BYA'O, ,GZHAN NA RE NI BSTAN PA'I NYES PA YONGS SU SPANG BAR BYA BA'I PHYIR, SDUG BSNGAL LA CHOS SHES PA'I BZOD PA DANG, DE DANG LHAN CIG 'BYUNG BA RNAMS KYI'O ZHES ZER RO, ,SO SO'I SKYE BO NYID NI CHOS SHES PA'I BZOD PA'I MA RNYED PA YIN GYI, DE LAS GZHAN 'PHAGS PA'I CHOS RNAMS KYI MA RNYED PA NI MA YIN TE, DE'I PHYIR SDUG BSNGAL LA CHOS SHES PA LA SOGS PA RNAMS MA RNYED KYANG, SKAD CIG MA DANG PO LA GNAS PA SO SO'I SKYE BO NYID DU THAL BAR MI 'GYUR RO, ,DE LTA NA 'O NA 'BRAS BU THOB PA'I DUS NA DE BTANG BA'I PHYIR 'PHAGS PA MA YIN PA NYID DU THAL BAR 'GYUR RO ZHE NA, DE'I PHYIR, DE DAG BTANG BAS ZHES BYA BA RGYAS PAR SMOS SO, ,DE NYID LA RGYU BSHAD PA NI, DE DAG GI MA RNYED PA GTAN DU BCOM PA'I PHYIR RO ZHES BYA BA STE, SDUG BSNGAL LA CHOS SHES PA'I BZOD PA THOB PAS SDUG BSNGAL LA CHOS SHES PA'I BZOD PA DANG; DE DANG LHAN CIG 'BYUNG BA RNAMS KYI MA RNYED PA SO SO'I SKYE BO NYID CES BYA BA GTAN DU BCOM PA'I PHYIR RO, ,'PHAGS PA'I CHOS RNAMS KYI MA THOB PA DE NI DE'I RGYUD LA NA MA YANG 'BYUNG BAR MI 'GYUR RO, ,'DIR YANG SNGAR BSHAD PA'I NYES PAR THAL BAR BYA BA'I PHYIR, 'O NA NI DE DAG KYANG ZHES BYA BA RGYAS PAR @161B SMOS TE; SDUG BSNGAL LA CHOS SHES PA'I BZOD PA DANG, DE DANG LHAN CIG 'BYUNG BA DAG GO, ,RIGS GSUM NI NYAN THOS DANG, RANG SANGS RGYAS DANG, YANG DAG PAR RDZOGS PA'I SANGS RGYAS KYI RIGS YIN PA'I PHYIR RO, ,NYAN THOS LA SOGS PA DAG RE RES THAMS CAD RNYED PA YANG MA YIN LA, RIGS GSUM PO THAMS CAD KYIS RNYED PA YANG NYAN THOS LA SOGS PA RNAMS LA MTSUNGS TE, DE'I PHYIR 'DRI BA NI, GANG DAG GI ZHES BYA BA STE, DE'I PHYIR BSHAD PA, THAMS CAD KYI MA RNYED PA LAS SO SO'I SKYE BO ZHES BYA'O, ,DE LTA NA NYES PA DE NYID DU 'GYUR RO ZHES BYA BA NI GAL TE THAMS CAD KYI MA RNYED PA SO SO'I SKYE BO NYID YIN NA NI SANGS RGYAS KYANG NYAN THOS DANG, RANG SANGS RGYAS KYI RIGS CAN DAG DANG MI LDAN PA'I PHYIR 'PHAGS PA MA YIN PAR 'GYUR RO ZHES SNGAR GANG SMRAS PA'O, ,LAN YANG DE NYID YIN NO ZHES BYA BA'I DE NI RNYED PA MED PA GANG YIN PA STE ZHES BYA BA NAS, 'O NA NI KHO NA ZHES BYA BA'I SGRA GDON DGOS SO, ,GDON MI DGOS TE, TSIG GCIG PU DAG KYANG NGES PAR 'DZIN PA YIN TE ZHES BYA BA'O, ,'O NA NI SNGAR BSHAD PA LAS KHYAD PAR MED PA'I PHYIR 'BAD PA DON MED PAR 'GYUR TE, SNGAR BSHAD PA'I NYES PA YONGS SU SPANGS PA'I SGO NAS 'DIR NYE BAR BKOD NA, NYAN THOS LA SOGS PA RNAMS 'PHAGS PA MA YIN PA NYID KYI NYES PA NI 'DI NA YANG SO NA 'DUG PA NYID DO, ,GAL TE 'DIR YANG NYES PA MED PA ZHES BYA BA'I LAN DE NYID 'DOD NA NI DE LTAR NA SDUG BSNGAL LA CHOS SHES PA'I BZOD PA DANG, DE DANG LHAN CIG BYUNG BA RNAMS KYI YIN GYI, GZHAN DAG GI MA YIN NO ZHES BYA BA'I 'BAD PA GANG YIN PA DON MED PAR 'GYUR RO, ,'PHAGS PA'I CHOS RNAMS MA SKYES PA'I ZHES BYA BA RGYAS PAR 'BYUNG NGO, ,RGYUD LA 'PHAGS PA'I CHOS GANG DAG MA SKYES PA SO SO'I SKYE BO NYID YIN ZHING ZHES BYA BAS 'DIR YANG, SNGA MA BZHIN DU NYAN THOS LA SOGS PA RNAMS 'PHAGS PA NYID MA YIN PA'AM, 'BAD PA DON MED PAR 'GYUR RO ZHES NA, 'DI LA 'BAD PA DON MED PA YOD PA MA YIN TE, DON GZHAN DANG LDAN PA'I PHYIR RO, ,RGYUD SMOS PAS NA SO SO'I SKYE BO NYID NI KUN RDZOB TU SPYOD PA YIN GYI, CHOS GZHAN NI MA YIN NO ZHES BSTAN PA'I DON DU DE SKAD SMRAS KYI, NYES PA SNGA MA SPANG BAR BYA BA'I PHYIR NI MA YIN NO, ,DE THOB PA DANG SA 'PHOS PAS NI RNAM NYAMS 'GYUR, ,ZHES BYA BA LA, DE THOB PA DANG SA 'PHOS PA LAS RNAM PAR @162A *, ,NYAMS PAR 'GYUR TE, SA 'PHOS PA NI KHAMS DANG SAR SKYES PAS 'PHOS PA'O, ,DE LAM THOB PA CHOS GANG GIS YIN PA DE NI DE THOB PA LAS RNAM PAR NYAMS PAR 'GYUR TE, RE ZHIG JI LTAR SO SO'I SKYE BO NYID 'PHAGS PA'I LAM GYI MA RNYED PA YIN PA LTAR, DE RNYED PAS DE KHAMS GSUM PA YANG RNAM PAR NYAMS PAR 'GYUR RO, ,SA 'PHOS PA LAS KYANG YIN NO, ,CI ZHE NA, SO SO'I SKYE BO NYID RNAM PAR NYAMS PAR 'GYUR TE, 'DI LTAR GANG GI TSE 'DOD PA'I KHAMS LAS 'DOD CHAGS DANG BRAL BA DE'I TSE DE'I 'DOD PAR GTOGS PA'I SO SO'I SKYE BO NYID DE LA DMIGS PA'I 'DUN PA'I 'DOD CHAGS SPANGS PA LAS SPANG PAR 'GYUR GYI, RNAM PAR NYAMS PAR 'GYUR BA MA YIN LA, GANG GI TSE BSAM GTAN DANG POR SKYES PAS SA 'PHOS PA DE'I TSE NI 'DI'I DE RNAM PAR NYAMS PAR 'GYUR GYI, SPANGS PA MA YIN TE, SNGAR SPANGS ZIN PA'I PHYIR RO, ,'PHAGS PAR 'GYUR BA YANG MA YIN TE, BSAM GTAN DANG PO'I SA PA'I SO SO'I SKYE BO NYID RNYED PA'I PHYIR RO, ,DE BZHIN DU SA DANG PO'I KHAMS GONG MA BZHIN DU 'PHO BA LA YANG RGYAS PAR BRJOD PAR BYA'O, ,GZHAN DAG GI YANG DE BZHIN DU SBYAR BAR BYA'O ZHES BYA BA LA, JI LTAR LAM THOB PAS SO SO'I SKYE BO NYID RNAM PAR NYAMS PAR 'GYUR BA DE BZHIN DU GZHAN DAG GI THOB PAS KYANG DE DAG GI MA THOB PA RNAM PAR NYAMS PAR 'GYUR RO, ,JI LTAR ZHE NA, RE ZHIG 'DOD PA NA SPYOD PA'I THOB PA DANG, BSAMS PA LAS BYUNG BA RNAMS DANG, GZUGS NA SBYOD PA'I THOS PA DANG, BSGOMS PA LAS BYUNG BA RNAMS DANG, GZUGS MED PA NA SPYOD PA'I BSGOMS PA LAS BYUNG BA RNAMS KYI MA RNYED PA NI DE DAG THOB PAS RNAM PAR NYAMS PAR 'GYUR LA, KHAMS GONG MA BA'I PHUNG PO 'GRO BAS BSDUS PA RNAMS KYI MA RNYED PA NI SA GONG MAR SKYES PAS RNAM PAR NYAMS PAR 'GYUR RO, ,DE BZHIN DU DGE BA SKYES NAS THOB PA RNAMS DANG CI RIGS PAR SDUG BSNGAL LA CHOS SHES PA'I BZOD PA NAS DGRA BCOM PA NYID KYI BAR GYI ZAG PA MED PA RNAMS KYI MA RNYED PA NI DE DAG RNYED PAS RNAM PAR NYAMS PAR 'GYUR RO, ,DE BZHIN DU RNAM PAR GROL BA DUS DANG SBYOR BA DANG, DUS DANG MI SBYOR BAR RNAM PAR GROL BA'I DGRA BCOM PA NYID MA THOB PA YANG DE THOB PAS RNAM PAR NYAMS PAR 'GYUR RO, ,RNAM PAR NYAMS PA YANG MA SHES PAS DE'I PHYIR RNAM PAR NYAMS PAR 'GYUR ZHES BYA BA NI ZHES BYA @162B BA SMOS SO, ,THUG PA MED PAR THAL BAR DOGS PAS 'DRI BA NI, CI MA THOB PA DANG THOB PA DAG GI YANG ZHES BYA BA LA SOGS PA'O, ,GNYIS KA'I YANG GNYIS KA ZHES BYA BA LA, GANG GI PHYIR MA THOB PA'I THOB PA 'CHAD PAR 'GYUR BA DE'I PHYIR MA THOB PA'I THOB PA YOD PA, THOB PA CHAD PAS MA THOB PA SKYE'O ZHES BSHAD PA DE'I PHYIR THOB PA'I MA THOB PA YANG YOD DO, ,DE'I PHYIR GNYIS KA'I YANG GNYIS KA YOD DO ZHES BYA BA NI LEGS PAR SMRAS PA YIN NO, ,DE LTAR NA THOB PA RNAMS THUG PA MED PAR THAL BAR 'GYUR BA MA YIN NAM, JI LTA ZHE NA, THOB PA LA YANG THOB PA YOD CING, DE LA GZHAN YOD LA, DE LA YANG GZHAN YOD PAS DE LTAR NA THUG PA MED DO, ,PHAN TSUN LDAN PA'I PHYIR ZHES BYA BA LA SOGS PA 'BYUNG NGO, ,THOB PA SKYES PAS CHOS DE DANG THOB PA'I THOB PA DANG LDAN PAR 'GYUR LA, THOB PA'I THOB PA SKYES PAS THOB PA KHO NA DANG LDAN PAR 'GYUR RO, ,DE LTAR NA THOB PA NI GNYIS LA BYED PA YIN LA, THOB PA'I THOB PA NI GCIG LA BYED PA DE'I PHYIR THUG PA MED PA MA YIN NO, ,DGE BA'ANG RUNG NYON MONGS PA CAN YANG RUNG ZHES BYA BAS NI MA BSGRIBS LA LUNG DU MA BSTAN PA NI MA YIN NO ZHES STON TO, ,DE NI THOB PA LHAN CIG SKYES PA CAN YIN PA'I PHYIR SKAD CIG GNYIS PA LA THOB PA MED DO, ,SKAD CIG GNYIS PA LA DGE BA DANG MI DGE BA'I THOB PA GSUM SKYE'O, ,SKAD CIG MA GNYIS PA LA SKAD CIG DANG POR SKYES PA CHOS BDAG NYID GTOGS PA GSUM GYI THOB PA GSUM SKYE BAR 'GYUR LA, RJES KYI THOB PA YANG GSUM YIN PAS DRUG TU 'GYUR RO, ,SKAD CIG MA GSUM PA LA NI SKAD CIG MA DANG POR SKYES PA BDAG NYID GTOGS PA GSUM GYI GSUM DANG, SKAD CIG MA GNYIS PAR SKYES PA'I THOB PA'I RDZAS DRUG GI DRUG STE, DE LTAR NA DGUR 'GYUR LA, YANG DE DAG GI RJES KYI THOB PA DGU STE, DE LTAR NA BCO BRGYAD DU 'GYUR RO, ,DE LTAR THOB PA RNAMS GONG NAS GONG DU SPEL BA'I 'GRES KYI ZHES BYA BA LA, DE LTAR THOB PA RNAMS SKAD CIG MA GONG MA GONG MA SPEL BA 'AM, SKAD CIG MA GONG MA NAS GONG MAR SPEL BA DE'I 'GRES NI SKAD CIG MA GONG NAS GONG DU SPEL BA'I 'GRES TE, SKAD CIG MA GONG NAS GONG DU SPEL BA'I 'GRES DES BSKYED NA'O, ,PHYOGS TZAM ZHIG NI BSTAN PAR BYA STE, SKAD CIG MA BZHI PA LA NI SKAD CIG MA DANG PO DANG, GNYIS PA DANG, GSUM PA LA SKYES PA'I RJES RNAMS KYI THOB @163A *, ,PA NYI SHU BDUN DANG, DE DAG GI RJES KYI THOB PA RNAMS DANG, SNGAR GYI RDZAS NYI SHU RTZA BDUN PO RNAMS GCIG TU BSDOMS PAS THOB PA NI LNGA BCU RTZA BZHIR 'GYUR RO ZHES BYA BA DE LTA BU LA SOGS PA'O, ,MTSUNGS PAR LDAN PA DANG LHAN CIG 'BYUNG BAR BCAS PA ZHES BYA BA LA, MTSUNGS PAR LDAN PA NI SEMS DANG SEMS LAS BYUNG BA'O, ,LHAN CIG 'BYUNG BA NI SKYE BA LA SOGS PA STE, THOG MA DANG THA MA MED PA'I 'KHOR BAR GTOGS PA'O, ,SO SO'I RGYUD KYI LUS KYI SKAD CIG MA LA RDZAS MTHA' YAS PA CAN NI THOB PA RNAMS MTHA' YAS PA'I PHYIR RO, ,THOGS PA MED PA NI CHOS KYI KHAMS KYIS BSDUS PA'I PHYIR RO, , DE LTA MA YIN NA ZHES BYA BA NI GAL TE PHAN TSUN SGRIB PAR 'GYUR NA'O, ,SKAL BA MNYAM PA NI SKAL BA 'DRA BA STE, SPYOD PA DANG RANG BZHIN MTSUNGS ZHES BYA BA'I DON TO, ,DE'I DNGOS PO NI SKAL BA DANG MNYAM PA NYID DO, ,BSHAD PA, G-YO BA RANG BZHIN MTSUNGS GYUR CING, ,BSAM PA GRUS MTSUNGS SEMS CAN RNAMS; ,GANG GIS MNYAM PAR 'GYUR BA NI, ,DE LA SKAL BA MNYAM ZHES BRJOD, ,SEMS CAN SMOS PA NI SKAL BA MNYAM PA NYID NI SEMS CAN DU BGRANG BA KHO NA'I YIN GYI, SEMS CAN DU MI BGRANG BA RNAMS KYI MA YIN NO ZHES BSTAN PAR BYA BA'I PHYIR RO, ,RDZAS SMOS PA NI BTAGS PAR YOD PA DGAG PAR BYA BA'I PHYIR RO; ,SEMS CAN RNAMS KYI 'DRA BA ZHES BYA BA NI MTSUNGS PA NYID DE, DE NI THA DAD PA RNAMS LA SNANG BA DANG BRJOD PA THA DAD PA'I RGYU YIN NO, ,DE NI SEMS CAN RE RE LA GZHAN DANG GZHAN YIN GYI, SPYI CHEN PO LTAR SEMS CAN THAMS CAD LA KHYAB PA GCIG PU NI MA YIN NO, ,DE YANG THA DAD PA MA YIN PA DANG, THA DAD PA STE ZHES BYA BA LA, GANG ZHIG THAMS CAD LA SEMS CAN RE RE YOD PA DE NI RDZAS SU THA DAD KYANG RIGS SU THA MI DAD PAS THA DAD PA MA YIN PA ZHES BYA'O, ,GANG ZHIG THAMS CAD LA YOD BA MA YIN PA DE NI THA DAD PA'O, ,DE NYID KYI PHYIR, THA DAD PA MA YIN PA NI SEMS CAN THAMS CAD CES BYA BA RGYAS PAR SMOS SO, , THA DAD PA NI SEMS CAN DE DAG NYID CES BYA BA LA SOGS PA 'BYUNG NGO, ,BYE BRAG GIS SO SOR NGES PA'O ZHES BYA BA NI KHAMS LA SOGS PA RNAMS RE RE DANG SBYAR BAR BYA STE, GANG LAS BLO 'JUG PA DANG 'DOGS PAR 'GYUR BA, 'DOD PA'I KHAMS SU SKYE BA'O, ,GZUGS DANG GZUGS MED PA'I KHAMS SU SKYE BA'O ZHES @163B BYA BA 'DI YIN NO, ,SA'I BYE BRAG GIS SO SOR NGES PA'I LHO PHYOGS KYI RGYUD PA DANG, GOD PA DANG, SHAR GYI LUS 'PHAGS PO DANG, 'DZAM BU GLING PA DANG, RGYAL CHEN BZHI PA DANG, BSAM GTAN DANG PO'I SA BA ZHES BYA BA DE LTA BU LA SOGS PA'O, ,'GRO BA'I BYE BRAG GIS NGES PA NI LHA DANG MI ZHES BYA BA LA SOGS PA'O, ,SKYE GNAS KYI BYE BRAG GIS NI MNGAL NAS SKYES PA DANG, SGO NGA LAS SKYES PA LA SOGS PA'O, ,RIGS KYI BYE BRAG GIS NI RGYAL RIGS DANG, BRAM ZE'I RIGS LA SOGS PA'O, ,RTAGS KYI BYE BRAG GIS NI PHO DANG MO ZHES BYA BA'O, ,SDOM PA'I BYE BRAG GIS NI DGE BSNYEN DANG, DGE SLONG ZHES BYA BA'O, ,LAM GYI BYE BRAG GIS NI SLOB PA DANG MI SLOB PA ZHES BYA BA'O, ,SOGS PA ZHES BYA BA'I SGRAS NI DGE BSNYEN MA DANG, DGE SLONG MA DANG, SLOB PA YANG MA YIN MI SLOB PA YANG MA YIN PA YONGS SU GZUNG NGO, ,CHOS KYI SKAL BA MNYAM PA NI PHUNG PO DANG, SKYE MCHED DANG, KHAMS KYI SGO NAS SO ZHES BYA BA LA, SO SOR NGES PA'O ZHES BYA BAR SBYAR RO, ,PHUNG PO PHUNG PO ZHES BYA BA NI SPYI'I SGO NAS PHUNG PO'I SKAL BA MNYAM PA'O, ,GZUGS KYI PHUNG PO, TSOR BA'I PHUNG PO ZHES BYA BA NI BYE BRAG GI SGO NAS SO, ,SPYI DANG BYE BRAG GI SGO NAS SKYE MCHED DANG KHAMS KYI SKAL BA MNYAM PA YANG DE BZHIN DU SHES PAR BYA'O, ,'BRAS BU LAS DE YOD PA NYID DU BSTAN PA'I PHYIR RO, ,GAL TE SKAL BA MNYAM PA ZHES BYA BA RGYAS PAR 'BYUNG NGO, ,RDZAS ZHES BYA BA NI BTAGS PA GSAL BAR BYA BA'I PHYIR TE, BTAGS PA LAS NI 'BRAS BU MED PA'I PHYIR RO, ,KHYAD PAR MED PA ZHES BYA BA'I 'DRA BA YIN GYI, YOD PA LTAR GCIG NYID NI MA YIN NA PHAN TSUN KHYAD PAR NI KHA DOG DANG, DBYIBS DANG, NGA RO DANG, SBYOD PA LA SOGS PA DANG, KHAMS DANG, SA DANG, 'GRO BA DANG, SKYE GNAS LA SOGS PA STE, THA MI DAD PA'I DNGOS PO GZHAN ZHIG MED NA KHYAD PAR DES THA DAD PA STE, PHAN TSUN MI 'DRA BA'I SEMS CAN DE DAG THAMS CAD LA BYE BRAG MED PAR SEMS CAN SEMS CAN ZHES BYA BA'I BLO 'JUG PA DANG 'DOGS PAR YANG MI 'GYUR TE, 'DOGS PA NI MNGON PAR BRJOD PA'O, ,DE'I PHYIR SEMS CAN PHAN TSUN THA DAD PA DAG LA 'BRAS BU BLO DANG SGRA'I THA MI DAD PA YOD PA'I PHYIR SKAL BA @164A *, ,MNYAM PA RDZAS ZHIG YOD DO ZHES BYA BAR NGES SO, ,DE BZHIN DU PHAN TSUN KHYAD PAR THA DAD PA'I PHUNG PO DANG, SKYE MCHED DANG, KHAMS RNAMS LA GAL TE PHUNG PO'I SKAL BA MNYAM PA'I RDZAS KHYAD PAR MED PA ZHIG MED NA PHUNG PO PHUNG PO ZHES BLO THA MI DAD PA 'JUG PA DANG, 'DOGS PAR YANG MI 'GYUR RO, ,SKYE MCHED DANG KHAMS DAG LA YANG DE BZHIN DU BRJOD PAR BYA'O, ,'CHI BAR 'GYUR ZHING SKYE BAR YANG 'GYUR LA ZHES BYA BAR RGYAS PAR 'BYUNG STE, 'DIR NI SEMS CAN SKAL BA MNYAM PA MI NYID LA SOGS PA LA MNGON PAR 'DOD KYI, SEMS CAN NYID NI MA YIN TE, DE LTA MA YIN NA MU GSUM PA DANG 'GAL BAR 'GYUR TE, GANG GI PHYIR PHUNG PO LHAG MA MED PA'I MYA NGAN LAS 'DAS PA'I DUS NA MTSAMS SBYOR BA MED PA'I PHYIR, SEMS CAN NYID 'DOD PAR 'GYUR GYI, GZHAN GYI TSE NI MA YIN NO, ,GAL TE DE NYID DU SKYE BA NA SEMS CAN GYI SKAL BA MNYAM PA NYID 'DOR BAR YANG MI 'GYUR, THOB PAR YANG MI 'GYUR RO, ,'O NA JI LTAR NA 'CHI 'PHO BA DANG SKYE BAR BRJOD CE NA, TSE ZAD PA'I PHYIR 'CHI 'PHO ZHING, DE NYID DU SKYE BA'I PHYIR SKYE BAR 'GYUR TE, DPER NA MI'I 'GRO BA NAS SHI 'PHOS NAS MI'I 'GRO BA KHO NAR SKYE BA NA, DE MI'I SKAL BA MNYAM PA NYID 'DOR BAR YANG MI 'GYUR, 'THOB PAR YANG MI 'GYUR BA LTA BU STE, MI'I SKAL BA MNYAM PA NYID DE SO NA 'DUG PA'I PHYIR RO, ,GNYIS PA NI NGES PA LA 'JUG PA NA STE ZHES BYA BA LA, DES NI SEMS CAN GYI SKAL BA MNYAM PA SO SO'I SKYE BO'I RANG BZHIN CAN NYID 'DOR BAR 'GYUR ZHING, 'PHAGS PA'I RANG BZHIN CAN GZHAN 'THOB PAR 'GYUR RO, ,GSUM PA NI 'GRO BA 'PHO BA LAS SO ZHES BYA BA NI DPER NA MI'I 'GRO BA NAS SHI 'PHOS NAS LHA'I 'GRO BAR SKYE BA NA, SEMS CAN GYI SKAL BA MNYAM PA MI'I SKAL BA MNYAM PA'I PHYIR MTSAN NYID CAN 'DOR BAR 'GYUR ZHING, LHA'I SKAL BA MNYAM PA'I MTSAN NYID CAN GZHAN 'THOB PA LTA BU'O, ,BZHI PA NI RNAM PA DE DAG MA GTOGS PA'O ZHES BYA BA'I NI DPER NA SO SO'I SKYE PO 'AM, 'PHAGS PA GSON ZHING CUNG ZAD KYANG MA THOB PA LTA BU'O, ,GAL TE SO SO'I SKYE BO'I SKAL BA MNYAM PA NYID CES BYA BA LA SOGS PA LA, SO SO'I SKYE BO NYID LAS NI DER SO SO'I SKYE BO ZHES BYA BA'I BLO DANG SGRA DAG TU 'GYUR NA DE DAG NI SO SO'I SKYE BO'I SKAL BA MNYAM PA NYID KYI RGYU CAN YIN PAS SO SO'I SKYE BO NYID KYIS CI @164B ZHIG BYA STE, DGOS ZHES BYA BA'I NI TSIG GI LHAG MA'O, ,SO SO'I SKYE BO NYID NI SO SO'I SKYE BO'I SKAL BA MNYAM PA NYID YIN TE, DPER NA MI'I SKAL BA MNYAM PA NYID MI NYID YIN PA BZHIN NO, ,'JIG RTEN GYIS ZHES BYA BA RGYAS PAR 'BYUNG STE, GZUGS KHO NA SNANG BAR 'GYUR NA, SKAL BA MNYAM PA NYID NI GZUGS CAN MA YIN PAS DBANG PO MA NYAMS PA RNAMS KYIS KYANG 'DI BLTA BAR MI NUS SO, ,MI SNANG BA YANG TSOR BA LA SOGS PA LTAR SHES RAB KYIS YONGS SU GCOD DO ZHES BYA BA 'DI BSAL BA'I PHYIR, 'DI NI SHES RAB KYIS YONGS SU MI CHOD MOD KYI ZHES BYA BA SMOS TE, YID KYI RNAM PAR SHES PAS YONGS SU MI GCOD DO ZHES BYA BA'I DON TO, ,DE LTAR NA RIGS MTHUN PA MNGON SUM DANG, RJES SU DPAG PA'I YUL MA YIN PA NYID DU YANG BSTAN PAR 'GYUR ZHING, SEMS CAN RNAMS KYI RIS THA MI DAD PA LA YANG RTOGS PAR 'GYUR TE, SEMS CAN SEMS CAN ZHES THA SNYAD RJES SU 'JUG PA MTHONG BA'I PHYIR RO, ,BLO THA MI DAD PA'I RGYU MA BZUNG BAR NI PHAN TSUN THA DAD PA'I SEMS CAN RNAMS LA BLO DANG SGRA THA MI DAD PA 'JUG PA LA, LAS BYED PA YOD PA MA YIN NO ZHES STON PA NI MA MTHONG ZHING, YONGS SUM BCAD PA DE YOD DU CHUG NA YANG DE LA LAS JI LTA BU ZHIG BYED CES BYA BA STE, GAL TE MTHONG ZHING YONGS SU BSHAD PA RIGS THA MI DAD PAR RTOGS PA'I RGYUR 'GYUR NA NI DE DE LA LAS BYED PAR 'GYUR BA ZHIG GO, ,GZHAN YANG SEMS CAN MA YIN PAR SKAL BA MNYAM PA NYID KYANG CI'I PHYIR MI 'DOD CES BYA BA RGYAS PAR 'BYUNG STE, GAL TE SEMS CAN PHAN TSUN THA DAD PA DAG LA THA MI DAD PA'I BLO 'JUG PA DANG, 'DOGS PA SKAL BA MNYAM PA NYID KYI RGYU CAN YIN NO, ,DE LTA NA S'A LU LA SOGS PA SEMS CAN DU MI BGRANG BA RNAMS LA YANG MNYAM PA NYID KHAS BLANG BAR BYA STE, PHAN TSUN KHYAD PAR DU 'GYUR BA DE DAG LA YANG S'A LU S'A LU ZHES BYA BA LA SOGS PA BLO DANG 'DOGS PA THA MI DAD PA 'JUG PA'I PHYIR RO, ,'ON TE BCOM LDAN 'DAS KYIS MA GSUNGS PA'I PHYIR KHAS MI LEN NA NI SEMS CAN THA DAD PA DAG LA BLO DANG 'DOGS PA THA MI DAD PA YOD PA NI SKAL BA MNYAM PA'I RGYU MTSAN CAN YIN NO ZHES BYA BA DE SKAD DU BRJOD PAR MI BYA'O, ,SLOB DPON 'DUS BZANG NA RE SKAL BA MNYAM PA ZHES BYA BA NI SEMS CAN 'GRO BA GCIG TU SKYES PA RNAMS KYI LUS DANG, DBANG PO DANG, DBYIBS DANG, G-YO BA @165A *, ,DANG; ZAS LA SOGS PA'I RGYUR GYUR CING, PHAN TSUN DGA' PAR 'BREL PA'I RGYU MTSAN YIN NO, ,SEMS CAN MA YIN PA'I SKAL BA MNYAM PA NYID KYANG CI'I PHYIR MI 'DOD CES GANG SMRAS NA, KHYED CAG GIS 'GRO BA DAG DAD SKYE GNAS RNAMS KHAS BLANGS PAS RTZVA DANG, AA MRAL SOGS PA'I 'GRO BA DANG, LA PHUG DANG, MON SRAN SDE'U'I SKYE GNAS KYANG CI STE KHAS MI LEN, BCOM LDAN 'DAS KYIS MA GSUNGS PA'I PHYIR MA YIN NA, SEMS CAN MA YIN PA'I SKAL BA MNYAM PA YANG KHAS MI LEN TE, BCOM LDAN 'DAS KYIS MA GSUNGS PA'I PHYIR ZHES ZER RO, ,SGROS PAS CHOG GO, ,SKAL BA MNYAM PA PHAN TSUN THA DAD PA ZHES BYA BA RGYAS PAR 'BYUNG BA LA, JI LTAR SKAL BA MNYAM PA PHAN TSUN THA DAD PA RNAMS LA SKAL BA MNYAM PA GZHAN MED KYANG SKAL BA MNYAM PA NYID DO SKAL BA MNYAM PA NYID DO ZHES BYE BRAG MED PAR 'DOGS PA DE BZHIN DU PHAN TSUN THA DAD PA DAG LA YANG SKAL BA MNYAM PA NYID MED PAR SEMS CAN SEMS CAN ZHES 'DOGS PAR CI'I PHYIR MI BYED, DE LTA NA NI BYE BRAG PA RNAMS KYIS GSAL BAR BYAS PA YIN TE ZHES BYA BA NI MI RIGS PAR BYAS PA'I TSUL GYIS TE, YOD PA DANG SKAL BA MNYAM PA NYID KYIS MING GZHAN YIN PA'I PHYIR RO, ,RIGS PAR BYAS PA'I TSUL NI MI 'GOG STE; 'JIG RTEN PA RNAMS KYI 'JIG RTEN PHA ROL YOD DO ZHES BYA BA DE DANG MI 'GAL BA'I TSUL NI KHO BO CAG SEL BA MA YIN NO, ,DE GCIG YIN YANG DU MA LA 'JUG PA 'DI NI ZHES BYA BA NI SPYI'I TSIG GI DON YOD PA STE, YOD PA'I RTAGS SU KHYAD PAR MED PA'I PHYIR RO, ,THA DAD PA DAG LA RTOGS PA THA MI DAD PA'I RGYU MTSAN GZHAN BRTAGS PAS NA GSAL BAR BYAS PA YIN TE ZHES BRJOD DO, ,RGYU MTSAN GZHAN PO DE NI YOD PA YANG MA YIN TE, DE BZHIN DU 'DIR YANG RGYU MTSAN GZHAN SKAL BA MNYAM PA NYID YOD PA MA YIN NO, ,BYE BRAG TU SMRA BA RNAMS NA RE SKAL BA MNYAM PA NYID NI YOD PA KHO NA'O ZHES ZER RO, ,GANG LAS SHEN; BCOM LDAN 'DAS KYIS KYANG BRGYA LA MI RNAMS DANG SKAL BA MNYAM PA DE LTA BU NYID DU 'ONG BA ZHES GSUNGS TE, RNAM PA DE LTA BU NI DE LTA BU'O, ,DE'I DNGOS PO NI DE LTA BU NYID DO, ,DE SKAD DU GSUNGS MOD KYI, RDZAS GZHAN NO ZHES NI MA GSUNGS SO ZHES BYA BA LA, 'O NA DE CI ZHE NA, GANG DAG MI @165B LA SOGS PAR 'DOGS PA'I RGYUR 'GYUR BA'I MI LA SOGS PA DBYIBS LA SOGS PA'I RNAM PA'I DBYE BAS THA DAD PA DE DAG KHO NAR ZAD DE, S'A LU LA SOGS PA'I SKAL BA MNYAM PA DANG 'DRA'O, ,'DU SHES MED PA PA 'DU SHES MED PAR ZHES BYA BA NI 'GOG PA DANG, 'DU SHES MED PA'I SNYOMS PAR 'JUG PA RNAM PAR GCAD PAR BYA BA'I PHYIR TE, DE NYID KYI PHYIR, 'DU SHES MED PA'I LHA RNAMS KYI NANG DU ZHES BYA BA RGYAS PAR SMOS SO, ,SEMS DANG SEMS BYUNG RNAMS 'GOG PA, ,ZHES BYA BA LA, GANG LAS ZHES BYA BA NI TSIG GI LHAG MA'O, ,YANG NA RDZAS 'DIS SEMS DANG SEMS LAS BYUNG BA RTZAMS 'GOG PAS NA 'GOG PA STE, DE NYID KYI PHYIR, GANG GIS MA 'ONGS PA'I DUS KYI SEMS DANG SEMS LAS BYUNG BA RNAMS ZHES BYA BA RGYAS PAR SMOS SO, ,DE NI GCIG TU RNAM SMIN GCIG TU ZHES BYA BA SMOS PA NI RGYAS PA LAS BYUNG BA DANG, RGYU MTHUN PA LAS BYUNG BA RNAM PAR GCAD PAR BYA BA'I PHYIR RO, ,'DU SHES MED PA PA DANG, GZUGS NI 'DU SHES MED PA'I SNYOMS PAR 'JUG PA'I RNAM PAR SMIN PAR 'GYUR RO, ,RIS MTHUN PA'I NI 'PHEN PAR MI NUS PA'I PHYIR TE, SEMS MED SNYOMS PAR 'JUG PA NI, ,'PHEN BYED MA YIN ZHES BYA BA LA SOGS PA 'CHAD PAR 'GYUR RO, ,SROG GI DBANG PO DANG RIS MTHUN PA NI SEMS DANG BCAS PA'I BSAM GTAN BZHI PA'I RNAM PAR SMIN PA YIN LA, SA DE PA'I PHUNG PO LHAG MA RNAMS GNYIS KA'I YIN NO, ,BSAM GTAN KHYAD PAR CAN BZHIN NO ZHES BYA BA LA, DPER NA GANG DAG PHYOGS CHES MCHOG TU GYUR PA NA TSANGS PA CHEN PO KHA CIG 'KHOD PA'I LHA DE DAG NI TSANGS PA'I MDUN NA 'DON ZHES BYA BA DE BZHIN DU, 'DIR YANG 'BRAS BU CHE BA DAG GI PHYOGS GCIG NA 'DU SHES MED PA'I SEMS CAN RNAMS 'KHOD DE, GNAS DE NI CHES MCHOG TU GYUR PA ZHIG GO, ,DE RNAMS LAS GANG GIS DE RIS MTHUN PAR 'PHANGS PA DANG, SEMS GANG GIS MTSAMS SBYAR BA DANG, SEMS GANG ZHIG GI MJUG THOGS SU 'DU SHES MED PA PAR 'JUG PA, LAS DANG, SKYE BA DANG, MTSUNGS PA DE MA THAG PA'I RKYEN GYI ZAS DANG LDAN PA RNAMS TE, DES NA DE DAG GI REG PA LA SOGS PA DAG GIS ZAS DANG BCAS PA YIN NO, ,SNYOMS PAR ZHUGS PA RNAMS LA NI SNGAR ZAS ZOS PA LAS REG PA LA @166A *, ,SOGS PA DAG GIS ZAS KYI BYA BA BYED KYI, DUS DA LTAR NYE BAR RTON PA LAS NI MA YIN NO, ,SEMS DANG BCAS PA RNAMS LA NI GNYIS KA LTAR YANG YIN NO, ,CI DE DAG NAM YANG 'DU SHES CAN DU MI 'GYUR RAM ZHE NA ZHES BYA BA RGYAS PAR 'BYUNG BA LA, SEMS MED PA'I GNAS SKABS PHAL CHE BA'I PHYIR 'DU SHES MED PA'I SEMS CAN RNAMS ZHES BRJOD DE, MDO LAS SEMS CAN DE DAG NI 'DU SHES SKYES NAS GNAS DE NAS 'CHI 'PHO BAR 'GYUR RO ZHES 'BYUNG BA'I PHYIR RO, ,DUS RING MO ZHIG TU ZHES BYA BA NI SKAD CIG MA GCIG TU MA YIN PA'O, ,SKYE BA'I DUS DANG 'CHI 'PHO BA'I DUS NA 'DU SHES CAN DU 'GYUR, SHI 'POS NAS KYANG 'DOD PA'I KHAMS KHO NAR SKYE BAR 'GYUR RO, ,SNGON GYI SNYOMS PAR 'JUG PA'I 'DU BYED YONGS SU ZAD PA'I PHYIR DANG ZHES BYA BA LA, DE'I SNYOMS PAR 'JUG PA'I SEMS KYIS 'PHANGS PA'I TSE YONGS SU ZAD PA'I PHYIR DANG ZHES BYA BA'I DON TO, ,SNGON MED PA MA BSAGS PA'I PHYIR ZHES BYA BA 'BYUNG STE, SEMS DANG SEMS LAS BYUNG BA MED PAR NI LAS DAG NYE BAR SOGS PA MA YIN TE, SEMS PA DANG BSAM PA'I LAS ZHES BYUNG BA'I PHYIR RO, ,'DOD PA'I KHAMS SU SKYE BAR 'GYUR TE ZHES BYA BA 'DI LA RGYU CI YOD CE NA, DE'I PHYIR, GANG ZHIG DER SKYE BAR 'GYUR BA ZHES BYA BA RGYAS PAR SMOS TE, BYANG GI SGRA MI SNYAN PA RNAMS KYI LHAR SKYE BA'I LAS BZHIN DU 'DU SHES MED PA'I SEMS CAN RNAMS KYI 'DOD PA'I KHAMS MYONG BAR 'GYUR BA'I LAS NGES PA YIN PA'I PHYIR RO, ,YANG SNYOMS 'JUG DAG CES GANG BSHAD PA ZHES BYA BA LA, GANG LAS BSHAD CE NA, THOB DANG MA THOB SKAL MNYAM DANG, ,'DU SHES SHES MED SNYOMS 'JUG DANG, ,CES BSTAN BA'I MDO LAS SO, ,'DU SHES MED PA'I SNYOMS PAR 'JUG PA NI 'DU SHES MED PA PA'I RGYU YIN PAR SNGAR BSTAN PAS 'DRI BA NI, 'DU SHES MED PA'I SNYOMS PAR 'JUG PA NI CI ZHE NA ZHES BYA BA'O, ,DE BZHIN DU ZHES BYA BA'I SGRA NI LTOS PA DANG BCAS PA YIN PA'I PHYIR BSHAD PA; JI LTAR GANG LAS SEMS DANG SEMS LAS BYUNG BA RNAMS 'GOG PA DE LA 'DU SHES MED PA PA ZHES BSHAD PA, DE BZHIN DU, 'DU SHES MED SNYOMS 'JUG ,'DU SHES MED PA RNAMS KYI SNYOMS PAR 'JUG PA NI 'DU SHES MED PA'I SNYOMS PAR 'JUG PA STE, GANG DAG DER SNYOMS PAR 'JUG PA'O, ,'DU @166B SHES MED PA CAN YIN PAS ZHES BYA BA NI SNYOMS PAR 'JUG PA DANG SBYAR TE, 'DI LA 'DU SHES YOD PA MA YIN PAS NA 'DU SHES MED PA'I SNYOMS PAR 'JUG PA'O, ,YANG DAG PA DANG TE POR SNYOMS PAR 'JUG PAS NA 'DU SHES MED PA'I SNYOMS PAR 'JUG PA STE, RIGS PAS YANG DAG PAR SGRUB PA NI SNYOMS PAR 'JUG PA'O, ,GZHAN DAG NA RE NI SEMS DANG 'BYUNG BA CHEN PO MNYAM PA NYID DU BSGRUBS PAS NA SNYOMS PAR 'JUG PA'O ZHES ZER RO, ,DE BZHIN ZHES BYA BA'I SGRAS NI DE TZAM ZHIG MTHUN PAR 'DREN TO ZHES BYA BA NI, DE BZHIN ZHES BYA BA'I SGRAS NI SPYI TZAM ZHIG KHO NA MTHUN PAR 'DREN GYI, KHYAD PAR NI MA YIN NO ZHES STON PAR BYED PA'O, ,GNYIS KA YANG MA 'ONGS PA'I SEMS DANG SEMS LAS BYUNG BA'I GEGS KYI BDAG NYID DU MTSUNGS TE, DE NYID KYI PHYIR, DE YANG SEMS DANG SEMS LAS BYUNG BA RNAMS KYI 'GOG PA YIN NO ZHES BYA BA SMOS SO, ,BSAM GTAN THA MAR ZHES BYA BAR 'BYUNG STE, BSAM GTAN BZHI BAS BSDUS PA'O; ;BSAM GTAN BZHI LA SMOS PA NI DE LAS GZHAN PA'I BSAM GTAN DANG GZUGS MED PA GSAL BAR BYA BA'I PHYIR RO, ,SO SO'I SKYE BO RNAMS NI TSOR BA LA CHAGS PAS BSAM GTAN DANG GZUGS MED PA DAG LA SNYOMS PAR 'JUG NA, DE NA NI TSOR BA YOD PA MA YIN PAS DE'I PHYIR 'DRI BA NI, CI'I PHYIR 'DI LA SNYOMS PAR 'JUG CE NA ZHES BYA BA'O, ,'BYUNG 'DOD PAS ZHES BYA BA LA, DE DAG NI SNYOMS PAR 'JUG PA LA LAM DU 'DU SHES SHING, 'DU SHES MED PA PA LA THAR BAR 'DU SHES PA YIN NO, ,'DU SHES MED PA PA NI RNAM PAR SMIN PA YIN PA'I PHYIR ZHES BYA BA LA SOGS PA LA; RNAM PAR SMIN PA NI LUNG DU MA BSTAN PA'I CHOS YIN NO, ,SNYOMS PAR 'JUG PA 'DI NI BSAM GTAN GYIS BSDUS PA'I PHYIR DGE BA YIN GYI, NYON MONGS PA CAN DANG, LUNG DU MA BSTAN PA NI MA YIN NO, ,DE'I RNAM PAR SMIN PA NI 'DU SHES MED PA'I SEMS CAN GYI NANG DU PHUNG PO LNGA 'GRUB PA'O ZHES BYA BA NI SKYE BA DANG, 'CHI 'PHO BA'I DUS NA SEMS DANG SEMS LAS BYUNG BA YOD PA'I PHYIR RO, ,SKYES NAS MYONG 'GYUR NYID CES BYA BA NI MTSAMS MED PA BZHIN NO, ,DE THOB PA NI ZHES BYA BA LA, YONGS SU NYAMS PA NA BDAG NYID PHAN PA LAS NYAMS PAR SEMS SHING SKYO BA DRAG PO 'BYUNG STE, DE'I PHYIR DE SKYED @167A *, ,PA KHO NA LA GUS PA'I PHYIR SANGS RGYAS RNAMS KYIS GDUL BAR BYA BA YANG MA YIN TE, 'GOG PA MNGON SUM DU MTHONG BAS RLOM PA'I PHYIR RO, ,DE'I PHYIR, GANG GIS 'DI SKYES NAS YONGS SU NYAMS PA DE YANG ZHES BYA BA RGYAS PAR 'BYUNG NGO, ,GRAG GO ZHES BYA BA'I SGRA NI LUGS GZHAN BSTAN PAR BYA BA'I PHYIR TE, GZHAN DAG NA RE NI SKYES NAS MYONG BAR 'GYUR BA DANG, MYONG BAR MA NGES PA YANG YIN NO ZHES ZER RO, ,YONGS SU NYAMS SAM YONGS SU MA NYAMS KYANG RUNG STE, GAL TE DGE BA'I BSHES GNYEN DANG PHRAD PA LAS SKYON DU LTA BAR GYUR NA NI DE NAS NGES PA LA 'JUG PAR 'GYUR LA; ZHUGS PA NA YANG SKYED PAR MI BYED CING MNGON DU YANG MI BYED DO, ,SO SO'I SKYE BO KHO NA YIN PAR 'DOD KYI, 'PHAGS PA'I MA YIN, NGES PA LA ZHUGS PA NYID KYIS 'PHAGS PA RNAMS KYIS NGAN SONG GI 'GRO BA RNAMS DANG, 'DU SHES MED PA DANG, TSANGS PA CHEN POR SKYES PA RNAMS KYI SO SOR BRTAGS PA MA YIN PAS 'GOG PA 'THOB STE, LTA BA'I GNAS YIN PA'I PHYIR DANG, 'PHAGS PA'I LAM DANG 'GAL BA'I PHYIR RO, ,DES NA RNAM PAR LTUNG BA'I GNAS LTA BUR GZIGS PAS SNYOMS PAR MI 'JUG GO, ,'PHAGS PA RNAMS NI SRID PA LA NGES PAR 'BYUNG BAR 'DU SHES PA YANG MA YIN TE, THAR PA DANG, THAR PA'I LAM MNGON SUM DU GYUR PA'I PHYIR RO, ,BSAM GTAN BZHI PA THOB NAS BSAM GTAN BZHIN DU 'DI 'DAS PA DANG, MA 'ONGS PA DAG KYANG THOB BAM ZHES BYA BA NI RNAL 'BYOR PA RNAMS KYIS BSAM GTAN BZHI PA THOB NAS 'KHOR BA THOG MA MED PAR SNGON THOB THOB PA'I BSAM GTAN BZHI PA 'DAS PA DANG, MA 'ONGS PA 'THOB PA DE'I PHYIR NA CI DE DANG 'DRA BAR 'DAS PA DANG, MA 'ONGS PA 'THOB BAM ZHES 'DRI BA'O, ,RE ZHIG GZHAN DAG GIS KYANG ZHES BYA BA RGYAS PAR 'BYUNG STE, GANG DAG MNGON DU BYED CING DON DU GNYER BA DANG, GANG DAG GI SNYOMS PAR 'JUG PA BDAG GI BA YIN PA'I SO SO'I SKYE BO DAG GIS KYANG MI THOB NA, 'DI GANG DAG GI BDAG GI BA MA YIN PA 'PHAGS PA RNAMS KYIS LTA SMOS KYANG CI DGOS, 'DRES PA YIN YANG ZHES BYA BA NI 'KHOR BA THOG MA MED PAR SNGON THOB PA'O, ,MNGON PAR 'DU BYA BA CHEN POS BSGRUB PAR BYA BA YIN PA'I PHYIR DANG ZHES BYA BA NI 'BAD PA CHEN POS BSGRUB PAR BYA BA YIN PA'I PHYIR DANG ZHES BYA BA'I @167B THA TSIG GO, ,DE'I PHYIR 'DRIS KYANG, MA BRTZAL BAR MI 'THOB BO, ,'O NA CI ZHE NA, DUS GCIG PA 'THOB PO, ,'DI NI GNAS SKABS THAMS CAD DU SO SOR THAR PA'I SDOM PA BZHIN DU SNGON MED PA 'THOB PA'I PHYIR 'DAS PA MI 'THOB BO, ,SEMS MED PA'I PHYIR MA 'ONGS PA YANG MI 'THOB STE, DE'I PHYIR, JE DAD POR DUS DA LTAR KHO NA 'THOB BO, ,SKAD CIG GNYIS PA LA SOGS PA DAG TU 'DAS PA DANG YANG LDAN LA, MA LANGS PA NI DA LTAR BA DANG YANG NGO, ,LANGS PA NI 'DAS PA KHO NA DANG NGO, ,JI SRID MI GTONG BA DE SRID DU ZHES BYA BA NI YONGS SU MNYAMS KYI BAR DU ZHES BYA BA'I DON TO, ,SEMS MED PA YIN PA'I PHYIR, MA 'ONGS PA MI 'THOB STE, LHA'I MIG DANG, RNA BA BZHIN NO, ,BZOD PA LA SOGS PA GSAL BA BZHIN GSAL BA'I PHYIR MA 'ONGS PA SEMS DANG MTSUNGS PAR LDAN PA THOB PAR NUS KYI, BEMS PO YIN PA'I PHYIR CIG SHOS NI MA YIN NO, ,DE BZHIN ZHES BYA BA'I SBRAS ZHES BYA BA LA, JI LTAR GANG LAS SEMS DANG SEMS LAS BYUNG BA RNAMS 'GOG PA DE 'DU SHES MED PA'I SNYOMS PAR 'JUG PA YIN PAR BSHAD PA DE BZHIN DU GANG LAS, CI YANG MED PA'I SKYE MCHED KYI 'DOD CHAGS DANG BRAL BA'I SEMS DANG, SEMS LAS BYUNG BA RNAMS 'GOG PA DE NI 'GOG PA'I SNYOMS PAR 'JUG PA'O ZHES BYA'O; ,ZHI BAR GNAS PA'I 'DU SHES SNGON DU BTANG BA'I ZHES BYA BA LA, YID LA BYED PA GANG LA GNAS PA 'DI NI ZHI'O SNYAM PA'I 'DU SHES SNGON DU BTANG BA YOD PA NI ZHES BYA BAR TSIG RNAM PAR SBYAR RO, ,'DU SHES DANG TSOR BA KUN DU 'BYUNG BAS YONGS SU SKYO BA NI 'GOG PA'I SNYOMS PAR 'JUG PA LA DE MED PAS ZHI BAR GNAS PA'I 'DU SHES SU 'GYUR LA, DE NAS BRA BA BAS KYANG PRA BA SRID PA'I RTZE MO'I YID LA BYED PA'I MJUG THOGS SU DE LA SNYOMS PAR 'JUG GO, ,DE LTAR NA 'DI NI ZHI BAR GNAS PA'I 'DU SHES SNGON DU 'GRO BA'I YID LA BYED PA YIN NO, ,GNAS PA NI GNAS PA STE, SDOD PAS BYA BA'I THA TSIG GO, ,YANG NA 'DIS GNAS PAR BYED PAS NA GNAS PA'O, ,DE LA NI 'DU SHES MED PA'I SNYOMS PAR 'JUG PA LA'O, ,NGES PAR 'BYUNG BA'I 'DU SHES SNGON DU BTANG BAS SO ZHES BYA BA LA, NGES PAR 'BYUNG BA NI MA NGES PAR 'BYUNG BA STE, MYA NGAN LAS 'DAS PA YIN NO, ,DE'I 'BRAS BU LA NGES PAR 'BYUNG BA'O SNYAM PA'I 'DU SHES NI NGES PAR 'BYUNG @168A *, ,PA'I 'DU SHES SO, ,YANG NA 'DIS 'KHOR BA LAS NGES PAR 'BYIN PAR BYED PAS NA NGES PAR 'BYIN PA STE LAM MO, ,SNYOMS PAR 'JUG PA DE LA LAM DU 'DU SHES PA NI NGES PAR 'BYUNG BA'I 'DU SHES TE, DE YID LA BYED PA GANG LA SNGON DU 'GRO BA YOD PA DE NI NGES PAR 'BYIN PA'I 'DU SHES SNGON DU BTANG BA'O, ,'DU SHES MED 'DU SHES MED MIN SKYE MCHED DU SKYE BA 'PHEN PAR BYED PA'I LAS NI THAMS CAD PAS MCHOG YIN PA'I PHYIR RAM, SHING LJON PA DANG 'DRA BAR SRID PA'I MTHAR THUG PA YIN PA'I PHYIR, 'DU SHES MED 'DU SHES MED MIN SKYE MCHED NI SRID PA'I RTZE MO ZHES BYA'O, ,CI'I PHYIR SRID PA'I RTZE MO'I 'OG GI SA DAG TU 'GOG PA LA SNYOMS PAR MI 'JUG CE NA, RGYAB KYIS PHYOGS PA DANG, MTHAR THUG PAR GCOD PA DAG GIS RNAM PAR THAR PA'I DER 'GYUR BA'I PHYIR RO, ,RNAM PAR THAR PA'I DE NI RGYU GNYIS KYIS RNAM PAR GZHAG STE, RGYAB KYIS PHYOGS PA DANG, SEMS MTHAR THUG PAR GCOD PAS SO, ,SA 'OG MA DAG NA YOD NA NI DMIGS PA DANG BCAS PA THAMS CAD 'JUG PA LA, RGYAB KYIS PHYOGS PAR MI 'GYUR LA, MTHAR THUG PAR GCOD PAR YANG MI 'GYUR GYI, SA DE'I GANG NA SEMS YOD PAS BAR DU SEMS GCOD PAR 'GYUR RO, ,'DI DGE BA LA SOGS PA'I BYE BRAG GIS NI DGE BA KHO NA YIN TE, NYON MONGS PA CAN NAM LUNG DUM BSTAN PA'I GNAS NI 'PHAGS PA RNAM PAR G-YENG BA LA SOGS PA RNAMS KYIS ZHI BAR MI 'DZIN TO, ,SKYES NAS MYONG BAR 'GYUR BA DANG ZHES BYA BA LA, JI LTAR ZHE NA, DE NI 'PHAGS PA GANG ZHIG 'DOD PA'I KHAMS SU 'GOG PA'I SNYOMS PAR 'JUG PA BSKYED NAS, SRID PA'I RTZE MOR SKYE BA DE'I RDZOGS PAR BYED PA SKYES NAS MYONG BAR 'GYUR BA YIN NA, ,JI LTAR NA LAN GRANGS GZHAN LA MYONG BAR 'GYUR BA YIN ZHE NA, GANG GI TSE 'DI 'GOG PA'I SNYOMS PAR 'JUG PA BSKYED NAS, GZUGS MED PA'I 'DOD CHAGS DANG BRAL BA LAS YONGS SU NYAMS PAS BSAM GTAN DAG TU SKYES TE, YANG SRID PA'I RTZE MO THOB NAS, DER SKYE BA DE'I TSE 'DI 'GOG PA'I SNYOMS PAR 'JUG PA NI THOB NAS YONGS SU NYAMS PA YIN YANG, RNAM PAR SMIN PA RDZOGS PAR BYED PA YIN NO, ,RNAM PAR SMIN PA'I PHYIR MA NGES PA YANG YIN TE ZHES BYA BA LA, GAL TE LUS KYIS MNGON SUM DU BYED PA'AM, GNYIS KA'I CHA LAS RNAM PAR GROL BA ZHIG 'DI NYID DU YONGS SU MYA NGAN LAS 'DA' BAR BYED NA NI DE'I @168B RNAM PAR MA SMIN PA KHO NAR 'GYUR RO, ,RNAM PAR SMIN PA NA SRID PA'I RTZE MO'I PHUNG PO BZHI YIN TE, GZUGS KYI PHUNG PO MED PA'I PHYIR RO, ,'DU SHES MED PA'I SNYOMS PAR 'JUG PA NI SO SO'I SKYE BO KHO NA'I YIN NO ZHES BSHAD NA, 'DI NI GCIG TU 'PHAGS PA'I KHO NA YIN NO, ,CI'I PHYIR ZHE NA, DE'I PHYIR, SO SO'I SKYE BO RNAMS KYIS NI ZHES BYA BA RGYAS PAR SMOS SO, ,SO SO'I SKYE BO SRID PA'I RTZE MO THOB PA RNAMS NI SEMS KYI RGYUD LA BDAG TU MNGON PAR RLOM LA, SEMS DE YANG DER RGYUN 'CHAD PAS BDAG CHAD PAS 'JIGS PA'I PHYIR SNYOMS PAR MI 'JUG GO, ,'DU SHES MED PA'I SNYOMS PAR 'JUG PA LA YANG THAL BAR 'GYUR BA 'DI MTSUNGS SO ZHE NA, DE NI DE LTA MA YIN TE, DE DAG NI GZUGS LA BDAG TU 'DU SHES KYI SEMS DANG SEMS LAS BYUNG BA DAG LA NI MA YIN TE, DE'I PHYIR GZUGS YOD PAS DE DAG LA BDAG MED PAR 'GYUR RO SNYAM DU SKRAG PA YOD PA MA YIN NO, ,GAL TE SRID PA'I RTZE MOR SEMS DANG SEMS LAS BYUNG BA RNAMS KYANG KUN DU CHAD NA NI GZUGS MED PA'I PHYIR KHO BO CAG ,BDAG NYID THAMS CAD DU KUN DU CHAD DO SNYAM DU SKRAG PAR 'GYUR RO, ,'PHAGS PA'I LAM GYI STOBS KYIS BSKYED PA'I PHYIR, SO SO'I SKYE BO RNAMS NI 'GOG PA'I SNYOMS PAR 'JUG PA SKYED PAR BYED PA MA YIN TE ZHES BYA BAR SBYAR RO, ,JI LTAR NA 'PHAGS PA'I LAM GYI STOBS KYIS BSKYED NA, MYA NGAN LAS 'DAS PA MTHONG BA NI, DE LA MOS PA'I PHYIR RO, ,MYA NGAN LAS 'DAS PA MTHONG BA NI 'GOG PA'I SNYOMS PAR 'JUG PA DE LA SEMS DANG SEMS LAS BYUNG BA 'GOG PA'I BDAG NYID KYI SGO NAS MOS KYI, MYA NGAN LAS 'DAS PA MA MTHONG BA NI MA YIN NO, ,SO SO'I SKYE BOS NI SHES RAB KYIS MYA NGAN LAS 'DAS PA 'DU SHES LDOG PA'I MTSAN NYID CAN LA ZHI BAR YANG MA MTHONG STE, DE'I PHYIR 'DI NI SEMS DANG SEMS LAS BYUNG BA 'GOG PA LA MI MOS LA, MA MOS PAS SO SO'I SKYE BO NI SNYOMS PAR MI 'JUG GO, ,SLOB DPON 'DUS BZANG NA RE DE'I SA PA'I 'CHING BA MA SPANGS PA'I PHYIR DE BSKYED PAR MI NUS TE, MTHONG BAS SPANG BAR BYA BA LAS MA 'DAS PAR NI SRID PA'I RTZE MOR 'GOG PA'I SNYOMS PAR 'JUG PA BSKYED PAR MI NUS LA, SO SO'I SKYE BO NI DE LAS 'DAS PA YOD PA YANG MA YIN NO ZHES ZER RO, ,'DI NI SBYOR BAS 'THOB BAR BYA BA KHO NA YIN PAS ZHES BYA BA NI 'DOD CHAGS DANG BRAL BAS THOB PAR BYA BA MA @169A *, ,YIN TE; 'DI LHAN CIG PA'I THOB BA CAN NYID YIN PAR STON TO, ,'DAS PA YANG MI 'THOB LA ZHES BYA BA LA, GAL TE YONGS SU NYAMS TE SLAR YANG DE NYID SKYED PAR BYED PA DE SO SOR THAR PA'I SDOM PA BZHIN DU SNGON MED PA KHO NA SBYOR BAS 'THOB KYI, SNGAR NYAMS PA NI MA YIN NO; ,MA 'ONGS PA YANG MI 'THOB STE, ,ZHES BYA BA LA, SBYOR BAS 'THOB PA YIN YANG MA 'ONGS PA 'THOB PAR MI 'GYUR RO, ,CI'I PHYIR ZHE NA, DE'I PHYIR, DE NI SEMS KYI STOBS KYIS 'THOB PA'I PHYIR RO ZHES BYA BA SMOS TE, DE'I RIGS CAN MA 'ONGS PA GANG CUNG ZAD CIG 'THOB PA DE NI SEMS KYI STOBS KYIS YIN TE, DPER NA SDUG BSNGAL LA CHOS SHES PA'I BZOD PA LA SOGS PA DAG BZHIN NO, ,'GOG PA'I SNYOMS PAR 'JUG PA NI SBYOR BA KHO NAS 'THOB PA YANG YIN NO ZHES BSHAD LA, GZHAN LAS NI, DGE BA'I MTHAR BYON KHYOD KYIS NI, ,SBYOR BA LAS BYUNG CUNG ZAD MED, ,GANG DU BZHED PAR MKHYEN PA NYID, ,BZHED PA TZAM LA RAG LAS LAGS, ,ZHES BSHAD PA DE'I PHYIR 'DRI BA NI, CI BCOM LDAN 'DAS KYI YANG SBYOR BA LAS BYUNG BA YIN NAM ZHES BYA BA'O, ,BYANG CHUB KYIS THOB BYA ZHES BYA BA LA, GANG DE YANG ZAD PA DANG MI SKYE BA'I SHES PA YANG BYANG CHUB YIN MOD KYI, 'DIR NI ZAD PA SHES PA LA MNGON PAR 'DOD DO, ,DE NYID KYI PHYIR, ZAD PA MKHYEN PA DANG DUS MNYAM DU ZHES BYA BA RGYAS PAR SMOS SO, ,'DI LTAR, DE DAG GI YON TAN ZHES BYA BA LA SOGS PA NAS, DE BAS NA DE DAG GI ZHES BYA BA'I BAR RGYAS PAR 'BYUNG STE, TZAM ZHES BYA BA'I SGRA NI 'BAD RTZOL RNAM PAR GCAD PAR BYA BA'I PHYIR RO, ,GNYIS KA'I CHA LAS RNAM PAR GROL BA ZHES BYA BA LA, GNYIS KA'I CHA NI NYON MONGS PA'I SGRIB PA DANG, SNYOMS BAR 'JUG PA'I SGRIB PA'O, ,DE LA RDO RJE LTA BUS NI NYON MONGS PA'I SGRIB PA LAS 'GROL BAR BYED LA, ZAD PA SHES PA'I DUS NA RNAM PAR GROL BA YIN NO, ,'GOG PA'I SNYOMS PAR 'JUG PA BSKYED PA NA SNYOMS PAR 'JUG PA'I SGRIB PA LAS RNAM PAR GROL BAR BYED LA, BSKYED PA'I TSE NI RNAM PAR GROL BA YIN NA, BCOM LDAN 'DAS NI GANG LAS ZAD PA MKHYEN PA'I DUS NA GNYIS KA'I CHA LAS RNAM PAR GROL BA ZHES BYA BA, 'GOG PA'I SNYOMS PAR 'JUG PA MA BSKYED PA'I TSE, JI LTAR SNYOMS PAR 'JUG PA'I SGRIB PA LAS RNAM PAR GROL BAR 'GYUR @169B ZHE NA; DE'I SGRIB PA DANG BRAL BA'I PHYIR DANG, DE'I MI LDAN PA RNAM PAR NYAMS PA'I PHYIR BCOM LDAN 'DAS KYIS ZAD PA MKHYEN PA'I DUS NA DE BSKYED ZIN PA BZHIN DU MNGA' BRNYES BA'I PHYIR TE, DE MNGON SUM DU BSKYED PAR NUS PA'I GEGS DANG BRAL BA'I BYIR RO ZHES BYA BA'I DON TO, ,DE'I PHYIR MA BSKYED PA NA YANG GNYIS KA'I CHA LAS RNAM PAR GROL BA GRUB BO, ,NUB PHYOGS PA DAG NA RE DE NI DANG PO ZHES BYA BA RGYAS PAR 'BYUNG STE, JI LTAR ZHE NA, BYANG CHUB SEMS DPA' CI YANG MED PA'I SKYE MCHED LAS 'DOD CHAGS DANG BRAL BA YIN YANG, BSAM GTAN BZHI PA LA BRTEN TE, BDEN PA RNAMS MTHONG ZHING DE LAS LANGS NAS SRID PA'I RTZE MO LA SNYOMS PAR 'JUG LA, DE NAS 'GOG PA'I SNYOMS PAR 'JUG PA LA 'JUG GO, ,'GOG PA'I SNYOMS PAR 'JUG PA LAS LANGS NAS BSAM GTAN BZHI PA LA BRTAN TE, SRID PA'I RTZE MO'I NYON MONGS PA BSGOM PAS SPANG BAR BYA BA SPANGS NAS, SANGS RGYAS SU 'GYUR RO ZHES BYA BA GANG YIN PA 'DI NI CHOS NYID YIN NO, ,DE LTAR NA SLOB PA'I GNAS SKABS NA SKYED PAR BYED PA YIN NO ZHES ZER RO, ,DE'I PHYIR BAR SKABS 'DIR ZHES BYA BA LA, SKAD CIG MA SUM CU RTZA BZHI'I BAR SKABS SU'O, ,MI 'DRA BA'I SEMS NI SRID PA'I RTZE MO'AM, BSAM GTAN BZHI PA LAS LDANG BA'I SEMS KYANG RUNG STE, ZAG PA DANG BCAS PA STE, ZAG PA DANG BCAS PA'I PHYIR, DE MI SRID PAS 'GOG BA'I SNYOMS PAR 'JUG PAR MI RUNG STE, DE NI SRID PA'I RTZE MO BAS PHRA BA PHRA BA'I MJUG THOGS SU SNYOMS PAR 'JUG PA'I PHYIR MI SRID DE ZHES BYA BA'I DON TO, ,CIR 'GYUR ZHES BYA BA NI BSTAN BCOS DANG 'GAL BA'AM, RIGS PA DANG 'GAL BA ZHIG TU 'GYUR ZHES BYA BA'O, ,BSAM PA LDANG BA CAN DU 'GYUR TE ZHES BYA BA RGYAS PAR 'BYUNG BA LA, BSAM PA NI DGONGS PA'O, ,GANG GI PHYIR BSAM PA MI LDANG BA CAN DU 'GYUR BA 'DI LA RGYU CI ZHE NA, BYE BRAG TU SMRA BA RNAMS NA RE BSOD NAMS DANG YE SHES KYI TSOGS LEGS PAR BSAGS PA'I PHYIR DANG, THUGS RJE CHEN PO MDA' BA'I PHYIR DANG; MI MTHUN PA'I PHYOGS ZIL GYIS MNAN PA'I PHYIR DANG, BRTZON 'GRUS BRTZAMS PA'I PHYIR DANG, DAM BCA' BA BRTAN PA'I PHYIR DGE BA'I RTZA BA LAS DGONGS PA GZHAN MI MNGA' STE, BYANG CHUB SEMS DPA'I DGE BA'I RTZA BA DE DAG NI GANG DAG MNGON DU MDZAD PAS STAN GCIG LAS MA @170A *, ,BZHENGS PA KHO NAR BYANG CHUB BRNYES PAR BYED PA 'DI 'DRA BA ZHIG GO ZHES ZER RO, ,SNGA MA KHO NA YIN NO ZHES BRJOD DO ZHES BYA BA LA, ,'DI SANGS RGYAS BCOM LDAN 'DAS KYIS ZAG PA ZAD PA MKHYEN PA DANG DUS MNYAM DU BRNYES SO ZHES DE SKAD DU ZER RO, ,CI'I PHYIR ZHE NA, ZAG PA ZAD PA MA THOB KYI BAR DU RE ZHIG SKYIL MO KRUNG MI BSHIG GO SNYAM PA'I BSAM PA 'DIS ZAG PA MED PA'I LAM LAS MI LDANG BAR GRUB BA'I PHYIR RO, ,SLOB DPON 'DUS BZANG NA RI JI LTAR BYANG CHUB SEMS DPA' 'KHOR BA THOG MA DANG MI LDAN PA NAS 'JIG RTEN PA'I SNYOMS PAR 'JUG BA'I KHYAD PAR GYIS BSLUS PAS, ZAG PA ZAD PA'I BSAM BAS SKYIL KRUNG BCAS TE, SRID PA'I RTZE MO'I MTHONG BAS SBANG BAR BYA BA SNGON RTZA NAS MA BTON PA RTZA BA DANG BCAS TE, ,DRUNGS PHYUNG NAS NYON MONGS PA'I DGRA DRUNGS PHYUNG BA'I LHAG MA SPANGS PA'I PHYIR YID GTAD PA NI DE'I GNYEN PO BTANG NAS 'BAD PA THUN MONG BAS THOB PAR BYA BA 'JIG RTEN PA'I SNYOMS PAR 'JUG PA THOB PAR BYA BA'I PHYIR GUS PA BYED PAR 'GYUR TE, DE'I PHYIR BYE BRAG TU SMRA PA RNAMS SNGA MA KHO NA YIN NO ZHES RJOD PAR BYED PA 'DI NI RIGS PA YIN NO ZHES ZER RO, ,SNYOMS PAR 'JUG PA 'DI GNYIS KYI ZHES BYA BA RGYAS PAR 'BYUNG PA LA 'DU SHES MED PA'I SNYOMS PAR 'JUG PA NI BSAM GTAN BZHI PA'I SA PA YIN NO, ,'GOG PA'I SNYOMS PAR 'JUG PA NI SRID PA'I RTZE MO'I SA PA YIN NO, ,'DU SHES MED PA'I SNYOMS BAR 'JUG PA LA NI THAR PAR 'DOD PA NYID KYIS SNYOMS PAR 'JUG GO, ,'GOG PA'I SNYOMS PAR 'JUG PA LA NI GNAS PA'I DON DU'O, ,'DU SHES MED PA'I SNYOMS PAR 'JUG PA NI SKYES NAS MYONG BAR 'GYUR BA KHO NA'O, ,'GOG PA'I SNYOMS PAR 'JUG PA NI SKYES NAS MYONG BAR 'GYUR BA DANG, LAN GRANGS GZHAN LA MYONG BA DANG, MA NGES PA YIN NO, ,'DU SHES MED PA'I SNYOMS PAR 'JUG PA NI SO SO'I SKYE BO'I RGYUD LA SKYE PA YIN NO, ,'GOG PA'I SNYOMS PAR 'JUG PA NI 'PHAGS PA'I RGYUD LA SKYE BA YIN NO, ,'DU SHES MED PA'I SNYOMS PAR 'JUG PA NI SBYOR BA LAS BYUNG BA YIN NO, ,'GOG PA'I SNYOMS PAR 'JUG PA NI SBYOR BA LAS BYUNG BA DANG, BYANG CHUB KYIS 'THOB PA YIN NO, ,GNYIS KA 'DOD DANG GZUGS RTEN CAN, ,ZHES BYA BAS NI 'DI GNYIS KYI CHOS MTHUN PA NI 'DI YIN NO ZHES STON @170B TO; ,KHA CIG NA RE RGYU DANG, 'BRAS BU DAG HA CANG NYE NA MI RUNG BAS GZUGS KYI KHAMS NA NI BSAM GTAN GSUM DAG NA 'DU SHES MED PAR SNYOMS PAR 'JUG GI ,BZHI PA NA NI MA YIN NO ZHES ZER RO, ,GZHAN DAG NA RE SKYE BA NI DE'I 'BRAS BU YIN PA'I PHYIR 'DU SHES MED PA'I SEMS CAN MA GTOGS PAR BZHI BAR YANG SNYOMS PAR 'JUG GO ZHES ZER RO, ,DE DAG GI LTAR NA CHOS MNGON PA'I GZHUNG ZHES BYA BAS NI CHOS MNGON PA DANG 'GAL BAR STON TO, ,GZUGS KYI SRID PA YIN LA, SRID PA DE RNAM PAR 'DRID PA CAN LNGA MA YIN PA YANG YOD DAM ZHE NA, MU BZHI STE, DE LA GZUGS KYI SRID PA YIN LA RNAM PAR 'DRID PA CAN LNGA MA YIN PA NI GZUGS NA SPYOD PA'I SEMS CAN ZHES BYA BA'O, ,DE NA LHA 'DU SHES MED PA DAG KYANG YOD PAS DE'I PHYIR LHA 'DU SHES CAN ZHES BYA BA SMOS SO, ,'DU SHES CAN SEMS 'DRA BA LA GNAS PA DAG KYANG YOD PAS DE'I PHYIR, ,SEMS MI 'DRA BA LA GNAS PA RNAMS DANG ZHES BYA BA SMOS SO, , DE LA MI 'DRA BA'I SEMS NI 'DOD PA NA SPYOD PA'I SBRUL BA'I SEMS DANG, ZAG PA MED PA DANG, GZUGS MED PAR GTOGS PA'O, ,RANG GIS PA'I PHUNG PO RNAMS KHO NA SRID PA ZHES BYA BA YIN PAS GZHAN GYIS PA RNAMS GZUGS KYI SRID PAR MI 'DOD DO, ,DE DAG NI GZUGS KYI SRID PA YIN GYI, RNAM PAR 'DRID PA CAN LNGA NI MA YIN NO, ,'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA LA SNYOMS PAR 'JUG PA RNAMS DANG, 'DU SHES MED PA PHA MNGON DU GYUR NA YANG GZUGS KYI SRID PA ZHES BYA BA YIN LA RNAM PAR 'DRID PA CAN LNGA MA YIN TE, ,SEMS DANG, SEMS LAS BYUNG BA MED PA'I PHYIR RO, ,'DIR NI LHA 'DU SHES PA CAN ZHES BYA BA DANG, 'DU SHES MED PA'I SNYOMS PAR 'JUG PA DANG ZHES BYA BA 'DI DANG 'GAL BA YIN NO, ,RNAM PAR 'DRID PA LNGA ZHES BYA BA NI PHUNG PO LNGA ZHES BYA BA'I DON TE, DE BZHIN GSHEGS PA 'OD SRUNGS KYI GSUNG RAB LAS PHUNG PO LA RNAM PAR 'DRID PA ZHES MING BTAGS PA YIN NO, ,RNAM PAR 'DRID PA CAN LNGA YIN LA, GZUGS KYI SRID PA MA YIN PA YANG YOD DE, ,'DOD PA NA SPYOD PA'I SEMS CAN RANG GIS PA'I SEMS LA GNAS PA RNAMS KYI SRID PA GANG YIN PA'O, ,GZUGS KYI SRID PA YANG YIN LA RNAM PAR 'DRID PA CAN LNGA YANG YIN PA YANG YOD DE, , @171A *, ,GZUGS NA SPYOD PA'I SEMS CAN SEMS 'DRA BA LA GNAS PA RNAMS KYI 'O, ,GZUGS KYI SRID PA YANG MA YIN LA RNAM PAR 'DRID PA CAN LNGA YANG MA YIN PA YANG YOD DE, GZUGS MED PAR SKYES BA'I SEMS CAN RNAMS DANG, 'DOD PA'I KHAMS SU SKYES PA SEMS MI 'DRA BA LA GNAS PA RNAMS DANG, 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA LA SNYOMS PAR ZHUGS PA RNAMS KYI SRID PA GANG YIN PA'O, ,'GOG PA DANG PO MI NANG DU, MI DAG GI NANG KHO NAR TE, STON PA PO DANG, 'CHAD PA PO DANG, SBYOR BA'I STOBS YOD PA'I PHYIR RO, ,PHYIS NI SNGAR YONGS SU NYAMS PA DAG GIS GZUGS KYI KHAMS SU BSKYED KYI, GZUGS MED PA'I KHAMS SU NI MA YIN TE, RTEN MED PA'I PHYIR RO, ,SROG GI DBANG PO NI GZUGS DANG SEMS LA BRTEN NAS 'BYUNG NA, GZUGS MED PA'I KHAMS SU 'GOG PA LA SNYOMS PAR ZHUGS PA LA NI DE RGYUN CHAD PA YIN NO, ,PHUNG PO RNAMS PHAN TSUN STO BAS KYIS GNAS PA'I PHYIR PHUNG PO GCIG PA'I LUS KYANG MED DO, ,SEMS DANG SEMS LAS BYUNG BA RNAMS THA MI DAD PAR 'JUG PA'I PHYIR PHUNG PO GSUM PA YANG MI RUNG NGO, ,'DU SHES MED PA'I SNYOMS PAR 'JUG PA NI DANG PO GZUGS KYI KHAMS SU YANG SKYE STE, 'KHOR BA THOG MA MED PA NAS 'DRID PA'I PHYIR RO, ,SNYOMS PAR 'JUG PA 'DI NI MYA NGAN LAS 'DAS PA DANG 'DRA BA'I PHYIR KHYAD PAR DU 'PHAGS PA ZHIG STE, DE'I PHYIR YONGS SU NYAMS PA MI SRID DO SNYAM DU SEMS LA BYAS NAS, CI ZHES BYA BA LA SOGS PA SMOS SO, ,GA LA TE SNYOMS PAR 'JUG PA'I RDZAS 'DI LAS NYAMS PA MED NA, DE LAS CIR 'GYUR ZHE NA, DE'I PHYIR, DE LTA MA YIN NA 'CHAR BYED KYI MDO LAS ZHES BYA BA RGYAS PAR 'BYUNG STE, TSE DANG LDAN PA SH'A RI'I BUS DGE SLONG RNAMS LA CHOS BSTAN TO, ,TSE DANG LDAN PA DAG 'DI NA DGE SLONG TSUL KHRIMS PHUN SUM TSOGS PA YANG YIN ZHES BYA BA RGYAS PAR 'BYUNG BA LA, 'DI NA ZHES BYA BA NI MI DAG GI NANG NA'O, ,TSUL KHRIMS PHUN SUM TSOGS PAR 'GYUR BA YANG YIN ZHES BYA BA LA SOGS PA NI PHUNG PO GSUM GYIS BSDUS PA'I LAM GSUNGS SO, ,MTHONG BA'I CHOS KHO NA ZHES BYA BA NI MTHONG BA'I SKYE BA KHO NA LA'O, ,DANG PO NYID DU ZHES @171B BYA BA NI THOG MA KHO NAR RO, ,KUN SHES PA NI DGRA BCOM PA NYID DO, ,THOB PAR MI BYED PA NI RNYED PAR MI BYED PA'O, ,LUS ZHIG NAS ZHES BYA BA NI MING DANG GZUGS KYI TSOGS DAG SO SOR GNAS NAS TE, SHI NAS ZHES BYA BA'I DON TO, ,KHAM GYI ZAS ZA BA ZHES BYA BA NI 'DOD PA NI SPYOD PA'I LHA DAG GO, ,MDO DER YANG BCOM LDAN 'DAS KYIS YID LAS BYUNG BA'I LUS CAN GYI LHA NI GZUGS NA SPYOD PA YIN PAR GSUNGS LA ZHES BYA BA LA, DER 'CHAR BYED KYIS YID LAS BYUNG BAS GZUGS MED PA NA SPYOD PA'I LUS YIN PAR SEMS LA BSAMS TE, TSE DANG LDAN BA SH'A RI'I BU DGE SLONG YID LAS BYUNG BA'I LUS GANG YANG RUNG BA ZHIG TU SKYES PA ZHIG YANG DANG YANG DU 'DU SHES DANG TSOR BA 'GOG PA LA SNYOMS PAR 'JUG PA DANG, LDANG BA'I GNAS DE YOD DO ZHES BYA BAR YANG DAG PA JI LTA BA BZHIN DU SHES SO ZHES BYA BA GANG YIN PA DE NI GNAS MA YIN ZHING SKABS MED DE, ,DE NI GNAS MED DO ZHES 'PHAGS PA SH'A RI'I BU PHYIR ZLOG PAR BYED DO, ,DE LTAR LAN GSUM DU BKAG PA DANG, 'PHAGS PA SH'A RI'I BU BCOM LDAN 'DAS KYI THAD DU DONG NGO, ,DER YANG DES LAN GSUM KHO NAR BKAG STE, 'DIR YANG CANG MI SMRA BAR GYUR TO, ,DER BCOM LDAN 'DAS KYIS TSE DANG LDAN PA 'CHAR BYED LA BKA' STZAL PA; 'CHAR BYED KHYOD KYIS YID LAS BYUNG BA'I LHA'I LUS GANG YANG RUNG BA JI LTAR SHES, GZUGS MED PA'I KHO NA YIN PAR SHES SAM, BCOM LDAN 'DAS DE LTA LAGS SO, ,RE ZHIG KHYOD NI SKYES BU RMONGS PA, LONG BA KHO NA YIN BZHIN DU SH'A RI'I BU DGE SLONG MIG DANG LDAN PA DANG LHAN CIG CHOS MNGON PAR DUL BA'I GTAM BYA BAR SEMS, 'DIR SH'A RI'I BU NI YID KYI RANG BZHIN GYI LUS GZUGS NA SPYOD PA YIN PAR 'DOD DE, PHYI ROL GYI KHU BA DANG KHRAG LA SOGS PA LA MA BRTEN PAR 'BYUNG BA'I PHYIR RO, ,'CHAR BYED NI GZUGS MED PA NA SPYOD PA YID LAS BYUNG BA YIN PAR 'DOD DE, YID TZAM LAS SKYES PA'I PHYIR RO, ,DE LTAR NA 'CHAR BYED SMAD PAR MDZAD PA'I PHYIR DANG, SH'A RI'I BU'I PHYOGS YONGS SU GZUNG BA'I PHYIR SNYOMS PAR 'JUG PA 'DI, GZUGS MED PA'I KHAMS SU MI SKYE BAS YID LAS BYUNG BA'I LUS NI GZUGS NA SPYOD PA YIN NO ZHES BSHAD PAR 'GYUR RO, ,MDO LAS MTHAR GYIS GNAS PA'I @172A *, ,SNYOMS PAR 'JUG BA DGU ZHES BYA BA NI BSAM GTAN BZHI DANG, GZUGS MED PA BZHI DANG, 'DU SHES DANG TSOR BA 'GOG PA'O, ,GAL TE BSAM GTAN BZHI PA'I SA PA YIN NA NI DE LTA YIN DANG, BSAM GTAN BZHI PA'I MJUG THOGS SU DE LA SNYOMS PAR 'JUG PAS DBUS SU MNGON PAR 'GYUR GYI, THA MAR NI MA YIN NO, ,DE LTAR NA MTHAR GYIS GNAS PA'I SNYOMS PAR 'JUG PA DGU ZHES BYA BA'I MDO DANG 'GAL BAR 'GYUR RO, ,THOD RGAL DU SNYOMS PAR 'JUG PA PO DAG NI GANG DAG DANG PO NAS GNYIS PA RGAL TE, GSUM PA LA SNYOMS PAR 'JUG GO, ,GZHAN LA YANG DE BZHIN DU BRJOD PAR BYA'O, ,MTHAR GYIS GNAS PA'I SNYOMS PAR 'JUG PA DGU ZHES BYA BA 'DI NI RTZOM PA DANG PO PA LA NGES PA YIN TE, 'DI LTAR BSAM GTAN DANG PO MA BSKYED PAR NI BSAM GTAN GNYIS PA LA SNYOMS PAR 'JUG PAR MI NUS SO, ,DE BZHIN DU 'DU SHES MED 'DU SHES MED MIN SKYE MCHED MA BSKYED PAR 'DU SHES DANG TSOR BA 'GOG PA LA SNYOMS PAR 'JUG PA'I BAR DU MI NUS SO, ,DGA' DGUR DBANG PA NI PHUL DU BYUNG BAR DBANG BA NYID DO, ,RNAM PAR RGAL DE YANG SNYOMS PAR 'JUG GO ZHES BYA BA NI DANG PO NAS GSUM PAR RO, ,GSUM PA NAS NAM MKHA' MTHA' YAS SKYE MCHED DU'O ZHES BYA BA LA SOGS PA'O, , DE LTAR SNYOMS PAR 'JUG PA 'DI GNYIS NI ZHES BYA BA LA SOGS PA 'BYUNG STE, TSUL NI JI SKAD BA SHAD PA BZHIN NO, ,MYONG BAR 'GYUR BA NGES PA DANG, GNYIS KA YIN PA'I PHYIR RO ZHES BYA BA LA, 'DU SHES MED PA'I SNYOMS PAR 'JUG PA NI MYONG BAR 'GYUR BAR NGES PA'O, ,'GOG PA'I SNYOMS PAR 'JUG PA NI GNYIS KA YIN TE, PHYIR MI 'ONG BA NI MYONG BAR 'GYUR BAR NGES PA YIN GYI, DGRA BCOM PA'I NI MA YIN TE, DE NI 'DI NYID LA YONGS SU MYA NGAN LAS 'DA' BA'I PHYIR RO, ,YANG NA SKYES NAS MYONG BAR 'GYUR BA DANG, LAN GRANGS GZHAN LA MYONG BAR GYUR BA LAS GNYIS KA MYONG BAR 'GYUR BA YIN NO, ,DANG PO SKYED PA LAS KYANG ZHES BYA BA RGYAS PAR 'BYUNG BA LA, 'DU SHES MED PA'I SNYOMS PAR 'JUG PA NI KHA CIG DANG PO MI DAG GI NANG DU SKYED LA, KHA CIG GIS NI LHA DAG GI NANG DU'O, ,'GOG PA'I SNYOMS PAR 'JUG PA NI DANG PO MI DAG GI NANG KHO NAR SKYED LA, YONGS SU NYAMS @172B PAS NI YANG GZUGS KYI KHAMS SU SKYED DO, ,SEMS DANG SEMS LAS BYUNG BA 'GOG PA'I RANG BZHIN DU MTSUNGS PAS MI 'JUG PA'I RGYU THA DAD PA MA MTHONG STE, 'DRI BA NI, YANG CI'I PHYIR 'DI DAG CES BYA BA RGYAS PAR 'BYUNG STE, SGRA 'JUG PA'I RGYU MTSAN KHYAD PAR MED PA'I PHYIR 'GOG PA'I SNYOMS PAR 'JUG PA ZHES GNYIS KA YANG MING KHYAD PAR MED PAR 'GYUR DGOS SO ZHES BYA BA'O, ,YANG NA SEMS DANG SEMS LAS BYUNG BA THAMS CAD 'GOG PA'I RANG BZHIN YIN YANG CI'I PHYIR 'DU SHES DANG TSOR BA 'GOG PA DAG GIS BSNYAD KYI, SEMS DANG SEMS LAS BYUNG BA GZHAN GYIS NI MA YIN NO ZHES BYA BA'O, ,DE DAG DANG MI MTHUN PAS ZHES BYA BA NI 'DU SHES DANG MI MTHUN PAS DANG, 'DU SHES DANG TSOR BA DANG MI MTHUN PAS SO, ,SNYOMS PAR 'JUG PA DE DAG LA SBYOR BA NI DE DAG LA SNYOMS PAR 'JUG PAR SBYOR BA'O, ,DE LA 'DU SHES DANG MI MTHUN PAS 'DU SHES MED PA'I SNYOMS PAR 'JUG PA LA SBYOR TE, 'DU SHES NI NANG YIN NO, ,'DU SHES NI 'BRAS YIN NO, ,'DU SHES NI ZUG RDU YIN NO ZHES BYA BA DANG, 'DI NI ZHI BA'O, ,'DI NI GYA NOM PA ZHES BYA BA RGYAS PAR 'BYUNG BA'O, ,'DU SHES DANG TSOR BA DANG MI MTHUN PAS NI 'GOG PA'I SNYOMS PAR 'JUG PA LA SBYOR TE, GCIG NI LTA BA'I KUN NAS NYON MONGS PA'I GZHI YIN LA, GNYIS PA NI SRED PA'I KUN NAS NYON MONGS PA'I GZHI YIN NO, ,DE'I PHYIR DE DAG DANG MI MTHUN PA NYID YIN NO, ,GZHAN GYI SEMS SHES PA ZHES BYA BA BZHIN NO ZHES BYA BA LA, GZHAN GYI SEMS SHES PAR BYA BA'I PHYIR DE LA RAB TU SBYOR BAS NA, DE LA GZHAN GYI SEMS SHES PAR BYA'I, ,DES TSOR BA LA SOGS PA'I CHOS RNAMS MI SHES PA NI MA YIN TE, DE BZHIN DU 'DIR YANG YIN NO, ,DA NI JI LTAR ZHES BYA BA RGYAS PAR 'BYUNG STE, GANG GI PHYIR MYU GU LA SOGS PA RGYU DANG LDAN PA RNAMS NI DE LTAR ZHIG NAS YUN RING DU LON PA'I SA BON LAS SKYE BAR MA MTHONG NGO, ,BYE BRAG TU SMRA BA RNAMS NI 'DAS PA YANG YOD PA'I PHYIR ZHES BYA BA 'BYUNG STE, BYE BRAG TU SMRA BA RNAMS ZHES SMOS PA NI 'DAS PA MED PA NYID KYI PHYIR RO, ,GAL TE YOD NA DE JI LTAR 'DAS PA YIN ZHE NA, BYED PA 'GAGS PA'I PHYIR 'DAS PA ZHES BYA'I, RANG GI NGO BO YONGS SU BTANG BA'I PHYIR NI MA YIN TE, @173A *, ,DE'I PHYIR 'GAGS MA THAG PA LTAR 'GAGS NAS YUN RING POR LON PA YANG MTSUNGS PA DE MA THAG PA'I RKYEN DU 'DOD DO, ,SNGON GYI SLOB DPON RNAMS NA RE ZHES BYA BA RGYAS PAR 'BYUNG BA LA, SNGON GYI SLOB DPON RNAMS NI MDO SDE PA RNAM SO, ,SEMS DANG DBANG PO DANG BCAS PA'I LUS 'DI NI PHAN TSUN SA BON CAN YIN TE, SEMS LA YANG DBANG PO DANG BCAS PA'I LUS KYI SA BON YOD LA, LUS LA YANG DBANG PO DANG BCAS PA'I SEMS KYI SA BON YOD DO, DE LTAR NA GNYIS KA PHAN TSUN GYI SA BON CAN YIN NO, ,YONGS SU 'DRI BA ZHES BYA BA'I BSTAN BCOS NI DE NYID KYIS BYAS PA'O; ,SKYON DU 'GYUR GYI ZHES BYA BA NI DA JI LTAR 'GAGS NAS YUN RING DU LON PA'I SEMS LA YANG SEMS SKYE BAR 'GYUR ZHES GANG SMRAS PA'O, ,DE NI MI 'THAD DE ZHES BYA BA 'BYUNG STE, 'GOG PA'I SNYOMS PAR 'JUG PA SEMS DANG BCAS PA YIN NO ZHES GANG SMRAS PA DE MI 'THAD DO, ,GSUM 'DUS PA LAS REG PA ZHES BYA BA NI DBANG PO DANG, YUL DANG, RNAM PAR SHES PA RNAMS SO, ,REG PA'I RKYEN GYIS TSOR BA DANG ZHES BYA BA RGYAS PAR 'BYUNG BA LA, GEGS BYED PA MED PA'I RGYU YOD NA 'BRAS BU GDON MI ZA BAR 'BYUNG BAS 'GOG PA'I SNYOMS PAR 'JUG PA'I RDZAS 'DI LA 'DU SHES DANG TSOR BA DAG KYANG 'GOG PAR MI 'GYUR TE, REG PA BZHIN NO, ,'ON TE ZHES BYA BA RGYAS PAR 'BYUNG BA LA, REG PA'I RKYEN GYIS TSOR BA DANG, 'DU SHES DANG, SEMS PA THAMS CAD YIN GYI, REG PA THAMS CAD NI TSOR BA LA SOGS PA RNAMS KYI RKYEN MA YIN PAS 'GOG PA'I SNYOMS PAR 'JUG PAR REG PA RKYEN YOD PAS 'DU SHES DANG TSOR BA LA SOGS PA DAG MI 'GAG PAR THAL BAR 'GYUR RO, ,'DU SHES DANG TSOR BA LA RGYAB KYIS PHYOGS PAS, GNAS SKABS DE 'THOB PAS GNAS SKABS DE NA REG PA YOD KYANG, 'DU SHES DANG TSOR BA DAG GI RKYEN NYID BSGRUB PAR MI NUS SO, , DE NYID LA DPE NI, TSOR PA'I RKYEN GYIS SRED PA ZHES BYA BA LA SOGS PA'O, ,TSOR BA LA SOGS PA MI 'BYUNG NGO ZHES BYA BA LA SOGS PA ZHES BYA BA'I SGRAS NI 'DU SHES DANG, SEMS PA YONGS SU GZUNG NGO, ,KHYAD PAR DU BYAS PA'I PHYIR DE MA YIN TE ZHES BYA BA LA, TSOR BA BZHIN DU REG PA @173B THAMS CAD TSOR BA'I RKYEN MA YIN NO ZHES BYA BA DE NI MA YIN NO, ,CI'I PHYIR ZHE NA, MDO GZHAN LAS TSOR BA KHYAD PAR DU BYAS PA'I PHYIR RO, ,MA RIG PA'I 'DUS TE REG PA LAS SKYES PA ZHES BYA BA RGYAS PAR 'BYUNG BA LA, MA RIG PA DANG 'BREL PA'I REG PA NI MA RIG PA'I 'DUS TE REG PA'O, ,MA RIG PA'I 'DUS TE REG PA LAS BYUNG BA NI MA RIG PA'I 'DUS TE REG PA LAS SKYES PA'O, ,DE LTAR SRED PA SKYE BA LA TSOR BA MA RIG PA'I 'DUS TE REG PA LAS SKYES PA NYID KYIS KHYAD PAR DU BYAS PA YIN TE, DE'I PHYIR MA RIG PA MED PA'I TSOR BA NI SRID PA'I RKYEN YIN NO ZHES BYA BAR BSGRUB PAR MI NUS SO, ,TSOR BA SKYE BA LA ZHES BYA BA LA SOGS PA LA, REG PA 'DI 'DRA BA NI TSOR BA'I RKYEN YIN LA, 'DI 'DRA BA NI MA YIN ZHES BYE BRAG TU MA BYAS TE, DE'I PHYIR BYE BRAG MED PAR NYE BAR BLANGS PA'I PHYIR REG PA THAMS CAD TSOR BA'I RKYEN YIN PAS DPE 'DI MTSUNGS PA MA YIN NO, ,DE'I PHYIR 'GOG PA'I SNYOMS PAR 'JUG PA NI SEMS MED PA YIN NO ZHES BYA BAR GRUB PO, ,TING NGE 'DZIN SEMS DANG BCAS PA DGE BA NI SEMS DANG SEMS LAS BYUNG BRTZE GCIG PAR GRUB PA'I PHYIR SNYOMS PAR 'JUG PA NYID DU RUNG GI ,GZHAN DU NI MA YIN NO ZHES BSAMS TE 'DRI BA NI, JI LTAR NA SEMS MED PA NA SNYOMS PAR 'JUG PA YIN ZHES BYA BA'O, ,'BYUNG BA CHEN PO MNYAM PA NYID DU BSGRUB PA'I PHYIR RAM ZHES BYA BA LA, 'BYUNG BA CHEN PO RNAMS KYI MA NYAM PA NYID NI SEMS DANG SEMS LAS BYUNG BA SKYE BA DANG MI MTHUN PA GNAS PA STE, DE BSGRUB PA NI DE LTAR BYED PA'O, ,SNYOMS PAR 'JUG PA'I SBYOR BA'I SEMS KHO NA 'BYUNG BA CHEN PO MNYAM PA NYID DU SGRUB PAR BYED DE, LUS DANG SEMS DAG PHAN TSUN MTHUN PAR BYED PA'I PHYIR RO, ,GZHAN DAG NA RE 'BYUNG BA CHEN PO MNYAM PA NYID NI GNOD PA MED PA'I CHOS CAN NYID YIN TE, 'DI LTAR 'GOG PA'I SNYOMS PAR 'JUG PA NI GNOD PA MED PA'I CHOS CAN YIN NO, ,YANG NA SEMS KYIS 'GOG PA'I SNYOMS PAR 'JUG PA DE LA SNYOMS PAR 'JUG PA NI SNYOMS PAR 'JUG PA YIN TE, SNYOMS PAR 'JUG PA DANG SEMS GNYIS LHAN CIG GNAS PAR 'GAL BA'I PHYIR JI LTAR SNYOMS PAR 'JUG CE NA, DE'I PHYIR THOB PAR 'GYUR BAS NA ZHES BYA BA SMOS TE, 'DI LTAR SNYOMS PAR 'JUG @174A *, ,PA'I SBYOR BA'I SEMS NI SEMS DANG SEMS LAS BYUNG BA 'BYUNG BA DANG 'GAL BA 'GOG BA'I SNYOMS PAR 'JUG PA 'DREN PA YIN NO, ,SEMS SKYE BA LA GEGS BYED PA'I PHYIR ZHES BYA BA LA, GANG GI PHYIR 'GOG PA'I SNYOMS PAR 'JUG PA NI CHU BAB PAS LA CHU LON LTAR DUS GZHAN GYI BAR DU SEMS SKYE BA LA GEGS BYED PA ZHIG STE, MED PA NI SEMS SKYE BA'I GEGS BYED PAR JI LTAR 'GYUR, 'JUG BZHIN PA'I SEMS MI 'JUG PA NI RGYU ZAD PA 'AM DE 'JUG PA DANG 'GAL BA'I PHYIR NYE BA LAS YIN GRANG, DE RE ZHIG RGYU ZAD PA LAS NI MA YIN TE, YANG 'BYUNG BA'I PHYIR RO; ,DE'I PHYIR 'GAL BA'I RKYEN GZHAN GYIS BYAS PA YIN NO ZHES BYA BAR RTOGS LA, 'GAL BA'I RKYEN GANG YIN PA DE YANG 'GOG BA'I SNYOMS PAR 'JUG PA YIN NO, ,MA YIN TE, SNYOMS PAR 'JUG PA'I SEMS KHO NAS DE LA GEGS BYED PA'I PHYIR RO ZHES BYA BA LA, 'GAL BA'I RKYEN GZHAN GYIS BYAS PA DE'I TSE SEMS MI 'JUG PA NI BDEN NA, 'GAL BA'I RKYEN DE NI SEMS GZHAN SKYE BA DANG 'GAL BA SNYOMS PAR 'JUG PA'I SEMS KHO NA YIN GYI, GZHAN NI MA YIN NO, ,'JUG PA'I RGYU LAS SEMS 'JUG PA RNAM PAR CHAD PAR YANG MI RIGS LA, SEMS KYANG SEMS 'JUG PA'I RGYU YIN TE, DE'I PHYIR MAR ME LA RLUNG LTAR SEMS LA YANG MI 'JUG PA'I RGYU GZHAN KHO NA ZHIG KHAS BLANG BAR BYA'O ZHE NA, DE'I PHYIR, DE DANG 'GAL BA'I RTEN BSKYOD PA'I PHYIR ZHES BYA BA SMOS TE, SEMS SKYE BA DANG 'GAL BA'I RTEN BSKYED PA'I PHYIR ZHES BYA BA'I DON TO, ,MAR MES SDONG BU LA RAG LAS PA LTAR SEMS 'JUG PA NI RTEN LA RAG LAS TE, DE'I PHYIR RTEN NYAMS PAS SEMS MI 'JUG PAR MI 'GAL LO, ,RTEN NYAMS PA DE NI SNYOMS PAR 'JUG PA'I SEMS KYIS BYED DE, DE'I PHYIR SNYOMS PAR 'JUG PA'I SEMS KHO NA DE LA GEGS BYED PA'I PHYIR RO ZHES DE SKAD DU BSHAD DO, ,DE LA SNYOMS PAR 'JUG PA ZHES BYA BA LA, SEMS MI 'JUG PA DE LA SNYOMS PAR 'JUG PA ZHES GDAGS SO, ,DE GDAGS PA'I NYE BAR LEN PA GO GANG ZHIG YIN, NYE BAR LEN PA MED PA NI CUNG ZAD KYANG BTAGS PAR MOD PA MA YIN NO ZHE NA, SEMS GANG DAG MI 'JUG PA DE DAG DE MI 'JUG PA'I NYE BAR LEN PA YIN NO, ,GAL TE MA SKYES @174B PA'I PHYIR YOD PA MA YIN PA DE DAG JI LTAR NA BTAGS PA'I NYE BAR LEN PAR RUNG ZHE NA, MA 'ONGS PA YIN YANG SEMS LA GNAS PA DE DAG NI MI 'JUG PA'I NYE BAR LEN PA NYID DU YOD DE, DPER NA, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,BRTEN PA MED PAR RAB TU 'BYUNG, ,ZHES BYA BA BZHIN NO, ,DER NI SANGS RGYAS MA 'ONGS PA BLO LA GNAS PA RNAMS KHO NA MI 'BYUNG BA YIN TE, MA SKYES PA'I SANGS RGYAS NI YOD PA YANG MA YIN NO, ,NYAN THOS RNAMS KYANG ZHIG CING BLO LA GNAS PA RNAMS KHO NA ZAD PAR BRJOD KYI, DA LTAR PA RNAMS NI MA YIN NO, ,DE'I PHYIR 'DAS PA DANG, MA 'ONGS PA YOD PA MA YIN YANG ZHIG PA DANG MA SKYES PA DAG BLO LA GNAS PA KHO NA BTAGS PA'I NYE BAR LEN PA YIN PAR MI 'GAL LO, ,GAL TE SNYOMS PAR 'JUG PA MA 'ONGS PA'I SEMS MI 'JUG PA TZAM YIN LA, DE YANG DNGOS PO MED PA YIN PAS 'DUS MA BYAS SU 'GYUR RO ZHE NA, DE'I PHYIR, MI 'JUG PA TZAM DE YANG ZHES BYA BA RGYAS PAR SMOS SO, ,'DIR GANG GI DBANG DU BYAS NAS 'DUS BYAS ZHES BRJOD PA, MI 'JUG PA TZAM ZHES BYA BA 'DUS BYAS GRUB PAR GYUR PA NI CUNG ZAD KYANG MED DE, 'ON KYANG SNYOMS PAR 'JUG PA SNGON DANG PHYIS MED PAS MI 'JUG PA TZAM GYIS SNYOMS PA RA 'JUG PA LA 'DUS BYAS SU GDAGS SO, ,YANG NA RTEN NYID CES BYA BA RGYAS PAR 'BYUNG BA LA, SNGAR NI THA SNYAD KYI SGO NAS SEMS MI 'JUG PA TZAM SNYOMS PAR 'JUG PA NYID YIN PA DANG, 'DUS BYAS NYID DU BSHAD PA LA; DA LTA NI SNYOMS PAR 'JUG PA'I DBANG GIS GNAS SKABS GZHAN THOB PA'I RTEN NYID SNYOMS PAR 'JUG PA YIN TE, DE'I PHYIR GNAS SKABS KYI KHYAD PAR YIN PA'I PHYIR SNYOMS PAR 'JUG PA 'DUS BYAS YIN NO ZHES BYA BAR BSHAD PAR 'GYUR, ,'DU SHES MED PA YANG DE BZHIN DU ZHES BYA BA LA, JI LTAR 'GOG PA'I SNYOMS PAR 'JUG PA BTAGS PA TZAM YIN PA DE BZHIN DU 'DU SHES MED PA PA YANG YIN NO, ,RNAL 'BYOR PA LA NI DE'I SMON LAM GYI 'PHEN PA'I SHUGS LAS SNYOMS PAR 'JUG PA 'PHANGS PA CHAD NA YID DANG, CHOS DAG LA BRTEN NAS YID KYI RNAM @175A *, ,PAR SHES PA SKYE LA, 'DU SHES MED PA PAR NI LAS KYI RNAM PAR SMIN PA'I 'PHEN PA ZAD PAS 'CHI 'PHO BAR 'GYUR RO, ,SNYOMS PAR 'JUG PA DAG BSTAN ZIN TO, ,SROG NI TSE YIN, 'DI RNAM GRANGS BRJOD PA YIN GYI, MTSAN NYID NI MA YIN TE, BSTAN BCOS LAM BSTAN PA'I DOR BYAS PA'I PHYIR RO, ,DE NYID KYI PHYIR CHOS MNGON PA LAS 'DI SKAD DU ZHES BYA BA SMOS SO, ,RNAM GRANGS NI GRUB NA MTSAN MAR BYED PA YIN NO, ,'DI NI SROG DANG 'DRA BAR GRUB BAS 'DIS SROG GI DON NGES PAR MI NUS TE, DE'I PHYIR, TSE ZHES BYA BA'I CHOS 'DI GANG YIN PA ZHES BYA BA RGYAS PAR 'BYUNG NGO, , DROD DANG NI, RNAM SHES RTEN GANG YIN PA'O, ,ZHES BYA BA DE 'BRAS BU'I SGO NAS 'CHAD PA'O, ,GNAS PA'I RGYU ZHES BYA BA NI, RTEN DU GYUR PA ZHES BYA BA RNAM PAR BSHAD PA'O, ,'DI SKAD BSTAN PAR 'GYUR TE, JI SRID DU TSE YOD PA DE SRID DU 'DI GNYIS RGYUN CHAGS SU 'JUG PA YIN NO, ,DA NI CHA DE'I RTEN DU GYUR PA ZHES BYA BA 'BYUNG STE, GNAS PA'I RGYU GANG YIN ZHES BYA BA'I DON TO, ,DROD DANG RNAM PAR SHES PA DE DAG NYID YIN NO ZHES BYA BA 'BYUNG STE, TSE NI DE DAG LA RAG LAS TE GNAS PA'I PHYIR RO, ,'O NA NI ZHES BYA BA RGYAS PAR 'BYUNG BA LA, GANG DAG LA PHAN TSUN LTOS TE 'JUG PA YOD PA DE DAG NI PHAN TSUN LTOS TE 'JUG PA'O, ,DE'I DNGOS PO NI PHAN TSUN LTOS TE 'JUG PA NYID DE, PHAN TSUN LTOS TE 'JUG PA NI DE'I PHYIR RO, ,DE DAG LAS NI DROD DANG RNAM PA SHES PA DANG, TSE GSUM LAS SO, ,GANG ZHIG SNGAR LDOG PAR 'GYUR TE ZHES BYA BA RGYAS PAR 'BYUNG STE, TSE MA LOG PAR GZHAN DAG LDOG PA MED LA, GZHAN DAG LDOG PA MED PAR YANG TSE LDOG PA MED PAS RTAG TU LDOG PA MED PAR THAL BAR 'GYUR RO, ,DE'I PHYIR DE DAG PHAN TSUN RTEN NYID DU MI RUNG NGO, ,'O NA NI TSE'I RTEN DU GYUR PA NI LAS YIN GYI, DROD DANG RNAM PAR SHES PA DAG NI MA YIN NO, ,DE LTAR NA LAS KYI 'PHEN PA ZAD PAS TSE LDOG LA, DE LDOG PAS DROD DANG RNAM PAR SHES PA DAG LDOG PAS RTAG TU LDOG PA MED PAR THAL BAR MI 'GYUR RO, ,JI LTAR LAS TSE'I RTEN DU GYUR PA YIN ZHE NA, DE'I PHYIR, LAS KYIS JI SRID DU 'PHANGS PA DE SRID DU RJES SU 'JUG PA'I PHYIR RO ZHES BYA BA SMOS TE, DE RJES SU 'JUG PA NI LAS KYI 'PHEN @175B PA'I RGYU CAN YIN NO, ,DROD DANG RNAM PAR SHES PA DAG GI RTEN DU GYUR PA YANG LAS KHO NA YIN PAR CI'I PHYIR MI 'DOD DE, SROG GI DBANG PO DANG CIG CAR SKYE BA'I PHYIR DANG, 'JIG PA'I PHYIR RO SNYAM DU BSAMS PA YIN NO, ,MA SHI'I BAR DU RNAM PAR SHES PA THAMS CAD CES BYA BA RGYAS PAR 'BYUNG BA LA, RNAM PAR SHES PA LAS KYIS JI SRID 'PHANGS PA DE SRID DU RJES SU 'JUG PA'I PHYIR SROG LTAR LAS KYI RTEN CAN DU 'GYUR NA NI DE LTAR NA MA SHI'I BAR DU RNAM PAR SHES PA DGE BA DANG, NYON MONGS PA CAN DANG, SPYOD LAM PA DANG, BZO'I GNAS PA DANG, SPRUL PA PA THAMS CAD SROG BZHIN DU RNAM PAR SMIN PAR 'GYUR RO, ,'O NA DROD KYI ZHES BYA BA LA SOGS PA LA, SROG GI DBANG PO DANG LHAN CIG SKYE BA DANG, 'GAG PA'I PHYIR DANG, LUNG DU MA BSTAN PA YIN PA'I PHYIR RNAM PAR SMIN PA'I NGO BOR 'GAL BA MED PAS, DROD KYI RTEN DU GYUR PA LAS YIN PAR 'GYUR RO, ,DE LTA NA NI ZHES BYA BA LA SOGS PA 'BYUNG NGO, ,DROD MED PA'I PHYIR ZHES BYA BA LA, DROD NI ME'I KHAMS YIN NA, 'BYUNG BA DAG NI GZUGS MED PA'I KHAMS NA YOD PA MA YIN NO, ,DROD MED PA'I PHYIR GZUGS MED PA'I RNAM PAR SHES PA DE'I RTEN NI LAS YIN PAR 'GYUR RO, ,GANG LA LAR NI ZHES BYA BA RGYAS PAR 'BYUNG BA LA; DNGOS PO RNAMS KYI RGYU DANG 'BRAS BU'I DNGOS PO'I RANG BZHIN GYI RGYU CAN YIN PA'I PHYIR 'DOD PA'I SGO NAS 'BREL PA MA YIN TE, DE'I PHYIR THAMS CAD DU THAMS CAD KYI TSE, RGYU DANG 'BRAS BU'I DNGOS PO 'KHRUL PA MED DO SNYAM DU BSAMS PA YIN NO, ,BSHAD ZIN TO ZHES BYA BA RGYAS PAR 'BYUNG BA LA, SROG BZHIN DU RNAM PAR SHES PA LAS LA BRTEN PA NYID YIN NA NI GZUGS MED PA DAG NA RNAM PAR SHES PA NYON MONGS PA CAN DANG, DGE BA MED PAR 'GYUR RO, ,DE LTA BAS NA DE GNYIS KYI RTEN DU GYUR PA'I TSE NA YOD PA KHO NA'O, ,'JIG RTEN DANG BSTAN BCOS DAG DANG 'GAL BA'I PHYIR MED DO ZHES NI MI SMRA MOD KYI RDZAS GZHAN NI MED DO ZHES SMRA'O, ,CI'I PHYIR ZHE NA, RANG GI NGO BO DANG 'BRAS BU NGES PAR MA ZIN PA'I PHYIR RO ZHES SNGAR BSHAD PA'I GTAN TSIGS KHO NA'I RJES SU BSNYEG GO, ,GAL TE RDZAS GZHAN MA YIN NA, 'O NA DE CI YIN ZHE NA, DE'I PHYIR, KHAMS GSUM PA'I LAS KYIS ZHES BYA BA RGYAS PAR 'BYUNG BA LA, RIS @176A *, ,MTHUN PA NI DE LTA BUR GYUR PA'I 'DU BYED CI RIGS PAR SKYE MCHED DRUG GI BDAG NYID CAN, RTEN DANG BCAS PA DE DAG KHO NA YIN LA, DE GNAS PA NI RGYUN CHAGS PAR RJES SU 'JUG PA'O, ,DE'I DUS NI JI SRID KYI BAR DU DE RJES SU 'JUG PAR 'GYUR BA'O, ,DE'I 'PHEN PA NI NYING MTSAMS SBYOR BA'I SKAD CIG MA LA CI RIGS PAR SKYE BA SNGA MA'I LAS KYIS RGYU'I DNGOS POR GNAS PAR BYAS PA'O, ,YANG RGYU'I DNGOS PO DE CI ZHIG CE NA, NUS PA STE, 'DI LTAR, NYING MTSAMS SBYOR BA'I SKAD CIG MA NI LAS KYI STOBS BSKYED PA'I PHYIR RIS MTHUN PA'I RGYUN GYI MTSAN NYID CAN GYIS GNAS PA'I DUS NGES PA'I RGYU YIN NO, ,DE NYID KYI PHYIR, GNAS PA'I DUS KYI 'PHEN PA ZHES BYA STE DUS DE'I RGYUN 'PHEN PAR BYED PA'I PHYIR RO, ,'BRU RNAMS KYI ZHES BYA BA RGYAS PAR 'BYUNG BA LA, DPER NA SA BON GYI MYU GU LA GANG ZHIG SMIN PA'I DUS KYI BAR DU BRGYUD NAS 'BRU'I RGYUN GYI RGYUR 'GYUR BA, 'BRU RNAMS KYI SMIN PA'I DUS KYI 'PHEN PA NUS PA'I KHYAD PAR GYI MTSAN NYID CAN BSKYED PA DE DANG 'DRA'O, ,MDA' 'PHANGS PA DAG GI GNAS PA'I DUS KYI 'PHEN PA BZHIN NO ZHES BYA BA 'BYUNG STE, DE LA MDA' 'PHANGS PA'I GNAS PA NI YUL GZHAN DU SKYE BA RGYUN RJES SU 'JUG PA'O, ,DE'I DUS NI GANG PHYIN CHAD DE MI 'BYUNG BA'I MU MTSAMS SO, ,DE'I 'PHEN PA NI RGYU'I DNGOS POR RNAM PAR GNAS PA'O, ,MDA'I SKAD CIG DANG PO'I DE YANG RTZOL BAR GYUR PA PHUL DU BYUNG BAS BSGRUBS PA'I RLUNG GI KHAMS KYIS BSKYED PA'I NUS PA'I KHYAD PAR LAS SO, ,GANG ZHIG CES BYA BA RGYAS PAR 'BYUNG BA LA, BYE BRAG PA NI MDA' 'PHANGS PA LA RLUNG GI KHAMS GYIS BSKYED PA'I NUS PA'I KHYAD PAR LAS YUL DAG TU RGYUN SKYE BA'I BDAG NYID CAN MI 'DOD PAS 'DU BYED CES BYA BA LA SOGS PA DA LTAR SEMS TE, BYE BRAG PA'I LTAR NA 'GRO BA'I PHYIR NA THOG MAR MDA' LA LAS SKYE LA, DE LAS NI 'GRO BA'I RGYU 'DU BYED DO, ,'DU BYED LAS NI MA LTUNG GI PAR DU 'GRO BA'O, ,MDA'I 'GRO BA NI YUL GZHAN DU PHYIN PA YIN GYI, SKYE BA NI MA YIN NO, ,DE'I ZHES BYA BA NI BYE BRAG PA'I'O, ,DE NI GCIG PU YIN PA'I PHYIR ZHES BYA BA NI 'DU BYED GCIG BU YIN PA'I PHYIR RO, ,GEGS BYED PA MED PA'I PHYIR ZHES BYA BA LA, NAM MKHA' LA NI REG PA DANG LDAN PA'I RDZAS @176B DANG 'BREL PA'I BDAG NYID CAN GYI THOGS PA 'GA' YANG YOD PA MA YIN NA, ,GEGS CHEN PO DANG, 'BRING DANG, CHUNG NGU BYAS NA NI 'DU BYED BYE BRAG MED BZHIN DU PHYIN PA'I DUS KYI BYE BRAG TU 'GYUR NA, GEGS NI YOD PA YANG MA YIN NO, ,DE'I PHYIR, YUL GZHAN DAG TU MGYOGS PA DANG, CHES DANG, SHIN TU CHES MGYOGS PAR PHYIN PA'I DUS KYI BYE BRAG YOD PA'I PHYIR MA LTUNG BAR DU 'GRO BAR 'DU BYED GCIG PU'I RGYU CAN MA YIN NO, ,LTUNG BA YANG MI 'THAD DO ZHE SA BYA BA NI 'DU BYED GCIG PU YIN PA'I PHYIR DANG, GEGS BYED PA MED PA'I PHYIR RO, ,GAL TE RLUNG GIS DE LA GEGS BYED DO ZHES BYA BA LA, RLUNG GIS GEGS BYAS PA'I 'DU BYED NI LAS CHEN PO DANG, 'BRING DANG, CHUNG NGU'I RGYU YIN LA, MTHAR NI 'DU BYED MED PA'I PHYIR DANG, LCI BA NYID KYI PHYIR LTUNG BA YIN NO ZHES, ,DRUNG DU LTUNG BA'AM ZHES BYA BA LA, GZHU RGYUD DANG RNAM PAR BYE MA THAG TU RLUNG DANG LDAN PA'I PHYIR RO, ,'DI LTAR REG PA DANG LDAN PA'I RDZAS DANG LDAN PA LAS MED PA YIN NO ZHES BYA BA 'DI NI BYE BRAG PA RNAMS KYI MDO YIN NO, ,YANG NA GZHAR YANG ZHES BYA BA LA, MI LTUNG BAR THAL BAR 'GYUR RO ZHES BYA BAR SBYAR RO, ,CI'I PHYIR ZHE NA, DE'I PHYIR, RLUNG LA KHYAD PAR MED PA'I PHYIR ZHES BYA BA SMOS TE, GANG LAS PHYIS GEGS BYED KYI SNGAR MA YIN PAR 'GYUR BA, PHYIS RLUNG LA KHYAD PAR YOD PA NI MA YIN NO, ,DE LAS KHYAD PAR MED PA'I PHYIR NI LDAN PA LA YANG KHYAD PAR MED DO, ,GANG ZHIG LAS BZHIN DU 'DU BYED KYANG DU MA SNYAM DU SEMS PA DE'I YANG YUL GZHAN DU MGYOGS PA DANG CHES DANG, SHIN TU CHES MGYOGS PAR PHYIN PA'I DUS KYI BYE BRAG MI 'THAD DE, 'DU BYED LA NI LAS BRTZAM PAR BYA BA LA BYE BRAG YOD PA MA YIN LA, GANG ZHIG 'DU BYED CHES GSAL BAS BSKYED PA'I LAS KYIS CIG CAR RDZAS YUL MANG PO GNON PAR BYED PA YANG YOD PA MA YIN TE, RIM GYIS RANG GI RTEN DU RDUL PHRA RAB TZAM GYI PHYOGS DANG LDAN PA DANG, RNAM PAR BYANG BA'I RGYU CAN YIN PA'I PHYIR RO, ,BYE BRAG TU SMRA BA RNAMS NI 'DI SKAD DU TSE RDZAS GZHAN KHO NA CIG YOD DO ZHES NI BRJOD DE, ,SROG DROD DANG 'DRE BAR 'BYUNG BA'I PHYIR TE, RDZAS SU MED PA LA NI 'DRE BA MI 'THAD DO, ,YANG CI TSE ZAD PA KHO NAS ZHES BYA BA LA SOGS PA @177A *, ,'BYUNG NGO, ,'ON TE GZHAN DU YANG YIN ZHE NA ZHES BYA BA LA, TSE YOD KYANG RGYU MTSAN GZHAN GYIS YIN ZHES BYA BA'I DON TO, ,BTAGS PA LAS ZHES BYA BA 'DIS NI TSE YOD KYANG 'CHI BA YOD DO ZHES STON PAR BYED DO, ,DANG PO NI TSE'I RNAM PAR SMIN PA CAN YIN GYI, LONGS SPYOD KYI RNAM PAR SMIN PA CAN NI MA YIN TE, LAS KYIS 'PHANGS PA'I SROG GI DBANG PO RGYUN YONGS SU RDZOGS PA'I PHYIR TSE'I RNAM PAR SMIN PA CAN GYI LAS YONGS SU GTUGS PA YIN NO, ,GNYIS PA NI LONGS SPYOD KYI RNAM PAR SMIN PA CAN NO, ,LAS YONGS SU GTUGS PA LAS SO ZHES BYA BAR SBYAR TE, TSE'I RNAM PAR SMIN PA CAN NI MA YIN NO, ,GSUM PA NI GNYIS KA'O, ,CHO DANG LONGS SPYOD RNAM PAR SMIN PA CAN DAG STE, LAS YONGS SU ZAD PA LAS ZHES BYA BAR SBYAR RO, ,BZHI PA NI TSE DANG LONGS SPYOD KYI RNAM PAR SMIN PA CAN LAS DAG MA ZAD KYANG YANG BA YONGS SU MI SPONG BAS SO, , BAG MED PA SPYOD PAS SO ZHES BYA BA'I THA TSIG GO, ,MAR ME BZHIN TE, JI LTAR MAR ME NI RES 'GA' SNYING PO ZAD PA NYID LAS 'GAG LA, RES 'GA' NI 'BRU MAR ZAD PA NYID LAS YIN GYI, SNYING PO ZAD PA LAS NI MA YIN NO, ,RES 'GA' NI GNYIS KA ZAD PA LAS, RES 'GA' NI GNYIS KA YOD KYANG RLUNG LA SOGS PAS SO, ,TSE BTANG BAS LAS BRJOD PAR BYA'O, ,BRJOD PAR MI BYA STE, MU DANG PO'I KHONGS SU 'DU BA'I PHYIR RO, ,DE'I TSE RNAM PAR SMIN PA CAN GYI LAS GANG YIN PA DE LONGS SPYOD KYI RNAM PAR SMIN PAR 'GYUR BAS, TSE ZAD PA KHO NAS 'CHI BA YIN NO, ,TSE ZAD NA ZHES BYA BA RGYAS PAR 'BYUNG BA LA, LONGS SPYOD ZAD NA TSE YOD PA YANG LTOS NAS LONGS SPYOD ZAD PAS 'CHI BAR BYA BA LA, NUS PA YOD NA TSE ZAD NA BZLOG PAR BYA BA MED PA'I PHYIR, LONGS SPYOD ZAD PA 'CHI BAR BYA BA LA NUS PA DE'I PHYIR, GNYIS KA ZAD PA LAS ZHES BYA BA'I MU GSUM PA MI RIGS TE, DE'I PHYIR SRID PA'I DBANG DU BYAS NAS GNYIS KA ZAD PA LAS 'CHI BAR BSHAD DE, TSE ZAD NA BSOD NAMS ZAD PA LA 'CHI BAR BYA BA LA NUS PA YOD PA NI MA YIN NO, ,YANG BSTAN BCOS GZHAN GYI SGO NAS DUS MA YIN PAR 'CHI BA YOD PAR BSTAN PA'I PHYIR, YE SHES LA 'JUG PA @177B LAS ZHES BYA BA RGYAS PAR SMOS SO, ,BSHAD PA 'DIS JI LTAR DUS MA YIN PAR 'CHI BA BSTAN ZHES MI SHES SHING 'DRI BA NI, BSHAD PA 'DI'I DON GANG YIN ZHES BYA BA'O, ,GANG LA LUS LA GNOD PAS ZHES BYA BA LA, 'GOG PA'I 'DU SHES MED PA'I SNYOMS BAR 'JUG PA LA SNYOMS PAR ZHUGS PA MA GTOGS PA'I 'DOD PA NA SPYOD PA RNAMS KYI LUS LA GNOD PAR BYA BA NUR TE DE'I PHYIR DE DAG GI TSE LA NI LUS LA GNOD PAR BYAS PAS GNOD PA YIN TE, LUS KYI RGYUD LA MA LTOS PA'I TSE 'JUG PA MED PAS LUS KYI RGYUD LA RAG LAS PA'I PHYIR RO, ,DANG PO YIN NO ZHES BYA BA LA, 'DOD PA NI SPYOD PA ZHES BYA BA NAS BRTZAMS TE, RGYUD LA RAG LAS TE 'JUG PA ZHES BRJOD PAR BYA'O ZHES BYA BA'I BAR 'DI NI DANG PO'O, GZUGS DANG GZUGS MED PA NA SPYOD PA RNAMS DANG, 'DOD PA'I KHAMS SU 'GOG PA DANG, 'DU SHES MED PA'I SNYOMS PAR 'JUG PA RNAMS LA NI RTEN LA GNOD PA BYAS PAS TSE LA GNOD PA MED DE, RANG DANG GZHAN GYI GNOD PA'I YUL LAS 'DAS PA'I PHYIR RO, ,DE'I PHYIR DE NI, DE LTAR SKYES PA BZHIN GNAS PAR BAR SKABS SU RGYUN RNAM PAR 'CHAD PA MED DO, ,GNYIS KA YIN NO ZHES BYA BA LA, SNYOMS PAR ZHUGS PA RNAMS DANG ZHES BYA BA NAS BRTZAMS NAS BRJOD PAR BYA'O ZHES BYA BA'I BAR 'DI NI GNYIS PA'O, ,GLO BUR DANG BCAS PA NI DANG PO YIN NO, ,DE GLO BUR DANG BCAS PA NI LUS LA GNOD PA BYAS PA'I SGO NAS TE, GEGS DANG BCAS ZHES BYA BA'I DON TO, ,GLO BUR MED PA NI GNYIS PA YIN NO ZHES BYA BA LA, DE'I RTEN LA GNOD PA MED PA'I PHYIR 'DI NI GLO BUR MED CING GEGS MED PA YIN NO, ,DE LTA BAS NA DUS MA YIN PAR 'CHI BA NI YOD DO ZHES BYA BA NI GANG GI PHYIR TSE RGYUD LA RAG LAS PA DANG, GLO BUR DANG BCAS PA BSHAD PA'I PHYIR RO, ,MDO LAS ZHES BYA BA RGYAS PAR 'BYUNG BA LA, CHOS MNGON PA LAS BSHAD PA 'BA' ZHIG TU MA ZAD DE, 'O NA CI ZHE NA, MDO LAS KYANG DUS MA YIN PAR 'CHI BA GSUNGS SO, ,BDAG RGYUR GYUR PA'I 'CHI BA NI BDAG NYID 'CHI BA'O, ,GZHAN RGYUR GYUR PA'I 'CHI BA NI GZHAN GYIS GSOD PA'O, ,MU BZHIR ZHES BYA BA 'BYUNG NGO, ,DANG PO LA, RAB TU DGA' BA DANG, YID RAB TU 'KHRUGS PA DAG GIS ZHES BYA BA LA, @178A *, ,LHA RTZED MOS MYOS PA RNAMS NI RAB TU DGA' BA STE, DE DAG NI SHIN TU RTZE BA DANG DGA' BA LA SOGS PAS LUS DUB PA DANG, DRAN PA MYOS PA DAG GIS GNAS DE NAS 'CHI BAR 'GYUR, YID RAB TU 'KHRUGS PA RNAMS NI YID RAB TU 'KHRUGS PA STE, DE DAG NI PHAN TSUN MIG GIS MIG LA BLTAS PAS YID 'KHRUGS PAR 'GYUR ZHING, DE NAS GNAS DE NAS 'CHI BAR 'GYUR RO, ,SANGS RGYAS RNAMS KYI YANG YIN PAR BRJOD PAR BYA STE ZHES BYA BA NI BDAG NYID 'GRONGS PAR 'GYUR GYI, GZHAN GYIS 'GRONGS PA NI MA YIN NO ZHES BYA BA'O ,DE NYID LA RGYU SMRAS PA NI, BDAG NYID 'GRONGS PA'I PHYIR RO ZHES BYA BA STE, SANGS RGYAS BCOM LDAN 'DAS RNAMS NI GNOD PA MI MNGA' BA'I CHOS CAN DANG, SKU TSE GTONG BA LA MNGA' BRNYES PA YIN NO, ,GNYIS PA NI GZHAN GYIS GSOD PA KHO NAR 'GYUR GYI, BDAG NYID 'CHI BAR MI 'GYUR BA STE, MNGAL NA 'DUG PA NUR NUR PO DANG, GOR GOR PO DANG, MKHRANG 'GYUR DANG, RKANG LAG 'GYUS PA'I GNAS SKABS NA 'DUG PA DANG, SGO NGA NA 'DUG PA RNAMS LA BDAG NYID 'CHI BA MED PA'I PHYIR RO, ,GNYIS KA NI BDAG NYID 'CHI BA DANG, GZHAN GYIS GSOD PA YIN NO, ,'DOD PA NA SPYOD PA GZHAN DAG CES BYA BA NI GANG DAG BSHAD PAR GYUR PA LAS GZHAN PA RNAMS SO, ,PHAL CHER ZHES BYA BA SMOS PA NI 'CHAD PAR 'GYUR BA'I SRID PA BAR MA LA SOGS PA 'DOD PA NA SPYOD PA RNAMS YONGS SU SPANG BAR BYA BA'I PHYIR RO, ,BZHI PA NI GNYIS KA MA YIN ZHES BYA BA STE, BDAG NYID 'CHI BA MA YIN ZHING, GZHAN GYIS GSOD PA MA YIN PA'O, ,RGYAL PO'I DRANG SRONG DANG, CHOS LAN DANG, MCHOG CAN DANG, GANG G'A LEN LA SOGS PA RNAMS NA SNGON GYI GTAM RGYUD RNAMS LAS KHONG DU CHUD PAR BYA'O, ,RGYAL BA'I PHO NYA NI JI SRID PHO NYA'I DON MA BYAS PA DE SRID DU BDAG NYID 'CHI BA MA YIN ZHING, GZHAN GYIS GSOD PAR MI 'GYUR RO, ,RGYAL BAS BSTAN PA NI DUS 'DI SRID CIG GI BAR DU 'TSO BAR 'GYUR RO ZHES BYA BA'I DUS DE SRID DU BDAG NYID 'CHI BA YANG MA YIN LA, GZHAN GYIS GSOD PAR YANG MI 'GYUR RO, ,SRID PA THA MA PA ZHES BYA BA NI GANG GIS SKYE BA DE NYID LA @178B DGRA BCOM PA NYID 'THOB PAR 'GYUR BA STE, DE DAG DE MA 'THOB PAR BDAG NYID 'CHI BAR YANG MI 'GYUR LA, GZHAN GYIS GSOD PAR YANG MI 'GYUR RO, ,DE LHUMS NA GNAS PA ZHES BYA BA LA JI SRID BYANG CHUB SEMS DPA' LHUMS NA GNAS PA DANG, 'KHOR LOS SGYUR BA MNGAL NA GNAS PA DE SRID DU YUM BDAG NYID 'CHI BAR MI 'GYUR LA, GZHAN GYIS GSOD PAR YANG MI 'GYUR RO, ,YANG CI'I PHYIR MDO LAS BTZUN PA ZHES BYA BA RGYAS PAR 'BYUNG NGO, ,BSAM GTAN DANG GZUGS MED PA GZHAN DAG NA NI ZHES BYA BA LA, 'DU SHES MED 'DU SHES MED MIN LAS GZHAN PA BSAM GTAN DANG, GZUGS MED PA DAG NA NI NYON MONGS PA GZHOM BAR BYA BA'I PHYIR BDAG NYID 'CHI BA NI RANG GIS PA'I 'PHAGS PA'I LAM LA BRJOD DO, ,GZHAN GYIS GSOD PA NI NYON MONGS PA GZHOM PA KHO NA'I DBANG DU BYAS NAS SA GONG MA'I NYER BSDOGS YIN TE, DES SA 'OG MA DAG LAS 'DOD CHAGS DANG BRAL BAR 'GYUR BA'I PHYIR RO, , DES NA GNYIS KA MED DO ZHES BYA BA LA, 'DU SHES MED 'DU SHES MED MIN SKYE MCHED NA NI RANG GIS PA'I 'PHAGS PA'I LAM YANG MED PA NYID LA, SA GONG MA'I NYER BSDOGS KYANG MED DE, DE'I GONG NAS GZHAN MED PA'I PHYIR RO, ,DE STAN 'O NA DE NA YANG ZHES BYA BA RGYAS PAR 'BYUNG BA LA, DE NA YANG MI LCOGS PA MED PA'I SA PA'I 'PHAGS PA'I LAM GZHAN GYIS GSOD PAR 'GYUR TE, 'DI LTAR ZAG PA MED PA'I MI LCOGS PA MED PAS THAMS CAD LAS 'DOD CHAGS DANG BRAL BAR 'GYUR BA DANG, 'PHAGS PA'I LAM SA BRGYAD POS RANG DANG, GONG MA'I SA LAS 'DOD CHAGS DANG BRAL BAR 'DOD PA DANG, SRID PA'I RTZE MOR SKYES PA'I PHYIR MI 'ONG BA RNAMS KYIS CI YANG MED PA'I SKYE MCHED MNGON DU BYAS PAR GYUR PA LAS ZAG PA ZAD PA YIN NO, ,'O NA NI MTHA' SMOS PAS DE LA SOGS PA GO'O ZHES BYA BA LA, 'DIR MTHA' NI 'DU SHES MED 'DU SHES MED MIN SKYE MCHED DO, ,DE LA SOGS PA NI DE LA SOGS PA STE, MNYAM PAR GZHAG PA NYID DU MTSUNGS PA'I PHYIR BSAM GTAN DANG PO'I BAR YIN GYI, MNYAM PAR MA BZHAG PA'I PHYIR 'DOD PA'I KHAMS NI MA YIN NO, ,DE LA SOGS PA GO BA NI DE LA SOGS PA GO BA'O, ,SRID PA'I RTZE MOR SKYES PA LTAR DE LA SOGS PAR SKYES PA RNAMS @179A *, ,KYANG BDAG NYID 'CHI BAR MI 'GYUR LA, GZHAN GYIS GSOD PAR YANG MI 'GYUR RO, ,GZHAN LAS KYANG DE LTA BU'I MTSAN NYID CAN GYIS BSTAN PA YOD DO ZHES BSTAN PA'I PHYIR, LA LAR NI MTHA' YANG DANG POS ZHES BYA BA RGYAS PAR 'BYUNG STE, 'DIR NI DANG PO NI TSANGS RIS KYI LHA DAG YIN LA, MTHA' NI TSANGS PA'I MDUN NA 'DON DAG DANG, TSANGS PA CHEN PO DAG STE, BDE BA SKYE BA DANG POS BSDUS PA'I PHYIR RO, ,LA LAR DANG PO YANG MTHAS GO STE ZHES BYA BA RGYAS PAR 'BYUNG BA LA, 'DIR MTHA' NI 'OD GSAL BA RNAMS TE, DE SMOS PAS DE'I DANG PO'I TSAD MED 'OD PA RNAMS DANG, 'OD CHUNG BA RNAMS RTOGS PAR 'GYUR TE, BDE BA SKYES PA GNYIS PAR 'DUS PA'I PHYIR RO, ,'DIR NI 'DI LTA STE ZHES BYA BA'I SGRA 'DI DPER BRJOD PA YIN PAS ZHES BYA BA LA, GCIG DPE NYID DU BRJOD NA DE'I RIGS CAN GZHAN YANG YOD NA 'DI LTA STE ZHES BYA BA'I SGRA DE YANG 'DI NA MED DO, ,'DIR 'DI LTA STE 'DU SHES MED 'DU SHES MED MIN SKYE MCHED DU NYE BAR 'GRO BA RNAMS YIN NO ZHES MA GSUNGS TE, DE'I PHYIR 'DI LTA STE, TSANGS RIS KYI LHA DAG LTA BU STE, 'DI LTA STE, 'OD GSAL GYI LHA RNAMS LTA BU ZHES BYA BA 'DI NI NYE BAR SBYAR DU MI RUNG NGO, ,GAL TE 'DI LTA STE ZHES BYA BA'I SGRA DE DPER BRJOD PA YIN NA NI, 'DI LTA STE, MI RNAMS DANG, LHA KHA CIG GO ZHES BYA BA 'DIR THOB PAR MI 'GYUR RO, ,CI'I PHYIR ZHE NA, GANG GI PHYIR, 'DI LTA STE ZHES BYA BA'I SGRA 'DI MI RNAMS DANG, LHA KHA CIG DPER GYUR PA DAG DANG DPE LAS 'BYUNG BA'I DON 'GA' YANG SBREL BAR MI BYED DE, LUS THA DAD CING 'DU SHES THA DAD PA NYID MA LUS PA DAG BSTAN PA'I PHYIR RO, ,DE LTA BAS NA 'DI NI NYE BAR BSTAN PA'I DON ZHES BYA BA LA, LUS THA DAD CING 'DU SHES THA DAD PA DE DAG ,'DI LTA STE ZHES BYA BA'I SGRA 'DIS NYE BAR BSTAN PA DE BZHIN DU 'DIR YANG MTHA' SMOS PAS DE LA SOGS PA GO'O, ,DPER NA TSANGS RIS KYI LHA LTA BU STE ZHES BYA BA DANG, 'OD GSAL GYI LHA RNAMS LTA BU STE ZHES BYA BA'I MDO'I 'DI LTA STE ZHES BYA BA'I SGRA 'DI YANG NYE BAR BSTAN PA'I DON KHO NA YIN NO, ,HA CANG THAL BAS CHOG GO ZHES BYA BA LA, SGRA GCIG DON DU MA DANG LDAN BA NYID KYIS @179B GDON MI ZA BAR 'DIR NYE BAR BSTAN BA'I DON YIN PA'I PHYIR DPE'I DON DU MI 'GYUR BA MA YIN NO ZHES PA'I THAL BA MTHONG BA YIN NO, ,SROG BSHAD ZIN TO, ,SROG DANG MTSAN NYID RNAMS DANG NI, ,ZHES DE'I MJUG THOGS SU MTSAN NYID RNAMS BSTAN PA DE'I PHYIR, MTSAN NYID RNAMS DAG NI SKYE BA DANG ZHES BYA BA RGYAS PAR SMOS SO, ,'DUS BYAS SU MNGON NO ZHES BYA BA LA, 'DI SKAD BSTAN PAR 'GYUR TE, 'DI DAG NI 'DUS BYAS KYI NGO BO GSAL BAR BYED PA YIN PA'I PHYIR 'DUS BYAS KYI MTSAN NYID DAG GO, ,BZLOG PA NI ZHES BYA BA NI GANG LA MED PA'O, ,DE LA SKYE BAS NA CHOS DE SKYED PAR BYED DO ZHES BYA BA LA, 'DIS YONGS SU GZUNG BA'I DNGOS PO RNAMS SKYE BA'I PHYIR RO, ,GNAS PAS NI GNAS PAR BYED DO ZHES BYA BA LA, SKYES LA MA 'GAGS PA 'BRAS BU 'PHEN PA LA GEGS MED PAR GNAS PAR BYED PA LA NYE BAR GYUR PA'I RGYU NI GNAS PA YIN PAS GNAS PAR BYED DO ZHES BYA BA'O, ,RGA BAS NI RGAS PAR BYED DO ZHES BYA BAS NI STOBS CHUNG BAR BYED DE, 'JIG PA LA MNGON DU PHYOGS PAR GNAS PAR BYED CES BYA BA'I DON TO, ,MI RTAG PA NYID KYIS NI 'JIG PAR BYED DO ZHES BYA BA LA, 'DU BYED 'GOG PA LA LHAN CIG SKYES PA'I RGYU KHYAD PAR DU 'PHAGS PA NI MI RTAG PA NYID DO, ,MDO LAS GSUM PO 'DI DAG NI ZHES BYA BA LA, MDO LAS NI 'DUS BYAS KYI MTSAN NYID GSUM GSUNGS SO, ,GAL TE 'DU BYAS KYI MTSAN NYID BZHI YIN NA NI DER BZHI PA YANG BRJOD PAR 'GYUR NA, GSUNGS PA YANG MA YIN LA, MDO NI TSAD MA YANG YIN TE, DE'I PHYIR 'DUS BYAS KYI MTSAN NYID NI GSUM KHO NA YIN NO, ,BZHI PA MA BSTAN PA MI SRID DO SNYAM STE 'DRI BA NI, DER GANG ZHIG MA GSUNGS ZHES BYA BA'O, ,GNAS PA NI GZHAN DU 'GYUR BA NYID KYI KHYAD PAR NYID DU NYE BAR BLANGS PAS 'DUS BYAS KYI MTSAN NYID DU NYE BAR BLANGS SO SNYAM DU BSAMS PA'O, ,GNAS PA DANG GZHAN DU 'GYUR BA NI GNAS PA DANG GZHAN DU 'GYUR BA'O SNYAM DU BSAMS NAS, 'O NA NI ZHES BYA BA RGYAS PAR SMOS SO, ,'DI NI RGA BA'I RNAM GRANGS YIN TE ZHES BYA BA LA SOGS PA LA, ,JI LTAR DNGOS PO 'BYUNG BAS SKYE BA'I RNAM GRANGS 'BYUNG BA YIN PA DANG, DNGOS PO 'JIGS BAS MI RTAG PA NYID KYI 'JIG PA YIN PA DE BZHIN DU DNGOS PO GNAS SKABS GZHAN DU BSGRUB PA'I @180A *, ,PHYIR GNAS PA GZHAN DU 'GYUR BA NYID NI RGA BA'I RNAM GRANGS YIN NO, ,MDO LAS NI YID BYUNG BA'I PHYIR CHOS GANG DAG BYA BA RGYAS PAR 'BYUNG STE, MDO LAS BSTAN PA NI DGONGS PA CAN YIN GYI, MTSAN NYID PA MA YIN LA, CHOS MNGON PA LAS 'BYUNG BA NI MTSAN NYID PA YIN GYI, DGONGS PA CAN MA YIN PAS 'GAL BA MED DO, ,YANG DUS 'PHO BAS ZHES BYA BA 'DI CI ZHIG CE NA, MA 'ONGS PAR GYUR NAS DA LTAR BAR 'GYUR BA DANG, DA LTAR BAR GYUR NAS 'DAS PAR 'GYUR BA GANG YIN PA'O, ,SKYE BAS NI 'DU BYED RNAMS ZHES BYA BA RGYAS PAR 'BYUNG BA LA, SKYE BA LA SOGS PA RNAMS LA DUS SPO BAR BYA BA LA NUS PA YOD DO ZHES BYA BAR JI LTAR RTOGS SHE NA, GAL TE DE DAG MED NA JI LTAR 'DAS PA DANG, MA 'ONGS PA 'DUS BYAS SU RTOGS, 'DUS MA BYAS KYANG RANG GI MTSAN NYID LA GNAS PA YOD PA'I PHYIR ZHES BYA BA LA, DE'I PHYIR GNAS PAS 'DUS BYAS SU MI RTOGS TE, 'KHRUL PA'I PHYIR RO, ,GNAS PA NI 'DUS BYAS DANG 'DUS MA BYAS KYI PHYOGS LA BRTEN PA'I PHYIR GDUL BA RNAMS 'DUS MA BYAS LA YANG 'DUS BYAS LTAR RAM, 'DUS BYAS LA YANG 'DUS MA BYAS LTAR RTOGS PAR 'GYUR NA NI, MI RUNG BAS THE TSOM MI ZA BAR BYA BA'I PHYIR DE MA SMOS LA, GANG DAG 'DUS BYAS MI 'KHRUL BA DE DAG NI MDO LAS 'DUS BYAS KYI MTSAN NYID DU GSUNGS SO, ,GNAS PA DANG RGA BA BSDUS TE ZHES BYA BA LA SOGS PA LA, 'DIR DGOS PA CI ZHIG YOD CE NA, DE'I PHYIR, 'DI DAG NI NANG NA CHAGS PA'I GZHI YIN PAS ZHES BYA BA RGYAS PAR SMOS SO, ,'DI DAG GI NANG NA STE, 'DU BYED KYI NANG 'DI NA STE, GNAS PA NI CHAGS PA'I GZHI STE, CHAGS PA'I GNAS YIN PAS GNAS PA DE LA MA CHAGS PAR BYA BA'I DON DU BCOM LDAN 'DAS KYIS GNAS PA DPAL DANG 'DRA BA 'DI RNA NAG MA DANG LHAN CIG TU STE, BKRA SHIS MA DANG LHAN CIG TU BSTAN TO, ,GANG GI PHYIR BKRA SHIS DANG BKRA SHIS MA MA YIN PA BZHIN DU 'DI YANG MI RTAG PA NYID DANG RJES SU 'BREL PA'I PHYIR 'DI LA CHAGS PAR MI BYA'O, ,DE LTA MA YIN NA NI GZHAN DU 'GYUR BA TZAM ZHIG GSUNGS PAR 'GYUR TE, 'DIR GNAS PA'I TSIG GIS DGONGS PA CUNG ZAD KYANG MI RNYED PA'I PHYIR RO, ,DE LTAR BSTAN NA 'DUS BYAS KYI GNAS PA @180B GZHAN DU 'GYUR BA NYID DU MNGON TE, 'DUS MA BYAS KYI GNAS PA LA NI DE MED DO, ,SKYE BA LA SOGS PA DE DAG KYANG RTZA BA'I CHOS LTAR 'DUS BYAS YIN PA'I PHYIR SKYE BA LA SOGS PA GZHAN DAG KYANG YOD PAR 'GYUR RO ZHE NA, DE DAG KYANG SKYE BA'I SKYE BA LA SOGS ZHES BYA BA RGYAS PAR 'BYUNG BA LA, KHA CIG NGES PAR GZUNG BAR BYA BA'I DON DU DE DAG LA DE DAG KHO NA YOD KYI, DE DAG LA GZHAN NI MA YIN NO ZHES KYANG GI SGRA 'DON PAR BYED DO, ,BCOM LDAN 'DAS KYIS GANG LAS MTHUN PA'I MTSAN NYID RNAMS GSUNGS SHE NA, SKYE BA LA SOGS PA RNAMS 'DUS BYAS YIN PA'I PHYIR DANG, SKYE BA'I SKYE BA LA SOGS PA RNAMS KYANG SKYE BA LA SOGS PA'I BDAG NYID YIN PA'I PHYIR, 'DUS BYAS SKYE BAR YANG MNGON ZHES BYA BA LA SOGS PAR MTSAN NYID KYI MDO DE NYID LAS GSUNGS PA MA YIN NAM, JI LTAR 'DIR MTHUN PA'I MTSAN NYID RNAMS MA BSDUS PAR 'GYUR TE, THAMS CAD LA YANG ZHES 'BYUNG BA'I PHYIR RO, ,'DUS BYAS SKYE BAR YANG MNGON LA, YANG GI SGRAS NI SKYE BA'I SKYE BAR MNGON TE, GZHAN GNYIS LA YANG DE DANG 'DRA'O, ,DE LTA MA YIN NA GSUM KA LA YANG YANG GI SGRA GSUNGS PA LA DGOS PA CUNG ZAD KYANG MED DO, ,RE RE LA YANG MTSAN NYID BZHIR 'GYUR BA MA YIN NAM; MTSAN NYID BZHI'I TSOGS NI MTSAN NYID BZHI'O, ,DE DAG LA YANG SKYE BA LA SOGS PAR THAL BAR 'GYUR BA'I PHYIR ZHES BYA BA LA, 'DUS BYAS YIN PA'I PHYIR RTZA BA'I CHOS BZHIN NO, ,YANG NA RTZA BA'I SKYE BA LA SOGS PA RNAMS LA YANG SKYE BA'I SKYE BA LA SOGS PA DAG KHAS BLANG BAR MI BYA'O ZHE NA; MI 'GYUR TE, DE CHOS BRGYAD DANG GCIG LA 'JUG CES BYA BA RGYAS PAR 'BYUNG NGO, ,'JUG PA ZHES BYA BA'I SGRA NI GNAS PA DANG BYED PA YIN PAS 'DRI BA NI, 'JUG PA ZHES PA 'DI CI ZHE NA ZHES BYA BA'O, ,PHYI MA PHYI MA BSHAD PA YIN PAR BSAMS NAS SMRAS PA NI, BYED PA STE SKYES BU'I RTZAL LO ZHES BYA BA'O, ,DE LA SKYE BA CHOS BRGYAD LA 'JUG PA NI SOR MO'I RTZE MO DANG, RAL GRI'I SO LA REG PA DANG GCOD PA LTAR RANG LA BYED PA 'GAL BA'I PHYIR BDAG NYID MA GTOGS PA CHOS GZHAN BRGYAD MA 'ONGS PA'I DUS SPO BA LA BRJOD DO, ,GNAS PA'I 'JUG PA NI SKYE BAS DA LTAR BA NYID DU DRANGS PA' @181A *, ,TSE BDAG NYID MA GTOGS PA LHAG MA GNAS PAR BYED PA STE, SKYE BA'I MTSAN NYID MED PAR NI DE DAG GNAS PAR MI 'GYUR PA'I PHYIR RO, ,RGA BA'I 'JUG PA NI GNAS PAR GYUR PA'I TSE BDAG NYID MA GTOGS PA'I NUS PA 'JOMS PAR BYED BA STE, DE LTA MA YIN NA DE DAG BYA BA BYED PA'I NUS PA MA BCOM PA'I PHYIR 'GAG PA NYID DU MI 'GYUR RO, ,MI RTAG PA NYID KYI 'JUG PA NI NUS PA NYAMS PA'I TSE BDAG NYID MA GTOGS PA 'DAS PA'I DUS SU SPO BA'O, ,SKYE BA'I SKYE BA LA SOGS PA NI CHOS GCIG LA ZHES BYA BA LA, SKYE BA'I SKYE BA NI SKYE BA KHO NA LA 'JUG GI ,GZHAN LA NI MA YIN NO, ,MI RTAG PA NYID KYI MI RTAG PA NYID KHO NA LA 'JUG PA'I BAR YANG DE DANG 'DRA'O, ,SKYE BA LA SOGS PA RNAMS DANG, SKYE BA'I SKYE BA LA SOGS PA RNAMS NUS PA THA DAD PAS CHOS BRGYAD DANG GCIG LA 'JUG PA NYID DE, YID KYI RNAM PAR SHES PA DANG, MIG GI RNAM PAR SHES PA YUL MANG BA DANG, NYUNG BA CAN NYID YIN PA BZHIN NO, ,YANG NA KHYIM BYA MO LA LA LAS NI PHRU GU MANG DU 'BRANG BAR BYED LA, LA LA LAS NI PHRU GU NYUNG BAR BYED PA DE DANG 'DRA'O, ,'JIG RTEN DANG LUNG LAS GRAGS PA'I PHYIR DPER BRJOD PA NYID NYE BAR BKOD DO, ,'DUS BYAS KYI MTSAN NYID RNAMS DNGOS PO PA MA YIN PA'I PHYIR NA, NAM MKHA' DANG 'DRA BAR BSKYOD PA ZHES BYA BA 'BYUNG STE, RNAM PAR 'BYED PA DANG 'DRA 'O SNYAM DU BSAMS PA'O, ,JI LTAR NAM MKHA' RNAM PAR DBYE BAR MI NUS PA'AM, MI RUNG BA DE BZHIN DU SKYE BA LA SOGS PA'I CHOS YOD PA MA YIN PA 'DI DAG KYANG RNAM PAR DBYE BAR MI NUS SHING MI RUNG BA YIN NO, ,JI LTAR RNAM PAR 'BYED PA LTAR ZHES BYA BA LA, JI LTAR RNAM PAR 'BYED CE NA, SKYE BAS NI BDAG NYID MA GTOGS PA CHOS GZHAN BRGYAD SKYED PAR BYED LA, SKYE BA'I SKYE BAS NI DE KHO NA SKYED PAR BYED PA STE, DE BZHIN DU GZHAN DAG LA YANG BRJOD PAR BYA'O, , CI DE DAG RNAM PA GZHAN DU RNAM PAR PHYE BA LAS RDZAS SU YOD DAM ZHE NA, SMRAS PA, MA YIN NO, ,'O NA TSIG 'DI LA NUS PA CI YOD CE NA, NUS PA 'DI YOD DE, GZHAN GYI BYA BA DANG BYED PA'I DNGOS POS RDZAS SU YOD PA DAG TU RNAM PAR PHYE NA, BYA BA DANG BYED PA'I RNAM PAR DBYE BA TZAM GYI @181B SGO NAS DE DAG RDZAS SU YOD PAR 'GYUR BA YANG MA YIN NO, ,'O NA CI ZHE NA, MNGON SUM MAM, RJES SU DPAG GAM, YID CHES BA'I LUNG LAS YIN NO, ,DE NYID KYI PHYIR TSAD MA MED PA'I PHYIR TE 'CHAD DO, ,TSIG TZAM LA DAD PAR MI 'GYUR BAS DE'I PHYIR RGYU DRIS PA NI, CI'I PHYIR ZHE NA ZHES BYA BA'O, ,TSAD MA MED PA'I PHYIR TE ZHES BYA BA RGYAS PAR 'BYUNG BA LA, JI LTAR GZUGS LA SOGS PA ZHES BYA BA NI CHOS MI MTHUN PA'I DPE YIN NO, ,DE LA RE ZHIG GZUGS YOD PA NYID LA NI TSAD MA MNGON SUM YIN NO, ,MIG YOD PA NYID LA NI MIG GI RNAM PAR SHES PA RJES SU DBAG PA YIN NO, , GZUGS DANG BA ZHES BYA BA NI LUNG NGO, ,DE BZHIN DU SGRA LA SOGS PA DAG LA YANG SBYAR BAR BYA'O, ,SKYE BA LA SOGS PA DAG NI MING LA SOGS PAS GZUNG BAR BYA BA MA YIN LA, DE DAG YOD PA NYID LA NUS PA DANG LDAN PA'I RJES SU DPAG PA YANG YOD PA MA YIN TE, RTAGS MED PA'I PHYIR RO, ,RDZAS SU YOD PA NYID LA LUNG YANG YOD PA MA YIN NO, ,CI GANG LAS BTAGS PAR YOD PA NYID DU 'GYUR BA DE DAG BTAGS PAR YOD PA NYID LA TSAD MA YOD DAM ZHE NA YOD DE, CHOS GANG DAG RDZAS SU YOD PA NYID LA TSAD MA DMIGS SHING, YOD DO ZHES BYA BAR YANG KUN DU THA SNYAD 'DOGS PA DE DAG NI BTAGS PAR YOD PA YIN TE, BUM PA LA SOGS PA BZHIN NO ZHES BYA BAR NGES SO, ,'O NA GANG MDO LAS ZHES BYA BA RGYAS PAR 'BYUNG BA LA, SKYE BA LA SOGS PA RNAMS RDZAS SU YOD PA NYID LA LUNG NI, MDO LAS 'DUS BYAS SKYE BAR YANG MNGON ZHES BYA BA LA SOGS PA GSUNGS PA YIN NO ZHE NA, LUNG 'DI YOD MOD KYI, 'DUS BYAS KYI SKYE BA LA SOGS PAS PA DAG RDZAS SU YOD DO ZHES BYA BA 'DI 'DI'I DON NI MA YIN NO, ,TSIG SHES PA NI LHA RNAMS DGA' BA YIN GYI ZHES BYA BA LA SOGS PA LA, TSIG SHES PA NI GANG DAG RIG BYED KYI TSIG TSAD MAR BYED PA DE DAG YIN TE, SANGS RGYAS KYI GSUNG NI DON GYIS RAB TU PHYE BA YIN PA'I PHYIR RO, , GANG DAG LUNG DANG, RTOGS PA DANG LDAN PA GROL BA'I BDAG NYID CAN DE DAG JI LTAR NA TSIG SHES PA YIN, BCOM LDAN 'DAS KYIS DON LA RTON PAR GSUNGS SO ZHES BYA BA NI DON LA RTON PAR BYA'I TSIG 'BRU LA NI MA YIN NO ZHES BYA'O, ,'DUS BYAS SKYE BAR YANG MNGON ZHES BYA BA LA SOGS PA GANG YIN PA @182A *, ,'DI'I DON GANG YIN ZHE NA, MA RIG PAS MDONGS PA'I BYIS PA RNAMS ZHES BYA BA LA, BYIS PA DANG 'DRA BA NI BYIS PA RNAMS TE, BYA BA DANG NGA BYA BA MA YIN PA MI SHES PA'I PHYIR NA MU STEGS CAN RNAMS SO, ,'DU BYED GZUGS DANG TSOR BA LA SOGS PA RNAMS KYI RGYUN SKYE BA GCIG GAM GNAS SKABS KYI KHYAD PAR RO, ,MI SHES PA'I GNYID KYIS BLO'I MIG ZUM PA RNAMS NI 'DU BYED KYI RGYUN BYE BRAG NGES PAR DKA' BA GCIG NYID DU LHAG PAR ZHEN CING, BDAG GI SNYAM DU SEMS KYI, MA RIG PAS BLO'I MIG NYAMS PAR BYAS PA'I PHYIR RGYU YIN NO SNYAM DU MI RTOGS SO; ,DE'I PHYIR DE LA RTAG PA DANG GCIG NYID DU 'DZIN PA SNGON DU 'GRO BA CAN GYI BDAG DANG BDAG GIR MOS PA YIN LA, DE LAS DE LA SRID PA SKYE ZHING, DE DANG MI 'BRAL BAR 'DOD PAS MNGON PAR ZHEN TE, CHAGS PA YIN NO ZHES BYA BA'I DON TO, ,DE ZHES BYA BA NI BDAG DANG BDAG GIR MOS BA STE, BZLOG PAR BYA BA'I PHYIR ZHES BYA BA NI SPANG BAR BYA BA'I PHYIR RO, ,RTEN CING 'BREL PAR 'BYUNG BA NYID KYIS NI 'DUS BYAS NYID 'CHAD PA YIN TE, 'DUS BYAS NYID BSTAN PAS BDAG DANG BDAG GIR 'DZIN PA LDOG PAR 'GYUR RO, ,'DUS BYAS NYID DE YANG SKYE BA LA SOGS PA BSTAN PA MED PAR SHES PAR MI NUS PA'O, ,DE'I PHYIR, GSUM PO 'DI DAG NI ZHES BYA BA RGYAS PAR BSHAD DO, ,YANG JI LTAR MTSAN NYID 'DI DAG RGYUN KHO NA LA BSHAD KYI, SKAD CIG LA MA YIN PAR SHES SHE NA, DE NYID KYI PHYIR, SKAD CIG MA LA NI SKYE BA LA SOGS PA MI MNGON NO ZHES BYA BA SMOS TE, SKAD CIG MA NYID NGES PAR MA ZIN PA'I PHYIR RO, ,BSDUS PAR YANG MIN TE, PHAN TSUN 'GAL BA'I PHYIR RO, ,SKAD CIG MA LA MI MNGON PA DAG NI DE'I MTSAN NYID YIN PAR 'OS PA YANG MA YIN TE, 'DIS MTSON PAR BYED PAS NA MTSAN NYID YIN NA; RANG NYID MA SHES PAS NI GZHAN MTSON PAR BYED PA MA YIN NO, ,DE NYID KYI PHYIR MDO DE LAS ZHES BYA BA RGYAS PAR 'BYUNG BA LA, GANG GI PHYIR RGYUN LA SKYE BA LA SOGS PA DAG MNGON GYI, SKAD CIG MA LA MA YIN PA DE'I PHYIR MDO LAS, 'DUS BYAS SKYE BAR YANG MNGON ZHES BYA BA RGYAS PAR 'BYUNG @182B NGO; ,GAL TE MDOR SKAD CIG LA MNGON PAR BZHED PAR 'GYUR NA NI DE'I PHYIR SKYE PA YANG 'DUS BYAS KYI MTSAN NYID YIN, 'JIG PA DANG, GNAS PA GZHAN DU 'GYUR BA YANG MTSAN NYID YIN ZHES DE SKAD GSUNGS PAR 'GYUR NA, GSUNGS PA YANG MA YIN TE, SKAD CIG LA MI MNGON PA'I PHYIR RO, ,YANG 'DUS BYAS GNYIS PA ZHES SMOS PA NI ZHES BYA BA RGYAS PAR 'BYUNG BA LA, 'DUS BYAS KYI MTSAN NYID DAG YIN NO ZHES 'DUS BYAS SMOS PA GNYIS PA NI 'DI DAG NI 'DUS BYAS KYI MTSAN NYID YIN NO ZHES BYA BAR SHES PAR BYAS PA YIN TE, 'DUS BYAS KYI MTSAN NYID DAG NI 'DUS BYAS KYI MTSAN NYID DAG YIN PA'I PHYIR RO, ,DE LTA MA YIN NA GSUM PO 'DI DAG NI 'DUS BYAS KYI MTSAN NYID DAG YIN NO ZHES BYA BA 'DI TZAM ZHIG GSUNGS BAR 'GYUR ZHING, 'DI DAG NI CHU DANG CHU SKYAR LTA BUR 'DUS BYAS KYI YOD PA NYID KYI MTSAN NYID DAG YIN NO SNYAM DU DOGS PAR 'GYUR RO, ,'DI NI CHOS MI MTHUN PA'I SGO NAS DPE YIN NO, ,JI LTAR CHU SKYAR CHU YOD PA NYID KYI MTSAN NYID YIN GYI, CHU NYID KYI MA YIN PA DE BZHIN DU 'DI DAG KYANG 'DUG BYAS KYI YOD PA NYID KYI MTSAN NYID YIN GYI, 'DUS BYAS NYID KYI NI MA YIN NO ZHES BYA BAR SHES PAR 'GYUR LA, YANG NA BU MO'I MTSAN NYID NI DGE BA DANG MI DGE BA NYID KYI YIN GYI, BU MO NYID KYI MA YIN PA DE BZHIN DU 'DIR YANG DGE BA DANG MI DGE BA NYID KYI MTSAN NYID YIN GYI, 'DUS BYAS NYID KYI NI MA YIN NO SNYAM DU SHES PAR 'GYUR RO, ,'DUS BYAS ZHES BYA BA SMOS PA GNYIS PAS NI 'DI DAG 'DUS BYAS NYID KYI MTSAN NYID YIN GYI, YOD PA NYID KYI MA YIN ZHING, DGE BA DANG MI DGE PA NYID KYI MA YIN NO ZHES BYA BAR SHES PAR BYAS PA YIN NO, ,'DUS BYAS NYID NI RGYU DANG RKYEN DAG GIS 'DUS NAS BYAS PA NYID DO, ,YOD PA MA YIN PA'I PHYIR SKYE BA LA SOGS PA RNAMS SKAD CIG MA LTAR RGYUN LA YANG RNAM PAR GZHAG PA DANG, MNGON PAR MI RUNG NGO ZHE NA, SKYE BA LA SOGS PA MED DO ZHES DE SKAD DU SUS SMRAS, JI LTAR RNAM PAR 'BYED PA DE LTAR MED DO ZHES SMRAS KYI, BDAG NYID THAMS CAD KYIS MED PAR NI MA YIN NO, ,DE LTAR NA GAL TE RGYUN GYI SKYE BA NI GANG YIN, @183A *, ,'JIG PA NI GANG YIN, GNAS PA GZHAN DU 'GYUR BA GANG YIN PA BRJOD PAR BYA'O ZHE NA, DE'I PHYIR DE LA RGYUN GYI DNGOS PO NI SKYE BA YIN NO ZHES BYA BA RGYAS PAR SMOS SO, ,YANG RGYUN ZHES BYA BA NI GANG YIN ZHE NA, RGYU DANG 'BRAS BUR GYUR PA DUS THA MI DANG CING, YUL RNAM PAR MA CHAD PA RNAMS GCIG NYID DU BRJOD CING 'DZIN PA GANG YIN PA STE, DPER NA NUR NUR PO LA SOGS PA'I GNAS SKABS DAG GI MI DANG, MYU GU LA SOGS PA'I GNAS SKABS DAG GI 'BRU BZHIN NO, ,DE NI BTAGS PA'I NYE BAR LEN PA DAG LAS GZHAN PA MA YIN ZHING, GZHAN MA YIN PA YANG MA YIN TE, RDZAS SU YOD PA NYID DU THAL BA'I PHYIR RO, ,MED PA NYID KYANG MA YIN TE, BDEN PA GNYIS KHAS BLANGS PA'I PHYIR RO, ,KUN RDZOB DANG DON DAM PA'I BDEN PA YOD PA NYID DU NI 'DOD PA YIN NO, ,RGYUN GYI DANG PO NI SKYE BA YANG YIN NO ZHES BYA BA LA, DANG PO NI SKAD CIG MA THOG MA STE, DE NAS RGYUN 'JUG PA'I PHYIR RO, ,GANG DU SKYES PA'O SNYAM DU MNGON PAR 'GYUR BA DE NI DANG PO STE, JI SKAD DU, SKYE BA GANG ZHE NA, PHUNG PO DANG, KHAMS DANG, SKYE MCHED RNAMS KYI DANG PO SKYE BA DE NI SKYE BA'O ZHES BYA BA LA SOGS PA GSUNGS PA LTA BU'O, ,LDOG PA NI 'JIG PA YIN NO ZHES BYA BA LA, RGYUN GYI ZHES BYA BAR SBYAR TE, SKAD CIG MA SNGA MA ZHIG PA DANG, SKAD CIG MA PHYI MA NYING MTSAMS MI SBYOR BA NI LDOG PA YIN TE, JI SKAD DU, 'CHI BA GANG ZHEN, SEMS CAN GYI RIS DE NAS 'CHI 'PHO ZHING 'PHO BA NYID DO ZHES BYA BA LA SOGS PA GSUNGS PA LTA BU'O, , RGYUN DE NYID RJES SU 'JUG PA NI ZHES BYA BA LA, DE RJES SU 'JUG PA YANG GANG YIN ZHE NA, RGYUN RJES SU 'JUG PA NI SKAD CIG MA SNGA MA ZHIG PA'I TSE SKAD CIG MA PHYI MA PHYI MAS BDAG NYID THOB PA'O, ,DE'I ZHES BYA BA NI GNAS PA'I SNGA PHYI STE, RGYU DANG 'BRAS BU'I BYE BRAG MI 'DRA BA NYID KYI NI GNAS PA GZHAN DU 'GYUR BA YIN NO, ,RGYUN GYI ZHES BYA BA NI THAMS CAD LA SBYAR TE, SKABS SU BAB PA YIN PA'I PHYIR RO, ,YANG NA SNGA MA LAS PHYI MA'I BYE BRAG STE, RGYU'I SKAD CIG LAS 'BRAS BU'I BYE BRAG NI ZHES BYA BA'I DON TO, ,DE LTA YIN PAS NA ZHES BYA BA NI GANG GI PHYIR RGYUN NYID @183B RJES SU 'JUG PA NI GNAS PA YIN PA'AM, SKYE BA LA SOGS PA DAG RGYUN GYI MTSAN NYID DU BSHAD KYI SKAD CIG MA'I MA YIN PAS SO, ,RIGS KYI BU DGA' BA'I TSOR BA NI RIG BZHIN DU ZHES BYA BA RGYAS PAR 'BYUNG BA LA, RIG BZHIN PA'I SKAD CIG MA NI DUS PHYI NAS GNAS MI SRID DE, SKAD CIG MA YIN PA'I PHYIR RO, ,TSER BA'I RDZAS GCIG NI SKYE BA DANG, GNAS PA DANG 'JIG PA'I DUS DAG TU SEMS GCIG GIS RIG PA YANG MA YIN LA, RANG GI BDAG NYID LA BYED PA KHAS MA BLANGS PA'I PHYIR RANG GI NGO BO RIG PA YANG YOD PA YANG MA YIN NO, ,MNGON SUM DU BYAS PAR GYUR PA LA RIG PAR KHAS LEN NA YANG DGA' BO LA GZHAN DAG PAS CI ZHIG GSUNGS PAR 'GYUR, DE'I PHYIR RGYUN KHO NA'I DBANG DU MDZAD NAS BCOM LDAN 'DAS KYIS, RIGS KYI BU DGA' BO'I TSOR BA NI RIG BZHIN DU SKYE'O ZHES PAR GSUNGS KYI, SKAD CIG LA NI MA YIN NO; ,BSHAD MA THAG PA'I DON NYID KYI TSIGS SU BCAD PA GNYIS KYIS BSTAN PAR BYA BA'I PHYIR, RGYUN GYI DANG PO SKYE BA YIN, ,ZHES BYA BA SMOS TE, THAMS CAD DON GO BAR ZAD DO, ,CHAD PA 'JIG PA ZHES BYA BA 'DIR SNGAM BZHIN NO, ,GNAS PA DE ZHES BYA BA LA, RGYUN DE NYID GNAS PA YIN NA NI, DE NYID CES BYA BA NI RGYUN DA NYID KYI'O, ,SNGA PHYI'I BYE BRAG CES BYA BA LA SNGA MA NI RGYU'O, ,PHYI MA NI 'BRAS BU STE, RGYU LAS 'BRAS BU'I RIGS MI MTHUN PA SKYE BA ZHES BYA BA'I DON TO, ,SNGON MED LAS BYUNG SKYE BA STE, ,ZHES BYA BA LA, DON NI DE NYID DU ZAD DO, ,RNAM GRANGS GZHAN GYIS BSHAD PA STE, ,SNGON MED LAS BYUNG SKYE BA STE, ,ZHES BYA BA NI MA BYUNG BA LAS BYUNG BA ZHES BYA BA'I DON TO, ,RGYUN GNAS ZHES BYA BA NI SNGA MA BZHIN NO, ,DE CHAD 'JIG PA YIN ZHES BYA BA NI RGYUN CHAD PA'O, ,SKAD CIG MA YI CHOS LA NI, ,ZHES BYA BA RGYAS PAR 'BYUNG BA LA, SKAD CIG MA'I CHOS NI GNAS PA MED PAR 'JIG PAR 'GYUR TE, DE'I PHYIR 'DI'I GNAS PA KHAS LEN PA YIN NO, ,CHOS DE YANG GNAS PA MED DU ZIN YANG 'JIG PAR 'GYUR BA NYID DE, SKAD CIG MA YIN PA'I PHYIR RO, ,DE'I PHYIR 'DI'I GNAS BA RTOGS PA DON MED DO, ,DE LTA BAS NA GNAS PA NI RGYUN KHO NA YIN NO ZHES @184A *, ,BYA BA NI GANG GI PHYIR SKAD CIG MA'I CHOS LA GNAS PA YONGS SU RTOGS PA DON MED PAR 'GYUR BAS SO, ,DE LTAR BSHAD NAS ZHES BYA BA NI GANG GI PHYIR RGYUN KHO NAS GNAS PA YIN PAS SO, ,CHOS MNGON PA LAS ZHES BYA BA RGYAS PAR 'BYUNG BA LA, SKYES PA SMOS PA NI MA SKYES PA BSAL BAR BYA BA'I PHYIR RO, ,SKAD CIG MA GCIG MI 'JIG PA YIN NO ZHE NA, GAL TE GNAS PA MED NA SKAD CIG MA GCIG PO DE YANG MED PAR 'GYUR NA NI, BSAM PA 'DI 'GYUR BA ZHIG NA, YOD PA NYID NI RGYU DANG RKYEN SNGON DU 'GRO BA CAN YIN PA'I PHYIR NA MA YIN TE, 'DI YOD MAS 'DI 'BYUNG NGO ZHES BYA BA 'BYUNG BA'I PHYIR RO, ,SKYES PA SKAD CIG MA LA NI 'JIG PA MED DE, SKAD CIG MA MA YIN PA NYID DU THAL BAR 'GYUR BA'I PHYIR RO, ,DE'I PHYIR 'DU BYED SKYES PA RNAMS LA MI 'JIG PAS RGYUN CHAGS PAR 'BREL PA'I DBANG DU MDZAD NAS GSUNGS KYI, SKAD CIG MA NI MA YIN NO ZHES BYA BAR RTOGS SO, ,GANG YANG YE SHES LA 'JUG PA LAS ZHES BYA BA RGYAS PAR 'BYUNG BA LA, DER NI GCIG LA ZHES 'BYUNG PA'I PHYIR, SEMS KYI SKAD CIG KHO NA BZHED DO SNYAM DU SEMS PA BSAL BAR BYA BA'I PHYIR NYE BAR BKOD DE, DER YANG RIS MTHUN PA'I SEMS LA RIGS KYI SEMS KYI SKAD CIG MA YIN NO SNYAM DU BSAMS PA'O, ,RIS MTHUN PA'I SEMS NI DANG POR NYING MTSAMS SBYOR BA'I SKAD CIG MA NAS, 'CHI BA'I MTHAR THUG PA SKYE BA GCIG GI BDAG NYID CAN YIN NO, ,'DIR GANG LAS SHE NA, GANG GI PHYIR 'JIG PA GANG ZHE NA, RNAM PAR 'JIG PA'O ZHES LAN BRJOD PAR BYA BA LA, 'CHI BA'O ZHES SMRAS PA DES NA, RIS MTHUN PA'I SEMS LA DGONGS PA YIN NO ZHES BYA BAR RTOGS SO, ,GANG GI PHYIR SKAD CIG MA YIN PA'I PHYIR, SKAD CIG MA GCIG GNAS PA DANG, DE GZHAN DU 'GYUR BA'I RGA BA YIN PAR MA GRUB PA DE'I PHYIR DER RIS MTHUN PA'I SEMS LA RUNG GI ,SEMS KYI SKAD CIG LA NI MA YIN NO, ,SKAD CIG RE RE LA YANG ZHES BYA BA RGYAS PAR 'BYUNG BA LA, GNAS SKABS KYI KHYAD PAR ZHES BYA BA NI DUS THA DAD PA DANG, THA MI DAD PA RNAMS LA YIN NO ZHES 'BYUNG BA'I PHYIR, SKYE BA LA @184B SOGS PA DAG NI GNAS SKABS KYI KHYAD PAR YIN NO, ,SKYE BA NI SNGAR MED PA LAS 'BYUNG ZHING BDAG NYID DU RED PA'O, ,SKYE BA NI SKYE BA PO LAS RDZAS GZHAN YIN PAR 'OS PA YANG MA YIN TE, DNGOS PO MA SKYES PA NYID DU THAL BA'I PHYIR RO, ,DE'I SKYE BA'I RGYU YIN PA'I PHYIR SKYE BA NYID DU RTAG GO ZHE NA, RKYEN THAMS CAD SKYE BA NYID DU THAL BAR 'GYUR TE, DE'I SKYE BA'I RGYU NYID DU KHYAD PAR MED PA'I PHYIR RO, ,DE'I PHYIR, SKAD CIG RE RE LA MA BYUNG BA LAS BYUNG BA NI SKYE BA YIN GYI, RDZAS GZHAN MA YIN NO, ,BDAG NYID RNYED PA'I BDAG NYID LOG PA NI 'JIG PA YIN GYI, DON GZHAN DU GYUR PA MA YIN TE, DE LDOG PA MED PAR THAL BAR 'GYUR BA'I PHYIR RO, ,DE'I PHYIR BYUNG NAS MED PA NI 'JIG PA YIN GYI RDZAS GZHAN NI MED DO, ,RGYU DANG 'BRAS BU RJES SU 'BREL PA PA NI GNAS PA YIN GYI, SKYES PA MI 'JIG PA NI MA YIN TE, SKAD CIG MA MA YIN PA NYID DU THAL BAR 'GYUR BA'I PHYIR RO, ,'DI LTAR SMRA BA PO DAG DA RUNG DU YANG MAR ME DE NYID 'JUG GO ZHES ZER BA YIN NO, ,DE'I PHYIR, SNGA MA SNGA MA DANG SKAD CIG MA PHYI MA RJES SU 'BREL PA NI GNAS PA YIN GYI, DON GZHAN DU GYUR PA NI MED DO, ,RGYU'I SKAD CIG MA LAS 'BRAS BU'I SKAD CIG MA BYE BRAG TU GYUR PA NI GNAS PA GZHAN DU GYUR PA YIN GYI, SKAD CIG MA GCIG LA NI MA YIN TE, GNAS PA GZHAN DU 'GYUR BA NYID NI GNAS PA DE SKAD CIG MA SNGA MA DANG MI 'DRA BA NYID YIN GYI, DON GZHAN DU GYUR PA NI MA YIN NO, ,'DU BYED KYI RGYUN LA BDAG TU MOS PA RNAMS KYI BDAG TU MOS PA BZLOG BAR BYA BA'I PHYIR, RGYUN DANG SKAD CIG MA DU MA'I THA DAD PAS THA DAD PA RNAMS LA BZLOG PAR BYA BA MA YIN PAR BZHED NAS, LUS SKYE BAR YANG MNGON ZHES BYA BA LA SOGS PA'I MDO 'DI BRTZAMS PA DE LTA NA YANG GANG GI TSE 'DRA BAR YANG SKYES SO, ,DE'I TSE MI 'DRA BA NYID MED PAS GNAS PA GZHAN DU 'GYUR BA NYID MED DO SNYAM DU BSAMS PA'O, ,DE DAG 'DRA BAR YANG DMIGS MOD KYI, RNAM PA THAMS CAD DU KHYAD PAR MED PA MA YIN NO, ,'DRA BAR DMIGS KYANG RNAM PA THAMS CAD DU KHYAD PAR MED PA YIN NO ZHES BYA BA 'DI CI LTAR SHES SHE NA, DE'I PHYIR, @185A *, ,RDO RJE LA SOGS PA 'PHANGS PA DANG, MA 'PHANGS BA DANG, STOBS CHEN PO DANG, STOBS CHUNG DUS 'PHANGS PA ZHES BYA BA LA SOGS PA SMOS SO, ,'PHANGS PA DANG, MA 'PHANGS PA NI 'PHANGS PA DANG, MA 'PHANGS PA DAG GO, ,STOBS CHEN POS 'PHANGS PA DANG, STOBS CHUNG DUS 'PHANGS PA NI STOBS CHEN PO DANG, STOBS CHUNG DUS 'PHANGS PA DAG STE, 'DI NI 'PHANGS PA'I DBYE BA RNAM PA GNYIS YIN NO, ,'PHANGS PA DANG, MA 'PHANGS PA DAG DANG, STOBS CHEN PO DANG, STOBS CHUNG DUS 'PHANGS PA DAG NI 'PHANGS PA DANG MA 'PHANGS PA DANG, STOBS CHEN PO DANG STOBS CHUNG DUS 'PHANGS PA'O, ,RDO RJE LA SOGS PA DE NI 'PHANGS PA DANG, MA 'PHANGS PA DANG, STOBS CHEN PO DANG, STOBS CHUNG DUS 'PHANGS PA STE, DNGOS PO GCIG DANG 'DRA BAR BYAS PA'I PHYIR RO, ,SOGS PA ZHES BYA BA'I SGRAS NI LCAGS DANG, RDO LA SOGS PA DAG BSDU'O, ,BUL BA DANG, MYUR BA DANG, CHES MYUR BAR LTUNG BA'I DUS KYI BYE BRAG LAS ZHES BYA BA LA, STOBS CHUNG DUS 'PHANGS PA NI MYUR DU LTUNG LA, STOBS CHEN POS 'PHANGS PA NI CHES MYUR BAR LTUNG NGO, ,DUS DE'I BYE BRAG NI BUL BA DANG, MYUR BA DANG, CHES MYUR BA'I DUS KYI BYE BRAG STE, BUL BA DANG, MYUR BA DANG, CHES MYUR BA'I DUS KYI BYE BRAG DE LAS SO, ,DE'I 'BYUNG BA RNAMS ZHES BYA BA NI RDO RJE LA SOGS PAR 'BYUNG BA RNAMS SO, ,YONGS SU 'GYUR BA'I BYE BRAG 'GRUB PA'I PHYIR RO ZHES BYA BA LA, BUL BA DANG, MYUR BA DANG, CHES MYUR BAR LTUNG BA'I DUS KYI BYE BRAG LAS RDO RJE LA SOGS PA'I 'BYUNG BA CHEN PO 'PHANGS PA LA SOGS PA DE RNAMS YONGS SU 'GYUR BA'I BYE BRAG 'GRUB PA YIN NO, ,JI LTAR ZHE NA, MA 'PHANGS PA LTUNG BA NA NAM MKHA' LA SKAD CIG MA RNAMS YUL THA MI DAD PA'I SKAD CIG MA GZHAN DAG GI RGYUR 'GYUR LA, CHES NYUNG BA RNAMS YUL THA DAD PA'I SKAD CIG MA GZHAN SKYE PA'I RGYUR 'GYUR RO, ,STOBS CHUNG DUS 'PHANGS NA NI HA CANG MANG BA YANG MA YIN, HA CANG NYUNG BA YANG MA YIN PA RNAMS RANG GI YUL DANG, YUL GZHAN DU SKAD CIG MA GZHAN SKYE BA'I RGYU YIN NO, ,STOBS DANG LDAN @185B PAS 'PHANGS NA NI RANG GI YUL DU CHES NYUNG BA RNAMS YUL GZHAN DU SKAD CIG MA GZHAN MANG PO DAG SKYE BA'I RGYU YIN NO, ,GANG DAG GDON MI ZA BAR RANG GI YUL DANG, YUL GZHAN DU SKAD CIG GZHAN GYI RGYU YIN PA DE DAG NI BYE BRAG KHAS BLANG BAR BYA'O, ,RDO RJE LA SOGS PA DE DAG LA JI SKAD BSHAD PA'I YONGS SU 'GYUR BA MED PAR BUL BA DANG, MYUR BA DANG, CHES MYUR BA'I DUS KYI BYE BRAG MI RUNG BA DE'I PHYIR 'DU BYED THAMS CAD LA SKYE BA BZHIN DU GZHAN DU 'GYUR BA NYID MI 'GAL LO, ,GAL TE 'DU BYED KYI KHYAD PAR RA MA, LCI BA NYID LAS BUL BA DANG, MYUR BA DANG, CHES MYUR BAR LTUNG BA'I DUS KYI BYE BRAG TU 'GYUR RO ZHE NA, DE NI MI RIGS TE, 'DU BYED BKAG ZIN PA'I PHYIR DANG, LCI BA NYID LA KHYAD PAR MED PA'I PHYIR LTUNG BA'I DUS KYI BYE BRAG MI 'THAD DO, ,GAL TE RDO RJE LA SOGS PA DAG LA YANG SNGA MA LAS SKAD CIG MA PHYI MA MI 'DRA BAR SKYE NA; KHYAD PAR DE CI'I PHYIR MI 'DZIN CE NA, DE'I PHYIR, 'DU BYED RNAMS NI BYE BRAG GI KHYAD PAR MTSAR CIG MED PAS ZHES BYA BA RGYAS PAR SMOS SO, ,'DU BYED GANG DAG KHYAD PAR TE BYE BRAG RAGS PA MED CING, PHRA BA YOD PA DE DAG NI KHYAD PAR MED PA KHON RA 'DZIN GYI KHYAD PAR DU NI MA YIN TE, PHRA BA'I PHYIR RO, ,DE'I PHYIR, DE DAG 'DRA BA ZHIG TU SNANG STE MTSO MA BZHIN NO, ,'O NA NI SGRA DANG ME LCE'I SKAD CIG MA THA MA ZHES BYA BA RGYAS PAR 'BYUNG BA LA, SKAD CIG MA PHYI MA SNGA MA LAS BYE BRAG TU GYUR PA GNAS PA BZHIN DU 'GYUR BA NYID YIN NA, RGYUN 'CHAD PA'I DUS DANG; YONGS SU MYA NGAN LAS 'DAS PA'I DUS NA, GANG GI BYE BRAG SNGA MA'I GNAS PA GZHAN DU 'GYUR BA NYID DU RNAM PAR GZHAG PA SGRA DANG ME LCE'I SKAD CIG MA DANG, SKYE MCHED DRUG GI SKAD CIG MA LAS SKAD CIG MA GZHAN MTSAMS SBYOR BA MA YIN TE, DE LTAR NA SGRA DANG ME LCE'I SKAD CIG MA THA MA DAG DANG, YONGS SU MYA NGAN LAS 'DAS PA'I TSE SKYE MCHED DRUG GI SKAD CIG MA LA GNAS BA GZHAN DU 'GYUR BA NYID MED PA'I PHYIR, MTSAN NYID RNAM PAR GZHAG PA 'DU BYED THAMS CAD LA MA KHYAB PA CAN DU 'GYUR RO, ,'DUS BYAS KYI MTSAN NYID NI ZHES BYA BA RGYAS PAR 'BYUNG BA @186A *, ,LA; 'DUS BYAS KYI MTSAN NYID KYI MDO LAS GNAS PA KHO NA MTSAN NYID DU MA BRJOD DE, 'O NA CI ZHE NA, GNAS PA GZHAN DU 'GYUR BA NYID KYANG YIN TE, GNAS PA SKAD CIG MA PHYI MA RJES SU 'BREL PA'I MTSAN NYID CAN GYI GZHAN DU 'GYUR BA NYID KYANG YIN NO, ,DE'I PHYIR SKAD CIG GANG LA GNAS PA 'BRAS BU'I MTSAN NYID CAN YIN PA DE LA NI GNAS PA DE YOD DANG GDON MI ZA BAR GNAS PA GZHAN DU 'GYUR BA MI 'DRA BA NYID KYANG YOD MOD KYI, GANG LA GNAS PA MED PA DE LA GNAS PA GZHAN DU 'GYUR BA NYID KYANG MED DE, DPER NA SGRA DANG ME LCE'I SKAD CIG MA THA MA DAG DANG, YONGS SU MYA NGAN LAS 'DAS PA'I TSE'I SKYE MCHED DRUG GI SKAD CIG MA BZHIN NO, ,DE LTAR NA GANG LA GNAS PA MED PA DE'I MTSAN NYID NI SKYE BA DANG 'JIG PA GNYIS KHO NA YIN NO ZHES BSTAN PAR 'GYUR BAS RNAM PAR GZHAG PA NYAMS PA MED DO, ,GAL TE GNAS BZHIN PA LA GZHAN DU 'GYUR BA NYID MED NA NI MTSAN NYID RNAM PAR GZHAG PA MA KHYAB PA CAN DU 'GYUR BA ZHIG GO, ,SGRA DANG ME LCE'I SKAD CIG MA THA MA RNAMS KYANG GNAS PA ZHES BYA BA RGYUN GYI KHONGS SU 'DU BA'I PHYIR LA, DE LA GZHAN DANG GZHAN DU 'GYUR BA'I YOD PA'I PHYIR MTSAN NYID GSUM CHAR YANG SRID DO ZHES BSTAN PA'I PHYIR YANG MDOR NA BCOM LDAN 'DAS KYIS NI ZHES BYA BA RGYAS PAR SMOS SO, ,JI SKAD BSHAD PA'I TSUL BZHIN DU MTSAN NYID RNAM PAR GZHAG PA BRJOD PAR BYA'O, ,DA NI JI LTAR NA MTSAN NYID KYI GZHI'I CHOS DE NYID KYI MTSAN NYID CES BYA BA RGYAS PAR 'BYUNG BA LA, CHOS KHO NA MA BYUNG BA LAS BYUNG BA DANG, BYUNG NAS YANG MI 'BYUNG BA DANG, RGYU LAS 'BRAS BU RIGS MI 'DRA BA SKYE BA ZHES BYA BA GZHAN DU 'GYUR BA NYID YIN NA MTSAN NYID KYI GZHI'I CHOS GANG YIN PA DE NI RANG GI BDAG NYID KYI MTSAN NYID YIN NO ZHES KHAS BLANGS PAR 'GYUR NA DE NI 'THAD PA YANG MA YIN TE, GZHAN GYIS GZHAN MTSON PAR BYED PA'I PHYIR TE, ME DANG DU BA BZHIN NO, ,DE'I PHYIR DNGOS PO RNAMS KYI MTSAN NYID KYI GZHI'I CHOS GANG YIN PA DE NYID DE'I MTSAN NYID DU MI RUNG NGO ZHE NA, RE ZHIG JI LTAR ZHES BYA BA RGYAS PAR 'BYUNG STE, SKYES BU CHEN PO DANG BA LANG NI TSOGS PA'I BDAG NYID YIN ZHING, SKYES BU CHEN PO'I @186B MTSAN NYID RNAMS DANG, LKOG SHAL LA SOGS PA DAG NI TSOGS PA CAN GYI RANG BZHIN YIN LA, BYE BRAG PA RNAMS KYI LTAR TSOGS PA CAN RNAMS TSOGS PA LAS GZHAN NYID KYANG MA YIN MOD KYI, 'ON KYANG GZHAN NYID MED KYANG SKYES BU CHEN PO'I SKYES BU CHEN PO NYID DANG, BA LANG GI BA LA NGA NYID KYI MTSAN NYID YIN NO, ,SKYES BU CHEN PO NI MTSAN NYID TZAM ZHIG KYANG MA YIN NO, ,GAL TE SKYES BU TSOGS PA TZAM ZHIG YIN NA NI MA BYUNG BA LAS BYUNG ZHING, BYUNG NAS KYANG MED PAR 'GYUR LA, CHOS KYANG SKYE BA 'AM 'GAGS PA NA 'KHOR DANG BCAS PA SKYE BA 'AM 'GAGS PAR 'GYUR TE, DPER NA SEMS DANG SEMS LAS BYUNG BA DANG, 'BYUNG BA DAG DANG, 'BYUNG BA LAS GYUR PA LHAN CIG SKYE ZHING 'GAG PA BZHIN NO, ,DE'I PHYIR JI LTAR SKYES BU CHEN PO'I MTSAN RNAMS SKYES BU CHEN PO'O ZHES BYA BA DAG DANG, SKYES BU CHEN PO'I MTSAN ZHES BYA BA DAG TU 'GYUR BA DE BZHIN DU 'DUS BYAS KYI CHOS KYANG 'DUS BYAS DANG, 'DUS MA BYAS KYI MTSAN NYID YIN NO ZHES BYA STE, SKYE BA LA SOGS PA'I MTSAN NYID GNAS SKABS KYI KHYAD PAR GYIS NI CHOS DE MTSON PAR BYED PA'I PHYIR RO, ,SA'I KHAMS LA SOGS PA'I MTSAN NYID SRA BA NYID LA SOGS PA ZHES BYA BA RGYAS PAR 'BYUNG BA LA, DPE 'DI NI GNYIS LA GRAGS PA YIN TE, SA'I KHAMS NI SRA BA'I MTSAN NYID CAN NO ZHES BRJOD LA, SRA BA SA'I KHAMS LAS GZHAN PA YANG MA YIN PA DE BZHIN DU GZHAN LA YANG SBYAR BAR BYA'O, ,SA'I KHAMS DE NYID SRA BAS MTSON PA NA SRA BA ZHES BYA BA YIN PA DE BZHIN DU 'DUS BYAS DE NYID MA BYUNG BA LAS BYUNG ZHING, BYUNG NAS KYANG MED PAS MTSON PA NA 'DUS BYAS KYI MTSAN NYID CES BYA STE, MTSON PAR BYA BAS NA MTSAN NYID DO, ,GZHAN YANG JI LTAR GYEN DU 'GRO BA ZHES BYA BA LA, GYEN DU 'GRO BA NI BAR CHAD MED PAR YUL GONG MAR SKYE BA'O, ,DE NI DE LAS KYANG MI GZHAN PA LTAR ZHES BYA BA LA, GYEN DU 'GRO BA DE'O, ,DE LAS KYANG ZHES BYA BA NI DU BA LAS SO, ,CHOS MNGON PA PA SKAD CIG MAR SMRA BA'I LTAR NA NI DU BA'I GYEN DU 'GRO BA GZHAN YOD PA MA YIN GYI, DE NYID GYEN LA YUL GZHAN DAG TU SKYE BA NA GYEN @187A *, ,DU 'GRO BA ZHES BYA BA 'THOB CING, DE LAS GYEN DU 'GRO BA THA DAD PA LTAR MNGON PA DE BZHIN DU SKYE BA DANG, 'JIG PA DANG, GZHAN DU 'GYUR BA NYID KYANG DE LAS THA DAD PA LTA BUR MNGON NO, ,'DIR YANG TSUL DE NYID YIN TE, ME DANG DU BA'I TSUL NI MA YIN NO, ,'DI LTAR SKYE BA LA SOGS PA DAG KYANG 'DUS BYAS LAS GZHAN MA YIN MOD KYI, 'ON KYANG 'DUS BYAS NYID KYI MTSAN NYID YIN NO ZHES BYA BAR MI 'GAL LO, ,'DUS BYAS GZUGS LA SOGS PA RNAMS NI JI SRID DU DE DAG SNGA NA MED PA LA SOGS PA DAG TU MI SHES PA DE SRID DU 'DUS BYAS NYID DU MA NGES TE, 'DI LTAR SGRA'I RANG GI NGO BO RTOGS KYANG RTAG PAR SMRA BA RNAMS KYIS SGRA 'DUS MA BYAS SU RTOGS PA YIN NO, ,JI SRID DU SNGA NA MED PA DANG, PHYIS MED PA MI SHES PA NA STE, CI ZHE NA, RANG GI NGO BO ZHES SKABS DANG SBYAR RO, ,PHYIS MED PA NI ZHIG NAS MED PA'O, ,RGYUN GYI BYE BRAG NI GZHAN DU 'GYUR BA NYID DO, ,DE LTAR NA 'DIR MTSAN NYID GSUM DAG BSHAD PAR 'GYUR TE, 'DIR GZUGS LA SOGS PA NI CHOS CAN NO, ,RGYU DANG RKYEN LA RAG LAS TE, BDAG NYID THOB PA NYID NI 'DUS BYAS NYID DO, SNGA NA MED PA DANG, ZHIG NAS MED PA DANG, GZHAN DU GYUR PA NYID DAG NI MTSAN NYID YIN TE, GNAS SKABS KYI KHYAD PAR YIN PA'I PHYIR RO, ,'DIR BSTAN BCOS MKHAN POS SLOB DPON NYID KYI SHING RTA'I GCIG PA NYID KYI PHYOGS GYI TSIG KHYAD DU BSAD NAS MTSAN NYID RNAMS BRJOD DU MED PA NYID KHAS BLANGS TE, BTAGS PAR YOD PA MTHA' DAG GI MTSAN NYID 'DI YIN TE, 'DI LTA STE, 'DI NYID DANG GZHAN NYID DU BRJOD DU MED PA NYID DO, ,DE NYID KYI PHYIR, DE LTA BAS NA DE NYID KYIS DE MTSON PA YANG MA YIN LA ZHES BYA BA SMOS SO, ,DE NYID KYI ZHES BYA BA NI 'DUS BYAS NYID KYIS SO, ,DE ZHES BYA BA NI 'DUS BYAS NYID KYIS YIN PAR MTSON PA'O, ,'O NA CI ZHE NA, SNGA NA MED BA LA SOGS PAS DE 'DUS BYAS NYID DU MTSON PAR BYED DE, DE DAG GZUGS KYI RANG BZHIN MA YIN PA'I PHYIR LA, GZUGS LA SOGS PA'I RANG BZHIN NYID YIN NA YANG DE DAG RDZAS SU YOD PA NYID DU THAL BAR 'GYUR RO, ,DE DAG LAS SKYE BA LA SOGS PA ZHES BYA BA LA SOGS @187B PA LA, GZUGS LA SOGS PA DAG LAS RDZAS GZHAN NYID DU YOD PA YANG MA YIN TE, SKYE BA LA SOGS PA RNAMS BTAGS PAR YOD PA'I PHYIR TE, DE SKAD DU YANG, RGYUN GYI DBANG PO'ANG SKYE BA YIN, ,ZHES RGYAS PAR BSHAD DO, ,CIR 'GYUR ZHES BYA BA NI LUNG NGAM RIGS PA DANG 'GAL SNYAM DU BSAMS SO, ,DE DAG NI LHAN CIG 'BYUNG BA'I PHYIR ZHES BYA BA LA, SKYE BA LA SOGS PA DAG CHOS DANG LHAN CIG 'BYUNG BA NYID DU KHAS BLANGS PA'I PHYIR BYA BA YOD PAR THAL BAR 'GYUR RO, ,DE'I PHYIR, CHOS GCIG TU ZHES BYA BA LA, CHOS DANG POR SKYE BAR 'GYUR ZHING, DE NAS GNAS PA DANG, DE NAS RGA BA DANG, DE NAS 'JIG PA NI MA YIN TE, DE'I PHYIR DE LTAR NA DUS GCIG TU SKYE BA DANG, GNAS PA DANG, ZHIG PAR 'GYUR RO, ,DE LTA MA YIN TE, BYA BA'I DUS THA DAD PA'I PHYIR RO, ,LHAN CIG 'BYUNG BA'I RGYU YIN PA'I PHYIR DUS GCIG TU SKYE BA LA SOGS PAR 'GYUR MOD KYI, 'ON KYANG DE DAG GI BYA BA'I DUS THA DAD DE, GANG GI PHYIR SKYE BA MA 'ONGS PA CHOS MA 'ONGS PA LA BYA BA BYED DO, ,'DI LTAR MA SKYES PA BSKYED DO ZHES BYA BA NI DE NYID LA RGYU SMRAS PA'O, ,GANG GI PHYIR SKYE BA'I BYA BA NI SKYED PAR BYED PA YIN GYI, SKYES ZIN PA LA YANG SKYED PAR NI MI NUS TE, DE'I PHYIR SKYE BA MA 'ONGS PA KHO NAS CHOS MA 'ONGS PA SKYED PAR BYED DO ZHES BYA BAR MI 'GAL LO, ,DA LTAR GYI GNAS SKABS SU NI BYA BA GZHAN ZHIG PAR 'GYUR RO, ,SKYES ZIN PA'I CHOS LA NI ZHES BYA BA RGYAS PAR 'BYUNG BA LA, CHOS SKYES PA NI GNAS PA DANG; RGA BA DANG, GZHIG PAR NUS KYI MA SKYES PA NI MA YIN TE, DE'I PHYIR, SKYES ZIN PA'I CHOS LA GNAS PA LA SOGS PA DA LTAR BA BYA BA BYED DO, ,DE'I PHYIR, GANG GI TSE SKYE BA ZHES BYA BA LA SOGS PA 'BYUNG NGO, ,RE ZHIG 'DIR CI ZHES BYA BA RGYAS PAR 'BYUNG BA LA MA 'ONGS PA NI RDZAS SU YOD PA MA YIN PA KHO NA STE, DE MED NA JI LTAR SKYE BA MA 'ONGS PA YOD PA MA YIN PAS BSKYED PAR BYA BA SKYED PAR 'GYUR SNYAM DU BSAMS PA'O, ,MA 'ONGS PA DE RDZAS SU YOD DU CHUG NA YANG SKYE BA BYA BA MED NA ZHES BYA BA RGYAS PAR 'BYUNG BA LA, BYA BA MA THOB PA NI MA 'ONGS PA @188A *, ,YIN PAR 'DOD LA, BYA BA BYED BZHIN PA NI DA LTAR BA'O, ,BYA BA ZHIG PA 'DAS PA YIN NO ZHES DE LTAR DUS RNAM PAR GNAS PA YIN DANG, SKYE BA BYA BA BYED NA JI LTAR MA 'ONGS PAR 'GRUB PAR 'GYUR TE, MA 'ONGS PA'I DUS NI SKYES BU'I BYED PA MED PA'I PHYIR MI 'GRUB PA NYID DO SNYAM DU BSAMS PA'O, ,GAL TE RDZAS SU YOD PA'I BYA BA BYED BZHIN PA MA 'ONGS PA YIN NA NI MA 'ONGS PA'I MTSAN NYID KYANG BRJOD PAR BYA'O, ,BYUNG BA YANG BYA BA ZHIG PA YIN NA ZHES BYA BA RGYAS PAR 'BYUNG BA LA, BYA BA ZHIG PA NI 'DAS PA YIN PAR 'DOD NA, GAL TE DA LTAR BA'I GNAS SKABS SU SKYE BA BYA BA ZHIG PA YIN NA YANG 'DAS PA YIN PAR 'GYUR GYI, DA LTAR BA NI MA YIN NO, ,GNAS PA LA SOGS PA YANG CIG CAR BYA BA LA 'JUG PA YIN NA ZHES BYA BA RGYAS PAR 'BYUNG BA LA, SKYES ZIN PA'I CHOS LA DA LTAR BA GNAS PA LA SOGS PA RNAMS BYA BA BYED PAR KHAS BLANGS PAS DE DAG CIG CAR BYA BA LA 'JUG PAR KHAS BLANGS PAR 'GYUR RO, ,DE'I PHYIR SKAD CIG MA GCIG KHO NA LA CHOS THAMS CAD DU 'GYUR RO, ,'DI GANG GI CHE ZHES BYA BA RGYAS PAR 'BYUNG BA LA, GNAS BA DANG RGA BA DANG 'JIG PA'I BYA BA DAG NI PHAN TSUN 'GAL BA'I PHYIR TE, CHOS LA GNAS PA YANG YIN LA 'JIG PA YANG YIN NO ZHES BYA BAR NI RNAM PAR GZHAG PAR MI RIGS SO, ,'DI CI DUS DER ZHES BYA BA RGYAS PAR 'BYUNG BA LA, GNAS PA LA SOGS PA RNAMS PHAN TSUN 'GAL BA'I PHYIR DA LTAR BA LA YANG BYA BA MED DO SNYAM DU BSAMS SO, ,GANG SKYE BA LA SOGS PA RNAMS KYANG ZHES BYA BA LA SOGS PA LA, JI LTAR SKYES PA MI SKYED PA DE BZHIN DU MI GNAS PA MI RGA LA, MA RGAS PAS MI 'JIG PA DE'I PHYIR, GNAS PA LA SOGS PA RNAMS KYANG BYA BA RIM GYIS BYED DO ZHES ZER BA DE'I LTAR NA SKAD CIG MA NYID LA GNOD PAR 'GYUR RO, ,SKAD CIG MA ZHES BYA BA NI DUS THAMS CAD PAS CHUNG BA YIN NA 'DIR NI GNAS PA DANG, RGA BA'I DUS DAG TU MI 'JIG PA'I PHYIR SKAD CIG MA GSUM DU GNAS PAS SKAD CIG MA NYID LA GNOD PAR 'GYUR RO, ,'ON TE 'DI SKAD DU ZHES BYA BA RGYAS PAR 'BYUNG BA LA, SKAD CIG MA NI DUS JI TZAM GYIS SKYE BA DANG, @188B GNAS BA DANG, RNAM PAR 'GYUR BA DANG, 'JIG PA RNAMS RDZOGS PAR 'GYUR BA'I DUS DE LA BRJOD KYI, SKYES MA THAG TU 'JIG PA NI MA YIN NO ZHE NA, DE LTAR NA YANG DE DAG DANG LHAN CIG 'BYUNG BA LAS ZHES BYA BA RGYAS PAR 'BYUNG BA LA, LHAN CIG 'BYUNG BA RNAMS NI RIM GYIS BYA BA BYED PAR MI RUNG STE, SNGON DANG PHYIS KHYAD PAR MED PA'I PHYIR DANG, LHAN CIG BYED PA'I RKYEN KHYAD PAR MED PA'I PHYIR RO, ,DER YANG SNGAR GNAS PAS BYA BA BYED KYI, RGA BA DANG MI RTAG PA NYID KYIS NI MA YIN NO ZHES BYA BA 'DI LA RGYU CI ZHIG YOD, GNAS PA STO BAS DANG LDAN PA'I PHYIR RO ZHES BYA BA NI RGYU SMRAS PA STE, DE NI STOBS DANG LDAN PA'I PHYIR RGA BA DANG MI RTAG PA NYID DAG GI BYA BA LA GEGS BYAS NAS RANG GI BYA BA BYED DO, ,PHYIS CI'I PHYIR STOBS DANG MI LDAN PA NYID DU 'GYUR ZHES BYA BA LA, GANG LAS 'DI CHOS DANG LHAN CIG TU MI RTAG PA NYID KYIS 'JOMS PAR 'GYUR BA GNAS PA PHYIS STOBS CHUNG BA'I RGYU NI YOD PA MA YIN NO, ,DE'I PHYIR GNAS PA LA SOGS BA RNAMS KYI BYA BA NI SKYES MA THAG TU LHAN CIG TU YOD PAR 'GYUR BA'AM, GAL TE STOBS DANG LDAN PA'I BYA BA SNGAR 'DOD NA MI RTAG PA NYID KYI BYA BA KHO NA YIN PAR 'GYUR RO, ,BYA BA BYAS PAS ZHES BYA BA RGYAS PAR 'BYUNG BA LA, 'DIS NI STOBS DANG MI LDAN PA NYID KYI RGYU SMRAS PA STE, BYA BA MA BYAS PA'I GNAS PA NI RGA BA DANG MI RTAG PA NYID DAG PAS STOBS DANG LDAN PA'I YIN GYI, BYA BA BYAS PAS NI YANG BYA BA BYED PAR MI NUS TE, SKYE BA BZHIN NO, ,DE'I PHYIR PHYIS CHOS DANG LHAN CIG TU MI RTAG PA NYID KYIS 'JIG PAR 'GYUR RO, ,SKYE BAS NI MI NUS PAR RIGS TE ZHES BYA BA 'DIS NI DPE DON DANG CHOS MI MTHUN PAR STON PAR BYED DO, ,SKYE BAS NI DA LTAR BA NYID DU KHYER TE, 'ONGS NAS YANG BKUR BAR MI NUS SO, ,DE'I PHYIR 'DIR BYA BA BYAS ZIN PA YANG BYA BA BYED PA LA NUS PA MED PA'I RIGS SO, ,GNAS PA BYA BA BYAS PA ZIN PA NYID YANG BYA BA MI BYA BA LA NI RGYU YOD PA MA YIN TE, GANG GI PHYIR GNAS PAS NI GNAS PAR BYA BA YANG GNAS PAR BYA BAR YANG NUS PA'I PHYIR RO, ,YANG NA 'DI LA GEGS BYED PA YANG GANG ZHIG YIN ZHES BYA BA LA, GAL TE BYA BA BYAS ZIN PA YANG BYA BA BYED PA GEGS BYED PA 'GA' @189A *, ,ZHIG YOD NA NI BYA BA MI BYED PAR 'GYUR BA ZHIG NA, GEGS BYED PA NI YOD PA YANG MA YIN NO, GEGS BYED PA YOD DE, RGA BA DANG MI RTAG PA DE DAG KHO NA YIN NO, ,'DI LTAR STOBS CHUNG BA'I GEGS BYED PA NI STOBS CHE BA YIN NO, ,GAL TE GNAS PA BAS STOBS DANG LDAN PA ZHIG YIN NA NI SNGON KHO NAS GNAS PA RANG GI BYA BA MI BYED PAR 'GYUR TE, DE DAG GIS GEGS BYAS PA'I PHYIR RO, ,GNAS PA SNGON STOBS DANG LDAN PA YIN LA, PHYIS STOBS DANG MI LDAN NO ZHES BYA BA 'DI YANG DAD PAR BYED PA DKA' BA ZHIG GO, ,DE LTAR NA RGA BA DANG MI RTAG PA DAG KYANG SNGAR STOBS DANG MI LDAN LA, PHYIS STOBS DANG LDAN NO ZHES BYA BAR RTOGS PAR MI NUS SO, ,GNAS PA'I BYA BA LOG NA YANG, ,ZHES BYA BA RGYAS PAR 'BYUNG BA LA, GNAS PA NI MI GNAS PA DANG 'GAL BA'I SGO NAS YIN NO, ,GNAS PA'I BYA BA ZHIG NA YANG RGA BA DANG MI RTAG PA NYID DAG KYANG MI GNAS LA, RGA BA DANG MI RTAG PA NYID DAG GANG GI YIN PA'I CHOS DE YANG MI GNAS SO, ,DE DAG NI GNAS PAS BYA BA YONGS SU BZUNG BAS GNAS PA YIN ZHING, DE ZHIG PAS DE DAG NGES PAR MI GNAS PA YIN PAS JI LTAR BDAG NYID MI GNAS PA'I RGA BA MI RTAG PA DAG GIS BYA BA BYED NUS PAR 'DOD, CHOS MI GNAS PA NI 'GAG PA NYID YIN NA DE 'GAGS NA NI DE GANG ZHIG LA BYA BA BYED PAR NUS PAR 'DOD, YANG NA RGA BA DANG MI RTAG PA NYID DE DAG GIS CI ZHIG BYA BA CUNG ZAD KYANG MED DO SNYAM DU DGONGS PA YIN NO, ,CI'I PHYIR ZHE NA, DE'I PHYIR, GNAS PA YONGS SU BZUNG BA'I PHYIR, ,ZHES BYA BA SMOS TE, GNAS PA YONGS SU BZUNG BA'I PHYIR CHOS SKYES PA TZAM DE MA ZHIG PA YIN NO, ,DE GNAS PA DES YAL BAR BTANG NA NI ZHES BYA BA LA, GNAS PAR MA BYAS PA NI NGES PAR RANG GI NGANG KHO NAS MI GNAS PA YIN NO, ,DE NYID 'DI'I 'JIG PA YIN NO ZHES BYA BA NI MI GNAS PA GANG YIN PA'O, ,RE ZHIG CHOS SKYES PA GCIG LA ZHES BYA BA RGYAS PAR 'BYUNG BA LA, SKYES PA LA MI 'JIG PA MED DO ZHES BYA BA KHAS MA BLANGS PAR BRJOD PAR BYA'O, ,GCIG LA RGA BA NI ZHES BYA BA LA SOGS PA LA, RGA BA ZHES BYA BA NI 'JIG PA DANG MTHUN PA SKYES PA'I GNAS SKABS GZHAN DU 'GYUR @189B ZHING RNAM PAR 'GYUR BA YIN NO, ,DE NYID LAS DE'I RNAM PA GZHAN DU NI RUNG BA MA YIN NO, ,GAL TE 'DI DE KHO NA YIN NA JI LTAR GZHAN DU 'GYUR BA YIN LA, GZHAN DU 'GYUR BA YIN NA JI LTAR DE KHO NA LTAR YIN TE, DE KHO NA BZHIN DANG, GZHAN DU 'GYUR BA ZHES BYA BA 'DI NI 'GAL LO, ,DE BZHIN NA NI ZHES BYA BA RGYAS PAR 'BYUNG BA LA, RNAM PA DE LTA BU DANG, DE LTA BU'I RANG BZHIN LAS MA NYAMS ZHES BYA BA'I DON TO, ,DE LTA NA NI 'O NA RGA BA MI 'GRUB PO, ,GZHAN YANG 'GYUR NA DE BZHIN NYID DE, LHA SBYIN DANG MCHOD SBYIN GNYIS BZHIN NO, ,DE LTA BAS NA DNGOS PO SKAD CIG MA GCIG LA RGA BA ZHES BYA BA MI 'THAD DE, 'O NA CI ZHE NA, RGYUN KHO NA LA 'THAD DO, ,GANG YANG SDE PA GZHAN DAG NA RE ZHES BYA PA RGYAS BAR 'BYUNG BA LA, 'JIG PA'I RGYU DANG PHRAD NAS MI RTAG PA NYID KYIS 'JIG PA'I PHYIR LA, GNAS PA NI RGYU GZHAN LA MI LTOS PAR GNAS PAR BYED PA DE'I PHYIR GNAS PA DANG MI RTAG PA NYID KYI BYA BA DUS THA DAD DO ZHES ZER RO, ,'JIG PA'I RGYU DE NYID KYIS 'JIG NA ZHES BYA BA LA, 'JIG PA'I RGYU YOD NA 'JIG PA'I PHYIR DAD DE MED NA MI 'JIG PA'I PHYIR LA, MI RTAG PA NYID KYIS NI DE YOD PA MA YIN PAS MI RTAG PA NYID DON MED PAR BRTAGS PA YIN TE, 'JIG PA'I RGYU LTAR DE LA 'JIG PAR BYA BA LA NUS PA MA MTHONG BA'I PHYIR RO, ,DE BZHIN DU LHA DANG 'KHRU BA DAG LA YANG BRJOD PAR BYA'O, ,SEMS DANG SEMS LAS BYUNG BA RNAMS SKAD CIG MA NYID DU KHAS BLANGS PAS DE DAG GI MI RTAG PA NYID CES BYA BA LA, SEMS DANG SEMS LAS BYUNG BA DAG GI MI RTAG PA NYID 'JIG PA'I RGYU LA MI LTOS PA'I PHYIR NA, RANG NYID 'JIG PA'I PHYIR 'JIG PA YIN NO, ,DE LTA MA YIN NA DE DAG SKAD CIG MA NYID YIN PA LA GNOD PAR 'GYUR RO, ,DE'I PHYIR GNAS PA DANG MI RTAG PA DAG DUS THA MI DAD PAR BYA BA BYED PAR THAL BAR 'GYUR BAS, SEMS DANG SEMS LAS BYUNG BA RNAMS DUS GCIG TU GNAS PA DANG, 'JIG PA NYID DU THAL BAR 'GYUR RO, ,DE LTA BAS NA RGYUN LA 'DUS BYAS KYI MTSAN NYID 'DI DAG CES BYA BA LA SOGS PA 'BYUNG NGO, ,DE LTA NA MDO SDE 'DI ZHES BYA BA LA, GSUM PO 'DI DAG NI 'DUS BYAS KYI MTSAN NYID DE ZHES RGYAS BAR GANG GSUNGS @190A *, ,PA LEGS PAR DRANGS PAR 'GYUR RO, ,SKYE BA LA SOGS PA RNAMS RGYUN LA 'GAL BA MED PA'I PHYIR 'DUS BYAS KYI MTSAN NYID 'DI DAG RGYUN LA BSHAD PA DE LTAR NA LEGS PAR DRANGS PAR 'GYUR GYI, SKAD CIG GI DBANG DU BYAS NAS BSHAD NA NI MA YIN TE, JI SKAD DU BSHAD PA'I TSUL DANG 'GAL BA'I PHYIR RO, ,GZHAN YANG GAL TE MA 'ONGS PA'I SKYE BA ZHES BYA BA RGYAS PAR 'BYUNG BA NI THAMS CAD SKYE BA DANG LDAN PA'I PHYIR DANG, MA 'ONGS PA'I SKYE BA SKYED PAR BYED PA NYID DU KHAS BLANGS PA'I PHYIR 'DRI BA'O, ,RGYU DANG RKYEN DAG MED PAR NI ZHES BYA BA LA, RGYU DANG RKYEN LA MI LTOS PAR SKYE BA BSKYED PAR BYA BA'I SKYED PAR BYED PAR MI 'DOD LA, MA 'ONGS PA THAMS CAD LA YANG RGYU DANG RKYEN GYI TSOGS PA CIG CAR YOD PA MA YIN ZHING, GANG YANG RUNG BA ZHIG MED PAR YANG 'BRAS BU SKYE BAR MI 'GYUR BAS, MA 'ONGS PA THAMS CAD CIG CAR SKYE BA MA YIN NO, ,SKYE BA NI GDON MI ZA BAR RANG GI SDE DANG RIGS MTHUN PA'I RGYUR SNGAR SKYES PA DANG, PHYI ROL GYI RKYEN GYI TSOGS LA LTOS PA YIN TE, DPER NA MYU GU'I SKYE BA SA BON DANG, ZHING LA SOGS PA RNAMS LA LTOS PA BZHIN NO, ,'O NA NI TSOGS PA ZHES BYA BA RGYAS PAR 'BYUNG BA LA, BSKYED PAR BYA BA NI RGYU DANG RKYEN RNAMS KYI TSOGS PA YOD NA NI 'BYUNG LA, MED NA MI 'BYUNG BAS RGYU DANG RKYEN KHO NA'I MTHU YIN PAR NGES PAR GZUNG GI ,SKYE BA NI MA YIN NO, ,CI ZHE NA, MTHU YIN PAR BLTA BAR MI BYA'O ZHES BYA BA'I SKABS YIN TE, DE YOD KYANG 'BRAS BU SKYE BA MED PA'I PHYIR RO, ,CHOS KYI RANG BZHIN PHRA MO DAG YOD BZHIN DU YANG ZHES BYA BA LA, DPER NA SEMS LAS BYUNG BA REG PA LA SOGS PA BZHIN NO, ,CHOS KYI RANG BZHI NA ZHES BYA BA NI CHOS KYI NGO BO NYID DO, ,YONGS SU GCAD PAR DKA' BA'I PHYIR NA PHRA MO DAG STE, CHOS NI MI SNANG YANG BYA BA'I SGO NAS NGES NA, SKYE BA'I BYA BA NYID MA NGES SO, ,REG PA'I BYA BA NI TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO GANG YIN PA DE THAMS CAD NI REG PA LA BRTEN NAS ZHES BCOM LDAN 'DAS NYID KYIS GSUNGS SO, ,DE NI BYA BA GZHAN BSTAN PA'I PHYIR, SKYE BA ZHIG MED NA ZHES BYA BA LA SOGS PA SMRAS SO, ,CI'I @190B PHYIR ZHE NA, 'DI LTAR GZUGS LA GZUGS SO ZHES SNYAM PA'I SHES PA NI RANG GI MTSAN NYID LA LTOS PA YIN NA, SKYES ZHES BYA BA'I SHES PA NI RANG GI MTSAN NYID LA LTOS PA YIN PAR MI 'OS TE, TSOR BA LA SOGS PA DAG LA YANG 'BYUNG BA'I PHYIR RO, ,DE'I PHYIR GZUGS LA SOGS PA GZUGS SKYES SO, ,TSOR BA SKYES SO ZHES BYA BA LA SOGS PAR GANG GI RGYU CAN GYI SHES PA DE DAG 'BYUNG BA'I SKYE BA NI DON GZHAN DU GYUR PA NYID YIN PAS SKYE BA LA SOGS PA RNAMS YOD DO ZHES BYA BAR RTOGS PAR BYA'O, ,DRUG PA'I TSIG TU YANG MI 'GYUR TE ZHES BYA BA LA, GZUGS KYI SKYE BA ZHES BYA BA DRUG PA 'DI NI 'BREL BA'I RGYU CAN YIN LA, 'BREL PA YANG LHA SBYIN GYI ZHANG PO ZHES BYA BA LTAR GZHAN DANG GZHAN DU YIN GYI, DE NYID DANG, DE NYID MA YIN PAS, GZUGS KYI GZUGS ZHES DRUG PAS BSTAN PAR BYA BA MA YIN PA DE BZHIN DU GZUGS KYI SKYE BA ZHES BYA BAR YANG MI 'GYUR RO; ,DE'I PHYIR DRUG PAS BSTAN PA 'DI NI 'BREL PA'I RGYU CAN YIN NO ZHES BYA BAR RTOGS PA YIN NO, ,DE BZHIN DU MI RTAG PA NYID KYI BAR DU ZHES BYA BA LA, GNAS PA LA SOGS PA DAG MED NA GNAS SO, ,RGAS SO, ,ZHIG GO ZHES BYA BA DANG, GZUGS KYI GNAS PA DANG MI RTAG PA NYID CES BYA BA'I BAR GYI DRUG PA'I TSIG TU YANG MI 'GYUR RO, ,'O NA NI DES NA ZHES BYA BA LA, GAL TE SKYES SO, ,GNAS SO ZHES BYA BA'I SHES PA RAB TU BSGRUB PAR BYA BA'I PHYIR, SKYE BA LA SOGS PA DON GZHAN DU GYUR PA DAG 'DOD NA, 'O NA NI DES NA BDAG MED PA'I BLO DANG, GZUGS KYI BDAG MED PA NYID CES DRUG PA'I TSIG 'GRUB PAR BYA BA'I PHYIR, BDAG MED PA NYID CIG KYANG 'DOD PAR BYA STE, BDAG MED BA'I BLO YANG SKYE BA LA SOGS PA'I BLO LTAR GZUGS DANG, TSOR BA LA SOGS PA'I RANG GI NGO BO'I RGYU CAN NI MA YIN TE, THAMS CAD MTSUNGS PAR 'BYUNG BA'I PHYIR RO; ,DE BZHIN DU BSTAN DU YOD PA DANG, THOGS PA DANG BCAS PA DAG LA YANG BRJOD PAR BYA'O, ,MU STEGS BYED KYIS YONGS SU BRTAGS PA ZHES BA NI BYE BRAG PAS YONGS SU BRTAGS PA'O, ,YOD PA LA SOGS PA ZHES BYA BA LA, SOGS PA ZHES BYA BA'I SGRA NI RDZAS NYID DANG, @191A *, ,GZUGS NYID DANG, BUM PA NYID LA SOGS PA DAG SPREL LO, ,GZUGS GCIG GZUGS GNYIS GZUGS MANG PO SNYAM PA'I SHES PA 'GRUB PAR BYA BA'I PHYIR GCIG LA SOGS PA'I GRANGS KHAS BLANG BAR BYA DGOS SO, ,GZUGS CHUNG NGO, ,GZUGS CHE'O SNYAM PA'I SHES PA 'GRUB BAR BYA BA'I PHYIR TSAD CHUNG NGU DANG, TSAD CHEN PO YANG KHAS BLANG BAR BYA'O, ,DE BZHIN DU THA DAD PA LDAN PA DANG, RNAM PAR DBYE BA DANG, GZHAN DANG, GZHAN MA YIN PA'I SHES PA RAB TU BSGRUB PAR BYA BA'I PHYIR THA DAD PA NYID DANG LDAN PA DANG, RNAM PAR DBYE BA DANG, GZHAN NYID DANG, GZHAN NYID MA YIN PA NYID DAG KYANG KHAS BLANG BAR BYA DGOS SO, ,YOD PA LA SOGS PA'I BLO 'GRUB PAR BYA BA'I PHYIR ZHES BYA BA'I SOGS PA'I SGRAS NI RDZAS DANG, BUM PA DANG SGRA LA SOGS PA'I BLO BSDU STE, DE DAG BSGRUB PAR BYA BA'I PHYIR YOD PA DANG, RDZAS DANG, BUM PA NYID DANG, GZUGS NYID LA SOGS PA SPYI DANG BYE BRAG DAG KYANG KHAS BLANG BAR BYA'O, ,GZUGS KYI LDAN PA ZHES BYA BA LA, 'DIR LDAN PA ZHES BYA BA NI DPER BRJOD PA STE, GZUGS KYI RNAM PAR DBYE BA DANG, GZUGS KYI GCIG NYID CES BYA BA LA SOGS PA GZHAN LA YANG BRJOD PAR BYA'O, ,GZUGS KYI RANG BZHIN ZHES BYA BA'I DRUG PA 'DI YANG JI LTAR BRTAG ,GANG GI PHYIR RANG BZHIN GZUGS LAS GZHAN YOD PA NI MA YIN NO, ,DE'I PHYIR GDON MI ZA BAR 'DI LTAR BRTAG PAR BYA STE, TSOR BA LA SOGS PA DAG LA YANG YOD PA'I PHYIR RANG BZHIN NI RNAM PA MANG DU YOD DE BYE BRAG TU BYA BA'I PHYIR, GZUGS KYI RANG BZHIN ZHES DRUG PAR MDZAD DE, CI NAS KYANG GZUGS ZHES BYA BA KHO NA RANG BZHIN DU SHES PAR BYA'I, GZHAN NI SHES PAR MI 'GYUR BAR BYA BA YIN NO, ,DE LTA BSAN SKYE BA ZHES BYA BA 'DI NI MA BYUNG BA LAS BYUNG BAR SHES PAR BYA BA'I DON DU, SKYA BA LA LTOS PA MED PAR BTAGS PA TZAM MDZAD PA YIN TE, DPER NA GRANGS LA SOGS PA DAG MED KYANG ZLA BO MED PAR SHES PAR BYA BA'I PHYIR, GCIG CES BTAGS PA TZAM DANG, CHUNG NGU SHES PAR BYA BA'I PHYIR CHUNG NGU DANG, YUL 'DAB CHAGS PAR SKYE BAR SHES PAR BYA BA'I PHYIR @191B LDAN BZHES BYA BA DANG, YUL THA DAD PAR SKYES PA SHES PAR BYA BA'I PHYIR RNAM PAR DBYE BA ZHES BYA BA DE LTA BU LA SOGS PA BYED PA BZHIN NO, ,RNAM PA MANG DU YOD PAS ZHES BYA BA RNAM PA MANG PO YOD PA STE, GZUGS DANG, TSOR BA LA SOGS PA RNAM BA THA DAD PA'I PHYIR RO, ,SKYE BA ZHES BYA BA HA CANG THAL BA YIN DANG, BYE BRAG TU BYA BA'I PHYIR GZUGS KYI SKYE BA ZHES DRUG PAR MDZAD PA YIN TE, DPAR NA HA CANG THAL BA YIN DANG, RANG BZHIN GZHAN RNAM PAR GCAD PAR BYA BA'I PHYIR GZUGS KYI RANG BZHIN ZHES DRUG PA BYED PA YIN NO, ,'DI NYID SHES PAR BYA BA'I PHYIR, CI NAS KYANG GZUGS ZHES BYA BA KHO NA SKYE BAR SHES PAR BYA'I ZHES RGYAS PAR SMOS SO, ,DPER NA TZAN NGAN GYI ZHES BYA BA LA SOGS PA LAS, DRI LA SOGS PA DAG LAS TZAN NGAN GZHAN MED MOD KYI, DRI LA SOGS PA NI TZAN NGAN GYI BDAG NYID MA YIN PA DAG KYANG GUR KUM LA SOGS PA DAG LA YOD PA DE'I PHYIR, DE RNAM PAR GCAD PAR BYA BA'I PHYIR, TZAN DAN GYI ZHES DRUG PA BYED PA YIN NO, ,MCHI GU'I LUS ZHES BYA BA LA, GZUGS LA SOGS PA TSOGS PA'I BDAG NYID CAN MCHI GU'I LUS LAS LUS GZHAN MED MOD KYI, STAG LA SOGS PA'I LUS LAS KHYAD PAR DU BYA BA'I PHYIR MCHI GU'I LUS ZHES DRUG PA BYED PA YIN NO, ,DE BZHIN DU GNAS PA LA SOGS PA YANG CI RIGS PAR RIG PAR BYA'O ZHES BYA BA LA, GNAS PA ZHES BYA BA NI RGYUN GYI MING STE, DE YANG RNAM PA MANG DU YOD PAS DE'I BYE BRAG TU BYA BA'I PHYIR LUS KYI GNAS PA ZHES DRUG PAR MDZAD DE, DE LTAR LUS KHO NA'I RGYUN SHES PAR BYA'I, GZHAN GYIS NI SHES PAR MI 'GYUR BAR SHES PAR BYA BA YIN NO, ,RGAS PA ZHES BYA BA NI RGYUN GYI SNGA PHYI'I KHYAD PAR LA BRJOD LA, SNGA PHYI'I KHYAD PAR RGYUN DE YANG RNAM PA DU MA YOD PAS ZHES GONG MA BZHIN DU RGYAS PAR BRJOD PAR BYA'O, ,GAL TE SKYE BA MED PAR SKYE BA NA ZHES BYA BA RGYAS PAR 'BYUNG BA LA, 'DI SKAD SMRAS PAR 'GYUR TE, SKYE BA NI 'DU BYED RNAMS KYI SKYE BA'I RGYU LHAN CIG SKYES PA YIN LA, RGYU DANG RKYEN LHAG MA RNAMS NI DE'I LHAN CIG BYED PA YIN TE, DE'I PHYIR GANG LA SKYE BA DE LA DE BSKYED PAR BYA BA'I PHYIR RGYU DANG, RKYEN GZHAN DAG KYANG BYED PAR NUS NA, 'DUS MA BYAS PA NI SKYE BA @192A *, ,MED PA STE, DE'I PHYIR DE LA DE LAS GZHAN RKYEN RNAMS KYI BYED PA RDUGS PAS DE MI SKYE BA YIN NO, ,SKYE SA PA ZHES BYA BA NI MA BYUNG BA LAS BYUNG BA LA BRJOD NA, MA BYUNG BA LAS BYUNG BA YANG 'DUS BYAS KHO NA LA RIGS TE, SKYE BA'I SNGA ROL NA MED PA'I PHYIR RO, ,'DUS MA BYAS NI RTAG TU YOD PA YIN TE, DE NA DE MA BYUNG BA LAS BYUNG BA MA YIN PAS MI SKYE PA YIN GYI, SKYE BA MED PA NI MA YIN NO, ,YANG JI LTAR CHOS NYID KYIS ZHES BYA BA CHOS NYID NI CHOS RNAMS KYI RANG BZHIN DANG NGO BO'O, ,'DUS BYAS KHO NA SKYE BA DANG LDAN PAR 'DOD KYI, 'DUS MA BYAS NI MA YIN PA GANG YIN PA 'DI LA CHOS NYID LAS MA GTOGS PA'I RGYU CUNG ZAD KYANG YOD PA MA YIN NO, ,CHOS NYID RANG BZHIN YIN NO ZHES BYA BA 'DI GANG LAS SHE NA, BSHAD PA, MDO LAS BYUNG BA'I PHYIR TE, MDO LAS, RAB 'BYOR MIG NI STONG PA STE, RTAG PA DANG, BRTAN PA DANG, THER ZUG PA DANG, MI 'GYUR BA'I CHOS CAN BDAG DANG; BDAG GIS STONG PA'O, ,DE CI'I PHYIR ZHE NA, 'DI NI DE'I RANG BZHIN YIN PA'I PHYIR RO ZHES GSUNGS TE, DE LTAR SKYE BA MED KYANG CHOS NYID KYIS THAMS CAD MI SKYE'O ZHES BYA BAR 'DOD PAR BYA'O, ,YANG JI LTAR SKYE BA DANG LDAN PAR MTSUNGS PA LAS ZHES BYA BA NI GZUGS DANG, TSOR BA LA SOGS BA RNAMS SO, ,DE LAS GZHAN PA'I RKYEN RNAMS KYIS ZHES BYA BA LA, DE DAG LAS GZHAN PA'I RKYEN RNAMS NI GZUGS BSKYED PA'I RKYEN DAG LAS GZHAN PA STE, TSOR BA LA SOGS PA'I BSKYED PA'I RKYEN RNAMS SO, ,DE DAG LAS GZHAN PA ZHES BYA BA RGYAS PAR 'BYUNG BA LA, TSOR BA LA SOGS BA DE DAG LAS GZHAN PA'O, ,DE YANG GANG ZHIG CEN, GZUGS TE, TSOR BA LA SOGS PA RKYEN RNAMS KYIS DE DAG LAS GZHAN PA DE SKYED PAR NUS PA MA YIN PA DE BZHIN DU SKYE BA MED KYANG, GZUGS DANG TSOR BA LA SOGS PA'I RKYEN THAMS CAD KYIS KYANG NAM MKHA' LA SOGS PA 'DUS MA BYAS BSKYED PAR MI NUS PAR 'GYUR RO, ,SNGAR NI RANG BZHIN NGES PA'I SGO NAS BSHAD PA YIN LA, DA LTA NI NUS PA NGES PA'I SGO NAS YIN NO, ,BYE BRAG TU SMRA BA RNAMS NA RE ZHES BYA BA LA SOGS PA LA, GANG LAS SHE NA, LUNG LAS TE, JI SKAD DU, DGE SLONG KHYOD NI SKAD CIG SKAD CIG LA SKYE BA YANG YIN, RGAB YANG @192B YIN; 'CHI BA YANG YIN ZHES GSUNGS PA LTA BU'O, ,'DI NI BSTAN BCOS MKHAN POS KYANG GZHAN LA SA, GAL TE SKAD CIG RE RER LUS, ,GZHAN DU 'GYUR BA MA YIN NO, ,PHYI ROL KHYAD PAR MED PAR PHYIS, ,JI LTAR KHYAD PAR 'DZIN PAR 'GYUR, ,ZHES BYA BA LA SOGS PA BSHAD DO, ,DE'I PHYIR SKYE BA LA SOGS PA MTSAN NYID RNAMS SKAD CIG SKAD CIG LA YOD PA YIN NO, ,YANG RI DAGS YOD CES TE ZHES BYA BA LA SOGS PA LA, GANG GI PHYIR SUN 'BYIN PAR BYED PA LA LTOS NAS GRUB PA'I MTHA' 'DOR BA YIN TE, JI LTAR RI DAGS YOD CES TE; NAS MI RMO BA MA YIN GYI, DGAG PA GNYIS KYI SA RNAL MA'I DON GO BAS RMO BA NYID YIN PA DANG, JI LTAR SBRANG BU YOD CES TE, LA DU MI BZA' BA MA YIN GYI, 'O NA CI ZHE NA, BZA' BA KHO NA YIN PA DE BZHIN DU SU NA 'BYIN PAR BYED PA DAG YOD CES TE, LUNG DU DOR DU MI RUNG STE, CHOS MNGON PA'I BSTAN BCOS DOR DU MI RUNG NGO, ,DE BAS NA SKYON RNAMS LA YANG LAN GDAB PAR BYA BA LA ZHES BYA BA LA, GRU BA PA'I MTHA' DANG 'GAL BAR BSGRUB PA RNAMS LA LAN BSAM PAR 'BAD PAR BYA LA, GRUB PA'I MTHA'I RJES SU 'BRANG BAR YANG BYA'O ZHES ZER RO, ,MTSAN NYID RNAMS BSHAD ZIN TO ZHES BYA BA LA, JI LTAR BSHAD CE NA, MTSAN NYID DAG NI SKYE BA DANG, RGA BA DANG, GNAS PA DANG, MI RTAG NYID CES BYA BA DE SKAD DU BSHAD DO, ,MING GI TSOGS LA SOGS PA NI ZHES BYA BA LA SOGS PA LA, MING GI TSOGS NI MING GI TSOGS SO, , TSIG GI TSOGS NI NGAG GI TSOGS SO, ,YI GE'I TSOGS NI YI GE'I TSOGS SO, ,DE LA MING BYED PA NI MING STE ZHES BYA BA LA, MING BYED PA NI MING BYED PA STE, GANG GI MING BYED PA'O, ,MTSAN ZHES BYA BA NI RNAM GRANGS DAG GO, ,JI LTAR 'JIG RTEN SMRA BA PO DAG LHA SBYIN ZHES BYA BA 'DI'I MIR BYED PA'O ZHES ZER BA YIN NO, ,MING BYED PA DE YANG GZUGS SGRA ZHES BYA BA LA SOGS PA'O, ,NGAG NI TSIG STE ZHES BYA BA LA, 'DIS GO BAR BYED CING KHONG DU CHUD PAR BYED PAS NA TSIG STE, DE LA RA BA MED PA'I PHYIR RO, ,DE NYID KYI PHYIR, JI TZAM GYIS DON YONGS SU RDZOGS PA STE ZHES BYA BA SMOS SO, ,DPER NA, @193A *, ,KYE MA 'DU BYED RNAMS MI RTAG ,CES BYA BA DE LTA BU LA SOGS BA ZHES BYA BA LA, KYE MA 'DU BYED RNAMS MI RTAG ,CES BYA BA NI DAM BCA' BA'O, ,SKYE ZHING 'GAG PA'I CHOS CAN YIN, ,ZHES BYA BA NI GTAN TSIGS SO, ,DANG PO'I MTHA' CAN YIN YANG GTAN TSIGS SU 'GYUR TE, DPER NA, YUL 'KHOR SRUNG GI BU LA DGA', ,ZHES BYA BA LTA BU STE, BU LA DGA' BA'I PHYIR RO ZHES BYA BA'I DON TO, ,SKYE BA 'JIG PAR 'GYUR BA STE, ,ZHES BYA BA NI DPE STE, GANG DAG SKYE BA DE DAG NI 'JIG PAR 'GYUR TE, DPER NA BUM PA LA SOGS PA RNAMS BZHIN NO, ,'DU BYED RNAMS KYANG DE DANG 'DRA'O, ,DE DAG NYE BAR ZHI BA BDE, ,ZHES BYA BA NI TSAD MA'I 'BRAS BU'O, ,GANG GIS BYA BA DANG, YON TAN DANG, DUS KYI 'BREL PA'I KHYAD PAR RTOGS PAR 'GYUR BA'O ZHES BYA BA NI SUB DANG TING GI MTHA' CAN NI TSIG MA YIN PA'O, ,DE LA BYA BA DANG 'BREL PA'I KHYAD PAR STON PAR BYED PA NI 'CHAD DO, ,'DON TO, ,'GRO'O ZHES BYA BA'O, ,DKAR PO'O, ,NAG PO'O ZHES BYA BA NI YON TAN GYI 'BREL PA'I KHYAD PAR STON PAR BYED PA'O, ,DUS KYI 'BREL PA'I KHYAD PAR STON PAR BYED PA NI 'TSED DO, ,'TSED PAR 'GYUR RO, ,BTZOS SO ZHES BYA BA'O, ,JI TZAM GYIS DON YONGS SU RDZOGS PA STE ZHES BYA BA 'BYUNG BA'I PHYIR RO, ,YI GE NI YI GE STE ZHES BYA BA LA, 'DIR RAM 'DIS MING DANG TSIG GSAL BAR 'GYUR BAS NA YI GE'O, ,DPER NA AA A'A ZHES BYA BA LA SOGS PA LTA BU'O ZHES BYA BA NI DPER BRJOD PA'O, ,DE DAG GIS DER YI GE KA LA SOGS PA'I MING SKYED PAR BYED PA'I PHYIR DANG, DE DAG THOS PA LAS BRDAS RTOGS PA'I PHYIR YI GE RNAMS KYANG YIG 'BRU'I YAN LAG DAG GI MING MA YIN NAM, DE'I PHYIR YI GE'I MING LAS THA DAD PAR BRJOD PAR MI BYA'O ZHE NA, YIG 'BRU'I YAN LAG RNAMS GO BAR BYA PA'I PHYIR NI ZHES BYA BA RGYAS PAR 'BYUNG BA LA, JI LTAR LHA SBYIN LA SOGS PA'I GONG BU GO BAR BYA BA'I PHYIR LHA SBYIN ZHES MING BYAS PAS DE BZHIN DU YI GE RNAMS GO BAR BYA BA'I PHYIR YIG 'BRU'I YAN LAG RNAMS BYAS PA YIN NO, ,YI GE RNAMS ZHES BYA BA LA SOGS PA LA, YI GE LDAN PA MA YIN PA RNAMS @193B GO BAR BYA BA'I PHYIR YIG 'BRU'I YAN LAG RNAMS BYAS PA YIN TE, DE GO BAR BYED PA'I NGO BOR BRDAR BTAGS PA'I PHYIR, JI LTAR YI GE MI THOS PA BRIS PAS GO BAR 'GYUR ZHES BYA BAR TE, BRDAS RTOGS PA'I PHYIR RO, ,DE'I PHYIR YI GE RNAMS NI YIG 'BRU'I YAN LAG DE DAG GI MING MA YIN NO, ,DE'I PHYIR YI GE NI MING LAS GZHAN YIN NO, ,MANG PO'I DON GANG YIN PA'O ZHES BYA BA NI TSOGS ZHES BYA BA SHES PAR BYA'O, ,DE LA MING GI TSOGS NI ZHES BYA BA RGYAS PAR 'BYUNG BA LA, SNGAR DPER NA GZUGS SGRA ZHES BYA BA DE LTA BU LA SOGS PA LTA BU'O ZHES GANG BA SHAD PA DE NI MING GI RANG GI NGO BO BSTAN PAR BYA BA'I PHYIR YIN LA, 'DIR DPER NA, GZUGS SGRA DRI RO REG BYA DAG ,CES BYA BA STE, DE LTA BU LA SOGS BA'O ZHES GANG BSHAD PA DE NI MING GI TSOGS BSTAN PAR BYA BA'I DON DU'O, ,DE BZHIN DU SNGAR NI RANG GI TSIG GI NGO BO BSTAN BAR BYA BA'I PHYIR BSHAD LA, 'DIR NI TSIG GI TSOGS BSTAN PAR BYA'I PHYIR YANG BSHAD DO, ,DE BZHIN DU YI GE DAG LA YANG BRJOD PAR BYA'O, ,DE DAG KYANG NGAG GI RANG BZHIN YIN PA'I PHYIR ZHES BYA BA RGYAS PAR 'BYUNG BA LA, BRJOD PAR 'DOD PA SNGON DU 'GRO BA MGRIN PA DANG, RKAN DANG MCHU DANG, SO DANG, LCE PHRANG PA LAS YI GE AA LA SOGS PA'I NGO BOR GYUR PA'I SGRA LA NGAG CES BYA BA LA, NGAG LAS THA DAD PAR MING GI TSIGS LA SOGS PA DAG RANG GI NGO BO 'AM 'BRAS BU'I SGO NAS 'DZIN PA YANG MA YIN NO, ,DE'I PHYIR DE DAG NGAG GI RANG BZHIN KHO NA YIN LA, NGAG GI RANG BZHIN YIN PA'I PHYIR SGRA'I BDAG NYID YIN PAS GZUGS KYI RANG BZHIN DU 'GYUR TE, SGRA NI GZUGS KYI PHUNG POS BSDUS PA'I PHYIR RO, ,DES NA CI'I PHYIR SEMS DANG LDAN PA YIN PA RNAMS ZHES BYA STE, DE DAG RNA BA'I DBANG POS GZUNG BAR YOD BZHIN DU YANG ZHES BYA BAR BSAMS PA'O, ,DE DAG NI NGAG GI RANG BZHIN MA YIN TE ZHES BYA BA NI SGRA'I BDAG NYID MA YIN PA'O, ,DE NYID LA RGYU SMRAS PA NI NGAG GI SGRA YIN NA ZHES BYA BA RGYAS PAR 'BYUNG BA'O, ,COM ZHES BYA BA'I SGRA NI MING DANG, TSIG DANG, YI GE RNAM PAR GCAD PAR BYA BA'I PHYIR RO, ,SGRA NI BRGYAD NAS MING DANG TSIG GSAL BAR BYED PA YIN PA'I PHYIR DON RTOGS PA'I RGYU @194A *, ,YIN GYI, MING DANG TSIG LA LTOS PA MED PAR DNGOS SU NI MA YIN TE, DE'I PHYIR GANG DAG GIS DON RTOGS PAR BYED PA MING DANG TSIG LA SOGS PA NGAG LAS THA DAD PAR YOD DO, ,DE'I PHYIR NGAG GIS DON RJOD PAR BYED PA MA YIN TE, 'ON CI ZHE NA, NGAG NI MING GSAL BAR BYED PA'AM, MING SKYED PAR BYED PA'I PHYIR MING LA 'JUG LA, MING GIS DON RJOD PAR BYED DE, DE GO BAR BYED PA'I PHYIR RO, ,'DIS NI MING NI DON DAG LA DNGOS SU 'JUG GI ,TSIG NI MA YIN NO ZHES STON PAR BYED DO, ,SGRA TZAM KHO NA NI NGAG MA YIN GYI, 'O NA CI ZHE NA, SGRA'I KHYAD PAR RO, ,YANG DE CI 'DRA BA ZHIG CE NA, DE'I PHYIR BSHAD PA, YI GE KA LA SOGS PA 'I BDAG NYID SGRA GANG GIS DON GO BAR 'GYUR BA'I SGRA DE DAG YIN NO, ,MING LA SOGS PA'I TSOGS BKAG PAS 'DRI BA NI SGRA GANG GIS DON GO BAR 'GYUR ZHE NA ZHES BYA BA LA SOGS PA'O, ,GANG ZHIG SMRA BA PO RNAMS KYIS DON DAG LA MTSAMS GCAD PA STE ZHES BYA BA LA, YI GE AA LA SOGS PA 'DI SNYED CIG GI RIM PA 'DIS DON 'DI RJOD PAR BYED PA STA, GANG ZHIG DE LTAR DON GANG DAG LA MTSAMS GCAD PA DES DON RTOGS PAR BYED KYI, THAMS CAD KYIS NI MA YIN NO, ,'DIS NI BRDA LA LTOS NAS SGRA DON GO BAR BYED KYI, THAMS CAD KYIS KYANG MA YIN LA, YOD BA TZAM GYIS KYANG MA YIN NO ZHES STON PAR BYED DO, ,DE SKAD DU YANG, YUL NYID DU NI MA GYUR PA'I, ,SGRA YI DON NI STON MI BYED, ,DE DGAM BZUNG YID NYID KYIS, ,DON RNAMS GSAL BAR BYED PA MIN, ,ZHES BSHAD DO, ,DPER NA GOO ZHES BYA BA LA SOGS PA LA YI GEG DANG, YI GE AOO DANG, TSEG DRAG GI BDAG NYID CAN GYI SGA NI GO RIMS 'DIS DON DGU DAG LA MTSAMS GCAD PA DE LAS DE DAG RTOGS PAR 'GYUR RO, ,GANG YANG MING GIS DON RJOD PAR BYED DO SNYAM DU SEMS PA ZHES BYA BA RGYAS PAR 'BYUNG BA LA, JI LTAR DON GO BA CAN YIN ZHE NA, DON 'DI'I MING NI 'DI YIN NO ZHES RGYAS PAR BYAS PA LAS TE, DE LTA MA YIN TE, DON GO BA CAN MA YIN PAS RTOGS NA NI BRDA BYANG BA MED PA YANG 'GYUR BA ZHIG NA, 'GYUR BA YANG MA YIN NO, ,DE NI DON GO BA CAN GYI SGRA TZAM KHO NAS 'GRUB LA ZHES BYA BA LA, DON RJOD PAR BYED PA DE NI MING DANG BRAL ZHING DON GO BA CAN GYI SGRAS BSGRUB PO, ,'BREL PA LA BYANG BAS DON GO BA 'DI @194B LA YOD PA NI SGRA DON GO BA CAN TE, DON 'DI'I MING NI 'DI YIN NO ZHES BRDAR BTAGS PAS 'BREL PA LA BYANG BA'I PHYIR RO, ,JI LTAR NA NGA GA MING LA 'JUG PA 'DI YANG ZHES BYA BA LA SOGS PA RGYAS PAR 'BYUNG BA LA, NGAG NI SGRA'I BDAG NYID YIN NA DE GAL TE RANG GI BYE BRAG MING SKYED PAR BYED PA 'AM, GSAL BAR BYED BA ZHIG YIN GRANG, DE LTA YIN NA 'DIR BYE BRAG KHAS MA BLANGS PA'I PHYIR KHYU MCHOG LA SOGS PA LA YOD PA'I SGRA THAMS CAD KYIS KYANG MING SKYED PAR 'GYUR TE, NGAG NI SGRA YIN PA'I PHYIR THAMS CAD KYIS MING SKYED BAR BYED PA'AM GSAL BAR BYED PAR 'GYUR RO,, 'ON TE MING BZHIN DU YI GE'I BDAG NYID KYI SGRA SMRA BA PO DAG GI BRDAR BTAGS BA KHYAD PAR DU 'PHAGS PA DE KHO NAS MING SKYED PAR BYED DO ZHES BRJOD NA, DE LTA NA YANG 'ON TE SGRA'I KHYAD PAR DE LTA BU ZHIG CES BYA BA RGYAS PAR 'BYUNG NGO, ,DON BRJOD PA NI DON GYI YUL CAN GYI SHES PA SKYED PA YIN NO, ,DE NI SGRA'I KHYAD PAR DON DAG LA MTSAMS GCAD PA KHO NAS BYED PAR 'GYUR BAS 'DIR DE LA THA DAD PA'I MING BTAGS PAS CI DGOS, ,'ON TE GSAL BAR BYED PA YIN NO ZHE NA ZHES BYA BA RGYAS PAR 'BYUNG BA LA, GAL TE SGRA 'BYUNG BAS SEMS DANG LDAN PA MA YIN PA DE SKYE BA MA YIN GYI, 'ON KYANG BRJOD PAR BYA BA'I PHYIR DES DE GSAL BAR BYED PA YIN NO ZHES BYA BAR 'DOD NA, 'DI LA BRJOD PAR BYA STE, SGRA TZAM THAMS CAD KYIS MING GSAL BAR BYED PAR 'GYUR TE, SNGA MA BZHIN DU BRJOD PAR BYA'O, ,YANG SGRA RNAMS NI TSOGS PA MED PA ZHES BYA BA LA SOGS PA LA, NGAG NI RIM GYIS YI GE DAG LA GNAS PA'I PHYIR YI GE RNAMS KYANG SKAD CIG MA YIN PA'I PHYIR YI GE KA LA SOGS PA'I SGRA RNAMS CIG CANG YOD PA MA YIN LA, CHA MED PA'I PHYIR CHOS GCIG CHA SHAS KYIS SKYE BA YANG MA YIN NO, ,SKYED PAR BYED PA NA ZHES BYA BA LA SOGS PA LA, YI GE DU MA CAN GYI MING NI SGRA DU MA LA LTOS NAS YONGS SU GCAD PAR BYA BA YIN PAS DE SKYED PAR BYED PA NI JI LTAR NGAG GIS SKYED PAR BYED PA DE, CI 'DAS PA'AM, DA LTAR BYUNG BA ZHIG GIS YIN, 'DI LTAR SGRA RNAMS LA NI CIG CAR BA NYID YOD PA MA YIN TE, RIM GYIS 'JUG PA'I PHYIR DANG, SKAD CIG MA YIN PA'I @195A *, ,PHYIR RO, ,DE'I PHYIR RE ZHIG JI LTAR 'DAS PA LA LTOS PA'I ZHES BYA BA RGYAS PAR SMRAS SO, ,SO SOR THAR PA'I SDOM PA LEN PA'I TSE LUS DANG NGAG GI RNAM PAR RIG BYED RNAMS TSOGS PA MED MOD KYI, 'ON KYANG 'DAS PA'I LUS DANG NGAG GI RNAM PAR RIG BYED KYI SKAD CIG LA LTOS PA'I RNAM PAR RIG BYED KYI SKAD CIG MA THA MA, DE BZHIN DU LAN GNYIS LAN GSUM DU SROG GCOD PA SPONG BAR BGYID DO ZHES BYA BA'I SGRA GANG YIN PAS SO SOR THAR PAS BSDUS PA'I RNAM PAR RIG BYED MA YIN PA SKYED PAR BYED PA DE BZHIN DU 'DAS PA'I SGRA LA LTOS PA'I NGAG GI SGRA THA MAS MING SKYED PAR BYED DE, DE'I PHYIR GCIG CHA SHAS KYIS SKYE BAR THAL BAR MI 'GYUR RO, ,DE'I PHYIR DON JI SNYED DAG LA MTSAMS GCAD PA'I SGRA MTHA' DAG BYE BRAG MED PAR YID LA GZUNG STE, PHYIS RIM GYIS RJOD PAR BYED LA, RTOGS PA PO YANG RIM GYIS KHO NAS MNYAN NAS PHYIS THAMS CAD BYE BRAG MED PAR YID LA BYED DO, ,DE LTAR NA 'O NA NI SGRA THA MA KHO NAS ZHES BYA BA RGYAS PAR 'BYUNG BA LA, YI GE DU MA CAN DU MA CAN GYI MING LA, GANG GI YI GE THAMS BSDUS PA'I SGRA THOS PA DES KYANG DON DE GO BAR 'GYUR TE, DPER NA BHA WA R'A TA BRJOD PA BZHIN NO, ,YI GE TA'I DUS SU MING SKYED PA'I PHYIR YI GE BHA DANG YI GE WA DANG YI GE R'A MA THOS PAR YI GE TA THOS PAS DE GO BAR 'GYUR RO, ,CI'I PHYIR ZHE NA, SGRA PHYI MA KHO NAS MING SKYED PAR BYED PA'I PHYIR RO, ,GAL TE DMIGS PA'I SGRA LA LTOS PA'I SGRA THAMS MING SKYED PAR BYED PAS NYES PA 'DI MED DO ZHE NA, DE LTA NA 'O NA RNAM PAR RIG BYED DPE MA YIN TE, RNAM PAR RIG BYED KYI SKAD CIG MTHA MA NI RNAM PAR RIG BYED KYI SKAD CIG SNGAR SKYES PA DMIGS SHING 'GAGS PA DAG LA LTOS NAS RNAM PAR RIG BYED MA YIN PA SKYED PAR MI BYED KYI, 'O NA CI ZHE NA, DE YOD PA TZAM NYID LA LTOS NAS RNAM PAR RIG BYED MA YIN PA'I RGYUR 'GYUR BA YIN NO, ,DE LTA MA YIN NA G-YENGS PA DANG SEMS MED PA LA RNAM PAR RIG BYED MA YIN PA MED PAR 'GYUR RO, ,DE'I PHYIR SGRA THA MA NI RNAM PAR RIG BYED KHO NA LTAR MING SKYED PAR BYED KYI, SNGAR GYI SGRA DMIGS PA LA LTOS PA NI MA YIN NO, ,'ON TE 'DI SNYAM DU ZHES BYA BA LA SOGS PA LA, DE LTAR NA SMRAS MA THAG PA'I SKYON @195B MED DE, SGRA RE RE LA YI GE SKYE BA'I PHYIR DANG, YI GE DAG GIS KYANG MING SKYED PAR BYED PA'I PHYIR RO, ,'DI LA YANG SKYON DE NYID YOD DO ZHES BYA BA NI SGRA RNAMS MING SKYED PA LA BSTAN PA GANG YIN PA'O, ,CI LTAR ZHE NA, YI GE RNAMS NI TSOGS PA MED PA'I PHYIR DANG, SGRA LTAR RIM GYIS 'JUG PA'I PHYIR DANG; SKAD CIG MA NYID YIN PA'I PHYIR YI GE RNAMS LA YANG CIG CAR BA NYID MED DO, ,DER MING YI GE DU MAS BSKYED PAR BYA BA CHA MED PA GCIG LA RIM GYIS CHA SHAS KYIS SKYE BAR YANG RIGS PA MA YIN NO, ,CI STE 'DAS PA'I YI GE LA LTOS PA'I YI GE PHYI MA KHO NAS MING SKYED PAR BYED DO SNYAM NA, DE LTA NA 'O NA NI GANG GIS YI GE THA MA SKYED PAR BYED PA'I SGRA THOS PA DES KYANG, DON DE GO BAR 'GYUR TE YI GE THA MA KHO NAS MING SKYED PA'I PHYIR DANG, MING GIS KYANG DON RJOD PAR BYED PA'I PHYIR RO, ,NGAG MI GSAL BAR BYED PA YIN NA YANG ZHES BYA BA LA SOGS PA LA, GANG ZHIG CE NA, MING SKYED PAR BYED PA NYID LA BSTAN PA DE KHO NA'O, ,YANG SGRA RNAMS NI TSOGS PA MED LA, CHOS GCIG LA CHA SHAS KYIS GSAL BA YANG RIGS PA MA YIN NO ZHES BYA BA THAMS CAD RGYAS PAR BRJOD BAR BYA'O, ,GONG DU NI NGAG LAS THA DAD PA'I YI GE KHAS BLANGS NAS YI GE MING GIS SKYED PA NYID YIN PA BKAG PA YIN LA, DA NI NGAG LAS THA DAD PA'I YI GE YOD PA MA YIN PA NYID DE NYID KYI PHYIR YI GE YANG NGAG CES BYA BA RGYAS PAR SMOS SO, ,NGAG LAS THA DAD PA'I YI GE NI YOD PA MA YIN TE, DE'I PHYIR YOD PA MA YIN PA'I YI GE JI LTAR NGAG GIS SKYED PA'AM GSAL BAR BYED, 'DI JI LTAR SHES SHE NA, DE'I PHYIR SHES RAB DANG LDAN PA ZHES BYA BA LA SOGS PA SMOS SO, ,SHES RAB 'CHAL BA NI SHES RAB NYAMS PA'I PHYIR LA, SHES RAB KYI LDAN PA YANG G-YENG BA YOD PA'I PHYIR YONGS SU BCAD PAR MI NUS PAS SHES RAB DANG LDAN PA YID GTAD PAS KYANG ZHES GNYIS KA BRJOD DO, ,MTSAN NYID KYI SGO NAS ZHES BYA BA NI RANG GI NGO BO 'I SGO NAS SO, ,DE'I PHYIR NGAG LAS THA DAD PA'I YI GE MED PAS NGAG NI MING LTAR YI GE SKYED PAR BYED PA YIN PAR YANG MI RUNG LA, GSAL BAR BYED PA YIN PAR YANG MI RUNG NGO, ,GZHAN YANG NGAG NI SGRA TZAM YIN PA'I PHYIR SGRA TZAM THAMS CAD YI GE SKYED PA'AM @196A *, ,GSAL BAR BYED PAR 'GYUR RO ZHES THAMS CAD 'DIR YANG RGYAS PAR BRJOD PAR BYA'O, ,'ON TE MING DON DANG LHAN CIG SKYED PA YIN TE ZHES BYA BA LA SOGS PA LA, DE LA NGAG GI BYA BA MED PA'I PHYIR SKYED PA MED DO SNYAM DU BSAMS PA'O, ,DE LTA NA DON 'DAS PA DANG MA 'ONGS PA'I ZHES BYA BA RGYAS PAR 'BYUNG BA LA, JI LTAR 'DAS PA DANG MA 'ONGS PA'I SKYE BA DANG, GNAS PA DANG, RGA BA DANG, MI RTAG PA NYID DANG, SKYE BA'I SKYE BA LA SOGS PA RNAM PA DA LTAR BA MA YIN PA DE BZHIN DU MING YANG DA LTAR BA YIN PAR MI 'GYUR RO, ,DE'I PHYIR 'DAS PA DANG MA 'ONGS PA'I THA SNYAD KUN DU CHAD PAR 'GYUR RO, ,'DI LTAR 'DAS PA DANG MA 'ONGS PA'I MING GIS NI DON BRJOD PAR MI NUS TE, NGAG BZHIN NO, ,'DAS PA DANG MA 'ONGS PA NGAG GIS NI MING GSAL BAR BYA BAR MI NUS TE, GO RIMS BZHIN DU 'GAGS ZIN BA'I PHYIR DANG MA SKYES PA'I PHYIR RO, , PHA RNAMS KYIS BU DAG GIS ZHES BYA BA LA, GCIG GI MING NI SKYE BA LA SOGS PA BZHIN DU GCIG KHO NA LHAN CIG SKYE'I, RNAM PAR GZHAG PA MED PA'I PHYIR DU MA NI MA YIN PAS, 'DIR MING GANG GIS DE DANG LHAN CIG SKYES PAR BRJOD PAR BYA, CHOS 'DUS MA BYAS RNAMS KYIS ZHES BYA BA LA, MING NI MI SKYE BA'I CHOS CAN KHO NAR 'GYUR TE, 'DUS MA BYAS RNAMS MI SKYE BA'I PHYIR RO, ,TSIGS BCAD MING LA BRTEN PA STE, ,ZHES BYA BA LA, 'DIR LDAN PA MA YIN PA'I MING YOD DO ZHES BYA BA'I KHUNGS NI 'DI YIN TE, DE MED NA TSIGS SU BCAD PA MED PAR THAL BA'I PHYIR RO, , RTEN MED PAR NI BRTEN PA YOD PAR BYA BAR MI NUS SO, ,TSIGS SU BCAD PA MING LA BRTEN PA BDEN MOD KYI, DER MING LDAN PA MA YIN PA ZHAL GYIS MA BZHES TE, 'O NA CI ZHE NA, DON RNAMS LA MTSAMS BYAS PA'I SGRA NI MING YIN LA, MING RNAMS BKOD PA'I KHYAD BAR YANG TSIGS SU BCAD PA YIN PAS MING RJOD PAR BYED PA JI LTAR BKOD PA RNAMS KYIS TSIGS SU BCAD PA ZHES BYA BA THOB PA'I BKOD PA DE TSIGS SU BCAD PA YIN KYI, THAMS CAD NI MA YIN NO ZHES SHES PAR BYA BA'I PHYIR, BKOD PA'I KHYAD PAR ZHES BYA BA SMOS SO, ,DE DAG JI LTAR BKOD PA'I TSIGS @196B SU BCAD PA'I MING 'THOB PA DE NYID KYI PHYIR, BKOD PA'I KHYAD PAR YANG RDZAS GZHAN DU MI 'THAD DO ZHES BYA BA SMOS SO, ,JI LTAR ZHE NA, PHRENG BA BZHIN NO, ,JI LTAR PHRENG NI SHING LJON PA DANG, 'DAB CHAGS DANG, GROG MA LA SOGS PA RNAMS PHAN TSUN NYE BA NA GNAS PA LAS MA GTOGS PA'I RDZAS GZHAN DU MI 'THAD DO, ,SPUNGS PA BZHIN DU DE MA BZUNG NA DE'I BLO MED PA'I PHYIR RO, ,DE LDAN YANG DPE MI MTSUNGS TE, SHING LJON PA LA SOGS PA DA LTAR BA RNAMS KHO NA'I BKOD PA'I KHYAD PAR LA PHRAD DU BSNYAD PA'I PHYIR ZHE NA, DE'I PHYIR, SEMS KYI RIM PA LTA BU'O ZHES SA SMOS TE; ,JI LTAR SEMS DANG SEMS LAS BYUNG BA DUS SNGA PHYIR BYUNG BA RNAMS LA BAR MED PAR 'GAG PA DANG SKYE BA LAS MA GTOGS PA'I RIM PA GZHAN YOD PA MA YIN PA DE BZHIN DU SGRA SNGA PHYIR BYUNG BA RNAMS LA YANG BAR MTSAMS MED PAR 'GAG PA DANG, SKYE BA LAS MA GTOGS PA'I BKOD PA'I KHYAD PAR MA DMIGS SO, ,DE'I PHYIR 'DAS PA DANG MA 'ONGS BA'I SGRA RNAMS KYANG SEMS LTAR BKOD PA'I KHYAD PAR GYI RTEN GYI NGO BOR MI 'GAL LO, ,YI GE TZAM ZHIG CES BYA BA LA, NYES PA CHUNG BA'I PHYIR RO SNYAM DU BSAMS PA YIN GYI, NGES PAR MA ZIN PA'I PHYIR GANG LAS KHYAD PAR 'PHAGS PA'I YI GE YOD PA NI MA YIN NO, ,DE DAG TU RTOG PA DON MED PA YIN NO ZHES BYA BA LA, YI GE DAG LAS MING DANG TSIG YONGS SU RTOG PA DON MED DO, ,BYE BRAG TU SMRA BA RNAMS NA RE LDAN PA MA YIN PA'I 'DU BYED KYI RANG BZHIN MING GI TSOGS LA SOGS PA NI RDZAS SU YOD PA KHO NA'O ZHES ZER RO, ,GANG LAS SHE NA, LUNG LAS TE, JI SKAD DU DGE SLONG DAG BRNYES PA MCHOG DANG, SNYAN PA MCHOG BRNYES PA'I DE DE BZHIN GSHEGS PA NI MING GI TSOGS DANG, TSIG GI TSOGS DANG, YI GE'I TSOGS BRNYES PA'O ZHES GSUNGS PA LTA BU'O, , BRNYES PA NI RNYED PA YIN NA DNGOS PO MED PA NI BRNYES PAR MI RUNG NGO, ,GZHAN YANG CHOS THAMS CAD RTOG GE'I SPYOD YUL MA YIN PAS ZHES BYA BA LA, DE LTAR YID CHES PA'I LUNG GI TSAD MA LAS 'GRUB PA YIN GYI, CHOS KHA CIG DE BZHIN GSHEGS PA'I YE SHES KYI SPYOD YUL KHO NA YIN PA YANG @197A *, ,YOD DO, ,RNAM PA'I BYE BRAG BSHAD PA BRJOD PAR 'DOD PAS DRI BA BYED PA NI, YANG CI MING GI TSOGS LA SOGS PA 'DI DAG GANG DANG LDAN PA'AM ZHES BYA BA RGYA CHER 'BYUNG BA'O, ,GANG DANG LDAN ZHES BYA BA NI KHAMS GANG DANG LDAN ZHES BYA BA'O, ,'DOD PA DANG GZUGS SU GTOGS PA KHO NA YIN GYI; GZUGS MED PAR GTOGS PA NI MA YIN TE, DE NA NGAG MED PA'I PHYIR RO, ,GZHAN DAG NA RE GZUGS MED PAR GTOGS PA YANG YOD MOD KYI, DE DAG NI BRJOD PAR BYA BA MA YIN NO ZHES ZER RO ZHES BYA BA LA GZHAN GYIS PA'I NGAG GIS SA GZHAN GYI MING GI TSOGS LA SOGS PA DAG BRJOD PA NI MA YIN LA, GZUGS MED PA DAG NA NGAG MED BAS BRJOD PAR BYA BA MA YIN NO, ,DE DAG NI SEMS CAN DU BGRANG BA YIN TE, 'GOG PA GNYIS MA GTOGS PA'I SEMS CAN DU BGRANG BA MA YIN PA DANG LDAN PA MED PA'I PHYIR RO GANG ZHIG RJOD PAR BYED PA DE DAG DANG LDAN GYI ZHES BYA BA LA, GANG RJOD PAR BYA BA DE DAG DANG LDAN PAR 'GYUR RO SNYAM PA'I DOGS BA 'DI GANG LAS SHE NA, MING 'DI NI DON GYI YIN NO ZHES THA SNYAD 'DOGS PA LAS SO, ,DE LTAR MIG GI DBANG PO DANG LTA PA PO KHO NA LDAN GYI, BLTA BAR BYA BA MA YIN PA DE BZHIN DU 'DIR YANG GANG GI TSE MING RJOD PAR BYED PA DE'I TSE GANG DAG DANG LDAN PA DE DAG KHO NAS RJOD PAR BYED DO, ,SKAL BA MNYAM PA'I RGYUS BSKYED PA'I PHYIR, RGYU MTHUN PA LAS BYUNG BA KHO NA YIN GYI, RGYAS BA LAS BYUNG BA NI MA YIN TE, RDUL PHRA RAB BSAGS PA MA YIN PA'I PHYIR RO, ,RNAM PAR SMIN PA LAS SKYES PA YANG MA YIN TE, 'DOD DGUR 'BYUNG BA'I PHYIR RO, ,BCOM LDAN 'DAS KYIS NI LAS KYI BDAG PO'I 'BRAS BU YIN PA'I PHYIR MING YANG LAS LAS SKYES PAR NGA SMRA'O ZHES GSUNGS SO, ,MA BSGRIBS LA LUNG DU MA BSTAN PA DAG KYANG YIN TE, DE NYID KYI PHYIR, DGE BA'I RTZA BA KUN DU CHAD PA CHOS DGE BA RNAMS BRJOD PA NA CHOS DGE BA RNAMS DANG MI LDAN LA, DE DAG GI MING DANG NI LDAN PA MA YIN NO, ,DE BZHIN DU 'DOD CHAGS DANG BRAL BA CHOS MI DGE BA DAG BRJOD PA NA ZHES BYA BA YANG BRJOD PAR BYA'O, ,DE BZHIN DU SKAL MNYAM ZHES BYA BA LA, SKAL MNYAM SEMS CAN 'DRA BA'O, ,ZHES 'BYUNG BA'I PHYIR NA SEMS CAN DU STON PA KHON 'O, ,DGE @197B BA'I RTZA BA KUN DU CHAD PA RNAMS DANG, 'DOD CHAGS DANG BRAL BA RNAMS KYANG DE DANG LDAN PA'I PHYIR NA LUNG DU MA BSTAN PA'O, ,DE NI RGYU MTHUN PA 'BA' ZHIG MA YIN GYI, RNAM BAR SMIN PA'ANG YIN NO, ,DE LA RNAM PAR SMIN PA LAS SKYED PA NI DPER NA DMYAL BA LA SOGS PA DAG DANG SKAL BA MNYAM PA LTA BU STE, LHA RNAMS DANG SKAL BA MNYAM BAR SKYE'O ZHES 'BYUNG BA'I PHYIR RO, ,RNAM PAR SMIN PA LAS MA GTOGS PA'I RGYU MTHUN PA LAS 'BYUNG BA MED PA'I PHYIR RNAM PAR SMIN PA LAS SKYES PA LAS GZHAN BA DGE BA LA SOGS PA'I CHOS KYI SKAL BA MNYAM PA RNAMS NI RGYU MTHUN PA LAS BYUNG BA'O, ,KHAMS KYI DBYE BAS NI MING GI TSOGS LA SOGS PA LTAR 'DOD PA DANG GZUGS SU GTOGS PA 'BA' ZHIG TU MA ZAD KYI KHAMS GSUM PA STE, SEMS CAN 'DRA BA'O ZHES 'BYUNG BA'I PHYIR DANG, SEMS CAN RNAMS KYANG KHAMS GSUM PA YIN PA'I PHYIR RO, ,THOB RNAM GNYIS ZHES BYA BA NI RNAM PAR SMIN PA LAS SKYES PA'I CHOS RNAMS KYI NI RNAM PAR SMIN PA LAS SKYES PA DAG GO, ,LHAG MA DGE BA LA SOGS PA RNAMS KYI NI RGYU MTHUN PA LAS BYUNG BA'O, ,RGYAS PA LAS BYUNG BA NI MA YIN TE, GZUGS CAN MA YIN PA'I PHYIR RO, , MTSAN NYID RNAMS KYANG RNAM PAR SMIN PA LAS SKYES PA RNAMS KYI NI RNAM PAR SMIN PA LAS SKYES PA DAG GO, ,LHAG MA RNAMS KYI NI RGYU MTHUN PA LAS BYUNG BA DAG GO, ,RGYAS PA LAS BYUNG BA DAG NI MED DE, GZUGS CAN MA YIN PA RNAMS LA BSAGS PA MED PA'I PHYIR RO, ,SEMS MED PA'I SNYOMS PAR 'JUG PA GNYIS NI 'GOG PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA STE, BSAM GTAN DANG GZUGS MED PA'I SNYOMS PAR 'JUG PAS BSDUS PA'I PHYIR RNAM PAR SMIN BA MA YIN NO, ,RNAM PAR SMIN PA NI SKYE BA'I BSAM GTAN DANG, GZUGS MED PA GNYIS KHO NA YIN NO, ,RGYAS PA LAS BYUNG BDAG KYANG MA YIN TE, GZUGS CAN MA YIN PA'I PHYIR RO, ,MI LDAN PA NI MA THOB PA STE, RNAM PAR SMIN PA'I MI LDAN PA NI RNAM PAR SMIN PA YIN PAR MI RUNG STE, DE'I PHYIR 'DI DAG GSUM KA YANG RGYU MTHUN PA LAS BYUNG BA YIN @198A *, ,NO; ,'DI DAG GIS BRJOD PAR BYA BA LHAG MA ZHES BYA BA NI THOB PA DANG, MTSAN NYID DANG, SNYOMS PAR 'JUG PA DANG MI LDAN PA DAG GI'O, ,LHAG MA DE YANG GANG ZHIG CE NA, THOB PA RNAMS DANG, SNYOMS PAR 'JUG PA DAG DANG, MI LDAN PA'I SEMS CAN DU STON PA NYID DANG; MTSAN NYID PA RNAMS KYI SEMS CAN DU STON PA DANG, SEMS CAN DU STON PA MA YIN PA DANG, THOB PA RNAMS DANG, MTSAN NYID PA RNAMS KYI KHAMS GSUM PA NYID DANG, MI LDAN PA NYID DANG, DGE BA DANG MI DGE BA DANG LUNG DU MA BSTAN PA NYID DANG, MI LDAN PA'I KHAMS GSUM PA NYID DANG LUNG DU MA BSTAN PA NYID DANG, SNYOMS PAR 'JUG BDAG GI DGE BA NYID DANG, GZUGS SU GTOGS PA NYID DANG, GZUGS MED PAR GTOGS PA NYID DO, ,LDAN PA ZHES BSHAD PA'I PHYIR SEMS CAN DU STON PA NYID BSHAD ZIN TO, ,'GOG PA GNYIS MA GTOGS PA SEMS CAN DU BGRANG BA MA YIN PA DANG LDAN PA MED PA'I PHYIR RO, ,JI LTAR DGE BA DANG, MI DGE BA DANG, LUNG DU MA BSTAN PA NYID BSHAD CE NA, DGE BA LA SOGS ZHES BSHAD PA'I PHYIR RO, ,JI LTAR KHAMS GSUM PA NYID DANG, MI LDAN PA NYID BSHAD CE NA, DER GTOGS RNAMS KYI RANG KHAMS PA, ,MA GTOGS RNAMS KYI RNAM PA BZHI, ,ZHES BSHAD PA'I PHYIR RO, ,THAMS CAD 'DUS BYAS MTSAN NYID DANG, ,ZHES 'BYUNG BA'I PHYIR RO, ,MTSAN NYID RNAMS KYI SEMS CAN DANG SEMS CAN MA YIN PAR STON PA DANG, KHAMS GSUM PA DANG, MI LDAN PA NYID BSHAD DO, ,SEMS KYI RJES 'JUG DUS DANG NI, ,'BRAS SOGS DGE LA SOGS PAS SO, ,ZHES BYA BA NI DGE BA DANG, MI DGE BA DANG, LUNG DU MA BSTAN PA NYID DO, ,'DU SHES MED SNYOMS 'JUG ,BSAM GTAN THA MAR ZHES BYA BA DANG, DGE BA'O ZHES 'BYUNG BA'I PHYIR, GZUGS KYI KHAMS DANG LDAN PA DANG, DGE BA BSHAD DO, ,DA NYID KYI PHYIR SEMS CAN DU BSTAN PA YANG YIN TE, SKYES NAS MYONG 'GYUR NYID CES BSHAD PA'I PHYIR RO, ,'GOG PA'I SNYOMS PAR 'JUG PA YANG SRID RTZE SKYES ZHES BYA BA DANG, DGE BA'O ZHES BYA BA 'BYUNG BA'I PHYIR GZUGS MED PAR GTOGS @198B PA DANG, DGE BA YIN PAR BSHAD DO, ,DE NYID KYI PHYIR SEMS CAN DU STON PA YANG YIN TE, DGE BA 'DUS BYAS YIN PA'I PHYIR RO, ,MI LDAN PA NI KHAMS GSUM PA KHO NA STE, 'DOD SOGS GTOGS DANG DRI MED KYI'ANG, ,ZHES BSHAD PA'I PHYIR RO, ,MA THOB PA NI SEMS CAN DU STON PA YIN TE, RANG RGYUD DU GTOGS PA RNAMS KYI'O ZHES BSHAD PA'I PHYIR RO, ,MA BSGRIBS LA LUNG DU MA BSTAN PA YANG YIN TE, MA THOB MA BSGRIBS LUNG MA BSTAN, ,ZHES BSHAD PA'I PHYIR RO, ,'DU SHES MED PA PA NI GZUGS SU GTOGS PA DANG, SEMS CAN DU STON PA DANG; LUNG DU MA BSTAN PA DANG, RNAM PAR SMIN PAR BSHAD DE, RNAM SMIN DE 'BRAS CHE ZHES 'BYUNG PA'I PHYIR RO, ,SROG NI KHAMS GSUM PA STE, SROG GI DBANG PO DANG ZHE NA, KHAMS GSUM PA'I TSE YIN NO ZHES 'BYUNG BA'I PHYIR RO, ,RNAM PAR SMIN PA LAS SKYES PA DANG, SEMS CAN DU STON PA DANG, LUNG DU MA BSTAN PA YANG YIN TE, SROG GI RNAM SMIN ZHES BSHAD PA'I PHYIR RO, ,LDAN PA MA YIN PA RNAMS BSHAD ZIN TO ZHES BYA BA LA MTSAN NYID DANG, RAB TU DBYE BA DANG, RNAM PAR DPYAD PA'I SGO NAS TE, LDAN PA MA YIN PA RNAMS BSHAD ZIN TO, ,RGYU DANG RKYEN DANG SBREL BAR BYA BA'I PHYIR, RGYU DANG RKYEN DAG MED PAR NI, ,ZHES BYA BA LA SOGS PA SMOS SO, ,GANG BSHAD PA, RGYU RNAMS NI GANG, RKYEN RNAMS NI GNAG ZHE NA ZHES BYE BRAG TU 'DRI BA, RGYU RNAMS LAS RKYEN RNAMS LA KHYAD PAR CI YOD CE NA, KHA CIG NA RE CI YANG MED DE, 'DI SKAD DU, BCOM LDAN 'DAS KYIS YANG DAG PA'I LTA BA BSKYED PA LA RGYU GNYIS DANG, RKYEN GNYIS TE, GZHAN GYI SGRA DANG NANG GI TSUL BZHIN YID LA BYED PA'O ZHES GSUNGS SO, ,DE'I PHYIR RGYU DANG RKYEN DAG DANG, BYED RGYU DANG RGYU MTSAN ZHES BYA BA NI RNAM GRANGS DAG GO ZHES ZER RO, ,GAL TE KHYAD PAR MED NA CI'I PHYIR BYE BRAG TU BSTAN CE NA, GDUL BA LA LTOS NAS TE, KHAMS DANG SKYE MCHED BZHIN NO, ,'DI LTAR RKYEN KHYAD PAR MED PAR BSTAN LA, RGYU NI KHYAD PAR DU BSTAN TO, ,GZHAN DAG NA RE NYE BA NI RGYU YIN LA, RING BA NI RKYEN YIN NO ZHES ZER RO, ,BYED RGYU LHAN CIG 'BYUNG NYID DANG, ,ZHES BYA BA @199A *, ,RGYAS PAR 'BYUNG BA LA, DE NYID CES BYA BA'I TSIG PHRAD GNYIS NI GO RIM SA BZHIN DU BSDU BA NGES PAR GZUNG BA STE, BYED RGYU DANG LHAN CIG 'BYUNG BA GNYIS KHO NA 'DUS BYAS THAMS CAD LA KHYAB BA NYID DU GNES PAR 'DZIN PAR BYED DO, ,GANG DAG BSTAN BCOS 'DIR THA SNYAD DU BYED PA DRUG PO 'DI RNAMS RGYU YIN NO, ,'THOB PAR BYED PAS NA RGYU STE, DNGOS POS SKYE BA THOB PAR BYED DU 'JUG CES BYA BA'I DON TO, ,BYED PA NYID RGYU YIN PA NI BYED RGYU'O, ,LHAN CIG 'BYUNG BA YANG DE YIN LA, RGYU YANG YIN PAS SAM, LHAN CIG 'BYUNG BA RNAMS KYI RGYU NI LHAN CIG 'BYUNG BA'I RGYU'O, ,SKAL PA MNYAM PA'I RGYU NI SKAL PA MNYAM PA'I RGYU'O, ,MTSUNGS PAR LDAN PA RNAMS KYI RGYU NI MTSUNGS PAR LDAN PA'I RGYU'O, ,KUN DU 'GRO BA YANG DE YIN LA RGYU YANG YIN PAS NA KUN DU 'GRO BA'I RGYU'O, ,RNAM PAR SMIN PA'I RGYU NI RNAM PAR SMIN PA'I RGYU'O, ,YANG CI LTAR BCOM LDAN 'DAS KYIS MA BSTAN PA'I RGYU RNAMS KYIS BSTAN BCOS SU THA SNYAD BYED CE NA, BYE BRAG TU SMRA BA NA RE, DE NI DE LTA MA YIN TE, BCOM LDAN 'DAS KYIS MA BSTAN PA NI 'GA' YANG CHOS MNGON PAR SPROS PA YOD PA MA YIN NO, ,GAL TE YANG NUB PA'I PHYIR RANG GI NGO BOS DMIGS PA MED MOD KYI, 'ON KYANG GDUL BA'I DBANG GIS LA LA LAS RNAM PA GZHAN GYI SGO NAS NYE BAR BSTAN PA'I SA BON TZAM MTHONG BAS YOD PA NYID DU DMIGS NAS CHOS MNGON PAR GSAL BAR MDZAD PA YIN NO, ,'DI LTAR, MDO SDE DE DANG DER RGYU 'DI RNAMS SBYAR BAR SNANG STE, DPER NA MIG DANG GZUGS LA BRTEN NAS MIG GI RNAM PAR SHES PA SKYE'O ZHES BYA BA NI BYED RGYU STE, 'DI NI SKYED PAR BYED PA DANG GEGS MI BYED PA'I NGO BOR RNAM PAR GZHAG GO, ,TSOR BA DANG, 'DU SHES DANG, SEMS PA NI LHAN CIG SKYE BA YIN NO ZHES BYA BA NI LHAN CIG 'BYUNG BA'I RGYU STE, 'DI NI PHAN TSUN RJES SU 'JUG PAS BYA BA GCIG PA'I DON GYIS RNAM PAR GZHAG GO, ,DGE BA'I RTZA BA GZHAN SKYE BAR 'GYUR BA DGE BA'I RTZA BA KUN DU MA CHAD PA RDUL DANG MNYAM PA ZHIG YOD PA MA YIN NO ZHES BYA BAS NI 'DIR SKAL BA MNYAM PA'I RGYU BSTAN PAR MNGON NO, ,MTHONG BA'I @199B RTZA BA CAN GYI DAD BA NI RIG NAS SHES PA DANG MTSUNGS PAR LDAN NO ZHES BYA BA NI MTSUNGS PAR LDAN PA'I RGYU YIN TE, 'DI NI DMIGS PA GCIG PA'I DON GYI RNAM PAR GZHAG GO, ,LTA BAR GYUR PA GANG CUNG ZAD CIG 'BYUNG BA DE THAMS CAD NI 'JIG TSOGS LA LTA BA'I RTZA BA CAN NO ZHES BYA BA 'DI NI KUN DU 'GRO BA'I RGYU 'O, ,'DIR LAS DGE BA ZAG PA DANG BCAS PA BSGOMS PA LAS BYUNG BA BYAS PA'I RNAM PAR SMIN PA NI DER SKYES PA'I SEMS CAN RNAMS KYIS SO SOR YANG DAG PAR MYONG BAR 'GYUR RO ZHES BYA BA 'DI NI RNAM PAR SMIN PA'I RGYU STE, 'BRAS BU MI 'DRA BA 'PHEN PAR BYED PA NYID DU RNAM PAR GZHAG GO, ,DE LTAR NA RGYU DE DAG STON PA SANGS RGYAS KYIS NYE BAR BSTAN MOD KYI, MOD SDE PA RNAMS KYIS NI RAB TU SDANG BAS MA MTHONG NGO, ,RGYU RNAMS NI DRUG GO ZHES GRANGS DRUG TU YONGS SU CHAD PA'I MDO NI RTZA BA'I BSDUS PA NYAMS PAS GCIG LAS 'PHROS PA'I LUNG DU NYAMS MOD KYI, DE GNAS BRTAN K'A TY'A YA NA'I BU LA LHAS NYE BAR GTANG PA YIN NO, ,DE'I PHYIR MDO'I DON KHO NA RNAM PAR BSHAD PA KHO NA YIN GYI, MDO DANG 'GAL BA NI MA YIN NO, ,RANG LAS GZHAN PA BYED RGYU'I RGYU, ,ZHES BYA BA LA, BDAG NYID LA BYED PA MI SRID PA'I PHYIR NA RANG LAS GZHAN PA ZHES BYA BA SMOS SO, ,CHOS THAMS CAD CES BYA BA NI 'DUS BYAS DANG 'DUS MA BYAS RNAMS SO, ,MYA NGAN LAS 'DAS PA NI 'JUG PA DANG 'GAL BA'I PHYIR LA, LAM NI NYON MONGS PA SKYE BA DANG 'GAL PA'I PHYIR JI LTAR CHOS THAMS CAD BYED RGYU NYID YIN ZHE NA, SKYE BA LA GEGS MI BYED PA'I NGO BOR GNAS PA'I PHYIR RO, ,'BRAS BU MI SKYE BA NI RNAM PA GNYIS TE, RGYU MED PA'I PHYIR DANG, GEGS BYED PA YOD PA'I PHYIR RO, ,BZLOG STE RGYU YOD PHYIR DANG, GEGS BYED PA MED PA'I PHYIR NI SKYE BA YIN PAS GEGS MI BYED PA'I NGO BOR GNAS PA LAS RANG LAS GZHAN PA BYED RGYU'I RGYU YIN PAR GRUB PO, , RGYU DANG RKYEN RNAMS TSOGS NA SKAD CIG MAS BAR CHOD PA MED PAS 'BYUNG BA'I CHOS LA NI SKYE BZHIN PA ZHES BRJOD DO, ,ZAG PA GANG DAG MI SHES PA ZHES BYA BA RGYAS PAR 'BYUNG BA LA, MI SHES PA NI ZAG PA LA SKYE BA LA GTZO BO'I RGYU YIN TE, DE'I PHYIR ZAG PA GANG DAG MI SHES PA DE LA DE @200A *, ,DAG NI SHES PA DE LA MI SKYE STE, SHES PAS DE DAG GI RGYU MI SHES PA SPANGS PA'I PHYIR RO, ,NYI MA'I 'OD KYIS KYANG SKRA MA ZIL GYIS GNON PA DE'I PHYIR MIG GI YUL DU 'GYUR BA MA YIN TE, DE'I PHYIR 'DI LAS MTHONG BA MI 'BYUNG BA YIN NA JI LTAR RANG LAS GZHAN PA BYED RGYU'I RGYU YIN ZHE NA, BSHAD PA, SKYE BZHIN PA MA YIN PA LA GEGS MI BYED PA'I NGO BOR GNAS PA'I PHYIR BYED RGYU ZHES MI BYA STE, 'O NA CI ZE NA, SKYE BZHIN PA LAS ZHES BYA BA RGYAS PAR 'BYUNG NGO, ,RGYU DANG RKYEN RNAMS TSOGS NA BAR MED PAR 'BYUNG BA'I CHOS NI SKYE BZHIN PA ZHES BYA STE, SKYE BZHIN PA GEGS BYED PA THAMS CAD DANG BRAL BA DE SKYED PA LA CHOS THAMS CAD GEGS MI BYED PA'I NGO BOR GNAS PA YIN NO, ,DE NYID KYI PHYIR MA 'ONGS PA NYID DU MTSUNGS PA BZHIN DU DA LTAR BA'I NGO BOR BYA BA LA GEGS BYED PA MED PA'I PHYIR GNAS SKABS DE LA SKYE BZHIN PA ZHES BYA'O, , RE ZHIG SKYE BA LA GEGS BYED NUS PA RNAMS NI ZHES BYA BA NI DPER NA ZAG PA SKYE BA LA SHES PA DANG, SKAR MA RNAMS MTHONG BA LA NYI MA'I 'OD LTA BU'O, ,DPER BRJOD PA SMRAS PA NI, DPER NA SPYOD PAR BYED PA MI 'TSE BA'I ZHES BYA BA RGYAS PAR 'BYUNG STE, GRONG DPON MI 'TSE BA LA BSAMS NAS GRONG MI RNAMS BDAG CAG NI RJE BOS BDE BAR BYAS SO ZHES ZER BA LTA BU'O, ,CI'I PHYIR DE DAG DE SKAD ZER BAR 'GYUR ZHE NA, GANG GI PHYIR DE 'TSE BAR BYED PAR NUS LA, 'TSE BA YANG MI BYED PA'I PHYIR RO, ,GANG ZHIG GEGS BYED PAR MI NUS PA RNAMS NI ZHES BYA BA LA SOGS PA 'BYUNG NGO, ,DPER NA CHOS THAMS CAD SKYE BA LA MYA NGAN LAS 'DAS PA DANG ZHES BYA BA RGYAS PAR 'BYUNG STE, MYA NGAN LAS 'DAS PA DANG MI SKYE BA'I CHOS CAN RNAMS LA NI 'DU BYED SKYE BA'I GEGS BYED PAR NUS PA MED NA JI LTAR THAMS CAD SKYE BA LA RGYU YIN, DMYAL BA LA SOGS PA DAG CES BYA BA LA, DMYAL BA DANG, YI DGAS DANG, DUD 'GRO DAG GZUGS MED PA'I PHUNG PO SKYE BA LA JI LTAR RGYU'I DNGOS PO YIN, DMYAL BA LA SOGS PA SMOS PA NI MI LA SOGS PA RNAMS NI RES 'GA' NYE BAR BSTAN PA LA SOGS PA'I SGO NAS 'GYUR RO SNYAM DU BSAMS PA'O, ,MYA NGAN @200B LAS 'DAS PA LA SOGS PA DE DAG MED KYANG YOD PA JI LTA BA DE KHO NA BZHIN DU GEGS BYED MI NUS PAR 'GYUR RO, ,YOD DAM MED KYANG RUNG STE, GEGS BYED PAR NUS PA GEGS MI BYED PA DANG, BYED PAR MI NUS PA MI BYED PA'I NGO BOR KHYAD PAR 'GA' YANG MED DE, GNYIS KA YANG DE LA BYED PA MTSUNGS PA'I PHYIR RO, , SPYOD PAR BYED PA MI NUS BZHIN DU YANG ZHES BYA BA RGYAS PAR 'BYUNG STE, SPYOD PAR BYED PA 'TSE BAR MI NUS PA LA YANG GRONG GI MI RNAMS RJE BOS BDAG CAG BDE BAR BYAS SO ZHES DE SKAD DU 'DZER BA YOD PAS 'DI'I DPE NI SNGAR GYI GANG YIN PA DE NYID YIN NO, ,DE'I PHYIR DPE 'DI NYID KYIS MYA NGAN LAS 'DAS PA LA SOGS PA GEGS BYED PAR MI NUS PA RNAMS KYANG GEGS MI BYED PA'I NGO BOR GNAS PA LAS BYED RGYUR GRUB PO, ,'DIR NI SPYIR ZHES BYA BA LA SOGS PA LA, GANG ZHIG BYED RGYU 'I GTZO BO DANG, GANG ZHIG BYED RGYU'I GTZO BO MA YIN PA THAMS CAD KYI DBANG DU BYAS NAS, RANG LAS GZHAN PA BYED RGYU'I RGYU ZHES BYA BA BSHAD PA'O, ,BYED RGYU'I GTZO BO GANG YIN PA DE NI ZHES BYA BA RGYAS PAR 'GYUR TE, DE NYID KYI PHYIR BYED RGYU'I RGYU ZHES BYA'O, ,BYED RGYU NYID LA LTOS NAS RGYU YIN TE, SKYED PAR BYED PA'I NGO BOS BYED PA DANG LDAN PA'I PHYIR YIN GYI, GEGS MI BYED BA'I NGO BO TZAM DU GNAS PA'I PHYIR NI MA YIN NO, ,DPER NA MIG GI RNAM PAR SHES PA LA MIG DANG GZUGS DAG DANG ZHES BYA BA LA DE LA MIG NI RTEN GYI RGYU'O, ,GZUGS NI GNAS KYI RGYU'O, ,YANG NA MIG NI RGYU'I RKYEN NO, ,GZUGS NI DMIGS PA'I RKYEN NO, ,RNA BA LA SOGS PA RNAMS LA YANG DE DANG 'DRA BAR BRJOD PAR BYA'O, ,LUS LA ZAS DANG ZHES BYA BA LA CI ZHE NA, BSKYED PAR BYA BAR NUS PA YOD DE ZHES BYA BAR SBYAR TE, ZAS KUN 'BYUNG BA LAS LUS KUN DU 'BYUNG NGO ZHES 'BYUNG BA'I PHYIR RO, ,MYU GU LA SOGS BA BZHIN NO ZHES BYA BA RGYAS PAR 'BYUNG BA LA SOGS PA ZHES BYA BA'I SGRAS NI SA BON DANG MYU GU DANG LO MA DANG TSIGS 'CHAS PA SOGS PA DAG BSDU'O, ,YANG NA SOGS PA ZHES BYA BA'I SGRAS NI ZHING LA SOGS PA GZUNG NGO, ,GANG ZHIG 'DI SKAD DU ZHES RGYAS PAR 'BYUNG BA LA, ,RGYU YOD NA 'BRAS BUR 'GYUR RO SNYAM DU BSAMS YNAS RGOL BA'O, ,CI'I PHYIR THAMS CAD CIG CAR SKYE BAR MI 'GYUR TE, JI LTAR SROG GCOD PA LA BYED PA PO SROG GCOD PA LA BRTEN PAR 'GYUR BA DE BZHIN DU THAMS CAD KYANG CI'I @201A *, ,PHYIR DE BRTEN PAR MI 'GYUR, BYED PA BO'I NGO BOS NI MA YIN PA'I PHYIR RO ZHES BYA BA NI BYED PA PO'I NGO BOS NI MA YIN PA STE, DE'I PHYIR 'DI KLAN KA MA YIN NO, ,GZHAN DAG NA RE GEGS MI BYED PA'I NGO BO NYID DU GNAS PA 'BA' ZHIG TU MA ZAD KYI, THAMS CAD SKYE BA LA BYED RGYU THAMS CAD NUS PA YOD DO ZHES ZER RO, ,YID KYI RNAM PAR SHES PA DGE BA DANG MI DGE BA SKYE STE ZHES BYA BA LA, YID KYI RNAM PAR SHES PA YANG DAG PAR LTA BA DANG MTSUNGS PAR LDAN PA DGE BA DANG, LOG PAR LTA BA LA SOGS PA DANG MTSUNGS PAR LDAN PA MI DGE BA MYA NGAN LAS 'DAS PA LA DMIGS PA SKYE BA YIN LA; DE NAS MIG GI RNAM PAR SHES PA SKYE BA'I PHYIR BRGYUD PA'I SGO NAS MYA NGAN LAS 'DAS LAS PA DE YANG RKYEN DU GYUR PA'I PHYIR NUS PA YOD DO, ,GANG LA ZHE NA, MIG GI RNAM PAR SHES PA LA'O, ,DE BZHIN DU GZHAN LA YANG RTOGS PAR BYA STE ZHES BYA BA LA, DMYAL BA LA SOGS PA DAG GIS KYANG GZUGS MED PA'I PHUNG PO SKYED PAR NUS SO, ,CI LTAR ZHE NA, KYE MA DMYAL BA DANG YI DAGS LA SOGS PA 'DI DAG NI MCHOG TU SDUG BSNGAL BA ZHIG GO SNYAM DU DMYAL BA LA SOGS PA LA DMIGS PA'I YID KYI RNAM PAR SHES PA SKYE LA, DE RIM GYIS TSUL KHRIMS LA GNAS PA RAB TU BSGOM PA LA RAB TU SBYOR BA LAS GZUGS MED PA'I SNYOMS PAR 'JUG PA DANG SKYE BA SKYE BAR 'GYUR RO, ,DE BZHIN DU THAL BA'I SMAN DANG, TSER MA LA SOGS PA DANG PHRAD PA YANG TSOR BA BDE BA'I RGYU YIN TE, DE NI BDE BA'I DNGOS KYI LA, SDUG BSNGAL GYI RGYU NI BRGYUD PA'I SGO NAS YIN NO, ,BYED PA'I RGYU BSHAD ZIN TO,, ,,LHAN CIG 'BYUNG GANG PHAN TSUN 'BRAS RGYU ZHES BYA BAR SBYAR RO, ,'DI LA KHA CIG NI LHAN CIG 'BYUNG BA'I RGYU NI CHOS PHAN TSUN 'BRAS BUR GYUR PA DAG KHO NA YIN NO ZHES NGES PAR 'DZIN PAR BYED DO, ,DE LTAR NA PHAN TSUN 'BRAS BUR MA YIN PA RNAMS LHAN CIG 'BYUNG BA'I RGYU NYID YIN PAS GSAL BAR 'GYUR TE, DE'I PHYIR CHOS MTHUN PA'I MTSAN NYID RNAMS KYI LHAN CIG 'BYUNG BAR MI 'GYUR RO, ,DE'I PHYIR PHAN TSUN 'BRAS BU YIN PA DANG, RING BA MA YIN PAR 'GYUR NA LHAN CIG 'BYUNG BA NYID YIN GYI, GZHAN NI MA YIN NA ZHES NGES PAR @201B GZUNG BAR BYA'O, ,MTSUNGS PAR LDAN PA'I RGYUR THAL BA YANG YIN TE, DE NI NYE BA RNAMS KHO NA'I YIN NO, ,DE LTA YIN DANG LHAN CIG 'BYUNG BA THAMS CAD LHAN CIG 'BYUNG BA'I RGYU NYID DU NYE BAR GZUNG BAR 'GYUR RO, ,DE NYID KYI PHYIR CHOS GANG DAG PHAN TSUN GYI 'BRAS BU YIN PA ZHES BSHAD DE, PHAN TSUN GYI RGYU YIN PA'I PHYIR 'BRAS BU DANG LHAN CIG 'BYUNG BAS NA LHAN CIG 'BYUNG BA'I RGYU'O, ,DE NYID KYI PHYIR DE DAG NI PHAN TSUN LHAN CIG 'BYUNG BA'I RGYU'O ZHES BYA BA SMOS SO, ,'DI DPE MED PAR RTOGS PAR MI NUS PAS 'DRI BAR BYED PA NI, DPER NA JI LTA BU ZHES BYA BA'O, ,'DIR RGOL BA'I TSIG NI, BZHIN ZHES BYA BA'I DON NI YOD PA MA YIN TE, THAMS CAD DPER BRJOD PA'I PHYIR RO ZHE NA, 'DIR THAMS CAD DPER BRJOD PA MA YIN GYI, 'ON KYANG GANG ZHIG BZHIN NO ZHES BYA BAS NYE BAR STON PA DPER MA BRJOD PA YANG YOD DO, ,DE YANG GANG ZHE NA, SEMS KYI RJES SU 'JUG PA PHAN TSUN DANG, MTSAN NYID RNAMS PHAN TSUN NO, ,'BYUNG BA CHEN PO BZHI DAG NI, ,ZHES BYA BA LA, RDZAS LHAG MA YOD KYANG GSUM GCIG GI YIN TE, RANG GI NGO BO LA MI LTOS PA'I PHYIR DANG, RDZAS SKAL BA MNYAM PA LA MI LTOS PA YIN NO, ,DE LTAR 'DUS BYAS THAMS CAD CES GANG BSHAD PA HA CANG THAL BA DANG, CI RIGS PAR ZHES BYA BA SMOS SO, ,'DI SKAD BSTAN PAR 'GYUR TE, THAMS CAD LAN CIG 'BYUNG BA'I RGYU YIN GYI, THAMS CAD KYANG NI MA YIN TE, 'O NA CI ZHE NA, CI RIGS PAR TE, 'BREL PA LAS 'CHAD DO, ,PHAN TSUN 'BRAS BU NYID MED BZHIN DU CHOS NI ZHES BYA BA RGYAS PAR 'BYUNG BA LA, CHOS NI GTZO BO YIN PA'I PHYIR MTHUN PA'I MTSAN NYID RNAMS KYI YIN GYI, DE DAG NI DE'I MA YIN TE, RING BA'I PHYIR DANG, CHOS GCIG LA 'JUG PA'I PHYIR RO, ,KHA BSKANG BAR BYA'O ZHES BYA BA NI NYE BAR KHA BSKANG BAR BYA'O ZHES BYA BA'O, ,CI'I PHYIR DE LTAR MTSAN NYID MA KHYAB PA BYAS SHE NA, LHAN CIG 'BYUNG BA'I RGYU NI 'DUS BYAS KYI CHOS 'BRAS BU GCIG PA RNAMS KYI 'O ZHES BSTAN BCOS LAS DE SKAD 'DON PA'I PHYIR RO, ,BSTAN BCOS LAS SEMS KYI RJES SU 'JUG PA'I GZUGS SEMS KYI LHAN CIG 'BYUNG @202A *, ,BA'I RGYUR MA BSHAD PA NI NYE BAR MTSON PA TZAM YIN TE, GANG GI PHYIR SEMS CAN THAMS CAD LA 'BYUNG BA RNAMS NGES PAR LHAN CIG 'BYUNG BA YIN GYI, BSAM GTAN DANG ZAG PA MED PA'I SNGOM PA NI SEMS THAMS CAD DANG LHAN CIG 'BYUNG BA MA YIN TE, MNYAM PAR MA BZHAG PA'I SEMS LA DE DAG MED PA'I PHYIR RO, ,DUS DANG NI, 'BRAS SOGS DGE LA SOGS PAS SO, ,ZHES BYA BA LA, 'BRAS BU LA SOGS PA DAG DANG, DGE BA LA SOGS PA DAG GI YIN PAS NA, DUS DANG NI, 'BRAS SOGS DGE BA LA SOGS PAS SO, ,RE ZHIG DUS LAS NI ZHES BYA BA RGYAS PAR 'BYUNG BA LA, SEMS DANG LHAN CIG SKYE BA DANG, GNAS PA GCIG PA DANG, 'GAG PA GCIG PA DANG, DUS GCIG TU GTOGS PA'O, ,DE'I DNGOS PO NI DUS GCIG TU GTOGS PA NYID DE, BZHI PA DUS GCIG TU GTOGS PA NYID DES SO, ,GAL TE SKYE BA GCIG PA LA SOGS PA SMOS PA NYID KYIS DUS GCIG TU GTOGS PA NYID KYANG KHONG DU CHUD PA NYID MA YIN NAM DUS GCIG TU GTOGS PA NYID KYIS SO ZHES YANG CI'I PHYIR SMOS SHE NA, MI SKYE BA'I CHOS CAN SHES PAR BYA BA'I PHYIR RO, ,DE LTA NA 'O NA DUS GCIG TU GTOGS PA NYID YIN LA RAG MOD CE NA, DE LTA NA YANG DUS GCIG PA KHO NA RTOGS PAR 'GYUR RO, ,'BRAS BU SMOS PAS NI SKYES BU BYED PA DANG, BRAL BA'I 'BRAS BU BSDU'O, ,GAL TE RGYU MTHUN PA DANG, RNAM PAR SMIN PA'I 'BRAS BU GNYIS KYANG 'BRAS BU'I RANG BZHIN NYID MA YIN NAM, DE DAG LOGS SU CI'I PHYIR SMOS SHE NA, SKYES BU BYED PA'I 'BRAS BU NI RNAM PA BZHI STE, LHAN CIG DANG, MJUG THOGS DANG, DUS GZHAN DU SKYE BA DANG, MI SKYE BA'O, ,LHAN CIG SKYE BA NI LHAN CIG 'BYUNG BA DANG MTSUNGS PAR LDAN PA'I RGYU GNYIS KYI STE, 'DI GNYIS KYI 'BRAS BU NI LHAN CIG SKYE'O, ,MJUG THOGS SU SKYE BA NI 'JIG RTEN PA'I CHOS KYI MCHOG RNAMS KYI STE, SDUG BSNGAL LA CHOS SHES PA'I BZOD PA'O, ,DUS GZHAN DU SKYE BA NI DPER NA RNAM PAR SMIN PA'I 'BRAS BU LTA BU STE, THAR PA'I CHA DANG MTHUN PA RNAMS KYI BYANG CHUB GSUM LA SOGS PA'O, ,MI SKYE BA NI BAR CHAD MED PA'I LAM RNAMS KYI BRAL BA'I 'BRAS BU'O, ,DE'I PHYIR 'DIR RGYU MTHUN PA DANG RNAM PAR SMIN PA'I RGYU DANG LHAN CIG 'BYUNG BA MA YIN PA DAG LOGS SHIG TU SMOS SO, ,RNAM PAR SMIN @202B PA DANG RGYU MTHUN PA'I 'BRAS BU DAG NI RGYU DANG LHAN CIG 'BYUNG BA MA YIN TE, GANG GI PHYIR DE DAG NI DUS GZHAN DU SKYE BA DANG, MJUG THOGS SU SKYE BA YIN NO, ,RNAM PAR SMIN PA DANG RGYU MTHUN PA'I 'BRAS BU LHAN CIG 'BYUNG BA MA YIN PA DE DAG DANG LHAN CIG BSTAN NA SKYES BU BYED PA'I 'BRAS BU LHAN CIG SKYE BA KHO NA 'DZIN PAR 'GYUR TE, RANG GI NGO BO RANG GI NGO BO'I 'BRAS BU MA YIN PAS PHAN TSUN 'BRAS BU YIN PA'I PHYIR RO, ,DE'I PHYIR 'BRAS BU SMOS PAS NI SKYES BU BYED PA DANG BRAL BA'I 'BRAS BU DAG 'DZIN TO, ,BDAG PO'I 'BRAS BU CI'I PHYIR MA BSDUS SHE NA, DE NI CHOS THAMS CAD KYI 'BRAS BU YIN GYI, SEMS KYI RJES SU 'JUG PA RNAMS KHO NA'I NI MA YIN NO, ,GCIG CES BYA BA'I SGRA SNGA MA NI LHAN CIG PA'I DON DU BLTA BAR BYA STE, SKYE BA DANG GNAS PA DANG 'GAG PA GCIG PA NYID DANG ZHES BYA BA DE'I SGRA GANG YIN PA DE NI SNGA MA'O, ,GCIG CES BYA BA'I SGRA PHYI MA NI THUN MONG GI DON DU RIG PAR BYA'O, ,DE LTAR NA RGYU BCUS ZHES BYA BA LA, DUS LAS BZHI DANG, 'BRAS BU LAS GSUM DANG, DGE BA LA SOGS PA GSUM NYID KYIS SO, ,'DIR NI MNYAM PA'I RNAM PA CI RIGS PAR YONGS SU BGRANG GI ,THAMS CAD LA THAMS CAD NI MA YIN NO, ,DE LA DGE BA LA SOGS PA RNAMS NI PHAN TSUN DU BDAG NYID KYI RANG GI NGO BO MED PA'I PHYIR RO, ,DE BZHIN DU BAR CHAD MED PA'I LAM GYIS BSDUS PA ZAG PA MED PA RNAMS LA NI RNAM PAR SMIN PA'I 'BRAS BU MED LA, MI DGE BA DANG LUNG DU MA BSTAN PA YANG MED DO, ,RNAM PAR GROL BA'I LAM LA SOGS PA ZAG PA MED PA GZHAN RNAMS LA NI RNAM PAR SMIN PA DANG BRAL BA'I 'BRAS BU DAG MED LA, MI DGE BA DANG LUNG DU MA BSTAN PA GNYIS KYANG MED DO, ,DGE BA ZAG PA DANG BCAS PA BAR CHAD MED PA'I LAM GYIS BSDUS PA RNAMS LA NI 'BRAS BU THAMS CAD YOD DO, ,MI DGE BA DANG LUNG DU MA BSTAN PA GNYIS NI MED DO, ,DGE BA ZAG PA DANG BCAS PA GZHAN RNAMS DANG, MI DGE BA RNAMS LA NI BRAL BA'I 'BRAS BU MA GTOGS PA YOD DE, GANG GI PHYIR BRAL BA'I 'BRAS BU NI BAR CHAD MED PA'I LAM KHO NA'I YIN PI'I PHYIR RO, ,LUNG DU MA BSTAN PA RNAMS LA NI RNAM PAR SMIN PA DANG BRAL BA'I 'BRAS BU DANG, DGE BA DANG, MI DGE BA MA GTOGS PA YOD DO, ,DE @203A *, ,LTAR NA KHA CIG NI RGYU DRUG GIS SEMS KYI RJES SU 'JUG PA YIN LA, KHA CIG NI BDUN GYIS YIN ZHING KHA CIG NI BRGYAD KYIS YIN NO, ,DE LA SEMS NANG NA NYUNG BA NI ZHES BYA BA RGYAS PAR 'BYUNG BA LA, BSAM GTAN GNYIS PA LA SOGS PA DAG DANG, GZUGS MED PA DAG GI MA BSGRIBS LA LUNG DU MA BSTAN PA NI 'KHOR NYUNG BA'I PHYIR NYUNG BA ZHES BYA'O, ,DE DAG GI MTSAN NYID CES BYA BA NI SA MANG PO PA BCU'I MTSAN NYID DO, ,DE DAG GI MTHUN PA'I MTSAN NYID RNAMS KYI NI MA YIN TE, RING BA'I PHYIR RO, ,NYE BA'I PHYIR RANG GI MTSAN NYID RNAMS KYI NI YIN TE, DE'I PHYIR, RANG GI MTSAN NYID DANG MTHUN PA'I MTSAN NYID BRGYAD KYI YIN NO ZHES BYA BA SMOS SO, ,RANG GI MTHUN PA'I MTSAN NYID RNAMS MA GTOGS PA RNAMS SO ZHES BYA BA LA, DE DAG CI'I PHYIR SEMS KYI LHAN CIG 'BYUNG BA'I RGYU MA YIN ZHE NA, DE DAG SEMS KYI MTSAN NYID RNAMS KHO NA LA BYED PA DANG LDAN PAS CHOS GCIG LA 'JUG PA'I PHYIR DANG, RING BA'I PHYIR RO, ,GZHAN DAG NA RE BCU BZHI YIN TE, MTHUN PA'I MTSAN NYID BZHIN DU SA MANG PO PA'I MTSAN NYID RNAMS KYANG SEMS LA BYED PA DANG MI LDAN PA'I PHYIR LHAN CIG 'BYUNG BA'I RGYU NYID MA YIN NO ZHES ZER RO, ,DE LTAR NA RAB TU BYED PA'I GZHUNG ZHES BYA BA LA, GAL TE SA MANG PO PA DAG GI MTSAN NYID RNAMS SEMS KYI LHAN CIG 'BYUNG BA'I RGYU MA YIN NA'O, ,SDUG BSNGAL GYI BDEN PA LA 'JIG TSOGS LA LTA BA'I RGYU CAN YIN LA ZHES BYA BA RGYAS PAR 'BYUNG NGO, ,SDUG BSNGAL GYI BDEN PA LA, 'JIG TSOGS LA LTA BA'I RGYU CAN YIN LA, 'JIG TSOGS LA LTA BA'I RGYU MA YIN PA YANG YOD, 'JIG TSOGS LA LTA BA'I RGYU YIN LA, 'JIG TSOGS LA LTA BA'I RGYU CAN YIN PA YANG YOD, 'JIG TSOGS LA LTA BA'I RGYU CAN YANG MA YIN LA, 'JIG TSOGS LA LTA BA'I RGYU YANG MA YIN PA YANG YOD DAM ZHE NA, DE LA BDEN PA BZHI MTHONG BA DANG, BSGOM PAS SPANG BAR BYA BA'I PHRA RGYAS RNAMS DANG DE DAG DANG MTSUNGS PAR LDAN PA TSOR BA LA SOGS PA THAMS CAD LA SDUG BSNGAL GYI BDEN PA ZHES BYA STE, DE DAG LA 'DI BSAM PAR BYA'O, ,DE LA 'JIG TSOGS LA LTA BA'I RGYU CAN YIN LA, 'JIG TSOGS LA LTA BA'I RGYU MA YIN PA NI SDUG BSNGAL MTHONG @203B BAS SPANG BAR BYA BA'I PHRA RGYAS 'DAS PA DANG, DA LTAR BYUNG BA RNAMS DANG, DE DAG DANG MTSUNGS PAR LDAN PA'I SDUG BSNGAL GYI BDEN PA MA GTOGS PA DANG, KUN 'BYUNG BA MTHONG BAS SPANG BAR BYA BA'I PHRA RGYAS KUN DU 'GRO BA 'DAS PA DANG, DE LTAR BYUNG BA RNAMS DANG, DE DAG DANG LHAN CIG 'BYUNG BA'I SDUG BSNGAL GYI BDEN PA MA GTOGS PA DANG, 'JIG TSOGS LA LTA BA MA 'ONGS PA DANG, DE DANG MTSUNGS PAR LDAN PA'I SDUG BSNGAL GYI BDEN PA MA GTOGS PA DANG, 'JIG TSOGS LA LTA BA DANG, DE DANG MTSUNGS PAR LDAN PA'I CHOS RNAMS KYI SKYE BA DANG, RGA BA DANG, GNAS PA DANG, MI RTAG PA DAG MA GTOGS PA DE DAG LAS GZHAN PA'I SDUG BSNGAL GYI BDEN PA NYON MONGS PA CAN GANG YIN PA'O, ,DE NI SDUG BSNGAL MTHONG BAS SPANG BAR BYA BA'I PHRA RGYAS MA 'ONGS PA RNAMS DANG, DE DAG DANG MTSUNGS PAR LDAN PA TSOR BA LA SOGS PA RNAMS DANG, KUN 'BYUNG BA MTHONG BAS SPANG BAR BYA BA KUN DU 'GRO BA MA YIN PA DUS GSUM PA RNAMS DANG, KUN DU 'GRO BA MA 'ONGS PA RNAMS DANG, DE DAG DANG MTSUNGS PAR LDAN PA TSOR BA LA SOGS PA RNAMS DANG, 'GOG PA DANG LAM MTHONG BA DANG, BSGOM PAS SPANG BAR BYA BA DUS GSUM PA RNAMS DANG, DE DAG DANG MTSUNGS PAR LDAN PA'I TSOR BA LA SOGS PA RNAMS TE, DE DAG NI 'JIG TSOGS LA LTA BA'I RGYU CAN YIN LA, 'JIG TSOGS LA LTA BA'I RGYU MA YIN PA'O, ,DE LTAR SNGAR SKYES PA'I 'JIG TSOGS LA LTA BA NI 'DI DAG GI KUN DU 'GRO BA'I RGYUS RGYU YIN GYI, DE DAG NI 'JIG TSOGS LA LTA BA'I RGYU MA YIN TE, MA SKYES PA'I PHYIR DANG, KUN DU 'GRO BA MA YIN PA'I PHYIR RO, ,MU GNYIS PA NI MED DO, ,'JIG TSOGS LA LTA BA'I RGYU YANG YIN LA, 'JIG TSOGS LA LTA BA'I RGYU CAN YANG YIN PA GANG ZHE NA, DE'I PHYIR, MA GTOGS PA GANG YIN PA'O ZHES BYA BA SMOS SO, ,MA GTOGS PA YANG 'JIG TSOGS LA LTA BA DANG MTSUNGS PAR LDAN PA'I CHOS RNAMS KYI SKYE BA LA SOGS PA DAG STE, DE DAG NI SNGAR SKYES PA'I 'JIG TSOGS LA LTA BAS KUN DU 'GRO BA'I RGYUS BSKYED PA YIN LA, DE LTAR BYUNG BAS NA LHAN CIG 'BYUNG BA'I RGYUS BSKYED PA YIN NO, ,DE DAG GIS @204A *, ,KYANG LHAN CIG 'BYUNG BA'I RGYUS 'JIG TSOGS LA LTA BA DA LTAR BYUNG BA BSKYED PA YIN NO, ,DE'I PHYIR TSOR BA LA SOGS PA RNAMS KYI SKYE BA LA SOGS PA RNAMS SEMS KYI LHAN CIG 'BYUNG BA'I RGYU YIN NO, ,DE'I PHYIR BSTAN BCOS LAS LHAN CIG 'BYUNG BA'I RGYU NI CHOS LNGA BCU RTZA BZHI STE ZHES BYA BA GNAS PA YIN NO, ,'JIG TSOGS LA LTA BA'I RGYU CAN MA YIN LA, 'JIG TSOGS LA LTA BA'I RGYU YANG MA YIN PA NI SDUG BSNGAL GYI BDEN PA NYON MONGS PA CAN MA YIN PA STE, DE NI KUN DU 'GRO BA'I RGYU 'AM, SKAL BA MNYAM PA'I RGYU 'AM, LHAN CIG 'BYUNG BA'I RGYUS 'JIG TSOGS LA LTA BA'I RGYU MA YIN LA, 'JIG TSOGS LA LTA BA YANG DE'I MA YIN NO, ,MA GTOGS PA GANG YIN PA'O ZHES BYA BA 'DIR KHO BO CAG GIS NI SKYE BA LA SOGS PA KHO NA BSHAD DE, DE DAG GI DON DU 'DIR NYE BAR BKOD PA'I PHYIR RO, ,MA GTOGS PA GZHAN GANG YIN PA DE YANG 'JIG TSOGS LA LTA BA'I RGYU CAN YANG YIN LA, 'JIG TSOGS LA LTA BA'I RGYU YANG YIN PAR BRJOD PAR BYA'O, ,GANG DAG DE DANG MTSUNGS PAR LDAN PA'I CHOS RNAMS KYI ZHES MI 'DON PA DE DAG GI LTAR NA RAB TU BYED PA'I GZHUNG JI LTAR 'GAL BAR 'GYUR ZHES KHONG NAS DBYUNG BAR BYA'O, ,'O NA JI LTAR 'DON ZHE NA, 'JIG TSOGS LA LTA BA'I SKYE BA DANG, RGA BA DANG, GNAS PA DANG, MI RTAG PA DAG MA GTOGS PA ZHES DE SKAD DU 'DON TE, 'DI LTAR, 'DI DAG GI SKYE BA LA SOGS PA'I STOBS KYIS NI SEMS MI SKYED DE, RANG GI MTHUN PA'I MTSAN NYID BZHIN NO, ,DE'I PHYIR DE DANG MTSUNGS PAR LDAN PA'I CHOS RNAMS KYI ZHES DE SKAD DU MI 'DON TE, KHA CHE BA RNAMS NA RE ZHES BYA BA SMOS PA NI, DE DAG GIS KYANG DE SKAD DU 'DON PAR BYA BA 'AM ZHES BYA BA 'DI LA RGYU CUNG ZAD KYANG YOD PA MA YIN NO ZHES SHES PAR BYA BA'I PHYIR RO, ,RE ZHIG GANG LHAN CIG 'BYUNG BA'I RGYUS RGYU YIN PA DE NI LHAN CIG 'BYUNG BA YANG YIN NO ZHES BYA STE, SEMS LAS BYUNG BA LA SOGS PA RNAMS SO, ,GANG ZHIG LHAN CIG 'BYUNG BA'I RGYU YIN PA DE LHAN CIG 'BYUNG BA MA YIN PA ZHES BYA BA 'DI NI SRID PA @204B YOD PA MA YIN NO, ,GANG ZHIG GANG DANG LHAN CIG 'BYUNG BA DE NI GDON MI ZA BAR LHAN CIG 'BYUNG BA'I RGYUS RGYU MA YIN TE, DPER NA MTHUN PA'I MTSAN NYID SKYE BA'I SKYE BA LA SOGS PA RNAMS CHOS KYI LHAN CIG 'BYUNG BAR 'GYUR GYI, LHAN CIG 'BYUNG BA'I RGYUS RGYU NI MA YIN PA LTA BU STE, RING BA'I PHYIR DE DAG CHOS LA BYA BA BYED PA MA YIN NO, ,DE DAG PHAN TSUN TE, MTHUN PA'I MTSAN NYID SKYE BA'I SKYE BA LA SOGS PA DE DAG KYANG LHAN CIG 'BYUNG BA YIN GYI, LHAN CIG 'BYUNG BA'I RGYUS RGYU NI MA YIN TE, CHOS GCIG LA 'JUG PA'I PHYIR RO, ,SEMS KYI RJES SU 'JUG PA NI SEMS LAS BYUNG BA RNAMS DANG, BSAM GTAN DANG, ZAG PA MED PA'I SNGOM PA DAG STE, DE DAG GI MTSAN NYID SKYE BA NYID LA SOGS PA RNAMS KYI MTSAN NYID GANG DAG YIN PA DE DAG NI BYA BA RING BA'I PHYIR, SEMS KYI LHAN CIG 'BYUNG BA'I RGYU MA YIN LA, PHAN TSUN DU YANG MA YIN TE, CHOS GCIG LA 'JUG PA'I PHYIR RO, ,RGYUR BYAS PA'I GZUGS THOGS PA DANG BCAS PHAN TSUN DANG ZHES BYA BA LA, RDUL PHRA RAB RDZAS BRGYAD LA SOGS PA DAG GI RGYUR BYAS PA'I GZUGS DANG, RO LA SOGS PA GANG DAG YIN PA DE DAG NI LHAN CIG 'BYUNG BA YIN GYI, ,LHAN CIG 'BYUNG BA'I RGYU NI MA YIN NO, ,THOGS PA MED PA CUNG ZAD DANG, ,ZHES BYA BA NI SO SOR THAR PA'I SNGOM PA STE, RGYUR BYAS PA'I GZUGS THOGS PA MED PA BSAM GTAN DANG, ZAG PA MED PA'I SNGOM PAS BSDUS PA RNAM PA BDUN NI PHAN TSUN LHAN CIG 'BYUNG BA'I RGYUS RGYU YIN TE, SEMS KYI RJES SU 'JUG PA'I PHYIR RO, ,THAMS CAD 'BYUNG BA DAG DANG LTA BU'O ZHES BYA BA LA, THOGS PA DANG BCAS PA'AM, THOGS PA MED KYANG RUNG STE, RGYUR BYAS PA'I GZUGS NI BDAG NYID JI LTA BU'I 'BYUNG BA DAG DANG LHAN CIG 'BYUNG BA YIN GYI, LHAN CIG 'BYUNG BA'I RGYU NI MA YIN TE, RGYUR BYAS PA'I GZUGS NI DGE BA DANG MI DGE BA YIN LA 'BYUNG BA RNAMS NI LUNG DU MA BSTAN PA YIN PAS 'BRAS BU THA DAD PA'I PHYIR, LHAN CIG 'BYUNG BA'I RGYU MA YIN NO, ,THOB PA DANG LDAN PA'I THOB PA LHAN CIG SKYES PA RNAMS KYANG ZHES BYA BA 'BYUNG NGO, ,CI'I PHYIR ZHE NA, 'BRAS BU RNAM PAR SMIN PA DANG RGYU MTHUN PA DU MA @205A *, ,YIN BA'I PHYIR RO ZHES BYA BA SMOS TE, LHAN CIG 'BYUNG BA'I RGYU DANG CHOS MI MTHUN PA 'AM, SEMS KYI RJES SU 'JUG PA DANG CHOS MI MTHUN PA STON PA'O, ,'DI LTAR THOB PA RNAMS KYI NI SKYES BU BYED PA'I 'BRAS BU KHO NA YIN LA, BAR CHAD MED PA'I LAM DANG MTSUNGS PAR LDAN PA'I SEMS KYI NI BRAL BA'I 'BRAS BU YANG YIN NO, ,SEMS KYI RNAM PAR SMIN PA NI GZHAN YIN LA DE'I THOB PA RNAMS KYI NI GZHAN YIN TE, 'PHEN BAR BYED PA DANG YONGS SU RDZOGS PAR BYED PA YIN PA'I PHYIR RO, ,THOB PA RNAMS KYI RGYU MTHUN PA'I 'BRAS BU NI RTAG TU THOB PA RNAMS KHO NA YIN LA, SEMS KYI RGYU MTHUN PA'I 'BRAS BU NI RES 'GA' BA DGE BA LA SOGS PA SEMS YIN NO, ,DE DAG NI SEMS DANG LHAN CIG SPYOD PA'I TSUL CAN YANG MA YIN TE ZHES BYA BA LA, LHAN CIG SKYES PA RNAMS KYANG DE'I DANG TSUL CAN MA YIN PAR STON NA SNGAR SKYE BA DANG DUS PHYIS SKYE BA DAG LA SMOS KYANG CI DGOS, ,DE DAG THAMS CAD KYANG RUNG MOD KYI ZHES BYA BA NI RE ZHIG LHAN CIG 'BYUNG BA'I RGYUS RGYU YIN PA DE NI LHAN CIG 'BYUNG BA YANG YIN NO ZHES BYA BA RGYAS PAR GANG SMRAS PA'O, ,'ON KYANG SA BON LA SOGS PA RGYU DANG 'BRAS BU'I DNGOS POR GRAGS PA RNAMS LA ZHES BYA BA LA, SA BON DANG; MYU GU DANG, LO MA DANG, SPU BAS 'CHAS PA DANG, SDONG BU LA SOGS PA RNAMS SAM, YANG NA SA BON DANG, 'O MA DANG, BRDABS PA LA SOGS PA RNAMS LA'O, ,DE LA SA BON NI SNGA LA, MYU GU NI 'PHYI ZHING, 'O MA NI SNGA LA ZHO NI 'PHYI'O, ,BRDABS PA NI SNGA LA SGRA NI 'PHYI'O, ,TSUL 'DI NI MI SNANG BAS ZHES BYA BA NI RGYU DANG 'BRAS BU DAG LHAN CIG 'BYUNG BA DANG, PHAN TSUN RGYU DANG 'BRAS BU'I DNGOS PO'O, ,JI LTAR LHAN CIG 'BYUNG BA'I ZHES BYA BA RGYAS PAR 'BYUNG BA LA, SKYES PA DANG MA SKYES PA'I GNAS SKABS DAG LHAN CIG 'BYUNG BA RNAMS RGYU DANG 'BRAS BU'I DNGOS POR MI RIGS TE, BDAG NYID DER GRUB PA'I PHYIR DANG, YOD PA MA YIN PA'I PHYIR RO, ,DE'I PHYIR DE BRJOD PAR BYA'O ZHES BYA BA SMOS SO, ,LHAN CIG 'BYUNG BA LA YANG RGYU DANG 'BRAS BU'I DNGOS PO MTHONG BAS YIN NO ZHES BSTAN PA'I PHYIR, DPER NA ZHES BYA BA RGYAS PAR SMOS SO, ,'OD MAR ME'I RGYU CAN YIN NO ZHES BYA BA 'DI JI @205B LTAR RTOGS PAR BYA ZHE NA, 'DI NI MAR ME'I 'PHEL BA DANG 'GRIB PAR 'GRO BA DANG, GNAS PA'I RJES SU BYED PA'I PHYIR LA, 'OD DON DU GNYER BA RNAMS MAR ME NYE BAR LEN PA'I PHYIR DANG, DE LA SDANG BA RNAMS MAR ME GSOD PAR 'JUG PA'I PHYIR RO, ,RE ZHIG CI MAR ME'I 'OD KYI RGYU YIN NAM ZHES BYA BA RGYAS PAR 'BYUNG BA LA, 'DI SKAD DU, GNYIS KA LAS GRUB PA NI SHES BAR BYED PA YIN NA 'DIS NI LHAN CIG 'BYUNG BA RNAMS RGYU DANG, RGYU DANG LDAN PA'I DNGOS POR SHES BAR NUS PA MA YIN TE, DPYAD PA'I PHYIR RO ZHES STON PAR BYED DO, ,TSOGS PA SNGAR BYUNG BA NI 'BRU MAR DANG, SDONG BU DANG, ME LA SOGS PA PHRAD PA'O, ,DE LA JI LTAR 'OD DANG BCAS BA'I SKAD CIG MA DANG PO'I RGYU 'BRU MAR DANG, SDONG BU DANG, ME YIN PA DE BZHIN DU 'OD DANG BCAS PA'I MAR ME SKAD CIG MA GNYIS PA LA SOGS PA RNAMS KYI RGYU YANG 'BRU MAR DANG, SDONG BU DANG, ME DANG PHRA PA KHO NA YIN GYI, 'OD KYI MAR ME NI MA YIN NO, ,DE BZHIN DU TSOGS PA SNGAR BYUNG BA KHO NA GRIB MA DANG BCAS PA'I MYU GU'I RGYU YIN GYI, GRIB MA'I MYU GU NI MA YIN NO, ,DE LA GRIB MA DANG BCAS PA'I MYU GU DANG PO'I RGYU ZHING DANG SA BON LA SOGS PA'I TSOGS PA YIN PA DE BZHIN DU GNYIS PA LA SOGS PA RNAMS KYI YANG YIN PAR BRJOD PAR BYA'O, ,GAL TE DE LTAR LHAN CIG 'BYUNG BA RNAMS RGYU DANG, RGYU DANG LDAN PA'I DNGOS PO MA YIN NO, ,'O NA NI ZHES BYA BA RGYAS PAR 'BYUNG NGO, ,DE DAG DANG LDAN PA DE'I PHYIR ZHES BYA BA LA, YOD PA DANG MED PA DE DAG 'BRAS BU GANG YOD PA DE NI DE DAG DANG LDAN PA YIN NO ,DE DAG DANG LDAN PA'I DNGOS PO NI DE DAG DANG LDAN PA NYID DO, ,NGES PAR ZHES BYA BA LA, CHOS GANG ZHIG YOD NA STE RGYU ZHES BYA BA'I DON TO, ,'BRAS BU GANG ZHIG NGES PAR YOD PA YIN GYI, 'DOD RGYAL DU NI MA YIN NO, ,DE NI RGYU'I YIN ZHING CIG SHOS NI RGYU DANG LDAN PA MA YIN TE, 'BRAS BU YIN DNO ZHES BYA BA'I DON TO, ,LHAN CIG 'BYUNG BA'I CHOS 'DI LTA STE 'BYUNG BA DANG, SEMS DANG SEMS KYI RJES SU 'JUG PA DANG, MTSAN NYID RNAMS KYANG GCIG YOD NA THAMS CAD YOD LA, GCIG MED NA THAMS CAD MED PAS RGYU DANG 'BRAS BU'I DNGOS POR RIGS PA MA YIN NO, ,RE ZHIG MIG DANG, GZUGS DANG, MIG GI RNAM PAR @206A *, ,SHES PA DANG, MAR ME DANG, MYU GU DANG GRIB MA BZHIN LHAN CIG 'BYUNG BA RNAMS RGYU DANG 'BRAS BU'I DNGOS POR MI RUNG NI PHAN TSUN DU NI GO CI LTAR RUNG STE, YOD PA MA YIN NO SNYAM DU BSAMS PA'O, ,DE'I PHYIR SEMS KYI RJES SU 'JUG PA RNAMS NI SEMS KYI LHAN CIG 'BYUNG PA'I RGYU YIN LA, MTSAN NYID RNAMS KYANG MTSAN GZHI'I YIN NO ZHES BYA BAR MI RUNG NGO, ,DE NYID KYI PHYIR RO ZHES BYA BA LA, PHAN TSUN DAG YOD PA DANG MED NA YOD PA DANG MED PA'I PHYIR RO ZHES BYA BA'I DON TO, ,DE LTAR NA 'O NA NI ZHES BYA BA LA SOGS PA LA, RGYUR BYAS PA'I GZUGS DANG, DRI DANG RO DANG REG BYA NI PHAN TSUN MED PAR MI 'BYUNG BAS MED NA MI 'BYUNG BA YIN TE, DE NI PHAN TSUN DAG YOD PA'AM MED NA DE DANG LDAN PA'I PHYIR PHAN TSUN RGYU DANG 'BRAS BU'I DNGOS POR THAL BAR 'GYUR RO, ,'BYUNG BA RNAMS DANG RGYUR BYAS PA'I GZUGS KYANG PHAN TSUN RGYU DANG 'BRAS BU'I DNGOS POR THAL BAR 'GYUR TE, PHAN TSUN DAG YOD PA'AM MED NA YOD PA DANG MED PA NYID KYI PHYIR RO, ,SEMS KYI MTHUN PA'I MTSAN NYID LA SOGS PA RNAMS KYANG ZHES BYA BA RGYAS PAR 'BYUNG BA LA, PHAN TSUN THAL BAR 'GYUR RO ZHES BYA BAR SBYAR TE, SEMS KYI MTHUN PA'I MTSAN NYID LA SOGS PA RNAMS MED PAR NI SEMS LA SOGS PA RNAMS 'BYUNG BA MED DO, ,SOGS PA ZHES BYA BA'I SGRAS NI SEMS KYI RJES SU 'JUG PA'I MTHUN PA'I MTSAN NYID RNAMS DANG, THOB PA LHAN CIG SKYE BA RNAMS BSDU'O, ,SEMS LA SOGS PA DANG ZHES BYA BA 'DIR YANG SOGS PA'I SGRAS RJES SU 'JUG PA RNAMS DANG THOB PA DANG LDAN PA GZUNG NGO, ,'DIR DE'I MTSAN NYID LA 'KHRUL PA MED PA'I PHYIR RGYU DANG 'BRAS BU DAG DUS SNGA PHYIR 'BYUNG BA DAG KHO NA LA RIGS KYI, 'KHRUL BA'I PHYIR LHAN CIG 'BYUNG BA DAG LA NI MA YIN NO ZHES BSTAN PAR 'GYUR RO, ,'O NA NI DBYU GU GSUM ZHES BYA BA LA SOGS PA LA, JI LTAR DBYU GU GSUM PHAN TSUN STOBS KYIS GNAS PA DE BZHIN DU LHA GCIG 'BYUNG BA GANG DAG PHAN TSUN STOBS KYIS GNAS PA DE DAG PHAN TSUN 'BRAS BU YIN PA'I PHYIR LHAN CIG 'BYUNG BA'I RGYU YIN NO, ,RGYUR BYAS PA'I GZUGS NI PHAN TSUN STOBS DANG 'BYUNG BA'I @206B STOBS KYIS GNAS PA MA YIN TE, 'O NA CI ZHE NA, RANG GI MTSAN NYID KYI STOBS KYIS YIN NO, ,DE BZHIN DU GZHAN LA YANG BRJOD PAR BYA'O, ,RE ZHIG CI 'DI DAG CES BYA BA RGYAS PAR 'BYUNG BA LA, DBYU GU GSUM NI SKAD CIG MA YIN PA'I PHYIR GNAS PA MA YIN TE, 'O NA CI ZHE NA, JI SRID DE LTAR SKYES PA DANG 'GAL BA'I RKYEN MED KYI BAR DU DE LTAR GNAS PA'I SKAD CIG MA SNGA MA SNGA MA'I RGYU CAN SKAD CIG MA PHYI MA PHYI MA MNGON PAR CHOGS TE GNAS BA SKYE BA YIN NO, ,PHAN TSUN GYI STOBS KHO NAS DE NA GNAS PA NI MA YIN TE, 'O NA CI ZHE NA, DE LA GZHAN YANG ZHES BYA BA RGYAS PAR 'BYUNG DO, ,DE CI ZHIG CE NA, BSHAD PA, SRAD BU STE, DBYU GU GSUM LA BCINGS PA'AM, GZER BU'AM, 'OG TU RTEN PAR BYED PA SA'O, ,DE LTA NA DPE DON DANG MI MTSUNGS SO, ,DE DAG LA YANG ZHES BYA BA 'DIS NI MTSUNGS PAR STON PAR BYED DO, LHAN CIG 'BYUNG BA DE DAG LA YANG SKAL PA MNYAM PA'I RGYU LA SOGS PA GZHAN DAG YOD DO, ,SOGS PA ZHES BYA BA SMOS PA NI KUN DU 'GRO BA DANG, RNAM PAR SMIN PA DANG, BYED RGYU'I RGYU LA SOGS PA DAG GZUNG GI ,MTSUNGS PAR LDAN PA'I RGYU NI MA YIN TE, DE DAG NI SRAD BU LA SOGS PA DANG 'DRA BA YIN PAS LHAN CIG 'BYUNG BA'I RGYU GRUB PA'O, ,SKAL MNYAM RGYU NI 'DRA BA'O, ,ZHES BYA BA LA, SKAL BA MNYAM PA'I RGYU NI 'DRA BA KHO NA YIN GYI, SKAL BA MNYAM PA'I RGYU KHO NA 'DRA BA NI MA YIN TE, KUN DU 'GRO BA'I RGYU YANG 'DRA PA YIN PA'I PHYIR RO, ,SKAL PA MNYAM PA'I 'BRAS BU NYE BA DANG RING BA BSKYED PA DANG GSOS 'DEBS PAR BYED PA'I PHYIR SKAL BA MNYAM PA'I RGYU YIN LA, 'DRA BA'I CHOS DE DAG KYANG PHAN TSUN CHOS 'DRA BA RNAMS KYI YIN TE, DGE BA'I GZUGS NI LNGA PO DAG KHO NA'I YIN PA NAS DGE BA'I RNAM PAR SHES PA NI LNGA PO DAG GI BAR DU YIN NO, ,NYON MONGS PA CAN NI PHAN TSUN DU NYON MONGS PA CAN RNAMS KYI YIN LA, LUNG DU MA BSTAN PA NI PHAN TSUN DU LUNG DU MA BSTAN PA RNAMS KYI YIN NA ZHES BYA BAR SBYAR RO, ,GZHAN DAG NA RE LUNG DU MA BSTAN PA'I GZUGS NI ZHES BYA BA RGYAS PAR 'BYUNG BA LA, DMIGS PA DANG BCAS PA'I PHYIR TSOR BA LA SOGS PA RNAMS NI GSAL BA @207A *, ,YIN GYI GZUGS NI MA YIN LA, MI GSAL BA NI GSAL BA'I 'BRAS BUR MI RUNG NGO, ,DMAN PA'I RGYU MNGON PAR 'DU BYED PA CAN GYI 'BRAS BU YIN PA BKAG GI ,GSAL BA MI GSAL BA YIN PA NI MA BKAG STE, DE LTA MA YIN NA RNAM PAR SHES PA'I YANG GSUM PO YIN PAR MI 'GYUR TE, DNGOS PO TZAM LA LTA BA NYID KYIS NYUNG BA YIN PA'I PHYIR RO, ,NUR NUR PO NI NUR NUR PO LA SOGS PA GNAS SKABS BCU PO DAG GI YIN NO ZHES BYA BRGYAS PAR 'BYUNG BA LA, NUR NUR PO DANG, MER MER PO DANG, GOR GOR PO DANG, MKHRANG 'GYUR DANG, RKANG LAG 'GYUS PA'I GNAS SKABS RNAMS NI MNGAL GYI GNAS SKABS LNGA'O, ,BYIS PA DANG, GZHON NU DANG, LONG TSO DANG, BAR MA DANG, RGAN PO'I GNAS RNAMS NI BTZAS PA'I GNAS SKABS LNGA'O, ,DE LA NUR NUR PO'I GNAS SKABS 'PHEL BA YIN BA'I PHYIR SNGAR SKYES PA PHYIS SKYE BA'I GNAS SKABS KYI SKAL BA MNYAM PA'I RGYU YIN PAS GNAS SKABS BCU CHAR DAG GI YANG RGYU YIN NO, ,DE BZHIN DU MER MER PO LA SOGS PA RNAMS KYANG, MER MER PO LA SOGS PA DAG GI YIN NO ZHES THAMS CAD LA BRJOD PAR BYA'O, ,RE RE PHRI NAS ZHES BYA BA LA, 'DIR SKAL BA MNYAM PA'I RGYU'I 'BRAS DU NI SNGA MA 'AM LHAN CIG PA YIN PAR RNAM PAR GZHAG PAR BYA BA MA YIN PAS RO RE PHRI NAS ZHES BYA BAR BSHAD DO, ,DE LTAR NA DANG PO'I NUR NUR PO'I GZUGS RGYU MED PA DANG, THA MA'I RGAN PO 'BRAS BU MED PAR THAL BAR 'GYUR RO ZHE NA, DE'I PHYIR RIS MTHUN GCIG LA ZHES BYA BA SMOS TE, SKYE BA GCIG LA ZHES BYA BA'I THA TSIG GO, ,RNAM PA MTHUN PA GZHAN DU NI, ,ZHES BYA BA LA, DPER NA SNGAR SKYES PA'I MI'I RIS MTHUN PAS BSDUS PA'I GNAS SKABS BCU PO DAG NI PHYIS SKYES PA'I MI'I RIS MTHUN PAS BSDUS PA'I GNAS SKABS BCU CHAR GYI YANG SKAL BA MNYAM PA'I RGYU YIN TE, 'DRA BA YIN PA'I PHYIR DANG, SNGAR SKYES PA YIN PA'I PHYIR RO, ,PHYI'I DAG LA YANG ZHES BYA BA LA, NAS DANG S'A LU LA SOGS PA DAG LA YANG TSUL 'DI NYID KYIS CI RIGS PAR BRJOD PAR BYA'O, ,MDO SDE PA KHA CIG NA RE GZUGS LA SKAL BA MNYAM PA'I RGYU MED KYI, DE NI RKYEN LA RAG LAS TE, SKYE BA @207B YIN TE, KHRON PA'I GTING NAS DRANGS PA'I SA LAS MYU GU SKYE BA'I PHYIR RO, ,'DI LTAR DE LA DE'I SA BON YOD PA NI MA YIN NO ZHES ZER BA DE DAG GI DBANG DU BYAS NAS GANG DAG GZUGS KYI ZHES BYA BA RGYAS PAR SMOS SO, ,RGYU DANG BDAG PO ZHES BYA BA NI RGYU'I RKYEN DANG BDAG PO'I RKYEN NO ZHES BYA BA'I DON GANG YIN PA'O, ,DE LA 'DOD PA'I KHAMS 'BYUNG BA CHEN PO RNAMS NI SKYES ZIN PA'I PHYIR DANG, MA BSGRUBS LA LUNG DU MA BSTAN PA YIN PA'I PHYIR DANG, GZUGS YIN PA'I PHYIR MA 'ONGS PA'I 'BYUNG BA CHEN PO RNAMS KYI LHAN CIG 'BYUNG BA DANG, RNAM PAR SMIN PA DANG, KUN DU 'GRO BA DANG, MTSUNGS PAR LDAN PA'I RGYU MA YIN TE, 'O NA CI ZHE NA, 'DRA BA'I PHYIR DANG, SNGAR SKYES PA'I PHYIR SKAL BA MNYAM PA'I RGYU YIN ZHING RKYEN RNAMS LAS BDAG PO'I RKYEN YIN PAR SHES SO, ,'DIR RGYU MED PAR SKYE BA NI RIGS PA DANG 'GAL BAR SNANG STE, KHRON PA'I GTING NAS BTON PA'I SA LAS YANG MYU GU SKYES PA'I SNGA ROL NAS SA BON DAG YOD MOD KYI RKYEN DANG BRAL BA'I PHYIR MYU GU DANG, LO MA DANG, TSIGS 'CHAS PA LA SOGS PA DAG MI SKYE'O, ,DE LTA MA YIN TE, SKAL PA MNYAM PA'I RGYU MED NA NI THAMS CAD DE LAS SKYE BA'AM, YANG NA CUNG ZAD KYANG MI SKYE STE, NGES PA'I RGYU MED PA'I PHYIR RO, ,'DIS NI RVA LAS 'DAM BU SKYE'O ZHES BYA BAR YANG GSAL BA YIN TE, 'DI LTAR RVA LA YANG 'DAM BU'I SA BON YOD PA YIN NO, ,'DRA BA NYID NGES PAR MA DPYAD PA'I THAMS CAD THAMS CAD KYI SKAL BA MNYAM PA'I RGYU YIN NA DE LTA NA SA DGU PA RNAMS DANG; RIS LNGA PA RNAMS PHAN TSUN SKAL BA MNYAM PA'I RGYUR THAL BAR 'GYUR NA RIGS PA YANG MA YIN PAS 'DRA BA NYID NGES PAR DPYAD PAR BYA PA'I PHYIR 'DRI BA NI, CI 'DRA BA THAMS CAD CES BYA BA RGYAS PAR 'BYUNG NGO, ,DE LTA NA YANG PHYIS SKYES PA YANG SNGAR SKYES PA'I SKAL BA MNYAM PA'I RGYU YIN ZHING, LHAN CIG SKYES PA YANG LHAN CIG SKYES PA YIN LA, MA SKYES PA YANG SKYES PA YIN PAR 'GYUR RO ZHE NA, DE'I PHYIR, DE DAG KYANG THAMS CAD NI MA YIN NO, ,'O NA CI ZHE NA, SNGAR SKYES PA RNAMS ZHES BYA BA SMOS SO, ,SNGA ROL DU SKYES PA NI SNGAR SKYES PA RNAMS SO, ,SNGAR SKYES @208A *, ,PA NYID KYIS NI 'DAS PA DANG, DA LTAR BA GZUNG ZHING MA 'ONGS PA BKAG STE, CHOS 'DAS PA RNAMS NI 'DAS PA DANG, MA 'ONGS PA DANG, DA LTAR BYUNG BA RNAMS KYI SKAL BA MNYAM PA'I RGYU YIN LA, DA LTAR BYUNG BA NI MA 'ONGS PA RNAMS KYI YIN GYI, MA 'ONGS PA RNAMS NI SKAL BA MNYAM PA'I RGYU MA YIN PA KHO NA'O ZHES BSTAN PAR 'GYUR RO, ,'DI GANG LAS ZHES BYA BA NI CI LUNG NGAM, 'ON TE RIGS BA LAS YIN ZHES BYA BA'O, ,BSTAN BCOS LAS TE ZHES BYA BAS NI LUNG STON PAR BYED DO, ,SKAL BA MNYAM PA'I RGYU GANG ZHE NA, DGE PA'I RTZA BA SNGAR BYUNG BA RNAMS NI ZHES BYA BA RGYAS PAR 'BYUNG BA LA, 'DAS PA RNAMS NI 'DAS BA DANG, DA LTAR BYUNG BA DANG, MA 'ONGS PA RNAMS KYI SKAL BA MNYAM PA'I RGYU YIN LA, DA LTAR BYUNG BA RNAMS NI MA 'ONGS PA RNAMS KYI YIN GYI, MA 'ONGS PA RNAMS NI MA 'ONGS PA RNAMS KYI MA YIN NO ZHES BSHAD DE, DE'I PHYIR SKAL BA MNYAM PA'I RGYU MA 'ONGS PA MED DO ZHES BYA BAR RTOGS SO ZHES BYA BAR STON TO, ,GAL TE BSTAN BCOS TSAD MAR BYED NA GANG SKAL BA MNYAM PA'I RGYU DUS GSUM PA NYID DU STON PA 'DI YANG BSTAN BCOS YIN NO, ,SMRAS PA NAM YANG MA YIN NO ZHES BYA BA LA, SKABS SU BAB PA'I PHYIR RGYU MA YIN BA MA YIN NO ZHES SBYAR TE, DUS GSUM KAR YANG RGYU YIN NO ZHES BYA BA'I THA TSIG GO, ,'DIS NI SKAL BA MNYAM PA'I RGYU MA 'ONGS PA YOD DO ZHES STON PAR BYED DO, ,DES NI NYES PA MED DO ZHES BYA BA NI NAM YANG MA YIN NO ZHES BSTAN BCOS LAS 'BYUNG BA'I PHYIR SKAL BA MNYAM PA'I RGYU MA 'ONGS PA BZHIN DU YANG BKAG PAS BSTAN BCOS 'GAL PA'I NYES PA GANG YIN PA STE, PHAL CHE BA'I TSUL LAS RTEN NAS LHAN CIG 'BYUNG BA'I RGYU LA SOGS PA LA DGONGS TE GSUNGS PA'I PHYIR RO, ,'DI LTAR DE DAG GI SNGA PHYI'I RIM PA MED PA'I PHYIR DANG, RGYU DANG 'BRAS BU DAG MI 'DRA BA'I PHYIR MA 'ONGS PA YANG YIN PAR 'DOD DO, ,GANG ZHIG CHOS MA 'ONGS PA DE YANG ZHES BYA BA RGYAS BAR 'BYUNG BA LA, SKYE BA LA MNGON DU PHYOGS PA NI GEGS THAMS CAD LOG PA YIN PA'I PHYIR SKAL BA MNYAM PA'I RGYU NYID DU NGES TE, DE'I PHYIR MA 'ONGS PA'I GNAS SKABS THA MA LA DGONGS NAS @208B NAM YANG RGYU MA YIN BA MA YIN NYES GSUNGS PAS MA 'ONGS PA YANG SKAL PA MNYAM PA'I RGYU YIN PA'I PHYIR BSTAN BCOS LA 'GAL BA MED DO, ,DE'I DE NI LAN DU MI RUNG STE, ,ZHES BYA BA RGYAS PAR 'BYUNG BA LA, THA MA'I GNAS SKABS LA DGONGS PA YIN NA NI MED PA'I PHYIR SKYE BZHIN PA'I GNAS SKABS NA MA BYUNG BA LAS BYUNG BA YIN PA DE'I PHYIR NAM YANG RGYU MA YIN PA MA YIN NO ZHES BYA BA 'DI 'GAL TE, GNAS SKABS THAMS CAD KYI RGYU'I DNGOS PO GSAL BAR BYAS PA'I PHYIR RO, ,CHOS GANG ZHIG CHOS GANG GI ZHES BYA BA LA SOGS PA LA, MTSUNGS PA DE MA THAG PA ZHES BYA BA NI,, MTSUNGS PA DE MA THAG PA'I RKYEN ZHES BYA BA'I DON TO, ,RTOGS PA 'DIS ZHES BYA BA'I SKAL BA MNYAM PA'I RGYU LA BYAS PA GANG YIN PA STE, CHOS MA SKYES PA DE NI SKYE BA'I TSE'I GNAS SKABS NA GEGS THAMS CAD BSAL BA YIN PA'I PHYIR MTSUNGS PA DE MA THAG PA'I RGYU'I DNGOS POR NGES PAS NAM YANG MTSUNGS PA DE MA THAG PA MA YIN PA MA YIN NO ZHES BYA BA YIN BZHIN DU, CI'I PHYIR 'DI SKAD DU GAL TE ZHES BYA BA RGYA CHER SMRAS SO, ,GAL TE ZHES BYA BA LA GAL TE CHOS DE MA 'ONGS PA YIN NA NI CHOS DE LHAN CIG BYED PA'I RKYEN MA YIN NO ZHES BYA BA'I DON TO, ,THA MA'I GNAS SKABS SMRA BAS, DER JI LTA BA BZHIN ZHES BYA BA RGYAS PAR SMOS SO, ,DER JI LTA BA BZHIN DU 'DIR YANG BRJOD PAR BYA LA ZHES BYA BA RGYAS PAR 'BYUNG BA LA, JI LTAR DE NAM YANG RGYU MA YIN PA MA YIN NO ZHES BYA BA YIN PA DE BZHIN DU 'DIR YANG NAM YANG MTSUNGS PA DE MA THAG PA MA YIN PA MA YIN NO ZHES BRJOD PAR BYA BA YIN LA, JI LTAR 'DIR GAL TE CHOS DE MA SKYES PA YIN NA'O ZHES BYA BA YIN PA DE BZHIN DU DER YANG GAL TE CHOS DE MA SKYES PAR 'GYUR NA'O ZHES BYA BA YIN NO, ,DE LTAR NA 'DIR BSTAN BCOS BYED PA MI MKHAS PA ZHES BYA BA LA, GANG GI PHYIR NAM YANG MA YIN NO ZHES SMRAS PAS GO SKABS MA PHYE BA YIN YANG GAL TE CHOS DE MA SKYES PAR 'GYUR NA MTSUNGS PA DE MA THAG PA MA YIN NO ZHES BYA BAS GO SKABS PHYE BA YIN NO, ,DE LTA BAS NA LAN SNGA MA KHO NA ZHES BYA BA LA SOGS PA LA, LHAN CIG 'BYUNG BA DANG, MTSUNGS PAR LDAN PA DANG, RNAM PAR SMIN PA'I RGYU LAS @209A *, ,DGONGS NAS GSUNGS PA'I PHYIR ZHES BYA BA'O, ,'O NA GANG 'DI SKAD DU ZHES BYA BA RGYAS PAR 'BYUNG NGO, ,MA GTOGS PA GANG YIN PA DE NI 'JIG TSOGS LA LTA BA'I RGYU LAS BYUNG BA YANG YIN LA, 'JIG TSOGS LA LTA BA'I RGYU YANG YIN NO ZHES BYA BA LA, 'DI NI 'DIR MA 'ONGS PA SKAL BA MNYAM PA'I RGYU YOD DO ZHES BYA BA'I KHUNGS YIN NO, ,'JIG TSOGS LA LTA BA MA 'ONGS PA DANG, DE DANG MTSUNGS PAR LDAN PA'I SDUG BSNGAL GYI BDEN PA MA GTOGS PA ZHES 'BYUNG BA'I PHYIR 'JIG TSOGS LA LTA BA MA 'ONGS PA GZHAG PA YIN NO, ,GANG LAS 'JIG TSOGS LA LTA BA 'JIG TSOGS LA LTA BA'I LHAN CIG 'BYUNG BA'I RGYU'AM, MTSUNGS PAR LDAN PA'I RGYU NYID DU RNAM PAR 'JOG PAR 'GYUR BA, TSOGS PA DE LA 'JIG TSOGS LA LTA BA GZHAN NI YOD PA MA YIN TE, LHAN CIG 'BYUNG BA'I RGYU MA YIN PA'I PHYIR RO, ,LUNG DU MA BSTAN PA'I PHYIR RNAM PAR SMIN PA'I RGYU YANG MA YIN LA, THUN MONG BA NYID DU BGRANG BAR BYA BA MA YIN PA'I PHYIR BYED RGYU'I RGYU YANG MA YIN TE, LHAG MAR GYUR PAS SKAL BA MNYAM PA'I RGYU KHO NA MNGON PAR BZHED PAS 'DIR LHAN CIG 'BYUNG BA DANG, MTSUNGS PAR LDAN PA DANG, RNAM PAR SMIN PA'I RGYU LA DGONGS PA MA YIN NO, ,DES NA LAN SNGA MA KHO NA LEGS PA YIN NO ZHES BRJOD PAR MI BYA'O ZHE NA, 'DI SKAD DU 'JIG TSOGS LA LTA BA MA 'ONGS PA DANG MTSUNGS PAR LDAN PA'I ZHES BYA BA RGYAS PAR 'BYUNG BA LA, DE SKAD DU 'DON BA'I KHYAD PAR GYIS NI SKAL BA MNYAM PA'I RGYU SPANGS PAR 'GYUR LA, LHAN CIG 'BYUNG BA DANG MTSUNGS PAR LDAN PA'I RGYU RNYED PAR 'GYUR RO, ,DON GYIS NA DE LTAR GO BAR BYA'O ZHES BYA BA LA, GAL TE RAB TU GRAGS PA'I PHYIR 'DON PA GZHAN DU BYA BA MA YIN NO SNYAM DU SEMS NA, MA 'ONGS PA'I DUS NA SNGA PHYI'I RIM PA MED PA'I PHYIR MA SKYES PA LA SKAL BA MNYAM PA'I RGYU NYID DANG; KUN DU 'GRO BA'I RGYU NYID MI SRID DO ZHES DON GYIS NA DE LTAR KHONG DU CHUD PAR BYA'O, ,BZHI TSAN DU NGES PA YIN TE ZHES BYA BA LA, CHOS GANG ZHIG CHOS GANG GI RGYU YIN PA NI NAM YANG RGYU MA YIN PA MA YIN TE, DUS GSUM DAG TU YANG RGYU YIN NO ZHES BYA BA'I DON TO, ,'BRAS BU DANG, RTEN DANG, @209B DMIGS PA YANG DE DANG 'DRA BAR BRJOD PAR BYA'O, ,DE'I PHYIR RGYU RNAMS NI 'BRAS BU LA SOGS PA LTAR GNAS SKABS THAMS CAD NGES PA KHO NA YIN NO, ,'DIR RGYU NI MTSUNGS PAR LDAN PA'I RGYU DANG ZHES BYA BA RGYAS PAR 'BYUNG BA LA, 'DIR THAMS CAD CES BYA BA'I SGRAS NI CHOS 'DUS BYAS RNAMS SAM; SEMS DANG SEMS LAS BYUNG BA YONGS SU GZUNG NGO, ,THAMS CAD LA RNAM PAR SMIN PA'I 'BRAS BU YOD PA YANG MA YIN TE, DE'I PHYIR RNAM PAR SMIN PA'I RGYU MA YIN LA, BYE BRAG MED PAR 'JUG PA'I PHYIR BYED RGYU YANG MA YIN NO, ,MA 'ONGS PA'I DUS NA SNGA PHYI'I RIM PA MED PA'I PHYIR SKAL BA MNYAM PA DANG KUN DU 'GRO BA'I RGYU YANG MA YIN NO, ,CHOS THAMS CAD LA YOD PA'I PHYIR SKYES BU BYED PA DANG, BDAG PO'I 'BRAS BU DAG KHO NA YONGS SU GZUNG GI ,GZHAN DAG NI MA YIN TE, CHOS THAMS CAD LA MED PA'I PHYIR RO, ,SKAL BA MNYAM PA'I RGYU MA 'ONGS PA YIN PAR KHAS MI LEN PA LA YANG NYES PA DE YIN NO ZHES BSTAN PA'I PHYIR, DE LTA NA ZHES BYA BA RGYAS PAR SMOS SO, ,SKAL BA MNYAM PA'I RGYU DA LTAR BA KHO NA YIN GYI, MA 'ONGS PA MA YIN NA DE LTA NA SKAL BA MNYAM PA'I RGYU MA YIN PA LAS YIN PAR GYUR TO ZHES BYA BAR 'GYUR RO, ,DE'I PHYIR DUS THAMS CAD KYI TSE YOD PA NYID DU DAM BCAS PA DANG 'GAL LO, ,GNAS SKABS LA NI 'DOD PA KHO NA YIN GYI ZHES BYA BA RGYAS PAR 'BYUNG BA LA, 'DIS NI RDZAS THAMS CAD KYI TSE YOD PA NYID DU DAM 'CHA'I, GNAS SKABS RNAMS NI MA YIN PAS 'GAL BA MED PAR STON TO, ,CHOS NI TSOGS PA'I DBANG GIS GNAS SKABS GZHAN DU 'GYUR GYI, MED PA NI CHOS GZHAN DU 'GYUR BAR MI 'THAD DO, ,DE'I PHYIR TSOGS PA NI GNAS SKABS KYI 'BRAS BU CAN KHO NA YIN GYI, RDZAS KYI 'BRAS BU CAN MA YIN PAS NYES PA 'DI MED DO, ,GAL TE RNAM PAR SMIN PA'I RGYU GZHAN DU ZHES BYA BA RGYAS PAR 'BYUNG NGO, ,CIR 'GYUR ZHES BYA BA LA, SKYON CI 'GYUR ZHE NA, GAL TE RNAM PAR SMIN PA'I RGYU BZHIN DU MA 'ONGS PA YIN PAR 'GYUR NA NI BSTAN BCOS LAS DE YANG SMOS PAR 'GYUR NA, SMOS PA NI YOD PA YANG MA YIN NO, ,DE LAS NI DGE BA'I RTZA BA MA 'ONGS PA RNAMS NI DGE PA'I RTZA BA MA 'ONGS PA @210A *, ,RNAMS KYI SKAL BA MNYAM PA'I RGYU YIN NO ZHES MA GSUNGS TE, DE'I PHYIR, SKAL BA MNYAM PA'I RGYU MA 'ONGS PAR RTOGS NA BSTAN BCOS DANG 'GAL BAR 'GYUR RO, ,'BRAS BU 'BYIN PA DANG ZHES BYA BA RGYAS PAR 'BYUNG STE, 'DIS NI BSTAN BCOS DANG 'GAL BA SPONG NGO, , 'BRAS BU 'BYIN PAR NUS PA NI 'DAS PA YIN LA, 'BRAS BU 'DZIN PAR NUS PA NI DA LTAR BA YIN ZHING, 'GA' ZHIG 'BYIN PA YANG YIN NA MA 'ONGS PA DE LTAR 'BRAS BU 'BYIN PA DANG, 'DZIN PAR BYED NUS PA MA YIN PAS BSTAN BCOS LAS MA SMOS KYI, MED PA'I PHYIR NI MA YIN NO, ,DE'I PHYIR BSTAN BCOS DANG 'GAL BA MED DO, ,DE NI MA YIN TE ZHES BYA BA LA, MA 'ONGS PA 'BRAS BU 'BYIN PA DANG 'DZIN PAR MI NUS PA'I PHYIR MA SMOS PA NI MA YIN TE, 'O NA CI ZHE NA, MED PA KHO NA'I PHYIR RO, ,'DI JI LTAR SHES SHE NA, DE'I PHYIR SKAL BA MNYAM PA'I RGYU NI ZHES BYA BA RGYAS PAR SMOS TE; RGYU MTHUN PA NI RGYU DANG 'DRA BA YIN LA, SKAL BA MNYAM PA'I RGYU YANG, RGYU MTHUN SKAL MNYAM KUN 'GRO BA'I, ,ZHES 'BYUNG BA DES 'BRAS BU DANG BCAS PA YIN NA DE NI MA 'ONGS BA LA RIGS PA MA YIN TE, SNGA PHYI MED PA'I PHYIR RO, ,MA 'ONGS PA'I GNAS SKABS SU 'DI NI SNGA MA'O, , 'DI NI PHYI MA'O ZHES BYA BAR YONGS SU MI CHOD DE 'CHOL BA'I PHYIR RO, ,SNGA MA DANG PHYI MA'I DNGOS PO MED NA NI 'DRA BA 'DRA BA'I RGYU MTHUN PAR RIGS PA YANG MA YIN NO, ,'ON TE SKYES ZIN PA 'DAS PA'AM DA LTAR BA MA 'ONGS PA'I RGYU MTHUN PAR 'DOD DO ZHE NA, DE'I PHYIR BYUNG ZIN PA YANG MA 'ONGS PA'I RGYU MTHUN PAR MI RUNG STE ZHES BYA BA SMOS SO, ,DPER NA 'DAS PA DA LTAR BA'I RGYU MTHUN PA MA YIN BA DE BZHIN DU BYUNG ZIN PA YANG MA 'ONGS PA'I RGYU MTHUN PA YIN PAR MI 'OS SO, ,CI'I PHYIR ZHE NA, RGYU BAS 'BRAS BU SNGA MA MI RUNG BAS ZHES BYA BA SMOS TE, DE'I PHYIR RGYU DON MED PAR THAL BAR 'GYUR RO, ,RNAM PAR SMIN PA'I 'BRAS BU SNGAM DANG LHAN CIG PAR MI RUNG BA'I PHYIR LA ZHES BYA BA LA, RGYU BAS 'BRAS BU SNGA BA MI RUNG BAS SNGA BA MI RUNG NGO, ,LHAN CIG PA YANG MI RUNG STE, MA 'ONGS PA'I GNAS SKABS NA YANG 'CHOL BA'I PHYIR RO, ,'DI LTAR DA LTAR BYUNG BA'I GNAS SKABS @210B NA LHAN CIG 'BYUNG BA'I RGYU BZHIN DU RNAM PAR SMIN PA'I 'BRAS BU DANG LHAN CIG SKYE BAR MA DMIGS SO, ,MA 'ONGS PA'I DUS LA YANG SNGA PHYI MED PA'I PHYIR RNAM PAR SMIN PA'I RGYU SNGA LA, RNAM PAR SMIN PA'I 'BRAS BU 'PHYI BA YANG MI RUNG NGO, ,DE'I PHYIR SKAL BA MNYAM PA'I RGYU BZHIN DU RNAM PAR SMIN PA'I RGYU YANG MA 'ONGS PA YIN PAR MI 'GYUR RO, ,BYE BRAG TU SMRA BAS DE NI MA YIN TE ZHES BYA BA SMOS STE, DE LTA NA RNAM PAR SMIN PA'I RGYU YANG ZHES GANG SMRAS PA DE MA YIN NO, ,PHAN TSUN RGYU MTHUN PA NYID NI RIGS PA DANG LDAN PA YANG MA YIN NO ZHES BYA BA LA, CHOS 'DRA BA LA GANG ZHIG GANG GI SKAL BA MNYAM PA'I RGYU YIN PA DE NYID JI LTAR DE NYID KYI TSE DE'I RGYU MTHUN PAR RIG PAR 'GYUR, RNAM PAR SMIN PA'I RGYU NI ZHES BYA BA CI ZHE NA, SNGA PHYI MED BZHIN DU YANG PHAN TSUN RGYU DANG 'BRAS BU NYID DU THAL BAR MI 'GYUR RO, ,CI'I PHYIR ZHE NA, RGYU DANG 'BRAS BU DAG MTSAN NYID THA DAD PA'I PHYIR RO ZHES 'BYUNG STE RNAM PAR SMIN PA'I RGYU'I MTSAN NYID NI, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,ZHES DE'I 'BRAS BU LAS THA DAD PA YIN LA, RNAM PAR SMIN PA'I 'BRAS BU YANG, RNAM SMIN LUNG DU MA BSTAN ZHES RANG GI RGYU LAS MTSAN NYID THA DAD DO, ,DE'I PHYIR 'DIR NI SNGA PHYI MED BZHIN DU YANG PHAN TSUN 'BRAS BU NYID DU THAL BAR MI 'GYUR RO, ,SKAL BA MNYAM PA'I RGYU NI RGYU DANG 'BRAS BU DAG RANG BZHIN THA DAD PA'I PHYIR THA DAD PA MA YIN TE, 'O NA CI ZHE NA, DUS SNGA PHYIR 'BYUNG BA NYID KYI PHYIR RO, ,DE'I PHYIR SNGA PHYI MED NA SKAL BA MNYAM PA'I RGYU KHO NA PHAN TSUN 'BRAS BU NYID DU 'GYUR GYI, RNAM PAR SMIN PA'I RGYU NI MA YIN NO, ,GNAS SKABS LAS RNAM PAR GNAS PA ZHES BYA BA LA, SNGA MA DANG PHYI MA'I RIM PA RGYU DANG 'BRAS BU NGES PA'I PHYIR SKAL BA MNYAM PA'I RGYU NI 'DAS PA DANG DA LTAR BA'I GNAS SKABS KHO NA YIN GYI, MA 'ONGS PA'I GNAS SKABS NI MA YIN NO, ,RNAM PAR SMIN PA'I RGYU NI, MI DGE BA DANG, DGE BA ZAG BCAS RNAMS KHO NA, ,ZHES MTSAN NYID LAS RNAM PAR GNAS PA YIN LA, MTSAN NYID KYANG DUS GSUM DU 'KHRUL PA MED PAS MA 'ONGS PA YANG MI BZLOG GO STE, MI DGAG GO, ,SA DGU'I LAM NI PHAN TSUN DU ZHES BYA BA RGYAS PAR @211A *, ,'BYUNG BA LA, NI ZHES BYA BA'I SGRA NI KHYAD PAR DU BYA BA'I DON DU'O, ,LAM ZHES BYA BA NI LAM GYI BDEN PA LA BRJOD PAR 'DOD DE, 'JIG RTEN PA'I LAM LAS KHYAD PAR DU 'PHAGS PAS SO, ,ZAG PA DANG BCAS PA'I CHOS NI RANG GIS PA KHON SKAL BA MNYAM PA'I RGYU YIN GYI, GZHAN GYI SA PA NI MA YIN TE, ZAG PA DANG BCAS PA'I SA RNAMS NI SRED PAS YONGS SU BCAD PA'I PHYIR RO, ,LAM GYI BDEN PA YANG SA THA DAD PAR MTSUNGS BZHIN DU SA DGU'I LAM KHO NA PHAN TSUN SKAL BA MNYAM PA'I RGYU YIN GYI, ZAG PA DANG BCAS PA NI MA YIN NO ZHES BYA BA 'DI LA RGYU CI YOD CE NA, DE'I PHYIR RGYU SMRAS PA NI, 'DI NI SA DE DAG TU GLO BUR DU 'ONGS PA YIN LA ZHES BYA BA RGYAS PAR 'BYUNG STE, ZAG PA DANG BCAS PA LTAR 'DOD PA DANG, GZUGS DANG GZUGS MED PAS MA BSDUS PAS SA DAG TU GLO BUR DU 'ONGS PA YIN LA, SA DGU LA BRTEN NAS 'THOB PA'I PHYIR SA DGU PA ZHES BYA'O, ,YANG JI LTAR SA DE DAG TU GTOGS PA MA YIN PAR SHES SHEN, DE'I PHYIR, SA DE BA'I SRED PA DAG GIS BDAG GIR MA BYAS PA'I PHYIR ZHES BYA BA SMOS TE, SRED PAS BDAG GIR BYAS PAS YONGS SU BCAD PAS KHAMS DANG SA RNAMS YONGS SU GCOD PA YIN LA, BDAG GIR BYAS PA YANG DMIGS PA DANG MTSUNGS PAR LDAN PA'I SGO NAS RGYAS PA YIN LA, ZAG BA MED PA'I CHOS NI 'DOD PA DANG GZUGS DANG GZUGS MED PA'I SRED PAS BDAG GIR BYAS PA MA YIN TE, DE'I GNYEN PO YIN PA'I PHYIR RO, ,'O NA JI LTAR LAM DON DU GNYER BAR BYED CE NA, DE NI CHOS LA 'DUN PA DGE BZHIG YIN TE, 'DOD CHAGS MIN TE SPANG BYA'I PHYIR, ,ZHES 'BYUNG BA'I PHYIR RO, ,DE LTAR LAM GLO BUR BA YIN PA'I PHYIR RIS MTHUN PA GZHAN GYI SA PA'I YANG SKAL BA MNYAM PA'I RGYU YIN PAS THAMS CAD THAMS CAD KYI RGYU NYID DU THAL BA YIN DANG, MNYAM DANG KHYAD PAR CAN GYI YIN, ,ZHES BYA BA SMOS TE, GONG DANG 'OG DANG RANG GI SA PA MNYAM PA DANG KHYAD PAR CAN GNYIS KYI YIN GYI, CHUNG NGU'I NI MA YIN NO, ,'DI LTA STE SDUG BSNGAL LA CHOS SHES PA'I BZOD PA NI ZHES BYA BA LA SOGS PA LA, SDUG BSNGAL LA CHOS SHES PA'I BZOD PA NI LAN CIG KHO NA SKYE'I YANG DANG YANG DU NI MA YIN NO ZHE NA, @211B DE'I PHYIR DE NYID MA 'ONGS PA DANG ZHES BYA BA SMOS TE, MNYAM PA'I PHYIR DE'I SKAL BA MNYAM PA'I RGYU YIN LA, SDUG BSNGAL LA CHOS SHES PA NAS MI SKYE BA SHES PA'I BAR KHYAD PAR CAN GYI YANG RGYU YIN NO, ,MI SKYE BA SHES PA NI MI SKYE BA SHES PA KHO NA YIN GYI, GZHAN GYI NI MA YIN NO, ,DE NYID LA RGYU SMRAS PA NI, KHYAD PAR CAN GZHAN MED PA'I PHYIR ZHES BYA BA STE, MI SKYE BA SHES PA BAS NI CHOS KHYAD PAR CAN GZHAN YOD PA MA YIN NO, ,MTHONG BA DANG, BSGOM PA DANG, MI SLOB PA'I LAM RNAMS NI GSUM DANG GNYIS DANG GCIG DAG GI YIN NO ZHES BYA BA LA, MTHONG BA'I LAM NI MTHONG BA'I LAM GZHAN DANG BSGOM PA'I LAM DANG, MI SLOB PA'I LAM GYI SKAL BA MNYAM PA'I RGYU YIN PAS GSUM GYI YIN NO, ,BSGOM PA'I LAM NI BSGOM PA'I LAM GZHAN DANG, MI SLOB PA'I LAM GYI YIN GYI, MTHONG BA'I LAM GYI NI MA YIN TE, DMAN PA'I PHYIR RO, ,MI SLOB PA'I LAM NI MI SLOB PA'I LAM GZHAN GYI YIN GYI, MTHONG BA DANG BSGOM PA'I LAM DAG GI NI MA YIN TE, DMAN PA'I PHYIR RO, ,DE LTAR THUN MONG GI DBANG DU BYAS NAS MTHONG BA'I LAM LA SOGS PA BSHAD DE, DBANG PO'I BYE BRAG GI DBANG DU BYAS NA NI RE RE ZHING DBANG PO'I SGO NAS THA DAD PA YIN NO, ,DE NYID KYI PHYIR, DE LA YANG DBANG PO RTUL PO'I LAM NI ZHES BYA BA RGYAS PAR 'BYUNG NGO, ,DE LA MTHONG BA'I LAM LA SOGS PA DAG LAS, DBANG PO RTUL PO'I LAM MTHONG BA'I LAM GYI RANG BZHIN NI DBANG PO RTUL PO DANG RNON PO'I LAM GYI SKAL BA MNYAM PA'I RGYU YIN NO, ,DBANG PO RNON PO'I LAM NI DBANG PO RNON PO'I LAM KHO NA'I YIN GYI DBANG PO RTUL PO'I LAM GYI NI MA YIN NO, ,BSGOM PA'I LAM DANG MI SLOB PA'I LAM YANG DE DANG 'DRA BAR BRJOD PAR BYA'O, ,'DI NYID KHO NA BSTAN PA'I PHYIR 'DI LTA STE ZHES BYA BA RGYAS PAR 'BYUNG NGO, ,'DI LTA STE, DAD PAS RJES SU 'BRANG BA'I LAM NI DAD PA'I RJES SU 'BRANG BA'I LAM GZHAN DANG, CI RIGS PAR CHOS KYI RJES SU 'BRANG BA'I LAM DANG, DAD PAS MOS PA DANG, MTHONG BAS THOB PA DANG, DUS KYIS RNAM PAR GROL BA DANG, DUS DANG MI SBYOR BA'I LAM SKYE BA'I CHOS CAN RNAMS DANG, MI SKYE BA'I CHOS CAN RNAMS KYI YIN PAS NA DRUG GI SKAL BA MNYAM PA'I RGYU YIN NO, ,DAD PAS MOS @212A *, ,PA'I LAM NI DAD PAS MOS PA'I LAM GZHAN DANG, MTHONG BAS THOB PA DANG, DUS KYIS RNAM PAR GROL BA DANG, DUS DANG MI SBYOR BAR RNAM PAR GROL BA DANG, GZHAN DAG GI SKAL BA MNYAM PA'I RGYU YIN NO, ,DUS KYIS RNAM PAR GROL BA'I LAM NI DUS KYIS RNAM PAR GROL BA'I LAM GZHAN DANG, DUS DANG MI SBYOR BAR RNAM PAR GROL BA'I LAM GYI YIN TE, DE LTAR NA GNYIS KYI SKAL BA MNYAM PA'I RGYU YIN NO, ,CHOS KYI RJES SU 'BRANG BA ZHES BYA BA LA SOGS PA LA, CHOS KYI RJES SU 'BRANG BA'I LAM GZHAN DANG, MTHONG BAS THOB PA DANG, DUS DANG MI SBYOR BAR RNAM PAR GROL BA STE, DE LTAR NA GSUM GYI SKAL BA MNYAM PA'I RGYU YIN NO, ,MTHONG BAS THOB PA'I LAM NI MTHONG BAS THOB PA'I LAM GZHAN DANG, DUS DANG MI SBYOR BAR RNAM PAR GROL BA'I LAM GYI YIN TE, DE LTAR NA GNYIS KYI YIN NO, ,DUS DANG MI SBYOR BAR RNAM PAR GROL BA'I LAM NI DUS DANG MI SBYOR BAR RNAM PAR GROL BA'I LAM GZHAN KHO NA'I YIN TE, DE LTAR NA GCIG GI SKAL BA MNYAM PA'I RGYU YIN NO, ,SA 'OG MA DMAN PA'I PHYIR 'DRI BA NI, YANG JI LTAR ZHES BYA BA RGYAS PAR 'BYUNG BA'O, ,DE LA DAD PAS RJES SU 'BRANG BA'I LAM BSAM GTAN BZHI PA'I SA PA NI SA 'OG MA PA'I DANG PAS RJES SU 'BRANG BA'I LAM MNYAM STE, GNYIS KA YANG DBANG PO RTUL PO YIN PA'I PHYIR RO, ,DE BZHIN DU DAD PAS RJES SU 'BRANG BA'I LAM SA GONG MA PA BAS NI CHOS KYI RJES SU 'BRANG BA'I LAM SA 'OG MA PA KHYAD PAR CAN YIN TE, DBANG PO RNON PO YIN PA'I PHYIR RO, ,DE BZHIN DU YANG SA GONG MA PA'I CHOS KYI RJES SU 'BRANG BA'I LAM DANG NI, CHOS KYI RJES SU 'BRANG BA'I LAM SA 'OG MA PA MNYAM PA YIN TE, GNYIS KA YANG DBANG PO RNON PO YIN PA'I PHYIR RO, ,DE BZHIN DU DBANG PO'I SGO NAS SA GONG MA PA'I DAD PAS MOS PA DANG, MTHONG BAS THOB PA DANG, DUS KYIS RNAM PAR GROL BA DANG, DUS DANG MI SBYOR BAR RNAM PAR GROL BA'I LAM RNAMS DANG, MNYAM PA DANG KHYAD PAR CAN YIN PA YANG BRJOD PAR BYA'O, ,DE BZHIN DU RGYUS RGYAS PA'I SGO NAS KYANG YIN TE, SA 'OG MA PA'I BSGOM PA DANG, MI SLOB PA'I LAM DAG NI SA GONG MA'I @212B MTHONG BA'I LAM PAS RGYUS RGYAS PAR BYAS PA'I SGO NAS KHYAD PAR CAN YIN NO, ,DE BZHIN DU SA GONG MA PA'I BSGOM PA'I LAM PAS SA 'OG MA PA'I MI SLOB PA'I LAM KHYAD PAR CAN YIN NO, ,DE LA RGYUS SHIN TU RGYAS PAR BYAS PA NI MTHONG BA'I LAM LA SOGS PA DANG ZHES RGYAS PAR 'BYUNG BA LA, SOGS PA ZHES BYA BA SMOS PA NI SGOM PA DANG, MI SLOB PA'I LAM NYE BAR BSDU STE SA GONG MA PA'I SDUG BSNGAL LA CHOS SHES PA'I BZOD BA BAS, SA 'OG MA PA'I SDUG BSNGAL LA CHOS SHES PA RGYUS RGYAS PA'I SGO NAS KHYAD PAR CAN YIN NO ZHES BYA BA LA SOGS PA SBYAR BAR BYA'O, ,DE BZHIN DU CHUNG DU'I CHUNG DU BAS CHUNG DU'I 'BRING RGYUS RGYAS PA'I SGO NAS KHYAD PAR CAN YIN LA DE BZHIN DU CHUNG DU'I 'BRING BAS CHUNG DU'I CHEN PO'I RGYUS RGYAS PA'I SGO NAS KHYAD PAR CAN YIN PA NAS, CHEN PO'I 'BRING BAS CHEN PO'I CHEN PO'I BAR DU KHYAD PAR CAN YIN TE, CHEN PO'I CHEN PO PAS NI KHYAD PAR CAN GZHAN MED DO, ,DAD PAS RJES SU 'BRANG BA'I LAM NI DRUG DAG GI SKAL BA MNYAM BA'I RGYU YIN NO ZHES SMRAS NA, DAD PAS RJES SU 'BRANG BA DANG CHOS KYI RJES SU 'BRANG BA'I LAM DAG NI RGYUD GCIG LA SKYE BA MI SRID DO ZHES BYA BA'I PHYOGS SNGA MA KHONG NA YOD PA GSAL BAR BYA BA'I PHYIR, RGYUD GCIG LA ZHES BYA BA LA SOGS PA SMOS TE, DAD PAS RJES SU 'BRANG BA'I LAM BYUNG BA NI CHOS KYI RJES SU 'BRANG BA'I LAM MI SKYE BA'I CHOS CAN GYI RGYU'I DNGOS POR 'GYUR MOD KYI, DE MI SKYE BA NI RKYEN MTSANG BA LAS YIN TE, GANG ZHIG GANG GI RGYU YIN PA DE NI NAM YANG RGYU MA YIN PA MA YIN NO ZHES 'BYUNG BA'I PHYIR RO, ,SBYOR BYUNG ZHES BYA BA LA, SBYOR BA LAS BYUNG BA SMOS PA NI SKYES NAS THOB PA DGAG PAR BYA BA'I PHYIR RO, ,SBYOR BA LAS BYUNG BA NI SBYOR BA LAS SKYES PA'O, ,THOS PA LAS BYUNG BA NI GANG DAG SANGS RGYAS KYI GSUNG RAB THOS PA LAS SKYES PA YIN GYI, MU STEGS CAN GYI TSIG THOS PA LAS SKYES PA NI MA YIN NO, ,BSAMS PA LAS BYUNG BA NI DE BSAMS PA NYID LAS SKYES PA DAG GO, ,BSGOMS PA LAS BYUNG BA NI MI RTAG PA LA SOGS PA BSGOMS PA LAS SKYES BDAG GO, ,MNYAM PA DANG KHYAD PAR CAN DAG KHO NA'I RGYU YIN GYI, DMAN PA RNAMS KYI NI MA YIN TE @213A *, ,ZHES BYA BA LA, RGYU'I 'BRAS BU DMAN PA NI MI RIGS TE, 'BAD PA 'BRAS BU MED PAR 'GYUR DU 'ONG BA'I PHYIR RO, ,'DOD PA'I KHAMS NI MNYAM PAR MA BZHAG PA YIN PA'I PHYIR BSGOMS PA LAS BYUNG BA MED DO, ,BSAMS PA LAS BYUNG BA MED PA'I PHYIR RO ZHES BYA BA LA; GZUGS NA SPYOD PA RNAMS NI RGYUD ZHI GNAS KYIS BRLAN PA'I PHYIR GANG GI TSE SEMS PAR RTZOM PA DE'I TSE DE DAG TING NGE 'DZIN LA NYE BAR GNAS PAR 'GYUR RO, ,DE DAG KYANG ZHES BYA BA NI THOS PA LAS BYUNG BA LA SOGS PA DAG GO, ,CHUNG DU'I CHUNG DU'I DAG NI THAMS CAD KYI YIN LA ZHES BYA BA LA, CHUNG NGU'I CHUNG DU DAG NI CHUNG DU'I GZHAN MNYAM PO RNAMS DANG, CHUNG DU'I 'BRING LA SOGS PA GZHAN KHYAD PAR CAN BRGYAD KYI YIN NO, ,CHUNG DU'I 'BRING PO DAG NI BRGYAD KYI YIN LA, CHUNG DU'I CHEN PO DAG NI BDUN GYI YIN ZHING, 'BRING GI CHUNG DU DAG NI DRUG GI YIN PA NAS; CHEN PO'I CHEN PO DAG NI CHEN PO'I CHEN PO DAG KHO NA'I BAR GYI YIN NO, ,SKYES NAS THOB PA CAN GYI DGE BA'I CHOS RNAMS NI ZHES BYA BA LA, SKYE BAS THOB PA NI SKYES NAS THOB PA STE, DE 'DI DAG LA YOD PAS NA SKYES NAS THOB PA CAN NO, ,RNAM PA DGU PO DE DAG THAMS CAD PHAN TSUN SKAL BA MNYAM PA'I RGYU YIN TE, CHUNG DU'I CHUNG DU DAG CHUNG DU DAG GI YIN PA NAS CHEN PO'I CHEN PO DAG CHUNG DU'I CHUNG DU DAG GI BAR GYI YIN NO, ,CI'I PHYIR ZHE NA, SKAL BA MNYAM PA'I RGYU MNGON PAR 'DU BYED PA CAN GYI 'BRAS BU NI DMAN PA YIN PAR MI 'DOD KYI, MNGON PAR 'DU BYED PA CAN MA YIN PA'I NI MA YIN NO, ,NYON MONGS PA CAN RNAMS KYANG DE DANG 'DRA'O ZHES BYA BA LA, RNAM PA DGU PO THAMS CAD PHAN TSUN SKAL PA MNYAM PA'I RGYU YIN TE, SBYOR BA LAS BYUNG BA MA YIN PA'I PHYIR RO, ,DE DAG NI GO RIMS BZHIN DU ZHES BYA BA LA, RNAM PAR SMIN PA LAS SKYES PA NI RNAM PAR SMIN PA LAS SKYES PA LA SOGS PA BZHI'I SKAL BA MNYAM PA'I RGYU YIN NO, ,SPYOD LAM PA NI GSUM GYI YIN GYI, RNAM PAR SMIN PA LAS SKYES PA RNAMS KYI NI MA YIN TE, DE DAG NI MNGON PAR 'DU BYED PA CAN MA YIN PA NYID KYIS DMAN PA'I PHYIR RO, ,BZO'I GNAS PA NI GNYIS DAG GI YIN LA, @213B SPRUL PA NI SPRUL PA RNAMS KHO NA'I YIN TE, PHYI MA PHYI MA DA GA NI CHES MNGON PAR 'DU BYED PA CAN YIN PA'I PHYIR RO, ,SPRUL PA'I SEMS BSAM GTAN BZHI'I 'BRAS BU 'DOD PA NA SPYOD PA YANG YIN TE ZHES BYA BA LA, DE YANG RIM PA BZHIN DU BZHI DANG GSUM DANG GNYIS DANG GCIG DAG GI SKAL BA MNYAM PA'I RGYU YIN NO, ,JI LTAR ZHE NA, DE'I PHYIR DE LA BSAM GTAN GONG MA'I 'BRAS BU NI ZHES BYA BA RGYAS PAR SMOS SO, ,DE NYID LAS RGYU SMRAS PA NI 'BAD PA 'BRAS BU MED PAR 'GYUR DU 'ONG BA'I PHYIR ZHES BYA BA RGYAS PAR 'BYUNG BA'O, ,MNGON PAR 'DU BYED PAS BSKYED PA NI MNGON PAR 'DU BYED PA CAN TE, DE DAG RNAM PA BZHI CHAR YANG MNGON PAR 'DU BYED PA CAN YIN NO, ,BSAM GTAN GONG MA'I 'BRAS BU NI BSAM GTAN 'OG MA'I 'BRAS BU BAS CHES KHYAD PAR DU 'PHAGS PA YIN PAS DE DE DAG GI SKAL BA MNYAM PA'I RGYU MA YIN GYI, LHAG MA RNAMS NI DE'I YIN TE, DMAN PA'I PHYIR DANG SNGAR SKYES PA'I PHYIR RO, ,DE NYID LA DPE NI, S'A LU DANG NAS LA SOGS PA LTA BU'O ZHES BYA BA'O, ,DE DAG GI 'BRAS BU NI MNYAM PA'AM LHAG PA YIN TE, S'A LU'I SA BON GCIG LAS 'BRAS BU GCIG GAM DU MA 'BYUNG GI DMAN PA NI MA YIN NO, , DE NYID KYI PHYIR ZHES BYA BA NI, GANG GI PHYIR SKAL BA MNYAM PA'I RGYU MNGON PAR 'DU BYED PA CAN GYI 'BRAS BU DMAN PA'I MA YIN PA'I PHYIR RO, ,ZAG PA MED PA SKYES PA ZHES BYA BA RGYAS PAR 'BYUNG BA LA, SDUG BSNGAL LA CHOS SHES PA NI SKYES KYANG SDUG BSNGAL LA CHOS SHES PA'I BZOD PA RANG GI RIGS CAN MA 'ONGS PA RNAMS KYI RGYU MA YIN TE, DMAN PA'I PHYIR RO, ,SDUG BSNGAL LA CHOS SHES PA NI SDUG BSNGAL LA CHOS SHES PA'I BZOD PA RNAM PAS KHYAD PAR CAN NYID YIN TE, NGES PA'I BDAG NYID CAN YIN PA'I PHYIR DANG, NYON MONGS PA'I BRAL BA'I THOB PA DANG LHAN CIG SKYES PA'I PHYIR RO, ,KHYAD PAR CAN THAMS CAD DMAN PA'I LTA BU'O ZHES BYA BA NI, DPER NA DGRA BCOM PA NYID LAS YONGS SU NYAMS NA, MI SLOB PA'I LAM SNGAR SKYES PA LAN CIG PHYIR 'ONG BA DANG PHYIR MI 'ONG BA PHYIS SKYES PA DAG GI SKAL BA MNYAM PA'I RGYU MA YIN PA LTA BU'O, ,RGYUD GCIG LA @214A *, ,NGES PA ZHES BYA BA RGYAS PAR 'BYUNG BA LA, SDUG BSNGAL LA CHOS SHES PA'I BZOD PA MA 'ONGS PA DAG NI SDUG BSNGAL LA CHOS SHES PA MA SKYES PA'I SNGAR SDUG BSNGAL LA CHOS SHES PA'I BZOD PA'I DUS KHO NAR THOB PAS SDUG BSNGAL LA CHOS SHES PA'I SNGON DU THOB PA YIN NO, ,SDUG BSNGAL LA CHOS SHES PA DE DAG THOB NAS GZOD SKYE BAS DE DAG THOB PA BAS PHYIS SKYES PA YIN NO, ,SDUG BSNGAL LA CHOS SHES PA'I BZOD PA SNGAR SKYES PA GANG YIN PA DE NI DE'I SKAL BA MNYAM PA'I RGYUR 'GYUR BA KHO NA YIN TE, DE NYID KYI PHYIR SNGAR THOB PA ZHES SMOS KYI, SNGAR SKYES PA ZHES NI MA YIN NO, ,DE NYID LA RGYU BSHAD PA NI 'DI LTAR 'BRAS BU SNGA BA DANG ZHES BYA BA RGYAS PAR 'BYUNG BA STE, GAL TE 'BRAS BU CHES SNGA BAR 'GYUR NA NI RGYU DON MED PAR 'GYUR LA, SKAL BA MNYAM PA'I RGYU MA 'ONGS PA YIN NA YANG SNGA PHYIR MED PA'I PHYIR RGYU DANG 'BRAS BU DAG 'CHOL BAR 'GYUR RO ZHES SNGAR BSHAD ZIN TO, ,ZAG PA MED PA'I CHOS SNGAR SKYES PA ZHES BYA BA RGYAS PAR 'BYUNG BA LA, 'DIR NI 'BRAS BU SNGAR SKYES PA NYID DANG, SKAL BA MNYAM PA'I RGYU MA 'ONGS PA NYID YOD PA MA YIN NO SNYAM STE DRIS PA'O, ,'DI LTA STE 'BRAS BU GONG MA LAS YONGS SU NYAMS PA ZHES BYA BA LA, 'BRAS BU GONG MA NI DGRA BCOM PA NYID DAM, PHYIR MI 'ONG BA'I 'BRAS BU 'AM LAN CIG PHYIR 'ONG BA'I 'BRAS BU'O, ,'BRAS BU 'OG MA MNGON DU BYED PA'I TSE ZHES BYA BA LA 'OG MA NI PHYIR MI 'ONG BA'I 'BRAS BU'AM, LAN CIG PHYIR 'ONG BA'I 'BRAS BU 'AM, RGYUD DU ZHUGS PA'I 'BRAS BU'O, ,DE LA 'BRAS BU GONG MA LAS YONGS SU NYAMS PA 'BRAS BU 'OG MA MNGON DU BYED PA'I TSE 'BRAS BU GONG MA'I LAM SNGAR SKYES PA YIN YANG 'BRAS BU 'OG MAS BSDUS PA'I LAM PHYIS SKYES PA'I SKAL BA MNYAM PA'I RGYU MA YIN BA LTA BU STE, DE NA DMAN PA'I PHYIR RO, ,SDUG BSNGAL LA CHOS SHES PA'I THOB PA ZHES BYA BA RGYAS PAR 'BYUNG BA LA, DE THOB PA'I SDUG BSNGAL LA CHOS SHES PA DANG LHAN CIG SKYES PA STE, DE NI SDUG BSNGAL LA CHOS SHES PA'I BZOD PA'I THOB PA SDUG BSNGAL LA RJES SU SHES PA'I BZOD PA LA SOGS PA DANG, LHAN CIG SKYES PA THAMS CAD KYI RGYU MA YIN PA LTA BU STE, @214B DE DAG NI PHYIS SKYES MOD KYI, SDUG BSNGAL LA CHOS SHES PA'I THOB PA BAS DMAN PA KHO NA YIN NO, ,DE BZHIN DU SKAD CIG MA GONG MA GONG MA DANG LHAN CIG SKYES PA DAG LA YANG BRJOD PAR BYA'O, ,SKAL PA MNYAM PA'I RGYU BSHAD ZIN TO, ,MTSUNGS LDAN RGYU NI SEMS DAG DANG, ,SEMS BYUNG ZHES BYA BA LA, NI ZHES BYA BA'I SGRA NI MTSUNGS PAR LDAN PA'I RGYU NI SEMS DANG SEMS LAS BYUNG BA KHO NA 'O ZHES NGES PAR GZUNG BA DANG RIM PA GZHAN DU SBYAR BA STE, RNAM PA GZHAN DU NGES PAR GZUNG NA NI SEMS DANG SEMS LAS BYUNG BA RNAMS LA LHAN CIG 'BYUNG BA'I RGYU LA SOGS PA BKAG PA MI 'DOD PAR THAL BAR 'GYUR RO, ,DE LTA NA NI DUS DANG RGYUD THA DAD PA LAS SKYES PA RNAMS ZHES BYA BA RGYAS PAR 'BYUNG NGO, ,'O NA NI DMIGS PA GCIG PA DAG YIN NO ZHES BYA BA LA, DE LTA NA DUS DANG RGYUD THA DAD PA LAS SKYES PA RNAMS RNAM PA DANG DMIGS PA THA DAD PA'I PHYIR MTSUNGS PAR LDAN PA'I RGYU NYID DU THAL BAR 'GYUR BA LDOG PA YIN NO, ,DE LTA NA YANG DE NYID DU THAL BAR 'GYUR RO ZHES BYA BA NI RGYUD DANG DUS THA DAD PA LAS SKYES PA RNAMS ZHES BYA BA LA SOGS PA GANG SNGAR SMRAS PA'O, ,'DI LTAR DUS DANG RGYUD THA DAD PA LAS SKYES PA NI RNAM PA DANG DMIGS PA GCIG PA DANG, DMIGS PA DANG RNAM PA THA DAD PA DAG GO, ,DE LA RNAM PA DANG DMIGS PA GCIG PA DAG CES BYA BA SMOS PAS NI RNAM PA DANG DMIGS PA THA DAD PA BKAG GO, ,CIG SHOS NI MA BKAG PAS THAL BA DE NYID DU 'GYUR RO, ,'O NA NI DUS GCIG PA DAG YIN NO ZHES BYA BA 'BYUNG NGO, ,DE LTA NA YANG RGYUD THA DAD PA BA LAS SKYES SHING DUS THA MI DAD PA RNAMS LA YANG THAL BAR 'GYUR TE, MANG PO RNAMS ZLA BA TSES PA LA SOGS PA LA LTA BA DAG GI LTA BU, RGYUD THA DAD PA LAS SKYES PA, DUS GCIG CING RNAM PA DANG DMIGS PA GCIG PA DAG LA YANG THAL BAR 'GYUR RO, ,GANG GI PHYIR KHYAD PAR DE DAG GIS NI GZHAN DU YANG THAL BAR 'GYUR BA DE LTA BAS NA, RTEN MTSUNGS CAN RNAMS SO, ,RGYUD THA DAD PA RNAMS KYANG RIGS KYI SGO NAS RTEN MIG LA SOGS PA MTSUNGS PA CAN YIN PAS DE LAS KHYAD PAR DU BYA BA'I PHYIR MTSUNGS PA ZHES BYA BA NI THA MI DAD PA STE ZHES BYA BA SMOS TE, 'DIS NI SKAD CIG @215A *, ,MA'I DBANG DU BYAS NAS MTSUNGS PA NYID DU 'DOD KYI, RIGS KYI DBANG DU BYAS NAS NI MA YIN NO ZHES STON TO, ,DE NYID KYI PHYIR, 'DI LTA STE ZHES BYA BA RGYAS PAR 'BYUNG NGO, ,YANG MTSUNGS PAR LDAN PA DANG, LHAN CIG 'BYUNG BA'I RGYU LA THA DAD DU BYA BA CI YOD CES KHONG NA YOD PA'I DRI BA GTAN LA DBAB PAR BYA BA'I PHYIR, MTSUNGS PAR LDAN PA'I RGYU GANG YIN PA DE NI LHAN CIG 'BYUNG BA'I RGYU YANG YIN NO ZHES BYA BA SMOS SO, ,LHAN CIG 'BYUNG BA'I RGYU NI MTSUNGS PAR LDAN PA'I RGYU MA YIN PA YANG YOD DE, SEMS KYI RJES SU 'JUG PA'I GZUGS DANG, SKYE BA LA SOGS PA DAG DANG, 'BYUNG BA CHEN PO RNAMS SO, ,MTSUNGS PAR LDAN PA'I RGYU GANG YIN PA KHO NA LHAN CIG 'BYUNG BA'I RGYU YIN NA, DE LA RDZAS KHYAD PAR MED PAS 'DRI PA NI YANG DON GANG GIS ZHES BYA BA LA SOGS PA'O, ,PHAN TSUN 'BRAS BU'I DON GYIS NA, ,ZHES BYA BA RGYAS PAR 'BYUNG BA LA, JI LTAR 'GRON PO RNAMS PHAN TSUN GYI STOBS KYIS LHAN CIG LAM DU 'GRO BA DE BZHIN DU, SEMS DANG SEMS LAS BYUNG BA RNAMS KYANG PHAN TSUN GYI STOBS KYIS SKYE BA'I PHYIR PHAN TSUN 'BRAS BU NYID DU 'DOD LA, PHAN TSUN 'BRAS BU NYID KYIS KYANG LHAN CIG 'BYUNG BA'I RGYUR 'DOD DO, ,MTSUNGS PA LNGAS ZHES BYA BA NI RTEN DANG, DMIGS PA DANG, RNAM PA DANG, DUS DANG, RDZAS MTSUNGS PA'I RNAM PA DAG GIS SO, ,MTSUNGS PAR LDAN PA'I DON GYIS ZHES BYA BA NI MTSUNGS PAR 'JUG PA'I DON GYIS TE, JI LTAR 'GRON PO PHAN TSUN GYI STOBS KYIS LAM DU 'GRO BA DE DAG ZAS DANG BTUNG BA DANG, KHRUS DANG, MAL DANG STAN LA SOGS PA YONGS SU LONGS SPYAD PA'I BYA BA LA 'DRA BAR SBYOR BA DE BZHIN DU, SEMS DANG SEMS LAS BYUNG BA RNAMS KYANG MA 'ONGS PA'I DUS NAS DA LTAR BA'I DUS SU 'ONG BA NA GCIG MED NA YANG THAMS CAD MTSUNGS PAR MI LDAN PAS, 'DI NI DE DAG GI RGYU'I DNGOS PO YIN TE, DE YOD NA YOD PA'I PHYIR RO, ,MTSUNGS PAR LDAN PA'I RGYU BSHAD ZIN TO, ,KUN 'GRO ZHES BYA BA NYON MONGS CAN, ,RNAMS KYI ZHES BYA BA LA, NYON MONGS PA SMOS PA NI SKAL BA MNYAM PA'I RGYU LAS KHYAD PAR DU BYA BA'I PHYIR @215B TE; DE NI NYON MONGS PA CAN RNAMS DANG NYON MONGS PA CAN MA YIN PA RNAMS KYI YIN GYI 'DI NI NYON MONGS PA RNAMS KHO NA'I YIN NO, ,DE LTA YIN NA GZHAN GYI SA PA DANG, MA 'ONGS PA DANG, PHYIS SKYES PA DANG, LHAN CIG SKYES PA YANG KUN DU 'GRO BA'I RGYUR THAL BAR 'GYUR RO ZHE NA, DE'I PHYIR, RANG SAR KUN 'GRO SNGA ZHES BYA BA SMOS SO, ,KUN DU 'GRO BA YANG DE DAG YIN LA, SNGA BA YANG YIN PA NI KUN 'GRO SNGA STE, KUN DU 'GRO BA SNGAR SKYES PA RNAMS ZHES BYA BA'I DON TO, ,RANG GI SA PA'I PHRA RGYAS KUN DU 'GRO BA 'DAS PA'AM, DA LTAR BYUNG BA 'ANG RUNG STE, SNGAR SKYES PA RNAMS NI NYON MONGS PA CAN THAMS CAD KYI KUN DU 'GRO BA'I RGYU YIN NO, ,'DI SKAL BA MNYAM PA'I RGYU BZHIN DU RANG GI RIS SMOS PA NI MA BYAS TE, 'DI LTAR 'DI NI NYON MONGS PA CAN GYI THUN MONG BA'I RGYU YIN PA NYID KYIS SKAL BA MNYAM PA'I RGYU LAS KHYAD PAR DU GYUR PA'I PHYIR RO,, DE DAG KYANG 'OG NAS ZHES BYA BA RGYAS PAR 'BYUNG BA LA, DE DAG KYANG, SDUG BSNGAL RGYU MTHONG BSPANG BYA BA, ,LTA DANG DE BZHIN THE TSOM DANG, ,GANG DE LHAN CIG MA 'DRES PA'I, ,MA RIG GANG YIN KUN DU 'GRO, ,ZHES BYA BA STE, DNGOS PO RIS LNGA PO THAMS CAD KYANG DMIGS PAR 'GYUR BA 'AM; NYON MONGS PA'I TSOGS THAMS CAD KYI RGYU'I DNGOS POR 'GYUR BAS NA KUN DU 'GRO BA RNAMS SO, ,DE NYID KYI PHYIR 'DI NI NYON MONGS PA CAN GYI CHOS KYI THUN MONG GI RGYU NYID YIN PAS SKAL BA MNYAM PA'I RGYU LAS LOGS SHIG TU RNAM PAR GZHAG GO, ,RIS GZHAN DAG GI YANG ZHES BYA BA 'DIS NI NYON MONGS PA CAN GYI CHOS KYI THUN MONG GI RGYU NYID DU RTOGS PAR BYED DO, ,DE LA KUN 'BYUNG DANG, 'GOG PA DANG, LAM MTHONG BA DANG, BSGOM PAS SPANG BAR BYA BA RNAMS NI KUN DU 'GRO BA'I RGYU SDUG BSNGAL MTHONG BAS SPANG BAR BYA BA'I RIS GZHAN YIN LA, DE BZHIN DU GANG DAG KUN 'BYUNG MTHONG BAS SPANG BAR BYA BA LAS GZHAN PA DE DAG KYANG RIS GZHAN YIN NO, ,DE'I PHYIR RIS GZHAN PO DE DAG GI YANG RGYU YIN PA'I PHYIR TE, YANG ZHES BYA BA'I SGRAS NI RANG GI RIS PA RNAMS KYI YANG YIN NO ZHES BYA BAR RTOGS SO, ,KUN DU 'GRO BA'I RGYU SNGAR @216A *, ,SKYES PA NI RIS LNGA CHAR GYI NYON MONGS PA MA SKYES PA YANG RGYU MTHUN PA'I 'BRAS BU NYID DU YONGS SU 'DZIN TE, DE'I PHYIR DE DAG GI MTHUS NI ZHES BYA BA RGYAS PAR 'BYUNG NGO, ,DE LTA BAS NA BCOM LDAN 'DAS KYIS KYANG, NYON MONGS PA THAMS CAD NI 'JIG TSOGS LA LTA BA'I RTZA BA CAN NO, ,'JIG TSOGS LA LTA BA LAS SKYES PA'O, ,'JIG TSOGS LA LTA BA'I KUN 'BYUNG BA CAN NO ZHES GSUNGS SO, ,'PHAGS PA RNAMS KYI KUN DU 'GRO BA'I RGYU SPANGS PA'I PHYIR LA, SPANGS PA YANG RGYU'I DNGOS POR MI SRID DO SNYAM STE 'DRI BA NI, CI 'PHAGS PA'I GANG ZAG GI ZHES BYA BA RGYAS BAR SMOS PA'O, ,'PHAGS PA'I GANG ZAG NI RGYUN DU ZHUGS PA DANG, LAN CIG PHYIR 'OD BA DANG, PHYIR MI 'OD PA RNAMS LA MNGON PAR 'DOD DE, DE DAG LA NYON MONGS PA KUN DU SPYOD PA SRID PA'I PHYIR RO, ,KHA CHE BA RNAMS NA RE NYON MONGS PA CAN THAMS CAD KYI ZHES BYA BA RGYAS PAR 'BYUNG STE, DE DAG NI SPANGS ZIN PA'I PHYIR 'PHAGS PA'I GNAS SKABS NA RGYU'I DNGOS POR 'GYUR BAR MI RUNG STE, 'O NA CI ZHE NA, DE DAG NI SO SO'I SKYE BO'I GNAS SKABS KHO NAR RGYU'I DNGOS POR RNAM PAR GNAS PA YIN TE, GANG ZHIG GANG GI RGYU YIN PA DE NI NAM YANG DE'I RGYU MA YIN PA MA YIN NO ZHES BYA BAS DE DAG NI SPANGS KYANG, NYON MONGS PA CAN GYI CHOS RNAMS KYI KUN DU 'GRO BA'I RGYU NYID DU BSNYAD DO, ,'DI LA KHUNGS NI 'DI LTAR RAB TU BYED PA DAG LAS, MTHONG BAS SPANG BAR BYA BA'I RGYU LAS BYUNG BA'I CHOS RNAMS GANG ZHE NA ZHES BYA BA SMOS TE, 'DIR KUN DU 'GRO BA'I RGYU NYON MONGS PA CAN GYI CHOS KYI THUN MONG GI RGYU NYID YIN PA'I KHUNGS NI NYON MONGS PA CAN GYI CHOS RNAMS ZHES BYA BA 'DI YIN TE, 'DIR 'PHAGS PA'AM SO SO'I SKYE BO'I NYON MONGS PA CAN ZHES BYA BAR KHYAD PAR DU MA BYAS PA DE'I PHYIR NA 'PHAGS PA'I YANG YIN NO ZHES BYA BAR RTOGS SO, ,MTHONG BAS SPANG BAR BYA BA'I RGYU LAS BYUNG BA ZHES KHYAD PAR MED PA YIN YANG KUN DU 'GRO BA RNAMS KHO NA GZUNG NGO, ,DE BZHIN DU RNAM PAR SMIN PA YANG KHYAD PAR MED PAR BRJOD DU ZIN KYANG MI DGE BA RNAMS KHO NA'I YIN GYI, LUNG DU MA BSTAN PA RNAMS KYI NI MA YIN @216B NO; ,LUNG DU MA BSTAN PA'I RGYU LAS BYUNG BA'I CHOS RNAMS ZHES BYA BA RGYAS PAR 'BYUNG BA LA, 'DIR YANG MI DGE BA RNAMS SO ZHES BYA BA 'DI KHUNGS YIN NO, ,LUNG DU MA BSTAN PA NI 'JIG TSOGS LA LTA BA DANG MTHAR 'DZIN PAR LTA BA GNYIS YIN TE, DE DAG KYANG KHYAD PAR MED PAR MI DGE BA'I CHOS RNAMS KYI RGYU'I DNGOS POR BSTAN PAS 'PHAGS PA'I MI DGE BA'I CHOS RNAMS KYANG 'JIG TSOGS LA LTA BA DANG MTHAR 'DZIN PAR LTA BA'I RGYU LAS BYUNG BA YIN NO ZHES BYA BAR NGES PA YIN NO, ,LUNG DU MA BSTAN PA'I CHOS 'DUS BYAS RNAMS ZHES BYA BA LA, 'DUS BYAS SMOS PA NI NAM MKHA' DANG, SO SOR BRTAGS PA MA YIN PAS 'GOG PA RNAM PAR GCAD PAR BYA BA'I PHYIR RO, ,SDUG BSNGAL GYI BDEN PA 'JIG TSOGS LA LTA BA'I RGYU CAN YIN LA, 'JIG TSOGS LA LTA BA'I RGYU MA YIN PA YANG YOD CES BYA BA LA, 'DIR RGYAS PAR ZHES BYA BA SMOS PAS NI SDUG BSNGAL GYI BDEN PA 'JIG TSOGS LA LTA BA'I RGYU CAN YIN LA, 'JIG TSOGS LA LTA BA'I RGYU MA YIN PA YANG YOD, 'JIG TSOGS LA LTA BA'I RGYU YIN LA, 'JIG TSOGS LA LTA BA'I RGYU CAN YIN BA YANG YOD, 'JIG TSOGS LA LTA BA'I RGYU CAN YANG MA YIN LA, 'JIG TSOGS LA LTA BA'I RGYU YANG MA YIN PA YOD DAM ZHE NA, DE LA MU DANG PO NI, SDUG BSNGAL MTHONG BAS SPANG BAR BYA BA'I PHRA RGYAS 'DAS PA DANG DA LTAR BYUNG BA RNAMS DANG, DE DAG DANG MTSUNGS PAR LDAN PA'I SDUG BSNGAL GYI BDEN BA MA GTOGS PA DANG, KUN 'BYUNG BA MTHONG BAS SPANG BAR BYA BA'I PHRA RGYAS KUN DU 'GRO BA 'DAS PA DANG, DA LTAR BYUNG BA RNAMS DANG, DE DAG DANG MTSUNGS PAR LDAN PA'I SDUG BSNGAL GYI BDEN PA MA GTOGS PA DANG, 'JIG TSOGS LA LTA BA MA 'ONGS PA DANG, DE DAG DANG MTSUNGS PAR LDAN PA'I SDUG BSNGAL GYI BDEN PA MA GTOGS PA DANG ZHES BYA BA'I GZHUNG 'DI 'PHEN PA YIN NO, ,MA GTOGS PA DAG LAS GZHAN PA DE DAG GANG ZHE NA, KUN 'BYUNG MTHONG BAS SPANG BAR BYA BA MA 'ONGS PA MTSUNGS PAR LDAN PA DANG BCAS PA RNAMS DANG, SDUG BSNGAL MTHONG BAS SPANG BAR BYA BA MA 'ONGS PA RNAMS DANG, KUN 'BYUNG @217A *, ,MTHONG BAS SPANG BAR BYA BA KUN DU 'GRO BA MA 'ONGS PA RNAMS DANG, 'GOG PA DANG LAM MTHONG BA DANG, BSGOM PAS SPANG BAR BYA BA THAMS CAD KHO NA STE, BSGOM PAS SPANG BAR BYA BA RNAMS NI KHYAD PAR DU MA BYAS PA'I PHYIR SO SO'I SKYE BO RNAMS KYI LTAR 'PHAGS PA RNAMS KYI YANG 'JIG TSOGS LA LTA BA'I RGYU LAS BYUNG BA YIN GYI 'JIG TSOGS LA LTA BA'I RGYU MA YIN NO ZHES BYA BA DE SKAD DU RNAM PAR BSHAD PA YIN NO, ,DE'I PHYIR 'PHAGS PA'I GANG ZAG GI NYON MONGS PA CAN GYI CHOS RNAMS KYANG KUN DU 'GRO BA'I RGYU LAS BYUNG BA YIN NO, ,'O NA BTAGS PA'I BSHAD PA ZHES BYA BAS NI BSTAN BCOS DANG 'GAL BAR STON TE, GAL TE 'PHAGS PA'I NYON MONGS PA CAN GYI CHOS RNAMS KYANG KUN DU 'GRO BA'I RGYU LAS BYUNG BA STE, MI DGE BA'I CHOS RGYU LAS BYUNG BA 'BA' ZHIG TU MA ZAD KYI, MI DGE BA DANG, LUNG DU MA BSTAN PA'I RGYU LAS BYUNG BA DAG KYANG YIN NA'O, ,'DI BA'I BSAM PA NI MI DGE BA NI MI DGE BA'I RGYU LAS BYUNG BA KHO NA'O ZHES NGES PAR GZUNG BA'I PHYIR NA, LUNG DU MA BSTAN PA'I RGYU CAN NI MA YIN NO SNYAM PA'O, ,YOD DE 'PHAGS PA'I GANG ZAG 'DOD PA'I 'DOD CHAGS DANG BRAL PA LAS ZHES BYA BA LA SOGS PA LA, SEMS PA DE'I RGYU NI MI DGE BA 'BA' ZHIG TU MA ZAD KYI, 'JIG TSOGS LA LTA BA DANG MTHAR 'DZIN PAR LTA BA'I BDAG NYID CAN LUNG DU MA BSTAN PA YANG YIN NO, ,DE NI MI DGE BA DANG LUNG DU MA BSTAN PA'I RGYU CAN NYID KYANG YIN MOD KYI, DE NI RGYU MA SPANGS PA LA DGONGS NAS GSUNGS PA YIN NO, , DE'I RGYU LUNG DU MA BSTAN PA YANG SPANGS PA YIN TE, MTHONG BAS SPANG BAR BYA BA YONGS SU GTUGS TE SPANGS PA'I PHYIR LA, MTHONG BA'I LAM LAS YONGS SU NYAMS PA YANG MED PA'I PHYIR RO, ,DE NI TSUL BZHIN MA YIN PA YID LA BYED PA LAS SKYE BA YIN TE, DE'I PHYIR MI DGE BA 'DOD CHAGS LA SOGS PA'I BSGOM PAS SPANG BAR BYA BA MA SPANGS PA LA DGONGS NAS GSUNGS PA YIN NO, ,DE JI LTAR MA SPANGS SHE NA, DE SPANGS PA LAS YONGS SU NYAMS PA'I PHYIR TE, LHAN CIG 'BYUNG BA DANG, MTSUNGS PAR LDAN PA'I RGYUS BSDUS PA'I RGYU MI DGE BA LA @217B DGONGS NAS DE SKAD DU GSUNGS PAS BSTAN BCOS DANG 'GAL BA MED DO, ,KUN DU 'GRO BA'I RGYU BSHAD ZIN TO, ,RNAM SMIN RGYU NI MI DGE DANG, ,ZHES BYA BA RGYAS PAR 'BYUNG BA LA, RNAM PAR SMIN PA'I RGYU NI DE DAG KHO NA YIN NO ZHES BYA BAR NGES PAR GZUNG STE, DE DAG RNAM PAR SMIN PA'I RGYU KHO NA'O ZHES BYA BAR NI MA YIN NO, ,ZAG PA DANG BCAS PA SMOS PA NI ZAG PA MED PA GSAL BAR BYA BA'I PHYIR RO, ,MI DGE BA NI ZAG PA DANG BCAS PA KHO NA YIN PAS DE KHYAD PAR DU MA BYAS SO, ,DANG ZHES BYA BA'I SGRA NI RGYU THA DAD KYANG 'BRAS BU THA MI DAD PAR SHES PAR BYA BA'I PHYIR RO, , YANG CI'I PHYIR 'DI DAG KHO NA RNAM PAR SMIN PA'I RGYU YIN GYI GZHAN YANG MA YIN ZHE NA, DE'I PHYIR, RNAM PAR SMIN PA'I CHOS CAN YIN PA'I PHYIR RO ZHES BYA BA SMOS TE, RNAM PAR SMIN PA'I RANG BZHIN YIN PA'I PHYIR RO ZHES BYA BA'I DON TO, ,GZHAN DAG RNAM PAR SMIN PA'I CHOS CAN NYID MA YIN PAR BSTAN PA'I PHYIR DRI BA NI, CI'I PHYIR LUNG DU MA BSTAN PA'I ZHES BYA BA RGYAS PAR 'BYUNG BA'O, ,JI LTAR SA BON RUL BA DAG GIS MNGON PAR BRLAN YANG STOBS CHUNG BA'I PHYIR MYU GU'I RGYU MA YIN BA DE BZHIN DU LUNG DU MA BSTAN PA YANG ZAG PA DANG BCAS PA'I PHYIR SRED PAS MNGON PAR BRLAN YANG STOBS CHUNG BA'I PHYIR RNAM PAR SMIN PA'I RGYU MA YIN NO, ,YANG JI LTAR SA BON GRUNG PO CHU DAG GIS MNGON PAR MA BRLAN PA MYU GU'I RGYU MA YIN PA DE BZHIN DU ZAG PA MED PA RNAMS KYANG DGE BA YIN PA'I PHYIR GRUNG YANG SRED PAS MNGON PAR MA BRLAN PA'I PHYIR RNAM PAR SMIN PA'I RGYU MA YIN NO, ,GCIG NI RANG GI NUS PA DANG BRAL BA'I PHYIR RNAM PAR SMIN PA'I RGYU MA YIN LA, CIG SHOS NI LHAN CIG BYED PA'I RKYEN MA TSANG BA'I PHYIR RNAM PAR SMIN PA'I RGYU MA YIN NO, ,LDAN PA MA YIN PA RNAMS ZHES BYA BA RGYAS PAR 'BYUNG BA LA, RNAM PAR SMIN PA NI 'DOD PA'I KHAMS LA SOGS PA'I CHOS CAN YIN PA'I PHYIR GDON MI ZA BAR 'DOD PA'I KHAMS LA SOGS PA DANG LDAN PAR 'GYUR NA, LDAN PA MA YIN PA NI RNAM PAR SMIN PA DANG LDAN PA'I RGYUR MI RUNG STE, NGES PA'I RGYU MED PA'I PHYIR RO, ,LHAG MA RNAMS ZHES BYA BA NI MI DGE BA ZAG PA DANG BCAS PA DAG GO, ,RNAM PA GNYIS @218A *, ,KA YIN PA'I PHYIR ZHES BYA BA LA, DGE BA DANG MI DGE BA NYID KYIS GRUNG PO YIN PA'I PHYIR RANG GI NUS PA DANG LDAN LA, SRID PAS MNGON PAR BRLAN PA'I PHYIR LHAN CIG BYED PA'I RKYEN DANG LDAN PA YIN NO, ,RNAM PAR SMIN PA'I RGYU CI ZHIG CES BYA BA RGYAS PAR 'BYUNG BA LA, GAL TE RNAM PAR SMIN PA ZHES BYA BA DNGOS PO SGRUB PA YIN NA NI RNAM PAR SMIN PA NI RNAM PAR SMIN PA STE, DER NI RNAM PAR SMIN PA'I RGYU ZHES DRUG PA'I TSIG BSDU BA YIN NO, ,'ON TE RNAM PAR SMIN PAR BYA BAS NA RNAM PAR SMIN PA YIN NA NI 'DI NI LAS SU GRUB PA YIN TE, DER NI RNAM PAR SMIN PA NYID RGYU YIN PAS RNAM PAR SMIN PA'I RGYU'O ZHES GZHI MTHUN PA YIN NO, ,DES NA CI RA 'GYUR ZHES BYA BA NI 'DIR NYES PA GANG ZHIG TU 'GYUR ZHES BYA BA'O, ,GAL TE RNAM PAR SMIN PA'I RGYU YIN NA NI, MIG RNAM PAR SMIN PA LAS SKYES PA YIN NO ZHES BYA BA DER MI 'GYUR TE, 'DI LTAR MIG NI RNAM PAR SMIN PA LAS SKYES PA MA YIN TE, 'O NA CI ZHI NA, RNAM PAR SMIN PA'I RGYU LAS TE, LAS LAS SKYES PA YIN NO ZHES BYA BA'I DON TO, ,'ON TE RNAM PAR SMIN PA NYID RGYU YIN NA NI, LAS KYI RNAM PAR SMIN PA ZHES BYA BA DER MI 'GYUR RO, ,CI'I PHYIR ZHE NA, LAS NI RNAM PAR SMIN PA'I RGYU YIN PA'I PHYIR LA, RNAM PAR SMIN PA YANG LAS KYI RANG BZHIN MA YIN PA'I PHYIR RO, ,GNYIS KA LTAR YANG RUNG NGO ZHES SNGAR BSHAD ZIN TO ZHES BYA BA LA, RNAM PAR SMIN PA'I RGYU NI RNAM PAR SMIN PA'O ZHES TSIG BSDU NA NI, RGYU'I SGRA MI MNGON PAR BYAS PAS MIG RNAM PAR SMIN PA LAS SKYES PA YIN NO ZHES BYA BA DANG MI 'GAL LO, ,YANG NA RNAM PAR SMIN PA NYID RGYU YIN PAS RNAM PAR SMIN PA'I RGYU YIN NO ZHES TSIG BSDU NA YANG 'BRAS BU'I DUS SU PHYIN PA'I LAS LA RNAM PAR SMIN PAR 'GYUR BA NA, RNAM PAR SMIN PA ZHES BYA STE, DE LTAR NA LAS KYI RNAM PAR SMIN PA ZHES BYA BA DANG MI 'GAL LO, ,'BRAS BU NI RNAM PAR SMIN PA YIN PAS RNAM PAR SMIN PA ZHES BYA'O, RNAM PAR SMIN PAR 'GYUR BAS NI MA YIN NO, ,MI 'DRA BAR SMIN PA NI ZHES BYA BA LA, RNAM PAR SMIN PA'I 'BRAS BU NI RGYU DANG MI 'DRA BA'I 'BRAS BU YIN NO ZHES BYA BA'I THA TSIG GO, , @218B 'DI LTAR RGYU NI MI DGE BA DANG, DGE BA ZAG PA DANG BCAS PA DAG YIN LA, 'BRAS BU NI LUNG DU MA BSTAN PA YIN PAS RGYU DANG MI 'DRA BA YIN NO, ,RNAM PAR SMIN PA'I RGYU BSHAD PA'I SGO NAS, 'DOD PA'I KHAMS NA RNAM PAR SMIN PA'I RGYU PHUNG PO GCIG LA ZHES BYA BA RGYAS PAR 'BYUNG BA 'DI YANG BSTAN PAR BYA'O, ,THOS PA RNAMS DANG DE DAG GI SKYE BA LA SOGS PA RNAMS NI 'DU BYED KYI PHUNG POS BSDUS PA'I PHYIR NA PHUNG PO GCIG GO, ,THOB PA RNAMS KYI 'BRAS BU GANG YIN PA DE NYID DAG GI SKYE BA LA SOGS PA RNAMS KYI YANG YIN PAS 'BRAS BU GCIG GO, ,THOB PA RNAMS NI THOB PA DANG LDAN PA DANG 'BRAS BU THA DAD KYI, MTSAN NYID RNAMS NI MA YIN TE, MTSAN GZHI DANG GNYIS LHAN CIG 'BYUNG BA'I RGYU YIN PA'I PHYIR RO, ,PHUNG PO GNYIS LA ZHES BYA BA LA, LUS DANG NGAG GI LAS DGE BA DANG MI DGE BA NI GZUGS KYI PHUNG PO YIN NO, ,DE DAG GI SKYE BA LA SOGS PA RNAMS NI 'DU BYED KYI PHUNG PO YIN NO, ,LHAN CIG 'BYUNG BA'I RGYU YIN PA'I PHYIR LUS DANG NGAG GI LAS DANG, DE DAG GI SKYE BA LA SOGS PA RNAMS KYI RNAM PAR SMIN PA'I 'BRAS BU NI GCIG KHO NA YIN TE, 'BRAS BU THA DAD NA NI LHAN CIG 'BYUNG BA'I RGYU NYID DU 'GAL BA'I PHYIR RO, ,PHUNG PO GSUM PA NI KHAMS GSUM NA YANG MED DE, SEMS DANG SEMS LAS BYUNG BA RNAMS GDON MI ZA BAR 'BRAS BU GCIG PA YIN PA'I PHYIR RO, ,PHUNG PO BZHI LA ZHES BYA BA LA, SEMS DANG SEMS LAS BYUNG BA DGE BA DANG MI DGE BA DAG NI CI RIGS PAR PHUNG PO BZHIS BSDUS PA YIN LA, DE DAG GI SKYE BA LA SOGS PA RNAMS NI 'DU BYED KYI PHUNG POS BSDUS PA YIN NO, ,'DOD PA'I KHAMS NI MNYAM PAR GZHAG PA'I SEMS MED PAS RJES SU 'JUG PA'I GZUGS MI SRID PA'I PHYIR PHUNG PO LNGA PO NI YOD PA MA YIN NO, ,PHUNG PO BZHI PO BZHI CHAR GYI YANG RNAM PAR SMIN PA'I 'BRAS BU NI GCIG KHO NA'I YIN GYI THA DAD PA NI MA YIN TE, LHAN CIG 'BYUNG BA'I RGYU YIN PA'I PHYIR RO, ,GZUGS KYI KHAMS NA ZHES BYA BA RGYAS BAR 'BYUNG BA LA, THOB PA SKYE BA LA SOGS PA DANG BCAS PA DANG 'DU SHES MED PA'I SNYOMS PAR 'JUG PA SKYE BA LA SOGS PA DANG BCAS PA STE, THOB @219A *, ,PA DANG 'DU SHES MED PA'I SNYOMS PAR 'JUG PA GNYIS DANG, DE DAG GI SKYE BA LA SOGS PA RNAMS NI 'DU BYED KYI PHUNG POS BSDUS PA'I PHYIR PHUNG PO GCIG YIN LA, MTSAN NYID DANG MTSAN GZHI GNYIS 'BRAS BU THA MI DAD PA YIN PA'I PHYIR 'BRAS BU GCIG PA YIN NO; ,PHUNG PO GNYIS PA NI ZHES BYA BA LA, BSAM GTAN DANG PO KHO NA'I RNAM PAR RIG BYED DGE BA YIN GYI, BSAM GTAN GNYIS PA LA SOGS PA DAG GI NI MA YIN TE, DE'I SA PA'I RTOG PA DANG DPYOD PA MED PA'I PHYIR LA, SA 'OG MA PA'I MA BSGRIBS LA LUNG DU MA BSTAN PA RNAMS KHO NA DER MNGON DU BYED PA'I PHYIR RNAM PAR SMIN PA MED DO, ,RNAM PAR RIG BYED NI GZUGS KYI PHUNG PO'O, ,DE'I SKYEB LA SOGS PHA DAG NI 'DU BYED KYI PHUNG PO'O, ,MNYAM PAR MA BZHAG PA ZHES BYA BA LA, DE LA RJES SU 'JUG PA'I GZUGS MED PA'I PHYIR PHUNG PO BZHI PA'O, ,MNYAM PAR BZHAG PA ZHES BYA BA LA, DE LA RJES SU 'JUG PA'I GZUGS YOD PA'I PHYIR PHUNG PO LNGA PA'O, ,GZUGS MED PA'I KHAMS NA ZHES BYA BA RGYAS PAR 'BYUNG BA LA DE GZUGS THAMS CAD MED PAS PHUNG PO GCIG PA'AM, BZHI PA YIN GYI, PHUNG PO GNYIS PA NI MA YIN NO, ,RNAM PAR SMIN PA'I RGYU DE NI RNAM PA DGU YIN TE, KHAMS GSUM PAN RIM BZHIN DU RNAM PA GSUM DANG, BZHI DANG, GNYIS YIN PA'I PHYIR RO, GANG GI RNAM PAR SMIN PA CHOS KYI SKYE MCHED GCIG KHO NA ZHES BYA BA RGYAS PAR 'BYUNG BA LA, KHA CIG NA RE RIS MTHUN PA DANG SROG GI DBANG PO NI 'PHEN PAR BYED PA'I LAS KYI 'BRAS BU KHO NA YIN LA, GZHAN DAG NI GDON MI ZA BAR 'PHEN PAR BYED PA'I YIN PA KHO NAR MA ZAD KYI, RDZOGS PAR BYED PA'I YANG YIN TE, DE BAS NA SROG GI DBANG PO GANG GI RNAM PAR SMIN PA YIN PA DE'I NI RIS MTHUN PA DANG DE'I SKYE BA LA SOGS PA YANG YIN PAS DE'I RNAM PAR SMIN PA NI CHOS KYI SKYE MCHED KHO NA YIN NO ZHES ZER RO, ,GZHAN DAG NA RE GZUGS MED PA'I KHAMS SU SKYES PA DGE BA DANG NYON MONGS PA CAN GYI SEMS KUN DU SPYOD PA'I GNAS SU GYUR PA'I SROG GI DBANG PO MNGON PAR 'DOD DE, 'DOD BA DANG GZUGS KYI KHAMS DAG NA NI GNAS SKABS THAMS CAD DU SKYE MCHED GZHAN DANG @219B GZHAN YANG YOD DO ZHES ZER RO, ,GANG GI YID KYI SKYE MCHED YIN PA DE'I NI GNYIS TE ZHES BYA BA 'BYUNG STE, DE LA RNAM PAR SHES PA NI YID KYI SKYE MCHED DO, ,TSOR BA LA SOGS PA DANG, DE DAG GI SKYE BA LA SOGS PA RNAMS CHOS KYI SKYE MCHED DO, ,GANG GI REG BYA'I SKYE MCHED YIN PA YANG DE DANG 'DRA'O ZHES BYA BA LA, REG BYA'I SKYE MCHED DANG, CHOS KYI SKYE MCHED DE DE'I SKYE BA LA SOGS PA RNAMS CHOS KYI SKYE MCHED KYIS BSDUS PA'I PHYIR RO, ,'DIR REG BYA'I SKYE MCHED NI SEMS CAN DU BGRANG BA LA RIG PAR BYA'O, ,GANG GI LUS KYI SKYE MCHED YIN PA DE'I GSUM STE, LUS KYI SKYE MCHED NI 'BYUNG BA LAS GYUR PA YIN LA, DE YANG 'BYUNG BA LA LTOS PA'I PHYIR LUS KYI SKYE MCHED NI LUS KYI SKYE MCHED 'BYUNG BA'I BDAG NYID CAN LA MI LTOS PA MI SRID DO, ,DE DAG GI SKYE BA LA SOGS PA RNAMS NI CHOS KYI SKYE MCHED KYIS BSDUS PA'I PHYIR RO, ,GANG GI DANG DRI DANG RO'I SKYE MCHED DAG YIN PA YANG DE DANG 'DRA'O ZHES BYA BA LA, GZUGS LA SOGS PA RNAMS LAS NI GANG YANG RUNG BA ZHIG GO, ,DE DAG GI RTEN 'BYUNG BA CHEN PO DAG NI REG BYA'I SKYE MCHED DO, ,DE DAG GI SKYE BA LA SOGS PA DAG NI CHOS KYI SKYE MCHED DO, ,MIG NI LUS LA MI 'KHRUL BA'I PHYIR DANG; 'BYUNG BA LA BRTEN PA'I PHYIR DANG, SKYE BA LA SOGS PA MTSAN NYID LA MI 'KHRUL BA'I PHYIR NA, GANG GI RNAM PAR SMIN PA MIG GI SKYE MCHED YIN PA'I DE'I SKYE MCHED BZHI YIN NO, ,GANG GI RNA BA DANG SNA DANG LCE'I SKYE MCHED DAG YIN PA YANG DE DANG 'DRA'O ZHES BYA BA LA, DE DAG GI TSUL YANG MIG GI DBANG PO DANG 'DRA STE, DE DAG KYANG 'BYUNG BA CHEN PO LA BRTEN PA'I PHYIR DANG, SKYE BA LA SOGS PA DANG LDAN PA'I PHYIR DANG, LUS KYI SKYE MCHED LA RAG LAS TE 'JUG PA'I PHYIR RO, ,BCU GCIG NI SGRA MA GTOGS PA STE, DE NI RNAM PAR SMIN PA MA YIN PA'I PHYIR RO, ,YANG LAS 'GA' ZHIG RNAM PAR SMIN PA SKYE MCHED GCIG RNAM PAR SMIN PAR 'GYUR LA, 'GA' ZHIG GI BCU GCIG SMIN PAR 'GYUR BA GANG YIN PA LA RGYU CU YOD CE NA, DE'I PHYIR LAS KYI 'BRAS BU SNA TSOGS PA DANG, SNA TSOGS PA MA YIN PA'I PHYIR RO ZHES BYA BA SMOS TE, PHYI'I SA BON LTAR @220A *, ,NANG GI LAS KYI SA BON YANG BLTA BAR BYA'O, ,'DI LTAR PAD MA'I SA BON RNAMS RTZA BA DANG, MYU GU DANG, LO MA DANG, SDONG BU DANG, GE SAR DANG, ZE'U 'BRU DANG, LTE BA SNA TSOGS PA YIN PA DANG, SHING N+YA GRO DHA LA SOGS PA SDONG BU DANG, YAL GA DANG, LCUG MA DANG, LO MA DANG, LO MA PHRAN DANG, MYU GU DANG, ME TOG DANG, 'BRAS BU DU MA DANG LDAN PA DAG SPRIN LTAR SPYOD PAR SNANG BA DE BZHIN DU, NAS DANG GRO LA SOGS PA DAG NI MA YIN NO, ,LAS DUS GCIG PA'I ZHES BYA BA RGYAS PAR 'BYUNG BA LA, LAS 'DAS PA'I RNAM PAR SMIN PA 'DAS PA DANG MA 'ONGS PA DANG DA LTAR BYUNG BA YIN NO, ,LAS DUS GNYIS PA'I ZHES BYA BA LA, 'DAS PA DANG DA LTAR BA'I MA 'ONGS PA MA YIN NO, ,DE NYID LA RGYU SMRAS PA NI, RGYU BAS 'BRAS BU HA CANG NYUNG BAR 'GYUR BAR 'OD BA'I PHYIR RO ZHES BYA BA'O, ,BZLOG PA NI MA YIN NO ZHES BYA BA LA, LAS SKAD CIG MA DU MA'I RNAM PAR SMIN PA SKAD CIG GCIG NI MA YIN TE, RGYU BAS 'BRAS BU HA CANG NYUNG BAR 'GYUR DU 'ONG BA'I PHYIR RO, ,RNAM PAR SMIN PA NI LAS DANG LHAN CIG TU RNAM PAR SMIN PA YANG MA YIN TE, LHAN CIG SKYES PA LA NI LHAN CIG 'BYUNG BA DANG MTSUNGS PAR LDAN PA'I RGYU GNYIS BYED PA DANG LDAN PA'I PHYIR RO, ,RNAM PAR SMIN PA'I RGYU NI MI 'DRA BAR SMIN PA LA LTOS TE RNAM PAR GZHAG NA, DGE BA DANG MI DGE BA'I TSOGS PAS BSDUS PAS NI MI 'DRA BAR SMIN PA YOD PA YANG MA YIN NO, ,MJUG THOGS SU YANG MA YIN TE ZHES BYA BA LA, RNAM PAR SMIN PA RNAM PAR SMIN PA MA YIN TE ZHES BYA BAR SKABS DANG SBYAR RO, ,CI'I PHYIR ZHE NA, MTSUNGS PA DE MA THAG PA'I RKYEN GYIS DRANGS PA'I PHYIR RO, ,GANG GI PHYIR RNAM PAR SMIN PA'I RGYU'I 'JUG THOGS KYI SKAD CIG MA NI MTSUNGS PA DE MA THAG PA'I RKYEN NYID KYIS DRANGS PA YIN GYI, RNAM PAR SMIN PA'I RGYU NYID KYIS NI MA YIN TE, DE'I MJUG THOGS SU DGE BA DANG MI DGE BA SKYE BA'I PHYIR RO, ,RNAM PAR SMIN PA'I RGYU LAS ZHES BYA BA LA, GANG GI PHYIR RNAM PAR SMIN PA NI DE DANG LHAN CIG TU SMIN PAM YIN ZHING, MJUG THOGS SU YANG MA YIN TE, RGYUN YONGS @220B SU 'GYUR BA'I KHYAD PAR LAS SKYE BA'I PHYIR DANG, RNAM PAR SMIN PA DAG DUS YONGS SU CHAD PA YIN PA'I PHYIR RO, ,'DI DAG GI DUS NGES PA DON GYIS NI BSHAD MOD KYI ZHES BYA BA LA, DON GYIS NI BSHAD MOD KYI SGRA'I SGO NAS NI MA YIN NO ZHES BYA BA'I DON TO, ,SMRAS PA NI RNAM PA GNYIS TE, RANG GI SGRAS MNGON PAR BRJOD PA DANG, DON GYIS BSHAD PA'O, ,JI LTAR ZHE NA, LHAN CIG 'BYUNG GANG PHAN TSUN 'BRAS, ,ZHES BYE BRAG MED PAR BRJOD PAS DE NI DUS GSUM PA YIN NO ZHES BYA BAR DON GYIS BSHAD DO, ,SNGAR SKYES RNAMS ZHES BRJOD PAS SKAL BA MNYAM PA'I RGYU 'DAS PA DANG DA LTAR BYUNG BA YIN NO ZHES BYA BAR BSHAD DO, ,SEMS DANG SEMS BYUNG RTEN MTSUNGS RNAMS, ,ZHES BYE BRAG MED PAR BRJOD PAS DUS GSUM PA YIN NO ZHES BSHAD DO, ,KUN 'GRO SNGA ZHES BRJOD PAS 'DAS PA DANG DA LTAR BYUNG BA YIN NO ZHES BYA BAR BSHAD DO, ,MI DGE BA DANG, DGE BA ZAG BCAS RNAMS KHO NA, ,ZHES BYE BRAG MED PAR BRJOD PAS DE NI DUS GSUM PA YIN NO ZHES BYA BAR DON GYIS BSHAD PA YIN NO, ,RANG LAS GZHAN PA BYED RGYU'I RGYU, ,ZHES BYE BRAG MED PAR BRJOD PAS BYED RGYU DUS GSUM PA DANG, DUS LAS RNAM PAR GROL BA YIN PAR DON GYIS BSHAD DO, ,'DIR GTAN TSIGS NI BSHAD ZIN TO ZHES BYA BA LA, GANG ZHIG CE NA, RGYU MTHUN PA'I 'BRAS BU DANG BCAS PA'I PHYIR LA, DE YANG MA 'ONGS PA LA MI RIGS TE, SNGA PHYI MED PA'I PHYIR LA, PHAN TSUN RGYU MTHUN PA NYID DU THAL BAR 'GYUR BA'I PHYIR RO, ,GSUM PO DAG NI DUS GSUM PA, ,GSUM PO DAG NI DUS GSUM PA KHO NA YIN GYI, GSUM PO DAG KHO NA DUS GSUM PA NI MA YIN TE, BYED RGYU'I RGYU YANG DUS GSUM PA YIN PA'I PHYIR RO, ,DE YANG DUS GSUM PA KHO NA'O ZHES BYA BAR NI NGES PAR MI GZUNG STE, 'DUS BYAS DANG 'DUS MA BYAS YIN PA'I PHYIR RO, ,DE NYID KYI PHYIR RO, BYED RGYU'I RGYU NI DUS NGES PA MA BSTAN PAS ZHES BYA BA SMOS SO, ,RGYU DANG 'BRAS BU DAG PHAN TSUN LTOS TE 'JUG PA'I PHYIR 'DRI BA NI, RGYU DE DAG GANG GI YIN PA'I ZHES BYA BA RGYAS @221A *, ,PAR 'BYUNG NGO, ,'DUS BYAS BRAL BCAS 'BRAS BU YIN, ,ZHES BYA BA LA, NAM MKHA' DANG, SO SOR BRTAGS PA MA YIN PAS 'GOG PA MA GTOGS PA, 'DUS BYAS DANG 'DUS MA BYAS GZHAN THAMS CAD NI 'BRAS BU YIN NO ZHES BSTAN PAR 'GYUR RO, ,NAM MKHA' BYA BA MA YIN PA'I PHYIR DANG, 'THOB PA MA YIN PA'I PHYIR 'BRAS BU YIN LA, RKYEN MA TSANG BAS THOB PAR BYA BA YIN PA'I PHYIR SO SOR BRTAGS PA MA YIN PAS 'GOG PA YANG 'BRAS BU MA YIN TE, DE NI MNGON PAR 'DOD PA MA YIN PA DANG, 'BAD PAS BSGRUB PAR BYA BA MA YIN PA'I PHYIR SO SOR BRTAGS PAS 'GOG PA LTAR LAM GYIS THOB PA MA YIN NA, DE BSGRUB PAR BYA BA'I PHYIR BSTAN BCOS SMRAS PA NI BSTAN BCOS LAS 'BRAS BU'I CHOS RNAMS GANG ZHE NA ZHES BYA BA RGYAS PAR 'BYUNG BA'O, ,DE LTA NA 'O NA NI ZHES BYA BA LA SOGS PA RGYAS PAR 'BYUNG BA LA, 'BRAS BU MED PA'I RGYU 'AM, RGYU MED PA'I 'BRAS BU MED DE, RGYU DANG 'BRAS BU DAG NI PHAN TSUN LTOS PA'I PHYIR RO, ,DE'I PHYIR 'DUS MA BYAS RGYU YIN PA'I PHYIR DE DAG GI RGYU YIN PA'I 'BRAS BUR YANG 'GYUR LA, 'BRAS BU YIN PA'I PHYIR DE GANG GI 'BRAS BU YIN PA'I RGYUR YANG 'GYUR RO, ,MI 'GYUR TE, 'DI LTAR 'DUS BYAS KHO NA LA ZHES BYA BA RGYAS PAR 'BYUNG NGO, ,RGYU DANG 'BRAS BU'I DNGOS POR MTSUNGS BZHIN DU 'DUS BYAS KHO NA LA RGYU DANG 'BRAS BU DAG YOD KYI, 'DUS MA BYAS LA NI MA YIN NO ZHES BYA BA LA DE LA RGYU CI YOD CE NA, DE'I PHYIR, RGYU RNAM PA DRUG MI SRID PA'I PHYIR DANG ZHES BYA BA RGYAS PAR SMOS SO, ,'DI LA RGYU RNAM PA DRUG MED LA, 'DI LA 'BRAS BU YANG MED DE, 'DUS MA BYAS YIN PA'I PHYIR DANG, 'BYUNG BAR 'GAL BA'I PHYIR RO, ,'DI LA RGYU DANG 'BRAS BU'I MTSAN NYID MI RIGS PA RGYAS PAR BRJOD PAR BYA STE, DE LA BYED RGYU'I RGYU YANG MI SRID DE, DE NI SKYE BZHIN BA LA GEGS MI BYED PA'I NGO BOR BZHAG NA, 'DUS MA BYAS LA NI SKYE BA YOD PA MA YIN NO, ,SKYE BA DANG LDAN PA PHAN TSUN RGYU DANG, 'BRAS BU DNGOS PO YIN PA'I PHYIR LHAN CIG 'BYUNG BA'I @221B RGYU YANG MI SRID DO, ,'DUS MA BYAS NI SKYE BA DANG MI LDAN PA'I PHYIR SNGAR SKYES PA MED PAS SKAL BA MNYAM PA'I RGYU YANG MI SRID DO, ,SEMS DANG SEMS LAS BYUNG BA'I RANG BZHIN MA YIN PA'I PHYIR MTSUNGS PAR LDAN PA'I RGYU YANG MED DO, ,SDUG BSNGAL LA SOGS PA MTHONG BAS SPANG BAR BYA BA MA YIN PA'I PHYIR KUN DU 'GRO BA'I RGYU YANG MED DO, ,'DI LA RNAM PAR SMIN PA'I RGYU YANG MI SRID DO, LDAN PA MA YIN PA'I PHYIR DANG, RTAG PA'I PHYIR RO, ,GZHAN YANG RNAM PAR SMIN PA NI LUNG DU MA BSTAN PA YIN LA, BRAL BA NI DGE BA YIN PAS 'DI LA RNAM PAR SMIN PA'I RGYU MED DO, ,DE LTAR NA RGYU RNAM PA DRUG MI SRID PA'I PHYIR 'DUS MA BYAS 'BRAS BU MA YIN NO, ,'BRAS BU RNAM PA LNGA MI SRID PA'I PHYIR YANG 'DUS MA BYAS LA 'BRAS BU MED DO ZHES STON TO, ,'DI LTAR 'DUS MA BYAS LA BDAG PO'I 'BRAS BU NI MI SRID DO, BDAG PO'I 'BRAS BU NI, SNGON BYUNG MA YIN 'DUS BYAS NI, ,'DUS BYAS KHO NA'I BDAG PO'I 'BRAS, ,ZHES LHAN CIG 'BYUNG BA DANG, PHYIS 'BYUNG BAR 'DOD NA, DE NI SKYE BA DANG LDAN PA YANG MA YIN NO, ,RGYU MTHUN PA'I 'BRAS BU YANG MI SRID DO, RGYU MTHUN RGYU DANG 'DRA BA'O, ,ZHES BYA BA YIN NA, 'DUS MA BYAS NI SKYE BA DANG LDAN PA YANG MA YIN NO, ,DE NYID KYI PHYIR SKYES BU BYED PA'I 'BRAS BU 'ANG MI SRID DE, 'DUS MA BYAS NI SKYE BA DANG MI LDAN PA'I PHYIR SKYES BU'I RTZAL MED PA'I PHYIR RO, ,'DI LA RNAM PAR SMIN PA'I 'BRAS BU YANG MI RUNG STE, RNAM PAR SMIN PA'I 'BRAS BU NI MI DGE BA DANG DGE BA ZAG BA DANG BCAS PAS BSKYED PAR BYA BA YIN PA'I PHYIR RO, ,LAM GYI RANG BZHIN MA YIN PA'I PHYIR NA 'DI LA BRAL BA'I 'BRAS BU YANG MI SRID DE, DE NI BAR CHAD MED PA'I LAM RNAMS KYI 'BRAS BU YIN NO, ,GZHAN YANG DUS LAS GROL BA LA 'BRAS BU 'DZIN PA DANG 'BYIN PA'I MTHU MED PA'I PHYIR YANG 'BRAS BU MED DE, JI SKAD DU, LNGA NI DA LTAR 'BRAS BU 'DZIN, ,ZHES RGYAS PAR GSUNGS PA LTA BU'O, ,CI'I PHYIR LAM ZHES BYA BA RGYAS PAR 'BYUNG STE, DE NI DNGOS POR 'BYUNG BA LA BYED PA DANG BRAL BA KHO NA YIN PAR 'DOD DO SNYAM PA NI 'DRI BA'I BSAMS PA'O, ,'DI LTAR DE @222A *, ,NI SKYE BA LA GEGS MI BYED PA'I NGO BOR ZHES BYA BA LA, GANG ZHIG SKYE BZHIN PA GANG ZHIG LA GEGS MI BYED PA'I NGO BOR GNAS PA DE NI DE'I BYED RGYU'I RGYU YIN NA, 'DUS MA BYAS NI SKYE BA DANG LDAN PA MA YIN TE, DE'I PHYIR LAM 'DI'I BYED RGYU'I RGYU MA YIN NO, , 'DUS BYAS BRAL BCAS 'BRAS BU YIN, ,ZHES BYA BA 'DIR BRAL BA 'BRAS BU'I NGO BOR GRAGS PAS DE'I PHYIR DA NI DE GANG GI 'AM ZHES BYA BA SMRAS TE, GAL TE LAM 'DI'I BYED RGYU'I RGYUR MI 'DOD NA'O, ,YANG NA DE'I RGYUR MI 'DOD NA JI LTAR DE 'BRAS BU YIN ZHE NA, DE GANG GI 'BRAS BU YIN ZHES GANG SMRAS PA DE'I LAN NI, LAM GYI 'BRAS BU YIN TE ZHES BYA BA'O, ,YANG JI LTAR NA 'BRAS BU YIN ZHES BYA BA DE'I LAN NI DE'I STOBS KYIS THOB PA'I PHYIR RO ZHES BYA BA STE, GANG GI PHYIR 'DUS MA BYAS LAM GYI STOBS KYIS 'THOB BA DE'I PHYIR 'DUS MA BYAS LAM GYI 'BRAS BU YIN TE, DE LTAR NA LAM BYED RGYU'I RGYU NYID MA YIN NO, ,'O NA NI DE LAM GYI STOBS KYIS SKYE BA'I PHYIR LAM DE THOB PA DE KHO NA LA NUS PA'I PHYIR THOB PA KHO NA LAM GYI 'BRAS BU YIN GYI, BRAL BA NI LAM GYI 'BRAS BU MA YIN TE, DE LA NUS PA MED PA'I PHYIR RO, ,DE'I PHYIR LAM MYA NGAN LAS 'DAS PA LA BYED PA MED PA'I PHYIR 'BRAS BU MA YIN NO, ,BDAG NYID THAMS CAD KYIS 'BRAS BU MA YIN PA NYID 'GAG PA'I PHYIR MYA NGAN LAS 'DAS PA LA YANG NUS PA YOD DO ZHES BSTAN PA'I PHYIR THOB PA LA YANG NUS PA GZHAN LA ZHES BYA BA RGYAS PAR SMOS TE, THOB PA LA NI BYED PA PO NYID KYIS NUS PA YIN TE, SKAL BA MNYAM PA'I RGYU YIN PA'I PHYIR MYU GU LA SA BON BZHIN NO, ,BRAL BA LA NI THOB PAR BYED PA NYID KYIS NUS PA YIN TE, LAM MED PAR NI BRAL BA MI 'THOB PO, ,DE LTA BAS NA RE ZHIG CES BYA BA RGYAS PAR 'BYUNG BA LA, RGYU RNAMS NI DNGOS PO 'BYUNG BA'I RGYU MTSAN YIN PA'I PHYIR LAM NI JI LTAR YANG BRAL BA'I RGYU MA YIN GYI BRAL BA NI 'DI'I 'BRAS BU YIN NO, ,YANG MYA NGAN LAS 'DAS PA RGYU MED PA RGYUR JI LTAR 'GYUR ZHE NA, 'JIG RTEN NA MNGON PAR 'DOD PA'I DON NUS PAS THOB PA DAG LA 'BRAS BU ZHES BYA BAR GRAGS LA, MYA NGAN LAS @222B 'DAS PA DE YANG 'PHAGS PA'I LAM GYI NUS PAS 'THOB PAS DE'I 'BRAS BU ZHES BYA BA LA, RGYU MED PA NYID NI DE THOB PAR BYA BA LA 'PHAGS PA'I LAM RGYU DRUG PO NYID MA YIN PA'I PHYIR RO, ,MYA NGAN LAS 'DAS PA KHO NA YID LA BZHAG NAS LAM BSGOM PA LA 'JUG GI DE'I THOB PA BA YID LA BZHAG NAS NI MA YIN TE, DE NYID KYI PHYIR DE NYID GTZOR LAM GYI 'BRAS BU YIN GYI DE'I THOB PA NI MA YIN TE, LAM NI DE THOB PAR BYA BA'I PHYIR ZHUGS PA MA YIN PA'I PHYIR RO, ,DE NYID KYI PHYIR BCOM LDAN 'DAS KYIS SPANGS PA KHO NA DGE SBYONG GI 'BRAS BUR GSUNGS KYI SPANGS PA'I THOB PA NI MA YIN NO, , YANG BDAG PO'I 'BRAS BU YANG MED NA GO ZHES BYA BA RGYAS PAR 'BYUNG BA LA, 'DI SKAD BSTAN PAR 'GYUR TE, BYED RGYU'I RGYU YIN PA'I PHYIR 'DI LA BDAG PO'I 'BRAS BU KHAS BLANG BAR BYA STE, DE KHAS MI LEN NA BYED RGYU'I RGYU NYID DU KHAS BLANGS PA DANG 'GAL LO, ,'GAL BA MED DE, SKYE BA LA GEGS MI BYED PA'I NGO BOS BYED RGYU'I RGYU YIN PA'I PHYIR LA, 'DAS PA DANG DA LTAR BYUNG BA LA 'BRAS BU 'BYIN PA DANG, 'DZIN PA NGES PA'I PHYIR MA 'ONGS PA DA LTAR DUS DANG BRAL BA LA DE'I NUS PA MED PAS 'DI LA 'BRAS BU MI 'DOD DO, ,'DI LA 'BRAS BU YOD PA NI MA YIN TE ZHES BYA BA RGYAS PAR 'BYUNG BA LA, LNGA PO DA LTAR 'BRAS BU 'DZIN, ,GNYIS NI 'BYIN PAR BYED PA YIN, ,ZHES DUS KYIS BSDUS PA KHO NA LA 'BRAS BU 'DZIN PA DANG 'BYIN PA BSHAD NA, 'DUS MA BYAS LA NI DA LTAR BA NYID MED PA'I PHYIR 'BRAS BU 'DZIN PA MI SRID LA, 'DAS PA DANG DA LTAR BA NYID MED PA'I PHYIR 'BRAS BU 'BYIN PA MI SRID DO, ,DE'I PHYIR 'DI LA DNGOS KYI RTOG PAS RGYU DANG 'BRAS BU DAG MED MOD KYI, 'ON KYANG BTAGS PA'I RTOG PAS RGYU NYID DANG 'BRAS BU NYID DU BSNYAD DO, ,RGYU MA YIN NO ZHES NI RNAM GRANGS KYIS GSUNGS SO ZHES BYA BA LA, DON GYIS GSUNGS KYI SGRA NI MA YIN NO ZHES BYA BA'I DON TO, ,JI LTAR ZHE NA, RGYU GANG DAG YIN PA DANG RKYEN GANG DAG YIN PA ZHES 'DIR GZUGS LA SOGS PA RNAMS KYI RGYU DANG RKYEN MA LUS PAR SMOS PA'I PHYIR DANG, DE DAG KYANG KHYAD PAR MED PAR MI RTAG PA NYID DU BSGRUBS PA'I PHYIR RGYU RTAG PA @223A *, ,MED DO ZHES GSUNGS PAR 'GYUR RO, ,DE LTA NA 'O NA NI ZHES ZER BA NI CHOS MNGON PA PA STE BYED RGYU'I RGYUR MI 'GYUR BA 'BA' ZHIG TU MA ZAD KYI, RNAM PAR SHES PA'I DMIGS PA'I RKYEN DU YANG MI 'GYUR TE, RGYU DANG RKYEN RNAMS BYE BRAG MED PAR MI RTAG PA NYID DU BSGRUBS PA'I PHYIR RO ZHES ZER RO, ,MDO SDE PA NA RE SKYED PA'I ZHES BKAR BA'I PHYIR 'GYUR TE, GANG DAG RNAM PAR SHES PA'I DMIGS PA TZAM YIN LA, SKYED PAR BYED PA MA YIN PA DE DAG RTAG PA NYID DU MI 'GAL LO ZHES ZER RO, ,CHOS MNGON PA PA NA RE RGYU RNAMS KYANG DE KHO NA LTAR YIN TE, BYED RGYU'I RGYU THAMS CAD NI SKYED PAR BYED PA MA YIN NO ZHES SNGAR BSTAN ZIN TO ZHES ZER RO, ,RKYEN NI BZHI PO ZHES BYA BA'I MDO DE LAS DMIGS PA'I RKYEN YIN PAR GSUNGS KYI, MA BSGRIBS PA'I RGYU YIN PAR NI MDO GANG LAS KYANG MA GSUNGS SO, ,YANG NA MDO LAS 'DUS MA BYAS DMIGS PA'I RKYEN YIN PAR GSUNGS KYI, MA BSGRIBS PA'I RGYU YIN PAR NI MA GSUNGS SO ZHES BYA STE, DE'I PHYIR MDO LAS 'DUS MA BYAS RGYU'I DNGOS POR MI 'GRUB PO, ,MDO RNAMS KYANG PHAL CHER NUB NA ZHES BYA BA LA, RTZA BA'I BSDU BA NYAMS PA SEMS LA BZHAG NAS DE SKAD DU SMRAS PA YIN NO, ,MDO NUB KYANG BKAG PA'I PHYIR MDO GZHAN LAS MA GSUNGS PAR SHES LA, MA BKAG KYANG MDO MA LUS PAR RJES SU 'JUG PA'I PHYIR MA GSUNGS SO ZHES BYA BAR RTOGS PAR NUS KYI, GZHAN DU NI MA YIN TE, DE LTA BAS NA MA BKAG PA'I PHYIR DANG RTZA BA'I BSDUS PA NYAMS PA'I PHYIR MA GSUNGS SO ZHES NGES PAR GZUNG BAR MI NUS SO, ,GZHAN NA RE SKYED PAR BYED PA'I ZHES 'BYUNG BA'I PHYIR, 'DI LAS BCOM LDAN 'DAS KYIS 'DUS MA BYAS RGYU NYID DANG RKYEN NYID DU MTSON PA YIN TE, DE LTA MA YIN NA 'DI SKAD DU GZUGS KYI RGYU GANG DAG YIN PA DANG, RKYEN GANG DAG YIN PA DE DAG KYANG MI RTAG PA YIN NA ZHES GSUNGS PAR 'GYUR BA ZHIG GO, ,DE'I PHYIR 'DUS MA BYAS RGYUR GYUR PA YOD CING, RKYEN DU GYUR PA YOD KYI, 'GA' ZHIG SKYES PAR BYED PA NI MA YIN NO, ,RGYU NI RNAM PA GNYIS TE, SKYED PAR @223B BYED PA DANG, 'GAL BAR MI BYED PA'O ZHES 'DI NI BYED RGYU'I RGYU BSAM PAR BSHAD ZIN TO ZHES ZER RO, ,YANG BRAL BA ZHES BYA BA 'DI CI ZHES BYA BA RGYAS PAR 'BYUNG BA LA, RAB TU GRAGS PA'I DON GYIS MA GRAGS PA'I DON NGES PAR BYED PA YIN NA, 'DIR GNYIS KA YANG DON MA GRAGS PA YIN PAS PHAN TSUN BSTEN PAR 'GYUR TE, RTA DANG BRES BZHIN NO, ,'DIR DE'I RANG GI NGO BO NI 'PHAGS PA RNAMS KHO BOS ZHES BYA BA LA, 'DI NI LUNG GIS RTOGS PAR BYA BA YIN NO ZHES STON TO, ,MDO SDE PA RNAMS NA RE SO SO'I BRTAGS PAS 'GOG PA 'BA' ZHIG TU MA ZAD KYI, 'DUS MA BYAS THAMS CAD RDZAS SU MED DO ZHES ZER RO, ,GZUGS DANG TSOR BA LA SOGS PA BZHIN DU ZHES BYA BA LA, JI LTAR GZUGS NI TSOR BA LA SOGS PA DAG LAS DNGOS PO GZHAN YIN ZHING, TSOR BA LA SOGS PA DAG KYANG GZUGS LAS GZHAN YIN PA DE BZHIN DU 'DUS MA BYAS NI, 'DUS MA BYAS SAM, PHAN TSUN LAS DNGOS PO GZHAN MA YIN TE, DE'I PHYIR RDZAS SU MED DO, ,'O NA CI ZHE NA, REG BYA MED PA TZAM NI NAM MKHA' YIN TE ZHES BYA BA LA, TZAM ZHES BYA BA'I SGRA NI DNGOS PO GZHAN DANG GZHAN DGAG PAR BYA BA'I PHYIR TE, REG BYA SNGA NA MED PA 'AM, ZHIG NAS MED PA LA, NAM MKHA' ZHES BYA BAR GDAGS SO, ,'DI LTAR MUN PA'I NANG DAG NA ZHES BYA BAS NI DE GZHUNG 'DZUGS PAR BYED DO, ,MA RNYED NA ZHES BYA BA LA, MA PHRAD NA NAM MKHA'O ZHES 'DZER TO, ,PHRA RGYAS DANG SKYE BA SKYES PA 'GAGS NAS ZHES BYA BA RGYAS PAR 'BYUNG BA LA, PHRA RGYAS DANG SKYE BA SKYES PA RNAMS 'GAGS NAS SO, ,RKYEN GZHAN MA TSANG BAS KYANG MI SKYE BAS DE'I PHYIR SO SOR BRTAGS PA'I STOBS KYIS ZHES BYA BA SMOS TE, PHRA RGYAS DANG SKYE BA GZHAN MI SKYE BA'I SO SOR BRTAGS PAS 'GOG PA ZHES BYA'O, ,DE'I PHYIR DE LTAR NA, PHUNG PO LHAG MA DANG BCAS PA DANG, PHUNG PO LHAG MA MED PA'I MYA NGAN LAS 'DAS PA'I DBYINGS NI SO SOR BRTAGS PA'I 'GOG PA YIN NO ZHES BYA BAR BSTAN PAR 'GYUR TE, 'DI LTAR BDEN PA GNYIS 'GAGS PA NI SO SOR BRTAGS PA'I 'GOG PA YIN NO, ,DE LA PHRA RGYAS NI KUN 'BYUNG GI BDEN PA @224A *, ,YIN LA, SKYE BA NI SDUG BSNGAL GYI BDEN PA'O, ,NYON MONGS PA 'DOD CHAGS LA SOGS PA'I SA BON 'GAGS NAS RGYU MED PAS SO SOR BRTAGS PA'I STOBS KYIS NYON MONGS PA SKYES PA DANG 'GAL BA'I RTEN THOB PAS NYON MONGS PA PHRA RGYAS 'DOD CHAGS LA SOGS PA MA 'ONGS PA MI SKYE BA NI NYON MONGS PA 'GOG PA YIN NO, ,DE BZHIN DU SKYE BA DA LTAR BA 'GAG PA DANG SO SOR BRTAGS PA'I STOBS NYID KYIS YANG SRID PA'I SKYE BAR MTSAMS MI SBYOR ZHING MI SKYE BA NI SKYE BA 'GOG PA YIN NO, ,DPER NA ZHES BYA BA RGYAS PAR 'BYUNG BA LA, SO SOR BRTAGS PA MED PA KHO NAR RKYEN ZAS LA SOGS PA MA TSANG BAS BAR MA DOR 'CHI BA'I RIS MTHUN PA LHAG MA MI SKYE BA NI SO SOR BRTAGS PA MA YIN PAS 'GOG PA MA YIN NO, ,SDE PA GZHAN DAG NA RE BYA BA LA, NYON MONGS PA'I BAG CHAGS DANG RJES SU 'BREL PA'I RTEN SKYE BA DANG 'GAL BA'I PHYIR NYON MONGS PA SKYE BA DANG 'GAL BA'I SKYES PAS NA PHRA RGYAS RNAMS MI SKYE BA LA SHES RAB KYI NUS PA YOD DO, DE'I PHYIR DE NI SO SOR BRTAGS PAS 'GOG PA YIN NO, ,SDUG BSNGAL MI SKYE BA GANG YIN PA DE LA NI SHES RAB KYIS BYED PA MED PA'I PHYIR SO SOR BRTAGS PAS 'GOG PA MA YIN TE, DE NI SDUG BSNGAL SKYE BA'I RGYU NYON MONGS PA MA TSANG BAS 'THOB PAS 'DIR SO SOR BRTAGS PAS 'GOG PA MA YIN NO ZHES ZER RO, ,DE YANG SO SOR BRTAGS PA MED PAR ZHES BYA BA LA, SDUG BSNGAL MI SKYE BA DE YANG STE, RGYU MA TSANG BA NI SO SOR BRTAGS PA MNGON DU 'GRO BA YIN PA'I PHYIR SO SOR BRTAGS PA MED PAR MI 'GRUB PAS SO SOR BRTAGS PAS 'GOG PA KHO NA YIN NO, ,RANG GI DANG GIS 'GAG PA'I PHYIR ZHES BYA BA NI SHES RAB MED PAR 'GAG PA'I PHYIR ZHES BYA BA'I DON TO, ,DE LTA NA NI SO SOR BRTAGS PAS 'GOG PA NI MI RTAG PAS 'GOG PA KHO NA YIN NO ZHES SMRAS PAR 'GYUR RO, ,MA ZHIG NA DE MED PA'I PHYIR RO ZHES BYA BA LA, RANG GI DANG GIS 'GAG PA DE MED PA'I PHYIR RO ZHES BYA BA'I DON TE, ,GAL TE SO SOR BRTAGS PAS 'GOG PA YANG SO SOR BRTAGS PA SNGON DU 'GRO BA'I PHYIR MI RTAG PAR 'GYUR BA MA YIN NAM ZHES BYA BA LA, NYON @224B MONGS PA DANG SKYE BA MI SKYE BA NI SO SOR BRTAGS PA SNGON DU 'GRO BA YIN TE, DE'I PHYIR SO SOR BRTAGS PAS 'GOG PA YANG MI RTAG PAR 'GYUR RO, ,MI 'GYUR TE, CI'I PHYIR ZHE NA, DE DAG MI SKYE BA DE NI SNGA NAS YOD PA KHO NA YIN NO, ,GAL TE DE DAG MI SKYE BA DE SNGA NAS YOD PA KHO NA YIN LA, JI LTAR DE LA SHES RAB KYI NUS PA YOD CE NA, DE'I PHYIR CHOS GANG DAG SO SOR BRTAGS PA MED NA ZHES BYA BA LA SOGS PA SMOS SO, ,GEGS MA BYAS PA CAN RNAMS SKYE BA LA ZHES BYA BA LA, GANG DUS LAS SKYE BA LA GEGS MA BYAS PA YOD PAS NA, SKYE BA LA GEGS MA BYAS PA STE, DE DAG SKYE BA LA GEGS BYED PA'I DNGOS PO GANG YIN PA DE NI SO SOR BRTAGS PA'I NUS PA YIN NO, ,GANG GI PHYIR RGYU DANG RKYEN LA LTOS TE RES 'GA' SKYE BAR 'GYUR BA LAS SHES RAB SKYES PAS DE DAG SKYE BA LA GEGS BYED PA'I DNGOS PO YIN GYI, SHES RAB KYIS MI SKYE BA SNGA NAS YOD PA MA YIN PA SKYED PA NI MA YIN NO, ,DE'I PHYIR SO SOR BRTAGS PAS 'GOG PA MI RTAG PA NYID MED LA, DE LA SHES RAB KYI NUS PA MED PAS YANG MA YIN NO, ,GAL TE ME SKYE BA KHO NA MYA NGAN LAS 'DAS PA YIN GYI, CHOS MNGON BA PA RNAMS KYI LTAR RDZAS GZHAN ZHIG MA YIN NO, DE LTA NA 'O NA, 'DAS PA DA LTAR BYUNG BA'I SDUG BSNGAL DAG SKYES ZIN PA NYID KYIS MI SKYE BA MED PA'I PHYIR MDO'I TSIG NI JI LTAR DRANG, MYA NGAN LAS 'DAS PA RDZAS SU GYUR PAR KHAS MA BLANGS PAR 'DI DRANG BAR MI NUS SO SNYAM DU BSAMS PA'O, ,DBANG PO LNGA NI DAD PA LA SOGS PA DAG GO; ,KUN DU BSTEN PA NI MTHONG BA'I LAM DU'O, ,GOMS PAR BYAS PA NI BSGOM PA'I LAM DU'O, ,LAN MANG DU BYAS PA NI MI SLOB PA'I LAM LA'O, ,DE LA DMIGS PA'I NYON MONGS PA SPANGS PA ZHES BYA BA LA, 'DAS PA DANG DA LTAR BYUNG BA'I SDUG BSNGAL LA NI RANG GI NGO POS SPANGS PA YOD PA MA YIN NO ZHES STON PAR BYED DO, ,GZUGS LA 'DUN PA DANG 'DOD CHAGS GANG YIN PA ZHES BYA BA LA, 'DUN PA NI 'DOD PA'O, ,'DOD CHAGS NI MNGON PAR ZHEN PA'O, ,DE LTAR DE LA DMIGS PA'I NYON MONGS PA SPANGS PAS SDUG BSNGAL SPANGS PA @225A *, ,YIN DANG, MYA NGAN LAS 'DAS PA RDZAS SU YOD PAR BRTAGS PA MED BZHIN DU DUS GSUM PA'I SDUG BSNGAL SPANGS PAR RUNG NGO, ,JI LTA ZHE NA, SO SOR BRTAGS PA'I STOBS KYIS 'DAS PA DANG MA 'ONGS PA DANG DA LTAR BYUNG BA'I SDUG BSNGAL LA DMIGS PA'I NYON MONGS PA PHRA RGYAS GTAN MI SKYE BA'I PHYIR RO, ,DER YANG ZHES BYA BA NI 'DON PA'I BYE BRAG LA'O, ,TSUL NI 'DI KHO NA YIN NO ZHES BYA BA NI DE LA DMIGS PA'I NYON MONGS PA SPANGS PA KHO NAS DE SPANGS PA YIN TE, SO SOR BRTAGS PA'I STOBS KYIS 'DAS PA DANG MA 'ONGS PA DANG DA LTAR BYUNG BA'I NYON MONGS PA LA DMIGS PA'I PHRA RGYAS GTAN MI SKYE BA'I PHYIR RO, ,YANG NA DGONGS PA NI ZHES BYA BA NI 'DON PA'I BYE BRAG NYID LA NYON MONGS PA RNAMS RANG GI NGO BOS SPANGS BA'I DGONGS PA 'CHAD PA'O, ,SKYE BA SNGA MA LA BYUNG BA NI TSE RABS SNGA MA'O, ,SKYE BA 'DI LA BYUNG BA NI TSE 'DI PA'O, , DE LTAR BSHAD NA 'DAS PA DANG DA LTAR BYUNG BA'I NYON MONGS PA SKAD CIG MA YIN PA GSAL BAR 'GYUR RO, ,'DI JI LTAR RTOGS PAR BYA ZHE NA, JI LTAR SRED PA RNAM PAR SPYAD PA DAG LA ZHES BYA BA SMOS SO, ,SRED PA RNAM PAR SPYAD PA DAG LA NI THE TSOM ZA BAR 'GYUR BA DAG STE G-YO BAR GYUR PA DAG CES BYA BA'I DON TO, ,'DAS PA DANG MA 'ONGS PA'I DUS KYI SKAD CIG MA GCIG GI DBANG DU MDZAD NAS YIN PAR NI MI RUNG ZHES 'DAS PA DANG DA LTAR BA'I TSE RABS KYI DBANG DU MDZAD NAS GSUNGS SO ZHES BYA BAR SHES TE, DE BZHIN DU 'DIR YANG TSE RABS SNGA MA PA DANG, TSE 'DI PA'I NYON MONGS PA'I RGYU NA MTHA' DAG DANG SBYAR GYI, SKAD CIG MA GCIG DANG NI MA YIN NO, ,SRED PA RNAM PAR SPYAD PA BCO BRGYAD PO DE DAG NI DGE SLONG DAG NGA'O SNYAM PA'I YOD NA NGA 'DI LTA BU'O SNYAM PA 'BYUNG BAR 'GYUR ZHING, NGA 'DI 'DRA'O SNYAM PA DANG, NGA DE LTA MA YIN NO SNYAM PA DANG, NGA BZANG NGO SNYAM PA DANG, DA NGAN NO SNYAM PA 'BYUNG BAR 'GYUR RO, ,DE LA 'BYUNG BAR 'GYUR RO SNYAM PAR 'BYUNG BAR 'GYUR ZHING, DE LA 'BYUNG BAR MI 'GYUR RO SNYAM PA DANG, 'DI LTA BUR 'BYUNG BAR 'GYUR RO SNYAM PA DANG, 'DI 'DRA BAR 'BYUNG BAR 'GYUR RO SNYAM PA DANG, DE LTA MA YIN PAR 'BYUNG BAR 'GYUR RO SNYAM PA 'BYUNG PAR @225B 'GYUR RO, ,DE LA GYUR CIG SNYAM PA 'BYUNG BAR 'GYUR ZHING, DE LA 'DI LTA BUR GYUR CIG SNYAM PA DANG, 'DI 'DRA BAR GYUR CIG SNYAM PA DANG, DE LTA MA YIN PAR GYUR CIG SNYAM PA DANG, GYUR KYANG CI MA RUNG SNYAM PA DANG, 'DI LTA BUR GYUR KYANG CI MA RUNG SNYAM PA DANG, DE 'DRA BAR GYUR KYANG CI MA RUNG SNYAM PA DANG, DE LTA MA YIN PAR GYUR KYANG CI MA RUNG SNYAM PA 'BYUNG BAR 'GYUR RO ZHES BYA BA STE, DE DAG GI KHYAD PAR NI 'OG TU BSHAD PAR BYA 'O, ,NYON MONGS PA GNYIS PO DES KYANG ZHES BYA BA NI TSE RABS SNGA MA PA DANG, TSE 'DI PA PAS SO, ,RGYUD 'DI LA ZHES BYA BA NI DA LTAR BYUNG BA LA'O, ,SA BON GYI DNGOS PO NI NUS PA'O, ,'DI LTAR NYON MONGS PA GNYIS PO DES KYANG RGYUD NYON MONGS PA MA 'ONGS PA SKYED PAR NUS PAR BYAS PA DES 'DI LA SA BON GYI DNGOS PO BZHAG LA ZHES BYA STE, SA BON GYI DNGOS PO DE SPANGS PAS TSE RABS SNGA MA PA DANG, TSE 'DI PA'I NYON MONGS PA GNYIS PO DE YANG SPANGS PA YIN NO; ,JI SRID DU DES GZHAG PA'I SA BON GNAS PA DE SRID DU NI NYON MONGS PA 'GAGS KYANG SPANGS PA MA YIN LA, DES GZHAG PA'I SA BON GYI DNGOS PO SPANGS NA NI DE YANG SPANGS PAR RNAM PAR GZHAG GO, ,DPER NA RNAM PAR SMIN PA ZAD PAS ZHES BYA BA LA, LAS SNGAR 'GAGS KYANG JI SRID DU DES GZHAG PA'I RNAM PAR SMIN PA'I 'BRAS BU MA ZAD PA DE SRID DU ZAD DO ZHES MI BYA LA, DE ZAD NA NI LAS DE ZAD PAR 'GYUR BA LTA BU'O, ,DES GZHAG PA'I SA BON MED PAS MA 'ONGS PA'I SDUG BSNGAL LAM NYON MONGS PA JI LTAR SPANG ZHE NA, DE'I PHYIR MA 'ONGS PA'I SDUG BSNGAL LAM NYON MONGS PA NI ZHES BYA BA RGYAS PAR SMOS TE, SA BON SKYE BA MI SRID CING SA BON MED PA'I PHYIR GTAN MI SKYE LA, SA BON MED NPA YANG SO SOR BRTAGS PA'I STOBS KHO NAS YIN TE, DE LTAR NA DUS GSUM GYI SDUG BSNGAL LAS NYON MONGS PA SPANGS PAR GZHAG GO, ,'GAGS ZIN PA 'DAS PA DANG; 'GAGS PA LA MNGON DU PHYOGS PA DA LTAR BYUNG BA LA NI 'BAD PA STE GNYEN PO SKYED PA'I 'BAD PA DON DANG BCAS PAR MI 'GYUR TE, DGOS PA DANG BCAS PAR MI 'GYUR RO ZHES BYA BA'I THA TSIG GO, ,DE DAG GI MCHOG NI 'DOD CHAGS DANG BRAL BA YIN PAR BSHAD DO ZHES BYA BA LA, 'DOD CHAGS @226A *, ,DANG BRAL BA NI 'DOD CHAGS ZAD PA STE, SO SOR BRTAGS PAS 'GOG PA ZHES BYA BA'I DON TO, ,RTAG PA'I PHYIR 'DUS BYAS DAG PAS MCHOG YIN LA, DGE BA'I PHYIR 'DUS MA BYAS DAG PAS MCHOG YIN PAR BSHAD DE, DE LTAR NA MYA NGAN LAS 'DAS PA 'DUS BYAS DANG 'DUS MA BYAS KYI CHOS KYI MCHOG KYANG YIN LA DNGOS PO MED PA YANG YIN NO ZHES BYA BA NI MDO DANG 'GAL LO, ,'DI LTAR DNGOS PO MED PA NI MTSAN NYID MED PAS CHOS NYID MA YIN LA, BRJOD DU MED PA NI BRJOD DU MED PA DAG PAS MCHOG NYID KYANG MA YIN TE, KHYAD PAR MED PA'I PHYIR RO, ,DE'I PHYIR GANG ZHIG RANG GI MTSAN NYID 'DZIN PAS CHOS ZHES BYA ZHING, CHOS GZHAN DAG PAS KHYAD PAR DU 'PHAGS PA'I GANG YIN PA DE NI DON GZHAN DU GYUR PA CUNG ZAD CIG YIN TE, DE NYID KYI PHYIR JI LTAR NA MED PA RNAMS KYI MCHOG MED PAR 'OS ZHES BYA BAR SMOS SO, ,JI LTAR MED PA NAM MKHA' LA SOGS PA 'DUS MA BYAS RNAMS KYI MCHOG MED PA 'DOD CHAGS DANG BRAL BA YIN PAR 'OS 'DUS MA BYAS MED PA KHO NA'O ZHES KYANG MI SMRA STE, DES NA MDO DANG 'GAL BA MED DO, ,GAL TE YOD LA RDZAS SU YOD PA MA YIN PA DES NA, DE JI LTA BU ZHIG YIN PAR BRJOD PAR BYA'O, ,DE NI KHO BO CAG GIS JI SKAD DU BSHAD PA DE LTA BU YIN NO ZHES BYA BA LA, REG BYA MED PA TZAM NI NAM MKHA' YIN LA, PHRA RGYAS DANG SKYE BA SKYES PA 'GAGS NAS SO SOR BRTAGS PA'I STOBS KYIS GZHAN MI SKYE PA NI SO SOR BRTAGS PAS 'GOG PA YIN ZHING, SO SOR BRTAGS PA MED PA KHO NAR RKYEN MA TSANG BAS MI SKYE BA NI SO SOR BRTAGS PA MA YIN PAS 'GOG PA STE ZHES BYA BA LTA BU'O, ,JI LTAR YOD PA MA YIN PA'I BDAG NYID LA YOD CES BYA ZHE NA, DPER NA SGRA LA SNGA NA MED PA YANG YOD, PHYIS MED PA YANG YOD CES BYA MOD KYI, 'ON KYANG DNGOS PO MED PA YOD DO ZHES BYA BA'I SGRA SBYAR BAS YOD PAR MI 'GRUB STE, YOD DO ZHES BYA BA'I SGRA NI TSIG PHRAD YIN PA'I PHYIR RO, ,'DUS MA BYAS KYANG DE BZHIN DU BLTA BAR BYA'O ZHES BYA BA NI YOD DO ZHES KYANG BYA LA, YOD PA YANG MA YIN PA ZHES BYA BAR RO, ,JI LTAR MED PA RNAMS KYI MCHOG MED PA YIN PAR 'OS ZHES GANG SMRAS PA DE'I LAN NI, MED PA YANG KHA CIG CES BYA BA RGYAS PAR @226B 'BYUNG BA'O, ,DE CI 'DRA BA ZHIG CE NA, GANG GNOD PA THAMS CAD DANG GTAN BRAL BDE NI ZHES BYA BA SMOS TE, NAD MED PA BZHIN NO, ,CI'I PHYIR 'DI BSNGAGS PA THOB PAR 'OS SHE NA, GDUL BYA RNAMS DE LA 'DUN PAR BYA BA'I PHYIR TE, GDUL BYA BDAG LA CHAGS PA DANG LDAN PA RNAMS DE LA SKRAG BAR 'GYUR RO, ,NAM MKHA' NI GNOD PA THAMS CAD MED PA MA YIN TE, REG BYA MED PA TZAM GYI MTSAN NYID CAN YIN PA'I PHYIR RO, ,SO SOR BRTAGS PA MA YIN PAS 'GOG PA NI GTAN BRAL BA YIN MOD KYI, GNOD PA THAMS CAD DANG NI MA YIN TE, SKYE BA DANG MI LDAN PA RNAMS KHO NA'I DE RNYED PA'I PHYIR RO, ,DE LTAR NA GZHAN DAG PAS DE MCHOG YIN PAS BSNGAGS PA THOB PAR 'OS SO, ,RANG GI MTSAN NYID MED KYANG 'DAS PA DANG MA 'ONGS PA LTAR CHOS KYI THA SNYAD KYANG CI'I PHYIR MI 'DOD, BSGRUB PAR BYA BA YIN NO ZHE NA, MDZOD KYI GNAS LNGA PAR BSGRUB PAR BYA BA YIN PA'I PHYIR TE, 'DI LA BSHAD ZIN TO, ,JI SKAD BSHAD CE NA, 'DUL BA RNAMS DE LA 'DUN PAR BYA BA'I PHYIR ZHES BYA BAR TE, BRJOD DU MED PA NYID YIN YANG SNGA NA MED PA LA SOGS PA LTAR DE DAG PHAN TSUN KHYAD PAR DU 'GYUR RO, ,'GOG PA 'PHAGS PA'I BDEN PA YIN PAR MI 'GYUR TE, ZHES BYA BA LA, GANG ZHIG CI YANG MA YIN PA DE NI JI LTAR DE'I BDEN PA 'AM, BRDZUN PA ZHES BYA, RE ZHIG 'GOG PA'I BDEN PA'I DON 'DI GANG YIN CI RDZAS KYI DON YIN NAM, 'ON TE PHYIN CI MA LOG PA'I DON YIN NAM, GAL TE RDZAS KYI DON YIN NA NI, DE LTA NA KUN RDZOB KYI BDEN PA MED PAR THAL BAR 'GYUR TE, DE'I PHYIR PHYIN CI MA LOG MA LOG PA'I DON KHAS BLANG BAR BYA DGOS LA, DE LTAR NA SDUG BSNGAL LTAR SDUG BSNGAL 'GOG PA YANG BDEN PA NYID DU MI 'GAL LO, ,DE NYID BSTAN PA'I PHYIR 'PHAGS PA RNAMS KYIS ZHES BYA BA RGYAS PAR SMOS TE, JI LTAR 'PHAGS PA RNAMS KYIS SDUG BSNGAL LA SDUG BSNGAL NYID DU GZIGS KYI, BDE BA ZHES BYA BAR MA YIN PAS SDUG BSNGAL 'PHAGS PA'I BDEN PAR BRJOD PA DE BZHIN DU SDUG BSNGAL 'GOG PA YANG 'PHAGS PA RNAMS KYIS SDUG BSNGAL MED PA'I MTSAN NYID KHO NAR GZIGS PA LA SDUG BSNGAL 'GOG PA 'PHAGS PA'I BDEN PA ZHES BRJOD @227A *, ,DO, ,JI LTAR MED PA NI CI YANG MA YIN PA'I PHYIR GSUM PA NYID DU 'GYUR ZHEN, GNYIS PA'I 'OG TU MTHONG BA DANG, BSTAN PAS NA GSUM PA YIN TE, BDEN PA MNGON PAR RTOGS PA'I TSE GNYIS PA KUN 'BYUNG GI BDEN PA'I 'OG TU RANG GI SHES RAB KYIS MTHONG BA DANG, STON PA'I TSE GZHAN GNYIS KYIS 'OG TU BSTAN PAS GSUM PA ZHES BYA'O, ,CIR 'GYUR ZHES BYA BA NI SKYON CIR 'GYUR ZHES BYA BA'O, ,CI ZHIG TU YANG 'GYUR ZHES BYA BA NI YON TAN CI ZHIG TU 'GYUR ZHES BYA BA'O, ,BYE BRAG TU SMRA BA'I PHYOGS BSKYANGS PAR 'GYUR RO ZHES BYA BA NI YON TAN 'DIR 'GYUR RO ZHES BYA BA'O, ,YANG DAG PA MA YIN PA KUN BRTAGS PAR 'GYUR ZHES BYA BA NI SKYON CIR 'GYUR ZHES GANG SMRAS PA DE'I LAN TE, YANG DAG PA MA YIN PA KUN BRTAGS PA'I SKYON DU 'GYUR RO, ,CI'I PHYIR ZHEN ZHES BYA BA NI TSIG TZAM GYIS 'DI BSGRUB PAR MI NUS SO ZHES RGYU DRIS PA'O, ,GZUGS DANG TSOR BA LA SOGS PA BZHIN DU ZHES BYA BA RGYAS PAR 'BYUNG BA LA, GANG ZHIG DNGOS PO YIN PA DE NI GZUGS DANG TSOR BA LA SOGS PA BZHIN DU RANG GI NGO BOS MNGON SUM GYIS DMIGS PA YIN LA, YANG NA MIG LA SOGS PA LTAR 'BRAS BU'I SGO NAS RJES SU DPAG PAS DMIGS PA YIN NA, 'DI LA NI GNYIS KA YANG MED PAS 'DUS MA BYAS DNGOS PO MA YIN NO ZHES BYA BAR GZUNG STE, 'DI NI LAN CIG MA YIN PAR BSHAD ZIN TO, ,DNGOS PO CHE GE MO ZHIG GI ZHES BYA BA NI 'DOD CHAGS LA SOGS PA'I DNGOS PO'I 'O, ,RGYU DANG 'BRAS BU LA SOGS PA'I DNGOS PO MI SRID PA'I PHYIR RO ZHES BYA BA LA, SOGS PA ZHES BYA BA'I SGRAS NI NOR DANG BDAG PO DANG, YAN LAG DANG, YAN LAG CAN DANG, YON TAN DANG YON TAN CAN GYI 'BREL PA RNAMS LA SOGS PA RNAMS GZUNG STE; 'GOG PA NI DNGOS PO'I 'BRAS BU MA YIN ZHING, RGYU MA YIN LA, NOR DANG BDAG PO YANG MA YIN NO, ,DE BZHIN DU GZHAN LA YANG BRJOD PAR BYA'O, ,BKAG PA TZAM DU NI RUNG NGO ZHES BYA BA NI CHOS DANG CHOS CAN GYI 'BREL PA'I DBANG DU BYAS NAS BSHAD PA STE, SGRA DANG MI RTAG PA NYID @227B BZHIN NO, ,DE NI DE'I GNAS SKABS YIN GYI, GZHAN GYI NI MA YIN NO, ,DNGOS PO GZHAN NYID YIN NA YANG NYON MONGS PA GANG GI ZHES BYA BA RGYAS PAR 'BYUNG BA LA, 'DIR SEMS GNYIS LA 'GOG PA GNYIS BLTA BAR BYA STE, BAR CHAD MED PA'I LAM DANG LHAN CIG TU NYON MONGS PA'I THOB PA 'GAG LA, RNAM PAR GROL BA'I LAM DANG LHAN CIG TU SO SOR BRTAGS PA'I 'GOG PA THOB PO, ,NYON MONGS PA'I THOB PA MA 'GAGS PAR NI BRAL BA'I THOB PA MI THOB PA STE, DE LTAR NA NYON MONGS PA GANG GI THOB PA 'GAGS NAS 'GOG PA GANG THOB PA DE NI DE'I YIN NO ZHES THA SNYAD 'DOGS SO, ,'DI LA YANG RGYU DANG 'BRAS BU LA SOGS PA'I 'BREL PA MED PA'I PHYIR 'DRI BA NI, 'O NA DE THOB PAR NGES PA'I RGYU GANG ZHIG YIN ZHES BYA BA'O, ,NYON MONGS PA 'DI'I THOB PA CHAD PAS 'GOG PA 'DI KHO NA 'THOB KYI, GZHAN NI MA YIN NO ZHES BYA BA 'DI LA NGES PA'I RGYU 'GA' YANG MED DE, SNGAR BSHAD PA'I 'BREL PA RNAMS MI SRID PA'I PHYIR RO, ,YANG NA 'DI NI 'DOD CHAGS KYI BRAL BA'I THOB PA YIN GYI, GZHAN GYI BRAL BA'I NI MA YIN NO ZHES NGES PA'I RGYU MED DE, 'DOD CHAGS KYI THOB PA CHAD PA RGYU MA YIN PA'I PHYIR DANG, LAM LA KHYAD PAR MED PA'I PHYIR RO, , CHE GE MO ZHIG GI MED PA'O ZHES DGAG PA TZAM DU NI MI RUNG NGO ZHES GANG SMRAS PA DE LA LUNG DANG 'GAL BA BSTAN PA'I PHYIR, MDO LAS MTHONG BA'I CHOS LA MYA NGAN LAS 'DAS PA THOB PA'I ZHES BYA BA LA SOGS PA SMOS TE, DA LTAR BA'I SKYE BA LA MYA NGAN LAS 'DAS PA THOB PA NI PHUNG PO LHAG MA DANG BCAS PA'I DBYINGS KYI GNAS SKABS NA YIN TE, DES NI MED PA NI BRJOD DU MED PA YIN PA'I PHYIR NA JI LTAR 'THOB PAR 'GYUR, DE'I PHYIR MDO LAS THOB PAR GSUNGS PA'I PHYIR MYA NGAN LAS 'DAS PA YOD PA KHO NA YIN PAR BZHED DO, ,MED PA YIN YANG THOB PA MI 'GAL LO ZHES BSTAN PA'I PHYIR GNYEN PO THOB PAS ZHES BYA BA RGYAS PAR SMOS SO, ,NYON MONGS PA DANG YANG SRID PA NI NYON MONGS PA DANG YANG SRID PA DAG STE, DE DAG GI SKYE BA NI NYON MONGS PA DANG YANG SRID PA'I SKYE BA'O, ,NYON MONGS PA DANG YANG SRID PA DE'I SKYE BA DE DANG SHIN TU 'GAL BA'I RTEN NI, @228A *, ,NYON MONGS PA DANG YANG SRID PA'I SKYE BA DANG, SHIN TU 'GAL BA'I RTEN TE, DE THOB PA'I PHYIR MYA NGAN LAS 'DAS PA THOB PA ZHES BYA'O, ,GNYEN PO'I STOBS KYIS 'GAL BA'I RTEN THOB CING 'BRU MES TSIG PA DANG 'DRA BA'I RTEN DE LTA BU'I DE THOB PA'I PHYIR NYON MONGS PA 'AM SKYE BA YANG MI 'BYUNG BAS PHUNG PO LHAG MA DANG BCAS PA'I MYA NGAN LAS 'DAS PA'I DBANG DU BYAS NAS MYA NGAN LAS 'DAS PA THOB PA ZHES BYA STE, GNYEN PO NI 'DIR BAR CHAD MED PA'I LAM MO, ,DE THOB PA NA MNGON DU BYED PA'I NGO BO'O, ,'DI LTAR DE NI DES SPANG BAR BYA BA'I NYON MONGS PA'I SA BON DANG RJES SU 'BREL BA'I RTEN SKYE BA DANG 'GAL BAS, DE'I MJUG THOGS SU NYON MONGS PA'I SA BON RTOG PA'I RTEN SKYE BAR 'GYUR TE, DE LTAR NA GNYEN POS NYON MONGS PA SKYE BA DANG SHIN TU 'GAL BA'I RTEN THOB PO, ,NYON MONGS PA MA LUS PA SKYE BA DANG 'GAL BA'I RTEN THOB NA YANG SKYE BA MI 'BYUNG STE, DE LTAR NA DE NI SKYE BA 'BYUNG BA DANG 'GAL BAR YANG 'GYUR RO, ,'DI LTAR NYON MONGS PA'I SA BON MA 'GAGS NA NI NYON MONGS PA SKYE BA DANG SHIN TU 'GAL BA'I RTEN MI THOB LA, GNYEN PO MA SKYES NA NYON MONGS PA'I SA BON MI 'GAG GO, ,LUNG LAS KYANG ZHES BYA BA RGYAS PAR 'BYUNG BA LA, 'DIR DPER BRJOD PA NI 'BYUNG BA MED PA ZHES BYA BA 'DI YIN TE, MI SKYE BA'I RNAM GRANGS YIN PA'I PHYIR RO, ,SLOB DPON GYIS 'BYUNG BA 'GAG PA TZAM GYI DBANG DU BYAS NAS 'BYUNG BA MED PA ZHES KHUNGS SU BSHAD PAS, DE'I PHYIR 'DI YIN NA ZHES BYA BA RGYAS PAR SMRAS TE, 'DIR MI 'BYUNG BAS KHYAD PAR DU GYUR PA'I DNGOS PO NYID BSTAN GYI, 'BYUNG BA BKAG PA TZAM NI MA YIN PAS 'DI NI MYA NGAN LAS 'DAS PA MI SKYE BA TZAM DU SHES PAR BYA BA LA KHUNGS MA YIN NO ZHE NA, BDUN PA 'DI NI NUS PA MED PAR BLTA'O ZHES BYA BA RGYAS PAR 'BYUNG STE, MNGON PAR 'DOD PA'I DON BSGRUB PAR BYA BA LA ZHES BYA BAR SBYAR RO, ,'DIR YIN NA 'BYUNG BAR MI 'GYUR RO ZHES BYA BA JI SKAD DU BSHAD PA YIN ZHES BYA BA 'BYUNG STE, GAL TE DE YOD NA NI ZHES BYA BAR SBYAR NA NI STE, 'DI YOD NA MI 'BYUNG BA DE NI 'BYUNG BA MED DO ZHES BYA BA YIN @228B NA NI MYA NGAN LAS 'DAS PA RTAG PA'I PHYIR RTAG TU MI 'BYUNG BA KHO NAR 'GYUR RO, ,RTEN GYI DON MI SRID PAS NA GZHAN DU NYE BAR BKOD DO, ,GANG KHO NAS ZHES BYA BA NI LAM GYIS SO, ,DE THOB PAR ZHES BYA BA NI MYA NGAN LAS 'DAS PA THOB PAR RO, ,DE NYID YOD DAM ZHES BYA BA NI MNGON DU GYUR PA NA'O, ,THOB NA ZHES BYA BA NI RNYED NA STE, LAM DANG SBYAR RO, ,SDUG BSNGAL MI 'BYUNG BAR 'DOD PAR GYIS SHIG CES BYA BA NI GZHAN MYA NGAN LAS 'DAS PA DON MED PA BRTAGS PA CI ZHIG BYA ZHES BYA BA'O, ,DE YI SEMS KYI RNAM PAR THAR, ,ZHES BYA BA NI, BCOM LDAN 'DAS KYI PHUNG PO LHAG MA MED PA'I MYA NGAN LAS 'DAS PA'I GNAS SKABS NA'O, GANG GI PHYIR 'DAS PA MYA NGAN LAS 'DAS PA YIN ZHING MYA NGAN LAS 'DA' BA PO MED PA'I PHYIR MYA NGAN LAS 'DAS PA NYID MED PAS NA, CHOS MNGON PA LAS KYANG ZHES BYA BA RGYAS PAR 'BYUNG NGO, ,BYE BRAG TU SMRA BA RNAMS NA RE; 'DI'I DON NI 'DI MA YIN NO ZHES BYA BA NI, DNGOS PO MED PA NI LUS MED PA DANG, RANG GI NGO BO MED PA MA YIN PA'O, ,CI'I PHYIR ZHE NA, DNGOS PO'I SGRA'I DON DU MA YIN PA'I PHYIR RO, ,GAL TE 'DI DON MA YIN NA, 'O NA GANG YIN ZHE NA, DNGOS PO NI RNAM PA LNGA'O, ,RANG BZHIN GYI DNGOS PO NI ZHES BYA BA NI RANG BZHIN NYID DNGOS PO'O, ,DNGOS PO JI LTA BA BZHIN DU ZHES BYA BA NI DMIGS PA JI LTA BA BZHIN DU ZHES BYA BA'I DON TE, DMIGS PA NYID DNGOS PO YIN PA NI DMIGS PA'I DNGOS PO'O, ,LDAN PA'I DNGOS PO ZHES BYA BA LA, LDAN PA'I DNGOS PO NI LDAN PA'I DNGOS PO'O, ,RGYU'I DNGOS PO NI ZHES BYA BA NI RGYU NYID DNGOS PO YIN PA NI RGYU'I DNGOS PO'O, ,YONGS SU GZUNG BA'I DNGOS PO ZHES BYA BA LA, YONGS SU GZUNG BA 'AM, YONGS SU 'DZIN PA'I DNGOS PO NI YONGS SU GZUNG BA'I DNGOS PO STE, YONGS SU 'DZIN PA NI 'DIR BDAG GIR BYED PA'O; ,DE'I PHYIR 'DIR RGYU'I DNGOS PO'I SGRAR GSUNGS KYI RANG GI NGO BO NI MA YIN NO ZHES STON TO, ,GANG GI PHYIR CHOS MNGON PA LAS 'DUS MA BYAS RNAMS RGYU MED PA NYID DU GRUB KYI, RANG GI NGO BO MED PA NI MA YIN NO ZHES STON TO, ,YANG 'BRAS BU 'DI DAG LAS ZHES BYA BA RGYAS PAR 'BYUNG BA LA, @229A *, ,'CHAD PAR 'GYUR BA'I MTSAN NYID CAN RNAM PAR SMIN PA DANG, BDAG PO DANG, RGYU MTHUN PA DANG, SKYES BU BYED PA DANG, BRAL BA'I 'BRAS BU ZHES BYA BA LNGA PO GANG DAG YIN PA DE DAG LAS 'BRAS BU GANG ZHIG RGYU DRUG PO DE LAS RGYU GANG GI YIN ZHE NA, DE LA RE ZHIG BRAL BA'I 'BRAS BU NI RGYU GANG GI YANG MA YIN NO ZHES BSHAD ZIN TO, ,RNAM SMIN 'BRAS BU THA MA'I YIN, ,ZHES BYA BA LA, 'DIR RNAM PAR SMIN PA'I 'BRAS BU NI RNAM PAR SMIN PA'I RGYU KHO NA'I YIN NO ZHES NGES PAR GZUNG GI ,RNAM PAR SMIN PA'I 'BRAS BU KHO NA ZHES BYA BAR NI MA YIN TE, BDAG PO'I 'BRAS BU MA BKAG PA'I PHYIR RO, ,BDAG PO'I 'BRAS BU DANG PO'I YIN, ,ZHES BYA BA LA, 'DI BDAG PO YIN PA NI BDAG PO'I'O, ,'DIR NGES PAR GZUNG BA GNYIS KA YANG SKYON DANG BCAS PAS NGES PAR GZUNG BAR MI BYA STE, 'DI LTAR BYED RGYU'I RGYU 'GA' ZHIG LA SKYES BU BYED PA'I 'BRAS BU YANG YOD LA, GZHAN DAG LA YANG BDAG PO'I 'BRAS BU YOD PA YIN NO, ,DE LTAR NA NI 'O NA BDAG PO'I 'BRAS BU DANG PO'I YIN ZHES BYA BA'I 'BRAS BU MED PAR THAL BAR 'GYUR RO ZHE NA, SKYES BU BYED PA'I 'BRAS BU NI BDAG PO'I 'BRAS BU LTAR THAMS CAD KYI MA YIN NO ZHES SHES PAR BYA BA'I DON DU YIN PA'I PHYIR 'BRAS BU MED PA MA YIN NO, ,DE NYID DBANG BYED PA YIN NO ZHES BYA BA NI MI SGRIB PA'I NGO BOR GNAS PA GANG YIN PA KHO NA'O, ,BYED RGYU'I RGYU LA SKYED PA'I DNGOS PO YANG YOD DE ZHES BYA BA NI SKYED PAR BYED PA'I DNGOS PO YANG NGO, ,'DIS NI 'DUS MA BYAS MA GTOGS PA BYED RGYU BYED PA PO DANG BTANG SNYOMS PA DANG RNAM PA GNYIS KA LA YANG BDAG PO'I 'BRAS BU YOD DO ZHES BYA BAR SHES PAR BYA BAR 'GYUR TE, JI SKAD DU, SNGON 'BYUNG MA YIN 'DUS BYAS NI, ,'DUS BYAS KHO NA'I BDAG PO'I 'BRAS, ,ZHES 'CHAD DO, ,'DI LTA STE RNAM PAR SHES PA'I TSOGS LNGA PO DAG LA ZHES BYA BA LA, MIG LA SOGS PA'I SKYE MCHED BCU NI MIG LA SOGS PA'I RNAM PAR SHES PA RNAMS KYI BYED RGYU'I RGYU LAS GZHAN PA LHAN CIG 'BYUNG BA LA SOGS PA'I RGYU MA YIN NO, ,YID DANG CHOS CI RIGS PAR YID KYI RNAM PAR SHES PA'I SKAL BA MNYAM PA DANG, KUN DU 'GRO @229B BA DANG, LHAN CIG 'BYUNG BA DANG, MTSUNGS PAR LDAN PA'I RGYU DAG KYANG YIN TE, DE'I PHYIR BCU PO DAG KHO NA SMOS KYI, YID DANG CHOS KYI SKYE MCHED DAG NI MA YIN NO, ,SNOD KYI 'JIG RTEN LA ZHES BYA BA LA, SNOD KYI 'JIG RTEN NI LUNG DU MA BSTAN PA DANG, 'DOD DGUR MI 'JUG PA DANG, DGE BA DANG MI DGE BA'I LAS KYIS BSKYED PA YIN YANG RNAM PAR SMIN PA'I 'BRAS BU MA YIN TE, RNAM PAR SMIN PA NI THUN MONG MA YIN PA'I PHYIR LA, SEMS CAN BRJOD CES MTSAN NYID BYAS PA'I PHYIR RO, ,DE LAS GZHAN PA'I RGYU MI SRID PA LAS NI DE'I BYED RGYU'I RGYU KHO NA YIN NO, ,DE LTA BU LA SOGS PA SBYAR BAR BYA'O ZHES BYA BA LA JI LTAR ZHE NA, BSNAMS NAS BLTA BAR 'DOD PA 'BYUNG BA'I PHYIR RO ZHES BYA BA LA SOGS PAR RO, ,RGYU MTHUN SKAL MNYAM KUN 'GRO BA'I, ,'BRAS BU ZHES BYA BAR SKABS DANG SBYAR RO, ,RGYU MTHUN PA'I 'BRAS BU NI RGYU DANG 'DRA BA YIN TE, DE'I PHYIR RGYU MTHUN PA'I 'BRAS BU NI SKAL BA MNYAM PA DANG KUN DU 'GRO BA'I RGYU DAG GI YIN PAR RNAM PAR GZHAG GO, ,SKAL BA MNYAM PA DANG KUN DU 'GRO BDAG KHO NA'I YIN NO ZHES BYA BAR NGES PAR GZUNG GI ,RGYU MTHUN PA KHO NA NI MA YIN TE, SKYES BU BYED PA DANG, BDAG PO'I 'BRAS BU YANG DE DAG GI YIN PA'I PHYIR RO, ,SKYES BU PA NI GNYIS KYI YIN, ,ZHES BYA BA LA, SKYES BU BYED PA'I 'BRAS BU KHO NA GNYIS KYI YIN TE, 'DI LTAR LHAN CIG 'BYUNG BA DANG MTSUNGS PAR LDAN PA'I RGYU DAG NI LHAN CIG 'BYUNG BA'I 'BRAS BU KHO NA LA BYED PA DANG LDAN PA'I PHYIR RO, ,BDAG PO'I 'BRAS BU YANG DE DAG GIS DER 'GYUR MOD GYI, DE NI BYED PA PO MA YIN PA'I YANG YIN PAS 'DIR BRJOD PAR MI 'DOD DO, ,TSIG LE'UR BYAS PAS SBYAR BA'I PHYIR SKYES BU PA ZHES BYA BA'I SGRA BYE BRAG TU BSHAD PA'I PHYIR SKYES BU'I NGO BO LAS MI GZHAN PA'I PHYIR ZHES BYA BA RGYAS PAR SMOS SO, , SKYES BU'I BYED PA NI BYA BA DANG LAS DANG BYA RGYU DANG, G-YO BA ZHES BYA BA LAS DON GZHAN MA YIN LA, BYA BA YANG BYA BA DANG LDAN PA DAG LAS GZHAN MA YIN PAS SKYES BU NYID SKYES BU'I BYED PA YIN PAR BSHAD CING, DE'I 'BRAS BU NI SKYES BU PAR BSHAD DO, ,NANG GI BYED PA'I SKYES BU @230A *, ,MED PAS SKYES BU BYED PA ZHES BYA BA 'DI CI ZHIG CE NA, CHOS GANG GI BYED PA GANG YIN PA DE NI DE'I SKYES BU BYED PA'O, ,GAL TE NANG GI BYED PA'I SKYES BU MED PAS SKYES BU CHOS SKYES TZAM ZHIG YIN PA DE'I PHYIR CHOS KYI BYED PA ZHES BYA BAR 'GYUR GYI, SKYES BU'I BYED PA ZHES BYA BAR NI MI 'GYUR RO ZHE NA, DE'I PHYIR SKYES BU'I BYED PA LTA BU NI SKYES BU BYED PA STE ZHES BYA BA SMOS TE, 'JIG RTEN LA GRAGS PA'I SKYES BU'I BYA BA LA SKYES BU BYED PA ZHES GRAGS PAS DE'I PHYIR, 'JIG RTEN PAS BRTAGS PA'I SKYES BU BYED PA DE DANG 'DRA BAR SKYES BU'I BYED PA LTA BUR MDZAD DE, DPER NA BYA ROG GI RKANG PA DANG 'DRA BA LA BYA ROG RKANG DANG, SKYES BU GANG ZHIG GLANG PO CHE MYOS PA 'DRA BAR LUS RGYAS PA 'AM DPA' BA DE LA MI GLANG PO CHE MYOS PA ZHES BYA BA BZHIN NO, ,CI GZHAN DAG LA YANG ZHES BYA BA RGYAS PAR 'BYUNG STE, SKAL BA MNYAM PA DANG KUN DU 'GRO BA DANG, RNAM PAR SMIN PA DANG, BYED RGYU'I RGYU RNAMS LA YANG YOD DAM, 'ON TE LHAN CIG 'BYUNG BA DANG MTSUNGS PAR LDAN PA GNYIS KHO NA'I YIN ZHE NA, GZHAN DAG LA YANG ZHES RGYAS PAR 'BYUNG BA LA, SKAL BA MNYAM PA'I RGYU LA SOGS PA DAG LA YANG STE, SKAL BA MNYAM PA DANG KUN DU 'GRO BA'I RGYU DAG LA YANG DE MA THAG TU 'BYUNG BA'I SKYES BU BYED PA'I 'BRAS BU YOD KYI, LHAN CIG 'BYUNG BA NI MA YIN NO, ,CI'I PHYIR SKYES BU BYED PA'I 'BRAS BU NI LHAN CIG 'BYUNG BA DANG MTSUNGS PAR LDAN PA'I RGYU DAG KHO NA'I YIN PAR BRJOD CE NA, LHAN CIG DANG DE MA THAG TU 'BYUNG BA DE NI DE GNYIS KHO NA'I YIN GYI, SNGA MA DAG GI NI MA YIN NO, ,SKAL BA MNYAM PA'I RGYU THAMS CAD LA YANG DE MA THAG TU 'BYUNG BA'I SKYES BU BYED PA'I 'BRAS BU YOD PA MA YIN TE, DGRA BCOM PA'I 'CHI KA MA MI 'THAD PA'I PHYIR RO, ,LHAN CIG 'BYUNG BA DANG MTSUNGS PAR LDAN PA'I RGYU DAG LA NI GDON MI ZA'O, ,BYED RGYU'I RGYU YANG KHA CIG LA SKYES BU BYED PA'I 'BRAS BU YOD KYI, THAMS CAD LA NI MA YIN NO, ,RNAM PAR SMIN PA'I RGYU MA GTOGS PA ZHES BYA BA 'BYUNG NGO, ,CI'I PHYIR ZHE NA, SKYES BU BYED PA'I 'BRAS BU NI @230B LHAN CIG 'BYUNG BA'AM, DE MA THAG TU 'BYUNG BA YIN LA, RNAM PAR SMIN PA NI DE LTA MA YIN NO, ,DE NI RGYUN LA LTOS PA KHO NA YIN GYI, DE MA THAG PA'AM, DUS GCIG PA MA YIN NO, ,GZHAN DAG NA RE DE LA YANG ZHES BYA BA RGYAS PAR 'BYUNG BA LA, 'DI LTAR SO NAM GYI BYA BA MTSUNGS SHING ZHING LA SOGS PA 'BYOR PAR MTSUNGS PA BZHIN DU KHA CIG GI 'BRU LA SOGS PA 'BYOR BAR 'GYUR LA, KHA CIG GI NI MA YIN TE, DE'I PHYIR, LHAN CIG 'BYUNG BA DANG DE MA THAG TU 'BYUNG BA 'BA' ZHIG TU MA ZAD KYI, SKYES BU BYED PA'I 'BRAS BU SKAL BA MNYAM PA YANG YOD PA YIN NO ZHES ZER RO, ,RGYU DANG 'BRAS BU'I NGES PA BSHAD ZIN TO, ,DA NI 'BRAS BU RNAMS KYI MTSAN NYID BRJOD PAR BYA BA YIN PAS, DE'I PHYIR YANG RNAM PAR SMIN PA'I 'BRAS BU ZHES BYA BA 'DI CI YIN ZHES BYA BA LA SOGS PA SMOS SO, ,RNAM SMIN LUNG DU MA BSTAN CHOS, ,ZHES BYA BA LA, RNAM PAR SMIN PHA NI LUNG DU MA BSTAN PA KHO NA YIN ZHING SEMS CAN DU BRJOD PA KHO NA YIN NO ZHES NGES PAR GZUNG GI ,RNAM PAR SMIN PA KHO NA SEMS CAN DU BRJOD PA NI MA YIN NO, ,DE NYID KYI PHYIR RGYU MTHUN PA LAS BYUNG BA DANG, RGYAS PA LAS BYUNG BA GSAL BAR BYA BA'I PHYIR, LUNG BSTAN PHYIS 'BYUNG ZHES BYA BA SMOS TE, LUNG BSTAN PA'I PHYI NAS 'BYUNG BAS NA LUNG BSTAN PHYIS 'BYUNG BA'O, ,MA BSGRIBS LA LUNG DU MA BSTAN PA SMOS PA NI 'JIG TSOGS LA LTA BA DANG, MTHAR 'DZIN PAR LTA BA GSAL BAR BYA BA'I PHYIR RO, ,LTA BA DE GNYIS NI SEMS TZAM DU STON PA DANG, LUNG BSTAN PHYIS 'BYUNG BA YIN MOD KYI, MA BSGRIBS LA LUNG DU MA BSTAN PA NI MA YIN PAS RNAM PAR SMIN PA MA YIN NO, ,DE LTA NA NI 'O NA DBANG PO'I 'BYUNG BA CHEN PO RGYAS PA BSAM GTAN GYI KHYAD PAR LA SNYOMS PAR ZHUGS PA'I RGYU CAN YANG LUNG DU MA BSTAN PA'I PHYIS 'BYUNG BA YIN PA'I PHYIR DANG, MA BSGRIBS LA LUNG DU MA BSTAN PA YIN PA'I PHYIR DANG, SEMS CAN DU BRJOD PA'I PHYIR RNAM PAR SMIN PAR 'GYUR LA, DE LTA NA RGYAS PA LAS BYUNG BA DANG, RNAM PAR SMIN PA'I RNAM PAR GZHAG PA 'DRES PAR 'GYUR RO ZHE NA, 'DRES PA MED DE, RNAM PAR @231A *, ,SMIN PA'I RGYU DANG DE'I 'BRAS BU DAG NI SA THA DAD PA NYID DAM DUS GCIG PA MA YIN NA, DBANG PO'I 'BYUNG BA CHEN PO BRGYAD PA DANG, BSAM GTAN GYI KHYAD PAR LA SNYOMS PAR ZHUGS PA DAG NI DUS GCIG PA DANG SA GNYIS THA DAD PA NYID YIN PAS DBANG PO'I 'BYUNG BA CHEN PO RGYAS PA LAS RNAM PAR SMIN PA NYID DU THAL BAR 'GYUR BA MED DO, ,DE NYID KYI PHYIR, GANG ZHIG DE LAS DUS PHYI MA LA 'BYUNG ZHING ZHES BYA BA SMOS TE, DE DANG LHAN CIG TU MA YIN NO, ,DE LTA NA 'O NA SPRUL PA'I SEMS LA YANG THAL BAR 'GYUR TE, DE YANG SNYOMS PAR 'JUG PA'I SEMS DGE BA LAS 'BYUNG ZHING, MA BSGRIBS LA LUNG DU MA BSTAN PA DANG SEMS CAN DU BRJOD PA YANG MA YIN NO ZHE NA, DE'I PHYIR DE MA THAG TU MA YIN PA ZHES BYA BA SMOS SO, ,DE MA THAG PA NI MTSUNGS PA DE MA THAG PA'I STOBS KYIS DRANGS PA'I PHYIR LA, SPRUL PA'I SEMS KYANG SNYOMS PAR 'JUG PA'I SEMS KYI DE MA THAG TU 'BYUNG NA, RNAM PAR SMIN PA NI DE LTA BU YANG MA YIN NO, ,CI'I PHYIR SEMS CAN DU STON PA MA YIN PA'I DON ZHES BYA BA RGYAS PAR 'BYUNG STE, LAS LAS SKYES PA NYID DU MTSUNGS BZHIN DU SEMS CAN DU STON PA KHO NA RNAM PAR SMIN PA YIN LA, SEMS CAN DU STON PA MA YIN PA NI MA YIN NO ZHES BYA BA 'DI LA RGYU CI YOD CE NA, DE'I PHYIR THUN MONG BA MA YIN PA'I PHYIR TE ZHES BYA BA LA SOGS PA SMOS SO, ,RNAM PAR SMIN PA NI THUN MONG MA YIN PA STE ZHES BYA BA 'BYUNG STE, RGYU GANG LA RNAM PAR SMIN PA'I RGYU YOD PA DE KHO NA LA 'BYUNG BA'I PHYIR DE DANG 'DRA BAR GZHAN GYIS MYONG BA MED PA'I PHYIR RO, ,GZHAN GYIS BYAS PA'I LAS KYI RNAM PAR SMIN PA GZHAN GYIS MYONG BA NI MA YIN TE, DE LTA NA NI MA BYAS PA DANG PHRAD PA DANG, BYAS PA CHUD ZOS PAR 'GYUR RO, ,BDAG PO'I 'BRAS BU SEMS CAN DU STON PA MA YIN PA CI'I PHYIR MYONG ZHE NA, THUN MONG GI LAS LAS BYUNG BA'I PHYIR TE, DE MYONG NA MA BYAS PA DANG PHRAD PA DANG BYAS PA CHUD ZOS PA MED DO, ,RGYU MTHUN RGYU DANG 'DRA BA'O, ,ZHES BYA BA LA, RE ZHIG SKAL BA MNYAM PA'I RGYU'I 'BRAS BU RGYU DANG DGE BA DANG MI DGE BA LUNG DU MA BSTAN PAR 'DRA BA NI RIS DANG RANG GI SA 'DRA BA LA LTOS PA YIN PAR GZUNG @231B LA; KUN DU 'GRO BA'I RGYU'I NI NYON MONGS PA CAN DANG RANG GI SA 'DRA BA LA LTOS PAR RO, ,GAL TE KUN DU 'GRO BA'I RGYU'I 'BRAS BU YANG 'DRA BA YIN NA GO, ,CI'I PHYIR SKAL BA MNYAM PA'I RGYU KHO NAR MI 'DOD CE NA, 'DI LTAR DE NI SA DANG NYON MONGS PA CAN LAS 'BRAS BU DANG 'DRA BA YIN TE, 'DOD PA NA SPYOD PA KUN DU 'GRO BA'I RGYU'I 'BRAS BU NI 'DOD PA NA SPYOD PA'I NYON MONGS PA CAN KHO NA YIN NO, ,SKAL BA MNYAM PA'I RGYU BZHIN DU RNAM PA LAS KYANG NI MA YIN TE, RNAM PA LNGA CHAR YANG RGYU YIN PA'I PHYIR RO, ,SKAL BA MNYAM PA'I RGYU NI RNAM PA LAS KYANG 'BRAS BU DANG 'DRA BA YIN NO; ,DE LA KUN DU 'GRO BA'I RGYU GANG ZHIG SA DANG NYON MONGS PA CAN LAS YIN BA 'BA' ZHIG TU MA ZAD KYI, RNAM PA LAS KYANG 'BRAS BU DANG 'DRA BA DE NI SKAL BA MNYAM PA'I RGYU YIN PAR KHAS LEN PA NYID DO, ,DE NYID KYI PHYIR GANG ZHIG GANG GI SKAL BA MNYAM PA'I RGYU YIN PA DE ZHES BYA BA RGYAS PAR SMOS SO, ,KUN DU 'GRO BA MA YIN PA NI SKAL BA MNYAM PA'I RGYU KHO NA'O, ,RIS GZHAN PA'I KUN DU 'GRO BA NI KUN DU 'GRO BA KHO NA'O, ,GNYIS KA YIN PA NI RANG GI RIS PA'I KUN DU 'GRO BA KHO NA'O, ,DE LTAR NA MU GSUM PA LA BSAMS NAS, GANG ZHIG RNAM PA LAS KYANG 'DRA BA DE NI SKAL BA MNYAM PA'I RGYU YIN PAR KHAS LEN PA NYID DO ZHES BSHAD DO, ,BZHI PA NI RNAM PA DE DAG MA GTOGS PA'O ZHES BYA BA NI MU GSUM DU BSHAD PA'I CHOS RNAMS MA GTOGS SO ZHES BYA BA'I DON TE, GANG GI TSE DGE BA LA SOGS PA RNAMS KYI MJUG THOGS SU MTSAN NYID MI 'DRA BA SKYE BA NA SNGA MA DE DE'I SKAL BA MNYAM PA'I RGYU 'AM KUN DU 'GRO BA'I RGYU MA YIN NO, ,BRAL BA BLO YIS ZAD PA'O, ,THOB PA'O ZHES BYA BA NI TSIG GI LHAG MA'O, ,'GOG PA SMOS PA NI MA THOB PA TZAM BRAL BA NYID YIN PAS DGAG PAR BYA BA'I DON TO, ,DES NA ZHES BYA BA NI GTAN TSIGS BRJOD PA STE, GANG GI PHYIR 'GOG PA SHES RAB KYIS THOB PAR BYA BA YIN PA DE'I PHYIR BRAL BA'I 'BRAS BU SO SOR BRTAGS PAS 'GOG PA YIN NO ZHES BSHAD PAR 'GYUR RO, ,GANG GI STOBS KYIS GANG SKYE BA'I, ,'BRAS DE SKYES BU BYED LAS SKYES, ,ZHES BYA BA LA, RGYU @232A *, ,GANG GI STOBS KYIS 'BRAS BU GANG ZHIG SKYE BA DE NI DE'I SKYES BU BYED PA'I 'BRAS BU YIN NO, ,DPER NA SA 'OG MA PA'I ZHES BYA BA LA SOGS PA LA, 'DIR RGYU DANG 'BRAS BU DAG PA THA DAD PA'I PHYIR, ZAG PA DANG BCAS PA DANG ZAG PA MED PA YIN PA'I PHYIR DANG, DGE BA DANG LUNG DU MA BSTAN PA YIN PA'I PHYIR TE, SKYES BU BYED PA'I 'BRAS BU KHO NA YIN GYI, RGYU MTHUN PA'I 'BRAS BU NI MA YIN TE, DE'I RGYU DANG 'DRA BA DANG, RANG GIS PA YIN PAR 'DOD DO, ,SOGS PA ZHES BYA BA'I SGRAS NI GZHAN YANG BSDU STE, DPER NA 'DOD PA NA SPYOD PA'I 'CHI BA'I SEMS DGE BA DANG LUNG DU MA BSTAN PA LAS GZUGS NA SPYOD PA'I SRID PA BAR MA DO'I SKAD CIG MA DANG PO LTA BU'O, ,SKYES BU BYED PAS THOB PA'I 'BRAS BU NI SKYES BU BYED PA'I 'BRAS BU YIN LA, SO SOR BRTAGS PA'I 'GOG PA YANG SO SOR BRTAGS PA'I STOBS KYIS THOB PAS DE YANG SKYES BU BYED PA'I 'BRAS BU KHO NA'O ZHES BSTAN PA'I PHYIR, SO SOR BRTAGS PAS 'GOG PA NI ZHES BYA BA RGYAS PAR 'BYUNG NGO, ,JI LTAR NA DE 'DIR GZUNG BA YIN, DE NI SKYE BA MA YIN NO ZHE NA, NGA'I NOR SKYES SO ZHES THOB PA LA YANG SKYES PA'I SGRA BRJOD PA MTHONG STE, BDAG GIS NOR THOB BO ZHES BYA BA'I THA TSIG GO, ,DE LA BAR CHAD MED PA'I LAM GANG DAG GIS NYON MONGS PA SPONG BAR BYED PA DE DAG GI NI SPANGS PA STE BRAL BA'I 'BRAS BU YIN LA, GANG DAG GIS MA 'ONGS PA SNGAR SPANGS PA RNAMS KYI BRAL BA 'BA' ZHIG THOB PA DE DAG NI SKYES BU BYED PA'I 'BRAS BU KHON YIN TE, DPER NA NGES PA LA 'JUG PA NA SDUG BSNGAL LA CHOS SHES PA'I BZOD PAS PHRA RGYAS BCU PO DAG SPANGS PA, 'DOD PA LA 'DOD CHAGS DANG BRAL BA NI BRAL BA'I 'BRAS BU DANG, SKYES BU BYED PA'I 'BRAS BU YIN LA 'DOD CHAGS DANG BRAL BA SNGON DU 'GRO BA'I SKYES BU BYED PA'I 'BRAS BU KHON YIN PA BZHIN NO, ,DE BZHIN DU GZHAN LA YANG BRJOD PAR BYA'O, ,SNGON BYUNG BA MA YIN PA'I 'DUS BYAS KHO NA 'DUS BYAS KHO NA'I BDAG PO'I 'BRAS BU YIN GYI, 'DUS MA BYAS MA YIN ZHING, 'DUS MA BYAS KYI NI MA YIN NO ZHES NGES PAR GZUNG STE, BDAG PO'I 'BRAS BU KHO @232B NA NI MA YIN NO, ,SNGON BYUNG BA MA YIN PA ZHES BYA BA NI SNGON BYUNG BA LAS GZHAN SNGON MA BYUNG BA'O, ,DE NI LHAN CIG BYUNG BA DANG, PHYIS BYUNG BA STE, RGYU BAS SNGAR SKYES PA'I 'BRAS BU NI CUNG ZAD KYANG MED DO, ,CI'I PHYIR ZHE NA, RGYU DON MED PAR THAL BAR 'GYUR BA'I PHYIR RO, ,SNGAR 'KHOR LOS SGYUR BA NYID BYED CING PHYIS DER 'GYUR BA'I LAS BYED PAR 'GYUR NA, MYU GU LA SOGS PA RNAMS KYI SNGON DU SA BON 'GRO BA NYID DU MTHONG BA'I PHYIR MTHONG BA DANG 'GAL BA YIN NO, ,'BRAS BU SKYES ZIN PAS 'DAS PA LTAR RGYU BYA BA BYAS ZIN PA'I PHYIR MI SKYE BAR YANG 'GYUR RO, , SKYES BU BYED PA DANG BDAG PO'I 'BRAS BU DAG LA THA DAD DU BYA BA CI YOD CE NA ZHES BYA BA NI DE NYID DE'I SKYES BU BYED PA'I 'BRAS BU DANG BDAG PO'I 'BRAS BUR RNAM PAR GZHAG PA'I PHYIR 'DRI BA'O, ,SKYES BU BYED PA'I 'BRAS BU NI BYED PA PO'I YIN NO ZHES BYA BA LA, GANG GI STOBS KYIS GANG SKYE BA, ,'BRAS DE SKYES BU BYED LAS SKYES, ,ZHES 'BYUNG BA'I PHYIR RO, ,BYED PA PO MA YIN PA'I YANG YIN TE ZHES BYA BA'I YANG ZHES BYA BA'I SGRAS NI BDAG PO'I 'BRAS BU BYED PA PO'I YANG YIN PA STE, DPER NA BZO BO RNAMS KYI BZO SKYES BU BYED PA'I 'BRAS BU YIN LA, BDAG PO'I 'BRAS BU YANG YIN NO, ,GZHAN DAG GIS BDAG PO'I 'BRAS BU KHO NA YIN NO ZHES BYA BA LA, BZO BO MA YIN PA GEGS MI BYED PA'I NGO BOR GNAS PA DAG GI NI BZO DE BDAG PO'I 'BRAS BU KHO NA YIN GYI SKYES BU BYED PA'I 'BRAS BU NI MA YIN NO, ,GZHAN DAG LA YANG DE DANG 'DRA BAR SBYAR BAR BYA'O, ,LNGA PO DA LTAR 'BRAS BU 'DZIN, ,ZHES BYA BA LA, DA LTAR KHO NA ZHES NGES PAR GZUNG GI ,LNGA PO KHO NA ZHES BYA BAR NI MA YIN TE, BYED RGYU'I RGYU YANG DE DAG 'DRA MOD KYI ZHES 'BYUNG BA'I PHYIR RO, ,'BRAS BU 'DZIN PA ZHES BYA BA NI 'BRAS BU 'PHEN PA STE, DNGOS PO GZHAN SKYED PAR BYA BA LA RGYU'I DNGOS POR NYE BAR 'GRO ZHES BYA BA'I DON TO, ,DE NI DA LTAR BA KHO NA LA YOD DO, ,BYED RGYU'I RGYU YANG DE DANG 'DRA MOD KYI ZHES BYA BA NI DA LTAR BA KHO NA 'BRAS BU 'DZIN GYI, 'DAS PA DANG MA 'ONGS PA NI MA YIN NO, ,GAL TE @233A *, ,DE LTAR NA DE YANG DA LTAR BA 'BRAS BU 'DZIN TO ZHES CI STE MA SMRAS SHE NA, DE'I PHYIR DE NI 'BRAS BU DANG BCAS PAR MA NGES PAS MA BRJOD DO ZHES BYA BA SMOS TE, 'DUS MA BYAS LA 'BRAS BU MED PA'I PHYIR RO, ,GNYIS NI RAB TU 'BYIN PAR BYED CES BYA BA LA; DA LTAR BA DAG KHO NA ZHES BYA BAR NGES PAR GZUNG BAR BYA STE, GNYIS KHO NA ZHES NI MA YIN NO, ,DUS MNYAM PA KHO NA YIN NO ZHES BYA BA LA, RGYU'I DANG PO'I DUS KHO NAR 'BRAS BU PHYUNG BA'I PHYIR RO, ,DA LTAR GYI DANG 'DAS PA DAG CES BYA BA LA, SKABS SU BAB PA'I PHYIR 'BRAS BU 'BYIN PAR BYED DO ZHES BYA BAR SBYAR RO, ,DA LTAR BA DAG RGYU MTHUN PA'I 'BRAS BU 'BYIN PA MI SRID DO SNYAM STE, RE ZHIG GANG 'DAS PA DAG NI ZHES DRI BA RGYAS PAR 'BYUNG NGO, MJUG THOGS SU BSGRUB PA'I PHYIR ZHES BYA BA 'BYUNG STE, DE LA 'BRAS BU GANG ZHIG SKAL PA MNYAM PA DANG KUN DU 'GRO PA'I RGYU DAG GI YIN PAR NGES SHING DE DAG GI MJUG THOGS SU SKYE BA DE NI DE DAG GI 'DZIN PA DANG 'BYIN PA YIN LA, RGYU DAG 'GAGS NA NI GZUNG BA DANG PHYUNG ZIN PA YIN NO, ,DE NYID KYI TSE NI MA YIN TE, 'O NA CI ZHE NA, PHYIS KYANG PHYUNG BA YIN NO, ,'ON TE 'GAGS PA DAG LAS 'BRAS BU SKYES PA NI DE LTA NA 'DAS PA DAG GIS 'BRAS BU PHYUNG BA YIN NO, ,BYED RGYU'I RGYU YANG ZHES BRJOD PAR BYA STE, CUNG ZAD CIG NI BYED RGYU DA LTAR BYUNG BA'I YANG BDAG PO'I 'BRAS BU YIN TE, DPER NA MIG GI RNAM PAR SHES PA LTA BU'O, ,CUNG ZAD CIG NI DE MA THAG TU YIN TE, DPER NA 'JIG RTEN PA'I CHOS KYI MCHOG RNAMS KYI SDUG BSNGAL LA CHOS SHES PA'I BZOD PA LTA BU'O, ,CUNG ZAD CIG NI DUS GZHAN GYI TSE YIN TE, DPER NA THAR PA'I CHA DANG MA THUN PA'I DGE BA'I RTZA BA RNAMS KYI BYANG CHUB GSUM LTA BU'O ZHE NA, 'DI MA SMOS PA'I RGYU SNGAR BSHAD ZIN TO, ,DGE BA'I SKAL BA MNYAM PA'I RGYU ZHES 'BYUNG STE, MI LDAN PA'I 'DU BYED DANG RGYUN LA MNGON PAR 'DOD PA YIN NO, ,THA MAR 'DOR PA'I ZHES BYA BA LA, DGE BA'I RTZA BA CHUNG DU'I CHUNG DU RNAMS KYI THOB PA THAMS CAD KYI THA MAR 'DOR BA DAG STE, GZHAN DAG NI SNGAR NGOR ZIN PA'I PHYIR RO, ,DE DAG NI 'BRAS BU 'DZIN PA KHO NA YIN GYI @233B 'BYIN PA NI MA YIN TE, ,DGE BA'I RTZA BA KUN DU CHAD PA'I GNAS SKABS NA DGE BA MI SKYE BA'I PHYIR RO, ,GNYIS PA NI DGE BA'I RTZA BA DAG GI NYID MTSAMS SBYOR BAS ZHES BYA BA LA, 'BYIN PA 'BA' ZHIG YIN GYI, 'DZIN PA NI MA YIN TE, SNGAR BZUNG ZIN PA'I PHYIR RO, ,'DI SKAD DU DE DAG NYID CES BYA BA LA, SNGA NA MED PA RNYED NA 'BRAS BU 'DZIN PA DANG 'BYIN PAR SRID PA'I PHYIR DE DAG NYID CES BRJOD PAR BYA'O, ,GNAS SKABS LHAG MA RNAMS SU'O, ,ZHES BYA BA; BSHAD MA THAG PA'I GNAS SKABS GNYIS PO MA GTOGS PA, DGE PA'I RTZA BA KUN DU MCHAD PA'I GNAS SKABS LHAG MA RNAMS GZUNG STE, BDAG CAG LA SOGS PA LTA BU'I THOB PA DAG NI 'BRAS BU 'DZIN PA DANG 'BYIN PA YIN NO, BZHI PA NI RNAM PA DE DAG MA GTOGS PA'O ZHES BYA BA LA, DGE BA'I RTZA BA KUN DU CHAD PA'I GNAS SKABS NI SNGAR BZUNG ZIN PA'I PHYIR 'DZIN PA MA YIN LA; DGE BA'I RTZA BA NYID MA TSAMS SBYOR BA MED PA'I PHYIR 'BYIN PA YANG MA YIN NO, ,MI DGE BA'I ZHES BYA BA LA, MI DGE BA RNAMS KYI THOB PA THAMS CAD KYI THA MAR 'DOR BA STE, THOB PA DE DAG TU NI RGYU MTHUN PA'I 'BRAS BU 'DZIN PA KHO NA YIN GYI, 'BYIN PA NI MA YIN TE, RGYU MTHUN PA'I 'BRAS BU DE MA THAG PA MED PA'I PHYIR RO, ,THAMS CAD KYI DANG POR THOB PA'I MI DGE BA'I SKAL BA MNYAM PA'I RGYU DE NI 'BRAS BU 'BYIN PA YIN GYI, 'DZIN PA NI MA YIN TE, SNGAR BZUNG ZIN PA'I PHYIR RO, ,'DI SKAD DU DE DAG NYID CES BYA BA RGYAS PAR 'BYUNG BA LA, MI DGE PA'I SKAL PA MNYAM PA'I RGYU 'DI NI 'BYIN PA YIN GYI, 'DZIN PA NI MA YIN TE, 'DOD CHAGS DANG BRAL BA'I DUS SU BZUNG BA'I PHYIR RO, ,THOB PA GANG DAG SNGON MED PA DANG POR RNYED PA DE DAG NI 'BRAS BU 'DZIN PA DANG 'BYIN PA YANG YIN NO, ,GSUM PA NI 'DOD CHAGS DANG MA BRAL BA'I GNAS SKABS LHAG MA RNAMS SU'O ZHES BYA BA LA, GNAS SKABS DANG PO DANG GNYIS PA JI SKAD DU BSHAD PA DE DAG GNYIS KHO NA MA GTOGS PA GNAS SKABS LHAG MA RNAMS SU STE, KHO BO CAG GI LTA BU MI DGE BA'I SKAL PA MNYAM PA'I RGYU DE NI 'BRAS BU 'DZIN PA DANG 'BYIN PA YIN NO, ,BZHI PA NI RNAM @234A *, ,PA DE DAG MA GTOGS PA'O ZHES BYA BA LA, 'DOD PA LAS 'DOD CHAGS DANG BRAL PA'I GNAS SKABS NA SNGAR BZUNG ZIN PA'I PHYIR MI 'DZIN LA, 'DOD PA'I 'DOD CHAGS DANG BRAL BA LAS NYAMS PA'I PHYIR 'BYIN PA YANG MA YIN NO, ,BSGRIBS LA LUNG DU MA BSTAN PA'I YANG DE BZHIN DU ZHES BYA BA RGYAS PAR 'BYUNG STE, DRI BA LA MU BZHI DGRA BCOM NYID THOB PA DANG, YONGS SU NYAMS PA LAS CI RIGS SU SBYAR BAR BYA'O, ,MU DANG PO'I SRID PA'I RTZE MO'I 'DOD CHAGS DANG BRAL BA THOB PA DANG LDAN PAS THAMS CAD KYI THA MAR 'DOR BA'I THOB PA GANG DAG YIN PA'O; ,GNYIS PA NI SRID PA'I RTZE MO'I 'DOD CHAGS DANG BRAL BA LAS YONGS SU NYAMS PAS THAMS CAD KYI DANG POR THOB PA GANG YIN PA'O, ,GSUM PA NI SRID PA'I RTZE MO'I 'DOD CHAGS DANG MA BRAL BA'I GNAS SKABS LHAG MA RNAMS SU'O, ,BZHI PA NI RNAM PA DE DAG MA GTOGS PA STE, SRID PA'I RTZE MO'I 'DOD CHAGS DANG BRAL BA LAS MNYAMS PA'I ZHES BYA BA'I THA TSIG GO, ,BSGRIBS LA LUNG DU MA BSTAN PA SMOS PA NI BSGOM PAS SPANG BAR BYA BA'I NYON MONGS PA GZUGS DANG GZUGS MED PA NA SPYOD PA RNAMS DANG SBYAR BAR BYA'O, ,MA BSGRIBS LA LUNG DU MA BSTAN PA NI TSIG PHYI MA DANG SBYAR BAR BYA STE ZHES BYA BA LA, PHYIS DRI BA'I TSIG GIS GANG DU DON GO BAR BYED PA NI TSIG PHYI MA DANG SBYAR BA'O, ,RE ZHIG 'BYIN PA GANG YIN PA DE NI 'DZIN PA YANG YIN NO ZHES BYA BA LA, SKAL BA MNYAM PA'I RGYU MA BSGRIBS LA LUNG DU MA BSTAN PA NI YONGS SU MYA NGAN LAS MA 'DAS KYI BAR DU YOD PA'I PHYIR RO, ,'DZIN LA MI 'BYIN PA YANG YOD DE, DGRA BCOM PA'I PHUNG PO THA MA PA RNAMS YIN NO ZHES BYA BA 'BYUNG STE, DE'I TSE NI PHUNG PO THAMS CAD LAS NGES PAR BYUNG BA'I PHYIR RGYU MTHUN PA'I 'BRAS BU MED PAS 'DZIN PA KHO NA YIN GYI, 'BYIN PA NI MA YIN NO, ,DMIGS PA DANG BCAS PA'I NGES PAS NI SKAD CIG RE RE STE ZHES BYA BA LA, SNGAR NI DMIGS PA MED PA THOB PA RNAMS DANG, RGYUN LA SKAL BA MNYAM PA'I RGYU NYID DU BSHAD LA, DA NI DMIGS PA DANG BCAS PA'I SEMS DANG SEMS LAS BYUNG BA RNAMS DANG SKAD CIG RE RE LA SKAL BA MNYAM PA'I RGYU NYID DU BRJOD DO, ,DGE BA'I @234B SEMS KYI MJUG THOGS SU ZHES BYA BA LA, DGE BA'I SEMS SKYES PAS DGE BA'I SEMS RGYU MTHUN PA'I 'BRAS BU NYID DU GZUNG BA GANG YIN PA DE DE'I MJUG THOGS SU MI SKYE BAS 'BRAS BU 'DZIN PA KHO NA YIN GYI, 'BYIN PA NI MA YIN NO, ,GNYIS PA NI BZLOG PA'O ZHES BYA BA LA, GANG GI TSE NYON MONGS PA CAN DANG LUNG DU MA BSTAN PA'I MJUG THOGS SU DGE BA'I SEMS MDON DU BYED PA DE'I TSE SNGAR 'GAGS PA'I DGE BA'I SEMS DE 'BYIN PA KHO NA YIN GYI, 'DZIN PA NI MA YIN TE, SNGAR BZUNG ZIN PA'I PHYIR RO, ,BZHI PA NI RNAM PA DE DAG MA GTOGS PA'O ZHES BYA BA LA, GANG GI TSE NYON MONGS PA CAN NAM MI DGE BA'I MJUG THOGS SU NYON MONGS PA CAN NAM LUNG DU MA BSTAN PA MNGON DU BYED PA DE'I TSE DGE BA'I SEMS DE SNGAR BZUNG BA'I PHYIR 'BRAS BU MI 'DZIN LA, RIGS MI MTHUN PA'I SEMS KYIS BAR DU CHOD PA'I PHYIR 'BYIN PA YANG MA YIN NO, ,MI DGE BA LA SOGS PA YANG DE BZHIN DU SBYAR BAR BYA'O ZHES BYA BA LA, MU DANG PO NI GANG GI TSE MI DGE BA'I SEMS KYI MJUG THOGS SU DGE BA 'AM LUNG DU MA BSTAN PA'I SEMS MNGON DU BYED PA'O, ,GNYIS PA NI BZLOG PA'O, ,GSUM PA NI GANG GI TSE MI DGE BA'I SEMS KYI MJUG THOGS SU MI DGE BA KHO NA SKYE BA'O, ,BZHI PA NI GANG GI TSE DGE BA 'AM LUNG DU MA BSTAN PA'I MJUG THOGS SU DGE BA 'AM, LUNG DU MA BSTAN PA MNGON DU BYED PA'O, ,BSGRIBS LA LUNG DU MA BSTAN PA DANG MA BSGRIBS LA LUNG DU MA BSTAN PA'I SKAL BA MNYAM PA'I RGYU YANG DE BZHIN DU SBYAR BAR BYA'O, ,GCIG NI 'DAS PAS 'BYIN PAR 'GYUR ZHES BYA BA LA, GCIG NI 'DAS PA KHO NAS ZHES BYA BA YIN GYI, GCIG KHO NA 'DAS PAS NI MA YIN TE, DE NYID KYI PHYIR, RNAM PAR SMIN PA'I RGYU NI 'DAS PA KHO NAS 'BRAS BU 'BYIN TE ZHES BYA BA SMOS SO, ,CI'I PHYIR ZHE NA, 'DI LTAR LHAN CIG GAM, ,DE MA THAG TU RNAM PAR SMIN PA NI MED DO ZHES BYA BA SMOS TE, RNAM PAR SMIN PA'I RGYU NI RGYUN LA LTOS PA YIN NO, ,'DI LA BRTEN PAS NA RTEN NO, ,RTEN GYI 'BRAS BU NI RTEN GYI 'BRAS BU STE, GANG ZHIG GANG LA BRTEN PA DE NI DE'I 'BRAS BU YIN NO, ,SBYOR BA'I 'BRAS BU NI SBYOR BA'I 'BRAS BU STE, MI SDUG PA'I DRAN PA NYE BAR GZHAG PA NAS BRTZAMS TE MI SKYE BA SHIS PA'I BAR LTA BU'O, SBYOR BA @235A *, ,GZHAN LA YANG DE BZHIN DU SBYAR BAR BYA STE, ,MI SDUG PA SMOS PA NI 'DIR DPE'I DON DU YIN NO, ,TSOGS PA'I 'BRAS BU NI TSOGS PA'I 'BRAS BU'O, ,BSGOMS PA'I 'BRAS BU NI BSGOMS PA'I 'BRAS BU'O, ,DE LA KHA CIG NA RE NI RTEN GYI 'BRAS BU BDAG PO'I 'BRAS BU'I KHONGS SU 'DU'O ZHES ZER RO, ,GZHAN DAG NA RE, THAMS CAD KYANG SKYES BU BYED PA DANG BDAG PO'I 'BRAS BU DAG GI KHONGS SU 'DU'O ZHES ZER RO, ,DE LA CHOS GANG ZHIG CES BYA BA RGYAS PAR 'BYUNG BA LA, CHOS DAG NI MANG STE DE DAG RE RE NAS RGYAS PAR BSHAD PAR MI NUS PAS THAMS CAD PHUNG PO BZHIR RNAM PAR GZHAG GO, , DE NYID KYI PHYIR MDOR BSDU NA CHOS KYI RNAM PA BZHI PO 'DI DAG KHO NA YIN TE ZHES BYA BA SMOS SO, ,NYON MONGS PA CAN ZHES BYA BAS NI 'DOD CHAGS LA SOGS PA MI DGE BA DANG, BSGRIBS LA LUNG DU MA BSTAN PA DAG DANG, DE DAG DANG MTSUNGS PAR LDAN PA DAG GZUNG NGO, ,RNAM PAR SMIN PA LAS SKYES PA RNAMS ZHES BYA BA NI RNAM PAR SMIN PA'I 'BRAS BU'I BDAG NYID RNAMS SO, ,ZAG PA MED PA'I DBANG PO RNAMS NI SDUG BSNGAL LA CHOS SHES PA'I BZOD PA DANG DE DANG MTSUNGS PAR LDAN PA RNAMS SO, ,RNAM PAR SMIN PA MA GTOGS PA'I LUNG DU MA BSTAN PA RNAMS ZHES BYA BA LA, DE DAG NI SPYOD LAM PA DANG, GZO'I GNAS PA DANG, SPRUL PA THAMS CAD DO, ,DGE BA RNAMS SO ZHES BYA BA NI ZAG PA DANG BCAS PA DANG ZAG PA MED PA RNAMS SO, ,JI SKAD DU BSHAD PA MA GTOGS PA LHAG MA RNAMS LAS SKYE BAS NA LHAG MA LAS SKYES SO, ,CHOS NYON MONGS PA CAN RNAMS NI ZHES BYA BA RGYAS PAR 'BYUNG BA LA, RNAM PAR SMIN PA NI CHOS NYON MONGS PA CAN MA YIN PA'I PHYIR NYON MONGS PA CAN RNAMS SKYES PA LAS RNAM PAR SMIN PA'I RGYU MA GTOGS PA'O, ,DE LA SEMS LAS BYUNG BA LHAN CIG SKYES PA RNAMS DANG SEMS NI SEMS DANG SEMS LAS BYUNG BA RNAMS KYI LHAN CIG 'BYUNG BA DANG, MTSUNGS PAR LDAN PA'I RGYU DAG YIN NO, ,DE BZHIN DU SEMS LAS BYUNG BA DAG LA YANG SO SOR BRJOD PAR BYA'O, ,SKAL PA MNYAM PA'I RGYU NI RANG GI RIS DANG SA PA'I CHOS NYON MONGS PA CAN SNGAR SKYES PA RNAMS SO, ,KUN TU 'GRO BA'I RGYU NI KUN DU 'GRO BA'I RANG GI SAR SNGAR SKYES PA RNAMS @235B SO; ,BYED RGYU'I RGYU NI CI RIGS PAR RANG MA GTOGS PA YIN NO, ,KUN DU 'GRO BA'I RGYU MA GTOGS PA ZHES BYA BA LA, KUN DU 'GRO BA'I RGYU NI NYON MONGS PA CAN RNAMS KHO NA'I YIN GYI, NYON MONGS PA CAN MA YIN PA RNAMS KYI MA YIN LA, RNAM PAR SMIN PA NI NYON MONGS PA CAN MA YIN PAS KUN DU 'GRO BA'I RGYU DE'I RGYU DE NYID YIN PA 'GOG PA YIN NO, ,'DIR YANG LHAN CIG 'BYUNG BA DANG MTSUNGS PAR LDAN PA'I RGYU DAG NI SNGA MA BZHIN NO, ,SKAL PA MNYAM PA'I RGYU NI LUNG DU BSTAN PA SNGAR SKYES PA RNAMS SO, ,RNAM PAR SMIN PA'I RGYU NI DE DAG GANG DAG GI RNAM PAR SMIN PA'I 'BRAS BU YIN PA MI DGE BA DANG, DGE BA ZAG PA DANG BCAS PA RNAMS SO, ,BYED RGYU'I RGYU NI SNGA MA BZHIN NO, ,RNAM PAR SMIN PA DANG KUN DU 'GRO BA'I RGYU DE DAG MA GTOGS PA ZHES BYA BA LA, RNAM PAR SMIN PA MA YIN PA'I PHYIR RNAM PAR SMIN PA'I RGYU MA GTOGS LA, NYON MONGS PA CAN MA YIN PA'I PHYIR KUN DU 'GRO BA'I RGYU MA GTOGS SO, ,LHAN CIG 'BYUNG BA DANG MTSUNGS PAR LDAN PA'I RGYU DAG NI LHAN CIG 'BYUNG BA RNAMS KHO NA YIN NO, ,SKAL BA MNYAM PA'I RGYU NI CI RIGS PAR BRJOD PAR BYA'O, ,BYED RGYU'I RGYU NI SNGA MA BZHIN NO, ,RNAM PAR SMIN PA DANG, KUN DU 'GRO BA'I RGYU DE DAG DANG SKAL BA MNYAM PA'I RGYU MA GTOGS PA ZHES BYA BA LA, DE DANG 'DRA BA SNGAR SKYES PA MED PA'I PHYIR DANG, DGE BA YIN PA'I PHYIR, SKAL BA MNYAM PA DANG, KUN DU 'GRO BA DANG RNAM PAR SMIN PA'I RGYU MA GTOGS SO, ,'DIR YANG LHAN CIG 'BYUNG BA DANG, MTSUNGS PAR LDAN PA'I RGYU DAG NI LHAN CIG 'BYUNG BA RNAMS KHO NA YIN NO, ,BYED RGYU'I RGYU NI SNGA MA BZHIN NO, ,MTSUNGS PAR LDAN PA'I RGYU SMOS PA'I PHYIR, SEMS DANG SEMS LAS BYUNG BA YIN PAR SHES TE, DE LTA MA YIN NA DE DAG LA MTSUNGS PAR LDAN PA'I RGYU SMOS PAR 'GYUR RO, ,MTSUNGS PAR LDAN PA'I RGYU GCIG PU MA GTOGS PA ZHES BYA BA LA, SEMS DANG SEMS LAS BYUNG BA'I RANG BZHIN MA YIN PA'I PHYIR DE DAG LA MTSUNGS PAR LDAN PA'I RGYU MED DO, ,NYON MONGS PA CAN LA SOGS PA GZHAN YANG ZHES BYA BA NI NYON MONGS PA CAN RNAMS DANG, RNAM PAR SMIN PA LAS SKYES PA RNAMS DANG, LHAG MA RNAMS DANG, ZAG PA MED PA'I DNGOS PO RNAMS SO, , @236A *, ,DE LA NYON MONGS PA CAN RNAMS ZHES BYA BA LA, NYON MONGS PA CAN GYI GZUGS DANG NYON MONGS PA CAN GYI LDAN PA MA YIN PA'I 'DU BYED RNAMS NI MTSUNGS PAR LDAN PA DANG RNAM PAR SMIN PA'I RGYU MA GTOGS PA BZHI LAS SO, ,RNAM PAR SMIN PA LAS SKYES PA ZHES BYA BA LA, MTSUNGS PAR LDAN PA DANG KUN DU 'GRO BA'I RGYU MA GTOGS PA BZHI LAS SO ZHES BYA BAR SBYAR TE, DE DAG NI RNAM PAR SMIN PA LAS SKYES PA'I GZUGS DANG RNAM PAR SMIN PA LAS SKYES PA'I LDAN PA YIN PA RNAMS SO, ,LHAG MA RNAMS NI GSUM LAS SO ZHES BYA BA LA, LHAG MA'I GZUGS DANG LDAN PA MA YIN PA RNAMS NI RNAM PAR SMIN PA DANG MTSUNGS PAR LDAN PA DANG, KUN DU 'GRO BA'I RGYU DAG MA GTOGS PA LHAG MA LHAN CIG 'BYUNG BA DANG, SKAL BA MNYAM PA DANG, BYED RGYU'I RGYU DANG GSUM LAS SKYE'O, ,ZAG PA MED PA'I DANG PO NI GNYIS LAS TE ZHES BYA BA LA, ZAG PA MED PA'I DANG PO GZUGS DANG LDAN PA MA YIN PA RNAMS NI BYED RGYU'I RGYU DANG LHAN CIG 'BYUNG BA'I RGYU DAG LAS SO, ,RGYU GCIG LAS BYUNG BA'I CHOS NI MED DO ZHES BYA BA LA, LHAN CIG 'BYUNG BA DANG BYED RGYU'I RGYU DAG PHAN TSUN MI 'KHRUL PA'I PHYIR LA, RGYU LHAN CIG BYED PA'I RGYU LA MI LTOS PA'I PHYIR DUS THAMS CAD DU SKYE BAR THAL BA'I PHYIR RO, ,SNGAR RGYU DANG RKYEN DAG MED PA NI, SKYE BA BSKYED BYA SKYED BYED MIN, ,ZHES BSHAD PA DE LA RGYU RNAMS NI GRANGS DANG, RANG GI NGO BO DANG, 'BRAS BU'I SGO NAS BSTAN NA, DA NI RKYEN RNAMS DANG, RANG GI NGO BO DANG, BYED PA'I SGO NAS BRJOD PAR BYA DGOS SO ZHES 'DRI BA NI RKYEN RNAMS GANG ZHE NA ZHES BYA'O, ,RKYEN NI BZHI PO DAG TU GSUNGS, ,GANG NAS GSUNGS ZHES BYA BA NI MDO LAS SAM 'ON TE CHOS MNGON BA LAS GSUNGS ZHES BYA BA'O, ,DE'I PHYIR MDO LAS ZHES BYA BA SMOS SO, ,'DI SKAD BSTAN PAR 'GYUR TE, BCOM LDAN 'DAS KHO NAS BSTAN GYI, CHOS MNGON PA PA DAG GIS NI MA YIN NO, ,RKYEN DU 'DRA BA NI RKYEN NYID DO, ,'DIR DNGOS PO'I RKYEN GYIS BSTAN PA NI 'DRA BA NYE BAR BLANGS PA'O, ,THAMS CAD RANG BZHIN THA DAD PA YIN YANG RKYEN GYI DNGOS PO LAS MI 'DA' STE, RKYEN GYI RIGS RNAM PA BZHI RTEN TO SNYAM DU BSAMS PA'O, ,RGYU ZHES BYA BA RGYU LNGA YIN, ,ZHES BYA @236B BA LA, RGYU'I RKYEN NI LNGA KHO NA YIN GYI, LNGA RGYU'I RKYEN KHO NA NI MA YIN NO, ,DE DAG KYANG MI SHES PAS BYED RGYU'I RGYU MA GTOGS PA ZHES BYA BA SMOS SO, ,BYED RGYU'I RGYU RGYU'I RKYEN MA YIN NO ZHES BYA BA 'DI JI LTAR SHES PAR BYA ZHE NA, BSTAN BCOS LAS 'BYUNG BA'I PHYIR TE, BSTAN BCOS LAS RGYU'I RKYEN GANG ZHE NA, 'DUS BYAS KYI CHOS THAMS CAD DO ZHES GSUNGS TE, CHOS 'DUS MA BYAS MA SMOS PAS RGYU'I RKYEN NI RGYU LNGA PO DAG YIN NO ZHES BYA BAR RNAM PAR GZHAG GO, ,SEMS DANG SEMS BYUNG SKYES PA RNAMS, ,THA MA MIN MTSUNGS DE MA THAG, ,CES BYA BA LA, SEMS DANG SEMS LAS BYUNG BA SMOS PAS, ,GZUGS DANG 'DUS MA BYAS DANG LDAN PA YIN PA GSAL BA'I SGO NAS SEMS DANG SEMS LAS BYUNG BA RNAMS KHO NA MTSUNGS PA DE MA THAG PA'I RKYEN YIN GYI MTSUNGS PA DE MA THAG PA'I RKYEN NYID NI MA YIN NO ZHES SHES PAR BYA BA'I PHYIR RO, ,SEMS DANG SEMS LAS BYUNG BA DAG NI RNAM PA GNYIS TE, THA MA DANG THA MA MA YIN PA DAG GO, ,THA MA DAG NI GANG DAG GI MJUG THOGS SU SEMS DANG SEMS LAS BYUNG BA MI 'BYUNG STE, DPER NA DGRA BCOM PA YONGS SU MYA NGAN LAS 'DA' PA'I DUS KYI LTA BU'O, ,THA MA MA YIN PA DE DAG NI GANG DAG GI MJUG THOGS SU SEMS DANG SEMS LAS BYUNG BA 'BYUNG BA'O, ,DE'I PHYIR THA MA GSAL BA'I SGO NAS PHYI MA DANG BCAS PA RNAMS MTSUNGS PA DE MA THAG PA'I RKYEN NYID DU SHES PAR BYA BA'I PHYIR THA MA MA YIN PA SMOS SO, ,SKYES PA RNAMS ZHES BYA BAS NI MA 'NGOS PA PA GSAL BA'I SGO NAS 'DAS PA DANG DA LTAR BYUNG BA YONGS SU 'DZIN PA YIN NO, ,RKYEN 'DI NI MTSUNGS PA YANG YIN DE MA THAG PA YANG YIN PAS ZHES BYA BA 'DIS NI SEMS DANG SEMS LAS BYUNG BA RNAMS KHO NA MTSUNGS PA DE MA THAG PA'I DON DANG LDAN PA NYID YIN GYI, GZHAN DAG NI MA YIN PAS SEMS DANG SEMS LAS BYUNG BA RNAMS KHO NA MTSUNGS PA DE MA THAG PA'I RKYEN YIN NO ZHES STON TO, ,MTSUNGS PA ZHES BYA BA NI RGYUD GCIG LA RDZAS RIGS MTHUN PA GNYIS MTSUNGS PAR MI LDAN PA'I PHYIR RO, ,DE MA THAG TU ZHES BYA BA RDZAS RIGS MTHUN PAS BAR DU MA CHOD PA'I 'BRAS @237A *, ,BU CAN YIN PA'I PHYIR RO, ,DE NYID KYI PHYIR MI MNYAM PAR 'BYUNG BA'I PHYIR GZUGS NI MTSUNGS PA DE MA THAG PA'I RKYEN MA YIN TE ZHES BYA BA LA, MTSUNGS PA DE MA THAG PA'I DON MED PA'I PHYIR MTSUNGS PA DE MA THAG PA'I RKYEN MA YIN NO, ,MTSUNGS PA DE MA THAG PA'I DON MED PA NYID BSTAN PA'I PHYIR, 'DI LTAR 'DOD PA NA SPYOD PA'I ZHES BYA BA RGYAS PAR SMOS SO, ,'DOD PA NA SPYOD PA NI SO SOR THAR BA'I SNGOM PA RNAM PAR RIG BYED MA YIN PA'I GZUGS SO, ,GZUGS NA SPYOD PA NI BSAM GTAN GYI SNGOM PA'I GZUGS SO, ,ZAG PA MED PA NI ZAG PA MED PA'I SNGO MA PA'I GZUGS SO, ,GANG GI TSE SNGOM PA BLANGS PA BSAM GTAN NAM LAM LA SNYOMS PAR MI 'JUG PA DE'I TSE NI 'DOD PA NA SPYOD PA'I RNAM PAR RIG BYED MA YIN PA'I GZUGS LAS 'DOD PA NA SPYOD PA KHO NA 'BYUNG NGO, ,GANG GI TSE SNYOMS PAR 'JUG PA DE'I TSE NA 'DOD PA DANG, GZUGS NA SPYOD PA'I RNAM PAR RIG BYED MA YIN PA 'BYUNG NGO, ,GANG GI TSE LAM LA SNYOMS PAR 'JUG PA DE'I TSE NI 'DOD PA NA SPYOD PA DANG ZAG PA MED PA 'BYUNG BAS GZUGS MNGON DU 'GYUR BA 'CHOL BA YIN NO, ,MTSUNGS PA DE MA THAG PA'I RKYEN NI 'CHOL BA MA YIN NO ZHES BYA BA LA, 'DOD PA NA SPYOD PA'I SEMS DANG SEMS LAS BYUNG BA DAG GI MJUG THOGS SU NI NAM YANG 'DOD PA NA SPYOD PA DANG, GZUGS NA SPYOD PA DANG, ,ZAG PA MED PA MI 'BYUNG NGO, ,BTZUN PA DPYIG BSHES NA RE RGYAS PA LAS BYUNG BA ZHES BYA BA RGYAS PAR 'BYUNG BA LA, ,JI LTAR ZAS DANG BSAM GTAN LA SOGS PAS RGYAS PAR BYAS PA DANG, RNAM PAR SMIN PA LAS SKYES PA MA 'GAG PA KHO NAR DE DANG RIGS MTHUN PA BSAM GTAN DANG ZAS LA SOGS PAS RGYAS PA DANG, RNAM PAR SMIN PA LAS SKYES PA'I GZUGS GZHAN SKYE BA DE BZHIN DU DGE BA DANG MI DGE BA DANG, LUNG DU MA BSTAN PA'I SEMS MA 'GAGS PA KHO NAR DGE BA DANG, MI DGE BA DANG LUNG DU MA BSTAN PA'I SEMS NI MI 'BYUNG NGO ZHES ZER RO, ,BTZUN PA ZHES BYA BA NI MDO SDE PA GNAS BRTAN CHOS SKYOB PO, ,CHES MANG BA DANG NYUNG DU 'BYUNG BA'I PHYIR TE ZHES BYA BA RGYAS PAR 'BYUNG BA LA, 'DI LTAR CHOS GZUGS CAN RNAMS NI RDZAS NGES PA MED PAR 'GYUR BAR 'GAL BA MED DE LA LAR NI CHES NYUNG DU MANG POR @237B 'GYUR TE, DPER NA NUR NUR PO LA SOGS PA DAG LAS GZUGS LTA BU'O, ,LA LAR NI CHES MANG BA YANG NYUNG DUR 'GYUR TE, DPER NA STOBS DANG LDAN PA'I LUS LAS STOBS CHUNG DU 'BYUNG BA LTA BU'O, ,DE'I PHYIR 'DI MTSUNGS PA DE MA THAG PA NYID KYI BYED PA MED DO, ,SEMS LAS BYUNG BA RNAMS LA YANG ZHES BYA BA RGYAS PAR 'BYUNG BA LA, 'DI LTAR 'DOD PAR GTOGS PA'I DGE BA'I SEMS LA SEMS LAS BYUNG BA NYI SHU RTZA GNYIS 'BYUNG LA, MI DGE BA 'DRES PA DANG LTA BA DANG LDAN PA LA NYI SHU'O, ,BSGRIBS PA LA NI BCO BRGYAD DO, ,MA BSGRIBS LA LUNG DU MA BSTAN PA NI BCU GNYIS SO, ,RTOG PA DANG BCAS PA DANG DPYOD PA DANG BCAS PA'I TING NGE 'DZIN NI BSAM GTAN DANG PO'O, ,RTOG PA MED LA DPYOD PA TZAM NI BSAM GTAN KHYAD PAR CAN NO, ,RTOG PA YANG MED LA DPYOD PA YANG MED PA NI BSAM GTAN GNYIS PA NAS SRID PA'I RTZE MO'I BAR TE, SEMS DANG TING NGE 'DZIN DE DAG PHAN TSUN MTSUNGS PA DE MA THAG PA'I RKYEN GYIS RKYEN GYI NGO BOR 'DOD PA YIN LA, SEMS LAS BYUNG BA RNAMS KYANG CHES MANG BA DANG NYUNG DU BYUNG BAS GZUGS BZHIN DU MTSUNGS PA DE MA THAG PA'I DNGOS POR 'GAL LO, RIGS GZHAN LA NI YOD MOD KYI, ,ZHES BYA BA LA, RTOG PA DANG DPYOD PA LA SOGS PA RIGS GZHAN DU GYUR PA RNAMS NI SEMS 'GA' ZHIG LA 'BYUNG BA DANG MI 'BYUNG BAR 'GYUR NA, 'DIR NI GZUGS BZHIN DU RANG GI RIGS LA CHES MANG BA DANG NYUNG DU 'BYUNG BA MED DO ZHES BRJOD DO, ,'DI LTAR TSOR BA'I RDZAS GCIG GI MJUG THOGS SU TSOR BA'I RDZAS GNYIS SAM TSOR BA GNYIS KYI MJUG THOGS SU GCIG 'BYUNG BAR MI 'GYUR TE, DE LTAR NA SEMS DANG SEMS LAS BYUNG BA RNAMS RDZAS NGES PAR 'BYUNG BAS 'DIR GZUGS DANG 'DRA BAR THAL BAR 'GYUR BA MED DO, ,YANG CI RANG GI RIGS KHO NA'I ZHES BYA BA NI GANG GI PHYIR MTSUNGS PA DE MA THAG PA'I RKYEN MI MNYAM PA MI 'DOD PAS 'DRI BA'O, ,DE NI MA YIN TE ZHES BYA BA RGYAS PAR 'BYUNG BA LA, 'DIR NI GZHAN GYI SEMS DANG SEMS LAS BYUNG BA RNAMS LA YANG GZUGS LTAR CHES MANG BA DANG NYUNG DU 'BYUNG BA MA YIN NAM ZHES GANG SMRAS PA DE GSAL BAR BYA BA'I PHYIR TSOR BA LA SOGS PA RDZAS NYUNG DU LAS ZHES BYA BA RGYAS PAR 'BYUNG BA DE TZAM ZHIG BRJOD KYI, RANG GI RIGS KHO NA MTSUNGS PA DE MA @238A *, ,THAG PA'I RKYEN MA YIN NO ZHES BSTAN PA'I PHYIR NI MA YIN TE, DE'I PHYIR CHOGS PA MTHA' DAG KHO NA TSOGS PA GZHAN MTHA' DAG GI MTSUNGS PA DE MA THAG PA'I RKYEN NO, ,RGYUD 'DRA BA DAG NI ZHES BYA BA RGYAS PAR 'BYUNG BA LA, 'DI DAG LA RGYUD DANG 'DRA BAS THA SNYAD 'DOGS PA YOD PAS NA DE DAG NI RGYUD 'DRA BA DAG GO, ,GAL TE 'DRA BA KHO NA MTSUNGS PA DE MA THAG PA'I RKYEN YIN NO, ,JI LTAR NYON MONGS PA CAN MA YIN PA'I MJUG THOGS SU NYON MONGS PA CAN DU 'BYUNG ZHE NA, GANG GI TSE NYON MONGS PA CAN MA YIN PA'I MJUG THOGS SU ZHES BYA BA RGYAS PAR 'BYUNG STE, 'DI LTAR RIGS GZHAN GYIS PAR MCHOD PA MTSUNGS PA DE MA THAG PA'I RKYEN DU MI 'DOD KYI, 'O NA CI ZHE NA, RANG GI RIGS KYIS MA CHOD PA'O, ,DPER NA ZHES BYA BA NI DE NYID LA DPE RGYAS PAR 'BYUNG BA'O, ,DE SKAD DU NI MI BRJOD DO ZHES BYA BA LA, BSTAN BCOS DANG 'GAL BA'I PHYIR DANG, RIGS PA DANG 'GAL BA'I PHYIR TE, SEMS KYI MTSUNGS PA DE MA THAG PA'I CHOS RNAMS GANG ZHE NA, SEMS GANG GI MJUG THOGS SU DE LAS GZHAN PA'I SEMS SAM SEMS LAS BYUNG BA DAG CES RGYAS PAR 'BYUNG NGO, ,ZAG PA MED PA'I SEMS MI 'BYUNG PAR THAL PA'I PHYIR NA RIGS PA DANG YANG 'GAL LO, ,SDUG BSNGAL LA CHOS SHES PA'I BZOD PA'I SNGA ROL DU BYUNG BA'I CHOS ZAG PA MED PA NI 'GA' YANG MED DE, SNGAR LAM MA BSKYED PA'I PHYIR RO, ,LDAN PA MA YIN PA'I 'DU BYED RNAMS KYANG ZHES BYA BA RGYAS PAR 'BYUNG STE, THOB PA DANG SKYE BA LA SOGS PA DAG GO, ,KHAMS GSUM PA DANG LDAN PA MA YIN PA RNAMS CIG CAR MNGON DU 'GYUR BA'I PHYIR RO ZHES BYA BA LA, 'DOD PA'I KHAMS LAS 'DOD CHAGS DANG MA BRAL BA LA SKAD CIG LA 'DOD BA NA SPYOD PA'I CHOS KYI THOB PA'I MJUG THOGS SU 'DOD PA DANG GZUGS DANG GZUGS MED PA DANG ZAG PA MED PA'I THOB PA RNAMS CIG CAR MNGON DU 'GYUR TE, GZUGS DANG GZUGS MED PA NA SBYOD PA'I NYON MONGS PA RNAMS DANG LDAN PA'I PHYIR RO, ,DE BZHIN DU 'DOD PA'I KHAMS LAS 'DOD CHAGS DANG MA BRAL BA DANG, GZUGS DANG GZUGS MED PA'I SNYOMS PAR 'JUG PA THOB PA'I 'PHAGS PA LA YANG KHAMS GSUM PA'I NYON MONGS PA DANG, ZAG PA MED @238B PA'I CHOS KYI THOB PA MNGON DU 'GYUR BA YIN NO, ,DE BZHIN DU KHAMS GSUM DANG LDAN PA DANG LDAN PA MA YIN PA'I DGE BA RNAMS DANG, BSGRIBS LA LUNG DU MA BSTAN PA RNAMS KYI THOB PA RNAMS KYANG CIG CAR MNGON DU 'GYUR BA YIN NO, ,'DIS NI SKYE BA LA SOGS PA RNAMS CIG CAR MNGON DU 'GYUR BA YANG BSHAD PA YIN NO, ,DE BZHIN DU DGRA BCOM BA THOB PA DANG YONGS SU NYAMS PA DAG LA YANG CI RIGS PAR BRJOD PAR BYA'O, ,SKYES PA RNAMS MTSUNGS PA DE MA THAG CES BSHAD PAS 'DRI BA NI, CI'I PHYIR MA 'ONGS PA ZHES BYA BA'O, ,MA 'ONGS PA'I DUS 'CHOL BA NYID DU BSTAN PA'I PHYIR, SNGA PHYI MED PA'I PHYIR RO ZHES BYA BA SMOS SO, ,SNGA PHYIR 'BYUNG BA DANG 'BREL PA'I PHYIR MA 'ONGS PAS DA LTAR BA SNGA PA DANG, DA LTAR BA BAS 'DAS PA SNGA BAR BRJOD PAR NUS NA, MA 'ONGS PA LA NI DE LTAR SNGA PHYI YOD PA MA YIN TE, DUS SNGA PHYI DANG 'BREL PA MED PA'I PHYIR RO, ,DE NYID KYI PHYIR DA LTAR BA DA LTAR BA'I MTSUNGS PA DE MA THAG PA ZHES MI BYA STE, DUS MTSUNGS PA'I PHYIR RO, ,'O NA BCOM LDAN 'DAS KYIS ZHES BYA BA RGYAS PAR 'BYUNG BA STE, GAL TE MA 'ONGS PA'I DUS LA SNGA PHYI MED NA'O, ,'DAS PAS DA LTAR LA 'AM, 'DAS PA DANG DA LTAR DAG LAS RJES SU DPOG PA NI 'DAS PA DANG DA LTAR GYI LAS RJES SU DPAG PA'O, ,RNAM PAR SMIN PA NI 'DI LTA BU ZHES BYA BA NI, RNAM PAR SMIN PA'I 'BRAS BU'O, ,CHOS LAS SKYES ZHES BYA BA NI, RGYU MTHUN PA'I 'BRAS BU'O, ,DE LTA NA BCOM LDAN 'DAS KYIS ZHES BYA BA RGYAS PAR 'BYUNG STE, GAL TE 'DAS PAS DA LTAR BA LA RJES SU DPOG GO ZHES BYA BAR 'DOD NA'O, , GZHAN DAG NA RE, BCOM LDAN 'DAS KYIS JI LTAR 'DI LA SNGON GYI MTHA' LA MI LTOS PAR, DE'I RIG CAN GYI LAS KYI 'BRAS BU MA 'ONGS PA MNGON SUM GYIS GZIGS PA LAS MA 'ONGS PA CHE GE MO ZHIG GI MJUG THOGS SU 'DI KHO NA 'BYUNG BAR 'GYUR RO SNYAM DU NGES PAR 'KHRUNGS PAR 'GYUR BA DE LTAR SEMS CAN GYI RGYUD DAG LAS 'DAS PA'I LAS DANG 'BRAS BU 'BREL PA RAB TU MKHYEN PA YIN TE, DE'I PHYIR NYES PA 'DI MED DO ZHES ZER RO, ,'BRAS BU'I RTAGS SU GYUR PA ZHES BYA BA NI 'BRAS BU'I MTSAN MAR GYUR PA DANG, RGYU MTSAN DU GYUR PA STE, RTAGS MTSAN DU GYUR PA ZHES BYA BA'I DON TO, , @239A *, ,DE NI DE'I GZUGS BRNYAN LTA BU ZHIG STE, DE LA GZIGS NAS BSAM GTAN DANG MNGON PAR MKHYEN PA MNGON DU MA MDZAD BZHIN DU MA 'ONGS PA MKHYEN PA YIN GYI, MNGON SUM DU MDZAD PAS MNGON SUM DU GZIGS PA NI MA YIN NO, ,MKHYEN PA DE NI DU BA LAS ME LTAR RJES SU DPAG PA LAS BYUNG BA YIN TE, RGYU DANG 'BRAS BU'I 'BREL PA MNGON SUM NYID KYI PHYIR NI MA YIN NO, ,DE'I PHYIR MA 'ONGS PA LA MI LTOS PA KHO NAR 'DAS PA MKHYEN PA DE BZHIN DU 'DAS PA LA MI LTOS PAR YANG MA 'ONGS PA MKHYEN PA YIN NO, ,MA 'ONGS PA'I GO RIMS NGES PAR MED NA BCOM LDAN 'DAS KYIS BZHED PA TZAM GYIS MA 'ONGS PA CHE GE MO ZHIG GI MJUG THOGS SU MA 'ONGS PA 'DI 'BYUNG BAR 'GYUR RO ZHES BYA BA MKHYEN, 'DI LTAR BCOM LDAN 'DAS THAMS CAD MKHYEN PA YIN ZHES TE, GZUGS LA SOGS PA YUL DA LTAR BA RNAMS MIG GI RNAM PAR SHES PA DAG GIS NYAMS SU MA BSTAR BAR YID KYI RNAM PAR SHES PAS MKHYEN PA NI MA YIN NAM ZHE NA, 'DI'I LAN DU SANGS RGYAS RNAMS KYIS SANGS RGYAS KYI YUL NI ZHES BYA BA LA SOGS PA SMOS SO, ,MA 'ONGS PA'I GO RIMS NGES PAR GNAS PA MED NA ZHES BYA BA 'BYUNG STE, NGES PAR GNAS PA'I NGES PAR BYED PA'I RGYU NI MTSUNGS PA DE MA THAG PA'I RGYU YIN NA, DE NI MA 'ONGS PA MED PA YIN NO, ,CI'I PHYIR CHOS KYI MCHOG GI 'JUG THOGS SU ZHES BYA BA RGYAS PAR 'BYUNG BA LA, SKYE BA NGES PA'I RGYU NI MTSUNGS PA DE MA THAG PA'I RKYEN YIN NA, DE NI MA 'ONGS PA'I DUS NA MED PAS NGES PA MED PAR SKYE BAR THAR BAR 'GYUR RO, ,GANG ZHIG GANG LA RAG LAS TE SKYE BA ZHES BYA BA RGYAS PAR 'BYUNG BA LA, SDUG BSNGAL LA CHOS SHES PA'I BZOD PA SKYE BA NI CHOS KYI MCHOG LA RAG LAS PA YIN GYI, GZHAN LA RAG LAS PA 'AM BZLOG PA NI MA YIN NO, ,DE'I PHYIR CHOS KYI MCHOG NI MJUG THOGS SU SDUG BSNGAL LA CHOS SHES PA'I BZOD PA KHO NA SKYE'I, CHOS GZHAN NI MA YIN NO, ,DE BZHIN DU GZHAN LA YANG BRJOD PAR BYA'O, ,MTSUNGS PA DE MA THAG PA'I RKYEN MED NA, DE LA RAG LAS PA GANG @239B GIS BYAS SHE NA, NUS PA THA DAD PA'I PHYIR TE, DE LTA MA YIN NA SEMS DANG SEMS LAS BYUNG BA RNAMS KHO NA LA MTSUNGS PA DE MA THAG PA'I RKYEN NGES PAS MTHUN PA DE MA THAG PA'I RKYEN MED PA'I PHYIR SA BON DANG MYU GU LA SOGS PA RNAMS KYI GO RIMS NGES PA MED PAR 'GYUR NA, SA BON DANG MYU GU RNAMS LA GO RIMS NGES PA MTHONG BA YANG YIN NO, ,DE'I PHYIR, NUS PA THA DAD PA'I PHYIR GANG ZHIG SKYE BA GANG LA RAG LAS PA KHO NA DE'I MJUG THOGS SU SKYE'I GZHAN NI MA YIN NO, ,SEMS GZHAN DANG 'BREL PA MED PA'I PHYIR RO ZHES BYA BA LA, 'DI LTAR DGRA BCOM PA'I SEMS DANG SEMS LAS BYUNG BA THA MA DAG NI, SEMS DANG SEMS LAS BYUNG BA GZHAN DANG 'BREL PA MA YIN NO, ,DE DAG GI THA MA NYID NI SEMS GZHAN DANG 'BREL PA MED PA NYID KYI PHYIR YIN TE, DE LTA MA YIN NA THA MA NYID DU MI 'GYUR RO, ,DE'I PHYIR DE DAG MTSUNGS PA DE MA THAG PA'I RKYEN MA YIN NO, ,DE LTA NA ZHES BYA BA RGYAS PAR 'BYUNG BA LA, DRUG PO 'GAGS MA THAG PA'I RNAM PAR SHES PA YID YIN NO ZHES BSHAD NA, 'DIR NI DE GANG GI 'DAS MA THAG PAR 'GYUR BA'I RNAM PAR SHES PA DE YOD PA MA YIN NO, , YID NI RTEN GYI DNGOS POS RAB TU PHYE BA YIN GYI ZHES RGYAS PAR 'BYUNG NGO, ,SHES PA DE MA THAG PA MED NA JI LTAR RTEN GYI DNGOS PO YIN ZHE NA, DE'I RTEN GYI DNGOS POR GNAS PA'I PHYIR TE, MJUG THOGS KYI SHES PA YOD DAM MED KYANG BLA STE RTEN GYI DNGOS POR KHYAD PAR MED PA'I PHYIR RO; ,DPER NA MIG SKYES PA NA MIG GI RNAM PAR SHES PA'I RTEN GYI DNGOS POR GNAS PA BZHIN TE, GAL TE RGYU GZHAN MA TSANG BAS MIG GI RNAM PAR SHES PA MI SKYE NA DER MIG GIS CI NYES, RGYU GZHAN MA TSANG BA NI DGRA BCOM BA LA YANG SRID PA'I LAS DANG NYON MONGS BA MAD PA'O, ,MTSUNGS PA DE MA THAG PA'I RKYEN NI BYED PAS RAB TU PHYE BA YIN NO ZHES BYA BA LA, 'BRAS BU SKYE BAS RAB TU PHYE BA YIN GYI YID LTAR GNAS PA TZAM GYIS RAB TU PHYE BA NI MA YIN NO, ,DE NYID BSTAN PAR BYA BA'I PHYIR, MTSUNGS PA DE MA THAG PA DE SKYE BA LA MNGON DU @240A *, ,PHYOGS PA'I CHOS GANG 'BRAS BUR BZUNG DE NI THAMS CAD DAM ZHES RGYAS PAR SMOS SO, ,DGRA BCOM PA'I SEMS DANG SEMS LAS BYUNG BA THA MA DAG GIS NI 'BRAS BU BZUNG BA MA YIN TE, DE'I PHYIR DE DAG SKYES BU'I BYED PA MED PA YIN PA'I PHYIR MTSUNGS PA DE MA THAG PA'I RKYEN MA YIN NO, ,GANG DAG LA SEMS MTSUNGS PA DE MA THAG PA'I RKYEN DU YOD PA DE DAG NI SEMS KYI MTSUNGS PA DE MA THAG PA CAN NO, ,SKAD CIG GZHAN GYIS BAR MA CHOD PA'I PHYIR NA SEMS KYI DE MA THAG PA RKYEN NO, ,SEMS MED PA'I SNYOMS PAR 'JUG PA LAS ZHES BYA BA NI 'GOG PA DANG 'DU SHES MED PA'I SNYOMS PAR 'JUG PA LAS SO, ,SDANG BA'I SEMS ZHES BYA BA LA, DE'I MTSUNGS PA DE MA THAG PA'I RKYEN SNYOMS PAR 'JUG BA'I SEMS YIN PAS SEMS KYI MTSUNGS PA DE MA THAG PA CAN YIN GYI; SEMS KYI DE MA THAG PA CAN NI MA YIN TE, SNYOMS PAR 'JUG PA'I SKAD CIG MA RNAMS KYIS BAR DU BCAD PA'I PHYIR RO, ,SNYOMS PAR 'JUG PA'I SKAD CIG MA GNYIS PA DAG KYANG SNYOMS PAR 'JUG PA'I SKAD CIG MA DANG POS CHOD PA'I PHYIR SEMS KYI DE MA THAG PA CAN MA YIN LA; SEMS KYI MTSUNGS PA DE MA THAG PA CAN NI YIN TE, SNYOMS PAR 'JUG PA'I SEMS KYI MTSUNGS PA DE MA THAG PA'I RKYEN CAN YIN PA'I PHYIR RO, ,SNYOMS PAR 'JUG PA'I SKAD CIG MA DANG PO ZHES BYA BA RGYAS PAR 'BYUNG BA LA, SEMS DE NI SKYE BA LA SOGS PA DAG GI MTSUNGS PA DE MA THAG PA'I RKYEN MA YIN PAS DE DAG SEMS KYI MTSUNGS PA DE MA THAG PA CAN MA YIN LA, SEMS KYI DE MA THAG PA CAN NI YIN TE, SKAD CIG MA GZHAN GYIS MCHOD PA'I PHYIR RO, ,SEMS KYI MTSUNGS PA DE MA THAG PA CAN GYI RANG BZHIN MA YIN PA'I PHYIR NA SEMS KYI MTSUNGS PA DE MA THAG PA CAN NI MA YIN TE, ,SEMS DANG SEMS LAS BYUNG BA SNYOMS PAR 'JUG PA GNYIS DANG BCAS PA RNAMS KHO NA SEMS KYI MTSUNGS PA DE MA THAG PA CAN DU 'DOD DO, ,SEMS DANG BCAS PA'I GNAS SKABS KYI SKYE BA LA SOGS PA'O ZHES BYA BA LA, CI ZHE NA, SEMS KYI DE MA THAG PA CAN YIN GYI, @240B SEMS KYI MTSUNGS PA DE MA THAG PA CAN NI MA YIN NO, ,MU GSUM PA NI ZHES BYA BA LA, SNYOMS PAR 'JUG PA'I SKAD CIG MA DANG PO STE, DE NI SEMS KYI MTSUNGS PA DE MA THAG PA CAN YANG YIN LA, SEMS KYI DE MA THAG PA CAN YANG YIN NO, ,SEMS DANG BCAS PA'I GNAS SKABS DAG GO ZHES BYA BA LA; GANG GI TSE SEMS LAS SEMS GZHAN SKYE BA DE'I TSE SEMS DANG SEMS LAS BYUNG BA PHYI MA RNAMS SEMS SNGA MAS SEMS KYI MTSUNGS PA DE MA THAG PA CAN YANG YIN LA, SEMS KYI DE MA THAG PA CAN YANG YIN NO, ,MU BZHI PA NI ZHES BYA BA LA, SNYOMS PAR 'JUG PA'I SKAD CIG MA GNYIS PA LA SOGS PA DANG; LDANG BA'I SEMS KYI SKYE BA LA SOGS PA DAG NI SEMS KYI MTSUNGS PA DE MA THAG PA CAN GYI RANG BZHIN MA YIN PA'I PHYIR, SEMS KYI MTSUNGS PA DE MA THAG PA CAN MA YIN LA, SKAD CIG MA GZHAN GYIS CHOD PA'I PHYIR SEMS KYI DE MA THAG PA CAN MA YIN NO, ,GSUM PA DANG BZHI PA GANG DAG YIN PA DE DAG NI DANG PO DANG GNYIS PA DAG GO, ,DANG PO DANG GNYIS PA GANG DAG YIN PA DE DAG NI GSUM PA DANG BZHI PA DAG YIN PAR BSHAD DO ZHES BYA BA LA, SNYOMS PAR 'JUG PA'I SKAD CIG MA DANG PO DANG, SEMS DANG BCAS PA'I GNAS SKABS 'DI NI DER MU GSUM PA YIN LA 'DIR NI DANG PO STE, MTSUNGS PA DE MA THAG PA'I RKYEN GYIS BSKYED PA'I PHYIR SEMS KYI MTSUNGS PA DE MA THAG PA CAN YIN LA, SNYOMS PAR 'JUG PA'I DE MA THAG PA CAN NI MA YIN TE, DE'I MTSUNGS PA DE MA THAG PA'I RKYEN GYIS SBYOR BA'I SEMS SNYOMS PAR 'JUG PA MA YIN PA'I PHYIR RO, ,SKAD CIG MA GNYIS PA LA SOGS PA DANG LDAN PA'I SEMS KYI SKYE BA LA SOGS PA NI DER MU BZHI PA YIN LA, 'DIR NI GNYIS PA STE, SNYOMS PAR 'JUG PA DANG CHOD PA MED PA'I PHYIR SNYOMS PAR 'JUG PA'I DE MA THAG PA CAN YIN LA, SEMS KYI MTSUNGS PA DE MA THAG PA CAN MA YIN NO, ,SNYOMS PAR 'JUG PA'I SEMS NI DE DAG GI MTSUNGS PA DE MA THAG PA'I RKYEN MA YIN TE; SEMS KYI MTSUNGS PA DE MA THAG PA CAN GYI RANG BZHIN MA YIN PA'I PHYIR RO, ,SEMS MED PA'I SNYOMS PAR 'JUG PA LAS LDANG PA'I SEMS DANG, SNYOMS PAR 'JUG PA'I SKAD CIG MA GNYIS PA LA SOGS PA DAG NI DER MU DANG PO YIN LA, 'DIR NI GSUM PA STE, SEMS KYI MTSUNGS PA DE MA THAG PA CAN DANG, @241A *, ,SNYOMS PAR 'JUG PA'I DE MA THAG PA CAN YIN NO, ,SNYOMS PAR 'JUG PA'I SKAD CIG MA DANG PO DANG, SEMS DANG BCAS PA'I GNAS SKABS KYI SKYE BA LA SOGS PA NI DER MU GNYIS PA YIN TE, CHOS DE DAG NI SEMS KYI MTSUNGS PA DE MA THAG PA CAN GYI RANG BZHIN MA YIN PA'I PHYIR DANG, SNYOMS PAR 'JUG PA'I SKAD CIG MA SNGA MA MED PA'I PHYIR, SEMS KYI MTSUNGS PA DE MA THAG PA CAN YANG MA YIN LA, SNYOMS PAR 'JUG PA'I DE MA THAG PA CAN YANG MA YIN NO, ,DA NI JI LTAR LDANG BA'I SEMS YUN RING MO ZHIG TU CHAD PA ZHES BYA BA RGYAS PAR 'BYUNG STE, DE'I PHYIR SEMS GZHAN GYIS MA CHOD PA'I PHYIR RO ZHES BYA BA SMOS TE, SEMS KYI BAR GCOD PAR BYED PA NI SEMS YIN TE, LDAN PA MA YIN BA NI MA YIN NO ZHES BSHAD PAR 'GYUR RO, ,DMIGS PA CHOS RNAMS THAMS CAD DO, ,ZHES BYA BA LA, SEMS DANG SEMS LAS BYUNG BA'I YUL LAS GZHAN PA'I CHOS NI 'GA' YANG YONG PA MA YIN NO, ,THAMS CAD DMIGS PA YIN GYI THAMS CAD KYI NI MA YIN NO ZHES BSTAN PA'I PHYIR CI RIGS PAR ZHES BYA BA SMOS SO, ,DE NYID BSTAN PAR BYA BA'I PHYIR MIG GI RNAM PAR SHES PA MTSUNGS PAR LDAN PA DANG BCAS PA'I NI GZUGS SO ZHES BYA BA RGYAS PAR SMOS SO, ,DE LTA BU'I MTSAN NYID YIN PA'I PHYIR ZHES BYA BA NI DE NI YUL GYI MTSAN NYID YIN PA'I PHYIR ZHES BYA BA'I DON TO, ,DE NYID LA DPE NI DPER NA SHING LA SOGS PA MI SREG KYANG DE LTA BU'I MTSAN NYID YIN PA'I PHYIR BUD SHING ZHES BYA BA BZHIN NO ZHES BYA BA'O, ,SKYE MCHED DANG RDZAS DANG SKAD CIG NGES PAS ZHES BYA BA 'BYUNG STE, DE LA SKYE MCHED NGES PA NI MIG GI RNAM PAR SHES PA MTSUNGS PAR LDAN PA DANG BCAS PA'I DMIGS PA NI GZUGS KYI SKYE MA CHED YIN LA, GZHAN MA YIN BA'O, ,RDZAS NGES PA NI GZUGS SNGON PO 'DZIN PAR BYED PA'I DMIGS PA NI DE KHO NA YIN LA SER PO LA SOGS PA MA YIN NO, ,SKAD CIG MA NGES PA NI SKAD CIG MA GANG ZHIG GANG GI DMIGS PA YIN PA DE KHO NA DE'I DMIGS PA YIN LA; GZHAN MA YIN PA'O, ,BDAG NYID JI LTA BAR ZHES BYA BA LA, GANG GI DMIGS PA GANG YIN PA ZHES BYA BA'I THA TSIG GO, ,RNA BA LA SOGS PA'I RNAM PAR SHES PA YANG SGRA LA SOGS PA DAG LA DE DANG 'DRA BAR SBYAR BAR BYA'O, ,SMRAS PA DE BZHIN TE ZHES BYA BA 'DI NI DE LTAR YIN NO ZHES BYA BA STE, MIG GI RNAM @241B PAR SHES PA NI MIG GI RTEN CAN KHO NA YIN NO, ,GZHAN GYI RTEN CAN MA YIN NO, ,'DI'I RDZAS DES PA YANG SKYE MCHED NGES PA LTAR KHONG DU CHUD PAR BYA'O, ,DE BZHIN DU RNA BA LA SOGS PA'I RNAM PAR SHES PA LA YANG BRJOD PAR BYA'O, ,SKYES PA RNAMS NI RTEN DANG LHAN CIG NGES PA DAG YIN TE, DE SKYE BRTEN MED NA MI 'BYUNG BA'I PHYIR RO, ,'DAS PA RNAMS KYANG RTEN DANG LHAN CIG PA DAG YIN NO ZHES BYA BA NI RTEN GANG DANG LHAN CIG SKYES NAS 'GAGS PA RNAMS TE, GZHAN DU NA 'DAS PA'I MIG RTEN PA DANG BCAS PAR GZHAG TU MED DO, ,BYED RGYU ZHES BYA BDAG POR BSHAD, ,CES BYA BA LA, 'DIS NI BDAG NYID MA GTOGS PA'I CHOS THAMS CAD NI BDAG PO'I RKYEN YIN NO ZHES BSTAN PAR 'GYUR RO, ,RKYEN 'DI NI RGYU DANG MTSUNGS PA DE MA THAG PA DANG DMIGS PA'I RKYEN DAG PAS LHAG PA YIN PAS NA BDAG PO'I RKYEN NO, ,'DI JI LTAR LHAG CE NA, RANG GI NGO BOR MA GTOGS PA'I CHOS THAMS CAD BDAG PO'I RKYEN YIN PA DE LTAR RGYU DANG MTSUNGS PA DE MA THAG PA DANG DMIGS PA'I RKYEN DAG NI MA YIN NO, ,CHOS THAMS CAD YIN LA ZHES BYA BA LA, YID KYI RNAM PAR SHES PA'I DMIGS PA NI CHOS THAMS CAD YIN NO ZHES 'BYUNG BA LAS NA, DMIGS PA'I RKYEN YANG CHOS THAMS CAD YIN TE, DE'I PHYIR GANG GIS 'DI KHO NA LHAG PAR BRJOD PA 'DI LA DMIGS PA'I RKYEN LAS PHUL DU BYUNG BA CI YOD CE NA, PHUL DU BYUNG BA YOD DE, SEMS DANG SEMS LAS BYUNG BA DAG GI LHAN CIG 'BYUNG BA'I CHOS RNAMS NI NAM YANG DMIGS PA MA YIN GYI, BDAG PO'I RKYEN NI YIN PAS CHOS THAMS CAD BDAG PO'I RKYEN BZHIN DU DMIGS PA'I RKYEN MA YIN TE, RANG LAS GZHAN PA BYED RGYU'I RGYU, ,ZHES BSHAD PA'I PHYIR RO, ,YANG NA LHAG PA'I RKYEN YIN TE, ,ZHES BYA BA LA, LHAG PA'I ZHES BYA BA NI MANG PO'I 'O, ,THAMS CAD RANG GI NGO BOR MA GTOGS PA'I ZHES BYA BA LA, THAMS CAD SEMS DANG SEMS LAS BYUNG BA THAMS CAD KYI DMIGS PA MA YIN TE, DMIGS PA'I RKYEN NI SEMS DANG SEMS LAS BYUNG BA RNAMS KHO NA'I YIN TE, GZHAN DAG GI DMIGS PA'I RKYEN MA YIN NO, ,BDAG PO'I RKYEN NI SEMS DANG SEMS LAS BYUNG BA DANG, GZHAN DAG GI YANG YIN LA, @242A *, ,RANG GI NGO BO'I RANG GI NGO BO LTA BU'O ZHES BYA BA LA CI ZHE NA, RKYEN BZHI CHAR GYIS KYANG RKYEN MA YIN TE, RKYEN GYI MTSAN NYID JI SKAD DU BSHAD PA MI SRID PA'I PHYIR RO, ,'DUS MA BYAS KYI 'DUS BYAS LTA BU DANG, ,ZHES BYA BA LA, BSKYED PAR BYA BA MA YIN PA'I PHYIR RO, ,RGYU GNYIS PO DAG 'GAG PA LA BYANG BYED DO ZHES BYA BA LA, 'GAG PA KHO NA LA BYA BA BYED DO ZHES BYA BAR NGES PAR GZUNG GI ,GNYIS PO DAG KHO NA ZHES BYA BAR NI MA YIN NO ZHES BYA BA NI SKYE BA'I DBANG DU BYAS NAS YIN GYI, 'GAG PA'I DBANG DU BYAS NAS NI MA YIN TE, BYED PA'I DUS KHO NAR 'BRAS BU 'BYUNG BA'I PHYIR RO, ,BYA BA NI RNAM PA GSUM STE, 'BRAS BU 'DZIN PA DANG, 'BRAS BU 'BYIN PA DANG, YUL NYE BAR LONGS SPYOD PA'O, ,DE GNYIS NI LHAN CIG 'BYUNG BA'I 'BRAS BU LA BYA BA BYED DO ZHES BYA BA LA, JI LTAR DE GNYIS DE LA BYA BA BYED CE NA PHAN TSUN 'BRAS BU 'DZIN PA DANG 'BYIN PAR NUS PA NYID KYIS TE, PHAN TSUN BRAL BAS YUL 'DZIN PAR MI 'THAD PA'I PHYIR RO, , GSUM PO NI SKYE THA LA'O ZHES BYA BA LA SKYE BKHO NA LA'O ZHES BYA BAR NGES PAR GZUNG NGO, ,GANG GI PHYIR RNAM PAR SMIN PA DANG RGYU MTHUN PA'I 'BRAS BU DAG 'PHANGS PA'I DBANG GIS SKYE BA DE'I PHYIR SKA LA BA MNYAM PA'I RGYU LA SOGS PA'I RGYU DAG NI SKYE BZHIN PA LA BYA BA BYED DO, ,RE ZHIG SKAL BA MNYAM PA DANG, ,KUN DU 'GRO BA'I RGYU GNYIS PA NI MJUG THOGS SU RGYU MTHUN PA'I 'BRAS BU YOD PAS 'BRAS BU SKYE BZHIN PA LA BYA BA BYED PAR 'GYUR NA, RNAM PAR SMIN PA'I RGYU LA NI MJUG THOGS SU RNAM PAR SMIN PA'I 'BRAS BU MED PAS DE JI LTAR SKYE BZHIN PA LA BYA BA BYED PAR RUNG ZHE NA, 'DIR BYA BA'I SGRAS NI NUS PA LA BRJOD DE, RGYU BSKAL PA DU MAS MA CHOD PAR 'GAGS KYANG DE'I MTHU KHO NAS DE'I 'BRAS BU 'BYIN PAR NUS PA LA BYA BA'I SGRAS NYE BAR 'DOGS SO, ,MTSUNGS PA DE MA THAG PA'I RKYEN NI SKYE BA LA BYA BA BYED DE, DRANGS TE SKABS 'BYED PA'I PHYIR RO, ,DMIGS PA'I RKYEN NI 'GAG PA LA BYA BA BYED DE, DA LTAR GYI SEMS DANG SEMS LAS BYUNG BA RNAMS KYI YUL 'DZIN PA'I PHYIR RO, ,'DI LTAR DMIGS PA'I RKYEN NI 'DZIN PA'I DON GYIS RNAM PAR GZHAG STE, 'DAS PA DANG MA 'ONGS PA'I SEMS DANG SEMS LAS BYUNG BA RNAMS KYIS NI GZUNG BAR BYA BA'I DON 'DZIN PA MA YIN NO, ,BDAG PO'I RKYEN NI ZHES BYA BA LA SOGS PA LA, 'DI'I BYA BA NI MI SGRIB PA'I NGO BO NYID DU GNAS @242B PA YIN TE, DE NI SKYE BA DANG 'GAG PA LA KHYAD PAR MED PAS DE NI GNAS SKABS THAMS CAD DU BYA BA BYED PAR BRJOD DO, ,BZHI YIS SEMS DANG SEMS LAS BYUNG BA RNAMS, ,ZHES BYA BA LA, NI ZHES BYA BA'I SGRAS NI SEMS DANG SEMS LAS BYUNG BA RNAMS NI BZHI KHO NAS YIN NO ZHES NGES PAR GZUNG BAR BYA BA'I DON TE, RGYU DANG MTSUNGS PA DE MA THAG PA DANG DMIGS PA DANG BDAG PO'I RKYEN RNAMS KYIS YIN GYI, GCIG GAM GNYIS GAM GSUM GYIS NI MA YIN NO, ,GZHAN DAG NA RE NI, NI ZHES BYA BA'I SGRAS NI RGYU BSTAN PA'I DON DU STE, GANG GI PHYIR SEMS DANG SEMS LAS BYUNG BA YIN PA DE'I PHYIR BZHI DAG GIS YIN TE, DMIGS PA'I RKYEN NI GZHAN LA BYA BA MI BYED DO ZHES ZER RO, ,DE LA NI 'DI DAG GI RGYU'I RKYEN NI ZHES BYA BA RGYAS PAR 'BYUNG STE, RGYU LNGA PO THAMS CAD NI THAMS CAD KYI RGYU'I RKYEN MA YIN TE, 'O NA CI ZHE NA, CI RIGS PAR YIN NO, ,GANG ZHIG GANG GI GANG DAG GI RKYEN YIN PA DE NI SNGAR, NYON MONGS CAN DANG RNAM SMIN SKYES, ,LHAG DANG ZHES BYA BA RGYAS PAR BSHAD ZIN TO, ,SNGA MA ZHES BYA BA NI PHYIS SKYES PA GSAL BAR BYA BA'I PHYIR RO, ,DE LTA NA GZHAN DAG GIS BAR DU MCHOD PA YANG YIN PAR THAL LO ZHE NA, GZHAN GYIS BAR DU MCHOD PA RNAMS SO ZHES BYA BA SMOS TE, SEMS DANG SEMS LAS BYUNG BA DAG GIS ZHES BYA BAR SBYAR RO, ,DE DAG GI MTSUNGS PA DE MA THAG PA'I RKYEN NI RANG GI RIGS SNGAR SKYES PAS SKABS PHYE BA LA RAG LAS TE, SKYES PA'I PHYIR SNGA MA YIN ZHING, DE DAG LA GZHAN DAG GIS BAR DU MA CHOD PA YIN NO, ,CI RIGS PAR YUL LNGA PO DAG DANG ZHES BYA BA LA, MIG LA SOGS PA'I RNAM PAR SHES PA MTSUNGS PAR LDAN PA DANG BCAS PA RNAMS KYI DMIGS PA'I RKYEN NI GO RIMS BZHIN DU GZUGS LA SOGS PA YUL LNGA PO DAG YIN NO, ,YID KYI RNAM PAR SHES PA MTSUNGS PAR LDAN PA DANG BCAS PA'I NI CHOS THAMS CAD DO, ,BDAG PO'I RKYEN NI BYED RGYU'I RGYU KHO NA YIN PAS RANG GI NGO BO MA GTOGS PA'I CHOS THAMS CAD DO ZHES BYA BA SMOS SO, ,GSUM GYIS SNYOMS PAR 'JUG PA GNYIS, ,ZHES BYA BA LA, GSUM KHO NAS ZHES BYA BAR NGES PAR GZUNG NGO, DMIGS PA'I RKYEN MED PA LA RGYU SMRAS PA NI DE DAG NI DMIGS PAR BYED PA MA YIN NO ZHES BYA BA'O, ,RGYU'I RKYEN NI RNAM PA LNGA BSHAD @243A *, ,NA 'DI GNYIS NI RNAM PAR SMIN PA DANG, KUN DU 'GRO BA DANG MTSUNGS PAR LDAN PA'I RGYU NI MI SRID DE, DGE BA YIN PA'I PHYIR DANG, LDAN BA MA YIN BA YIN PA'I PHYIR DANG, DE GNYIS KYI PHYIR DE NYID KYI RGYU'I RKYEN NI RNAM PAR GNYIS TE ZHES BYA BA SMOS SO, ,SA MTSUNGS PA'I ZHES BYA BA 'BYUNG STE; DE LA 'GOG PA'I SNYOMS PAR 'JUG PA'I SA MTSUNGS PA NI SRID BA'I RTZE MO'I DGE BA'I PHUNG PO BZHI'O, ,'DU SHES MED PA'I SNYOMS PAR 'JUG PA'I NI BSAM GTAN BZHI PA'I SA PA'I DGE BA'I PHUNG PO LNGA'O, ,MTSUNGS PA DE MA THAG PA'I RKYEN NO, ,SNYOMS PAR 'JUG PA'I SEMS MTSUNGS PAR LDAN PA DANG BCAS PA'O ZHES BYA BA NI 'GOGS PA'I SNYOMS PAR 'JUG PA'I SKAD CIG MA DANG 'DU SHES MED PA'I SNYOMS PAR 'JUG PA'I SKAD CIG MA THAMS CAD KYI'O, ,BDAG PO'I RKYEN NI SNGA MA BZHIN NO ZHES BYA BA NI RANG GI NGO BO MA GTOGS PA'I CHOS THAMS CAD DO, SEMS KYI MNGON PAR 'DU BYED PA LAS SKYES PA'I PHYIR ZHES BYA BA LA, SEMS KYI MNGON PAR 'DU BYED PA NI SEMS KYI MNGON PAR 'DU BYED PA'O, ,DE GANG ZHIG CE NA, SEMS KYI 'JUG PA STE, DE LAS SKYES PA DE NI SEMS KYI MNGON PAR 'DU BYED PA LAS SKYES PA DAG GO, ,DE'I DNGOS PO NI SEMS KYI MNGON BAR 'DU BYED PA LAS SKYES PA NYID DE, SEMS KYI MNGON PAR 'DU BYED PA DE LAS SKYES PA NYID KYI PHYIR DE DAG LDAN PA MA YIN PA'I 'DU BYED KYIS BSDUS PAR GYUR KYANG, SNYOMS PAR 'JUG PA'I SEMS KYI MTSUNGS PA DE MA THAG PA CAN NO, ,SEMS SKYE BA LA GEGS BYED PA'I PHYIR MTSUNGS PA DE MA THAG PA'I RKYEN NI MA YIN NO ZHES BYA BA LA, 'DI LTAR RNAL 'BYOR PA SEMS DANG SEMS LAS BYUNG BA RGYU BA LA LDANG BA RNAMS SEMS MED PA'I SNYOMS PAR 'JUG PA LA SNYOMS BAR 'JUG NA, GAL TE SEMS DANG SEMS LAS BYUNG BA 'DREN PAR BYED PA YIN NA NI, RNAL 'BYOR PA RNAMS DE LA 'DOD PA SKYE BAR MI 'GYUR TE, SEMS DANG SEMS LAS BYUNG BA RGYU BA NGES PAR 'BYIN PA YANG YIN LA, DE 'DREN PAR BYED PA 'ANG YIN NO ZHES BYA BA 'DI NI 'GAL BA YIN NO, ,'DU SHES MED PA PA YANG SEMS KYI MTSUNGS PA DE MA THAG PA CAN YIN PA'I PHYIR GSUM GYIS YIN PAR RIGS PA MA YIN NAM @243B ZHE NA; 'DI BRJOD PAR BYA BA YIN MOD KYI, RNAM PAR SMIN PA LAS SKYES PA YIN PA'I PHYIR RANG GI DANG GIS 'JUG PAS SEMS KYI 'DU BYED LAS SKYES PA MA YIN PA DES NA MA BRJOD DO, ,'DI NI MDO PHYI MAR BSDU BAR SHES PAR BYA'O, ,GZHAN NI GNYIS PO DAG LAS SKYE, ,ZHES BYA BA LA, GNYIS PO DAG KHO NA LAS SKYE'O ZHES NGES PAR GZUNG BA LAS NA DMIGS PAR BYED PA MA YIN PA'I PHYIR DMIGS PA'I RKYEN LAS MA YIN LA, SEMS DANG SEMS LAS BYUNG BA DANG SEMS MED PA'I SNYOMS PAR 'JUG PA DANG MTSAN NYID MI MTHUN PA'I PHYIR MTSUNGS PA DE MA THAG PA'I RKYEN LAS MA YIN NO, ,DE LA RGYU'I RKYEN NI, NYON MONGS CAN DANG RNAM SMIN SKYES, ,ZHES BYA BA LA SOGS PA GONG DU BSHAD PA'I RJES SU 'BRANGS TE, MTSUNGS PAR LDAN PA'I RGYU MA GTOGS PA CI RIGS PAR YIN PAR RIG PAR BYA'O, ,DNGOS PO RNAMS JI SKAD BSHAD PA'I RGYU DANG RKYEN RNAMS KHO NA LAS SKYE'I ZHES BYA BA RGYAS PAR 'BYUNG STE, 'DI LTAR RANG GI LUGS SMRAS PA TZAM GYIS 'DOD PA GRUB PA 'AM MI 'DOD PA DGAG PAR NI MI RUNG STE, DE'I PHYIR DNGOS PO RNAMS JI SKAD BSHAD PA'I RGYU DANG RKYEN KHO NA LAS SKYE'I, 'GRO BA THAMS CAD KYI RGYU GCIG PU DBANG PHYUG LA SOGS PA NI MED DO ZHES BYA BA 'DI LA GTAN TSIGS BRJOD PAR BYA'O, ,'GRO BA'I RGYU GANG LA DBANG PHYUG DANG SKYES BU DANG GTZO BO RNAMS DANG POR YOD PA DE NI DE ZHES BYA'O, ,SOGS PA ZHES BYA BA'I SGRAS NI DUS DANG, NGO BO NYID DANG, RDUL PHRA RAB LA SOGS PA DAG GZUNG NGO, ,GAL TE GTAN TSIGS KYIS BYAS PAS GRUB PAR SEMS NA ZHES BYA BAS NI PHYOGS DANG PO DANG 'GAL BAR STON TE, DNGOS PO RNAMS JI SKAD BSHAD PA'I RGYU DANG RKYEN RNAMS KHO NA LAS SKYE'I 'GRO BA THAMS CAD KYI RGYU GCIG PU DBANG PHYUG LA SOGS PA NI MED DO ZHES BYA BAR GRUB PAR BYA BA'I PHYIR DBANG PHYUG LA SOGS PA LAS GZHAN PA'I RGYU TSOL BA'I PHYIR RO, ,DE NYID KYIS ZHES BYA BA NI DBANG PHYUG LAS GZHAN PA'I RGYU KHAS BLANGS PAS SO, ,SHES PAR BYED PA YIN PA'I PHYIR NYES PA MED DO ZHE NA, GAL TE DBANG PHYUG YIN NA SHES BYED MA YIN LA, DE LTA NA GRUB PA'I BYED PA PO MA YIN PAS NYES PA DE NYID DU 'GYUR RO, ,DBANG PHYUG SOGS MIN RIM SOGS PHYIR, ,ZHES BYA BA LA @244A *, ,SOGS PA ZHES BYA BA'I SGRAS NI YUL DANG DUS DANG DNGOS PO NGES PA RNAMS BSDU'O, ,DNGOS PO SKYE BA'I RIM PA NI RGYU YONGS SU 'GYUR BA LA LTOS PA LAS LHAN CIG BYED PA'I RKYE NA LA LTOS PA YIN GRANG, DE LA RTAG PA'I PHYIR DBANG PHYUG LA YONGS SU 'GYUR BA MED DO, ,'DI LTAR YONGS SU 'GYUR BA NI GZHAN DU 'GYUR BA NYID YIN NA, DE NI GZHAN DU 'GYUR BA NYID DU MI RIGS TE, MI RTAG PA NYID DU THAL BA'I PHYIR RO, ,DE'I PHYIR YONGS SU 'GYUR BA LA LTOS TE RIM PA MI RUNG NGO, ,THAMS CAD KYI RGYU DBANG PHYUG KHO NA YIN PAS LHAN CIG BYED PA'I RKYEN MED PA'I PHYIR LHAN CIG BYED PA'I RGYU'I RGYU MTSAN CAN YANG MED PA NYID DE, DES NA 'GRO BA THAMS CAD CIG CAR 'BYUNG BAR 'GYUR TE, DE DAG GI RGYU LA KHYAD PAR MED PA'I PHYIR TE, JI SKAD DU, GAL TE 'GRO BA DBANG PHYUG GIS BYUNG NA, ,'GRO BA RIM GYIS 'BYUNG BAR MI 'GYUR ZHING, ,GANG GANG MTHONG DE DE NYID YIN PA'I PHYIR, SKYE DGU'I 'KHOR BA'I 'KHOR LOR MI 'GYUR RO, ,ZHES BSHAD PA LTA BU'O, ,PHYI'I MYU GU LA SOGS PA DANG, NANG GI NUR NUR PO LA SOGS PA RNAMS RIM GYIS 'BYUNG BAR YANG SNANG NGO, ,GANG GI RGYU GANG ZHIG SNGAR LHAN CIG BYED PA'I RGYU LA MI LTOS PA DE NI PHYIS KYANG MA YIN TE, KHYAD PAR MED PA'I PHYIR RO, ,DES NA DBANG PHYUG LA SOGS PA DAG NI 'GRO BA'I RGYU MA YIN NO, ,DNGOS PO RNAMS SKYE BA NI YOD NA YOD PA'I PHYIR DANG, DE MED NA MED PA'I PHYIR, RGYU'I TSOGS PA'I DBANG GIS YIN NA, DBANG PHYUG LA NI DE LTAR YOD NA YOD PA NYID YOD PA MA YIN TE, RTAG TU YOD PA YIN PA'I PHYIR RO, ,DE BZHIN DU DNGOS PO'I SKYE BA YUL DANG DUS DANG DNGOS PO NGES PAS YIN PAR YANG MI 'GYUR TE, DE DAG RGYU MA YIN PA'I PHYIR DE LAS GZHAN PA'I YUL LA SOGS PA BZHIN NO, ,DE NI 'DI NI DA LTAR SKYE BAR GYUR CIG CES BYA BA LA, DBANG PHYUG RGYU NYID YIN YANG 'DOD PA'I DBANG GIS DNGOS PO RNAMS KYI RIM PA LA SOGS PA MI 'GAL LO ZHE NA, 'O NA 'DOD PA THA DAD PA'I PHYIR ZHES BYA BA 'BYUNG STE, 'DOD PA RNAMS NI DBANG PHYUG DANG PHAN TSUN LAS THA DAD PA YIN TE, DE'I PHYIR DE DAG DNGOS PO RNAMS RIM GYIS SKYE BA DANG, YUL DANG DUS DANG DNGOS PO NGES PA'I RGYU YIN @244B PAS RGYU DU MAR GRUB PO, ,DE'I PHYIR PHYOGS DANG PO DANG 'GAL BA DE NYID DU 'GYUR RO, ,'DOD PA THA DAD PA DE YANG ZHES BYA BA LA, 'DOD PA RNAMS KYI RGYU YANG DBANG PHYUG KHO NA YIN TE, DE'I PHYIR DNGOS PO'I KHYAD PAR LHAG MA 'BA' ZHIG TU MA ZAD KYI 'DOD PA THA DAD PA YANG CIG CAR 'BYUNG BAR 'GYUR RO, ,CE'I PHYIR ZHE NA, 'DOD PA'I RGYU DBANG PHYUG DE THA ME DAD PA'I PHYIR RO, ,'DOD PA RNAMS CIG CAR 'BYUNG NA YANG 'GRO BA THAMS CAD CIG CAR 'BYUNG BAR 'GYUR TE, THAMS CAD KYI RGYU YIN PA'I PHYIR RO, ,RGYU GZHAN, THA DAD PA LA LTOS NA NI, ,ZHES BYA BA LA, 'DOD PA DA RNAMS SO SO SO SOR RGYU GZHAN LA LTOS TE DBANG PHYUG LAS SKYES LA, RGYU GZHAN PO DE DAG KYANG DBANG PHYUG LTAR RTAG PA MA YIN PA DE'I PHYIR DE RNAMS RIM GYIS 'BYUNG BAR MI 'GAL LO ZHEN, DE LTA NA YANG DBANG PHYUG KHO NA RGYU MA YIN PAS SLAR YANG PHYOGS DANG PO DANG 'GAL LO, ,DE DAG KYANG RIM GYIS SKYE BA LA NANG DANG PHYI'I DNGOS PO 'AM, 'DOD PA DANG 'DRA BAR RGYU GZHAN GYI BYE BRAG LA LTOS PAR 'GYUR LA, DE LTA YIN NA YANG THUG PA MED PAR THAL BAR 'GYUR TE, 'DIR 'DOD PA'I RGYU DBANG PHYUG LAS GZHAN PA KHAS BLANGS PAS SH'AKYA'I SRAS PO'I LUGS KHAS BLANGS PAR 'GYUR RO ZHES STON PAR BYED DO, ,GAL TE DBANG PHYUG GI 'DOD PA RNAMS CIG CAR YIN DU ZIN KYANG ZHES BYA BA RGYAS PAR 'BYUNG STE, DBANG PHYUG GI RGYU CAN NYID YIN YANG RIM PA LA SOGS PA RNAMS MI 'GAL LO SNYAM DU BSAMS PA'O, ,'DOD PA JI LTA BAR SKYE BA'I PHYIR RO ZHES BYA BA NI RIM GYIS SKYE BA LA RGYU SMRAS PA'O; ;'DOD PA JI LTA BAR SKYE BA DE NI YOD PA MA YIN TE, 'DOD PA DE DAG LA PHYIR KHYAD PAR MED PA'I PHYIR RO, ,RGYU YOD BZHIN DU LHAN CIG BYED PA'I RGYU MED PA 'AM, 'GAL BA'I RGYU YOD PA LAS 'BRAS BU MI SKYE BAR 'GYUR NA 'DOD PA RNAMS LA NI LHAN CIG BYED PA'I RGYU CIG CAR YONG LA, THAMS CAD KYI RGYU DBANG PHYUG YIN ZHING, THAMS CAD LA 'GAL BA'I RGYU YANG MED DO, ,'DOD PA DAG LA BDAG NYID KYI KHYAD PAR SNGA NA MED PAR 'GA' ZHIG YOD PA YANG MA YIN TE, DE RGYU GZHAN LA LTOS PA'I PHYIR LA, RGYU GZHAN YANG MED PA'I PHYIR RO, ,DE'I PHYIR 'DOD PA JI LTA BAR SKYE BA @245A *, ,MA YIN TE, 'O NA CI ZHE NA, THAMS CAD CIG CAR SKYE BA KHO NAR 'GYUR RO, ,DBANG PHYUG GI 'BYIN PA'I TSOGS 'DI SNYED LA DGOS PA CUNG ZAD CIG YOD PA YANG MA YIN NO, ,DBANG PHYUG NI 'BYIN PA'I 'BYIN PA PO MA YIN TE DGOS PA DANG BRAL BA'I PHYIR DBANG PHYUG LAS GZHAN PA'I BYED PA PO BZHIN NO, ,NGES NA RTOG PA 'DI NI LOG PA YIN NO, ,GAL TE DGA' BA YIN NO ZHE NA, DGA' BA NYID BYED LA RAG MOD, YANG NA DE LA DBANG PHYUG MA YIN PAR 'GYUR TE, DE'I THABS MED PAR MI BYED PA'I PHYIR RO, ,GZHAN YANG DE KHO NA DANG 'DRA'O ZHES BYA BA LA, JI LTAR DGA' BA LA DBANG PHYUG MA YIN PA DE BZHIN DU KHAMS GSUM PA LA YANG MA YIN TE, THOGS PA MED PA'I MTSAN NYID CAN GYI DBANG PHYUG MA YIN PA'I PHYIR RO, ,JI LTAR THABS MED PAR DGA' BA BSKYED PAR MI NUS PA DE BZHIN DU THABS KYANG THABS GZHAN MED PAR MI SKYED PAS THAMS CAD LA 'DI'I DBANG PHYUG RDUGS PAR 'GYUR RO, ,YANG NA THABS BZHIN DU DGA' BA YANG THABS LA MI LTOS PA KHO NAR BYED PAR 'GYUR RO, ,GNOD PA MANG PO DANG ZHES BYA BA 'BYUNG STE, GNOD PA NI CHAR DANG BLU DANG GNAM LCAGS DANG RIMS DANG 'KHRU NAD LA SOGS PA NYE BAR 'TSE BA RNAMS SO, ,'BREL PA DAG CES BYA BA NI NYE BAR GTZES PA DAG STE, SKYE DGU DAG BYUNG NAS GAL TE DGA' BAR 'GYUR NA NI DE LA PHYAG 'TSAL LO, ,'DI NI BSTING TSIG YIN NO, ,DE LAS BRTZAMS NAS ZHES BYA BA LA RGYAS PAS DRAG PO BRGYA PA LAS SMOS SO, GANG PHYIR MA LUS SREG PA DANG, ,ZHES BYA BA LA, GANG GI PHYIR MA LUS PAR SREG PA DE'I PHYIR DRAG PO ZHES BYA'O, ,DE BZHIN DU GZHAN LA YANG BRJOD PAR BYA'O, ,SKYES BU'I BYED PA MNGON SUM ZHES BYA BA NI MYU GU LA SOGS PA DAG LA SA BON LA SOGS PA RNAMS KYI'O, ,RGYU RNAMS LAS GZHAN GYI BYED PA MI SNANG BA'I PHYIR RO ZHES BYA BA LA 'DI LTAR MIG DANG GZUGS DANG SNANG BA DANG YID LA BYED PA RNAMS LAS MIG GI RNAM PAR SHES PA SKYES PA LA DE RNAMS LAS GZHAN PA'I BYED PA MI SNANG NGO, ,JI LTAR MIG LA SOGS PA YOD NA RES 'GA' MIG GI RNAM PAR SHES PA SKYE LA, RES 'GA' MI SKYE BA DE BZHIN DU, GAL TE DBANG PHYUG YOD NA YANG YIN NA NI, DE LTA NA GZHAN GYI BYED PA RTOGS PAR 'GYUR BA ZHIG GO, ,DBANG PHYUG DE LHAN CIG BYED PA'I RGYU DANG PO @245B RNAMS LA YANG ZHES BYA BA RGYAS PAR 'BYUNG BA LA, DE DAG NI RANG GI MTHUS 'BRAS BU SKYED PAR BYED PAS 'DI DAG LA DE DBANG PHYUG NYID MA YIN PAR 'GYUR RO, ,DE LA DANG PO BYUNG BA DBANG PHYUG GI RGYUS LAS BYUNG BA YIN NO ZHES BYA BA LA, DE LTAR NA SKYES BU'I BYED PA MNGON SUM LA SNYON PA MA BYAS PA DANG RGYU LAS GZHAN GYI BYED PA MI SNANG BAR YANG 'GYUR BAS DBANG PHYUG 'JIG RTEN RNAMS KYI RGYU NYID YIN YANG 'GAL BA MED DO, ,DANG PO BYUNG BA DE YANG DBANG PHYUG BZHIN DU THOG MA MED PA NYID DU THAL BAR 'GYUR TE, DBANG PHYUG NI DANG PO BYUNG BA BSKYED PAR BYA BA LA RGYU GZHAN LA MI LTOS PA'I PHYIR DANG RTAG BA'I PHYIR RO, ,DE LTAR NA DANG PO BYUNG BA MED PA'I PHYIR DBANG PO BYUNG BA YANG RGYU DE LAS BYUNG BA MA YIN NO, ,DE BZHIN DU GTZO BO LA YANG CI RIGS PAR BRJOD PAR BYA'O ZHES BYA BA LA, GTZO BO NI SEMS PA MED PA YIN PAS 'DOD PA'I RTOG PA MA GTOGS PA GZHAN THAMS CAD BRJOD PAR BYA'O, ,BLO MA SBYANGS PA NI DON DAM PA'I BSTAN BCOS DAG GIS BLO MA SBYANGS PA DAG GO, ,THAMS CAD PHYA LAS NI MA YIN TE, SKYES BU'I RTZAL KHO NA LAS YIN NO ZHES BSTAN PA'I PHYIR RANG RANG GI RNAM PAR SMIN PA'I 'BRAS BU DANG ZHES BYA BA RGYAS PAR SMOS SO, ,GZHAN NI GNYIS PO DAG LAS SKYE, ,ZHES BYA BA DER CHOS GZUGS CAN RNAMS RGYU DANG BDAG PO'I RKYEN GNYIS LAS SKYE'O ZHES BSHAD PA, DE LA GZUGS NI 'BYUNG BA DANG 'BYUNG BA LAS GYUR BA YIN PA'I PHYIR 'BYUNG BA RNAMS 'BYUNG BA RNAMS DANG 'BYUNG BA LAS GYUR BA'I RGYU'I RKYEN JI LTAR YIN PA DANG 'BYUNG BA LAS GYUR PA 'BYUNG BA LAS GYUR PA DANG, 'BYUNG BA RNAMS KYI RGYU'I RKYEN JI LTAR YIN PA 'DI BRJOD PAR BYA'O, , RANG GI NGO BO MA GTOGS PA'I CHOS THAMS CAD DO ZHES BDAG PO'I RKYEN NI SHES PA YIN GYI, RGYU'I RKYEN NI RNAM PA MANG PO'I PHYIR MI SHES PA DE'I PHYIR NA, DE'I DBANG DU BYAS NAS JI LTAR NA 'BYUNG BA RNAMS ZHES RGYAS PAR DRIS SO, ,SKAL BA MNYAM PA DANG LHAN CIG 'BYUNG BA'I RGYU DAG GIS SO ZHES BYA BA LA, 'BYUNG BA SNGAR SKYES PA RNAMS KYI SKAL BA MNYAM PA'I RGYU'O, ,RANG GI NGO BO THA DAD KYANG BYA BA GCIG LA ZHUGS PA'I PHAN TSUN MTHUN PA NYID SKAL BA MNYAM PA NYID DO, ,LHAN CIG 'BYUNG BA'I RGYU NI LHAN CIG SKYES PA RNAMS PHAN TSUN TE, THAMS CAD PHAN TSUN MED PAR MI SKYE BA'I PHYIR LHAN CIG 'BYUNG BA'I RGYU NYID @246A *, ,YIN NO, ,'BYUNG BA'I RJES SU MTHUN PAR BYED PA'I PHYIR TE ZHES BYA BA LA, 'BYUNG BA RNAM PAR 'GYUR NA 'BYUNG BA LAS GYUR PAS 'BYUNG BA'I RJES SU MTHUN PAR BYED DO, ,'BYUNG BA DANG 'BYUNG BA LAS GYUR PA DES MNYAM DU SKYES PA DAG LAS GANG YANG RUNG BA ZHIG JI LTAR RJES SU MTHUN PAR BYED CE NA, MYU GU DAD GRIB MA BZHIN NAM, MAR ME DANG SNANG BA BZHIN NO, ,DE LTAR NA DE DAG NI ZHES BYA BA RGYAS PAR 'BYUNG BA LA, 'BYUNG BA DAG LAS SKYE BA'I PHYIR SKYE BA'I RGYU NYID DO, ,DE'I RJES SU MTHUN PAR BYED PA'I PHYIR 'GYUR BA'I RGYU NYID DO, ,RTEN DU 'GYUR BA'I PHYIR RTEN PA'I RGYU NYID DO, ,RGYUN MI 'CHAD PA'I RGYU YIN PA'I PHYIR GNAS PA'I RGYU NYID DO, 'PHEL PAR BYED PA'I RGYU YIN PA'I PHYIR 'PHEL BA'I RGYU NYID DO, ,'DIR SMRAS PA, SKYE DANG RJES MTHUN RTEN DANG NI, ,RGYUN MI 'CHAD DANG 'PHEL BA LAS, ,SKYED PHYIR RTEN PHYIR GNAS PHYIR DANG, ,RTEN PA'I PHYIR DANG 'PHEL BYED PHYIR, ,ZHES BYA'O, ,RNAM PA LNGA PO DE YANG BYED RGYU'I RGYU KHO NA YIN TE, RGYU GZHAN MI 'THAD PA'I PHYIR RO, ,'BYUNG BA RNAMS 'BYUNG BA LAS GYUR PA'I LHAN CIG 'BYUNG BA'I RGYU NI MA YIN TE, 'BRAS BU THA DAD PA'I PHYIR RO, ,GZHAN YANG 'BYUNG BA LAS GYUR PA NI, DGE BA DANG MI DGE BA DANG LUNG DU MA BSTAN PA YIN LA, 'BYUNG BA RNAMS NI LUNG DU MA BSTAN PA YIN TE, LHAN CIG 'BYUNG BA'I RGYU NI DE LTA BU'I MTSAN NYID CAN MA YIN NO, ,MA 'ONGS PA DANG DA LTAR GYI 'BYUNG BA LAS GYUR PA NI 'DAS PA'I 'BYUNG BA CHEN PO RGYUR BYAS NAS YIN PAR YANG 'DOD DO, ,DE BZHIN DU KHA CIG 'BYUNG BA RNAMS DAD MI LDAN YANG 'BYUNG BA LAS GYUR PA DANG LDAN PA YIN TE, LHAN CIG 'BYUNG BA'I CHOS NYID NI DE LTAR MA YIN PAS 'BYUNG BA RNAMS 'BYUNG BA LAS GYUR PA'I LHAN CIG 'BYUNG BA'I RGYU MA YIN NO, ,MTSUNGS PAR LDAN PA'I RGYU YANG MA YIN TE, SEMS DANG SEMS LAS BYUNG BA'I RANG BZHIN MA YIN PA'I PHYIR RO, ,KUN DU 'GRO BA DANG RNAM PAR SMIN PA'I RGYU DAG KYANG MA YIN TE, MA BSGRIBS LA LUNG DU MA BSTAN PA YIN PA'I PHYIR RO, ,SKAL BA MNYAM PA'I PHYIR YANG MA YIN TE, LHAN CIG 'BYUNG BA'I PHYIR LA DUS PHYIS SKYES PA DANG YANG MI 'DRA BA'I PHYIR RO, ,'BYUNG 'GYUR RNAM GSUM PHAN TSUN DU, ,ZHES BYA BA NI CI RIGS PAR RO, ,LUS DANG NGAG GI LAS SEMS KYI RJES SU 'JUG PA ZHES BYA BA NI BSAM GTAN DANG ZAG PA MED PA'I @246B SNGOM PAS BSDUS PA SROG GCOD PA NAS TSIG KYAL PA SPONG BA'I BAR 'CHAL BA'I TSUL KHRIMS RNAM PA BDUN SPONG BA STE, SPONG BA BDUN PO 'DI DAG NI PHAN TSUN LHAN CIG 'BYUNG BA'I RGYU YIN NO, ,SNGAR BYUNG BA THAMS CAD SKAL BA MNYAM PA'I RGYU YIN NO ZHES BYA BA LA, DGE BA DGE BA'I YIN PA NAS LUNG DU MA BSTAN PA'I PAR GYI YIN NO, ,LUS DANG NGAG GI LAS GANG GI RNAM PAR SMIN PA MIG LA SOGS PA YIN NO ZHES BYA BA LA, LUS DANG NGAG GI LAS NI RGYUR BYAS PA'I GZUGS DGE BA DANG MI DGE BA STE, DES RNAM PAR SMIN PA 'BYUNG BA CHEN PO DAG 'PHEN PA YIN NO, ,RGYAS PAR BYAS NA NYI SHU YIN PAR MDOR BSDUS NA SEMS BCU GNYIS SO ZHES BYA BA SMOS SO, ,DGE BA NI MA CHAGS PA LA SOGS PA DANG MTSUNGS PAR LDAN PA'O, ,BSGRIBS LA LUNG DU MA BSTAN PA NI 'JIG TSOGS LA LTA BA DANG MTHAR 'DZIN PAR LTA BA DANG MTSUNGS PAR LDAN PA'O, ,MI DGE BA NI NYON MONGS PA DANG NYE BAR NYON MONGS PA LHAG MA DANG MTSUNGS PAR LDAN PA'O,, DE DAG LAS GZHAN PA MA BSGRIBS LA LUNG DU MA BSTAN PA'O, ,GZUGS DANG GZUGS MED PA'I KHAMS NA MI DGE BA MED DE, JI SKAD DU 'DOD PA DAG LAS DBEN ZHING SDIG PA MI DGE BA'I CHOS RNAMS LAS DBEN PA ZHES BYA BA LA SOGS PA GSUNGS PA DANG, GONG MA THAMS CAD LUNG MA BSTAN, ,ZHES 'BYUNG PA'I PHYIR RO, ,DE DAG NI NYON MONGS PA DANG NYE BA'I NYON MONGS PA RNAMS LA RNAM PAR SMIN PA MED PA'I PHYIR BSGRIBS PA KHO NA YIN GYI, MI DGE BA NI MA YIN TE, DE'I PHYIR DE DAG DANG MTSUNGS PAR LDAN PA'I SEMS THAMS CAD BSGRIBS PA KHO NA YIN NO, ,SLOB PA'I ZAG PA MED PA NI SLOB PA'I SEMS SO, ,MI SLOB BA'I NI MI SLOB PA'I SEMS SO, ,SNYOMS PAR 'JUG PA'I TSE DGE BA DANG ZHES BYA BA 'BYUNG BA LA, DGE BA GANG GI MJUG THOGS SU DGE BA GANG DANG SA GANG GIS BSDUS PA 'BYUNG ZHE NA, 'DOD PAN SPYOD PA'I DGE BA SBYOR BA LAS BYUNG BA'I MJUG THOGS SU SBYOR BA LAS BYUNG BA KHO NA YIN GYI, SKYES NAS THOB PA NI MA YIN TE, 'DIR SKYES PAS MNGON DU BYED PAR MI NUS PA'I PHYIR RO, ,KHA CIG NA RE NI MI LCOGS PA MED PAS BSDUS PA KHO NA 'BYUNG NGO ZHES ZER RO, ,GZHAN DAG NA RE NI BSAM GTAN DANG PO'I YANG NGO ZHES ZER RO, ,GZHAN DAG NA RE NI BSAM GTAN KHYAD PAR CAN GYI YANG NGO ZHES ZER RO, ,BTZUN PA DBYANGS @247A *, ,SGROGS NA RE NI BSAM GTAN GNYIS BA'I SA BA'I BAR DU YIN NO ZHES ZER RO, ,GZHAN DAG NA RE NI MNYAM PAR MA BZHAG PAS THOD RGAL GYI SNYOMS PAR 'JUG PA LTAR SAS BAR DU CHOD PA 'DREN PAR MI NUS SO ZHES ZER RO, ,NYID MTSAMS SBYOR BA'I TSE BSGRIBS BA'O ZHES BYA BA LA, SKYE BA'I SRID PA NI NYON MONGS PA THAMS CAD KYIS NYON MONGS PA CAN YIN PA'I PHYIR NA SKYES NAS THOB PA'I DGE BA'I MJUG THOGS SU BSGRIBS PA YIN GYI, GZUGS DANG GZUGS MED BA NA SPYOD PA'I MA BSGRIBS LA LUD DU MA BSTAN PA DAG MNGON DU 'GYUR BA NI MA YIN GYI, RANG GI SA BA'I SEMS LA RAG LAS PA'I PHYIR RO, ,GZUGS MED BA RNAMS NI 'DOD PA'I KHAMS NAS ZHES BYA BA RGYAS PAR 'BYUNG STE, DE LA RTEN RING BA NYID NI 'DI YIN TE, JI LTAR GZUGS SU GTOGS PA'I RTEN GYIS 'DOD PA NA SPYOD PA'I SPRUL PA'I SEMS MNGON DU BYED PA LTAR, GZUGS MED PAR GTOGS PA'I RTEN GYIS 'DOD PAR GTOGS PA'I CHOS MNGON DU MI BYED PA'O, ,DE LA RNAM PAR RING BA NYID NI 'DI YIN TE, JI LTAR GZUGS NA SPYOD PAS RAG LAS PA LA SOGS PA'I RNAM PA DAG TU RNAM PAR BYED PA LTAR GZUGS MED PA'I SEMS KYIS 'DOD PA'I KHAMS RNAM PAR MI BYED PA'O, ,DE NYID KYI PHYIR DMIGS PA RING BA NYID KYIS KYANG RING BA YIN NO, ,GZUGS KYI KHAMS JI LTA BA BZHIN DU GZUGS MED PA DAG 'DOD PA'I KHAMS KYI GNYEN PO YANG MA YIN TE, DE LTAR NA GNYEN PO'I RING BA NYID KYIS KYANG RING BA YIN NO, ,SLOB PA DANG MI SLOB PA'O ZHES BYA BA NI SBYOR BA LAS BYUNG BA'I DGE BA'I MJUG THOGS SU'O, ,NYON MONGS PA CAN GYI SNYOMS PAR 'JUG PAS GZIR BAS NI SKYABS TSOL BA STE, 'DOD PA NA SPYOD PA'I DGE BA'I SEMS LA BRTEN PA'I PHYIR RO, ,GZUGS DANG GZUGS MED PA'I SEMS THAMS CAD KYI ZHES BYA BA LA, SA GONG MA'I SEMS RNAM PA DRUG GIS 'CHI 'PHO BA LA 'DOD PA'I KHAMS SU NYID MTSAMS SBYOR BA BZLOG TU MED DO, ,ZAG PA MED PA'I SEMS KYI MJUG THOGS SU NYON MONGS PA MNGON DU 'GYUR BA NI YOD PA MA YIN NO, ,DE LAS BZHI STE, SA 'OG MA PA'I NYON MONGS PA'I MJUG THOGS SU SA GONG MA PA'I SEMS MNGON DU BYED PA MED LA, ZAG PA MED PA YANG MNGON DU BYED PA MA YIN NO, ,GZUGS NA SPYOD PA'I DGE BA LAS ZHES BYA BA LA, SPRUL PA'I SEMS NI BSAM GTAN GYI 'BRAS @247B BU STE; ,DE NI BSAM GTAN LAM ZHUGS PAR MNGON DU BYA BAR MI NUS PA'I PHYIR RO, ,LUNG DU MA BSTAN PA'I SEMS KYIS 'CHI BA'I TSE GZUGS DANG GZUGS MED PA'I KHAMS DAG TU NYID MTSAMS SBYOR BA BZLOG TU MED LA, GDON MI ZA BAR BSAM GTAN GYI 'BRAS BU'I MJUG THOGS SU YANG BSAM GTAN LA 'JUG PAR BYA DGOS PAS MA BSGRIBS LA LUD DU MA BSTAN PA'I MJUG THOGS SU GZUGS NA SPYOD PA'I DGE BA DANG NYON MONGS PA CAN DANG GNYIS DANG, GZUGS MED PA NA SPYOD PA'I NYON MONGS PA CAN KHO NA'O, ,GZUGS NA DGE LAS BCU GCIG GO, ,ZHES BYA BA LA RANG GIS PA GSUM DANG, 'DOD PA NA SPYOD PA'I BZHI STE, LDANG BA'I TSE DGE BA DANG, NYID MTSAMS SBYOR BA'I TSE MI DGE BA DANG BSGRIBS PA DANG, LUNG DU MA BSTAN PA SPRUL BA'I SEMS DANG, SNYOMS PAR 'JUG PA'I TSE GZUGS MED PA NA SPYOD PA'I DGE BA DANG, NYID MTSAMS SBYOR BA'I TSE BSGRIBS PA DANG, SNYOMS PAR 'JUG PA'I TSE SLOB PA DANG MI SLOB PA'O, ,GZUGS MED PA NA SPYOD PA'I MA BSGRIBS LA LUNG DU MA BSTAN BA MA GTOGS SO ZHES BYA BA LA, RNAM PAR SMIN PA'I SEMS NI RANG GIS PA'I SEMS LA RAG LAS PA'I PHYIR DE MA GTOGS SO, ,DE NI DGU'I MJUG THOGS SU ZHES BYA BA LA, RANG GIS PA GSUM DANG, 'DOD PA NA SPYOD PA GNYIS TE SNYOMS PAR 'JUG PA'I TSE DGE BA DANG, SBRUL PA'I SEMS DANG SDANG BA'I TSE GZUGS MED PA NA SPYOD PA'I DGE BA DANG, NYON MONGS PA CAN GYI SNYOMS PAR 'JUG PAS GZIR BA SA 'OG MA PA LA BRTEN PA'I PHYIR NYON MONGS PA CAN DANG, LDANG BA'I TSE SLOB PA DANG MI SLOB PA LAS SO, ,'DOD PA NA SPYOD PA'I NYON MONGS PA CAN GNYIS DANG ZHES BYA BA RGYAS PAR 'BYUNG BA LA, NYON MONGS PA CAN GYI SEMS NI BSAM GTAN DANG SNYOMS PAR 'JUG PA RNAMS KYI SBYOR BA MA YIN LA, DGE BA'I SEMS KYIS NYID MTSAMS SBYOR BA LA YANG YOD PA MA YIN NO, ,DE LTAR NA GSUM PO 'DI DAG MA GTOGS SO, ,BSGRIBS PA BRGYAD LAS ZHES BYA BA LA; RANG GIS PA'I GSUM DANG, NYID MTSAMS SBYOR BA'I TSE 'DOD PA NA SPYOD PA'I TSE DGE BA DANG, MA BSGRIBS LA LUNG DU MA BSTAN PA DANG, NYID MTSAMS SBYOR BA'I TSE GZUGS MED PA NA SPYOD PA GSUM LAS SO, ,'DOD PA NA SPYOD PA'I NYON MONGS PA CAN GNYIS DANG ZHES BYA BA LA, 'DOD PA'I KHAMS LAS @248A *, ,'DOD CHAGS DANG MA BRAL BA LA GZUGS KYI KHAMS SU NYID MTSAMS SBYOR BA MED LA, SLOB PA DANG MI SLOB PA'I SEMS KYIS 'CHI 'PHO BA YANG YOD PA MA YIN PA DE'I PHYIR BZHI PO 'DI DAG MA GTOGS SO, ,DE LAS DRUG RANG GI SA PA GSUM DANG, NYID MTSAMS SBYOR BA'I TSE SA 'OG MA PA'I NYON MONGS PA CAN GNYIS DANG, NYON MONGS PA CAN GYI SNYOMS PAR 'JUG PAS GZIR BA'I TSE DGE BA'O, ,GANG GI PHYIR SBYOR BA'I SEMS NI MA BSGRIBS LA LUNG DU MA BSTAN PA YOD PA MA YIN TE, DE'I PHYIR DE'I MJUG THOGS SU SLOB PA DANG MI SLOB PA DANG, GZUGS MED PA'I DGE BA MI 'BYUNG NGO, ,'OG MA LAS 'DOD CHAGS DANG MA BRAL BA LA NI SA GONG MAR SKYE BA YOD PA YANG MA YIN TE, DE'I PHYIR DE'I MJUG THOGS SU GZUGS MED PAR GTOGS PA'I NYON MONGS PA CAN MI 'BYUNG NGO, ,SA GZHAN GYI MA BSGRIBS LA LUNG DU MA BSTAN PA YANG MA YIN TE, DE NI SKYE BA DANG SNYOMS PAR 'JUG PA NA DE'I MJUG THOGS SU MI SRID DO, ,MA BSGRIBS PA NI GSUM LAS SO, ,ZHES BYA BA LA DE NI NYID MTSAMS SBYOR BA'I SEMS SU MI RUNG ZHING, 'DOD PA'I KHAMS KYI SBYOR BA LAS BYUNG BA YANG MA YIN LA, SLOB PA DANG MI SLOB PA DANG, GZUGS MED PA NA SPYOD PA'I LDANG BA'I SEMS KYANG MA YIN TE, DE'I PHYIR RANG GIS PA GSUM LAS YIN NO, ,DE LAS DRUG STE ZHES BYA BA LA, NYID MTSAMS SBYOR BA'I TSE 'DOD PA NA SPYOD PA'I NYON MONGS PA CAN DAG DANG, GZUGS MED PA NA SPYOD PA'O, ,SBYOR BA LAS BYUNG BA'I PHYIR SLOB PA DANG MI SLOB PA DANG GZUGS MED PA NA SPYOD PA'I DGE BA DAG KYANG DE LAS MI 'BYUNG BA MA BSGRIBS LA LUNG DU MA BSTAN PAS GZIR BAR MI BYED PAS 'DOD PA NA SPYOD PA'I DGE BA YANG DE'I MJUG THOGS SU MI 'BYUNG NGO, ,SKYE BA DANG SNYOMS PAR 'JUG PA NAS GONG MA DANG 'OG MA PA'I MA BSGRIBS LA LUNG DU MA BSTAN PA YANG DE'I MJUG THOGS SU MI SRID DO, ,GZUGS MED PA'ANG DE'I TSUL LO, ,ZHES BYA BA LA, DE NI SKYE BA DANG SNYOMS PAR 'JUG PA'I TSE SA 'OG MA PA'I DGE BA LA SOGS PA RNAMS LAS SRID PA MA YIN LA, SLOB PA DANG MI SLOB PA DAG GI MJUG THOGS SU YANG MA YIN TE, DE'I PHYIR RANG GIS PA GSUM KHO NA LAS 'BYUNG NGO, ,SA 'OG MA PA'I NYON MONGS PA CAN RNAMS DANG ZHES BYA BA LA, NYID MTSAMS SBYOR BA'I TSE 'DOD PA DANG GZUGS KYI KHAMS RNAMS SO, , @248B GZUGS MED PA NA SPYOD PA'I DGE BA'I SEMS LAS NI SEMS DGU STE, RANG GI SA PA GSUM DANG, LDANG BA'I TSE GZUGS SU GTOGS PA'I DGE BA DANG, NYID MTSAMS SBYOR BA'I TSE SA 'OG MA PA'I NYON MONGS PA CAN RNAMS DANG, SNYOMS PAR 'JUG PA'I TSE SLOB PA DANG MI SLOB PA'O, ,'DOD PA NA SPYOD PA'I DGE BA DANG, 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA MA GTOGS SO ZHES BYA BA LA, 'DOD PA'I KHAMS LA GZUGS MED PA'I KHAMS BSKAL PA YIN PAS DE'I SA PA'I DGE BA NI GZUGS MED PA NA SPYOD PA'I LDANG PA'I SEMS KYANG MA YIN TE, DES NA DE'I MJUG THOGS SU MI RIGS SO, ,JI LTAR 'DOD PAR GTOGS PA'I SPRUL PA'I SEMS GZUGS NA SPYOD PA'I SBYOR BAS THOB PAR BYA BA YIN PA LTAR, 'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA GZUGS MED PA'I SBYOR BAS THOB PAR BYA BA NI MA YIN TE, DE'I PHYIR DE YANG MA GTOGS SO,, GZUGS NA SPYOD PA'I DGE BA DANG ZHES BYA BA NI SNYOMS PAR 'JUG PA'I TSE NA'O, ,SLOB PA DANG MI SLOB PA DAG LAS SO ZHES BYA BA NI LDANG BA'I TSE NA'O, ,BSGRIBS PA LAS BDUN ZHES BYA BA RGYAS PAR 'BYUNG BA LA, NYON MONGS PA CAN GYI SNYOMS PAR 'JUG PAS GZIR BA SA 'OG MA LA BRTEN PA'I PHYIR GZUGS NA SPYOD PA'I DGE BA DANG, NYID MTSAMS SBYOR BA'I TSE BSGRIBS PA DANG, NYID MTSAMS SBYOR BA'I TSE 'DOD PA NA SPYOD PA'I NYON MONGS PA CAN GNYIS SO, ,DE DE BZHIN ZHES BYA BA RGYAS PAR 'BYUNG NGO, ,'DOD PA DANG GZUGS NA SPYOD PA'I NYON MONGS PA CAN RNAMS DANG ZHES BYA BA LA, 'DI LTAR SA 'OG MA LAS 'DOD CHAGS DANG MA BRAL BA LAS GZUGS MED PA'I KHAMS SU NYID MTSAMS SBYOR BA MED LA, DES SLOB PA'AM MI SLOB PA'I TING NGE 'DZIN LAS LDANG BA YANG MA YIN PAS DE NI LNGA LAS MI 'BYUNG NGO, ,DE NI NYID MTSAMS SBYOR BA'I TSE NA 'DOD PA DANG GZUGS NA SPYOD PA'I DGE BA DANG, MA BSGRIBS LA LUNG DU MA BSTAN PA DAG LAS 'BYUNG NGO, ,KHAMS GSUM PA'I DGE BA DANG ZHES BYA BA NI 'DOD PA DANG GZUGS DANG GZUGS MED PA DAG NA SPYOD PA RNAMS SO, DGE BA SMOS PA NI GZHAN BZLOG PAR BYA BA'I PHYIR RO, ,SLOB PA LAS SO ZHES BYA BA NI RGYUN DU GTOGS PA'I PHYIR RO, ,SLOB PA NI NYING MTSAMS SBYOR BA'I SEMS MA YIN LA, @249A *, ,DGE BA SBYOR BA LAS BYUNG BA YIN PAS GZHAN GYI MJUG THOGS SU MA BYUNG NGO, ,DE LAS LNGA ZHES BYA BA LA, LDANG BA'I TSE KHAMS GSUM PA'I DGE BA RNAMS DANG, RGYUN DU GTOGS PA'I SLOB PA DANG, RDO RJE LTA BU'I MJUG THOGS SU MI SLOB PA'I SHES PA'O, ,BSHAD MA THAG PA'I LNGA PO DE DAG NYID LAS SO ZHES BYA BA LA SNYOMS PAR 'JUG PA'I TSE 'DI KHAMS GSUM PA'I DGE BA RNAMS SO, ,RDO RJE LTA BU'I MJUG THOGS SU NI SLOB BA LAS SO, ,ZAD PA SHES PA'I MJUG THOGS SU NI MI SKYEB SHES PA'O, ,DE LAS SEMS NI BZHI PO DAG GO ZHES BYA BA LA, LDANG PA'I TSE NA KHAMS GSUM PA'I DGE BA RNAMS DANG MI SLOB PA STE, DPER NA ZAD PA SHES PA LAS MI SKYE BA SHES PA BZHIN NO, ,MI SLOB PA'I MJUG THOGS SU SLOB PA NI NAM YANG MI 'BYUNG STE, NYON MONGS PA CAN GYI SEMS KYIS BAR BCAD PA'I PHYIR TE, NYON MONGS PA KUN DU SPYOD PA MED PAR NI YONGS SU NYAMS PA MED DO, ,SKYES NAS THOB PA DANG SBYOR BA LAS BYUNG BA'I DGE BA'I ZHES BYA BA 'BYUNG STE, DE LA SBYOR BA LAS BYUNG BA NI GANG SBYOR BA THOB PA STE, DE NI THOS PA DANG BSAMS PA DANG BSGOMS PA LAS BYUNG BA'O, ,DE LA MNYAM PAR MA BZHAG PA YIN PA'I PHYIR 'DOD PA'I KHAMS NA BSGOMS PA LAS BYUNG BA MED DO, ,GZUGS KYI KHAMS NA NI BSAMS PA LAS BYUNG BA MED DE, DE DAG NI RGYUD ZHI GNAS KYIS BRLAN PA'I PHYIR SEMS KYI TING NGE 'DZIN NYID NYE BAR GNAS PAR 'GYUR RO, ,GZUGS MED PA'I KHAMS NA NI BSGOMS PA LAS BYUNG BA KHO NA STE GZHAN MED DO, ,SKYES NAS THOB PA'I DGE BA NI SEMS SBYOR BA MED PAR SKYES PA NYID KYIS 'THOB PA GANG YIN PA STE, 'DOD PA DANG GZUGS KYI KHAMS DAG TU SRID PA BAR MAR NYID MTSAMS SBYOR BA'I SKAD CIG MA'O, ,GZUGS MED PA'I KHAMS SU NI SKYE BA'I SRID PAR GANG GI THOB PA DANG PO SKYE BA'O, ,RNAM PAR SMIN PA LAS SKYES PA DANG, SPYOD LAM PA DANG, BZO'I GNAS PA DANG, SBRUL PA'I ZHES BYA BA LA 'DI NI RGYU DANG LAS KYI DBYE BAS PHYE BA YIN NO, ,DE LA RNAM PAR SMIN PA'I RGYU LAS SKYES PA NI RNAM PAR SMIN PA LAS SKYES PA'O, ,SPYOD LAM LAS 'BYUNG BA NI SPYOD LAM PA'O, ,DE BZHIN DU BZO'I GNAS PA DANG, SPRUL PA LAS @249B BYUNG BA NI BZO'I GNAS PA DANG SPRUL PA PA STE, RGYU MTSAN GYI BDUN PAR BSHAD PA'I PHYIR RO, ,YANG NA DE DAG LA DMIGS NAS SKYE BA'I PHYIR DE DAG LAS 'BYUNG BA'O, ,SPYOD LAM PA DANG, BZO'I GNAS PA DANG, SPRUL PA DANG GSUM NI LAS KYI DBYE BAS PHYE LA, SNGA MA NI RGYU'I DBYE BAS PHYE BA YIN NO, , GZUGS NA BZO MA GTOGS PA'O ZHES BYA BA LA, GZUGS KYI KHAMS KYI GZHAL MED KHANG LA SOGS PA THAMS CAD LAS LAS SKYES PA DANG, SPRUL PA PA YIN GYI MKHAN BZOS BYAS PA NI CUD ZAD KYANG MED DO, ,GZUGS CAN RNAMS LA 'GROB DANG 'DUG PA LA SOGS PA YOD PA'I PHYIR SPYOD LAM PA YOD DO; ,GZUGS MED PA'I KHAMS NA SPYOD LAM PA DANG, BZO'I GNAS PA DANG SPRUL BA PA RNAMS MED PAS MA BSGRIBS LA LUNG DU MA BSTAN PA'I DBYE BA MED DO, ,CI'I PHYIR GZUGS MED PA'I KHAMS NA SPYOD LAM PA LA SOGS PA RNAMS MED CE NA DE DAG GI DMIGS PA NI GZUGS DANG DRI DANG RO DANG REG BYA RNAMS YIN NO, ,DE LA SPYOD LAM PA LA SOGS PA RNAMS KYI DMIGS PA NI GO RIMS BZHIN DU RANG GI LUS DANG MA LA STAN LA SOGS PA'I GZUGS LA SOGS PA DANG, BZO'I GNAS KYI GZUGS LA SOGS PA DANG, SPRUL PA'I GZUGS LA SOGS PA RNAMS SO, ,BZO'I GNAS PA'I NI SGRA YANG YIN NO ZHES BYA BA LA, 'DOMS PA POS GANG SMRAS PA DE LA YID KYI RNAM PAR SHES PAS DMIGS NAS SLOB PA'I PHYIR RO, ,RNAM PAR SMIN PA LAS SKYES PA LA NGES PA MA SMOS PAS GZUGS LA SOGS PA RNAMS DANG, GZHAN YANG DMIGS PA YIN NO ZHES BYA BAR GRUB PO, ,YID KYI RNAM PAR SHES PA DAG KHO NA YIN NO ZHES BYA BA LA SPYOD LAM GYI RNAM PAR RTOG PA LA SOGS PA MNGON PAR 'DU BYED PAR ZHUGS PA'I PHYIR RO, ,RNAM PAR SMIN PA LAS SKYES PA NI MA GTOGS TA, DA NI RNAM PAR SHES PA DRUG CAR YANG YIN NO, ,RNAM PAR SHES PA'I TSOGS LNGA YIN NO ZHES BYA BA LA DE DAG GI SBYOR PA'I GNAS SKABS NA 'BYUNG BA'I PHYIR NA SBYOR BA'O, ,JI LTAR ZHE NA, MTHONG BA DANG REG PA'I BAR DU GYUR NAS DE DAG SKYE BA'I PHYIR RO, ,RNAM PAR SMIN PA LAS NI SBYOR BA MED DO, ,RNAM PAR SMIN PA NI RANG GI DANG GIS 'JUG PA'I PHYIR RO, ,SPRUL PA NI SBYOR BA YOD MOD KYI RNAM PA SHES PA'I TSOGS LNGA NI @250A *, ,MA YIN TE, DE NI BSAM GTAN GYI MJUG THOGS SU 'JUG PA'I PHYIR RO, ,MNGON PAR SHES PA'I 'BRAS BU BRJOD PAR 'DOD PA'I PHYIR 'DIS YI DAGS DANG SHA ZA LA SOGS PA LA SRID PAR THAL BAR MI 'GYUR RO, ,GZHAN NA DAG NA RE BZO'I GNAS PAS MNGON PAR BSGRUB PA ZHES BYA BA LA, YID KYI RNAM PAR SHES PA BZO'I GNAS PAS MNGON PAR BSGRUBS PA DE BSKYED PA'I YID KYI RNAM PAR SHES PA YOD DO ZHES ZER RO, ,SKYE MCHED BCU GNYIS LA DMIGS PA ZHES BYA BA NI RTEN GYI DNGOS PO MTHA' DAG LA DMIGS PA'I PHYIR RO, ,DE'I PHYIR DE LTAR NA SPYOD LAM PA LA SOGS PA LAS THA DAD PA MA BSGRIBS LA LUNG DU MA BSTAN PA MIG GI SKYE MCHED LA DMIGS PA NAS CHOS KYI SKYE MCHED LA DMIGS PA'I BAR GZHAN YANG YOD DO ZHES SHES PAR BYAS PAR 'GYUR RO, ,MNGON PAR SHES PA'I 'BRAS BU MA GTOGS PA ZHES BYA BA LA, DE NI GZUGS SU GTOGS PA'I DGE BA SBYOR BA LAS BYUNG BA'I MJUG THOGS SU 'BYUNG GI ,'DOD PA NA SPYOD PA'I MJUG THOGS SU NI MA YIN NO, ,GZUGS NA SPYOD PA'I SBYOR BA LAS BYUNG BA DANG, SLOB PA DANG MI SLOB PA NI SNYOMS PAR 'JUG PA'I TSE NA'O, ,DGE BA SBYOR BA LAS BYUNG BA LA GNAS PA LA 'CHI 'PHOB MI SRID PA'I PHYIR RO, ,DE'I MJUG THOGS SU KHAMS GONG MA'I BSGRIBS PA DAG MI 'BYUNG NGO, ,RANG GI DGE BA DANG NYON MONGS PA CAN DAG DANG ZHES BYA BA LA, SKYES NAS THOB PA DANG SBYOR BA LAS BYUNG BA DANG, BSGRIBS PA DANG MI DGE BA DANG, LDANG BA'I TSE GZUGS NA SPYOD PA'I SBYOR BA LAS BYUNG BA DANG, SLOB BA DANG MI SLOB PA DANG, NYON MONGS PA CAN GYI SNYOMS PAR 'JUG PAS GZIR BAS 'OG MA PA LA BRTEN PA'I PHYIR GZUGS NA SPYOD PA'I NYON MONGS BA CAN GYI MJUG THOGS SU 'BYUNG NGO, ,RANG GIS PA YIN YANG MA BSGRIBS LA LUNG DU MA BSTAN PA RNAMS LAS NI MA YIN TE, STOBS CHUNG BA DANG MNGON PAR 'DU BYED PA MED PAR 'JUG PA'I PHYIR RO, ,GZUGS DANG GZUGS MED PA NA SPYOD PA'I NYON MONGS PA CAN DAG GO ZHES BYA BA NI NYID MTSAMS SBYOR BA'I TSE STE, SKYES NAS THOB PA LA GNAS PA LA 'CHI 'PHO BA DANG, GONG MAR MTSAMS SBYOR BA SRID PA'I PHYIR RO, ,DE NI MNGON PAR 'DU BYED PA @250B MED PAR 'JUG PA'I PHYIR SLOB PA DANG MI SLOB PA GNYIS DANG, GZUGS NA SPYOD PA'I SBYOR BA LAS BYUNG BA'I SBYOR BA MA YIN PAS DE LAS DE RNAMS MI 'BYUNG NGO, ,SNGA MA BZHIN DU ZHES BYA BA NI MDON PAR SHES PA'I 'BRAS BU MA GTAGS PA'O, ,GZUGS NA SPYOD PA'I SBYOR BA LAS BYUNG BA DANG, NYON MONGS BA CAN DAG DANG ZHES BYA BA LA SOGS PA LA MNGON PAR 'DU BYED PA MED[?] PAR 'JUG PA YIN YANG LDANG BA'I SEMS SU MI 'GAL LO, ,SBYOR BA LAS BYUNG BA DANG MNGON PAR SHES PA'I 'BRAS BU DAG MA GTOGS PA ZHES BYA BA NI DE LA GNAS PA LA 'CHI BA MED PA'I PHYIR RO, ,DE BZHIN DU GZUGS MED PA NA SPYOD PA RNAMS LA YIN PAR YANG BRJOD PAR BYA'O, ,GZUGS NA SPYOD PA BZHI DANG ZHES BYA BA NI NYID MTSAMS SBYOR BA'I TSE'O, ,SBYOR BA LAS BYUNG BA DANG MNGON PAR SHES PA'I 'BRAS BU MA GTOGS PA ZHES BYA BA LA SOGS PA LA, STOBS CHUNG BA DANG MNGON PAR 'DU BYED PA MED PAR 'JUG PA'I PHYIR DE DAG GI MJUG THOGS SU SBYOR BA LAS BYUNG BA MI 'BYUNG LA, GZUGS SPYOD PA'I SBYOR BA LAS BYUNG BA LA RAG LAS PA'I PHYIR MNGON PAR SHES PA'I 'BRAS BU YANG MA YIN NO, ,GZUGS DANG GZUGS MED PA NA SPYOD PA'I NYON MONGS PA CAN DAG GO ZHES BYA BA NI NYID MTSAMS SBYOR BA'I TSE KHO NAR RO, , SNGA MA BZHIN DU RANG GI BDUN KHO NA LAS SO ZHES BYA BA NI MNGON PAR SHES PA'I 'BRAS BU MA GTOGS PA'O, ,BZO'I GNAS PA'I MJUG THOGS SU NI DRUG 'BYUNG STE ZHES BYA BA LA, 'DI LTAR DE LA GNAS PA LA NI 'CHI BA MED DE, DE LTA MA YIN NA GZUGS DANG GZUGS MED PA NA SPYOD PA'I NYON MONGS PA CAN SUS BZLOG TU YOD, MNGON PAR SHES PA'I 'BRAS BU MA GTOGS PA ZHES BYA BA NI DE LAS GZUGS NA SPYOD PA'I SBYOR BA LAS BYUNG BA KHO NA 'BYUNG BA'I PHYIR RO, ,MNGON PAR SHES PA'I 'BRAS BU RANG NYID SDANG ZHES BYA BA NI RGYUN GYI SGO NAS SO, ,GZUGS NA SPYOD PA'I SBYOR BA LAS BYUNG BA'O ZHES BYA BA LA, 'DI LTAR BSAM GTAN LAM ZHUGS PAR MNGON PAR SHES PA'I 'BRAS BU LAS LDANG BA YOD PA MA YIN PAS MNGON PAR SHES PA'I 'BRAS BU LAS GZUGS NA SPYOD PA'I SBYOR BA LAS BYUNG BA 'BYUNG NGO, ,DE YANG DE GNYIS KHO NA LAS SO ZHES BYA BA NI SPRUL PA'I SEMS DANG GZUGS NA SPYOD PA'I SBYOR BA LAS BYUNG BA LAS SO,, @251A *, ,DA NI GZUGS NA SPYOD PA DRUG GI ZHES BYA BA RGYAS PAR 'BYUNG BA LA, 'DOD PA NA SPYOD PA'I DGE BA DAG CES BYA BA NI LDANG BA'I TSE NA'O, ,MNGON PAR SHES PA'I 'BRAS BU ZHES BYA BA NI 'DOD PA NA SPYOD PA'I SPRUL BA'I SEMS SO, ,GZUGS MED PA NA SPYOD PA'I SBYOR BA LAS BYUNG PA DANG; SLOB PA DANG MI SLOB PA NI SNYOMS PAR 'JUG PA'I TSE'O, ,DE NI SEMS BCU 'I MJUG THOGS SU 'BYUNG STE, 'DOD PA NA SPYOD PA'I SBYOR BA LAS BYUNG BA'I LAS NI SNYOMS PAR 'JUG PA'I TSE NA'O, ,SPRUL PA'I MJUG THOGS SU NI 'JUG PA'I TSE STE, BSAM GTAN LA MA ZHUGS PA NI BSAM GTAN GYI 'BRAS BU LA GNAS PA LAS LDANG BA YOD PA MA YIN NO, ,SPYOD LAM PA DANG RNAM PAR SMIN PA LAS SKYES PA DAG GI MJUG THOGS SU NI MI 'BYUNG STE, STOBS CHUNG BA DANG MNGON PAR 'DU BYA BA MED PAR 'JUG PA'I PHYIR RO, ,SPRUL PA'I SEMS NI MNGON PAR 'DU BYED PA LAS BYUNG BA YIN ZHING, ,BSAM GTAN LA MA ZHUGS PAR DE LAS LDANG BA YOD PA MA YIN PAS DE'I MJUG THOGS SU 'BYUNG BA YIN NO, ,GZUGS MED PA NA SPYOD PA'I SBYOR BA LAS BYUNG BA LAS NI LDANG BA'I TSE NA'O, ,NYON MONGS PA CAN GYI TING NGE 'DZIN GYIS GZIR BA SA 'OG MA LA BRTEN PA'I PHYIR NA NYON MONGS PA CAN GYI MJUG THOGS SU 'BYUNG NGO, ,SLOB PA DANG MI SLOB PA DAG LAS NI LDANG BA'I TSE KHO NA'O, ,SKYES NAS THOB PA'I MJUG THOGS SU NI BRGYAD DE, 'DOD PA NA SPYOD PA'I NYON MONGS PA CAN DAG NI NYID MTSAMS SBYOR BA'I TSE NA'O, ,MNGON PAR SHES PA'I 'BRAS BU NI MA GTOGS TE, SBYOR BA LAS BYUNG BA LA RAG LAS TE BDAG NYID THOB PA'I PHYIR RO; ,GZUGS MED PA NA SPYOD PA'I NYON MONGS PA CAN NI NYID MTSAMS SBYOR BA'I TSE NA'O, ,'DOD PA NA SPYOD PA'I DGE BA DANG, NYON MONGS PA CAN BZHI DANG ZHES BYA BA LA, NYON MONGS PA CAN DAG NI NYID MTSAMS SBYOR BA'I TSE'O, ,NYON MONGS PA CAN GYI TING NGE 'DZIN GYIS GZIR BA SA 'OG MAL BRTEN PA'I PHYIR NA DGE BA DAG GO, ,DE NI SEMS BCU GCIG GI MJUG THOGS SU 'BYUNG STE ZHES BYA BA LA, 'DOD PA NA SPYOD PA RNAMS LAS NI NYID MTSAMS SBYOR BA'I TSE NA STE, SBYOR BA LAS BYUNG BA DANG, BZO'I GNAS PA DANG, MNGON PAR SHES PA'I 'BRAS BU RNAMS LAS 'CHI BA MED LA, 'DOD CHAGS DANG @251B BRAL BA MA YIN PA'I PHYIR NYON MONGS PA CAN GYI MJUG THOGS SU DER MTSAMS SBYOR BA MED DE, DE'I PHYIR GSUM KHO NA LAS 'BYUNG DO, ,SBYOR BA LAS BYUNG BA MA GTOGS PA ZHES BYA BA NI DE LAS 'CHI BA MI SRID PA'I PHYIR RO, ,GZUGS MED PA NA SPYOD PA GSUM LAS NI NYID MTSAMS SBYOR BA'I TSE KHO NAR RO, , SPYOD LAM PA'I MJUG THOGS SU NI BDUN TE ZHES BYA BA LA, 'DOD PA NA SPYOD PA'I NYON MONGS PA CAN DAG NI NYID MTSAMS SBYOR BA'I TSE'O, ,SBYOR BA LAS BYUNG BA DANG MNGON PAR SHES PA'I 'BRAS BU MA GTOGS PA ZHES BYA BA LA, SPYOD LAM PA NI SBYOR BA'I SEMS YIN PAR MI RUNG STE, STOBS CHUNG BA DANG MNGON PAR 'DU BYED PA MED PAR 'JUG PA'I PHYIR DANG, GZHAN LA SEMS PA'I PHYIR RO, ,GZUGS MED PA NA SPYOD PA'I NYON MONGS PA CAN NI NYID MTSAMS SBYOR BA'I TSE'O, ,DA NI GZUGS MED PA NA SPYOD PA BZHI'I BRJOD PAR BYA STE ZHES BYA BA LA, GZUGS NA SPYOD PA'I SBYOR BA LAS BYUNG BA NI LDANG BA'I CHE NA'O, ,'DOD PA NA SPYOD PA NI MA YIN TE BSKAL PA'I PHYIR RO, ,SLOB PA DANG MI SLOB PA NI SNYOMS PAR 'JUG PA'I TSE'O, ,GZUGS NA SPYOD PA'I SBYOR BA LAS BYUNG BA ZHES BYA BA NI 'JUG PA'I TSE'O, ,RNAM PAR SMIN PA LAS SKYES PA MA GTOGS PA ZHES BYA BA LA STOBS CHUNG BA'I PHYIR DANG, MNGON PAR 'DU BYA BA MED PAR 'JUG PA'I PHYIR RNAM PAR SMIN PA LAS SKYES PA LAS MI 'BYUNG NGO, ,SLOB PA DANG MI SLOB PA DAG LAS SO ZHES BYA BA NI LDANG BA'I TSE'O, ,SA 'OG MA PA'I NYON MONGS PA CAN DAG GO ZHES BYA BA NI 'DOD PA NA SPYOD PA NYID DANG GZUGS NA SPYOD PA STE NYID MTSAMS SBYOR BA'I TSE'O, ,NYON MONGS PA CAN GYI MJUG THOGS SU NI BRGYAD DE ZHES BYA BA LA, GZUGS SU GTOGS PA'I DGE BA NI NYON MONGS PA CAN GYI TING NGE 'DZIN GYIS GZIR BA'I LDANG BA'I TSE'O, ,NYON MONGS PA CAN NI NYID MTSAMS SBYOR BA'I TSE'O, ,'DOD PA NA SPYOD PA'I NYON MONGS PA CAN DAG NI NYID MTSAMS SBYOR BA'I TSE KHO NAR RO, ,'DOD PA DANG GZUGS NA SPYOD PA'I ZHES BYA BA RGYAS PAR 'BYUNG BA NI NYID MTSAMS SBYOR BA'I TSE KHO NAR RO, ,'OG MA'I NYON MONGS PA CAN GSUM MO ZHES BYA BA NI NYID MTSAMS SBYOR BA'I TSE'O, ,SLOB PA'I MJUG THOGS SU NI DRUG STE, KHAMS GSUM PA'I SBYOR BA LAS BYUNG BA RNAMS DANG, 'DOD PAR GTOGS @252A *, ,PA'I SKYES NAS THOB PA NI LDANG BA'I TSE'O, ,SLOB PA NI RGYUN LA LTOS NAS SO, ,MI SLOB PA NI RDO RJE LTA BU'I TING NGE 'DZIN GYI MJUG THOGS KYI ZAD PA SHES PA LTA BU'O, ,SBYOR BA LAS BYUNG BA GSUM ZHES BYA BA NI KHAMS GSUM PA'O, ,SLOB PA LAS SO ZHES BYA BA NI RGYUN LA LTOS NAS SO, ,MI SLOB PA'I MJUG THOGS SU NI LNGA ZHES BYA BA LA KHAMS GSUM PA'I SBYOR BA LAS BYUNG BA RNAMS DANG, 'DOD PAR GTOGS PA'I SKYE GNAS THOB PA NI LDANG BA'I TSE'O, ,MI SLOB PA NI RGYUN LA LTOS PA'O, ,SBYOR BA LAS BYUNG BA GSUM ZHES BYA BA NI KHAMS GSUM PA'O, ,SLOB PA LAS NI RDO RJE LTA BU'I TING NGE 'DZIN GYI MJUG THOGS SU ZAD PA SHES PA LTA BU'O, ,MI SLOB PA LAS NI ZAD PA SHES PA'I MJUG THOGS SU MI SKYE BA SHES PA LTA BU'O, ,GAL TE MI SLOB PA LAS SLOB PA MI 'BYUNG NA, 'O NA JI LTAR NA MI SLOB PA LAS YONGS SU NYAMS PA SLOB PA YIN ZHE NA, 'DI LTAR LANGS PA MI SLOB PA'I TING NGE 'DZIN LAS YONGS SU NYAMS PAR 'GYUR TE, TING NGE 'DZIN LA GNAS PA LA YONGS SU NYAMS PA MED PA'I PHYIR RO, ,DE DAG NI SPYOD LAM DANG BZO'I MNGON BAR 'DU BYA BA LA ZHUGS PA'I PHYIR DANG, STOBS CHUNG BA'I PHYIR DANG, MNGON PAR 'DU BYA BA MED PAR 'JUG PA'I PHYIR ZHES BYA BA LA, SPYOD LAM PA NI 'GRO BA LA SOGS PA MNGON PAR 'DU BYA BA LA ZHUGS PA YIN LA, BZO'I GNAS PA NI 'DI NI 'DI LTAR BYA'O SNYAM DU BZO MNGON PAR 'DU BYA BA LA ZHUGS TE, DE'I PHYIR SPYOD LAM DANG BZO MNGON PAR 'DU BYA BA LHUR BYED PA NYID KYIS DE DAG LA MNGON PAR DGA' BA'I PHYIR SBYOR BA LAS BYUNG BA 'DREN PAR MI NUS SO, ,RNAM PAR SMIN PA LAS SKYES PA NI SNGON GYI LAS KYIS 'PHANGS PA'I PHYIR GZO BA MED PAR 'JUG PAS STOBS CHUNG BA DANG MNGON PAR 'DU BYA BA MED PAR 'JUG PA ZHES BYA BA STE, DES NA SBYOR BA LAS BYUNG BA 'DREN PAR MI NUS SO, ,SPYOD LAM PA DANG BZO'I GNAS PA GNYIS NI LUNG DU MA BSTAN PA NYID DU MTSUNGS KYANG RNAM PAR SMIN PA LAS SKYES PA BAS STOBS CHE STE MNGON PAR 'DU BYED PA CAN YIN PA'I PHYIR RO, ,SBYOR BA LAS BYUNG BA'I RJES SU MTHUN PA MA YIN NO ZHES BYA BA NI DE 'DREN PAR MI NUS SO ZHES BYA BA'I THA TSIG GO, ,'BYUNG BA'I SEMS NI MNGON PAR 'DU BYA BA MED PAR 'JUG PAS @252B ZHES BYA BA LA, 'BYUNG BA'I SEMS NI SBYOR BA LAS BYUNG BA'I SEMS RGYUN CHAD PA'I SEMS TE, DE NI MNGON PAR 'DU BYA BA MED PAR 'JUG PA YIN YANG RGYUN CHAD PA DANG RJES SU MTHUN PA YIN PA'I PHYIR SBYOR BA LAS BYUNG BA'I MJUG THOGS SU 'BYUNG BAR MI 'GAL LO, ,DE LTA NA 'O NA NYON MONGS PA CAN DAG LAS KYANG ZHES BYA BA RGYAS PAR 'BYUNG BA LA, GAL TE SBYOR BA LAS BYUNG BA'I RJES SU MI MTHUN PA'I PHYIR SPYOD LAM PA LA SOGS PA DAG LAS MI 'BYUNG NA, DE LTA NA 'O NA NI YUL MNGON PAR 'DOD PA LHUR LEN PA NYID KYIS MI MTHUN PA'I PHYIR DANG, STOBS CHUNG BA'I PHYIR NYON MONGS PA CAN DAG LAS KYANG SBYOR BA LAS BYUNG BA 'BYUNG BAR MI 'GYUR TE, NYON MONGS PA CAN GYI CHOS NI DGE BA'I CHOS KYI RJES SU MTHUN PAR MI RUNG NGO, ,'ON KYANG ZHES BYA BA NI DE'I RJES SU MI MTHUN PA YIN MOD KYI ZHES BYA BA'O, ,NYON MONGS PA KUN DU 'BYUNG BAS ZHES BYA BA RGYAS PAR 'BYUNG BA LA, , NYON MONGS PA KUN DU 'BYUNG BAR YONGS SU SHES PA NYID CHOS LA NGES PAR SEMS PA'I BZOD PA LA SOGS PA'I RNAM PAR SHES PA YIN LA, DE YANG SBYOR BA LAS BYUNG BA YIN PAS NYON MONGS PA CAN GYI MJUG THOGS SU 'BYUNG BAR RIGS SO, ,NYON MONGS PA CAN NI STOBS CHUNG BA YANG MA YIN TE, THOG MA MED PA'I DUS NAS GOMS PA'I PHYIR RO, ,DE'I PHYIR DE NYON MONGS PA CAN GYI MJUG THOGS SU 'BYUNG BAR MI 'GAL LO, ,MNGON PAR 'DU BYA BA MED PAR 'BYUNG BA'I PHYIR ZHES BYA BA 'BYUNG NGO, ,JI LTAR MNGON PAR 'DU BYA BA MED PAR 'BYUNG ZHE NA, SBYOR BA LA MI LTOS BA'I PHYIR RO, , 'O NA JI LTAR DE GSAL BA NYID YIN ZHE NA LAS SU RUNG BA'I PHYIR TE, DE NI DGE BA'I RTZA BA THAMS CAD KYI SA BON YIN PA'I PHYIR RO, ,GSAL BA'I PHYIR SKYABS BYED PAR NUS PAS GZUGS NA SPYOD PA'I NYON MONGS PA CAN GYI MJUG THOGS SU NI 'DOD PA NA SPYOD PA'I SKYES NAS THOB PA 'BYUNG NGO, ,'DI NI MJUG THOGS SU NI 'DI'O, ,'DI NI 'DI'I MJUG THOGS SU'O ZHES SEMS RNAMS MJUG THOGS NYID DU 'BYUNG BA BSHAD LA, DE DAG KYANG YID LA BYED PA'I DBANG GIS 'BYUNG BA DE'I PHYIR YID LA BYED PA NI GSUM STE ZHES BYA BA YID LA BYED PA NYE BAR BKOD DO, ,RANG GI MTSAN NYID YID LA BYED PA NI GANG @253A *, ,GIS DNGOS PO RNAMS KYI RANG GI MTSAN NYID YID LA BYED PA STE, GZUGS NI GNOD PAR BYAR RUNG BA'I MTSAN NYID YID LA BYED PA CAN, TSOR BA NI NYAMS SU MYONG BA'I MTSAN NYID CAN ZHES BYA BA NAS RNAM PAR SHES PA NI RNAM PAR RIG BYED MTSAN NYID CAN NO SNYAM PA LA SOGS PA'I BAR RO; ,SPYI'I MTSAN NYID YID LA BYED PA NI GANG GIS SPYI'I MTSAN NYID YID LA BYED PA STE, DE NI RNAM PA BCU DRUG DANG LDAN NO, ,MI RTAG PA NYID LA SOGS PA RNAMS SPYI'I MTSAN NYID YIN PA'I PHYIR DE'I RNAM PA NI SPYI'I RNAM PA STE, RNAM PA BCU DRUG PO DE DAG DANG LDAN PA'I YID LA BYED PA NI SPYI YID LA BYED PA'O; ,MOS PA YID LA BYED PAS RAB TU PHYE BA'I PHYIR MOS PA YID LA BYED PA STE, DE NI GANG GIS MI SDUG PA DANG TSAD MED PA LA SOGS PA DAG LA MOS PA LAS BYUNG BA'I DMIGS PA YID LA BYED PA'O, ,ZAD PAR GYI SKYE MCHED LA SOGS PA DAG LA ZHES BYA BA'I SOGS PA'I SGRAS NI RDZU 'PHRUL LA SOGS PA MNGON PAR BSGRUBS PA'I TSE YANG BAR MOS PA YONGS SU GZUNG NGO, ,SEMS MNGON PAR 'DU BYED PA'I DON GYIS NA YID LA BYED PA'O, ,DE LTAR NA ZHES BYA BA NI GAL TE YID LA BYED PA RNAM PA GSUM GYI MJUG THOGS SU 'PHAGS PA'I LAM MNGON DU BYED NA STE, DE'I PHYIR MI SDUG PA DANG LHAN CIG PA'I ZHES BYA BA RGYAS PAR 'BYUNG STE, RGYUN GYIS BAR DANG BCAS PA DANG BAR MED PAR 'DREN PA'I PHYIR MI SDUG PA DANG LHAN CIG PA ZHES BYA'I SEMS GCIG LA NI MA YIN TE MI SRID PA'I PHYIR RO, ,DRAN PA YANG DAG BYANG CHUB KYI YAN LAG NI 'PHAGS PA'I LAM YIN LA, DE YANG MOS PA YID LA BYED PA'I MJUG THOGS SU 'BYUNG ZHING, RANG GI MTSAN NYID YID LA BYED PA'I MJUG THOGS SU YANG 'BYUNG NGO ZHES DON GYIS BSHAD PA YIN NO, ,DE LTAR NA YID LA BYED PA GSUM 'PHAGS PA'I LAM GYI SBYOR BA YIN NO ZHES BYA BAR SHES PAR 'GYUR RO, ,GZHAN DAG NA RE SPYI YID LA BYED PA KHO NA'I MJUG THOGS SU ZHES BYA BA RGYAS PAR 'BYUNG STE, MI RTAG PA LA SOGS PA MTHONG BA NYID NA 'PHAGS PA'I LAM SKYE BA'I PHYIR DANG, GZHAN GNYIS PO 'PHAGS PA'I LAM DANG MI 'DRA BA'I PHYIR RO, ,DE LAS NI RNAM PA GSUM STE ZHES BYA BA LA, THAMS CAD KYIS LDANG BAR MI 'GAL BAS 'DIR @253B NGES PA MA BYAS SO, ,GAL TE MOS PA YID LA BYED PA'I MJUG THOGS SU 'PHAGS PA'I LAM LA SNYOMS PAR MI 'JUG NA 'O NA MI SDUG PA DANG LHAN CIG PA'I ZHES BYA BA RGYA CHER 'BYUNG BA 'DI JI LTAR DRANG ZHE NA, DE'I PHYIR MI SDUG PAS SEMS BTUL NAS ZHES BYA BA SMOS TE, DE'I PHYIR DE LTAR NA MI SDUG PA NI SPYI YID LA BYED PA'I SBYOR BA YIN PAS BRGYUD PA LAS GSUNGS SO ZHES ZER RO, ,GAL TE MI LCOGS PA MED PA LA SOGS PA GSUM LA BRTEN NAS ZHES BYA BA RGYAS PAR 'BYUNG BA LA, SA GSUM NI MI LCOGS PA MED PA DANG, BSAM GTAN DANG BO DANG BSAM GTAN KHYAD PAR CAN NO, , MTHONG BA'I LAM SA GSUM LA BRTEN PA'I MJUG THOGS SU NI 'DOD PA NA SPYOD BA'I THOS PA DANG BSAM PA DANG SKYES NAS THOB PA SPYI YID LA BYED PA RNAM PA BCU DRUG DANG LDAN BA MNGON DU BYED PAR 'GYUR TE, DE NI NYE BA YIN PA'I PHYIR RO, ,GAL TE BSAM GTAN GNYIS PA LA SOGS PA LA BRTEN NAS ZHES BYA BA NI BSAM GTAN GNYIS PA DANG GSUM PA DANG BZHI PA LA BRTEN NAS NGES PA LA 'JUG NA MTHONG BA'I LAM GYI MJUG THOGS SU 'DOD PA NA SPYOD PA'I SPYI YID LA BYED PA MI LCOGS PA MED PA DANG, BSAM GTAN DANG PO DANG, BSAM GTAN KHYAD PAR CAN GYIS BAR DU CHOD PA'I PHYIR BSKAL PA GO JI LTAR MNGON DU BYED PAR 'GYUR ZHES BYA BA'O, ,GAL TE BSAM GTAN GNYIS PA LA SOGS PA'I SA PA KHO NA MNGON DU BYED PAR 'GYUR BAS NYES PA 'DI MED DO ZHE NA, DE'I PHYIR NGES PAR 'BYED PA'I CHA DANG MTHUN PA MA GTOGS PAR DE DAG GI SA PA YANG MA THOB PO ZHES BYA BA SMOS TE, 'DI LTAR 'BRAS BU DANG PO'I SKAD CIG MAR NI 'JIG RTEN PA BSGOM PA MI 'THOB PA'O, ,YANG GANG ZHIG MA THOB PA DE GANG ZHE NA, NYAMS PA DANG GNAS PA DANG KHYAD PAR GYI CHA DANG MTHUN PA DANG RNAM PA GSUM MO, ,DE LTA NA 'O NA BSAM GTAN GNYIS PA LA SOGS PA'I SA PA'I NGES PAR 'BYED PA'I CHA DANG MTHUN PA KHO NA MNGON DU BYED PAR 'GYUR RO ZHE NA, DE'I PHYIR 'PHAGS PA NI NGES PAR 'BYED PA'I CHA DANG MTHUN PA MNGON DU MDZAD PA YANG MA YIN TE ZHES BYA BA SMOS SO, ,DE NYID LA RGYU SMOS PA NI, 'BRAS BU THOB ZIN PA ZHES BYA BA RGYAS PAR 'BYUNG BA STE, SBYOR BA'I DGOS PA GRUB ZIN PA'I PHYIR LA 'PHAGS @254A *, ,PA'I LAM GYI SBYOR BA YANG NGES PAR 'BYED PA'I CHA DANG MTHUN PA RNAMS YIN PAS, DE'I PHYIR 'BRAS BU LA GNAS PA NGES PAR 'BYED PA'I CHA DANG MTHUN PA MNGON DU BYED PAR MI RIGS SO, ,DES NI DE DANG 'DRA BA SPYI YID LA BYED PA ZHES BYA BA LA, DES PAR MTHUN PA'I CHA DANG MTHUN PA DANG 'DRA BA DE MNGON DU BYED PAR 'GYUR RO, ,DE NYID STON PA NI 'DU BYED THAMS CAD MI RTAG PA'O ZHES BYA BA LA SOGS PA'O, ,DE SKAD DU NI MI BRJOD DO, ,ZHES BYA BA LA, NGES PAR 'BYED PA'I CHA DANG MTHUN PA DAG MNGON DU GYUR NA SPYI'I YID LA BYED PA GZHAN BSGOM PA YOD PA MA YIN TE, GANG GI PHYIR NGES PAR 'BYED PA'I CHA DANG MTHUN PA MNGON DU GYUR NA RNAM PA 'DRA BA KHO NA SGOM PAR BYED LA, 'DRA BA YANG MTHONG BA'I LAM KHO NA MA 'ONGS PA NYID KYIS BSGOM NA, 'DI NI 'DU BYED KYI CHOS THAMS CAD LA DMIGS PA'I PHYIR MI 'DRA BA YIN NO, ,DE'I PHYIR 'PHAGS PA'I LAM GYI MJUG THOGS SU YID LA BYED PA RNAM PA GSUM MNGON DU BYED PA YIN NO, ,MI LCOGS PA MED PA LA BRTEN NAS DGRA BCOM PA NYID CES BYA BA LA SOGS PA LA, DE'I SA PA NI MI LCOGS PA MED PA'I SA PA STE, SHIN TU GOMS PA'I PHYIR DANG 'GAL BA YIN PA'I PHYIR RO, ,'DOD PA NA SPYOD PA YIN NO ZHES BYA BA NI SKYES NAS THOB PA'I DGE BA 'AM, THOS PA DANG BSAMS PA LAS BYUNG BA'O, ,CI YANG MED PA'I SKYE MCHED LA BRTEN NAS ZHES BYA BA LA, GAL TE SRID PA'I RTZE MOR SKYES PA YIN NA NI CI YANG MED PA'I SKYE MCHED KYIS PA'I SBYOR BA LAS BYUNG BA MNGON DU BYED DE, CHUNG BA'I PHYIR SKYES NAS 'THOB PA NI MA YIN NO; ,DA LAS GZHAN PA'I SA RNAMS SU NI RANG GI SA KHO NA STE, SBYOR BA GZHAN GYIS BSGRUB PAR BYA BA YIN PA'I PHYIR RO, ,BSAMS PA LAS BYUNG BA NI MED DE ZHES BYA BA 'BYUNG STE, CI'I PHYIR ZHE NA, GANG GI TSE DE DAG SEMS MED PAR RTZOM PA DE'I TSE DE DAG GI TING NGE 'DZIN KHO NA NYE BAR GNAS PA YIN NO ZHES BYA BA SMOS TE, TING NGE 'DZIN SHIN TU GOMS PA'I PHYIR DANG, BSAM PA KHA NANG DU BLTAS NAS 'JUG PA'I PHYIR DE DAG SEMS PA NA TING NGE 'DZIN KHO NAS NYE BAR GNAS PA YIN NO, ,YID LA BYED PA LNGA'I MJUG THOGS SU ZHES BYA BA LA, 'DOD PA NA SPYOD PA'I THOS PA LAS BYUNG BA @254B DANG; BSAMS PA LAS BYUNG PA DANG, GZUGS NA SPYOD PA'I THOS PA LAS BYUNG BA DANG, BSGOMS PA LAS BYUNG BA DANG, GZUGS MED PA NA SPYOD PA'I BSGOMS PA LAS BYUNG BA NYID KYI MJUG THOGS SU YIN GYI, SKYES NAS THOB PA PA DAG GI MJUG THOGS SU NI MA YIN NO, ,'DI LA RGYU NI SBYOR BA LA RAG LUS PA'I PHYIR RO ZHES BYA BA'O, ,GANG RAG LUS SHE NA LAM MO, ,DE DAG LAS SEMS GANG LA DU ZHIG RNYED CE NA ZHES BYA BA NI NGES PAR GDON MI ZA BA NYID DU SNYAM DU BSAMS PA'O, ,KHAMS GSUM PA YI NYON MONGS CAN, ,ZHES BYA BA LA SOGS PA LA, CI SKAD CIG MA GCIG LA DRUG DANG DRUG DANG GNYIS RNYED DAM ZHE NA, DE NI DE LTA MA YIN TE, RE ZHIG 'DOD PA NA SPYOD PA'I NYON MONGS PA CAN GYI SEMS MNGON DU 'GYUR NA KHAMS SU SLAR ZLOG PA DANG, DGE BA'I RTZA BA NYID MTSAMS SBYOR BA DANG YONGS SU NYAMS PA RNAMS KYI TSE CI RIGS PAR YONGS SU BGRANGS TE DRUG RNYED DO; ,THE TSOM GYIS DGE BA'I RTZA BA NYID MTSAMS SBYOR BA DANG ZHES BYA BA LA, THE TSOM NI NYON MONGS PA CAN YIN PAS DE DANG MTSUNGS PAR LDAN PA'I SEMS KYANG NYON MONGS PA CAN YIN NO, ,NYON MONGS PA CAN YIN NA JI LTAR DGE BA'I RTZA BA DAG MTSAMS SBYOR ZHE NA, RGYU DANG 'BRAS BU LA SKUR PA 'DEBS PA'I LTA BA YONGS SU GTONG BA LAS SO, ,KHAMS SU SLAR LDOG PA LAS ZHES BYA BA LA, GANG GI TSE GZUGS DANG GZUGS MED PA'I KHAMS NAS SHI 'PHOS TE 'DOD PA'I KHAMS SU SKYE BA DE'I TSE 'DOD PA NA SPYOD PA'I DGE BA SKYES NAS THOB PA RNYED DO, ,DE LTAR NA THE TSOM DANG MTSUNGS BAR LDAN PA DANG, NYID MTSAMS SBYOR BA'I SEMS NI NYON MONGS PA CAN YIN PA'I PHYIR RNAM PA GNYIS LAS DGE BA'I SEMS RNYED DO, ,MI DGE BA DANG BSGRIBS LA LUNG DU MA BSTAN PA DAG DANG ZHES BYA BA RGYAS PAR 'BYUNG BA LA, GANG GI TSE GZUGS KYI KHAMS SAM GZUGS MED PA'I KHAMS NAS SHI 'PHOS NAS 'DOD PA'I KHAMS SU SKYE BA DE'I TSE NYID MTSAMS SBYOR BA'I SEMS MI DGE BA 'AM BSGRIBS PA MNGON DU GYUR NA 'DOD PA NA SPYOD PA'I MI DGE BA DANG BSGRIBS PA'I SEMS RNYED DE, GZUGS NA SPYOD PA'I NYON MONGS PA CAN DANG ZHES BYA BA LA, GANG GI TSE GZUGS MED PA'I KHAMS NAS @255A *, ,SHI 'PHOS NAS 'DOD PA'I KHAMS SU SKYE BA DE'I TSE GZUGS NA SPYOD PA'I NYON MONGS PA CAN DANG YANG LDAN PA RNYED DO, ,SA 'OG MAR SKYES PA SA GONG MA PA'I NYON MONGS PA DANG LDAN PAS GZUGS MED PA NA SPYOD PA'I NYON MONGS PA CAN DANG SNGA NAS LDAN PA'I PHYIR YANG MI BA GRANG NGO; ,YONGS SU NYAMS PA LAS ZHES BYA BA LA, 'DOD PA'I KHAMS KYI 'DOD CHAGS DANG BRAL BA LAS YONGS SU NYAMS PA NA, 'DOD PAR GTOGS PA'I MI DGE BA DANG BSGRIBS PA RNYED LA, 'DOD PAR GTOGS PA'I KUN NAS DKRIS PAS GZUGS KYI 'DOD CHAGS DANG BRAL BA LAS YONGS SU NYAMS PA NA GZUGS SU GTOGS PA'I BSGRIBS PA YANG RNYED DO, ,DE LTAR NA YONGS SU NYAMS PA DANG NYID MTSAMS SBYOR BA RNAM PA GNYIS LAS 'DOD PAR GTOGS PA'I MI DGE BA DANG, 'DOD PAR GTOGS PA DANG GZUGS SU GTOGS PA'I BSGRIBS LA LUNG DU MA BSTAN BA RNYED DO, , YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG SLOB PA'O ZHES BYA BA LA, 'DI GNYIS NI YONGS SU NYAMS PA KHO NA LAS RNYED KYI NYID MTSAMS SBYOR BA LAS NI MA YIN NO, ,DE LTAR NA 'DI DAG NI GANG DAG 'DOD PA NA SPYOD PA'I NYON MONGS PA CAN GYI SEMS LA RNYED PA DRUG YIN TE, 'DOD PA NA SPYOD PA DGE BA DANG MI DGE BA BSGRIBS LA LUNG DU MA BSTAN PA DANG GSUM DANG, GZUGS DANG GZUGS MED PAR GTOGS PA'I SGRIB PA DAG DANG SLOB PA'O, ,GZUGS NA SPYOD PA'I NYON MONGS PA CAN LA YANG DRUG RNYED DO ZHES BYA BA RGYAS PAR 'BYUNG BA LA, GZUGS NA SPYOD PA GSUM STE, SKYES NAS THOB PA'I DGE BA DANG BSGRIBS LA LUNG DU MA BSTAN PA DANG SPRUL PA'I SEMS SO, ,'DOD PA NA SPYOD PA NI MA BSGRIBS LA LUNG DU MA BSTAN PA'I SPRUL PA'I SEMS NYID DO, ,RNYED PA'I DUS DAG MANG PA'I PHYIR DUS GANG GI TSE YIN PA MI SHES PAS, KHAMS SU SLAR LOG PA LAS ZHES BYA BA SMOS TE, GANG GI TSE 'DI GZUGS MED PA'I KHAMS NAS SHI 'PHOS NAS GZUGS KYI KHAMS SU SKYE BA DE'I TSE NYID MTSAMS SBYOR BA'I SEMS MNGON DU GYUR PA NA SEMS BZHI PO 'DI DAG RNYED DO, ,GZUGS MED PA NA SPYOD PA'I DON MONGS PA CAN DANG ZHES BYA BA LA, GANG GI TSE GZUGS NA SPYOD PA'I KUN NAS DKRIS PAS @255B DGRA BCOM PA NYID LAS YONGS SU NYAMS PA DE'I TSE GZUGS MED PA NA SPYOD PA'I NYON MONGS PA CAN DANG SLOB PA RNYED DO, ,GAL TE YANG GNAS SKABS DER GZUGS NA SPYOD PA'I NYON MONGS PA CAN YANG RNYED MOD KYI DE NI SNGAR BGRANGS ZIN PA NYID KYI PHYIR YANG MI BGRANG NGO, ,'DI DAG NI SEMS DRUG YIN TE; GZUGS NA SPYOD PA GSUM DANG, 'DOD PA NA SPYOD PA GCIG DANG, GZUGS MED PA NA SPYOD PA GCIG DANG SLOB PA'O, ,GZUGS MED PA NA SPYOD PA'I NYON MONGS PA CAN LA NI GNYIS RNYED DE ZHES BYA BA LA, KHAMS GSUM LAS 'DOD CHAGS DANG BRAL BA KHO NA GZUGS MED PA NA SPYOD PA'I NYON MONGS PA CAN GYI SEMS DANG MI LDAN PAS DE NYID GZUGS MED PAR GTOGS PA'I KUN NAS DKRIS PAS DGRA BCOM PA NYID LAS YONGS SU NYAMS PA NA SLOB PA DANG, GZUGS MED PA NA SPYOD PA'I BSGRIBS LA LUNG DU MA BSTAN PA RNYED DO, ,'DI GNYIS NI YONGS SU NYAMS PA KHO NA LAS RNYED KYI KHAMS SU SLAR LOG PA LAS NI MA YIN TE, DE'I GONG NA KHAMS GZHAN MED PA'I PHYIR RO, ,GZUGS SKYES DGE LA GSUM DAG GO, ,ZHES BYA BA LA, SNYOMS PAR 'JUG PA LAS ZHES BYA'O, ,GANG GI TSE 'DIS DANG POR BSAM GTAN GYI DNGOS GZHI THOB PA DE'I TSE GSUM RNYED DO, ,DGE BA DE NYID DANG ZHES BYA BA NI GANG GI RNYED PAS GSUM RNYED PAR BRJOD PA'O, ,'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG GO ZHES BYA BA NI SPRUL PA DAG GO, ,SLOB PA LA BZHI ZHES BYA BA LA, GANG ZHIG MI LCOGS PA MED PA LA BRTEN NAS 'PHAGS PA'I LAM GYIS RNAM PAR GROL BA'I LAM DGU PA LA 'DOD PA'I KHAMS LAS 'DOD CHAGS DANG BRAL ZHING, BSAM GTAN DANG PO'I SA PA'I SEMS RNYED PA DE'I TSE DES BSAM GTAN GYI DNGOS GZHI LA BRTEN NAS PHYIR MI 'ONG BA'I 'BRAS DUS BSDUS PA'I SLOB PA SNGON MA BYUNG BA KHYAD PAR DU 'PHAGS PA RNYED PAS SLOB PA RNYED PA ZHES BRJOD DO, ,'DOD PA DANG GZUGS NA SPYOD PA'I MA BSGRIBS LA LUNG DU MA BSTAN PA DAG NI SPRUL PA'I SEMS DAG KHO NA'O, ,GZUGS MED PA YI DGE BA'O, ,ZHES BYA BA LA, SA DRUG GI 'PHAGS PA'I LAM GYIS GZUGS KYI KHAMS LAS 'DOD CHAGS DANG BRAL BA NI RNAM PAR GROL BA'I LAM DGU PA GANG YIN PA DER DE @256A *, ,PA'I TING NGE 'DZIN THOB PA LAS GZUGS MED PA NA SPYOD PA'I DGE BA'I SEMS RNYED DO, ,'PHAGS PA'I LAM SMOS PA NI SLOB PA'I SEMS NYE BAR BLANG BAR BYA BA'I PHYIR RO, ,'DOD PA'I KHAMS LAS 'DOD CHAGS DANG BRAL NA NI DRO BAR GYUR PA'I GNAS SKABS KHO NAR GZUGS NA SPYOD PA'I DGE BA RNYED PA NYID YIN PAS, NGES PA LA 'JUG PA'I GNAS SKABS SU MI BGRANG NGO, ,'DOD PA NA GZUGS KYI KHAMS KYI 'DOD CHAGS DANG BRAL BAR BYED PA NA ZHES BYA BA LA, 'DOD PA'I KHAMS LAS 'DOD CHAGS DANG BRAL BAR BYED PA NA NI GSUM MO, ,GZUGS KYI KHAMS LAS 'DOD CHAGS DANG BRAL BAR BYED PA NI GZUGS MED PAR GTOGS PA'I DGE BA'O, ,LHAG MA DE ZHES BYA BA 'BYUNG NGO, ,LHAG MA YANG GANG ZHIG CE NA, KHAMS GSUM GYI MA BSGRIBS LA LUNG DU MA BSTAN PA DANG, 'DOD PAR GTOGS PA GZUGS MED PAR GTOGS PA'I DGE BA DANG MI SLOB PA'O, ,DE LA 'DOD PAR GTOGS PA'I DGE PA'I SEMS MNGON DU GYUR NA 'DOD PAR GTOGS PA'I DGE PA KHO NA RNYED DE, MI SLOB PA MNGON DU GYUR NA MI SLOB PA KHO NA RNYED KYI GZHAN MI RNYED PA'I BAR DU YANG DE DANG 'DRA'O, ,'DI LTAR NYON MONGS PA CAN GYI SEMS NI YONGS SU NYAMS PA DANG, NYID MTSAMS SBYOR BA DAG GI TSE RNYED NA, SEMS 'DI DAG NI YONGS SU NYAMS PA DANG NYID MTSAMS SBYOR PA DAG GI TSE MI SRID DO, ,GZHAN DAG NI ZHES BYA BA NI SPEL MA MKHAN DAG GO, ,KHYAD PAR MED PAR ZHES BYA BA LA, KHAMS KYI DBYE BAS NYON MONGS PA CAN DBYE BA KHAS MA BLANGS PAR NYON MONGS PA CAN GYI SEMS LA DGU RNYED DO ZHES ZER RO, ,NYID MTSAMS SBYOR BA'I TSE 'DOD PA NA SPYOD PA BZHI PO DGE BA DANG, MI DGE BA DANG BSGRIBS LA LUNG DU MA BSTAN PA DANG, MA BSGRIBS LA LUD DU MA BSTAN PA DANG, NYID MTSAMS SBYOR BA'I TSE GZUGS NA SPYOD PA GSUM PO DGE BA DANG BSGRIBS LA LUNG DU MA BSTAN PA DANG, MA BSGRIBS LA LUD DU MA BSTAN PA DANG, YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG SLOB PA'O, ,DGE BA'I SEMS LA DRUG YIN TE, ,ZHES BYA BA 'DIR YANG KHAMS GSUM PA KHO NA SHES PAR BYA BA'O, ,DE LA DGE BA'I SEMS LA NI DRUG STE, 'DOD CHAGS DANG @256B BRAL BA THOB PA LAS 'DOD PA DANG GZUGS NA SPYOD PA'I SPRUL PA'I SEMS DAG DANG, DE PA'I TING NGE 'DZIN THOB PA LAS GZUGS DANG GZUGS MED PA NA SPYOD PA'I DGE BA DAG DANG, NGES PA LA 'JUG PA'I TSE SLOB PA DANG, DGRA BCOM PA NYID KYI 'BRAS BU THOB PA'I TSE MI SLOB PA STE, SEMS DRUG PO 'DI DAG NI DGE BA'I SEMS LA RNYED DO, ,DGE BA'I SEMS LA 'DUN PA RNYED, ,CES BYA BA 'DIR YANG KHAMS GSUM PA YANG SRID DO ZHES BSTAN PA'I PHYIR, DER NI DGE BA'I SEMS LA 'DUN PA YIN TE ZHES BYA BA RGYAS PAR SMOS SO, ,JI LTAR ZHE NA DE'I PHYIR, YANG DAG PA'I LTA BAS DGE BA'I RTZA BA NYID MTSAMS SBYOR BA LAS ZHES BYA BA SMOS TE, MTSAMS NI THE TSOM YOD LTA BAS, ,ZHES 'BYUNG BA'I PHYIR RO, ,LUNG MA BSTAN LA DE NYID DO, ,ZHES BYA BA LA, LUD DU MA BSTAN PA'I SEMS RNYED PA LA NI LUD DU MA BSTAN PA DE NYID RNYED PAR KHONG DU CHUD PAR BYA'O, ,CI'I PHYIR ZHE NA, MA BSGRIBS LA LUNG DU MA BSTAN PA'I SEMS KYIS NI NYID MTSAMS SBYOR BA MA YIN LA, 'DOD CHAGS DANG BRAL BA YANG MA YIN ZHING, YONGS SU NYAMS PA YANG MA YIN NO, ,MA BSGRIBS LA LUNG DU MA BSTAN PA NI SBYOR BAS 'THOB PAS CUNG ZAD KYANG MED LA, DGE BA'I RTZA BA NYID MTSAMS SBYOR BA'I TSE YANG MA YIN NO; ,LHAG MA NI RNAM PAR BSHAD PA 'DI NYID KYIS KHONG DU CHUD PAR BYA'O ZHES BYA BA LA, ,LHAG MA YANG GANG ZHIG YIN ZHE NA, NYON MONGS CAN GYI SEMS LA NI, ,MKHAS PA RNAMS KYIS DGU RNYED BRJOD, ,CES GANG SMRAS PA'O, ,'DI GANG GI LHAG MA YIN ZHE NA, DGE BA'I SEMS LA DRUG YIN TE, , LUNG MA BSTAN LA DE NYID DO, ,ZHES BYA BA TSIGS SU BCAD PA PHYED PHYI MA'I PHYED PO DON BSHAD ZIN PA CAN GYI STE, MDZOD MKHAN 'DI NYID KYIS DON BSHAD ZIN TO, ,RNAM PAR BSHAD PA GANG GIS 'DI'I DON KHONG DU CHUD PAR BYA ZHE NA, KHAMS GSUM PA YI NYON MONGS PA CAN, ,DRUG DANG DRUG DANG GNYIS RNYED DO, ,ZHES BYA BA 'DI NYID KYIS TE, DE DAG KHO NA KHYAD PAR MED PAR DGUR BYAS PA YIN NO, ,JI LTAR ZHE NA, 'DOD PA NA SPYOD PA'I NYON MONGS PA CAN LA, KHAMS SU SLAR LOG PA LAS 'DOD PA NA SPYOD PA'I DGE BA DANG, MI DGE BA DANG BSGRIBS LA LUD DU MA BSTAN PA DANG GSUM @257A *, ,DANG; GZUGS NA SPYOD PA LA KHAMS SU SLAR LDOG PA LAS GZUGS NA SPYOD PA GSUM DANG, 'DOD PA NA SPYOD PA MA BSGRIBS LA LUNG DU MA BSTAN PA SPRUL PA'I SEMS DANG, YONGS SU NYAMS PA LAS GZUGS MED PA NA SPYOD PA'I NYON MONGS PA CAN DANG SLOB PA'O, ,'DI'I BSDU BA'I TSIGS SU BCAD PA NI, ,LDOG LAS 'DOD KHAMS GSUM YIN TE, ,GZUGS NA BZHI'O DE BZHIN DU, ,NYAMS LAS GZUGS MED GTOGS SLOB STE, ,MA PHYED DE BZHIN GSHEGS PAR BYA, ,ZHES BYA BA 'DI YIN TE, 'DI NI DON GO ZIN PA'I PHYIR YANG RNAM PAR MI BSHAD DO, ,SKYE DANG SNYOMS PAR 'JUG PA DANG, ,ZHES BYA BA LA SOGS PA LA TSIGS SU BCAD PA 'DI NI, ,KHAMS GSUM PA YI NYON MONGS CAN, ,ZHES BYA BA'I THA TSIG LE'UR BYAS PA DE LAS RNYED PA BSHAD PA GANG YIN PA DE BSDU BAR BYA BA'I PHYIR RO, ,SKYE BA'I TSE JI LTAR RNYED CE NA, DGE BA DANG NYON MONGS PA CAN DANG MA BSGRIBS LA LUNG DU MA BSTAN PA RNAMS TE, KHAMS GSUM SLAR LOG PA LAS DE DAG RNYED DO, ,SNYOMS PAR 'JUG PA'I TSE JI LTAR ZHE NA, GZUGS DANG GZUGS MED PA NA SPYOD PA'I DGE BA DAG NI DE PA'I TING NGE 'DZIN THOB PA LAGS SO, ,'DOD CHAGS DANG BRAL BA'I TSE JI LTAR ZHE NA, SLOB PA LA BZHI, 'PHAGS PA'I LAM GYIS 'DOD PA DANG GZUGS KYI KHAMS LAS 'DOD CHAGS DANG BRAL BAR BYED PA NA SPRUL PA'I SEMS LA SOGS PA RNAMS RNYED PAR BSHAD PA LTA BU'O, ,YONGS SU NYAMS PA'I TSE JI LTAR ZHE NA JI SKAD DU, GZUGS MED PA NA SPYOD PA'I NYON MONGS PA CAN DANG SLOB PA'O ZHES BSHAD PA LTA BU'O; ,DGE BA'I RTZA BA NYID MTSAMS SBYOR BA'I TSE JI ZHE NA, THE TSOM MAM YANG DAG PA'I LTA BAS DGE BA'I RTZA BA NYID MTSAMS SBYOR BA LA DGE BA LTA BU'O, ,SEMS DE DANG LDAN PA MIN LAS, ,ZHES BYA BA NI JI SKAD DU BSHAD PA'I SEMS RNAMS DANG MI LDAN PA LAS RNYED CES BYA BA'I THA TSIG GO, ,SLOB DPON GANG BA SPEL BAS MDZAD PA, CHOS MNGON PA MDZOD KYI 'GREL BSHAD MTSAN NYID KYI RJES SU 'BRANG BA ZHES BYA BA LAS DBANG PO BSTAN PA ZHES BYA BA MDZOD KYI GNAS GNYIS PA'I 'GREL BSHAD DO,, ,,DA NI ZHES BYA BA LA, 'DI NI MDZOD KYI GNAS GSUM PA'I @257B 'GREL BSTAN PAR BYA BA'I PHYIR SMOS SO, ,'DOD PA DANG GZUGS DANG GZUGS MED PA'I KHAMS KYI NGES PAS SEMS LA SOGS PA BSTAN PA BYAS PA ZHES BYA BA LA, DES PA'I DNGOS PO NI NGES PA YIN PA'AM, DES PA NYID NGES PA YIN TE, DES NA, 'DOD YID DGE DANG MI DGE DANG, ,BSGRIBS BA DANG NI MA BSGRIBS PA, ,GZUGS DANG GZUGS MED PA DAG NA, ,MI DGE LAS GZHAN ZHES SEMS LA SOGS PA BSTAN PA BYAS PA YIN NO, ,SOGS PA ZHES BYA BA'I SGRAS NI KHAMS DANG DBANG PO LA SOGS PA BSDU STE, JI SKAD DU, 'DOD KHAMS GTOGS PA THAMS CAD DO, ,GZUGS KYI KHAMS NA BCU BZHI'O, ,ZHES BYA BA LA SOGS PA DANG, DE BZHIN DU DBANG PO RNAMS KYANG, ,DRI MED MA GTOGS 'DOD PAR GTOGS, ,PHO MO'I DBANG DANG SDUG BSNGAL DAG ,MA GTOGS GZUGS GTOGS ZHES RGYAS PAR BSHAD LA, THAL MA THAG TU YANG, KHAMS GSUM PA YI NYON MONGS CAN, ,ZHES BYA BA LA SOGS PA BSHAD NA, 'DOD PA DANG GZUGS DANG GZUGS MED PA DE DAG GI MTSAN NYID MA BSTAN PA YIN PAS 'DRI BA NI DE LA 'DOD PA DANG GZUGS DANG GZUGS MED PA'I KHAMS DE DAG GANG YIN PA BRJOD PAR BYA STE ZHES BYA'O, ,DE'I PHYIR, DMYAL BA YI DAGS DUD 'GRO DANG, ,MI RNAMS ZHES BYA BA RGYAS PAR SMOS TE, 'DI DAG LA YID DU 'ONG BA CUNG ZAD KYANG MED PAS DMYAL BA DAG GO, ,SKOM PAS YONGS SU NON PAS NA YI DAGS SO, ,DUD DE 'GRO BAS NA DUD 'GRO'O, ,YID SHAS CHE BA'I PHYIR NA MI DAG GO, ,'JIG RTEN PA RNAMS NA RE SHED KYI BU YIN BAS NA'O ZHES ZER RO, ,'DI DAG GI KHANG KHYIM NAM MKHA' LA YOD PA'AM, DE LA GNAS PAS NA LHA'O, ,RTZE BAS NA LHA STE ROL PAS NA ZHES BYA BA'I DON TO, ,RGYAL PO CHEN PO'I GNAS BZHI YOD PA NI RGYAL CHEN BZHI'I RIS PA RNAMS TE, BAR GYI TSIG MI MNGON PAR BYAS PA'I PHYIR BA GLANG GI SHING RTA BZHIN NO, ,RNAM PA GCIG TU NA 'DI DAG LA RGYAL PO CHEN PO BZHI'I DBANG PHYUG YOD PAS NA RGYAL CHEN BZHI PA RNAMS SO, ,LEGS PAR BYAS PA LHAN CIG TU BYAS PA DAG GIS DER SKYE BAS NA SUM CU RTZA GSUM PA RNAMS SO, ,'JIG RTEN PA RNAMS NA RE NOR LHA BRGYAD DANG, THA SKAR GYI BU GNYIS @258A *, ,DANG; DRAG PO BCU GCIG DANG, NYI MA BCU GNYIS TE, DE LTAR NA NYE DBANG SUM CU RTZA GNYIS DANG, DBANG PO GCIG STE SUM CU RTZA GSUM MO ZHES ZER TE, GSUNG RAB LAS KYANG DE'I RJES SU 'BRANGS TE DE LTAR MING BSNYAD DO, ,SDUG BSNGAL DANG BRAL ZHING BYE BA NI 'THAB BRAL BA RNAMS SO, ,DGA' BA DANG LDAN ZHING NYE BAR 'BREL PAR GNAS PAS NA DGA' LDAN PA RNAMS TE, 'DI NI DGA' BA MGU BA'O DGA' BA RANGS PA'O ZHES BYA BA'I SKAD KYI DBYINGS DAG LA YIN NO, ,'DI DAG LA RANG GIS SPRUL PA'I LONGS SPYOD LA DGA' BAS 'PHRUL PA LA DGA' BA YOD PAS NA 'PHRUL DGA' BA RNAMS SO, ,GZHAN GYIS SPRUL PA'I LONGS SPYOD DAG DBANG SGYUR BAR BYED PAS NA GZHAN 'PHRUL DBANG BYED PA RNAMS SO, ,DMYAL BA CHEN PO BRGYAD DE ZHES BYA BA LA, YANG SOS NI GANG NA SEMS CAN LUS BCAD CING GTUBS PAS 'CHI BA RNAMS YANG SOS PAS NA YANG SOS SO, ,THIG NAG NI GANG NA SEMS CAN RNAMS THIG NAG POS BTAB NAS 'DRA BA'O, ,BSDUS 'JOMS NI GANG DU SEMS CAN RNAMS NGOS GNYIS NAS LUG LTA BU'I RI 'ONGS TE 'JOMS PA'O, ,DU 'BOD NI GANG DU SEMS CAN RNAMS GZIR BA NA MCHOG TU RNAM PAR 'GYUR ZHING NGA RO 'BYIN PA'O, ,GANG DU KHYAD PAR DU YIN PA DE NI DU 'BOD CHEN PO'O, ,TSA BA NI GANG DU SEMS CAN RNAMS ME LA SOGS PA DAG GIS GDUNG BAR BYED PA'O, ,GANG DU KHYAD PAR DU YIN PA DE NI RAB TU TSA BA'O, ,MNAR MED PA NI GANG DU SEMS CAN ME 'BAR BAS TE BOR BSKOR BA RNAMS LA BDE BA'I MNAR MED DO, ,YANG NA SDUG BSNGAL LA BAR MTSAMS MED PA'I PHYIR MNAR MED PA'O, ,'DZAM BU'I GLING NI 'DZAM BUS MTSON PA'I GLING NGO, ,SHAR GYI LUS 'PHAGS NI LHUN PO'I SHAR NA'O, ,NUB KYI BAN GLANG SPYOD NI GANG ZHIG NUB NA YOD PA'O, ,BYANG GI SGRA MI SNYAN NI BYANG NA'O, ,'DI DAG NI MING STE GLING DE DAG NI 'JIG RTEN LA GRAGS PAR ZAD DO, ,BSHAD MA THAG PA'I LHA'I RIGS DRUG DANG ZHES BYA BA LA, DMYAL BA BRGYAD DANG GLING BZHI DANG, RGYAL CHEN BZHI LA SOGS PA BSHAD MA THAG PA DRUG DANG, YI DAGS DANG DUD 'GRO STE, DE LTAR NA GNAS NYI SHU PO DE DAG NI 'DOD PA'I KHAMS YIN NO, ,CHU BUR CAN LA @258B SOGS PA GRANG BA'I DMYAL BA BA RGYAD NI YANG SOS LA SOGS PA RNAMS KYANG NGOS BZHIN DE DAG GI 'KHOR LTA BUR GNAS TE, DES NA GTZO BO MA YIN PA'I PHYIR GRANG BA'I DMYAL BA RNAMS LOGS SHIG TU MA BSTAN LA, NYI TSE BA'I DMYAL BA RNAMS KYANG YUL DANG GRANGS DANG TSAD MA NGES PAS LOGS SHIG TU MA BRJOD DO, ,DE NYID KYI PHYIR DMYAL BA CHEN PO ZHES KHYAD PAR LA BRTEN TE, GZHAN DAG KYANG YOD BZHIN DU SNYAM DU BSAMS PA'O, ,DER SO SOR, BSAM GTAN SA NI GSUM PA YIN, ,ZHES BYA BA RGYAS PAR 'BYUNG BA LA, RE ZHIG BSAM GTAN GSUM NI CHUNG DU DANG 'BRING DANG CHEN PO'I DBYE BAS RE RE ZHING SA RNAM PA GSUM YIN NO, ,BZHI PA NI CHUNG DU DANG 'BRING DANG CHEN POR PHYE BA'I PHYIR DANG, DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES 'PHAGS PA'I YANG RNAM PA LNGAR PHYE BA'I PHYIR SA BRGYAD PA NYID DO, ,LAS CHEN PO LAS SKYES PA'I PHYIR TSANGS PA'I RIS NA YOD PA NI TSANGS RIS RNAMS SO, ,GZHAN DAG NI TSANGS PA'I 'KHOR DU BYUNG BA'I PHYIR TSANGS 'KHOR TE, TSANGS PA'I RIM GRO PA ZHES BYA BA'I DON TO, ,GZHAN DAG NI MDUN NA 'DON LTA BUR 'DUG PAS MDUN NA 'DON TE ZHES 'DON TO, ,TSANGS PA'I MDUN NA 'DON PAR BYED PAS NA TSANGS PA'I MDUN NA 'DON RNAMS SO, ,TSE DANG KHA DOG LA SOGS PA'I KHYAD PAR DAG GIS TSANGS CHEN YIN PAS NA TSANGS CHEN RNAMS TE, TSANGS PA YANG DE DAG YIN LA TSANGS PA CHEN PO YANG YIN PAS NA TSANGS CHEN NO, ,'DI DAG LA RANG GI SA LA LTOS NAS 'OD CHUNG BAS NA 'OD CHUNG RNAMS SO, ,'DI DAG LA 'OD GZHAL DU MED PA YOD PAS NA TSAD MED 'OD RNAMS SO, ,'DI DAG LA SPRIN LAS GLOG LTAR GANG RUNG RUNG NAS 'OD 'BYUNG ZHING 'PHRO BA YOD PAS NA 'OD GSAL RNAMS SO, ,YID KYIS PA'I BDE BA LA DGE BA ZHES BRJOD DE, 'DI DAG LA RANG GI SA LA LTOS NAS CHUNG DU YOD PAS NA DGE CHUNG RNAMS SO, ,'DI DAG LA DGE BA GZHAL DU MED PA YOD PAS NA TSAD MED DGE RNAMS SO, ,'DI DAG LA DGE BA MTHA' DAG YOD PAS NA DGE RGYAS RNAMS TE, DE BAS MCHOG TU GYUR PA'I BDE BA NI GZHAN NA MED DO SNYAM DU BSAMS PA'O, ,'DI DAG LA SPRIN BZHIN DU SA DANG 'BREL PA MED PAS NA SPRIN MED RNAMS TE, DE'I GZHAL @259A *, ,MED KHANG, SEMS CAN BCAS TE 'BYUNG 'JIG PHYIR, ,ZHES 'BYUNG BA'I PHYIR RO, ,'DI DAG MI G-YO BA'I LAS LAS BYUNG BA'I PHYIR BSOD NAMS DAG LAS SKYES PAS NA BSOD NAMS SKYES RNAMS SO, ,'DI DAG LA GNAS GZHAN LA RAG LAS PA'I 'BRAS BU CHEN PO SO SO'I SKYE BO PA THAMS CAD PAS MCHOG TU GYUR PA 'BYUNG BAS NA 'BRAS BU CHE BA RNAMS SO, ,SO SO'I SKYE BO DANG MA 'DRES PA'I PHYIR 'DI DAG GI GNAS GTZANG MA RNAMS SO, ,DUS THUNG DUS BDAG DANG GNAS GTONG ZHING 'DOR BAR MI BYED PAS NA MI CHE BA RNAMS SO, ,GZHAN DAG NA RE NI 'DI DAG LA NYON MONGS PA'I TSAD CHEN PO LUS PA MED PAS NA'O ZHES ZER RO, ,TING NGE 'DZIN KHYAD PAR DU 'PHAGS PA BSGOMS PA'I PHYIR NYON MONGS PA RNAMS KYIS GDUNG BAR MI BYED PAS NA MI GDUNG BA RNAMS SO, ,YANG NA BSAM PA DGE BA'I PHYIR GZHAN DAG GDUNG BAR MI BYED PAS NA MI GDUNG BA RNAMS SO, ,SNANG BA YONGS SU DAG PA'I PHYIR LEGS PAR SNANG BAS NA GYA NOM SNANG RNAMS SO, ,MTHONG BAS MDZES PA'I PHYIR SHIN TU MTHONG RNAMS SO, ,SNYOMS PAR 'JUG PA MCHOG DANG LDAN PA'I PHYIR DANG, DE'I GONG NA GZHAN MED PA'I PHYIR DE DAG 'OG MA YIN PAS NA 'OG MIN TE, THU BOR GYUR PA'I PHYIR RO, ,GZHAN DAG NA RE BSAGS PA'I GZUGS KYI MTHA' YIN PA'I PHYIR GZUGS MTHA' YIN NO ZHES ZER RO, ,DE'I PHYIR DE DAG NI GNAS BCU BDUN ZHES BYA STE, GNAS KYI SGRAS GNAS PA BSTAN TO, ,DE LTAR NA NYI 'OG PA'I LUGS KYIS NI GZUGS KYI KHAMS GNAS BCU BDUN TE, TSANGS CHEN PA RNAMS TSANGS PA'I MDUN NA 'DON PA DAG BAS TSE DANG LUS KYI TSAD DANG RTOG PA DANG TSOR BA LA SOGS PA THA DAD PAS THA DAD PA'I PHYIR SA GZHAN YIN NO, ,KHA CHE BA RNAMS NA RE BCU DRUG PA YIN TE TSANGS PA'I MDUN NA 'DON KHO NA DAG NA TSANGS PA CHEN PO'I GNAS CHES MCHOG TU GYUR PA ZHIG YOD DO ZHE'O, ,PAGS PA BZHIN DU ZHES BYA BA NI BANG RIM BZHIN DU STE, SA GZHAN NI MED DO, ,GZUGS MED KHAMS NA GNAS MED DO, ,ZHES BYA BA LA, 'DI LA GNAS YOD PA MA YIN PAS NA GNAS MED DO, ,GZUGS CAN NI 'DAS PA DANG MA 'ONGS PA RNAMS YUL NA MI GNAS PA YIN GYI, DA LTAR BA NI MA YIN NO, ,GZUGS CAN MA YIN @259B PA RNAM PAR RIG BYED MA YIN PA DANG BCAS PA RNAMS NI THOGS PA MED PA'I PHYIR DUS GSUM KAR YANG YUL NA MI GNAS PA YIN LA, GZUGS MED PA RNAMS KYANG GZUGS MED PA MA YIN TE, DE'I PHYIR YUL NA MI GNAS SO, ,GAL TE DE LTA NA 'O NA DE RNAM PA BZHI YIN ZHE NA, SKYE BA LAS NI RNAM PA BZHI ZHES BYA BA SMOS SO, ,DE DAG LA YUL GYIS BYAS PA'I BLO NI MED DE ZHES BYA BA NI YUL NA MI GNAS PA'I PHYIR RO, ,TING NGE 'DZIN THOB PA RNAMS ZHES BYA BA RGYAS PAR 'BYUNG NGO, ,GAL TE DE NYID DU SKYE NA JI LTAR YUL NA MI GNAS PA YIN ZHE NA, RTEN SNGA MA'I SGO NAS DE NYID DU SKYE'O ZHES BYA BAR GDAGS KYI YUL DE NA GNAS PA NYID KYIS NI MA YIN TE, GZUGS KYI LUS MED PA'I PHYIR GZHAN DU NI MA YIN NO SNYAM DU BSAMS PA'O, ,'O NA 'CHI 'PHO BA RNAMS KYIS SRID PA BAR MA DE NYID DU JI LTAR 'GRUB CE NA, YUL DE'I LUS LA CHAGS PAS 'JUG PA RNYED PA LAS BAG CHAGS YONGS SU RGYAS PAS DE NAS 'CHI 'PHO BA RNAMS KYI SRID PA BAR MA YANG DE NYID DU 'GRUB PAS SKYE BA'I BYE BRAG GIS RNAM PA BZHI NYID YIN PAR RIGS SO, ,GAL TE BLA 'OG MED NA DE DAG GI GO RIMS GANG GIS BYAS SHE NA, 'DOD CHAGS DANG BRAL BA DANG SNYOMS PAR 'JUG PAS BYAS PA DANG, TSE DANG SKYE BAS BYAS PA ZHIG STE, DE DAG SKYE BA'I RGYU NI JI LTA JI LTAR 'BRAS BU MANG BA'I PHYIR RO, ,JI LTAR SEMS CAN GZUGS CAN RNAMS ZHES BYA BA RGYAS PAR 'BYUNG BA LA, 'DRI BA'I BSAM PA NI 'DI NA 'DOD PA DANG GZUGS KYI KHAMS DAG GI SEMS DANG SEMS LAS BYUNG BA RNAMS NI BDAG MED NA GZUGS LA BRTEN TE 'JUG PAR BRTAGS NA, GZUGS MED PA DAG NA NI GZUGS MED DE, DES NA DE NA RTEN MED PA'I PHYIR SEMS DANG SEMS LAS BYUNG BA 'JUG PAR MI 'GYUR RO SNYAM PA'O, ,DE'I PHYIR DE'I RTEN KHONG DU CHUD PAR BYA BA'I PHYIR, DER NI RIS DANG SROG LA YANG ZHES BYA BA LA SOGS PA SMOS SO, ,YANG ZHES BYA BA'I SGRA NI LDAN PA MA YIN PA'I 'DU BYED GZHAN BSDU BAR BYA BA'I PHYIR TE, DE DAG KYANG SO SO'I SKYE BO NYID DANG THOB PA DANG SKYE BA LA SOGS PA'O, ,DE DAG GI RTEN NYID NI SEMS DANG SEMS LAS BYUNG BA 'JUG @260A *, ,PA'I RGYU MTSAN GYI DNGOS POR NYE BAR 'GRO BA GANG YIN PA DE YIN TE, GANG ZHIG YOD PA DANG MED PA DAG NA GANG ZHIG 'JUG PA DANG LDOG PA DE NI DE'I RTEN ZHES BYA'O, ,CHOS MNGON PA ZHES BYA BA SMOS PA DE DAG NI LDAN PA MA YIN PA'I 'DU BYED RDZAS SU MED PA'I PHYIR RTEN GYI DNGOS POR MI RUNG NGO ZHES SHES PAR BYA BA'I PHYIR RO, ,'O NA CI'I PHYIR SEMS CAN GZUGS CAN RNAMS KYI ZHES BYA BA RGYAS PAR 'BYUNG BA LA, YANG JI LTAR GZUGS CAN DAG NA RIS DANG SROG LA BRTEN NAS 'JUG PA MA YIN PA ZHES BYA BA 'DI SHES PAR BYA ZHE NA, LUS KYI DBANG PO MED NA DE MED PA'I PHYIR RO, , GANG ZHIG GANG GI RTEN YIN PA DE NI NAM YANG DE'I RTEN MA YIN PAR RIGS PA YANG MA YIN TE, DE'I PHYIR GZUGS CAN RNAMS KYIS KYANG DE GNYIS KHO NA LA BRTEN NAS 'JUG PAR KHAS BLANG BAR BYA DGOS SO, ,STOBS CHUNG BA'I PHYIR RO ZHES BYA BA LA, SEMS KYI RGYUD CES TSIG LHAG MA DANG SBYAR BAR BYA'O, , DE STOBS CHUNG BA NYID NI SEMS KYI RGYUD GZUGS KYI 'DU SHES DANG MA BRAL BA'I PHYIR TE, STOBS CHUNG BA NI RTEN STOBS DANG LDAN PA LA MA LTOS PAR 'BYUNG BAR MI NUS SO, ,DE'I PHYIR DE NI GZUGS LA BRTEN NAS 'JUG GO, ,DES NA RIS DANG SROG KYANG BRTEN NAS 'JUG STE, DE NYID KYANG STOBS CHUNG BA'I PHYIR RO; ,DES NA CI'I PHYIR STOBS DANG LDAN PA NYID YIN ZHES BYA BA NI GZUGS MED PA'I SEMS KYI RGYUD DE STE, DE'I PHYIR SNYOMS PAR 'JUG PA'I KHYAD PAR LAS SKYES PA'I PHYIR TE ZHES BYA BA SMOS SO, ,SNYOMS PAR 'JUG PA DE SNYOMS PAR 'JUG PA GZHAN LAS KHYAD PAR DU 'PHAGS PA BSTAN PA'I PHYIR SNYOMS PAR 'JUG PA DE NI GZUGS DANG BRAL BA'I 'DU SHES CAN YIN NO ZHES BYA BA SMOS TE, GZUGS KYI 'DU SHES DANG BRAL BA ZHES BYA BA'I DON TO, ,DE'I PHYIR DE NA GZUGS LA MI LTOS PAR RIS DANG SROG LA BRTEN NAS 'JUG STE, DPER NA 'DOD CHAGS DANG BRAL BA'I PHYIR GZUGS KYI KHAMS NA KHAM GYI ZAS MED PAR LUS GNAS LA, DE'I 'DOD CHAGS MA BRAL BA'I PHYIR 'DOD PA'I KHAMS NA NI MA YIN PA BZHIN NO, ,'O NA NI STOBS DANG LDAN BAS TE SNYOMS PAR 'JUG PA'I KHYAD PAR GYIS SKYED PA DE KHO NAS RIS DANG SROG LA LTOS PA MED PAR 'JUG PAR 'GYUR GYI RTEN GZHAN GYIS CI ZHIG BYA, @260B JI LTAR GZUGS CAN RNAMS KYIS ZHES BYA BA RGYAS PAR 'BYUNG BA LA, JI LTAR GZUGS RNAMS KYI RIS MTHUN PA DANG SROG GI DBANG PO GZUGS LA BRTEN NAS YIN PA DE LTAR GZUGS CAN MA YIN PA RNAMS KYI DE DAG CI LA BRTEN NAS YIN, DE GNYIS NYID PHAN TSUN DU'O ZHES BYA BA LA, RIS MTHUN PA NI SROG GI DBANG PO LA BRTEN NAS 'JUG LA, SROG GI DBANG PO YANG RIS MTHUN PA LA BRTEN NAS SO, ,DE GNYIS ZHES BYA BA NI RIS MTHUN PA DANG SROG GI DBANG PO GNYIS SO, ,STOBS CHUNG BA'I PHYIR RO ZHES BYA BA NI DE DAG GI RGYU GZUGS KYI 'DU SHES DANG MA BRAL BA'I PHYIR STOBS CHUNG BA NYID DO, ,DE NA ZHES BYA BA NI GZUGS MED PA'I KHAMS NA'O, ,SNYOMS PAR 'JUG PA'I KHYAD PAR LAS SKYES PA'I PHYIR RO ZHES BYA BA NI DE'I RGYU GZUGS KYI 'DU SHES DANG BRAL BA YIN PA'I PHYIR RO ZHES BYA BA'I DON TO, ,DE NI SEMS KYI RGYUD LA YANG MTSUNGS SO, ,DE GANG ZHE NA, TING NGE 'DZIN GYI KHYAD PAR LAS SKYES PA'I PHYIR STOBS DANG LDAN PA NYID DE, DE'I PHYIR RTEN MED PA KHO NAR 'JUG PAR 'GYUR RO, ,YANG NA SKAD CIG MA DANG PO LA BRTEN NAS GNYIS PA 'JUG PA LA SOGS PA'O, ,SEMS DANG SEMS LAS BYUNG BA DAG LA YANG ZHES BYA BA LA, GAL TE MI BRTEN PA'AM 'GAG PA LA BRTEN PAR MI 'DOD NA, 'O NA NI DE DANG RIS MTHUN PA DANG SROG GI DBANG PO GNYIS PHAN TSUN BSTEN NAS 'JUG PA DE BZHIN DU SEMS LA BRTEN NAS SEMS LAS BYUNG BA RNAMS SAM, SEMS LAS BYUNG BA RNAMS LA BRTEN NAS SEMS 'JUG PAS DE LAS GZHAN PA'I RTEN YONGS SU RTOG PA DGOS PA MED DO, ,GZHAN YANG SEMS KYI RGYUN GANG GIS ZHES BYA BA RGYAS PAR 'BYUNG BA LA, SEMS KYI RGYUN GYI 'PHEN PA'I RGYU NI LAS DANG NYON MONGS PA'I MTSAN NYID DO, ,SRED PA DANG BRAL BA ZHES BYA BA NI SRED PA DANG MI LDAN ZHING BRAL BA'O, ,GANG ZHE NA GZUGS LA STE, SEMS KYI RGYUD DE NI GZUGS LA MI LTOS PAR 'JUG GO, ,RGYU DE LA RGYAB KYIS PHYOGS PA'I PHYIR RO ZHES BYA BA NI GZUGS LA RGYAB KYIS PHYOGS PA'I PHYIR RO, ,'DOD PA DANG LDAN PA'I KHAMS NI 'DOD PA'I KHAMS SO ZHES BYA BA LA, GNAS NYI SHU NI 'DOD PA'I GTZO BO YIN PA'I PHYIR 'DOD PA'I SGRAS BRJOD DO, ,DE DANG LDAN PA NI DE DANG BRAL BA MA YIN PA STE, DE'I @261A *, ,KHONGS SU 'DU ZHES BYA BA'I DON TO, ,GNAS BCU BDUN NI GZUGS GTZO BO YIN PA'I PHYIR GZUGS KYI SGRAS BSNYAD DE, DE DANG LDAN PA'I KHAMS NI GZUGS KYI KHAMS SO, ,RDO RJE'I SOR GDUB LTA BU DANG, ,ZHES BYA BA LA, RDO RJE DANG LDAN PA'I SOR GDUB STE 'GU YA'AM GDU BU NI RDO RJE'I GDU BU YIN PA BZHIN NO, ,NA LE SHAM GYI BTUNG BA ZHES BYA BA BZHIN NO ZHES BYA BA LA, JI LTAR BAR GYI TSIG MI MNGON PAR BYAS PA'I PHYIR NA LE SHAM DANG LDAN PA'I BTUNG BA NI NA LE SHAM GYI BTUNG BA YIN PA DE BZHIN DU, 'DOD PA DANG LDAN PA'I KHAMS KYANG 'DOD PA'I KHAMS LA SOGS PA YIN NO, ,GZUGS MED PA'I KHAMS NA GNAS MED PA'I PHYIR RO, ,GZUGS MED PA'I DO BO NI GZUGS MED PA NYID DO ZHES BYA BA SMOS TE, DE NI THOGS PA MED PA NYID DO, ,DE DANG LDAN PA'I KHAMS NI ZHES BYA BA NI THOGS PA MED PA'I BDAG NYID CAN NO ZHES BYA BA'I DON TO, , YANG NA 'DOD PA RNAMS KYI KHAMS NI ZHES BYA BA 'BYUNG NGO, ,'DOD PA RNAMS KYI KHAMS DE YANG GANG ZHIG CE NA, GANG ZHIG 'DOD PA RNAMS 'DZIN PA'O ZHES BYA BA SMOS TE SREL ZHES BYA BA'I DON TO, ,GZUGS DANG GZUGS MED PA'I KHAMS DAG KYANG DE DANG 'DRA BAR RIG PAR BYA'O ZHES BYA BA LA; GZUGS RNAMS KYI KHAMS NI GZUGS KYI KHAMS TE, GANG ZHIG GZUGS RNAMS 'DZIN PA'O, ,DE BZHIN DU GZUGS MED PA RNAMS KYI KHAMS NI GZUGS MED PA'I KHAMS TE, GANG ZHIG GZUGS MED PA RNAMS 'DZIN PA'O, ,'DOD PA RNAMS KYI KHAMS NI ZHES BYA BA SMOS PA DE'I PHYIR 'DOD PA ZHES BYA BA 'DI CI YIN ZHE NA ZHES BYA BA SMOS SO, ,KHAM GYI ZAS DANG 'KHRIG PA DANG LDAN PA'I ZHES BYA BA NI DE'I RGYU MTSAN CAN DANG, DE'I YUL CAN ZHES BYA BA'I DON TO, ,JI SKAD BSHAD PA'I 'DOD CHAGS 'DOD PA YIN NO ZHES BYA BAR JI LTAR SHES PAR BYA ZHE NA, 'JIG RTEN SNA TSOGS GANG DE 'DOD PA MIN ZHE NA RGYA CHER 'BYUNG BA'I LUNG LAS SO, ,KUN DU RTOG PAS SKYED PA'I 'DOD CHAGS NI KUN RTOG 'DOD CHAGS TE, DE NI TSUL BZHIN MA YIN PA'I RTOG PA SNGON DU 'GRO BA CAN YIN PA'I PHYIR RO, ,DE'I PHYIR TSIGS SU BCAD PA 'DI LAS NI KUN DU RTOG PA'I 'DOD CHAGS @261B KHO NA 'DOD PA YIN NO ZHES BYA BAR SHES SO, ,DE NI MI DGE'I RTOG PA KUN RTOG TSE, ,DGE SLONG YANG NI 'DOD SPYOD CAN DU 'GYUR, ,ZHES BYA BA LA, MNGON DU GYUR PA TZAM ZHIG DE DAG GIS NYE BAR LONGS SPYOD PA YIN PA'I PHYIR RO, ,'DOD PA NYE BAR LONGS SPYOD PA NI RNAM PA GSUM STE, LUS DANG DAG DANG YID KYIS SO, ,'PHAGS PA SH'A RI'I BUS ZHES BYA BA NI GONG DU SMRAS PA KHYAD DU BSAD NAS SKYON GZHAN SMRAS PA'O, ,GAL TE 'JIG RTEN ZHES BYA BA RGYAS PAR 'BYUNG BA LA, GAL TE GZUGS LA SOGS PA YUL SNA TSOGS PA DAG YIN NO ZHES BYA BA KHYOD KYI PHYOGS YIN ZHING, STON PA YANG KHYOD KYIS 'DOD CHAGS DANG BRAL BAR KHAS BLANGS NA, DES NA KHYOD KYI STON PA 'OD 'DOD SPYOD CAN DU 'OD STE 'GYUR RO, ,GZUGS RNAMS MTHONG NAS NI ZHES BYA BA NI DPE TZAM ZHIG STE, REG RNAMS REG NA NI ZHES BYA BA'I BAR DU YANG DE BZHIN DU KHONG DU CHUD PAR BYA'O, ,'DI LTAR MTHONG BA DANG THOS PA DANG, BSNAMS PA DAD MYANGS PA DANG, REG PA RNAMS NI YUL GYI 'DOD PA RNAMS NYE BAR LONGS SPYOD PA YIN PAS KHYOD KYI STON PA 'DOD CHAGS SRA DANG BRAL BA YANG GZUGS KYI REG PA LA SOGS PA LA 'DOD PA NYE BAR LONGS SPYOD PA CAN NYID DU 'GYUR RO, ,KHO BO'I LTAR NA NI DAG SLONG 'DOD CHAGS DANG MA BRAL BA KHO NA 'DOD PA SPYOD PA CAN DU 'GYUR GYI 'DOD CHAGS DANG BRAL BA NI MA YIN LA, DE YANG YID KYI SGO NAS 'GYUR GYI LUS DANG DAG GI SGO NAS NI MA YIN NO, ,'DI TZAM GYIS NI DGE SLONG DGE SLONG MA YIN PAR 'GYUR BA YANG MA YIN TE, 'O NA CI ZHE NA, PHAM PAR 'GYUR BA'I LTUNG BA DANG 'BREL PA LAS YIN LA, DE YANG LUS KHO NA'I SGO NAS YIN NO, ,DE'I PHYIR SKYES BU'I KUN DU RTOG PA'I 'DOD CHAGS 'DOD PA YIN NO ZHES BYA BAR GRUB PO, ,YANG CI CHOS GANG DAG CES BYA BA RGYAS PAR 'BYUNG BA LA, GANG DAG CES BYA BA NI KHA CIG DAG CES BYA BA'I DON TO, ,'DOD PA'I KHAMS NA NI SNYOMS PAR 'JUG PA'I CHO; GZUGS DANG GZUGS MED PA DANG ZAG PA MED PA RNAMS KUN DU SPYOD LA, GZHAN GYI TSE NI THOB PA'O, ,GZUGS KYI KHAMS NA NI 'DOD PAR GTOGS PA'I SPRUL PA'I SEMS DANG, GZUGS MED PA DANG ZAG PA MED PA'I CHOS RNAMS KUN DU SPYOD DO, ,GZUGS MED PA'I KHAMS NA NI ZAG PA MED PA KHO NA @262A *, ,KUN DU SPYOD DO, ,SMRAS PA MA YIN NO ZHES BYA BA NI 'GOG PA'O, ,'O NA CI ZHE NA, GANG DAG LA 'DOD PA DANG GZUGS DANG GZUGS MED PA'I 'DOD CHAGS DAG RGYAS PAR 'GYUR BA'O ZHES BYA BA 'BYUNG STE, CI RIGS PAR DMIGS PA 'AM MTSUNGS PAR LDAN PA'I SGO NAS SO, ,DA NI 'DI RTA DANG BRES LTA BU YIN TE ZHES BYA BA LA, 'DI RTA BRTOD SA'I YIN PA NI BRES SO, ,GNYI GA YANG MI SHES PA'I PHYIR BRES DANG 'DRA BA NI BRES LTA BU STE, DE BZHIN DU 'DIR YANG 'DOD CHAGS DAG GIS KHAMS RNAMS BSGRUB CING KHAMS RNAMS KYIS KYANG 'DOD CHAGS DAG YIN PAS 'DI GNYIS KA YANG MI 'GRUB PO ZHE NA; GNAS BRTAN PA DE DE DAG LA 'DOD CHAGS DANG MA BRAL BA'I 'DOD CHAGS GANG YIN PA DE NI 'DOD PA'I 'DOD CHAGS YIN LA, DE GANG DU RGYAS PAR 'GYUR BA'I CHOS DE YANG 'DOD PA DANG LDAN PA YIN NO, ,DE BZHIN DU ZHES BYA BA RGYAS PAR 'BYUNG BA LA, GONG MA'I GNAS DAG BCU BDUN NI, , ZHES GZUGS KYI KHAMS GSUM GNAS BRTAN PA'I GNAS DE DAG LA 'OG MA'I 'DOD CHAGS DANG BRAL BA'I 'DOD CHAGS GANG YIN PA DE NI GZUGS KYI 'DOD CHAGS YIN LA, DE GANG DU RGYAS PAR 'GYUR BA'I CHOS DE YANG GZUGS DANG LDAN PA YIN NO, ,DE BZHIN DU, GZUGS MED KHAMS NA GNAS MED DO; ,SKYE BA LAS NI DE RNAM BZHI, ,ZHES GZUGS MED PA'I KHAMS SU SKYE BA BSTAN PA DE DAG LA 'DOD CHAGS DANG MA BRAL BA'I 'DOD CHAGS GANG YIN PA DE NI GZUGS MED PA'I 'DOD CHAGS YIN LA, DE GANG DU RGYAS PAR 'GYUR BA DE YANG GZUGS MED PA DANG LDAN PA YIN NO, ,DE NYID BDE BLAG TU KHONG DU CHUD PAR BYA BA'I PHYIR RNAM GRANGS GZHAN GYIS BSTAN PA NI YANG ZHES BYA BA STE, BSAM GTAN DANG GZUGS MED PAR SKYE BA DANG SNYOMS PAR 'JUG PA DAG LA 'DOD CHAGS PA NI GZUGS DANG GZUGS MED PA'I 'DOD CHAGS SO, ,SPRUL PA'I SEMS LA JI LTAR 'DOD PA'I 'DOD CHAGS PA YIN ZHES BYA BA NI 'DOD PA NA SPYOD PA'I SPRUL PA'I SEMS NI 'DOD PA'I KHAMS LAS 'DOD CHAGS DANG BRAL BA RNAMS KHO NA'I BSAM GTAN GYI 'BRAS BU YIN LA, 'DOD PA NA 'DOD CHAGS DANG BRAL BA LA 'DOD PA'I 'DOD CHAGS 'BYUNG BA YANG MA YIN ZHING, 'DOD PA'I 'DOD CHAGS RGYAS PAR MI 'GYUR @262B BA NI 'DOD PAR GTOGS PA YIN PAR 'OS PA YANG YIN NO ZHES 'GAL BAR MTHONG BA CAN GYI DRI BA'O, ,THOB PA DANG YONGS SU NYAMS NAS DE LA CHAGS PA'I PHYIR RO ZHES BYA BA LA, RNAL 'BYOR BA RNAMS NI DE LTAR 'DOD PA NA SPYOD PA'I SPRUL PA'I SEMS KYIS 'DOD PA NA SPYOD PA'I SPRUL PA SPRUL PAR BYED DO ZHES THOS NAS DE LA DMIGS PA'I 'DOD CHAGS SKYE LA, 'DOD PA'I 'DOD CHAGS DANG BRAL BA LAS YONGS SU NYAMS TE, RJES SU DRAN NAS SPRUL PA'I SEMS LA CHAGS PAR BYED DO, ,YANG NA SPRUL PA'I DBANG GIS ZHES BYA BA RGYAS PAR 'BYUNG PA LA, 'DOD PA NA SPYOD PA'I SPRUL PA MTHONG NAS AE MA KYI HUD BDAG LA YANG 'DI 'DRA BA'I SEMS YOD PAR GYUR CIG SNYAM DU SPRUL PAR BYED PA'I SEMS LA YANG 'DOD PA NYON MONGS PA CAN 'BYUNG NGO, ,YANG NA DRI DANG RO SPRUL PA'I PHYIR NA SPRUL PA'I SEMS DE 'DOD PA NA SPYOD PA NYID YIN NO, ,DE NYID LA RGYU SMRAS PA NI, GZUGS NA SPYOD PAS NI DE NYID MI SPRUL PA'I PHYIR RO ZHES BYA BA STE, SA GZHAN GYI BSAM GTAN GYI 'BRAS BU NI SA GZHAN GYI SPRUL PA MI SPRUL LA, DE DAG KHAM GYI ZAS KYI 'DOD CHAGS DANG BRAL BA'I PHYIR DRI DAD RO SPRUL PAR YANG MI RIGS SO, ,GAL TE SA DANG KHAMS SKAL BA MI MNYAM PA LA RGYAS PAR MI 'GYUR BA'I PHYIR RANG GI KHAMS PA'I PHRA RGYAS THAMS CAD KYI KHAMS BSTAN PAR 'GAL BA MED BZHIN DU, CI'I PHYIR 'DOD CHAGS KHO NAS BSNYAD CE NA, PHAL CHER RGYAS PAR 'GYUR BA'I PHYIR TE, 'DI LTAR SEMS CAN RNAMS NI YANG DANG YANG DU 'DOD CHAGS KHO NA LA KUN DU SPYOD PA YIN NO, ,YONGS SU GTUGS PA ZHES BYA BA NI ZAD PA ZHES BYA BA'I DON TO, ,GNYA' SHING TZAM ZHES BYA BA NI CHAR GYI RGYUN GNYA' SHING GI TSAD DANG 'DRA BA'O, ,MTSAMS DANG PAR MED DO ZHES BYA BAS NI 'DAB CHAGS PAR STON TO, ,STENG DANG 'OG CES PA NI MA GSUNGS SO ZHES BYA BA LA, DE'I PHYIR 'JIG RTEN GYI KHAMS RNAMS THAD KAR GNAS PAR BSTAN TO, ,GANG 'DOD PA'I KHAMS GCIG LAS 'DOD CHAGS DANG BRAL BA DE NI ZHES BYA BA RGYAS PAR 'BYUNG STE, DE LTA MA YIN NA KHAMS GSUM DAG MTHA' YAS PA'I PHYIR GCIG TU GROL BA GZHAN DU BCINGS PAS THAR PA MED PA NYID DU 'GYUR RO, ,GZUGS DANG GZUGS MED PA DAG LAS KYANG @263A *, ,DE DANG 'DRA'O ZHES BYA BA LA, JI LTAR ZHE NA, GANG GZUGS KYI KHAMS GCIG LAS 'DOD CHAGS DANG BRAL BA DE NI THAMS CAD LAS TE, NYON MONGS PA'I GNYEN POR MTSUNGS PA'I PHYIR RO, ,GZUGS MED PA'I KHAMS LAS KYANG DE DANG 'DRA'O, ,DE KHO NA YOD PA'I TSANGS PA'I 'JIG RTEN DU ZHES BYA BA LA SOGS PA 'BYUNG STE, DE LTA MA YIN NA STON PA LTAR THAMS CAD KYI 'GRO BA MTHA' THUG PA MED PAR THAL BAR 'GYUR RO, ,KHAMS RNAMS BSHAD ZIN TO, ,DA NI 'GRO BA RNAMS BRJOD PAR BYA STE, DE DAG KYANG GANG DANG GANG NI YIN PA MI SHES TE DE'I PHYIR KHAMS GSUM PO BSHAD PA GANG YIN PA, DER DMYAL SOGS PA 'GRO BA LNGA, ,RANG GI MING GIS BSTAN ZHES BYA BA SMOS SO, ,DPER NA GRONG BUD MED LAS THA DAD PA YIN PAS GRONG NA BUD MED YOD DO ZHES BRJOD PA LTAR RTEN DANG BRTEN PA'I DNGOS PO NI THA DAD PA NYID DU MTHONG BA'I PHYIR TE DE NYID KYI PHYIR, GANG GIS NA DE DAG KHAMS DAG TU ZHES BYA BA 'DIR RGYAS PAR DRIS SO, ,KHAMS RNAMS NI 'GRO BA 'BA' ZHIG YIN PAR MA ZAD KYI, 'O NA CI ZHE NA, 'GRO BA MA GTOGS PA YANG YOD DO, ,DE RNAMS NI DGE BA DANG NYON MONGS PA CAN DANG ZHES BYA BA RGYAS PAR 'BYUNG STE, 'DIR NI KHAMS 'GRO BA MA GTOGS PA YOD PAR BSTAN PA'I PHYIR KHAMS DAG TU 'GRO BA RNAMS ZHES BYA BA BSHAD DO, ,NYON MONGS CAN MIN LUNG BSTAN MIN, ,ZHES BYA BA LA, NYON MONGS PA CAN MA YIN PA SMOS PA NI NYON MONGS PA CAN RNAM PAR GCAD PAR BYA BA'I PHYIR RO, ,LUNG DU BSTAN PA MA YIN PA SMOS PA NI DGE BA GSAL BAR BYA BA'I PHYIR RO, ,SEMS CAN ZHES BYA BA NI SNOD KYI 'JIG RTEN GSAL BAR BYA BA'I PHYIR RO, ,'GRO BA RNAMS NI MA BSGRIBS LA LUNG DU MA BSTAN PA KHO NA'O ZHES BYA BA NI RNAM PAR SMIN PA'I RANG BZHIN YIN PA'I PHYIR RO, ,'DIS NI DE DAG SEMS CAN DU STON PA NYID DU BSHAD PAR 'GYUR TE, SEMS CAN DU STON PA LA RNAM PAR SMIN PA SRID PA'I PHYIR RO, ,DE LTA MA YIN NA 'GRO BA 'CHOL BAR 'GYUR RO ZHES BYA BA NI 'GRO BA RNAMS 'DRES PA'I NGO BO STE THA MI DAD CES BYA BA'I DON TO, ,GAL TE 'GRO BA DAG LUNG DU MA BSTAN PA NYID DU MI 'DOD NA NI SEMS CAN RNAMS PHAL CHER 'GRO BA GZHAN GYI DGE BA DANG NYON MONGS PA CAN DAG DANG YANG LDAN NO, ,LUNG DU MA BSTAN PA DAG DANG NI @263B MA YIN TE, DE DAG GI THOB PA LHAN CIG SKYE BA YIN PA'I PHYIR RO, ,YANG NA 'GRO BA THAMS CAD 'GRUB PAR 'GYUR BA'I LAS RNAMS MI LA SOGS PA'I 'GRO BA'I RGYU YIN LA DE RNAMS KYANG 'GRO BA GZHAN DAG DER GTOGS PA'I PHYIR TE, DE LTAR NA MI LA SOGS PA'I 'GRO BAR DMYAL BA LA SOGS PA'I 'GRO BA YOD PAR THAL BAR 'GYUR RO, ,'GRO BA RNAMS NI SEMS CAN DU STON PA MA YIN PA MED LA, SRID PA BAR MA'I RANG BZHIN YANG MA YIN NO ZHES BYA BA 'DI GO GA LAS SHE NA, BSTAN BCOS LAS SO ZHES BSTAN PA'I PHYIR BTAGS PA LAS KYANG ZHES BYA BA RGYAS PAR SMOS SO, ,SKYE GNAS BZHIS NI 'GRO BA LNGAS BSDUS KYI ZHES 'BYUNG BA LAS NA, SKYE GNAS RNAMS SEMS CAN ZHES PA KHO NA YIN PA'I PHYIR 'GRO BA RNAMS KYANG SEMS CAN ZHES BYA BA KHO NA YIN NO ZHES SHES PAR 'GYUR RO, ,'GRO BA RNAMS SEMS CAN ZHES BYA BA MA YIN PA NYID YIN NA NI SKYE GNAS DAG TU 'DU BAR MI 'GYUR TE, DPER NA 'GRO BA RNAMS SU SKYE GNAS DAG MI 'DU BA DAG BZHIN NO, ,'GRO BA LNGAS NI SKYE GNAS BZHI ZHES BYA BA LA CI ZHE NA, MA BSDUS TE SKABS DANG SBYAR RO, ,CI ZHIG MA BSDUS SHE NA, SRID PA BAR MA'O ZHES 'BYUNG BA LAS NA, DE BSDUS TE SKYE BA'I SKYE GNAS KYIS BSDUS KYANG, 'GRO BA RNAMS SU MA 'DUS PA'I PHYIR 'GRO BA SRID PA BAR MA MA YIN NO ZHES BYA BAR SHES PAR 'GYUR RO, ,DE LTA MA YIN NA SKYE BA'I SRID PA LA SOGS PA DANG 'DRA BAR DE YANG 'GRO BAS BSDUS PAR 'GYUR RO, ,DE'I PHYIR SRID PA BAR MA 'GRO BA'I RANG BZHIN MA YIN NO, ,YANG 'GRO BA SRID PA BAR MA MA YIN NO ZHES BYA BA LA, BSTAN BCOS GNYIS PA DPER BRJOD PA NI CHOS KYI PHUNG PO LAS KYANG ZHES BYA BA RGYAS PAR 'BYUNG BA STE, 'DI LAS NI BSGOMS PA LAS BYUNG BA LTAR SRID PA BAR MA PA YANG DMYAL BA LA SOGS PA'I MIG GI DBANG PO LAS THA DAD PANG LOGS SHIG TU BSTAN TE, DE'I PHYIR DE YANG BSGOMS PA LAS BYUNG BA LTAR DMYAL BA LA SOGS PA'I 'GRO BAS BSDUS PA MA YIN PAS SRID PA BAR MA 'GRO BA'I RANG BZHIN MA YIN NO ZHES BSTAN PAR 'GYUR RO, ,GZHAN DU NA NI DMYAL BA LA SOGS PA'I MIG GIS SRID PA BAR MA PA YANG BSTAN PAS YANG CI'I PHYIR BRJOD, BSTAN BCOS LAS SRID PA @264A *, ,BAR MA 'GRO BA RNAMS LAS LOGS SHIG TU MDZAD PA 'BA' ZHIG TU MA ZAD DE 'O NA CI ZHE NA, MDO LAS KYANG SRID PA BAR MA 'GRO BA RNAMS LAS LOGS SHIG TU MDZAD DO ZHES BYA BA RGYAS PAR 'BYUNG BA LA, SRID PA BAR MA 'GRO BA'I RANG BZHIN MA YIN PA DANG, 'GRO BA RNAMS LUNG DU MA BSTAN PA NYID KYI KHUNGS NI LAS KYI SRID PA DANG, SRID PA BAR MA'O ZHES DMYAL BA LA SOGS PA DAG LAS LOGS SHIG TU SMOS PA 'DIS YIN NO, ,RGYU DANG BCAS PA DANG 'GRO BA DANG BCAS PAR BSHAD DO ZHES BYA BA LA, 'GRO BA RNAMS KYI RGYU NI LAS KYI SRID PA YIN LA, 'GRO BA NI SRID PA BAR MA YIN TE, 'DIS 'GRO BAR BYED PAS NA ZHES BYAS PA'I PHYIR RO, ,DE NYID KYI PHYIR ZHES BYA BA NI MDO'I PHYIR RO, ,DE'I RGYU ZHES BYA BA NI 'GRO BA'I RGYU LAS KYI SRID PA STE, 'GRO BA DAG LAS LOGS SHIG TU MDZAD PA'I PHYIR 'GRO BA RNAMS MA BSGRIBS LA LUNG DU MA BSTAN PA NYID DU GRUB PA YIN NO, ,KHA CHE BA RNAMS KYANG ZHES BYA BA LA, MDO DE NI LUNG BZHIR MA 'DUS PA'I PHYIR KHA YAR BA ZHIG DE DAG GIS STON TO, ,DMYAL BA'I ZAG PA RNAMS ZHES BYA BA RGYAS PAR 'BYUNG BA LA, LUS DANG NGAG DANG YID KYI SKYON NI G-YOS KUN NAS BSLANGS PA DAG GO, ,LUS DANG NGAG DANG YID KYI SKYON NI ZHE SDANG GIS KUN NAS BSLANGS PA DAG GO; ,LUS DANG NGAG DANG YID KYI SNYIGS MA NI 'DOD CHAGS KYIS KUN NAS BSLANGS PA DAG GO, ,RNAM PAR SMIN PA GRUB NAS DMYAL BA ZHES BYA BA'I GRANGS SU 'GRO'O ZHES BYA BA LA, 'GRO BA RNAMS MA BSGRIBS LA LUNG DU MA BSTAN PA YIN NO ZHES BYA BA 'DI LA KHUNGS NI 'DI YIN TE, RNAM PAR SMIN PA NI MA BSGRIBS LA LUNG DU MA BSTAN PA'I PHYIR RNAM PAR SMIN PA'I GNAS SKABS NA DMYAL BAR 'GYUR GYI, DE MYONG BAR 'GYUR BA'I LAS DANG NYON MONGS PA'I GNAS SKABS SU NI MA YIN NO ZHES BYA BA'I DON TO, ,TSE DANG LDAN PA DE LA CHOS DE DAG MA GTOGS PA DMYAL BA MI DMIGS SO ZHES BYA BA LA, DMYAL BA DAG TU GZUGS LA SOGS PA GANG DAG RNAM PAR SMIN PA'I BDAG NYID DU GRUB PA DE DAG KHO NA DMYAL BA YIN GYI, DE DAG LAS GZHAN PA'I DMYAL BA DGE BA'AM MI DGE BA'I CHOS NI MI DMIGS SO, ,DE NYID KYI PHYIR SEMS CAN ZHES BYA BA YANG GRUB STE, RNAM PAR SMIN PA NI SEMS CAN DU BRJOD PA @264B YIN PA'I PHYIR RO, ,DMYAL BA'I 'GRO BA NI 'DIR DPER BRJOD PA TZAM ZHIG TU ZAD DO, ,'O NA RAB TU BYED PA'I GZHUNG ZHES BYA BA LA, 'DIR CI LA LAN GDAB PAR BYA, 'GRO BA RNAMS MA BSGRIBS LA LUNG DU MA BSTAN PA YIN PA'I PHYIR BSGOM PAS SPANG PAR BYA BA NYID YIN LA, BSGOM PAS SPANG BAR BYA BA LA YANG BSGOM PAS SPANG BAR BYA BA DANG, PHRA RGYAS KUN DU 'GRO BA RNAMS RGYAS PAR 'GYUR GYI GZHAN DAG NI MA YIN TE, DE'I PHYIR THAMS CAD SMOS PA LA LAN GDAB PAR BYA DGOS SO, ,RNAM PA LNGA NYID YIN NA YANG DE DAG DGE BA DANG NYON MONGS PA CAN NYID DU YANG 'GYUR RO, ,'GRO BA RNAMS SU NYID MTSAMS SBYOR BA'I SEMS RNAM PA LNGA YOD DE ZHES BYA BA NI SDUG BSNGAL DANG KUN 'BYUNG BA DANG 'GOG PA DANG LAM MTHONG BAS SPANG BAR BYA BA DANG, BSGOM PAS SPANG BAR BYA BA RNAMS SO, ,'JUG PA DANG BCAS PA'I 'GRO BA SMOS PAS ZHES BYA BA LA, 'DIR 'GRO BA SMOS PAS NI 'JUG PA DANG LHAN CIG PA'I 'GRO BA GZUNG STE, 'GRO BA'I 'JUG PA LA 'GRO BA NYE BAR BTAGS PA'I PHYIR RO, ,'GRO BA RNAMS KYI 'JUG PA YANG NYID MTSAMS SBYOR BA'I SEMS DAG YIN LA, NYID MTSAMS SBYOR BA'I SEMS KYI 'OG ROL GYI MA BSGRIBS LA LUNG DU MA BSTAN PA'I RGYUD LA GROL BA ZHES BRJOD DO, ,DE DAG KYANG RNAM PA LNGA YIN PA DE'I PHYIR 'GRO BA DAG LA PHRA RGYAS THAMS CAD RGYAS PAR 'GYUR RO ZHES GSUNGS SO, ,DE NYID LA DPE SMOS PA NI GRONG SMOS NA GRONG GI NYE 'KHOR YANG SMOS PA BZHIN NO ZHES BYA BA'O, ,JI LTAR GRONG SMOS NA GRONG GI NYE 'KHOR SMOS PA YIN ZHE NA, GRONG 'DI NA S'A LU'I ZHING YOD DO, ,'BRU'I ZHING YOD DO ZHES SMRA BA'I PHYIR RO, ,DPER NA SNYIGS MA LNGA PO DAG TU ZHES BYA BA RGYAS PAR 'BYUNG STE, TSE DANG, BSKAL BA DANG, NYON MONGS PA DANG, LTA BA DANG, SEMS CAN GYI SNYIGS MA DAG TU'O, ,NYON MONGS PA'I RANG BZHIN DU KHYAD PAR MED KYANG NYON MONGS PA DAG LAS LTA BA'I SNYIGS MA DAG THA DAD DU GZHAG PA NI KHYIM PA DANG RAB TU BYUNG BA'I PHYOGS KYI DBANG DU MDZAD PA'I PHYIR RO, ,'GRO BA'I RGYU SHES PAR BYA BA'I PHYIR ZHES BYA BA LA, 'GRO BA RNAMS KYI RGYU NI LAS KYI SRID PA YIN TE DE'I PHYIR DE 'GRO BA'I RANG BZHIN YIN YANG, 'GRO BA'I RGYU SHES PAR BYA BA'I PHYIR THA DAD DU SMOS SO, ,'DI NI SRID PA BAR MA LA YANG THAL BAR 'GYUR @265A *, ,RO ZHES BYA BA LA, THA DAD PAR SMOS KYANG 'GRO BA YIN PAR 'GYUR NA NI 'GRO BA'I RANG BZHIN KHO NA 'GRO BAR SHES PAR BYA BA'I PHYIR THA DAD DU BSTAN PAR 'GYUR RO, ,DER 'GRO BAS NA ZHES BYA BA NI LAS SU BSGRUB PA YONGS SU BZUNG BA YIN NO, ,SRID PAR MA LA NI DE LTAR NI RUNG STE, DES NA 'GRO BA MA YIN NO; ,GZUGS MED PA RNAMS KYANG ZHES BYA BA RGYAS PAR 'BYUNG BA LA, GZUGS MED PA RNAMS 'GRO BA MA YIN PAR 'GYUR TE, 'CHI 'PHO BA'I YUL NYID DU SKYE BA'I PHYIR RO, ,'DI LTAR GZUGS MED PAR NYE BAR 'GRO BA RNAMS NI GTZUG LAG KHANG NGAM SHING DRUD NGAM BSAM GTAN BZHI PA'I BAR GANG DU 'CHI 'PHO BA DE NYID DU SKYE BAS SRID PA BAR MA DANG 'DRA BAR 'GRO BAR MI 'GYUR RO, ,DE LTA NA 'O NA NI ZHES BYA BA NI, PHYOGS DANG PO BTANG NAS PHYOGS GZHAN LA BRTEN PA'O, ,SRID PA BAR MA YIN PA KHO NA'I PHYIR ZHES BYA BA LA, GANG NAS 'CHI 'PHO BA DANG GANG DU 'GRO BAR 'GYUR BA DE GNYIS KYI BAR DU 'BYUNG BA'I PHYIR SRID PA BAR MA YIN NO; ,SRID BA BAR MA NI 'GRO BA'I BAR MA DO YIN NA 'GRO BA'I BAR MA DO NI 'GRO BAR MI RUNG NGO, ,GAL TE 'GRO BA RNAMS DGE BA DANG NYON MONGS PA CAN YANG YIN NA, RNAM PAR SMIN PA GRUB NAS ZHES BYA BA 'DI JI LTAR DRANG ZHE NA, RNAM PAR SMIN PA GRUB NAS DGE BA DANG NYON MONGS PA CAN YANG DMYAL BA ZHES BYA BA'I GRANGS SU 'GRO BAS 'GAL BA MED DE, 'DI LTAR GAL TE 'DI RNAM PAR SMIN PA KHO NA GRUB NAS DMYAL BA ZHES BYA BA'I GRANGS SU 'GRO'O ZHES DE SKAD DU GSUNGS NA NI DE'I PHYIR PHUNG PO GZHAN BKAG PAR RTOGS PAR 'GYUR BA ZHIG GO, ,'O NA TSE DANG LDAN PA DE LA ZHES BYA BA RGYAS PAR 'BYUNG BA LA 'DIR YANG GANG ZAG GI RDZAS BKAG PA YIN GYI PHUNG PO GZHAN MA BKAG PAS 'GAL BA MED DO, ,DE DAG KYANG KHA CIG NA RE RNAM PAR SMIN PA'I RANG BZHI DAG KHO NA YIN NO ZHES ZER RO, ,CI'I PHYIR ZHE NA, GANG GI PHYIR RNAM PAR SMIN PA'I PHUNG PO LAS GZHAN DU DMYAL BA MI DMIGS SO ZHES GSUNGS PA DANG, GANG GI PHYIR RNAM PAR SMIN PA GRUB NAS DMYAL BA ZHES BYA BA'I GRANGS SU 'GRO'O ZHES GSUNGS PA DES NA 'GRO BA RNAMS RNAM PAR SMIN PA'I RANG BZHIN KHO NA YIN NO ZHES BYA BAR RTOGS SO, ,GZHAN DAG NA RE RGYAS BA LAS BYUNG BA'I RANG BZHIN DAG KYANG YIN TE, 'DI LTAR MIG LA SOGS PA DAG NI RNAM PAR SMIN PA LAS @265B SKYES PA YANG YIN ZHING RGYAS PA LAS BYUNG BA YANG YOD LA, DE DAG KYANG 'GRO BAS BSDUS PA YIN NO ZHES ZER RO, ,SLOB DPON 'DUS BZANG NA RE NI RNAM PAR SMIN PA'I RANG BZHIN KHO NA YIN NO ZHES ZER TE, SNGAR GYI PHYOGS KHO NA 'DOD DO, ,LUS DANG 'DU SHES THA DAD DANG, ,ZHES RGYAS PAR 'BYUNG BA LA, MDOR BSDU NA RNAM PAR SHES PA GNAS BDUN GYI RANG BZHIN NI 'DOD PA NA SPYOD PA'I LHA DANG MI RNAMS DANG, BSAM GTAN DANG GZUGS MED PA'I SNYOMS PAR 'JUG PA DANG PO GSUM ZHES BYA BA 'DI YIN LA, 'DI DAG GI DE RGYAS PAR NI BRTZAM PAR BYA'O, ,SEMS CAN GZUGS CAN ZHES BYA BA LA SOGS PA LA, GZUGS CAN NI GZUGS KYI LUS DANG LDAN PA DAG GO, ,BSAM GTAN DANG PO PA ZHES BYA BA LA, BSAM GTAN DANG PO NA YOD PA NI BSAM GTAN DANG PO PA STE, TSANGS RIS LA SOGS PA RNAMS SO, ,DE DAG KYANG DANG POR 'BYUNG BA RNAMS NI RNAM PAR SHES PA GNAS PA GNYIS PAR GZHAG PAS DANG POR 'BYUNG BA MA GTOGS PA ZHES BYA BA SMOS SO, ,DE DAG GI LUS THA DAD PA'I PHYIR RAM ZHES BYA BA RGYAS PAR 'BYUNG BA LA, THA DAD PA NI KHA DOG DANG RTAGS DANG DBYIBS MI MTSUNGS PA NYID DO, ,KHA DOG CES BYA BA NI DKAR SHAM LA SOGS PA'O, ,RTAGS ZHES BYA BA NI GOS DANG RGYAN CHA LA SOGS PA'O; ,DBYIBS NI RID PO LA SOGS PA'O, ,'DU SHES DU MA'I PHYIR ZHES BYA BA LA SOGS PA NI BDE BA DANG SDUG BSNGAL DANG SDUG BSNGAL BA YANG MA YIN BA DE BA YANG MA YIN PA'I 'DU SHES CAN YIN PA'I PHYIR TE, SDUG BSNGAL GYI 'DU SHES CAN NI 'DOD PA'I KHAMS KHO NA'O, ,BDE BA DANG BTANG SNYOMS DAG NI CI RIGS PAR 'DOD PA'I KHAMS DANG GONG MA'O, ,DANG POR 'BYUNG BA DE DAG THAMS CAD NI 'DI SNYAM DU ZHES BYA BA LA SOGS PA 'BYUNG NGO, ,DBYIBS KYI LUS ZHES BYA BA LA, DBYIBS KYI BDAG NYID KYI LUS NI DBYIBS KYI LUS TE, TSOR BA LA SOGS PA'I LUS GSAL BAR BYA BA'I PHYIR RO, ,DBYIBS NI DBYIBS SO, ,LUS NI KHOG PA'O, ,DE DAG GIS DE JI LTAR MTHONG ZHES BYA BA NI RNAM PA GANG GIS ZHES BYA BA'I DON TO, ,CI 'OD GSAL NA GNAS PA 'AM, BSAM GTAN DANG POR SKYES BA'AM, 'ON TE BSAM GTAN DANG PO'I SRID PA BAR MA DON GNAS PA DAG GIS SAM, CI BSAM GTAN GNYIS @266A *, ,PA'I SNYOMS PAR 'JUG PA THOB PA 'AM, CI MA THOB PAR ZHES BRJOD PAR BYA'O, ,DE NI BSAM GTAN GNYIS PA'I ZHES BYA BA RGYAS PAR 'BYUNG BA LA, DE DAG GIS BSAM GTAN DANG POR SLAR 'ONGS PAS BSAM GTAN GNYIS PA BTANG NA DE'I SA PA STE BSAM GTAN GNYIS PA'I SA PA'I SDON GYI GNAS JI LTAR RJES SU DRAN TE, MNGON PAR SHES PA RNAMS NI RANG DANG 'OG MA'I SA LA DMIGS PA'I PHYIR RO, ,RE ZHIG BSAM GTAN DANG PO'I SA PA'I SEMS KYIS NI MA YIN TE, DE'I YUL MA YIN PA'I PHYIR RO, ,BSAM GTAN GNYIS PA'I SA PAS KYANG MA YIN TE DE MA THOB PA'I PHYIR RO, ,CI STE JI LTAR MI 'GAL BA DE LTAR YIN LA RAG GO SNYAM NA, DE'I PHYIR 'ON TE THOB NA NI ZHES BYA BA RGYAS PAR 'BYUNG NGO, ,GANG ZHIG SA GANG LAS 'DOD CHAGS DANG BRAL BA DE LA NI SA DE LA DMIGS PA'I NYON MONGS PA 'BYUNG BA YOD PA MA YIN PAS DE DANG TSANGS PA CHEN PO LA DMIGS PA'I TSUL KHRIMS DANG BRTUL ZHUGS MCHOG TU 'DZIN PA'I LTA BA LA MNGON PAR ZHEN BA MI RIGS SO, ,DE NA YANG GEGS BYED PA MED PA'I PHYIR ZHES BYA BA LA, KHU BA DANG KHRAG LA SOGS PA PHYI'I RGYU MTSAN LA LTOS PA MED PA'I PHYIR NA RDZUS TE SKYE BA RNAMS LA KHU BA DANG KHRAG MED PAS GEGS BYED PA YOD PA MA YIN NO, ,YANG CI'I PHYIR DE DAG 'DI SNYAM DU BDAG CAG NI 'DIS SPRUL LO SNYAM DU SHES PAR 'GYUR ZHE NA, DBYIBS KYI LUS KYI KHYAD PAR RTOGS PA'I PHYIR DANG, SNGAR SKYES PA MTHONG BA'I PHYIR RO, ,'O NA TSANGS PA CHEN PO 'DI SNYAM DU 'DI DAG NI BDAG GIS SPRUL LO SNYAM DU SHES PAR GA LAS 'GYUR ZHE NA; DE LA SEMS SKYES PA'I MJUG THOGS SU DE DAG SKYES PA'I PHYIR DANG, LAS DANG 'BRAS BU'I 'BREL PA LA KUN DU RMONGS PA'I PHYIR RO, ,YANG NA TSE DANG KHA DOG DANG LUS KYI CHU ZHENG LHAG PA'I BDAG GI DNGOS PO MTHONG BA'I PHYIR RO, ,GAL TE BDAG CAG NI NGES SO SNYAM PA DANG, 'DI DAG BDAG GIS SNYAM DU 'DU SHES THA DAD PA'I PHYIR 'DU SHES CIG MA YIN NO SNYAM NA RGYU'I 'DU SHES THA MI DAD PA'I PHYIR 'DU SHES THA MI DAD PA MED DE, DE DAG THAMS CAD TSUL KHRIMS BRTUL ZHUGS MCHOG TU 'DZIN PA'I LTA BA LA ZHEN PA'I PHYIR RO, ,GZHAN DAG NA RE 'OD GSAL NA GNAS PA GANG DAG KHO NAS BSAM @266B GTAN DANG PO'I SA PA'I SPRUL PA SPRUL NAS TSANGS PA DANG LHAN CIG BSDAD LA, SPRUL PA'I GNAS SKABS DANG YANG BSAM GTAN DANG POR SKYES PA DAG NI DE'I SA PA'I MNGON PAR SHES PA'I YUL YIN PAS DE DAG GI SPRUL PA'I GNAS SKABS DRAN PAS DE DAG 'DI SNYAM DU BDAG CAG NI ZHES BYA BA RGYAS PAR SHES PAR 'GYUR RO ZHES ZER RO, ,GZHAN DAG NI BSAM GTAN GNYIS PA LA SOGS PAR SKYES PA RNAMS KYI MIG GI RNAM PAR SHES PA NI TSANGS PA'I 'JIG RTEN PA KHO NA YIN PAS DE DAG NYAMS SU MYONG BA RJES SU DRAN PA MI SRID PA MA YIN TE, DE'I PHYIR SNGAR MTHONG BA KHO NA RJES SU DRAN PA YIN NO ZHES ZER RO, ,KHA CIG NA RE SEMS CAN 'DI YANG 'DI SNYAM DU SMOS LA, BDAG CAG KYANG 'DIR SKYES SO SNYAM DU BSGOMS PA LAS BYUNG BA'I SNGON GYI GNAS RJES SU DRAN PA'I SHES PA'AM, GZHAN GYI SEMS SHES PAS 'DZIN PA NI MA YIN TE, 'O NA CI ZHE NA, SKYES NAS THOB PA KHO NAS DE SNYAM DU SHES PAS 'GAL BA MED DO ZHES ZER RO, ,GZHAN DAG NA RE RJES SU DPAG PA'I SHES PAS GZHAN GYI BSAM PA RNAM PA DANG BCAS PAR RTOGS PAS GNOD PAR BYED PA MA YIN NO ZHES ZER RO, ,SEMS CAN GZUGS CAN LUS GCIG CING 'DU SHES THA DAD PA DAG KYANG ZHES BYA BA LA, JI LTA ZHE NA, DE DAG NI DNGOS GZHI'I SA LA YID BDE BA'I DBANG POS KUN DU SKYO NAS NYER BSDOGS LAS BTANG SNYOMS KYI DBANG PO MNGON DU BYED LA ZHES JI SKAD DU BSHAD PA RGYAS PAR BRJOD PAR BYA'O, ,DE LTA MA YIN NA ZHES BYA BA RGYAS PAR 'BYUNG BA LA, RNAM PAR SHES PA GNAS PA GSUM PA'I MTSAN NYID THOB PA 'OD CHUNG RNAMS DANG, TSAD MED 'OD RNAMS GANG GIS RNAM PAR SHES PA GNAS PA NYID YIN PAR 'GYUR TE, DE'I PHYIR 'OD GSAL BA RNAMS 'DI DPER BRJOD PA'I TSUL GYIS NYE BAR BKOD PA YIN NO, ,LUS GCIG CING 'DU SHES THA DAD PA ZHES BYA BA 'DI DGE RGYAS PA DAG LA YANG THAL BAR 'GYUR BA MA YIN NAM, DE DAG KYANG DNGOS GZHI'I SA LA BDE PA'I DBANG POS YONGS SU SKYO NAS ZHES BYA BA THAMS CAD RGYAS PAR BRJOD PAR BYA'O, ,MA YIN TE ZHES BYA BA RGYAS PAR 'BYUNG STE, DE DAG NI BSAM GTAN GSUM PA'I BDE BA DES YONGS SU SKYO BA MED DO, ,DE NYID LA RGYU SMOS PA NI BDE BA DE NI ZHI BA YIN LA ZHES BYA BA LA SOGS PA'O, ,'ONG BA DANG MED PAR @267A *, ,'DU SHES PA'I PHYIR DANG ZHES BYA BA RGYAS PAR 'BYUNG BA LA, SKYES NAS YUN RING DU MA LON PA RNAMS NI 'ONG BAR 'DU SHES PA'I PHYIR RO, ,SKYES NAS YUN RING DU LON PA RNAMS NI MED PAR 'DU SHES PA'I PHYIR RO, ,SKRAG PA DANG MI SKRAG PAR 'DU SHES PA'I PHYIR ZHES BYA BA NI DE DAG NYID GO RIMS BZHIN NO, ,SKRAG PA NI SKYO BA'I RGYU 'CHI 'PHO BAR DOGS PA'I MTSAN NYID CAN TE, BDAG TU 'DZIN PA MA SPANGS PA'I PHYIR DE DAG LA DE YOD DO, ,'DU SHES GCIG PA DAG CES BYA BA NI BDE BAR 'DU SHES PA DAG STE, DE DAG NI BDE BA GYA NOM PA LA GNAS PAS NYER BSDOGS MNGON DU MI BYED DO, ,DE LA BSAM GTAN DANG PO NA NI NYON MONGS PA CAN GYI 'DU SHES SU ZHES BYA BA LA, RGYU MA YIN PA LA RGYUR MNGON PAR ZHEN PAS TSUL KHRIMS DANG BRTUL ZHUGS MCHOG TU 'DZIN PA DANG MTSUNGS PAR LDAN PA'I PHYIR NA NYON MONGS PA CAN NO, ,GNYIS PA NA NI DGE BA'I ZHES BYA BA NI SNYOMS PAR 'JUG PA'I DBANG GIS TSOR BA'I KHYAD PAR MNGON DU BYED PA'I PHYIR RO, ,GSUM PA NA NI RNAM PAR SMIN PA LAS SKYES PA'I ZHES BYA BA NI RNAM PAR SMIN PA LAS SKYES PA'I BDE BA DANG MTSUNGS PAR LDAN PA'I PHYIR TE, GZHAN DU NA SDUG BSNGAL YANG MA YIN BDE BA YANG MA YIN PA'I 'DU SHES KUN DU 'BYUNG BA'I PHYIR DE YANG 'DU SHES THA DAD PA DAG TU 'GYUR RO, ,GZUGS MED PA GSUM NI ZHES BYA BA NI NAM MKHA' MTHA' YAS DANG, RNAM SHES MTHA' YAS DAD CI YANG MED PA ZHES BYA'O, ,MDO LAS JI SKAD DU 'BYUNG BA ZHES BYA BA LA, MDO LAS SEMS CAN GANG DAG RNAM PA THAMS CAD DU GZUGS KYI 'DU SHES LAS YANG DAG PAR 'DAS TE ZHES BYA BA NAS NAM MKHA' MTHA' YAS SO SNYAM STE NAM MKHA' MTHA' YAS SKYE MCHED NYE BAR BSGRUBS NAS GNAS SO ZHES BYA BA'I BAR DU RGYAS PAR 'BYUNG BA YIN NO, ,GZUGS MED PA GSUM GYI BDAG NYID CAN DAG TU NI PHUNG PO BZHI'O, ,LHAG MA RNAMS SU NI LNGA'O, ,DE LA 'JOMS BYED LDAN ZHES BYA BA LA, 'DIS 'JOMS PAR BYED PAS NA 'JOMS PAR BYED PA'O, ,RNAM PAR SHES PA DE 'JOMS PAR BYED PA STE DE 'DI LA YOD PAS NA 'JOMS BYED LDAN NO, ,DE LA NGAN SONG DAG NI 'JOMS PAR BYED PA SDUG BSNGAL GYI TSOR BA YIN TE, DES RNAM PAR SHES PA LA GNOD PA'I @267B PHYIR RO; ,GANG DU SRED PAS RNAM PAR SHES PA GZUNG BA DE DAG NI RNAM PAR SHES PA GNAS PA YIN NO, ,NGAN 'GRO RNAMS DANG GNAS GTZANG MA DAG NA NI LAS KYIS BZUNG BA YIN LA, 'DU SHES MED PA'I SEMS CAN RNAMS DANG, SRID PA'I RTZE MOR NI LTA BAS BZUNG BA YIN PAS, DE DAG RNAM PAR SHES PA GNAS PA NYID MA YIN NO, ,NGAN SONG DAG NA NI GNYIS KA MED DO ZHES BYA BA LA, 'DIS NA GNAS PA RNAMS NI 'GRO BAR 'DOD PA MA YIN LA, DE NA GNAS PA RNAMS NI BSKYOD PAR MI 'DOD PA MA YIN NO, ,SRID PA'I RTZE MO NI RGYU BA MI GSAL BA'I PHYIR ZHES BYA BA LA, SEMS DANG SEMS LAS BYUNG BA RNAMS RGYU BA GZHAN PA'I PHYIR RNAM PAR SHES PA STOBS DANG LDAN PAR GNAS PA YIN NO ZHES BYA BAR BRJOD PAR MI RIGS SO, ,GAL TE YANG 'DI NA GNAS PA RNAMS BSAM GTAN BZHI PAR 'GOR BAR 'DOD PA YOD MOD KYI 'ON KYANG SEMS CAN RNAMS BSKYOD PA'I YID DANG LDAN PA DAG SO SO'I SKYE BO RNAMS NI 'DU SHES MED PAR 'JUG PAR LDAN PA YIN LA, 'PHAGS PA RNAMS NI SBRIN MED DANG BSOD NAMS SKYES DAG TU YANG NGO, ,GNAS GTZANG MA RNAMS KYANG GNAS GTZANG MA DANG, GZUGS MED PAR 'JUG PAR 'DOD LA, YONGS SU MYA NGAN LAS 'DA' BAR YANG 'DOD KYI, DE DAG LA DE NA GNAS PA'I BLO MED DE, DE'I PHYIR RNAM PAR SHES PA GNAS PA MA YIN NO, ,YANG NA SROG CHAGS DAG NI YUL DANG BDE BA DANG 'DU SHES LA MNGON PAR DGA' BA'I DBYE BAS RNAM PA GSUM MO, ,DE LA YUL LA MNGON PAR DGA' BA NI MI RNAMS DANG, 'DOD PA NA LONGS SPYOD PA'I LHA RNAMS SO, ,BDE BA LA MNGON PAR DGA' BA NI BSAM GTAN GSUM GYIS PA'O, ,'DU SHES LA MNGON PAR DGA' BA NI GZUGS MED PA GSUM GYIS PA STE, DE NYID KYI PHYIR DE DAG KHO NA GSUNGS KYI LHAG MA NI MA YIN NO ZHES BYA BAR MDO'I DGONGS PA MNGON NO, ,SRID RTZE DANG, 'DU SHES MED PA'I SEMS CAN RNAMS, SEMS CAN GYI GNAS DGUR ZHES BYA BA LA, MDO LAS SEMS CAN GYI GNAS DGU GANG ZHE NA, SEMS CAN GZUGS CAN LUS THA DAD CING 'DU SHES THA DAD PA DAG KYANG YOD DE, 'DI LTA STE, MI RNAMS DANG LHA KHA CIG GO, ,'DI NI SEMS CAN GYI GNAS DANG PO'O ZHES GSUNGS TE, RGYAS PAR NI MDO JI LTA BA BZHIN NO, , @268A *, ,'DI DAG TU SEMS CAN RNAMS RANG DAGS KUN DU GNAS TE, NGAN SONG RNAMS NI BTZON RA BZHIN NO, ,JI LTAR BTZON RA DAG TU NI MI 'DOD BZHIN DU GZHAN DAG GIS GNAS SU 'JUG GI DGA' STE MA YIN PA DE BZHIN DU NGAN SONG DAG TU MI 'DOD BZHIN DU LAS KYI SRIN PO DAG GIS GNAS SU 'JUG GI DGA' STE GNAS PA MA YIN NO, ,SEMS CAN DU BGRANGS PA'I CHOS RNAMS KHO NA SEMS CAN RNAMS KYI GNAS ZHES BYA'O, ,GANG NI PHYIR LUS LA SRED PAS SEMS CAN RNAMS KYI GNAS YIN GYI GNAS LA DGA' BAS NI MA YIN TE, GNAS DAG TU SEMS CAN 'CHOL BA'I PHYIR DANG, LUS KHO NA MA 'TSOL BA'I PHYIR SEMS CAN GYI GNAS YIN NO, ,GNAS MED PA'I CHOS SRID PA BAR MA YANG SEMS CAN RNAMS MI GNAS PAS SRID PA BAR MA YANG SEMS CAN GYI GNAS MA YIN NO, ,BYE BRAG TU SMRA BA RNAMS NA RE 'KHOR BA SNA TSOGS PA'I DON GYIS NA RNAM PAR SHES PA GNAS PA DAG YIN LA, GNAS PAR 'DOD PA DAG GIS MNGON PAR DGA' BAR BYAS PA'I PHYIR SEMS CAN GYI GNAS DAG YIN NO ZHES BYA BA NI DE DAG RNAM PAR GZHAG PA'I KHYAD PAR YIN NO ZHES ZER RO, ,RNAM PAR SHES PA GNAS PAS GZUGS SU NYE BAR 'GOR BA DANG ZHES BYA BA LA, RNAM PAR SHES PA'I GNAS PA NI RNAM PAR SHES PA GNAS PA'O, ,'DI LA RNAM PAR SHES PA GNAS PAS NA RNAM PAR SHES PA GNAS PA'O, ,NYE BAR 'GRO BAS NA NYE BAR 'GRO BA STE, RNAM PAR SHES PA DANG NYE BAR RGYU ZHES BYA BA'I DON TO, ,GZUGS KYANG DE YIN LA NYE BAR 'GRO BA YANG YIN PA NI GZUGS SU NYE BAR 'GRO BA'O, ,YANG NA RNAM PAR SHES PA GNAS PA GANG LA GZUGS SU NYE BAR 'GRO BA STE, DE NYE BAR RTOGS PAS NA NYE BAR 'GRO BA'O, ,JI LTAR NYE BAR RTOGS SHE NA, BDAG DANG BDAG GIR RO, ,'DU BYED DU NYE BAR 'GRO BA'I BAR DU YANG DE DANG 'DRA BAR RIG PAR BYA'O, ,YANG NA GNAS PA NI SRID PA STE, 'DIS RNAM PAR SHES PA YANG SRID PAR RGYUN MI 'CHAD PAR GNAS PAR BYED PA'I PHYIR RO, ,DE GZUGS SU NYE BAR 'GRO ZHING DE LA MNGON PAR CHAGS PAS NA GZUGS SU NYE BAR 'GRO BA STE, DE BZHIN DU GZHAN LA YANG BRJOD PAR BYA'O, ,ZAG DANG BCAS PA'I PHUNG PO BZHI, ,DE DAG KYANG RANG GIS PA NYID DE, SA RNAMS NI SRID PAS @268B YONGS SU BCAD PA'I PHYIR RO, ,SA GZHAN DU MA YIN NO ZHES BYA BA LA, SA GZHAN GYI PHUNG PO RNAMS NI MNGON DU GYUR PA YIN YANG RNAM PAR SHES PA GNAS PA'I BYA BA MI BYED DE, SRID PA KUN DU SPYOD PA'I DBANG GIS NA DE LA RNAM PAR SHES PA RAB TU GNAS PA YIN NA, DE DAG LA SRID PA KUN DU SPYOD PA MED PA'I PHYIR RO, ,RGYUD GZHAN PA DAG DANG, SEMS CAN KUN DU BGRANG BA MA YIN PA DAG NI RANG GIS PA YIN YANG RNAM PAR SHES PA GNAS PA MA YIN NO, ,GZHAN DAG NA RE DE DAG KYANG RNAM PAR SHES PA GNAS PA MA YIN TE, DE LA YANG RNAM PAR SHES PA NYE BAR BRLAN PA 'PHEL BAR 'GYUR BA YIN NO ZHES ZER RO, ,GNAS PA PO YONGS SU SPANGS NAS ZHES BYA BA NI GNAS PA PO MA GTOGS PAR RO, ,GNAS PA PO LHA SBYIN LA SOGS PA YANG GZHAN YIN ZHING GNAS PA YANG GZHAN YIN PA GANG YIN PA DE LTAR NI 'JIG RTEN DU MTHONG BA YIN TE, KHYIM LA SOGS PA'I GNAS ZHES BYA BA'I DON TO, ,'GRO BAR BYED PA ZHES BYA BA NI 'JUG PAR BYED CES BYA BA'I DON TO, ,GRU DANG MNYAN PA'I TSUL DU ZHES BYA BA NI JI LTAR MNYAN PA GRU 'GRO BAR BYED PA LTA BU STE DE DANG 'DRA'O, ,RNAM PAR SHES PA NYID RNAM PAR SHES PA LA GNAS NAS 'GRO BAR BYED PA NI MA YIN NO ZHES BYA BA NI RGYUD GCIG LA RNAM PAR SHES PA'I RDZAS DAG PHRAD PA MED PA'I PHYIR RO, ,GAL TE YANG RGYUD GZHAN GYI RNAM PAR SHES PA NI DUS GCIG TU YOD MOD KYI DE NI GZHAN DANG NYE BAR 'JUG PA MA YIN PAS DE YANG DE'I GNAS PA MA YIN NO, ,'O NA MDO LAS ZHES BYA BA 'DIS NI RNAM PAR SHES PA YANG RNAM PAR SHES PA GNAS PA YIN PAR BSHAD DO ZHES STON TO, ,DGA' BA NI YID BDE BA'O, ,RNAM PAR SHES PA GNAS PA BDUN PHUNG PO LNGA'I RANG BZHIN DAG YIN NO ZHES BYA BA DE YANG JI LTA BU ZHES BYA BA 'DIS NI YANG MDO DANG 'GAL BAR STON TO, 'DI LA RNAM PAR SHES PA GNAS PA GANG YIN ZHE NA, DE DAG DANG LDAN PA'I PHUNG PO LNGA DANG GZHI YIN NO ZHES BSHAD NA, GAL TE GNAS PA LNGA PO YONGS SU SPANGS NAS GNAS PA ZHES BYA BA NI DE JI LTA BU YIN, DE LTA NA 'O NA NI BYE BRAG MED PAR ZHES BYA BA NI MDO DANG BSTAN BCOS DAG DANG MI 'GAL BAR BSTAN PA'O, ,BYE BRAG MED PAR NI ZHES BYA BA NI KHYAD PAR MED PA STE, LNGA CHAR LA YANG ZHES BYA @269A *, ,BA'I DON GANG YIN PA'O, ,SKYE BA'I SKYE MCHED KYIS BSDUS PA'I PHUNG PO DAG LA ZHES BYA BA NI MI LA SOGS PA'I RIS KYIS BSDUS PA DUS GSUM PA DAG LA'O, ,MNGON PAR DGA' BA DANG BCAS PA ZHES BYA BA LA, MNGON PAR DGA' BA NI YID BDE BA NYON MONGS PA CAN NO, ,SO SOR DBYE NA ZHES BYA BA NI PHUNG PO RE RE LA STE, JI LTAR RTEN DANG MTSUNGS PAR LDAN PA DANG LHAN CIG 'BYUNG BA'I NGO BOR NYE BAR 'GRO BA'I PHYIR GZUGS DANG GZUGS LA SOGS PA DAG RNAM PAR SHES PA KUN NAS NYON MONGS PAR BYED PA YIN PA LTAR RNAM PAR SHES PA 'BA' ZHIG LOGS SU NI DE LTA MA YIN TE CI ZHE NA; KUN NAS NYON MONGS PAR BYED PA MA YIN TE ZHES SKABS DANG SBYAR RO, ,CI'I PHYIR ZHE NA, CIG CAR RTEN NYID LA SOGS PAR MI RIGS PA'I PHYIR RO, ,DE LTA BAS NA RNAM PAR SHES PA GNAS PA BZHI BSTAN PAR RNAM SHES 'BA' ZHIG LOGS SU GNAS PAR MA BSHAD DO, ,GZHAN YANG ZHES BYA BA RGYAS PAR 'BYUNG BA LA, DER NI RNAM PAR SHES PA GNAS PA BDUN RNAM PAR SHES PA'I ZHING GI NGO BOR MA BSTAN GYI 'DIS NI RNAM PAR SHES PA GNAS PA BZHI RNAM PAR SHES PA'I ZHING GI NGO BOR BSTAN LA, NYE BAR LEN PA DANG BCAS PA'I RNAM PAR SHES PA NI SA BON GYI NGO BOR BSTAN TO, ,SA BON NYID SA BON GYI ZHING GI NGO BOR ZHES BYA BA LA, SA BON NYID NI ZHING MA YIN NO ZHES BYA BA'I THA TSIG GO, ,CHOS GANG DAG CES BYA BA RGYAS PAR 'BYUNG BA LA, GZUGS LA SOGS PA'I CHOS GANG DAG RNAM PAR SHES PA DANG LHAN CIG 'BYUNG BA DE DAG KHO NA ZHING GI NGO BOR CHES LEGS PA YIN NO, ,SA BON DANG ZHING NI 'JIG RTEN NA LHAN CIG 'BYUNG BAR MTHONG NA, RNAM PAR SHES PA NI RNAM PAR SHES PA DANG LHAN CIG 'BYUNG BA MA YIN TE DUS GCIG TU MED PA'I PHYIR RO, ,MU DANG PO NI ZHES BYA BA RGYAS PAR 'BYUNG NGO, ,MDUN DU RNAM PAR SHES PA GANG YIN PA'O ZHES BYA BA LA, RNAM PAR SHES PA GNAS PA BDUN PHUNG PO LNGA'I RANG BZHIN YIN PA'I PHYIR DER RNAM PAR SHES PA 'DU'I BZHIR NI MA YIN TE, RNAM SHES 'BA' ZHIG GNAS PAR MA BSHAD DO ZHES DER RNAM PAR SHES PA MA 'DUS PA'I PHYIR RO, ,RNAM PAR SHES PA MA GTOGS PA'I PHUNG PO RNAMS SO ZHES BYA BA LA, NGAN SONG RNAMS KYI RNAM PAR SHES PA NI @269B BZHIR MA 'DUS SHING BDUN DU YANG MA YIN TE, NGAN SONG RNAMS SU RNAM PAR SHES PA 'JOMS PAR BYED PAS MA SMOS PA'I PHYIR RO, ,BDUN DAG TU PHUNG PO BZHI RNAMS SO ZHES BYA BA LA, RNAM PAR SHES PA GNAS PA BDUN DAG TU RNAM PAR SHES PA MA GTOGS PA'I PHUNG PO GANG DAG BSHAD PA DE RNAMS NI RNAM PAR SHES PA RNAM PAR BDUN DANG BZHI DAG TU YANG 'DU'O, ,BZHI PA NI RNAM PA DE DAG MA GTOGS PA'O ZHES BYA BA NI NGAN SONG RNAMS DANG, BSAM GTAN BZHI PA DANG, SRID PA'I RTZE MO'I RNAM PAR SHES PA GANG DAG YIN PA DANG, ZAG PA MED PA'I PHUNG PO RNAMS SO, ,'GRO BA LA SOGS PA'I BYE BRAG GIS THA DAD PA ZHES BYA BA LA SOGS PA ZHES BYA BA SMOS PAS NI SNOD DANG, SRID PA BAR MA DANG SA BSDU'O, ,KHAMS DANG SEMS CAN DANG SEMS CAN DU STON PA NYID YIN PA'I PHYIR SKYE GNAS DE DAG GANG GI YIN PA MI SHES PAS, SEMS CAN ZHES BYA BA SMOS TE, SKYE GNAS DAG NI SEMS CAN DU BGRANG BA MA YIN PA YOD PA MA YIN NO, ,DE DAG KYANG GANG ZHE NA, SGO NGA LAS SKYES SOGS ZHES BYA BA SMOS TE, GANG DAG LA SGO NGA LAS SKYES PA DANG POR YOD PA DE DAG NI SGO NGA LAS SKYES SOGS SO, ,SKYE GNAS ZHES BYA BA NI SEMS CAN RNAMS KYI RIGS YIN GYI SKYE SA NI MA YIN NO, , SGO NGA LAS SKYES PA'I SKYE GNAS NI SGO NGA LAS SKYES PA'I RIGS ZHES BYA BA'I DON TO, ,RDZUS TE SKYE BA'I SKYE GNAS KYI BAR DU YANG DE DANG 'DRA'O, ,YANG DON GANG GIS RIGS LAS SKYE GNAS ZHES BRJOD CE NA, DE'I PHYIR 'DIR SEMS CAN RNAMS 'CHOL BAR 'GYUR ZHING ZHES BYA BA SMOS SO, ,'CHOL BAR 'GYUR ZHES BYA BA'I DON GANG YIN ZHE NA, 'DRE BAR 'GYUR BA ZHES BYA BA'I DON 'DI YIN NO, ,JI LTAR 'DRE BAR 'GYUR ZHE NA, SKYE BA THUN MONG MA YIN PA'I PHYIR TE, SKYE BA CHOS MTHUN PA YIN PA'I PHYIR ZHES BYA BA'I DON TO, ,MNGAL NI GANG GIS MA'I LTOR NA BU GTUMS NAS GNAS PA STE, DE LAS SKYES PA NI MNGAL NAS SKYES PA'O, ,'BYUNG BA'I DROD GSHER LAS SKYES PA RNAMS TE ZHES BYA BA LA, 'BYUNG BA LNGA LA SOGS PA RNAMS KYI DROD GSHER RGYUN CHAGS PA'I MTSAN NYID CAN LAS SKYES PA NI 'BYUNG BA'I DROD GSHER LAS SKYE BA RNAMS SO, ,DBANG PO MA TSANG BA MA YIN PA NI MIG LA SOGS @270A *, ,PA MA TSANG BA MED PA'I PHYIR RO, ,DBANG PO DMAN PA MA YIN PA ZHAR BA DANG LONG BA LA SOGS PA MED PA'I PHYIR RO, ,YAN LAG THAMS CAD DANG LDAN PA NI LAG PA DANG RKANG PA LA SOGS PA RNAMS DANG LDAN PA'O, ,NYID LAG DANG LDAN PA NI MTHEB SOR LA SOGS PA DANG LDAN PA'O, , SNGAR GYI RGYU LA MI LTOS PAR CIG CAR DU SKYE BA RNAMS SO ZHES BYA BA LA, SGO NGA LAS SKYE BA LA SOGS PA LTA BUR NUR NUR PO LA SOGS PA'I RIM GYIS NI MA YIN GYI 'O NA CI ZHE NA, DANG PO NYID NAS DBANG PO MA TSANG BA MA YIN ZHING DMAN PA MA YIN PA LA SOGS PA'O, ,SKYE BA LA NI 'BYUNG BA LA'O, ,SKYE BA DANG, RDZUB DANG, 'BYUNG BA ZHES BYA BA NI DON GCIG STE, DE LA MDZES PAR BYED PA'I PHYIR RDZUS TE 'BYUNG BA RNAMS SO, ,'DI DAG GI RANG BZHIN YANG RDZUS TE SKYE BA'I SKYE GNAS NI PHUNG PO BZHI DANG LNGA'I RANG BZHIN YIN, DE LAS GZHAN RNAMS NI PHUNG PO LNGA'I RANG BZHIN YIN, THAMS CAD KYANG RNAM PAR SMIN PA DANG RGYAS PA'I RGYUD KYI RANG BZHIN NO, ,KHRUNG KHRUNG MO LAS SKYES PA ZHES BYA BA RGYAS BAR 'BYUNG BA LA, TSONG PA GZINGS ZHIG PA GNYIS RGYA MTSO'I DOGS SU KHRUNG KHRUNG MO DANG 'GROGS PAR GYUR PA DANG, DE LAS GNAS BRTAN BRAG DANG NYE BRAG GNYIS SKYES SO, ,RGYAL PO LNGA LEN GYI ZHES BYA BA LA; DE'I BTZUN MO LHA MO CHEN PO LAS SGO NGA LNGA BRGYA SKYES LA, DE SGROM DU BCUG NAS GANGG'A LA BSKUR BA DANG, LITZTSA B'I'I RGYAL PO BTZUN MO'I 'KHOR LNGA BRGYA DANG KHRUS BYED PAS SGROM DE CHUS G-YENG BA MTHONG ZHING KHA PHYE BAS, DE LA KHYE'U LNGA BRGYA MTHONG STE BLANGS PAR GYUR TO, ,DROD GSHER LAS SKYES PA NI NGA LAS NU LA SOGS PA RNAMS SO, ,JI LTA ZHE NA, RGYAL PO GSO SBYONG 'PHAGS KYI SPYI BOR THOR BA ZHIG 'BYUNG LA, DE MTHAR GYIS 'PHEL ZHING SMIN LA RDOL BAR GYUR PA LAS KHYE'U ZHIG SKYES PA DE NI NGA LAS NU YIN TE, DE LTA NA DROD GSHER LAS SKYES PA YIN NO, ,RGYAL PO NGA LAS NU'I PUS MO'I STING DU THOR PA GNYIS SHIG BYUNG BA LA DE GNYIS MTHAR GYIS 'PHEL ZHING SMIN LA RDOL BA LAS KHYE'U GNYIS SKYES TE, DE GNYIS NI MDZES PA DANG NYE MDZES DAG YIN NO, ,RGYAL PO TSANGS PAS BYIN GYI BRANG LA THOR PA ZHIG BYUNG BA LAS, DE MTHAR GYIS 'PHEL ZHING SNGA MA BZHIN DU BU MO ZHIG SKYES PA'I BAR YIN TE, @270B DE NI THI BA'I PHRENG BA CAN MA'O, ,AA MRA SKYONG MA NI CHU SHING GI SDONG PO ZHIG LAS SKYES SO ZHES BYA BAR GRAGS SO, ,BSKAL PA DANG PO PHA RNAMS ZHES BYA BA, ,SNGAR BYUNG SEMS CAN GZUGS CAN BZHIN, ,ZHES 'BYUNG BA'I PHYIR RO, ,'DAB BZANGS NI NAM MKHA' LDING NGO, ,KHA CIG NA RE YI DAGS RNAMS NI RDZUS TE SKYES PA KHO NA YIN NO ZHES ZER TE, DE'I PHYIR YI DAGS RNAMS LA MNGAL NAS SKYE BA NYID BSGRUB PA'I PHYIR TSE DANG LDAN PA MOOD GAL GYI BU CHEN PO LA ZHES BYA BA RGYAS PAR 'BYUNG NGO, ,MNGAL NAS SKYES PA NYID DU GRUB PAR BYA BA'I DON DU YIN PAR JI LTAR RTOGS ZHE NA, SKYES NAS ZHES 'BYUNG BA'I PHYIR RO,, DE LTA NA 'ON KYANG BDAG NI TSIM PA MED CES 'BYUNG BA'I PHYIR RDZUS TE SKYES PA NYID DU GRUB PAR YA BA'I PHYIR YIN PAR SHIN TU CHES RTOGS PA MA YIN NAM MNGAL NAS SKYE BA DAG GIS NI JI LTAR BGRANGS PAR MI 'GYUR, MNGAL NAS SKYES PA NYID YIN NA NI NYIN MO DANG MTSAN MOR LNGA LNGA SKYE BAR YANG MI RIGS SO ZHE NA; BKRES PA SHIN TU 'PHEL BA'I PHYIR TSIM PA MED DO, ,DE 'DRA BA DE NI SEMS CAN GYI RANG BZHIN YIN PAS NYIN MTSAN DU LNGA LNGA SKYE BAR MI 'GAL LA, LAS KYI RNAM PAR SMIN PA BSAM GYIS MI KHYAB PA'I PHYIR YANG 'GAL BA MED DO, ,SKYE GNAS THAMS CAD DU SKYE BA RNAMS LA 'PHAGS PA'I CHOS THOB PA'I GO SKABS YOD MOD KYI, 'PHAGS PA'I CHOS THOB ZIN PA RNAMS NI SGO NGA LAS SKYES PA DANG DROD GSHER LAS SKYES PA'I SKYE GNAS DAG TU MI SKYE'O, ,RDZUS TE SKYES PA YIN NO ZHES BYA BA LA, DE'I SKYE GNAS PA RNAMS NI SKYE MCHED DRUG TSANG BA KHO NA 'GRUB PA'I PHYIR SKYE GNAS THAMS CAD KYI NANG NA RDZUS TE SKYE BA KHO NA BZANG NGO, ,GAL TE THAMS CAD KYI NANG NA RDZUS TE SKYE BA'I SKYE GNAS KHO NA BZANG NA YANG CI'I PHYIR SRID PA THA MA PA'I BYANG CHUB SEMS DPA' MNGAL NAS SKYE BA'I SKYE GNAS LEN, LAS DAG GIS LEN NO ZHE NA, DE'I PHYIR SKYE BA LA DBANG THOB PA YANG ZHES BYA BA SMOS SO, ,'KHOR LOS SGYUR BA'I RIGS SU 'KHRUNGS PA NI 'KHOR LOS SGYUR BA'I RIGS SO, ,GZHAN MU STEGS CAN ZHES BYA BA NI GCER BU PA GNYEN GYI BU LA SOGS PA DAG GO, ,SGYU MAS 'JIG RTEN ZA'O ZHES BYA BA NI NYE BAR SLU'O ZHES BYA BA'I DON TO, ,PHYI'I SA BON MED PA'I PHYIR ZHES BYA BA NI PHYI'I KHU BA DANG, KHRAG GI 'DAM @271A *, ,LA SOGS PA MED PA'I PHYIR ZHES BYA BA'I DON TO, ,BYIN GYI RLABS LAS 'BYUNG BA'I ZHES BYA BA LA, BYIN GYI RLABS KYIS DGOS PA CAN NAM, BYIN GYI RLABS LA YOD PA NI BYIN GYI RLABS LAS BYUNG BA'O, ,BYIN GYI RLABS NI 'DI NI 'DI LTAR GYUR CIG CES BYIN GYIS RLOB PA GANG YIN PA'O, ,LAM DE RIGS PA MA YIN NO ZHES BYA BA LA, GANG ZHE NA RING BSREL SKU GDUNG RNAMS RNAM PAR GZHAG STE, PHYIR ZHES GANG SMRAS PA'O, ,DRI BA LAS DRI BA GZHAN BYUNG STE ZHES BYA BA NI 'O NA CI'I PHYIR SRID PA THA MA PA'I BYANG CHUB SEMS DPA' ZHES BYA BA'I DRI BA DE LAS DRI BA 'DI BYUNG BA'O, ,GAL TE RDZUS TE SKYE BA RNAMS KYI ZHES BYA BA RGYAS PAR 'BYUNG BA LA, LUS ZHIG PA NI SHI BA'I LUS GNAS MED PA'O, ,SGO NGA LAS SKYES PA LA SOGS PA LAS KHYAD PAR DU BYA BA'I PHYIR RDZUS TE SKYE BA'I NAM MKHA' LDING GIS RDZUS TE SKYES PA'I KLU BZA' BA'I PHYIR 'BYIN NO ZHES BYA BA SMOS SO, ,GANG LAS DE GNYIS DE DAG BAS KHYAD PAR DU GYUR PAS CI NAM MKHA' LDING DANG KLU GZHAN DAG KYANG YOD DAM ZHE NA SMRAS PA YOD DO, ,KLU DANG NAM MKHA'I LDING DAG NI RNAM PA BZHI YIN TE, DE DAG GI MCHOG NI RDZUS TE SKYES PA'O, ,NYE MCHOG NI DROD GSHER LAS SKYES PA'O, ,BAR MA NI MNGAL NAS SKYES PA'O, ,THA CHAD NI SGO NGA LAS SKYES PA'O, ,DE LA RDZUS TE SKYES PA NI NAM MKHA' LDING GIS NI DROD GSHER LAS SKYES PA LA SOGS PA DAG LAS SNGA MA SNGA MA ZOS NAS, KLU THAMS CAD BZA' BA'I PHYIR 'BYIN TO, ,SHI BA DES TSIM PAR 'GYUR BA NI MA YIN NO ZHES BYA BA LA, 'DIS SNGAR MA SHI BAR ZOS PA GANG YIN PAR DE YANG SHE BA'I TSE MI SNANG BAR 'GYUR RO, ,DE NI 'GRO BA GNYIS ZHES BYA BA 'DI LHA'I 'GRO BA DANG, DMYAL BA'I 'GRO BA'O, ,GSUM GYI PHYOGS ZHES BYA BA NI MI DANG DUD 'GRO DANG YI DAGS RNAMS KYI PHYOGS SO, ,GANG LAS SRID PA BAR MA THAMS CAD YIN NO ZHES DE SKAD DU BRJOD BA, SRID PA BAR MA ZHES BYA BA 'DI CI ZHE NA ZHES BYA BA LA 'DI LOG PAR RTOGS PA'I PHYIR DANG, MTSAN NYID MA BSTAN PA'I PHYIR THE TSOM ZA BAS DRIS PA'O, ,'GRO BA'I BAR MA YIN PA'I PHYIR RO ZHES BYA BA LA SOGS PA LA, 'GRO BA SNGA MA DANG PHYI MA'I BAR NA YOD PA'I PHYIR RO ZHES BYA BA'I DON TO, ,JI LTAR 'DI SKYES PA YANG YIN @271B LA BYUNG BA YANG MA YIN ZHE NA ZHES BYA BA LA, 'DI SKAD DU 'DI SHI ZHING MNGON PAR GRUB PA YANG YIN LA, BYUNG BA YANG MA YIN NO ZHES BYA BA 'DI NI DAD PAS RTOGS PAR BYA BA YIN NO ZHES BSTAN PAR 'GYUR RO, ,DE'I LAN SMRAS PA NI, BGROD PA'I YUL DU MA PHYIN PHYIR, ,ZHAS BYA BA LA SOGS PA'O, , 'DI SNGAD BSTAN PAR 'GYUR TE, BYUNG BA'I SGRA NI SON PA LA 'JUG NA, SRID PA BAR MA NI BGROD PA'I YUL DU MA PHYIN PA'I PHYIR BYUNG BA MA YIN TE, 'O NA CI ZHE NA, 'BYUNG BA BZHIN MA YIN NO, ,SON PA NI ZHES BYA BA 'DIS NI BYUNG BA'I SGRA SON BA LA 'JUG GO ZHES STON TO, ,GZHAN DAG NA RE DES BGROD PAR BYA BA'I YUL GANG YIN PA DE DANG, DA RUNG DU YANG DE MI LDAN TE YUL DE DANG MI LDAN ZHES BYA BA'I DON TO ZHES ZER RO, ,DE'I PHYIR RNAM PAR SMIN PA GZHAN GRUB KYANG BYUNG BA ZHES MI BYA STE, DE NYID KYI PHYIR SKYE BA'I SRID PA'I BAR DU 'BYUNG BA'I PHYIR SRID PA BAR MA YIN NO ZHES BSTAN TO ZHES BYA'O, ,GANG DU RNAM PAR SMIN PA 'PHANGS PA ZHES BYA BA LA, 'PHEN PAR BYED PA'I LAS KYIS NI RIS MTHUN PA MNGON PAR GRUB PA YIN LA, RDZOGS PAR BYED PA DAG GIS NI RDZOGS PAR BYED DE, GCIG GI SKYE BA GCIG 'PHEN TE, ,YONGS RDZOGS BYED PA DU MA YIN, ,ZHES BYA BA SKYE BA THAMS CAD LA LAS GNYIS KYI BYA BA BYED DO, ,GZHAN DAG NA RE 'CHI BA'I SRID PA CHAD PA KHO NA LAS ZHES BYA BA LA SOGS PA LA 'CHI BA'I SRID PA'I MJUG THOGS KHO NAR YUL GZHAN DU SKYE BA'I SRID PA 'BYUNG GI BAR NA GNAS PA'I BDAG NYID CAN RGYU MTSAN GZHAN SNGON DU 'GRO BA NI MA YIN NO ZHES BYA BA'I DON TO, ,RIGS PA DANG LUNG LAS TE ZHES BYA BA LA, MI MTHUN PAR SMRA BA'I DNGOS PO LA NI GNYIS KA NYE BAR MKHO STE RIGS PA DANG LUNG NGO, ,CI'I PHYIR GNYIS SMOS SHE NA, RIGS PA DANG LUNG RKYANG PA DAG TSAD MA YIN PA'I PHYIR GNYIS KA NYE BAR BKOD DO, ,'BRU YI RGYUN DANG CHOS MTHUN PHYIR, ,ZHES BYA BA RGYAS PAR 'BYUNG BA LA, GAL TE 'CHI BA'I SRID PA KHO NA LAS YUL GZHAN DAG TU SKYE BA'I SRID PA 'BYUNG BAR 'DOD NA NI, DE LTA NA SKYE BA'I SRID PA MI SRID PA NYID DU THAL BAR 'GYUR TE, RGYUN GYIS 'JUG PA'I PHYIR RO, ,'DI LTAR RGYUN GYIS 'JUG PA'I DNGOS PO RNAMS NI CHAD NAS YUL GZHAN DAG TU 'BYUNG BAR MA MTHONG STE, DBER NA 'BRU'I @272A *, ,RGYUN DU GTOGS PA'I 'BRU'I 'BRAS BU RNAMS RGYUN DU 'BREL PAS RGYAS PA BZHIN NO, ,'DI DAG LA RGYUN GYIS 'JUG PA'I NGANG TSUL YOD PA NA RGYUN GYIS 'JUG PA'O, ,YUL GZHAN DAG TU ZHES SMOS PA'I PHYIR SEMS KYI RGYUN GYIS MA NGES PA YANG MA YIN TE, 'GOG PA DANG 'DU SHES MED PA'I SNYOMS PAR 'JUG BA LAS LDANG BA'I SEMS YOD PA NA DUS GZHAN DU CHAD PA NI YUL DE KHO NAR SKYE BA'I YUL GZHAN DU MA YIN PA'I PHYIR RO, ,CHAD NAS 'BYUNG BA YANG MTHONG STE ZHES BYA BA RGYAS BAR 'BYUNG BA LA ME LONG LA SOGS PA DAG GI NANG DU GZUGS TE BZHIN LAS GZUGS BRNYAN TE BZHIN GYI GZUGS BRNYAN 'BYUNG BA MTHONG NGO ZHES 'DIS NI MA NGES PAR RJOD PAR BYED DO, ,GZUGS BRNYAN MA GRUB PHYIR BA DANG, ,ZHES PA 'DIS NI MA NGES PA LTAR SNANG PA NYID DU STON PAR BYED DO, ,DMIGS PA DANG BCAS PA'I CHOS RNAMS GANG ZHE NA, SEMS DANG SEMS LAS BYUNG BA RNAMS SO, ,DMIGS PA MED PA'I CHOS RNAMS GANG ZHE NA, GZUGS DANG 'DUS MA BYAS DANG LDAN PA MA YIN PA RNAMS SO ZHES BSTAN BCOS LAS 'BYUNG BAS GZUGS BRNYAN SEMS DANG SEMS LAS BYUNG BA'I DMIGS PA LEN PA'I PHYIR YOD DO ZHE NA, 'DI'I LAN GYI PHYIR, MI 'DRA'I PHYIR NA DPE MA YIN, ,ZHES BYA BA SMOS SO, ,KHA DOG GI KHYAD PAR GZHAN ZHES BYA BA LA, ME LONG GI KHA DOG LAS GZHAN PA NI KHA DOG GI KHYAD PAR GZHAN NO, ,TSIG TZAM GYIS DAD PAR MI 'GYUR BAS 'DRI BA NI RE ZHIG JI LTAR MA GRUB CE NA ZHES BYA'O, ,YUL DE NYID NA ZHES BYA BA LA, ZUR NA GNAS PAS ME LONG GI YUL DE NYID NA ME LONG GI GZUGS MTHONG GI GZUGS BRNYAN MA YIN LA, MDUN NA GNAS PAS GZUGS BRNYAN MTHONG GI ME LONG GI GZUGS MA YIN TE, DE LTAR BSDOMS PAS DER GNYIS KA SNANG NGO, ,GZHAN DAG NA RE MDUN DU PHYOGS PAS GNYIS KA MTHONG NGO ZHES ZER TE, DE'I PHYIR ME LONG GCIG NA SNANG BA GNYIS LHAN CIG TU MI SRID PA'I PHYIR DE NA ME LONG GI GZUGS LAS GZHAN GZUGS BRNYAN YOD PA MA YIN NO, ,RTEN GYI 'BYUNG BA THA DAD PA'I PHYIR ZHES BYA BA LA, DE GNYIS KYI RTEN GYI 'BYUNG BA RNAMS NI THA DAD PA YIN LA, ME LONG GI GZUGS KYI RTEN GYI 'BYUNG BA RNAMS GYIS BZUNG BA'I YUL DE NA GZUGS @272B BRNYAN GYI GZUGS KYI RTEN GYI 'BYUNG BA RNAMS KYI GO YOD PA YANG MA YIN TE, THOGS PA DANG BCAS PA'I PHYIR RO, ,DE'I PHYIR DE NA RGYUR BYAS PA'I GZUGS GNYIS LHAN CIG 'BYUNG BA NI MED DO, ,DE BZHIN DU PHYOGS GZHAN NA GNAS PA RNAMS KYIS ZHES BYA BA RGYAS PAR 'BYUNG BA LA PHYOGS THA DAD PA NA GNAS PA'I SKYES BU GCIG GI RGYAB KYI SHING LJON PA LA SOGS PA'I GZUGS JI LTAR YIN PA DE BZHIN DU GZHAN GYI YANG DE KHO NA LTAR YIN NO, ,DE LA GCIG GIS NI RANG GI MDUN ROL GYI YUL NA GNAS PA'I SHING LJON PA LA SOGS PA'I GZUGS KYI GZUGS BRNYAN DMIGS KYI, RGYAB NA GNAS PA'I MA YIN LA, CIG SHOS KYIS KYANG MTSE'U'I CHU'I YUL DE NYID DU DE KHO NA LTAR DMIGS SO, ,GAL TE DE NA CHU'I GZUGS LTAR GZUGS BRNYAN GYI GZUGS DAG KYANG YOD NA NI GZUGS THUN MONG BA YIN PAS THAMS CAD KYI CHU'I GZUGS LTAR CI'I PHYIR MA DMIGS, DMIGS PA YANG MA YIN TE, DE'I PHYIR 'DI NI 'KHRUL PA TZAM ZHIG YIN GYI GZUGS GZHAN NI MA YIN NO, ,DE'I PHYIR GZUGS GCIG LA ZHES BYA BA SMOS TE, BUM PA'AM SNAM BU'I GZUGS GCIG LA SKYES BU'I LTA BA PHO GNYIS KYIS LHAN CIG MI MTHONG BA NI MA YIN TE, MTHONG BA YIN ZHES BYA BA'I DON TO, ,'DIR NI LHAN CIG MTHONG BA YANG MA YIN TE, DE'I PHYIR DER GZUGS GZHAN ZHIG 'BYUNG BAR RIGS PA MA YIN NO, ,YANG GRIB MA DANG NYI MA GNYIS KYANG ZHES BYA BA LA SOGS PA 'BYUNG BA LA, GANG GI TSE ME LONG GRIB MA NA 'DUG CING BSGRIBS PA MA YIN BA'I TSE DER NYI MA'I GZUGS BRNYAN SNANG LA, NYI MA LA 'DUG PA LA GRIB MA SNANG NA, NYI MA DANG GRIB MA DAG NI LHAN CIG GNAS PAR 'GAL BA'I PHYIR RO, ,KHRON PA'I CHU BZHIN DU ZHES BYA BA LA, JI LTAR KHRON PA'I CHU GTING RING PO NA YOD PAR SNANG BA DE BZHIN DU ZLA BA'I GZUGS BRNYAN YANG GZHAN KHO NA YOD PAR SNANG NGO, ,DE YANG DE'I NANG DU 'BYUNG NA NI ZHES BYA BA LA, GZUGS BRNYAN DE YANG ME LONG GI NANG KHO NAR BYUNG NA NI, DE ME LONG GI GZUGS LTAR GZHAN NA STE, DE'I NANG LAS GZHAN NA DMIGS PAR MI 'GYUR NA DMIGS PA YANG YIN TE, DE'I PHYIR DE NI CUNG ZAD KYANG MED DO, ,GAL TE DE CUNG ZAD KYANG MED NA 'ON DE @273A *, ,JI LTAR SNANG ZHE NA, DE'I PHYIR GANG DE LTAR SNANG BA DE NI TSOGS PA DE'I MTHU DE 'DAB YIN TE ZHES BYA BA SMOS TE, MTHU DANG NUS PA DANG, NUS MTHU ZHES BYA BA NI DON GCIG GO, ,JI LTA ZHE NA, CHOS RNAMS KYI MTHU ZHES BYA BA RGYAS PAR 'BYUNG STE, JI LTAR MIG SER GYIS MI GNYAMS PAR BYAS PAS THAMS CAD DU SER POR MTHONG LA, RAB RIB CAN GYIS ZLA BA GNYIS SU MTHONG BA DANG, JI LTAR KHAB LONG KHO NAS LCAGS THAG 'DREN GYI GZHAN GYIS MA YIN PA DANG, ZLA BA SHAR NA CHU SHEL KHO NA LAS CHU 'BYUNG GI ,SOL BA LA SOGS PA DAG LAS MA YIN PA DE BZHIN DU, GZUGS GZHAN MED KYANG MIG DANG ME LONG GI NGOS DANG DE BZHIN GYI GZUGS LA BRTEN NAS DE'I GZUGS BRNYAN GYI RNAM PA CAN GYI MIG GI RNAM PAR SHES PA 'BYUNG BA YIN NO, ,RGYUN MIN PHYIR ZHES BYA BA RGYAS PAR 'BYUNG BA LA, GAL TE GZUGS BRNYAN GZUGS KYI RGYUN GYI KHONGS SU GTOGS PA YIN NA NI ME LONG GI RGYU DANG MA 'BREL PAR GZUGS DANG 'BREL BA KHO NAR 'BYUNG BAR 'GYUR TE, GZHAN GYI RGYUD DU GTOGS PA NI GZHAN GYI RGYUD DANG 'BREL TE 'BYUNG BAR MI RIGS SO, ,ME LONG GI RGYUD DANG 'BREL PA'I PHYIR DANG ZHES BYA BA LA, GZUGS BRNYAN GYI GZUGS KYI RGYUN DU GYUR PA MA YIN TE, ME LONG DANG 'BREL PA'I PHYIR ME LONG GI GZUGS BZHIN NO, ,LHAN CIG 'BYUNG BA'I PHYIR YANG GZUGS BRNYAN GZUGS KYI RGYUN MA YIN TE, GANG ZHIG GANG GI RGYUN YIN PA DE NI LHAN CIG 'BYUNG BAR MA MTHONG STE, DPER NA SA BON DANG MYU GU BZHIN NO, ,JI LTAR 'CHI BA'I SRID PA'I RGYUN SKYE BA'I SRID PA LTA BUR TE, DE GNYIS NI LHAN CIG 'BYUNG BA MA YIN NO, ,RGYUN LA ZHES BYA BA RGYAS PAR 'BYUNG BA LA, RGYUN GYIS 'JUG PA'I 'BRU DPER BRJOD PA LA, GZUGS BRNYAN RGYUN DU GYUR PA MA YIN PAS PHYIR BZLOG PAS DPE MI 'DRA BA YIN NO, ,GZUGS BRNYAN NI GNYIS LAS 'BYUNG BA'I PHYIR ZHES BYA BA RGYAS PAR 'BYUNG BA LA, GNYIS LAS 'BYUNG BA NI GNYIS LAS 'BYUNG BA STE, GNYIS LAS 'BYUNG BA DE'I PHYIR RO, ,GTZO BO'I RGYU GANG YIN PA DE NI ME LONG LA SOGS PA STE, DE'I RJES SU BYED PA'I PHYIR RO, ,'DI LTAR GAL TE RAL @273B GRI BSAGS KAR BSNYAL TE 'DUG PA YIN NA NI GZUGS BRNYAN YANG BSAGS KAR RING BAR SNANG LA, GAL TE GYEN LA BSGRENG STE 'DUG PA YIN NA NI GZUGS BRNYAN YANG DE LTAR SNANG NGO, ,RGYU GNYIS PA GTZO BO MA YIN PA KHU CHU DANG KHRAG LA SOGS PA YOD DO ZHE NA, DE'I PHYIR GTZO BO'I RGYU GANG YANG RUNG BA ZHIG DANG ZHES BYA BA SMOS SO, ,CI STE YANG BRTEN NAS SKYE BA'I SRID PA GRUB PA'I PHYIR RO ZHE NA, DE'I BRTEN NAS SKYE BA'I SRID PA GRUB PA'I PHYIR RO ZHE NA, DE'I PHYIR PHYI'I KHU CHU DANG KHRAG LA SOGS PA ZHES BYA BA LA SOGS PA SMOS SO, ,GZHAN DAG NA RE, MI 'DRA'I PHYIR NA DPE MA YIN, ,ZHES BYA BA, GZUGS LOG NA GZUGS BRNYAN 'JIG PAR 'GYUR GYI 'CHI KHA MA'I PHUNG PO 'GAGS PA SKYE BA'I CHAR GTOGS PA'I PHUNG PO RNAMS MED PAR 'GYUR BA NI MA YIN TE, DE LTA MA YIN NA SEMS CAN RGYUD RGYUN CHAD PAR THAL BAR 'GYUR RO, ,GZUGS BRNYAN NI GZUGS DANG 'DRA BAR 'BYUNG NA, SKYE BA'I SRID PA NI DE LTAR 'CHI BA'I SRID PA LAS 'BYUNG BA YANG MA YIN TE, GZHAN DU NA BA LANG LA SOGS PA SHI NAS BA LANG LA SOGS PA DAG KHO NAR SKYE BAR THAL BAR 'GYUR RO, ,DE'I PHYIR DPE 'DRA BA YOD PA MA YIN NO ZHES ZER RO, ,MGU RA NAS GSUNGS PHYIR ZHES BYA BA NI NYID KYI GSUNG GIS GSUNGS PA'I PHYIR RO ZHES BYA BA'I DON TO, ,MDO 'DI DAG MI 'DON TO ZHES BYA BA LA SOGS PA LA, SRID PA BAR MA LA SKUR PA 'DEBS PA'I SDE PA GZHAN DAG GIS SDE PA GZHAN LA GRAGS KYANG, SDUD PA'I GZHI PO NYAMS PAS LHAG PAR SGRO BTAGS PAR DOGS PAS TSAD MAR MI BYED DE, DE DAG GI LUNG GI KHONGS SU MA 'DUS PA'I PHYIR RO, ,GNAS GSUM ZHES BYA BA NI RGYU GSUM MO, ,BU CHAGS PA NI 'BYUNG BA'O, ,MA RUNG ZHING ZHES BYA BA NI BU 'DZIN PAR NUS PA'O, ,ZLA MTSAN DANG LDAN PA ZHES BYA BAS NI BU 'DZIN PAR RUNG YANG ZLA MTSAN LA LTOS SO ZHES STON TO, ,ZLA MTSAN DANG LDAN YANG GAL TE BU 'DZIN PA'I NUS PA NYAMS PA MED PA YIN NA STE, 'DI NI GNAS DANG PO'O, ,PHA DANG MA CHAGS PAR GYUR CING PHRAD PA DANG ZHES BYA BA LA, CHAGS PAR GYUR LA MA PHRAD PA DANG, PHRAD PAR GYUR LA MA CHAGS PA @274A *, ,YANG YOD PAS GNYIS KA SMOS TE, 'DI NI GNAS GNYIS PA'O, ,DRI ZA NYE BAR GNAS PAR GYUR NA'O ZHES BYA BA 'DI NI GNAS GSUM PA'O, ,DRI ZA NYE BAR GNAS PAR GYUR NA'O ZHES BYA BA 'DI YANG DE DAG MI 'DON PA DE DAG GI LUNG DAG LAS DE SKAD DU MA BTON PA'I PHYIR RO; ,'ON JI LTAR DE DAG 'DON ZHE NA, PHUNG PO ZHIG PA NYE BAR GNAS PAR GYUR NA'O ZHES 'DON TE, 'DIR PHUNG PO ZHIG PA NI 'CHI BA'I SRID PA'O, ,GAL TE DE LTAR NA RTA LEN GYI BU'I MDO ZHES BYA BRGYAS PAR 'BYUNG BA LA, PHUNG PO ZHIG PA NI 'GRO BA DANG 'ONG BA DANG BRAM ZE LA SOGS PA'I NGO BOR MI 'THAD DO, ,PHYIR MI 'ONG BA NI LNGA STE ZHES BYA BA NI LAM DANG GANG ZAG BSTAN PA'I MDZOD KYI GNAS NAS 'CHAD DO, ,KHA CIG NA RE BAR MDO ZHES BYA BA'I LHA DAG CIG YOD DE, ,GANG ZHIG DE DAG TU YONGS SU MYA NGAN LAS 'DA' BA DE NI BAR MA DOR YONGS SU MYA NGAN LAS 'DA' BA'O ZHES ZER RO, ,DE LTA NA SKYES PA ZHES BYA BA LA SOGS PA YANG ZHES BYA BA RGYAS PAR 'BYUNG BA STE, DE LA GANG ZHIG SKYES PA'I LHA DAG TU YONGS SU MYA NGAN LAS 'DA' BA DE NI SKYES NAS YONGS SU MYA NGAN LAS 'DA' BAR 'GYUR RO, ,MNGON PAR 'DU BYED PA MED PAR YONGS SU MYA NGAN LAS 'DA' BA DANG; MNGON PAR 'DU BYED PA DANG BCAS PAR YONGS SU MYA NGAN LAS 'DA' BA YANG DE DANG 'DRA BAR BRJOD PAR BYA'O, ,DE LTA MA YIN TE, GAL TE SKYE BA LA SOGS PA'I LHA DAG KHAS MI LEN NA NI BAR MA DOR YONGS SU MYA NGAN LAS 'DA' BA MI 'GRUB PO, ,GZHAN DAG NA RE 'DOD PA DANG GZUGS KYI KHAMS DAG GI BAR DU YONGS SU MYA NGAN LAS 'DA' BAS BAR MA DOR YONGS SU MYA NGAN LAS 'DA' BA STE, DES NA SRID PA BAR MA MED PAR KHAMS GNYIS SU MA SKYES PA'I SEMS CAN MED PAS SRID PA BAR MA GRUB PA NYID DO ZHES ZER RO, ,'GRO MDO ZHES BYA BA LA, MDO LAS DGE SLONG DAG NGAS SKYES BU DAM PA'I 'GRO BA BDUN DANG, LEN PA MED PA'I YONGS SU MYA NGAN LAS 'DA' BA BSTAN PAR BYA YIS ZHES SKYES BU DAM PA'I 'GRO BA'I MDO RGYAS PAR GSUNGS SO, ,MDO DE LAS NI PHYIR MI 'ONG BA LNGA LAS BAR MA DOR YONGS SU MYA NGAN LAS 'DA' BA, ZHOGS MA @274B LA SOGS PA DPE GSUM GYI SGO NAS RNAM PA GSUM DU MDZAD NAS SKYE BU DAM PA'I 'GRO BA BDUN DU GSUNGS SO, ,DUS DANG YUL GYI KHYAD PAR GYI BYE BRAG GIS ZHES BYA BA NI GO RIMS BZHIN DU DUS KYI KHYAD PAR GYI BYE BRAG DANG YUL GYI KHYAD PAR GYI BYE BRAG GIS SO, ,JI LTAR ZHE NA MNGON PAR GRUB BZHIN DU ZHES BYA BA NI DUS SO, ,GNAM DU YAR BZHIN DU ZHES BYA BA DANG, SA LAM LHUNG BA NYID DU ZHES BYA BA NI YUL LO, ,BAR MDO ZHES BYA BA'I LHA NI ZHES BYA BA RGYAS PAR 'BYUNG NGO, ,TSE'I TSAD KYI BAR DU 'AM ZHES BYA BA LA, TSE'I TSAD KYI SNGA ROL DU STE TSE YONGS SU MA RDZOGS PA KHO NAR ZHES BYA BA'I DON TO, ,LHA DANG NYE BA'I BAR DU ZHES BYA BA LA, LHA RNAMS KYI DRUNG NI LHA DANG NYE BA STE, DE'I BAR NI LHA DANG NYE BA'I BAR RO, ,BSHAD PA 'DI LA LCAGS KYI TSA TSA LA SOGS PA'I DPE RNAM PA GSUM JI LTAR RUNG ZHE NA, DE'I PHYIR, KHAMS KYI GNAS SKABS PA'AM ZHES BYA BA RGYAS PAR SMRAS SO, ,SKYES PA TZAM GYIS NYON MONGS PA'I SA BON GYI GNAS SKABS KHO NAR LAM MNGON DU GYUR PA LAS YONGS SU MYA NGAN LAS 'DA' BA STE, 'DIR NI DBANG PO RNON PO YIN NO ZHES GRAG GO, ,'DU SHES KYI GNAS SKABS PA'AM ZHES BYA BA NI YUL GYI 'DU SHES KUN DU SPYOD PA'I GNAS SKABS SU'O, ,GZHAN DAG NA RE NYON MONGS PA SKYES PA YONGS SU GCOD PAR BYED PA GANG YIN PA DE 'DU SHES KYI GNAS SKABS PA YIN NO ZHES ZER TE, 'DI NI DBANG PO 'BRING PO'O, ,RNAM PAR RTOG PA'I GNAS SKABS PA ZHES BYA BA NI DE'I SA PA'I NYON MONGS PA'I RNAM PAR RTOG PA KUN DU SPYOD PA'I GNAS SKABS SU'O, ,GZHAN DAG NA RE RNAM PAR RTOG PA NI DPYAD PA YIN PA'I PHYIR SHES RAB KUN DU SPYOD PA'I GNAS SKABS SU YIN NO, ,'DIR RNAM PAR RTOG PA NI SEMS RTZING BA LA MI 'DOD DE, DE NI BSAM GTAN DANG PO'I SA PA YIN PA'I PHYIR GNYIS PA LA SOGS PA DAG NA BAR DU MYA NGAN LAS 'DA' BAR MI 'GYUR RO, ,'DI NI DBANG PO RTUL PO YIN NO, ,YANG NA DANG PO NI GZUGS KYI KHAMS SU ZHES BYA BA RGYAS PAR 'BYUNG BA LA, 'DI LA DPE NI DPER NA ZHOGS MA'I ME CHUNG ZHES BYA BA LA SOGS PA'O, ,GNYIS PA @275A *, ,NI LHA RNAMS KYI 'BYOR PA ZHES BYA BA LA, 'DI LA YANG DPE NI DPER NA LCAGS KYI TSA TSA GNAM DU YAR BZHIN DU ZHES BYA BA RGYAS PAR 'BYUNG BA'O, ,GSUM PA NI LHA RNAMS KYI CHOS YANG DAG PAR 'GRO BA'I ZHES BYA BA LA, 'DIR YANG DPE NI DPER NA LCAGS KYI TSA TSA GNAM DU YAR NAS ZHES BYA BA LA SOGS PA STE, DE LTA NA DPE GSUM GYI SGO NAS RNAM PA GSUM YIN NO, ,DE LTA NA YANG BAR MDO DANG SKYES NAS YONGS SU MYA NGAN LAS 'DA' BA DAG LAS KHYAD PAR MI MNGAN PAS KHYAD PAR BSTAN PA'I PHYIR SKYES NAS YONGS SU MYA NGAN LAS 'DA' BA NI ZHES BYA BA RGYAS PAR SMRAS SO, ,TSE PHAL CHER BCOM NAS ZHES BYA BA NI TSE PHAL CHER PHYID NAS SO, ,DE DAG THAMS CAD KYANG ZHOGS MA LA SOGS PA'I DPE DAG DANG MI 'BYOR TO, ,CI'I PHYIR ZHE NA, YUL DU 'GRO BA'I BYE BRAG MED PA'I PHYIR ZHES BYA BA 'BYUNG STE, YUL DU 'GRO BA'I BYE BRAG MED PA'I PHYIR RO, ,DE DAG LA NI YUL DU 'GRO BA'I BYE BRAG YOD PA MA YIN TE, YUL DE NYID DU YONGS SU MYA NGAN LAS 'DA' BA'I PHYIR RO, ,MDO LAS GSUNGS PA'I DPE GSUM LA NI YUL DU 'GRO BA'I BYE BRAG YOD DO, ,YANG NA YUL GYI BYE BRAG MED PA'I PHYIR DANG, 'GRO BA'I BYE BRAG MED PA'I PHYIR ZHES RE RE LA BYE BRAG MED PA'I SGRA SBYOR RO, ,GZUGS MED PA DAG TU YANG BAR MA DOR YONGS SU MYA NGAN LAS 'DA' BA ZHES BYA BA LA SOGS PA LA, JI LTAR GZUGS MED PA DAG TU BAR MDOR YONGS SU MYA NGAN LAS 'DA' BA MA GSUNGS PAR GTOGS SHE NA, BSAM GTAN DAG GIS BCU TSAN BZHI ZHES BYA BA RGYAS PAR SMOS SO, ,BSAM GTAN BZHI DAG GIS BCU TSAN BZHI STE, BSAM GTAN RE RE LA GANG ZAG BCU BCU DBANG DU BYAS PA'I PHYIR RO, ,GZUGS MED DAG GIS BDUN TSAN GSUM, ,ZHES BYA BA LA, BAR MA DOR YONGS SU MYA NGAN LAS 'DA' BA DANG SKYE BA GNYIS MA GTOGS PA STE, GZUGS MED BA'I PHYIR SRID PA BAR MA MI SRID DO, ,'DU SHES KYIS NI DRUG TSAN DU, ,ZHES BYA BA LA, 'DI LA NI GONG DU 'PHO BA YANG MED DE, ,SA GZHAN MED PA'I PHYIR RO, ,TSOMS SU YANG DAG SDEBS ZHES BYA BA NI SBYAR ZHES BYA BA'I THA TSIG GO, , @275B JI LTA ZHE NA, 'DI NA DGE SLONG RNAM PA GANG DAG DANG RTAGS GANG DAG DANG MTSAN MA GANG DAG GIS 'DOD PA DAG LAS DBEN PA SDIG TO MI DGE BA'I CHOS RNAMS LAS DBEN PA, RTOG PA DANG BCAS SHING DPYOD PA DANG BCAS PA DBEN PA LAS SKYES PA'I DGA' BA DANG BDE BA CAN DANG BSAM GTAN DANG PO NYE BAR BSGRUBS NAS GNAS SO, ,DE RNAM PA DE DAG DANG RTAGS DE DAG DANG MTSAN MA DE DAG YID LA MI BYED KYI 'ON KYANG DE GZUGS KYI RNAM PA'AM, TSOR BA'I RNAM PA'AM, 'DU SHES KYI RNAM PA'AM, 'DU BYED KYI RNAM PA'AM, RNAM PAR SHES PA'I RNAM PA GANG ZHIG DER NYE BAR DMIGS PA'I CHOS DE DAG NANG DU YID LA BYED, 'BRAS DANG ZUG RDU DANG, SDIG PA DANG, MI RTAG PA DANG, SDUG BSNGAL BA DANG, STONG PA DANG, BDAG MED PAR YID LA BYED, DE CHOS DE DAG LA YID BYUNG ZHING SKRAG STE PHYIR ZLOG PAR BYED, DE CHOS DE DAG LA SKYO ZHING SKRAG STE PHYIR BZLOG NAS, 'DI NI ZHI BA'O, ,'DI NI GYA NOM PA STE, 'DI LTA STE PHUNG PO THAMS CAD NGES PAR SPANGS PA, SRED PA ZAD PA, 'DOD CHAGS DANG BRAL BA, 'GOG PA, MYA NGAN LAS 'DAS PA'O ZHES 'CHI BA MED PA'I DBYINGS LA SEMS GTOD PAR BYED DO, ,MDO DE NYID GSUNGS NAS KHYAD PAR NI 'DI YIN TE, DE LTAR SHES SHING DE LTAR MTHONG BSTE 'DOD PA'I ZAG PA LAS SEMS RNAM PAR GROL, SRID PA'I ZAG PA DANG MA RIG PA'I ZAG PA LAS SEMS RNAM PAR BROL, GROL NAS KYANG BDAG RNAM PAR GROL LO, ,BDAG GI SKYE BA ZAD DO, ,TSANGS PAR SPYOD PA SPYOD DO, ,BYA BA BYAS SO, ,'DI LAS SRID PA GZHAN MI SHES SO SNYAM DU YE SHES MTHONG BA 'BYUNG NGO, ,MDO DE NYID DU GSUNGS NAS KHYAD PAR NI 'DI YIN TE, DE 'DIR RNAM PAR MI GROL GYI CHOS LA 'DUN PA DE NYID DANG, CHOS LA CHAGS PA DE NYID DANG; CHOS LA DGA' BA DE NYID DANG, CHOS LA MNGON PAR DGA' BA DE NYID KYIS BAR MA DOR RNAM PAR GROL BAR 'GYUR RO, ,MDO DE NYID GSUNGS NAS DE BAR MDOR YONGS SU MYA NGAN LAS 'DA' BAR MI 'GYUR GYI, 'ON KYANG SKYES NAS YONGS SU MYA NGAN LAS 'DA' BAR @276A *, ,'GYUR RO, ,DE SKYES NAS YONGS SU MYA NGAN LAS 'DA' BAR MI 'GYUR GYI, 'ON KYANG MNGON PAR 'DU BYED PA DANG BCAS PAR YONGS SU MYA NGAN LAS 'DA' BAR 'GYUR RO, ,DE MNGON PAR 'DU BYED PA DANG BCAS PAR YONGS SU MYA NGAN LAS 'DA' BAR MI 'GYUR GYI, 'ON KYANG MNGON PAR 'DU BYED PA MED PAR YONGS SU MYA NGAN LAS 'DA' BAR 'GYUR RO, ,DE MNGON PAR 'DU BYED PA MED PAR YONGS SU MYA NGAN LAS 'DA' BAR MI 'GYUR GYI, 'ON KYANG GONG DU 'PHO BAR 'GYUR RO, ,DE GONG DU 'PHO BAR MI 'GYUR GYI, 'ON KYANG CHOS LA 'DUN PA DE NYID DANG, CHOS LA CHAGS PA DE NYID DANG, CHOS LA DGA' BA DE NYID DANG, CHOS LA MNGON PAR DGA' BA DE NYID KYIS TSANGS CHEN GYI LHA RNAMS DANG SKAL BA MNYAM BAR SKYE BAR 'GYUR RO, ,DE TSANGS CHEN GYI LHA RNAMS DANG SKAL BA MNYAM PAR SKYE BA MA YIN GYI, CHOS LA 'DUN PA DE NYID DANG, CHOS LA CHAGS PA DE NYID DANG, CHOS LA DGA' BA DE NYID DANG, CHOS LA MNGON PAR DGA' BA DE NYID KYIS TSANGS PA'I MDUN NA 'DON GYI LHA RNAMS DANG SKAL BA MNYAM PAR SKYE BAR 'GYUR RO, ,DE TSANGS PA'I MDUN NA 'DON GYI LHA RNAMS SU SKYE BAR MI 'GYUR GYI, CHOS LA 'DUN PA DE NYID DANG, CHOS LA CHAGS PA DE NYID DANG, CHOS LA DGA' BA DE NYID DANG, CHOS LA MNGON PAR DGA' BA DE NYID KYIS TSANGS RIS KYI LHA RNAMS DANG SKAL BA MNYAM PAR SKYE BAR 'GYUR RO, ,DE LTAR NA RE ZHIG NA BSAM GTAN DANG PO LA MDO BCU'O, ,DE BZHIN DU BSAM GTAN GNYIS PA LA YANG SNGA MA 'DRA BAR MDO BCU STE, SKYE BA LA NI 'OD GSAL BA RNAMS DANG SKAL BA MNYAM PAR SKYE BAR 'GYUR RO, ,DE NAS TSAD MED RNAMS DANG NGO, ,DE NAS 'OD CHUNG PA RNAMS DANG NGO, ,DE LTAR NA 'DI DAG NI BSAM GTAN GNYIS PA'I MDO BCU'O, ,DE BZHIN DU BSAM GTAN GSUM PA LA YANG SNGA MA DANG 'DRA BAR MDO BCU STE, SKYE BA LA NI DGE RGYAS PA RNAMS DANG SKAL BA MNYAM PAR SKYE'O, ,DE NAS TSAD MED DGE BA RNAMS DANG NGO, ,DE NAS DGE CHUNG GI LHA RNAMS DANG SKAL BA MNYAM PAR SKYE'O, ,BSAM GTAN BZHI PA LA YANG SNGA MA BZHIN DU MDO BCU STE, SKYE BA LA NI 'BRAS BU CHE BA RNAMS @276B DANG SKAL BA MNYAM PAR SKYE BAR 'GYUR RO, ,DE NAS BSOD NAMS SKYES RNAMS DANG NGO, ,DE NAS SPRIN MED PA RNAMS DANG NGO, ,DE LTAR NA 'DI DAG NI BSAM GTAN BZHI PA'I MDO BCU'O, ,BSAM GTAN DAG GIS BCU TSAN BZHI BSDUS PA NI DE DAG YIN NO, ,DE BZHIN DU NAM MKHA' MTHA' YAS SKYE MCHED LA YANG BAR MA DOR YONGS SU MYA NGAN LAS 'DA' BA DANG SKYE BA GNYIS MA GTOGS PA MDO BDUN SNGA MA BZHIN DU BRJOD PAR BYA STE, NAM MKHA' MTHA' YAS SKYE MCHED DU NYE BAR 'GRO BA'I LHA RNAMS DANG SKAL BA MNYAM PAR SKYE BA 'BA' ZHIG TU ZAD DO, ,RNAM SHES MTHA' YAS SKYE MCHED DANG, CI YANG MED PA'I SKYE MCHED KYANG DE DANG 'DRA'O, ,'DU SHES MED 'DU SHES MED MIN DAG TU NI SA GZHAN MED CING GONG DU 'PHO BA YANG MED PAS MDO DRUG BRJOD PAR BYA'O, ,DE LTA BAS NA DE THAMS CAD KYANG RTOG PA TZAM DU ZAD DO, ,KYANG ZHES BYA BA'I SGRAS NI GZUGS BRNYAN 'BA' ZHIG TU MA ZAD DO, ,GAL TE TSE'I TSAD KYI BAR DU YONGS SU MYA NGAN LAS 'DA' BAS BAR MA DOR YONGS SU MYA NGAN LAS 'DA' BA YIN NA NI, DE LTA NA 'PHAGS PA SH'A RI'I BU LA SOGS PA YANG BAR MA DOR YONGS SU MYA NGAN LAS 'DA' BA NYID DU THAL BAR 'GYUR RO, ,'DI LTAR BYANG CHUB SEMS DPA' SRID PA THA MA PA DANG BYANG GI SGRA MI SNYAN PA RNAMS MA GTOGS PA'I SEMS CAN THAMS CAD NI PHAL CHER TSE MA ZAD PAR 'CHI STE, SGRA MI SNYAN MA GTOGS PAR 'CHI ZHES 'BYUNG BA'I PHYIR RO, ,DE'I PHYIR LUNG LAS KYANG SRID PA BAR MA GRUB PO, ,DE NYID KYI PHYIR DE DAG LA NI; LUNG LAS KYANG ZHES BYA BA SMOS TE, KYANG ZHES BYA BA'I SGRAS NI RIGS PA LAS KYANG NGO, ,BDUD SUN 'BYIN BYED CES BYA BA LA, DE BZHIN GSHEGS PA 'OD SRUNGS KYI NYAN THOS MKHAS MGU ZHES BYA BA ZHIG BYUNG BAR GYUR LA, DE'I TSE BDUD SUN 'BYIN BYED CES BYA BA ZHIG GIS RDO'I TSAL PA ZHIG GIS DE'I MGO BCAG PAR GYUR TO, ,RANG GI LUS KHO NAS ZHES BYA BA RGYAS BAR 'BYUNG STE, SKAD CIG DE NYID LA'O, ,GAL TE SRID PA BAR MA YOD NA NI DE RANG GI LUS KHO NAS MNAR MED PAR LTUNG BAR MI RIGS TE, DE'I RANG GI LUS NI SNGAR GYI LUS YIN PA'I PHYIR RO, ,DE LTA MA YIN NA @277A *, ,NI GANG LAS DE KHO NA RANG GI LUS KYIS YIN PAR 'GYUR BA, DE LA GZHAN DAG PAS KHYAD CI ZHIG YOD CE NA, KHYAD PAR YOD DE, DE NI GSON PO KHO NAR DMYAL BA'I ME DAG GIS BSKOR RO ZHES SHES PAR BYA BA'I PHYIR, RANG GI LUS KHO NAS ZHES GSUNGS TE, SNGAR GYI LUS KHO NAS DMYAL BAR 'GRO BAR NI MI RIGS SO, ,LAS SHIN TU DRAG PO YONGS SU RDZOGS PA RNAMS NI ZHES BYA BA LA SOGS PA LA, ZHING DANG BSAM PA'I KHYAD PAR DANG LDAN PA'I PHYIR DANG, 'JUG PA RNYED PA'I PHYIR NA SHIN TU DRAG PO RNAMS SO, ,BSAGS PA'I PHYIR RAM RNAM PAR SMIN PA NGES PA'I PHYIR NA YONGS SU RDZOGS PA RNAMS SO, ,GSON PO KHO NAR DMYAL BA'I ME DAG GIS BSKOR BA DE'I PHYIR 'DI'I MTHONG BA'I CHOS LA MYONG BAR 'GYUR BA'I LAS NI DANG POR SMIN PA YIN NO, ,DE NI ZHES BYA BA LA, SRID PA BAR MA YOD NA SNYAM DU BSAMS PA'O, ,DE MA THAG TU DMYAL BA DAG TU SKYE'O ZHES BYA BA NI DE MA THAG TU ZHES 'BYUNG BAS SRID PA BAR MA MED DO ZHES BYA BA'O, ,'GRO BA GZHAN DU MI 'GRO BAR ZHES BYA BA NI NGAS 'DI NI SKYE BA GZHAN 'GOG PA LHUR BYED PA YIN GYI, SRID PA BAR MA 'GOG PA LHU RA BYED PA NI MA YIN NO SNYAM DU BSAMS PA'O, ,SGRA JI BZHIN DU BRTAG NA NI MTSAMS MED PA DAG LNGA CHAR BYAS PA KHO NAS DMYAL BAR 'GRO BA YIN NO ZHES BYA BAR 'GYUR GYI, GCIG GAM GNYIS KYIS NI MA YIN TE, LNGA ZHES SGRA BRJOD PA'I PHYIR TE GSUNGS PA'I PHYIR ZHES BYA BA'I DON TO, ,BYAS MA THAG TU YIN GYI ZHES BYA BA LA, MTSAMS MED PA BYAS MA THAG TU DMYAL BA DAG TU SKYE BAR 'GYUR GYI, DUS GZHAN GYI BAR DU GSON POR 'DUG NAS NI MA YIN TE, GANG GI PHYIR BYAS SHING BSAGS NAS DMYAL BA DAG TU SKYE'O ZHES SGRAS GSUNGS PA'I PHYIR RO, ,SRID PA BAR MA SKYE BA NYID YIN PAR ZHES BYA BA RGYAS PAR 'BYUNG BA LA, SKYE BA NI RIS MTHUN PAR NYE BAR SON PA YIN LA, SRID PA BAR MA YANG DE LA MNGON DU PHYOGS PA YIN PAS 'CHI BA'I MJUG THOGS SU SRID PA BAR MA KHO NAS DMYAL BA DAG TU SKYE BA YIN GYI SKYES PA NI MA YIN NO, ,GAL TE DE MA THAG TU DMYAL BA DAG TU SKYES PA YIN NO ZHES SMRAS NA NI SRID PA BAR @277B MA MED PAR 'GYUR BA ZHIG GO, ,BRAM ZE NA TSOD KHYER ZIN ZHES BYA BA LA SOGS PA RGYAS PAR 'BYUNG BA LA, 'CHI BA'I DRUNG DU 'DI'I NA NA TSOD KHYER BAS NA NA TSOD KHYER ZIN PA'O, ,BRAM ZE ZHES BYA BA NI BOD PA STE, BRAM ZE 'KHOGS PA 'GA' ZHIG LA BOS PA'O, ,BAR NA KHYOD KYI GNAS KYANG YOD PA MA YIN ZHES BYA BA LA, 'DI NI 'DIR SRID PA BAR MA MED PA'I KHUNGS YIN NO, ,LAM BRGYAGS KYANG NI ZHES BYA BA LA, KHYOD LA 'JIG RTEN PHA ROL GYI LAM BRGYAGS KYANG YOD PA MA YIN TE, KHYOD LA DGE BA'I TSOGS KYANG YOD PA MA YIN NO SNYAM DU DGONGS PA'O, ,MI DAG GI NANG NA GNAS SU MED DO ZHES BYA BA NI KHYOD NA BAR GYUR PA LA MI DAG GI NANG GNAS SU MED DO ZHES BYA BA LA, 'GRO BA LA GEGS BYED PA MED PA'I PHYIR ZHES BYA BA NI 'GRO BA MI 'GOG PA'I PHYIR TE, THOGS PAR BYED PA MED PA'I PHYIR ZHES BYA BA'I DON TO, ,'DI LA KHYOD KYIS THAL MA THAG TU SRID PA BAR MA YOD PAR JI SKAD SMRAS PA 'DI NI DGONGS PA YIN GYI, SRID PA BAR MA MED DO ZHES KHO BO CAG GIS 'DOD PA 'DI NI DGONGS PA MA YIN NO ZHES BYA BA 'DI GA LAS SHE NA, SLOB DPON GYIS BRTAG PA 'DI KHYOD LA YANG MTSUNGS TE ZHES BYA BA SMOS TE, DRI BA 'DI ZHES BYA BA'I DON TO, ,'DI LA KHYOD KYI SRID PA BAR MA MED DO ZHES JI SKAD SMRAS PA 'DI NI DGONGS PA YIN GYI, KHO BO CAG GIS SRID PA BAR MA YOD DO ZHES JI SKAD SMRAS PA 'DI NI DGONGS PA MA YIN NO ZHES BYA BA 'DI GO GA LAS, DE LTA BAS NA GNYIS KA'I PHYOGS LA YANG ZHES BYA BA RGYAS PAR 'BYUNG BA LA, SRID PA BAR MA YOD DO, ,SRID PA BAR MA MED DO ZHES BYA BA GNYIS KA'I PHYOGS LA YANG KHYOD DANG YANG JI SKAD BSHAD PA'I MDO MI 'GAL BA'I PHYIR TE, BDUD SUN 'BYIN BYED KYI MDO LA SOGS PA MI 'GAL BA'I PHYIR RO, ,'DI NI ZHES BYA BA RGYAS PAR 'BYUNG BA LA, SHES PAR BYED PA GZHAN DU SHES PAR MI BYED PA YIN NO ZHES BYA BA NI KHUNGS KYI DON SHES PAR BYED PA GANG LA GZHAN DU SHES PAR BYED PA MED PA'O, ,'DI SKAD BSTAN PAR 'GYUR TE, TSIGS SU BCAD PA'AM MDO GANG GI DON RNAM PA GZHAN DU BKRI BAR MI NUS PA DE NI KHUNGS YIN LA, GANG GI DON RNAM PA GZHAN DU YANG YIN PAR MI 'GAL BA DES NI BRJOD MKHAN NYID SEL BAR BYED PA YIN NO, ,DE'I PHYIR RIGS PA DANG LUNG LAS SRID @278A *, ,PA BAR MA GRUB PO, ,YANG 'GRO BA GANG DU 'GRO BAR 'GYUR BA'I ZHES BYA BA RGYAS PAR 'BYUNG BA NI CI DMYAL BA LA SOGS PAR 'GRO BA THAMS CAD KYI SRID PA BAR MA'I SHA TSUGS GCIG MNGON PAR 'GRUB BAM, 'ON TA SHA TSUGS THA DAD PA ZHIG 'BYUNG ZHES RNAM PAR DPYAD PA STE, DE'I PHYIR DE NI 'PHEN PA GCIG PA'I PHYIR ZHES BYA BA RGYAS PAR SMOS SO, ,LAS NI RNAM PA GNYIS TE, PHAN PAR BYED PA DANG, YONGS SU RDZOGS PAR BYED PA'O, ,DE LA DE DAG GI YONGS SU RDZOGS PAR BYED PA NI DU MA YIN GYI 'PHEN PAR BYED PA NI GCIG YIN TE, DE'I PHYIR DE NI 'PHEN PA GCIG PA'I PHYIR, SNGON DUS SRID 'BYUNG SHA TSUGS CAN, ,ZHES BYA BA SMOS SO, ,'DI LA DUS SNGA MA'I SRID PA 'BYUNG BAR 'GYUR BA'I SHA TSUGS LTA BU YOD PAS NA SNGON DUS SRID 'BYUNG SHA TSUGS CAN TE, RGYA YI 'BUR BZHIN NO, ,SNGON GYI DUS SMOS PA NI 'CHI BA'I SRID PA DANG SKYE BA'I SRID PA LAS KHYAD PAR DU BYA BA'I PHYIR RO, ,MNGAL NA GNAS PA RNAMS KHO NA 'CHI NA 'GRO BA LNGA PA'I SRID PA BAR MA MNGON PAR 'GRUB STE, 'GRO BA LNGAR 'GRO BA'I ZHES BYA BA'I DON TO, ,GAL TE MNGAL NA GNAS PA 'CHI BA DE'I DMYAL BA'I SRID PA BAR MAS MNGAL 'TSIG PAR 'GYUR TE, DMYAL BA NI RAB TU 'BAR BA YIN LA, SRID PA BAR MA YANG DE'I RANG BZHIN YIN PA'I PHYIR RO, ,LHAG PA DAG NA 'PHYAN PA NA, ,ZHES BYA BA LA, LHAG PA DAG NI ME MAR MUR LA SOGS PA'O, ,YANG NA 'BAR DU CHUG NA YANG, ,ZHES BYA BA NI DMYAL BA'I SRID PA BAR MA'O, ,MNGAL NA PHAN TSUN MI REG PA'I PHYIR DANG ZHES BYA BA LA, LUS DANG BA NYID KYIS SRID PA BAR MA RNAMS PHAN TSUN MI REG PA'I PHYIR DANG, LAS LA RAG LAS PA'I PHYIR MI TSIG GO, ,GZHAN DAG NI DMYAL BA'I ME NI NYES PA BYAS PA DAG KHO NA LAS 'BYUNG BA'I PHYIR SKYON 'DI MED DE, MA BSAGS SHING LAS KYI 'BRAS BU MA THOB PA DMYAL BA'I MES MI TSIG GO ZHES BYA BA NI NGES PA YIN NO ZHES ZER RO; ,GANG GI PHYIR GZHON NU THOR BU LTA BU MTSAN DANG DPE BYED DANG BCAS PA MA'I MNGAL DU 'JUG PA DE'I PHYIR DES 'DZAM BU'I GLING BYE BA PHRAG BRGYA SNANG BAR MDZAD DE, LHAN CIG SKYES PA'I 'OD YONGS SU RDZOGS PA'I PHYIR RO, ,BYE BA PHRAG BRGYA ZHES BYA BA NI STONG GSUM GYI STONG CHEN PO'I 'JIG RTEN GYI @278B KHAMS SO, ,GLANG PO CHE PHRU GU DKAR PO ZHES BYA BA LA, GAL TE SRID PA BAR MA SNGON GYI DUS KYI SRID PA 'BYUNG BAR 'GYUR BA'I SHA TSUGS CAN YIN NA, CI'I PHYIR BYANG CHUB SEMS DPA'I YUM GYIS GLANG PO CHE'I PHRU GU DE LTA BU'I RANG BZHIN CAN GZIGS SHE NA, DE NI MCHAN MA CAM DU ZAD DE ZHES BYA BA 'BYUNG STE, MTSAN MKHAN RNAMS LUNG STON PA DANG RJES SU MTHUN PAR ZAD DO, ,DUD 'GRO'I SKYE GNAS BZLOG NAS YUN RING DU LON PA'I PHYIR ZHES BYA BA NI BSKAL PA BRGYA LUS PA NAS TE, DE NAS BZUNG NAS DE'I NGAN SONG THAMS CAD LOG PA YIN NO, ,DPER NA RGYAL PO KRi K'I ZHES BYA BA LA JI LTAR RGYAL PO KRi K'IS 'BYUNG BAR 'GYUR BA'I NGON GYI MTSAN MA TZAM DU RMI LAM BCU MTHONG BA LTA BU'O, ,RGYAL PO KRi K'IS NUB GCIG LA RMI LAM BCU RMIS PAR GRAG STE, 'DI LTA STE GLANG PO CHE SKAR KHUNG NAS BYUNG NAS MJUG MA THOGS PA DANG, KHRON PA CHU SHIN TU DANG ZHING ZHIM LA MA RNYOGS SHING MA G-YOGS BA ZHIG MA 'THUNGS PA KHO NAR SKAMS PA DANG, TZAN DAN GO SHIRshA DANG AE RAndA'I PUD SHING BRJE BA DANG, MU TIG BRE GANG PHYE BRE GANG DU 'TSONG BA DANG, SKYE BO'I TSOGS CHEN POS SPRE'U DANG DBANG SKUR BA DANG, SKYES BU MI GTZANG BAS GOS PA ZHIG GZHAN DAG LA YANG BSGO BA DANG, GLANG PO CHE'I PHRU GUS GLANG PO CHE CHEN PO ZIL GYIS GNON PA DANG, LHA'I TSAL NAS ME TOG LA SOGS PA KHYER BA DANG, DGA' STON CHEN PO DOR BA DANG, SKYES BU BCO BRGYAD KYIS RAS YUG GCIG DRANGS KYANG MI 'DRA LA BAR MTHONG LA, MTHONG NAS KYANG SKRAG STE YANG DAG PAR RDZOGS PA'I SANGS RGYAS 'OD SRUNGS LA GSOL PA DANG, BCOM LDAN 'DAS DES DBUGS 'BYIN PAR MDZAD CING BKA' STZAL PA, RGYAL PO CHEN PO MA 'JIGS SHIG 'DI DAG KHYOD KYI 'CHI LTAS STON PAR BYED PA NI MA YIN TE, 'O NA CI ZHE NA, MA 'ONGS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BA ZHIG 'BYUNG STE, DE'I GSUNG RAB NYAMS PAR 'GYUR BA'I MTSAN MAR GYUR PA ZHIG GO, ,DPER NA JI LTA ZHE NA, DE'I NYAN THOS CHEN PO LONGS SPYOD SPANGS SHING RAB TU BYUNG NAS SLONG MO GZAR BU GANG BYIN PA TZAM GYIS RNYED PA BKUR STI LA LTOS PAR SKYED DE, GLANG PO CHE SKAR KHUNG LA MJUG MA THOGS PA @279A *, ,LTAR TSUL MA YIN PAS NYON MONGS PAR 'GYUR ZHING LEGS PA'I DON LA MI RTZOL BAR 'GYUR, KHRON PA CHU MA 'THUNGS PAR SKAMS PA LTAR CHOS SMRA BA CHOS STON PA LA 'GA' YANG NYAN PAR MI 'GYUR, GOSHIRshA DANG 'DRA BA'I GCUG LAG DANG NGAM PA MA YIN PA'I BSTAN BCES DAG BRJE BAR 'GYUR, ZANG ZING GI PHYIR MU TIG BRE GANG LTA BU'I CHOS STON PAR 'GYUR, SPRE'U LTA BU'I TSUL KHRIMS 'CHAL PA LA MDUN GYIS 'DAR BAR 'GYUR, TSUL KHRIMS 'CHAL PA LA BRTZAD DANG MI GTZANG BAS GOS PA LTAR BDAG KHO NAR MA ZAD DO ZHES DAD PA DANG LDAN PA GZHAN DAG LA YANG SKUR BAR 'GYUR, GLANG PO CHE'I PHRU GU DANG 'DRA BA'I GSAR BUS GLANG PO CHE CHEN PO DANG 'DRA BA'I RGAN PO RNAMS LA SPYO BAR 'GYUR, ,DGE 'DUN NAM MCHOD RTEN GYI ME TOG DANG 'BRAS BU LA SOGS PA BLANGS TE KHYIM PA DAG LA STER BAR 'GYUR, DGA' STON CHEN PO DANG 'DRA BA'I SO SOR THAR PA'I MDO 'DON PA LA 'DUS NAS RTZOD PA SMA BAR 'GYUR, BSTAN PA RNAM PA BCO BRGYAD DU 'GYES PAR 'GYUR, DE DAG KYANG RAS YUG LTA BU'I RNAM PAR GROL BA'I RAS YUG 'DREN CING, DE GZHAN NYID DU YANG MI 'GYUR RO, ,BSDU BA'I TSIGS SU BCAD PA NI, ,GLANG CHEN KHRON PO GO SHIRshA, ,SPRE'U DANG MU TIG BRE GANG DANG, ,LUS CHEN BA GLANG PHRU GU DANG,, 'BRAS BU ME TOG DGA' STON DANG, ,RAS YUG BCO BRGYAD 'DREN PA STE, ,KRi K'I'I RMI LAM BSDUS PA'O, ,ZHES BYA BA'O, ,SRID PA BAR MA NI LTO BA RTOL TE 'JUG PA MA YIN GYI ZHES BYA BA LA, CI'I PHYIR ZHE NA, LAS KYI LTO BA 'DZIN PAR BYED PA DE'I PHYIR SKYE GNAS KYI SGO NAS 'JUG GO, ,GZUGS NA SPYOD PA ZHES BYA BA RGYAS PAR 'BYUNG NGO, ,'OG MIN NA LUS KYI TSAD DPAG TSAD KHRI DRUG STONG PA RNAMS 'DZAM BU'I GLING DU MNGON PAR 'GRUB PA'I GO SKABS YOD PAR MI 'GYUR RO ZHEN, NAM MKHA' YANGS PA'I PHYIR DANG, RTEN NOR BU'I 'OD LA SOGS PA'I SNANG BA DANG 'DRA BAS 'GAR YANG THOGS PA MED PA'I PHYIR RO, ,NGO TSA SHES PA SHAS CHE BA'I PHYIR ZHES BYA BA LA NI NGO TSA SHES PA SHAS MANG BA'I PHYIR RO, ,BYANG CHUB SEMS DPA' YANG GOS DANG BCAS PA YIN TE, NGO TSA SHES PA DANG KHREL YOD PA SHAS CHE BA'I PHYIR GZUGS KYI KHAMS KYI SRID PA BAR MA BZHIN NO, ,DGE SLONG MA DKAR MO'I YANG GOS NGANG BCAS PA YIN TE, ,DGE 'DUN LA CHOS GOS @279B PHUL BA'I SMON LAM GYI DBANG GIS DE'I GDUNG LA BKUR STI BYA BA'I PHYIR MCHOD RTEN PA ZHENGS PA YANG DKRIS PA NYID DU 'GYUR BA YIN NO, ,YANG SRID PA SNGA MA ZHES BYA BA LA SOGS PA 'BYUNG NGO, ,SRID PA ZHES BYA BA NI ZAG PA DANG BCAS PA'I DNGOS PO THAMS CAD YIN PAS, SRID PA ZHES BYA BA NI BYE BRAG MED PAR; NYE BAR LEN PA'I PHUNG PO LNGA DAG GO ZHES BYA BA SMOS TE, 'DIR NI SEMS CAN ZHES BYA BA KHO NA GZUNG NGO, ,DE NI RNAM PA BZHIR DBYE STE ZHES BYA BA LA, DE NI GCIG KHO NA YIN MOD KYI SKYE BA DANG, GNAS SKABS KYI BYE BRAG GIS RNAM PA BZHIR DBYE'O, ,SKYE BA'I SRID PA NI 'GRO BA RNAMS SU NYID MTSAMS SBYOR BA'I SKAD CIG MA'O, ,DE PHAN CHAD 'CHI BA'I SRID PA MA GTOGS PA SRID PA GZHAN NI DUS SNGA MA'I SRID PA YIN NO, ,GANG GI 'OG TU SRID PA BAR MA 'BYUNG PA YIN NO ZHES BYA BA LA, GZUGS MED PA'I KHAMS SU SKYE BA'I JI LTAR YIN ZHE NA, GAL TE SEMS CAN GZUGS CAN DAG GI NANG DU SKYEN ZHES BYA BA SMOS TE, GZUGS CAN SMOS PAS NI 'DOD PA DANG GZUGS NA SPYOD PA'I SEMS CAN GZUNG NGO, ,GZUGS MED PA'I KHAMS SU SKYE BA LA NI TSUL 'DI YOD PA MA YIN TE, DE NA SRID PA BAR MA MED PA'I PHYIR RO, ,SRID PA BAR MA DE YANG LUD DANG RIGS PA'I YUL YIN PA 'BA' ZHIG TU MA ZAD DE, 'O NA CI ZHE NA, RIS MTHUN LHA MIG DAG PAS MTHONG, ,RIS MTHUN PAS BLTA BAR BYA BA YIN ZHING, LHA MIG DAG PAS BLTA BAR BYA BA YIN NO, ,RIS MTHUN PA'I SRID PA BAR MA DAG GIS MTHONG NGO ZHES BYA BA LA, DMYAL BA'I SRID PA BAR MA NI DMYAL BA'I SRID PA BAR MA KHO NAS MTHONG GI , GZHAN GYI SRID PA BAR MA DAG GIS NI MA YIN TE, GZHAN DAG LA YANG DE DANG 'DRA BAR BRJOD PAR BYA'O, ,GANG DAG LA LHA'I MIG RNAM PAR DAG PA MNGON PAR SHES PA LAS BYUNG BA YOD PA DE DAG GIS KYANG 'DI MTHONG NGO, ,SKYES NAS THOB PA DGAG PA'I PHYIR MNGON PAR SHES PA LAS BYUNG BA ZHES BYA BA SMOS TE, MNGON PAR SHES PA'I RANG BZHIN DANG, BSGOMS PA'I 'BRAS BU ZHES BYA BA'I DON TO, ,LHA'I MIG SKYES NAS THOB PAS KYANG MI MTHONG NGO, ,DE NYID LA RGYU SMOS PA NI SHIN TU DANG PA'I PHYIR ZHES BYA STE, SKYES NAS THOB PA'I MIG GI YUL MA YIN PA'I PHYIR ZHES BYA BA'I DON TO, , @280A *, ,GZHAN DAG NA RE LHA'I SRID PA BAR MA BAS THAMS CAD MTHONG NGO ZHES BYA BA NI, DE'I MIG NI 'GRO BA DANG 'DRA BAR KHYA PAR DU 'PHAGS PA'I PHYIR TE, GZHAN LA YANG DE BZHIN DU BRJOD PAR BYA'O, ,DBANG PO KUN TSANG ZHES BYA BA LA, SNGON GYI DUS KYI SRID PA'I SHA TSUGS CAN YIN YANG, RNAM PAR SMIN PA'I SNYING PO DANG YIN PA'I PHYIR DANG, SRID PA TSOL BA YIN PA'I PHYIR DBANG PO MA TSANG BA MED PA YIN TE, DE LTA MA YIN NA SNA MED PA DANG MIG MED PA SKYE BA NYID DU MI 'GYUR RO, ,'GRO BA GANG DANG, KHAMS DANG GNAS GANG DU SKYE BAR 'GYUR BA NI DE LAS RNAM PA THAMS CAD DU BZLOG TU MED DO, ,MI'I SRID PA BAR MA MED PAR GYUR NAS ZHES BYA BA RGYAS PAR 'BYUNG STE, KHAMS DANG GNAS DAG LA YANG DE DANG 'DRA BAR RIG PAR BYA'O, ,'DI 'GRO BA GANG GI DBANG DU BYAS NAS ZHES BYA BA RGYAS PAR 'BYUNG STE, CI'I PHYIR ZHE NA, 'GRO BA DANG SRID PA BAR MA LAS GCIG GIS 'PHANGS PA'I PHYIR DANG, 'GRO BA 'DIR PHYIN PAR BYA BA'I PHYIR 'GRUB PA'I PHYIR RO, ,YANG CI 'DOD PA NA SPYOD PA'I SRID PA BAR MA YANG ZHES BYA BA LA SOGS PA LA, 'DOD PA NA SPYOD PA SMOS PA NI GZUGS NA SPYOD PA'I SRID PA BAR MA BSAL BAR BYA BA'I PHYIR RO, ,DE NI KHAM GYI ZAS KYI 'DOD CHAGS DANG BRAL BA YIN TE, DE'I ZAS NI RNAM PAR SHES PA DANG YID LA SEMS PA DANG REG PA ZHES BYA BA DANG RNAM PA GSUM MO, ,DE NYID KYI PHYIR DRI ZA ZHES BYA'O, ,GANG GI PHYIR DE LTAR DRI ZA BA YIN PA DE'I PHYIR DRI ZA'O, ,DBANG CHUNG BAR GRAGS PA ZHES BYA BA NI MI RIGS PA STE, DMAN PA'I RIGS CAN ZHES BYA BA'I DON TO, ,DBANG CHUNG BA NI DBANG THANG CHUNG BA'O,, DBANG CHUNG BA ZHES BYA BAR GRAGS PA GANG LA YOD PA DE NI DBANG CHUNG BAR GRAGS PA YIN NO ,DBANG CHE BA NI DBANG THANG CHE BA STE, DBANG CHE BA ZHES BYA BAR GRAGS PA GANG LA YOD PA DE NI DBANG CHE BAR GRAGS PA YIN NO, ,BTZUN PA NA RE NGES PA MED DE ZHES BYA BA LA, BTZUN PA NI DPES STON PA'I SDE PA CHOS SKYOB PO, ,JI SRID DU SKYE BA'I TSOGS PA MA RNYED PA DE SRID KYI BAR DU GNAS SO ZHES BYA BA 'DI LA RGYU SMRAS PA NI DE'I TSE'I 'PHEN PA LOGS SHIG NA MED DE ZHES BYA BA'O, ,YANG DE JI LTAR SHES PAR BYA ZHE NA, RIS MTHUN PA GCIG PA'I PHYIR RO ZHES BYA BA SMOS TE, DUS SNGA MA'I SRID @280B PA GANG YIN PA DANG SRID PA BAR MA GANG YIN PA DE DAG THOB PAR BYED PA'I RIS MTHUN PA DE NI GCIG PA NYID DO, ,TSE'I LAS GANG GIS DUS SNGA MA'I SRID PA'I TSE 'PHEN PA DE NYID KYIS SRID PA BAR MA'I YIN TE, SRID PA TSOL BA'I PHYIR RO, ,DE LTA MA YIN NA ZHES BYA BA LA, GAL TE RIS MTHUN PA THA DAD PA 'AM TSE'I LAS KYIS TSE LOGS SHIG TU 'PHEN PAR 'GYUR NA NI DE LTA YIN DANG SRID PA BAR MA DO'I TSE ZAD PAS 'CHI BA'I SRID PAR YANG 'GYUR TE, DPER NA DUS SNGA MA'I SRID PA'I TSE ZAD PAS 'CHI BA'I SRID PAR 'GYUR BA BZHIN NO, ,DE'I PHYIR NGES PA MED DO, ,GAL TE SHA'I PHUNG PO RI RAB TZAM DU ZHES BYA BA NI SLOB DPON NYID 'DRI BAR MDZAD PA'O, ,GZHAN DAG NA RE NI 'DI LA RGYU MED PAR SMRA BA'I TSIG GI GLAGS YOD PA DE'I PHYIR DES SMRAS SO ZHE'O, ,DE DAG DRI DE TSOR ZHING DE DANG LHAN CIG RGYU BA'I RO MYONG BA DRAN NAS DE DAG LA CHAGS PA SKYES PAR BYED PA DE'I PHYIR DRI DANG RO LA MNGON PAR CHAGS PA ZHES BYA BA SMOS SO, ,SAD PAR BYAS NAS SRED PA DES ZHES BYA BA NI DRI DANG RO'I SRED PAS RNAM PAR SMIN PA LA MNGON DU PHYOGS PAR BYAS NAS SRID PA BAR MA'I RGYUN GYIS SRIN BU'I NANG DAG TU SKYE BAR 'GYUR RO, ,DE'I RKYEN MANG PO ZHES BYA BA NI SRID BU'I NGO BO'I RKYEN MANG PO'I TSE STE, TSOGS SHING DUS LA BAB PA NA, 'BRAS BU NYID DU SMIN PAR 'GYUR, ,ZHES 'BYUNG BA'I PHYIR RO, ,GZHAN DU NI MA YIN TE ZHES BYA BA NI DE MANG PO MA YIN PA'I DUS SO, ,GZHAN DU NI MA YIN PA LTA BU'O ZHES BYA BA NI TSE THUNG BA MA YIN PA STE, 'KHOR LOS SGYUR BA 'BYUNG BA NI, ,STONG PHRAG BRGYAD CU LAS MI MCHI, ,ZHES 'BYUNG BA'I PHYIR RO, , DE NYID KYI PHYIR NA GANG GI PHYIR 'KHOR LOS SGYUR BA LA SOGS PAR 'GYUR BA'I LAS DAG YOD DU ZIN KYANG, ,RES 'GA' ZHIG KHO NA RNAM PAR SMIN PA MNGON PAR 'GRUB PAR BYA BA LA, 'JUG PAR RNYED PAR 'GYUR BA'I PHYIR RO, ,DE NYID DU ZHES BYA BA NI SRID PA BAR MA DOR RO, ,SRID PA TSOL BA YIN PA'I PHYIR ZHES BYA BA LA, DE NI SKYE BA'I DGOS PA CAN YIN PA'I PHYIR SRID PA DON DU GNYER BAR BYED DO, ,MYUR BA KHO NAR SONG STE, 'GRO BA'I YUL DU SKYE STE, DE LTA MA YIN NA GANG ZHIG ZLA BA'AM ZHAG BCUR SON PA STE, GAL TE DUS DE SRID KYIS TSOGS PA MA RNYED NA SRID PA BAR MA KHO NAR DE LA DUS SNGA MA'I SRID PA DANG 'CHI BA'I SRID PA DAG @281A *, ,YOD PAR 'GYUR RO, ,DE'I TSE LAS RNAMS KHO NAS ZHES BYA BA RGYAS PAR 'BYUNG BA LA, 'DI SKAD BSTAN PAR 'GYUR TE, BA LANG DANG RTA DANG RNGA MO LA SOGS PA RNAMS RAB TU GRAGS PA'I 'KHRIG PA'I DUS LAS 'DAS NAS DUS GZHAN DU YANG DE'I DBANG GIS 'KHRIG PAR 'GYUR TE, GANG ZHIG YUL DANG DUS DANG RIGS NGES PAR SKYE BA DE'I NI DE LTAR RIG PAR BYA'O, ,'O NA TE MA NGES NA NI ZHES BYA BA RGYAS PAR 'BYUNG BA LA, GANG ZHIG DUS DANG SKYE BA NGES PAS YUL MA NGES PAR 'PHEN PA DE NI DE LAS GZHAN PA'I YUL DANG SKYE BA DER SKYE'O, ,GZHAN DAG NA RE 'DRA BA SKYE BAR 'GYUR TE, , SKYE BA DE DANG YUL DER SKYE BA MA NGES NA NI DE'I PHYIR DE DANG 'DRA BA'I SKYE BAR SKYE'O ZHES ZER RO, ,JI LTA ZHE NA, DUS GZHAN NA BA LANG RNAMS KYI NANG DU SKYE BAR 'GYUR BA GANG YIN PA DE NI BA MEN RNAMS KYI NANG DU SKYE'O ZHES BYA BA LA SOGS PA 'BYUNG NGO, ,LAS KYI 'PHEN PA GCIG PA'I PHYIR, ,ZHES BYA BA LA, LAS GANG GIS BA GLANG LA SOGS PA'I RIS MTHUN PA 'PHEN PA'I LAS DE NYID KYIS DE'I SRID PA BAR MA 'PHEN PAS JI LTAR RIS MTHUN PA GZHAN GYIS SRID PA BAR MAS RIS MTHUN PA GZHAN DU SKYED BAR NUS TE, DE NI BRJED PAR BYA BA MA YIN NO, ,GZHAN DAG NA RE NI MI BZLOGS ZHES BYA BA 'DI DANG 'GAL BAR STON TO ZHES ZER RO, ,BLO NI PHYIN CI LOG GYUR PAS ZHES BYA BA LA SOGS PA LA 'DOD CHAGS DANG ZHE SDANG DAG GIS TE, 'DI LTAR MA LA 'KHRIG PA'I 'DOD CHAGS KUN DU SPYOD PA'I PHYIR BLO PHYIN CI LOG PA YIN LA, PHA LA ZHE SDANG KUN DU SPYOD PA'I PHYIR RO, ,YANG NA NI BZLOG PA'O, ,PHA MA ZHES BYA BA LA, PHA DANG MA NI PHA MA STE, PHA MA DE GNYIS SO, ,NYAL PO BYED PA NI 'KHRIG PA'I CHOS LHAG PAR SPYOD PA'O, ,PHO'I 'DOD CHAGS NI PHO'I 'O, ,MO'I YANG DE DANG 'DRA'O, ,DE NYID KYI PHYIR, BU NI LHAG PAR MA'I PHYOGS 'DZIN LA, BU MO NI PHA'I 'O, ,GNAS SKABS DER ZHES BYA BA LA PHO'I NYAL PO LA NI PHA'I GNAS SKABS SU'O, ,MO'I NYAL PO LA NI MA'I GNAS SKABS SU'O, ,'DIR SMRAS PA, 'DI NA RING GI RIGS SU MNGAL SKYES SAM, ,GAL TE SGO NGA LAS SKYES 'BYUNG 'GYUR NA, ,DE YI DUS SU MA DE DANG NI PHA, ,SBYOR BA MTHONG NAS DREGS PAS RAB DGAR 'GYUR, ,RTZE DAGS DE DAG DRUNG RGYUG PHA YIS NI, , @281B KHU CHU DE MTHONG KUN DU RMONGS PA YIS, ,BDAG NYID JI BZHIN DE LA CHAGS 'GYUR TE, ,MO NA MO BZHIN PHO NA PHO BZHIN NO, ,MI GTZANG BA DER ZHES BYA BA RGYAS PAR 'BYUNG BA LA, MI GTZANG BA NI KHU KHRAG GO, ,MNGAL GYI GNAS NI PHO BA DANG LONG KA DANG GNYIS KYI BAR RO, ,KHU CHU DANG KHRAG 'DI NI BDAG GI YIN NO SNYAM STE DAG[?] BA SKYES NAS MA'I MNGAL DU ZHUGS TE KHU CHU DANG KHRAG THIGS PA GCIG GNYIS KYIS NUR NUR POR GNAS TE, 'DAB CHAGS SU GNAS ZHES BYA BA'I DON TO, ,DE NAS 'DAB CHAGS SU GNAS PA DE'I PHUNG PO MKHRANG BAR GYUR PA ZHES BYA BA NI RAGS PAR 'GYUR BA STE, NUR NUR PO'I LUS YIN PA'I PHYIR RO, ,SRID PA BAR MA PA'I SHIN TU DANG BA DAG NI 'GAG PAR 'GYUR TE, 'DIR SKYE BA DANG 'GAG PA NI SA BO NA DANG MYU GU DANG 'DRA BAR BLTA BAR BYA BA'O, ,RGYAB ROL DU BLTAS TE TZOG TZOG POR ZHES BYA BA NI, BDAG NYID LA PHA'I SPYOD LAM LHAG PAR MOS PA'I PHYIR RO, ,DE BZHIN DU LTO ROL DU KHA LTA'O ZHES BYA BA YANG BDAG NYID LA MA'I GNAS SKABS SU LHAG PAR MOS PA'I PHYIR DE LTAR SKYE STE, G-YON PHYOGS KYI NGANG TSUL CAN YIN PA'I PHYIR LTO 'I G-YON PHYOGS SU SNYES SO, ,PHYIS LUS SKYE ZHING ZHES BYA BA NI RGYAS PA DANG 'PHEL ZHING ZHES BYA BA'I DON TO, , DE DAG KHO NA YIN TE ZHES BYA BA NI KHU CHU DANG KHRAG GI 'BYUNG BA DAG KHO NA'O, ,JI LTA ZHE NA, KHU CHU DANG KHRAG DBANG PO MED PA NI ZHES BYA BA RGYAS PAR 'BYUNG NGO, ,SA BO NA DANG MYU GU 'GAG PA DANG SKYE BA'I TSUL DU ZHES BYA BA LA, SKAD CIG MA GCIG KHO NA LAS SA BON 'GAG CING MYU GU SKYE STE, JI LTAR SRANG MDA' GNYIS CIG CAR MTHON DMAN DU 'GYUR BA DE BZHIN DU CIG CAR 'GAG PA DANG SKYE BAR 'GYUR RO, ,NUR NUR PO ZHES BYA BA GANG YIN PA ZHES BYA BA NI KHU CHU DANG KHRAG GI MJUG THOGS SU, DANG PO NUR NUR PO YIN NO, ,NUR NUR PO LAS MER MER SKYE ZHES BYA BA LA SOGS PA 'BYUNG BA'I PHYIR RO, ,DUR KHROD BSKYED DO ZHES BYA BA LA SOGS PA LA DUR KHROD NI DUR KHROD DE, YANG DANG YANG DU SHI BAS 'PHEL BAR BYAS PA'O, ,KHRAG GI THIGS PA BLANGS SO ZHES BYA BA 'DI NI 'DI'I DPER BRJOD PA STE, LUS KYI DBANG PO LA SOGS PA'I NGO BOR GYUR PA'I PHYIR RO, ,MDO'I TSIG CES BYA BA NI DGE SLONG DAG GZEB CES BYA BA NI LUS GZUGS CAN RAGS PA, 'BYUNG BA CHEN PO BZHI, @282A *, ,LAS BYUNG BA, PHA DANG MA'I MI GTZANG BA NUR NUR PO LAS BYUNG BA 'BRAS CHAN DANG ZAN DRON GYIS RGYAS PAR BYAS PA 'DI'I TSIG BLA DAGS SO ZHES RGYAS BAR 'BYUNG BA'O, ,GZHAN DAG NA RE 'BYUNG BA GZHAN DAG KHO NA YIN TE ZHES BYA BA LA, SRID PA BAR MA MI 'BYUNG BA NUR NUR PO'I 'BYUNG BA DANG 'BREL PA DAG NI NUR NUR PO DANG LHAN CIG 'GAG LA, DE DAG KYANG 'GAG PA NA LHAN CIG BYED PA'I RKYEN GZHAN NUR NUR PO LA BRTEN NAS SNGAR GYI 'BYUNG BA DANG MTSAN NYID MI MTHUN PA'I 'BYUNG BA GZHAN DBANG PO DANG BCAS PA DAG GI RGYUR 'GYUR RO, ,DPER NA LO MA'I SRIN BU LTA BU YIN LA ZHES BYA BA LA, LO MA'I 'BYUNG BA DAG LA BRTEN NAS LAS RNAMS LAS 'BYUNG BA DAG SKYE BA DE DAG DBANG PO'I RTEN GYI NGO BOR 'GYUR GYI, LO MA'I 'BYUNG BA CHEN PO DAG NI SRIN BU'I RTEN MA YIN NO, ,GA LAS SHE NA, LO MA DUM BU RE RE NAS MA DMIGS PA'I PHYIR RO, ,DE LTA NA 'O NA PHA DANG MA'I MI GTZANG BA NUR NUR PO LAS 'BYUNG BA ZHES BYA BA'I MDO DANG 'GAL LO ZHE NA, DE'I LAN DU MI GTZANG BA LA BRTEN NAS SKYE BA LA DGONGS TE GSUNGS PA'I PHYIR ZHES BYA BA RGYAS PAR SMOS TE, KHU CHU DANG KHRAG LA BRTEN NAS DE DAG GIS DBANG PO'I 'BYUNG BA CHEN PO RNAMS SKYE'O ZHES BYA BA 'DI LA DGONGS SHING BSAMS NAS PHA DANG MA'I MI GTZANG BA NUR NUR PO LAS 'BYUNG BA ZHES GSUNGS PA'I PHYIR MDO DANG 'GAL BA MED DE, DPER NA LO MA LA BRTEN NAS SKYES PA'I SRIN BU LO MA'I SRIN BU YIN PA DE BZHIN DU, PHA DANG MA'I MI GTZANG BA LA BRTEN NAS SKYES PA'I NUR NUR PO YANG PHA DANG MA'I MI GTZANG BA NUR NUR PO YIN NO; ,RE ZHIG 'DOD PA'I KHAMS SU SGO NGA LAS SKYE BA DANG MNGAL LAS SKYE BA'I SKYE GNAS SU 'JUG PA NI DE LTA BU'O, ,GZHAN LA ZHES BYA BA NI DROD GSHER LAS SKYE BA DANG RDZUS TE SKYE BA'I SKYE GNAS DAG LA'O, ,CI RIGS PAR ZHES BYA BA NI, DRI DANG GNAS LA MNGON 'DOD GZHAN, ,ZHES BYA BA STE; 'GRO BA'I YUL DU 'GRO'O ZHES BYA BAR SBYAR RO, ,JI LTAR NA DMYAL BA DAG TU GNAS 'DOD CE NA ZHES BYA BA NI DMYAL BA DAG 'JIGS PA'I GNAS YIN PA'I PHYIR 'DRI BA'O, ,SNGON GYI SLOB DPON DAG CES BYA BA NI SNGON GYI MDO SDE PA DAG GO, ,GNAS SKABS GANG GIS ZHES BYA BA NI @282B SHAN PA LA SOGS PA'AM LINGS PA LA SOGS PA DAG GI TSE STE, JI SKAD DU, ,JI LTAR 'GYUR BAS DE MYONG LAS, ,SNGAR BYAS PA NI RMI LAM LTAR, ,SEMS CAN DE 'DRA MTHONG GYUR NAS, ,DMYAL BAR RAB TU RGYUG PAR 'GYUR, ,ZHES BSHAD DO, ,YANG SRID PA BAR MA PA GANG ZHIG SKYE BA'I YUL DU JI LTAR 'GRO ZHE NA, DE LA LHA'I SRID PA BAR MA NI ZHES BYA BA RGYAS PAR 'BYUNG NGO, ,STAN LAS LDANG BA BZHIN DU ZHES BYA BAR NI GNAS GONG MAR SKYE BA'I PHYIR RO, ,MI DANG DUD 'GRO DANG YI DAGS RNAMS KYI NI ZHES BYA BA LA, MI'I SRID PA BAR MA NI MI BZHIN NO, , DUD 'GRO'I SRID PA BAR MA NI DUD 'GRO BZHIN NO, ,YI DAGS KYI SRID PA BAR MA NI YI DAGS BZHIN TE, RGYAB KYIS 'GRO BAS YI DAGS YIN BA'I PHYIR RO, ,DRANG SRONG RNAMS LA SKUR 'DEBS PA, ,ZHES BYA BA NI LHAG PAR SPONG BA DANG, GLANG 'DEBS PA ZHES BYA BA'I DON TO, ,CI SRID PA BAR MA THAMS CAD BLO PHYIN CI LOG TU GYUR PAS MA'I MNGAL DU 'JUG GAM ZHE NA, SMRAS PA MA YIN TE, 'ON KYANG MNGAL DU 'JUG PA NI BZHI ZHES BYA BA RGYAS PAR 'BYUNG NGO, ,MNGAL DU 'JUG PA 'DI BZHI ZHES BYA BA NI MNGAL DU 'JUG PA DANG GNAS PA DANG 'BYUNG BA'I KHYAD PAR GZHAN MED DO SNYAM DU BSAMS PA'O; ,SEMS NYON MONGS PA CAN YIN YANG 'DU SHES DANG MOS PA DAG PHYIN CI MA LOG PA'I PHYIR SHES BZHIN DU 'JUG GO ZHES BRJOD DO, ,BZLOG STE BSTAN TO ZHES BYA BA LA MDO LAS NI THAMS CAD SHES BZHIN MA YIN PAR 'GYUR BA GANG YIN PA 'DI THOG MAR BSTAN LA, GSUM NI JI SKAD BSTAN PA KHO NA BZHIN YIN NO, ,RMONGS PA DANG MA RMONGS PA'I BYE BRAG 'DI NI MNGAL NAS SKYE BA'I SKYE GNAS LA YIN TE, SGO NGA LAS SKYES PA NI RTAG TU THAMS CAD RMONGS PA KHO NAR 'GYUR RO, ,GANG ZHIG SKYE BAR 'GYUR BA ZHES BYA BA NI SGRA'I TSUL GYIS DUS GSUM LA BSGRUBS PA'I PHYIR RO, ,YANG NA 'BYUNG BAR 'GYUR BA'I MING GIS ZHES BYA BA NI 'BYUNG BAR 'GYUR BA'I MING GIS KYANG STON PAR BYED PA'O, ,'DUS BYAS MNGON PAR 'DU BYED DO ZHES BYA BA LA BSKYED PA'I GNAS SKABS SU 'DUS BYAS SU 'GYUR GYI, BSKYED BZHIN BA'I GNAS SKABS SU NI MA YIN @283A *, ,LA; 'DUS BYAS NI YANG MNGON PAR 'DU BYA BAR MI RIGS PAS 'DIR 'BYUNG BAR 'GYUR BA'I MING GIS DE SKAD BSTAN TO, ,DE BZHIN DU 'BRAS CHAN 'TSED DO ZHES BYA BA LA SOGS PA LA YANG SBYAR BAR BYA'O, ,GZHAN DAG NA RE RGYAL PO LNGA LEN GYI BU LNGA BRGYA SGO NGA LAS SKYES PA YIN PA DE DAG GIS KYANG RANG SANGS RGYAS KYI BYANG CHUB RTOGS SO ZHES BYA BAR GRAG STE, DE'I PHYIR SGO NGA LAS SKYES PA NI RTAG TU THAMS CAD RMONGS PA KHO NAR 'GYUR RO ZHES BYA BA 'DI MA NGES SO ZHE NA, RANG SANGS RGYAS BSE RU LTA BU LA DGONGS NAS GSUNGS PAS NYES PA MED DO, ,YANG CI'I PHYIR SHES BZHIN MA YIN PAR 'JUG PA SHES BZHIN DU GNAS PA DANG 'BYUNG BA DAG TU MI 'GYUR ZHE NA, MI SRID PA'I PHYIR TE, LUS DANG DBANG PO STOBS DANG LDAN PA DANG, TSANG BA DANG, MA NYAMS PA DANG, GSAL BA GANG GIS SHES BZHIN MA BZHAG PA, LUS DANG DBANG PO STOBS DANG MI LDAN PA DANG, NYAMS PA DANG MA TSANG PA DANG, ZHAN PA DE SHES BZHIN DU GNAS PA'AM 'BYUNG BAR 'GYUR BA NI SRID PA MA YIN NA, ,LOG PA'I 'DU SHES DANG MOS PA DAG CES BYA BA LA, 'DU SHES NI MTSAN MAR 'DZIN PA'O, ,MOS PA NI LHAG PAR SMOS PA'O, ,YANG JI LTAR LOG PA DAG TU 'GYUR ZHE NA, 'DI SNYAM DU RLUNG LANGS PA 'AM CHAR 'BAB PA'AM ZHES BYA BA RGYAS PAR 'BYUNG NGO, ,GAL TE RTZE DAGS 'GRO BA'I YUL DU 'GRO'O ZHES SNGAR BSTAN ZIN PA MA YIN NAM, RLUNG LANGS PA'AM CHAR 'BAB PA'AM ZHES RGYAS PAR YANG CI'I PHYIR SMOS SHE NA, NGES BA MED BAR SHES PAR BYA BA'I PHYIR TE, 'DOD CHAGS DANG ZHE SDANG GNYIS KHO NAS BLO PHYIN CI LOG TU GYUR PAS SKYE BA'I YUL DU 'GRO BA MA YIN GYI, 'O NA CI ZHE NA, RNAM PA GZHAN DU RTZVA THI BAS PO'AM, NAGS THI BAS PO'AM, LO MA'I SPYI LA POR 'JUG PA 'AM ZHES RGYAS PAR 'BYUNG BA YANG YIN TE, DE LTAR BSHAD NA, SKYE BA'I SRID PA NYON MONGS CAN, ,RANG GIS PA'I NYON MONGS KUN, ,ZHES BYA BA 'DI YANG TSAD MAR 'GYUR RO, ,GZHAN DAG NA RE NI RANG DANG NYE BA'I GNAS SKABS SU YIN NO ZHES ZER RO, ,YANG 'DIR ZHES BYA BA RGYAS PAR 'BYUNG BA LA, SHES @283B BZHIN LA SOGS PA MNGAL DU 'JUG PA RNAM PA BZHIR RO, ,'DIR YANG 'BYUNG BAR 'GYUR BA'I MING GIS BSTAN TO ZHES BYA BA NI DE'I TSE DE DAG 'KHOR LOS SGYUR BA LA SOGS PA MA YIN PA'I PHYIR RO, ,YANG CI'I PHYIR 'KHOR LOS SGYUR BA LA SOGS PA DE DAG DE LTAR 'JUG SNYAM NA, RNAM GRANGS GNYIS PA'I SGO NAS DE'I RGYU BSTAN PA'I PHYIR, LAS SAM YE SHES SAM GNYIS KA ZHES BYA BA RGYA CHER SMOS SO, ,RGYA CHE'I PHYIR ZHES BYA BA NI RLABS CHE BA'I PHYIR ZHES BYA BA'I DON TO, ,THOS PA MANG BA DANG, RAB TU 'BYED PA BYAS PA RNAMS NI ZHES BYA BA NI THOS PA MANG BA YANG DE DAG YIN LA, RAB TU 'BYED PA BYAS PA YANG YIN NO, ,'DI SKAD BSTAN PAR 'GYUR TE, THOS PA DANG BSAMS PA DANG BSGOMS PA'I SHES PA RDZOGS PA RNAMS ZHES BYA BA'I DON TO, ,GAL TE SHES BZHIN DANG SHES BZHIN MA YIN PAR MNGAL DU 'JUG PA ZHES BYA BA RNAM PA GNYIS KHO NA MA YIN NAM, JI LTAR RNAM PA BZHIR BRJOD DE, GNAS PA DANG 'BYUNG BA NI MNGAL DU 'JUG PA MA YIN PA'I PHYIR RO ZHE NA, 'JUG PA GTZO BO YIN PA'I PHYIR NYES PA MED DE, 'DI LTAR 'GA' YANG SHES BZHIN MA YIN PAR ZHUGS NAS SHES BZHIN DU GNAS PA'AM 'BYUNG PA NI MED DO, ,DE'I PHYIR 'JUG PA'I SGRAS GNAS PA DANG 'BYUNG BA YANG BRJOD DO, ,DA NI 'DIR PHYI ROL PA CAN RNAMS ZHES BYA BA 'BYUNG STE, ,DE MED PA'I PHYIR BDAG NI YOD PA MA YIN LA, DE DAG NI BDAG YOD DO SNYAM DU DMIGS NAS PHYIR ZLOG PAR BYED DO, ,JI LTA ZHE NA, GAL TE SEMS CAN ZHES BYA BA RGYAS PAR SMRAS TE, GAL TE BDAG MED NA 'DI SRID PA BAR MA'I SGO NAS 'JIG RTEN 'DI NAS 'JIG RTEN PHA ROL DU 'PHO ZHES CI STE BRJOD, 'DI MA'I MNGAL DU 'JUG PA DANG GNAS PA DANG 'BYUNG BA ZHES KYANG CI STE BRJOD, DE'I PHYIR 'DIR GANG ZHIG 'PHO BA DANG NYE BAR 'PHO BA ZHES BYA BAR KHAS BLANG BAR BYA BA BYED PA'I SKYES BU 'GA' ZHIG YONG PA YIN NO ZHE NA, DE DGAG PAR BYA BA'I PHYIR BDAG MED CES BYA BA 'BYUNG NGO, ,GSUNG RAB LAS KYANG PHUNG PO TZAM LA BDAG GO ZHES BSNYAD PA YOD LA, DE DGAG PA'I PHYIR DANG PO'I PHYOGS DANG 'GAL LO ZHES @284A *, ,'DRI BA NI BDAG JI LTA BU ZHIG CE NA ZHES BYA BA STE, CI PHUNG PO TZAM GYI BDAG NYID CAN ZHIG GAM, 'ON TE NANG GI BYED PA'I SKYES BU ZHIG CES BYA BA'O, ,DE'I PHYIR GANG PHUNG PO 'DI DAG 'DOR ZHING ZHES BYA BA RGYAS PAR SMOS SO, ,PHUNG PO 'DI DAG 'DOR ZHING ZHES BYA BA NI DA LTAR BA DAG GO, ,GZHAN DAG TU NYING MTSANGS SBYOR BA ZHES BYA BA NI SRID PA BAR MA PA DAG GAM, SKYE BA'I CHA PA DAG GO, ,BCOM LDAN 'DAS KYIS 'DI SKAD DU ZHES BYA BAS LUNG LAS KYANG NANG GI BYED PA'I SKYES BU MED PAR BSTAN TE, RIGS PA LAS DE MED PAR NI, DBANG PHYUG SOGS MIN RIM SOGS PHYIR, ,ZHES BYA BA DER BSHAD ZIN TO, ,BYED PA PO MI DMIGS SO ZHES BYA BA NI GZUGS DANG TSOR BA LA SOGS PA LTAR RANG GI NGO BOS SAM, MIG LA SOGS PA LTAR BYA BA'I SGO NAS TE, DE'I PHYIR RI BONG GI RVA DANG 'DRA BAR MED DO ZHES BYA BAR NGES SO, ,YANG NA BYED PA PO RTOG PA'AM MI RTAG PA ZHIG GIS PHUNG PO LAS THA DAD PAR MI RIGS SO, ,'DI LTAR RTAG PA SNGA PHYIR RNAM PAR 'GYUR BAS STONG PA NI LAS RNAMS KYI BYED PA PO DANG 'BRAS BU RNAMS KYI ZA BA POR MI RUNG STO, ,CHAR DANG SOL BA'I TSOGS LA, NAM MKHA' LTAR BYED PA PO NYID NYAMS PAS BYA BA MED PA'I PHYIR SU[?] YANG BSGUL BAR MI NUS NA, GANG LA BYA BA'I 'BRAS BU ZA BAR 'GYUR BA, CI ZHIG BYED PA NA BYED PA POR 'GYUR, DE SKAD DU YANG, BYA BA DANG LDAN RTAG PA MED, ,KUN DU SONG LA BYA BA MED, ,BYA BA MED PA MED DANG MTSUNGS, ,BDAG MED LA KHYOD CIS MI DGA', ,ZHES BSHAD DO,, DE'I PHYIR RTAG PA BYED PA PO NYID DU MI 'THAD DO, ,CHOS SU BRDAR BTAGS PA MA GTOGS PAR ZHES BYA BA LA, BRDA NI 'DU BA STE, RGYU DANG RKYEN RNAMS 'DRES PA LTA BU'O, ,'DI LTA STE, 'DI YOD PAS 'DI 'BYUNG BA'O ZHES BYA BA RGYAS PAR 'BYUNG NGO, ,GAL TE NANG GI BYED PA'I SKYES BU DGAG NA, 'O NA BDAG JI LTA BU ZHIG MI DGAG CE NA, PHUNG PO TZAM NYID DO, ,NYID KYI SGRA NI NGES PAR GZUNG BA'I DON DU STE, GSUNG RAB LAS PHUNG PO TZAM NYID LA THA SNYAD DU BDAG CES NYE BAR BTAGS SO, ,CI'I PHYIR ZHE NA, DE KHO NA KUN NAS NYON MONGS PA DANG RNAM PAR BYANG BA'I PHYIR RO, ,DE LTA NA 'O NA @284B PHUNG PO DAG CES BYA BA RGYAS PAR 'BYUNG STE, DE LTA YIN NA MTHONG BA DANG 'GAL ZHING KHAS BLANGS PA DANG 'GAL LO ZHE NA, DE DAG NI MI 'PHO STE, SKAD CIG MA YIN PA'I PHYIR RO, ,'O NA JI LTAR ZHE NA, PHUNG PO TZAM NI, NYON MONGS LAS KYIS MNGON 'DU BYAS, ,ZHES BYA BA RGYAS PAR 'BYUNG STE, NYON MONGS PA RNAMS DANG LAS RNAMS KYI RNAM PAR SMIN PA DANG RGYU MTHUN PA'I 'BRAS BU SKYED PA'I NUS PA GZHAG PA'I PHYIR YONGS SU BSGOS PA ZHES BYA'O, ,NYON MONGS PA RNAMS DANG LAS RNAMS ZHES GNYIS KA SMOS PA NI GANG YANG RUNG BA ZHIG GIS YONGS SU BSGOS[?] PAS MA TSONG NA SKYE BA 'BYUNG BA MI SRID PA'I PHYIR RO, ,PHUNG PO TZAM ZHES TZAM GYI SGRA NI BDAG DANG BDAG GI DGAG PAR BYA BA'I PHYIR RO, ,SRID PA BAR MA ZHES BYA BA'I RGYUN GYIS ZHES BYA BA RGYAS PAR 'BYUNG STE, RGYU DANG 'BRAS BU BAR MTSAMS MED PAR 'BREL PA NI 'GRO BA DANG SKYE BA DANG RGYUN TE, SNGAR GYI LAS DANG NYON MONGS PAS 'PHANGS PA'I TSE NYAMS SU MYONG NAS, DE'I RNAM PAR SMIN PA'I 'PHEN PA ZAD PAS MTHAR 'CHI BA'I MTHA'I RNAM PAR SHES PA RTEN DANG LHAN CIG 'GAG CING SRID PA BAR MA PA'I RNAM PAR SHES PA'I RTEN SKYE BA'I RGYUR 'GYUR LA, SRID PA BAR MA DAG KYANG DE KHO NA LTAR RGYUN CHAGS SU SNGAR GYI LAS DANG NYON MONGS PA'I 'PHEN PA'I DBANG GIS SKYE BA'I YUL DU PHYIN NAS MA'I MNGAL DU 'GAG PA NA SKYE BA'I PHUNG PO RNAMS BSKYED PAR BYA BA LA RKYEN DU 'GYUR TE, DPER NA MAR ME SKAD CIG MA YIN YANG SNGA MA DANG PHYI MAR RGYU DANG 'BRAS BU 'BREL PA BAR MED PAS RANG GI RGYUN GYIS YUL GZHAN DU 'GRO BA BZHIN NO, ,JI LTAR 'PHANGS BZHIN ZHIS BYA BA RGYAS PAR 'BYUNG BA LA, RGYU THA DAD PA LAS 'BRAS BU THA DAD PAR 'GYUR LA, SEMS CAN SO SO'I TSE'I LAS KYANG THA DAD DE, DE THA DAD PAS TSO'I 'PHEN BA YANG THA DAD DE, KHA CIG NI THUNG LA, GZHAN GYI NI RING NGO, ,DE'I PHYIR GANG ZHIG JI SRID DU 'PHANGS PA ZHES BYA BA RGYAS PAR 'BYUNG NGO, ,MTSAN RNAMS ZHES BYA BA NI DE DAG GIS DE DAG MTSON PAR BYED PAS MIG LA SOGS PA'I RTAN RNAMS SO, ,RNAM PAR SMIN PA LAS SKYES PA ZHES BYA BA @285A *, ,NI 'DIR LAS KYI DBANG GIS SKYES PA LA BSHAD DE, DE DAG SBYOR BAS BSGRUB PAR BYA BA YIN PA'I PHYIR DANG, RES 'GA' BA YIN PA'I PHYIR RNAM PAR SMIN PA LAS SKYES PA NI MA YIN TE, RNAM PAR SMIN PA LAS SKYES PA NI RANG GI DANG GIS 'BYUNG BA'I PHYIR RI, ,ZAS KYI BYA BA MI MTHUN PAR SPYAD PAR SPYOD PA NI ZAS RNO BA DANG TSA BA ZOS PA'O, ,GNAS PA'I BYA BA MI MTHUN PAR SPYOD PA NI MTSANG BA DANG, SE TRIG GO, ,MNGAL KHO NAS 'CHI BA NI 'JIG PAR 'GYUR BA'O, ,RKYAG DONG ZHES BYA BA RGYAS PAR 'BYUNG NGO, ,DRI NGA BA DANG, MUN KHUNG DANG, BTZOG PA'I 'DAM RDZAB NI DRI NGA BA MUN KHUNG BTZOG PA'I 'DAM RDZA BA STE, LUS KYI RMA 'KHYIMS PA CHEN PO DER ZHES PHYIS 'CHAD PA'O, ,SRIN BU'I RIGS SHIN TU MANG PO STONG PHRAG NI SRIN BU'I RIGS SHIN TU MANG PO STONG PHRAG GO, ,DE DAG GIS GNAS NI SRIN BU'I RIGS SHIN TU MANG PO STONG PHRAG , GI GNAS TE, DE'O, ,KHU CHU DANG KHRAG DANG CHU SER DANG DRI MA NI KHU CHU DANG KHRAG DANG CHU SER DANG DRI MA STE, KHU CHU DANG KHRAG DANG CHU SER DANG DRI MA DE DAG GIS KUN NAS KHYAD PAR DU MYAGS SHING KUN TU MYAGS PA, RNAM PAR MYAGS PA, RUL BA, RNAGS PA, 'GRED PA'O, ,LUS LA RMA SAR PA LTA BU ZHES BYA BA LA, LUS RMA SAR PA LTA BUR SPYOD PA NI RMA SAR PA LTA BU'O, ,GANG LA LUS RMA SAR PA LTA BU YOD PA DE NI LUS RMA SAR PA LTA BU STE, DE LTAR GYUR PA DE'O, ,BDAG NYID MTSON PA YIN PA MTSON PAR SPYOD PA NI MTSON LTA BU'O, ,THAL BA'I SMAN LTA BU YANG DE DANG 'DRA'O, ,LAG PA 'DI GNYIS LA MTSON DANG THAL BA'I SMAN LTA BU'I REG PA YOD PA DE DAG NI MTSON DANG THAL BA'I SMAN LTA BU'I REG PA DANG LDAN PA'I LAG PA GNYIS TE, DE GNYIS KYIS SO, ,DE SKYE BA'I RGYUS ZHES BYA BA NI 'PHEL BA'I RJES SU 'GRO BAS ZHES BYA BA'I DON TO, ,YANG NYON MONGS PA RNAMS KUN DU SPYOD CING ZHES BYA BA RGYAS PAR 'BYUNG BA LA, NANG DANG PHYI'I SKYE MCHED DANG, TSUL BZHIN MA YIN PA YID LA BYED PA DE DAG GIS RKYEN TSOGS PA LA LTOS PA'I NYON MONGS PA RNAMS KUN DU SPYOD CING, ,LAS SNA TSOGS RNAMS KYANG SOGS PAR 'GYUR TE, DE NYON MONGS PA DANG LAS BSAGS PA DE @285B DAG GIS LUS ZHIG NAS YANG SNGA MA BZHIN DU SRID PA BAR MA'I RGYUN GYI LAS JI LTA BA BZHIN DU 'JIG RTEN PHA ROL DU 'GRO BAR 'GYUR TE, DE LTAR NA, SRID PA'I 'KHOR LO THOG MA MED, ,'DI JI LTAR KHONG DU CHUD PAR BYA ZHE NA, LUNG DANG RIGS PA LAS SO, ,DE LA RE ZHIG LUNG NI DGE SLONG DAG SEMS CAN MA RIG PA'I SGRIB PA DANG LDAN PA, SRID PA'I KUN DU SBYOR BA DANG LDAN PA, SRID PA'I ZHAGS PAS BCINGS PA, LAM RING POR RGYUG BZHIN PA'I 'KHOR BA NI THOG MA DANG THA MA MED DO, ,SDUG BSNGAL GYI SNGON GYI MTHA' MI MNGON NO ZHES BYA BA'O, ,RIGS PHA NI THOG MA YONGS SU RTOG PA NA, DANG PO'I SKYE BA DE RGYU MED PA NYID DU 'GYUR RO, ,DE'I PHYIR DANG PO'I SKYE BA LTAR THAMS CAD RGYU MED PA NYID DU THAL BAR 'GYUR RO, ,SKYE BA DANG PO KHO NA RGYU MED PA YIN GYI, THAMS CAD NI MA YIN NO ZHES BYA BA GANG YIN PA 'DI LA RGYU YOD PA YANG MA YIN NO, ,DE'I PHYIR THAMS CAD THAMS CAD KYI TSE THAMS CAD DU SKYE BAR THAL BAR 'GYUR TE, SKYE BA'I RGYU NGES PA MED PA'I PHYIR RO, ,MYU GU LA SOGS PA DAG LA SA BON LA SOGS PA RNAMS KYI NUS PA MTHONG BA YANG YIN TE, DE YOD NA YOD PA'I PHYIR LA, DE MED NA MED PA'I PHYIR RO, ,YANG 'DI JI LTAR RTOGS PAR BYA ZHE NA, DE'I PHYIR, YUL DANG DUS SO SOR NGES PA LAS ZHES BYA BA SMOS SO, ,YUL SO SOR NGES PA NI SA BON GYI YUL KHO NAR MYU GU SKYE'I GZHAN DU MA YIN PA'O, ,DUS NGES PAS NI SA BON BANGS PA'I MJUG THOGS KHO NAR MYU GU SKYE'I GZHAN GYI TSE MA YIN PA'O, ,YUL DANG DUS SO SOR NGES PA LAS TSOS PA LA SOGS PA LA ME LA SOGS PA'I NUS PA YANG MTHONG BAS ZHES BYA BAR SBYAR TE, 'DI LTAR TSOS PHA NI ME DANG 'BREL PA'I YUL KHO NAR SKYE'I GZHAN DU NI MA YIN LA, ME DANG 'BREL PA'I MJUG THOGS KHO NAR 'BYUNG GI , THAMS CAD KYI TSE NI MA YIN NO, ,RGYU MED PA NYID LA NI NGES PA 'DI SRID PA YANG MA YIN NO, ,RGYU RTAG PA YOD PAR SMRA BA NI SNGAR BSAL ZIN PA NYID DO ZHES BYA BA NI, DBANG PHYUG SOGS MIN RIM SOGS PHYIR, ,ZHES BYA BA'O, ,DE SKAD DU YANG, JI LTAR MYU GU BYAS PA NI, , @286A *, ,SA BON BYAS LAS SKYE BA LTAR, ,DE BZHIN MI RTAG THAMS CAD KYANG, ,MI RTAG RNAMS LAS SKYE BAR 'GYUR, ,DE'I PHYIR 'KHOR BA LA THOG MA MED PA NYID LA, RGYU MED PA YANG MA YIN ZHING, RGYU RTAG PA PA YANG MA YIN NO, ,SA BON ZAD PAS MYU GU LTAR RGYU ZAD PAS THA MA NI RIGS TE, SKYE BA RGYU LA RAG LAS PA'I PHYIR RO, ,JI LTAR SA BON TSIG PA'AM 'BYUNG BA DANG 'BYUNG BA PHYE MAR GLAGS NA MYU GU SKYE BA YOD PA MA YIN PA DE BZHIN DU, NYON MONGS PA LA SOGS PA'I RKYEN MA TSANG BAS SKYE BA 'BYUNG BA MED DO, ,'DIR SMRAS PA, JI LTAR SA BON MTHA' MTHONG ZHING, ,DE YI THOG MA MI MNGON LTAR, ,DE BZHIN RKYEN DAG MA TSANG BAS, ,SKYE BA YANG NI MI 'BYUNG NGO, ,GANG LA RGYU YI THOG MTHONG BA, ,GANG GI THA MA MTHONG BAR 'GYUR, ,SGRA DANG ME LCE SOGS KUN GYI, ,MTHA' MTHONG THOG MA NYID YIN NO, ,DE LTAR NA SKYE BA GCIG NAS GCIG TU BRGYUD PA'I THA MA MI 'GAL TE, RGYU LA RAG LAS PA'I PHYIR RO, ,DE LTAR PHUNG PO'I RGYUN SKYE BA'I GNAS SKABS GSUM BSTAN PA GANG YIN PA ZHES BYA BA NI 'JIG RTEN PHA ROL NAS 'JIG RTEN 'DI DANG, YANG 'JIG RTEN 'DI NAS PHA ROL DU ZHES BYA BA DE LTA BU'O, , RTEN CING 'BREL PAR 'BYUNG BA 'DI YANG SEMS CAN DU STON PA YIN PAR 'DOD KYI, SEMS CAN DU STON PA MA YIN PA NI MA YIN TE, DE 'JIG RTEN PHA ROL NAS 'PHO BAR MI 'THAD PA'I PHYIR RO, ,RTEN CING 'BREL PAR 'BYUNG BA BSTAN PA NI RGYU MED PA DANG, RGYU MI MTHUN PA DGAG PAR BYA BA'I PHYIR YIN LA, RTEN CING 'BRAL BAR 'BYUNG BA'I DON NI 'KHOR BA 'JUG PA'I DON YIN NO, ,CI'I PHYIR MDO LAS SEMS CAN DU STON PA KHO NA BSTAN CE NA, 'DI LTAR SEMS CAN DU STON PA DAG LA NI KUN NAS NYON MONGS PA DANG RNAM PAR BYANG BA'I RIGS LA, DE YANG BCOM LDAN 'DAS KYIS GDUL BA DAG LA BSTAN PAR BYA BA YIN TE, SANGS RGYAS RNAMS 'BYUNG BA NI DE'I DON KHO NAR YIN PA'I PHYIR RO, ,DES NA TE POR CHEN PO YIN PA'I PHYIR MDO LAS SEMS CAN DU STON PA KHO NA BSTAN TO, ,BSTAN BCOS LAS NI CHOS NYID KYI RJES SU 'BRANGS TE, SEMS CAN DANG SEMS CAN DU @286B STON PA MA YIN PA'O, ,YAN LAG BCU GNYIS ZHES BYA BA NI RGYU BCU GNYIS SO, ,CHA GSUM ZHES BYA BA NI DUM BUR YONGS SU BCAD PA GSUM MO, ,LHAG MA BRGYAD NI BAR DU'O ZHES BYA BA NI RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR PA DANG, SRED PA DANG, LEN PA DANG, SRID PA DAG GO, ,YANG NA CI THAMS CAD KYI ZHES BYA BA NI KHYAD PAR MED PAR MNGAL DU 'JUG PA TZAM LA BRTEN PA RNAMS KYI 'AM, KHAMS GSUM PA'I SEMS CAN RNAMS KYI'O, ,SKYE BA 'DI LA ZHES BYA BA NI MANG LA DU 'JUG PA'I SKYE BA LA'O; ,GANG BAR MA DOR 'CHI BA YANG MA YIN LA ZHES BYA BA LA, GANG ZHIG SRID PA'I GNAS SKABS MA THOB PAR 'CHI BA DE LA NI BAR MA DOR 'CHI BA ZHES BYA BA'O, ,GZUGS DANG GZUGS MED PA NI SPYOD PA YANG MA YIN TE ZHES BYA BA LA, GZUGS NA SPYOD PA LA NI RNAM PAR SHES PA DANG SKYE MCHED DRUG GI GNAS SKABS LAS THA DAD PA'I MING DANG GZUGS KYI GNAS SKABS MED DE, 'DI LTAR, MING DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,ZHES 'CHAD PAR 'GYUR RO, ,DE'I PHYIR GZUGS KYI KHAMS NA YAN LAG BCU GNYIS MED DO, ,GZUGS MED PA NA SPYOD PA LA NI MING DANG GZUGS KYI GNAS SKABS DANG, SKYE MCHED DRUG GI GNAS SKABS YOD PA MA YIN TE, GZUGS MED PAS DE DAG MED DO, ,DE'I PHYIR YAN LAG BCU YOD DO, ,'DI LTAR GLENG GZHI CHEN PO CHOS KYI RNAM GRANGS LAS ZHES BYA BA RGYAS PAR 'BYUNG BA LA, KUN DGA' BO GA LA TE RNAM PAR SHES PA MA'I MNGAL DU ZHUGS PAR MA GYUR NA, RNAM PAR SHES PA DE 'PHEL BA DANG RGYAS PA DANG YANGS PAR 'GYUR RAM ZHES 'BYUNG BA'I PHYIR 'DOD PA'I KHAMS LAS MA GTOGS PAR MA'I MNGAL DU 'JUG PA NYID MI SRID DO, ,DE LTA NA GANG ZAG THAMS CAD KYI DBANG DU BYAS NAS SRID PA'I YAN LAG GI RNAM PAR GZHAG PA 'KHRUG PAR 'GYUR RO, ,SNGON DANG PHYI MA'I MTHA' 'BRAS BU DANG RGYU DANG BCAS PA DAG SMOS PA'I PHYIR RO ZHES BYA BA LA, SNGON GYI MTHA' 'BRAS BU DANG @287A *, ,BCAS PA DANG, PHYI MA'I MTHA' RGYU DANG BCAS PA SMOS PA'I PHYIR RTEN CING 'BREL PAR 'BYUNG BA YAN LAG BCU GNYIS DANG CHA GSUM PA DE NYID SNGON GYI MTHA' PA DANG PHYI MA'I MTHA' PA DANG RNAM PA GNYIS SU BRJOD DO, ,DE LA SNGON GYI MTHA' PA NI MA RIG PA DANG 'DU BYED DO; ,DE'I 'BRAS BU NI RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA'I YAN LAG RNAMS TE, DE LTA NA YAN LAG BDUN NI SNGON GYI MTHA' PA'O, ,PHYI MA'I MTHA' PA GANG ZHE NA, SKYE BA DANG RGA SHI'O, ,DE'I RGYU NI SRED PA DANG, LEN PA DANG, SRID PA'I YAN LAG RNAMS TE, DE LTA NA YAN LAG LNGA NI, PHYI MA'I MTHA' PA'O, ,YANG MA RIG PA LA SOGS PA 'DI GANG ZHIG CE NA ZHES BYA BA NI CI MA RIG PA NI MI SHES PA ZHIG KHO NA 'AM, 'ON TE NYON MONGS PA THAMS CAD YIN SNYAM NAS 'DRI BA STE, DE BZHIN DU GZHAN LA YANG BRJOD PAR BYA'O, ,DE'I PHYIR MA RIG NYON MONGS SNGON GNAS SKABS ZHES BYA BA SMOS SO, ,SNGON ZHES BYA BA SMOS PA NI DA LTAR BA SRED PA DANG LEN PAS BSDUS PA'I PHYIR RO, ,YANG CI'I PHYIR NYON MONGS PA THAMS CAD MA RIG PA'I SGRAS BRJOD CE NA, YANG SRID PA 'PHEN PA'I 'DU BYED RNAMS KYI RGYU'I NGO BOR NGES PA'I PHYIR RO, ,'DOD CHAGS LA SOGS PA RNAMS NI DE LTAR MA YIN TE, 'DI LTAR 'DOD CHAGS NI ZHE SDANG GIS MNGON PAR 'DU BYAS PA'I 'DU BYED RNAMS KYI RGYU MA YIN NO, ,DE BZHIN DU GZHAN LA YANG BRJOD PAR BYA'O, ,MA RIG PA NI GDON MI ZA STE, DE NI NYON MONGS PA THAMS CAD DANG LHAN CIG SPYOD PA'I PHYIR RO, ,DES GZHAG PA'I NUS PA'I SHUGS DANG LDAN PA'I PHYIR YANG MA RIG PA'I PHYOGS LA BRTEN TE, DE'I PHYIR DE'I SGRAS NYON MONGS PA THAMS CAD BSNYAD DO, ,'DI GA LAS SHE NA, MA RIG PA GTZO BO YIN PA'I PHYIR DANG, DE DANG LHAN CIG SPYOD PA'I PHYIR RO, ,DE NYID BSTAN PA'I PHYIR LHAN CIG SPYOD PA'I PHYIR DANG ZHES BYA BA SMOS SO, ,NYON MONGS PA THAMS CAD NI MA RIG PA DANG MTSUNGS PAR LDAN GYI, PHAN TSUN NI MA YIN TE, DE'I PHYIR MA RIG PA DANG LHAN CIG SPYOD PA NYID DO, ,DE'I DBANG GIS ZHES BYA BA NI MA RIG @287B PA'I DBANG GIS SO, ,DE DAG NI NYON MONGS PA DAG GO, ,KUN DU 'BYUNG BA NI SKYE BA STE, MA RMONGS PA LA NYON MONGS PA GZHAN SKYE BA NI YOD PA MA YIN NO, ,DE NYID LA DPE NI RGYAL PO GSHEGS SO ZHES BYA BA LA SOGS PA'O, ,ZHA 'BRING BA NI, RGYAL PO DANG LHAN CIG SPYOD PA RNAMS TE; DE'I DBANG GIS 'JUG PA DANG LDOG PA'I PHYIR RGYAL PO GTZO BA YIN NO, ,'DU BYED DAG NI SNGON LAS KYI, ,ZHES BYA BA 'BYUNG NGO, ,'DIR MA RIG PA DANG 'DU BYED 'BRAS BU PHYUNG ZIN PA RNAMS KHO NA YAN LAG NYID DU RNAM PAR GZHAG STE, 'BRAS BU MA BYUNG BA RNAMS LA NI SRED PA DANG LEN PA DANG SRID PA ZHES BYA'O, ,BSOD NAMS LA SOGS PA'I LAS KYI GNAS SKABS ZHES BYA BA NI, BSOD NAMS DANG BSOD NAMS MA YIN PA DANG, MI G-YO BA'I LAS KYI GNAS SKABS SO, ,RNAM SHES MTSAMS SBYOR PHUNG PO YIN NO ZHES BYA BA LA, DE'I TSE RNAM PAR SHES PA GTZO BO YIN PA'I PHYIR DANG, LHAG MA RNAMS RNAM PAR SHES PA DANG, LHAN CIG SPYOD PA'I PHYIR RNAM PAR SHES PA MOS PAS BSDUS SO, ,MA'I MNGAL DU ZHES BYA BA NI SKYE BA'I SRID PAR NYID MTSAMS SBYOR BA NYID NA'O, ,DE NI YID KYI RNAM PAR SHES PA KHO NA STE, DE'I TSE SNGA MA RNAMS KYI RKYEN MED PA'I PHYIR RO, ,'DIR RNAM PAR SHES PA DANG SKYE BA'I YAN LAG GNYIS NI SKAD CIG MA YIN LA, GZHAN DAG NI RGYUN CHAGS PA YIN PA'I PHYIR SKAD CIG MA MANG PO DAG YIN NO, ,MING DANG GZUGS NI DE PHAN CHAD CES BYA BA LA, 'DI NI GNAS SKABS LA GZHAG PA YIN GYI CHOS NYID LA GZHAG PA NI MA YIN NO, ,SKYE MCHED BZHI DOD TSUN CHAD DO ZHES BRJOD PAR BYA BA YIN PA LAS ZHES BYA BA 'BYUNG STE, CI'I PHYIR DE SKAD DU BRJOD PAR BYA BA YIN ZHE NA, LUS DANG YID KYI SKYE MCHED NI SKYE BA'I SRID PA KHO NAR DOD PA'I PHYIR RO, ,DE'I TSE DER RNAM PAR 'JOG PA'I PHYIR RO ZHES BYA BA LA, RNAM PAR SHES PA DANG MING DANG GZUGS DAG NI ZHES RAB TU MA PHYE BA'I PHYIR GNAS SKABS GANG ZHIG SKYE MCHED KYIS RAB TU PHYE BA DE KHO NA TSANG NA DE'I MING GIS BSNYAD DO, ,YANG NA DE'I TSE DE'I RNAM PAR 'JOG PA'I PHYIR RO ZHES BYA BA NI MIG LA SOGS @288A *, ,PA'I SKYE MCHED KYI TSE RTEN DANG BRTEN PA YONGS SU TSANG BA'I SGO NAS YIN LA, YID KYI SKYE MCHED DANG LUS KYI SKYE MCHED KYANG YONGS SU TSANG BAS RNAM PAR 'JOG STE, DE'I PHYIR SKYE MCHED DRUG NYID DU BRJOD KYI, SKYE MCHED BZHIR NI MA YIN NO, ,DE NI GSUM 'DUS TSUN CHAD DO, ,ZHAS BYA BA LA, JI SRID DU DBANG PO LA SOGS PA GSUM MA 'DUS PA DE SRID KYI GNAS SKABS CHUNG DU DANG 'BRING DANG CHEN PO'I TSUL GYIS RDZOGS PAR 'GYUR BA DE NI SKYE MCHED DRUG CES BRJOD DE, DE SRID KYI GNAS SKABS DE NI SKYE MCHED DRUG GTZO BA YIN NO, ,REG PA BDE SDUG LA SOGS KYI, ,RGYU SHES NUS PA TSUN CHAD DO, ,ZHES BYA BA LA, REG PA NI SKYE MCHED DRUG GI 'OG ROL DU RNAM PAR GZHAG STE, DE'I TSE REG PA'I RTEN YONGS SU RDZOGS PA YIN NO, ,DE'I PHYIR REG PA SNGAR YOD PA MA YIN NO, ,TSOR 'KHRIG TSUN CHAD CES BYA BA LA, TSOR BA GSUM GYI RGYU YONGS SU GCOD PAR NUS PA YIN DANG ZAS LA SOGS PA'I SRID PA KUN DU SPYAD KYANG, JI SRID 'KHRIG PA'I 'DOD CHAGS MI 'BYUNG BA'I GNAS SKABS DE NI TSOR BA ZHES BYA'O, ,SRID PA NI LONGS SPYOD 'KHRIG PA'I CHAGS CAN GYI ZHES BYA BA LA, 'DOD PA'I YON TAN GYI 'DOD CHAGS KUN DU SPYOD PA'I GNAS SKABS DANG, 'KHRIG PA'I 'DOD CHAGS KUN DU SPYOD PA'I GNAS SKABS DE NI SRID PA ZHES BYA'O, ,LONGS SPYOD SMOS PAS NI 'DOD PA'I YON TAN LNGA GZUNG STE, MIG GIS RNAM PAR SHES PAR BYA BA'I GZUGS 'DOD PA SDUG PA, PHANGS PA YID DU 'ONG BA DAG CES RGYAS PAR 'BYUNG BA'I PHYIR RO, ,NYE BAR LEN PA LONGS SPYOD RNAMS, ,ZHES BYA BA LA SOGS PA LA, 'DIS YUL LAM LUS LEN PAR BYED PAS NA NYE BAR LEN PA'O, ,DE NYID KYI PHYIR YUL THOB PAR BYA BA'I PHYIR YONGS SU TSOL BA LA ZHUGS NAS ZHES BYA BA SMOS TE; THOB PAR BYA BA'I PHYIR ZHES BYA BA'I THA TSIG GO, ,DE SRID 'BRAS BU 'BYUNG 'GYUR BA'I, ,ZHES BYA BA LA, DE ZHES BYA BAS NI YONGS SU RGYUG PA BSTAN TO, ,LAS GANG LAS 'BYUNG BAR 'GYUR BA'I SRID PA 'BRAS BUR YOD PA DE'I DNGOS PO'O, ,YANG SRID PA'I ZHES BYA BA LA, @288B 'BRAS BU LANG SRID PA YOD PA NI YANG SRID PA'O, ,'DI LA RNAM PAR SHES PA'I ZHES BYA BA LA SOGS PA LA, RNAM PAR SHES PA NI NYID MTSAMS SBYOR BA STE, GTZO BO YIN PA'I PHYIR RO, ,DE NYID KYI PHYIR KUN DGA' BO GAL TE RNAM PAR SHES PA MA'I MNGAL DU MA ZHUGS NA KHU CHU DANG KHRAG DE NUR NUR PO'I PHYIR BRGYAL BAR 'GYUR RAM, BCOM LDAN 'DAS DE NI MA LAGS SO ZHES BYA BA LA SOGS PA GSUNGS SO, ,DE PHAN CHAD TSOR BA'I BAR NI RGA SHI YIN ZHES BYA BA LA, TSOR BA'I BAR TE, TSOR BA'I YAN LAG GI BAR NI RGA SHI STE, BCOM LDAN 'DAS KYIS GDUL BA'I SKYE BO SKYO BA BSKYED PA'I PHYIR, DGE SLONG DAG GZUGS SKYE BA 'DI NI RGA SHI SKYE BA'O, ,DE BZHIN DU RNAM PAR SHES PA'I BAR GYI SKYE BA NI ZHES RGYAS PAR RGA SHI'I SGRAS YAN LAG BZHI GSUNGS SO, ,SKAD CIG MA ZHES BYA BA LA SKAD CIG LA YOD PA NI, SKAD CIG MA STE, RGYU DANG 'BRAS BU LHAN CIG SPYOD CES BYA BA'I DON TO, ,RGYUN CHAGS PA ZHES BYA BA LA, RGYUN DANG LDAN PA NI RGYUN CHAGS PA YIN PA'AM, YANG NA RANG GI DON LA 'PHEL BA BSGRUBS PAS RGYUN NYID RGYUN CHAGS PA'O, ,'BREL PA CAN NI RGYU DANG 'BRAS BU 'BREL PAR 'BYOR PA'O, , DE NI SKAL PA MNYAM PA DANG, SKAL BA MNYAM PA MA YIN PA DANG, 'BREL PAS 'BREL CAN ZHES BYA'O, ,GANG GI TSE MA RIG PA'I YAN LAG RGYUN DANG LDAN BA LAS MA RIG PA'I YAN LAG KHO NA 'BYUNG BA DE NI SKAL BA MNYAM PA'I 'BREL PA CAN NO, ,GANG GI TSE MA RIG PA'I YAN LAG LAS 'DU BYED KYI YAN LAG 'BYUNG BA DE'I TSE SKAL BA MNYAM PA MA YIN PA'I 'BREL PA CAN TE, 'DIR NI SKAL BA MI MNYAM PA'I 'BREL PA CAN LA MNGON PAR 'DOD DO, ,GNAS SKABS LA YOD PA NI GNAS SKABS PA STE, BCU GNYIS DANG LDAN PA'I PHUNG PO LNGA'I GNAS SKABS SO, ,RNAM PAR SHES PA DANG LHAN CIG 'BYUNG BA'I PHUNG PO BZHI NI ZHES BYA BA LA SOGS PA 'BYUNG STE, 'DI LA KHA CIG NA RE RNAM PAR RIG BYED KYI GZUGS DANG RNAM PAR RIG BYED MA YIN PA'I GZUGS NI GZUGS KYI PHUNG PO'I ZHES ZER RO, ,RNAM PAR BSHAD PA 'DI LA NI @289A *, ,SRID PA DANG KHYAD PAR MED PAR 'GYUR TE, GANG GI PHYIR, LAS BYED DE NI SRID PA YIN, ,ZHES BYA BA'I MTSAN NYID KYI PHYIR RA, ,DE'I PHYIR NGES PAR DBANG PO DANG LHAN CIG SKYE BA KHO NA LA GZUGS SU GZUNG NGO ZHES BYA BAR RTOGS SO, ,MING DANG GZUGS LA RNAM PAR GNAS PA'I DBANG PO RNAMS NI ZHES BYA BA 'BYUNG NGO, ,JI LTAR MING LA DBANG PO RNAMS GNAS SHE NA, DE LA RAG LAS TE 'JUG PA'I PHYIR TE, 'DI LTAR MING GI DBANG GIS DE'I RTEN 'BYUNG BA CHEN PO GNAS SHING, DE BTANG BAS DE MI GNAS SO, ,YANG NA DBANG PO RNAMS LA BRTEN NAS MING 'BYUNG BA'I PHYIR DE RNAMS RTEN GYI NGO BOS MING LA RNAM PAR GNAS SO, ,SKYE MCHED DRUG 'DUS PA NI REG PA'O ZHES BYA BA LA, 'DIR MIG LA SOGS PA RNAMS RANG GI YUL LA 'JUG CING 'DUS PA NI REG PA ZHES BYA STE, CIG CAR SKYE MCHED DRUG 'DUS PA MI SRID PAS REG PA NI JI LTAR SRID PA'I SGO NAS YIN PAR RIG PAR BYA'O, ,DE DANG MTSUNGS PAR LDAN PA NI ZHES BYA BA RGYAS PAR 'BYUNG STE, CHAGS PA DE'AM, SRID PA'AM, MA RIG PA DANG MTSUNGS PAR LDAN PA'I NGO CHA MED PA DANG KHREL MED PA LA SOGS PA KUN NAS DKRIS PA RNAMS NI LEN PA'O, ,DE NAS KUN NAS BSLANG BA'I ZHES BYA BA NI CHAGS PAS KUN NAS BSLANG BA STE, DE NI SKABS SU BAB PA YIN PA'I PHYIR RO, ,GZHAN DAG NA RE NI MA RIG PAS YIN NO ZHES ZER RO, ,GZHAN DAG NI SEMS PAS SO ZHES ZER RO, ,LUS DANG NGAG GI LAS ZHES BYA BA NI RNAM PAR RIG BYED DANG, RNAM PAR RIG BYED MA YIN PA'O, ,SKYE BA NI REG PA'O, ,YONGS SU SMIN PA NI SKAD CIG MA SNGA MA LA LTOS TE GZHAN DU GYUR PA NYID DO, ,BYE BRAG TU SMRA BA RNAMS NI SKAD CIG MA LA YANG YONGS SU SMIN PA 'DOD DE, 'JIG PA DANG MTHUN PA'O, ,ZHIG PA NI SHI BA'O ZHES BYA BA LA, 'JIG PA NI 'JIG PA LA MNGON DU PHYOGS PA'O, ,KHA CIG NA RE SROG GCOD PA NI ZHE SDANG GIS MTHAR PHYIN PAR BYAS PA YIN LA, ZHE SDANG DANG 'DOD CHAGS PA GNYIS KYANG SKAD CIG GCIG LA SRID PA YOD PA MA YIN TE, DE'I PHYIR NOR 'PHROG PA'I ZHES BRJOD PAR BYA'O ZHES ZER RO,, @289B NGES PA DE NI SEMS GZHAN MED PA LA DE YONGS SU RDZOGS PA NA YIN PAR SHES PAR BYA'O, ,DE LTAR BSHAD NA, MI DGE PA GZUGS CAN THAMS CAD LA SKAD CIG PA'I RTEN CING 'BREL PAR 'BYUNG BA YAN LAG BCU GNYIS RNYED PAR 'GYUR RO, ,RAB TU BYED BA DAG LAS JI SKAD DU ZHES BYA BA LA; RAB TU BYED PA DAG LAS JI LTAR ZHE NA, 'DUS BYAS KYI CHOS THAMS CAD DO ZHES BYA BA STE, DE LA 'DUS BYAS KYI CHOS RNAMS SKAD CIG RE RE LA SKYE BA DANG 'GAG PA DANG LDAN PA'I PHYIR NA SKAD CIG PA'I RTEN CING 'BREL PAR 'BYUNG BA'O, ,'BREL PA CAN NI RGYU DANG 'BRAS BUR GYUR PA'I SKAD CIG GNYIS KA 'BREL PA LAS YIN NO, ,TSE GSUM BAR CHAD MED PAR 'BREL PA LAS YIN TE, 'DAS PA DANG MA 'ONGS PA DANG DA LTAR BYUNG BA'I CHE GSUM DANG 'BREL PA'I PHYIR NA DE NYID GNAS SKABS PA DANG RGYUN CHAGS PA ZHAS BYA'O, ,BAR CHAD MED PA SMOS PA NI CHA GSUM PA 'GRUB PAR BYA BA'I PHYIR RO, ,'DI NI GNAS SKABS PAR 'DOD LO, ,ZHES BYA LA LO ZHES BYA BA'I SGRA NI LUGS GZHAN YIN PAR BSTAN PA'I PHYIR TE, DE SKAD DU YANG MDO SDE PA DAG RGOL BAR BYED CES BYA BA LA SOGS PA 'CHAD PAR 'GYUR RO, ,GTZO BO'I PHYIR NA YAN LAG BSGRAGS,, ZHES BYA BA LA, SNGA MA'I PHUNG PO LNGA PO THAMS CAD CI RIGS PAR PHYI MA THAMS CAD KYI RKYEN YIN PA DE'I PHYIR 'DIR RGYAL PO RGYAL BA LTAR GTZO BO YIN PA'I PHYIR YAN LAG BSGRAGS PAR SHES PAR BYA'I THAMS CAD RKYEN DANG RKYEN CAN DU GYUR PA'I PHYIR NI MA YIN PA'O, ,GZHAN DU 'BYUNG ZHES BYA BA NI MDO LAS GSUNGS PA'I YAN LAG BCU GNYIS LAS GZHAN DU STE, 'DI LTAR 'DUS BYAS KYI CHOS THAMS CAD DO ZHES 'BYUNG BA'I PHYIR RO, ,'DUS BYAS SMOS PA NI SEMS CAN DANG SEMS CAN MA YIN PAR STON PAR GZUNG NGO, ,YAN LAG BCU GNYIS KYIS NI SEMS CAN DU STON PA KHO NA BSDUS KYI SEMS CAN MA YIN PAR STON PA NI MA BSDUS SO, ,MDO LAS GSUNGS PA NI DGONGS PA CAN YIN NO, ,CHOS MNGON PA LAS NI MTSAN NYID PA YIN TE ZHES BYA BA LA, DGONGS PA LAS BYUNG BA NI DGONGS PA CAN YIN LA, MTSAN NYID @290A *, ,LAS RNAM PAR GNAS PA NI MTSAN NYID PA STE, CHOS MNGON PA LAS GSUNGS PA NI MTSAN NYID DANG 'BREL PA'I PHYIR RO, ,DE BZHIN DU ZHES BYA BA NI DE LTA YIN DANG ZHES BYA BA'I DON TO, ,GNAS SKABS PA DANG RGYUN CHAGS PA DANG SEMS CAN DU STON PA NI MDO LAS GSUNGS PA DGONGS PA CAN NO, ,SKAD CIG PA DANG 'BREL PA CAN DANG, SEMS CAN DANG, SEMS CAN MA YIN PAR STON PA ZHES BYA BA NI CHOS MNGON PA LAS GSUNGS PA MTSAN NYID PA'O, ,DE NYID KYI PHYIR CHA GSUM PA YIN NO ZHES BYA BA NI GANG GI PHYIR SNGON DANG PHYI MA'I MTHA' DANG; BAR LA RMONGS PA BZLOG PA'I PHYIR BSTAN PA'I PHYIR TE, CHA NI CHA SHAS SO, ,CI BDAG CI ZHIG TU NI BYUNG BAR GYUR ZHES BYA BA NI LHA'AM 'ON TE MI ZHIG SNYAM PA'O, ,BDAG JI LTAR BYUNG BAR GYUR ZHES BYA BA NI, RNAM PA GANG GIS TSUL GANG GIS SO, ,CI MA 'ONGS PA'I DUS NA 'BYUNG BAR 'GYUR RAM ZHES BYA BA RGYAS PAR 'BYUNG BA NI CI MA 'ONGS PA'I DUS NA 'BYUNG BAR 'GYUR RAM 'ON TE 'BYUNG BAR MI 'GYUR, CI ZHIG TU NI 'BYUNG BAR 'GYUR, ,JI LTAR 'BYUNG BAR 'GYUR ZHES BYA BA'O, ,'DI CI ZHIG YIN ZHES BYA BA NI LUS KYI RDZAS TSOL BA'O, ,'DI JI LTAR YIN ZHES BYA BA NI RNAM PA GANG GIS TE TSUL GANG ZHIG TU YIN ZHES BYA BA'O, ,LUS KYI RDZAS NGES PAR MA ZIN PA NI YOD PA NI CI ZHIG YIN ZHES BYA BA STE, BDAG CAG DA LTAR YOD PA NI CI ZHIG YIN, 'GYUR BA NI CI ZHIG YIN ZHES DE LTAR MA NGES PA'O, ,MA RIG PA DANG 'DU BYED RNAMS, ZHES BYA BA LA, CI ZHE NA, SNGON GYI MTHA' LA RMONGS PA BZLOG PAR BYA BA'I PHYIR RO, ,SKYE BA DANG RGA SHI NI PHYI MA'I MTHA' 'O, ,RNAM PAR SHES PA NAS SRID PA'I BAR NI BAR LA RMONGS PA BZLOG PAR BYA BA'I PHYIR RO, ,'DI LTAR MDO NYID LAS ZHES BYA BA RGYAS PAR 'BYUNG STE, GANG GI PHYIR MDO DE NYID LAS SO, ,RTEN CING 'BREL PAR 'BYUNG BA NI, ,'DI YOD PAS 'DI 'BYUNG, 'DI SKYES PAS 'DI SKYE ZHES BYA BA YAN LAG BCU GNYIS KYI MTSAN NYID CAN NO, ,RTEN CING 'BREL BAR 'BYUNG BA'I CHOS RNAMS NI 'DU BYED LA SOGS PA DAG GO, ,YANG DAG PA'I @290B SHES RAB KYIS DE LTAR YANG DAG PA JI LTA BA BZHIN MTHONG ZHES BYA BA NI MA RIG PA'I RKYEN GYIS 'DU BYED, ,'DU BYED KYI RKYEN GYIS RNAM PAR SHES PA ZHES BYA BA RGYAS PAR 'BYUNG BA'O, ,SNGON GYI MTHA' LA 'BRANG BAR MI 'GYUR RO ZHES BYA BA LA SOGS PA NI RGYU DANG 'BRAS BU 'BREL PAR KHONG DU CHUD PA'I PHYIR DANG, CHOS TZAM DU KHONG DU CHUNG PA'I PHYIR RO, ,SRED PA DANG LEN PA DANG, SRID PA ZHES BYA BA RGYAS PAR 'BYUNG BA LA, SRED PA LA SOGS PA 'DI DAG NI BAR GYI SRID PA YIN YANG PHYI MA'I MTHA' LA RMONGS PA BZLOG PAR BYA BA'I PHYIR YIN TE, DE'I RGYU YIN PA'I PHYIR RO, ,BYE BRAG TU SMRA BA RNAMS NA RE DE DAG GIS NI RNAM PAR SHES PA LA SOGS PA TSOR BA LA THUG PA RNAMS KYANG DE'I 'BRAS BU YIN PA'I PHYIR SNGON GYI MTHA' LA RMONGS PA BZLOG PA'I PHYIR YIN PA'AM, YANG NA MA RIG PA DANG 'DU BYED RNAMS KYANG DE'I RGYU YIN PA'I PHYIR BAR LA RMONGS PA BZLOG PAR BYA BA'I PHYIR YIN NO ZHES KHAS BLANG BAR BYA DGOS LA, DE LTA NA YANG 'DAS PA 'AM BAR GYI CHA YOD PA MA YIN PAS MDO DANG 'GAL TE, DE LTA BAS NA SNGA MA NYID KHA NA MA THO BA MED DO, ,NYON MONGS GSUM MO ZHES BYA BA LA, MA RIG PA NI DA LTAR GYI SKYE BA'I RGYU YIN LA, SRED PA DANG LEN PA NI MA 'ONGS PA'I SKYE BA'I RGYU YIN NO, ,LAS GNYIS SO ZHES BYA BA NI DA LTAR DANG MA 'ONGS PA'I SKYE BA'I RGYU 'DU BYED DANG SRID PA ZHES BYA BA'O, ,YAN LAG BDUN PO ZHES BYA BA LA, DA LTAR BA'I SKYE BA LA NI RNAM PAR SHES PA LA SOGS PA TSOR BA'I MTHAR THUG PA LNGA'O, ,MA 'ONGS PA'I SKYE BA DANG RGA SHI DANG GNYIS SO, ,YANG CI'I PHYIR 'DI DAG BZHI ZHES BYA ZHE NA, LAS DANG NYON MONGS PA'I RTEN YIN PA'I PHYIR ZHES BYA BA 'BYUNG STE, LAS DANG NYON MONGS PA'I RGYU YIN PA'I PHYIR RO ZHES BYA BA'I THA TSIG GO, ,DE BZHIN 'BRAS BU YIN ZHES BYA BA LA, YAN LAG BDUN KHO NA 'BRAS BU YIN TE, ,SNGON GYI MTHA' PA'I RNAM PAR SHES PA LA SOGS PA LNGA DANG, PHYI MA'I MTHA' PA'I SKYE BA DANG RGA SHI'O, ,LHAG MA LNGA NI ZHES BYA BA LA, LAS DANG NYON MONGS PA'I RANG BZHIN NYID KYIS RNAM PAR @291A *, ,SMIN PA 'PHEN PA'I PHYIR RO, ,GZHI RNAM PA LNGA ZHES BYA BA NI RNAM PAR SHES PA DANG, MID DANG GZUGS DANG SKYE MCHED DRUG DANG, REG PA DANG TSOR BA LA ZHES BYA BA DE LTA BU'O, ,NYON MONGS PA RNAM PA GNYIS THA DAD BA ZHES BYA BA NI SRED PA DANG, DE'I RKYEN GYIS LEN PA STE, DE LTAR NA BAR DU RGYU DANG 'BRAS BU GNYIS RGYAS PA YIN NO, ,YANG JI LTAR SRED PA 'DI LEN PA YIN PA BZHIN DU LOGS SHIG TU RNAM PAR GZHAG CE NA, BYE BRAG TU SMRA BA RNAMS NA RE SRED PA'I SKAD CIG MA DANG PO NI SRED PA'I SGRAS BRJOD LA, RGYA CHE BA NI LEN PA'I SGRAS BRJOD DE, RGYUN GYI SGO NAS YUL CHES DAM POR 'DZIN PA'I PHYIR RO, ,MA 'ONGS PA'I DUS SU ZHES BYA BA LA SOGS PA LA SKYE BA DANG DE'I RKYEN GYIS RGA SHI STE, DE LTAR NA 'BRAS BU MDOR BSDUS PA YIN NO, ,NYON MONGS PA SGO GCIG TU BSTAN PA'I PHYIR ZHES BYA BA NI, MA RIG NYON MONGS SDON GNAS SKABS, ,ZHES 'BYUNG BAS, MA RIG PA'I SGO GCIG PUS NYON MONGS PA THAMS CAD BSTAN PA'I PHYIR TE, RGYU MDOR BSDUS PA YIN NO ZHES BYA BAR SNYEGS SO, ,YANG CI'I PHYIR ZHES BYA BA YANG SKABS SU BAB PA YIN PA'I PHYIR THAMS CAD DANG SBYAR BAR BYA'O, , LAS NI SNGON GYI MTHA' DANG BAR DU YANG MDOR BSDUS PA NYID DU BSTAN PAS RNAM PAR MI DPYAD DO, ,YANG DON MED PA'I 'BAD PA MA BYAS SO ZHES BYA BA LA, BAR DU RGYU RGYAS PAR BSTAN PAS SNGON GYI MTHAR YANG RGYU RGYAS PA DANG, 'BRAS BU RGYAS PAR BSTAN PAS PHYI MA'I MTHAR YANG 'BRAS BU RGYAS PAR RTOGS PAR NUS PA NYID DO, ,GANG GI PHYIR SKYE BA THAMS CAD LTOS PA'I BYE BRAG LAS SNGON DANG BAR DANG PHYI MA YIN TE, DE'I PHYIR SNGON DANG PHYI MA'I MTHA' GNYIS SU 'BRAS BU RGYAS PAR BRJOD PA DON MED PAR 'GYUR BAS, YANG BRJOD PA'I 'BAD PA DE NA MED DO, ,GAL TE RTEN CING 'BREL PAR 'BYUNG BA YAN LAG BCU GNYIS KHO NA YIN NA ZHES BYA BA RGYAS PAR SMRAS PA LA, YAN LAG LNGA NI RGYU YIN LA, BDUN 'BRAS BU YIN PAS DE LTAR YAN LAG BCU GNYIS KHO NAR 'GYUR TE, RGYU DANG 'BRAS BU GZHAN MED PA'I PHYIR RO, ,DE LTA NA MA RIG PA LA RGYU @291B MED PA'I PHYIR 'KHOR BA THOG MA DANG LDAN PAR THAL BAR 'GYUR LA, RGA SHI LA 'BRAS BU MED PA'I PHYIR MTHA' DANG LDAN PAR YANG 'GYUR TE, DE'I PHYIR GNYEN PO MED PA KHO NA SRED PA MED PAR THAL BAR 'GYUR RO, ,MA RIG PA LAS 'DU BYED RNAMS SO ZHES BYA BA LA, CI ZHE NA, NYON MONGS PA LAS LAS SKYE'O ZHES DANG RGA SHI GNYIS KYI RGYU DANG 'BRAS BU KHAS LEN NA YANG YAN LAG LHAG PAS BSTAN PA MA TSANG BA NYID DANG, RGYU DANG 'BRAS BU DAG THUG PA MED PAR THAL LO ZHE NA, NYON MONGS PA LAS NYON MONGS DANG, ,BYA BA NYID DO ZHES BYA BA RGYAS PAR 'BYUNG NGO, ,MA RIG PA LAS 'DU BYED RNAMS SO ZHES BYA BA LA, CI ZHE NA, NYON MONGS PA LAS LAS SKYE'O ZHES BYA BAR STON TO, ,SRID PA LAS SKYE BA'O ZHES BYA BA LA, CI ZHE NA, LAS LAS GZHI SKYE'O ZHES BYA BA'O, ,GZHI 'AM NYON MONGS PA LAS ZHES BYA BA LA, TSE 'DI'I SRED PA DANG LEN PA GANG YIN PA DE NI 'DAS PA'I DUS NA MA RIG PA YIN PAR BSHAD DE, DES NA MA RIG PA GZHI 'AM NYON MONGS PA LAS SKYE BAR 'GYUR RO ZHES BYA BAR GRUB BO, ,GZHI LAS KYANG NYON MONGS PA 'BYUNG NGO ZHES BYA BA NI SRED PA STE, 'DI LTAR TSOR BA'I RKYEN GYIS SRED PA YIN PAR BSHAD LA, RGA SHI YANG TSOR BA LA THUG PA YIN TE, TSOR BA'I BAR NI RGA SHI YIN ZHES BSHAD PA'I PHYIR RO, ,DE LTAR NA ZHES BYA BA NI, NYON MONGS PA LAS NYON MONGS DANG, ,BYA BA NYID DO DE LAS GZHI, ,DE LAS GZHI DANG NYON MONGS SKYE, ,'DI NI SRID PA'I YAN LAG LUGS, ,ZHES JI SKAD BSHAD PA'I TSUL GYIS SO, ,DE LTA MA YIN NA STE, NYON MONGS PA LAS NYON MONGS DANG, ,ZHES BYA BA DE LTA BU LA SOGS PA JI SKAD BSHAD PA'I MI BZHED PAR 'GYUR NA NI GANG GIS NA DE LTAR SDUG BSNGAL GYI PHUNG PO CHEN PO 'DI ZHES GSUNGS PAR 'GYUR BA, 'DI NI NUS PA CI ZHIG YOD PAR 'GYUR, DE'I PHYIR YAN LAG GZHAN KHA BSKANG MI DGOS LA, THUG PA MED PAR MI 'GYUR ZHING, BSTAN PA MA TSANG BA NYID MA YIN NO, ,GZHAN DAG NA RE MDO GZHAN LAS ZHES BYA BA LA SOGS PA LA, @292A *, ,MDO GZHAN GANG LAS SHE NA, RGYU DANG BCAS RKYEN DANG BCAS BA'I MDO LAS TE, DGE SLONG DAG MA RIG PA YANG RGYU DANG BCAS, RKYEN DANG BCAS GZHI DANG BCAS SO, ,MA RIG PA'I RGYU GANG YIN RKYEN GANG YIN, GZHI GANG YIN ZHEN, TSUL BZHIN MA YIN PA YID LA BYED PA'O ZHES BRJOD PAR BYA'O ZHES GSUNGS SO, ,DE LTA NA YANG TSUL BZHIN MA YIN PA YID LA BYED PA'I RKYEN MA GSUNGS PA'I PHYIR 'KHOR BA THOG MA DANG LDAN PA'AM, YAN LAG GZHAN KHA BSKANG BAR BYA DGOS PAR 'GYUR BAS, NYES PA DE NYID DU 'GYUR RO ZHE NA, DE'I PHYIR TSUL BZHIN MA YIN PA YID LA BYED BA YANG MA RIG PA'I RGYU LAS BYUNG BA YIN NO ZHES GSUNGS TE, DE'I PHYIR 'DI NYES PA MED DO, ,CI'I PHYIR DE 'DIR MA BSHAD CING YAN LAG GZHAN DU YANG JI LTAR MI 'GYUR ZHE NA, DE'I PHYIR DE NI 'DI LTAR YANG LEN PA'I NANG DU 'DU BA'I PHYIR BSHAD PA YIN NO ZHES BYA BA SMRAS SO, ,DE ZHES BYA BA NI TSUL BZHIN MA YIN PA YID LA BYED PA'O, ,'DIR YANG ZHES BYA BA NI RTEN CING 'BREL PAR 'BYUNG BA'I MDOR RO, ,LEN PA RNAMS NYON MONGS PA THAMS CAD KYI BDAG NYID YIN PA'I PHYIR LA, TSUL BZHIN MA YIN PA YID LA BYED PA YANG SEMS KYI GZO BA NYON MONGS BA CAN YIN PA'I PHYIR LEN PA'I NANG DU 'DU BA YIN NO ZHES BSHAD PAR 'GYUR RO, ,DE LTA NA MA RIG PA RGYU MED PA CAN NYID MA YIN ZHING, YAN LAG GZHAN KHA BSKANG BAR BYA DGOS PA YANG MA YIN LA, THUG PA MED PAR THAL BAR YANG MI 'GYUR RO ZHES ZER RO, ,SLOB DPON GYIS TSUL BZHIN MA YIN PA YID LA BYED PA LEN PA'I NANG DU JI LTAR 'DUS ZHES BYA BA SMOS TE, NYON MONGS PA'I BDAG NYID MA YIN BZHIN DU ZHES BSAMS PA'O, ,LEN PA NI NYON MONGS PA RNAMS KHO NA YIN GYI, CHOS GZHAN DAG NI MA YIN TE, JI SKAD BSHAD NYID MA RIG BCAS, ,NYER LEN RNAMS TE LTA RNAMS GNYIS, ,PHYE BA'I PHYIR RO ZHES 'BYUNG BA'I PHYIR RO, ,GAL TE MTSUNGS PAR LDAN PA LAS YIN NO ZHE NA NI ZHES BYA BA LA, NYON MONGS PA'I BDAG NYID YIN PA'I PHYIR NI MA YIN GYI, @292B 'O NA CI ZHA NA, LEN PA DANG MTSUNGS PAR LDAN PA'I PHYIR DE'I NANG DU 'DUS SO, ,GZHAN GYI BSAM PA GSAL BAR BYED PA NI, SRED PA DANG MA RIG PA DAG GI NANG DU YANG ZHES BYA BA STE, RTEN CING 'BREL PAR 'BYUNG BA'I YAN LAG NGAG GI NANG DU'O, ,DE 'DUS PAR THAL BAR 'GYUR RO ZHES BYA BA LA, TSUL BZHIN MA YIN PA YID LA BYED PA'O, ,CI'I PHYIR ZHE NA, DE NI LEN PA LTAR SRED PA DANG MA RIG PA GNYIS DANG YANG MTSUNGS PAR LDAN PA'I PHYIR TE, NYON MONGS PA GSUM PO ZHES 'BYUNG BA'I PHYIR RO, ,DE'I PHYIR LEN PA'I NANG DU 'DU BA 'BA' ZHIG TU MA ZAD KYI, SRID PA DANG, MA RIG PA DANG, LEN PA'I NANG DU YANG 'DU BA'I PHYIR 'DIR YANG BSHAD PAR 'GYUR TE, KHYAD PAR GYI RGYU MED PA'I PHYIR RO, ,NANG DU 'DUS PA YIN DU CHUG NA YANG ZHES BYA BA RGYAS PAR 'BYUNG BA LA, 'DI SKAD BSTAN PAR 'GYUR TE, MTSUNGS PAR LDAN PA TZAM GYIS NI NANG DU 'DU BAR MI RTOGS TE, 'KHRUL PA'I PHYIR RO, ,NANG DU 'DUS PA YIN DU CHUG NA YANG, JI LTAR 'DI LAS 'DI ZHES BYA BA LA, MDO DE LAS NI TSUL BZHIN MA YIN PA YIN LA BYED PA LAN PA'I NANG DU 'DUS PA'I PHYIR LEN PA MA LUS PA DANG 'DRA BAR SRID PA'I RGYU NYID DU RTOGS PAR 'GYUR GYI, MA RIG PA'I RGYU NYID DU NI MA YIN TE, GANG LAS LEN PA'I NANG DU 'DU BAS TSUL BZHIN MA YIN PA YID LA BYED PA MA RIG PA'I RKYEN NYID DU RTOGS PAR 'GYUR BA MDO 'DI LAS LEN PA MA RIG PA'I RGYU NYID DU NI MA BSTAN TO, ,GAL TE MDO LAS MA BSTAN YANG NANG DU 'DU BA KHO NAS RGYU DANG 'BRAS BU'I DNGOS POR SHES PAR 'GYUR RO ZHE NA, 'O NA NI SRED PA DANG MA RIG PA DAG KYANG ZHES BYA BA RGYAS PAR 'BYUNG STE, MA RIG PA DANG TSUL BZHIN MA YIN PA YID LA BYED PA GNYIS LTAR, MA BSTAN YANG LEN PA'I NANG DU 'DUS PA KHO NAS, SRED PA DANG LEN PA DAG DANG MA RIG PA DANG 'DU BYED DAG RGYU DANG 'BRAS BU'I DNGOS POR SHES PAR 'GYUR TE, DE'I PHYIR TSUL BZHIN MA YIN PA YID LA BYED PA LTAR SRED PA DANG MA RIG PA @293A *, ,GNYIS KYANG YAN LAG GZHAN NYID DU MI BYA BAR NUS NA, BYED PA YANG YIN TE, DE'I PHYIR LEN PA'I NANG DU 'DUS PA YAN LAG GZHAN NYID DU MI BRJOD PA'I RGYU MA YIN NO, ,GZHAN DAG NA RE ZHES BYA BA NI SLOB DPON DPAL LEN NO, ,MDO GZHAN LAS ZHES BYA BA NI RGYU DANG BCAS RKYEN DANG BCAS GZHI DANG BCAS PA'I MDO LAS SO, ,DE YANG ZHES BYA BA NI TSUL BZHIN MA YIN PA YID LA BYED PA'O, ,REG PA'I DUS SU BSTAN PA YIN LA, MIG GI RNAM PAR SHES PA'I SKYE BA'I DUS GANG YIN PA DE NYID REG PA'I DUS SO, , GTI MUG GI SKYED PAR BYED PA CAN NAM GTI MUG LAS SKYES PA NI GTI MUG LAS SKYES PA'O, ,NYON MONGS PAS RNYOGS PA'I PHYIR NA RNYOGS PA'O, ,MA RIG PA'I 'DUS TE RIG PA LAS BYUNG BA'I ZHES BYA BA RGYAS PAR 'BYUNG BA LA, MA RIG PA DANG MTSUNGS PAR LDAN PA'I REG PA LAS SKYES PA NI, MA RIG PA'I 'DUS TE REG PA LAS BYUNG BA'I TSOR BA YIN LA, DE YANG GDON MI ZA BAR MA RIG PA DANG MTSUNGS PAR LDAN PA YIN TE, MA RIG PA DANG MTSUNGS PAR LDAN PA MA YIN PA'I TSOR BA NI SRED PA'I RKYEN MA YIN NO, ,DE LTA BAS NA REG PA'I DUS NA YOD PA'I TSUL BZHIN MA YIN PA YID LA BYED PA NI ZHES BYA BA RGYAS PAR 'BYUNG STE, MA RIG PA RGYU MED PA NYID KYANG MA YIN ZHING, TSUL BZHIN MA YIN PA YID LA BYED PA'I RGYU LAS BYUNG BA'I PHYIR BCU GNYIS LAS GZHAN PA'I YAN LAG GZHAN GYIS KHA BSKANG BAR YANG MI BYA'O, ,TSUL BZHIN MA YIN PA YID LA BYED PA REG PA'I NANG DU 'DUS PA'I PHYIR NA THUG PA MED PAR THAL BAR YANG MA YIN TE, MA RIG PA DANG TSUL BZHIN MA YIN PA YID LA BYED PA GNYIS PHAN TSUN GYI RGYU LAS BYUNG BA'I PHYIR RO, ,DE NYID BSTAN PA'I PHYIR GTI MUG LAS SKYES PA YID LA BYED PA ZHES BYA BA RGYAS PAR 'BYUNG NGO, ,'O NA NI DE NI ZHES BYA BA NI MA RIG PA TSUL BZHIN MA YIN PA YID LA BYED PA LAS SKYES PA NYID DANG, TSUL BZHIN MA YIN PA YID LA BYED PA GTI MUG LAS SKYES PA NYID DO, ,GZHAN DU GSUNGS PAS ZHES BYA BA NI MDO GZHAN @293B DU'O; ,'DIR BRJOD PAR BYA DGOS SO ZHES BYA BA NI RTEN CING 'BREL PAR 'BYUNG BA'I MDOR RO, ,SLOB DPON DPAL LEN GYIS SMRAS PA, BRJOD PAR BYA MI DGOS SO, ,CI'I PHYIR ZHE NA, 'DIR YANG GO BA'I PHYIR RO, ,'DIR YANG GO BA ZHES BYA BA NI MI SRID DO SNYAM NAS 'DRI BA NI, MA BRJOD BZHIN DU JI LTAR GO ZHES BYA BA'O RIGS PA LAS SO ZHES BYA BA LA, MA SMRAS PA KHO NA GO BA 'BA' ZHIG TU MA ZAD KYI, GANG ZHIG RIGS PA LAS GO BA DE YANG GO BA YIN NO SNYAM DU BSAMS PA'O, ,RIGS PA GANG GIS ZHES BYA BA LA, 'DIR MA RIG PA DANG TSUL BZHIN MA YIN PA YID LA BYED PA GNYIS PHAN TSUN GYI RGYU LAS BYUNG BAR GO BAR 'GYUR ZHES BYA BAR SBYAR RO, ,DGRA BCOM PA RNAMS KYI TSOR BA MA RIG PA MED PA NI ZHES BYA BA 'BYUNG STE, DGRA BCOM PA RNAMS KYI CHOR BA MA RIG PA DANG MTSUNGS PAR MI LDAN PA NI SRED PA'I RKYEN MA YIN TE, 'DIS NI TSOR BA'I DUS NA MA RIG PA YOD DO ZHES BSTAN TO, ,PHYIN CI LOG MED PA'I REG PA YANG ZHES BYA BA NI NYON MONGS PA CAN MA YIN PA STE, DGRA BCOM PA RNAMS KYI NYON MONGS PA CAN GYI TSOR BA'I RKYEN MA YIN NO ZHES SKABS DANG SPYAR RO, ,DE LTAR NA REG PA'I DUS NA NYON MONGS PA CAN GYI TSOR BA'I RKYEN TSUL BZHIN MA YIN PA YID LA BYED PA YOD DO ZHES BYA BAR SHES PAR BYAS PAR 'GYUR RO, ,DE LTA NA NI HA CANG THAL BAR 'GYUR TE ZHES BYA BA RGYAS PAR 'BYUNG BA LA, MDO GZHAN LAS MA RIG PA'I 'DUS TE REG PA LAS BYUNG BA'I TSOR BA LA BRTEN NAS SRED PA SKYES SO ZHES BYA BA BSTAN LA; DGRA BCOM BA MA RIG PA MED PA'I TSOR BA YANG SRED PA'I RKYEN MA YIN ZHING, PHYIN CI LOG MED PA'I REG PA YANG NYON MONGS PA CAN GYI TSOR BA'I RKYEN MA YIN NO ZHES DE SKAD BRJOD PA NA'O, ,JI SNYED RIGS PAS 'THAD PA ZHES BYA BA LA, JI LTAR ZHE NA, MDO GZHAN LAS DE BSOD NAMS MNGON PAR 'DU BYED PA DAG MNGON PAR 'DU BYED NA BSOD NAMS SU NYE BAR 'GRO BA'I RNAM PAR SHES PAR 'GYUR RO ZHES RGYAS PAR GSUNGS LA, DGRA BCOM PA'I MA RIG PA MED PA'I 'DU BYED LA NI BSOD NAMS SU NYE BAR 'GRO BA'I RNAM PAR SHES PA YOD PA YANG @294A *, ,MA YIN TE, DE LTAR NA 'DIR YANG MA RIG PA'I RKYEN CAN GYI 'DU BYED YOD BZHIN DU RIGS PAS 'DIR 'DU BYED KYI YAN LAG TU BRJOD PAR MI BYA'O, ,YANG NA RIGS PA NI DGRA BCOM PA MA RIG PA MED PA LA 'DU BYED MED PAS 'DU BYED SMOS PA KHO NAS MA RIG PA BSHAD DO ZHES BYA BA STE, YAN LAG THAMS CAD LA YANG DE BZHIN DU BRJOD PAR BYA'O, ,DA LTAR NA RGA SHI'I YAN LAG BSTAN PA TZAM NYID DU THAL BAR 'GYUR RO, ,'DI NI KLAN KAR MI RUNG BA KHO NA YIN LA ZHES BYA BA NI MDO MDZAD PA'I GZHUNG LUGS SO, ,MA TSANG BAR BSTAN PA YANG MA YIN NO ZHES BYA BA LA, 'KHOR BA THOG MA DANG THA MA DANG LDAN PA NYID DU MI 'DOD KYANG, 'DIR NYING MTSAMS SBYOR BA GNYIS BRJOD PAR 'DOD PA'I PHYIR LA, DE YANG DE TZAM GYIS BSTAN PA'I PHYIR SNYAM DU BSAMS PA'O, ,BSAM PA MA RTOGS PAS 'DRI BA NI, CI'I PHYIR ZHE NA ZHES BYA BA'O, ,'DIR NI 'JIG RTEN PHA ROL NAS ZHES BYA BAS NI RGYAS PAR BSAMS PA GSAL BAR BYED PA'O, ,YANG TSUL GANG GIS SHE NA, 'DI NI, SNGON DANG PHYI MTHA' BAR DAG LA, ,ZHES BYA BA LA SOGS PA SNGAR BSHAD ZIN TO, ,DE LA MA RIG PA DANG 'DU BYED DAG GIS NI RNAM PAR SHES PA LA SOGS PA TSOR BA LA THUG PA 'JIG RTEN 'DI SBREL BAR BYED LA, SRED PA DANG LEN PA DANG SRID PA RNAMS KYIS NI SKYE BA DANG RGA SHI'I BDAG NYID CAN 'JIG RTEN PHA ROL SBREL BAR BYED DO, ,MA RIG PA'I RGYU DANG RGA SHI'I 'BRAS BU NI 'JIG RTEN 'DI YANG MA YIN ZHING, 'JIG RTEN PHA ROL YANG MA YIN LA, DON GNYIS KYI RGYU YANG MA YIN PAS 'DIR MA GSUNGS SO, ,GNYIS KA YANG ZHES BYA BA NI RTEN CING 'BREL PAR 'BYUNG BA DANG, RTEN CING 'BREL PAR 'BYUNG BA'I CHOS RNAMS SO, ,'DUS BYAS KYI CHOS THAMS CAD CES BYA BA NI DUS GSUM PA RNAMS SA, ,DA NI JI LTAR MA 'ONGS PA MA BYUNG BA RNAMS ZHES BYA BA LA SOGS PA 'BYUNG NGO, ,RE ZHIG MA 'ONGS PA MA BYAS PA RNAMS ZHES BYA BA RGYAS PAR 'BYUNG STE, RGYU DANG RKYEN RNAMS 'DUS SHING TSOGS NAS BYAS @294B PAS NA 'DUS BYAS YIN LA, MA 'ONGS PA NI BYAS PA MA YIN MOD KYI 'ON KYANG 'DUS BYAS SU BRJOD PA DE BZHIN DU, MA 'ONGS PA MA BYUNG BA RNAMS KYANG RTEN CING 'BREL PAR 'BYUNG BA ZHES BYA BA'O, ,YANG DE DAG MA BYAS NA JI LTAR 'DUS BYAS ZHES BYA ZHE NA, DE'I PHYIR MNGON PAR 'DU BYED PA'I ZHES BYA BA SMOS TE, 'DI LTA BU DANG 'DI LTA BUR GYUR CIG SNYAM DU MNGON PAR 'DU BYED PA'I NGO BO CAN 'BRAS BU MNGON PAR SGRUB PAR BYED PA'I SEMS PAS SO, ,BSAM PA'I PHYIR RO ZHES BYA BA NI LHAR 'GYUR BAR BYA'O, ,MIR 'GYUR BAR BYA'O SNYAM PA DE LTA BU LA SOGS PAR MNOS PA'I PHYIR RO, ,KHA CIG NA RE MNGON PAR 'DU BYED PA PA ZHES BYA BA NI RNAM PAR SMIN PA'I 'BRAS BU MNGON PAR 'DU BYED PA'I PHYIR NA MNGON PAR 'DU BYED PA STE, THAMS CAD 'TSOG CHAS DANG BCAS PA'I LUS 'DOD PAS YUL RNAMS KYANG DES BSAMS PA NYID DU 'GYUR TE, DE'I PHYIR YUL RNAMS KYANG 'DUS BYAS NYID DU MI 'GAL LO ZHES ZER RO, ,SRED PA'I GZHI MA YIN PA NYID KYIS 'JUG PA DANG 'GAL BA'I PHYIR 'DRI BA NI, ZAG PA MED PA RNAMS JI LTAR ZHES BYA BA STE, RNAM PAR SMIN PA MA YIN PA'I PHYIR RO, ,THOB PAR BYA BA'I PHYIR ZHES BYA BA NI BDAG GIS ZAG PA MED PA'I CHOS RNAMS THOB PAR GYUR CIG SNYAM DU'O, ,MYA NGAN LAS 'DAS PA LA YANG THAL BAR 'GYUR RO ZHES BYA BA NI 'DUS BYAS NYID DU ZHES BYA BAR SBYAR TE, DE YANG DGE BA NYID KYIS THOB PAR BYA BA'I PHYIR SEMS PAS BSAMS PA YIN NO, ,DE DANG RIGS MTHUN PA'I PHYIR ZHES BYA BA NI MA 'ONGS PA RNAMS 'DUS BYAS NYID DANG RTEN CING 'BREL PAR 'BYUNG BA NYID KYI DBANG DU BYAS NAS LAN SMRAS PA'O, ,'DUS BYAS DANG RIGS MTHUN PA'I PHYIR DANG RTEN CING 'BREL PAR 'BYUNG BA DANG RIGS MTHUN PA'I PHYIR MA BYAS PA DANG MA BYUNG BA RNAMS LA YANG 'DUS BYAS DANG RTEN CING 'BREL PAR 'BYUNG BA ZHES DE LTAR MTHUN PAR BSGRES PA YIN NO, ,'DIR 'DAS PA DANG DA LTAR BYUNG BA DAG LA NI 'DUS BYAS DANG RTEN CING 'BRAL PAR 'BYUNG BA ZHES BYA BA'I DNGOS KYI SGRA YIN LA, MA 'ONGS PA LA NI BRTAGS PA YIN NO ZHES SHES PAR BYAS PAR 'GYUR RO, , @295A *, ,'DI NYID LA DPE NI DPAR NA RE ZHIG GZUGS SU MI RUNG YANG ZHES BYA BA RGYAS PAR 'BYUNG BA STE, GZUGS SU RUNG BA ZHES BYA BA'I SGRA NI BYA BA'I RGYU MTSAN CAN 'DI DE DANG RIGS MTHUN PA'I PHYIR MA 'ONGS PA'I GZUGS RGYU MTSAN MED PA LA YANG MI 'GAL BA DE BZHIN DU 'DIR YANG MI 'GAL LO ZHES BYA BAR STON TO, ,RGYU DANG 'BRAS BU DANG, PHA DANG BU BZHIN NO ZHES BYA BA LA, JI LTAR SA BON DE NYID RGYU LA LTOS TE 'BRAS BU YIN ZHING, 'BRAS BU LA LTOS NAS RGYU ZHES BYA BAR BRJOD PA DANG, DE NYID BU LA LTOS NAS PHA YIN LA, PHA LA LTOS NAS BUR BRJOD PA DE BZHIN DU, YAN LAG DE NYID 'BRAS BU LA LTOS NAS RTEN CING 'BREL PAR 'BYUNG BA YIN LA, RGYU LA LTOS NAS RTEN CING 'BREL PAR 'BYUNG BA ZHES BYA STE, DE LTA NA RNAM PAR GZHAG PA 'JIG PA MED DO, ,GNAS BRTAN BSAM RDZOGS NA RI ZHES BYA BA RGYAS PAR 'BYUNG STE, GNAS BRTAN BSAM RDZOGS KYI BSAM PA NI, JI LTAR RGYU LAS GRUB PA DE LTAR RTEN CING 'BREL PAR 'BYUNG BA RNAMS YIN LA, JI LTAR GZHAN DAG GI RGYUR GYUR PA DE LTAR RTEN CING 'BREL PAR 'BYUNG BA'O ZHES BYA BA 'DI YIN PAR SNANG NGO, ,DE LTAR BSHAD NA MU DANG PO NI CHOS MA 'ONGS PA RNAMS TE, MA SKYES PA'I PHYIR NA RTEN CING 'BREL PAR 'BYUNG BA MA YIN LA, GZHAN DAG GI RGYUR GYUR PA'I PHYIR NA RTEN CING 'BREL PAR 'BYUNG BA'O, ,GNYIS PA NI DGRA BCOM PA'I THA MA RNAMS TE, SKYES PA'I PHYIR RO, ,'DI LTAR DGRA BCOM PA'I THA MA 'DAS PA 'AM DA LTAR BA DAG LAS CHOS GZHAN DAG 'BYUNG BA NI MA YIN NO, ,GSUM PA NI DE LAS GZHAN PA ZHES BYA BA NI DGRA BCOM PA'I THA MA DAG LAS GZHAN PA'I CHOS 'DAS PA DANG DA LTAR BYUNG BA RNAMS TE, DE DAG NI SKYES PA'I PHYIR DANG, GZHAN DAG GI RGYUR GYUR PA'I PHYIR GNYIS KA LTAR YIN NO, ,BZHI PA NI CHOS 'DUS MA BYAS RNAMS SO ZHES BYA BA LA, DE DAG NI MA SKYES PA'I PHYIR DANG RGYU MA YIN PA'I PHYIR GNYIS KA MA YIN GYI, RGYU YIN PA'I PHYIR 'DUS MA BYAS KYANG RTEN CING 'BREL PAR 'BYUNG BA NI MA YIN TE, DE @295B LA RGYU'I MTSAN NYID MA TSANG BA'I PHYIR RO, ,YANG RGYU'I MTSAN NYID GANG ZHIG CE NA, 'DI YOD NA 'DI 'BYUNG, 'DI SKYES PAS 'DI SKYE, 'DI MED NA 'DI MI 'BYUNG 'DI 'GAGS PAS 'DI 'GAG CES PA'O, ,DE LA 'DUS MA BYAS YOD NA DNGOS PO RNAMS 'BYUNG MOD KYI, DE NI SKYE BA MA YIN LA, DE MED NA MED PA DANG, DE 'GAGS PAS 'GAG PA YANG MI 'THAD DO, ,SKYE BA DANG 'GAG PA DANG BRAL BA'I PHYIR RO, ,GRAG GO ZHES BYA BA'I SGRA NI MI SRID DO, ,CI 'DI DAG GANG ZHIG GANG 'DOD PA ZHES BYA BA NI RTEN CING 'BREL PAR 'BYUNG BA GNAS SKABS PA YIN PA DANG; RTEN CING 'BREL PAR 'BYUNG BA YIN LA, RTEN CING 'BREL PAR 'BYUNG BA'I CHOS MA YIN PA YANG YOD DE ZHES BYA BA LA SOGS PA'O, ,MDO LAS NI ZHES BYA BA LA, MDO LAS NI MA RIG PA GANG ZHES DRI BA BYAS NAS PHUNG PO LNGA'O ZHES DE SKAD DU MA BSTAN TO, ,'O NA CI ZHE NA GZHAN DU'O; ,SNGON GYI MTHA' MI SHES PA GANG YIN PA'O ZHES BYA BA RGYAS PAR 'BYUNG NGO, ,NGES PA'I DON GANG YIN PA ZHES BYA BA LA, GANG ZHIG GI DON BCOM LDAN 'DAS NYID KYIS RMA BA MDZAD NAS RNAM PAR PHYE BA DE'I DON NI DE NYID YIN GYI, GZHAN MA YIN PAS DE NI YANG DRANG BA'I DON DU MI 'GYUR RO, ,BSTAN PA'I SGO NAS THAMS CAD CES BYA BA LA, BSTAN PA'I RNAM PAR PHYE BA'O, ,GTZO BO JI LTA BAR STON PA STE, RNAM PAR DBYE BAR YANG MDZAD PAS BSTAN PA NI NGES PA'I DON DU MI 'GYUR RO, ,DE NYID LA DPE NI DPAR NA GLANG PO CHE'I RJES LTA BU LAS ZHES BYA BA LA SOGS PA SMOS SO, ,DE DAG LA NI ZHES BYA BA RGYAS PAR 'BYUNG STE, SKRA LA SOGS PA DE DAG LA NI SA'I KHAMS 'BA' ZHIG TU MA ZAD KYI, GZUGS DANG DRI DANG RO LA SOGS PA 'BYUNG BA LAS GYUR PA THA MI DAD PAR 'JUG PA BZHIN DAG KYANG YOD DE, DE LA 'JUG PA SHAS CHES BAS GTZO BO YIN PA'I PHYIR SKRA LA SOGS PA DE DAG GIS SA'I KHAMS BSTAN TO, ,DE BZHIN DU 'DIR YANG ZHES BYA BA RGYAS PAR 'BYUNG STE, BCU GNYIS DANG LDAN PA'I PHUNG PO LNGA PO GNAS SKABS DAG TU YANG GTZO BO GANG YIN PA DE BSTAN TO, ,DE LTAR NA GZUGS DANG TSOR BA LA SOGS @296A *, ,PA'I CHOS GZHAN DAG YOD KYANG MA RIG PA GTZO BOR GYUR PA'I GNAS SKABS SU MA RIG PA BSTAN PAR 'GYUR RO, ,DE BZHIN DU 'DU BYED LA SOGS PA DAG LA YANG BRJOD PAR BYA'O, ,'DI NI DPE MA YIN TE ZHES BYA BA LA, DPE MA YIN PA NI DPE DANG DON MTSAN NYID MI MTHUN PA'O, ,MTSAN NYID MI MTHUN PA NYID BSTAN PA'I PHYIR DE LAS NI ZHES BYA BA RGYAS PAR SMOS TE, GLANG PO CHE'I RJES LTA BU'I MDO DE LAS NI DE LA GZUGS SA LA SOGS PA GZHAN DAG KYANG YOD PAS GANG GIS NA SKRA LA SOGS PA DE DAG MA RDZOGS PAR BSTAN PAR 'GYUR BA, SGRA LA SOGS PA DAG GANG ZHE NA, SA'I KHAMS SO ZHES DE SKAD MA BRJOD KYI, 'ON KYANG DE LAS SA'I KHAMS GANG ZHE NA SKRA DANG SBU ZHES RGYAS PAR SKRA LA SOGS PA DAG KHO NAS SA'I KHAMS BSTAN TO, ,SKRA LA SOGS PA MA GTOGS PAR ZHES BYA BA STE, 'DAS PAR SA'I KHAMS TE NANG GI BDAG NYID CAN MED PAS 'DI ZHES BYA BA STE SA'I KHAMS RDZOGS PAR BSTAN PA KHO NA YIN NO, ,DE BZHIN DU 'DI LAS KYANG ZHES BYA BA LA RTEN CING 'BREL PAR 'BYUNG BA'I MDO LAS KYANG MA RIG PA LA SOGS PA RNAMS YONGS SU RDZOGS PA KHO NAR BSTAN GYI, LHAG MA DANG BCAS PAR NI MA YIN TE, 'DI LTAR SNGON GYI MTHA' LA SOGS PA DAG LA MA GTOGS PAR MA RIG PA GZHAN YOD PA MA YIN NO, ,DE BZHIN DU 'DU BYED LA SOGS PA DAG LA YANG BRJOD PAR BYA'O, ,YANG NA GAL TE DE KHO NA DANG 'DRA BAR BSTAN PAR NUS NA ZHES BYA BA LA, JI LTAR SA'I KHAMS MA BSTAN PA'I PHYIR MCHI MA DANG, RDUL DANG, MCHIL MA DANG, SNA BAS LA SOGS PA DAG LA LHAG MA YOD PA DE KHO NA DANG 'DRA BAR BSTAN PAR NU SA NA NI MA RIG PA'I LHAG MA YOD LA RAG NA, BSTAN PAR NUS PA MA YIN NO SNYAM DU BSAMS TE, GAL TE ZHES BYA BA'I SGRA SBYAR RO, ,GAL TE PHUNG PO LNGA PA'I RGYUN LA MA RIG PA GZHAN MED MOD KYANG GZUGS LA SOGS PA DAG NI YOD DO ZHE NA, DE'I PHYIR RIGS THA DAD PA NI ZHES BYA BA RGYAS PAR SMOS TE, GZUGS DANG TSOR BA LA SOGS PA RNAMS @296B NI MA RIG PA NYID DU MI RIGS SO, ,GANG ZHIG YOD DAM MED NA ZHES BYA BA RGYAS PAR 'BYUNG STE, MA RIG PA NYID YOD DAM MED NA 'DU BYED RNAMS YOD PA DANG MED PAR NGES KYI, PHUNG PO GZHAN DAG NI MA YIN PAS DE NYID YAN LAG YIN NO, ,DE BZHIN DU 'DU BYED LA SOGS PA DAG LA YANG BRJOD PAR BYA'O, ,'DI LTAR PHUNG PO LNGA YOD KYANG MA RIG PA DANG BCAS PA RNAMS KHO NA LA 'DU BYED YOD KYI, MA RIG PA MED PA RNAMS LA NI MA YIN TE, DPER NA DGRA BCOM PA RNAMS LA PHUNG PO LNGA YOD KYANG BSOD NAMS DANG BSOD NAMS MA YIN PA DANG MI G-YO BAR 'GRO BA'I RNAM PAR SHES PA YOD PA MA YIN PA BZHIN TE, NYING MTSAMS SBYOR BA'I RNAM PAR SHES PA MED CES BYA BA'I DON TO, ,SKYE BAR NYE BAR 'GRO BAS NA NYE BAR 'GRO BA'O, ,BSOD NAMS KYI NYE BAR 'GRO BA NI BSOD NAMS SU NYE BAR 'GRO BA'O, ,BSOD NAMS MA YIN PA NYE BAR 'GRO BA DANG; MI G-YO BAR NYE BA RA 'GRO BA YANG DE DANG 'DRA BAR BLTA BAR BYA'O, ,SRED PA LA SOGS PA YANG ZHES BYA BA LA, MA RIG PA MED PA RNAMS LA PHUNG PO LNGA YOD KYANG TSOR BA NYON MONGS PA CAN MED PAS SRED PA MED LA, DE MED PAS LEN PA LA SOGS PA RNAMS KYANG MED DO, ,MDO'I DON JI SKAD BSTAN PA KHO NA YIN NO ZHES BYA BA LA, MA RIG PA GANG ZHE NA ZHES BYA BA NAS BRTZAMS TE, SNGON GYI MTHA' MI SHES PA GANG YIN PA'O ZHES BYA BA LA SOGS PA'O, ,DE BZHIN DU YAN LAG THAMS CAD LA YANG BRJOD PAR BYA'O, ,GANG GI PHYIR JI SKAD BSTAN PA KHO NA'I MDO'I DON YIN PA DE'I PHYIR PHUNG PO GZHAN DAG YOD KYANG 'DU BYED LA SOGS PA'I RKYEN MA YIN NO, ,DE LA YANG CHOS MA 'ONGS PA RNAMS ZHES BYA BA RGYAS PAR 'BYUNG STE, CHOS MA 'ONGS PA RNAMS NI RTEN CING 'BREL PAR 'BYUNG BA YIN GYI, RTEN CING 'BREL PAR 'BYUNG BA NI MA YIN NO ZHES SMRAS PA, DE LTA NI MDO DANG 'GAL LO, ,JI LTAR ZHE NA, RTEN CING 'BREL PAR 'BYUNG BA'I CHOS RNAMS GANG ZHE NA, MA RIG PA NAS RGA SHI'I BAR YIN NO ZHES BYA BA'O, ,YANG NA SKYE BA DANG RGA SHI'I YAN LAG DAG MA 'ONG PA'I DUS SU RNAM PAR GZHAG PAR MI 'DOD PAR BYA DGOS SO,, @297A *, ,GAL TE CHOS MA 'ONGS PA RNAMS RTEN CING 'BREL PAR 'BYUNG BA MA YIN NA, DE LAS CING 'GYUR ZHE NA, DE'I PHYIR CHA GSUM DU ZHES BYA BA SMOS TE, SNGON DANG PHYI MTHAR GNYIS GNYIS DANG, ,BAR DU BRGYAD CES BYA BA'O, ,SDE PA GZHAN DAG CES BYA BA NI, 'PHAGS PA SA STON PA'I SDE LA SOGS PA DAG GO, ,DE DAG DE LTAR RTOG PA GA LAS SHE NA, SANGS RGYAS KYI MDO LAS DGE SLONG DAG RTEN CING 'BREL PAR 'BYUNG BA NI BDAG GI SA MA BYAS, GZHAN GYIS KYANG MA BYAS TE, 'ON KYANG DE BZHIN GSHEGS PA RNAMS BYUNG YANG RUNG, MA BYUNG YANG RUNG, CHOS NYID 'DI NI GNAS PA KHO NA'O ZHES RGYAS PAR GSUNGS PA'I PHYIR RO, ,DNGOS PO GZHAN RTAG PA CUNG ZAD CIG YOD DO ZHES BYA BA NI MA RIG PA LA SOGS PA RNAMS LAS SO SOR BRTAGS PA MA YIN PA'I 'GOG PA LTAR RTAG PA ZHIG YOD DO ZHES BYA'O, ,'BYUNG BA NI 'DUS BYAS KYI MTSAN NYID YIN PA'I PHYIR RO ZHES BYA BA NI GSUM PO 'DI DAG NI 'DUS BYAS KYI MTSAN NYID DE, 'DUS BYAS SKYE BAR YANG MNGON ZHES RGYAS PAR 'BYUNG BA'O, ,DNGOS PO GZHAN RTAG PA NI ZHES BYA BA LA SOGS PA LA, GANG ZHIG GANG MED PAR MI 'BYUNG BA DE NI DE'I MTSAN NYID YIN LA, 'BYUNG BA NI RTAG PA'I PHYIR DNGOS PO MED PAR YANG DNGOS PO SNGA NAS MED PA DANG ZHIG NAS MED PA'I GNAS SKABS NA YOD PA YIN PAS DE'I DNGOS PO'I MTSAN NYID DU MI RUNG NGO, ,YANG NA NAM MKHA' LA SOGS PA BZHIN DU DUS SU MA GTOGS PA'I PHYIR NA DUS SU MA GTOGS PA DUS SU GTOGS PA'I MTSAN NYID DU MI RIGS SO, ,'BYUNG BA ZHES BYA BA NI SKYE BA YIN PA'I PHYIR ZHES BYA BA LA, DE NI MDO SDE PA'I TSUL DU MA BYUNG BA LAS BYUNG BA'I MTSAN NYID CAN YIN LA, BYE BRAG TU SMRA BA RNAMS KYI LTAR NA DE BYED PA YIN NA, DE LA NI JI LTAR 'GRO BA PO DANG 'GRO BA DANG, 'BRAS CHAN DANG CHOS PA LTAR MA RIG PA LA SOGS PA RNAMS DANG BYED PA PO DANG BYA BA'I MTSAN NYID KYI 'BREL PA YOD PA YIN NO, ,DE LTAR NA MA RIG PA LA SOGS PA DAG GI 'BYUNG BA @297B ZHES 'BREL PAR GYUR NA, RTEN CING 'BREL PAR 'BYUNG BRTAG PA'I DBANG DU BYAS TE, 'DI NI MA RIG PA LA SOGS PA DANG CI ZHIG 'BREL ZHES BYA BA RGYAS PAR BRJOD DE, ,BYA BA DANG BYED PA'I MTSAN NYID KYI 'BREL PA MED PA'I PHYIR RO, ,YANG NA 'BYUNG BA ZHES BYA BA NI SKYE BA YIN PA'I PHYIR; GANG LAS DE DAG GI RTEN CING 'BREL PAR 'BYUNG BA ZHES BYA BAR BRJOD PAR 'GYUR BA, KHYED CAG GIS YONGS SU BRTAGS PA'I SKYE BA DUS SU MA GTOGS PA 'DI MA RIG PA LA SOGS PA DUS SU GTOGS PA DAG DANG CI ZHIG 'BREL, ,RTAG PA ZHES KYANG BYA LA ZHES BYA BRGYAS PAR 'BYUNG BA LA, RKYEN DANG PHRAD NAS 'BYUNG BA NI RTEN CING 'BREL PAR 'BYUNG BA'O ZHES BYA BA NI SGRA BYE BRAG TU BSHAD PA YIN NO, ,DE'I PHYIR TSIG GI DON NUS PA MED PAR 'GYUR TE, JI LTAR NA RKYEN DANG PHRAD DE 'BYUNG BA YANG YIN LA, RTAG PA YANG YIN, DE NYID KYI PHYIR RTAG PA ZHES KYANG BYA, RTEN CING 'BREL PAR 'BYUNG BA ZHES KYANG BYA ZHES BYA BA SMOS TE, 'DI NI 'GAL LO, ,GZHAN YANG MA RIG PA LA SOGS PA DAG LAS GZHAN NAM, GZHAN MA YIN PA'AM, DE DAG LA BRTEN NAS YIN GRANG NA, RNAM PA THAMS CAD DU MI RIGS TE, RANG GI NGO BO NGES PAR MA ZIN PA'I PHYIR DANG, DU MA NYID DU MI RTAG PA NYID KYIS NYES PAR 'GYUR BA'I PHYIR RO, ,GZHAN YANG RTEN CING 'BREL PAR 'BYUNG BA BSTAN PA NI RTAG PA DANG CHAD PAR SMRA BA DGAG PA'I PHYIR YIN TE, DE SKAD DU YANG, GANG PHYIR DNGOS PO 'JUG 'GYUR BA, ,DES NA CHAD PAR MI 'GYUR RO, ,GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO, ,ZHES BSHAD NA, GAL TE RTEN CING 'BREL PAR 'BYUNG BA BRTAGS PA YIN NA NI, JI LTAR RTAG PAR SMRA BA BKAG PAR 'GYUR, MDO'I DON SGRA JI BZHIN DU BRTAGS NA NI, DGE SLONG DAG NGAS LAM RNYING PA SHUL RNYING PA, GSHEGS SHUL RNYING PA SNGON GYI DRANG SRONG DAG GIS GSHEGS SHING RJES SU GSHEGS PA THUGS SU CHUD DO ZHES GSUNGS PA'I PHYIR LAM YANG 'DUS MA BYAS NYID DU THAL BAR 'GYUR NA, YANG DAG PA'I LTA BA LA SOGS PA LAM RNAMS @298A *, ,NI 'DUS MA BYAS NYID DU RIGS PA YANG MA YIN LA, DE DAG LAS MA GTOGS PA'I LAM GZHAN YANG MED DO, ,RTEN CING 'BREL PA NI PHRAD PA'I DON TO ZHES BYA BA LA, RTEN CING 'BREL PA ZHES BYA BA'I NYE BAR BSGYUR BA NI PHRAD PA'I DON TO, ,AIN NI 'GRO BA'O ZHES BYA BA'I SKAD KYI BYINGS DE NI 'GRO BA'I DON TO, ,NYE BAR BSGYUR BA'I DBANG GIS ZHES BYA BA LA, AIN GYI SKAD KYI BYINGS 'GRO BA'I DON KHYAD DU BSAD NAS NYE BAR BSGYUR BRTEN CING 'BREL PA'I DON YONGS SU GZUNG BAS SKAD KYI BYINGS KYI DON YONGS SU BSGYUR BA YIN TE, DE'I PHRAD NAS ZHES BYA BA'I DON GANG YIN PA DE NI RTEN CING 'BREL TE ZHES BYA BA'I DON YIN NO, ,RE ZHIG 'DI NI RTEN CING 'BREL TE ZHES BYA BA'I SGRA'I DON YIN NO, ,DA NI 'BREL PA NI 'BYUNG BA'I DON BYE BRAG TU BSHAD PA'I PHYIR, PA TA NI YOD PA'I DON TO ZHES BYA BA SMOS SO,, PA TA NI YOD PA'O ZHES PA TA'I SKAD KYI BYINGS NI YOD PA'I DON YIN NO, ,SAM DANG AUD GONG NA YOD NA ZHES BYA BA LA, SAM GONG NA YOD PA DANG, AUD GONG NA YOD PA'I PA TA NI 'BYUNG BA'I DON TE, NYE BAR BSGYUR BA'I DBANG GIS SKAD KYI BYINGS KYI DON YONGS SU BSGYUR BA'I PHYIR RO, , DE LTAR NA BYUNG BA NI RAB TU SKYE BA'O ZHES BYA BAR BSTAN PAR 'GYUR RO, ,DES NA ZHES BYA BA NI DE'I PHYIR ZHES BYA BA'I DON TO, ,CI ZHE NA, RKYEN DANG PHRAD NAS ZHES BYA BA RGYAS PAR 'BYUNG NGO, ,BYED PA PO GCIG GI ZHES BYA BA LA, GCIG SMOS PA NI DPER NA LHA SBYIN KHRUS BYAS NAS MCHOD SBYIN ZA'O ZHES BYA BA LTAR BYED PA PO THA DAD PA DAG GIS DUS SNGA MA LA DE'I RKYEN MA YIN NO ZHES SHES PAR BYA BA'I PHYIR RO, ,DUS SNGAR ZHES BYA BA LA, CI'I PHYIR ZHE NA, DPER NA 'DON TO 'GRO'O ZHES BYA BA LTA BU DANG, DE BZHIN DU KHRUS BYAS LA BZA'O ZHES BYA BA 'DIR ZOS TE KHRUS BYA'O ZHES BYA BAR NAM YANG MI 'GYUR BA LTAR, DUS MTSUNGS BA'I BYA BA DAG DANG, PHYIS KYI DUS LA DE'I RKYEN YIN PA DGAG PAR BYA BA'I PHYIR YIN NA, 'DIR NI 'BYUNG BA'I SNGA ROL NA 'BYUNG BA PO MED PAS PHRAD PA DANG 'BYUNG BA'I BYA BA DAG BYED PA PO MTSUNGS PA @298B NYID MI SRID PA SA TE ZHES BYA BA'I RKYEN MI RIGS SO, ,DE'I PHYIR RKYEN DANG PHRAD NAS 'BYUNG BA NI RTEN CING 'BREL PAR 'BYUNG BA'O ZHES BYA BA'I TSIG GI DON 'DI MI RIGS SO, ,DE NYID BSTAN PA'I PHYIR SNGAR PHRAD NAS ZHES BYA BA RGYAS PAR SMOS SO, ,DE LTAR NA RE ZHIG BYED PA PO MTSUNGS PA NYID MI SRID PAS RTEN CING 'BREL TE ZHES BYA BA'I TE'I RKYEN MI RIGS SO, ,DA NI DUS SNGAR GYI BYA BA MED PAS TE'I RKYEN MI SRID PAR BSTAN PA'I PHYIR BYED PA PO MED PA'I BYA BA YANG MED DO ZHES BYA BA SMOS TE, 'GRO BA PO MED PAR NI 'GRO BA'I BYA BA MA MTHONG NGO, ,'DIR SMRAS PA ZHES BYA BA NI SLOB DPON NYID BRDA SPRAD PA'I BRGAL BA LA BSDU BA'I CHIGS SU BCAD PA BYED PA'O, ,GAL TE 'BYUNG SNGON PHRAD NAS YIN, ,ZHES BYA BA RGYAS PAR 'BYUNG BA LA, 'DI SKAD BSTAN PAR 'GYUR TE, GAL TE RE ZHIG 'DI 'BYUNG BA'I SNGA ROL DU RKYEN DANG PHRAD NA NI MA SKYES PA'I PHYIR PHRAD DO ZHES BYA BA MI RIGS TE, MA SKYES PA'I 'DOD PA'AM 'GRO BA MA YIN NO, ,CI STE GANG GI TSE 'BYUNG BA DE'I TSE KHO NAR RKYEN DANG PHRAD KYI, SNGAR NI MA YIN NO ZHE NA, DE LTA NA YANG 'DIR TE'I RKYEN MI 'GRUB PO, ,CI'I PHYIR ZHE NA, SNGON GYI DUS SU BYED PA'I PHYIR TE, BYED PA PO GCIG GI BYA BA GNYIS LAS SNGON GYI DUS LA TE'I RKYEN BYED KYI, DUS MNYAM PA LA NI MA YIN NO, ,GAL TE DA LTA'I ZHIG YIN NA NI, SKYE BA MED PAR DE DA LTAR BA NYID DU RUNG STE, DE LTA MA YIN NA MA 'ONGS PA MED PAR THAL PAR 'GYUR RO, ,DE'I PHYIR DA LTAR BA NI SKYES PA DANG MA 'GAGS PA'I SGO NAS 'DAS PA DANG MA 'ONGS PA LAS KHYAD PAR DU 'PHAGS PA YIN NO, ,DE NYID KYI PHYIR GAL TE MA SKYES NA JI LTAR DA LTAR YIN ZHES SMOS SO, ,'ON TE SKYES PA ZHIG CES BYA BA RGYAS PAR 'BYUNG STE, 'DI NI SKYES PAS YOD PA'I BDAG NYID RNYED PA YIN NA, 'DI LA GANG RNYED PAR BYA BA'I PHYIR YANG SKYE BAR 'GYUR BA YOD PA'I BDAG NYID MA RNYED PA GZHAN NI YOD PA MA YIN NO, ,DE'I PHYIR SKYES PA LA YANG SKYE BA MED DO, ,GAL TE BDAG NYID RNYED KYANG YANG SKYE BA NI THUG PA MED PA DANG LDAN PAR 'GYUR RO, ,CI STE MA 'ONGS PA ZHIG CES BYA BA @299A *, ,RGYAS PAR 'BYUNG BA LA, MA 'ONGS PA NI BDAG NYID MA RNYED PAS BRJOD DU MED PA YIN PA'I PHYIR GTAN MED PA DANG 'DRA BAR MED PA YIN ZHING, YOD PA MA YIN PA YANG SKYE BA'I BYED PA PO NYID DU MI RIGS LA, BYED PA MED PA'I SKYE BA'I BYA BA YANG MI RIGS SO; ,SKYE BA LA MNGON DU PHYOGS PA'I ZHES BYA BA NI SKYE BZHIN PA'I THAG RING BA'I GNAS SKABS BSAL BAR BYA BA'I PHYIR RO, ,'DI GANG GI TSE SKYE BZHIN PA YIN ZHE NA, SKAD CIG GANG DU 'DI'I RKYEN TSOGS PA DANG, GEGS MED PAR 'GYUR ZHING, DE'I MJUG THOGS SU SKYE BAR 'GYUR BA'O, ,GNAS SKABS DE KHO NA ZHES BYA BA RGYAS PAR 'BYUNG BA LA, JI LTAR GNAS SKABS GANG GI MJUG THOGS SU 'DI SKYE BA'I GNAS SKABS DER 'DI LA SKYE BZHIN PA ZHES BYA BA, DE BZHIN DU GNAS SKABS DE NYID LA RKYEN DAG GIS RGYU MTSAN DU GYUR PAS PHRAD NAS ZHES BRJOD DO, ,SKYE BZHIN PA NYID KYANG YOD PA MA YIN PA NYID KYI PHYIR RO, ,GANG ZHIG SNGAR PHRAD NAS DUS PHYIS SKYE BAR 'GYUR BA SKYE BA'I SNGA ROL NA NI 'GA' YANG YOD PA MA YIN NO, ,SGRA PA'I ZHES BYA BA LA, SGRA PA RNAMS KYI 'DI NI SGRA PA'I'O, ,JI LTAR RNAM PAR GZHAG PA MED PA NA, THA DAD PA MED KYANG BYA BA DANG BYED PA PO BSTAN PA'I PHYIR RO, ,'DI LA SKYE BO ZHES BYA BA'I DON LAS ZHES BYA BA LA, SKYE BA'I RANG GI NGO BO LAS BYUNG BA GZHAN DMIGS PA NI MA YIN NO, ,DE LTA BAS NA THA SNYAD DAG LA STE, 'BYUNG NGO SKYE'O BRTEN NAS SO ZHES BYA BA DE LTA BU DAG LA KLAN KA MED DO, ,'DI LTAR THA SNYAD DAG LA DON DAM PA MI BTZAL LO, ,'DIR BSHAD PA ZHES BYA BA NI BRGAL BA'I LAN GYI BSDU BA'I TSIGS SU BCAD PA'O, ,JI LTAR MED PA SKYE BA LTAR, ,ZHES BYA BA RGYAS PAR 'BYUNG STE, JI LTAR KHYED CAG GI LTAR NA MA SKYES PA'I PHYIR MED PA SKYE BA DE BZHIN DU MED PA PHRAD PAR YANG CI STE MI 'DOD, CI STE YOD PA BDAG NYID RNYED PA SKYE NA, DE LTA NA YANG SKYES ZIN PA SKYE BAS THUG PA MED PAR 'GYUR RO, ,CI STE YANG DE NYID SKYE BA YIN LA, SKYES ZIN PA'I PHYIR DE YANG @299B 'BYUNG BA MA YIN PAS THUG PA MED PA MED DO SNYAM NA, DE'I PHYIR 'ON TE SNGA NA YOD NA'ANG RUNG ZHES BYA BA SMOS TE, DE'I PHYIR SNGAR PHRAD NAS PHYIS SKYE BAR 'GYUR BA GANG YIN PA DE NI SKYE BA'I SNGON ROL NA 'GA' YANG MED LA ZHES BYA BA BRJOD PAR MI BYA'O, ,YANG NA MTSAMS SBYOR GYI 'DON PAS, 'ON TE SNGA NA YOD MIN NA'ANG, ,ZHES BYA BA 'BYUNG STE, CI STE THUG PA MED PAR 'GYUR NA MI RUNG BAS, YOD PA MA YIN PA NYID SKYE NA NI, DE'I PHYIR BYED PA PO MED PA'I BYA BA YANG KHAS BLANGS PAS, GNAS SKABS GANG SKYE BA'I GNAS SKABS DE NYID DANG PHRAD NAS ZHES BYA BA YIN NO ZHES GANG YIN PA'I SNGAR GYI PHYOGS DANG MI 'GAL LO, ,DE LTA NA DUS BYA BA DAG MNYAM PA'I PHYIR DE'I RKYEN MI 'THAD DO ZHES BYA BA'I BRGAL BA YONGS SU SPANG BA'I PHYIR TSIGS SU BCAD PA GZHAN, LHAN CIG PA LA'ANG DE YOD DE; ,ZHES BYA BA RGYAS PAR 'BYUNG NGO, ,MUN PA NI SNGAR MAR ME DANG PHRAD NAS PHYIS MED PAR 'GYUR BA MA YIN TE, MAR ME DANG MUN PA DAG NI LHAN CIG MI GNAS PA'I PHYIR RO, ,KHA GDANGS NAS NYAL BA YANG DE BZHIN TE, SNGAR KHA GDAGS SHING BGRAD PAR BYED LA, PHYIS NYAL BA NI MA YIN NO, ,CI STE SNGAR KHA GDANGS PAR BYED LA, PHYIS NYAL LO ZHE NA, GAL TE DE LTA NA BTZUMS PA LA, YANG CI'I PHYIR MA YIN, GANG GI TSE SNGAR GDANGS NAS PHYIS BTZUMS TE GNYID LOG PA DE'I CHE KHA GDANGS NAS NYAL ZHE CI STE MI BRJOD, ,DE'I PHYIR 'DIR NYAL BA DANG LHAN CIG TU 'JUG PA'I KHA GDANGS PA MNGON PAR 'DOD PAR SHES PAR BYA'O, ,DBYU GU KHROL ZER TE LTUNG NGO ZHES PHYIS KYI DUS LA YANG DE'I RKYEN DMIGS SO, ,SNGAR KHROL ZER TE PHYIR LTUNG BA NI MA YIN TE, SGRA NI MNGON PAR BRDABS PA'I RGYU LAS BYUNG BA'I PHYIR RO, ,GZHAN DAG NI ZHES BYA BA NI SLOB DPON DPAL LEN NO, ,RTEN CING 'BREL PA NI 'DOD PA'I DON TO ZHES BYA BA LA, ZLOS PA NI KHYAB PAR 'DOD PA STE, SNA TSOGS LA KHYAB PAR 'DOD PA NI ZLOS PA'I RTEN BRJOD PA SNA TSOGS PA THAMS CAD LA BYA BA DANG YON TAN DAG GIS CIG CAR KHYAB PAR 'DOD PA NI ZLOS PA @300A *, ,STE; DPER NA 'DIS GRONG RE RE LA SKUD PA BYIN NO ZHES BYA BA LTA BU'AM, GRONG RE RE ZHING NYAMS DGA'O ZHES BYA BA LTA BU'O, ,AI TI NI 'GRO BAR RUNG BA STE ZHES BYA BA NI CHAS PAR RO, ,AI TI NI 'GRO BA YIN NO ZHES BSTAN PA'I PHYIR MI SDOD PA'O ZHES BYA BA SMOS TE 'JIG PA'O ZHES BYA BA'I DON TO, ,AUD GONG NA YOD PA'I PA TA NI 'BYUNG BA'I DON TO ZHES BYA BA LA, SKAD KYI BYINGS 'GRO BA'I DON YIN YANG, NYE BAR BSGYUR BA'I DBANG GIS 'BYUNG BA'I DON DU YANG 'GYUR RO, ,TSOGS PA DE DANG DE NA 'GRO BAR RUNG BA ZHES BYA BAS NI RTEN CING 'BREL PA ZLOS PA'I DON NYID DU GSAL BAR BYED DO, ,'DUS NAS SKYE BA NI ZHES BYA BA LA, GCIG PU SKYE BA NI 'GA' YANG MED DE, LHAN CIG SKYE BAR NGES PA'I PHYIR RO, ,RE ZHIG GZUGS CAN NI, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD; ,CES BYA BA DE LTA BU LA SOGS PA'O, ,GZUGS CAN MA YIN PA NI, ,SEMS DANG SEMS BYUNG NGES LHAN CIG ,THAMS CAD 'DUS BYAS MTSAN NYID DANG, ,LHAN CIG SKYE'O ZHES BYA BA'O, ,RTOG PA 'DI NI KHO NA LA, ,ZHES BYA BA LA, RTEN CING 'BREL PA ZLOS PA'I DON DU MI 'GAL BA'I PHYIR DANG, 'DUS NAS SKYE BA MI 'GAL BA'I PHYIR RTEN CING 'BREL PAR 'BYUNG BA 'DIR NI RTAG PAR RUNG NA, 'DI LA NI RTOG PA 'DI JI LTAR BTUB STE, MIG DANG GZUGS LA BRTEN NAS MIG GI RNAM PAR SHES PA SKYE'O ZHES RTEN CING 'BREL PA ZLOS PA MI SRID PA'I PHYIR DANG, 'DUS TE SKYE BA MI SRID PA'I PHYIR RO, ,'DI LA NI MIG DANG GZUGS DANG PHRAD NA ZHES BYA BAR RTOGS KYI, ZLOS PA'I DON LA NI MA YIN NO, ,'GRO BAR RUNG BA RNAMS 'DUS NAS SKYE'O ZHES BYA BAR RTOGS PA YANG MA YIN TE, 'O NA CI ZHE NA; MIG GI RNAM PAR SHES PA KHO NA CIG CAR DU YIN NO, ,NGES PAR GZUNG BA'I DON TE ZHES BYA BA LA, GANG YANG RUNG BA ZHIG BRJOD NA NI NGES PAR MA BZUNG BAR 'GYUR LA, NGES PAR MA BZUNG NA YANG 'DU BYED LA SOGS PA RNAMS, MA RIG PA LA SOGS PA DAG LAS @300B GZHAN BDAG LA SOGS PA'I RKYEN CAN NYID YIN PA MA BKAG PAR 'GYUR TE, DPER NA MIG YOD NA MIG GI RNAM PAR SHES PA 'BYUNG NGO ZHES NGES PAR MA BZUNG BAS GZUGS YOD NA 'BYUNG NGO ZHES BYA BAR RTOGS PA BZHIN NO, ,DE'I PHYIR NGES PAR GZUNG BA'I DON DU YANG YOD NA GANG 'BYUNG BA DE NYID SKYES PAS DE'I SKYE'I GZHAN SKYES PA NI MA YIN LA, GANG SKYES PAS GANG SKYE BA DE NYID YOD NA DE 'BYUNG GI GZHAN YOD NA YANG MA YIN NO ZHES RNAM GRANGS GNYIS BRJOD DO, ,MDO GZHAN GYI RNAM GRANGS GNYIS NGES PAR GZUNG BA'I DON NYID DU BSTAN PA'I PHYIR DPER NA GZHAN LAS ZHES BYA BA SMOS SO, ,MA RIG PA YOD NA ZHES BYA BA RGYAS PAR 'BYUNG BA STE, DE LTAR BSHAD NA MA RIG PA SKYES PAS 'DU BYED RNAMS SKYE'O, ,MA RIG PA KHO NA YOD NA DE DAG 'BYUNG GI GZHAN YOD NA YANG MA YIN NO, ,DE BZHI DU GZHAN LA YANG BRJOD PAR BYA'O; ,YANG NA YAN LAG 'DI YOD NA 'DI 'BYUNG NGO ZHES BYA BA RGYAS PAR 'BYUNG BA LA, MA RIG PA YOD NA 'DU BYED DAG 'BYUNG LA, 'DU BYED DAG SKYES PAS YANG RNAM PAR SHES PA SKYE'O ZHES DE LTAR YAN LAG BCU GNYIS BRGYUD PAR STON TO, ,YANG NA SNGON GYI MTHA' YOD NA ZHES BYA BA RGYAS PAR 'BYUNG STE, SNGON GYI MTHA' YOD NA DA LTAR GYI MTHA' 'BYUNG NGO ZHES BYA BA 'DI BSTAN PA'I PHYIR 'DI YOD NA 'DI 'BYUNG ZHES BYA BA GSUNGS LA, DA LTAR GYI MTHA' SKYES PAS PHYI MA'I MTHA' SKYE'O ZHES BYA BA 'DI BSTAN PA'I PHYIR 'DI SKYES PAS 'DI SKYE'O ZHES BYA BA 'DI GSUNGS SO; ,YANG NA RES 'GA' NI ZHES BYA BA 'BYUNG STE, DE LA RE ZHIG MNGON SUM DU NI GANG GI TSE MA RIG PA'I MJUG THOGS SU 'DU BYED NYON MONGS PA CAN SKYE BA NA'O, ,BRGYUD PAS NI GANG GI TSE BSOD NAMS DANG MI G-YO BA SKYE BA NA STE, DE LA NI MA RIG PA MNGON SUM DU RGYU'I NGO BO MA YIN NO; ,GZHAN DAG NA RE LAS RANG GI NGO BOS GNAS PA'I MNGON SUM DU YIN LA, BAG CHAGS KYIS GNAS PA'AM THOB PAS GNAS PA'I BRGYUD PAS YIN NO ZHES ZER RO, ,'DI LA MA RIG PAS 'DU BYED DAG LA NI MNGON SUM DU NUS LA, RNAM PAR SHES PA LA SOGS PA DAG LA @301A *, ,NI BRGYUD PAS SO SO ZHES RNAM PAR 'CHAD PA NI BSHAD PA DANG 'GAL TE, 'DU BYED RNAMS KHO NAL GNYIS KA BSTAN PA'I PHYIR RO, ,'DI YOD NA 'DI 'BYUNG ZHES BYA BA 'DIS NI RGYU MED PAR SMRA BA BKAG STE, RGYU MED NA 'BRAS BU MED PA'I PHYIR RO, ,'DI SKYES BAS 'DI SKYE ZHES BYA BA 'DIS NI RGYU RTAG PA BKAG STE, SKYES PA KHO NA RGYU YIN PA'I PHYIR MA SKYES PA RGYU MA YIN NO ZHES BSHAD PAR 'GYUR RO, ,RTOG PA 'DI LA NI YOD NA 'DI 'BYUNG ZHES BYA BA 'DI DON MED DO, ,CI'I PHYIR ZHE NA, 'DI SKYES PAS 'DI SKYE ZHES BYA BA 'DI KHO NAS SMRA BA GNYIS KA BSAL TE, RGYU MI RTAG PA YONGS SU GZUNG BA'I PHYIR RO, ,SUN 'BYIN PA 'DI SLAR LAN GDAB PA'I PHYIR, 'O NA NI GANG LA LA DAG CES BYA BA RGYAS PAR SMOS SO, ,'DU BYED LA SOGS PA RNAMS ZHES BYA BA LA SOGS PA ZHES BYA BA'I SGRAS NI RNAM PAR SHES PA DANG MING DANG GZUGS LA SOGS PA RNAMS BSDU'O, ,MA RIG PA LA SOGS PA SKYES PAS ZHES BYA BA 'DIR SOGS PA'I SGRAS NI 'DU BYED DANG RNAM PAR SHES PA LA SOGS PA RNAMS BSDU'O, ,RTOG PA DE BSAL BAR ZHES BYA BA NI DGAG PAR RO, ,GANG ZHIG SKYES PAS GANG SKYE BA NI ZHES BYA BA NI MA RIG PA SKYES PAS 'DU BYED RNAMS SKYE'O, ,DE NYID YOD PAS 'DI 'BYUNG GI ZHES BYA BA NI MA RIG PA NYID YOD PAS 'DU BYED RNAMS 'BYUNG GI BDAG LA SOGS PA RTEN DU GYUR PA GZHAN YOD NA NI MA YIN NO, ,DE'I PHYIR RNAM GRANGS SNGA MA DON MED PA MA YIN TE; DE BZHIN DU GZHAN LA YANG BRJOD PAR BYA'O, ,SLOB DPON DAG NA RE ZHES BYA BA LA SOGS PA LA, CI ZHE NA, GO RIMS BZHIN DU SPANGS PA SHES PAR BYA BA'I PHYIR DANG, SKYE BA SHES PAR BYA BA'I PHYIR TE, DE NYID BSTAN PA'I PHYIR MA RIG PA MA SPANGS NA ZHES BYA BA RGYAS PAR 'BYUNG NGO, ,GNAS PA DANG SKYE BA ZHES BYA BA LA SOGS PA LA, SLOB DPON DPAL LEN NA RE GO RIMS BZHIN DU GNAS PA YANG DAG PAR BSTAN PA'I PHYIR DANG, SKYE BA YANG DAG PAR BSTAN PA'I PHYIR RNAM GRANGS GNYIS GSUNGS SO ZHES ZER RO, ,DE NYID @301B BSTAN PA'I PHYIR RGYU'I RGYU NA JI SRID PA DE SRID DU 'BRAS BU'I RGYUN 'BYUNG BAR 'GYUR RO ZHES BYA BA SMOS TE, RNAM GRANGS DANG POS BSTAN TO, ,RGYU NYID SKYES PAS 'BRAS BU SKYE BAR 'GYUR RO ZHES BYA BA NI RNAM GRANGS GNYIS PAR BSTAN TO, ,'BYUNG BA'I DBANG DU MDZAD PA YIN NA ZHES BYA BA LA, 'DIR NI DGE SLONG DAG KHYED LA RTEN CING 'BREL PAR 'BYUNG BA BSTAN PAR BYA'O ZHES RGYAS PAR RTEN CING 'BREL PA'I DBANG DU BYAS PA YIN TE, DER GNAS PA'I DBANG DU MA MDZAD PA'I PHYIR GNAS PA'I TSIG GI GO SKABS CI ZHIG YOD, RIM PA MI MTHUN PA ZHES BYA BA RGYAS PAR 'BYUNG BA LA, GNAS PA'I SKYE BA SNGON DU 'GRO BA CAN YIN TE, DE'I PHYIR SNGAR NI 'DI SKYES PAS 'DI SKYE ZHES BYA BA KHO NA BRJOD PAR BYA BA LA PHYIS NI 'DI YOD PAS 'DI 'BYUD ZHES GNAS PAS BRJOD PAR BYA BA'AM, GO RIMS LAS RGAL NA YANG DGOS PA BRJOD PAR BYA'O, ,YANG SMRAS PA ZHES BYA BA NI GNAS BRTAN DE NYID KYIS SO, ,GAL TE MDO'I DON DE YIN PAR 'GYUR NA NI ZHES BYA BA RGYAS PAR 'BYUNG BA LA 'DI YOD PAS ZHES BYA BA NI 'BRAS BU YOD PAS SO, ,'DI ZHES BYA BA NI RGYU STE, THE TSOM MED PA'I PHYIR MI 'BYUNG NGO ZHES BYA BA DE SKAD DU BKA' STZAL PAR 'GYUR TE, BCOM LDAN 'DAS THE TSOM ZA BAR GSUNGS PAR MI 'GYUR RO, ,'BRAS BU YOD NA PHYIS RGYU 'JIG PAR 'GYUR BA MA YIN TE, SKYE DANG 'JIG PA DAG MNYAM STE, ,SRANG MDA'I MTHON DMAN JI BZHIN NO, ,ZHES 'BYUNG BAS, RGYU DANG 'BRAS BU GNYIS CIG CAR DU MA YIN PAR KHAS BLANGS PA'I PHYIR RO, ,DE LTA NA GO RIMS LEGS PA YIN NO ZHES BYA BA LA, 'JIG PA SKYE BA SNGON DU 'GRO BA CAN YIN PA'I PHYIR DANG, DE YANG SNGAR BSTAN PA'I PHYIR RO, ,GZHAN DU NA ZHES BYA BA NI GAL TE SNGAR 'JIG PA BSTAN TE, DE'I PHYIR RTEN CING 'BREL PAR 'BYUNG BA GANG ZHE NA ZHES DRI BA MDZAD NAS 'DI LTA STE 'DI YOD NA 'DI 'BYUNG ZHES BYA BAR GANG LAS 'BRAS BU YOD NA RGYU 'JIG PAR 'GYUR RO ZHES DE SKAD 'CHAD PAR 'GYUR BA, 'JIG PA'I TSIG TU THAL BA CI ZHIG YOD, DE'I PHYIR DPAL LEN GYIS LEGS PAR MI SMRAS SO, ,BYIS PA NI RTEN CING 'BREL @302A *, ,PAR 'BYUNG BA ZHES BYA BA RGYAS PAR 'BYUNG BA LA, BYIS PA ZHES BYA BA NI BDEN PA MA MTHONG BA'O, ,'DU BYED TZAM ZHES BYA BA TZAM GYI SGRA NI 'DI NA 'DU BYED PA PO BDAG LA SOGS PA YOD PA MA YIN NO ZHES BSTAN PAR BYA BA'I PHYIR RO, ,MI SHES PAS ZHES BYA BAS NI MA 'DRES PA'I MA RIG PA BSTAN TO, ,BDAG TU LTA BA DANG NGA'O SNYAM PA'I NGA RGYAL LA MNGON PAR ZHEN CING ZHES BYA BA NI BDAG TU LTA BA DANG, NGA'O SNYAM PA'I NGA RGYAL DAG LA RAB TU GNAS SHING ZHES BYA BA'I DON TE, 'DIS NI BDAG TU LTA BA DANG NGA'O SNYAM PA'I NGA RGYAL DANG MTSUNGS PAR LDAN PA'I MA RIG PA BSTAN TO, ,LUS LA SOGS PA DAG GI LAS RNAM PA GSUM RTZOM STE ZHES BYA BA 'BYUNG NGO, ,BDAG NYID CES BYA BA NI GANG DU 'DI DAG GO SNYAM DU LTA BA DANG, GANG GIS RLOM PA DE'O, BDE BA'I DON TAM, ,BDE BA YANG MA YIN SDUG BSNGAL YANG MA YIN PA'I DON DU ZHES BYA BA LA SOGS PA LA, LUS LA SOGS PA GSUM DAG GI ZHES BYA BA NI LUS DANG NGAG DANG YID DAG GI LAS RNAM PA GSUM STE, BSOD NAMS DANG BSOD NAMS MA YIN PA DANG MI G-YO BA'I MTSAN NYID CAN RTZOM MO, ,TSE PHYI MA LA BDE BA'I DON DU ZHES BYA BA NI 'JIG RTEN GZHAN DU BDE BA'I DON DU'O, ,BSOD NAMS ZHES BYA BA NI 'DOD PA NA SPYOD PA'I DGE BA STE, 'DI LTAR 'JIG RTEN PHA ROL DU BDE BA 'DOD PA NI SBYIN PA DANG TSUL KHRIMS LA SOGS PA DAG LA 'JUG GO, ,DE SKAD DU NI PHAL CHE BA'I SGO NAS BSTAN TE, LOG PA'I RNAM PAR RTOG PA DUS CHES YUN RING POS, RJES SU 'BREL PAS BLO GROS YUL 'DZIN PA DANG BRAL ZHING GTI MUG CHEN PO'I MIG SER GYI TSOGS CHEN POS SEMS KYI MIG NYAMS PA LTA BA NGAN PAS BSLUS PA KHA CIG TSE PHYI MA LA BDE BA'I DON DU MCHOD SBYIN LA SOGS PA BSOD NAMS MA YIN PA YANG RTZOM MO, ,BDE BA DANG BDE BA YANG MA YIN SDUG BSNGAL YANG MA YIN PA'I DON DU MI G-YO BA ZHES BYA BA NI, GZUGS DANG GZUGS MED PA NA SPYOD PA STE, BSAM GTAN GSUM PA'I BAR DU TSE PHYI MA LA BDE BA'I DON DA NGA DE'I GONG DU BDE BA YANG MA @302B YIN; SDUG BSNGAL YANG MA YIN PA'I DON DU'O, ,TSE 'DI LA BDE BA'I DON DU NI BSOD NAMS MA YIN PA RTZOM STE ZHES BYA BAR SBYAR TE, LUS KYI SGO NAS SROG GCOD PA LA SOGS PA DANG, NGAG GIS BRDZUN SMRA BA LA SOGS PA DANG, YID KYIS BRNAB SEMS LA SOGS PA DAG GO, , LAS KYI 'PHEN PA'I DBANG GIS ZHES BYA BA LA, JI SKAD BSTAN PA'I LAS DAG GIS 'PHANGS PA NI LAS KYI 'PHEN PA'O, ,DE'I DBANG GIS NI DE'I RGYU MTSAN GYIS TE, RGYU DES RNAM PAR SHES PA'I RGYUN SRID PA BAR MA DANG 'BREL BAS THAG SHIN TU RING YANG 'GRO BA DE DANG DER 'GRO BAR 'GYUR RO, ,SRID PA BAR MA YANG RNAM PAR SHES PA DRUG DANG LDAN PA'I PHYIR DE LTAR BSHAD NA, RNAM PAR SHES PA GANG ZHE NA RNAM PAR SHES PA'I TSOGS DRUG GO ZHES BSHAD PA DE 'THAD PA YIN NO ZHES BYA BA SMOS SO, ,JI LTAR ZHE NA, GAL TE RNAM PAR SHES PA'I RGYUN LAS KYIS YONGS SU BSGOS PA THAMS CAD SRID PA BAR MA'I NYID MTSAMS SBYOR BA'I SKAD CIG MA NAS BZUNG STE, SKYE BA'I SKAD CIG GI BAR DU 'DU BYED KYI RKYEN CAN RNAMS PAR SHES PA'O ZHES BYA BA YIN NA NI DE'I PHYIR RNAM PAR SHES PA RNAM PAR DBYE BA BSTAN PA'I RNAM PAR SHES PA TSOGS DRUG GO ZHES BYA BA RIGS PAR 'GYUR GYI, GZHAN DU NI MA YIN NO, ,GAL TE NYID MTSAMS SBYOR BA'I RNAM PAR SHES PA KHO NA 'DU BYED KYI RKYEN CAN ZHES BYA BA NI DE LTA NA RNAM PAR SHES PA'I TSOGS DRUG GO ZHES RNAM PAR SHES PA RNAM PAR DBYE BA DANG 'GAL BAR 'GYUR TE, GNAS SKABS DER YID KYI RNAM PAR SHES PA KHO NA TZAM ZHIG TU 'GYUR GYI, YID KYI RNAM PAR SHES PA KHO NAS NYID MTSAMS SBYOR BAS GZHAN DAG MED PAR 'GYUR RO, ,DE'I PHYIR, 'DI SKAD DU, RNAM PAR SHES PA GANG ZHE NA, YID KYI RNAM PAR SHES PA'O ZHES GSUNGS PAR 'GYUR GYI, RNAM PAR SHES PA'I TSOGS DRUG GO ZHES BYA BAR NI MA YIN NO, ,MING DANG GZUGS PHUNG PO LNGA PO 'GRO BA DE DANG DER SKYE BAR 'GYUR TE, 'DIR MING DANG GZUGS NI MA SHI BAR DU YAN LAG TU RIG PAR BYA'I, JI LTAR BYE BRAG TU SMRA BA RNAMS KYI LTAR, MING DANG GZUGS NI DE PHAN CHAD, ,SKYE @303A *, ,MCHED DRUG DOD TSUN CHAD DO, ,ZHES BYA BA NI MA YIN NO, ,YANG MING DANG GZUGS PHUNG PO LNGA PA YIN NO ZHES BYA BA 'DI JI LTAR RTOGS PAR BYA ZHE NA, DE'I PHYIR RNAM PAR 'BYED PA LAS DE SKAD BSTAN PA'I PHYIR RO ZHES BYA BA SMOS TE, RTEN CING 'BREL PAR 'BYUNG BA RNAM PAR 'BYED PA'AM, MING DANG GZUGS RNAM PAR 'BYED PA'I MDO LAS MING GANG ZHE NA, GZUGS CAN MA YIN PA'I PHUNG PO BZHI STE, TSOR BA'I PHUNG PO NAS RNAM PAR SHES PA'I PHUNG PO'I BAR RO, ,GZUGS GANG ZHE NA, GZUGS GANG YIN PA CI YANG RUNG STE, 'BYUNG BA CHEN PO BZHI DANG 'BYUNG BA CHEN PO BZHI DAG RGYUR BYAS PA DE THAMS CAD DE, GZUGS 'DI DANG, SNGAR GYI MING 'DI GNYIS NI MING DANG GZUGS ZHES BYA BA'I GRANGS SU 'GRO'O ZHES 'BYUNG NGO, ,MING DANG GZUGS YONGS SU SMIN PA ZHES BYA BA NI NUR NUR PO DANG, MER MER PO DANG, NAR NAR PO DANG, MKHRAD 'GYUR LA SOGS PA'I NGO BOS DBANG PO BSKYED PAR BYA BA LA CHES DANG, SHIN TU CHES NYE BA'I NGO BO'I RIM PAS SO, ,'DOD PA'I SRED PA NI 'DOD PA NA SPYOD PA'I SRED PA'O, ,BDE BA DANG BDE BA YANG MA YIN SDUG BSNGAL YANG MA YIN PA LA NI GZUGS KYI SRED PA'O ZHES BYA BA LA, BSAM GTAN GSUM NA NI TSOR BA BDE BA LA GZUGS KYI SRED PA GZUGS NA SPYOD PA'O, ,BSAM GTAN BZHI PA LA NI BDE BA YANG MA YIN SDUG BSNGAL YANG MA YIN PA LA GZUGS KYI SRED PA'O, ,GZUGS MED PA'I KHAMS NA NI TSOR BA GZHAN MED PAS BDE BA YANG MA YIN SDUG BSNGAL YANG MA YIN PA LA GZUGS MED PA'I SRED PA STE, THAMS CAD LA SDUG BSNGAL GYIS GZIR BA ZHES BYA BAR SBYAR BAR BYA'O, ,'DOD PA LA SOGS PA NYE BAR LEN TE ZHES BYA BA LA, 'DOD PA DANG, LTA BA DANG, TSUL KHRIMS DANG, BRTUL ZHUGS DANG, BDAG TU SMRA BA RNAMS NYE BAR LEN TO, ,DE LA 'DOD PA RNAMS NI 'DOD PA'I YON TAN LNGA DAG GO ZHES BYA BA NI GZUGS DANG, SGRA DANG, DRI DANG, RO DANG, REG BYA RNAMS SO, ,'DOD PAR BYA ZHING DON DU GNYER BAR BYA BAS NA 'DOD PA RNAMS TE, DE NYID KUN DU RTOG @303B PA'I 'DOD PAS BYANG BAS NA YON TAN TE, GOMS ZHES BYA BA'I DON TO, ,BRTUL ZHUGS NYID NI KHYI DANG, BA LANG GI BRTUL ZHUGS LA SOGS PA ZHES BYA BA LA, SOGS PA ZHES BYA BA'I SGRAS NI RI DAGS KYI BRTUL ZHUGS LA SOGS PA DAG BSDU'O, ,JI SKAD DU GCER BU PA LA SOGS PA RNAMS NI ZHES BYA BA LA, 'DI YANG BRTUL ZHUGS YIN NO, ,BRAM ZE'I BRTUL ZHUGS NI DBYU GU DANG, G-YANG GZHI YANG DAG PAR LEN PA'O, ,PHYUGS BDAG PA'I NI RAL BU DANG THAL BA'O, ,KUN DU RGYU'I NI DBYU GU GSUM PA DANG SGRE BO YANG DAG PAR LEN PA'O, ,SOGS PA ZHES BYA BA'I SGRAS NI THOD PA CAN LA SOGS PA RNAMS NI THOD PA SREL BA LA SOGS PA BSDU'O, ,BDAG TU SMRA BA NI LUS LA STE ZHES BYA BA NI GANG GI PHYIR 'DI LA BDAG CES BRJOD PA'I PHYIR TE, DE LA BDAG TU SMRA BA YOD PAS NA BDAG TU SMRA BA'O ZHES BYA BA SMOS TE, BCOM LDAN 'DAS KYIS DGE SLONG NGAM BRAM ZE GANG YANG SU YANG RUNG STE, BDAG GO ZHES YANG DAG PAR RJES SU LTA BAS YANG DAG PAR RJES SU LTA BA DE THAMS CAD NI NYE BAR LEN PA'I PHUNG PO LNGA PO 'DI DAG LA ZHES RGYAS PAR JI SKAD DU GSUNGS PA LTA BU'O, ,GAL TE LUS BDAG YIN NA, DE LTA NA BDAG TU NYE BAR LEN PA ZHES BRJOD PAR BYA'O ZHEN, DE'I PHYIR, BDAG MED PA'I PHYIR ZHES BYA BA LA SOGS PA SMOS TE, BDAG YOD NA NI BDAG NYE BAR LEN PA'I ZHES BRJOD NA, DE NI YOD PA YANG MA YIN TE, DE'I PHYIR DE MED PAR SHES PAR BYA BA'I PHYIR BDAG TU SMRA BA NYE BAR LEN PA ZHES BSHAD DO; ,BYIS PA THOS PA DANG MI LDAN PA SO SO'I SKYE BO BTAGS PA'I RJES SU LTUNG BA ZHES BYA BA NI GO RIMS BZHIN DU LHAN CIG SKYES PA DANG LUNG DANG, RTOGS PA LAS SKYES PA'I SHES RAB RNAMS MED PA'I PHYIR RO, ,BTAGS PA'I RJES SU LTUNG BA ZHES BYA BA NI MING JI LTA BA DANG THA SNYAD JI LTA BA DE LTA BU'I RJES SU SONG ZHES BYA BA'I DON TO, ,DE DAG LA 'DUN PA DANG 'DOD CHAGS GANG YIN PA STE ZHES BYA BA NI 'DOD PA DANG, LTA BA DANG TSUL KHRIMS DANG BRTUL ZHUGS DANG, BDAG TU LTA BA DAG LA STE, DE LA 'DOD PA LA SOGS PA MA THOB PA DAG LA NI 'DUN PA STE @304A *, ,DON DU GNYER BA'O, ,THOB PA DAG LA NI 'DOD CHAGS TE MNGON PAR ZHEN PA'O, ,SRID PA'I ZHES BYA BA NI YANG SRID PA'I 'BRAS BU CAN NO, ,DE NI 'DIR SRID PA YIN NO ZHES BYA BA NI 'DI NI 'DIR SRID PA'O ZHES BYA BA'I THA TSIG GO, ,GZHAN DAG NA RE 'DI 'DIR SRID PA'I TSIG BLA DAGS SAM MTSAN NYID DO ZHES ZER RO, ,RNAM PAR SHES PA 'JUG PA'I TSUL DU ZHES BYA BA NI LAS KYI 'PHEN PA'I DBANG GIS RNAM PAR SHES PA'I RGYUN SRID PA BAR MA DANG 'BREL PA'I PHYIR ME 'BAR BA 'GRO BA'I TSUL DU 'GRO BA DE DANG DER 'GRO BAR 'GYUR TE ZHES SNGAR JI SKAD BSTAN PA BZHIN NO, ,MDO DE LAS JI SKAD BSHAD PA LTA BU'O ZHES BYA BA NI RGA BA GANG ZHE NA, SBYI CER DANG MGO SKYA NAS 'DU BYED RNAMS RNYINGS PAR GYUR PA DANG, 'KHOGS PAR GYUR PA GANG YIN PA STE, 'DI NI RGA BA ZHES BYA BA STE, 'CHI BA GANG ZHE NA, SEMS CAN DE DANG DE DAG SEMS CAN GYI RIS DE DANG DE NAS 'CHI ZHING 'CHI 'PHO NYID NAS 'CHI BA'I DUS BYED PA GANG YIN PA 'DI NI 'CHI BA ZHES BYA BA STE, 'CHI BA 'DI DANG SNGAR GYI RGA BA 'DI GNYIS NI RGA SHI ZHES 'BYUNG BA'O, ,BYE BRAG TU SMRA BA'I LUGS NI SNGAR BSHAD PA GANG YIN PA DE KHO NA YIN NO ZHES BYA BA NI BCU GNYIS DANG LDAN PA'I PHUNG PO LNGA PA'I GNAS SKABS KYI YAN LAG BCU GNYIS DAG YIN NO ZHES BYA BA'O, ,YI GE MA'I DON DU MA NYID YIN PAR MTHONG STE 'DRI BA NI MA RIG PA'I DON GANG YIN ZHES BYA BA'O, ,RIG PA MA YIN PA GANG YIN PA'O, ,MIG LA SOGS PA DAG LA YANG THAL BAR 'GYUR RO ZHES BYA BA LA YANG MIG DANG RNA BA LA SOGS PA DAG KYANG MA RIG PAR THAL BAR 'GYUR TE, DE DAG KYANG RIG PA MA YIN PA'I PHYIR RO, ,CI YANG MA YIN PAR 'GYUR TE ZHES BYA BA NI GANG GI TSE MA RIG PA RIG PA MED PA YIN NA RDZAS MA YIN PA DE NYID DU 'GYUR RO ZHES BYA BA'I DON TO, ,DE YANG RIG PA MA YIN NO ZHES BYA BA NI RKYEN GYI DNGOS POR BSTAN PA'I PHYIR RO, ,DE'I MI MTHUN PA'I PHYOGS ZHES BYA BAS NI DGAG PA'I TSIG GI NI 'GAL BA LA'O, ,ZHES STON TO, ,MDZA' BO LAS GZHAN PA GANG YIN PA YANG MA YIN LA ZHES BYA BA NI MA YIN PAR DGAG PA TZAM YANG MA YIN PAR STON TO, , @304B MDZA' BA MED PAR YANG MA YIN PA ZHES BYA BA NI CI YANG MA YIN PAR 'GYUR BAS SO, ,CHOS MA YIN PA DANG DON MA YIN PA DANG, BYA BA MA YIN PA LA SOGS PA YANG ZHES BYA BA LA, SOGS PA'I SGRAS NI MI RIGS PA DANG, THA SNYAD MA YIN PA DANG, MI MA YIN PA LA SOGS PA RNAMS BSDU'O, ,CHOS LA SOGS PA'I MI MTHUN PAR GYUR PA ZHES BYA BA LA, CHOS DANG DON DANG RIGS PA DANG, THA SNYAD DANG MI LA SOGS PA MI MTHUN PA'I PHYOGS SU GYUR PA YIN GYI, CHOS LA SOGS PA MED PA TZAM MA YIN LA, CHOS LA SOGS PA DAG LAS GZHAN YANG MA YIN PA DE BZHIN DU MA RIG PA YANG MI MTHUN PA'I PHYOGS SU GYUR PA'I CHOS YIN GYI, RIG PA LAS GZHAN PA MA YIN ZHING MED PA TZAM MA YIN NO, ,RKYEN GYI DNGOS POR BSTAN PA'I PHYIR RO ZHES BYA BA LA, MA RIG PA'I RKYEN GYIS 'DU BYED RNAMS ZHES 'DU BYED RNAMS KYI RKYEN GYI DNGOS POR BSTAN NA, MED PA NI BRJOD DU MED PA'I PHYIR RKYEN GYI DNGOS POR RIGS PA MA YIN LA, MIG LA SOGS PA DAG KYANG 'DU BYED KYI RKYEN GYI DNGOS PO MA YIN TE, DGRA BCOM PA LA YANG 'DU BYED 'PHEL BAR THAL BAR 'GYUR BA'I PHYIR RO, ,KUN SBYOR SOGS TSIG PHYIR ZHES BYA BA LA; KUN DU SBYOR BA DAG TU NI MA RIG PA'I KUN DU SBYOR BA ZHES BSHAD LA, ZAG BA DAG TU NI MA RIG PA'I ZAG PA, 'CHING BA DAG TU NI GTI MUG GI 'CHING BA, PHRA RGYAS DAG TU NI MA RIG PA'I PHRA RGYAS, CHU BO DAG TU NI MA RIG PA'I CHU BO, ,SBYOR BA DAG TU NI MA RIG PA'I SBYOR BA ZHES BYA BA NI, MED PA TZAM NI DE LTAR 'GYUR BAR MI 'OS LA, MIG LA SOGS PA DAG KYANG KUN DU SBYOR BA DANG 'CHING BA LA SOGS PA DAG TU MI 'GYUR RO, ,CI'I PHYIR ZHE NA, DGRA BCOM PA RNAMS KYANG MA GROL BAR THAL BAR 'GYUR BA'I PHYIR RO, ,DE'I PHYIR MA RIG PA'I MI MTHUN PHYOGS SU 'GYUR BA CHOS GZHAN YIN NO, ,DE YANG LTA BA'I RANG BZHIN YIN PAS ZHES BYA BA LA, SMAD PA'I SHES RAB NI NYON MONGS PA CAN YIN GYI, NYON MONGS PA CAN MA YIN PAS DGE BA DANG LUNG DU MA BSTAN PA NI MA YIN LA, DE YANG 'JIG @305A *, ,TSOGS LA LTA BA LA SOGS PA LTA BA RNAM PA LNGA YIN NA, LTA BA NI MA RIG PAR MI RUNG STE, MA RIG PA'I PHRA RGYAS, LTA BA'I PHRA RGYAS ZHES 'DOD CHAGS LA SOGS PA BZHI DU LOGS SHIG TU GSUNGS PA'I PHYIR RO, ,'O NA NI GANG NYON MONGS PA CAN GYI SHES RAB LTA BA MA YIN PA DE YIN PAR 'GYUR LA, DE YANG 'DOD CHAGS DANG ZHE SDANG DANG, NGA RGYAL LA SOGS PA'I NYON MONGS PA DANG MTSUNGS PAR LDAN PA YIN NO, ,LTA BA DE DANG MTSUNGS LDAN PHYIR, ,ZHES BYA BA NI MA RIG PA DANG MTSUNGS PAR LDAN PA'I PHYIR RO ZHES BYA BA'I DON TO, ,GTI MUG NYON MONGS PA'I SA MANG PO PAR NGES PAS LTA BA MA RIG PA DANG MTSUNGS PAR LDAN LA, NGO BO NYID NI NGO BO NYID KYIS BSDUS PA YIN GYI, MTSUNGS PAR LDAN PA MA YIN NO, ,SHES RAB KYI RDZAS GNYIS MTSUNGS PAR MI LDAN PA'I PHYIR NA MA RIG PA SHES RAB NYID MA YIN NO ZHES BYA BAR NGES SO, ,SHES RAB NYE NYON MONGS BSTAN PHYIR, ,ZHES BYA BA 'DI LAS KYANG ZHES BYA BAR RGYAS PAR 'BYUNG STE, JI LTAR SEMS KYI NYE BA'I NYON MONGS PA SEMS LAS GYUR PA 'DOD CHAGS GZHAN NYID YIN PAR GSUNGS KYI, SEMS MA YIN PA DE BZHIN DU, SHES RAB KYI NYE BA'I NYON MONGS PA YANG DE DANG MTSUNGS PAR LDAN PAS MA RIG PA CHOS GZHAN YIN PAR RIGS KYI, SHES RAB KYI NYE BA'I NYON MONGS PA SHES RAB NYID NI MA YIN TE, MTSUNGS PAR MI LDAN PA'I PHYIR RO, ,'DRES NA RNAM PAR MI 'DAG PAS ZHES BYA BA NI SHES RAB DGE BA NI MJUG THOGS SU 'BYUNG BA'I SHES RAB NYON MONGS BA CAN DANG 'DRES NA RNAMS PAR MI 'DAG GO ZHES BYA BA'O, ,DE YANG GDON MI ZA BAR 'DOD CHAGS KYIS KUN NAS DKRIS PA YIN NAM CI ZHES BYA BA NI 'DOD CHAGS DANG MTSUNGS PAR LDAN NAM ZHES BYA BA'O, ,BAG CHAGS DE ZHES BYA BA NI 'DOD CHAGS LA SOGS PA GNAS NGAN LEN GYI BAG CHAGS ZHES BYA BA'I DON TO, ,DE BZHIN DU MA RIG PAS NYE BAR NYON MONGS PA CAN DU 'GYUR BA'I ZHES BYA BA LA, 'DIR MA RIG PA'I SGRAS NI SHES RAB NYON MONGS PA CAN KHO NA RIG PAR BYA STE, GANG GI PHYIR THAL MA THAG TU YANG CI'I PHYIR SHES RAB @305B NYON MONGS PA CAN DANG ZHES RGYAS PAR 'BYUNG BA'I PHYIR RO, ,MA RIG PAS NYE BAR BCOM PA YANG DE BZHIN DU BRTAG PAR BYA STE, MA RIG PA DANG MTSUNGS PAR LDAN PA LAS NI MA YIN NO, ,DES NA SHES RAB KYI RDZAS GNYIS CIG CAR BA YOD PA MA YIN TE, DE BZHIN DU MA RIG PAS NYE BAR BCOM PA YIN PAR YONGS SU BRTAG PAR BYA'O, ,YONGS SU RTOG PA LA NI SU ZHIG BZLOG STE ZHES BYA BAS NI 'DI NI LUNG LA MI LTOS PAR KUN BRTAGS PA TZAM DU ZAD DO ZHES STON TO, ,MA RIG PA RIGS GZHAN KHO NA ZHIG YOD DO ZHES PA NI BRJOD DO ZHES BYA BA NI BYE BRTAG TU SMRA BA RNAMS SO, ,GANG YANG ZHES BYA BA NI SLOB DPON DPAL LEN TE, DE NI NYON MONGS PA THAMS CAD MA RIG PA YIN NO SNYAM DU SEMS SO, ,CI'I PHYIR ZHE NA, TSE DANG LDAN PA GSUM PO CHE DES RAB TU MI SHES SHING RAB TU MI SHES PA NI MA RIG PA ZHES BYA BA'I MDO'I PHYIR RO; ,DES ZHES BYA BA NI DE YOD NA RIG PA MED PAR DE NI MA RIG PA STE, RGYU MED NA NI 'GA' YANG YOD PA MA YIN LA, NYON MONGS PA THAMS CAD YOD NA YANG RIG PA MED PA YIN NO, ,KUN DU SBYOR BA LA SOGS PA'I NANG DU LOGS SHIG TU BSHAD PAR MI 'GYUR ZHING ZHES BYA BA NI NYON MONGS PA THAMS CAD MA RIG PA YIN PAS TE, RJES SU CHAGS PA'I KUN DU SBYOR BA LA SOGS PA'I NANG DU MA RIG PA'I KUN DU SBYOR BA LOGS SHIG TU BSHAD PAR MI 'GYUR TE, KUN DU SBYOR BA LHAG MA DANG THA MI DAD PA'I PHYIR RO, ,DE BZHIN DU 'CHING BA DAG GI NANG DU GTI MUG GI 'CHING BA ZHES BYA BAR LOGS SHIG TU BSHAD PAR YANG MI 'GYUR TE, 'DOD CHAGS DANG ZHE SDANG THA MI DAD PA'I PHYIR RO, ,PHRA RGYAS DAG GI NANG DU MA RIG PA'I PHRA RGYAS ZHES BYA BAR YANG MA YIN TE, PHRA RGYAS LHAG MA DANG THA MI DAD PA'I PHYIR RO, ,CHU BO DAG GI NANG DU MA RIG PA'I CHU BO DANG; SBYOR BA DAG GI NANG DU MA RIG PA'I SBYOR BA ZHES BYA BAR LOGS SHIG TU BSHAD PAR YANG MI 'GYUR TE, CHU BO DANG SBYOR BA LHAG MA DANG THA MI DAD PA'I PHYIR RO, ,NYON MONGS PA THAMS CAD KYI BDAG NYID YIN PA'I PHYIR DANG, LTA BA LA SOGS PA RNAMS LA RANG DANG GZHAN GYI BDAG NYID @306A *, ,DANG MTSUNGS PAR LDAN PA MED PA'I PHYIR LTA BA'AM, NYON MONGS GZHAN DANG STE, NYON MONGS PA 'DOD CHAGS LA SOGS PA DANG YANG MTSUNGS PAR LDAN PAR MI 'GYUR TE, 'DIR LTAR LTA BA NI LTA BA'AM 'DOD CHAGS DANG ZHE SDANG DANG MTSUNGS PAR LDAN PAR MI 'GYUR RO, , DE BZHIN DU 'DOD CHAGS KYANG 'DOD CHAGS SAM, NYON MONGS PA GZHAN DANG MTSUNGS PAR LDAN PAR MI 'GYUR RO ZHES THAMS CAD LA BRJOD PAR BYA'O, ,SEMS KYANG ZHES BYA BA RGYAS PAR 'BYUNG STE, GAL TE NYON MONGS PA THAMS CAD KYI RANG BZHIN MA RIG PA YIN NA, 'DOD CHAGS KYANG NYON MONGS PA'I RANG BZHIN YIN PAS MA RIG PA KHO NA YIN PA'I PHYIR 'DOD CHAGS KYIS NYE BAR NYON MONGS PA CAN DU GYUR PA'I SEMS NI RNAM PAR GROL LO ZHES BSHAD PAR MI 'GYUR RO, ,'O NA JI LTAR BSHAD PAR BYA ZHE NA, MA RIG PAS NYE BAR NYON MONGS PA CAN DU GYUR PA'I ZHES BYA BAR SBYAR RO, ,'ON TE BYE BRAG TU BYA BA'I PHYIR ZHES BYA BA LA, NYON MONGS PA THAMS CAD MA RIG PA'I RANG BZHIN CAN YIN PA'I PHYIR MA RIG PA CHE GE MOS NYE BAR NYON MONGS PA CAN DU GYUR PA MI GROL LO BYA BAR RTOGS PAR MI 'GYUR BA DE'I PHYIR MA RIG PA BYE BRAG TU BYA BA'I PHYIR 'DOD CHAGS KYIS NYE BAR NYON MONGS PA CAN DU GYUR PA'I ZHES BSHAD DE, DPER NA SKYE MCHED BCU PO DAG GZUGS KYI RANG BZHIN DU KHYAD PAR MED PA DANG, BYE BRAG TU BYA BA'I PHYIR GZUGS KYI SKYE MCHED DANG SGRA'I SKYE MCHED CES BSHAD PA BZHIN NO, ,SHES RAB LA YANG ZHES BYA BA RGYAS PAR 'BYUNG STE, 'O NA NI SHES RAB LA YANG ZHE SDANG GIS NYE BAR NYON MONGS PA CAN DU GYUR PA DANG, NGA RGYAL GYIS NYE BAR NYON MONGS PA CAN DU GYUR PA DAG LAS BYE BRAG TU BYA BA'I PHYIR MA RIG PA'I BYE BRAG BSTAN PAR BYA STE, DE LTA MA YIN NA MA RIG PA GANG GIS NYE BAR NYON MONGS PAR 'GYUR BA MI RTOGS PAR 'GYUR RO, ,'ON TE NYON MONGS PA THAMS CAD KYIS NYE BAR NYON MONGS PA CAN DU GYUR PA'I SHES RAB NI RNAM PAR MI 'DAG STE, DE'I PHYIR 'DIR BYE BRAG NYE BAR MI LEN NO ZHE NA, MA YIN TE, SEMS LA YANG MTSUNGS PA'I PHYIR RO, ,'DI LTAR 'DOD CHAGS KHO NAS YIN PA 'BA' ZHIG TU MA ZAD KYI, NYON MONGS @306B PA GZHAN DAG GIS NYE BAR NYON MONGS PAR GYUR PA'I SEMS KYANG RNAM PAR MI 'GROL BAS 'DI NI MTSUNGS SO, ,MI GSAL BA'O ZHES BYA BA LA, GSAL BA NI RAB TU SHES PA YIN LA, MI GSAL BA NI GSAL BA MA YIN PA'O, ,MA RIG PA LA JI LTA BA DE KHO NA BZHIN DU SKYON DU 'GYUR RO ZHES BYA BA LA, GAL TE GANG GSAL BA MA YIN PA YIN NA NI MIG LA SOGS PA DAG LA YANG THAL BAR 'GYUR RO, ,'O NA NI GSAL BA MED PA YIN NO, ,DE LTA NA NI CI YANG MA YIN PAR 'GYUR NA, DE YANG RIGS PA MA YIN TE, RKYEN GYI DNGOS POR BSTAN PA DE LTA BU'I PHYIR LA, KUN DU SBYOR BA LA SOGS PA'I DNGOS POR BSTAN PA'I PHYIR RO, ,JI LTAR 'DI CI ZHIG CES MA RIG PA MI SHES PA DE BZHIN DU MI GSAL BA YANG YIN NO ZHES STON TE, MA GRUB PAS MA GRUB PA SHES PAR BYED PAR NUS PA YANG MA YIN NO, ,CHOS RNAMS BSTAN PA DE LTA BU YANG ZHES BYA BA RGYAS PAR 'BYUNG STE, DE LTA BU NI RIGS DE LTA BU DANG RNAM PA DE LTA BU ZHES BYA BA'I DON TO, ,CHOS RNAMS BSTAN PA NI GDON MI ZA BAR RANG BZHIN GYIS PHYE BA KHO NAR MA ZAD KYI, LAS KYIS RAB TU PHYE BA YANG YIN PAS, 'DIR RIG PA'I MI MTHUN PHYOGS KYI LAS KYIS MA RIG PA BSTAN TE, DE'I PHYIR DON 'GA' ZHIG RIG PA MI MTHUN PHYOGS SU GYUR PA GANG YIN PA DE YOD PA YIN NO, ,DE NYID LA DPE BSHAD PA NI, DPER NA ZHES BYA BA LA SOGS PA STE, DER NI LAS MIG GI RNAM PAR SHES PA'I RTEN NYID KYIS MIG GI RNAM PAR SHES PA NGES PAR BYED KYI, RANG BZHIN GYIS NI MA YIN NO, ,GAL TE GZUGS DANG BA ZHES RANG BZHIN GYIS RAB TU PHYE BA KHO NA LA MIG GI RNAM PAR SHES PA'I RTEN NYID DU BRJOD PA MA YIN NAM ZHE NA, GZUGS DANG BA DE NI RANG GI NGO BOS NGES PAR MI NUS TE, DE NYID KYI PHYIR MIG GI RNAM PAR SHES PA'I RTEN GANG YIN PA'O ZHES GSUNGS SO; ,BTZUN PA CHOS SKYOB NA RE NGA'O SNYAM DU SEMS CAN LA 'JUG PA NI ZHES BYA BA LA, DES 'GRO BA THAMS CAD DU 'JUG PAS NA 'JUG PA STE, 'GRO ZHES BYA BA'I DON YIN LA, DE'I DNGOS PO NI 'JUG PA NYID YIN NA, 'DI NI NGES PAR MA BYAS PA ZHIG STE, 'DI LTAR GNAS BRTAN DES KYANG @307A *, ,DE'I BRJOD PAR BYA BA NI DMIGS MA PHYED DO, ,NGA'O SNYAM DU ZHES BYA BAS NGAR 'DZIN PA YANG YONGS SU BZUNG LA, DE YANG NGA'O SNYAM PA'I NGA RGYAL GYI BYA BA YIN PAS 'DRI BA NI NGA'O SNYAM PA'I NGA RGYAL LAS GZHAN PA'I 'JUG PA GANG ZHIG CE NA ZHES BYA BA'O, ,GANG GI PHYIR NGA'O SNYAM PA'I NGA RGYAL LA MNGON PAR ZHEN PA'I PHRI RGYAS DAG LAS LOGS SHIG TU 'JUG PA GSUNGS PA DE'I PHYIR NGA'O SNYAM PA'I NGA RGYAL NYID 'JUG PA MA YIN PAR RTOGS SO, ,SRED PA THAMS CAD DANG ZHES BYA BA LA SOGS PA 'BYUNG BAS 'DOD CHAGS LA SOGS PA'I RNAM PA THAMS CAD LAS LOGS SHIG TU GSUNGS PA'I PHYIR 'DOD CHAGS LA SOGS PA'I NYON MONGS PA RNAM PA GZHAN MA YIN LA, MA RIG PA NI MA GSUNGS PA'I PHYIR 'JUG PA'I SGRAS NI MA RIG PA GSUNGS SO ZHES BYA BAR SHES SO, ,NGA RGYAL GZHAN YANG YOD PA MA YIN NAM ZHES BYA BA NI MDO 'DI LAS NI NGA'O SNYAM PA'I NGA RGYAL KHO NA RANG GI SGRAS GSUNGS KYI, NGA RGYAL GZHAN MA YIN PAS 'JUG PA'I SGRAS NGA'O SNYAM PA'I NGA RGYAL LAS GZHAN PA'I NGA RGYAL BSTAN PAR 'GYUR RO ZHES BYA BA'O, ,'DI LA DPYAD PAR CHAD NA ZHES BYA BA LA SOGS PA LA, MA RIG PA'I YAN LAG 'DI LA RNAM PAR DPYAD NA GZHUNG 'DI MANGS PAR 'GYUR BA DE'I PHYIR 'DI NI GZHAG GO, ,YANG DPYAD PA BYAS NA NI LAN DANG YANG LAN GYI TSIG GIS BRJOD PA MANG BAR 'GYUR BA DE'I PHYIR RNAM PAR DPYAD PAS CHOG GO, ,YANG MING DANG GZUGS ZHES BYA BA'I DON CI ZHE NA ZHES BYA BA LA, GAL TE MA RIG PA'I RKYEN GYIS 'DU BYED RNAMS ZHES BYA BAS MA RIG PA'I MJUG THOGS SU 'DU BYED BSTAN PAR BYA LA, DE'I 'OG TU NI RNAM PAR SHES PA'I YAN LAG BSTAN PAR BYA BA YIN NAM, CI STE MING DANG GZUGS DE BKOD CE NA, SEMS PA YID KYI LAS YIN TE, ,DES BSKYED LUS DANG NGAG GI LAS, , ZHES BYA BA DE LTA BU LA SOGS PAS 'DU BYED RNAMS KYI MDZOD KYI GNAS NAS 'CHAD PA'I PHYIR LA RNAM PAR SHES PA YANG, RNAM SHES SO SOR RNAM RIG PA, ,ZHES BYA BA DER BSHAD ZIN TE, ,BSHAD ZIN 'CHAD PAR 'GYUR PA GZHAN, ,ZHES 'CHAD PAR 'GYUR BA'I PHYIR RO, ,GZUGS @307B NI RGYA CHER BSHAD PA YIN NO ZHES BYA BA LA, GZUGS NI DBANG PO LNGA DANG DON, ,LNGA DANG RNAM RIG BYED MIN NYID, ,CES BYA BA DE LTA BU LA SOGS PAS RGYAS PAR BSHAD ZIN TO, ,MING NI GZUGS CAN MING PHUNG PO, ,ZHES BYA BA LA, SGRA 'JUG PA'I RGYU MTSAN 'DRI BA NI CI'I PHYIR ZHES BYA BA STE, GZUGS CAN MA YIN PA'I PHUNG PO BZHI LA MING ZHES BRJOD CES BYA BA'O, ,SGRA 'JUG PA'I RGYU MTSAN BSTAN PA'I PHYIR MING DANG DBANG PO DANG DON GYI DBANG GIS ZHES BYA BA RGYAS PAR SMOS SO, ,MING DANG DBANG PO DANG DON DANG GSUM GYI DBANG GIS GZUGS LA SOGS PA'I DON RNAMS LA GZHOL BAS MING STE, DMIGS PAR 'DZIN PA 'DUS PA LA BRTEN NAS BRJOD DO ZHES BYA BA'I DON TO, ,DE LA MING GI DBANG GIS NI GZUGS LA SOGS PA MNGON SUM DANG MNGON SUM MA YIN PA DAG LA'O, ,DBANG PO DANG DON GYI DBANG GIS NI MNGON SUM PA DAG LA GZHOL LO, ,MING GANG GI ZHES BYA BA NI GSUNG RAB LAS PHUNG PO BZHI'I MTSAN NYID DAM, 'BOD MING GI MTSAN NYID CAN LA MING DU GRAGS PA DE'I PHYIR THE TSOM ZA BA'I, ,'JIG RTEN NA GRAGS PA GANG YIN PA STE ZHES BYA BA RGYAS PAR 'BYUNG STE, 'DIR NA 'BOD MING GI MTSAN NYID GZUNG STE, PHUNG PO BZHI'I MTSAN NYID CAN 'JIG RTEN DU MA GRAGS PA'I PHYIR RO, ,DE LA BA LANG DANG RTA ZHES BYA BA NI GONG BU GO BAR BYED PA'I PHYIR DON DU MA GO BAR BYED PA YIN NO, ,GZUGS DANG RO ZHES BYA BA NI DON GCIG GO BAR BYED PA YIN TE, RDZAS GO BAR BYED PA'I PHYIR RO, ,DE LTA NA NI 'ON DMIGS PA MED PA'I PHYIR LDAN PA MA YIN PA RNAMS LA MING NYID MI SRID DO ZHE NA, DE NI DE LTA MA YIN TE, GZUGS CAN MA YIN PA RNAMS KHO NA LA DMIGS PA GZHOL BA NYID MI SRID PA'I PHYIR GZUGS CAN MA YIN PA RNAMS KHO NA MING YIN NO, ,DE MED PAS LDAN PA MA YIN PA RNAMS MING MA YIN PA NYID KYANG MA YIN TE, GZUGS BZHIN NO, ,DPER NA GZHIG CING GZHOM DU RUNG BAS GZUGS YIN ZHING THOGS PA MED PAS 'DAS PA DANG MA 'ONGS PA DANG RNAM PAR RIG BYED MA YIN PA DANG, RDUL PHRA RAB RNAMS LA GZUGS SU RUNG BA YOD PA YANG MA YIN LA, DE DAG GZUGS MA YIN PA NYID @308A *, ,KYANG MA YIN ZHING, 'DI GZUGS KHO NA LA YOD PAS GZUGS KYI NGES TSIG MA YIN PA BZHIN NO, ,DE YANG ZHES BYA BA NI GANG 'JIG RTEN NA GRAGS PA BA LANG DANG RTA ZHES BYA BA'O, ,CI'I PHYIR ZHES BYA BA NI RGYU GANG GIS DE MING NYID YIN ZHES BYA BA'O, ,MING DE DANG DE ZHES BYA BA LA LDAN PA MA YIN PA'I 'DU BYED DE MING NYID YIN TE, GANG PHUNG PO BZHIR BSHAD PA DE GZHOL BAR BYED DU 'JUG PA'I PHYIR RO, ,GZHAN DAG NA RE 'DIR LUS BOR NAS ZHES BYA BA RGYAS PAR 'BYUNG BA LA 'CHI BA'I TSE LUS BOR NAS SKYE BA GZHAN DU GZHOL BA'I PHYIR NA, TSOR BA LA SOGS PA GZUGS CAN MA YIN PA'I PHUNG PO RNAMS NI MING ZHES BYA STE, JI SKAD DU, SHI ZHING DUS BYAS PA DE'I LUS RUL BA DE NYE DU RNAMS KYIS MES SREG PA'AM, CHUR BSKUR BA'AM SA'I 'OG TU 'JUG PAR 'GYUR ZHING, RLUNG DANG NYI MA DAG GIS YONGS SU BSKAMS PA DANG, YONGS SU ZAD PA DANG, GTUGS PAR 'GYUR TE, SEMS ZHES BYA BA DANG, YID CES BYA BA DANG, RNAM PAR SHES PA ZHES BYA BA DAD PAS YONGS SU BSGOS PA DANG, TSUL KHRIMS DANG, THOS PA DANG, GTONG BA DANG SHES RAB KYIS YONGS SU BSGOS PA GANG YIN PA DE NI PHYI MA LA GANG DU 'GRO BA DANG, KHYAD PAR DU 'GRO BA DANG, MTHO RIS SU 'GRO BAR 'GYUR RO ZHES GSUNGS PA LTA BU'O,, RNAM PAR SHES PA GZHOL BA NI MI 'PHO BA'I TSUL DU YIN PAR RIG PAR BYA'O, ,SKYE MCHED DRUG BSHAD ZIN TO, ,GANG DU BSHAD CE NA, DE DAG RNAMS KYI RNAM SHES RTEN MIG LA SOGS GZUGS DANG BA RNAMS ZHES BYA BA DANG, RNAM SHES SO SOR RNAM RIG PA, ,YID KYI SKYE MCHED KYANG DE YIN, ,ZHES BYA BA DER RO, ,RIG DRUG CES BYA BAS RTEN GYI DBYE BAS REG PA'I DBYE BA TZAM ZHIG BSHAD LA, 'DUS TE BYUNG BA YIN ZHES BYA BA 'DIR YANG RGYU BSHAD KYI NGO BO NI MA YIN NO, ,'DUS PA NI LHAN CIG @308B 'BYUNG BA'O SNYAM DU BSAMS NAS SMRAS PA NI, RE ZHIG LHAN CIG SKYES PA'I PHYIR, ,ZHES RGYAS PAR 'BYUNG BA'O, ,YID DANG CHOS DANG YID KYI RNAM PAR SHES PA RNAMS SKYE BA'I DUS THA DAD PA'I PHYIR LHAN CIG 'BYUNG BA MI SRID DO SNYA MA ZHING, YID KYI DBANG PO 'GAGS PA GO ZHES BYA BA LA SOGS PA SMRAS TE, DRUG PO 'GAGS MA THAG PA YI, ,RNAM SHES GANG YIN DE YID DO, ,ZHES BYA BAS YID KYI RNAM PAR SHES PA NI 'DAS PA YIN GYI PHYIR 'GAG PA'O, ,GZUGS LA SOGS PA'ANG CHOS YID KYI RNAM PAR SHES PAS DMIGS PAR BYA BA RNAMS NI 'BYUNG BAR 'GYUR BA YIN PA'I PHYIR MA 'ONGS PA'O, ,SEMS DANG SEMS LAS BYUNG BA DA LTAR BA RNAMS KHO NAS DMIGS PA DMIGS PA'I PHYIR YID KYI RNAM PAR SHES PA NI DA LTAR GYI'O, ,JI LTAR 'DU ZHES BYA BA NI 'DU BA YOD PA MA YIN PA DE NYID DE, DUS THA DAD PAR RTOGS PA'I PHYIR RO SNYAM DU BSAMS PA'O, ,RGYU DANG 'BRAS BU'I DNGOS PO GANG YIN BA ZHES BYA BA LA, YID KYI RNAM PAR SHES PA NI 'BRAS BU'I DNGOS PO'O, ,YID KYI DBANG PO DANG CHOS RNAMS NI RGYU'I DNGOS PO'O, ,REG PA BSKYED PAR BYA BA LA MTHUN PA YIN PA'I PHYIR ZHES BYA BA NI REG PA BSKYED PAR BYA BA'I CHED DU PHAN TSUN RJES SU MTHUN PA'O, ,'BRAS BU GCIG PA'I DON TO ZHES BYA BA NI YUL DANG DBANG PO RNAM PAR SHES PA RNAMS 'BRAS BU GCIG PA NYID LA 'DU BA ZHES BRJOD DO, ,DRUG TSUN DRUG CES BYA BA NI 'DI LA DRUG TSUN DRUG YOD PAS NA DRUG TSAN DRUG PA STE, NANG DANG PHYI DANG RNAM PAR SHES PA DANG; REG PA DANG, TSOR BA DANG, SRED PA RNAMS SO, ,'DIR REG PA'I TSOGS ZHES BYA BA LA, GAL TE YUL DANG DBANG PO DANG RNAM PAR SHES PA RNAMS 'DUS PA TZAM REG PA YIN NA NI DE DAG LAS DON GZHAN DU GYUR PA MA YIN LA, DE LTA YIN NA YUL DANG DBANG PO DANG RNAM PAR SHES PA DRUG TSAN LAS LOGS SHIG TU GSUNG BAR MI 'GYUR TE, GANG DAG YANG REG PA SMOS PAS BSTAN PAR BYAS SO ZHES RTOG PA, DE DAG LAS THA DAD PA'I YUL DANG DBANG PO DANG RNAM PAR SHES PA DAG YOD PA NI MA YIN NO, ,DE'I PHYIR SRID PA LA SOGS PA BZHIN DU DE DAG LAS @309A *, ,LOGS SHIG TU BSTAN PAS DE DAG 'DUS PA TZAM NI REG PA MA YIN NO ZHES BYA BAR SHES SO, ,YUL DANG DBANG PO DANG RNAM PAR SHES PA DAG LAS LOGS SHIG TU BSTAN PAS REG PA DE DAG LAS LOGS SHIG TU YOD PA NI MA YIN NO, ,CI'I PHYIR MA YIN ZHE NA, TSOR BA DANG SRED PA DAG KYANG CHOS KYI SKYE MCHED LAS ZHES BYA BA RGYAS PAR SMOS SO, ,GAL TE LOGS SHIG TU BSTAN PAS SRED PA LA SOGS PA LTAR LOGS SU YOD NA DE LTA NA CHOS KYI RNAM GRANGS DRUG TSAN DRUG PA 'DI NYID LAS TSOR BA DANG SRED PA DAG CHOS KYI SKYE MCHED LAS LOGS SHIG TU BSHAD PAS CHOS KYI SKYE MCHED LAS LOGS SHIG TU YOD PAR THAL BAR 'GYUR NA, DE NI 'DOD PA YANG MA YIN NO, ,DE'I PHYIR LOGS SHIG TU GSUNGS PA NI GZHAN NYID KYI RGYU MA YIN TE, 'KHRUL PA'I PHYIR RO, ,DE DAG LAS MA GTOGS PA'I CHOS KYI SKYE MCHED KYANG ZHES BYA BA LA SOGS PA LA; GANG ZHIG TSOR BA DANG SRED PA DANG GNYIS BSAL NAS CHOS KYI SKYE MCHED CES BSTAN PA, TSOR BA DANG SRED PA MA GTOGS PA'I CHOS KYI SKYE MCHED 'DUS MA BYAS DANG, RNAM PAR RIG BYED MA YIN PA DANG, 'DU SHES DANG, SEMS LA SOGS PA'I MTSAN NYID CAN YANG YOD DE, DE'I PHYIR GANG ZHIG GANG LAS LOGS SHIG TU BSTAN PA DE NI DE LAS THA DAD PA KHO NA YIN PAS LOGS SU BSTAN PA LA 'KHRUL PA MED PA NYID DO, ,DE LTA BUR 'DIR ZHES BYA BA RGYAS PAR 'BYUNG STE, DE LTA BUR GANG ZHIG MDO 'DIR NANG DANG PHYI'I SKYE MCHED SMOS PA DANG, RNAM PAR SHES PA SMOS PAS SMOS SU RUNG BA, REG PA ZHES BYA BA'I RGYU DANG 'BRAS BUR GYUR PA YUL DANG DBANG PO DANG RNAM PAR SHES PA GSUM LAS GZHAN GSUM REG PAR MA GYUR PA GANG YIN PA NI YOD PA MA YIN NO, ,DE'I PHYIR REG PA NI DBANG PO DANG YUL DANG RNAM PAR SHES PA RNAMS LAS GZHAN KHO NA YIN TE, LOGS SHIG TU BSTAN PA'I PHYIR RO, ,CI STE DE DANG MTSUNGS PA'I YUL DANG DBANG PO DANG RNAM PAR SHES PA PHAN TSUN LTOS PA MED PA RNAMS KYI NANG DANG PHYI'I SKYE MCHED DANG RNAM PAR SHES PA DRUG PO DAG LOGS SHIG TU BSTAN LA, RTEN PA MTSUNGS PA PHAN TSUN LTOS PA RNAMS NI REG PA'I TSOGS SMOS PAS SMOS PA'I @309B PHYIR NA DE DON GZHAN GYI DNGOS PO MA YIN YANG, YUL DANG DBANG PO DANG RNAM PAR SHES PA DAG LAS LOGS SHIG TU BSTAN PAR MI 'GAL LO SNYAM NA, GAL TE RNAM PAR SHES PA'I ZHES BYA BRGYAS PAR 'BYUNG NGO, ,DON DANG DBANG PO DAG NI DE DANG MTSUNGS PA YIN PAS RNAM PAR SHES PA LA MI LTOS PAR 'GYUR NA, RNAM PAR SHES PA NI DON DANG DBANG PO MED PA MA YIN TE, DE DAG GI RGYU CAN YIN PA'I PHYIR RO, ,RGYU NI 'BRAS BU MED PAR YANG YOD NA 'BRAS BU NI RGYU MED PAR MA YIN TE, DE LA RAG LAS TE SKYE BA'I PHYIR RO, ,DE'I PHYIR GANG RNAM PAR SHES PA'I TSOGS DRUG CES LOGS SHIG TU BSTAN PAR BYA LA, DON DANG DBANG PO LTAR REG PAR MA GYUR PA'I RNAM PAR SHES PA DON DANG DBANG PO LA LTOS PA MED PA NI CUNG ZAD KYANG MED DO, ,DE LTA BAS NA GSUM BSTAN ZIN PAS ZHES BYA BA NI YUL DANG DBANG PO DANG RNAM PAR SHES PA DAG GO, ,REG PA SMOS PA NI DON MED DO ZHES BYA BA LA, DBANG PO DANG DON DANG RNAM PAR SHES PA DE DAG KHO NA REG PA YIN LA, DE DAG KYANG BSTAN PAS YANG REG PA'I TSOGS DRUG CES BSTAN PA DON MED PAR 'GYUR NA, 'DOD PA YANG MA YIN TE, DES NA REG PA NI 'DUS PA LAS GZHAN KHO NA YIN NO ZHES BYA BAR KHAS BLANG BAR BYA'O, , GANG DAG RGYU DANG 'BRAS BU'I DNGOS PO YIN PA ZHES BYA BA LA, MIG DANG GZUGS SNGAR SKYES PA DAG DANG, MIG GI RNAM PAR SHES PA PHYIS SKYES PA NI RGYU DANG 'BRAS BU'I DNGOS PO YIN PAS DE DAG KHO NA REG PA'I DNGOS POR GZHAG LA, MIG LA SOGS PA GANG DAG RGYU DANG 'BRAS BUR GYUR PA DE DAG NI NANG DANG PHYI'I SKYE MCHED DANG, RNAM PAR SHES PA'I TSOGS NYID DU BSTAN TE, DE DAG KYANG DBANG PO DANG YUL DANG RNAM PAR SHES PA LAN CIG SKYES PA RNAMS DANG, PHAN TSUN CHOD PA SNGA PHYIR SKYES PAS SO ZER RO ZHES BYA BA NI SLOB DPON DPAL LEN TE, 'DI LA YANG LAN NI GAL TE RNAM PAR SHES PA MED PA'I DBANG PO DANG DON DAG CES RGYAS PAR 'BYUNG BA DE NYID YIN NO, ,DE SKAD DU MI 'DON TO ZHES BYA BA NI DANG POR MI BYED KYI, 'O NA CI ZHE NA, CHOS GSUM PO 'DI DAG 'BREL PA DANG, 'DUS PA DANG, TSOGS PA LAS BYUNG BA GANG YIN PA DE NI @310A *, ,REG PA'O ZHES LNGA PAR BYED PA'O, ,YANG NA NI 'DI RGYU LA ZHES BYA BA LA SOGS PA LA, REG PA'I RGYU GSUM 'DUS PA NI REG PAR SMRAS TE, DPER NA SANGS RGYAS RNAMS NI 'BYUNG BA BDE, ,ZHES BYA BA LTA BU'O, ,BRJOD PA 'DI LA RGYU SKYE BA'I RNAM PA HA CANG MANG POR 'PHRO BA'I NGANG TSUL YOD PAS NA, RGYU SKYE BA'I RNAM PA HA CANG MANG BOR 'PHRO BA'O, ,THOGS PA DANG BCAS PA'I DBANG PO LA BRTEN PA'I PHYIR ZHES BYA BA LA, MIG LA SOGS PA DAG NI RANG GI YUL DU GZUGS GZHAN SKYE BA LA GEGS BYED PAS THOGS PA DANG BCAS PA'O, ,GZHAN DAG NA RE THOGS PA DANG BCAS PA'I DBANG PO LA BRTEN PA'I PHYIR DANG, GCIG TU THOGS PA DANG BCAS PA'I CHOS KYI YUL CAN YIN PA'I PHYIR RO ZHES ZER RO, ,TSIG BLA DAGS ZHES BYA BA NI MING YIN NO ZHES BYA BA NI LHA SBYIN MCHOD SBYIN ZHES BYA BA SEMS DANG LDAN PA MA YIN PA'I 'DU BYED DE; DE NI DRUG PA KHO NA'I YUL YIN GYI, GZHAN GYI NI MA YIN NO, ,DE NYID RAB TU BSTAN PA'I PHYIR, DE LHAG PAR 'DI'I DMIGS PA YIN PAS ZHES BYA BA SMOS TE, GRAG CES BYA BA'I SGRA NI SGRA LAS MA GTOGS PA'I MING MED PAR SHES PAR BYA BA'I PHYIR RO, ,MIG GI RNAM PAR SHES PAS NI SNGON PO RNAM PAR SHES KYI ZHES BYA BA NI BRJOD PAR BYA BA'I RANG GI NGO BO RNAM PAR SHES PA'O, ,SNGON PO'O ZHES BYA BAR NI RNAM PAR MI SHES SO ZHES BYA BA NI MING GI SGO NAS RNAM PAR MI SHES PA STE, MIG GI RNAM PAR SHES PA NI RNAM PAR RTOG PA MED PA YIN PA'I PHYIR RO, ,YID KYI RNAM PAR SHES PAS NI RANG GI NGO BO DANG MING GNYIS KA'I SGO NAS RNAM PAR SHES PA STE, NGES NI MING DANG MING CAN GYI 'BREL PA 'DZIN PAR NUS PA'I PHYIR RO, ,GCIG NI RTEN GYIS RAB TU PHYE BA YIN NO ZHES BYA BA NI THOGS PA'I REG PA STE, THOGS PA DANG BCAS PA'I DBANG PO LA BRTEN PA'I PHYIR RO; ,GZHAN DAG NA RE NI RTEN DANG DMIGS PAS RAB TU PHYE BA YIN NO ZHES ZER RO, ,GNYIS PA NI DMIGS PAS RAB TU PHYE BA YIN NO ZHES BYA BA NI TSIG BLA DAGS KYI REG PA STE, LHAG PAR TSIG BLA DAGS KYI DMIGS PA CAN YIN PA'I PHYIR RO, ,TSIG GI DBANG DU BYAS NAS ZHES BYA BA LA, @310B NYE BAR BSTAN PAS MING DANG MING CAN GYI 'BREL PA LA BYANG BA NI YID KYI RNAM PAR SHES PA'I SGO NAS BUM PA DANG SNAM BU ZHES BYA BAR RTOG PA YIN NO, ,GNYIS PA NI MTSUNGS PAR LDAN PAS RAB TU PHYE BA YIN NO ZHES BYA BA LA, TSIG BLA DAGS NI YID YIN LA DE DANG MTSUNGS PAR LDAN PA'I REG PA NI TSIG BLA DAGS KYI REG PA'O, ,RIG DANG MA RIG CES BYA BA LA SOGS PA LA, RIG PA ZHES BYA BA NI ZAG PA MED PA'I SHES RAB PO, ,MA RIG PA ZHES BYA BA NI NYON MONGS PA CAN GYI MI SHES PA'O, ,RIG PA YANG MA YIN MA RIG PA YANG MA YIN PA NI SHES RAB DGE BA ZAG PA DANG BCAS PA DANG, SHES RAB MA BSGRIBS LA LUNG DU MA BSTAN PA STE, DE DAG DANG MTSUNGS PAR LDAN PA DE DAG NI RIM PA BZHIN DU REG PA YIN PAR RIG PAR BYA'O, ,MA RIG PA'I REG PA ZHES BYA BA RGYAS PAR 'BYUNG STE, MA RIG PA'I REG PA NI NYON MONGS PA THAMS CAD DANG MTSUNGS PAR LDAN PA'O, ,YANG DANG YANG DU 'BYUNG BA NI RTAG TU KUN DU 'BYUNG BA STE, DE'I PHYOGS GCIG SMOS PAS REG PA GNYIS SU 'GYUR TE, GNOD SEMS DANG RJES SU CHAGS PA'I REG PA'O, ,JI LTAR TSOR BA BDE BA DANG MTHUN PA'I PHYIR RO ZHES BYA BA NI TSOR BA BDE BA DANG RJES SU MTHUN PA'I PHYIR RO ZHES BYA BA DANG, TSOR BA BDE BA SKYED PAR BYED PA YIN PA'I PHYIR RO ZHES BYA BA'I DON TO, ,GZHAN DAG LA YANG DE DANG 'DRA BAR BRJOD PAR BYA'O, ,JI LTAR DE BYA BA'AM BYA BAR NUS PAR BYA BAR 'GYUR BA YIN PA DE BZHIN DU DE MYONG BAR BYA BA'AM MYONG BAR NUS PA'I PHYIR MYONG BAR 'GYUR BA'O, ,DE DAG NI REG PA BCU DRUG YIN NO ZHES BYA BA NI MIG GI 'DUS TE REG PA LA SOGS PA DRUG DANG, THOGS PA DANG TSIG BLA DAGS KYI REG PA GNYIS DANG, RIG PA DANG MA RIG PA DANG LGZHAN GYI REG PA GSUM DANG, GNOD SEMS DANG RJES SU CHAGS PA'I REG PA GNYIS DANG, BDE BA MYONG BAR 'GYUR BA LA SOGS PA GSUM STE, DE RLTAR DE DAG THAMS CAD NI BCU DRUG TU 'GYUR RO, ,REG PA RNAM PAR GTAN LA DBAB PA DANG RAB TU DBYE BA DANG BCAS TE BSHAD ZIN TO, ,TSOR BA BRJOD PAR BYA STE ZHES BYA BA LA, TSOR BA MYONG BA ZHES SNGAR @311A *, ,TSOR BA BSHAD ZIN MA YIN NAM ZHE NA, BSHAD PA BDEN MOD KYI, DER NI RANG GI NGO BO'I SGO NAS YIN GYI RAB TU DBYE BAS NI MA YIN LA, 'DIR NI RAB TU DBYE BA'I SGO NAS BSTAN PA BRJOD PAR 'DOD PA'I PHYIR ZLOS PA'I SKYON MED DE, DE NYID KYI PHYIR DE LAS BYUNG BA TSOR BA DRUG CES SMOS SO, ,DE DAG KYANG MDOR BSDU NA TSOR BA GNYIS SU 'GYUR TE, LUS KYI DANG SEMS KYI'O, ,DE NYID KYI PHYIR, DE DAG LAS LNGA NI LUS KYI'O ZHES BYA BA SMOS SO, ,SEMS KYI YIN YANG DBANG PO GZUGS CAN LA BRTEN PA'I PHYIR LUS KYI ZHES BYA STE, RDUL PHRA RAB BSAGS PA YIN PA'I PHYIR DANG, LUS LA BRTEN PA'I PHYIR NA LUS KYI SGRA NI MIG LA SOGS PA DAG LA 'JUG GO, ,SEMS TZAM LA BRTEN PA'I PHYIR ZHES BYA BA LA, TZAM ZHES BYA BA SMOS PA NI DE LAS LHAG PA'I RTEN GCAD PAR BYA BA'I PHYIR RO, ,LUS KYI YANG SEMS LA BRTEN PA YIN MOD KYI; SEMS TZAM LA BRTEN PA NI MA YIN TE, DE'I RTEN NI MIG LA SOGS PA RNAMS KYANG YIN PA'I PHYIR RO, ,YANG JI LTAR TSOR BA REG PA'I 'OG TU 'BYUNG BA ZHES BYA BA RGYAS PAR 'BYUNG BA BZHI NI GNYIS KA LTAR YANG 'GAL BAR MTHONG BA'I DRI BA'O, ,BYE BRAG TU SMRA BA SMOS PA NI KHA CIG NA RE SKYED PAR BYED PA'I CHOS LAS 'DAS PA MA RANGS PA'I DON DU YIN NO ZHES ZER RO, ,PHAN TSUN LHAN CIG 'BYUNG BA'I RGYU YIN PA'I PHYIR TSOR BA NI REG PA DANG DUS MNYAM PA YIN TE, DE LAS GZHAN PA'I SEMS LAS BYUNG BA BZHIN NO, ,JI LTAR LHAN CIG 'BYUNG BA GNYIS SKYED PAR BYED PA'ANG BSKYED PAR BYA BA'I DNGOS POR GRUB CES BYA BA LA, SKYED PAR BYED PA'I DNGOS PO NI SKYED PAR BYED PA NYID DO, ,'BRAS BU SKYED PAR NUS PA'O, ,BSKYED PAR BYA BA'I DNGOS PO NI BSKYED PAR BYA BA NYID DE, BDAG NYID DU MA RED PA ZHES BYA BA'I DON TO, ,DE LTA YIN DANG SKYED PAR BYED PA DANG BSKYED PAR BYA BA'I DNGOS PO NI SKYES PA DANG MA SKYES PA DAG LA GRUB KYI SKYES ZIN PA DAG KHO NA LA NI MA YIN NO SNYAM DU BSAMS PA'O, ,LHAN CIG 'BYUNG BA GNYIS LA YANG SKYED PAR BYED PA DANG BSKYED PAR BYA BA'I DNGOS PO MI 'GAL BAR MTHONG STE 'DRI BAR NI JI LTAR MI 'GRUB CES BYA BA'O,, @311B MTHU MED PA'I PHYIR TE ZHES BYA BA LA, SKYES ZIN PA BDAG NYID THOB PA NI YANG BSKYED PAR MI NUS TE, SKYES ZIN PA YANG BSKYED PAR BYA BA MA YIN PA'I PHYIR RO, ,DE'I PHYIR DE LA DE BSKYED PA'I MTHU YOD PA MA YIN NO, ,DE NYID BSTAN PA'I PHYIR, CHOS SKYES ZIN PA LA NI CHOS KYI NUS PA MED DO ZHES BYA BA SMOS SO, ,DAM BCAS PA DANG BYE BRAG MED PA YIN NO ZHES BYA BA NI DON GANG ZHIG DAM BCAS PAS NYE BAR BZUNG BA DE NYID GTAN TSIGS KYI TSIG GIS KYANG BZUNG BAS DAM BCA' BA DANG BYE BRAG MED DO, ,DE NYID RAB TU BSTAN PA'I PHYIR LHAN CIG 'BYUNG BA GNYIS ZHES RGYAS PAR SMOS TE, PHAN TSUN BSGRUB BYA SGRUB BYED YIN PA'I PHYIR DAM BCA' BA DANG KHYAD PAR MED DO ZHES BYA BA'O, ,GAL TE DAM BCA' BA DANG BYE BRAG MED PA'I PHYIR 'DI SGRUB PAR BYED PA MA YIN NA, 'O NA NI PHAN TSUN SKYED PAR BYED PAR THAL BAR 'GYUR BA'I PHYIR RO ZHES BYA BA YIN TE, GANG LAS 'DIR GCIG KHO NA SKYED PAR BYED PA YIN GYI GZHAN NI MA YIN NO ZHES BYA BA'I KHYAD PAR GYI RGYU NI 'GA' YANG 'DI LA YOD PA MA YIN TE, DE LTA YIN DANG REG PA DANG TSOR BA GNYIS PHAN TSUN SKYED PAR BYED PA NYID YIN PA'I PHYIR RTEN CING 'BREL PAR 'BYUNG BA 'GAL LO, ,DE'I PHYIR LHAN CIG 'BYUNG BA GNYIS SKYED PAR BYED PA DANG BSKYED PAR BYA BA'I DNGOS POR MI RIGS SO, ,'DOD PA'I PHYIR NYES PA MED DO ZHES BYA BA NI GRUB PA LA SGRUB PAR STON PA'O, ,'DOD PA 'DI NI MDO LAS MI BZHED DO ZHES BYA BA LA, CHOS MNGON PA LAS, LHAN CIG 'BYUNG GANG PHAN TSUN 'BRAS, ,ZHES 'DOD PA 'DI MDO LAS NI MI BZHED DE, DE BSTAN PA'I PHYIR MIG GI 'DUS TE REG PA LAS BYUNG BA'I TSOR BA ZHES BYA BA RGYAS PAR SMOS SO, ,LHAN CIG 'BYUNG BA NI RIGS PA MA YIN TE, CI'I PHYIR ZHE NA, SKYED PAR BYED PA'I CHOS DANG 'GAL BA'I PHYIR RO, ,SKYED PAR BYED PA DANG BSKYED PAR BYA BA GNYIS CIG CAR NI MI 'GRUB STE, SA BON DANG MYU GU BZHIN NO, ,SNGA PHYI'I DNGOS PO YIN PA 'BA' ZHIG TU MA ZAD KYI, LHAN CIG PA'I DNGOS PO YANG GRUB PAS MA NGES SO, ,DPER NA ZHES BYA BA RGYAS PAR 'BYUNG BA LA, MIG DANG GZUGS LA SOGS PA DAG NI LHAN CIG 'BYUNG BA KHO NA MIG GI RNAM PAR SHES PA LA SOGS PA RNAMS KYI SKYED PAR BYED PA YIN LA, 'BYUNG BA LHAN @312A *, ,CIG 'BYUNG BA RNAMS KYANG GZUGS LA SOGS PA 'BYUNG BA LAS GYUR BA RNAMS KYI SKYED PAR BYED PA YIN NO, ,DGAG PA CI ZHIG YOD CES BYA BA NI 'DI LA RIGS PA YOD PA MA YIN ZHING, DE NI DE LTA MA YIN NO ZHES BYA BA'I LUNG YANG MED DO, ,'O NA NI MYU GU DANG GRIB MA DAG DANG, MAR ME DANG 'OD DAG JI LTA BAR ZHES BYA BA LA, GAL TE SKAD CIG MA DANG PO LA GRIB MA MED PA DANG 'OD MED PAR 'GYUR NA NI DE LTAR SNGA PHYI'I DNGOS POR RTOGS PAR 'GYUR NA, 'GYUR BA YANG MA YIN TE, DE'I PHYIR MYU GU DANG MAR ME NI GRIB MA DANG 'OD LHAN CIG 'BYUNG BA DAG GI RGYU YIN NO ZHES BYA BAR GRUB PO, ,'DIR YANG RGYU'I TSOGS PA SNGAR BYUNG BA KHO NAR MAR ME 'OD DANG BCAS PA DANG MYU GU GRIB MA DANG BCAS PA'I RGYUR CI STE MI 'DONG, GZHAN YANG 'GRO BA DANG GNAS PA DANG RNAM PAR 'GYUR BA'I RJES SU BYED PA'I PHYIR DANG, YOD PA DANG MED PA DAG KYANG DE DAG GI RGYU CAN YIN PA'I PHYIR MYU GU DANG MAR ME DAG GRIB MA DANG 'OD GNYIS KYI SKYED PAR BYED PA YIN LA, 'OD MAR ME'I YIN PA'AM, GRIB MA MYU GU'I YIN NO ZHES BYA BAR NI SGRUB PAR MI NUS PA YIN NO, ,REG PA DANG TSOR BA DAG LHAN CIG 'BYUNG BAR NGES NA NI, GANG GIS NA REG PA'I RKYEN KHO NAS TSOR BA YIN GYI, TSOR BA'I RKYEN GYIS REG PA NI MA YIN NO ZHES BYA BAR RTOGS PAR 'GYUR BA, RGYU DE 'DRA BA YOD PA MA YIN TE, DE'I PHYIR MI MTHUN PA NYE BAR BKOD PA YIN NO, ,GZHAN DAG NA RE REG PA'I 'OG TU TSOR BA 'BYUNG STE ZHES ZER BA NI SLOB DPON DPAL LEN TE, 'DI LTAR NA 'DUS PA NI DBANG PO DANG YUL DANG RNAM PAR SHES PA RNAMS KYI RGYU DANG 'BRAS BU'I DNGOS PO YIN GYI LHAN CIG 'BYUNG BA NI MA YIN TE, RGYU DANG 'BRAS BU DAG DUS SNGA PHYIR 'BYUNG BA'I PHYIR RO, ,RGYU DANG 'BRAS BU DAG CIG CAR MA YIN PA'I PHYIR DBANG PO DANG DON GNYIS NI DE DAG GI 'BRAS BUR GYUR PA'I RNAM PAR SHES PA BAS SNGA LA, DE'I MJUG THOGS SU SKAD CIG MA GNYIS PA LA NI RNAM PAR SHES PA STE, DE DAG GI 'BRAS BU YIN PA'I PHYIR RO, ,GSUM 'DUS PA DE NI ZHES BYA BA RGYAS PAR 'BYUNG BA NI DER RGYU DANG 'BRAS BU'I DNGOS PO RDZOGS PA'I PHYIR RO, ,SKAD CIG MA @312B GSUM PA LA ZHES BYA BA NI REG PAR GYUR PA'I RNAM PAR SHES PA'I RKYEN GYIS YIN PA'I PHYIR SKAD CIG MA GSUM PA LA TSOR BA'O, ,DE LTA NA NI ZHES BYA BA LA SOGS PA LA GAL TE SKAD CIG MA GSUM PA LA TSOR BA YIN NA, DE LTA NA REG PA'I DUS NA TSOR BA MED PA'I PHYIR, RNAM PAR SHES PA THAMS CAD LA TSOR BA YOD PAR MI 'GYUR TE, REG PAR GYUR PA'I RNAM PAR SHES PA LA TSOR BA MED PA'I PHYIR RO, ,RNAM PAR SHES PA THAMS CAD REG PA YIN PAR MI 'GYUR RO ZHES BYA BA NI TSOR BA'I DUS NA REG PA MED PA'I PHYIR TE, 'DUS PA'I 'OG ROL TSOR BA'I DUS NA RNAM PAR SHES PA GANG ZHIG SKYE BA DE REG PA MA YIN PAS RNAM PAR SHES PA THAMS CAD REG PA MA YIN PAR 'GYUR NA, 'DI NI 'DOD PA YANG MA YIN TE, REG PA DANG TSOR BA DAG NI SA MANG PO PA YIN PAS SEMS CAN THAMS CAD LA 'BYUNG BA'I PHYIR DANG, RNAM PAR SHES PA THAMS CAD REG PA YIN NO ZHES KHAS BLANGS PA'I PHYIR RO, ,REG PA PHYI MA LA YOD PA'I TSOR BA REG PA SNGA MA'I RGYU LAS BYUNG BA YIN PAS ZHES BYA BA RGYAS PAR 'BYUNG BA NI THAMS CAD LA TSOR BA DANG REG PA YOD PA NYID DU 'DOD PA YIN NO, ,DE NI LHAN CIG 'BYUNG BA'I REG PA'I RKYEN GYIS YIN PA NYID DU MI 'DOD DO,, 'O NA DE GA LAS YIN ZHE NA, REG PA LA SNGA MA'I RGYU LAS BYUNG BA YIN GYI, DBANG PO DANG YUL SNGA MA'I RGYU MTSAN CAN GYI REG PA GANG YIN PA DE LAS BYUNG BA YIN NO, ,GANG GI PHYIR DE LTA NA DBANG PO DANG DON LAS BYUNG BA'I RNAM PAR SHES PA'I REG PA YIN PAS REG PA THAMS CAD TSOR BA DANG BCAS PA YIN LA, SHES PA THAMS CAD KYANG REG PA YIN TE, DES NA 'GAL BA MED DO, ,DMIGS PA THA DAD PA DAG LAS ZHES BYA BA NI GZUGS DANG SGRA LA DMIGS PA DAG LAS SO, ,REG PA PHYI MA LA YOD PA'I TSOR BA ZHES BYA BA NI SGRAL DMIGS PA'O, ,REG PA SNGA MA'I RGYU LAS BYUNG BA YIN NO ZHES BYA BA NI GZUGS LA DMIGS PA'I REG PA'I RGYU LAS BYUNG BA'O, ,JI LTAR NA ZHES BYA BA NI KHRO BA GSAL BAR BYED PA STE, REG PA DANG TSOR BA DAG DMIGS PA THA DAD PA NYID YIN NA NI PHYIS BYUNG BA'I TSOR BA BDE BA'I SGO NAS REG PA SNGA MA NAM YANG BDE BA MYANG BAR MI 'GYUR LA, REG PA'I @313A *, ,STOBS KYIS DMIGS PA NYAMS SU MYONG BA YANG YIN PA'I PHYIR REG PA DANG DMIGS PA THA DAD PAR MI RUNG STE, 'DI LTAR BDE BA MYONG BAR 'GYUR BA'I REG PAS SDUG BSNGAL NYAMS SU MYONG BAR JI LTAR BYED, YANG NA SEMS GANG DANG ZHES BYA BA'I SGRA LA DMIGS PA DANG NGO, , DE LAS DMIGS PA GZHAN PA ZHES BYA BA NI GZUGS LA DMIGS PA ZHES BYA BA'I DON TO, ,DE LTA YIN NA NYES PA CIR 'GYUR ZHE NA, LHAN CIG 'BYUNG BA'I REG PA LA SOGS PA DANG MTSUNGS PAR MI LDAN PA'I NYES PAR 'GYUR TE, DMIGS PA THA DAD PAS MTSUNGS PA NYID LNGAS MTSUNGS PAR MI LDAN PA'I PHYIR RO, , SDUG BSNGAL DANG BDE BA YANG MA YIN SDUG BSNGAL BA YANG MA YIN PA LA YANG DE DANG 'DRA BAR BRJOD PAR BYA'O, ,'ON NI DE'I TSE ZHES BYA BA NI DMIGS PA 'PHO BA'I TSE STE, MI 'PHO NA NI NYES PA MED DO, ,JI LTAR ZHE NA, GAL TE GZUGS LA DMIGS PA'I MIG GI RNAM PAR SHES PA'I MJUG THOGS SU MIG GI RNAM PAR SHES PA'AM, YID KYI RNAM PAR SHES PA GZUGS LA DMIGS PA KHO NA 'BYUNG NA NI DE TSOR BA DANG BCAS PA YIN NO, ,CI'I PHYIR ZHE NA, SNGAR SKYES PA MIG GI RNAM PAR SHES PA YIN PAS RIGS GCIG PA YIN PA'I PHYIR RO, ,DE'I SNGON ROL GYI RNAM PAR SHES PA ZHES BYA BA LA SOGS PA LA, CI'I PHYIR DE REG PA MA YIN ZHE NA, 'DI LA RGYU SMRAS PA NI RKYEN MA TSANG BA'I PHYIR RO ZHES BYA BA STE, 'DI LTAR MTSUNGS PA DE MA THAG PA'I RKYEN THAMS CAD KYIS NI TSOR BA'I RKYEN GYIS REG PAR GYUR PA SKYED PAR MI NUS SO, ,GZHAN DAG NA RE 'DIR RKYEN MA TSANG PA NI DPANG PO 'PHO BA DANG, DE LAS SKYES PA'I YID LA BYED PA YIN NO ZHES ZER RO, ,DE LTA YIN NA NYES PA CI ZHIG YOD CES BYA BA NI YOD PA MA YIN PA'I PHYIR DMIGS PA THA DAD PA'I NYES PA MED DO SNYAM DU BSAMS PA'O, ,SA MANG PO PA'I NGES PA NYAMS PA YIN NO ZHES BYA BA NI SEMS THAMS CAD LA REG PA DANG TSOR BA DAG MED PA'I PHYIR TE, NYES BA 'DIR 'GYUR RO, ,SA NI GSUM STE ZHES BYA BA LA, RTOG PA DANG BCAS SHING DPYOD PA DANG BCAS PA'I SA NI 'DOD PA'I KHAMS DANG BSAM GTAN DANG PO'O, ,RTOG PA MED PA LA DPYOD PA TZAM NI BSAM GTAN KHYAD PAR CAN NO, ,RTOG PA YANG MED DPYOD PA YANG MED PA NI BSAM GTAN GNYIS PA LAS, SRID PA'I RTZE MO'I BAR RO, ,DGE BA'I SA NI CHOS @313B DGE BA RNAMS TE, MI DGE BA DANG, LUNG DU MA BSTAN PA YANG DE DANG 'DRA 'O, ,SLOB PA'I SA NI SLOB PA'I ZAG PA MED PA'I CHOS DAG GO, ,MI SLOB PA NI MI SLOB PA'I ZAG BA MED PA'I CHOS DAG GO, ,SLOB PA YANG MA YIN MI SLOB PA YANG MA YIN PA NI ZAG PA DANG BCAS PA'I CHOS DAG GO, ,'DUS MA BYAS NI MA BSHAD DE, SA RNAMS 'DUS BYAS YIN PA'I PHYIR RO, ,DE LA GANG DAG CES BYA BA RGYAS PAR 'BYUNG BA LA, DE DAG NI SA MANG PO PA LA SOGS PA LA, TSOR BA DANG 'DU SHES SEMS PA DANG ZHES BYA BA DER JI SKAD DU BSHAD PA RNAMS SO, ,GZHAN DAG NA RE DE DAG NI ZHES BYA BA RGYAS BAR 'BYUNG BA LA, DE DAG NI ZHES BYA BA NI SA MANG PO LA SOGS PA DAG GO, ,GANG DAGS GANG LA YOD PA DE DAG NI DE LA RNAM GRANGS KYIS YIN GYI CIG CAR NI MA YIN TE, DPER NA TSOR BA DANG REG PA LA SOGS PA BZHIN NO, ,'DON PA'I ZHAR LA ZHES BYA BA NI MDO 'DON PA'I ZHAR LA STE, MDO LAS NI 'DI SKAD DU, DGE BA DANG, LUNG DU MA BSTAN PA ZHES 'DON TO, ,GRANGS KYI ZHES BYA BA NI MTSAN NYID KYIS THOB PAS 'THAD PA YOD PA'I PHYIR DA LTAR CHOS MNGON PA'I TSUL SHES PA RNAMS KYIS LHAG PAR BTAGS PA'O, ,SNGON NI MA BTON TO ZHES BYA BA LA, RAB TU BYED PA'I RKANG PA LAS SA MANG PO PA DANG, DGE BA'I SA MANG PO PA DANG, NYON MONGS PA'I SA MANG PO PA DANG, NYON MONGS PA CHUNG DU'I SA MANG PO PA STE, RNAM PA BZHI KHO NA 'DON GYI MI DGE BA'I SA MANG PO DAG NI MA YIN NO, ,LHAN CIG SKYES PA ZHES GSUNGS KYI ZHES BYA BA RGYAS PAR 'BYUNG STE, MDO DE LAS NI TSOR BA DANG 'DU SHES DANG SEMS PA LHAN CIG SKYES PA ZHES GSUNGS KYI REG PA DANG NI MA YIN LA DE DAG NI LHAN CIG SKYES PA NYID DU 'DOD PA YANG YIN PAS 'DI LA LAN GDAB TU CI ZHIG YOD, TSOR BA LA SOGS PA RNAMS REG PA DANG LHAN CIG SKYES PAR GSUNGS PAR KHAS BLANGS KYANG TSOR BA DANG REG PA DANG DUS MNYAM DU SKYE BAR SHES PAR MI 'GYUR RO; ,CI'I PHYIR ZHE NA, LHAN CIG CES BYA BA'I SGRA 'DI NI DE MA THAG PA LA YANG MTHONG NGO, ,BYAMS PA DANG LHAN CIG PAR GYUR PAR ZHES BYA BA LA, BYAMS PA DANG DRAN PA YANG DAG BYANG CHUB KYI YAN LAG GNYIS SKAD CIG MA GCIG LA LHAN CIG 'BYUNG BAR SHES PAR NI MI 'GYUR TE, @314A *, ,ZAG PA DANG BCAS PA DANG ZAG PA MED PA YIN PA'I PHYIR RO, ,'O NA CI ZHE NA, BYAMS PA'I MJUG THOGS SU DRAN PA YANG DAG BYANG CHUB KYI YAN LAG SGOM PAR BYED DO ZHES BYA BAR RTOGS PAR 'GYUR TE, DE BZHIN DU 'DIR YANG REG PA'I MJUG THOGS SU TSOR BA DANG 'DU SHES DANG SEMS PA SKYE'O ZHES BYA BAR SHES PAR 'GYUR RO, ,DE'I PHYIR 'DI NI REG PA DANG TSOR BA LHAN CIG 'BYUNG BA NYID KYI KHUNGS SU MI RUNG NGO, ,CHOS DE DAG NI 'DRES PA YIN GYI ZHES BYA BA NI 'DRES SHING LHAN CIG 'BYUNG LA MTSUNGS PAR LDAN ZHES BYA BA'I DON TO, ,CI RE ZHIG 'DI DAG GI ZHES BYA BA RGYAS PAR 'BYUNG STE, DMIGS PA NGES PA NI DMIGS PA THA MI DAD PA'O, ,SKAD CIG MA NGES PA NI SKAD CIG MA GCIG LA 'BYUNG BA STE, CI DMIGS PA GCIG PO DE RIM GYIS TSOR BAS MYONG BAR BYED, SEMS PAS SEMS PAR BYED, 'DU SHES KYIS 'DUS TE SHES PAR BYED DAM, 'ON TE SKAD CIG GANG KHO NA LA TSOR BAS TSOR BAR BYED PA'I SKAD CIG DE KHO NA LA SEMS PAS SEMS PAR BYED, 'DU SHES KYIS 'DUS TE SHES PAR BYED CES DE NI MI SHES TE THE TSOM ZA BA'I PHYIR RO, ,DE'I PHYIR 'DI YANG KHUNGS SU MI RUNG NGO, ,TSE DANG DROD DAG CES BYA BA RGYAS PAR 'BYUNG STE, MDO DE NYID LAS TSE DANG DROD KYI CHOS DE DAG NI 'DRES PA YIN GYI MA 'DRES PA NI MA YIN NO ZHES LHAN CIG PA LA 'DRES PA ZHES GSUNGS PA'I PHYIR TSOR BA GANG YIN PA DANG SEMS PA GANG YIN PA ZHES BYA BA DER YANG SKAD CIG MA NGES PA YIN PAR GRUB STE, TSE DANG DROD DAG NI DMIGS PA MED PA YIN PA'I PHYIR RO, ,LHAN CIG PA NI LHAN CIG PA'I DNGOS PO'O, ,DE'I PHYIR DE LTAR NA TSOR BA NI REG PA DANG DUS MNYAM PA YIN NO ZHES RAB TU BSGRUBS PA YIN NO, ,DE'I SNGON ROL GYI RNAM PAR SHES PA TSOR BA DANG BCAS PA GANG YIN PA DE NI REG PA MA YIN TE, RKYEN MA TSANG BA'I PHYIR RO ZHES GANG SMRAS PA DE LA YANG LAN BSHAD PA NI GANG YANG MDO LAS ZHES BYA BA RGYAS PAR 'BYUNG STE, 'DI LTAR RNAM PAR SHES PA YIN LA DBANG PO DANG YUL DANG RNAM PAR SHES PA RNAMS 'DUS PA NI MA YIN TE, RNAM PAR SHES PA NI DBANG PO DANG YUL MED PAR MED DO, ,DE'I PHYIR RNAM PAR SHES PA YIN NA GDON MI ZA BAR DBANG PO DANG YUL DANG RNAM PAR SHES PA RNAMS 'DUS PA KHAS BLANG BAR BYA'O, ,CI STE 'DUS PAR 'DOD KYI REG PA NI MA YIN NO SNYAM NA DE'I PHYIR YANG NA 'DUS PA YIN NA REG PA MA YIN ZHES BYA BA SMOS TE, @314B KHYOD KYI REG PA NI 'DUS PA TZAM YIN TE, DES NA RNAM PAR SHES PA SNGA MA REG PA MA YIN NO ZHES BYA BA 'DI NI 'GAL LO, ,DE'I PHYIR MDO DANG 'GAL BAR 'GYUR DU 'ONG BAS GDON MI ZA BAR RNAM PAR SHES PA THAMS CAD LA REG PA DANG LHAN CIG SKYES PA'I TSOR BAR 'DOD PAR BYA'O, ,YID KYI 'DUS TE REG PA LAS BYUNG BA'I TSOR BA NI ZHES SEMS KYI TSOR BA'I MDOR BSHAD ZIN TO, ,YID BDE BA'I NYE BAR RGYU BA DRUG DANG ZHES BYA BA NI MIG GIS GZUGS RNAMS MTHONG NAS YID BDE BA'I GNAS LTA BU'I GZUGS RNAMS LA NYE BAR RGYU'O, ,YID KYIS CHOS RNAMS SHES NAS YID BDE BA'I GNAS LTA BU'I CHOS RNAMS LA NYE BAR RGYU'O ZHES BYA BA'I BAR TE, YID MI BDE BA DANG BTANG SNYOMS KYI GNAS LTA BU DAG LA YANG DE DANG 'DRA BAR BRJOD PAR BYA'O, ,DE LA YID BDE BA DANG YID MI BDE BA DANG BTANG SNYOMS KYI NYE BAR RGYU BA DAG NI THAMS CAD GCIG TU BSDUS NAS BCO BRGYAD DU 'GYUR RO, ,DE DAG JI LTAR RNAM PAR GZHAG CAS BYA BA RGYAS PAR 'BYUNG STE, YID BDE BA DANG YID MI BDE BA DANG BTANG SNYOMS RNAMS PHAN TSUN NGO BO THA DAD PA'I PHYIR, YID BDE BA DANG YID MI BDE BA DANG BTANG SNYOMS KYI NYE BAR RGYU BA GSUM KHO NAR 'GYUR GYI BCO BRGYAD NI MA YIN NO, ,MTSUNGS PAR LDAN PA LAS NI YID KYI NYE BAR SPYOD PA GCIG PU KHO NAR 'GYUR TE, THAMS CAD KYANG YID BDE BA DANG MTSUNGS PAR LDAN PA'I PHYIR RO, ,DMIGS PA LAS NI DRUG TU 'GYUR RO, ,JI LTAR ZHEN, GZUGS LA DMIGS PA'I YID BDE BA DANG YID MI BDE BA DANG BTANG SNYOMS RNAMS NI GZUGS LA NYE BAR RGYU BA NYID YIN LA, DE BZHIN DU CHOS LA DMIGS PA RNAMS NI CHOS LA NYE BAR RGYU BA NYID KYI BAR DU YIN PAS DRUG TU 'GYUR GYI BCO BRGYAD NI MA YIN NO, ,GSUM KA LAS GZHAG STE ZHES BYA BA NI NGO BO DANG MTSUNGS PAR LDAN PA DANG DMIGS PA LAS SO, ,JI LTAR ZHE NA, YID BDE BA LA SOGS PA RNAMS NGO BO THA DAD PAR GYUR CING, YID DANG MTSUNGS PAR LDAN LA, RE RE YANG GZUGS LA SOGS PA DRUG GI YUL CAN YIN PA'I PHYIR RO, ,DE LTAR NA GSUM KA LAS KYANG RNAM PAR GZHAG PAS BCO BRGYAD DU 'GYUR RO, ,GZUGS LA SOGS PA SO SOR NGES PA LA DMIGS PA'I PHYIR ZHES BYA BA LA GZUGS LA DMIGS PA'I YID BDE BA LA SOGS PA RNAMS KYI DMIGS PA NI GZUGS KHO NA YIN GYI YUL GZHAN NI MA YIN LA, REG BYA LA DMIGS PA RNAMS KYI BAR GYI YANG DE BZHIN DU YIN TE, @315A *, ,DE'I PHYIR GZUGS LA SOGS PA LA NYE BAR RGYU BA BCO LNGA NI MA 'DRES PA LA DMIGS PA YIN NO, ,CHOS LA NYE BAR RGYU BA GSUM NI RNAM PA GNYIS KA YIN NO ZHES BYA BA NI 'DRES PA LA DMIGS PA YANG YIN LA MA 'DRES PA LA DMIGS PA YANG YIN TE, GAL TE GZUGS LA SOGS PA DAG GAM, MIG LA SOGS PA DAG GAM, GZUGS LA SOGS PA PHAN TSUN CHOS DANG LHAN CIG DMIGS NA NI DE LTAR NA 'DRES PA LA DMIGS PA'O, ,CI STE CHOS KYI SKYE MCHED KHO NA LA DMIGS KYI GZHAN LA MA YIN NA NI DE LTA NA MA 'DRES PA LA DMIGS PA'O, ,YID LA BRTEN NAS ZHES BYA BA RGYAS PAR 'BYUNG STE, BRTEN NAS ZHES BYA BA NI BRTEN NAS ZHES BYA BA'I DON TO, ,YUL LA NYE BAR RGYU BA'I PHYIR RO ZHES BYA BA NI YUL DAG LA YANG DANG YANG DU DMIGS ZHES BYA BA'I DON TO, ,GRAG GO ZHES BYA BA'I SGRA NI GZHAN GYI LUGS GSAL BAR BYED PA STE, DE LTA NA NI YID LA BRTEN NAS YUL RNAMS LA NYE BAR RGYU BA'I PHYIR, YID DANG MTSUNGS PAR LDAN PA DANG MTSUNGS PAR MI LDAN PA DAG KYANG YID KYI NYE BAR RGYU BAR 'GYUR RO, ,YUL DAG LA YID NYE BAR RGYU BAR BYED PA'I PHYIR ZHES BYA BA NI YANG DANG YANG DU RAB TU 'JUG PAR BYED CES BYA BA'I DON TO, ,YANG DANG YANG DU RNAM PAR RGYU BA'I PHYIR RO ZHES BYA BA NI RAB TU 'JUG PA'I PHYIR RO ZHES BYA BA'I THA TSIG GO, ,LUS KYI TSOR BA CI'I PHYIR ZHES BYA BA LA, 'DI YID KHO NA LA BRTEN PA NI MA YIN TE, 'O NA CI ZHE NA, MIG LA SOGS PA DAG LA YANG YIN NO, ,NYE BAR RGYU BAR BYED PA YANG MA YIN PAS ZHES BYA BA NI YANG DAG PAR RTOG PAR BYED PA MA YIN ZHES BYA BA'I DON TE, RTOG PA MED PA'I RNAM PAR SHES PA DANG MTSUNGS PAR LDAN PA'I PHYIR LA, YID BDE BA LA SOGS PA RNAMS NI RNAM PAR RTOG PA'I PHYIR DE'I DBANG GIS YID YUL DAG LA YANG DANG YANG DU 'JUG PA'I PHYIR RO, ,BSAM GTAN GSUM PA'I BDE BA ZHES BYA BA RGYAS PAR 'BYUNG STE, GAL TE YID TZAM LA BRTEN PA'I TSOR BA YID KYI NYE BAR RGYU BA YIN NA, 'ON NI DES NA BSAM GTAN GSUM PAR BTANG SNYOMS KYI NYE BAR RGYU BA YANG BRJOD PAR BYA STE, BSAM GTAN GSUM PA'I BDE BA YID KYI SA PA YIN PA'I PHYIR RO ZHE @315B NA; DE'I PHYIR DANG PO 'DOD PA'I KHAMS NA ZHES BYA BA SMOS TE, DANG PO NI THOG MAR RO, ,GRAG GO ZHES BYA BA'I SGRA NI LA NA DE LA SNYING PO MED PA'I PHYIR TE, GANG GI PHYIR 'DOD PA'I KHAMS NA YID KYIS PA'I BDE BA'I DBANG PO MED PAS MA BZHAG PA DE'I PHYIR KHAMS GONG MA NA SEMS KYI BDE BA'I DBANG PO YOD KYANG MI GZHAG GO ZHES BYA BA 'DI LA RGYU CI ZHIG YOD, YID KYI NYE BAR RGYU BA NI GDON MI ZA BAR GNYEN PO DANG BCAS PAR 'GYUR RO ZHES BYA BA 'DI LA YANG RIGS BA CI ZHIG STE, DE LTA NA NI GNYEN PO MED PA'I PHYIR BTANG SNYOMS KYANG NYE BAR RGYU BA'I MTSAN NYID DU MI 'GYUR TE, GONG NA YID BDE BA'I NYE BAR RGYU BA'I MTSAN NYID NI GNYEN PO DANG BCAS PA NYID MA YIN TE, 'O NA CI ZHE NA, NYE BAR RGYU BAR BYED PA NYID YIN NO, ,GZHAN DAG NA RE BSAM GTAN GSUM PA'I BDE BA NI BRTAN PA YIN LA NYE BAR RGYU BA NI MI BA RTEN PA YIN NO, ,DE NYID KYI PHYIR YID KYI NYE BAR RGYU PA ZHES BYA STE, YID BDE BA NI MI BRTAN PA YIN PA'I PHYIR RO ZHES ZER RO, ,YID BDE BA'I GNAS LTA BU ZHES BYA BA NI YID BDE BA SKYED PAR BYED PA RNAMS SO, ,DE NI RNAM PAR SHES PA'I TSOGS LNGAS MNGON PAR BSGRUB PA NYID LA DGONGS TE GSUNGS PAR ZAD KYI ZHES BYA BA NI DE DAG GIS DRANGS SHING DE DAG GIS BSKYED PA NYID SEMS LA BSAMS NAS GSUNGS PAR ZAD DO ZHES BYA BA'I THA TSIG GO, ,DPER NA MI SDUG PA LTA BU ZHES BYA BA LA, MIG GIS GZUGS DAG MTHONG NAS MI SDUG PA'I RJES SU LTA ZHING GNAS SO ZHES GSUNGS PA DE'I PHYIR MIG GI RNAM PAR SHES PAS MNGON PAR BSGRUBS PA YIN TE, SNGAR RNAM PAR BSNGOS PA LA SOGS PA MTHONG BA'I PHYIR RO, ,YID KYIS PA YANG YIN TE DE'I MJUG TU DE 'BYUNG BA'I PHYIR RO, ,GZHAN YANG MTHONG NAS ZHES BYA BA RGYAS PAR 'BYUNG STE, GAL TE 'DI SKAD DU MIG GIS YID BDE BA'I GNAS LTA BU'I GZUGS RNAMS NYE BAR RGYU'O ZHES BYA BAR GSUNGS PAR GYUR NA NI DE KLAN KAR RUNG BA ZHIG NA, 'ON KYANG MTHONG NAS REG NAS ZHES BYA BA'I BAR DU GSUNGS PA'I PHYIR 'DI NI KLAN KAR MI RUNG NGO, ,JI LTAR MA MTHONG BAS NA MA REG PA'I BAR DU NYE BAR RGYU ZHE NA, GZHAN LAS MTHONG NAS DE'I BRJOD PAR @316A *, ,BYA BA YID KYIS NYE BAR RGYU BA YIN NO, ,GZHAN DU NA 'DOD PA'I KHAMS NA ZHES BYA BA RGYAS PAR 'BYUNG STE, 'DOD PAR GTOGS PA'I MIG LA SOGS PA DAG GIS NI GZUGS SU GTOGS PA'I GZUGS DANG SGRA DANG REG BYA DAG MI 'DZIN NO, ,GZUGS KYI KHAMS NA 'DOD PA'I KHAMS LA DMIGS PA DAG KYANG ZHES BYA BA LA, GZUGS KYI KHAMS SU SKYES PA NI 'DOD PAR GTOGS PA'I DRI DANG RO DANG REG BYA DAG SNOM PA'AM MYANG BA'AM REG PA MI BYED DE, KHAM GYI ZAS KYI 'DOD CHAGS DANG BRAL BA'I PHYIR RO, ,GZUGS DAG LA LTA LA SGRA YANG NYAN TE, ZAS MA YIN PA'I PHYIR RO, ,GAL TE MA MTHONG BAR YANG NYE BAR RGYU NA, 'O NA MDO LAS MIG GIS GZUGS DAG MTHONG NAS ZHES CI'I PHYIR GSUNGS SHE NA, DE'I PHYIR JI LTAR CHES GSAL BA DE LTAR BSHAD CES BYA BA SMOS TE, MIG LA SOGS PAS MNGON PAR BSGRUBS PAS CHES SLA BAR BCAD DU RUNG BA'I PHYIR RO, ,GANG YANG BUD MED KYI GZUGS MTHONG NAS DE'I SGRA LA NYE BAR RGYU BA 'AM, BUD MED KYI SGRA THOS NAS DE'I GZUGS LA NYE BAR RGYU BA DE YANG YID KYI NYE BAR RGYU BA KHO NA YIN NO, ,DBANG PO DANG DON RNAM PAR CHAD PA'I SGO NAS ZHES BYA BA NI MIG GIS GZUGS DAG MTHONG NAS ZHES BYA BA DANG, RNA BAS SGRA RNAMS THOS NAS ZHES BYA BA DE LTA BU LA SOGS PA STE, GZHAN DU NA NI MIG GIS GZUGS DAG MTHONG NAS YID BDE BA'I GNAS LTA BU'I SGRA RNAMS LA NYE BAR RGYU'O ZHES 'CHOL BAR GSUNGS PAR 'GYUR RO, ,RGYUD NGES PAS NI ZHES BYA BA NI SEMS CAN GYI RGYUD DO, GANG ZHAG GCIG GIS YID BDE BA'I GNAS LTA BU KHO NAR 'BYUNG BA SRID PA DE YOD DE, DPER NA 'KHOR LOS SGYUR BA'I BUD MED RIN PO CHE LTA BU'O, ,DMIGS PA NI MA YIN NO ZHES BYA BA LA, CI'I PHYIR ZHE NA, GZUGS DE NYID KHA CIG GI YID BDE BA'I GNAS LTA BU YIN LA, KHA CIG GI GZHAN DU YIN PA'I PHYIR RO, ,DU ZHIG NI 'DOD BA'I KHAMS DANG LDAN PA YIN, DE DAG LAS KYANG DU ZHIG GI DMIGS PA NI CI ZHIG YIN ZHES BYA BA NI, DU ZHIG 'DOD PA LA DMIGS PA YIN, DU ZHIG NI GZUGS LA DMIGS PA YIN, DU ZHIG NI @316B GZUGS MED PA LA DMIGS PA YIN ZHES BYA BA 'O, ,DE BZHIN DU GZUGS MED PA DANG LDAN PA'I BAR DU BRJOD PAR BYA'O ZHES BYA BA NI DU ZHIG NI GZUGS KYI KHAMS DANG LDAN PA YIN, DE DAG LAS DU ZHIG GI DMIGS PA NI CI ZHIG YIN, DU ZHIG NI GZUGS MED PA'I KHAMS DANG LDAN PA YIN, DE DAG LAS DU ZHIG GI DMIGS PA NI CI ZHIG YIN ZHES BYA BA'O, ,JE RNAM PAR DPYAD PA 'DI LA LUS RNAM PAR GZHAG PA KHO NA ZHIG BYA STE, 'DOD PA'I KHAMS NA NI YID BDE BA LA SOGS PA GSUM CHAR DANG, GZUGS LA SOGS PA YUL DRUG CAR YANG YOD DO, ,BSAM GTAN DANG PO DANG GNYIS PA DAG NA NI YID BDE BA DANG BTANG SNYOMS SO, ,DE YAN CHAD SRID PA'I RTZE MO'I BAR NA NI BTANG SNYOMS SO, ,BSAM GTAN BZHI CHAR NA DRI DANG RO DAG MED DO, ,GZUGS MED PA'I KHAMS NA NI GZUGS LA SOGS PA LNGA CHAR YANG MED DO, ,'DOD NA THAMS CAD RANG DMIGS CAN ZHES BYA BA LA, 'DOD PA NA NI 'DOD PA NA SPYOD PA'I YID NYE BAR RGYU BA BCO BRGYAD PO THAMS CAD YOD LA, GANG DAG LA 'DOD PA'I KHAMS DE NYID DMIGS PAR YOD PAS NA RANG DMIGS CAN NO, ,SPYOD YUL GZUGS CAN BCU GNYIS SO, ,ZHES BYA BA LA, GZUGS CAN GYI KHAMS NI 'DOD PA NA SPYOD PA'I YID NYE BAR RGYU BA BCU GNYIS KYI SPYOD YUL YIN NO, ,DRI DANG ROL NYE BAR RGYU BA DRUG MA GTOGS TE ZHES BYA BA LA, CI'I PHYIR ZHE NA, DE NA DE GNYIS MED PA'I PHYIR RO ZHES BYA BA STE, GZUGS KYI KHAMS DE NA DRI DANG RO DE GNYIS MED PA'I PHYIR RO; ,GONG MA GSUM GYI ZHES BYA BA LA KHAMS GONG MA GZUGS MED PA'I KHAMS NI 'DOD PA NA SPYOD PA'I YID BDE BA DANG, YID MI BDE BA DANG, BTANG SNYOMS CHOS LA NYE BAR RGYU BA RNAMS KYI DMIGS PA YIN TE, DE LA GZUGS LA SOGS PA MED PA'I PHYIR RO, ,BSAM GTAN NI GNYIS NA BCU GNYIS ZHES BYA BA NI YID MI BDE BA'I NYE BAR RGYU BA DRUG MED PA'I PHYIR RO, ,BCU GNYIS PO DE DAG KYANG, 'DOD 'GRO RNAMS ZHES BYA BA LA 'DOD PA'I KHAMS KYI YUL CAN DAG NI 'DOD 'GRO RNAMS ZHES BRJOD DE, 'DI JI LTAR 'GRO ZHE NA ZHES BYA BA LA @317A *, ,SOGS PA LA, SHES PA'I DON LA 'GRO ZHES SMRA BA DAG TU 'GYUR TE, 'GRO BA'I DON RNAMS NI SHES PA'I DON YIN PA'I PHYIR RO, ,RANG LA DMIGS PA BRGYAD CES BYA BA LA, BRGYAD KYI DMIGS PA NI DMIGS PA BRGYAD DO, ,DRI DANG ROL NYE BAR RGYU BA BZHI MA GTOGS SO ZHES BYA BA NI YID BDE BA DANG BTANG SNYOMS KYI NYE BAR RGYU BA DRI LA DMIGS PA 'DI GNYIS DANG ROL DMIGS PA GNYIS MA GTOGS SO ZHES BYA BA'I DON TO, ,DE LA DE GNYIS MED PA'I PHYIR RO, ,GZUGS MED PA GNYIS KYIS ZHES BYA BA LA, GZUGS MED PA'I KHAMS NI YID BDE BA DANG BTANG SNYOMS CHOS LA NYE BAR RGYU BA BSAM GTAN DANG PO DANG GNYIS PA'I SA PA DAG GI DMIGS PA YIN TE, DE NAS GZUGS LA SOGS PA MED PA'I PHYIR RO, ,BSAM GTAN GSUM PA DANG BZHI PA DAG NA NI BTANG SNYOMS KYI NYE BAR RGYU BA DRUG KHO NA YOD KYI ZHES BYA BA NI DE GNYIS NA YID BDE BA MED PA'I PHYIR RO, ,BSAM GTAN GSUM PA'I BDE BA NI YID KYI NYE BAR RGYU BA MA YIN NO ZHES GONG DU BSHAD ZIN TO, ,DE DAG DRUG GI DMIGS PA NI 'DOD PA'O ZHES BYA BA LA, DE NYID KYI PHYIR DRUG YIN NO, ,GZUGS KYI KHAMS NA DRI DANG RO DAG MED PA'I PHYIR TE; DE NYID KYI PHYIR RANG NI BZHI'O ZHES BYA BA SMOS SO, GONG MA GCIG GI DMIGS PA YIN ZHES BYA BA'I BTANG SNYOMS CHOS LA NYE BAR RGYU BA KHO NA'I YIN NO, ,GZUGS MED NYE BAR BSNGOGS NA BZHI, ,ZHES BYA BA LA, NAM MKHA' MTHA' YAS SKYE MCHED KYI NYER BA SNGOGS ZHES BYA BA NI BAR CHAD MED PA'I LAM MO, ,GZUGS 'GRO ZHES BYA BA NI BSAM GTAN BZHI PA LA DMIGS PA'I PHYIR LA, DE NA NI GZUGS DANG SGRA DANG REG BYA DANG CHOS YOD PA'I PHYIR RO, ,GANG DAG GI LTAR NA DE RNAM PAR CHAD PA LA DMIGS PA YOD PA YIN NO ZHES BYA BA NI SLOB DPON GANG DAG GI GZHUNG LUGS KYIS NAM MKHA' MTHA' YAS SKYE MCHED KYI NYER BSNGOGS TE RNAM BAR CHAD PA LA DMIGS SHING SO SO LA DMIGS PA DANG, GZUGS LA SOGS PA SO SO LA DMIGS PA STE, RAGS PA LA SOGS PA'I RNAM PAR MTHONG BA'I PHYIR RO, ,SLOB DBON GANG DAG GI GZHUNG @317B LUGS KYIS BZLUMS TE DMIGS PA NI BSNGOMS PA LA DMIGS PA STE, DE NAS CHOS LA NYE BAR RGYU BA 'DRES PA LA DMIGS PA GCIG KHO NA YOD DO, ,GONG MAR 'GRO BA GCIG CES BYA BA NI BTANG SNYOMS CHOS LA NYE BAR RGYU BA KHO NA'O, ,GZUGS MED PA'I DNGOS GZHI RNAMS KYI ZHES BYA BA RGYAS PAR 'BYUNG BA LA, GZUGS MED PA'I DNGOS GZHI RNAMS KYI DMIGS PA NI KHAMS 'OG MA MA YIN NO ZHES BYA BA 'DIR KHAMS KYI SGRAS NI ZAG PA DANG BCAS PA GZUNG NGO, ,'OG NAS BSHAD PAR BYA'O ZHES BYA BA NI, GZUGS MED DNGOS GZHI'I DGE BA YI, ,SPYOD YUL ZAG BCAS 'OG MA YIN, ,ZHES BYA BA'O, ,BCO BRGYAD THAMS CAD ZAG DANG BCAS, ,THAMS CAD CES BYA BA NI DGE BA DANG NYON MONGS PA CAN RNAMS SO, ,BCO BRGYAD CES BYA BA NI JI SKAD BSHAD PA BZHIN NO, ,CI'I PHYIR ZHE NA, SRID PA 'PHEL BAR BYED PA'I PHYIR TE, 'PHAGS PA'I LAM NI RTZOL BA MED BAR 'JUG PA'I PHYIR DANG, MTSAN MA MED PA'I DBYINGS SU GZHOL BA'I PHYIR LA, NYE BAR RGYU BA RNAMS NI DE LAS BZLOG PAS ZAG PA MED PA MA YIN NO, ,GANG ZHIG DU DAG DANG LDAN ZHE NA ZHES BYA BA RGYAS PAR 'BYUNG BA LA, SNGAR NI MNGON DU GYUR PA BSHAD LA, DA NI LDAN PAR BRJOD PAR BYA STE, GZUGS NA SPYOD PA'I DGE BA'I SEMS MA THOB PA ZHES BYA BA NI MI LCOGS PA MED PA'I SA MA THOB PA'O, ,'DOD PA NA SPYOD PA THAMS CAD DANG LDAN NO ZHES BYA BA NI 'DOD CHAGS DANG MA BRAL BA'I PHYIR RO, ,BSAM GTAN DANG PO DANG GNYIS PA'I SA PA NI NYON MONGS BA CAN BRGYAD DANG LDAN GYI DGE BA DAG DANG LUNG DU MA BSTAN PA DAG DANG NI MA YIN TE, RIM PA BZHIN DU SBYOR BA DANG SKYE BA LA RAG LAS PA'I PHYIR RO, ,BRGYAD PO DAG GCIG DANG LDAN ZHE NA, YID BDE BA DANG BTANG SNYOMS KYI NYE BAR RGYU BA GZUGS DANG SGRA DANG REG BYA DANG CHOS LA DMIGS BA RNAMS DANG NGO, ,BSAM GTAN GSUM PA DANG BZHI PA'I SA PA NI BZHI DANG LDAN NO ZHES BYA BA NI BTANG SNYOMS KYI NYE BAR RGYU BA NYON MONGS PA CAN DRI DANG ROL DMIGS PA MA GTOGS PA GZUGS DANG SGRA DANG REG BYA DANG CHOS LA DMIGS PA DAG DANG LDAN TE, DE NA DE NYID MED PA'I @318A *, ,PHYIR DANG, GCIG TU DGE BA YIN PA'I PHYIR RO, ,GZUGS MED PA NA SPYOD PA NI NYON MONGS PA CAN GCIG KHO NA DANG LDAN TE, 'DOD CHAGS DANG MA BRAL BA'I PHYIR RO, ,GZUGS NA SPYOD PA'I DGE BA'I SEMS THOB PA ZHES BYA BA NI MI LCOGS PA MED PA'I SA THOB PA YIN GYI DNGOS GZHI NI MA YIN TE, 'DOD CHAGS DANG MA BRAL BA'I PHYIR RO, ,'DI LTAR MI LCOGS PA MED PA THOB NAS GZOD 'DOD PA'I KHAMS LAS 'DOD CHAGS DANG BRAL BAR 'GYUR TE, 'DOD BA NA SPYOD PA THAMS CAD LAS 'DOD CHAGS DANG MA BRAL BA'I PHYIR RO, ,BSAM GTAN DANG PO'I SA PA NI BCU DANG LDAN TE ZHES BYA BA NI 'DOD PA'I KHAMS LAS 'DOD CHAGS DANG MA BRAL BAS YID BDE BA NYE BAR RGYU BA BSAM GTAN GYI DNGOS GZHI'I SA PA NYON MONGS PA CAN BZHI KHO NA DANG LDAN GYI, DGE BA DANG LUNG DU MA BSTAN PA DAG DANG NI MA YIN TE, RGYU NI SNGA MA BZHIN NO, ,DRI DANG ROL DMIGS PA MA GTOGS PA ZHES BYA BA LA, DE DAG NI 'OG MA LA DMIGS PA NYID KYIS DGE BA YIN PA'I PHYIR DANG, 'DOD CHAGS DANG MA BRAL BA NYID KYIS DE DAG MA THOB PA'I PHYIR, GZUGS NA SPYOD PA'I NYON MONGS PA CAN MA YIN PA 'OG MA'I CHOS LA DMIGS PA THOB PA MED PAS DE DAG DANG MI LDAN NO, ,MI LCOGS PA MED PA'I SA PA'I BTANG SNYOMS KYI NYE BAR RGYU BA DRUG DANG LDAN NO ZHES BYA BA NI MI LCOGS PA MED PA'I SA PA'I SEMS THOB PA'I PHYIR RO, ,BSAM GTAN KYI DNGOS GZHI'I SA PA BZHI DANG, MI LCOGS PA MED PA'I SA PA DRUG STE, DE LTAR NA BCUR 'GYUR RO, ,GAL TE BSAM GTAN GYI DNGOS GZHI'I SA PA'I BTANG SNYOMS KYI NYE BAR RGYU BA NYON MONGS PA CAN BZHI DANG, MI LCOGS PA MED PA'I SA PA SA GONG 'OG LA DMIGS PA DGE BA BZHI DANG YANG LDAN PA MA YIN NAM ZHE NA, LDAN PA NI BDEN MOD KYI DE DAG LA LOGS SU MI RTZI STE, BTANG SNYOMS KYI BDAG NYID YIN PA'I PHYIR DANG, SA THA MI DAD PA'I PHYIR RO, ,SNGA MA BZHIN TE ZHES BYA BA LA, BSAM GTAN DAG TU DRI DANG RO MA GTOGS PA BSAM GTAN GNYIS PA'I SA PA NI BRGYAD DANG LDAN @318B NO; ,BSAM GTAN GSUM PA DANG BZHI PA'I SA PA NI BZHI DANG LDAN NO, ,GZUGS MED PA NA SPYOD PA NI NYON MONGS PA CAN GCIG KHO NA DANG LDAN NO ZHES BYA BAR THAMS CAD LA KHONG DU CHUD PAR BYA'O, ,SROL 'DIS ZHES BYA BA NI LUGS SAM TSUL 'DIS SO, ,LHAG MA YANG KHONG DU CHUD PAR BYA'O ZHES BYA BA LA, JI LTAR ZHE NA, BSAM GTAN DANG POR SKYES PA BSAM GTAN GNYIS PA'I SA PA'I DGE BA'I SEMS MA THOB PA NI, ,BSAM GTAN DANG PO'I SA PA THAMS CAD DANG LDAN NO, ,BSAM GTAN GNYIS PA'I SA PA NI NYON MONGS PA CAN BRGYAD DANG LDAN NO, ,BSAM GTAN GSUM PA DANG BZHI PA'I SA PA NI NYON MONGS PA CAN BZHI DANG LDAN NO, ,GZUGS MED PA NA SPYOD PA NI NYON MONGS PA CAN GCIG KHO NA DANG LDAN NO, ,BSAM GTAN GNYIS PA'I SA PA'I DGE BA'I SEMS NYER BSDOGS KYIS BSDUS PA THOB PA NI BSAM GTAN DANG PO'I SA PA THAMS CAD DANG LDAN TE, 'DOD CHAGS DANG MA BRAL BA'I PHYIR RO, ,KHA CIG NA RE BSAM GTAN GNYIS PA'I SA PA NI BCU GNYIS DANG LDAN TE, JI LTAR ZHE NA, DRI DANG RO LA DMIGS PA DAG MED PAS YID BDE BA DANG BTANG SNYOMS KYI NYE BAR RGYU BA NYON MONGS PA CAN BRGYAD DANG, BTANG SNYOMS KYI NYE BAR RGYU PA BSAM GTAN GNYIS PA'I NYER BSNGOGS KYIS BSDUS PA BZHI DANG LDAN NO ZHES ZER RO, ,GZHAN DAG NA RE BRGYAD DANG LDAN TE, BTANG SNYOMS KYI NYE BAR RGYU BA BZHI PO DE DAG NI BTANG SNYOMS KYI BDAG NYID YIN PA'I PHYIR DANG, SA THA MI DAD PA'I PHYIR THA DAD PAR MI RTZI STE, BSAM GTAN DANG PO'I NYER BSDOGS BZHIN NO ZHES ZER RO, ,BSAM GTAN GSUM PA DANG BZHI PA'I SA PA'I NYON MONGS PA CAN BZHI KHO NA DANG LDAN NO, ,GZUGS MED PA NA SPYOD PA NI NYON MONGS PA CAN GCIG KHO NA DANG LDAN NO, ,DE LTAR NA TSUL 'DIS BSAM GTAN GNYIS PA LA SOGS PAR SKYED PA YANG KHONG DU CHUD PAR BYA'O, ,GZHAN DAG NA RE ZHES BYA BA NI BSTAN BCOS MDZAD PA 'DI NYID YIN NO, ,GANG ZHIG GANG LAS ZHES BYA BA RGYAS PAR 'BYUNG BA NI, GANG ZAG GI GZUGS @319A *, ,LA SOGS PA DE LAS 'DOD CHAGS DANG MA BRAL BA NI GZUGS LA SOGS PA'I DMIGS PA DE LA NYE BAR RGYU BAR RIGS PA MA YIN TE, DE'I SA BA'I NYON MONGS PA CAN SPANGS PA'I PHYIR RO, ,JI LTAR NYE BAR RGYU BAR BYED CE NA, DE LA RJES SU CHAGS BAR YANG BYED KHONG KHRO BAR BYED, SO SOR MA BRTAGS PAR BTANG SNYOMS SU YANG BYED PA STE DE'I PHYIR ZAG PA MED PA RNAMS MA YIN PA 'BA' ZHIG TU MA ZAD KYI, JI SKAD DU, KHYOD KYIS BSAM GTAN NI GNYIS NA BCU GNYIS 'DOD 'GRO RNAMS ZHES BYA BA LA SOGS PA SMRAS PA'I ZAG PA DANG BCAS PA DAG KYANG THAMS CAD NI MA YIN NO, ,, 'O NA CI ZHE NA, KUN NAS NYON MONGS PA STE, KUN NAS NYON MONGS PA'I 'BRAS BU CAN RNAMS YIN TE, KUN NAS NYON MONGS PA DANG MTHUN PA RNAMS ZHES BYA BA'I THA TSIG GO, ,YID BDE BA LA SOGS PA DAG NI RNAM PA GNYIS TE, YID YUL RNAMS LA RJES SU CHAGS PA DANG KHONG KHRO BA LA SOGS PA'I RJES SU MTHUN PA DANG RJES SU MI MTHUN PA'O, ,DE LA GANG DAG RJES SU CHAGS BA LA SOGS PA DANG MTHUN PA DE DAG NI NYE BAR RGYU BA ZHES BRJOD KYI GZHAN NI MA YIN TE, DE NYID KYI PHYIR DE DAG GIS YID YUL RNAMS LA NYE BAR RGYU BAR BYED PA'O ZHES BYA BA RGYAS PAR SMOS SO, ,TSOR BA'I DBANG GIS RJES SU CHAGS PA LA SOGS PA 'JUG PA'I PHYIR DE DAG GIS YUL RNAMS LA NYE BAR RGYU BAR BYED DO ZHES BRJOD DO, ,SO SOR BRTAGS PA'I BTANG SNYOMS NI DGE BA YIN PAS DE'I PHYIR SO SOR MA BRTAGS PAR BTANG SNYOMS SU BYED PA STE ZHES BYA BA SMOS TE, BTANG SNYOMS SU BYED KYI GTOD PAR MI BYED DO ZHES BYA BA'I DON GANG YIN PA'O, ,GANG GI GNYEN POR RTAG TU YONG PA DRUG GNAS PA YIN PA STE ZHES BYA BA NI NYON MONGS PA GANG DAG GI GNYEN POR RTAG TU YOD PA GDON MI ZA BAR BDOG PA'I GNAS PA STE RNAL 'BYOR GYI KHYAD PAR YIN PA'O, ,DRUG BA DE DAG KYANG JI LTAR ZHE NA, MIG GIS GZUGS RNAMS MTHONG NAS YID BDE BAR YANG MI 'GYUR ZHING ZHES BYA BA LA SOGS PA SMOS TE, YID BDE BAR MI 'GYUR TE RJES SU CHAGS PAR MI 'GYUR ZHING, YID MI BDE BAR MI 'GYUR TE KHONG KHRO BAR MI 'GYUR LA BTANG SNYOMS SU GNAS TE SO SOR BRTAGS TE GTOD PAR MI BYED PA'O, ,DRAN PA DANG, @319B LDAN ZHING SHES BZHIN DU ZHES BYA BA NI DRAN PA DANG MTSUNGS PAR LDAN PA'I SHES RAB KYI GNYEN POR TSOL LO ZHES BYA BA'I THA TSIG GO, ,GAL TE MIG GIS GZUGS RNAMS MTHONG NAS YID BDE BAR MI 'GYUR ZHING ZHES BYA BA LA SOGS PA YIN NO, ,'O NA DGRA BCOM PA YID BDE BAR MI 'GYUR RO ZHE NA, ,DE'I PHYIR DGRA BCOM PA LA YANG 'JIG RTEN PA'I DGE BA CHOS LA DMIGS PAS YID BDE BA MED PA MA YIN PAS ZHES BYA BA SMOS SO, ,DE DGAG PA YIN PAR MNGON NO ZHES BYA BA LA DE NI KUN NAS NYON MONGS PA'O, ,DGAG PA GANG ZHIG CE NA, MIG GZUGS RNAMS MTHONG NAS YID BDE BAR MI 'GYUR ZHING ZHES BYA BA LA SOGS PA GSUNGS PA GANG YIN PA'O, ,CHOS LA DMIGS PA ZHES BYA BA NI CHOS NYAN PA LA SOGS PA DAG GI CHO SANGS RGYAS KYI YON TAN RNAMS MNGON DU BDE BA'I YID BDE BA DANG LDAN PA NI YID NYE BAR RGYU BA MA YIN NO ZHES BYA BA'O, ,STON PA'I BKA' SUM CU RTZA DRUG CES BYA BA NI STON PA'I MTSAN NYID DANG STON PA'I RTAGS TE, 'DI DAG GIS STON PA GO BAR BYED CES BYA BA'I DON TE, GZHAN LA DE DAG RNAM PAR 'BYED PA'I NUS PA MED PA'I PHYIR RO, ,ZHEN PA LA BRTEN PA DANG NGES PAR 'BYUNG BA NYID LA BRTEN PA'I BYE BRAG GIS ZHES BYA BA LA, ZHEN PA NI BRKAM PA STE DON DU GNYEN BA DANG CHAGS BA DANG, MNGON BAR ZHEN PA DANG, SRED PA ZHES BYA BA NI RNAM GRANGS DAG GO, ,NGES PAR 'BYUNG BA NYID NI 'DOD CHAGS DANG BRAL BA'O, ,'KHOR BA 'AM KUN NAS NYON MONGS PA LAS NGES PAR 'BYUNG BA NI NGES PAR 'BYUNG BA NYID DO, ,DE DAG GI BYE BRAG STON PAS BKA' STZAL PA'I PHYIR RO ZHES BYA BA NI BSTAN PA'I PHYIR RO ZHES BYA BA'I BAR DU SMRAS PAR 'GYUR RO, ,'DI SKAD DU MDO LAS MIG GIS SHES PAR BYA BA'I GZUGS DAG LA BRTEN NAS YID BDE BA SKYE BAR 'GYUR ZHING, DE YANG RNAM PA GNYIS SU RIG PAR BYA STE, ZHEN PA NYID LA BRTEN PA DANG NGES PAR 'BYUNG BA LA BRTEN PA'O ZHES RGYAS PAR 'BYUNG STE, SGRA DANG DRI DANG RO DANG REG BYA DANG CHOS DAG LA YANG DE BZHIN DU RIG PAR BYA LA, YID MI BDE BA DANG BTANG SNYOMS KYANG DE DANG 'DRA'O, ,DE LTAR TSOR BA ZHES BYA BA SRID PA'I YAN LAG DE'I ZHES BYA BA NI DE LAS BYUNG BA TSOR BA DRUG LNGA NI LUS KYI 'O SEMS KYI GZHAN ZHES BYA BA NAS NGES PAR 'BYUNG BA LA BRTEN PA NI DGE BA'O ZHES BYA BA'I @320A *, ,BAR DU RGYAS PAR 'BYUNG BA'O, ,NYON MONGS PA DANG LAS KYI GZHI RNAMS SO ZHES BRTAN PA ZHES BYA BA NI NYON MONGS GSUM DANG LAS GNYIS SO, ,GZHI BDUN ZHES BYA BAR RO, ,NYON MONGS PA ZHES BYA BA NI RTEN CING 'BREL PAR 'BYUNG BA YAN LAG BCU GNYIS DANG SBYAD BAR BYA BA'I PHYIR MDO RTZOM PA'O, ,NYON MONGS PA DANG, LAS DANG, GZHI 'DI DAG GI SO SO'I BYED PA PHYI ROL GYI DPE'I SGO NAS BSTAN PA'I PHYIR, 'DIR NI NYON MONGS SA BON BZHIN, ,ZHES BYA BA RGYAS PAR SMOS SO, ,NYON MONGS PA'I KLU GNAS PA'I SKYE BA'I MTSO YANG DE DANG 'DRA'O ZHES BYA BA LA, NYON MONGS PA YOD NA LAS RNAMS NYE BAR SOGS PAR 'GYUR LA, DES NA NGE LAS SKYES PA YIN PAS NYON MONGS PA YOD NA 'GA' ZHIG GI YANG SKYE BA'I MTSO SKAMS PAR MI 'GYUR RO, ,LAS RNAMS KYANG RNAM PAR SMIN PA SKYE BAR BYA BA LA DE BZHIN DU RIG PAR BYA BA'O, ,ZHES BYA BA NI NYE BA'I RGYUR TE, NYON MONGS PA RNAMS NI RING BA YIN NO, ,THAR BAR MI 'GYUR RO ZHES BYA BA NI DGRA BCOM PA LA YANG YANG SRID PA'I RGYU YOD PA'I PHYIR RO, ,DE DAG NI BSHAD ZIN TO ZHES BYA BA LA, JI LTAR ZHE NA, 'DIR GANG 'CHI DANG SKYE BA YI, ,SRID PA'I BAR DU 'BYUNG BA'O, ,ZHES BYA BA DANG, SKYE BA'I SRID PA NI 'GRO BA DAG TU NYID MTSAMS SBYOR BA'I SKAD CIG GO ZHES BYA BA DANG, DE PHAN CHAD 'CHI BA'I SKAD CIG MA GTOGS PA GZHAN NI DUS SNGA MA'I SRID PA'O, ,GANG GI 'OG TU SRID PA BAR MA 'BYUNG BA THA MA'I SKAD CIG MA NI 'CHI BA'I SRID PA'O, ,SKYE BA'I SRID PA NYON MONGS CAN,, ,ZHES BYA BA NI DGE BA MA YIN ZHING MA BSGRIBS LA LUNG DU MA BSTAN PA MA YIN PA STE, DE'I PHYIR GCIG TU ZHES BYA BA SMOS TE, NYON MONGS PA CAN KHO NA YIN NO ZHES BSTAN PAR 'GYUR RO; ,NYON MONGS PA DMIGS KYIS MA BYED PAS DRI BA 'DI NYON MONGS PA GANG GI ZHES BYA BA STE, DE'I PHYIR NYON MONGS KUN ZHES BYA BA SMOS SO, ,CI SKYE BA'I SRID PA THAMS CAD NYON MONGS PA THAMS CAD KYIS NYON MONGS PA CAN DU 'GYUR RAM ZHE NAM YIN NO, ,'O NA CI ZHE NA, @320B RANG GIS PA'I NYON MONGS PA RNAMS KHO NA STE, 'DOD CHAGS DANG, KHOR KHRO DANG, NGA RGYAL DANG, GTI MUG DANG, LTA BA DANG, THE TSOM ZHES BYA BA DAG GIS SO, ,KUN NAS DKRIS PA CHIG RKYA THUB PA RNAMS KYIS NI MA YIN NO ZHES BYA BA LA, 'DOD CHAGS LA SOGS PA'I NYON MONGS PA DANG MTSUNGS PAR LDAN PAS NGO TSA MED PA DANG, KHREL MED PA DANG, RMUGS PA DANG, RGOD PA DANG, GNYID CES BYA BA KUN NAS DKRIS PA RANG DBANG BA MA YIN PA YOD PAS DE'I PHYIR CHIG RKYA THUB PA RNAMS KYIS ZHES KHYAD PAR DU BYAS SO, ,MA RIG PA LAS GZHAN NYON MONGS PA 'DOD CHAGS LA SOGS PA DANG MTSUNGS PAR MI LDAN PAS NA CHIG RKYA THUB PA DAG CES BYA STE, PHRAG DOG DANG SER SNA DANG, 'GYOD PA DANG, KHRO BA DANG, 'TSIG PA ZHES BYA BA DANG, LNGA LA CHIG RKYA THUB PA RNAMS ZHES BRJOD DO, ,NYON MONGS PA RNAMS KYIS NYID MTSAMS SBYOR RO ZHES 'BYUNG BA DANG, DE'I TSE DRI ZA LA SEMS GNYIS LAS GANG YANG RUNG BA ZHIG MNGON DU 'GYUR TE, RJES SU CHAGS PA DANG LDAN PA'AM, KHONG KHRO BA DANG LDAN PA'O ZHES GSUNGS PA DANG, RANG DBANG BA RNAMS NI 'DOD CHAGS LA SOGS PA'I NYON MONGS PA RNAMS DANG MTSUNGS PAR MI LDAN PA'I PHYIR DE DAG GI NYID MTSAMS SBYOR BA DGAG GO, ,'DOD CHAGS LA SOGS PA NYON MONGS PA DANG MTSUNGS PAR LDAN PAS RANG DBANG MA YIN PA RNAMS KYIS NI NYID MTSAMS SBYOR BA MI DGAG GO, ,GAL TE GNAS SKABS DE NI ZHEN PA MA YIN NAM, JI LTAR DER LOG PAR LTA BA LA SOGS PA DAG KUN DU 'BYUNG ZHE NA, DE'I PHYIR, GNAS SKABS DE ZHAN PA YIN MOD KYI ZHES BYA BA RGYAS PAR 'BYUNG STE, SEMS DANG SEMS LAS BYUNG BA RNAMS MI G-YER BA'I PHYIR GNAS SKABS DE NI ZHAN PA YIN ZHES BYA'O, ,GZHAN DAG NA RE DE NA TSOR BA BTANG SNYOMS KHO NA YOD PAS DE'I PHYIR ZHAN PA ZHES BRJOD DO ZHES ZER RO, ,GANG ZHIG GIS GANG LA YANG DANG YANG DU ZHES BYA BA NI RTAG TU ZHUGS ZHES BYA BA'I DON TO, ,NYE BAR ZHES BYA BA NI 'CHI BA DANG NYE BAR TE, SPYAD PA @321A *, ,ZHES BYA BA DANG SBYAR RO, ,DE'I TSE ZHES BYA BA NI SKYE BA'I SRID PA'I GNAS SKABS NA'O, ,NYON MONGS PA DE NYID CES BYA BA NI NYON MONGS PA GANG LA YANG DANG YANG DU NYE BAR SPYAD PA'O, ,SNGON 'PHANGS PA'I PHYIR RO ZHES BYA BA NI SNGON GOMS PAS DE'I TSE YANG RNAM PA DA LTA BU'I NYON MONGS PA KHO NA NYE BAR GNAS PA'O, ,YANG NA DE'I TSE NYON MONGS PA GANG ZHIG NYE BAR GNAS PA DE SNGAR 'BRAS BU'I NGO BOR NYE BAR GZUNG ZHING 'PHANGS PA STE 'PHEN PAS DE'I TSE NYE BAR GNAS SO, ,SRID PA BAR MA NYING MTSAMS SBYAR BA NA YANG DE BZHIN DU ZHES BYA BA NI YANG SRID PAR NYING MTSAMS SBYOR BA JI LTA BA BZHIN DU ZHES BYA BA'I DON TO, ,GZUGS MED GSUM ZHES BYA BA NI GZUGS MED PA LA GSUM KHO NA YIN GYI, GZUGS LA GSUM NI MA YIN TE, GZUGS MED PA DANG LDAN PA'I LAS SRID PA BAR MA'I 'BRAS BU CAN NI YOD PA MA YIN NO, ,CI'I PHYIR SRID PA BAR MA MED CE NA, DE'I PHYIR GZUGS MED PA'I KHAMS NI ZHES BYA BA SMOS SO, ,'GRO BA ZAS KYIS GNAS PA YIN, ,ZHES BYA BA 'BYUNG NGO, ,YANG ZAS RNAMS GANG YIN ZHING DU DAG CIG YIN ZHE NA, MDO NYID LAS ZAS NI BZHI STE, KHAM GYI ZAS NI RAGS PA DANG PHRA BA'O, ,REG PA NI GNYIS PA'O, ,YID LA SEMS PA NI GSUM PA'O, ,RNAM PAR SHES PA NI BZHI PA'O ZHES GSUNGS SO, ,KHAM GYI ZAS NI RNAM PA GNYIS SO ZHES BSTAN TO, ,DE LA PHRA BA GANG DAG GI YIN ZHE NA, PHRA BA NI SRID PA BAR MA BA RNAMS KYI YIN TE ZHES BYA BA LA SOGS PA SMOS SO, ,BSKAL PA DANG PO STE MI RNAMS KYI YANG YIN TE, RGYU MTHUN PA MED PA'I PHYIR TE GCIN DANG PHYI SA MED PA'I PHYIR RO, ,YANG NA PHRA MO RNAMS KYI YIN PAS PHRA MO STE ZHES BYA BA LA, SROG CHAGS PHRA MO RNAMS KYI ZAS NI PHRA MO'O, ,BYIS PA NI SKYES MA THAG PA STE, 'O MA DANG MAR ZA BA'I BAR RO, ,SOGS PA'I SGRAS NI MNGAL NA GNAS PA BSDU STE, 'DI DAG YONGS SU CHAD PA NYID KYI LHAG MA RNAMS KYIS NI RAGS PA NYID DO ZHES BYA BA GRUB PO, ,YANG CI 'DI RNAMS THAMS CAD @321B KHAMS THAMS CAD NA YOD DAM ZHE NA, DE'I PHYIR, KHAM GYI ZAS NI 'DOD PA NA, ,ZHES BYA BA SMOS TE, KHAM GYI ZAS NI 'DOD PA KHO NA NA YOD PA YIN TE, KHAM GYI ZAS KHO NA NI MA YIN TE, DE'I 'DOD CHAGS DANG BRAL BA STE, KHAM GYI ZAS KYI 'DOD CHAGS DANG MA BRAL BA GZUGS DANG GZUGS MED PAR MI SKYE BA'I PHYIR RO, ,'DOD CHAGS DANG BRAL BA NI JI SRID DER MA SKYES PA DE SRID DU ZAS KYIS GNAS PA NYID YIN TE, DE NYID KYI PHYIR DER SKYE BA'I PHYIR RO ZHES BYA BA SMOS TE, DER NI LUS GNAS PAS PHYI ROL GYI RKYEN LA RAG LAS PA MA YIN NO, ,DE YANG SKYE MCHED GSUM GYI BDAG NYID DO ZHES BYA BA NI SKYE MCHED GSUM GYI NGO BOS TE, DRI DANG, RO DANG, REG BYA'I SKYE MCHED KYI RANG BZHIN YIN PA'I PHYIR RO, ,KHAM DU BYAS TE MID PA'I PHYIR KHAM GYI ZAS KHO NA YIN NO ZHES BYA BA LA, DRI DANG, RO DANG, REG BYA'I SKYE MCHED RNAMS NI 'DOD PA'I KHAMS NA SNA DANG LCES KHAM DU BCAD NAS KHAM DU BYAS TE MID PA'I PHYIR KHAM GYI ZAS ZHES BRJOD NA, GRIB MA LA SOGS PA DAG NI KHAM DU BYAS NAS MID DE SNYAM DU THE TSOM ZA BAS 'DRI BA NI, GRIB MA DANG, NYI MA DANG, ME DANG, 'OD DAG LA YOD PA'I DRI DANG, RO DANG, REG BYA DE DAG JI LTAR ZAS NYID YIN ZHES BYA BA'O, ,'DI NI PHA LA CHE BA ZHES BYA BA RGYAS BAR 'BYUNG BA LA 'DOD PA NA SPYOD PA'I DRI DANG, RO DANG, REG BYA DE NGAG NI PHAL CHER KHAM DU BCAD NAS MED PA NA GNAS PA 'DREN PAR BYED MOD KYI KHAM GYI ZAS PHRA BA DE DAG KYANG KHRUS DANG LUS MNYE BA BZHIN DU DE'I RIGS CAN YIN PA'I PHYIR ZAS NYID LAS MI 'DA' BAS 'GAL BA MED DO, ,GZUGS KYI SKYE MCHED MA YIN TE, GZUGS KYI SKYE MCHED KYIS RANG GI DBANG PO LA MI PHAN PA'I PHYIR DANG, GROL BA LA MI PHAN PA'I PHYIR RO, ,GZUGS KYI SKYE MCHED NI MID PA'I TSE ZHES BYA BA NI MID PA'I DUS NA STE, ZAS KYIS GANG GI TSE KHAR BCUG PA DANG, SOS MNAL BA DANG, MCHIL MAS BRLAN PA DANG, MID PA LAS 'DAS PAR GYUR PA DE'I TSE SNA DANG, LCE DANG, LUS KYI DBANG @322A *, ,PO DAG GAM, DE DAG GIS DRI LA SOGS PA RNAMS 'DZIN PAS DE'I RTEN 'BYUNG BA CHEN PO RNAMS LA PHAN 'DOGS PA DE BZHIN DU GZUGS KYI SKYE MCHED NI MID PA'I TSE MA YIN NO, ,GZUGS KYI SKYE MCHED NI RANG GI DBANG PO STE, MIG GI DBANG PO GANG YIN PA'AM, DE'I 'BYUNG BA CHEN PO STE DBANG PO'I RTEN 'BYUNG BA CHEN PO GANG DAG YIN PA DE LA PHAN MI 'DOGS NA DBANG PO GZHAN RNA BA LA SOGS PA DAG LA PHAN 'DOGS PA LTA SMOS KYANG CI DGOS, ,YUL MA YIN PA'I PHYIR ZHES BYA BA NI RNA BA LA SOGS PA DAG GI YUL MA YIN PA NYID DO, ,GAL TE MID PA'I TSE GZUGS KYI SKYE MCHED MIG GIS MA BZUNG BAS MIG GI DBANG PO LA PHAN MI 'DOGS NA, 'O NA ZAS KYI TSE MTHONG BA NA PHAN 'DOGS PAR 'GYUR RO ZHE NA, DE'I PHYIR GANG GI TSE MTHONG BA NA ZHES BYA BA RGYAS PAR SMOS SO, ,DE LA DMIGS PA NI MTHONG BZHIN PA'I GZUGS LA DMAGS PA'O, ,YANG DE'I TSE YANG DE LA DMIGS PA BDE BA MYONG BAR 'GYUR BA'I REG PA ZAS YIN GYI, GZUGS NI MA YIN NO ZHES BYA BA 'DI JI LTAR RTOGS SHE NA, DE'I PHYIR GROL BA PHYIR MI 'ONG PA DANG DGRA BCOM PA ZHES BYA BA RGYAS PAR SMOS TE, PHYIR MI 'OD PA SMOS PA NI DE DAG KYANG 'DOD PA PAS 'DOD CHAGS DANG BRAL BA'I PHYIR RO, ,MTHONG BA'I GZUGS ZAS KYI BYA BA BYED PA LA JI LTAR DRI DANG, RO DANG, REG BYA MID BZHIN PA DAG BZHIN DU PHYIR MI 'ONG BA RNAMS DANG DGRA BCOM PA RNAMS LA YANG BYED PAR 'GYUR TE, 'DI SKAD DU KHAM GYI ZAS NI LAG NA YOD PA'AM SNOD NA YOD PAS ZAS GYI BYA BA MI BYED KYI, 'ON KYANG GANG GI TSE KHAR BCUG PA DANG, SOS MNAL BA DANG, MCHIL MAS BRLAN PA DANG, MING PAR 'DAS PA DANG, PHO BA KHENGS PAR GYUR PA ZHES BYA BA RGYAS PAR YIN PA DE'I TSE ZAS NYID KYI CHED DU 'GYUR RO ZHES GSUNGS PA'I PHYIR TE, ZAS KYI DNGOS PO BYED CES BYA BA'I DON TO, ,DE'I GONG BU MTHA' DAG LAG PA LA SOGS PA NA YOD PA NA 'BYUNG BAR 'GYUR BA'I MING GIS KHAM GYI ZAS ZHES BYA BA'O, ,GZHAN NI GZUGS KYI SKYE MCHED NI ZAS MA YIN TE, PHRAD @322B NAS 'DZIN PA'I DBANG PA'I YUL MA YIN PA'I PHYIR SGRA BZHIN NO ZHES ZER RO, ,REG DANG SEMS PA RNAM SHES NI, ,ZAG BCAS ZAS YIN GSUM DAG NA, ,ZHES BYA BA LA, KHAM GYI ZAS SKYE MCHED GSUM GYI BDAG NYID CAN NI GCIG TU ZAG PA DANG BCAS PA YIN PAS GSUM PO KHO NA ZAG PA DANG BCAS PAS KHYAD PAR DU BYAS SO, ,SRID PA GSO BAR BYED PA'I DON NI ZAS KYI DON YIN ZHES BYA BA LA, JI LTAR NA DE DAG SRID PA GSO BAR BYED CE NA, MA 'PHANGS PA 'PHEN PA'I PHYIR DANG, 'PHANGS PA MNGON PAR 'GRUB PAR BYED PA'I PHYIR TE, SRID PA RJES SU MI GCOD PA'I RGYU NYID YIN PA'I PHYIR RO ZHES BYA BA'I THA TSIG GO, ,REG PA DANG, SEMS PA DANG, RNAM PAR SHES PA ZAG PA MED PA DE DAG NI SRID PA ZAD PAR BYA BA'I PHYIR SKYES PA DAG YIN TE, SRID PA'I GNYEN PO YIN PA'I PHYIR RO, ,GAL TE YANG SKYES ZIN PA'I SRID PA RGYAS PAR BYED MOD KYI SRID PA GZHAN SKYED PAR BYED PA NI MA YIN TE, DE NYID KYI PHYIR DE DAG ZAG PA DANG BCAS PA YIN YANG KHAMS DANG SA SKAL BA MI MNYAM PA DAG NI ZAS MA YIN NO, ,SKAL BA MI MNYAM PA'I SA NA NI RGYAS PA'I RGYU NYID YIN NA YANG PHYI MA LA SRID PA DE SBREL BA'I RGYU MA YIN PA'I PHYIR ZAS MA YIN NO, ,GZHAN YANG MDO LAS ZAS BZHI PO 'DI DAG NI ZHES BYA BA RGYAS PAR 'BYUNG STE, DE LA GNAS PA NI MI 'CHAD PA'O, ,'TSO BA NI RGYUN CHAGS SU RJES SU 'JUG PA'O, ,YANG NA NI SNGA MA'I BSHAD PA PHYI MA YIN NO, ,PHAN PAR BYED PA NI YANG SRID PA MNGON PAR 'GRUB PAR BYED PA'O, ,ZAG PA MED PA'I CHOS RNAMS NI DE LTA MA YIN PAS ZHES BYA BA NI RGYUN MI 'CHAD PA'AM YANG SRID PA MNGON PAR 'GRUB PA MA YIN PA STE, DE'I PHYIR REG PA LA SOGS PA RNAMS NI ZAG PA DANG BCAS PA KHO NA ZAS YIN GYI ZAG PA MED PA NI MA YIN NO ZHES BYA BAR MDO LAS KHONG DU CHUD DO, ,RE ZHIG BYUNG BA NI ZHES BYA BA LA, BYUNG BA NI SKYES PA DANG MNGON PAR GRUB PA ZHES BYA BA'I DON TO, ,YID LAS SKYES PA'I PHYIR ZHES BYA BA NI YID TZAM LAS SKYES PA'I PHYIR TE, DE LTAR NA YID KHO NA SMOS @323A *, ,PA 'BRAS BU DANG BCAS PAR 'GYUR GYI GZHAN DU NI MA YIN NO, ,'DI NYID BSTAN PA'I PHYIR PHYI'I KHU CHU DANG KHRAG CES BYA BA LA SOGS PA SMOS TE, SOGS BA ZHES BYA BA'I SGRAS NI GCIN DANG PHYIS DANG 'DAM RDZAB LA SOGS PA RNAMS BSDU'O, ,DRI ZA BA'I PHYIR NA ZHES BYA BA NI DRI ZA BA DANG DRI ZAS SU ZA BA'I PHYIR NA ZHES BYA BA'I DON TO, ,SRID PA TSOL BA'I DANG TSUL CAN YIN PA'I PHYIR ZHES BYA BA LA, MA SKYES PAS PHAL CHER SKYE BA LA GZHOL BA NI SRID PA TSOL BA'I NGANG TSUL CAN NO, ,SKYE PA LA MNGON DU PHYOGS PA'I PHYIR ZHES BYA BA LA, DE'I DON DU MNGON PAR GRUB PA'I PHYIR DANG, DE MA THAG TU SKYE BA'I PHYIR NA SKYE PO LA MNGON DU PHYOGS PA'O, ,MDO LAS GNOD PA DANG BCAS PA'I LUS MNGON PAR GRUB NAS ZHES BYA BA 'BYUNG STE, SRID PA BAR MA MNGON PAR 'GRUB PA YIN NO ZHES BYA BA LA, KHUNGS NI GNOD PA DANG BCAS PA'I 'JIG RTEN DU SKYE BAR 'GYUR RO ZHES BYA BA 'DI YIN TE, GANG GI PHYIR SNGAR MNGON PAR GRUB NAS GNOD PA DANG BCAS PA'I 'JIG RTEN DU SKYE BA'I PHYIR RO, ,MU BZHI GSUNGS PA'I PHYIR CI YIN ZHE NA, SRID PA BAR MA MNGON PAR GRUB PAR BRJOD DO ZHES BYA BAR SBYAR RO, ,MU DANG PO NI PHYIR MI 'ONG PA KHAMS GNYIS LAS 'DOD CHAGS DANG BRAL BA'O, ,GNYIS PA NI BAR MA DOR YONGS SU MYANG NA LAS 'DAS PA'O, ,GSUM PA NI DGRA BCOM PA'O, ,BZHI PA NI RGYUN DU ZHUGS PA DANG, LAN CIG PHYIR 'ONG BA DANG PHYIR MI 'ONG BA GZUGS SU NYE BAR 'GRO BA DANG; ,BDAG CAG LA SOGS PA RNAMS SO, ,'JIG RTEN PA KHAMS GNYIS LAS 'DOD CHAGS DANG BRA LA BA YANG MNGON PAR 'GRUB PA'I SBYOR BA SPANGS PA MA YIN PA NYID DO, ,DE DAG GANG 'PHAGS PA'I SHES RAB KYIS SPANGS PA DE NI SPANGS PA YIN NO ZHES 'BYUNG BA'I PHYIR RO, ,YANG NA BYUNG BA NI DGRA BCOM PA'O ZHES BYA BA NI BYUNG BA DANG SKYES ZIN PA NYID DO ZHES BYA BA'I DON TO, ,SRID PA TSOL BA NI MA YIN TE, KHAMS GSUM LAS 'DOD CHAGS DANG BRAL BA'I PHYIR RO, ,SRID PA TSOL BA RNAMS NI SRED PA DANG BCAS BDAG GO ZHES BYA BA LA, DE DAG NI 'DOD @323B CHAGS DANG MA BRAL BA'I PHYIR SRID PA TSOL BA YIN NO, ,YANG ZAS DU ZHIG NA SEMS CAN BYUNG BA RNAMS GNAS PAR BYED PA YIN ZHES BYA BA NI SEMS CAN SKYES PA RNAMS GNAS PA'I RGYU YIN ZHES BYA BA'I DON TO, ,DU ZHIG NI SRID PA TSOL BA RNAMS LA PHAN 'DOGS PAR BYED PA YIN ZHES BYA BA NI YANG SRID PA TSOL BA RNAMS KYI YANG SRID PA MNGON PAR 'GRUB PA'I RGYU YIN ZHES BYA BA'I THA TSIG GO, ,THAMS CAD KYANG GNYIS KA YIN NO ZHES BYA BA'I ZAS BZHI CHAR YANG SEMS CAN BYUNG BA RNAMS GNAS PAR BYED PA DANG, SRID PA TSOL BAR BYED PA RNAMS LA PHAN 'DOGS PAR BYED PA YIN NO ZHES BYA BA'O, ,YID LA SEMS PA NI LAS KYI RANG BZHIN YIN PA'I PHYIR LA, DE DANG MTSUNGS PAR LDAN PA'I RIGS PA DANG, RNAM PAR SHES PA NI DE DANG 'BRAS BU GCIG PA'I PHYIR DANG, DGE BA DANG MI DGE BA YIN PA'I PHYIR SRID PA TSOL BA RNAMS LA PHAN 'DOGS LA RAG NA, KHAM GYI ZAS KYI BDAG NYID MA YIN ZHING LUNG DU MA BSTAN PA GO JI LTAR SRID PA TSOL BAR BYED PA RNAMS LA PHAN 'DOGS PAR BYED PAR BRJOD PAR BYA ZHE NA, DE'I PHYIR KHAM GYI ZAS KYANG ZHES BYA BA RGYAS PAR SMOS SO, ,DON 'DI NI SHES PAR BYA BA'I PHYIR, BCOM LDAN 'DAS KYIS ZAS BZHI NI ZHES BYA BA LA SOGS PA SMOS TE, NAD DANG 'BRAS DANG RGA SHI RNAMS NI MDO 'DI LAS YANG 'BYUNG BA NYE BAR LEN PA'I PHUNG PO LNGA'I RNAM GRANGS KYI TSIG TU GSUNGS TE, ZUG RDU'I RTZA BA YIN NO ZHES 'BYUNG BA'I PHYIR RO, ,DE YANG 'BYUNG BA'I RGYU NI ZAS BZHI STE, RTZA BA DANG RGYU DANG BYED RGYU ZHES BYA BA NI DON GZHAN MA YIN NO, ,DE'I PHYIR DE LTAR NA MDO LAS KHAM GYI ZAS KYANG DE LA CHAGS PA RNAMS KYI YANG 'BYUNG BAR BYED PA YIN NO ZHES BYA BAR GRUB PO, ,GZHAN DAG NI RGA SHI'I RKYEN YIN NO ZHES BYA BA 'DI KHO NA DPER BRJOD PA YIN TE BDAG 'DI'I 'OG ROL[?] DU RGA SHI RNAM PAR GZHAG PA'I PHYIR RO SNYAM DU SEMS SO, ,'DIR KHAM GYI ZAS NI SEMS CAN BYUNG BA RNAMS GNAS PAR BYED PA YIN NO ZHES BYA BAR MNGON SUM GYIS MTHONG LA, DE BZHIN DU BDE BA MYONG BAR 'GYUR BA'I REG PA DANG, DE DANG MTSUNGS PAR LDAN PA'I RNAM PAR SHES @324A *, ,BA YANG SEMS CAN BYUNG BA RNAMS LA PHAN 'DOGS PAR BYED PA YIN LA RAG NA, YID LA SEMS PA NI JI LTAR SEMS CAN BYUNG BA RNAMS GNAS PAR BYED PA YIN ZHE NA, DE'I PHYIR YID LA SEMS PA YANG ZHES BYA BA RGYAS PAR SMOS SO, ,DRUNG DU SONG STE ZHES BYA BA NI DRUNG DU RAB TU SONG BA'O, ,'GRO BA'I RNAM GRANGS LAS KYANG ZHES BYA BA NI CHOS MNGON PA'I BSTAN BCOS ZHIG LAS SO, ,CHOS MNGON PA'I BSTAN BCOS NI DRUG STE, YE SHES LA 'JUG PA DANG, RAB TU BYED PA'I RKANG BA DANG, RNAM PAR SHES PA'I TSOGS DANG, YANG DAG PAR 'GRO BA'I RNAM GRANGS DANG, GDAGS PA'I BSTAN BCOS DANG, CHOS KYI PHUNG PO'O, ,'DI SKAD DU SGRONG GANG DAG GIS MA LAS BRTZAMS NAS DRAN PAS MI BRJED PA ZHES BYA BA 'BYUNG NGO, ,LUS NUR NUR POR GYUR PA DE DAG LA MA'I YUL CAN GYI DRAN PA YOD DO ZHES JI LTAR BRJOD PAR BYA; DE NYID GYI PHYIR NA, 'GRO BA'I RNAM GRANGS LAS MA DAG GI SGO NGA LAS BRTZAMS TE ZHES 'DON TE, SGO NGA DAG LA DRAN PA MED PA'I PHYIR RO ZHE NA, DE'I PHYIR REG PA'I GNAS SKABS DE DRAN PAS ZHES BYA BA SMOS SO, ,GAL TE ZAG PA DANG BCAS PA'I CHOS THAMS CAD SRID PA RJES SU 'JUG PHAR GNAS PA'I BYED RGYU YIN PA'I PHYIR SRID PA RNAMS GSO BAR BYED PA DAG MA YIN ZHE NA, GTZO BOR BSHAD DE ZAS BZHI ZHES BYA BAR SBYAR RO, ,RGYU GNYIS DANG RKYEN GNYIS KYIS YANG DAG PA'I LTA BA SKYED PAR BYED DE ZHES GTZO BO'I SGO NAS STON PA YANG MTHONG STE, TSUL KHRIMS RNAM PAR DAG PA LA SOGS PA DAG KYANG DE SKYE BA'I RGYU MA YIN PA NI MA YIN NO, ,BZHI PO 'DI DAG NYID DA LTAR BA'I SKYE BA GSO BA DANG MA 'ONGS PA'I SKYE BA 'PHEN PA DANG GRUB PA DAG LA GTZO BO YIN TE, DE NYID BSTAN PA'I PHYIR 'DI LA GNAS DANG NI, BRTEN PA RGYAS BA'I DON DU GNYIS, ,ZHES BYA BA RGYAS PAR SMOS SO, ,GSO BAR BYA BA DANG BSKYED PAR BYA BA'I CHOS NI GNYIS TE, GZUGS DANG MING NGO, ,DE LA GZUGS NI RTEN TE DBANG PO DANG BCAS PA'I LUS SO, ,MING NI BRTEN PA STE SEMS DANG SEMS LAS BYUNG BA'I CHOS RNAMS SO, ,DE LA RTEN @324B RGYAS PAR BYED PA NI KHAM GYI ZAS TE 'DOD PA NA SPYOD PA'I GZUGS NI DE LA BRTEN PA'I PHYIR RO, ,BRTEN PA RGYAS PAR BYED PA NI REG PA STE, SEMS DANG SEMS LAS BYUNG BA RNAMS NI DES 'TSO BA'I PHYIR TE, DE SKAD DU YANG TSOR BA'I PHUNG PO DANG 'DU SHES KYI PHUNG PO DANG 'DU BYED KYI PHUNG PO GANG CI YOD PA DE THAMS CAD NI RIG PA LA BRTEN NAS YIN NO ZHES 'BYUNG BA'I PHYIR RO, ,YID LA SEMS PAS NI MING DANG GZUGS KYI BDAG NYID KYI SRID PA 'PHEN PAR BYED DE, YID LA SEMS PA NI YANG SRID PA 'PHEN PA'I LAS KYI RANG BZHIN YIN PA'I PHYIR RO, ,JI LTAR 'PHEN BAR BYED CE NA, RGYU DE SKYE BA DANG MTHUN PAR GNAS PAR BYED PA'I PHYIR RO, ,LAS KYIS YONGS SU BSGOS PA'I RNAM PAR SHES PA'I SA BON LAS ZHES BYA BA LA SOGS PA LA, BSGOS PA NI LAS KYIS 'PHANGS PA'I YANG SRID PA BSKYED PA'I NUS PA STE, 'DI LTAR SRID PAS NI LAS KYIS YONGS SU BSGOS PA'I RNAM PAR SHES PA'I SA BON BRLAN PAR BYED LA, DES NI MING DANG GZUGS GZHAN MNGON PAR GRUB PAR BYED DE, BRLAN GYIS RJES SU ZIN PA'I SA BON GYIS MYU GU 'GRUB PAR BYED PA BZHIN NO, DE NYID KYI PHYIR LAS NI SKYE BA'I RGYU YIN LA, SRID PA NI MNGON PAR 'GRUB PA'I RGYU YIN NO ZHES BSHAD DO, ,SNGA MA GNYIS NI SKYES ZIN PA GSO BAR BYED PA YIN PA'I PHYIR RO, ,MA MA LTA BU YIN NO ZHES BYA BA NI KHAM DANG REG PA GNYIS SO, ,JI LTA ZHE NA, SKYES ZIN PA GSO BAR BYED PA YIN PA'I PHYIR RO, ,PHYI MA GNYIS NI SKYED BAR BYED PA YIN PA'I PHYIR MA LTA BU DAG YIN NO, ,MU BZHI STE ZHES BYA BA LA, KHAM YIN LA ZAS MA YIN PA YANG YOD, ZAS YIN LA KHAM MA YIN PA YANG YOD, GNYIS KA YIN PA YANG YOD, GNYIS KA MA YIN PA YANG YOD DE, MU DANG PO NI KHAMS GANG LA BRTEN NAS DBANG PO RNAMS NYAMS PAR 'GYUR LA 'BYUNG BA CHEN PO RNAMS KYANG YONGS SU 'JIG PAR 'GYUR BA STE, DPER NA DUG ZA BA LA SOGS PA LTA BU'O, ,MU GNYIS PA NI KHAM LAS GZHAN PA'I ZAS GSUM DAG GO, ,MU GSUM PA NI KHAM GANG LA BRTEN NA SA @325A *, ,DBANG PO RNAMS RGYAS PAR 'GYUR ZHING 'BYUNG BA CHEN PO RNAMS KYANG 'PHEL BAR 'GYUR BA STE, DPER NA ZAS YID DU 'ONG BA LTA BU'O, ,BZHI PA NI RNAM PA DE DAG MA GTOGS PA'O ZHES BYA BA NI SGRA DANG TSOR BA SDUG BSNGAL DANG LDAN PA'I SEMS DANG SEMS LAS BYUNG BA THAMS CAD DO, ,DE BZHIN DU RE GA PA LA SOGS PA DAG LA YANG CI RIGS PAR MU BZHIR BYA'O ZHES BYA BA 'BYUNG STE, JI LTA ZHE NA, GANG LA LA REG PA YIN PA DE THAMS CAD ZAS KYANG YIN NAM ZHE NA ZHES BYA BA RGYA CHER TE, MU DANG PO NI REG PA GANG LA BRTEN NAS DBANG PO RNAMS NYAMS PAR 'GYUR LA 'BYUNG BA CHEN PO RNAMS KYANG YONGS SU 'JIG PAR 'GYUR BA'O, ,GNYIS PA NI REG PA LAS GZHAN PA'I ZAS GSUM DAG GO, ,GSUM PA NI REG PA GANG LA BRTEN NAS DBANG PO RNAMS RGYAS PAR 'GYUR ZHING 'BYUNG BA CHEN PO RNAMS KYANG 'PHEL BAR 'GYUR BA'O, ,BZHI PA NI, RNAM PA DE DAG MA GTOGS PA'O, ,DE BZHIN DU YID LA SEMS PA DANG, RNAM PAR SHES PAR MU BZHI YANG BRJOD PAR BYA STE, ZAS THAMS CAD MU BZHI DANG LDAN PA YIN NO, ,DE YIN DON MIN BYED DE GZHAN, ,YON TAN BYED DANG DANG PO STE, ,GSUM NI DE BZHIN BZHI PA NI, ,DE BZHIN YON TAN MED PA'O, ,ZHES BYA BA NI BSDU BA'I TSIGS SU BCAD PA'O, ,REG PA LA SOGS PA DBANG PO RGYAS PA'I RGYU DANG 'BYUNG BA CHEN PO 'PHEL BA'I RGYU RNAMS KHYAD PAR MED PAR ZAS NYID DU BSHAD PA DE'I PHYIR REG PA LA SOGS PA LA BRTEN NAS ZHES BYA BA RGYA CHER DRIS TE, SOGS PA ZHES BYA BA'I SGRAS NI RNAM PAR SHES PA DANG SEMS PA GNYIS BSDU 'O, ,YOD DE GZHAN GYI SA PA DANG BRAG PA MED PA RNAMS SO ZHES BYA BA LA, 'DI SKAD BSTAN PAR 'GYUR TE, REG PA LA SOGS PA RANG GIS PA RNAMS KHO NA DBANG PO DANG 'BYUNG BA CHEN PO RGYAS PAR BYED PA NA ZAS YIN GYI, GZHAN GYIS PA DANG ZAG PA MED PA RNAMS NI MA YIN NO, ,KHAM GANG LA BRTEN NAS DBANG PO NYAMS PAR 'GYUR LA ZHES BYA BA 'BYUNG BA DE'I PHYIR GANG ZHIG ZOS NAS GNOD PAR BYED PA @325B DES ZAS MA YIN PA NYID DU THAL BAS DE'I PHYIR GANG ZHIG ZOS NAS ZHES BYA BA RGYA CHER SMOS SO, ,'DI NYID LA RGYU SMRAS PA NI DANG PO PHAN 'DOGS PA'I PHYIR RO ZHES BYA BA RGYAS CHER 'BYUNG BA'O, ,BYE BRAG TU SMRA BA SMOS PA NI MU BZHI LA GNOD PA'I PHYIR RO, ,RGYAS PAR 'BYUNG BA'I ZAS LA DGONGS TE GSUNGS PA'I PHYIR 'GAL BA MED DO ZHES BYA BA LA, RGYAS PAR 'GYUR BA'I ZAS LA DGONGS PAS MU BZHIR BSHAD PA DANG RAB TU BYED BA'I LAS ZAS SU GSUNGS PA MI 'GAL LO, ,NYAMS PAR 'GYUR BA'I ZAS NI DMYAL BA DAG TU ZHES BYA BA RGYAS CHER 'BYUNG STE, KHAM GYI ZAS KYI MTSAN NYID THOB PA'I PHYIR RO, ,JI LTAR ZHE NA, DE'I PHYIR SMRAS PA, BKRES PA DANG SKOM PA 'JOMS PAR NUS PA NYID NI KHAM GYI ZAS KYI MTSAN NYID YIN LA DMYAL BA DAG NA YANG LCAGS KYI THU LUM 'BAR BA DANG, ZANGS BZHUN MAS BKRES PA DANG SKOM PA DAG 'JOMS PAR NUS PA 'DI ZAS NYID DU MI 'GAL LO, ,JI LTAR 'JOMS SHE NA, 'JOMS SO ZHES NI MI SMRA'I, ,'ON KYANG 'JOMS PAR NUS PA YIN NO, ,GAL TE 'JOMS PAR NUS NA JI LTAR MI 'JOMS SHE NA, GANG GIS NA 'JOMS PAR MI 'GYUR BA ME'I KHAMS SHAS CHE BA'I PHYIR RAM; SEMS CAN RNAMS KYI SKAL BA MA NYAM PA DE DANG 'DRA BA YIN PAS SO, ,KHAM GYI ZAS KYI ZHAR LA 'DI YANG DPYAD PAR BYA STE, BCOM LDAN 'DAS KYIS ZHES BYA BA RGYA CHER 'BYUNG NGO, ,'DZAM BU'I GLING NA GNAS PA ZHES BYA BA LA, BCOM LDAN 'DAS KYIS GANG LA LA 'DZAM BU'I TSAL NAS 'BAB PA, DE THAMS CAD NI RGYA MTSOR GZHOL BA RGYA MTSOR 'BAB PA RGYA MTSOR BAB PA'O ZHES GSUNGS TE, DE'I PHYIR 'DZAM BU'I GLING NYID LA 'DZAM BU'I TSAL ZHES BSNYAD DO, ,ZAS KYI SKABS SU BAB PA'I PHYIR SKYES PA STOBS DANG LDAN PA DAG GO ZHES BYA BAR SHES KYI NUR NUR PO LA SOGS PA DAG NI MA YIN NO, ,GZHAN DAG NA RE SKYE BO CHUNG DU RNAMS NI MA YIN NO ZHE'O, ,DE NI RIGS PA MA YIN TE ZHES BYA BA NI RIGS PA DANG MA 'BREL BA'O, ,CI'I PHYIR ZHE NA, GCIG CES GSUNGS PA'I PHYIR TE, GANG GIS 'DZAM BU'I TSAL NA 'DUG PA'I @326A *, ,SO SO'I SKYE BO GCIG LA ZHES BYA BA'O, ,'DI LA KHYAD PAR CI ZHIG YOD CES BYA BA LA, GAL TE 'DOD CHAGS DANG BRAL BA NYUNG DU LA ZAS BYIN NAS BSOD NAMS MANG PO 'GYUR NA NI DE LTAR NA KHYAD PAR YOD PAR 'GYUR RO SNYAM DU DGONGS TE MANG PO LA ZAS BYIN NAS BSOD NAMS MANG POR 'GYUR RO ZHES BYA BA 'DI LA MTSAR PA CI YOD, GZHAN DAG NA RE BYANG CHUB SEMS DPA' NYE BA YIN NO ZHES BYA BA NI BYANG CHUB LA NYE BAR ZHES BYA BA'I DON TE, GANG NAS BYANG CHUB SEMS DPA' YIN, GANG NAS MTSAN GYI LAS BYED PA ZHES BYA BA YIN NO SNYAM DU DGONGS SO, ,'DI NI MING YANG DON DANG MA THUN PA MA YIN LA ZHES BYA BA NI NYE BAR LEN BA'I PHUNG PO LTAR DON DANG RJES SU 'BREL PA MA YIN PA'O, ,'O NA 'OL PHYIR MIN PAR 'GYUR RO ZHE NA, DE'I PHYIR MDO 'AM BSTAN BCOS GANG LAS KYANG 'DZAM BU'I TSAL DU RTOGS PA NI NGES PAR 'BYED PA'I CHA DANG MTHUN PA THOB PA'O ZHES 'O LA PHYIR MA BSHAD PAS ZHES BYA BA SMOS SO, ,'DI NI BYANG CHUB SEMS DPA' ZHES BYA BA RGYAS PAR 'BYUNG STE, ZHING DANG GRONG GZIGS SU GSHEGS PAS 'DZAM BU'I SHING GI DRUNG DU BZHUGS TE, BSAM GTAN DANG PO BSKYED NGO,, DE'I PHYIR BYANG CHUB SEMS DPA' KHO NA YIN PAR RIGS SO, ,BYANG CHUB SEMS DPA' LA, YON NI GZHAL DU MED PA YIN, ,ZHES 'BYUNG BA'I PHYIR NA, DE LA BYIN NA DGRA BCOM PA BYE BA LA BYIN PA BAS, BSOD NAMS CHES MANG PA'I PHYIR RO ZHES SMRAS PA MA YIN NAM ZHE NA, DE'I PHYIR SO SO'I SKYE BO DE NI 'DOD PA'I 'DOD CHAGS DANG BRAL BAR 'DRA BAS ZHES BYA BA SMOS TE, MTSUNGS PA'I SGO NAS SO SO'I SKYE BO 'DOD CHAGS DANG BRAL BA DAG LAS KHYAD PAR DU 'PHAGS PAR BSTAN PA'I PHYIR DE SKAD CES GSUNGS SO, ,'O NA BRGYA SMOS PA CI'I PHYIR ZHE NA, DE'I PHYIR BSHAD PA GANG GIS PHYI'I DRANG SRONG 'DOD PA DAG LAS 'DOD CHAGS DANG BRAL BA BRGYA LA ZAS BYIN PA BAS ZHES BRGYA SMOS PA NI DANG PO'I DBANG DU BYAS BA'I PHYIR RO, ,DE LTA BU DE NI GDON MI ZA BAR DE LTA YIN PAR ZHES BYA BA LA, DE NI RGYU 'DI LAS KYANG DE LTAR YIN TE, GANG BYANG CHUB @326B SEMS DPA' 'DZAM BU'I TSAL NA BZHUGS PA KHON SO SO'I SKYE BO YIN PAR DGONGS KYI, NGES PAR 'BYED PA'I CHA DANG MTHUN PA'I DGE BA'I RTZA BA THOB PA NI MA YIN PA'O, ,'DI LTAR 'DZAM BU'I TSAL NA 'DUG PA MA GTOGS PA'I PHYI ROL PA RNAMS LAS ZHES BYA BRGYAS PAR 'BYUNG NGO, ,DE LTAR MA YIN NA ZHES BYA BA LA, GAL TE NGES PAR 'BYED PA'I CHA DANG MTHUN PA THOB PA YIN NA NI GANG GIS 'DZAM BU'I TSAL NA 'DUG PA BRGYA LA ZAS BYIN PA BAS, GANG GIS RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA GCIG LA BYIN NA SBYIN PA DE BAS SBYIN PA 'DI 'BRAS BU CHES CHE'O ZHES 'DZAM BU'I TSAL NA 'DUG PA LAS RGYUN DU ZHUGS PA'I 'BRAS BU LA ZHUGS PA KHYAD PAR DU 'PHAGS PA MDZAD PAR 'GYUR BA ZHIG GO, ,SEMS CAN RNAMS KYI RTEN CING 'BREL PAR 'BYUNG BA JI LTA BA ZHES BYA BA NI, DE NI RTEN CING 'BREL PAR 'BYUNG BA'I YAN LAG BCU GNYIS CHA GSUM MO ZHES BYA BA LA SOGS PAS SO, ,JI LTAR GNAS PA NI 'GRO BA ZAS KYIS GNAS PA YIN ZHES BYA BAS BSHAD ZIN LA, 'CHI 'PHO BA YANG TSE ZAD PAS 'CHI LA BSOD NAMS ZAD PAS MA YIN PA YANG YIN PA YANG YOD DE ZHES RGYAS PAR BSHAD ZIN TO, ,DA NI SEMS GANG LA GNAS TE ZHES BYA BA 'BYUNG NGO, ,SRID PA BAR MA LA SOGS PA SRID PA BZHI BSHAD PA GANG YIN PA DE LA, 'CHI BA'I SRID PA DANG SKYE BA'I SRID PA GNYIS KHO NA SKAD CIG MA YIN PAS DE'I PHYIR RNAM PAR SHES PA GANG GI SKAD CIG LA GNAS PA LA, 'CHI 'PHO BA DANG SKYE BAR 'GYUR ZHES BYA BA NI BRJOD PAR BYA'O ZHE NA, ,DE'I PHYIR, 'CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,ZHES BYA BA LA SOGS PA SMOS SO, ,LOG PAR LTA BAS RTZA BA GCOD, ,CES 'BYUNG BA'I PHYIR, DGE BA'I RTZA BA YANG DAG PAR 'CHAD PA NI LOG PAR LTA BAS YIN LA, LOG PAR LTA BA YANG YID KYI RNAM PAR SHES PA DANG MTSUNGS PAR LDAN BA KHO NA YIN NO, ,RTOGS PA'I BDAG NYID YIN PA'I PHYIR NA DGE BA'I RTZA BA NYID MTSAMS SBYOR BA NI THE TSOM DANG YANG DAG PA'I LTA BAS YIN TE, MTSAMS NI THE TSOM YOD LTA @327A *, ,BAS; ,ZHES 'CHAD PAR 'GYUR RO, ,THE TSOM NI YID MI BDE BA DANG MTSUNGS PAR LDAN PA YIN LA, YID MI BDE BA YANG YID KYI SA PA KHO NA YIN NO, ,RNAM SHES LNGA DANG MTSUNGS SKYES BLO, ,NGES RTOGS MED PHYIR LTA MA YIN, ,ZHES BYA BAS YANG DAG PA'I LTA BAS YANG NGES PAR RTOGS PA'I BDAG NYID YIN LA, DE NI YID KYI SA PA KHO NA YIN PAS YID KYI RNAM PAR SHES PA KHO NAR DGE BA'I RTZA BA NYING MTSAMS SBYOR RO, ,KHAMS DANG SA LAS 'DOD CHAGS DANG BRAL BA NI SEMS MNYAM PAR GZHAG PA LA YOD PA YIN LA, RNAM PAR SHES PA'I TSOGS LNGA NI, KHA PHYIR BLTAS PA'I PHYIR MNYAM PAR MA BZHAG PA YIN PAS, DE YANG YID KYI RNAM SHES KHO NA LA YIN NO, ,NYAMS PA'I TSUL BZHIN MA YIN PA YID LA BYED PA'I RGYU CAN YIN PAS YID KYI RNAM SHES KHO NA LA YIN GYI, RNAM PAR SHES PA'I TSOGS LNGA LA NI MA YIN TE, DE DAG NI RNAM PAR RTOG PA MED PA NYID YIN PA'I PHYIR RO, ,'CHI 'PHO BA NI DBANG PO LNGA'I RGYU BA BSDUS SHING RGYUN 'CHAD PA DANG RJES SU MTHUN PA'I RNAM PAR SHES PA LA GNAS PA YOD PA YIN PAS DE YANG YID KYI RNAM SHES KHO NA LA YIN NO, ,BSGRE BA'I PHYIR BSHAD PA NI SKYE BA SMOS PAS NI SRID PA BAR MA NYING MTSAMS SBYOR BA YANG BSHAD PA'I NGO BOR RIG PAR YANG BYA'O, ,YID KYI RNAM PAR SHES PA NI TSOR BA GSUM PO YID BDE BA DANG YID MI BDE BA DANG BTANG SNYOMS KYI DBANG PO DANG MTSUNGS PAR LDAN PA'I PHYIR TSOR BA GANG LA GNAS PA LA 'CHI 'PHO DANG SKYE BA YOD PA MI SHES PAS DE'I PHYIR TSOR BA LA NI, 'CHI 'PHO SKYE BA BTANG SNYOMS LA, ,ZHES BYA BA SMOS SO, ,TSOR BA GZHAN DAG NI GSAL BA YIN TE ZHES BYA BA NI YID BDE BA DANG YID MI BDE BA'I MTSAN NYID CAN TE, DE DAG NI KUN DU BRTAGS PA NA SKYE BA'I PHYIR, PHAN 'DOGS PA DANG GNOD PA BYED PA NYID KYI PHYIR RO, ,RNAM PAR SHES PA GSAL BA LA NI 'CHI 'PHO BA DANG SKYE BAR RUNG BA MA YIN TE, GNAS SKABS DE DAG NI ZHAN PA NYID YIN PAS DE GNYIS MED PA'I PHYIR RO, ,DE NYID KYI PHYIR BSAM GTAN GSUM DAG NA SEMS CAN RNAMS LA NYER BSDOGS KHO NA LAS 'CHI 'PHO BA DANG @327B SKYE BA'I SEMS YOD DE, DNGOS GZHI DAG NI BDE BA YANG MA YIN SDUG BSNGAL BA YANG MA YIN PA MED PA'I PHYIR RO, ,KHYAD PAR MED PAR BRJOD PAS YID KYI RNAM PAR SHES PA THAMS CAD DU 'CHI 'PHO BA DANG SKYE BA YIN PAR 'GYUR BA DANG YID KYI RNAM PAR SHES PA DE LA YANG, RTZE GCIG SEMS MED PA DE MED, ,CES BYA BA SMOS SO, ,'DOD PA'I KHAMS SU SKYES SHING MNYAM PAR GZHAG PA'I SEMS LA GNAS PA LA NI 'CHI 'PHO BA DANG SKYE BA MED DO, ,CI'I PHYIR MED CE NA, SKAL BA MI MNYAM PA'I SA PA YIN PA'I PHYIR TE, SA GZHAN DU SKYES SHING SA GZHAN GYI SEMS LA GNAS PA NI 'CHI 'PHO BA 'AM SA GZHAN DU SKYE BAR MI 'GYUR RO, ,'O NA GANG GI TSE GZUGS KYI KHAMS NYID DAM, GZUGS MED PA'I KHAMS NYID DU 'CHI BA DANG SKYE BA DE'I TSE RANG GI SA PA'I SEMS MNYAM PAR GZHAG PA YOD DO ZHE NA, DE'I PHYIR MNGON PAR 'DU BYED PA LAS BYUNG BA NYID YIN PA'I PHYIR DANG, PHAN 'DOGS PAR BYED PA NYID YIN PA'I PHYIR ZHES BYA BA SMOS TE, RANG GI SA PA'I MNYAM PAR GZHAG PA'I SEMS KYIS KYANG 'CHI 'PHO BA DANG SKYE BAR MI 'GYUR RO, ,SBYOR BA LA LTOS PA'I PHYIR NA MNGON PAR 'DU BYED PA LAS BYUNG BA'O, ,SHIN TU SBYANGS PA DANG LDAN PA'I PHYIR NA, PHAN 'DOGS PAR BYED PA'I MNGON PAR 'DU BYED PA LAS BYUNG BA'I SEMS NI GSAL BA'I PHYIR CHAD PA DANG RJES SU MTHUN PA MA YIN LA, 'CHI BA'I SEMS NI GNOD PAR BYED PA YIN ZHING MNYAM PAR GZHAG PA NI PHAN 'DOGS PAR BYED PA YIN TE, DE'I PHYIR DE LAS 'CHI 'PHO BAR MI RUNG NGO, ,GANG GI PHYIR SKYE BA'I SEMS NI NYON MONGS PA CAN YIN LA, MNYAM PAR GZHAG PA NI DGE BA YIN PAS DE SA NI SKYE BAR YANG MI RIGS SO, ,GNAS SKABS DE NI ZHEN PA YIN LA MNYAM PAR GZHAG PA NI MNGON PAR 'DU BYED PA LAS BYUNG BA YIN PA'I PHYIR GSAL BA YIN PAS GNAS SKABS DE NA DE MED PA'I PHYIR MNYAM PAR GZHAG PAS SKYE BA GA LA YOD, SEMS MED PA LA YANG MED DE ZHES BYA BA 'BYUNG STE, 'CHI 'PHO BA DANG SKYE BA GNYIS, ,ZHES BYA BAR SBYAR RO, ,SEMS MED PA NI 'DU SHES MED PA DANG, 'GOG PA'I SNYOMS PAR 'JUG @328A *, ,PA LA SNYOMS PAR ZHUGS PA DANG, 'DU SHES MED PA PAR NYE BAR GNAS PA'O, ,GNOD PAR BYAR MI NUS PA NI DUG DANG MTSON DANG RDO RJE LA SOGS PA RNAMS KYIS TE, DE'I PHYIR SEMS MED PA LA 'CHI 'PHO BA MED DO ZHES BYA BAR BSTAN TO, ,GANG GI TSE 'GOG PA DANG 'DU SHES MED PA'I SNYOMS PAR 'JUG PA LA SNYOMS PAR 'JUG PA'AM, 'DU SHES MED PA DANG LDAN PA STE SNGON GYI LAS KYIS 'PHANGS PA'I TSE ZAD PAS LUS YONGS SU 'GYUR BAR RTZOM PA DE'I TSE ZHES BYA BA NI SNGON GYI LAS KYIS 'PHANGS PA'I RIS MTHUN PA 'CHAD PA DANG MTHUN PAR GNAS PA'I TSE ZHES BYA BA BA'I DON TO, ,LUS DANG 'BREL PA ZHES BYA BA NI LUS LA SA BON GYI NGO BOR GNAS ZHES BYA BA'I DON TO, ,GZHAN DAG NA RE LUS LA SRED PA DANG BCAS PA NYID DU 'BREL LO ZHE'O, ,GZHAN NI MTSUNGS PA DE MA THAG PA'I RKYEN MNYAM PAR GZHAG PA'I SEMS KYIS LDANG BA'I SEMS SKYE BAR NGES BAR BYAS PA'I PHYIR DE'I TSE YANG DE LA GDON MI ZA BAR DE'I LUS DANG 'BREL BA'I SEMS MNGON DU 'GYUR TE, MTSUNGS PA DE MA THAG PA'I RKYEN GYIS DRANGS PA'I CHOS SKYE BA NI SUS KYANG DGAG PAR MI NUS SO, ,SEMS CAN DE DAG 'DU SHES BSKYED NAS GNAS DE NAS 'CHI 'PHO BAR 'GYUR RO ZHES BYA BA'I LUNG GIS KYANG SEMS MED PA LA 'CHI 'PHO MED DO ZHES SHES PAR BYED DO, ,SEMS 'CHAD PA'I RGYU MED PA'I PHYIR ZHES BYA BA LA, SEMS 'CHAD PA'I RGYU NI 'GOG PA'I SNYOMS PAR 'JUG PA LA SOGS PA DAG YIN NA, DE DAG NI SKYE BA'I TSE 'BYUNG BA MED DO, ,NYON MONGS PA MED PAR MI SKYE BA'I PHYIR ZHES BYA BA LA, SKYE BA'I SRID PA NYON MONGS CAN, ,RANG GIS PA'I NYON MONGS KUN, ,ZHES 'BYUNG BA'I PHYIR LA, SEMS MED BAR YANG NYON MONGS PA 'BYUNG BA MED PAS SEMS MED PA LA SKYE BA MED DO, ,KUN DGA' BO GAL TE RNAM PAR SHES PA MA'I MNGAL DU MI 'JUG NA NI ZHES RGYAS PAR 'BYUNG PA'I LUNG LAS KYANG SEMS MED PA LA SKYE BA YOD PA MA YIN NO, ,'CHI BA'I SRID PA RNAM PA GSUM DU BSHAD PA LA STE, GZHAN RNAM GSUM ZHES 'BYUNG BA'I PHYIR RO, ,DGRA BCOM PA LA NI NYON MONGS CAN GYI SEMS YOD PA MA YIN TE, 'O NA @328B CI ZHE NA, DE DGE BA DANG LUNG DU MA BSTAN PA'O, ,DE LA YANG, MYA NGAN 'DA' LUNG BSTAN MI GNYIS TE 'DIR NI LUNG DU MA BSTAN PA GNYIS KHO NAR MYA NGAN LAS 'DA'O ZHES BRJOD KYI, DGRA BCOM PA KHO NA NI MA YIN NO, ,NYING MTSAMS SBYOR BA MED PA'I 'CHI BA KHO NA LA MYA NGAN LAS 'DAS PA ZHES BYA'O, ,GAL TE 'DOD PA'I KHAMS NA RNAM PAR SMIN PA BTANG SNYOMS YOD NA ZHES BYA BA LA YOD NA ZHES BYA BA NI 'OG NA YANG BAR MA YOD DO ZHES KHA CIG ZER TE GANG GI PHYIR, BSAM GTAN KHYAD PAR RNAM SMIN LAS, ,SNGA PHYI MED GSUM SMIN 'DOD PHYIR, ,ZHES BYA BA'I KHA CIG GI LUGS YONGS SU BZUNG NAS SMRAS PA'O, ,KHA CIG NI DE YAN CHAD, BDE MIN SDUG MIN MYONG 'GYUR BA, ,ZHES 'BYUNG BAS BSAM GTAN GSUM PA YAN CHAD NA LAS BDE BA YANG MA YIN SDUG BSNGAL BA YANG MA YIN BA MYONG BAR 'GYUR BA YOD PAR 'DOD DE, DE DAG GI LTAR NA JI STE MED NA NI SPYOD LAM PA KHO NA LA'O ZHES BYA BA SMOS SO, ,GZHAN LA MA YIN ZHES BYA BA NI DGE BA LA MA YIN ZHES BYA BA'I DON TE, NYON MONGS PA CAN NI MI SRID PA'I PHYIR RO, ,DGE BA'I SEMS NI STOBS DANG LDAN PA'I PHYIR SEMS 'CHAD PA'I RJES SU MTHUN PA MA YIN LA, NYAM CHUNG BA'I LUNG DU MA BSTAN PA NI SEMS 'CHAD PA'I RJES SU MTHUN PA YIN TE, 'DIR SEMS 'CHAD PA NI SEMS NYING MTSAMS SBYOR BA MED PAR 'GAG PA'O, ,KHA CIG NA RE DGE BA NI RNAM PAR SMIN PA DANG BCAS PA YIN PA'I PHYIR DANG, DGRA BCOM PA RNAMS KYANG MA 'ONGS PA'I RNAM PAR SMIN PA LA RGYAB KYIS PHYOGS PA YIN PA'I PHYIR, DGE BA'I SEMS LA YONGS SU MYA NGAN LAS 'DA' BA YOD PA MA YIN NO ZHE'O, ,GZHAN DAG NA RE NI MTHAR GYIS 'KHOR BA SPONG BA YIN TE, 'DI LTAR 'DOD PA'I KHAMS NA 'DOD CHAGS DANG BRAL BAS NI MI DGE BA SPONG LA, SRID PA'I RTZA MO LA 'DOD CHAGS DANG BRAL BAS NI BSGRIBS LA LUNG DU MA BSTAN PA'O, ,YONGS SU MYA NGAN LAS 'DAS PA'I TSE NI LUNG DU MA BSTAN PA'I SEMS MNGON DU GYUR PAS DGE BA'O, ,PHUNG PO LHAG MA MAD PA'I MYA NGAN LAS 'DAS PA'I DBYINGS SU ZHUGS PAS NI MA BSGRIBS LA LUNG DU MA BSTAN PA SPANGS @329A *, ,SO ZHES ZER RO, ,LUS KYI PHYOGS GANG DU RNAM PAR SHES PA 'GAG CE NA ZHES BYA BA LA, RNAM PAR SHES PA BSTAN DU MED PA NI YUL NA GNAS PAR MI RUNG LA KHYAD PAR DU YANG YID KYI RNAM PAR SHES PA MI RUNG MDO KYI, DE NI 'DIR LUS KYI DBANG PO 'GAG PAR NGES PA'I SGO NAS BRJOD DO, ,MDO LAS 'GAG PAR 'GYUR RO ZHES BYA BA NI LUS KYI DBANG PO DE LA RAG LAS TE, 'JUG PA'I YID DANG BCAS PA MTHA' DAG SKAD CIG TZAM DE NYID LA 'GAG PAR 'GYUR RO ZHES BYA BA'I DON TO, ,GRANGS BZHIN DU ZHES BYA BA LA, NGAN SONG DU 'GRO BA RNAMS KYI NI RKANG PA DAG TU'O, ,MI'I NANG DU 'GRO BA RNAMS KYI NI LTE BAR RO, ,LHA'I NANG DU 'GRO BA RNAMS DANG, DGRA BCOM PA RNAMS KYI NI SNYING GAR RO, ,GZHAN DAG NA RE SPYI BOR TE, LUS KYI DBANG PO DER 'GAG PA'I PHYIR DE DANG 'BREL PA'I RNAM PAR SHES PA YANG DER 'GAG GO ZHES BYA BA'O; ,YID KYI RNAM PAR SHES PA JI LTAR LUS KYI DBANG PO DANG 'BREL NAS 'JUG CE NA, 'DOD PA DANG GZUGS KYI KHAMS DAG NA LUS KYI DBANG PO MED PAR MI 'BYUNG BA'I PHYIR RKANG PA LA SOGS PA DAG TU 'GAG GO ZHES BYA STE, RGYUN GZHAN GYI RGYU'I DNGOS POR MI 'GYUR RO ZHES BYA BA'I DON TO, ,PHAL CHER ZHES BYA BA NI THAMS CAD MA YIN TE, LHA LA SOGS PA DGE BA BYED CING GNAD DU SNUN PAR BYED PA MA YIN PA RNAMS DANG CIG CAR 'CHI BA'I GNAD GCOD MED PAR 'CHI BA'I PHYIR RO, ,GANG ZHIG DE KHO NA NYID DANG DE KHO NA NYID MA YIN PAR SPYO BA'I TSIG DAG GIS GZHAN DAG LA GNAD DU SNUN PAR BYED PA DE NI GNAD 'CHAD PA'I TSOR BA DAG GIS REG PAR 'GYUR RO ZHES SMRA'O, ,GNAD DAG GANG GIS GCOD CING GNAD 'CHAD PA YANG GANG ZHE NA, DE'I PHYIR, GNAD GCOD PA NI CHU SOGS KYIS, ,ZHES BYA BA SMOS SO, ,DE NI DNGOS PO GZHAN 'GA' YANG YOD PA MA YIN TE, 'O NA CI ZHE NA, LUS KYI PHYOGS 'GA' ZHIG CES BYA BA RGYA CHER SMOS SO, ,RLUNG LA SOGS PA DE DAG NI BZLOG PA'I SGO NAS CHU LA SOGS PA GTZO BO YIN LA, MI MTHUN PA'I RKYEN NYE BAS DE DAG RE RE'AM MTHA' DAG TU 'KHRUGS SHING SHUGS DANG LDAN PA'I RAL GRI @329B RNON PO LTAR RNO BAS LUS KYI PHYOGS DE DANG DER TSOR BA SHIN TU MI BZAD PA SKYED PAR BYED DE, DE NI GNAD GCOD PA ZHES BYA'O, ,DE DAG SHING LTAR GNYIS SU BYAS PAS GCOD PA NI MA YIN TE, 'O NA CI ZHE NA, TSOR BA MI BZAD PA DAG GIS BCAD PA LTA BUR GCOD DO, ,YANG NA BCAD PA DANG 'DRA BAR G-YO BA MED PAS ZHES BYA BA NI YAN LAG DANG NYING LAG BCAD PA BZHIN DU MI G-YO BAS NA BCAD PA ZHES BYA'O, ,CHU DANG ME DANG RLUNG GI KHAMS RNAMS LAS GANG YANG RUNG BA ZHIG CES SMRAS PA DANG, CI'I PHYIR SA'I KHAMS KYIS MA YIN ZHES 'DRI STE, DE'I PHYIR SKYON BZHI PA MED PA'I PHYIR TE ZHES BYA BA LA SOGS PA SMOS SO, ,CI RIGS PAR ZHES BYA BA LA, BAD KAN GYI GTZO BO NI CHU'O, ,MKHRIS PA'I GTZO BO NI ME'O, ,RLUNG GI GTZO BO NI RLUNG NGO, ,SNOD KYI 'JIG RTEN 'JIG PA DANG CHOS MTHUN PAS SO ZHES BYA BAS NI GNAS DANG 'DRA BAR GNAS DANG LDAN PA RNAMS KYANG STON PAR BYED DO; ,PHYI ROL GYI DNGOS PO 'JIG PA'I RGYU DANG CHOS MTHUN PA NAD DAG KYANG 'JIG GO ZHES BYA BA'I DON TO, ,'JIG PA NI GSUM STE, MES 'JIG PA DANG, CHUS 'JIG PA DANG, RLUNG GIS 'JIG PA'O, ,LHA DAG GI NANG NA NI GNAD 'CHAD PA MED MOD KYI ZHES BYA BA NI RDZUS TE SKYE BA NYID KYIS CIG CAR 'CHI BA'I PHYIR RO, ,DE DAG NI 'KHRUL PA CAN YIN NO ZHES BYA BA NI BZLOG PAR NUS PA'I PHYIR RO, ,'CHI BA LTAS LNGA LAS NI MI 'DA' STE ZHES BYA BA NI BZLOG PAR MI NUS PA'I PHYIR RO, ,'DI DAG NI THAMS CAD LA GNOD MI ZA BAR MI 'BYUNG LA, THAMS CAD KYANG MI 'BYUNG MOD KYI, LHA YI 'CHI LTAS BSDOMS NAS LNGA, ,ZHES DE LTAR BRJOD DO, ,SNGA LTAS DE DAG NI LHA'I ZHAG LNGA 'BYUNG NGO, ,SEMS CAN GYI 'JIG RTEN 'DI DE LTAR SKYE BA ZHES BYA BA NI MA RIG PA LA SOGS PA'I RIM GYIS SO, ,GNAS PA ZHES BYA BA NI RDZAS BZHIS SO, ,'CHI 'PHO BA ZHES BYA BA NI, 'CHI 'PHO SKYE BA BTANG SNYOMS LA, ,ZHES BYA BA'O, ,YANG DAG PA NYID DU NGES PA'I TSOGS DANG ZHES BYA BA RGYAS PAR 'BYUNG NGO, ,YANG DAG PA NYID NI GANG, LOG PA NYID NI GANG, DER NGES PA NI GANG ZHE NA, YANG DAG PA NYID NI MYA NGAN LAS 'DAS PA'O, ,'DI GANG LAS SHES NA, BCOM LDAN @330A *, ,'DAS NYID KYIS YANG DAG PA NYID GANG ZHE NA, GANG 'DOD CHAGS GTAN NAS SPANGS PA DANG ZHES BYA BA RGYAS PAR GSUNGS PA'I PHYIR RO, ,GTAN NAS SPANGS ZHES BYA BA NI THAMS CAD DU ZHES BYA BA'I DON TO, ,YANG CI'I PHYIR 'DI YANG DAG PA NYID YIN ZHE NA, DE KHO NA NYID KYI DON MA YIN PA LA 'JUG PA'I CHOS ZAD PA'I PHYIR DANG, RNAL 'BYOR PA RNAMS KYIS RTAG TU NYID DU BZHED PA'I PHYIR RO, ,LOG PA NYID NI NGAN 'GRO RNAMS TE, LOG PA NYID NI GANG ZHE NA, DMYAL BA RNAMS DANG DUD 'GRO DANG YI DAGS RNAMS TE, 'DI DAG NI LOG PA NYID DU NGES PA ZHES BYA'O ZHES 'BYUNG PA'I PHYIR RO, ,RAB TU BYED PA'I RKANG PA LAS 'DI LA NGES PA NI SLOB PA DANG MI SLOB PA RNAMS DANG, MTSAMS MED PA'I LAS DANG LDAN PA RNAMS SO ZHES 'DON TE, GO RIMS BZHIN DU BRAL BA DANG DMYAL BA'I 'BRAS BU NGES PA'I PHYIR RO, ,DE LTAR NA DE DAG DANG LDAN PA DE DAG NA YANG DAG PA DANG LOG PA NYID DU NGES PA ZHES BYA'O, ,DE DAG KYANG GANG ZHE NA, 'PHAGS DANG MTSAMS MED BYED PA NI, ,ZHES BYA BA'O, ,SDIG PA'I CHOS LAS RING DU SONG BAS NA, ,ZHES BYA BA RGYAS PAR 'BYUNG NGO, ,RING DU ZHES BYA BA NI RGYANG RING DU ZHES BYA BA'I DON TO, ,YANG JI LTAR DE DAG RING DU SONG ZHE NA, DE'I PHYIR GTAN DU BRAL BA'I THOB PA RNYED PA'I PHYIR RO ZHES BYA BA SMOS SO, ,BRAL BA'I THOB PA GTAN DU RNYED PA NI GANG GI PHYIR YANG DE LAS YONGS SU MI MNYAM PA'O, ,YANG NA BRAL BA THOB PA GTAN DU BA STE, DE NI MTHONG BAS SPANG BAR BYA BA'I NYON MONGS PA'I BRAL BA YIN LA, DE LA YONGS SU NYAMS PA MED PAS NA GTAN DU BA'O, ,MTSAMS MED BYED PA DAG CES GANG BSHAD PA LA, 'DI LA MTSAMS YOD PA MA YIN PAS NA MTSAMS MED PA'O, ,MTSAMS MED PA'I DNGOS PO NI MTSAMS MED PA STE, DE DAG DE'I NGANG TSUL CAN GYIS BYED PAS NA MTSAMS MED BYED PA'O, ,DE DAG NI LOG PA NYID DU NGES PAR 'GYUR LA ZHES BYA BA NI GAL TE THAR PA'I CHA DANG MTHUN PA THOB PA RNAMS MTSAMS MED PA DAG BYED NA'O, ,DE DAG GIS NI BZOD PA THOB PA RNAMS LTAR MTSAMS MED PA MI BYED PA'I NGES PA THOB PA MA YIN NO, ,JI LTAR DE LTAR @330B THOGS NA SRID PA LAN BDUN PA LA SOGS PA ZHES BYA BA LA, SOGS PA ZHES BYA BA'I SGRAS NI RIGS NAS RIGS SU SKYE BA DANG BAR CHAD GCIG PA DANG BAR DOR YONGS SU MYA NGAN LAS 'DAS PA LA SOGS PA BSDU'O, ,RKYEN LA LTOS NAS ZHES BYA BA RGYAS PAR 'BYUNG STA, GAL TE YANG DAG PA NYID KYI RKYEN THOB NA NI YANG DAG PA NYID LA RTEN TO, ,'ON TE LOG PA NYID KYI RKYEN THOB NA NI LOG PA NYID LA'O, ,DA DAG GI RKYAN GNYIS KA MED NA NI MA NGES PA STE, YANG DAG PA NYID KYANG MA YIN LA, LOG PA NYID KYANG MA YIN PA'O, ,SEMS CAN GYI 'JIG RTEN BSHAD ZIN TO ZHES BYA BA NI MA RIG PA LA SOGS PA'I RIM PAS SO, ,DE LA SNOD KYI 'JIG RTEN GYI, ,GNAS PAR 'DOD PA'I 'OG DAG GI ,ZHES BYA BA RGYAS PAR 'BYUNG NGO, ,GLING BZHI BYE BA PHRAG BRGYA CIG CAR 'JIG CING 'CHAGS LA, SNOD KYI 'JIG RTEN DE'I GNAS PA DE NI 'DI LTAR 'DOD DO, , 'DI LA BSAM GTAN BSGOMS SHING CHOS NYID KYIS THOB PA'I PHYIR BSAM GTAN GNYIS PA LA SOGS PA LA GNAS PA'I SEMS CAN RNAMS YOD PA NA, YUN RING MO ZHIG 'DAS NAS 'OG TU NAM MKHA' LA DE DAG GI LAS KYI DBANG GIS RLUNG 'JAM PO 'JAM PO DAG LDANG LA, RLUNG DE DANG 'DI DANG DER CHES TE POR SON PA NA RIM GYIS RLUNG GI DKYIL 'KHOR DU GRUB BO, ,LAS KYI RNAM PAR SMIN PA NI THUN MONG MA YIN PA'I PHYIR DANG, BDAG PO'I 'BRAS BU NI SEMS CAN THAMS CAD KYI NYE BAR LONGS SBYAR PA YIN PA'I PHYIR SEMS CAN RNAMS KYI LAS KYI DBANG GIS ZHES BYA BA SMOS SO, ,CHU'I DKYIL 'KHOR NI KHOR YUG TU RLUNG GI DKYIL 'KHOR DANG 'DRA'O, ,SPYAD KYI TSUL DU ZHES BYA BA NI KUN NAS RAB BZHIN DU 'DUG PA'I PHYIR RO, ,'O MA BSKOL MA SPRIS MA CHAGS PA ZHES BYA BA NI ZHU BA DANG 'THAS PA'I NGO BOR 'DUG PA'I PHYIR RO, ,GANG GI TSE CHU DE GSER DU 'GYUR BA DE'I TSE NI GANG DAG GI RE RE'I TSAD THAD KAR 'BUM PHRAG BCU GNYIS DANG ZHES BYA BA LA SOGS PAR BSHAD PA, CHU DANG GSER GYI DKYIL 'KHOR BYE BA PHRAG BRGYAR GNAS SO, ,DES TE KHOR YUG GIS KHOR YUG TU BSKOR TE, DE NYID KYI PHYIR KHOR YUG @331A *, ,CES BYA'O, ,LCAGS KYI RANG BZHIN ZHES BYA BA NI LCAGS LAS BYAS PA'O, ,NGOS BZHI DAG TU GRANGS BZHIN NO, ,ZHES BYA BA NI BYANG GI SGRA MI SNYAN GYI NGOS NI GSER GYI RANG BZHIN NO, ,LUS 'PHAGS PO'I NGOS NI DNGUL GYI RANG BZHIN NO, ,'DZAM BU'I GLING GI NGOS NI BEE d'U RYA'I RANG BZHIN NO, ,NUB KYI BA LANG SPYOD KYI NGOS NI SHEL GYI RANG BZHIN TE, DE'I PHYIR DE LTAR NA RI RAB NI GRU BZHI PA YIN NO ZHES BSTAN PAR 'GYUR RO, ,SA BON SNA TSOGS KHO NA YOD PA ZHES BYA BA NI RGYU SNA TSOGS DANG LDAN PA YIN GYI, GANG GI GSAR GYI SA BON KHO NA YOD PA JI LTA BA BZHIN DU NI MA YIN TE, DE'I PHYIR 'DI GSER DANG DNGUL DANG SA LA SOGS PA'I RDZAS SU THA DAD DO SNYAM DU DGONGS SO, ,MTHU RNAM PA DU MA'I BYE BRAG DANG LDAN PA'I RLUNG DAG GIS BYA BA NI DE BSKYED PA LA NUS PA RNAM PA DU MA THA DAD PA DAG GIS ZHES BYA BA'I DON TO, ,MTHU NI NUS PA DANG NUS MTHU ZHES BYA BA'I THA TSIG GO; ,RIGS DE DANG DE DAG TU 'GYUR RO ZHES BYA BA NI GSER LA SOGS PA'I MTSAN NYID CAN NO, ,MA PHRAD PAR ZHES BYA BAS NI RGYU DANG 'BRAS BU GNYIS NI THA DAD PA'I PHYIR DANG, 'DU BYED RNAMS SKAD CIG MA YIN PA'I PHYIR 'BRAS BU'I DUS NA RGYU YOD PA MA YIN NO ZHES STON TO, ,RKYEN DU 'GYUR PA YIN ZHES BYA BA NI RGYU 'GAG BZHIN PA DE NI YOD PA TZAM GYIS 'BRAS BU SKYE BZHIN PA'I RGYUR 'GYUR RO ZHES BYA BA'I DON TO, ,RDZAS GNAS PA LA ZHES BYA BA LA, GZUGS DANG, SGRA DANG, DRI DANG, RO DANG, REG BYA'I BDAG NYID CAN NAM, BDE BA DANG SDUG BSNGAL DANG GTI MUG GI BDAG NYID CAN LA'O, ,CHOS GZHAN LOG NA ZHES BYA BA NI 'O MA ZHES BYA BA'I CHOS GZHAN LOG NA'O, ,CHOS GZHAN 'BYUNG BA ZHES BYA BA NI ZHO ZHES BYA BA'I CHOS GZHAN 'BYUNG BA'O, ,SLOB DPON GYIS GNAS PA GANG GIS ZHES BYA BA SMOS SO, ,DE LAS THA DAD PAR 'O MA LA SOGS PA MA DMIGS PAS 'O MA LA SOGS PA'I CHOS RNAMS KHO NAR GZUGS LA SOGS PA'I KHYAD PAR TSOGS PA'I BDAG NYID YIN ZHING, RO DANG NUS PA DANG SMIN PAR BYED BA DANG MTHU THA DAD PAS PHAN TSUN THA DAD PA YANG YIN TE, DE'I PHYIR GNAS PA GANG GIS CHOS GZHAN LDOG CING CHOS GZHAN 'BYUNG BAR BRTAG PAR BYA BA CHOS @331B RNAMS LAS GZHAN PA'I CHOS CAN, CHOS SKYE ZHING 'JIG KYANG MI SKYE ZHING MI 'JIG PA YOD PA MA YIN NO, ,GAL TE 'OM LA SOGS PA'I RANG GI BDAG NYID KYI NGO BO SPONG NA NI JI LTAR GNAS PA LA CHOS LOG PA DANG 'BYUNG BAR RTOG ,MI SPONG NA NI CHOS 'DRES PAR 'GYUR RO, ,YANG GZHAN DU 'GYUR BA TZAM ZHIG 'GYUR BA YIN TE, GZUGS LA SOGS PA 'O MA'I NGO BOR GNAS PA DE DAG NYID 'O MA'I NGO BO LOG PA NA ZHO'I NGO BOR GNAS SHING GZHAN DU GYUR PA TZAM 'GYUR BA YIN PAR BRJOD DO ZHE NA, 'DI NI LONG BA'I GOM PA ZHIG GO, ,JI LTA ZHE NA, DE NYID 'DI YIN LA ZHES 'BYUNG STE, CHOS DANG CHOS CAN GZHAN MA YIN PAS 'O MA NYID ZHO YIN NO ZHES BYA BA'I DON TO, ,'DI DE LTA BU YANG MA YIN NO ZHES BYA BA NA 'DI 'O MA MA YIN NO ZHES BYA BA'O, ,TSIG GI TSUL 'DI NI SNGON MA BYUNG BA YIN NO ZHES BYA BA NI MA 'BREL PA RANG GI CHIG DANG 'GAL BA'O SNYAM DU DGONGS PA'O, ,SKAD CIG MA SNGA MA DANG PHYI MA DAG NI GZHAN NYID DU 'DOD LA, GANG DAG GZHAN NYID YIN PA DE DAG NI GCIG MA YIN PA NYID DU MTHONG STE BYIS PA DANG GZHON NU BZHIN NO, ,GANG ZHIG CIG SHOS GANG YIN PA DE LAS GZHAN MA YIN PAR DE NI PHAN TSUN YANG GZHAN MA YIN PAR 'GYUR TE, DE'I PHYIR 'O MA NYID YIN PAS 'DI DE LTA BU YANG MA YIN NO ZHES BRJOD PAR MI RIGS SO, ,GAL TE RDZAS DE DE NYID YIN NA, DE DE KHO NAR 'GYUR LA, DE LTA MA YIN NA GZHAN KHO NA MA YIN PAS GRANGS CAN GYI 'GYUR BAR SMRA BA MA GRUB PO, ,JI SKAD DU, DNGOS PO RNAMS KYIS YONGS 'GYUR BA, , YID KYIS KYANG NI MI 'DZIN MOD, ,DE LTA 'ANG DE LTAR YONG PA RU, ,MKHAS PA RNAMS KYIS RTOG PAR BYED, ,CES BSHAD DO, ,GANG NGES PAR MA ZIN PA'I DON PHA ROL PO LA SMRA BA 'DI NI MUN PA MTHUG PO'I 'GYING BAG NGAN PA ZHIG STE, RTOG PA'I DRA BA MA BCAD PA'I PHYIR MA RIG PA'I GNYID LOG PAS BSLUS PA DE DAG GI LTA BA 'DI NI GNYID KYIS LOG PA RNAMS KYIS MTHONG BA LTAR DON JI LTA BA BZHIN MA YIN NO, ,BYIS PA'I BLO RDOL DAG LA GUS PAS CI BYA, DE LTAR BYUNG BA'I GSER LA SOGS PA ZHES BYA BA NI GSER DANG DNGUL DANG BEE d'U RYA LA SOGS PA DAG GO, ,DE'I NGOS LA SUM 'GYUR RO @332A *, ,ZHES BYA BA LA NI GNYA' SHING 'DZIN GYI NGOS NAS TE, NGOS GCIG GI DBANG DU BYAS NAS SO, ,'BUM PHRAG GSUM DANG STONG PHRAG NI, ,NYI SHU GNYIS SO ZHES BYA BA NI MU KHYUD 'DZIN DANG KHOR YUG GNYIS KYI BAR GYI PHYOGS GCIG GI PHYI'I RGYA MTSO'I TSAD BSHAD PA YIN NO, ,DE NI LUS SAM SA PHYOGS GZHAN GYIS ZHES BYA BA RGYAS PAR 'BYUNG BA LA STE, RDO RJE LTA BU'I TING NGE 'DZIN DE NI BYANG CHUB SEMS DPA'I SKU LAS GZHAN PA'I LUS SAM RDO RJE GDAN GYI PHYOGS LAS GZHAN PA'I SA PHYOGS KYIS BZOD PAR MI NUS SO, YUL DER CHU RNAM PA GNYIS SU GYUR PAS NA GLING NGO, ,GLING GANG GI DBYIBS CI 'DRA BA ZHES BYA BA LA, SA GZHI'I DBANG GIS SEMS CAN RNAMS SNA TSOGS PA 'DI NI MNGON SUM DU GYUR PA YIN TE, GANGS RI DANG 'BIGS BYED LA GNAS PA'I RI KHROD PA RNAMS DKAR SHAM DANG SDO BSANGS SU MTHONG NGO, ,DE'I BAR GYI GLING BRGYAD NI ZHES BYA BA LA, DE DAG THAMS CAD NI LAS NGAN PA'I DBANG GIS GRUB PA ZHIG STE, DE NYID KYI PHYIR DA LA GNAS PA'I MI RNAMS NI LUS CHUNG BA YIN NO ZHES BRJOD DO, ,GCIG NA SRIN PO DAG GNAS SO, ,ZHES BYA BA NI RNGA YAB PO, ,'DZAM BU'I GLING 'DI'I BYANG PHYOGS NA RI NAG PO SHIN TU RGYANG RING BAR GNAS PA MA YIN PA GSUM YOD DO, ,DE DAG 'DAS NAS YANG GSUM YOD DO ZHES BYA BA RGYAS PAR 'BYUNG NGO, ,DE'I DBANG GIS ZHES BYA BA STE, 'DZAM BU DE'I DBANG DU BYAS SHING CHED DU BYAS NAS 'DZAM BU'I GLING DU ZHES BYA'O, ,YANG NA DE'I 'BRAS BU'I DBANG GIS ZHES BYA BA NI 'DZAM BU'I SHING THOG GI DBANG DU BYAS NAS SO, ,'DZAM BU'I GLING 'DI NYID KYI ZHES BYA BA LA, YANG CI'I PHYIR 'DZAM BU'I GLING 'DI NYID KYI GZHAN GYI MA YIN ZHE NA, 'DZAM BU'I GLING KHO NA LAS NGAN PA KUN DU SPYOD PA'I PHYIR DANG, MTSON CHAR 'GYUR PA'I LAS YOD PA'I PHYIR DANG, DBANG PO RNON PO YOD PA'I PHYIR RO ZHES ZER RO, , SDUG BSNGAL BAR CHAD MED PA'I PHYIR, ,ZHES BYA BA NI 'DI NA RGYUN CHAD PA YOD PA MA YIN TE, MNAR MED PA'I SGRA NI BAR MED PA'I RNAM GRANGS SO, ,DES NA BDE BA'I SKABS MED PAS ZHES BYA BA NI BDE BA GZHAN MED PA STE, BDE BA YANG MA YIN SDUG BSNGAL BA YANG YIN PA NI BZLOG PAR @332B MI BYA'O, ,LUGS SNGA MA LA NI BDE BA YANG MA YIN SDUG BSNGAL BA YANG MA YIN PA YANG MED PA MA YIN NO, ,DE LTA NA HA CANG THAL BAR 'GYUR TE, GCIG TU MI DGE BA'I LAS KYI RNAM PAR SMIN PA YIN PA'I PHYIR DMYAL BA GZHAN DAG NA YANG TSOR BA BDE BA MED PA'I PHYIR MNAR MED PA NYID DU THAL BAR 'GYUR RO ZHE NA, DE'I PHYIR GZHAN DAG NA YANG ZHES BYA BA RGYAS PAR SMOS SO, ,GZHAN DAG NA RE SNANG BA'I BU GA MED PA ZHE'O, ,RTZIG PA BZHI ZHES BYA BA NI RAB BZHI ZHES BYA BA'I THA TSIG GO, ,RNAM PHYE ZHES BYA BA NI RNAM PAR PHYE NAS 'DUG PA'O, ,JI LTA ZHE NA, 'DI LTAR RIS SU CHAD PA YIN ZHES BYA BA SMOS SO, ,LCAGS KYI RABS KUN NAS BSKOR, ,ZHES BYA BA NI LCAGS KYI RABS YONGS SU BSKOR ZHES BYA BA'I THA TSIG GO, ,LCAGS DAG GIS NI GANG BA YIN, ,ZHES BYA BA NI STENG NAS LCAGS KYIS G-YOGS PA'O, ,GZHAN DAG NA RE LCAGS KYIS SGO GCAD PA'O ZHES ZER RO, ,KHYAD PAR GNAS ZHES BYA BA NI KHEBS PA'O, ,SNGA MA BZHIN NO ZHES BYA BA NI RKANG PA BTEG NA NI PAGS PA DANG SHA DANG KHRAG RGYAS PAR SLAR SKYE BA'O, ,SBU GRI'I LAM LA SOGS PA GSUM PO ZHES BYA BA NI SPU GRI'I LAM DANG, LO MA RAL GRI LTA BU'I NAGS DANG, SHAL MA RI'I NAGS ZHES BYA BA GSUM MO, ,KHYI SRE BO RNAMS KYANG ZA BAR BYED CES BYA BA NI LO MA RAL GRI LTA BU'I NAGS KYI NANG NA YOD PA DAG GO, ,KHVA LCAGS KYI MCHU CAN RNAMS ZHES BYA BA NI SHAL MA RI'I NAGS NA YOD PA'O, ,THANG MDUNG THOGS PA ZHES BYA BA LA SOGS PA 'BYUNG STE, DGRA STA THOGS PA'O, ,GNOD PA LHAG PA'I GNAS YIN PA'I PHYIR LHAG PA ZHES BYA STE ZHES BYA BA LA, LHAG PA'I SGRA NI BLA LHAG PA'I DON TO, ,'DI DAG TU LHAG PAR 'BYING BAS NA LHAG PA YIN GYI, LHAG PAR GNOD PA MA YIN TE, DE NYID KYI PHYIR DMYAL BDAG TU ZHES BYA BA RGYAS PAR SMOS SO, ,GZHAN DAG CES BYA BA NI GNAS BRTAN YID 'ONG STE, DE'I RTZA BA'I DMYAL BA'I SDUG BSNGAL BAS 'DI CHES ZHAN PA'I PHYIR LHAG PA ZHES BYA BA'I SGRA BLA LHAG PA'I DON LA MI 'DOD DE, 'O NA CI ZHE NA, LHAG PA'I SGRA 'OG GI DON DU 'DOD DO, ,DES NA DMYAL @333A *, ,BA'I 'CHING BA'I 'OG TU ME MAR MUR LA SOGS PA 'DI DAG TU 'BYING BAS NA LHAG PA'O, ,DRI BA LAS DRI GZHAN 'BYUNG STE, ,ZHES BYA BA NI DMYAL BA PHYOGS NI GANG ROL NA YOD TSAD NI JI TZAM ZHES BYA BA'I DRI BA 'DI LA DA LTA CI DMYAL BA'I SRUNG MA DE DAG ZHES BYA BA RGYAS PAR SMOS PA 'DI 'BYUNG NGO, ,DA NI JI LTAR NA DE DAG G-YO ZHES BYA BA NI SHING LA SOGS PA SEMS PA MED PA RNAMS MI G-YO BA'I PHYIR LA, DE LAS BZLOG STE SEMS DANG SEMS LAS G-YO BA MTHONG BA'I PHYIR DRI BA STE, DE SKAD DU, RANG LUS BLO SNGON 'GRO BA YI, ,BYA BA MTHONG NAS GZHAN LA DER,, 'DZIN PHYIR BLO YOD GANG NA DE, ,MED DER BLO NI MED PAR RTOGS, ,ZHES BSHAD DO, ,'CHAGS PA'I RLUNG BZHIN NO ZHES BYA BA NI, DPER NA 'CHAGS PA'I RLUNG DAG NI SEMS CAN RNAMS KYI LAS KYI DBANG GIS SNOD KYI 'JIG RTEN 'GRUB PA DANG, RJES SU MTHUN PAR G-YO BA YIN NO, , DE DAG SEMS CAN DU BGRANG BA NI MA YIN TE, DMYAL BA'I SNOD KYI RGYU CAN GYI SDUG BSNGAL NYAMS SU MI MYONG BA'I PHYIR RO, ,DE'I PHYIR DMYAL BA'I SRUNG MA DAG NI 'BYUNG BA DANG 'BYUNG BA LAS GYUR PA TZAM DU ZAD PAS SEMS PA MED PA YIN TE, LUG LTA BU'I RI DANG TSE RAM LA SOGS PA BZHIN NO; ,'O NA BTZUN PA CHOS LDAN RAB 'BYOR GYIS ZHES BYA BA RGYAS PAR 'BYUNG STE, DE'I RGYU LAS DANG NYON MONGS PA BSTAN PA'I PHYIR SEMS CAN DAG YIN NO ZHES BYA BAR SHES SO, ,GSHIN RJE'I SGO BA GANG GIS ZHES BYA BA RGYAS PAR 'BYUNG NGO, ,GSHIN RJE'I SRIN PO GANG DAG LHA'I MDO LAS GSHIN RJE'I BKA' BZHIN BYED PA'I YI DAGS DE DAG NI GSHIN RJE'I SRID PA'O ZHES BSTAN PA RNAMS NI GZHAN KHO NA YIN GYI DMYAL BA'I SRUNG MA NI MA YIN PAS 'GAL BA MED DO, ,SDUG CING SDUG BSNGAL BA RNAMS LA BSOD NAMS MA YIN PA MANG PAS MI SRID PAR 'DRI BA NI DA NI, LAS DE GANG DU RNAM PAR SMIN, ,CES BYA BA'O, ,DE DAG KHO NAR DE BAS KYANG KHA NA MA THOB CHE BA'I LAS KYI RNAM PAR SMIN PA'I GO SKABS YOD PAR MTHONG NAS GANG DAG TU ZHES BYA BA SMOS TE, DMYAL BA DE DAG TU'O, ,MTSAMS MED PA BYED PA RNAMS ZHES BYA BA RGYAS PAR 'BYUNG STE, MTSAMS @333B MED PA RNAMS LAS GZHAN PA'I KHA NA MA THO BA CHEN PO DANG BCAS PA'I LAS NI MED DO, ,ME'I NANG NA GNAS PA JI LTAR MI TSIG CE NA ZHES BYA BA NI GAL TE DE DAG SEMS CAN YIN NA DMYAL BLTAR MI TSIG SNYAM DU BSAMS PA'O, ,LAS DAG GIS MTSAMS BCAD PA'I PHYIR RO ZHES BYA BA NI 'DI DAG BSREG PAR MI BYA'O ZHES MI NI GDON MI ZA BAR LAS DAG GIS DMYAL BA'I SRUNG MA RNAMS LA SA MTSAMS BCAD PA'O, ,YANG NA 'BYUNG BA'I KHYAD PAR 'GRUB PA ZHES BYA BA NI GANG GIS NA ME'I NANG NA GNAS KYANG MI 'TSIG PA DE DAG GI LUS KYI 'BYUNG BA CHEN PO'I KHYAD PAR NI LAS DE DAG GIS DE 'DRA BAR BSGRUBS SO ZHES BYA BA'O, ,LUS DANG SGRA 'GYUR BA DANG MTHUN PA DAG YIN ZHES BYA BA LA, LUS 'GYUR BA DANG MTHUN PA NI CHU BUR CAN DANG, CHU BUR RDOL BA DANG, AUTPAL LTAR GAS PA DANG, PADMA LTAR GAS PA DANG, PADMA LTAR CHER GAS PA DAG YIN LA, SGRA 'GYUR BA DANG MTHUN PA NI SO THAMS THAMS PA DANG, AA CHU ZER BA DANG, KYE HUD ZER BA RNAMS SO, ,THAD KA NA YOD DO ZHES BYA BA SMOS SO, ,DE NYID KYI PHYIR DE DAG NA GRANG BA YOD DO, ,KHA CIG NA RE RGYA MTSO CHEN PO DANG NYE BA'I PHYIR RO ZHES ZER RO, ,GZHAN DAG NAR LAS KYIS BYAS PA KHO NA YIN TE, DE LTA MA YIN NA NYA RNAMS LA YANG GRANG BAS CHES GNOD PAR 'GYUR RO ZHES ZER RO, ,GZHAN DAG NA RE GRANG BA'I DMYAL BA RNAMS KYI GNAS NI KHOR YUG GI RI GLING BZHI YONGS SU BSKOR BA'I NGOS NA GCIG TU MUN NAG TU GYUR PA YIN NO ZHES ZER RO, ,'DZAM BU'I GLING GI NGOS GSUM NI STONG PHRAG GNYIS PA YIN PA'I PHYIR DANG, BZHI PA LA DPAG TSAD PHYED DANG BZHI YIN PA'I PHYIR 'OG NA DMYAL BA RNAMS LA GO SKABS MED PAR MTHONG NAS, 'DZAM BU'I GLING 'DI TZAM GYI ZHES BYA BA RGYAS PAR SMOS SO, ,RE RE LA DMYAL BA YIN PAS NA, ,NYI TSE BA'I DMYAL BA RNAMS SO, ,LHA'I DPAL LTA BU YANG NYAMS SU MYONG NGO ZHES BYA BA NI GSHIN RJE LA SOGS PA DAG GIS SO, ,SKAR MA'I GZHAL MED KHANG ZHES BYA BA LA, GANG ZHIG THAMS CAD KYI NANG NA CHE BA DE'I TSAD NI DPAG TSAD BCU DRUG GO, ,ZLA BA'I GZHAL MED KHANG NI CHU SHEL ZHES BYA BA NI 'OG TU SHEL GYI DKYIL 'KHOR DANG @334A *, ,'BREL PA'O, ,SHEL NI RNAM PA GNYIS YIN TE, ME'I KHAMS SHAS CHE BA DANG, CHU'I KHAMS SHAS CHE BA'O, ,SROG CHAGS RNAMS KYI LAS DAG GIS ZHES BYA BA LA SOGS PA NI DKYIL 'KHOR GNYIS DANG SBYAR RO, ,DE BZHIN DU GZHAN DAG LA YANG SBYAR BAR BYA'O ZHES BYA BA NI GLING DAG LA'O, ,JI LTAR ZHE NA, GANG GI TSE SHAR GYI LUS 'PHAGS SU NAM PHYED PA DE'I TSE 'DZAM BU'I GLING DU NYI MA NUB PO, ,NUB KYI BA GLANG SPYOD DU NI NYI MA PHYED DO, ,BYANG GI SGRA MI SNYAN DU NI NYI MA SHAR RO ZHES BYA BAR RGYA CHER RO, ,YANG GANG GIS NYIN MO DAG RING BA DANG THUNG BAR 'GYUR ZHE NA, NYI MA'I 'GROS KYI BYE BRAG GIS SO, ,NYI MA DANG NI NYE BA LAS, ,ZHES BYA BA RGYA CHER 'BYUNG STE, NYI MA'I 'OD ZER DAG ZLA BA'I GZHAL MED KHANG LA 'BAB STE, ,DES NA PHA ROL GYI NGOS SU RANG GI GZHAL MED KHANG GI 'OD LA GNOD PA BYAS PA'I GI BA MAS MTHONG BA LA BSGRIBS PAR BYAS PA NA, ZLA BA'I DKYIL 'KHOR MA RANGS PA SNANG NGO, ,DE LTA BU DE NI 'DI LTAR YIN TE, GANG GI PHYIR DKYIL 'KHOR MTHA' DAG MI GSAL BAR YONGS SU BSKOR TE SNANG BA'I PHYIR RO, DE NYID KYI PHYIR NUB KYI RI BO LA NYI MA GNAS SHING, SHAR GYI RI BO LA ZLA BA GNAS PA NA, ZLA BA'I DKYIL 'KHOR RANGS PAR SNANG STE, ZLA BA YUL SHIN TU THAG RING BA NA GNAS PA'I PHYIR RO, ,DE LTA BU DE NI RGYU BA'I TSUL YIN NO ZHES BYA BA NI DPER NA ME LONG GI DKYIL 'KHOR DANG KYIS BSGYUR BA NA PHYOGS GANG ZHIG MTHONG BA DE NI DMIGS LA GANG ZHIG DMA' BA DE NI MI DMIGS PA BZHIN NO, ,KHA CIG NA RE NGES PA MED PA THAL BAR 'GYUR BAS DE NI DE LTA MA YIN TE, DE'I PHYIR GDON MI ZA BAR NGES PA'I RGYU BTZAL BAR BYA'O ZHES ZER RO, ,RGYAL CHEN BZHI'I RIS PA'I LHA RNAMS SO ZHES BYA BA LA, RGYAL PO CHEN PO BZHI'I RIS NI TSOGS TE, GLANG PO CHE'I TSOGS BZHIN NO, , DE NA YONG PA NI RGYAL CHEN BZHI'I RIS DAG GO, ,CI DE DAG GI 'DI DAG KHO NA 'AM ZHES BYA BA NI NYI MA LA SOGS PA'I GZHAL MED KHANG DAG KHO NA'AM ZHES BYA BA'O, ,RI RAB KYI BAR RIM LA SOGS PA'O ZHES BYA BA LA, SOGS PA ZHES BYA BA'I SGRAS NI MU KHYUD 'DZIN LA SOGS PA BSDU'O, ,BZHI PA LA NI @334B RGYAL PO CHEN PO BZHI DAG NYID CES BYA BA 'BYUNG STE, DE LA SHAR GYI PHYOGS NA NI YUL 'KHOR SRUNG NGO, ,LHO PHYOGS NA NI 'PHAGS SKYES PO'O, ,NUB PHYOGS NA NI MIG MI BZANG NGO, ,BYANG PHYOGS NA NI RNAM THOS KYI BU'O, ,DE'I PHYIR DE NA RGYAL CHEN BZHI PA'I LHA RNAMS BSHAD DO ZHES BYA BA NI, GANG GI PHYIR BAR RIM BZHI PA LA RGYAL PO BZHI BDAG NYID GNAS PA'I PHYIR RO, ,DE'I PHYIR 'DI SKAD DU TSIGS SU BCAD PA LAS, RGYAL CHEN BZHI PA'I LHA RNAMS ZHES BSHAD DE, RGYAL PO CHEN PO BZHI DAG YOD PAS NA RGYAL CHEN BZHI'O, ,BANG RIM NI NAM MKHA' LA 'PHAGS PA LA BRJOD DO, ,CHE BA YIN ZHES BYA BA NI RAB TU MANG BA YIN GYI, PHUN SUM TSOGS PA CHE BA NI MA YIN NO, ,DE DAG LA GNOD SBYIN LAG NA RDO RJE GNAS ZHES BYA BA NI BAG MED PA'I LHA BSRUNG BAR BYA BA'I PHYIR RO, ,TSON BRGYA RTZA GCIG GIS BKRA BAR BYAS ZHES BYA BA NI TSON SNA BRGYA RTZA GCIG GIS SO, ,NEMS ZHES BYED PA DANG PAR ZHES BYED CES BYA BA NI, NEMS ZHES BYED PA DANG PAR ZHES BYED PA'I DANG TSUL YIN NO ZHES BYA BA'I THA TSIG GO, ,RIN PO CHE DANG GNAS RNAM PAR DU MA PHUN SUM TSOGS PA ZHES BYA BA LA, RIN PO CHE DANG GNAS RNAM PA DU MA DE PHUN SUM TSOGS PA NI CHE BA STE CHEN PO NYID DO, ,NGO TSA BAR BYED CES BYA PA NI NGO TSA BAR BYED CES BYA BA'I THA TSIG GO, ,SKYED MOS TSAL SHING RTA SNA TSOGS CAN ZHES BYA BA RGYAS PAR 'BYUNG STE, DE LA SHING RTA SNA TSOGS CAN DU NI LHA RNAMS KYI DBANG THANG GI MTHUS SHIN RTA SNA TSOGS 'BYUNG BAR 'GYUR RO, , RTZUB 'GYUR DU NI G-YUL SPROD PAR 'DOD PA DE DAG LA NI GO MTSON 'BYUNG BAR 'GYUR RO, ,'DRES PA'I TSAL DU NI DE DAG NYE BAR PHRAD PA LAS DGA' BA'I KHYAD PAR SKYE'O, ,DGA' BA'I TSAL DU NI SHIN TU 'BYOR PA DANG LDAN PAR MTHONG BA NA DGA' BAR 'GYUR TE, SKYED MOS CHA LA DE DAG NA GRU BZHI PA YIN LA, DE DAG GI NGOS RE RE LA NI DPAG TSAD PHYED DANG SUM BRGYA'O, ,'DAB MA DANG LO MA ZHES BYA BA LA, 'DAB MA DAG NYID LO MA YIN PAS NA 'DAB MA DANG LO MA'O, ,DE RDZI PHYOGS MA YIN PAR 'GRO BA NI MA YIN NO ZHES BYA BA NI GANG DU SKYES PA DE NYID DU 'JUG PA'I PHYIR RO, , @335A *, ,CI ME TOG GI DRI'I RGYUN DES ZHES BYA BA NI JI LTAR ME TOG DANG 'BREL PA LAS TIL DAG LA DRI GZHAN 'BYUNG BA DE BZHIN DU ME TOG DANG 'BREL PA LAS DE'I DRI RLUNG GIS 'DAS PA ZHIG 'BYUNG BA ZHIG GAM ZHES BYA BA YIN NO, ,ME TOG DRI NI RDZI PHYOGS MIN MI 'GRO, ,ZHES BYA BA RGYAS PAR 'BYUNG STE, RTZA BA LA YOD PA NI RTZA BA STE, PU SHEL TZI DANG GLA SGANG LA SOGS PA'I DRI'O, ,MKHAS RNAMS DRI NI ZHES BYA BA NI GRAGS PA ZHES BYA BA'I DON TO, ,BYA BA DANG BYA BA MA YIN PA 'GRO BAR BYED PA ZHES BYA BA NI LHAG MA YIN PHYIR BZLOG PA LA SOGS PA'I BYA BA DANG BYA BA MA YIN PA 'GRO BAR BYED CES BYA BA'I THA TSIG GO, ,RTZED MOS DRAN BRLAG PA LA SOGS PA LHA GZHAN DAG KYANG YOD PAS DE'I PHYIR MDOR BSDU NA ZHES BYA BA SMOS SO, ,'THAB BRAL NAS BRTZAMS NAS 'OG MIN DU NYE BAR 'GROB DANG 'OG MIN GYI MTHAR THUG PA'I BAR GYI LHA RNAMS NI SPRIN GYI TSOGS LTAR GZHAL MED KHANG DAG NA GNAS PA YIN NO, ,SEMS CAN DE DAG NYID KYI SNOD MNGON GYI GZHAN DAG NI MA YIN NO ZHES BYA BA NI TSANGS RIS LA SOGS PA DAG STE, DE DAG NI 'DOD PA LAS 'DOD CHAGS DANG BRAL BA'I PHYIR 'DOD PA DAG SPYOD PA MA YIN NO, ,MI RNAMS JI LTA BA BZHIN DU ZHES BYA BA LA, DE DAG NI RLUNG BTANG BAS YONGS SU GDUNG BA DANG BRAL TE, KHU CHU MED PA'I PHYIR RO, ,DE MED PA YANG DE NA YOD PA'I ZAS LA RGYU MTHUN PA MED PA'I PHYIR RO, ,'KHYUD BTZAM GYIS YONGS SU GDUNG BA DANG BRAL BA'I PHYIR RO ZHES BYA BA LA, DE NA 'DOD CHAGS DAG YOD NA 'DOD PA DANG LDAN PA RNAMS LA 'KHYUD PA'I BDE BA 'BYUNG GI ,'DOD CHAGS MED NA NI DE DAG LA REG PA SKYON CAN MI 'BYUNG STE, MA LA 'KHYUD PA BZHIN NO, ,GZHAN DAG NA RE THAMS CAD GNYIS GNYIS KYIS YIN TE, LNGA PO RNAMS NI YUL SO SOR NGES PAS DBANG PO GZHAN GYI YUL NI DBANG PO GZHAN GYIS LONGS SPYOD PA MA YIN NO ZHES ZER RO, ,JI TZAM JI TZAM DU ZHES BYA BA NI GANG DU ZHES BYA BA'I DON TO, ,CHES SHAS CHE BA NI DRAG CES BYA BA'I DON TE, YUL DE DAG CHES BA'I PHYIR MYUNG DU GRUB PA YIN NO, ,YANG JI LTAR RDZUS TE SKYE BA RNAMS LA NI 'DI BDAG GI PHA YIN NO, ,BU YIN NO SNYAM PA'I 'DU SHES 'BYUNG ZHE NA, DE'I PHYIR LHA 'AM LHA MO GANG GI ZHES BYA BA RGYAS PAR 'BYUNG NGO, ,GRANGS BZHIN TE ZHES BYA BA LA NI RGYAL @335B CHEN BZHI PA DAG TU NI LO LNGA LON PA LTA BU'O ZHES BYA BA NAS GZHAN 'PHRUL DBANG BYED DU NI LO BCU LON PA LTA BU'O ZHES BYA BA'I BAR RO, ,DE DAG KYANG LHA'I RIS BZHI RNAMS SO ZHES BYA BA NI RGYAL CHEN BZHI'I RIS PA NAS BRTZAMS TE DGA' LDAN BA'I BAR RO, ,JI LTAR BYUNG BA RNAMS LA LONGS SPYOD PA NI JI LTAR BYUNG BA LA LONGS SPYOD PA STE, 'DI DAG LA DE YOD PAS NA JI LTAR BYUNG BA LA LONGS SPYOD PA'O, ,JI LTAR 'DOD PA BZHIN BDAG NYID SPRUL PA NI JI LTAR 'DOD PA BZHIN BDAG NYID KYIS SBRUL PA STE, 'DI DAG LA DE LA LONGS SPYOD PA YOD PA DE DAG NI JI LTAR 'DOD PA BZHIN BDAG NYID KYIS SPRUL PA LA LONGS SPYOD PA'O, ,JI LTAR 'DOD PA BZHIN BDAG DANG GZHAN GYIS SPRUL PA NI JI LTAR 'DOD PA BZHIN BDAG DANG GZHAN GYIS SPRUL PA YIN LA, DE YONGS SU LONGS SPYOD PA NI JI LTAR 'DOD PA BZHIN BDAG NYID DANG GZHAN GYIS SPRUL PA LA YONGS SU LONGS SPYOD PA STE, GANG LA DE YOD PA DANG ZHES THAMS CAD LA SBYAR RO, ,DANG PO NI YUL JI LTAR BYUNG BA LA YONGS SU LONGS SPYOD PA'I PHYIR RO, ,GNYIS PA NI YUL JI LTAR 'DOD PA BZHIN BDAG NYID KYIS SPRUL PA LA YONGS SU LONGS SPYOD PA'I PHYIR RO, ,GSUM PA YUL BYED PA MED PA LA YONGS SU LONGS SPYOD PA'I PHYIR RO, ,YANG NA GO RIMS BZHIN DU YUL DMAN PA DANG, BAR MA DANG, GYA NOM PA LA YONGS SU LONGS SPYOD PA'I PHYIR RO, ,LHA DE DAG CES BYA BA LA, BSAM GTAN DANG PO'I SA PA DAG NI DBEN PA LAS SKYES PA'I DGA' BA'I BDEBS TE, 'DOD PA LA 'DOD CHAGS DANG BRAL BA'I PHYIR RO, ,BSAM GTAN GNYIS PA'I SA PA DAG NI TING NGE 'DZIN LAS SKYES PA'I DGA' BA'I BDE BAS SO, ,BSAM GTAN GSUM PA'I SA PA DAG NI DGA' BA MED PA'I BDE BAS TE, DGA' BA LAS 'DOD CHAGS DANG BRAL BA'I PHYIR RO, ,BDE BAS GNAS PA NA ZHES BYA BA RGYAS PAR 'BYUNG NGO, ,BSAM GTAN KHYAD PAR CAN DU SKYES PA LA NI ZHES BYA BA RGYAS PAR 'BYUNG STE, DE NA NI BDE BA YANG MA YIN SDUG BSNGAL BA YANG MA YIN PA'I TSOR BA YOD PAS BDE BA SKYE BA NYID DU MI RUNG NGO, ,BYE BRAG TU SMRA BA RNAMS NA RE NI 'DI NI PHAL CHE BAR BSTAN PA YIN TE, DPER NA MNGON PAR SHES PA GANG ZHE NA, SHES RAB DGE BA'O @336A *, ,ZHES BYA BA BZHIN NO ZHES ZER RO, ,GANG DAG LHA RNAMS KYI GNAS NYI SHU RTZA GNYIS BSHAD PA ZHES BYA BA LA, 'DOD PA NA SPYOD PA RNAMS KYI GNAS NI DRUG YIN LA, GZUGS NA SPYOD PA RNAMS KYI NI BCU DRUG YIN TE, TSANGS PA CHEN PO NI TSANGS PA'I MDUN NA 'DON DAG GI KHONGS SU 'DU BA'I PHYIR RO, ,DPAG TSANG BZHI KHRI NI ZHES BYA BA NI DE DAG GIS NI RI RAB KYI PHYED MAN CHAD DU PHYIN TO ZHES 'BYUNG BA'I PHYIR RO, ,BSAGS PAR GNAS PA'I GZUGS ZHES BYA BA LA BSAGS PA LA GNAS PA NI BSAGS PAR GNAS PA'O, ,YANG NA BSAGS SHING GNAS PA NA BSAGS PAR GNAS PA STE, PHUN TSUN 'BREL ZHES BYA BA'I THA TSIG GO, ,LHAG MA RNAMS KYANG DE DANG 'DRA'O ZHES BYA BA NI RDZU 'PHRUL GYIS SAM GZHAN LA BRTEN NAS TE, RDZU 'PHRUL DANG LDAN PA 'AM DE NA GNAS PA'I LHAS KHRID PAR GYUR NA 'THAB BRAL BA RNAMS DGA' LDAN PA DAG GI NANG DU 'GRO BAR 'GYUR TE, DE BZHIN DGA' LDAN PA RNAMS 'PHRUL DGA' BA DAG GI NANG DU 'GRO'O ZHES RGYAS PAR THAMS CAD DU BRJOD PAR BYA'O, ,GONG DU SKYES PA 'ONGS PA MTHONG STE, 'DOD PA NA SPYOD PA'AM, SA MTSUNGS PA MTHONG NGO, ,KHAMS GONG MA PA YANG MA YIN NO ZHES BYA BA NI 'DOD PA NA SPYOD PAS GZUGS KYI KHAMS SU SKYES PA MI MTHONG BA'O, ,SA GONG MA PA YANG MA YIN TE ZHES BYA BA NI BSAM GTAN DANG POR SKYES PAS BSAM GTAN GNYIS PA LA SOGS PAR SKYES PA MI MTHONG BA'O, ,REG BYA REG PAR MI 'GYUR BA BZHIN NO ZHES BYA BA NI KHAMS GONG MA PA 'AM SA GONG MA PA'O, ,CI'I PHYIR ZHE NA, YUL MA YIN PA'I PHYIR TE, DE BZHIN DU YUL MA YIN PA'I PHYIR GZUGS KYANG MI MTHONG NGO, ,DE'I 'DOD PAS 'DI NA 'KHOD PA BZHIN DU MTHONG BAR 'GYUR RO ZHES BYA BA LA, JI LTAR 'DOD PA NA SPYOD PAS 'DOD PA NA SBYONG PA MTHONG BA DE BZHIN DU, DE'I 'DOD PAS GZUGS NA SPYOD PA DANG, SA GONG MAR SKYES PA 'ONGS BA YANG SA 'OG MA PA'I LUS SUM SPRUL PAR YANG MTHONG BAR 'GYUR RO, ,GZHAN DAG NA RE DE NI DE LTA MA YIN TE, GZUGS DANG 'BRAS BU DANG KHAMS DANG SA RNAMS RGYU DANG 'BRAS BU YONGS SU CHAD PA'I PHYIR RO, ,SA 'OG MA LAS 'DOD CHAGS DANG BRAL BA NI SA GONG MA DER SKYE STE, DE'I @336B PHYIR SA GONG MA'I GZUGS NI SA 'OG MA'I MIG GI YUL MA YIN TE, LAS KYI 'BRAS BU CHES MCHOG YIN PA'I PHYIR RO, ,DE'I PHYIR DE'I 'DOD PAS KYANG MI MTHONG NGO, ,SUM CU RTZA GSUM LA SOGS PA RNAMS KYI TSAD SA DANG 'BREL PA NI BSHAD NA, YANG 'THAB BRAL LA SOGS PA'I GZHAL MED KHANG DE DAG GI TSAD NI JI TZAM ZHE NA, RE ZHIG KHA CIG NA RE BZHI RNAMS KYI NI ZHES BYA BA SMOS SO, ,BZHI PA NI TSAD MED DO ZHES BYA BA LA, BSAM GTAN BZHI PA'I GZHAL MED KHANG NI SKAR MA LTAR RNAM PAR 'CHAD PA YIN TE, MI RTAG PA DE'I GZHAL MED KHANG, ,SEMS CAN BCAS TE 'BYUNG 'JIG PHYIR; ,ZHES 'BYUNG NGO, ,DE'I PHYIR DE LA TSAD MED LA, LHAG MA RNAMS LA NI TSAD YOD DE, GCIG TU 'BREL PA'I PHYIR RO, ,TSANGS PA'I 'JIG RTEN ZHES BYA BA SMOS PAS GNYIS PA LA SOGS PA RNAMS NI STONG CHUNG DU'I 'JIG RTEN GYI KHAMS KYIS BSDUS PA MA YIN NO, ,DE NYID KYI PHYIR DE LA SPYI PHUD CES BYA STE, GTZUG PHUD DU GYUR PA'I PHYIR DANG, SBYI PHUD YIN PA'I PHYIR RO, ,MNYAM DU 'JIG CING 'BYUNG BA YIN, ,ZHES BYA BA LA, 'DIR SEMS CAN RNAMS MNYAM POR 'JIG CING SNOD DAG MNYAM DU 'BYUNG NGO, ,SNOD 'BYUNG BA NAS BZUNG STE 'CHAGS PA'I BSKAL PA ZHES BYA STE, GANG PHYIS 'JIG PA DE NI SNGAR 'CHAGS SO ZHES PHYIS BSHAD PAR BYA'O, ,'DZAM BU'I GLING PA RNAMS ZHES BYA BA RGYAS PAR 'BYUNG STE, LUS KYI TSAD NI KHRU PHYED DANG BZHI PA'O, ,KHA CIG NI LUS KYI TSAD KHRU BZHI PA'O, ,SHAR DANG BA LANG SPYOD DANG NI, ,BYANG DANG ZHES BYA BA LA, GANG DAG LA ZHES BYA BA STE, MING YOD PA DE DAG NI SHAR DANG BA LANG SPYOD DANG NI, ,BYANG ZHES BYA BA DAG STE, DE DAG GI TSAD NI GRANGS BZHIN DU KHRU BRGYAD PA DANG, BCU DRUG PA DANG, SUM CU RTZA GNYIS PA DAG GO, ,DE LAS DANG GA TSAD GSUM PHRIN, ,ZHES BYA BA NI NYIS 'GYUR DU BYAS TE DPAG TSAD GSUM BSKYUNGS NA ZHES BYA BA STE, DES NA SPRIN MED RNAMS KYI LUS NI DPAG TSAD BRGYA NYI SHU RTZA LNGA'O ZHES BYA BA LA SOGS PA RTZI BAR BYA'O, ,KU MU TA DANG PADMA BZHIN, ,ZHES BYA BA LA, JI LTAR 'DI NA ME TOG KU MU TA DAG NYIN PAR KHA 'DZUM ZHING, MTSAN MO 'BYE LA, PADMA DAG DE LAS BZLOG PA YIN PA DE BZHIN DU, DE NA ME TOG KHA CIG LA 'DZUM PA DANG 'BYE BA LAS @337A *, ,NYIN MTSAN DU RNAM PAR GZHAG GO, ,BYA RNAMS SKAD 'BYIN PA DANG SKAD MI 'BYIN BA ZHES BYA BA LA SOGS PA LA, SKAD 'BYIN PA LAS MTSAN MO YIN LA, SKAD MI 'BYIN PA LAS NYIN PAR YIN PA'AM ZLOG PA'O, ,GNYID SANGS PA DANG BRO BA LAS ZHES BYA BA NI GNYID BRO BA LAS NI MTSAN MOR MNGON LA, GNYID SANGS PA LAS NI NYIN MOR TE, DE'I PHYIR DE LTAR YIN NO, ,BSKAL PA CHEN PO'I PHYED CES BYA BA LA, BAR GYI BSKAL PA BRGYAD CU NI BSKAL PA CHEN PO YIN LA, DE'I PHYED BAR GYI BSKAL BA BZHI BCU LA BSKAL PAR BYAS NAS DE DAG GI TSE'I TSAD BSHAD DO ZHES BYA BA RGYA CHER RO, ,BYANG CHUB SEMS DPA' SKYE BA GCIG GIS THOGS PA NI GANG ZHIG SANGS RGYAS NYID LA SKYE BA GCIG GIS CHOD PA STE, DE DGA' LDAN NA GNAS SHING SKU TSE RANGS PAR GSON PAR 'GYUR RO, ,SRID PA THA MA PA ZHES BYA BA NI SKYE BA THA MA PA STE, GANG GIS NA SKYE BA DE NYID LA DGRA BCOM PA NYID MNGON SUM DU BYED PAR 'GYUR RO, ,RGYAL BAS BSTAN PA NI GANG ZHIG DE'I TSE NI 'DI TZAM MO ZHES RGYAL BAS LUNG BSTAN PA'O, ,RGYAL BA'I PHO NYA NI PHO NYA'I BYA BA BYAS MA ZIN PA'O, ,DAD PA DANG CHOS KYI RJES SU 'BRANG BA NI MTHONG BA'I LAM LA GNAS PA DBANG PO RNON PO DANG RTUL PO DAG GO, , SOGS PA ZHES BYA BA'I SGRAS NI 'GOG PA DANG, 'DU BYED MED PA DANG, BYAMS PA'I TING NGE 'DZIN LA SNYOMS PAR ZHUGS PA RNAMS BSDU'O, ,DPAG TSAD KYI TSANG KYIS GNAS RNAMS ZHES BYA BA NI, STONG PHRAG DAG NI BCU DRUG LA, ,BRGYAD DANG BZHI DANG GNYIS 'PHAGS SO, ,ZHES BYA BDE LTA BU LA SOGS PAS NI DPAG TSAD KYI CHAD KYIS GNAS RNAMS BSHAD DO, ,'DOD DANG LDAN PA'I LHA YI LUS, ,BZHI CHA NAS NI ZHES BYA BA LA SOGS PAS NI LUS RNAMS BSHAD DO, ,LO'I TSAD KYIS TSE BSHAD PA NI, ,SGRA MI SNYAN NI TSE STONG STE, ,GNYIS LA PHYED PHYED SPANGS PA'O; ,ZHES BYA BA'O, ,THAMS CAD KYI RNAM PAR GZHAG PA YANG MING GIS YIN PA NI, DE LA LAG NA GZHONG THOGS DANG, ,PHRENG THOGS DANG NI RTAG MYOS DANG, ,ZHES BYA BA'O, ,GZUGS 'GRIB PA'I ZHES BYA BA NI 'DUS PA'I GZUGS KYI YIN GYI, RDZAS KYI RDUL PHRA RAB KYI @337B GZUGS KYI NI MA YIN TE, CHA SHAS MED PAS 'GRIB PA MED PA'I PHYIR RO, ,MTHA' NI GANG ZHIG LA DBYE BAR MI NUS PA'O, ,DE'I SKAD CIG LA SOGS PA DUS KYI MTHA' NI GANG NA GZHAN DU DBYE BA YOD PA MA YIN PA DE NI RKYEN RNAMS TSOGS NA DNGOS PO RNAMS BDAG NYID THOB PA'I SKAD CIG GO, ,MING GI MTHA' NI YI GE STE, YI GE MED PA'I MING MED PA'I PHYIR RO, ,DGUN RNAMS KYI ZLA BA BZHI ZHES BYA BA 'BYUNG STE, DGUN CHUNG DU NI GRANG BAR 'DRA BA'I PHYIR DGUN DU BSHAD DO, ,DPYID RNAMS NI ZLA BA BZHI DANG ZHES BYA BA NI DPYID KYANG DRO BAR 'DRA BAS SOS KAR BSHAD DO, ,DBYAR RNAMS KYI ZLA BA BZHI ZHES BYA BA LA, STON YANG DBYAR DANG 'DRA BAS DBYAR DU BSHAD DO, ,ZLA BA PHYED DANG GNYIS 'DAS NAS, ,ZHES BYA BA NI, 'DI LA PHYED LHAG PA YOD PAS NA DE NI PHYE DANG GNYIS SO, ,ZLA BA PHYED DANG GNYIS 'DAS NAS ZHES BYA BA NI THAL NAS SO, ,DE LTAR NA DGUN DANG SOS KA DANG; DBYAR RNAMS KYI ZLA BA PHYED PO GSUM PA MTHA' DAG LA ZHAG MI THUB PA 'DOR BAS LO LA ZHAG GI SHOL DRUG TU 'GYUR RO, ,'GRO BA 'JIG PA NI 'GRO BA LNGA CHAR GZUGS NA SPYOD PA'I LHA'I 'GRO BA GCIG TU 'JIG PA'O, ,DE'I MJUG THOGS SU NI KHAMS 'JIG STE, KHAMS 'JIG PA NI 'GRO BA 'JIG PA SNGON DU 'GRO BA CAN YIN PA'I PHYIR RO, ,DE LTAR NA SEMS CAN ZHIG MA THAG TU SNOD 'JIG STE, SNOD KYI 'JIG RTEN NI SEMS CAN THAMS CAD KYI LAS KYI DBANG GIS GRUB PA'I PHYIR SEMS CAN GCIG 'DUG NA YANG SNOD 'JIG PAR MI 'GYUR RO, ,DE LAS NI NGES PAR 'BYUNG BA ZHES BRJOD PAR BYA ZHES BYA BA NI GANG CHAGS PA'I RGYUN GNAS PA DE LAS NGES PAR 'BYUNG BA STE, 'DA' ZHES BYA BA'I DON TO, ,DE LA NI ZHUGS PA ZHES BRJOD PAR BYA'O ZHES BYA BA LA, DES ZHES BYA BA NI 'JIG PA DE'O, ,ZHUGS PA ZHES BYA BA NI BRTZAMS PA'O, ,DE NA 'JIG RTEN GYI KHAMS GZHAN DAG TU ZHES BYA BA LA, DE NA GNAS NA NI GNOD KYANG MI 'JIG PAR 'GYUR RO, ,DUD 'GRO MYONG BAR 'GYUR BA DANG, ,ZHES BYA BA NI GANG GI TSE DUD 'GRO DAG NA SEMS CAN 'GA' YANG MA LUS PAR GYUR NA ZHES BYA BA NAS BZUNG STE, 'JIG RTEN GYI KHAMS @338A *, ,GZHAN DAG TU 'PHEN PAR 'GYUR TE ZHES BYA BA'I BAR DU THAMS CAD BRJOD PAR BYA'O, ,YI DAGS RNAMS KYANG DE DAG 'DU'O, ,MI DANG LHAN CIG RGYU BA RNAMS, ,ZHES BYA BA NI DE DAG NI MI RNAMS DANG THUN MONG BA'I LONGS SPYOD DU 'GYUR BA'I LAS DAG GIS MNGON PAR BSGRUBS PA'I PHYIR RO, ,LHA DANG LHAN CIG RGYU BA RNAMS LA YANG DE BZHIN DU BRJOD PAR BYA'O, ,CHOS NYID KYIS THOB PA ZHES BYA BA LA CHOS NYID NI DE'I TSE BSAM GTAN GYI SA BON DUS THOG MA MED PA BAS 'JUG PA THOB PA'O, ,BYE BRAG TU SMRA BA RNAMS NA RE CHOS NYID NI DGE BA'I RTZA BA SHAS CHEN PO YIN TE, DE'I TSE DGE BA'I CHOS RNAMS 'JUG PA THOB PAR 'GYUR BA'I PHYIR RO ZHES ZER RO, ,DE NA 'DOD CHAGS DANG BRAL BA MED PA'I PHYIR RO ZHES BYA BA NI 'DOD CHAGS DANG BRAL BA MED PAR TSANGS PA'I 'JIG RTEN DU SKYE BA MED DO ZHES STON PA'O, ,'PHEN PA'I LAS YONGS SU ZAD PA DANG ZHES BYA BA NI SNOD SKYED PA'I LAS NYE BAR SPYAD ZIN PA DANG NGO, ,'DI NYID NAS KUN NAS ZHES BYA BA NI GLING BZHI KUN NAS SO, ,GZHAN DAG NA RE 'DZAM BU'I GLING KUN NAS TE, LAS KYI LAM SHAS CHE BA'I PHYIR RO ZHES ZER RO, ,BAR DU BSREGS PAR 'GYUR RO ZHES BYA BA NI TSIG PAR 'GYUR RO ZHES BYA BA'I THA TSIG GO, ,RIS MI MTHUN PA'I SKYON DAG CES BYA BA NI NYE BAR 'TSE BA LA SOGS PA MI 'DRA BA DAG GO ZHES BYA BA'I DON TO, ,GAL TE DE LTA YIN NA NI 'O NA JI LTAR, RAB TU 'BAR BA DE NYID LAS, ,ZHES BYA BA RGYAS PAR SMRAS SHE NA, DE'I PHYIR DE DANG 'BREL PA LAS BYUNG BA NYID KYI PHYIR ZHES BYA BA RGYAS PAR SMOS TE, GZUGS NA SPYOD PA'I ME LCE DE NI 'DOD PA NA SPYOD PA'I ME LCE DANG 'BREL TE 'BYUNG BA YIN TE, DE'I PHYIR, RAB TU 'BAR BA DE NYID LAS, ,ZHES DE SKAD DU BSHAD DO, ,DE BZHIN DU 'JIG PA GZHAN LA YANG CI RIGS PAR BRJOD PAR BYA'O ZHES BYA BA NI CHUS 'JIG PA DANG, RLUNG GIS 'JIG PA DAG LA STE, BSAM GTAN GNYIS PA DANG GSUM PA KHO NA'I CHU'I KHAMS DANG RLUNG GI KHAMS YIN GYI GZHAN GYIS PA NI MA YIN NO ZHES BYA BA'O, ,RNAM PA GCIG TU NA DE BZHIN DU 'JIG PA GZHAN DAG LA YANG ZHES BYA BA NI JI LTAR MES 'JIG PA @338B DAG TU 'GRO BA DANG KHAMS DANG SEMS CAN DANG SNOD 'JIG PA BSHAD PA DE BZHIN DU CHU DANG RLUNG GIS 'JIG PA DAG LA YANG TSUL DE NYID KYIS SNOD STONG PAR RANG GI SA PA'I CHU'I KHAMS KYIS RIM GYIS SNOD KYI 'JIG RTEN LAN TSVA LA BYA BA BZHIN DU 'JUG BAR BYED DO ZHES BYA BA DANG, RANG GI SA PA'I RLUNG GI KHAMS KHO NAS RIM GYIS SNOD KYI 'JIG RTEN 'THOR BAR BYED CING RNAM PAR 'JIG PAR BYED DE, DE NYID KYIS MI SNANG BAR BYED DO ZHES BYA BA'I BAR BRJOD PAR BYA'O ZHES BYA BA'O, ,DE LAS NGES BAR 'BYUNG BA ZHES BRJOD PAR BYA ZHES BYA BA NI YONGS SU RDZOGS ZHES BYA BA'I DON TO, ,DE NI NYE BAR 'ONGS PAR BRJOD PAR BYA'O ZHES BYA BA NI 'JUG CES BYA BA'I THA TSIG GO, ,JI SKAD BSHAD PA'I RIM PA DANG TSUL DU ZHES BYA BA NI, JI SKAD BSHAD PA'I RIM PA DANG, JI SKAD BSHAD PA'I TSUL ZHES BYA BA'I DON TO, ,DE LA JI SKAD BSHAD PA'I RIM PA NI RLUNG GYI DKYIL 'KHOR DANG, CHU'I DKYIL 'KHOR NAS SEMS CAN LA SOGS PA DAG GI BAR RO, ,JI SKAD BSHAD PA'I TSUL NI TSUL GANG ZHIG GANG LA BSHAD PA SRID DANG, RGYA DANG TSAD DANG, DBYIBS KYI MTSAN NYID DO, ,DE'I 'OG TU NI 'THAB BRAL BA'I BAR DU'O ZHES BYA BAS NI NAM MKHA' LA GNAS PA'I GZHAL MED KHANG RNAMS KYI SA MTSAMS STON TO, ,DE TZAM GYIS NA ZHES BYA BA RGYAS PAR 'BYUNG NGO, ,DE NAS SEMS CAN GANG YANG RUNG BA ZHIG CES BYA BA LA, 'DI NI TSANGS PA CHEN PO STE, DE'I PHYIR NA TSANGS PA CHEN PO THAMS CAD NI SO SO'I SKYE BO YIN TE, 'PHAGS PA LA 'OG TU 'GRO BA MI SRID PA'I PHYIR DANG, GONG NA MTHONG LAM MED CES 'BYUNG BAS, GZUGS KYI KHAMS NA SKYON MED PAR ZHUGS PA MI SRID PA'I PHYIR RO, ,DE NYID KYI PHYIR GCIG GIS BAR MED PAR SKYE BA GNYIS SU TSANGS PA CHEN PO NYID BYED PA MA YIN NO, ,GAL TE TSANGS PA CHEN PO NYID NANG GI PHYI NAS 'CHI 'PHO'O ZHES BSHAD LA, 'OD GSAL BA RNAMS KYI TSE YANG BSKAL PA CHEN PO BSKAL PA BRGYAD YIN ZHING, BAR GYI BSKAL PA NYI SHU NA YANG, SLAR 'CHAGS PAS DE'I PHYIR DE 'OD GSAL BA'I SA PA'I TSE MA ZAD PAR DE NAS 'CHI 'PHO BAR 'GYUR ZHE NA, DE NA BAR CHAD DU 'CHI BA YOD DE, ,BSOD NAMS RLABS CHEN PO @339A *, ,LAS SKYES PA DAG NI TSE LO BSKAL PA CHEN PO BRGYAD PA YIN NO, ,GANG BAR GYI BSKAL PA CHEN PO NYI SHU ZHES BYA BA 'DI NI CHES NYUNG BA YIN NO, ,KHA CIG NA RE DER SKYE BA DE NI GZHAN ZHIG KHO NA YIN NO ZHES ZER RO, ,GZHAN DAG NA RE LAS SNA TSOGS PAS 'DI LA NGES PA MED DO ZHES ZER RO, ,GANG MJUG TU 'JIG PA DE DAG DANG POR 'CHAGS ZHES BYA BA NI DPER NA MES 'JIG PA DAG NA TSANGS PA'I GZHAL MED KHANG BZHIN NO, ,'DI NI CHOS NYID YIN NO ZHES BYA BA NI DGE BA'I LAS SNGON BSAGS PA RNAMS KYI YONGS SU 'GYUR BA'I KHYAD PAR YIN NO ZHES BYA BA'O,, 'JIG RTEN 'CHAGS PA NA ZHES BYA BA NI GANG GI TSE 'CHAGS PAR RTZOM PA NA DANG PO KHO NAR TSANGS PA'I GZHAL MED KHONG SKYE BA'O, ,TSE DPAG TU MED PA NYID NAS 'GRIB PA NI ZHES BYA BA NI DMYAL BA SRID PA NAS BRTZAMS NAS SO, ,JI LTAR ZHE NA, GANG GI TSE TSE DPAG TU MED PA DAG SHI STE DMYAL BA DAG TU SKYE BA DE NAS BZUNG STE RTZI'O, ,DE LTAR NA 'DI NI CHAGS NAS GNAS PA RNAMS KYI BAR GYI BSKAL PA DANG PO YIN NO ZHES BYA BA 'DI MI 'GAL LO, ,DE NAS YAR SKYE MAR 'BRI BA'I, ,ZHES BYA BA NI, BCO BRGYAD PO DE DAG NI RE RE YANG YAR SKYE BA DANG MAR 'BRI BA'I RANG BZHIN YIN NO; ,YANG JI LTAR YANG SKYE BA'I RANG BZHIN DANG, 'BRI BA'I RANG BZHIN NI YAR SKYE BA DANG 'BRI BA'I RANG BZHIN CAN GYI BSKAL PA RNAMS DANG DUS MNYAM PAR 'GYUR ZHE NA, MGYOGS PA DANG MGYOGS PA MA YIN PAR 'GRO BA'I KHYAD PAR LAS TE, 'DI LTAR MTHA'I BSKAL PA GNYIS NI DAL GYIS 'GRO LA, BAR MA BCO BRGYAD NI MGYOGS PAR 'GRO BAS THAMS CAD DUS MA NYAM PAR 'GYUR RO, ,CHAGS PA RNAMS KHO NA LA YAR SKYE BA DANG, MAR 'BRI BA MNGON GYI, GZHAN GYI TSE NI MA YIN PAS DE DAG LA JI LTAR BAR GYI BSKAL PA RNAM PAR GZHAG CE NA, DE'I PHYIR GAL TE YANG DE'I TSE YAR ZHES BYA BA RGYAS PAR SMOS SO, ,BSKAL PA PHUNG PO LNGA'I RANG BZHIN YIN NO ZHES BYA BA NI, DE DAG NYID DUS ZHES KHAMS KYI MDZOD NYID LAS BSHAD DE, DUS MANG PO NI BSKAL PA YIN NO, ,SIL BU ZHES BYA BA NI LUNG DAG GI NANG DU MA 'DUS PA'I PHYIR RO, ,GZHAN DAG LA LTA @339B BA BSKYED DE ZHES BYA BA NI 'DIR LTA BAS ZHES BYA BA'I SGRAS NI SNYING RJE BSHAD KYI SRED PA NI MA YIN NO, ,RIGS GZHAN KHO NA ZHES BYA BA NI SA BON GYI KHYAD PAR RAM, DGE BA'I RTZA BA DAG GO, ,DMAN PA DE DANG DE'I THABS KYIS ZHES BYA BA RGYAS PAR 'BYUNG STE, 'DIR NI SO SO'I SKYE BO DANG NYAN THOS DANG BYANG CHUB SEMS DPA' RNAMS KYI 'JUG PA BSHAD DO, ,DE'I TSE SNYIGS MA LNGA PO 'DI LTA STE ZHES BYA BA NI, SHIN TU LHAG PA NI CHES BLA LHAG PA'O, ,'DIR TSE NYID THA CHAD YIN ZHING, NGAN SNYIGS SU GYUR PA NI SNYIGS MA DAG GO, ,DUS KYI SNYIGS MA LA SOGS PA YANG DE DANG 'DRA'O, ,GO RIMS BZHIN DU ZHES BYA BA NI, TSE'I SNYIGS MAS NI SROG RGYUD PAR BYED DE GNAS PA'I DUS THUNG DU 'PHEN PAR BYED PA'I PHYIR RO, ,DUS KYI SNYIGS MAS NI YO BYAD RGUD PAR BYED DE, 'BRU LA SOGS PA RNAMS RO DANG NUS PA DANG, SMIN PA DANG MTHU CHUNG BAR 'GYUR BA'I PHYIR DANG, DUS KYANG DE'I BDAG NYID YIN PA'I PHYIR RO, ,GNYIS KYIS NI ZHES BYA BA NI NYON MONGS PA DANG LTA BA'I SNYIGS MA DAG GO, ,JI LTA ZHE NA, DE'I PHYIR 'DOD PA'I BSOD NYAMS DANG BDAG NGA LA BA ZHES BYA BA SMOS TE, 'DOD PA'I BDE BA NYID 'DOD PA'I BSOD NYAMS TE, DER CHAGS PA'I PHYIR RO, ,YANG NA 'DOD PA'I BSOD NYAMS NI 'DOD PA'I SRED PA STE, DES 'DOD PA'I BDE BA LA CHAGS PAR BYED CING SBYOR BAR BYED CES BYA BA'I THA TSIG GO, ,BDAG NGAL BA NI BDAG LA NYE BAR GDUNG BA STE BDAG GZIR BA'O, , DE DAG RTZOM PA NI BSTEN PA STE, DE DAG GOMS PAR BYED PA'O, ,'DI SKAD BSHAD PAR 'GYUR TE, GO RIMS BZHIN DU 'DOD PA'I BDE BA DANG, BDAG LA GDUNG BA BSTAN PA'I DBANG DU BYAS PA STE, CHED DU BYAS SHING BRTZAMS NAS NYON MONGS PA DANG LTA BA'I SNYIGS MA GNYIS KYIS DGE BA'I PHYOGS RGUD PAR BYED DO, ,YANG NA KHYIM PA DANG RAB TU BYUNG BA'I PHYOGS KYIS ZHES BYA BA YANG GO RIMS BZHIN YIN TE, DE GNYIS KYIS NI DGE BA'I PHYOGS RGUD PAR BYED DO ZHES BYA BA DANG SBYAR RO, ,'DI LTAR KHYIM PA RNAMS NI 'DOD PA GTZO CHE BA YIN LA, @340A *, ,RAB TU BYUNG BA RNAMS NI LTA BA GTZO CHE BA YIN NO, ,GCIG GIS NI LUS RGUD PAR BYED DE ZHES BYA BAS NI LNGA PA SEMS CAN GYI SNYIGS MA'I BYA BA BSHAD DE, BONG TSOD LA SOGS PA NYAMS PA'I PHYIR RO, ,RANG SANGS RGYAS RNAMS NI YAR SKYE BA NI YANG 'BYUNG STE; ,BDAG NYID KYI DBANG DU BYAS NAS ZHUGS PA'I PHYIR RO, ,NYAN THOS SNGON DU 'GRO BA ZHES BYA BA NI GANG DAG SANGS RGYAS BCOM LDAN 'DAS GZHAN GYI TSE BDEN PA MTHONG BA RNAMS SO, ,SO SO'I SKYE BO SNGON DU 'GRO BA DAG KYANG ZHES BYA BA NI TSOGS NA SPYOD PA DAG GO, ,GANG DAG GZHAN DU NGES PAR 'BYED PA'I CHA DANG MTHUN PA RNAMS SKYED PAR ZHES BYA BA NI GANG DAG GIS SNGAR SANGS RGYAS GZHAN GYI TSE DRO BAR GYUR PA LA SOGS PA NGES PAR 'BYED PA'I CHA DANG MTHUN PA RNAM PA GSUM BSKYED PA'O, ,DE'I SPYOD LAM BSTAN PA ZHES BYA BA NI RANG SANGS RGYAS KYI SPYOD LAM SKYIL MO KRUNG BCA' BA LA SOGS PA BSTAN ZHES BYA BA'I DON TO, ,'PHAGS PA DAG CIG YIN NA NI ZHES BYA BA RGYAS PAR 'BYUNG STE, 'PHAGS PA RNAMS KYI TSUL KHRIMS DANG BRTUL ZHUGS MCHOG TU 'DZIN PA'I LTA BA SPANGS PA'I PHYIR RO, ,BYANG CHUB KYI TSOGS DAG LA ZHES BYA BA NI TSUL KHRIMS DANG, TING NGE 'DZIN DANG, SHES RAB DAG STE, SPYOD PA NI SBYOR BA BYAS PA'O, ,CHOS STON PAR SPYOD DO ZHES BYA BA NI GAL TE SO SO YANG DAG PAR RIG PA MA THOB TU ZIN KYANG SNYAM DU BSAMS PA'O, ,BSOD NAMS NI 'DOD PA CHUNG BA'O, ,RNAM PAR G-YENG BA DANG 'DU 'DZIS SKRAG PAS 'KHONG YONGS SU GZUNG BAR 'GYUR BA SPANG BAR BYA BA'I PHYIR ZHES BYA BA LA, 'KHOR YONGS SU GZUNG BAR 'GYUR NA NI RNAM PAR G-YENG BA DANG 'DU 'DZI GNYIS SPANG BAR MI NUS SO, ,DE DAG RNAM PAR G-YENG BA DANG, 'DU 'DZIS SKRAG PA NI SNGON GOMS PA'I DBANG GIS SO, ,BSE RU LTA BU NI KHYIM PA DANG RAB TU BYUNG BA RNAMS DANG, MA 'DRES PAR GNAS PA STE, BSE'I RVA LTAR GNYIS PA MED PA'I PHYIR RO, ,DE NI GLING GCIG GI BDAG PO YIN NO ZHES BYA BA NI 'DZAM BU'I GLING GI BDAG PO'O, ,DE NI GNYIS KYI'O ZHES BYA BA NI @340B 'DZAM BU'I GLING DANG SHAR GYI LUS 'PHAGS PO GNYIS KYI'O, ,DE NI GSUM GYI'O ZHES BYA BA NI BYANG GI SGRA MI SNYAN MA GTOGS PA'I'O, ,DE NI GLING BZHI LA ZHES BYA BA NI BYANG GI SGRA MI SNYAN GYI GLING DANG BCAS PA LA'O, ,'DI NI BTAGS PA LAS BSTAN PA YIN NO ZHES BYA BAS NI MDO LAS MA YIN NO, ,ZHES BSTAN TO, ,MDO DANG 'GAL BA SPANGS PA'I PHYIR MDO LAS NI GTZO BO SMOS PA'I PHYIR ZHES BYA BA RGYAS PAR 'BYUNG NGO, ,SNGA PHYI MED PAR ZHES BYA BA NI SNGA MA DANG PHYI MA STE 'PHYI BA MA YIN GYI, 'O NA CI ZHE NA, LHAN CIG CES BYA BA'I DON TO, ,SANGS RGYAS KYI MTHU THOGS PA YOD PAR 'GYUR DU 'ONG NGO ZHES BYA BA NI RGYU SMRAS PA STE MTHU LA THOGS PA YOD NA NI SANGS RGYAS RNAMS CIG CAR 'BYUNG BA DANG 'BRAS BU DANG BCAS PAR 'GYUR GYI, GZHAN DU MA YIN NO, ,DE NI GZHAN GYIS KYANG MI SPYOD DO ZHES BYA BA NI SANGS RGYAS RNAMS NUS MTHU MTSUNGS PA'I PHYIR RO, ,MNYAM ZHING MNYAM PA ZHES BYA BA NI SEMS CAN THAMS CAD DANG MI MNYAM PA DAG DANG MNYAM ZHING MNYAM PA'O, ,GZHAN DAG NA RE SHIN TU MNYAM PA NI MNYAM ZHING MNYAM PA STE, GRANG ZHING GRANG BA BZHIN NO, ,NYON MONGS PA'I SGRIB PA DANG BRAL BAS MNYAM PA YOD MOD KYI MNYAM ZHING MNYAM PA NI MA YIN TE, SHES BYA'I SGRIB PA DANG MA BRAL BA'I PHYIR RO, ,'BYUNG BA LA GEGS BYED PA 'GA' YANG MED CES BYA BA NI TSOGS BSAGS PA RNAMS 'JIG RTEN GYI KHAMS GZHAN DAG TU 'BYUNG BA LA'O, ,'JIG RTEN GYI KHAMS DAG KYANG MTHA' YAS PAS ZHES BYA BAS NI DER NI GZHAN GYIS KYANG MI SPYOD DO ZHES GANG SMRAS PA DE YONGS SU SPANGS PA YIN TE, JI LTAR SANGS RGYAS BCOM LDAN 'DAS RNAMS KYIS RIM GYIS SPYOD, RIM GYIS 'JUG NA NI GDUL BA'I DUS LAS 'DA' BAR 'GYUR RO, ,KHAMS GYI RGYAL PHRAN NI RGYAL PHRAN DAG GO, ,PHAN TSUN MTSON BRTZAMS PA ZHES BYA BA NI GZAS PA ZHES BYA BA'I DON TO, ,KHYIM BDAG RIN PO CHE NI MDZOD KYI SPYAN NO, ,BLON PO RIN PO CHE NI DPUNG GI SPYAN NO, ,DE DANG 'BREL BA NI 'KHOR LOS SGYUR BA DANG 'BREL PA STE, LAS DANG LDAN PA GANG @341A *, ,YIN PA DANG NGO, ,LAS DE NI DE DANG 'BREL PAR 'GYUR BA'O, ,SHIN TU YUL NA GNAS PA ZHES BYA BA NI SKU'I YUL GANG DANG GANG ZHIG 'GYUR BA DE NI DE KHO NAR GNAS PA'I PHYIR RO, ,SHIN TU GSAL BA NI SHIN TU 'BAR BA'I PHYIR DANG, YID 'PHROG PA'I PHYIR RO, ,SHIN TU RDZOGS PA ZHES BYA BA NI GANG ZHIG JI SNYED YOD PA STE, MA TSANG BA MI MNGA' BA'I PHYIR RO, ,'KHOR LOS SGYUR BA'I ZHAR LA 'DI YANG DPYAD PAR BYA STE, YANG CI BSKAL PA DANG PO PA'I MI RNAMS KYANG ZHES BYA BA RGYA CHER 'BYUNG NGO, ,GZUGS DANG LDAN PA NI KHA DOG DANG DBYIBS LEGS PA'O, ,YID TZAM LAS SKYES PA'I PHYIR YID LAS BYUNG BA'O, ,LAG PA DANG RKANG PA DANG DE DAG GI SOR MO LA SOGS PA DANG LDAN PA'I PHYIR, YAN LAG DANG NYING LAG THAMS CAD DANG LDAN PA'O, ,DBANG PO LNGA CHAR TSOGS PA'I PHYIR DBANG PO MA TSANG BA MED PA'O, ,ZHAR BA DANG 'KHRUL PA LA SOGS PA MED PA'I PHYIR, DBANG PO NGAN PA MA YIN PA'O, ,YID DU 'THAD PA'I PHYIR DANG, NAD DANG BRAL BA'I PHYIR MDZES PA'O, ,RGA BA MED PA'I PHYIR KHA DOG LA GNAS PA'O, ,TSE RING BA NI GANG GI PHYIR YUL RING BOR GNAS PA'I PHYIR RO, ,SBRANG RTZI'I RO BRO BA ZHES BYA BA NI, 'DI LA SBRANG RTZI LTA BU'I RO BOR BA YONG PAS SBRANG RTZI'I RO BRO BA'O, ,TSUL BZHIN MA YIN PA YID LA BYED PA NYID, CHU SRIN 'DZIN KHRI YIN PA DE'I KHAMS DU SONG STE, DE LA RAG LAS TE 'JUG PA'I PHYIR DANG, DER 'BAB PA'I PHYIR RO ZHES BYA BA'I DON TO, ,'DOD PA NYID 'BYUNG PO'I GDON YIN TE, YANG DAG PA MA YIN PA'I BYA BA'I RGYU YIN PA'I PHYIR RO, ,DES RLOM PA NI DAM PA MA YIN PA'I BYA BA LA 'JUG PA NA DE LA RAG LAS PA'I PHYIR RO, ,RGYAL RIGS KYI ZHAR LA 'DI YANG DPYAD PAR BYA STE, DE LA GANG DAG KHYIM DAG NAS YID PHYIR PHYOGS PA ZHES BYA BA RGYAS PAR 'BYUNG NGO, ,RGYAL RIGS LA SOGS PA'I MI RNAMS NI NGES PA'I TSIG GI TSUL GYIS SO, ,BSKAL PA MTSON DANG NAD DANG MU GE DAG GIS TSAR PHYIN CING YONGS SU RDZOGS PAR 'GYUR TE, BSDUS PA NI @341B MA YIN NO, ,CHOS MA YIN PA LA 'DOD CHAGS KYIS CHAGS PA ZHES BYA BA NI 'DOD PAS LOG PAR G-YEM PA LA LHAG PAR ZHEN PA'O, ,YANG BA LA CHAGS PAS ZIL GYIS GNON BA NI BRNAB SEMS CAN NAM, MA BYIN PAR LEN PA DAG GO, ,LOG PA'I CHOS KYIS KUN NAS DKRIS PA ZHES BYA BA NI LOG PA'I CHOS KUN DU STON PAR BYED PA'O, ,NYES PA DE DAG NYID KYIS ZHES BYA BA NI CHOS MA YIN PA LA 'DOD CHAGS LA SOGS PA DAG GIS SO, ,YAMS KYI NAD GTONG PAR BYED CES BYA BA NI MDANGS 'PHROG PA'AM SMAN RNAMS MA RUNG PAR BYED PA'O, ,MU GE NI RNAM PA GSUM YIN LA, SLAR RE RE LA YANG RNAM PA GNYIS GNYIS YIN PAS RNAM BA DRUG GO, ,GLING GNYIS SU ZHES BYA BA NI BYANG GI SGRA NI SNYAN MA GTOGS PAR RO, ,DE DAG DANG MTHUN PA ZHES BYA BA NI MTSON DANG NAD DANG MU GE DAG DANG STE, MTSON DANG MTHUN PA NI GNOD SEMS SO, ,NAD DANG MTHUN PA NI KHA DOG NGAN PA DANG NYAM CHUNG BA'O, ,MU GE DANG MTHUN PA NI BKRES PA DANG SKOM PA'O, ,LHAG BAR 'GYUR BA MA YIN NO ZHES BYA BA NI CI RIGS PAR THAMS CAD DANG SBYAR BAR BYA'O, ,YAR SKYE BA'I TSE NI MI TSE LO BCU PA RNAMS LAS BU TSE LO NYI SHU PA DAG SKYE LA, TSO LO NYI SHU PA RNAMS LAS TSE LO BZHI BCU PA RNAMS DAG SKYE'O ZHES BYA BA NAS RGYAS BAR TSE LO BRGYAD KHRI PA RNAMS SKYE PA'I BAR DU YIN NO, ,DE BZHIN DU 'JIG PA GZHAN DAG LA YANG ZHES BYA BA NI MES 'JIG PA BSHAD NAS, DE BZHIN DU 'JIG PA GZHAN DAG LA YANG ZHES BYA BA SMRAS SO, ,CHA SHAS PHRA MO YANG ZHES BYA BA NI RDUL PHRA RAB DAG KYANG MI LUS PAR BYED PA'O, ,'DI LA MU STEGS BYED KHA CIG CES BYA BA NI GZEGS ZAN LA SOGS BDAG GO, ,RDUL PHRA RAB RNAMS NI RTAG PA ZHES BYA BA NI YOD PA RGYU DANG MI LDAN PA'I PHYIR RAM ,'JIG PA'I RGYU MED PA'I PHYIR TE, DE MED PA NI 'DU BA CAN GYI RGYU DANG 'DU BA CAN MA YIN PA'I RGYU MI SRID PA'I PHYIR RO, ,RTAG PA'I PHYIR NA DE DAG DE'I TSE ME LA SOGS PA DAG GIS MI 'JIG PAS DE'I TSE BSDUS SO, ,DE DAG CI'I PHYIR @342A *, ,DE LTAR 'DOD CES BYA BA NI RDUL PHRA RAB RNAMS NI RTAG PA YIN PAS DE'I TSE BSDUS SO ZHES BYA BAR RO, ,RGYU MED PA CAN DU 'BYUNG NA MI RUNG NGO ZHES BYA BA NI, BYED RGYU MED BA CAN NO, ,RAGS PA RNAMS ZHES BYA BA NI RLUNG DANG CHU DANG SA'I DKYIL 'KHOR DANG, RI RAB LHUN PO LA SOGS PA ZHIG PA RNAMS TE, SANGS RGYAS PA RNAMS KYI LTAR NA YANG 'BYUNG BAR 'GYUR NA ZHES BYA BAR BSAMS PA'O, ,SANGS RGYAS PA RNAMS KYIS NI MA LUS PAR 'JIG PAR KHAS BLANGS PAS RAGS PA RNAMS SA BON MED PA CAN DU 'BYUNG BAR KHAS BLANGS PA YIN TE, 'DU BA CAN GYI RGYU MED PA'I PHYIR RO SNYAM DU BSAMS PA'O, ,'DI NI BUM PA DANG, SNAM BU LA SOGS PA RAGS PA RNAMS RGYU MED PA CAN DU 'BYUNG BA YANG MA MTHONG BAS, SANGS RGYAS PA RNAMS KYIS KYANG RGYU MED PA CAN DU 'BYUNG BAR MI 'DOD PA'AM, GRUB PA LA SGRUB PA YIN NO ZHES BYA BA BSTAN PA'I PHYIR, SEMS CAN RNAMS KYI ZHES BYA BA LA SOGS PA RGYAS PAR SMOS SO, ,MTHU KHYAD PAR DU 'PHAGS PA'I RLUNG RGYUR BSHAD DE, MTHU RNAM PA SNA TSOGS PA'I BYE BRAG DANG LDAN PA'I RLUNG DAG GIS GZHIGS PA NA ZHES 'BYUNG BA'I PHYIR RO, ,RLUNG DE YANG RAGS PA YIN PA'I PHYIR, RGYU MED PA CAN DU 'BYUNG BAR MI RIGS SO ZHE NA, DE'I PHYIR YANG NA DE'I RGYU NI 'JIG PA'I RTZE MO'I RLUNG YIN PAR 'GYUR RO ZHES SMOS SO, ,DE LA RGYU MED PA CAN GYI DOGS PA NI MI RIGS TE, LAS LAS SKYES PA'I ZHES BSHAD PA'I PHYIR RO, ,DE'I PHYIR 'DI NI LUGS GZHAN LA LTOS NAS SMOS SO, ,'JIG PA'I RTZE MO NI BSAM GTAN GNYIS PA LA SOGS PA BSAM GTAN GSUM YIN LA, DE'I SA PA'I RLUNG GI SKAD CIG DANG POR SKYES PA'I RLUNG DE'I RGYU YIN PAR 'GYUR RO, ,SA BON DAG KHYER TE 'ONG NGO ZHES BYA BA LA, SA BON NI RIGS LNGA STE, RTZA BA'I SA BON DANG, LDAGS PA'I SA BON DANG, SA BON GYI SA BON DANG, SDONG BU'I SA BON DANG, MDO'I SA BON NO, ,DE LTA YIN NA YANG ZHES BYA BA NI GAL TE YANG @342B SA BON DAG KHYER TE 'ONG MOD KYI, DE LTA NA YANG DNGOS PO RNAMS MED BA CAN DU 'BYUNG BA YIN NO, ,'DI LTAR DE DAG SA BON LA SOGS PA DAG LAS ZHES BYA BA LA SOGS PA 'BYUNG STE, SOGS PA ZHES BYA BA'I SGRAS NI, MYU GU DANG LO MA LA SOGS PA BSDU'O, , RANG GI YAN LAG DAG KHO NA LAS ZHES BYA BA NI MYU GU NI, RANG GI YAN LAG DAG KHO NA LAS SKYE LA, YAN LAG DE DAG KYANG RANG GI YAN LAG DAG KHO NA LAS SKYE STE, RDUL PHRA RAB DAG LAS SKYE BA'I BAR DU YANG DE DANG 'DRA'O, ,DE DAG NI CHA SHAS MED PA'I PHYIR GANG LAS KYANG MI SKYE'O, ,GAL TE MYU GU LA SOGS PA RNAMS SA BON LA SOGS PA DAG LAS MI SKYE NA, DA NI GANG LAS DE DON DU GNYER BAS DE DAG NYE BAR LEN PA DANG, DE YOD BA DANG MED PA NI DE RNAMS YOD PA DANG, MED BAR 'GYUR BA MYU GU LA SOGS PA DAG LA SA BON LA SOGS PA'I NUS PA CI ZHIG YOD, 'DIS NI MTHONG BA DANG 'GAL BA DANG, 'JIG RTEN DANG 'GAL BAR BSTAN TO, ,DE'I RDUL PHRA RAB RNAMS PHRAD PA LA MA GTOGS PAR CUNG ZAD KYANG MED DO ZHES BYA BA NI, MYU GU LA SOGS PA'I RDUL PHRA RAB MA MTHONG BAS BSKUL BA RNAMS NI SA BON GYI YUL DU NYE BAR 'DU STE, DE DAG NI DER PHAN TSUN PHRAD NAS 'BRAS BU MYU GU LA SOGS PA RTZOM MO, ,MYU GU LA SOGS PA DAG LA SA BON LA SOGS PA'I NUS PA NI DE YIN GYI, MYU GU LA SOGS PA DAG LA NUS PA NI MA YIN TE, DES NA DE DON DU GNYER BA DAG GIS DE DAG NYE BAR LEN PAS MTHONG BA DANG 'GAL BA MED DO, ,YANG CI'I PHYIR DE DAG DE LTAR 'DOD CE NA ZHES BYA BA NI, RGYU MED PAR SA BON LA SOGS PA MTHONG BA'I RGYU YONGS SU SPANGS NAS, MA MTHONG BA RDUL PHRA RAB KYI BDAG NYID CAN RTAG PAR NI RIGS PA MA YIN NO SNYAM DU DGONGS SO, ,NGES PA MED PAR 'GYUR RO ZHES BYA BA LA, GAL TE RIGS MI MTHUN PA LAS RIGS MI MTHUN PA SKYE NA NI, DE LTA NA THAMS CAD LAS THAMS CAD SKYE BAR 'GYUR NA, @343A *, ,DE NI DE LTAR MTHONG BA YANG MA YIN NO, ,DE'I PHYIR MYU GU DANG RIGS MTHUN PA'I YAN LAG DAG KHO NA LAS MYU GU SKYE BAR RIGS TE, SA BON LA SOGS PA DAG LAS NI MA YIN TE, RIGS MI MTHUN PA'I PHYIR RO, ,NUS PA NGES PA'I PHYIR DE LTAR MI 'GYUR TE ZHES BYA BA LA, JI LTAR SA BON NI NUS PA'I KHYAD PAR LAS MYU GU'I RDUL PHRA RAB DAG SPROD PAR BYED DE, RDUL PHRA RAB GZHAN DAG MA YIN LA, DE DAG KYANG GZHAN DU MA YIN PA DE BZHIN DUS BON DANG, MYU GU DANG, LO MA LA SOGS PA RNAMS SO SOR NUS PA THA DAD PAS MYU GU LA SOGS PA'I 'BRAS BU SO SOR NGES PA SKYED PAR BYED PA NYID YIN PAS NGES PA MED PAR THAL BA MED DO, ,GDON MI ZA BAR NUS PA THA DAD PA KHAS BLANG BAR BYA STE, DE LTA MA YIN NA RDO LA YANG MYU GU LA SOGS PA'I RDUL PHRA RAB RNAMS PHRAD PAR KHAS BLANG BAR BYA DGOS LA, DER PHRAD PA RNAMS KYI 'BRAS BU SKYE BAR YANG KHAS BLANG BAR BYA DGOS SO, ,DPE SHIN TU GRAGS PA BSTAN PA'I PHYIR, SGRA DANG TSOS BYED ME RIGS LAS SKYE BA 'BYUNG BA BZHIN NO ZHES BYA BA SMOS TE, SGRA NI RIGS MI MTHUN PA PHRAD PA DANG BYA BA LA SOGS PA DAG LA 'BYUNG GI DRI LA SOGS PA RIGS MI MTHUN PA GZHAN LAS MI 'BYUNG LA, CHOS BYED LAS SKYES PA'I GZUGS LA SOGS PA DAG KYANG TSOS PAR BYA BA DANG, 'TSED PA PO RDZAS RIGS MI MTHUN PA LAS SKYE'I SGRA DANG BDE BA LA SOGS PA RIGS MI MTHUN PA GZHAN LAS KYANG MI 'BYUNG BA BZHIN NO, ,YON TAN GYI CHOS NI SNA TSOGS YIN GYI ZHES BYA BA NI, DE NI RIGS MTHUN PA DANG, ,RIGS MI MTHUN PA DAG LAS KYANG SKYE BA'I PHYIR RO, ,DE LA 'BRAS BU'I YON TAN RGYU'I YON TAN SNGON DU 'GRO BA CAN RNAMS NI RIGS MTHUN PA DAG LAS YIN LA, SGRA DANG TSOS BYED LAS SKYES PA DANG BDE BA LA SOGS PA DAG NI RIGS THA DAD PA DAG LAS YIN NO, ,RDZAS KYI CHOS NI DE LTA MA YIN TE, DE NI RIGS MTHUN PA DAG KHO NA LAS 'BYUNG BA'I @343B PHYIR RO, ,YANG 'DI LA RGYU CI ZHIG YOD, NUS PA NGES PA'O, ,YON TAN RNAMS JI LTA BA BZHIN DU RDZAS RNAMS LA NI RIGS MI MTHUN PA RTZOM PA'I NUS PA YOD PA MA YIN NO, ,'DI LTAR RIGS MTHUN PA DAG KHO NA LAS ZHES BYA BA LA SOGS PA 'BYUNG NGO, ,DE DAG DANG DE DAG KHO NA DE LTAR ZHES BYA BA RGYAS PAR 'BYUNG STE, 'JAG MA LA SOGS PA DE LTAR GNAS PA DAG KHO NA DE LTAR TE RE LDE LA SOGS PA'I NGO BO'I RNAM PA DER GNAS SHING RNAM PAR GNAS PA LA DE'I STE RE LDE LA SOGS PA'I MING 'THOB STE, GROG MA LA SOGS PA'I PHRENG BA BZHIN NO, ,JI LTAR GROG MA LA SOGS PA DE LTAR GNAS PA DAG LA PHRENG BA ZHES BYA BA'I MING 'THOB LA, DE DAG LAS GZHAN PA'I PHRENG BA'I RDZAS KYANG YOD PA MA YIN PA NI KHYED CAG GI GRUB PA'I MTHA' LA YANG YIN NO, ,JI LTAR KHONG DU CHUD CE NA, SKUD BA GCIG DANG LDAN NA RAS YUG MI DMIGS PA'I PHYIR RO, ,GAL TE SKUD PA DAG LAS RAS YUG GZHAN YIN NA NI, DE SKUD PA DAG RE RE LA 'DU BAS SKUD PA DE LTAR RAS YUG KYANG MIG DANG REG PA DAG GIS 'DZIN PAR THAL BAR 'GYUR TE, PHRAD PAR KHYAD PAR MED PA'I PHYIR RO, ,RAS YUG NI SKUD PA LTAR DMIGS PA YANG MA YIN TE, DE'I PHYIR SKAD PA LA SOGS PA RNAM PA DE DANG DER GNAS PA DAG KHO NA LA RAS YUG LA SOGS PA'I MING DE DANG DE 'THOB STE, DBER NA GROG MA LA SOGS PA RNAMS KYI BKOD PA'I KHYAD PAR LA PHRENG BA LA SOGS PA'I MING 'DOGS KYI DE DAG LA THA DAD PA'I DNGOS PO LA NI MA YIN PA BZHIN NO, ,YANG MED PAS MI DMIGS PA 'BA' ZHIG TU MA ZAD KYI, 'O NA CI ZHE NA, MTHONG BA'I GEGS BYAS PAS KYANG YIN NO SNYAM NA, DE'I PHYIR DE'I TSE RAS YUG YOD NA NI ZHES BYA BA RGYAS PAR SMOS TE, DMIGS PA'I GEGS MED PA BZHIN DU MI 'DZIN PA'I PHYIR ZHES KHYAD PAR NYE BAR GZUNG NGO, ,GANG ZHIG SKUD PA THAMS CAD LA RAS YUG ZAD PAR YOD PA YIN GYI, RE RE LA NI MA YIN NO, ,DE'I PHYIR SKUD PA GCIG GZUNG BAS RAS @344A *, ,YUG 'DZIN PA MA YIN TE, SKUD PA BZHIN DE DANG PHRAD PA MED PA'I PHYIR RO SNYAM NA, DA'I PHYIR ZAD PAR YOD PA MA YIN NA NI ZHES BYA BA RGYAS PAR 'BYUNG STE, GAL TE SKUD PA RE RE DAG LA RAS YUG ZAD PAR YOD PA MA YIN NA, DE LTA NA RE RE LA RAS YUG GI CHA YOD DO ZHES BYA BAR 'GYUR TE, DE'I PHYIR SKUD PA THAMS CAD LA YANG RAS YUG YOD PA MA YIN TE, RAS YUG GI CHA RNAMS RAS YUG MA YIN PA'I PHYIR RO, ,'DUS PA TZAM RAS YUG YIN PAR YANG 'GYUR GYI, YAN LAG CAN GYI RDZAS GCIG NI MA YIN TE, SKUD PA RE RE LA 'DU BA'I MANG PO DAG RAS YUG NYID DU KHAS BLANGS PA'I PHYIR RO, ,SKUD PA DAG LAS GZHAN PA RAS YUG GI CHA YANG GANG ZHIG YOD CES BYA BA NI DE DAG LAS THA DAD PA'I RAS YUG GI CHA MED PA'I PHYIR TE RTZOM PAR BYED BA'I YAN LAG MA GTOGS PA'I CHA KHAS MA BLANGS PA'I PHYIR DANG, RDZAS GCIG RTZOM PA MED PA'I PHYIR DANG, SKUD PA BZUNG NA DE MA BZUNG BA'I PHYIR GANG ZHIG SKUD PA DAG LA YOD PA SKUD PA DAG LAS GZHAN PA'I RAS YUG GI CHA YOD PA MA YIN NO, ,CI STE YANG RAS YUG DBANG PO DANG PHRAD PA NI RAS YUG GI RTEN DU MA DANG PHRAD PA LA LTOS TE, RAS YUG DMIGS PA'I RGYU YIN NO, ,SKUD PA GCIG DANG LDAN PA'I TSE NA NI RTEN DU MA PHRAD PA MED PAS DMIGS PA'I PHYIR RAS YUG SKUD PA LA YOD BZHIN DU MA DMIGS PAS KHYAD PAR MA GRUB PO SNYAM NA, DE'I PHYIR RTEN DU MA ZHIG DANG LDAN PA LA LTOS NA NI ZHES BYA BA LA SOGS PA SMOS TE, KHA TSAR TZAM MTHONG NA RTEN DU MA DANG LDAN PA YOD MOD KYI, RAS YUG DMIGS PA YANG MA YIN PAS, 'DI RAS YUG DMIGS PA'I RGYU MA YIN TE, DE YOD KYANG RAS YUG MA DMIGS PA'I PHYIR RO, ,CI STE YANG RAS YUG DMIGS PA NA RTEN MA LUS PAR DMIGS PA LA LTOS PA YIN NO SNYAM NA, DE'I PHYIR YANG NA NAM YANG DMIGS PAR MI 'GYUR TE ZHES BYA BA LA SOGS PA SMOS SO, ,DBUS DANG PHA ROL GYI CHA RNAMS DBANG PO DANG MA 'BREL BA'I PHYIR RTEN MA LUS @344B PA DANG PHRAD PA MED PAS NAM YANG RAS YUG DMIGS PAR MI 'GYUR RO, ,GAL TE YANG YAN LAG THAMS CAD DANG CIG CAR PHRAD PA MED MOD KYI, RIM GYIS NA YOD PAS RAS YUG 'DZIN PAR MI 'GAL LO ZHE NA, DE'I PHYIR RIM GYIS YAN LAG RNAMS DANG PHRAD NA YANG ZHES BYA BA RGYAS PAR SMOS TE, MIG DANG REG PA DAG RIM GYIS PHRAD NAS YANG YAN LAG DAG KHO NA DANG PHRAD PA YIN GYI NAM YANG YAN LAG CAN DANG MA YIN PAS MIG DANG REG PAS GZUNG BAR BYA BAR MI 'GYUR RO, ,GANG GI PHYIR DE LTAR CI NAS KYANG MIG DANG REG PA DAG GIS YAN LAG CAN DON GZHAN DU GYUR PA 'DZIN PA MA YIN PA DE LTA BAS NA RIM GYIS YAN LAG CAN SHES PA'I PHYIR ZHES BYA BA RGYAS PAR 'BYUNG NGO, ,GANG ZHIG DNGOS PO PHAN TSUN THA DAD PA 'DZIN PA LA LTOS TE, RIM GYIS 'DZIN PA DE NI DE DAG LAS DON GZHAN YIN TE, DPER NA MGAL ME'I 'KHOR LO BZHIN NO, ,DPER NA MGAL ME YUL GZHAN DU BAR CHAD MED PAR MYUR DU SKYE BA NA RIM GYIS DMIGS BAS PHYIS 'KHOR LO SNYAM DU SHES PAR 'GYUR LA, DE LAS DON GZHAN YIN PA BZHIN NO, ,GZUGS DANG RIGS DANG BYA BA THA DAD PA'I SKUD PA DAG LA ZHES BYA BA RGYAS PAR 'BYUNG STE, GZUGS THA DAD PA NI SNGON PO DANG SER PO'I GZUGS THA DAD PA DAG GO, ,RIGS THA DAD PA NI SRON DANG, RAS BAL DANG, DU GU LA DANG, KOO SHI LA SOGS PA'I RIGS DAG GO, ,BYA BA THA DAD PA NI CIG CAR STENG DANG 'OG DANG THAD KAR 'GRO BA STE, SKUD PA DAG LA'O,, RAS YUG GI GZUGS LA SOGS PA MED PA'I PHYIR RO ZHES BYA BA NI, DE'I TSE RAS YUG GZUGS DANG, RIGS DANG, BYA BA GCIG PA YIN PAR MI RIGS TE, SKUD PA RIGS DANG, GZUGS DANG, BYA BA DU MA DANG LDAN PA RNAMS DE'I RGYU'I NGO BOR KHYAD BAR MED BA'I PHYIR RO, ,GZUGS LA SOGS PA SNA TSOGS PA YIN NA NI ZHES BYA BA LA, GAL TE RAS YUG LA YANG RGYU DANG 'DRA BAR GZUGS DANG, RIGS DANG, BYA BA SNA TSOGS PAR 'DOD NA NI, DE LTAR NA RIGS MI MTHUN PA RTZOM PAR YANG 'GYUR TE, SKUD @345A *, ,PA'I GZUGS DANG, RIGS DANG, BYA BA RNAMS RE RE ZHING SNA TSOGS PA YIN PA'I PHYIR RO, ,GZHAN YANG RAS YUG GANG GI NGOS GCIG BKRA LA, GNYIS PA MI BKRA BA YIN NA, NGOS CIG SHOS MI BKRA BA DER RAS YUG MI MTHONG BAR 'GYUR TE; CI'I PHYIR ZHE NA, GZUGS BKRA BA MA MTHONG BA'I PHYIR RO, ,RAS YUG GI GZUGS MA MTHONG BAR NI RAS YUG DMIGS PAR MI RIGS TE, GZUGS NI RDZAS DMIGS PA'I RGYU YIN PA'I PHYIR RO, ,DE SKAD DU CHEN PO NI DMIGS PA YIN TE, RDZAS DU MA DANG LDAN PA'I PHYIR DANG, GZUGS YOD PA'I PHYIR RO ZHES SMOS SO, ,KHRA BO'I NGO BOR MTHONG BAR 'GYUR RO ZHES BYA BA NI, GAL TE NGOS GNYIS PAR RAS YUG MTHONG NA NI GDON MI ZA BAR RAS YUG DMIGS PA'I RGYU MTSAN GZUGS MTHONG BA YANG YOD PAR 'GYUR RO ZHES BYA BAR DGONGS SO, ,BYA BA YANG SNA TSOGS PA YIN PAS SHIN TU SNA TSOGS PA YIN PAR 'GYUR RO ZHES BYA BAS NI RANG GI BDAG NYID DU GYUR PA'I YAN LAG MED PA'I PHYIR YAN LAG CAN MED DO ZHES STON TO, ,DANG PO DANG BAR DANG THA MA DAG TU ZHES BYA BA LA, DANG PO DANG BAR DANG THA MA DAG TU 'OD KYI TSA BA DANG SNANG BA THA DAD PA DAG TU MTHONG STE, DE'I PHYIR 'OD KYI YAN LAG CAN GYI TSA BA DANG SNANG BA DAG MI 'THAD DO, ,CI'I PHYIR ZHE NA, GZUGS DANG REG PA DANG PO DANG BAR MA DANG, THA MAR RNAM PAR GNAS SHING, SHAS CHE BA DANG, 'BRING DANG, SHAS CHUNG BA'I DBYE BAS THA DAD PA DAG GI CUNG ZAD KYANG GZUGS MA REG PA DON GZHAN DU GYUR PA CIG RTZOM PAR MI NUS TE, DE'I PHYIR 'OD KYI GZUGS DANG REG PA DAG MI 'THAD DO, ,RTZOM NAS YANG GCIG YIN PA'I PHYIR DANG PO DANG BAR MA DANG THA MA DAG TU GZUGS DANG REG PA DAG THA MI DAD PAR 'GYUR NA, THA MI DAD PA NI YOD PA YANG MA YIN TE, DE'I PHYIR 'OD KYI RDZAS NI YAN LAG DAG LAS GZHAN MA YIN NO ZHES BYA BAR NGES SO, ,GAL TE YAN LAG DAG LAS YAN LAG CAN GYI RDZAS GZHAN MA YIN NA, DE LTA NA RDUL PHRA RAB @345B CAM ZHIG LUS PAR 'GYUR LA, DE DAG KYANG MNGON SUM MA YIN PAS MIG LA SOGS PA'I DBANG PO'I SGO NAS 'DZIN PAR MI 'GYUR RO ZHEN, DE'I PHYIR 'DUS PA DAG NI MNGON SUM NYID YIN TE ZHES BYA BA SMOS TE, GAL TE YANG RE RE DAG DBANG PO LAS 'DAS PA YIN MOD KYI, 'DUS PA DAG NI MNGON SUM YIN PAS DMIGS LA SOGS PA'I SGO NAS 'DZIN PA MED PA MA YIN NO, ,DE NYID GZHUNG GZUGS PA'I PHYIR DPER NA DE DAG GI 'BRAS BU RTZOM PA ZHES BYA BA SMOS TE, DPER NA RE RE LA 'BRAS BU RTZOM PA'I NUS PA MED KYANG, 'DUS PA DAG 'BRAS BU RTZOM PAR NUS PAR 'DOD PA DE BZHIN DU 'DIR YANG YIN NO, ,MIG LA SOGS PA ZHES BYA BA NI GZUGS DANG SNANG BA DANG YID LA BYED PA RNAMS NI 'DUS PA DAG KHO NA RNAMS PAR SHES PA SKYED PAR BYED PA YIN GYI, RE RE BA MA YIN PA DE BZHIN DU RDUL PHRA RAB DAG KYANG YIN NO, ,SKRA GRAM BA'I TSOGS DMIGS PA LTA BU STE ZHES BYA LA, GRAM PA SMOS PA NI 'DUS PA CAN GYI RGYU MED PAS RDZAS GZHAN DU RTOGS PA BKAG PAR BYA BA'I PHYIR RO, ,RDZAS GZHAN MED KYANG RAB RIB CAN RNAMS LA NI RDUL PHRA RAB LTAR SKRA CIG DBANG PO LAS 'DAS PA YIN MOD KYI 'ON KYANG PHAN TSUN MA 'DRES PA'I SKRA'I TSOGS DMIGS PA YIN NO, ,YAN LAG DANG YAN LAG CAN DU SMRA BA BKAG PA'I MJUG THOGS SU YON TAN DANG YON TAN CAN DU SMRA BA DGAG PA'I PHYIR, GZUGS LA SOGS PA DAG KHO NA LA RDUL PHRA RAB MING DU 'DOGS PA'I PHYIR ZHES BYA BA SMOS SO, ,GZUGS LA SOGS PA NI 'JIG PAR GRUB STE, DE'I PHYIR DE ZHIG NA ZHES BYA BA RGYAS PAR 'BYUNG NGO, ,RDZAS DANG YON TAN GYI TSIG GI DON DAG NI THA DAD PA'I PHYIR RDUL PHRA RAB NI GZUGS LA SOGS PA DAG LAS GZHAN NYID YIN PAS, GZUGS LA SOGS PA ZHIG NA DE 'JIG PA MA YIN NO ZHE'O, ,'DI LTAR SUS KYANG ZHES BYA BA LA, 'DI LTAR ZHES BYA BA LA NI GANG GI PHYIR GYI DON TE, 'DI LTAR SA STON PA NA GZUGS SAM, REG PA'AM GZUGS KYI DBYIBS TZAM ZHIG STON PAR BYED @346A *, ,DO; ,CHU LA SOGS PA DAG LA YANG DE DANG 'DRA'O, ,SA LA SOGS PA DAG NI MIG DANG REG PA'I GZUNG BAR BYA BAR DAM 'CHA' NA MIG DANG REG PA DAG GI YUL NI GZUGS DANG REG PA'I NGO BO LAS THA DAD PA GZHAN MED DO, ,BAL DANG RAS BAL DANG ZHES BYA BA RGYAS PAR 'BYUNG STE, RDZAS SMRA BA RNAMS KYI LTAR NA ME DANG 'BREL BAS GZUGS LA SOGS PA TZAM ZHIG LDOG GI BAL LA SOGS PA'I RDZAS NI MA YIN PAS GAL TE, GZUGS LA SOGS PA DAG LAS RDZAS GZHAN YIN NA TSIG PA DAG LA BAL LA SOGS PA'I BLOR CI'I PHYIR MI 'GYUR, DE'I PHYIR GZUGS LA SOGS PA DAG KHO NA LA DE'I BLOR 'GYUR RO, ,GAL TE GZUGS LA SOGS PA DAG LAS RDZAS GZHAN MED NA CHOS BYED LAS SKYES PA BYUNG BA LA SNGAR GYI GZUGS LA SOGS PA ZHIG DANG, BUM PAR YONGS SU SHES PAR JI LTAR 'GYUR ZHE NA, DE'I PHYIR TSOS BYED LAS SKYE BA 'BYUNG BA LA ZHES BYA BA RGYAS PAR SMOS SO, ,DBYIBS 'DRA BA'I PHYIR ZHES BYA BA NI SNGAR GYI GZUGS DANG, RNAM PA CHOS MTSUNGS PA'I PHYIR ZHES BYA BA'I DON TO, ,'DI LTAR GZUGS LA SOGS PA'I DBYIBS KYI KHYAD BAR LA BUM PAR SHES KYI, GZUGS LA SOGS PA TZAM LA NI MA YIN NO, ,DPER NA SLA SHA LA SOGS PA'I DBYIBS KYI KHYAD PAR LA TSAR DU SHES KYI, SLA SHA LA SOGS PA TZAM LA MA YIN ZHING, SNGAR GYI SLA SHA LA SOGS PA BCAD PA SNGAR SKYES PA DAG LA YANG MA YIN LA, GZHAN NYID YIN YANG GROG MA RNAMS LA DBYIBS 'DRA BA'I PHYIR PHRENG PAR YONGS SU SHES PA DE BZHIN DU SNGAR GYI GZUGS LA SOGS PA DAG LOG KYANG CHOS BYED LAS SKYE BA BYUNG BA LA DBYIBS 'DRA PA'I PHYIR BUM PAR SHES PAR MI 'GAL LO, ,YANG 'DI JI LTAR SHES SHE NA; RTAGS MTHONG BAR YONGS SU MI SHES PA'I PHYIR RO ZHES BYA BA 'BYUNG STE, GANG GI PHYIR DE'I GYO RAL DANG MTHON DMAN LA SOGS PA'I RTAGS MA MTHONG BAR BUM PA LA SOGS PAR YONGS SU SHES PAR MI 'GYUR BA DE'I PHYIR GZUGS LA SOGS PA DAG LAS BUM PA @346B GZHAN MA YIN LA, YAN LAG LAS YAN LAG CAN YANG GZHAN MA YIN NO, ,DE'I PHYIR RDUL PHRA RAB RNAMS MI RTAG GO ZHES BYA BA GRUB PO, ,DE NYID KYI PHYIR, 'GAR YANG THOGS PA DANG LDAN PA'I, ,DNGOS PO RTAG PAR MI SNANG STE, ,DES NA RDUL PHRAN RTAG PAR NI, ,SANGS RGYAS NAM YANG MI GSUNGS SO, ,ZHES BSHAD DO, ,DE NYID KYI PHYIR, BCOM LDAN 'DAS KYIS, 'DUS BYAS THAMS CAD MI RTAG STE, ,ZHES GSUNGS SO, ,STON PA SHES BYA THAMS CAD LA GZIGS PA THOGS PA MI MNGA' ZHING; PHYIN CI MA LOG PA GSUNGS PA'I GSUNG LA RNAM PA GZHAN DU JI LTAR DOGS, DE'I PHYIR YAN LAG DANG YAN LAG CAN SMRA BA DANG YON TAN DANG YON TAN CAN SMRA BA, JI LTA JI LTAR RTAG PA'I 'KHRI SHING LA 'JUG PA GZHAN GYI LUGS KYI LAM MA BA LTAS PA DE RNAMS KYI MI SHES PA'I LING TOG BSAL BA'I PHYIR, 'DI SKAD DU SKUD PA DAG LAS RAS YUG GAM GZUGS DAG LAS BUM PA GZHAN MED DO ZHES GSUNGS SO, ,GANG GIS 'JIG RTEN 'DI LTA NYES, ,DE NI GZHAN DU BLUN PA NYID, ,GANG DAG DE LA YUN RING DU, ,'DUS PA DE DAG BSLUS PAR 'GYUR, ,RNAM PA THAMS CAD DU MU STEGS PA'I SMRA PA 'DI DAG NI RNAM PAR MNYES PA NA BONG BU'I 'O MA BZHIN DU BSHAD PA DANG 'DRA BAR 'GYUR BAS DE DAG LA SDANG BA MANG DU BYAS PA NI GTZANG SBRA CAN 'DAM RDZAB SPYO BA 'DRA BA ZHIG GO, ,LAM 'DI NI RANG GI SDE PA DAG GIS SUN PHYUNG ZIN PAS 'PHRO BCAD DO, ,ZHAR LA 'ONGS PAS CHOG GO, ,DKYUS MA NYID BRTZAM PAR BYA'O, ,DE YI SKYON DANG CHOS MTHUN PHYIR, ,ZHES BYA BA NI, ME LA SOGS PA RNAMS NI BSAM GTAN DANG PO LA SOGS PA'I SKYON DANG CHOS MTSUNGS PA'I PHYIR RO ZHES BYA BA'I DON TO, ,DE YANG SHIN TU SBYANGS PA DANG LDAN PAS ZHES BYA BA LA, DE YANG ZHES BYA BA NI DGA' BA DANG SBYAR RO, ,SHIN TU SBYANGS BA DANG LDAN BA NI, SHIN @347A *, ,TU SPYANGS PA DANG LDAN PA'O, ,DGA' BA NI SHIN TU SBYANGS PA DANG LDAN PAR BYED DE, YID DGA' BA'I LUS SHIN TU SPYANGS PAR 'GYUR RO ZHES 'BYUNG BA'I PHYIR RO, ,LUS MNYEN PAR BYED PA ZHES BYA BA NI LAS SU RUNG BAR BYED PA'O, ,DE NYID KYI PHYIR ZHES BYA BA NI LUS MNYEN PAR BYED PA'I PHYIR ZHES BYA BA'I THA TSIG GO, ,BZHI PA NA MED MI G-YO PHYIR, ,ZHES BYA BA NI MI 'GUL ZHES BYA BA'I DON TO, ,NANG GI SKYON DANG BRAL BA'I PHYIR, ,ZHES BYA BA LA, RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,ZHES RTOG PA DANG DBYOD PA LA SOGS PA RNAMS SKYON DU 'CHAD PAR 'GYUR RO, ,DE DAG GIS GZUGS MED PA DAG TU 'JUG PAR MI NUS LA ZHES BYA BA NI GNAS GTZANG MA RNAMS LTAG MTHONG SPYOD PA YIN PA'I PHYIR LA, DE DAG NI ZHI GNAS LHAG PA YIN PA'I PHYIR RO, ,GZHAN DU YANG 'GRO BAR MI NUS SO ZHES BYA BA NI SA 'OG MAR STE, PHYIR MI 'ONG PA RNAMS KHYAD PAR DU 'GRO BA YIN PA'I PHYIR RO, ,CI'I PHYIR DUS YUN RING MO ZHIG NA CHUS 'JIG LA, DE BAS KYANG CHES RING BA NA RLUNG GIS 'JIG CE NA, DE'I PHYIR SEMS CAN DE DAG GI SNYOMS PAR 'JUG PA'I KHYAD PAR LAS ZHES BYA BA RGYAS PAR SMOS TE, SNYOMS PAR 'JUG PA'I KHYAD PAR NI BSAM GTAN GNYIS PA DANG, GSUM PA'I KHYAD PAR RO, ,LUS GNAS PA'I KHYAD PAR ZHES BYA BA NI GSON PA'I RGYUN GYI KHYAD PAR TE, DUS DE TZAM GYIS DE DAG GI TSE ZAD PAR 'GYUR RO, ,'JIG PA DE DAG NI DRUG CU RTZA BZHIR 'GYUR LA, 'JIG PA RE RE YANG BSKAL PA CHEN PO YIN NO, ,DE NYID KYI PHYIR DE LTAR BSHAD NA BRTAGS PA'I BSHAD PA ZHES BYA BA RGYAS PAR SMOS SO, ,SLOB DPON GANG BA SPEL BAS MDZAD PA CHOS MNGON PA MDZOD KYI 'GREL BSHAD MTSAN NYID KYI RJES SU 'BRANG BA ZHES BYA BA LAS, 'JIG RTEN BSTAN PA ZHES BYA BA MDZOD KYI GNAS GSUM PA'I 'GREL BSHAD DO,, ,,