@1A *, ,[DD] #, ,RGYA GAR SKAD DU, A'ARYA M'U LA SARBA AASTI B'A DI SHRA MA nE RA KA RI K'A, BOD SKAD DU, 'PHAGS PA GZHI THAMS CAD YOD PAR SMRA BA'I DGE TSUL GYI TSIG LE'UR BYAS PA, [DD] THAMS CAD MKHYEN PA LA PHYAG 'TSAL LO, ,MGON PO THAMS CAD MKHYEN DANG CHOS, ,'PHAGS BA'I TSOGS LA PHYAG 'TSAL TE, ,DGE TSUL GYI NI CHO GA RNAMS, ,MDO TZAM NGES PAR BSHAD PAR BYA, ,SH'AKYA SENG GE'I BSTAN PA LA, ,DAD PAS RAB TU BYUNG NAS NI, ,BRTUL ZHUGS BRTAN PAS RAB BSGRIMS TE, ,BDAG GI LUS BZHIN BSLAB PA BSRUNG, ,NAM GYI CHA SMAD MAL NAS LANGS, ,NAM LANGS BAR DU KHA TON BYA, ,GDONG DANG SO YI DRI BKRUS NAS, ,RDZOGS SANGS RGYAS LA GUS PHYAG 'TSAL, ,BLA MA GNAS PA'I SGO GLEGS LA, ,LAG PAS DAL GYIS BRDUNG BAR BYA; ,NANG ZHUGS GUS PAS BLA MA LA, ,KHAMS BDE MI BDE LA SOGS DRI, ,'DI DAG BYA ZHES DRIS NAS NI, ,DKYIL 'KHOR LA SOGS RNAM BYA'I PHYIR, ,NYA PHYIS LA SOGS CHU BRTAG STE, , @2A *, ,STENG DANG BAR GTING RIM BZHIN NO, ,NYA PHYIS LA SOGS MED NA YANG, ,KHYOR BA 'AM 'DAB MAS BUM PA DGANG[?], ,CHU YI SKYE BO CHE CHUNG RNAMS, ,YUN NI RING BAR NAN TAN BRTAG ,SNYING RJE CAN GYIS KHU BA RNAMS, ,RAB TU BRTAGS TE SPYAD PAR BYA, ,SROG CHAGS YOD NA LEGS PAR BTZAG ,SROG CHAGS RNAMS LA GNOD MI BYA, ,RTZVA DANG LCI BA SHING LA SOGS, ,DGOS PA GANG DANG GANG YANG RUNG, ,DE DAG SROG CHAGS MED PAR BYA, ,SDOM PAS SROG CHAGS BSAD PA BSRUNG, ,STAN CHU SA DANG SO SHING DANG, ,'DAG PA'I CHAL YANG STA GON BYA, ,LHUNG BZED BKRU LA SOGS PA DANG, ,BLA MA'I DGOS PA THAMS CAD BYA, ,DE NAS DUS RIG PHYAG BYAS TE, ,DE BZHIN GUS PAS THAL SBYAR NAS, ,'TSAL MA 'TSAL ZHES BLA MA LA, ,BRTUL ZHUGS CAN GYIS DE LTAR ZHU, ,LAG PA BKRUS NAS TSUL BZHIN DU, ,DE NAS MI SMRA TSOD RIG PAR, ,BRU BA'I NAD LAS BZLOG PA'I PHYIR, ,BZA'O SNYAM PA'I SEMS KYIS BZA', ,ZOS SHING DE BZHIN 'THUNG BA DANG, ,RUNG BA'I CHU NI DE 'OG TU, ,SBYIN PA YANG DAG SPEL BYA'I PHYIR, ,SBYIN PA'I TSIGS BCAD GNYIS SHIG BRJOD, ,MAN NGAG @2B YOD NA BSAM GTAN BYA, ,RAB TU 'BAD DE BKLAG PAR BYA, ,SDOM DANG CHO GA MKHAS PA DANG, ,SGRUB PA DAG LA BRTZON PAR BYA, ,BRTUL ZHUGS GNAS SEMS MA NYAMS PAS, ,CHED DU BSAMS TE MA NOR BAR, ,MI GZHAN BDAG GAM GZHAN RNAMS KYIS, ,BSAD NA BRTUL ZHUGS NYAMS PAR 'GYUR, ,TSUL KHRIMS LDAN NAM TSUL KHRIMS 'CHAL, ,DE BZHIN NAD KYIS BTAB PA LA, ,GANG THOS SDUG BSNGAL NYAM THAG STE, ,NGES 'CHI'I CHOS GTAM DE MI BYA, ,SMAN DANG SNGAGS DANG RIG PA DANG, ,'CHI BA'I PHYOGS SU BTANG BA DANG, ,MI GZHAN THABS RNAMS SNA TSOGS KYIS, ,BSAD NA BRTUL ZHUGS NYAMS PAR 'GYUR, ,DUD 'GRO DANG NI SEMS DMYAL DANG, ,YI DGAS 'ON TE LHA YANG RUNG, ,BSAD NA NGAN 'GROR LTUNG BA YI, ,SDIG PA SBOM PO THOB PAR 'GYUR, ,BRTUL ZHUGS CAN GYIS BSAD SNYAM STE, ,LUS DANG NGAG GIS BSHAMS PA LAS, ,SKYE BO GSON YANG DE LA NI, ,KHA NA MA THO RNAM GSUM 'GYUR, ,RDO DBYUG KHU TSUR 'TSOG PA DANG, ,DE LAS GZHAN PA'I GNOD PA DANG, ,BA LANG LA SOGS GNOD MI BYA, ,RTA LA SOGS PA MI ZHON NO, ,DGE TSUL BDAG GAM GZHAN RNAMS KYIS; ,RKU SEMS MTHU DANG 'JAB BU YIS, ,'KHRUL PA MED PAR MI GZHAN GYIS, ,GNAS NAS MA SHA LNGA TZAM MAM, ,RANG GI YUL NAS BYUNG BA GANG, ,K'AR sh'A PA nA BZHI CHA BRKUS, ,DE BRKUS TSUL KHRIMS ZHIG PAR 'GYUR, ,SBYOR BA'I TSE NA NYES BYAS SO, ,RDOG GU RTZA BA 'BRAS BU'I SHING, ,SDONG BU LO MA SHUN PA CHU, ,ME TOG CHU SKYES THANG SKYES DANG, ,ZHING DANG LO TOGS GZHI DANG, ,GRU DANG SHING DANG SHO GAM DANG, ,DE BZHIN GRU YI BTZAS RNAMS DANG, ,SROG CHAGS RKANG PA MED PA DANG, ,RKANG GNYIS RKANG MANGS RKU BA DANG, , BRTUL ZHUGS CAN GYIS MI YI NOR, ,DBYIG LA SOGS PA GANG YANG RUNG, ,RKU BA'I SEMS KYIS GANG BRKUS KYANG, ,RIN THANG TSANG NA SDOM PA ZHIG ,LHUNG BZED LA SOGS RKUN KHYER NA, ,CHOS BSHAD NAS NI BSGRUB PAR BYA, ,YANG NA RI BA'I RIN GYIS BLU, ,DE LTAR @3A *, ,MA BYAS NYES BYAS SO, ,SDOM CAN NYAMS PA MED SEMS KYIS, ,NYAMS PA MED PA'I SGO GSUM DU, ,CHAGS PAS NOR BU NANG DU 'DAS, ,DGA' BA TSOR NA BRTUL ZHUGS NYAMS, ,SKYES PA BUD MED MA NING GI, ,TSAN KAR POR TI MNAN PA LAS, , GANG GI BDE BA'I RO MYONG BA, ,DE YANG SDOM PA ZHIG PAR 'GYUR, ,YAN LAG SKYES NAS BDE 'DOD PAS, ,GDUG PA SBRUL GYI KHAR BCUG SLA, ,LUS LA SNGOM PA MI GZHIG CES, ,RDZOGS SANGS RGYAS KYIS BKA' STZAL TO, ,GAL TE SPRUL GYIS BSAD GYUR KYANG, ,TSUL KHRIMS GNAS LA DE PHAN TE, ,TSUL KHRIMS NYAMS PA SDUG BSNGAL YIN, ,MYA NGAN 'DAS LA'ANG SGRIB PAR 'GYUR, ,LHA DAG MTHONG ZHES DE YI SGRA, ,THOS PAR GYUR DANG KUN SMRA DANG, ,GANG NA BDAG 'DUG LHA 'ONG ZHING, ,BDAG KYANG DE YI DRUNG 'GRO DANG, ,DE BZHIN DRI ZA GRUL BUM KLU,, GNOD SBYIN LTO 'PHYE CHEN PO DANG, ,SHA ZA YI DAGS MI 'AM CI, ,MTHONG NGO ZHES LA SOGS SMRAS DANG, ,BSAM GTAN MNGON SHES TSAD MED DANG, ,RGYUN ZHUGS LA SOGS 'BRAS BU DANG, ,LAM LA RAB TU ZHUGS PA'ANG RUNG, ,BDAG GIS THOB CES SMRA NA NI, ,DON RIG PA LA BRDZUN PA'I TSIG ,KHYAD PAR THOB PA'I BDAG NYID CAN, ,MA NYAMS NGA RGYAL MED BZHIN DU, ,SMRAS NA BRTUL ZHUGS NYAMS PAR 'GYUR, ,KHYAD PAR THOB PA MA GTOGS PAR, ,DE LAS GZHAN PA'I BRDZUN CHIG RNAMS, ,DE DAG THAMS CAD SDIG MANG 'GYUR, ,DES NI 'OG MAR LTUNG BAR 'GYUR, ,JI LTAR MDZA' BO 'BYED 'GYUR BA, ,PHRA MA'I TSIG RNAMS SMRA MI BYA, ,THUN TSAGS SU NI SMRA BA DANG, ,TSIG RTZUB SMRA BAR MI BYA'O, ,NGAN DU ZER LA NGAN MI BRJOD, ,GSHE BA LA YANG SLAR MI GSHE, ,MTSANG 'BRU BA LA SLAR MI BRU, ,BRDEG PA LA YANG SLAR MI BRDEG , BLO LDAN BSLAB PA 'DOD PA YIS, ,BSGRIMS TE NGAG GI SKYON RNAMS SPANGS, ,DE LTAR 'GYUR BAR RIG NAS NI, ,NGAG RNAMS SHIN TU BSNGAM PAR BYA, ,'BRU BTAGS PHABS DANG SBYAR BA YI, ,BTUNG BA'I BYE BRAG 'BRU YI CHANG, ,SDOD BU ME TOG 'BRAS BU LAS, ,SBYAR BA'I KHU BA BCOS @3B PA'I CHANG, ,DES NI MYOS PAR 'GYUR RIG NAS, ,SDOM CAN PHAN 'DOD MI BTUNG NGO, ,DE 'THUNGS NA NI DRAN NYAMS SHING, ,BRTUL ZHUGS LDAN PA BAG MED 'GYUR, ,BAG MED PA LAS BRTUL ZHUGS NYAMS, ,DE BAS STON PA'I BKA' DRAN BYA, ,MYOS 'GYUR NYES PA 'PHEL 'GYUR BA, ,RTZVA MCHOG GIS KYANG MI BTUNG NGO, ,GLU GAR DE BZHIN SIL SNYAN RNAMS, ,SDOM LA GNAS PAS MI BYA'O, ,LUS LA SPOS KYIS MI BYUG GO, ,TZANDAN LA SOGS MI BSKU'O, ,YUNG DANG GUR GUM LA SOGS PA, ,KHA DOG RNAMS SU BRI MI BYA, ,ME TOG MA GO RGYAN PHRENG BA DAG ,BRTUL ZHUGS CAN GYIS GDAGS MI BYA, ,GSER LA SOGS PA'I RGYAN RNAMS KYIS, ,BDAG LA BRGYAN PAR MI BYA'O, ,DUD PA LA SOGS MIG SMAN RNAMS, ,MIG MIN BAR MI BYUG GO, ,SHING KHRI KHRU GANG MTHO BA DANG, ,BA SO LA SOGS BRGYAN PA'I KHRI, , DMA' YANG NYAL KHRI BZANG PO LA, ,NYAL LA SOGS PA MI BYA'O, ,GLU GAR LA SOGS BSTAN PA DANG, ,GANG LA DREGS PA SKYE 'GYUR BA, ,DREGS PA'I YAN LAG SPANGS NAS NI, ,BRTUL ZHUGS GNAS ZHES BRJOD PA YIN, ,NYI MA PHYED MTSAMS MAN CHAD NAS, ,SKYA RENGS MA SHAR BAR DU NI, ,DE NI RGYAL BAS DUS MIN GSUNGS, ,SDOM CAN GYIS NI DER MI BZA', ,SKYA RENGS SHAR NAS PHYED KYI BAR, ,DE YI SKABS SU ZOS PA NI, ,DE NI BDAG SHES SNGOM PA STE, ,BZA' BA'I DUS SU ZOS PA YIN, ,DUS MIN DUS SU 'DU SHES NA, ,NAM YANG BZA' BAR MI BYA'O, ,SMAN PAS NYON MONGS BSGOS NA NI, ,NAD PAS NYES PAR MI 'GYUR RO, ,SA LE SBRAM NI GSER YIN TE, ,DNGUL ZHES BYA BA DNGUL NYID DO, ,SBYIN BDAG RNAMS KYIS DE PHYIN NA, ,BRTUL ZHUGS CAN GYIS MI BLANG NGO, ,BDAG GIS RUNG BA MA YIN 'DIS, ,RUNG BA'I DNGOS PO BTZAL SNYAM DU, ,DE LTAR MNGON PAR BSAMS NAS NI, ,DE NAS GZHAN ZHIG LEN DU GZHUG ,DKON MCHOG GSUM GYI CHED KA DANG, ,TSANGS PA MTSUNGS PAR SBYOD RNAMS KYIS, ,GSER DANG DNGUL LA REG GYUR KYANG, ,NYES PAR 'GYUR BA MA YIN NO, ,'DOD @4A *, ,PAS BAR DU GCOD BYED CES, ,RDZOGS SANGS RGYAS KYIS GSUNGS PA DE, ,PAR DU GCOD PAR MI 'GYUR ZHES, ,DGE TSUL GTI MUG MA SMRA CIG ,DE SKAD SMRA NA DGE 'DUN GYI, ,LONGS SPYOD KUN DANG PHRAL NAS NI, ,GTZUG LAG KHANG NAS BSKRAD PAR BYA, , DE NAS RO DANG 'DRA BAR 'GYUR, ,'PHYAR DANG RTA GAD BYED LA SOGS, ,'CHI BAR BSAMS TE MI BYA'O, ,GLAL TSE LAG LA SOGS PA YIS, ,KHA DGAB PAR YANG NAN TAN BYA, ,RGAN LA SPRID BYUNG PHYAG BYA STE, ,GZHON LA NAD MED GYUR CES BRJOD, ,KHYIM PA SBRID PA BYUNG BA LA,, YUN RING 'TSO ZHES BRJOD PAR BYA, ,BLA MA GNAS PA'I MDUN DAG TU, ,SNABS DANG MCHIL MA MI 'DOR ZHING, ,SO SHING BCA' BAR MI BYA'O, ,DE BZHIN STAN LA MI 'DUG GO, ,MDUN DU BCAG PAR MI BYA ZHING, ,KHYED RENGS SU YANG MI DBYUNG NGO, ,RGAN LA SOGS PA'I SDOM CAN LA, , GUS BCAS ZHE SAR BCAS PAR BYA, ,LAG PA DAG PAR BSNYAL NA NI, ,BUM PA LA SOGS RDUL MED BYA, ,CHU YANG YONGS SU BTZAGS NAS SU, ,BRTAGS NAS RUNG BA BLANG BAR BYA, ,GNAS MA BCAS PAR GNAS MI BYA, ,DGE 'DUN MAL CHA LA SOGS PAR, ,DRAN PA MED PAR 'DUG MI BYA; ,DRAN DANG LDAN NA NYES MED DO, ,SO BKRU BA DANG CHU BTUNG DANG, ,BSHANG GCI BYED DU 'GRO BA DANG, ,MTSAMS NANG STON LA PHYAG BYA BA, ,DE DAG MA ZHUS NYES MED DO, ,BRTUL ZHUGS CAN GYIS BYA BA GZHAN, ,DE DAG THAMS CAD MA LUS PAR, ,GAL TE BLA MAR MA ZHUS PAR, ,BYAS NA DE LA NYES BYAS SO, ,MCHOD RTEN LA SOGS PHYAG BYAS TE, ,MI NYAL BYAS NAS DE 'OG TU, ,BLA MA'I RKANG BKRUS BLA MA LA, ,BRTUL ZHUGS CAN GYIS KUN ZHUS TE, ,RKANG PA GNYIS KA BKRUS NAS NI, ,NAM GYI CHA STOD CHA SMAD LA, ,BSGRIMS TE MI NYAL BA BYAS TE, ,DES NI BDEN PAR SMRA BAR BYA, ,LDANG DANG SNANG BA'I 'DU SHES KYIS, ,SENG GE NYAL THABS BZHIN DU BYA, ,DRAN DANG LDAN ZHING DGE RGYUD DANG, ,DE BZHIN MYUR DU SAD NAS NI, ,JI SKAD BSTAN PA BZHIN DU BYA, ,JI LTAR NYON MONGS MYUR ZAD DANG, ,BYANG CHUB DAM PA THOB 'GYUR BA, ,DE LTAR BSGRIMS DANG @4B LDAN PAR BYA, ,THAMS CAD YOD PAR SMRA BA'I DGE TSUL GYI TSIG LE'UR BYAS PA SLOB DPON KLU SGRUB KYIS MDZAD PA RDZOGS SO,, ,,RGYA GAR GYI MKHAN PO MU NI WARMA DANG, ZHU CHEN GYI LO TZ'A BA SNA NAM YE SHES SDES BSGYUR CING ZHUS TE GTAN LA PHAB BA'O,, ,, #, ,THAMS CAD MKHYEN PA LA PHYAG 'TSAL LO, ,DGE SBYONG GI K'A RI K'A LNGA BCU PA'I TSIG GI BRJED BYANG DU BYAS PA, DPER NA SA GZHI LA SA BON BTAB NAS SA BON LA BRTEN NAS MYU GU, MYU GUL LA BRTEN NAS 'DAB MA, 'DAB MA LA BRTEN NAS SDONG BU, SDOD BU LA BRTEN NAS ME TOG ,ME TOG LA BRTEN NAS 'BRAS BU 'BYUNG BA DE BZHIN DU, TSUL KHRIMS SA GZHI DANG 'DRA BA LA BRTEN NAS MYU GU LA SOGS PA LTA BU'I TING NGE 'DZIN GYI PHUNG PO 'BYUNG NGO, ,TING NGE 'DZIN GYI PHUNG PO BYUNG NAS DE'I 'OG TU ME TOG LTA BU'I SHES RAB KYI PHUNG PO 'BYUNG NGO, ,SHES RAB KYI PHUNG PO BYUNG NAS DE'I 'OG TU RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO 'BRAS BU LTA BU 'BYUNG NGO, ,DE BAS NA DGE BA THAMS CAD 'BYUNG BA'I GZHI TSUL KHRIMS YIN PA'I PHYIR TSUL KHRIMS BSRUNG BA LA NAN TAN BYA'O, ,DGE SBYONG GI BSLAB TSIG LNGA BCU PA 'DI MGO MJUG TU BSDU NA DON RNAM PA BRGYAD KYIS 'CHAD DE, GANG ZHE NA, BSTOD CING PHYAG 'TSAL BA BSTAN PA DANG, BSLAB PA NYAMS SU BLANG BA DANG, SNGA DRO'I DUS NA LAS GANG BYA BA DANG, ZAS KYI BYA BA BYAS PA'I 'OG TU LAS GANG BYA BA DANG, PHAS PHAM PA'I GNAS DANG, BSLAB PA PHRA MO'I GNAS DANG, PHYI DRO PHAN CHAD JI LTAR BYA BA DANG, BRGYAD PA 'BRAS BU JI LTAR BYA BA BZHIN DU BSTAN PA'O, ,DE LA MGON PO ZHES BYA BA NAS BRTZAMS TE, MDO TZAM NGES PAR BSHAD PAR BYA, ,ZHES BYA BA YAN CHAD KYIS RANG GI LHA LA BSTOD CING PHYAG 'TSAL BA BSTAN TO, ,SH'AKYA SENG GE ZHES BYA BA NAS BRTZAMS TE, BDAG GI LUS BZHIN BSLAB PA BSRUNG, ,ZHES BYA BA YAN CHAD KYIS BSLAB PA NYAMS SU BLANG BA BSTAN TO, ,NAM GYI CHA SMAD CES BYA BA NAS BRTZAMS TE, SBYIN PA'I TSIGS BCAD GNYIS SHIG BRJOD, ,CES BYA BA YAN CHAD KYIS SNGA DRO'I DUS @5A *, ,NA LAS GANG BYA BA BSTAN TO, ,MAN NGAG YOD NA BSAM GTAN BYA, ,ZHES BYA BA NAS BRTZAMS TE, BSGRUB PA LA NI BRTZON PAR BYA, ,ZHES BYA BA YAN CHAD KYIS DGE BA BYA BA BSTAN TO, ,BRTUL ZHUGS GNAS SEMS ZHES BYA BA NAS BRTZAMS TE, NGAG RNAMS SHIN TU BSDAM PAR BYA, ,ZHES PA YAN CHAD KYIS PHAS PAM PA'I GNAS BSTAN TO, ,'BRU BTAGS PHABS DANG SBYAR BA YI, ,ZHES BYA BA NAS BZUNG NAS, GUS BCAS ZHES BCAS PAR BYA, ,ZHES BYA BA YAN CHAD KYIS BSLAB PA PHRA MO RNAMS BSTAN TO, ,LAG PA DAG PAR BSNYAL NAS NI, ,ZHES BYA BA NAS BRTZAMS TE, JI SKAD BSTAN PA BZHIN DU BYA, ,ZHES PA YAN CHAD KYIS PHYI DRO PHAN CHAD KYI BYA BA BSTAN TO, ,JI LTAR NYON MONGS MYUR ZAD NAS, ,BYANG CHUB DAM PA THOB PAR 'GYUR, ,DE LTAR BSGRIMS DANG LDAN PAR BYA, ,ZHES BYA BAS NI 'BRAS BU BSTAN TO, ,DE LA SANGS RGYAS KYI SLOB MA RNAMS KYI LHA NI DKON MCHOG GSUM STE, SANGS RGYAS DANG, CHOS DANG, DGE 'DUN DANG, MGON PO THAMS CAD MKHYEN ZHES BYA BA NI SANGS RGYAS LA BSTOD CING PHYAG 'TSAL BA BSTAN TE, SANGS RGYAS LA BSTOD PA YANG GZHAN GYI DON MDZAD PA DANG, RANG GI DON PHUN SUM TSOGS PA BRNYES PA'I SGO NAS BSTOD DE, DE LA MGON PO ZHES BYA BAS GZHAN GYI DON PHUN SUM TSOGS PAR MDZAD PA STON TE, SEMS CAN NGAN SONG GSUM DU SKYES PA RNAMS DE LAS THAR PA'I SKYABS MDZAD PA DANG, LHA DANG MIR SKYES PA SKYE RGA NA 'CHIS GTZES PA THAMS CAD KYI SKYABS MDZAD PAS NA SANGS RGYAS LA MGON PO ZHES BYA STE, SEMS CAN THAMS CAD KYI SKYABS DANG DPUNG GNYEN DU GYUR PA YIN NO ZHES BYA BA'I DON TO, ,DE LA SEMS CAN NGAN SONG GSUM DU SKYES PA RNAMS LA NI 'OD ZER BKYE BA DANG SPRUL PA'I SKU BSTAN PA'I SGO NAS NGAN SONG LAS THAR PAR MDZAD DO, ,LHA DANG MIR SKYES PA SKYE RGA NA 'CHIS GTZES PA RNAMS LA NI 'PHAGS PA'I BDEN PA BZHI BSHAD CING DE LA BKOD NAS SKYE RGA NA 'CHI LAS THAR PA'I SGO NAS SKYABS MDZAD DO, ,THAMS CAD MKHYEN ZHES BYA BAS BDAG GI DON PHUN SUM TSOGS PA BRNYES PA BSTAN TE, PHUNG PO DANG KHAMS DANG SKYE MCHED DANG RTEN CING 'BREL PAR 'BYUNG BA @5B LA SOGS PA JI SNYED DU SHES PAR BYA BA'I CHOS THAMS CAD MA LUS PAR SHES SHING, DE DAG KYANG MI RTAG PA DANG SDUG BSNGAL BA DANG STONG PA DANG BDAG MED PA'I MTSAN NYID DU PHYIN CI MA LOG PAR SHES PAS NA SANGS RGYAS BCOM LDAN 'DAS LA THAMS CAD MKHYEN PA ZHES BYA STE, 'DI DAG BDAG DANG GZHAN GYI DON PHUN SUM TSOGS PA'I SANGS RGYAS LA PHYAG 'TSAL TE ZHES BYA BAR SBYAR RO, ,CHOS ZHES BYA BAS NI CHOS LA BSTONG CING PHYAG 'TSAL BAR BSTAN TE, DEL CHOS LA YANG RNAM PA GSUM MO, ,GANG ZHE NA, BSHAD PA'I CHOS DANG, SGRUB PA'I CHOS DANG, 'BRAS BU'I CHOS SO; ,DE LA GSUNG RAB YAN LAG BCU GNYIS NI BSHAD PA'I CHOS SO, ,RANG GI LA BYANG CHUB KYI PHYOGS KYI CHOS SUM CU RTZA BDUN NI SGRUB PA'I CHOS SO, ,MYA NGAN LAS 'DAS PA NI 'BRAS BU'I CHOS SO, ,CHOS DE GSUM LA PHYAG 'TSAL TE ZHES BYA BAR SBYAR RO, ,'PHAGS PA'I TSOGS LA ZHES BYA BAS DGE 'DUN LA BSTOD PA BSTAN TE, NYON MONGS PA DANG SDIG PA'I CHOS LAS RING DU SPANGS PA LA NI 'PHAGS PA ZHES BYA LA, 'PHAGS PA'I GANG ZAG DE LTA BU MANG PO LA NI 'PHAGS PA'I TSOGS ZHES BYA STE, DE YANG MDOR NA SLOB PA'I GANG ZAG DANG, MI SLOB PA'I GANG ZAG 'PHAGS PA GNYIS YOD DO, ,DE LA SLOB PA'I GANG ZAG NI BDUN YOD DE, RGYUN DU ZHUGS PA DANG, RGYUN DU ZHUGS PA'I 'BRAS BU THOB PA DANG, LAN CIG PHYIR 'ONG BA DANG, LAN CIG PHYIR 'ONG BA'I 'BRAS BU THOB PA DANG, PHYIR MI 'ONG BA DANG, PHYIR MI 'ONG BA'I 'BRAS BU THOB PA DANG, DGRA BCOM PA LA 'JUG PA DANG BDUN NO, ,MI SLOB PA'I GANG ZAG NI DGRA BCOM PA'I 'BRAS BU THOB PA STE, DE DAG LA YANG PHYAG 'TSAL TE ZHES BYA BA SBYAR RO[?], ,DE LA PHYAG 'TSAL BA YANG RNAM PA GSUM STE, LUS KYIS PHYAG 'TSAL BA DANG, DAG GIS PHYAG 'TSAL BA DANG, YID KYIS PHYAG 'TSAL BA'O, ,DE LA LUS KYIS PHYAG 'TSAL BA NE, DPRAL BA GTUGS PA THAL MO SBYAR BA LA SOGS PA BYED PA'O, ,NGAG GIS PHYAG 'TSAL BA NI DE DAG GI YON TAN TSIG TU RJOD PAR BYED PA'O, ,YID KYIS PHYAG 'TSAL BA NI DE DAG LA DAD PA DANG DGA' BA DANG MOS BA'I SEMS KYIS PHYAG 'TSAL @6A *, ,BA'O; ,PHYAG 'TSAL TE ZHES BYA BA NI PHYAG 'TSAL NAS ZHES BYA BA'I DON TO, ,PHYAG 'TSAL NAS CI BYA ZHE NA, DGE TSUL GYI NI CHO GA RNAMS, ,MDO TZAM NGES PAR BSHAD PAR BYA, ,ZHES BYA BA SMOS TE, DGE TSUL DGE SBYONG RNAMS KYI BSLAB TSIG DANG LAS SU BYA BA RNAMS LA BYA'O, ,MDO TZAM NGES PAR BSHAD PAR BYA BA NI DGE SBYONG GI BSLAB TSIG DANG LAS SU BYA BA RNAMS NI K'A RI K'A SUM BRGYA PA DANG, 'DUL BA 'BUM GYI NANG NAS 'BYUNG BAS DER BRTAG PAR BYA'O, ,'DIR MDO TZAM STE, MI BYAR MI GNANG BA'I DMIGS PA NYI TSE TZAM ZHES BYA BA'I DON TO, , RANG GI LHA LA PHYAG 'TSAL BA DANG BSTOD PA'I BSHAD PA RDZOGS SO,, ,,BSLAB PA NYAMS SU BLANG BA YANG TSIG RNAM PA BZHI ZHIG GIS STON TE, GANG ZHE NA, CHOS PHUN SUM TSOGS PA DANG, GANG ZAG PHUN SUM TSOGS PA DANG, SGRUB PA PHUN SUM TSOGS PA DANG, JI LTAR BSGRUB PAR BYA BA'O, ,SH'AKYA SENG GE'I BSTAN PA LA, ,ZHES BYA BAS CHOS PHUN SUM TSOGS PA BSTAN TE, DE LA CHOS PHUN SUM TSOGS PA YANG TSIG RNAM PA GNYIS SO, ,STON PA PHUN SUM TSOGS PA DANG, BSTAN PA PHUN SUM TSOGS PA'O, ,SH'AKYA SENG GE ZHES BYA BAS STON PA PHUN SUM TSOGS PA BSTAN TE, STON PA NI SANGS RGYAS BCOM LDAN 'DAS SO, ,SANGS RGYAS BCOM LDAN 'DAS GSUNG DBYANGS RNAM PAR DAG PA DANG THUGS RNAM PAR DAG PAS NA STON PA PHUN SUM TSOGS PA ZHES BYA STE, SH'AKYA ZHES BYA BAS GDUNG RUS RNAM PAR DAG PA STON TE, SPYIR MI RNAMS KYI NANG DU SKYES PA LA RIGS RNAM PA BZHI YOD DE, DMANGS RIGS DANG, RJE'U RIGS DANG, BRAM RJE'I RIGS DANG, RGYAL RIGS SO, ,SANGS RGYAS BCOM LDAN 'DAS NI SH'AKYA RNAMS KYI NANG DU GOO TA MA'I RIGS KYI GDUNG RUS DANG LDAN PAS NA SH'AKYA ZHES BYA'O, ,SH'AKYA ZHES BYA BAS NI GDUNG RUS RNAM PAR DAG PA STON TO, ,SENG GE ZHES BYA BAS THUGS RNAM PAR DAG PA STON TO, ,DPER NA SENG GE NI DPA' BO'I SEMS DANG LDAN PAS RI DAGS RNAMS KYIS MI SKRAG CING RI DAGS RNAMS SENG GES ZIL GYIS GNON PA DANG 'DRA BAR SANGS RGYAS BCOM LDAN 'DAS KYANG MI 'JIGS PA BZHI BRNYES PA'I THUGS @6B DANG LDAN PAS BDUD DANG MU STEGS PA RI DAGS DANG 'DRA BAS SANGS RGYAS ZIL GYIS MI NON CING SKRAG PAR BYED MI NUS LA, SANGS RGYAS NI BDUD DANG MU STEGS RI DAGS DANG 'DRA BA RNAMS ZIL GYIS GNON CING SKRAG PAR BYED PAS NA SANGS RGYAS LA SENG GE ZHES BYA STE, DE BAS NA SENG GE'I SGRAS THUGS DAG PA STON TO, BSTAN PA ZHES BYA BAS BSTAN PA PHUN SUM TSOGS PA STON TO, ,SLOB MA RNAMS LA 'DI DAG NI BSGRUB PAR BYA BA YIN, 'DI DAG NI SPANG BAR BYA BA YIN NO ZHES STON PA'I CHOS LA BSTAN PA ZHES BYA STE, 'DUL BA'I SDE SNOD DANG, MDO SDE'I SNGE SNOD DANG, MNGON PA'I CHOS KYI SDE SNOD DO, ,DE LAS RAB TU BYUNG BA RNAMS KYIS BSLAB TSIG RNAM PA GSUM STE, LHAG PA TSUL KHRIMS KYI BSLAB PA DANG, SEMS KYI BSLAB PA DANG, SHES RAB KYI BSLAB PA'O, ,DE 'DUL BA'I SDE SNOD KYI NANG NAS NI LHAG PA TSUL KHRIMS KYI BSLAB PA 'BYUNG NGO, ,MDO SDE'I SDE SNOD LAS NI LHAG PA SEMS KYI BSLAB PA 'BYUNG NGO, ,MNGON PA'I CHOS KYI SDE SNOD NAS NI LHAG PA SHES RAB KYI BSLAB PA 'BYUNG STE, DE LTAR SNGE SNOD GSUM LA BSTAN PA ZHES BYA'O, ,DAD PAS RAB TU BYUNG NAS NI, ,ZHES BYA BAS GANG ZAG PHUN SUM TSOGS PA STON TE, GANG ZAG PHUN SUM TSOGS PA YANG RNAM PA GNYIS KYIS PHUN SUM TSOGS SO, ,GANG ZHE NA, BSAM PA PHUN SUM TSOGS PA DANG, SBYOR BA PHUN SUM TSOGS PA'O, ,DAD PA ZHES BYA BAS BSAM PA PHUN SUM TSOGS PA BSTAN TE, LAS DANG 'BRAS BU LA SOGS PA NI YOD PAR YID CHES PA DANG, DKON MCHOG GSUM LA NI YON TAN PHUN SUM TSOGS PA DANG LDAN PAR SEMS PA DANG, 'PHAGS PA'I LAM NI BSGRUB PAR 'DOD PA DANG, MYA NGAN LAS 'DAS PA THOB PAR 'DOD PA'I SEMS LA NI DANG BA ZHES BYA'O, ,DAD PAS ZHES BYA BA NI, DAD PA'I SEMS KYIS RGYUR BYAS NAS, ,ZHES BYA BA'I DON TO, ,RAB TU BYUNG NAS NI ZHES BYA BAS NI SBYOR BA PHUN SUM TSOGS PA BSTAN TE, DKON MCHOG GSUM LA SKYABS SU SONG ZHING BSLAB TSIG BCU MNOS PA LAS RAB TU BYUNG BA ZHES BYA'O, ,YANG NA, DAD PAS RAB TU BYUNG NAS NI, ,ZHES BYA BA'I TSIG 'DIS BCOM LDAN 'DAS KYIS 'DUL BA LAS SKRA @7A *, ,DANG KHA SPU BREGS NAS GOS NGUR SMRIG BGOS TE DAD PAS YANG DAG PA KHO NAR KHYIM NAS KHYIM MED PAR RAB TU 'BYUNG NGO ZHES RAB TU BYUNG BA'I MTSAN NYID GSUNGS PA'I DON BSTAN PA YIN TE, TSIG 'DIS NI RAB TU BYUNG BA RNAMS KYI PHUN SUM TSOGS PA RNAM PA BZHI BSTAN PA YIN NO, ,RNAM PA BZHI GANG ZHE NA, TSUL KHRIMS PHUN SUM TSOGS PA DANG, ,LAS PHUN SUM TSOGS PA DANG, GNAS PHUN SUM TSOGS PA DAG ,BSAM PA PHUN SUM TSOGS PA'O, ,DE LA SKRA DANG KHA SPU BREGS NAS GOS DUR SMRIG BGOS TE ZHES BYA BAS TSUL KHRIMS PHUN SUM TSOGS PA BSTAN TE, DE TSUL DE LAS NYON MNGOS PA SPONG BA DANG MTHUN PA'I TSUL YIN PAS KHYIM NA GNAS PA'I TSUL LAS 'PHAGS PA YIN NO, ,DAD PAS YANG DAG BA KHO NAR ZHES BYA BAS BSAM PA PHUN SUM TSOGS PA BSTAN TE, BU LON MA 'KHOR BA DANG RGYAL PO LA SOGS PA'I 'JIGS PAS RAB TU BYUNG BA MA YIN GYI DAD PA'I SEMS KYIS RAB TU BYUNG BA YIN NO, ,RAB TU BYUNG ZHES BYA BAS NI LAS PHUN SUM TSOGS PA BSTAN TE, BYA BA MCHOG TU GYUR PA LA ZHUGS PA'I PHYIR RO, ,KHYIM NAS KHYIM MED PAR RAB TU BYUNG ZHES BYA BAS NI GNAS PHUN SUM TSOGS PA BSTAN TE, BU SMAD DANG NYE DU LA SOGS PA'I 'JIGS PA MI BZAD PA'I GNAS SPANGS NAS KHYIM MED PAR SHING DRUNG DANG BRAG PHUG NA GNAS PAS NA, GNAS PHUN SUM TSOGS PA'O, ,RAB TU BYUNG NAS NI ZHES BYA BAS NI RAB TU BYUNG BA'I 'OG TU ZHES BYA BA'I DON TO, ,BRTUL ZHUGS BRTAN PAS RAB BSGRIMS TE, ,ZHES BYA BAS SGRUB BA PHUN SUM TSOGS PA STON TE, BRTUL ZHUGS ZHES BYA BAS NI RANG BZHIN GYI KHA NA MA THO BA DANG, BCAS PA'I KHA NA MA THO BA'I BSLAB PA LA BYA'O, ,DE LA RANG BZHIN GYI KHA NA MA THO BA'I BSLAB TSIG NI PHAS PHAM PA BZHI'O, ,BCAS PA'I KHA NA MA THO BA'I BSLAB TSIG NI CHANG MI BTUNG BA LA SOGS PA RNAM PA DRUG GO, ,BRTAN PAS RAB BSGRIMS TE ZHES BYA BAS NI LUS NGAG YID GSUM GYIS RAB TU BSGRIMS LA PHAS PHAM PA MI 'BYUNG BAR BYA BA'I PHYIR BSTAN PA STE, NYES PA PHRAN TSEGS KYANG MI 'BYUNG BAR BSRUNG BA'O, ,DE YANG SHING CHEN PO BSRUNG NA DE LA BSKOR BA'I RA BA DANG SHING THAGS @7B RNAMS CI NAS KYANG MI GZHIG PAR BYA'O, ,DE DANG 'DRA BAR PHAS PHAM PA MI 'BYUNG BAR BYA NA RA BA DANG SHING THAGS LTA BU'I BSLAB PA PHRAN TSEGS RNAMS MA ZHIG PAR BSRUNG NA TSUL KHRIMS BRTAN PAR BSRUNG BA YIN NO, ,BDAG GI LUS BZHIN BSLAB PA BSRUNG, ,ZHES BYA BAS JI LTAR BSGRUB PAR BSTAN TE, DPER NA BDAG GI LUS 'DI LA DUG DANG TSER MA DANG NGAM GROG LA SOGS PAS 'CHI BAR MI 'GYUR BAR BSRUNG BA DANG, BZA' BA DANG BGO BA DANG SMAN LA SOGS PAS CI NAS KYANG MI BRNYAS PAR BYA BA'I TSUL DU BSRUNG BA DANG 'DRA BAR TSUL KHRIMS KYANG CI NAS KYANG MI ZHIG PAR BSRUNG BA DANG; RNAM PAR DAG PA'I TSUL DU BSRUNG BA'O, ,BSLAB PA NYAMS SU BLANG BA'I BSHAD PA RDZOGS SO,, ,,SNGA DRO'I DUS NA LAS GANG BYA BA BSTAN PA LA RNAM PA BRGYAD BYA BAR BSTAN TE, KHA TON BYA BA DANG, DE BZHIN GSHEGS PA LA PHYAG 'TSAL BA DANG, MKHAN PO DANG SLOB DPON LA SNYUN GSOL NAS LAS SU BYA BA ZHU BA DANG, CHU BRTAG PA DANG, MKHAN PO DANG SLOB DPON GYI LAS SU BYA BA BSGRUB PA DANG, ZHU BA DANG, ZAS BZA' BA DANG, BSOD NAMS BSNGO BA DANG BRGYAD BYA'O, ,NAM GYI CHA SMAD MAL NAS LANGS, ,NAM LANGS BAR DU KHA TON BYA, ,ZHES BYA BAS KHA TON BYA BA BSTAN TO, ,DE NAM GYI CHA SMAD NI MTSAN GCIG LA THUN LNGAR BGOS PA LAS THO RANGS LA BYA STE, THO RANGS MAL NAS LANGS NAS NI TZOG TZOG POR 'DUG LA LHA MA SRIN LA CHOS KYI SBYIN PA BYA'O SNYAM DU BSAMS NAS LHA MA SRIN RNAMS LA TSIGS SU BCAD PA STER BA LA BOS TE NAM LANGS KYI BAR DU KHA TON CI NUS SU BYA'O, ,KHA TON BYAS PA'I BSOD NAMS SEMS CAN KUN GYI DON DU BSNGO BA'O, ,GDONG DANG SO YI DRI BKRUS NAS, ,RDZOGS SANGS RGYAS LA GUS PHYAG BYA, ,ZHES BYA BAS DE BZHIN GSHEGS PA LA PHYAG BYA BA BSTAN TE, LANGS NAS CHU DANG SO SHING LA SOGS PAS SO DANG GDONG GI DRIM BKRUS NAS RDZOGS SANGS RGYAS TE SANGS RGYAS BCOM LDAN 'DAS RNAMS LA GUS PAS PHYAG BYA'O, ,DE LA CHOS THAMS CAD THUGS SU CHUD CING YON TAN PHUN SUM TSOGS PA MA LUS PAR BRNYES PAS NA RDZOGS PA ZHES BYA'O, ,SKYES BU GNYID LAS SANGS @8A *, ,PA BZHIN DU MA RIG PA SPANGS NAS, MA RIG PA'I GNYID LAS SANGS PAS NA SANGS RGYAS ZHES BYA'O, ,GUS PHYAG BYA ZHES BYA BAS GUS PAR PHYAG BYA BA LA YANG RNAM PA GSUM STE, LUS KYIS GUS PAR PHYAG BYA BA DANG, NGAG GIS GUS PAR PHYAG BYA BA DANG, YID KYIS GUS PAR PHYAG BYA BA'O, ,DE LA LUS SMAD LNGA SA LA GTUGS TE ZHI BA'I TSUL GYIS PHYAG BYA BA NI LUS KYIS GUS PAR PHYAG BYA BA'O, ,MI DRAG MI NGAL BA'I DBYANGS GYIS DE BZHAN GSHEGS PA LA BSTOD PA NI NGAG GIS GUS PAR PHYAG BYA BA'O, ,LUS KYIS GUS PAR PHYAG BYA BA'I SNGON ROL DU SANGS RGYAS BCOM LDAN 'DAS NI NYES PA THAMS CAD SPANGS PAS YON TAN PHUN SUM TSOGS PA DANG LDAN PA THUGS RJE CHEN PO CAN ZHES SEMS CAN THAMS CAD KYI MGON DANG SKYABS SU GYUR PA, 'GRO BA THAMS CAD KYI BSOD NAMS KYI GZHI YIN PAS PHYAG BYA BA'I GNAS YIN NO SNYAM DU SEMS PA NI YID KYIS GUS PAR PHYAG BYA BA STE, DE LTA BU'I SEMS SNGAR BSKYED LA DE NAS GDOD LUS NGAG GIS PHYAG BYA BAS PHYAG BYA'O, ,BLA MA GNAS PA'I SGO GLEGS LA, ,LAG PAS DAL GYIS BRDUNG BAR BYA, ,NANG ZHUGS GUS PAR BLA MA LA, ,KHAMS BDE MI BDE LA SOGS DRI, , 'DI NGAG BYA ZHES DRIS NAS NI, ,DKYIL 'KHOR LA SOGS RNAM BYA'I PHYIR, ,ZHES BYA BAS MKHAN PO DANG SLOB DPON LA SNYUN GSOL NAS LAS SU BYA BA ZHU BA BSTAN TE, BLA MA GNAS PA'I SGO GLEGS LA, ,LAG PAS DAL GYIS BRDUNG BAR BYA, ,ZHES BYA BA LA DE LTAR SANGS RGYAS LA PHYAG BYAS PA'I 'OG TU BLA MA STE MKHAN PO DANG SLOB DPON GYI GNAS SU SONG LA SGO 'PHAR LA LAG PAS DAL GYIS BRDUNG BA'AM, SE GOL GTOGS TE NANG DU SHOG CIG CES ZER NA NANG DU 'GRO BAR BYA'O, ,DE LTAR SGRA MA BYUNG NA YANG LAN GNYIS KYI BAR DU DE BZHIN DU BYA'O, ,DE STE SGRA MA BYUNG NA YANG LAN GNYIS LAN GSUM GYI BAR DU DE BZHIN DU BYA'O, ,DE NAS NANG DU SHOG CIG NA GDOD NANG DU 'GRO BAR BYA'O, ,THUG THUB TU MI BYA BAR TSUL 'DI LTAR BYA BA NI DGE SBYONG GI TSUL ZHI BA DANG DUL BA'I RANG BZHIN YIN PA'I TSUL BSTAN PAR BYA BA DANG, THUG THUB TU ZHUGS NA BLA MA RNAMS KYIS DGE BA'I BAR CHAD DU GYUR @8B ZHING SEMS 'KHRUG PAR 'GYUR BAS BLA MA'I SEMS MI 'KHRUG PAR BYA BA'I PHYIR TSUL DE LTAR BYA'O, ,DE NAS BLA MAS NANG DU SHOG CIG CES SMRAS TE NANG DU ZHUGS NAS CI BYA ZHE NA, DE'I PHYIR, NANG ZHUGS GUS PAS BLA MA LA, ,KHAMS BDE MI BDE LA SOGS DRI, ,ZHES BYA BA SMOS TE, KHAMS KYI SGRAS NI SA DANG CHU DANG ME DANG RLUNG DANG 'BYUNG BA CHEN PO BZHI LA BYA STE, 'BYUNG BA CHEN PO BZHI SHAS CHE CHUNG DU GYUR PA LAS NAD DU 'GYUR RO, ,DE LA SA'I KHAMS SHAS CHEN NI KHA ZAS MI 'JU ZHING LUS LCI'O, ,CHU'I KHAMS SHAS CHE NA NI BAD KAN SHAS CHE'O, ,ME'I KHAMS SHAS CHE NA NI MKHRIS PA CAN DU 'GYUR RO, ,RLUNG GI KHAMS SHAS CHE NA NI RLUNG NAD CAN DU 'GYUR RO, ,DE LTAR NANG DU ZHUGS NAS ZHI BA DANG DU LA BA DANG SRID ZHU'I TSUL GYIS PHYAG BYA STE, KHAMS BZHI MA SNYOMS PA LAS SNYUN DU GYUR PA MCHIS SAM MA MCHIS SNYUN GSOL LO, ,SOGS PA'I SGRAS NI MTSAN MO BDE BAR MNAL LAM MA MNAL, DGONGS PA LA BAR CHAD DU GYUR TAM MA GYUR ZHES BYA'O, ,DE LTAR SNYUN GSOL NAS CI ZHIG BYA ZHE NA, DE'I PHYIR NA, 'DI DAG BYA ZHES DRIS NAS NI, ,DKYIL 'KHOR LA SOGS RNAM BYA'I PHYIR, ,ZHES BYA BA SMOS TE, SNYUN GSOL BA'I 'OG TU MCHOD RTEN LA PHYAG BYA ZHING BSKOR BA DANG BSHANG GCI CHE CHUNG DU 'GRO BA MA GTOGS PAR NANG PAR SNGA DRO'I BAR DU CI DANG CI BYA BA THAMS CAD ZHU'O, ,DE LTAR ZHUS PA'I 'OG TU DKYIL 'KHOR BYAS LA DE NAS GDOD G-YAR TSUS BZA'O, ,SOGS PA'I SGRAS NI ME TOG DANG BDUG PA LA SOGS PA MCHOD PA YANG BSDU'O, ,NYA PHYIS LA SOGS CHU BRTAGS TE, ,STENG DANG BAR GTING RIM BZHIN NO, ,NYA PHYIS LA SOGS MED NA YANG, ,KHYOR BA'AM 'DAB MAS BUM PA DGANG, ,CHU YI SKYE BO CHE CHUNG RNAMS, ,YUN MI RING BAR NAN TAN BRTAG ,SNYING RJE CAN GYIS KHU BA RNAMS, ,RAB TU BRTAGS TE SPYAD PAR BYA, ,SROG CHAGS YOD NA LEGS PAR BTZAG ,SROG CHAGS RNAMS LA GNOD MI BYA, ,RTZVA DANG LCI BA SHING LA SOGS, ,DGOS PA GANG DANG GANG YANG RUNG, ,DE DAG SROG CHAGS MED PAR BYA, ,SDOM PAS SROG CHAGS GSAD PA SRUNG, ,ZHES BYA BAS CHU LA SOGS PA BRTAG PAR BSTAN TE, DE DAG @9A *, ,DKYIL 'KHOR BYAS NAS G-YAR TSUS THOB PA'I 'OG TU CI BYA ZHE NA, DE'I PHYIR, NYA PHYIS LA SOGS CHU BRTAGS TE, ,ZHES BYA BA LA SOGS PA SMOS TE, DE'I 'OG TU CHU TSAGS LNGA 'DUL BA LAS GSUNGS PA'I CHU TSAGS GANG YANG RUNG BA CIG GIS CHU BTZAG GO, ,DE LA CHU TSAGS LNGA NI RIL BA DANG, GRU GSUM PA DANG, YU BA CAN DANG, CHOS CAN ZHES BYA BA DANG, GROL BAR BYED PA'I RAS SO, ,DE LTAR CHU BTZAGS NAS BTZAGS PA TZAM GYIS KYANG MI CHOG STE, NYA PHYIS LA SOGS PA CHUS GANG BAR BKANG LA SROG CHAGS YOD DAM MED BRTAG GO, ,SOGS PA'I SGRAS NI DUNG PHOR RNAMS KYANG BSDUS SO, ,JI LTAR BRTAG CE NA, DE'I PHYIR, STENG DANG BAR GTING RIM BZHIN NO, ,ZHES BYA BA SMOS TE, BRTAG PA'I RIM PA NI THOG MAR CHU'I STENG NA SROG CHAGS YOD DAM MED BRTAG GO, ,DE NAS BAR DU, DE NAS GTING STE ZHABS SU BRTAGS LA, SROG CHAGS MED NA NI CHU DE SPYAD DU RUNG NGO, ,SROG CHAGS YOD NA NI CHU DE SPYAD DU MI RUNG BAS SLAR SNGA MA'I GNAS SU DBO'O, ,GAL TE NYA PHYIS DANG DUNG PHOR MA 'BYOR NA JI LTAR BYA SNYAM PA LA, DE'I PHYIR, NYA PHYIS LA SOGS MED NA YANG, ,KHYOR BA 'AM 'DAB MAS BUM PA DGANG, ,ZHES BYA BA SMOS TE, NYA PHYIS DANG DUNG PHOR MA 'BYOR NA YANG KHYOR BA BKANG STE BRTAG GO, ,'DIR YANG STENG DANG BAR GTING RIM BZHIN DU BRTAG PA NI SNGA MA BZHIN NO, ,'DI'I SKABS SU JI LTAR BRTAG CE NA, DE'I PHYIR, CHU YI SKYE BO CHE CHUNG RNAMS, ,YUN MI RING BAR NAN TAN BRTAG , CES BYA BA SMOS TE, CHU BRTAG PA YANG MIG NAD KYIS PHOG PA'AM, MIG LING TOG GIS KHEBS PAS NI MI BRTAG GI MIG GSAL BAS CHU NA GNAS PA'I SROG CHAGS PHRA MO DANG SBOM PO RNAMS YOD DAM MED BRTAG GO, ,MIG GSAL BAS BRTAGS NA YANG YUN RING DU MIG BGRAD DE PA LTAS NA MIG ZI ZI POR 'GYUR BAS SROG CHAGS MI MTHONG PA'I PHYIR YUN MI RING BAR YANG NAS YANG DU MIG GSAL BA SA BRTAG STE, SROG CHAGS MED PAR YID CHES KYI BAR DU BRTAG GO, ,DE BAS NA NAN TAN BRTAG CES SMOS TE, SROG CHAGS MED PAR YID CHES SHING THE TSOM MED @9B KYI BAR DU BLTA'O ZHES BYA BA'I DON TO, ,CI'I PHYIR DE LTAR BRTAG CE NA, DE'I PHYIR SNYING RJE CAN GYIS ZHES BYA BA SMOS TE, RAB TU BYUNG BA RNAMS NI SEMS CAN GYI SDUG BSNGAL SEL BAR BYED PA'I SNYING RJE DANG LDAN PA YIN PAS, DE'I PHYIR SEMS CAN GYI GNOD PA BSAL BA'I DON DU SROG CHAGS YOD DAM MED BRTAG GO, ,GAL TE CHU LAS SKYES PA'I SROG CHAGS NI MED KYI SBRANG BU LA SOGS PA GLO BUR DU 'ONGS PAS CHU DE SROG CHAGS DANG LDAN PAR GYUR PA DANG, KHA ZAS KYI KHU BA LA SOGS PA LA GLO BUR GYI SROG CHAGS YOD PAR GYUR NA DE DAG DOR BAR JI LTAR BYA SNYAM PA LA KHU BA RNAMS RAB TU BRTAGS TE SBYAD PAR BYA ZHES BYA BA SMOS TE, CHU BTZAGS PA DANG KHA ZAS KYI KHU BA LA GLO BUR DU 'ONGS PA'I SROG CHAGS YOD PAR GYUR NA YANG YOD DAM MED LEGS PAR BRTAGS TE SPYAD PAR BYA'O, ,DOR BAR NI MI BYA'O, ,THABS JI LTAR BYA ZHE NA, DE'I PHYIR, SROG CHAGS YOD NA LEGS PAR BTZAG ,SROG CHAGS RNAMS LA GNOD MI BYA, ,ZHES BYA BA SMOS TE, BTZAGS PA DANG KHA ZAS KYI KHU BA LA GLO BUR DU 'ONGS PA'I SROG CHAGS YOD NA LEGS PAR MA SNAD PAR BTZAGS PAR RIG PA NI BTZAG ,LAG PAS BSAL BAR RIG PA NI LEGS PAR BSAL LA SO SO'I GNAS SU MA SNAD MA SHI BAR BSKYAL BAR BYA'O, ,DE LA CHU GRANG MO LA GNAS PA'I SROG CHAGS RNAMS CHU DRON MO LA BSKYAL NA GNOD PAR 'GYUR BAS CHU GRANG MO NYID DU BSKYAL LO, ,CHU DRON MO LA GNAS PA'I SROG CHAGS RNAMS CHU GRANG MO LA BSKYAL NA GNOD PAR 'GYUR BAS CHU DRON MO NYID DU BSKYAL LO, , GAL TE MA BYAS PAR SROG CHAGS DANG BCAS PA'I CHU 'THUNGS SAM, SROG CHAGS RNAMS RANG RANG GI GNAS MA YIN PAR BSKYAL TE, SHI BAR GYUR NA SROG CHAGS KYI GRANGS DU YOD PA'I NYES BYAS KYI GRANGS KYANG DE SNYED CIG 'THOB BO, ,CHU BTZAGS TE BRTAGS PA DE YANG DE RING LTA BU'I NANG PAR BRTAGS NA, DE'I PHYI DE NYID KYI NANG PAR GYI BAR DU SPYAD PAR BYAR RUNG NGO, ,CHU RNAM PA LNGA NI BDAG GIS MA BTZAGS MA BRTAGS KYANG SPYAD DU RUNG BA'I CHU STE, LNGA GANG ZHE NA, KHO RA KHOR YUG 'DOM GANG DU BRTAGS PA'I CHU DANG, KHRON PA LA SOGS PA DANG, DGE SLONG YON TAN CAN GYI CHU DANG, DGE @10A *, ,'DUN GYI CHU DANG, YID CHES PA'I CHU'O, ,DE LA KHOR KHOR YUG 'DOM GANG DU BRTAGS PA'I CHU NI LTENG KA 'AM MTSE'U LA SOGS PA'I DBUS SU BUS MO NUB TZAM DU SONG LA SROG CHAGS YOD DAM MED BRTAGS TE MED PAR GYUR NA 'DOM GANG KHOR KHOR YUG TU BRTAGS PA YIN PAR SPYAD DU RUNG NGO, ,KHRON PA LA SOGS PA'I CHU NI KHRON PA DANG LTENG KA DANG RDZING LA SOGS PAR NYA PHYIS GANG GI CHU BLANGS TE, SROG CHAGS YOD DAM MED BRTAGS TE MED NA NYIN ZHAG GCIG GI BAR DU SBYAD DU RUNG NGO, ,DGE SLONG YON TAN CAN GYI CHU NI DGE SLONG TSUL KHRIMS LA GNAS PA SDIG PA LA 'DZEM PAS CHU BTZAGS TA BTZAGS PA LA BDAG GIS MA BRTAGS MA BTZAGS PAR SPYAD DU RUNG NGO, ,DGE 'DUN GYI CHU NI DGE 'DUN SPYI'I CHU LTA BU BRTAGS NAS BTZAGS TE BZHAG PA LA NI BDAG GIS MA BRTAGS MA BTZAGS KYANG SPYAD DU RUNG NGO, ,YID CHES PA'I CHU NI BRAG KHA 'AM, RI KHA GZAR PO NAS 'BAB PA'I CHU 'AM, SA'I 'OG NAS GYEN DU RDOL PA'I CHU MIG LTA BU LA SROG CHAGS YOD MI SRID PAS YID CHES PA'I CHU ZHES BYA STE SPYAD DU RUNG NGO, ,CHU BTZAGS PA'I BSLAB TSIG NI DGE SLONG MOS PA CAN GYI SROG CHAGS DANG BCAS PA'I CHUS CHAG CHAG DANG DKYIL 'KHOR LA SOGS BYAS PA LAS BCAS SO; ,DE'I PHYIS DGE SBYONG GIS CHU TSAGS LNGA LAS GANG YANG RUNG BA CIG MED PAR GNAS SU MI RUNG NGO, ,MED PAR GNAS NA NYES BYAS SU 'GYUR RO, ,CHU LA DE LTAR BRTAGS SHING BTZAGS NAS SROG CHAGS MED PAR BYAS TE SBYAD NA, 'O NA RTZVA DANG SHING LA SOGS PA LA SROG CHAGS YOD NA JI LTAR SPYAD SNYAM PA LA, DE'I PHYIR, RTZA DANG LCI BA SHING LA SOGS, ,DGOS PA GANG DANG GANG YANG RUNG, ,DE DAG SROG CHAGS MED PAR BYA, ,ZHES BYA BA SMOS TE, MAL GYI 'OG TU GDING BA'I RTZA LA SOGS PA DANG, DKYIL 'KHOR DANG KHANG PA BKRU BA'I LCI BA DANG, MA BUD PA'I SHING DANG, SOGS PA'I SGRAS NI SA LA SOGS PA'I YANG BSDUS TE, DGE SBYONG GIS SPYAD PAR BYA BA'I RDZAS GANG CI YANG RUNG STE KUN LA SROG CHAGS YOD DAM MED BRTAGS NAS SROG CHAGS YOD NA BTZAGS LA SROG CHAGS RNAMS KYANG RANG RANG GI GNAS SU BDE BAR BSKYAL TE, @10B SROG CHAGS MED PAR BYAS NAS SPYAD PAR BYA'O, ,CHU'I SKABS SU BSHAD PA RNAMS KYI DON MDOR BSDUS TE BSTAN PA'I PHYIR, SDOM PAS SROG CHAGS BSAD PA BSRUNG, ,ZHES BYA BA SMOS TE, DGE SBYONG RNAMS NI SNYING RJE CAN LA KHRIMS DANG LDAN PA YIN PAS CI NAS KYANG SAMS CAN CHE PHRA KUN GYI BSAD BA BSRUNG STE, SEMS CAN GANG YANG MI BSAD DO, ,ZHES BYA BA'I DON TO, ,STAN CHU SA DANG SO SHING DANG, ,'DAG PA'I CHAL YANG STA GON BYA, ,LHUNG BZED BKRU LA SOGS PA DANG, ,BLA MA'I DGOS PA THAMS CAD BYA, ,ZHES BYA BAS MKHAN PO DANG SLOB DPON GYI LAS SU BSGRUB PA BSTAN TE, DE LTAR BRTAGS PA DANG BTZAGS PA'I 'OG TU, BLA MA'I DGOS PA THAMS CAD BYA, ,ZHES SBYAR TE, BLA MA NI MKHAN PO DANG SLOB DPON LA BYA STE, DE'I DGOS PA NI MKHAN PO DANG SLOB DPON GYI LAS SU BYA BA RNAMS NYAMS SU BLANG STE BSGRUB BO ZHES BYA BA'I DON TO, ,NYAMS SU BLANG BA DE DAG KYANG GANG ZHE NA, DE BSTAN PA'I PHYIR, STAN CHUS[?] DANG SO SHING DANG, ,'DAG PA'I CHAL YANG STA GO NA BYA, ,ZHES BYA BA SMOS TE, MKHAN PO DANG SLOB DPON GYI LAS SU BYA BA NI NANG BAR MKHAN PO DANG SLOB DPON GANG DU KHA GDONG BKRU BA'I GNAS SU GDAN GDING BA DANG, BKRU BA'I CHU DANG SO SHING DANG, 'DAG PA LI CHAL LA SOGS PA STA GON BYA STE, GSHEGS PA DANG, BSHANG GCI BYED PA'I GNAS SU SA DANG 'DAB MA DAG KYANG STA GON BYAS TE BZHAG GO, ,DE TZAM ZHIG BYAS PAS CHOG GAM ZHE NA, MI CHOG PAR BSTAN PA'I PHYIR, LHUNG BZED BKRU LA SOGS PA DANG, ,ZHES BYA BA SMOS TE, 'DIR MKHAN PO DANG SLOB DPON GYI LHUNG BZED BKRU'O, ,SOGS PA'I SGRAS NI CHOS GOS BKRU ZHING BTZEM PA DANG GNAS BYI DOR BYA BA LA SOGS PA LAS SU BYA BA THAMS CAD BYA'O, ,DE NAS DUS RIG PHYAG BYA STE, ,DE BZHIN GUS PAR THAL SPYAR NAS, ,ZAS BZA' BYA ZHES BLA MA LA, ,BRTUL ZHUGS CAN GYIS DE LTAR ZHU, ,ZHES BYA BAS ZHUS NAS ZAS BZA' BA BSTAN TE, DE NAS ZHES BYA BAS NI BLA MA'I DGOS PA THAMS CAD BYAS PA'I 'OG TU ZHES BYA BA'I DON TO, ,DUS RIG PHYAG BYAS LA DGE SLONG RNAMS KYI ZAS BZA' BA'O, ,DUS NI SKYA RENGS SHAR BA NAS BRTZAMS TE, 'DZAM BU'I GLING GI NYI MA DROS MAN CHAD DE, DE'I BAR DU ZAS @11A *, ,BZA' BAR GNANG BA'I DUS RIG NAS ZHES BYA'O, ,PHYAG BYAS TE, DE BZHIN GUS PAS THAL SBYAR NAS, ,ZHES BYA BA LA MKHAN PO 'AM SLOB DPON LA PHYAG BYAS TE, DE BZHIN NANG PAR SNGAR ZHUS PA BZHIN DU LUS KYIS MA GUS PA RKANG PA BRKYANG BA DANG, LAG PA BRKYANG BA LA SOGS PA BYED PA DANG, NGAG GIS MA GUS PA RTAG DBYED PA LA SOGS PA BTANG LA, LUS DANG NGAG ZHI BA DANG DUL BAR BYA STE, THAL MO SBYAR LA 'TSAL MA 'TSAL, ,ZHES BLA MA MKHAN PO DANG SLOB DPON LA BRTUL ZHUGS CAN DE DGE SLONG GIS DE LTAR ZHU'O, ,LAG PA BKRUS NAS TSUL BZHIN DU,, DE NI MI SMRA TSOD RIG BYA, ,ZHES BYA BAS SBYOR BA PHUN SUM TSOGS PA BSTAN TE, LAG PA BKRUS NAS ZHES BYA BA NI LAG PA DANG LHUNG BZED GNYIS KA BKRUS ZHES BYA BA'I DON TO, ,TSUL BZHIN DU ZHES BYA BAS NI ZAS BZA' BA'I TSE G-YAS G-YON DU MI BLTA'O, ,KHA ZAS 'BRIM PA LA MI BLTA'O, ,HA CANG KHAM CHER MI ZA'O, ,DE NI MI SNA TSOD RIG BYA, ,ZHES BYA BA NI ZAS ZA BA'I TSE GAD MO MI BGAD DO, ,GTAM MI BYA'O, ,RKAN SGRA MI GTOG GO, ,CAG CAG MI BYA'O, ,TSOD RIG CES BYA BA NI HA CANG MANG DU MI BZA' LA, HA CANG NYUNG DU ZOS NA YANG DGE BA BYED MI NUS PAS CI TZAM GYI DGE BA BYED PA DE TZAM GYI TSOD DE TZAM ZHIG BZA'O, ,BRU BA'I NAD LAS BZLOG PA'I PHYIR, ,BZA'O SNYAM PA'I SEMS KYIS BZA', ,ZHES BYA BAS BSAM PA PHUN SUM TSOGS PAS BZA' BAR BYA BA BSTAN TE, 'DI LTAR ZAS ZA BA'I TSE STOBS CHE BA DANG GZUGS MDZES PAR 'DOD PA'I BSAM PAS ZOS NA NI ZAS ZOS PA DE NYID MI DGE BAR 'GYUR RO, ,ZAS MA ZOS NA LUS NYAM CHUNG BAS DGE BA BYED MI NUS PA'I PHYIR DGE BA BYED PA'I DON DU ZAS BZA'O SNYAM PA'I SEMS KYIS ZAS ZOS NA ZAS ZOS PA DE NYID DGE BAR 'GYUR RO, ,DE GNYIS GANG DU YANG MA GTOGS PAR KHA ZAS BZA'O SNYAM STE ZAS ZOS PA DE NYID LUNG MA BSTAN DU 'GYUR RO, ,DE BAS NA ZAS ZA BA'I TSE YANG ZAS MA ZOS NA BKRES PA'I NAD KYIS 'DEBS SO, ,BKRES PA'I NAD KYIS BTAB NA DGE BA BYED MI NUS PAS, KHA ZAS ZOS LA BKRES PA'I NAD BZLOG LA DGE BA BYA'O SNYAM PA'I BSAM BAS ZAS BZA' BAR BYA STE, DE LTA BU'I @11B BSAM PA BZANG POS ZOS NA KHA ZAS ZOS PA DE DGE BAR 'GYUR RO, ,ZOS SHING DE BZHIN 'THUNGS PA DANG, ,RUNG BA'I CHU YIS DE 'OG TU, ,SBYIN PA YANG DAG 'PHEL BYA'I PHYIR, ,SBYIN PA'I TSIGS BCAD GNYIS SHIG BRJOD, ,CES BYA BAS BSOD NAMS BSNGO BA BSTAN TE, ZOS SHING ZHES BYA BAS NI BZA' BA LNGA ZOS SHING BCA' BA LNGA 'CHOS SO, ,DE LA BZA' BA NI KHA ZAS LA BYA'O, ,BCA' BA NI SPYAN GZIGS LA BYA'O, ,DE BZHIN 'THUNGS PA DANG ZHES BYA BAS NI BTUNG BAR BYA BA 'THUNGS PA'O, ,RUNG BA'I CHU YIS ZHES BYA BA NI BTZAGS SHING BRTAGS PA'I CHUS LAG PA DANG KHA BKRUS LA, DE'I 'OG TU LHUNG BZED KYANG DAG PAR BKRU BAR BYA'O, ,DE'I 'OG TU, SBYIN PA YANG DAG 'PHEL BYA'I PHYIR, ,SBYIN PA'I TSIGS BCAD GNYIS SHIG BRJOD, ,CES BYA BA LA, LAG PA DANG LHUNG BZED BKRUS PA'I 'OG TU SBYIN PA'I YON BDAG GI SMON LAM BDAG DANG GZHAN LA GNOD PAR 'GYUR BA BZLOG STE, SBYIN PA'I 'BRAS BU LHA DANG MI'I LUS THOB PA'I LONGS SPYOD CHEN PO THOB PAR BYA BA'I PHYIR SBYIN PA'I YON BDAG GI DON DU TSIGS SU BCAD PA GCIG BKLAGS PA DANG, KLU'I RGYAL PO DGA' BO DANG, NYE DGA' BO'I DON DU TSIGS SU BCAD PA GCIG BKLAGS TE DE LTAR TSIGS SU BCAD PA GNYIS SHIG GDON TO; ,MAN NGAG YOD NA BSAM GTAN BYA, ,RAB TU 'BAD DE BKLAG PAR BYA, ,SDOM DANG CHO GA MKHAS PA DANG, ,BSGRUB PA LA NI BRTZON PAR BYA, ,ZHES BYA BAS DGE BA BYA BA BSTAN TE, DE RNAM PA BZHI YOD DE BSAM GTAN BYA BA DANG, BKLAG PA DANG, LTUNG BA DANG, MI LTUNG BA LA MKHAS PA DANG, TSUL KHRIMS MA NYAMS PAR BSRUNG BAR BYA'O, ,MAN NGAG YOD NA BSAM GTAN BYA, ,ZHES BYA BAS BSAM GTAN BYA BAR BSTAN TE, DE LA YANG GANG ZAG RNAM PA BZHI YOD DE, 'DOD CHAGS LA SPYOD PA'I GANG ZAG DANG, ZHE SDANG LA SPYOD PA'I GANG ZAG DANG, GTI MUG LA SPYOD PA'I GANG ZAG DANG, RNAM PAR RTOG PA LA SPYOD PA'I GANG ZAG GO, ,DE LA 'DOD CHAGS LA SBYOD PA'I GANG ZAG GIS NI MI GTZANG BA BSGOM MO, ,ZHE SDANG LA SPYOD PA'I GANG ZAG GIS NI SEMS CAN THAMS CAD GNYEN BSHES DANG NYE DU BZHIN DU SDUG PA DANG PHANGS PAR BSGOM MO, ,GTI MUG LA @12A *, ,SPYOD PA'I GANG ZAG GIS NI RTEN CING 'BREL PAR 'BYUNG BA LUGS BZHIN 'BYUNG BA DANG LUGS LAS BZLOG PA'I MTSAN NYID BSGOM MO, ,RNAM PAR RTOG PA LA SPYOD PA'I GANG ZAG GIS NI DBUGS PHYI NANG DU RGYU BA BSGOM MO, ,SGOM PA 'DI DAG NI BDUD RTZI'I SGO ZHES BYA STE, MYA NGAN LAS 'DAS PA THOB PA'I RGYU YIN NO, ,GAL TE BSAM GTAN 'DI DAG LA SOGS PA MAN NGAG GANG MKHAN PO DANG SLOB DPON LA THOS NAS ZAS ZOS PA'I 'OG TU BSAM GTAN BYA'O, ,RAB TU 'BAD DE KLAG PAR BYED, ,CES BYA BAS BKLAG PAR BYA BA BSTEN TE, GAL TE BSAM GTAN BSGOM PA'I MAN NGAG MED NA BKLAG PAR BYA STE KHA TON BYA BA'AM, DHARMA GLEGS BAM LA BKLAG PAR BYA BA'O, ,DE LTAR KLOG PA'I DUS NA YANG RAB TU 'BAD DE BKLAG PAR BYA'O, ,DKYIL 'KHOR DANG MCHOD PA LA SOGS PA BYAS LA SEMS MA YENGS PAR RTZE GCIG TU BSDUS NAS LHA KLU LA SOGS PA LA CHOS KYI SBYIN PA BYA'O, ,HA CANG YANG MI DRAG HA CANG YANG MI DAL BAR REN PAR BYA STE, ZUR PHYIN PAR BKLAG GO, ,BKLAGS PA'I RJES LA YANG BSOD NAMS BDAG DANG SEMS CAN GYI DON DU BSNGO'O, ,SDOM DANG CHO GA MKHAS PA DANG, ,ZHES BYA BAS LTUNG BA DANG MI LTUNG BAR BYA BA LA MKHAS PAR BYA BA BSTAN TE, SDOM PA'I SGRA NI PHAS PHAM PA BZHI LA BYA LA, CHO GA'I SGRA NI SBOM PO DANG NYES BYAS LA SOGS PA BSLAB TSIG PHRA MO DANG DGE SBYONG GI BYA BA RNAMS LA BYA STE, MKHAS PA ZHES BYA BAS NI 'DI TZAM GYI PHAS PHAM PAR 'GYUR LA, 'DI TZAM GYIS PHAS PHAM PAR MI 'GYUR ZHES SHES PAR BYA BA DANG; 'DI DAG NI NYES BYAS YIN, 'DI DAG NI BDAG GI LAS SU BYA BA YIN, 'DI DAG NI BDAG GI LAS SU BYA BA MA YIN NO ZHES SHES PAR BYA'O, ,BSGRUB PA LA NI BRTZON PAR BYA, ,ZHES BYA BAS TSUL KHRIMS LHUR LEN PA BSTAN TE, PHAS PHAM PA DANG SBOM PO DANG NYES BYAS LA SOGS PA MI 'BYUNG BAR BSRUNG BA NYID BSGRUB PAR BYA BA LA BRTZON PA YIN NO, ,DA NI PHAS PHAM PA'I GNAS 'CHAD DE, DE LA PHAS PHAM PA'I DON CI ZHE NA, SANGS RGYAS BCOM LDAN 'DAS NI CHOS KYI RGYAL PO, ,BDAG NI CHOS KYI RGYAL PO'I RGYAL TSAB BO, ,TSUL KHRIMS DANG TING NGE 'DZIN DANG SHES RAB LA SOGS PA BYANG @12B CHUB KYI PHYOGS KYI CHOS RNAMS NI BDAG GI NYON MONGS PA THAMS CAD ZHI BAR BYA BA'I GROGS SAM MIG LTA BU YIN TE, BYANG CHUB KYI PHYOGS KYIS NYON MONGS PA BCOM NAS CHOS KYI RGYAL PO'I GNAS THOB PAR BYA BA YIN PA LAS, 'DOD CHAGS LA SOGS PA NYON MONGS PA'I DBANG DU GYUR PA RNAMS KYIS TSUL KHRIMS LA SOGS PA BYANG CHUB KYI PHYOGS KYI CHOS RNAMS MED PAR BYAS PAS BDAG GIS CHOS KYI RGYAL PO'I GNAS MYA NGAN LAS 'DAS PA THOB PAR BYA BA'I SKAL BA MED PA LA PHAS PHAM PA ZHES PA BYA STE, NYON MONGS PA'I GNAS SU GYUR ZHES BYA BA'I DON TO, ,DE LA PHAS PHAM PA RNAM PA BZHI STE, SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA'O, ,PHAS PHAM PA 'BYUNG BA'I RGYU NI RNAM PA GSUM STE, ZHE SDANG DANG, 'DOD CHAGS DANG, GTI MUG GO, ,DE LA ZHE SDANG LAS NI SROG GCOD PA'I PHAS PHAM PA 'BYUNG NGO, ,'DOD CHAGS LAS NI MA BYIN PAR LEN PA DANG MI TSANGS PAR SPYOD PA'I PHAS PHAM PA 'BYUNG NGO, ,GTI MUG LAS NI BRDZUN DU SMRA BA'I PHAS PHAM PA 'BYUNG NGO, ,BCOM LDAN 'DAS KYI NYAN THOS KYI DGE 'DUN LA LO BCU GNYIS KYI BAR DU LTA BA MNYAMS SKYON MED PAS, DES NA BCOM LDAN 'DAS KYIS 'DIR MDOR BSDUS TE, NYAN THOS RNAMS LA SO SOR THAR PA'I MDO BSHAD DE BSTAN PA, SDIG PA THAMS CAD MI BYA STE, ,DGE BA PHUN SUM TSOGS PAR BYA, ,RANG GI SEMS NI YONGS SU GDUL, ,'DI NI SANGS RGYAS BSTAN PA'O, ,LUS KYI SDOM PA LEGS PA STE, ,NGAG GI SDOM PA LEGS PA YIN, ,YID KYI SDOM PA LAGS PA STE, ,THAMS CAD DU NI SDOM PA LEGS, ,KUN DU BSDAMS PA'I DGE SLONG NI, ,SDUG BSNGAL KUN LAS RAB TU GOL, ,NGAG RNAMS BSRUNGS SHING YID KYANG RAB BSDAMS TE, ,LUS KYIS MI DGE BA DAG MI SPYOD CING, ,LAS RNAMS GSUM PO 'DI DAG RAB SBYANGS NAS, ,DRANG SRONG GSUNG BA'I LAM NI THOB PAR 'GYUR, , ZHES GSUNGS PAS SLOB PAR ZAD DO, ,LO BCU GNYIS 'DAS NAS BCOM LDAN 'DAS KYI BSTAN PA LA SKYON DANG PHAN 'BYUNG NGO, ,DE LA DANG PO SROG GCOD PA'I PHAS PHAM PA BSHAD DE, DE YANG SANGS RGYAS BCOM LDAN 'DAS YUL BRI JI'I LJONGS CHU BO DGA' SKYED KYI 'GRAM THANG SHING GI NAGS STUG BO NA @13A *, ,BZHUGS SO, ,DE NAS BCOM LDAN 'DAS KYIS DGE SLONG GI DGE 'DUN LA MI GTZANG BA BSGOM DU BCUG NAS DGE SLONG DAG MI GTZANG BA LA BRTEN NAS BSGOM PA LAN MANG DU BYAS NAS 'BRAS BU CHE ZHING LEGS PA CHEN POR 'GYUR RO ZHES BSNGAGS PA BRJOD PAS, DGE SLONG RNAMS KYIS MI GTZANG BA BSGOMS PAS LUS RNAG CAN 'DIS YID BYUNG SGYID LUG STE, RNAM PAR SMOD CING MTSON GYIS KYANG 'DEBS, DUG KYANG ZA, 'GEGS KYANG 'GEG ,G-YANG DU YANG MCHOD, DGE SLONG GIS KYANG DGE SLONG YANG GSOD, DE NAS DGE SLONG ZHIG LUS LA RNAM PAR SMOD CING RI DAGS DBYIG PA CAN DGE SBYONG SRUNG BA LA 'DI SKAD CES SMRA'O, ,BZHIN BZANGS NGA SOD CIG DANG CHOS GOS KYANG KHYOD KYIR 'GYUR RO, ,DE NAS DBYIG PA CAN GYIS DE'I SROG BCAD NAS RAL GRI KHRAG CAN CHU BO DGA' SKYED LA 'KHRU'O, ,DE NAS LHA'I BU'I BDUD CIG CHU BO'I RGYUN LA MA REG TZAM DU 'DUG NAS DBYUG PA CAN LA LEGS PA'I BSOD NAMS MANG DU SPEL LO, ,SEMS CAN NO ZHES BSTOD PAS DBYIG PA CAN YANG CHOS GOS DANG LHUNG BZED 'DOD PAS BSOD NAMS BYA'O SNYAM NAS RAL GRI RNON PO MCHAN DU BCUG STE, GTZUG LAG KHANG NAS 'CHAG SA'I BAR DU GCIG NAS GCIG TU DGE SLONG DRUG CU'I BAR DU SROG BCAD NAS DGE SLONG RNAMS NYUNG ZHING 'GRIBS PAR GYUR TO, ,DE NAS BCOM LDAN 'DAS GSO SBYONG BCO LNGA PA'I TSE DGE SLONG GI DGE 'DUN THAMS CAD LA GZIGS NAS TSE DANG LDAN PA KUN DGA' BO LA BKA' STZAL PA, RGYU RKYEN GANG GIS DA LTA NGA'I DGE SLONG NYUNG ZHING 'GRIBS PAR GYUR ZHES SMRAS PA DANG JI LTA BUR GYUR PA RGYAS PAR GSOL TO, ,BKA' STZAL PA, KUN DGA' BO DGE SLONG GSOD DAM, BTZUN PA 'GUMS LAGS SO, ,BCOM LDAN 'DAS KYIS DGE SLONG MA YIN ZHES RNAM GRANGS DU MAS SMAD NAS, LEGS PA BCU GZIGS PA'I PHYIR BSLAB PA'I GNAS BCAS SO, ,GLENG GZHI NI YUL BRI DZI, GANG ZAG NI DBYIG PA CAN DGE SBYONG SRUNG, NYON MONGS PA NI MI BZOD PA, NYES PA NI GSONG BA DANG, DNGOS PO NI MIR CHAGS PA'O, ,SROG GCOD PA'I PHAS PHAM PA 'DI RNAM PA GSUM GYIS BSTAN TE, PHAS PHAM PA'I GNAS BSTAN PA DANG, SBOM PO'I GNAS BSTAN PA @13B DANG; NYES BYAS KYI GNAS BSTAN PA'O, ,PHAS PHAM PA'I GNAS BSTAN PA LA GSUM STE, BDAG GAS BSAD PA DANG, GZHAN GSOD DU BCUG PA DANG, THABS KYIS BSAD PA'O, ,BRTUL ZHUGS GNAS SEMS MA NYAMS PAS, ,CHED DU BSAMS TE MA NOR BAR, ,MI GZHAN BDAG GAM GZHAN RNAMS KYIS, ,BSAD NA BRTUL ZHUGS NYAMS PAR 'GYUR, ,ZHES BYA BA BDAG GIS BSAD PA DANG, GZHAN GYIS BSAD PA BSTAN TE, BRTUL ZHUGS GNAS ZHES BYA BAS BSLAB PA NYAMS PAR YANG MA BYAS, BSLAB PA PHUL YANG MA PHUL BA LA BRTUL ZHUGS GNAS ZHES BYA'O, , 'DIR RNAM PA BZHI BZHAG GO, ,BSLAB PA PHUL LA NYAMS PAR MA BYAS PA DANG, BSLAB PA NYAMS PAR BYAS LAM PHUL BA DANG, BSLAB PA NYAMS PAR YANG BYAS LA PHUL BA DANG, BSLAB PA NYAMS PAR YANG MA BYAS PHUL YANG MA PHUL LO, ,DE LA BSLAB PA PHUL LA NYAMS PAR MA BYAS PA NI 'DI LTAR DGE SBYONG CHAGS PAR GYUR TAM MI DGA' 'AM, SLAR 'BAB 'DOD DAM, DGE SBYONG DON DU MI GNYER BAS DGE SBYONG GI GAN DU SONG NAS, TSE DANG LDAN PA DGONGS SHIG BDAG MING 'DI ZHES BGYI BA BSLAB PAR 'BUL LO ZHES ZER BA DANG, SANGS RGYAS DANG CHOS DANG DGE 'DUN 'BUL BA'AM, MKHAN PO DANG SLOB DPON 'BUL LO ZHES ZER NA BSLAB PA PHUL LO ZHES BYA'O, ,BDAG KHYIM PA YIN NO ZHE 'AM, DGE BSNYEN YIN NO ZHE 'AM, MTSAMS MED PA LNGA BYAS PA'AM, MU STEGS CAN NAM, CHANGS PA MTSUNGS PAR SPYOD PA KHYED DANG LHAN CIG 'GROGS SU MA DGONGS SO ZHES ZER NA BSLAB PA PHUL BA YIN TE, BSLAB BA NYAMS PAR BYAS PA MA YIN NO, ,JI LTAR BSLAB PA NYAMS PAR NI BYAS LA BSLAB PA PHUL BA MA YIN ZHE NA, 'DI LTAR DGE SBYONG CHAGS SHING MI DGA' STE 'BAB BAR 'DOD NAS MKHYAN PAR MDZOD CIG TSANGS PAR SPYAD PAS RAB TU DBEN PA DANG, DGON PA NI SPYAD DKA'O, , PHAM BU SRING BU NU MKHAN PO DRAN NO, ,BDAG BZO SLOB BO, ,BDAG DGA' BA'I RIGS RNAMS LA GTOD CIG ,BABS PA'I RTAGS SMRAS KYANG BSLAB PA 'BUL ZHES MA SMRAS NA BSLAB PA NYAMS PAR BYAS KYI PHUL BA MA YIN NO, ,JI LTAR BSLAB PA NYAMS PAR YANG BYAS PHUL BA YANG YIN ZHE NA, DGE SBYONG @14A *, ,CHAGS SHING 'BAB PAR 'DOD PAS TSANGS PAR SPYOD PA DANG DGON PA NI DKA'O, ,PHA DANG MA DANG MKHAN PO LA SOGS PA DRAN NA BDAG DGA' BA'I RIGS LA GTOD CIG CES SMRA ZHING TSIG GIS GO BAR BSLAB PA 'BUL ZHES ZER NA BSLAB PA NYAMS PAR YANG BYAS PA BSLAB PA PHUL BA YANG YIN NO; ,JI LTAR BSLAB PA NYAMS PAR YANG MA BYAS LA PHUL BA YANG MA YIN ZHE NA, NYAMS PA'I TSIG KYANG MA SMRAS 'BUL BA'I TSIG KYANG MA SMRAS PA'O, ,DE LA BSLAB PA MA PHUL YANG NYAMS PAR BYAS PAS KYANG BSLAB PA NYAMS PA DANG PHUL BAR 'GYUR RO, ,BSLAB PA MA PHUL BA LAS NYAMS PAR BYAS PA DANG, BSLAB PA PHUL YANG MA PHUL LA NYAMS PAR YANG MA BYAS PAS NI PHUL BAR MI 'GYUR RO, ,SEMS NYAMS PAS ZHES BYA BA LA SEMS NYAMS PA NI SMYOS TE MI DRAN PA LA BYA STE, BDAG SMYOS KYANG MA SMYOS TE DRAN BZHIN DU BSAD NA PHAS PHAM PAR 'GYUR RO, ,SMYOS TE MI DRAN PAR 'GYUR NAS BSAD NA NI PHAS PHAM PAR MI 'GYUR RO, ,CHED DU BSAMS TE ZHES BYA BA LA BSAD PAR NI MA BSAMS KYI RTZED MO LA SOGS PA BYED BYED DE SHI NAS PHAS PHAM PAR MI 'GYUR GYI, CHED DU GSAD PAR BSAMS TE SHI NAS PHAM PAR 'GYUR RO, ,MA NOR BA ZHES BYA BA LA YANG MI RNAM PA GSUM BSAD NA PHAS PHAM PAR 'GYUR BA LAS, BDAG KYANG MI'I RGYUD DU GTOGS PA YIN TE, BDAG GIS BDAG BSAD PA NA PHAS PHAM PAR MI 'GYUR GYI BDAG GIS GZHAN BSAD NA PHAS PHAM PAR 'GYUR RO, ,BDAG GIS GZHAN BSAD NA BRTUL ZHUGS NYAMS PAR 'GYUR ZHES BYA BAR SBYAR TE, BDAG NYID KYIS LAG DAR TE MI RNAM PA GSUM BSAD NA BRTUL ZHUGS NYAMS PAR 'GYUR TE PHAS PHAM PA 'BYUNG BAS DGE SBYONG DU MI RUNG ZHING 'PHAGS PA'I BDEN PA MTHONG BA DANG MYA NGAN LAS 'DAS PA THOB PA'I SKAL BA MED PAR 'GYUR RO ZHES BYA BA'I THA TSIG GO, ,DE LA BDAG GIS BSAD PA LA YANG RNAM PA GSUM STE, ZIN PA'I LUS SU GTOGS PA DANG, PHYI ROL GYIS 'PHANGS PA DANG, GNYIS KA DANG YANG LDAN PA'O, ,JI LTAR ZIN PA'I LUS SU GTOGS PAS SHE NA, DGE SBYONG GIS GSAD SEMS KYIS SKYES PA DANG, BUD MED DAM MA NING KHU TSUR RAM RDO'AM THA NA SOR MO GCIG BSNUN TE, SHI BAR GYUR CIG SNYAM PA LAS DE NYID KYI @14B TSE'AM PHYIS SHI BAR 'GYUR NA NI PHAS PHAM PAR 'GYUR RO, ,MA SHI NA NYES PA SBOM PO'O, ,PHYI ROL GYIS 'PHANGS PA GANG ZHE NA, DGE SBYONG GIS BSAD SEMS KYIS MI LA MDA' 'PHANGS PA'AM, MDUNG DANG, BE CON DANG, THA NA RGYA SHUG GIS BSNUN TE DES SHI BAR GYUR CIG SNYAM PA LAS DE NYID KYI TSE'AM DUS PHYIS SHI NA YANG PAS PHAM PA'O, ,MA SHIN SBOM PO'O, ,GNYIS KA DANG LDAN PA GANG ZHE NA, DGE SBYONG GIS MI LA BSAD SEMS KYIS RAL GRI DANG DBYIG PA DANG MDUNG THUNG GIS BSNUN TE 'DIS SHI BAR GYUR CIG SNYAM PA LAS DE NYID KYI TSE'AM PHYIS SHIN YANG PHAS PHAM PAR 'GYUR RO, ,MA SHI NA SBOM PO'O, ,GZHAN RNAMS KYIS BSAD NA BRTUL ZHUGS NYAMS PAR 'GYUR ZHES BYA BA LA, MI RNAM PA GSUM BSAD PA'I PHYIR BDAG GIS GZHAN LA GSOD DU BCOL BA LAS DES MI RNAM PA GSUM GANG YANG RUNG BAS BSAD NA PHAS PHAM PAR 'GYUR RO, ,'DIR RNAM PA GSUM BZHAG STE, ZIN PA'I LUS SU GTOGS PA DANG, PHYI ROL GYIS 'PHANGS PA DANG, GNYIS KA DANG LDAN PA BSHAD PA NI SDAM BZHIN NO, ,TSIG DE DAG GIS NI BDAG GIS BSAD PA DANG, GZHAN GYIS BSAD PA STON TO, ,TSUL KHRIMS LDAN NAM TSUL KHRIMS 'CHAL, ,DE BZHIN NAD KYIS BTAB PA LA, ,GANG THOS SDUG BSNGAL NYAM THAG STE, ,NGES 'CHI'I CHOS GTAM DE MI BYA, ,SMAN DANG SNGAGS DANG RIG PA DANG, ,'CHI BA'I PHYOGS SU BTANG BA'AM, ,MI GZHAN THABS RNAMS SNA TSOGS KYIS, ,BSAD NA BRTUL ZHUGS NYAMS PAR 'GYUR, ,ZHES BYA BA YAN CHAD KYIS THABS KYIS GSOD PA BSTAN TE, THABS KYIS, TSUL KHRIMS LDAN NAM TSUL KHRIMS 'CHAL, ,DE BZHIN NAD KYIS BTAB PA LA, ,GANG THOS SDUG BSNGAL NYAM THAG STE, ,NGES 'CHI'I CHOS GTAM DE MI BYA, ,ZHES BYA BAS TSIG GI SGO NAS THA BAS KYIS GSOD PA RNAMS SHIG BSTAN TE, DE YANG RNAM PA GSUM YOD DE, GANG ZHE NA; TSUL KHRIMS DANG LDAN PA DANG, TSUL KHRIMS 'CHAL BA DANG, NAD KYIS BTAB PA LA TSUL KHRIMS DANG LDAN NAM ZHES BYA BA DANG, GANG THOS ZHES BYA BA DANG, NGES 'CHI'I CHOS GTAM DE MI BYA, ,ZHES BYA BAR SBYAR TE, TSUL KHRIMS DANG LDAN PA LA 'TSO BA'I YO BYAD 'DOD PA'I PHYIR TSE DANG @15A *, ,LDAN PA KHYOD TSUL KHRIMS DANG LDAN PA DGE PA'I CHOS CAN YIN PAS 'DI NAS SHI 'PHOS NAS TSE RABS GZHAN DU SKYES NA LO LEGS PA DANG 'DRA, MTHO RIS NI DAR LAS CHOD, THAR PA NI YOL BA LTA BUS CHOD DE LUS DANG BRAL NAS LHAR SKYES PAR 'GYUR GYIS RANG GIS RANG SOD CIG CES BSGO BA LAS DE SHI NA NI PHAS PHAM PA'O, ,MA SHI NA SBOM PO'O, ,TSUL KHRIMS 'CHAL CES BYA BA DANG, GANG THOS ZHES BYA BA DANG, NGES 'CHI'I CHOS GTAM DE MI BYA, ,ZHES BYA BAR SBYAR TE, TSUL KHRIMS 'CHAL BA CAN LA YO BYAD 'DOD PA'I PHYIR, 'CHIR GZHUG GO SNYAM DU BSAMS NAS TSE DANG LDAN PA SDIG PA'I CHOS CAN LUS DANG NGAG GIS NGAN PAR SPYOD PA KHYOD JI TZAM DU YUN RING DU GSON PA DE TZAM NGAN SONG DU SKYE BAR 'GYUR BA'I SDIG 'PHEL BAS RANG GIS RANG SOD CIG CES BSGO BA LAS SHI NA PHAS PHAM PAR 'GYUR RO, ,MA SHI NA SBOM PO'O, ,DE BZHIN NAD KYIS BTAB PA LA, ,GANG THOS SDUG BSNGAL NYAM THAG STE; ,NGES 'CHI'I CHOS GTAM DE MI BYA, ,ZHES BYA BAS NAD PA SBYAR TE, NAD KYIS BTAB PA'I NAD PA LA NAD PA'I YO BYAD 'DOD PA'I PHYIR, TSE DANG LDAN PA NAD BU CAN SDUG BSNGAL GYIS RNYONGS PA JI SRAD DU YUN RING DU 'TSO BA DE SRID DU SDUG BSNGAL DU 'GYUR GYIS RANG GIS RANG SOD CIG CES GDON MI ZA BAR 'CHI BA'I GTAM MI BYA'O, ,GAL TE GDON MI ZA BAR 'CHI BAR 'GYUR PA'I GTAM BYAS PA LAS SHI NA PHAS PHAM PA'O, ,MA SHI NA SBOM PO'O, ,GONG DU SMOS PA LTAR BSTAN PA LA DGE SBYONG GIS 'GYOD DE DA NI BYIS PA DANG 'DRA BAS GYI NA ZHIG SMRAS KYI RANG MA GSOD CIG CES BSGO BA LAS SHI YANG RUNG MA SHI YANG RUNG PHYIS 'GYOD DE BSGO NA SBOM POR ZAD DO, ,SMAN DANG ZHES BYA BA LA, SMAN DE DUG GIS BSAD PA'I GLENG GZHI NI, BCOM LDAN 'DAS DZE TA'I TSAL NA BZHUGS SO, ,DE NA KHYIM BDAG STOBS SDE ZHES BYA BA LONGS SPYOD CHE BA ZHIG 'DUG PA CHUNG MA DANG YONGS SU SPYOD PA LAS KHYE'U GNYIS BDOG STE, PHU BO NI SDE PA, NU BO NI NYE SDE ZHES MING DU BTAGS SO, ,DE NAS DUS GZHAN ZHIG NA SDE PA GZHAN DU TSONG LA CHAS PAS NOR MANG DU RNYED PAS DE CHAGS TE, YUN RING DU MA LOG GO, ,DE NAS SDE BA'I CHUNG MA 'DOD CHAGS KYIS KHOL BAR GYUR NAS NYE SDE LA LAN DU MA ZHIG BSGUGS PA LAS, NYE SDES KYANG @15B PHYI ZHIG NA SPYAD DE BU CHAGS SO, ,DE NAS SDE PA 'ONG BA THOS NAS NYE SDES 'JIGS NAS DZE TA'I TSAL DU RAB TU BYUNG NGO, ,DES PHYIS BDAG GI KHYIM DU PHYIN PA DANG, SDE PA'I CHUNG MAS KHYO NI 'ONG KHYOD NI THAR NA BDAG JI LTAR BYA ZHES DRIS PA DANG, NYE SDES GROGS PO SMAN PA GCIG LA JI LTAR GYUR PA RGYAS PAR SMRAS NAS, SMAN PAS BDAG GIS MNGAL 'JIG PAR 'GYUR BA'I SMAN GYIS MNGAL NA YOD PA DE DUM BUR ZHIG PAR 'GYUR BA DE SBYIN NO ZHES BYAS TE, SDE PA'I CHUNG MA LA SMAN PHYE MA BLUD PAS RUM NA YOD PA YANG MED PAR GYUR TO, ,NYE SDE YANG SMAN BYAS PA LA YI RANG NAS CANG MA SMRAS SO, ,DUS PHYI ZHIG NA DE LTAR GYUR BA SKYE BO KUN GYIS THOS NAS DGE SLONG ZHES 'DZER TO, ,DE LTAR GYUR PA DE DGE SLONG RNAMS KYIS BCOM LDAN 'DAS LA GSOL TE, BCOM LDAN 'DAS KYIS NYE SDE LA KHYOD KYIS DE LTAR BYAS PA BDEN NAM ZHES SMRAS NAS, BTZUN PA DE LTAR NI MA BGYIS KYI RJES SU YI RANG BA NI BGYIS SO ZHES GSOL PAS, BCOM LDAN 'DAS KYIS BKA' STZAL PA, NYE SDE LA NI LTUNG BA MED KYIS PHYIN CHAD DE LTA BU LA YI RANG NA NYES PA DANG BCAS PAR 'GYUR RO, ,DGE SBYONG GIS SKYES PA'AM BUD MED DAM MA NING LA GSAD SEMS KYIS KHA ZAS KYI NANG DU DUG SBYAR MA BLUGS PA DANG, KHRUS CHU DANG, SKOM DANG; BDUG SPOS KYI NANG DU DUG GI PHYE MA BLUGS TE 'DIS 'CHI BAR 'GYUR RO SNYAM NA YANG DE NYID KYI TSE SHI 'AM DUS PHYIS SHI NA PHAS PHAM PA'O, ,MA SHI NA SBOM PO'O, ,DGE SBYONG GIS CHANG NGAM SMYO BA'I SMAN BYIN TE SHI BAR GYUR CIG SNYAM PA LAS DE NYID KYI TSE 'AM PHYIS SHI NA PHAS PHAM PA'O, , MA SHI NA SBOM PO'O, ,'CHI BA'I PHYOGS SU BTANG NGAM ZHES BYA BA LA DGE SBYONG GIS GSAD SEMS KYIS G-YANG DU PHUL BA DANG, MER PHUL BA DANG, 'CHI BA'I PHYOGS SU BTANG BA DANG, STAG GZIG LA SOGS PA GCAN GZAN GDUG PA'I GNAS SU BTANG BA DANG, SBRUL DANG SDIG PA LA SOGS PA SROG CHAGS GDUG PA'I GNAS SU BTANG BA 'AM, GSAD PAR 'DOD PAS GRANG BA'I TSE GRIB MA LA BZHAG NAS LHAGS PA LA BOR BA DANG, DRO BA'I TSE NYI MA LA BZHAG NAS DRO KHUNG DU BZHAG STE THABS 'DIS SHI BAR GYUR CIG SNYAM PA LAS DE'I TSE SHI 'AM PHYIS SHI NA YANG PHAS PHAM PA'O, ,MI GZHAN THABS RNAMS SNA TSOGS @16A *, ,KYIS; ,BSAD NA BRTUL ZHUGS NYAMS PAR 'GYUR, ,ZHES BYA BA LA GZHAN GSAD PA'I BSAM PAS THABS KYIS 'CHI BAS BSAD PA 'AM SHING LA 'CHING BAS BSAD PA DANG, DE LA DGE SBYONG GIS GSAD SEMS KYIS SPYUGS NAS STAG GZIG GAM 'PHAR SPYANG LA SOGS PAS ZOS SAM, THABS CI YANG RUNG BAS SHI NA PHAS PHAM PA'O, ,DGE SBYONG GIS GSAD SEMS KYIS MI SHING LA 'BRENG RLON GYIS BCINGS TE BZHAG PA LA STAG GZIG GAM 'PHAR SPYANG LA SOGS PAS ZOS SAM CI'I THABS KYIS SHI YANG PHAM PA'O, ,DGE SBYONG GIS BUD MED SBRUM MA GSAD BAR BSAMS TE DKU MNYES PA LAS MA SHI NA PHAS PHAM PA'O, ,BU SHI LA MA MA SHI NA SBOM PO'O, ,GNYIS KA MA SHI NA SBOM PO'O, ,BU BSAD PAR 'DOD DE, DKU MNYES PA LAS BU SHI LA MA MA SHI NA PHAS PHAM PA'O, ,BU MA SHI LA MA SHI NA YANG SBOM PO'O, ,GNYIS KA MA SHI NA YANG SBOM PO'O; ,DE BZHIN DU DGE SPYONG GIS GSAD SEMS KYIS SNYING KHAR 'DEBS PA'I RAL GRI DANG CHU GRI BZHAG PA DANG, GTOR MA BZHAG PA DANG, SA MDA' DANG, RTZANG BTZUGS PA LA SOGS PA BZHAG PA LA SHI NA PHAS PHAM PA'O, ,MA SHI NA SBOM PO'O, ,'DI YAN CHAD KYIS PHAS PHAM PA'I ZLA LA SBOM PO YANG BCAD DE BSHAD DO, ,YAN LAG BDUN DANG LDAN NA SROG GCOD PA'I MTSAN NYID PHAS PHAM PAR 'GYUR RO, ,BDUN GANG ZHE NA, MI'I RGYUD YIN, MI YIN, GZHAN MA YIN, MIR 'DU SHES, SBYOR BA BYAS, 'TSO BA NYAMS, BDAG MA SMYOS PA'O, ,BYOL SONG DANG NI SEMS DMYAL DANG, , YI DAGS 'ON TE LHA YANG RUNG, ,BSAD NA NGAN 'GROR LHUNG BA YIS, ,SDIG PA SBOM PO THOB PAR 'GYUR, ,BRTUL ZHUGS CAN GYIS BSAD SNYAM STE, ,LUS DANG NGAG GI SBYOR BA LAS, ,SKYE BO GSON YANG DE LA NI, ,KHA NA MA THO RNAM GSUM 'GYUR, ,ZHES BYA BAS NYES PA SBOM PO'I GNAS BSTAN TE; BYOL SONG NI RTA DANG BA LANG DANG LUG LA SOGS PA LA BYA STE, DGE SBYONG GIS GSAD SEMS KYIS BYOL SONG BSAD NA SDIG PA SBOM PO THOB PAR 'GYUR ZHES BYA BAR SBYAR TE, SEMS CAN DMYAL BA DANG ZHES BYA BA SEMS CAN DMYAL BA LA RNAM PA GNYIS TE, SEMS CAN DMYAL BA CHEN PO @16B DANG; PHYOGS GCIG PA'I SEMS CAN DMYAL BA'O, ,SEMS CAN DMYAL BA CHEN PO LA YANG RNAM PA GNYIS TE, TSA BA'I SEMS CAN DMYAL BA DANG, GRANG BA'I SEMS CAN DMYAL BA'O, ,DE LA TSA BA'I SEMS CAN DMYAL BA NI MNAR MED PA DANG, RAB TU TSA BA DANG, TSA BA DANG, NGU 'BOD CHEN PO DANG, NGU 'BOD DANG, BSDUS 'JOMS DANG, THIG NAG DANG, YANG SOS SO, ,GRANG BA'I SEMS CAN DMYAL BA CHEN PO LA YANG BRGYAD DE, CHU BUR DANG, CHU BUR CHEN PO DANG, PADMA DANG, PADMA CHEN PO DANG, AUTPA LA DANG, AUTPA LA CHEN PO DANG, HA HA ZHES ZER BA DANG; HU HU ZHES ZER RO, ,PHYOGS GCIG PA'I SEMS CAN DMYAL BA ZHES BYA BA NI LHA'I LONGS SPYOD KYANG YOD LA BAR 'GA' NI SEMS CAN DMYAL BA'I SDUG BSNGAL YANG MYONG BA'O, ,DGE SBYONG GIS GSAD SEMS KYIS SEMS[?] CAN DMYAL BA BSAD NA SDIG PA SBOM PO THOB PAR 'GYUR ZHES BYA BAR SBYAR RO, , YI DAGS ZHES BYA BA LA, YI DAGS ZHES BYA BA NI PHAL CHER GCONG RONG DANG MYA NGAN DAG NA GNAS SO, ,DGE SBYONG GIS GSAD SEMS KYIS YI DAGS BSAD NA SDIG PA SBOM PO THOB PAR 'GYUR ZHES BYA BAR SBYAR RO, ,LHA YANG RUNG ZHES BYA BAS 'DOD KHAMS KYI LHA DANG, GZUGS KHAMS KYI LHA DANG, GNAS RIS BCU BDUN ZHES BYA BA NA GNAS PA'I LHA RNAMS DGE SBYONG GIS BSAD NA SDIG PA SBOM PO THOB PAR 'GYUR ZHES BYA BAR SBYAR RO, ,SDIG PA SBOM PO THOB PAR 'GYUR ZHES BYA BA GANG ZHE NA, SDIG PA SBOM PO'I 'BRAS BU BSTAN PA'I PHYIR, BSAD NA NGAN SONG LTUNG BA'I ZHES BYA BA SMOS TE, DPER NA DUG CHEN POS KYANG SKYES BU CHEN PO GSOD LA, DUG CHUNG DUS KYANG SKYES BU CHEN PO GSOD PA DANG, DE BZHIN DU ME STAG CHEN POS KYANG YUL CHEN PO TSIG LA ME STAG CHUNG DUS KYANG YUL CHEN PO SREG PA DANG, PHAS PHAM PA BYUNG NA NGAN SONG GSUM DU SKYE BAR 'GYUR BA DE BZHIN DU NYES PA SBOM PO BYUNG BA LA TSUL BZHIN DU MA BSHAGS NA NGAN SONG GSUM DU LTUNG BAR 'GYUR RO ZHES BYA BA'I DON TO, ,BRTUL ZHUGS CAN GYIS BSAD SNYAM STE, ,ZHES BYA BA LA, DGE SBYONG GIS SKYES PA DANG BUD MED DANG, MA NING STE MI RNAM PA GSUM LAS GANG YANG RUNG BA CIG BSAD DO SNYAM DU BSAMS TE LUS DANG NGAG GI @17A *, ,SBYOR BA BSHAMS PA LAS ZHES BYA BA LA, LUS KYIS BSHAMS TE KHU TSUR DANG THAL MO DANG RDO DBYIG DANG MTSON CHAS KYANG BTAB, NGAG GIS BSHAMS TE GONG DU BSHAD PA BZHIN DU TSUL KHRIMS DANG LDAN PA DANG, TSUL KHRIMS 'CHAL BA DANG, NAD PA RNAMS 'CHI BA'I RIGS SO ZHES BSNGAGS PA BRJOD PA LAS ZHES BYA BA'I THA TSIG GO, ,SKYE BO GSON YANG DE LA NI, ,KHA NA MA THO RNAM GSUM 'GYUR, ,ZHES BYA BA LA, GSAD PAR YANG BSAMS LUS DANG NGAG GIS KYANG BSHAMS PA LAS MI GSUM PO GSON TE MA SHI YANG DGE SBYONG DE LA KHA NA MA THO BA RNAM PA GSUM THOB PAR 'GYUR TE, YID KYI NYES PA SBOM PO DANG, LUS KYI NYES PA SBOM PO DANG, NGAG GI NYES PA SBOM PO THOB PAR 'GYUR RO, ,DE LA GSAD PAR BSAMS PAS NA YID KYI NYES PA SBOM PO THOB PAR 'GYUR RO, ,LUS KYIS BSHAMS PAS NA LUS KYI NYES PA SBOM PO THOB PAR 'GYUR RO, ,NGAG GIS BSHAMS PAS NA NGAG GI NYES PA SBOM PO THOB PAR 'GYUR RO, ,DE DAG TSUL BZHIN DU MA BSHAGS NA NGAN SONG GSUM DU LTUNG NGO ZHES SNGAR BSHAD PA BZHIN DU SBYAR RO, ,RDO DBYUG KHU TSUR 'TSOG PA DANG, ,DE LAS GZHAN PA'I GNOD PA DANG, ,BA LANG LA SOGS GNOD MI BYA, ,RTA LA SOGS PA MI BZHON NO, ,ZHES BYA BAS NYES BYAS KYI GNAS BSTAN TE, DE ZHES BYA BA LA GSAD SEMS NI MED KYI DGE SBYONG GIS KHRO SEMS KYIS MI RNAM PA GSUM LA BTZOGS[?] NA NYES BYAS SU 'GYUR RO, ,KHU TSUR 'TSOG PA DANG ZHES BYA BA LA GSAD SEMS NI MED KYIS, KHRO SEMS KYIS MI RNAM PA GSUM BTZOGS NA NYES BYAS SU 'GYUR RO; ,DE LAS GZHAN PA'I GNOD PA DANG ZHES BYA BA NI GSAD SEMS MED PAR KHRO SEMS KYIS MI RNAMS LA THAL MO BSNUN NAM, LCAG GIS GZHUS SAM, LHAGS PA'I TSE GRANG BA LA BOR TAM, TSA BA'I TSE DRO BA LA BOR NA NYES BYAS SU 'GYUR TE DBYUG PA LA SOGS PA'I GRANGS SU PHAG PA NYES BYAS KYI GRANGS KYANG DE SNYED CIG 'THOB BO, ,BA LANG LA SOGS GNOD MI BYA, ,ZHES BYA BA NI GZHAN YANG BA LANG DANG GLANG PO CHE DANG RTA DANG LUG LA SOGS PA LA KHAL DGAL BA DANG BRDEG PA LA SOGS PA'I GNOD PA MI BYA STE, DE LTA BU'I GNOD PA BYAS NA NYES BYAS SU 'GYUR RO, ,RTA LA SOGS PA MI BZHON @17B NO; ,ZHES BYA BA NI DGE SBYONG GIS RTA DANG GLANG PO CHE LA SOGS PA BZHON PAR MI BYA STE, ZHON NA NYES BYAS SU 'GYUR RO, ,DE LA GNOD SEMS MED LA YAN LAG GZHAN YOD NA NI NYES BYAS SU BZHAG GO, ,GNOD SEMS YOD LA YAN LAG GZHAN MI LDAN NA SBOM PO'O, ,YAN LAG THAMS CAD DANG LDAN NA MI DE NOR TE GZHAN BSAD NA YANG SBOM PO'O, ,GSAD PAR BSAMS TE SBYOR BA BYAS PA LAS MA SHI NA YANG SBOM PO'O, ,YAN LAG THAMS CAD DANG LDAN NA PHAS PHAM PA'O, ,PHAS PHAM PA BZHI LAS SROG GCOD PA'I PHAS PHAM PA RDZOGS SO,, ,,MA BYIN PAR LEN PA'I GLENG GZHI NI BCOM LDAN 'DAS YUL RGYAL PO'I KHAB 'OD MA'I TSAL BYA KA LAN DA KA GNAS PA NA BZHUGS SO, ,DE'I TSE SNGON RDZA MKHAN LAS RAB TU BYUNG BA'I DGE SLONG NOR CAN ZHES BYA BA ZHIG RGYAL PO'I KHAB KYI DGON PA NA SPYIL PO BYAS NAS GNAS SO, ,DE NAS NOR CAN GANG GI TSE RGYAL PO'I KHAB TU BSOD SNYOMS LA ZHUGS PA DE'I TSE RGYAL PO'I KHAB KYI PHYUGS RDZI DANG SHING THUN RNAMS KYIS SPYIL PO BSHIG DRAL CING RTZVA DANG SHING RNAMS SO SOR KHYER RO, ,DE LTA BU LAN DU MA ZHIG BYAS PA DANG RDZA MKHAN NOR CAN GYIS BSAMS PA 'DI LTA BU THAMS CAD DU GTZES SHING SPYIL PO BYED PA YANG SHIN TU NYON MONGS LA DAG BA'I BAR CHAD DU YANG 'GYUR BAS 'O NA BDAG GIS SNGON GYI GNAS RJES SU BSGRUB PAS SA'I SPYIL PO ZHIG BYAS LA SO BTANG STE GNAS SO SNYAM DU BSAMS NAS KHANG BU'I RMANG BTING ZHING BRTZIGS NAS SO BTANG NAS SHIN TU MDZES PA ME TOG DZI BA KA BZHIN DU DMAR ZHING 'TSER BA ZHIG BYAS TE GNAS SO, ,DUS GZHAN ZHIG NA BCOM LDAN 'DAS 'KHOR DGE SLONG RNAMS DANG GNAS RGYU ZHING GSHEGS PAS KHANG BU GZIGS NAS SU'I YIN, DE NI DGE SLONG NOR CAN GYI LAGS SO ZHES SMRAS SO, ,'DI LTA BU'I PHYIR MU STEGS PA RNAMS NGAL 'PHYA BAR 'GYUR GYIS KHANG BU CHOMS SHIG CES BKA' STZAL NAS, DGE SLONG RNAMS KYIS KHANG BU BCOM STE GNAS SO, ,DE NAS YANG NOR CAN GYIS BSAM PA RGYAL PO'I KHAB GYI SHING SRUNGS KYI DPON DANG BDAG MDZA' BAS SHING GI KHANG PA ZHIG BYA'O SNYAM DU BSAMS NAS, SHING SRUNGS PA LA LHAS SHING BYIN PA 'ON CIG CES SMRAS PA DANG, SHING @18A *, ,SRUNGS KYI DPON POS KYANG LHAS PHUL NA BTZUN PA CI BDER SNOMS SHIG CES SMRAS NAS, RGYAL PO'I KHAB KYI ZHIG RAL BCOS PA'I RGYU SHING BCAD PA DU MA ZHIG GSHAGS GTUBS TE KHYER BA GRONG KHYER SRUNGS PA'I DPON POS MTHONG NAS RGYAL PO MA SKYES DGRA LA SMRAS SO, ,RGYU MTSAN CAN BKUG STE, DGE SLONG KHYOD NI SHING MA BYIN PAR LEN PA DBANG BYAS PA DANG, MI DBANG GIS BDAG LA STZAL TO, ,SNGON YAB KYIS LHA KHYOD RGYAL POR DBANG BSKUR BA'I TSE NGA'I YUL DGE BAR GRAGS PAS DGE SLONG DANG BRAM ZE RNAMS RTZVA DANG SHING DANG CHU MA BYIN PAR MI SPYOD PA DE THAMS CAD CI BDER SPYOD CIG CES KHYU MCHOG GI SGRA CHEN PO BSGRAGS PA NI MI DGONGS SAM, RGYAL POS SMRAS PA, DE NI YONGS SU BZUNG BA MED PA LA BYA'I YONGS SU BZUNG BA LA NI MA YIN NO ZHES SMRAS PA DANG, YONGS SU MA BZUNG BA LA NI RGYAL POS MNGA' BGYIR CI MCHIS ZHES GSOL PA DANG, RGYAL PO SHIN TU KHROS NAS MA BYIN PAR LEN PA'I DGE SLONG BSAD PAR RIGS NA KHYOD DA SLAN CHAD DE LTAR MA BYED CIG CES SPYOS NAS SLAR BTANG NGO, ,DE NAS DE LTAR GYUR PA DGE SLONG RNAMS KYIS BCOM LDAN 'DAS LA GSOL TO, ,BCOM LDAN 'DAS KYIS KUN DGA' BO LA BKA' STZAL PA, KUN DGA' BO KHYOD SONG LA RGYAL PO'I GRONG DPON DANG DED DPON LAM BYIN PAR LEN PA JI TZAM ZHIG BLANGS PAS SROG LA 'BAB PA DANG YUL NAS DBYUNG BA'I CHAD PA GCOD PAR BYED SMOS SHIG CES BKA' STZAL PA DANG, KUN DGA' BOS DE BZHIN DU SMRAS PA DANG, MA SHA KA LNGA'AM LNGA LAS LHAG PA BLANGS PAS SROG LA 'PHAB[?] PA DANG YUL NAS 'BYIN PA'I CHAD PA GCOD DO ZHES MCHI BA BCOM LDAN 'DAS LA DE BZHIN GSOL PAS, DGE SLONG NOR CAN BKUG NAS RNAM GRANGS DU MAR SMAD NAS 'DUL BAL BSLAB PA'I GNAS BCAS SO, ,DGE TSUL BDAG GAM GZHAN RNAMS KYIS, ,RKU SEMS MTHU DANG 'JAB BU YIS, ,'KHRUL PA MED PAR MI GZHAN GYI, ,GNAS NAS MA SHA LNGA TZAM MAM, ,RANG GI YUL NAS BYUNG BA YANG, ,K'AR sh'A PA nA'I BZHI CHA BRKUS, ,DE BRKUS TSUL KHRIMS ZHIG PAR 'GYUR, ,ZHES BYA BA LA DGE TSUL NI RAB TU BYUNG BA'I SDOM PA LA GNAS PA'O, ,BDAG GIS KYANG RKU SEMS DANG LDAN PAS MTHU DANG 'JAB BU @18B YIS BRKUS NA TSUL KHRIMS ZHIG PAR 'GYUR ZHES BYA BAR SBYAR TE, 'DI LTAR RKU SEMS DANG LDAN PAS MTHU DANG 'JAB BUS K'AR sh'A PAnA'I BZHI CHA BRKUS TE RIN THANG TSANG NA PHAS PHAM PA'O, ,RKU SEMS MED NA BSDAM PAR BYA BA'I NYES BYAS GCIG ,GZHAN GYIS MTHU DANG 'JAB BUS BRKUS NA TSUL KHRIMS ZHIG PAR 'GYUR TE, BDAG NYID KYIS NI MA YIN GYIS DGE SLONG GROGS PO ZHIG LA RKUR BCUG PA LAS DES MTHU DANG 'JAB BUS BRKUS TE, NOR BDAG CAG SO SOR BGOS RIN THANG TSANG NA PHAS PHAM PAR 'GYUR RO, ,RIN THANG MA TSANG NA NYES BYAS SBOM PO RE RE BRKUS NA BRKUS SHAS KYI SKAL BA BLANGS NA NYES PA SBOM PO GCIG ,'KHRUL PA MED PAR MI GZHAN GYI ZHES BYA BA LA 'KHRUL PA NI RMONGS PA DANG MI DRAN PA YIN LA DE MED PA NI SEMS RANG BZHIN DU GNAS PA'O, ,YANG BRKU BAR BYA BA'I RDZAS GANG YIN PA DE NYID MNGON PAR THOB PA LA BYA STE, BRKU BAR BYA BA'I RDZAS NYID NI MA THOB KYI BAR DU RDZAS GZHAN GYIS THOB PA LAS 'KHRUL ZHES BYA STE DE NI RIN THANG TSANG YANG PHAS PHAM PAR MI BYA STE SPOM POR 'GYUR RO, ,MI GZHAN ZHES BYA BA NI BDAG GI NOR DGAR BA'I TSIG STE, MI GZHAN GYI NOR BRKUS NA PHAS PHAM PAR 'GYUR RO, ,BDAG GI NOR BRKUS NA RIN THANG TSANG YANG SPOM POR MI 'GYUR RO, , GNAS NAS MA SHA LNGA TZAM ZHES BYA BA LA GNAS NI NOR RDZAS GNAS NAS SPAGS TE BAR DU CHOD RIN THANG TSANG BA LAS PHAM PA'O, ,DE YANG GNAS GCIG STE GZHI MA NYAMS PA LA TSON LA SOGS PA MA GROGS PA DANG, SA SGAR SGUR MED NA GZHI GCIG PA ZHES BYA BA STE NAM THA DAD PA GCIG GIS MA CHOD KYI BAR DU PHAM PAR MI GZHAG GO, ,MA SHA LNGA TZAM ZHES BYA BA NI RGYA GAR GYI RIN THANG GZHAL NA DNGUL ZHO GCIG TZAM BRKUS NA PHAM BAR BRTZI'O, ,YANG KHA CIG GIS NI ZHO'I BRGYAD CHA GCIG LA BYAS TE DE TZAM GYIS NI RIN THANG TSANG BAR BRTZI'O, ,RANG GI YUL NAS BYUNG BA GANG ZHES BYA BA NI RIN THANG TSANG BA YANG BRKUS BA'I DUS DE NYID NA RIN THANG TSANG MA TSANG BRTZI'O, ,KHA CIG BRKUS PA'I DUS DE NYID NA RIN THANG MA TSANG LA DKON MOD DANG SBYAR TE, DUS PHYI ZHIG NA RIN THANG TSANG BA LTA BU NI PHAM PAR MI GZHAG SBOM PO'O, ,K'ARsh'A PA nA'I BZHI CHA BRKUS, ,ZHES BYA BA NI GONG DU MA SHA LNGA BSHAD PA DANG 'DRA'O, , @19A *, ,SBYOR BA'I TSE NA NYES BYAS SO ZHES BYA BA NI DANG PO BRKU BAR BSAMS TE STAN DANG KHRI LAS LANGS PA'I DUS NYID NA NYES BYAS SU 'GYUR RO, ,RDO KHU RTZA BA 'BRAS BU SHING, ,ZHES BYA BA LA RTZA BA NI GLA SGANG DANG BOD NGA ZHES BYA BA LA SOGS PA'O, ,'BRAS BU NI SHING THOG LA SOGS PA'O, , SHING NI SKYED SHING RNAM PA SNA TSOGS TE, DE DAG BRKUS TE RIN THANG TSANG NA PHAM PA MA TSANG NA SBOM PO'O, ,SDONG BU LO MA SHUN PA CHU, ,ZHES BYA BA LA, SDONG BU NI MAR DANG SMAN KHRIL BU'I RIGS SU GTOGS PA'O, ,LO MA NI SHING LO LDUM LONGS SPYAD PAR 'OS PAR RUNG BA'O, ,SHUN PA NI GRO GA LA SOGS PA'O, ,CHU NI KHRUS CHU DANG BTUNG CHU LTA BU STE RGYA MTSOR ZHUGS PA DANG MYA NGAM LTA BUR 'GRO BA STE CHU SHIN DU DKON PA'I DUS NA BRKU BA'O, ,ME TOG CHU SKYES THANG SKYES DANG, ,ZHES BYA BA NI ME TOG CHU NAS SKYES PA PADMA DANG AUTPAL LA SOGS PA'O, ,THANG LAS SKYES PA STE N'A GA GE SAR LA SOGS PA'O; ,ZHING DANG LO THOG SA GZHI DANG, ,ZHES BYA BA LA ZHING GI MU RKU BA STE, YUL GYI RGYAL PO'I BKA' KHRIMS LAS BYUNG BA BZHIN RIN THANG BRTZI'O, ,LO TOG NI THAN PA CHEN PO'I TSE GZHAN GYI ZHING LA CHU GTONG BA GCOD CING BDAG GI ZHING LA CHU GTONG BA DANG, CHAR PA CHE BA'I DUS NA BDAG GI ZHING LA CHU BCAD NAS GZHAN GYI ZHING LA BTANG STE BDAG GI LO LEGS LA GZHAN GYI LO NYES NA RIN THANG TSANG NA PHAM PA, MA TSANG NA SBOM PO'O, ,LO TOG GNYIS KA LA MA PHAN YANG BLA SNYAM PAS ZHING RKU SEMS DE LTAR BTANG STE PHA ROL PO LA NYES PA SBOM POR 'GYUR RO, ,ZHING RKU BA LA RNAM PA GNYIS TE, SHAGS BKAR GTONG BA DANG RA BAS BSKOR BA'O, ,DGE SBYONG GIS ZHAL CHE BA 'AM YUL DPON GYI MDUN DU SHAGS BKYE LA DGE SBYONG RGYAL BAR BCAD LA KHYIM PAS KYANG SBYOR BA'I BSAM PA BTANG NA PHAM PA, SBYOR BA'I BSAM PA MA BTANG NA SBOM PO'O, ,RGYAL POS RGYAL BAR BCAD NA YUL GYI GTZO BOS RGYAL BAR GYUR PAR GCAD MA THAG TU PHAM PA'O, ,BSKOR BAS BRKU BA NI ZHING LA RA BA DANG 'O BAS LTA BUS SKOR BAR BYED PA NA NAM LANGS KYI SNA MA PHRAD KYI BAR DU SBOM PO'O, ,PHRAD NA PHAM PAR GZHAG GO, ,SA GZHI NI KHANGS DANG TSONG DUS LTA BU STE, DGE SBYONG GIS MI DBANG BZHIN BRKUS NA RIN THANG TSANG NA PHAM @19B PA'O; ,MA TSANG NA SBOM POR BZHAG GO, ,GRU DANG SHING DANG SHO GAM DANG, ,ZHES BYA BA LA DGE SLONG GIS GRU RKU BAR BSAMS TE CHU RGYUN LAS GYAN DU BZLOG DE GRU CHUGS LAS GRU 'JUG THAL NA PHAM PA, CHU RGYUN THOG THAG KHYER TE SGUR DANG GAD PA DANG SNE'U CHOD NA SBOM PO'O, ,DE MI SNANG NA PHAM PA, THAD KAR RKU NA PHA ROL GYI 'GRAM SKAM SA LA PHYIN NA PHAM PA, DE NYID RDZAB DANG SA'I 'OG TU SBAS NA GRU MI SNANG BAR GYUR TZAM NA PHAM PA'O, ,SHING NI BZA' SHING DANG ME TOG GI SHING DANG GRIB SHING LTA BU STE RIN THANG TSANG NA PHAM PA'O, ,GSEB LAM DANG LAM GYI SHO GAM LTA BU BKA' KHRIMS GYIS MI SBYIN DU ME RUNG BA LAS GZHAN GYI DGE SBYONG GIS BZLAS SAM GANG GIS GANG ZAG GZHAN LA GSANGS TE SHO GAM MA BYIN TE RIN THANG BRTZIS TE TSANG NA PHAM PA, DE BZHIN GRU YI BTZAS RNAMS DANG, ,ZHES PA DANG YANG SBYAR BAR BYA'O, ,SROG CHAGS RKANG PA MED PA DANG, ,RKANG MANGS RKANG GNYIS RKU BA DANG, , BRTUL ZHUGS CAN GYIS MI YI NOR, ,DBYIG LA SOGS PA GANG YANG RUNG, ,RKU BA'I SEMS KYIS GANG BRKUS KYANG, ,RIN THANG TSANG NA SDOM PA ZHIG ,CES BYA BA LA, MI'I LONGS SPYOD DGOS PAR BYA BA'I PHYIR GSOS SHING BTZAL BA SROG CHAGS RKANG PA MED PA SBRUL DANG 'BU LTA BU DANG, RKANG PA GNYIS PA MI LTA BU DANG, PHA ROL LA GNOD PAR BYA BA'I PHYIR RKANG MNGAS SDIG PA LA SOGS PA LTA BU, RANG NYID KYIS BRKUS PA DANG, RKUR BCUG PA DANG, YANG GZHAN GYI NOR GSER DNGUL LTA BU RNAMS RKU BA'I SEMS KYIS BRKUS TE RIN THANG TSANG NA PHAM PA'O, ,STZOGS PA'I SGRAS NI MI'I NOR RNYI DANG SPRE'U DANG BYA RGYA DANG BOD RGYA DANG NYA RGYA LA SOGS PA RKU BA YANG BSDU STE, 'DIR DGE SBYONG GIS BDAG GI NOR DU RKU SEMS KYIS MING DU SMOS PA 'DI DAG BRKUS TE RIN THANG TSANG NA PHAM PA'O, ,BDAG GI DON DU MA YIN GYI PHA ROL LA GNOD PA BYA BA'I BSAM PAS RKU NA PHAM PA'O, ,GNYIS KA LA PHAN GNOD MED PA'I BSAM BAS DE DAG DRAL ZHING BSREGS NA YANG SBOM PO'O, ,SNYING RJE'I BSAM PAS DAL ZHING BSREGS NA NYES BYAS SO, ,DE DAG GIS ZIN PA'I SROG CHAGS BRKUS TE RIN THANG TSANG NA PHAM PA'O, ,GNYIS KA LA MI PHAN PA'I BSAM PAS BTANG NA SBOM PO'O, ,SNYING RJE'I BSAM @20A *, ,PAS BTANG NA NYES BYAS SO, ,SNGAGS KYI BDAG PO YOD PA'I GTER BDAG GIR BYA SA PA SGRUB PA LAS GTER PHAS 'ONG NA JI TZAM MIG GIS MA MTHONG GI BAR DU SBOM PO'O, ,MTHONG STE RIN THANG TSANG NA LAG TU MA THOB KYANG PHAM PA'O, ,BDAG BO MED PA'I GTER BSGRUBS PA LAS PHAS 'ONG BA MA MTHONG GI BAR DU NYES BYAS, MTHONG STE RIN THANG TSANG NA SBOM PO'O, ,LHUNG BZED LA SOGS RKUN KHYER NA, ,CHOS BSHAD NAS NI BSGRUB PAR BYA, ,YANG NA RI BA'I RIN GYIS BLU, ,DE LTAR MA BYAS NYES BYAS SO, ,ZHES BYA BAS NI MA BYIN PAR LEN PA'I DNGOS PO THAMS CAD NAS THAMS CAD DU MI BYA BAR DGAG PA STE; 'DI LTAR BDAG GI 'TSO BA'I YO BYAD MED DU MI RUNG BA LHUNG BZED DANG KHAR GSIL DANG, CHOS GOS LA SOGS PA RKUN POS KHYER ZHING PHROGS NA RKU BA'I RNAM PAR SMIN PA YID DU MI 'ONG BA LA SOGS PA RNAM PAR SMIN PA THOB PAR 'GYUR BA'I CHOS BSHAD NAS SLAR BLANG BAR BYA'O, ,DE LTAR CHOS BSHAD PA LAS SLAR MA STER NA YO BYAD DE DAG DGE SBYONG BDAG LA MED DU MI RUNG BAS CI RI BA'I RIN GYIS BLUS TE BLANG PAR BYA'O, ,DE LTAR MA BYAS PAR NAN GYIS BLANGS SAM PHROGS NA NYES BYAS SU 'GYUR RO, ,PHAS PHAM PA GNYIS PA BSHAD ZIN TO,, ,,PHAS PHAM PA GSUM PA MI TSANGS PAR SPYOD PA'I GLENG GZHI NI, BCOM LDAN 'DAS YUL KA LAN DA KA GNAS PA'I GRONG NA BZHUGS SO, ,DE'I TSE KHYIM BDAG KA LAN DA KA'I BU BZANG BYIN ZHES BYA BZHIG RAB TU BYUNG NAS GNAS PA LAS, DE'I MAS BU KHYOD PHA DANG MA'I NOR NI SBYIN DU YOD PA LA BDAG CAG BZA' BRAN RGAS TE SHI BAR GYUR NA KUN KYANG RGYAL PO'I NOR DU GYUR NA KHYOD SLAR 'BABS SU MI RUNG NA YANG SA BON CUNG ZAD CIG ZHOG CIG CES BYAS NAS, BZANG BYIN GYI CHUNG MA ZLA MTSAN DANG LDAN ZHING DUS LA BAB PA RGYAN GYIS KLUBS TE KHRID DE 'ONGS PA DANG, TSE DANG LDAN PA BZANG BYIN YANG 'DOD CHAGS BDO BA DANG NYES DMIGS MA MTHONG BAS MI TSANGS PAR SPYOD DO, ,DE BAS DUS MI RING BA BCOM LDAN 'DAS KYIS DGE SLONG RNAMS LA 'DOD CHAGS DANG ZHE SDANG DANG GTI MUG GI NYES PA LAS DPRAL BA'I PHYIR, SEMS RNAM PAR GROL BA DANG SHES RAB RNAM PAR GROL BAR 'GYUR BA'I CHOS BSHAD PA DANG, TSE DANG LDAN PA BZANG BYIN NYES PA DRAN NAS SHIN TU 'GYOD CING MI @20B DGA' NAS, DE DGE SLONG RNAMS KYIS MTHONG NAS CI NYES SMRAS PA DANG, TSE DANG LDAN PA BZANG BYIN GYIS DRANG POR SMRAS SO, ,DE LTA BU BCOM LDAN 'DAS LA GSOL NAS BCOM LDAN 'DAS KYIS BZANG BYIN LA RNAM PA DU MAS SMAD NAS LEGS PA BCU GZIGS TE 'DUL BA LA BSLAB PA'I GNAS BCAS SO, , SDOM CAN NYAMS PA MED SEMS KYIS, ,NYAMS PA MED PA'I SGO GSUM DU, ,CHAGS PAS NANG DU NOR BU 'DAS, ,DGA' BA TSOR NA BRTUL ZHUGS NYAMS, ,ZHES BYA BAS MI TSANGS PAR SPYOD PA DANG, RANG BZHIN BSTAN TE, SDOM PA CAN DGE SBYONG BSLAB PA MA PHUL ZHING NYAMS PA MED PA'I SEMS RANG BZHIN DU GNAS PAS KHA DANG, RKUB DANG, MO MTSAN TE SGO GSUM PO 'DI DAG MA RUL BA DANG, RMA MA BYUNG BA DANG, 'BU ZHUGS PA LTA BU NYAMS PA MED PA SPYAD DU BZOD PAR BDAG NYID CHAGS PA'I SEMS KYIS NANG DU BCUG STE MTSAMS 'DAS LA, DGA' BA TSONG NA BRTUL ZHUGS NYAMS TE PHAM PAR 'GYUR RO ZHES BYA BA'I DON TO, ,DE LA YAN LAG NI RNAM PA LNGA STE, SEMS MA NYAMS, SGO GSUM SPYAD BZOD, CHAGS SEMS YOD, MA TSANGS LAS 'DAS, DGA' BA TSOR, DE RNAMS GCIG DANG MI LDAN NA SBOM POR GZHAG GO, ,SKYES PA BUD MED MA NING GIS, ,TSAN KAR BOR TE MNAN PA LAS, ,GANG GIS BDE BA'I RO MYONG BA, ,DE YANG SDOM PA ZHIG PAR 'GYUR, ,ZHES BYA BA NI BDAG DGE SBYONG MTHU CHUNG ZHING ZHAN PA LA, SKYES PA DANG BUD MED DANG MA NING STE, MI RNAM PA GSUM GYIS TSAN KAR BOR TE MNAN NAS BDAG DANG DE DAG GI SGO GSUM GANG YANG RUNG BAR BCUG PA'I TSE, BDAG NYID KYIS NYAMS SU BLANGS TE DGA' BA TSOR NA DE YANG SDOM PA ZHIG STE PHAS PHAM PAR 'GYUR RO ZHES BYA BA'I DON TO, ,'DIS NI JI LTAR GYUR YANG NYAMS SU MI BLANG BA STON TO, ,YAN LAG SKYES NAS BDE 'DOD PAS, ,GDUG PA SBRUL GYI KHAR BCUG BLA, ,LUS LA DKA' THUB MI GZHIG CES; ,RDZOGS SANGS RGYAS KYIS BKA' STZAL TO, ,ZHES BYA BA LA, GAL TE 'DOD CHAGS KYI DBANG GIS BDAG GI YAN LAG SKYES BSGRENGS TE SHIN TU BDO BAR GYUR PA 'DOD CHAGS DE DANG BRAL ZHING BDE BAR 'DOD PAR BYA BA'I PHYIR, SBRUL GDUG PA'I KHAR BCUG STE, 'DOD CHAGS DANG BRAL @21A *, ,PAR GYUR PA NI BDAG LA PHAN PA YIN PAS BLA'I, LUS LA BDAG GI SDOM PA NI MI GZHIG PAR BYA'O ZHES RDZOGS PA'I SANGS RGYAS BCOM LDAN 'DAS KYIS BKA' STZAL TO, ,JI LTAR ZHE NA, GAL TE SBRUL GYIS GSAD GYUR KYANG, ,TSUL KHRIMS GNAS LA DE PHAN TE, ,ZHES BYA BA SMOS TE, GAL TE CHAGS PA'I DBANG GIS YAN LAG SKYES BSGRENGS NAS SBRUL GDUG PA'I KHAR BCUG STE SHI BAR GYUR PA NI SGO GSUM SNANG BA'I GNAS SU MA BCUG BA TSUL KHRIMS CAN DE LA PHAN TE MTHO RIS SU SKYES PA'I PHYIR RO, ,TSUL KHRIMS DE ZHIG PAR GYUR PAS SDUG BSNGAL YIN TE NGAN SONG GSUM DU SKYE'O; ,DER YANG MA ZAD KYI MYA NGAN LAS 'DAS PA LA'ANG SGRIB PAR 'GYUR TE, TSUL KHRIMS NYAMS NA THAR PA MYA NGAN LAS 'DAS PA'I SKAL BA YANG MED PAR 'GYUR RO ZHES BYA BA'I DON TO, ,PHAS PHAM PA GSUM PA BSHAD ZIN TO,, ,,PHAS PHAM PA BZHI PA BRDZUN GYI GLENG GZHI NI, BCOM LDAN 'DAS YUL YANGS PA CAN GYI SPRE'U RDZING GI 'GRAM NA BZHUGS SO, ,DE'I TSE MU GE CHEN PO BYUNG NAS KHA ZAS KYIS SHIN TU BREL TE PHA MA YANG BU LA KHA ZAS MI STER BA TZAM DU DKON PA'I TSE, DGE SLONG RDZU 'PHRUL CAN DANG GNAS BRTAN RNAMS NI BYANG GI SGRA MI SNYAN LA SOGS PA YUL GZHAN 'BYOR CING RGYAS PA DAG TU DONG ZHING BDAG NYID KYANG ZA, GANG ZAG GZHAN LA YANG STOBS SO, ,DE LA NYA PA LAS RAB TU BYUNG BA'I DGE SLONG LNGA BRGYA LA SOGS PA DAG GIS KYANG DGE SLONG DE DAG LTAR BYA ZHING DBYAR TSUL DU 'JUG TU NI RDZU 'PHRUL YANG MA THOB CING THOS PA DAG KYANG NYUNG ZHING DE LTAR MI NUS KYIS BDAG CAG GIS YUL NYID DU DBYAR TSUL DU ZHUGS LA BDAG CAG SO SO'I YON TAN BSGRAGS TE RNYED PA BSGRUB PO SNYAM NAS TSUL DU ZHUGS SO, ,DE NAS LNGA BRGYA PO DE DAG GIS GCIG GIS GCIG GI YON TAN BRJOD PA LA ZHUGS SO, ,'DIS RGYUN DU ZHUGS PA'I 'BRAS BU THOB BO, ,'DIS LAN CIG PHYIR 'ONG BA'I 'BRAS BU THOB BO, , 'DIS PHYIR MI 'ONG BA'I 'BRAS BU THOB BO, ,'DIS NI DGRA BCOM PA'I 'BRAS BU THOB BO, 'DIS NI 'JIG RTEN PA'I LAM GYIS GRUB BO, ,'DI NI SNGE SNOD GSUM SMRA BA'O ZHES SO SO'I YON TAN BRJOD PAS KHA ZAS LA SOGS PA MANG PO DU MA RNYED DE SHA KHRAG GI LUS SHIN TU RTAS PAS GNAS SO, ,DE NAS DBYAR @21B 'DAS NAS TSUL NAS BYUNG STE, BCOM LDAN 'DAS KYI ZHABS LA PHYAG 'TSAL DU PHYIN TO, ,DANG POR KUN DGA' BO DANG PHRAD PA DANG SMRAS PA, MU GE CHEN PO BYUNG BA'I DUS NA DGE SLONG GZHAN RNAMS NI RMYA STE LHAGS NA, KHYOD NI SHIN TU TSO STE BYUNG NA DE CI'I RGYU ZHES SMRAS PA DANG, BDAG CAG SO SO'I YON TAN BRJOD PAS RNYED PA MANG PO BYUNG STE LUS RTAS SO ZHES SMRAS SO, ,KHYED LA YON TAN YOD DE BRJOD DAM MED DE BRJOD, BDAG CAG LA YON TAN MED PAR BRJOD DO ZHES SMRAS PA DANG, ZANG ZING CUNG ZAD TZAM GYI PHYIR MI'I CHOS LAS BLA MAR GYUR PA MED PA LA YOD PA GZHAN BZHIN DU SMA BA SHIN TU MI RIGS SO ZHES KUN DGA' BO LA SOGS PA RNAMS KYIS SMRAS SO, ,DE LTAR GYUR PA BCOM LDAN 'DAS KYIS GSAN TO, ,DE NAS BCOM LDAN 'DAS GYIS RNAM PA DU MAS SMAD NAS 'DUL BA LA BSLAB PA'I GNAS BCAS SO, ,LHA DAG MTHONG ZHES DE YI SGRA, ,THOS PAR GYUR DANG KUN SMRA DANG, ,ZHES BYA BA LA, DGE SBYONG GIS BDAG GIS LHA MTHONG NGO, ,LHA'I SGRA THOS SO, ,LHA RNAMS DANG BDAG TU SMRA ZHING KUN DU SMRA BAR BYED DO ZHES ZER NA GSUM CHAR LA YANG PHAM PA RE RER 'GYUR RO, ,GANG NA BDAG 'DUG LHA 'ONG ZHING, ,BDAG KYANG DE YI GNAS 'GRO DANG, ,ZHES BYA BA LA, DGE SBYONG GIS BDAG GANG NA 'DUG PA'I GNAS SU LHA DAG 'ONG NGO, ,BDAG LHA GANG NA GNAS PA'I GNAS DE DAG TU 'GRO'O ZHE NA YANG PHAM PA, JI LTAR LHA MTHONG ZHING SGRA THOS ZER BA DANG, LHA DANG SMRA ZHING KUN DU SMRA'O, ,BDAG 'DUG PA'I GNAS SU 'ONG NGO ZHES SMRA'O, ,DE BZHIN DRI ZA GRUL BUM KLU, ,GNOD SBYIN LTO 'PHYE CHEN PO DANG, ,SHA ZA YI DAGS MI'AM CI, , MTHONG NGO ZHES LA SOGS SMRA'AM, ,ZHES BYA BA RNAMS LA YANG SBYAR BAR BYA'O, ,BSAM GTAN MNGON SHES TSAD MED DANG, ,RGYUN ZHUGS LA SOGS 'BRAS BU DANG, ,LAM LA RAB TU ZHUGS PA 'ANG RUNG, ,BDAG GIS THOB CES SMRAS NA NI, ,DON RIG PA LAS BRDZUN PA'I TSIG ,CES BYA BA LA, DGE SBYONG GI 'DU SHES SBAS NAS, GZUGS KYI KHAMS KYI BSAM GTAN DANG PO THOB BO ZHE'AM, GNYIS PA THOB PO ZHE'AM, GSUM PA DANG BZHI PA THOB BO ZHES SMRA NA YANG PHAM PA, DE BZHIN DU MNGON PAR SHES PA LNGA LAS GANG YANG RUNG BA ZHIG THOB PO ZHES SMRA NA YANG PHAM PA'O, ,YANG 'DU SHES SBAS NAS @22A *, ,TSAD MED PA BZHI GANG YANG RUNG BA ZHIG GRUB PO ZHES ZAR BA DANG, DGE SBYONG GI 'DU SHES SBAS NAS 'BRAS BU BZHI LAS BDAG GIS RGYUN DU ZHUGS PA'I 'BRAS BU THOB BO ZHE'AM, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU THOB PO ZHES SMRAS TE, GZHAN GYIS DON GO BAS DON RIG STE GO NA BRDZUN GYI TSIG STE PHAM PAR 'GYUR RO, ,LAM LA RAB TU ZHUGS PA NI DGE SBYONG GIS 'DU SHES SBAS TE 'JIG RTEN LAS 'DAS PA'I LAM BDAG GIS THOB PO ZHES SMRAS NA PHAM PA'O, ,'JIG RTEN PA'I LAM GYI ZHI GNAS KYI MTSAN MA 'GA' ZHIG LA BRTEN TE 'DOD CHAGS DANG GNOD SEMS LA MI SPYOD DO ZHES ZER NA SBOM POR 'GYUR RO, ,KHYAD PAR THOB PA'I BDAG NYID CAN, ,MA NYAMS ZHES BYA BA LA, DGE SBYONG BDAG GIS SEMS MA SMYOS PA NAD KYIS GZIR BAR MA GYUR TE RANG BZHIN DU GNAS, GONG DU BSTAN PA'I YON TAN KHYAD PAR CAN THOB CING MTHONG ZHES SMRAS NA PHAS PHAM PAR 'GYUR GYI, SEMS SMYOS PA DANG NAD KYIS GZIR BA RNAMS NI PHAM PAR MI 'GYUR GYI SBOM POR GZHAG GO ZHES BYA BA'I DON TO, ,NGA RGYAL MED BZHIN DU, SMRAS NA BRTUL ZHUGS NYAMS PAR 'GYUR, ,ZHES BYA BA LA, SNGON DGE SBYONG ZHIG DGON PA NA GNAS PAS 'JIG RTEN PA'I LAM GYIS NYON MONGS PA BCOM STE, MI 'BYUNG BAR BYAS NAS YUN RING MO ZHIG LON PA NA, NYON MONGS PA MI 'BYUNG BA'I GNAS RNAMS LA BRTAGS NA NYON MONGS PA MI SKYE BAS BDAG CAG GIS NYON MONGS PA SPANGS SO ZHES BSAMS SHING BRJOD NAS SLAR GRONG DU LHAGS PA LAS 'JIG RTEN PA'I LAM GYIS NYON MONGS PA RTZAD NAS MA PHYIN PA'I PHYIR NYON MONGS PA SKYE BA'I YUL BUD MED DANG DGRA LA SOGS PA MNGON DU GYUR PA DANG NYON MONGS PA SLAR SKYES NAS DGE SLONG DE DAG BDAG CAG GIS NYON MONGS PA MA SPANGS PAR SPANGS SO ZHES SPRAS TE MI'I CHOS LAS BLA MAR GYUR PA'I PHAM PAR MA GYUR GRANG ZHES BCOM LDAN 'DAS LA ZHUS PA DANG, MNGON PA'I NGA RGYAL CAN DE LTA BU MA GTOGS TE SLAN CHAD DE LTA BU'I KHYAD PAR ZHIG THOB NA YANG SMRA BAR MI BYA'O ZHES GSUNGS PA LTA BU STE, DE LTA BU NI PHAM PAR MI GZHAG GO, ,DGE SBYONG GIS 'DU SHES SBAS TA, LHA DANG KLU DANG GNOD SBYIN MTHONG BA DAG YOD @22B DO ZHES NI SMRA LA, BDAG NYID YIN NO ZHES NI MI SMRA NA SBOM POR 'GYUR RO, ,SHA ZA RNAMS MTHONG BA YOD DO ZHES SMRA LA, BDAG NYID YIN PAR MI SMRA NA NI NYES BYAS SU 'GYUR RO, ,DGON PA NA DGE SLONG DU GNAS PA DE LA MI MA YIN PA RNAMS KYIS GTZES PA LAS 'PHAGS PA RNAMS LA MI GTZE STE BDAG LA YANG MI GTZE ZER NA PHAM PA, 'PHAGS PA RNAMS KYI PHYIR KHYIM BDAG RNAMS STAN KHRA BO 'DINGS TE BDAG GI PHYIR YANG KHYIM BDAG STAN KHRA BO 'DINGS SO ZHES ZER BA YANG DON RIG NA PHAM PA'O, ,KHYAD PAR THOB PA MA GTOGS PAR ZHES BYA BA LA SOGS PAS NYES BYAS SU 'GYUR BA BSTAN TO, , DE LAS GZHAN PA'I BRDZUN TSIG RNAMS, ,DE DAG THAMS CAD SDIG MANG 'GYUR, ,ZHES BYA BA NI GONG DU YON TAN KHYAD PAR CAN THOB BO ZHES BYA BA LAS MA GTOGS PAR KU RE DANG KYAL KA LA SOGS PA'I PHYIR, BRDZUN PA'I TSIG SMRAS NA SDIG PA MANG DU 'GYUR TE NYES BYAS LCI BAR 'GYUR RO, ,JI LTAR MDZA' BO 'BYED 'GYUR BA, ,PHRA MA'I TSIG RNAMS SMRA MI BYA, ,ZHES BYA BAS NI NGAG GI NYES PA GNYIS PA BSTAN TE 'DUM ZHING MDZA' BAR 'GYUR BAS 'THAB CING DBYE BAR 'GYUR BA'I PHRA MA'I TSIG GIS DBYE BA RNAMS SLAR MI SDUM ZHING DBYES SU 'GYUR BA PHRA MA'I TSIG RNAMS MI BYA'O, ,NGAN DU ZER LA NGAN MI SMRA, , GSHE BA LA YANG SLAR MI GSHE, ,MTSANG 'BRU BA LA SLAR MI 'BRU, ,RDEG PA LA YANG SLAR MI RDEG ,CES BYA BAS NI NGAG GI NYES PA SPONG BA DGE SBYONG GI TSUL BZHI STE, BDAG NYID LA NYES PA RNAMS LA'ANG MI RIGS PAR MI BYA NA, SEMS CAN NYES PA MED PA RNAMS LA BDAG NYID KYIS MI RIGS PAR BYA BA LTA CI SMOS, GZHAN GYIS NGAN DU SMRA BAL SOGS PA BYAS PA SLAR LAN MI GLAN NO ZHES BYA BA'I DON TO, ,BLO LDAN BSLAB PA 'DOD BA YIN, ,BSGRIMS TE NGAG GI SKYON RNAMS SPANG, ,ZHES BYA BA NI NGAG GI NYES PA BZHI PA STE, RGYAL PO'I GTAM DANG, CHOM PO'I GTAM DANG, TSONG PA'I GTAM LA SOGS PA NI TSIG KYAL PA STE NGAG GI SKYON RNAMS TE GANG BSLAB PAR 'DOD PA'I DGE SLONG BLO DANG LDAN PAS SPANG BAR BYA'O, ,DE LTAR 'GYUR BAR RIG NAS NI, ,NGAG RNAMS SHIN TU BSDAM PAR BYA, ,ZHES BYA BA NI GONG DU BSHAD PA LTAR NGAG GIS NYES PA BZHI SPYAD NA BRDZUN DANG SBOM PO DANG NYES BYAS SU RIG @23A *, ,NAS DE DAG BSDAM ZHING SPANG NGO ZHES BYA BA'I DON TO, ,PHAM PA BZHI PA BSHAD PA STE PHAS PHAM PA BZHI'I BSHAD PA RDZOGS SO,, ,,DE LTAR PHAS PHAM PA'I GNAS BSTAN NAS, DA NI BSLAB PA PHRA MO'I GNAS BSTAN PA'I PHYIR, 'BRU BTAGS PHABS DANG SBYAR BA YI, ,ZHES BYA BA LA SOGS PA SMOS SO, ,DE YANG RNAM PA DRUG STE, 'BRU BTAGS PHABS DANG SBYAR BA YI, ,BTUNG BA'I BYE BRAG 'BRU YI CHANG, ,ZHES BYA BA NI NAS 'BRAS BTAGS TE CHANG DU BYA BA'AM, MA BTAGS PA CHANG DU BYAS PA RNAMS TE, DE NI MYOS PAR 'GYUR RIG NAS, ,RTZVA MCHOG GIS KYANG MI BTUNG NGO, ,ZHES BYA BAR 'GYUR RO, ,SDONG BU ME TOG 'BRAS BU LAS, ,SBYAR BA'I KHU BA BCOS PA'I CHANG, ,DE NI MYOS PAR 'GYUR RIG NAS, ,ZHES BYA BA DANG, RTZVA MCHOG GIS KYANG MI BTUNG NGO, ,ZHES BYA BAR SBYAR TE, 'DI LTAR SDONG BU STE BUR MA SHING BCIR BA LAS BYAS PA DANG, ME TOG 'BRAS BU STE RGUN 'BRUM LA SOGS PA SBYAR BA'I KHU BAS MYOS SHING DRAN PA NYAMS PAR 'GYUR BAR RIG NAS BDAG NYID KYANG RTZVA MCHOG GIS MI BTUNG LA GZHAN LA YANG SBYIN PAR MI BYA ZHES STON TO, ,CI'I PHYIR ZHE NA, SDOM CAN PHAN 'DOD MI BTUNG NGO, ,ZHES BYA BA STE, 'DI LTAR DGE SBYONG SDOM PA CAN BSLAB PA LA GNAS PAS BDAG LA PHAN PA DANG BDE BAR BYA BA'I PHYIR RO, ,'THUNGS NA NYES PA CI YOD CE NA, DE 'THUNGS NA NI DRAN NYAMS SHING, ,BRTUL ZHUGS LDAN PA BAG MED 'GYUR, ,BAG MED PA LAS BRTUL ZHUGS NYAMS, ,ZHES BYA BA STE, GONG DU SMOS PA'I CHANG GI RNAM PA DE DAG 'THUNGS SHING GZHAN LA BLUD NA BDAG DANG GZHAN GYI SEMS RANG BZHIN DU GNAS SHING GSAL BA NYAMS SU MYONG BA'I DRAN PA NYAMS PAS LUS KYIS RJES SU RDEG BTZOG DANG, NGAG GI SGO NAS TSIG NGAN PA LA SOGS PA BAG MED PA 'BYUNG NGO, ,DE LTAR BAG MED PA'I SGO NAS SROG GCOD PA DANG, MA BYIN PAR LEN PA LA SOGS PA BRTUL ZHUGS TE TSUL KHRIMS NYAMS PAR 'GYUR RO, ,DE BAS NA, DE BAS STON PA'I BKA' DRAN BYA, ,MYOS 'GYUR NYES PA 'PHEL 'GYUR BA, ,RTZVA MCHOG GIS KYANG MI BTUNG NGO, ,ZHES SMOS TE, DE BAS NA STON PA @23B SANGS RGYAS KYI BKA' TSAD MA DRAN PAR BYAS LA DRAN PA NYAMS SHING MYOS PAR 'GYUR BA'I GNAS NYES PA RNAM PA DU MA 'PHEL BAR BYED PA'I RGYU RTZVA MCHOG GIS KYANG REG PAR MI BYA NA GZHAN LTA SMOS KYANG CI DGOS ZHES BYA BA'I DON TO, ,JI LTAR CHANG 'THUNGS NA NYES BYAS SU 'GYUR BA BZHIN DU GLUM DANG SBANG MA ZOS NA NYES BYAS SU 'GYUR RO, ,'DI LTAR CHANG LA CHANG GI KHA DOG DANG DRI DANG RO DANG MYOS PAR 'GYUR BA'I MTHU DANG BZHI CHAR LDAN PA 'THUNGS NA NYES PAR GZHAG GO, ,SBRANG RTZI DANG BRO BA LA SOGS PA MYOS PA'I MTHU YOD DU ZIN KYANG KHA DOG DANG DRI DANG RO LA SOGS PA DANG, 'JIG RTEN LA SOGS PA SMAD PA MA YIN PAS DE DAG GIS MYOS PA NI MA YIN NO, ,GAL TE DGE SBYONG NAD KYIS THEBS TE CHANG GI CHO GA BYA DGOS NA CHANG GIS LUS LA BSKU BAR BYA'O, ,YI GA 'CHUS PA PHAN PAR BYA NA YANG KHAR BLUGS PA LAS BTUNG BAR MI BYA'O, ,CHANG MA 'THUNGS NA YANG MI 'TSO BA TZAM DU THUG NA BSKOL BA CHANG GI RO DANG MYOS PA'I MTHU MED PAR BYAS TE, CHANG DANG RO NYAMS PA DANG KHA DOG DANG 'DRA BA TZAM BYA'O, ,GLU GAR ROL MO'I GLENG GZHI NI BCOM LDAN 'DAS RGYAL PO'I KHAB NA BZHUGS SO, ,RGYAL PO GZUGS CAN SNYING POS KLU'I RGYAL PO RI BO DANG YID 'ONG GI PHYIR GTZUG LAG KHANG BRTZIGS NAS DUS STON CHEN PO BYAS PA'I TSE, LHO PHYOGS NAS GAR MKHAN 'ONGS TE DRUG SNGE CI BYED PA'I LAD MO BZLAS PA DANG, DRUG SDE KHROS NAS DUS GZHAN ZHIG NA DUS STON BYED PA'I GAR MKHAN LA GNOD PA'I PHYIR DRUG SDES BRO GAR BYAS PA DANG, SKYE BO KUN GAR MKHAN LA MI LTA BAR DRUG SDES BRO GAR BYED PA LA BLTAS NAS ROL MO MKHAN GYIS RNYED PA MA GRUB STE, 'TSO BA CHAD NAS ROL MO MKHAN KHA ZER BA LA BCAS, YUL NI RGYAL PO'I KHAB, GANG ZAG NI DRUG SDE, NYON MONGS PA NI ZHE SDANG, NYES PA NI GLU GAR ROL MO'I SGRA BYED PA'O, ,GLU GAR DE BZHIN SIL SNYAN RNAMS, ,SDOM LA GNAS PAS MI BYA'O, ,ZHES BYA BAS DREGS PA'I NYES PA SPANG BA STON TE, DE LA GLU NI SHAR DANG GNAD RA LA SOGS PA'O, ,GAR NI RKANG LAG G-YOB CING LUS SGYUR BAR BYED PA'O, ,DE GNYIS SDOM PA LA GNAS PAS BYAS NA NYES BYAS SU 'GYUR RO, ,GZHAN BYED DU MI GZHUG STE BYED DU BCUG @24A *, ,NA NYES BYAS SO, ,SIL SNYAN NI MCHOD PA'I YO BYAD DANG ROL MO'I CHA BYAD DO, ,DE GSIL ZHING DKROL BA RNAM PA SNA TSOGS TE, DE DAG SDOM PA LA GNAS PAS MI BYA'O, ,CI'I PHYIR ZHE NA, DE DAG NI RGYA GAS SHING DREGS PAR 'GYUR BA'AM, YAN LAG 'KHOR BAR BYED PA'I RGYU YIN PA'I PHYIR RO, ,MCHOD PA BYA BA'I PHYIR GLU GAR BYED DU BCUG NA YANG GLU GAR BYED DU MI GZHUG ,LHA DANG LHA MA YIN GYI DBANG POS MCHOD PA LTAR SANGS RGYAS KYI ZHABS KYI RDUL LA MCHOD PA GYIS SHIG CES BYAS LA BYED DU GZHUG GO, ,YANG NA GNANG BA NI SEMS CAN GZHAN RNAMS DAD PA BSKYED PA'I PHYIR; DKON MCHOG GSUM GYI CHE BA'I YON TAN BSTOD RA RNAMS DBYANGS DANG GLU BSRES TE BYAS NA NYES PA MED DO, ,GLU DBYANGS DAG MI SHES TE SLOB 'DOD NA YANG SHES PA KHRID DE GNAS DBEN PAR SLOB TU GZHUG GO, ,'DIR BLU GAR LA SOGS PA DNGOS SU MA BYAS KYANG CHU LA SOGS PA LA BRDA THABS DANG LAG THABS SU BYAD NA YANG NYES BYAS SO, ,PHRENG BA DANG SPOS DANG BYUG PA DANG, RGYAN 'DOGS PA'I GLENG GZHI NI BCOM LDAN 'DAS RGYAL PO'I KHAB 'OD MA'I TSAL BYA KA LAN DA KA GNAS PA NA BZHUGS SO, ,DE'I TSE GTZUG LAG KHANG GI DUS STON BYED PA NA DRUG SDE KHA DOG GIS BRGYAN NAS GAR BYAS PA LA BCAS SO, ,YUL NI RGYAL PO'I KHAB, GANG ZAG NI DRUG SDE, NYON MONGS PA NI ZHA SDANG, NYES PA NI RGYAN PHRENG DANG KHA DOG 'CHANG BA'O, ,LUS LA SBOS KYIS MI BYUG STE, ,ZHES BYA BA LA SOGS PA SHLO KA PHYED DANG GSUM GYIS KHA DOG GI NYES PA STON TO, ,DA LA LUS LA SPOS KYIS BYUG PA NI LUS KYI MDOG MDZES PA DANG DRI ZHIM PAR BYA BA'I CHED DU AA KA RU DANG 'BU SUG LA SOGS PA DRI ZHIM PO'I RNAM PA LDE GU DANG PHYE MAR BYAS TE LUS LA BSKU ZHING GDAGS PAR MI BYA'O, ,DE BZHIN DU TZANDAN LA SOGS PA MI BSKU'O, ,YUNG DANG GUR GUM LA SOGS PAS, KHA DOG RNAMS SU MA BRI'O STE, MING GIS SMOS PA 'DI RNAMS KYIS KYANG LUS KYI MDZES SHING SPA BA DANG DRI ZHIM PAR BYA BA'I CHED DU LUS LA GDAGS SHING BSKU BA DPRAL BA LA RES SU MI BYA'O, ,STZOGS PA'I SGRAS NI MTSAL DANG LI KHRI DANG, KHA DOG MDZES PAR 'GYUR BA'I RGYU GZHAN DAG KYANG BSDU'O, ,MA @24B TOG MGO RGYAN PHRENG BA DAG ,BRTUL ZHUGS CAN GYIS GDAGS MI BYA, ,ZHES BYA BA NI ME TOG BRGYUS PA'I CHUN POS MGO DANG MGUL DU MI GDAGS SHING SPANG NGO ZHES BYA BA'I DON TO, ,GSER LA SOGS PA'I RGYAN RNAMS KYIS, ,BDAG LA BRGYAN PAR MI BYA'O, ,ZHES BYA BA LA, DGE SBYONG BDAG NYID GSER DANG DNGUL DANG MU TIG LA SOGS PA NOR BU RIN PO CHE'I RGYAN RNAMS KYIS BDAG GI MGUL DANG RKANG LAG LA SOGS PA BRGYAN CING GDAGS PAR MI BYA'O, ,DUD PA LA SOGS MIG SMAN RNAMS, ,MIG MI NA BAR MI BYUG GO, ,ZHES BYA BA NI DGE SLONG BDAG NYID MIG MI NA BAR MTSAL DANG GUR GUM DANG GA BUR DANG DUD PA SBYAR BA LA SOGS PAS MIG LA BSKU BAR MI BYA'O, ,LUS KYI MDOG MDZES PA DANG CHAGS PA SKYE BAR BYA BA'I PHYIR ME LONG DANG CHU DANG BA LA BLTA BAR MI BYA, SEN MO MI BCOS, CHAGS PA'I BSAM PAS SO RTZIL SOGS PA BZA' ZHING MCHU DMAR POR MI BYA'O, ,G-YAN PA DANG 'BRUM BU'I NAD MED PAR LUS 'JAM PA DANG, MDZES PAR BYA BA'I PHYIR RDO DANG SO PHAG GIS MI BRUD, KHRUS CHU LA SOGS PA'I NANG DU DRI ZHIM PO SNA TSOGS SPYAR LA MI BLUGS, YON BDAG DANG PA CAN 'GA' ZHIG DRI 'BUL TE LUS LA MI BSKUR MI RUNG NA YANG YID BSRUNG BA'I PHYIR SKAD CIG TZAM BSKUS LA YON BDAG SONG MA KHAD DU MA TSOR BAR DBYI'O, ,RIMS NAD DANG G-YAN PA'I NAD LA PHAN PA'I PHYIR TZANDAN DANG GUR KUM GYIS LUS LA BSKU DGOS NA 'JIG RTEN PAS MI 'PHYA BAR BSKU'O, ,SHING KHRI KHRU GANG MTHO BA DANG, ,ZHES BYA BA LA SOGS PA SHLO KA GCIG GIS MTHON PO NA 'DUG PA'I NYES PA BSTAN TE, SHING KHRI KHRU GANG LAS MTHO BA ZHES BYA BA STE DE LA NYAL BAR MI BYA'O, ,BA SO LA SOGS BRGYAN PA'I KHRI, ,DMA' YANG NYAL KHRI BZANG PO LA, ,NYAL LA SOGS PA MI BYA'O, ,ZHES BYA BA NI KHRU GANG SNYED DU MI MTHO ZIN KYANG BA SO DANG DUNG DANG RVA LAS BYAS PA'I KHRI 'AM, DE DAG GIS BRGYAN PA'I KHRI BZANG PO DMA' YANG NYAL BAR MI BYA'O, ,CI'I PHYIR ZHE NA, MAL STAN MTHON PO DANG BZANG PO DANG CHEN PO LA NYAL NA MAL GYI BDE BA LA CHAGS SHING RLOM SEMS 'BYUNG BA'I PHYIR DANG, GZHAN DU NA BKRA MI SHIS PAR YANG 'CHAD PAS NYAL BAR MI BYA'O, ,GNANG BA NI DE BZHIN GSHEGS PA'I GSUNG RAB KHA DON DU 'DON @25A *, ,CING 'CHAD PA'I TSE NI RIN PO CHE SNA TSOGS KYIS BRGYAN PA'I KHRI LA 'DUG TU GNANG NGO, ,DE LA 'DUG PA'I TSE YANG CHAGS SHING BDE BA'I BSAM PAS NI 'DUG PAR MI BYA'O, ,'DU BYED THAMS CAD SKAD CIG MI RTAG PA'I RANG BZHIN YIN PAR BSAMS TE 'DUG PAR BYA'O, ,GDING BA KO LPAGS 'CHANG BA GNANG BA NI YUL MTHA' 'KHOB DANG LHAGS PA CHE BA DAG TU NI MAL GOS DANG STAN GNYIS KA KO LPAGS LAS BYED DU GNANG GI YUL DBUS MA GA DH'A'I PHYOGS SU NI MI GNANG NGO, ,KO LPAGS BCANG DU GNANG BA YANG GZHAN GYI GNANG GI PA GLANG DANG STAG DANG SENG GE DANG DO MA DANG DRED DANG RTA DANG BYI LA'I PAGS PA 'DI BDUN BKRA ME SHIS SHING, 'JIG RTEN PA RNAMS KYIS SMAD CING DKON PA YIN PA SPYOD CING 'DUG TU MI GNANG NGO, ,NAD KYI GZHI LA PHAN NA NI SMAN PAS BSGO BA LA NYEM PA MED DO, ,GLU GAR LA SOGS BSTEN PA DANG, ,GANG LA DREGS PA SKYE MI 'GYUR, ,DREGS PA'I YAN LAG SPANGS NAS NI, ,BRTUL ZHUGS GNAS ZHES BRJOD PA YIN, ,ZHES BYA BA NI DREGS PA'I NYES PA SPANGS PA'I PHAN YON YIN TE, 'DI LTAR GLU DANG GAR LA SOGS PA DNGOS PO GNAG BSTEN CING GNAS NA DREGS PA DANG RGYAGS PA SKYE BAR 'GYUR BA'I DREGS PA'I YAN LAG GAM DNGOS PO DE YANG SPANG SNA BRTUL ZHUGS GNAS PA STE, SNGOM PA LA GNAS PA TSUL KHRIMS DANG LDAN PA YIN NO ZHES BYA BA'I DON TO, ,NYI MA PHYED MTSAMS PHAN CHAD NAS ,ZHES BYA BA LA SOGS PA SHLO KA GSUM GYIS NI DUS MA YIN PAS ZAS ZA BA'I NYES PA BSTAN TO, ,DE LA DGE SBYOR GIS ZAS ZA BA'I DUS MA YIN PA NI RANG GI GNAS 'DZAM BU'I GLING DU NYI MA PHYED MTSAMS TSUN CHAD NAS BZUNG STE SKYA RENGS MA SHAR BAR DU ZA BA'I DUS MA YIN PAR SANGS RGYAS BCOM LDAN 'DAS KYIS BKA' STZAL TE, DGE SBYONG SDOM PA LA GNAS PAS DUS DER ZAS MI BZA' BAR BYA STE, DE BAS NA, NYIM PHYED MTSAMS PHAN CHAD NAS, ,SKYA RENGS MA SHAR DUS MIN TE, ,DE NI RGYAL BAS DUS MIN GSUNGS, ,SDOM CAN RNAMS KYIS DER MI BZA', ,ZHES BYA BA BSTAN PA YIN NO, ,'O NA DGE SBYONG GI ZAS BZA' BA'I DUS GANG ZHE NA, SKYA RENGS SHAR NAS PHYED KYI BAR, ,DE YI SKABS SU ZOS NA NI, ,DE NI BDAG @25B SHES SDOM PA STE, ,BZA' BA DUS SU ZOS PA YIN, ,ZHES BYA BAS BSTAN TE, 'DI LTAR RANG GI GNAS NI 'DZAM BU'I GLING DU SKYA RENGS SHAR PA NYI MA PHYED MA YOL GYI BAR SKABS DER BZA' BA ZOS PA NI BDAG SHES BZHIN DANG LDAN PA SDOM PA LA GNAS PA STE DGE SBYONG GIS GNAS BZA' BA'I DUS SU ZOS PA YIN TE DE NI DUS YIN NO, ,DUS MIN DUS SU 'DU SHES NAS, ,NAM YANG BZA' BAR MI BYA'O, ,ZHES BYA BA NI PHYED MTSAMS PHAN CHAD DU SA MA YIN PA LAS DUS YIN NO SNYAM PA'I 'DU SHES BZHAG NAS BZA' BA RNAMS BZA' BAR BYA BA NI NAM YANG MI BYA'O ZHES BYA BA'I DON TO, ,DUS MA YIN PAR BZAR GNANG BA NI, SMAN PAS NYON MONGS BSGO NA NI, ,NAD PAS NYES PAR MI 'GYUR RO, ,ZHES BYA BA LA SOGS PA STE, SNGA DRO ZOS PAS 'TSO BAR MI NUS NA PHYI DRO YANG ZO CIG CES SMAN PAS BSGO NA NYES PAR MI 'GYUR BA DANG, LAM DU ZHUGS TE DPAG TSAD GCIG TZAM DU 'GRO BA DANG, MU GE CHEN PO BYUNG STE NYAM THAG PA'I DUS SU NI DUS DANG SBYAR BA'I GTOL MED PAS NAM ZAS RNYED PA'I TSE DUS MA YIN PAR BZAR GNANG NGO, ,DGE SLONG BA LANG BDAG BZHIN DU LAS KYI RNAM PAR SMIN PAS MID PA GNYIS YOD PAR GYUR NA SNGA DRO NI MID PA GCIG NAS NANG DU RGYU, PHYI DRO NI GCIG NAS PHYIR RGYU ZHING ZA BA'I DUS YIN PAS DE LTA BU NI DANG PO KHAM GCIG GNYIS TZAM GYIS PHYIR BOR TE SLAR KHA BKRU BAR BYA, DE'I PHYI MA PHAN CHAD BZA' BAR BYA'O, ,DE LTA BU MA GTOGS PA RNAMS NI SGREGS PA'I KHROD NA KHA ZAS KYI TSAL MA ZHIG BYUNG NA KHA ZAS DANG BCAS PAR MI BYA'I BRTAGS PA'I CHUS KHA DAG PAR BKRU BAR BYA'O, ,SA LE SBRAM NI GSER YIN TE, ,ZHES BYA BA LA SOGS PA SHLO KA GSUM GYIS DBYIG 'CHANG BA'I NYES PA SPANG BA STON TE, DGE SBYONG GIS BDAG GI CHED DU GSER SA LE SBRAM DANG, BDOG PA LA SOGS PA DANG, DNGUL LA SOGS PA STE RIN PO CHE RNAMS SBYIN BDAG RNAMS KYIS DE BYIN NA, BDAG NYID KYIS KYANG MI BLANG LA, ,GZHAN YANG LEN DU MI GZHUG GO, ,GAL TE DE LTAR MA BYAS PAR BLANGS NA NYES BYAS TE LCI BAR 'GYUR RO, ,DGE SPYONG GIS KHAB RAL DANG GIR SHUBS LA SOGS PA RVA DANG BA SO DANG RUS PA LAS BYAS PA DANG, GSER DNGUL LA SOGS PA LAS @26A *, ,BYAS PA'AM, GSER DNGUL DANG RIN PO CHES SPAS PA LA SOGS PA GDAGS SHING BCANG BAR MI BYA STE BYAS NA NYES BYAS SO, ,TSON MO STENG DANG ZHA NYE DANG KHAR BA LA SOGS PA LA REG NA NYES BYAS SO, ,'O NA DGE SBYONG GSER DNGUL LA SOGS PA LA CI NAS KYANG REG TU MI RUNG NGAM ZHE NA; BDAG GIS RUNG BA MA YIN 'DIS, ,RUNG BA'I DNGOS PO BTZAL SNYAM DU, ,DE LTAR MNGON PAR BSAMS NAS NI, ,DE NAS GZHAN ZHIG LEN DU GZHUG ,CES SMOS TE, DGE SBYONG GIS BSAMS PA 'DI GZHAN TE, BDAG GIS GSER DNGUL LA SOGS PA RUNG BA'I DNGOS PO MA YIN PA 'DIS, RUNG BA'I DNGOS PO CHOS GOS GSUM BTZAL BA'I ZONG DANG, GSER DNGUL CUNG ZAD MA BCANGS NA 'TSO BA 'CHAD PAR 'GYUR BAS 'TSO BA'I PHYIR DANG, SMAN MED NAD KYIS GTZES PAR 'GYUR BAS SMAN BTZAL BA'I ZONG GI PHYIR BCANG ZHING BLANG NGO SNYAM DU BSAMS TE DGE BSNYEN NAM KHYIM BDAG GZHAN LEN DU GZHUG GO, ,YANG NYES PAR MI 'GYUR BA NI, DKON MCHOG GSUM GYI CHED KA DANG, ,TSANGS PA MTSUNGS PAR SPYOD RNAMS KYI, ,GSER DANG DNGUL LA REG GYUR KYANG, ,NYES PAR GYUR PA MA YIN NO, ,ZHES PA STE, 'DI LTAR DKON MCHOG GSUM GYI CHED DU STE DE'I DKOR DU GTOGS PA DANG, TSANGS PA MTSUNGS PAR SPYOD PA MKHAN PO DANG SLOB DPON GCIG PA'I DGE SBYONG GI YO BYAD LTA BU DANG, MKHAN PO DANG SLOB DPON GYI YO BYAD DU GTOGS PA'I GSER DNGUL LA DGE SBYONG BDAG GIS REG KYANG NYES PAR MI 'GYUR RO, ,YANG, BDAG GIS RUNG BA MA YIN 'DIS, ,RUNG BA'I DNGOS PO BTZAL SNYAM DU, ,ZHES BYA BA NI GSER DNGUL 'DIS DE BZHIN GSHEGS PA'I SKU GZUGS LUGS SU BLUGS SHING RIS SU BRIS PA DANG, DHARMA BRIS SHING GLEGS BAM DU BYAS PA DANG, DGE 'DUN SPYI LA 'BUL BA'I BSAMS PAS BLANGS NA NYES PAR MI 'GYUR RO ZHES BYA BA'I DON TO, ,DGE SBYONG GIS KHE SBOGS 'DOD PA'I PHYIR BDAG GI NOR GZHAN LA 'TSOD DU BCOL TAM, GZHAN GYI NOR BDAG GIS BLANGS TE TSONG BYAS NA NYES BYAS SO, ,DKON MCHOG GSUM GYI PHYIR RAM, DE LTAR MA BYAS NA SMAN ZONG TZAM YANG MED LA 'TSO BA YANG 'CHAD PAR 'GYUR BA ZHIG GAM, BSOD NAMS BYA BA ZHIG TU BSAMS @26B TE TSONG GI KHE SPOGS BYA DGOS NA YANG BDAG NYID KYIS MI BYA'O, KHYIM PA GZHAN LA BCOL BAR BYA'O, ,DE LTAR BCOL BA'I 'OS MED NA YANG BDAG NYID TSOR BYED PA'I TSE BDAG GIS NAN DANG MTHUS MI BYA'O, ,RUNG GNAM MI RUNG DGA' MI DGA', ,ZHES LAN GSUM GYI BAR DU DRIS LA, MI DGA' BA MED DE RUNG NGO ZHES ZER NA TSONG BYA'O, ,PHA ROL PO MA DAD BZHIN DU NAN GYIS TSONG BYAS TE RIN BRTZIS LA THOB NA PHAM PAR 'GYUR RO, ,DE LTAR 'DI YAN CHAD DU DGE SBYONG GI BSLAB TSIG BCU PO MDO TZAM DU BSHAD ZIN TO,, ,,'DOD PAS BAR DU GCOD BYED CING, ,RDZOGS SANGS RGYAS KYIS BKA' STZAL PA NI BCOM LDAN 'DAS KYIS RAB TU BYUNG BA RNAMS 'DOD PA'I YON TAN LNGA LA BRTEN PA RNAMS NI MO THA RIS DANG THAR PA LA BAR DU GCOD PA'O ZHES BKA' STZAL PA LAS, NYE DGA'I SLOB MA DGE SBYONG TSER MA CAN DANG MCHOD SBYIN GNYIS NA RE 'DOD PAS PAR DU GCOD PA'O ZHES BCOM LDAN 'DAS KYIS BKA' STZAL PA NI DE LTAR MA YIN TE, 'DOD PA LA BRTEN KYANG BAR DU GCOD PAR MI 'GYUR TE DE'I DON BDAG GIS SHES SO ZHES SMRAS PA LAS, BCOM LDAN 'DAS LA GSOL TE BKA' STZAL PA, DE SKAD DU SMRA BA LA DANG POR TSIG 'JAM POS SMROS SHIG ,DES MA BTUB NA GSOL BA DANG, BZHI'I LAS KYIS DGE TSUL GTI MUG MA SMRA SHIG CES BSGO ZHIG ,DE SKAD DU BSGO BA LAS KYANG MA BTUB STE DE SKAD SMRA NA DGE 'DUN GYIS 'TSO BA'I YO BYAD DU GTOGS PA LONGS SPYOD RNAMS DANG PHRAL NAS, GTZUG LAG KHANG NAS BSKRAD PAR BYA'O, ,DE LTAR BSKRAD PA'I DGE SBYONG DE NI DGE SBYONG DANG GNYIS GNAS KHANG GCIG TU NYAL BA GNANG BA DE LA MED NA, TSANGS PA MTSUNGS PAR SPYOD PA RNAMS DANG SPYOD PA GCIG CING YO BYAD GCIG PA DANG, LTA BA GCIG PA RNAMS KYANG DE LA MED PAS NA, DE NAS RO DANG 'DRA BAR 'GYUR RO, ,'PHYAR DANG RTAG DBYED LA SOGS, ,'CHI BAR BSAMS TE MI BYA'O, ,ZHES BYA BA LA, RAB TU BYUNG BA RNAMS NI DUL ZHING ZHI BA'I RANG BZHIN PAS, GDOL PA DANG MA RABS KYI CHOS LUS KYI SGO NAS MCHONG ZHING BRGAL BA LA SOGS PA DAG DANG, NGAG GI SGO NAS RTA GAD DRAG PO LA SOGS PA MI BYA'O, ,CI'I PHYIR ZHE NA, 'PHYAR BA NI MA BRTAGS PA'I CHOS YIN @27A *, ,BA DANG, RTA GAD DANG GAG TSIL BYED PA NI RLUNG 'TSUB CING SNGON SHI BDAG BYUNG BAS, DE'I PHYIR 'CHI BAR BSAMS SHING MI BYA'O, ,GLAL TSE LAG LA SOGS PA YIS, ,KHA DGAB PAR YANG NAN TAN BYA, ,CI'I PHYIR ZHE NA, SO SNANG BA DANG GCAN GZAN CHAD PA LTAR SHIN TU MI MDZES PA'I PHYIR RO, ,RGAN LA SBRID BYUNG PHYAG BYA STE, ,GZHON LA NAD MED GYUR ZHES BYA, ,KHYIM PA SBRID PA BYUNG BA DANG, ,YUN RING SOS ZHES BRJOD PAR BYA, ,ZHES BYA BA LAS, RGAN PA NI BDAG PAS TSUL KHRIMS DANG SHES PA RGAN PA'AM MKHAN PO DANG SLOB DPON NO, ,GZHON PA NI BDAG PAS DA DAG GIS DMA' BA CHUNG BA'O, ,YUN RINGS POS ZHES BYA BA NI KHYIM PA RNAMS NI TSE RING BA LA DGA' BA'I PHYIR RO, ,BLA MA DAG GI MDUN DAG TU, ,SNABS DANG MCHIL MA MI DOR ZHING, ,SO SHING BCA' BAR MI BYA'O, ,DE BZHIN STAN LA MI 'DUG CING, ,MDUN DU BCAG PAR MI BYA'O, ,GOS GCIG DAG KYANG BGO MI BYA, ,KHYED RENGS SU YANG MI DBYUNG NGO, ,ZHES BYA BA LA, MKHAN PO DANG SLOB DPON DANG SHES PA DANG TSUL KHRIMS KYI YON TAN GYIS 'PHAGS PA RNAMS NI BAL MA STE, DE DAG GI MDUN DU MING GIS 'BYUNG BA DE DAG MI DOR MI BYA'O, ,CI'I PHYIR ZHE NA, MA RABS SMAD PA'I CHOS YIN PA DANG; MA GUS SHING BSNYEMS PA'I TSUL YIN PAS SPANG BAR BYA'O, ,SO SHING ZA NA YANG PHU RUNG GIS KHA BKAB STE BZA' BAR BYA'O, ,BLA MA RNAMS LA JI LTAR BYA ZHE NA, RGAN PO RNAMS LA SDOM CAN GYIS, ,GUS BCAS ZHE SAR BCAS PAR BYA BA STE, RGAN PA GONG DU SMOS PA RNAMS LA LUS KYI SGO NAS KYANG GUS SHING ZHI BAR BYA BA DANG, NGAG GI SGO NAS KYANG TSIG 'JAM ZHING GSONG POR SMRA BA DANG ZHE SA DANG BCAS PAR BYA'O, ,BSLAB PA PHRA MO'I GNAS BSTAN ZIN TO,, ,,LAG PA DAG PAR BSNYAL NAS NI, ,BUM PA LA SOGS RDUL MED BYA, ,ZHES BYA BA NI ZAS ZOS PA'I 'OG TU, KHA LAG LEGS PAR BKRUS NAS NANG PAR SPYAD PAR BYA BA'I CHU BTZAG CING BLANG BAR BYA'O, ,CHU'I SNOD BUM PA LA SOGS PA RDUL DANG DRI MA MED PAR SROG CHAGS MAD PAR BRTAGS NAS CHU YANG BTZAG CING BLANG BAR BYA STE, CHU BTZAG PA'I THABS NI, SROG CHAGS YOD NA LEGS PAR BTZAG ,CES PA'I SKABS SU @27B BSTAN PA BZHIN NO, ,GNAS MED PAR NI GNAS MI BYA, ,ZHES BYA BA NI BSNYEN PAR RDZOGS NAS LO BCU'AM, LNGA MA LON GYI BAR DU GNAS MA BCAS PAR GNAS SU MI DBANG BAS DGE SBYONG RNAMS KYIS GNAS MED PAR ZHAG GCIG KYANG GNAS SU MI GNANG NGO ZHES BKA' STZAL TO, ,DGE 'DUN MAL STAN LA SOGS PA, ,DRAN PA MED PAR 'DUG MI BYA, ,ZHES BYA BA NI, DGE 'DUN SPYI'I MAL CHA DANG STAN KHRI DANG KHRI'U LA SOGS PA NI SHIN TU SPYAD PAR BYA BA MA YIN PAS MI RTAG PA LA SOGS PA'I CHOS DRAN PAR BYAS TE 'DUG PAR MI BYA'O, ,DE LTA BU'I DRAN PA MED PAR NI 'DUG PAR MI BYA'O, ,DE LTA BU'I CHOS YID LA BYED PA DANG LDAN PAS 'DUG TU GNANG STE, DE BAS NA DRAN DANG LDAN NA NYES MED DO, ,SO BKRU BA DANG CHU BTUNG DANG, ,BSHANG GCI BYED DU 'GRO BA DANG, ,MTSAMS NANG STON LA PHYAG BYA BA, ,DE DAG MA ZHUS NYES MED DO, ,ZHES BYA BA'I MING GIS 'BYUNG BA 'DI DAG NI MKHAN PO DANG SLOB DPON LA MA ZHUS KYANG NYES PAR MI 'GYUR RO ZHES BSTAN TO, ,BRTUL ZHUGS CAN GYIS BYA BA GZHAN, ,DE DAG THAMS CAD MA LUS PAR, ,GAL TE BLA MA MA ZHUS PAR, ,BYAS NA DE NI NYES BYAS 'GYUR, ,ZHES BYA BA LA, DGE SBYONG GIS BSGOM ZHING BKLAG PAR BYA BA DANG, GOS DRA BA DANG 'DRUB PA LA SOGS PA LAS SU CI BYA BA KUN KYANG MKHAN PO LA ZHU BAR BYA STE, GAL TE MA ZHUS PAR SNA 'GA' BYAS NA NYES BYAS SU 'GYUR RO ZHES GSUNGS SO, ,MCHOD RTEN LA SOGS PHYAG BYAS TE, ,MI NYAL BYAS NAS DE 'OG TU, ,BLA MA'I RKANG BKRU, ,ZHES BYA BA LA, NUB MO DGE SBYONG GIS MCHOD RTEN DANG SKU GZUGS LA SOGS PA LA PHYAG BYAS TE, ZHU BA'I GNAS GANG YIN PA'I GANG ZAG LA SANG NANG PAR GYI BAR DU MI NYAL BAR DGE BA RNGO THOGS TSAD DU BGYI ZHES ZHU ZHING DE LTAR BYAS PA'I 'OG TU MKHAN PO DANG SLOB DPON GNYIS KA DANG BLA MA RNAMS KYI RKANG PA CHU GTZANG MAS BKRU BAR BYA'O, ,BLA MA LA, , BRTUL ZHUGS CAN GYIS KUN ZHUS TE, ,ZHES BYA BA NI DE LTAR BLA MA'I RKANG LAG BKRU BAR BYAS NAS DGE BA LA SOGS PA CI BYA BRTUL ZHUGS CAN DGE SBYONG BDAG GIS ZHUS NAS ZHES BYA BA'I THA TSIG GO, ,CI BYA ZHE NA, RKANG PA GNYIS KA BKRUS NAS NI, ,NAM GYI CHA STOD CHA SMAD LA, ,BSGRIMS TE MI @28A *, ,NYAL BYA BA STE, ,ZHES BYA BA STE, SLAR BDAG GI GNAS KHANG DU PHYIN NAS, RKANG PA GNYIS DAG TU BKRUS TE ZHUS PA BZHIN NAM GYI CHA STOD SROD DANG NAM GYI CHA SMAD THO RANGS LA BSGRIMS PA BRTZON 'GRUS CHEN POS MI NYAL BAR DGE SBYOR BYA'O, ,DE LTAR BYAS NA ZHUS PA BZHIN DGE SBYONG DES NI BDEN PAR SMRA BAR 'GYUR TE, ZHUS PA BZHIN DU BYAS PA YIN NO, ,LDANG DANG SNANG BA'I 'DU SHES KYIS, ,SENG GE'I NYAL THABS BZHIN DU BYA, ,ZHES BYA BA LA, GNYID 'ONG STE MAL DU LUS PHAB PA'I TSE NA YANG BSAM PA MED PAR NYAL BAR MI BYA'I, MYUR DU LDANG BA'I BSAM PA DANG MYUR DU SANG CING SNANG BA'I 'DU SHES YID LA BYAS NAS SENG GE BZHIN DU GLO G-YAS PA PHAB STE NYAL BAR BYA'O, ,DRAN DANG BSAM PA'I RGYUD DAG DANG, ,DE BZHIN MYUR DU SAD NAS NI, ,JI SKAD BSTAN PA BZHIN DU BYA, ,ZHES BYA BA LA, DE LTAR SNANG BA DANG LDANG BA'I 'DU SHES KYIS NYAL BA NI DRAN PA'I BSAM PA DANG LDAN PA ZHES BYA BA STE, DES NI MYUR DU SAD CING LDANG BAR 'GYUR RO, ,DE LTAR SAD NAS, NAM GYI CHA SMAD MAL NAS LANGS, ,NAM LANGS BAR DU KHA TON BYA, ,ZHES JI SKAD BSTAN PA BZHIN DU BSGRUB CING BSGOM PAR BYA'O ZHES BYA BA'I DON TO, ,PHYI DRO PHAN CHAD KYI BYA BA BSTAN ZIN TE, ,DA NI TSIG RKANG GSUM GYIS DGE SBYONG GI BSLAB TSIG BSRUNG BA DANG, SNGA DRO DANG PHYI DRO'I DUS SU KHA ZAS BZA' ZHING CHU GTZANG BA DANG, MKHAN PO DANG SLOB DPON DANG BLA MA RNAMS LA LUS NGAG GI SGO NAS BKUR STI LA SOGS PA'I LAS SU BYA BA JI LTAR BSTAN PA BZHIN DU NYAMS SU BLANGS TE BSGRUBS NA YON TAN DANG 'BRAS BU GSUM 'THOB BO ZHES BSTAN PA'I PHYIR, JI LTAR NYON MONGS MYUR ZAD NAS, ,BYANG CHUB DAM PA 'THOB 'GYUR BA, ,DE LTAR BSGRIMS DANG LDAN PAR BYA, ,ZHES BYA BA SMOS TE, DE LTAR BSGRIMS DANG LDAN PAR BYA, ,ZHES BYA BA NI GONG DU BSTAN PA BZHIN NAN TAN BYAS NA TSE 'DIR YANG NYON MONGS PA MYUR DU ZAD PAR 'GYUR LA; MA 'ONGS PA NA YANG BYANG CHUB RNAM PA GSUM LAS DAM PA BLA NA MED PA'I BYANG CHUB THOB PAR 'GYUR RO, ,DGE SPYONG GI K'A RI K'A LNGA BCU PA MDO TZAM DU BSHAD PA, SLOB DPON KA MA LA SH'I LAS MDZAD PA RDZOGS SO,, ,, @28B #, ,RGYA GAR SKAD DU, SARBA AA STI B'A DI SHRA MA nE RA KA RA nA, BOD SKAD DU, THAMS CAD YOD PAR SMRA BA RNAMS KYI DGE TSUL GYI BYA BA, THAMS CAD YOD PAR SMRA BA RNAMS KYIS ZHES BYA BA NI DUS GSUM DANG, RNAM PAR RIG BYED MA YIN PA'I GZUGS DANG, 'DUS MA BYAS BZHI DANG, KHA DOG BCU GNYIS DANG, DBYIBS BRGYAD DANG, 'DI DAG LA SOGS PA RDZAS SU YOD PAR 'DOD CING, DON DAM PAR YANG DE BZHIN DU LTA BAS NA THAMS CAD YOD PAR SMRA BA ZHES BYA'O, ,RNAMS KYI ZHES PA SNGA MA 'DAS PA'I DGE TSUL DANG, DA LTAR BYUNG BA'I DGE TSUL DANG, MA 'ONGS PA'I DGE TSUL DANG, DE DAG GI BYA BA YIN PAS NA RNAMS ZHES BYA'O, ,DGE TSUL ZHES PA NI NGAL BA BYED PA'I DON TO, ,KHA TON BYA BA LA SOGS PAS DU BA CING NGAL BA'I PHYIR TE, DON DU NA DGE BA LA BRTUN PA'AM, DGE BA SPYOD PA LA DGE TSUL ZHES BYA STE, ZHIB TU 'OG NAS 'CHAD DO, ,BYA BA ZHES BYA BA NI RNAM PA GNYIS TE, BSGRUB PAR BYA BA DANG, BSRUNG BAR BYA BA'O, ,DE LA BSGRUB PAR BYA BA NI, BLA NA MED PA'I BYANG CHUB BO, ,BSRUNG BAR BYA BA NI TSUL TE BSLAB PAR BYA BA'O, ,YANG NA DGE TSUL DU GYUR PA'AM, DGE TSUL GYIS JI LTAR BYA BA'O, ,MGON PO ZHES BYA BA NI SANGS RGYAS LA BYA STE, SEMS CAN THAMS CAD KYI MGON DANG RTEN DANG DPUNG GNYEN DU GYUR PAS NA MGON PO ZHES BYA'O, ,THAMS CAD CES BYA BA NI PHYI NANG GI RGYU RKYEN DANG, DUS GSUM DANG, DUS KYIS BSKAL PA DANG, RANG BZHIN GYIS BSKAL PA LA SOGS PA'O, ,MKHYEN DANG ZHES PA NI, THOGS PA DANG CHAGS PA MI MNGA' BA'I YE SHES KYIS RTAG TU SEMS PA RNAMS DANG, SHES BYA MTHA' DAG MA LUS PAR MKHYEN PA'O, ,CHOS ZHES BYA BA NI NYAN THOS KYI SDE SNOD GSUM LA BYA BA STE, DE LA 'DUL BAS NI DUL BAR BYAS, MDO SDES NI ZHI BAR BYAS, MA MOS NI MYA NGAN LAS 'DAS PAR BYED PA'I PHYIR CHOS ZHES BYA'O, ,YANG NA YIG 'BRU TZAM LA MI BYA'I, MYA NGAN LAS 'DAS PA'I LAM GANG ZAG LA BDAG MED PA'I CHOS SO, ,'PHAGS PA'I ZHES BYA BA NI, KHAMS GSUM GYI NYON MONGS PA LAS RING DU GYUR PA'AM, RGYANG BSRINGS PA'I PHYIR 'PHAGS PA'O, ,TSOGS LA ZHES BYA BA NI DE YANG GANG ZHE NA, ZAG PA ZAD PA, KHUR BOR BA, @29A *, ,DGRA BCOM PA DAG STE, SKYES BU ZUNG BZHI DANG GANG ZAG YA BRGYAD KYI TSOGS TE, DE DAG 'DUS PA LA BYA'O, ,YANG NA DA LTAR GYI DGE 'DUN BZHI YAN CHAD DO, ,DE LA ZAG PA NI 'DOD PA DANG MA RIG PA DANG, LTA BA DANG, SRID PA'I ZAG PA'O, ,KHUR BOR BA NI PHUNG PO LNGA'I KHUR BOR BA'O, ,DGRA BCOM PA NI LAS GCIG DANG NYON MONGS PA'I DGRA BCOM PA'AM BDAG TU 'DZIN PA'I DGRA BCOM PA'O, ,PHYAG 'TSAL TE ZHES PA NI DKON MCHOG GSUM LA LUS DANG, NGAG DANG, YID KYIS PHYAG BYA BA'O, ,DE LA LUS KYIS PHYAG BYA BA NI, LUS SMAD LNGAS LA GTUGS PA'O, ,NGAG GIS PHYAG BYA BA NI, DKON MCHOG GSUM GYI YON TAN BRJOD CING BSTOD PA BYED PA'O, ,YID KYIS PHYAG BYA BA NI, SANGS RGYAS DAG MNGON PAR BZHUGS PAR RTZE GCIG TU DMIGS PA'O, ,DE LA YANG NAD PA TSABS PO CHE'I NI YAN LAG DANG LDAN BAS BYA'O, ,NAD PA NI YAN LAG GNYIS DANG LDAN PAS SO, ,MI NA BAS NI YAN LAG GSUM KAS SO, ,DGE BA NI LUS DANG NGAG DANG YID GSUM GYI SGO NAS DGE BA STE, DE LA LUS KYI SGO NAS DGE BA NI, SROG GCOD PA DANG, MA BYIN PAR LEN PA DANG, MI TSANGS PAR SPYOD PA SPONG BA'O, ,NGAG GI DGE BA NI BRDZUN DU SMRA BA DANG, PHRA MA DANG, THUN TSAGS SU SMRA BA DANG, TSIG RTZUB MO DAG SPANGS PA'O, ,YID KYI DGE BA NI LOG PAR LTA BA DANG, NGAN DU SEMS PA DANG, CHAGS SEMS SPANGS PA'O, ,YANG NA LUS KYI DGE BA SPYOD LAM BZHI MDZES PA DANG, NGAG GI DGE BCAL COL DU MI SMRA ZHING DUS SU SMRA BA DANG, YID KYI DGE BA DKON MCHOG GSUM RJES SU DRAN ZHING TSAD MED PA BZHI DANG LDAN PA'O, ,TSUL GYI ZHES BYA BA NI DGE SBYONG GI CHUL BZHI'O, ,CHO GA RNAMS ZHES BYA BA NI, TSUL KHRIMS BCU DANG, DGE CHUL RNAMS KYI CHO GA'O, ,MDO TZAM ZHES BYA BA NI 'DUL BA 'BUM PA'I NANG NAS DGE SLONG KHRIMS NYIS BRGYA LNGA BCU 'BYUNG BA LAS DGE TSUL MI SRUNG BA NI DGE 'DUN LHAG MA BCU GSUM DU ZAD MOD KYI, THAMS CAD NI LHAG TU MA MCHIS TE RTZA BA NYI TSE BTUS PAS NA MDO TZAM ZHES BYA'O, ,NGES PAR ZHES BYA BA NI, MKHAN POS RANG BZO BYAS PA NI MA YIN GSUNGS RAB KYI LUNG @29B 'DUL BA'I NANG NAS BTUS PAS NA NGES PA ZHES BYA BA'O, ,BSHAD PAR BYA ZHES PA NI BSTAN PA DANG BSHAD PA DANG, SMRAS PA ZHES PA NI RNAM GRANGS SO, ,YANG NA DE LTAR PHYAG BTZAL BA DANG, DAM BCAS PA DANG GDAMS NGAG LTA BUR STON TO, ,SH'AKYA ZHES PA NI DE YANG STON PA RNAMS KYIS DAM BCAS PAS SNGON TE, GANG ZHE NA, KHYIM PA'I RIGS YONGS SU DAG PA DANG, RAB TU BYUNG BA'I RIGS YE SHES YONGS SU DAG PAR BSTAN TO, ,DE LA SH'AKYA ZHES BYA BA NI RIGS BZHI YOD PAS RGYAL RIGS KYI NANG NA YANG SH'AKYA'I RIGS GTZANG ZHING KHA DRAG PA'I NANG DU BCOM LDAN 'DAS 'DUL BA'I DBANG GI PHYIR DGA' LDAN GNAS NAS RIGS DER SKYES PA NA RIGS LA MTSAN DU GSOL TO, ,SH'AKYA'I BSTAN PA LA BDAG NYID DAD PAS RAB TU BYUNG BAS LUS BZHIN BSLAB PA BSRUNG BAR BSTAN TO, ,SENG GE ZHES PA NI BYOL SONG GI RGYAL PO SENG GE RAL PA CAN JI LTAR RI DAGS THAMS CAD ZIL GYIS GNON PA DE BZHIN DU SANGS RGYAS KYANG MU STEGS CAN DANG PHYIR RGOL BA THAMS CAD SBA BKONG ZHING ZIL GYIS GNON PAR MDZAD DE, ,SENG GE DANG 'DRA BA'I PHYIR DPE DE LAS MTSAN DU GSOL TO, ,'DIS NI RAB TU BYUNG BA'I YONGS SU DAG PAR STON TO, ,BSTAN PA LA ZHES PA NI NYAN THSO KYI SNGE SNOD GSUM STE, THEG PA CHEN PO'I GSUNG RAB MDO SDE BCUG NYIS LA BYA'O, ,DAD PAS ZHES PA NI DKON MCHOG GSUM DANG LDAN PA BZHI DANG, LAS DANG 'BRAS BU LA YID CHES SHING MNGON PAR DAD PAS SEMS DANG BA'O, ,RAB TU BYUNG BAS ZHES PAS RAB TU BYUNG BA LA RNAM PA BZHI STE, PHYI ROL GYI RKYEN GYIS PHONGS TE RAB TU BYUNG BA NI MA SMOS TE, 'DIR NI KHYIM PA'I MTSAN MA SPANGS TE, DGE TSUL GYI MTSAN MA DANG LDAN PA YIN GYI, RKYEN GYIS RAB TU BYUNG BA NI MA YIN NO, ,BRTUL ZHUGS ZHES PA NI MU STEGS KYI BRTUL ZHUGS ZHES BYA BA YOD MOD KYI; 'DIR SBYANGS PA'I YON TAN BCU GNYIS YI DAM DU 'DZIN PA LA BRTUL ZHUGS ZHES BYA'O, ,BRTAN PAS ZHES BYA BA NI RAB TU BYUNG BA DE YANG SKAD CIG GAM LO ZLA'I BAR DU SDOM PA BLANGS TE DE LA GNAS PA MA YIN GYI NA MA 'TSO'I BAR DU'AM SNYING BO BYANG CHUB LA THUG GI BAR DU ZHES DAM @30A *, ,BCAS PA NI BRTAN PAS TE, JI LTAR DANG PO YI DAM BCAS PA LAS SLAR MI LDOG CING MI NUR BA NI BRTAN PAR BYA'O, ,SDOM PA LA RNAM PA GSUM STE, TSUL KHRIMS KYI YAN LAG DANG, BAG BYA BA'I YAN LAG DANG, BRTUL ZHUGS KYI YAN LAG GO, ,DE LA LUS DANG, NGAG DANG, YID KYI SGO GSUM SDOM PA NI TSUL KHRIMS KYI YAN LAG YIN NO, ,CHANG MI 'THUNG BA NI BAG BYA BA'I YAN LAG GO, ,LHAG PA RNAMS NI BRTUL ZHUGS KYI YAN LAG GO, ,RAB BSGRIMS TE ZHES PA NI NAN TAN GYIS 'BAD PA'I DON TO, ,YANG NA DKA' THUB BSLAB PA LA THE TSOM DANG NEM NUR MED PAR BSLAB PA LA RIM GRO BYA BA'O, ,YANG NA NYES BYAS YAN CHAD LA 'DZEM PA STE, DPER NA RGYAL BU RGYAD GRAGS GCIG TU MAR KHU KHYER BA DANG 'DRA BAR BLTA'O, ,YANG NA BDAG GI LUS LA RMA'I SKYON SPANGS PA BZHIN DU BSGRIMS TE SHIN TU BAG BYA'O, ,BDAG GI LUS BZHIN BSLAB PA SRUNGS, , ZHES PA NI DPER NA SEMS CAN THAMS CAD NI BDAG GI LUS LAS 'PHAGS PA MED DE, DE LA SKYON BYUNG DI DOGS NAS RIM GRO BYED CING 'BAD PA DE BZHIN DU, TSUL DANG PO CHO GA DANG KHRIMS BCU THAMS CAD LA YANG SKYON MI 'BYUNG BAR BSRUNG ZHING 'BAD PAR BYA'O, ,NAM GYI CHA SMAD MA LA NAS LANGS, ,ZHES PA NI RGYA GAR GYI TSUL GYIS MTSAN GCIG LAN NAM GYI BZHI CHAR BGOS TE, BZHI CHA GSUM 'DAS NAS GCIG LUS PA TZAM NA MI NYAL BAR TZOG BUR 'DUG STE SEMS GSAL BAR BYA'O, ,NAM LANGS BAR DU ZHES PA NI NAM MKHA' LA NYI MA'I 'OD KYIS KHYAB PAR BSHAD PA'AM, YANG NA NAM LANGS PA'I TSAD NI LAG MTHIL GYI RI MO SNANG BA LA GZUNG NGO, ,KHA DON DU BYA ZHES BA NI MDO SDA'AM, 'DUL BA'AM, SNGAGS SAM GANG BSLAB PA LA RGYUN DU DRAN PAR BYA BA'I PHYIR KHA DON BYA'O, ,GDONG DANG SO YI DRI BKRUS NAS, ,ZHES PA NI, NAM LANGS NAS KA SHI PA LTA BA LA PHRAG PA LA THOGS TE, DRAN PA DANG LDAN BZHIN DU PHYI ROL DU KHA GDONG DAG PAR BKRU'O, ,DE LTAR YANG SGEG CING CHAGS PA'I PHYIR NI MA YIN GYI, SKYE BO DAG GIS MI 'PHYAS PA DANG, DKON MCHOG GI SPYAN SNGAR MI MDZES PA SPANGS PA'I PHYIR, KHA GDONG DANG SO'I DRI MA BKRUS NAS GTZANG BAR BYA'O, ,RDZOGS ZHES BYA BA NI MKHYEN PA DANG @30B YE SHES MTHAR PHYIN PAR BYA BA RDZOGS PA LA BYA BA'AM, YANG NA BYANG CHUB KYI SPYOD PA MTHAR PHYIN TE RDZOGS PA LA YANG BYA, ,SANGS PA NI MA RIG PA LA SOGS PA'I GNYID DANG MI SHES PA'I SGRIB PA LAS SANGS PA STE, DPER NA MI GNYID KYIS LOG PA LAS SANGS PA BZHIN NO, ,RGYAS PA ZHES PA NI BSOD NAMS DANG YE SHES KYI TSOGS GANG ZHIG RGYAS PA STE, DPER NA PADMA RGYAS PA BZHIN NO, ,LA GUS PHYAG BYA ZHES PA NI YANG DAG PAR RDZOGS PA'I SANGS RGYAS MNGON SUM DU BZHUGS PAR BSAMS TE, DE LA MCHOD PA DANG SKOR BA LA SOGS PA BYA'O, ,YANG DAG PAR RDZOGS PA'I SANGS RGYAS LA ZHES 'BYUNG BAS, NYAN THOS DAG LA MI BYA BAR STON TO, ,BLA MA GNAS PA'I SGO GLAGS LA, ,ZHES PA NI, THAMS CAD KYI GAM DU 'GRO NA YANG SGO BRDUNG MOD KYIS, 'ON KYANG ZHU BA'I PHYIR 'GRO BA YIN PAS MKHAN PO'AM SLOB DPON GANG NA BZHUGS PA DE BLA MA ZHES BYA'O, ,LAG PAS DAL GYIS BRDUNG PAR BYA, ,ZHES PA NI HA CANG DRAG PAR MI BRDUNG STE, RAN PAR DAL GYIS BRDUNG BAR BYAS TE, SU YIN ZHES ZER NA MING NAS PHYUNG STE NANG DU SHOG CIG ZER NA 'GRO ZHING CI YANG MI ZER NA LAN GSUM GYI BAR DU BRDUNG NGO, ,'ON KYANG CANG MI ZER NA BLA MA GZHAN DAG LA ZHUS LA MAndAL NGAG BYA'O, ,NANG ZHUGS GUS PAS BLA MA LA, ,ZHES PA NI, NANG DU 'GRO BA'I TSA SGE DAL GYIS PHYE LA THUG CHOM MED PAR BYA, DE NAS NANG DU PHYIN NAS GUS PAR THAL MO SGYAR TE, DE LA THOG MAR PHYAG BYAS NAS PUS MO SA LA BTZUGS NAS 'DUG PAR BYA'O, ,KHAMS BDE MI BDE LA SOGS DRI, ,ZHES PA NI, 'BYUNG BA CHEN PO BZHI'I KHAMS MI MNYAM PA LAS NANG DU GYUR PAS THUGS BDE'AM MI BDE ZHES GUS PAR SNYUN GSOL TO, ,'DI MAN CHAD MA RABS SPANGS PAR YBYA'O ZHES STON TO, ,'DI DAG BYA ZHES DRIS NAS NI, ,ZHES PA NI, CHAG CHAG GDAB MAndAL BGYI BA SBYIR SUG LAS 'TSAL BGYI BA MCHIS NA YANG TSUL LAS MI 'GAL BAR 'TSAL ZHES ZHU'O, ,DKYIL 'KHOR ZHES PA NI GRU BZHI DANG ZLAM PO DANG, ZLA GAM LA SOGS PA'O, ,LA SOGS RNAMS BYA ZHES PA NI, SMON LAM GDAB PA YAN CHAD MCHOD PA'I CHO GA RDZOGS PAR BYED PAR 'TSAL PA'I DON TO, ,NYA PHYIS LA SOGS CHU BRTAG STE, ,ZHES @31A *, ,PA NI; SROG CHAGS LA SNYING BRTZE BA'I PHYIR KHAR PHOR DUNG PHOR NYA PHYIS 'DAB MA BUM PA LA SOGS PA'I NANG DU SKYE BO YOD DAM MED BRTAG GO, ,STENG DANG BAR GTING RIM BZHIN NO, ,ZHES BYA BA NI NYA PHYIS LA SOGS CHUS BKANG BA LA CHU'I STENG DANG DBUS DANG ZHABS SU PHRA MO CI YOD PA RIM PA BZHIN DU BRTAG GO, ,NYA PHYIS LA SOGS MED NA YANG, ,ZHES BYA BA NI CHU BRTAG PA'I SNOD NYA PHYIS LA SOGS PA MED NA 'OG NAS 'BYUNG BA BZHIN BYA'O, ,SKYOR BA 'AM 'DAB MAS BUM PA DGANG, ,ZHES PA NI RKYE NA ZHIG BYUNG STE CHA BRTAG PA'I SNOD MED NA LAG PA'I SKYOR BA 'AM SHING GI 'DAB MA 'AM SHO MANG LA SOGS PA'I NANG DU CHUS BKANG STE BRTAG GO, ,CHU YI SKYE BO CHE CHUNG RNAMS, ,ZHES PA NI, CHU'I NANG DU SKYES PA'I SKYE BO CHE PHRA RNAMS TE, LAS DANG NYON MONGS PA'I DBANG GIS SKYES PAS NA SKYE BO ZHES BYA STE, DBANG MED PAR SKYE'O ZHES BYA BA'I THA TSIG GO, ,'DI'I SKABS SU RDZU 'PHRUL GYI SPYAN GYIS GZIGS PA'I TSUL MI BYA'O, ,YUN MI RING BA RA NAN TAN BLTA, ,ZHES PA NI, SEMS CAN YOD DAM MED PA'I BRTAGS PA'I TSAD NI, SHING RTA'I 'KHOR LO 'OD MAS BKANG BA GLANG DOR DRUG GIS LAN CIG 'KHOR BA'I TSAD KYIS BZUNG STE, DE LAS YUN THUNG NA YANG MI RTOGS, YUN RING NA YANG MIG SPRID DE MI MTHONG BAS CI RAN DU BRTAG PA'I TSAD NI 'DI YIN NO, ,SNYING RJE CAN GYIS KHU BA RNAMS, ,ZHES PA NI SNYING RJE NI RGYU YIN TE, DE DANG LDAN PAS TSOD MA'I KHU BA DANG RTZAB MO'I KHU BA LA SOGS PA SHIN TU LEGS PAR BRTAG GO, ,RAB TU BRTAGS TE SPYAD PAR BYA, ,ZHES PA NI, JI LTAR CHU BRTAGS PA BZHIN DU 'PHRAL DU SPYAD DU DGOS PA'AM, BTUNG BA LA SOGS PA YANG DE BZHIN DU BRTAG GO, ,SROG CHAGS YOD NA LEGS PAR BTZAG ,CES PA NI, SROG CHAGS LA MI GNOD PAR BYA BA'I PHYIR, GAL TE CHU TSAGS KYI RAS DE THAGS BZANG PO ZHIG LA BTZAGS TE, CHU 'DZAG TU MI BTUB PA DANG, CHANG BTZIR GYIS BTZIR NA SROG CHAGS ZHAR BAR 'GYUR BA'I PHYIR DE LTAR MI BYA STE, CHU TSAGS KYI RAS KYI DANG DU BAG YANGS SU BTZAG GO, ,SROG CHAGS RNAMS LA GNOD MI BYA, ,ZHES PA NI, CHU TSAGS LA CHAGS SHING 'DUG PA'I SEMS CAN RNAMS THANG LA SOGS PAR MI DOR BAR GANG NAS 'ONGS PA'I GNAS DER SLAR LEGS PAR @31B BSKYAL LO, ,RTZVA DANG ZHES PA NI GOS SKAMS PA'AM, BTZO BLAG BYAS PA'I GZHI'I RTZVA DAG GO, ,LCI BA ZHES PA NI DKYIL 'KHOR DANG, BKRU BSHAL BYA BA DANG GNAS KHANG DU BYUG PA LA SOGS PA DAG GO, ,SHING ZHES PA NI DGE 'DUN DANG MKHAN PO DANG SLOB DPON DAG GIS GNANG BA'I SHING DAM, LDAM LDUM DAG GO, ,LA SOGS ZHES PA NI DGE SLONG DANG DGE TSUL GYI YO BYAD KYI DGOS PA KUN BSDU'O, ,DGOS PA GANG DANG GANG YANG RUNG, ,ZHES PA NI DGOS SO COG STE, SGO DANG TSA DANG TSOD MA DANG, 'BRU DANG SHING THOG DANG ZHO DAR LA SOGS PA DANG, TSON DANG SEN MOD CHU DANG MEL SOGS PA BRTAG GO, ,DE DAG SROG CHAGS MED PAR BYA STE ZHES PA NI, RTZVA LA SOGS PA CI DGOS PA THAMS CAD LA SEMS CAN MED PAR BYA'O, ,SDOM PA ZHES PA NI LUS DANG NGAG GI NYES PA SDOM PA'O, ,SROG CHAGS ZHES PA NI SKYES GNAS BZHI LAS SKYES PA'I 'TSO BA'I DBANG PO DANG LAN PA'O, ,BSAD PA BSRUNG ZHES PA NI, LUS DANG NGAG DANG YID GSUM SNGOM PA DANG LDAN PAS LUS KYI NYES PA GSOD PA STE DE YANG BSRUNG NGO, ,GSOD PA ZHES PA NI 'TSO BA DANG BRAL BAR BYED PA'O, ,'DI YAN CHAD NI GNOD PA SPANGS PAR BSTAN PA'O, ,BSTAN ZHES PA NI MKHAN PO'AM SLOB DPON GYI SGOM PA DANG DGE BA SPYOD PA'I SAR STAN NAS KHRI'U DAG GANG DGOS PA GDING NGO, ,CHU ZHES PA NI PHYI ROL CHE CHUNG DANG RIL BA BKRU BA DANG, LUS KYI KHRUS BYA BA LA SOGS PA'I CHU'O, ,SA ZHES PA NI PHYI ROL CHEN PO'I BKRU BA'I SA DANG MAndAL BYA BA'I SA DAG GO, ,SO SHING ZHES PA NI NANG PAR GYI SO SHING DAG KYANG BYAS TE GZHAG GO; ,'DAG PA'I CHAL YANG STA GON BYA, ,ZHES PA NI LCI SKAM GYI RIL BUR BYAS TE, SMYUG MA'I GSEB TU GZER BU LA BCUG LA CHAB KHUNG CHE CHUNG GI SAR GZHAG GO, ,RGYA GAR GYI NI BA GLANG GZHON NU'I LCI BA DANG SA BSRES TE RIL BUR BYAS NAS DES 'KHRUBS NA DE DAG 'DAG PA'I CHAL ZHES BYA'O,, YANG NA BUL TOG DANG SAG PAS DRI MA 'DAG PAR BYED PAS NA 'DAG PA'I CHAL ZHES DE DAG KYANG MKHAN PO DANG SLOB DPON GYI PHYIR STA GON BYA'O, ,LHUNG BZED BKRU BA LA SOGS PA DANG ZHES PA NI, BDAG NYID LHUNG BZED DANG KHAM PHOR KHA GZAR LA SOGS PA BKRUS TE GRONG DU 'JUG PAR BYA'O, ,ZAS @32A *, ,ZA BA'I TSE BSHAL MA DANG ZOS ZIN NAS BKRU ZHING SKAMS TE GNAS SU GZHAG GO, ,BLA MA'I DGOS PA THAMS CAD BYA, ,ZHES PA NI DGE SLONG THAMS CAD KYANG BLA MA BZHIN GYI, SKABS 'DIR NI DE DAG LA MI BYA'O, ,GNAS BCAS PA RNAMS BLA MA ZHES BYA STE, DE'I DGOS PA THAMS CAD KYANG BYA'O, ,'DI MAN CHAD NI NGA RGYAL MED PAR BSLAB PA'I RIM PAR BYED PAR STON TO, ,DE NAS DUS RIG PHYAG BYA STE, ,DUS RNAM PA GNYIS TE, BSOD SNYOMS LA 'JUG PA'I DUS SHES PAR BYA BA DANG, GTZUG LAG KHANG NA 'DUG PA'I TSE, GAnd'I BRDUNGS NA DUS SU RIG PAR BYA STE DE GNYIS GANG YIN PA LA TSUL BZHIN DU BYA'O, ,DE BZHIN GUS PAS THAL SBYAR NAS, ,ZHES PA NI BLA MA LA GUS PA'I TSUL DE LTAR BYA'O, ,'TSAL MA 'TSAL ZHES BLA MA LA, ,ZHES PA NI GSUM GYI ZHU BA'I TSUL BZHIN DU BYA'O, ,BRTUL ZHUGS CAN GYIS DE LTAR ZHU, ,ZHES PA NI SANGS RGYAS KYI BKA' LUNG BZHIN DU BYED PA NI, BRTUL ZHUGS CAN ZHES BYA STE DGE TSUL BZHIN DU ZHU BA LA BYA'O, ,LAG PA BKRUS NAS ZHES PA NI GDUGS TSOD LA BAB PA'I TSE LAG PA DAG PAR BKRU'O, ,TSUL BZHIN DU ZHES PA NI ZAN ZA BA'I TSE KHAM GYIS KHA BKANG STE MI SMRA BA DANG, PHU PHU DANG, CAG CAG DANG; RKAN GTOGS PA DANG, GZHI BA PA'I RO MYANG BA DANG, 'GRAM PA SPO BA DANG, SGRA DANG KHAM 'PHRO LA SOGS PAR MI BYA'O, ,DE NI MI SMRA ZHES PA NI ZAS ZA BA'I TSE BDAG GTZANG SBYOR ZHIG YIN NA NI SMRA'O, ,GTZANG SPYOR YIN TE SMRA NA YANG KHA ZAS YOD BZHIN SMRA BAR MI BYA'O, ,TSOD RIG BYA ZHES PA NI HA CANG 'GRANGS PA YANG MA YIN, BKRES PA YANG MA YIN PAR ZAS KYI TSOD RAN PAR BYA'O, ,'KHRU BA'I NAD LAS BZLOG PA'I PHYIR, ,ZHES PA NI ZHIM PA DANG CHAGS PA'I PHYIR BZA' BA MA YIN GYI, DGE BA SPYAD PA'I PHYIR LUS GSO BA'O, ,CI'I PHYIR ZHE NA, LUS NI KHAMS GSUM GYI SKYE SHI LAS SGROL BA'I GZINGS LTA BU YIN PAS DE'I PHYIR LUS GSO BAR BYA'O, ,BZA'O SNYAM PA'I SEMS KYIS BZA', ,ZHES PA NA DE LTA BU'I 'DU SHES KYIS KHA ZAS BZA'O, ,ZOS SHING DE BZHIN 'THUNGS PA DANG, ,ZHES PA NI, GDUGS TSOD ZOS TE BTUNG BA LAS RTZA BA MO 'THUNGS PA LA SOGS PA 'THUNGS @32B NAS TSUL 'OG NAS 'BYUNG BA BZHIN BYA'O, ,'DI MAN CHAD NI KHA BKRU BA'I CHO GA STON TO, ,RUNG BA'I CHU YIS ZHES PA NI SNGAR BTZAGS NAS BZHAG PA'I CHU DES KHA LAN GSUM BSHAL TE, BOR NAS LAN CIG CI RAN TZAM ZHIG LTO BAR BTUNG NGO, ,DE'I 'OG TU ZHES PA NI ZAS ZOS PA'I 'OG TU 'OG NAS 'BYUNG BA BZHIN DU BYA'O, ,SBYIN PA YANG DAG SPEL BA'I PHYIR, ,ZHES BYA BA NI KHA BKRUS NAS YON BDAG GI BSOD NAMS PHYIN CI LOG TU 'PHEL BA DAG DGAG STE, SNGON BRAM ZES SMON LAM BTAB PAS DGE SLONG LNGA BRGYA GLANG DU SKYES PA DAG DGAG PA'I PHYIR RO, ,SPYIN PA'I TSIGS BCAD GNYIS SHIG BRJOD; ,CES PA NI ZHAL NAS GSUNGS PA'I TSIGS BCAD GCIG DANG BDAG LA BSNGO BA'I TSIGS BCAD GCIG STE GNYIS SHIG BRJOD PAR BYA'O, ,'DI MAN CHAD NI 'TSAL MA 'TSAL ZHES DE'I 'OG TU DGE BA JI LTAR BYA BA'I GO RIMS DANG THABS BSTAN PA'O, ,MAN NGAG YOD NA BSAM GTAN BYA, , ZHES PA NI, DGE BA'I BSHES GNYEN GYI BSAM GTAN GYI LUNG STON PAS TE BSAM GTAN DANG PO NI 'DI LTAR BYA'O, ,DE'I GNYEN PO NI 'DI LTAR BSKYED DO ZHES LUNG STON NUS YOD NA DE'I MAN NGAG MNOS TE BSAM GTAN BYA'O, ,RAB TU 'BAD DE BKLAG PAR BYA, ,ZHES PA NI DE LTAR LUNG STON PA MED NA LE LO'I DBANG DU MA GYUR CING SEMS MA YENGS PAR TSIG DANG DON BSTUN CING YI GE'I 'BRU RNAMS KYANG ZUR PHYIN 'DOD KYANG BSAM ZHING BTON NAM BKLAG PA DAG BYA'O, ,YANG DGE SBYONG GI LAS NI GNYIS TE, SGOM PA DANG KLOG PA'O, ,SDOM DANG CHO GA MKHAS PA DANG, ,ZHES PA NI 'KHOR LO SNGOM PA DANG LDAN PA LA BYA, BSLAB PA LCI YANG LAS SU BYA'AM, BYE BRAG PHYED PAR BYA'O, ,YANG NA SDOM PA LA MKHAS PAR BYA BA NI BSLAB TSIG BCU'I TSIG LA MKHAS PA'O, ,CHO GA MKHAS PA NI SPYOD LAM BZHIR JI LTAR SPYAD PA DANG MKHAN PO LA SOGS PA LA JI LTAR SPYAD GSAL BAR BYE BRAG PHYED CING GSAL BA'O, ,YANG NA SNGOM PA NI SGO GSUM SNGOM PA'O, ,CHO GA NI GZHUNG LA BRTEN TE TSUL KHRIMS BSRUNG ZHING DRAG DAL MED PAR BI WANG GI BRGYUD BZHIN DU BYA'O, ,BSGRUB PA LA NI BRTZON PAR BYA, ,ZHES PA NI, SDOM PA JI LTA BU DANG, CHO GA JI LTAR BYUNG BA DE BZHIN DU LUS DANG NGAG GIS DE BZHIN DU BSGRUB CING NYAMS SU LEN NA'O, ,DON @33A *, ,YID KYIS GYI NA SHES PA TZAM DU ZAD DE, DE KHO NA BZHIN DU MI BSGRUBS NA DE DAG LA MKHAS KYANG DON MED DO, ,YANG NA SGRUB PA NI BLA NA MED PA'I BYANG CHUB BO, ,BRTZON PA NI NAN TAN GYIS 'BAD PAR BYA'O, ,'DI TSUN CHAD NI TSUL KHRIMS BCU'I DNGOS POR BSTAN TE, DE DAG LAS GYANG RTZA BA BCAS PA'I RIM PA BZHIN DU MA BZHAG GI DGE BA BCU'I RIM PA LTAR BZHAG PAS DANG POR SROG GCOD PA 'CHAD DE DE LA BSLA PA TSIG BCU PA KUN GYIS SDOM PA MED PAR 'GYUR BA MA YIN GYI, RTZA BA BZHI LAS GCIG ZHIG PAS MED PAR 'GYUR RO, ,BZHI PO DE YANG YAN LAG DANG MI LDAN NA MED PA MA YIN GYI, MI'I RGYUD DANG RGYUD MA YIN PAS BYE BRAG DBYE'O, ,'DI NI DNGOS PO LA BAB STE, DE YANG BSDUS PA'I DON BCU'O, ,DE YANG GANG ZHE NA, SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, CHANG 'THUNG BA DANG, GAR LA SOGS PA BYED PA DANG, PHRENG BA LA SOGS PAS MI BRGYAN PA DANG, BLA MA'I KHRI STAN LA MI 'DUG PA DANG, DUS MA YIN PA'I ZAS SPANG BA DANG, GSER DNGUL LEN PA SPANG BA DANG BCU'O, ,GSOD PA NI RTZIS MGO RNAM PA LNGA DANG LDAN NA PHAM PAR 'GYUR TE, GANG ZHE NA, MI YIN PA DANG, MIR 'DU SHES PA DANG; GSOD SEMS YOD PA DANG, GSOD PAR SBYOR BA DANG, 'TSO BA'I DBANG PO 'GAG PA DANG, YAN LAG DE DAG LNGA DANG LDAN PAS MI'I RGYUD GSUM LAS GANG YANG RUNG STE, BSDUS NA PHAM PAR 'GYUR, YAN LAG GCIG DANG MI LDAN NA NYES BYAS SU 'GYUR, DE DANG PO BCAS PA NI SANGS RGYAS YUL SPRE'U RDZING GI LJONGS NA BZHUGS PA'I TSE, DGE SLONG ZHIG MI GTZANG BA'I BSAM GTAN BSGOMS NAS LUS MI GTZANG BAS SKYO BAR GYUR TE, DGE SLONG DBYUG PA CAN LA GSOD DU BCUG PAS BCAS SO, ,BRTUL ZHUGS GNAS PA ZHES PA NI BRTUL ZHUGS LA GNAS PA NI KHO NAS 'BYUNG STE, SDOM PA LA GNAS PA'I DON TO, ,SEMS MA NYAMS PA ZHES PA NI RNAM PA BZHI LTA BUR SEMS KYANG MA NYAMS PA STE, GANG ZHE NA 'DRE LA SOGS PAS BYIN GYIS BRLABS TE, MYOS PAR GYUR PA DANG 'BYUNG BA CHEN PO BZHI'I LAS NYAMS PAR GYUR PA DANG, SNGON GYI LAS KYI RNAM PAR @33B SMIN PA LAS GYUR PA DANG, GNAD DU BABS TE BRGYAL NAS MI DRAN PAR 'GYUR RO, ,CHED DU BSAMS TE MA NOR BAR, ,ZHES PA NI MI DE KHO NA YIN GYIS ZHES TE DE KHO NA LA DMIGS TE GSAD PAR YANG BSAMS TE, GSOD SEMS YANG LDAN LA NOR KYANG MA NOR BA'O, ,MI GZHAN BDAG GAM GZHAN RNAMS KYI; ,ZHES PA NI GSOD NA SDOM PA MED PAR 'GYUR BAS BDAG LAS GZHAN PA'I MI'O, ,DE LA MI DANG MIR ZIN PA'O, ,DE LA MI LA YANG RNAM PA GSUM STE, SKYES PA DANG, BUD MED DANG, MA NING GSUM MO, ,MIR ZIN PA NI MI'I MNGAL NA DBANG PO GSUM DANG LDAN PA LA BYA STE, 'TSO BA'I DBANG PO DANG, YID KYI DBANG PO DANG, LUS KYI DBANG PO STE GSUM DANG LDAN PA'O, ,GSOD PAR SBYOR BA LA GNYIS TE, BDAG GIS BSAMS PA 'AM, GZHAN LA BTZOL TE GSOD DU BCUG PA'O, ,GZHAN LA BCOL BA LA YANG RNAM PA GNYIS TE, BRID PA LAS DANG, MNGON SUM DU BCOL BA'O; ,BSAD NA BRTUL ZHUGS NYAMS PAR 'GYUR, ,ZHES PA NI, 'TSO BA'I DBANG PO DANG BRAL NA DGE TSUL GYI SDOM PA ZHIG PAR 'GYUR RO, ,TSUL KHRIMS LDAN NAM ZHES PA NI, ,GSOD PAR BYED PA'I TSIG STE NAD PA 'CHI BAR BYA BA'I PHYIR KHYOD KYIS BSOD NAMS KYI TSOGS KYANG BSAGS, TSUL KHRIMS DANG YANG LDAN PAS MTHO RIS DANG THAR PA NI DAR DANG YOL BAS CHOD PA TZAM GYIS MYUR DU SHI YANG SDIG PA MI 'PHEL GYI, 'CHI BAR RIGS SO ZHES BSNGAGS PA BRJOD PA'O, ,TSUL KHRIMS 'CHAL ZHES PA NI NANG PA LA KHYOD KYI TSUL KHRIMS NGAN PA'I STENG DU 'DIR JI SRID DE GNAS PA DE SRID SDIG PA SOG CING 'DUG PAS DMYAL BAR YUN RING DU GNAS PAR 'GYUR GYIS 'DUG PAR MI RIGS TE, MYUR DU 'CHI BAR RIGS SO ZHES BSNGAGS PA BRJOD PA DAG SMRA BA'O, ,TSIG GIS GSAD PAR BYA BA'I YUL GSUM STE TSUL KHRIMS DANG LDAN PA DANG, TSUL KHRIMS NGAN PA DANG NAD PA LA'O,, DE DAG LA YO BYAD SDU GU BDOG PA DE 'DOD PA'I PHYIR DE DAG LA 'CHI BA'I BSNGAGS PA BRJOD DE, ,DES SHI NA SNGOM PA ZHIG GO, ,DE LAS BZLOG PA LAS SHI 'AM MA SHI YANG RUNG STE, NYES BYAS SU 'GYUR RO, ,DE BZHIN NAD KYIS BTAB PA LA, ,ZHES PA NI NAD KYIS SDUG BSNGAL ZHING MI BDE BAR 'DUG PA @34A *, ,LA SHI NA NAD 'DI DANG BRAL BAR 'GYUR RO, ,'CHI BA'I RIGS SO ZHES BSNGAGS PA BRJOD CING MTSON BYIN NAM MTSON THOGS PA GNYER BA'O, ,NAD PA BSLANG PA LA DES DBUGS BCAD DE SHI BA LA NYES PA MED DO, ,GANG THOS ZHES PA NI DE LTAR DE GSUM LA GANG DANG GANG THOS PA'O, ,SDUG BSNGAL NYAM THAG STE ZHES PA NI TSUL KHRIMS NGAN PA YANG NGAN SONG GI RGYU YIN PAS SDUG BSNGAL LO, ,TSUL KHRIMS DANG LDAN PA YANG DA LTAR LUS LA SDUG BSNGAL BAR BLTA'O, ,NAD PA NI 'PHRAL DU NYAM THAG GO, ,NGES 'CHI'I CHOS GTAM DER MI BYA, ,ZHES PA NI NGES PA'AM GDON MI ZA BAR 'CHI BAR 'GYUR BA'I GTAM NAD PA DAG LA MI BYA'O, ,SMAN DANG ZHES PA NI NAD PA DANG MI MTHUN PA 'CHI BAR 'GYUR BA MI SBYIN NO, ,DE LA 'CHI BA'I SMAN NI DPER NA RKUN PO LAG PA GCAD PA MI DRUG CU LA DGE SLONG MAS RTZAB MO LAN TSVA CAN GYI BYIN PAS RKUN PO NA BA LTA BU'O, ,RTZA BA MO LAN TSVA CAN NI, RGYA GAR GYI SKAD KYIS KANYDZIN ZHES BYA'O, ,KHAMS MI MNYAM PA DANG MI 'PHROD PA'I SMAN CI YANG RUNG STE MI SBYIN NO, ,SNGAGS DANG ZHES PA NI GSANG SNGAGS AA BHI TZA RA STE, MNGON SPYOD PA'O, ,RIG PA ZHES PA NI 'JIG RTEN DANG 'JIG RTEN LAS 'DAS PA'I RIG PA STE, DE LA 'JIG RTEN PA'I RIG PA NI MU STEGS CAN NAM BRAM ZE'I RIG PA'O, ,'JIG RTEN LAS 'DAS PA'I RIG PAS NI SANGS RGYAS PA'I RIG PA STE, RIG PA DE GNYIS GANG YANG RUNG BAS PHA ROL LA GNAS PAR BYED PA'O, ,'CHI BA'I PHYOGS SU BTANG BA'AM, ,ZHES PA NI, DGE SBYONG LA DBANG PO YOD NA MI DAG 'GUM KHUNGS SU BTANG BA'AM; YANG NA MI 'PHROD PA'I YUL DANG, GNOD SBYIN GDUG PA'AM, GCAN ZAN KHRO BO'I GDUG PA'I GNAS SAM, MI RGOD YOD PA'I PHYOGS SU'AM, RA RO BA G-YANG SA PHYOGS SU BTANG BA LA SOGS PAS TE, 'CHI BAR BSGRUB PA'I GNAS SU BTANG BA'O, ,MI GZHAN ZHES PA NI BDAG BSAD PA LA SNGOM PA ZHIG PAR MI 'GYUR BAS GZHAN MI YIN PA'I MI GZHAN DAG GO, ,THABS SNA TSOGS KYIS ZHES PA NI GONG DU SMOS PAR ZAD DO, ,DUG DANG GTOR MA 'DZOL DANG SA MDA' LA SOGS PAS 'CHI BAR 'GYUR BA'I THABS 'DI LTA BU SNA TSOGS KYIS BRDAS KYANG RUNG RTZAS MGO DANG @34B SBYAR TE DE LA RTZIS MGO TSANG BA MANG YANG LCI YANG YOD DE, GSOD SEMS DANG MI LDAN PA LA RTZIS MGO GZHAN DANG LDAN KYANG NYES BYAS PHRA MOR 'GYUR RO, ,GSOD SEMS DANG LDAN PA LA MA SHI BA NI NYES BYAS SBOM POR 'GYUR RO, ,BSAD NA BRTUL ZHUGS NYAMS PAR 'GYUR, ,ZHES PA NI SROG BCAD PA TZAM GYIS SDOM PA NYAMS PAR 'GYUR TE, MI BSAD PA 'BA' ZHIG GIS SDOM PA ZHIG PAR 'GYUR RO, ,'DI MAN CHAD CI ZHIG GIS LAS SU BYAS NAS KYANG RUNG STE, DGE TSUL DU MI RUNG BAR MI 'GYUR BAS GONG MA LAS BYE BRAG TU BYAS PA'I PHYIR RO, ,BYOL SONG DANG NI ZHES PA NI BDE 'GRO LAS BYOL TE, NGAN 'GRO'I GNAS SU SKYES PA KLU MAN CHAD DANG, GROG SBUR YAN CHAD DO, ,SEMS DMYAL DANG ZHES PA NI DMYAL BA CHEN POR MA PHYIN KYANG SO SO RE RE'I DMYAL BAS TE, DPER NA RGYA MTSOR SONG SONG BA LAS, RGYA MTSO'I GLING NA DMYAL DANG PHRAD, ,CES BYA BA LA SOGS PA LTA BU'O, ,YI DAGS ZHES PA NI PHYAG DAR KHROD KYI 'DRE YANG CHAD DO, ,'ON TE LHA YANG RUNG ZHES PA NI SHING LHA YAN CHAD NAS 'GO MIN GYI GNAS KYI LHA'I BAR DU'O, ,BSAD NA NGAN SONG LHUNG BA'I ZHES PA NI, BYOL SONG NAS LHA'I BAR DU DE DAG BSAD NA NGAN SONG GSUM DU LTUNG NGO, ,SDIG PA SPOM PO THOB PAR 'GYUR, ,ZHES PA NI DGE SBYONG GI TSUL KHRIMS LAS THAL BYUNG DU BLANGS PAS SBOM PO ZHES SMOS KYI, DGE TSUL LA NI NYES BYAS SU 'GYUR RO, ,BRTUL ZHUGS CAN GYIS BSAD SNYAM STE, ,ZHES PA NI SNGOM PA LA GNAS PAS MI LA SOGS PA GSOD PAR SEMS PAS SO, ,LUS DANG ZHES PA NI LUS KYIS MDA' 'PHANGS PA DANG RAL GRI DANG MDUNG LA SOGS PAS 'DEBS PA'O, ,NGAG GIS BSHAMS PA LAS ZHES PA NI NGAG GIS 'CHI BA'I BSNGAGS PA BRJOD PA LA SOGS PA'O, ,SKYE BO GSON YANG DE LA NI, ,ZHES PA NI GSAD PAR YANG BSAMS LA, CHAS KYANG CHAS TE MDA' LA SOGS PAS PHOG GAM 'CHI BAR 'GYUR BA'I BSNGAGS PA BRJOD PAR 'GYUR BA LAS BDAG GIS DE YANG DAG PAR SHI SNYAM PA LAS, DE PHYIS SONG STE MA SHI YANG 'OG MA LTAR 'GYUR RO, ,KHA NA MA THO RNAM GSUM 'GYUR, ,ZHES PA NI RNAM PA GSUM STE, SBYOR BA'I KHA NA MA THO BA DANG, RTZA BA'I KHA NAM THO BA DANG, RGYAB KYI KHA NA MA THO BA'O, ,DE LA @35A *, ,SBYOR BA'I KHA NAM THO BA NI THOG MAR GSAD PAR SEMS PA'O, ,RTZA BA'I KHA NA MA THO BA NI GSOD PA'I TSE STE, LUS KYIS 'DEBS PA DANG, NGAG GIS BSNGAGS PA BRJOD PA'I TSE BSAD SNYAM PA'O, ,RGYAB KYI KHA NA MA THO BA NI PHYIS RJES SU YI RANG BA STE, DUS GZHAN DU NGAS BSAD DE ZHES YI RANG ZHING YANG DANG YANG DU SEMS PA'O, ,DE LTAR NA SBYOR BA'I KHA NA MA THO BA DANG, RTZA BA'I KHA NA MA THO BA DANG, RGYAB KYI KHA NA MA THO BA'O, ,DE LA DANG PO NI 'GYOD PAS TSANGS, BAR MA NI GANG ZAG LA MTHOL BAS TSANGS, THA MA NI DKON MCHOG GSUM DANG DGE 'DUN LA MTHOL BAS TSANGS PAR 'GYUR RO; ,DE BZHIN DU BSOD NAMS LA YANG RNAM PA GSUM DU DBYE STE, LAS THAMS CAD LA YANG SBYAR RO, ,RDO DBYUG KHU TSUR 'TSOG PA DANG, ,ZHES PA NI 'DI DAG KYANG GSOD PA'I YAN LAG TU BSDU'O, ,DE LAS GZHAN PA'I GNOD PA DAG ,CES PA NI RDO DBYUG LA SOGS PA SBYOR BA'AM GNOD PA'I RGYUR GYUR PA GANG YANG RUNG BAS MI LA YANG 'TSOG PA NAS SBYOR BA YAN CHAD DU PHA ROL LA GNOD PAR 'GYUR BA'I BAG MI BYA'O, ,BA GLANG LA SOGS GNOD MI BYA, ,ZHES PA NI PHYUGS SO COG BSDU STE, DE DAG LA GNOD PA MI BYA'O, ,RTA LA SOGS PA MI ZHON NO, ,ZHES PA NI DKON MCHOG GSUM DANG, PHA MA DANG, RGYAL PO'I CHAD LA MI 'GROR MI RUNG ZHING RKANG GIS 'GRO MI NUS KYI BAR DU BYA'O, ,MI NUS NA BZHON TE, DE YANG PHA RKANG CHAG LA ZHON PA BZHIN DU SNYING RJE BYA'O, ,'DI YAN CHAD BSAD PA'I BSHAD PA 'DAS,, ,,DA NI MA BYIN PAR LEN PA 'CHAD DE, DE YANG YAN LCAG DRUG DANG LDAN NA PHAM PA STE GANG ZHE NA, MA BYIN PAR LEN PA DANG, RKU SEMS YOD PA DANG, RIN THANG TSANG BA DANG, MIS YONGS SU BZUNG BA DANG, BZUNG BAR 'DU SHES PA DANG, BDAG GIR BYAS PA'O, ,YAN LAG DE RNAMS DANG LDAN NA PHAM PA, DE DAG GCIG DANG YANG MI LDAN NA NYES BYAS SU 'GYUR RO; ,DE DAG DANG PO BCAS PA NI RGYAL PO'I KHAB 'OD MA'I TSAL NA BZHUGS PA'I TSE RDZA BA LAS RAB TU BYUNG BA'I DGE SLONG NOR CAN GYIS RAB TU BYUNG ZHING MA BYIN PAR BLANGS PAS BCAS SO, ,DGE TSUL ZHES PA NI DGE BA'I PHYOGS LA 'BAD PA'AM, RTZOL BAR BYED DE DAL BA'I PHYIR NA DGE TSUL ZHES BYA'O, , @35B BDAG GAM GZHAN RNAMS KYI ZHES PA NI RKUN PO LA RNAM PA GNYIS TE, BDAG NYID KYIS RKU BA DANG, GZHAN RNAMS LA RKU BA BCOL BA'O, ,BCOL BA LA YANG RNAM PA GNYIS TE, MNGON SUM DU BCOL BA DANG, THA NA SPRINGS NAS BCOL BA'O, ,RKU SEMS ZHES PA NI RKU'O SNYAM PA'I SEMS KYIS BRKU BA'O, ,MTHU DANG ZHES PA NI BTZAN THABS SU 'PHROG PA LTA BU'O, ,'JAB BU YIS ZHES PA NI RKUN PO LA MANG STE, 'JAB BU DANG, SGYU DANG, G-YO DANG, DOR LA SOGS PA BYAS TE BRKU BA'O, ,'KHRUL PA MED PAR ZHES PA NI BDAG GI YIN PAR 'DU SHES PA DANG, NOR BA MED PA STE, MDOR NA BDAG GI RDZAS SU MA NOR BA SEMS MYOS PA LA SOGS PAR MA GYUR PA DE NI RKU SEMS DANG LDAN PA'I DON TO, ,MI GZHAN GYI ZHES PA NI BDAG GI RDZAS BRKUS KYANG PHAM PAR MI 'GYUR TE, SNGON BCAS PA MA YIN PAS YAN LAG TU MI DGOS PA'I PHYIR RO, ,BDAG LAS GZHAN TE PHA ROL LO, ,GNAS NAS ZHES PA NI MA BSKYOD NA JI LTAR RKU SEMS DANG LDAN YANG SNGOM PA ZHIG PAR MI 'GYUR TE, MDOR NA RDZAS LA SOGS PA GANG NA 'DUG PA'I MA TSAMS LAS 'DAS PA'O, ,MTSAM NI BAR DU NAM MKHAS CHOD PA DANG, SA DAG LAS SA'I KHA DOG LTA BU 'DAS PA DANG PHYUGS TSON PO ZHIG NA RGYAB LAS MGO'AM MJUG GI MTHA' LAS BRAL BA DANG, RID DEM SHI NA RTZIB MA'I DAG LA LAS BRAL BA'O, ,MA SHA LNGA TZAM ZHES PA NI K'AR sh'A PA nA GCIG LA MA SHA KA NYI SHU RI BAS, K'AR sh'A PA nA BZHI CHA LA MA SHA KA LNGA'O, ,DE LA MA SHA KA NI DBRI'O, K'AR sh'A PA nA NI DBRI BA MED DO, ,DE BZHIN DU DNGUL LA NI 'GYUR BA MED DO, ,'BRU DAG LA NI YANG RUNG DU 'GYUR TE, DNGUL ZHO GCIG GI CHA LAS BRTZIS TE, MA SHA KA LNGA LA PHAM PA'O, ,RANG GI YUL NAS BYUNG BA GANG, ,ZHES PA NI YUL THANG BRTZAN PAR BYA STE, BDAG GANG NA 'DUG PA DANG, RKUN MO YUL GANG DU BYAS PA MDOR NA YUL DE NYID KYI RIN THANG BRTZA BA'O, ,K'AR sh'A PA nI BZHI CHA BRKUS ZHES PA NI MA SHA KA LNGA NAS YAR BRTZIS TE, K'AR sh'A PA nA GCIG LA MA SHA KA NYI SHU YOD PAS, K'AR sh'A PA nA GCIG LA MA SHA KA NYI SHU YOD PAS, K'AR shA PA nA BZHI CHA LAS MA SHA KA LNGA STE, RIN THANG BRTZIS NA ZHO BZHI'I BRGYAD CHA GCIG GO, ,DE BRKUS TSUL KHRIMS ZHIG PAR 'GYUR, ,ZHES PA NI DNGUL @36A *, ,ZHO GCIG GI BRGYAD CHA YOD PA DE BRKUS NA PHAM PAR 'GYUR RO, ,SBYOR BA'I TSE NA NYES BYAS SO ZHES PA NI DGE SLONG GI LTAR NYES PA RNAMS MANG DU DBYER MED DO, ,THOG MAR BRKU BAR BSHAMS PA NAS, RDZAS DU LA RANG GNAS NAS MA SPAGS KYI BAR DU NYES BYAS SU 'GYUR RO; ,RDO KHU ZHES PA NI NYUNG RDOG LTA BU LA SOGS PA'O, ,RTZA BA ZHES PA NI SMAN LA SOGS PA'O, ,'BRAS BU ZHES PA NI SHING THOG STE, KU SHU DANG KHAM BU DANG RGUN 'BRUM LA SOGS PA'O, ,SHING ZHES PA NI SKYED SHING LTA BU STE LO MA DANG, SHING TOG DANG 'BRAS BU BZANG PO SKYES PA'I SHING LTA BU STE, RTZA GZHAN BCAD NA NYES BYAS, RTZA BA GCIG BCAD NA RIN THANG BRTZI'O, ,SDONG BU ZHES PA NI BUR MA SHING DANG LCUG MA LA SOGS PA LTA BU STE, SPAGS SAM BCAD NA PHAM PAR 'GYUR RO, ,LO MA ZHES PA NI SHANG RTZE DAG BSDUS TE TSOD PA DANG YUNGS KAR LTA BU DAG BRKUS NA'O, ,SHUN PA ZHES PA NI, SHING RTZA LA SOGS PA'O, ,CHU ZHES BA NI SHING CHU DANG MYA NGAM DU 'GRO BA'I BTUNG CHU RNAMS KHYER TE DONG BA LAS MI'I BTUNG CHU BRKUS NA PHAM PA'O, ,PHYUGS KYIS BRKUS NA NYES BYAS SU 'GYUR RO, ,ME TOG ZHES PA NI ME TOG RNAM PA GNYIS TE 'OG NAS 'BYUNG BA DAG GO, ,CHU SKYES ZHES PA NI PADMO LA SOGS PA LTA BU STE, CHU'I NANG DU SKYES PA'I ME TOG GO, ,THANG SKYES ZHES PA RI LAS SKYES PA STE, THANG LAS SKYES PA'I ME TOG KYANG BSDU'O, ,ZHING DANG ZHES PA NI RKU BA LA RNAM PA GNYIS TE, THAMS CAD RKU BA DANG MU NAS RKU BA'O, ,DE YANG BSKOR BA DANG KHAD KYIS RKU BA'O, ,DE LA YANG BSKOR BA NI ZHING DER BAS BSKOR BA STE, KUN NAS RA BA'I MTSAMS 'BYOR TE BDAG POS BSAM PA THAG BCAD NA PHAM PA, MI DBANG BA LA SHAGS 'GYED PA'AM, DBANG YOD PAS MI DBANG BZHIN DU THOB PAR BCAD NA PHAM PA, RTOG CES PA NI GNYIS TE, RKU BA'AM MA RUNGS PAR BYED PAS TE, DPER NA SHVA KHA SGYUR BA LTA BU STE, DES MA RUNG BAR GYUR PA'I RIN THANG TSANG NA PHAM PA, SA GZHI DANG ZHES PA NI GNAS KHANG DANG GTZUG LAG KHANG DANG TSONG KHANG DAG GI GZHI LA SOGS PA LTA BU STE, ZHING RKU BA'I RTZIS MGO LTA BU DANG 'DRA'O, ,GRU DANG ZHES PA NI GRU RKU BA @36B LA RNAM PA BZHI STE, CHU'I RGYUN DU RKU BA DANG, RGYUN LAS GYEN DU RKU BA DANG, THAD KAR RKU BA DANG, BCINGS PA'I RGYUN DU RKU BA'O, ,THAD KAR RKU BA NI MI SNANG BA'I TSAD KYIS BZUNG NGO, ,GYEN DU RKU BA NI GRU GANG 'PHAGS PAS PHAM GYI, MA NGES PA NI CHU'I NANG DU NUB PAS PHAM MO, ,SHING ZHES PA NI LO MA LA SOGS PA BZANG PO SKYE BA'I SHING DANG, YANG NA SHING DAG GO, ,SHOG MA DANG ZHES PA NI BDAG GI SHO GAM 'DAS NA RIN THANG BRTZI, GZHAN GYI BDAG GIS BZLAS TE BLANGS NA YANG RIN THANG BRTZI BDAG NYID KYI NOR MA YIN TE, DKON MCHOG DANG PHA MA LA SOGS PA NI NYAS BYAS SU 'GYUR RO; ,DE BZHIN GRU YI BTZAS RNAMS DANG, ,ZHES PA NI GONG MA'I SHO GAM BZHIN DU SGROL GRU 'DAS PA'AM DBYAR DBAB PA'I PHYIR GRU LA BDAG GYEN DU 'AM CHU 'BYAM DANG THAD KAR YANG RUNG STE, ZHON LA MA BYIN PA LA RIN THANG BRTZI'O, ,SROG CHAGS RKANG PA MED PA DANG, ,ZHES PA NI DNGOS SU SBRUL LTA BU STE, DE YANG RGYAL PO'I GNYER BA LA NAN TUR DAG BYA BA'I DOGS PA DANG, 'TSE BA'I PHYIR TE NE'U LE DANG SBRUL 'THAB PA DAG MDZA' BAR BYAS NAS 'TSO BA TSOL TE DE LTA BU BRKUS NA RIN THANG BRTZI'O, RKANG GNYIS ZHES PA NI MI DANG BYA STE, DE LA BYA NI KHRA'AM LONGS SPYOD KYI PHYIR KHRUNG KHRUNG DANG NGANG PA LA SOGS PA'I GSON MA DAG GO, ,MI NI MTSAN MA DANG, DUS DANG GNAS SU PHYIN PAS BSAM MO, ,BYA NI RKU BA'I PHYIR SGROGS PA'AM GNAS SA NAS BDAG GI GNAS SU S'UR BAS PHAM, RKANG MANGS RKUB DANG ZHES PA NI RKANG PA BZHI PA YAN CHAD LA BYA STE, SBRANG SER DANG SRIN BU PAD PA DANG SDIG PA DAG GO; ,DE LA SBRANG SER NI RGYA MTSOR DGOS SO, ,SRIN BU NI SMAN PA LA DGOS SO, ,SDIG PA NI RGYAL PO'I NAN TUR DU DGOS SO, ,BRTUL ZHUGS CAN GYIS ZHES PA NI BSLAB TSIGS BCU LA ZHUGS PA'O, ,MI'I NOR ZHES PA NI MDOR BSDUS TE MI'I NOR DU GTOGS SO COG GIS SDUM PA BZHI PAR 'GYUR RO, ,DBYIG LAS ZHES PA NI RIN PO CHE LA SOGS PA'I NOR CHEN PO'O, ,STZOGS PA ZHES PA NI GSER DANG DNGUL DANG G-YU DANG MU TIG DANG DAR ZAB LA SOGS PA CHUNG DU YAN CHAD KYANG BSDU'O, ,GANG YANG RUNG BA ZHES PA NI MDOR BSDUS PA'I TSIG GO, ,RKU BA'I SEMS KYIS GANG BRKUS @37A *, ,KYANG; ,ZHES PA NI MDZA' YANG RUNG MI MDZA' YANG RUNG SKAD CIG TZAM BLANGS PA LA SOGS TE, RKU SEMS YOD NA SDOM PA ZHIG PAR 'GYUR BAS, DE LTAR KHYAD PAR DU DBYE BA'I PHYIR RKU SEMS DANG LDAN PA'I 'DU SHES KYIS MI'I NOR DU GTOGS PA GANG YANG RUNG 'OG NAS 'BYUNG BA BZHIN DU 'GYUR RO, ,RIN THANG TSANG NA SDOM PA ZHIG ,CES PA NI DNGUL SKYA ZHO GCIG GI BRGYUD PA TSANG NA SDOM PA ZHIG PAR 'GYUR RO, ,LHUNG BZED LA SOGS RKUN KHYER NAS, ,ZHES PA NI 'TSO BA'I YO BYAD KYI MCHOG NI LHUNG BZED DANG CHOS GOS DAG YIN, DE DAG RKUN POS KHYER NA THABS 'OG NAS 'BYUNG BA BZHIN DU BYA'O, ,CHOS BSHAD NAS NI BSGRUB PAR BYA, ,ZHES PA NI RKUN PO LA GDONG LA DE NI DGOS PA LA KHYER LA NOR CHEN PO MI RUNG NA PHYIR BYIN CIG CES BYA STE, BYIN NA NI LEGS TE DE MA BYIN NA 'DI SKAD CES BYA'O, ,'DI DAG BRKUS NANG NA SONG GSUM DU 'GRO BA LA SOGS PA BZHIN DU BSHAD DO, ,YANG NA RI BA'I RIN GYIS BLU, ,ZHES PA NI 'DI LTAR BYAS NA SHIN TU SDUG BSNGAL BAR 'GYUR GYIS SLAR BYIN CIG CES BYA'O, ,DE STE MI STER NA RI BA'I RIN GYIS BLU'O, ,DE LTAR MA BYAS NYES BYAS 'GYUR, ,ZHES PA NI DGE SLONG GIS YO BYAD DKON PA'I PHYIR DE LTAR MA BYAS PAR BLANGS NA NYES BYAS PA'I DMIGS PA NI SEMS THAG MA CHAD PA LAS BYE BRAG TU BYAS TE BSHAD PA YIN NO, ,'DI CHED DU MA BYIN PAR LEN PA 'DAS SO,, ,,DA NI MI TSANGS PAR SPYOD PA 'CHAD DE, DE YANG YAN LAG GSUM DANG LDAN NA PHAM STE, GANG ZHE NA, BCUG PA DANG, REG PA DANG, DGA' BAR TSOR BA GSUM DANG LDAN PAR PHO'I SGO GNYIS DANG MO'I SGO GSUM STE, GANG DU SBYAD KYANG BSAM PA GCIG DANG MI LDAN NA NYES BYAS SO, ,DE LA DANG PO BCAS PA NI SANGS RGYAS SH'AKYA THUB PA MNGON PAR BYANG CHUB STE, NYAN THOS KYI 'KHOR DANG LDAN NAS LO BCU GNYIS KYI BAR DU THAMS CAD KYANG TSANGS PAR SPYOD PA LA GNAS TE LTUNG BA MED DO, ,LO BCU GSUM LA 'DAS NAS BAB PA'I CHO CHONG DPON GYI BU BZANG SBYIN GYIS MI TSANGS PAR SPYAD PA LAS LTUNG BA DANG PO BCAS PA'O, ,SDOM CAN ZHES PA NI TSUL KHRIMS BSRUNGS TE MA ZHIG PAR GNAS PA'I SDOM PA DANG LDAN PAS SDOM PA @37B CAN ZHES BYA'O, ,NYAMS PA MED SEMS KYIS ZHES PA NI RNAM PA BZHI LTA BU SEMS KYANG MA NYAMS PA STE, BZHI GANG ZHE NA, 'DRE GDON LA SOGS PAS BYIN GYIS BRLABS NAS MYOS PA LTA BU MA YIN PA DANG, 'BYUNG BA CHEN PO BZHI'I KHAMS NYAMS PAR GYUR PA MA YIN PA DANG, SNGON GYI LAS KYI RNAM PAR SMIN PA MA YIN PA DANG, GNAD DU BAB STE BRGYAL BA LTA BU MA YIN PA STE, MDOR NA SEMS DRAN PA GSAL BZHIN DU 'OG MA LTAR BYAS NA NYES PAR 'GYUR RO, ,NYAMS PA MED PA'I SGO GSUM DU, ,ZHES PA NI SKYES PA LA NI SGO GNYIS, SGO DE DAG MES TSIG PA LTA BU'AM, RUL BA LTA BU'AM, ZHIG PA'AM, 'BU ZHUGS PA LTA BUR MA GYUR PAR 'OG NAS 'BYUNG BA BZHIN DU BYAS NA NYES PAR 'GYUR RO, ,CHAGS PAS NANG DU NOR BU 'DAS, ,ZHES PA NI 'DOD CHAGS DANG LDAN PA'I SEMS KYIS BYAS NAS KHA'I NANG DU SO LAS 'DAS PA DANG, RKUB NI 'DZUMS PA'I MTSAMS 'DAS PA DANG; MO MTSAN NI PHYI SHUN GYE MTSAMS SU NOR BU NUB CES PAS MTSAMS 'DAS ZHES BYA'O, ,DGA' BAR TSOR NA BRTUL ZHUGS NYAMS, ,ZHES PA NI BDAG GIR BYAS NA ZHES BYA BA'I DON TO, ,PHAS BYED DAM TSUS BYED KYANG RUNG STE, NYAMS SU LEN NA SDOM PA ZHIG GO, ,DGE SLONG MA NI PHAS BYED PA BCABS PA YOD DO, ,DES NA KHAS BLANG ZHING NYAMS SU LEN NA SDOM PA ZHIG GO, ,SKYES PA ZHES PA NI DGE SLONG MA NI SKYES PA'O, ,YANG NA DGE TSUL PHAS SKYES PA NYID LA BYA'O, ,BUD MED CES PA NI DGE TSUL PHA NI DGE TSUL PHA LA BUD MED KYIS SO, ,MA NING GIS ZHES PA NI MA NING LNGA STE, MTSAN GNYIS PA DANG, ZLA BA PHYED CING 'GYUR BA DANG, MTSAN MA DANG GSUM MO, ,MTSAN KHANG BOR TE MNAN PA LAS, ,ZHES PA NI GONG MA GSUM GYI MTHU RTZAL GYIS MNAN TE MI TSANGS PAR SPYOD PA'O, ,GANG GIS BDE BA'I RO MYONG BA, ,ZHES PA NI GANG GIS NYAMS SU BLANGS TE DGA' BAR TSOR BA'O, ,DES NI SNYOM PA ZHIG PAR 'GYUR, ,ZHES PA NI TSOR BA DE YANG TSUL KHRIMS MED PAR RO, ,YAN LAG SKYES NAS ZHES PA NI PHE MTSAN 'DOD CHAGS KYI YAN LAG SKYES PA ZHES BYA'O, ,BDE BA 'DOD PAS ZHES PA NI 'DOD TSAGS 'DOD PA DE ZHI BAR BYA BA'I BDE BA 'DOD PA DANG @38A *, ,DGA' BAR TSOR BA'I BDE BA 'DOD PA LA BYA'O, ,GDUG PA SBRUL GYI KHAR BCUG BA, ,ZHES PA NI TSUL KHRIMS DANG BRAL NA GSON YANG MI RUNG STE, DE BAS NA 'DOD CHAGS KYI NYON MONGS PA DE BZLOG PA'I PHYIR GSUNGS PAS SBRUL GDUG PA RNAM PA GNYIS YOD DE, SGO GSUM GYI SBRUL DUG CAN NO, ,DE LA SBRUL DUG CAN GYI KHAR BCUG STE SHI BA NI SHI YANG MA SHI ZHES BYA'O, ,SGO GSUM GYI SBRUL GDUG PA CAN GYI DBANG DU GYUR NAS TSUL KHRIMS NYAMS PA NI TSE RABS DU MAR SBRUL GYIS ZIN PAR GYUR BSAM SHIN YANG SHI BA ZHES BYA'O, ,LUS LA DGA' THUB MI ZHIG CES PA NI LUS KYI DKA' THUB GSUM LAS SKABS 'DIR NI TSANGS PAR SPYOD PA LA BYA STE, DON DU NA SBRUL GDUG PA'I KHAR BCUG KYANG BLA'I, SDOM PA CAN GYIS NAM DU YANG NI MI TSANGS PAR MI SPYOD DO, ,RDZOGS SANGS RGYAS KYIS BKA' STZAL TO, ,ZHES PA NI DE SKAD CES DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BKA' STZAL TO, ,GAL TE SBRUL GYIS BSAD GYUR KYANG, ,ZHES PA NI SBRUL GDUG PA'I KHAR BCUG NAS 'CHI STE 'CHI BAR GYUR KYANG NGO, ,TSUL KHRIMS GNAS LA DE PHAN TE, ,ZHES PA NI DES SHI NA YANG TSUL KHRIMS MI 'JIG STE, MED PAS MED 'GYUR BAS MTHO RIS SU SKYES PAS NA DE NI PHAN PA ZHES BYA'O, ,TSUL KHRIMS NYAMS PA SDUG BSNGAL YIN, ,ZHES PA NI CHOS LA GNAS PAS MYUR DU BDAG SHI BLA'O, ,CHOS LA RGYAB KYIS PHYOGS PA'ANG CIR MI RUNG, ,CHOS GNAS SUM CU RTZA GSUM LHA YI BDE BA 'THOB, ,CHOS THOB BRAL BA MYUR DU NGAN SONG 'JIGS LTUNG NGO, ,KHYIM BDAG DE NA PHAS MI RGOD BRGYAD CU LA SMRA BA DE LTA BU STE, TSUL KHRIMS MED PA DE NI SDUG BSNGAL YIN TE, MYA NGAN LAS 'DAS PA LA SGRIB PAR 'GYUR RO, ,DE LTA BAS NA TSUL KHRIMS DANG MI LDAN PA'I DGE SBYOR NI KHANG PA PHUG RDOL CAN MES TSIG PA'I MGAL DUM DANG 'DRA'O, ,MYA NGAN 'DAS LA SGRIB PAR 'GYUR, ,ZHES PA NI DE LTAR TSUL KHRIMS ZHIG PAR GYUR NA NGAN SONG DU LTUNG BA 'BA' ZHIG TU YANG MA ZAD DE, MYA NGAN LAS 'DAS PA'I BAR DU YANG GCOD PAR 'GYUR RO, ,DE 'KHOR PA'I YAN LAG THAMS CAD LA YANG MI TSANGS PAR SPYOD PA ZHES BYA'O, ,MDOR @38B NA SEMS BYANG BA'I THABS TZAM DU GSUNGS SO, ,JI LTAR ZHE NA, LUS KYIS DPYAD DU MED NA YID KYIS BRTAGS PA MANG DU MI BYED PA'I PHYIR RO, ,'DI YAN CHAD DU MI TSANGS PAR SPYOD PA'I BSHAD PA 'DAS SO,, ,,DA NI BRDZUN DU SMRA BA 'CHAD DE, DE YANG YAN LAG LNGA DANG LDAN NA PHAM STE, LNGA GANG ZHE NA, BLA MA'I CHOS YIN PA DANG, 'DU SHES BSGYUR BA RANG NYID KYIS KHAR SMRAS PA DANG, NGAS THOB BO ZHES BRJOD PA DANG LDAN PA DANG, GZHAN GYIS DON GO BA'O, ,YAN LAG 'DI LNGA DANG LDAN NA BSAM GTAN DANG, MNGON PAR SHES PA DANG, DGE SBYONG GI 'BRAS BU BZHI LA SOGS PA THOB PO ZHES PA NAS LHA DANG KLU LA SOGS PA MTHONG NGO ZHES BYA BA'I BAR DU SMRAS NA PHAM PAR 'GYUR RO, ,YAN LAG GCIG DANG MI LDAN NA NYES BYAS SU 'GYUR RO, ,DE LA DANG PO BCAS PA NI SANGS RGYAS YUL YANGS PA CAN GYI 'OD MA'I GRONG 'DAB NA BZHUGS PA'I TSE, NYA PA LNGA BRGYAL DE BZHIN GSHEGS PAS CHU SRIN NYA'I RIGS KYI RNAM PAR SMIN PA BSHAD PA LAS SEMS G-YOS TE, DGE SLONG DU GYUR PA LNGA BRGYA POS DE MU GE CHEN PO ZHIG BYUNG STE, NYA PA'I RIGS KYI GRONG 'DAB DU SPYOD PA BCAS NAS BDAG CAG GCIG GIS GCIG YON TAN MED PAR BSTOD BA LAS BCAS, LHA DAG KUN SMRA DANG ZHES PA NI LHA DANG PHAN TSUN LHAN CIG GTAM BYAS TE, DE DANG BDE BAR GNAS PA LA SOGS PA NA GNYEN DANG MDZA' BA'I TSUL DU SMRA BA LA SOGS PA'O, ,GANG NA BDAG 'DUG LHA'O ZHES PA NI NGA GANG NA BAR LHA DAG 'ONG ZHES ZER BA'O, ,MTHONG ZHING ZHES PA NI BDAG GIS LHA MTHONG BA DANG, LHAS KYANG BDAG MTHONG ZHES PA'O, ,DE'I SGRA ZHES PA NI GCIG GI SGRA GCIG GIS THOS PA'O, ,THOS PAR GYUR GANG ZHES PA NI LHAS SMRAS PA BDAG GIS THOS PA DANG, BDAG GI SGRA LHAS THOS ZHES ZER BA'O, ,BDAG KYANG DE DAG GAM 'GRO DANG, ,ZHES BA NI NGA LHA'I GAN DU 'GRO'O ZHES ZER BA'O, ,DE BZHIN ZHES PA NI GANG JI LTAR BDAG GIS LHA MTHONG BA DANG, DE DANG GTAM BYAS ZHES PA NI LHAN CIG 'GROGS NAS ZER BA DE BZHIN SMA'O, ,DRI ZA ZHES PA NI DRIS BCOS PAS NA DRI ZA ZHES BYA'O, ,GRUL BUM ZHES PA NI YI DAGS GLUGS PA CHEN PO'O, ,KLU ZHES PA NI BYOL @39A *, ,SONG GI RGYAL PO'O, ,GNOD SBYIN ZHES PA NI GNOD SBYIN MDOG DANG MDANGS 'PHROG PA'O, ,LO 'PHYE CHEN PO DANG ZHES PA NI, SBRUL LTA BU GSUS PAS 'GRO BA'O, ,SHA ZA YI DAGS ZHES PA NI DNGOS SU ZAD, MI'AM CI ZHES PA NI MI'I LUS LA RTA MGO CAN NO, ,MTHONG NGO ZHES LA SOGS PA SMRA'O ZHES PA NI DRI ZA NAS, MI 'AM CI'I BAR DU MING GIS SMOS PA DE DAG BDAG GIS MTHONG NGO, ,DE DAG GIS KYANG BDAG MTHONG, DE DAG DANG YANG LHAN CIG TU 'GROGS SO ZHES ZER BA'O, ,BSAM GTAN ZHES PA NI GZUGS KYI BSAM GTAN BZHI DANG, GZUGS MED BA'I BSAM GTAN BZHI PA STE, 'JIG RTEN GYI BSAM GTAN BRGYAD DO, ,MNGON SHES ZHES PA NI, MNGON PAR SHES PA LNGA 'AM DRUG GO, ,TSAD MED DANG ZHES PA NI TSAD MED PA BZHI'O, ,RGYUN ZHUGS LA SOGS 'BRAS BU DANG, ,ZHES PA NI KHAMS GSUM GYI NYON MONGS PA MTHONG BAS SPANG BAR BYA BA BRGYA RTZA BRGYAD SPANGS PAS RGYUN DU ZHUGS PA'O, ,'DOD PA'I KHAMS KYI BSGOM PAR BYA BA'I NYON MONGS PA DGU SEL BAS, DRUG SPANGS PA NI LAN CIG PHYIR 'ONG BA'O, ,'DOD PA'I KHAMS KYI DGU CHAR SPANGS PA NI, PHYIR MI 'ONG BA'O, ,SRID PA'I RTZE MO MAN CHAD KYI NYON MONGS PA THAMS CAD SPANGS PA NI DGRA BCOM PA'O, ,LAM LA RAB TU ZHUGS PA'ANG RUNG ZHES PA NI 'PHAGS PA'I LAM YAN LAG BRGYAD THOB BO ZHES BYA BA LA SOGS PA'O, ,BDAG GIS THOB CES SMRA NA NI ZHES PA NI MI LAS BLA MA'I CHOS GANG SMRA BA DE GONG DU BSHAD PA'I YON TAN DE LTA BU LA SOGS PA DAG MA THOB PAR THOB CES SMRA BA'O; ,DON RIG PA LA BRDZUN PA'I TSIG CES PA NI PHA ROL PO DE BAS SAM, GLEN PA'AM BYIS PA LA SOGS PA YIN TE, TSUL SMRA BA LA 'DU SHES SPAS TE, DES KYANG DE DANG PAR SHES PA'AM, RIG PA'I 'DU SHES MED PAR SBAS LA DON GZHAN DU 'DUG LA TSIG GZHAN DU SMRA BA'O; ,KHYAD PAR THOB PA'I ZHES PA NI GONG MA LTAR YON TAN RNAM PA DE DAG CIG LTOS NAS KHYAD PAR DU SMRA BA'O, ,BDAG NYID CAN ZHES PA NI DE DANG LDAN PA'I BDAG NYID DU GYUR TO ZHES ZER NA'O, ,MA NYAMS ZHES PA NI MI DRAN PAR YANG MA GYUR TE, SEMS NYAMS PA'O, ,NGA RGYAL MED BZHIN DU ZHES PA NI @39B MNGON BA'I NGA RGYAL TE SNGON DGE SBYONG DGON PA'I YUL MNGON SUM DU BYUNG BA'I PHYIR NGA RGYAL SKYES PA MA YIN PAS GDENG MED BZHIN DU 'OG MA LTAR SMRAS NA NYES PAR 'GYUR RO, ,SMRAS NA SDOM PA NYAMS PAR 'GYUR, ,ZHES PA NI SMRAS TE PHA ROL POS DON GO NA TSUL KHRIMS MED PAR 'GYUR RO, , 'DI MAN CHAD NI SDOM PA ZHIG PAR MI 'GYUR BA'I YAN LAG STON TO, ,KHYAD PAR THOB PA MA GTOGS PA, ,ZHES PA NI GONG DU SNOS PA LTAG MTHONG LA SOGS PA DAG NI BSAM GTAN LA BRTEN NAS MTHONG BAR 'GYUR BA'I PHYIR, KHYAD PAR 'THOB DANG GDENG YOD PA, ,DES SMRAS NA NI NYES PAR MI 'GYUR RO, ,DE LAS GZHAN PA'I BRDZUN TSIG RNAMS, ,ZHES PA NI GONG DU SMOS PA MA GTOGS PAR GZHAN CI YANG RUNG BA'I BRDZUN TSIG NI BSAM GTAN LA BRTEN TE MTHONG BAR MI DGOS PA MTHONG BA DANG, SHES PAR RUNG BA SDOM PA ZHIG PAR MI GZHAG STE, RTZA BA BZHI CHAR YANG NYES PAR MI 'GYUR BAR DBYE'O, ,'DIR YANG NYES PAR 'GYUR BAR DBYE STE, GONG MA LAS BRDZUN PHRAN TSEGS PHYAG DAR KHROD NA SHA ZA DAG MTHONG NGO ZHES BYA BA DANG, SHES BZHIN GYIS BRDZUN PHRAN TSEGS DAG SMRAS NA NYES PA'I DMIGS 'OG MA LTAR 'GYUR RO, ,DE DAG THAMS CAD SDIG MANG 'GYUR, ,ZHES PA NI DE DAG SMRAS NA BSOD NAMS MA YIN PA MANG DU 'PHEL TE, DES NGAN SONG DU NI KHRID PAR BYED LA SDOM PA NI 'JIG PAR MI 'GYUR RO, ,DES NI 'OG MAR LTUNG BAR BYED, ,CES PA NI SHES BZHIN DU BRDZUN GYI TSIG SMRAS PA DES NI MI LAS 'OG MA GSUM DU LTUNG BAR BYED DO,, ,, 'DI MAN CHAD NI PHRA MO'I NYES PA 'CHAD DE, JI LTAR MDZA' BOD BYE 'GYUR BA'I, ,ZHES PA NI MI GNYIS YID MTHUN ZHING MDZA' BA DA LA THABS GANG GIS DBYE BAR 'GYUR BA'I TSIG 'OG MA LTA BU'I TSIG SMRAS SO, ,PHRA MA'I TSIG RNAMS SMRA MI BYA, ,ZHES BYA BA NI ZHE SDANG GIS DBYE BA'I PHYIR TSIG BDEN PA YANG RUNG BRDZUN PA YANG RUNG STE, PHAN TSUN BSKYAL ZHING SMRA BAR MI BYA'O, ,PHRA MA LA RNAM PA GNYIS TE ZHE SDANG GIS DBYE BA DANG, PHAN PAR BYA BA'I PHYIR DBYE BA STE, DE LA PHAN PAR BYA BA'I PHYIR DBYE BA'I PHRA MA ZER PA NI NYES PAR MI GZHAG GO, ,'DI DAG NI DGE TSUL GYI KHRIMS KYI DNGOS PO MA YIN MOD @40A *, ,KYI; NGAG GI NYES PA SPANG BA'I SKABS SU DGE BA BCU'I RGYUD KYIS BSDAMS NAS NGAG GI SKYON 'DI DAG SPANG BAR BSTAN TO, ,THUN TSAGS SU NI SMRA BA DANG, ,ZHES BYA BA 'DI TSIG RKANG 'DIS THUN TSAGS SU SMRA BA 'CHAD DE, DGOS PA'I DON MED PAR SGRUNG GTAM DANG, LDE'U DANG; GLU TSIG DANG, SNYAN NGAG DANG, GAR DANG, BRE MO GTAM DANG, BON SMRA BA LA SOGS PA SMRAS PA'O, ,TSIG RTZUB SMRA BAR MI BYA'O, ,ZHES BYA BA NI PHA ROL ZHES 'DE BAS PA'I TSIG DAG SMRA BAR MI BYA'O, ,'DI MAN CHAD NI DGE SBYONG GI TSUL BZHI STON TE, DE LA DGE SBYONG DU GYUR TAM, DGE SBYONG ZHES BYA BA DE THOB NAS 'DI DAG BSRUNG DGOS SO, ,NGAN DU ZER LA'ANG NGAN MI BRJOD, ,CES BYA BA NI PHA ROL TSIG NGAN PA PHA'I SHA ZO ZHES ZER BA LA SOGS PA'I TSIG NGAN PA ZER YANG TSUL 'DI'I LAN TSIG NGAN PA'I BAG ZUR YANG SMRA BAR MI BYA'O, ,GSHE LA LAN DU SLAR MI GSHE, ,ZHES BYA BA NI PHAS TSUR BDAG LA NGAN PA 'DI ZHES PA LA SOGS PA'I TSIG NGAN PAS BRGYAD BKAG KYANG, DE'I LAN GSHE BA'I TSIG DAG KYANG MI BYA'O, ,MTSANG 'BRU BA LA SLAR MI 'BRU, ,ZHES PA NI PHAS TSUR BDAG LA SKYON CI YOD PA'I BAG MTSANG 'BRU BA DE LA SLAR DE'I MTSANG 'BRU BAG TZAM YANG MI BYA'O, ,RDE PA LA YANG SLAR MI RDEG ,CES BYA BA NI PHAS TSUR MTSON CHA DANG, DBYUG PA LA SOGS PA DAG GIS BDAG LA BRDEG KYANG DE'I LAN DU RDUL TZAM MI BYA'O, ,BLO LDAN ZHES BYA BA NI BLO DANG SHES RAB DANG RIG PA DANG RTOGS PA DAG NI RNAM GRANGS TE, MDOR[?] NA SHES RAB DANG LDAN ZHES BYA BA'I DON TO, ,BSLAB PA 'DOD PA YIS ZHES BYA BA NI DE BZHIN GSHEGS PAS BSTAN PA'I SLAB PA'AM, TSUL KHRIMS DE LA DANG PAS SO, ,BSGRIBS TE ZHES BYA BA SHIN TU NAN TAN DU 'BAD DO, ,DAG GI SKYON RNAMS SPANG ZHES PA NI PHA ROL PO'I YID MI DGA' BAR GYUR NA BDAG KYANG DES DMYAL BDAG TU KHRID PAR BYAD PAS SKYON TE, DE BAS NA NGAG GI SKYON RNAMS SPANG BAR BYA BA THAMS CAD LAS BYUNG BAS NA DANG PO NGAG GI NYES PA BSDAM PAR BYA'O, ,DE LTAR 'GYUR BAR RIG NAS NI, ,ZHES BYA BA NI DE LTAR NGAG DE'I NYES PA BZHI NI BSHAD DA 'DAS SO,, ,,DA NI LNGA BA LA BAB STE, CHANG MI BTUNG BA 'CHAD DO, ,'BRU BTAGS PHABS DANG SBYAR BA YI, ,ZHES BYA @40B BA NI SA BON BTAB NAS LO TOG LAS SKYES PA'I GRO NAS DANG 'BRAS LA SOGS PA KUN BSDUS TE, LO TOG LAS BTAGS PA'I CHANG STE, ZAN CHANG LTA BU PHABS DANG SBYAR BA CHANG DU YANG GYUR, CHANG DU YANG 'DU SHES, BDAG GIS KYANG 'THUNGS, MYOS PAR YANG 'GYUR NA'O, ,BTUNG BA'I BYE BRAG 'BRU YI CHANG; ,ZHES BYA BA NI CHANG GI RNAM GRANGS TE, RKUN 'BRUM DANG, BUR MA SPANG RTZI LAS CHANG DU BYAS PA DANG, ME TOG DANG LO TOG THAMS CAD KYI CHANG NGO, ,DE LA CHANG LA RNAM BA BZHI STE, KHA DOG GI CHANG DANG, DRI'I CHANG DANG, RO'I CHANG DANG, MCHU CHANG GI DANG BZHI'O, ,DE LA MTHU DANG MI LDAN PAR 'THUNGS PAS NI NYES BYAS LA BRTZI'O, ,GZHAN YANG RNAM PA MANG DU 'CHAD DE, RGYA GAR SKAD KYIS PAR MA 'THUNGS NA NYES PA'O ZHES 'CHAD DO, ,YANG RO CAN MI BTUNG STE 'THUNGS NA NYES BYAS SO ZHES 'CHAD DO, ,SDONG BU ZHES BYA BA NI BU RAM SHING GI CHANG DAG GO, ,ME TOG GANG ZHES BYA BA NI SBRANG CHANG DAG GO; ,'BRAS BU LAS ZHES BYA BA NI RGUN CHANG DAG BSDU'O, ,SBYAR BA'I KHU BA 'BRAS BU'I CHANG, ,ZHES BYA BA NI PHABS DANG SBYAR BA'I CHANG NGO, ,DES NI MYOS PAR 'GYUR RIG NAS, ,ZHES BYA BA NI RGYA GAR GYI SKAD DU MAR TA ZHES BYA STE, BAR MA DANG SBYOR BAR 'GYUR BA KUN MI SNANG STE, DE LA MDOR BSDUS TE SMRAS PA'O, ,SNGOM CAN PHAN 'DOD MI BTUNG NGO, ,ZHES BYA BA NI TSUL KHRIMS LA GNAS PA BDAG LA PHAN PAR 'DOD PAS GONG DU SMRAS PA'I CHANG DE DAG MI BTUNG NGO, ,DE 'THUNGS NAS NI ZHES BYA BA NI 'THUNGS NA CI NYES SHE NA, GONG MA LTAR DU 'GYUR RO, ,DRAN PA NYAMS NA ZHES BYA BA NI MYOS PA'I BLOR 'GYUR RO; ,BRTUL ZHUGS LDAN PA BAG MED 'GYUR, ,ZHES BYA BA NI SDOM PA LA ZHUGS PA, SDOM PA LA GNAS PA, SDOM PA DANG LDAN PA DE TSUL KHRIMS ZHIG PAR 'GYUR RO, ,DPER NA CHUNG BA DGE BSNYEN CIG LA RKYAL BYA BA'I PHYIR CHANG RDZE'U GANG DANG LUG CIG BUD MED CIG KHRID DE 'ONGS PA LAS CHANG 'THUNGS PA DANG KHRIMS LNGA CHAR DRAL BA LTA BU'O, ,BAG MAD PA LAS BRTUL ZHUGS NYAMS, ,ZHES BYA BA NI GONG MA BSNAN TE SMRAS PA TZAM DU ZAD DO, ,YANG NA TSUL KHRIMS KYI YAN LAG DANG, BRTUL ZHUGS KYI YAN LAG DANG GSUM LUS DANG NGAG GIS BSRUNG BA STE, PHAM PA'I GZHI NI TSUL KHRIMS KYI YAN LAG @41A *, ,GO; ,GLU GAR DAG NI BRTUL ZHUGS KYI YAN LAG STE, KHYIM PA LAS KHYAD PAR DU BYA'O, ,DE BAS STON PA'I BKA' DRAN BYA, ,ZHES BYA BA NI SANGS RGYAS DE PHYIN CI MA LOG PAR STON PA'O, ,DE BAS NA JI SKAD GSUNGS SHE NA, CHANG NI NYES DGU MTSON PA STE, ,BAG CHAGS BSGRIBS PAS RNAL 'BYOR NYAMS, ,ZHES BKAG PAS NA DE'I BKA' DRAN PAR GZHAG GO, ,MYOS 'GYUR NYES PA 'PHEL 'GYUR BA, ,ZHES BYA BA NI CHANG 'THUNGS PAS MYOS PA TZAM DU MA ZAD KYI NYES PA GZHAN YANG MANG DU 'PHEL BAR 'GYUR GYI, RTZA MCHOG TZAM YANG MI BTUNG NGO, ,DE BSAN RTZA'I THOR TO LA CHAGS PA TZAM YANG MI BTUNG NA MANG DU 'THUNGS PA LTA CI SMOS, DA 'DI MAN CHAD DGE TSUL GYI BSLAB TSIGS BCU'I DNGOS PO LA LNGA NI 'DAS, DA NI DRUG PA LA BAB STE, GLU GAR MI BYA BAR 'CHAD DO, ,GLU GAR DE BZHIN SIL SNYAN RNAMS, ,ZHES BYA BA NI ROL MO'I SPYAD DANG ROL MO BYA BA THAMS CAD BSRUNG BA STE; BDAG NYID KYANG MI BYA, GZHAN BYED DU YANG MI GZHUG ,BDAG NYID NYAN PA'I PHYIR NA DKON MCHOG GI SPYAN SNGAR BYED DU YANG MI GZHUG ,BDAG NYAN PA'I PHYIR MA YIN MOD KYI, DKON MCHOG GSUM LA MCHOD PA'I PHYIR NI NYES PA MED DO, ,DRIL BU DKROL BA DANG DKON MCHOG GSUM LA MCHOD PA'I PHYIR NYES PA MED DO, ,CHU LA BYE'U ZUL BYED PA LA SOGS PA CHU LA RTZE BA SNA TSOGS KYANG MI BYA'O, ,RKYAL MI SHES NA DBEN PAR BSLAB PA DANG SMAN PAS BSGOS TE, SMAN GYI CHO GAS CHU'I NANG DU RGYAL BA DAG LA NYES PA MED DO, ,GLU'I DBYANGS THAMS CAD MI BYA'O, ,CHOS 'CHAD PA DANG YI GI KLOG BA DANG; DKON MCHOG GSUM LA BSTOD PA'I TSE DBYANGS LEN PA LA NYES PA MED DO, ,SDOM PA LA GNAS PAS MI BYA'O, ,BSLAB TSIGS BCU'I DNGOS PO LAS DE YAN CHAD DRUG NI 'DAS, DA NI BDUN PA LA BAB STE, LUS LA SPOS KYIS MI BYUG PA 'CHAD DO, ,LUS LA SPOS KYIS MI BYUG STE, ,ZHES BYA BA NI LUS LA DRI ZHIM PO'I BAG THAMS CAD KYIS MI BYUG MI BSKU'O, ,LUS LA MDANGS BZANG BA DANG, DRI ZHIM PAR BYA BA'I PHYIR RO, ,GOS LA SOGS PA LA MI BYUG GO, ,CI'I PHYIR ZHE NA, DE DAG KYANG 'KHOR BA LA CHAGS PA'I RGYU YIN PA'I PHYIR RO, ,TZANDAN LA SOGS MI BSKU'O, ,ZHES BYA BA NI DRI @41B ZHIM POR SBYAR BA LA SOGS PA LUS LA MI BYUG GO, ,YUNG DANG GUR GUM LA SOGS PAS, ,ZHES BYA BA NI MDANGS NI GUR GUM DAG MDANGS SER POR 'DOD PA'I PHYIR MI BYA'O, ,KHA DOG RNAMS SU BRI MI BYA, ,ZHES BYA BA NI SER PO LA SOGS PA'I KHA DOG DAG GO, ,ME TOG MGO RGYAN PHRENG BA DANG, ,CES BYA BA NI ME TOG GANG YANG RUNG, SKUD PA DAG DANG, SHING BU DAG LA BRGYUS PA'I PHRENG BA DAG GI SE RAL KHA LA SOGS PAR MI GDAGS SO, ,BRTUL ZHUGS CAN GYIS GDAGS MI BYA, ,ZHES BYA BA NI BSLAB PA LA GNAS PAS, 'DI DAG GDAGS PAR MI BYA'O, ,GSER LA SOGS PA RNAMS KYIS ZHES BYA BA NI GSER DNGUL LA SOGS PA'I SOR GDUB DANG, RNA CHA DANG, MGO RGYAN DANG, DPUNG RGYAN DAG GIS BDAG BRGYAN PAR MI BYA'O, ,DUD PA LA SOGS MIG SMAN RNAMS, ,ZHES BYA BA NI LI KHRI DANG MTSAL LA SOGS PA MIG SMAN RNAMS KYIS, MIG MI NA BAR MI BSKU'O, ,'DI YAN CHAD DGE TSUL GYI BSLAB TSIGS BCU'I DNGOS PO LAS BDUN NI 'DAS, DA NI BRGYAD PA LA BAB STE, BLA MA'I KHRI LA MI 'DUG PA 'CHAD DE, SHING KHRI KHRU GANG MTHO BA DANG, ,ZHES BYA BA NI KHRI 'AM STEGS BU KHRU GANG YAN CHAD LAS MTHO BA DAG GO, ,BA SO ZHES BYA BA NI BA SO LAS BYAS PA'I KHRI DAG GO, ,LA SOGS ZHES BYA BA NI RIN PO CHE LA SOGS PA'O, ,BRGYAN PA'I KHRI ZHES BYA BA NI RIN PO CHE SNA TSOGS DANG, GSER DNGUL LA SOGS PAS BRGYAN PA'I KHRI'O, ,DMA' YANG NYAL KHRI BZANG PO LAS, ,ZHES BYA BA NI BA SO DANG RIN PO CHE LA SOGS PAS BRGYAN PA'I KHRI KHRU GANG DU MA PHYIN KYANG, DE NYID RIN PO CHE'I YIN PAS DMA' YANG NYES PA'O, ,CHOS 'CHAD PA DANG KHA TON BYED PA LA GNANG NGO, ,NYAL LA SOGS PA MI BYA'O, ,ZHES BYA BA NI CHOS 'CHAD PA'I LHA'I YUL DU PHYIN PA'I TSE, RIN PO CHE 'BA' ZHIG SPYOD PA DANG, GZHAN YANG RIN PO CHE 'BA' ZHIG SPYOD PA'I YUL NA NI RIN PO CHE LA SOGS PA'I KHRIL NYAL ZHING 'DUG KYANG NYES PA MED DO, , CHOS 'CHAD PA'I TSE NA KHRI MTHON PO LA 'DUG KYANG NYES PA MED DO, ,GLU GAR LA SOGS PA ZHES BYA BA NI BON SMRANG DANG, SGRUNG GTAM DANG, RTZED MO DANG, 'BOD PA DAG BSDU'O, ,BSTAN PA DANG ZHES BYA BA NI GLU GAR LA SOGS PA BDAG NYID 'DOD PA'O, ,GANG LAS DREGS PA SKYE 'GYUR BA, , @42A *, ,ZHES BYA BA NI GONG DU SMRAS PA DE DAG LA BRTEN NAS RGYAGS PAS DANG DREGS PAS TROG TROG POR 'GYUR BAS, DREGS PA'I YAN LAG SPANGS NAS NI, ,ZHES BYA BA NI DE LTAR DREGS PA'I RKYEN DU GYUR BA DE DAG SPANGS NAS, BRTUL ZHUGS GNAS ZHES BRJOD PA YIN, ,ZHES BYA BA STE; BSLAB PA LA GNAS ZHE 'AM SDOM PA DANG LDAN ZHES BYA BA YIN NO, ,'DI YAN CHAD DU DGE TSUL GYI BSLAB TSIGS BCU'I DNGOS LAS BRGYAD NI 'DAS, DA NI DGU PA LA BAB STE, NYI MA PHYED MAN CHAD ZAS MI BZA' BA 'CHAD DE, NYI MA PHYED MTSAMS MAN CHAD NAS, ,SKYA RENGS MA SHAR DUS MIN TE, ,ZHES BYA BA NI SKYA RENGS LA RNAM PA GSUM STE, SNGO RENG DANG, SER RENG DANG, DMAR RENG NGO, ,DE LA SAR RENG MED PA'I TSAD KYIS BZUNG STA, DE NI RGYAL BAS DUS MIN GSUNGS, ,ZHES BYA BA NI NYI MA PHYED MAN CHAD NAS SKYA RENGS MA SHAR GYI BAR DU KHA ZAS BZA' BA'I DUS MA YIN NO ZHES BDUD BZHI LAS RGYAL BA'I RGYAL BAS GSUNGS SO, ,SDOM CAN GYIS NI DER MI BZA', ,ZHES BYA BA NI BSLAB PA LA GNAS PAS DUS MA YIN PA DER BZA' BA LNGA DANG BCA' BA LNGA DAG MI BZA'O, ,SKYA RENGS SHAR NAS PHYED KYI PAR, ,ZHES BYA BA NI DUS GANG DAG TU BZA' ZHE NA, SKYA RENGS SHAR NAS NYI MA PHYED KYI BAR DU BZA'O, ,DE YI SKABS SU ZOS NAS NI, ,ZHES BYA BA NI, BDAG GIS KYANG DUS SU ZOS PAR SHES BA DANG SDOM PA LA GNAS PA'O ZHES BYA BA'I DON TO, ,DE LAS BZLOG PA NI BDAG SHES PA'I SDOM PA MA YIN NO, ,BZA' BA'I DUS SU ZOS PA YIN, ,ZHES BYA BA NI DE LTAR SKYA RENGS SHAR NAS NYI MA PHYAD PHYED KYI BAR DU YANG YIN LA, DUS YIN PAR YANG 'DU SHES YOD BZHIN DU ZOS PA NI BZA' BA'I DUS SU ZOS PA YIN ZHES BYA'O, ,DUS MIN DUS SU 'DU SHES NAS, ,ZHES BYA BA NI NYI MA PHYED TZAM PHAN CHAD NAS SKYA RENGS MA SHAR GYI BAR DU BZA' BA'I DUS MA YIN PA LA DUS SO ZHES 'DU SHES PAR BYAS NAS NAM YANG BZA' BAR MI BYA STE, DUS MA YIN PA LA 'DU SHES SO ZHES 'DU SHES PAR BYAS NAS, NAM YANG BZA' BA LNGA DANG BCA' BA LNGA DAG BZA' BAR MI BYA'O, ,SMAN PAS NYON MONGS BSGO NAS NI, ,ZHES BYA BA NI NA BA'I RKYEN CIG GIS NYI MA PHYED MAN CHAD NAS SKYA RENGS MA SHAR GYI BAR DU BZA' BA'I @42B DUS MA YIN PA'I TSE, SMAN DPYAD KYIS DER KHA ZAS MA ZOS NA NYEN CHED POR 'GYUR GYIS KHA ZAS ZO SHIG CES BSGO NA, NAD PAS NYES PAR MI 'GYUR RO, ,'DI MAN CHAD NI DGE TSUL BA'I BSLAB TSIGS BCU'I DNGOS PO LAS DGU NI 'DAS, DA NI BCU LA BAB STE, GSER DNGUL LA MI REG PA 'CHAD DO; ,SA LE SGRAM NI GSER YIN TE, ,ZHES BYA BA NI RGYA GAR LAS GZUGS DNGUL CAN ZHAS BYA BA 'BYUNG STE, GSER DNGUL ZHES BYA BA GO RIMS BZHIN DU SPYAR TE, DNGUL ZHES BYA BA DNGUL NYID YIN, ,ZHES BYA BA'O, ,SBYIN BDAG RNAMS KYIS DE BYIN ZHES BYA BA NI BDAG GI GSER DNGUL YIN PA BDAG GI 'DU SHES PA LA NYES PAR MA GYUR TE, DA BAS NA SBYIN BDAG GIS YIN PAS RGYAL PO'AM DAD PA'I BRAM ZE LA SOGS PAS BYIN NA, BRTUL ZHUGS CAN GYIS MI BLANG NGO, ,ZHES BYA STE, BSLAB PA LA GNAS PA'I SDOM PA CAN GYIS SO, ,BDAG GIS RUNG BA MA YIN 'DES, , ZHES BYA BA NI, GSER DNGUL DE DAG DGE TSUL GYIS BZUNG BAR MA BRTAGS PA YIN PAS NA GSER DNGUL 'DIS RUNG BA'I DNGOS PO BTZAL SNYAM DU ZHES BYA BA STE, LHUNG BZED DAM CHOS GOS SAM SMAN DAG TU BSGYUR RO, ,DE LTAR MNGON PAR BSAMS NAS NI, ,ZHES BYA BA NI GONG DU SMRAS PA LTAR BSAM PA MNGON PAR 'DU BYAS NAS, DE NAS GZHAN ZHIG LEN DU GZHUG ,CES BYA BA NI DE NAS GDOD G-YOG GAM SKYE BO DAG LEN DU GZHUG GO, ,DKON MCHOG GSUM GYI CHED KA DANG, ,ZHES BYA BA NI DKON MCHOG GSUM LA GSER DNGUL GYIS MCHOD PA LA NI NYES PA MED DO, ,TSANGS PA MTSUNGS PAR SPYOD RNAMS KYI, ,ZHES BYA BA NI DGE SLONG DANG DGE TSUL GROGS PO DAG GI STE, MDOR NA BDAG GIS MA YIN PA'I, ,GSER DANG DNGUL LA REG GYUR KYANG, ,ZHES BYA BA NI RIN PO CHE DAG BSDUS TE, DE DAG LA BDAG GIS REG CING BZUNG YANG, NYES PAR 'GYUR BA MA YIN NO ZHES BYA BA STE, BSLAB PA NYAMS PAR MI 'GYUR RO, ,'DI MAN CHAD NI DGE TSUL DANG, BLA MA DANG, 'OG MA'I KHYAD PAR DANG RIM PAR STON TO, ,'DOD PAS BAR DU GCOD BYED CES, ,RDZOGS SANGS RGYAS KYIS GSUNGS PA DE, ,BAR DU GCOD PAR MI 'GYUR ZHES, ,DGE TSUL GTI MUG MA SMRA SHIG @43A *, ,CES BYA BA NI SDE BCAS PA'I DGE TSUL KAndA KA DANG MA H'A ZHES BYA BA GNYIS YOD DE, DE SKAD CES ZER BA LAS BCAS TE, DGE TSUL BAG MED PA BYUNG RGYAL DU SMRA BA KHA CIG 'DI SKAD CES ZER, 'DOD PA DE DAG BAR DU SPYAD KYANG DGE BA SPYOD PA DANG THAR BAR 'GYUR BA LA BAR DU GCOD BYED CES DE BZHIN GSHEGS PA YANG DAG PAR RDZOGS PA'I SANGS RGYAS KYIS GSUNGS PA DE SPYAD KYANG, DAG BA SPYOD PA DANG THAR PAR 'GYUR BA DAG GI BAR CHAD DAG TU MI 'GYUR RO, ,DGE TSUL ZHES DGE TSUL GTI MUG PA DAG LA MA SMRA SHIG ,DE SKAD SMRAS NA DGE 'DUN GYIS, ,ZHES BYA BA NI DGE TSUL GYIS GONG MA SKAD DU SMRAS NA, DE NI DGE 'DUN GYIS, LONGS SPYOD KUN DANG PHRAL NAS NI, ,ZHES BYA STE, CHOS KYI LONGS SPYOD DANG, ZANG ZING GI LONGS SPYOD DANG PHRAL NAS, GTZUG LAG KHANG NAS BSKRAD PAR BYA, ,ZHES BYA BA NI GTZUG LAG KHANG GI NANG NAS GAnd'I BRDUNGS TE, MTSAMS KYI PHYI ROL DU PHYUNG STE BSKRAD PA'O, ,DE NAS RO DANG 'DRA BAR 'GYUR, ,ZHAS BYA BA NI DGE BA'I PHYOGS NYAMS PA'AM ZHIG PAS DGE TSUL DE RO DANG 'DRA STE JI LTAR RO LA YON TAN MED PA BZHIN DU, DE YANG DGE BA'I PHYOGS NYAMS PAS RO DANG 'DRA'O, ,YANG NA RO DANG 'DRA BAR BYAS NAS BSKRAD CES 'BYUNG BAS NA, SHI BA'I GAnd'I BRDUNGS TE BSKRAD PA'I PHYIR RO, ,'PHYAR DANG RTA GAD BYED LA SOGS, ,ZHES BYA BA NI DGE BA'I PHYOGS LA SEMS MI GNAS SHING, SNGON DGOD PA LA SOGS PA BYED PA DAG DRAN NAM 'PHYAR RAM G-YENG BA LA SOGS PA MI BYA'O, ,BLA MA DANG DGE 'DUN GYI MDUN DU RTA GAD LA SOGS PA RTZED MO'I BAG MI BYA'O, ,'CHI BAR BSAMS SHING MI BYA'O, ,ZHES BYA BA NI RKYEN GANG LA BSAM STE MI BYA ZHE NA, 'CHI BA LA BSAMS NAS SO, ,CI'I PHYIR ZHE NA, SKAD CIG MA STE, DGE TSUL DAG SKAD CIG MA LA 'CHI ZHES GSUNGS PA LTA BU'O, ,GZHAN YANG MI RTAG PA CHEN PO 'CHI BA DE 'U RE 'ONG STE, JI TZAM NA 'ANG BA GTOL MED PAS BSOD NAMS MA BSAGS PAR 'CHIN MI RUNG NGO ZHES DE LTA BUR BSAMS NAS MI BYA'O, ,GLAL TSE LAG PAS ZHES PA NI SNGON DGE SBYONG ZHIG KHA GLAL BA'I TSE NA GCIG GIS DER PHO MTSAN BCUG PA LAS BCAS PA LTA BU'O, ,DGE TSUL LA DGE 'DUN GYI NANG DU 'DUG GAM BLA @43B MA'I TSE GLAL BRO NA KHA MI GDONG ZHING DGAB PAR BYA'O, ,SGREGS PA NI DRI NGA BA'I PHYIR KHA DGAB PAR BYA'O, ,SOGS PA YIS ZHES BYA BA NI GOS DAG GI MTHA' 'AM, LO MA DAG GIS, KHA DGAB PAR YANG NAN TAN BYA, ,ZHES BYA BA STE RIM GRO DANG NAN TAN DAG BYA'O, ,RGAN LA SBRID BYUNG PHYAG BYA STE, ZHES BYA BA NI BLA MA 'AM GONG MA'I KHYAD PAR BSTAN TE, BDAG PAS RGAN PA ZHIG YIN NA NI DGE TSUL DANG, DGE SLONG GANG YANG RUNG STE, DE DAG SBRID PA BYUNG NAS PHYAG BYA'O, ,GZHON LA NAD MED GYUR CES BYA, ,ZHES BYA BA NI BDAG PAS KHRIMS KYIS GZHON PA LA SBRID PA BYUNG NA NI NAD MED GYUR CES BYA'O, , KHYIM PA'I SBRID PA BYUNG BA LA, ,YUN RINGS SOS ZHES BRJOD PAR BYA, ,ZHES BYA BA NI KHYIM PA PHO MO DAG LA SBRID PA BYUNG NA YUN DU 'TSO BAR SHOG CIG CES BYA'O, ,BLA MA RNAMS KYI MDUN DAG TU, ,SNABS DANG MCHIL MA MI 'DOR ZHING, ,SO SHING BCA' BAR MI BYA'O, ,ZHES BYA BA NI MKHAN PO DANG SLOB DPON BDAG PAS RGAN PA DANG, MCHOD RTEN DAG GI MDUN DAG TU SNABS DANG MCHIL MA DANG SO SHING BCA' BA DANG, 'KHRUL PA'I BAG THAMS CAD MI 'DOR RO, ,SA GZHAN DU MCHIL MA 'DOR NA YANG SE GOL BRDABS TE DOR BAR BYA'O, ,DE BZHIN STAN LA MI 'DUG GO, ,BLA MA DAG 'CHAG GAM 'GRO BA'I MDUN DU STAN LA 'DUG PAR MI BYA'O, ,MDUN NA 'CHAG PAR MI BYA ZHING, ,ZHES BYA BA NI CHOS 'CHAD PA LA SOGS PA'I TSE DE DAG GI MDUN DU 'CHAG PAR MI BYA'O, ,KHYED RENGS SU YANG MI 'BYUNG STE, ,ZHES BYA BA NI SHAM THABS 'BA' ZHIG GON, CHOS GOS MA GYON PAR 'DUG PAR MI BYA'O, ,RGAN LA SOGS PA SDOM CAN GYI, ,ZHES BYA BA NI MKHAN PO DANG SLOB DPON BDAG PAS GZHON PA LA YANG YON TAN CHE BA MKHAS SHING MANG LA YON TAN GYIS BRGYAN PA LA, GUS BCAS ZHE SAR BCAS PAR BYA, ,ZHES BYA BA NI 'DUD PA DANG, GUS PA DANG, PHYAG BCAL BA DANG, RJE SA BYA'O, ,LAG PA DAG PAR BSNYAL NAS NI, ,ZHES BYA BA NI BDAG NYID SNGAR LAG PA DRI MA MED PAR NAN TAN DU BSNYAL NAS, BUM PA LA SOGS RDUL MED BYA, ,ZHES BYA BA STE, RDZA MA LA SOGS PA CHU SNOD CHE CHUNG KUN RDUL DANG DRI MA DAG MED PAR BYAS NAS SO, ,CHU YANG YONGS @44A *, ,SU BTZAGS NAS SU, ,ZHES BYA BA NI DGOS PA'I DON DU CHU KUN BTZAGS TE, LA LA MA BTZAGS PA LTA BU MA YIN GYI, THAMS CAD BTZAGS PA'I THA TSIG GO, ,BRTAGS TE RUNG NA BLANG BAR BYA, ,ZHES BYA BA NI CHU BTZAGS PA BA'I ZHIG GIS MI CHOG GO, ,YID CHES PAR BRTAGS TE SEMS CAN MED PAR GYUR PA'I CHU DE NI RUNG BYA'O, ,GNAS MA BCAS PAR GNAS MI BYA, ,ZHES BYA BA NI MKHAN PO DAG MED NA YANG BDAG GAR 'ONGS PA'I GNAS DE NA, DGE SLONG YON TAN CAN CHOS 'DUL BA LA MKHAS PA DGE SBYONG 'CHOS SHING 'DUL NUS PA LA GSOL BA BTAB STE GNAS PAR BYA'O; ,DGE 'DUN MAL CHA LA SOGS LA, ,ZHES BYA BA NI, DGE 'DUN GYI SNGAS DANG GLO GNAS DGAB BA DANG, 'OG TU GDING BA DAG BSDU'O, ,DRAN PA MED PAR 'DUG MI BYA, ,ZHES BYA BA NI GANG ZAG GONG BZHIN DU SPYAD DU MI RUNG STO, MTHA' LA GZHAR YANG CI NAS KYANG DGE 'DUN GYI MAL CHA DAG LA MI GNOD PA DRAN PA NYE BAR GZHAG NAS 'DUG PAR BYA'O, ,SNGON DGE SBYONG RGYAB NAG LTAR GDING BA MED PAR DGE 'DUN GYI MAL CHA DANG STAN DAG LA SHAM THABS REG PAR MI BYA'O, ,DRAN DANG LDAN NA NYES MED DO, ,ZHE BYA BA NI, DGE 'DUN GYI MAL CHA DANG STAN DAG LA SHAM THABS KYIS MI REG PAR 'DUG GO, ,DRAN PA DANG LDAN BZHIN PA LA NYES PA MED DO, ,'DI MAN CHAD NI MKHAN PO DAG LA MA ZHUS KYANG NYES PA MED PA STON TE, SO BKRU BA DANG CHU BTUNG DANG, ,ZHES BYA BA NI, SO SHING BZA' BA DANG, BKRU BA DANG, RKANG LAG BKRU BA DANG, SKOM CHU BTUNG BA DANG, 'DI DAG ZHU MI DGOS SO, ,BSHANG GCI BYED DU 'GRO BA DANG, ,ZHES BYA BA NI PHYI ROL CHE CHUNG DU 'GRO BA DAG GO, ,MTSAMS NANG STON LA PHYAG BYA BA, ,ZHES BYA BA NI MTSAMS KYI NANG DU SKU GZUGS DANG MCHOD RTEN LA PHYAG BYA'O, ,DE DAG MA ZHUS NYES MED DO, ,ZHES BYA BA NI SO SHING ZA BA NAS STON PA'I SKU GZUGS DAG LA PHYAG BYA BA'I BAR DU MA ZHUS KYANG NYES PA MED DO, ,BRTUL ZHUGS CAN GYIS BYA BA GZHAN, ,ZHES BYA BA NI, BSLAB PA LA GNAS PAS GONG DU MING SMOS PA RNAMS MA GTOGS PA GZHAN THAMS CAD ZHU'O, ,DE DAG THAMS CAD YID KYIS BSDAMS PA'I NYES BYAS SU 'GYUR RO, ,MCHOD RTEN LA SOGS PHYAG BYA STE, ,ZHES BYA BA @44B NI MCHOD RTEN LA SOGS PA'I DON TO, ,MI NYAL BYAS NA DE 'OG TU, ,ZHES BYA BA NI SROD LA DGE BA KHA TON DAG BYAS NAS, BLA MA'I RKANG BKRUS BLA MA LA, ,ZHES BYA BA NI MKHAN PO DANG SLOB DPON DAG SROD LA DGE BA BYAS NAS NYAL BA'I TSE DE DAG GI RKANG PA DAG BKRU'O, ,BRTUL ZHUGS CAN GYI KUN ZHUS TE,, ZHES BYA BA NI BSLAB PA LA GNAS PAS MAL DAG BYA'O, ,RKANG LAG BKRU'O, ,SROD THO RANGS KYI DGE BA DAG 'TSAL LO ZHES DA DAG KUN ZHU'O, ,RKANG PA GNYI KA BKRUS NAS NI, ,ZHES BYA BA NI BDAG NYID KYI RKANG BA BKRU BAR BYA BA'I DON TO, ,NAM GYI CHA STOD CHA SMAD LA, ,ZHE BYA BA NI MTSAN GCIG LA THUN BZHIR BGOS PA'I THUN DANG PO DANG THA MA GNYIS SO, ,YANG NA SROD DANG THO RANGS GNYIS SO, ,BSGRIMS TE MI NYAL BYA BA STE, ,ZHES BYA BA NI LTAG TU SMOS PA DE DAG LA BSGRIMS TE MI NYAL BAR BGYI'O, ,DES NI BDEN PAR SMRA BAR BYA, ,ZHES BYA BA NI JI LTAR ZHUS PA DE BZHIN DU BSGRIMS TE BYAS NA NI BRDZUN DU MI 'GYUR GYI, JI SKAD DU ZHUS PA DE BZHIN DU MA BYAS NA SHES BZHIN GYI BRDZUN YANG BYAS SO ZHES PA'I DON TO, ,LDANG DANG SNANG BA'I 'DU SHES KYIS, ,ZHES BYA BA NI NAM 'DI TZAM NA LDANG NGO ZHES NAM GYI MTSAN MA YID LA SNANG BAR BYAS NAS, DE KHO NA'I DUS SU SANG PAR 'GYUR BA'I PHYIR LDANG DANG SNANG BA'I MTSAN MA YID LA BYA'O, ,SENG GE'I NYAL THABS BZHIN DU BYA, ,ZHES BYA BA NI JI LTAR GCAN GZAN GYI RGYAL PO SENG GE LAG PA G-YAS PA 'OG TU BCUG STE NYAL BA DE BZHIN DU, LAG PA G-YAS PA 'GRAM PA'I 'OG TU BCAR TE, G-YAS PHYOGS SU NYAL BA'O, ,'DOD CHAGS LA SPYOD PA DAG GI G-YON PHYOGS SU NYAL BAS, 'DOD CHAGS SPANG BAR SBYOR BA KUN G-YAS PHYOGS KYIS NYAL BA'I PHYIR, DE BZHIN GSHEGS PA MYA NGAN LAS 'DAS PA DANG DE LTA BU'I TSUL DU'O, ,DRAN DANG LDAN ZHING DGE RGYUD DANG, ,ZHES BYA BA NI DE LTAR DRAN PA DANG LDAN PAR BYAS NAS NYAL KAR YANG DKON MCHOG GSUM DANG, MCHOD RTEN CHEN PO BRGYAD LA SOGS PA DGE BA'I RGYUN DU BYAS NAS NYAL NA RMI LAM NA YANG DGE BA SPYOD PA'I PHYIR RO, ,DE BZHIN MYUR DU SAD NAS NI, ,DE LTAR BYAS NAS, JI SKAD BSTAN PA BZHIN DU BYA, ,ZHES BYA BA NI, JI SKAD ZHUS PA DANG, GONG @45A *, ,DU BSTAN PA BZHIN DU BYA'O, ,JI LTAR NYON MONGS MYUR ZAD DANG, ,ZHES BYA BA NI DE DAG 'DOR CI DGOS SHE NA, NYON MONGS PA LAS 'BYUNG NGO, ,LAS LAS KYANG TSE 'BYUNG NGO, ,TSE LAS KYANG NYON MONGS PA 'BYUNG BA'I PHYIR TE, RTEN CING 'BREL TE 'BYUNG BA YANG TSUL DE LTA BU LAGS TE; DE LTA BAS NA NYON MONGS PA'I DUG ZAD PAR BYA BA CHED CHE'O, ,BYANG CHUB DAM PA THOB 'GYUR BA, ,ZHES BYA BA NI NYAN THOS DAG BYANG CHUB YIN MOD KYI, DE DAG DAM PA MA YIN PAS DE DAG LA NI MI BYA'O, ,BLA NA MED PA'I BYANG CHUB MNGON PAR RDZOGS PAR SANGS RGYAS PA LA DAM PA ZHES BYA'O, ,DE LA BYANG CHUB GONG MAR BSGRUBS SO, ,MA NUS NA ZHAR LA 'GRUB PAS BLA NA MED PA'I BYANG CHUB 'THOB PAR 'GYUR BA LA, DE LTAR BSGRIMS DANG LDAN PAR BYA, ,ZHES BYA BA NI SMON LAM GDAB PA DANG LDAN PAR BYA'O, ,THAMS CAD YOD PAR SMRA BA RNAMS KYI DGE TSUL GYI BYA BA RDZOGS SO,, ,, #, ,RGYA GAR SKAD DU, SHRA MA nE RA SHIKshA PA DA S'U TRA, BOD SKAD DU, DGE TSUL GYI BSLAB PA'I GZHI'I MDO, THAMS CAD MKHYEN PA LA PHYAG 'TSAL LO, ,SANGS RGYAS CHOS DANG TSOGS KYI MCHOG ,DGE 'DUN LA YANG PHYAG 'TSAL TE, ,DGE TSUL CHED DU BYA BA YI, ,MDO NI CUNG ZAD BSHAD PAR BYA, ,DE BZHIN GSHEGS PAS DGE TSUL RNAMS KYI BSLAB PA'I GZHI BCU PO GANG DAG MDOR BSDUS TE GSUNGS PA NI 'DI LTA STE, SROG GCOD PA SPONG BA'I BSLAB PA'I GZHI DANG, MA BYIN PAR LEN PA DANG, MI CHANGS PAR SPYOD PA DANG, BRDZUN DU SMRA BA DANG, 'BRU'I CHANG DANG SBYAR BA'I CHANG MYOS PAR 'GYUR BA BAG MED PA'I GNAS DANG, GAR DANG GLU DANG ROL MO'I SGRA DANG, PHRENG BA DANG, SPOS 'BYUNG PA DANG, RGYAN DANG KHA DOG 'CHANG BA DANG, MAL MTHON PO DANG, MAL CHEN PO DANG, DUS MA YIN PA'I KHA ZAS DANG, GSER DNGUL LEN PA SPONG BA'I BSLAB PA'I GZHI ZHES BYA BA'O ZHES BYA BA 'DI NI BCOM LDAN 'DAS KYIS BSLAB PA'I GZHI BCU PO MDOR BSDUS TE GSUNGS PA YIN NO, ,GANG YANG BTZUN PA SH'AKYA 'OD KYIS DE DAG TU GTOGS PA'I TSIG LE'UR SBYAR BA DANG, GANG YANG KHO BOS SLOB DPON DANG MKHAN PO DAG LAS CUNG ZAD BSLAB PA'I PHYIR KHO BOS TSANGS PA MTSUNGS PAR SPYOD @45B PA RNAMS KYI DON DU MDO CUNG ZAD BRTZAM PAR BYA'O, ,SROG GCOD PA SPONG BA ZHES BYA BA NI BSAMS BZHIN DU BUD MED DANG SKYES PA DANG MA NING DANG, LHA'I 'GRO BAR GTOGS PA'I SROG GCOD PAR MI BYED CING, GZHAN GYI SGO NAS KYANG MI BYED PA DANG, SNGAGS PA LA SOGS PA LA THABS KYIS GSOD PAR MI BYED PA DANG, GSAD PAR BYA BA'I PHYIR BZUNG BA DANG, GSOD BZHIN PA DANG, GSOD PA LA BAG MED PAR MI BYED PA DANG, SROG GCOD PA MTHONG BA LA YID DGA' BAR MI BYED PA DANG, THAMS CAD DU BYA BA MA YIN PA LA RJES SU YI RANG BAR MI BYED LA, SBYOR BAR YANG MI BYED CING GZHAN DAG LA SROG GCOD PAR YANG DAG PAR 'DZIN DU MI 'JUG PA DANG, SROG CHAGS GROG SBUR PHRA MO RNAMS KYANG BSAMS BZHIN GSOD PAR MI BYED PA'O, ,SROG CHAGS DANG BCAS PA'I CHU LA SOGS PA LONGS SPYAD PAR MI BYA'O, ,DRAN PA DANG SHES BZHIN DANG LDAN PA RNAMS NYI MA SHAR BA NA CHU LA SOGS PA BRTAG PAR BYA ZHING MI G-YO BA 'DI LA BRTAG PAR BYA STE, LHA'I MIG GIS MA YIN, YUN RING DU MA YIN, MYUR BAR MA YIN ZHING, DUS JI SRID KYIS SEMS DAG PA'I DUS DE SRID DU BRTAG PAR BYA'O, ,BRTAGS PA 'DI YANG JI SRID DU NYI MA MA SHAR BA DE SRID DU LONGS SPYAD DU RUNG BA YIN NO, ,BTZAGS PA LA SOGS PA DANG 'BREL PA SKYON MED PAR BYAS NAS BRTAGS PA'I CHU LAM DU 'GRO BA'I TSE RGYANG GROGS LNGA'I BAR DU BTUNG BAR BYA'O, ,CHU TSAGS LNGA PO RNAMS KYI NANG NAS GDON MI ZA BAR CHU TSAGS GCIG BCANGS NAS LAM DU 'GRO BAR BYA'O, ,CHU TSAGS LNGA NI CHU TSAGS GRU GSUM DANG, BUM TSAGS DANG RIL BA ZHABS TSAGS CAN DANG, BUM TSAGS GCE'U CAN DANG, BSAL TSAGS SO, ,RANG GIS MA BRTAGS PA'I CHU NI YID CHES PA'I TSIG GIS NYE BAR LONGS SPYAD PAR MI BYA'O, ,GAL TE GZHAN DANG MA 'DRES PA YIN NA RGYANG GRAGS KYI MTHA'I BAR DU CHU KLUNG 'BAB PA LA BRTAGS NAS BTUNG BAR BYA'O, ,CHUS GANG BA'I BUM PA LA SOGS PA LA BRTAG PAR BYA'O, ,CHU BTZAGS PA NI GAL TE SROG CHAGS YOD NA CHU'I KHRON PA DBEN PAR THAR PAR BYED PA'I SNOD KYIS SROG CHAGS DANG BCAS PA BTANG ZHING DBO BAR BYA STE, SA LA DBO BAR MI BYA'O, ,SROG CHAGS @46A *, ,MED BA'I CHU LA YANG MA YIN NO, ,MI SMRA BAR GYUR PA DANG SHES BZHIN DANG LDAN PA RNAMS KYIS LO MA LA SOGS PA LA BRTAG PAR BYA'O, ,LO MA LA SOGS PA LA BRTAGS PA NA GAL TE SROG CHAGS YOD NA RTZVA SNGON PO DANG BCAS PA'I SA'I PHYOGS SU DOR BAR BYA'O, ,SROG CHAGS DANG BCAS PA'I CHU LA SROG CHAGS DANG BCAS PAR 'DU SHES PA DANG, YID GNYIS ZA BA DANG, SROG CHAGS MED PA LA SROG CHAGS DANG BCAS PAR 'DU SHES PA DANG, YID GNYIS ZA BAR GYUR NA NYE BAR LONGS SPYAD PAR MI BYA'O, ,MTHONG BA DANG THOS PA DANG DOGS PA'I GZHI GSUM GYI YONGS SU DAG PA'I SHA YIN NA BZA' BAR BYA'O, ,GANG DANG GANG BZA' BA'AM BTUNG BAR GYUR PA DE DANG DE DAG NYID SO SOR BRTAG PAR BYA'O, ,GOS LA SOGS PA RNAMS LA SROG CHAGS RNAMS BRTAG PAR BYA ZHING DAG PAR BYA'O, ,DUS DANG DUS SU ZANG ZING CHU DANG BCAS PA DANG ZANG ZING MED PAR LONGS SPYOD PA'I BUM PA GTZANG BAR BYA ZHING, BKU BA DANG BSKAM PAR BYA STE, GANG GI PHYIR SNOD SKYON DANG BCAS PAR YIN NA SROG CHAGS SKYE BAR 'GYUR BA'I PHYIR RO, ,SHIG RNAMS NI RAS MAR BCUG LA RTZIG PA LA SOGS PA BU GA'I NANG DU GZHUG PAR BYA'O, ,RTZVA SHIG RNAMS NI DPYID KYI DUS SU RTZVA 'DUR BA DANG BCAS PA'I BSIL BA'I SA PHYOGS SU DOR BAR BYA ZHING, DGUN NI DRO BA'I PHYOGS SU'O, ,NAD PA LA DUG DANG MTSON DANG 'DOD PA'I ZAS BTUNG BA SBYIN PAR MI BYA'O, ,SMAN PA MKHAS PA LA DRIS NAS 'DI LA 'DOD PA'I ZAS DANG BTUNG BA DANG SMAN SBYIN PAR BYA'O, ,GLEN PA DANG MI SHES PA LA 'DI'I SMAN DPYAD BRTAG PAR MI BYA MOD KYI, 'ON KYANG MKHAS PA LA BRTEN PAR BYA'O, ,GANG GIS 'DI'I SEMS GZHAN DU GNAS PAR 'GYUR BA DE LTA BU'I CHOS NAD PA LA BSHAD PAR MI BYA'O, ,'DI LA NAD KYI 'JIGS PA LAS THAR TE TSE RING ZHING BRTAN PA DANG, BDE BAR 'GYUR BA DE LTAR SMRA BAR BYA'O, ,'DI JI SRID DU CHOS SPYOD PAR 'CHO BA DE SRID DU DGE BA MANG PO RAB TU SKYE BAR 'GYUR RO ZHES BYA BAR SBRO BA BSKYED PAR YANG BYA'O, ,NAD PA LA 'CHI BA'I BSNGAGS PA BRJOD PAR MI BYA'O, ,'CHI BA YANG DAG PAR 'DZIN PAR BYED DU MI GZHUG GO, ,BRTZE BA MED PA'I SEMS KYIS NAD G-YOG MI BYA'O,, @46B SHA NA RNYED PA 'THOB PA'I PHYIR YANG MA YIN NO, ,RIM GRO DAM PA'I NAD G-YOG BYA'O, ,RDEG PAR MI BYA'O, ,SBYOR DU GZHUG PAR MI BYA'O, ,RNAM PAR 'GYUR BAR MI BYA'O, ,'JIGS PAR MI BYA'O, ,KUN NAS DKRIS PA LA GNAS PAS KHRO BA LA BZOD PAR BYA'O, ,RDO LA RI MO BRIS PA LTA BU'I SEMS SU MI BYA MOD KYI, 'ON KYANG CHU LA RI MO BRIS PA LTA BUR BYA'O, ,BSAMS BZHIN DU 'GYOD PAR MI BYA'O, ,BZHAD GAD KYI PHYIR GA GA TSIL MI BYA'O, ,BRGYA LA NAD PA NA RE GAL TE KHYOD NGA'I DGRA LA SOGS PA GSOD PAR BYED DAM GZHAN LA BSGO NAS GSOD PAR BYED PA DE LTA NA NGA NAD LAS LDANG PA DANG 'CHO BA YIN PAR SMRA BA'I TSIG DE RNAMS NI RNAM PA THAMS CAD DU MI BYA'O, ,NAD PHAS KHYOD NGA GSOD DAM GZHAN BSGO NAS GSOD PA'I RANG BZHIN GYIS KHA NA MA THO BA DANG BCAS PA MI BYA'O, ,GZHAN BSGO NAS GSOD PAR BYED PA YANG MI BYA'O, ,NAD PAS SROG GCOD PAR MI BYA'O, ,SHI BA'I RO LA PHOL YOD PA DE LA DRAL NAS SROG CHAGS BRTAGS TE BSREG PAR BYA'O, ,SEMS CAN THAMS CAD LA BYAMS PA'I SEMS NYE BAR GZHAG PAR BYA'O, ,SEMS CAN 'DI RNAMS NYAMS SAM, BCINGS SAM PHAM PAR GYUR TAM, CHAD PAS GCAD PA LA LTOS PA MED PA'I SEMS SU MI BYA'O, ,DE LTA BU LA SOGS PA'I SROG GCOD PA RNAM PA DU MA YIN PA DE'I PHYIR SROG GCOD PA RNAM PA THAMS CAD DU THABS THAMS CAD KYI SGO NAS SROG LA BAB KYANG BSRUNG BAR BYA'O, ,JI SKAD BRJOD PA LAS 'DAS NA THAMS CAD 'DIR NYES BYAS SU 'GYUR RO, ,JI LTAR BDAG NYID KYI SROG BSRUNG BA DE BZHIN DU GZHAN DAG GI YANG BSRUNG BAR BYA BA STE, GANG GI PHYIR SROG GCOD PAR BYED PA NI TSANGS PA MTSUNGS PAR SPYOD PA RNAMS KYIS YONGS SU SPONG BAR 'GYUR BA DANG, DMYAL BAR YANG LTUNG BAR 'GYUR PA'I PHYIR RO, ,THAMS CAD DU YANG THABS THAMS CAD KYI SGO NAS SHES BZHIN DANG LDAN PAR BYA'O, ,DGE TSUL GYI BSLAB BA'I GZHI'I MDO LAS SROG GCOD PA SPONG BA ZHES BYA BA'I BSLAB PA'I GZHI DANG PO'O,, ,,MA BYIN PAR LEN PA SPONG BA ZHES BYA BA NI, RKU SEMS KYIS DGE 'DUN NAM GANG ZAG GI RDZAS MI LEN CING GZHAN GYI SGO NAS KYANG MI LEN LA, RKU SEMS KYIS GNAS @47A *, ,NAS GZHAN DU BSKYOD PAR MI BYED PA'O, ,GAL TE RDZAS DGOS PA YIN LA, YID GCUGS PA YIN NA, YID GCUGS PA DANG 'BREL PAS BLANG BAR BYA'I, RKU BA'I BLOS NI MA YIN MOD KYI 'ON KYANG DE DANG 'DRA BA'AM RIN DU GYUR PA SBYIN PAR BYA SNYAM PA 'DI LTA BU'I SEMS KYIS BLANG BAR BYA ZHING, DE DANG 'DRA PA BGRANGS LA RIN SPYIN PAR BYA'O, ,GTZUG LAG KHANG MANG PO RUNG MOD KYI THAMS CAD NAS RNYED PA LA SOGS PA BLANG BAR NI MI BYA STE, GANG KHO NAR GNAS PA DE KHO NAR BLANG PAR BYA'O, ,RKU SEMS KYIS GZHAN GYI TIL GYI PHUB MA YANG BLANG BAR MI BYA'O, ,GTAMS PA DBROG PAR MI BYA'O, ,GAL TE KHYIM PA 'GA' ZHIG GIS GTAMS TE BZHAG PA LAS NGA[?] SHI NA KHYOD KYI YIN NO ZHES SMRA BA NA LONGS SPYOD PA LA NYES BA MED DO, ,'ON TE MA DANG PHA DANG BU DANG NYE DU DANG BSHES RNAMS LA BYIN CIG ZER NA SBYIN PAR BYA'O, ,GAL TE DGE 'DUN LA PHUL CIG ZER NA DBUL BAR BYA'O, , 'ON TE CUNG ZAD KYANG MA SMRAS BAR SHI BAR GYUR NA NYAMS PAR MI BYA'O, ,GAL TE MA DANG PHA DANG BU DANG NYE DU LA SOGS PA SLONG DU 'ONGS NAS CHE GE MOS KHYOD LA 'DI DANG 'DI BZHAG PA LA KHO BO NI DE'I NYE DU YIN BAS DE KHO BO LA BYIN CIG CES ZER NA, GAL TE NYE DU YIN PAR SHES PAR GYUR NA DBANG PO'I MNGON SUM DU SBYIN PAR BYA'O, ,GANG GI PHYIR KHYIM PA RNAMS NI LTOS PA DANG BCAS PAS DUS BYED LA, RAB TU BYUNG BA RNAMS NI LTOS PA MED PAS YIN NO, ,'ON TE 'GA' ZHIG KYANG SLONG DU 'ONG BA MED NA, DE'I CHED DU SHI BA'I BSOD NAMS BYA'O, ,DGE SLONG NGAM DGE TSUL GYIS NYE BAR BZHAG STE SHI BAR GYUR NA DGE 'DUN LA DBUL BAR BYA'O, ,GAL TE 'GA' ZHIG GIS CUNG ZAD BCOL TE BZHAG PAR GYUR LA, DE DUS GZHAN DU NI GZHAN 'GA' ZHIG LEN DU BTANG NA DE 'DI LA SBYIN PAR BYA STE, MYUR BA NYID DU NI SPYIN PAR MI BYA MOD KYI 'ON KYANG 'DI SKAD DU DANG RTAGS KHYER LA SHOG SHIG CES BRJOD PAR BYA ZHING; GAL TE KHYER TE 'ONGS PA NA DANG RTAGS 'DRA BAR GYUR NA SBYIN PAR BYA'O, ,YANG NA CHE GE MO LA NGAS 'DI DANG 'DI LTA BU'I DANG RTAGS BYEN PA DES KHYOD LA GTAD PAR BYA BA YIN PAR DE NYID KYIS BRJOD NA SBYIN PAR BYA'O, ,YANG NA PHO NYA'I THAD DU MI SHES PA YIN NA RANG NYID KYIS GTAD PAR BYA BA'AM @47B YID CHES PA'I LAG TU BSKUR BAR BYA'O, ,RKUN MA DANG LHAN CIG GROGS PO MI BYA ZHING LAM BSTAN PAR YANG MI BYA'O, ,DE DANG LHAN CIG 'GRO BAR MI BYA'O, ,RKUN MA LA NYE BAR MKHO BA BCANG BAR MI BYA'O, ,RDON PA LA SOGS PA RNAMS KYIS RI DAGS LA SOGS PA SKYABS KYI DON DU GTZUG LAG KHANG DU BROS NAS 'ONGS PA YIN NA DE DAG BSRUNG BAR BYA'O, ,SHI NA DE DAG NYID LA SBYIN PAR BYA'O, ,GAL TE BU LON BLANGS NAS DUS LAS 'DAS PAR GYUR NA BGO BAR BYAS LA, YO BYAD LA SOGS PA RNAMS KYIS BU LAN DE DAG PAR BYA'O, ,NAD PA 'CHI 'DOD BAS NAD G-YOG LA 'DI SKAD DUNG SHIN NGA'I GOS LA SOGS PA GANG YIN DE KHYOD KYI YIN NO ZHES SMRAS NA BLANG BAR BYA'O, ,'ON TE GZHAN NAM DGE 'DUN GYI YIN ZER NA BLANG BAR MI BYA'O, ,GRUR ZHUGS PA NA LHUNG BZED LA SOGS PA GO BAR BYA STE GTONG BA NA NGAS BTANG GI BZUNG NGAM ZHES SMRAS PA NA, GAL TE LHUNG NA RIN SBYIN PAR MI BYA'O, ,MA SMRAS PAR LHUNG NA RIN SBYIN PAR BYA'O, ,GOS LA SOGS PA GTZUG LAG KHANG GI NANG DU LHUNG BA RNYED PAR GYUR NA, GAL TE 'GA' ZHIG 'ONGS NAS 'PHAGS PA NGA'I 'DI DANG 'DI LTA BU STOR BA DE KHYED KYIS GAL TE BLANGS NA DE SBYIN PAR BYA'O ZHES ZER NA BLANGS MOD KYI 'ON KYANG DAN RTAGS CI YOD CES BRJOD PAR BYA'O; ,GAL TE DANG RTAGS DANG BCAS PAR RJOD PAR BYED NA DBANG PO'I MNGON SUM DU SBYIN PAR BYA'O, ,'ON TE CUNG ZAD KYANG RMED DU 'ONGS PA MED NA RANG GIS LONGS SPYAD PAR BYA BA MA YIN GYI DGE 'DUN LA DBUL BAR BYA'O, ,GZHAN LA SNYAD BRTAGS PAR SMRA BAS PHA ROL PO GZHAN GYI NONG DBROG PAR MI BYA'O, ,MA BYIN LEN PA LA GZHAN DAG YANG DAG PAR 'DZIN PAR BYED DU MI GA ZHUG GO, ,SPRO BAR YANG MI BYA'O, ,NAD PAS NI BYIN PA LA RKU SEMS KYIS BLANG BAR MI BYA'O, ,GZHAN GYI SGO NAS KYANG BLANG BAR MI BYA'O, ,GCIG YIN YANG MA BYIN PAR LEN PA RNAM PA DU MA YIN PA DE'I PHYIR SROG LA BAB KYANG MA BYIN PAR BLANG BAR MI BYA'O, ,JE LTAR BDAG NYID KYI NAR BSRUNG BA DE LTAR GZHAN GYI YANG YIN TE, GANG GI PHYIR MA BYIN PAR LEN PAR BYED PA NI TSANGS PA MTSUNGS PAR SPYOD PA RNAMS KYIS SPONG BAR 'GYUR BA DANG, DMYAL BAR LTUNG BAR YANG 'GYUR BA'I PHYIR RO, ,DE'I @48A *, ,PHYIR MA BYIN PAR LEN PA NI RNAM PA THAMS CAD DU THAMS CAD KYI SGO NAS BSRUNG ZHING THAMS CAD DU SHES BZHIN DANG LDAN PAR BYA BA YIN NO, ,DGE TSUL GYI BSLAB PA'I GZHI'I MDO LAS MA BYIN PAR LEN PA SPONG BA ZHES BYA BA'I BSLAB PA'I GZHI GNYIS PA'O,, ,, MI TSANGS PAR SPYOD PA SPONG BA ZHES BYA BA NI BUD MED KYI ZAG BYED DANG BSHANG BA DANG KHA'I LAM RNAMS SU RANG GI YAN LAG GI RNAM PA BCUG NAS REG PA BDAG GIR MI BYED PA'O, ,DE BZHIN DU SKYES PA DANG, MA NING DANG, MI DANG, DUD 'GRO'I 'GRO BAR GTOGS PA LA SOGS PA RNAMS LA YANG NGO; ,TSOR BA DANG, RANG BZHIN NYAMS PA'I GNAS SKABS DANG, MI 'DOD PA LAS GAL TE MI TSANGS PAR SPYOD PAR BYED PA NA BDAG GIR MI BYA'O, ,KHYIM PA DANG, DGE SLONG DANG, DGE TSUL GZHAN DANG LHAN CIG LUS LA REG PAS NYAL BAR MI BYA MOD KYI 'ON KYANG SO SOR THA DAD PAR BYA'O, , GNAS MA RNYED NA GOS KYIS LUS SO SOR DKRIS LA MAL GCIG TU NYAL BAR BYA'O, ,MU STEGS CAN DANG KHYIM PA DANG LHAN CIG NUB GSUM PA LA NYAL DU MI RUNG NGO, ,SNANG BA LA YANG MA YIN NO, ,BSAMS BZHIN DU KHU BA DBYUNG BAR MI BYA'O, ,RMI LAM GYI NANG DU NI NYES PA MED DO, ,GANG LA'AM DE LA'AM THABS GANG GIS SAM, NGES YAN LAG GI RNAM PA BZUNG BA SNGON DU 'GRO BAS BRTZAL TE KHU BA DBYUNG BAR MI BYA'O, ,BUD MED DAG MTHONG NAS 'DOD CHAGS KYI SEMS SU GYUR NA MI SDUG PA BSGOM PAR BYA'O, ,BUD MED LA 'KHRIG PA BSLANG BAR MI BYA'O, ,'KHRIG PA'I RGYU MTSAN YANG BSTAN PAR MI BYA'O, ,'KHRIG PA'I GTAM MI BYA'O, ,BUD MED DANG LHAN CIG DBEN PAR NYI MA NUB KYI BAR DU 'DUG PAR MI BYA'O, ,YANG DANG YANG DU BUD MED LA BLTA BAR MI BYA'O, ,GAL TE 'GA' ZHIG 'GA' ZHIG TU MI TSANGS PAR SPYOD PAR BYED PA DER 'GRO BAR MI BYA'O, ,DER 'DUG PAR MI BYA ZHING BLTA BAR YANG MI BYA'O, ,BUD MED LA REG PAR MI BYA'O, ,CHUL LHUNG BA NYE BAR BYUNG SHIG CES 'O DOD 'BOD PAR BYED PA LA, 'GA' ZHIG KYANG GNAS PA MED NA MA DANG BU MO DANG SRING MO'I 'DU SHES BYAS TE NYE BAR GDON PAR BYA'O, ,BUD MED RNAMS LA CHAGS PA MED PA'I SEMS KYIS CHOS SMRA @48B BAR BYA'O, ,GCIG PU BUD MED RNAMS LA CHOS BSTAN PAR MI BYA'O, ,BUD MED DANG LHAN CIG KHYIM GCIG TU NYAL BAR MI BYA'O, ,STAN GCIG LA 'DUG PAR MI BYA'O, ,LAM DU 'GRO BAR YANG ME BYA'O, ,GAL TE SKYES PA YOD NA NYES PA MED DO, ,BUD MED RNAMS MTHONG NA LO'I TSAD DANG RJES SU MTHUN PAR SHES NAS MA DANG BU MO DANG SRING MO'I 'DU SHES SU BYA'O, ,BUD MED GNAS KHANG DU 'JUG PA SBYIN PAR MI BYA'O, ,GAL TE SMAN LA SOGS PA DANG DGE BA'I PHYOGS BYED NA NYES PA MED DO, ,DER YANG GCIG PU 'DUG PAR MI BYA'O, ,BUD MED DANG LHAN CIG BZA' BAR MI BYA'O, ,SNOD MED NA PHA MA DAG DANG LHAN CIG DBEN PA'I PHYOGS SU BZA' BAR BYA'O, ,YANG NA DE DAG 'U BU CAG LHAN CIG BZA'O ZHES ZER NA BDAG NYID DBEN PA'I PHYOGS SU BZA' BAR BYA'O, ,GAL TE BUD MED BYA BA MA YIN PA MI RIGS PAS MGRON DU GNYER NA LHAG PAR GNAS PAR MI BYA'O, ,BUD MED GAL TE MDUN DU BUD MED SLU ZHING; BUD MED G-YO BYED CING, BUD MED SGYU BYED PA LA BLTA BAR MI BYA'O, ,LAM DU 'GRO BAS BUD MED DANG LHAN CIG REG PAS 'GRO BAR MI BYA'O, ,BUD MED KYI GTAM MI BYA'O, ,GANG DU BUD MED KHRUS BYED PA DES MI BYA'O, ,BUD MED GCER BU YOD PA DER 'DUG PAR MI BYA ZHING BLTA BAR YANG MI BYA'O, ,RANG GOS MED PAS KYANG BUD MED KYI DRUNG DU 'DUG PAR MI BYA'O, ,BUD MED KYI YAN LAG DANG NYING LAG LA BLTA BAR MI BYA'O, ,BUD MED 'KHRIG PA YANG DAG PAR 'DZIN PAR BYED DU MI GZHUG GO, ,GZHAN LA 'KHRIG PA'I PHYIR RIN SBYIN PAR MI BYA'O, ,BUD MED KYI GAR DANG, GLU DANG ROL MO DANG, GOS RNAMS DANG, RGYAN RNAMS KYI SGRA LA NYAN PAS RO MYANG BAR MI BYA'O, ,BUD MED KYI THAD LAS DRIL PHYIS DANG, KHRUS DANG, BSKU MNYE BDAG GIR MI BYA'O, ,AE MA BDAG TSUL KHRIMS SAM, BRTUL ZHUGS SAM, DKA' THUB KYI TSANGS PAR SPYOD PA LA BRTEN PA 'DIS LHA NYID DAM, GZHAN GANG YANG RUNG SNYOM DU SMON PAS TSANGS PAR SPYOD PA SPYAD PAR MI BYA'O, ,BUD MED DANG LHAN CIG DGOD PA DANG RTZAB HRAL DANG RTZED MO MI BYA'O, ,MI TSANGS PAR SPYOD PA BYED PA LA LTA BA DANG DGA' BAR MI BYA ZHING SPRO BAR YANG MI BYA'O, ,GANG YANG GZHON NU MI TSANGS PAR SPYOD PA LA 'KHRIG PA'I @49A *, ,CHOS BSTEN PA'I MTHU DANG LDAN PA DE YANG SNGAR BSTAN PA'I RNAM PAS YONGS SU DOR BAR BYA'O, ,GAL TE NAD PA 'DI SKAD DU GANG BDAG BUD MED DANG LHAN CIG MI TSANGS PAR SPYOD PA 'KHRIG PA'I CHOS BSTEN CING BDAG LA BUD MED KHYER TE 'ONG BA DE LTAN BDAG 'TSO'O ZHES SMRAN RKYEN DES MI 'TSON YANG 'DI LA KUN TU SBYIN PAR MI BYA'O, ,NAD PAS MI TSANGS PAR SPYOD PA MI BYA'O, ,MI TSANGS PAR SPYOD PA BYED BA LA LTA BA THAG RING POR YONGS SU SPANG BAR BYA'O, ,JI LTAR 'BAR BA'I ME'I PHRENG BAS KHYAB PA YONGS SU DOR BAR BYA BA YIN PA DE BZHIN DU BUD MED KYANG YONGS SU DOR BAR BYA'O, ,DE LTA BU LA SOGS PA MI TSANGS PAR SPYOD PA RNAM PA DU MA YIN PA DE'I PHYIR RNAM PA THAMS CAD DU THABS THAMS CAD KYI SGO NAS SROG LA BAB KYANG MI CHANGS PAR SPYOD PA BSRUNG BAR BYA STE, GANG GI PHYIR MI TSANGS PAR SPYOD PA BYED PA LA NI TSANGS PA MTSUNGS PAR SPYOD PA RNAMS KYIS SPONG BA DANG, DMYAL BAR LTUNG BA YANG YIN NO, ,DGE TSUL GYI BSLAB PA'I GZHI'I MDO LAS MI TSANGS PAR SPYOD PA SPONG BA ZHES BYA BA'I BSLAB PA'I GZHI GSUM PA'O,, ,,BRDZUN DU SMRA BA SPONG BA ZHES BYA BA NI MI'I CHOS BLA MA MED PA LA MED BZHIN DU YOD PAR MI SMRA BA STE, 'DI LTA STE, DPER NA LHA LA SOGS PA RNAMS MTHONG NGO, ,LHA LA SOGS PA RNAMS KYIS KYANG BDAG MTHONG NGO, ,LHA LA SOGS PA RNAMS KYI SGRA THOS SO, ,LHA LA SOGS PA RNAMS KYIS KYANG BDAG GI SGRA THOS SO ZHES BYA BA LA SOGS PA DANG, DE BZHIN DU BSAM GTAN DANG, TSAD MED PA DANG, GZUGS MED PA DANG, 'BRAS BU DANG, MNGON PAR SHES PA DANG, 'DU SHES MED PA LA SOGS PA ZAG PA MED PA'I CHOS RNAMS BDAG GIS THOS PA MI SMRA BA'O, ,STAN KHRA BO LA SOGS PA NI DGRA BCOM PAS RNYED LA, BDAG GIS KYANG DE RNYED KYI GZHAN GYIS NI MA YIN NO, ,BDAG GIS DGRA BCOM PA THOB STE BDAG KHYAD PAR THOB PA LAS YONGS SU NYAMS SO, ,KHYIM 'DI GANG GIS YIN PA 'DOD CHAGS DANG BRAL BA YIN TE, BDAG GIS YANG 'DI YIN NO, ,DGRA BCOM PAS BDAG MTHONG NAS SMIN PAR BYED PA DE LA SOGS PA'I TSIG BRJOD PAR MI BYA'O, ,BDAG GI PHYIR RAM ZANG ZING GI PHYIR YANG SHES BZHIN DU BRDZUN DU SMRA BA BRJOD @49B PAR MI BYA'O, ,BDAG GI LUS SAM NGAG GIS SDIG PA'I LAS CUNG ZAD BYAS PA DE LA MKHAN PO LA SOGS PA RNAMS KYIS CI 'DI DANG 'DI LTA BU KHYOD KYIS BYAS SAM ZHES 'DRI NA DE LA JI LTAR GYUR PA BZHIN DU BRJOD PAR BYA'O, ,NYE DU DANG GROGS LA SOGS PA RNAMS DANG, GZHAN DANG GZHAN GYI LUS DANG NGAG GIS SDIG PA'I LAS CUNG ZAD BYAS PAR GYUR NA DE LA RGYAL PO'I PHO BRANG 'KHOR DU GTOGS PA'AM, GZHAN GYI 'KHOR DU GTOGS PA'I DBANG PO LA 'PHAGS PA 'DIS CI ZHIG BYAS ZHES 'DRI BAR GYUR NA, DE LA 'DI SKAD DU GAL TE 'DI LA NYE BAR GNOD PA CUNG ZAD KYANG MI BYED PA DE LTA NA BDAG CHE BZHI BYED KYI GZHAN DU MA YIN NO ZHES BRJOD PAR BYA'O, ,GAL TE MI BYED CES ZER NA DAM TSIG LA BKOD NA JI LTA BA BZHIN DU GYUR PA'I CHE BZHI DBYE BAR BYA'O, ,'ON TE MI SMRA NA RNAM PA THAMS CAD DU SROG LA BAB KYANG BRJOD PAR MI BYA'O, ,BZHAD GAD KYI PHYIR YANG SHES BZHIN DU BRDZUN DU SMRA BAR MI BYA'O; ,SLOB DPON DANG MKHAN PO DANG TSANGS PA MTSUNGS PAR SPYOD PA RNAMS KYIS DRIS PA'I TSIG LA GZHAN DANG GZHAN DU SPRO BAR MI BYA MOD KYI, 'ON KYANG G-YO SGYU BYED PA MA YIN PAS GANG KHO NA DRIS PA DE KHO NA BRJOD PAR BYA'O, ,GAL TE MI GSAD PAR BYA BA BROS PA MTHONG NA DE LA GSOD PAR BYED PAS KHYOD KYIS 'DI LTA BU BROS PA MTHONG NGAM ZHES 'DRI NA, DE LA GZHAN DANG GZHAN SPRO BAR BYA'O, ,DE LTAR BYAS PA NA GAL TE 'PHAGS PAS SMRA BAR BYA BA RJOD CIG CES ZER NA RE ZHIG SEN MO MTHONG NGO RE ZHIG NAM MKHA' MTHONG NGO ZHES BRJOD PAR BYA'O, ,DE LTAR BYAS KYANG 'PHAGS PAS SMRA BAR BYA BA RJOD CIG ,GZHAN DRIS PA NA GZHAN LUNG BSTAN PAS CI BYA ZHES ZER NA, PHYOGS BZHIR BLTAS TE 'DI SKAD DU DON DAM PAR SEMS CAN MA MTHONG ZHES BRJOD PAR BYA'O, ,NYE BAR GNOD PA RNAMS YONGS SU BSRUNG BA'I PHYIR GZHAN DANG GZHAN DU SPRO BAR BYA'O, ,SLOB DPON DANG MKHAN PO RNAMS CUNG ZAD SMRA NA CHOS DANG LDAN PA'I TSIG RNAMS BYA STE, GANG GI PHYIR DE BZHIN GSHEGS PA DANG, DGRA BCOM PA DANG, SLOB DPON DANG, MKHAN PO DANG, DGE 'DUN DANG, DGE 'DUN GYI GNAS BRTAN DANG, RGYAL PO DANG, DE'I 'KHOR RNAMS KYI TSIG SPANG BAR BYA BA MA YIN NO, ,RNAM PAR 'GYUR @50A *, ,BA THOB PA'I SLOB DPON DANG MKHAN PO NI DOR BAR BYA'O, ,TSIG RTZUB PO SMRA BAR MI BYA'O, ,MI'I SKYON NAS SMRA BAR MI BYA'O, ,CHE GE MO'I RIGS NI RIGS 'DI YIN NO ZHES BRJOD PAR MI BYA STE, DE BZHIN DU RDZA MKHAN DANG, MGAR BA LA SOGS PA'I RIGS KYANG NGO, , PHRA MA MI BYA'O, ,NAD PAS BRDZUN SMRA BAR MI BYA'O, ,GZHAN LA BRDZUN DU SMRA BA YANG DAG PAR 'DZIN DU GZHUG PAR MI BYA ZHING, SPRO BA BSKYED PAR MI BYA'O, ,DE LTA BU LA SOGS PA BRDZUN DU SMRA BA RNAM PA DU MA YIN PA DE'I PHYIR SROG LA BAB KYANG SHES BZHIN DU BRDZUN DU SMRA BAR MI BYA'O, ,BRDZUN DU SMRA BA NI RNAM PA THAMS CAD KYIS THABS THAMS CAD DU BSRUNG BAR BYA STE, GANG GI PHYIR BRDZUN DU SMRA BA NI TSANGS PA MTSUNGS PAR SPYOD PA RNAMS KYIS SPONG BAR 'GYUR BA DANG, DMYAL BAR LTUNG BAR 'GYUR BA'I PHYIR RO, ,BSLAB PA'I GZHI BZHI PO 'DI RNAMS NI RANG BZHIN GYI KHA NA MA THO BA DANG BCAS PA YIN PAS SROG LA BAB KYANG 'DI RNAMS NAD PAS KYANG SPYAD PAR MI BYA'O, ,DGE TSUL GYI BSLAB PA'I GZHI'I MDO LAS BRDZUN DU SMRA BA SPONG BA ZHES BYA BA'I BSLAB PA'I GZHI BZHI PA'O,, ,,'BRU'I CHANG DANG BCOS PA'I CHANG MYOS PAR 'GYUR BA'I KHU BA SPONG BA ZHES BYA BA NI 'BRU'I CHANG DANG, BCOS PA'I CHANG THA NA RTZVA'I MCHOG MAS KYANG BTUNG BAR MI BYED PA'O, ,'BRU'I CHANG NI ZAS KYI BTUNG BA'O, ,BCOS PA'I CHANG NI ME TOG DANG SNGON BU'I BTUNG BA'O, ,MYOS PAR 'GYUR BA NA 'BRAS BU'I BTUNG BA'O, ,MYOS PAR BYED PA'I 'BRAS BU GANG YIN PA DE NI BZA' BAR MI BYA STE KO tA BA YANG NGO,, MYOS PAR 'GYUR BA'I BTUNG BA LA MYOS PAR 'GYUR BAR 'DU SHES PA'AM, YID GNYIS ZA BA'AM MYOS PAR 'GYUR BA MA YIN PA LA MYOS PAR 'GYUR BAR 'DU SHES PAR BTUNG BAR MI BYA'O, ,TSIGS MA BZA' BAR MI BYA'O, ,MYOS PAR 'GYUR BA BSKOL BA LA NYES PA MED DE, DE YANG GAL TE MYOS PAR 'GYUR BA'I RO DANG DRI DANG BRAL BA YIN ZHING MYOS PAR 'GYUR BA'I KHA DOG DANG LDAN PA LA NYES PA MED DO, ,GZHAN LA 'BRU'I CHANG DANG BCOS PA'I CHANG GI KHU BA MI SBYIN ZHING SBYIN DU YANG MI GZHUG GO, ,'BRU'I CHANG DANG BCOS PA'I CHANG GI RIN MI SBYIN ZHING SBYIN DU YANG MI GZHUG GO, , @50B NAD PAS 'BRU'I CHANG DANG BCOS PA'I CHANG MYOS PAR 'GYUR BA'I BTUNG BA BTUNG BAR MI BYA STE, BCAS PA'I KHA NA MA THO BA DANG BCAS PA YANG YIN PA'I PHYIR RO, ,BSKOL BA'I KHU BA'I RNAM PA LTA BU DANG, CHA BA LTA BU BTUNG BAR BYA'O, ,BUM PA NI GSUM STE, BSHANG BA'I BUM PA DANG, GCI BA'I BUM PA DANG, CHANG GI BUM PA'O, ,DE LA JI LTAR BSTAN MA THAG PA'I BUM PA GNYIS PO YONGS SU DOR BAR BYA BA YIN PA DE BZHIN DU CHANG GI BUM PA YANG NGO, ,BCOM LDAN 'DAS KYIS KYANG DGE SLONG DAG NGA LA STON PAR SMRA BA RNAMS KYIS MYOS PAR 'GYUR BA THA NA RTZVA'I MCHOG MAS KYANG MI SBYIN ZHING MI BTUNG NGO ZHES GSUNGS SO, ,'BRU'I CHANG DANG BCOS PA'I CHANG MYOS PAR 'GYUR BA'I BTUNG BA YANG DAG PAR 'DZIN DU MI GZHUG GO, ,DE LTA BU LA SOGS PA MYOS PAR 'GYUR BA'I BTUNG BA RNAM PA DU MA YIN PA DE'I PHYIR 'BRU'I CHANG DANG BCOS PA'I CHANG THABS THAMS CAD KYI SGO NAS THAMS CAD DU BSRUNG BAR BYA STE, GANG GI PHYIR 'BRU'I CHANG DANG BCOS PA'I CHANG 'THUNGS PA LA TSANGS PA MTSUNGS PAR SPYOD PA RNAMS KYIS YONGS SU SPONG BAR 'GYUR BA DANG, DMYAL BAR LTUNG BAR YANG 'GYUR BA'I PHYIR RO, ,DGE TSUL GYI BSLAB PA'I GZHI'I MDO LAS 'BRU'I CHANG DANG BCOS PA'I CHANG GI BTUNG BA SPONG BA ZHES BYA BA'I BSLAB PA'I GZHI LNGA PA'O,, ,,GAR DANG GLU DANG ROL MO'I SGRA SPONG BA ZHES BYA BA NI GAR DANG GLU DANG ROL MO'I SGRA MI BYA ZHING GZHAN BYED DU GZHUG PAR YANG MI BYA BA'O, ,MCHOD PA'I DON DU SANGS RGYAS BCOM LDAN 'DAS LA BSTOD PA DANG, RGYUN CHAGS GSUM PA LA DBYANGS KYIS 'DON PAR BYED PA LA NYES PA MED DO, ,DBYANGS KYI NGA RO RANG BZHIN MNGON PAR MI SHES NA DBEN PAR ZHUGS TE BSLAB PAR BYA'O, ,GAR MKHAN LA SOGS PA GAR BYED PA LA BLTA BAR MI BYA'O, ,GANG DU GAR BYED PA DANG, GLU LEN PA DER 'DUG PAR MI BYA'O, ,STENG DU 'GRO BA DANG, MCHONG BA DANG, RGYUG PA DANG, RTZED MO MI BYA'O, ,CHU LA RTZED MO NYAMS SU MYONG BAR MI BYA'O, ,DGE TSUL GYI BSLAB PA'I GZHI'I MDO LAS GAR DANG GLU DANG ROL MO SPONG BA ZHES BYA BA'I BSLAB PA'I GZHI DRUG PA'O,, ,,PHRENG BA DANG SPOS NYUG PA DANG RGYAN DANG KHA DOG 'CHANG BA DANG SPONG BA ZHES BYA BA NI PHRENG BA DANG, @51A *, ,ME TOG SIL MA DAG BDAG GI LUS LA MI 'DOGS PA DANG, RANG LA DRI'I CHUS KHRUS MI BYED PA DANG, DGA' BA'I PHYIR GDU BU DANG, DPUNG RGYAN DANG, MGUL RGYAN LA SOGS PAS BDAG NYID KYI LUS LA RGYAN MI BYED PA DANG, BDAG NYID LA DRI ZHIM PO'I RDZAS KYIS NYUG PA LA SOGS PA MI BYED CING, LUS LA DRI ZHIM PO'I RDZAS KYIS YANG DAG PAR 'BYUG PAR MI BYED PA'O, ,CHOS GOS LA BDUG SPOS KYIS BDUG PAR MI BYA'O, ,GAL TE DRI MI ZHIM PA YIN NA DRI NGA BA SPANG BA'I PHYIR CHOS GOS LA BDUG SPOS KYIS BDUG PA DE NYID BYA'O, ,SANGS RGYAS BCOM LDAN 'DAS LA PHRENG BA DANG, SPOS NYUG PA DANG, RGYAN DANG KHA DOG LA SOGS PA DRI MA ZHIM PO'I RDZAS KYIS NYUG PAR BYA'O, ,GAL TE DGE BSNYEN DAD BA CAN GYIS DRI CHU DANG KHRUS BYED NA BKRU BAR BYAS TE, DE'I BSOD NAMS SPEL BAR BYA BA'I PHYIR RO, ,AUTPAL SNGON PO LA SOGS PA'I ME TOG RNYED PAR GYUR NA BSNAM PAR BYA STE, SLOB DPON DANG, MKHAN PO DANG, DGE SLONG DANG, 'JIG RTEN PA'I MDUN DU NI MA YIN NO, ,GANG GI PHYIR DRI ZHIM PO THAMS CAD NI MI GA DANG RJES SU MTHUN PA YIN NO, ,SO PHAG DAG GIS RKANG PA DAG MA GTOGS PA'I LUS LA YONGS SU BRUD PAR MI BYA'O, ,GAL TE DAD PA CAN DAG GIS LAG PA RKANG PA DAG LA DRI ZHIM POS 'BYUG PAR BYED NA DE'I MDUN DU DOR BAR MI BYA'O, ,DE BZHIN GSHEGS PA DANG, NYAN THOS KYI SKU GZUGS DANG, MCHOD RTEN DAG LA RJES SU BYUG PAR BYA'O, ,GAL TE DE KHYOD 'DI LTAR LONGS SPYOD PAR MDZOD CIG CES ZER NA DE'I PHYIR DGE BSNYEN GYI TSIG LAS LONGS SPYOD PAR BYA'O, ,NAD PA LA SMAN PA'I TSIG GIS DRI ZHIM PO 'BYUG PA DANG, DRI'I CHUS KHRUS BYED NA NAD PA LA NYES PA MED DO, ,DGE TSUL GYI BSLAB PA'I GZHI'I MDO LAS PHRENG BA DANG SPOS NYUG PA DANG, RGYAN DANG KHA DOG 'CHANG BA SPONG BA ZHES BYA BA'I BSLAB PA'I GZHI BDUN PA'O,, ,,MAL MTHON PO DANG, MAL CHEN PO SPONG BA ZHES BYA BA LA MAL MTHON PO NI GANG ZHIG ,STAN LA 'DUG PA'I RKANG PA SA LA MA REG PA YIN LA, MAL CHEN PO NI DNGUL DANG GSER DANG MU TIG LA SOGS PA RNAMS LAS @51B BYAS PA YIN TE, DE LA NYAL BA DANG 'DUG PAR MI BYA'O, ,DNGUL DANG GSER DANG NOR BU DANG MU TIG LA SOGS PA RNAMS LAS BYAS PA'I SENG GE'I KHRI LA MI RTAG PA'I 'DU SHES KYIS 'DUG LA CHOS NYAN PA SBYIN PAR BYA STE, DAM PA'I CHOS MCHOD PA'I PHYIR RO, ,STAN MTHON PO BKRA BA'AM NYE BAR BKRA BA LA 'DUG STE CHOS MNYAN PA SBYIN PAR BYA'O, ,MA GSOL BAR CHOS NYE BAR BSTAN PAR MI BYA'O, ,BKRA BA DANG NYE BAR BKRA BA'I STAN LA THUN MONG GI GNAS SKABS SU 'DUG PAR MI BYA'O, ,GAL TE DAD PA CAN GYIS KHYIM GYI NANG DU NYE BAR MGRON DU BOS PA DER DNGUL DANG GSAR LA SOGS PA RNAMS LAS BYAS PA'I STAN BSTABS PAR GYUR NA, DE LA MI RTAG PA'I 'DU SHES KYIS 'DUG PAR BYA BA DANG, DAD PA CAN RNAMS LA CHOS SBYIN ZHING LONGS SPYAD PAR BYA BA'I YANG PHYIR RO, ,G-YOGS MA MED PAR DGE 'DUN NAM GANG ZAG GI MAL CHA DANG STAN LA SOGS PA LONGS SPYAD PAR MI BYA'O, ,KO LPAGS KYI RANG BZHIN NAM, KO LPAGS DANG BRTAGS PA'I STAN LA 'DUG PAR MI BYA BA DANG, NYAL BAR YANG MI BYA, KHYIM PA'I KHYIM GYI NANG DU STAN MED NA 'DUG PA LA NYES PA MED DO, ,GTZUG LAG KHANG GI NANG DU SHING GI RANG BZHIN GYI LHAM BGO BAR MI BYA'O, ,GCI BA'I KHANG PA'AM, BSHANG BA'I KHANG PA'AM, KHYIM GYI NANG DU NI DOR BAR MI BYA'O, ,RJES SU MA GNANG BAR STAN LA 'DUG PAR MI BYA'O, ,MDZE CAN GYIS KYANG MA YIN TE, DGE 'DUN GYI KHRI DANG MAL CHA DANG STAN LA SOGS PA YANG SPANG BAR BYA'O, ,GTZUG LAG KHANG GI PHYI ROL DU 'DI'I GNAS KHANG BYA'O, ,NAD PA'AM RGAN PO DAG GIS NI KHYOGS LA 'GRO BAR BYA'I, THUN MONG GI GNAS SKABS SU NI GLANG PO CHE DANG, RTA DANG, SHING RTA'I BZHON PAS 'GRO BAR MI BYA'O, ,DGE TSUL GYI BSLAB PA'I GZHI'I MDO LAS MAL MTHON PO DANG MAL CHEN PO SPONG BA ZHES BYA BA'I BSLAB PA'I GZHI BRGYAD PA'O,, ,,DUS MA YIN PA'I KHA ZAS SPONG BA ZHES BYA BA NI DUS MA YIN PAR ZA BAR MI BYED PA STE, JI SRID SKYA RENGS SNGON PO SHAR NAS RANG GI NYI MA PHYED KYI BAR DE SRID DU DUS YIN LA, DE LAS GZHAN PA NI DUS MA YIN PA'O, ,NANG PAR LANGS NAS GDONG BKRU BAR BYA'O, ,DUS LAS @52A *, ,YOL BA NA LO MA DANG 'BRAS BU LA SOGS PA LONGS SPYAD PAR MI BYA ZHING, ZANG ZING YONGS SU MA DAG PA CUNG ZAD KYANG SPYAD PAR MI BYA'O, ,RGUN 'BRUM LA SOGS PA'I BTUNG BA MYOS PAR MI 'GYUR BA DANG, TZANG SHU DAG RAS KYIS BTZAGS LA ZANG ZING MED PAR BYAS NAS, DUS MA YIN PAR BTUNG BAR BYA'O, ,SKOM PAR GYUR NA BU RAM DANG LHAN CIG PA DANG SBRANG RTZI DANG LHAN CIG PA'I CHU YONGS SU BTZAGS TE DUS MA YIN PAR BTUNG BAR BYA'O, ,YA RABS RNAMS KYIS GNANG BA'I NYA DANG SHA GANG YIN PA DA NI GZHI GSUM GYIS YONGS SU DAG PA NA LONGS SPYAD PAR BYA'O, ,RO LA SOGS PA LA SRED PAR MI BYA'O, ,SHAN PA LAS KHYIM PA DAD PA CAN GYIS NYOS LA BZA' BAR BYA'O, ,SHA RJEN PA MI ZA'O, ,NAD PA LA DUS MA YIN PAR ZA BA LA NYES PA MED DO, ,NAD PA NYID NI NUS PA MED PA NYID MTHAR THUG PA YIN NO, ,ZANG ZING DANG BCAS PA'I CHU LA SOGS PA BTUNG BAR MI BYA'O; ,DGE TSUL GYI BSLAB PA'I GZHI'I MDO LAS DUS MA YIN PA'I ZAS SPONG BA ZHES BYA BA'I BSLAB PA'I GZHI DGU PA'O,, ,,GSER DNGUL LEN PA SPONG BA ZHES BYA BA NI SA LE SBRAM DANG DNGUL BDAG GIR BYED PA MI RUNG BA YIN GYI, LEN PA NI RUNG BA YIN NO, ,'GA' ZHIG GSER DANG DNGUL LA SOGS PA YON GYI CHED DU 'BUL BAR BYED NA, DE LA 'DI SKAD DU NGA'I CHOS GOS DANG BZA' BA NYOS LA BYIN CIG CES BRJOD PAR BYA'O, ,YANG NA 'DIS BDAG GIS CHOS GOS DANG BZA' BA LA SOGS PA NYO BAR BYA'O SNYAM PA 'DI LTA BU'I SEMS KYIS BLANG BAR BYA BA'AM, SBYIN BDAG SPRO BAR BYA STE BLANG BAR BYA'O, ,GLANG PO CHE DANG, RTA DANG, BA LANG DANG, KHYI DANG, PHAG DANG, BUD MED DANG, SKYES PA DANG, KHYE'U DANG, BU MO DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA LA SOGS PA'I YON NI BLANG BAR MI BYA'O, ,LOG PAR 'TSO BAS RNYED PA BSGRUB PAR MI BYA'O, ,TSUL 'CHOS DANG, KHA GSAG DANG, GZHOGS SLENG DANG, THOB KYIS 'JAL BA DANG, RNYED PAS RNYED PAR BYED 'DOD PA MI BYA'O, ,DGE TSUL GYI BSLAB PA'I GZHI'I MDO LAS GSER DNGUL LEN BA SPONG BA ZHES BYA BA'I BSLAB PA'I GZHI BCU PA'O,, ,,KHYIM PA'I @52B RTAGS SPONG BA ZHES BYA BA NI JI LTAR KHYIM BDAG GOS GYON PA DE LTAR GOS GYON PAR MI BYED PA DANG, NYIN PAR PHYI ROL NAS GOS DKAR PO DANG, KHA TSAR RING PO CAN GYON PAR MI BYED PA'O, ,TSON RTZI GSUM PO DAG GIS KHA BSGYUR BAR BYAS NAS 'CHANG DU RUNG STE, TSON RTZI GSUM NI DUR SMRIG DANG, NI LI KA DANG, DMAR PO DAG YIN NO, ,TSON CHEN PO BRGYAD PO DAG NI MI RUNG STE, MCHAL DANG, RGYA SKYAGS DANG, BCAD DANG, GUR GUM DANG, MTHING SHING DANG, LI KHRI DANG, RMA SHING DANG, LA BRGAN ZHES BYA BA NI TSON CHEN PO DAG YIN NO, ,CHOS GOS THAMS CAD NI SNGON PO'I KHA DOG CAN DU BGO BAR MI BYA'O, ,KHRA BO NYE BAR BKRA BA'I GDUGS BCANG BAR MI BYA'O, ,STE'U'I SO CI LTA BA DE BZHIN DU SEN MO GCAD PAR BYA'O, ,DGON PAR GNAS PAS NI SKRA SOR GNYIS LAS LHAG PAR GZHAG PAR MI BYA'O, ,GRONG MTHA' BAS NI DE LAS DMAN PA'O, ,GRI GU DANG CHAN PAS SKRA BREG PAR MI BYA'O, ,BYIN PA DANG, MCHAN KHUNG DANG, RKED PA DANG, SMIN MA BREG PAR MI BYA'O, ,SKRA BREGS PA'I RJES LA KHRUS BYA'O, ,TSOGS PA MED NA YAN LAG LNGA BKRU BAR BYA'O, ,PHYOGS GANG DU SKRA BREGS PA'I PHYOGS DER CHAG CHAG GDAB PAR BYA ZHING SKYANG NUL BYA'O, ,RNGA'I RNAM PA LTA BU'AM MDUNG RTZI'I RNAM PA LTA BU'I DKYIL 'KHOR BYA'O, ,MIG LA DUD PA BYUG PAR MI BYA'O, ,GAL TE MIG NA BA YIN NA NYES PA MED DO, ,ME LONG LA GDONG BA LTA BAR MI BYA'O, ,SKYO BA BSKYED PA'I CHED DU NI NYES PA MED DO, ,KHUR LCI BA MI BSKUR ZHING, PHRAG PA DANG, RKED PA DANG, MGO BO RNAMS KYIS BSDUS KHUR BU MA YIN NO, ,CHU'I PHYOGS SU RTZA BAR ZHVA GZUNG BAR BYA'O, ,SMAD SHAM THABS KUN NAS ZLUM POR BGO BAR BYA ZHING, STOD DU KUN NAS CHOS GOS KYANG NGO, ,BYA BA BYED PA'I TSE CHOS GOS KYI MTHA' MAR MDUD PA BCINGS LA LAS BYA'O, ,RNAM PA THAMS CAD DU KHYIM PA'I RTAGS KUN TU SPYAD PAR MI BYA'O, ,DGE TSUL GYI BSLAB PA'I GZHI'I MDO LAS KHYIM PA'I RTAGS SPONG BA ZHES BYA BA RDZOGS SO,, ,,RAB TU BYUNG BA'I RTAGS YANG DAG PAR LEN PA ZHES BYA BA NI RE ZHIG RIM GYIS BRJOD PAR BYA STE, MKHAN PO DANG SLOB DPON DAG LA NYE BAR @53A *, ,LDANG BAR BYA'O, ,JE DANG POR BSHANG BA DANG GCI BA'I KHANG PAR 'GRO BAR BYA STE, CHOS GOS BRDZES LA SE GOL BYAS NAS 'CHAG PA'I KHANG PAR 'JUG PAR BYA'O, ,BSHANG BA DANG GCI BA BYAS NAS MCHAN KHUNG DU BUM PA BZUNG STE LAG PA G-YON PAS BSHANG BA'I LAM DANG POR MA 'JAM PO'AM BONG BAS PHYI BAR BYA'O, ,DE NAS SA PHUNG GSUM PO DAG GIS BSHANG BA'I LAM DAG PAR BYAS NAS PHYIR BYUNG STE, RJES SU MTHUN PA'I GNAS SU SA PHUNG BDUN SO SOR GZHAG PAR BYA'O, ,DE NAS GZHAN SA PHUNG BDUN PO DAG GIS LAG PA G-YON PA DAG PAR BYA'O, , DE NAS LAG PA GNYIS SA PHUNG DE RNAMS KYIS DAG PAR BYA'O, ,SA BLANGS NAS SEN MO'I DRI MA BSAL BAR BYA'O, ,SA BLANGS NAS LAG NGAR DAG PAR BKRU BAR BYA'O, ,BUM PA NI SA PHUNG GCIG GIS DAG PAR BYA'O, ,BYIN PA DAG DANG RKANG PA DAG BKRU BAR BYA'O, ,RAB TU DBEN PA'I PHYOGS SU BSHANG GCI BYA'O, ,DE DAG DANG NYE BAR GTAM SNA TSOGS MI BYA, YUN RING DU GNAS PAR YANG MI BYA'O, ,KHA DON DANG BTZO BLAG LA SOGS PA YANG DER MI BYA'O, ,DE LAS DAL BUS 'ONGS NAS, DAL BU DAL BUS SGO GTAN PHYE STE, GNAS KHANG DU 'JUG PAR BYA ZHING SGO SKYES LA MA BRJED PAR BYA'O, ,RUNG BA'I CHU'I LAG PA DAG MKHRIG MA'I BAR DU BKRU BA'AM PHYI BA BYA'I, RDUL LAM SAS NI MA YIN NO, ,RIL BA SPYI BLUGS THOGS TE RAB TU DBEN PA'I PHYOGS SU SONG NAS SO SHING DOR BAR BYA'O, ,SO SHING NI RNAM PA GSUM STE, CHEN PO DANG, 'BRING DANG, CHUNG NGU DANG, CHEN PO NI SOR BCU GNYIS PA'O, ,CHUNG NGU NI SOR BRGYAD PA'O, ,'BRING NI DE DAG LAS BAR PA'O, ,DE RNAMS LAS GZHAN GANG YANG RUNG BAS DOR BAR BYA'I SHIN TU RTZUB PA DANG PHRA BA DAG GIS DANG YUN RING DU YANG MA YIN NO, ,DE RNAM PA GNYIS SU BKAS TE PHAN TSUN 'BRUD PA LA DAL BUS LCE BZHAR BAR BYA'O, ,CHUS BKRU BA'AM RDUL LAM, SO LA BRUD PAR BYA'O, ,DE BZHIN GSHEGS PA'AM, MCHOD RTEN NAM, SLOB DPON NAM, MKHAN PO'I MDUN DU SO SHING DOR BAR MI BYA'O, ,DGE SLONG MCHOG TU GNAS BRTAN RNAMS KYI DRUNG DU MA YIN NO, ,NYE BAR LONGS SPYOD @53B PA'I GNAS SU MA YIN NO, ,'CHAG SA DANG NYE BAR MA YIN MOD KYI 'ON KYANG RAB TU DBEN PAR BYA'O, ,KHA GDONG BKRUS NAS DE MA THAG BA NYID DU BCOM LDAN 'DAS LA PHYAG 'TSAL LO, ,DE GAL TE MKHAN PO LA PHYAG BYED NA MKHAN POS GDONG BKRU BA DANG SO SHING DOR BAR BYAS NAS, DE'I PHYIR DGONGS SU GSOL ZHES BYA BAS PHYAG BYAS NAS GUS PA DANG BCAS PAS BSKUL LA MNYAM MAM DRI BA DANG, KUN TU DRI BAR BYA'O, ,MKHAN PO DGENGS SU GSOL, CHAG CHAG DANG, PHYAG DAR DANG, SKYANG NUL DANG, KLOG PA DANG, KHA DON DANG, KUN TU SPYOD PA DAG BGYID CES ZHU BAR BYA'O; ,BRTZAM PA'I BYA BA THAMS CAD KUN TU DRI BAR BYA'O, ,KUN TU ZHUS TE DE BZHIN GSHEGS PA LA DKYIL 'KHOR BYA BA DANG, CHAG CHAG DANG, PHYAG DAR DANG, SKYANG NUL DANG, BSTOD PA MNGON PAR BRJOD PA DAG BYA BA DANG, DE BZHIN GSHEGS PA LA BSKOR BA BYA BA DANG, YAN LAG LNGAS DGE SLONG RNAMS LA PHYAG DAG BYA'O, ,TSUL KHRIMS 'CHAL PA LA YAN LAG LNGAS PHYAG MI BYA'O, ,NANG DANG BCAS PA LA'ANG PHYAG MI BYA'O, ,GNYIS PO DAG DANG LHAN CIG STAN GCIG LA 'DUG PAR MI BYA'O, ,DE'I RJES LA NYI MA SHAR BA NA CHU BRTAG PAR BYA'O, ,MKHAN PO LA KUN TU ZHUS TE MDUN DU 'GRO BA GUS PAR BYA'O, ,MA ZHUS PAR MTSAMS KYI NANG DU MCHOD RTEN LA PHYAG BYED BA DANG, CHU BTUNG BA DANG, SO SHING DOR BA DANG, BSHANG GCI DAG BYA'O, ,MA ZHUS PAR NI THA NA KHAB MIG TU SKUD PA GZHUG PAR YANG MI BYA'O, ,MKHAN PO GNAS PA MED NA GNAS KYI SLOB DPON LA ZHU BAR BYA'O, ,GNAS KYI SLOB DPON GNAS PAR MA GYUR NA DGE SLONG 'GROGS BSHES LA KUN TU ZHU BAR BYA'O, ,MA ZHUS PAR GNAS PAR MI BYA'O, ,GNAS MED PAR LJONGS RGYU ZHING 'GRO BAR MI BYA'O, ,TSUL KHRIMS 'CHAL BA DANG, NANG DANG BCAS PA DANG, LHAN CIG GANG DU'ANG 'GRO BAR MI BYA'O, ,DRIN PA DANG SHES BZHIN DANG LDAN PA DANG, GNYA' SHING GANG TZAM BLTA BA DANG, PHYOGS SU MI BLTA BA DANG, ZHI BA'I SPYOD LAM DANG, GTAM SNA TSOGS MI BYED PA DANG, CHOS KYI GTAM SMRA BA 'AM, 'PHAGS PA'I MI SMRA BA NYID KYIS 'GRO BAR BYA'O, , @54A *, ,GAL TE MCHOS STON GYI DUS SU DGE 'DUN GYI NANG DU 'JUG PA NA CHOS GOS KYI MTHA' MAR SGRO GU BCINGS NAS LAG PA GNYIS BKRUS TE, RKANG PA DAG BKRUS NAS GUS PA DANG BCAS PAS DGE 'DUN GYI NANG DU 'JUG PAR BYAS LA, GRAL RI MAS JI LTA BA BZHIN DU 'DUG STE, DRAN PA DANG SHES BZHIN DANG LDAN PAS LONGS SPYOD PAR BYA'O, ,SKAD GSANG MTHON POS BRIM PAR BYA BA 'BRIM DU MI GZHUG GO, ,BYIN CIG BYIN CIG CES BRJOD PAR MI BYA MOD KYI 'ON KYANG BRIMS SHIG CES SO, ,BSOD SNYOMS LA YONGS SU LONGS SPYOD PA NI RGYAGS PA'I PHYIR MA YIN, SGEG PA'I PHYIR MA YIN, BRGYAN PA'I PHYIR YANG MA YIN MOD KYI 'ON KYANG JI SRID KHO NAR LUS 'DI GNAS PAR BYA BA'I PHYIR DANG, TSANGS PAR SPYOD PA RJES SU GZUNG BAR BYA SNYAM PA DE LTA BU'I SEMS KYIS LONGS SPYAD PAR BYA'O, ,BCA' BA DANG BZA' BA LA SOGS PA GYA NOM PA RNYED NA DE MKHAN PO DANG SLOB DPON DAG LA BSTABS PAR BYA'O, ,DE DAG GIS KYANG TSOD RIG PAR BYA BA YIN NO, ,KHA KHAM DANG BCAS PAS SMRA BAR MI BYA'O, ,KHAM CHUNG BA'AM, CHE BA GZHUG PAR MI BYA, MGRON DU MA BOS PA'I ZAS MI BZA', SGOG PA BZA' BAR MI BYA'O, ,NAD PAS NI SMAN PAS LUNG PHOG NA BZA' BAR BYA'O, , JI SRID DU DRI DANG MA BRAL BA DE SRID DU DBEN PA'I PHYOGS SU GNAS PAR BYA'O, ,DGE 'DUN GYI NANG DU MCHI LA LHAM BGO SA NAS 'JUG PAR MI BYA'O, ,ZAS KYI TSOD RIG PAR BYA BA YIN NO, ,BYA ROG RNAMS KYIS LHAG MAR BYAS PA GANG YIN PA DE NI MCHUS SLEB TSAD BOR NAS BZA' BAR BYA'O, ,CHED DU MI BYA BAR ZAS KYI CHANG PA GZHAG PAR BYA'O, ,SNOD DAM TSOGS PA MED NA PHA MA DANG NYE DU RNAMS SAM, 'GROGS BSHES DANG, TSUL KHRIMS DANG LDAN PA'I DGE TSUL DANG LHAN CIG DBEN PA'I PHYOGS SU BZA' BAR BYA'O, ,TSUL KHRIMS 'CHAL PA DANG, LHAN CIG BZA' BAR NI MI BYA'O; ,ZANG ZING MED PA'I CHU DANG, LCE BZHAR DANG, SO SHING DAG GIS KHA ZANG ZING MED PAR BYA'O, ,DE NAS MKHAN PO LA YAN LAG LNGAS PHYAG BYAS NAS KUN DU ZHU BAR BYA'O, ,MKHAN PO DGONGS SU GSOL, KLOG PA DANG, KHA DON DANG, KUN DU SBYOD PA DAG SPYAD PAR ZHU'O ZHES ZHUS NAS, @54B KLOG PA DANG KHA TON LA SOGS PA BYA'O, ,ZAN ZOS PA'I DE MA THAG NYID DU SBYIN BDAG GI YON BSHAD PAR BYA'O, ,SGRA BRDA BYAS NAS MCHIL MA LA SOGS PA DOR BAR BYA'O, ,DGE 'DUN GYI RTZIG PA'AM, KA BA'AM KHANG PA'AM, RJES SU MTHUN PA'I GNAS PA GZHAN DU NI MA YIN NO, ,SHAM THABS KYI MTHA' MA GNYIS DANG DBUS SU BZUNG NAS YA GAD LA SOGS PA LA 'DZEGS PA DANG THUR DU 'BAB PA DANG, NYEN PAR GNYID LOG PAR BYA'O, ,SLOB DPON DANG MKHAN PO DAG GI THAD DU MA DANG PHA'I 'DU SHES NYE BAR GZHAG PAR BYA'O, ,DE DAG LA YANG RKANG PA DAG BKRU BA LA SOGS PAS BSNYEN BKUR BYA'O, ,DE DAG GIS KYANG DE'I STENG DU BU LTA BU'I 'DU SHES NYE BAR GZHAG PAR BYA'O, ,DE DAG LA YANG STON BA BZHIN DU GUS PAS BSNYEN BKUR BYA'O, ,MCHOG TU TSUL KHRIMS 'CHAL BA YIN NA YANG SLOB DPON DANG MKHAN PO DANG MA DANG PHA DANG NAD PA DAG LA BSNYAN BKUR BYA'O, ,SLOB DPON DANG MKHAN PO LA SOGS PA RNAMS LA MUN KHUNG DU PHYAG MI BYA, NAD PA RNAMS LA MA YIN, GOS GCIG PA RNAMS LA MA YIN, KHYIM GYI NANG DU GNAS PA RNAMS LA MA YIN, ZAS ZA BA RNAMS LA MA YIN, KHA ZANG ZHING DANG BCAS PA RNAMS LA MA YIN, BSHANG BA DANG GCI BA'I KHANG PA'I STENG DU GNAS PA RNAMS LA MA YIN, BYA BA GZHAN LA SEMS G-YENGS PA RNAMS LA PHYAG MI BYA'O, ,RANG NYID DE LTA BUR GYUR PAS KYANG PHYAG MI BYA'O, ,PHYAG BYED PAR 'DOD PAS DGONGS SU GSOL ZHES BRJOD PAR BYA'O, ,CANG MI SMRA BAR BYED NA PHYAG DAG BYA'O, ,YANG MA BYED CIG CES ZER NA MI BYA'O, ,SLOB DPON DANG MKHAN PO DANG TSONGS PA MTSUNGS PAR SPYOD PA RNAMS MTHONG NAS DE MA THAG PA NYID DU STAN SPONG BAR BYA'O, ,PHYAG NI RNAM PA GNYIS TE, SGYID PA NAS BZUNG BA DANG, YAN LAG LPAS SO, ,GAL TE BDAG NYID SKRA BREGS PAR GYUR NA SLOB DPON DANG MKHAN PO LA SOGS PA DANG, BCOM LDAN 'DAS LA YAN LAG LNGAS PHYAG BYA'O, ,SLOB DPON DANG MKHAN PO LA SOGS PA RNAMS KYI SKRA BREGS PAR GYUR NA YAN LAG LNGAS PHYAG BYA'O, ,GSAR BU DANG KHYIM PA DAG GIS GAL TE PHYAG BYAS PAR GYUR NA AA ROG GYA ZHES BRJOD PAR BYA'O, , @55A *, ,KHYIM PA LA PHYAG MI BYA, LHA GZHAN DAG LA PHYAG MI BYA'O, ,LAM DU 'GRO BA'I TSE LHA GZHAN GYI RTEN MTHONG NA BDE BAR GSHEGS PA'I TSIGS SU BCAD PA GDON PAR BYA'O, ,KHRON PA LA SOGS PA RNAMS NAS CHU BLANGS NAS SBYIN PA DANG LDAN PA'I TSIGS SU BCAD BA GDON PAR BYA'O, ,SHING LJON PA'I RTZA BA DANG, LHA KHANG LA SOGS PA RNAMS SU GNAS PA NA RGYUN CHAGS GSUM PA BRJOD PAR BYA'O, ,RGYUN CHAGS GSUM PA NI, DKON MCHOG GSUM LA PHYAG 'TSAL BA DANG, BSOD NAMS YONGS SU BSDO BA DANG, NGES PAR BYA BA DAG YIN NO, ,LAG PA DAG DANG RKANG PA DAG BKRUS NAS CHOS GOS RNAMS SBRUGS LA MCHIL LHAM DAG PHYIS TE ZHI BA'I SPYOD LAM GYIS GTZUG LAG KHANG DU 'JUG PAR BYA'O, ,DE GLAL BAR GYUR NA LAG BA'AM GZHAN GOS KYIS KHA DGAB PAR BYA'O, ,MCHOD RTEN GYI GRIB PA'AM BDE BAR GSHEGS PA'I SKU GZUGS KYI GRIB MA MTHONG NAS GTZUG LAG KHANG GI TSIGS SU BCAD PA BRJOD LA 'GOM PAR BYA'O, ,'THAB PAR BYED PA'AM, 'THAB TU GZHUG PA'AM, BLTA BAR YANG MI BYA'O, ,RGYAN PO BYED PA MI BYA'O, ,GANG DU CHO LO BYED PA DER 'DUG PAR MI BYA'O, ,DBANG PO BYED PA DER 'DUG PAR MI BYA'O, ,GNYA' BO MI BYA'O, ,CHOS ZONG DU MI BYA'O, ,BSOD NAMS KYI BLOS LAS BYA'I GLA RNGAN GYIS NI MA YIN NO, ,DAD PAS SPYIN PAR BYA BA DGE 'DUN NAM GANG ZAG LAS BYUNG BA YONGS SU LONGS SPYAD NAS SNYOM LAS KYIS DUS 'DA' BAR MI BYA'O, ,'ON KYANG KLOG PA DANG KHA TON DAG GIS SO, ,RGOD PA MED PA DANG RNAM PAR G-YENGS BA MED PAR BYA'O, ,GNAS BRTAN RNAMS DANG BAR MA RNAMS DANG, GSAR BU RNAMS LA GUS PA DANG BCAS PA DANG, ZHES DANG BCAS PAR BYA'O, ,MU COR MA YIN PA DANG, RNAM PAR G-YENGS PA'I TSIG MA YIN PAR BYA'O, ,NGO TSA DANG LDAN PAR BYA ZHING DBANG PO'I SGO BSDAM PAR BYA'O, ,GSONG POR SMRA BA DANG, DGA' BA'I GTAM DANG, KYE TSUR SHEG 'ONGS PA LEGS SO ZHES SMRA BA DANG, KHRO GNYER MAD PA DANG, 'JUM PA SNGON DU 'GRO BAR BYA'O, ,DUS SU MKHAN PO LA KUN TU DRI BAR BYA STE, MKHAN PO DGONGS SU GSOL, KUN TU DRI BA NI BDAG @55B KLOG PA DANG, KHA TON DANG, KUN TU SPYOD PA DAG BGYID CING, MTSAN MO'I THUN DANG PO DANG, MTSAN MO'I THUN THA MA LA MI NYAL BAR SBYOR BA LA RJES SU BRTZON PAR BGYID DO ZHES KUN TU DRI BAR BYA'O, ,KUN TU DRIS NAS KYANG KLOG PA DANG, KHA TON LA SOGS PA DAG BYA ZHNG MTSAN MO'I THUN DANG PO DANG, MTSAN MO'I THUN THA MA LA MI NYAL BAR SBYOR BA'I RJES SU BRTZON PA NYID DU BYA'O, ,DUS SU SPYAD PAR BYA'I DUS MA YIN PAR SPYAD PAR MI BYA'O, ,'DUG PA LA MKHAS PA DANG, NYAL BA LA MKHAS PAR BYA'O, ,'DUG PA DANG NYAL BA LA SO SOR BRTAG PAR BYA'O, ,SHIN TU KHYAD PAR CAN DANG, SHIN TU DMAN PA'I GOS BGO BAR MI BYA'O, ,LHAG PAR CHAGS PA MED PA'AM, MGO LHAG PAR G-YOGS PA MED PAR BYA BA'AM, RKANG PA'I STENG DU RKANG PA MI GZHAG PA'AM, KUN NAS G-YOGS PAR MI BYA BA'AM, DE BZHIN GSHEGS PA'AM, SLOB DPON NAM MKHAN PO'AM GNAS BRTAN RNAMS SAM, DGE SLONG RNAMS KYI MDUN DU 'DUG PAR MI BYA'O, ,DE DAG GI MDUN DU BCAG PAR YANG MI BYA BA NYID DO, ,'DUG PA LA 'GRENG STE CHOS BSHAD PAR MI BYA, NYAL BA LA 'DUG PAS MA YIN, STAN CHES MTHO BAR 'DUG PA LA STAN CHES DMA' BAR 'DUG PAS MA YIN, MGO ZHVA CAN DANG; COD PAN CAN LA MA YIN, BLANG PO CHE LA ZHON PA DANG, RTA DANG SHING RTA DANG KHYOGS NA 'DUG PA'AM, MCHIL LHAM CAN LA MA YIN NO, ,LHUNG BZED GNYIS BCANG BAR BYA STE, SA DANG LCAGS KYI RANG BZHIN NO, ,GO BAR BYA BA'I PHYIR DANG, KHYI RNAMS BSKRAD PAR BYA BA'I PHYIR KHAR SIL SGRA DANG LDAN PA BCANG BARBYA'O, ,RGAN PO LA NI GNAS BRTAN NAM, BTZUN PA'I TSIG GIS BRJOD PAR BYA'O, ,BAR MA LA NI GNAS BRSTAN GYI TSIG GIS SO, ,GSAR BU LA NI TSE DANG LDAN PA'I TSIG GIS SO, ,SLOB DPON DANG MKHAN PO DANG GNAS BRSTAN RNAMS LA NI TSE DANG LDAN PA'I TSIG GIS KUN TU BRJOD PAR MI BYA'O, ,GZHAN DAG LA SLOB DPON DANG MKHAN PO DAG GIJ MING GIS BRJOD PAR MI NBYA'O, ,DBYAR RNAMS LAS SNGA MA 'AM PHYI MA DAG TU DBYAR NYE BAR KHAS BLANGS BAR BYA'O, ,S NGA MA NI JI SRID DBYAR ZLA THA CHUGNS KYI ZLA BA'I TSES GCIG NAS, STON ZLA 'BRING PO'I TSES BCO LNGA'I DGAG DBYE'I @56A *, ,BAR DE SRID DU DBYAR 'DRAL BAR MI BYA'O, ,PHYI MA NI JI SRID STON ZLAR BA'I TSES GCIG NAS STON ZLA THA CHUNGS KYI ZLA BA YAR GYI NGO'I TSES BCO LNGA'I BAR DE SRID DU DBYAR 'DRAL BAR MI BYA'O, ,DE LTAR YANG DBYAR NYE BAR KHAS BLANG BAR BYA STE, MKHAN PO'AM, SLOB DPON NAM, DGE SLONG GZHAN DAG GI MDUN DU TZOG PUS 'DUG STE, THAL MO SBYAR BA BYAS NAS TSIG 'DI SKAD CES BRJOD PAR BYA'O, ,MKHAN PO DGONGS SU GSOL, DENG DGE 'DUN GYI DBYAR ZLA 'BRING PO NYE BAR BSGRUB PA'I DUS YIN LA, BDAG DGE TSUL MING 'DI ZHES BGYI BA'I YANG DBYAR ZLA 'BRING PO DBYAR NYE BAR BSGRUB PA'I DUS YIN TE, BDAG DGE TSUL MING 'DI ZHES BGYI BA MTSAMS KYI NANG DANG BCAS PA'I GNAS 'DIR JI SRID DU 'DI LTA STE, GNAS RAL BA DANG, 'DRUMS PA BCOS PA'I SLAD DU SBYIN BDAG CHE GE MO ZHES BGYI BA DANG, ZHAL TA BYED PA CHE GE MO ZHES BGYI BA DANG, NAD G-YOG BYED PA CHE GE MO ZHES BGYI BA DANG, SPYOD YUL GYI GRONG KHYER CHE GE MO ZHES BGYI BAS DBYAR ZLA BA GSUM NYE BAR KHAS BLANG BAR BGYI STE, BDAG DBYAR 'DI NAS MCHIS SHING BDAG GI DBYAR GYI GNAS NI 'DI LAGS SO, ,DE BZHIN DU LAN GNYIS LAN GSUM DU'O, ,THABS YIN NO, ,LEGS SO,, DBYAR NYE BAR KHAS BLANGS NAS GAL TE GZHAN GANG YANG RUNG BA ZHIG TU 'GRO BA NA CHOS KYI DON DU ZHAG BDUN BYIN GYIS BRLAB PAR BYA'O, ,MKHAN PO'AM, SLOB DPON NAM DGE SLONG GZHAN GANG YANG RUNG BA'I MDUN DU PHYAG 'TSAL NAS TZOG PUS 'DUG STE 'DI SKAD BRJOD PAR BYA'O, ,MKHAN PO DGONGS SU GSOL, BDAG DGE TSUL MING 'DI ZHES BGYI BA MTSAMS KYI NANG DANG BCAS PA'I GNAS 'DIR DBYAR SNGA MA ZLA BA GSUM GNAS PAR KHAS BLANGS PA LAS BDAG GI DGE TSUL MING 'DI ZHES BGYI BA CHOS DANG LDAN PA'I BGYI BA NYID KYIS ZHAG BDUN MTSAMS KYI SLAD ROL DU MCHI BA DANG DE TSUN CHAD KYIS SLAR MCHI BAR BYIN GYIS BRLAB BO, ,BDAG DBYAR 'DI NAS MCHIS SHING BDAG GI DBYAR GYI GNAS 'DI LAGS SO, ,DE BZHIN DU LAN GNYIS LAN GSUM MO, ,THABS YIN NO, ,LEGS SO, ,BYIN GYIS BRLABS NAS 'GRO BA NA ZHAG BDUN NAS SLAR LDOG PAR BYA ZHING DE BZHIN DU LAN GNYIS DBYAR 'DRAL @56B BAR MI BYA'O, ,SROG GI BAR CHAD DANG, TSANGS PAR SPYOD PA'I BAR CHAD DANG, BSOD SNYOMS CHAD PAR GYUR NA DBYAR RAL BA LA NYES PA MED DO, ,DE JI LTA BA BZHIN DU DBYAR PHYI MA KHAS LEN PA DANG, KHAS BLANGS PA BYIN GYIS BRLABS PA DAG CI RIGS PAR BRJOD PAR BYA'O, ,DE NAS DGAG DBYE'I NYIN MO DGAG DBYE BYA'O, ,'DI LTAR DGAG DBYE BYA STE, MKHAN PO'AM SLOB DPON NAM GZHAN GANG YANG RUNG BA'I MDUN DU TZOG PUS 'DUG PA NYID KYIS LAG PAS RTZVA D'UR BA LA BZUNG STE, THAL MO SBYAR BA BYAS NAS 'DI SKAD CES BRJOD PAR BYA'O, ,MKHAN PO DGONGS SU GSOL, DENG DGE 'DUN GYI DGAG DBYE BCO LNGA PA LAGS LA, BDAG DGE TSUL MING 'DI ZHES BGYI BA'I YANG DGAG DBYE BCO LNGA PA LAGS TE, BDAG DGE TSUL MING 'DI ZHES BGYI BAS TSUL KHRIMS KYI PHUNG PO YONGS SU RDZOGS PAR BYA BA'I PHYIR DGE 'DUN MA TSOGS PAS DENG DE SRID TSUN CHAD MKHAN PO'I MDUN DU DGAG DBYE BYIN GYIS BRLAB BO, ,GANG GI TSE YANG DGE 'DUN TSOGS PA RNYED PA DE'I TSE DGE 'DUN TSOGS PA DANG LHAN CIG DGAG DBYE BGYI'O, ,DE BZHIN DU LAN GNYIS LAN GSUM DU'O, ,THABS YIN NO, ,LEGS SO, ,CUNG ZAD SDIG PA'I LAS BYAS PA GANG YIN PA DE NI MKHAN PO'AM SLOB DPON NAM GZHAN DGE SLONG GANG YANG RUNG BA'I MDUN DU TZOG TZOG POR 'DUG STE, THAL MO SBYAR LA SO SOR BSHAGS PAR BYA'O, ,MKHAN PO DGONGS SU GSOL, BDAG DGE TSUL MING 'DI ZHES BGYI BA LA DUS 'DI'I NANG DU LUS DANG NGAG LAS BYUNG BA'I NYES BYAS KYI LTUNG BA DPAG TU MA MCHIS PA BYUNG BA GANG YIN PA DE BDAG DGE TSUL MING 'DI ZHES BGYI BAS, NYES BYAS KYI LTUNG BA DPAG TU MA MCHIS PA DE 'DI NYID DU MTHOL RAB TU STON TO, ,'CHAGS SO, ,RNAM PAR SMAD DO, ,MI 'CHAB BO, ,MTHOL ZHING BSHAGS NA BDAG DGE TSUL MING 'DI ZHES BGYI BA LA NYES BYAS KYI LTUNG BA DPAG TU MA MCHIS PA RNAMS SPANGS NA BDAG BDE BA LA REG PAR GNAS PAR 'GYUR GYI, MA MTHOL MA BSHAGS NA NI MI 'GYUR RO, ,LTUNG BAR MTHONG NGAM, MTHONG NGO, ,PHYIN CHAD SDOM MAM, SDOM MO, ,LEGS PAR SHIN TU SDOM PAR BYED DAM, SLAN CHAD DE LTAR MI BGYID @57A *, ,DO; ,DE BZHIN DU LAN GNYIS LAN GSUM DU'O, ,THABS YIN NO, ,LEGS SO, ,BSHAGS NAS SLAR MI BYED CING DE LTAR BSHAGS NA BDAG BDE BA LA RAG PAR GNAS PAR 'GYUR RO, ,BSHAGS PA BYAS NAS KYANG GSO SBYONG BYA'O, ,'DI LTAR BYA STE MKHAN PO'AM SLOB DPON NAM GZHAN DGE SLONG GANG YANG RUNG BA LA PHYAG BYAS NAS MDUN DU TZOG TZOG POR 'DUG STE, THAL MO SBYAR BA BYAS NAS 'DI SKAD CES BRJOD PAR BYA STE, MKHAN PO DGONGS SU GSOL, DGE 'DUN GYI GSO SBYONG BCU BZHI PA'AM, BCO LNGA PA LAGS TE, BDAG DGE TSUL MING 'DI ZHES BGYI BA'I TSUL KHRIMS KYI PHUNG PO YONGS SU RDZOGS PAR BGYI BA'I SLAD DU LTUNG BA BYIN GYIS BRLABS SHING BSHAGS TE, BAR CHAD KYI CHOS RNAMS YONGS SU DAG GO ZHES BDAG NYID MCHI'O, ,DE BZHIN DU LAN GNYIS LAN GSUM DU'O, ,THABS YIN NO, ,LEGS SO, ,THAMS CAD DU BSLAB PA LA GUS PAR BYA'O, ,YONGS SU DAG PAR YANG TSUL KHRIMS YONGS SU BSRUNGS BA LAS RNYED PA 'THOB PA DANG, MTHO RIS LA SOGS PA MTHO BA DANG, LEGS PAR TSANGS PAR SPYOD PA DANG BCAS PAS RANG GI YON TAN GRAGS PA YIN NO, ,BCOM LDAN 'DAS KYIS KYANG, GRAGS DANG RNYED PA 'THOB PA DANG; ,PHA ROL DU NI MTHO RIS DAG ,BDE BA GSUM PO DON GNYER PAS, ,SHES BZHIN DU NI TSUL KHRIMS BSTEN, ,ZHES GSUNGS SO, ,YANG, GNAS RNAMS 'DI DAG MTHONG BA YIS, ,MKHAS PA TSUL KHRIMS LA BRTEN PA, ,'PHAGS PA'I MTHONG BA THOB PA STE, ,'JIG RTEN DU NI ZHI BA 'THOB, ,CES GSUNGS SO, ,ME TOG DRI NI RDZI PHYOGS MI NA MI 'GRO, ,RTZVA'AM RGYA SPOS TZANDAN YANG MA YIN, ,MKHAS RNAMS DRI NI RDZI PHYOGS MI 'GRO STE, ,SKYES BU DAM PAS PHYOGS RNAMS KUN TU 'GRO, ,RGYA SPOS DANG NI TZANDAN NYID, ,DBYAR GYI DUS KYI AUTPAL BCAS, ,DRI YI RNAM PA DE DAG LAS,, TSUL KHRIMS DRI NI BLA NA MED, ,TSUL KHRIMS RNAM PAR MA DAG PAS, ,DMYAL BA'I SDUG BSNGAL CHEN PO YIN, ,'DI LTA STE MIG DBYUNG BA DANG, SHING BZHIN DU GSHAGS PA DANG, 'BRAS BU BZHIN DU BTZOS PA DANG, BU RAM SHING BZHIN BTZIR BA DANG, GTUN GYIS PHYE MAR 'THAG PA DANG, @57B LAG PA DANG, RKANG PA DANG, LCE GCOD PA DANG, ZANGS BSKROL BA 'THUNG BA DANG, LCAGS KYI THU LUM 'BAR BA ZA BA DANG, THAL TSAN GYI CHU BO LAS RGAL BA DANG, LCAGS KYI SHAL MA RI'I SDONG PO LA 'DZEG PA DANG, LCAGS KYI BUM PA'I NANG DU 'JUG PA DANG, MCHE BA RNON PO CAN GYI KHYIS ZA BA DANG, RAL GYI LO MA'I NAGS TSAL LA 'DZEG PA STE, DE LTA BU LA SOGS PA DANG, RNAM PA DU MAS DMYAL BA RNAMS SU SREG PA DANG, 'TSE BA DANG, RDUNG BA LA SOGS PA'I SDUG BSNGAL RNAMS TE, LHA'I PHO NYA'I MDO DANG, STOBS LA MKHAS PA'I MDO LAS BLTA BAR BYA'O, ,YI DAGS RNAMS KYANG BKRAS PA DANG, SKOM PA DANG, GNOD PA'I SDUG BSNGAL RNAMS DANG, DUD 'GRO GCIG LA GCIG ZA BA'I 'JIGS PA LA SOGS PA'I SDUG BSNGAL RNAMS TE, TSUL KHRIMS YONGS SU MA DAG PA LA NYES DMIGS DE LTA BU DANG GZHAN YANG YIN NO, ,JI LTAR DGE SLONG RNAMS CHOS BZHI DANG LDAN PAS DGE SLONG MA YIN PAR GYUR PA DE BZHIN DU DGE TSUL YANG DGE TSUL MA YIN PAR 'GYUR BA YIN NO, ,DE LTA BAS NA SROG LA BAB KYANG YONGS SU DAG PAR TSUL KHRIMS BSRUNG BAR BYA'O, ,DGE TSUL GYI BSLAB PA'I GZHI'I MDO LAS RAB TU BYUNG BA'I RTAGS YANG DAG PAR BLANG BA RDZOGS SO,, ,,DGE TSUL RNAMS KYI BSLAB PA'I GZHI, ,YANG DAG BSDUS PA BYAS PA LAS, ,BSOD NAMS BYUNG BA GANG BSAGS PAS, ,SKYE BO DGE BA'I SKAL LDAN SHOG, ,,MDO SDE 'DZIN PA'I SLOB DPON KA W'YA nA MI TRA SA MDZAD PA, DGE TSUL GYI BSLAB PA'I GZHI'I MDO RDZOGS SO,, ,, KHA CHE 'O MKHAN PO GRONG KHYER DPE MED KYI PAndI TA MA H'A DZA NA DANG, SH'AKYA'I DGE SLONG GZHON NU MCHOG GIS BSGYUR CING ZHUS TE GTAN LA PHAB PA LAS, SLAD KYIS KHA CHE'I PAndI TA PA RA HE TA DANG, LO TZ'A BA SH'AKYA'I DGE SLONG GZHON NU MCHOG GIS BCOS SHING ZHUS PA'O,, ,, #, ,RGYA GAR SKAD DU, NA D'A NA PUDGA LA SAm GRA HA K'A RI K'A, BOD SKAD DU, GLENG GZHI DANG GANG ZAG BSDUS PA'I TSIG LE'UR BYAS PA, DKON MCHOG GSUM LA PHYAG 'TSAL LO, ,YON TAN GZHI DANG YON TAN RGYUD, ,KUN MKHYEN LA NI PHYAG 'TSAL NAS, ,DANG PO GLENG GZHI @58A *, ,RNAMS BYUNG BA'I, STON BYED CUNG ZAD BSHAD PAR BYA, ,MA YI TSIG NI THOB PA'I PHYIR, ,BZANG BYIN SA BON 'DU SHES KYIS, ,SPONG BYED YUL DU 'KHRIG PA BYUNG, ,DANG PO CHU BUR BYUNG BA YIN, ,DE MA THAG TU MA BYIN LEN, ,RAB TU 'THOB PAR BSHAD PAR BYA, ,RGYAL PO'I KHAB TU NOR CAN GYIS, ,SHING NI MA BYIN LEN PA BYUNG, ,MI SDUG CHOS DANG PHRAD PA'I PHYIR, ,RI DAGS DBYIG PA CAN PHRAD NA, ,SROG GCOD PA YI BSLAB GZHI 'DI, ,SPONG BYED YUL DU KUN TU BYUNG, ,BSOD NAMS DON DU GNYER BA YI, ,YID 'ONG 'GRAM GYI DGE SLONG GIS, ,BSAM GTAN DE MED STON BYED PHYIR, ,YANGS PA CAN DU BRDZUN TSIG SMRAS, ,'CHAR KA YIS NI MNYAN YOD DU, ,BSOD SNYOMS PHYIR NI SNGON DU BYUNG, ,DE NAS BYUNG NAS CHAGS BCAS PAS, ,KHU BA 'BYIN PA BYUNG BA YIN, ,CHOS NI STON PAR BYED BZHIN DU, ,DE YIS KUN DU CHAGS PA LAS, ,DGE 'DUN LHAG MA'I LTUNG BA NI, ,LUS KYI REG PA BYUNG BA YIN, ,DE NYID KYIS DER RGYA SOGS KYIS, ,GNAS NGAN LEN TSIG BYAS PA YIN, ,GAL TE DE STOBS BCAS YIN NA, ,DE LAS NYES PA YONGS SU 'DZIN, ,DA LTA'I DGE SLONG TSUL KHRIMS LDAN, ,DGE BA'I CHOS CAN TSANGS SPYOD DE, ,BDAG LA BSNYEN BKUR BYED PA YI, ,BSNGAGS PA BRJOD PA 'DI YANG BCAS, ,DGE SLONG NAG PAS MNYAN YOD DU, ,BUD MED 'DOD PAS KHYIM RNAMS SU, ,SKYES PAS BLANG BAR BYAS PA STE, ,SMAN NI RDZOGS PAR BYAS PA YIN, ,DE YANG KHANG PAR RAB GSUNGS PA, ,GANG TSE TSAD LAS 'DAS PA DANG, ,DGE SLONG RNAMS KYI CHOS LUGS 'DAS, ,DE YIS LTUNG BA RDZOGS PAR 'GYUR, ,DRUG SDES LJON SHING BCAD NAS NI, ,RJES SU GNANG BAR MA BYAS PAR, ,GNAS KHANG DAG NI CHEN POR BYAS, ,DGE 'DUN LHAG MA THOB PA YIN, ,DGE SLONG MDZA' BO SA LAS SKYES, ,RGYAL PO'I KHAB TU MDZA' BO YIS, ,GYAD BU NOR LA LHAG MED KYIS, ,YANG DAG MIN PAR SKUR BA BTAB, ,DES NI RI DAGS MTHONG BA'I PHYIR, ,NYES PA BAG TZAM PHYOGS GTOGS PA, ,NYON MONGS BCAS PA DE LA NI, ,ZHE 'GRAS RGYU NI BZHAG PA YIN, ,RGYAL PO'I KHAB DAG NYID DU NI, ,LHAS MCHOD @58B 'BREL BA'I DGE 'DUN DAG ,LAS KYIS RJES SU 'PHRANG YIN PHYIR, ,LHAS BYIN GYIS NI THA DAD PHYE, ,DER NI KO KA LI KA SOGS, ,CHOS NI RNAM 'GYUR BYED PA YI, ,DGE SLONG SDIG PA'I LAS CAN RNAMS, ,DE DAG DE YI GROGS SU GYUR, ,RE LDE RI LA GNAS BCAS PA'I, , NAB SO 'GRO MGYOGS LA SOGS PAS, ,KHYIM RNAMS SUN PHYUNG MNYAN YOD DU, ,'DIR NI BSLAB PA BCAS PA YIN, ,LTUNG BA MI 'DOD BDUN PA YIN, ,KOO SH'A MA B'I RU DGE SLONG LA, ,RNAM 'GYUR BKA' BLO MI BDE BAR, ,NYAMS PAR GRAGS PA MA YIN NAM, ,DGE 'DUN LHAG MA GLENG GZHI RU, ,YANG DAG DGOS PA BSHAD PA YIN, ,DA NI 'CHAD PAR 'GYUR RNAMS KYI, ,MDOR BSDUS NAS NI BSHAD PAR BYAS, ,MNYAN YOD DU NI 'CHAR KA YIS, ,SBED MA DANG NI LHAN CIG TU, ,BRLA DANG BRLA SPRAD DBEN PAR GNAS, ,DE TSES GA MA YIS MTHONG, ,RGYAL PO'I KHAB TU SHI RI KAS, ,GSO SBYONG 'PHAGS DANG LHAN CIG TU, ,LEGS SKYES TSIG GIS RNAM PAR BYAS, ,'DAS MA THAG PA DE BZHIN BYAS, ,DGE SLONG RNAMS KYIS MNYAN YOD DU, ,GOS LHAG BYIN GYIS MA BRLABS PAR, ,ZHAG BCU LAS NI 'DAS PAR BCANGS, ,DE PHYIR SPANGS BA NYID DU SHES, ,STOD G-YOGS SMAD G-YOGS BCAS 'GRO BAS, ,SKYA RENGS DAG NI SHAR BA LAS, ,DGE 'DUN GNANG BA MA GTOGS PA, ,DGE SLONG RNAMS LA 'BRAL BA BSHAD, ,GOS NI MANG PO MED PA YIN, ,DGE SLONG GI NI KHA SOGS PHYIR, ,'DOD PAS BRTAGS NA ZLA GCIG TU, ,GZHAG BYA LHAG PAR MA YIN NO, ,CHOS BSTAN PAS NI GANG GI TSE, ,'CHAR KA CHAGS NAS DGE SLONG MA, ,NYE DU MA YIN SBED MA YI, ,LAM MCHOG TU NI GOS KHRUS BYAS, ,NYE DGA' SGO NA GNAS PA YIS, ,AUTPA LA YI MDOG LA NI, ,RAS KYI MCHOG NI BLANGS PA LA; ,BRJE BA MA GTOGS BLANG MI BYA, ,NYE DGA' YIS NI KHYIM PA LA, ,CHOS BSTAN NAS NI DUS BYUNG GROS, ,DE MED PAR NI DE YIS KYANG, ,MNGON DUS PHYED KYIS BGOS PA YIN, ,DRUG SDE RNAMS NI CHAGS NAS NI, ,STOD G-YOGS SMAD G-YOGS BCAS LHAG PAR, ,SLONG @59A *, ,PA 'PHROG PA'I DGE SLONG RNAMS, ,RUNG BA LA NI BRTEN PA YIN, ,NYE DGA' YIS NI GZHAN DAG GI, ,'KHRIG PA NA NI CHAGS PA BRTUL, ,JI SRID RNAM PAR SPAGS PA'I GOS, ,DES NI MNGON DUS PHYED KYIS BGOS, ,GOS NI SO SOR SPAGS PA LAS, ,CUNG ZAD TZAM GYI PHYOGS KYIS SHES, ,DES NI DE YI JI SRID DU, ,MNGON DUS PHYED KYIS BSLANGS PA YIN, ,DBYAR 'BYED KYIS NI PHO NYA LA, ,GZOD BYIN NAS NI NYE DGA' DES, ,SPOS 'TSONG DE LA CHAD PA DES, ,DGAG PA RAB TU BYAS PA YIN, ,DGE SLONG GIS NI STAN GYI PHYIR, ,SRIN BAL LAS NI BYAS PA YIN, ,SROG CHAGS GSOD PA'ANG DE YI PHYIR, ,STAN LAS DE NI LDOG PA YIN, ,DE BZHIN DE NYID DAG LA NI, ,BAL GYI STAN LAS CHAS SKYES TE, ,BAL NI NAG PO TSOL GYUR PAS, ,DE PHYIR KLOG PA NYAMS PAR GYUR, ,'KHOB BAL GYIS NI CHA GCIG DANG, ,DE BZHIN DU NI DKAR PO DANG, ,BAL NI NAG PO PHYED PHYIN TE, ,'DI NI STAN DU BYA BA YIN, ,STAN BYAS NAS NI DGE SLONG GIS, ,LO DRUG PAR DU BCANGS BYAS TE, ,LAS SAR PA NI MA GTOGS PAR, ,DE YI NANG DU DOR BYA'I PHYIR, ,RAB TU DAD BYAS TSONG PA YIS, ,GANG TSE GOS KYI SBYIN PA PHUL, ,MTHO GANG BAR GYIS GLAN BYA BA, ,ZHES BYA'I BSLAB PA BCAS PA YIN, ,DRUG SDES NI BA LA YUL DU, ,PHYIN NAS DE NAS SLAR 'ONGS TE, ,SHING RTA YI NI TSOGS KYI BAL, ,DE DAG GIS NI KHUR GYIS KHYER, ,'PHAGS MA SKYE DGU BDAG MO LA, ,'CHAR KAS BAL GYI LAS KYI PHYIR, ,CUNG ZAD BAL RMEL BCOL DE'I PHYIR, ,NYE DU MIN PAS RMEL MI BYA, ,SA LE SBRAM LEN RGYAL KHAB TU, ,NOR BU GTZUG PHUD CAN GYIS BKAG ,DRUG SDE DAG NI DE BZHIN DU, ,YONGS SU LEN PAR BYED PA'ANG YIN, ,MNYAN YOD DU NI NYE DGA' YIS, ,GCER BU PA LAS LA BA BLANGS, ,DE PHYIR DKON MCHOG MA GTOGS PAR, ,MNGON MTSAN CAN NI BKAG PA YIN, ,DE DAG NYID LA MDOR BSDUS NI, ,NYO TSONG DAG NI BYUNG BA YIN, ,DE PHYIR DE NI NYO TSONG DAG ,DGE SLONG RNAMS LA RAB TU BKAG ,RNYED CING RNYED CING LHUNG BZED RNAMS, ,SKYES BU CHE BA'I STOBS RNAMS NI, ,RMONGS @59B BA YIS NI 'CHANG BAR BYED, ,'ON KYANG ZHAG BCU BCANG BYA STE, ,DE LAS LHAG PAR BCANG MI BYA, ,GANG PHYIR DE BZHIN NYE DGA' NI, ,BSOD SNYOMS PA YI SBYOR BA YIN, ,LHUNG BZED YONGS SU BTZAL BAR BYAS, ,DE TSE THUB PAS BKAG PA YIN, ,BSLANGS PAS SNGON 'GRO SNAL MA YIS; ,DGE SLONG NYE DAGS RGYAL PO YI, ,SKYES BU CHE BA'I STOBS KYIS NI, ,RAS YUG 'THAG TU BCUG PA YIN, ,CHUNG AM DANG NI LHAN CIG TU, ,KHYIM BDAG GANG ZHIG DE YIS BTUL, ,JI SRID DE YI KHYIM SONG NAS, ,'THAG PA BSKYED PAR MI BYA'O, ,SBYIN PA BYIN PA'I RGYU YIS SU, , DGA' BOS CHOS LA SNAM SBYAR BYIN, ,KHROS PAS SLAR YANG DE LAS BLANGS, ,DE PHYIR SPANG PA'I LTUNG BAR SHES, ,DBYAR GNAS KYI NI RNYED PA DAG ,DBYAR GYI NANG DU BGO MI BYA, ,DRUG SDE RNAMS KYIS 'BAD PA YIS, ,DBYAR GYI NANG DU BGOS PA YIN, ,DGON PA PA YI SDOM BRTZON GYI, ,CHOS GOS KHYIM GZHAN YOD NA NI, ,ZHAG DRUG MTSAMS KYI PHYI ROL DU, ,GNAS BYA BDUN PA MA YIN NO, ,GCER BUS KHRUS BYAS LAS BYUNG BA'I, ,DBYAR GYI RAS CHEN TSOL LAGS NA, ,RTAG TU DUS MIN DE SRID DU, ,THUB PA YIS NI DGAG PA MDZAD, ,KHYIM PA 'GA' YIS DGE 'DUN LA, ,SNGAR NI CHOS GOS BSDOM PA LAS, ,MTHU DANG LDAN PHYIR NYE DGA' YIS, ,BDAG NYID LA NI YONGS SU BSGYUR, ,'PHAGS PA PI LIN DA PA YI, ,SLOB MAS SMAN DAG BSRES PA LAS, ,JI SRID 'TSO BA'I 'DU SHES KYIS, ,RGYAL PO'I KHAB TU ZOS PA YIN, ,SPANG BA RNAMS KYI GLENG GZHI NI, ,CUNG ZAD PHYOGS TZAM BSTAN PA YIN, ,DA NI DAG PA'I LTUNG BYED PA'I, ,YANG DAG BSGRUB PHYIR BSTAN PAR BYA, ,SGRA GCAN DANG NI LAG RGYUD KYI, ,DAD PA CAN RNAMS RNAM 'GYUR ZHING, ,RGOL BA DE LTAR GYUR PA YIN, ,RGYAL PO'I KHAB TU BRDZUN TSIG SMRAS, ,KHROS PAR GYUR PA'I DRUG SDE YIS, ,DGE SLONG RNAMS LA MNYAN YOD DU, ,SKYES BU SMAN PAS STON BYED TSIG , ,KHYED NI THENG PO YIN SMRAS GRAG ,DGE SLONG DBYE BA'I BYED PA POR, ,DE YANG DER NI RAB TU BSGRAGS, ,'DI NAS THOS NAS GZHAN SONG STE, ,PHYIN CI LOG TU SMRA BAR BYED, ,CHOS KYIS KYANG LAS BYAS PA YANG, ,SKYO SPOGS @60A *, ,BYED PAR SHES NAS NI, ,LEGS BYAS SLAR NI BYA BA LA, ,ZHI BA DAG NI MA YIN NYID, ,YAN LAG NOR BU'I RIGS THOB NAS, ,BUD MED YUL LA STON PA BKAG ,DE YIS RIG PA GNAS PA DANG, ,THE TSOM CAN LA STON PAR BYED, ,BRAM ZE SNGAGS NI 'DON PA LTAR; ,DGE TSUL RNAMS DANG LHAN CIG TU, ,DGE SLONG MNYAM PA'I TSIG DAG GIS, ,CHOS NI 'DON PAR BYED PA YIN, ,GNAS BRTAN 'DI NI CHOS BSNYEN BKUR, ,BRAM ZE RNAMS NI SMRA BAR BYED, ,MA YIN DE DAG LHAG MA CAN, ,DRUG SDE DAG NI STON PAR BYED, ,CHU KLUNG YID 'ONG 'GRAM GNAS PA'I, ,DGE SLONG DAG GI BDEN PA YIN, ,BLA MA'I CHOS NI ZAB PA'I PHYIR, ,YANGS PA CAN DU SMRAS PA YIN, ,RGYAL PO'I KHAB TU GYAD NOR LA, ,TSOGS PAS GSOL BA BYAS NAS NI, ,DGE 'DUN GYIS NI CHOS GOS BYIN, ,MDZA' BO SOGS KYIS SKUR BA BTAB, ,MNYAN YOD DU NI ZLA PHYED CING, ,SO SOR THAR PA RTAG TU 'DON, ,CI YI PHYIR NI RMA SOS PA, ,'DRAL BAR BYED PA DRUG SDES SHES, ,SNGON NI SHING MKHAN GYUR PA YIS, ,SHING BCAD NAS NI GTZUG LAG KHANG, ,BYAS TE LHA NYID DAG LA YANG, ,MCHOG TU GNOD PA BYUNG GYUR PA, ,DGE 'DUN GYI NI LAS DANG 'BREL, ,RGYAL PO'I KHAB TU PHYIN PA YI, ,GYAD NOR DE LA DE DAG GIS, ,YON TAN SUN PAR BYAS PA YIN, ,MDOR BSDUS PA NI KOO SH'A MA B'I RA, ,'DUN PA DE YIS LTUNG SHES NAS, ,KHAS LEN PAR NI MI BYED PAS, ,BSGO BA RNAL GZON PA YIN, ,DGE SLONG DAG GIS MNYAN YOD DU, ,GNAS MAL BLA GAB MED POR NAS, ,ZAS KYI DON DU SONG BAR GYUR, ,DE NAS THUB PAS GSUNGS MDZAD DO, ,LHO PHYOGS NAS NI 'ONGS PA YI, ,BSNYEN BKUR DON DU DGE SLONG DAG ,RGYAL BYED TSAL DU PHYIN PA YIN, ,RTZVA YI STAN NI BTING NAS SONG, ,SNGON NI 'CHAR KAS MNYAN YOD DU, ,SLOB MA GTZUG LAG KHANG DU PHYUNG, ,SLAR NI BYA BA MA YIN TE, ,BZLOG PA'I DON DU BYAS PA YIN, ,DES NI 'DU 'DZI'I GTAM BYAS NAS, ,PHYI NAS SGO NI 'BYED PAR BYED, ,NYAL BA RNAMS KYIS BAR DE NI, ,NYAL BA RNAMS LA GNOD PA BYAS, ,KHROS PAR GYUR PAS NYE DGA' @60B YIS; ,'BYUNG DU RUNG BA'I KHRI RKANG GIS, ,DER 'OG 'DUG PA'I GROGS PO YI, ,MGO NI MTSAN MO 'GAS PAR BYAS, ,'DUN PA YIS NI KOO SH'A MA B'IR, ,SROG CHAGS DAG DANG BCAS PA YI, ,CHU DANG SA DAG NGES PAR BSRES, ,PHYI NAS RTZVA DANG LCI SOGS BSRES, ,CHU KHUNG MED PA NYID DANG NI, ,SBYANG GI RNAM PA LTA BU YI, ,'DIR NI GTZUG LAG KHANG PA BRTZIGS, ,DE LTA BU NI MI BYA'O, ,MNYAN YOD DU NI DRUG SDE YIS, ,DGE SLONG RNAMS KYIS MA BSKOS PAR, ,DGE SLONG MA RNAMS GDAMS PA YIN, ,PHAN TSUN 'DOD PAS GZUNG BAR BYAS, ,DGA' BYED KYIS NI DUS MIN PAR, ,DGE SLONG MA RNAMS CHOS STON BYAS, ,PHYI ROL DU NI GNAS PA'I BAR, ,SKYE BO RNAMS KYIS SMAN PA YIN, ,ZANG ZING DAG NI CUNG ZAD TZAM, ,DGE SLONG MA YI DGAG DBYE LA, ,'JIGS PA MED PAR BYA PHYIR PHUL, ,DE PHYIR NYE DAGS SKUR PA GTAB, ,'CHAR KAS 'DIR NI SKUD PA YIS, ,SBED MA YI NI CHOS GOS LA, ,SBED MA 'KHYUD PA DANG LDAN PA'I, ,RANG GI GZUGS NI BRIS PAR GLAN, ,DGE SLONG MA NI BRTZON PA YIS, ,DGE SLONG GIS NI CHOS GOS BYIN, ,LHAG MA MED PAS GNOD PA'I PHYIR, ,DE BZHIN DU NI BSLAB PA BCAS, ,SBOM DGA' MO YI GROGS DANG NI, ,LHAN CIG DRUG SDE 'GRO BAR BYED, ,CHUNG MAR SMRA BA'I GLENG GZHI LAS, ,DE PHYIR SMAD PAR BYAS PA YIN, ,DE NYID KYI NI RGYUN GNAS TE, ,GRU YI BA ZHON PAS 'GRO MI BYA, ,RGYUN PHYOGS SU YANG MI BYA NYID, ,'BAD PA YIS NI PHA ROL 'GRO, ,SNGON GYI RTZED MO RNAMS DANG NI,, NYAMS RNAMS DANG NI DRAN PA YIS, ,'CHAR KA SBED MA LHAN CIG TU, ,DBEN PAR LHAN CIG 'DUG STE GNAS, ,DE NI RIM PA DE NYID KYIS, ,DBEN PAR GNAS TE SPYOD MA YIN, ,DGE SLONG GIS NI DGE SLONG MA, ,DE NYID KYANG NI BSGRUB 'DIR SHES, ,SBYIN PA PO NI DE DAG GIS, ,LNGA PO RNAMS LA BSAD SNYOMS SPAGS, ,DRUG SDE RNAMS LA DGE SLONG MA, ,SBOM DGA' MO YIS BSKO SHAM BYAS, ,DRAG SHUL CAN GYIS MGRON BOS PA'I, ,DRUG SDES YANGS PA CAN DU NI, ,AA MRA DANG NI NKHUR BA DANG, ,GZHAN DU ZOS NAS MA DAD BYAS, ,MNYAN YOD DU NI PHYI ROL TU, @61A *, ,RAB TU BYUNG BA RNAMS KYI PHYIR, ,KHYIM PA YI NI 'DUG GNAS BYAS, ,DRUG SDES DER SONG MA DAD GYUR, ,G-YAS ZHAR BAG MAR BLANGS PA YIS, ,RGYU MTSAN BZANG BA GANG YIN PA, ,LHUNG BZED BYUR BUR BSGRUB PA YIS, ,DRUG SDES BLANGS PAS DE MA GRUB, , SBANGS PA DANG NI MA SPANGS PA, ,DRUG SDE DAG GIS ZOS PA YIN, ,DE PHYIR THAMS CAD MKHYEN PA YIS, ,PHYIS NI LHAG POR RJES SU GNANG, ,SLOB DPON 'DI YIS BDAG KUN DU, ,KLAN KA DAG NI BTZAL SNYAM NAS, ,YANG YANG LTUNG BYUNG RGAN ZHUGS DES, ,LHAG POR MA BYAS PAS BSLUS GRAG ,RGYAL PO'I KHAB KYI GNAS SU NI, ,DGE SLONG LNGA BRGYA DANG LHAN CIG ,LHA SBYIN GYIS NI BZA' BA ZOS, ,DE TSE 'DUS SHING ZA BA DRAN, ,MNYAN YOD SKYED MOS TSAL DU NI, ,KHYIM PA RNAMS DANG LHAN CIG TU, ,BCU BDUN SDE YIS BZA' BA ZOS, ,DE PHYIR DUS MIN BSLAB PA BCAS, ,DGE SLONG NAG POS 'BRAS CHAN NI, ,BSOD SNYOMS BYAS TE BSKAM BYAS NAS, ,BZHAG PAR BYAS PA MA YIN NAM, ,DE PHYIR DE NI BSLAB PA BCAS, ,DUR KHROD GCAN GZAN ZOS PA'I PHYIR, ,NAG PO CHEN PO SMAD PA YIN, ,BYIN LEN MA BYAS PA YI ZAS, ,BKAG PA DRUG SDE RNAMS KYIS ZOS, ,DE MA THAG TU SER SKYA BZHIN, ,MING CHEN GYI NI GNAS SU NI, ,ZA BZHIN PA YI DRUG SDE YIS, ,GZHAN NAS 'O MA BLANGS NAS SPYAD, ,'DUS PAS SROG CHAGS DANG 'DRES PA'I, ,CHU NI GANG PHYIR NYER SPYAD PA, ,DE PHYIR BCOM LDAN 'DAS KYIS NI, ,KOO SH'AM B'IR NI BKAG CES GRAGS, ,TSONG PA CHAGS DE LA GNOD PHYIR, ,'CHAR KA KHYIM DU MYUR SONG NAS, ,CHOS NI STON PAR BYED PA YIS, ,GNAS PAR 'GYUR BA MA YIN NAM, ,DER DE LTA BU'I RNAM PA RU, ,SHES NAS 'CHAR KA DE BZHIN YANG, ,KHYIM DU MYUR DU SONG NAS NI, ,SGO YI RGYAB TU GNAS PA YIN, ,MNYAN YOD SKUD 'KHAL RNAMS ZAS LA, ,'PHAGS PA KUN DGA' ZHAL TA BYED, ,GCER BU MO LA 'KHUR BA GNYIS, ,LTUNG BAS NYES PA KUN NAS SLONG, ,DMAG NI 'THAB PHYIR YANG DAG 'BYUNG, ,DRUG SDES BONG BU LTAR SMRAS PAS, ,KHROS PAR GYUR PA DE YI TSE, , @61B DMAG LA LTA BAR GYUR PA BKAG ,DE TSE DE LTAR NYID SONG BA, ,DE DAG GIS NI SMAD CING DKRUGS, ,GNAS PAR MI BYA RKYEN YOD NA, ,NUB GNYIS BAR DU GNAS PAR BYA, ,GANG PHYIR DE NA GNAS PAS KYANG, ,BSHAMS PA'I RIM PA DKRUGS BYED CING, ,'JIGS PA SKYED PAR BYED PA NYID, , DE PHYIR THUB PAS BKAG PA YIN, ,NYE DGA' LA NI BRTEN PA NI, ,BCU BDUN SDE RNAMS BTZO BLAG GI, ,LAS KYI DON DU RAB TU BOS, ,DE DAG MI NYAN DE TSE RDEG ,DE BZHIN DU NI LAS BYA'I PHYIR, ,MNGON BRJOD GANG TSE MI BYED LA, ,DE YIS DE DAG RDOG PAR GZAS, ,DE TSE BSLAB PA BCAS PA YIN; ,DGE 'DUN LHAG MA BCAS PAR NI, ,DGE SLONG CHOS KYIS MTHONG 'GYUR TE, ,NYE DGA' YIS NI BZLOG BYAS KYANG, ,DES NI DGE 'DUN LA RIG BYAS, ,SNGON GYI GNOD PA BYED PA YI, ,RGYU MTSAN YONGS SU BSAMS NAS KYANG, ,NYE DAGS DGE SLONG CHOS KYI NI, ,ZAN NI YONGS SU GCOD PAR BYED, ,LJON PA LA NI ME BTANG BAS, ,SBRUL NI LTUNG BAR GYUR PHYIR DANG, ,DRUG SDES MGAL MES BSKOR BYAS PHYIR, ,ME LA REG PA BKAG PA YIN, ,NYE DGA' GNAS NAS DBYUNG BA'I PHYIR, ,DGE SLONG RNAMS KYIS SBYOR BA BRTZAMS, ,'DUN PA BYIN PA DGA' BA YIS, ,SLAR NI NYAMS PAR BYAS PA YIN, ,DGE TSUL RNAMS DANG DGE SLONG RNAMS, ,LHAN CIG TU NI NYAL BA BKAG ,SGRA GCAN 'DZIN LA BRTEN NAS NI, ,NUB GNYIS RJES SU GNANG PA DANG, ,RGYAL PO'I KHAB TU BAD TSA CHOS, ,SDIG CAN LTA BU KUN TU SKYES, ,NYES BA BYED PA'I 'CHI LTAS NI, ,BZLOG BZHIN DU YANG DE MI GTONG, ,GNAS NAS PHYUNG YANG NYE DGA' YIS, ,'DU 'DZI'I GTAM GYIS GNAS PAR BYED, ,SNGAR SMOS CHOS DANG ZANG ZING GIS, ,MCHOG TU LTUNG BA BCAS PAR 'GYUR, ,LTUNG BA BYUNG NAS GROL BA YANG, ,TSOR MA DANG NI CHEN PO PA'I, ,MTHONG BA'I YUL DU GYUR BA'I BAR; ,BSNYIL BSDUD PA YI NYES PA YIN, ,RI BO YID 'ONG DUS STON TSE, ,GAR MKHAN GYI NI BZHAD GAD PA'I, ,DRUG SDE DAG GIS DKAR PO'I GOS, ,GON BYAS DE NI MI BYA'O, ,LI TZTSA'I SKYED MOS TSAL DANG NI, ,ROL MO RGYAN DANG DE BZHIN DU, ,G-YUL 'GYED PA NA SPYOD PA'I PHYIR, , @62A *, ,YANGS PAR RIG PA'I NYES PA BYUNG, ,RGYAL PO KHAB KYI CHU DRON DU, ,DRUG SDE DAG GIS GZUGS CAN SNYING, ,GNOD BYAS DE NI RAB TU BKAG ,JI SRID ZLA PHYED RJES SU GNANG, ,'CHAR KA YIS NI MNYAN YOD DU, ,BSOD SNYOMS DON DU 'GRO BYED PAS, ,'PHONG KI GNAS SU ZHUGS NAS NI, ,JI SRID BYA ROG GSAD PAR BYAS, ,NYE DGA' YIS NI BGROS BYAS NAS, ,SHIN TU THOS PAR 'DZIN BYED PA'I, ,GZHON NU BCU BDUN SDE RNAMS LA, ,'GYOD PA SKYED PA'I GTAM BYAS SO, ,DE RNAMS KYI NI GNAS DANG GCIG ,DGE SKOS SU NI YANG DAG SBYAR, , YANG DAG NANG DU ZHUGS GNYID LOG ,DE KHROS GA GA TSIL GYIS SHI, ,DE DAG CHU KLUNG GNAS CAN DU, ,RTZED MOS KUN TU GNAS PA'I PHYIR, ,RGYAL POS MI DAG RIG PAR BYED, ,CHU LA RTZE BA BKAG PA YIN, ,MA 'GAGS PAS NI LAM ZHUGS PAS, ,SKYES BU MED PA'I BUD MED DANG, ,LHAN CIG KHYIM DU NYAL BYAS PAS, ,DE PHYIR NYES DMIGS BYUNG BAR GYUR, ,NYE DAGS LA BA GYON NAS NI, ,MTSAN MO KLOG PA MNGON BRTZON PA'I, ,BCU BDUN SDE YI BDAG NYID DAG ,NGES PA NYID DU SKRAG PAR BYED, ,NYE DGA' LA SOGS PA DAG GIS, ,CHU NANG NUB PA BCU BDUN SDE'I, ,LHUNG BZED LA SOGS SBA BYAS PAS, ,BZA' BA'I DON DU SONG BA YIN, ,NYE DAGS RANG GI CHOS GOS NI, ,SLOB MA RNAMS LA BYIN PA DAG ,SLAR NI SPYAD NAS SLAR YANG NI, ,DE BZHIN DU NI BZHAG PA YIN, ,RGYAL PO'I KHAB TU DE BZHIN DU, ,GYAD BU NOR LA DE DAG GIS, ,CHOS GOS MGO LA REG MTHONG NAS, DGE 'DUN LHAG MAS SKUR PA BTAB, ,DGE SLONG MNYAN YOD DU 'GRO ZHING, ,THAG MKHAN BUD MED DE BZHIN SONG, ,NGA YI CHUNG MA 'DIR KHYER SNYAM, ,THAG PA YIS NI BRDEG PAR BYAS, ,RGYAL PO'I KHAB TU DGE SBYONG ZHIG ,SHO GAM 'JOMS PA'I TSONG PA DANG, ,LHAN CIG 'GRO BAR GYUR PA NA; ,SHA GAM PAS MTHONG BCOM PAR GYUR, ,'PHAGS PA SPANGS NAS SKYES PA DES, ,BYIS PA NYI SHU MA LON PA, ,BSNYEN PAR RDZOGS PAR BYAS PA DAG ,DE DAG BKREN PAS DU BAR BYED, ,NYE DGA' LA SOGS RNAMS KYIS NI, ,MNYAN YOD DU NI BRTEN BYAS NAS, ,SA NI RKO'AM @62B RKOR 'JUG BYAS, ,DE PHYIR CHAD PAS KUN NAS BSLANG, ,MING CHEN GYIS NI ZLA BA BZHIR, ,'PHAGS PA'I DGE 'DUN BSTABS PAS NA, ,DRUG SDE DE LAS LHAG PAR YANG, ,SPONG BAR BYED PAS DE PHYIR BKAG ,DGE 'DUN GNYIS GTOGS BSLAB PA NI, ,LAM PA YIS NI BSGO BYAS PA, , RMONGS PA KHYOD LA SU ZHIG SLOB, ,DRUG SDE DAG GIS RAB TU SPANGS, ,BCU BDUN SDE YI BDAG NYID NI, ,DRUG SDE GNAS NAS DBYUNG BA'I TSE, ,MNYAN YOD DU NI GROS BYED PAR, ,DE DAG SONG NAS NYAN RNA BYAS, ,NYE DGA' GNAS NAS DBYUNG LA SOGS, ,DE LTAR DE DAG GIS BRTZAMS PA; ,STAN LA LA BA BZHAG NAS NI, ,DE PHYIR DGA' BO MI SMRA SONG, ,GANG TSE DGE 'DUN GYIS NGES PAR, ,RTZOD PA ZHI BAR BYAS PA NA, ,DGE SLONG NAG PA RGYAL KHAB TU, ,MA GUS PA NI BYAS PA YIN, ,'PHAGS PA LEGS 'ONG BZANG PO YIS, ,CHANG DANG BSRES PA'I BTUNG BA DAG, MNYAN YOD DU NI 'THUNGS NAS SU, ,MYOS PAR GYUR PAS SRANG DU 'GYEL, ,GTUM MO'I MNA' MA'I KHYIM DU NI, ,'CHAR KAS STAN LA NYER SPYAD PHYIR, ,SONG BAR GYUR NAS JI SRID DU, ,NYE BAR BSAD PAR GYUR PA YIN, ,KHYIM PA RAB TU DAD GYUR PAS, ,JI SRID DE YI TSIG GIS NI,, DGE 'DUN MGRAN DU BES PAS NA, ,NYA DGA' KHYIM GZHAN SONG NAS 'DUG ,DES NI 'CHAR KA MYUR RAB TU, ,'PHRENG LDAN MA NI GLOG PA'I PHYIR, ,BTZUN MO'I PHO BRANG DUS MIN SONG, ,BSLAB PA BCAS PA KUN NAS BSLANG, ,DRUG SDE RNAMS NI SO SOR THAR, ,MA GUS PAS NI NYAN PAR BYED, ,'DI NI SANGS RGYAS KYIS BSHAD PAR, ,KHO BO CAG GIS DAG GDOD THOS, ,BA SO MKHAN PO CHOS KYIS NI, ,RANG BZOS DGE SLONG MGRON DU GNYER, ,SBYIN PA'I SBYOR BAS LONGS SPYOD DAG ,ZAD PAR NYE BAR SONG BAR GYUR, ,RKANG PA DMA' BA'I KHRI DAG KYANG, ,SNGON NI SDOM BRTZON LTA BU YI, ,DBANG DU BYAS NAS BKAG PA STE, ,KHRU GANG GI NI TSAD DANG LDAN, ,DGE 'DUN KHRI NI NYE DGA' YI, ,GZHAN GYIS THOB PAR 'GYUR SNYAM DU, ,SHING BAL GYIS NI GOS PAR BYAS, ,SHING BAL GYIS NI DKAR POR GYUR, ,DGE SLONG MANG PO LA BRTEN NAS, ,GOS KYI TSOGS NI @63A *, ,MANG DU GYUR, ,GDING BA'I TSAD NI MTHO GSUM STE, ,ZHENG DU PHYED KYI TSAD YIN NO, ,G-YAN PA'I NAD LA BRTEN NAS NI, ,G-YAN PA DAG PA PAR BSHAD PA YIN, ,MTHO BZHI DANG NI MTHO GNYIS KYI, ,TSAD DANG LDAN PA'I BAR DU BYAS, ,CHOS GOS BSRUNG BAR BYA BA'I PHYIR; ,DBYAR GYI GOS NI RAS CHEN BYA, ,MTHO RNAMS PHYED DANG GSUM DANG NI, ,DRUG DAG KHO NA LHAG MI BYA, ,NYE DGA' YIS NI MNYAN YOD DU, ,THUB PA YIS NI CHOS GOS BYAS, ,MTHO BCU DAG GI TSAD DANG NI, ,DRUG CES BYA BA DAG KYANG YIN, ,DA NI SO SOR BSHAGS PA'I CHOS, , BSHAD PAR BYAS TE GZHAN DAG GI, ,BYUNG BA RJES SU 'BRANGS NAS NI, ,'CHANG BAR 'GYUR BA DE BZHIN BSHAD, ,RGYAL PO'I KHAB TU NYA DGA' YIS, ,AUTPA LA MDOG DGE SLONG MA'I, ,BSOD SNYOMS DAG NI RAB TU BLANGS, ,KUN TU BRGYAL NAS SAL 'GYEL, ,DRUG SNGOS BDAG CAG MNYAN YOD DU, ,SBOM DGA' MO LA STON MO'I TSE, ,GYA NOM BSKO SHAM GYIS ZHES BRJOD, ,DE YIS KYANG NI DE LTAR BYAS, ,YANGS PA CAN DU SBYIN BTANG BAS, ,SENG GE'I LONGS SPYOD MA LUS 'GRIB, ,DE PHYIR KHYIM DU BSOD SNYOMS PHYIR, ,'GRO BAR MI BYA ZHES GRAGS SO, ,DGON PA DRUG SDE RNAMS LA NI, ,SER SKYA GZHI NA GNAS PA YI, ,GOS DANG BRAL BA'I BUD MED RNAMS, ,DE YIS BYIN LEN STOBS SU BCUG ,RI DAGS GNAS SU SDOM BRTZON GYIS, ,KHYIM PA RNAMS KYI TSUL DU NI, ,CHOS GOS RNAMS NI GOMS PAR 'GYUR, ,ZLUM PO RU NI DRUB PAR BYA, , SMAD G-YOGS KYI NI DRUG DAG DANG, ,STOD G-YOGS KYI NI GSUM RNAMS KYI, ,BYED PA PO NI DRUG SDER BSHAD, ,DE PHYIR BSLAB PA RAB TU BSTAN, ,SHIN TU BSNGA MA SOGS LNGA RNAMS DANG, ,MGO G-YOGS SOGS KYI'ANG DE BZHIN DU, ,MCHOD SOGS LDAN PA LNGA RNAMS KYI, ,LUS DAG LNGA NI DE BZHIN NO, ,BRAM ZE'I STAN LA MNYAN YOD DU, ,NYE DGA' 'DUG PA LA BRTEN NAS, ,RJES SU GNANG BA MA BYAS PAR, ,STAN LA 'DUG PA BKAG PA YIN, ,'PHAGS PA 'CHAR KA LA BRTEN NAS, ,BYIS PA BSAD PAR GYUR PA YIN, ,DE PHYIR KHYIM DU MA BRTAGS PAR, , @63B STAN NI RAB TU BKAG PA YIN, ,BTZUN MO'I 'KHOR DU MA SBYANGS PA'I, ,KHRI'U LA NI 'DUG PA'I PHYIR, ,DE PHYIR DE LA BRTEN NAS NI, ,LUS KUN GYIS NI 'DUG PA DKA', ,'CHAG PAR 'GYUR BA DRUG PO YI, ,'DUG PA'I BDAG NYID DAG GI YANG, ,BYED PO DRUG SDER SHES BYA YI, ,GZHAN NI BRJOD PAR MI BYA YI; ,BYIS PA GSOD RI MNYAN YOD DU, ,RTOGS LDAN KHYIM DU DRUG SDE NYID, ,BYIN LEN BRGYAD KYI BYED PA POR, ,YANG DAG PAR NI BSHAD PA YIN, ,ZAS BYAS LEGS BYAS LNGA RNAMS KYI, ,TZUG TZUG LA YANG DE BZHIN NO, ,THA DAD BYED PA LNGA RNAMS KYI, ,MNYAN YONG DU NI SHES PAR BYA; ,LAG PA LDAG PA LNGA RNAMS DANG, ,'PHYA BA DAG NI GSUM PO DANG, ,RTOGS LDAN KHYIM DU CHU 'BOD PA'I, ,GANG YIN PA NI BZHI PA YI, ,LHUNG BZED GCIG GIS DRUG SDE YIN, ,DGU PO YIS NI DGE SLONG GZHAN, ,'GRENG BAR BYED SOGS LNGA PO NI, ,DRUG SDE ZHES BYAR RAB TU GRAGS, , MGO G-YOGS LA SOGS LNGA RNAMS DANG, ,DE BZHIN GLANG CHEN SOGS ZHON PA, ,DO KER CAN SOGS LA DE BZHIN, ,'KHAR BA DRUG LA DE NYID SHES, ,NYE DGA' YIS NI BSHAD PA DAG ,'GRENGS NAS BTANG PAR BYAS PA DAG ,SER SKYA'I GRONG DU DE DAG NYID, ,DE YIS RTZVA SNGON NYAMS PAR BYAS, , BTZO GLAG MKHAN GYI BKRU BSHAL SAR, ,NYE DAGS MI GTZANG BAS BKANG BA'I, ,GYO MO RAB TU BCUG PA YIN, ,DE PHYIR SMOD PA KUN DU SLONG, ,MNYAN YOD DU NI LJON SHING RTZER, ,MNGON PAR 'DZEG PAR BYAS NAS NI, ,BSOD SNYOMS LEN PA'I DGE SLONG LA, ,LTA BA RAB TU BRTZAMS PA YIN; ,'GYED DANG MI GDAMS PA DANG NI, ,LTUNG DANG BYA BA ZHES BYA BA'I, ,RTZOD PA BZHI PO 'DI DAG NYID, ,RJES SU RTOGS PAR BYA BA YIN, ,MU TIG GIS PHUL MU TIG LAS, ,CHOS KYI SKAL BA BGO BA'I PHYIR, ,MDO SDE 'DZIN SOGS RTZOD PA LAS, ,MNYAN YOD DU NI DE DAG BYUNG, , GANG MANG RAB TU 'BYED PA DANG, ,GCIG TU NGES PAR BYED PA YIS, ,GNYIS KYIS 'GYED PA ZHI BYED PA, ,SNGON NI THUB PAS BSTAN PA YIN, ,MNGON SUM DRAN DANG MA SMYOS PAS, ,MI GDAMS PA NI ZHI BAR BYED, ,YANG DAG LTUNG BA'I RANG BZHIN GYIS, ,GSUM PA GZHAN NI KHAS BLANGS @64A *, ,DANG; ,RTZVA BKRAM PA DANG MNGON SUM DANG, ,DE NYID TSOL BAS ZHI BAR BYED, ,BYA BA'I BDAG NYID ZHI BA NI, ,BDUN PO DE YIS NGES PAR 'GYUR, ,BSLAB PA 'DOD PA'I DGE SLONG GIS, ,RTZOD PA STAN LA DBAB BYA'I PHYIR, ,GNAS NI RAB TU GZUNG BYA STE, ,BRTZON PAS GNAS NI RNAM PAR DBYE, BSDUS PA'I DGE PA 'DI LAS NI, ,BDAG GIS BSOD NAMS GANG BSAGS DES, ,'DI NI 'JIG RTEN NYON MONGS DANG, ,NYE BA'I NYON MONGS SPONG BAR SHOG ,BSLAB PA'I SA LA BRTEN NAS NI, ,MDO YI GZHU NI BZUNG NAS NI, ,SEMS KYI MDA' NI BKANG BYAS NAS, ,NYON MONGS DGRA RNAMS NYAMS PAR BYAS, ,GAL TE KHYOD LA THAR PA YI, ,KHYIM DU GNAS PAR 'DOD YOD NA, ,DE LTA BAS NA KHYOD KYIS NI, ,SEMS CAN DON BYED LA 'BAD KYI, ,BYANG PHYOGS KYI KHA CHE'I YUL NAS BYUNG BA'I PAndI TA 'DUL BA 'DZIN PA SH'AKYA'I DGE SLONG BA LA SHR'I BHA DRAS MDZAD PA GLENG GZHI DANG GANG ZAG BSDUS PA'I TSIG LE'UR BYAS PA RDZOGS SO,, ,,THO LING GI GTZUG LAG KHANG DU RGYA GAR GYI MKHAN PO D'I PAm KA RA SHR'I DZNY'A NA DANG, LO TZ'A BA SH'AKYA'I DGE SLONG GZHON NU MCHOG GIS BSGYUR CING ZHUS TE GTAN LA PHAB PA'O;, ,, #, ,RGYA GAR SKAD DU, SHRA MA nE RA PARsh'A GRAm, BOD SKAD DU, DGE TSUL GYI DANG PO'I LO, SANGS RGYAS LA PHYAG 'TSAL LO, ,MKHAN PO DGONGS SU GSOL, PHYAG 'TSAL LO,, DGUNG LA KUN DU BDE'AM ZHES DRI, CHAG CHAG DANG PHYAG DAR DANG DKYIL 'KHOR BGYID, KLOG PA DANG, KHA TON DANG DGE BA'I PHYOGS KYI KUN DU SPYOD PA RNAMS LA CHOS DANG MTHUN PAR BGYID, GAnd'I'I DUS SU BRJOD PAR BYA BA YANG NGO, ,MKHAN PO DGONGS SU GSOL, ,PHYAG 'TSAL LO, , BDE BAR GSOL LAM ZHES DRI, KLOG PA DANG KHA TON BGYID, NGAL BSO BA YANG NGO, ,MKHAN PO DGONGS SU GSOL, PHYAG 'TSAL LO, ,GDUGS LA KUN DU BDE'AM ZHES DRI, RKANG PA DAG BKRU, MCHIS MAL BSHAM, SROD DANG THO RANGS LA MI NYAL BAR SBYOR BA BGYID, @64B NGAL SO BA YANG NGO, ,SLOB DPON DGONGS SU GSOL, PHYAG 'TSAL LO, ,DGUNG LA KUN TU BDE'AM ZHES DRI, CHAG CHAG DANG PHYAG DAR YANG DE BZHIN NO, ,BDAG DKYIL 'KHOR BGYID CES SO, ,KLOG PA DANG KHA TON DANG DGE BA'I PHYOGS KYI KUN DU SPYOD PA SBYIN PA LA SOGS PA'O, ,GAnd'I'I DUS SU YANG ZAS SO, ,'CHAG PA DANG 'DUG PA DANG ZHABS LA BSKU MNYE LA SOGS PA'O, ,THOS PA DANG BSAM PA LA SOGS PA THAMS CAD BGYID, DE NI KHYOD KYI RJES SU GNANG BAS SO, ,RGYAL PO SHAG BYUNG BA'I DUS NA LO DGU BRGYA BZHI BCU RTZA LNGA LON PA'I 'OG TU DPAL LDAN SA SKYONG LHA RNAM PAR RGYAL BAS RGYAL SRID MDZAD NAS LO BCU DGU 'DAS PA NA, DBYAR ZLA RA BA'I MAR GYI NGO'I TSES GSUM LA YUL MA GA DH'A'I DPAL SENG GE GO CHA 'BYUNG BA'I GTZUG LAG KHANG CHEN POR RAB TU BYUNG, BDAG NYID NI SH'AKYA'I DGE TSUL MTHA' YAS DPAL SKYONG NGO, ,TSE DANG LDAN PA KHYOD LO DU LON ZHE NA, LO DU LON PA'AM MA LON NO, ,DUS GANG ZHE NA SO GA'O, ,SO GA NAS CI TZAM NA THOB CE NA, ZHAG GNYIS DMAN PA'I ZLA BA GSUM MO, ,ZAS KYI SNGA ROL LAM ZAS KYI 'OG ROL ZHE NA, BDAG ZAS KYI SNGA ROL LO, ,SKYES BU DANG RTZA BA'I TSAD DU ZHE NA, SKYES BU DANG RTZA BA GCIG GI TSAD KYI GRIB MA'O, ,MKHAN PO GANG YIN ZHE NA, DON GYI SLAD DU MTSAN NAS SMOS TE BLA MA MKHAN PO LHA DBANG SKYONG NGO, ,SLOB DPON GANG ZHE NA, BDAG GI SLOB DPON RIN CHEN 'BYUNG GNAS SKYONG NGO, ,DUS GANG ZHE NA, LNGA RNAMS SO, ,LNGA RNAMS GANG ZHE NA; DGUN DANG, SO GA DANG, DBYAR DANG, DBYAR THUNG DU DANG, DBYAR RING PO'O, ,DE LA DGUN GYI TSAD JI TZAM ZHE NA, ZLA BA BZHI RNAMS SO, ,BZHI PO RNAMS GANG ZHE NA, DGUN ZLA RA BA DANG, DGUN ZLA 'BRING PO DANG, DGUN ZLA THA CHUNGS DANG, DPYID ZLA RA BA'O, ,SO GA JI TZAM ZHE NA; ZLA BA BZHI RNAMS SO, ,BZHI PO RNAMS GANG ZHE NA, DPYID ZLA 'BRING PO DANG, DPYID ZLA THA CHUNGS DANG, DBYAR ZLA RA BA DANG, DBYAR ZLA 'BRING BO RNAMS SO, ,DBYAR GYI TSAD JI TZAM ZHE NA, ZLA BA GCIG STE, DBYAR ZLA THA CHUNGS SO, ,DBYAR THUNG DU'I TSAD JI TZAM ZHE NA, NYIN ZHAG GCIG @65A *, ,GO; ,NYIN ZHAG GCIG PO GANG ZHE NA, STON ZLA RA BA'I TSES GCIG GI NYIN ZHAG GCIG GO, ,DBYAR RING PO'I TSAD JI TZAM ZHE NA, NYIN ZHAG DES MA CHOG PA'I ZLA BA GSUM MO, ,ZLA BA GSUM PO GANG ZHE NA, STON ZLA RA BA DANG, STON ZLA 'BRING PO DANG, STON ZLA THA CHUNGS SO; ,YANG SMRAS PA, GCIG GIS DMAN PA'I ZLA BA RNAMS, ,BZHI RNAMS DE BZHIN BZHI PO RNAMS, ,ZLA BA GCIG YIN ZHAG GCIG YIN, ,ZHES BYA DUS RNAMS LNGA POR DRAN, ,SDE PA GANG ZHE NA, 'PHAGS PA GZHI THAMS CAD YOD PAR SMRA BA'I SDE'O, ,SDE PA DU ZHE NA, BZHI RNAMS SO; ,BZHI PO RNAMS GANG ZHE NA, 'PHAGS PA THAMS CAD YOD PAR SMRA BA DANG, 'PHAGS PA DGE 'DUN PHAL CHEN PA DANG, 'PHAGS PA DGE 'DUN MANG BOS BKUR BA DANG, 'PHAGS PA GNAS BRTAN PA'O, ,DE DAG LA DBYE NA DU YOD CE NA, BCO BRGYAD DO, ,BCO BRGYAD PO RNAMS GANG ZHE NA, THAMS CAD YOD PAR SMRA BA RNAMS KYI DBYE BA NI BZHI'O, ,DE BSTAN PAR BYA STE, 'OD SRUNGS PA DANG SA STON SDE, ,CHOS SRUNG BA YI MING CAN RNAMS, ,GZHI KUN YOD PAR SMRA BA STE, ,'DOD PA'I BYE BRAG 'BA' ZHIG GI, ,RGYU YIS 'DI DAG THA DAD BYAS, ,STON PA THA DAD YOD MA YIN, ,DGE 'DUN PA LA CHEN DBYE BA NI, ,DRUG SDE SHAR GYI RI BO DANG, ,DE BZHIN BYANG GI RI BO DANG, ,DBUS PA ZHES BYA DE LAS GZHAN, ,RNAM PAR PHYE STE SMRA BA DANG, ,GZHAN NI DE BZHIN BTAGS PAR SMRA, ,'JIG RTEN 'DAS PAR SMRA BA STE, ,DE DAG TU NI YANG DAG SMRA, ,MANG POS BKUR BA'I DBYE BA NI, ,RNAM PA LNGAR NI MKHAS PAS BSNGAGS, ,GOS DMAR BA DANG SRUNG BA PA, ,SA SGROGS RIS DANG DE BZHIN GZHAN, ,MANG DU THOS RNAMS SMRAB DANG, ,GNAS MA'I BU YI MING CAN RNAMS, ,RGYAL BYED TSAL NA GNAS PA DANG, ,'JIGS BYED RI LA GNAS PA DANG,, GTZUG LAG KHANG CHEN LA GNAS PA, ,GNAS BRTAN RNAMS NI GSUM DU 'DOD, ,SH'AKYA SENG GE'I BSTAN PA NI, ,DE LTAR DBYE BA BCO BRGYAD DU, ,GYUR TE 'GRO BA'I BLA MA DE'I, ,SNGON GYI PHRIN LAS NGES PA YIN, ,BSLAB PA RNAMS DU ZHE NA, BCU RNAMS SO, ,BCO PO RNAMS GANG @65B ZHE NA; GANG ZHIG SROG GCOD GZHAN GYI NOR 'PHROG DANG, ,MI CHANGS SPYOD BRDZUN BCOS PA'I CHANG LA SOGS, ,GAR SOGS PHRENG SOGS MAL CHEN MTHO BA DANG, ,DUS MIN ZAS DANG GSAR DNGUL SPONG BA STE, ,DGE TSUL BRTUL ZHUGS CHU LON BRTZIGS PA DANG, ,MTHAR BYED NGA YI MTSANG 'BYUNG BA'I THABS, ,RDZOGS PA'I BYANG CHUB DPAL NOD DBANG BSKUR YIN, ,NYON MONGS DGRA YI G-YUL LAS RGYAL BYED TSUL, ,LTUNG BAR 'GYUR BA'I CHOS DU ZHE NA, BZHI RNAMS SO, ,BZHI PO RNAMS GANG ZHE NA, SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, MI'I CHOS BLA MA'I TSIG SMRA BA'O, ,DGE SBYONG DU BYED PA'I CHOS RNAMS DU ZHE NA, BZHI RNAMS SO, ,BZHI PO RNAMS GANG ZHE NA, KHROS KYANG SLAR MI KHRO BA DANG, GSHE YANG SLAR MI GSHE BA DANG, MTSANG BRUS KYANG SLAR MI BRU BA DANG, RDEG KYANG SLAR MI RDEG PA'O, ,YID BRTAN PA RNAMS DU ZHE NA; LNGA RNAMS SO, ,LNGA PO RNAMS GANG DAG CE NA, CHU TSAGS YID BRTAN PA DANG, BKOD MA YID BRTAN PA DANG, RDZING BU YID BRTAN PA DANG, DGE SLONG YID BRTAN PA DANG, DGE 'DUN YID BRTAN PA'O, ,YONGS SU LONGS SPYAD PA RNAMS DU ZHE NA, LNGA RNAMS SO, ,LNGA RNAMS GANG ZHE NA, BDAG POS YONGS SU LONGS SPYAD PA DANG, BYIN PAS YONGS SU LONGS SPYAD PA DANG, RJES SU GNANG BAS YONGS SU LONGS SPYAD PA DANG, SKYIN POS YONGS SU LONGS SPYAD PA DANG, YONGS SU LONGS MA SPYAD PA DANG LNGA'O, ,DE SKAD DU YANG, MI SLOB PA NI BDAG POR BSHAD, ,SLOB PA BYIN LEN SBYOD PA YIN, ,BSAM GTAN 'DON DANG LDAN PA DANG, ,RJES SU GNANG RNAMS DKA' THUB CAN, ,SKYIN POS SPYOD PA LHAG MA RNAMS, ,LE LOS NYAMS PA'I BDAG NYID YIN, ,GTZUG LAG KHANG SOGS NYER LONGS SPYOD, ,TSUL 'CHAL RNAMS KYIS BKAG PA'O, ,ZHES SO, ,LO TSOGS RNAMS KYI GSO SBYONG DU ZHE NA, NYI SHU RTZA BZHI RNAMS SO, ,RGYAL DANG DBO DANG SA GA CAN, ,CHU STOD KHRUMS SMAD SMIN DRUG CAN, ,'DI RNAMS KYI NI NAG PO'I PHYOGS, ,ZLA PHYED GSO SPYOD BCU BZHI PA'O, ,LHAG MA RNAMS NI BCO LNGA PA'O, ,DGE TSUL @66A *, ,GYI DANG PO'I LO DRI BA RDZOGS SO,, ,,KHA CHE'I MKHAN PO NA RA SA DE BA DANG, LO TZ'A BA SH'AKYA'I DGE SLONG RGYAL BA'I SHES RAB KYIS BSGYUR BA'O,, ,, #, ,RGYA GAR SKAD DU, BHI KshU BARsh'A GRAm PRiTZTSA, BOD SKAD DU, DGE SLONG GI DANG PO'I LO DRI BA, THAMS CAD MKHYEN PA LA PHYAG 'TSAL LO, ,MKHAN PO DGONGS SU GSOL, PHYAG 'TSAL LO, ,DGUNG LA BDE'AM ZHES DRI, CHAG CHAG DANG PHYAG DAR DANG, MAndAL BGYID, KLOG PA DANG, KHA TON DANG, DGE BA'I PHYOGS KYI KUN DU SPYAD PA LA CHOS DANG MTHUN PAR BGYID, GAnd'I'I DUS SU BRJOD PAR BYA BA NI, MKHAN PO DGONGS SU GSOL, PHYAG 'TSAL LO, ,BDE BAR GSOL LAM ZHES DRI, KLOG PA DANG, KHA TON BGYID, CUR ZHIG NGAL BSO ZHES ZHU, MKHAN PO DGONGS SU GSOL, PHYAG 'TSAL LO, ,GDUGS LA 'DI'AM ZHES DRI, RKANG PA DAG BKRU, MCHIS MAL 'CHA', SROD DANG THO RANGS LA MI NYAL BAR SBYOR BA BGYID, CUNG ZHIG NGAL BSO ZHES ZHU, SLOB DPON DGONGS SU GSOL, PHYAG 'TSAL LO, ,DGUNG LA BDE'AM ZHES DRI, CHAG CHAG DANG, PHYAG DAR DANG, MAndAL LA SOGS PA BGYID, KLOG PA DANG KHA TON BGYID, BSAM GTAN BGYID CES ZHU, GAnd'I'I DUS SU NI, ZAS LA KUN DU SPYAD PAR BGYID, ZHABS LA SKU MNYE LA SOGS PA BGYID, MNYAN PA DANG BSAM PA LA SOGS PA BGYID CES ZHU, DE NI KHYOD KYI RJES SU GNANG BAS SO, ,GLO BUR DU 'ONGS PA LA DRI ZHING LAN GDAB PA, LO DU LON ZHE NA, LO LON PA'AM MA LON PA ZHES BYA BA LA SOGS PA BRJOD, DUS GANG ZHE NA, SOS KA'I DUS LA SOGS PA'O, ,CI TZAM THOB CE NA, ZLA BA GCIG GAM, ZLA BA PHYED DAM, ZHAG BCU PA LA SOGS PA'O, ,ZAS KYI SNGA ROL LAM ZAS KYI 'OG ROL ZHE NA, DE BZHIN DU ZAS KYI SNGA ROL LAM ZAS KYI 'OG ROL ZHES LAN GDAB BO, ,SKYES BU DU DANG RTZA BA DU ZHE NA, SKYES BU GCIG DANG RTZA BA GNYIS ZHES BYA BA LA SOGS PA BRJOD DO, ,MKHAN PO GANG YIN ZHE NA, DON GYI SLAD DU MTSAN NAS SMOS TE, BLA MA MKHAN PO CHE GE MO ZHES BYA'O, ,LAS BYED PA'I SLOB @66B DPON GANG ZHE NA, SLOB DPON CHE GE MO ZHES SO, ,GSANG STE BA STON PA'I SLOB DPON GANG ZHE NA, SLOB DPON CHE GE MO ZHES SO, ,DUS SU YOD CE NA LNGA'O, ,LNGA PO DAG GANG ZHE NA, DGUN DANG, SOS KA DANG, DBYAR DANG, DBYAR THUNG DU DANG, DBYAR RING PO ZHES BYA BA'O, ,DE LA DGUN GYI TSAD JI TZAM ZHE NA, ZLA BA BZHI'O, ,BZHI PO DAG GANG ZHE NA, DGUN ZLA RA BA DANG, DGUN ZLA 'BRING PO DANG, DGUN ZLA THA CHUNGS DANG, DPYID ZLA RA BA ZHES SO, ,SOS KA'I DUS TSOD JI TZAM ZHE NA, ZLA BA BZHI'O, ,DPYID ZLA 'BRING PO DANG, DPYID ZLA THA CHUNGS DANG, DBYAR ZLAR BA DANG, DBYAR ZLA 'BRING PO DAG GO, ,DBYAR GYI DUS JI TZAM ZHE NA, ZLA BA GCIG STE, DBYAR ZLA THA CHUNGS SO, ,DBYAR THUNG DU'I DUS JI TZAM ZHE NA, NYIN ZHAG GCIG STE, NYIN ZHAG GCIG PO GANG YIN ZHE NA, STON ZLAR BA TSES GCIG GI NYIN ZHAG GO, ,DBYAR RING PO'I TSAD JI TZAM ZHE NA, NYIN ZHAG DE NYID MA TSANG BA'I ZLA BA GSUM MO, ,ZLA BA GSUM PO DAG GANG YIN ZHE NA, STON ZLA RA BA DANG, STON ZLA 'BRING PO DANG, STON ZLA THA CHUNGS SO, ,YANG SMRAS PA, ZHAG GCIG MA TSANG ZLA GSUM DANG, ,BZHI DANG DE BZHIN BZHI PA DANG, ,ZLA BA GCIG YIN ZHAG GCIG YIN, ,ZHES BYA DUS NI LNGA POR BRJOD, ,SDE PA GANG ZHE NA, 'PHAGS PA THAMS CAD YOD PAR SMRA BA ZHES BYA BA LA SOGS PA'O,, ,,DE'I DBYE BA GANG ZHE NA, 'PHAGS PA GZHI THAMS CAD YOD PAR SMRA BA ZHES BYA BA LA SOGS PA'O, ,YANG SDE PA DU ZHE NA, 'PHAGS PA THAMS CAD YOD PAR SMRA BA DANG, 'PHAGS PA DGE 'DUN PHAL CHEN PA DANG, 'PHAGS PA MANG POS BKUR BA DANG, 'PHAGS PA GNAS BRTAN PA'O, ,DE DAG LA DBYE BA DU YOD CE NA, BCO BRGYAD DO, ,BCO BRGYAD PO GANG DAG ,JI LTAR NA BCO BRGYAD DU 'GYUR ZHE NA, 'PHAGS PA THAMS CAD YOD PAR SMRA BA'I DBYE BA BZHI'O, ,DE BSTAN PAR BYA STE, 'OD SRUNGS ZHES BYAS SRUNG DANG, ,CHOS SRUNG BA ZHES BYA BA DANG, ,GZHI KUN YOD PAR SMRA BA STE, ,LTA BA'I BYE BRAG 'BA' ZHIG GI, ,RGYU YIS 'DI DAG THA DAD BYAS, ,STON PA THA DAD YOD MA YIN, ,DGE 'DUN PHAL CHEN DBYE BA NI, ,DRUG STE SHAR GYI RI BO DANG, ,DE BZHIN NUB RI ZHES BYA DANG, ,GANG GNAS ZHES BYA DE LAS GZHAN,, @67A *, ,RNAM PAR PHYE STE SMRA BA DANG, ,GZHAN NI DE BZHIN BTAGS PAR SMRA, ,'JIG RTEN 'DAS SMRA ZHES BYA BA, ,DE DAG TU NI YANG DAG SMRAS, ,MANG POS BKUR BA'I BYE BRAG NI, ,RNAM PA LNGAR NI MKHAS PAS BSGRAGS, ,GOS DMAR BA DANG SRUNG BA PA, ,KU RU KULLE DE LAS GZHAN, ,MANG DU THOS PA ZHES BYA DANG, ,GNAS MA BU ZHES BYA BA'O, ,RGYAL BYED TSAL NA GNAS PA DANG, ,'JIGS MED RI LA GNAS PA DANG, ,GTZUG LAG KHANG CHEN LA GNAS DANG, ,GNAS BRTAN DBYE BA GSUM DU 'DOD, ,DE LTAR BYE BRAG BCO BRGYAD DU, ,SH'AKYA SENG GE'I BSTAN PA NI, , GYUR TE 'GRO BA'I BLA MA DE'I, ,SNGON GYI PHRIN LAS NGES PA YIN, ,RTEN DU ZHE NA, BZHI STE, BZHI PO GANG DAG CE NA, GOS PHYAG DAR KHROD LA BRTEN PA DANG, ZAS BSOD SNYOMS LA BRTEN PA DANG, GNAS MAL SHING DRUNG LA BRTEN PA DANG, ,SMAN BKUS TE BOR BA LA BRTEN PA'O, ,LTUNG BAR GYUR PA'I CHOS DU ZHE NA, BZHI STE, BZHI PO GANG DAG CE NA, MI TSANGS PAR SPYOD PA DANG, GZHAN GYI NOR 'PHROG PA DANG, MI'I SROG GCOD PA DANG, MI'I CHOS BLA MA SMRA BA'O, ,DGE SBYONG DU BYED PA'I CHOS DU ZHE NA, BZHI STE, BZHI PO GANG DAG YIN ZHE NA, GSHE BA LA YANG SLAR MI GSHE BA DANG, KHROS KYANG SLAR MI KHRO BA DANG, BRDEGS KYANG SLAR MI RDEG PA DANG, MTSANG BRUS KYANG SLAR MI BRU BA'O, ,LTUNG BA RIS DU YOD CE NA, LNGA STE, LNGA PO GANG DAG CE NA, PHAS BAM PAR 'GYUR BA'I RIS DANG, DGE 'DUN LHAG MA'I RIS DANG, LTUNG BYED KYI RIS DANG, SO SOR BSHAGS PA'I RIS DANG, BSLAB BA'I RIS ZHES BYA BA'O, ,DE LA PHAS PHAM PAR 'GYUR BA DU YOD CE NA, BZHI STE, BZHI PO GANG DAG YIN ZHE NA, MI TSANGS PAR SPYOD PA DANG, MA BYIN PAR LEN PA DANG, MI GSOD PA DANG, MI'I CHOS BLA MA SMRA BA'O, ,DGE 'DUN LHAG MA'I CHOS DU YOD CE NA, BCU GSUM MO, ,BCU GSUM PO GANG DAG YIN ZHE NA, 'BYIN PA DANG; LUS KYIS REG PA DANG, 'KHRIG TSIG SMRA BA DANG, BSNYEN BKUR BSNGAGS PA DANG, SMYAN BYED PA DANG, KHANG PA RTZIG PA DANG, GTZUG LAG KHANG RTZIG PA DANG, GZHI MED PA'I CHOS KYIS SMRA BA DANG, GZHAN GYI CHA DANG MTHUN PAS RJES SU SMRA BA DANG, DGE 'DUN GYI DBYEN BYED PA DANG DE'I @67B RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BAR BYED PA'O, ,LTUNG BYED KYI CHOS DU YOD CE NA, BRGYA PHRAG GCIG DANG NYI SHU LHAG PA'O, ,SBANG BA'I LTUNG BYED KYI CHOS SUM CU PO GANG DAG YIN, LTUNG BA 'BA' ZHIG DGU BCU NE GANG DAG YIN, SPANG BA'I LTUNG BYED KYI CHOS SUM CU PO NI GOS 'CHANG BA DANG, 'BRAL BA DANG, ZLA BA GCIG LAS LHAG PA DANG, 'KHRUR 'JUG PA DANG, LEN PA DANG, SLONG BA DANG, STOD G-YOGS SMAD G-YOGS MTHAR THUG PA LAS LTAG PA DANG, MA BSTABS PA'I GOS KYI RIN DANG, SO SO BA DANG, GOS KYI RIN BSKUR BA ZHES BYA BA'O, , SRIN BA LA DANG, NAG PO 'BA' ZHIG DANG, CHA GNYIS DANG, LO DRUG DANG, GDING BA MTHO GANG MA GLAN PA DANG, BAL KHUR BA DANG, BAL GYI LAS DANG, GSER DNGUL LEN PA DANG, MNGON MTSAN CAN DANG, NYO TSONG NGO, ,LHUNG BZED LHAG PA 'CHANG BA DANG, LHUNG BZED GZHAN TSOL BA DANG, 'THAG PA DANG, 'THAG PA BSKYED PA DANG, BYIN 'PHROG DANG, BRTAD PA LAS BYUNG BA DANG, ZHAG DRUG LAS LHAG PAR 'BRAL BA DANG, DBYAR GYI GOS RAS CHAN GYI DANG, BSNGOS PA GZHAN DU BSKYUR PA DANG, ZHAG BDUN BA ZHES BYA BA DAG GO, ,LTUNG BA 'BA' ZHIG DGU BCU GANG DAG YIN ZHE NA, BRDZUN DU SMRA BA DANG, DGE SLONG GI SKYON SMRA BA DANG, DGE SLONG GI DBYE NA DANG, LAS DKRUGS PA DANG, STON PA DANG, 'DON PA DANG, GNAS NGAN LEN BRJOD PA DANG, MI CHOS BLA MA SGROGS PA DANG, SKUR PA 'DEBS PA DANG, BSLAB PA LA KHYAD DU GSOD PA'O, ,SA BON 'JOMS PA DANG, 'PHYA BA DANG, BSGO BA DANG, MA LA KHRI DANG, GDING BA DANG, GTZUG LAG KHANG NAS SKROD PA DANG, PHYIS GNON BYED PA DANG, RKANG PA DBYUNG BA'I KHRI LA 'DUG PA DANG, SROG CHAGS DANG BCAS PA'I CHU LA SPYOD PA DANG, GTZUG LAG KHANG ZHES BYA BA'O, ,MA BSKOS PAR STON PA DANG, NYI MA NUB KYI BAR DU STON PA DANG, ZAS CHUNG ZAD TZAM GYI PHYIR STON PA DANG, GOS SBYIN PA DANG, GOS BYED PA DANG, DGE SLONG MA DANG BCAS PA'I LAM DANG, DGE SLONG MA DANG BCAS PA'I CHU LA 'GRO BA DANG, BUD MED DANG STAN GCIG PA DANG, DGE SLONG MA DANG GNAS GCIG PA DANG, DGE @68A *, ,SLONG MAS NYE BAR SBYOR DU BCUG PA'I ZAS SO, ,ZAS YANG YANG ZA BA DANG, 'DUG GNAS GCIG TU LHAG PAR ZA BA DANG, LTUNG BZED DO GSUM LAS LHAG PAR LEN PA DANG, STAN GCIG PA'I ZAS DANG, SPANGS PA LA STOBS PA DANG, 'DUS SHING ZA BA DANG, DUS MA YIN PAR ZA BA DANG, SOGS 'JOG ZA BA DANG, BYIN LEN MA BYAS PAR ZA BA DANG, BSOD PA BLANGS NAS ZA BA'O, ,YANG SROG CHAGS YOD PA'I CHU LA SPYOD PA DANG, NYAL PO BYED PAR 'DUG PA DANG, DER 'GRENG BA DANG, GCER BU PA LA SBYIN PA DANG, DMAG LA LTA BA DANG, DER ZHAG GNYIS LAS LHAG PAR GNAS PA DANG, DER YANG BSHAMS PA DKRUGS PA DANG, RDEG PA DANG, GZAS PA DANG, DGE SLONG GI LTUNG BA 'CHAB PA'O, ,ZAS GCOD PA DANG, ME LA REG PA DANG, 'DUN PA PHYIR LEN PA DANG, BSNYEN PAR MA RDZOGS PA DANG, NUB GNYIS LAS LHAG PAR NYAL BA DANG; BAR CHAD KYI CHOS BAR DU MI GCOD ZER PA DANG, DE DANG GNAS GCIG TU NYAL BA DANG, DGE TSUL BSNYIL BSDUD PA DANG, KHA DOG MA BSGYUR BA DANG, GZHAN GYI RIN PO CHE LA REG PA DANG, KHRUS YANG YANG BYED PA'O, ,DUD 'GRO GSOD PA DANG, 'GYOD PA BSKYED PA DANG, G-YA' DGAG PA DANG, CHU LA RTZE BA DANG, BUD MED DANG LHAN CIG NYAL BA DANG, SNGAS PAR BYED PA DANG, SBED PA DANG, GDENG MED PAR SBYOD PA DANG, GZHI MED PAR SKUR BA DANG, BUD MED DANG 'GRON LAM DU 'GROGS PA'O, ,RKUN MA DANG 'GROGS PA DANG, LO MA TSANG BAR BSNYEN PAR RDZOGS PA DANG, SA RKO BA DANG, LHAG PAR BDAG GIR BYED PA DANG, BSLAB PA STON PA LAS PHYIR ZLOG PA DANG, NYAN RNAS 'DUG PA DANG, MI SMRA BAR 'GRO BA DANG, MA GUS PA DANG CHANG 'THUNG BA DANG, DUS MA YIN PAR SPYOD PA ZHES BYA BA'O, ,GRONG DU RGYU BA DANG, RGYAL PO'I KHYIM DU NUB MO 'GRO BA DANG, BSLAB PA'I GZHI 'DON PA NA RGOD PAS GNAS PA DANG, KHAB RAL SGRUB PA DANG, KHRI RKANG MTHON PO BYED PA DANG, SHING BAL BTING BA DANG, GDING BA DANG G-YAN PA DAG DGAB PA DANG, DBYAR GYI GOS RAS CHEN GYI DANG, BDE BAR GSHEGS PA'I CHOS GOS KYI DAG GO, ,SO SOR BSHAGS PA'I CHOS DU YOD CE NA, BZHI @68B STE DGE SLONG MA LA BSOD SNYOMS LEN PA DANG, DE ZHAL TA BYED PA LA MA BSGO BAR ZA BA DANG, KHYIM SDOM PAS BSDAMS PA 'DRAL BA DANG, DGON PA 'JIGS PA DANG BCAS PA'I ZHES BYA'O, ,BSLAB PA'I CHOS DU ZHE NA, BRGYA RTZA BCU GNYIS TE, GANG DAG CE NA, SHAM THABS LA YANG RNAM BDUN TE, KUN NAS ZLUM POR BGO BA DANG, HA CANG RTZENGS PA MA YIN PA DANG, HA CANG 'JOL BA DANG, GLANG PO CHE'I SNA LTA BU DANG, RTA YA'I LO MA LTA BU DANG, 'BRU'I PHUR MA LTA BU DANG, SBRUL MGO'I GDENGS KA LTA BUR MA YIN PAR CIG CAR BSLAB PAR BYA'O, ,DE LA CHOS GOS LA YANG RNAM PA GSUM STE, CHOS GOS ZLUM POR BGO BA DANG, HA CANG RTZENGS PA DANG, 'JOL BA MA YIN PAR BGO BA'O, ,SHIN TU BSDAMS PA LA SOGS PA NI LNGA STE, KHYIM DU 'GRO BA'I BSLAB PA'O, ,SHIN TU BSDAMS PA DANG, LEGS PAR BGOS PA DANG, SGRA BSKYUNG BA DANG, MIG MI G-YENGS PA DANG, GNYA' SHING GANG TZAM DU BLTA ZHING 'GRO BA'O, ,MGO G-YOGS PA LA SOGS PA NI LNGA STE, KHYIM DU 'GRO BA'I BSLAB PA'O, ,MGO MI G-YOGS PA DANG, MI BRDZE BA DANG, MI GZAR BA DANG, GNYA' GONG DU MI BSNOL BA DANG, LHAG PAR MI BSNOL BA'O, ,MI MCHOD BA LA SOGS PA LNGA YANG, KHYIM DU 'GRO BA'I BSLAB PA STE, MI MCHONG BA DANG, MI BRKYANG BA DANG, TZOG PUS MA YIN PA DANG, BRANG BAS MA YIN PA DANG, DKUR MI BRTEN PA'O, ,LUS LA SOGS PA LNGA YANG, KHYIM DU 'GRO BA'I BSLAB PA STE, LUS MI BSGYUR BA DANG, LAG PA MI KYOG PA DANG, MGO MI BSGYUR BA DANG; PHRAG PA MI SBRAD PA DANG, LAG PA MI SBREL BA'O, ,'DUG PAR BYA BA STAN NI DGU STE, KHYIM DU 'DUG PA'I BSLAB PA'O, ,STAN LAM BSKO BA DANG, MA BRTAGS PA DANG, LJID KYIS MI DBAB PA DANG, RKANG PA MI BSNOL BA DANG, BRLA MI BSNOL BA DANG, LONG DU MI BRTZEGS PA DANG, RKANG PA MI DGUG PA DANG, RKANG PA MI GDANGS PA DANG, MDOMS MI BSTAN PA'O, ,BYIN LEN BYA BA NI BRGYAD DE, ZAS BLANG BA'I DUS KYI BSLAB PA'O, ,LEGS PAR ZAS BLANG BA DANG, MU DANG MNYAM PAR MA YIN PA DANG, TSOD MA DANG MNYAM PAR MA YIN BA DANG, MTHAR TSIGS DANG, LTUNG @69A *, ,BZED LA BLTA BA DANG, MA 'ONGS PAR LHUNG BZED MI BZED PA DANG, 'DOD BA'I PHYIR PHAN TSUN MI DGAB PA DANG, BZA' BA DANG BCA' BA'I STENG DU LHUNG BZED MI GZUNG BAR RO, ,ZAS LA LEGS PAR BYA BA DRUG NI, ZAS ZA BA'I DUS KYI BSLAB PA STE, LEGS PAR ZAS BZA' BA DANG, KHAM HA CANG MI CHE BA DANG, CHUNG BA MA YIN PA DANG, RAN PA DANG, MA GZAS PAR KHA MI GDANGS PA DANG, KHA KHAM GYIS BKAD STE MI SMRA BA'O, ,TZUG TZUG LA SOGS PA LNGA YANG, ZAS ZA BA'I DUS KYI BSLAB PA STE, TZUG TZUG DANG, LCAG LCAG DANG, HU HU DANG, PHU PHU MI BYA BA DANG, LCE PHYUNG STE ZAS MI ZA BA'O, ,'BRU NAS THA DAD BYED PA LNGA YANG, ZAS ZA BA'I DUS KYI BSLAB PA STE, 'BRU NAS THA DAD DU MA YIN PA DANG, 'PHYAS MI GDAGS PA DANG, MKHUR BA MI SPO BA DANG, RKAN MI GTOGS PA DANG, KHAM 'PHROR MI GCAD PAR ZAS BZA' BA'O, ,LAG PA LDAG PA LA SOGS PA LNGA YANG, ZAS ZA BA'I DUS KYI BSLAB PA STE LAG PA MI SBRUGS PA DANG, LHUNG BZED MI BYOG PA DANG, LAG PA MI LNGAG PA DANG, LHUNG BZED MI BSKYAM PA DANG, MCHOD RTEN 'DRA BA BCOM STE MI BZA' BA'O, ,'PHYAS LA SOGS PA RNAM PA BZHI NI, GZHAN GYI SEMS BSRUNG BA LA SOGS PA'I BSLAB PA STE, 'PHYAS KYI BSAM PAS MI BLTA BA DANG, LAG PA ZAS DANG 'BAGS PAS CHU SNOD LA MI GZUNG BA DANG, ZAS DANG 'BABS PAS DRUNG NA MO LA MI GTOR BA DANG, MA DRIS PAR CHU ZAS DANG 'BAGS PA KHYIM GZHAN DU MI DBO BAR BSLAB PAR BYA'O, ,LHUNG BZED LA YANG RNAM PA BCU STE, LHUNG BZED KYI BSLAB PA STE ZAS KYI LHAG MA LHUNG BZED KYIS MI DOR BA DANG, GZHI MED PAR LHUNG BZED MI GZHAG PA DANG, GAD KHAR MA YIN PA DANG, G-YANG SAR MA YIN PA DANG, DKAN GZAR POR LHUNG BZED MI GZHAG PA DANG, 'GRENG STE MI BKRU BA DANG; GAD KHA DANG, G-YANG SA DANG, DKAN GZAR BO MA YIN PAR LHUNG BZED GZHAG PAR BYA, RGYUN LAS BZLOG STE MI BCU BAR BSLAB PAR BYA'O, ,'GRENG BAR BYED PA LA SOGS PA LNGA NI, CHOS BSHAD PA'I DUS KYI BSLAB PA STE, MIN BAR 'DUG PA DANG, NYAL BA DANG, STAN @69B MTHON PO LA 'DUG PA DANG, MDUN DU 'GRO BA DANG, LAM NAS 'GRO BA LA 'GRENG BA DANG, 'DUG PA DANG, DMA' BA LA 'DUG PA DANG, PHYI NAS 'GRO BA DANG, 'GRAM NAS 'GRO BA LA CHOS MI BSHAD PA'O, ,MGO G-YOGS PA RNAM PA LNGA YANG, CHOS BSHAD PA'I DUS KYI BSLAB PA STE, MI NA BAR MGO G-YOGS PA DANG, BRDZES PA DANG, GZAR BA DANG, GNYAR BSNOL BA DANG, LTAG PAR BSNOL BA LA CHOS MI BSHAD DO, ,DO KER CAN LA SOGS PA LNGA YANG, DUS DE'I BSLAB PA STE, MI NA BAR SKRA DO KE RA CAN DANG, ZHVA GYON PA DANG, MGO COD PAN CAN DANG, PHRENG BA CAN DANG; DKRIS PA LA CHOS MI BSHAD DO, ,GLANG CHEN LA SOGS PA BZHON BA LNGA YANG, DUS DE'I BSLAB PA STE, GLANG PO CHE DANG, RTA DANG, KHYOGS DANG BZHON PA'I STENG NA 'DUG PA DANG, MCHIL LHAM GYON PA RNAMS LA CHOS MI BSHAD DO, ,LAG NA 'KHAR BA LA SOGS DRUG 'DI YANG DE'I DUS KYI BSLAB PA STE, MI NA BAR LAG NA 'KHAR BA DANG, GDUGS DANG, MTSON CHA DANG, RAL GRI DANG, DGRA CHA THOGS PA DANG, GO CHA GYON PA LA CHOS MI BSHAD DO, ,NA BA RNAM PA BZHI RNAMS TE, MI NA BA'I DUS KYI BSLAB PAR BYA'O, ,MI NA BAR 'GRENG BAS DUS KYIS BSHANG GCI MI BYA; CHU'I NANG DU BSHANG GCI DANG, MCHIL MA DANG, SNABS DANG, SKYUGS PA DANG, RLUGS PA MI DOR RO, ,RTZVA SNGON PO LA DE DAG MI DOR RO, ,GNOD PA MA BYUNG BAR SHING LA MI GANG LAS 'THOR MI 'DZEG PAR BSLAB PAR BYA'O, ,DE LTA BU'I BSLAB PA'I GNAS NYIS BRGYA LNGA BCU RTZA GSUM LHAG PA 'DI DAG BSRUNGS SHING MA 'DAS NA DE'I 'BRAS BU NI GANG, PHAN YON NI CI YOD, GANG GIS MA BSRUNGS SHING 'DAS PA DE DAG GI RNAM PAR SMIN PA NI GANG YIN NYES DMIGS NI CI YOD CE NA, DE LA GANG BSRUNGS PA DE NI TSANGS PA MTSUNGS PAR SBYOD PA MKHAS PA RNAMS KYIS RAB TU BSNGAGS PAR 'GYUR, 'CHI BA'I DUS BYED PA'I TSE 'GYOD PA MED PAR 'GYUR RO, ,DE LA PHAS PHAM PAR 'GYUR BA BSRUNGS NA, LUS ZHIG PA'I 'OG TU GZHAN 'PHRUL DBANG BYED KYI LHA RNAMS DANG SKAL BA MNYAM PAR SKYE BAR 'GYUR RO, ,DGE 'DUN LHAG MA BSRUNGS NA LUS @70A *, ,ZHIG PA'I 'OG TU 'PHRUL DGA'I LHA RNAMS DANG SKAL BA MNYAM PAR SKYE BAR 'GYUR RO, ,DE LA LTUNG BA SBOM PO BSRUNGS NA LUS ZHIG PA'I 'OG TU DGA' LDAN GYI LHA RNAMS DANG SKAL BA MNYAM PAR SKYE BAR 'GYUR RO, ,LTUNG BYED BSRUNGS NA 'THAB BRAL DU SKYE'O, ,SO SOR BSHAGS PA BSRUNGS PAS NI SUM CU RTZA GSUM PA'O, ,BSLAB PA'I CHOS BSRUNGS PAS NI RGYAL CHEN BZHI'I RIGS KYI LHAR SKYE'O, ,GAL TE YANG DAG PAR BSTEN NA NI MYA NGAN LAS 'DAS SO, ,DE LA DE DAG MA BSRUNGS PAS NI, TSANGS PA MTSUNGS PAR SBYOD PA RNAMS KYIS SMAD PAR 'GYUR, 'GYOD PA DANG BCAS PAS 'CHI BA'I DUS BYED PAR 'GYUR RO, ,PHAS PHAM PAR 'GYUR BA LAS 'DAS PAS NI, TSA BA'I DMYAL BA CHEN POR SKYE BAR 'GYUR RO, ,LHAG MA'I CHOS LA SA 'DAS PAS NI DU 'BOD CHEN POR RO, ,LTUNG BA SBOM PO LAS 'DAS PAS NI DU 'BOD DU'O, , LTUNG BYED LAS 'DAS PAS NI BSDUS 'JOMS SU'O, ,SO SOR BSHAGS PA LAS 'DAS PAS NI THIG NAG TU'O, ,BSLAB PA'I CHOS LAS 'DAS PAS NI YANG SOS SU SKYE'O, ,MA NGES PA NI GNYIS TE, DBEN PA SKYABS YOD 'DUG PA'O, ,RTZOD PA ZHI BAR BYED PA'I CHOS DU YOD CE NA, RTZONG BA ZHI BAR BYED PA'I CHOS NI BDUN TE, MNGON SUM DRAN PA MA BYOS DANG, ,DE BZHIN GANG MANG NGO BO NYID, ,RTZVA RNAMS BKRAM PA LTA BU DANG, ,KHAS BLANG BAR YANG BYA BA'O, ,YID BRTAN PAR BYA BA DU YOD CE NA, LNGA STE, LNGA GANG DAG CE NA, CHU TSAGS YID BRTAN PA DANG, BKOD MA YID BRTAN PA DANG, YID CHES PAS YID BRTAN PA DANG, DGE SLONG YID BRTAN PA DANG, DGE 'DUN YID BRTAN PA'O, ,YONGS SU LONGS SPYOD PA DU YOD CE NA, BZHI STE, BZHI PO GANG DAG CE NA, BDAG PO YONGS SU LONGS SPYOD PA DANG, BYIN PA LEN PA YONGS SU LONGS SKYED PA DANG, RJES SU GNANG BA YONGS SU LONGS SPYOD PA DANG, SBYIN PO YONGS SU LONGS SPYOD PA DANG, MI SPYOD PA'I YONGS SU LONGS SPYOD PA'I LNGA PA'O, ,YANG SMRA PA, MI SLOB PA NI BDAG POR BSHAD, ,SLOB PA LEN PA SPYOD PA YIN, ,BSAM GTAN KLOG DANG LDAN PA NI, ,GZI BRJID LDAN PAS RJES GNANG @70B BRJOD; ,SKYON PO SPYOD PA LHAG MA STE, ,LE LOS NYAMS PA'I BDAG NYID YIN, ,GTZUG LAG KHANG SOGS LONGS SPYOD LA, ,TSUL 'CHAL RNAMS KYIS SPYOD PA BKAG ,GSO SBYONG DU YOD, NYI SHU RTZA BZHI STE, DGUN ZLA 'BRING BO DANG, DPYID ZLA RA BA DANG, THA CHUNGS DANG, DPYAR ZLA 'BRING PO DANG, STON ZLA RA BA DANG, THA CHUNGS RNAMS KYI MAR NGO'I GSO SBYONG NI BCU BZHI PA'O, ,LHAG MA RNAMS NI BCO LNGA PA'O, ,DGE SLONG DANG PO'I LO DRI BA RDZOGS SO,, ,,DPAL RA SA'I GTZUG LAG KHANG GI 'OD MCHOG DNGOS GRUB GTZUG LAG KHANG DU, RGYA GAR GYI MKHAN PO D'I PAm KA RA SHR'I DZNY'A NA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA, ,, #, ,RGYA GAR SKAD DU, BI NA YA PRA SHNA K'A RI K'A, BOD SKAD DU, 'DUL BA DRI BA'I TSIG LE'UR BYAS PA, THAMS CAD MKHYEN PA'I NYI MA THE TSOM GYI MUN PA MANG PO MI BZAD PA BSAL BA LA PHYAG 'TSAL LO, ,RGYAL BA NYI MA THE TSOM GYI, ,MUN 'JOMS YUN RINGS PHYAG 'TSAL NAS, ,'DUL BA LAS NI LEGS BTUS TE, ,DRI BA KUN LAS BTUS PA BSHAD, ,GANG ZHIG 'DUL BA LA BRNYAS ZHING; ,DE RIG PA LA RNAM SMOD PA, ,BDAG NYID LA YANG SNYEMS 'CHANG BA, ,DE YI CHED DU 'DI BRJOD DO, ,SEMS CAN MI YI 'GRO BA YIN, ,BAR CHAD RNAMS KYANG SPANGS PA LA, ,SDOM PA MI 'CHAGS PAR GSUNGS PA, ,JI LTA BU YIN BSGRIMS TE SMROS, ,PHA MCHED DU BSAMS GSOD DANG, ,DGE SKONG MA NI SUN PHYUNG DANG, ,DGE 'DUN DBYEN BYED SDOM PA YI, ,ZHING DU GSUNGS PA JI LTA BU, ,SNGON DU PHAM PA BYAS GYUR LA, ,DGE SLONG RNAMS LA RAB BSGRIMS TE, ,BSNYEN RDZOGS GSOL BA GANG YIN PA, ,DE LA JI LTAR 'CHAGS 'GYUR SMROS, ,BSAM PA THAG PAS DKON MCHOG GSUM, ,PHYIR SPONG BAR NI BYED PA LA, ,SDOM PA MED PAR MI 'GYUR BA, ,CI PHYIR 'DI LA LAN BRJOD CIG ,SNGON DU LAS KYI CHO GA YIS, ,LEGS PAR BSNYEN PAR RDZOGS BYAS TE, ,'KHRIG PA BSTEN BA BYAS NAS PHYIS, ,CI PHYIR DGE SLONG MING MI 'DOR, ,GANG @71A *, ,ZHIG DGE SLONG NYID GNAS SHING, ,'DOD PA LA YANG STEN BYED PA, ,DE LA MTHAR MA GSUNGS CI PHYIR, ,DRI YIS DE NI BDAG LA SMROS, ,DGE SLONG GCIG PU ZLA MED PAR, ,GNAS NA 'DUG PAR GYUR PA LA, ,PHAS PHAM 'GYUR BA JI LTA BU, ,SDOM BRTZON SOMS TE SMRA BAR GYIS, ,GANG GIS YAN LAG LNGA LDAN PAS, ,GZHAN GYI NOR NI BRKU BYAS PAS, ,DE LA PHAM PAR MA GSUNGS PA, ,DE NI CI PHYIR GSAL BAR SMROS, ,SDOM BRTZON BLO LDAN GANG ZHIG GIS, ,GZHAN RDZAS 'GRANG 'DAS BRKUS PA DE, ,CI PHYIR PHAM PAR MA GSUNGS PA, ,DE NI BDAG LA MYUR DU SMROS, ,SDOM BRTZON RIN THANG TSANG BA YI, ,YO BYAD GNAS NAS MA SPANGS PAR, ,MTHAR 'GYUR BA NI CI PHYIR KYI, ,BDAG LA NGES PAR LEGS PAR SMROS, ,SDOM BRTZON RKU BA'I SEMS KYIS NI, ,MA BYIN GNAS NAS SPAGS PA LA, ,PHAS PHAM MI GSUNG JI LTA BU, ,KHYOD KYIS BDAG LA RGYU SMROS SHIG, ,DGE SLONG TSUL KHRIMS LDAN PA YIS, ,MA BYIN YAN LAG LNGA LDAN PAR, ,BRKUS NA LTUNG BA MED GSUNGS PA, ,CI PHYIR KHYOD KYIS THE TSOM CHOD, ,DUD 'GRO'I MNGAL NA GNAS PA YI, ,BU NI GSAD SEMS KYIS BSAD NA, ,THUB PA DE NYID MKHYEN PA YIS; ,PHAM 'GYUR GSUNGS PA JI LTA BU, ,SDOM BRTZON GSAD PA'I SEMS LDAN GYIS, ,MI YI MNGAL NAS LTUNG BYED PA, ,PHAM BYED MIN GSUNGS JI LTA BU, ,GAL TE KHYOD LA MTHU YOD SMROS, ,PHAM BSAMS BZHIN GSAD PA LA, ,PHAM 'GYUR MIN ZHING MNAR MED PA'ANG, MIN ZHES GSUNGS PA CI YI PHYIR, ,DE DRIS BDAG GI MDUN DU SMROS, BRDA PHRA MDUN DU BDAG SANGS RGYAS, ,DGRA BCOM STON PA ZHES SMRAS PA, ,PHAM PAR MA GSUNGS CI YI PHYIR, ,KHO BO DON DU GNYER GYIS SMOS, ,KHYOD 'BRAS THOB CES DE SKAD 'DRIS, ,DE BZHIN NO ZHES GSAL SMRAS NA, ,PHAM 'GYUR BYED PA YIN GSUNGS PA, ,CI PHYIR DON BZHIN SMRA BAR GYIS, ,BRDA PHRAD PA YI MI'I MDUN DU, ,'BRAS BU RNAM PA BZHI SMRAS PA, ,DE NYID GZIGS PAS MTHAR 'GYUR BA, ,CI YI PHYIR NA GSUNGS PA YIN, ,DGE SLONG 'BRAS CIG SMRA BYA LAS, ,GAL TE @71B 'BRAS BU GZHAN SMRAS NA, ,MTHAR 'GYUR BYED PA MIN GSUNGS PA, ,CI PHYIR RGYU 'DI SMRA BAR GYIS, ,'DUL BA DRI BA'I TSIG LE'UR BYAS PA LAS LE'U DANG PO'O,, ,,YAN LAG BCU LDAN 'BYIN BYED PA, ,DGE 'DUN LHAG MA BYED PA ZHES, ,BDE BAR GSHEGS PAS MA GSUNGS PA,, JI LTAR RGYU NI BDAG MDUN SMROS, ,'DOD CHAGS LA SOGS MTSUNGS LDAN PA'I, ,SEMS KYIS BUD MED BZOD PA LA, ,REG PA DGE 'DUN LHAG MA ZHES, ,THUB PAS MA GSUNGS JI LTA BU, ,SDOM BRTZON BSAMS BZHIN DGE 'DUN GYI, ,LHAG MA BYAS NAS CHO GA BZHIN, ,BSHAGS PA LA SOGS MA BYAS PAR, ,NGAG GSUNG CI PHYIR NGES PAR SMROS, ,GANG ZAG GCIG LA SPO BA DANG, ,SPYAD PA NYID DE BZHIN PO DAG ,GANG GIS SRID PAR SMRA BAR GYIS, ,JI SRID 'TSO BAR RANG GI GOS, ,RAB TU MANG PO MA BSNGOS SHING, ,BYIN MA BRLABS PAR 'CHANG YANG NI, ,DRI MA MED PAR JI LTAR BZHED, ,THA DAD GNAS NI SPANGS PA'I GNAS, ,GCIG NA GNAS PA'I DGE SLONG LA, ,'BREL BA'I DRI MAS DRI MA DANG, ,BCAS PAR GYUR PA JI LTA BU, ,ZLA BAS SPANG GOS DGE SLONG GIS, ,JI SRID 'TSO BAR MA SPANGS NA, ,CI PHYIR LTUNG BA MED PA ZHES, ,GSU PA BRI YIS GSAL BAR SMROS, ,SDOM BRTZON CAN NI PHA MA LAS, ,CHOS GOS RUNG BA BLANGS BYAS NAS, ,CI PHYIR SPANGS PA'I NYES PA YIS, ,DRI MA CAN DU GYUR PAR GSUNGS, ,ZHAG BDUN PA YI SMAN DAG NI, ,JI SRID 'TSO BA'I BAR BCANGS NA, ,JI LTAR SDOM BRTZON LTUNG MED PAR,, GSUNGS PA'I DON DE SMRA BAR GYIS, ,SHES BZHIN DU NI BRDZUN GYI TSIG ,SMRAS NA LTUNG BYED ME YIS NI, ,CI YI PHYIR NA SDOM BRTZON CAN, ,SHIN TU SREG MIN GSAL POR SMROS, ,DGE SLONG GIS NI DGE SLONG LA, ,SKYON NAS SMRA BAR BYED PA LA, ,KUN MKHYEN THUB PAS CI YI PHYIR, ,LTUNG BYED MA GSUNGS NGES PAR SMROS, ,DGE SLONG NYON MONGS CAN SEMS KYIS, ,DGE SLONG GIS SMRAS PHRA MA NI, ,DGE SLONG LA BYAS THUB PA YIS, ,JI LTAR DAG GSUNGS KHYOD BCOL SMROS, ,SDOM BRTZON GYIS NI RUNG BA YI, ,SA BON RNAM PA LNGA ZOS NA, ,JI LTAR LTUNG BYED BYED PAR GSUNGS, , @72A *, ,SDOM BRTZON GYIS NI BSGRIMS TE SMROS, ,G-YOGS MA MED MA BLTABS PAR SONG NA, ,JI LTAR BUR NA DAG PA GSUNGS, ,SDOM MA BLTABS PAR SONG NA, ,JI LTAR BUR NA DAG PA GSUNGS, ,SDOM BRTZON GYI NI RUNG BA'I GOS, ,NYE DU MIN PA'I DGE SLONG MA, ,BYIN LA LTUNG BA MED PA ZHES, ,GSUNGS PA CI PHYIR NGES PAR SMROS, ,MTSAN GCIG GNAS PA'I DGE SLONG DAG ,MANG PO KHA ZAS MA BSRUL DANG, ,THA DAD ZA BA CI YI PHYIR, ,DAG PAR GSUNGS PA GSAL BAR SMROS, ,KHA ZAS BCA' BAR BYA LA SOGS, ,RUNG BA DUS MIN ZA BYED PA, ,JI LTAR DAG PA ZHES GSUNGS PA, ,THE TSOM GTAN LA DBAB PAR GYIS, ,DGE SLONG CHO GA SNGON 'GRO BA'I, ,BYIN LEN BYAS NAS ZA BYED PA, ,JI LTAR LTUNG DANG BCAS ZHES GSUNGS, ,KHYOD LA MTHU YOD GSAL BAR SMROS, ,DGE SLONG GIS NI DGE SLONG LA, ,NYON MONGS SEMS KYIS RDEG BYED PA, ,THUB PAS JI LTAR NYES BYAS GSUNGS, ,KHYOD KYIS GSAL BAR LAN THOB CIG ,SDOM BRTZON ME LA REG BYED PA, ,KUN MKHYEN THUGS RJE LDAN PA YIS, ,CI PHYIR LTUNG BA NYES BYAS GSUNGS, ,DRI YIS NGES PAR SMRA BAR GYIS, ,DGE SLONG NUB GNYIS LAS LHAG PAR, ,BSNYEN PAR RDZOGS DANG BRAL BA DANG, ,NYAL BAR BYED PA JI LTA BUR, ,NYES BYAS LTUNG BAR BYED PAR 'GYUR, ,SDOM BRTZON TSON RTZI SNA GSUM GYIS, ,KHA MA BSGYUR BA'I GOS GYON PA, ,CI PHYIR LTUNG BA MED GSUNGS PA, ,KHO BOS BCOL GYI KHYOD SMROS SHIG ,SDOM BRTZON TSON RTZI SNA GSUM GYIS, ,LEGS PAR KHA BSGYUR GOS GYON PA, ,CI PHYIR LTUNG BA BCAS GSUNGS PA, ,THE TSOM GYI NI MCHOG CHOD CIG ,SDOM BRTZON RIN CHEN LA REG NA, ,JI LTAR DGE 'DUN LHAG MA DANG, ,SBOM GSUNGS MDZA' BO KHO BO YI, ,THE TSOM BRTAN PO MYUR DU TSED, ,RIN PO CHE DANG DE SMOS LA, ,REG PA'I DGE SLONG JI LTA BUR, ,NYES BYAS GSUNGS PA KHO BO YI, ,THE TSOM BSAL BAS RANGS PAR GYIS, ,DGE SLONG RIN CHEN LA REG PA, ,THUB PAS JI LTAR LTUNG MED CES, ,GSUNGS PA KHO BO DON GNYER KHYOD, ,MYUR DU GSAL BAR SMRA BAR GYIS, ,SDOM BRTZON TAG TU KHRUS @72B BYED PA, ,BDE BAR GSHEGS PAS JI LTA BUR, ,NYES BCIR YANG MA GSUNGS KHYOD, ,GAL TE 'DUL DON SHES NA SMROS, ,GAL TE SDOM CAN GYIS NI DUS, ,BYIN GYIS BRLABS NAS BRTAG BYED NA, ,THUB PA THAMS CAD GZIGS PA YIS, ,JI LTAR LTUNG DANG BCAS PAR GSUNGS, ,DGE SLONG GIS NI DGE SLONG LA; ,G-YA' BSGAG BSAM PAS GA GTSIL, ,BYED PA CI PHYIR THUB PA YIS, ,NYES BYAS LTUNG GSUNGS BCOL GYIS SMROS, ,LO NI NYI SHU MA LON PA, ,BSNYEN PAR RDZOGS PAR BYED PA LA, ,JI LTAR LTUNG BA MED PA DANG, ,DE DON GNYAR LA'ANG CHAGS PAR GSUNGS, ,SDOM BRTZON MYOS 'GYUR 'DU SHES KYIS, ,CHANG 'THUNGS JI LTAR NYES BYAS KYI, ,LTUNG BAR GSUNGS BA GAL TE MTHU, ,YOD NA DOGS PA MED PAS SMROS, ,SDOM BRTZON MTSAN MO RIN CHEN DAG ,'DUG BZHIN DU NI RGYAL PO YIS, ,GTAN BRTEN BTZUN MO'I GNAS YOD LA, ,GTUGS NA JI LTAR LTUNG BA MED, , GRONG GNAS DGE SLONG MA LA NI, ,SDOM BRTZON DE NA GNAS DAG GIS, ,KHA ZAS BLANGS NA JI LTA BUR, ,SO SOR BSHAGS BYA'I NYES BYAS GSUNGS, ,'DUL BA DRI BA'I TSIG LE'UR BYAS PA LAS LE'U GNYIS PA'O,, ,,DGE SLONG SO SOR THAR PA YI, ,GDON PA LNGA CHAR MA BTON PAR, , JI LTAR DE YI GSO SBYONG BYAS, ,DRI YI KHO BO LA SMOS SHIG ,SO SOR THAR PA MI 'DON CING, ,GZHAN GYI DRUNG DU BYIN MI RLOB, ,CI PHYIR GSO SBYONG BYAS 'GYUR 'DIR, ,BDAG LA THE TSOM YOD KYIS SMROS, ,DGE 'DUN RNYED PA DGE SLONG NI, ,GCIG PUS BLANGS NA JI LTA BUR, ,NYES MED GSUNGS PA KHO BO YIS, ,DON DU GNYER GYIS KHYOD GSAL SMOS, ,SDOM BRTZON CAN GYIS DGE 'DUN GYI, ,RNYED PA RUNG BA BDAG GIR BYAS, ,LTUNG BCAS ZHES GSUNGS RGYU CI YOD, ,'BAD DE BDAG LA SMRA BAR GYIS, ,MCHOD RTEN LA PHUL RNYED PA GANG, ,DE LAS DGE SLONG GIS BLANGS NA, JI LTAR LANG BA MED PA ZHES, ,RGYAL BAS GSUNGS PA SDOM BRTZON SMROS, ,NYAN THOS KYI LA BSNGOS PA'I RDZAS, ,SDOM BRTZON MCHOD RTEN LAS BLANGS NA, ,JI LTAR LTUNG BA DANG BCAS PAR, ,THUB PAS GSUNGS PA SDOM BRTZON SMROS, ,SPO BA SPYOD GNYIS GNAS GCIG NA, ,GNAS BYED CI PHYIR @73A *, ,NYES MED NYID, ,KHYOD LA NUS PA YOD CE NA, ,KHO BO LA NI SHIN TU SMROS, ,NAM YANG LTUNG BA MED CES PA, ,CI YI PHYIR NA THUB PA YIS, ,SPO BAR 'OS PA YIN PAR GSUNGS, ,BRTZE LDAN KHYOD NI GSAL BAR SMROS, ,LTUNG BA YOD PA MA YIN LA, ,GAL TE SPO BA SBYIN BYED NA, ,CI PHYIR THUB PAS LTUNG MED GSUNGS, ,KHO BO LA NI NGES PAR SMROS, ,GSAR BUS RGAN PO LAS 'DAS NA, ,GNAS MAL LEN PAR BYED PA LA, ,CI PHYIR LTUNG BA MED PAR GSUNGS, ,KHO BO THE TSOM BZLOG PAR GYIS, ,GNAS MAL DE NYID SPYOD PA LA, ,CI YI PHYIR NA THUB PA YIS, , NYES PA MED DANG NYES BYAS GSUNGS, ,'BOD DE GSAL BAR SMRA BAR GYIS, ,DGE 'DUN GYI NI GNAS MAL LA, ,RANG GI GOS KYIS MA G-YOGS PAR, ,SPYOD PA CI LTAR LTUNG MED GSUNGS, ,BRTUL ZHUGS CAN GYIS BDAG LA SMROS, ,'DUL BA DRI BA'I TSIG LE'UR BYAS PA LAS LE'U GSUM PA'O,, ,,LTUNG BA RNAM PAR RIG BYED DAM, ,CI ZHIG GZUGS CAN BSTAN YOD DAM, ,THOGS DANG BCAS SAM ZAG BCAS SAM, ,'DUS BYAS YIN NAM 'ON TE CI, ,'JIG RTEN PA'AM PHUNG POR LDAN, ,KHAMS DANG SKYE MCHED LDAN PA'AM, ,ZIN PA'AM LUNG BSTAN 'BYUNG BAR LDAN, ,DE BZHIN 'BYUNG BA LAS GYUR PA'AM, ,KUN SPYOR SGRIB PA'AM NYON MONGS CAN, ,ZANG ZING BCAS PA'AM 'ON TE NA, ,ZHEN PA BRTAN PA'AM 'THAB BCAS SAM, ,DMIGS PA DANG BCAS YIN NAM CI, ,SEMS SAM LAS SAM 'ON TE NA, ,RNAM SMIN BCAS SAM DE LAS GZHAN, ,'DAS PA'AM MA 'ONGS DA LTAR YIN, ,DGE BA'AM 'DOD DANG GZUGS KHAMS LDAN, ,SLOB PA'AM 'ON TE MI SLOB BAM, ,CI ZHIG DE NYID SPANG BYA'AM, ,CI ZHIG BSGOM PAS SPYANG BYA'AM, ,'ON TE MTHONG BAS BYA BA YIN, ,LUS KYI 'AM 'ON TE NGAG GI'AM, ,'ON TE CI ZHIG SEMS KYI YIN, ,DGE SLONG BDAG LA MYUR DU NI, ,DON BZHIN DAG TU SMRA BAR GYIS, ,CI DNGOS DE NYID BYED PA LA, ,LTUNG BA DANG NI LTUNG BA MED, ,GNYIS SU 'GYUR BA SRID YOD DAM, ,KHYOD LA DRI YIS MYUR DU SMROS, ,CI ZHIG GANG GIS LHAG MED PAR, ,'GYUR @73B PA'I GZHI NI DE NYID KYIS, ,LHAG MA DANG BCAS LTUNG 'GYUR RAM, ,DRI YIS BDAG LA GSAL POR SMROS, ,CI ZHIG GANG GIS PHAS PHAM PA'I, ,LTUNG 'GYUR GZHI NI DE NYID KYIS, ,DGE 'DUN LHAG 'GYUR DE BZHIN LTUNG, ,'GYUR RAM JI LTAR BDAG LA SMROS, ,GANG GIS DGE 'DUN LHAG 'GYUR BA'I, ,GZHI DE NYID KYIS DGE SLONG LA, ,LTUNG BYED DANG NI DE BZHIN DU, ,NYES BYAS SU YANG CI PHYIR 'GYUR, ,CI ZHIG GANG GIS LTUNG BYED PA'I, ,LTUNG BAR 'GYUR BA DE NYID KYIS, ,SO SOR BSHAGS 'GYUR CI YI PHYIR, ,DGE SLONG JI LTAR 'DOD BZHIN SMROS, ,GZHI CI GANG GI LTUNG BYED KYI, ,LTUNG BAR 'GYUR BA DE NYID KYIS, ,NYES PAR 'GYUR RAM DGE SLONG KHYOD, ,GAL TE NUS PA YOD BDAG SMROS, ,GANG GIS SO SOR BSHAGS PA YI, ,LTUNG BAR 'GYUR BA'I GZHI DE CI, ,NYES BYAS SRID DAM MTHU YOD NA, ,DRI YIS BDAG GI MDUN DU SMROS, ,JI LTAR DGE LUNG MA BSTAN PA'I, ,SEMS GNAS PA LA GSOD BYED PA, ,MNAR BAR GSUNGS MI DGE BA YI, ,SEMS LA GNAS PA LAS MA GSUNGS, ,DGE SLONG RUNG BA GNAS GCIG DANG, ,MTSAMS GCIG GNAS BZHIN DE YI TSIG ,MED PAR DGE 'DUN LAS BYAS NA, ,NYES BYAS MIN GSUNGS CI 'DRA SMROS, ,KHYIM PA GNAS BZHIN DGE 'DUN GYIS, ,LAS SHIG BYAS NA JI LTA BUR, ,DE YIS LAS KYANG BYAS 'GYUR ZHING, ,LTUNG BA MED PAR 'GYUR BA SMOS, ,DGE DANG LUNG MA BSTAN SEMS LA, ,GNAS PA LA NI JI LTA BUR, ,LTUNG DANG BCAS PA ZHES GSUNGS SRID, ,BDAG MDUN JI LTAR 'DOD PA SMROS, ,CI DGRA BCOM LA LTUNG 'BYUNG NGAM, ,'DI LA BDAG LA THE TSOM NI, ,BRTAN PO YOD KYIS 'BOD DE KHYOD, ,DOGS PA MED PAR BDAG MDUN SMROS, ,DGE 'DUN DBYEN BYED GANG YANG RUNG, ,DE KUN BSKAL PAR GNAS SAM CI, ,DGE SLONG GAL TE KHYOD BYAMS NA,, KHO BO'I THE TSOM MYUR DU SOL, ,DGE SLONG GYUR NAS LTUNG 'GYUR DANG, ,BZLOG PA YANG NI JI LTA BUR, ,BDAG GI THE TSOM MYUR DU CHOD, ,DGE SLONG GNYID MA LOG PA'I TSE, ,LTUNG BA BYAS NAS GNYID LOG NA, ,LTUNG BAR 'GYUR DANG BZLOG PA YANG, ,JI LTAR DRI YIS GSAL BAR SMROS, ,STAN GCIG @74A *, ,LA NI 'DUG PA YI, ,DGE SLONG LA NI RGYU GANG GIS, ,LTUNG BA RIS NI LNGA BO DAG ,'BYUNG BAR 'GYUR BA SRID YOD DAM, ,DGE SLONG SBYOR BA GCIG GIS NI, ,JI LTAR LTUNG BA STONG BYED 'GYUR, ,GAL TE DE NYID RIG CE NA, ,DRI YIS KHYOD NI SMRA BAR GYIS, ,BSAM GTAN DANG PO LA SOGS LA, ,SNYOMS PAR ZHUGS PA THUB PA YIS, ,DGE 'DUN LHAG MAR CI YI PHYIR, ,RAB TU GSUNGS PA BDAG LA SMROS, ,DGE SLONG THA NA NYES BYAS KYI, ,LTUNG BA NAM DU'ANG MI 'BYIN KYANG, ,'ON KYANG DGE SLONG MA YIN PAR, ,GSUNGS PA CI PHYIR GSAL BAR SMROS; ,DGE SLONG MA NI NAM DU YANG, ,NYES BYAS KYANG NI MI BYED KYANG, ,'ON KYANG JI LTAR DGE SLONG MA, ,MIN GSUNGS BDAG DON GNYER GYIS SMROS, ,GAL TE DGE SLONG DGRA BCOM MIN, ,PHA MIN BSAD NA JI LTA BUR, ,MTSAMS MED PA DANG DE BZHIN DU, ,PHAS PHAM GSUNGS PAR 'GYUR BA SMROS, ,GZHAN GYIS TSIG SMRAS GZHAN LA NI, ,JI LTAR LTUNG BA RIS LNGA PO, ,'BYUNG BAR 'GYUR BA BDAG LA NI, ,SDOM BRTZON MYUR DU SMRA BAR GYIS, ,JI LTAR DGE SLONG GCIG PU LA, ,PHAS PHAM 'GYUR BA BZHI 'BYUNG BA, ,DRI YIS KHYOD KYIS BDAG LA NI,, DON BZHIN DU NI SMRA BAR GYIS, ,'DUL BA DRI BA'I TSIG LE'UR BYAS PA LAS LE'U BZHI PA'O,, ,,'DI LA GSOL BA'I LAS DANG NI, ,GSOL BAR BCAS PA DU ZHIG YOD, ,LEGS GRAGS DE DANG RNAM DBYE BA, ,KHYOD NI 'BOD DE SMRA BAR GYIS, ,TSIG TU YANG NI MI SMRA LA, ,LUS KYI RTZOL BA MI BYED PAR, ,PHAS PHAM LTUNG BA 'BYUNG 'GYUR BA, ,JI LTA BUR NI KHYOD SMROS SHIG ,LTUNG BA RIS LNGA BYAS NAS NI, ,'CHAGS PAR YANG NI MI BYED CING, ,PHYIR BCOS PAR YANG MI BYED PAR, ,JI LTAR DAG PAR GSUNGS PAR SMROS, ,GZHAN GYIS PHAS PHAM BYAS GYUR LA, , GZHAN ZHIG PHAM PAR 'GYUR BA NI, ,THUB PAS JI LTAR GSUNGS PA DRIS, ,DES NA 'DI LTAR BDAG LA SMROS, ,LTUNG BA KUN LA GANG GIS NI, ,BSTAN PA DANG NI BSDU BAR 'GYUR, ,NGAG GIS KUN NAS BSLANG BA YI, ,KHA NA MA THO GANG CHE DANG, ,LUS KYI KHA NA MA THO CHE, ,GANG YIN @74B PHRA MAS GANG ZHIG 'GYUR, ,DGE 'DUN GANG ZAG LAS BYUNG KHYED, ,KHA NA MA THO GANG CHER 'DOD, ,SROG GCOD RGYU LAS SDIG CHEN YANG, ,KHYOD NI GSAL BAR SMRA BAR GYIS, ,'KHRIG DANG BRDZUN LAS GANG YIN TE, ,DES NI BDAG LA SMRA BAR GYIS, ,MANG DU SMRA LTA CI ZHIG DGOS, ,MDOR BSDUS TSIG GCIG KHYOD LA NI, ,KHRO SPANGS MDZA' BOR GYUR BYAS NAS, ,RAB TU BSGRIMS TE SMRA BAR BYA, ,SDOM PA KUN LA KUN MKHYEN GYIS, ,SKYABS GSUM DGE SLONG NYID LA NI, ,JI LTA BUR NI MA GSUNGS PA, ,DE NI BDAG LA GSAL BAR SMROS, ,DE LTAR 'DUL BA RGYA MTSO LAS, ,DRI BA THIGS PA TZAM BRGYA ZHIG ,BDAG GIS 'BAD DE BRNYAS BYED LA, ,MA RANGS NAS NI BRGYUS PA YIN, ,NONGS BA GYIS BLA MAS THUGS RJES KYANG, ,BCOS SHING BZOD PA MDZAD DU GSOL, ,MTHONG BA RNAMS KYIS LONG BA NI, ,DAM PA'I LAM DU CIS MI GZUD, ,'DUL BA DRI BA RNAMS BYAS NAS,, DGE BA ZLA BA LTA BUR NI, ,DKAR PO BRTZAMS PA DE YIS NI, ,'GRO BA RTAG TU DGE LEGS SHOG ,'DUL BA DRI BA'I TSIG LE'UR BYAS PA LE'U LNGA PA RDZOGS SO,, ,,'DUL BA DRI BA'I TSIG LE'UR BYAS PA SLOB DPON MDO SDE 'DZIN PA KA LY'A nA MI TRAS MDZAD PA RDZOGS SO,, ,, RGYA GAR GYI MKHAN PO DHARMA KAR DANG, ZHU CHEN GYI LO TZ'A PA BANDE DPAL BRTZEGS KYIS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, ,BI NA YA KA PRA SHNA t'I KA ,BOD SKAD DU, 'DUL BA DRI BA RGYA TSOR 'GREL PA, BDE BAR GSHEGS PA SENG GE MU STEGS CAN GLANG PO CHE'I TSOGS 'JOMS PA LA PHYAG 'TSAL LO, ,SH'AKYA SENG GE NGAN SMRA BA'I, ,RKANG GNYIS 'JOMS LA PHYAG 'TSAL NAS, ,'DUL BA'I DRI BA BSDUS PA YI, ,DON TZAM BDAG GIS BSHAD PAR BYA, ,STON PA LA GUS PA SKYES PA'I SLOB MA RNAMS NI DES BSTAN PA'I DON RNAM PAR DPYAD PA'I RAB TU BYED PA LA YANG GUS PA SKYE BAS RAB TU BYED PAR BRTZAMS PA LA RANG GIS STON PA RAB TU BYED PA'I DON GSUNGS PA'I YON TAN BRJOD PA SNGON DU 'GRO BA'I PHYAG 'TSAL BA BRTZAM PAR RGYAL BA NYI MA ZHES BYA BA LA SOGS PA SMOS SO, , @75A *, ,RGYAL BA NYID MI SHES PA'I MUN PA SEL BA'I PHYIR DANG, YE SHES KYI SNANG BA MDZAD PA'I PHYIR NYI MA YIN PAS RGYAL BA NYI MA STE, SANGS RGYAS BCOM LDAN 'DAS SO, ,DE NYID KYI PHYIR THE TSOM GYI MUN 'JOMS ZHES BYA BA SMOS TE, THE TSOM NYID MUN PA STE MUN NAG GO, ,DE 'JOMS PA NI SEL BAR MDZAD PA STE, DNGOS PO DANG 'BREL PA'I MI SHES PA DRUNGS PHYIN PAR MDZAD PA ZHES BYA BA'I THA TSIG GO, ,DE LA PHYAG 'TSAL NAS ZHES BYA BA NI BYAS NAS SO, ,RGYAL BA NYI MA YON TAN GYI KHYAD PAR DE LTA BU DANG LDAN PA DE LA PHYAG 'TSAL NAS CI ZHIG BYA ZHE NA, DRI BA KUN LAS BTUS PA BSHAD CES BYA BA SMOS TE, DRI BA STE BRGAL ZHING BRTAG PA RNAMS BSDUS PA BSHAD DO, ,CI RANG GI BLOS BYAS PA'I DRI BA BSLANG ZHING BSLANGS NAS BSHAD DAM ZHE NA, 'DUL BA LAS BTUS TE ZHES BYA BA SMOS TE, 'DUL BA NI 'DUL BA'I SDE SNOD LAS BTUS TE, 'DIS SLOB MA RNAMS 'DUL ZHING RJES SU STON PA'I PHYIR RO, , BYA BA DANG BYA BA MA YIN PA NYE BAR STON PA GZHUNG GI TSAD 'BUM PA'I KHYAD PAR RO ZHES BYA BA'I THA TSIG STE DE LAS SO, ,CHOS MNGON PA'I DRI BA'I TSIG LE'UR BYAS PA DAG KYANG YOD PAS DE'I PHYIR 'DUL BA ZHES BYA BA SMOS SO, ,BTUS TE ZHES BYA BA NI PHA KI TSU KI SIL BUR 'DUG PA LAS BTUS PA STE; 'DIS NI RANG GI TSIG LE'UR BYAS PA BYED PA GZHAN LA RAG LAS PAR RAB TU STON TO, ,JI LTAR BTUS TE BSHAD CE NA, LEGS ZHES BYA BA SMOS SO, ,LEGS PA NI PHYIN CI MA LOG PA STE, BDAG GIS 'DI DAG JI LTAR 'PHAGS PA NYE BA 'KHOR GYIS ZHUS PA BYAS PA RNAMS BCOM LDAN 'DAS KYIS LAN BTAB PA, DE BZHIN DU BSDUS KYI, RANG GI BLOS DPAGS TE MA YIN NO SNYAM DU BSAMS PA YIN NO, ,MKHAS PA RNAMS NI DON MED PA'I RAB TU BYED PA MI BYED PAS CI'I PHYIR BSHAD CE NA, GANG ZHIG GIS ZHES BYA BA LA SOGS PA SMOS TE, GANG ZHIG CES BYA BA NI 'DUL BA LA SDANG BA STE, MING MA SMOS PA'I 'DUL BA LAS NI 'DI BYA'O, ,'DI MI BYA'O ZHES BYA BA NI 'DI TZAM ZHIG YONGS SU SHES PAR 'GYUR GYI, 'DI LAS PHUNG PO DANG, KHAMS DANG, SKYE MCHED DANG, RTEN CING 'BREL BAR 'BYUNG BA LA SOGS PA'I TSIG GI DON DANG 'BREL BA'I RNAM @75B PAR DPYOD PA YANG MI BYED LA, 'DIS DE DAG YONGS SU SHES PAR YANG MI 'GYUR BAS RIG BYED BZHIN DU BLUN POR BYED PA'I NGO BO'I BSTAN BCOS SKAM THAG CHAD PA 'DI RTOGS PA NI DON MED DO ZHES BYA BA DE LTA BU LA SOGS PAS BRNYAS PA STE, TSIG GI DON NI 'DUL BA'I LNGA TSAN GYI YON TAN MA THOS PAS BLA MA'I RIGS MA BSTEN PA, NGAN SONG GSUM GYI G-YANG SAR LTUNG BA LA GCIG TU GZHOL BA, BDE 'GRO GNYIS LAS PHYIR PHYOGS PA, ZHI BA'I RGYUN GYI GNAS SKABS THAG BSRINGS PA DANG JI LTAR BRIS PA'I BSTAN BCOS GCIG TZAM RTOGS PAS BSTAN BCOS THAMS CAD KHONG DU CHUD PAS 'DRES PAR DAM BCA' BA, BDAG NYID BSTOD PA'I NYES PA MA MTHONG BA, 'DUL BA LA SOGS PA'I BSTAN BCOS RTOGS PAS BLO GSAL BA, RNO BA DRI MA MED PA, RNAM PAR DAG PAR 'GYUR BA SPONG BAR BYED PA'I CHED DU 'DI BRTZAMS SO ZHES BYA BA YIN NO, ,DE LA BRNYAS PA NI MA GUS PA'AM SMOD PA'O, ,DE LA RIG PA ZHES BYA BA NI 'DUL BA SHES PA STE 'DUL BA 'DZIN PA ZHES BYA BA'I THA TSIG GO, ,RNAM SMOD NI RNAM PAR SMOD PA'O, ,SNYEMS PA NI DREGS PA'AM NGA RGYAL LO, ,'CHANG BA NI BSREL BA'O, ,DE'I CHED DU ZHES BYA BA NI 'DUL BA 'DZIN PA LA RNAM PAR SMOD PA'I CHED DU'O, ,'DI ZHES BYA BA NI 'DUL BA'I DRI BA BSDUS PA SEMS LA GZHAG PA'O, ,BRJOD DO ZHES BYA BA NI BSNYAD PA STE, PHYI ROL DU STON TO ZHES BYA BA'I THA TSIG GO, ,KHA CIG ZHE SDANG GIS 'DUL BA SHES PA KHO NA LA RNAM PAR SMOD PAR BYED KYI, 'DUL BA LA NI MA YIN PAS 'DUL BA LAS ZHES BYA BA SMOS SO, ,LA LA NI 'DI GNYIS LA SMOD PAR BYED KYI NGA RGYAL GYIS KHONG GANG BA'I SEMS KYIS BDAG NYID KHONGS PA MA YIN PAS DE'I PHYIR YANG ZHES BYA BA'I SGRAS DE LA YOD PA'I SNYEMS PA BSDU'O, ,DRI BA KUN LAS BTUS PA BSHAD DO ZHES DAM BCAS PA GANG GI DON DU 'DI BRTZAMS PA DE BRJOD DGOS PAS, SEMS CAN MI'I 'GRO BA YIN ZHES BYA BA LA SOGS PA SMOS TE, SEMS CAN GYI SEMS PA PHUN SUM TSOGS PA'I PHYIR SEMS DANG SEMS LAS BYUNG BA'I RGYUD MA NYAMS PA STE, THA SNYAD PA'I BLO MA NYAMS PA ZHES BYA BA'I DON TO, ,SAMS @76A *, ,CAN ZHES SMOS PAS NI SMYON PA LA SOGS PA BKAG GO, ,MI'I 'GRO BA NI MI'I 'GRO BAR SKYES PA STE, MI'I 'GRO BA ZHES SMOS PAS NI MI'I 'GRO BA MA YIN PA BSAL TO, ,BAR CHAD RNAMS KYANG BSAL BA LA ZHES BYA BA NI MA BSAD PA DANG PHA BSAD PA NYID LA SOGS PA SDOM PA SKYE BA'I GEGS BYED PA RNAMS MED PA'O, ,SDOM PA NI DGE TSUL LA SOGS PA'I NGO BO STE, 'CHAL BA'I TSUL KHRIMS KYI RGYUN 'GOG PAR BYED PA'O, ,MI 'CHAGS PA NI MI SKYE BA'O, ,GSUNGS PA NI BCOM LDAN 'DAS KYI 'DUL BA LAS SO, ,JI LTA BU YIN ZHES BYA BA NI RNAM PA GANG GIS SO; ,BSGRIMS TE ZHES BYA BA NI 'BOD DE ZHES BYA BA STE, DE BZHIN DU 'OG MA DAG LA YANG SHES PAR BYA'O, ,'DI LA 'DRI BA'I BSAM PA NI MI'I 'GRO BA YANG YIN LA, SMYON PA LA SOGS PA BAR CHAD KYI CHOS DANG YANG BRAL BA GANG YIN PA DE LA SDOM PA SKYE BA KO THE TSOM YANG MED PA KHO NA YIN NA, 'ON KYANG BCOM LDAN 'DAS KYIS KHA CIG LAS 'DI LA SDOM PA SKYE BA MED PA NYID DU GSUNGS PA DE 'DI LA SDOM PA SKYE BA'I GEGS JI LTA BU ZHIG YOD PAR GSUNGS PA KHYOD KYIS 'BOD DE KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, BYANG GI SGRA MI SNYAN PA'I MI'I DBANG DU MDZAD NAS DE SKAD GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG RNAMS KYIS BYANG GI SGRA MI SNYAN PA'I GANG ZAG GCIG BSNYEN PAR RDZOGS PAR BGYID NA BSNYEN PAR RDZOGS PA ZHES BGYI'AM, MA RDZOGS PA ZHES BGYI, NYE BA 'KHOR BSNYEN PAR MA RDZOGS PA'O ZHES BYA BA YIN NO, ,GAL TE BYANG GI SGRA MI SNYAN PA YANG BAR CHAD YIN NO ZHE NA MA YIN TE, BKOL BA CHAD PA YAN CHAD YIN NO, ,'DI LA SKYE BA'I CHOS NYID MED PAR 'DRA'O, ,DE LTA BU'I RTAGS CAN NI BSNYIL BAR BYA BA 'DIR BAR CHAD KYI CHOS KYI NANG DU MA BSTAN PA'I PHYIR RO, ,DE BZHIN DU 'OG MA DAG LA'ANG CI RIGS PAR SHES PAR BYA'O, ,RNAM PA GCIG TU NA MKHAN PO DGE SLONG MA YIN PA NYID DU SHES PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, MKHAN PO RKU THABS SU GNAS PA ZHIG GIS BSNYEN PAR RDZOGS PAR 'TSAL BAR BSNYEN PAR RDZOGS PAR BGYID @76B NA BSNYEN BAR RDZOGS PA ZHES BGYI'AM BSNYEN PAR MA RDZOGS PA ZHES BGYI, BKA' STZAL PA, GAL TE BDAG GI MKHAN PO RKU THABS SU GNAS PA YIN NO ZHES BYA BAR SHES NA BSNYEN PAR MA RDZOGS PA ZHES BYA'O, ,GAL TE MI SHES NA BSNYEN PAR RDZOGS BA ZHES BYA'O ZHES BYA BA YIN NO, RNAM PA GCIG TU NA MKHAN PO SPONG BA LA DGONGS NAS DE SKAD GSUNGS TE, DE BZHIN DU 'DIR GZHUNG NI, BSNYEN PAR RDZOGS PAR BGYID PA'I TSE MKHAN PO SPONG BAR BGYID NA BSNYEN PAR RDZOGS PA ZHES BGYI'AM, BSNYEN PAR MA RDZOGS PA ZHES BGYI, BKA' STZAL PA, BSNYEN PAR MA RDZOGS PA ZHES BYA'O ZHES BYA BA YIN NO, ,RNAM PA GCIG TU NA BSNYEN PAR RDZOGS PAR BYA BA DANG MKHAN PO DAG GI MING MA SMOS PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, GANG ZAG GSUM NI BSNYEN PAR MA RDZOGS PA YIN TE, BDAG GI MING NAS MI BRJOD PA DANG, MKHAN PO'I MING NAS MI BRJOD PA DANG, BSNYEN PAR RDZOGS BAR MI SHES PA'O, ,DE BZHIN DU LAS BYED PAS MKHAN PO DANG BSNYEN PAR RDZOGS PAR 'DOD PA DANG, DGE 'DUN TE GSUM GYI MING MI SGROGS NA ZHES BYA BA LA SOGS PA GSUNGS PA YIN NO, ,YANG NA 'DI NI KHYIM BA'AM MU STEGS CAN GYI RGYAL MTSAN 'CHANG BA'AM GCER BU PA'AM 'KHRUG PA LA DGONGS NAS GSUNGS PA YIN TE, 'DI LA BDAG GI LUNG GI KHUNGS NI MA RNYED DO, ,MDO BYED PA LA BRTEN NAS SMRAS PA YIN PAR BLTA BAR BYA STE, DE BZHIN DU 'DI LA MDO BYED PAS BSHAD PA NI KHYIM PA DANG MU STEGS CAN GYI RGYAL MTSAN CAN LA'ANG MI SKYE'O, ,SGREN MO DANG 'KHRUG PA DANG MTSAN DUG MA DAG LA YANG MI SKYE'O ZHES BYA BA YIN NO, ,SNGA MA LA YANG MDO BYED PAS BSHAD PA NI MI MA YIN PA'I 'GRO BA PA DANG BYANG GI SGRA MI SNYAN PA GNYIS NI SDOM PA'I ZHING NYID MA YIN NO, ,DE DGE SLONG NYID MA YIN PAR SHES NA MI SKYE'O, ,DE'I PHYIR SPONG BA LA YANG MI SKYE'O, ,DE GNYIS KYI MING MA BRJOD NA YANG MI SKYE'O, ,DGE 'DUN GYI NA YANG DE'I SKYE GNAS KYI MI SKYE'O ZHES BYA BA YIN NO, ,PHA DANG MA NI PHA MA'O, ,CHED DU BSAMS PA NI BLO SNGON DU BTANG BA'O, ,CHED DU BSAMS PA ZHES SMOS PA @77A *, ,NI CHED DU BSAMS PA MA YIN PA DE DGAG PA'I PHYIR TE, 'DI LTAR CHED DU MA BSAMS PAR GRUB PA NI BYED PA PO NYID MA YIN NO ZHES 'BYUNG BAS CHED DU BSAMS PA MA YIN PAR DE DAG BSAD PA LA MTSAMS MED PA LDANG BAR MA GSUNGS PA'I PHYIR RO, ,GSOD PA NI GSOD PAR BYED PA'O, ,DGE SLONG MA NI SUN PHYUNG DANG, ,ZHES BYA BA NI DGE SLONG MA MA RUNG BAR BYED PA'O, ,DGE 'DUN DBYEN BYED PA NI DGE 'DUN STON PA DANG LAM GZHAN LA 'DOD PA SKYED PA'I SGO NAS RNAM GNYIS SU BYED PA'I PHYIR TE, STON DANG LAM GZHAN LA BZOD PA, ,DBYE BA'O ZHES 'BYUNG BA'I PHYIR RO, ,SDOM PA'I CHED DU ZHES BYA BA NI SDOM PA SKYE BA'I SNOD NYID DU'O, ,'DI LA 'DRI BA'I BSAM PA NI MA GSOD PA DANG, PHA GSOD PA DANG, DGE SLONG MA SUN DBYUNG BA DANG, DGE 'DUN GYI DBYEN BYED PA NI 'DI LTAR MTSAMS MED PA LA SOGS PA BYED PA YIN PA'I PHYIR BCOM LDAN 'DAS KYIS SDOM PA SKYE BA 'BYUNG BAR MI RUNG BA NYID DU GSUNGS LA, 'ON KYANG RNAM PA GZHAN 'GA' ZHIG GIS SDOM PA SKYE BAR 'OS BA NYID DU YANG GSUNGS PAS DE LTA BU YIN PA KHO BO LA SMROS SHIG BYA BA 'DI YIN NO, ,MA BSAD PA DANG, PHA BSAD PA DANG, DGE SLONG MA SUN PHYUNG BA DANG, DGE 'DUN GYI DBYEN BYED PA 'DI DAG NI DGRA BCOM PA BSAD PA DANG, DE BZHIN GSHEGS PA LA NGAN SEMS KYIS KHRAG 'BYIN BA DAG GI DPE TZAM DU ZAD DO, ,'DI LA LAN NI 'DI YIN TE, GZHAN GYI 'DU SHES KYIS BSAD PA LA SOGS PA LA DGONGS NAS DE SKAD GSUNGS PA YIN NO; ,DE BZHIN DU 'DIR GZHUNG NI, BTZUN PA RE ZHIG DGE SLONG RNAMS KYIS MA BKUMS PA'I GANG ZAG GCIG BSNYEN PAR RDZOGS PAR BGYID NA BSNYEN PAR RDZOGS PA ZHES BGYI'AM, BSNYEN PAR MA RDZOGS PA ZHES BGYI, NYE BA 'KHOR KHA CIG NI BSNYEN PAR RDZOGS PA ZHES BYA LA, KHA CIG NI BSNYEN PAR MA RDZOGS PA ZHES BYA STE, GANG ZHIG GIS GZHAN GYI 'DU SHES SAM, GZHAN GYIS SBYOR BAS MA BSAD NA 'DI NI BSNYEN PAR RDZOGS PA ZHES BYA BAS BSNYEN PAR RDZOGS NAS KYANG BSNYIL BAR MI BYA'O, ,GANG ZHIG GIS CHED DU BSAMS TE MA BSAD PAR GYUR NA 'DI NI BSNYEN PAR MA RDZOGS @77B PA ZHES BYA BAS BSNYEN PAR RDZOGS NAS KYANG BSNYIL BAR BYA'O, ,MA BSAD PA JI LTA BAR PHA BSAD PA DANG, DGRA BCOM PA BSAD PA YANG DE DANG 'DRA'O ZHES BYA BA YIN NO, ,RNAM PA GCIG TU NA PHA DANG MA DUD 'GRO'I SKYE GNAS SU GTOGS PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS PHA DANG MA DAG BKUMS LA MTHAR YANG MI 'GYUR, MTSAMS MA MCHIS PA'I KHA NA MA THO BAS REG PAR YANG MI 'GYUR BA LTA MCHIS SAM, YOD DE, GANG GI PHA DANG MA DUD 'GRO'I SKYE GNAS SU GTOGS PA DAG YIN NA'O ZHES BYA BA YIN NO, ,RNAM PA GCIG TU NA SKYED PAR BYED PHA MA YIN PA'I PHA DANG MA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG MAS NI BSKYED LA GZHAN GYIS NI GSOS PAS GANG ZHIG BKUMS PAS MTHAR 'GYUR ZHING MTSAMS MA MCHIS PA'I KHA NA MA THO BAS KYANG REG PAR 'GYUR BA LAGS, GANG GIS BSKYED PA'O ZHES BYA BA YIN NO, ,DE NYID KYI PHYIR MDO BYED PAS MI MA YIN PA'I 'GRO BA PA GNYIS NI MA YIN NO, ,DE GNYIS LAS MTSAMS MED PAR MI 'GYUR RO, ,DE NI SKYED PAR BYED PA GNYIS LAS DE YIN NO, ,MA BSAD PA LA SOGS PA DE BYAS PA DE NYID GTZO BO ZHES BSHAD DO, ,RNAM PA GCIG TU NAM LA YOD PA'I NUR NUR PO ZAGS PA DE GZHAN GYI MNGAL DU BLUGS PA LAS SKYES PA'I MA BSAD PA LA DGONGS NAS DE SKAD GSUNGS PA YIN TE, DE BZHIN DU GANG LAS KHRAG NI BYUNG BA MA ZHES BSHAD DO, ,YANG NA ZAG PA DANG BCAS PA'I LAS KYI SRID PA DANG SRED PA BSAD PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS PHA BKUMS LA MTHAR YANG MI 'GYUR, MTSAMS MA MCHIS PA'I KHA NA MA THO BAS REG PAR MI 'GYUR BA LTA MCHIS LAGS SAM, YOD DE, ZAG PA DANG BCAS PA'I LAS KYI SRID PA BSAD NA'O, ,NYE BA 'KHOR ZAG PA DANG BCAS PA'I LAS KYI SRID PA NI MNGON PAR SGRUB PA'I DON GYIS PHA ZHES BYA'O, ,BTZUN PA DGE SLONG GIS MA BKUMS LA MTHAR YANG MI 'GYUR, MTSAMS MA MCHIS PA'I KHA NA MA THO BAS REG PAR YANG MI 'GYUR BA LTA MCHIS LAGS SAM, YOD DE, GAL TE SRED PA @78A *, ,BSAD NA'O, ,NYE BA 'KHOR SRED PA NI SKYED PA'I DON GYIS MA ZHES BYA BA YIN NO, ,DE NYID KYI PHYIR, MI NI SRED PAS SKYED PAR BYED, ,'DI YI SEMS NI RNAM PAR RGYUG ,SEMS CAN 'KHOR BAR GTOGS PA STE, ,DE YI LAS NI 'JIGS PA CHE, ,ZHES GSUNGS SO; ,DE NYID LA DGONGS NAS, PHA DANG MA NI BSAD BYAS SHING, ,RGYAL PO GTZANG SBRA CAN GNYIS DANG, ,YUL 'KHOR 'KHOR DANG BCAS BCOM NA, ,MI DE DAG BAR 'GYUR ZHES BSHAD, ,CES GSUNGS SO, ,DE BZHIN DU DGE SLONG MA SUN PHYUNG BA LA SOGS PA'I GZHUNG YANG 'DI YIN TE, BTZUN PA RE ZHIG DGE SLONG RNAMS KYIS DGE SLONG MA SUN PHYUNG BA ZHIG BSNYEN PAR RDZOGS PAR BGYID NA, BSNYEN PAR RDZOGS PA ZHES BGYI'AM, BSNYEN PAR MA RDZOGS PA ZHES BGYI, NYE BA 'KHOR KHA CIG NI BSNYEN PAR RDZOGS PA ZHES BYA LA, KHA CIG NI BSNYEN PAR MA RDZOGS PA ZHES BYA STE, GANG GIS MI TSANGS PAR SPYOD PAS DGE SLONG MA SUN PHYUNG BA DE NI BSNYEN PAR MA RDZOGS PA ZHES BYA BAS BSNYEN PAR RDZOGS NA YANG BSNYIL BAR BYA'O, ,GANG GIS LUS KYIS REG PAS DGE SLONG MA SUN PHYUNG BA DE NI BSNYEN PAR RDZOGS PA ZHES BYA BAS BSNYEN PAR RDZOGS NAS KYANG BSNYIL BAR MI BYA'O ZHES BYA BA YIN NO; ,YANG NA NYAMS SU MYONG BA MED PA'I DGE SLONG MA SUN PHYUNG BA'I DBANG DU MDZAD NAS GSUNGS PA YIN TE, DE BZHIN DU 'DIR GZHUNG NI, BTZUN PA JI TZAM GYIS NA DGE SLONG MA SUM PHYUNG BA ZHES BGYI, GANG GIS MI TSANGS PAR SPYOD PAS DGE SLONG MA 'DUN PAS SUN PHYUNG BAR GYUR NA'O ZHES BYA BA YIN NO, ,DE NYID KYI PHYIR MDO BYED PAS PHAM PAR 'GYUR BA MA BYUNG BA NYID LA MI TSANGS PAR SPYOD PAS NYAMS SU MYONG BA DAG SUN PHYUNG BA NYID YIN NO ZHES BSHAD DO, ,SHUGS KYIS NA NYAMS SU MYONG BA MED PAR SUN PHYUNG BA NI DGE SLONG MA SUN PHYUNG BA NYID MA YIN NO ZHES BLTA BAR BYA'O, ,YANG NA SO SO NAS GZHI BRGYAD KYIS DGE SLONG MA SUN PHYUNG BA NYID LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG GANG ZAG BRGYAD KYIS SO SO NAS GZHI BRGYAD KYIS DGE SLONG MA SUN 'BYIN PAR BGYID NA DGE SLONG DE SUN PHYUNG BA ZHES BGYI'AM, NYE BA 'KHOR SUN @78B PHYUNG BA ZHES BYA'O, ,DE LA GANG ZHIG DGE SLONG MA SUN PHYUNG BA ZHES BGYI, BKA' STZAL PA, GANG YANG MA YIN NO, ,BTZUN PA DGE SLONG RNAMS KYIS DE BZHIN GSHEGS PA LA NGAN SEMS KYIS KHRAG PHYUNG BA ZHIG BSNYEN PAR RDZOGS PAR BGYID NA BSNYEN PAR RDZOGS BA ZHES BGYI'AM, BSNYEN BAR MA RDZOGS PA ZHES BGYI, NYE BA 'KHOR KHA CIG NI BSNYEN PAR RDZOGS PA ZHES BYA LA, KHA CIG NI BSNYEN PAR MA RDZOGS PA ZHES BYA STE, GANG GIS DE BZHIN GSHEGS PA LA CHED DU BSAMS TE NGAN SEMS KYIS KHRAG PHYUNG BAR GYUR PA DE NI BSNYEN PAR MA RDZOGS PA ZHES BYA BAS BSNYEN PAR RDZOGS NA YANG BSNYIL BAR BYA'O, ,GANG GIS DE BZHIN GSHEGS PA LA CHED DU MA BSAMS PAR NGAN SEMS KYIS KHRAG PHYUNG BAR GYUR PA DE NI BSNYEN PAR RDZOGS PA ZHES BYA BAS BSNYEN PAR RDZOGS NAS KYANG BSNYIL BAR MI BYA'O ZHES BYA BA YIN NO, ,'DI NYID LA DGONGS NAS, SANGS RGYAS BKRONGS PAR MI 'DOD PA'I, , MTSAMS MED MA YIN ZHES BSHAD DO, ,BTZUN BA RE ZHIG GANG ZAG DGE 'DUN GYI DBYEN BGYIS PA ZHIG BSLAB PA PHUL NAS BABS PAR GYUR LA, DE SLAR YANG LEGS PAR GSUNGS BA'I CHOS 'DUL BA LA RAB TU 'BYUNG ZHING BSNYEN PAR RDZOGS PA DGE SLONG GI DNGOS PO 'TSAL LA, DE DGE SLONG RNAMS KYIS BSNYEN PAR RDZOGS PAR BGYIR NA BSNYEN PAR RDZOGS PA ZHES BGYI'AM, BSNYEN PAR MA RDZOGS PA ZHES BGYI, NYE BA 'KHOR KHA CIG NI BSNYEN PAR RDZOGS PA ZHES BYA LA, KHA CIG NI BSNYEN PAR MA RDZOGS PA ZHES BYA STE, GANG GIS CHOS MA YIN PA LA CHOS MA YIN PAR 'DU SHES PA DANG, DBYE BA LA CHOS MA YIN PAR 'DU SHES PAS DGE 'DUN PHYE BAR GYUR PA DE NI BSNYEN PAR MA RDZOGS PA ZHES BYA BAS BSNYEN PAR RDZOGS NAS KYANG BSNYIL BAR BYA'O, ,GANG GIS CHOS MA YIN PA LA CHOS SU 'DU SHES PAS DGE 'DUN PHYE BAR GYUR PA DE NI BSNYEN PAR RDZOGS PA ZHES BYA BAS BSNYEN PAR RDZOGS NAS KYANG BSNYIL BAR MI BYA'O, ,YANG NA LAS KYI DBYEN GYIS BDAG NYID KYIS DGE 'DUN GYI DBYEN LA DGONGS TE DE SKAD GSUNGS PA YIN TE, DE BZHIN DU 'DIR GZHUNG NI, KOO SH'AM B'I'I DGE 'DUN SUS PHYE, CHOS MA YIN PA SMRA BA DAG GIS TE, MTSAMS KYI NANG NA MTSUNGS PAR GNAS PA LAS @79A *, ,MA 'DRES PA'I CHOS GSO SBYONG BGYIS SO ZHES BYA BA YIN NO, ,YANG NA BZHAD GAD KYI BSAM PA LA DGONGS NAS DE SKAD GSUNGS PA YIN NO, ,DE BZHIN DU 'DIR GZHUNG NI, GANG ZHIG DE LTAR KU RE'I BSAM PAS RJES SU SGROGS SAM TSUL SHING 'BRIM PAR BGYI NA DGE 'DUN BYE ZHES BGYI'AM, NYE BA 'KHOR MA YIN NO, ,LAS BGYID PA LA JI LTAR 'GYUR LAGS, DBYEN GYI NYER BSDOGS KYI NI NYES PA SBOM POR 'GYUR RO ZHES BYA BA YIN NO, ,YANG NA DGE 'DUN DU MA GYUR PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI; LNGA PA SPANGS PA YIN NA DGE 'DUN MA BYE'O ZHES BRJOD PAR BYA'O, ,DGU PA RKU THABS SU GNAS PA ZHIG GIS DGE 'DUN PHYE NA DGE 'DUN MA BYE'O ZHES BRJOD PAR BYA'O, ,MTSAN GNYIS PA ZHIG GIS TSUL SHING BRIMS SAM RJES SU SGROGS PAR BGYID NA CI DGE 'DUN BYE BA ZHES BGYI 'AM MA BYE BA ZHES BGYI, BKA' STZAL PA, MA BYE BA ZHES BYA BA YIN NO, ,YANG NA MA 'ONGS PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA ZA MAS TSUL SHING BRIM ZHING LAS DAG BGYIR DBANG LAGS SAM, NYE BA 'KHOR MI DBANG NGO, ,DE BZHIN DU MA NING DANG, DGE SLONG MA SUN PHYUNG BA DANG, MA BKUMS PA DANG, PHA BKUMS PA DANG, DGRA BCOM PA BKUMS PA DANG, MU STEGS CAN ZHUGS PA DANG, RKU THABS SU GNAS PA DANG, THA DAD DU GNAS PAS TSUL SHING BRIM ZHING LAS DAG BGYIR DBANG LAGS SAM, NYE BA 'KHOR MI DBANG NGO ZHES BYA BA YIN NO, ,DE BZHIN DU 'DIR MDO BYED PAS KYANG, CHOS DANG CHOS MA YIN PA GNYI GA LA DE BZHIN DU SHES NA MTSAMS MED PA'O, ,DBYE BA LA CHOS SU 'DU SHES PAS KYANG NGO ZHES BSHAD DO, ,'DI LA 'GREL PA BYED PAS KYANG, CHOS MA YIN PA LA YANG CHOS MA YIN PA NYID DU, CHOS LA YANG CHOS NYID KHO NAR SHES SHING DGE 'DUN GYI DBYEN BYED NA MTSAMS MED PA'I KHA NA MA THO BA DANG LDAN GYI, CHOS MA YIN PA LA CHOS SU 'DU SHES PA DANG, CHOS LA CHOS MA YIN PAR 'DU SHES PA LA NI MA YIN TE, DE LA BSAM PA LOG PAR ZHUGS PA MED PA'I PHYIR RO ZHES BYA BA LA SOGS PA BSHAD DO, , @79B DE BZHIN DU CHOS MA YIN PA SMRA BA DAG GIS DBYE BA'I SEMS KYIS MTSAMS KYI NANG DU LAS THA DAD PAR BYAS NA DE DBYE BA YIN NO, ,BZHAD GAD KYI DNGOS POS NI GANG GIR YANG MI 'GYUR RO, ,MI 'CHAGS PA'I BLOS DBYEN BYED PA DANG GNAS NAS 'BYIN PA DAG LA NI SBOM PO'O, ,DGE 'DUN DU MA GYUR PA NYID NA NYES BYAS SO; ,DBYEN RJES SU SGRUB PA NI GSOL BA DANG 'DRA'O, ,GANG KHA SKONG BAR MI 'OS PA DE MDUNG DOR BAR YANG NGO, ,DGE 'DUN GYI DBYEN LA YANG 'OS PA MA YIN PAS TSUL SHING DAG 'BRIM PA MI 'CHAGS SO, ,DBYE BAR BYED PA DAG DGE 'DUN GYI TSAD MA YIN PA DANG, MTSAMS KYI NANG NA GZHAN DGE 'DUN GYI TSAD DAG KYANG MED PA NYID YIN NA DE MI 'CHAGS SO ZHES BSHAD DO, ,DE NYID LA DGONGS NAS, DGE SLONG LTA SPYAD TSUL LDAN PAS, ,'BYED DO GZHAN DU'O BYIS PA RNAMS, ,STON DANG LAM GZHAN LA BZOD PA, ,BYE BA'O DE NI MI GNAS SO, ,DE NI 'KHOR LO'I DBYEN DU 'DOD, ,'DZAM BU'I GLING DU'O DGU SOGS KYIS, ,BSHAD DO, ,SNGON DU PHAS PHAM 'GYUR BYAS LA, ,ZHES BYA BA LA SOGS PA LA SNGON PHAS PHAM PAR 'GYUR BAR BYAS PA NI SNGON BSNYEN PAR RDZOGS PA'I TSE PHAS PHAM PAR 'GYUR BA BYED PA'I NGANG TSUL CAN NI SNGON PHAS PHAM PAR 'GYUR BA BYAS PA STE SNGON PHAM PA BYUNG BA ZHES BYA BA'I TSIG GO, ,DE LA PHAS PHAM PAR 'GYUR BA NI PHAS PHAM PA STE, DGE SLONG GI DNGOS PO DANG DE'I 'BRAS BU 'PHAGS PA'I LAM LAS LTUNG BA ZHES BYA BA'I THA TSIG GO, ,PHAS PHAM PA LAS 'BYUNG BA'I LTUNG BA NI PHAS PHAM PAR 'GYUR BA STE DE BYED PAS DE SKAD CES BYA'O, ,DGE SLONG RNAMS LA BSNYEN PAR RDZOGS PA GSOL BA ZHES BYA BA NI DGE SLONG GI DGE 'DUN LA BSNYEN PAR RDZOGS PA'I DON DU GNYER BA STE, DGE 'DUN LAS BSNYEN PAR RDZOGS PAR BYA'O ZHES 'BYUNG BAS BSNYEN PAR RDZOGS PA NI DGE 'DUN LA RAG LAS PA'I PHYIR RO, , DGE SLONG ZHES SMOS PA NI DGE SLONG MA BSAL BA'I PHYIR TE, 'DI LTAR 'DIR DGE 'DUN GYIS BSNAN PAR BYA'O ZHES 'BYUNG BAS DGE SLONG MA RNAMS KYI BSNYEN PAR RDZOGS PA YANG DGE SLONG GI DGE 'DUN LA RAG LAS PA KHO NA YIN NO, ,RAB BSGRIMS TE ZHES BYA BA NI BSAM PA THAG PA NAS TE, MYA @80A *, ,NGAN LAS 'DAS PA'I BSAM PAS ZHES BYA BA'I DON TO, ,RAB TU BSGRIMS PA SMOS PA NI 'JIGS SKYOB KYI BSAM PAS SDOM PA LEN PA SKYE BA GANG YIN PA DE BSAL BA'I PHYIR TE, MYA NGAN LAS 'DAS PA'I BSAM PA BRTAN PO MED PAR SDOM PA SKYE BA MED DO ZHES 'BYUNG BA'I PHYIR RO; ,DE LA ZHES BYA BA NI SNGON PHAS PHAM PAR 'GYUR BA BYAS PA LA'O, ,'CHAGS PA NI SKYE BA STE DON GYI DBANG GIS NA BSNYEN PAR RDZOGS PAR GZUNG NGO, ,'DI LA 'DRI BA'I BSAM PA NI SNGON PHAM PA BYUNG BA LA BCOM LDAN 'DAS KYIS BSNYEN PAR RDZOGS PA DGE SLONG GI DNGOS PO BKAG GO ZHES 'BYUNG BA 'DI NI LEGS PAR SHES NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS 'DI BSNYEN PAR RDZOGS PAR GNANG NGO ZHES BYA BA 'DI LTA BU YIN LA, KHO BO'I THE TSOM DE SOL CIG BYA BA 'DI YIN NO, ,'DI LA GTAN LA DBAB PA 'DI YIN TE, DGE SLONG MA THUN MONG MA YIN PA'I PHAM PAR 'GYUR BA BYAS PA BSLAB PA PHUL NAS MTSAN GYUR PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA BCOM LDAN 'DAS KYIS SNGAR PHAM PA BYUNG BA RAB TU DBYUNG BAR MI BYA ZHING BSNYEN PAR RDZOGS PAR MI BYA'O ZHES BKA' STZAL PA GANG LAGS PA, BTZUN PA DGE SLONG RNAMS KYIS SNGAR PHAM PA BYUNG BA ZHIG RAB TU 'BYIN PAR BGYID CING BSNYEN PAR RDZOGS PAR BGYID NA BSNYEN PAR RDZOGS PA ZHES KYANG BGYI, LTUNG BAR YANG MI 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG MA ZHIG GIS THUN MONG MA YIN PA'I PHAS PHAM PAR 'GYUR BA'I LTUNG BA SPYAD LA DE BSLAB PA PHUL NAS BABS PA DANG DE MTSAN GYUR TE PHOR RED PA DANG RAB TU 'BYIN CING BSNYEN PAR RDZOGS PAR BYED NA LTUNG BA MED DO ZHES BYA BA YIN NO, ,DE BZHIN DU 'DIR MDO BYED PAS KYANG, BUD MED BSLAB PA PHUL NAS SKYES PA NYID DU GYUR PA NI RAB TU 'BYUNG BA DANG BSNYEN PAR RDZOGS PAR RUNG BA NYID DO, ,PHAM PAR 'GYUR BA THUN MONG MA YIN PA LHAG PAR SPYAD PA CAN YANG NGO ZHES BSHAD DO, ,BSAM PA THAG PAS ZHES BYA BA LA SOGS PA LA BSAM PA THAG PA ZHES BYA BA NI SNYING THAG PA NAS TE, MI LTA BA'I @80B SEMS KYIS YIN GYI TSIG TZAM GYIS NI MA YIN NO ZHES BYA BA'I THA TSIG GO, ,DKON MCHOG GSUM NI SANGS RGYAS DANG, ,CHOS DANG DGE 'DUN ZHES BYA BA RIN PO CHE DANG 'DRA BAR RNYED DKA' BA'I PHYIR DANG, RIN THANG MED PA'I PHYIR DANG, PHAN PA DPAG TU MED PA MDZAD PA'I PHYIR DKON MCHOG GO, ,DE PHYIR SPONG BAR BYED PA LA STE, PHYIR SPONG BA NI 'DOR BA YIN PAS BDAG LA 'DIR MI DGOS SO ZHES DE SKAD SPONG BA'O ZHES BYA BA'I DON TO, ,MED PAR MI 'GYUR BA NI 'BRAL BAR MI 'GYUR BA STE NYAMS PAR MI 'GYUR BA ZHES BYA BA'I THA TSIG GO, ,LAN NI LAN GDAB PA'O, ,RJOD CIG CES BYA BA NI SMROS SHIG PA'O, ,'DI LA PHA ROL PO'I BSAM PA NI 'GA' ZHIG SANGS RGYAS MA CHOS SAM DGE 'DUN SPONG BAR BYED CING DE LTAR BSAM PA THAG PA NAS DKON MCHOG GSUM YONGS SU SPONG BAR BYED PA GANG YIN PA DES THE TSOM MED PA KHO NAR PHYIR SPANGS PA LA YIN NO ZHES BYA BA 'DI NI DE LTAR BSTAN PA LA ZHUGS PA BDE BAR GSHEGS PA THAMS CAD KYIS BDE BLAG TU GO NA, 'ON KYANG BCOM LDAN 'DAS KYIS DE PHYIR SPANGS PAR MA GSUNGS SO ZHES BYA BA KHO BO'I SEMS THE TSOM GYI 'PHYANG THAG LA 'JU BA YUN RING PO NAS BSDOGS PA G-YO BA 'DI LAN LEGS PA ZHIG GIS RNAL DU PHOB SHIG CES BYA BA 'DI YIN NO, ,'DI LA LAN NI 'DI YIN TE, RTEN NAM THAR PA'I TSUL GZHAN LA DGONGS NAS DE SKAD DU GSUNGS PA YIN TE, 'DI LTAR GZHAN DU STEGS CAN LAS RAB TU BYUNG BA'I DGE SLONG MA NAG MOS DGE SLONG MA DAG DANG LHAN CIG THAB MO BYUNG BA DANG, SANGS RGYAS SPONG NGO, ,CHOS DANG DGE 'DUN SPONG NGO CI SH'AKYA'I BU'I DGE SLONG DAG KHO NA TSUL KHRIMS DANG LDAN PA DANG, YON TAN DANG LDAN PA DANG, DES PA DANG DGE BA'I CHOS CAN YIN NAM, DGE SLONG GZHAN DAG KYANG TSUL KHRIMS DANG LDAN PA DANG, YON TAN DANG LDAN PA DANG, DES PA DANG DGE BA'I CHOS CAN DAG YOD KYIS BDAG GIS DE DAG GI THAD DU TSANGS PAR SPYAD PA SPYOD DE ZHES BYA BA LA SOGS PA SMRAS SO, ,DE'I TSE BCOM LDAN 'DAS KYIS CHOS 'DI NI DE'I LTUNG BA DANG PO STE, NGES PAR 'BYUNG BA YIN NO ZHES BYA BA LA SOGS PA BKA' STZAL PAS DE LA DGE 'DUN GYI LHAG MAR 'GYUR BAR @81A *, ,GSUNGS SO, ,DE BZHIN DU 'GREL PA BYED PAS KYANG RTEN NAM THAR PA'I TSUL GZHAN YOD DE, 'DI NI RTEN NAM THAR PA'I TSUL MA YIN NO SNYAM PA'I BSAM PA 'DIS PHYIR SPANG NA NI SPANGS PAR MI 'GYUR RO, ,DE LTA BU CUNG ZAD YOD DO ZHE'AM, DE LTA BU CUNG ZAD KYANG MED DO ZHE'AM, DE LTA BU YOD KYANG RUNG MED KYANG RUNG STE, RE ZHIG BDAG LA NI DE DGOS SO ZHES BYA BA'AM, THAR PA'I TSUL MED PA NYID DO, TSUL DE YOD KYANG RUNG MED KYANG RUNG RE ZHIG BDAG LA NI DE MI DGOS SO ZHES BYA BA DE LTA BU DAG TU RNAM PAR MI RTOG NA NI PHYIR SPANGS PA YIN NO ZHES BSHAD DO; ,YANG NA NYAMS PA'I BSAM PA'I DBANG DU MDZAD NAS DE SKAD DU BSHAD DE, DE BZHIN DU ZHU BA'I GZHUNG KHA CIG LAS, BTZUN PA DGE SLONG LA KHYOD SU YIN ZHES DRIS PA LAS, NGA DGE SBYONG MA YIN NO ZHES SMRAS NA BSLAB PA PHUL BA ZHES BGYI'AM, NYE BA 'KHOR MA YIN NO, ,CIR 'GYUR LAGS, SHES BZHIN DU BRDZUN SMRAS PAS LTUNG BYED DU'O, ,DE BZHIN DU DGE TSUL MA'O ZHES BGYI BA DANG, DGE SLONG MA'O ZHES BGYI BA DANG, KHYIM NA GNAS PA'O ZHES BGYI BA DANG, KUN DU RGYU'O ZHES BGYI BA DANG, GZHAN MU STEGS CAN NO ZHES BGYI BA DANG, KLU'O, ,GNOD SBYIN NO, ,DRI ZA'O, ,MI 'AM CI'O, ,YI DAGS SO, ,SHA ZA'O, ,GRUL BUM MO ZHES BGYIS NA THAMS CAD DU BSLAB PA PHUL BA ZHES BGYI'AM, NYE BA 'KHOR MA YIN TE, 'ON KYANG SHES BZHIN DU BRDZUN SMRAS PAS LTUNG BYED DU 'GYUR RO ZHES BSHAD DO, ,DE BZHIN DU RNAM PAR 'BYED PA LAS KYANG NYAMS PA'I BSAM PA KHO NAS SPANGS PA YIN PAR GSUNGS PA YIN TE, 'DI SKAD DU 'DI LTAR DGE SLONG DGA' BAR GYUR KYANG RUNG, MI DGA' YANG RUNG, BABS PAR 'DOD KYANG RUNG, DGE SLONG DON DU MI GNYER BA YANG RUNG, DGE SBYONG GIS GNONG ZHING NGO TSA NAS SMOD PAR BYED, RNAM PAR SMOD PAR BYED CING DGE SLONG GI DRUNG DU SONG STE 'DI SKAD CES, TSE DANG LDAN PA DGONGS SHIG ,BDAG MING 'DI ZHES BYA BA BSLAB PA 'BUL LO ZHES SMRAS NA ZHES BYA BA LA SOGS PA 'BYUNG NGO, ,NAG MOS PHYIR SPANGS PA BSHAD MA THAG PA YANG 'DIR SBYAR BAR BYA STE, DE BZHIN DU 'GREL PA BYED PAS @81B KYANG; 'DI LA NI NYAMS PA'I BSAM PA DGOS SO ZHES BYA BA LA SOGS PA BSHAD DO, ,SNGON DU ZHES BYA BA LA SOGS PA LA SNGON DU ZHES BYA BA NI MI TSANGS PAR SPYOD PA SPYAD PA'I SNGON ROL DU STE, SNGON DU SMOS PA NI DE LAS GZHAN PA'I BAR CHAD KYI CHOS MED PA BSTAN PA YIN NO, ,LAS KYI CHO GA YIS ZHES BYA BA LA SOGS PA LA LAS NI GSOL BA DANG BZHI'I LAS KYIS SO, ,CHO GAS ZHES BYA BA NI YANG DAG PA'I CHO GAS TE, DGE 'DUN DU TSANG BA DANG, LAS BYED PA DGE SLONG NYID YIN PA DANG, NYAN PA PO RNAMS GOR BTUB PA NYID CES BYA BA LA SOGS PA CHOS BZHIN DU ZHES BYA BA'I DON TO, ,CHO GA SMOS PA NI LAS LEGS PAR MA BYAS PA BSAL BA'I PHYIR RO, ,LEGS PAR ZHES BYA BA NI BSAM PA THAG PA NAS TE MYA NGAN LAS 'DAS PA'I BSAM PA CAN LA DGE SLONG GI SDOM PA SKYE BA'I PHYIR MYA NGAN LAS 'DAS PA'I BSAM PAS ZHES BYA BA'I THA TSIG GO, ,BSNYEN PHAR RDZOGS PAR BYAS TE ZHES BYA BA NI DGE SLONG GI DNGOS PO BSGRUB PAS TE DGE SLONG GI SDOM PA SKYES PA'O ZHES BYA BA'I DON TO, ,'KHRIG 'BYUNG ZHES BYA BA LA 'KHRIG PA NI ZUNG STE PHO DANG MO ZHES BYA BA YIN NO, ,DE LAS BYUNG BA NI 'KHRIG 'BYUNG STE, NYON MONGS PA CAN GYI BDE BA SPYOD PA YIN TE, BCUG PA'I REG PA BDAG GIR BYED PA'I MTSAN NYID CES BYA BA'I THA TSIG GO, ,PHYIS ZHES BYA BA NI 'KHRIG PA SPYOD PA'I 'OG ROL DU'O, ,CI'I PHYIR ZHES BYA BA NI RGYU GANG GI PHYIR RO, ,DGE SLONG MIN ZHES BYA BA NI PHAS PHAM PAR 'GYUR BAR BYED PA'O, ,MI 'DOD CES BYA BA NI MI 'GYUR BA'O, ,'DI LA 'DRI BA'I DON NI GANG ZHIG YANG DAG PA'I CHO GAS LEGS PAR BSNYEN PAR RDZOGS SHING DGE SLONG GI SDOM PA SKYE BA LA PHYIS MI TSANGS PAR SPYOD PA 'KHRIG PA BSTEN PA DE DAG GO, ,'DI LTAR PHAS PHAM PAR 'GYUR BA SPYAD PAS DGE SLONG MA YIN PAR 'GYUR RO ZHES BYA THE TSOM YANG MED PA NYID DE, 'DI NI LEGS PAR SHES NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS 'DI DGE SLONG NYID DU GSUNGS PA DE RGYU GANG GIS YIN PA KHO BO LA SMROS SHIG CES BYA BA YIN NO, ,'DI LA LAN NI 'DI YIN TE, LAS DANG PO BA LA DGONGS NAS GSUNGS PA'AM, YANG NA SMYON PA @82A *, ,LA BSTEN PA'AM, YANG NA SEMS 'KHRUGS PA LA DGONGS PA'AM, YANG NA TSOR BAS NYEN PA'I DBANG DU MDZAD NAS DE SKAD DU GSUNGS PA YIN TE, DE BZHIN DU 'DIR GZHUNG NI, LAS DANG PO PA DANG, SMYOS PA DANG, SEMS 'KHRUGS PA DANG, TSOR BAS NYEN PA LA NYES PA MED DO ZHES BYA BA YIN NO, ,RNAM PA GCIG TU NA 'DI NI BSLAB PA BYIN PA LA DGONGS NAS GSUNGS PA YIN TE, 'DI LTAR BSLAB PA BYIN PA STE PHAS PHAM PAR 'GYUR BA SPYAD PA YIN YANG DGE SLONG NYID DE'I SO NA 'DUG PA KHO NA STE, 'DI LTAR DE LA YANG PHAS PHAM PAR 'GYUR BA DANG DGE 'DUN LHAG MA LA SOGS PA'I LTUNG BA RNAMS RNAM PAR GZHAG PA'I PHYIR RO, ,DE BZHIN DU 'DIR GZHUNG NI, DGE SLONG LA MI TSANGS PAR SPYOD PA'I RKYEN GYIS MTHAR 'GYUR BA DE BZHIN DU BSLAB PA BYIN PA DANG, DGE SLONG MA LA YANG MTHAR 'GYUR TE ZHES BYA BA LA SOGS PA LTUNG BA'I RIGS LNGA CI RIGS PAR BRJOD PAR BYA BA YIN NO, ,DE BZHIN DU 'DI LA MDO BYED PAS KYANG BSLAB PA BYIN PA NI 'DRA BA NYID DO ZHES BSHAD DO, ,YANG NA RMA'I SGO NYAMS PA DAG TU MI TSANGS PAR SPYOD PA BYED PA THUGS LA BZHAG NAS DE SKAD GSUNGS PA YIN TE, 'DI LA NI NYES PA SBOM POR BSTAN PA'I PHYIR RO, ,DE BZHIN DU 'DIR GZHUNG NI, 'DI LTAR DGE SLONG BSTEN PA 'KHRIG PA LA GZHOL BA DANG, BSTEN PA LA 'BAB PA DANG, BSTEN PA LA BAB PA'I SEMS SU GYUR CING, DE BSTEN PA LA GZHOL BA DANG, BSTEN PA LA 'BAB PA DANG, BSTEN PA LA BAB PA'I SEMS KYIS MI'I BUD MED GSON PA NYAMS PA LA BAR CHAD DANG BCAS PAS BAR CHAD DANG BCAS PA DANG, BAR CHAD MED PAS BAR CHAD MED PAR ZAG BYED DU ZAG BYED 'JUG PAR BYED NA NYES PA SBOM POR 'GYUR RO ZHES BYA BA LA SOGS PA YIN NO, ,'DI LA GZHUNG GZHAN NI BTZUN PA DGE SLONG MI TSANGS PAR SPYOD PAS PHAS PHAM PAR 'GYUR ZHING, 'ON KYANG MI TSANGS PAR SPYOD PA BGYIS PAS PHAS PHAM PAR 'GYUR BA'I LTUNG BAR MI 'GYUR BA LTA MCHAS LAGS SAM, BCOM LDAN 'DAS KYIS BKA' STZAL PA, YOD DE, GANG ZHIG GSON PO NYAMS PA DANG LHAN CIG MI TSANGS PAR SPYOD PA BYED PA @82B DE NI PHAS PHAM PAR 'GYUR LA, GANG ZHIG GSON PO NYAMS PA DANG LHAN CIG MI TSANGS PAR SPYOD PA BYED PA LA NI PHAS PHAM PAR 'GYUR BA'I LTUNG BAR MI 'GYUR RO ZHES BYA BA YIN NO, ,DE BZHIN DU MDO BYED PAS KYANG, NYAMS PA DAG LAS NI SBOM PO ZHES BSHAD DO, ,YANG NA DE NI BAR CHAD DANG BCAS PAR MI TSANGS PAR SPYOD PA BYED PA'I DBANG DU MDZAD NAS GSUNGS PA YIN TE, 'DI LA GZHUNG NI BSHAD MA THAG PA DE NYID YIN NO, ,DE BZHIN DU 'DI NYID LA GZHUNG GZHAN NI, BTZUN PA RE ZHIG DGE SLONG GIS GOS STUG PO'AM PHYING BUS DKRIS NAS 'JUG PAR BGYID NA CIR 'GYUR LAGS, NYES PA SBOM POR RO, ,DE BZHIN DU MDO BYED PAS KYANG, MTHA' NYID BRJOD PA'I G-YOGS PA NI BSGRIBS PA STE DES G-YOGS PA LA THAMS CAD KYI THAMS CAD DU REG PAR MI 'GYUR BA MA YIN NO, ,GZHAN GYIS G-YOGS PA NYID NI MI REG PAR 'JUG PAS RNAM PA BSHAD PA YIN NO ZHES BSHAD DO, ,YANG NA MA REG PAR BCUG PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS BSHANG BA'I LAM MAM GCI BA'I LAM MAM, KHA'I LAM DU MA REG PAR 'JUD PAR BGYID NA CIR 'GYUR LAGS, NYES PA SBOM POR 'GYUR RO ZHES BYA BA YIN NO, ,YANG NA BLTABS TE BCUG PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA BLTABS NAS 'JUD PAR BGYID NA CIR 'GYUR LAGS, NYES PA SBOM POR 'GYUR RO ZHES BYA BA YIN NO, ,DE BZHIN MDO BYED PAS BLTABS PA DANG MI REG PAR BCUG PA GNYIS SO ZHES BSHAD DO, ,YANG NA RMA'I KHA GSUM GYI MTSAMS SBYAR BA 'PHRO MNGON PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS BUD MED PHYAD DU BTZAL BA'I TSAL PA GNYIS SPYAR NAS 'JUG PAR BGYID NA CIR 'GYUR LAGS, GAL TE 'PHRE MI MNGON NA MTHAR 'GYUR RO, ,'ON TE 'PHRO MNGON NA NYES PA SBOM POR RO ZHES BYA BA YIN NO, ,DE BZHIN DU 'DI LA GZHUNG GZHAN NI, BTZUN PA RE ZHIG BUD MED PHYED DU BKUMS PAR GYUR CING DE'I RMA'I SGO GSUM PO DAG @83A *, ,KYANG NYAMS PAR GYUR LA, DE DAG KYANG DGE SLONG GI KHAM TSAD DANG KHAM TSAD DU 'PHRO SPYAR NAS MI TSANGS PAR SPYOD PA 'KHRIG PA'I CHOS BSTEN NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG BSTAN PAR BYA BA'I DBUS PHYE BA'I MTSAMS MI MNGON PA LA YANG NGO, ,MNGON PA LA NI TSIG 'OG MAR 'GYUR RO ZHES BSHAD DO, ,YANG NA MGO BCAD PA DANG MI TSANGS PAR SPYOD PA BYED PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS BUD MED MGO BKUMS PA DANG LHAN CIG MI TSANGS PAR SPYOD PA 'KHRIG PA'I CHOS BSTEN PAR GYUR NA CIR 'GYUR LAGS, GAL TE BSHANG BA'I LAM MAM GCI BA'I LAM DU BSTEN PAR BYED NA MTHAR 'GYUR RO, ,'ON TE KHA'I LAM MAM MID PA 'AM MTSAN KHUNG DU BSTEN PAR BYED NA NYES PA SBOM POR 'GYUR RO ZHES BYA BA YIN NO, ,DE BZHIN DU MDO BYED PAS KYANG MGO BCAD PA'I KHAR RO ZHES BSHAD DO, ,YANG NA MTSAMS KYI PHYI ROL DU MI TSANGS PAR SPYOD PA BYED PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS SO'I SLAD ROL GYI MCHUR MI TSANGS PAR SPYOD PA 'KHRIG PA'I CHOS BSTEN NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG MCHU GNYIS LA'O, ,PHYI ROL GYI MTSAMS LA THUG PAR RO ZHES BSHAD DO, ,GANG ZHIG DGE SLONG NYID CES BYA BA LA SOGS PA LA, GANG ZHIG CES BYA BA NI SPYIR BSTAN PA'O, ,DGE SLONG GI DNGOS PO NI DGE SLONG NYID DO, ,DGE SLONG GI SGRA 'JUG PA'I RGYU MTSAN ZHES BYA BA'I THA TSIG STE, GANG GI DBANG GIS 'DI DGE SLONG YIN NO ZHES THA SNYAD 'DOGS PA'O ZHES BYA BA'I DON TO, ,DE LA GNAS PA NI RNAM PAR GNAS PA STE, DGE SLONG GI SDOM PA SKYES PA ZHES BYA BA'I THA TSIG GO, ,'DOD PA LA YANG BSTEN ZHES BYA BA NI MI TSANGS PAR SPYOD PA'O, ,DE LA ZHES BYA BA NI DGE SLONG LA'O, ,MTHA' NI PHAS PHAM PAR 'GYUR BA STE, LTUNG BA 'DI NI THA MA DANG, THA MAL PA DANG, THA CHAD PA DANG, MI MTHUN PA DANG MI 'PHROD PA YIN NO ZHES 'BYUNG BA'I PHYIR RO, ,MA GSUNGS PA NI BKA' @83B MA STZAL BA'O, ,CI'I PHYIR ZHES BYA BA NI RGYU GANG GI PHYIR RO, ,DRI YIS ZHES BYA BA NI RMAS ZHES BYA BA YIN NO, ,DE NI ZHES BYA BA NI 'DOD PA BSTEN PA SPYAD PA MTHAR MA GSUNGS PA'O, ,SMROS ZHES BYA BA NI SHOD CIG PA'O, ,'DI LA 'DRI BA'I BSAM PA NI GANG ZHIG DGE SLONG GI SDOM PA LEGS PAR SKYES LA MI TSANGS PAR SPYOD PA BYED PA DE NI NGES PAR PHAS PHAM PAR 'GYUR BA'I LTUNG BA BYUNG BA YIN NO ZHES BYA BA DE GO GSAL BA KHO NAR RTOGS NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS PHAS PHAM PAR MA GSUNGS BA DE KHO BO LA RGYAS PAR RAB TU STON CIG CES BYAS PA 'DI YIN NO, ,'DIR NI SPYIR MTHAR MA GSUNGS MDO KYI, 'ON KYANG LA LAR NI LTUNG BA MED PA, LA LAR NI NYES BYAS, LA LAR NI NYES PA SBOM POR GSUNGS TE CI RIGS PAR SBYAR RO, ,'DI LA LAN NI 'DI YIN TE, LAS DANG PO PA'I DGE SLONG GI DBANG DU MDZAD NAS DE SKAD GSUNGS PA YIN NO, ,YANG NA SMYON PA'AM, SEMS 'KHRUGS PA'AM, TSOR BAS NYEN PA'I DBANG DU MDZAD PA YIN TE, 'DI LA GZHUNG NI SNGA MA BZHIN NO, ,YANG NA SNGAR PHAM PA BYUNG BA'AM, RKU THABS SU GNAS PA'AM, DANG PO NAS MI MTHUN PA CAN NAM, ZA MA 'AM, DGE SLONG MA SUN PHYUNG BA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS MI'I BUD MED DANG LHAN CIG NYAMS PAR BGYID LA, MTHAR MI 'GYUR BA LTA MCHIS LAGS SAM, YOD DE, SNGON PHAM PA BYUNG BA'AM, RKU THABS SU GNAS PA'AM, DANG PO NAS MI MTHUN PA CAN NAM, ZA MA'AM, DGE SLONG MA SUN 'BYIN PA ZHIG GIS NYAMS PAR BGYID NA NYES BYAS SU 'GYUR RO ZHES BYA BA YIN NO, ,MDO BYED PAS KYANG NYAMS PA DANG MA SKYES PA GNYIS LTUNG BA LA SBYOR BA NI NYES BYAS SO ZHES BSHAD DO, ,'DIR NI BDAG NYID DGE SLONG GI TSUL DU NYE BAR STON PAS DGE SLONG NYID DU SHES PAR BYA'I KHYAD PAR DU NI MA YIN NO, ,DE NYID KYI PHYIR 'GREL PA BYED PAS, GANG DU BDAG NYID TSUL DU NYE BAR STON PA DE NI DE DANG MTHUN PA MA YIN TE CHAGS NA DE LA NYES BYAS KYI NGO BO ZHES BSHAD DO, ,YANG NA NYAMS PA'I DGE SLONG GI DBANG DU MDZAD NAS DE SKAD DU GSUNGS PA YIN TE, 'DI @84A *, ,LA YANG DGE SLONG NYID KYI THA SNYAD 'DOGS PA STE, DGE SLONG 'DI YANG PHAS PHAM PAR GYUR PA YIN GYI GNAS PAR MI BYA'O ZHES BYA BA DANG, DE BZHIN DU DGE SLONG TSUL KHRIMS 'CHAL PA YIN, SDIG PA'I CHOS CAN YIN ZHES BYA BA DANG, DE BZHIN DU DGE SBYONG BZHI STE LNGA PO MED DO ZHES 'BYUNG NGO, ,'DI NYID LA DGONGS NAS, BU LON NOR BZHIN KHA CE RNAMS 'BYUNG BA LA NI GNYIS SU 'DOD CES BSHAD DO, ,YANG NA DE'I RMA'I SGO NYAMS PA'I DBANG DU MDZAD NAS GSUNGS PA'AM, BAR CHAD DANG BCAS PAR 'JUG PA ZHES BYA BA DE'I DBANG DU MDZAD PA'AM, MA REG PAR 'JUD PA'AM, BLTABS TE 'JUG PA'AM, RMA'I SGO GSUM MTSAMS SBYAR BA'AM, MGO BCAD PAR RAM, MTSAMS KYI PHYI ROL DU 'JUG PA LA DGONGS PA YIN TE, DE BZHIN DU 'DIR GZHUNG NI TSIG LE 'UR BYAS PA BSHAD MA THAG PA LAS DGE SLONG SMOS PA BSLAB PA BYIN PA MA GTOGS PA RNAMS YIN NO, ,GZHUNG DE THAMS CAD LA YANG MI TSANGS PAR SPYAD PA SPYOD PA LA MTHAR MA GSUNGS KYI, 'ON KYANG NYES PA SBOM POR GSUNGS PAS NYES PA SBOM BO'I SKABS KYIS KYANG DRI BA DANG LAN DAG RUNG NGO, ,DGE SLONG GCIG PU ZHES BYA BA LA SOGS PA LA, GCIG PU ZHES BYA BA NI GROGS MED PA'O,, GNAS NI GNAS LNGA LA SOGS PA GNAS SO, ,GNAS NA GROGS DANG BCAS PA YOD PAS GCIG PU ZHES BYA BA SMOS SO, ,ZLA MED PAR ZHES BYA BA NI ZLA GROGS MED PA STE, ZLA ZHES BYA BA'I SBYOR BA NI 'DIR ZLA GROGS KYI YUL CAN YIN PAR BLTA BAR BYA'O, ,'DI LA ZLA GROGS MED PAS NA ZLA MED PA STE DE'O,, JI LTA BU ZHES BYA BA NI DRI BA'O, ,SDOM BRTZON ZHES BYA BA NI DGE SLONG NGO, ,SOMS TE ZHES BYA BA NI GZOBS TE'O, ,'DI LA PHA ROL BO'I BSAM PA NI ZLA LA LTOS NAS MI TSANGS PAR SPYOD PA LA SOGS PA'I PHAS PHAM PAR 'GYUR BA BYUNG NA, CI DE GCIG PU LA DE 'BYUNG BA GANG YIN PA SRID PA YOD DAM ZHES BYA PA DE LEGS PAR RTOGS TE KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, ZLA DANG BCAS PA'I MI TSANGS PAR SPYOD PA LA SOGS PAR GTOGS PA'I SBYOR BA BYED PA'I DBANG DU MDZAD NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG @84B GCIG PU SDUM PA LA ZHUGS PA LA MI TSANGS PAR SPYOD PA'I RKYEN GYIS MTHAR 'GYUR BA LTA MCHIS LAGS SAM, NYE BA 'KHOR YOD DE, DPER NA MTSAN RINGS DAD RGYAB MNYEN LTA BU ZHES BYA BA YIN TE, DE LA DON NI 'DI YIN TE, ZLA GROGS SKYES BA DANG BUD MED LA SOGS PA DANG LHAN CIG PA LAS PHAS PHAM PAR 'GYUR BA'I RNAM PAR GZHAG PA GANG YIN PA'I NGES PA DE NI MED KYI, 'ON KYANG GCIG PU LA YANG SRID BA NYID DE, DPER NA MTSAN RINGS DANG RGYAB MNYEN LTA BU'O, ,KHYIM BDAG GI BU ZHIG PHO MTSAN TSAD LAS 'DAS PAR GYUR BA DANG GZHI DES DE'I GNYEN RNAMS KYIS MTSAN RINGS ZHES BYA BAR MING BTAGS SO, ,RE ZHIG CEG NA DE BCOM LDAN 'DAS KYI BSTAN PA LA RAB TU BYUNG NAS PHO MTSAN DE RANG GI BSHANG BA'I LAM DU BCUG STE REG PA BDAG GIR BYAS SO, ,DE BZHIN DU KHYIM BDAG GI BU ZHIG DPER NA RI BONG DAM BYI LA LTA BUR RGYAB MNYEN POR GYUR PA DANG DE LA BRTEN NAS DE'I MING RGYAB MNYEN DU BTAGS SO, ,RE ZHIG CIG NA DE YANG DE BZHIN GSHEGS PA'I BSTAN PA LA RAB TU BYUNG NAS PHO MTSAN KHA'I NANG DU BCUG NAS REG PA BDAG GIR BYAS SO ZHES BYA BA 'DI RGYAS PAR RNAM PAR 'BYED PA LAS 'BYUNG NGO, ,DE BZHIN DU 'DI NYID LA GZHUNG GZHAN NI, BTZUN PA DGE SLONG GCIG PU GTZUG LAG KHANG DU ZHUGS LA PHAS PHAM PAR 'GYUR BA BZHI SPYOD PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE MI TSANGS PAR SPYOD PA'I RKYEN GYIS JI LTA BU LAGS, DPER NA MTSAN RINGS DANG RGYAB MNYEN LTA BU'O, , MA BYIN PAR LEN PA'I RKYEN GYIS JI LTA BU LAGS, 'DI LTAR DGE SLONG GIS SBYOR BA BYAS NAS GTZUG LAG KHANG DU ZHUGS PA DANG DE'I YANG BRKUS PA LTA BU'O, ,BKUMS PA'I RKYEN GYIS JI LTA BU LAGS, 'DI LTAR DGE SLONG GIS GSOD PA'I SBYOR BA BYAS NAS GTZUG LAG KHANG DU ZHUGS PA DANG DE YANG BSAD PA LTA BU'O, ,SMRA BA'I RKYEN GYIS JI LTA BU LAGS, 'DI LTAR DGE SLONG 'DI SKAD CES NGA NI DGRA BCOM PA SANGS RGYAS SO ZHES ZER BA LTA BU'O, ,GANG GIS YAN LAG LNGA LDAN PAR ZHES BYA BA LA SOGS PA NI DGE SLONG GANG GI PHAS PHAM PA 'BYUNG BA'I RGYU LNGA'O, ,MA BYIN PA LEN PA NYID DANG, MA @85A *, ,SHA KA LNGA NYID DANG, RKU SEMS NYID DANG, MI'I 'GRO BAS BZUNG BA NYID DANG, DER 'DU SHES PA NYID DANG ZHES BYA BA DANG LDAN ZHING 'BYOR PA STE, YAN LAG LNGA ZHES SMOS PA NI YAN LAG GCIG MA TSANG NA SMAD PAR GSUNGS PA DAG GO, ,GZHAN GYI NOR NI GZHAN SKYES PA DANG, BUD MED DANG MA NING LA SOGS PAS BDAG GIR BYAS PA'I NOR TE 'DIS NI RANG GI NOR BSAL TO, ,NI ZHES BYA BA NI KHYAD PAR DU BYA'O, ,RKU ZHES BYA BA NI BLANG BA BYAS PA'O, ,DE LA ZHES BYA BA NI DGE SLONG LA'O, ,DE NI ZHES BYA BA NI GZHAN GYI NOR RKU BAR GTOGS PA'I PHAS PHAM PAR 'GYUR BAR MA GSUNGS PA'O; ,GSAL BAR SMROS ZHES BYA BAR SBYAR TE, GSAL BAR ZHES BYA BA NI GSAL POR RO, ,DE LA DON NI 'DI YIN TE, BCOM LDAN 'DAS KYIS DGE SLONG GANG ZHIG GZHAN GYI NOR GYI RIGS PAR BYIN PA NYID LA SOGS PA YAN LAG LNGA DANG LDAN PA RKU BA DE LA PHAS PHAM PAR 'GYUR BAR GSUNGS NA; 'ON KYANG RNAM GRANGS 'GA' ZHIG GIS DE LA PHAS PHAM PAR 'GYUR BAR MA GSUNGS PA DE KHO BO LA NGES PAR SMROS SHIG CES BYA BA 'DI YIN NO, ,'DI LA LAN NI 'DI YIN TE, DE NI GZHAN GYI DON DU RKU BA'I SKABS KYIS GSUNGS PA YIN NO, ,'DI LTAR YAN LAG THAMS CAD YOD KYANG GZHAN GYI DON DU RKU BA LA NYES PA SBOM POR GSUNGS TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS MA SMRAS PAR GZHAN GYI DON DU RKU NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU 'DIR GZHUNG GZHAN NI DGE SLONG GIS DGE SLONG ZHIG LA 'DI SKAD CES KHYOD KYIS DGE SLONG CHE GE MO ZHIG GE YO BYAD DE LTA BU DANG DE LTA BU SHES SAM, SHES SO, ,SONG LA DE RKUS SHIG ,GNAS NAS GNAS SU SPOGS SHIG CES SMRAS LA, GAL TE RKU BA'I SEMS KYIS DE BRKUS RDZAS GNAS NAS GNAS SU SPOGS NAS BYED PA MTSUNGS PAR 'GYUR RO, ,'ON TE DE 'DI SNYAM DU 'DI NI KHO BO'I YIN NO SNYAM NA LEN PA LA NYES PA MED DO, ,RKUR 'JUG PA GANG YIN PA DE LA NI DNGOS PO JI LTA BA BZHIN DU 'GYUR RO ZHES BYA BA YIN NO, ,YANG NA BYANG GE SGRA MI SNYAN GYI GLING NAS BRKUS PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA BYANG GI @85B SGRA MI SNYAN GYI GLING NAS BRKUS NA CIR 'GYUR LAGS, NYE BA 'KHOR DE NA MA BYIN PAR LEN PA NI MED DE, GAL TE DER RKU BA'I SEMS BSKYED NA NI NYES PA SBOM POR 'GYUR RO ZHES BYA BA YIN NO, ,DE BZHIN DU MDO LAS KYANG, BYANG GI SGRA MI SNYAN NA NI YONGS SU 'DZIN PA MED PA NYID DO, ,DE NI RANG GI DANG 'DRA'O ZHES BSHAD DO, ,YANG NA PHYOGS BZHI'I DGE 'DUN GYI BRKUS PA LA DGONGS NAS DE SKAD GSUNGS PA YIN TE, DE BZHIN DU 'DIR LUNG NI, BTZUN PA RE ZHIG DGE SLONG GIS PHYOGS BZHI'I DGE 'DUN GYIS MA STZAL BA BRKUS NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG, BDAG PO THA DAD PA MA YIN PA NI RANG GI DANG 'DRA'O ZHES BSHAD DO, ,YANG NA 'GRO BA GZHAN GYI LA BRTEN NAS DE SKAD GSUNGS PA YIN TE, DE BZHIN DU 'DIR GZHUNG NI, MI MA LAGS PA'I MA STZAL BA LA MI MA LAGS PA'I 'DU SHES GYIS BRKUS NA CIR 'GYUR LAGS, NYES BYAS SU'O, ,MI MA LAGS PA'I MA STZAL BA LA MI'I 'DU SHES KYIS BRKUS NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG MI'I RGYUD KYIS YONGS SU GZUNG BA'O, ,DER 'DU SHES PAS SO ZHES BSHAD DO, ,YANG NA NYES BYAS SU GSUNGS PA NI SNGON PHAM PA BYUNG BA LA SOGS PA LA DGONGS NAS GSUNGS PA YIN TE, 'DIR YANG GZHUNG NI SNGA MA BZHIN NO, ,SDOM BRTZON ZHES BYA BA LA SOGS PA LA SDOM BRTZON NI DGE SLONG NGO, ,BLO LDAN ZHES BYA BA NI SNGA PHYI BRTAGS PA STE CHED DU BSAMS NAS ZHES BYA BA'I DON TO, , BLO LDAN ZHES BYA BA NI GYI NAR BSLANG BA STZAL BA YIN NO, ,GRANGS 'DAS ZHES BYA BA NI MA SHA KA LNGA LAS LHAG PA'I TSAD DANG LDAN PA STE BRGYA STONG RI BA YANG ZHES BYA BA'I THA TSIG GO, ,DE ZHES BYA BA NI SDOM BRTZON NO, ,CI STE ZHES BYA BA NI DRI BA'O, ,DE NI ZHES BYA BA NI SMRAS MA THAG PA'I DNGOS PO'O, ,MYUR DU ZHES BYA BA NI SKYEN PAR RO, ,SMROS ZHES BYA BA NI SMROS SHIG PA'O, ,'DI LA GZHAN GYI BSAM PA NI 'DI YIN TE, BRGYA STONG RI BA YANG RKU LA YAN LAG THAMS CAD KYANG YOD NA GDON MI ZA BAR PHAS PHAM PAR 'GYUR NA, 'ON KYANG BCOM LDAN 'DAS KYIS SKABS 'GA' ZHIG GIS 'DI PHAS PHAM PA @86A *, ,'GYUR BA 'BYUNG BA MA GSUNGS PA DE BDAG LA MA THOGS PAR SMROS SHIG CES BYA BA'I THA TSIG GO, ,'DI LA LAN NI 'DI YIN TE, DE NI MA SHA KA RE RE NAS BRKU BA LA BRTEN NAS YIN NO, ,DE BZHIN DU 'DIR GZHUNG NI BTZUN PA BCOM LDAN 'DAS KYIS MA SHA KA BRKUS NA MTHAR 'GYUR RO ZHES BKA' STZAL PA GANG LAGS PA, BTZUN PA DGE SLONG GIS MA SHA KA LNGA BRKUS LA MTHAR YANG MI 'GYUR BA LTA MCHIS LAGS SAM, YOD DE, GAL TE MA SHA KA RE RE NAS SAM, GNYIS GNYIS SAM, GSUM GSUM MAM, BZHI BZHI RKU NA'O, ,DE BZHIN DU MDO BYED PAS KYANG, PHUNG PO LAS RKUN LAN RE RE ZHING BLANGS PA THA DAD DO ZHES BSHAD DO, ,YANG NA BOR BAR 'DU SHES PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA BCOM LDAN 'DAS KYIS MA SHA KA LNGA RKU NA MTHAR 'GYUR RO ZHES BKA' STZAL PA, GANG LAGS PA, BRTZUN PA DGE SLONG GIS MA SHA KA STONG BRKUS LA MTHAR YANG MI 'GYUR BA LTA MCHIS LAGS SAM, YOD DE, GAL TE BOR BA'I 'DU SHES KYIS RKU NA'O, ,BOR BA'I 'DU SHES ZHES BYA BA NI 'DIR YONGS SU BTANG BA'I 'DU SHES DANG NGES PAR MA BTANG BA'I 'DU SHES ZHES BYA BA'I THA TSIG GO, ,SDOM BRTZON RIN THANG TSANG BA'I ZHES BYA BA LA SOGS PA LA, RIN THANG TSANG BA NI MA SHA KA LNGA LA SOGS PA'I TSAD GSUNGS PA'O, ,YO BYAD NI GSER DANG DNGUL LA SOGS PA STE, 'DIS 'TSO BA SBYOR BAR BYED, SKYONG BAR BYED PA'I PHYIR RO, ,GNAS NAS ZHES BYA BA NI BZHAG PA'I PHYOGS NAS TE, 'DIR BZHAG PAS NA GNAS SO, ,MA SPAGS PA ZHES BYA BA NI MA BSKYOD PAR RO, ,'GYUR BA NI THOB STE MTHA'I LTUNG BA DANG LDAN PAR 'GYUR RO, ,KYE ZHES BYA BA NI BOD PA'O, ,NGES PAR SMROS ZHES BYA BAR SBYAR TE, NGES PAR ZHES BYA BAR SBYAR BA NI GTAN LA PHAB PAR RO, ,LEGS PA ZHES BYA BA NI BZANG POR TE SNGA PHYI MI 'GAL BAR ZHES BYA BA'I THA TSIG GO, ,'DI LA GZHAN GYI BSAM PA NI GSER DANG DNGUL LA SOGS PA'I NOR MA SHA KA LNGA RI BA GNAS NAS SPAGS PA TZAM KHO NAS PHAS PHAM PAR 'GYUR NA, 'ON KYANG BCOM LDAN 'DAS KYIS GNAS NAS KYANG MA SPAGS PA 'DI LA PHAS PHAM PAR 'GYUR BA GSUNGS @86B PA DE KYE DGE SLONG KHO BO LA NGES PAR KHA NA MA THO BA MED PAR SMROS SHIG CES BYA BA 'DI YIN NO, ,'DI LA LAN NI 'DI YIN TE, DE NI SA PHYOGS NOR DANG BCAS TE SPAGS PA THUGS LA BZHAG NAS GSUNGS PA YIN NO, ,DE BZHIN DU 'DIR GZHUNG NI, BTZUN PA BCOM LDAN 'DAS KYIS YO BYAD RIN THANG TSANG BA GNAS NAS SPAGS NA MTHAR 'GYUR RO ZHES BKA' STZAL PA GANG LAGS PA, BTZUN PA DGE SLONG GIS YO BYAD RIN THANG TSANG BA GNAS NAS MA SPAGS LA MTHAR YANG 'GYUR BA LTA MCHIS LAGS SAM, YOD DE, DPER NA GNAS KHANG PA NA 'DUG PA DANG BCAS TE BRKUS PA LTA BU'O, ,GANG DU BZHAG PAR 'GYUR BA'I GNAS NAS BRKUS NA'O ZHES BYA BA YIN NO, ,DE BZHIN DU MDO BYED PAS KYANG, GNAS DANG BCAS PA YANG MA YIN NO ZHES BSHAD DO, ,SDOM BRTZON RKU BA'I SEMS KYIS ZHES BYA BA LA SOGS PA LA, RKU BA'I SEMS KYIS ZHES BYA BA NI BRKU BAR BYA SEMS KYIS SO, ,MA BYIN PA ZHES BYA BA NI BYIN PAR MA GYUR PA STE GZHAN GYI RDZAS ZHES BYA BA'I THA TSIG GO, ,SPAGS PA LA ZHES BYA BA NI BSKYONG PA LA'O, ,RGYU ZHES BYA BA NI GTAN TSIGS SO, ,'DI LA 'DRI'O BSAM PA NI 'DI YIN TE, GZHAN GYI NOR GNAS NAS SPAGS PA'I DGE SLONG KHO NA PHAS PHAM PAR 'GYUR BAR RNAM PAR BZHAG NA; 'ON KYANG RNAM PA 'GA' ZHIG GIS 'DI LA PHAM PAR MA GSUNGS PA DE KHO BO LA SGYU THABS BRJOD PAR GYIS SHIG CES BYA BA'I DON TO, ,'DI LA DON NI 'DI YIN TE, DE NI PHYOGS GCIG GNAS NAS MA 'PHAGS PA'I RKU BA LA DGONGS NAS GSUNGS PA YIN NO, ,DE BZHIN DU 'DIR GZHUNG NI BTZUN PA BCOM LDAN 'DAS KYIS DGE SLONG GIS YO BYAD RIN THANG TSANG BA GNAS NAS GNAS SU SBED PAR BYED NA MTHAR 'GYUR RO ZHES BKA' STZAL PA GANG LAGS PA, DGE SLONG GI YO BYAD RIN THANG TSANG BA SHIN TU RING BAR 'TSAL KYANG MTHAR MA 'GYUR BA LTA MCHIS LAGS SAM, YOD DE, DGE SLONG GI YE BYAD RIN THANG TSANG BA MTHA' GCIG NAS BZUNG STE SHIN TU THAG RING POR DRANGS KYANG MTHA' CIG SHOS GNAS DE NAS MA 'PHAGS NA NYES PA SPOM POR 'GYUR RO ZHES BYA BA YIN NO, ,'DI LA MDO BYED PAS KYANG, PHYOGS GCIG GNAS NAS MA 'PHAGS PA YANG MA YIN NO, ,BSHAL BA LA NI NGOS @87A *, ,KYI GZHI'I MTSAMS LAS NGOS CIG SHOS 'DAS NA'O ZHES BSHAD DO, ,DGE SLONG TSUL KHRIMS LDAN PA YIS, ,ZHES BYA BA LA SOGS PA LA, TSUL KHRIMS LDAN PA NI PHAS PHAM PAR 'GYUR BA MA BYUNG BA STE, TSUL KHRIMS DANG LDAN PA SMOS PA NI TSUL KHRIMS 'CHAL PA LA SOGS PA BSAL BA'I PHYIR RO, ,YAN LAG LNGA LDAN ZHES BYA BA NI MA BYIN PA NYID LA SOGS PA YAN LAG LNGA DANG LDAN PA STE, YAN LAG LNGA DANG BCAS PAR ZHES BYA BA'I THA TSIG GO, ,LTUNG BA MED PAR ZHES BYA BA NI LTUNG BA YONG PA MA YIN PA'O, ,NYES PA MED PA ZHES BYA BA'I DON TE 'DI LA NYES PA MED PAS SO, ,THE TSOM NI SO MA NYI'O, ,CHOD CES BYA BA NI SOL CIG PA'O, ,'DI LA DON NI GAL TE DGE SLONG BSNYEN PAR RDZOGS PA DANG BCAS SHING MA NYAMS PAS GZHAN GYI NOR RDZAS MA BYIN PA NYID LA SOGS PA YAN LAG LNGA DANG LDAN PAR BRKUS NA DE'I TSE DE LA GDON MI ZA BAR PHAS PHAM PAR 'GYUR BA 'BYUNG NA, 'ON KYANG BCOM LDAN 'DAS KYIS MA BYIN PAR LEN PA DE LTA BU LA LTUNG BA 'GA' YANG MA GSUNGS PA ZHES BYA BA NI BDAG GI THE TSOM YUN RING PO NAS SOL CIG CES BYA BA 'DI YIN NO, ,'DI LA LAN NI 'DI YIN TE, DE NI LAS DANG PO PA DANG, SMYON PA DANG, SEMS 'KHRUGS PA DANG, TSOR BAS NYEN PA LA BRTEN NAS GSUNGS PA YIN NO, ,DE BZHIN DU 'DIR GZHUNG NI, LAS DANG PO BA DANG, SMYOS PA DANG, SEMS 'KHRUGS PA DANG, TSOR BAS NYEN PA LA LTUNG BA MED DO ZHES BYA BA YIN NO, ,YANG NA DE NI CHOS RKU BA LA BRTEN NAS BSTAN PA YIN TE, DE BZHIN DU 'DIR NI, BTZUN PA RKU BA DU ZHIG MCHIS LAGS, NYE BA 'KHOR DRUG STE, BCOM NAS RKU BA DANG, NAN GYIS RKU BA DANG, PHYIR SBYIN PA RKU BA DANG, BZHAG PA RKU BA DANG, GTAMS PA RKU BA DANG, CHOS RKU BA'O, ,BTZUN PA BCOM LDAN 'DAS KYIS RKU BA DRUG GSUNGS PA GANG DAG LAGS PA DE DAG LAS GANG GIS MTHAR 'GYUR LAGS, NYE BA 'KHOR CHOS RKU BA MA GTOGS PA LHAG MA RNAMS KYIS MTHAR 'GYUR RO ZHES BYA BA YIN NO, ,MDO BYED PAS KYANG, DPE BRI BA LA NI NYES PA MED PA NYID DO ZHES BSHAD DO, ,YANG NA PHAS PHAM PAR 'GYUR BA'I LTUNG BA MED PA LA DGONGS NAS LTUNG BA MED PAR GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS MA STZAL @87B BA BLANGS PAS PHAS PHAM PAR 'GYUR ZHING, 'ON KYANG MA STZAL BAR BLANGS NA PHAS PHAM PAR 'GYUR BA'I LTUNG BAR MI 'GYUR BA LTA MCHIS LAGS SAM, NYE BA 'KHOR YOD DE, GANG GIS MI RNAMS KYI YO BYAD RIN THANG TSANG BA MA BYIN PAR BLANGS PA DE NI PHAS PHAM PAR 'GYUR RO, ,GANG GIS MI MA YIN PA RNAMS KYI YO BYAD RIN THANG TSANG BA MA BYIN PAR BLANGS PA DE LA NI PHAS PHAM PA'I LTUNG BAR MI 'GYUR RO, ,'DI LA MDO BYED PAS KYANG, MI'I RGYUD KYIS YONGS SU BZUNG BA'O ZHES BSHAD DO, ,DUD 'GRO'I MNGAL NA ZHES BYA BA LA SOGS PA LA, DUD 'GRO'I ZHES BYA BA NI DUD 'GRO'I SKYE GNAS SU GTOGS PA PHYUGS LA SOGS PA ZHES BYA BA'I DON TO, ,MNGAL NA GNAS PA ZHES BYA BA NI MNGAL NA 'DUG PA'O, ,BU ZHES BYA BA NI BU CHAGS PA LA SOGS PA'O, ,GSAD SEMS KYIS ZHES BYA BA NI GSOD PA'I BSAM PAS SO, ,GSAD NA ZHES BYA BA NI BCOM NA'O, ,NA ZHES BYA BA NI DON GZHAN NYE BAR BSTAN PA'I PHYIR TE DES NA GSAD PAR GYUR NA ZHES BYA BA'I DON TO, ,THUB PA ZHES BYA BA NI NYON MONGS PAS BYAS PA'I BRJOD PA MI MNGA' BA'I PHYIR TE DES SO, ,DE NYID MKHYEN PA YIS ZHES BYA BA NI BLANG BA DANG DOR BAR BYA BA'I DE KHO NA NYID THABS DANG BCAS PA MKHYEN PAS DE THAMS CAD MKHYEN PA ZHES BYA BA'I THA TSIG GO, ,'DI LA 'DRI BA'I DON NI BCOM LDAN 'DAS NI KHO BO CAG LA DUD 'GRO'I 'DU SHES KYIS SROG DANG BRAL BA'I BSAM PAS DUD 'GRO'I 'GRO BA PA GSOD CING SROG DANG YANG BRAL NA LTUNG BYED DU 'GYUR RO ZHES BSTAN LA, 'ON KYANG BCOM LDAN 'DAS KYIS DE LA PHAS PHAM PAR GSUNGS PA DE JI LTA BU YIN PA DE KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, DUD 'GRO'I MNGAL NA MI'I 'GRO BA PA'I BU YOD PA BSAD PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DUD 'GRO'I SKYE GNAS SU GTOGS PA'I BUD MED KYI MNGAL NA MCHIS PA'I MI BKUMS NA CIR 'GYUR LAGS, MTHAR 'GYUR RO ZHES BYA BA YIN NO, ,SDOM BRTZON ZHES BYA BA LA SOGS PA LA, GSAD PA'I SEMS LDAN GYIS ZHES BYA BA NI SROG BCAD PA'I BSAM PAS SO, ,MI'I ZHES BYA BA NI MI'I 'GRO BAR GTOGS PA'O, ,LTUNG BYED PA ZHES BYA BA NI GSOD PAR BYED PA STE MNGAL RLUGS PA @88A *, ,LA SOGS PA'I SBYOR BAS GSOD PAR BYED PA ZHES PA'I THA TSIG GO, ,GAL TE ZHES BYA BA NI JI STE'O, ,MTHU YOD CES BYA BA NI NUS PA YOD NA'O, ,'DI LA BSDUS PA'I DON NI DGE SLONG GIS MI'I 'GRO BAR SKYES PA'I BUD MED KYI MNGAL LTUNG BAR BYED NA PHAS PHAM PAR 'GYUR RO ZHES BYA BA NI LEGS PAR GRAGS NA, 'ON KYANG LA LAR 'DI LA PHAS PHAM PAR MA GSUNGS SO ZHES PA 'DI LA GAL TE KHYOD LA SMRA BA'I NUS PA ZHIG YOD NA DE KHO BO LA LAN THOB SHIG CES BYA BA 'DI YIN NO, ,'DI LA LAN NI 'DI YIN TE, DE NI MI'I 'GRO BA PA'I BUD MED KYI MNGAL NA DUD 'GRO'I SKYE GNAS PA'I BU YOD PA BSAD PA LA BRTEN NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS MI'I BUD MED KYI MNGAL NA DUD 'GRO'I SKYE GNAS SU GTOGS PA'I BU MCHIS PA GSOD PAR BGYID NA CIR 'GYUR LAGS, LTUNG BYED DU'O ZHES BYA BA YIN NO, ,PHA MA BSAMS BZHIN BSAD PA LA ZHES BYA BA LA SOGS PA LA, MNAR MED PA ZHES BYA BA NI MNAR MED PA'I DMYAL BAR 'GRO BA'I MTSAMS MED PA BYED PA ZHES BYA BA'I THA TSIG STE, 'DI LA BDE BAR SNANG BA'I BAR SKABS MED PAS SO ZHES BYA BA NI BSHAD MA THAG PA SKAD DU'O, ,MDUN DU ZHES BYA BA NI MNGON SUM DU'O, ,'DI LA BSDUS PA'I DON NI BLO SNGON DU BTANG STE PHA DANG MA BSAD NA GDON MI ZA BAR PHAS PHAM PA DANG MTSAMS MED PAR 'GYUR NA, 'ON KYANG BCOM LDAN 'DAS KYIS PHAS PHAM PAR 'GYUR BA YANG MA GSUNGS LA MTSAMS MED PAR YANG MA GSUNGS SO ZHES BYA BA 'DI LA KHO BO LA RGYU BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, PHA MA DUD 'GRO'I SKYE GNAS SU GTOGS PA BSAD PA LA DGONGS NAS DE SKAD GSUNGS PA YIN TE, DE BZHIN DU 'DIR LUNG NI, BTZUN PA DGE SLONG GIS PHA MA BKUMS LA MTHAR YANG MI 'GYUR MTSAMS MA MCHIS PA'I KHA NA MA THO BAS KYANG REG PAR MI 'GYUR BA LTA MCHIS LAGS SAM, YOD DE, GANG GIS PHA MA DUD 'GRO'I SKYE GNAS SU GTOGS PA DAG YIN NA'O, ,DE BZHIN DU MDO BYED PAS KYANG, MI MA YIN PA'I 'GRO BA PA GNYIS NI MA YIN NO, ,DE GNYIS LAS MTSAMS MED PAR MI 'GYUR RO ZHES BSHAD DO, ,YANG NA SKYED @88B PAR BYED PA MA YIN PA'I PHA MA DAG LA DGONGS NAS DE SKAD DU BSHAD PA YIN TE, DE BZHIN DU 'DIR LUNG NI, BTZUN PA MAS MA BSKYED LA GZHAN GYIS NI BSKYED NA GANG ZHIG BKUMS PAS MTHAR 'GYUR ZHING MTSAMS MA MCHIS PA'I KHA NA MA THO BAS KYANG REG PAR 'GYUR LAGS, SKYED PAR BYED PA GANG YIN PA'O ZHES BYA BA YIN NO, ,DE BZHIN DU MDO BYED PAS KYANG, DE NI SKYED PAR BYED PA GNYIS LAS TE ZHES BSHAD DO, ,YANG NA ZAG PA DANG BCAS PA'I LAS KYIS SRID PA DANG SRED PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS PHA BKUMS LA MTHAR YANG MI 'GYUR, MTSAMS MA MCHIS PA'I KHA NA MA THO BAS REG PAR YANG MI 'GYUR BA LTA MCHIS LAGS SAM, YOD DE, ZAG PA DANG BCAS PA'I LAS KYIS SRID PA BSAD NA'O, ,NYE BA 'KHOR ZAG PA DANG BCAS PA'I LAS KYIS SRID PA NI MNGON PAR BSGRUB PA'I DON GYIS PHA ZHES BYA'O, ,BTZUN PA DGE SLONG GIS MA BKUMS LA MTHAR YANG MI 'GYUR MTSAMS MA MCHIS PA'I KHA NA MA THO BAS REG PAR YANG MI 'GYUR BA LTA MCHIS LAGS SAM, YOD DE, GAL TE SRED PA BSAD NA'O, ,NYE BA 'KHOR SRED PA NI SKYED PA'I DON GYIS MA ZHES BYA'O ZHES BYA BA LA SOGS PA YIN NO, ,DON 'DI NI BSHAD MOD KYI PHAS PHAM PAR 'GYUR BA'I SKABS KYIS YANG BSHAD DO, ,BRDA PHRAD MDUN DU ZHES BYA BA LA SOGS PA LA BRDA SPRAD MDUN ZHES BYA BA NI DON GO BA'I MNGON SUM DU STE, BRDA PHRAD PA ZHES SMOS PA NI, ,BRDZUN TSIG 'DU SHES GZHAN BSGYUR BAS, ,TSIG DON MNGON PAR GO BA'O, ,ZHES 'BYUNG BA'I BRDA MI PHRAD PA'I DRUNG DU NI NA SMAD PAR BSHAD PA'I PHYIR, SANGS RGYAS ZHES BYA BA NI 'DAS PA DANG MA 'ONGS PA DANG DA LTAR BYUNG BA'I DON LAG MTHIL DU SKYU RU RA BZHAG PA BZHIN GSAL BAR MKHYEN PA'I PHYIR RO, ,DGRA BCOM PA NI NYON MONGS PA'I DGRA BCOM PA'I PHYIR DANG, 'GRO BA MTHA' DAG GIS MCHOD PAR 'OS PA'I PHYIR DANG, MI SKYE BA'I CHOS CAN GYI PHYIR RO, ,STON PA NI PHAN PA DANG MI PHAN PA NYE BAR STON PA'I PHYIR RO, ,DON DU GNYER GYIS ZHES BYA BA NI BCOL GYIS ZHES BYA BA'O, ,DES NA TSIG GI DON NI GANG GI TSE DGE SLONG GIS BRDA PHRAD PA'I MDUN DU NGA NI SANGS RGYAS SO, ,NGA NI DGRA BCOM PA'O, ,NGA NI STON PA'O @89A *, ,ZHES SMRAS PA DE'I TSE DE LA GDON MI ZA BAR PHAS PHAM PAR 'GYUR NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS DES PHAS PHAM PAR 'GYUR BA MA YIN PAR GSUNGS PA DE JI LTA BU YIN PA DE KHO BO LA JI LTA BA BZHIN DU SMROS SHIG CES BYA BA 'DI YIN NO, , 'DI LA LAN NI 'DI YIN TE, MING MTHUN PA'I DON LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS 'DI SKAD DU SANGS RGYAS YIN NO ZHES SMRAS NA CIR 'GYUR LAGS, GAL TE SDIG PA MI DGE BA'I CHOS RNAMS RTOGS PA NYID DANG, RTOGS PAR BYED PA NYID LA BSAMS NAS LUNG STON NA NI NYES PA SBOM POR 'GYUR RO, ,'ON TE SANGS RGYAS KYI CHOS MED PA LUNG STON PAR BYED NA NI MTHAR 'GYUR RO, ,BTZUN PA RE ZHIG DGE SLONG GIS 'DI SKAD DU NGA NI STON PA'O ZHES SMRAS NA CIR 'GYUR LAGS, GAL TE 'DI SNYAM DU BDAG NI 'DOMS PAR BYED PA'O; ,RJES SU STON PAR BYED PA'O ZHES BYA BAR BSAMS TE SMRAS NA NYES PA SBOM POR 'GYUR RO, ,'ON TE STON PA'I CHOS LUNG STON PAR BYED NA NI MTHAR 'GYUR RO, ,BTZUN PA RE ZHIG DGE SLONG GIS 'DI SKAD DU NGA NI MI SLOB PA'O ZHES SMRAS NA CIR 'GYUR LAGS, GAL TE NYON MONGS PA SPANGS PAR LUNG STON NA MTHAR 'GYUR RO, ,'ON TE 'DI SNYAM DU BDAG NI BZO 'GA' LA YANG MI SLOB BO ZHES BYA BAR BSAMS TE SMRAS NA NYES PA SBOM POR 'GYUR RO ZHES BYA BA YIN NO, ,DE BZHIN DU MDO BYED PAS KYANG, BLA MA BRJOD PA'I 'DUN PAS MING MTHUN PA'I DON BRJOD NA SBOM PO'I ZHES BSHAD DO, ,YANG NA, DE NI LAS DANG PO PA DANG SMYON PA DANG SEMS 'KHRUGS PA DANG TSOR BAS NYEN PA LA DGONGS NAS GSUNGS PA'AM, MI MA YIN PA'I 'GRO BA'I MNGON SUM DU SMRAS PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS MI MA LAGS PA'I 'DU SHES KYIS MI'I CHOS BLA MA LUNG STON PAR BGYID NA CIR 'GYUR LAGS, NYES PA SBOM POR RO ZHES BYA BA LA SOGS PA YIN NO, ,YANG NA SMYON PA DANG SEMS 'KHRUGS PA'I MNGON SUM DU SMRAS PA LA BRTEN PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS SMYON PA'I DRUNG DU MI'I CHOS BLA MA BRJOD NA CIR 'GYUR LAGS, NYES PA SBOM POR RO, , @89B SEMS 'KHRUGS PA LA SOGS PA LA YANG DE BZHIN DU BLTA BAR BYA'O ZHES BYA BA YIN NO, ,YANG NA DE NI DBUS PA LA MTHA' 'KHOB PA'I TSIG TU SMRAS PA LA BRTEN NAS GSUNGS PA YIN PAR SHES PAR BYA STE, DE BZHIN DU 'DIR GZHUNG NI, BTZUN PA RE ZHIG DGE SLONG DBUS PA ZHIG GIS MTHA' 'KHOB PA'I SKAD DU SMRA BA LA MI'I CHOS BLA MA BRJOD LA, DBUS PAS KYANG MTHA' 'KHOB PA'I SKAD MA 'TSAL NA CIR 'GYUR LAGS, NYES PA SBOM POR RO ZHES BYA BA LA SOGS PA YIN NO, ,'DI LA MDO'I KHUNGS KYANG GO RIMS BZHIN DU MA BCAS PA NYID LA YANG NGO, ,THA SNYAD DU RUNG BA'I 'DU SHES NYAMS PA LA NI PHAM PAR 'GYUR BA MAN CHAD KYI LTUNG BA YANG MI 'BYUNG NGO, ,MI'I 'GRO BA LA NI THA SNYAD DU BYA BA NYID YIN NO, ,RANG BZHIN NYAMS PA NI MA YIN NO, ,RNAM PAR RIG BYED LA NI DON GO BA'O ZHES BSHAD DO, ,YANG NA SNGON PHAM PA BYUNG BA LA SOGS PA LA DGONGS NAS GSUNGS PA YIN TE, DE BZHIN DU GZHUNG NI SNGAR BSHAD PA BZHIN NO, ,YANG NA MNGON PA'I NGA RGYAL LA BRTEN PA YIN TE, 'DIR GZHUNG NI, BTZUN PA DGE SLONG GIS BDAG NYID LA MI'I CHOS BLA MA MCHIS SHING BDOG BZHIN DU BRJOD NA PHAS PHAM PAR 'GYUR ZHING, 'ON KYANG BDAG NYID LA MI'I CHOS BLA MA MCHIS SHING MI BDOG BZHIN DU BRJOD NA PHAS PHAM PAR 'GYUR BA'I LTUNG BAR MI 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, G-YOS SHES PA LUNG STON NA PHAS PHAM PAR 'GYUR RO, ,MNGON PA'I NGA RGYAL GYIS KUN SHES PA LUNG STON NA DE LA PHAS PHAM PAR 'GYUR BA'I LTUNG BAR MI 'GYUR RO ZHES BYA BA YIN NO, ,KHYOD 'BRAS THOB CES DE SKAD DRIS ZHES BYA BA LA SOGS PA LA, KHYOD CES BYA BA NI KHYOD KYIS SO, ,'BRAS BU NI RGYUN DU ZHUGS PA LA SOGS PA 'PHAGS PA'I LAM GYI 'BRAS BU STE, DGE SLONG TSUL NI DRI MED LAM, ,'BRAS BU 'DUS BYAS 'DUS MA BYAS, ,ZHES 'BYUNG BA'I PHYIR RO, , DE SKAD CES BYA BA NI SMRAS MA THAG PA'I SKAD DU'O, ,DE BZHIN DU ZHES BYA BA NI DE LTAR YIN NO ZHES BYA BA STE KHAS LEN PA'I DON TO, ,SMRAS NA ZHES BYA BA NI BRJOD NA'O, ,DON BZHIN ZHES BYA BA NI DON GYI RJES SU 'BRANGS NAS TE DON JI LTA BA BZHIN DU ZHES BYA BA'I THA TSIG GO, ,'DI LA DON 'DIR LA LA ZHIG LA @90A *, ,'GA' ZHIG GIS KHYOD KYIS 'BRAS BU THOB BAM ZHES DRIS LA, DES KYANG 'DI SKAD DU DE BZHIN NO ZHES KHAS BLANGS NA, 'ON KYANG DE LA PHAS PHAM PAR MA GSUNGS SO ZHES BYA BA DE KHO BO LA NGES PAR GSAL BAR SMOS SHIG CES BYA BA YIN NO, ,'DI LA LAN NI 'DI YIN TE, DE YANG MING MTHUN PA'I DON BRJOD PA'I DBANG DU MDZAD NAS GSUNGS PA YIN PAR BLTA BAR BYA STE, LUNG LAS 'BYUNG BA GZHAN NYID LA BRTEN NAS YANG BKOD DO, ,DE BZHIN DU 'DIR GZHUNG NI, BTZUN PA DGE SLONG LA KHYIM BDAG CIG GIS KHYOD KYIS 'BRAS BU THOB BAM ZHES DRIS PA DANG, DES KYANG LO MA DANG 'BRAS BU DANG ME TOG DANG, 'BRAS BU MA SMIN PA DAG CIG BLANGS NAS DES 'DI SKAD DU DE BZHIN NO ZHES SMRAS NA CIR 'GYUR LAGS, NYES PA SBOM POR RO ZHES BYA BA YIN NO, ,YANG NA DE NI LAS DANG PO PA LA SOGS PA LA DGONGS NAS GSUNGS PA YIN NO, ,BRDA PHRAD PA'I MI'I MDUN DU ZHES BYA BA LA SOGS PA LA, BRDA PHRAD PA'I ZHES BYA BA'I RTOGS PA'O, ,MI'I ZHES BYA BA NI SKYES PA STE MI'I 'GRO BA PA'I ZHES BYA BA'I THA TSIG GO, ,SKYES PA SMOS PA NI NYE BAR MTSON PAR ZAD DE BUD MED KYI YUL LA YANG DE DANG 'DRA BAR BLTA BAR BYA'O, ,MDUN DU ZHES BYA BA'I DON NI BSHAD ZIN TO, ,'BRAS BU RNAM PA BZHI NI 'BRAS BU BZHI PO RGYUN DU ZHUGS PA DANG, LAN CIG PHYIR 'ONG BA DANG, LAN CIG PHYIR MI 'ONG BA DANG, DGRA BCOM PA NYID KYI MTSAN NYID KYI 'BRAS BU RNAM PA BZHI'O, ,DE NYID GZIGS PAS ZHES BYA BA NI DON DAM PA GZIGS PA STE, YANG DAG PAR RDZOGS PA'I SANGS RGYAS KYIS ZHES BYA BA'I THA TSIG GO, , MA YIN ZHES BYA BA NI DGAG PA'I'O, ,'DI LA 'DRI BA'I DON NI GANG GI TSE RGYUN DU ZHUGS PA LA SOGS PA'I 'BRAS BU BZHI MI'I 'GRO BAR GTOGS PA BRDA PHRAD PA'I MDUN DU LTUNG STON PA DE'I TSE DE LA GDON MI ZA BAR PHAS PHAM PA'I LTUNG BAR 'GYUR RO ZHES BYA BA DE TZAM NI SHIN TU NGES LA, 'ON KYANG BCOM LDAN 'DAS KYIS RNAM GRANGS 'GA' ZHIG GIS DE LA PHAS PHAM PAR 'GYUR BAR MA GSUNGS SO ZHES BYA BA'I RGYU DE BDAG LA SMROS SHIG CES BYA BA 'DI YIN NO, ,'DI LA YANG MING MTHUN PA'I DON BRJOD PA LA BRTEN NAS GSUNGS PA YIN PAR SHES PAR BYA STE, SKABS BZHIN DU GSUNGS PA'I GZHUNG LAS BSAMS NAS @90B YANG BKOD PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS 'DI SKAD DU BDAG GIS RIM GROR NI RGYUN DU ZHUGS PA'I 'BRAS BU'O, ,BYA SKYI BAS NGOGS SU NI LAN CIG PHYIR 'ONG BA'I 'BRAS BU'O, ,BYA RGOD KYI PHUNG PO LA NI PHYIR MI 'ONG BA'I 'BRAS BU'O, ,'OD MA'I TSAL DU NI 'BRAS BU MCHOG DGRA BCOM PA'O ZHES SMRA NA CIR 'GYUR LAGS, GAL TE 'DI SNYAM DU BDAG GIR 'DIR LUNG MNOS KHA TON BYAS TE BDAG GIS LE LO MA BYAS SO ZHES BYA BA LAS BSAMS NAS SMRAS NA NI NYES PA SBOM POR 'GYUR RO, ,'ON TE DGE SBYONG GI TSUL GYI 'BRAS BU DAG LUNG STON NA NI, MTHAR 'GYUR BA'O, ,DGE SLONG 'BRAS GCIG SMRA BYAS LAS, ,ZHES BYA BA LA SOGS PA LA, 'BRAS GCIG CES BYA BA NI RGYUN DU ZHUGS PA'I 'BRAS BU LA SOGS PA'I NANG NAS BRJOD PAR 'DOD PA'I 'BRAS BU GANG YANG RUNG BA ZHIG GO, ,'BRAS BU GZHAN ZHES BYA BA NI RGYUN DU ZHUGS PA'I 'BRAS BU LAS LAN CIG PHYIR 'ONG BA'I 'BRAS BU LA SOGS PA GZHAN DE BRJOD PAR MI 'DOD PA'O, ,'DI LA DON NI RGYUN DU ZHUGS PA'I 'BRAS BU LA SOGS PA SMRA BAR 'DOD PA'I DGE SLONG GIS GAL TE 'BRAS BU GZHAN LAN CIG PHYIR 'ONG BA'I 'BRAS BU'AM, PHYIR MI 'ONG BA'I 'BRAS BU'AM, DGRA BCOM PA NYID CIG LUNG STON NA CI'I PHYIR DE LA PHAS PHAM PAR 'GYUR BAR MA GSUNGS ZHES BYA BAR BSNYAD PAR BYA BA LA KHYOD KYIS KHO BO LA 'BREL BA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI MNGON PAR 'DOD PA MA YIN PA'I 'BRAS BU BRJOD PA LA BRTEN NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS RGYUN DU ZHUGS PA'I 'BRAS BU LUNG BSTAN TO SNYAM PA LAS LAN CIG PHYIR 'ONG BA'I 'BRAS BU LUNG BSTAN TAM, LAN CIG PHYIR 'ONG BA'I 'BRAS BU LUNG BSTAN TO SNYAM PA LAS PHYIR MI 'ONG BA'I 'BRAS BU LUNG BSTAN TAM, PHYIR MI 'ONG BA'I 'BRAS BU LUNG BSTAN TO SNYAM PA LAS DGRA BCOM PA NYID KYI 'BRAS BU LUNG BSTAN UNA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU 'DI LA MDO BYED PAS KYANG NOR NA YANG NGO ZHES BSHAD DO, ,'DUL BA DRI BA'I TSIG LE'UR BYAS PA LE'U DANG PO'I GTAN LA DBAB PA'O,, ,, @91A *, ,YAN LAG BCU LDAN 'BYIN BYED PA, ,ZHES BYA BA LA SOGS PA LA, 'BYIN BYED PA ZHES BYA BA NI KHU CHU 'BYIN PAR BYED PA STE, DANG PO'I GNAS NAS SPOS PA'I ZHES BYA BA'I THA TSIG GO, ,GYI NAR YANG 'BYUNG BA YOD PA DE'I PHYIR YAN LAG BCU LDAN ZHES BYA BA SMOS SO, ,GANG LA YANG YAN LAG BCU YOD PA DE NI YAN LAG BCU LDAN PA STE, RGYU BCU DANG LDAN PAR KHU CHU 'BYIN PA'I THA TSIG GO, ,YAN LAG BCU PO DE DAG NI 'DI LTA STE, PHYUNG BA DANG, DBYUNG BAR 'DUN PA DANG, RANG GI KHU CHU DANG, DANG PO'I GNAS DANG, PHO MTSAN DANG, DE LA BRTZAL BA DANG, DE LA REG PA DANG, DE GZHAN GYI RGYUD DU GTOGS PAS KYANG RUNG BA DANG, SEMS CAN DU BGRANG BA NYID DANG, SEMS CAN DU BGRANG BA'I RNAM PAR GNAS PA NYID DO, ,DGE 'DUN LHAG MA BYED PA NI GANG LA LTUNG BA PHYIR BCOS PA'I PHYIR LHAG MA NYI SHU LA SOGS PA'I DGE 'DUN YOD PA DE NI LHAG MA STE, LTUNG BA DE NI DGE 'DUN LA RAG LUS PA, DGE 'DUN KHA NA LAS PA DGE 'DUN LA BRTEN PAS TE, DGE 'DUN GYI LTUNG BA LAS LDANG BAR 'GYUR GYI GANG ZAG LAS NI MA YIN NO ZHES 'BYUNG BA'I PHYIR RO, ,DE BYED PA'I NGANG TSUL CAN NI DGE 'DUN LHAG MA BYED PA STE, DGE 'DUN LHAG MA'I LTUNG BA BYUNG BA ZHES BYA BA'I THA TSIG GO, ,BDE BAR GSHEGS PA NI NYON MONGS PA DANG NYE BA'I NYON MONGS PA THAMS CAD BAG CHAGS DANG BCAS TE BRAL BA DANG, DNGOS PO MA LUS PA'I DE KHO NA NYID LEGS PAR RTOGS PA'O, ,GZHAN DAG NA RE PHYIR MI LDOG BAR MA LUS PAR GSHEGS PA'AM, DE KHO NA NYID BSTAN PA'I KHYAD PAR MA LUS PAR MKHYEN PA'I PHYIR BKRA SHIS PA YIN NO ZHES ZER TE, DON DU NA DE BZHIN GSHEGS PA'O, ,MA GSUNGS PA ZHES BYA BA NI BKA' MA STZAL PA'O, ,JI LTAR ZHES BYA BA NI RNAM PA GANG GIS SO, ,RGYU ZHES BYA BA NI BYED RGYU'O, ,'DI LA GZHAN GYIS BSAM PA NI GANG GI TSE DGE SLONG GIS PHYUNG BA LA SOGS PA YAN LAG BCU DANG LDAN PAR RANG GI KHU CHU 'BYIN PA DE'I TSE DE LA DGE 'DUN GYI LHAG MA'I LTUNG BAR 'GYUR RO ZHES BYA BA YANG GO THE TSOM YANG MED NA, 'ON KYANG DE LA DGE 'DUN GYI LHAG MA'I LTUNG BAR MA GSUNGS SO ZHES BYA BA 'DI LA KHYOD KYIS KHO BO LA RGYU CUNG ZAD CIG GDON MI ZA BAR @91B BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI SHUGS BTANG BA LA DGONGS NAS GSUNGS PA YIN PAR SHES PAR BYA STE, DE BZHIN DU 'DIR GZHUNG NI, SHUGS BTANG NAS KHU CHU BYUNG NA NYES PA SBOM POR 'GYUR RO ZHES BYA BA 'DI YIN NO, ,DE BZHIN DU MDO BYED PAS KYANG SHUGS KYI GNAS SKABS SU BTANG BA RDZOGS PAR MA BYAS PA NYID DO ZHES BSHAD DO, ,YANG NA MTSAN GYUR PA LA BRTEN NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA GZHI GANG GIS DGE 'DUN GYI LHAG MA'I LTUNG BAR 'GYUR BA'I GZHI DES DGE 'DUN GYI LHAG MA'I LTUNG BAR MI 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG GIS CHED DU BSAMS TE KHU CHU PHYUNG NAS DGE 'DUN LHAG MAR 'GYUR RO, ,DGE SLONG MAS PHYUNG NA DE LA DGE 'DUN GYI LHAG MA'I LTUNG BAR MI 'GYUR RO ZHES BYA BA YIN NO, ,DE BZHIN DU 'DIR GZHUNG NI; BTZUN PA RE ZHIG DGE SLONG KHU CHU 'BYIN PAR BGYID PA LAS MTSAN GYUR TE DGE SLONG MAR RED NA CIR 'GYUR LAGS, LTUNG BYED DU'O ZHES BYA BA YIN NO, ,YANG NA DE NI SNGON PHAM PA BYUNG BA LA SOGS PA LA DGONGS NAS GSUNGS PA YIN TE, DE BZHIN DU 'DIR LUNG NI SNGA MA BZHIN NO, ,'DOD CHAGS LA SOGS MTSUNGS LDAN PA'I, ,ZHES BYA BA LA SOGS PA LA, 'DOD CHAGS DANG MTSUNGS PAR LDAN PA'I SEMS NI 'DOD PA'I 'DOD CHAGS MNGON DU GYUR PA'I SEMS SO, ,SOGS PA ZHES BYA BA SMOS PAS NI DE'I BDE BA NYAMS SU MYONG BA'I 'DUN PA ZHES BYA BA STE BSDUS TE, GO RIMS BZHIN DU DRAL CING YONGS SU 'GYUR BA'I SEMS KYIS ZHES BYA BA'I DON TO, ,BZOD PA LA ZHES BYA BA NI MI TSANGS PAR SPYOD PA BSTEN PAR SPYOD PAR BZOD PA LA'O, ,REG PA NI LUS SPROD PAR BYED PA'O, ,DGE 'DUN LHAG MA NI 'DI LA LHAG MA DANG DGE 'DUN YOD PAS NA DGE 'DUN LHAG MA ZHES BYA BA DE SKAD DU'O, ,'DI LA 'DRI BA'I DON NI DGE SLONG GANG ZHIG GIS DRAL CING YONGS SU GYUR PA'I SEMS KYIS MI TSANGS PAR SPYAD PA BRTEN PAR BYA BA BZOD PA'I BUD MED DANG LUS SPROD PAR BYED PA DE LA LUS LA REG PA'I DGE 'DUN LHAG MAR 'GYUR BAR GSAL NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS @92A *, ,DE LA DGE 'DUN LHAG MAR MA GSUNGS SO ZHES BYA BA 'DI LA RGYU GANG YIN PA KHO BO LA SMROS SHIG CES BYA BA 'DI YIN NO, ,'DI LA LAN NI DE NI 'GRO BA GZHAN PA'I BUD MED LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS 'GRO BA GZHAN PA'I BUD MED DANG LHAN CIG LUS SPROD NA CIR 'GYUR LAGS, NYES PA SBOM POR RO, ,DE BZHIN DU MDO BYED PAS KYANG REG PA NI THA SNYAD DANG 'DRA'O ZHES BSHAD DO, ,YANG NA GOS KYIS BAR DU CHOD PA'I BUD MED LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BUD MED BZOD PA LA DGE 'DUN LHAG MAR 'GYUR BA GANG YIN PA DE NI GOS KYIS BAR DU CHOD PA LA NYES PA SBOM PO'O ZHES BYA BA YIN NO, ,DE BZHIN DU 'DIR GZHUNG GZHAN NI, BTZUN PA RE ZHIG DGE SLONG GIS BAR CHAD DANG BCAS PA LA BAR CHAD DANG BCAS PAR 'DU SHES PAS LUS REG PAR BGYID NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG GOS KYIS BAR DU CHOD PA LA NI 'OG MAR RO ZHES BSHAD DO, ,YANG NA DE NI BUD MED GZHAN GYI 'DU SHES KYIS REG PA LA BRTEN NAS GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS BUD MED GZHAN DANG LHAN CIG KUN DU CHAGS LA, BUD MED GZHAN DANG LHAN CIG LUS SPROD NA CIR 'GYUR LAGS, NYES PA SBOM POR RO ZHES BYA BA YIN NO, ,DE BZHIN DU MDO BYED PAS KYANG BSAMS PA NI DE NYID YIN NO ZHES BSHAD DO, ,YANG NA DE NI LUS KYI DBANG PO NYAMS PA LA DGONGS NAS BSHAD PA YIN TE, DE BZHIN DU 'DIR GZHUNG NI, BTZUN PA RE ZHIG BUD MED KYI LUS KYI DBANG PO NYAMS LA DGE SLONG GIS DE DANG LHAN CIG LUS SPROD PAR BGYID NA CIR 'GYUR LAGS, NYES PA SBOM POR RO, ,BTZUN PA RE ZHIG DGE SLONG LUS KYI DBANG PO NYAMS LA, DE NI BUD MED DANG LHAN CIG LUS SPROD PAR BGYID NA CIR 'GYUR LAGS, NYES PA SBOM POR RO, ,BTZUN PA RE ZHIG GNYIS KA LUS KYI DBANG PO NYAMS LA DE DAG LUS SPYOD PAR BGYID NA CIR 'GYUR LAGS, NYES BYAS SU'O ZHES BYA BA YIN NO, ,DE BZHIN DU MDO BYED PAS KYANG REG PAR BYA BA NYID NI MA NYAMS PA'O ZHES BSHAD @92B DO; ,YANG NA MNYEN PA DANG, 'JAM PA DANG, DRO BAR BSAMS PAS REG PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS MNYEN PA'I BSAM BAS LUS REG PAR BGYID NA CIR 'GYUR LAGS, NYES PA SBOM POR RO, ,'JAM PA'I BSAM PA DANG, DRO BA'I BSAM PA YANG DE DANG 'DRA'O ZHES BYA BA YIN NO, ,DE BZHIN DU MDO BYED PAS KYANG, 'JAM PA DANG DRO BA DANG SNYING BA NYID SBOM PO'O ZHES BSHAD DO, ,YANG NA DE NI SNGON PHAM PA BYUNG BA LA SOGS PA'I SKABS SAM LAS DANG PO PA LA SOGS PA'I DBANG GIS GSUNGS PA YIN TE SNGA MA BZHIN NO, ,SDOM BRTZON BSAMS BZHIN DGE 'DUN GYI ZHES BYA BA LA SOGS PA LA, DGE 'DUN GYI LHAG MA NI KHU CHU 'BYIN PA LA SOGS PA'O, ,CI BSAMS BZHIN DU'AM BSAMS BZHIN DU MA YIN ZHE NA, BSAMS BZHIN DU ZHES BYA BA SMOS TE BLO SNGON DU BTANG STE'O, ,'DI NI BSAMS BZHIN MA YIN PA STZAL TO, ,CHO GA BZHIN ZHES BYA BA NI CHO GA LAS MA 'DAS PAR TE, CHO GA DANG MTHUN PAR ZHES BYA BA'I THA TSIG GO, ,MA BYAS PAR ZHES BYA BAR SBYAR TE, DES NA 'DUL BA LAS BSHAD NA SBOM PO LA SOGS PA SPYAD PA'I MTSAN NYID KYI CHO GA'I RIM PA MA BYAS BAR ZHES BYA BA'I DON YIN NO, ,CI ZHIG MA BYAS PAR ZHE NA, BSHAGS PA LA SOGS ZHES BYA BA LA SOGS PA SMOS TE, BSHAGS PA NI 'DIR GO BAR BYA BA'O, ,YANG NI BSHAGS PA YIN TE 'DUL BA 'DZIN PA LA SOGS PA DGE SLONG GCIG GI MDUN DU MI BYA BA'I BSAM PAS DGE 'DUN LHAG MA'I LTUNG BA LAN GSUM SGROGS PA YIN NO, ,SOGS PA SMOS PAS NI SPO BA DANG MGU BAR BYA BA DANG DBYUNG BA RNAMS 'PHANGS SO, ,DE MA BYAS PAR TE PHYIR BCOS PA MA BYAS PAR RO, ,DAG CES BYA BA NI LTUNG BA MED PA STE LTUNG BA LAS LANGS PA ZHES BYA BA'I THA TSIG GO, ,'DI LA 'DRI PA'I BSAM PA NI GANG 'GA' ZHIG GIS BSAMS BZHIN DU KHU CHU 'BYIN BA LA SOGS PA'I LTUNG BA SPYAD LA, PHYIS SPO BA DANG MGU BAR BYA BA DBYUNG BA'I RIM GYIS CHO GA BZHIN DU SGRUB NA YONGS SU DAG PAR 'GYUR RO ZHES BYA BA 'DI NI GSAL BAR NGES NA, 'ON KYANG CHO GA BZHIN DU MA BYAS PA'I DGE SLONG YANG BCOM LDAN 'DAS KYIS @93A *, ,RNAM PA GZHAN GYIS JI LTAR DAG PA KHO NAR GSUNGS PA ZHES BYA BA DE KHO BO LA SMROS SHIG CES BYA BA 'DI YIN NO, ,DE LA LAN NI 'DI YIN TE, DE NI MTSAN GYUR PA LA BRTEN NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG DGE 'DUN GYI LHAG MA'I LTUNG BA 'BYUNG BA 'CHAGS PAR YANG MI BGYID, SLAR 'CHOS PAR YANG MI BGYID LA, LTUNG BA LAS LDANG BAR YANG 'GYUR BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG THUN MONG MA YIN PA'I DGE 'DUN GYI LHAG MA'I LTUNG BA BYUNG BAR GYUR PA LA DE MTSAN GYUR NAS DGE SLONG MAR RED NA LTUNG BA LAS LANGS PA ZHES BYA'O, ,DGE 'DUN GYI LHAG MAR 'GRO BAR GYUR PA'I NYES BYAS KYI LTUNG BA NI BSHAGS PAR BYA'O, ,DE BZHIN DU 'DIR GZHUNG GZHAN NI, DGE SLONG GI TSE LTUNG BA BYUNG LA DGE SLONG MA LAGS PA'I TSE LDANG BAR 'GYUR BA JI LTA BU LAGS, 'DI LTAR DGE SLONG THUN MONG MA YIN PA'I DGE 'DUN GYI LHAG MA'I LTUNG BA PHYUNG LA DE MTSAN GYUR NAS DGE SLONG MAR RED NA LTUNG BA LAS LANGS PA ZHES BYA'O, ,DE BZHIN DU 'DIR GZHUNG GZHAN NI, BTZUN PA DGE SLONG THUN MONG MA LAGS PA'I LTUNG BA'I RIS BZHI BYUNG BA 'CHAGS PAR YANG MI BGYID, PHYIR 'CHOS PAR YANG MI BGYID LA, LANGS PA ZHES GYANG BGYI, LTUNG BA MA MCHIS PAR YANG 'GYUR BA LTA MCHIS LAGS SAM, BCOM LDAN 'DAS KYIS BKA' STZAL BA, YOD DE, MTSAN GYUR NA'O, ,BTZUN PA DGE SLONG MA THUN MONG MA LAGS PA'I LTUNG BA'I RIS LNGA BYUNG BA 'CHAGS PAR YANG MI BGYID, PHYIR 'CHOS PAR YANG MI BGYID LA, LANGS PA ZHES KYANG BGYI LTUNG BA MA MCHIS PAR YANG 'GYUR BA LTA MCHIS LAGS SAM, BCOM LDAN 'DAS KYIS BKA' STZAL BA, YOD DE, MTSAN GYUR NA'O, ,DE BZHIN DU MDO BYED PAS KYANG ZHING MA YIN PA NYID LA NI NYAMS SO ZHES BSHAD DO, ,YANG NA LAS DANG PO PA LA SOGS PA LA BRTEN NAS DE SKAD GSUNGS PA YIN TE SNGA MA BZHIN NO, ,GANG ZAG GCIG LA SPO BA DANG ZHES BYA BA LA SOGS PA LA, GANG ZAG NI SEMS CAN TE DGE SLONG ZHES BYA BA'I THA TSIG GO, ,GCIG LA ZHES BYA BA NI DGE 'DUN GYI LHAG MA BYUNG BA LA'O, ,SPO BA NI DGE 'DUN GYI LHAG MA BYUNG BA BCABS PA'I NYES PA GZHOM PA'I PHYIR JI LTAR BCAS @93B PA BZHIN CHAD PA'I LAS SPYAD PA'I PHYIR RO, ,SPYAD PA NYID NI SPO BA SPYAD PA STE BCABS PA BZHIN CHAD PA'I LAS SPYAD LA DA DUNG MGU BAR BYA BA MA YIN PA'I PHYIR RO, ,MGU BAR BYA BA NI SPO BA SPYAD PA LA DGE SLONG RNAMS KYIS SEMS MGU BAR BYA BA'I PHYIR NA ZHAG DRUG TU MGU BAR BYA BA SBYIN PA'I PHYIR RO, , SPYAD PA NYID NI MGU BAR BYA BA SPYAD PA STE MGU BAR BYA BA SPYAD ZIN PAS ZHES BYA BA'I THA TSIG GO, ,DE LA MGU BA NI YID LA 'THAD CING YID 'BAB STE SEMS RANGS PA ZHES BYA BA'I THA TSIG GO, ,BZHI PO DAG SRID PA ZHES BYA BAR SBYAR TE BZHI PO SPO BA DANG, SPO BA SPYAD PA DANG, MGU BAR BYA DANG, MGU BAR BYA BA SPYAD PA'I MTSAN NYID KYI TSIG BZHI PO DAG GO, ,GANG GIS ZHES BYA BA NI RGYU GANG GIS SO, ,SRED PA NI BTUB PA'O, ,'DI LA GZHAN GYIS BSAMS PA NI DGE 'DUN GYI LHAG MA'I LTUNG BA BYUNG BA'I GANG ZAG GCIG KHO NA SPO BA PA'AM, SPO BA SPYAD PA'AM, MGU BAR BYA BA SPYAD PA ZHIG TU 'GYUR RO ZHES BYA BA DE TZAM ZHIG NI TSIG RNAMS THA DAD PAR GYUR PA'I PHYIR SHIN TU MNGON NA 'ON KYANG BCOM LDAN 'DAS KYIS LTUNG BA BYUNG BA GCIG KHO NA LA BZHI SRID PAR GSUNGS PA DE JI LTA BU YIN PA SMROS SHIG CES BYA BA 'DI YIN NO, ,'DI LA LAN NI 'DI YIN TE, DE NI SRID PA'I DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, BTZUN PA GANG ZAG DE NYID SPO BA YANG LAGS, DE NYID SPO BA SPYAD PA YANG LAGS, DE NYID MGU BA PA YANG LAGS, DE NYID MGU BAR BGYI BA SPYAD PA YANG LAGS PA LTA MCHIS LAGS SAM, YOD DE GANG ZAG SPO BA BYA BA SPYAD PA ZHIG TU DGE 'DUN GYI LHAG MA'I LTUNG BA 'CHAB PA MED PA BYANG LA, DE DGE 'DUN GYI DRUNG DU SONG NAS MGU BAR BYA BA GSOL TE, DE MGU BAR BYA BA PHAL CHER SPYAD NAS DGE 'DUN GYI LHAG MA'I LTUNG BA GCIG ZHAG GCIG BCABS PA DANG, GNYIS PA ZHAG GNYIS BCABS PA DANG GNYIS SHIG BYUNG BA DANG, DE DAG DGE 'DUN GYI DRUNG DU SONG STE SPO BA GSOL BA LAS DE LA DGE 'DUN GYIS SPO BA BYIN NA DE LTUNG BA GCIG GI NI SPO BA SPYAD PA MA YIN NO, ,GNYIS PA'I NI SPO BA SPYAD PA YIN NO, ,GSUM PA'I NI MGU BAR BYA BA SPYAD PA YIN NO, ,BZHI PA'I NI MGU BAR BYA BA SPYAD PA YIN NO, ,JI SRID 'TSO BAR ZHES BYA BA LA SOGS PA LA, JI SRID @94A *, ,'TSO'I BAR NI JI SRID 'TSO BA MTHAR THUG PA'I BAR RO, ,RANG GI GOS NI BDAG NYID KYI GOS DAG GI'O, ,RAB TU MANG PO NI BCU LA SOGS PA DPAG TU MED PA DAG GO, ,MA BSNGOS SHING ZHES BYA BA NI MKHAN PO LA SOGS PA'I MING GIS SNGAGS SNGON DU 'GRO BA'I BDAG GIR MA BYAS SHING NGO, ,BYIN GYIS MA BRLABS PAR ZHES BYA BA NI SNGON DU 'GRO BA KHO NA'I BDAG GIR MA BYAS PAR RO, ,YANG ZHES BYA BA NI 'ON KYANG NGO, ,DRI MA MED PAR ZHES BYA BA NI SPANGS PA'I LTUNG BA'I DRI MA DANG BRAL BA'O, ,'DI LA 'DRI BA'I DON NI GANG GI TSE BYIN GYIS MA BRLABS SHING MA BSNGOS PA'I GOS GCIG KYANG ZHAG BCU 'DAS PAR 'CHANG NA DE'I TSED LA BCOM LDAN 'DAS KYIS ZHAG BCU PA'I SPANG BAR 'GYUR RO ZHES GSUNGS NA 'ON KYANG YANG 'DI LA LTUNG BA MED PA KHO NAR GSUNGS SO ZHES BYA BA 'DI LA KHO BO LA RGYU BRJOD PAR BYA'O ZHES BYA BA YIN NO, ,'DI LA LAN NI 'DI YIN TE, RIM GYIS BYIN GYIS RLOB PA LA DGONGS NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS GOS BYIN GYIS MA BRLABS SHING MA BSNGOS PA BRGYAD DAM DGU JI SRID 'TSO'I BAR DU BCANGS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG GIS NYIN RE NYIN RE ZHING CHOS GOS KYI SNGAGS BYUNG LA GZHAN BYIN GYIS BRLABS NA'O, ,YANG DE ZHAG BCU TSUN CHAD CIG TU SHI BA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS GOS LHAG PA BCANGS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, ZHAG BCU TSUN CHAD CIG TU SHI BAR GYUR NA'O, ,YANG NA RUNG BA MA YIN PA'I GOS 'CHANG BA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS GOS LHAG PA ZHAG BCU LAS 'DAS PAR BCANGS LA SPANG BA'I LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR GOS KYI SPUN RUNG LA RGYU RUNG BA MA YIN PA DANG, RGYU RUNG LA SPUN RUNG BA MA YIN PA DANG, GNYIS @94B KA RUNG BA MA YIN PA'O, ,RUNG BA MA YIN PA NI RNGA BAL DANG, RANG GI SPU DANG, RI DAGS KYI BAL DANG BSRES PA DANG, MA BTAGS PA STE, GOS DE LTA BU ZHAG BCU LAS 'DAS PAR 'CHANG NA NYES BYAS SU 'GYUR RO ZHES BYA BA YIN NO, ,DE BZHIN DU MDO BYED PAS KYANG, RAB TU BYUNG BA'I RDZAS DAG LA NI RUNG BA NYID DANG ZHES BSHAD DO, ,'OG MA DAG LA YANG LUGS NI 'DI YIN NO, ,YANG NA GZHAN GYI CHED DU 'CHANG BA'I DBANG DU MDZAD NAS DE SKAD DU GSUNGS PA YIN TE, DE BZHIN DU LHUNG ZED 'CHANG BA'I SKABS NAS RAB TU 'BYUNG BAR 'DOD BA'I CHED DU 'CHANG NA LTUNG BA MED DO ZHES GSUNGS SO, ,LHUNG BZED LA DE SKAD DU GSUNGS MOD KYI 'ON KYANG GOS LA YANG RUNG NGO ZHES BYA BAR SHES PAR BYA'O, ,DE BZHIN MDO BYED PAS 'DIR SPYIR RAB TU BYUNG BA'I DON DU NGES PAR BYAS PA YANG DE NYID DO ZHES BSHAD DO, ,'GREL PA BYED PAS KYANG 'DI LA NI LHUNG BZED LA RAB TU BYUNG BAR 'DOD PA'I CHED DU 'CHANG NA LTUNG BA MED DO ZHES GSUNGS PA GANG YIN PA DE'I BSHAD PA YIN NO ZHES RJES SU BZLAS SO, ,YANG NA LAS DANG PO PA LA SOGS PA'AM SNGON PHAM PA BYUNG BA LA SOGS PA LA BRTEN NAS DE SKAD DU GSUNGS PA YIN NO ZHES BYA BAR SHES PAR BYA'O, ,DRI BA DANG LAN 'DI NI LHUNG BZED DU GTOGS PA LA YANG RUNG BAS MA BSHAD KYANG THAMS CAD BDAG NYID KYIS BRTAG PAR BYA'O, ,THA DAD MTSAMS NI SPANGS PA'I GNAS, ,GCIG NA GNAS PA'I DGE SLONG LA, ,ZHES BYA BA LA SOGS PA LA, GNAS GCIG NA ZHES BYA BA NI GNAS KHANG LA SOGS PA 'DUG GNAS GCIG PA STE, GNAS GCIG SMOS PAS NI 'DUG GNAS GNYIS DANG, GSUM DANG, BZHI LA SOGS PA BKAG PA YIN NO, ,GNAS PA ZHES BYA BA NI 'DUG PA'O, ,GCIG YIN YANG BKAD PA LA SOGS PA GNAS CHEN PO LA NANG NA CHU LA SOGS PAS MTSAMS THA DAD PA NYID KYANG SRID NA DE CI LA RNAM PAR BZHAG PA NYID YIN NAM ZHE NA, THA DAD MTSAMS NI SPANGS PA YIN, ,ZHES BYA BA SMOS TE, CHU LA SOGS PAS MTSAMS THA DAD PA DANG BRAL BA'I YIN TE MTSAMS GCIG PA'I ZHES BYA BA'I THA TSIG GO, ,'BRAL BA'I DRI MAS ZHES BYA A NI 'BRAL BA'I SPANG BA'I LTUNG BAS SO, ,DRI MA DANG 'DRA @95A *, ,BAS DRI MA STE, LTUNG BA'I DRI MA ZHES BYA BA'I DON TO, ,DRI MA DANG BCAS PA'I ZHES BYA BA NI NYES PA DANG BCAS PA STE, LTUNG BA'I DRI MAS NYE BAR GOS ZHES BYA BA'I THA TSIG GO, ,'DI LA 'DRI BA'I DON NI RANG 'KHRUNGS DANG BCOS MAS MTSAMS BCAD PA MED PA'I GNAS CHEN PO YANG RUNG, CHUNG NGU YANG RUNG, GCIG NA GNAS PA'I DGE SLONG LA GDON MI ZA BAR 'BRAL BA'I SPANG BA'I LTUNG BYED 'BYUNG MI SRID DO ZHES BYA BA 'DI NI MNGON NA, 'ON KYANG CI RNAM GRANGS 'GA' ZHIG GIS GNAS DE LTA BU LA GNAS PA LA 'BRAL BA'I SPANG BA'I LTUNG BA 'BYUNG BAR 'GYUR RAM ZHES BYA BA NI KHO BO LA BRJOD PAR BYA BA 'DI YIN NO, ,'DI LA LAN NI 'DI YIN TE, MU STEGS CAN GYI GNAS KYI DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG DGAB PA GCIG PA'I GNAS GCIG NA MCHIS SHING DE NYID DU DE'I CHOS GOS DE DANG 'BRAL BAR 'GYUR BA LTA MCHIS LAGS SAM, NYE BA 'KHOR YOD DE, 'DI LTAR GNAS TE MU STEGS CAN GYI DGE SBYONG DANG, RGYU BA PA DANG, KUN DU RGYU SNA TSOGS PA'AM, SPUN NI NOR BGOS PA RNAMS KYI YIN NA'O ZHES BYA BA YIN NO, ,MDO BYED PAS KYANG 'DIR, NOR LAS DANG LTA BA LAS THA DAD PA MA YIN PA'I YANG NGO ZHES BSHAD DO, ,DE BZHIN DU 'DIR GZHUNG GZHAN NI, DGE 'DUN GYI GTZUG LAG KHANG MU STEGS CAN RNAMS DANG NYER SPYOD KYIS GCIG PA NA GNAS PA RNAMS LAS GANG ZHIG SGO GANG LA GNAS PA LA NI LTUNG BA MED DO ZHES BYA BA YIN TE, DE'I PHYIR 'DIS NI THA DAD PA NYID YIN NO ZHES BSHAD PA YIN NO, ,DE BZHIN DU 'DIR GZHUNG GZHAN NI, BTZUN PA DGE SLONG MTSAMS KYI NANG MCHIS LA CHOS GOS KYANG MTSAMS KYI NANG NA BZHAG NA CHOS GOS DE DANG 'BRAL BAR 'GYUR BA LTA MCHIS LAGS SAM, NYE BA 'KHOR YOD DE, MTSAMS BCAD PA BYAS LA CHOS GOS DANG MI 'BRAL BA'I SDOM PA MA BYAS NA'O ZHES BYA BA YIN NO, ,DE BZHIN DU MDO BYED PAS KYANG, DER GNANG BA BYAS NA NI CHOS GOS NGAG DANG 'BRAL BAR MI 'GYUR RO ZHES BSHAD DO, ,YANG NA GNAS GCIG GAM MTSAMS GCIG NA GNAS PA LA ZHES BYA BA LA SOGS PA LTA BUR 'DRI BA RNAM PA @95B GNYIS BYA LA LAN YANG BSHAD MA THAG PA DE LTA BU'I GZHUNG RNAM PA GNYIS BRJOD PAR BYA'O, ,YANG NA LAS DANG PO PA LA SOGS PA'AM SNGON LTUNG BA BYUNG BA LA SOGS PA LA DGONGS NAS DE SKAD DU GSUNGS PA YIN TE, SNGA MA BZHIN NO, ,ZLA BA PA'I GOS DGE SLONG GIS ZHES BYA BA LA SOGS PA NI CI'I PHYIR LTUNG BA MED PAR GSUNGS ZHES BYA BAR SBYAR TE, ZLA BA'I GOS NI ZLA BA 'DAS PA'I GOS SO, ,MA SPANGS PA ZHES PA NI MA BTANG BA'O, ,LTUNG BA MED PA NI KHA NA MA THOB MED PA'O ZHES GSUNGS ZHES BYA BA NI DE SKAD DU GSUNGS PA'O, ,GSAL BAR SMROS ZHES BYA BA NI GSAL POR SHES PA'O, ,'DI LA GZHAN GYI BSAM PA NI ZLA BA'I SPANGS PA NI ZLA BA 'DAS PA KHO NAS BYUNG NGO ZHES BYA BA DE NI KHO BO CAG LA NGES PA KHO NA YIN NA, 'ON KYANG BCOM LDAN 'DAS KYIS RNAM PA GZHAN GYIS JI SRID 'TSO'I BAR DU 'CHANG PA'I DGE SLONG LA LTUNG BA MED PA KHO NAR GSUNGS SO ZHES BYA BA 'DI LA CI STE 'DI SKAD DU GSUNGS ZHES BYA BA'I RGYU KHO BO LA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, ZLA BA GCIG TSUN CHAD DU SHI BA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS JI SRID 'TSO'I BAR DU BZHAG LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, ZLA BA GCIG TSUN CHAD DU SHI NA'O ZHES BYA BA YIN NO, ,YANG NA CHOS GOS RUNG BA MA YIN PA LA DGONGS NA DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS CHOS GOS DGUNG ZLA BA GCIG PHAN CHAD DU BZHAG LA SPANG BA'I LTUNG BYED DU YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR CHOS GOS DE SPUN RUNG LA RGYU RUNG BA MA YIN PA DANG ZHES BYA BA YIN TE SNGA MA BZHIN NO, ,YANG NA SRA BRKYANG BTING BA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS CHOS GOS DGUNG ZLA DRUG TU BZHAG LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, CHOS GOS RNYED NAS ZHAG SUM CU LON PA DANG SRA BRKYANG BTING BAR GYUR NA'O ZHES BYA BA YIN NO, ,MDO BYED PAS KYANG, 'DI GSUM NI SRA BRKYANG BTING BA LA MI 'BYUNG NGO ZHES BSHAD DO, ,YANG NA SNGON PHAM PA BYUNG BA @96A *, ,SOGS PA'I DBANG DU MDZAD NAS DE SKAD DU GSUNGS PA YIN TE, SNGA MA BZHIN NO, ,SDOM BRTZON CAN NI PHA MA LAS ZHES BYA BA LA SOGS PA LA, PHA MA LAS ZHES BYA BA NI PHA DANG MA DAG LAS SO, ,RUNG BA NI BTAGS PA LA SOGS PA STE, DPAG BSAM GYI GOS LA SOGS PA MA YIN PA ZHES BYA BA'I THA TSIG GO, ,RUNG BA ZHES BYA BA SMOS PA NI RUNG BA MA YIN PA BKAG GO, ,BLANG BYAS NA ZHES BYA BA NI RANG GIS BYAS NA'O, ,SPANGS PA'I NYES PA YIS ZHES BYA BA NI SPANG BA'I LTUNG PAS SO, ,DRI MA CAN DU GYUR PA ZHES BYA BA NI MA RUNG BAR RO, ,'DI LA DON NI DGE SLONG GIS PHA MA LAS CHOS GOS RUNG BA BLANGS PA NI NYES PA MED PA KHO NA'O ZHES BYA BA DE NI KHO BO LA GSAL BA SNYAM BYED NA, 'ON KYANG BCOM LDAN 'DAS KYIS RNAM GRANGS 'GA' ZHIG GIS DE LA SPANG BA'I LTUNG BYED DU GSUNGS SO ZHES BYA BA DE LTA BU YIN ZHES BYA BA 'DI LA KHYOD KYIS CUNG ZAD CIG BRJOD PAR BYA'O ZHES BYA BA NI 'DI YIN NO, ,'DI LA LAN NI 'DI YIN TE, DGE 'DUN LA BSNGOS PA DANG RANG GIR BYED PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS PHA MA LAS CHOS GOS BLANGS LA SPANG BA'I LTUNG BYED DU 'GYUR BA LTA MCHIS LAGS SAM; NYE BA 'KHOR YOD DE, 'DI LTAR CHOS GOS PHA MAS DGE 'DUN LA BSNGOS PA YIN LA NGES SHES BZHIN DU GANG ZAG BDAG NYID KYIS SGYUR BAR BYED NA CHOS GOS GRUB NA SPANG BA'I LTUNG BYED DO ZHES BYA BA YIN NO, ,'DI LA ZHU BA LAS BYUNG BA GZHUNG GZHAN YANG BCOM LDAN 'DAS KYIS NYE DU MA YIN PA LAS CHOS GOS LEN NA SPANG BA'I LTUNG BYED DU 'GYUR RO ZHES BKA' STZAL PA GANG LAGS PA, DGE SLONG GIS DGE SLONG MA LAS CHOS GOS BLANGS LA DE YANG SPANG BA'I LTUNG BAR 'GYUR BA LTA MCHIS LAGS SAM, NYE BA 'KHOR YOD DE, GAL TE DES DGE 'DUN LA SPAGS PA YIN LA, DGE SLONG GIS BDAG NYID LA SBYOR BAR BYED NA'O ZHES 'BYUNG NGO, ,'DI LA MDO BYED PAS KYANG GZHAN GYIS GANG ZAG GZHAN NAM, DGE 'DUN LA BSNGOS PA'I RNYED PA SHES BZHIN DU BDAG NYID LA BSGYUR TE THOB NA'O ZHES BSHAD DO, ,ZHAG BDUN PA'I SMAN DAG NI ZHES BYA BA LA SOGS PA LA, BYIN GYIS BRLABS PA DUS ZHAG BDUN GYI @96B MTHAR THUG PAR 'CHANG BA'I PHYIR TE, MAR SAR DANG 'BRU MAR LA SOGS PA'I SMAN NI ZHAG BDUN PA'I SMAN ZHES BYA'O, ,SMAN DAG BCANGS NA ZHES BYA BAR SBYAR TE, BCANGS NA ZHES BYA BA NI BZHAG NA'O, ,LTUNG BA MED PAR GSUNGS PA ZHES BYA BA NI SDOM BRTZON ZHES BYA BAR SBYAR RO, ,'BOD DE SMRA BAR GYIS ZHES BYA BA NI BSGRIMS TE SMROS SHIG PA'O, ,'DI LA TSIG LE'UR BYAS PA'I DON NI ZHAG BDUN PA'I SMAN NI ZHAG BDUN 'DAS PA KHO NAS SPANG BA'I LTUNG BYED KYI LTUNG BA 'BYUNG BAR 'GYUR RO ZHES BYA BA DE NI KHO BO CAG LA NGES NA, 'ON KYANG BCOM LDAN 'DAS KYIS ZHAG BDUN PA'I SMAN JI SRID 'TSO'I BAR DU BCANGS PA LA LTUNG BA MED PA KHO NAR GSUNGS SO ZHES BYA BA DE CI'I PHYIR DE SKAD DU BKA' STZAL PA SNYING NAS SOMS LA KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, ZHAG BDUN TSUN CHAD DU SHI BA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS ZHAG BDUN PA'I SMAN JI SRID 'TSO'I BAR DU BCANGS PA SPANGS PA'I LTUNG BYED DU'ANG MI 'GYUR BA LTA MCHIS LAGS SAM, NYE BA 'KHOR YOD DE, ZHAG BDUN TSUD CHAD DU SHI NA'O, ,YANG NA RUNG BA MA YIN PA'I SMAN 'CHANG BA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGUNG BDUN PA'I SMAN DGUNG BDUN LAS 'DAS PAR BCANGS LA SPANG BA'I LTUNG BYED DU MI 'GYUR BA LTA MCHIS LAGS SAM, NYE BA 'KHOR YOD DE, SMAN RUNG BA MA YIN PA DANG 'DRES PAR GYUR PA DE GANG DGE SLONG RNAMS KYIS SPYAD DU RUNG BA MA YIN NO ZHES BYA BA YIN NO, ,YANG NA LAS DANG PO PA'AM SNGON PHAM PA BYUNG BA LA DGONGS NAS DE SKAD DU GSUNGS PA YIN TE, SHES BZHIN DU NI BRDZUN GYI TSIG CES BYA BA LA SOGS PA LA, SHES BZHIN DU PHYIN CI LOG PA'I 'DU SHES NYAMS SU MYONG BA STE CHED DU BSAMS NAS ZHES BYA BA'I THA TSIG GO, ,BRDZUN NI DON LOG PA'O, ,TSIG NI DON BRJOD PA STE SHES BZHIN DU SLU BA LA SOGS PA'I CHED DU DON GZHAN DU RNAM PAR GNAS PA GZHAN DU BRJOD PA ZHES BYA BA'I THA TSIG GO, ,SHES BZHIN DU SMOS PAS NI BLO SNGON DU BTANG BA'I BRDZUN GYI TSIG BSAL TO, ,DE SMRAS NA STE BRJOD NA'O, ,LTUNG BYED ME YIS NI ZHES BYA BA LA LTUNG BYED NI DMYAL BA LA SOGS PAR LTUNG BAR BYED PA'I @97A *, ,PHYIR TE NGAN SONG NGAN 'GRO LOG PAR LTUNG BA DMYAL BA DANG DUD 'GRO DANG YI DAGS RNAMS SU SEG PAR BYED, 'TSED PAR BYED, LTUNG BAR BYED PAS ZHES BYA BAS SO, ,DE NYID ME YIN TE SDUG BSNGAL BA'I RGYU YIN PA'I PHYIR RO, ,SHIN TU SREG CES BYA BA NI SHIN TU SDUG BSNGAL BSKYED PAS SO, ,MIN ZHES LTUNG BYED BKAG PA SMOS PAS NYES BYAS SU BRJOD PA NI GNANG BA YIN TE, 'OG MA DAG LA YANG DE BZHIN KHO NAR SHES PAR BYA'O, ,GSAL POR SMROS ZHES BYA BA NI NGES PAR SMROS SHIG PA'O, ,'DI LA GZHAN GYIS BSAM PA NI GANG DGE SLONG 'GA' ZHIG GI CHED DU BSAMS TE BRDZUN SMRAS NA DE LA GDON MI ZA BAR LTUNG BYED BYUNG NA, 'ON KYANG BCOM LDAN 'DAS KYIS DE LA LTUNG BYED MA GSUNGS SO ZHES BYA BA DE LA RGYU CI ZHIG YOD CES BYA BA DE KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, DE NI SMYOS PA LA SOGS PA'I MDUN DU SMRAS PA'I DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS SMYON PA'I DRUNG DU BRDZUN SMRAS NA CIR 'GYUR LAGS, NYES BYAS SU'O, ,DE BZHIN DU SEMS 'KHRUGS PA DANG, TSOR BAS NYEN PA DANG GLEN PA DANG 'ON PA DANG GNYID KYIS LOG PA DANG, MYOS PA DANG RAB TU MYOS PA DANG, SMYON PAR ZHUGS PA DANG, 'GRO BA GZHAN PA'I DRUNG DU BRDZUN SMRAS NA CIR 'GYUR LAGS, NYES BYAS SO ZHES BYA BA YIN NO, ,DE BZHIN DU MDO BYED PAS KYANG, RANG BZHIN NYAMS PA NI MA YIN NO, ,MI'I 'GRO BA NI THA SNYAD DU BYA BA NYID YIN NO ZHES BSHAD DO, ,'OG MO DAG LA YANG DE BZHIN DU SHES PAR BYA'O, ,YANG NA DBEN PA LA DBEN PAR 'DU SHES PA LA BRTEN NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DBEN PA LA DBEN PA'I 'DU SHES KYIS BRDZUN SMRAS NA CIR 'GYUR LAGS, NYES BYAS SO ZHES BYA BA LA SOGS PA YIN NO, ,YANG NA DBUS PAS DBUS PA LA MTHA' 'KHOB PA'I SKAD DU SMRAS PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG DBUS PAS DBUS PA LA MTHA' 'KHOB PA'I SKAD DU BRDZUN SMRAS LA DES KYANG MTHA' 'KHOB PA'I SKAD DAM 'TSAL NA CIR 'GYUR @97B LAGS, NYES BYAS SU'O ZHES BYA BA LA SOGS PA YIN NO, ,MDO BYED PAS KYANG, 'DI LA RNAM PAR REG BYED LA NI DON GO BA'O ZHES BSHAD DO, ,'OG MA DAG LA YANG DE BZHIN DU SHES PAR BYA'O, ,DE NYID LA DGONGS NAS, BRDZUN TSIG 'DU SHES GZHAN BSGYUR BA'I, ,TSIG DON MNGON PAR GO BA'O, ,ZHES BSHAD DO, ,YANG NA LAS DANG PO PA DANG SNGON PHAM PA BYUNG BA LA SOGS PA LA DGONGS NAS DE SKAD GSUNGS PA YIN TE SNGA MA BZHIN NO, ,DGE SLONG GIS DGE SLONG LA ZHES BYA BA LA SOGS PA NI KHYIM PA DANG RAB TU BYUNG BA LA SOGS PA LA YANG MI'I SKYON NAS SMRA SRID PAS DGE SLONG LA ZHES SMOS SO, ,SKYON NAS SMRA BA NI KHYOD NI ZHAR BA'O, ,THENG PO SGUR PO SPYI CER RO, ,MGO SKYA'O, ,KHRO BA'O ZHES BYA BA LA SOGS PAS SKYON NYID NAS SMRA ZHING BRJOD PA STE, SMAD PA'I BSAM PAS SMRAS PA'I THA TSIG GO, ,DE RAB LA ZHES BYA BA NI BYED PA PO LA STE, YI GE LHAG PA LAS NA DON LHAG PA YOD PAS SKYON BRJOD PAR 'DOD PA'I 'DUN PAS ZHES BYA BA'I KHYAD PAR BLTA BAR BYA'O, ,DE LTAR YANG DGE SLONG GIS MI'I SKYON BRJOD PA'I BSAM PAS ZHES GSUNGS SO, ,KUN MKHYEN NI THAMS CAD MKHYEN PA'O, ,NGES PAR SMROS ZHES BYA BA NI GTAN LA BAB PAR SMROS SHIG PA'O, ,'DI LA GZHAN GYIS BSAM PA NI GANG GI TSE DGE SLONG GIS DGE SLONG GI YUL 'DI'I SKYON NYID BRJOD DO SNYAM PA'I BSAM PA DES MI'I SKYON NAS SMRA BA RAB TU SBYOR BA DE'I TSE DE LA THE TSOM MED PA KHO NAR LTUNG BYED DU 'GYUR NA, 'ON KYANG BCOM LDAN 'DAS KYIS RNAM PA 'GA' ZHIG GIS DE LA DE 'BYUNG BAR MA GSUNGS SO ZHES BYA BA 'DI LA KHO BO LA RGYU BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI MI'I SKYON NAS SMRA BA PHO NYA LA BTANG BA KUN TU SPYOD PA LA DGONGS NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS MI'I SKYON NAS SMRA BA PHO NYA LA BTANG PAS KUN TU SPYAD NA CIR 'GYUR LAGS, NYES BYAS SU'O, ,DE BZHIN DU YI GE DANG, LAG BRDA DANG, GZHAN LA SNYAD 'DOGS PA DANG, BRGYUD PAS NA CIR 'GYUR LAGS, NYES BYAS SU'O ZHES BYA BA YIN NO, ,DE BZHIN DU MDO BYED PAS KYANG NGAG GI'O, ,RANG GI'O, , @98A *, ,BDAG NYID DANG 'BREL BA'O ZHES BSHAD DO, ,YANG NA SMYON PA LA SOGS PA LA DGONGS NAS GSUNGS PA YIN TE, DE BZHIN DU 'DIR GZHUNG NI SNGA MA BZHIN NO, ,YANG NA DBUS PAS DBUS PA'I DGE SLONG LA MTHA' 'KHOB PA'I SKAD DU SMRAS PA LA BRTEN NAS GSUNGS PA YIN TE, DE BZHIN DU 'DIR GZHUNG NI SNGA MA BZHIN NO, ,YANG NA LAS DANG PO PA DANG SNGON PHAM PA BYUNG BA LA DGONGS NAS GSUNGS PA YIN TE SNGA MA BZHIN NO, ,DGE SLONG NYON MONGS CAN SEMS KYIS, ,ZHES BYA BA LA SOGS PA LA, DGE SLONG SMOS PAS NI DGE SBYONG LA SOGS PA BSAL BA'I PHYIR RO, ,NYON MONGS CAN SEMS KYIS ZHES BYA BA NI DBYE BA'I BSAM PA STE, NYON MONGS CAN ZHES SMOS PAS NI NYON MONGS PA CAN MA YIN PA'I SEMS BKAG PA'O, ,DGE SLONG GIS SMRAS ZHES BYA BA NI DGE SLONG GIS SMRAS PA'O, ,PHRA MA NI DBYE NA GYI TSIG GO, ,DGE SLONG LA ZHES BYA BA NI DGE SLONG GI YUL LA'O, ,DAG CES BYA BA NI LTUNG BA MED PAR RO, ,BCOL ZHES BYA BA NI DON DU GNYER GYIS ZHES BYA BA'O, ,'DI LA GZHAN GYIS BSAM PA GANG GI TSE DGE SLONG ZHIG GIS DGE SLONG GI YUL LA DGA' YANG RUNG MI DGA' YANG RUNG DGE SLONG ZHIG GIS MNGON SUM DU 'DI NI KHRO BA'O, ,'CHAB PA'O, ,TSIG PA'O, ,MDZE CAN NO ZHES ZER RO ZHES BYA BA LA SOGS PA BDEN YANG RUNG BRDZUN YANG RUNG BA SMRA LA DE YANG GAL TE DGE SLONG GIS SMRAS PA DE DGE SLONG GI YUL LA DBYEN GYI BSAM PAS SMRAS NA DES NA DE LA LTUNG BYED DU 'GYUR RO ZHES BYA BA GSAL BA NYID NA, 'ON KYANG BCOM LDAN 'DAS KYIS DES 'GYUR BAR MA GSUNGS SO ZHES BYA BA 'DI LA KHYOD KYIS KHO BO LA RGYU NYE BAR BSTAN PAR BYA'O ZHES BYA BA NI 'DI YIN NO, ,'DI LA LAN NI MI'I SKYON NAS SMRA BA LA BSHAD PA THAMS CAD YIN PA NYID LA, LUNG DANG MDO LAS BSHAD PA'I GZHUNG YANG DE NYID YIN TE SNGA MA BZHIN NO; ,SDOM BRTZON CAN GYIS RUNG BA'I ZHES BYA BA LA SOGS PA LA RUNG BA NI RUNG BA ZHES BYA BA ME DANG RMA BYUNG BA DANG MCHON DANG SEN MO DANG NE CO DANG RNYIS PA DANG BKRUM PA DANG BKAS PA DANG BCAD PA ZHES BYA BA DAG GIS CI RIGS PAR RUNG PAR BYAS PA STE, CHO GA BYAS PA ZHES BYA BA'I DON TO, ,SA BON RNAM PA @98B LNGA NI RTZA BA DANG, SDONG BU DANG, RTZE MO DANG, 'GAS PA DANG, SA BON GYI SA BON ZHES BYA BA DAG GO, ,LTUNG BYED BYED PA ZHES BYA BA NI LTUNG BYED KYI LTUNG BA DANG LDAN PAR RO, ,'DI LA GZHAN GYI BSAM PA NI GANG ZHIG RTZA BA LA SOGS PA SA BON GYI RIS LNGA PO RMA BYUNG BA LA SOGS PA'I CHO GAS RUNG BAR BYAS PA ZA BA DE LA NI LTUNG BYED KYI LTUNG BA MED PA NYID DO ZHES BYA BA DE NI LEGS PAR SHES NA, 'ON KYANG BCOM LDAN 'DAS KYIS LA LAR DE LA LTUNG BYED DU GSUNGS SO ZHES BYA BA 'DI KHO BO LA 'BAD DE SMROS SHIG CES BYA BA 'DI YIN NO, ,'DI LA LAN NI 'DI YIN TE, RUNG BAR BYAS PA RNAMS MYU GU SKYES PA YONGS SU LONGS SPYOD PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS SA BON GYI RIS LNGA PO ZHUGS KYIS RUNG BA BGYIS TE, 'TSAL LA LTUNG BYED KYI LTUNG BAR 'GYUR BA LTA MCHIS LAGS SAM, NYE BA 'KHOR YOD DE, 'DI LTAR SA BON GYI RIS LNGA PO RUNG BAR BYAS PA SA LA BZHAG PA'AM SNOD DU BZHAG PA'AM GDANG LA BTAGS PA LAS MYUR DU SKYES PAR GYUR NA'O ZHES BYA BA YIN TE, 'DIR MES RUNG BAR BYA BA NI RMAD BYUNG BA LA SOGS PA GZHAN DAG GI DPE TZAM DU ZAD PAR SHES PAR BYA'O, ,G-YOGS MA MED PAR ZHES BYA BA LA SOGS PA NI G-YOGS MA MED PAR GNAS MAL RUNG BA BSHAMS NAS MA BRU BAS SHING MA BLTAS PAR SONG NA JI LTAR DAG PAR GSUNGS ZHES BYA BAR SBYAR RO, ,DE LA G-YOGS MA MED PAR ZHES BYA BA NI BLA GAB MED PAR RO, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,GNAS MAL NI KHRI DANG KHRI'U DANG STAN NANG TSANGS CAN LA SOGS PA'O, ,RUNG BA ZHES BYA BA NI KHRI DANG STAN NANG TSANGS CAN LA SOGS PA BA SO DANG GSER DANG DNGUL LA SOGS PA LAS BYAS PA DANG DPAG BSAM GYI SHING GE GOS DANG, TSAD LAS LHAG PA LA SOGS PA DANG BRAL ZHING TSAD DANG LDAN PA ZHES BYA BA'I THA TSIG GO, ,BSHAMS ZHES BYA BA NI MA BKRAM NAS SO, ,MA BRUBS ZHES BYA BA NI MA BRTUL CING NGO, ,MA BLTAS PAR ZHES BYA BA NI BLTA BA MA BYAS PAR TE MA BCOL BAR ZHES BYA BA'I DON TO, ,SONG NA ZHES BYA BA NI MTSAMS LAS 'DAS NA'O, ,JI LTA BUR NA ZHES BYA BA NI RGYU GANG GIS NA'O, ,DAG PAR ZHES BYA BA NI LTUNG BA MED PAR RO, ,'DI @99A *, ,LA 'DRI BA'I DON NI GANG 'GA' ZHIG GIS DGE 'DUN GYI GNAS MAL DU RUNG BA LA KHRI DANG KHRI'U LA SOGS PA BDAG NYID KYIS BLA GAB MED PAR BSHAMS LA, PHYIS DGE SLONG LA SOGS PA LA BLTAR MA BCUG PAR MTSAMS KYI PHYI ROL DU 'GRO NA DE'I PHYIR DE LA LTUNG BYED KYI LTUNG BAR 'GYUR RO ZHES BYA BA DE NI SHIN TU NGES NA, 'ON KYANG BCOM LDAN 'DAS KYIS KHA CIG TU DE LA LTUNG BA MED PAR GSUNGS SO ZHES BYA BA 'DI LA KHYOD KYIS CI STA DA SKAD GSUNGS PA KHO BO LA RGYU BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, BAR CHAD KYI DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DGE 'DUN GYI GNAS MAL BKRAM MAM 'GREMS SU STZAL NAS, MA BRUGS SHING 'BRUM DU YANG MA STZAL, DGE SLONG GZHI PA LA BLTAR YANG MA STZAL BAR NYE 'KHOR LAS 'DAS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG LA GTZUG LAG KHANG DER BAR CHAD BRGYAD LAS BAR CHAD GANG YANG RUNG BA CIG NYE BAR GNAS PAR GYUR NA'O ZHES BYA BA YIN NO, ,DE BZHIN DU GZHAN LAS KYANG RKYEN DE LTA BU NI MA GTOGS SO ZHES GSUNGS SO, ,MDO BYED PAS KYANG NYAM NGA BA DANG PHRAD PA LA YANG MI 'BYUNG NGO ZHES BSHAD DO, ,YANG NA DE NI LAS DANG PO PA DANG SNGON PHAM PA BYUNG BA LA SOGS PA LA BRTEN NAS GSUNGS PA YIN PAR SHES PAR BYA STE SNGA MA BZHIN NO, ,SDOM BRTZON CAN GYIS ZHES BYA BA LA SOGS PA NI SDOM BRTZON CAN GYIS CHOS GOS RUNG BA DGE SLONG MA NYE DU MA YIN PA LA BYIN NA CI'I PHYIR LTUNG BA MED PA ZHES GSUNGS ZHES BYA BAR SBYAR RO, ,DE LA RUNG BA NI RNGA MO DANG GNAG DANG RI DAGS KYI SPU LA SOGS PA DANG BRAL BA'O, ,GOS NI BGO BA STE SNAM SBYAR BLA GOS DANG MTHAR GOS LA SOGS PA'O, ,NYE DU NI PHA MA DAG NAS BDUN PA TSUN CHAD LAS SNGA MA GCIG LAS SKYES PA'O, ,NYE DU MA YIN PA NI NYE DU MIN PA STE DE LA'O, ,BYIN ZHES BYA BA NI YONGS SU BTANG NA'O, ,LTUNG BA MED PA ZHES BYA BA NI NYES PA MED PA'O ZHES GSUNGS PA ZHES BYA BA NI BCOM LDAN 'DAS KYIS DE SKAD DU BKA' STZAL PA STE NGES PAR SMROS ZHES BYA BAR SBYAR RO, ,'DI LA DON NI GANG GI @99B TSE DGE SLONG GIS DGE SLONG MA NYE DU MA YIN PA LA GOS RUNG BA BYIN PA DE'I TSE DE LA LTUNG BYED KYI LTUNG BAR 'GYUR RO ZHES BYA BA DE NI NGES NA, 'ON KYANG BCOM LDAN 'DAS KYIS RNAM PA 'GA' ZHIG GIS DE LA LTUNG BA MED PA KHO NAR GSUNGS SO ZHES BYA BA 'DI LA KHYOD KYIS KHO BO LA RGYU SMROS SHIG CES BYA BA 'DI YIN NO, ,DE LA LAN NI 'DI YIN TE, DE NI TSAD DU MCHOG PA DANG LHAG PA LA BRTEN NAS GSUNGS PA YIN PAR BLTA'O, ,DE BZHIN DU 'DIR GZHUNG NI, BTZUN PA DGE SLONG GIS DGE SLONG MA NYE DU MA LAGS PA LA GOS STZAL LA LTUNG BAR MI 'GYUR BA LTA MCHIS LAGS SAM, NYE BA 'KHOR YOD DE, GOS KHRU GANG DU MCHOG PA'AM BDE BAR GSHEGS PA'I CHOS GOS KYI TSAD YIN NO, ,YANG NA DE NI RIN DU BYIN PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS DGE SLONG MA NYE DU MA LAGS PA LA GOS STZAL LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, RIN DU BYIN LA RIN BLANGS NA'O ZHES BYA BA YIN NO, ,YANG NA DE NI DGE 'DUN LA GOS 'BUL BAR BYED PA'AM, LEGS PAR SMRA BA'AM, BSNYEN PAR RDZOGS PAR BYED PA'AM, BOR RLAG BYUNG BA'AM, SKYIN PAR BYIN PA LA BRTEN NAS GSUNGS PA YIN TE; DE BZHIN DU 'DIR GZHUNG NI, DGE 'DUN LA GOS 'BUL BAR BYED DAM, LEGS PAR SMRA BA LA BYIN NAM, BSNYEN PAR RDZOGS PAR BYED PA LA SBYIN NAM, BOR RLAG BYUNG BA'AM, SKYIN PAR SBYIN PA LA LTUNG BA MED DO ZHES BYA BA YIN NO, ,YANG NA LAS DANG PO PA LA SOGS PA LA DGONGS NAS GSUNGS PA YIN TE SNGA MA BZHIN NO, ,MTSAMS GCIG GNAS PA'I ZHES BYA BA NI MTSAMS KYI NANG NA GNAS PA'O, ,MANG PO ZHES BYA BA NI BZHI LA SOGS PA'O, ,KHA ZAS MA STZAL BAR ZHES BYA BA NI 'DI DAG LA KHA ZAS BZA' BA DANG BCA' BA LA SOGS PA AA RUNG TZAM YANG BSRUL ZHING BSKUR BA MED PAS ZAS MA STZAL BAR RO, ,THA DAD CES BYA BA NI SO SOR RO, ,BZA' BA NI ZA BAR BYED PA STE, DGE SLONG DAG CES BYA BAR SBYAR RO, ,'DI LA BSAM PA NI GANG GI TSE MTSAMS GCIG NA DGE SLONG BZHI LA SOGS PA SO SOR SDER BCAS NAS ZAN ZA BA DE'I TSE DE DAG LA 'DUS SHING ZA BA'I LTUNG BYED DU 'GYUR @100A *, ,LA; GAL TE KHA ZAS KYIS BSRUL BA BYAS NA NI DE'I TSE LTUNG BA MED PA KHO NAR 'GYUR RO ZHES BYA BA NI NGES PA KHO NA YIN NA, 'O NA BCOM LDAN 'DAS KYIS KHA CIG TU LTUNG BA MED PA KHO NA'O ZHES GSUNGS PA 'DI LA KHYED KYIS RGYU BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DUS YOD PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, DUS MA GTOGS PAR 'DUS SHING ZA BA LA LTUNG BYED DU 'GYUR RO ZHES BYA BA LA SOGS PA YIN NO, ,DE BZHIN DU 'DI LA GZHUNG GZHAN NI, BTZUN PA DGE SLONG GIS 'DUS SHING 'TSAL BA BGYIS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, DUS DRUG LAS DUS GANG YANG RUNG BA ZHIG NYE BAR GYUR NA'O ZHES BYA BA YIN NO, ,YANG NA DGE SLONG GSUM ZAN ZA BA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA GNAS GCIG TU MTSAMS GCIG NA DGE SLONG MANG PO DAG SO SOR 'TSAL MA 'TSAL LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, GAL TE GSUM ZAN ZA'I BZHI MA YIN NA'O ZHES BYA BA YIN NO, ,YANG NA ZAS KYI GNAS SO SOR NGES PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS 'DUS SHING 'TSAL BA BGYIS PA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR ZAS KYI GNAS SO SOR NGES PA YIN NA'O ZHES BYA BA YIN NO, ,YANG NA LAS DANG PO PA LA SOGS PA LA DGONGS NAS GSUNGS PA YIN TE SNGA MA BZHIN NO, ,KHA ZAS BCA' BAR BYA BA LA SOGS PA ZHES BYA BA NI KHA ZAS BCA' BAR BYA BA LA SOGS PA RUNG BA DUS MA YIN PAR ZAN JI LTAR DAG PA ZHES BYA BAR GSUNGS ZHES BYA BAR SBYAR RO, ,DE LA KHA ZAS NI MID PAR BYA BA'O, ,MID PAR BYA BA'I ZAS BU RAM HAGS LA SOGS PA YANG YOD PAS BCA' BAR BYA BA LA SOGS PA ZHES BYA BA SMOS TE, BTZA' BAR BYA BA ZHES BYA BA NI BCA' BAR BYA BA LNGA PO BCA' BAR BYA BA RTZA BA DANG, SDONG BU DANG, LO MA DANG, ME TOG DANG, 'BRAS BU ZHES BYA BA RNAMS SO, ,SOGS PA ZHES SMOS PAS NI BZA' BAR BYA BA LNGA PO 'BRAS @100B CHAN DANG, ZAN DRON DANG, LDE GU DANG, SHA DANG, SNUM KHUR ZHES BYA BA RNAMS BSDUS TE, BCA' BAR BYA BA DANG BZA' BAR BYA BA ZHES BYA BA'I THA TSIG GO, ,BCA' BAR BYA BA DANG BZA' BAR BYA BA DE YANG RUNG BA MA YIN PA GLANG PO CHE DANG, RTA'I SHA LA SOGS PA DANG RUNG BA MA YIN PA DANG 'DRES PA YANG YOD PAS RUNG BA ZHES BYA BA SMOS TE RUNG BAR GYUR PA'O, ,DUS MIN CES BYA BA LA DUS NI SKYA RENGS SHAR NAS NYI MA PHYED KYI MTHAR THUG PA'I BAR YIN NO, ,DE LAS BZLOG PA NI DUS MA YIN PA STE DER RO, ,ZLA BYED LA ZHES BYA BA NI MID PAR BYED PA'O, ,DAG PA NI LTUNG BA MED PA'O, ,THE TSOM GTAN LA DBAB PAR ZHES BYA BA NI THE TSOM BSAL BAR RO, ,'DI LA BSDUS PA'I DON NI GANG GI TSE DGE SLONG GIS DUS MA YIN PAR BCA' BAR BYA BA MA YIN PA BZA' BAR BYA BA ZOS PA DE'I TSE DE LA LTUNG BYED KYI LTUNG BA 'BYUNG BAR 'GYUR RO ZHES BYA BA DE LA NI KHO BO CAG MI MTHUN PA YANG MED NA, 'ON KYANG BCOM LDAN 'DAS KYIS TSUL 'GA' ZHIG GIS DE LA LTUNG BA MED PA KHO NAR GSUNGS PAS DE'I PHYIR KHO BO'I YID GNYIS BZLOG PAR GYIS SHIG CES BYA BA 'DI YIN NO, ,'DI LA THE TSOM BCAD PA NI 'DI YIN TE, DE NI GLING GZHAN DU SONG BA DUS MA YIN PAR ZA BA'I RGYU MTSAN LA BRTEN NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DUS MA LAGS PAR BCA' BAR BGYI BA DANG BZA' BAR BGYI BA 'TSAL LA LTUNG BAR YANG MI 'GYUR PA LTA MCHIS LAGS SAM, NYE BA 'KHOR YOD DE, GLING GSUM PO DAG TU 'DZAM BU'I GLING GI DUS SU ZA NA'O ZHES BYA BA YIN NO, ,YANG NA LHA'I BDUD RTZI YONGS SU LONGS SPYOD PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BCOM LDAN 'DAS DGE SLONG GIS DUS MA LAGS PAR G-YAR ZAS 'TSAL LA LTUNG BAR YANG MI 'GYUR BA LTA MCHIS LAGS SAM, NYE !BA 'KHOR YOD DE, LHA'I BDUD RTZI ZA NA'O ZHES BYA BA YIN NO, ,YANG NA NAD PA'I DBANG DU MDZAD NAS DE SKAD DU GSUNGS PA YIN TE, DE BZHIN DU NAD PA LA BCAS PA'I KHA NA MA THO BA THAMS CAD GNANG BAR GTOGS PA'I GZHUNG NI, BTZUN PA BRO 'TSAL BA LA JI LTAR RI MGRON BGYI LAGS, NYE BA 'KHOR RANG BZHIN GYIS KHA NA MTHO BA MA GTOGS PA JI LTAR NAD PA SOS PAR 'GYUR BA @101A *, ,LTAR RO ZHES BYA BA YIN NO, ,DE BZHIN DU 'DIR GZHUNG GZHAN NI, BTZUN PA BRO 'TSAL BA LA JI LTAR RIM GRO BGYI LAGS, NYE BA 'KHOR STON PA'I 'DU SHES NYE BAR BZHAG LA PHAN PA DANG MTHUN PA'I SMAN DAG GIS RIM GRO BYA'O, ,BTZUN PA BO 'TSAL BA LA CI ZHIG STZAL BAR BGYI, NYE BA 'KHOR RANG BZHIN GYIS KHA NA MA THO BA MA GTOGS PA GANG GIS NAD PA SOGS PAR 'GYUR BA DE SBYIN PAR BYA'O ZHES BYA BA YIN NO, ,DE BZHIN DU 'DIR GZHUNG GZHAN NI, BTZUN PA BRO 'TSAL BA LA CI ZHIG STZAL BAR BGYI, NYE BA 'KHOR BCAS PA'I KHA NA MA THO BA GANG GIS NAD PA 'TSO BAR 'GYUR BA DE NAD PA LA SBYIN PAR BYA'O ZHES BYA BA YIN NO, ,DE BZHIN DU MDO BYED PAS KYANG, RANG BZHIN GYI KHA NA MA THO BA DANG BCAS PA LAS GZHAN PA THAMS CAD LA GSO BA'I DON NYID MA GTOGS PA ZHES BYA BA'I LHAG MA'O ZHES BYA BA DANG, DE BZHIN DU GSO BA'I PHYIR NUB MO ZA BA NI TSUL DANG MI MTHUN PA MA YIN NO ZHES BSHAD DO, ,DGE SLONG CHO GA SNGON 'GRO BA ZHES BYA BA NI CHO GA GANG GIS BYIN LEN BYANG BAS TE MNGON SUM DU MTSAMS KYI NANG DU 'THOB PA'I PHYOGS SU GNAS PA LAG PA BKAN PAS LUS SAM DE DANG 'BREL BAS GYEN DU 'DEGS NUS PA RDZOGS PAR MA BSNYEN PA MI MA YIN PA LAS KYANG SBYIN PAR 'DOD PAS YAN LAG GIS SAM DE DANG 'BREL PAS BYIN PA MNOS PA NI BYIN LEN NO ZHES BYA BA'I CHO GA DE BSGRUB PA STE, CHO GA YANG DAG PAR SPYOD PAS YIN GYI, GYI NA NI MA YIN NO ZHES BYA BA'I DON TO, ,BYIN LEN BYAS NAS ZHES BYA BA NI MTSAMS KYI NANG DU RUNG BA BYED PA LA SOGS PA 'THOB TU RUNG BAR GNAS PA LAS MNGON SUM DU BLANGS NAS SO, ,CI ZHIG CE NA, BCA' BAR BYA BA LA SOGS PA ZHES BYA BAR SBYAR RO, ,LTUNG DANG BCAS ZHES BYA BA NI NYES PA DANG BCAS PA'O, ,'DI LA DON NI DGE SLONG GANG ZHIG JI SKAD BSHAD PA'I CHO GA BRJOD CING BCA' BAR BYA BA DANG BZA' BAR BYA BA DE LA BYIN LEN BYAS TE ZA BA DE LA LTUNG BA MED PA KHO NA'O ZHES BYA BA DE NI SHES PA NYID NA, 'ON KYANG BCOM LDAN 'DAS KYIS DE LA LTUNG BA DANG BCAS PA NYID DU GSUNGS PA DE GAL TE KHYOD LA 'DIR 'DUL BA LA GSAL BAR SHES PA'I NUS PA ZHIG YOD PA DE LTA NA KHO BO LA LAN THOB SHIG CES BYA BA 'DI YIN NO, ,'DI LA @101B LAN NI 'DI YIN TE, DE BZHIN DU DE NI GZHAN GYIR 'DU SHES PA LA DGONGS NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS BCA' BAR BGYI BA BYIN LEN BGYIS PA 'TSAL LA LTUNG BA DANG BCAS PAR 'GYUR BA LTA MCHIS LAGS SAM, NYE BA 'KHOR YOD DE, GZHAN GYI 'DU SHES KYIS BYIN LEN BYAS NAS ZA NA'O, ,YANG NA DE NI BYIN PAR RUNG BA MA YIN PA GSOG 'JOG BYAS PA DUS MA YIN PAR ZA BA'I DBANG DU MDZAD NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS 'TSAL MA LAN CIG 'TSAL LA LTUNG BA LAN CIG BZHI 'BYUNG BA LTA MCHIS LAGS SAM, NYE BA 'KHOR YOD DE, BYIN LEN MA BYAS PA RUNG BA MA YIN PA GSOG 'JOG BYAS PA DUS MA YIN PAR ZA NA'O, ,DGE SLONG GIS DGE SLONG LA ZHES BYA BA LA SOGS PA LA, NYON MONGS SEMS KYIS ZHES BYA BA NI NYON MONGS PA DANG MTSUNGS PAR LDAN PA'I SEMS KYIS SO, ,GSAL BAR LAN THOB SHIG CES BYA BA NI NGES BAR SMROS SHIG PA'O, ,'DI LA DON NI GANG GI TSE DGE SLONG GIS KHROS NAS DGE SLONG LA RDEG PA DE'I TSE DE LA THE TSOM MED PAR LTUNG BYED KYI LTUNG BAR 'GYUR RO ZHES BYA BA DE NI SHES PA NYID NA, 'ON KYANG BCOM LDAN 'DAS KYIS NYES BYAS SU GSUNGS SO ZHES BYA BA DE BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI 'DRAN THOR LA SOGS PA LA DGONGS NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DGE SLONG LA BRGYAB PA LTUNG BYED DU YANG MI 'GYUR BA LA LTA MCHIS LAGS SAM, NYE BA 'KHOR YOD DE, 'DREN THOR GYI BSAM PA'AM, GSAD PA'I BSAM PAS RDEG NA'O ZHES BYA BA YIN NO, ,YANG NA GZHAN GYI DON DU RDEG PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS GZHAN GYI SLAD DU DGE SLONG LA BRGYAB NA CIR 'GYUR LAGS, NYES BYAS SU'O ZHES BYA BA YIN NO, ,YANG NA GZHAN RDEG TU 'JUG PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DGE SLONG LA GZHAN GYIS RDEG TU STZOL NA CIR 'GYUR LAGS, NYES BYAS SU'O ZHES BYA @102A *, ,BA YIN NO, ,YANG NA DGE SLONG SMYON PA'I DBANG DU MDZAD NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DGE SLONG SMYON PA LA BRGYAB NA CIR 'GYUR LAGS, NYES BYAS SU'O, ,DE BZHIN DU DGE SLONG SEMS 'KHRUGS PA DANG TSOR BAS NYEN PA DANG GLEN PA DANG 'ON PA DANG GNYID KYIS LOG PA DANG MYOS PA DANG SNYOMS PAR ZHUGS PA DANG 'GRO BA GZHAN DU GNAS PA LA BRGYAB NA CIR 'GYUR LAGS, NYES BYAS SU'O ZHES BYA BA YIN NO, ,YANG NA SNGON PHAM PA BYUNG BA LA SOGS PA LA DGONGS NAS DE SKAD DU GSUNGS PA YIN TE SNGA MA BZHIN NO; ,SDOM BRTZON ME LA REG BYED PA, ,ZHES BYA BA LA SOGS PA NI THAMS CAD MKHYEN PAS ME LA REG PA CI'I PHYIR NYES BYAS KYI LTUNG BAR GSUNGS PA NGES PAR KHO BO LA SMROS SHIG CES BYA BAR SBYAR TE, DE LA ME LA REG PA BYED PA ZHES BYA BA NI ME LEN PAR BYED PA'O, ,REG PAR BYED PA ZHES SMOS PA NI REG PA YANG BSDU STE, YANG DGE SLONG GANG MI NA BAR 'DOD NAS BDAG NYID KYI PHYIR ME LA REG GAM REG TU 'JUG NA ZHES 'BYUNG BA'I PHYIR RO, ,KUN MKHYEN NI 'DAS PA DANG MA 'ONGS PA DANG DA LTAR BYUNG BA'I DON BLANG BAR BYA BA DANG, DOR BAR BYA BA'I MTSAN NYID THABS DANG BCAS PA THAMS CAD LAG MTHIL DU SKYU RU RA BZHAG PA BZHIN DU YONGS SU MKHYEN PA'I PHYIR RO, ,THUGS RJE DANG LDAN PA'I ZHES BYA BA NI THUGS RJE CHEN PO DANG LDAN PAS SO, ,'DI LA DON NI GANG GI TSE DGE SLONG GIS ME LA REG GAM REG TU 'JUG PA DE'I TSE LA LTUNG BYED KYI LTUNG BAR 'GYUR RO ZHES BYA BA DE NI NGES PA NYID YIN NA, 'ON KYANG BCOM LDAN 'DAS KYIS DE LA NYES BYAS SU GSUNGS SO ZHES BYA BA DE JI LTA BU YIN PA KHO BO LA SMROS SHIG CES BYA BA 'DI YIN NO, ,DE LA LAN NI 'DI YIN TE, DE NI GZHAN GYI DON DU REG PA LA DGONGS NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG GIS GZHAN DU ZHUGS PA LA REG NA CIR 'GYUR LAGS, NYES BYAS SU'O ZHES BYA BA 'DI YIN NO, ,DE BZHIN DU MDO LAS KYANG, 'DI SKAD DU YANG DGE SLONG GANG MIN BAR BDE BAR 'DOD NAS BDAG GI PHYIR ME LA REG GAM REG TU 'JUG NA LTUNG BYED DO ZHES 'BYUNG STE BDAG CIS SMOS PA'I PHYIR GZHAN GYI CHED DU NI NYES @102B BYAS SU'O ZHES BYA BAR MNGON NO, ,DE BZHIN DU MDO BYED PAS KYANG, RANG GI DON NYID GTZO CHER YOD PA'O, ,ZHES BSHAD DO, ,YANG NA PHO NYA LA REG TU 'JUG PA'I DBANG DU MDZAD NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS PHO NYA LA ZHUGS LA REG TU STZOL NA CIR 'GYUR LAGS, NYES BYAS SU'O ZHES BYA BA YIN NO, ,DE BZHIN DU YI GE DANG LAG BRDA DANG GZHAN LA SNYAD 'DOGS PA DANG, BRGYUD PAS REG TU STZOL NA CIR 'GYUR LAGS, NYES BYAS SU'O ZHES BYA BA YIN TE, 'DI LA MDO BYED PAS BSHAD PA YANG SNGA MA BZHIN NO, , DGE SLONG NUB GNYIS LAS LHAG PAR ZHES BYA BA LA SOGS PA NI DGE SLONG NUB GNYIS LAS LHAG PAR BSNYEN PAR RDZOGS PA DANG BRAL BA DANG NYAL BAR BYED PA JI LTAR NYES BYAS KYI LTUNG BA BYED PAR GSUNGS ZHES BYA BAR SBYAR RO, ,CI BSNYEN PAR MA RDZOGS PA DANG, LHAN CIG RTAG TU KHYIM NA NYAL BA LA LTUNG BA RNAM PAR GZHAG GAM ZHE NA, NUB GNYIS LAS LHAG PAR ZHES BYA BA SMOS TE, NUB GNYIS KYI 'OG TU ZHES BYA BA'I THA TSIG GO, ,SU DANG LHAN CIG CE NA, BSNYEN PAR RDZOGS PA DANG BRAL BA ZHES BYA BA SMOS TE, BSNYEN PAR RDZOGS PA DANG BRAL BA BSNYEN PAR MA RDZOGS PA DANG DGE SBYONG LA SOGS PA DANG LHAN CIG CES BYA BA'I DON TO, ,DE LA RDZOGS PA NI BKRA SHIS PA STE, MYA NGAN LAS 'DAS PA ZHES BYA BA'I THA TSIG GO, ,DE NI SDUG BSNGAL THAMS CAD MED PA'I PHYIR DANG, GCIG TU ZHI BA'I MTSAN NYID YIN PA'I PHYIR RDZOGS PA ZHES BYA BA'I SGRAR BRJOD DE, DRI MA THAMS CAD BCOM NAS NI, ,MYA NGAN LAS 'DAS RDZOGS PA THOB, ,SDUG BSNGAL THA MAR BYED PA STE, ,THAMS CAD PHUN SUM TSOGS PAR 'GYUR, ,ZHES 'BYUNG BA'I PHYIR RO, ,DGE SLONG NYID RDZOGS PA DANG NYE BAR BSNYEN PA'I NGO BOR 'DUG PA'I PHYIR BSNYEN PAR RDZOGS PAR BRJOD PAR BYA BAR SHES PAR BYA STE, NGA'I DGE SLONG TSUL KHRIMS DRI MA MED PA DE LA MTHO RIS NI RAS YUG GIS CHOD PA TZAM LA THAR PA NI YOL BAS CHOD PA TZAM MO ZHES 'BYUNG BA'I PHYIR RO, ,DE DANG BRAL BA STE BSNYEN PAR RDZOGS PA MED PA DANG ZHES BYA BA'I THA TSIG GO, ,NYAL BA NI NYAL TE GNYID KYIS LOG PA'I MTSAN NYID DE, NYAL NA @103A *, ,ZHES BYA BA NI GNYID KYIS LOG NA'O ZHES 'BYUNG BA'I PHYIR RO, ,BYED PA ZHES BYA BA NI LHAG PAR SPYOD PA'O, ,NYES BYAS LTUNG BA BYED PAR ZHES BYA BA NI NYES BYAS KYI LTUNG BA DANG LDAN PAR RO, ,'DI LA BSDUS PA'I DON NI DGE SLONG GANG ZAG BSNYEN PAR MA RDZOGS PA DGE SBYONG LA SOGS PA DANG LHAN CIG KHYIM GCIG TU NUB GNYIS NYAL NAS NUB GSUM PA LA DE NYID DANG LHAN CIG NYAL NA DE'I PHYIR DE LA LTUNG BYED KYI LTUNG BAR 'GYUR RO ZHES BYA BA DE NI SHIN TU GRAGS NA, 'ON KYANG DGE SLONG BSNYEN PAR MA RDZOGS PA DANG LHAN CIG NYAL NA DE LA LTUNG BYED DU 'GYUR BAR MA GSUNGS KYI NYES BYAS SO ZHES BYA BA DE BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI GNAS MA BSKOR BA'AM MA G-YOGS PA'I DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GANG ZAG BSNYEN PAR MA RDZOGS PA DANG LHAN CIG TU SDUM PAR NUB GNYIS LHAG PAR MCHIS NYAL BAR BGYID LA LTUNG BYED DU YANG MI 'GYUR BA LTA MCHIS LAGS SAM, NY BA 'KHOR YOD DE, 'DI LTAR GNAS DE KUN NAS G-YOGS LA MA BSKOR BA'AM, PHYED BSKOR BA YIN PA'AM, KUN NAS BSKOR LA MA G-YOGS PA'AM, PHYED G-YOGS PA YIN LA GNAS DE LTA BUR NYAL BAR BYED NA NYES BYAS SU 'GYUR RO ZHES BYA BA YIN NO, ,MDO BYED PAS KYANG 'DI LA PHAL CHER G-YOGS PA DANG BSKOR BA NI GNAS KYI MTHA' YIN NO ZHES BSHAD DO, ,YANG NA RI'I PHUG LA SOGS PAR NYAL BAR BYED PA LA DGONGS NAS DE SKAD DU GSUNGS PA YIN TE DE BZHIN DU 'DIR GZHUNG NI BTZUN PA RE ZHIG DGE SLONG RI PHUG GAM SHING GI BU GA DAG GAM RTZIG PA'I BU GA DAG TU GANG ZAG BSNYEN PAR MA RDZOGS PA DANG LHAN CIG NUB GNYIS LAS LHAG PAR GNAS SU NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG GIS SHING DRUNG DU GANG ZAG BSNYEN PAR MA RDZOGS PA DANG LHAN CIG NUB GNYIS PAS LHAG PAR GNAS SU NYAL BAR BGYID NA CIR 'GYUR LAGS, NYES BYAS SU'O ZHES BYA BA YIN NO, ,MDO BYED PAS KYANG 'DI LA SHING LJON PA'I DRUNG DANG, RTZIG PA'I BAR DANG, TSANG TSING GI DRUNG DAG NI PHYED NYID DO ZHES BSHAD DO, ,YANG NA SMYON PA DANG LHAN CIG TU NYAL BAR BYED PA LA DGONGS NAS @103B DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG SMYON PA DANG LHAN CIG NUB GNYIS SDUM PAR MCHIS NYAL LA NUB GSUM PA LA RANG BZHIN DU GNAS PA DANG LHAN CIG MCHIS NYAL NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG RANG BZHIN DU GNAS PA DANG LHAN CIG NUB GNYIS MCHIS NYAL LA NUB GSUM PA LA SMYON PA DANG LHAN CIG MCHIS NYAL NA CIR 'GYUR LAGS, NYES BYAS SU'O, ,DE BZHIN DU SEMS 'KHRUGS PA DANG TSOR BAS NYEN PA DANG GLEN PA DANG 'ON PA DANG 'GRO BA GZHAN NA GNAS PA DANG LHAN CIG MCHIS NYAL NA CIR 'GYUR LAGS; NYES BYAS SU'O ZHES BYA BA YIN NO, ,YANG NA SNGAR PHAM PA BYUNG BA LA SOGS PA LA DGONGS NAS GSUNGS PA YIN TE SNGA MA BZHIN NO, ,DRI BA DANG LAN 'DI DAG NI BUD MED DANG LHAN CIG NYAL BA LA YANG RUNG BAS DE LA YANG NUB GNYIS LAS LHAG PAR LHAN CIG GNAS NA NYAL BA MA GTOGS PAR CI RIGS PAR BRTAG PAR BYA STE, DE LA GZHUNG NI, BTZUN PA RE ZHIG DGE SLONG BUD MED DANG LHAN CIG RI'I PHUG DAG GAM SHING DRUNG NGAM TSANG TSING GI NANG NGAM SHING GI PU GA DAG TU NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG BUD MED DANG LHAN CIG KUN NAS G-YOGS PA LA MA BSKOR BAR RAM, PHYED BSKOR BAR MCHIS NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG BUD MED DANG LHAN CIG KUN NAS BSKOR LA MA G-YOGS PA'AM PHYED G-YOGS PAR MCHIS NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG DUD 'GRO'I SKYE GNAS SU GTOGS PA'I BUD MED DANG LHAN CIG SDUM PA NA MCHIS NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG BUD MED DANG LHAN CIG STENG GI NAM MKHA' MCHIS NYAL BAR BGYID NA CIR 'GYUR LAGS, NYES BYAS SU'O, ,BTZUN PA RE ZHIG DGE SLONG SMYON PA DANG LHAN CIG SDUM NA MCHIS NYAL BAR BGYID NA CIR 'GYUR LAGS, NYES BYAS SU'O, ,DE BZHIN DU SEMS 'KHRUGS PA DANG TSOR BAS NYEN PA DANG 'GRO BA GZHAN DU GNAS PA DANG LHAN CIG SDUM PA NA MCHIS NYAL BAR BGYID NA CIR 'GYUR LAGS, @104A *, ,NYES BYAS SU'O ZHES BYA BA YIN NO, ,MDO BYED PAS KYANG 'DI LA RANG BZHIN NYAMS PA NI MA YIN NO, ,MI'I 'GRO BA PA NI THA SNYAD DU BYA BA NYID YIN NO ZHES BSHAD DO, ,SDOM BRTZON TSON RTZI SNA GSUM GYIS, ,ZHES BYA BA LA SOGS PA LA, TSON RTZI SNA GSUM NI RAMS DANG, BTZAG DANG, BSKA BA ZHES BYA BA DAG GO, ,GOS NI GOS SO, ,GYON PA NI BGOS PA'O, ,BCOL BA NI GSOL BA GDAB PA SNGON DU 'GRO BA'I DON DU GNYER BA'O, ,'DI LA DRI BA'I DON NI DGE SLONG GIS GANG GI TSE GOS LHAG CIG RNYED NAS TSON RTZI GSUM PO RAMS DANG, BTZAG DANG, BSKA BA ZHES BYA BAS KHA DOG BSGYUR BA MA BYAS PA GYON NA DE'I TSE DE LA LTUNG BYED KYI LTUNG BAR 'GYUR RO ZHES BYA BA BSTAN PA NI BSTAN PA 'DI LA ZHUGS PA RNAMS LA GRAGS PA YIN NO, ,'ON KYANG BCOM LDAN 'DAS KYIS DE LA LTUNG BA MED PA KHO NAR GSUNGS SO ZHES BYA BA DE 'DI LA RGYU CI ZHIG YOD KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, RANG BZHIN GYI TSON GYIS KHA BSGYUR BA'I GOS GYON PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS CHOS GOS KHA DOG NGAN PAR BGYI BA GSUM PO DAG LAS GANG YANG RUNG BA ZHIG GIS KHA DOG NGAN PAR MA BGYIS PAR 'TSAL LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG GIS RANG BZHIN GYI TSON CAN GYI GOS GYON PA'O ZHES BYA BA YIN NO, ,YANG NA TSAD DU MCHOG PA'AM LHAG PA LA BRTEN NAS DNGOS GZHI MED PA LA DGONGS NAS LTUNG BA MED PAR GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS RAD PA KHRU GANG DU MA 'TSAL BA'AM BDE BAR GSHEGS PA'I CHOS GOS KYI TSAD GCIG KHA DOG NGAN PAR BGYI BA GSUM PO GANG YANG RUNG BA ZHIG GIS KHA DOG NGAN PAR MA BGYIS PAR 'TSAL NA CIR 'GYUR LAGS, NYES BYAS SU'O ZHES BYA BA YIN NO, ,YANG NA GOS RNYING PA'I DBANG DU MDZAD PA YIN TE, 'DI LA LAN NI, GOS SAR PA RNYED NAS ZHES BYA BA LA SOGS PA YIN NO, ,SAR PA SMOS PA NI RNYING PA KHA DOG MA BSGYUR BA GYON NA ZHES SHUGS KYIS NYES BYAS SU SHES @104B PAR BYA BA YIN NO, ,'DIR DE LTAR YIN PAR RNAM PAR 'BYED PA LAS, SAR PA ZHES BYA BA NI SAR PA GNYIS TE SAR PA'I SGE NAS SAR PA DANG, RNYED PA'I SGO NAS SAR PA'O, ,DON 'DI LA NI SAR PA'I SGO NAS SAR PA YIN PAR DGONGS NAS ZHES BSHAD DO, ,YANG NA DE NI LAS DANG PO PA LA SOGS PA LA DGONGS NAS GSUNGS PA YIN TE SNGA MA BZHIN NO, ,SDOM BRTZON TSON RTZI RNAM GSUM GYIS, ,ZHES BYA BA LA SOGS PA LA, LEGS PHAR KHA BSGYUR CES BYA BA NI TE POR KHA BSGYUR BA'O, ,GYON PA NI BGOS PA'O, ,MCHOG NI PHUL DU PHYIN PA'O, ,CHOD CIG CES BYA BA NI SOL CIG PA STE, 'DI LA KHO BO LA TE POR THE TSOM YOD KYI DE SOL CIG CES BYA BA'I DON TO, ,'DI LA GZHAN GYI BSAM PA NI DGE SLONG GIS GANG GI TSE TSON RTZI SNA GSUM GYIS KHA BSGYUR BA'I GOS BGOS PA DE'I TSE DE LA LTUNG BA MED PAR 'GYUR BA GSAL BA NYID NA, 'ON KYANG BCOM LDAN 'DAS KYIS RNAM PA 'GA' ZHIG GIS LTUNG BA KHO NAR GSUNGS SO ZHES BYA BA 'DI LA RGYU BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI TSON RUNG BA MA YIN PAS KHA BSGYUR BA'I GOS GYON PA LA BRTEN NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS SAR PA KHA DOG NGAN PAR BGYI BA GSUM PO DAG LAS GANG YANG RUNG BA ZHIG GIS KHA DOG NGAN PAR BGYIS TE 'TSAL LA LTUNG BA DANG BCAS PA LTA MCHIS LAGS SAM, NYE BA 'KHOR YOD DE, 'DI LTAR TSON CHEN POS KHA DOG BSGYUR NA'O, ,DE LA 'DI DAG TSON CHEN PO YIN TE, LI KHRI DANG THING SHING DANG RGYA SKYEGS DANG MTSAL DANG GUR GUM DANG, BRTZOD DANG RMA SHING DANG LE BRGAN RTZI'O, ,TSON DE LTA BU DAG GIS KHA BSGYUR BA 'TSAL NA CIR 'GYUR LAGS, NYES BYAS SO, ,MDO BYED PAS KYANG, 'DI LA KHA DOG TSAN BOR BSGYUR BA'I GOS BSTEN PAR MI BYA'O ZHES BSHAD DO, ,YANG NA GOS THAMS CAD SNGON PO DANG SER PO DANG, DMAR BO GYON PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS RANG PA KHA DOG NGAN PAR BGYI BA GSUM PO GANG YANG RUNG BA ZHIG GIS KHA DOG NGAN PAR MA BGYIS PAR 'TSAL LA LTUNG BA DANG BCAS @105A *, ,BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG GIS GOS THAMS CAD SNGON PO'AM DMAR PO BGOS NA'O, ,MDO BYED PAS KYANG 'DIR THAMS CAD SNGON PO BGOS NA NYES BYAS SU BSHAD DO, ,YANG NA RUNG BA MA YIN PA KHA DOG MA BSGYUR BA GYON PA LA BRTEN NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS SAR PA SAR PA LA KHA DOG NGAN PA BGYI BA GSUM PO GANG YANG RUNG BA ZHIG GIS KHA DOG NGAN PAR MA BGYIS PAR 'TSAL LA LTUNG BYED DU YANG MI 'GYUR BA LTA MCHIS LAGS SAM, NYE BA 'KHOR YOD DE; GOS RUNG BA MA YIN PA GYON NA'O, ,DE LA RUNG BA MA YIN PA NI 'DI DAG YIN TE, RNGA BA LA DANG GNAG GI SPU DANG RI DAGS KYI BAL DANG BSRES PA DANG THAGS SU MA BTAGS PA'I GOS GYON NA CIR 'GYUR ZHE NA, NYES BYAS SU 'GYUR BA'O, ,MDO BYED PAS KYANG 'DI LA RAB TU BYUNG BA'I RDZAS DAG LA NI RUNG BA NYID DANG ZHES BSHAD DO, ,YANG NA SNGAR LTUNG BA BYUNG BA LA SOGS PA'I DBANG DU MDZAD NAS DE SKAD DU GSUNGS PA YIN TE SNGA MA BZHIN NO, ,SDOM BRTZON RIN CHEN LA REG NA, ,ZHES BYA BA LA SOGS PA NI KYE MDZA' BO SDOM BRTZON CAN GYIS RIN PO CHE LA REG NA JI LTAR DGE 'DUN GYI LHAG MA DANG SBOM POR GSUNGS PA MYUR DU SMRES SHIG CES BYA BAR SBYAR TE, RIN CHEN LA REG NA ZHES BYA BA LA RIN PO CHE NI NOR BU DANG MU TIG DANG BEE d'URYA DANG SHANG KA SHI LA DANG BYI RU DANG DNGUL DANG GSER DANG RDO'I SNYING PO DANG SPUG DANG DMAR PO DANG G-YAS DUS 'KHYIL BA LA SOGS PA BDE BA SGRUB PA'I PHYIR RO, ,DE LA REG PA NI REG PAR BYED PA STE REG PA YOD NA'O, ,SBOM ZHES BYA BA NI NYES PA SBOM PO'O, ,'DI LA LTUNG BA SBOM ZHING LCI BA YOD PA STE DGE SLONG MANG PO TSOGS PA LA BSHAGS PAS LDANG BA'I PHYIR RO, ,MDZA' BO ZHES BYA BA NI MDZA' BO ZHES BRJOD PAS 'BOD PA YIN NO, ,BRTAN PO ZHES BYA BA NI BRTAN PA'O, ,DE LA DON NI DGE SLONG GIS RIN PO CHE BDAG NYID KYI YIN LA NGE RUNG BAM BYAS PA LA REG NA SPANG BA'I LTUNG BAR 'GYUR RO, ,'ON TE GZHAN GYI YIN NA DE'I TSE DE LA REG PA LA LTUNG BYED 'BA' ZHIG TU 'GYUR RO ZHES BYA BA DE NI KHYOD DANG KHO BOS KYANG SHES PA NYID NA, 'ON KYANG BCOM LDAN 'DAS KYIS RIN PO CHE LA @105B REG NA DGE 'DUN GYI LHAG MA DANG NYES PA SPOM POR GSUNGS PA DE LA RGYU CI ZHIG YOD CES BYA BA 'DI YIN NO, ,'DI LA LAN NI 'DI YIN TE, BUD MED RIN PO CHE DANG, KHYIM BDAG DANG, BLON PO DANG, GLANG PO CHE DANG, RTA RIN PO CHE LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS RANG GI SUG PAS RIN PO CHE LA BZUNG NA LTUNG BYED DU YANG MI 'GYUR BA LTA MCHIS LAGS SAM, NYE BA 'KHOR YOD DE, BUD MED RIN PO CHE LA SOGS PA RIN PO CHE LNGA LA BZUNG NAS GZHI JI LTA BA BZHIN 'GYUR RO, ,'ON TE NOR BU RIN PO CHE'AM 'KHOR LO RIN PO CHE LA BZUNG NA LTUNG BYED DU 'GYUR RO ZHES BYA BA YIN NO, ,'DI LA GZHI NI JI LTA BA BZHIN GYI DON NI 'DI YIN TE, KUN DU CHAGS PA'I SEMS KYIS BUD MED RIN PO CHE LA REG NA DGE 'DUN GYI LHAG MA'O, ,GAL TE MA YIN NA NYES BYAS SO, ,KHYIM BDAG DANG BLON PO RIN PO CHE DAG LA 'DOD CHAGS DANG MTSUNGS PAR LDAN PA'I SEMS KYIS REG NA SBOM PO'O, ,GAL TE MA YIN NA LTUNG BA MED DO, ,GLANG PO CHE DANG RTA RIN PO CHE DAG LA KUN DU CHAGS PA'I SEMS KYIS REG NA NYES BYAS SO, ,GAL TE MA YIN NA LTUNG BA MED DO, ,RIN PO CHE DANG DER SMOS PA ZHES BYA BA LA SOGS PA LA, RIN PO CHE NI 'DI SKAD BSHAD PA'I NGO BO'O, ,DER SMOS PA NI RIN PO CHER SMOS PA STE, ROL MO'I 'TSOG CHAD PA WANG DANG 'OD MA DANG BA LA RI DANG MA H'A TI DANG SU GHO SHA LA SOGS PA RTZED MO BYA BA'I CHA BYAD DANG, G-YUL NGO'I CHA BYAD RAL GRI DANG RAL GRI KYOG PO DANG RAL GRI SO GCIG PA DANG MDUNG THUNG DANG 'PHANG MDUNG DANG LCAGS KYO LA SOGS PA DANG LCAGS MDA' DANG MDA' PHYED LCAGS LA SOGS PA MTSON CHA'O, ,DE BZHIN DU MDO BYED PAS KYANG, NOR BU DANG, MU TIG DANG, BEEd'U RYA DANG SHANG KA SHI LA DANG BYE RU DANG DNGUL DANG GSER DANG RDO'I SNYING PO DANG SBUG DANG DMAR PO DANG G-YAS SU 'KHYIL PA LA SOGS PA'I RIN PO CHE'O, , REG GAM REG TU BCUG NA BYED PA BO NYID YIN NO ZHES BYA BA DANG, DER SMOS PA YANG DE NI G-YUL DU SPYAD PA'I MTSON CHA DANG ROL MOR SPYAD PA'I LAG CHA'O ZHES BSHAD DO, ,DE DAG KYANG RIN PO CHE BZHIN DU BDE BA BSGRUB PA'I PHYIR RIN PO CHE DANG 'DRA BAS RIN PO CHER SMOS PA ZHES BYA'O, ,KHO BO ZHES BYA BA NI @106A *, ,BDAG GI'O, ,THE TSOM BSAL BA ZHES BYA BA NI THE TSOM BCAD PAS SO, ,RANGS PAR ZHES BYA BA NI MGU BAR RO, ,'DI LA GZHAN GYI BSAM PA NI DGE SLONG GIS RIN PO CHE DANG RIN PO CHER SMOS PA DAG LA REG NA LTUNG BYED DU 'GYUR RO ZHES BYA BA DE TZAM ZHIG NI SHES PA NYID NA, 'ON KYANG BCOM LDAN 'DAS KYIS NYES BYAS SU GSUNGS SO ZHES BYA BA 'DIR KHYOD KYIS KHO BO'I THE TSOM YUN RING PO NAS BSDOGS PA BSAL BAS YID BDE BAR GYIS SHIG CES BYA BA 'DI YIN NO, ,'DI LA LAN NI LHA'I RIN PO CHE DANG RIN PO CHER SMOS PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS RIN PO CHE 'AM RIN PO CHER SMOS PA LA BZUNG BA LTUNG BYED DU YANG MI 'GYUR BA LTA MCHIS LAGS SAM, NYE BA 'KHOR YOD DE, LHA'I RIN PO CHER SMOS PA LA BZUNG NA NYES BYAS SU 'GYUR RO ZHES BYA BA YIN NO, ,YANG NA DE NI RIN PO CHE 'AM RIN PO CHER SMOS PA SPRUL PA LA REG PA LA DGONGS NAS GSUNGS PA YIN NO, ,DE BZHIN DU 'DIR GZHUNG NI, BTZUN PA RE ZHIG DGE SLONG RIN PO CHE'AM, RIN PO CHER SMOS PA SPRUL PA LA BZUNG NA CIR 'GYUR LAGS, NYES BYAS SU'O ZHES BYA BA YIN NO, ,YANG NA RIN PO CHE'AM RIN PO CHER SMOS PA NYAMS PA LA REG PA LA BRTEN NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS RIN PO CHE'AM RIN PO CHER SMOS PA NYAMS PA LA REG NA CIR 'GYUR LAGS, NYES BYAS SU'O ZHES BYA BA YIN NO, ,YANG NA DE NI SDON PHAM PA BYUNG BA LA SOGS PA LA DGONGS NAS GSUNGS PA YIN TE SNGA MA BZHIN NO, ,DGE SLONG RIN CHEN LA REG PA ZHES BYA BA LA SOGS PA NI DGE SLONG RIN PO CHE LA REG PA JI LTA BUR THUB PAS LTUNG BA MED PAR GSUNGS ZHES BYA BA YANG GSAL POR SMROS SHIG CES BYA BAR SBYAR TE, LTUNG BA MED CES BYA BA NI NYES PA MED PA'O ZHES BYA BA DE SKAD DU GSUNGS PA STE REG NA YANG LTUNG PA MED PA KHO NAR GSUNGS ZHES BYA BA'I DON TO, ,DON GNYER ZHES BYA BA NI BCOL BA'O, ,'DI LA GZHAN GYI BSAM PA NI DGE SLONG GIS RIN PO CHE LA REG NA GDON MI ZA PAR LTUNG BYED DAM NYES BYAS SU 'GYUR NA, 'ON KYANG BCOM LDAN 'DAS KYIS RNAM PA 'GA' ZHIG GIS LTUNG BA @106B MED PAR GSUNGS SO ZHES BYA BA 'DI LA RGYU CI ZHIG YOD CES BYA BA 'DI YIN NO, ,'DI LA LAN NI 'DI YIN TE, SBAS PA LEN PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS RIN PO CHE LA BZUNG NA LTUNG BAR YANG MI 'GYUR BA LTA MCHIS LAGS SAM; NYE BA 'KHOR YOD DE, SBAS PA LEN NA'O ZHES BYA BA YIN NO, ,YANG NA DE NI LHA'I GNAS LA SOGS PAR SNOD DANG ZAS DANG STAN DANG GDING BA LA SOGS PA LA BRTEN NAS GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS RIN PO CHE LA BZUNG LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, LHA'I GNAS SAM, KLU'I GNAS SAM, GNOD SBYIN GYI GNAS SAM, RGYAL PO'I PHO BRANG NGAM, BLON PO CHEN PO'I GNAS DAG TU SON LA DE YANG STAN NAM, SNOD GZHAN MED NA'O ZHES BYA BA YIN NO, ,DE BZHIN DU MDO BYED PAS KYANG 'JIGS PAR 'GYUR NA RANG GI LA MI GNOD NA DGE 'DUN GYI DANG MCHOD RTEN GYI DBYIG DANG GSER SBAS NAS SAM KHYER NAS 'GRO BAR BYA'O, ,DAD PA CAN NAM DGE TSUL GYIS SO, ,MED NA RANG GIS SO, ,DES BRKO BAR BYA'O, ,BRAL NA SBYIN NO, ,BRU BA YANG DE DANG 'DRA'O ZHES BSHAD DO, ,DGE SLONG GIS DGE SLONG LA ZHES BYA BA LA SOGS PA LA, GZHAN GYIS BSAM PA NI GANG GI TSE DGE SLONG GIS GA GA TSIL BYA BA'I BSAM PAS DGE SLONG LA GA GA TSIL BYED PA DE'I TSE DE'I DUS NA LTUNG BYED DU 'GYUR RO ZHE BYA BA DE NI SHES PA NYID NA, 'ON KYANG BCOM LDAN 'DAS KYIS RNAM PA 'GA' ZHIG TU DE LA NYES BYAS BYED PAR GSUNGS SO ZHES BYA BA DE DON 'DI LA KHO BO KHYOD LA GSOL BA 'DEBS KYI YANG DAG PA JI LTA BA BZHIN SMRAS SHIG CES BYA BA 'DI YIN NO, ,'DI LA LAN NI 'DI YIN TE, LUS KYI DBANG PO NYAMS PAS GA GA TSIL BYED PA'I RGYU MTSAN LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG LUS KYI DBANG PO NYAMS PAS LUS KYI DBANG PO MA NYAMS PA LA GA GA TSIL BYA BA BGYIS NA CIR 'GYUR LAGS, NYES BYAS SU'O ZHES BYA BA YIN NO, ,BTZUN PA RE ZHIG DGE SLONG LUS KYI DBANG PO MA NYAMS PAS LUS KYI DBANG PO NYAMS PA LA GA GA @107A *, ,TSIL BGYIS NA CIR 'GYUR LAGS, NYES BYAS SU'O ZHES BYA BA YIN NO, ,DE BZHIN DU MDO BYED PAS KYANG REG PAR BYA BA NYID NI MNYAMS PA'O, ,GA GA TSIL BYED PA LA YANG NGO ZHES BSHAD DO, ,YANG NA BAR CHAD DANG BCAS PAR GA GA TSIL BYED PA LA BRTEN NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS RMA NAS GA GA TSIL BGYIS NA CIR 'GYUR LAGS, NYES BYAS SU'O ZHES BYA BA YIN NO, ,YANG NA RMAR GTOGS PA'I GA GA TSIL BYED PA'I RGYU MTSAN GYIS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS RMA NAS GA GA TSIL BGYIS NA CIR 'GYUR LAGS, NYES BYAS SU'O ZHES BYA BA YIN NO, ,YANG NA LUS KYI PHYOGS GZHAN GYIS GA GA TSIL BYED PA LA DGONGS NAS DE SKAD DU GSUNGS PA YIN TE, 'DIR GZHUNG NI, ,BTZUN PA RE ZHIG DGE SLONG GIS SO SOR MOS GA GA TSIL BGYID PA MA LAGS PA DE LAS GZHAN PA'I LUS KYI PHYOGS MGO 'AM DPUNG MGO 'AM GRU MO 'AM BUS MO 'AM RTING PA'AM ZHUGS SHING NGAM GOR MA 'AM BONG BAS GA GA TSIL BGYID NA CIR 'GYUR LAGS, ,NYES BYAS SU'O, ,SO DANG SEN MO DANG SPU DAG GIS KYANG DE BZHIN DU BRJOD PAR BYA'O ZHES BYA BA YIN NO, YANG NA SNGO PHAM PA BYUNG BA LA SOGS PA LA DGONGS NAS DE SLAD DU GSUNGS PA YIN TE SNGA MA BZHIN NO, ,LO NI NYI SHUR MA LON PA ZHES BYA BA LA SOGS PA NI NYI SUR MA LON PAR BSNYEN PAR RDZOGS PAR BYED NA JI LTAR LTUNG BA MED PA DANG DE DON DU GNYER BA LA YANG 'CHAGS PAR GSUNGS ZHES BYA BAR SBYAR TE, CI ZHI GAM LON ZHE NA, LO NI ZHES BYA BA SMOS SO, ,LO GRANGS JI SNYED CIG TU ZHE NA NYI SHUR ZHES BYA BA SMOS SO, ,CI ZHIG BYED PA LA LTUNG BA MED CE NA, BSNYEN PAR RDZOGS PAR BYED PA LA ZHES SMRAS SO, ,'O NA BSNYEN PAR RDZOGS PAR BYA BA LA CIR 'GYUR ZHE NA, DE DON GNYER LA'ANG 'CHAGS ZHES BYA BA LA SOGS PAR SMOS TE, SDOM PA SKYE BAR 'GYUR ZHES BYA BA'I THA TSIG GO, ,DE DON GNYER LA ZHES BYA BA NI BSNYEN PAR RDZOGS PA DON DU GNYER BA LA STE BSNYEN PAR RDZOGS PAR 'DOD PA LA ZHES BYA BA'I THA TSIG GO, ,YANG ZHES BYA BA'I SGRA NI BSDU BA STE, MKHAN PO LA SOGS PA @107B LA LTUNG BA MED PA 'BA' ZHIG TU MA ZAD KYI, BSNYEN PAR RDZOGS PAR 'DOD PA LA YANG DOM PA 'CHAGS PA SNYAM DU BSAMS PA YIN NO, ,'DI LA 'DRI BA'I BSAM PA NI 'DI YIN TE, GANG GI TSE LO NYI SHU MA LON PAR BSNYAN PAR RDZOGS PAR BYED PA DE'I TSE MKHAN PO LA SOGS PA LA YANG LTUNG BA MED PA LA BSNYEN PAR RDZOGS PAR 'DOD PA LA YANG BSNYEN PAR RDZOGS PA 'CHAGS SO ZHES BYA BA DE LTA BU ZHIG 'DIR LO NYI SHU MA LON PAR BSNYEN PAR RDZOGS PAR BYED NA MKHAN PO LA NI LTUNG BYED, GZHAN DAG LA NI NYES BYAS, BSNYEN PAR RDZOGS PA LA NI MI 'CHAGS PAR BSTAN TO ZHES BYA BA 'DI YIN NO, ,'DI LA LAN NI 'DI YIN TE, LO NYI SHU MA LON PAR KHYIM SO BZUNG BA ZHIG BSNYEN PAR RDZOGS PAR BYED PA'I DBANG DU MDZAD NAS DE SKAD GSUNGS PA YIN TE, DE BZHIN DU 'DIR GZHUNG NI, BTZUN PA LO NYI SHU MA LAGS PA ZHIG ,DGUNG LO NYI SHUR MA LAGS PA'I 'DU SHES KYIS BSNYEN PAR RDZOGS PAR BGYID LA LTUNG BYED KYI LTUNG BAR YANG MI 'GYUR LA, BSNYEN PAR LEGS PAR RDZOGS PA YANG 'GYUR BA LTA MCHIS LAGS SAM, NYE BA 'KHOR YOD DE, LO NYI SHU MA LON PA KHYIM SO BZUNG BA ZHIG BSNYEN PAR RDZOGS PAR BYED NA'O ZHES BYA BA YIN NO, ,YANG NA LO NYI SHU LON PAR 'DU SHES PA'AM MI SHES PA'AM MI DRAN PA 'AM THE TSOM ZA BA DANG LDAN PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DGUNG LO NYI SHUR MA LAGS PA ZHIG DGUNG LO NYI SHU MA LAGS PA'I 'DU SHES KYIS BSNYEN PAR RDZOGS PAR BGYID NA BSNYEN PAR RDZOGS PA ZHES BGYI'AM, NYE BA 'KHOR DANG PO NAS MI MTHUN PA CAN GNYIS MA GTOGS PAR LHAG MA BRGYAD NI BSNYEN PAR RDZOGS PA ZHES BYA BA'O ZHES BYA BA YIN NO, ,MDO BYED PAS KYANG 'DI LA CIG SHOS LA NI LON PAR 'DU SHES PA NYID NA'O, ,MI SHES PA DANG MI DRAN PA DANG YID GNYIS ZA BA DAG LA YANG NGO ZHES BSHAD DO, ,YANG NA LAS DANG PO PA LA SOGS PA'I DBANG DU MDZAD NAS DE SKAD DU GSUNGS PA YIN TE SNGA MA BZHIN NO, ,SDOM BRTZON MYOS 'GYUR 'DU SHES KYIS, ,ZHES BYA BA LA SOGS PA LA MYOS 'GYUR 'DUS SHES KYIS ZHES BYA BA NI GANG LA 'DI NI MYOS PA BSKYED PA @108A *, ,YIN NO SNYAM PA DE 'DI LTA BU'I 'DU SHES TE SEMS YOD PA DE LA 'DI SKAD CES BYA'O, ,'BRU'I CHANG DANG BCOS PA'I CHANG MYOS PA SKYED PA 'THUNG BA NI MID PAR MID PA'O, ,DOGS PA MED PAR ZHES BYA BA NI BLO LA THE TSOM MED PAR RO, ,'DI LA 'DRI BA'I BSAM PA NI 'BRU'I CHANG DANG BCOS PA'I CHANG MYOS PAR 'GYUR BA 'THUNG NA LTUNG BYED DU 'GYUR RO ZHES BYA BA DE NI NGES PA NYID NA, 'ON KYANG BCOM LDAN 'DAS KYIS DE LA NYES BYAS SU GSUNGS SO ZHES BYA BA DE JI LTA BA YIN PAR BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, LHA'I CHANG 'THUNG BA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS SKYEMS 'TSAL LA LTUNG BYED DU YANG MI 'GYUR BA LTA MCHIS LAGS SAM, NYE BA 'KHOR YANG DE, LHA'I CHANG DAG 'THUNGS NA CIR 'GYUR ZHE NA, NYES BYAS SU'O ZHES BYA BA YIN NO, ,YANG NA SNGON PHAM PA BYUNG BA LA SOGS PA LA DGONGS NAS DE SKAD DU GSUNGS PA YIN TE SNGA MA BZHIN NO, ,SDOM BRTZON MTSAN MO RIN CHEN DAG ,CES BYA BA LA SOGS PA NI SDOM BRTZON CAN GYIS MTSAN MO RIN PO CHE DAG 'DUG BZHIN DU RGYAL PO'I BTZUN MO'I GNAS NA YOD PA'I GTAN PA'I RTEN LA GTUGS NA JI LTAR LTUNG BA MED CES BYA BAR SBYAR RO, ,DE LA MTSAN MO ZHES SMOS PA NI NYIN PAR BKAG STE DE LA NYES BYAS SU GSUNGS PA'I PHYIR RO, ,RIN CHEN NI MAR ME DANG BSRUNG BA LA SOGS PA'I CHED KYI NOR BU LA SOGS PA'O, ,RIN CHEN ZHES SMOS PAS NI SKABS KYIS NA RIN PO CHER SMOS PAR LA GRI DANG PI WANG DANG 'OD MA LA SOGS PAS BSRUNG BA DANG RTZED MO'I CHA BYAD RNAMS KYANG BSDUS SO, ,'DUG BZHIN DU ZHES BYA BA NI MA BSDUS PAR TE RANG GI GNAS NAS MA BTON PAR RO, ,'DIS NI BCUN MO'I GNAS RNAL MAR MI 'DUG NA DE'I NYEN CHEN PO'I GNAS SU GYUR PA'I PHYIR 'JUG PA SHIN TU 'OS PA MA YIN NO ZHES BYA BA BSTAN TO, ,GTAN RTEN NI RGYAL PO'I BTZUN MO'I GNAS KYI SGO BCAD PA'I SHING NGO, ,DE NI DBANG POS LHA MA YIN RNAMS 'JUG TU MI STER BA BZHIN DU PHUR PAS 'DEBS PAR BYED PA 'GOG PAR BYED PA'I PHYIR RO, ,RO LANGS MI LDANG BAR BYA BA LA JI SKAD DU SGOR GTAN PA'I RTEN BTZUGS NA ZHES BYA @108B BA LA SOGS PA LTA BU'O, ,GTAN PA'I RTEN DE GANG NA YOD PA ZHIG CE NA, BTZUN MO'I GNAS YOD LA ZHES BYA BA SMOS TE, BTZUN MO'I GNAS NI RGYAL PO'I BTZUN MO GNAS PA'I GNAS SO, ,DE NA YOD CING DE DANG 'BREL PA NI BTZUN MO'I GNAS YOD DE, RGYAL PO'I BTZUN MO GNAS PA'I GNAS NI NYEN CHEN PO'I GNAS SU GYUR PA NYID KYI PHYIR LTUNG BYED DU 'GYUR LA, DE LAS GZHAN PA DANG 'BREL PA'I GTAN PA'I RTEN LA GTUGS PA LA NI NYES BYAS SU GSUNGS PA'I PHYIR RO, ,GTUGS NA NI ZHES BYA BA NI ZHUGS NA'O, ,'DI LA NI DON NI GANG GI TSE DGE SLONG GIS MTSAN MO RIN PO CHE DANG RIN PO CHER SMOS PA DAG MA BSDUS PAR RGYAL PO'I BTZUN MO'I GNAS KYI GTAN PA'I RTEN TZAM DU YANG ZHUGS NA DE'I TSE DE LA LTUNG BYED DU 'GYUR RO ZHES BYA BA DE NI KHO BOS SHES NA 'ON KYANG BCOM LDAN 'DAS KYIS KHA CIG LAS DE LA LTUNG BA MED PA KHO NAR GSUNGS SO ZHES BYA BA DE JI LTA BU YIN PAR BRJOD PAR BYA'O ZHES BYA BA 'DI YIN NO, , 'DI LA LAN NI 'DI YIN TE, DE NI BTZUN MO'I GNAS STONG PAR ZHUGS PA'I DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DGUNG LA SANG SKYA RENGS MA SHAR BAR RIN PO CHE'AM RIN PO CHER SMOS PA DAG MA BSDUS PAR DAG PA'I MTHA'I GTAN PA'I RTEN PA LA GTUGS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR DGE SLONG GIS BTZUN MO'I GNAS STONG PAR ZHUGS NA ZHES BYA BA YIN NO, ,DE LA DON NI 'DI YIN TE, 'DI LA DAG PA MA 'DRES PA GZHAN DAG THUN MONG MA YIN PA RGYAL PO DANG NYE BA YOD PAS NA DAG PA'I MTHA' YIN NO, ,YANG NA DE NI DE LTA BU'I RKYEN GYIS 'JUG PA LA BRTEN NAS GSUNGS PA YIN TE, DE BZHIN DU 'DIR GZHUNG NI, RGYAL POS BOS SAM BTZUN MO'AM RGYAL BU'AM, KHROM GYI RU 'AM GRONG MI 'AM LJONGS KYI MIS BOS NA LTUNG BA MED DO ZHES BYA BA YIN NO, ,YANG NA LAS DANG PO PA LA SOGS PA LA DGONGS NAS DE SKAD DU GSUNGS PA YIN TE SNGA MA BZHIN NO, ,GRONG NAS DGE SLONG MA LA NI ZHES BYA BA LA SOGS PA NI GRONG NA GNAS PA'I DGE SLONG MA LA ZHES BYA BAR SBYAR TE, DE NA GNAS ZHES BYA BA NI GRONG NA GNAS PA'O, ,DE SU ZHIG CE NA SDOM BRTZON ZHES BYA BA SMOS TE DGE SLONG ZHES BYA @109A *, ,BA'I DON TO, ,CI GZHAN LEN DU 'JUG PA YANG YIN NAM ZHE NA, BA DAG GIS ZHES BYA BA SMOS TE, BDAG GNYID KYIS YIN GYI GZHAN GYIS NI MA YIN NO ZHES BYA BA'I TSIG GO, ,GRONG NA GNAS PAS CI ZHIG BYAS SHE NA, BLANGS NA ZHES BYA BA SMOS TE, KUN DU BLANGS NA'O, ,CI ZHIG BLANGS SHE NA, KHA ZAS ZHES BYA BA SMOS TE, BCA' BAR BYA BA'I BDAG NYID KYI KHA ZAS SO, ,NYES MED CES BYA BA NI NYES PA MED PAR RO, ,CI THAMS CAD KYI THAMS CAD DU NYES PA MED PAR GSUNGS SAM ZHE NA, SO SOR BSHAGS BYA'I ZHES BYA BA NI SMOS TE, SO SOR BSHAGS DGOS PA NI SO SOR BSHAGS PAR BYA BA'O, ,DE STE SO SOR BSHAGS PAR BYA BA'I NYES PA DANG MI LDAN PAR GSUNGS KYI THAMS CAD DU NI MA YIN NO ZHES BYA BA'I DON TO, ,DE LA SO SOR BSHAGS PAR BYA BA NI RAB TU BSGRAGS BA TZAM GYIS LTUNG BA BZLOG PA'I PHYIR TE, DE SMRA BA'I RNAM PAR BRJOD PA LAS SO SOR BSHAGS PA NYID DU BRJOD KYI BSHAGS PA NI MA YIN NO, ,GZHAN DAG NA RE JI LTAR BSHAGS PA LTUNG BYED KYI LTUNG BA GCIG CIG GI MDUN DU BSHAGS PAR BYA BA LTAR 'DI YANG DE DANG 'DRA'O ZHES ZER RO, ,'DI LA 'DRI BA'I BSAM PA NI GANG GI CHO DGE SLONG GRONG NA GNAS PAS DGE SLONG MA GRONG NA GNAS PA ZHIG LAS BCA' BAR BYA BA DANG BZA' BAR BYA BA BLANGS TE 'CHOS SAM ZOS NA DE'I CHO[?] DE LA SO SOR BSHAGS PAR BYA BA'I LTUNG BAR 'GYUR RO ZHES BYA BA DE NI SHES NA, 'O NA KYANG BCOM LDAN 'DAS KYIS DE LA NYES BYAS KYI LTUNG BA KHO NAR GSUNGS SO ZHES BYA BA DE JI LTA BU YIN ZHES BYA BA YIN NO, ,'DI LA LAN 'DI YIN TE; KHA ZAS RUNG BA MA YIN PA LEN PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DGE SLONG MA NYE DU MA LAGS PA SHUL PO CHE NA MCHIS PA LA BSOD SNYOMS BLANGS TE 'TSAL LA SO SOR BSHAGS PAR BGYI BA'I LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, KHA ZAS RUNG BAM YIN PA BLANGS NAS ZA BAR BYED NA NA'O ZHES BYA BA YIN NO, ,YANG NA DGE SLONG MA SMYON PA LA SOGS PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA RE ZHIG DGE SLONG GIS DGE SLONG MA @109B SMYON MA SHUL PO CHE NA MCHIS PA LA BSOD SNYOMS RANG GI SUG PAR BLANGS TE 'TSAL NA CIR 'GYUR LAGS, NYES BYAS SU'O ZHES BYA BA YIN TE, SEMS 'KHRUGS MA LA SOGS PAS KYANG DE BZHIN DU BRJOD PAR BYA STE SNGA MA BZHIN NO, ,YANG NA SNGON PHAM PA BYUNG BA LA SOGS PA LA NYES BYAS SU 'GYUR BA YIN TE SNGA MA BZHIN NO, ,'DUL BA DRI BA'I TSIG LE'UR BYAS PA LE'U GNYIS PA'I GTAN LA DBAB PA'O,, ,,DGE SLONG SO SOR THAR BA'I ZHES BYA BA LA SOGS PA NI DGE SLONG GIS SO SOR THAR PA'I MDO 'DON PA LNGA CHAR YANG MA BTON PAR JI LTAR DES GSO SBYONG BYAS PAR 'GYUR BA DRIS SMROS SHIG CES BYA BAR SBYAR RO, , DEL SO SOR THAR PA'I MDO 'DON PA NI GLENG GZHI DANG PHAM PAR 'GYUR BA DANG, DGE 'DUN LHAG MA DANG, MA NGES PA DANG, RIL GYIS 'DON PA'I MTSAN NYID DAG GO, ,DE DAG MA BTON PAR ZHES BYA BA NI DGE 'DUN GYI NANG DU MA BRJOD PAR RO, ,DE DAG GANG DAG 'BREL PA ZHE NA, SO SOR THAR PA'I ZHES SMOS SO; ,SO SOR THAR PA NI DES DANG POR SDIG PA LAS THAR PA'I PHYIR DE DE'I YIN NO, ,DE YIS ZHES BYA BA NI DGE SLONG GIS SO, ,GSO SBYONG NI TSUL KHRIMS GSO BA'I PHYIR DANG SDIG PA RNAM PAR SBYONG BA'I PHYIR TE, 'DI LTAR, DGE BA MTHA' DAG YANG DAG GSO BYED CING, ,SDIG PA MTHA' DAG YANG DAG 'DIR SBYONG BA, ,DE GSO PHYIR DANG SDIG PA RNAM SBYONG PHYIR, ,DE BZHIN GSHEGS PAS GSO SBYONG ZHES GSUNGS SO, ,ZHES GSUNGS PA LTA BU'O, ,'DI LA DON NI GANG GI CHO DGE SLONG GIS SO SOR THAR PA'I MDO BTON PA LNGA PO DAG LAS SO SOR THAR PA'I MDO 'DON PA 'GA' TZAM BTON NA YANG DE'I TSE DES GSO SBYOD BYAS PAR GYUR PA YIN NO ZHES BYA BA NI SHES NA, 'ON KYANG 'GA' YANG MA BTON LA GSO SBYONG YANG BYAS PAR 'GYUR RO ZHES BYA BA DE JI LTA BU YIN PA BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PA'I RGYU NI 'DI YIN TE, DGAG DBYE LA BRTEN NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS SO SOR THAR BA'I MDO 'DON PA LNGA PO DAG LAS SO SOR THAR PA'I MDO 'DON PA GANG YANG RUNG PA MA BTON LA GSO SBYONG YANG BGYIS PAR 'GYUR BA LTA MCHIS LAGS SAM, NYE BA 'KHOR YOD DE, DGAG DBYA'I TSE DAG DBYE BYED NA'O, ,DE BZHIN DU MDO BYED PAS @110A *, ,KYANG DGAG DBYE BYAS NA 'DI MA GRUB PA NYID MA YIN NO ZHES BSHAD DO, ,SO SOR THAR BA'I MDO MI 'DON CIR ZHES BYA BA LA SOGS PA LA, SO SOR THAR BA ZHES BYA BA DANG, GSO SBYONG ZHES BYA BA'I DON DE NI BSHAD ZAN TO, ,DE MI 'DON CING ZHES BYA BA NI DGE 'DUN GYI NANG DU MI BRJOD PA'O, ,DE BAS NA 'DI NI MTHUN PA'I GSO SBYONG BSAL TO, ,BYIN GYIS BRLABS PA NI RGYUD DAG PA'O, ,DE LTAR NA 'O NA GZHAN NYE NA BYIN GYIS RLOB PAR 'GYUR RO ZHE NA, GZHAN GYI DRUNG DU BYIN MI RLOB, ,CES BYA BA LA SOGS PA SMOS TE, GZHAN GYI DRUNG DU ZHES BYA BA NI DGE SLONG TSUL KHRIMS DANG LTA BA DANG LDAN PA'I MDUN DU STE, GSO SBYONG BYIN GYIS MI RLOB PA ZHES BYA BAR SBYAR RO, ,DE BAS NA 'DIS NI GSO SBYONG BYIN GYIS BRLAB PA BKAG GO, ,'DIR ZHES BYA BA NI GSO SBYONG BYAS PA YIN LA'O, ,'DI LA TSIG GI DON NI GANG GI TSE DGE SLONG GIS SO SOR THAR PA'I MDO 'DON PAS KYANG GSO SBYONG MI BYED LA, DGE SLONG GZHAN GYI DRUNG DU YANG BYIN GYIS MI RLOB NA DE'I TSE MA BYAS PA YIN NO ZHES BYA BA DE NI KHO BO LA NGES NA, 'ON KYANG BCOM LDAN 'DAS KYIS DES GSO SBYONG BYAS PAR 'GYUR RO ZHES GSUNGS PA DE JI LTA BU YIN PA BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PA NI 'DI YIN TE, SEMS BSKYED PA'I BYIN GYIS BRLAB PA LA DGONGS NAS DE SKAD DU GSUNGS PA YIN TE, DE BZHIN DU 'DIR GZHUNG NI, BTZUN PA DGE SLONG GIS TSIG TU YANG MA SMRAS PA LA GSO SBYONG YANG BGYIS PAR 'GYUR BA LTA MCHIS LAGS SAM, NYE BA 'KHOR YOD DO, ,SEMS KYIS NA'O ZHES BYA BA YIN NO, ,'DI LA GZHUNG GZHAN YANG; BTZUN PA DGE SLONG GIS GSO SBYONG LNGA PO DAG LAS GSO SBYONG GANG YANG RUNG BA ZHIG NYAMS SU MYONG BAR MI BGYIS PA GSO SBYONG BGYIS PAR YANG 'GYUR LA, LTUNG BA YANG MA MCHIS PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, GSO SBYONG BYIN GYIS BRLABS NA'O ZHES BYA BA YIN NO, ,DE BZHIN DU 'DI LA GZHUNG GZHAN NI, DGE SLONG DAG LNGA PO 'DI DAG NI SEMS BSKYED PAS 'GRUB PAR 'GYUR BA STE, GSO SBYONG DANG, DGAG DBYE DANG, GOS BYIN GYIS BRLAB PA DANG, GOS BSDO BA DANG, GANG ZAG MGRON DU BOS PA'O ZHES BYA BA YIN NO, , @110B DGE 'DUN RNYED PA DGE SLONG NI, ,ZHES BYA BA LA SOGS PA LA, DGE 'DUN LA 'BYUNG BA NI DGE 'DUN GYI'O, ,RNYED PA NI GOS KYI RNYED PA LA SOGS PA'O, ,GCIG PUS ZHES BYA BA NI GROGS MED PAR RO, ,BLANGS NAS ZHES BYA BA NI RANG GIR BYAS NA'O, ,NYES MED CES BYA BA NI LTUNG BA MED PA NYID DU'O, , GSAL BAR NGES PAR SMROS ZHES BYA BAR SBYAR TE, 'DI LA DON NI DGE 'DUN LA BSNGOS PA'I RNYED PA DGE SLONG GIS RANG GIR BYAS NA SPANG BA'I LTUNG BA 'BYUNG NGO ZHES BYA BA NI NGES PA KHO NA YIN NO, ,'ON KYANG BCOM LDAN 'DAS KYIS LTUNG BA MED PA NYID DU GSUNGS SO ZHES BYA BA DE JI LTA BU YIN PA NGES PAR BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, GCIG PU GNAS PAS RNYED PA RANG GIR BYAS PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GCIG PUS DGE 'DUN GYI RNYED PA RANG GIR BGYIS LA LTUNG BAR YANG MI 'GYUR PA LTA MCHIS LAGS SAM, NYE BA 'KHOR YOD DE, 'DI LTAR DGE SLONG GCIG PU ZHIG GNAS LA, DER YANG MI DAG GIS DGE 'DUN GYI CHED DU GOS PHUL NA'O ZHES BYA BA YIN NO, ,DE BZHIN DU 'DI LA GZHUNG GZHAN NI, BTZUN PA DGE SLONG GCIG PU GNAS NA MCHIS LA DER YANG MI DAG GIS DGE 'DUN LA GOS BGOR BTUB PA DGE 'DUN MNGON DU GYUR PA LA BGO BAR BGYI BA ZHIG PHUL NA DES JI LTAR BYIN GYIS BRLAB PAR BGYI LAGS, NYE BA 'KHOR DGE SLONG DES GOS BYUNG BA LAS, GNAS 'DI NA NI BDAG GCIG PU GNAS PA DGE 'DUN GYIS GOS BYUNG BA 'DI NI BGOR BTUB PA ADGE 'DUN MNGON DU GYUR PA LAS BGO PAR BYA BA YIN PAS, GOS 'DI BDAG GI SKAL BA YIN TE BCOS LEGS BYA'O, ,SBA BAR BYA'O, ,BDAG GIS BYIN GYIS BRLAB PO, ,BDAG GIS GOS 'DI BCOS LEGS BYA'O, ,BDAG GIR BYIN GYIS BRLAB PO ZHES SEMS BSKYED PAR BYA ZHING TSIG TU YANG BRJOD PAR BYA'O, , 'ON TE DE LTAR MA BYAS NA DGE SLONG DE GCIG BUS GOS DE RANG GIR MI BYA STE, GAL TE RANG GIR BYED NA NYES BYAS SU 'GYUR RO ZHES BYA BA YIN NO, ,DE BZHIN DU MDO BYED PAS KYANG DBANG BA GCIG NYID KYIS SHIN TU MANG PO THOB PA LA NI MI DBANG BA'I RGYUR 'GYUR BA MED DO ZHES BSHAD DO, ,'GREL PA BYED PAS KYANG @111A *, ,'DI LA 'DI LTAR DED DPON ZHIG GIS DGE 'DUN GYI CHED DU RNYED PA RAB TU MANG PO GTZUG LAG KHANG DU BSKUR BA DANG GTZUG LAG KHANG DE NA DGE SLONG GCIG PU ZHIG GNAS PA MI RUNG NGO SNYAM NAS LEN PAR MI BYED PA DANG, BCOM LDAN 'DAS KYIS DE NI DE NA GANG GNAS PA DE DBANG NGO ZHES RJES SU GNANG NGO ZHES BSHAD DO, ,SNGOM BRTZON CAN GYIS DGE 'DUN GYI ZHES BYA BA LA SOGS PA LA, RUNG BA NI KHA NA MA THO BA MED PA STE, RUNG BA ZHES SMOS PA NI RUNG BA MA YIN PA GSER DANG DNGUL LA SOGS PA'AM RUNG BA MA YIN PA'I GOS RNGA BAL DANG GNAG GI SPU DANG RI DAGS KYI BAL LA SOGS PA'AM SPANGS PA'AM ZAS KYI RNYED PA SOG 'JOG BYAS PA'AM, BYIN LEN MA BYAS PA'AM, NANG DU ZHAG LON PA LA SOGS PA'AM, MTSAMS KYI PHYI ROL NA 'DUG PA'AM SBYIN PAR BYA BA MA YIN PA BSAL TO ZHES BYA BA NI DE SKAD DU'O, ,RGYU CI YOD CES BYA BA NI 'BREL PA CI YOD CES BYA BA'O, ,'BOD DE SMROS SHIG CES BYA BAR SPYAR TE, 'BOD DE ZHES BYA BA NI SNGA PHYI BRTAGS TE'O, ,RE ZHIG DGE SLONG GOS KYI RNYED PA'AM ZAS KYI RNYED PA'AM RUNG BA RANG GIR BYED PA LA NI LTUNG BA MED PA NYID DU GNANG NA, 'ON KYANG BCOM LDAN 'DAS KYIS DE LA LTUNG BA KHO NAR GSUNGS SO ZHES BYA BA LA RGYU CI ZHIG YOD PA SMROS SHIG CES BYA BA 'DI YIN NO, ,'DI LA LAN NI 'DI YIN TE, DGE 'DUN GYI RNYED PAR BSNGOS PA RANG GIR BYED PA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS DGE 'DUN GYI RNYED PA RUNG BA RANG GIR BGYIS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, DGE 'DUN LA BSNGOS PA YIN NA'O ZHES BYA BA YIN NO, ,'DI LA GZHUNG GZHAN YANG, BTZUN PA DGE SLONG GIS PHA MA LAS BLANGS LA SPANG BA'I LTUNG BYED DU 'GYUR BA LTA MCHIS LAGS SAM, NYE BA 'KHOR YOD DE, 'DI LTAR PHA MAS GOS DE DGE 'DUN LA BSNGOS PA YIN LA, DE DGE SLONG GIS SHES BZHIN DU GANG ZAG BDAG NYID KYIR SGYUR BA BYED NA GOS SNGON DU GRUB NA SPANG BA'I LTUNG BYED DO ZHES BYA BA YIN NO, ,MCHOD RTEN LA PHUL BA RNYED PA DAG CES BYA BA NI MCHOD RTEN LA PHUL BA'I RNYED PA MCHOD RTEN DE LAS DGE SLONG GIS BLANGS NA JI LTAR LTUNG BA MED PA ZHES GSUNGS ZHES BYA BA DE BZHIN @111B DU SDOM BRTZON SMROS SHIG CES BYA BAR SBYAR TE DE LA PHUL BA NI BYIN PA'O, ,GANG LA ZHE NA MCHOD RTEN LA ZHES BYA BA SMOS SO, ,DE LA DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM LA SOGS PA'I YON TAN GYI GZUGS BRNYAN DU GYUR PA'I PHYIR DANG, 'JIG RTEN PA'I YON TAN DAG LAS YANG DAG PAR 'PHAGS PA'I PHYIR MCHOD RTEN TE DE LA'O, ,RNYED PA NI GOS DANG RGYAN LA SOGS PA'I RDZAS SO, ,DE LAS ZHES BYA BA NI MCHOD RTEN LAS SO ZHES BYA BA NI DE SKAD DU'O, ,RGYAL BA NI BDUD BZHI'I DGRA LAS NGES PAR RGYAL BA STE, SDIG PA'I CHOS LAS NGA RGYAL BAS, ,DE BAS NYE 'GRO NGA RGYAL BA, ,ZHES PA 'BYUNG BA'I PHYIR TE, 'DI LA DON NI SPYIR MCHOD RTEN LA PHUL BA'I RDZAS BLANGS NA GDON MI ZA BAR LTUNG BAR 'GYUR NA, 'ON KYANG BCOM LDAN 'DAS KYIS DE LA LTUNG BA MED PA KHO NAR GSUNGS SO ZHES BYA BA DE JI LTA BU YIN ZHES BYA BA 'DI YIN NO, ,'DI LA LAN NI 'DI YIN TE, NYAN THOS KYI MCHOD RTEN LA BSNGOS PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, DBYAR GYI NANG ROL DAG TU MCHOD RTEN DANG MCHOD RTEN LA 'DU BA'I RNYED PA BGOS LA LTUNG BAR MI 'GYUR ZHING, RUNG BAR YANG 'GYUR BA LTA MCHIS LAGS SAM, NYE BA 'KHOR YOD DE, NYAN THAS KYI MCHOD RTEN LA BSNGOS PA YIN LA SHI BA'I YO BYAD YIN PAR BSAMS NAS BGOS NA'O ZHES BYA BA YIN NO, ,DE BZHIN DU MDO BYED PAS KYANG NYAN THOS KYI MCHOD RTEN LA PHUL BA NI TSANGS PA MTSUNGS PAR SPYOD PA RNAMS DBANG BA NYID YIN NO ZHES BSHAD DO, ,YANG NA DRI BA DANG LAN 'DI NI DON GYI DBANG GIS GZHAN DU YANG SBYAR BAR RUNG BAS, NYAN THOS KYI LA BSNGOS PA'I RDZAS ZHES BYA BA LA SOGS PA SMOS TE, NYAN THOS KYI MCHOD RTEN LA BSNGOS PA'I RDZAS SNGOM CAN GYIS BLANGS NA JI LTAR THUB PAS LTUNG BA DANG BCAS PAR GSUNGS PA SNGOM BRTZON CAN SMROS SHIG CES BYA BAR SPYAR RO, ,BSNGOS PA NI NGES PAR BTANG BA STE BYIN PA ZHES BYA BA'I DON TO, ,DE CI ZHIG CE NA, RDZAS ZHES BYA BA SMOS TE, GOS DANG RGYAN LA SOGS PA'O, ,GANG LA BSNGOS PA ZHE NA MCHOD RTEN LA'O, ,MCHOD RTEN LA STE DE'I DON NI BSHAD @112A *, ,ZIN TO, ,'OG NAS MCHOD RTEN LAS ZHES 'CHAD PAR 'GYUR TE, DES NA DON GYI DBANG GIS RNAM PAR DBYE BA SGYUR LA MCHOD RTEN LA ZHES BDUN PAR BYA'O, ,MCHOD RTEN LA ZHES BYA BA NI DE BZHIN GSHEGS PA'I MCHOD RTEN LA YANG YOD PAS GANG DANG 'BREL PA'I MCHOD RTEN LA ZHE NA, NYAN THOS KYI LA ZHES SMOS SO, ,KUN SHES PA'I 'BRAS BU SGROGS PAS NA NYAN THOS DE DGRA BCOM PA LA SOGS PA LA ZHES BYA BA'I THA TSIG GO, ,RDZAS GANG LAS BLANGS NA ZHE NA, MCHOD RTEN LAS ZHES BYA BA SMOS SO, ,SDOM BRTZON ZHES BYA BA NI BOD PA'O, ,DES NA DON GYIS NYAN THOS KYI MCHOD RTEN LA PHUL BA'I RDZAS NI BCOM LDAN 'DAS KYIS TSANGS PA MTSUNGS PAR SPYOD PA RNAMS KHO NA LA 'OS PA NYID YIN NO ZHES BKA' STZAL PA LTUNG BA MED PA NYID DU GSUNGS NA, 'ON KYANG BCOM LDAN 'DAS KYIS RNAM PA 'GA' ZHIG DE LTUNG BA DANG BCAS PA NYID DU GSUNGS SO ZHES BYA BA DE JI LTA BU YIN PA DE KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, 'PHAGS PA BA RA DVA DZA BSOD SNYOMS LEN LA SOGS PA BZHUGS PA'I NYAN THOS KYI MCHOD RTEN GYI DKOR BLANGS PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, DBYAR GYI NANG DAG TU MCHOD RTEN DANG MCHOD RTEN LA 'DU BA'I RNYED PA BGOS NA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, NYAN THOS KYI MCHOD RTEN LA BSNGOS PA YIN LA SHI BA'I YO BYAD YIN PAR BSAMS NAS BGOS NA'O ZHES BYA BA YIN NO, ,'DIS NI 'PHAGS PA SH'A RI'I BU LA SOGS PA YONGS SU MYA NGAN LAS 'DAS PA'I MCHOD RTEN LA PHUL BA'I RDZAS NI SHI BA'I YO BYAD YIN PAR BSAMS NAS BGO BAR BYA BA NYID YIN GYI, 'PHAGS PA BA RA DVA DZA BSOD SNYOMS LEN LA SOGS PA YONGS SU MYA NGAN LAS 'DAS PA'I NI MA YIN NO ZHES BSTAN PA YIN NO, ,DE NA BSTAN PA YONGS SU BSRUNG BA'I PHYIR 'KHOR DGRA BCOM PA LNGA BRGYA DA RUNG KLU'I RGYAL PO RU RU'I GNAS NA BZHUGS ZHES BRJOD DO, ,SPO BA SPYOD GNYIS GNAS GCIG NA, ,ZHES BYA BA LA SOGS PA NI SPO BA SPYOD PA DANG LDAN PA GNYIS GNAS GCIG NA STE GNAS PAR BYED CING ZHAG TU GNAS PAS GNAS PAR BYED NA CI'I PHYIR NYES PA MED PA DE NYID @112B CES BYA BA KHO BO LA TE POR SMROS SHIG CES BYA BAR SBYAR TE, TE POR ZHES BYA BA NI SHIN TU'O, ,'DI LA DON NI SPO BA SPYOD PA GNYIS GNAS GCIG NA GNAS PAR BYED NA, BCOM LDAN 'DAS KYIS NYES BYAS DANG ZHAG GI BUL DU MI CHUD PAR GSUNGS NA, 'ON KYANG DE GNYIS LA LTUNG BA MED PA KHO NAR GSUNGS SO ZHES BYA BA DE 'DI LA GAL TE KHYOD LA 'DUL BA YONGS SU SHES PA'I NUS PA CI ZHIG YOD CE NA, DE NUS PA DANG MTHUN PAR KHO BO LA MYUR DU SMROS SHIG CES BYA BA 'DI YIN NO, ,'DI LA LAN NI 'DI YIN TE, MU STEGS CAN SPO BA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA BCOM LDAN 'DAS KYIS SPO BA PA GNYIS GNAS GCIG NA GNAS PAR MI BYA'O ZHES BKA' STZAL PA GANG LAGS PA, BTZUN PA SPO BA PA GNYIS GNAS GCIG NA GNAS NA LTUNG BAR MI 'GYUR BA LTA MCHIS LAGS SAM, NYE BA 'KHOR YOD DE, GZHAN MU STEGS CAN DAG CIG SPO BA LA GNAS PA YIN NA'O ZHES BYA BA YIN NO, ,DE BZHIN DU MDO BYED PAS KYANG, DE DANG MU STEGS CAN GNAS PA LA GNAS PA DANG DER LHAN CIG PA LA NYES PA MED DO ZHES BSHAD DO, ,NAM YANG LTUNG BA MI BYED PA ZHES BYA BA LA SOGS PA NI NAM YANG LTUNG BA MI BYED NA CI'I PHYIR THUB PAS SPO BAR 'OS PAR GSUNGS PA SNYING RJE DANG LDAN PA KHYOD GSAL BAR SMROS SHIG CES BYA BAR SBYAR TE, NAM YANG ZHES BYA BA NI TSE'I MTHAS GTUGS KYI BAR DU'O, ,LTUNG BA NI DGE 'DUN LHAG MA'O, ,MI BYED PA ZHES BYA BA NI DGAG PA'O, ,SPO BAR 'OS PA SPO BAR SPYAD PAR BSHAD PA'O, ,BRTZE LDAN NI SNYING RJE DANG LDAN PA'O, ,'DI LA DON NI TSE'I MTHAR THUG GI BAR DU DGE 'DUN LHAG MA'I LTUNG BA 'GA' YANG MI BYED NA, 'ON KYANG BCOM LDAN 'DAS KYIS SPO BA PA KHO NAR GSUNGS SO ZHES BYA BA DE JI LTA BU YIN PA, GZHAN LA PHAN PA LA BRTZON PA KHYOD KHO BO LA GSAL BAR SMROS SHIG CES BYA BA 'DI YIN NO, ,'DI LA LAN NI 'DI YIN TE, MU STEGS CAN SPO BA BYIN PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA NAM YANG LTUNG BA MI 'BYIN LA DE YANG SPO BA PA LAGS LA LTA MCHIS LAGS SAM, NYE BA 'KHOR YOD DE, MU STEGS CAN SPO BA PA @113A *, ,YIN NA'O, ,LTUNG PA YOD PA MA YIN LA ZHES BYA BA LA SOGS PA LA LTUNG BA YOD PA MA YIN PA LA GAL TE SPO BA SBYIN PAR BYED NA CI'I PHYIR THUB PAS LTUNG BA MED PAR GSUNGS PA KHO BO LA NGES PAR SMROS SHIG CES BYA BAR SBYAR TE, DE LA LTUNG BA YOD PA MA YIN PA NI DGE 'DUN LHAG MA MI SPYOD PA'O, ,SPO BA NI CHAD PA'I LAS SO, ,DES NA DGE 'DUN GYI LHAG MA BYUNG BA LA DGE 'DUN GYIS CI'I PHYIR SPO BA BYIN, 'ON KYANG DGE 'DUN LA LTUNG BA 'GAR YANG MA GSUNGS SO ZHES BYA BA DE JI LTA BU YIN PA KHO BO LA SMROS SHIG ,'DI LA LAN NI 'DI YIN TE, MU STEGS CAN SPO BA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE 'DUN GYIS LTUNG BA MA BYUNG BA ZHIG LA SPO BA STZAL LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, MU STEGS CAN LA'O ZHES BYA BA YIN NO, ,GSAR BUS RGAN PO LAS 'DAS NA 'O ZHES BYA BA LA SOGS PA LA, 'DAS NA ZHES BYA BA NI THOD RGAL DU STE RGAN RIMS LAS RGAL NA ZHES BYA BA'I THA TSIG GO, ,SU ZHIG LAS 'DAS NA ZHE NA RGAN PO LAS ZHES BYA BA SMOS SO, ,SU ZHIG GIS SHE NA, GSAR BUS ZHES BYA BA SMOS TE, GZHON RABS KYIS SO, ,GNAS MAL NI GTZUG LAG KHANG LA SOGS PA STE 'DIR GNAS SHING 'DUG PAS SO, ,BZLOG PAR GYIS SHIG CES BYA BA NI GSOL GCIG PA'O, ,DES NA GANG GI TSE DGE SLONG GSAR BUS RGAN RIMS BKOL NAS GNAS MAL GTZUG LAG KHANG DANG KHRI DANG KHRI'U LA SOGS PA DANG POR LEN NA DE'I TSE RGAN RIMS LAS 'DAS PA'I PHYIR NYES BYAS KYI LTUNG BAR 'GYUR RO ZHES BYA BA NI NGES PA NYID NA, SHING DAG KYANG RGAN RIMS BZHIN DU BSKOR BAR BYA'O ZHES 'BYUNG LA, DE BZHIN DU THAMS CAD LA YANG RGAN RIMS BZHIN DU ZHES GSUNGS NA, 'ON KYANG BCOM LDAN 'DAS KYIS RGAN RIMS JI LTA BA LAS 'DAS PA 'DI LA LTUNG BA MED PA KHO NAR GSUNGS SO ZHES BYA BA DE JI LTA BU YIN PA BRJOD DGOS SO, ,'DI LA LAN NI 'DI YIN TE, GZHI'I SPANG BA THOB PA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA BCOM LDAN 'DAS KYIS DGE SLONG GZHON RABS KYIS DGE SLONG RGAN RABS BKOL TE @113B GNAS MAL NOD PAR MI BYA'O ZHES BKA' STZAL PA GANG LAGS PA, BTZUN PA DGE SLONG GZHON RABS KYIS DGE SLONG RGAN RABS BKOL TE GNAS MAL MNOS LA LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, GANG GIS DGE 'DUN LAS GZHI'I SPANG BA'AM RIM GRO'I SPANG BA 'THAB PA'AM 'JIGS PA DANG BCAS NAS PHYOGS NAS 'BROS PAR 'DOD PA YIN NA'O ZHES BYA BA YIN NO, ,GNAS MAL DE NYID SPYOD PA LA ZHES BYA BA LA SOGS PA NI GNAS MAL DE NYID SPYOD PA LA NI CI'I PHYIR THUB PAS NYES PA MED PA DANG NYES PA DANG BCAS PAR GSUNGS PA'O, ,'BOD DE KHO BO LA GSAL BAR SMROS SHIG CES BYA BAR SBYAR TE, GNAS MAL NI GDING BA DANG GDING BA'I GDING BA LA SOGS PA'O, ,DE NYID CES BYA BA NI BRJOD PAR 'DOD PA'O, ,NYES PA MED PA NI LTUNG BA MED PA'O, ,DANG ZHES BYA BA NI BSDU BA'O, ,NYES BCAS ZHES BYA BA NI LTUNG BA DANG BCAS PA'O, ,'DI LA DON NI GNAS MAL LA RES 'GA' CHOS NYAMS PAR SPYOD NA LTUNG BA KHO NAR 'GYUR LA, 'ON TE CHO GA LAS 'BYUNG BA BZHIN SPYAD NA NI LTUNG BA MED PA KHO NA YIN NO, ,'ON KYANG BCOM LDAN 'DAS KYIS YUL GCIG LA LTUNG BA DANG LTUNG BA MED PAR MA GSUNGS SO ZHES BYA BA DE JI LTA BU YIN PAR BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, GANG ZAG GI DGE 'DUN GYI GNAS MAL SPYOD PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GNAS MAL DE NYID SPYOD PA LA LTUNG BA DANG BCAS SHING DE NYID SPYOD PA LA LTUNG BA MA MCHIS PA LTA MCHIS LAGS SAM, NYE BA 'KHOR YOD DE, GANG ZAG GI GNAS MAL KHA DOG NGAN PAR MA BYAS PA'AM, KHA TSAR RING PO SPYOD NA LTUNG BA DANG BCAS SO, ,DGE 'DUN GYI SPYOD NA LTUNG BA MED DO ZHES BYA BA YIN NO, ,DGE 'DUN GYI GNAS MAL LA ZHES BYA BA LA SOGS PA LA, DGE 'DUN GYI ZHES BYA BA LA NI DGE 'DUN MANG BA'O; ,GNAS MAL ZHES BYA BA NI SPYOD PA ZHES BYA BAR SBYAR RO, ,RANG GI GOS KYIS NI ZHES BYA BA NI GANG ZAG GI GDING BA DANG GDING BA'I GDING BAS SO, ,MA G-YOGS PAR ZHES BYA BA NI MA BKAB PAR RO, ,BRTUL ZHUGS CAN ZHES BYA BA NI DGE SLONG LA 'BOD PA STE, 'DI LTAR BRTUL ZHUGS @114A *, ,DGE SLONG GI SDOM PA YOD PAS SO, ,NGES TSIG GI DON NI GANG GI TSE DGE 'DUN GYI GNAS MAL STAN NANG TSANGS CAN LA SOGS PA LA GANG ZAG GI GDING BA'I GDING BAS MA G-YOGS PAR SPYOD NA DE'I TSE DE LA NYES BYAS KYI LTUNG BAR 'GYUR NA, 'ON KYANG DGE SLONG GI DGE 'DUN GYI GNAS MAL LA GDING BA'I GDING NGAS MA G-YOGS PAR SPYOD KYANG LTUNG BA MED DO ZHES GSUNGS SO ZHES BYA BA DE DGE SLONG KHO BO LA SMROS SHIG CES BYA BA 'DI 'BYUNG NGO, ,'DI LA LAN NI 'DI YIN TE, DE NI GDING BA BGO BA NYID DU PHUL BA SPYOD PA LA BRTEN NAS GSUNGS PA YIN NO, ,DE BZHIN DU 'DIR GZHUNG NI; BTZUN PA BCOM LDAN 'DAS KYIS DGE SLONG GI DGE 'DUN GYI GZHI LA BAR DU MA BCAD PAR SPYAD PAR MI BYA'O ZHES BKA' STZAL PA GANG LAGS PA, BTZUN PA DGE SLONG GI BAR DU MA BCAD PAR SPYAD PAR LTUNG BAR YANG MI 'GYUR BA LTA MCHIS LAGS SAM, NYE BA 'KHOR YOD DE, 'DI LTAR KHYIM BDAG GIS GDING BA'I GDING BA'AM, BGO BA BAR CHAD MA BYAS PAR SPYAD PAR DGE 'DUN LA PHUL BA YIN NA'O ZHES BYA BA YIN NO, ,'DUL BA DRI BA'I TSIG LE'UR BYAS PA LE'U GSUM PA'I GTAN LA DBAB PA'O,, ,,LTUNG BA ZHES BYA BA LA SOGS PA NI LTUNG BA RNAM PAR RIG BYED YIN NAM, CI ZHIG CES BYA BA LA SOGS PA MYUR DU KHO BO LA DON JI LTA BA BZHIN DU SMROS SHIG CES BYA BAR DRI BA RE RE LA SBYAR BAR BYA'O, ,RNAM PAR RIG BYED NI GZHAN DAG LA GO BAR BYED, KHONG DU CHUD PAR BYED PA'I PHYIR TE, GZHAN DAG LA BDAG NI DGE BA DANG MI DGE BA DANG, LUNG DU MA BSTAN PA'I SEMS DANG SEMS LAS BYUNG BA LA 'JUG PA DAG GIS KUN NAS BSLANG NGO ZHES BYA BAR GO BAR BYED PA ZHES BYA BA'I DON TO, ,CI ZHIG CES BYA BA NI 'DRI BA'O, ,GZUGS CAN NI 'DI LA GZUGS YOD PA'I PHYIR RO, ,BSTAN MOD CES BYA BA NI 'DI NA'O, ,CHE GE MO ZHIG NA'O ZHES BSTAN PAR NUS PA'I PHYIR RO, ,THOGS DANG BCAS PA NI SGRIB PA THOGS PAS RANG GI YUL DU GZHAN 'BYUNG BA'I GAGS BYED PA'I PHYIR RO, ,ZAG BCAS NI ZAG PA YOD PA'I PHYIR RO, ,'DUS BYAS NI RGYU DANG RKYEN GYIS BYAS PA'I PHYIR RAM, 'DUS BYAS KYI MTSAN NYID DANG LDAN PA'I PHYIR RO, ,'ON TE ZHES BYA BA NI 'DRI BA'O, ,CI ZHES BYA BA NI YANG 'DRI BA NYID DO, ,'JIG @114B RTEN PA NI 'KHOR BA'I KHONGS SU GTOGS PA'I PHYIR RO, ,PHUNG POR LDAN PA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA SPUNGS PA'I MTSAN NYID PHUNG PO DAG GI KHONGS SU GTOGS PA STE PHUNG POR GTOGS PA ZHES BYA BA'I THA TSIG GO, ,KHAMS DANG LDAN PA NI YUL DANG, DBANG PO DANG, RNAM PAR SHES PA ZHES BYA BA RNAM PA BCO BRGYAD KYI NGO BO NYID KYIS KHAMS RNAMS KYI KHONGS SU GTOGS PA'I PHYIR TE KHAMS DANG LDAN PA ZHES BYA BA'I THA TSIG GO, ,SKYE MCHED DANG LDAN PA NI YUL DANG DBANG PO DANG, YID DANG, CHOS ZHES BYA BA SEMS DANG SEMS LAS BYUNG BA SKYE BA'I SGOR GYUR PA'I SKYE MCHED DAG GI NANG DU CHUD PA'I PHYIR TE SKYE MCHED DU GTOGS PA ZHES BYA BA'I THA TSIG GO, ,ZIN PA NI SEMS DANG SEMS LAS BYUNG BA RNAMS KYI GNAS KYI NGO BOR NYE BAR BZUNG BA STE PHAN PA DANG GNOD PA DAG GIS PHAN TSUN RJES SU BYED PA'I PHYIR RO, ,LUNG BSTAN ZHES BYA BA NI 'BRAS BU YID DU 'ONG BA'I PHYIR RAM, DGE BA DANG MI DGE BA'I NGO BOR LUNG DU BSTAN PA'I PHYIR BSTAN PA ZHES BYA BA'I THA TSIG GO, ,'BYUNG BA NI SA DANG, CHU DANG, ME DANG, RLUNG GI MTSAN NYID DO, ,DE BZHIN ZHES BYA BA NI BSDU BA'O, ,'BYUNG BA LAS GYUR PA NI 'BYUNG BA DAG LA YOD PA'I PHYIR TE 'BYUNG BA LA BRTEN PA ZHES BYA BA'I THA TSIG GO, ,DE NI MIG DANG, RNA BA DANG, SNA DANG, LCE DANG, LUS DANG, GZUGS DANG, SGRA DANG, DRI DANG, RO DANG, REG BYA'I PHYOGS GCIG DANG RNAM PAR RIG BYED MA YIN PA'I MTSAN NYID DO, ,KUN SPYOR NI 'CHING BA'I BDAG NYID YIN PA'I PHYIR RO, ,BSGRIBS PA NI NYON MONGS PA'I DRI MAS KHEBS PA'I PHYIR RO, ,'AM ZHES BYA BA NI RNAM PAR RTOG PA STE, 'OG MA DAG LA YANG DE DANG 'DRA'O, ,NYON MONGS CAN NI MI DGE BA'I PHYIR RO, ,ZANG ZING DANG BCAS PA NI 'DOD CHAGS LA SOGS PA'I NYON MONGS PA KUN DU SPYOD NA DES MNGON PAR 'DOD PA'I DNGOS PO THOB PAR RO MYANG BA'I BYA BA YIN PA'I PHYIR RO, ,'ON TE ZHES BYA BA NI DRI BA'O, ,ZHEN PA RTEN PA NI 'DOD PA'I YON TAN DANG LDAN PA'I PHYIR RO, ,'THAB BCAS NI 'DOD CHAGS LA SOGS PA'I NYON MONGS PA RNAMS NI BDAG DANG GZHAN LA GNOD PAR BYED PA'I BDAG NYID @115A *, ,KYI PHYIR 'THAB PA ZHES BYA STE DE DANG DER LHAN CIG 'BREL PAR SPYOD PA'I PHYIR RO, ,DMIGS PA DANG BCAS PA NI YUL 'DZIN PA'I PHYIR RO, ,SEMS NI RNAM PAR SHES PA'I NGO BO STE, DGE BA DANG MI DGE BA DANG LUNG DU MA BSTAN PA LA SOGS PA'I PHYIR RAM, DGE BA DANG MI DGE BA DANG LUNG DU MA BSTAN PA'I CHOS RNAMS KYIS BSTZAGS PA'I PHYIR RO, ,LAS BYA BA'I NGO BO NYID YIN PA'I PHYIR RO, ,'AM ZHES BYA BA'I SGRA NI 'ON TE ZHES BYA BA DANG BCAS TE DRI BA'I DON YIN PAR SHES PAR BYA'O, ,RNAM SMIN BCAS PA NI 'BRAS BU YID DU 'ONG BA DANG YID DU 'ONG BA MA YIN PA'I PHYIR TE RNAM PAR SMIN PA YOD PAS SO; ,DE LAS GZHAN PA NI BSHAD PA LAS BZLOG PA'O, ,DE BAS NA THAMS CAD LA SO SO'I DRI BA 'DI SPYAR BAR BYA STE, DES NA DE LAS GZHAN ZHES BYA BA'I SGRAS LTUNG BA CI ZHIG RNAM PAR RIG BYED MA YIN PA ZHIG GAM, GZUGS CAN MA YIN PA ZHIG GAM, BSTAN DU MED PA ZHIG GAM, THOGS PA MED PA ZHIG GAM, ZAG PA MED PA ZHIG GAM, 'DUS MA BYAS PA ZHIG GAM, 'JIG RTEN LAS 'DAS PA ZHIG GAM, PHUNG PO DANG, KHAMS DANG, SKYE MCHED DANG MI LDAN PA ZHIG GAM, MA ZIN PA ZHIG GAM, LUNG DU MA BSTAN PA ZHIG GAM, KUN DU SBYOR BA MA YIN PA ZHIG GAM, MA BSGRIBS PA ZHIG GAM, NYON MONGS PA MA YIN PA ZHIG GAM, ZANG ZING MED PA ZHIG GAM, NGES PAR 'BYUNG BA LA BRTEN PA ZHIG GAM, 'THAB PA DANG BCAS PA MA YIN PA ZHIG GAM, DMIGS PA MED PA ZHIG GAM, SEMS MA YIN PA ZHIG PA ZHIG GAM, LAS MA YIN PA ZHIG GAM, RNAM PAR SMIN PA MA YIN PA ZHIG CES BYA BA DE RNAMS GO RIMS BZHIN DU 'PHAGS PAR BLTA BAR BYA'O, ,'DAS PA NI 'DAS PA'I DUS SU BSDUS PA STE, BYED PA ZHES BYA BA'I THA TSIG GO, ,'AM ZHES BYA BA NI DRI BA'O, ,MA 'ONGS PA NI MA 'ONGS PA'I DUS SU BSDUS PA STE, BYED PA MA THOB PA ZHES BYA BA'I THA TSIG GO, ,DA LTAR NI DA LTAR GYI DUS SU BSDUS PA STE BYED PA ZHES BYA BA'I DON TO, ,YIN ZHES BYA BA NI YIN PA'O, ,DGE BA NI RNAM PAR SMIN PA YID DU 'ONG BA'I PHYIR RO, ,DE LAS GZHAN ZHES BYA BA NI RJES BSNYAGS TE DES NA CI ZHIG MI DGE BA'AM ZHES BYA BA'I THA TSIG TU @115B 'GYUR RO, ,LUNG DU MA BSTAN PA'I DRI BA NI SNGAR BSHAD ZIN TO, ,'DOD PA'I KHAMS DANG LDAN PA NI 'DOD PA'I KHAMS DANG LDAN PA STE, 'DOD PA NA SPYOD PA'I SRED PAS BDAG GIR BYAS PA ZHES BYA BA'I DON TO, ,DE BZHIN DU, GZUGS KHAMS LDAN ZHES BYA BA NI GZUGS KYI KHAMS DANG LDAN PA STE, GZUGS NA SPYOD PA' SRED PAS BDAG GIR BYAS SO ZHES BYA BA'I THA TSIG GO, ,YANG ZHES BYA BA'I SGRAS NI GZUGS MED PA'I KHAMS DANG LDAN PA'AM ZHES BYA BA BRJOD DE, DES NA CI ZHIG GZUGS DANG LDAN PA ZHIG YIN NAM ZHES BYA BA YIN NO, ,GZUGS MED PA'I KHAMS DANG LDAN PA STE, GZUGS MED PA NA SPYOD PA'I SRED PAS BDAG GIR BYAS BA ZHES BYA BA'I THA TSIG GO, ,SLOB PA NI 'PHAGS PA'I GANG ZAG BDUN GYI RGYUD LA SKYES PA'I PHYIR RO, ,'ON TE ZHES BYA BA NI DRI BA'O, ,MI SLOB PA NI DGRA BCOM PA'I RGYUD LA SKYES PA'I PHYIR RO, ,DE GNYIS SPANGS PA NI SLOB PA DANG MI SLOB PA'I MTSAN NYID RNAM GNYIS DANG BRAL BA STE, CI ZHIG SLOB PA YANG MA YIN MI SLOB PA YANG MA YIN PA ZHIG GAM SNYAM DU BSAMS PA BZHIN NO, ,BSGOM PAS SPANG BYA ZHES BYA BA NI BSGOM PAS SPANG BAR BYA NA ZHES BYA BA'I DON TO, ,BSGOM PA NI GOMS PA'O, ,DES NA GANG ZHIG 'PHAGS PA'I LAM YANG DANG YANG DU BSGOM PAS SPANG BAR BYA BA DE LA DE SKAD CES BYA'O, ,'ON TE ZHES BYA BA NI DRI BA'O, ,MTHONG BAS ZHES BYA BA NI SPANG BAR BYA BA ZHES BYA BA'I RJES BSNYEG GO, ,DES NA DRI BA'I DON NI CI ZHIG MTHONG BAS SPANG BAR BYA BA ZHIG GAM ZHES BYA BAR 'BYUNG STE, BDEN PA BZHI MTHONG BAS SPANG BAR BYA BA ZHIG CES BYA BA'I THA TSIG GO, ,LUS KYI NI LUS LA BRTEN NAS BSKYED PA'I PHYIR RO, ,NGAG GI NI NGAG LA BRTEN NAS BSKYED PA'I PHYIR RO, ,SEMS KYI NI SEMS LA BRTEN NAS BSKYED BA'I PHYIR RO, ,'DIR JI SKAD BSTAN PA'I RNAM PAR GZHAG PA NI 'DI YIN TE, DE LA LTUNG BA NI CI ZHIG RNAM PAR RIG BYED DAM, RNAM PAR RIG BYED MA YIN PA ZHIG YIN SMRAS PA, GANG YIN PA DE LA BSHAD PA NI 'DI YIN TE, LTUNG BA NI RNAM PAR RIG BYED DAM RNAM PAR RIG BYED MA YIN PA'I NGO BO YIN NO, ,DE BZHIN DU 'DIR GZHUNG NI, NYE BA 'KHOR LTUNG BA NI RNAM PAR RIG BYED CES KYANG BYA LA, RNAM PAR RIG BYED MA YIN PA @116A *, ,ZHES KYANG BYA'O ZHES BYA BA YIN TE, DE BZHIN DU 'OG MA DAG LA YANG LAN CI RIGS PAR SBYAR RO, ,GZUGS CAN NAM, GZUGS CAN MA YIN PA ZHES 'DRI BA LA, LTUNG BA NI GZUGS CAN DU BRJOD PA'O, ,BSTAN DU YOD PA'AM, BSTAN DU MED PA ZHES 'DRI BA LA; BSTAN DU MED PAR BRJOD PAR BYA'O, ,THOGS PA DANG BCAS PA'AM, THOGS PA MED PA ZHES 'DRI BA LA, THOGS PA MED PA ZHES BRJOD PAR BYA'O, ,ZAG PA DANG BCAS PA'AM, ZAG PA MED PA ZHES 'DRI BA LA, ZAG PA DANG BCAS PAR BRJOD PAR BYA'O, ,'DUS BYAS SAM 'DUS MA BYAS ZHES 'DRI BA LA, 'DUS BYAS SU BRJOD PAR BYA'O, ,'JIG RTEN PA'AM 'JIG RTEN LAS 'DAS PA ZHES 'DRI BA LA 'JIG RTEN PAR BRJOD PAR BYA'O, ,PHUNG PO DANG KHAMS DANG SKYE MCHED DU GTOGS SAM MA GTOGS ZHES 'DRI BA LA, PHUNG PO DANG KHAMS DANG SKYE MCHED DU GTOGS PAR BRJOD PAR BYA'O, ,ZIN PA'AM MA ZIN PA ZHES 'DRI BA LAM ZIN PA ZHES BRJOD PAR BYA'O, ,LUNG DU BSTAN PA'AM LUNG DU MA BSTAN PA ZHES 'DRI BA LA, LUNG DU BSTAN PA YANG YIN LA, LUNG DU MA BSTAN PA YANG YIN PAR BRJOD PAR BYA'O, ,'BYUNG BA'AM 'BYUNG BA LAS GYUR PA ZHES 'DRI BA LA, 'BYUNG BA LAS GYUR PAR BRJOD PAR BYA'O, ,KUN DU SBYOR BA'AM SBYOR BA MA YIN PA ZHES 'DRI BA LA, KUN DU SBYOR BAR BRJOD PAR BYA'O, ,BSGRIBS PA'AM MA BSGRIBS PA ZHES 'DRI BA LA, BSGRIBS PAR BRJOD PAR BYA'O, ,NYON MONGS PA CAN NAM, NYON MONGS PA CAN MA YIN PA ZHES 'DRI BA LA NYON MONGS PA CAN DU BRJOD PAR BYA'O, ,ZANG ZING DANG BCAS PA'AM, ZANG ZING MED PA ZHES 'DRI BA LA ZANG ZING DANG BCAS PAR BRJOD PAR BYA'O, ,ZHEN PA RTEN PA'AM NGES PAR 'BYUNG BA RTEN PA ZHES 'DRI BA LA, ZHEN PA RTEN PA ZHES BRJOD PAR BYA'O, ,'THAB PA DANG BCAS PA'AM, 'THEB PA MED PA ZHES 'DRI BA LA 'THAB PA DANG BCAS PAR BRJOD PAR BYA'O, ,DMIGS PA DANG BCAS PA 'AM DMIGS PA MED PA ZHES 'DRI BA LA, DMIGS PA MED PAR BRJOD PAR BYA'O, ,SEMS SAM SEMS MA YIN PA ZHES 'DRI BA LA, SEMS MA YIN PAR BRJOD PAR @116B BYA'O; ,LAS SAM LAS MA YIN PA ZHES 'DRI BA LA LAS SU BRJOD PAR BYA'O, ,RNAM PAR SMEN PA DANG BCAS PA'AM RNAM PAR SMIN PA MED CES 'DRI BA LA, RNAM PAR SMIN PA DANG BCAS PA YANG YIN LA RNAM PAR SMIN PA MED PA YANG YIN PAR BRJOD PAR BYA'O, ,'DAS PA'AM MA 'ONGS PA'AM DA LTAR ZHES 'DRI BA LA, 'DAS PA'ANG MA YIN LA MA 'ONGS PA 'ANG MA YIN DA LTAR YANG MA YIN PAR BRJOD PAR BYA'O, ,DGE BA 'AM MI DGE BA'AM LUNG DU MA BSTAN PA ZHES 'DRI BA LA, MI DGE BA DANG LUNG DU MA BSTAN PAR BRJOD PAR BYA'O, ,'DOD PA DANG GZUGS DANG GZUGS MED PA'I KHAMS DANG LDAN PA ZHES 'DRI BA LA, 'DOD PA'I KHAMS SU GTOGS PAR BRJOD PAR BYA'O, ,SLOB PA 'AM MI SLOB PA'AM SLOB PA YANG MA YIN MI SLOB PA YANG MA YIN ZHES 'DRI BA LA, SLOB PA YANG MA YIN MI SLOB PA YANG MA YIN PAR BRJOD PAR BYA'O, ,MTHONG BA'AM BSGOM PAS SPANG BAR BYA ZHES 'DRI BA LA, BSGOM PAS SPANG BAR BRJOD PAR BYA'O, LUS KYI 'AM DAG GI 'AM SEMS KYI ZHES 'DRI BA LA, LUS KYI YANG YIN NGAG GI YANG YIN SEMS KYI YANG YIN PAR BRJOD PAR BYA'O, ,'DRI BA'I LAN BCOM LDAN 'DAS KYIS GSUNGS PA KHO NAR BLTA BAR BYA STE, BDAG GIS GZHUNG MANGS PAS 'DIR MA SMOS SO, ,'DRI BA'I LAN 'DI DAG NI BDAG GIS CI RIGS PAR GZHUNG BLA MA'I RGYA CHER BSHAD PA'I NANG DU BKOD PAS BRTAG PAR BYA STE GZHUNG MANGS PAS 'DIR MA SMOS SO, ,CI DNGOS DE NYID BYED PA LA, ,ZHES BYA BA LA SAGS PA LA DNGOS NI DON TO, ,DE NYID CES BYA BA NI SPYIR SMOS PA'O, ,BYED PA LA ZHES BYA BA NI LHAG PAR SPYOD PA LA'O, ,GNYIS SU 'GYUR BA NI DNGOS PO GNYIS SU 'GYUR BA'O, ,SRID YOD DAM ZHES PA NI BTUB BAM ZHES PA'O, ,DE NYID BSTAN PA LTUNG DANG ZHES BYA BA LA SOGS PA SMOS TE, DANG ZHES BYA BA NI BSDU BA'O, ,MYUR DU ZHES BYA BA NI MYUR BAR RO, ,'DI LA DON NI GZHI GCIG PA RTAG PA DANG MI RTAG PA LTA BUR 'GAL BA'I CHOS NYID GNYIS SU 'GYUR BA MI SRID PAR NI SHES PA NYID NA, CI GZHI GCIG LA LTUNG BA DANG LTUNG BA MED PA DAG 'BYUNG BA GANG YIN PA DE SRID PA YOD DAM ZHES BYA BA DE KHO BO LA MYUR DU SMROS SHIG CES BYA BA 'DI YIN @117A *, ,NO; ,'DI LA GTAN LA DBAB PA NI 'DI YIN TE, SRA BRKYANG BTING BA DANG MA BTING BA DANG GNAS SU 'BRAL BA LA SOGS PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DNGOS PO DE NYID SPYOD PA LA LTUNG BAR 'GYUR ZHING DNGOS PO DE NYID SPYOD PA LA LTUNG BA MA MCHIS PAR 'GYUR BA LTA MCHIS LAGS SAM, BKA' STZAL PA, DNGOS PO DE NYID SPYOD PA LA LTUNG BAR 'GYUR ZHING DNGOS PO DE NYID SPYOD PA LA LTUNG PA MED PAR 'GYUR BA YOD DO, ,BTZUN PA DNGOS PO DE NYID SPYOD PA LA LTUNG BAR 'GYUR BA JI LTA BU LAGS, 'DI LTAR DGE SLONG GIS SRA BRKYANG MA BTING BA'I GNAS SU GOS RUNG BA MA YIN PA CI TZAM 'DOD PA BCANGS PA'AM, SNAM SBYAR MED PAR GRONG DU 'JUG GAM, MGRON DU MA BOS PAR GRONG DU 'JUG GAM, 'DUS SHING ZA'AM, YANG YANG ZA NA LTUNG BAR 'GYUR RO, ,LTUNG BA MA MCHIS PAR 'GYUR BA JI LTA BU LAGS, 'DI LTAR DGE SLONG GIS SRA BRKYANG BTING BA'I GNAS SU GOS RUNG BA MA YIN PA CI TZAM 'DOD PA BCANGS PA'AM, SNAM SBYAR MED PAR GRONG DU 'JUG GAM, MGRON DU MA BOS PAR GRONG DU 'JUG GAM, 'DUS SHING ZA'AM, YANG YANG ZAN LTUNG BA MED PAR 'GYUR TE, DE LTAR NA DNGOS PO DE NYID SPYOD PA LA LTUNG BAR 'GYUR ZHING, DNGOS PO DE NYID SPYOD PA LA LTUNG BA MED PAR 'GYUR RO ZHES BYA BA YIN NO, ,CI GZHI GANG GIS LHAG MA MED PAR ZHES BYA BA LA SOGS PA LA, GANG GIS ZHES BYA BA NI SPYIR SMOS PA'O, ,LHAG MA MED PA NI 'DI LA DGE SLONG GI DNGOS PO LAS LHAG MA MA LUS PA'I PHYIR RO, ,DE NYID KYIS ZHES BYA BA GZHI RNAM PAR SPYOD PA'I PHYIR NGES PAR GZUNG BA YIN NO, ,LHAG MA DANG BCAS PA NI DGE 'DUN LHAG MA LA SOGS PA STE DE DAG LHAG PAR SPYAD NA DGE SLONG GI DNGOS PO MED PAR MI 'GYUR BA'I PHYIR TE, PHAS PHAM PAR 'GYUR BA'I CHOS BZHI PO DAG NI LHAG MA MED PA YIN GYI, 'DI NI LHAG MA DANG BCAS PA'O ZHES GSUNGS PA'I PHYIR RO, ,'DI LA DON CIG ZHI GCIG LHAG PAR SPYOD PA LA PHAS PHAM PAR 'GYUR BA DANG DGE 'DUN LHAG MAR 'GYUR BA GNYIS KA SRID DAM ZHES BYA BA 'DI YIN NO, ,'DI LA LAN NI 'DI YIN TE, THUN MONG MA YIN @117B PA'I PHAS PHAM PAR 'GYUR BA LHAG PAR SPYOD PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS LHAG MA MA MCHIS PA'I LTUNG BAR 'GYUR BA'I GZHI DES LHAG MAR BCAS PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG MAS THUN MONG MA YIN PA'I PHAS PHAM PAR 'GYUR BA GZHI LHAG PAR SPYAD NA LHAG MA MED PAR 'GYUR RO, ,DGE SLONG GIS SPYAD NA DGE 'DUN LHAG MA'O ZHES BYA BA YIN NO, ,CI GZHI GANG GIS PHAS PHAM PA'I ZHES BYA BA LA SOGS PA'I NI GZHI GANG GIS ZHES BYA BAR SBYAR TE, GZHI GANG ZHIG LHAG PAR SPYOD PA'I GZHI DE NYID KYIS SO, ,GZHI DES DGE 'DUN LHAG MAR 'GYUR RAM ZHES BYA BAR SBYAR RO, ,BSGRE BA BSTAN PA'I PHYIR DE BZHIN ZHES BYA BA SMOS TE, DE BZHIN ZHES BYA BA DE DANG 'DRA BAR RO, ,JI LTAR 'GYUR ZHES BYA BAR SBYAR TE, JI LTAR LTUNG BYED KYI LTUNG BAR 'GYUR RO ZHES BYA BA'I THA TSIG GO, ,DES NA CI GZHI GANG GIS PHAS PHAM PAR 'GYUR BA'I LTUNG BAR 'GYUR BA'I GZHI DES LTUNG BYED KYI LTUNG BAR 'GYUR RAM ZHES BYA BA'I DON YIN NO, ,'DI LA GTAN LA DBAB PA'I SBYAR BA NI 'DI YIN TE, THUN MONG MA YIN PA'I PHAM PAR 'GYUR BA LHAG PAR SPYOD PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS PHAS PHAM PAR 'GYUR BA'I LTUNG BAR 'GYUR BA'I GZHI DES DGE 'DUN LHAG MAR 'GYUR BA LTA MCHIS LAGS SAM, BKA' STZAL PA, YOD DE, DGE SLONG MAS LUS REG PA SPYAD NA PAS PHAM PAR 'GYUR LA, DGE SLONG GIS SPYAD NA DGE 'DUN LHAG MAR 'GYUR RO, ,GZHI GANG GIS PHAS PHAM PA'I LTUNG BAR 'GYUR BA'I GZHI DES LTUNG BYED DU 'GYUR BA LTA MCHIS LAGS SAM, NYE BA 'KHOR YOD DE, DGE SLONG MAS SHES BZHIN DU DGE SLONG MA'I GNAS NGAN LEN GYI LTUNG BA 'CHAB PAR BYED NA SKYA RENGS SHAR NAS PHAS PHAM PAR 'GYUR LA, DGE SLONG GIS BCABS NA LTUNG BYED DU 'GYUR RO ZHES BYA BA YIN NO, ,GANG GIS DGE 'DUN LHAG MAR 'GYUR BA'I ZHES BYA BA LA SOGS PA NA 'DI YANG NYES BYAS LA BSGRE BA LA BSTAN PA'I PHYIR DE BZHIN DU BYA BA LA SOGS PA SMOS TE, YANG @118A *, ,ZHES BYA BA NI DRI BA'O, ,DES NA DON NI SPYI'I NGO BO'I GZHI GANG ZHIG LHAG PAR SPYAD PAS DGE 'DUN LHAG MA'I LTUNG BAR 'GYUR BA'I GZHI DE NYID KYIS LTUNG BYED KYI LTUNG BAR 'GYUR RAM, DE BZHIN DU GZHI GANG GIS DGE 'DUN LHAG MA'I LTUNG BAR 'GYUR BA'I GZHI DE NYID KYIS CI NYES BYAS KYI LTUNG BAR 'GYUR RAM ZHES BYA BA YIN NO, ,'DI LA LAN NI 'DI YIN TE, THUN MONG MA YIN PA'I KHU CHU 'BYIN PA LHAG PAR SPYOD PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS DGE 'DUN LHAG MAR 'GYUR BA'I GZHI DES LTUNG BYED DU 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG GIS CHED DU BSAMS TE KHU CHU 'BYIN PAR BYED NA DGE 'DUN LHAG MAR 'GYUR LA, DGE SLONG MAS PHYUNG NA LTUNG BYED DO, ,DGE SLONG MA ZHIG SDE ZHING GNAS NA DGE 'DUN LHAG MAR 'GYUR LA; DGE SLONG GNAS NA NYES BYAS SU 'GYUR RO ZHES BYA BA YIN NO, ,CI GZHI GANG GIS LTUNG BYED KYI ZHES BYA BA LA SOGS PA LA, JI LTAR 'DOD BZHIN ZHES BYA BA NI JI LTAR DGA' BA BZHIN DU STE, JI LTAR BSAMS PA BZHIN DU ZHES BYA BA'I THA TSIG GO, ,'DI LA DON NI GZHI GANG GIS GANG ZHIG LHAG PAR SPYAD PAS LTUNG BYED KYI LTUNG BAR 'GYUR BA'I GZHI DE NYID KYIS CI SO SOR BSHAGS PAR BYA BA'I LTUNG BAR 'GYUR RAM ZHES BYA BA DE JI LTAR BSAMS PA BZHIN SMROS SHIG CES BYA BA 'DI YIN NO, ,'DI LA LAN NI 'DI YIN TE, THUN MONG MA YIN PA'I LTUNG BA LHAG PAR SPYOD PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS LTUNG BYED KYI LTUNG BAR 'GYUR BA'I GZHI DES SO SOR BSHAGS PAR BGYI BA'I LTUNG BAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG GIS NYE DU MA YIN PA DAG LAS KHA ZAS BSOD PA BLANGS NA LTUNG BYED DU 'GYUR LA, DGE SLONG MAS BLANGS NA SO SOR BSHAGS PAR BYA BAR 'GYUR RO ZHES BYA BA YIN NO, ,CI GZHI GANG GIS LTUNG BYED KYI ZHES BYA BA LA SOGS PA LA, KHYOD CES BYA BA NI KHYOD LA'O, ,NUS PA NI MTHU'O, ,DES NA TSIG GI DON NI, DGE SLONG GIS GANG @118B ZHIG LHAG PAR SPYAD PAS LTUNG BYED KYI LTUNG BAR GSUNGS PA DES CI NYES BYAS KYI LTUNG BA RNAM PAR GZHAG PA SRID DAM ZHES BYA BA 'DI YIN NO, ,'DI LA LAN NI 'DI YIN TE, THUN MONG MA YIN PA'I LTUNG BYED LHAG PAR SPYOD PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI BTZUN PA GZHI GANG GIS LTUNG BYED KYI LTUNG BAR 'GYUR BA'I GZHI DES NYES BYAS SU 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG MAS RTZVA SNGON PO YOD PA'I PHYOGS SU BSHANG BA DANG GCI BA DAG BYAS NA LTUNG BYED DU 'GYUR LA, DGE SLONG GIS BYAS NA NYES BYAS SO ZHES BYA BA YIN NO, ,GANG GIS SO SOR BSHAGS PA LA SOGS PA LA SRID DAM ZHES BYA BA NI BTUB BAM ZHES BYA BA'O, ,BDAG GI MDUN DU ZHES BYA BA NI BDAG GI THAD DU'O, ,DES NA DON NI RNAM PA GANG GIS SO SOR BSHAGS PAR BYA BA'I LTUNG BAR RNAM PAR GZHAG PA DE NYID KYIS CI NYES BYAS KYI LTUNG BAR 'GYUR BA SRID DAM ZHES BYA BA DE DGE SLONG GAL TE KHYOD LA MTHU YOD NA KHO BO'I MNGON DU SMROS SHIG CES BYA BA 'DI YIN NO, ,'DI LA LAN NI THUN MONG MA YIN PA'I SO SOR BSHAGS PAR BYA BA'I LTUNG BA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS SO SOR BSHAGS PAR 'GYUR BA'I LTUNG BAR 'GYUR BA'I GZHI DES NYES BYAS SU 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG GIS NAGS TSAL GYI BSEL BA MA BSKOS PAR KUN DGA' RA BA'I PHYI ROL DU BCA' BAR BYA BA DANG BZA' PAR BYA BA LEN NA SO SOR BSHAGS PAR BYA BAR 'GYUR LA, DGE SLONG MAS BLANGS NA NYES BYAS SU 'GYUR RO ZHES BYA BA YIN NO, ,JI LTAR DGE SLONG LUNG MA BSTAN PA'I ZHES BYA BA LA SOGS PA'I SEMS GNAS ZHES BYA BA'I SGRA NI GNYIS KA LA YANG SBYAR TE, DGE BA'I SEMS LA GNAS PA DANG, LUNG DU MA BSTAN PA'I SEMS LA GNAS PA'I ZHES BYA BA'I DON TO, ,PHA MA NI PHA DANG MA DAG GO, ,MNAR MED PA BYA BA NI MTSAMS MED PAR BYED PAR RO, ,MI DGE BA'I SEMS LA GNAS PA LA MTSAMS MED PAR MA GSUNGS ZHES BYA BAR SBYAR TE, MI DGE BAS SMOS PAS NI LUNG DU MA BSTAN PA'I @119A *, ,SEMS LA GNAS PA BSDU'O, ,'DI LA DON GANG GI TSE DGE SLONG GIS DGE BA STE, 'BRAS BU YID DU 'ONG BA DANG YID DU MI 'ONG BA DANG BRAL BA'I SEMS KYIS PHA DANG MA SROG DANG BRAL NA DE'I TSE MTSAMS MED PA YIN PAR GSUNGS KYI MI DGE BA STE, 'BRAS BU YID DU MI 'ONG BA DANG LUNG DU MA BSTAN PA'I SEMS KYIS NI MA YIN NO ZHES BYA BA 'DI LA RGYU CI YOD CES PA 'DI YIN NO, ,'DI LA BSAM PA NI DE NI PHA DANG MA NAD TSOR BA DRAG PO NYAMS SU MYONG BA DAG BSOD NAMS KYI BLOS GSAD PA LA DGONGS NAS GSUNGS PA YIN NO, ,DE BZHIN DU 'DIR GZHUNG NI, BTZUN PA CI LAGS, DGE SLONG GIS DGE BA'I SEMS KYIS MA SROG DANG PHRAL NA YANG PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR 'GYUR LA, MI DGE PA'I SEMS KYIS MA SROG DANG PHAL NA YANG PHAS PHAM PAR MI 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR MI 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, NYE BA 'KHOR YOD DE, DGE SLONG GIS DGE BA'I SEMS KYIS MA SROG DANG PHRAL NA YANG PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR 'GYUR LA, MI DGE BA'I SEMS KYIS MA SROG DANG PHRAL NA YANG PHAM PAR MI 'GYUR ZHING MTSAMS MED PA'I KHA NA MA THO BA'I LAS KYIS KYANG REG PAR 'GYUR BA YOD DE, DE BZHIN DU MI DGE BA DANG LUNG DU MA BSTAN PA'I SEMS KYIS KYANG RGYAS PAR BRJOD PAR BYA'O, ,BTZUN PA JI LTAR DGE SLONG GIS DGE BA'I SEMS KYIS MA SROG DANG PHRAL NA YANG PHAS PHAM PAR 'GYUR LA MTSAMS MCHIS PA'I KHAN MA THO BA'I LAS KYIS KYANG REG PAR YANG 'GYUR LA, MI DGE BA'I SEMS KYIS MA SROG DANG PHRAL NA YANG PHAS PHAM PAR MI 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR MI 'GYUR LAGS, NYE BA 'KHOR 'DI LTAR DGE SLONG GIS MA NAD PA ZHIG STE YUN RING POR SDUG BSNGAL BA'I TSOR BA MI ZAD PA RTZUB PA DRAG PA YID DU MI 'ONG BA MYONG PA, DES DE RKYEN DES SROG DANG PHRAL NA PHAS PHAM PAR 'GYUR ZHING MTSAMS MED PA'I KHA NA MA THO BA'I LAS KYIS REG PAR YANG 'GYUR RO, , @119B DE BZHIN DU MDO BYED PAS KYANG PHAN PAR 'DOD PA NYID KYIS 'CHI BA'I PHYIR SMAN MA YIN PA BYIN PA LA NI NA SMAD PA MED DO ZHES BSHAD DO, ,'DI LTAR DGE SLONG GIS MA NAD PA LA 'BRAS CHAN MNGAR THUG GAM 'U SHA'AM SHA BYIN PA LA DE YANG RKYEN DES DUS LAS 'DAS NA DE LA PHAS PHAM PA'I LTUNG BAR YANG MI 'GYUR LA MTSAMS MED PA'I KHA NA MA THO BA'I LAS KYIS KYANG REG PAR YANG MI 'GYUR RO, ,DE BZHIN DU MDO BYED PAS KYANG, MID PAR BYA BA MI 'PHROD PAS SBYIN NA'O ZHES BSHAD DO, ,BTZUN PA JI LTAR DGE SLONG GIS MI DGE BA'I SEMS KYIS MA SROG DANG PHRAL NA PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR 'GYUR LA, MI DGE BA'I SEMS KYI SA MA SROG DANG PHRAL NA YANG PHAS PHAM PAR MI 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR MI 'GYUR LAGS, NYE BA 'KHOR YOD DE, 'DI LTAR DGE SLONG GIS NOR RAM DBANG GIS BSLU BA'I PHYIR MA SROG DANG PHRAL BA NI PHAS PHAM PAR 'GYUR ZHING MTSAMS MED PA'I KHA NA MA THO BA'I LAS KYIS KYANG REG PAR 'GYUR RO, ,'DI LTAR DGE SLONG GIS MI DGE BA'I SEMS KYIS GNAG GAM LUG GAM RA LA BSNUN PAR BYAS LA, LAS DE YANG MA LA BSNUN PA, DE YANG RKYEN DES DUS LAS 'DAS LA PHAS PHAM PAS LTUNG BAR YANG MI 'GYUR BA LA MTSAMS MED PA'I KHA NA MA THO BA'I LAS KYIS REG PAR YANG MI 'GYUR RO, ,BTZUN PA JI LTAR DGE SLONG GIS LUNG DU MA BSTAN PA'I SEMS KYIS MA SROG DANG PHRAL NA PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR 'GYUR LA, LUNG DU MA BSTAN PA'I SEMS KYIS MA SROG DANG PHRAL NA YANG PHAS PHAM PAR MI 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR MI 'GYUR LA, 'DI LTAR DGE SLONG GIS MA GSAD PA'I SBYOR BA BYED CING DES MA GSAD PA'I SBYOR BA BYAS NAS NYAL LA DE GNYID LOG PA DANG MA SROG DANG PHRAL NA PHAS PHAM PAR 'GYUR ZHING MTSAMS MED PA'I KHA NA MA THO BA'I LAS KYIS KYANG REG PAR 'GYUR RO, ,DE LA DGE SLONG GIS LUNG DU MA BSTAN PA'I SEMS KYIS SA 'AM SHING DAM LO MA'I SPYIL BU LA BSNUN PAR BYAS PA LAS, DE YANG MA LA BSNUN LA DE YANG RKYEN @120A *, ,DES DUS LAS 'DAS NA DE LA PHAS PHAM PA'I LTUNG BAR YANG MI 'GYUR ZHING MTSAMS MED PA'I KHA NA MA THO BA'I LAS KYIS REG PAR YANG MI 'GYUR TE, PHA DANG DGRA BCOM PA SROG DANG 'BRAL BAR BYAD NA YANG DE BZHIN DU BRJOD PAR BYA'O ZHES BYA BA YIN NO, ,DGE SLONG RUNG BA GNAS GCIG DANG ZHES BYA BA LA SOGS PA LA RUNG BA NI TSUL KHRIMS DANG LTA BA DANG LDAN PA STE TSOGS KYI KHA BSKANG BAR 'OS PA ZHES BYA BA'I THA TSIG GO, ,DE NI GNAS KYANG YIN LA GCIG KYANG YIN PAS GNAS GCIG GO, ,DE NI MTSAMS KYANG YIN LA GCIG KYANG YIN PAS MTSAMS GCIG GO, , GNAS GCIG MTSAMS GCIG NI GNAS GCIG DANG MTSAMS GCIG GO, ,GNAS GCIG DANG MTSAMS GCIG NA GNAS PAS NA GNAS GCIG DANG MTSAMS GCIG NA GNAS PA STE DE YOD PA BZHIN DU'O, ,GNAS GCIG SMOS PAS NI GNAS MANG PO BKAG GO, ,GNAS GCIG PA NYID YIN YANG RES 'GA' BAR DU CHU LA SOGS PAS RNAM PAR CHOD PAS MTSAMS THA DAD PA NYID DU YANG 'GYUR BAS DE'I PHYIR MTSAMS GCIG CES SMOS SO, ,DES NA MTSAMS THA DAD PA MA YIN PA'I GNAS GCIG NA GNAS PA'I GNAS PA ZHES BYA BA'I DON TO, ,DE'I TSIG CES BYA BA NI BSHAD MA THAG PA'I DGE SLONG GI TSIG GI NGAG STE, 'DUN PA BYIN PA ZHES BYA BA'I THA TSIG STE DE MED PAR RO, ,NYES BYED MIN ZHES BYA BA NI LTUNG BA MED PAR TE TSUL KHRIMS DANG LTA BA DANG LDAN PA 'OS PA MTSAMS KYI NANG NA GNAS PA'I 'DUN PA MA BYIN PA LA SOGS PA'I LAS DES BSNYEN PAR RDZOGS PA LA SOGS PA NI LTUNG BA MED PA ZHES BYA BA'I THA TSIG GO, ,'DI LA GZHAN GYI BSAM PA NI GANG GI TSE MTSAMS DE NA 'DUG PA TSOGS KYI KHA BSKANG BAR 'OS PA LUS SAM 'DUN PA'I SGO NAS TSOGS PAR MA ZHUGS PA DE LAS GZHAN PA'I DGE SLONG DGE 'DUN DU GYUR PAS GSOL BA LA SOGS PA'I LAS BYAS NA DE'I TSE MI MTHUN PA NYID KYIS LAS SU MI 'GYUR RO ZHES BYA BA DE NI LEGS PAR GRAGS NA, 'ON KYANG GANG GI TSE DGE SLONG DE LTA BU YOD BZHIN DU DGE 'DUN GYI LAS BYAS NA DE'I TSE LTUNG BA MED DO ZHES GSUNGS SO ZHES BYA BA DE GO JI LTA BU ZHIG CES BYA BA YIN NO, ,'DI LA BSHAD PA NI 'DI YIN TE, DE NI DE BZHIN GSHEGS @120B PA DGRA BCOM PA YANG DAG PAR RDZOGS PA'I SANGS RGYAS KYI DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, BTZUN PA DGE 'DUN GYIS DGE SLONG DANG PO NAS MA BSNYIL BAR MTSAMS KYI NANG NA MTSUNGS PAR GNAS PAR GYUR PA DE'I TSE TSIG MCHIS PAR LAS THAMS CAD BGYIS NA BGYIS PA ZHES KYANG BGYI ZHING LTUNG BA YANG MA MCHIS PAR 'GYUR BA LTA MCHOS LAGS SAM, NYE BA 'KHOR YOD DE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YIN NA'O, ,NGAS 'DI SKAD DU MOOD GAL GYI BU DE LTA BAS NA ZLA BA PHYED PHYED CING SO SOR THAR PA'I MDO THON CIG CES BKA' STZAL TO, ,SO SOR THAR PA STON PAR MDZAD PA DE BZHIN GSHEGS PA BYON TO ZHES NI BKA' MA STZAL TO ZHES BYA BA YIN NO, ,DE BZHIN DU MDO BYED PAS KYANG, RGYAL BA NI MI MTHUN PA BYED PA NYID MA YIN NO, ,KHA SKOD PAR BYED PA NYID KYANG MA YIN NO ZHES BSHAD DO, ,KHYIM PA GNAS BZHIN DGE 'DUN GYIS, ,ZHES BYA BA LA SOGS PA LA, KHYIM PA NI KHYIM CAN TE 'DI LA KHYIM ZHES BYA BA KHANG KHYIM YOD PAS SO, ,GNAS BZHIN ZHES BYA BA NI 'KHOR BZHIN DU STE 'DUG BZHIN DU ZHES BYA BA'I THA TSIG GO, ,DGE 'DUN GYIS ZHES BYA BA NI BZHI'I TSOGS LA SOGS PA'I DGE 'DUN GYIS SO, ,LAS SHIG BYAS NA ZHES BYA BA NI LAS BRGYA RTZA GCIG NYAMS SU MYONG BAR BYAS NA STE, LAS KYANG BYAS PAR 'GYUR ZHES BYA BA DANG 'DIR SBYAR RO, ,DE YIS ZHES BYA BA NI KHYIM PA 'DUG PAR GYUR BA'I LAS KYIS SO, ,LAS BYAS PA NI CHOS DANG MTHUN PAR LAS BYAS PA'I PHYIR TE, DGE 'DUN GYI LAS KYANG BYAS PAR 'GYUR ZHING ZHES BYA BAR SBYAR RO, ,YANG ZHES BYA BA NI BSDU BA'O, ,'DI LA GZHAN GYI BSAM PA NI BCOM LDAN 'DAS KYIS THAMS CAD TSUL KHRIMS YONGS SU DAG PA DANG, LTA BA MTSUNGS PA DAG DANG LHAN CIG GSOL BA DANG, GSOL BA DANG GNYIS DANG GSOL BA DANG BZHI'I LAS BYA BAR GSUNGS KYI KHYIM PA 'DUG PA LA NI MA YIN NO ZHES BYA BA LA SOGS PA GSUNGS NA, 'ON KYANG BCOM LDAN 'DAS KYIS KHYIM PA 'DUG BZHIN DU DGE SLONG DAG GI LAS BYAS PA ZHES KYANG BYA LA LTUNG BA YANG MED DO ZHES GSUNGS PA DE JI LTA BU YIN PA @121A *, ,KHO BO LA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI RGYAL PO DAD PA BSKYED PA'I PHYIR GSUNGS PA YIN NO, ,DE BZHIN DU 'DIR GZHUNG NI, BTZUN PA BCOM LDAN 'DAS KYIS KHYIM PA 'DUG PAR DGE 'DUN GYIS GSO SBYONG MI BYA'O ZHES GSUNGS PA GANG LAGS, KHYIM PA MCHIS BZHIN DU DGE 'DUN GYIS GSO SBYONG BGYI ZHING SO SOR THAR PA'I MDO GDON PA BTON NA BTON PA ZHES KYANG BGYI LA, LTUNG BA YANG MA MCHIS PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, NGAS 'DI SKAD DU DGE SLONG DAG KHYED KYIS RGYAL PO'I KHROM RNAMS SOGS LA RGYAL PO GSAL RGYAL GYI MDUN DU SO SOR THAR PA THON CIG DANG DE DAD PAR 'GYUR RO ZHES BKA' STZAL TO ZHES BYA BA YIN NO, ,DE BZHIN DU 'DIR GZHUNG GZHAN NI, ,KUN DGA' BO KHYOD KYIS NYES TE GAL TE RGYAL PO GZUGS CAN SNYING POS SO SOR THAR PA THOS PAR GYUR NA LHAG PAR DAD PAR 'GYUR ZHING DAD NAS KYANG DAD PA'I LHAG PA'I BYA BA BYED PAR 'GYUR BA GANG YIN PA DE DAG GNAS YOD DO, ,KUN DGA' BO DE LTA BAS NA RJES SU GNANG GI SKYE BO GTZO BO DAD PA CAN DE LTA BU GANG DAG YIN PA DE DAG LA BSGRAGS PAR BYA'O, ,'DI LA KHA CIG DBANG PHYUG LAGS NA DE DAG DAD PA CAN MA LAGS SO, ,KHA CIG NI DAD PA CAN LAGS LA DE DAG DBUL BA LAGS SO, ,BCOM LDAN 'DAS KYIS BKA' STZAL PA, DE DAG LA YANG BSGRAGS PAR BYA'O ZHES GSUNGS PA YIN NO, ,DE BZHIN DU MDO BYED PAS KYANG, DAD PA CAN DANG GTZO BO DAG DGA' BAR 'GYUR BA LTA NA CHO GA RJES SU BSGRAGS PA LA KHA NA MA THO BA MED DO, ,DRUNG DU GSO SBYONG BYED PA LA YANG NGO ZHES BSHAD DO, ,DGE DANG LUNG MA BSTAN SEMS LA, ,ZHES BYA BA LA SOGS PA LA SEMS ZHES BYA BA'I SGRA DANG GNAS PA ZHES BYA BA'I SGRA NI GNYIS KA DANG SBYAR BAR BYA STE, DES NA TSIG GI DON NI DGE BA'I SEMS LA GNAS PA DANG LUNG DU MA BSTAN PA'I SEMS LA GNAS PA LA ZHES BYA BAR 'GYUR RO, ,DE LA DGE BA'I SEMS NI DAD PA LA SOGS PA DANG MTSUNGS PAR LDAN PA'I SEMS TE, RNAM PAR SMIN PA YID DU 'ONG BA CAN ZHES BYA BA'I DON TO, ,LUNG DU MA BSTAN @121B PA'I SEMS NI BZO 'DRUB PA LA SOGS PA DANG MTSUNGS PAR LDAN PA'I SEMS TE, RNAM PAR SMIN PA YID DU 'ONG BA DANG MI 'ONG BA DANG BRAL ZHES BYA BA'I THA TSIG GO, ,DRI YIS BDAG GI BDAG TU JI LTAR 'DOD PAR SMRAS ZHES BYA BAR SBYAR TE, BDAG CES BYA BA NI BDAG GI'O, ,JI LTAR 'DOD PA'I ZHES BYA BA NI DGA' BAR RO, ,'DI LA GZHAN GYIS BSAMS PA NI 'BRAS BU NI RGYU DANG MTHUN PAR 'GYUR RO ZHES 'BYUNG BAS RE ZHIG MI DGE BA'I SEMS LA GNAS PA LA NI LTUNG BA 'BYUNG BAR MTHONG STE S'A LU'I SA BON LAS S'A LU'I MYU GU LTA BU YIN NA, DES NA CI DGE BA DANG LUNG DU MA BSTAN PA'I SEMS LA YANG DE 'BYUNG NGAM ZHES BYA BA DE BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, MCHOD RTEN GYI 'KHOR SAR RTZVA SNGOM MED PAR BYED PA DANG BSAMS BZHIN MA YIN PAR BSLAB PA'I GZHI LAS 'DAS PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA CI LAGS DGE SLONG DGE BA'I SEMS DANG LDAN PA LA LTUNG BA 'BYUNG BA LAGS SAM, 'ON TE MI DGE BA'I SEMS DANG LDAN PA'AM, 'ON TE LUNG DU MA BSTAN PA'I SEMS DANG LDAN PA LA LTUNG BA 'BYUNG LAGS SAM, BCOM LDAN 'DAS KYIS BKA' STZAL PA, KUN DGA' BO DGE SLONG DGE BA'I SEMS DANG LDAN PA LA YANG LTUNG BA 'BYUNG LA, MI DGE BA'I SEMS DANG LDAN PA LA YANG LTUNG BA 'BYUNG, LUNG DU MA BSTAN PA'I SEMS DANG LDAN PA LA YANG 'BYUNG NGO, ,DGE BA'I SEMS DANG LDAN PA LA JI LTA BU ZHE NA, 'DI LTAR DGE SLONG GSAR BU BSLAB PA'I LO RGYUS KYIS MKHAS PA MCHOD RTEN GYI 'KHOR SAR RTZVA SNGON PO MED PAR BYED CING 'CHAG PA'I SRANG DAG NAS ME TOG DAG 'THOG PAR BYED PA STE, DE LTAR NA DGE BA'I SEMS DANG LDAN PA LA 'BYUNG BAR 'GYUR RO, ,MI DGE BA'I SEMS DANG LDAN PA LA JI LTA BU ZHE NA, GANG ZHIG BSAMS BZHIN DU SANGS RGYAS KYI BSLAB PA'I GZHI BCAS PA LAS 'DA' BAR BYED PA STE, DE LTAR NA MI DGE BA'I SEMS DANG LDAN PA LA 'BYUNG BAR 'GYUR BA YIN NO, ,LUNG DU MA BSTAN PA'I SEMS DANG LDAN PA LA JI LTA BU ZHE NA, GANG ZHEG[?] BSAMS BZHIN DU MA YIN PAR SANGS RGYAS KYI BSLAB PA'I GZHI BCAS PA LAS 'DA' BAR BYED PA STE, DE LTAR NA LUNG DU @122A *, ,MA BSTAN PA'I SEMS DANG LDAN PA LA 'BYUNG BAR 'GYUR RO ZHES BYA BA YIN NO, ,DE NYID KYI PHYIR, RAB TU 'JUG BYED DGE SOGS LAS, ,RJES SU 'JUG PA'ANG RNAM PA GSUM, ,ZHES BSHAD DO, ,MI DGE BA'I SEMS DANG LDAN PA LAS LTUNG BA 'BYUNG BA LA NI THE TSOM MED PAS 'DIR DRI BA MA BYAS SO ZHES BYA BAR SHES PAR BYA'O, ,CI DGRA BCOM PA LA LTUNG BA 'BYUNG NGAM ZHES BYA BA LA SOGS PA NI DGRA BCOM PA LA LTUNG BA 'BYUNG NGAM ZHES BYA BA KHO BO'I MDUN DU 'BOD DE SMROS SHIG ,'DI LTAR KHO BO LA NI DGRA BCOM PA'I YUL 'DI LA MI DGE BA'I CHOS THAMS CAD SPANGS PA'I PHYIR LTUNG BA 'BYUNG NGO ZHES BYA TE POR THE TSOM YOD DO ZHES BYA BA'I THA TSIG GO, ,'BYUNG NGAM ZHES BYA BA NI SKYE 'AM ZHES PA STE, DGRA BCOM PA'I YUL 'DI LA LTUNG BA 'BYUNG NA BDAG LA THE TSOM BRTAN PO YOD KYIS ZHES BYA BAR SBYAR RO, ,'DI LA DON NI RE ZHIG MI DGE BA'I SEMS DANG LDAN PA LA NI LTUNG BA 'BYUNG NA DGRA BCOM PA'I SEMS NI MI DGE BA'I SEMS THAMS CAD SPANGS PA KHO NA YIN NA DE CI 'DI LA LTUNG BA 'BYUNG NGAM, 'ON TE MA YIN ZHES BYA BA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, LUNG DU MA BSTAN PA'I SEMS DANG LDAN PA LA DGONGS NAS DE SKAD DU GSUNGS PA YIN NO, , DE BZHIN DU 'DIR GZHUNG NI, BTZUN PA CI LAGS DGE SLONG DGRA BCOM PA DGE BA'I SEMS DANG LDAN PA LA LTUNG BA 'BYUNG BAR 'GYUR RAM, 'ON TE LUNG DU MA BSTAN PA'I SEMS DANG LDAN PA LA 'BYUNG BAR 'GYUR LAGS, BCOM LDAN 'DAS KYIS BKA' STZAL PA, DGE SLONG DGRA BCOM PA LA LTUNG BA GANG CUNG ZAD CI 'BYUNG BA DE THAMS CAD NI LUNG DU MA BSTAN PA'I SEMS DANG LDAN PA LA 'BYUNG BAR BRJOD PAR BYA'O, ,BTZUN PA JI LTAR DGE SLONG DGRA BCOM PA LA LTUNG BA GANG CUNG ZAD CI 'BYUNG BA THAMS CAD LUNG DU MA BSTAN PA'I SEMS DANG LDAN PA LA 'BYUNG BAR BRJOD PAR BGYI LAGS SAM, NYE BA 'KHOR 'DI LTAR BRGYA LA NGES 'GA' ZHIG DRAN PA BRJED NAS GOS RUNG BA MA YIN PA CI TZAM 'DOD PA 'CHANG NGAM, SNAM SBYAR MED PAR GRONG DU 'JUG GAM, MGRON DU MA BOS PAR GRONG DU 'GRO 'AM, YANG YANG ZA'AM, 'DUS SHING ZA 'AM, GNYID LOG PA LAS MAL STAN MTHON PO DANG MAL STAN CHEN PO @122B LA BZHAG GAM, BUD MED KYI MAL DU BSNYAL LAM, NUB GSUM PA LA BSNYEN PAR MA RDZOGS PA DAG PHYUNG STE NYAL BA LAS DE'I 'OG TU BSNYEN PAR MA RDZOGS PA DAG ZHUGS NA DE DAG DANG BSAD NAS LTUNG BA DE CHOS BZHIN DU SLAR 'CHOS PA STE, DE LTAR NA DGE SLONG DGRA BCOM PA LA LTUNG BA GANG CUNG ZAD CIG 'BYUNG BA DE THAMS CAD NI LUNG DU MA BSTAN PA'I SEMS DANG LDAN PA LA 'BYUNG BAR BRJOD PAR BYA'O ZHES BYA BA YIN NO, ,DGE 'DUN DBYEN BYED GANG YANG RUNG, ,ZHES BYA BA LA SOGS PA LA, GANG DU YANG RUNG ZHES BYA BA NI MING MA SMOS PA'O, ,BSKAL PA NI BAR GYI BSKAL PA LA SOGS PA DUS KYI BYE BRAG GO, ,DER GNAS PAS NA BSKAL PAR GNAS PA STE, MNAR MED PA'I BAR GYI BSKAL PAR GNAS PA'I PHYIR RO SNYAM DU BSAMS PA YIN NO, ,BYAMS NA ZHES BYA BA NI 'GROGS BSHES YIN TE, BSHES PA YIN NA ZHES BYA BA'I THA TSIG GO, ,THE TSOM MYUR DU SOL CIG CES BYA BAR SBYAR TE; MYUR DU ZHES BYA BA NI SKYEN PAR RO, ,SOL CIG CES BYA BA NI BOR CIG PA'O, ,'DI LA GZHAN GYI BSAM PA NI GANG LA LA DGE 'DUN GYI DBYEN BYED PA DE THAMS CAD BSKAL PAR GNAS PAR 'GYUR RO ZHES BYA BA DE NI NGES NA, CI DGE 'DUN GYI DBYEN BYED PA YIN LA BSKAL PAR GNAS PA YANG MA YIN NO ZHES BYA BA DE SRID PA YOD DAM ZHES BYA BA DE KHO BO'I THE TSOM DE LTA BU SOL CIG CES BYA BA 'DI YIN NO, ,'DI LA LAN NI 'DI YIN TE, MU BZHI SRID PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, GANG LA LA DGE 'DUN GYI DBYEN BYED PA DE THAMS CAD BSKAL PAR GNAS PA YANG YIN NAM, GANG LA LA BSKAL PAR GNAS PA DE THAMS CAD KYIS DGE 'DUN GYI DBYEN BYED PA YANG YIN NAM ZHE NA, DGE 'DUN GYI DBYEN BYED PA YIN LA BSKAL PAR GNAS PA MA YIN PA YOD, BSKAL PAR GNAS PA YIN LA DGE 'DUN GYI DBYEN BYED PA MA YIN PA YOD, DGE 'DUN GYI DBYEN BYED PA YIN LA BSKAL PAR GNAS PA YIN PA YANG YOD, DGE 'DUN GYI DBYEN BYED PA YANG MA YIN LA BSKAL PAR GNAS PA YANG MA YIN PA YANG YOD DO, ,NYE BA 'KHOR DGE 'DUN GYI DBYEN BYED PA YIN LA BSKAL PAR GNAS PA MA YIN PA YANG GANG ZHE NA, GANG GIS CHOS MA YIN @123A *, ,PA LA CHOS SU 'DU SHES SHING BYE BA LA YANG CHOS MA YIN PAR 'DU SHES PAS DGE 'DUN PHYE BAR GYUR PA STE, 'DI NI DGE 'DUN GYI DBYEN BYED PA YIN LA BSKAL PAR GNAS PA MA YIN NO, ,BSKAL PAR GNAS PA YIN LA DGE 'DUN GYI DBYEN BYED PA MA YIN PA GANG ZHE NA, KLU'I RGYAL PO SA SRUNG GI BU DANG, KLU'I RGYAL PO RAB GNAS DANG, KLU'I RGYAL PO YID LAS BYUNG DANG, KLU'I RGYAL PO DGA' BO DANG, NYE DGA' BO DANG, KLU'I RGYAL PO LA BA CAN DANG, MGYOGS 'GRO DAG DANG, KLU'I RGYAL PO GSHIN RJE DANG, TSANGS RIS KYI LHA RNAMS TE, 'DI DAG NI BSKAL PAR GNAS PA YIN LA DGE 'DUN GYI DBYEN BYED PA MA YIN NO, ,DGE 'DUN GYI DBYEN BYED PA YANG YIN LA BSKAL PAR GNAS PA YANG YIN PA GANG ZHE NA, LHA SBYIN TE, 'DI NI DGE 'DUN GYI DBYEN BYED PA YANG YIN LA BSKAL PAR GNAS PA YANG YIN NO, ,DGE 'DUN GYI DBYEN BYED PA YANG MA YIN LA BSKAL PAR GNAS PA YANG MA YIN PA GANG ZHE NA, RNAM PA DE DAG MA GTOGS PA'O ZHES BYA BA YIN NO, ,DGE SLONG MIN PAS LTUNG BYAS LA, ,ZHES BYA BA LA SOGS PA LA, DGE SLONG MIN ZHES BYA BA NI DGE SLONG NYID DANG BRAL BAS SO, ,LDANG 'GYUR ZHES BYA BA NI LTUNG BA MED PA'O, ,DANG ZHES BYA BA NI DON GZHAN DRANG PA'I PHYIR TE 'OG MA DAG LA YANG DE BZHIN NO, ,BZLOG PA NI JI SKAD BSHAD PA LAS BZLOG PA'O, ,DE LA BZLOG PA'I DON NI, ,DGE SLONG GIS NI LTUNG BYAS LA, ,DGE SLONG MIN PAS JI LTAR LDANG, ,ZHES BYA BA 'DI YIN NO, ,THE TSOM MYUR DU SOL CES BYA BAR SBYAR TE, MYUR DU ZHES BYA BA NI MI THOGS PAR RO, ,CHOD CES BYA BA NI SOL CIG PA'O, ,'DI LA DON NI GANG GI TSE DGE SLONG MA YIN PA DGE SBYONG LA SOGS PAS LTUNG BA LHAG PAR SPYAD PA DE'I TSE, DGE SLONG DU GYUR NAS JI LTAR LDANG BAR GSUNGS PA'AM, GANG GI TSE DGE SLONG GIS LTUNG BA BYUNG BA DE'I TSE DGE SLONG MA YIN PAR GYUR NAS LTUNG BA LAS JI LTAR LDANG BAR 'GYUR ZHES BYA BA BDAG GI THE TSOM DE LTA BU MYUR DU SOL CIG CES BYA BA 'DI YIN NO, ,'DI LA LAN NI 'DI YIN TE, MTSAN GYUR PA'I DBANG DU MDZAD NAS DE SKAD DU GSUNGS PA'I TSE YIN NO, ,DE BZHIN DU 'DIR GZHUNG NI, BTZUN @123B PA DGE SLONG MA LAGS PAS LTUNG BA BYUNG LA DGE SLONG DU GYUR NAS LDANG BAR 'GYUR ZHING, DGE SLONG GIS LTUNG BA PHYUNG LA DGE SLONG MA LAGS PAR GYUR PAS LDANG BAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DO, ,DGE SLONG MA LAGS PAS LTUNG BA BYUNG LA DGE SLONG DU GYUR PAS LDANG BAR 'GYUR BA JI LTA BU LAGS, 'DI LTAR DGE SLONG MAS THUN MONG MA YIN PA'I DGE 'DUN LHAG MA'I LTUNG BA PHYUNG LA DE'I MTSAN GYUR NAS DGE SLONG DU RED NA LANGS PA ZHES BRJOD PAR BYA STE, DE LTAR NA DGE SLONG MA YIN PAS LTUNG BA PHYUNG LA DGE SLONG DU GYUR NAS LDANG BA YIN NO, ,DGE SLONG GIS LTUNG BA PHYUNG LA DGE SLONG MA LAGS PAR GYUR NAS LDANG BA JI LTA BU LAGS, 'DI LTAR DGE SLONG GIS THUN MONG MA YIN PA'I DGE 'DUN LHAG MA'I LTUNG BA PHYUNG LA DE'I TSE MTSAN GYUR TE, MTSAN GYUR NAS DGE SLONG MAR RED NA LANGS BA ZHES BRJOD PAR BYA BA STE, DE LTAR DGE SLONG GIS LTUNG BA PHYUNG LA DGE SLONG MA YIN PAR RED NAS LDANG BA YIN NO ZHES BYA BA YIN NO, ,DGE SLONG GNYID MA LOG PA'I TSE ZHES BYA BA LA SOGS PA LA, GNYID MA LOG PA NI MA NYAL BA'O, ,BYAS NAS ZHES BYA BA NI LTUNG BA ZHES BYA BAR SBYAR RO, ,GNYID LOG NAS ZHES BYA BA NI NYAL NA'O, ,DANG ZHES BYA BA'I SGRAS NI BZLOG PA YANG GSAL BAR SMROS SHIG CES BYA BA BSDUS TE, BZLOG PA NI BSHAD PA LAS BZLOG PA'O, ,DE LAS BZLOG PA'I DON NI, DGE SLONG GNYID LOG LTUNG BYAS NAS, ,SAD NAS JI LTAR LDANG BAR 'GYUR, ,DRI YIS KHYOD NI SMRA BAR GYIS; ,ZHES BYA BA 'DI YIN NO, ,DE LA GTAN LA DBAB PA 'DI YIN TE, LAS BRJOD PA DANG GZHAN GYI THO 'TSAMS LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GNYID KYIS MA LOG PA NA LTUNG BA BYUNG LA GNYID KYIS LOG NAS LTUNG BA LAS LDANG ZHING GNYID KYIS LOG PA NA BYUNG LA GNYID SAD NAS LDANG BAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, GNYID KYIS MA LOG PA NA LTUNG BA BYUNG LA GNYID KYIS LOG NAS LDANG BAR 'GYUR BA JI LTA BU LAGS, 'DI LTAR DGE SLONG DGE 'DUN LHAG @124A *, ,MA BYUNG BA DBYUNG BAR BYA BA'I LAS RJOD PAR BYED PA NA GSOL BA THOS NAS NYAL TE DE GNYID LEG PA DANG LAS BRJOD PA GSUM PA MTHAR PHYIN NAS TE, DE LTAR GNYID KYIS MA LOG PA LAS NA LTUNG BA PHYUNG LA GNYID KYIS LOG NAS LDANG BAR 'GYUR BA YIN NO, , GNYID KYIS LOG PA NA LTUNG BA BYUNG LA GNYID SAD NAS LDANG BAR 'GYUR BA JI LTA BU LAGS, 'DI LTAR DGE SLONG GNYID LOG PA LAS MAL STAN MTHON PO DANG MAL STAN CHEN PO LA BZHAG PA'AM, GNYID LOG PA LAS BUD MED KYIS MAL DU BSNYAL BA'AM, NUB GSUM PA LA BSNYEN PAR MA RDZOGS PA DAG PHYIR PHYUNG TE NYAL BA LAS DE'I 'OG TU BSNYEN PAR MA RDZOGS PA DAG ZHUGS NA, DE DE DAG DANG SAD NAS LTUNG BA DE CHOS BZHIN SLAR 'CHOS PA STE, DE LTAR NA GNYID LOG PA NA LTUNG BA 'BYUNG LA GNYID SAD NAS LDANG BAR 'GYUR BA YIN NO ZHES BYA BA LA SOGS PA YIN NO, , STAN GCIG LA 'DUG PA'I ZHES BYA BA LA SOGS PA NI STAN GCIG LA 'DUG PA'I DGE SLONG LA RGYU GANG GIS LTUNG BA'I RIS LNGA 'BYUNG ZHES BYA BAR SBYAR RO, ,STAN NI KHRI'U LA SOGS PA STE, 'DIR GZHAN 'DUG CING GNAS PAS SO, ,'DUG PA NI GNAS PA'O, ,RGYU GANG GIS ZHES BYA BA NI BYED RGYU GANG GIS SO, ,LTUNG BA'I RIS NI LNGA PO DAG CES BYA BA NI PHAS PHAM PAR 'GYUR BA DANG DGE 'DUN LHAG MA DANG, LTUNG BYED DANG, SO SOR BSHAGS PAR BYA BA DANG, NYES BYAS ZHES BYA BA RIS LNGA PO DAG GO, ,'DI LA 'DRI BA'I BSAM PA NI PHAN TSUN 'GRO BA DANG BYA BA'I LTUNG BA'I RIS LNGA PO DAG MA BYUNG BAR MTHONG GI STAN GCIG KHO NA LA 'DUG PA LA NI MA YIN NA, 'DI LA KHYOD KYIS RGYU GANG GIS 'DI DAG 'BYUNG BA'I RGYU KHO BO LA BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PA NI 'DI YIN TE, STAN GCIG LA 'DUG PA DANG, 'BREL PA'I LTUNG BSRID PA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG STAN GCIG LA MCHIS PA LA LTUNG BA'I RIS LNGA PO THAMS CAD 'BYUNG BAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, CHOS GOS @124B MED PAR ZAN ZA NA NYES BYAS SU 'GYUR RO, ,BSLAB PA'I SDOM PAS BSDAMS PA'I SLOB PA'I KHYIM DAG NAS RANG GI LAG GIS BCA' BAR BYA BA DANG BZA' BAR BYA BA DAG LEN NA SO SOR BSHAGS PAR 'GYUR RO, ,BUD MED LA TSIG LNGA'AM DRUG LAS LHAG PAR CHOS STON NA LTUNG BYED DU 'GYUR RO, , BUD MED LA GNAS NGAN LEN BRJOD PA SMRA NA DGE 'DUN LHAG MAR 'GYUR RO, ,BDAG NYID MI'I CHOS BLA MA MED CING MI BDOG BZHIN DU BRJOD NA PHAS PHAM PAR 'GYUR RO ZHES BYA BA NI, DGE SLONG SBYOR BA GCIG GIS NI ZHES BYA BA NI DGE SLONG GCIG GIS SBYOR BA GCIG GIS JI LTAR LTUNG BA STONG BYED PAR 'GYUR ZHES BYA BAR SBYAR RO, ,SBYOR BA GCIG GIS BYA BA NI BYED PA GCIG GIS TE RTZOM PA GCIG GIS ZHES BYA BA'I THA TSIG GO, ,STONG ZHES BYA BA NI BRGYA DANG STONG MTSON PA YIN NO, ,DE NYID RIG PA NI DON DAM PA RIG PA STE 'DUN PA'I DON KHONG DU CHUD PA ZHES BYA BA'I DON TO, ,'DI LA BSAM PA NI SBYOR BA THA DAD PA NYID LA NI LTUNG BA MANG PO DAG 'BYUNG BAR BTUB KYI SBYOR BA GCIG GIS NI MA YIN NA DE JI LTA BU ZHIG YIN PAR BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PA NI 'DI YIN TE, KHROS NAS GZHAN DAG LA BYE MA LA SOGS PA'I SPAR BAS BSNUN PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA SBYOR BA GCIG GIS LTUNG BA BRGYA'AM LTUNG BA STONG NGAM, DE LAS LHAG PA 'BYUNG BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG KHROS 'KHRUGS RNGAM MA RANGS NAS SKYE BO PHAL PO CHE 'DUS SHING 'KHOD PA LA SRAN SPAR GYIS BTAB BAM, MON SRAN SDE'U SPAR GYIS BTAB BAM, BYE MA SPAR GYIS BTAB STE BSNUN NA JI SNYED PHOG PA DE SNYED KYI LTUNG BAR 'GYUR RO ZHES BYA BA YIN NO, ,BSAM GTAN DANG PO LA SOGS LA ZHES BYA BA LA SOGS PA LA, BSAM GTAN DANG PO NI RTOG PA DANG BCAS SHING DPYOD PA DANG BCAS PA, BSAM GTAN NI MNYAM PAR GZHAG PA DGE BA RTZE GCIG PA'O, ,SOGS PA ZHES SMOS PAS NI RTOG PA YANG MED DPYOD PA YANG MED PA LA SOGS PA'I MTSAN NYID BSAM GTAN GNYIS PA LA SOGS PA BSDU'O, ,CI'I PHYIR @125A *, ,ZHES BYA BA NI RGYU GANG GIS SO, ,'DI LA DON NI RE ZHIG DGE BA'I SEMS LA GNAS PA LA YANG LTUNG BA 'BYUNG BA MED PAS BSAM GTAN DANG PO LA SOGS PA LA SNYOMS PAR ZHUGS PA LA LTA SMOS KYANG CI DGOS NA DE LA 'BYUNG NGO ZHES BYA BA DE JI LTA BU YIN PAR BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PA NI 'DI YIN TE, KHANG PA BYA BA BSKO BA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHI GANG GIS BSAM GTAN DANG PO LA SNYOMS PAR MA ZHUGS PA LA DGE 'DUN LHAG MAR 'GYUR BA'I GZHI DES BSAM GTAN DANG PO LA SNYOMS PAR ZHUGS PA LA DGE 'DUN LHAG MAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG BSAM GTAN DANG PO LA SNYOMS PAR ZHUGS PA'I TSE NGA'I KHANG PA RTZIGS SHIG CES BSGO ZHING BSGOS NAS BSAM GTAN DANG PO LA SNYOMS PAR ZHUGS PA DE BSAM GTAN DANG PO LA SNYOMS PAR ZHUGS PA DANG, KHANG PA MTHAR PHYIN PAR GYUR NA DGE 'DUN LHAG MAR 'GYUR RO, ,GZHI GANG GIS BSAM GTAN GNYIS PA LA SOGS PA LA SNYOMS PAR MA ZHUGS PA LA DGE 'DUN LHAG MAR 'GYUR BA'I TUNG BA LHAG PA GZHI DES BSAM GTAN GNYIS PA DANG, GSUM PA DANG, BZHI PA LA SOGS PAR ZHUGS PA LA DGE 'DUN LHAG MAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG BSAM GTAN GNYIS PA DANG, GSUM PA DANG, BZHI PA LA SOGS PAR 'JUG PA'I TSE NGA'I KHANG PA RTZIGS SHIG CES BSGO ZHING BSKOS NAS BSAM GTAN BZHI PA'I BAR LA SNYOMS PAR ZHUGS LA, DE BSAM GTAN BZHI PA'I BAR LA SNYOMS PAR ZHUGS PA DANG KHANG PA MTHAR PHYIN PAR GYUR NA DGE 'DUN LHAG MAR 'GYUR RO ZHES BYA BA YIN NO, ,DGE SLONG THA NA NYES BYAS KYIS ZHES BYA BA LA SOGS PA LA, THA NA ZHES BYA BA NI CHUNG DU NA'O, ,NAM DU 'ANG ZHES BYA BA NI GZHAR YANG STE, 'DIS NI GTAN DU MI 'BYUNG BAR STON PAR BYED DO, ,'ON KYANG ZHES BYA BA NI DE LTA NA YANG NGO, ,'DI LA 'DRI BA'I DON NI GANG LA LAS PHAS PHAM PAR 'GYUR BA LHAG PAR @125B SPYOD PA DE DGE SLONG MA YIN PAR GSUNGS KYI, NYES BYAS KYI LTUNG BA 'BYUNG BA YANG NI MA YIN NO, ,'ON KYANG DGE SLONG MA YIN PA ZHES GSUNGS PA DE JI LTA BU YIN PAR BRJOD PAR BYA'O ZHES BYA BA YIN NO, ,'DI LA GTAN LA DBAB PA NI 'DI YIN TE, MTSAN GYUR PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GIS NAM YANG THA NA NYES BYAS KYI LTUNG BA YANG MA BYUNG LA, 'ON KYANG DGE SLONG MA LAGS PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG MTSAN GYUR NA'O ZHES BYA BA YIN NO, ,DGE SLONG MA NI NAM DU YANG ZHES BYA BA LA SOGS PA LA NAM DU YANG ZHES BYA BA NI GZHAR YANG NGO, ,MI BYED CES BYA BA NI DGAG PA'O, ,'DI LA SKABS KYI DON NI THUN MONG NGAM THUN MONG MA YIN PA'I PHAS PHAM PAR 'GYUR BA LHAG PAR SPYOD NA DGE SLONG MA MA YIN PA RNAM PAR GZHAG GI, DGE SLONG MA NYES BYAS KYI LTUNG BA LHAG PAR SPYOD PA YANG NI MA YIN NO, ,'ON KYANG DGE SLONG MA YIN ZHES GSUNGS PA JI LTA BU YIN PA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN TE, DE NI MTSAN GYUR PA LA DGONGS TE GSUNGS PA YIN TE, DE BZHIN DU 'DIR GZHUNG NI, DGE SLONG MAS NAM DU YANG THA NA NYES BYAS KYI LTUNG BA YANG MA BYUNG LA, 'ON KYANG DGE SLONG MA MA LAGS PAR 'GYUR BA LTA MCHIS LAGS SAM, YOD DE, DGE SLONG MA MTSAN GYUR NA'O ZHES BYA BA YIN NO, ,GAL TE DGE SLONG DGRA BCOM MIN, ,ZHES BYA BA LA SOGS PA LA DGRA BCOM MIN ZHES BYA BA NI DGRA BCOM PA LAS GZHAN PA SDE SO SO'I SKYE BO'O, ,PHA MIN ZHES BYA BA NI PHA LAS GZHAN PA'I SEMS CAN MI'I 'GRO BAR SKYES PA'O, ,DE BZHIN DU ZHES BYA BA NI GZHAN 'DREN PA DE JI LTA BUR PHAS PHAM PAR 'GYUR BAR GSUNGS ZHES BYA BAR SBYAR RO, ,'DI LA DON NI GANG DGE SLONG 'GA' ZHIG GIS DGE SLONG DGRA BCOM PA MA YIN PA SO SO'I SKYE BO ZHIG BSAD NA DE LA PHAS PHAM PAR 'GYUR BA 'BA' ZHIG TU ZAD NA, 'ON KYANG DES PHAS PHAM PA DANG MNAR MED PAR YANG GSUNGS SO ZHES BYA BA DE LTA BU YIN PA BRJOD PAR BYA'O ZHES BYA BA 'DI YIN NO, ,'DI LA LAN NI 'DI YIN @126A *, ,TE; MTSAN GYUR PA LA BRTEN NAS DE SKAD DU GSUNGS PA YIN TE, 'DIR GZHUNG NI, BTZUN PA DGE SLONG ZHIG GIS DGE SLONG ZHIG GI SROG BKUM LA DE PHA YANG MA LAGS DGRA BCOM PA YANG MA LAGS NA, 'ON KYANG PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG GIS MA RAB TU PHYUNG ZHING BSNYEN PAR RDZOGS PAR GYUR NA, DE MTSAN GYUR TE MTSAN GYUR NAS BSAD NA PHAS PHAM PAR 'GYUR ZHING MTSAMS MED PA'I KHA NA MA THO BA'I LAS KYIS KYANG REG PAR 'GYUR RO ZHES BYA BA YIN NO, ,'DI LA 'DRI BA'I DON NI, DGE SLONG MA NI DGRA BCOM MIN, ,MA MIN BSAD NA JI LTA BUR, ,MTSAMS MED PA DANG DE BZHIN DU, ,PHAS PHAM 'GYUR BA GSUNGS PAR SMROS, ,ZHES BYA BA YANG RUNG STE, DE LA DGRA BCOM MIN ZHES BYA BA NI DGRA BCOM PA LAS GZHAN PA SO SO'I SKYE BO'O, ,MA MIN PA ZHES BYA BA NI MA LAS GZHAN PA'I SEMS CAN MI'I 'GRO BAR SKYES PA'O, ,'DIR YANG LAN NI 'DI YIN TE, PHA MTSAN GYUR PA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG MAS DGE SLONG MA ZHIG BKUM LA DE YANG MA YANG MA LAGS, DGRA BCOM PA YANG MA LAGS NA, 'ON KYANG PHAS PHAM PAR 'GYUR ZHING MTSAMS MA MCHIS PA'I KHA NA MA THO BA'I LAS KYIS KYANG REG PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, DGE SLONG MA GANG GIS PHA RAB TU BYUNG ZHING BSNYEN PAR RDZOGS PAR GYUR LA, DE MTSAN GYUR NAS BSAD NA PHAS PHAM PAR YANG 'GYUR ZHING MTSAMS MED PA'I KHA NA MA THO BA'I LAS KYIS KYANG REG PAR YANG 'GYUR RO ZHES BYA BA YIN NO, ,DE BZHIN DU MDO BYED PAS KYANG MTSAN GYUR PA GNYIS LAS KYANG NGO ZHES BSHAD DO, ,GZHAN GYIS TSIG SMRAS GZHAN LA NI, ,ZHES BYA BA LA SOGS PA LA, GZHAN GYIS ZHES BYA BA NI DGE SLONG LA SOGS PAS SO, ,TSIG SMRAS PA NI TSIG TU BRJOD PA'O, ,GZHAN LA ZHES BYA BA NI BRJOD PAR 'DOD PA'I DGE SLONG 'GA' ZHIG LA'O, ,MYUR DU @126B ZHES BYA BA NI SKYEN PAR RO, ,'DI LA DON NI LTUNG BA'I RIS LNGA PO DAG NI CI RIGS PAR RANG GI NGAG DANG 'BREL PA YIN NA, 'ON KYANG GZHAN GYIS TSIG SMRA BA BYAS NAS DGE SLONG LA 'DI DAG 'BYUNG BA DE JI LTA BU YIN PA DE BRJOD PAR BYA'O ZHES BYA BA YIN NO, ,'DI LA LAN NI 'DI YIN TE, LAS BRJOD PA LA SOGS PA'I DBANG DU MDZAD NAS DE SKAD DU GSUNGS PA YIN TE, BTZUN PA GZHAN GYIS TSIG SMRAS LA DES SMRAS PA'I RKYEN GYIS GZHAN PHAS PHAM PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG MAS DGE SLONG GI DGE 'DUN MTHUN PAS DGE SLONG ZHIG MA MTHONG BA'I PHYIR BSKRAD PAR SHES BZHIN DU RJES SU PHYOGS SHING DGE 'DUN GYI NANG DU LAN GSUM GYI BAR DU BSGO YANG GTONG DU MI BTUB NA PHAS PHAM PAR 'GYUR RO, ,BTZUN PA GZHAN GYIS TSIG SMRAS LA DES SMRAS PA'I RKYEN GYIS GZHAN DGE 'DUN LHAG MAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG DGE 'DUN GYI DBYEN BYED PA DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA DGE 'DUN GYI NANG DU LAN GSUM GYI BAR DU BSGO YANG GTONG DU MI BTUB NA DGE 'DUN LHAG MAR 'GYUR RO, ,BTZUN PA GZHAN GYIS TSIG SMRAS LA DES SMRAS PA'I RKYEN GYIS GZHAN LA LTUNG BYED DU 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG GIS SDIG PA CAN GYI LTA BA YANG DAG PAR BLANGS LA BLANGS NAS 'DOR DU MI BTUB NA LTUNG BYED DU 'GYUR RO, ,BTZUN PA GZHAN GYIS TSIG SMRAS LA DES SMRAS PA'I RKYEN GYIS GZHAN LA SO SOR BSHAGS PAR BGYI BAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG KHYIM DAG TU MGRON DU BOS TE ZAN ZA LA DE NA YANG DGE SLONG MA BSKO SHAM BYED PA ZHIG YOD DE 'DI LA NI BZA' BA BYIN CIG ,'DI LA NI 'BRAS CHAN BYIN CIG ,'DI LA NI SRAN TSOD BYIN CIG 'DI LA NI MANG DU BYIN CIG ZER LA, DE LA MA BSGO BAR ZAN SO SOR BSHAGS PAR BYA BAR 'GYUR RO, ,BTZUN @127A *, ,PA GZHAN GYIS TSIG SMRAS LA DES SMRAS PA'I RKYEN GYIS GZHAN LA NYES BYAS SU 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG SO SOR THAR PA'I MDO GDON PAR 'DOD PA'I TSE DGE 'DUN GYI DBUS SU LAN GSUM GYI BAR DU BSGRAGS KYANG LTUNG BA DRAN BZHIN DU MI 'CHAGS NA DES SMRAS PA'I RKYEN GYIS NYES BYAS SU 'GYUR RO ZHES BYA BA LA SOGS PA YIN NO, ,JI LTAR DGE SLONG GCIG PU LA ZHES BYA BA LA SOGS PA LA, GCIG PU ZHES BYA BA NI GROGS MED PA LA BYA'O, ,PHAS PHAM PAR 'GYUR BA BZHI ZHES BYA BA NI MI TSANGS PAR SPYOD PA DANG, MA BYIN PAR LEN PA DANG, GSOD PA DANG, SMRA BA DANG ZHES PA DAG GO, ,DON BZHIN DU ZHES BYA BA NI YANG DAG PA JI LTA BA BZHIN DU'O, ,'DI LA BSAM PA NI ZLA ZHIG YOD NA PHAS PHAM PAR 'GYUR BA RNAMS 'BYUNG NGO ZHES BYA BA DE NI SHIN TU GRAGS NA, CI GCIG PU KHO NA LA PHAS PHAM PA BZHI 'BYUNG BA GANG YIN PA DE SRID PA YOD DAM MED BRJOD PAR BYA'O ZHES BYA BA 'DI YIN NO, ,'DI LA GTAN LA DBAB PAR BYA BA NI 'DI YIN TE, DUS GZHAN NA SBYOR BA BYAS PA'I DBANG DU MDZAD NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG GCIG PU GTZUG LAG KHANG DU ZHUGS PA LA PHAS PHAM PA BZHI 'BYUNG BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, MI TSANGS PAR SPYOD PA'I RKYEN GYIS JI LTA BU LAGS, DPER NA MTSAN RINGS DANG RGYAB MNYEN LTA BU'O; ,MA BYIN PAR LEN PA'I RKYEN GYIS JI LTA BU LAGS, 'DI LTAR DGE SLONG GIS SBYOR BA BYAS NAS GTZUG LAG KHANG DU ZHUGS NAS DE BRKUS NA'O, ,GSOD PA'I RKYEN GYIS JI LTA BU LAGS, 'DI LTAR DGE SLONG GIS SBYOR BA BYAS NAS GZHAL YAS KHANG DU ZHUGS LA DE YANG BSAD NA'O, , SMRA BA'I RKYEN GYIS JI LTA BU LAGS, 'DI LTAR DGE SLONG GIS 'DI SKAD DU BDAG NI DGRA BCOM PA BDAG NI SANGS RGYAS SO ZHES SMRAS SO ZHES BYA BA YIN TE, DON 'DI NI BSHAD ZIN MOD KYIS PHAS PHAM PA BZHI 'BYUNG BA'I SKABS KYIS YANG BSHAD DO, ,'DUL BA DRI BA'I TSIG LE'UR BYAS PA LE'U @127B BZHI PA'I GTAN LA DBAB PA'O,, ,,'DI LA GSOL BA'I LAS DANG NI, ,ZHES BYA BA LA SOGS PA LA 'DI LA ZHES BYA BA NI LAS DAG LA'O, ,GSOL BA NI BYED PAR 'GYUR BA'I LAS GO BAR BYED PA'O, ,GSOL BA NYID LAS YIN PAS GSOL BA'I LAS SO, ,DE BAS NA GSOL BA'I BDAG NYID KYI LAS DAG NI GSOL BA'I LAS TE, DE DAG DU ZHIG YOD CES BYA BA GRANGS SU ZHES BYA BA'I THA TSIG GO, ,DANG ZHES BYA BA NI BSDU BA STE, 'OG MA LA YANG DE DANG 'DRA'O, ,GSOL BAR BCAS PA'I LAS ZHES BYA BAR SBYAR TE, LAS NI BRJOD PA BZLAS PA ZHES BYA BA'I THA TSIG GO, ,DES NA GSOL BA DANG BCAS PA'I LAS NI DU ZHIG YOD CES BYA BAR SBYAR RO, ,LEGS GRAGS ZHES BYA BA NI KUN GYIS SHES PA STE, DE NI DON MI GSAL BA MA YIN NO ZHES BYA BA'I THA TSIG GO, ,DE ZHES BYA BA NI BSHAD MA THAG PA'O, ,RNAM PAR DBYE BA SMRA BAR GYIS ZHES BYA BAR SBYAR TE, RNAM PAR DBYE BA NI THA DAD PA NYID DO, ,DON GANG LAS DE SKAD DU GSUNGS ZHES BYA BA'I DON TE, 'BOD DE SMRA BAR GYIS ZHES SBYAR BAR BYA'O, ,'DI LA DON NI GSOL BA DANG, GSOL BA DANG GNYIS DANG, GSOL BA DANG BZHI'I LAS JI SNYED YOD PA DANG DE DAG GI RNAM PAR DBYE BA JI LTA BA BZHIN DE NI KUN LA GRAGS TE, DE LAS ZAB PA CI YANG MED PAS DE NI GSOL BA NYID LAS DE KHO BO LA 'BOD DE SMROS SHIG CES BYA BA YIN NO, ,'DI LA LAN NI 'DI YIN TE, DE NI LAS BRGYA RTZA GCIG GI DBANG DU MDZAD NAS GSUNGS PA YIN NO, ,DE BZHIN DU 'DIR GZHUNG NI, LAS DU ZHIG GIS LAS THAMS CAD BSDUS LAGS, BCOM LDAN 'DAS KYIS BKA' STZAL PA, GSUM GYIS TE, GSOL BA DANG LAS DANG, GSOL BA DANG GNYIS DANG, GSOL BA DANG BZHIS SO, ,BTZUN PA BCOM LDAN 'DAS KYIS LAS BRGYA RTZA GCIG BKA' STZAL PA GANG LAGS PA, DE LA GSOL BA'I LAS KYIS NI DU ZHIG BSDUS LA, GSOL BA DANG GNYIS KYI LAS KYIS NI DU ZHIG BSDUS, GSOL BA DANG BZHI'I LAS KYIS NI DU ZHIG BSDUS LAGS, BCOM LDAN 'DAS KYIS BKA' STZAL PA, GSOL BA'I LAS NI NYI SHU RTZA BZHI'O, ,GSOL BA DANG GNYIS KYI LAS NI @128A *, ,BZHI BCU RTZA BDUN NO, ,GSOL BA DANG BZHI'I LAS NI SUM CU'O ZHES BYA BA YIN NO, ,'DI DAG NI RNAM PAR DBYE BA YANG MDO BYED PAS BSHAD DE, GSANG DANG NANG DU DRI PHYIR DANG, ,GSO SBYONG DE LA LTUNG BCAS DANG, ,DE LA DGE 'DUN YID GNYIS DANG, , RTZOD DANG NGES NYID MA YIN DANG, ,DE YI DON DU LNGA PO DAG ,THAMS CAD DGAG DBYER GTOGS PA YIN, ,DBYAR GNAS KHAS BLANGS NYID DANG NI, ,SHI BA'I RDZAS DANG NOR 'DRA DANG, ,CHOS GOS SBYIN PAR BYA BA DANG, ,GNAS NGAN LEN NI BRJOD PA DANG, ,GRANGS SU GZHUG PA BZHI DAG DANG, ,KHYIM GYI SDOM DANG DE GZHIG DANG, ,LHUNG BZED KHAS BUB BYA BA DANG, ,DE NYID BZLOG PAR BYA BA DAG ,GSOL BA 'BA' ZHIG LAS YIN NO, ,GNAS DANG MTSAMS NI GNYIS PO DANG, ,MI 'BRAL SMYOS DANG DGAG DBYE DANG, ,GNAS MAL STOBS PAR BYED PA DANG, ,RUNG BA'I SA GZHI BSKO BA DANG, ,SRA BRKYANG DANG NI DE GDING DANG, ,SPONG DANG LAG GI BLA DANG NI, ,GNAS KHANG BSKO LA SOGS PA DANG, ,GZU DANG GSAL DANG SBED PA DANG, ,TSUL SHING 'DRIM PAR BYED PA DANG, ,KHANG PA KHANG CHEN BSTAN PA DANG, ,GLENG DANG 'BRAL BAR MI 'GYUR DANG, ,STAN DANG LHUNG BZED 'DRI MA PA DANG, ,MA DANG GO BYAR BYA BA DANG, ,STON PA DANG NI NAGS[?] NYAL DANG, ,PHYAG MI BYA DANG MANG PHYIR DANG, ,KHAR BA DRA BA'I PHYIR DANG NI, ,RNYED PA GCIG TU BYA PHYIR DANG, ,BSLAB PA SBYIN DANG NYER GNAS DANG, ,BU DANG NYE DU PHYIR 'GRO DAG ,GSOL DANG GNYIS KYI LAS YIN NO, , BSNYEN PAR RDZOGS PAR BYA BA DANG, ,MU STEGS GNAS DANG MTSAMS DGROL[?] DANG, ,MTHUN SBYIN GSO SBYONG BDUN PO DANG, ,BRGYAD DANG DRAN DANG MA SMYOS DANG, ,DE NYID TSOL DU GZHUG PA DANG, ,BSGO BAR BYA BA RNAMS DANG NI, ,NYAMS PA SBYIN PAR BYA BA DAG ,GSOL DANG BZHI YI LAS YIN NO, , 'DI NYID LA BRGAL BA DANG LAN DU BCAS PA'I TSIG LE'UR BYAS BA DAG CIG KYANG YOD DO, ,KHO BOS BYAS PA'I LAS BRGYA RTZA GCIG RNAM PAR DBYE BA YOD PAS DE YANG BLTA BAR BYA'O, ,GZHUNG MANGS KYIS DOGS NAS 'DIR NI NYE BAR MA BKOD DO, ,TSIG TU YANG NI MI SMRA LA, ,ZHES BYA BA LA SOGS PA @128B LA; TSIG TU SMRA BA NI TSIG TU BRJOD PA'O, ,MI SMRA LA ZHES BYA NI DGAG PA'O, ,LUS KYIS RTZOL BAR MI BYED PA, ,ZHES BYA BAR SBYAR TE, 'ANG ZHES BYA BA NI BSDU BA'O, ,MI BYED PA NI DGAG PA'O, ,LUS KYIS RTZOL BA NI LUS KYIS BYED PA'O, ,PHAS PHAM PA 'BYUNG BAR 'GYUR BA JI LTA BU YIN ZHES BYA BAR SBYAR RO, ,'DI LA DON NI PHAS PHAM PAR 'GYUR BA NI YANG NA NI TSIG RNAM BZHAG STE, DPER NA BLA MA SMRA BA LTA BU'O, ,YANG NA LUS KYIS BYED PA STE, DPER NA MI TSANGS PAR SPYOD PA LTA BU YIN NO, ,'ON KYANG LUS DANG NGAG GI BYED PA MED PAR DE 'BYUNG NGAM MI 'BYUNG BA JI LTA BA BZHIN DU KHO BO LA SMROS SHIG CES BYA BA 'DI YIN NO, ,'DI LA LAN NI 'DI YIN TE, PHAS PHAM PAR 'GYUR BA BCABS PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA TSIG TU YANG MI SMRA LUS KYIS RTZOL BA YANG MI BGYID PAR 'ON KYANG DGE SLONG MA MA LAGS PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG MAS DGE SLONG MA ZHIG PHAS PHAM PAR 'GYUR BA'I LTUNG BA BYUNG BA MTHONG LA, DE BCABS TE SKYA RENGS SHAR NA PHAS PHAM PAR 'GYUR RO ZHES BYA BA YIN NO, ,LTUNG BA'I RIS BYAS NA NI ZHES BYA BA LA SOGS PA LA BYAS NA ZHES BYA BA NI LHAG PAR SPYAD NAS SO, ,NI ZHES BYA BA NI MA BZOD PA'O, ,YANG NI ZHES BYA BA NI BSDU BA'O, ,MI BYED CING ZHES BYA BA NI DGAG PA'O, ,PHYIR 'CHOS PA NI LDOG PA'I BSAM PA'O, ,DAG PAR ZHES BYA BA NI LTUNG BA MED PAR RO, ,'DI LA DON NI NYES BYAS TZAM BYAS NAS GAL TE PHYIR MA BCOS NA, DE'I TSE DE NGES PAR MA DAG PA ZHES BYAS NA LTUNG BA'I RIS LNGA RIL 'BYUNG LA MA DAG PAR 'GYUR BA LTA SMOS KYANG CI DGOS TE, SRID PA YANG MED PA NYID NA'O, ,'ON KYANG BCOM LDAN 'DAS KYIS DAG PA NYID DU GSUNGS SO ZHES BYA BA DE JI LTA BU NYID DU YIN NA, BRJOD PAR BYA'O ZHES BYA BA 'DI YIN NO, ,'DE LA BSHAD PA NI 'DI YIN TE, MTSAN GYUR PA LA DGONGS NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA DGE SLONG MAS THUN MONG MA LAGS PA'I LTUNG BA RIS LNGA BYUNG LA, 'CHAGS PAR YANG @129A *, ,MI BGYID, PHYIR 'CHOS PAR YANG MI BGYID PAR LANGS PAR ZHES KYANG BRJOD LA, LTUNG BA MA MCHIS PAR YANG 'GYUR BLTA MCHIS LAGS SAM, BCOM LDAN 'DAS KYIS BKA' STZAL PA, YOD DE, MTSAN GYUR NA'O, ,'DI LA GZHUNG GZHAN YANG DGE SLONG THUN MONG MA LAGS PA'I LTUNG BA RIS LNGA PHYUNG LA DE MTSAN GYUR NAS DGE SLONG DU RED NA LANGS PA ZHES BRJOD PAR BYA'O ZHES BYA BA YIN NO, ,DE BZHIN DU MDO BYED PAS KYANG ZHING MA YIN PA NYID LA NI NYAMS SO ZHES BSHAD DO, ,GZHAN GYIS PHAS PHAM PAR 'GYUR LA ZHES BYA BA LA SOGS PA LA; GZHAN GYIS ZHES BYA BA NI MNGON PAR 'DOD PA'I DGE SLONG LA SOGS PA 'GA' ZHIG GIS SO, ,DE NI ZHES BYA BA NI SMOS MA THAG PA'O, ,DA LTAR ZHES BYA BA NI NGA'O, ,'DI LA DON NI DGE SLONG BDAG NYID GYIS PHAS PHAM PAR 'GYUR BA LHAG PAR SPYAD NA, PHAS PHAM PAR 'GYUR BA'I LTUNG BA RNAM PAR GZHAG GI, GZHAN GYIS BYAS NA GZHAN LA LTUNG BA 'BYUNG BA MA YIN NA ZHES BYA BA 'DI YIN TE, 'DI NI THE TSOM CAN GYI BLO GROS CAN 'DRI BA YIN NO, ,'DI LA LAN NI 'DI YIN TE, DGE SLONG MA LA BRTEN NAS DE SKAD DU GSUNGS PA YIN NO, ,DE BZHIN DU 'DIR GZHUNG NI, BTZUN PA GZHAN GYIS MI TSANGS PAR SPYAD PA BGYIS LA, GZHAN GYIS PHAS PHAM PAR 'GYUR BA LTA MCHIS LAGS SAM, BCOM LDAN 'DAS KYIS BKA' STZAL PA, YOD DE, 'DI LTAR DGE SLONG MAS DGE SLONG MA ZHIG MI TSANGS PAR SPYOD PA BYED PA MTHONG LA, DE BCABS NAS SKYA RENGS SHAR NA PHAS PHAM PAR 'GYUR RO ZHES BYA BA YIN NO, ,LTUNG BA KUN LA GANG GIS NI, ,ZHES BYA BA LA SOGS PA LA, LTUNG BA KUN LA ZHES BYA BA NI LTUNG BA'I RIS LNGA PO'O, ,GANG GIS ZHES BYA BA NI RGYU GANG GIS SO, ,BSTAN PA NI THA SNYAD DU BYA BA'O, ,BSDU BA NI KHONGS SU BSDU BA'O, ,'GYUR ZHES BYA BA NI BTUB PA'O, ,NGAG GIS KUN NAS BSLANG BA NI NGAG LA BRTEN NAS BYUNG BA'O, ,KHA NA MA THO BA CHEN PO NI NYES PA CHEN PO SKYED PA STE, DMYAL BA DAG TU DUS MTHA' YAS PA SDUG BSNGAL BA SKYED PA'I PHYIR RO ZHES BYA BA'I THA TSIG GO, ,LUS KYI ZHES BYA BA NI LUS LA BRTEN NAS ZHES BYA BA STE, KHA NA MA @129B THO BA CHEN PO'I LTUNG BA GANG YIN PA ZHES SPYAR BAR BYA'O, ,DGE 'DUN GANG ZAG LAS BYUNG ZHES BYA BA NI DGE 'DUN LA BRTEN NAS BYUNG BA STE, DGE 'DUN GYIS KUN NAS BSLANG ZHES BYA BA'I DON TO, ,DE BZHIN DU GANG ZAG LAS BYUNG BA NI GANG ZAG LA BRTEN NAS BYUNG BA STE, GANG ZAG GIS KUN NAS BSLANG BA ZHES BYA BA'I THA TSIG GO, ,'DOD CES BYA BA NI MNGON PAR 'DOD PA STE, MNGON PAR BSAMS ZHES BSHAD PAR 'GYUR RO, ,SROG GCOD CES BYA BA NI SROG GCOD PAS KUN NAS BSLANG BA STE, THAMS CAD DU KHA NA MA THO BA CHEN PO GANG YIN ZHES BYA BAR SBYAR RO, ,DANG ZHES BYA BA'I SGRA YANG THAMS CAD DU BSDU BA YIN TE, GSAL BAR BDAG LA SMRA BAR GYIS SHIG CES BYA BAR SBYAR RO, ,'DI LA DON NI RGYU GANG GIS LTUNG BA THAMS CAD KYI BSTAN PA DANG DE BZHIN DU BSDU BA RNAM PAR GZHAG ,NGAG GIS KUN NAS BSLANG BA'I LTUNG BA KHA NA MA THO BA CHEN PO NI GANG YIN, DE BZHIN DU LUS KYIS KUN NAS BSLANG PA'I NANG NAS KHA NA MA THO BA CHEN PO NI GANG YIN, PHRA MAS KUN NAS BSLANG BA DANG, GANG ZAG GIS KUN NAS BSLANG BA DANG, DGE 'DUN GYIS KUN NAS BSLANG BA DANG, SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BAS KUN NAS BSLANG BA'I LTUNG BA SDUG BSNGAL DPAG TU MED PA SKYED PAR BYED PA NI GANG YIN PA DRIS, DE RIM PA GSAL BA YANG DAG PA JI LTA BA BZHIN DU SMROS SHIG CES BYA BA 'DI YIN NO, ,'DI LA GTAN LA DBAB PA NI 'DI YIN TE, BSTAN PA NI SDOM PA MA YIN PA'O, ,BSDU BA YANG SDOM PA MA YIN PA'O, ,NGAG GIS KUN NAS BSLANG BA LA NI DE BZHIN GSHEGS PA LA MI SNYAN PAR BRJOD PA'O, ,LUS KYIS KUN NAS BSLANG BA LA NI NGAN SEMS KYIS KHRAG 'BYIN PA'O, ,PHRA MAS KUN NAS BSLANG BA LA NI DGE 'DUN GYI DBYEN NO, ,DGE 'DUN GYIS KUN NAS BSLANG BA LA NI DGE 'DUN GYI DBYEN NYID DE, ,GANG ZAG GIS KUN NAS BSLANG BA LA NI YANG DAG PA MA YIN PAR SKUR BA 'DEBS PA'O, ,SROG GCOD PAS KUN NAS BSLANG BA LA NI RANG SANGS RGYAS GSOD PA'O, ,MA BYIN PAR LEN PAS KUN NAS BSLANG BA LA NI DGE 'DUN GYI 'DU BA'I SGO 'PHROG @130A *, ,PA'O; ,MI TSANGS PAR SPYOD PAS KUN NAS BSLANG BA LA NI DGRA BCOM MA MI TSANGS PAR SPYOD PAS SUN 'BYIN PA'O, ,BRDZUN DU SMRA BAS KUN NAS BSLANG BA LA NI PHRA MA SMRA BA'O, ,DE BZHIN DU 'DIR GZHUNG GI DON GO RIMS BZHIN TE, DGE SLONG DAG RGYU GCIG GIS LTUNG BA THAMS CAD BSTAN PA YIN TE, 'DI LTA STE SDOM PA MA YIN PAS SO, ,'DI LA DON NI 'DI YIN TE, SDOM PA MA YIN PAS ZHES BYA BA NI MI LDOG PA'I BSAM PA STE, MI LDOG PA'I BSAM PA CAN LA NI BSHAGS PA LA SOGS PA'I SGRUB PA YOD DU ZIN KYANG LTUNG BA YOD DO ZHES BYA BAR BSTAN CING THA SNYAD GDAGS PA 'JUG GO ZHES BYA BA'I THA TSIG GO, ,MDO BYED PAS KYANG GZHAN LA NI DE DANG BCAS PA'I BSHAGS PA'O ZHES BSHAD PA'I PHYIR RO, ,RGYU GCIG GIS LTUNG BA THAMS CAD BSDUS PAR 'GYUR TE, 'DI LTA STE SDOM PA MA YIN PAS SO, ,'DI LA YANG DON NI DE KHO NAR ZAD DO, ,NGAG GIS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI DE BZHIN GSHEGS PA LA YANG DAG PA MA YIN PAS MI SNYAN PAR BRJOD PA GANG YIN PA'O, ,LUS KYIS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI DE BZHIN GSHEGS PA LA NGAN SEMS KYIS KHRAG 'BYIN PA GANG YIN PA'O, ,PHRA MAS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI DE BZHIN GSHEGS PA'I NYAN THOS KYI DGE 'DUN DBYE BAR RTZOM PA GANG YIN PA'O, ,DGE 'DUN GYIS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI 'DI LTA STE DGE 'DUN GYI DBYEN NO, ,GANG ZAG GIS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI, 'DI LTA STE YANG DAG PA MA YIN PAS SKUR PA 'DEBS PA'O, ,SROG GCOD PAS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI RANG SANGS RGYAS GSOD PA GANG YIN PA'O, ,MA BYIN PAR LEN PAS KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI DE BZHIN GSHEGS PA'I NYAN THOS KYI DGE 'DUN GYI 'DU BA'I SGO 'PHROG PA GANG YIN PA'O, ,MI TSANGS PAR SPYOD PAS @130B KUN NAS BSLANG BA'I LTUNG BA GCIG KUN GYI NANG NAS KHA NA MA THO BA CHE BA NI MA DGRA BCOM PA SUN 'BYIN PA'O, ,BRDZUN DU SMRA BAS KUN NAS BSLANG BA'I LTUNG BA GCIG KUN GYI NANG NAS SDIG PA CHE BA NI MI'I CHOS BLA MA BYED CING MI BDOG BZHIN DU BRJOD PA'O ZHES BYA BA YIN NO, ,'DI LTAR MJUG BSDU BA'I THABS KYIS DRI BA GCIG KHO NA ZHIG BSHAM PA'I RIM PAS DRI BAR BYA BA'I PHYIR, MANG DU SMRA YANG CI ZHIG DGOS, ,ZHES BYA BA LA SOGS PA SMOS TE, MANG DU SMRA ZHES BYA BA NI BSHAD MA THAG PA'I TSUL LAM, 'DUL BAR GTOGS PA MA BSHAD PA'O, , CI ZHIG DGOS ZHES BYA BA NI CIR YANG MI DGOS PA NYID DO ZHES BYA BA'I THA TSIG GO, ,MDOR SDUS SHIG CES BYA BA NI SPROS PA DANG BRAL BA STE, GANG GI PHYIR DRI BA ZAB MO RNAMS HA CANG ZAB MO BYAS NA, YUN RING PO ZHIG TU NYON MONGS PA DANG, KHYOD KHO PO LA MA RANGS PAR 'GYUR BA DE'I PHYIR; KHO BOS KHYOD LA MDOR BSDUS PA'I TSIG GCIG KHO NA CIG SMRA'O ZHES BYA BA'I DON TO, ,KHRO SPANGS ZHES BYA BA NI MI DGA' BA YONGS SU BTANG STE'O, ,MDZA' BAR GYUR BYAS NAS ZHES BYA BA NI BSHES SU BYAS NAS TE, KHRO SPANGS PHAN PAR 'DOD PAS G-YO DANG SGYU MED PAS KHYOD LA SMRA'I BRNYAS PAR 'DOD PAS NI MA YIN NO ZHES BYA BA'I THA TSIG GO, ,SDOM PA KUN LA BRTAN ZHES BYA BA NI, DGE BSNYEN DANG, DGE BSNYEN MA DANG, DGE SBYONG DANG, DGE SBYONG MA DANG, BSNYEN GNAS LA GNAS PA DAG LA'O, ,KUN MKHYEN GYIS ZHES BYA BA NI THAMS CAD MKHYEN PAS SO, ,SKYABS ZHES BYA BA NI DKON MCHOG GSUM LA SKYABS SU 'GRO BA STE, 'DIR NGAN SONG DMYAL BA LA SOGS PA'I SDUG BSNGAL 'JIGS PAR 'GYUR BAS SO, ,DGE SLONG NYID LAS ZHES BYA BA NI DGE SLONG GI SDOM PA LA'O, ,GSAL BAR ZHES BYA BA NI SAL SAL POR KHO BO LA SMROS SHIG CES BYA BAR SBYAR RO, ,'DI LA DON NI 'DUL BAR GTOGS PA'I DRI BA ZAB MO GZHAN YANG MANG PO ZHIG YOD DE DE DAG LA KHO BOS KHYOD LA DRI BA DRIS NA YUN RING MO ZHIG TU NYON MONGS PAR 'ONG BAS, DE'I PHYIR RE ZHIG LAG SPRAD PAS SNGON DU 'GRO BA'I GNAS PAS PHAN PAR 'DOD CING DE'I PHYIR DGE SLONG @131A *, ,GI SDOM PA YANG DAG PAR BLANGS PA'I DUS NA NI, DKON MCHOG GSUM LA SKYABS SU 'GRO BA MA GSUNGS LA, SKYABS SU MA SONG BA LA MIN ZHES 'BYUNG BAS GZHAN DAG LA NI GSUNGS ZHES BYA BA'I DRI BA GCIG CIG DRIS TE, KHO BO LA YANG DAG PA JI LTA BA BZHIN DU SMROS SHIG CES BYA BA 'DI YIN NO, ,'DI LA GTAN LA DBAB PA NI 'DI YIN TE, BSNYEN PAR RDZOGS PA ZHES SMOS PAS SKYABS SU 'GRO BA GRUB PA'I DBANG DU MDZAD NAS DE SKAD DU GSUNGS PA YIN TE, DE BZHIN DU 'DIR GZHUNG NI, DGE 'DUN BTZUN PA RNAMS KYIS BDAG BSNYEN PAR RDZOGS PAR BYA BAR MDZAD DU GSOL, DGE 'DUN BTZUN PA RNAMS KYIS BDAG RJES SU GZUNG DU GSOL ZHES BYA BA LA SOGS PA YIN NO, ,DE BZHIN DU 'GREL PA BYED PAS BSNYEN PAR RDZOGS ZHES BYA BA'I SGRA KHONG NAS DE'I DON 'GRUB PA'I PHYIR TE, BYA BA MA YIN PA THAMS CAD LAS LDOG PA'I MTSAN NYID YIN PA'I PHYIR RO, ,BDAG NYID THAMS CAD KYIS MYA NGAN LAS 'DAS PA KHAS LEN PA NI BSNYEN PAR RDZOGS PA STE, 'DI LTAR BSNYEN PAR RDZOGS PA NI MYA NGAN LAS 'DAS PA LA KHANG BSNYEN TE RNAM PAR GNAS PA YIN NO ZHES BSHAD DO, ,DE BZHIN DU YANG NGA'I NYAN THOS TSUL KHRIMS LDAN PA DE LA MTHO RIS NI RAS YUG GIS BAR DU CHOD PA TZAM MO, ,THAR PA NI YOL BAS CHOD PA TZAM MO ZHES GSUNGS SO, ,YANG, RAB TU BSNGAGS DANG NOR RNYED DANG, ,PHA ROL MTHO RIS DGA' BA YIS, ,BDE BA GSUNGS DON GNYER BYED PA, ,BLO DANG LDAN PAS TSUL KHRIMS BSTEN, ,GNAS GSUM DE DAG LEGS MTHONG BA'I, ,MKHAS PAS TSUL KHRIMS BSTEN PAR BYA, ,'PHAGS PA'I MTHONG BA'I PHUN TSOGS TE, ,'JIG RTEN NA NI ZHI PA BSTEN, ,ZHES GSUNGS SO, ,DE LTAR RNAM PA SNA TSOGS MANG PO BRJOD PAS GZHAN SPOBS PA MED PAR BYAS NAS MJUG BSDU BA DANG, DE LTAS 'DUL BA RGYA MTSO LAS, ,ZHES BYA BA LA SOGS PA SMOS TE, DE LTAS ZHES BYA BA NI BSHAD MA THAG PA'I RNAM PAR RO, ,BSDUS PA NI PHYUNG BA'O, ,GANG LAS SHE NA, RGYA MTSO LAS ZHES BYA BA SMOS TE, 'DUL BA RGYA MTSO CHEN PO LAS SO, ,JI LTAR RGYA MTSO DE GTING DANG PHA ROL MED @131B CES GRAGS PA DE BZHIN DU, 'DUL BA RGYA MTSO 'DI YANG, BYUNG BA DANG BCA' BA DANG, SNGON GYI GTAM DANG, RTOGS PA BRJOD PA DANG, SKYES PA RABS DANG, 'KHOR LO LTAR SBYAR BA DANG, MU BZHI PA LA SOGS PAS GTING DANG MTHA' MED DE, DE'I PHYIR RGYA MTSO NYID KYIS NYE BAR DPAG GO, ,DE LAS JI TZAM CIG BTUS SHE NA, DRI BA THIGS PA TZAM ZHES BYA PA SMOS SO, ,THIGS PA TZAM NI NYUNG ZHIG STE, TZAM ZHES BYA BA SMOS PAS NI, BRTAGS PAS HA CANG RNAM PA MANG PO BSAL TO, ,BRGYA ZHIG CES BYA BA NI RTOGS PAR DKA' BA'I DON DRI BA BRGAL ZHING BRTAG PA BRGYA ZHIG STE, TSIGS SU BCAD PA BKOD PA DON YONGS SU RDZOGS LA, PHAL CHE BA LAS BRTZAMS NAS, BRGYA ZHIG CES SMOS TE, 'ON KYANG LTUNG BA RNAM PAR RIG BYED CIG YIN NAM, GZUGS CAN ZHIG GAM, BSTAN DU YOD PA ZHIG GAM ZHES BYAS TE, DE LTA BU LA SOGS PA TSIGS SU BCAD PA'I SKABS NA, DRI BA LHAG PA DAG KYANG YOD DO, ,BDAG NI ZHES BYA BA NI 'DUL BA DRI BA'I TSIG LE'UR BYAS PA BYED PA BDAG NYID YIN PAR STON TO, ,'BAD DE ZHES BYA BA NI BSGRIMS NAS SO, ,'DIS NI DRI BA RNAMS ZAB PA NYID DU BSTAN TE, DON ZAB MO DPYAD PAR BYA BA LA, BDAG LTA BU BLO RTZING PO RNAMS KYIS BLO BAB COL DU GTING MI SLEBS SO ZHES BYA BA BRTZAMS PA'O, ,CI'I PHYIR ZHE NA, MA RANGS NAS ZHES BYA BA SMOS TE MA MGU NAS SO, ,YUL GANG LA MA RANGS SHE NA, BRNYAS BYED LA ZHES BYA BA SMOS TE, BRNYAS BYED CES BYA BA NI KHYAD DU GSOD PAR BYED PA'O, ,'DI LA DON NI BDAG KYANG SO SO'I SKYE BOR RAD PAS 'DUL BA DANG 'DUL BA 'DZIN PA LA BRNYAS PAR BYED PAS, THUGS THUB CAN NYID GO BDAG NYID KYI TSOD KYANG MI 'DZIN PAR, JI LTAR GZHAN LA BRNYAS PAR BYED SNYAM NAS MA RANGS TE, 'DUL BA RGYA MTSO LAS DRI BA NYUNG SHAS 'DI BTU BAR BYAS SO ZHES BYA BA YIN NO, ,DA NI DRI BA PHYED PAS BDAG NYID KYI TSIG DANG DON NGES PAR 'DZIN PAR GTOGS PA'I NYES PA BSHAGS SHING BLA MA DAG LA YANG BZOD PA GSOL BA NI, NONGS BGYIS BLA MAS THUGS RJES KYANG, ,ZHES BYA BA LA SOGS PA SMOS TE, NONGS BGYIS ZHES BYA BA NI DRI BA BYED PAS @132A *, ,TSIG DANG DON DU GTOGS PA'I NYES BYAS SO, ,BLA MAS ZHES BYA BA NI MKHAN PO DANG, 'DUL BA 'DZIN PA, 'DUL BAR GTOGS PA'I DON GYI RANG GYI NGO BO RTOGS PAR DKA' PA MA LUS PAR, RAB TU RNAM PAR 'BYED PA'I SGO NAS, SEMS DANG SEMS LAS BYUNG BA'I RGYUD GSAL BAR BYAS PA RNAMS KYIS SO, ,BCOS SHING ZHES BYA BA NI DON GYI BDAG NYID DANG TSIG GI BDAG NYID KYIS BCOS SHING NGO, ,BZOD PA MDZAD DU GSOL ZHES BYA BA NI, NYES PA BZOD PAR BYAS TE, NYES PA BKOD PAR GTOGS PA'I NYES PA BDAG LA BZOD PA MDZOD CIG PA'O, ,CI TSIG TZAM GYIS SAM ZHE NA, THUGS RJE ZHES BYA BA SMOS TE, THUGS RJE NI SDUG BSNGAL DANG SDUG BSNGAL GYI RGYU LAS DRANG BAR 'DOD PA'I BRTZE BA STE NGES SO, ,KYANG ZHES BYA BA NI BSDU BA STE, BCOS PA 'BA' ZHIG TU MA ZAD KYI THUGS RJE RGYUR GYUR PAS BZOD PA MDZOD CIG PA STE, BDAG NYID CHEN PO DE DAG NYES PA DU MA ZHIG GIS SKYON CHAGS SU ZIN KYANG, DE DAG GIS BYAS PA'I NYES PA LAS GDON PAR 'DOD PAS, THOG MAR DRANGS PA'I SNYING RJES SEMS KYI RGYUD BRLAN PAS NYES PA CHEN PO YANG BZOD DO, ,DE NYID KYI DON GZHAN NYE BAR DGOD PAS BSTAN PAR BYA BA'I PHYIR, MTHONG BA RNAMS KYIS LONG BA NI; ,ZHES BYA BA LA SOGS PA SMOS TE, MTHONG BA RNAMS KYIS ZHES BYA BA NI YANG DAG PA'I LTA BA PHUN SUM TSOGS PA RNAMS KYIS SO, ,LONG BA NI SHES RAB DANG BRAL BA STE, LONG PA DANG 'DRA BAR LONG BA YIN PAS SO, ,DAM PA'I LAM ZHES BYA BA NI YANG DAG PA'I LAM LA'O, ,CI ZHES BYA BA NI DRI BA'O, ,MI GZUNG BA ZHES BYA BA NI MI DGOD PA STE, DAM PA'I LAM LA DGOD PAR BYA BA NYID DO SNYAM DU BSAMS PA'O, ,'DI LA DON GYI PHYOGS GANG NA GANG ZAG 'DUL BA 'DZIN PA GNAS PA'I PHYOGS DE SNANG BAR 'GYUR BAR SNANG NGO, ,GSAL BAR 'GYUR PA DANG, RAB TU GSAL BAR 'GYUR BAR SNANG NGO ZHES GSUNGS PAS, BLA MA MI SHES PA'I MUN PA'I RAB RIB KYI LING TOG GI TSOGS DANG RNAM PAR BRAL BA, RIG PA KHA NA MA THO BA MED PAS GSAL BAR BYAS PA'I MIG CAN RNAMS KYI 'DUL BAR GTOGS PA'I DON GYI RANG GI NGO BO MTHUN PA DANG, MI MTHUN PAR RAB TU STON PA LA, BRTZON PA NYID KYIS @132B 'JIG RTEN GYI MIG TU GYUR PA YIN LA, DBANG GIS SNGA PHYI BRTAG PA'I MIG DANG BRAL BAS LONG BA LTA BU STE, DE BAS NA MA RIG PA'I MUN PAS DRI MA CAN DU BYAS PA'I YID DANG LDAN PA DAG DAM PA MA YIN PA'I LAM LAS BZLOG STE, LONG BAS THAG RING PO DANG PHRA BA DANG, BSGRIBS PA MI MTHONG BA BZHIN DU LAM DAM PA LA SHOG SHIG CES BYA BA 'DI YIN NO, ,DA NI 'DUL BA DRI BA'I TSIG LE'UR BYAS PAS KUN NAS BSLANG BA'I DGE BA MNGON BAR 'DOD PA'I 'BRAS BU'I KHYAD PAR DU YONGS SU BSNGO BAR BYA BA 'DUL BA'I DRI BA RNAMS BYAS NAS ZHES BYA BA LA SOGS PA SMOS SO, ,'DUL BA DRI BA RNAMS ZHES BYA BA NI 'DUL BAR GTOGS PA'I DRI BA NI 'DUL BA'I DRI BA STE, CHOS MNGON PAR GTOGS PA'I DRI BA DAG KYANG YOD PAS DE'I PHYIR 'DUL BA'I ZHES KHYAD PAR DU BYAS SO, ,BYAS NAS ZHES BYA BA NI BRTZAMS NAS SAM SMRAS NAS SO, ,DGE BA NI DGE LEGS SO, ,DKAR PO NI DKAR BA'O; ,JI LTA BU ZHI GA CE NA, ZLA BA LTA BUR ZHES BYA BA SMOS TE ZLA BA 'DRA BA'O, ,DRI MA MED PA ZHES BYA BA NI TSIG STE DGE BA DES SO, ,'GRO BA NI KHAMS GSUM PA'O, ,RTAG TU ZHES BYA BA NI DUS THAMS CAD DU'O, ,DGE BA ZHES BYA BA NI BKRA SHIS PAR RO, ,SHOG CES BYA BA NI GYUR CIG PA'O, , 'DI LA DON NI BDAG GIS 'DUL BA DRI BA'I TSIG LE'UR BYAS PA BSDEBS NAS, BSOD NAMS STON KHA'I ZLA PA'I 'OD ZER LTA BUR SHIN TU DKAR BA BSGRUBS PA DES KHAMS GSUM PA'I 'GRO BA 'DI'I NYON MONGS PA THAMS CAD RNAM PAR ZLOG PAR GYUR CIG CES BYA BA YIN NO, ,BDAG GIS 'DUL BA'I DRI BA NI, ,BSDUS PA RNAM PAR PHYE NAS GANG, ,DGE BA THOB PA DE YIS NI, ,'JIG RTEN DGE BSHES BYED PAR SHOG ,'DUL BA DRI BA'I TSIG LE'UR BYAS PA LNGA PA'I GTAN LA DBAB PA RDZOGS TE, 'DUL BA DRI BA'I TSIG LE'UR BYAS PA'I GTAN LA DBAB PA, SLOB DPON MDO SDE 'DZIN PA KA LY'A nA MI TRAS MDZAD PA RDZOGS SO,, ,,GAL TE BDAG NI RMONGS PA YIS, ,LAN ZHIG LEGS PAR MA THABS NA, ,'DI NI PHYOGS TZAM BSTAN PAR BYAS, ,MKHAS PAS BDE LEGS GDAB TU GSOL, ,SDUG CING GDUNG BA SEL BYED PA, ,JI LTAR 'DOD PA'I 'BRAS BU STER,, @133A *, ,GRIB MA STUG PO'I SHING MCHOG LTAR, ,GZHAN DON DGA' BA'I PHYIR 'KHRUNGS PA, ,KUN DGA' GO CHAS BDAG PA NI, ,SHIN TU BCOL TE DE YI PHYIR, ,CI DRAN BA ZHIG 'BAD DE BYAS, ,NGA RGYAL GYI NI PHYIR MA YIN, ,RGYA GAR GYI MKHAN PO DHARM'A KA RA DANG, ZHU CHEN GYI LO TZ'A PA BANDE DPAL BRTZEGS KYIS BSGYUR CING ZHUS TE GTAN LA PHAB PA, SHLO KA STONG DRUG BRGYA DRUG CU RTZA BZHI YOD DO,, #, ,RGYA GAR SKAD DU, BI NA YA STOTTRA, BOD SKAD DU, 'DUL BA LA BSTOD PA, DKON MCHOG GSUM LA PHYAG 'TSAL LO, ,DUL BA RGYAL PO RJE YI RIGS SU 'KHRUNGS, ,SLOB MA 'DUL MDZAD NYES PA RAB THUL BA, ,SANGS RGYAS 'DUL BA'I GTZO LA PHYAG 'TSAL TE, ,'DUL BA'I BSNGAGS PA CUNG ZAD BRJOD PAR BYA, ,PHA ROL MA MTHONG GTING RTOGS MA GYUR CING, ,GLAGS PA'I MUN NAG SLOB DPON TSOGS RNAMS KYI, , DBYE BA THA DAD 'DUL BA RGYA MTSO LA, ,YON TAN KUN BSTOD RTZOL BLO BDAG LA MED, ,JI LTAR 'DI NA SHING RTZA GTZO BO STE, ,RNAM PAR 'PHEL DANG KUN 'DZIN GNYIS KYI GZHI, ,DE BZHIN DAM CHOS TSOGS RNAMS KUN GYI YANG, ,RGYU DANG RTZA BA 'DUL BA YIN PAR GSUNGS, ,JI LTAR SA NI SKYE DGU RNAMS KYI GZHI, ,DE LAS 'BRU RNAMS SKYE BAR 'GYUR BA LTAR, ,DE BZHIN 'DUL BA'ANG SDOM BRTZON RNAMS KYI GZHI, ,DE BZHIN DE LAS BSOD NAMS RNAMS KYANG SKYE, ,TSUL KHRIMS YON TAN RNAMS KYI GNAS SU DGONGS, ,DE YI GNAS NI 'DUL BA YIN PAR GSUNGS, 'DI LA GNAS PAR GYUR NA MTHAR PHYIN 'GYUR, ,'DI LA ME GNAS MTHAR PHYIN GA LA 'GYUR, ,JI LTAR CHU LON MI PHYED SRA PA YIS, ,CHU KLUNG CHE YANG BZLOG PAR 'GYUR BA LTAR, ,DE BZHIN 'DUL BA 'PHAGS PA'I CHU LON 'DIS, ,TSUL KHRIMS 'CHAL BA'I CHU KLUNG BZLOG PAR 'GYUR, SANGS RGYAS RNAMS DANG RANG RGYAL RNAMS KYIS KYANG, ,BYANG CHUB GANG BRNYES THUB SLOB RNAM DAG PA'I, ,SEMS CAN DGRA BCOM YON TAN LDAN PA RNAMS, ,DE LA'ANG RGYU NI 'DUL BA YIN PAR GSUNGS, ,JI SRID 'GRO 'DIR RGYAL BA THAMS CAD KYI, ,MDZOD MCHOG 'DUL BA RDZOGS PA @133B 'DI GNAS PA, ,DE SRID CHOS SGRON 'DI NI GNAS 'GYUR ZHING, ,BZLOG PAR GYUR NA ZHI BA THOB PAR 'GYUR, ,SANGS RGYAS MI BZHUGS 'JIG RTEN TSIGS BCAD DANG, ,MDO SDE YAN LAG DE DANG DE DAG SPYOD, ,BSLAB 'JUG MED NA 'DUL BA'ANG MED 'GYUR BAS, ,DE PHYIR RGYAL BA DAG PAS CHES 'DI DKON, ,'JOG BRAL SEMS GLANG LCAGS KYU 'DI YIN TE, ,GDUL BYA MA DUL BA YI SRAB 'DI YIN, ,RA BA'I MTSAMS KYI 'OBS DANG 'DRA BA STE, ,ZAG PA KUN GYI CHU LON 'DUL BA YIN, ,RGYAL BA STON PA DE YI BSTAN BCOS DAG ,MDO DANG CHOS MNGON YIN GSUNGS 'DUL BA NI, ,STON DANG BSTAN BCOS DNGOS YIN DE YI PHYIR, ,GNYIS GYUR PHYAG BYAS SANGS RGYAS CHOS GCIG BZHIN, ,GANG LA BRTEN TE GNAS PA'I SANGS RGYAS RNAMS, ,DE LA GUS BCAS ZHE SAR BCAS 'GYUR ZHING, ,DE NI MGON PAS MGON YIN SKYABS GNAS YIN; ,DE PHYIR RAB BSGRIMS 'DUL LA PHYAG 'CHOL CIG ,GANG ZHIG STON PA THUGS RJE'I BSTAN PA LA, ,YANG BAR SEMS SHING CUNG ZAD 'DA' BYED PA, ,DE NI DE LAS SDUG BSNGAL GZHAN DBANG 'THOB, ,SMYIG TSAL BREGS PAS AA MRA'I TSAL NYAMS BZHIN, ,'DIN LA LAS RGYAL BU'I TSIG CHEN YANG, ,BZLAS NA LAN 'GA' CHAD PA THOB MI 'GYUR, ,THUB PA'I BKA' LUNG TSUL MIN BZLAS BYAS NA, ,DUD 'GROR 'GRO 'GYUR AE LA'I 'DAB KLU BZHIN, ,SO SOR THAR BYA GANG YIN PA, ,SANGS RGYAS 'DUL BA GANG CHEN MTSO, ,GTING MTHA' MED PA THAMS CAD KYI, ,GNAS PA'I SNYING DANG SNYING PO YIN, ,'DI NI DAM CHOS RGYAL PO YI, ,CHOS KUN GYI NI 'DREN PA MCHOG ,'DI NI DGE SLONG TSONG TSOGS KYI, ,BSLAB ZONG TSONG KHANG CHEN PO YIN, ,TSUL KHRIMS 'CHAL BAS ZIN RNAMS KYI, ,BDUG PA RNAMS SEL SMAN 'DI YIN,, 'DI NI LANG TSO RNAM 'KHRUL PA'I, ,RKANG GNYIS GZHON NU'I LCAGS KYU YIN, ,MTSO BAS ZAB PA'I 'KHOR BA LAS, ,SGROL BA'I RGAL THABS 'DI YIN TE, ,'DI NI BZANG 'GROR 'GRO BA YI, ,NGES PA'I CHU LON ZAB PA YIN, ,'DI NI NYON MONGS PHAM BYED LAM, ,RGYAL PO @134A *, ,YI NI 'DREN PA MCHOG ,'DI NI THAR PA'I GRONG 'JUG PA'I, ,THEM SKAS GZHI DANG 'DRA BAR GNAS, ,NGA NI MYA NGAN 'DAS GYUR NAS, ,'DI NI KHYED KYI STON PA ZHES, ,RANG BYUNG NYID KYIS GUS BYAS PAR, ,NAN TAN DGE SLONG TSOGS MDUN BSTOD, ,'DUL 'DI SO SOR THAR DE YI, ,RNAM 'BYED YIN PAR DGONGS PAS NA, ,THAR 'DOD RNAMS KYIS GUS BYA STE, ,'DI NI NAN TAN MNYAN PAR BYA, ,'DUL BA LA BSTOD PA BTZUN PA CHOS KYI TSONG DPON GYIS MDZAD PA RDZOGS SO,, ,,DBANG PHYUG DAM PA'I MNGA' BDAG DPAL LHA BTZAN PO'I BKA' LUNG GIS 'PHAGS PA GZHI THAMS CAD YOD PAR SMRA BA'I 'DUL BA 'DZIN PA KHA CHE BYE BRAG TU SMRA BA'I SLOB DPON DZIN MI TRA DANG, ZHU CHEN GYI LO TZ'A PA BANDE KLU'I RGYAL MTSAN GYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, BI NA YA STOTTRA PA DA BY'A KHY'A NA, BOD SKAD DU, 'DUL BA LA BSTOD PA'I TSIG GI RNAM PAR BSHAD PA, DKON MCHOG GSUM LA PHYAG 'TSAL LO, ,THUB PA SRID RGYUN THAMS CAD BRAL LA PHYAG 'TSAL TE, ,RNAM PAR 'CHAD 'DOD YID LDAN RNAM PAR 'BYED PA YI, ,YUL LA BSTOD PA'I NYAMS PAS YID KYI GAGS BSKYED PA, ,YANG DAG RNAM BSHAD TSUL GYIS ZHI BA THOB PAR BYA, ,SLOB MA GUS BAR BYAS TE 'DUL BA NYEN PA LA NGES PAR SBYOR BAR 'DOD PA ZHIG GIS GUS PA BSKYED PA'I PHYIR 'DUL BA'I YON TAN RNAM PAR 'BYED PA'I DANG POR 'DUL BA LA BSTOD PA, DUL BA RGYAL PO RJE YI RIGS SU 'KHRUNGS, ,SLOB MA 'DUL MDZAD NYES PA RAB THUL BA, ,SANGS RGYAS 'DUL BA'I GTZO LA PHYAG 'TSAL TE, ,'DUL BA'I BSNGAGS PA CUNG ZAD BRJOD PAR BYA, ,ZHES BYA BA LA SOGS PA BRTZAMS SO, ,DE LA 'DUL BA'I YON TAN DAG NI BRJOD PAR BYA'O, , DE RTOGS PAS 'DUL BA LA GUS PA'I DGOS PA'O, ,GUS PA DE YANG BSTOD PA 'DIS BYED PAS, ,THABS DANG THABS LAS BYUNG BA'I TSUL NI 'BREL PA'O, ,'DUL BA LA GUS PAS ZHUGS PA'I TSUL KHRIMS YONGS SU DAG NA 'PHAGS PA'I LAM BSGOMS PAS MYA NGAN LAS 'DAS PA THOB PA NI DGOS PA'I YANG @134B DGOS PA'O, ,DE LA 'DUL BA ZHES BYA PA NI, RANG GI CHOS LUGS SU GNAS PA DAG GO, ,RGYAL PO ZHES BYA BA NI MI'I BDAG PO DAG GO, ,DE DAG NI DUL BA YIN LA RGYAL PO YANG YIN PAS DUL BA RGYAL PO ZHES BYA'O, ,DE DAG GI RJE ZHES BYA BA NI RJE BO DAG STE, DUL BA RGYAL PO DAG GI RJE DPON MANG POS BKUR BA LA SOGS PA 'KHOR LOS SGYUR BA DAG GO, ,DE DAG GI RIGS ZHES BYA BA NI, RIGS RGYUD MA CHAD PA STE, DUL BA RGYAL PO DAG GI RJE'U RIGS SH'AKYA'I RIGS RGYUD DO, ,DE 'KHRUNGS ZHES BYA BA NI SKYES PA STE, 'DUL BA'I DON DU GSHEGS SHING 'DUL BA RGYAL PO DAG GI RJE'I RIGS SU 'KHRUNGS PA'O, ,DUL BA RGYAL PO DAG GI RJE'I RIGS SU 'KHRUNGS PA DE LA PHYAG 'TSAL TE ZHES BYA BA SBYAR TE DE GANG ZHE NA, 'OG NAS SANGS RGYAS 'BYUNG BA DANG SBYAR RO, ,DE JI LTAR SANGS RGYAS YIN NO, ,DON MTHUN PA'I MTSAN BSTAN PA'I PHYIR, SLOB MA 'DUL MDZAD NYES PA RAB THUL BA, ,ZHES BYA BA GSUNGS TE, GANG GIS SLOB MA RNAMS DNGOS PO THAMS CAD KYI MCHOG KHYAD PAR DU 'PHAGS PA MYA NGAN LAS 'DAS PAR KHRID PAR MDZAD PA DE NI SLOB MA 'DUL MDZAD CES BYA'O, ,GANG GI RGYUD LA KUN DU SPYOD PA'I DRI MA DAG RNAM PAR SMIN PA'I DRI MAS SKYON CHAGS PAR BYED PA'I NYES PA 'DOD CHAGS LA SOGS PA MCHOG TU ZHIG PAR GYUR CING, RANG GI RGYUD LA BAG CHAGS DANG BCAS PA PHYUNG BAR GYUR PA DE NI NYES PA RAB THUL BA ZHES BYA STE, DE LTA BU DE LA PHYAG 'TSAL TE ZHES BYA BAR SBYAR TE, THAMS CAD LA NI MA YIN NO, ,DE LA NYES PA RAB THUL BA ZHES BYA BA NYID KYIS NI NYON MONGS PA BAG CHAGS DANG BCAS PA SPANGS BA THUN MONG MA YIN PA NYE BAR BSTAN NAS GTI MUG GI GNYID MA LUS PA DANG BRAL PA'I PHYIR, SANGS RGYAS NYID DANG BDAG LA PHAN PA PHUN SUM TSOGS PA STON TO, ,SLOB MA 'DUL MDZAD CES BYA BA NYID KYIS NI, DNGOS PO THAMS CAD NGES PAR THUGS SU CHUD PA'I PHYIR SANGS RGYAS NYID DANG GZHAN LA PHAN PA PHUN SUM TSOGS PA STON TE, 'DI LTAR THAMS CAD MKHYEN PA MA YIN PAS NI RANG DBANG NYID KYIS 'DUL BA'I DON THAMS CAD JI LTA BA BZHIN BSGRUB PAR MI NUS TE, DE LA NYE BAR SBYAR BA'I DON RNAMS RNAM PA @135A *, ,THAMS CAD KHONG DU CHUD PA'I, DE LTAR BDAG LA PHAN PA PHUN SUM TSOGS PA DANG, GZHAN LA PHAN PA PHUN SUM TSOGS PA DANG LDAN PA DE GANG ZHE NA, DE'I PHYIR SANGS RGYAS ZHES BYA BA GSUNGS TE, DON THAMS CAD NGES PAR THUGS SU CHUD PA'I PHYIR RAM, NYON MONGS PA BAG CHAGS DANG BCAS PA'I GNYID DANG BRAL BA'I PHYIR, BCOM LDAN 'DAS NI SANGS RGYAS ZHES BYA STE, DE LA PHYAG 'TSAL TE ZHES BYA BAR SBYAR RO, ,DE LA PHYAG 'TSAL TE CI ZHIG BRJOD PAR BYA ZHE NA, 'OG NAS 'DUL BA'I BSNGAGS PA CUNG ZAD BRJOD PAR BYA ZHES 'BYUNG BAS BRJOD PAR BYA'O, ,'O NA RANG DBANG NYID KYIS 'DUL BA'I BSNGAGS PA BRJOD PAR BYA PA LA CI'I PHYIR SANGS RGYAS BCOM LDAN 'DAS LA PHYAG 'TSAL TE 'DUL BA'I BSNGAGS PA BRJOD PAR BYED CE NA, DE'I PHYIR 'DUL BA'I GTZO BO ZHES BYA BA GSUNGS TE, 'DI LTAR SANGS RGYAS BCOM LDAN 'DAS DE NI 'DUL BA 'DI'I GTZO BO YIN TE 'JUG PA MDZAD PA YIN PA'I PHYIR RO, ,DE'I PHYIR DE LA PHYAG 'TSAL TE 'DUL BA'I BSNGAGS PA BRJOD PAR BYA'O ZHES BYA BAR SBYAR RO, ,'DIS NI STON PAR MDZAD PA NYE BAR BSTAN NAS 'DUL BA LA SLOB MA DAD PAS RJES SU 'BRANG BA RNAMS KYIS SKYED PAR BYED DO, ,DE LTAR DUL BA RGYAL PO DAG GI RJE'I RIGS SU 'KHRUNGS LA SLOB MA RNAMS 'DUL BAR MDZAD PA, NYES PA RNAMS RAB TU THUL BA'I SANGS RGYAS 'DUL BA'I GTZO BO DE LA PHYAG 'TSAL LO ZHES BYA BA NI LUS DANG NGAG DANG YID DAG GIS PHYAG 'TSAL LO, ,STE ZHES BYA BA'I SGRA NI BRJOD PAR BYA ZHES 'OG NAS 'BYUNG BA DE BYA'O, ,STE ZHES DAM BCA' LA LTOS PA'I TSIG YIN NO, ,DE LTAR SANGS RGYAS BCOM LDAN 'DAS LA PHYAG 'TSAL TE CI ZHIG RJOD PAR BYED CE NA, DE'I PHYIR, 'DUL BA'I BSNGAGS PA CUNG ZAD BRJOD PAR BYA, ,ZHES BYA BA GSUNGS TE, BSNGAGS BA BRJOD PAR BYA STE ZHES BYA BAR SBYAR RO, ,GANG GI BSNGAGS PA ZHE NA, DE'I PHYIR 'DUL BA'I ZHES BYA BA GSUNGS TE, GANG GIS SLOB MA RNAMS MYA NGAN LAS 'DAS PAR 'GRO BA'I TSOGS PA BYE BRAG TU KHRID CING SLOB PAR BYED PA DE NI 'DUL BA ZHES BYA'O, ,DE YANG BYA BA DANG BYA BA MA YIN PA NYE BAR STON @135B PA NI; GZHUNG STONG PHRAG BRGYA PA'I TSAD LA BYA STE, DE'I'O, ,DE'I BSNGAGS PA ZHES BYA BA NI, BSNGAGS PAR BYA BA YIN PAS BSNGAGS PA STE, YON TAN NO, ,CI DE'I BSNGAGS PA THAMS CAD BRJOD PAR BYA'AM ZHE NA, DE'I PHYIR CUNG ZAD CES BYA BA GSUNGS TE, BDAG NYID RANG GIS THOS PA DANG, BSAM PA GANG YIN PA DE'I PHYOGS 'GAR GYUR PA DE'I BSNGAGS PA BRJOD PAR BYA'I THAMS CAD NI MA YIN TE, DE'I RNAM BA THAMS CAD NI BDAG DANG 'DRA BA DAG GIS BRJOD PAR MI NUS SNYAM DU BSAMS PA'O, ,DE LTAR 'DIR SPYI DON NI 'DI YIN TE, SLOB MA RNAMS GUS PA BSKYED PAR BYA BA'I PHYIR DANG, GDUL BAR BYA BA BSGRUB PA'I PHYIR SANGS RGYAS BCOM LDAN 'DAS 'KHOR LOS SGYUR BA'I RIGS SU GSHEGS PA BDAG LA PHAN PA PHUN SUM TSOGS PA BLA NA MED PA RJES SU BSGRUB PA 'DUL BA STON PAR MDZAD PA LA PHYAG 'TSAL TE, 'DUL BAR SMRA BAR 'DOD PA'I YON TAN RANG GI BLO DANG MTHUN PA CUNG ZAD CIG BRJOD PAR BYA'O ZHES BSTAN TO, ,CI'I PHYIR BSNGAGS PA THAMS CAD RJOD PAR MI BYED CE NA, DE'I PHYIR, PHA ROL MA MTHONG GTING RTOGS MA GYUR CING, ,GLAGS PA'I MUN NAG SLOB DPON TSOGS RNAMS KYI, ,DBYE BA THA DAD 'DUL BA'I RGYA MTSOL, , YON TAN KUN BSTOD RTZOL BLO BDAG LA MED, ,CES BYA BA GSUNGS TE, GANG GI PHYIR 'DUL BA RGYA MTSO 'DI'I PHA ROL MYA NGAN LAS 'DAS PA'I 'GRAM GNYIS MA MTHONG LA, BDAG GIS 'DI LA 'JUG PAR MDZAD PA DE BZHIN GSHEGS PA'I DGONGS PA'I GTING RTOGS PAR MA GYUR CING NGO BO NYID KYIS KYANG 'KHOR LO LTA BU'I 'DRES LA SOGS PA RAB KLONG GIS GLAGS PA'I MUN NAG LA RNAM PAR BSHAD PA BYED PA'I SLOB DPON TSOGS RNAMS KYI BLO'I DBYE BAS RNAM PA SNA TSOGS SU BSTAN PA THA DAD PAR GYUR PA DE'I PHYIR 'DUL BA RGYA MTSO LTA BU 'DI LA YON TAN KUN GZHI BSTONG PAR BRTZON ZHING 'BAD PA BDAG LA ME DPAS DES NA BSNGAGS PA CUNG ZAD BRJOD PAR BYA'I THAMS CAD MA YIN NO ZHES BYA BA'I THA TSIG GO, ,'O NA 'DUL BA'I BSNGAGS PA DE SMROS SHIG ,DE'I PHYIR, JI LTAR 'DI NA SHING RTZA GTZO BO STE, ,RNAM PAR 'PHEL DANG KUN 'DZIN GNYIS KYI GZHI, ,DE BZHIN DAM CHOS @136A *, ,TSOGS RNAMS KUN GYI YANG, ,RGYU DANG RTZA BA 'DUL BA YIN PAR GSUNGS, ,ZHES BYA BA GSUNGS TE, DE LA RNAM PAR 'PHEL DANG ZHES BYA BA NI KHYAD PAR DU 'PHEL BA STE, YAL GA DANG YAL GA GYES PA LA SOGS PA SKYE BA'O, ,KUN 'DZIN ZHES BYA BA NI CHUD MI 'DZA' BA'O, ,RNAM PAR 'PHEL BA DANG KUN 'DZIN GYIS TE, DE GNYIS KYI GZHI ZHES BYA BA RGYU'I GTZO BO NI RTZA BA YIN NO, ,DAM CHOS ZHES BYA BA NI MDZES PA'I CHOS TE, DON JI LTA BA BZHIN DU NYE BAR BSTAN TO, ,DE'I TSOGS ZHES BYA BA NI 'DUS PA STE, MDO SDE DANG CHOS MNGON BA LA SOGS PA'O, ,DAM PA'I CHOS KYI TSOGS DE RNAMS KUN GYI RNAM PAR 'PHEL BA DANG KUN 'DZIN PA'I RGYU DANG RTZA BA 'DUL BA YIN PAR BDAG NYID CHEN PO YIN PAR GSUNG NGO, ,'DI SKAD BSTAN TE, JI LTAR NA 'JIG RTEN 'DIN SHING N+YA GRO DHA LA SOGS PA'I SHING LJON PA'I RTZA BA SA'I NANG DU SONG BA'I SBUBS NI SHING LJON PA RNAM PAR 'PHEL BA DANG, KUN 'DZIN PA GNYIS KYI GZHI ZHES BYA BA RGYU'I GTZO BO DANG RGYU'I DNGOS PO YIN TE, DANG PO'I RGYU YIN PAS DE BZHIN DU THUB PA'I DBANG PO'I GSUNG RAB 'DI DAG THAMS CAD KYI RGYU DANG RTZA BA 'DUL BA'I SDE SNOD YIN PAR GSUNGS SO; ,'DI LTAR 'DUL BA'I GZHI DAG LA DAM PA'I CHOS KYI SHING LJON PA RNAMS KYI BSAM GTAN DANG GZUGS MED PA DANG DGE SBYONG GI TSUL GYI 'BRAS BU LA SOGS PA RNAM PAR 'PHEL DANG MA NYAMS PA'I DGE SLONG GI MTSAN NYID KUN 'DZIN PA DAG 'DUL BA'I RTEN GYIS 'BYUNG BA'I PHYIR RO; ,JI LTAR SA 'DI SKYE DGU KUN GYI GZHI, ,DE LAS 'BRU RNAMS SKYE BAR 'GYUR BA LTAR, ,DE BZHIN 'DUL BA'ANG SDOM BRTZON RNAMS KYI GZHI, ,DE BZHIN DE LAS BSOD NAMS RNAMS KYANG SKYE, ,ZHES BYA BA NI JI LTAR SA GZHI LA BRTEN TE SKYE DGU SEMS CAN DU BGRANG BA GZUGS KYI DNGOS PO RNAMS GNAS PAR 'GYUR BA DANG, TIL DANG GRO LA SOGS PA 'BRU'I BDAG NYID KYI 'BRU RNAMS SKYE ZHING 'BYUNG BAR 'GYUR BA DE BZHIN DU 'DUL BA LA BRTEN NAS SDOM BRTZON DGE SLONG DANG DGE TSUL LA SOGS PA RAB TU BYUNG BA RNAMS KYANG GNAS PAR 'GYUR TE, DES SDOM PA SKYE BA BSRUNG @136B BA DANG LEGS PAR SBYOR BA'I PHYIR RO, ,BYAMS PA BSGOM PA LA SOGS PA DGE BA'I CHOS BSOD NAMS RNAMS KYANG SKYE BAR 'GYUR RO, ,JI LTAR 'DUL BA SA DANG CHOS MTHUN PA YIN ZHE NA, DE PHYIR, TSUL KHRIMS YON TAN RNAMS KYI GNAS SU DGONGS, ,DE YI GNAS NI 'DUL BA YIN PAR GSUNGS, ,'DI LA GNAS PAR GYUR NA MTHAR PHYIN 'GYUR, ,'DI LA MI GNAS MTHAR PHYIN GA LA 'GYUR, ,ZHES BYA BA GSUNGS TE, 'DI LTAR DE LTA BAS NA TSUL KHRIMS 'DI DAG KUN DU BSTEN CING GOMS PAR BYAS LAN MANG DU BYAS NAS MCHOG NYID THOB PAR BYED DO ZHES GSUNGS PAS, TSUL KHRIMS NI BSAM GTAN LA SOGS PA YON TAN GYI GNAS DANG RTEN YIN PAR DE BZHIN GSHEGS PA RNAMS KYIS DGONGS LA TSUL KHRIMS DE'I GNAS NI 'DUL BA YIN PAR GSUNGS TE, DES DE'I RNAM PA THAMS CAD NYE BAR STON PA'I PHYIR RO, ,DE LTA BAS NA 'DUL BA SA DANG CHOS MTHUN PA NYID YIN NO, ,DE'I PHYIR PHAN YON DANG NYES DMIGS KYANG 'DI LTA BUR 'GYUR TE, GANG 'DUL BA 'DI LA GNAS PAR GYUR CING JI LTA BA BZHIN DU RJES SU SGRUB PAR BYED PA DE NI NYE BA'I PHYIR, MTHA' MYA NGAN LAS 'DAS PAR PHYIN PAR 'GYUR BAR SHES PAR BYA'O, ,GANG 'DUL BA 'DI LA MI GNAS SHING THAMS CAD JI LTA BA BZHIN DU RJES SU SGRUB PAR MI BYED PA DE NI, RE ZHIG MTHA' MYA NGAN LAS 'DAS PAR PHYIN PAR GA LA 'GYUR TE, SDIG PA'I LAS BSAGS PA LA SOGS PAS MYA NGAN LAS 'DAS PAR 'GRO BA'I LAM 'GAG PA'I PHYIR RO, ,GZHI NYID YIN PAS 'DUL BA LA BSTOD NAS, DA NI BSRUNG BA NYID KYIS STOD PAR BYED PAR, JI LTAR CHU LON MI PHYED SRA BA YIS, ,CHU KLUNG CHE YANG BZLOG PAR 'GYUR BA LTAR, ,DE BZHIN 'DUL BA 'PHAGS PA'I CHU LON 'DIS, ,TSUL KHRIMS 'CHAL PA'I CHU KLUNG BZLOG PAR 'GYUR, ,ZHES BYA BA NI, JI LTAR CHU LON MI PHYED SRA BA BYAS NA CHU KLUNG CHEN PO YANG ZLOG PAR BYED CES BSGYUR BA DE BZHIN DU, 'DUL BA LA 'PHAGS PAS BSTOD PAR 'OS PA CHU LON 'DI LTA BU 'DIS KYANG TSUL KHRIMS 'CHAL PA'I CHU KLUNG BZLOG PAR 'GYUR ZHING PHYIR SGYUR BAR BYED PA DE, 'DI LTAR TSUL KHRIMS 'CHAL BA'I RGYUR GYUR PA @137A *, ,BUD MED LA SOGS PA THAMS CAD ZLOG PAR BYED LA, DE LAS BYUNG BA'I TSUL KHRIMS 'CHAL PA NI SBYONG BAR STON PAR BYED PA'I PHYIR RO, ,DA NI BYANG CHUB GSUM GYI TSOGS NYID KYIS 'DUL BA LA BSTOD PA'I PHYIR, SANGS RGYAS RNAMS DANG RANG RGYAL RNAMS KYIS KYANG, , BYANG CHUB GANG BRNYES THUB SLOB RNAM DAG PA'I, ,SEMS CAN DGRA BCOM YON TAN LDAN PA RNAMS, ,DE LA'ANG RGYU NI 'DUL BA YIN PAR GSUNGS, ,ZHES BYA BA GSUNGS TE, SANGS RGYAS BCOM LDAN 'DAS KYIS BLA NA MED PA'I BYANG CHUB BRNYES PA GANG YIN PA DANG, RANG RGYAL DANG SANGS RGYAS RNAMS KYIS BYANG CHUB BAR MA BRNYES PA GANG YIN PA DANG, THUB PA BCOM LDAN 'DAS KYI SLOB MA RNAM PAR DAG PA'I SEMS CAN DAG PA'I TSOGS BSAGS PA RNAMS DGRA BCOM PA'I 'BRAS BU 'KHOR DANG BCAS PA'I YON TAN LDAN PAR GYUR PA 'PHAGS PA SH'A RI'I BU LA SOGS PA DE LA YANG RGYU NI 'DUL BA YIN PAR GSUNGS TE, DE TSUL KHRIMS BSTAN PA TSUL KHRIMS LA BRTEN TE, LAM BSGOM PA'I PHYIR RO, ,DA NI BSTAN PA'I RGYU NYID KYIS STOD PAR BYED DE, JI SRID 'GO 'DIR RGYAL BA THAMS CAD KYI, ,MDZOD MCHOG 'DUL BA RDZOGS PA 'DI GNAS PA, ,DE SRID CHOS SGRON 'DI NI GNAS 'GYUR ZHING, ,BZLOG PAR GYUR NA ZHI BA THOB PAR 'GYUR, ,ZHES BYA BA LA RDZOGS PA ZHES BYA BA NI TSANGS PA STE, GSOL BA DANG LAS LA SOGS PA LA 'JUG NUS PA'O, ,DE SRID CHOS SGRON 'DI NI GNAS 'GYUR ZHING, ,ZHES BYA BA'I SGRA NI NGES PAR GZUNG BA'I DON TO, ,NGES 'DIR DON DU NA DUS JI SRID DU 'GRO BA 'JIG RTEN 'DZAM BU'I GLING 'DIR RGYAL BA THAMS CAD KYI DAM PA'I CHOS KYI MDZOD KYI MCHOG 'DUL BA RDZOGS PA 'DI GNAS PAR 'GYUR BA'I DUS JI SRID KHO NA BZHIN GSHEGS PA'I CHOS KYI SGRON MA LHAG MA 'DI YANG GNAS PAR 'GYUR ZHING, DE LAS RDZOGS PAR 'GYUR BA 'DUL BA RDZOGS PAR NUS PAR GYUR NA DAM PA'I CHOS KYI SGRON MA LHAG MA YANG ZHI BA THOB PAR 'GYUR TE NUB PA KHO NAR 'GYUR RO ZHES BYA'O, ,DA NI DKON PAR BYED PA'I SGO NAS BSTOD PA NI, SANGS RGYAS MI BZHUGS 'JIG RTEN TSIGS BCAD DANG, ,MDO SDE YAN LAG DE DANG DE DAG SBYOD, ,BSLAB @137B 'JUG MED NA 'DUL BA'ANG MED 'GYUR BAS, ,DE PHYIR RGYAL BA DAG PAS CHES 'DI DKON, ,ZHES BYA BA LA MI BZHUGS ZHES BYA BAS NI MED PA'I DON BSTAN TO, ,DE DANG DE DAG CES BYA BA NI BZLAS PA'I TSIG STE, MANG BA NYID DU BSTAN TO, ,DES NA 'DI LTAR SANGS RGYAS MI BZHUGS SU ZIN KYANG, 'JIG RTEN 'DZAM BU'I GLING 'DI NI, ,'DOD PA KHYOD KYI RTZA BA SHES, KHYOD NI KUN DU RTOG LAS BYUNG, ,KHYOD LA KUN DU BRTAG MI BYA, ,DES NA NGAL KHYOD MI 'BYUNG, ,ZHES BYA BA LA SOGS PA TSIGS BCAD DE DANG DE LTA BU DAG DANG, LHA'I MDO LA SOGS PA MDO SDE'I YAN LAG DAM DUM MANG PO DE DANG DE DAG SBYOD PA YOD KYI, BCOM LDAN 'DAS BYUNG DU ZIN KYANG BSLAB PA 'JUG PA MED CING BSLAB PA BCA' BA MED NA 'DUL BA'ANG MED CING SBYOD PAR MI 'GYUR BAS DE'I PHYIR RGYAL BA SANGS RGYAS BCOM LDAN 'DAS DAG PAS KYANG CHES 'DUL BA 'DI DKON PA YIN NA, MDO SDE LA SOGS PA DAG PAS DKON PA LTA CI SMOS ZHES BYA BA'I THA TSIG GO, ,DE NI DPE'I SGO NAS BSTAN PA'I PHYIR, 'JOG BRAL SEMS GLANG LCAGS KYO 'DI YIN TE, ,GDUL BYA MA THUL 'DUL BA'I SRAB 'DI YIN, ,RA BA MTSAMS KYI 'OBS DANG 'DRA BA STE, ZAG PA KUN GYI CHU LON 'DUL BA YIN, ,ZHES BYA BA GSUNGS TE DE LA 'DIS SEMS DON RNAMS LA 'JOG PAR BYED PAS NA 'JOG PA NI TING NGE 'DZIN TO, ,'JOG PA DANG BRAL BA'I PHYIR 'JOG PA DANG BRAL BA NI MNYAM PAR MA BZHAG PA STE, DE NYID SEMS YIN PAS 'JOG BRAL SEMS SO, ,DE NYID GLANG PO CHE DANG MTHUN PA NYID YIN TE, 'JOG PA DANG BRAL BA'I SEMS NI GLANG PO CHE DANG 'DRA BAS 'JOG BRAL SEMS GLANG ZHES SMOS SO, ,GLANG PO CHE DE GNAS MA YIN PA LAS BZLOG CING GNAS BDE BAR 'JOG PAR BYED PA LCAGS KYO YIN PA DANG 'DRA BAR 'JOG PA DANG BRAL BA'I SEMS GLANG PO CHE DANG 'DRA BA DE GNAS MA YIN PA LAS 'BOG CING GNAS BDE BAR 'JOG PAR BYED PA'I LCAGS KYO YANG 'DUL BA YIN TE 'DRA BA'I PHYIR RO, ,GDUL BYA CES BYA BA NI 'DUL BAR BYA STE RTA'O, ,MA THUL BA CES BYA BA NI MA BSLABS PA STE SEMS KYI RTA 'DUL BAR BYA BA MTHUL BA DE 'DUL BA'I SRAB KYI KHA LCAGS DANG 'DRA BA YANG 'DUL BA 'DI @138A *, ,YIN TE, PHAN PA DANG GNOD PA LA 'JUG PA LDOG PAR BYED PA'I PHYIR RO, ,RA BA MTSAMS ZHES BYA BA NI RA BA'I PHYI MTSAMS TE DE'I 'OBS DANG 'DRA BA YANG 'DUL BA 'DI YIN TE, 'DA' BA DANG 'DA' BAR BYA BA MA YIN PA'I MTSAMS KYI MU THUG PA YIN PA'I PHYIR RO, , ZAG PA ZHES BYA BA'I GANG GIS 'DZAG PAR BYED PA NYON MONGS PA RNAMS GANG NAS 'DZAG PAR 'GYUR BA LUS DANG NGAG DANG YID KYI SGO DAG STE DE DAG KUN 'GOG PA'I CHU LON YANG 'DUL BA 'DI YIN TE 'DI LTAR NYON MONGS PA MNGON DU GYUR PA DAG DANG, DE LAS BYUNG PA'I LUS DANG NGAG DANG YID KYI LAS DAG KYANG 'DUL BAS ZLOG PAR BYED PA'I PHYIR RO, ,DA NI STON PA DANG 'DRA BA NYID KYIS BSTOD PA'I PHYIR, RGYAL BA STON PA DE YI BSTAN BCOS DAG ,MDO DANG CHOS MNGON YIN GSUNGS 'DUL BA NI, ,STON DANG BSTAN BCOS DNGOS YIN DE YI PHYIR, ,GNYIS 'GYUR PHYAG BYAS SANGS RGYAS CHOS GCIG BZHIN, ,ZHES BYA BA GSUNGS TE, 'DI LTAR RGYAL BA BCOM LDAN 'DAS NI STON PA YIN TE, BSTAN PA THAMS CAD 'DZUGS PAR MDZAD PA'I PHYIR RO, ,STON PA DE'I BSTAN BCOS DAG NI MDO SDE DANG CHOS MNGON PA DAG NI ZHES BYA BA GZHUNG DANG YIN PA DE GNYIS YIN PAR GSUNGS, DE GNYIS KYIS YONGS SU SMIN PA DANG RNAM PAR GROL BAR MDZAD PA'I PHYIR RO, ,'DUL BA NI DNGOS SU STON PA YANG YIN TE, DE BZHIN GSHEGS PA DANG 'DRA BAR RTAG TU GROL BA DANG, RNAM PAR MA GROL BA RNAMS RJES SU STON PA'I PHYIR RO, ,BSTAN BCOS DNGOS DANG YIN TE, GZHUNG GI RANG BZHIN YIN PA'I PHYIR RO, ,DE'I PHYIR 'DUL BA 'DI NI NGO BO NYID GCIG LAS GNYIS SU GYUR PA YIN TE, STON PA DANG BSTAN BCOS KYI NGO BO NYID DU GYUR PA YIN PAS 'DUL BA 'DI NI PHYAG BYA BA'I 'OS YIN TE, 'DI LA NGES PA KHO NAR PHYAG BYA'O, , CI ZHIG DANG 'DRA BAR GNYIS SU GYUR PA YIN ZHE NA, CHOS MTHUN PA'I DPE BSTAN PA'I PHYIR, SANGS RGYAS CHOS GCIG BZHIN ZHES BYA BA'I DPE GSUNGS TE, DPER NA SANGS RGYAS BCOM LDAN 'DAS DANG CHOS NI NGO BO NYID THA DAD PA MA YIN TE, THAMS CAD MKHYEN PA NYID YIN PA'I PHYIR @138B DE SANGS RGYAS BCOM LDAN 'DAS YIN LA, MYA NGAN LAS 'DAS PA THOB PAR MDZAD PA'I PHYIR STON PA YANG YIN LA GZHUNG GI RANG BZHIN YIN PA'I PHYIR NI BSTAN BCOS YIN PAS DE'I PHYIR STON PA DANG, BSTAN BCOS KYI NGO BO NYID DU GYUR PA DE NI PHYAG BYA BA'I 'OS KHO NA YIN NO, ,DA NI DE BZHIN GSHEGS PA BAS KYANG BLA MA YIN PA'I PHYIR 'DI LA PHYAG BYA BA NYID DU BSTAN PA'I PHYIR RO, ,GANG LA BRTEN TE GNAS PA'I SANGS RGYAS RNAMS, ,DE LA GUS BCAS ZHE SAR BCAS 'GYUR ZHING, ,DE NI MGON PAS MGON YIN SKYABS GNAS YIN, ,DE PHYIR RAB BSGRIMS 'DUL LA PHYAG 'TSOL CIG ,CES BYA BA GSUNGS TE 'DUL BA GANG LA BRTEN CING GNAS PA DE DANG 'GAL RKYEN KUN TU MI SPYOD PA THA SNYAD MDZAD PA'I SANGS RGYAS BCOM LDAN 'DAS RNAMS 'DUL BA DE LA NGO BO NYID KHO NAS GUS PA DANG BCAS PA DANG DE LA 'JIG RTEN GYIS SMAD PA'I DBANG GIS DGONGS PA GTOD PA'I SGO NAS ZHE SA DANG BCAS PAR 'GYUR BA DE DANG 'DRA BA'I 'DUL BA 'DI LA RAB TU BSGRIMS TE PHYAG 'TSOL CIG CES BYA BAR SBYAR RO, ,CI'I PHYIR ZHE NA, DE NI MGON PAS MGON YIN SKYABS GNAS YIN, ,ZHES BYA BA GSUNGS TE, GANG GI PHYIR 'DUL BA DE NI BDAG CAG GI BLA MA MGON PO SANGS RGYAS BCOM LDAN 'DAS BAS KYANG BLA MA MGON YIN TE, DE DE LA GUS PA DANG BCAS ZHES DANG BCAS PA'I PHYIR DANG, 'DUL BA DE NI SKYABS YIN TE KHYIM YONGS SU SBONG BA DANG, BRTUL ZHUGS KYI BGO BSHA' LEGS PAR BYED PA'I RGYU YIN PA'I PHYIR DANG, 'DUL BA DE NI GNAS YIN TE BRTUL ZHUGS BLANGS PA RNAMS LA SKYOB BA DANG SRUNG BA DANG BRTUL ZHUGS KYANG YONGS SU SRUNG BAR BYED PA DE'I PHYIR RAB TU BSGRIMS LA 'DUL BA 'DI LA NGES PA KHO NAR PHYAG 'TSOL CIG CES BYA BA'I THA TSIG GO, ,DA NI GNOD PA'I RGYU NYID KYIS GUS BA SKYED PA'I CHED DU BSTOD PA'I PHYIR, GANG ZHIG STON PA THUGS RJE'I BSTAN PA LA, ,YANG BAR SEMS SHING CUNG ZAD 'DA' BYED PA, ,DE NI DE LAS SDUG BSNGAL GZHAN DBANG 'THOG ,SMYIG TSAL BREGS PAS AA MRA'I TSAL NYAMS BZHIN, ,ZHES BYA BA GSUNGS TE, RAB TU BYUNG BA BAG MED PA DANG LDAN PA GANG LA LA ZHIG STON @139A *, ,PA BCOM LDAN 'DAS THUGS RJE DANG LDAN PAS PHAN PA NYE BAR STON PA BSTAN PA LA 'DUL BA LAS GSUNGS PA'I BKA' LUNG LA BCAS PA'I KHA NA MA THO BA YANG YIN PAS DE LAS 'DAS NA NYES BYAS LA SOGS PA JI TZAM 'BYUNG SEMS SHING RTOG PA NA DON MED PA NYID DO SNYAM DU BLO SNGON DU GTONG ZHING CUNG ZAD 'DA' ZHING 'GAL BA BYED PA'I RAB TU BYUNG BA BAG MED PA DANG LDAN PA DE NI BSTAN PA LAS 'DAS PA DE LAS 'JIG RTEN PHA ROL DU LUS DANG SEMS KYI SDUG BSNGAL CHEN POS GDUNG BAR BYED PA'I SEMS CAN DMYAL BA'I SRUNG MA LA SOGS PA DANG 'BREL GZHAN LA RAG LAS SHING GZHAN GYI DBANG DU GYUR PA THOB PAR 'GYUR BAS DE'I PHYIR STON PA'I PHYIR BSTAN PA RJES SU BSGRUB BAR BYA'O ZHES BYA BA'I THA TSIG GO, ,DE NYID DPES BSTAN PA'I PHYIR, SMYIG TSAL BREGS PAS AA MRA'I TSAL NYAMS BZHIN, ,ZHES BYA BA GSUNGS TE, DPER NA RGYAL POS AA MRA'I TSAL BSRUNG BA'I PHYIR, KHOR KHOR YUG TU SMYIG MA TSER MA CAN GYI TSAL GYIS BSKOR BA BYAS MI BAG MED PA LA LA ZHIG GIS 'DI NI DGOS PA MED DE KHYOD YANG BA MA YIN SNYAM DU SEMS SHING BREGS PAS, AA MRA'I TSAL LA'ANG RTA LA SOGS PA DAG GIS ZOS PA LA SOGS PA DAG GIS NYAMS SHING GNOD PAR 'GYUR BA NI MI DE LA GZHI DES RGYAL PO KHYOS PA LA SOGS PAS CHAD PA RNGAM PO CHE LA GTUGS PA LAS BYUNG BA'I SDUG BSNGAL THOB PAR 'GYUR BA DE BZHIN DU 'DIR YANG BCAS PA'I KHA NA MA THO BA DANG BCAS PA SMYIG MA'I TSAL LTA BU DE LAS 'DAS SHING RANG BZHIN GYI KHA NA MA THO BA AA MRA'I TSAL LTA BU DE NYAMS PAS NA RGYAL PO KHROS PA LA SOGS PA LTA BU RGYAL BA'I BKA' KHYAD DU BSAD CING, BSLAB PA DRAL BA DE LAS RGYAL PO'I CHAD PA'I SDUG BSNGAL GZHAN GYI DBANG DU GYUR PA THOB PA LTA BU 'JIG RTEN PHA ROL DU DMYAL BA'I SRUNG MA LA SOGS PAS GNOD PA'I SDUG BSNGAL CHEN PO 'THOB PAR 'GYUR BAS DE'I PHYIR, BCAS PA'I KHA NA MA THO BA YANG SMYIG MA'I TSAL LTA BU DE NYID LAS GUS PA DANG BCAS PAS BSRUNG BAR BYA'O, ,DA NI KHYAD DU GSOD PA DANG BCAS PA'I KHA NA MA THO BA DANG BCAS PA LAS 'DAS PA'I NYES PA BRJOD PA'I PHYIR, 'DI NA LA LAS RGYAL PO'I TSIG CHEN @139B LAS; ,BZLAS NA TSUL MIN CHAD PA THOB MI 'GYUR, ,THUB PA'I BKA' LUNG TSUL MIN BZLAS BYAS NA, ,DUD 'GROR SKYE 'GYUR AE LA'I 'DAB KLU BZHIN, ,ZHES BYA BA GSUNGS TE, 'JIG RTEN 'DI NA SKYE BO LA LAS MA GUS PAS RGYAL PO'I TSIG CHEN PO YANG BZLAS NA LAN 'GAS BYAMS PA'I GNAS LTA BU'AM, G-YUL 'KHRUG PA LA SOGS PA'I GNAS SKABS NA RGYAL PO'I CHAD PA MI THOB PA YANG SRID KYI, THUB PA BCOM LDAN 'DAS THUGS RJE DANG LDAN PA PHAN PA MDZAD PA BLA NA MED PA'I BKA' LUNG BSLAB PA TSUL MA YIN PAS KHYAD DU GSOD PAS BCAS PA'I KHA NA MA THO BA DANG BCAS PA TZAM YANG BZLAS PA BYAS NA, PHAL CHER NGAN SONG DUD 'GRO'I SKYE GNAS SU 'GRO BAR 'GYUR BAS DE'I PHYIR GUS BA ZHES BYA'O, ,DE NYID DPES BSTAN PA'I PHYIR AE LA'I 'DAB KLU BZHIN ZHES BYA BA GSUNGS TE, BCOM LDAN 'DAS 'OD SRUNGS KYI DGE SLONG SPONG BA PA DES 'CHAG PA'I CHO MGO BO'I STENG DU SHING AE LA'I 'DAB MAS REG PA NA BCOM LDAN 'DAS KYI BKA' KHYAD DU BSAD DE, SHING AE LA'I 'DAB MA DE BCAD PAS GZHI DES DGE SLONG DE KLU AE LA'I 'DAB MA ZHES BYA BAR SKYES TE MGO LA SHING AE LA'I 'DAB DRUD CIG SKYES SHING DE 'GUL BA NA SDUG BSNGAL GYI TSOR BA MI BZAD PA RTZUB PA TSA BA NYAMS SU MYONG STE, DE NAS KHRAG DANG RNAG 'BAB PAS ZAS SU ZA BAR GYUR PA LTA BU DANG DE DANG 'DRA BA GZHAN DAG TU YANG 'GRO BAR 'GYUR BA'O, ,DA NI SO SOR THAR PA'I RNAM PAR BSHAD PA NYID KYIS 'DUL BA LA BSTOD PA'I PHYIR, SO SOR THAR BYA GANG YIN PA, ,SANGS RGYAS 'DUL BA GANG CHEN MTSO, ,GTING MTHA' MED PA THAMS CAD KYI, ,GNAS PA'I SNYING DANG SNYING PO YIN, ,ZHES BYA BA LA SOGS PA'I TSIGS SU BCAD PA DRUG GSUNGS SO, ,DE LA DON NI 'DI YIN TE GANG GI PHYIR SO SOR THAR PA ZHES BYA BA GANG YIN PA DE NI YON TAN DANG PHAN YON DU MAS YANG DAG PAR RGYAS PA YIN PAS RNAM PAR 'BYED PA DANG PHYAN [?]TSAGS[?] LA SOGS PA 'DUL BA 'DI DAG THAMS CAD NI SO SOR THAR PA DE'I RGYA CHER BSHAD PA YIN PAR GSUNGS PA DE'I PHYIR THAR PA 'DOD PA DAG GIS 'DUL BA 'DI LA GUS PAS MNYAN PA'I SPRO BA BRTAN PO BYA'O ZHES STON TO, ,'O NA @140A *, ,SO SOR THAR PA ZHES BYA BA DE JI LTA BU ZHIG YIN ZHE NA, DE'I PHYIR, SO SOR THAR BYA GANG YIN PA, ,ZHES BYA BA LA SOGS PA GSUNGS TE, DE LA SANGS RGYAS KYIS GSUNGS PA'I 'DUL BA GANG CHEN MTSO ZHES BYA BA RGYA MTSO LTA BU GANG LA GTING ZHES BYA BA NI KUN NAS SLONG BA DANG MTHA' ZHES BYA BA NI 'BRAS BU DE GNYIS DPAG TU MED PA NI SANGS RGYAS KYI 'DUL BA GANG CHEN MTSO STONG PHRAG BRGYA PA THAMS CAD KYI GNAS PA ZHES BYA BA MTSAN NYID RNAM PAR GZHAG PA DE'I SNYING ZHES BYA BA 'PHEL BA DANG SA BON DANG KUN NAS SLONG BA DANG, SNYING PO ZHES BYA BA BSTAN PA RNAM PAR MI G-YO BA NI SO SOR THAR PA ZHES BYA BA NI SDIG PA LAS THAR PA'AM 'KHOR BA LAS THAR PA MDO'I SDER BSTAN PA YIN NO, ,'DI NI DAM CHOS RGYAL PO YI, ,CHOS KUN GYI NI 'DREN PA'I MCHOG ,'DI NI DGE SLONG TSONG TSOGS KYI, ,BSLAB ZONG TSONG KHANG CHEN PO YIN, ,ZHES BYA BA NI SO SOR THAR PA 'DI NI DAM CHOS RGYAL PO ZHES BYA BA, SANGS RGYAS BCOM LDAN 'DAS GYI MDO SDE LA SOGS PA BSTAN PA'I CHOS KUN GYI 'DREN PA MCHOG YIN TE BLON PO RIN PO CHE DANG 'DRA'O ZHES BYA BA'I THA TSIG GO, ,YANG DE NYID BYE BRAG TU BYA BA'I PHYIR, 'DI NI DGE SLONG TSONG TSOGS KYI, ,BSLAB ZONG TSONG KHANG CHEN PO YIN, ,ZHES BYA BA GSUNGS TE, SO SOR THAR PA 'DI NI MYA NGAN LAS 'DAS PA'I NOR BU RIN PO CHE 'DOD PA'I DGE SLONG TSONG PA'I TSOGS 'GRON PA RNAMS KYI BSLAB ZONG TSUL KHRIMS KYI NOR GANG YIN PA DE'I TSONG KHANG CHEN PO ZHES BYA BA ZONG BCER BA'I GNAS DANG 'DRA BA YIN NO; ,TSUL KHRIMS 'CHAL PAS ZIN RNAMS KYI, ,GDUG PA RNAM SEL SMAN 'DI YIN, ,'DI NI LANG TSOS RNAM 'KHRUL PA'I, ,RKANG GNYIS GZHON NU'I LCAGS KYO YIN, ,ZHES BYA BA NI GANG DAG TSUL KHRIMS 'CHAL PA BSLAB PA RAL PA LHAG MA DANG BCAS PA SPRUL CHEN POS MYUR DU KHYAB PAR BYED PAS ZIN CING REG PA, DE RNAMS KYI LTUNG BA GDUG PA RNAM SEL CING RNAM PAR 'GOG PA'I SMAN GNOD PA SEL BA NI SO SOR THAR PA 'DI YIN TE, 'DIS DE SBYOR BAR BYED PA STON PA'I PHYIR RO, ,SO SOR THAR PA 'DI NI GANG DAG LANG TSO GZHON PA NYID RNAM PAR 'KHRUL ZHING RMONGS PA'I @140B MI DANG GNYIS GZHON NU DE DAG GI LCAGS KYO DANG 'DRA BA'I PHYIR BZLOG PA YIN TE, BSNYIL BA DANG YONGS SU GNAS PA SPYAD PA LA SOGS PA'I NYES DMIGS STON PAS KUN TU SKRAG PAR BYED PA YIN PA'I PHYIR RO, ,MTSO BAS ZAB PA'I 'KHOR BA LAS, ,SGROL BA'I RGAL THABS 'DI YIN TE, , 'DI NI BZANG 'GROR 'GRO BA YI, ,NGES PA'I CHU LON ZAM PA YIN, ,ZHES BYA BA NI RGYA MTSO DUG CAN PAS KYANG ZAB CING GTING SLEB PAR DKA' BA 'GRO BA LNGA'I 'JIG RTEN GANG YIN PA DE LAS SGROL CING RNAM PAR GROL BAR 'GYUR BA'I RGAL THABS ZAM PA DANG, GRU DANG GZINGS DANG RGYAL BA LA SOGS PA LTA BU NI SO SOR THAR PA 'DI YIN TE, TSUL KHRIMS RNAM PAR DAG PA NI LAM SKYE BA'I PHYIR RO, ,SO SOR THAR PA 'DI NI BZANG 'GROR 'GRO ZHING 'JUG PA'I NGES PA BSTAN PA GCIG TU GYUR PA'I CHU LON ZAM PA ZHES BYA BAS GZHI DANG 'BREL BA'I RGYUN SA YIN TE TSUL KHRIMS NI BDE 'GRO'I RGYU YIN PA'I PHYIR RO, ,'DI NI NYON MONGS PHAM BYED LAM, ,RGYAL PO YI NI 'DREN PA MCHOG ,'DI NI THAR PA'I GRONG 'JUG PA'I, ,THEM SKAS GZHI DANG 'DRA BAR GNAS, ,ZHES BYA BA NI SO SOR THAR PA 'DI NI 'DOD CHAGS LA SOGS PA NYON MONGS PA PHAM ZHING SPANG BAR BYA BA, 'PHAGS PA'I LAM MI'I BDAG PO RGYAL PO DANG 'DRA BA'I 'DREN PA SNYING TSOGS MCHOG LTA BU YIN NO, ,SO SOR THAR PA 'DI NI THAR PA MYA NGAN LAS 'DAS PA'I GRONG KHYER BRTZEGS MAR 'JUG CING 'DZOG PA'I LAM GYI SKAS KYI THEM DANG PA DANG 'DRA BAR GNAS TE, LAM GYI GZHI NI TSUL KHRIMS YIN PA'I PHYIR RO, , NGA NI MYA NGAN 'DAS GYUR NAS, ,'DI NI KHYOD KYI STON PA ZHES, ,RANG BYUNG NYID KYIS GUS BCAS PA DANG, ,NAN TAN DGE SLONG TSOGS MDUN BSTOD, ,CES BYA BA NI STON PA CHEN PO BCOM LDAN 'DAS YONGS SU MYA NGAN LAS 'DAS PA'I TSE NA, DGE SLONG DAG DA PHYIN CHAD BDAG CAG LA STON PA MED PAR 'GYUR RO SNYAM DU DOGS PA BZLOG PA'I PHYIR 'DI SKAD CES, NGA MYA NGAN LAS 'DAS PAR GYUR PA NA SO SOR THAR BA 'DI KHYOD LA STON PA BYED PAR 'GYUR BAS 'DI NI KHYOD KYI STON PA YIN NO ZHES RANG BYUNG GZHAN GYI LUNG BSTAN MED PA'I MKHYEN PA BRNYES PA SANGS RGYAS BCOM LDAN 'DAS NYID KYIS @141A *, ,RANG GI ZHAL NAS GUS PA DANG BCAS PAR DGONGS PA GTAD DO, ,NAN TAN DU DGE SLONG RNAMS LA BKA' STZAL NAS DGE SLONG GI TSOGS DGE 'DUN GYI MDUN DU BSTOD PA MDZAD PAS, DE'I PHYIR 'DI NI STON PA NYID KYI ZHAL DANG 'DRA BAR STON PA'O, ,'DUL BA'I SO SOR THAR DE YI, ,RNAM 'BYED YIN PAR DGONGS PAS NA, ,THAR 'DOD RNAMS KYIS GUS BYAS TE, ,'DI NI NAN TAN MNYAN PAR BYA, ,ZHES BYA BA DE NI DE LTAR GANG GI PHYIR SO SOR THAR PA ZHES BYA BA GANG YIN PA DE NI YON TAN DANG PHAN YON DU MAS YANG DAG PAR RGYAS PA YIN LA, RNAM PAR 'BYED PA DANG PHRAN TSEGS LA SOGS PA 'DUL BA 'DI DAG THAMS CAD SO SOR THAR PA DE'I RGYA CHER RNAM PAR 'BYED PA YIN PA'I PHYIR THAR PA 'DOD PA DAG GIS GUS PAR BYAS TE, SO SOR THAR PA DE'I RNAM PAR 'BYED PAR GYUR PA 'DUL BA 'DI DAG RNAMS RNAM PA THAMS CAD DU NAN GYIS MNYAN PAR BYA ZHING THOS NAS KYANG 'BRAS BU DANG BCAS PAR BYA'O ZHES BSTAN TO, ,'DUL BA RNAM PAR BSHAD PA GAGS BSAL TE, ,DE LAS BDAG GIS DGE BSAGS GANG YIN PAS, ,'CHING BA MA LUS RAB TU GROL BYA'I PHYIR, ,'JIG RTEN KUN GYI GAGS NI NYAMS GYUR CIG ,'DUL BA LA BSTOD PA BTZUN BA CHOS KYI TSONG DPON GYIS MDZAD PA, SLON DPON DUL BA'I LHAS BSHAD PA RDZOGS SO,, #, ,RGYA GAR SKAD DU, SA MA YA BHE DO BY'U HA TZA KRAm, BOD SKAD DU, GZHUNG LUGS KYI BYE BRAG BKOD PA'I 'KHOR LO, ,THAMS CAD MKHYEN PA LA PHYAG 'TSAL LO, ,RDZOGS PA'I SANGS RGYAS MYA NGAN 'DAS, ,LO BRGYA RDZOGS PAR TSANG NAS SU, ,BSTAN PA LA NI GNOD BGYID PA, ,GYES PA JI LTAR BYUNG BA BZHIN, ,SDE PA RNAMS NI PHAN TSUN DU, ,BLO GROS THA DAD BYUNG BA BZHIN, ,SKYONG BAR BYED PA DE RNAMS NI, ,BDAG LA YOD PA BRTEN NAS BSHAD, ,DE TSE DBYIG BSHES BLO LDAN PA, ,SH'AKYA'I DGE SLONG BLO CHEN PO, ,BYANG CHUB SEMS DPA' BLO GROS CHE, ,KHYAD PAR SEMS LA BRTAG BYA STE, ,'JIG RTEN LTA BA SNA TSOGS KYIS, ,RNAM PAR G-YENGS LA KUN BRTAGS SHING, ,THUB PA'I BKA' NI GYES PA BZHIN, , @141B GZHUNG LUGS DE DANG DE DAG BSHAD, ,'PHAGS PA'I BDEN PA'I GTAM GYI GNAS, ,SANGS RGYAS BSTAN PA KUN BSTAN NAS, ,RDUL RNAMS LA NI GSER BZHIN DU, ,DE PHYIR DE LAS SNYING PO BLANG, ,'DI SKAD CES GRAG STE, SANGS RGYAS BCOM LDAN 'DAS YONGS SU MYA NGAN LAS 'DAS SHING RGYAL BA'I NYI MA NUB NAS LO BRGYA LON TE, DUS CUNG ZAD CIG 'DAS NAS SHING SKYA NAR GYI BU ME TOG GI GRONG BAR GYI RTEN MA RGYAL PO MYA NGAN MED GDUGS GCIG PA'I SA SKYONG ZHING RGYAL SRID MDZAD PA'I DGE 'DUN PHAL CHEN PA GYES PA BYUNG STE, 'DI LTA STE, GZHAN GYIS NYE BAR BSGRUB PA DANG, MI SHES PA DANG, SO MA NYI DANG, GZHAN GYIS RNAM PAR SPYOD PA DANG, LAM SGRA 'BYIN PA DANG BCAS PA 'DI NI, SANGS RGYAS KYI BSTAN PA DANG BCAS PA 'DI NI SANGS RGYAS KYI BSTAN PA YIN NO ZHES GNAS LNGA RJES SU BRJOD CING RJES SU SGROGS PAR GNAS BRTAN GLU DANG, SHAR PHYOGS BA DANG, MONG DU THOS PA BYUNG BAR GYUR TO, ,GNAS LNGA PO DE DAG PAR RJES SU BRJOD CING RJES SU BSGRAGS NAS KYANG DGE 'DUN PHAL CHEN PO'I SDE DANG, GNAS BRTAN PA'I SDE ZHES BYA BA SDE PA GNYIS RNAM PAR GZHAG GO, ,LO BRGYA DE NYID LA GNAS PA'I TSE SDE PA DGE 'DUN PHAL CHEN PO'I SDE LAS THA SNYAD GCIG PA'I SDE DANG, 'JIG RTEN 'DAS SMRA'I SDE DANG, BYA GAG RIS KYI SDE ZHES BYA BA SDE PA GZHAN DAG KYANG RNAM PAR BKOD DO, ,LO BRGYA PA DE NYID KYI TSE SDE PA DGE 'DUN PHAL CHEN PA'I SDE LAS MANG DU THOS PA'I SDE PA ZHES BYA BA SDE PA GZHAN YANG RNAM PAR GZHAG GO, ,LO BRGYA PA DE NYID KYI TSE, SDE PA DGE 'DUN PHAL CHEN BO'I SDE LAS BTAGS PAR SMRA BA'I SDE ZHES BYA BA SDE PA GZHAN YANG RNAM PAR GZHAG GO, ,LO NYIS BRGYA PA LA GNAS PA'I TSE KUN DU RGYU LHA CHEN PO ZHES BYA BA RAB TU BYUNG STE MCHOD RTEN GYI RIL GNAS PAS DGE 'DUN PHAL CHEN PO'I LUGS LNGA BO DE DAG YANG DAG PAR RJES SU BRJOD CING, YANG DAG PAR RJES SU BSGRAGS NAS MCHOD RTEN PA'I SDE DANG, NUB KYI RI BO'I SDE DANG, BYANG GI RI BO'I SDE ZHES BYA BA SDE PA GSUM RNAM PAR BKOD DO, ,DE LTAR NA DGE 'DUN PHAL CHEN PA'I SDE PA DE NI DGE 'DUN PHAL CHEN PA'I SDE DANG, THA SNYAD GCIG PA'I SDE DANG, 'JIG RTEN 'DAS @142A *, ,SMRA'I SDE DANG, BYA GAG RIS KYI SDE DANG, MANG DU THOS PA'I SDE DANG, BTAGS PAR SMRA BA'I SDE DANG, MCHOD RTEN PA'I SDE DANG, NUB KYI RI BO'I SDE DANG, ZHES BYA BA SDE PA BZHI DANG, RNAM PA LNGAR RNAM PAR BKOD DO, ,SDE PA GNAS BRTAN PA'I SDE DANG DUS CUNG ZAD CIG RJES SU ZHUGS NAS LO SUM BRGYA PA LA GNAS PA'I TSE, RTZOD PA 'GA' ZHIG GI PHYIR THAMS CAD YOD PAR SMRA BA'I GANG DAG RGYUR SMRA BA'I SDE ZHES BYA BA DANG, SNGON GNAS BRTAN PA'I SDE GANG DAG GANGS RI BA'I SDE ZHES BYA BA SDE PA GNYIS RNAM PAR GZHAG GO, ,LO SUM BRGYA PA DE NYID KYI TSE SDE PA THAMS CAD YOD PAR SMRA BA'I SDE LAS GNAS MA'I BU'I SDE ZHES BYA BA SDE PA GZHAN RNAM PAR GZHAG GO, ,LO BRGYA PA DE NYID LA GNAS PA'I TSE, SDE PA GNAS MA BU'I SDE LAS CHOS MCHOG BA'I SDE DANG, BZANG PO'I BU'I SDE DANG, KUN GYIS BKUR BA'I SDE DANG, GRONG KHYER DRUG PA'I SDE DANG ZHES BYA BA SDE PA GZHAN DAG RNAM PAR BKOD DO, ,LO BRGYA PA DE NYID LA GNAS PA'I TSE, SDE PA THAMS CAD YOD PAR SMRA BA'I SDE LAS SA STON GYI SDE DANG ZHES BYA PA SDE PA GZHAN DAG RNAM PAR GZHAG GO, ,LO BRGYA PA DE NYID LA GNAS PA'I TSE, SDE PA SA STON PA'I SDE LAS DE DAG LAS SLOB DPON MOOD GAL YIN PAR STON PAS, CHOS SPUNG SDE ZHES BYA BA SDE PA GZHAN RNAM PAR GZHAG GO, ,LO BRGYA PA DE NYID LA GNAS PA'I TSE, SDE PA THAMS CAD YOD PAR SMRA BA'I SDE LAS LA LAR 'OD SRUNGS KYI SDE ZHES BYA BA BYUNG STE, LO BZANG BA'I SDE ZHES BYA BA SDE PA GZHAN RNAM PAR GZHAG GO; ,YANG LO BZHI BRGYA LA GNAS PA'I TSE, SDE PA THAMS CAD YOD PAR SMRA BA'I SDE LAS, DE DAG SLOB DPON CHOS MCHOG YIN PAR STON PAS LA LAR MDO SDE SMRA BA'I SDE ZHES BYA PA STE, 'PHO BAR SMRA BA'I SDE ZHES BYA BA SDE PA GZHAN RNAM PAR GZHAG GO, ,DE LTAR GNAS BRTAN PA'I SDE ZHES BYA BA'I SDE PA DE NI THAMS CAD YOD PAR SMRA BA'I SDE DANG, GANGS RI PA'I SDE DANG, GNAS MA BU'I SDE DANG, CHOS MCHOG PA'I SDE DANG, BZANG PO'I BU'I SDE DANG, KUN GYIS BKUR BA'I SDE DANG, GRONG KHYER DRUG PA'I SDE DANG, SA STON PA'I SDE DANG, CHOS SRUNG SDE DANG, 'OD SRUNGS KYI SDE DANG, @142B 'PHO BAR SMRA BA'I SDE ZHES BYA BA RNAM PA BCU GCIG TU RAB TU RNAM PAR GZHAG GO, ,DE DAG GI GZHI'I GZHUNG LUGS DANG, BAR GYI GZHUNG LUGS RNAMS RNAM PAR BSHAD PAR BYA'O, ,DE LA DGE 'DUN PHAL CHEN PO'I SDE ZHES BYA BA THA SNYAD GCIG PA'I SDE DANG, 'JIG RTEN 'DAS SMRA'I SDE DANG, BYA GAG RIS KYI SDE ZHES BYA PA RNAMS KYI GZHI'I GZHUNG DAG YOD DE, DE DAG SANGS RGYAS BCOM LDAN 'DAS 'JIG RTEN THAMS CAD LAS 'DAS PA'I DE BZHIN GSHEGS PA'I CHOS MI MNGA'O, ,DE BZHIN GSHEGS PA'I GSUNG THAMS CAD NI CHOS KYI 'KHOR LO RJES SU BSKOR BA'O, ,THAMS CAD RDZAS SU MNGON PAR GSUNGS PA'O, ,THAMS CAD DON CI LTA BA BZHIN NYID DU GSUNGS PA NYID DO, ,DE BZHIN GSHEGS PA NYID LA GZUGS KYI MTHA' MI MNGA'O, ,SANGS RGYAS BCOM LDAN 'DAS RNAMS GYI MTHU MTHA' YAS PA'O, ,SKU TSE DPAG TU MED PA'O, ,RAB TU DAD PAR MDZAD PA'O,, CHOG PAR MI 'DZIN PA'O, ,MNAL BAR YANG MI MDZAD DO, ,ZHUS NA DGONGS PAR YANG MDZAD DO, ,MED CES KYANG MI GSUNG STE, RTAG TU MNYAM PAR GZHAG PA NYID KYI PHYIR RO, ,'ON KYANG SEMS CAN GYI TSOGS RNAMS LA MING DANG NGES PA'I TSIG GIS YANG DAG PAR GSUNG NGO, ,SEMS GCIG GIS CHOS THAMS CAD RNAM PAR MKHYEN TO, ,SEMS KYI SKAD CIG GCIG DANG MTSUNGS PAR LDAN PA'I SHES RAB KYI CHOS THAMS CAD YONGS SU MKHYEN TO, ,RTAG PAR RGYUN DU YONGS SU MYA NGAN LAS 'DAS PA'I BAR DU SANGS RGYAS BCOM LDAN 'DAS RNAMS KYIS ZAD PA DANG MI SKYE BA'I YE SHES DAG RJES SU 'JUG GO, ,BYANG CHUB SEMS DPA' RNAMS YUM GYI LHUMS SU NUR NUR PO DANG, MER MER PO DANG, NAR NAR PO DANG, GOR GOR BO'I DNGOS PO LEN PAR MI MDZAD DO, ,BYANG CHUB SEMS DPA' RNAMS GLANG PO CHER GYUR NAS YUM GYI LHUMS SU 'JUG GO, ,BYANG CHUB SEMS DPA' RNAMS YUM GYI LHUMS BRTOL NAS 'BYUNG BAR MDZAD DO, ,BYANG CHUB SEMS DPA' RNAMS LA 'DOD PA'I 'DU SHES MI 'BYUNG NGO, ,GNOD SEMS KYI 'DU SHES MI 'BYUNG NGO, ,RNAM PAR 'TSE BA'I 'DU SHES MI 'BYUNG NGO, ,BYANG CHUB SEMS DPA' RNAMS BZHED NA @143A *, ,SEMS CAN YONGS SU SMIN PAR BYA BA'I PHYIR NGAN SONG RNAMS SU SKYE BAR MDZAD DO, ,MNGON PAR RTOGS PA'I MTHA' LAS BYUNG BA'I YE SHES GCIG GIS 'PHAGS PA'I BDEN PA BZHI MTSAN NYID MI 'DRA BA RNAMS MKHYEN TO, ,RNAM PAR SHES BA'I TSOGS LNGAS KUN DU 'DOD CHAGS PA DANG, 'DOD CHAGS DANG BRAL BAR 'GYUR RO, ,GZUGS DANG GZUGS MED PA'I KHAMS RNAM PAR SHES PA'I TSOGS DRUG DMIGS SO, ,DBANG PO LNGA RIL PO SHA'I MIG GIS GZUGS RIL PO RNAMS MI MTHONG NGO ZHES BYA BA NAS LUS KYI REG PA RNAMS LA MI REG GO ZHES BYA BA'I BAR DU'O; ,MNYAM PAR GZHAG PA'I TSIG BRJOD PA YOD DO, ,SEMS LA YANG LUS YOD DO, ,YID LA BYED PA LA YANG LUS YOD DO, ,CHOS BZHIN DU BYAS PA RNAMS LA SKABS MED DO, ,RGYUN DU ZHUGS PA'I SEMS DANG SEMS LAS BYUNG BA RNAMS KYI NGO BO NYID SHES SO, ,DGRA BCOM PA LA GZHAN NYE BAR BSGRUB PA DANG, GZHAN GYIS RNAM PAR SPYOD PA DANG, LAM SGRA 'BYIN PA DANG BCAS PA'O, ,LAM NI SDUG BSNGAL BYED PA'O, ,PHAN GDAGS PA NI SDUG BSNGAL BRJOD PA'O, ,SDUG BSNGAL SPANGS PA'I PHYIR SHES RAB KYI SBYOR BA DANG, BDE BA'I YO BYAD DO, ,BRGYAD PA YUN RING DU GNAS PAR YANG BYED DO ZHES BYA BA NAS RIGS KYI CHOS KYI BAR LAS KYANG YONGS SU NYAMS PAR 'GYUR RO ZHES BRJOD PAR BYA'O, ,RGYUN DU ZHUGS PA NI YONGS SU NYAMS PA'I CHOS CAN NO, ,DGRA BCOM PA NI YONGS SU MI NYAMS PA'I CHOS CAN NO, ,'JIG RTEN PA'I YANG DAG PA'I LTA BA MED DO, ,'JIG RTEN PA'I DAD PA'I DBANG PO MED DO, ,LUNG DU MI STON PA'I CHOS RNAMS MED DO, ,YANG DAG PA NYID SKYON MED PAR 'JUG PAS KUN DU SBYOR BA THAMS CAD MA SPANGS PAR BRJOD PAR BYA'O, ,RGYUN DU ZHUGS PA LA NI MTSAMS MED PA RNAMS MA GTOGS PAR SDIG PA THAMS CAD BYED DO, ,MDO SDE THAMS CAD NGES PA'I DON YIN NO, ,SO SOR BRTAGS PA'I 'GOG PA DANG, NAM MKHA' DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED DANG, @143B RTEN CING 'BREL PAR 'BYUNG BA RNAMS DANG, GLO BUR DU 'ONGS PA'I NYE BA'I NYON MONGS PAS, SEMS RANG BZHIN GYIS 'OD GSAL BA NI 'DUS MA BYAS KYI DNGOS PO DGU'O, ,BAG LA NYAL DAG NI SEMS MA YIN, SEMS LAS BYUNG BA MA YIN PAR BRJOD PAR BYA'O, ,DMIGS PA MED PAR BRJOD PAR BYA'O, ,BAG LA NYAL DAG GZHAN LA KUN NAS DKRIS PA DAG GZHAN YIN PAR BRJOD PAR BYA'O, ,BAG LA NYAL RNAMS NI SEMS DANG MI LDAN PA YIN PAR BRJOD PAR BYA'O, ,KUN NAS DKRIS PA DAG NI SEMS DANG MTSUNGS PAR LDAN BDAG GO, ,'DAS PA DANG, MA 'ONGS PA MED DO, ,CHOS KYI SKYE MCHED NI SHES PAR BYA BA MA YIN, RNAM PAR SHES PAR BYA BA MA YIN NO, ,BAR MDO'I SRID PA MED DO, ,RGYUN DU ZHUGS PA LA NI BSAM GTAN THOB PA YIN NO ZHES BYA BA ZER TE DE DAG NI GZHI'I GZHUNG LUGS DAG GO, ,DE DAG GI BAR GYI GZHUNG LUGS NI 'DI DAG YIN TE, JI LTA JI LTAR BDEN PA RNAMS PHYE BA DE LTA DE LTAR MNGON PAR RTOGS PA 'BYUNG NGO, ,CUNG ZAD NI RANG GIS BYAS PA'O, ,CUNG ZAD NI GZHAN GYIS BYAS PA'O, ,CUNG ZAD NI GNYIS KAS BYAS PA'O, ,CUNG ZAD NI RTEN CING 'BREL PAR 'BYUNG BAS BYAS PA'O, ,DUS GCIG TU SEMS GNYIS PHRAD DO, ,NYON MONGS PA DANG LAM PHRAD DO, ,LAS DANG RNAM PAR SMIN PA PHRAD DO, ,SA BON NYID MYU GUR 'GYUR RO, ,DBANG PO'I 'BYUNG BA CHEN PO RNAMS NI 'GYUR BA'O, ,SEMS DANG SEMS LAS BYUNG BA RNAMS NI MI 'GYUR RO, ,SEMS KYIS NI LUS LA KHYAB PA DANG SEMS 'DUG PA YANG DMIGS SO, ,DE LTAR DE LA SOGS PA GZHAN DANG GZHAN DAG DMIGS PA CAN DAG 'DOD DE, DE LTAR DE DAG NI BAR GYI GZHUNG LUGS DAG YIN, DE LA MANG DU THOS PA'I SDE RNAMS GZHI'I GZHUNG LUGS DAG YOD DE, DE BZHIN GSHEGS PA'I DBYANGS LNGA BO MI RTAG PA DANG; SDUG BSNGAL BA DANG, STONG PA DANG, BDAG MED PA DANG, MYA NGAN LAS 'DAS PA NI ZHI BA, LAM NI NGES PAR 'BYIN PA 'JIG RTEN LAS 'DAS PA DAG YIN PAR BRJOD PAR BYA'O, ,LHAG MA RNAMS NI 'JIG RTEN PA DAG YIN NO, ,DGRA BCOM PA LA GZHAN GYI NYES PAR BSGRUB PA DANG, @144A *, ,MI SHES PA DANG, SOM NYI DANG, GZHAN GYI RNAM PAR SPYOD PA DANG, LAM SGRA 'BYIN PA DANG BCAS PA YOD DO, ,LHAG MA RNAMS NI THAMS CAD YOD PAR SMRA BA'I LUGS DAG YIN NO, ,DE BTAGS PAR SMRA BA RNAMS KYI GZHI'I LUGS DAG NI BSDU BA LNGA NI PHUNG PO MED PA'O, ,SKYE MCHED DAG NI YONGS SU MA REG PA DAG GO, ,'DU BYED RNAMS PHAN TSUN BTAGS PA'I SGO NAS SDUG BSNGAL BA'O, ,SKYES BU'I BYED PA MED DO, ,DUS MA YIN PA'I 'CHI BA MED DO, ,SNGON GYI LAS KYIS 'THOB BO, ,RNAM PAR SMIN PA MNGON PAR GRUB PA NI LAS 'PHEN PA'I RGYU LAS BYUNG BA'O, ,BSOD NAMS DAG GIS KUN CHUB PAR BYAS NAS LAM 'THOB BO, ,LAM BSGOM PAR BYA BA MA YIN NO, ,LAM NI 'JIGS PAR MI 'GYUR BA'O, ,LHAG MA RNAMS NI DGE 'DUN PHAL CHEN SDE'I LUGS DAG YIN NO, ,DE LA THAMS CAD YOD PAR SMRA BA'I SDE BA RNAMS KYI GZHUNG LUGS NI THAMS CAD YOD DO, ,GANG JI LTAR YOD PA DE DE BZHIN DU YOD DO, ,MING DANG GZUGS GNYIS KYIS 'DUS BYAS THAMS CAD BSDUS SO, ,'DAS PA DANG MA 'ONGS PA YOD DO, ,CHOS KYI SKYE MCHED NI SHES PAR BYA BA DANG, RNAM PAR SHES PAR BYA BA DANG, MNGON PAR SHES PAR BYA BA YIN NO, SKYE BA DANG, 'GAG BA DANG, GNAS PA DANG, MI RTAG PA NYID DANG, SEMS DANG MI LDAN PA'I 'DU BYED RNAMS NI 'DU BYED KYI PHUNG POS BSDUS PA DAG GO, ,BSDU BA'I DNGOS PO DAG GSUM MO, ,'DUS MA BYAS KYI DNGOS PO DAG GSUM MO, ,'DUS BYAS KYI MTSAN NYID DAG GSUM MO, ,BDEN PA 'DUS BYAS DAG GSUM MO, ,'DUS MA BYAS GCIG GO, ,'PHAGS PA'I BDEN PA BZHI MTHAR GYIS MNGON PAR RDZOGS PA YIN NO, ,STONG PA NYID DANG SMON PA MED PAS YANG DAG PA NYID SKYON MED PAR 'JUG GO, ,'DOD PA DANG LDAN PA'I 'DU BYED RNAMS YID LA BYED PAS YANG DAG PAR SKYON MED PAR 'JUG GO, ,YANG DAG PA NYID SKYON MED PAR ZHUGS PAS SEMS BSKYED PA BCO LNGA LA RGYUN DU ZHUGS PA ZHES BRJOD PAR BYA'O, ,BCU DRUG PA LA RGYUN DU ZHUGS PA'O, ,'JIG RTEN PA'I CHOS KYI MCHOG RNAMS NI SEMS GCIG PA RNAM PA GSUM MO, , @144B 'JIG RTEN PA'I CHOS KYI MCHOG RNAMS LAS YONGS SU NYAMS PAR MI 'GYUR RO, ,RGYUN DU ZHUGS PA NI YONGS SU MI NYAMS PA CAN NO, ,DGRA BCOM PA NI YONGS SU NYAMS PA'I CHOS CAN NO, ,DGRA BCOM PA THAMS CAD KYIS MI SKYE BAR SHES PA MI 'THOB BO, ,SO SO'I SKYE BOS 'DOD PA'I 'DOD CHAGS DANG GNOD SEMS GNYIS SPONG NGO, ,PHYI ROL PA'I MNGON PAR SHES PA LNGA YOD DO, ,LHA RNAMS LA TSANGS PAR SPYOD PA LA GNAS PA LA DMIGS SO, ,SNYOMS PAR ZHUGS PA BDUN LA BYANG CHUB KYI YAN LAG RNAMS DMIGS KYI GZHAN RNAMS LA MA YIN NO, ,BSAM GTAN RNAMS NI DRAN PA NYE BAR GZHAG PA RNAMS KYI BSDUS SO, ,BSAM GTAN LA BRTEN NAS NI YANG DAG PA NYID SKYON MED PA NYID DU 'JUG GO, ,DGRA BCOM PA NYID KYANG 'THOB BO, ,GZUGS DANG GZUGS MED PA'I KHAMS DAG LA BRTEN NAS DGRA BCOM PA NYID RJES SU 'THOB KYI YANG DAG PA NYID SKYON MED PAR MI 'JUG GO; ,'DOD KHAMS SU YANG DAG PA NYID SKYON MED PAR 'JUG GO, ,DGRA BCOM PA NYID KYANG 'THOB BO, ,GZUGS KYI KHAMS SU DGRA BCOM PA NYID 'THOB KYI YANG DAG PA NYID SKYON MED PAR MI 'JUG GO, ,BYANG GI SGRA MI SNYAN DAG NA 'DOD CHAGS DANG BRAL BA MED DO, ,DER 'PHAGS PA RNAMS SKYE BAR MI 'GYUR RO, ,'DU SHES MED PA'I SEMS CAN LHA RNAMS KYI NANG DU MI SKYE'O, ,MTHAR GYIS DGE SBYONG GI TSUL GYI BRAS BU BZHI THOB PAR NGES PA MED DO, ,SKYON MED PAR ZHUGS PA 'JIG RTEN PA'I LAM GYIS 'DOD PA'I 'DOD CHAGS DANG BRAL BAS LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU 'THOB PAR BYED DO, ,DRAN PA NYE BAR GZHAG PA BZHIN NI CHOS THAMS CAD YIN PAR BRJOD PAR BYA'O, ,PHRA RGYAS RNAMS NI SEMS LAS BYUNG BA'I SEMS DANG MTSUNGS PAR LDAN PA RNAMS SO, ,PHRA RGYAS THAMS CAD NI KUN NAS DKRIS PA DAG NI PHRA RGYAS DAG MA YIN NO, ,RTEN CING 'BREL PAR 'BYUNG BA DAG 'DUS BYAS SO, ,DGRA BCOM PA LA RTEN CING 'BYUNG BA'I YAN LAG KHA CIG RJES SU 'JUG GO, ,DGRA BCOM PA LA BSOD NAMS 'PHEL BA YOD DO, ,'DOD PA'I KHAMS DANG, GZUGS KYI KHAMS NA BAR MA DO'I SRID PA DMIGS SO, ,RNAM PAR @145A *, ,SHES PA'I TSOGS LNGAS KUN TU 'DOD CHAGS PAR 'GYUR GYI 'DOD CHAGS BRAL BAR NI MI 'GYUR RO, ,RNAM PAR SHES PA'I TSOGS LNGA NI RANG GI MTSAN NYID 'DZIN PA DANG, RNAM PAR MI RTOG PA YIN NO, ,SEMS DANG SEMS LAS BYUNG BA'I CHOS RNAMS YOD DO, ,SEMS DANG SEMS LAS BYUNG BA'I CHOS RNAMS KYI DMIGS PA YOD DO, ,NGO BO NYID NI NGO BO NYID DANG MI LDAN PA'O, ,SEMS NI SEMS DANG MI LDAN PA'O, ,'JIG RTEN PA'I YANG DAG PA'I LTA BA YOD DO, ,'JIG RTEN PA'I DAD PA'I DBANG PO YOD DO, ,LUNG DU MI STON PA'I CHOS RNAMS YOD DO, ,DGRA BCOM BA LA SLOB PA YANG MA YIN MI SLOB BA YANG MA YIN PA'I CHOS RNAMS YOD DO, ,DGRA BCOM PA THAMS CAD BSAM GTAN THOB PA YIN KYANG THAMS CAD DU BSAM GTAN MNGON DU MI BYED DO, ,DGRA BCOM PA LA SNGON GYI LAS DAG PAR MYONG BAR 'GYUR BA YOD DO, ,SO SO'I SKYE BO LA 'CHI BA'I MTHA' LAS BYUNG BA'I SEMS MI DGE BA YOD DO, , MNYAM PAR GZHAG PA LA DE'I TSE 'CHI BA'I DUS BYED PA MED DO, ,BYANG CHUB SEMS DPA' LA NI SO SO'I SKYE BO DANG KUN DU SBYOR BA DANG BCAS PA DANG, YANG DAG PA NYID SKYON MED PAR MA ZHUGS PA DANG, SO SO'I SKYE BO'I SAR ZHUGS PA YIN PAR BRJOD PAR BYA'O, ,SEMS CAN DU GDAGS PA RNAMS LA ZIN PA'I RGYUD YIN PAR BRJOD PAR BYA'O,, 'DU BYED THAMS CAD NI SKAD CIG MA DAG GO, ,'JIG RTEN 'DI NAS 'JIG RTEN PHA ROL DU CHOS GANG YANG 'PHO BA MED KYANG GANG ZAG 'PHO ZHES BRDAR BRJOD PAR BYA'O, ,'CHI BZHIN DU 'DU BYED KYI PHUNG PO LHAG MA MED PAR 'GAGS KYANG PHUNG PO RNAMS LA 'GYUR BA NI MED DO, ,'JIG RTEN LAS 'DAS PA'I BSAM GTAN YOD DO, ,RNAM PAR RTOG BA ZAG PA MED PA YOD DO, ,RNAM PAR RTOG PA SRID PA'I DGE BA YOD DO, ,MNYAM PAR GZHAG PA LA TSIG BRJOD PA MED DO, ,CHOS KYI 'KHOR LO NI 'PHAGS PA'I LAM YAN LAG BRGYAD PA'O, ,DE BZHIN GSHEGS PA'I GSUNG THAMS CAD NI CHOS KYI 'KHOR LO RJES SU BSKOR BA YIN NO, ,THAMS CAD RDZAS SU MNGON PAR GSUNGS BA MA YIN NO, ,THAMS CAD DON JI LTA BA BZHIN GSUNGS PA MA YIN NO, ,MDO SDE THAMS CAD NGES PA'I DON GYIS GSUNGS PA MA YIN NO, ,MDO SDE THAMS CAD NGES PA'I DON MA @145B YIN TE, NGES PA'I DON GYI MDO SDE YOD DO, ,DE LTAR DE DAG GI GZHI'I GZHUNG LUGS DAG GO, ,BAR GYI GZHUNG LUGS DAG NI MTHA' YAS SO, ,DE LA GANGS RI PA'I GZHI'I GZHUNG LUGS DAG NI BYANG CHUB SEMS DPA' SO SO'I SKYE BO DAG BA RNAB SEMS MED PAR BRJOD PAR BYA'O, ,BYANG SEMS DPA' DGONGS BZHIN DU YUM GYI LHUMS SU 'JUG GO, ,PHYI ROL BA LA MNGON PAR SHES PA LNGA MED DO, ,LHA RNAMS LA TSANGS PAR SPYOD PA LA GNAS PA MI DMIGS SO, ,DGRA BCOM PA LA GZHAN GYI NYE BAR BSGRUB PA DANG, MI SHES PA DANG, SOM NYI DANG, GZHAN GYIS RNAM PAR SPYOD PA DANG, LAM SGRA 'BYIN PA DANG BCAS PA YOD DO, ,LHAG MA RNAMS NI THAMS CAD YOD PAR SMRA BA'I SDE PA'I LUGS DAG YIN NO, ,DE LA GNAS MA BU'I SDE RNAMS KYI GZHI'I GZHUNG LUGS DAG NI PHUNG PO RNAMS GANG ZAG MA YIN NO, ,PHUNG BO RNAMS LAS GUD NA YANG MED DO, ,PHUNG PO DANG; KHAMS DANG, SKYE MCHED LA BRTEN TE GDAGS SO, ,'DU BYED THAMS CAD NI DUS GZHAN LA SKAD CIG DAG GO, ,GANG ZAG MA GTOGS PA 'JIG RTEN 'DI NAS 'JIG RTEN PHA ROL DU GANG 'PHO BA'I CHOS GANG YANG MED DO, ,GANG ZAG 'PHO'O ZHES BRJOD PAR BYA'O, ,PHYI ROL PA'I MNGON PAR SHES PA LNGA YOD DO, ,RNAM PAR SHES PA'I TSOGS LNGAS KUN DU 'DOD CHAGS PA MED DO, ,'DOD CHAGS DANG BRAL BA MA YIN NO, ,'DOD CHAGS DANG LDAN PA'I KUN DU SBYOR BA SPANG BAR BYA BA RNAMS SPANGS PAS 'DOD PA'I 'DOD CHAGS DANG BRAL BAR 'GYUR RO, ,BZOD PA DANG, MING DANG, MTSAN DANG, CHOS KYI MCHOG RNAMS LA YANG DAG PAR ZHUGS NAS KUN DU SBYOR BA MTHONG BAS SPANG BAR BYA BA RNAMS SPANGS PAS SEMS SKYED PA BCU GNYIS PA NI 'JUG PA YIN NO, ,BCU GSUM PA NI 'BRAS BU LA GNAS PA YIN NO, ,DE DANG KHYAD PAR MED PA'I CHOS MCHOG PA'I SDE DANG, BZANG PO'I BU'I SDE DANG, KUN GYIS BKUR BA'I SDE DANG, GRONG KHYER DRUG PA'I SDE RNAMS NI, ,GLOL BA RNAMS NI BRDEG POS 'GYUR, ,YONGS SU 'CHUMS PA'ANG SLAR LHAGS SHING, ,DGA' BYA'I DGA' BA DE THOB BYA, ,BDE DANG LDAN PA RNAMS NI SDE, ,ZHES BYA BA'I TSIGS SU BCAD PA DE LA RTZOD PAR GYUR TO, ,DE LAS STO @146A *, ,GYI SDE PA RNAMS KYI GZHI'I GZHUNG LUGS DAG NI 'DAS PA DANG, MA 'ONGS PA MED DO, ,DA LTAR BYUNG BA DANG 'DUS MA BYAS YOD DO, ,'PHAGS PA'I BDEN PA BZHI MNGON BAR RTOGS PA YIN NO, ,SDUG BSNGAL MA MTHONG BAS BDEN PA RNAMS MA MTHONG NGO, ,MTHONG BA NI MTHONG BA DAG YIN NO, ,PHRA RGYAS RNAMS NI SEMS MA YIN, ,SEMS LAS BYUNG BA RNAMS MA YIN NO, ,DMIGS PA MED PA DAG GO, ,PHRA RGYAS DAG GZHAN LA KUN NAS DKRIS PA GZHAN YIN NO, ,PHRA RGYAS RNAMS NI SEMS DANG MI LDAN PA DAG YIN NO, ,KUN NAS DKRIS PA RNAMS MCHUNGS PAR LDAN PA DAG YIN NO, ,SO SO'I SKYE BO 'DOD PA'I 'DOD CHAGS DANG GNOD SEMS GNYIS MI SPONG NGO, ,PHYI ROL PA'I MNGON PAR SHES PA LNGA MED DO, ,LHA RNAMS LA TSANGS PAR SPYOD PA GNAS PA DMIGS SO, ,BAR MA DO'I SRID PA MED DO, ,DGRA BCOM PA LA BSOD NAMS 'PHEL BA MED DO, ,RNAM PAR SHES PA'I TSOGS LNGAS KUN DU 'DOD CHAGS PA DANG 'DOD CHAGS DANG BRAL BA DAG TU 'GYUR RO, ,RNAM PAR SHES PA'I TSOGS DRUG NI RTOG PA DANG BCAS DPYOD PA DANG MTSUNGS PAR LDAN PA DAG GO, ,GANG ZAG MGO MNYAM PA YOD DO, ,'JIG RTEN PA'I YANG DAG PA'I LTA BA YOD DO, , 'JIG RTEN LAS 'DAS PA'I BSAM GTAN MED DO, ,RNAM PAR RTOG PA ZAG PA MED PA NYID MED DO, ,SRID PA'I RGYUD DGE BA MED DO, ,RGYUN DU ZHUGS PA NI YONGS SU NYAMS PA'I CHOS CAN NO, ,DGRA BCOM PA NI YONGS SU MI NYAMS PA'I CHOS CAN NO, ,LAM YAN LAG RNAMS NI DRAN PA NYE BAR GZHAG PA RNAMS KYIS GSUNGS SO, ,'DUS MA BYAS KYI DNGOS PO DGU STE, SO SOR BRTAGS PA MA YIN PA'I 'GOG PA DANG, NAM MKHA' DANG, MI G-YO BA DANG, DGE BA'I CHOS RNAMS KYI DE BZHIN NYID DANG, MI DGE BA'I CHOS RNAMS KYI DE BZHIN NYID DANG, LUNG DU MI STON PA'I CHOS RNAMS KYI DE BZHIN NYID DANG; LAM GYI DE BZHIN NYID DANG, RTEN CING 'BREL BAR 'BYUNG BA'I DE BZHIN NYID DO, ,MI LA THOG MA DANG THA MA'I DBANG PO 'BYUNG BA RNAMS NI 'GYUR BA'O, ,SEMS DANG SEMS LAS BYUNG BA'I CHOS RNAMS NI 'GYUR BA'O, ,SANGS RGYAS NI DGE 'DUN LA DMIGS SO, ,DGE 'DUN LA PHUL BA @146B NI 'BRAS BU CHE'O, ,SANGS RGYAS LA NI MA YIN NO, ,SANGS RGYAS RNAMS DANG NYAN THOS RNAMS NI LAM GCIG GO, ,RNAM BAR GROL BA GCIG GO, ,'DU BYED THAMS CAD SKAD CIG MA DAG GO, ,'JIG RTEN 'DI DANG PHA ROL DU 'PHO BA'I CHOS GANG YANG MED DO, ,DE LTAR DE DAG GI GZHI'I GZHUNG LUGS DAG GO, ,DE DAG GI BAR GYI GZHUNG LUGS DAG NI 'DI YIN TE, 'DAS PA DANG MA 'ONGS PA YOD DO, ,BAR MA DO'I SRID PA YOD DO, ,CHOS KYI SKYE MCHED NI SHES PAR BYA BA DANG, RNAM PAR SHES PAR BYA BA YIN NO, ,SEMS PA LA NI LAS YIN NO, ,LUS DANG NGAG GI LAS NI MED DO, , RTOG PA DANG DPYOD PA DAG NI MTSUNGS PAR LDAN PA DAG YIN NO, ,SA NI BSKAL PAS GNAS PA YIN NO, ,MCHOD RTEN LA MCHOD PA'I LAS NI 'BRAS BU CHUNG BA'O, ,PHRA RGYAS RNAMS NI RTAG TU DE LTAR BYUNG BA YIN NO, ,'CHI BAR BYED PA'I CHOS LNGA PO MA RIG PA DANG, NGA RGYAL DANG, SRED PA DANG, LTA BA DANG; LNGA PA LAS KYI LAM NI RTAG TU MTSAN MA YIN TE, DE LAS SDUG BSNGAL RAB TU 'BYUNG BA YIN NO, ,DE LTAR DE DAG NI BAR GYI GZHUNG LUGS DAG YIN NO, ,DE LA CHOS SRUNG SDE RNAMS KYI GZHI'I GZHUNG LUGS DAG NI SANGS RGYAS NI DGE 'DUN LA DMIGS SO, ,SANGS RGYAS LA PHUL BA NI 'BRAS BU CHE BA'O, ,DGE 'DUN LA NI MA YIN NO, ,NYAN THOS RNAMS KYI LAM GZHAN YIN LA, SANGS RGYAS KYI GZHAN YIN NO, ,PHYI ROL PA'I MNGON PAR SHES PA LNGA MED DO, ,DGRA BCOM PA'I LUS NI ZAG PA MED DO, ,LHAG MA RNAMS NI DGE 'DUN PHAL CHEN SDE'I LUGS DAG YIN NO, ,DE LA 'OD SRUNGS KYI SNGA RNAMS KYI GZHUNG LUGS NI SPANGS PA YONGS SU SHES PA YOD DO, ,MA SPANGS PA YONGS SU SHES PA MED DO, ,RNAM PAR SMIN PA RNAM PAR SMIN PAR 'GYUR BA'I LAS YOD DO, ,RNAM PAR SMIN PAR MI 'GYUR BA MED DO, ,'DU BYED RNAMS 'DAS PA'I RGYU LAS BYUNG BA DAG YOD DO, ,'DU BYED THAMS CAD MA 'ONGS PA'I RGYU LAS BYUNG BA DAG NI MED DO, ,SLOB PA'I CHOS RNAMS NI RNAM PAR SMIN PA DANG BCAS PA'I CHOS DAG GO, ,LHAG MA RNAMS NI CHOS SRUNG SDE'I LUGS DAG YIN NO, ,DE LA 'PHO BAR SMRA BA'I SDE RNAMS KYI GZHI'I GZHUNG LUGS NI 'JIG RTEN 'DI NAS 'JIG RTEN PHA ROL DU PHUNG @147A *, ,PO 'PHO'O ZHES ZER RO, ,'PHAGS PA'I LAM MED PAR PHUNG PO RNAMS 'GAG GO, ,GZHI'I MTHA' LAS BYUNG BA'I PHUNG PO RNAMS YOD DO, ,PHUNG PO RO GCIG PA RNAMS YOD DO, ,DON DAM PAR GANG ZAG YOD DO, ,LHAG MA RNAMS NI THAMS CAD YOD PAR SMRA BA'I SDE'I LUGS DAG YIN NO ZHES ZER RO, ,GZHUNG LUGS KYI BYE BRAG BKOD PA'I 'KHOR LO BTZUN PA DBYIG GI BSHES GNYEN GYIS MDZAD PA RDZOGS SO,, ,,RGYA GAR GYI MKHAN PO DHARM'A KA RA DANG, LO TZ'A BA BANDE BZANG SKYONG GIS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, K'A YA BHE DO BI BHAm GA BY'A KHY'A NA, BOD SKAD DU, SDE PA THA DAD PAR BYED PA DANG RNAM PAR BSHAD PA, DKON MCHOG GSUM LA PHYAG 'TSAL LO, ,SDE PA BCO BRGYAD PO DAG NI GANG YIN, DE DAG GI BYE BRAG NI JI LTAR BYUNG ZHE NA, BDAG GI BLA MA GCIG NAS GCIG TU BRGYUD PA LAS 'DI LTAR RJES SU THOS TE, SANGS RGYAS BCOM LDAN 'DAS YONGS SU MYA NGAN LAS 'DAS NAS, LO BRGYA DRUG CU LON PA NA GRONG KHYER ME TOG GIS RGYAS PA ZHES BYA BAR RGYAL PO DHARMA AA SHO KA ZHES BYA BA RGYAL SRID BYED PA'I TSE, RTZOD PA'I CHOS 'GA' ZHIG BYUNG BA'I DBANG GIS DGE 'DUN GYI DBYEN CHEN POR GYUR TO, ,DES RE ZHIG DANG POR SDE PA GNYIS SU CHAD NAS GNAS TE, DGE 'DUN PHAL CHEN PA DANG GNAS BRTAN PA'O, ,DE LA DGE 'DUN PHAL CHEN PA'I SDE PA YANG RIM GYIS BYE BAR GYUR PA NA RNAM PA BRGYAD DU GNAS TE, DGE 'DUN PHAL CHEN SDE PA DANG, THA SNYAD GCIG PA DANG, 'JIG RTEN PAS 'DAS PAR SMRA BA DANG, MANG DU THOS PA DANG, BTAGS PAR SMRA BA DANG, MCHOD RTEN PA DANG, SHAR GYI RI BO DANG, NUB KYI RI BO BA'O, ,GNAS BRTAN PA YANG RIM GYIS BYE BAR GYUR PA NA RNAM PA BCUR GYUR TE, 'DI LTA STE GNAS BRTAN PA NYID LA GANGS RI BA ZHES KYANG BRJOD PA DANG, THAMS CAD YOD PAR SMRA BA PA NYID LA RNAM PAR PHYE STE SMRA BA DANG, RGYUR SMRA BA DANG, KHA CIG MU RUN TA KA PA ZHES KYANG ZER BA DANG, GNAS MA'I BU DANG, CHOS MCHOG PA DANG, BZANG PO'I LAM BA'O, ,KUN GYIS BKUR BA LA KHA CIG NI AA PA NA TA KA PA ZHES KYANG ZER, KHA CIG NI KU RU KU LA PA ZHES @147B KYANG ZER BA DANG, MANG STON PA DANG, CHOS SBAS PA DANG, CHOS BZANG 'BEBS ZHES BYA BA LA KHA CIG NI 'OD SRUNGS PA ZHES ZER BA DANG, BLA MA LA KHA CIG NI 'PHO BAR SMRA BA ZHES ZER BA STE, SDE PA BCO BRGYAD KYI DBYE BA NI DE DAG GO, ,DE LA DGE 'DUN YANG YIN LA PHAL CHEN PA YANG YIN PAS DGE 'DUN PHAL CHEN TE, DE NYE BAR STON PAR BYED PA NI DGE 'DUN PHAL CHEN PA'O, ,KHA CIG NI SANGS RGYAS BCOM LDAN 'DAS RNAMS KYIS CHOS THAMS CAD THUGS GCIG RNAM PAR MKHYEN CING SKAD CIG GCIG DANG LDAN PA'I SHES RAB KYIS CHOS THAMS CAD YONGS SU MKHYEN TO ZHES THA SNYAD 'DOGS TE, DES NA THA SNYAD GCIG PA ZHES BYA'O, ,'JIG RTEN THAMS CAD KYI 'JIG RTEN PA LAS SANGS RGYAS BCOM LDAN 'DAS RNAMS 'DAS PAR GYUR PAS DE BZHIN GSHEGS PA LA 'JIG RTEN PA'I CHOS MI MNGA' 'O ZHES SMRA BA NI 'JIG RTEN LAS 'DAS PAR SMRA BA PA'O, ,MANG DU THOS PA'I SLOB DPON GYIS RJES SU STON PAR BYED PAS NA MANG DU THOS PAR SMRA BA'O, ,'DUS BYAS RNAMS PHAN TSUN BRTAGS PA NYID KYIS SDUG BSNGAL PA YIN NO ZHES SMRA BA'I PHYIR BTAGS PAR SMRA BA'O, ,MCHOD RTEN CAN GYI RI LA GNAS BCAS PA NYID NI MCHOD RTEN PA'O, ,SHAR GYI RI DANG NUB KYI RI LA GNAS PA NYID NI, SHAR GYI RI BO PA DANG, NUB KYI RI BO PA'O, ,GNAS BRTAN 'PHAGS PA'I RIGS YIN PAR STON PA NI GNAS BRTAN PA'O, ,DE NYID LA GANGS RI PA ZHES KYANG ZER TE, GANGS KYI RIL BRTEN NAS GNAS PA'I PHYIR RO, ,GANG CUNG ZHIG 'DAS PA DANG, MA 'ONGS PA DANG, DA LTAR BYUNG BA THAMS CAD YOD DO ZHES SMRA BA'I PHYIR, THAMS CAD YOD PAR SMRA BA'O, ,DE DAG NYID LAS 'GA' ZHIG NI YOD DE 'DAS PA'I LAS 'BRAS BU MA PHYUNG BA GANG YIN PA'O, ,LA LA NI MED DE, GANG 'BRAS BU MYONG ZIN PA DANG, MA 'ONGS PA DAG GO ZHES RNAM PAR PHYE NAS SMRA BAR BYED PA'I PHYIR; DE NYID LA RNAM PAR PHYE STE SMRA BA ZHES BYA'O, ,DE DAG NYID LAS GANG CUNG ZHIG BYUNG BA DANG, 'BYUNG BA DANG, 'BYUNG BAR 'GYUR BA DE THAMS CAD NI RGYU DANG BCAS PA'O ZHES SMRA BAS RGYUR SMRA BA'O, ,DE RNAMS NYID LA KHA CIG MU RUN TA'I RIL GNAS PA'I PHYIR MU RUN TA PA KA ZHES BYA'O, ,GNAS PA'I @148A *, ,RIGS NYID KYI BUD MED NI GNAS MA YIN LA, DE LAS SKYES PA'I BU NI GNAS MA'I BU STE, DE'I RIGS YIN PAR STON PA NI GNAS MA'I BU'O, ,SLOB DPON CHOS MCHOG GI RJES SU STON PAR BYED PA NI CHOS MCHOG PA'O, ,BZANG PO'I LAM PA'I SLOB MA NI BZANG PO'I LAM PA'O, ,KUN GYIS BKUR BA'I SLOB DPON GYI LUGS STON PAR BYED PA NI KUN GYIS BKUR BA BA'O, ,DE NYID LAS AA PAN TA'I GRONG KHYER DU YANG DAG PAR BSDU BA BYA BA'I PHYIR AA PA NA TA KA PA'O, ,KHA CIG NI KU RU KU LA'I RI LA GNAS PA'I PHYIR KU RU KU LA PA'O, ,SA SU'I SKAD KYI DBYINGS LAS RDZAS SU STON DU BSGYUR TE, SKYE BO'I TSOGS CHEN PO LA YANG SRID PAR MI 'BYUNG BAR RJES SU STON PAR BYED PA NI MANG STON PA'O, ,SLOB DPON CHOS SBAS KYIS YIN PAR SMRA BA NI CHOS SBAS PA'O, ,RAB TU BSNGAGS PA'I DMIGS PA'I CHOS KYI CHAR 'BEBS PAR BYED PAS NA CHAR BZANGS 'BEBS PA'O, ,DE NYID SLOB DPON 'OD SRUNGS KYI YIN PAR SMRA BAS NI 'OD SRUNGS PA'O, ,DE BZHIN DU BLA MA PA'I YIN PAR SMRA BA NI BLA MA BA'O, ,DE NYID LAS KHA CIG NA RE, 'JIG RTEN 'DI NAS 'JIG RTEN PHA ROL DU GANG ZAG 'PHO BAR 'GYUR RO ZHES SMRA BA NI 'PHO BAR SMRA BA PA'O, ,DE RNAMS LAS SNGAR BSTAN PA'I DGE 'DUN PHAL CHEN PA LA SOGS PA BRGYAD DANG, PHYIS BSTAN PA'I PHYIR GNAS BRTAN PA DANG, THAMS CAD YOD PAR SMRA BA DANG, MANG STON PA DANG, CHOS MCHOG PA DANG, 'OD SRUNGS PA RNAMS NI BDAG MED PAR SMRA BA YIN TE, MU STEGS PA'I 'DOD PAS BRTAGS PA'I BDAG DANG BDAG GI DAG NI STONG PA YIN PA DANG, CHOS THAMS CAD NI BDAG MED PA YANG YIN PAR SMRA BA YIN NO, ,LHAG MA GNAS MA'I BU LA SOGS PA SDE PA LNGA NI GANG ZAG TU SMRA BA YIN TE, GANG ZAG NI PHUNG PO DAG LAS DE NYID DANG GZHAN DU BRJOD DU MED PA RNAM PAR SHES PA DRUG GIS SHES PAR BYA BA 'KHOR BAR 'GYUR BA YONGS SU GSAL BAR GYUR PA YIN NO ZHES ZER RO, ,DE DAG NI SDE PA BCO BRGYAD KYI DBYE BA YIN NO,, ,,GZHAN NYID KYIS SMRA BA NI GZHI NI SNGA MA BZHIN DU BRJOD PAR BYA'O, ,RTZA BA'I DBYE BA NI GSUM STE, 'DI LTAR GNAS BRTAN PA DANG, DGE 'DUN PHAL @148B CHEN PA DANG, RNAM PAR PHYE STE SMRA BA'O, ,DE LA GNAS BRTAN PA YANG RNAM PA GNYIS TE, THAMS CAD YOD PAR SMRA BA DANG, GNAS MA'I BU'I SDE PA ZHES BYA'O, ,YANG THAMS CAD YOD PAR SMRA BA YANG RNAM PA GNYIS TE, THAMS CAD YOD BAR SMRA BA DANG, MDO SDE SMRA BA ZHES BYA BA'O, , GNAS MA'I BU YANG RNAM BA BZHI STE, MANG POS BKUR BA DANG, CHOS MCHOG PA DANG, BZANG PO'I LAM PA DANG, GRONG KHYER DRUG PA ZHES BYA BA STE DE LTAR NA GNAS BRTAN PA NI RNAM PA DRUG TU GNAS SO, ,YANG DGE 'DUN PHAL CHEN SDE NI RNAM PA BRGYAD DE, DGE 'DUN PHAL CHEN PA DANG, SHAR GYI RI BO DANG, NUB KYI RI BO DANG, RGYAL PO RI BO DANG, GANGS RI PA DANG, MCHOD RTEN PA DANG, BRTEN GRUB PA DANG, BA LANG GNAS PA ZHES BYA BA STE, DE LTAR NA DE DAG NI DGE 'DUN PHAL CHEN PA'I DBYE BA YIN NO, ,RNAM PAR PHYE STE SMRA BA YANG RNAM PA BZHI STE, SA STON PA DANG, 'OD SRUNGS PA DANG, CHOS SBAS PA DANG, GOS DMAR BA ZHES BYA'O, ,DE LTAR 'DI DAG NI 'PHAGS PA'I SDE RNAMS RNAM PAR PHYE BA NAS RNAM PA BCO BRGYAD DU GYUR PA'O,, ,,YANG GZHAN DAG NI 'DI SKAD SMRA STE, BCOM LDAN 'DAS YONGS SU MYA NGAN LAS 'DAS PA NAS BZUNG NAS, LO BRGYA SUM CU RTZA BDUN LON PA NA RGYAL PO DGA' BO DANG PADMA CHEN PO ZHES BYA BAS GRONG KHYER PA TA LI PU TRA'I NANG DU SDUD PAR BYED PA LA SOGS PA'I 'PHAGS PA PHAL NI YANG LEN PA MED PAR BSIL BA'I DNGOS PO THOB PAR GYUR PA NA 'PHAGS PA 'OD SRUNGS CHEN PO DANG, 'PHAGS PA SBU CHEN PO DANG, GTONG BA CHEN PO DANG, BLA MA DANG, RE BA TA LA SOGS PA SO SO YANG DAG PAR RIG PA THOB PA'I DGRA BCOM PA'I DGE 'DUN DE LTAR BZHUGS PA NA BDUD SDIG TO CAN BZANG PO THAMS CAD KYI MI MTHUN PA'I PHYOGS SU GYUR PA, DGE SLONG GI CHA BYAD 'DZIN PAS RDZU 'PHRUL SNA TSOGS BSTAN NAS, GZHI LNGAS DGE 'DUN GYI DBYEN CHEN PO BSKYED DE, GNAS BRTAN KLU ZHES BYA BA DANG, YID BRTAN PA ZHES BYA BA MANG DU THOS PA DAG GI GZHI LNGA BSNGAGS PAR BYED, RJES SU STON PAR BYED CING DE GZHAN LA LAN GDAB PA DANG, MI SHES PA DANG, YID GNYIS DANG, YONGS SU BRTAGS PA DANG, BDAG @149A *, ,NYID GSO BAR BYED PA NI LAM YIN TE, 'DI NI SANGS RGYAS KYI BSTAN PA YIN NO ZHES ZAR RO, ,DE NAS SDE PA GNYIS SU CHAD NAS GNAS TE, GNAS BRTAN PA DANG, DGE 'DUN PHAL CHEN SDE ZHES BYA'O, ,DE LTAR LO DRUG CU RTZA GSUM GYI BAR DU DGE 'DUN BYE NAS 'KHRUG LONG GIS GNAS SO, ,DE NAS LO BRGYA PHRAG GNYIS 'DAS PA'I RJES LA GNAS BRTAN GNAS MA'I BUS BSTAN PA YANG DAG PAR BSDUS SO, ,DES YANG DAG PAR BSDUS PA NA DGE 'DUN PHAL CHEN PA YANG RNAM PA GNYIS SU BYUNG BAR GYUR TE, THA SNYAD GCIG PA DANG, PA LANG GNAS PA ZHES BYA'O, ,DE LA THA SNYAD GCIG PA RNAMS KYI DAM TSIG GI RTZA BA NI SANGS RGYAS BCOM LDAN 'DAS RNAMS NI 'JIG RTEN LAS 'DAS PA STE, DE BZHIN GSHEGS PA LA 'JIG RTEN GYI CHOS NI MI MNGA'O, DE BZHIN GSHEGS PA THAMS CAD KYI CHOS KYI 'KHOR LO BSKOR BA'I RJES SU GSUNG NI MI 'JUG GO, ,DE BZHIN GSHEGS PA THAMS CAD KYI GSUNG NI SNYING PO LA MNGON PAR MOS PA'O, ,DE BZHIN GSHEGS PA LA GNAS DER GZUGS NYE BAR LEN PA NI MI MNGA'O, ,BYANG CHUB SEMS DPA'I DUS NA NUR NUR PO DANG, MER MER PO DANG, LTAR LTAR POS 'JUG BA MA YIN TE, GLANG PO CHER GYUR NAS YUM GYI DKU NAS ZHUGS NAS RANG NYID NGES PAR 'BYUNG BA YIN GYI, BYANG CHUB SEMS DPA' RNAMS LA 'DOD PA'I 'DU SHES NI MI 'BYUNG NGO, ,NGAN 'GRO RNAMS SU BDAG NYID KYI 'DOD PAS SKYE BA BLANGS TE SEMS CAN YONGS SU SMIN PAR BYED DO, ,YE SHES GCIG GIS BDEN PA BZHI RNAMS YONGS SU SHES SO, ,RNAM PAR SHES PA DRUG PO DAG NI 'DOD CHAGS DANG BCAS PA DANG 'DOD CHAGS DANG BRAL BA YIN NO, ,MIG GIS NI GZUGS RNAMS MTHONG NGO, ,DGRA BCOM PA RNAMS KYANG GZHAN DAG GIS BSTAN PA SGRUB PAR BYED DO, ,MI SHES PA DANG, YID GNYIS DANG, YONGS SU BRTAGS PA DANG, SDUG BSNGAL SPONG BA'I LAM YANG YOD DO, ,MNYAM PAR GZHAG PA'I TSE NGAG 'JUG PA YANG YOD DO, ,MI GTZANG BA SPANGS PA YANG YOD DO, ,YANG DAG PAR SDOM PA MNGON DU BYAS PA NYID KYIS KUN DU SBYOR BA THAMS CAD RAB TU SPANGS PAR BRJOD @149B BAR BYA'O, ,DE BZHIN GSHEGS PA RNAMS LA 'JIG RTEN PA'I YANG DAG PAR LTA BA NI MI MNGA'O, ,SEMS NI RANG BZHIN GYIS 'OD GSAL BA YIN BAS BAG LA NYAL BA RNAMS SEMS DANG MTSUNGS PAR LDAN ZHE'AM, MI LDAN ZHES BRJOD PAR MI BYA'O, ,BAG LA NYAL BA YANG GZHAN LA, KUN NAS LDANG BA YANG GZHAN YIN NO, ,'DAS PA DANG MA 'ONGS PA NI MED DO, ,RGYUN DU ZHUGS PA NI BSAM GTAN THOB PA YIN NO ZHES BYA BA STE DE LTA BU RNAMS NI THA SNYAD GCIG PA RNAMS KYI DAM TSIG YIN NO, ,YANG BA LANG GNAS PA RNAMS KYI DBYE BA NI MANG DU THOS PA DANG BTAGS PAR SMRA BA ZHES BYA'O, ,DE LA MANG DU THOS PA RNAMS KYI RTZA BA'I DAM TSIG NI NGES PAR 'BYUNG BA'I LAM LA NI RNAM PAR DPYOD PA MED DO, ,SDUG BSNGAL GYI BDEN PA DANG, KUN RDZOB KYI BDEN PA DANG, 'PHAGS PA'I BDEN PA NI BDEN PA'O, ,'DU BYED KYI SDUG BSNGAL RNAMS MTHONG BAS YANG DAG PAR SKYON MED PA LA 'JUG GI ,SDUG BSNGAL GYI SDUG BSNGAL DANG 'GYUR BA'I SDUG BSNGAL MTHONG BAS NI MA YIN NO, ,DGE 'DUN NI 'JIG RTEN LAS 'DAS PA'O, ,DGRA BCOM PA RNAMS LA YANG GZHAN GYIS NYE BAR BSTAN PA BSGRUB PA YOD DO, ,YANG DAG PAR BSGRAGS PA'I LAM YANG YOD DO, ,MNYAM PAR GZHAG PA LA YANG DAG PAR 'JUG PA YOD DO ZHES BYA BA RNAMS NI MANG DU THOS PA RNAMS KYI DAM TSIG GO, ,YANG BTAGS PAR SMRA BA RNAMS KYI PHUNG PO MED PA'I SDUG BSNGAL YANG YOD DO, ,YONGS SU MA RDZOGS PA'I SKYE MCHED KYANG YOD DO, ,'DU BYED RNAMS NI PHAN TSUN BRTAGS PA YIN NO, ,YANG SDUG BSNGAL NI DON DAM PAR RO, ,SEMS LAS BYUNG BA NI LAM MA YIN NO, , DUS MA YIN PAR 'CHI BA NI MED DO, ,SKYES BU BYED PA YANG MED DO, ,SDUG BSNGAL THAMS CAD NI LAS LAS BYUNG BA YIN NO ZHES BYA BA DE LTA BU NI BTAGS PAR SMRA BA RNAMS KYI RTZA BA'I DAM TSIG YIN NO, ,YANG BA LANG GNAS PA RNAMS KYI BYE BRAG LAS GNAS BRTAN MCHOD RTEN PA ZHES BYA BA STE, DE NI LHA CHEN PO ZHES BYA BA'I KUN DU RGYU ZHIG RAB TU BYUNG NAS MCHOD RTEN CAN GYI RIL GNAS PA YIN TE, YANG DE NI DGE 'DUN PHAL CHEN PA'I GZHI 'DON PAR GYUR PA NA MCHOD RTEN PA ZHES BYA BA'I SDE PAR RNAM PAR BZHAG STE, DE DAG NI DGE 'DUN PHAL CHEN PA RNAMS KYI SDE PA DRUG TU BZHAG PA YIN NO, ,YANG GNAS BRTAN PA YANG RNAM PA @150A *, ,GNYIS TE, SNGAR GYI GNAS BRTAN PA DANG, GANGS RI PA ZHES BYA BA'O, ,SNGAR GYI GNAS BRTAN PA'I RTZA BA'I DAM TSIG NI DGRA BCOM PA RNAMS LA GZHAN GYIS STON CING BSGRUB PA NI MED DO, ,DE BZHIN DU GZHI LNGA PO YANG MED DO, ,GANG ZAG NI YOD DO, ,SRID PA BAR MA NI YOD DO; ,DGRA BCOM PA YONGS SU MYA NGAN LAS 'DAS BA NI YOD DO, ,'DAS PA DANG MA 'ONGS PA YANG YOD DO, ,MYA NGAN LAS 'DAS PA'I DON NI YOD DO ZHES BYA BA NI GNAS BRTAN PA'I RTZA BA'I DAM TSIG GO, ,DE LA GANGS RI BA'I RTZA BA'I DAM TSIG NI BYANG CHUB SEMS DPA' NI SO SO'I SKYE BO MA YIN ZHES BYA'O, , PHYI ROL PA LA YANG MNGON PAR SHES PA LNGA NI YOD DO, ,PHUNG PO LAS GANG ZAG NI GZHAN YIN PAR BRJOD PAR BYA STE, MYA NGAN LAS 'DAS PAR 'GYUR BA NA GANG DU PHUNG PO 'GAGS PA NA GANG ZAG NI GNAS PA'I PHYIR RO, ,MNYAM PAR GZHAG PA LA NGAG 'JUG PA NI YOD DO, ,LAM GYI SDUG BSNGAL SPONG NGO ZHES BYA BA DE DAG NI GANGS RI PA'I DAM TSIG GO, ,YANG DANG PO'I GNAS BRTAN PA YANG RNAM PA GNYIS SU GYUR TE, THAMS CAD YOD PAR SMRA BA DANG, GNAS MA'I BU'I ZHES BYA'O, ,DE LA THAMS CAD YOD PAR SMRA BA'I RTZA BA'I DAM TSIG NI GNYIS KYIS THAMS CAD BSDUS TE, 'DUS BYAS DANG 'DUS MA BYAS SO, ,DE SKAD SMRAS PAS CIR 'GYUR, GANG ZAG NI MED CES BYA BA STE, JI SKAD DU, BDAG MED PA YI LUS 'DI 'BYUNG BA NA, ,BYED PA MED CING RIG PA PO YANG MED, ,JI LTAR 'KHOR BA'I CHU KLUNG 'JUG 'GYUR PA, ,NYAN PA'I MCHOG KHYOD DE NI BSTAN GYIS NYON, ,ZHES GSUNGS PA LTA BU'O, ,DE DAG NI THAMS CAD YOD PAR SMRA BA'I RTZA BA'I DAM TSIG GO, ,YANG DE DAG GI RTZA BA'I DAM TSIG NI MING DANG GZUGS KYIS THAMS CAD BSDUS SO, ,'DAS PA DANG, MA 'ONGS PA NI YOD DO, ,RGYUN DU ZHUGS PA NI MI NYAMS PA'I CHOS CAN YIN PAR BRJOD PAR BYA'O, ,'DUS BYAS RNAMS KYI MTSAN NYID NI GSUM YIN NO, ,'PHAGS PA'I BDEN PA BZHI NI RIM GYIS RTOGS PAR 'GYUR RO, ,STONG PA NYID DANG, SMON PA MED PA DANG, MTSAN MA MED PA DAG GIS SKYON MED PA LA 'JUG PAR 'GYUR RO, ,SKAD CIG MA BCOM LNGAS NI RGYUN DU ZHUGS PA'I 'BRAS BU LA ZHUGS PA YIN NO, ,RGYUN DU ZHUGS PA NI BSAM GTAN THOB PA YIN NO, ,DGRA BCOM @150B PA YANG NYAMS PA SRID DO, ,SO SO'I SKYE BO LA YANG 'DOD PA'I 'DOD CHAGS SAM GNOD SEMS SPONG BA YOD DO, ,PHYI ROL BA LA YANG MNGON PAR SHES PA LNGA YOD DO, ,LHA RNAMS LA YANG TSANGS PAR SPYOD PA LA GNAS PA YOD DO, ,MDO SDE THAMS CAD NI DRANG BA'I DON YIN NO, ,SKYON MED PA LA 'JUG PAR 'GYUR BA NI 'DOD PA'I KHAMS NAS SO, ,'DOD PA'I 'JIG RTEN PA'I YANG DAG PA'I LTA BA NI YOD DO, ,RNAM PAR SHES PA'I TSOGS LNGA NI 'DOD CHAGS DANG BCAS PA YANG MA YIN, 'DOD CHAGS DANG BRAL BA YANG MA YIN NO ZHES BYA BA 'DI DAG NI THAMS CAD YOD PAR SMRA BA'I DAM TSIG GO, ,YANG THAMS CAD YOD PAR SMRA BA'I BYE BRAG NI RNAM PAR PHYE STE SMRA BA YIN NO, ,YANG RNAM PAR PHYE STE SMRA BA'I BYE BRAG NI MANG STON PA DANG, CHOS SBAS PA DANG, GOS DMAR BA DANG, 'OD SRUNGS PA ZHES BYA'O, ,DE LA MANG STON PA RNAMS KYI RTZA BA'I DAM TSIG NI 'DAS PA DANG MA 'ONGS PA NI MED DO, ,DA LTAR BYUNG BA'I 'DUS BYAS NYID NI YOD DO, ,SDUG BSNGAL MTHONG BAS BDEN PA BZHI CHAR MTHONG BAR 'GYUR RO, ,BAG LA NYAL YANG GZHAN YIN LA MNGON DU RGYU YANG GZHAN YIN NO, ,SRID PA BAR MA NI MED DO, ,LHA'I GNAS NA YANG TSANGS PAR SBYOD PA NI YOD DO, ,DGRA BCOM PA YANG BSOD NAMS BSOG GO, ,RNAM PAR SHES PA'I TSOGS LNGA LA YANG 'DOD CHAGS DANG BCAS PA DANG 'DOD CHAGS DANG BRAL BA YOD DO, ,GANG ZAG NI MGO LA SOGS PA LUS DANG MNYAM PO YIN NO, ,RGYUN DU ZHUGS PA NI BSAM GTAN THOB PA'O, ,SO SO'I SKYE BOS KYANG 'DOD CHAGS SAM GNOD SEMS SPONG NGO, ,SANGS RGYAS NI DGE 'DUN GYI KHONGS SU GTOG PA'O, ,DGE 'DUN NI 'BRAS BU CHEN PO 'BYUNG BAR BYED KYI SANGS RGYAS NI DE LTA MA YIN NO, ,SANGS RGYAS DANG NYAN THOS KYI RNAM PAR GROL BA NI GCIG GO, ,GANG ZAG NI MI MTHONG NGO, ,SEMS DANG SEMS LAS BYUNG BA 'BA' ZHIG NI SKYE BA'I CHOS CUNG ZAD TZAM YANG 'JIG RTEN 'DI NAS 'JIG RTEN PHA ROL DU 'PHO ,BA NI MED PA NYID DO, ,'DUS BYAS THAMS CAD NI SKAD CIG MA'O; ,'DU BYED RGYAS PAR GYUR BA LAS NI SKYE BA YIN NO, ,'DU BYED RNAMS GNAS PA NI MED DO, ,SEMS JI LTA BA DE LTAR LAS YIN GYI LUS DANG NGAG GI LAS NI MED DO, ,NYAMS PAR MI 'GYUR BA'I CHOS MED DO, ,MCHOD RTEN MCHOD PA LA NI 'BRAS BU MED DO, ,DA LTAR BYUNG BA RTAG TU BA NI BAG LA NYAL BA YIN @151A *, ,NO; ,'DUS BYAS MTHONG BA'I SKYON MED PA LA 'JUG PAR 'GYUR RO ZHES BYA BA 'DI DAG NI MANG STON PA RNAMS KYI RTZA BA'I DAM TSIG YIN NO, ,YANG CHOS SBAS PA RNAMS KYI RTZA BA'I DAM TSIG NI SANGS RGYAS NI DGE 'DUN GYI KHONGS SU GTOGS PA MA YIN NO, ,SANGS RGYAS LAS 'BRAS BU CHEN PO 'BYUNG BA DE DAG DGE 'DUN LAS NI MA YIN NO, ,LHA'I GNAS NA YANG TSANGS PAR SPYOD PA NI YOD DO, ,'JIG RTEN PA'I CHOS NI YOD DO ZHES BYA BA DE DAG NI CHOS SBAS PA RNAMS KYI RTZA BA'I DAM TSIG YIN NO, ,DE LA 'OD SRUNGS PA RNAMS KYI DAM TSIG NI RNAM PAR SMIN PA RNAM PAR SMIN PA'I CHOS RNAMS KYANG 'BYUNG BAR 'GYUR BA'I CHOS NI YOD DO, ,SPANGS LA YONGS SU MA SHES PA YOD DO ZHES BYA BA DANG, CHOS SBAS PA'I THAMS CAD KYANG 'DOD, DE DAG NI 'OD SRUNGS PA'I DAM TSIG YIN NO, ,GOS DMAR BA RNAMS KYI DAM TSIG NI GANG ZAG NI MED DO ZHES BYA'O, ,YANG THAMS CAD YOD PAR SMRA BA RNAMS KYI BYE BRAG SLOB DPON BLA MA'I GZHUNG STON PAR BYED PA'I 'PHO BAR SMRA BA RNAMS KYI RTZA BA'I DAM TSIG NI PHUNG PO LNGA NI 'JIG RTEN 'DI NAS 'JIG RTEN PHA ROL DU 'PHO BA'O, ,LAM MA RTOGS PAR PHUNG PO 'GAG PA MED DO, ,RTZA BA'I LTUNG BA DANG BCAS PA'I PHUNG PO NI YOD DO, ,GANG ZAG NI DON DAM PAR MI DMIGS SO, ,KUN KYANG MI RTAG GO ZHES BYA BA DE DAG NI 'PHO BA'I DAM TSIG YIN TE, RNAM PA BDUN PO DE LTA BU DAG TU THAMS CAD YOD PAR SMRA BAR DAM TSIG DAG GNAS SO, ,YANG GNAS MA'I BU'I DAM TSIG NI NYE BAR BLANG BA NYE BAR LEN PA DANG LDAN PA NI BTAGS PA'O, ,CHOS GANG YANG 'JIG RTEN 'DI NAS 'JIG RTEN PHA ROL TU 'PHO BA MED DO, ,GANG ZAG NI PHUNG PO LNGA NYE BAR BLANGS NAS 'PHO BAR 'GYUR RO, ,'DUS BYAS NI SKAD CIG MA DANG SKAD CIG MA MA YIN PA YANG YOD DO, ,GANG ZAG NI NYE BAR BLANGS PA'I PHUNG PO NYID DANG, GCIG PA'AM GCIG PA MA YIN PAR BRJOD PAR MI BYA'O, ,MYA NGAN LAS 'DAS PA NI CHOS THAMS CAD DANG GCIG PA NYID DANG THA DAD PA NYID DU MI BRJOD DO, ,MYA NGAN LAS 'DAS PA NI YOD PA NYID DAM MED PA NYID DU MI BRJOD DO, ,RNAM PAR SHES PA'I TSOGS LNGA'I NI 'DOD CHAGS DANG BCAS PA YANG MA YIN 'DOD CHAGS DANG BRAL BA YANG MA YIN NO ZHES BYA BA NI GNAS MA'I BU BA RNAMS KYI DAM TSIG NYID DO, ,YANG GNAS MA'I BU YANG RNAM PA GNYIS TE, @151B RI CHEN PO DANG, MANG POS BKUR BA PA'O, ,DE LA MANG POS BKUR BA PA RNAMS KYI RTZA BA'I DAM TSIG NI 'BYUNG BAR 'GYUR BA DANG, 'BYUNG BA DANG 'GAG PAR 'GYUR BA DANG, 'GAG PA DANG SKYE BAR 'GYUR BA DANG, SKYE BA DANG, 'CHI BAR 'GYUR BA DANG, 'CHI BA DANG, BYED PAR 'GYUR BA DANG, BYED PA DANG; CHAD PAR 'GYUR PA DANG, CHAD PA DANG, 'GRO BAR 'GYUR BA DANG, 'GRO BA DANG, RNAM PAR SHES PAR 'GYUR BA DANG, RNAM PAR SHES PA NI YOD DO ZHES BYA BA DE LTA BU NI MANG POS BKUR BA PA RNAMS KYI RTZA BA'I DAM TSIG GO, ,YANG RI CHEN PO PA YANG RNAM PA GNYIS TE, CHOS MCHOG PA DANG, LAM BZANGS BA ZHES BYA BA'O, ,CHOS MCHOG PA RNAMS KYI RTZA BA'I DAM TSIG NI SKYE LA MA RAG PA DANG, SKYE BA DANG, 'GAG PA LA MA RAG PA DANG, 'GAG PA'O, ,LAM BZANGS PA'I YANG DE BZHIN NO, ,GRONG KHYER DRUG PA LA KHA CIG NA RE RI CHEN PO PA'I BYE BRAG YIN ZER, GZHAN DAG GIS SMRAS PA NI, MANG POS BKUR BA PA'I BYE BRAG YIN PAR 'DOD DE, DE LTAR DE RNAMS NI GNAS MA'I BU'I SDE PA RNAM PA BZHIR GNAS PA YIN NO, ,GANG DE DAG NI SLOB DPON DAG GI RJES SU 'BRANGS PA'I RIM GYIS RNAM PA BCO BRGYAD DU GYUR PA YIN TE, DE DAG NI RTZA BA'I RTOG PA DAG YIN NO, ,GZHAN NANG GSES KYI DBYE BA NI MANG DU YOD PAS BRJOD PAR BYA'O, ,CI LTA ZHE NA; THAMS CAD YOD PAR SMRA BA RNAMS KYI 'DOD GZHUNG GI BYE BRAG KYANG DBYE BA RNAM PA BZHI STE DNGOS PO DANG, MTSAN NYID DANG, GNAS SKABS DANG, GZHAN GZHAN DU 'GYUR BA NYID KYI BYE BRAG GIS SO, ,DE LA DANG PO DNGOS PO GZHAN NYID DU 'GYUR PA NI BTZUN PA CHOS SKYOB KYI STE, DE NI CHOS RNAMS DUS KYIS 'JUG PAR GYUR PA NA, DNGOS PO GZHAN DU GYUR PA NYID YIN GYI, RDZAS GZHAN DU GYUR PA NYID NI MA YIN TE, GSER GYI SNOD BCOM NAS GZHAN DU BYAS PA NA DBYIBS GZHAN DU GYUR PA NYID YIN GYI RDZAS GZHAN DU GYUR PA NI MA YIN NO, ,JI LTAR 'O MA LA ZHOR GYUR PA NA, RO DANG NUS PA DANG SMIN PA GZHAN DU GYUR PA LAS KHA DOG NI MA YIN PA DE BZHIN DU CHOS RNAMS KYANG 'DAS PA'I DUS NAS DA LTAR GYI DUS SU BYUNG BA NA, 'DAS PA'I DUS KYI DNGOS PO NYAMS PA YIN GYI RDZAS NI MA YIN NO, ,DE BZHIN DU DA LTAR GYI DUS NAS MA 'ONGS PAR 'GYUR BA NA YANG, DA LTAR GYI DNGOS PO NYAMS PA YIN GYI RDZAS KYI DNGOS PO NI MA YIN NO ZHES ZER RO,, @152A *, ,MTSAN NYID GZHAN DU GYUR PA NI BTZUN PA DBYANGS SGROGS KYI STE, DE NA RE CHOS RNAMS DUS KYIS 'JUG PAR GYUR PA NA, 'DAS PA'I MTSAN NYID DANG LDAN PA NI MA 'ONGS PA DANG DA LTAR GYI MTSAN NYID DANG MI LDAN PA YANG MA YIN LA, MA 'ONGS PA YANG MA 'ONGS PA'I MTSAN NYID DANG LDAN PA NI 'DAS PA DANG DA LTAR GYI NGAG DANG MI LDAN PA NI MA YIN NO, ,DPER NA SKYES BU BUD MED GCIG LA CHAGS PAR GYUR PA NA, LHAG MA RNAMS LA CHAGS PA DANG BRAL BA NI MA YIN NO ZHES ZER RO, ,GNAS SKABS SU GZHAN DU GYUR PA NI BTZUN PA DBYIG BSHES KYI STE, DE NI CHOS RNAMS DUS KYIS 'JUG PAR GYUR PA NA GZHAN DANG GZHAN DU RJOD PAR BYED PA NI GNAS SKABS GZHAN DU GYUR PA YIN GYI, RDZAS GZHAN DU GYUR PA NI MA YIN TE, DPER NA SDONG BU GCIG PU BGRANG BA'I TSE NI GCIG CES BRJOD PAR GYUR PA LA, GRANGS BRGYAR GTOGS PA'I TSE NI BRGYA ZHES BYA, , GRANGS STONG DU BGRANG BA'I TSE NI STONG ZHES BYA BA DANG 'DRA'O ZHES ZER RO, ,GZHAN GZHAN DU GYUR PA NI BTZUN PA SANGS RGYAS LHA'I STE, DE NI CHOS RNAMS SU DUS KYIS 'JUG PAR GYUR PA NA SNGON DANG PHYI MA LA LTOS NAS GZHAN DANG GZHAN DU BRJOD PAR BYA STE, DPER NA BUD MED GCIG LAM ZHES KYANG BRJOD, BU MO ZHES KYANG BRJOD PA YIN NO, ,BZHI PO DE DAG JI LTA BA BZHIN DU THAMS CAD YOD CES SMRA BA'I PHYIR THAMS CAD YOD PAR SMRA BA'O, ,DE BZHIN DU KHA CIG RKYEN BDUN TE, RGYU DANG, DMIGS PA DANG, DE MA THAG PA DANG, BDAG PO DANG, LAS DANG, ZAS DANG, RTEN ZHES BYA'O; ,DE BZHIN DUL LA NI RTOGS PA'I SEMS BZHI STE, BDEN PA SO SO PA'O, ,GZHAN RNAMS NI CHOS SHES PA DANG, RJES SU SHES PA BRGYAD YIN TE, SO SOR RTOG PA'I YE SHES NI MA YIN NO ZHES ZER, GZHAN RNAMS NI BCU GNYIS SU 'DOD DO, ,DE LAS KYANG GZHAN PA RNAMS NI BCU DRUG TU 'DOD DO, ,DE BZHIN DU SEMS MED PA'I GNYID LA NI SEMS MA YIN NO, ,MTSUNGS PAR LDAN PA LHAG MA RNAMS LA NI YOD DO, ,'DU SHES DANG TSOR BA 'GOG PA LA 'DU SHES DANG TSOR BA 'GOG PA NI YOD DO, ,LHAG MA RNAMS LA NI MTSUNGS PAR LDAN PA YOD DO, ,JI LTAR YID KYIS @152B SKYO BAR GYUR PA NI SPYOD PA MED PA'I BSAM GTAN LA SNYOMS PAR 'JUG LA, DGA' BAS SKYO BAR GYUR PA NI DGA' BA MED PA'I BSAM GTAN LA SNYOMS PAR 'JUG BZHIN DU 'DU SHES PA DANG, TSOR BAS SKYO BAR GYUR PA NI 'DU SHES DANG TSOR BA 'GOG PA LA SNYOMS PAR 'JUG LA, DE BZHIN DU KHA CIG NA RE SEMS KYIS YUL GYI KHYAD PAR THOB PA NI MYA NGAN LAS 'DAS PA THOB PA YIN NO ZHES ZER RO, ,LA LA NA RE PHUNG PO MED PAR GYUR PAR MYA NGAN LAS 'DAS PA YIN GYI DNGOS PO'I DON NI MA YIN ZHES ZER, KHA CIG NA RE RANG BZHIN GYIS LUNG DU BSTAN DU MED PA NI MYA NGAN LAS 'DAS PA YIN NO ZHES BRJOD DO, ,DE BZHIN DU LA LA NA RE TSAD MED PA RNAMS NI BYANG CHUB KYI YAN LAG YIN NO YANG ZER RO, ,KHA CIG NA RE 'BRAS BU CHE BA NI GSUM STE, GZHAN GYI SEMS KYI 'BRAS BU DANG, 'BRAS BU CHE BA DANG, TSAD MED PA'I 'BRAS BU ZHES BYA BA'O, ,DE BZHIN DU NYON MONGS PA'I DBANG GIS 'GRO BAR 'GRO BA NA GROGS SU GYUR PA NI LAS YIN NO, ,DE BZHIN DU DE SPANGS PAR GYUR PA NI 'GRO BA DE DAG TU 'GRO BAR MI 'GYUR RO, ,YANG LA LA NA RE SNGAR BYAS PA'I LAS RNAMS KYI DBANG GIS DANG POR 'GRO BAR 'DOD DO, ,KHA CIG NI JI LTAR GOMS PA'I LAS RNAMS KYIS YIN PAR 'DOD DO, ,LA LAN RE RNAM PA LNGAS GOMS PAS TE, SNGA MA BZHI DANG RKYEN GYI KHYAD PAR GOMS PAS SO, ,KHA CIG NA RE 'DAS PA'I NYE BAR LEN PA LAS ME 'BAR RO ZHES ZER RO, ,KHA CIG NA RE DA LTAR GYI LAS SO ZHES ZER RO, ,KHA CIG NA RE SGRIB PA LNGA PO RNAMS LAS GANG YANG RUNG BA LA MI MTHUN PAR SEMS PA LAS SO ZHES ZER, KHA CIG NI GZUGS KYI KHAMS NI KHAMS BZHI PAR KHA DOG BZHI PAR 'DOD DO, ,GZHAN NI KHA DOG GCIG PAR 'DOD DO, ,DE BZHIN DU GZHAN DAG NI GANG ZAG NI YOD DO, ,DE YANG PHUNG PO LAS GZHAN YIN NO ZHES ZER, PHUNG PO TZAM YANG MA YIN TE, PHUNG PO NYE BAR BLANGS PA DANG LDAN PAR BRTAG PA'O, ,NYE BAR LEN PA MED PA NI MYA NGAN LAS 'DAS PA YIN PAS SO, ,'DI LTAR 'PHAGS PA'I BDEN PA BZHI LAS RIM GYIS BRTAGS NAS MNGON PAR RTOGS PAR 'GYUR TE, BAR MA DOR MI MTHUN PA'I SEMS 'BYUNG BA MED DO, ,SDUG @153A *, ,BSNGAL LA DMIGS PA'I BYANG CHUB KYI YAN LAG GIS SKYON MED PAR 'JUG GO, ,'DOD PAR GTOGS PA'I 'DU BYED MI RTAG PAR YID LA BYED PA LA BRTEN PA'I SEMS BCU GSUM GYIS RGYUN DU ZHUGS PA'I 'BRAS BU THOB PAR 'GYUR TE, CHOS DE LA GNAS PA LA NYAMS PA MED DO, ,DE BZHIN DU ZHUGS PA YANG NGO, ,DGRA BCOM PA LA YANG NYAMS PA'I CHOS YOD DO, ,SRID PA BAR MA DO YANG YOD DO, ,'DAS PA DANG MA 'ONGS PA YANG YOD DO, ,GCIG TU DGE BA'I CHOS KYI DON MYA NGAN LAS 'DAS PA NI YOD DO, ,PHUNG PO 'GAG PA NI DUS LAS RNAM PAR GROL BA YIN NO, ,LHA LA YANG TSANGS PAR SPYOD PA LA GNAS PA YOD DO, ,'DOD PA'I KHAMS NAS SKYON MED PA LA 'JUG PAR 'GYUR RO, ,SO SO'I SKYE BOS KYANG 'DOD PA'I 'DOD CHAGS DANG GNOD SEMS SPONG NGO, ,RNAM PAR SHES PA'I TSOGS LNGA NI 'DOD CHAGS DANG BCAS PA'AM PHRAL BA YANG MA YIN TE RNAM PAR RTOG PA MED PA'I PHYIR RO, ,DRUG PA NI 'DOD CHAGS DANG BCAS PA DANG 'DOD CHAGS DANG BRAL BA YANG YIN NO, ,DGRA BCOM PA NI ZAG PA DANG BCAS PA'I GZUGS DANG SEMS KYIS ZAG PA DANG BCAS PA DANG, ZAG PA MED PA LAS DMIGS PA YIN NO, ,SEMS KYIS YUL GZHAN DU PHYIN PA NI MA YIN GYI, 'DI NA GNAS BZHIN DU THAG RING PO NA GNAS PA LA DMIGS PAR BYED DO, ,GZUGS MED PA'I KHAMS NA GZUGS MED DO, ,DGRA BCOM PA LA YANG NYAMS PA'I CHOS YOD DO, ,DUS MA YIN PAR 'CHI BA YOD DO, ,SKYES BU'I BYED PA YOD DO, ,'JIG RTEN PA'I YANG DAG PA'I LTA BA YOD DO, ,PHYI ROL PA LA YANG MNGON PAR SHES PA LNGA YOD DO, ,DGRA BCOM PA LA GZHAN GYIS BSTAN CING BSGRUB PA MED DO, ,MI SHES PA MED DO, ,YID GNYIS MED DO, ,GZHAN GYI LA YONGS SU BRTAG PA MED DO, ,NGAG 'JUG PA'I SMRA BA MED DO, DBANG PO DANG STOBS DANG BYANG CHUB KYI YAN LAG BSKYED PA'I PHYIR RO, ,BCOM LDAN 'DAS KYI NYAN THOS RNAMS BYANG GI SGRA MI SNYAN DANG, BDUD RIS DANG, 'DU SHES MED PA'I SEMS CAN DU SKYE BA NI MED DO, ,RGYUN DU ZHUGS PAS BSAM GTAN RNAMS THOB PA MA YIN NO, ,MDO SDE THAMS CAD NI NGES PA'I DON YIN NO, ,MTSUNGS PAR @153B MI LDAN PA'I BAG LA NYAL DANG SEMS LAS BYUNG BA'I BAG LA NYAL YANG YOD DO, ,'DUS BYAS NI SKAD CIG MA DANG, SKAD CIG MA YIN PA YANG YOD DO, ,'GAG PAR 'GYUR BA'I NYE BAR LEN PA LAS ME 'BAR BAR 'GYUR RO, ,SEMS CAN GCIG CIG 'CHI ZHING SKYE BO MI SHES PA'I GZHI LAS 'CHI BA'I MTHAR THUG GI BAR DU'O, ,'CHI BA'I RKYEN BYED PA'I SEMS GCIG PO DE NYID YANG DAG PAR ZHI BAR BYA'O, ,TSAD MED PA RNAMS NI BYANG CHUB KYI YAN LAG MA YIN NO, ,SNYOMS PAR 'JUG PA DRUG CU RTZA BDUN GRUB PAR BYAS NAS SNYOMS PAR 'JUG PA BCU DGU DANG; DBANG PO DANG, STOBS DANG, BYANG CHUB KYI YAN LAG RNAMS BYANG CHUB SEMS DPAS YANG DAG PAR SBYONG BAR BYED DO, ,KUN DU SBYOR BA RNAMS MA GTOGS PA NYID NI BAR CHAD MED PA'I LAM GYIS SPANG BAR BYA BA RNAMS SO, ,'GRO BA DANG BCAS PA'I LAM NI NGES PAR GNYIS NYID YIN NO, ,DGE SBYONG GI 'BRAS BU NI RIM GYIS THOB PA MA YIN NO, ,'JIG RTEN PA'I LAM GYIS KYANG LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU MNGON DU BYED DO, ,'KHOR BA GZHAN DU 'GYUR BA YANG YOD DO, ,CHOS CUNG ZHIG KYANG 'JIG RTEN 'DI NAS 'JIG RTEN PHA ROL DU 'GRO BA MED DO, ,PHUNG PO NYE BAR BLANGS NAS SEMS CAN NI 'PHO BAR 'GYUR RO, ,GZUGS KYI KHAMS NI KHA DOG BZHI PA YIN NO, ,DE BZHIN DU SRID PA BAR MA NI KHA DOG BCU'AM NYA PHYIS KYI MDOG 'DRA BA YIN NO, ,DE BZHIN DU SRID PA BAR MA NI ZHAG LNGA'AM BDUN DU GNAS PA'AM YUN RING POR YANG NGO, ,DE BZHIN DU LAS NI NAM YANG MED PAR MI 'GYUR RO, ,NYAMS PAR MI 'GYUR RO, ,'PHROGS PAR MI 'GYUR RO, ,LAS KYI RNAM PAR SMIN PA NYAMS SU MYONG BAR 'GYUR BA NI MED DO, ,SRID PA JI SRID KYI BAR DU RIGS KYI NGO BO DANG LHAN CIG TU GNAS SO; ,SNGAR NYE BAR BSAGS PA DANG PHYIS NYE BAR BSAGS PA'I LAS KYI RKYEN NYE BAR RNYED PAR GYUR NAS 'GRO BA RNAMS SU 'GRO BAR BYED DO, ,NGES PA'I LAS NAS BZLOG PAR MI NUS SO, ,BYANG CHUB SEMS DPA' NI SKYES BU'I GZUGS KYIS LHUMS SU ZHUGS PA YIN, YUM GYI DGU NAS GLANG PO @154A *, ,CHER GYUR NAS ZHUGS PA NI MA YIN TE, DE NI DE'I RMI LAM GYI RNAM RTOG YIN NO, ,NUR NUR PO DANG, MER MER PO DANG, LTAR LTAR PO'I NGO BOR YANG 'GYUR RO, ,SKYE GNAS NA YANG SGRIB PA MED PA'I RNAM PAR GROL BA'I NUS PA CAN DU 'GYUR RO, ,SANGS RGYAS BCOM LDAN 'DAS RNAMS KYI YE SHES NI LONGS SPYOD PA LA 'JUG PAR 'GYUR RO, ,SO SO'I SKYE BO NYID KYANG SEMS GCIG GIS 'GOG GO, ,SEMS GCIG GIS SGRIB PA THAMS CAD SPONG, SEMS GCIG GIS THAMS CAD MKHYEN PA'I SGRIB PA MED PA'I RNAM PAR THAR PA YANG RAB TU THOB BO, ,SEMS GCIG GIS ZHUGS PA'I CHOS RNAMS 'GAG PAR BYED CING 'BRAS BU LA GNAS PA RNAMS SKYED PAR BYED DO, ,RKYEN BZHI NYID KYIS RKYEN THAMS CAD BSDUS SO, ,SDUG BSNGAL GYIS SPANG BAR BYA BA'I KUN NAS LDANG BA LA GNAS PA NI MTSAMS MED PA DAG BYED PA YIN GYI GZHAN GYIS NI MA YIN NO, , MTHONG BAS SPANG BAR BYA BA'I BAG LA NYAL BZHIS BSDUS PAS THAMS CAD BSDUS PA STE DES DGE BA'I RTZA BA THAMS CAD GCOD PAR BYED KYI BSGOM PAS SPANG BAR BYA BAS NI MA YIN NO, ,BSGOM PA'I RANG BZHIN THAMS CAD LA 'JIG RTEN JI SRID GNAS KYI BAR DU GZHAN GYIS GNOD PAR BYED PA'I 'BAD PAS GNOD PAR MI 'GYUR GYI, BDAG NYID KYI TSE ZAD PAS DUS BYED PAR 'GYUR RO, ,DGRA BCOM PA THAMS CAD NI 'BRAL BAS 'CHI BAR 'GYUR GYI, 'PHO BAS NI 'CHI BA MED DE, JI SKAD DU LUS DANG BRAL BAS DUS BYED PAR 'GYUR TE, DGRA BCOM PA NI LUS THA MA DANG BRAL BAS 'BRAL BA'I PHYIR RO ZHES BYA BAR GSUNGS PA LTA BU STE, LUS NI 'DIR DBANG PO'I LUS LA BYA BAR BZHED DO, ,'BYUNG BAR 'GYUR BA DANG, 'BYUNG BA DANG, 'GAG PAR 'GYUR BA DANG, 'GAG PA DANG, SKYE BAR 'GYUR BA DANG, SKYE BA DANG, 'CHI BAR 'GYUR BA DANG, 'CHI BA DANG, BYED PAR 'GYUR BA DANG, BYED PA DANG, CHAD PAR 'GYUR BA DANG, CHAD PA DANG, 'GRO BAR 'GYUR BA DANG, 'GRO BA DANG, RNAM PAR SHES PAR 'GYUR BA DANG, RNAM PAR SHES PA'O, ,PHUNG PO GSUM GYIS SEMS THAMS CAD BSDUS KYI CHOS THAMS CAD NI MA YIN NO, ,CHOR BA THAMS CAD NI LAS @154B LAS BYUNG BA YIN NO, ,SNGAR BYAS PA'I SGOM PAS SPANG BAR BYA BA'I LAS THAMS CAD KYI RNAM PAR SMIN PAR 'GYUR RO ZHES BYA BA'I BAR RNAMS SO,, ,,SDE PA THA DAD PAR BYED PA DANG RNAM PAR BSHAD PA SLOB DPON BHA BYAS MDZAD PA RDZOGS SO,, ,,RA SA 'PHRUL SNANG GI GTZUG LAG KHANG DU DGE SLONG LEGS PA'I SHES RAB KYIS GSOL BA BTAB NAS RGYA GAR SHAR PHYOGS BAm GA LA'I MKHAS PA CHEN PO 'DI PAm KA RA SHR'I DZNY'A NA ZHES BYA BA'I PAndI TA'I ZHAL SNGA NAS DANG, BOD KYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, SA MA YA BHE DO PA RA WA TZA NA TZAKRA SE NA K'A YA BHE DO PA RI DE SHA NAm N'A MA SAm GRA HA, BOD SKAD DU, GZHUNG THA DAD PA RIM PAR BKLAG PA'I 'KHOR LO LAS SDE PA THA DAD PA BSTAN PA BSDUS PA ZHES BYA BA, DKON MCHOG GSUM LA PHYAG 'TSAL LO, ,SHAR DANG NUB DANG GANGS RIR GNAS, ,'JIG RTEN 'DAS PAR SMRA PA'I SDE, ,BTAGS PAR SMRA BA'I SDE BA DANG, ,LNGA TSAN DGE 'DUN PHAL CHEN PA, ,GZHI KUN PA DANG 'OD SRUNGS SDE, ,SA STON SDE DANG CHOS SRUNG SDE, ,MANG THOS GOS DMAR SLOB MA DANG, ,RNAM PAR PHYE STE SMRA BA'I SDE, ,THAMS CAD YOD PAR SMRA BA YIN, ,RGYAL BYED TSAL GNAS 'JIGS MED GNAS, ,GTZUG LAG KHANG CHEN GNAS BRTAN PA, ,SA SGROGS RIS DANG SRUNG BA PA, ,GNAS MA BU YI SDE RNAMS NI, ,KUN GYIS BKUR BA RNAM PA GSUM, ,YUL DON SLOB DPON BYE BRAG GIS, ,THA DAD RNAM PA BCO BRGYAD GSUNGS, ,SDE PA BCO BRGYAD LAS 'PHAGS PA DGE 'DUN PHAL CHEN PA'I SDE PA RNAM PA LNGA'I NANG NAS 'JIG RTEN LAS 'DAS PAR SMRA BA'I SDE BA'I LTA BA LA GZHAN DANG MI MTHUN PA'I RNAM GRANGS MNGA' BAS NA SNGAR DE BSHAD LA, LHAG MA GZHAN RNAMS PHYIS BSHAD NA BDE BA'I PHYIR DE DANG POR BSHAD DO, ,DE LA 'JIG RTEN LAS 'DAS PAR SMRA BA'I SDE PA RNAMS NI 'DI SKAD CES ZER TE, THUB PA NI 'JIG RTEN LAS 'DAS PA, RDZAS YOD PA, SKU DANG TSE DANG MTHA' YAS PA, MNYAM PAR GZHAG PA, SKAD CIG SKAD CIG LA THAMS CAD MKHYEN PA, ZAD PA DANG MI SKYE BA'I BLO RTAG TU MNGA' BA YIN NO, ,CHOS KYI 'KHOR @155A *, ,LO BSKOR BA NI TSIG GI YIN NO, ,BYANG CHUB SEMS DPA' LA NI 'DOD CHAGS LA SOGS PA SKYE BA DANG, MER MER PO LA SOGS PA LAS SKYE BA MED DO, ,BDEN PA NI CIG CAR MTHONG NGO, ,MIG LA SOGS PA'I SEMS KYIS KYANG 'DOD CHAGS DANG BRAL BAR 'GYUR RO, , GZUGS DANG GZUGS MED PA NA YANG MIG LA SOGS PA'I RNAM PAR SHES PA YOD DO, ,DBANG PO RNAMS KYIS NI YUL MI 'DZIN NO, ,MNYAM PAR GZHAG PA YANG TSIG SMRA'O, ,SEMS LA YANG GZUGS YOD DO, ,RANG RIG PA YIN NO, ,DGRA BCOM PA RNAMS LA YANG SOM NYI DANG MI SHES PA YOD DE BSTAN DGOS SO, ,'BRAS BU LA GZHAN GYIS BRDA SPRAD DGOS SO, ,SDUG BSNGAL SMOS SHING SDUG BSNGAL TSIG TU BRJOD PAS LAM SKYE BAR 'GYUR RO, ,'JIG PA YANG YOD DO, ,BRGYAD PA LA YANG YUN RING DU GNAS SO, ,CHOS KYI CHO GA LAS KYANG NYAMS PAR 'GYUR RO, ,RGYUN DU ZHUGS PA DANG DGRA BCOM PA LAS NI NYAMS PA MED DO, ,DANG PO SHOS NI MTSAMS MED PA MA GTOGS PA GZHAN BYED DO, ,'JIG RTEN PHA LA NI YANG DAG PA'I LTA BA'I DBANG PO MED DO, ,MA GSUNGS PA LA NI BCAS BCOS BYAR MED DO, ,DRANG BA'I DON NI MED DO, ,GZUGS MED PA NI GZUGS MED PA BZHI DANG, 'DUS MA BYAS GSUM DANG, LAM DANG RTEN CING 'BREL PAR 'BYUNG BA'I LUGS SU GTOGS PA DGU'O, ,SANGS RGYAS MANG PO CIG CAR 'BYUNG BA YOD DO, ,SEMS GNYIS CIG CAR 'BYUNG BA DANG, NYON MONGS PA DANG LAM CIG CAR 'BYUNG BA DANG, LAS DANG LAS KYI 'BRAS BU CIG CAR 'BYUNG BA DANG, SA BON DANG MYU GU CIG CAR 'BYUNG BA YOD DO, ,LUS LA NI SEMS KYIS KHYAB BO, ,SEMS NI 'OD GSAL BA'O, ,PHRA RGYAS NI MI LDAN PA'O, ,KUN NAS DKRIS PA NI MTSUNGS PAR LDAN PA'O, ,ZHIG PAR 'GYUR PA DANG MA SKYES PA DANG, BAR MA DO'I SRID PA NI MED DO, ,RGYUN DU ZHUGS PA NI BSAM GTAN THOB PA'O, ,DRUG PA NI SHES PAR BYA BA YANG MA YIN, RNAM PAR SHES PAR BYA BA YANG MA YIN NO ZHES 'JIG RTEN LAS 'DAS PAR SMRA BA'I SDE PA RNAMS ZER RO, ,DE LAS GZHAN PA RNAMS KYI KHYAD PAR 'DI YIN TE, THUB PA NI BTAGS PA'I SGO NAS BLA MA YIN NO ZHES ZER RO, , @155B BTAGS PAR SMRA BA'I SDE PA RNAMS NI SKYES BU BYED PA'I RTZAL DANG, DUS MA YIN PAR 'CHI BA MED DO, ,LAM NI BSOD NAMS KYIS 'THOB BO, ,LAM NI BSGOM PAR BYA BA YIN NO, ,LAM NI 'JIG PAR MI 'GYUR RO ZHES ZER RO, ,SHAR GYI RI BO'I SDE DANG, NUB KYI RI BO LA GNAS PA'I SDE PA RNAMS NI BYANG CHUB SEMS DPA' NI NGAN 'GRO LAS RNAM PAR GROL BA MA YIN NO, ,MCHOD RTEN LA MCHOD PA NI 'BRAS BU MCHOG TU GYUR PA MA YIN NO ZHES ZER RO, ,GANGS RI PA'I SDE PA RNAMS NI PHYI ROL PA LA NI MNGON PAR SHES PA LNGA MED DO, ,LHA RNAMS LA NI LAM BSGOM PA MED DO ZHES ZER RO, , 'PHAGS PA THAMS CAD YOD PAR SMRA BA'I SDE PA RNAM PA BDUN LAS GZHI THAMS CAD YOD PAR SMRA BA'I SDE PA RNAMS NI DUS GSUM DANG, MING DANG, GZUGS KYIS NI DUS BYAS THAMS CAD BSDUS SO, ,DRUG PA DANG MI LDAN PA RNAMS DANG, 'DUS MA BYAS RNAMS NI SHES PAR BYA BA YANG MA YIN, RNAM PAR SHES PAR BYA BA YANG MA YIN NO, ,'DUS MA BYAS NI RNAM PA GSUM MO, ,NYON MONGS PA NI MTSUNGS PAR LDAN PA'O, ,THUB PA NI RNAM PA GNYIS SO, ,DE'I GSUNG RAB DANG DBANG PO RNAMS NI GZUGS CAN RNAMS NYI TSE LA YOD DO, ,MCHOD RTEN LA MCHOD PA NI 'BRAS BU CHE'O, ,BYANG CHUB SEMS DPA' NGAN 'GRO SPANGS PA NI RNAM PA GNYIS SU 'DOD PA YOD DO ZHES ZER RO, ,BSOD NAMS LAM GYI TSOGS SU 'GYUR RO ZHES ZER BA LA SOGS PA NI MI 'DOD DO, ,DE LAS GZHAN PA RNAMS KYI KHYAD PAR NI 'OD SRUNGS SDE'I SLOB MA RNAMS NI YONGS SU SHES LA MA SPANGS PA DANG, MA 'ONGS PA'I RGYUD LAS 'BYUNG BA MED DO, ,SLOB MA'I CHOS RNAMS NI RNAM PAR SMIN PA YOD PA'O ZHES BYA BA'I GZHUNG LA BRTEN TO, ,SA STON SDE'I SLOB MA RNAMS KYI GZHUNG LUGS NI MA 'ONGS PA MED DO, ,'DAS PA MED DO, ,MA 'ONGS PA MED DO, ,DA LTAR BYUNG BA MED DO, ,BDEN PA CIG CAR MTHONG NGO, , PHYI ROL PA LA NYON MONGS PA ZAD PA MED DO, ,LHA YUL PA LA NI LAM MED DO, ,BAR MA DO'I SRID PA MED DO, ,DGRA BCOM PA LA YANG BSOD NAMS SKYE BA YOD DO, ,PHRA RGYAS NI SEMS LAS THA DAD DO, ,'DUS MA BYAS KYI DNGOS PO NI DGU STE, MI G-YO BA DANG LDAN PA GSUM DANG, DGE BA DANG MI @156A *, ,DGE BA DANG LUNG DUM BSTAN PA GNYIS DANG, RTEN CING 'BREL PAR 'BYUNG BA DANG, LAM RNAMS TE RTAG TU GNAS PA YIN NO, ,STON PA NI DGE 'DUN GYI NANG DU GTOGS TE, DE'I PHYIR DGE 'DUN LA PHUL BA LHAG PAR DON CHE'O, ,RGYAL BA NYAN THOS DANG BCAS PA RNAMS NI LAM DANG RNAM PAR GROL BA GCIG GO ZHES DE SKAD CES ZER RO, , TSES SRUNG SDE PA RNAMS NI SANGS RGYAS NI DGE 'DUN GYI NANG DU MA GTOGS SO, ,SANGS RGYAS LA PHUL BA 'BRAS BU CHE'O, ,SANGS RGYAS DANG, NYAN THOS RNAMS KYI LAM NI THA DAD DO, ,PHYI ROL PA LA NI MNGON PAR SHES PA MED DO, , DGRA BCOM PA'I LUS NI ZAG PA MED PA'O ZHES ZER RO, ,MANG DU THOS PA'I SDE BA RNAMS NI MI RTAG PA DANG, BDAG MED PA DANG, STONG PA'I SHES PA DANG, LAM DANG, MYA NGAN LAS 'DAS PA 'DI RNAMS NI THUB PA'I 'JIG RTEN LAS 'DAS PA'I CHOS YIN NO, ,LHAG MA RNAMS NI 'JIG RTEN PA'O, ZHES ZER RO, ,DGRA BCOM PA LA SOM NYI YOD DO ZHES BYA PA LA SOGS PAR 'DOD DO, ,'PHO BAR SMRA BA DE DAG NI GOS DMAR GYI SDE PA NYID DE, DE'I PHYIR SEMS CAN 'PHO'O, ,PHUNG PO BZHI NI RANG BZHIN GCIG TU NGES SO, ,LAM GYI MTHUS NI PHUNG PO RNAMS 'GAG GO ZHES ZER RO,, RNAM PAR PHYE STE SMRA BA'I SDE PA RNAMS NI GANG ZAG NI DON DAM PAR YOD DO, ,'BRAS BU MA SMIN PA'I DON MA GTOGS PA 'DAS PA MED DO, ,'BRAS BU LAS GZHAN PA'I MA 'ONGS PA MED DO, ,RIGS MI MTHUN PA'I DA LTAR BYUNG BA YANG MED DO, ,CHOS NI DE MA THAG PA'I RGYUR MI 'GYUR RO, ,GZUGS KYI 'DRA BA'I RGYU YANG MED DO ZHES DE LTAR BLTA'O, ,'PHAGS PA GNAS BRTAN PA'I SDE PA RGYAL BYED TSAL GNAS PA'I SDE DANG, 'JIGS MED RING GNAS PA'I SDE DANG, GTZUG LAG KHANG CHEN GNAS PA'I SDE 'DI GSUM NI LTA BA MTHUN TE, LHA RNAMS LA NI LAM BSGOM PA MED DO ZHES ZER RO, , 'PHAGS PA THAMS CAD YOD PAR SMRA BA'I SDE PA RNAM PA BDUN LAS GZHI THAMS CAD YOD PAR SMRA BA LAS BYUNG NGO, ,THUB PA NI LEGS PAR SBYAR BA MI GSUNG NGO, ,BYANG CHUB SEMS DPA' NI BSKAL PA GRANGS MED PA BCU PHAN CHAD NAS SUM CU TSUN CHAD KYIS 'GRUB BO, ,THAR PA MA GTOGS @156B PA 'DUS MA BYAS PA MED DO, ,LOG PAR SHES PA DANG MI SHES PA MED DO, ,PHRA RGYAS NI SEMS LAS THA DAD DO, ,'GOG PA'I SNYOMS PAR 'JUG PA LA NI SEMS YOD DO ZHES ZER RO, ,'PHAGS PA KUN GYIS BKUR BA'I SDE PAS SGROGS RIGS KYI SDE DANG, SRUNG BA PA'I SDE DANG, GNAS MA'I BU'I SDE 'DI GSUM YANG LTA BA MTHUN TE, GANG ZAG NI PHUNG PO RNAMS KYANG MA YIN LA, PHUNG PO RNAMS LAS THAR PA THA DAD PA YANG MA YIN NO, ,PHUNG PO RNAMS NI DUS GZHAN DU YANG BRTAN PAR 'DUG GO, ,RNAM PAR SHES PA LNGA'I SGO NAS NI 'DOD CHAGS SKYE BAR YANG MI 'GYUR LA, 'DOD CHAGS DANG BRAL BAR YANG MI 'GYUR RO, ,MTHONG BA'I LAM NI SEMS KYI SKAD CIG BCU GNYIS SO, ,DE PHAN CHAD NI 'BRAS BU DANG LDAN PAR GNAS SO, ,SHES PAR BYA BA NI BRJOD DU YOD PA DANG, BRJOD DU MED PA'O ZHES ZER TE, YUL DANG SLOB DPON GYI BYE BRAG GIS 'DIR BYE BRAG DRUG TU BRJOD DO, , GZHUNG THA DAD PA RIM PAR BKLAG PA'I 'KHOR LO BTZUN PA DBYIG BSHES KYIS MDZAD PA LAS, SDE PA THA DAD PA BSDUS PA ZHES BYA BA 'DUL BA 'DZIN PA SLOB DPON DUL BA'I LHAS MDZAD PA RDZOGS SO,, ,, #, ,RGYA GAR SKAD DU, AU PA SI KA SAm BA R'AshtA KA ,BOD SKAD DU, DGE BSNYEN GYI SDOM PA BRGYAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SDOM GNAS BLA MA MKHAS PA LAS, ,GSUM LA SKYABS 'GRO BLANGS NAS NI, ,JI SRID 'TSO BAR GSOD DANG 'PHROG ,LOG PAR SPYOD DANG BRDZUN GYI TSIG ,CHANG GI BTUNG BA DAG LAS LDOG ,YAN LAG TSANG BA CHO GA BZHIN, ,BRDZUN GYI TSIG LAS LDOG PA YIS, ,DE YI SKYON NI GZHAN LAS KYANG, ,LDOG BAR BYA STE LDOG BSHAD PA, ,DE YANG SHIN TU SMAD PA'I PHYIR, ,GANG PHYIR LUS NGAG MI DGE LAS, ,LDOG PA YID KYI DGE BA LAS, ,DE PHYIR BRNAB SEMS GNOD PA'I SEMS, ,LTA LAS LDOG RNAMS GRUB PA YIN, ,YAN LAG LNGA YI SDOM BSHAD NYID, ,GZHUG PA RU NI 'DOD PAS SO, ,MI GSOD PA DANG DNGOS PO RKU, ,YONGS SU RDZOGS DANG GZHAN BUD MED, ,BDAG GIR BYED DANG @157A *, ,BRDZUN TSIG SMRA, ,SDOM PA NYAMS PA'I RGYU RNAMS SO, ,SDOM PA SLAR YANG BLANG BAR BYA, ,DE 'DRA'I GANG ZAG NYID LAS SO, ,GZHAN DAG JI LTA BAR NI BSHAGS, ,MKHAS LA YANG RNAMS YANG DAG BSDAM, ,'DI LTAR SDOM PA'I TSUL KHRIMS GNAS, ,'JUG PA LA YANG STOBS JI LTAR, ,GUS PAR BYA STE DE'I SBYOR BAS, ,'BRAS BU SNA TSOGS DES NI STER, ,'DI LA 'BAD DE SBYAR BAR BYA, ,BDE 'GRO YANG NI 'DOD PA YIS, ,KHRE YI MYU GU'I RGYU RU NI, ,S'A LU'I SA BON GANG DU MTHONG,, ,,DGE BSNYEN GYI SDOM PA BRGYAD PA, SLOB DPON CHEN PO SU NA YA SHR'IS MDZAD PA RDZOGS SO, ,RGYA GAR GYI MA BAN PO DE NYID DANG, LO TZ'A BA DGE SLONG DAR MA GRAGS KYIS BSGYUR BA'O,, #, ,RGYA GAR SKAD DU, AU PA SI KA SAMBA R'AshtA KAm BI BA RA nAm, BOD SKAD DU, DGE BSNYEN GYI SDOM PA BRGYAD PA'I BSHAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,BSLAB GSUM RGYA MTSO'I PHA ROL BYON, ,BDE BAR GSHEGS LA PHYAG 'TSAL NAS, ,BSLAB PA LNGA YI GO 'PHANG GNAS, ,SPANG ZHING GSAL BAR BSHAD PAR BYA, ,'DIR NGES PAR GANG ZAG GSUM STE, KHA CIG NI 'DOD PA NYES PAR SPYOD PA DAG LAS DBEN PAR SPYOD PA DANG, KHA CIG NI 'DOD PA SPYOD PA TZAM LAS DBEN BAR SPYOD PA DANG, KHA CIG NI NYES PAR SPYOD PA TZAM LAS DBEN PAR SPYOD PA STE, DE BZHIN DU SNGAR GOMS PA'I PHYIR RO, ,SPANG DKA' BA'I 'DOD PA TZAM LAS DBEN PAR SPYOD CING NYES BA LA SPYOD PA MI SRID PA DANG; BSLAB PA'I NYES PAR SPYOD PA'I DBEN PA TZAM LA SPYOD CING 'DOD PA TZAM LA SPYOD PA MI SRID PA MA YIN NO, ,DPER NA SHIN TU SRA BA'I SHING GCOD PA LA SGRIN PA SHIN TU 'JAM PA'I AUTPAL SNGON PO'I 'DAB MA GCOD PA LA LE LO CAN DU MTHONG BA DANG, SPOS KYI GLANG PO CHE SMYON PA'I TSOGS LA 'THAB TU 'GRO BA'I SKYES BUR BYED PA'I SENG GE'I PHRU GU NI, YANG RLUNG GI STOBS KYIS BSKYOD PA'I YAL 'DAB LA SOGS PA 'GUL PA TZAM GYIS SKRAG PA'I SHA BA LA SOGS PA LA RTZOD PAS 'JIGS PA NI MI SRID DO, ,GZHAN NI DBEN BA GNYI GA LA MA SPYANGS PA'O, ,DE LA GANG ZAG DANG PO'I DBANG DU BYAS TE RAB TU BYUNG BA DANG @157B BSNYEN PAR RDZOGS PAR BCAS SO, ,GNYIS PA LAS BRTZAMS TE YAN LAG LNGA'I DGE BSNYEN GYI SDOM PA YANG DAG PAR BSHAD DO, ,GSUM PA LA GTAD DE GSO SPYOD BRJOD DO, ,DE LA DANG BO'I SDOM PA GNYIS 'DUL BA'I DBANG DU BYAS PAS DE NYID DU GO BAR BYA'O, ,LHAG MA DAG NI SLAR YANG SDOM PA GNYIS PO'I NANG NAS DGE BSNYAN GYI SDOM PA LEN PA'I CHO GA BRJOD PAR BYA STE, SDOM GNAS BLA MA MKHAS PA LAS, ,GSUM LA SKYABS 'GRO BLANGS NAS NI, ,JI SRID 'TSO BAR GSOD DANG 'PHROG ,LOG PAR SPYOD DANG BRDZUN GYI TSIG ,CHANG GI BTUNG BA DAG LAS LDOG ,YAN LAG TSANG BA CHO GA BZHIN; ,ZHES BYA BA LA SDOM GNAS ZHES BYA BA NI DGE BSNYEN GYI SDOM PA LA SLOB PA RNAMS YIN GYI GZHAN LAS MA YIN TE MI DBANG BA'I PHYIR RO, ,BLA MA LA STE MA BRNYAS PA LAS SO, ,DE LA LTOS PAS TSOGS PA TSANG YANG BSLAB PA'I GO 'PHANG LAS MI NYAMS PA SRID PA'I PHYIR RO, ,MKHAS PA LAS TE SDOM PA RAB TU STER BA LA MKHAS PA LAS SO, ,GZHAN LAS NI MA YIN TE, CHO GA NYAMS PA LAS SDOM PA MI 'THOB PA'I PHYIR RO, ,BLANGS ZHES BYA BA NI SDOM PA BLANGS PA'O, ,GSUM LA SKYABS SU 'GRO BA NI DKON MCHOG GSUM LA'O, ,SKYABS SU 'GRO BA NI SDOM PA THAMS CAD LEN PA LA SGOR GYUR PA'I PHYIR DANG POR BSTAN TO, ,JI SRID 'TSO BAR NI GSON PO'I MTHA' STE, 'DIR YANG DAG PAR BLANGS PA NI JI SRID 'TSO BA YIN PAS SO, ,GSOD PA NI 'DI GSAD PAR BYA'O ZHES YANG DAG PAR BSAMS TE DE NYID BSAD PA STE, BLO SNGON DU SONG BA DANG, DE NYID GZHAN DU MA 'KHRUL NAS MI YIN PAS SO, ,'DI LTAR 'OG MA LA YANG RIG PAR BYA'O, ,BDAG PO'I MNGON SUM DU DE LA LTOS PA DANG LKOG TU GYUR PA YANG RUNG STE GZHAN GYI RDZAS KHYER BA NI 'PHROGS PA'O, ,LOG PAR SPYOD PA NI 'DOD PA LA LOG PAR SPYOD PA STE, PHYOGS GCIG GIS KUN MTSON PA STE, DPER NA BDEN PA'I BHA MA LA BHRA MA ZHES PA'O, ,DE YANG BZHI STE, 'GRO BAR MI BYA BA LA 'GRO BA DANG, YAN LAG MA YIN PA LA 'GRO BA DANG, YUL MA YIN PA LA 'GRO BA DANG, DUS MA YIN PA LA 'GRO BA STE, 'DI RNAMS NI 'DIR MANGS PAS 'JIGS PAS 'DIR MA SMOS SO, ,BRDZUN GYI TSIG NI DAG GZHAN NO, ,MYOS @158A *, ,PA SKYED PAR BYED PA'I CHANG LA SOGS PA'I DNGOS PO 'BYUNG BA NI CHANG GI BTUNG BA'O, ,BRJOD MA THAG PA 'DI RNAMS LAS LDOG PA NI LDOG PAR BYA'O, ,GANG GIS DGE BSNYEN GYI SDOM PA RDZOGS PAR THOB PA'I YAN LAG NI DE'O, ,YAN LAG RNAMS KYANG RE ZHIG DAD PA STE, DAD PA MED PA'I MI RNAMS LA NI DKAR PO'I CHOS RNAMS MI SKYE'O, ,DPAR NA SA BON ME'I TSIG PA RNAMS LA MYU GU DANG LJANG BU BZHIN NO ZHES PA'I TSIG GIS SO, ,BUD MED KYI DBANG PO DANG SKYES PA'I DBANG PO YANG MA TSANG BA MED PA DANG, MTSAMS MED PA LNGA LA SOGS PA YANG SPANGS PAS SO, ,CHO GA BZHIN NI CHO GA LAS MA RGAL BA'O, ,DE LA 'DI NI CHO GA STE, DGE BSNYEN GYI SDOM PA 'DOD PAS BLA MA'I ZHABS GNYIS LA PHYAG 'TSAL TE, BDAG LA DGE BSNYEN GYI SDOM PA RIGS KYI BU'AM, BTZUN PAS STZAL DU GSOL ZHES GSOL BA BTAB STE, STOD G-YOGS PHYOGS GCIG TU BYAS, TZOG TZOG POR 'DUG PA'AM, PUS MO G-YAS PA'I LHA NGA SA LA BTZUGS TE SNYIM PA THAL MO SBYAR TE, DES BRJOD PA'I RJES SU BZLAS PAS YANG DAG PAR BLANGS BAR BYA'O, ,'DI LTAR BDAG MING 'DI ZHES BGYI BA DUS 'DI NAS BZUNG STE, JI SRID 'TSO'I BAR DU SANGS RGYAS LA SKYABS SU MCHI'O, ,BDAG MING 'DI ZHES BGYI BA CHOS LA SKYABS SU MCHI'O, ,BDAG MING 'DI ZHES BGYI BA DGE 'DUN LA SKYABS SU MCHI'O, ,LAN GSUM MO, ,BDAG MING 'DI ZHES BGYI PA DUS 'DI NAS BZUNG STE, JI SRID 'TSO'I BAR DU SROG GCOD PA LAS SLAR LDOG PAR BGYI'O, ,DE BZHIN DU MA BYIN PAR LEN PA DANG, 'DOD PAS LOG PAR SPYOD PA DANG, BRDZUN DU SMRA BA DANG, 'BRU'I CHANG DANG, BCOS PA'I CHANG GI BTUNG BA LAS SLAR LDOG PAR BGYI'O, ,GSUM NYID DU'O, ,GSUM LA SKYABS SU SONG NAS BSLAB PA'I GNAS LNGA BLANGS PA'I DGE BSNYEN DU BDAG SLOB DPON GYIS GZUNG DU GSOL, 'DI LTAR BSLAB PA'I YAN LAG LNGA PA 'DI NI, DGE BSNYEN GYI SDOM PA YONGS SU RDZOGS PAR BRJOD DO, ,THAMS CAD LAS LDOG PAR NUS PA MED NA YANG RE RE LA YANG NGES PA SNGON DU SONG BA LAS LOG NA 'BRAS BU CHEN PO NYID DO, ,GSO SBYONG NI YANG NYI MA SHAR BA LA BRTEN PA'I NYI MA LA GLO BUR BA'I RGYAN RNAMS BSAL @158B TE BLANG BAR BYA'O, ,'DIR GSUM LA SKYABS SU 'GRO BA NI SNGA MA BZHIN NO, ,'DI NI KHYAD PAR TE, JI LTAR 'PHAGS PA DGRA BCOM PA DE DAG GIS SROG GCOD PA SPANGS TE SROG GCOD PA LAS SLAR LOG PA DANG, DBYIG PA SPANGS BA DANG, MTSON CHA SPANGS PA DANG, NGO TSA DANG LDAN BAS SROG CHAGS SU GYUR PA'I SEMS CAN THAMS CAD LA THA NA GROG MA PHRA MO YANG NYE BAR BZUNG BA DE BZHIN DU BDAG MING 'DI SKAD CES BGYI BA YANG DUS 'DI NAS BZUNG STE, JI SRID SANG GI NYI MA SHAR BA LA THUG PAR SROG GCOD PA SPANGS TE SROG GCOD PA LAS SLAR LDOG PAR BGYI'O, ,YAN LAG DANG PO 'DIS 'PHAGS PA DGRA BCOM PA DE DAG GI BSLAB PA LA RJES SU SLOB BO, ,RJES SU SGRUB BO, ,RJES SU BGYID DO, ,JI LTAR 'PHAGS PA DGRA BCOM PA DE RNAMS KYIS YANG NYI MA SHAR GYI BAR DU MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, 'BRU DANG BCOS PA'I CHANG MYOS PAR 'GYUR BA'I GNAS DANG, GAR DANG, GLU DANG, ROL MO DANG, DGA' BA'I LTAD MO DANG, PHRENG BA DANG, DRI DANG, BYUG PA DANG, KHA DOG GI RGYAN 'DZIN PA DANG, KHRI STAN MTHON PO DANG, MAL STAN CHEN PO DANG, DUS MA YIN PA'I KHA ZAS LAS SLAR LOG PA DE BZHIN DU BDAG MING 'DI ZHES BGYI BA YAR DUS 'DI NAS BZUNG STE, JI SRID SANG NYI MA 'CHAR BA LA THUG PAR MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, 'BRU'I CHANG BCOS PA'I CHANG MYOS PAR 'GYUR BA BAG MED PA'I GNAS DANG, GAR DANG GLU DANG ROL MO DANG, DGA' BA'I LTAD MO DANG, PHRENG PA DANG, DRI DANG, BYUG PA DANG, KHA DOG GI RGYAN 'DZIN PA DANG, KHRI STAN MTHON PO DANG, KHRI STAN CHEN PO DANG, DUS MA YIN PA'I KHA ZAS KYANG SPANGS TE, JI SRID DU DUS MA YIN PA'I KHA ZAS LAS SLAR LDOG PAR BGYID DO, ,JI SRID DU YAN LAG BRGYAD PA 'DIS 'PHAGS PA DGRA BCOM PA DE RNAMS KYI BSLAB PA LA RJES SU SLOB BO, ,RJES SU SGRUB BO, ,RJES SU BGYID DO, ,'DI LTAR LAN GSUM MO GSO SBYONG CAN DU BDAG SLOB DPON GYIS GZUNG DU GSOL, 'DI LTAR YAN LAG BRGYAD PA'I BSNYEN GNAS KYI SDOM PAR 'GYUR RO, ,'DIS 'PHAGS PA RNAMS LA BSNYEN NAS GNAS PAS @159A *, ,BSNYEN GNAS SU BRJOD DO, ,DGE BA'I SA BON GSO BAR BYED PAS GSO SBYONG DU BRJOD DO, ,GSO SBYONG 'DI BLANGS PA DBEN PA RNAM PA GNYIS LA SBYAR BA'I DON DU, BSNYEN GNAS KYIS KYANG BSNYEN GNAS KYI DUS DANG, CHO 'PHRUL GYI PHYOGS LA NYAMS SU BLANG NGO, ,RIM GYIS SBYAR BAS SHIN TU SPRO BA 'DI JI SRID 'TSO BA'I BAR DU GLANG NGO, ,ZHAG GCIG TZAM GYIS DUS NGES BAS NI GANG ZAG DBANG PO GDUL DKA' BA'I DBANG GIS SO, ,SLAR YANG GZHAN DU SDOM PA MI 'CHAGS PA NI MA YIN NO, ,JI SRID 'TSO BA'I BAR DU YANG 'DI RNAMS BYIN PAS GO MI'I SDOM PA BLANG BA YIN NO ZHES 'DOD DO, ,NYIN MTSAN NI BUD MED DANG SHAN PA BZHIN DU LDOG PAR MI NUS NA NYIN MO TZAM DANG, MTSAN MO TZAM DU YANG SPANG BAR BYA'O, ,DE LA NYIN MO TZAM LEN NA YANG NYI MA NUB PA LA THUG PA ZHES BRJOD DO, ,MTSAN MO TZAM LEN NA YANG SNGAR BZHIN NO, ,DE LTAR NA LEGS PAR SPYAD PA TZAM DU 'GYUR GYI GSO SPYOD NI MA YIN TE NYIN MTSAN GYI DUS YIN PA'I PHYIR RO, ,CI STE DGE BSNYEN GYI SDOM PA 'DI LEN PA NA RANG BZHIN GYI KHA NA MA THO BA BZHI DANG, BCAS PA'I KHA NA MA THO BA LNGA RNAMS TE, CHANG GI BTUNG BA LAS LDOG NA DGE BA BCU'I LAS KYI LAM LA 'JUG PA YIN ZHE NA DE BRJOD PA, BRDZUN GYI TSIG LAS LDOG PA YIS, ,DE YI SKYON NI GZHAN LAS KYANG, ,LDOG PAR BYA STE GANG YANG BRDZUN GYI TSIG LAS LDOG PA DES NI DE'I TSIG STE, PHYOGS GCIG GZUNG BA'I PHYIR RO, ,GZHAN LAS KYANG STE PHRA MA DANG, TSIG RTZUB DANG, TSIG 'KHYAL BAR GRAGS PA'I NYES PA LAS LDOG PAR BYA'O, ,GCIG GI TSIG NI NYES PA'I RIGS LAS LDOG PAS SO, ,DE LA NYON MONGS PA'I BSAM PAS GZHAN 'BYED PA'I TSIG NI PHRA MA'O, ,DE 'DRA BA'I SEMS NYID KYIS BRTZE BA MA YIN PA'I BRJOD PA NI TSIG RTZUB MO'O, ,'DI 'DRA NYID KYI YID KYIS BRDZUN LA SOGS PA LAS GZHAN CHAGS PA LA SOGS PA'I TSIG DE NI TSIG 'KHYAL PA'O, ,GAL TE DE LTAR NA BRDZUN GYI TSIG GCIG KHO NA BSLAB PA'I TSOGS BSTAN PA LA BRJOD DO, ,YANG PHRA MA LA SOGS PA YANG MA YIN, LDOG BSHAD PA, DE YANG SHIN TU SMAD PA'I PHYIR, DE NYID DE BRDZUN GYI TSIG NYID DO, ,GANG THAMS CAD LA NGES PAR BZUNG BA DANG BCAS PA'I PHYIR RO, ,LDOG @159B BSHAD PA NI SHIN TU SMAD PA'I PHYIR RO, ,SHIN TU SMAD PA NI BRDZUN GYI TSIG STE, 'JUG PA TZAM GYI SDIG PA GZHAN THAMS CAD LA 'JUG PAS SO, ,DE GSUNGS PA, CHOS GCIG LAS NI BRGAL BA STE, ,BRDZUN GYI TSIG NI LUS CAN NO, ,'JIG RTEN PHA ROL LAS RGAL BA'I, ,SDIG PA MI BYA CUNG ZAD MED, ,CES PAS SO, ,DE LTAR YIN NA LUS DANG NGAG GI NYES PAR SPYOD PA LAS LDOG PAS, YID KYI NYES PAR SPYOD PA LAS LDOG PA YANG JI LTAR GRUB CE NA, GANG PHYIR LUS NGAG MI DGE LAS, ,LDOG PA YID KYI DGE LAS SO, ,DE PHYIR BRNAB SEMS GNOD PA'I SEMS, ,LTA LAS LDOG RNAMS GRUB PA YIN, ,GANG PHYIR NI BRJOD MA THAG PA'O, ,LUS DANG NGAG GI NYES PAR SPYOD PA LAS LDOG PA NI DGE BA LAS TE MA CHAGS PA DANG, ZHE SDANG MED PA DANG, GTI MUG MED PA'I RANG BZHIN GYI YID GRUB PAR 'GYUR TE, YID NI SNGON DU SONG BA'I CHOS ZHES BYA BA'I TSIG LAS SO, DE LAS NI BRNAB SEMS LAS DANG, GNOD SEMS LAS DANG, LTA BA LAS NI LOG LTA LA STE, PHYOGS GCIG GIS NI KUN MTSON TE SNGAR BZHIN NO, ,LDOG RNAMS GRUB RNAMS YIN TE, LDOG RNAMS ZHES BYA BA NI LDOG PA DU MA'I PHYIR LOG PA RNAMS KYANG MANG PO'I TSIG GO, ,DE LA BRNAB SEMS NI GANG LA PHA ROL GYI BUD MED DANG, NOR LA SOGS PA DE BDAG GIS GYUR CIG CES 'DOD PA NGAN PA'O, ,SEMS CAN 'DI RNAMS LA RGYOB CIG CES BYA BA LA SOGS PA'I RNAM PAR SEMS RTZUB PA NI GNOD SEMS SO, ,LOG PAR LTA BA NI LAS DE'I 'BRAS BU LA SOGS PA LA SKUR PA 'DEBS PA'I NYON MONGS PA CAN 'CHAL PA'I SHES RAB BO, ,GAL TE DE LTAR NA YAN LAG BCU GCIG GI DGE BSNYEN GYI SDOM PAR 'GYUR TE JI LTAR YAN LAG LNGAR 'GYUR, YAN LAG LNGA YI SDOM PA NYID, ,GZHUG PA RU NI 'DOD PA'O, ,'DI NI BDEN TE YAN LAG LNGA'I DGE BSNYEN GYI SDOM PA ZHES PA NI SNGAR BCOM LDAN 'DAS KYIS BSHAD PA RE ZHIG BLO YANG BA RNAMS GZHUG PA'O, ,RIM GYIS MI DGE BA GZHAN RNAMS LAS KYANG LDOG PAR NUS SO ZHES DGONGS PA'O, ,BCOM LDAN 'DAS KYIS DGONGS PA NI THAMS CAD NYID LAS LDOG PA'O ZHES GANG GSUNGS PA 'DIR NI DGE SLONG RNAMS SAM, RIGS KYI BU 'AM RIGS @160A *, ,KYE BU MO YANG DAD PA DANG LDAN PAR 'GYUR RO, ,DAD PA MANG POR 'GYUR RO, ,LAS KYI RNAM PAR SMIN PA THAMS CAD LA, DAD PAR BYED PA DANG, NGES PAR BYED PA DANG, THE TSOM MED PAR 'GYUR RO, ,DE NAG PO DANG DKAR PO'I LAS KYI 'BRAS BU CHUD MI ZA BAR RIG NAS SROG GI PHYIR YANG BYA BA MA YIN PA MI BYED DO, ,DE SROG GCOD PA LAS SLAR LDOG PAR 'GYUR RO, ,MA BYIN PAR LEN PA LAS DANG, 'DOD PAS LOG PAR G-YEM PA LAS DANG, BRDZUN DU SMRA BA LAS DANG, PHRA MA LAS DANG, TSIG RTZUB MO LAS DANG, TSIG 'KHYAL PA LAS DANG, BRNAB SEMS LAS DANG, GNOD SEMS LAS DANG, LOG PAR LTA BA LAS DANG LDOG PAR 'GYUR RO, ,DE DGE BCU'I LAS KYI LAM RNAMS YANG DAG PAR BLANGS PA LA 'JUG GO, ,MI DGE BA BCU'I LAS KYI LAM RNAMS MI BYED DO ZHES PA LA SOGS PA'O, ,'DI LTAR YAN LAG BRGYAD PA'I BSNYEN GNAS KYI SDOM PAR RIG PAR BYA'O; ,'DI LTAR BCU GCIG PO RNAMS LAS LDOG PA GRUB PAR 'GYUR TE, YANG THAMS CAD NYAMS SU BLANGS PAS SAM, YANG KHA CIG GIS SDOM PA NYAMS PAR BYED, MI GSOD PA DANG DNGOS PO RKU, ,YONGS SU RDZOGS DANG GZHAN BUD MED, ,BDAG GIR BYED PA BRDZUN TSIG SMRA, ,SDOM PA NYAMS PA'I RGYU RNAMS SO, ,YAN LAG LNGA MNGON PAR GRUB PA'I LTO NA GNAS PA'AM PHYIR BYUNG BA'I MI RNAMS LA SMAN DANG MTSON LA SOGS PAS TSE'I BAR CHAD KYI RGYU NI LTUNG BA'I CHOS GCIG GO, ,YONGS SU RDZOGS PA'I K'AR sh'A PA nA BZHI CHA'AM, DE'I RIN GYI DNGOS PO 'PHROG PA NI GNYIS PA'O, , GZHAN GYI BUD MED STOBS KYIS SAM DE'I 'DOD PAS KHAS LEN PA NI GSUM PA'O, ,BRDZUN SMRA BA'I CHOS BRJOD PA GZHAN GYI SEMS SHES PA LA SOGS PA BDAG LA YOD DO ZHES DAM BCAS PA NI BZHI PA'O, ,CI STE DGE BSNYEN 'DI BZHI PO RNAMS LAS LTUNG BA'I CHOS GCIG BYUNG BAS PHAM PA BYUNG BA'I DGE SLONG SNOD MA YIN PA BZHIN DU MTHONG BA'I CHOS LA SLAR YANG SDOM PA LEN NAM MA YIN, SDOM PA SLAR YANG BLANG BAR BYA, ,DE 'DRA'I GANG ZAG NYID LAS SO, ,DE LTA BU LAS TE, SNGAR BSHAD PA'I GANG ZAG NYID LAS SO, ,BYANG CHUB SEMS DPA'I SDOM PA BZHIN DU SLAR RANG NYID NI MA YIN NO, ,SO SOR @160B THAR PA'I SDOM PA THOB PA NI GZHAN GYI RNAM PAR RIG BYED LAS 'DOD DO, ,SLAR DGE BSNYEN GYI SDOM PA GO RIMS JI LTA BAR BLANG NGO, ,'O NA CHOS GZHAN BYUNG NA JI LTAR BYA ZHES GZHAN DAG JI LTA BAR NI BSHAGS, MKHAS PA LA NI MKHAS PA STE, NGAG GI RNAM PAR RIG BYED DANG, DE'I DON RTOGS PA'I STOBS DANG LDAN PA LAS DANG, SDOM PA DANG LDAN PA'I GANG ZAG LA'O, ,LTUNG BAR 'GYUR BA RNAMS LAS GZHAN SROG GCOD PA LA SOGS PA DANG, PHRA MA LA SOGS PA DANG, MI TSANGS PAR SPYOD PA LA SOGS PA'I LTUNG BA RNAMS DANG, CHANG GI BTUNG BA SPANG NGO, ,JI LTA BAR ZHES BYA BA NI LTUNG BA NYID CES PA DANG LDAN PA ZHES NGES PAR BYA STE, GUS PA DANG BCAS PAS LUS KYI SBYOR BA BLANGS TE, DBUS SU 'DOM GANG DU BLA GOS PHYOGS GCIG TU BYAS TE, TZOG COG PO'AM PUS MO G-YAS PA'I LHA NGA SA LA BTZUGS TE, THAL MO SBYAR NAS DNGOS PO BSGRAGS TE BSHAGS PAR BYA'O, , DE'I BSHAGS PA BRJOD PA 'DI YIN TE, RIGS KYI BU'AM BTZUN PA'AM SLOB DPON BDAG LA DGONGS SU GSOL, BDAG MING 'DI SKAD CES BYA BA, DGE BSNYEN LA JI SKAD BRJOD PA LTUNG BA'I GZHI DANG LDAN PAS DE GCIG TU BZLUMS NAS RIGS KYI BU 'AM, SLOB DPON NAM, BTZUN PA'I MDUN DU BSHAGS PAR BGYI'O, ,BSHAGS NA BDE BA LA REG PAR GNAS PAR 'GYUR GYI, MA MTHOL MA BSHAGS NA NI MI 'GYUR RO ZHES BRJOD PAR BYA STE, RIGS KYI BU KHYOD KYIS LTUNG BA MTHONG NGAM, 'DIS BRJOD PA MTHONG LAGS SO, ,SLAR YANG DES BRJOD PA PHYIN CHAD SDOM MAM, SLAR YANG 'DIS SDOM LAGS SO, ,SHIN TU LEGS PAS SPYI BOS LEN TO, ,SHES SHING MTHONG BA DANG, DRAN PA NA CHOS JI LTA BA DANG, 'DUL BA JI LTA BA BZHIN DU BGYID DO, ,'DI LTAR LAN GSUM MO, ,GANG GI PHYIR GZHAN YANG BA RNAMS SPYOD PA NA JI LTAR BSGRUB, YANG RNAMS YANG DAG BSDAMS ZHES PA NI GANG LTUNG BAR 'GYUR BA RNAMS LAS GZHAN SROG GCOD PA LA SOGS PA YAN LAG MA TSANG BA DANG, PHRA MA LA SOGS PA YAN LAG MA TSANG BA DE RNAMS YANG BA STE BSDAM PAR BYA BA DE MDZES PA'O, ,DE LTA BU SPYOD PA SLAR YANG SDOM PAR BGYID DO ZHES SEMS BSKYED PAR BYA'O ZHES BYA BA'I BAR DU'O, ,BSHAGS PAR MI BYA @161A *, ,BA NI BSDAMS PA TZAM GYIS LDANG BA'I PHYIR RO, ,LAS KYI SGRIB PA THAMS CAD SBYANG BA'I DON DU YANG PHUNG PO GSUM PA'I CHOS KYI RNAM GRANGS DANG, SGO DRUG PA'I GZUNGS NYIN MTSAN DU LAN DRUG TU RTAG TU GDON PAR BYA'O, ,LDOG PA'I TSUL KHRIMS BSHAD NAS 'JUG PA'I TSUL KHRIMS LA GUS PAR BYED DE, 'DI LTAR SDOM PA'I TSUL KHRIMS GNAS, 'JUG PA LA YANG STOBS JI LTAR GUS PAR BYA STE DE LTAR BRJOD PA'I RIM PAS LDOG PA'I TSUL KHRIMS BRTAN POR GYUR NAS, 'JUG PA'I TSUL KHRIMS NI RAB TU 'JUG PAS TSUL KHRIMS TE, THOS PA DANG BSAMS PA LA SOGS PA'I NGO BO DANG; SBYIN PA LA SOGS PA'I RANG BZHIN NO, ,STOBS JI LTAR TE, NUS PA JI LTA BA BZHIN DU GUS PAR BYA'O, ,DE CI'I PHYIR ZHE NA, DE'I SBYOR BAS 'BRAS BU SNA TSOGS STER BA, DE NI LDOG PA'I TSUL KHRIMS TE, DE DANG 'JUG PA'I TSUL KHRIMS SBYOR BA NI 'BREL PAS SO, ,SNA TSOGS NI BDAG GI DON DU PHUN SUM TSOGS PA STER BA'O, ,DA NI MJUG BSDU BAS TSUL KHRIMS RNAM PA GNYIS LA SBYOR BAR BYED DE, 'DI LA 'BAD DE SBYAR BAR BYA, ,BDE 'GRO YANG NI 'DOD PA YIS, ,'DI NI DE'I PHYIR DE TSUL KHRIMS RNAM PA GNYIS LA 'BAD PA STE BRTZON PAR BYA'O, ,BDE 'GRO YANG NI LHA DANG MIR BCAS PA'I PHUN SUM TSOGS PA'I MTSAN NYID LA 'DOD PA NI MNGON PAR 'DOD PA STE, THAR PA 'DOD PA LA LTA CI SMOS, CI STE GANG GI PHYIR TSUL KHRIMS RNAM PA GNYIS LAS JI LTAR YANG NGAN 'GRO NYID DU 'GYUR GYI, BDE 'GRO MA YIN NA DE LTAR 'DOD PAS KYANG 'JUG CE NA, KHRE YI MYU GU'I RGYU RU NI, ,S'A LU'I SA BON GANG DU MTHONG, ,S'A LU'I SA BON NI KHRE'I MYU GU'I RGYU RU NI GANG DU MTHONG STE, KHA CIG TU NI RIG CING SHES PA MA YIN NO, ,DE GANG GI PHYIR S'A LU'I SA BON NYID KYIS TE RGYU DANG 'BRAS BUR NGES PA'I PHYIR RO, ,DE BZHIN DU BDE 'GRO'I RGYU TSUL KHRIMS KYANG JI LTAR NA NGAN 'GROR SKYE BA'I RGYUR 'GYUR ZHES BSAMS PA'O, ,'DI LTA BU'I YUL RGYU DANG 'BRAS BU'I NGES PA NI 'KHOR GSUM YONGS SU DAG PA'I LUNG NYID DE THABS GZHAN NI MI SRID PA'I PHYIR RO, ,DGE BSNYEN SDOM PA BRGYAD PA'I TSIG GI 'GREL PA BDAG GIS GSAL BAR BSHAD PA YIS, ,BSOD NAMS STOBS LDAN BDAG LA GANG SKYES @161B NYI MA'I SHING RTA 'JUG PA'I LAM LA GTUGS GYUR PA, ,DES NI 'KHOR BA'I RGYA MTSOR 'JUG PA'I RGAL BAR DKA' BA'I PHA ROL SGROL BA LA BRTZON PA, ,SKYE BO RNAMS NI SHIN TU NGO MTSAR GZIGS LA SPYOD PAS PHUL BYUNG SBYOR BAR SHOG ,DGE BSNYEN GYI SDOM PA BRGYAD PA'I BSHAD PA SLOB DPON CHEN PO SUN YA SHR'I MDZAD PA RDZOGS SO,, ,,RGYA GAR GYI MKHAN PO PAndI TA CHEN PO SU NA YA SHR'I DANG, BOD KYI LO TZ'A BA CHEN PO DGE SLONG DAR MA GRAGS KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, BI MUKTI M'A RGE DH'U TA GU nA NI RDE SHA N'A MA, BOD SKAD DU, RNAM PAR GROL BA'I LAM LAS SBYANGS PA'I YON TAN BSTAN PA ZHES BYA BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,DE NAS DE LTAR TSUL KHRIMS RNAM PAR DAG PA'I RNAL 'BYOR PA SPYOD PA SGRUB PAR 'DOD PA, YON TAN DON DU GNYER BAS SBYANGS PA'I YON TAN YANG DAG PAR BLANGS TE 'JUG PAR BYA'O, ,RNAL 'BYOR SPYOD PA'I SBYANGS PA'I YON TAN YANG DAG PAR BLANGS PA NI RNAM GRANGS DU MAS YONGS SU RTOG PA'I BZHIN CAN DE 'DI SNYAM DU GANG DAG BYIS PA BLUN PO MI GSAL BA, MI MKHAS PA DE YANG DNGOS PO 'DI DAG SHES NA 'DOD CHAGS KYI SEMS MI BSKYED NA, SHES RAB DANG LDAN PA RANG BZHIN CAN LTA SMOS KYANG CI DGOS SNYAM DU SEMS SO ZHES JI SKAD GANG NGAS BSHAD PA LTA BU'O, ,DON RNAM PAR NGES PA'I MDO LAS KYANG 'BYUNG STE, DGE SLONG DAG 'DI LA DGE SLONG DAG DGON PA NA 'DUG KYANG RUNG, SHING DRUNG NA 'DUG KYANG RUNG, KHANG STONG NA 'DUG KYANG RUNG STE, LUS 'DI NYID LA 'OG GI RKANG MTHIL YAN CHAD SKRA DANG, GLAD PA LA THUG GI BAR DU MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG STE, LUS 'DI LA YOD PA SKRA DANG, SPU DANG, SEN MO DANG, SO DANG, RDUL DANG, DRI MA DANG, PAGS PA DANG, SHA DANG, RUS PA DANG, RGYUS PA DANG, RTZA DANG, MKHAL MA DANG, SNYING DANG, GLO BA DANG, MCHIN PA DANG, PHO BA DANG, LONG KHA DANG, RGYU MA DANG, GNYE MA DANG, LKANG PA DANG, SUL MANG DANG, MCHER PA DANG, PHYI SA DANG, MCHIL MA DANG, RDUL DANG, NGAR SNABS DANG, MCHI MA DANG, ZHAG DANG, CHU SER DANG, @162A *, ,RKANG DANG, TSIL DANG, RNAG DANG, BAD KAN DANG, MKHRIS PA DANG, KHRAG DANG, GLAD PA DANG, GLAD RGYAS DANG, GCIN DANG, MIG RDUL DANG, RNA SBABS DANG, SEN MO'I DRI MA DANG, LCE'I DRI MA DAG YOD DE, MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG GO, ,DGE SLONG DAG 'DI LTA STE DPER NA 'BRAS S'A LU DANG, 'BRU DANG, NAS DANG, GRO DANG, MON SRAN GRE'U DANG, MON SRAN SDE'U DANG, RGYA SRAN DANG, 'BRAS NI SPA BA DANG, SRAN CHUNG DANG, MON SRAN NE GU DANG, YUNGS KAR DANG, 'BRU RNAM PA SNA TSOGS KYIS GANG BA'I SBYANG BA ZHIG KHA GNYI GA PHYE BA DE LA MIG DANG LDAN PA'I MI ZHIG GIS BLUGS NAS SO SOR RTOG STE, SO SOR BRTAGS NA 'DI DAG NI 'BRAS S'A LU'A, ,'DI DAG NI 'BRU'O, ,'DI DAG NI NAS SO, ,'DI DAG NI GRO'O, ,'DI DAG NI MON SRAN GRE'U'O, ,'DI DAG NI MON SRAN SDE'U'O,, 'DI DAG NI RGYA SRAN NO, ,'DI DAG NI 'BRAS NI SPA BA'O, ,'DI DAG NI SRAN CHUNG NGO, ,'DI DAG NI MON SRAN NE GU'O, ,'DI DAG NI TIL LO, ,'DI DAG NI 'BRAS DRUS PA'O, ,'DI DAG NI YUNGS KAR RO ZHES BYA BAR SHES SO, ,DGE SLONG DAG DE BZHIN DU DGON PA NA 'DUG KYANG RUNG, SHING DRUNG NA 'DUG KYANG RUNG, KHANG STONG NA 'DUG KYANG RUNG STE, LUS 'DI NYID LA 'OG GI RKANG MTHIL YAN CHAD NA SKRA DANG, GLAD PA LA THUG GI BAR DU MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG CES GSUNGS SO, ,DBAS BYIN GYIS ZHUS PA'I MDO LAS KYANG, 'DI LA BYANG CHUB SEMS DPA' LUS 'DI THOG MA'I DANG THA MA'I RGYU LA SO SOR BRTAG PAR BYA'O, ,PHA MA'I KHU CHU DANG KHRAG 'DUS PA LAS BYUNG STE, LUS 'DI LA KHU CHU DANG, KHRAG NI LUS KYI THOG MA'I RGYU YIN NO, ,THA MA'I RGYU NI ZAS 'DU BA LA SOGS PA STE, KHAM GYIS BZA' BA ZAS ZOS MA THAG TU BAD KAN GYI GNAS SU 'GRO'O, ,BAD KAN GYI GNAS SU PHYIN NAS, BAD KAN GYIS RKYANG RKYANG POR BYAS TE, SHIN TU MI GTZANG BAR 'GYUR RO, ,DE'I 'OG TU MKHRIS PA'I GNAS SU 'GRO STE, MKHRIS PA'I GNAS SU PHYIN NAS ZHU ZHING SKYUR POR GYUR TO, ,RLUNG GI GNAS SU 'GRO'O, ,ZHU STE RLUNG GI GNAS SU PHYIN NAS RLUNG GIS @162B TSIGS MA LOGS SHIG ,DANGS MA LOGS SHIG TU RNAM PAR BYE STE TSIGS MA LAS NI GCIN DANG, NGAN SKYUGS LA SOGS TE DRI MA RNAMS 'BYUNG, DANGS MA LAS NI KHRAG TU 'GYUR TE, KHRAG LAS SHA'O, ,SHA LAS TSIL LO, ,TSIL LAS RUS PA'O, ,RUS PA LAS RKANG NGO, ,RKANG LAS KHU CHU'O; ,KHU CHU LAS 'DI LTA STE, DE LTAR THOG MA DANG THA MA'I RGYU MI GTZANG BA'I PHYIR LUS MI GTZANG BAR BYANG CHUB SEMS DPAS BSAM PAR BYA'O ZHES GSUNGS SO, ,YANG DE NYID LAS 'BYUNG BA 'DI LTAR MI GTZANG BA'I LUNG POS LUS LA NI, GZUGS MNGON NGA RGYAL CAN GANG GUS BYED PA, ,BYIS PA'I BLO CAN DE NI SNGON BZHIN DU, ,MI SHES NGAN SKYUGS BUM PA THOGS SHING 'GRO, ,DA YI SNA NAS RNAG GI RNAM PAR 'DZAG ,KHA NAS DRI MI ZHIM PA RTAG TU 'BYUNG, ,MIG RDUL CHAGS SHING SKYE BO'I SRIN BU CAN, ,DE LA SU ZHIG CHAGS SHING GUS PAR BYED, ,DPER NA BYIS PA SOL BA THOGS NAS SU; ,'DI NI DKAR POR BYA ZHES BA DAR KYANG NI, ,DKAR PO'I DNGOS POR MI 'GYUR ZAD PAR 'GYUR, ,BYIS BLO PHYIN CI LOG GI NGA RGYAL CAN, ,DE LTAR MI GTZANG GTZANG SBRA'I BLO GROS CAN, ,NGA YANG LUS 'DI GTZANG BAR BYA ZHES TE, ,BSKUS PHYIS 'BAB STEGS BRGYAR NI KHRUS BYAS KYANG, , 'CHI BDAG DBANG GIS ZAD 'GYUR GTZANG MI 'GYUR, ,ZHES GSUNGS SO, ,'PHAGS PA DRI MA MED PAR GRAGS PAS BSTAN PA LAS KYANG, DE NAS LI TZTSA B'I DRI MA MED PAR GRAGS PA TSAD MED PA'I THABS LA MKHAS PA'I YE SHES DANG LDAN TE YANGS PA'I GRONG KHYER CHEN PO NA GNAS SHING 'DUG GO, , DE THABS LA MKHAS PAS BDAG NYID NA BA LTA BUR GYUR NAS, DE LA NAD DRI BA'I PHYIR YANGS PA'I GRONG KHYER CHEN PO NAS RGYAL PO DANG, BLON PO CHEN PO DANG, GZHON NU DANG, 'KHOR DANG, BRAM ZE DANG, KHYIM BDAG DANG, TSONG DPON DANG, GRONG PA DANG, YUL GYI MI DANG, DE MA YIN PA'I SROG CHAGS STONG PHRAG MANG PO NAD 'DRER 'DAS TE, DE LHAGS PA DE DAG LA LITZTSA B'I DRI MA MED BAR GRAGS PAS 'BYUNG BA CHEN PO BZHI'I LUS 'DI NYID LAS BRTZAMS NAS CHOS STON TE, GROGS BO RNAMS LUS 'DI NI 'DI LTAR MI RTAG PA, 'DI LTAR MI BRTAN PA, 'DI LTAR YID BRTAN DU MI RUNG BA, 'DI LTAR NYAM CHUNG BA, @163A *, ,'DI LTAR SNYING PO MED PA, 'DI LTAR ZHIG PA, 'DI LTAR YUN THUNG BA, 'DI LTAR SDUG BSNGAL PA, 'DI LTAR NAD MANG BA, 'DI LTAR 'GYUR BA'I CHOS CAN NO, ,GROGS PO DAG 'DI LTAR LUS 'DI NI NAD MANG PO'I SNOD DE, MKHAS PAS DE LA GNAS PAR MI BYA'O, , GROGS PO DAG LUS 'DI NI CANG MI BZOD PA STE DBU BA RDOS BA LTA BU'O, ,LUS 'DI NI RING DU MI GNAS PA STE, CHU'I CHU BUR LTA BU'O, ,LUS 'DI NI NYON MONGS PA'I SRED PAS BYUNG BA STE SMIG RGYU LTA BU'O, ,LUS 'DI NI SNYING PO MED PA STE CHU SHING GI PHUNG PO LTA BU'O, ,KYE MA LUS 'DI NI RUS PA LA RGYUS PAS 'BREL BA STE 'KHRUL 'KHOR LTA BU'O, ,LUS 'DI NI PHYIN CI LOG LAS BYUNG BA STE SGYU MA LTA BU'O, ,LUS 'DI NI YANG DAG PA MA YIN PA MTHONG BA STE RMI LAM LTA BU'O, ,LUS 'DI NI SNGON GYI LAS KYIS GZUGS BRNYAN SNANG BA STE GZUGS BRNYAN LTA BU'O, ,LUS 'DI NI RKYEN LA RAG LAS PA'I PHYIR BRAG CA LTA BU'O, ,LUS 'DI NI SEMS 'KHRUGS SHING 'GYES PA'I MTSAN MA STE SPRIN LTA BU'O, ,LUS 'DI NI SKAD CIG TU 'JIG PA DANG LDAN ZHING MI GNAS PA STE GLOG DANG MTSUNGS PA'O, ,LUS 'DI NI RKYAN SNA TSOGS LAS BYUNG BA STE BDAG PO MED PA'O, ,LUS 'DI NI SA DANG 'DRA STE BYED PA MED PA'O, ,LUS 'DI NI CHU DANG 'DRA STE BDAG MED PA'O, ,LUS 'DI NI ME DANG 'DRA STE SROG MED PA'O, ,LUS 'DI NI RLUNG DANG 'DRA STE GANG ZAG MED PA'O, ,LUS 'DI NI NAM MKHA' DANG 'DRA STE RANG BZHIN MED PA'O, ,LUS 'DI NI 'BYUNG BA CHEN PO RNAMS KYI GNAS TE YANG DAG PA MA YIN PA'O, ,LUS 'DI NI BDAG DANG BDAG GI MED PA STE STONG PA'O, ,LUS 'DI NI, RTZVA DANG, SHING DANG, RTZIG PA DANG, BONG BA DANG, MIG YOR LTA BU STE PHEMS PO'O, ,LUS 'DI NI 'KHRUL 'KHOR DANG LDAN PA 'BYUNG STE TSOR BA MED PA'O, ,LUS 'DI NI RNAG DANG MI GTZANG BA BSAGS PA STE GSOG PA'O, ,LUS 'DI NI RTAG TU BYUG PA DANG, MNYE BA DANG, 'JIG PA DANG, 'GYIS PA'I CHOS CAN TE GSOB BO, ,LUS 'DI NI NAD BZHI BRGYA RTZA BZHIS GCES PA'O, ,LUS 'DI NI RTAG TU RGA BAS ZIL GYIS NON PA STE KHRON PA RNYING PO DANG 'DRA'O, ,LUS 'DI NI 'CHI BA'I MTHAR THUG PA STE, MTHAR MI GNAS PA'O, ,LUS @163B 'DI NI PHUNG PO DANG, KHAMS DANG SKYE MCHED KYIS YONGS SU ZIN PA STE, GSHED MA DANG DUG DRAG PO DANG, GRONG STONG LTA BU'O, ,KHYED KYIS DE LTA BU'I LUS DE LA SUN PA DANG, SKYO BA BSKYED CING DE BZHIN GSHEGS PA'I SKU LA MOS PA BSKYED PAR BYA'O, ,GROGS PO RNAMS DE BZHIN GSHEGS PA'I SKU NI CHOS KYI SKU STE BSOD NAMS LAS SKYES PA'O, ,DE BZHIN GSHEGS PA'I SKU NI SBYIN PA LAS SKYES PA, TSUL KHRIMS LAS SKYES PA, TING NGE 'DZIN LAS SKYES PA, SHES RAB LAS SKYES PA, RNAM PAR GROL BA LAS SKYES PA, RNAM PAR GROL BA'I YE SHES MTHONG BA LAS SKYES PA, BYAMS PA DANG, SNYING RJE DANG, DGA' BA DANG, BTANG SNYOMS LAS SKYES PA, SBYIN PA DANG, DUL BA DANG, YANG DAG PAR SDOM PA LAS SKYES PA, DGE BA BCU'I LAS KYI LAM LAS SKYES PA, BZOD PA DANG, DES PA LAS SKYES PA, BRTZON 'GRUS BRTAN PA'I DGE BA'I RTZA BA LAS SKYES PA, BSAM GTAN DANG; RNAM PAR THAR PA DANG, TING NGE 'DZIN DANG, SNYOMS PAR 'JUG PA LAS SKYES PA, THOS PA DANG, SHES RAB DANG, THABS LAS SKYES PA, BYANG CHUB KYI PHYOGS KYI CHOS SUM CU RTZA BDUN LAS SKYES PA DANG, ZHI GNAS DANG, LHAG MTHONG LAS SKYES PA, STOBS BCU LAS SKYES PA, MI 'JIGS PA BZHI LAS SKYES PA, SANGS RGYAS KYI CHOS MA 'DRES PA BCO BRGYAD LAS SKYES PA, PHA ROL TU PHYIN PA THAMS CAD LAS SKYES PA, MNGON PAR SHES PA DANG, RIG PA LAS SKYES PA, MI DGE BA'I CHOS THAMS CAD SPONG BA LAS SKYES PA, DGE BA'I CHOS THAMS CAD YANG DAG PAR SDUD PA LAS SKYES PA; BDEN PA LAS SKYES PA, YANG DAG PA NYID LAS SKYES PA, BAG YOD PA LAS SKYES PA'O, ,GROGS PO DAG DE BZHIN GSHEGS PA'I SKU NI DGE BA'I LAS TSAD MED PA LAS SKYES PA STE, KHYOD KYIS DE LTAR SKU LA MOS PA BSKYED PAR BYA'O ZHES GSUNGS SO, ,DBANG PHYUG GI GNAS RNYED NAS YANG SUS KYANG LOG PAR SGRUB PAR MI BYED DE, YANG DAG PAR SGRUB PA LA NAN TAN DU BYA'O, ,DE LA YANG DAG PAR SGRUB PA NI BDEN PA'I LE'U LAS 'BYUNG BA, SKYE DGU BSKYANGS PA LA BRTZON PA'I CHOS KYI RGYAL POS 'DU SHES LA GNAS PA BRGYAD KYIS MANG DU GNAS PAR BYA'O, ,BRGYAD GANG ZHE NA, SKYE DGU'I RIGS @164A *, ,SU GTOGS PA'I SEMS CAN RNAMS LA BU'I 'DU SHES DANG, MI SRUN PA RNAMS LA NAD PA'I 'DU SHES DANG, SDUG BSNGAL BA RNAMS LA SNYING RJE'I 'DU SHES DANG, BDE BA RNAMS LA DGA' BA'I 'DU SHES DANG, MI MDZA' BA RNAMS LA DE'I GZHI LA NYES PAR LTA BA'I 'DU SHES DANG, MDZA' BA RNAMS LA RJES SU SRUNG BA'I 'DU SHES DANG, LONGS SPYOD RNAMS LA SMAN GYI 'DU SHES DANG, BDAG LA BDAG MED PA'I 'DU SHES SO, ,RGYAL PO CHEN PO DE LA SKYE DGU'I RIGS SU GTOGS PA'I SEMS CAN RNAMS LA BU'I 'DU SHES KYIS GNAS PA NI RGYAL PO DE PHAS BU BCOS PA LTAR MI SRUN PAR TSAR GCOD PA LA 'DUG KYANG SNYING RJE'I BSAM PA MI GTONG BA'O, ,MI SRUN PA RNAMS LA NAD PA'I 'DU SHES KYIS GNAS PA NI SMAN PA LTAR GNOD PA BYED PA LA MI KHRO ZHING, SKYON RAB TU BSAL BA'I PHYIR SBYOR BA'O, ,SDUG BSNGAL BA RNAMS LA SNYING RJE'I 'DU SHES KYIS GNAS PA NI GNOD PA THAMS CAD YONGS SU SPONG ZHING PHAN PA SGRUB PA'I PHYIR 'JUG PA'O, ,BDE BA RNAMS LA DGA' BA'I 'DU SHES KYIS GNAS PA NI GZHAN GYI NOR DANG YO BYAD LA BRNAB SEMS DANG, PHRAG DOG GI SEMS MI BSKYED PA'O, ,MI MDZA' BA RNAMS LA DE'I GZHI LAS NYES PAR LTA BA'I 'DU SHES KYIS GNAS PA NI GZHI YONGS SU SPONG BA STE; DES SKYE BO GZHAN LTA CI SMOS KYI DGRA RNAMS DANG YANG MDZA' BAR BYED DO, ,MDZA' BA RNAMS LA RJES SU SRUNG BA'I 'DU SHES KYIS GNAS PA NI MDZA' BA BRTAN PA DANG THAMS CAD DANG MDZA' BA'O, ,LONGS SPYOD RNAMS LA SMAN KYI 'DU SHES KYIS GNAS PA NI 'DOD PA LA LOG PAR G-YEM PA LA YONGS SU MI SPYOD CING LONGS SPYOD RNAMS LA MA CHAGS PAR YONG SU SPYOD PA'O ,BDAG LA BDAG MED PA'I 'DU SHES KYIS GNAS PA NI CHOS DON DU GNYER ZHING DGE SBYONG DANG BRAM ZE RNAMS KYI DRUNG DU SONG STE RJES SU MTHUN PA'I CHOS SGRUB PA LA 'JUG PA STE, RGYAL PO CHEN PO 'DU SHES LA GNAS PA BRGYAD PO DE DAG GIS GNAS PA'I CHOS DANG LDAN PA'I RGYAL PO NI SKYES PHUL BA TZAM GYIS KYANG LONGS SPYOD RNAMS SHIN TU MANG DU 'PHEL BAR 'GYUR GYI CHOS DANG MI LDAN PA NI G-YO'I SBYOR BA DANG, BDUN PA RNAM PA THAMS CAD KYIS BSGRUBS KYANG DE LTAR 'PHEL BAR MI 'GYUR RO ZHES GSUNGS SO, ,YID GNYIS LEGS PAR @164B 'JOMS PA'I MDO LAS KYANG CHOS BZHI DANG LDAN NA RGYAL PO RGYAL RIGS SPYI BO NAS DBANG BSKUR BA LOG PAR MI LTUNG BA'I CHOS CAN DU 'GYUR TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYUR DU MNYES PAR BYED CING, LONGS SPYOD CHEN PO PHUN SUM TSOGS PA YANG YONGS SU 'DZIN TO, ,BZHI GANG ZHEN 'DI LTA STE DE BZHIN GSHEGS PA'I BSTAN PA SRUNG BA'I PHYIR GNAS PA YIN, SDIG PA MI DGE BA'I CHOS LA SMOD PA DANG, STONG PA NYID DANG, MTSAN MA MED PA DANG, SMON PA MED PA'I CHOS YONGS SU 'DZIN PA DANG, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'O ZHES GSUNGS SO, ,MI DGE BA YONGS SU SPANG BAR BYA BA GANG ZHE NA, NYI MA'I SNYING PO'I LE'U LAS 'BYUNG BA MA 'ONGS PA'I DUS NA RGYAL RIGS DANG, BRAM ZE'I RIGS DANG, RJE'U RUGS DANG, DMANGS RIGS DAG CHOS KYIS GNAS PA'I DGE SLONG RNAMS LA BYIN PA'I KHYIM GYI GZHI DANG, ZHING GI GZHI DANG, KUN DGA' RA BA'I GZHI DANG, SKYED MOS TSAL DANG, BRAN MO DANG, BRAN PHO DANG, LAS BYED PA DANG, MAL CHA DANG, STAN DANG, NA BA'I GSOS SMAN DAG, YO BYAD NAS RKANG 'GROS KYI BAR DU BYIN PA LA RKUB A DANG, RIM GYIS 'PHROG PA DAG 'BYUNG BAR 'GYUR TE, RGYAL RIGS NAS MDANGS RIGS KYI BAR DU DE DAG TSE 'DI LA MI 'DOD PA'I CHOS NYI SHU DANG MYUR DU LDAN PAR 'GYUR RO, ,NYI SHU GANG ZHE NA, LHA 'PHANG BAR 'GYUR BA DANG, PHYOGS DANG PHYOGS MTSAMS SU DE'I MI SNYAN PA GRAGS PAR 'GYUR BA DANG, DE'I MDZA' BA DANG, NYE DU DANG, SNAG GI MNYEN MTSAMS KYIS BOR BAR 'GYUR BA DANG, DE LA DGRA MANG BAR 'GYUR BA DANG, NOR DANG 'BRU DANG YO BYAD 'GRIB PAR 'GYUR BA DANG, G-YENG BA MANG BAR 'GYUR BA DANG, YAN LAG MA TSANG BAR 'GYUR BA DANG, DE GNYID MED PAR 'GYUR BA DANG, DE RTAG TU SKOM PAS NYEN PAR 'GYUR BA DANG, DE LA BTUNG BA YANG DUG TU 'GYUR BA DANG, MDZA' BA YID DU 'THAD PA DANG YANG MYUR DU 'BRAL BAR 'GYUR BA DANG, RTAG TU GZHAN DANG 'THAB PAR 'GYUR BA DANG, PHA MA DANG, CHUNG MA DANG, BU PHO DANG, BU MO DANG, BRAN MO DANG, BRAN PHO DANG, BRAN DAG BSGO BA'I RJES @165A *, ,SU MTHUN PAR MI BYED PAR 'GYUR BA DANG, DE'I TSIG GSANG BA DANG, NOR GSANG BA DANG, BTZUN MO'I 'KHOR GSANG BA DANG, DE GSANG BA'I DNGOS PO THAMS CAD SNANG ZHING MNGON PAR 'GYUR BA DANG, BGO SKAL LA SPYOD PA MI SDUG PA DAG GI LONGS SPYOD RNAMS CHUD GSON PAR 'GYUR BA DANG, MYUR DU NAD DRAG POS BTAB PAR 'GYUR BA DANG, SMAN DANG NAD G-YOG MED CING SHA DANG KHRAG SKAMS PA SDUG BSNGAL MYONG BAR 'GYUR BA DANG, BDAG GI GCIN GYIS KYANG REG STE 'CHI BA'I DUS BYED PAR 'GYUR TE, RGYAL PO CHEN PO MI 'DOD PA'I CHOS NYI SHU PO 'DI DAG DANG MYUR DU PHRAD PAR 'GYUR RO, ,GANG CHOS KYIS GNAS PA'I DGE SLONG RNAMS LA SBYIN PA LONGS SPYOD DANG, YONGS SU SPYOD PA DANG NOR DANG YO BYAD PHROGS SAM, BDAG SPYOD DAM GZHAN SPYOD DU 'JUG NA, DE 'CHI BA'I DUS BYAS NAS MNAR MED PA'I SEMS CAN DMYAL BA CHEN POR SKYE STE, DES NA TSE BSKAL PA'I BAR DU ZANGS BZHU BA'I KHU BA 'THUNG ZHING, LCAGS KYI THU LUM ZA LA, ME'I GOS GYON CING SHIN TU MI BZAD PA'I SDUG BSNGAL SNA TSOGS MYONG BAR 'GYUR RO, ,BSKAL PAR 'DUG PA'I TSE ZAD NAS MYA DAM DGON PA CHU MED PA NA LAM GOL BA'I YI DAGS DANG SKAL BA MNYAM PAR SKYES NA YANG RKANG PA DANG, LAG PA DANG, MIG MED PAR SKYE'O, ,DE NI PHYOGS BZHI'I RLUNG TSA BAS SREG CID SPU GRI 'DRA BA'O SOGS LES 'DRA STE, LO BRGYA STONG DU MA'I BAR DU DE NA 'DI 'DRA BAR SDUG BSNGAL MYONG BAR 'GYUR RO, ,DE BRGYA LA CI STE DE NAS SHI 'PHOS NA YANG RGYA MTSO CHEN POR SHA SNA GU'I LUS DPAG TSAD BRGYA BAR SKYE STE, DE'I SNGON GYI LAS KYI RGYUS DPAG TSAD BRGYA KHOR KHOR YUG TU CHU ZANGS BZHU BA'I KHU BA 'DRA BA BYUNG NAS, ,DES CHU'I NANG DU LO BRGYA STONG DU MA'I BAR DU SEMS CAN DMYAL BA'I GNOD PA MYONG BAR 'GYUR RO, ,DE NAS SHI 'PHOS NAS KYANG MYANG NGAM DGON PAR BRDZUS TE SKYES NAS, SHA SNA GU CHEN PO RI TZAM DU 'GYUR TE, DE PHOGS GZHAN NAS RLUNG SHIN TU TSA BAS SREG CING DER PHYOGS BZHI NAS GCAN GZAN DANG BYA KUN LHAGS TE ZA'O, ,DE BRGYA LA CI STE YUN RING MO ZHIG NA, DE NAS SHI 'PHOS NAS KYANG SEMS CAN DMYAL BA CHEN POR SKYE'O, ,DE NAS SHI 'PHOS NAS KYANG RNAM PA 'DI LTA @165B BU'I SDUG BSNGAL CHEN PO MYONG BAR 'GYUR RO, ,YONGS SU BRTAG PA BZUNG STE, DE BRGYA LA CI STE MI RNAMS DANG SKAL BA MNYAM PAR SKYE NA YANG, SANGS RGYAS MED PA'I SANGS RGYAS KYI ZHING SNYIGS MA LNGA CAN DU SKYES SHING MIG MED LA MI SDUG PAR 'GYUR TE, RGYAL PO CHEN POS CHOS KYIS GNAS PA'I DGE SLONG RNAMS KYI LONGS SPYOD DANG, YONGS SU SPYOD PA DANG, NOR DANG YO BYAD PHROGS NA DE LTA BUR SDUG BSNGAL BAR 'GYUR RO ZHES GSUNGS SO, ,NAM MKHA'I SNYING PO'I LE'U LAS KYANG, RIGS KYI BU RGYAL PO RGYAL RIGS SPYI BO NAS DBANG BSKUR BA'I RTZA BA'I LTUNG BA LNGA STE, LTUNG BA'I RTZA BA DE DAG GIS RGYAL RIGS SPYI BO NAS DBANG BSKUR BA DGE BA'I RTZA BA SNGON BSKYED PA THAMS CAD CHUD GSAN TE, PHAM ZHING LHA DANG MI'I BDE BA'I GNAS THAMS CAD NAS LTUNG NAS NGAN SONG DU 'GRO BAR 'GYUR RO, ,LNGA GANG ZHE NA, RIGS KYI BU RGYAL RIGS SPYI BO NAS DBANG BSKUR BA MCHOD RTEN GYI RDZAS PHROGS SAM, DGE 'DUN GYI DANG, PHYOGS BZHI'I DGE 'DUN LA PHUL BA 'PHROG TU 'JUG PA 'DI NI LTUNG BA'I RTZA BA DANG PO'O, ,GANG YANG CHOS SPONG ZHING 'GOG TU 'JUG STE, NYAN THOS NGES PAR 'BYUNG BA BSHAD PA'AM, THEG PA CHEN PO NGES PAR 'BYUNG BA BSHAD PA SPONG ZHING 'GOG TU 'JUG PA 'DI NI RTZA BA'I LTUNG BA GNYIS PA'O, ,GANG YANG NGA'I PHYIR RAB TU BYUNG STE SKRA DANG KHA SPU BREGS NAS GOS DUR SMRIG GYON PA BSLAB PA BZUNG YANG RUNG BSLAB PA MA BZUNG YANG RUNG, TSUL KHRIMS 'CHAL PA YANG RUNG, TSUL KHRIMS LDAN PA YANG RUNG, DE'I GOS NGUR SMRIG PHROGS SAM, KHYIM NA GNAS PAR BYED DU 'JUG GAM, LUS KYI CHAD PA BZHI RDEG BYED DAM, CHAD PAS GCOD DU 'JUG GAM, BTZON RAR 'JUG GAM, SROG DANG BRAL BAR BYED DU 'JUG PA 'DI NI LTUNG BA'I RTZA BA GSUM PA'O, ,RGYAL RIGS GANG YANG CHED DU BSAMS TE MA'I SROG GCOD PA DANG, PHA DANG BCOM LDAN 'DAS KYI NYAN THOS DGRA BCOM PA'I SROG GCOD PA DANG, DGE 'DUN 'DUM PA 'BYED PA DANG, CHED DU BSAMS TE YANG DAG PAR RDZOGS PA'I SANGS RGYAS LA NGAN SEMS KYIS KHRAG 'BYIN PA DANG, MTSAMS MED PA'I LAS LNGA PO 'DI DAG LAS GANG YANG RUNG BA'I LAS BYED PA NI RTZA BA'I LTUNG BA BZHI @166A *, ,PA'O; ,RGYAL RIGS GANG YANG RGYU MED PAR SMRA BAR GYUR LA, 'JIG RTEN PHA ROL LA G-YEL TE, MI DGE BA BCU'I LAS KYI LAM YANG DAG PAR BZUNG NAS GNAS SEMS CAN GZHAN MANG PO DAG KYANG, MI DGE BA BCU'I LAS KYI LAM YANG DAG PAR 'DZIN DU 'JUG STE, 'DUL ZHING 'DZUD LA 'GOD PA DE NI LTUNG BA'I RTZA BA LNGA PA'O, ,YANG BLON PO'I RTZA BA'I LTUNG BA LNGA STE, LNGA GANG ZHE NA, BLON PO GANG MCHOD RTEN GYI RDZAS SAM, DGE 'DUN GYI DANG, PHYOGS BZHI'I DGE 'DUN GYI RDZAS 'PHROG PA 'DI NI RTZA BA'I LTUNG BA DANG PO'O, ,GANG YANG GRONG 'JOMS PA DANG, LJONGS 'JOMS PA DANG, GRONG KHYER 'JOMS PA DANG, YUL 'KHOR 'JOMS PAR BYED PA 'DI NI LTUNG BA'I RTZA BA GNYIS PA'O, ,YANG BLON PO GANG CHOS SPANGS TE NYAN THOS NGES PAR 'BYUNG BA 'DOD PA CHUNG BA NYID DANG, CHOG SHES PA NYID DANG, YO BYAD BSNYUNGS PA RGYAS PA DANG, BRTZON 'GRUS RTZOM PA DANG, DGANG SLA BA NYID DANG, REG PAR GNAS PA NYID DANG, YONGS SU ZHEN PA RAB TU GCOD PAR 'GYUR ZHING, 'DI NI TSUL KHRIMS LEGS PAR BSRUNGS PA DANG, TING NGE 'DZIN GYI TSOGS DANG, 'PHAGS PA'I RIGS SNANG BAR YANG 'GYUR LA YON TAN GYI MCHOG DAG LA YANG SNANG BAR YANG 'GYUR RO, ,DE LA SBYANGS PA'I YON TAN BCU GSUM LA GOS DANG LDAN PA GNYIS TE, PHYAG DAR KHROD PA NYID DANG, CHOS GOS GSUM PA NYID DO, ,ZAS DANG LDAN PA LNGA STE, BSOD SNYOMS PA NYID DANG, MTHAR CHAGS SU RGYU BA NYID DANG, STAN GCIG PA NYID DANG, ZAS CHOG PA NYID DANG, ZAS PHYIS MI LEN PA NYID DO, ,GNAS MAL DANG LDAN PA LA LNGA STE, DGON PA NYID DANG, SHING DRUNG PA NYID DANG, BLA GAB MED PA NYID DANG, DUR KHROD PA NYID DANG, GZHI JI BZHIN PA NYID DO, ,BRTZON 'GRUS DANG LDAN PA GCIG STE, COG PU BA NYID DO, ,DE LA PHYAG DAR KHROD PA'I YAN LAG GI NGO BO NYID NI PHYAG DAR KHROD PA NYID DO, ,LHAG MA RNAMS KYI TSIG GI DON YANG DE BZHIN DU BRJOD PAR BYA'O, ,DE LA PHYAG DAR KHROD PA NYID NI KHYIM BDAG GI GOS SPONG BA YIN NO, ,CHOS GOS GSUM PA NYID NI GOS BZHI PA SPONG BA YIN NO, ,BSOD SNYOMS PA NYID NI MGRON DU 'GRO BA SPONG BA YIN NO,, @166B MTHAR CHAGS SU RGYU BA NYID NI RNYOGS PAR RGYU BA SPONG BA YIN NO, ,STAN GCIG PA NYID NI LAN GNYIS SU 'DUG PA SPONG BA YIN NO, ,ZAS CHOG PA NYID NI ZAS MANG PO SPONG BA YIN NO, ,ZAS PHYIS MI LEN PA NYID NI ZAS LHAG PA SPONG BA YIN NO, ,DGON PA PA NYID NI GRONG MTHA' BAR GNAS PA SPONG BA YIN NO, , SHING DRUNG PA NYID NI G-YOGS PAR GNAS PA SPONG BA YIN NO, ,BLA GAB MED PA NYID NI G-YOGS PA DANG, SHING DRUNG DU GNAS PA SPONG BA YIN NO, ,DUR KHROD PA NYID NI GZHAN DU GNAS PA SPONG BA YIN NO, ,GZHI JI BZHIN PA NYID NI BRKAM CHAGS KYI GNAS MAL SPONG BA YIN NO, ,COG PU PA NYID NI NYAL BA SPONG BA YIN NO, ,DE LA PHYAG DANG KHROD PA NYID JI LTAR YANG DAG PAR LEN ZHE NA, KHYIM BDAG GI GOS TSOL BA DANG, YONGS SU 'DZIN PA DANG, GZHAN LA GSOL BA BYED PA'I NYES DMIGS KYANG MTHONG, PHYAG DAR KHROD PA NYID KYI YON TAN KYANG MTHONG NAS GOS NAR MA LA GNAS PA 'DI SKAD DU, DE SLAN CHAD KHYIM BDAG GI GOS SPANGS TE, PHAG DAR KHROD PA NYID NI YANG DAG PAR LEN TO ZHES YANG DAG PAR LEN TO, ,DE LA PHYAG DAR KHROD PA NYID KYI YON TAN NI 'DI DAG YIN TE GNAS DAM BCAS PA NYID DANG, MTHUN PA NYID DANG, GZHAN LA RAG MA LAS PA NYID DANG, MA RUNG BA MI BYED PA NYID DANG, YONGS SU SPYOD PA NA LHAG PAR MA CHAGS PA NYID DANG, BRKAM CHAGS MED PA NYID DANG, CHOM RKUN GYIS MI 'PHROGS PA NYID DANG, DUS MA LAGS PA NYID DANG, 'BAGS PA CHUNG BA NYID DANG, YO BYAD BSNYUNGS PA'I TSUL CAN DANG, SKYES BU DAM PA'I SPYOD PA NYID DANG, DANG BAR BYED PA'I YON TAN DANG LDAN PA NYID DANG, SKYES BU PHYI MAS MTHONG NAS RJES SU 'JUG PA NYID DANG, YANG DAG PA'I SGRUB PA SNANG BA NYID DANG, RGYAL BAS BSNGAGS PA STE, DE LTA BU LA SOGS PA NI PHYAG DAR KHROD PA NYID KYI YON TAN DAG YIN NO, ,PHYAG DAR KHROD PA NYID NI RNAM PA DU ZHIG ,PHYAG DAR KHROD PA NI GANG ZHIG YIN, GANG GIS NI PHYAG DAR KHROD PA NYID 'JIG CE NA, PHYAG DAR KHROD PA NI RNAM PA GNYIS TE, BDAG PO MED PA DANG, RANG BZHIN GYI MI RNAMS KYIS SMAD PAR GRAGS PA'O, ,DE LA DUR KHROD DAM, PHYAG DAR GYI PHUNG PO'AM, TSANG 'DUS SAM, LAM PO CHE NAS DAM DUM DAG BTUS NAS SNAM SBYAR BYAS TE 'CHANG @167A *, ,BA 'DI NI BDAG PO MED PA'I PHYAG DAR KHROD PA YIN NO, ,KHA TSAR BCAD PA DANG, PHUN TSAR BCAD PA DANG, BA LANG GIS ZOS PA DANG, BYI BAS ZOS PA DANG, MES TSIG PA DANG, YA STAGS DANG, RO BAG GI GOS DANG, MU STEGS CAN GYI MTSAN MA 'DI DAG NI RANG BZHIN GYI MI RNAMS KYIS SMAD PAR GRAGS PA'I PHYAG DAR KHROD PA YIN NO, ,PHYAG DAR KHROD PA NI KHYIM BDAG GI GOS SPONG BA YIN NO, ,KHYIM BDAG GI GOS BLANGS PAS NI PHYAG DAR KHROD PA NYID 'JIG GO, ,CHOS GOS GSUM PA NYID JI LTAR YANG DAG PAR LEN ZHE NA, CHOS GOS LHAG PA TSOL BA DANG, SBED PA DANG, RUNG BAR BYA BA DANG, 'BAGS PA'I NYES DMIGS KYANG MTHONG, CHOS GOS GSUM PA NYID KYI YON TAN KYANG MTHONG NAS, 'DI SKAD DU DENG SLAN CHAD GOS BZHI PA SPANGS TE CHOS GOS GSUM PA NYID YANG DAG PAR LEN TO ZHES YANG DAG PAR LEN TO, ,DE LA CHOS GOS GSUM PA NYID KYI YON TAN NI 'DI DAG YIN TE, 'GOR YANG BA'I TSUL CAN NYID DANG, GSOG 'JOG YONGS SU SPANGS PA NYID DANG, KHUR CHUNG BA NYID DANG, LUS 'TSO BA TZAM GYIS CHOG SHES PA NYID DANG, BYA BZHIN DU GANG DGA' BAR 'GRO BA NYID DANG, SKYES BU DAM PA'I SPYOD PA DANG, YO BYAD BSNYUNGS PA'I TSUL CAN TE DE LTA BU LA SOGS PA NI CHOS GOS GSUM PA NYID KYI YON TAN DAG YIN NO, ,CHOS GOS GSUM PA NYID NI CI ZHIG YIN CHOS GOS GSUM PA NYID NI GANG ZHIG GANG GIS NI CHOS GOS GSUM PA NYID 'JIG CE NA, SNAM SBYAR DANG BLA GOS DANG MTHONG GOS TE, 'DI DAG NI CHOS GOS GSUM BDAG YIN TE, CHOS GOS GSUM NI GOS BZHI BA SPONG BA YIN NO, ,GOS BZHI PA 'CHAD BAS NI CHOS GOS GSUM PA NYID 'JIG GO, ,BSOD SNYOMS PA NYID JI LTAR YANG DAG PAR LEN CE NA, MGRON DU SONG NAS RANG GI LAS NYAMS PA DANG, GZHAN GYI DBANG DU GYUR PA DANG, MI MTHUN PA DANG PHRAD PA DANG, 'DUG NA NYAM NGA BA'I NYES DMIGS KYANG MTHONG, BSOD SNYOMS PA NYID KYI YON TAN DAG KYANG MTHONG NAS 'DI SKAD DU DENG SLAN CHAD MGRON DU 'GRO BA SPANGS TE BSOD SNYOMS PA NYID LA YANG DAG PAR LEN TO ZHES YANG DAG PAR LEN TO, ,DE LA BSOD SNYOMS PA NYID KYI YON TAN NI 'DI DAG YIN TE, GNAM BCAS @167B BA DANG MTHUN PA NYID DANG, RANG DBANG YOD PA NYID DANG, GZHAN GYI GSO BA NYID DANG, LE LO MED PA NYID DANG, NGA RGYAL BCOM PA NYID DANG, SEMS CAN LA PHAN 'DOGS PAS ZHUGS PA NYID DANG, RO'I SRED PA LAS LOG PA NYID DANG, PHYOGS RNAMS SU THOGS PA MED PA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI BSOD SNYOMS PA NYID KYI YON TAN DAG YIN NO, ,MGRON YAN LAG DU BA YIN, BSOD SNYOMS PA GANG YIN, GANG GIS NI BSOD SNYOMS 'DI 'JIG CE NA, MGRON NI YAN LAG GSUM PA STE, ZAS RNAM PA LNGA GANG ZA YANG RUNG BA ZHIG LA DE RING NGAM SANG NGAM NAM DGA' BA LA MGRON DU BOS PAS NI MGRON YIN NO, ,BSOD SNYOMS PA NI MGRON DU 'GRO BA SPONG BA YIN NO, ,MGRON KHAS LEN PAS NI BSOD SNYOMS PA NYID 'JIG GO, ,MTHAR CHAGS SU RGYU BA NYID JI LTAR YANG DAG PAR LEN CE NA, NAR MAR STER BA LA GANG DANG GANG DU MANG PO DANG GYA NOM PA NAR MA RNYED PA DE DANG DE KHO NA ZHES YANG DAG PAR LEN TE, 'GRO NA ZAN NAR MA DANG 'DRA BAS YO BYAD BSNYUNGS PA MA YIN PA'I NYES DMIGS KYANG MTHONG MTHAR CHAGS SU RGYU BA NYID KYI YON TAN DAG KYANG MTHONG NAS 'DI SKAD DU DENG SLAN CHAD NAR MAR STER BA SPANGS TE, MTHAR CHAGS SU RGYU BA NYID YANG DAG PAR LEN TO, ,DE LA MTHAR CHAGS SU RGYU BA'I YON TAN NI 'DI DAG YIN TE, SEMS SNYOMS PA NYID DANG, SEMS CAN LA SNYING BRTZE BA NYID DANG, KHYIM LA SER SNA SPONG BA NYID DANG, KHYIM DU 'GRO BA'I NYES DMIGS MED PA DAG 'BOD PA LA MNGON PAR MI DGA' BA NYID DANG, ZAS BZANG PO MI 'DAM PA NYID DANG, MI'I 'DZIN PA LAS YONGS SU GROL BA DANG, LHAN CIG SPYOD PA RNAM PAR SPONG BA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI MTHAR CHAGS SU RGYU BA NYID KYI YON TAN DAG YIN NO, ,MTHAR CHAGS SU RGYU BA NI GANG ZHIG YIN; BRNYOGS PAR RGYU BA NI GANG GIS SPONG, GANG GIS NI MTHAR CHAGS SU RGYU BA NYID 'JIG CE NA, MTHAR GYIS RGYU BA NI BSOD SNYOMS SPYOD PA NA KHYIM DANG POS BZUNG STE, KHYIM MTHAR CHAGS SU RGYU BA YIN NO, ,MTHAR CHAGS RGYU BA NI BRNYOGS PAR RGYU BA SPONG BA YIN NO, ,BRNYOGS PAR RGYU BAS NI MTHAR @168A *, ,CHAGS SU RGYU BA NYID 'JIG GO, ,STAN GCIG PA NYID JI LTAR YANG DAG PAR LEN CE NA, LAN GNYIS SU 'DUG STE ZA NA YANG NAS YANG DU 'DUG NAS BYIN LEN BYA BA DANG, YONGS SU LONGS SPYOD PA'I BZA' BAS YO BYAD BSNYUNGS PA MA YIN PA'I NYES DMIGS KYANG MTHONG, STAN GCIG BA NYID KYI YON TAN DAG KYANG BLANGS NAS YANG MI LEN PA'O, ,ZAS PHYIS MI LEN PA NI ZAS LHAG PAR SPONG BA YIN NO, ,ZAS LHAG PA ZA BAS NI ZAS PHYIS MI LEN PA NYID 'JIG GO, ,DGON PA PA NYID DE LTAR YANG DAG PAR LEN CE NA, GRONG MTHAR GNAS NA MI 'DOD PA'I YUL GYIS 'KHRUG PA DANG, CHAGS PA SKYE BA DANG 'DZIN PAR GNAS PA NYID KYI NYES DMIGS KYANG MTHONG, DGON PA PA NYID KYI YON TAN DAG MTHONG NAS 'DI SKAD DU DENG SLAN CHAD GRONG MTHAR GNAS PA SPANGS TE, DGON PAR GNAS PA NYID YANG DAG PAR LEN TO ZHES YANG DAG PAR LEN TO, ,DE LA DGON PA PA NYID KYI YON TAN NI 'DI DAG YIN TE, MI 'DOD PA'I YUL YONGS SU SPONG BA NYID DANG, GTAM GYI GZHI BCU YANG DAG PAR STON PA DANG, SHIN TU MDZES PA NYID DANG, LHAS BSKUL BA NYID DANG 'DU 'DZI LA DGA' BA DON DU MI GNYER BA NYID DANG, DBEN PA'I BDE BA CI 'DOD PA THOB PA NYID DANG, SGRA CHUNG BAS RNAL 'BYOR DANG MTHUN PA NYID DANG, SKYES BU DAM PA'I SPYOD PA NYID DANG; YO BYAD BSNYUNGS PA'I TSUL CAN TE, DE LTA BU LA SOGS PA NI DGON PA PA NYID KYI YON TAN DAG YIN NO, ,DGON PA'I GNAS MAL GYI MTHA' NI GANG YIN, DGON PA PA NI GANG YIN, GANG GIS NI DGON PA PA NYID 'JIG CE NA, GRONG DANG, GRONG GI NYE 'KHOR DANG, KUN DGA'I RA BA DANG, KUN DGA'I NYE 'KHOR MA GTOGS PA MI 'BRING GI KHRU BZHI LA GZHU STE, GZHU DE LTA BU'I GZHU LNGA BRGYA 'DI NI DGON PA'I GNAS MAL GYI MTHA' YIN NO, ,DGON PA PA NI GRONG MTHAR GNAS PA SPONG BA YIN NO, ,SHING DRUNG PA NYID JI LTAR YANG DAG PAR LEN CE NA, G-YOGS PAR GNAS PA YONGS SU GZUNG BA DANG, BCOS LEGS BYA BA DANG, GZHAN LA GSOL BA DANG, LONGS SPYOD KYI NYES DMIGS DAG KYANG MTHONG, SHING DRUNG PA NYID KYI YON TAN DAG KYANG MTHONG NAS 'DI SKAD DU, DENG SLAN CHAD G-YOGS PAR GNAS PA SPANGS TE SHING DRUNG PA NYID YANG DAG PAR LEN TO ZHES YANG DAG PAR LEN TO, ,DE LA SHING DRUNG PA NYID KYI YON TAN NI 'DI DAG YIN TE, @168B GNAS DAM BCAS PA DANG, MTHUN PA NYID DANG, YO BYAD BSNYUNGS PA NYID DANG, LAS LA DGA' BA YONGS SU SPONG BA NYID DANG, LHAS BSKUL BA NYID DANG, GNAS LA SER SNA SPONG BA NYID DANG, CHAGS PA RAB TU SPONG BA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA STE, DE LTA BU LA SOGS PA NI SHING DRUNG PA NYID KYI YON TAN DAG YIN NO, ,SHING DRUNG GI TSAD CI TZAM ZHIG YIN, SHING JI LTA BU NI SPONG BAR BYA, SHING DRUNG PA NI GANG YIN, GANG GIS NI SHING DRUNG PA NYID 'JIG CE NA, NYI MA GUNG GI DUS SU GRIB MAS JI SRID KHYAB PA DANG, RLUNG MED PAR LO MA DAG JI SRID DU LHAGS PA DE SRID NI SHING DRUNG GI TSAD YIN NO, ,SHING DRUNG PAS SDONG RGAN DANG, SHING KHONG STONG DANG, SHING NYEN CAN SPANG BAR BYA'O, ,SHING DRUNG PA NI G-YOGS BAR GNAS PA SPONG BA YIN NO, ,G-YOGS BAR GNAS PAS NI SHING DRUNG PA NYID 'JIG GO, ,BLA GAB MED PA NYID JI LTAR YANG DAG BAR LEN CE NA, G-YOGS PA DANG, SHING DRUNG GI GNAS TSOL BA DANG, YONGS SU BZUNG BAS YO BYAD BSNYUNGS PA MA YIN PA'I NYES DMIGS KYANG MTHONG NAS 'DI SKAD DU DENG SLAN CHAD G-YOGS PA DANG, SHING DRUNG DU GNAS PA SPONG BA STE, BLA GAB MED PA NYID YANG DAG BAR LEN TO ZHES YANG DAG PAR LEN TO, ,DE LA BLA GAB MED PA'I YON TAN NI 'DI DAG YIN TE; BRTZON PA MI GTONG BA NYID DANG, RMUGS PA DANG GNYID SPANGS PA DANG, RI DAGS LTA BU NYID DANG, PHYOGS BZHI SPYAD PA DANG, RTEN PA MED PA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI BLA GAB MED PA NYID KYI YON TAN DAG YIN NO, , BLA GAB MED PA NI GANG ZHIG YIN, GANG GIS BLA GAB MED PA NYID 'DI 'JIG CE NA, BLA GAB MED PAS NI G-YOGS PA DANG, SHING DRUNG DU GNAS PA SPONG BA YIN NO, ,G-YOGS PA DANG SHING DRUNG NA GNAS PAS NI BLA GAB MED PA NYID 'DI 'JIG GO, ,DUR KHROD PA NYID JI LTAR YANG DAG BAR LEN CE NA, GZHAN DU GNAS NA SEMS YID MI 'BYUNG BA NYID DANG BAG MED PA MANG BA NYID KYI NYES DMIGS KYANG MTHONG, MTHONG NAS KYANG 'DI SKAD DU DER SLAN CHAD LAN GNYIS SU 'DUG STE ZA BA SPANGS TE STAN GCIG PA NYID YANG DAG PAR LEN TO, ,DE LA STAN GCIG PA NYID KYI YON TAN 'DI DAG YIN TE, ZOS PA 'JU BA NYID DANG, BRKAM @169A *, ,CHAGS MED PA NYID DANG, ZAS LHAG PAR MI ZA BA NYID DANG, 'DOD PA CHUNG BA NYID DANG, ZO MDOG BDE BA NYID DANG, RANG GI LAS MI NYAMS PA NYID DANG, REG PAR GNAS PA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI STAN GCIG PA NYID KYI YON TAN DAG YIN NO, ,STAN GCIG PA NI DU ZHIG STAN GCIG PA NI GANG ZHIG YIN, ZAS KYI MTHA' NI GANG YIN, GANG GIS NI STAN GCIG PA 'JIG CE NA, STAN GCIG PA GSUM STE STAN GYI MTHA' PA DANG, CHU'I MTHA' PA DANG, ZAS KYI MTHA' PA'O, ,DE LA STAN GYI MTHA' PA ZHES BYA BA NI ZOS NAS STAN LAS LANGS TE YANG MI ZA BA YIN NO, ,CHU'I MTHA' PA ZHES BYA BA NI ZOS NAS STAN LA 'DUG KYANG LTUNG BZED DU CHU BLANGS NAS YANG MI ZA BA YIN NO, ,ZAS KYI MTHA' PA ZHES BYA BA NI ZA BA NA KHAM GYI THA MA MED NAS YANG MI ZA BA YIN NO, ,STAN GCIG PA NI LAN GNYIS SU 'DUG STE, ZAB SPONG BA YIN NO, , ZAS KYI MTHA' NI CHU DANG SMAN MA GTOGS PA MED PAR BYA BA GANG CUNG ZAD CI YANG RUNG BA YIN NO, ,LAN GNYIS SU 'DUG STE ZA BAS STAN GCIG PA NYID 'JIG GO, ,ZAS CHOG PA PA JI LTAR YANG DAG PAR LEN CE NA, ZAS MANG DU ZOS NA LUS LCI BAR BYED PA DANG, PHUL SKYE BA DANG, 'DOD CHEN CHE BA NYID DANG, YO BYAD BSNYUNGS PA MA YIN PA'I NYES DMIGS KYANG MTHONG, ZAS CHOG PA PA NYID KYI YON TAN DAG KYANG MTHONG NAS 'DI SKAD DU DENG SLAN CHAD ZAS MANG PO SPANGS TE ZAS CHOG PA PA NYID YANG DAG PAR LEN TO ZHES YANG DAG PAR LAN TO, ,DE LA ZAS CHOG PA PA NYID KYI YON TAN NI 'DI DAG YIN TE, PHUL MI SKYE BA NYID DANG, ZAS KYI TSOD ZIN PA NYID DANG, ZAS MANG DU ZA BA'I GNAD SHES PA NYID DANG LUS KYI GNAS NGAN LEN BSRABS PA DANG, DE LA CHAGS PA SPONG BA DANG, GNOD PA CHUNG BA SHES PA DANG, KUN NAS LDANG BA YANG DAG PAR SPONG BA DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI ZAS CHOG PA PA'I YON TAN DAG YIN NO, ,ZAS KYI TSAD NI JI LTAR 'DZIN, ZAS CHOG PA PA NI GANG YIN NO, ,GANG GIS NI ZAS CHOG PA PA 'JIG CE NA, 'BRAS BRE'U CHUNG GANG GI 'BRAS CHAN LHUNG BZED DU BLANGS NAS CHOG PA'I MTSAN MA LA NYE BAR RTOG CING, DE'I 'OG TU MI BLANG BA'I MTSAN @169B MA LA MKHAS PA YIN TE, GOMS PA NA LTO'I TSAD KYANG SHES PAR 'GYUR RO, ,ZAS CHOG BA PA NI ZAS MANG PO SPONG BA YIN NO, ,ZAS TSAD LAS LHAG PAS NI ZAS CHOG PA PA NYID 'JIG GO, ,ZAS PHYIS MI LEN PA NYID JI LTAR YANG DAG PAR LEN CE NA ZAS LHAG BAR ZOS NA PHUL SKYE BA DANG, GZHAN LA RAG LAS PA NYID DANG, YO BYAD BSNYUNGS PA MA YIN PA'I NYES DMIGS KYANG MTHONG, ZAS PHYIS MI LEN PA NYID KYI YON TAN DAG KYANG MTHONG NAS 'DI SKAD DU DENG SLAN CHAD ZAS LHAG PA SPANGS TE ZAS PHYIS MI LEN PA NYID YANG DAG PAR LEN TO ZHES YANG DAG PAR LEN TO, ,DE LA ZAS PHYIS MI LEN PA NYID KYI YON TAN NI 'DI DAG YIN TE, RE BA RAB TU CHAD PA DANG, DGAD SLA BA DANG, GZHAN LA RAG MA LAS PA NYID DANG, GSOG 'JOG YONGS SU SPONG BA DANG, YONG MI TSOL BA NYID DANG, BRKAM CHAGS MED PA NYID DANG, PHUL MI SKYE BA NYID DANG, SKYES BU DAM PA'I SPYOD PA NYID DANG, YO BYAD BSNYUNGS BA'I TSUL CAN TE DE LTA BU LA SOGS PA NI ZAS PHYIS MI LEN PA'I YON TAN DAG YIN NO, ,ZAS PHYIS MI LEN PA NI DU ZHIG ,ZAS PHYIS MI LEN PA NI GANG ZHIG YIN, GANG GIS NI ZAS PHYIS MI LEN PA NYID 'DI 'JIG CE NA, ZAS PHYIS MI BLANG BA NI GNYIS TE, LHAG PA'I MTHA' BA NYID DANG, BZUNG BA'I MTHA' BA'O, ,DE LA LHAG PA'I MTHA' PA ZHES BYA BA NI ZOS TE SPANGS NAS YANG MI ZA BA'O, ,BZUNG BA'I MTHA' PA ZHES BYA BA NI BDAG NYID KYI RANG BZHIN GYI SKAL BA GCIG ,DUR KHROD PA NYID KYI YON TAN DAG KYANG MTHONG NAS 'DI SKAD DU, DENG SLAN CHAD GZHAN DU GNAS PA SPANGS TE, DUR KHROD PA NYID YANG DAG PAR LEN TO ZHES YANG DAG PAR LEN TO, ,DE LA DUR KHROD BA'I YON TAN NI 'DI DAG YIN NO, ,'CHI BA RJES SU DRAN PA 'THOB BA DANG, MI SDUG PA'I MTSAN MA 'THOB PA DANG, MIS BLA MAR BKUR BA DANG, MI MA YIN PAS BLA MAR BKUR BA DANG, BAG YOD PA'I RGYU SKYE BA DANG, 'DOD PA'I 'DOD CHAGS RNAM PA SPONG BA NYID DANG, YID 'BYUNG BA MANG BA NYID DANG, 'JIGS PA DANG SGRAG PA BZOD PA NYID DANG, GSON PAS RGYAGS PA SPONG BA NYID DANG, LUS KYI RANG BZHIN LA YANG DANG YANG DU SO SOR RTOG PA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI DUR KHROD BA NYID KYI YON TAN @170A *, ,DAG YIN NO, ,DUR KHROD JI LTA BUR NI GNAS PAR BYA'O, ,DUR KHROD PA NI GANG YIN, GANG GIS NI DUR KHROD PA NYID 'JIG CE NA, DANG POR NI RTAG TU SREG PA DANG, DU BA DANG, 'BAR BA DANG, DU BA YOD PA DE LTA BU'I DUR KHROD DU GNAS PAR BYA LA, DE NAS NI DUR KHROD GZHAN GANG YANG RUNG BAR GNAS PAR BYA'O, ,DUR KHROD PAS DUR KHROD DU SPYIL BU DANG, KHANG PA MI BYA, RLUNG YAS LDANG BA MAS LDANG BAR GNAS PAR MI BYA, KHU 'PHRIG CAN DU GNAS PAR MI BYA, NYA SHA DANG, SHA DANG, 'O MA DANG, TIL GYI CHUR PHYE DANG, MON SRAN GRE'U'I BZA' BA BSTEN PAR MI BYA, LHUNG BZED SBYIN PAR MI BYA, KHYIM DU 'DUG BAR MI BYA, SKYE BO MANG PO'I TSOGS LHAGS NA KHRI'U DANG CHOS GOS DANG, RIL BA BLANGS TE SONG NA SREG PA NAS HA CANG YANG MI RING BA RDO RGYANG GIS SLEB TZAM GYI NANG DU DUR KHROD DU GNAS BAR BYA ZHING, SKYE RENGS SHAR NAS KHRI'U DANG, CHOS GOS DANG, RIL BA BLANGS NAS SLAR 'GRO BAR BYA BA 'DI NI 'DI'I SPYOD PA YIN NO, ,DUR KHROD PA NI GZHAN DU GNAS SPANGS PA YIN NO, ,GZHAN DU GNAS PA KHAS LEN PAS NI DUR KHROD PA NYID 'JIG GO, ,GZHI JI BZHIN PA NYID JI LTAR YANG DAG PAR LEN CE NA, BRKAM CHAGS KYI GNAS MAL LA PHAN TSUN LDANG BA PHA ROL LA GNOD PA BYED PA'I NYES DMIGS KYANG MTHONG, GZHI JI LTA BA BZHIN PA NYID KYI YON TAN DAG KYANG MTHONG NAS 'DI SKAD CES DENG SLAN CHAD BRKAM CHAGS KYI GNAS MAL SPANGS TE GZHI JI BZHIN PA NYID YANG DAG BAR LEN TO ZHES YANG DAG PAR LEN TO, ,DE LA GZHI JI BZHIN PA NYID KYI YON TAN NI 'DI DAG YIN TE, NANG DU YANG DAG 'JOG LA BLA MAR BKUR BA DANG, DE LTAR RNYED PAS CHOG SHES PA DANG, DE LA CHAGS PA SPONG BA DANG, BYAMS PA'I SEMS DANG, GCIG PU NYID LA DGA' BA DANG, DAD PAR BYA BA NYID DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE, DE LTA BU LA SOGS PA NI GZHI JI BZHIN PA NYID KYI YON TAN DAG YIN NO, ,GZHI JI BZHIN PA NI GANG YIN, GANG GIS NI GZHI JI BZHIN PA NYID 'JIG CE NA, GZHI JI BZHIN BA NI BRKAM CHAGS KYI GNAS MAL SPONG BA YIN TE, BRKAM CHAGS KYI GNAS MAL SPONG BA ZHES BYA BA NI SNGA NA 'DUG PA BSLANG NAS GNAS MAL LEN PAR MI BYED DO, ,BRKAM @170B CHAGS KYI GNAS MAL LEN PAS NI GZHI JI BZHI PA NYID 'JIG GO, ,JI LTAR COG PU PA NYID YANG DAG PAR LEN CE NA, NYAL NA RMUGS PA DANG GNYID DANG, LE LO'ID BANG DU 'GRO BA'I NYES DMIGS KYANG MTHONG, COG PU BA NYID KYI YON TAN DAG KYANG MHTONG NAS 'DI SKAD CEES DENG SALN CHAD NYAL BA SPANGS TE COG PU PA NYID YANG DAG PAR LEN TO ZHES YANG DAG BAR LEN TO, ,DE LA COG PU PA NYID KYI YON TAN NI 'DI DAG YIN TE, LE LO'I GZHI YONGS SU SPONG BA DANG, LUS LA CHAGS PA DANG, SER SNA YONGS SU SPONG BA DANG, 'PHRES PA'I BDE BA LA MA CHAGS PA DANG, BRTZAL BA NYUNG BA DANG, GNYID CHUNG BA DANG, RNAL 'BYOR DANG MTHUN PA DANG, LUS KYI GNAS RGYA SKYE BA DANG, SKYES BU DAM PA'I SPYOD PA NYID DANG, YO BYAD BSNYUNGS PA'I TSUL CAN TE DE LTA BU LA SOGS PA NI COG PU PA NYID KYI YON TAN DAG YIN NO, ,COG PU PA NI GANG YIN, GANG GIS NI COG PU PA NYID 'JIG CE NA, COG PU PA NI NYAL BA SPONG BA YIN NO, ,NYAL BA KHAS LEN PAS NI COG PU PA NYID 'JIG GO, ,DE LA PHYAG DAR KHROD PA NYID KYI SKABS PHYE BA NI PHYAG DAR KHROD PA NAR MAR SPYOD PA LA GAL TE KHYIM BDAG DAG GIS CHOS GOS GSO RAS SAM, RAS BAL GYI RAS SAM MON DAR RAM, LA BA DAG BYIN PAR GYUR NA SKABS PHYE BAS BLANG BAR BYA STE, PHYAG DAR KHROD PA NYID NYAMS PAR MI 'GYUR RO, ,CHOS GOS GSUM PA NYID KYI SKABS PHYE BA NI KHA BSKANG BA'I RE BA YOD NA GOS LHAG ZHAG BCUR 'CHANG BA DANG, GNAS MAL SRUNG BA'I PHYIR GDING BA DANG, STENTG DU GDING BA DANG, NAD KYI RKYEN G-YAN PA DGAB PA DANG, GDONG PHYIS KYI GOS DANG, DBYAR GYI RAS CHEN DANG, GZHAN GYI RUNG BA BCOL BA SKABS PHYE BAS BLANG BAR BYA STE, CHOS GOS GSUM PA NYID NYAMS PAR MI 'GYUR RO, ,BSOD SNYOMS PA NYID KYI SKABS PHYE BA NI BRKOS PA'I ZAS DANG, TSUL SHING GI ZAS DANG, ZLA BA PHYED PA'I ZAS DANG, GSO SBYONG BA DANG, DGE 'DUN GYI ZAS DANG, GTZUG LAG KHANG GI ZAS SKABS PHYE BAS YONGS SU LONGS SPYOD PAR BYA STE, EBSOD SNYOMS PA NYID' JIG PAR MI 'GYUR RO, ,'ON KYANG NYES MDIGS SU LT BAS NI YONG SU LONGS SPYAD PAR BYA'O, ,MTHAR CHAGS SU RGYU BA NYID KYI @171A *, ,SKABS PHYE BA NI KHYIM GYI SGO NAS GLANG PO CHE DANG, RTA 'AM, KHYU MCHOG GAM, KHYI 'AM, 'THAB PA 'AM, NGO TSA BAR 'GYUR BA DE LTA BU GZHAN MTHONG NAS THOD RGAL DU RGYU BA DANG, ZAS BZAR MI RUNG BA'I KHYIM MAM, LHUNG BZED KHAS PHUB PA'AM, SLOB BAR GRAGS PA'I KHYIM BRGAL NAS RGYU BA DANG, SLOB DPON NAM, MKHAN PO'AM, GLO BUR PA'AM, LHAN CIG RGYU NA SKABS PHYE BAS THOD RGAL DU YANG RGYU BAR BYA STE, MTHAR CHAGS SU RGYU BA NYID NYAMS PAR MI 'GYUR RO, ,STAN GCIG PA NYID KYI SKABS PHYE BA NI ZAS ZA BA NA GLANG PO CHE'AM, RTA 'AM, KHYU MCHOG GAM, SBRUL LAM, THOG 'BAB PA'AM, MKHAN PO'AM, SLOB DPON NAM, GLO BUR BA 'ONGS PA MTHONG NAS GAL TE LANGS PAR 'GYUR NA SKABS PHYE BAS YANG BZA' BAR BYA STE, STAN GCIG NYID 'JIG PAR MI 'GYUR RO, ,ZAS CHOG PA PA NYID DANG, ZAS PHYIS MI LEN PA NYID LA NI SKABS PHYE BA MED DO, , DGON PA PA NYID KYI SKABS PHYE BA NI BSNYEN PAR RDZOGS PAR LAS KYI CHED DAM, LTUNG BA LAS BSLANG BA'I CHED DAM, CHOS MNYAN PA'I CHED DAM, GSO SBYONG NGAM, DGAG DBYE 'AM, NA BA 'AM, NAD PA'I BYA BA'AM, MNGON PAR MI SHES PA'I MDO KUN CHUB BAR BYA BA'AM, GZHAN YANG DE LTA BU'I RKYEN YOD NA SKABS PHYE BAS GRONG MTHAR GNAS PAR BYA STE DGON PA PA NYID 'JIG PAR MI 'GYUR RO, ,SHING DRUNG PA NYID KYI SKABS PHYE BA NI RKYEN DE LTA BU'AM, KHYIM DU ZHUGS PA LAS CHAR GYIS NON NA, DE NYID DU SKYA RENGS SHAR YANG SHING DRUNG PA NYAMS PAR MI 'GYUR RO, ,DGON PA PA'I SKABS PHYE BA JI SNYED PA NI SHING DRUNG BA NYED DANG, BLA GAB MED PA NYID DANG, DUR KHROD PA NYID LA YANG BLTA BAR BYA'O, ,GZHI JI BZHIN PA NYID KYI SKABS PHYE BA NI RKYEN DE LTA BU YOD LA GZHAN GYI GNAS MAL RNYED NA RJES SU GNANG NGO, ,COG BU PA LA NI SKABS PHYE BA MED DO, ,KHA CIG NA RE SNA'I DBYAD BYED NA SKABS PHYE BAR BYA STE, COG PU BA NYID NYAMS PAR MI 'GYUR RO ZHES ZER RO, ,SBYANGS PA'I YON TAN BCU GSUM PO DE DAG NI MDOR BSDUS NA BRGYAD KHO NAR 'GYUR TE, CHOS MNGON PA LAS JI SKAD DU SBYANGS PA'I YON TAN NI BRGYAD DO ZHES 'BYUNG BA LTA BU'O, ,GAL TE DE JI LTA BU YIN ZHE NA, ZAS CHOG PA NYID DANG, STAN GCIG PA NYID NI @171B ZAS PHYIS MI LEN PA NYID KYI NANG DU 'DU BAR 'GYUR RO, ,DE CI'I PHYIR ZHE NA, BZUNG BA'I MTHA' PA'I BDAG NYID KYI RANG SKAL GCIG LEN PA YIN TE, DE LTA BAS NA ZAS CHOG PA PA NYID KYI NANG DU 'DU BAR 'GYUR RO, ,YANG LAN GNYIS SU MI ZA STE, DE LTA BAS NA STAN GCIG PA NYID DU 'DU BAR 'GYUR RO, , SHING DRUNG PA NYID DANG, BLA GAB MED PA NYID DANG, DUR KHROD PA NYID NI DGON PA PA NYID KYI NANG DU 'DU BAR 'GYUR RO, ,DE CI'I PHYIR ZHE NA, DGON PA PA NI DGON PAR SPYIL BU DANG, YANG THOG LA SOGS PA BYED NA LAS DGA' BA NYID DANG, YONGS SU 'DZIN PA DANG, CHAGS PA NI BDAG GI CHA MA YIN NO SNYAM NAS SHING DRUNG NGAM, BLA GAB MED PA 'AM, DUR KHROD DU GNAS SO, ,DE LTA BAS NA BRGYAD KHO NAR 'GYUR LA, BRGYAD PO DE DAG KYANG DGON PA PA NYID DANG, PHYAG DAR KHROD PA NYID DANG, BSOD SNYOMS PA NYID DANG GSUM GYIS RDZOGS PAR 'GYUR RO, ,DE LTAR NA SBYANGS PA'I SGO GSUM RDZOGS PAR BYED NA, SBYANGS PA'I YON TAN THAMS CAD RDZOGS PAR 'GYUR RO, ,DE NYID KYI PHYIR BCOM LDAN 'DAS KYIS TSE DANG LDAN PA MDZES DGA' BOL BRTEN NAS DGA' BO NAM ZHIG DGON PA DANG, PHYAG DAR KHROD PA DANG, NGAN NGON GYIS 'TSO ZHING 'DOD PA RNAMS LA NI LTA BA MED BA MTHONG ZHIG GU ZHES GSUNGS SO, ,DE LA SBYANGS PA'I YAN LAG NI CI ZHIG YIN, SBYANGS PA'I CHOS NI DU ZHIG YOD, CI SPYOD PA'I GANG ZAG DAG NI SBYANGS PA'I YON TAN BSTEN PAR DGA', SBYANGS PA'I YAN LAG NI DU ZHIG ,MTHAR THUG PA NI DU ZHIG ,CI SBYANGS PA'I DE NYID SBYANGS PA SMRA BA YANG DE YIN NAM ZHE NA, DE LA SPYANGS PA'I YAN LAG CES BYA BA NI GZHI BCU GSUM PO DE DAG GI SPONG BA GANG YIN BA DE NI SBYANGS PA'I YAN LAG YIN NO, ,SBYANGS PA'I YON TAN CIR BRJOD PAR BYA ZHE NA, DGE BA BRJOD PAR BYA'O, ,SBYANGS PA'I CHOS DU ZHE NA, SBYANGS PA'I CHOS NI GNYIS TE MA CHAGS PA DANG, GTI MUG MED PA STE, BCOM LDAN 'DAS KYIS JI SKAD DU PHYAG DAR KHROD PA GANG YIN PA DE NE 'DOD PA CHUNG BA NYID LA BRTEN, CHOG SHES PA NYID LA BRTEN, YO BYAD BSNYUNGS PA NYID LA BRTEN, RAB TU DBEN BA NYID LA BRTEN, 'DIS CHOG BA NYID LA BRTEN NAS PHYAG DAR KHROD PAR 'GYUR RO ZHES GSUNGS PA LTA BU'O, ,RNAM PA GCIG TU NAM CHAGS PHAS RJES SU GNANG BA 'TSAM PAR BSTEN @172A *, ,PAS 'DOD PA'I BSOD SNYOMS KYI RJES SU BRTZON PA SLU BA SEL LA SBYANGS PA'I YON TAN GTI MUG MED PA NI YO BYAD BSNYUNGS PAR 'TSAM PAR BSTEN PAS BDAG NYID DUB PA'I RJES SU BRTZON PA'I SLU BA SEL TE, DE LTA BAS NA SBYANGS PA'I CHOS NI GNYIS TE, MA CHAGS PA DANG, GTI MUG MED PA YIN NO, ,DE LA 'DOD PA CHUNG BA NYID DANG, CHOG SHES PA NYID DANG, RAB TU DBEN PA NYID NI MA CHAGS PA YIN NO, ,YO BYAD BSNYUNGS PA NYID DANG, 'DIS CHOG PA NYID NI GTI MUG MED PA NYID YIN NO, ,DE LA MA CHAGS PAS NI SPANG BA'I GZHI BCU GSUM LA CHAGS PA SEL LA, GTI MUG MED PAS NI GZHI DE DAG NYID LA NYES DMIGS MI SHES PA SEL TO, ,YANG CI SBYOD PA'I GANG ZAG RNAMS SBYANGS PA'I YON TAN BSTEN PAR DGA' ZHE NA, 'DOD CHAGS SPYOD PA DANG, GTI MUG SPYOD PA SBYANGS PA'I YON TAN BSTEN PAR DGA'I, ZHE SDANG SPYOD PA NI MA YIN NO, ,CI'I PHYIR 'DOD CHAGS SPYOD PA DANG; GTI MUG SPYOD PA SBYANGS PA'I YON TAN BSTEN GYI, ZHE SDANG SPYOD PA'I MA YIN ZHE NA, SBYANGS PA'I YIN TAN BSTEN PA NI, BSGRUB DGA' BA YIN PAS 'DOD CHAGS SPYOD PA BSGRUB DGA' BA LA BRTEN NAS 'DOD CHAGS RNAM PAR GNON PAR 'GYUR LA, GTI MUG SBYOD PA YANG SBYANGS PA'I YON TAN BSTEN PA YANG DAG PAR BLANGS PA YO BYAD BSNYUNGS PA LA BRTEN NAS RTAG TU BAG YOD PAR 'GYUR ZHING BAG YOD NA GTI MUG RNAM PAR GNON PAR 'GYUR RO, ,DE LTA BAS NA 'DOD CHAGS SPYOD PA DANG, GTI MUG SPYOD PA SBYANGS PA'I YON TAN BSTEN PAR DGA'I, ZHE SDANG SPYOD PA NI BSGRUB DGA' NA MKHRIS PA'I NAD LA DROD BAG BYIN PA BZHIN DU PHYIR ZHE SDANG SKYE BAR 'GYUR TE, DE LTA BAS NA ZHE SNGANG SPYOD PA NI SBYANGS PA'I YON TAN BSTEN PAR DGA' BA YIN NO, ,GZHAN DAG NA RE ZHE SDANG SPYOD PA NI DGON PA BA NYID DANG, SHING DRUNG PA NYID DAG GO, ,DE CI'I PHYIR ZHE NA, DGON PA DANG, SHING DRUNG NA GNAS NA DE DAG TU MI 'DOD PAS GTZE BA'I NYES PA MED PA'I PHYIR RO ZHES ZER RO, ,SBYANGS PA'I YAN LAG NI DUS KYI MTHAR THUG PA'I DU ZHIG CES BYA BA NI, SBYANGS PA'I YAN LAG GSUM PO SHING DRUNG PA NYID DANG, BLA GA BA MED PA NYID DANG, DUR KHROD PA NYID ZLA BA BRGYAD KYI MTHAR THUG PAR BYA STE, DBYAR NI G-YOGS PAR GNAS @172B PAR BCOM LDAN 'DAS KYIS GNANG NGO, ,CI SBYANGS PA DE NYID SBYANGS PAR SMRA BA YANG DE YIN NAM ZHES BYA BA NI SBYANGS PA YIN LA, SBYANGS PA SMRA BA YANG DE YIN NAM ZHES BYA BA NI SBYANGS PA YIN LA SBYANGS PA SMRA BA YIN PA YANG YOD, SBYANGS PA MA YIN LA SBYANGS PA SMRA BA MA YIN PA YANG YOD, SBYANGS PA YANG MA YIN, SBYANGS PA SMRA BA MA YIN PA YANG YOD DO, ,DE LA SBYANGS PA YANG YIN, SBYANGS PA SMRA BA YANG YIN PA YANG YOD CES BYA BA NI, DGRA BCOM PA SBYANGS PA'I YON TAN YANG DAG PAR BLANGS PA DANG LDAN PA'O, ,SBYANGS PA MA YIN LA, SBYANGS PA SMRA BA YIN PA YANG YOD CES BYA BA NI DGRA BCOM PA SBYANGS PA'I YON TAN YANG DAG PAR BLANGS PA DANG MI LDAN PA'O, ,SBYANGS PA YIN LA SBYANGS PA SMRA BA MA YIN PA YANG YOD CES BYA BA NI, SLOB PA'AM, SO SO'I SKYE BO SBYANGS PA'I YON TAN YANG DAG PAR BLANGS PA DANG LDAN PA'O, ,SBYANGS PA YANG MA YIN, SBYANGS PA'I YON TAN SMRA BA YANG MA YIN PA YOD CES BYA BA NI, SLOB PA'AM, SO SO'I SKYE BO SBYANGS PA'I YON TAN YANG DAG PAR BLANGS PA DANG MI LDAN PA'O, ,SBYANGS PA'I YON TAN GYI MTSAN NYID CI YIN, MA NOG NI CI YIN, NYE BAR GNAS PA NI CI ZHE NA SBYANGS PA'I YON TAN GYI MTSAN NYID NI 'DOD PA CHUNG BA NYID DO, ,MNOG NI CHOG SHES PA NYID DO, ,NYE BAR GNAS PA NI YO BYAD BSNYUNGS PA'O, ,RNAM PA GCIG TU MTSAN NYID NI MA 'BAGS PA'O, ,MNOG NI NYES DMIGS MED PA'O, ,NYE BAR GNAS BA NI BRTZON PA MI 'DOR BA'O, ,SBYANGS PA'I YON TAN GYI THOG MA NI GANG YIN, BAR MA NI GANG YIN, THA MA NI GANG YIN ZHE NA SBYANGS PA'I YON TAN GYI THOG MA NI YANG DAG PAR LEN PA'O, ,BAR MA NI STEN PA'O, ,THA MA NI RAB TU DGA' BA'O, ,RNAM PAR GROL BA'I LAM LAS SBYANGS PA'I YON TAN BSTAN PA ZHES BYA BA STE KUN NAS BTUS PA GSUM PA RDZOGS SO,, ,,RGYA GAR GYI MKHAN PO BIdY'A KA RA PRA BHA DANG, ZHU CHEN GYI LO TZ'A BA BANDE DPAL BRTZEGS KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, SU WARnnA WARnnA AA BA D'A NAm, BOD SKAD DU, GSER MDOG GI RTOGS PA BRJOD PA, DKON MCHOG GSUM LA PHYAG 'TSAL LO, ,'DI LTAR RJES SU THOS TE, GNAS @173A *, ,BRTAN 'OD SRUNGS CHEN PO YONGS SU MYA NGAN LAS 'DAS NAS GNAS BRTAN KUN DGA' BO BDAG NYID CHE BA, GNAS BRTAN SHA RA DVA TI'I BU DANG, SHES RAB MNYAM PA, DE BZHIN GSHEGS PA BZHIN DU SNYING RJE CHEN POS SEMS SHING, YUL DANG, GRONG KHYER DANG, GRONG RDAL DANG, TSONG 'DUS LA SOGS PA DE DANG DER GDUL BYA DE DANG DE THABS KYI BYE BRAG DE DANG DE DAG GIS 'DUL BAR GYUR RO, ,CI TZAM NA DUS GZHAN ZHIG GI TSE GDUL BYA'I DBANG GIS SEMS CAN BYE BA BRGYA STONG DPAG TU MED PA LA DAM PA'I CHOS STON PA'I BDUD RTZI'I CHAR 'BEBS PAS YANG DAG PAR TSIM PAR BYED CING, YANGS PA CAN GYI GNAS AA MRA SRUNG BA'I TSAL GANG NA BA NA GNAS SO, ,YANG DE'I TSE RGYAL PO'I KHAB KYI GRONG KHYER NA, DED DPON NYI MA ZHES BYA BA, PHYUG PA, NOR MANG BA, LONGS SPYOD CHE BA, YONGS SU BZUNG BA YANGS SHING RGYA CHE BA RNAM THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA ZHIG GNAS TE, DER RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED DGA' BAR BYED DGA' MGUR SPYOD PAR BYED DO, ,DE RTZE ZHING DGA' LA DGA' MGUR SPYOD KYANG BU YANG MED BU MO YANG MED, DE BU MED PAS BU SHIN TU 'DOD PAS YONGS SU GDUNGS SHING 'DUG PA NA SUM CU RTZA GSUM GYI LHA'I NANG NA LHA'I BU BSOD NAMS KYI MTHU CHEN PO DANG LDAN PA ZHIG LA 'CHI BA'I LTAS RNAM PA LNGA BYUNG BAR GYUR PA DANG, SANGS RGYAS 'BYUNG BAS BRGYAN PA'I 'JIG RTEN LA BLTAS NAS, MYA NGAN LAS 'DAS PA LA MNGON PAR DGA' BAS MI'I NANG DU MTSAMS SBYAR BAR 'DOD BA DANG, LHA'I DBANG PO BRGYA BYIN GYIS LHA'I BU DE 'CHI 'PHO BA MTHONG ZHING, SANGS RGYAS 'BYUNG BAS BRGYAN PA'I 'JIG RTEN GYI KHAMS LA BLTAS NAS MYA NGAN LAS 'DA' BAR MNGON PAR 'DOD PAS MI RNAMS KYI NANG DU NYING MTSAMS SBYOR BAR 'DOD PA YANG MTHONG NGO, ,MTHONG NAS KYANG LHA'I BU DE'I THAD DU SONG STE DE SKAD CES SMRAS SO, ,GROGS PO KHYED MI RNAMS KYI NANG DU NYING MTSAMS SBYOR BAR 'DOD NA RGYAL PO'I KHAB KYI GRONG KHYER DE NA DED DPON NYI MA'I CHUNG MA YOD PA'I MNGAL DU NYING MTSAMS SBYOR CIG ,DES SMRAS PA, KOO SHI KA DED DPON DE NI DAD PA MED PA STE, DE LA NI SANGS RGYAS KYI BSTAN PA LA RAB TU DAD PA MED DO, ,BRGYA BYIN GYIS SMRAS PA, @173B GROGS BO NYING MTSAMS SPYOR CIG DANG, JI LTAR DED DPON DE SANGS RGYAS KYI BSTAN PA LA MNGON BAR DAD BA DE LTAR NGAS BYA'O, ,LHA'I BUS SMRAS PA, KOO SHI KA GAL TE DED DPON CHUNG MA DANG BCAS PAR JI SRID 'TSO'I BAR DU DKON MCHOG GSUM LA SKYABS SU 'GRO NA DE LTA NA NI DED DPON DE'I CHUNG MA'I MNGAL DU NYING MTSAMS SBYOR BAR BYA'O, ,DE NAS LHA'I DBANG PO BRGYA BYIN SUM CU RTZA GSUM NAS MI SNANG BAR GYUR TE, RGYAL PO'I KHAB KYI GRONG KHYER DU DED DPON NYI MA'I KHYIM GYI STENG GI KHANG GI GZHI LA GNAS PAR GYUR PA DANG, LHA'I DBANG PO BRGYA BYIN GYI KHA DOG GI MTHUS KHYIM DE THAMS CAD LHA'I SNANG BAS SNANG BAR BYAS SO, ,DED DPON NYI MAS LHA'I SNANG BA DE MTHONG ZHING BLTAS NAS YANG NGO MTSAR GYIS MIG GDANGS TE PHYOGS BZHIR LTA BAR BSAMS PA DANG, CI TZAM NA LHA'I DBANG PO BRGYA BYIN MTHONG NAS YANG MYUR BA NYID DU DE'I RKANG PA GNYIS LA PHYAG BYAS TE SMRAS PA, GANG KHYED BDAG GI KHANG PAR BYON PAS KHANG PA 'DI LTAR BYAS PA NI RNYED PA SHIN TU LEGS PAR RNYED DO, ,KHYED 'DIR BYON PA'I DGONGS PA GANG YIN PA GSUNGS SHIG ,LHA'I DBANG PO BRGYA BYIN GYIS SMRAS PA, DED DPON KHYED NI BU MED DE BU YOD PAR MNGON PAR DGA' NA CHUNG MA DANG BCAS PAR DENG NAS BZUNG STE, JI SRID 'TSO'I BAR DU DKON MCHOG GSUM LA SKYABS SU SONG SHIG ,KHYOD LA BU YOD PAR 'GYUR RO, ,DED DPON NYI MA DGA' BA DANG MGU BA DANG RAB TU DGA' BA'I YID KYIS SMRAS PA, LHA'I DBANG PO KHYOD KYIS JI LTAR BKA' STZAL PA DE LTAR 'TSAL TE, BDAG CHUNG MA DANG BCAS PAR DENG NAS BZUNG STE, JI SRID 'TSO'I BAR DU DKON MCHOG GSUM LA SKYABS SU MCHI'O, ,DE NAS LHA'I DBANG PO BRGYA BYIN GYIS DED DPON NYI MA CHUNG MA DANG BCAS PA SKYABS SU 'GRO BA LA BKOD NAS RGYAL PO'I KHAB NAS MI SNANG BAR GYUR TE, SUM CU RTZA GSUM GYI GNAS SU LHA'I BU DE'I GZHAL YAS KHANG DU 'KHOD PAR GYUR RO, ,DE NAS LHA'I DBANG PO BRGYA BYIN GYIS LHA'I BU DE LA GTAM GYI RNAM PA RGYAS PAR SMRAS PA DANG, JI TZAM NA LHA'I BU DE SUM CU RTZA GSUM GYI LHA'I GNAS NAS 'PHOS TE, RGYAL PO'I KHAB KYI GRONG DU DED DPON NYI MA'I CHUNG MA'I MNGAL DU ZHUGS BAR GYUR TO, ,DE GANG GI TSE DE'I MNGAL DU 'PHOS PA DE NYID KYI TSE DED DPON GYI CHUNG MA'I LUS LA KHA DOG SHIN TU RGYAS PA DANG, DRI YID DU 'ONG BA BYUNG BAR GYUR TO, ,BUD MED MKHAS PA @174A *, ,RNAMS LA NI THUN MONG MA YIN PA CHOS RNAM PA LNGA YOD DE, LNGA GANG ZHE NA, SKYES PA CHAGS PAR YANG SHES SHING, MA CHAGS PAR YANG SHES PA DANG, DUS SHES SHING SA BON SHES PA DANG, MNGAL DU 'JUG PA SHES PA DANG, GANG LAS MNGAL DU 'JUG PA DE SHES PA DANG, KHYE'UR GYUR PAR SHES SHING BU MOR GYUR PA SHES TE, GAL TE KHYE'UR GYUR NA NI DKU G-YAS PAR RTEN CING GNAS LA, GAL TE BU MOR GYUR NA NI DKU G-YON PAR RTEN CING GNAS SO, ,DE NAS DGA' BA DANG MCHOG TU DGA' BA'I YID KYIS KHYO LA SMRAS PA, RJE'I SRAS DGYES PA BSKYED DU GSOL, BDAG SEMS CAN DANG LDAN PAR GYUR TE, JI NAS KYANG BDAG GI DKU G-YAS PAR RTEN CING GNAS PA LAS NA NGES PAR KHYE'UR 'GYUR RO, ,DES DE THOS PA DANG DE YANG SHIN TU DGA' BA DANG MCHOG TU DGA' BA'I YID KYIS RO STOD BTEG NAS LAG PA G-YAS PA BRKYANG STE, CHED DU BRJOD PA CHED DU BRJOD PA, KYE MA 'ONGS KYANG YUN RING DU MNGON PAR 'DOD PA'I BU'I GDONG LA BLTA BAR 'GYUNG LA, SKYES SHING BYUNG NAS KYANG NGA'I BYA BA BYAS TE, DE RIGS RGYUD PHUN SUM TSOGS SHING NGA'I RIGS YUN RING DU GNAS PAR BYED PA DANG, BDAG CAG SHI ZHING DUS BYAS NAS KYANG NOR NYUNG DU'AM MANG PO SBYIN PAR NI GTONG, BSOD NAMS NI BYAS NAS 'DI DE GNYIS GANG DANG GANG DU SKYES PA'I RJES BZHIN DU 'GRO BAR GYUR CIG CES BDAG GI MING GIS YON BSNGO BAR 'GYUR RO, ,'DI NI SEMS CAN DANG LDAN PAR GYUR TO SNYAM DU SHES NAS STENG GI KHANG BZANGS KYI GZHI LA NYAM NGA BA MED PAR 'JOG STE, DE'I MNGAL YONGS SU SMIN PAR BYA BA'I PHYIR YID DU MI 'ONG BA'I SGRA CUNG ZAD KYANG MI THOS SHING GRANG BA DANG GRANG BA'I YO BYAD DANG DRO BA DANG DRO BA'I YO BYAD DANG, SMAN PAS BSTAN PA'I KHA ZAS HA CANG KHA BA MA YIN PA DANG, HA CANG SKYUR BA MA YIN PA DANG, HA CANG LAN TSVA CHE BA MA YIN PA DANG, HA CANG MNGAR BA MA YIN PA DANG, HA CANG TSA BA MA YIN PA DANG, HA CANG BSKA BA MA YIN PA STE, KHA BA DANG, SKYUR BA DANG, LAN TSVA CHE BA DANG, MNGAR BA DANG, TSA BA DANG, BSKA BA SPANGS PA'I KHA ZAS KYIS BSNYEN BKUR BYED CING DO SHAL DANG, SE MO DOS LUS BRGYAN NAS LHA'I BU MO DGA' BA'I TSAL NA RGYU BA BZHIN DU KHRI'U NAS KHRI'U DANG, KHRI NAS @174B KHRIR RGYU STE, 'OG GI SA GZHI LA MI 'BAB PO, ,DE ZLA BA BRGYAD DAM DGU LON PA DANG, KHYE'U GZUGS BZANG BA, BLTA NA SDUG PA MDZES PA, YAN LAG DANG NYING LAG THAMS CAD DANG LDAN PA, GSER BTZO MA'I MDOG GI KHA DOG SHIN TU RGYAS PA DANG LDAN PA, 'GRO BA THAMS CAD KYI YID DANG MIG 'PHROG PA, GSER GYI MDOG CAN GYI GOS KYIS LUS DKRIS PA, DE'I YAN LAG THAMS CAD NAS TZAN DAN GYI DRI 'BYUNG BA, DE'I KHA NAS AUTPA LA'I DRI 'BYUNG BA, DE SKYES PA TZAM GYIS KHYIM DER GOS KYI CHAR DANG, ME TOG KAR NI KA RI'I CHAR BAB STE, GOS DE DAG KYANG GSER KYI MDOG CAN YIN NO, ,DE NAS NGO MTSAR RMAD DU BYUNG BA DE DANG DE'I GZUGS PHUN SUM TSOGS PA RGYA CHEN PO MTHONG BA DANG, DED DPON NYI MA'I CHUNG MA DANG 'KHOR RNAMS SHIN TU NGO MTSAR SKYES PAR GYUR TO, ,DED DPON NYI MA SGO'I PHYI ROL NA GNAS PA LA, DED DPON KHYED KYI SRAS BLTAM PA TZAM GYIS DGYES YES PA SKYED CIG CES GO BAR BYAS PA DANG, DE DGA' BA DANG MGU BA DANG, RAB TU DGA' BA'I YID KYIS KHYIM DU ZHUGS PA DANG, JI TZAM NA GZHON NU GZUGS SHIN TU BZANG BA, BLTA NA SDUG PA, MDZES PA, YAN LAG DANG, NYID LAG THAMS CAD DANG LDAN PA, GSER BTZO MA'I KHA DOG LTA BUS MDOG RGYAS PA DANG LDAN PA, 'GRO BA THAMS CAD KYI MIG DANG YID 'PHROG PA, GSER GYI MDOG CAN GYI GOS KYIS LUS DKRIS PA 'DI'I YAN LAG THAMS CAD NAS TZAN DAN GYI DRI 'BYUNG BA, DE'I KHA NAS AUTPA LA'I DRI 'BYUNG BA, DE SKYES PA TZAM GYIS NI KHYIM DER GOS KYI CHAR DANG, ME TOG KAR NI KA RI'I CHAR BAB STE, GOS DE DAG KYANG GSER GYI KHA DOG CAN DU MTHONG NGO, ,MTHONG NAS KYANG DGA' BA DANG MGU BA DANG RAB TU DGA' BA SKYES TE, CHED DU BRJOD PA DAG CHED DU BRJOD PA, AE MA'O RNYED PA RNAMS NI SHIN TU RNYED DE, AE MA'O GANG 'DI LTA BU'I BSOD NAMS KYI MTHU CHEN PO DANG LDAN PA'I BU SKYES PA NI BDAG GI YID LA BSAM PA YONGS SU RDZOGS PAR GYUR TO ZHES DGA' BA DANG MGU BA DANG RAB TU DGA' BA'I YID KYIS GOS DE RNAMS DGE SBYONG DANG, BRAM ZE DANG, PHONGS PA DANG, PHONGS SHING SDUG BSNGAL BA DANG, MDZA' BSHES DANG, GNYEN DANG, SNAG GI GNYEN MTSAMS LA BYIN TE, GZHON NU DE'I BTZAS PA'I BTZAS STON @175A *, ,BDUN GSUM NYI SHU RTZA GCIG GI BAR DU RGYA CHER BYAS NAS GROGS PO DAG KHYE'U 'DI'I MING CIR GDAGS ZHES MING 'DOGS BAR BYED PA DANG, NYE DU RNAMS KYIS SMRAS PA, GZHAN NU 'DI GSER BTZO MA'I MDOG GIS SHIN TU RGYAS PA DANG LDAN TE, DE BAS NA GZHON NU 'DI'I MING GSER MDOG CES GDAGS PAR BYA'O ZHES TE, DE LA GSER MDOG CES BYA BA'I MING BTAGS SO, ,GZHON NU GSER MDOG MA MA BRGYAD PO BANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZED GROGS KYI MA MA GNYIS TE, MA MA BRGYAD LA RJES SU GTAD NAS DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI NYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SKYED PAR BYED, SRING BAR BYED CING RDZING NA GNAS PA'I PADMA BZHIN DU MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE, YI GE DANG, GRANGS DANG, RTZIS DANG, LAG RTZIS DANG, DBYUNG BA DANG, GZHUG PA DANG, GZHAG PA LA NYE BAR ZHUGS SHING BRTAG PA BRGYAD PO, GZHI BRTAG PA DANG, GOS BRTAG PA DANG, RIN PO CHE BRTAG PA DANG, SHING RTA BRTAG PA DANG, GLANG PO CHE BRTAG PA DANG, RTA BRTAG PA DANG, GZHON NU BRTAG PA DANG, GZHON NU MA BRTAG PA DANG, 'BYED PA DANG, KLOG PA LA MKHAS PA DANG, G-YER POR GYUR TO, ,DE YANG BSOD NAMS KYI SKAL BA CHEN PO DANG LDAN PA, BSAM PA DGE BA, BDAG DANG GZHAN LA PHAN PAR ZHUGS PA, SNYING RJE DANG LDAN PA, BDAG NYID CHEN PO CHOS 'DOD PA, SKYE DGU RNAMS LA MNYES GSHIN PA STE, DE BSTAN BCOS THAMS CAD KLOG PA DANG, DE SHIN TU BSOD NAMS KYI MTHU CHE BA YIN PAS GOS LA SOGS PA DANG NOR RNAMS GANG BSAMS PA DANG GANG GSOL BA DE THAMS CAD DE BZHIN DU 'BYONG PAR 'GYUR ZOD KYI, BDAG NI 'DI LTANG BSOD NAMS KYI MTHU CHEN PO DANG LDAN NO SNYAM DU MI SEMS SO, ,DED DPON NYI MA 'DI SNYAM DU BDAG DKON MCHOG GSUM LA SKYABS SU 'GRO BA'I DRIN GYIS BU SKYES SO ZHES BCOM LDAN 'DAS KYI BSTAN PA LA SHIN TU YANG MNGON PAR DAD NAS @175B DE DUS DANG DUS SU BCOM LDAN 'DAS KYI BSTAN PA LA BYA BA BYED PAR GYUR TO, ,YANG DE'I TSE DE'I DUS NA RGYAL PO'I KHAB KYI GRONG KHYER DU DED DPON DRI MA MED PA ZHES BYA BA RGYA MTSO NAS GRU GRUB STE, SLAR 'ONGS NAS DES BCOM LDAN 'DAS DGE SLONG STONG NYIS BRGYA LNGA BCUS BSKOR BA LA BSHOS DRANGS TE, DGE SLONG RE RE ZHING CHOS GOS GSUM GSUM PHUL PA DANG, SKYES BU DAM PA 'DI'I RGYA MTSO CHEN POR ZHUGS PA DANG DED DPON GYI SGRA NI 'BRAS BU DANG BCAS PAR GYUR TE, 'DI LTAR BCOM LDAN 'DAS KYI BSTAN PA LA BYA BA BYAS SO ZHES BYA BA'I GRAGS PAS 'JIG RTEN THAMS CAD DU KHYAB PAR GYUR PA DANG, DED DPON NYI MAS THOS PA NA 'GRAN 'DOD PAR GYUR TE, NGA YANG RGYA MTSO CHEN POR ZHUGS LA GAL TE DE NAS GRU LEGS PAR GRUB NAS BCOM LDAN 'DAS LA ZHUS TE, BCOM LDAN 'DAS KYI NYAN THOS 'DZAM BU'I GLING NA JI SNYED CIG GNAS PA DE RNAMS GCIG TU BSDUS NAS ZAS BSOD PA RNAMS KYIS TSIM PAR BYAS LA DGE SLONG RE RE ZHING RIN PO CHE'I CHOS GOS GSUM GSUM GYIS DGA' BAR BYA'O SNYAM NAS DE CHUNG MA LA GTAM DE SMRAS PA DANG, DES SMRAS PA, BDAG PO KHYOD KYIS YANG DAG PAR RTOG PAR 'BYOR PAR GYUR CING YID LA RE BA RDZOGS PAR GYUR CIG ,DE NAS DED DPON NYI MAS RGYAL PO'I KHAB GYI GRONG KHYER DU LAN GSUM GYI BAR DU DRIL BSGRAGS TE, TSOR PA LNGA BRGYAS YONGS SU BSKOR NAS RGYA MTSO CHEN POR ZHUGS SO, ,DE RGYA MTSO CHEN PO DER ZHUGS PA DANG, BCOM LDAN 'DAS YONGS SU MYA NGAN LAS 'DAS SO, ,DE DE NYID NA GNAS PA'I TSE GNAS BRTAN 'OD SRUNGS CHEN PO YANG YONGS SU MYA NGAN LAS 'DAS SO, ,JI TZAM NA DUS GZHAN ZHIG NA GZHON NU GSER MDOG 'OD MA'I TSAL DU SONG BA DANG, DE NAS DGE SLONG ZHIG MI RTAG PA NYID DANG RAB TU LDAN PA'I TSIGS SU BCAD PA 'DON PAR GYUR TE, TSE 'DI NYID DANG MTSAN MO DANG, ,'GRO BA DANG NI LDOG PA DANG, ,CHU KLUNG CHEN PO'I RGYUN BZHIN DU, ,PHYIR MI LDOG PAR 'GRO BAR 'GYUR, ,CHU CHUNG GI NI NYA LTA BUR, ,GANG ZHIG NYIN MTSAN 'DA' BA YI, ,TSE NI SHIN TU THUNG GYUR NA, ,DE LA BYA DGAR CI ZHIG YOD, ,GSON MTHA' 'CHI BA YIN PAS NA, ,LUS 'DI YONG SUS RTAS PA DANG, ,NAD KYI TSAD NI @176A *, ,MYUR 'JIG CING, ,RNAG GI TSOGS KYANG 'JIG PAR 'GYUR; ,KYE MA LUS 'DI MI BROGS PAR, ,STONG ZHING RNAM SHES DANG BRAL NAS, ,DUR KHROD BOR BA'I MGAL DUM LTAR, ,SA'I STENG DU 'GYEL BAR 'GYUR, ,RGYUN DU NAD KYIS MNGON GDUNGS SHING, , RTAG TU MI GTZANG 'DZAG PA DANG, ,RGA DANG 'CHI BAS 'TSER 'GRIB PA'I, ,LUS 'DI DOR NA CIR MI RUNG, ,MYUR DU 'JIG CING RNA BA DANG, ,RNAG DANG LDAN BA'I LUS 'DI YIS, ,GRUB DANG BDE BA BLA MED DANG, ,ZHING MCHOG DON DU GNYER BAR GYIS, ,TSIGS SU BCAD PA 'DI THOS PA DANG, ,GZHON NU GSER MDOG 'KHOR BA LAS YONGS SU SKYO ZHING, YONGS SU MYA NGAN LAS 'DAS PA'I YON TAN MA THONG BAS DGE SLONG DE LA PHYAG BYAS TE DRIS PA, 'PHAGS PA 'DI CI ZHIG LAGS, DGE SLONG GIS SMRAS PA, RIGS KYI BU 'DI NI SANGS RGYAS KYI BKA' YIN NO, ,DES DE THOS PA DANG BCOM LDAN 'DAS KYI BSTAN PA LA NGANG PA CHEN PO SKYES NAS RAB TU 'BYUNG BA DANG THAR PA MNGON PAR 'DOD PAR GYUR RO, ,DE NAS DGE SLONG DE LA RIM GRO BYAS TE RKANG PA GNYIS LA GTUGS NAS SMRAS PA, 'PHAGS PA BDAG RAB TU 'BYUNG BAR 'TSAL GYIS THUGS BRTZE BAS NYE BAR BZUNG STE RAB TU DBYUNG DU GSOL, DGE SLONG DES SMRAS PA, RIGS KYI BU PHA DANG MA GNYIS KYIS GNANG NGAM NGES SMRAS PA, MA GNANG LAGS SO, ,DGE SLONG GIS SMRAS PA, RIGS KYI BU SONG LA PHA DANG MA LA DRIS SHIG DANG, PHA DANG MA GNYIS KYIS MA GNANG BAR RAB TU 'BYIN PAR MI BYED DO, ,DES SMRAS PA, DE BZHIN DU BGYI'O, ,DE NAS GZHON NU GSER MDOG 'KHOR BAS 'JIGS SHING SKYO BA'I YID DANG LDAN PAS RANG GI KHYIM DU DONG STE MA'I RKANG BA LA GTUGS NAS YUM MKHYEN PAR MDZOD CIG ,BDAG NI LEGS PAR GSUNGS PA'I CHOS 'DUL BA LA RAB TU 'BYUNG NGO, ,DE SKAD CES SMRAS PA THOS PA DANG MA SHIN TU MYA NGAN GYIS GDUNGS TE, BRANG BRDUNGS NAS SMRAS PA, BU KHYOD NI NGA'I BU GCIG PA, SDUG PA, YID DU 'ONG BA, MDZES PA, RJES SU MTHUN PA, YID LA RE BA RGYAS PA THOB PA YIN NA KHYOD JI LTAR @176B NGA YANG SPANGS NAS RAB TU 'BYUNG, ,DES SMRAS PA, YUM SDUG PA RNAMS DANG NI NGES PAR 'BRAL BAR 'GYUR TE, DE MKHYEN PAR MDZOD LA BDAG LEGS PAR GSUNGS PA'I CHOS 'DUL BA LA RAB TU DBYUNG BAR RJES SU GNANG BAR MDZAD DU GSOL, DES THOS PA DANG YID LA GDUNG BA CHEN PO SKYES NAS DE MCHI MAS BRNANGS BZHIN DU SMRAS PA, BU NGA KHRAG DRON MO KHA NAS SKYUG PAR 'GYUR GYI LA NA GSUM GYI BAR DU DE SKAD MA ZER CIG ,DES YANG BSAMS PA, 'DI'I 'BAD PA 'DI LTA BU LAS NA NGAS BZLOG PAR MI NUS KYIS THABS SHIG SBYAR BAR BYA'O SNYAM MO, ,DE NAS DES SMRAS PA, BU KHYOD KYI PHA NI SANGS RGYAS KYI BSTAN PA LA BYA BA BYA'O SNYAM NAS RGYA MTSO CHEN POR ZHUGS KYI DE JI SRID MA 'ONGS PA DE SRID KHYOD LA RJES SU MI GNANG NGO, ,GAL TE 'ONGS NA KHYOD RJES SU GNANG NAS RAB TU DBYUNG BAR BYA'O, ,DE MA LA GUS PA YIN PAS BSAMS PA, GAL TE YANG 'DI LA SMRAS NA NI BRGYA LA 'DI GDUNG PA SHIN TU CHEN PO SKYE BAR 'GYUR GYI, JI SRID NGA'I PHA 'ONGS PA DE SRID DU 'DUG PAR BYA'O SNYAM NAS DE CANG MI SMRA BAR 'DUG GO, ,GANG GI TSE GZHON NU GSER MDOG TSONG 'DUS SU RGYU BA NA DE'I TSE DE'I GZUGS PHUN SUM TSOGS PA RGYA CHEN PO MTHONG BA DANG 'JIG RTEN PA RNAMS BLTAS KYANG NGOMS PAR MA GYUR TE, DE SKYE BO'I TSOGS MANG PO'I YID DU 'ONG BAR GYUR TO, ,DE'I GZUGS PHUN SUM TSOGS PAS YID DRANGS KYANG 'DOD PA LA SHIN TU RGYAB KYIS PHYOGS PAR MTHONG NAS MAS BSAMS PA, KYI HUD 'DI'I 'BAD PA 'DI LTA BU 'DIS NI NGA SPANGS NAS RAB TU 'BYUNG BAR 'GYUR RO SNYAM MO, ,DE NAS RTAG TU DOGS PA DANG BCAS PAS RJES SU MTHUN PAR 'JUG PAR BRTZAMS SO, ,GZHON NU GSER MDOG NI YANG DANG YANG DU MKHAS PA DANG DGE SBYONG DANG BRAM ZE RNAMS LA RTEN PAR BYED CING, DE DER LEGS PAR BSHAD PA THAR BA'I LAM DANG RJES SU MTHUN PAR GANG DANG GANG THOS PA DE DANG DE GLEGS BAM LA 'DRI'O, ,RGYAL PO'I KHAB KYI GRONG KHYER GYI PHYI ROL NA DED DPON NYI MA'I SKYED MOS TSAL ME TOG DANG, 'BRAS @177A *, ,BU DANG, CHU PHUN SUM TSOGS PA ZHIG KYANG YOD PA DANG, DE NAS GZHON NU GSER MDOG PHA'I SKYED MOS TSAL DER NYIN RE ZHING SONG NAS LEGS PAR BSHAD PA'I GLEGS BAM DAG KLOG CING 'DUG GO, ,YANG DE'I TSE RGYAL PO'I KHAB KYI GRONG KHYER NA KA SHI MDZES DGA' MO ZHES BYA BA'I BUD MED SMAD 'TSONG MA GZUGS DANG LANG TSO DANG SGYU RTZAL PHUN SUM TSOGS PA, SKYE BO MANG PO'I SNYING DU SDUG PA ZHIG GNAS PA DANG, RGYAL PO MA SKYES DGRA'I BLON PO RAB GTUM ZHES BYA BA RGYAL POS SHIN TU BKUR BA DE BU MO KA SHI MDZES DGA' MO LA SHIN TU YANG SEMS CHAGS PAS NYIN RE ZHING RANG GI SKYED MOS TSAL DU SONG NAS DE DANG LHAN CIG RTZE ZHING DGA' LA DGA' MGUR SPYOD PAR GYUR TO, ,CI TZAM NA DUS GZHAN ZHIG GI TSE BU MO KA SHI MDZES DGA' MO RGYAN THAMS CAD KYIS BRGYAN TE RGYAL PO'I KHAB NAS BYUNG NAS BLON PO RAB GTUM GYI SKYED MOS TSAL DU CHAS PA DANG, GZHON NU GSER MDOG RGYAL PO'I KHAB KYI GRONG KHYER NAS BYUNG STE, RANG GI SKYED MOS TSAL DU 'GRO BA BU MO KA SHI MDZES DGA' MOS BLTAS PA DANG, GZHON NU GSER MDOG SHAN TU YANG GZUGS BZANG BA, BLTA NA SDUG PA, MDZES PA, YAN LAG DANG NYID LAG THAMS CAD DANG LDAN PA, SKYE BO THAMS CAD KYI YID DANG MIG 'PHROG LA, GSER MDOG CAN GYI GOS SER PO LUS LA GYON PA MTHONG BA DANG, YANG DE 'DI SNYAM DU SEMS TE, AE MA'O GZUGS PHUN SUM TSOGS PA RGYA CHE BA, AE MA'O KHA DOG SHIN TU RGYAS PA 'DI LTA BU BUD MED GANG GI KHYOR GYUR PA DE NI SKAL PA BZANG PO BYAS PA YIN NO SNYAM DU SEMS SHING, DE DE LA SEMS SHIN TU ZHEN PAS RTOG CING GANG 'DI LTA BU'I SKYES BU DANG LHAN CIG DGA' ZHING RTZE BA MA MYONG BA'I BUD MED DE NI SKAL PA CHUNG BA YIN NO, ,YANG BSAMS PA, BDAG NI GZUGS KYIS 'TSO BA, SKYES BU RNAMS KYI THUN MONG DU GYUR PA YIN LA, GZHON NU 'DI NI LANG TSO LA BAB PA DANG LDAN PA YIN GYI MA LA BDAG 'DI DANG LHAN CIG KUN DU SBYOR BAR 'GYUR BA DE LTAR BRID PAR BYA'O SNYAM NAS DE DE'I MDUN DU 'DUG STE, BUD MED KYI STEG PA'I MTSAN MA DAG BSTAN PAR @177B BRTZAMS PA DANG, BDAG NYID CHEN PO DE RANG BZHIN GYIS 'DOD PA LA RGYAB KYIS PHYOGS SHING MYA NGAN LAS 'DAS PA LA GZHOL BAS DE LA SEMS GTOD PAR MA GYUR PA DANG, DES BSAMS PA 'DI NI NGES PAR NGA LA MI SEMS PA NI NGO CHA BA YIN GYI, YANG 'DI SKYED MOS TSAL DU 'GRO BAS NGA YANG DE NYID DU SONG LA DER 'DI LKOG TU BRIM PAR BYA'O SNYAM NAS DE DE'I PHYI BZHIN 'BRANG BA DANG, GZHON NU GSER MDOG GIS SHES NAS DE'I SNGON DU SKYED MOS TSAL DU ZHUGS TE SGO BCAD DO, ,BU MO KA SHI MDZES DGA' MOS SMRAS PA, GZHON NU BDAG NI KHYOD LA BSAMS TE 'ONG NA KHYOD 'DI LTA BU'I RANG BZHIN NGAN PA STON PAR BYED PA NI RIGS PA MA YIN NO ZHES SMRAS KYANG, DES DE LA TSIG GI LAN MA BLAN PA DANG, DES BSAMS PA, 'DI LA RGYU GNYIS YOD DE, SHIN TU 'DOD PA DON DU MI GNYER BA'AM, YANG NA CHES BZANG BA GZHAN ZHIG LA ZHEN PA YIN TE, RNAM PA THAMS CAD DU 'DI LA NGA'I GZUGS SAM TSIG GIS MGU BAR BYED MI NUS KYI 'DI LA REG PAS MGU BAR BYA'O SNYAM NAS, 'DIS NGA MTHONG NAS SGO BCAD NA GANG ZHIG GIS 'DI KLOG TU CHAGS PAR 'GYUR BA'I THABS CI ZHIG YOD, YANG NA 'DI NGAS SHES KYIS NANG PAR 'DI'I CHES SNGON DU SONG LA SKYED MOS TSAL DU 'DUG GI ,PHYIS 'DI 'ONGS PA DANG 'KHRIG PA LA SOGS PA'I LUS KYI REG PA RNAMS KYIS JI LTAR NGA'I DBANG DU 'GYUR BA DE LTAR MGU BAR BYA'O SNYAM MO, ,DE DE LTAR RJES SU SEMS SHING SLAR LOG NAS GRONG KHYER DU ZHUGS TE, NYI MA DE LA RA BA GTUM GYI SKYED MOS TSAL DU MA SONG NGO, ,BLON PO RAB GTUM YANG RANG GI SKYED MOS TSAL DU DE YUN RING DU RTOG PAS YONGS SU DUB PA DANG NYI MA NUB PA'I DUS SU GRONG KHYER DU ZHUGS NAS DE RANG GI KHYIM NAS KA SHI MDZES DGA' MO LA CI'I PHYIR KHYED DENG NGA'I SKYED MOS TSAL DU MA 'ONGS ZHES PHO NYA BTANG BA DANG, BU MO MDZES DGA' MOS RJE'I SRAS DENG NI BDAG DENG GLAD NAD KYIS SHIN TU GDUNGS PA GANG YIN PA DES KHYED KYI SKYED MOS TSAL DU MA 'ONGS ZHES BSLUS SO, ,'JIG RTEN NA NI MDZA' MO DANG, DGRA DANG, THA MAL PA YOD PAS, GZHAN ZHIG @178A *, ,GIS SMRAS PA, DE LA NI GLAD PA'I NAD KYIS GZIR BA MED DE, GZHAN DU NA 'DI GZHON NU GSER MDOG GI SKYED MOS TSAL DE NAS SLAR 'ONGS BA MTHONG NGO ZHES SMRAS PA THOS PA DANG, 'DI LTAR BUD MED KYI YUL NAS BYUNG BA'I SHA KHON NI SHA KHON GYI THA CHAD YIN PAS BLON PO RAB GTUM KHRO BAS KUN TU 'KHRUGS PAR GYUR NAS BSAMS PA, CI NAS KYANG BU MO KA SHI MDZES DGA' MO DANG GZHON NU GSER MDOG GNYI GA MED PAR 'GYUR BDE LTA BU'I GNOD PA BYA'O SNYAM STE, DE KHRO BA'I MES SNYING BSRAGS BZHIN DU MTSAN MO SDUG BSNGAL BAS 'DA' BAR BYAS SO, ,DE NAS MTSAN MO 'DAS TE NAM LANGS PA DANG SKYES BU YID BRTAN DU RUNG BA ZHIG BOS TE SMRAS PA, RGYAL PO'I KHAB KYI PHYI ROL GYI SKYED MOS TSAL DU 'DENG, DE RANG LA SHIN TU CHED CHE BA'I DGOS PA ZHIG YOD KYI RAL GRI THOGS SHIG ,DES KYANG BLON PO DE BZHIN DU BGYI'O ZHES SMRAS TE, SKYES BU DE RAL GRI THOGS NAS DE'I PHYI BZHIN DU 'BRANGS SO, ,DE NAS BLON PO RAB GTUM SKYES BU DE DANG LHAN CIG TU RGYAL PO'I KHAB KYI GRONG KHYER NAS BYUNG STE DED DPON NYI MA'I SKYAD MOS TSAL DU ZHUGS NAS GNAS SO, ,BU MO KA SHI MDZES DGA' MO YANG LUS LA GOS DANG RGYAN SNA TSOGS KYIS BRGYAN TE RGYAL PO'I KHAB NAS BYUNG NAS DED DPON NYI MA'I SKYED MOS TSAL DU SONG STE, DE DER ZHUGS PA DANG JI TZAM NA BLON PO RAB GTUM MTHONG BA DANG SLAR KUN DU SKRAG PAS BSAMS PA, 'DI NI RANG BZHIN GYIS GTUM PAS NGES PAR DENG NGA LA GNOD PA CHEN PO BYED PAR 'GYUR RO SNYAM NAS SLAR LOG PAR 'DOD PA DANG, DE NAS BLON PO RAB GTUM GYIS MTHONG NAS KHRO BA'I MES YID BSREGS NAS DPRAL PAR KHRO GNYER GSUM BSDUS TE SHIN TU BRGYUGS SO, ,DE NAS TSAM TSOM MED PAR DE'I SKRA NAS BZUNG NAS SNYING RJE MED PAS MGO THUR DU SA LA BSGYEL TE BSHAL BZHIN DU 'DI SKAD CES SMRAS TE, KHYOD 'DIR 'ONGS NAS GZHON NU GSER MDOG DANG LHAN CIG DGA' MGUR SPYAD NAS, NGA LA GLAD BA NA BAS SHING TU GZIR TE DES KHYED KYI GAN DU MA 'ONGS SO ZHES SMRA 'AM, NGAS DENG GANG GIS SLAR YANG 'TSO BA'I @178B 'JIG RTEN MTHONG ZHING GZHON NU GSER MDOG DANG LHAN CIG DGA' MGUR SPYOD PAR MI 'GYUR BA DE LTA BU'I CHAD PA GCAD PAR BYA'O, ,BU MO KA SHI MDZES DGA' MOS DE THOS PA DANG, PHAN TSUN DRUD PA'I SDUG BSNGAL LA MA BSAMS PAR MCHI MAS BRNANGS BZHIN SKAD 'DAR BZHIN DU KYI HUD DA NI 'TSO BAR MI 'GYUR RO SNYAM NAS LUS 'DAR BZHIN DU BLON PO RAB GTUM GYI RKANG PA GNYIS LA GTUGS TE, SNYING RJE RJE SKAD DU GCOM CHUNG NGUS TSIG RE RE NAS SMRAS PA, RJE'I SRAS BZOD PAR MDZOD CIG ,BDAG NI GSAD PAR 'OS PA MA LAGS TE, BUD MED KYI YUL NI RTAG TU SKYON DANG BCAS PA LAGS KYIS DENG NAS BRTZAMS NAS SLAN CHAD 'DIR CI YANG MI BGYID KYI, JI SRID 'TSO'I BAR DU KHYED KYI 'BANGS MO BGYID KYIS MA BRTAGS PA 'DI MA MDZAD PAR SROG STZOL CIG ,RANG BZHIN NGAN PA DE DE LTA BU'I SNYING RJE RJE SKAD DU GCOM CHUNG DUS TSIG RE RE NAS SMRAS KYANG KHRO BA'I ME 'PHEL BA NYID DO, ,DE NAS DE'I GROGS PO'I SKYES BU LA SMRAS PA, RAL GRI 'DIS 'DI'I MGO DRUNGS NAS MYUR DU CHOD LA SAL LTUNG BAR GYIS SHIG CES SMRAS PA DANG, DE NAS SKYES BU DES BDAG NYID NGAN PA DE'I RIGS PA DANG MI LDAN PA'I TSIG NGAN PA THOS PA DANG 'DAR BAR GYUR CING BSAMS PA, KYE MA'O SNYING RJE MED PA, BUD MED 'DI NI 'DIS RNAM PA DU MANG RJES SU LONGS SPYOD NA DE JI LTAR NYES PA CHUNG NGU'I PHYIR GSOD PAR 'DOD, KYE MA'O NGA YANG 'TSO BA'I 'JIGS PA DANG SKRAG PAS SKYES BU THA MA SBRUL GYI DUG DANG MTSUNGS PA'I GAN DU GNAS PAR BYED, NGA NI RNAM PA THAMS CAD DU NYAM NGA BA CHEN POR ZHUGS SO, ,'DI JI LTAR BSGRUB PAR BYA, YANG NA GSAL BAR SMRA BAR BYA'I, ,GAL TE GSAL BAR SMRAS NA SDIG PA DANG CHOS MA YIN PA LAS LDOG KYANG SRID DO SNYAM NAS KUN DU SKYO BA DANG, DE LA BUD MED DE SHIN TU SNYENG RJE BAS RGYUD ZHI BAR BYAS PAS MIG MCHI MAS KHENGS PA DANG THAL MO SBYAR TE, BLON PO RAB GTU MA LA SMRAS PA, JO BO BZOD PAR MDZOD CIG ,'DI LTA BU'I BYA BAM YIN PA LA BDAG SBYAR BA NI MI RIGS SO, ,BDAG NI BRTZE BA MED PA MA LAGS TE, GSOD MA PA YANG @179A *, ,MA LAGS NA JI LTAR NA BDAG GSOD MA RNAMS KYANG BYED PAR SPRO BA MA YIN PA'I LAS GANG YIN PA DE LA BDAG POS BCUD DAM, BUD MED 'DI YANG SHIN TU GZUGS BZANG BA, BLTA NA SDUG PA, MDZES PA, SGYU RTZAL SHES PAR GRAGS PA RGYAL PO'I KHAB NA GNAS PA RNAMS DANG, PHYOGS GZHAN NAS LHAGS PA'I SKYE BO MKHAS PA RNAMS KYI SNYING DU SDUG PA, 'DI NI MI RNAMS KYI THUN MONG GI DGA' BA'I GNAS SU GYUR PA LAGS NA, BDAG PO SHES RAB DANG LDAN ZHING MKHAS PA'I MI RNAMS RJES SU CHAGS PA'I GNAS 'DI LA SDANG BAR JI LTAR BYED 'DI LTA BU'I 'JIG RTEN GNYI GA DANG 'GAL BAR GYUR PA'I RTZOL BA 'DI LA LDOG PAR MDZOD CIG ,BZOD PAR MDZOD LA BDAG DANG KHYED KYANG NYES PAR SPYOD PA'I ME 'DIS BSREG PAR 'OS PA MA YIN NO, ,GTZO BO GZHAN YANG, SHIN TU GZHON PA'I YAN LAG 'DI, ,GZUGS DANG LANG TSO RNAM BRGYAN PA, ,'DI NI MI YI DGA' BA DAG ,GZUGS DANG LDAN PA BZHIN DU SHES, ,DMAN ZHING SNYING NI RJE RJE'I LTA'I, ,SNYAN PA'I TSIG NI 'DI DAG GES, ,GTZO BO KHYOD LA GSOL 'DEBS NA, ,BDAG GI YID NI MGU BAR MDZOD, ,KHYOD TSIG 'BAR BAR THOS PAS NA; ;DER NI BDAG NYID 'DAR BAR 'GYUR, ,GANG ZHIG 'DI 'DRA GSOD GYUR PA'I, ,SNYING RJE MED PA SU ZHIG MCHIS, ,SHIN TU SNYING RJE MED PA YI, ,KLA KLO 'ANG 'DI GSOD MI SPRO NA, ,GTZO BOS BDAG YING JI LTAR NA, ,MI GSOD PAR NI SPRO BA SKYED, ,GANG ZHIG PHYUGS KYIS MTHONG NA YANG, ,RJES CHAGS CHEN PO SKYE 'GYUR BA, ,DE LA GANG ZHIG MIR GYUR NAS, ,MTSON GYIS 'DEBS PA BGYID MA MCHIS, ,GTZO BO SHIN TU MI BZAD PA'I, ,LAS 'DI MNYAN PA 'ANG RIGS MIN NA, ,SPYOD PAR BGYID PA SMOS CI 'TSAL, ,DE BAS BZOD PA BDZAD PA'I RIGS, ,DE NAS SKYES BU RANG BZHIN NGAN PAS BSAM PA NYAMS PA DE LA DE LTA BU'I SNYING LA BAB PA'I TSIG SNYAN PA DES SMRAS SU ZIN KYANG RANG GI SEMS ZHI BA MA RNYED PAR GYUR TE, DE KHROS PHAS SMIN MA BSDUS SHING BZHIN MI SDUG PAS DE LA SMRAS PA, KVA'I MI KHYOD NGA'I TSIG LAS @179B 'DA' BAR BYAS TE, 'DI LA KHYOD RJES SU CHAGS PAR BYAD NAS GSOD PAR MI 'DOD DAM, RNAM PA THAMS CAD DU KHYOD KYIS 'DI BSAD PAR GYUR NA LEGS KYI GAL TE MA BSAD NA DANG KHYOD KYI SROG MED PAR BYA'O, ,DE NAS SKYES BU DE DE'I TSIG RTZUB MO'I RTZOM PA SHES NAS 'JIGS PAS SEMS PA LA ZHUGS PAR GYUR TE, KYE MA'O BDAG NI SHIN TU NYAM NGA BAR GYUR TA, GAL TE 'DI'I TSIG BZHIN MA BYAS NA NGES PAR DENG BDAG NYID SROG DANG BRAL BAR BYED DE, GANG ZHIG 'DI LTA BU'I BUD MED RNAM PA DU MAR NYE BAR LONGS SPYOD PA YANG GSOD PAR RTZOM NA DENG NGA MI GSOD PAR GA LA 'GYUR, CI 'DI LTA BU'E SKYE BO'I CHOGS KYI YID DU 'ONG BA'I BUD MED KYI LUS LA MTSON GYIS 'DEBS PAR BYED NA, BDAG NYID MIR YANG MI RUNG GI ,RNAM PA THAMS CAD DU RANG GI SROG DANG BRAL BA NI BLA'I 'DI LTA BU 'DI LA SNUN PAR MI BYA'O ZHES NGES PAR BSAMS NAS YANG DE'I SLAR SKYES PA GANG 'DI RAL GRI KHYER LA 'BROS PAR BYA'I, DES NI NGA'I LUS DANG BU MO KA SHI MDZES DGA' MO'I LUS KYANG YONGS SU BSRUNGS PAR 'GYUR RO SNYAM NAS RAL GRI THOGS NAS SKYED MOS TSAL NAS BYUNG NAS BANG THAMS CAD GTUGS PA DANG BROS PAR GYUR RO, ,BLON PO RAB GTUM GYIS KYANG DE'I RJES BZHIN SGO'I PHYI ROL GYI BAR DU BSNYEGS SO, ,DE NAS BU MO KA SHI MDZES DGA' MO BDAG NYID SROG STOR BA SLAR RNYED PA TZAM DU SEMS SHING RINGS PA RINGS PAR BROS TE RA BA'I RTZAR PHYIN PA DANG, RA BA DE YANG MTHO BAS BRGAL BAR MA NUS PA NA BLON PO RAB GTUM SLAR LAG NAS JI SRID PHYOGS DE NA BU MO KA SHI MDZES DGA' MO MA MTHONG NAS PHAN TSUN KUN DU BLTAS PAR BRTZAMS PA DANG, CI TZAM NA RA BA'I RTZAR PHYIN PA MTHONG NAS RINGS PA RINGS PAR DE'I GAN DU 'GRO BAR BRTZAMS SO, ,DE NA YANG SBRUL NAG PO ZHIG GNAS TE, DES BU MO'I RKANG PA G-YAS PA NAS BZUNG BA DANG DES DE MTHONG NAS BROS SO, ,BU MO KA SHI MDZES DGA' MOS BSAMS PA, BLON PO RAB GTUM 'DI 'ONGS NAS GSOD PAR 'GYUR RO SNYAM PA DER GTOD PA'I YID DANG 'CHI BA'I 'JIGS PAS SBRUL NAG POS ZIN PAR MA SHES NAS AA TI MUG TI'I TSANG TSING DU ZHUGS PA DANG, @180A *, ,BLON PO RAB GTUM YANG AA TI MUG TI'I YAL GA'I TSANG TSING DU PHYIN TO, ,DA NAS RANG BZHIN NGAN PA SNYING RJE MED PA'I SEMS KYIS ZHE SDANG DRAG POS KUN DU 'KHRUGS PA'I YID KYIS BU MO KA SHI MDZES DGA' MO AA TI MUG TI'I YAL GA'I TSANG TSING NAS DRANGS TE, DE'I MGO LA RKANG PA'I RTING PA DANG RDOG PAS BSNUN TE, ,BUD MED DE NI SHIN TU GZHAN SHA CAN YIN PAS RDOG PAS BSNUN BA DE DANG DUG GI ZHUGS KYIS BRGYAL BAR GYUR TO, ,BLON PO RAB GTUM DE LTA BAR BSAMS PA DANG, CI TZAM NA SEMS MED PAR SA LA 'GYEL BAR MTHONG NAS DE 'DI SNYAM DU SEMS TE 'DI NI SHI ZIN GYIS DA NI 'GRO BAR BYAS TE, 'GA' ZHIG GIS MTHONG NA MI RUNG NGO SNYAM NAS RA BA RGAL TE LAM GZHAN NAS RGYAL PO'I KHAB TU ZHUGS SO, ,DER PHYIN NAS RGYAL PO'I SKYES BU GZHAN DAG CIG LA SMRAS PA, SHES LDAN DAG SONG LA DED DPON NYI MA'I SKYED MOS TSAL LTOS SHIG ,DE YANG CHAS SO, ,GZHON NU GSER MDOG KYANG RGYAL PO'I KHAB NAS BYUNG STE SKYED MOS TSAL DER PHYIN PA DANG, JI SRID CIG NA BU MO KA SHI MDZES DGA' MO PHAN TSUN DU BSHAL ZHING DRUD PA DANG, SKRA GROL LA SEMS MED PAR SA LA 'GYEL BAR MTHONG BA DANG, DE SKYO BA CHEN PO SKYES PAR GYUR NAS DES BSAMS PA NI RANG BZHIN NGAN PA SNYING RJE MED PA'I SEMS 'JIG RTEN PHA ROL SPANGS PA SHA KHON DANG BCAS PA SU ZHIG GIS 'DIR KHYER TE 'ONGS NAS BSAD PAR GYUR, KYI HUD NGAN CING SDUG BSNGAL TE, 'DI LTA BU'I BUD MED BRTZE BA MED PAS GSOD PA'I SEMS CAN SU ZHIG BYUNG SNYAM NAS SKYED MOS TSAL DE THAMS CAD DU BLTAS NAS SU YANG MA MTHONG BA DANG, DE 'DI SNYAM DU SEMS TE, BUD MED 'DI NI KUN GYIS SHES PA YIN LA, 'DI SKYED MOS TSAL 'DIR BSAD NAS 'DIR SU YANG MI SNANG BA NI RNAM PA THAMS CAD DU 'GA' ZHIG GIS RANG GI RANG BZHIN NGAN PA SPAS NAS GRAGS PA MA YIN PA'I SER BA NGA'I MGOR DBAB PA'I PHYIR DES 'DIR MNGON DU PHYUNG NGO SNYAM NAS DE DE LTAR MI DGA' BZHIN DU LAG PA 'GRAM PA LA GTAD DE SHIN TU SEMS PA LA ZHUGS SHING 'DUG PA DANG, @180B RGYAL PO'I SKYES BU DE RNAMS KYANG PHYIN NAS DER ZHUGS TE, SKYED MOS TSAL DE BLTA BAR BRTZAMS PA DANG, JI TZAM DU BU MO KA SHI MDZES DGA' MO PHAN TSUN BSHAL NAS DRUD PA DANG, SKRA GROL ZHING SA LA DRUD PA DANG 'GYEL BA MTHONG BA DANG, GZHON NU GSER MDOG GI SDON GYI LAS KYI RNAM PAR SMIN PA'I STOBS KYIS DE SUS KYANG NGES PA MA RNYED CING BRGYAL BA YIN NAM, 'ON TE DUS BYAS PA YIN PAR SHES PAR YANG MA GYUR TO, ,DE NAS RGYAL PO'I SKYES BU DE DAG PHAN TSUN DU SMRAS PA, SHES LDAN DAG BUD MED 'DI NI 'GA' ZHIG GIS BSAD DO ZHES TE, DE RNAMS KYIS SKYED MOS TSAL KUN DU BLTAS NAS GZHON NU GSER MDOG MA GTOGS PA SU YANG MTHONG BAR MA GYUR PA DANG, DE RNAMS KYIS GSER MDOG LA DRIS PA, GZHON NU BUD MED 'DI SUS BSAD, DES SMRAS PA, SHES LDAN DAG NGAS KYANG MI SHES TE, 'DI KHO BOS KYANG 'DI KHO NA LTAR MTHONG NGO, ,DE NAS RGYAL PO'I SKYES BU DE DAG PHAN TSUN SMRA BAR RTZOM PA, SHES LDAN DAG GZHON NU 'DI NI SHIN TU DUL BA YIN PAS 'DI NI LAS 'DI BYED PAR MI SRID PA, 'DIR GZHAN SU YANG MA MTHONG BAS YU BU CAG NI RNAM PA THAMS CAD DU SHIN TU NYAM NGA BZHUGS LA 'DI LA JI LTAR BSGRUB PAR BYA, DE LA GCIG GIS SMRAS PA, SHES LDAN DAG YU BU CAG GIS 'DI YONGS SU GCOD NUS PA MA YIN GYI, BUD MED 'DI DAG GZHON NU ZHAL MCHU'I GNAS SU KHYER NA DER BLON PO RNAMS KYI SA YONGS SU GCOD PAR 'GYUR RO, ,DE NAS RGYAL PO'I SKYES BU RNAMS KYIS BUD MED DE KHYOGS LA BTEG PA DANG, GZHON NU GSER MDOG KYANG KHYER TE, ZHAL MCHU'I GNAS SU SONG NGO, ,ZHAL MCHU'I GNAS DE NA YANG BLON PO RAB GTUM RJES SU MTHUN PA'I LAS BYED PA RNAMS DANG LHAN CIG 'DUG PAR GYUR CING 'DUG PAR GYUR PA DANG, RGYAL PO'I SKYES BU DE RNAMS 'ONG BDES RING PO NYID NAS MTHONG NAS DRIS PA, SHES LDAN DAG 'DI CI ZHIG YIN, BUD MED 'DI BDAG CAG RNAMS KYIS DED DPON NYI MA'I SKYED MOS TSAL DU DUS BYAS PA MTHONG LAGS TE, SKYED MOS TSAL DER BDAG CAG RNAMS KYIS BLTAS NA GZHON NU GSER MDOG MA GTOGS PA SU @181A *, ,YANG MA MTHONG NAS 'DI NYID LA BDAG CAG GIS GZHON NU BUD MED 'DI SU ZHIG GIS BSAD CES DRIS PA, SHES LDAN DAG NGAS KYANG MI SHES TE, KHO BOS KYANG 'DI KHO NA LTAR MTHONG NGO ZHES GLENG NA DA NI GTZO BO KHYED RNAMS KYIS RNAM PAR DPYOD CIG ,BLON PO RAB GTUM GYIS SMRAS PA, KHYED RNAMS 'DIR YUD TZAM CIG SDOD CIG ,NGAS RGYAL PO LA ZHU BAR BYA'O ZHES SMRAS NAS, DES RGYAL PO MA SKYES DGRA'I PHO BRANG DU SONG STE, SGO SRUNGS KYI SKYES BU LA DRIS PA, KYE SKYES BU LHA CI ZHIG MDZAD, DER SMRAS PA, STENG GI KHANG BZANGS KYI GZHIN SKYES PA MED PAR BUD MED KYI ROL MOS RTZE BAR MDZAD DGA' BAR MDZAD DGA' MGUR SPYAD PAR MDZAD DO, ,DES SKABS RNYED PAS SGO DPON MO CHEN PO ZHIG LA SMRAS PA, SONG LA LHA LA BLON PO RNAMS KYIS ZHU BA 'DI SKAD ZHUS SHIG ,DED DPON NYI MA'I BUS BSKYED MOS TSAL DU BU MO KA SHI MDZES DGA' MO BKUM LA DE YANG G-YAR GYIS 'CHES PAR MI BGYID NA, 'DI LA BDAG CAG RNAMS KYIS CI LTAR BSGRUB PAR BGYI, DE SONG STE RGYAL PO LA ZHUS PA, RGYAL PO DGA' BA'I ROL MO DE LA SHIN TU CHAGS NAS SMRAS PA, SONG LA BLON PO LA KHYED RNAMS NYID KYIS LEGS PAR DPYOD CIG CES SMRAS SO, ,DE PHYIR BYUNG STE, BLON PO RAB GTUM LHAS 'DI SKAD CES BKA' STZAL TO ZHES SMRAS SO, ,DE NAS BLON PO RAB GTUM ZHAL CHE'I GNAS SU 'ONGS NAS RGYAL PO'I SKYES BU RNAMS LA SMRAS PA, SHES LDAN DAG KHYED SONG LA GSOD MA PA RNAMS SBRON CIG ,DE RNAMS KYIS KYANG SGRAN PA DANG BLON PO RAB GTUM GYIS GSOD MA BA RNAMS LA SMRAS PA, GZHON NU 'DIS BU MO KA SHI MDZES DGA' MO 'DI BSAD KYI KHYED RNAMS SONG LA NGAN PAR SPYOD PA 'DI RGYA BA LAG DAM POR CHINGS LA SGRA RTZUB PA'I RNGA BRDUNGS SHING LAM PO CHE DANG, TSONG 'DUS DANG, BZHI MDO[?] DANG, SUM MDO RNAMS SU BSGRAGS PA'I SGOR BSGRAGS LA GRONG KHYER GYI LHO PHYOGS KYI SGOR PHYUNG STE, DUR KHROD CHEN POR KHYER LA GSAL SHING LA SKYON CIG ,SHI BA DANG BU MO KA SHI MDZES DGA' MO DANG LHAN CIG RO BSREGS PA'I @181B GNAS CIG NA ZHOG LA SREGS SHIG ,DE NAS GSOD MA PA RNAMS KYIS GZHON NU GSER MDOG SHIN TU GZUGS BZANG BA GSER BTZO MA'I RI'I RTZE MO LTA BUR DPAL GYIS 'BAR BA LA BLTAS TE KUN DU YI MUG PAR GYUR NAS PHAN TSUN SMRAS PA, SHAS LDAN DAG JI LTAR YU BU CAG GSOD MA PA YIN YANG SKYES BU MTHONG BAR DKA' BA KHYAD PAR CAN 'DI LTA BU JI LTAR GSAD PAR BYA, RNAM PA THAMS CAD YU BU CAG NYID RANG GI SROG DOR BA NI BLA'I 'DI LTA BU GSAD PAR NI MI BYA'O, ,BLON PO RAB GTUM GYIS PHAN TSUN GCIG LA GCIG SMRA BAR BYED PA DE MTHONG BA DANG DE RNAMS LA SMRAS PA, SHES LDAN DAG CI STE 'DUG 'DI MYUR DU KHYER CIG DE RNAMS KYIS THAL MO SBYAR TE GSOL BA BTAB PA, BDAG PO BZOD PAR MDZOD CIG ,JI LTAR BDAG CAG GSOD MA PA RNAMS LAGS KYANG 'DI LTA BU'I SKYES BU KHYAD PAR CAN SKYE BA MANG PO'I YID DU 'ONG BA GSOD PAR RNGO MI THOGS SO, ,BLON PO RAB GTUM SHIN TU 'KHRUGS NAS GAL TE KHYED RNAMS KYIS 'DI MA BSAD NA DENG KHYED RNAMS NYID BU DANG NANG MI DANG GNYEN 'DUN DANG BCAS PA RNAMS KYI SROG MED PAR BYA'O ZHES SMRAS PA DANG, DE RNAM SKRAG PAS PHAN TSUN SMRAS PA, SHES LDAN DAG BLON PO 'DI'I RTZOM PA NA RIGS PA DANG MI LDAN PA STE, GANG 'DI GZHON NU GSER MDOG 'DI LTAR MTHONG BAR DKA' BA SKYES BU KHYAD PAR CAN YONGS SU SPONG BAR BRTZON NA DE YU BU CAG RNAMS KYI BU DANG CHUNG MA DANG GNYEN 'DUN DANG BCAS PA GSOD PAR CI STE MI BYED DE, ,'DI LTA BU SHIN TU NYAM PA BAR ZHUGS NA, 'DI LA JI LTA BUR BSGRUB PAR BYA, YANG DE RNAMS 'CHI BAS 'JIG SKRAG PAS BLO SKYES PA, GZHON NU 'DI SKYE BO MANG PO'I YID DU 'ONG BA YIN 'DI RE ZHIG LAM PO CHER DGYER GYI SKYE BO MANG PO'I TSOGS GANG YIN PA 'DI THAR BAR BYED PA'I GNAS NI YOD DO, ,'DI GSOD PA LA BTANG SNYOMS SU 'JOG PA SU ZHIG GIS NUS SNYAM NAS DE RNAMS DE'I GAN DU SONG NAS 'DI RGYAB LAG BCING NGO SNYAM PA DANG, DE'I GZUGS PHUN SUM TSOGS PA RGYA CHEN POR MDZES PA MTHONG BA DANG REG PAR MA NUS SO, , @182A *, ,DE NAS YAN LAG DANG NYING LAG 'DAR ZHING MCHI MA 'DZAG LA SKAD 'DZER BZHIN DU SMRE SNGAGS 'DON PAR RTZOM PA, KYI HUD 'DI LTA BU'I SDIG PA BYAD DU BCUG PA BDAG CAG NI SHIN TU SDUG BSNGAL TE, SU ZHIG GIS 'DI LTA BU'I BYA BA MA YIN PA LA SBYAR BAR 'GYUR, DE NAS BLON PO RAB GTUM GYIS SHIN TU RTZUB PA DANG BCAS PA'I LUNG YANG BSGO BA, KHYED RNAMS CI LA 'GOR DE NAS DE RNAMS SKRAG CING KUN DU BRED PAR GYUR PAS DE RNAMS MCHI MAS MIG KHENGS SHING 'DAR BZHIN DU DE BZUNG STE, GSER GYI MDOG CAN GYI GOS SER PO DE NYID KYIS RGYAB LAG TU BCINGS SO, ,RGYAB LAG TU BCING BAS BCINGS PA DE MTHONG BA DANG, BLON PO RAB GTUM MA GTOGS PA'I ZHAL CHE'I GNAS SU TSOGS PA'I SKYE BO'I TSOGS DE DAG THAMS CAD DE DANG BRAL BA'I GDUNG BAS SEMS KYI RGYUD ZHU BAR GYUR NAS MCHI MA KLOG PAR GYUR TE, KYI HUD DA NI MTHONG BAR DKA' BA'I GZHON NU 'DI LTA BU MED PAR 'GYUR RO ZHES SMRAS SO, ,DE NAS GSOD MA PA RNAMS KYIS DE LAM PO CHER BTEG PA DANG, DE NAS BAR SKABS DER CA CO'I SGRA BYUNG BA DANG, CA CO'I SGRA DE THOS PAS RGYAL PO'I KHAB NA GNAS PA DANG, PHYOGS SNA TSOGS PA NAS LHAGS PA'I SKYES PA DANG, BUD MED DANG, KHYE'U DANG, BU MO DANG, SKYE BO'I TSOGS RNAMS 'DUS PAR GYUR PA DANG, GZHON NU GSER MDOG RGYAB LAG TU BCING BA DAM POS BCINGS PA BLTAS TE, THAMS CAD SKYO BA'I YID KYIS RTABS BAG DANG BCAS PAR 'DRI BAR RTZOM PA, SHES LDAN DAG 'DI CI ZHIG YIN, DE NAS GSOD MA PA DE RNAMS MCHI MA SHIN TU 'DZAG CING SKAD 'DZER BZHIN DU SMRE ZHING SMRAS PA, GZHON NU 'DIS BU MO KA SHI MDZES DGA' MO BSAD DO ZHES GRAG NAS BSAD PA'I PHYIR YONGS SU SPANGS TE, LAM PO CHE DANG, TSONG 'DUS DANG, BZHI MDO DANG, SUM MDO RNAMS SU BSGRAGS PA'I SGOR BSGRAGS NAS 'DI DUR KHROD CHEN POR KHYER TE RING PO MI THOGS PAR GSOD PA YIN NO, ,DE THOS PA DANG, SKYE BO'I TSOGS CHEN PO DE DAG DE DANG BRAL BA'I SDUG BSNGAL GYIS GDUNGS PAS SGRA GCIG @182B TU GSANG MTHON POS CHO NGES 'DEBS PA LA ZHUGS TE, KYI HUD KYI HUD JI LTAR GZHON NU 'DI 'DI LTAR GZUGS BZANG BA BLTA NA SDUG PA MDZES PA YAN LAG DANG NYING LAG THAMS CAD 'BYES PA DANG LDAN PA, GSER BTZO MA LTA BU'I KHA DOG RGYAS PA DANG LDAN PA, SKYE BO THAMS CAD KYI MIG DANG YID 'PHROG PA, MKHAS PA, DUL BA, DES PA, SGRIN PA, SNYING RJE CAN, BDAG NYID CHE BA, CHOS 'DOD PA, SKYE DGU RNAMS LA MNYES GSHIN PA GSOD NA CI STE DAM PA RNAMS NUB PAR GYUR TAM, CI'I PHYIR CHOS NUB PAR GYUR TAM, CI'I PHYIR CHOS MA YIN PA'I SA 'BYOR PAR GYUR CING RGYAL SRID KYI DBANG PHYUG LA GNAS PAR GYUR TAM, KYI HUD SDUG BSNGAL LO, ,'DI YI GZUGS DANG MDOG MDANGS DANG, ,PHUN TSOGS RGYAN GYI MCHOG RNAMS NI, ,MTHONG ZHING MTHONG ZHING BDAG CAG RNAMS, ,SNGON CHAD MCHOG TU DGA' BAR GYUR, ,DA LTAR DE NYID GSOD MA PA'I, ,SKYES BUS ZIN PA MTHONG PAS NA, ,MYA NGAN DRAG POS ZIL MNAN PAS, ,BDAG CAG SNYING NI GAS SNYAM BYED, ,YID DANG MIG NI 'PHROG BYED CING, ,SKYE BO MANG PO'I YID 'ONG GANG, ,DE LA CI PHYIR RGYAL PO YI, ,CHAD PA DAG NI 'BEBS PAR 'GYUR, , RTAG TU BLTAS PAR GYUR KYANG NI, ,LUS CAN NGOMS PAR MI 'GYUR BA, ,SNYING RJE SPANGS PA'I BLON PO YIS, ,GSOD PA'I PHYIR NI CI YI PHYIR, ,GANG ZHIG THUB PA LTA BU YI, ,KUN SPYOD DUL BAR LDAN GRAGS PA'I, ,DE LA NYES PA 'DI 'DRA BA, ,'BYUNG BAR 'GYUR BA GAL SRID, ,'DI LTAR YON TAN CAN 'DI DANG, ,'BRAL BA 'DIR NI NYER GNAS PA, ,KYE MA CHOS MIN MEL RTZE BYED, ,CHOS NI SHI'AM GNYID LOG GYUR, ,DE LA BUD MED RNAMS SHIN TU DGA' BA YIN PAS DER BUD MED LA LA NI DE DANG BRAL BA'I SDUG BSNGAL GYIS GDUNGS PAS SA LA 'GRE LDOG PAR BYED DO, ,LA LA NI BRANG RDUNG NGO, ,LA LA NI DRAN BA STOR BAR GYUR TE, DE RE RE ZHING BU GCIG PA DANG BRAL BA LTA BU'I SDUG BSNGAL NYAMS SU MYONG BAR GYUR TO, ,BDAG NYID CHEN PO DE NI SKYE BO MANG PO'I YID DU 'ONG BA YIN PAS RGYAL PO'I KHAB KYI GRONG @183A *, ,KHYER NA GNAS PA'I SKYE BO'I TSOGS CHEN PO DE DANG BRAL BA'I SDUG BSNGAL GYIS GDUNGS PAS CHO NGE 'DEBS PA LA ZHUGS PA'I PHYIR, RGYAL PO'I KHAB KYI GRONG KHYER SHIN TU 'KHRUGS PAR SHES SHING DE DANG BRAL BA'I SDUG BSNGAL GYIS GDUNGS BAS G-YO BAR GYUR TO, ,DED DPON NYI MA'I KHYIM NAS BU MO GCIG LAM PO CHE DER SONG BA DANG, DES JI LTAR GYUR BA DE THOS PA DANG, DE BRANG BRDUNGS SMRE SNGAGS 'DON TE, RINGS PA RINGS PAR KHYIM DU SONG NAS GZHON NU GSER MDOG GI MA GANG NA BA NGER SONG STE PHYIN PA DANG, DE'I MDUN DU BDAG NYID 'GYEL TO, ,DE NAS GZHON NU GSER MDOG GI MAS RTABS BAG GIS DRIS PA, BU MO CI ZHIG YIN SMROS SHIG ,DE GSANG MTHON POS CHO NGES 'DEBS SHING RJE'I SRAS GZHON NU GSER MDOG GIS SKYED MOS TSAL DU BU MO KA SHI MDZES DGA' MO BSAD CES GRAG GO ZHES ZER NAS MA BRTAGS PAR RGYAB LAG BCING BA DAM POS BCING NAS GSOD PA'I PHYIR YONGS SU SPANGS TE, GSOD MA PA RNAMS KYIS YONGS SU BSKOR NAS LAM PO CHE DANG, TSONG 'DUS DANG, BZHI MDO DANG, SUM MDO RNAMS SU BSGRAGS PA'I SGOR BSGRAGS TE, DUR KHROD CHEN POR KHYER NAS 'DI YUN RING PO MI THOGS PAR GSOD PAR BYED DO, ,DE THOS PA DANG GZHON NU GSER MDOG GI MA MYA NGAN GRAGS POS NON TE, BRGYAL NAS SA LA 'GYEL TE, ,DE NAS CHU GTOR BAS SLAR DBUGS PHYUNG STE BSLANG BA DANG, KYI HUD KYI HUD BU ZHES CHO NGES 'DEBS LA, SKRA 'BAL ZHING BRANG BRDUNGS TE, 'DAR BZHIN DU YANG DANG YANG DRAN PA STOR BAR GYUR PA DANG GRONG KHYER NAS BYUNG STE, LAM PO CHER ZHUGS PA DANG, DE BU DANG BRAL BA'I SDUG BSNGAL GYIS GDUNGS PAS YID RMONGS PA DANG, SMRE SNGAGS 'DON CING RE RE NAS DRIS PA, LAM GANG NAS GZHON NU GSER MDOG KHYER BAR GYUR, KYI HUD BU SDUG MA MTHONG GIS SKYOBS SHIG ,SKYOBS SHIG ,BU SDUG NGA LA STON CIG CES ZER ZHING DU BZHIN DU LAM PO CHE'I DBUS SU CHAS PA DANG, JI LTA JI LTAR DED DPON GYI CHUNG MAS GZHON NU GSER MDOG MA MTHONG BA DE LTA DE LTAR @183B SDUG BSNGAL MI BZAD PA'I SDUG BSNGAL GYIS GDUNGS TE CHO NGES 'DEBS SHING RE RE'I RKANG PA LA GTUGS NAS THAL MO SBYAR TE, GSOL BA 'DEBS PA BDAG GI SKYABS MDZOD CIG ,BDAG GI SKYABS MDZOD CIG ,JI SRID GZHON NU LAM 'DI NAS 'DA' BAR MA GYUR GYI BAR DU MYUR DU SKABS DBYE BAR MDZOD CIG ,LAM 'DI NAS BDAG GI BU GSER MDOG KHYER BA DE JI LTAR MTHONG BAR 'GYUR BA DE LTA BU'I DRIN GYIS BDAG LA BSKYAB TU GSOL, DE YANG DE NA GO SKABS MA PHYED PAS KYI HUD BU RNYED PAR MA GYUR CES ZER ZHING LUS THAMS CAD BDAG NYID KYIS SA LA BRDABS TE, DE NA CHU NAS BTON PA'I NYA BZHIN DUS LA 'GRE LDOG PA DANG, BYA KHRUNG KHRUNG PHRU GU STOR BA LTAR SNYING RJE RJE SKAD DU DU BA DANG, BA BE'U STOR BA 'BU SGRA 'DON PA BZHIN SMRE SNGAGS 'DON TE, KYI HUD BU SDUG CING YID DU 'ONG BA, KYI HUD BZOD PA, KYI HUD RJES SU MTHUN PA, KYI HUD YID LA RE BA BRGYAS THOB PA, KYI HUD GZUGS BZANG BA, BLTA NA SDUG PA MDZES PA, KYI HUD YAN LAG THAMS CAD 'BYES PA DANG LDAN PA, KYI HUD GSER BTZO MA'I KHA DOG LTA BU, MDOG SHIN TU RGYAS PA DANG LDAN PA, KYI HUD SKYE BE THAMS CAD KYI MIG DANG YID 'PHROG BA, KYI HUD SKYE BO THAMS CAD KYI YID DU 'ONG BA, KYI HUD MI KUN DGA' BAR BYED PA, KYI HUD MKHAS PA, DUL BA, RNAM PAR BYANG BA, YID DU 'ONG BA'I TSIG SMRA PA, KYI HUD SNYING RJE CAN CHOS 'DOD PA, SEMS CAN LA MNYES GSHIN PA, KYI HUD NGA'I RIGS KYI SGRON MA, KYI HUD NGA'I SNYING DU SDUG PA, KYI HUD NGA'I SNYING THAMS CAD PA, KYI HUD NGA'I GCES PA RNAMS BSDUS PA, KYI HUD NGA'I MIG GI BDUD RTZI, KYI HUD NGA'I SDUG PA'I 'CHING BA, KYI HUD NGA'I RIGS KYI THAMS CAD PA, KYI HUD JI LTAR NA MA BRTAGS PAR MGON MED PAR GSAD PA'I PHYIR KHYER BAR GYUR CES SMRAS SO, ,SLAR YANG THAL MO SBYAR TE GRONG KHYER BA RNAMS LA GSOL BA 'DEBS SHENG YID DU 'ONG BAS SMRAS PA, KYI HUD DGA' BRAL BCOM BA BDAG ,NGA NI DA GO JI LTAR GNAS, ,'DI NI RMIS PA 'AM YANG NA MYOS, , @184A *, ,'ON TE SEMS NI 'KHRUGS GYUR TAM, ,DGE BA BU YI MYA NGAN NI, ,DRAG PO YIS NI G-YENGS BZHIN DU, ,DE NI YANG YANG SMRA SNGAGS 'DON, ,GRONG KHYER BA LA GSOL BA 'DEBS, ,MA DUL PA'AM GZUGS NGAN PA, ,BDAG GI YID 'ONG MA YIN PA'I, ,BDAG GI BU NI KHYER GYUR NA, ,KHYED RNAMS BTANG SNYOMS BYED LA RAB, ,YON TAN CAN GYI PHYOGS BYED PA, ,GAL TE BRTZE BA YOD CE NA, ,JI LTAR NGAS NI BU MTHONG BA, ,DE LTAR GRONG KHYER BA RNAMS MDZOD, ,DENG BDAG GIS NI TZAN DAN SOGS, ,BYUG PA RNAMS KYIS MA BYUGS SHING, ,GI WANG THIG LES YAN LAG LA, ,MANG DU BRGYAN PA MA BYAS SO, ,GDU BU LA SOGS RGYAN RNAMS KYIS, ,BDAG GIS DENG DE MA BRGYAN CING, ,PHEBS PAS YONGS SU MA 'KHYUD LA, ,'O YANG MANG DU MA BYAS SO, ,NGA LA BSKOR BA MA BYAS SHING, ,'DI YIS PHYAG KYANG MA BYAS NA, ,TSAM TSOM MED PAR 'DI LTA BUR, ,NGA YI BU NI KHYER BAR BYED, ,DENG BDAG PHYOGS KUN STONG PA STE, ,BDAG GI LUS 'DI 'DAR BA DANG, ,SNYING YANG SREG PAR 'GYUR BA DANG, ,YID NI KUN DU RMONGS PAR GYUR, ,BRTZE BA MED PA'I GSOD MA PAS, ,RINGS PA RINGS PAR KHYAR GYUR PAS, ,SNYING DU SDUG PA'I BU 'DI NI, ,KYI HUD KYI HUD SLAR MI MTHONG, ,BU YI MYA NGAN 'DI 'DRA BAS, ,RTZVA BZHIN SNYING NI SREG GYUR PA, ,BDAG GIS SDIG PA MI BZAD PA, ,SKYE BA GZHAN DU BYAS PAR NGES, ,BDEN PA GANG GIS BDAG GI SEMS, ,SDIG CAN DGRA LA'ANG MA BSKYED PA'I, BDEN PA DES NI BDAG GI BU, ,PHANGS PA 'DI LAS THAR PAR SHOG ,CES SMRAS SO, ,DED DPON NYI MA YANG RGYA MTSO CHEN PO LAS GRU LEGS PAR GRUB NAS RGYAL PO'I KHAB TU PHYIN TE, DE RGYAL PO'I KHAB KYI GRONG KHYER DU PHYIN PA NA BKRA MI SHIS PA'I LTAS MTHONG STE, DE'I SNYING 'DAR BA DANG, ,YAN LAG RDUL BA DANG, ,MIG 'GUL BA DANG, BYA RNAMS DE'I MDUN DU SGRA DRAG PO SGROGS PAR RTZOM PAR GYUR PA DANG, DE LTAS LA MKHAS SHING BYA SKAD LA MKHAS PAS SEMS PA LA ZHUGS PAR GYUR TE, 'DI LTA BU'I LTAS NGAN PA KUN DU MTHONG BA LAS NA GZHON NU GSER MDOG DENG NGAS PAR @184B SDUG BSNGAL CHAN POS KYANG GNAS PAR YANG NGES LA, DE YANG MTSAN MA 'DI DAG NI DE DANG BRAL BAR STON PA YIN NO, ,YANG SMRAS PA, JI LTAR BDAG MIG 'GUL PA DANG, ,JI LTAR BYA RNAMS SGRA SGROGS NAS, ,DA NI NGES PAR BU DANG DENG, ,BRAL BAR NYE BAR GNAS PA YIN,, JI LTAR YAN LAG RDUL BA DANG, ,NGA YI SNYING NI 'DAR BA LAS, ,NGES PAR BU DANG BRAL BA STE, ,MI BZAD PA NI NYES BAR GNAS, ,DE 'DI LTAR SDUG BSNGAL BRGYA STONG SEMS SHING LUS DANG YAN LAG RDUL LA 'DAR BAS GOM PA 'DOR MI NUS BZHIN DU NYAM THAG PAS RGYAL PO'I KHAB TU ZHUGS PA DANG, CI SRID CIG NA SKYE BO'I TSOGS MANG PO NGA RO 'DON PA'I SGRA THOS TE, DE SMRI SNGAGS KYI SGRA DE'I RJES SU 'BRANGS NAS LAM PO CHER ZHUGS PA DANG, JI SRID CIG NA SKYE PO'I TSOGS MANG PO'I SRIN POS GTZES PA BZHIN DU GRONG KHYER NA SDUG BSNGAL GYIS GDUNGS SHING NGA RO 'DON PA MTHONG NAS DE MDUN NAS 'ONGS PA'I SKYES BU GZHAN ZHIG LA DRIS PA, KYE NANG RJE 'DI CI ZHIG YIN, DES KYANG 'DI NI DED DPON NYI MA YIN NO SNYAM DU MA SHES NAS DES SMRAS PA, DED DPON NYI MA ZHES BYA BA'I BU GZHON NU GSER MDOG CES BYA BA GZUGS LA SOGS PA YON TAN PHUN SUM TSOGS PA DANG LDAN PA ZHIG YOD PA DES, SKYED MOS TSAL DU BU MO KA SHI MDZES DGA' MO BSAD CES GRAG GO ZHES NAS MA BRTAGS PAR GSAD PA'I PHYIR YONGS SU SPANGS TE, LAM PO CHE DANG, TSONG 'DUS DANG, BZHI MDO DANG, SUM MDOR BSGRAGS NAS RING PO MI THOGS PA DUR KHROD CHEN POR KHYER TE GSOD PAR 'GYUR RO, ,DE THOS PA DANG DED DPON NYI MA BU DANG BRAL BA'I SDUG BSNGAL GYIS GDUNGS BAS 'PHRAL DU BRGYAL TE SA LA 'GYEL TO, ,DE NAS CHU GTOR BAS SLAR DBUGS PHYUNG BA DANG, MCHI MA'I CHU RLABS KYIS GDONG GI PADMA KHEBS BZHIN DU KUN DU 'KHOR LA DA LTA BZHIN DU KYI HUD LAM GANG NAS GZHON NU GSER MDOG KHYER BAR GYUR CES ZER ZHING LAM PO CHE'I DBUS SU RINGS PA RINGS PAR SONG BA DANG, JI SRID CIG NA CHUNG MA SKRA GROL BA, ,LAG PA GNYIS KYIS BRANG BRDUNG BA, ,NYAM THAG PA'I NGA @185A *, ,RO DANG, DE DANG DE'I SMRE SNGAGS 'DON PA DANG, BU DANG BRAL BA LAS BYUNG BA'I SDUG BSNGAL MI BZAD PA, RTZUB PA, TSA BA, YID DU MI 'ONG BA'I TSOR BA NYAMS SU MYONG BAR MTHONG NAS DE YANG DRAG CING NYAM THAG PAS SKAD MDZER ZHING BA RNANGS BZHIN DU MCHI MAS MIG KHENGS PA DANG, DE'I GAN DU SONG NGO, ,CHUNG MAS DE MTHONG BA DANG NYIS 'GYUR BAS LHAG PA'I SDUG BSNGAL GYI ZUG RDUS GZIR TE, MCHI MA'I CHU RLABS KYIS BZHIN GYI PADMA KHEBS SHING RTABS BAG TU RINGS PA RINGS PAR LANGS TE, DE'I MDUN DU BDAG NYID 'GYEL BAR GYUR TO, ,DE NAS DED DPON NYI MAS NYAM THAG PA'I SKAD KYI NGA ROS SMRA ZHING 'KHYUD NAS BSLANG BA DANG, DE DE'I RKANG PA GNYIS LAG TUGS TE SMRAS PA, DED DPON SKYABS MDZOD CIG SKYABS MDZOD CIG ,NGA LA BU'I SLONG STZOL CIG ,YANG SMRAS PA, SKAL BA NGAN CING DGA' BRAL BA, , DA LTAR DBUGS NI DBYUNG DU GSOL, ,BU DANG BRAL BAR GYUR BA YI, ,SDUG BSNGAL DRAG POS RNAM PAR DU, ,GANG ZHIG SKYES TSE BDAG PO KHYED, ,MCHOG TU DGYES PAR GYUR PA YI, ,YID DU 'ONG BA'I BU DE NYID, ,DED NI GSOD PHYIR KHYER BAR GYUR, ,DUL ZHING DES LA MKHAS PA DANG, ,BSTAN BCOS KUN LA MKHAS GYUR CING, ,GANG ZHIG GZUGS NI MNYAM MED PA, ,MKHAS PAR GYUR BA'I BU KHYER RO, ,KHYED KYI RIGS RGYUD CHAD GYUR CING, ,RIGS KYI MTSAMS SBYOR 'DZIN PA DANG, ,DPAL LDAN RIGS NI GSAL BYED PA'I, ,KHYED KYI SGRON MA MED PAR GYUR, ,'DI NI SNYING GI THAMS CAD DE, ,'DI NI DGA' BA'I 'CHING BA YIN, ,MI RNAMS MIG GI BDUD RTZI 'DI, ,GSHED MA RNAMS KYIS KHYER BAR GYUR, ,'DI DAG THAMS CAD BCINGS PA DANG, ,MIG NI 'DI DAG 'GAG PA STE, ,BU ZHES BTAGS PA'I SNYING GANG YIN, ,'DI NI BTON TE KHYER BAR GYUR, ,BU 'DI RAB TU THAR PA'I PHYIR, ,'BAD PA DE NI MYUR DU MDZOD, ,NOR NI THAMS CAD BYIN NAS SU, ,BDAG DANG BU NI THAR BAR MDZOD, ,KHYOD KYIS LEGS RTOGS 'BYOR PA DANG, ,KHYED YID BSAM PA 'GRUB NAS NI, ,'DI LTAR YANG NI 'TSE BA YI, ,KHYED KYI BU NI @185B BLTA BAR BGYI, ,DE NAS DED DPON NYI MA BU DANG BRAL BA'I SDUG BSNGAL GYIS YID GDUNGS PAR GYUR KYANG BRTAN PAS SRAN TSUGS PA'I SEMS DANG LDAN PAS THAL MO SBYAR TE GRONG KHYER PA RNAMS LA SMRAS PA, KYE KYE GRONG KHYER BA RNAMS NYON CIG ,CI LTAR NA NGA LA 'DI LTA BU'I SDUG BSNGAL NYE BAR GNAS PA LA KHYED RNAMS BTANG SNYOMS SU BYED PA NI RIGS PA MA YIN TE, CI'I PHYIR 'BROG STONG PA BZHIN DU GRONG KHYER GYI DBUS SU MA BRTAGS PAR KHYED RNAMS KYIS MTHONG BZHIN DU NGA'I GZHON NU YON TAN GSAL BAR STON PA LTA BU GSOD PA'I PHYIR KHYER NA, CI'I PHYIR SEMS LAS CHUNG BAS GNAS, ,CI'I PHYIR NYE BAR DBYAD PA'I THABS MI SEMS, CI'I PHYIR GZHON NU THAR PA'I DON DU BRTZON PAR MI BYED, DE RNAMS KYIS SMRAS PA, DED DPON 'DI LTA BU'I GZHON NU YON TAN DANG LDAN PA 'DI NI KHYED GCIG PU LA 'DI LTAR SDUG BSNGAL BAR MA ZAD KYI, GZHAN DU NA BDAG CAG THAMS CAD KYANG SDUG BSNGAL MOD KYI, 'ON KYANG GZHON NU 'DI THAR BAR BYA BA'I THABS MA MTHONG NAS, GANG 'DI LTA BU'I YI MUG PAS GNAS PA YIN NO, ,DED DPON NYI MAS SMRAS PA, SHES LDAN DAG KHYED RNAMS KYIS YONGS SU SHES PA NYID DE, GZHON NU 'DI JI LTA BU SHIN TU SNYING RJE BA DANG LDAN BA, BDAG NYID CHE BA, CHOS 'DOD PA, SEMS CAN THAMS CAD LA MNYEN GSHIN PA YIN TE, 'DIS 'DI LTA BU BYA BA MA YIN PA LA 'JUG PA SEMS KYIS KYANG MI NUS NA, KUN DU SPYOD PAR BYED PA LTA SMOS KYANG CI DGOS, DEBS NA GZHON NU DE SLAR DPYAD PA'I DON LA 'BAD PAS RTZOM PAR GYIS SHIG ,GAL TE GZHON NU LEGS PAR DPYAD NA NGES PAR SDUG BSNGAL 'DI LAS THAR BAR 'GYUR RO, ,KHYED RNAMS KYANG DAM PA SKYE BO THAMS CAD LA THUN MONG DU GYUR PA YIN PAS KHYED RNAMS KYIS DE GSOL BA LA NYES PAR NI GANG YANG MA MTHONG STE, GZHAN DU NA BDAG LA RJES SU BRTZE BA KHO NAR SNANG BA DANG, DAM PA NYID KYIS NA YON TAN LA RJES SU DGA' BA NYID STON PAR 'GYUR GYI, DE BAS NA GANG SNYING RJE'I SEMS NYE BAR 'JOG PAS SONG LA RGYAL PO'AM BLON PO LA ZHUS SHIG ,GAL TE DE DON LA SRED PA SHIN TU RIGS PA DANG LDAN PA KHYED RNAMS KYI TSIG KYANG GZHAN @186A *, ,DU MI 'GYUR RO, ,BDAG KYANG BU DANG BRAL BAS SHIN TU GDUNGS KYIS BDAG GI NOR 'DI THAMS CAD KYANG PHUL LA, ,JI LTAR GZHON NU LEGS PAR DPYAD PA DE LTAR MDZOD CIG ,DED DPON DE NI KUN GYIS SHES PA DANG, MDZA' BOR BYAS PA YOD PA DE RNAMS KYIS DE'I TSIG DANG, GZHON NU YON TAN LA DGA' BAS KHAS BLANGS SO, ,DE NAS GRONG KHYER PA DE RNAMS KYIS THA SNYAD LA SHIN TU BYANG BA'I GRONG KHYER BA ZHIG RGYAL PO'I PHO BRANG DU BTANG STE BSGO BA, GAL TE DENG GZHON NU SHIN TU LEGS PAR DPYAD PA MDZAD NA BDAG CAG RNAMS KYIS KYANG RGYAL PO LA GSER SRANG 'BUM DBUL LO, ,DE NAS THA SNYAD LA BYANG BA'I GRONG KHYER BA ZHAL CHE'I GNAS SU SONG BA DANG, BLON PO RAB GTUM GYIS 'ONG BA RING PO NAS MTHONG STE SMRAS PA, SHES LDAN DAG KHYED 'DIR 'ONGS PA'I DGOS PA CI YOD, DES SMRAS PA, RGYAL PO'I KHAB NA GNAS PA'I GRONG KHYER PA RNAMS 'DI SKAD DU ZHU BA GSOL TO, ,GZHON NU GSER MDOG 'DI NI SHIN TU GZUGS PHUN SUM TSOGS PA RGYA CHEN PO DANG LDAN PA, SKYE BO MANG PO'I YID DU 'ONG BA LAGS PA LAS DE DANG BRAL BA RGYAL PO'I KHAB NA GNAS PA'I SKYE BO TSOGS SHAS CHER SDUG BSNGAL BAR GYUR PA DANG, 'DI NI RTAG TU CHOS LA MNGON PAR DGA' BA'I PHYIR DANG, DUL BA LA SOGS PA'I YON TAN DANG LDAN PAS SDIG PA'I NYES PA GANG LA YID MNGON PAR DGA' BA MA LAGS TE, DA BDAG CAG RNAMS GSER SRANG 'BUM 'BUL LA, DED DPON NYI MA'I NOR THAMS CAD KYANG 'BUL BAR BDAG CAG RTZOL GYIS GZHON NU GSER MDOG SLAR BZLOG PA LA SHIN TU LEGS PAR DPYAD NAS SBYAR DU GSOL, DE LTAR MDZAD NA NI BDAG CAG RNAMS KYIS GSOL BA YANG 'BRAS BU DANG BCAS PAR 'GYUR LA, RGYAL PO'I BANG MDZOD KYANG 'PHEL BAR 'GYUR RO, ,BLON PO RAB GTUM GYIS THOS NAS KHROS TE SMRAS PA, SHES LDAN 'DI CI ZHIG MA BRTAGS PA YOD NAS GANG LA SLAR DPYAD PAR BYA, RGYAL PO'I BANG MDZOD RGYAS PAR 'GYUR RO ZHES GANG ZHIG SMRA NA, DE YANG CI DED KYI RIGS PA DANG MI LDAN PAR BSAGS PA'I NOR GYIS RGYAL PO'I BANG MDZOD 'PHEL BAR BYA'AM, KHYED RNAMS @186B KYIS RGYAL PO'I DGONGS PA YANG MI SHES TE, GANG 'DI LTAR THABS 'DI LTA BUS RNAM PA THAMS CAD DU YANGS PA CAN GYI GRONG KHYER GYI MI RNAMS KYIS THABS KYI SBYOR BAS NGES PAR RGYAL PO LA GNOD PA CHEN PO BYED PAR 'DOD PA YIN TE, 'DI LTAR MA BRTAGS PAR SKYE BO RNAMS LOG PAR BYED PAS RGYAL PO NI MI RIGS PAR BYED PA NYID YIN NO ZHES RGYAL PO'I GRAGS PA MA YIN PA SGROGS PAR 'DOD PA YIN NO SMRAS TE, DES DE TSAR BCAD DO, ,TSAR GCAD NAS GA SHIN RJE'I SKYES BU DANG 'DRA BA'I MI SHIN TU YANG DRAG PO'I LAS CAN RTAG TU GOMS PA'I DBANG GIS RGYUD SNYING RJE MED PAR BYAS PA BRTZE BA MED PA BZHI ZHIG YOD DE, DE RNAMS BOS NAS SMRAS PA, MYUR BAR SONG LA GSOD MA PA RNAMS BSKUL ZHING NGA'I TSIG KYANG 'DI SKAD DU 'DI GRONG KHYER NAS MYUR DU THON LA JI LTAR BSGO BA'I LAS KYIS SOD CIG ,KHYED RNAMS KYIS NGA'AM RGYAL PO'I LUNG MA GTOGS PA GZHAN GANG GI TSIG KYANG MA BTANG CIG ,DE LTAR BYAS NA LEGS KYI GZHAN DU BYAS NANGS KHYED RNAMS CHAD PA CHEN POS GCAD BAR BYA'O SMROS SHIG ,DES KYANG RGYAL PO DE LTAR BGYI'O ZHES SMRAS TE, RGYAL PO'I SKYES BU DE DAG DE'I TSIG MNYAN NAS LAG TU RAL GRI THOGS TE CHAS SO, ,GSOD MA PA DE RNAMS KYANG PHYI SHOL GYI THABS BRGYA SNYED BYED CING DAL BUS DAL BUS GZHON NU GSER MDOG LAM PO CHE DANG, TSONG 'DUS DANG, BZHI MDO DANG, SUM MDO RNAMS SU SGRA SGROGS SHING YONGS SU BSKOR TE, KYE MA KYI HUD GZHON NU NI GTONG BAR SU ZHIG BYED PAR 'GYUR, BDAG CAG KYANG 'DE LTA BU'I BYA BA MA YIN PA MI BYED PA SU ZHIG SGRUB PAR 'GYUR ZHES SMRAS SO, ,RGYAL PO'I SKYES BU DE DAG KYANG RAL GRI PHYUNG BA LAG NA THOGS TE PHYIN NAS DES GSOD MA PA DE RNAMS LA DES JI LTAR BSGO BA DE LTAR SMRAS SO, ,'DI SKAD CES KYANG SMRAS TE, GAL TE 'DI MYUR BAR GRONG KHYER LAS BTON TE, JI LTAR BSGO BA BZHIN DU MA BSAD NA NGED KYIS KHYED CAG 'PHRAL DUGS DA PAR BYA'O, ,DE RNAMS KYIS SHIN TU YANG SDUG CING RA LA GRI PHYUNG BA LAG NA THOGS PA GA SHIN RJE'I SKYES BU DANG MTSUNGS PA DE LA BLTAS NAS KUN DU SKRAG PAR GYUR TO, ,DE NAS 'CHI BAS 'JIGS @187A *, ,SKRAG PAS SEMS PA LA ZHUGS TE, KYI HUD SUS KYANG GZHON NU'I SKYABS MA BYAS PA NI SDUG BSNGAL LO, ,BDAG CAG RNAMS KYANG 'DIS 'PHRAL DU GSOD PAR 'GYUR RO SNYAM NAS MCHIMS KHENGS PA'I MIG DANG, RGYAL PO'I SKYES BU DE RNAMS KYIS SRUNG BZHIN DU GZHON NU GSER MDOG GRONG KHYER NAS PHYUNG BAR BRTZAMS PA DANG, DE GRONG KHYER LAS 'BYIN PAR 'GYUR BA LA BLTAS NAS SROG CHAGS BRGYA STONG DPAG TU MED PA SGRA GCIG TU GSANG MTHON POS CHO NGES 'DEBS PA LA ZHUGS TE, KYI HUD DED DPON NYI MA THAMS CAD DANG BRAL BAR GYUR PA NI SDUG BSNGAL LA, ,DED DPON NYI MA 'DI'I PHA MA'I RIGS CHAD PAR GYUR TO, ,DED DPON NYI MA 'DI'I RIGS KYI SGRON MA NUB PAR GYUR TO, ,DED DPON NYI MA 'DI'I RIGS RNAMS KYI KUN DU DGA' BA NUB PAR GYUR TO, ,DED DPON NYI MA 'DI'I RIGS KYI GTZUG GI NOR PHROGS SO, ,DED DPON NYI MA 'DI'I MIG PHROGS PAR GYUR TO, ,DED DPON NYI MA 'DI'I RIGS KYI RGYAN PHROGS PAR GYUR TO, ,DED DPON NYI MA 'DI'I SNYING PHYUNG NGO, ,DED DPON NYI MA 'DI'I SROG LUS DANG LDAN BZHIN DU PHROGS SO, ,KYI HUD 'DI 'BROG STONG PAR 'KHYAMS PA BZHIN DU YONGS SU BSKOR NAS PHYUNG BA LAS SUS KYANG SKYABS MA BYAS PAR SDUG BSNGAL LO, ,DA NI RGYAL PO'I KHAB KYI GRONG KHYER GYI ZLA BA 'DI 'CHI BDAG GI SGRA GCAN GYIS GZUNG NGO, ,RGYAL PO'I KHAB KYI GRONG KHYER KYI NYI MA 'DI NAM MKHA'I DKYIL DU NUB BO, ,RGYAL PO'I KHAB KYI GRONG KHYER NA GNAS PA'I MIG GI BDUD RTZI 'DI MTHONG BA'I LAM NA MI GNAS PAR GYUR TO, ,RGYAL BO'I KHAB KYI GRONG KHYER BA RNAMS KYI DGA' BA'I RGYUN 'DI MI SNANG BAR GYUR TO, ,RGYAL PO'I KHAB KYI GRONG KHYER GYI RGYAN 'DI PHROGS PAR GYUR TO, ,RGYAL PO'I KHAB KYI GRONG KHYER BA RNAMS KYI GTZUG GI NOR BU 'DI PHROGS PAR GYUR TO, ,RGYAL PO'I KHAB KYI GRONG KHYER NA GNAS PA'I GRONG KHYER BA RNAMS KYI YID DU 'ONG BA PHROGS TE KHYER NA RGYAL PO'I KHAB KYI GRONG KHYER NA GNAS PA'I MI RNAMS SU ZHIG LA MIG MI 'DZUMS PAR LTA BAR BYED, DA NI GANG ZHIG MTHONG NA YID DGA' BAR BYED CES YI CHAD PAR GYUR TO, ,BLON PO RAB GTUM GYIS SKYES BU @187B GZHAN ZHIG SLAR LOG NAS GZHON NU GSER MDOG GRONG KHYER NAS PHYUNG NGO ZHES SMRAS PA DANG, DE THOS NAS YID SHIN TU DGA' BAR GYUR TO, ,DE NAS GRONG KHYER PA RNAMS KYI PHO NYA DES DE THOS NAS RE THAG CHAD PAR GYUR TO, ,DE SONG NAS GRONG KHYER BA DE RNAMS LA RNAM PA DE DAG RGYA CHER SMRAS SO, ,DE THOS PA DANG GRONG KHYER PA RNAMS KYANG RE THAG BCAD CING SHIN TU YI MUG PAS PHAN TSUN SMRA BA, SHES LDAN DAG RTZOD PA'I RGYAL PO 'DIS PHA CHOS DANG LDAN PA CHOS KYI RGYAL PO DE LTA BU BSAD NAS DA NI 'DI LTA BU'I YON TAN DANG LDAN PAR GRAGS PA, SKYE BO MANG PO'I YID DU 'ONG BA KHYAD PAR CAN GYI SKYES BU NYES PA MED PA GNOD PA MI BYED PA 'DI LTA BU GSOD PA NI, AE MA'O SNYING RJE MED PA, AE MA'O YON TAN MI SHES PA, AE MA'O KHYAD PAR MI SHES PA'O, ,BLON PO RNAMS KYANG GANG 'DI LTA BU'I GZUGS PHUN SUM TSOGS PA RGYA CHEN PO DANG LDAN PA NI MCHOD PAR 'OS PA YIN NA, 'DI LTA BU'I YON TAN DANG LDAN PA'I SKYES BU KHYAD PAR CAN CI'I PHYIR MA BRTAGS PAR GSOD CING YONGS SU SPONG BAR BYED, YANG NA DUS 'DI LTA BU NYE BAR GNAS PA YIN TE, GANG DAM PA MA YIN PA RNAMS NI 'A PHEL BAR 'GYUR LA, YON TAN 'DI LTA BU DANG LDAN PA'I SKYE PO DANG BRAL BAR 'GYUR BA DUS 'GRIBS PA'I NYES PA'I BDAG NYID BYUNG PA YIN NO, ,DED DPON NYI MA LA RNAM PA 'DI DAG RGYA CHER SMRAS PA DANG, DE THOS NAS DED DPON NYI MA RE THAG CHAD PAR GYUR TE, MYA NGAN DRAG PO'I SDUG BSNGAL GYIS GDUNGS NAS BRGYAL TE SAL 'GYEL BAR GYUR TO, ,DE NAS CHU GTOR PAS SLAR DBUGS DBYUNG BA DANG, YI MUG PA'I YID KYIS KUN DU DGA' BA DANG BRAL BA SU ZHIG DA LTAR NGA'I BU GSOD PAR BYED CES GSANG MTHON POS CHO NGES 'DEBS PA LA ZHUGS TE, KYI HUD, MIG NI DGA' BAR BYED PA YI, , NGA YI RIGS KYI RGYUN GYUR PA, ,SKAL LDAN PHA NI NGA LTA BU, ,SMRE SA MED PAR GSOD PAR BYED, ,NGA YI YID NI RMONGS PA DANG, ,PHYOGS RNAMS DA NI 'KHRUL PAR BYED, ,KHYOD BRAL MYA NGAN MES GDUNGS PAS, ,KYE MA BDAG NYID TSIG PAR GYUR, ,KYI HUD MKHAS SHING SHIN TU DUL, , @188A *, ,SNYING RJE LA NI DGA' GYUR BA, ,BU KHYOD LA NI SDUG BSNGAL DAG ,MI BZAD JI LTAR 'ONGS PAR GYUR, ,BU KHYOD 'ONGS PAR GYUR PA'I TSE, ,DGA' BA MNYAM MED NGAS THOB PA, ,BU BZANG KHYOD DANG BRAL BA'I SA, ,SLAR YANG MYA NGAN MED LTUNG 'GYUR, ,BRTZE MED KHYAD PAR MI SHES PA'I, ,AE MA RGYAL PO'I BLON PO DAG ,GANG ZHIG 'DI 'DRA KHRIMS LDAN PAS, ,BU KHYOD RNAM PAR MA BRTAGS SO, ,AE MA'O SA BDAG DE YIS NI, ,GANG GIS 'DI LTAR DE MA BRTAGS, ,BU KHYOD YONGS SU SPANGS GYUR PA, ,RANG GI BRTZE MED GSAL SGROGS YIN, ,KHYAD PAR DU YANG DAM PA NGAN, ,SEMS NI NGES PAR NUB PA STE, ,BU GANG YON TAN LDAN PA YANG, ,SMRE SA MED PAR GSOD PAR BYED, ,YON TAN LDAN MI 'DI 'DRA BA, ,GSOD KYANG BTANG SNYOMS BYED PA NI, ,GRONG KHYER GYI NI LHA THAMS CAD, ,DE DAG BROS PAR GYUR TAM CI, ,DBANG BCAS 'JIG RTEN SKYONG BCAS DANG, ,GANG YANG MTHU CHEN LDAN PA'I LHA'I, ,THUGS BRTZE PAS NI NYER BZUNG STE, ,DE RNAMS BDAG GI BU SRUNGS SHIG ,BRTUL ZHUGS GRUB PA'I BDAG NYID CHE, ,THUB PA GANG ZHIG DA LTAR BZHUGS, ,DES NI THUGS BRTZE SNGON BZHAG STE, ,BDAG GI BU NI BSRUNG DU GSOL, , YANG DE'I BLO SKYES PA CI'I PHYIR BDAG BLO ZHUM PAR BYED, GANG BCOM LDAN 'DAS 'GRO BA THAMS CAD KYI GNYEN GCIG BU THUGS RJE DANG LDAN PA DE RJES SU DRAN PAR BYA'O, ,BCOM LDAN 'DAS DE YANG MGON MED PA RNAMS KYI MGON, SKYABS MED PA RNAMS KYI SKYABS, ,SKYOB PA MED PA RNAMS KYI SKYOB PA, DPUNG GNYEN MED PA RNAMS KYI DPUNG GNYEN YIN LA, DE BZHIN DU BCOM LDAN 'DAS DES NYAM THAG PAR ZHUGS PA'I SEMS CAN MANG PO 'JIGS PA CHEN PO DE DANG DE LAS THAR PAR MDZAD DE, DE YANG TSONG PA RGYA MTSO'I DBUS SU CHUD PA CHU SRIN DANG NYA'I 'JIGS PAS SKRAG PA RNAMS LA DE RJES SU DRAN PA TZAM GYIS 'JIGS PA CHEN PO DE LAS YONGS SU SKYOB PAR MDZAD PA DANG, DE BZHIN DU SOR PHRENG GIS DRAG CING GTUM BAS MTSON CHA PHYAR TE SKYES BU DU MA BSAD LA DE'I MA SROG DANG DBRAL BAR 'DOD BA LAS 'JIGS PA DE LAS @188B SKYOB PAR MDZAD PA DANG, DE BZHIN DU SNGON GYI SKYE PO'I SHA KHON DANG RJES SU 'BREL BA'I STOBS KYIS SROG CHAGS BRGYA STONG DU MA GSOD CING KHRO BA'I ME SHIN TU 'BAR BA, MI'I SHA DANG RKANG LA CHAGS PAS LNGAG PA NA LCE LAS KHA CHU'I THIGS PA 'DZAG CING, MCHE BA RING ZHING RNOB GTZIGS PAS 'JIGS SU RUNG BA'I GNOD SBYIN LA ZAS KYI PHYIR DE'I KHA'I GAN DU PHYAG BZHAG STE, 'BROG GNAS LAS SEMS CAN 'CHI BAS 'JIGS PA LAS YONGS SU SKYOB PAR MDZAD PA YIN PAS NA BCOM LDAN 'DAS DE NI BDAG GI BU YANG NYAM NGA BA CHEN PO 'DI LAS YONGS SU THAR PAR MDZAD PAR SPYOD CIG ,GANG 'DI BCOM LDAN 'DAS THUGS RJE CHEN PO DANG LDAN PA MCHOG TU MA NYES GSHIN PA'I RANG BZHIN CAN DE BDAG GIS RJES SU DRAN PAR BYA'O SNYAM NAS GAN NA GNAS PA'I DGE BSNYEN ZHIG LA BCOM LDAN 'DAS DE LTA GANG NA BZHUGS ZHES DRIS PA DANG, DGE BSNYEN DE BCOM LDAN 'DAS RJES SU DRAN NAS, MCHI MA 'DZAG CING SKAD 'DZER BZHIN DU SMRAS PA, DED DPON, GANG ZHIG 'JIG RTEN DED DPON 'GYUR, ,GANG ZHIG 'JIG RTEN BDE STZOL BA, ,'JIG RTEN KUN GYI GNYEN GCIG PU, ,STON PA CHE DE MYA NGAN 'DAS, ,GANG ZHIG SGRON MED RNAMS KYI SGRON, ,GANG ZHIG SKYABS DANG DPUNG GNYEN GYUR, ,RGYAL BA SNUM ZAD MAR ME BZHIN, ,'JIG RTEN SGRON MA MYA NGAN 'DAS, ,DE SKAD THOS PA DANG, DED DPON NYI MA BCOM LDAN 'DAS DANG BRAL BAS NYIS 'GYUR GYI MYA NGAN GYI ZUG RDUS ZUG STE SA LA 'GYEL TO, ,DE NAS CHU GTOR BA DANG DBUGS SLAR RNYED DE SLONG BA DANG, PHYOGS GANG DU BCOM LDAN 'DAS YONGS SU MYA NGAN LAS 'DAS PA DER PHYOGS TE GSANG MTHON POS CHO NGES 'DEBS PA LA ZHUGS TE, KYI HUD CHOS RGYAL THAMS CAD MKHYEN, ,NYES PA'I DGRA TSOGS 'DUL MDZAD PA, ,MGON MED 'GRO BA SPANGS NAS NI, ,'JIG RTEN MGON PO CI PHYIR GSHEGS, ,KYI HUD MDZAD PAR GRAGS GYUR GTZO, ,SEMS CAN KUN GYI GNYEN GCIG PU, ,SBYOR BA KUN LAS YANG DAG 'DAS, ,MYA NGAN 'DAS LAM STON PA PO, ,KYI HUD KYE MA 'JIG RTEN 'DI, ,MA RIG PAS NI MIG KHEBS PA, ,MGON @189A *, ,PO KHYOD DANG BRAL BAS NA, ,'KHOR BAR RNAM PAR 'KHYAMS PAR GYUR, ,DPA' BO GZHAN LA RJES BRTZEB, ,KHYED NI MYA NGAN 'DAS GSHEGS PAS, ,'JIG RTEN 'DI NI MGON MED DES, ,MGON DU SU ZHIG STEN PAR GYUR, ,GANG ZHIG KHYED CHOS LAS BYUNG BA'I, ,GDUL BYA RGYAL BA'I SRAS PO RNAMS, ,DE KUN KHYED DANG BRAL GYUR NA, ,GNAS NI GANG ZHIG BGYID PAR GYUR, ,MANG PO'I BSAM PA 'BRAS BCAS MDZAD, ,SDUG BSNGAL NGES PAR GDUL MDZAD NAS, ,'GRO BA RE THAG GCOD MDZAD PA, ,THUB KHYOD PHYOGS NI GANG DU BZHUD, ,GANG PHYIR KHYOD GSUNG MNYAN PAR NI, ,DGA' BAS GRONG KHYER MA MCHIS NA, ,DA LTAR KHYOD NI MYA NGAN 'DAS, ,DAM CHOS SU ZHIG RJES SU STON, ,KYI HUD SNANG BYED 'JIG RTEN 'DI, ,MI 'AM CI LTAR BCAS 'JIG RTEN, ,MGON PO SHIN TU RNYED DKA' BA'I, ,THUB PA KHYOD DANG BRAL BAS BCOM, ,SROG CHAGS CHOS LA YID DGA' PA'I, ,BSTAN LA DGA' RNAMS MGON PO KHYOD, ,MYA NGAN 'DAS PA THOB GYUR NA, ,DE DAG JI LTAR BGYID PAR 'GYUR, ,THUGS RJE DANG GCIG DPA' BO NI, ,BRTZER LDAN KHYED LA BRTEN NAS SU, ,GANG ZHIG YON TAN THOB GYUR PA, ,SLAR DE SU ZHIG STON PAR BGYID, , CI PHYIR 'JIG RTEN GSUM DON DU, ,THUGS RJE CHEN PO SKYED MDZAD PA'I, ,'JIG RTEN 'DI NYID MKHYEN BRTZER LDAN, ,CI PHYIR BTANG SNYOMS KHYED BRTEN MDZAD, ,KYI HUD YON TAN RIN CHEN RGYAS, ,BSKAL PA BYE BAR BSGRUBS PA NI, ,'CHI BDAG SA 'OG GIS ZIN TE, ,CHOS KYI GRU NI 'GYEL BAR 'GYUR, ,KYI NYUD MA RIG MDONGS PA GANG, ,BLO DANG STON PA PO BRAL BA, ,'JIG RTEN SKYONG BA MGON PO RU, ,RAB TU 'JIG CING NGAL BAR GYUR, ,KYE MA 'JIG RTEN CHE BA NI, ,NYAMS PA NYID DU NYE GNAS TE, ,SANGS RGYAS RIN CHEN CHEN PO DANG, ,'DI NI DA LTAR BRAL BAR GYUR, ,KHYU MCHOG MED PA'I BA LANG BZHIN, ,KHYED KYI DGE SLONG TSOGS RNAMS STONG, ,MKHAS PA RNAMS NI MTHONG NA SNYING, ,CI YI PHYIR NA GAS MA GYUR, ,LHA RNAMS DAD PAS YAN LAG GI ,MCHOG BTUD NAS NI SPYI BO LA, ,ZHABS KYI RDUL GYI MCHOG GYUR PA, ,GANG ZHIG YANG NI 'JIG PAR 'GYUR, , @189B SEMS CAN KUN LA MNYAM MNYES PAS, ,RTAG TU GNOD PA BYED PA DAG ,GANG YIN PA LA DA RUNG KHYOD, ,PHYOGS LTUNG MDZAD PAS MA MTHONG NGO, ,YAN LAG BRGYAD LDAN SMAN GYIS NI, ,NYON MONGS NAD GSO MDZAD PA PO, ,STON PA THUGS RJE CHER LDAN PA, ,SMAN PA'I RGYAL PO MED PAR GYUR, ,KYI HUD BRTZE MED 'JIG RTEN MGON, ,MYA NGAN 'DAS PA HA CANG SNGAS, ,'JIG RTEN LONG BAR GYUR PA LA, ,BLA MED MIG NI STZOL PA YIN, ,KHYOD KYI MYA NGAN 'DAS KYANG DENG, ,SDIG PA MED PA'I NOR CHEN BU, ,GSOD PA'I DON DU 'DIS SPANGS NA, ,SU ZHIG 'PHRAL DU THAR BAR BGYID, ,MGON MED RNAMS KYI SKYOB PA KHYOD, ,BGROD PA MCHOG TU GSHEGS GYUR PA, ,KYI HUD GU NI 'TSO BA YI, ,RE BA DA NI MA MCHIS SO, ,BDAG NYID CHEN PO KHYOD KYIS GANG, ,SDUG PA KUN DANG BRAL 'GYUR ZHES, ,GSUNG GI DAM PA BKA' STZAL TE, ,LEGS GSUNG YIN PAR DENG 'TSAL TO, ,DE DE LTAR RNAM PA MANG POR SMRE SNGAGS 'DON CING DGE BSNYEN DE LA SMRAS PA, KYE BCOM LDAN 'DAS DE'I NYAN THOS CHEN PO 'GA' ZHIG LUS PA YOD DAM, BCOM LDAN 'DAS KYIS BSTAN BA SU LA RJES SU GTAD NAS MYA NGAN LAS 'DAS PAR MDZAD, DE NAS DGE BSNYEN DES SMRAS PA, ,DED DPON BCOM LDAN 'DAS KYIS GNAS BRTAN 'ONG SRUNGS CHEN PO LA YONGS SU GTAD NAS MYA NGAN LAS 'DAS SO, ,GNAS BRTAN 'OD SRUNGS CHEN POS KYANG BCOM LDAN 'DAS KYI BKA' NYID KYIS GNAS BRTAN KUN DGA' BO LA BSTAN PA RJES SU GTAD NAS MYA NGAN LAS 'DAS SO ZHES THOS TE, DA LTAR NI GNAS BRTAN KUN DGA' BO BDAG NYID CHE BA, BSTAN PA GCES PAR 'DZIN PA YIN TE, DE DA LTAR DE BZHIN GSHEGS PA BZHIN DU SNYING RJES GRONG DANG GRONG KHYER DANG, GRONG RDAL DANG, TSONG 'DUS LA SOGS PA DE DANG DER SONG NAS SDUG PA'I SAMS CAN RNAMS RJES SU 'DZIN PAR BYED DO, ,DE BZHIN DU SEMS CAN DGE BA'I RTZA BA MA BSKYED PA RNAMS NI DGE BA'I RTZA BA SKYED PAR BYED DO, ,DGE BA'I RTZA BA'I RGYUN YANG DAG PAR BSAGS PA RNAMS NI YONGS SU SMIN PAR BYED DO, ,DGE BA'I RTZA BA'I RGYUD YONGS SU SMIN PA RNAMS NI RNAM PAR GROL @190A *, ,BAR BYED DO, ,DE BZHIN DU SMAN PA BZANG PO BZHIN DU NYON MONGS BA'I NAD KYIS ZI NA PA'I SEMS CAN RNAMS NI CHOS STON PA'I SMAN GYI SBYIN PAS GSO BAR BYED DO, ,NYI MA BZHIN NYON MONGS PA'I MUN PAR ZHUGS PA'I SEMS CAN RNAMS LA NI DAM PA'I CHOS STON PA'I 'OD ZER GYI TSOGS KYIS NYON MONGS PA'I MUN PA SEL BAR BYED DO, ,ZLA BA BZHIN DU TSIG GI 'OD ZER GYI TSOGS KYIS GDUL BYA'I KU MU TA'I TSAL GYI KHA DBYE BAR BYED DO, ,'KHOR LOS SGYUR PA'I RGYAL PO BZHIN DU GDUL BYA KHAMS KYI RGYAL PO STONG PHRAG DAM PA'I CHOS STON PAS 'DUL BAR BYED DO, , SENG GE LTAR RANG GI SHES RAB KYI SPOBS PA'I SGRAS MU STEGS NGAN PA'I RI DAGS KYI TSOGS DAG 'BYER BAR BYED DO, ,LAM STOR BA DAG YANG DAG PAR STON PAS GDUL BYA'I TSONG PA RNAMS SGROL BAR BYED DO, ,DED DPON LTAR DAM PA'I CHOS KYI ZONG LA 'JUG PAR BYED DO, ,SPRIN CHEN PO LTAR DGE BA'I RTZA BA'I SA BON SKYED PAR BYED DO, ,PHA DANG MA LTAR PHAN PA DANG GNOD PA NYE BAR STON PAR BYED CING MA DUL BA'I SEMS CAN RNAMS NI 'DUL BAR BYED DO, ,MA GROL BA RNAMS NI GROL BAR BYED DO, ,DBUGS MA PHYIN PA RNAMS NI DBUGS 'BYIN PAR BYED DO, ,YONGS SU MYA NGAN LAS MA DAS PA RNAMS NI YONGS SU MYA NGAN LAS 'DA' BAR BYED DO, ,DE BZHIN DU NYAM THAG PA CHEN POS NYEN PA'I SEMS CAN RNAMS NI 'JIG PA CHEN PO LAS THAR BAR BYED DO, ,MDOR NA BDAG NYID CHE NA PO DES NI SANGS RGYA KYI BYA BA BYED DO, ,DE NYID RJES SU SBRON CIG DANG, DES NI KHYED KYI BU NYAMS NGA BA 'DI LAS THAR BAR BYED PAR NUS SO, ,DE THOS PA DANG DED DPON NYI MA SROG STOR BA LAS SLAR RNYED PA BZHIN DU SHIN TU DGA' STE RTABS BAG GIS DRIS PA, 'PHAGS PA KUN DGA' BO DED LTA GANG NA BZHUGS, DES SMRAS PA, DED DPON GNAS BRTAN KUN DGA' BO NI DA LTAR YANGS PA CAN GYI AA MRA SKYONG BA'I NAGS NA BZHUGS SO ZHES THOS SO, ,DE NAS DED DPON NYI MA DE MA THAG LANGS TE PUS MO'I LHA NGA GNYIS SA LA BTZUGS NAS YANGS PA CAN GANG NA PA DER BTUD NAS BU DANG BRAL BA'I SDUG BSNGAL GYIS NYEN CING MCHI MA'I CHU RLABS KYIS GDONG @190B GI PADMO KHEBS BZHIN DU MCHI MAS KUN DU KHYAB PA DANG LDAN ZHING BSAM PA DRAG POS GNAS BRTAN KUN DGA' BO LA GSOL BA 'DEBS PA LA ZHUGS PAR GYUR TO, ,GAL TE KHYED NI SLOB DPON MCHOG ,SEMS CAN BSAM MKHYEN MCHOG YIN NA, ,BSAM DANG PAG LA NYAL MKHYEN TO, ,GSOL BA 'DEBS PA 'DI GSON CIG ,SANGS RGYAS BCOM LDAN SLOB MA NI, ,RDZU 'PHRUL RTZE DANG MYA NGAN 'DAS, ,DE YI BSTAN PA 'PHEL BYED PA'I, ,KHYED GCIG PU NI LUS PAR GYUR, ,KHYOD NI 'GRO BA'I DPUNG GNYEN DANG, ,KHYOD NI DBUGS PHYIN GYUR PA YIN, , RTAG TU SEMS CAN DON MDZAD PA, ,DA LTAR DGONGS PA GZIR BAR MDZOD, ,MGON KHYOD MA LUS BSRUNG BA NI, ,'DI 'DRA DE RING BZHUGS BZHIN DU, ,SMRE SA MED PAR BDAG GI BU, ,CI PHYIR 'DI LTAR GSOD PAR BYED, ,GAL TE 'GRO DON MI MNGA' NA, ,KHYED 'DRA BA NI BZHUGS MI 'GYUR, ,'GRO BA DANG LDAN GSOD BZHIN DU, ,'DI LA JI LTAR BTANG SNYOMS MDZAD, ,'GRO BA'I DON DU SKU LUS NI, ,BRTUL ZHUGS BZANG PO 'DZIN MDZAD PA'I, ,THUGS RJE DE MNGON MDZAD NAS NI, ,BDAG GI BU LA DGONGS SU GSOL, ,LAS KYI SGO KUN BCOM GYUR CING, ,SKYABS MED DPUD GNYEN MED PAR NI, ,MYA NGAN 'DAM LA NUB PA BDAG ,CHUNG MAR BCAS PA GDON DU GSOL, ,SH'AKYA'I SENG GES KHYED NYID NI, ,DA LTAR GTZO BOR BSTAN MDZAD NA, ,'GRO LA PHAN PA GZHAN GANG LA, ,GZHAN GANG LA NI GSOL BA BTAB, ,GTZO BO KHYOD NI MA GTOGS PA, ,BU YI SKYABS GZHAN MA MCHIS PAS, ,DE BAS RINGS PAR BYON NAS NI, ,BDAG GI BU NI BSKYAB TU GSOL, ,BU YI MYA NGAN BZOD DKA' LA, ,RANG BZHIN NGAN PA'I SGRAS ZIN PA'I, ,CHUNG MAR BCAS PA DGA' BRAL BA, ,KUN DGA' DENG NI DGA' SKYED GSOL, ,DE NAS BAR SKABS DER GNAS BRTAN KUN DGA' BO SNYING RJES GDUNGS BZHIN DU NYIN LAN GSUM MTSAN LAN GSUM DU NYAN THOS KYI MIG GIS 'JIG RTEN LA BLTAS TE, SU NI 'GRIB, SU NI 'PHEL, SU NI GSOD PAR GYUR, SU NI NYAM NGA BAR GYUR, SU NI SDUG BSNGAL BAR GYUR, ,SU NI @191A *, ,NGAN SONG LA GZHOL, SU NI NGAN SONG LA BAB, SU NI NGAN SONG LAM LAS BLAN TE MTHO RIS DANG THAR PA LA GZHAG PAR BYA, SU NI 'DOD BA'I 'DAM DU BYING BA LAG NAS DRANG BAR BYA, SU NI 'PHAGS PA'I NOR DANG BRAL BA LA 'PHAGS PA'I NOR GYI DBANG PHYUG GI BDAG PO LA RAB TU GZHAG PAR BYA ZHES GNAS BRTAN KUN DGA' BOS GNAS BRTA NA SH'A RI'I BU DANG MNYAM PA'I MIG GIS BLTAS NA, GZHON NU GSER MDOG DGE BA'I RTZA BA'I TSOGS NYE BAR BSAGS PA NYAM THAG PA CHEN POS NYEN PAR GYUR PAR MTHONG NGO, ,MTHONG NAS KYANG YANG DE NYID NAS GNAS GZHAN DU RDZU 'PHRUL GYIS GLANG PO CHE'I SNA LTA BU'I LAG PA BRKYANG NAS DE'I MOD KHO NA LAS RGYAL PO MA SKYES DGRA KHANG BZANGS KYI STENG GI GZHI NA SHIN TU BAG MED PAR GNAS PA NA, SE GOL GI SGRAS GO BAR BYAS NAS SGRA GSAL BAR SMRAS PA, RGYAL PO CHEN PO GANG GZHON NU GSER MDOG RANG NYID KYIS RNAM PAR MA DPYAD PA NI LEGS PAR BYAS PA MA YIN NO, ,DE YANG DA LTA GNOD PA MED CING NYES PA MA BYAS BZHIN DU RGYAL PO'I KHAB NAS PHYUNG STE DUR KHROD CHEN POR KHYER NAS GSOD KYIS DE LAS ZLOG SHIG ,DE NAS GNAS BRTAN KUN DGA' BO'I TSIG DE THOS PA DANG, RGYAL PO RTABS PAG TU RINGS PAR GNAS BRTAN KUN DGA' BO KHANG BZANGS KYI STENG NA 'DUG PA LA PHYAG BYAS TE LANGS NAS SGRA CHEN POR PHYOGS PA ZHIR BOS PA, KYE NYON CIG GANG DUR KHROD CHEN POR RINGS PA RINGS PAR SONG NAS, ,GZHON NU GSER MDOG GSOD PAR BYED PA LA PA'I TSIG GIS THAR PAR BYED PA DE LANGS GSER GYI ZAM TOG CHEN PO DANG, YUL GYI MCHOG LNGA SBYIN NO, ,RGYAL PO'I TSIG DE THOS PA DANG, GZHON NU DE NI SKYE BO MANG PO'I YID DU 'ONG BA YIN PAS SROG CHAGS BRGYA STONG DU MAS RINGS PAR BRGYUGS PAR GYUR TO, ,DE NAS BAR SKABS DER GSHED MA PA RNAMS RGYAL PO'I SKYES BU DE RNAMS KYIS BSRUNGS NAS GZHON NU GSER MDOG KHYER TE DUR KHROD CHEN POR PHYIN TO, ,BU MO KA SHI MDZES DGA' MO YANG RANG GI NYE DU RNAMS KYIS GOS SNGON PO DANG, SER PO DANG, DMAR PO DANG, DKAR POS BRGYAN PA BYAS PA'I KHYOGS @191B LA BTEG STE DUR KHROD CHEN POR KHYER NAS DE'I GNYEN RNAMS KYIS DE PHYOGS GCIG TU BZHAG STE, SHING BSDUS NAS RO BSREGS PA'I SHING BRTZIG PA LA ZHUGS TE, GSHED MA PA DE RNAMS KYIS SMRAS PA, KHYED RNAMS KYIS RE ZHIG 'DI'I RO BSREG PA'I SHING MA BRTZIG PAR CI TZAM NA KHYED KYIS NGED KYI GZHON NU GSER MDOG GSAL SHING LA SKYON TE, BSAD KYI BAR DU YUD TZAM ZHIG SNGOD CIG ,DE CI'I PHYIR ZHE NA, GZHON NU GSER MDOG DE DANG BU MO KA SHI MDZES DGA' MO RO BSREG SHING GCIG LA BZHAG STE BSREG PAR BYA'O ZHES SMRAS NAS, GSAL SHING LA BTZUGS PAR GYUR TO, ,GZHON NU GSER MDOG GSAL SHING SA LA BTZUGS PA BLTAS NAS MA RJES SU DRAN TE, SDUG BSNGAL DRAG POS RGYUD ZHU BAR BYAS PAS MCHI MA GLOG PA LA ZHUGS PAR GYUR TE, DE LTAR MA NGA DANG BRAL BAR THOS PA DANG GNAS SKABS CIR GYUR ZHIG GU, GANG GI TSE THUN DANG PO'I MTSAN PHYED LA MA MTHONG NA YANG SHIN TU GNOD PA DRAG PO MYONG NA DES DENG BU GCIG PA DANG BRAL NA SROG JI LTAR 'DZIN PAR 'GYUR, KYI HUD NGA NI 'DI LTA BU'I SKAL BA NGAN PA STE, NGA SKYES PAS MA NGA DANG BRAL BA'I SDUG BSNGAL NYAMS SU MYONG BAR GYUR TO, ,DE NAS GSHED MA PA RNAMS KYIS GSAL SHING DE SA LA BTZUGS TE PHAN TSUN SMRA BAR RTZOM PA, BDAG CAG LAS SU ZHIG GIS GZHON NU 'DI GSAL SHING LA BSKYON PAR BYA, DER YANG RE RE NAS SGYU BYED PA LA ZHUGS TE, KHYED RNAMS KYIS SKYON CIG ,NGA NI DENG MGO BO'I NAD KYIS SHIN TU GZIR TO, , DE BZHIN DUNG NI RGYAB NAS GZER RO, ,NGA NI MCHAN KHUNG NAS GZER RO ZHES ZER ZHING DE RNAMS GANG YANG BYA BA MA YIN PA DE BYED PAR SPRO BAR MA GYUR TO, ,DE NAS GZHON NU GSER MDOG GIS DE RNAMS PHAN TSUN SMRA BA THOS NAS GSAL SHING SA LA BTZUGS PA LA BLTAS TE, KYI HUD DA NI NGES PAR NGA MED PAR 'GYUR RO ZHES 'KHOR BA'I NYES PA LA SKYO ZHING THAR PA'I LAM MNGON PAR 'DOD PAS BDAG NYID DGA' BA DANG BRAL BAR SHES NAS MCHOG TU 'JIGS PA'I MYA NGAN GYIS G-YO BA'I MIG GIS LTA ZHING CHO NGES 'DEBS PA LA ZHUGS TE, KYI HUD SDUG BSNGAL LO, ,DA NI NGA'I SHIN TU @192A *, ,RNYED PAR DKA' BA'I DAM PA'I CHOS KYI DGA' STON RNYED NAS DON GYI BYA BA MA BYAS PA NYID NA 'CHI BAR 'GYUR RO, ,KYI HUD YANG 'KHOR BAR 'KHOR BAR 'GYUR RO, ,SLAR 'KHOR BA'I BTZON RA CHEN POR GNAS PAR 'GYUR RO, ,YANG 'KHOR BA'I 'BROG STONG PAR YONGS SU 'KHYAMS PAR 'GYUR RO, ,YANG 'KHOR BA'I TSANG TSING CHEN POR ZHUGS PAR 'GYUR RO, ,YANG 'KHOR PA'I G-YANG SA CHEN PO RAB TU LTUNG BAR 'GYUR RO, ,YANG 'KHOR BA'I 'DAM RDZAB KYI NANG DU GNAS PAR 'GYUR RO, ,YANG BDAG NI YANG SOS DANG, THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DANG, MNAR MED PA LA SOGS PA'I DMYAL BA RNAMS SU SKYE BAR 'GYUR RO, ,SLAR YANG BDAG GLANG PO CHE DANG, BA LANG DANG, MA HE DANG, RI BONG DANG, SHA RA B'A DANG, RI DAGS RU RU DANG, BYI LA STE SNA TSOGS PA'I SKYE GNAS SU SKYE BAR 'GYUR RO, ,SLAR YANG RTAG TU BKRES PA DANG, SKOM PA LA SOGS PA'I SDUG BSNGAL CHEN PO DANG, SDUG BSNGAL BA DANG, YID MI BDE BAS NYEN PA RNAMS DANG, BZA' BA DANG, BTUNG BA'I SGRA RNAMS YANG MI THOS SHING BSHANG BA DANG, GCIN DANG, MCHIL MA DANG, NGAR SNABS LA SOGS PA ZA ZHING YI DAGS LKOG MA'I LPA BA CAN DU SKYE BAR 'GYUR RO, ,DPER NA AU DUM B'A RA'I ME TOG NI BRGYA LAM NA LAN 'GA' 'BYUNG BA LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI 'JIG RTEN DU BRGYA LAM NA LAN 'GA' 'BYUNG BAR 'GYUR RO ZHES THOS TE, DE BZHIN GSHEGS PAS GSUNGS PA'I CHOS 'DUL BA 'JIG RTEN DU STON PAR MDZAD PA YANG 'BYUNG BAR DKA' BAR SHES SO, ,DAL 'BYOR NI RNYED PAR DKA'O, ,MIR SKYES BA NI RNYED PAR DKA'O, , 'PHAGS PA'I YUL DU SKYES PA DANG, DBANG PO TSANG BA DANG, GLEN PA MA YIN PA DANG, 'ON PA MA YIN PA DANG, LKUGS PA MA YIN PA DANG, LAG BRDAS MI SMRA BA DANG, LEGS PAR BSHAD PA DANG, NYES PAR BSHAD PA'I CHOS RNAMS KYI DON BSHAD PA RNYED PAR DKA'O ZHES @192B THOS LA, BDAG KYANG SKYABS DANG BRAL BAS DENG NI MED PAR 'GYUR TE, MI KHOM PA BRGYAD LAS THAR PA'I MIR SKYES BA NYID KYANG DA NI 'BRAS BU MED PAR 'GYUR NA DE LA DA CI ZHIG BYA, CI BCOM LDAN 'DAS THUGS RJE CHEN PO DANG LDAN PA'I SANGS RGYAS BZHUGS PA NI GANG ZHIG RJES SU DRAN PAS NGA GNAS SKABS 'DI LTA BU MGON MED PA, SKYABS MED PA, SKYOB PA MED PA, DPUNG GNYEN MED PA, SNANG BA MED PA, SHIN TU NYAM THAG PA'I SDUG BSNGAL GYIS NYEN PAR GYUR PA LA THUGS RJE CHEN PO'I DBANG GIS BYON NAS YONGS SU SKYOB PAR MDZAD PAR GYUR PA ZHIG NA, BCOM LDAN 'DAS DE YANG NGA'I SKA LA BA NGAN PA'I NYES PAS MYUR BA MYUR BAR YONGS SU MYA NGAN LAS 'DAS PAS DE LA DA SU ZHIG GNAS SKABS 'DIR RJES SU DRAN PAR BYA, SU ZHIG NGA LA DE BZHIN GSHEGS PA BZHIN DU THUGS RJE CHEN POS BYON NAS YONGS SU SKYOB PAR BYED PAR 'GYUR ZHES RE THAG CHAD DE DPYOD 'DAR BA LA ZHUGS PA DANG, DE LA YANG BLO SKYES PA, GNAS BRTAN KUN DGA' BO ZHES BYA BA BDAG NYID CHEN PO BZHUGS KYIS DE RJES SU DRAN PAR BYA STE, BDAG NYID CHEN PO DE LA SEMS CAN THAMS CAD LA PHAN PAR SEMS PA LA RTZE GCIG PA'I RGYUD CHEN PO DANG LDAN PA BCOM LDAN 'DAS DE DANG GNAS BRTAN 'OD SRUNGS CHEN POS BSTAN PA MA LUS PAR RJES SU GTAD PA YIN TE, DES DA LTAR SEMS CAN THAMS CAD LA PHAN PA MDZAD PA, DE NI RDZU 'PHRUL CHE BA, MTHU CHE BA YIN PAR THOS TE, GNAS BRTAN KUN DGA' BOS NI PHONGS PA 'DI LAS BDAG YONGS SU SKYOB PAR SPYOD CIG ,DE NYID RJES SU DRAN PAR BYA'O SNYAM DU BSAMS NAS MCHI MAS MIG KHEBS SHING 'KHOR BA'I 'JIGS PAS SKYO LA MCHOG TU YID BYUNG BAR GYUR PA'I BSAM PA DRAG POS GNAS BRTAN KUN DGA' BO SPYAN DRANG BA LA ZHUGS SO, ,'KHOR BA'I 'JIGS PAS SKRAG GYUR PA, ,DGA' DANG BRAL PAR GNAS PA DAG ,GNAS BRTAN KUN DGA' BO LA ZHUS, ,BDAG LA KHYOD GSAN MDZAD PA'I RIGS, ,KUN MKHYEN THUGS RJE'I BDAG NYID CAN, ,DE NI MYA NGAN 'DAS GYUR LA, ,BDAG NYID CHEN PO 'OD SRUNGS LA, ,'GRO BA'I DON GYI @193A *, ,KHUR GTAD DO, ,GNAS BRTAN 'OD SRUNGS CHEN POS NI, ,DON BYAS MYA NGAN 'DAS NAS NI, ,'GRO BA'I DON NI 'BYOR BA'I PHYIR, ,KHYED NYID LA NI KHUR YANG GTAD, ,'JIG RTEN GNYEN 'GYUR RDZOGS SANGS RGYAS, ,'GRO BA KUN LA PHAN BRTZON DANG, ,GRAGS LDAN 'OD SRUNGS CHEN PO YANG, DA LTAR MYA NGAN 'DAS PAR GYUR, ,KHYED NI MGON MED RNAMS KYI MGON, ,'JIGS PA RNAMS LA MI 'JIGS STZOL, ,NGAL BA RNAMS KYI BSTI SA DANG, ,SKYABS DON GNYER BA RNAMS KYI SKYABS, ,STON PA'I BYA BA KHYED MDZAD PAS, ,KHYED NYID 'JIG RTEN GNYEN GCIG PU, ,SANGS RGYAS SLOB MA RNAMS KYI MCHOG ,KHYED NI BSTAN PA GCES MDZAD PA, ,GAL TE SDUG BSNGAL SA 'OG LAS, ,DENG BDAG GDON PAR MA MDZAD NA, ,KHYED LAS GZHAN PA'I MGON PO NI, ,DA LTAR MED PAS BDAG BCOM LAGS, ,SKYES NAS NGES PAR 'CHI BAS NA, ,'CHI BAS BDAG SKRAG MA LAGS KYIS, ,JI LTAR 'KHOR BA'I BTZON RA LAS, ,'BYIN PAR MDZAD PA KHYED KYIS MKHYEN, ,DE BZHIN MI KHOM BRGYAD SPANGS PA'I, ,DAL BA THOB PA RNYED DKA' BA, ,DON MA BYAS PAS 'CHI 'GYUR BAS, ,DES BDAG SHAS CHER SDUG BSNGAL GYUR, ,SANGS RGYAS THAMS CAD GZIGS PA NI, ,'BYUNG BA NGES PAR RNYED DKA' BAS, ,KHYED GSHEGS NAS NI JI LTAR BDAG ,'BRAS MED MI 'GYUR DE LTAR MDZOD, ,KHYED NI THUGS RJE MI G-YO BA, ,SROG CHAGS KUN LA MNGAL GYUR PA, ,THAR PA'I LAS NI MNGON 'DOD PA'I, ,BDAG LA BTANG SNYOMS MI MDZAD RIGS, ,GAL TE KHYED NI GTZO CAN TE, ,SEMS CAN KUN GYI DON BRTZON NA, ,SHIN TU NYAM NGAR ZHUGS GYUR PA, ,BDAG LA GZIGS PAR MDZAD DU GSOL, ,DE LTAR SKYOB PA MED PA LA, ,LHA YI SPYAN GYIS GZIGS NAS NI, ,KHYED DENG MYUR DU GSHEGS NAS SU, ,BDAG LA SKYABS PAR MDZAD PA'I RIGS, ,DE NAS BAR SKABS DER GNAS BRTAN KUN DGA' BO BDAG NYID CHE BA, 'GRO BA MA LUS PA'I DON YONGS SU RDZOGS PAR BYA BA'I PHYIR NGES PAR ZHUGS PA, SNYING RJE DANG LDAN PA DES DE BZHIN @193B DU SEMS CAN MTHA' YAS PA'I SPYOD PA LA LTA ZHING PHAN PAR SEMS PA'I RGYUD DANG LDAN PA'I MCHOG TU NYON MONGS PA DANG LDAN PA'I LHA'I MIG GIS GZHON NU GSER MDOG GNAS SKABS 'DI LTA BUR 'DUG PA MTHONG NAS, SEMS KYI 'JUG PA SNYING RJES YANG DAG PAR BSKUL BAS LHA'I SNANG BAS SA'I DKYIL 'KHOR RNAMS SNANG BAR BYAS NAS DGRA BCOM PA LNGA BRGYAS YONGS SU BSKOR TE, 'PHRAL DU RDZU 'PHRUL GYIS NAM MKHA'I GZHI LA 'PHAGS TE 'TSAMS KYI SPRIN GYIS G-YOGS PA BZHIN DU NAM MKHA'I NGOS KUN DU BKANG STE, SA'I DPAL GYI TSOGS BZHIN DU DPAL GYIS LUS 'BAR BAR GYUR CING DUR KHROD DU MNGON PAR BLTAS TE YANG DAG PAR CHAS PA DANG, RGYAL PO MA SKYES DGRA KHANG BZANGS KYI STENG NA 'DUG PAS GNAS BRTAN KUN DGA' BO DGE SLONG GI DGE 'DUN CHEN PO DANG LHAN CIG ZLA BA KHAM PA LTA BUR NYE BAR BSKOR TE, RDZU 'PHRUL GYIS NAM MKHA' LA 'PHAGS NAS MTSAMS KYI SPRIN BZHIN DU NAM MKHA'I NGOS BRGYAN TE, DUR KHROD CHEN POR MDON PAR PHYOGS NAS 'GRO BAR MTHONG NGO, ,DE MTHONG BA DANG YANG DE 'DI SNYAM DU SEMS TE, GNAS BRTAN KUN DGA' BO NI GZHON NU GSER MDOG GI PHYIR GSHEGS PA YIN LA, ,DE BA ZHUD NAS KYANG NGO MTSAR SHIN TU CHE BA'I CHOS STON PAR MDZAD PA YIN GYI NGA YANG DUR KHROD CHEN POR 'GRO BAR BYA SNYAM MO, ,DE NAS DE'I MOD LA GNAS BRTAN KUN DGA' BO 'KHOR DANG BCAS PA LA PHYAG BYAS TE, KHANG BZANGS NAS RINGS PA RINGS PAR BABS TE, SROG CHAGS BRGYA STONG DU MAS YONGS SU BSKOR NAS RKANG PA GNYIS KYIS DUR KHROD CHAN POR CHAS SO, ,PAR SKABS KYI GSHED MA PA RNAMS RGYAL PO'I SKYES BU DE RNAMS KYIS MTSON PHYAR TE BSDIGS PA, CI'I PHYIR 'DI LTAR PHYI SHOL BYED, MYUR DU GZHON NU 'DI GSAL SHING LA SKYON CIG ,DE NAS GSHED MA PA DE SKRAG TE, GZHON NU GSER MDOG GSAL SHING LA BSKYON PAR BYA'O ZHES SMRAS NAS GSAL SHING LA BSKYON PAR BRTZAMS PA DANG, GZHON NU GSER MDOG 'KHOR PA'I NYES PAS YID BYUNG BA'I SEMS DANG, RE THAG CHAD @194A *, ,PAR GYUR NAS CHO NGES 'DEBS PA LA ZHUGS TE, KYI HUD 'PHAGS PA KUN DGA' BOS BDAG YONGS SU SPANGS TE GANG LA MKHYEN PAR GSOL YANG YONGS SU MA BSKYABS PA NI SDUG BSNGAL LO, ,DE NAS BAR SKABS DER GNAS BRTAN KUN DGA' BO BDAG NYID CHE BAS RING PO NYID NAS 'ONGS BZHIN DU SKAD SHIN TU GSAL BAS PHYOGS KUN DU KHYAB PAR BYAS TE, GZHON NU GSER MDOG DBUGS DBYUNG BA'I PHYIR SMRAS PA, BU MA 'JIGS SHIG ,KHYAD LTA BU'I GDUL BYA RNAMS KYI DON DU NGAS SBRUL DUG CAN LTA BU'I LUS 'DI BZUNG BA YIN GYI BU MA 'JIGS SHIG ,NGAS DENG KHYOD NYAM NGA PA 'DI LAS YONGS SU THAR PAR BYA'O, ,DENG NGAS SANGS RGYAS BCOM LDAN 'DAS KYI THUGS LA DGONGS PA RDZOGS PAR BYA'O, ,DENG NYID NGAS GANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DANG, GNAS BRTAN 'OD SRUNGS CHEN POS BSTAN PA NGA LA GTAD PA DE YANG 'BRAS BU YOD PAR BYA'O, ,DENG NGAS DE BZHIN GSHEGS PA'I NYAN THOS RNAMS KYI MCHOG GI BDAG NYID CHE BA NYE BAR BRTAN PAR BYA'O, ,DENG KHYED KYI YID LA RE BA YONGS SU RDZOGS PAR BYA'O, ,DENG KHYED KYI 'CHI BA'I 'JIGS PA 'DI DANG 'KHOR BA'I 'JIGS PA BSAL BAR BYA'O, ,DENG KHYED KYI THE TSOM GYI RNAM PA YIN NAM MA YIN SNYAM PA'I ZUG RDU DBYUNG BAR BYA'O, ,LTA BA NGAN PA'I RAB RIB KYIS KHEBS PA'I YE SHES KYI MIG SMAN GYI THUR MAS RNAM PAR SNANG BAR BYA'O, ,DENG KHYED KYI KHRO BA'I ME GZHIG PAR BYA'O, ,DENG KHYED 'DOD CHAGS DANG BRAL BAS BSKYAB PAR BYA'O, ,DENG KHYED KYI DGE BA'I SA BON BSKYED PAR BYA'O, ,DENG KHYED 'KHOR BA'I 'DAM LAS GDON PAR BYA'O, ,DENG KHYED SDUG BSNGAL GYI RGYA MTSO LAS BSGRAL BAR BYA'O, ,DENG KHYED 'KHOR BA'I 'BROG DGON PA'I MTHAR DBYUNG BAR BYA'O, ,DENG KHYED NYON MONGS PA'I 'CHING BA GCAD PAR BYA'O, ,DENG KHYED NYON MONGS PA'I SGO GLEGS GCAD PAR BYA'O, ,DENG NGAS JI LTAR KHYED KYI MTHA' BYE BA BRGYA STONG DPAG TU MED PAR SHIN TU RNYED PAR @194B DKA' BA NYON MONGS PA DANG NYE BA'I NYON MONGS PA SPANGS NAS DGRA BCOM PA NYID THOB PA DE LTAR NGAS BYA'O, ,DENG NI NYON MONGS BUD SHING KUN, ,YE SHES ME YIS BSREG PAR BYA, ,DE NI THE TSOM MED PA'I BLOS, ,RIGS DANG BRAL BA NYID DU GYUR, ,DENG NI BU KHYOD MI THOGS PAR, ,YUN RING SKYED PA'I SKYE BA'I SHING, ,YE SHES CHEN PO'I RDO RJE YIS, ,BCAD DKA' SHIN TU GCOD PAR 'GYUR, ,CHAGS CHU DREGS PA'I DBA' KLONG CAN, ,NGA RGYAL CHU RLABS SRID MTSO LAS, ,BRTZON PA'I GZINGS LA LEGS ZHON TE, ,KHYOD NI RAB TU RGAL BAR GYUR, ,SKYE BA'I LHAN CIG DGA' BA'I RTZE, ,'CHI BA'I RI KHROD DOG PA NI, ,YE SHES RDO RJE CHEN PO YIS, ,SDUG BSNGAL RI BO GZHIG PAR 'GYUR, ,BSKAL PA BYE BA BRGYA STONG DU, ,GANG ZHIG KHYOD KYIS MA THOB GNAS, ,DE 'DRA SHIN TU RNYED DKA' YI, ,GNAS MED DENG NI THOB PAR 'GYUR, ,DE NAS GNAS BRTAN KUN DGA' BO LAS DE DAG THOS PA DANG, GZHON NU GSER MDOG GTOR BA LAS SLAR RNYED PA BZHIN DU DBUGS PHYIN CING RNYED NAS SHIN TU DGA' BAS BA SPU LDANG BA DANG, NAM MKHA'I NGOS SU SHAS CHER LTA ZHING GNAS BRTAN KUN DGA' BO LA DGA' BAS BSDUS PA'I YID RTZE GCIG TU GYUR TO, ,DE NAS RGYAL PO'I SKYES BU DE RNAMS KYIS GSOD MA PA RNAMS LA SMRAS[?] PA, SHES LDAN DAG DGE SLONG NAM MKHA'I NGOS LA RTEN CING 'ONG BA 'DI DAG NI SNYING RJE CAN YIN PAS 'DI DAG 'ONGS NAS GAL TE BAR CHOD BYED KYI MYUR DU GZHON NU 'DI GSAL SHING LA SKYON CIG ,KHYED RNAMS RGYAL PO'I KHRIMS LAS 'DAS PAS SDUG BSNGAL CHEN PO THOB PAR GYUR TA RE, DE NAS GSHED MA PA DE RNAMS BU DANG, BU MO DANG, NANG MI DANG, NYE DU DANG, SROG DANG BRAL BAS 'JIGS SKRAG NAS GZHON NU GSER MDOG BTEG STE GSAL SHING LA GZUGS PAR BA RTZAMS PA DANG, GNAS BRTAN KUN DGA' BOS DE'I MOD KHO NA LA JI LTAR GSAL SHING DE'I STENG DU ZLA BA'I DKYIL 'KHOR DANG 'GRAN DU RUNG BA, LTE BA YANGS PA DANG LDAN PA'I PADMA CHEN PO BYUNG BAR GYUR LA, ZLA BA'I STENG DU LTE BA LA @195A *, ,GZHON NU GSER MDOG SKYIL MO KRUNG GIS 'DUG PA DE LTAR BYIN GYIS BRLABS SO, ,PADMA DE'I LTE BA'I STENG NA GZHON NU GSER MDOG SKYIL MO KRUNG GIS 'DUG PA MTHONG BA DANG, NAM MKHA' LAS LHA BYE BA BRGYA STONG DPAG TU MED PAS CA CO'I SGRA BTON TE, KYE MA'O BSTAN PA'I BDAG NYID CHE, ,KUN MKHYEN GYI NI RMAD BYUNG DANG, ,DE BZHIN GSHEGS PA'I RNAM 'PHRUL GANG, ,DE BZHIN NYAN THOS RNAMS KYANG BYED, ,DE NI 'PHAGS PA KUN DGA' BOS, ,BDAG NYID CHE MTHO RAB STON CING, ,BDE GSHEGS BZHIN DU BYED PA NI, ,YANG DAG SHIN TU RMAD BYUNG CHE, ,PHONGS PA'I MUN PA KUN SEL BA'I, ,RGYAL PO'I NYI MA NUB GYUR KYANG, ,KYE MA GNAS BRTAN KUN DGA' BOS, ,DPAL LDAN NYI MA 'DI SHAR RO, ,'GRO BA NAM MKHA'I DKYIL 'KHOR DU, ,GNAS BRTAN KUN DGA'I ZLA BA YIS, ,RANG GI BDAG NYID SHES RAB CHE'I, ,'OD KYI DRI MA MED PAR BYAS, ,BDER GSHEGS SGRON MA DANG BRAL BAS, ,'GRO BA'I MUN PAS KHYAB GYUR LA, ,'PHAGS PA KUN DGA'I SGRON MA YIS, ,DENG NI YANG DAG GSAL BAR BYAS, ,YON TAN BSAM MI KHYAB KUN LDAN, ,SANGS RGYAS RIN CHEN NUB GYUR KYANG, ,DPAL LDAN 'GRO BA'I GTZUG NOR BU, ,'PHAGS PA KUN DGA' YANG DAG 'PHAGS, ,DE NAS GNAS BRTAN KUN DGA' BOS STON KA'I ZAL BA'I DKYIL 'KHOR BLTAR MED PA BAS LHAG PA'I 'OD DANG LDAN PA MTSAMS KYI SPRIN GYIS BSKOR BA'I NYI MA LTA BU SA'I DPAL MA LUS PA BZHIN DU DPAL GYIS LUS 'BAR BAR GYUR PA, RANG GI GZI BRJID KYIS NYI MA'I 'OD ZIL GYIS GNON PA, DGRA BCOM PA LNGA BRGYAS YONGS SU BSKOR TE PHYIN PA DANG, NAM MKHA'I NGOS NYID NA GNAS BZHIN DU GZHON NU GSER MDOG LA GSUNGS PA, ,'JIG RTEN DU NI LAN 'GA' ZHIG , MIG LDAN G-YUL GYI MTHAR BYON PA, ,LHA DANG MI YI STON PA YI, ,DE BZHIN GSHEGS PA 'BYUNG BAR 'GYUR, ,SDUG BSNGAL THAMS CAD RNAM SEL BA'I, ,CHOS GANG RAB TU STON PA DANG, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS PA @195B DANG, ,'PHAGS PA'I LAM NI YAN LAG BRGYAD, ,ZHI BA MYA NGAN 'DAS 'GRO BA, ,CHOS 'DI STON PAR MDZAD PA NA, ,SDUG BSNGAL THAMS CAD SEL BYED PA'I, ,SHES PAS MI SHES BCOM NAS NI, ,SLAR NI 'BYUNG BAR MI 'GYUR RO, ,DE NAS TSIG 'DI THOS PA'I RJES THOGS NYID LA GZHON NU GSER MDOG 'JIG TSOGS LA LTA BA'I RI BO MTHON PO NYI SHU YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DE NAS GZHON NU GSER MDOG TSONG PA RNYED PA RNYED PA LTA BU'AM, ZHING PA LO LEGS PA LTA BU'AM, DPA' BO G-YUL LAS RGYAL BA LTA BU'AM, 'KHOR LOS SGYUR BA'I RGYAL PO THOB PA LTAR MCHOG TU DGA' BA DANG, MGU BA SKYES PAR GYUR NAS DE NYID DU GNAS BZHIN DU LAG PA THAL MO SBYAR TE GNAS BRTAN KUN DGA' BO LA MNGON PAR BSTOD PAR BRTZAMS PA, GNAS BRTAN KUN DGA' PHYAG 'TSAL LO, ,GNAS BRTAN MCHOG LA PHYAG 'TSAL LO, ,RGYAL SRAS RNAMS KYI TOG GYUR PA'I, ,THUB PA CHE LA PHYAG 'TSAL LO, ,AE MA'O KHYOD KYI THUGS RJE RGYAS, ,AE MA'O THUGS RJE MCHOG LDAN PA, ,GANG GIS BDAG NI NYAM NGA BA, ,CHEN PO LAS NI DENG MDZAD THAR, ,'JIGS PAS NYEN CING MGON MED BDAG ,MGON PO KHYOD KYIS THAR MDZAD PA, ,'JIG RTEN MGON ZHES MI YUL GYI, ,GNAS SU KHYED KYI SGRA BSGRAGS GYUR, ,SDUG BSNGAL TSA BAS GDUNGS PA YI, ,'JIG RTEN KHYED KYIS 'DZIN MDZAD CING, ,BYAMS DANG SNYING RJE BSIL BA'I 'OD, ,THUB PA ZLA BA SHAR BA YIN, ,DGE BA'I BSHES DANG MJAL NAS NI, ,KHYED KYIS BDAG LA GANG THOB MDZAD, ,BYA BA DE NI MAS MIN ZHING, ,PHA DANG GNYEN RNAMS KYIS MA YIN, ,NGAN SONG THAMS CAD SGO GCAD CING, ,THAR PA'I SGO NI KUN DU PHYE, ,RGYA MTSO THAMS CAD SKAMS PA DANG, ,RUS PA'I RI LAS THAR PAR MDZAD, ,'KHOR BA THOG MTHA' DBUS MED CING, ,NYON MONGS 'JIGS PAS DKRUGS PA LAS, ,BLO DANG BCAS PA'I YON TAN GYIS, ,KHYAD KYI MTHAR NI BZHAG PAR GYUR, ,THOG MED DUS NAS ZHEN PA YI, , @196A *, ,LTA BA'I ZUG RDU LEGS 'BYIN PA'I, ,SMAN PA'I MCHOG 'DIR RNYED PAS NA, ,BDAG NI NAD MED BDE BA SKYES, ,DE NAS LHA RNAMS KYIS GNAS BRTAN KUN DGA' BO'I SEMS LA BLTAS NAS SKAD CIG MA DE NYID LA DUR KHROD CHEN PO'I RDO DANG GSEG MA DANG, GYO MO RNAMS BSAL BA DANG, TZANDAN GYI CHUS CHAG CHAG BTAB CING SPOS KYI DRI ZHIM POS GTUL TE, GDUGS DANG RGYAL MTSAN DANG, BA DAN DANG, RTA BABS BSGRENGS PA DANG, MU TIG GI DO SHAL GYI TSOGS DANG, GOS KYI CHUN 'PHYANG MANG PO DPYANGS PA DANG, ME TOG DRI ZHIM PO SNA TSOGS KYI SIL MA BKRAM STE, LHA RNAMS DGA' BA'I TSAL BZHIN DU SHIN TU NYAMS DGA' BAR BYAS SO, ,DER YANG GNAS BRTAN KUN DGA' BO'I DON DU RIN PO CHE SNA TSOGS PAS RNAM PAR SPEL CING SPRAS PAS KHYAD PAR CAN DU PHYE ZHING THAMS CAD LHA'I GSER LAS BYAS PA, RKANG RTEN DANG BCAS PAS LHA'I SENG GE'I KHRI CHEN PO BCAS PA DANG, DGRA BCOM PA LNGA BRGYA PO DE RNAMS KYI DON DU YANG LHA'I GDAN RNAMS BTING NGO, ,DE NAS GNAS BRTAN KUN DGA' BO NAM MKHA' LAS BABS TE, SENG GE'I KHRI DE'I STENG DU BZHUGS SO, ,DGRA BCOM PA LNGA BRGYA PO DE RNAMS KYANG BABS TE GDAN BSHAMS PA LA 'DUG PAR GYUR TO, ,RGYAL PO MA SKYES DGRA YANG SROG CHAGS BRGYA STONG DPAG TU MED PAS YONGS SU BSKOR NAS PHYIN PA DANG, CI TZAM NA 'BYOR PA DE DAG KYANG MTHONG ZHING, GZHON NU GSER MDOG ZLA BA'I DKYIL 'KHOR DANG 'GRAN DU RUNG BA'I PADMA'I LTE BA'I STENG NA 'DUG PA SPRIN DUM STUG PO LAS BYUNG BA'I STON KA'I ZLA BA RGYAS PA LTA BU'AM, GSER GYI MCHOD SDONG LTAR DPAL GYIS 'BAR BA MTHONG BA DANG, DE BLTAS TE SEMS KYI RGYUD NGO MTSAR SHIN TU BSDUS PAR GYUR NAS BA SPU LDANG BAR GYUR PA DANG, MCHOG TU DGA' BA'I RLABS 'KHYIL PA'I GDONG GI PADMA RGYAS PA DANG, MCHOG TU DAD PA'I SHUGS KYIS SEMS SHIN TU BSDUS PA DANG, LUS THAMS CAD KYIS GNAS BRTAN KUN DGA' BO'I ZHABS GNYIS LA PHYAG 'TSAL LO, ,DE NAS ZHABS LA BYUGS TE @196B LANGS NAS PUS MO GNYIS SA LA BTZUGS TE, LAG PA THAL MO SBYAR NAS GNAS BRTAN KUN DGA' BO LA LTA ZHING SMRAS PA, GANG GIS DE NYID 'GRO BA 'DI, ,YONGS SU SKYOB PAR MDZAD PA DANG, ,BDAG NYID KYANG NI DON MDZAD PA'I, ,SLOB DPON MCHOG LA PHYAG 'TSAL LO,, DA NI SKYE BO 'DI DAG LA, ,KHYED KYIS DGONGS PA MA MDZAD NA, ,SMOD PA'I SER BA 'BEBS PA YIS, ,THUB PA BDAG NI BRLAG PAR 'GYUR, ,THUB PA SEMS LA BTANG SNYOMS MDZAD, ,GAL TE SKYOB KHYOD MI BZHUGS NA, ,RJES SU 'GYOD PA'I NAGS MES NI, ,BDAG NYID DENG NYID SREG PAR 'GYUR, ,AE MA'O YE SHES CHE BA NYID, ,THUGS RJE'I THUGS NI DAM PA YIS, ,RMAD DU BYUNG BA'I SPYOD PA 'DI, ,AE MA'O YANG DAG BSTAN PAR MDZAD, ,SDIG MED KHYOD KYI CHO 'PHRUL DANG, ,RMAD BYUNG CHEN PO 'DI THOS NA, ,DE BZHIN GSHEGS PA MCHOG TU NI, ,ZHI BAR GSHEGS PA MI SNYAM SEMS, ,NYAM THAG GYUR PA'I 'JIG RTEN GYI, ,KHYED NI MGON YIN KHYED DPUNG GNYEN, ,SEMS CAN KUN LA PHAN MDZAD PAS, ,BCOM LDAN BZHIN MNYES GSHIN PA PO, ,BCOM LDAN 'DAS DE KHUMS PA DANG, ,DGA' BA GANG ZHIG SNGON SKYE BA, ,RGYAL BA'I BSTAN PA GCES 'DZIN PA, ,KHYOD DE DE DANG 'DRA BAR KHUMS, ,DE NAS RGYAL PO DES GNAS BRTAN KUN DGA' BO LA DE LTAR MNGON PAR BSTOD NAS LANGS TE, MCHOG TU DGA' BAS YID RGYAS PA DANG RINGS PA RINGS PAR GSAL SHING GI GAN DU SONG STE, LAG PA GNYIS BRKYANG NAS YID DU 'ONG BA'I BU STOR BA LAS SLAR RNYED PA LTAR MCHOG TU DGA' BAS GZHON NU GSER MDOG RANG NYID KYI STAN DE LA PHAB STE, DAM DU 'KHYUD NAS YANG DANG YANG DU MGO LA 'O BYAS SHING DGA' BAS BYUNG BA'I MCHIMS KUN DU KHEBS PAS GZHON NU GSER MDOG LA MIG MI 'DZUMS PAR LTA ZHING SMRAS PA, NYAM THAG 'DI LAS KHYOD THAR NAS, ,GNAS PA DA LTAR MTHONG BA NA, ,DGA' BAR GYUR PA DE 'DRA SNGON, ,RGYAL PO THOB NA'ANG MA MYONG NGO, ,ZLA BA RGYAS PA'I MDANGS 'PHROGS SHING, AUTPAL SNGON PO 'DAB @197A *, ,'DRA'I MIG ,BU YI GDONG GI PADMA NI, ,MTHONG BA DE NI BLTA BAR BYA, ,BTZO MA'I GSER GYI MDANGS LNGAN ZHING, ,YON TAN PHUN TSOGS RNAMS KYIS BRGYAN, ,YAN LAG THAMS CAD 'BYAS GYUR PA'I, ,KHYED LUS MTHONG BA BLTA BAR BYA, ,SNYING RJE MED CING BDAG NYID NGAN, ,GANG GI RANG BZHIN NGAN SMRAS NAS, ,SUS NI MI RNAMS YID 'ONG KHYOD, ,BSAD BA'I PHYIR NI YONGS SU SPANGS, ,SPYOD PA DUL BAR LDAN PA DANG, ,TSIG NI MNYAN LA DGA' BYED LA, ,GZUGS NI SHIN TU RMAD BYUNG BA'I, ,SU YI YID DU MI 'ONG SMRAS, ,YON TAN LDAN PA SU ZHIG LDANG, ,GANG ZHIG RTAG TU NYE RJES 'BRANGS, ,RDO RJE SNYING PO MNYAM SEMS GANG, ,KHYAD PAR MI SHES SU ZHIG YIN, ,BU SDUG KHYOD LA SDANG BA GANG, ,DE NI RDO YI RANG BZHIN NAM, ,SEMS DANG BRAL BAS BYAS PA'AM, ,SNYING NI PHYUNG BAR GYUR PAR NGES, ,SKYE BO KUN LA SDUG PA KHYOD, ,GANG GIS GSOD PAR LUNG BSGO BA, ,RDO RJE RAB 'BAR THOGS NAS NI, ,NGA YI SPYI BOR 'PHEN PA YIN, ,'GUL PAR MTSON GYIS 'DEBS PA DANG, ,MDUNG GIS SNYING GAR RAB BSNUN ZHING, ,GRAGS PA MIN PA'I SER BA 'DI, ,SU ZHIG GIS NI DBAB PAR BRTZAMS, ,GYI HUD SU YIS MI BZAD PA'I, ,TSIG GIS LAS 'DI BYED DU BCUG ,SU ZHIG NGA'I DGRAR 'BREL GYUR, ,NGA NI GANG YID MI 'ANG GYUR, ,SU ZHIG MCHI BDAG DAG GIS 'KHYUD, ,SU ZHIG SROG LAS SKYOB PAR GYUR, ,GANG GIS KHYOD LA LUNG BSGO BA, , MYUR DU SMRA BAR BYA BA'I RIGS, ,DE NAS GZHON NU GSER MDOG SEMS PA LA ZHUGS PAR GYUR TE, GAL TE RGYAL PO 'DI LA BLON PO RAB GTUM GYIS BDAG LA LAS 'DI BYED DU BCUG GO ZHES SMRA BA NI DA LTA NYID NI BLON PO RAB GTUM GSOD PAR 'GYUR TE, BLON PO RAB GTUM LA RGYAL POS LAS BYED PAR GYUR PA'I GNAS YOD NA 'DIR JI LTAR BSGRUB PAR BYA, YANG BSAMS PA LAS BDAG GIS BYA BA LA DMIGS PAR BYA STE, NGES PAR NA NGAS SKYE BA GZHAN DU SDIG PA MI DGE BA'I LAS BYAS PA GANG YIN PA DE'I RNAM PAR SMIN PA 'DI YIN TE, SNGON GYI @197B LAS KYI RNAM PAR SMIN PA MA GTOGS PAR SDIG PA MED PA 'DI LTAR GSOD PAR 'ONG BA SU ZHIG BYED CES NGES PAR BSAMS NAS RGYAL PO LA SMRAS PA, LHA CIG GANG LA YID 'DRA BA'I, ,RNAM SMIN NYE BAR GNAS PA 'DI, ,SDIG PA SNGON GYI TSE RABS SU, ,BDAG NYID KYIS NI BYAS PA YIN, ,BDAG NYID KYIS NI BYAS PA'I LAS, ,YID DU MI 'ONG ZHES BYA DE, ,RNAM SMIN LA NI LONGS SPYOD NA, ,KHYOD LA BDAG GIS SU ZHIG BSTAN, ,DE SKAD CES SMRAS NAS GNAS BRTAN KUN DGA' BO'I GAN DU SONG STE, LUS THAMS CAD KYIS GNAS BRTAN KUN DGA' BO'I RKANG PA GNYIS LA PHYAG BYAS PA DANG, GNAS BRTAN KUN DGA' BOS SMRAS PA, BU BU MO KA SHI MDZES DGA' MO 'DI NI DUG GI SHUGS KYIS ZIN PA YIN GYI, DE BDEN PA'I BYIN GYIS RLABS KYIS SLONG LA BDE LEGS SU GYIS LA SKYE BO'I TSOGS MANG PO YANG YID CHES PAR GYIS SHIG ,GZHON NU GSER MDOG GNAS BRTAN KUN DGA' BO'I LUNG MNYAN TE, SEMS CAN THAMS CAD LA LHAG PA'I BSAM PAS 'JUG PA'I SEMS DANG, BDEN PA'I BYIN GYIS RLABS BYED PA LA ZHUGS TE, BDEN PA DANG BDEN PA'I TSIG GANG GIS BU MO KA SHI MDZES DGA' MO 'DI LA 'DOD CHAGS SAM, ZHE SDANG NGAM, GTI MUG GAM, THE TSOM MAM, GZHAN GANG YANG RUNG BA'I NYON MONGS PA'AM, NYE BA'I NYON MONGS PA THA NA PHRAN TSEGS TZAM YANG MA SKYES PA'I BDEN BA DANG, BDEN PA'I TSIG 'DIS 'DI'I LUS LA DUG RNAM PAR 'JIG PAR GYUR CIG CES SMRAS SO, ,DE NAS BDEN PA'I BYIN GYI RLABS BYAS PA'I MOD KHO NA LA BU MO KA SHI MDZES DGA' MO'I LUS LA DUG MED PAR GYUR TE, BDE BAR GNAS NAS GNYID LOG PA LAS SAD PA BZHIN DU LANGS NAS DE LUS BDE BAR GYUR PA DANG, LANGS PA LAS BLTAS NAS SKYE BO MANG PO TSOGS DANG, LHA BRGYA STONG DU MA RNAMS KYIS SGRA GCIG TU SGRA GSUNG MTHON POS SMRAS PA, AE MA'O NGO MTSAR CHE STE, ,AE MA'O GZHON NU BSAM PA RNAM PAR DAG GO, ,GZHON NU 'DI NI RDZU 'PHRUL CHE BA DANG MTHU CHE BA STE, GANG 'DIR BDEN PA'I BYIN GYI RLABS KYI STOBS @198A *, ,KYIS 'DI BU MO KA SHI MDZES DGA' MO BSLANG ZHING YID DU 'ONG BA'I SROG GIS SKYOBS PAR GYUR TO, ,DE NAS BU MO KA SHI MDZES DGA' MO PHYOGS KUN DU LTA BAR RTZOM PA DANG, JI SRID CIG NA DUR KHROD CHEN POR GNAS BRTAN KUN DGA' BO DGE SLONG GI DGE 'DUN LNGA BRGYA DANG THABS CIG TU ZLA BA KHAM PA LTAR BSKOR NAS RIN PO CHE SNA TSOGS KYIS SPRAS PA'I LHA'I SENG GE'I KHRI CHEN PO LA BZHUGS PA DANG, RGYAL PO MA SKYES DGRA YANG SROG CHAGS BRGYA STONG DPAG TU MED PAS YONGS SU BSKOR BA DANG, BDAG NYID KYANG GOS SNGON PO DANG, SER PO DANG, DMAR PO DANG, DKAR PO'I KHYOGS LA BTEG PA MTHONG NGO, ,MTHONG NAS KYANG SEMS SOM NYI DANG BCAS PAS SEMS PA LA ZHUGS TE, CI 'DI RMI LAM YIN NAM, 'ON TE SEMS KYI 'KHRUL BA YIN NAM, YANG NA 'GA' ZHIG GIS NGA LA SGYU MA'I LAS 'DI LTA BU BSTAN PA YIN NAM SNYAM PA DANG, CI TZAM NA DE'I NYE DU RNAMS KYIS DE RGYA CHER BRJOD DE DE YANG SMRAS PA, GANG KHYOD KYIS 'TSO BA 'DI DANG, 'DI DAG THAMS CAD NI GNAS BRTAN KUN DGA' BO BYON NAS RNAM PA THAMS CAD YOD PAR GYUR TO, ,DE SKAD CES THOS PA DANG BU MO KA SHI MDZES DGA' MO GNAS BRTAN KUN DGA' BO LA MCHOG TU DGA' BA SKYES TE, RAB TU DAD PAS SHIN TU RTOG PA LA ZHUGS SO, ,DE NAS BU MO KA SHI MDZES DGA' MO SKYED MOS TSAL YANG DAG PAR DRAN CING BLON PO RAB GTUM YANG DRAN TE, KUN NAS SKYO BA'I YID KYIS 'CHI BA'I 'JIGS PA'I YI MUG PAS RMONGS PA'I MIG DANG, GNAS SKABS DE DANG 'DRA BAR GZHAN YANG SHES SHING BUD MED KYI DNGOS POR GYUR PA'I MYA NGAN BYED PA LA ZHUGS TE, AE MA'O BUD MED CES BYA BA NI SHIN TU SMAD PA STE, SDUG BSNGAL THAMS CAD KYI GNAS SU GYUR PA GANG ZHIG THOB NAS, BDAG GNAS SKABS 'DI LTA BUR GYUR TO SNYAM NAS KUN DU SKYO BA'I YID KYIS MYUR BAR LANGS TE, GOS GCIG BLANGS NAS GNAS BRTAN KUN DGA' BO'I GAN DU NYE BAR SONG STE, GOS GCIG PO DE GNAS BRTAN KUN DGA' BO LA @198B PHUL NAS ZHABS GNYIS LA PHYAG BYAS TE, DAD PA'I SHUGS DGRA POS GNAS BRTAN KUN DGA' BO'I YON TAN RJES SU DRAN PA SNGON DU 'GRO BAS BDEN PA'I BYIN GYI RLAB BYA BAR BRTZAMS PA, BDEN PA DANG BDEN PA'I TSIG GANG GIS THUB PA KHYED KYI SKU 'PHAGS PA DANG SANGS RGYAS KYI SLOB MA THAMS CAD KYI MCHOG BRNYES PA, MCHOG DAM PA DANG, KHYAD PAR DU 'PHAGS PA DANG, RAB MCHOG DANG BLA MA DANG, BLA NA MED PA DANG, NYAN THOS KYI GTZO BO DANG, NYAN THOS KYI SENG GE DANG, NYAN THOS KYI KHYU MCHOG DANG, NYAN THOS KYI CANG SHES DANG, NYAN THOS KYI PADMA DANG, NYAN THOS KYI KU MU TA DANG, NYAN THOS KYI PUndA R'I KA DANG, NYAN THOS KYI KHA LO SGYUR BA DANG, NYAN THOS KYI DED DPON DANG, NYAN THOS KYI ZLA BA DANG, NYAN THOS KYI NYI MA DANG, NYAN THOS KYI RIN PO CHE DANG, NYAN THOS KYI GTZUG GI NOR BU DANG, BSTAN PA'I GRU PA DANG, BSTAN PA GCES PAR 'DZIN PA DANG, DGRA BCOM PA, ZAG PA ZAD PA, BYA BA BYAS PA, BYED PA BYAS PA, KHUR BOR BA, BDAG GI DON RJES SU THOB PA, SRID PAR KUN DU SBYOR BA, YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA, RDZU 'PHRUL CHE BA, MTHU CHE BA, BYIN GYI RLABS CHE BA, SBYIN GNAS CHEN PO YIN PA'I BDEN PA DANG, BDEN PA'I TSIG 'DIS DE NYID BDAG GI BUD MED KYI DBANG PO MI SNANG BAR GYUR NAS SKYES PA'I DBANG PO 'BYUNG BAR GYUR CIG CES SMRAS SO, ,DE NAS BDEN PA'I BYIN GYI RLABS GSOL PA'I MOD KHON LA DE'I BUD MED KYI DBANG PO MI SNANG BAR GYUR NAS SKYES PA'I DBANG PO BYUNG BAR GYUR TE, GZUGS BZANG BA, MDZES PA, BLTA NA SDUG PA, LUS LA GOS DANG RGYAN RNAM PA SNA TSOGS KYIS BRGYAN PA'I SKYES PAR GYUR TO, ,NAM MKHA'I NGOS NAS 'DI'I LHA'I GOS RNAM PA SNA TSOGS PA YID DU 'ONG BA YANG BAB PAR GYUR TO, ,GZHAN YANG DER GOS KYI CHAR DE BAB PA NA JI LTAR SKAD CIG DE LA DUR KHROD CHEN PO'I NYI MA'I 'OD ZER YANG MI SNANG BAR GYUR PA DE LTAR NA NAM MKHA'I DKYIL 'KHOR KHEBS PA ZHIG BAB PO, ,DE NAS GNAS BRTAN KUN @199A *, ,DGA' BO'I YON TAN GYI BDAG NYID CHE BA LHA DANG MI RNAMS 'DUN PAR BYED PA'I NGO MTSAR DE MTHONG BA DANG, NAM MKHA'I NGOS NA GNAS PA'I LHA BYE BA BRGYA STONG DU MA CA CO'I SGRA BYUNG STE, AE MA'O NGO MTSAR CHE'O, ,AE MA'O RMAD DU BYUNG BA CHEN PO, ,AE MA'O GNAS BRTAN KUN DGA' BO YON TAN GYI BDAG NYID CHEN PO, ,AE MA'O RGYA CHE BA NYID, AE MA'O SBYIN PA'I ZHING RNAM PAR DAG PA, GANG LA GOS GCIG PHUL BA TZAM GYIS SMON LAM BTAB PA'I RJES THOGS NYID LA, BU MO KA SHI MDZES DGA' MO BUD MED KYI DBANG PO MI SNANG BAR GYUR PAS SKYES PA'I DBANG PO BYUNG ZHING DE LTA BU'I SBYOR BA DANG LDAN PAR GYUR RO, ,DE NAS LHA'I BU DE RNAMS RAB TU DAD PA'I YID KYI LHA'I ME TOG GI CHAR 'BEBS PA DANG, LHA'I ME TOG SHIN TU LTUNG BAR GYUR TO, ,DE NAS SKYES BU KA SHI MDZES DGA' MO GNAS BRTAN KUN DGA' BO'I MTHU STOBS KYIS SHIN TU YID DU 'ONG ZHING BDAG NYID JI LTAR 'DOD PAS 'PHRAL DU SMIN PA'I 'BRAS BU LA BLTAS TE, MCHOG TU NGO MTSAR DU GYUR PAS 'DUN PAR GYUR PA'I SEMS KYI RGYUD LA MCHOG TU DGA' BA SKYES NAS BA SPU LDANG BAS LUS RTZUB PAR BYAS PA DANG, LANGS TE PUS MO GNYIS SA LA BTZUGS NAS THAL MO SBYAR TE, GNAS BRTAN KUN DGA' BO LA BSTOD PA BYED PA LA ZHUGS SO, ,GANG GIS DE NYID MGON MED BDAG ,KHYOD KYIS BDAG LA SROG STZOL BA, ,SHIN TU RNAM DAG YON TAN BSAGS, ,DPAG YAS RNYED DKA' PHYAG 'TSAL LO, ,RNAM DAG YE SHES SPYAN LDAN PA, ,GAL TE KHYOD SKYABS MA MDZAD NA, ,BDAG SROG LHAG MA MA MCHIS TE, ,THUB KHYOD BDAG SROG STZOL BA LAGS, ,AE MA'O YON TAN CHE BDAG NYID, ,AE MA'O SEMS CAN PHAN BZHED PA, ,GANG ZHIG NYAM THAG MI BZAD PA, ,'DI LAS 'GRO BA KHYOD KYIS SKYABS, ,AE MA'O KHYOD NI SPYIN PA'I ZHING, ,SHIN TU RNAM DAG RAB RNYED DKA', ,GANG LA GOS GCIG PHUL BAS KYANG, ,RIN CHEN 'DI 'DRA THOB PAR GYUR, ,BDAG GIS THUB PA CHE KHYOD LA, ,DE LTAR GOS GCIG PHUL BA YIS, ,'PHRAL DU 'BRAS BU BZANG PO @199B 'DI, ,JI LTAR MNGON PAR 'DOD PA THOB, ,NYES PA CHEN PO DAG GI YANG, ,GZHIR GYUR BZHIN DU SHES PA YANG, ,BUD MED NYID DE DE SPANGS NAS, ,SKYES PA NYID DU BDAG GYUR TO, ,DE YANG LHA DANG 'DRA BA NYID, ,LHA YI RGYAN GYIS RNAM PAR BRGYAN, ,NAM MKHA' LA YANG GOS KYI CHAR, ,YID DU 'ONG BA BAB PAR GYUR, ,BZHIN BZANGS YON TAN LDAN 'DI LA, ,GANG ZHIG BSNYEN BKUR MI BYED PA, ,RMONGS SOGS NYON MONGS DAG RNAMS KYIS, ,SKAL NGAN DENG NI SLUS PA YIN, ,DES DE LTAR GNAS BRTAN KUN DGA' BO LA MNGON PAR BSTOD NAS LAS KYI 'BRAS BU MNGON SUM DU MTHONG BA DANG, SEMS PA LA ZHUGS TE, DA NI BDAG YID DU 'ONG BA DANG, YID DU MI 'ONG BA'I LAS KYI 'BRAS BU MNGON SUM DU MTHONG BZHIN DU SLAR YANG KHYIM GYI NANG DU 'DUG PA NI BDAG GI TSUL DANG MTHUN PA MA YIN NO SNYAM NAS, DE NAS GNAS BRTAN KUN DGA' BO'I RKANG PA LA PHYAG BYAS TE SMRAS PA, 'PHAGS PA BDAG LEGS PAR GSUNGS PA'I CHOS 'DUL BA LA RAB TU 'BYUNG ZHING BSNYEN PAR RDZOGS NAS DGE SLONG GI DNGOS POR GYUR NAS GNAS BRTAN GYI THAD DU TSANGS PAR SPYAD PAR BGYI'O, ,DE YANG GNAS BRTAN KUN DGA' BOS RAB TU PHYUNG BA NAS, JI LTAR NYON MONGS PA THAMS CAD SPANGS NAS DGRA BCOM PA'I 'BRAS BU THOB PAR GYUR PA DE LTAR CHOS BSTAN TO, ,DE NAS PAR SKABS DER DED DPON NYI MA CHUNG MA DANG BCAS PA BU DANG BRAL BA'I MYA NGAN GYI SDUG BSNGAL GYIS GZIR ZHING, RGYAL PO'I KHAB KYI GRONG KHYER GYI DBUS KYI SUM MDO NAS LDANG ZHING BDAG NYID 'GYEL PAR GYUR PAR YANG DANG YANG SA LA 'GRE LDOG PAR BYED CING LAG PA GNYIS KYIS BDAG NYID LA BRDEGS TE KYI HUD BU KYI HUD BU ZHES NYAM THA PA'I SGRA'I NGA RO 'DON PAR GYUR PA NA ,DED DPON NYI MAS GNAS BRTAN KUN DGA' BO NAM MKHA'I DKYIL NAS BYON TE, GZHON NU GSER MDOG YONGS SU SKYOB CING DUR KHROD CHEN PO NA NGO MTSAR DANG RMAD DU BYUNG BAS BZHUGS SO ZHES THOS PA DANG, CHUNG MA DANG BCAS PAR BDUD RTZI'I RGYUN LUS LA BLUGS PA BZHIN DU YID MCHOG TU DGA' BA DANG,, @200A *, ,'KHOR LOS SGYUR BA'I RGYAL POR DBANG BSKUR BA THOB PA BZHIN DU MCHOG DU DGA' BA SKYES PAR GYUR NAS, DE'I MOD LA LANGS TE RINGS PAR 'GRO BA GOM STABS KYIS RGYAL PO'I KHAB NAS BYUNG STE DUR KHROD CHEN POR PHYIN PA DANG, JI SRID CIG NA GSER MDOG STON KHA'I ZLA BA RGYAS PA SGRA GCAN GYIS ZIN PA LAS RNAM PAR THAR PA LTA BU GNAS BRTAN KUN DGA' BO'I GNAN 'DUG PA DE DANG, GNAS BRTAN KUN DGA' BO'I YON TAN GYI STOBS LAS BYUNG BA'I 'BYOR BA YANG MTHONG NGO, ,DE NAS LHA DANG MI'I YID SDUD PAR BYED PA'I RMAD DU BYUNG BA'I CHO 'PHRUL DE YANG MTHONG NAS GNAS BRTAN KUN DGA' BO LA YID MGU BA SKYES TE, MCHOG TU DAD PA'I SHUGS KYIS BRLAN PA'I SEMS GYI RGYU DANG, LUS THAMS CAD KYIS GNAS BRTAN KUN DGA' BO'I ZHABS GNYIS LA PHYAG BYAS TE, LANGS NAS PUS MO GNYIS SA LA BTZUGS TE DGA' BA'I MCHI MA'I CHU RLABS KYIS BZHIN GYI PADMA KHEBS PA DANG, THAL MO SBYAR TE GNAS BRTAN KUN DGA' BO LA BSTOD PA BYED PAR BRTZAMS PA, AE MA'O SKAL BA CHE KHYOD KYI, BDAG NYID CHEN PO STON MDZAD PA, ,GANG ZHIG NYAM THAG MI BZAD PAS, ,KHYOD KYIS 'GRO BA'I SKYABS MDZAD DO, ,AE MA'O THUGS BRTZE'I BDAG NYID CHE, ,AE MA'O YE SHES PHUN SUM TSOGS, ,BCOM LDAN THAMS CAD MKHYEN PA BZHIN, ,RNAM DAG YANG DAG BSTAN PA MDZAD, ,DE BZHIN BDAG GI BU SDUG 'DI, ,SDUG BSNGAL RGYA MTSO CHEN PO LAS, ,THUGS RJE YE SHES DAG GI MTHUS, ,KHYED KYIS YANG DAG STON PAR MDZAD, ,GAL TE 'DI LAS KHYED KYIS NI, ,DE NYID DGONGS PAR MDZAD NA NI, ,BDAG NI CHUNG MAR BCAS PA 'DI, ,YUN RING SDUG BSNGAL 'DAM RDZAB NUB, ,THUGS RJE CHEN PO SRAS KYI MCHOG ,KHYOD NI DE RING PHYIN NAS SU,, BDAG SU'I SDUG BSNGAL RGYA MTSO BSGRAL, ,MYA NGAN 'BROG LAS RNAM PAR BTON, ,MYA NGAN RANG BZHIN RNYI LAS THAR, ,MYA NGAN BCOM PA LAS BYUNG ZHING, ,MYA NGAN NYON MONGS 'JIGS LAS GROL, ,SDUG BSNGAL GZEB LAS THAR PAR GYUR, ,MYA NGAN 'DAM LAS DENG MA @200B GOS, ,MYA NGAN TSER MAS MA ZUG CING, ,MYA NGAN SBRUL GYIS MA ZIN LA, ,MYA NGAN MDA' YIS MA PHOG GO, ,MYA NGAN RAL GRIS MA BCAD CING, ,MYA NGAN DGRA YIS MA RNYED LA, ,MYA NGAN CHU SRIN GYIS MA ZIN, ,MYA NGAN ME YIS MA BSREGS SO, ,KHYOD NYID KYIS NI SEMS CAN TSE, ,DE RING DBUGS NI 'BYIN MDZAD CING, ,MIG NI PHYE BAR MDZAD PA DANG, ,YID KYANG TSIM PAR MDZAD PAR GYUR, ,GANG GIS 'DI LTAR MDZAD GYUR PAS, ,BDAG CAG MCHOG TU DGA' 'GYUR TE, ,KUN DGA' ZHES BYA'I MTSAN BTAGS 'DI, ,AE MA'O DON DANG BCAS PAR 'GYUR, ,DE NAS DED DPON NYI MAS GNAS BRTAN KUN DGA' BO LA BSTOD NAS LANGS TE GZHON NU GSER MDOG GI GAN DU SONG NAS CHUNG MA DANG BCAS PAS MGUL NAS DAM DU 'KHYUD DE YANG DANG YANG DU'O BYAS LA, RAB TU DGA' BA LAS BYUNG BA'I MCHI MAS KUN DU KHEBS PA'I MIG GIS GZHON NU GSER MDOG LA MIG MI 'DZUMS PAR LTA ZHING SMRAS PA, STON KA'I ZLA RGYAS GZUGS GYI DPAL, ,MDANGS DANG GZI NI 'PHROG PA'I LUS, ,YID LA RE BA RGYAS THOB PA, ,MTHONG GIS KHYED LA SLAR YANG LTA, ,SNUM ZHING SNGO LA YANGS PA DANG, ,THA MAR MIG NI BSNGAGS 'OS PA, KHYED GDOD GNAS BRTAN KUN DGA' BO, ,BYON NAS SLAR YANG BLTA BA YIN, ,DE NAS GZHON NU GSER MDOG 'KHONG BA'I NYES PAS KUN DU SKYO BA'I SEMS KYIS PHA DANG MA LA GNANG PA GSOL TO, ,GNAS BRTAN KUN DGA' BO'I RKANG PA GNYIS LA BTUD NAS GNAS BRTAN BDAG LEGS PAR GSUNGS PA'I CHOS 'DUL BA LA RAB TU BYUNG ZHING BSNYEN PAR RDZOGS NAS DGE SLONG GI DNGOS PO THOB PAR GYUR NAS, LEGS PAR GSUNGS PA'I CHOS 'DUL BA LA TSANGS PAR SPYAD PAR 'TSAL LO, ,DE YANG GNAS BRTAN KUN DGA' BOS RAB TU BYUNG NAS JI LTAR 'DI SKAD CIG MA DE NYID LA NYON MONGS PA THAMS CAD SPANGS NAS DGRA BCOM PA NYID THOB PA DE LTAR YANG DAG PAR RJES SU BSTAN PA DANG, DES KYANG DGRA BCOM PA NYID THOB STE, SNGON GYI SKYE BA GCIG NAS GCIG TU BRGYUD PAR BLTAS PAR BRTZAMS PA @201A *, ,DANG, JI TZAM DU BDAG NYID BSOD NAMS KYI MTHU CHEN PO DANG LDAN PAR MTHONG NAS DES 'DI SNYAM DU SEMS TE, BDAG NYID KYIS 'DI LTAR SHES KYI PA NI BSOD NAMS KYI MTHU CHEN PO DANG LDAN PA YIN PAR SHES LA, NGAS JI TZAM ZHIG SBYIN PA BYIN PA DANG, BSOD NAMS BYAS PA MTHAR PHYIN PAR 'GYUR BA YIN LA, DE NI DE LTAR YANG SEMS CAN RNAMS BSOD NAMS LA GUS PA BSKYED PAR BYA BA'I PHYIR BSOD NAMS KYI BDAG NYID CHE BA BSTAN PAR BYA'O SNYAM MO, ,DE NAS GOS DE RANG GI LUS LAS PHUD PA DANG, YANG DE LTA BU'I GNYIS PA BYUNG BAR GYUR TO, ,DE NAS YANG NAS YANG DU DBUD PAR BRTZAMS PA DANG, DE BZHIN DU YANG DANG YANG DU BYUNG BAR GYUR TE, DES PHUD CING PHUD CING GNAS BRTAN KUN DGA' BO'I MDUN DU GOS KYI PHUNG PO ZHIG BYAS LA, GOS KYI PHUNG PO DE DAG KYANG SHIN TU RIN CHE BA 'DZAM BU CHU BO'I GSER GYI PHUNG PO LA NYI MA 'CHAR KA'I GZER GYIS PHOG PA LTAR 'OD 'BAR BAR 'DUG PA LA SKYE BO'I TSOGS MANG POS BLTAS NAS, MCHOG TU NGO MTSAR GYI DGA' BA'I YID KYIS SMRAS PA, AE MA'O NGO MTSAR CHE BA, AE MA'O RMAD DU BYUNG BA, AE MA'O BSOD NAMS KYI BDAG NYID CHEN PO, ,AE MA'O LEGS PAR BYAS PA'I BSOD NAMS KYI BDAG NYID CHEN PO 'DIS RTAG TU RGYUN MI 'CHAD PAR RIN PO CHE'I GOS PHUD DU ZIN YANG MTHAR THUG PA YANG MI SNANG NGO, ,DE NAS DES GOS DE RNAMS KYANG PHA DANG MA LA BYIN LA, DE GNYIS KYIS KYANG GNAS BRTAN KUN DGA' BO LA SOGS PA DGE SLONG GI DGE 'DUN THOG MAR BYAS PA NAS, JI SRAD DU DUR KHROD CHEN POR 'DUS PA'I SKYE BO'I TSOGS CHEN PO RNAMS LA BYIN TE, DENG SROG CHAGS RE RE LA YANG GOS BRUNG RE BSKON YANG DGE SLONG GSER MDOG GI BSOD NAMS KYI MTHUS GOS DE YANG YONGS SU GTUGS PAR MA GYUR TO, ,DE NAS DGE SLONG GSER MDOG STENG GI NAM MKHA' LA MNGON PAR 'PHAGS TE RDZU 'PHRUL GYIS RGYAL PO'I KHAB KYI GRONG KHYER DU SONG NAS SUM MNGO'I DA BUS SU 'DUG STE, MDUN DU GSER MDOG CAN GYIS GOS LUS LAS PHUD CING GOS KYI PHUNG PO CHEN PO BYAS TE, SGRAS RGYAL PO'I KHAB KYI GRONG KHYER 'PHENGS @201B SHING, SMRAS PA, SHES LDAN DAG NGAS GOS KYI PHUNG PO 'DI YONGS SU GTANG GIS KHYED RNAMS GANG LA JI TZAM DGOS PA DE TZAM LONG SHIG CES BSGRAGS PA THOS PA DANG, SKAD CIG TZAM DE NYID LA SROG CHAGS BRGYA STONG DPAG TU MED PA 'DUS PAR GYUR PA DANG, CI TZAM NA GRONG KHYER GYI DBUS KYI SUM MDON GSER GYI MDOG CAN GYI GOS SER PO'I PHUNG PO SHIN TU CHE BA, 'DZAM BU CHU BO'I GSER GYI PHUNG PO LA NYI MA 'CHAR KA'I 'OD KYIS PHOG PA LTAR 'BAR BAR GYUR PA DANG, TSE DANG LDAN PA GSER GYI MDOG CAN GSER BTZO MA'I RI'I RTZE MO LTAR DPAL GYIS MCHOG TU 'BAR ZHING NAM MKHA'I DKYIL NA 'DUG PA MTHONG BA DANG, SKYE BO'I TSOGS MANG PO MCHOG TU NGO MTSAR GYIS BSDUS PA'I SEMS KYI RGYUD DANG MCHOG TU DGA' BA'I RLABS KYIS GANG BA'I BZHIN GYI PADMA DANG, DE LA LTA ZHING BSAMS PA DANG, AE MA'O NGO MTSAR CHE BA, AE MA'O RMAD DU BYUNG BA, BDAG NYID CHEN PO 'DIS LAS GANG ZHIG BYAS NA GANG GIS 'DI LTAR RDZU 'PHRUL CHE BA, MTHU CHE BAR GYUR PA, GAL TE BDAG CAG RNAMS KYIS SHES NA NI BDAG KYANG DE LTAR BYA STE, BDAG GIS BDAG CAG RNAMS KYANG 'DI LTAR MTHU CHE BAR 'GYUR BA DE LTAR BYA'O ZHES MNGON PAR 'DOD PA SKYES SHING SOM NYI'I DPYANG THAG LA 'JUG BZHIN DU PHAN TSUN SMRA BAR RTZOM PA NA, DE RNAMS 'DI SNYAM DU SEMS TE, 'DI NI 'DI LTAR BDAG NYID CHE BA, RDZU 'PHRUL CHE BA, MTHU CHE BA, BRTUL ZHUGS GRUB PA, LHA'I SHES PA DANG LDAN PA YIN PAS 'DI NYID LA YONGS SU DRI BAR BYA'O SNYAM MO, ,DE NAS SKYE BO'I TSOGS CHEN PO DA NGO MTSAR GYI MCHOG TU MIG GDANGS PA DANG THAL MO SBYAR TE, NAM MKHA'I DKYIL DU ZHEN PAR LTA ZHING, TSE DANG LDAN PA GSER MDOG LA PHYAG BYAS TE SGRA GCIG TU SMRAS PA, LHA YI YE SHES SPYAN DANG NI, ,SKAL PA CHEN PO KHYOD LDAN PAS, ,GANG GIS KHYED NI MTHU CHE BA, ,DE NI YANG DAG BSHAD PA'I RIGS, ,'JIG RTEN 'DI DANG PHA ROL DU, ,LONGS SPYOD DANG NI YON TAN RNAMS, ,PHUN TSOGS GANG GIS THOB PAR GYUR, ,DE NI BDAG CAG LA BSHAD RIGS, ,DE NAS SEMS @202A *, ,CAN CHEN PO DE, ,SNYING RJES DRANGS PA'I YID LDAN PAS, ,DE DAG CHIM PA'I TSIG CHEN GYI, ,SGRAS NI PHYOGS RNAMS 'GENGS PAR GYUR, ,'DI NYID DON NI BSHAD PA'I PHYIR, ,KHYED RNAMS LA NI NGAS 'DI BSTAN, ,GO RIMS BZHIN DU NGAS BSHAD KYI, ,NGA YI TSIG 'DI MNYAN PAR GYIS, ,'JIG RTEN 'DI DANG PHA ROL DU, ,LONGS SPYOD DANG NI YON TAN RNAMS, ,PHUN TSOGS BSOD NAMS KYIS THOB CING, ,BSOD NAMS KYIS BDAG RDZU 'PHRUL CHE, ,GAL TE SDUG BSNGAL KHYED MI 'DOD, ,BDE BA PHUN SUM TSOGS 'DONG NA, ,BSOD NAMS SOGS PA BDE 'GYUR BAS, ,MYUR BA NYID DU BSOD NAMS KYIS, ,'JIG RTEN 'DI DANG PHA ROL DU, ,BDE BA GANG CI'ANG RUNG BA DANG, ,MYA NGAN 'DAS PA THOB PA NI, ,BSOD NAMS NYID KYI 'BRAS BU YIN, ,NOR CAN CHANG DPON BRAM ZE DANG, ,DED DPON LA SOGS GANG DAG NI, , LONGS SPYOD RGYA CHEN SPYOD 'GYUR BA, ,DE NI BSOD NAMS 'BRAS BU YIN, ,MNGON PAR YID DGA' BU DANG 'KHOR, ,MDZA' BO LA SOGS PHUN TSOGS PA, ,GANG ZHIG MI LA YOD 'GYUR BA, ,DE NI BSOD NAMS 'BRAS BU YIN, ,GZUGS DANG MDANGS NI PHUN SUM TSOGS, ,YID DANG MIG NI 'PHROG BYED PA, ,'THOB CING MI YUL RGYAL SRID GANG, ,DE NI BSOD NAMS 'BRAS BU YIN, ,MI PHYED PA YI 'KHOR NYID DANG, ,MI ZAD NOR GYI PHUN SUM TSOGS, ,MI YUL NA NI NGES THOB GANG, ,DE NI BSOD NAMS 'BRAS BU YIN, ,SKYE BA DRAN CID SKAL BZANG DANG, , THOS LDAN TSIG NI GZUNG BAR 'OS, ,MIS NI GANG ZHIG THOB 'GYUR BA, ,DE NI BSOD NAMS 'BRAS BU YIN, ,LONGS SPYOD PHUN TSOGS RGYA CHEN DANG, ,RTAG PAR GNYEN DANG LHAN CIG TU, ,DGA' BAS MI YUL GANG SPYOD PA, ,DE NI BSOD NAMS 'BRAS BU YIN, ,GRANGS MED NOR NI PHUN TSOGS DANG, ,'GRAN ZLA MED CING BRTAN PA NYID, ,MI LA GANG ZHIG YOD GYUR PA, ,DE NI BSOD NAMS 'BRAS BU YIN, ,GANG ZHIG SGRA MI SNYAN GLING DU, ,BDAG GI MED CING YONGS 'DZIN MED, ,MI YI TSE NI NGES GYUR PA, ,DE NI BSOD NAMS 'BRAS BU YIN, , @202B 'BRAS KYI S'A LU'I 'BRAS BU NI, ,MA RMOS PA NI RIN CHE BA, ,GANG ZHIG DE NI MI RNAMS SPYOD, ,DE NI BSOD NAMS 'BRAS BU YIN, ,DPAG BSAM SHING LAS SNA TSOGS PA'I, ,GOS DANG RGYAN RNAMS BYUNG BA YIS, ,MI RNAMS RAB TU 'GEBS GYUR PA, ,DE NI BSOD NAMS 'BRAS BU YIN, ,GANG ZHIG SGRA MI SNYAN GLING DU, ,MI RNAMS 'PHOS PA'I RJES THOGS LA, ,DE NI LHA RNAMS DAG TU SKYE, ,DE NI BSOD NAMS 'BRAS BU YIN, ,BDUD RTZI 'BRAS CHEN SOGS PHUN TSOGS, ,SA BLA YI NI LHA BU LTAR, ,LHA YI LONGS SPYOD LA SPYOD PA, ,DE NI BSOD NAMS 'BRAS BU YIN, ,GANG GI MTHU YIS RGYAL PO'I DPAL, ,LHA 'DRA'I PHUN SUM TSOGS THOB PA'I, ,MI YI DBANG PO RNAM MDZES PA, ,DE NI BSOD NAMS 'BRAS BU YIN, ,BYIS PAS 'KHOR LOS SGYUR BA NYID, ,SA CHEN LA NI LONGS SPYOD THOB, ,LHA DBANG BZHIN DU RNAM MDZES GANG, , DE NI BSOD NAMS 'BRAS BU YIN, ,MA LUS PA YI MI RNAMS DANG, ,RIN CHEN BDUN SOGS PHUN TSOGS PA'I, ,'KHOR LOS SGYUR LA SPYOD PA GANG, ,DE NI BSOD NAMS 'BRAS BU YIN, ,PHUN TSOGS SUM CU RTZA DBANG 'DRA, ,THOB NAS GANG ZHIG SPYOD PA DANG, ,THAGS ZANGS RIS SOGS LHA MIN RNAMS, ,DE NI BSOD NAMS 'BRAS BU YIN, ,'JIG RTEN SKYONG BA BZHI RNAMS KYIS, ,NOR GYIS GZHI YI 'BYOR PA LA, ,DGA' BAS SNA TSOGS LONGS SPYOD GANG, ,DE NI BSOD NAMS 'BRAS BU YIN, ,DGA' BA'I TSAL LA SOGS PA NI, ,LHA MO RNAMS DANG LDAN CIG TU, ,'BYOR LDAN LHA RNAMS SPYOD PA GANG, ,DE NI BSOD NAMS 'BRAS BU YIN, ,SNA TSOGS LHA YI RGYAL SRID SOGS, ,PHUN SUM TSOGS LA LHA DBANG NI, ,RTAG TU DGA' BAS SPYOD PA GANG, ,DE NI BSOD NAMS 'BRAS BU YIN, ,GZHAL YAS KHANG GNAS LHA RNAMS NI, , JI LTAR MNGON 'DOD LHA RNAMS KYIS, ,LONGS SPYOD LA NI LONGS SPYOD GANG, ,DE NI BSOD NAMS 'BRAS BU YIN, ,GANG SU GNAS NI BCU PO YI, ,TSE DANG MDOG LA SOGS PA YIS, ,LHA RNAMS LAS KYANG LHAG PA'I LHA, ,DE NI BSOD NAMS 'BRAS BU YIN, ,'DOD KHAMS MCHOG @203A *, ,GYUR SNA TSOGS PA'I, ,LHA YI LONGS SPYOD PHUN SUM TSOGS, ,'DOD KHAMS DBANG PHYUG LA SPYOD GANG, ,DE NI BSOD NAMS 'BRAS BU YIN, ,LHA RNAMS DANG NI MI RNAMS SU, ,JI LTAR DGA' BA'I 'DOD PA NI, ,'BAD PA MED PA THOB GYUR GANG, ,DE NI BSOD NAMS 'BRAS BU YIN, ,GANG YANG TSANGS PA LHA SOGS LHA, ,BSAM GTAN SA PA BSAM GTAN GYI, ,BDE BA'I DAM PA THOB GYUR PA, ,DE NI BSOD NAMS 'BRAS BU YIN, ,BSAM GTAN BSAM GTAN LAS BYUNG DANG, ,SRED PA ZAD PA'I BDE BA GANG, ,ZHI BA'I BDE BA THOB GYUR PA, ,DE NI BSOD NAMS 'BRAS BU YIN, ,RDZOGS SANGS RGYAS DANG NYAN THOS GANG, ,YON TAN MCHOG DANG LDAN GYUR CING, ,RDZU 'PHRUL CHE ZHING BDAG NYID CHE, ,DE NI BSOD NAMS 'BRAS BU YIN, ,GANG YANG BSKAL PA BRGYA 'DAS NAS, ,RANG SANGS RGYAS KYI BYANG CHUB NI, ,BDAG NYID CHE BA THOB GYUR PA, , DE NI BSOD NAMS 'BRAS BU YIN, ,TSAD MED PA DANG DPE MED PA'I, ,YON TAN GYIS NI LEGS BRGYAN PA'I, ,RDZOGS SANGS RGYAS SU GYUR PA GANG, ,DE NI BSOD NAMS 'BRAS BU YIN, ,GZUGS DANG LANG TSO BSNGAGS PAR 'OS, ,SKYES BU RIGS KYI RGYUN GYUR DANG, ,RANG DANG RJES MTHUN YID 'PHROG PA'I, ,BUD MED BSOD NAMS BDAG GIS 'THOB, ,BSOD NAMS KYIS NI MTHO RIS 'THOB, ,LHA YI BU MO'ANG BSOD NAMS KYIS, ,'DOD PA KUN YANG YANG DAG 'BYOR, ,MNGON 'DOD BSOD NAMS RNAMS KYANG 'THOB, ,BSOD NAMS KYIS NI BLO RNO DANG, ,DE BZHIN BLO GROS DRI MED 'THOB, ,BSOD NAMS KYIS NI GNAS LA DAD, ,BSOD NAMS KYIS NI DRANG GSAL 'THOB, ,SDUG PA NYID DANG SGRA MKHAS DANG, ,DBYANGS SNYAN GRAGS LDAN BSOD NAMS KYIS, ,DGE BA'I BSHES GNYEN 'BYOR PA RNAMS, ,THAMS CAD BSOD NAMS DAG GIS 'THOB, ,BSOD NAMS KYIS NI MI 'THOB PA'I, ,BDE BA 'JIG RTEN DAG NA MED, ,DE BAS BDE BA 'DOD RNAMS KYIS, ,RTAG TU BSOD NAMS BSAGS PAR BYA, ,DE BZHIN GSHEGS PA RNAM GZIGS LA, ,BSOD NAMS NYUNG ZAD NGAS BYAS PAS, ,'BRAS BU SHIN TU RGYA CHE BA, , @203B JI LTAR MNGON PAR 'DOD PA 'THOB, ,'DOD KHAMS LHA TSOGS DRUG PO RU, ,RGYAL SRID DBANG PHYUG BDAG PO NI, ,SKYE BA STONG PHRAG BYE BA RU, ,NGA YIS BDE LO YANG DAG SPYAD, ,DPAG MED 'GRAN ZLA MED PA DANG, ,DE BZHIN MI YI DAM PA YI, ,'KHOR LO BSGYUR CHOGS GYUR PA YI, ,NGA YIS LONGS SPYOD PHUN TSOGS SPYAD, ,BSOD NAMS DE YI BDAG NYID CHE, ,NGA NI GANG DANG GAR SKYES PA, ,DE DANG DER NI MTHU CHE BA'I, ,BDE DANG BDAG NI LDAN PAR GYUR, ,GZUGS LDAN THOS PA PHUN SUM TSOGS, ,KHA NAS AUTPA LA DRI BYUNG ZHING, ,SDUG CING TSIG NI GZUNG 'OS DANG, ,SHIN TU YID 'ONG DBYANGS SNYAN LDAN, ,DA LTA 'ANG BSOD NAMS DE NYID KYIS, ,NGA YI GZUGS SOGS YON TAN NI, ,PHUN SUM TSOGS SHING YID 'ONG BA, ,MNGON PAR 'DOD PA 'DI LA LTOS, ,NOR RDZAS LONGS SPYOD CHE BA YI, ,RGYAL CHEN RIGS SU SKYES PA DANG, ,'DZAM BU'I CHU BO'I GSER 'DRA BA'I, ,GOS KYIS LUS LA BKAB BA YIN, ,NGA'I LUS YAN LAG THAMS CAD LAS, ,TZAN DAN LTA BU'I DRI BYUNG ZHING, ,KHA NAS AUTPAL SNGON PO YI, ,DRI NYID 'BYUNG BAR GYUR PA YIN, ,GOS DANG RIN CHEN LA SOGS PA'I, ,PHUN TSOGS GANG ZHIG MNGON 'DOD NA, ,DE YANG BSAMS PA TZAM GYIS NI, ,THAMS CAD NGA NI 'BYOR PAR GYUR, ,SH'AKYA SENG GE'I BSTAN PA LAS, ,RAB TU BYUNG BA NGAS RNYED NAS, ,DGRA BCOM NYID NI NGAS THOB STE, ,NGA NI BSIL GYUR MYA NGAN 'DAS, ,'DI NGA'I SKYE BA THA MA STE, ,YANG SRID BDAG LA YOD MA YIN, ,GNAS MED MYA NGAN 'DAS NAS NI, ,SLAR YANG NGA NI 'ONG MI 'GYUR, ,RNAM SMIN 'BRAS BU RGYA CHE BA'I, ,LAS GANG BSGRUB PAR GYUR PA NI, ,DA LTAR 'DI LTAR YOD ZIN KYANG, ,DE YI MTHAR THUG MA GTOGS SO, ,DE LTAR DE LAS RMAD DU BYUNG BA DANG, DPAG TU MED PA DANG, BSAM GYIS MI KHYAB PA'I BSOD NAMS KYI CHE BA'I BDAG NYID THOB PAS SROG CHAGS BRGYA STONG BYE BA DPAG TU MED PA MCHOG TU DAD PAS BRLAN PA'I SEMS KYI RGYUD DANG, BCOM LDAN 'DAS KYI BSTAN PA LA BSNYEN BKUR BYA BA LA RGYAB KYIS PHYOGS PA RNAMS KYANG SBYIN PA NI @204A *, ,GTONG BSOD NAMS DAG NI BYED CING SMON LAM 'DEBS PAR GYUR TO, ,DE NAS TSE DANG LDAN PA GSER MDOG GIS SKYE BO'I TSOGS MANG PO DE LTAR RNAM PA DU MAR BSOD NAMS LA GUS PA BSKYED PAR BYA BA'I PHYIR BSOD NAMS KYI BDAG NYID CHE BA RAB TU BSHAD NAS, STENG GI NAM MKHA' DE NYID NAS RDZU 'PHRUL GYIS DUR KHROD CHEN POR SONG STE, GNAS BRTAN KUN DGA' BO LA SOGS PA DGE SLONG GI DGE 'DUN LA RIM BZHIN DU PHYAG BYAS NAS PHYOGS GCIG TU 'DUG GO, ,DE NAS RGYAL PO MA SKYES DGRAS BLON PO RAB GTUM PHRAG DOG GI RANG BZHIN CAN GYIS BU MO KA SHI MDZES DGA' MO SDUG BSNGAL 'DI DANG 'DI BYAS LA GZHON NU GSER MDOG LA SKUR PA BTAB STE, NYES PA MED PA NYID DU GSAD PA'I PHYIR YONGS SU SPANGS SO ZHES JI LTAR GRAGS PA THOS SO, ,THOS NAS KYANG SHIN TU KHROS PAS 'KHRUGS PA'I MIG GIS NANG 'KHOR RNAMS LA SMRAS PA, SHES LDAN DAG CI'I PHYIR 'DI LTA BU'I SKYES BU NGAN PA 'DIS LAS SU BYA BA'I THA SNYAD BYA, BLON PO RAB GTUM NI NGAS RNAM PA THAMS CAD DU SPANGS SO, ,BLON PO RAB GTUM YANG DE NYID DU 'DUS PAR GYUR TO, ,DE NAS BLON PO RAB GTUM GYIS RGYAL PO'I TSIG DE THOS PA DANG, 'CHI BAS 'JIGS SKRAG CING YI MUG LA RMONGS PA'I MIG GIS YAN LAG THAMS CAD RAB TU 'DAR BZHIN DU MYUR BAR LANGS TE RINGS PAR 'BROS PAR BRTZAMS PA DANG, DER SKYE BO'I TSOGS MANG PO'I NANG DU ZHUGS TE GNAS PAS DE'I PHYI NAS SROG CHAGS BRGYA STONG DU MA ZHIG GIS BDAS TE; SKYE BO'I TSOGS MANG POS KUN NAS BSKOR NAS GZUNG NGO, ,BZUNG NAS KYANG THAL LCAG DANG RDOG PA LA SOGS PAS BSNUN PA LA ZHUGS TE, DE BRDEGS BZHIN DU SHIN TU SDUG BSNGAL DRAG PO'I SHUGS KYIS NYAM THAG CING CHO NGES 'DEBS PA LA ZHUGS TE, 'PHAGS PA KUN DGA' BO YONGS SU SKYOBS SHIG ,BDAG NI MGON MED PA, SKYOB PA MED PA, SKYABS MED PA, SNANG BA MED PA LAGS KYI SDUG PA'I SROG GIS BSKYAB TU GSOL, GNAS BRTAN KUN DGA' BOS KYANG SKYE BO'I TSOGS MANG PO LA SMRAS PA, SHES LDAN DAG KHYED RNAMS @204B KYIS 'DI MA BSAD CIG ,NGAS RGYAL PO MA SKYES DGRA LA SHES PAR BYA'O, ,DE NAS SKYE BO MANG PO'I TSOGS DE RNAMS KYIS GNAS BRTAN KUN DGA' BO'I TSIG THOS NAS DE BTANG NGO, ,GNAS BRTAN KUN DGA' BOS KYANG RGYAL PO LA GZIGS PA DANG, RGYAL POS GSOL PA, CI ZHIG GSUNG, GNAS BRTAN KUN DGA' BOS SMRAS PA, RGYAL PO CHEN PO 'DI THONG SHIG ,RGYAL BOS GSOL PA, NGAM ZHIG BCAS LA GTANG BAR BGYI STE, GAL TE LEGS PAR GSUNGS PA'I CHOS 'DUL BA LA RAB TU BYUNG NAS JI SRID 'TSO'I BAR DU GNAS BRTAN GYI BSNYEN BKUR BGYID NA GTANG BAR BGYI'O, ,GNAS BRTAN KUN DGA' BOS SMRAS PA, DE BZHIN DU BYA'O, ,DE YANG SKYE BO'I TSOGS DE RNAMS KYIS BRTZE BA MED PAR BRDEGS PAR SDUG BSNGAL DRAG PO'I TSOR BAS BCOM NAS BRGYAL TE 'DUG PA DANG, GNAS BRTAN KUN DGA' BOS TSE DANG LDAN PA GSER MDOG LA GSUNGS PA, BDEN PA'I BYIN GYI RLABS KYIS BLON PO RAB GTUM GYI LUS LA SDUG BSNGAL GYI TSOR BA RAB TU SOL CIG ,DE NAS TSE DANG LDAN PA GSER MDOG SEMS CAN THAMS CAD LA PHAN PA'I LHAG PA'I BSAM PAS RAB TU ZHUGS PA'I SEMS DANG, BDEN PA'I BYIN GYI RLABS BYED PA LA ZHUGS TE, BDEN PA DANG BDEN PA'I TSIG GANG GIS BLON PO RAB GTUM 'DI LTAR SHIN TU GNOD PA BYED PA YIN YANG BDAG GIS THA NA KHONG KHRO BA PHRAN TSEGS KYANG MA BSKYED PA'I BDEN PA DANG BDEN PA'I TSIG DES 'DI'I LUS LA SDUG BSNGAL GYI TSOR BA MED DE SLAR SOS PAR GYUR CIG ,BDEN PA'I BYIN GYI BRLABS BYAS PA'I MOD KHON LA BLON PO RAB GTUM GYI LUS SDUG BSNGAL GYI TSOR BA DANG BRAL TE, LUS BDE BAR GYUR NAS LANGS TE, BCOM LDAN 'DAS KYI BSTAN PA LA SHIN TU DAD PAR GYUR NAS GNAS BRTAN KUN DGA' BO'I GAN DU SONG STE, ZHABS GNYIS LA PHYAG BYAS NAS SMRAS PA, GNAS BRTAN KUN DGA' BO BDAG NI LEGS PAR GSUNGS PA'I CHOS 'DUL BA LA RAB TU BYUNG STE BSNYEN PAR RDZOGS SHING DGE SLONG GI DNGOS PO THOB PAR BGYIS LA, BDAG GNAS BRTAN KUN DGA' BO'I THAD DU TSANGS PAR SPYOD PA SPYAD PAR BGYI @205A *, ,BAR 'TSAL LO, ,DE NAS GNAS BRTAN KUN DGA' BOS KYANG RAB TU PHYUNG STE, JI LTAR DES SKAD CIG MA DE NYID LA NYON MONGS PA THAMS CAD SPANGS NAS DGRA BCOM PA NYID THOB PA DE LTAR RJES SU BSTAN PA MDZAD PA DANG, DES KYANG DGRA BCOM PA NYID THOB PA DANG, DE NAM MKHA'I DKYIL DU 'PHAGS TE, CHO 'PHRUL RNAM PA SNA TSOGS PAS SKYE BO'I TSOGS MANG PO YID TSIM BAR BYAS NAS NAM MKHA'I DKYIL NAS BABS TE, GNAS BRTAN KUN DGA' BO LA SOGS PA DGE SLONG GI DGE 'DUN RNAMS LA RIM BZHIN DU PHYAG BYAS NAS PHYOGS GCIG TU 'DUG GO, ,DE NAS RMAD DU BYUNG BA DE DANG, GNAS BRTAN KUN DGA' BO'I BDAG NYID CHE BA MTHONG NAS 'KHOR DE RNAMS GNAS BRTAN KUN DGA' BO LA RAB TU DAD PAR GYUR TO, ,DE NAS 'KHOR DE RNAMS DE LTAR MNGON PAR DAD PA LA GZIGS NAS GNAS BRTAN KUN DGA' BOS GANG ZHIG THOS PAS SROG CHAGS BRGYA STONG DPAG TU MED PA RNAMS KYIS KHYAD BAR CHEN PO THOB PAR GYUR PA DE LTAR CHOS BSTAN PAR MDZAD DE, LA LA NI RGYUN DU ZHUGS PA'I 'BRAS BU THOB PA NAS, DGRA BCOM PA NYID MNGON DU BYAS PA'I BAR DANG, LA LA NI NYAN THOS KYI BYANG CHUB TU SEMS BSKYED PA NAS LA LA NI SANGS RGYAS LA GZHOL BA DANG, CHOS LA 'BAB PA DANG, DGE 'DUN LA BAB PA'I BAR LA RNAM PAR BKOD DO, ,DED DPON NYI MA CHUNG MA DANG BCAS PAS KYANG BDEN PA MTHONG BAR GYUR TO, ,DE NAS LHA BRGYA STONG DPAG TU MED PA RAB TU DANG BA'I YID DANG LDAN PA RNAMS KYIS LHA'I GOS KYI CHAR PHAB CING LHA'I ROL MO RNAMS KYANG BRDUNGS PAR GYUR PA DANG, LHA'I ME TOG AUTPAL DANG, PADMA DANG, KU MU TA DANG, PUndA R'I KA DANG, MAN D'A RAB LA SOGS PA ME TOG PUS MO NUB PA TZAM RNAM PA SNA TSOGS PAS DUR KHROD CHEN PO DER CHAL PAR BKRAM MO, ,DE NAS RGYAL PO MA SKYES DGRAS LHA DANG MI RNAMS SHIN TU 'DUN PAR BYED PA'I CHO 'PHRUL RMAD DU BYUNG BA DE MTHONG BA DANG, MCHOG TU DAD PAS SEMS KYI RGYUD DGA' BAR GYUR NAS CHED DU BRJOD PA CHED DU BRJOD DE, AE MA'O NGO MTSAR CHE BA, AE MA'O RMAD DU BYUNG BA, AE MA'O 'PHAGS PA KUN DGA' @205B PO RANG GI YON TAN GYI BDAG NYID CHEN PO RAB TU BSTAN TE, AE MA'O DE BZHIN GSHEGS PA'I BSTAN PA'I BDAG NYID CHE BA GSAL BAR MDZAD PA, AE MA'O GANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN ZHING GZIGS PA DE DANG, GNAS BRTAN 'OD SRUNGS CHEN POS 'DI LA BSTAN PA RNAM PAR GTAD PA DE NI 'BRAS BU YOD PAR MDZAD DO, ,AE MA'O DE BZHIN GSHEGS PA'I NYI MA NUB PAR GYUR NAS 'PHAGS PA KUN DGA' BO'I NYI MA RANG GI YON TAN GYI 'OD ZER GYI DRA BAS PHYOGS THAMS CAD DU KHYAB PAR MDZAD DO, ,AE MA'O DE BZHIN GSHEGS PA'I ZLA BA MI RTOG PA'I LHA MA YIN GYI DBANG PO SGRA GCAN GYIS ZIN NAS, ,'PHAGS PA KUN DGA' BO'I ZLA BAS RANG GI BLA GOS KYI 'OD ZER RNAM PAR BKYE BAS GDUL BYA'I KU MU TA'I NAGS RAB TU RGYAS PAR MDZAD DO, , AE MA'O DE BZHIN GSHEGS PA DANG BRAL BA'I SDUG BSNGAL TSA BA RTZUB PA'I NYI MA'I 'OD ZER GYIS KUN DU GDUNGS PA GNAS BRTAN KUN DGA' BO'I SPRIN CHEN POS RANG GI BDUD RTZI'I CHAR GYIS 'JIG RTEN RNAMS TSIM PAR MDZAD DO, ,AE MA'O DE BZHIN GSHEGS PA'I THUGS LA DGONGS PA YANG DAG PAR RDZOGS PAR MDZAD DO, ,AE MA'O DE BZHIN GSHEGS PA'I BSTAN PA'I GRUB PA NYID BSTAN PA MDZAD DO, ,AE MA'O DE BZHIN GSHEGS PA'I BSTAN PA GCES PAR 'DZIN PA NYID GSAL BAR MDZAD DO, ,AE MA'O NYAN THOS KYI MCHOG NYID 'BRAS BU YOD PAR MDZAD DO, ,SHIN TU RMAD DU BYUNG BA 'DI DANG RANG GI YON TAN GYI CHE BA'I STOBS DANG, MTHA' YAS PA'I SEMS CAN RNAMS RDZOGS PAR MDZAD PAS THAMS CAD MKHYEN PA'I YON TAN GYI BDAG NYID CHE BA RAB TU MDZAD DO, ,AE MA'O BDAG NYID CHEN PO 'DIS BCOM LDAN 'DAS THUGS RJE CHEN PO DANG LDAN PA DE'I BKA' DRIN LA LAN GLAN PA'I BLO GROS STON PAR MDZAD PA YIN NO, ,DE NAS RGYAL PO DE GNAS BRTAN KUN DGA' BO LA RAB TU DAD PA'I SHUGS KYI BSDAS PA'I SEMS KYI RGYUD KYI, GNAS BRTAN KUN DGA' BO'I GAN DU SONG STE, LUS THAMS CAD KYIS GNAS @206A *, ,BRTAN KUN DGA' BO'I ZHABS GNYIS LA PHYAG BYAS TE, LANGS NAS PUS MO GNYIS LA BTZUGS TE, RAB TU DAD PAS BA SPU LANGS PAR RTZUB PAR BYAS PA'I LUS DANG LAG PA THAL MO SBYAR TE GNAS BRTAN KUN DGA' BO LA MNGON PAR BSTOD PAR RTZOM PA, SKYES BU'I MCHOG LA PHYAG 'TSAL LO, ,THOS PA'I RGYA MTSO PHYAG 'TSAL LO, ,RGYAL BA'I BSTAN PA GCES 'DZIN PA, ,RMAD BYUNG BSAM YAS PHYAG 'TSAL LO, ,AE MA'O SANGS RGYAS BSTAN PA YI, ,BDAG NYID CHE BA YANG DAG BSTAN, ,RMAD BYUNG BSAM GYIS MI KHYAB PA'I, ,'GRO LA PHAN DE KHYOD KYIS MDZAD, ,GANG DE BCOM LDAN 'DAS DANG NI, ,'PHAGS PA 'OD SRUNGS BLO LDAN PAS, ,KHYOD LA BSTAN PA RNAMS GTAD PA, ,DENG DE 'BRAS BU BCAS PAR MDZAD, ,RMAD BYUNG BSAM GYIS MI KHYAB PA'I, ,'GRO BA'I DON CHEN MDZAD PA 'DI, ,KUN MKHYEN YON TAN BDAG NYID CHE, ,DE RING KHYED LA GZUGS BRNYAN GYUR, ,GAL TE RDZOGS PA'I SANGS RGYAS NI, ,DE LTAR 'GRO DON MDZAD GYUR KYANG, ,'DI NI KUN MKHYEN THAMS CAD GZIGS, ,THUGS RJE LDAN BAS MTSAR MI CHE, ,KHYED NI NYAN THOS NYID 'GYUR ZHING, ,THUGS RJE CHE LDAN DE BZHIN DU, ,SEMS CAN DON CHEN GANG MDZAD PA, ,'DI NI SHIN TU NGO MTSAR CHE, ,AE MA'O 'DI LTAR BAG MED PA, ,MA GA DH'A YI SKYE BO 'DIS, ,KHYED 'DRA PHAN LA BRTZON MDZAD PA, ,RNYED PA LEGS PAR RNYED PA YIN, ,DE BZHIN GSHEGS PA'I GNAS 'DI NI, ,BSTAN PA KHYED LA GTAD GYUR PA, ,GANG GIS DER NI BDE GSHEGS BZHIN, ,RMAD BYUNG SHIN TU CHEN PO MDZAD, ,DE NAS GNAS BRTAN KUN DGA' BO'I YON TAN GYI BDAG NYID CHEN PO'I NGO MCHAR GYIS YANG DAG PAR RDZOGS PA'I SANGS RGYAS RJES SU DRAN NAS RTAG TU PHYAG 'TSAL BA, RDZOGS PA'I SANGS RGYAS RKANG GNYIS MCHOG ,GANG KHYED NYAN THOS 'DI LTA BUR, ,RTAG TU 'GRO LA PHAN BRTZON PA, ,DPA' BO CHEN PO PHYAG 'TSAL BSTOD, ,DE BZHIN GSHEGS PA'I BDAG NYID CHE, ,MTHONG BA NYID DU YANG DAG BSTAN, ,JI LTAR 'GRO TSOGS 'DI KHYED KYIS, ,STONG PA MIN PA SNYAM DU SEMS, ,DE @206B NAS RGYAL POS GNAS BRTAN KUN DGA' BO LA ZHUS PA, GNAS BRTAN DED DPON NYI MA CHUNG MA DANG BCAS PAS SUG LAS CI ZHIG BGYIS NA LAS DE'I RNAM PAR SMIN PAS PHYUG BA DANG, NOR CHE BA DANG, LONGS SPYOD CHE BAR GYUR PA DANG, BCOM LDAN 'DAS KYI BSTAN PA LA BDEN PA MTHONG BAR GYUR, DGE SLONG KA SHI MDZES DGA' BO DANG, DGE SLONG RAB GTUM GYIS LAS CI ZHIG BGYIS NA, LAS DE'I RNAM PAR SMIN PAS PHYUG PA DANG, NOR CHE BA DANG, LONGS SPYOD CHE BAR SKYES SHING BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS, DGE SLONG GSER MDOG GIS LAS CI ZHIG BGYIS NA LAS DE'I RNAM PAR SMIN PAS PHYUG CING NOR CHE BA DANG LONGS SPYOD CHE BA'I RIGS SU SKYES SHING 'DI LTAR GZUGS BZANG BA DANG, BLTA NA SDUG PA DANG, MDZES PA DANG, YAN LAG DANG, NYID LAG THAMS CAD DANG LDAN PA DANG, GSER BTZO MA'I MDOG GI KHA DOG SHIN TU RGYAS PA DANG, LDAN BA DANG, 'GRO BA THAMS CAD KYI YID DANG MIG 'PHROG PA DANG, GSER GYI MDOG CAN GYI GOS KYIS LUS DKRIS PA DANG, 'DI'I YAN LAG THAMS CAD NAS TZAN DAN GYI DRI 'BYUNG BA DANG 'DI'I KHA NAS AUTPA LA'I DRI 'BYUNG BA DANG, DE SKYES PA TZAM GYIS KHYIM DER GOS KYI CHAR DANG, ME TOG KAR NI KA RA'I CHAR 'BAB PAR GYUR CING GOS DE DAG KYANG GSER GYI MDOG CAN NYID DU GYUR PA DANG, 'DI LTAR SHIN TU RDZU 'PHRUL CHE ZHING MTHU CHE BA DANG, BCOM LDAN 'DAS KYI BSTAN PA LA RAB TU BYUNG NAS, NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, GNAS BRTAN KUN DGA' BOS GSUNGS PA, RGYAL PO CHEN PO 'DI RNAMS NYID KYIS SNGON GYI SKYE BA GZHAN DU LAS GANG ZHIG BYAS SHING BSAGS PAS, 'DI RNAMS NYID KYIS LAS BYAS SHING BSAGS PA DAG GZHAN SU ZHIG GIS SO SOR MYONG BAR 'GYUR, RGYAL PO CHEN PO LAS BYAS SHING BSAGS PA DAG NI SA'I KHAMS LA RNAM PAR SMIN PAR MI 'GYUR, CHU'I KHAMS LA MI 'GYUR, ME'I @207A *, ,KHAMS LA MI 'GYUR, RLUNG GI KHAMS LA MI 'GYUR GYI, 'DI LTAR LAS DGE BA DANG MI DGE BA BYAS SHING BSAGS BA DAG NI ZIN PA'I PHUNG PO DANG, KHAMS DANG SKYE MCHED RNAMS LA RNAM PAR SMIN PAR 'GYUR TE, LAS RNAMS BSKAL PA BRGYAR YANG NI, ,CHUD MI ZA ZHING TSOGS DANG DUS, ,RNYED NAS LUS CAN RNAMS LA NI, ,'BRAS BU DAG TU 'GYUR BA NYID, ,RGYAL PO CHEN PO SNGON BYUNG BA 'DAS PA'I DUS BSKAL PA DGU BCU RTZA GCIG NA, BCOM LDAN 'DAS RNAM PAR GZIGS ZHES BYA BA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS 'JIG RTEN DU BYUNG STE, DE MNYAN LDAN ZHES BYA BA'I RGYAL PO'I PHO BRANG NAS BYUNG STE, MNYAN LDAN GYI TSAL ZHES BYA BA NA BZHUGS SO, ,YANG DE'I TSE DE'I DUS NA RGYAL PO'I PHO BRANG MNYEN LDAN NA RNA CAN ZHES BYA BA'I DED DPON PHYUG PA, NOR MANG BA, LONGS SPYOD CHE BA, YONGS SU BA ZUNG BA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA RGYAL PO'I PHO BRANG MNYEN LDAN NA SKYES BU'I MCHOG TU GYUR PA ZHIG GNAS PA DANG, DER RIGS MNYAM PA LAS CHUNG MA BLANGS TE, DE DE DANG LHAN CIG RTZE PAR BYED DGA' BAR BYED DGA' MGUR SPYOD PAR BYED DO, ,DE LTAR RTZE ZHING DAG LA DGA' MGUR SPYOD PAS CHUNG MA SEMS CAN DANG LDAN PAR GYUR PA NAS, JI SRID DED DPON RNA CAN TSONG BA LNGA BRGYAS BSKOR TE, RGYA MTSO CHEN POR ZHUGS KYI BAR DU SBYAR RO, ,DE YANG MNGAL DU JI LTAR SKYE BAR GYUR PA DE LTAR DED DPON RNA CAN GYI TSONG SAR GTOGS PA DANG, ZHING DU GTOGS PA DANG, YUL GZHAN DU GTOGS PA'I NOR GYI RIGS LAS DER LA LA NI MES TSIG ,LA LA NI RKUN MAS KHYER, LA LA NI MI RNAMS KYIS KHYER TE BROS PAR GYUR TO, ,JI TZAM NA DED DPON RNA CAN GYI CHUNG MA ZLA BA TSANG PA DANG BU SKYES PAR GYUR TE, PAGS PA NAG PO, SHIN TU GZUGS @207B MI SDUG PA, MI SDUG PA'I MTSAN MA BCO BRGYAD GYIS LUS SMAD PAR BYAS PA, DE'I KHA DANG DE'I LUS LAS GANG ZHIG BSNAMS NA KHYIM NA GNAS PA'I 'KHOR SHIN TU YANG GDONG RGYAB KYIS PHYOGS PAR GYUR PA DE LTA BU'I SHIN TU DRI MI ZHIM PAR GYUR TO, ,KHYE'U DE SKYES PA TZAM GYIS GANG GI KHYIM DER RDZAS MA LUS PAR TSIG PAR GYUR PA DE LTA BU'I ME BYUNG BA DANG, DED DPON GYI CHUNG MA NYAM THAG PAS KHYE'U DE THOGS TE KHYIM DE LAS BYUNG NGO, ,GANG GI TSE YANG ME DES KHYIM DE DANG RDZAS MA LUS PAR BSREGS NAS RANG NYID ZHI BAR GYUR PA DE'I TSE DED DPON GYI CHUNG MA GNAS NGAN PA PHYED TSIG PA'I ZHIG RAL CAN ZHIG TU ZHUGS NAS GOS PHYED SA LA BTING STE BYIS PA BSNYAL NAS TSA BA'I DBUGS RING PO PHYUNG STE, DED DPON RJES SU DRAN ZHING DU BA LA ZHUGS SO, ,KYI HUD 'DI LTA BU'I PHYIN CI LOG KUN DU GNAS PA NI SDUG BSNGAL LO, ,DED DPON RNA CAN GYI BRAN PHO DANG, BRAN MO DANG, LAS BYED PA'I SKYES BU RNAMS KYIS RGUD PA GANG YIN PA DE MTHONG BA DANG, YU BU CAG KUN KYANG BRLAG PAR 'GYUR GYI, 'DENG ZHES SMRAS TE, SKRAG PAS DED DPON GYI CHUNG MA SPANGS NAS THAMS CAD BROS PAR GYUR TO, ,DER MNGAG GZHUG PA'I BU MO GCIG GIS BSAMS PA, NGAS NI DED DPON RNA CAN GYI KHYIM PHUN SUM TSOGS PA DU MA LA KUN DU LONGS SPYAD NAS, DA DED DPON GYI CHUNG MA GNAS SKABS 'DI LTA BUR GYUR PA NA GCIG PU SPANGS NAS 'BROS PA GANG YIN PA NI BDAG GI TSUL DANG MTHUN PA MA YIN NO SNYAM NAS, DE GCIG PU DED DPON RNA CAN GYI CHUNG MA'I GAN NA 'DUG GO, ,DED DPON GYI CHUNG MA DE'I NOR THAMS CAD MES BSREGS PAS NYI MA GCIG GI BZA' BA YANG MED PAR GYUR TO, ,DE NAS BU MO MNGAG GZHUG DE DED DPON RNA CAN GYI MDZA' BO DANG 'BREL PA DANG, GNYEN RNAMS GANG YIN PA DE RNAMS KYI GAN DU SONG STE SMRAS PA, BZHIN BZANGS DAG DED DPON RNA CAN GYI CHUNG MA GNAS SKABS 'DI LTA BU LA GNAS NA DE GSO ZHING BSKYAR BAR MDZOD CIG DANG ZHES SMRAS PA DANG, DE NAS DE RNAMS DE GSO ZHING BSKYANG BA LA ZHUGS PA DE NYID KYI TSE DE RNAMS KYI RIGS LA YANG SDUG BSNGAL @208A *, ,BRGYA PHRAG BYUNG BAR GYUR BA DANG, DE RNAMS KYIS BSAMS PA DED DPON RNA CAN GYI BU 'DI SHIN TU BKRA MI SHIS PA ZHIG STE, 'DI'I BSOD NAMS MA YIN PA'I STOBS KYIS DED DPON RNA CAN GYI KHYIM GYI 'BYOR BA SHIN TU RGYA CHE BA RNAM PAR 'JIG PAR 'GYUR LA, DE GAL TE YU BU CAG RNAMS KYIS GSOS SHING BSKYAB NA YU BU CAG RNAMS KYI KHYIM DU YANG 'DI LTA BU'I GNAS SKABS 'BYUNG BAR 'GYUR GYI, 'DI LTAR YANG RNAM PA THAMS CAD DU MING TZAM YANG GZUNG BAR RIGS PA MA YIN NO SNYAM NAS, BU MO MDAG GZHUG PA DE LA SMRAS PA, KHYED PHYIN NAS KYANG NGED KYI KHYIM DU 'JUG PAR YANG MA BYED CIG ,BU MO DE LTAR BAR BCAD PA DANG BSAMS PA, DA NI DED DPON GYI CHUNG MA RNAM PA THAMS CAD NAS THAMS CAD DU SMRA BA MED PAR GYUR NA DE JI LTAR BSGRUB PAR BYA, GZHAN DU NA NGAN NI KHUR 'DI BLANGS PA YIN GYI, SHIN TU 'BAD PA NYID KYIS DA BDAG GIS DED DPON GYI CHUNG MA BSKYANG PAR BYA'O SNYAM MO, ,DE NAS GZHAN GYI KHYIM DU SONG NAS GLA BA'I LAS BYED PA LA ZHUGS NAS DER GLA GANG DAG RNYED PA DES DED DPON GYI CHUNG MA BDAG NYID DANG, KHYE'U GSO BA LA ZHUGS SO, ,KHYE'U DE NI SHIN TU YANG MI SDUG PAS MI SDUG PA ZHES MING BTAGS SO, ,BU MO MNGAG GZHUG MO DE YANG LAS KYI DPANG GIS NYI MA RE RE ZHING GLA'I RNYED PA THOB PAR GYUR TO, ,DE NAS DE SROG CHAGS GSUM PO SHIN TU NYAM NGA BAS GSO BAR RTZOM PA DANG, DED DPON GYI CHUNG MAS BSAMS PA, NGA NI BRAN PHO DANG, BRAN MO DANG, LAS BYED PA'I MI DANG, MDZA' BSHES DANG, NYE DU RNAMS KYIS YONGS SU SPANGS NAS GANG BDAG CUNG ZAD 'TSO BA 'DI NI BU MO MNGAG GZHUG MA 'DI'I YON TAN YIN PAS 'DI NI NGA'I MA DANG 'DRA BAR BRTZE PA YIN MOD KYI, DE DUS JI SRID GCIG TU GCIG PUS LAS BYED MI NUS TE YONGS SU SKYO BAR 'GYUR LA, GLA JI TZAM RNYED PA DES KYANG 'TSO BA MI NUS KYIS, DES NA NGAS KYANG RANG GI NYES PA NYAMS SU MYONG BAR BYA ZHING GLA MI'I LAS BYA'O ZHES RNAM PAR BSAMS NAS, BU MO MNGAG GZHUG MA DE DANG LHAN CIG GZHAN GYI KHYIM DU ZHUGS TE GLA MI'I LAS BYED PAR BRTZAMS PA DANG, DE SHIN TU YANG GZHON SHA @208B CAN YIN PAS BKRES PA LA SOGS PA'I SDUG BSNGAL GYIS YONGS SU GZIR ZHING LAS PA NA YANG DANG YANG DU BRGYAL BAR GYUR TO, ,DE NAS YONGS SU SKYO BAS DBUGS TSA BA RING PO BYUNG NAS DED DPON RNA CAN RJES SU DRAN ZHING DU BA LA ZHUGS TE, KYI TUD 'DI LTA BU'I PHYIN CI LOG KUN DU GNAS PA NI SDUG BSNGAL LO, ,GANG GRONG KHYER MA LUS PA'I MCHOG DU GYUR CING, DPAL GYI PHUN SUM TSOGS PA NYAMS SU MYONG NAS KYANG TSE 'DI LA GRONG KHYER THAMS CAD KYI MCHOG TU GYUR NAS, DA LTAR GZHAN GYI KHYIM DU GLA MI'I LAS BYED PA'I SDUG BSNGAL DANG YID MI BDE BA RJES SU MYONG BAR GYUR TO, ,DE DE LTAR SDUG BSNGAL GYIS YONGS SU GZIR ZHING DU BA LA BLTAS NAS BU MO MNGAG GZHUG MA DE CHO NGES 'DEBS PA LA ZHUGS TE, KYI HUD TSE 'DI NYID LA DED DPON RNA CAN GYI CHUNG MA RAS KA SHI PA LA SOGS PA GOS SNA TSOGS GYON PA DANG, LUS LA DRI ZHIM PA'I ME TOG GI PHRENG BA DU MAS BRGYAN PA DANG, KHUR BA LA RDZAS DRI ZHIM PO DU MA SBYAR BA'I DRI ZHIM POS BSGOS PA DANG, LHA'I BU MO BZHIN DU DGA' BA'I TSAL GYI SKYED MOS TSAL DU SONG NAS BRAN PO DANG, BRAN MO DANG, LAS BYED PA'I MI DANG, MDZA' BSHES DANG, NYE DU RNAMS DANG, ZAS DANG SKOM DANG, GOS DANG, RGYAN LA SOGS PA CI RIGS PAR 'GED PA YIN NA, DA NI TSE 'DI NYID DU SKRA SPAGS SHING LUS LA DRI MA'I TSOGS KYIS GOS PA DANG, BKRES PA LA SOGS PA'I SDUG BSNGAL GYIS LUS DANG, YAN LAG LA SOGS PA THAMS CAD YONGS SU SKAMS PA, RAS RNYINGS SHING DENGS LA SHIN TU DRI MA CAN GYI DUM BU RAS RNYING ZHIG BRGYA STONG GI GNAS SU GYUR PAS RKED PA'I PHYOGS BKAB PA, GRONG KHYER BA THAMS CAD KYI THA CHAD DU GYUR NAS GZHAN GYI KHYIM DU GLA MI'I LAS BYED PAS SDUG BSNGAL DANG, YID MI BDE BA CHEN PO NYAMS SU MYONG BAR 'GYUR RO, ,KYE MA'O SKAL BA'I PHYIR CI LOG ,KYE MA'O LONGS SPYOD RNAMS KYIS SHIN TU G-YO BA, KYE MA'O LAS RNAMS KYI RNAM PA SNA TSOGS PA YANG SMRAS PA, DAR GYI GOS SOGS RAB GYON ZHING, ,RGYAN RNAMS KUN GYIS RAB BRGYAN TE, ,SNGON CHAD LHA YI BU MO 'DRA, ,DA LTAR LAM PO CHEN 'KHYAMS, ,SKAL BA DE NYID ZAD GYUR PAS, ,LUS LA DRI MAS GOS GYUR @209A *, ,CING, ,RAS RNYING DRI NGA'I DUM BU GYON, ,DA LTA 'DI 'DRA GYUR PA YIN, ,SNGON NI LHA YI BU MO LTAR, ,SKYES PA'I MIG GI BDUD RTZIR GYUR, ,DA LTAR YI DAGS MO 'DRA BAR, ,MTHONG NAS DE NYID YID KYANG SKYO, ,SNGON NI NOR GYIS PHUN SUM TSOGS, ,GRONG KHYER PA YI MCHOG GYUR GANG, ,DE NI DA LTAR PHONGS PA BAS, ,SHIN TU PHONGS PA NYID DU 'GYUR, ,SNGON GYI PHUN TSOGS CHEN PO LA, ,DGA' BAS YONGS SU LONGS SPYOD PA, ,MYA NGAN SDUG BSNGAL LDAN PA YI, ,GNAS SKABS DE 'DIS THOB PAR GYUR, ,KYE MA'O 'KHOR BA'I BDAG NYID NGAN, ,KYE MA'O PHUN TSOGS MI RTAG NYID, ,GANG ZHIG DE LTAR BDER GYUR NYID, ,SDUG BSNGAL SNOD CAN NYID DU GYUR, ,DE NAS DED DPON GYI CHUNG MA MANG GA GZHUG PA'I BU MO DANG LHAN CIG TU RIM PA DE NYID KYIS GZHAN GYI KHYIM DU GLA MI'I LAS BYED PA LA ZHUGS PA NA GZHON NU GZUGS NGAN GYI BSOD NAMS KYI DBANG GIS NYIN RE ZHING GLA RNYED PA 'GRI BAS PAR GYUR TO, ,JI TZAM NA DUS GZHAN ZHIG GI TSE NYI MA MA NUB BAR DU NYIN MO LAS BYED DU BCUG KYANG CI YANG RNYED PAR MA GYUR PA NAS, JI SRID LAS KYANG SUS KYANG BYED DU MA BCUG PA DANG, JI TZAM NA DED DPON GYI CHUNG MA MNGAG GZHUG MA'I BU MO DE DANG LHAN CIG KUN DU SMRA BA RTZOM PA, YANG DA NI LAS KYANG BYED DU MA BCUG GIS RNAM PA THAMS CAD DU SLONG MO SPYAD PAR BYA'O ZHES BGROS TE, DE SLONG PHOR THOGS NAS SLONG MO SPYAD PA LA ZHUGS SO, ,GANG GI TSE GZHAN NU MI SDUG PA 'GRO NUS PA DE'I TSE DE LA MAS BU DA NI KHYOD RANG NYID SLONG MO SPYOD DU SONG LA LONGS SPYOD CIG CES SMRAS NAS, DES DE LA SLONG PHOR BYIN PA DANG, DE SLONG PHOR DE THOGS NAS TSONG 'DUS SU ZHUGS PA DANG, DE YANG PAGS PA'I MDOG SHIN TU GNAG PA, GZUGS SHIN TU MI SDUG PA, MTSAN MA NGAN PA BCO BRGYAD DANG LDAN PAS LUS SMAD PAR 'OS PA MTHONG BA DANG, 'JIG RTEN PA RNAMS SHIN TU YANG RGYAB KYIS PHYOGS PAR GYUR NAS THUR DU LTA ZHING 'GRO'O,, DE GANG GI KHYIM GYI SGOR SONG BA DER DE'I LUS LAS DRI SHIN TU MI ZHIM PA 'BYUNG BA DANG, MOD KHO NA LA SNA KHUNG GNYIS BKAG NAS SHING DANG RDO BA DANG GYO MO LA SOGS PAS BRDEGS TE 'DI NAS MYUR DU SONG SHIG CES GRONG KHYER GYI MI GTZANG PA 'DAM RDZAB 'GRO SHES PA LTA BUR LTA ZHING SKROD PAR BYED DO, @209B GANG DANG GANG DU SONG BA DE DANG DER SHING DANG RDO DANG GYO MO LA SOGS PA RNAMS KYIS BRDEGS NAS SKROD PAR BYED DO, ,DES SLONG MO GCIG KYANG RNYED PAR MA GYUR CING SHING DANG RDO DANG GYO MO LA SOGS PA RNAMS KYIS BRDEGS PAS SLONG PHOR YANG CHAG PAR GYUR NAS, SMRE SNGAGS 'DON BZHIN DU MA'I DRUNG DU PHYIN TE, SHIN TU YANG ZHUM PAR GYUR PAS CHO NGES 'DEBS PA LA ZHUGS SO, ,DE NAS DE MTHONG PA DANG BRANG BRDUNGS TE, SMRAS PA, KYI HUD BU KHYOD SDUG BSNGAL TE, ,SU LA'ANG GNOD PA MA BYAS PAR, ,SNYING RJE SPANGS PA GANG ZHIG GIS, ,'DI LTAR BRDEGS PAS KHYOD SDUG BSNGAL, ,DE NAS GZHON NU MI SDUG PAS SGRA DANG BCAS PAR RAB TU DUS TE SMRAS PA, GANG DANG GANG GI KHYIM SGOR NI, ,SLONG MO SPYAD PHYIR BDAG 'GRO BA, ,DE DANG DER NI GYO MO RDO, ,SHING LA SOGS PA BDAG LA RDEG ,DE THOS PA DANG DED DPON GYI CHUNG MAS GZHON NU MI SDUG PA'I MGUL NAS 'KHYUD DE, SGRA DANG BCAS PAS DUS TE SMRAS PA, NYES PA MED KYANG SHIN TU NI, ,GANG DAG GZHAN GYIS BRDEGS GYUR PAS, ,SKYE BA GZHAN DU BU KHYOD KYIS, ,SDIG PA MI BZANG BYAS PAR NGES, ,KYI HUD KHYOD NI SDUG BSNGAL LO, ,BDE BA KUN DANG RNAM BRAL BA, ,SHIN TU MI SDUG GYUR PA 'DI, ,DMAN PA CI TZAM MTHONG NA GO ,SEMS LDAN SNYING RJE CIS MI SKYE, ,KYI HUD BCOM ZHING NYAMS PA BDAG ,BU KHYOD KYI NI SLONG MO SNOD, ,BCOM PAS LUS KYANG BCOM YIN TE, ,SLONG MO TZAM GYIS 'TSO BA YIN, ,PHA DANG MA DANG BRAL BA DANG, ,KHYIM GYI RTEN NI MED GYUR LA, ,GANG GIS SNYING RJE SPANGS NAS NI, ,KHYOD KYI SLONG SNOD DE BCAG GYUR, ,RIGS RGYUD THAMS CAD NYAMS GYUR CING, ,BSHES DANG GNYEN GYIS RNAM SPANGS PAS, ,BLA MA MDZA' BO MGON GYUR NYID, ,SLONG SNOD SU YIS BCAG PAR GYUR, ,KYI HUD BU SDUG DMAN PA MTHONG NAS NI, ,KHYOD LA SU YIS DPAL TSUL BSTAN PAR GYUR, ,KYI HUD SNGON GYI RANG GI LAS KYIS NI, ,BU SDUG KHYOD NI GNOD PAS BCOM PAR GYUR, ,KYI HUD DMAN PA'I BU LA DPA' BA NI, ,GANG GI SNYING LA BRTZE BA MI SEMS PAS, ,RDO DANG SO PHAG RTZUB PA LTA BU YI, ,SEMS CAN GANG YIN DE RING KHYOD KYIS SMROS, ,KYI HUD SGO BRGYAS BCOM PA YI, ,SDUG BSNGAL GYIS GDUNGS SLONG MO RGYU, ,JI LTAR KHYOD LA GZHAN @210A *, ,RDEG PAR, ,'JIG RTEN YID NI SPRO BAR GYUR, ,BKRES DANG SKOM PAS YONGS DUB CING, ,PHUN TSOGS KUN GYIS RNAM SPANGS PA, ,NAD DANG SDUG BSNGAL RNAMS KYES GDUNGS, ,KHYED LA SU ZHIG BRDEG PAR BRTZON, ,NYAM THAG DMAN PA'I BZHIN GYIS NI, ,DU ZHING BKRES PAS RAB GZIR BA,, LKOG MA SKAM PA MTHONG NA DENG, ,KHYOD LA SU YIS BRTZE MA BYAS, ,DER NI NANG KYIS ZIL MNAN CING, ,SDUG BSNGAL LDAN PA BRTZE SPANGS TE, ,RIGS SNYEMS DREGS PAS DKRUGS PA NI, ,GANG GIS BU KHYOD JI LTAR RDEGS, ,KYI HUD GANG GIS KHYED BKRES GZIR, ,SLONG MOS NYES BSAGS GYUR PA YIS, , BZA' BA CHUNG DU DE YANG DENG, ,KHYI DANG WA YANG SPYOD PAR BYED, ,KYI HUD BU SDUG BSNGAL NGAN PA, ,DVA GO DA NI JI LTAR BYED, ,SNGON BYAS SDIG PA BYED PA PO, ,MI SDUG LAS KYIS BCOM PAR GYUR, ,DE LTAR DE RNAM PA DU MAS MYA NGAN BYED BZHIN DU 'CHAG CING GRUGS PA'I GNAS KYI BUM BU'I MDUN DU KHRAG GI RGYUN GYIS YAN LAG GOS PA'I BU LA 'KHYUD NAS, PHYAG DANG DANG, GYO MO MI GTZANG BA DANG, TSER MA LA SOGS PAS KHYAB PA'I SAR BSNYAL TE, DAL BU DAL BUS LAG PAS MNYE BAR BRTZAMS PA DANG, JI TZAM NA SRANG BAR DE NA TSONG DPON GYI BU DANG, DED DPON GYI BU DANG, GZHAN YANG MTHO ZHING MTHO BA'I BRAM ZE DANG KHYIM BDAG RNAMS KA SHI KA'I RAS DANG, BA KU LA'I RAS DANG, KO TAM PA'I RAS DANG, DAR DANG MON DAR DANG, RAS PHRA ZHING RIN CHE BA SNA TSOGS GYON PA DANG, MGUL GDUB DANG, GDU BU DANG, DPUNG RGYAN DANG, RNA CHA DANG, DO SHAL DANG, SE MO DO SNA TSOGS PA'I RGYAN GYIS BRGYAN PA DANG, DRI ZHIM PA'I ME TOG GI TSOGS KHA BYE BA RNAM PA SNA TSOGS KYIS LUS LA SPUD PA 'GRO BA MTHONG BA DANG, DE BDAG NYID SHIN TU SDUG BSNGAL BA'I GNAS SKABS LA BLTAS SHING, BU MI SDUG PA DE YANG DE BZHIN DU BZHIN DMAN PA LA BLTAS NAS DBUGS TSA BA RING PO PHYUNG STE, MCHI MA DANG BDAS PAS SHIN TU DMAN PA'I TSIG GSANG MTHONG POS SMRAS PA, PHUN TSOGS DU MA BRGYAS KHYAB PA, ,RIN CHEN GYIS NI RGYA MTSO BZHIN, ,RGYAS PA'I RIS SU GYUR NAS KYANG, ,BDE BA'I MCHOG LA RJES SU SPYAD, ,RGUD PA'I CHA LAS BYUNG BAS NA, ,PHYAG DAR @210B KHROD KYI SEB GNAS SHING, ,ZAS MA RNYED PAS BKRES PA DANG, ,SHIN TU NYAM NGAS 'TSO BAR GYUR, ,MYA NGAN RGYA MTSO SDUG BSNGAL CHU RLABS 'JIGS, ,GDUNG BA'I CHU SRIN MI ZAD BRGYA YIS KHYAB, ,DBUL BA'I CHU KLUNG RGYA MTSOR ZHUGS GYUR NAS, ,KYE HUD BCOM ZHES SGRA NI RNAM PAR SGROGS, , RGUD PA'I CHU SRIN BRGYA YIS KUN DU DKRUGS, ,PHONGS PA'I RBA RLABS 'JIGS PA RAB TU G-YO, ,NAD CES 'JIGS PA MI BZAD NUB PA YIS, ,DBU BA'I RANG BZHIN CHU BOR ZHUGS PAR GYUR, ,SDUG BSNGAL RDO KHROD NAD NI RTZUB PAS KHYAB, ,GDUNG BA'I SENG GE'I SGRA YIS GANG BA'I YUL, ,MYA NGAN BYA NI BRGYA PHRAG LHAGS GYUR PA, ,DBUL BA'I SDUG BSNGAL GNAS NI THOB PAR GYUR, ,BAG MED 'KHRUL PA DAG GIS BSAMS PAS SNGON, ,DAM PA RNAMS LA SBYIN PA MA BYIN PAS, ,DA LTA 'DI NAS SKAL NGAN DMAN PA YIS, ,DEGS LDAN GDONG LA RTAG TU LTA BAR BYED, ,DMAN DANG SKAL PA DANG BRAL RMONGS DANG NI, ,SLONG MO LA SPYOD SLONG MO'ANG MANG DU MA BYIN PAS, ,GANG DES GNAS KHANG TZAM YANG 'BYOR PAR MA GYUR PA'I, ,DMAN ZHING PHONGS PA'I MI BZAD DAG TU ZHUGS PAR GYUR, ,NGES PAR SA STENG KUN GYIS BKUR BA'I BLA MA DANG, ,YANG DAG PHRAD KYANG BRNYAS SHING BSNYEN BKUR MA BYAS PA, , GANG DES DE LTAR YU BU BRNYAS PAR GYUR PA DANG, ,DE LTAR 'GRO BA'I RMONGS PA'I SNOD DU GYUR PA YIN, ,GANG GIS RDO DANG BONG PA YIS, ,'GRO 'DI BDAG CAG BRDEGS GYUR PA, ,SNGON GYI SKYE BAR LEGS BSNGAMS PA, ,MANG PO NGES PAR BRDEGS PA YIN, ,GANG GIS 'JIG RTEN PA RNAMS NI, ,KUN NAS YONGS SU SNAD GYUR PA, ,SNGON NI BLA MA'I SKYE BO LA, ,YONGS SU SPYOS PAR GYUR PAR NGES, ,GANG 'DIS BRNYAS PA'I SDUG BSNGAL NI, ,SHIN TU MI BZAD RDES THOB PA, ,SNGON CHAD BLA MA'I SKYE BO LA, ,YONGS SU BRNYAS PAR GYUR PAR NGES, ,YU BUS SNGON GYI SKYE BO LA, ,BLO BUR LHAGS LA GOS DAG NI, ,MA BYIN PA NI GANG YIN PAS, ,DA LTAR YU BU GOS MED GYUR, ,GANG GIS GNYEN BSHES DANG BRAL TE, ,YU BU SDUG BSNGAL YUN RING DU, SE PO MANG PO DU BA YI, ,NGA RO 'DON DU BCUG PA YIN, ,GANG GIS GSEG MA RDOS KHYAB PA'I, ,SA GZHIR YU BU NYAL GYUR PA, ,SNA TSOGS GOS NI BKAB PA @211A *, ,YIS, ,MAL STAN SNGON MA BYIN PA YIN, ,STAN NI RNAM PA SNA TSOGS PA, ,DAM PA RNAMS NI MA BYIN PAS, ,GANG GI TSER MA MANG PO YIS, ,KHYAB PA'I SA YI GZHI LA GNAS, ,GANG GI TSER MAS KHYAB PA YI, ,SA GZHIR YU BU RNAM RGYU BA, ,SNGON CHAD LHAM DANG BZHON PA NI, ,BDE BSKYED PA MA BYIN YIN, ,NYI MA'I 'OD TSOGS RNAMS KYIS DBUS KYI CHA SNANG BYAS, ,PHYAG DAR PHUNG PO GANG GIS 'DI NI YU BU GNAS, ,SLONG BA'I 'GRO LA KHANG PA'I GNAS TZAM PHAL CHER NI, ,GNAS KYI SER SNAS NGES PAR MA BYIN GYUR PA YIN, ,GANG GIS DA LTAR YU BU SHIN TU KHA SKAMS LA, ,MGRIN PAR SKAMS SHING KHA DANG 'GRAM PA YONGS SKAMS PA, ,YID LA CHU 'DOD KUN DU BLTAS NAS SNGON CHAD NI, ,DE LA BSIL GYUR CHU NI SBYIN PA MA BYIN ZHING, ,SLONG DANG SDUG PHONGS PA LA ZAS MA BYIN PA DANG, ,GNYEN DANG MDZA' BSHES LA MIN RTZA LAG TSOGS LA'ANG MIN, ,LEGS PAR SPYAD NAS THAMS CAD LAS KYIS LONGS SPYOD PA, ,DES NA 'DIR NI ZAS BRAL YU BU YONGS SU 'KHYAMS, ,SRID PA GZHAN DU RNAM PA MANG POR NGES PAR NI, ,GZHAN GYI DON SGRUB MKHAS PA RNAMS LA MTSANG 'DRU BAS, ,GANG GIS 'DI NA DA LTAR 'JIG RTEN DMAN PA'I YANG, ,SHIN TU MTSANG 'DRU'I GNAS SU YU BU NYE BAR GYUR, ,YU BUS NYES PA RNAM MANG DU, ,RIGS KYIS KHENGS SHING DREGS BRTEN LA, ,YON TAN LDAN PA'ANG BRDEGS PAS NA, ,GANG GIS DE LTAR MI BZAD SKYED, ,'KHOR BA'I RGYA MTSO 'DI NYID DU, ,NAD RNAMS THAMS CAD SEL BYED PA'I, ,SMAN NI SNGON CHAD MA BYIN PAS, ,GANG GIS NAD KYIS MNGON GDUNGS YIN, ,PHA LA KHRUS MA BYAS SHING MA DANG BSHES LA'ANG MIN, ,BLA MA TSIM PAR MA BYAS 'JIG RTEN MGON LA'ANG MIN, ,GANG GIS KHRUS DANG GDUNG BRAL BYAS PAS SKYES GYUR CING, ,'DI NI SDUG BSNGAL BRGYA GYIS SKAL BCOM MGON MED GYUR, ,BKRES DANG SKOM PAS YONGS DUB CING, ,GZA' DANG BGO BA RNAM BRAL BA, ,NAD DANG SDUG BSNGAL GYIS GDUNGS PA, ,YU BU SU ZHIG SKYONG BAR GYUR, ,'JIG RTEN DU NI RNYED DKA' BA'I, ,GANG GIS DE NI SROG STOR ZHING, ,YU BUS GANG GI ZAN DANG NI, ,DE RING SU YI LAS BYED BYA, ,KYE MA'O DBUL BA SDUG BSNGAL TE, , @211B KYA MA'O BSOD NAMS MA BYAS NYID, ,'DI LTAR RGYAS PA'I GRONG KHYER DU'ANG, ,MGON MED YU BU JI BZHIN NO, ,'DI DANG GZHAN DAG YANG DED DPON GYI CHUNG MA BKRES PAS YONGS SU GDUNGS PA'I YID DANG BDAG NYID SMRE SNGAGS 'DON ZHING GNAS SO, ,DED DPON RNA CAN YANG RGYA MTSO CHEN POR GRU ZHIG PA DANG, STES DBANG GIS BYIS PA GCIG DANG LHAN CIG SPANG LEB LA 'JUS TE CHU'I GNAS NAS RGAL NAS SHIN TU NYAM THAG PA CHEN POS SLONG MO RGYU ZHING RGYAL PO'I PHO BRANG MNYAN LDAN DU PHYIN PA DANG, DE DER PHYI ROL GYI ZHID GCIG TU MTSAN MO GNAS PAR GYUR PA NA, DER YANG ZHO SHAS 'TSO BA'I SKYES BU GZHAN ZHIG GNAS PA DES DE SHES PA DANG, DE 'DI SNYAM DU SEMS TE, DED DPON 'DI SHIN TU RING PA DANG, BDOG BA'I RDZAS THAMS CAD NYAMS PA DANG, KHYE'U GCIG DANG LHAN CIG 'ONGS NA DE LA KHYIM GYI LO RGYUS JI LTAR BRJOD PAR BYA, YANG NA RANG NYID KYIS SHES PAR 'GYUR GYI SNYAM NAS DES DE LA LAG PA BKRU BA'I CHU BYIN TE, MA SHA'I SNUM KHUR GNYIS BYIN NO, ,DE NAS DED DPON RNA CAN LAG PA STONG PAS KHYIM DU 'JUG PAR MI BYA'O SNYAM NAS, MA SHA'I SNUM KHUR GCIG BZHAG NAS KHYE'U'I LAG TU GTAD CING, GCIG PHYED PHYED DU BGOS TE BZA' BA'I DON DU KHYE'U DE DANG LHAN CIG ZOS SO, ,DE NAS NYI MA GNYIS PA LA MA SHA'I SNUM KHUR DE THOGS NAS SHIN TU RTZUB CING LUS NYAM CHUNG BA DANG, SHIN TU DRI MA DANG BCAS PA'I RAS GCIG TZAM ZHIG GYON NAS RGYAL PO'I PHO BRANG MNYAN LDAN DU ZHUGS TE, RANG GI KHYIM DU CHAS SO, ,GZHON NU MI SDUG PA'AM NAM LANGS PA'I DUS NYID NA BKRES PA DANG, SKOM PAS YONGS SU NYAM CHUNG BA BZHIN DU DANG, SKAL PA NGAN PA BDAG NYID 'DI NA GNAS PAS CI ZHIG BYA, SROG KYANG DGOS PA MED KYIS SONG LA BDAG NYID GSOD PAR BYA'O SNYAM NAS, DES MA LA SMRAS PA, MA BDAG NI PHA'I SKYED MOS TSAL DU MCHI ZHES SMRAS TE, SKYED MOS TSAL DER CHAS SO, ,DED DPON RNA CAN YANG RANG GI KHYIM DANG NYE BAR PHYIN PA DANG, CI TZAM ZHIG NAS RING PO MA LON PAR DUR KHROR GYI MDOG CAN GYI SA'I TSOGS TZAM LHAG MAR LUS PA MTHONG NAS BLTAS TE, 'DI CI ZHIG YIN ZHES BSAMS NAS, GNAS ZHIG PA'I PHYED DU MA DER PHYIN PA DANG, GNAS ZHIG PA'I PHYED DUM DE NA @212A *, ,CHUNG MA BRAN MO ZHIG DANG LHAN CIG GNAS LA, SHIN TU DMAN PAS NYAM CHUNG BA'I BZHIN DANG, RAS KYI DUM BU DRI MA CAN GYIS SKED PA'I PHYOGS BKAB PA DRI MA'I TSOGS LUS LA GOS PA MTHONG NGO, ,MTHONG NAS KYANG KYI HUD 'DI CI ZHIG YIN ZHES SMRAS TE, BRGYAL NAS SA LA 'GYEL BA DANG, RLUNG GRANG MOS PHOG PAS YUN RING MO ZHIG NAS DRAN PA RNYED DE, DE CHUNG MA'I THAD DU PHYIN PA DANG 'DI CI ZHIG YIN ZHES SMRAS TE, GSANG MTHON POS CHO NGES 'DEBS PA LA ZHUGS SO, ,DE NAS CHUR MA LAS JI LTAR GYUR PA THOS PA DANG, DBUGS TSA BA RING PO PHYUNG STE SMRAS PA, NGAS NI NGES PAR SBYIN PA'I ZHING LA BYA BA MA BYAS PA GANG GIS 'DI LTAR RGYUD PAR GYUR NA, DA 'DI LA JI LTAR BSGRUB PAR BYA, GANG LA SKYABS SU 'GRO BAR BYA, SU'I BZHIN LA BLTA BAR BYA, 'JIG RTEN DMAN ZHING GZHAN PA LA THUGS BRTZE BA NI SU ZHIG YIN, SU ZHIG 'ONGS NAS NGA DBUL BA'I RGYA MTSO 'DI LAS BRGAL BAR BYA, SU ZHIG 'ONGS NAS RGUNG BA'I 'DAM 'DI LTA BU BKRU BAR BYA, SU ZHIG 'ONGS NAS SDUG BSNGAL GYI CHU BO 'DI LAS BRGAL BAR BYA, SU ZHIG 'ONGS NAS DBUL BA'I DGRA 'DI LAS RGYAL BAR BYA, SU ZHIG 'ONGS NAS SDUG BSNGAL THAMS CAD KYI RTZA BA'I SHING DBYUNG BAR BYA, SU ZHIG 'ONGS NAS SDUG BSNGAL GYI SHING 'DI RTZA BA NAS GDON PAR BYA, SU ZHIG 'ONGS NAS BKRES PA DANG SKOM PA'I MCHE BA GTZIGS PA'I KHA NAS HA HA ZHES 'JIGS PA'I SGRA CAN GYI DBUL BA'I SRIN PO CHEN PO MED PAR BYA, SU ZHIG 'ONGS NAS DBUL BA'I GYAD 'DI LAS RGYAL BAR BYA, SU ZHIG 'ONGS NAS BKRES PA DANG SKOM PA LA SOGS PAS RAB TU 'BAR BA'I ME 'DI GSAD PAR BYA, SU ZHIG 'ONGS NAS RGUD PA GSO BA'I GLANG PO CHE 'DI GDUL BAR BYA, SU ZHIG 'ONGS NAS NGA'I SDUG BSNGAL DPAG TU MED PA'I DUG GI MCHE BA DANG LDAN PA'I SPRUL CHEN 'DI'I DUG 'DI DUG MED PAR BYA, SU ZHIG 'ONGS NAS NGA'I THAMS CAD 'PHROG PA'I DBUL BA'I DPA' BO BZLOG PAR BYA, SU ZHIG 'ONGS NAS NGA'I SDUG BSNGAL THAMS CAD KYIS BSDAMS PA'I BDAG NYID CAN GYI DBUL BA'I LCAGS SGROG 'DI GCAD PAR BYA, SU ZHIG 'ONGS NAS NGA'I DBUL BA'I BTZON RA 'DI LAS BRGAL BAR BYA, SU ZHIG 'ONGS NAS NGA'I @212B DBUL BA'I SGO GLEGS 'DI DBYE BAR BYA, SU ZHIG 'ONGS NAS NGA'I DBUL BA'I GSHIN RJE 'DI MI SNANG BAR BYA, SU ZHIG 'ONGS NAS NGA'I SRED PA'I RGYA MTSO 'DI LAS BRGAL BAR BYA, SU ZHIG 'ONGS NAS NGA'I DBUL BA'I 'BROG DGON PA 'DI LAS THAR PAR BYA ZHES BYA BA LA SOGS LA SNYING RJE ZHING DMAN PA LA DMIGS PA'I TSIG RNAM PA DU MA BRJOD CING CHO NGES 'DEBS PAR GYUR TO, ,GNAS SKABS DER SANGS RGYAS BCOM LDAN 'DAS RNAMS LA NI MI MKHYEN PA'AM, MI GZIGS PA'AM, THUGS SU MA CHUD PA'AM, RNAM PAR MI RIG PA CI YANG MI MNGA' BA NI CHOS NYID YIN PAS, SANGS RGYAS BCOM LDAN 'DAS STON KA'I NYI MA 'CHAR KA LTAR 'OD ZER DMAR SER 'GYED PA DANG, NOR BU RANG GI YON TAN GYIS YONGS SU SPRAS PAS, KUN NAS DMAR SER DU SNANG BA DANG, NYI MA 'CHAR KAS PHYE BA'I PADMA'I GE SAR MA LUS PA'I TSOGS DANG, AUTPA LA DANG, MRGAD DANG, 'JA' TSON DANG, DRI MA MED PA'I GLOG 'KHYIL PHA DANG, MAR GYI RGYUN BLUGS PA'I ME'I TSOGS LTAR SHIN TU 'BAR BA'I 'OD KYI TSOGS BKRA SHIS PA'I 'OD ZER GYI TSOGS KYIS RAB RIB DPAG TU MED PA'I TSOGS RNAM PAR 'JIG CING, RGA SHI SRID PA'I GZEB 'DZIN PAR MDZAD PA, DGE BA'I RTZA BA DPAG TU MED PA LA MNYAM PAR GZHAG PA STOBS SU GYUR PAS KU MU TA DANG, DUNG DANG, KUNDA DANG, DRI MA MED PA'I DNGUL DANG, MU TIG DANG, KHA BA DANG, PADMA'I RTZA BA DANG, DRI MA MED PA'I GLANG PO CHE'I SO BCAG PA DANG, 'DZAM BU'I CHU BO'I GSER GYI PHUNG PO'I RTZE NA GNAS PA'I MIG STONG LDAN GYI GZHU LTA BU'I 'OD ZER 'KHYIL PA'I SNANG BA DANG, NAM MKHA'I MTHA' MED PAR ZLA BA BRGYA STONG 'CHAR BA LTAR DKAR ZHING 'JAM LA, SNUM ZHING G-YAS SU 'KHYIL BA'I 'OD 'DOM GANG BA DANG, SMIN MA MDZES PA'I BAR NAS BYUNG BA'I SMIN MTSAMS KYI MDZOD SPU RNAM PAR MDZES PA DANG, PADMA KHA BYE MA THAG LTA BU'I ZHAL MNGA' BA, BSKAL PA GRANGS MED PA GSUM DU PHYAG DANG, ZHABS DANG, SPYAN DANG, YAN LAG MCHOG DBU DANG, NYID KYI SHA DANG, RKANG DANG, PADMA GZHON NU LTA BU'I RANG BZHIN DANG LDAN PA'I SRAS DANG BTZUN MO DANG, GLANG PO DANG, RTA DANG, SHING RTA DANG, RGYAN DANG, GOS @213A *, ,DANG, STAN DANG, MAL STAN DANG, NOR BU DANG, GSER DANG, DNGUL DANG, DNGOS PO THAMS CAD DANG, RGYAL SRID LA SOGS PA YONGS SU GTONG BAS BLA NA MED PA'I BYANG CHUB KYI TSOGS YONGS SU 'PHEL BAR MDZAD PA, CHAGS PA MI MNGA' BAS BDUD KYI STOBS RNAMS RAB TU BCOM PAR MDZAD PAS STON KA'I ZLA BA DRI MA MED PA LTAR SHIN TU DKAR ZHING GSAL PA'I GRAGS PA'I TSOGS STONG GI PHRENG BAS BSKOR BA RI BO LA 'CHAR KA'I ZLA BA'I 'OD ZER GYI TSOGS KYI LCUG MA'I RAL PA'I DKYIL 'KHOR DANG, NYI MA 'CHAR KA'I 'OD ZER GYI TSOGS DANG, SPRIN GYI TSOGS LAS BYUNG BA'I GLOG BRGYA STONG DANG, BRGYA BYIN GYI GLANG PO CHE'I MCHE BA MDUNG GIS BSGYEL BA DANG, SA 'OG 'KHRUGS PA DANG, 'O MA'I RGYA MTSO'I RAB RLABS GYES PA DANG, DBANG PO'I GZHU'I 'OD KYI RTZE MA DANG, NOR BU MAR GAD BCAG PA DANG, ZLA BA RGYAS PA DANG, PADMA'I 'DAB MA DANG, KLU'I DBANG PO'I GTZUG GI NOR BU DANG, BEE d'URYA'I RDO LEB DANG, TZAM PA KA RGYAS PA RMA MED PA LTA BU'I 'OD KYI DKYIL 'KHOR GYIS SKU LA BSKOR BAR GYUR PA, NYID KYI THUGS SU CHUD PA'I YE SHES KYIS MES NYON MONGS PA'I TSANG TSING SREG PAR MDZAD PA, LHA BRGYA STONG GIS ZHABS LA BTUD CING COD PAN GYIS GTUGS PAS NOR BU DANG, GSER GYI 'OD ZER GYIS SHIN TU MDZES SHING BRGYAN PA'I ZHABS KYI PADMA DANG LDAN PA, GLANG PO CHE GZHON NU'I DKAN DANG, RGYA SKYEGS KYI KHU BA DANG, PADMA DANG, STON KA'I MTSAMS KYI SPRIN GYI TSOGS DANG, AA SHO KA DANG, LE BRGAN RTZI'I ME TOG GI CHUN PO DANG, ZANGS KYI MDOG CAN GYI ZHABS DANG LDAN PA, SEN MO SRAB CING ZANGS LTAR DMAR BA'I ZLA TSES DGOD BA LTA BU MED PA'I ZHABS KYI PADMA DANG LDAN PA, SRED PA'I KHRI SHING BTON PA, GTI MUG GI MUN PA MA LUS PA RNAM PAR BSAL BA, 'GRO BA MA LUS PA'I GNYEN DU GYUR PA, DGOS PA MED PAR GZHAN LA MNYES GSHIN PAR GYUR PA, YE SHES KYI SPYOD YUL BSAM GYIS MI KHYAB PA, 'DOD CHAGS CHEN PO'I DUG RNAM PAR BSAL BA, DGA' BA BRGYA STONG GIS BSNYEL BA'I YON TAN GYI TSOGS DANG LDAN PA, BSOD NAMS KYI TSOGS NYE BAR BSAGS SHING SHES RAB KYIS @213B SPRAS PAS NYON MONGS PA MA LUS PA'I SHING RTZA NAS 'DON PAR MDZAD PA, TSANGS PA DANG, DBANG PO DANG, NYE DBANG DANG, ME DANG, GSHIN RJE DANG, BDEN BRAL DANG, CHU LHA DANG, RLUNG LHA DANG, LUS NGAN PO DANG, DBANG LDAN LA SOGS PAS BSTAN PA MNGON PAR BSTOD PA, THUGS RJE CHEN PO DANG LDAN PA, 'JIG RTEN LA PHAN PAR ZHUGS PA, SRUNG BA GCIG PU BA, NYAG GCIG DPA' BA, ZLA MED PA, GNYIS SU MI GSUNG BA, ZHI GNAS DANG LHAG MTHONG LA GNAS PAR MDZAD PA, 'DUL BA'I BSDUS PA GSUM GYI GZHI LA MKHAS PA, CHU BO BZHI LAS RGAL BA, RDZU 'PHRUL GYI RKANG PA BZHI'I ZHABS LEGS PAR GNAS PA, BSDU BA'I DNGOS PO BZHI LA YUN RING PO NAS GOMS PA, YAN LAG LNGA SPANGS PA, YAN LAG LNGA LAS YANG DGE PAR 'DAS PA, YAN LAG DRUG DANG LDAN PA, PHA ROL TU PHYIN PA DRUG YONGS SU RDZOGS PA, BYANG CHUB KYI YAN LAG BDUN KYI ME TOG GIS BYUGS PA, YAN LAG BRGYAD PA'I LAM STON PAR MDZAD PA, MTHAR GYIS GNAS PA'I SNYOMS PAR 'JUG PA DGU LA MKHAS PA, STOBS BCU'I STOBS DANG LDAN PA, PHYOGS BCUR SNYAN PAS YANG DAG PAR RGYAS PA, BRGYA PHRAG BCUR DBANG SGYUR BA LA KHYAD PAR DU 'PHAGS PA RNAMS NI NYIN LAG GSUM MTSAN LAN GSUM DU SANGS RGYAS KYI SPYAN GYIS 'JIG RTEN LA RNAM PAR GZIGS NAS SU NI 'PHEL, SU NI 'GRI BA, SU NI GNOD PAR GYUR, SU NI NYAM NGA BAR 'GYUR, SU NI SDUG BSNGAL BAR GYUR, SU NI NGAN SONG LA GZHOL, SU NI NGAN SONG LA 'BAB, SU NI 'KHOR BA'I RGYA MTSO CHEN PO LAS NYE BAR 'DON PAR BYA, SU NI DENG NGAS 'KHOR BA'I SRIN POS RNAM PAR GTZES PA LAS THAR BAR BYA, SU NI DENG NGAS DBUL BA'I SPRUL GYIS BDAS PA LAS YONGS SU BSKYAB PAR BYA, SU NI DENG GNAS ZHE SDANG GI MES LUS KUN NAS BSREGS PA LAS DAM PA'I CHOS KYI CHAR GYIS DBANG BSKUR BAR BYA, SU NI DENG NGAS GTI MUG GI MUN NAG GI NANG DU ZHUGS PA LA RAB RIB MED PA'I SNANG BA BLA NA MED PA'I TING NGE 'DZIN MCHOG GI RTZE MO LA BSKYON PAR BYA, SU NI DENG NGAS SDUG BSNGAL THAMS CAD ZAD PAR BYED PA'I LAM GYI MCHOG YAN LAG @214A *, ,BRGYAD PA BSTAN PAR BYA, SU NI DENG NGAS DBUL BA'I SGO GLEGS MTHA' MED PAR GZHIG PAR BYA, SU NI DENG NGAS MI SHES PA'I RAB RIB KYIS MIG MDONGS PA LA YE SHES KYI MIG SMAN RJES SU SBYIN PAR BYA, SU NI DENG NGAS LCAGS SGROG CHEN POS BCINGS PA LAS THAR PAR BYA ZHES MKHYEN PA'I GZIGS PA 'JUG GO, ,YANG SMRAS PA, RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS, 'JIG RTEN MA LUS PA 'DI DAG LA GZIGS PAR GYUR PA DANG, BCOM LDAN 'DAS KYI DED DPON RNA CAN DBUL BA'I SDUG BSNGAL GYI 'DAM RDZAB TU SHIN TU NU BA CING BDAG NYID SHIN TU MYA NGAN GYIS SMRE ZHING GNAS PAR GZIGS SO, ,GZIGS NAS KYANG THUGS RJE CHEN POS YANG DAG PAR SKU LA BA'I THUGS KYIS LHUNG ZED BSNAMS SHING CHOS GOS MNABS TE, MNYAN LDAN GYI SKYED MOS TSAL NAS MNGON PAR BYUNG NAS MNYAN LDAN DU GSHEGS SO, ,YANG DAG PAR RDZOGS PA'I SANGS RGYAS RNAM PAR GZIGS RGYAL PO'I PHO BRANG MNYAN LDAN DU BSOD SNYOMS LA GSHEGS PA DANG, DE MTHONG NAS, RGYAL PO DANG, BLON PO DANG, TSONG DPON DANG, BRAM ZE DANG, KHYIM BDAG DANG, GRONG KHYER GYI SKYE BO RNAMS DANG, DED DPON RNAMS YANG DAG PAR RDZOGS PA'I SANGS RGYAS RNAM PAR GZIGS 'DIR BSOD SNYOMS LA BYON GYI, BCOM LDAN 'DAS 'DI'I BSOD SNYOMS PAS DGANG BAR BYA'O SNYAM NAS SROG CHAGS BRGYA STONG DPAG TU MED PA BZA' BA DANG BCA' BA RNAMS THOGS TE GNAS SO, ,DE NAS BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS DED DPON RNA CAN LA RJES SU THUGS BRTZE BAS TSONG 'DUS KYI DBUS NA THUGS RAB TU ZHI ZHING SKU LA NYI MA 'CHAR KA'I 'OD PAS LHAG PA'I 'OD KYIS 'BAR BA LTA BU STON KA'I ZLA BA RGYAS PA'I MTSAMS KYI SPRIN GYIS BSKOR BA LTA BU DANG, LHA'I SKYED MOS TSAL GYI DPAG BSAM GYI SHING LTA BU DANG, GSER GYI MCHOD SDONG BDUD RTZI'I BYI RU'I SHING GI YAL GAS BRGYAN @214B BA LTA BU DANG, GSER GYI GZHONG PA'I STENG DU TIL MAR GYI MAR ME BLTAMS PA LTA BU DANG, RIN PO CHE'I RI BO RIN PO CHE PHRA MO SNA TSOGS KYIS SPRAS PA LTA BU DANG, NGANG PA'I RGYAL PO GSER GYI PADMA'I RDUL GYIS GOS PA LTA BU DANG, SA SRUNG DAL GYIS 'BAB PA'I PADMA'I RDUL GYIS BRGYAN PA LTA BU DANG, SENG GE LDONG ROS KYIS BYUGS PA LTA BU DANG, SA THAMS CAD KYI DPAL GYI TSOGS LTA BU DANG, SKU SHIN TU 'BAR BA LTA BU DANG, ZHABS KYI MTHIL GNYIS SHIN TU LEGS PAR BYAS PA'I SHING RTA'I 'KHOR LO NOR BUS SPRAS PA'I 'OD DANG LDAN PA LTA BU DANG, ZHABS KYI MTHIL RAB TU GSAR PA'I PADMA'I KHA RGYAS PA LTAR SHIN TU MNYEN SHING GZHON SHA CHAGS PA DANG, ZHABS KYI MTHIL DPAL BE'U DANG, G-YUNG DRUNG DANG, DGA' BA 'KHYIL PA DANG, NYA DANG LDONG ROS KYIS BRGYAN PA DANG, ZHABS GNYIS LA ZLA BA RGYAS PA'I DBYIBS LTA BU LA ZANGS SHIN TU SBYANGS PA LTA BU'I MDANGS DANG, 'OD DANG LDAN PA'I SEN MO SHIN TU DRI MA MED PA GCIG TU GSAL BA, LEGS PAR SKYES PA, BLTA NA SDUG CING MTHO BA'I SEN MO DAG DANG ZHABS KYI SEN MO'I THIG LE'I PHRENG BAS SPRAS SHING NYAMS PA MED PA DANG, LEGS PAR SKYES PA DANG, RING ZHING ZLUM PA YANGS PA'I SEN MO DANG, 'JAM ZHING SHIN TU MNYEN LA SHING BAL LTAR REG NA BDE BA'I RTING PA GNYIS DANG, DPAL GYIS 'BAR BA'I NYI MA NAM MKHA'I DKYIL NA 'DUG PA LTA BUR PHYOGS KYI DKYIL 'KHOR THAMS CAD MA LUS PAR KUN DU SNANG BAR MDZAD CING, DED DPON RNA CAN GYI GNAS ZHIG PA'I PHYED DUM DER BYON TO,, DE NAS YANG DAG PAR RDZOGS PA'I SANGS RGYAS RNAM PAR GZIGS KYIS, GSER BTZOM BZHIN DU SBYANGS PA'I 'OD 'PHRO BA LTA BU DANG, MAR GYI RGYUN GYIS BLUGS PA'I ME'I TSOGS LTA BU DANG, SHIN TU KHA RGYAS PA'I KING SHU KA DANG AA SHO KA DANG, AUTPA LA DMAR PO DANG, AUN RAN DA KA DMAR PO DANG, KA RA B'I RA DANG, TZAM PA KA DANG, LE BRGAN RTZI'I KHU BA DANG, MTSAMS KYI SPRIN DANG, GLANG PO CHE'I DKAN DANG, PADMA DMAR PO DANG, GLOG BRGYA STONG BAS LHAG PA'I 'OD ZER YANG DAG PAR 'GYED PAR MDZAD CING, GANG GIS DE'I MOD KHO NA LA GNAS ZHIG PA'I PHYED DUM PHYI @215A *, ,DANG NANG DU BCAS PA GSER ZHUN MA LTAR SNANG BAR GYUR PA DE LTAR MDZAD DO, ,DE MTHONG NAS DED DPON RNA CAN GYIS 'DI CI ZHIG YIN SNYAM TE LANGS PA DANG, BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS MTSAN SUM BCU RTZA GNYIS KYIS BRGYAN PA, CHOS ZHES BYA BA LUS DANG LDAN PA LTA BU DANG, MAR GYI SPYIN BLUGS BLUGS PA'I RJES THOGS KYI ME LTA BU DANG, GSER BZHU BA'I KHU BA'I MDANGS DANG, KAR NI KA RA DANG, GUR GUM DANG, LE BRGAN RTZI DANG, LDONG ROS DANG, BA BLA DANG, AUTPA LA DMAR PO DANG, STON GYI MTSAMS KYI SPRIN DANG, RMA BYA'I LKOG MA'I MDANGS DANG, GSER DANG, MTHING SHING DANG, MTSAL DANG, AA TI MUG TA DANG, KU RAN DA KA LTA BU'I 'OD KYI DKYIL 'KHOR GYIS SKU LA BSKOR BA MTHON NGO, ,MTHONG NAS KYANG DED DPON RNA CAN DE SHIN TU DAD PA CHEN PO SKYES NAS NGAS BCOM LDAN 'DAS LA CI ZHIG DBUL BAR BYA SNYAM DU SEMS TE, BDAG NYID KYI 'BYOR PA LA BLTAS PA DANG, MA SHA'I SNUM KHUR GCIG PO YOD PAR MTHONG NAS DES DE BLANGS TE CHUNG MA LA SMRAS PA, BZANG MOS NGAS NI LAG PA STONG PAS NGA'I KHYIM DU 'JUG PAR MI BYA'O SNYAM NAS, MA SHA'I SNUM KHUR CIG KHYER TE 'ONGS TE, BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS 'DI YANG YON GNAS KYI DAM PA, DMAN PA DANG ZHAN PA RNAMS LA RJES SU THUGS BRTZE BA YIN LA, 'DI LA SBYIN PA'I SA BON NYUNG ZAD TZAM ZHIG BTAB PAS KYANG DBUL BA'I SDUG BSNGAL RTZA NAS 'BYIN PAR MDZAD PA YIN NA, BCOM LDAN 'DAS DE LA NGAS MA SHA'I SNUM KHUR 'DI DBUL BAR BYA'AM, DES SMRAS PA, RJE'I SRAS LEGS KYIS DE LTAR MDZOD CIG ,'DI TZAM GYI DGE BA'I RTZA BAS KYANG 'KHOR BA NA BDE BA'I RGYUR 'GYUR RO, ,DE SKAD CES SMRAS PA DANG, DED DPON GYIS BSAMS PA, MA SHA'I SNUM KHUR 'DI NI SHIN TU ZHAN PA YIN LA, DA NI GRONG KHYER 'DI NYID DU DE LTA BU ZHIG TU GYUR NAS NGA 'DI LTA BU'I NGAN PA RGYAL PO DANG, BLON PO DANG, BRAM ZE DANG, KHYIM BDAG DANG, GRONG KHYER GYI SKYE BO DANG, DED DPON RNAMS KYIS MI MTHONG BA JI LTAR NI BCOM LDAN 'DAS LA DBUL BAR @215B BYA, GZHAN DU NA LO MAS DKRIS LA DBUL BAR BYA STE, DE LTAR MA BYAS NA NI 'DI RNAMS KYIS SHES PAR 'GYUR RO SNYAM NAS, RANG GI GNAS ZHIG PA'I PHYED KYI NANG DU ZHUGS TE, LO MA BTZAL BAR SEMS PA DANG CI YANG MA RNYED PAR GYUR TO, ,DE NAS DED DPON DE SHIN TU YANG YI MUG PAR GYUR TE, KYI HUD 'DI LTA BU'I SKAL BA ZHAN PA NI SDUG BSNGAL LO ZHES DBUGS TSAB RING PO PHYUNG NAS, DE'I MOD LA GNAS ZHIG PA'I PHYED DUM DE NAS BYUNG STE, DAD PA CHEN PO'I SHUGS KYIS MA SHA'I SNUM KHUR DE YANG DAG PAR RDZOGS PA'I SANGS RGYAS RNAM PAR GZIGS KYI LHUNG BZED DU PHUL LO, , PHUL NAS KYANG ZHABS GNYIS LA PHYAG BYAS TE, SMON LAM BYED PAR BRTZAMS PA, BCOM LDAN 'DAS SBYIN PAR BYA BA'I CHOS YONGS SU PHUL BA'I DGE BA'I RTZA BA 'DIS SKYE BA 'DI NYID NAS GZUNG STE, NYIN ZHAG GCIG TZAM YANG DBUL POR NAM YANG MA GYUR CING, SHIN TU PHYUG PA DANG, NOR DANG LONGS SPYOD YONGS SU RDZOGS PA DANG LDAN PAR GYUR CIG ,BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS KYI ZHABS LA, DED DPON RNA CAN GYIS BTUD PA TZAM DE NYID KYI RJES THOGS KHO NA LA SHIN TU ZHAN CING RID PA DE MI SNANG BAR GYUR NAS, SNGON GYI MDOG MDANGS LTA BU DANG LDAN PAR GYUR TO, ,DE NAS DED DPON RNA CAN GYIS SMON LAM BTAB NAS LANGS PA DANG, YANG DAG PAR RDZOGS PA'I SANGS RGYAS RNAM PAR GZIGS SLAR BZHUD DE, MNYAN LDAN GYI SKYED MOS TSAL DU GSHEGS SO, ,DE NAS DED DPON RNA CAN MNYAN LDAN GYI TSONG DPON DANG, DED DPON RNAMS KYIS NGO SHES PAR GYUR TO, ,DE NAS DED DPON ZHIG GIS GRONG KHYER PA DE RNAMS LA 'DI SKAD CES SMRAS SO, ,NGA DANG KHYED RNAMS KYI DED DPON RNA CAN RGUD PAR GYUR PA LA, BTANG SNYOMS SU 'JOG PA NI RIGS PA MA YIN NO, ,DE NAS RAS GCIG BTING STE YANG SMRAS PA, GROGS PO DAG MANG POS NI GCIG LEGS PAR GDON NUS KYI, GCIG GIS NI MANG PO MA YIN PAS, DE LA GANG GIS 'DIR YONGS SU BTANG BA DE RAS 'DI'I STENG DU ZHOG SHIG CES SMRAS PA DANG, DU MA ZHIG GIS MGUL GDUB DANG, GDU BU DANG, DPHUNG RGYAN DANG, DO SHAL DANG, SE MO @216A *, ,DO DANG, LAG GDUB LA SOGS PA RGYAN BRGYA STONG DPAG TU MED PA ZHIG BYIN PA DANG, KA SHI'I RAS DANG, DU KU LA'I RAS DANG, KO TAM PA'I RAS DANG, DAR DANG MON DAR LA SOGS PA SHIN TU PHRA ZHING RIN CHE BA SNA TSOGS PA'I GOS ZUNG BRGYA STONG DPAG TU MED PA BYIN TE, DE LA SKAD CIG MA DE NYID DU GOS DANG RGYAN GYI PHUNG PO ZHIG TU GYUR TO, ,DE NAS DED DPON RNA CAN GYIS 'BYOR PA DE LA BLTAS NAS CHUNG MA LA SMRAS PA, BZANG MO ZHING GSHIN PA LA SBYIN PA'I SA BON BTAB PA'I MYU GU 'THON PA LA LTOS, DE YANG DGA' BA DANG MGU BA SKYES TE, YANG DAG PAR RDZOGS PA'I SANGS RGYAS RNAM PAR GZIGS DE LA PHYAG BYAS NAS RGYAN DANG GOS DE RNAMS GNAS ZHIG PA'I PHYED DU MA DER GZHUG PAR BRTZAMS SO, ,KHYE'U MI SDUG PA DE YANG PHA'I SKYED MOS TSAL DER ZHUGS NAS BKRES PAS GDUNGS PA'I YID DANG, RANG NYID MCHOG TU GZUGS NGAN PAS 'DI LTAR YANG DANG YANG DU MYA NGAN BYED CING BSAMS PA, SHIN TU SDIG PA'I LAS BYED PA, MCHOG TU SDUG BSNGAL BA'I SKAL BA CAN SHIN TU GZUGS NGAN PA, MTHONG NA BKRA MI SHIS PA NGA GSON PAS KYANG DGOS PA CI ZHIG YOD DE, BDAG NYID KYI SROG DANG 'BRAL BAR BYA'O SNYAM NAS SGYID LUG PA'I YID KYIS MOD KHO NA LA PA LA'I SHING GI YAL GA'I RTZER MOR 'DZEGS PA DANG, SHING GI YAL GA CHAG NAS, SHING GI YAL GA DANG LHAN CIG TU LHUNG STE, TSOR BA NYAMS SHING 'DUG GO, ,BAR SKABS DER SANGS RGYAS BCOM LDAN 'DAS LA NI MI MKHYEN PA'AM, MI GZIGS PA'AM, THUGS SU MI CHUD PA'AM, RNAM PAR MI RIG PA CI YANG MI MNGA' BAS YANG DAG PAR RDZOGS PA'I SANGS RGYAS RNAM PAR GZIGS KYIS SANGS RGYAS KYI LHA'I SBYAN RNAM PAR DAG PA, MI'I LAS 'DAS PAS KHYE'U MI SDUG PA DE LTAR SDUG BSNGAL BA GZIGS SO, ,GZIGS NAS KYANG THUGS RJE CHEN POS YANG DAG BAR BSKUL TE, SKYED MOS TSAL DER RDZU 'PHRUL GYIS GSHEGS NAS NYID KYI SKU LAS 'OD ZER 'GYED PAR MDZAD DE, BKRES PA DANG SKOM PA'I SDUG BSNGAL DE YANG RGYUN CHAD PAR GYUR NAS DE'I MOD LA LANGS PA DANG, YANG DAG PAR RDZOGS PA'I SANGS RGYAS RNAM PAR GZIGS @216B BSKAL PA BYE BA BRGYA STONG DPAG TU MED PA MTHONG BA SHIN TU RNYED PAR DKA' BA DANG, MTSAN SUM CU RTZA GNYIS KYI SNANG BAS 'BAR BAR BYAS PA'I SKU DANG LDAN PA MTHONG NGO, ,DE MTHONG BA'I MOD LA BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS LA DAD PA CHEN PO SKYES TE, DES KYANG YUNG BAS BTZOS PA'I GOS KYI DUM BU KHRU GANG GYON TE 'DUG PA LAS, DES DAD PA'I SHUGS KYIS LUS LAS PHUD DE, DE DANG KAR NI KA'I ME TOG CIG DAD PA'I SHUGS CHEN POS 'PHRAL DU BCOM LDAN 'DAS RNAM PAR GZIGS KYI SKU LA GSOL LO, ,DE YANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS JI LTAR GOS KYI DUM BU DE BZHIN GSHEGS PA'I SKU TSAD DANG LDAN PA TZAM DU GYUR NAS SKU LA GSOL BA DANG, ME TOG KAR NI KA YANG DBU'I STENG DU SHING RTA'I 'PHANG LO TZAM DU GYUR NAS GDUGS LTAR GNAS PA DE LTAR BYIN GYIS BRLABS SO, ,DE MTHONG BA DANG KHYE'U MI SDUG PA SHIN TU YANG DAD PA CHEN PO SKYES NAS, DE DAD PA CHEN PO'I SHUGS KYIS YANG DAG PAR RDZOGS PA'I SANGS RGYAS RNAM PAR GZIGS KYI ZHABS GNYIS LA PHYAG BYAS TE, SGRA GSANG CHEN POS SMON LAM BYED PAR BRTZAMS PA, RKANG GNYIS MCHOG GYUR SBYIN PA 'DI, ,'DI YIS 'DI NAS GZUGS NGAN NYID, ,DE LAS BRTZAMS TE LEGS SPANGS NAS, ,BDAG NYID GZUGS BZANG NYID THOB SHOG ,GSER GYI GDONG CAN GOS RNAMS NI, ,GSER SBYANGS LTA BU GYON PA DANG, ,BDAG GIS LUS DANG KHA NAS KYANG, ,TZAN DAN AUTPAL DRI LTAR SHOG ,GSER GYI MDOG LTAR SNANG GYUR CING, ,'JIG RTEN KUN GYI YID DU 'ONG, ,NAD KUN LAS NI RNAM THAR CING, ,BSTAN BCOS KUN DU PHA ROL PHYIN, ,KUN DU'ANG NOR DANG YANG DAG LDAN, ,SDUG BSNGAL THAMS CAD RNAM SPANGS PA, ,KUN MCHOG KUN GYIS LTA BAR 'OS, ,RGYAN RNAMS KUN GYIS RNAM BRGYAN SHOG ,RDZOGS SANGS RGYAS DON KUN GRUB CING, ,SEMS CAN RNAMS LA MNYES GSHIN SHOG ,DRI MED YON TAN DPAL LDAN LHA, ,BDE ZHING RDZAS KUN LDAN PAR SHOG ,DES SMON LAM 'DI BYAS @217A *, ,PA DANG DUS MNYAM PA NYID LA KHYE'U MI SDUG PA 'PHRAL DU MI SNANG BAR GYUR CING, MDZES PA LTA NA SDUG PA, LUS KYI PAGS PA'I MDOG GSER GYI MDOG CAN GYI GZUGS BZANG BAR GYUR TO, ,'PHRAL DU DE LA NAM MKHA' LAS GSER GYI MDOG CAN GYI GOS BYUNG BAS LUS LA BKAB CING RIN PO CHE'I DBU RGYAN DANG, RNA CHA LA SOGS PA'I RGYAN GYI KHYAD PAR RNAMS BYUNG BAS BRGYAN TO, ,LHA RNAMS KYIS KYANG ME TOG KAR NI KA DANG, AUTPA LA DANG, TZAM PA KA DANG, PADMA DANG, KU MU TA DANG, MAN DA RA BA LA SOGS PA ME TOG GI CHAR CHEN PO PHAB PA DANG, LHA'I TZAN DAN DANG, AA KA RU DANG, GUR GUM DANG, TA MA LA'I LO MA'I PHYE MA'I CHAR PHAB CING 'DI SKAD CES KYANG SMRAS SO, ,AE MA'O DE BZHIN GSHEGS PA LA BSKRUN PA'I SBYIN PA'I SA BON KHYAD PAR CAN GYI MYU GU YANG DAG PAR 'BYUNG BA YIN NO, ,LHA'I ME TOG DANG, PHYE MA'I CHAR YANG PUS MO NUB PA TZAM DU SKYED MOS TSAL DE THAMS CAD DU BAB NAS GNAS SO, ,DE NAS YANG DAG PAR RDZOGS PA'I SANGS RGYAS RNAM PAR GZIGS SKYED MOS TSAL DE NAS MNGON PAR PHYUNG STE MNYAN LDAN GYI SKYED MOS TSAL DU GSHEGS SO, ,DED DPON RNA CAN GYIS CHUNG MA LA SMRAS PA, BZANG MO GANG ZHIG SKYES NAS DE LAS 'DI LTA BU'I RGUD PA BYUNG BAR GYUR PA'I BU DE GAR SONG, DES SMRAS PA, DES SKYED MOS TSAL DU 'GRO'O ZHES ZER RO, ,DES SMRAS PA, DES DE NYID DU YI MUG PAS BDAG NYID GSOD PAR 'GYUR GYI DE MYUR DU BZHUD CIG ,DED DPON RNA CAN GYIS SMRAS PA, YU BU'I BU'I MING NI CI, ,GZUGS NI CI LTA BU ZHIG YOD, ,DES SMRAS PA, RJE'I SRAS SHIN TU BLTA NA MI SDUG PAS MI SDUG PA ZHES BGYI'O, ,DE NAS DED DPON RNA CAN DE SHIN TU MYUR BA'I GOM STABS KYIS SKYED MOS TSAL DER SONG BA DANG, GZHON NU MI SDUG PA LUS GSER GYI MDOG CAN RIN PO CHE'I GOS SER PO PHRA BA LUS LA GYON PA, RGYAN THAMS CAD KYIS BRGYAN PA, MTHONG NA YID 'PHROG PA, LHA'I BU GZHON NU BZHIN DU DPAL GYI MCHOG TU 'BAR BA MTHONG NGO, ,MTHONG NAS KYANG AE MA'O GANG LA 'DI LTA BU'I BU YOD PA DE NI SKYES BU SKAL BA DANG LDAN PA'O ZHES ZER ZHING GZHON @217B NU LA SMRAS PA, KHYE'U KHYOD SU'I BU YIN, DES SMRAS PA, RNA CAN ZHES BYA BA'I DED DPON ZHIG YOD DE, NGA NI DE'I BU YIN NO, ,DED DPON RNA CAN GYIS BSAMS PA LA, GZHON NU 'DIS NI NGA LA BSTINGS SO SNYAM DU SEMS SHING, SHIN TU LTAD MO SKYES TE, MIG MI 'DZUMS PAR LTA ZHING GZHON NU DE LA YANG SMRAS PA, KYE GZHON NU SU'I BU YIN PA BDEN PAR SMROS SHIG ,MI SDUG PAS SMRAS PA, 'DIR CI ZHIG BRTAG PAR BYA STE, NGA NI BDEN PA NYID DU DED DPON RNA CAN GYI BU YIN NO, ,DES SMRAS PA, AE MA'O GZHON NU 'DIS NI NGA LA SHIN TU YANG BSTINGS SO SNYAM NAS SMRAS PA, GZHON NU NGAS NI SHIN TU MI SDUG GO ZHES THOS NA, KHYED NI GZUGS BZANG NA, DE THABS GANG GIS GZUGS BZANG BAR GYUR, GZHON NU MI SDUG PAS DGA' BAS MIG GDANGS TE SGRA GSANG CHEN POS SMRAS PA, DENG NI DBUL BA'I SDUG BSNGAL MES, ,SEMS NI YONGS SU GDUNGS PAS NA, ,SHING GI YAL GA'I RTZER 'DZEGS TE, BDAG GIS RANG NYID LTUNG BAR BYAS, ,LHUNG BAS YAN LAG SNAD PAS GZIR, ,BDAG NI BA RGYAL BA NYID DU GYUR, ,SEMS NI DBUGS MED MA THON PAR, ,SKAD CIG TZAM ZHIG RNAM PAR GNAS, ,DE NAS RNAM GZIGS RDZOGS SANGS RGYAS, ,SEMS CAN RNAMS LA RJES BRTZE BA, ,MGON PO BDAG LA THUGS BRTZE'I PHYIR, ,SKYED MOS TSAL NI 'DIR BYON TO, ,SUM CU RTZA GNYIS MTSAN 'CHANG ZHING, ,PAGS PA GSER NI SBYANGS PA 'DRA, ,BTZO MA'I GSER 'DRA'I 'OD RNAMS KYIS, ,PHYOGS BCU DAG NI 'GENGS PAR MDZAD, ,DE SKU'I 'OD ZER RAB BSIL BAS, ,BDAG LA REG PA TZAM GYIS NA, ,MNYAM MED BDUD RTZI'I RGYUN GYIS NI, ,'DI DAG THAMS CAD TSIM PAR MDZAD, ,BKRES SKOM LTUNG BA'I SDUG BSNGAL DANG, ,MA LUS BDAG GI BKRA MI SHIS, ,DE YI MOD LA ZHI GYUR CING, , BDAG NI SEMS CAN RNYED PAR GYUR, ,'DI CI YIN ZHES SPRO BCAS PAR, ,BDAG LANGS DE TSE THUB PA YI, ,SHIN TU MDANGS BZANGS 'GRO BA YI, ,PHUN SUM TSOGS PA'I GNAS GYUR MTHONG, ,BDAG GIS BLTA BYA'I RIN CHEN DE, ,MGON PO DPAL GYI MCHOG GIS NI, ,PHYOGS @218A *, ,RNAMS RGYAS PAR GSAL MDZAD PA, ,MTHONG NAS BDAG SNGAR DAD PAR GYUR, ,DE NAS RAB DGA'I SEMS KYIS SU, ,BDAG GIS GOS KYI DUM BU NI, ,YUNG BAS BTZOS PA DE NYID LA, ,MCHOG TU DGA' BAS PHUL BAR GYUR, ,KAR NI KA YI ME TOG GCIG, BDAG GIS BRTUL ZHUGS BZANG DE LA, ,GTOR BA DE YANG THUB PA YI, ,STENG DU GDUGS BZHIN GNAS PAR GYUR, ,DES NA DGA' ZHING MGU BA YIS, ,ZHABS GNYIS LA NI RAB BTUD DE, ,SHIN TU DANG BA BSKYED PA YIS, ,BDAG GIS SMON LAM 'DI BYAS SO, ,MGON PO SBYIN PA 'DI YIS NI, ,DE NYID BDAG NI GZUGS NGAN PA, ,YONGS SU SPANGS SHING GZUGS BZANG BA'ANG, ,SRID PA'I RGYA MTSO THOB PAR SHOG ,GSER GYI MDOG CAN GOS RNAMS KYANG, ,GSER SBYANGS LTA BU GYON PA DANG, ,BDAG GI LUS DANG KHA DOG KYANG, ,TZAN DAN AUTPAL DRI LDAN SHOG ,BDAG GI SMON LAM DE DAG NI, ,'DIS NI BYAS PAR GYUR PA NA, ,GZUGS DANG KHA DOG 'DI 'DRA BA, ,YID DU 'ONG BA BYUNG BAR GYUR, ,GOS NI RIN THANG CHER GYUR PA, ,SER ZHING SHIN TU 'JAM PA DANG, ,BDAG GI LUS LA 'PHRAL DU NI, ,SKAD CIG DE NYID DAG LAS BYUNG, , NAM MKHA'I NGOS NAS LHA RNAMS KYIS, ,ME TOG DANG NI TZAN DAN DANG, ,AA GA RU DANG TAM LA, ,AA GA RU SOGS CHAR 'DI PHAB, ,CA CO RNAM PA CHEN PO DANG, ,YID 'PHROG PA YI RNGA BRDUNG ZHING, ,SANGS RGYAS BCOM LDAN PHYAG 'TSAL ZHES, ,BYA BA'I SGRA NI SMRA BAR GYUR, ,DENG NI DGE BA 'DI BYAS PAS, ,BDAG GI GZUGS NI 'DI DAG DANG, ,GSER 'DRA'I MDOG NI YID 'ONG BA, ,'DI NI BYUNG BAR GYUR PA YIN, ,DE NAS DED DPON RNA CAN GYIS DE SKAD THOS PA DANG, 'PHRAL DU DAD PA'I SHUGS KYIS BA SPU'I BU GA THAMS CAD LDANG BAR GYUR CING DE BZHIN GSHEGS PA RNAM PAR GZIGS LA YANG DANG YANG DU PHYAG 'TSAL ZHING MCHOG TU YID DGA' BA SKYES PA DANG, BU GZUGS BZANG BA LA MIG MI 'DZUMS PAS BLTAS TE SMRAS PA, BU TSUR SHOG YU BU 'DENGS, DE NAS GZHON NU GZUGS BZANG KYIS BDAG NI PHA 'DI LAS SKYES PA YIN NO SNYAM NAS SHIN TU GUS PA DANG BCAS @218B PAS PHA'I RKANG PA LA PHYAG BYAS NAS YAB LEGS PAR BYON TAM ZHES SMRAS TE, PHA DANG LHAN CIG KHYIM DU CHAS SO, ,DE'I TSE LHA'I DBANG PO BRGYA BYIN LHA'I SHES PAS 'OG TU 'JUG PAR 'GYUR BA YIN PAS DE 'DI SNYAM DU SEMS TE, DED DPON RNA CAN 'DI NI SANGS RGYAS BCOM LDAN 'DAS LA LHAG PAR BYA BA BYAS PA YIN NO,, DE RTZVA KHYIM NA GNAS PA NI REGS PA MA YIN NO SNYAM NAS LHA'I BU LAS SNA TSOGS PA LA SMRAS PA, LAS SNA TSOGS PA SONG LA DED DPON RNA CAN GYI KHANG PA RIN PO CHE SNA BZHI LAS GRU BZHI PA'I RNAM PA GYIS SHIG ,DE NAS LAS RNAM PA SNA TSOGS PAS BRGYA BYIN GYI TSIG SMRAS TE, SKAD CIG DE NYID LA RGYAL PO'I PHO BRANG MNYAN LDAN DU 'ONGS NAS RIN PO CHE SNA BZHI'I PHA GU LAS BRTZIGS SHING KA BAS BTEG PA, KHYAMS MTHO ZHING MDZES PA DANG, SKAR KHUNG DANG, SGO KHANG DANG, NGOS NA LCOG GIS LEGS PAR BKOD PA'I YAN LAG CAN DANG, GDUNG PHRAN LA SPANG LEB LEGS PAR BKOD PA, SHIN TU MTHO BA'I KHANG PA ZUR BZHI PA, SHIN TU YID DU 'ONG BA'I RTA BABS KYIS SGO NYE BAR MDZES PA DANG, STON KA'I SPRIN MDZES PA DANG, GANGS KYI PHUNG PO DANG, ZLA BA'I 'OD ZER DANG, PADMA'I RTZA BA LTAR DKAR BA, GDUGS DANG RGYAL MTSAN DANG, BA DAN BSGRENG BA DANG, MU TIG GI CHUN 'PHYANG DANG GOS KYI CHUN 'PHYANG GI TSOGS BTAGS PA, GRONG KHYER GYI MCHOG MA LUS PA NYE BAR MDZES PAR BYED PA'I GNAS SU GYUR PA, SHIN TU 'BAR BA'I GSER GYI RANG BZHIN CAN GSAR DU MNGON PAR 'BYUNG BA'I AA NU'I RGYAN BYAS SHING YAN LAG BRGYAD PA'I CHUS YONGS SU GANG BA'I BU MA PA BRGYAD KYIS SGO NYE BAR GNAS PAR BYAS PA, DPAG TU MED PA'I DNGUL DANG, BEE d'URYA DANG, SHEL DANG, SPUG DANG, MTHON KA DANG, MTHON KA CHEN PO LA SOGS PA'I RIN PO CHE RNAMS KYIS YONGS SU SKOR BA, GTER DU MAS YONGS SU KHENGS PA, RIN PO CHE'I RDZING DANG, YO BYAD KYIS YONGS SU GANG BA'I KHANG PA'I MCHOG CIG BYAS SO, ,DE NAS DED DPON RNA CAN GYIS KHYIM DU 'ONGS PA DANG, DE'I CHUNG MA DGA' ZHING MGU LA RANGS PAS, GSER GYI RIL BA LAS CHU BYIN TE SMRAS PA, RJE'I SRAS KHYED KYI BSOD NAMS KYI MTHUS 'GA' ZHIG GIS 'DI LTA BU'I KHANG PA'I MCHOG BYAS SO, ,DE NAS @219A *, ,DED DPON RNA CAN GZHAL YAS KHANG DE LA MNGON PAR LTA ZHING, MCHOG TU DGA' BA DANG YID BDE BA SKYES NAS, SANGS RGYAS BCOM LDAN 'DAS LA SHIN TU YANG DAD PA SKYES TE, BA SPU LDANG BA DANG THAL MO SPYI BOR SBYAR TE, DE BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BSAM GYIS MI KHYAB PA'I YID BZHIN GYI NOR BU RIN PO CHE BSOD NAMS KYI ZHING BLA NA MED PA LA PHYAG 'TSAL LO ZHES SMRAS TE PHYAG BYAS NAS RAB TU DGA' BAS RGYAS PA'I BZHIN DANG BAS SMRAS PA, AE MA'O YON TAN RANG BZHIN ZHI, ,NYES PA THAMS CAD RAB SPANGS PAS, ,GANG DU BDAG GIS SA BON BTAB, ,'BRAS BU DE NYID STZOL BAR MDZAD, ,SBYIN PA NGAN NGON DE TZAM NI, ,LEGS PAR SBYAR BA KUN BRAL GANG, ,NYAMS DGA' MTHONG BA'I GSER DANG NI, ,RIN CHEN RANG BZHIN KHYIM 'DI GANG, ,RTZIG PA'I LHAG MA LUS PA TZAM, ,BDAG KHYIM MYA NGAN 'PHEL BYED PA'I, ,SBRIN DANG NGES PAR BRAL BA YI, ,ZLA BA'I 'OD LTAR DKAR 'DI GANG, ,BYI BA 'BUS RTOL BU GA YI, ,SKAR KHUNG LDAN PA'I KHYIM YANG GANG, ,RIN CHEN RAB MCHOG DU MA YI, ,SKAR KHUNG LDAN PA'I KHYIM 'DI GANG, ,KHROS PA'I KHYIM KHYAB TSER MA DANG, ,MI GTZANG TSOGS KYIS GZINGS DE GANG, ,KHYIM 'DI SNGON CHAD DE 'DRA LAS, ,RIN CHEN BSAGS 'DI GANG YIN MTSAR, ,SGRUL GYIS BOR BA'I LPAGS RNYING 'DI, ,'PHYANG BA'I GOS KYIS KHYAB DE GANG, ,PHRA BA'I GOS NI PHUN TSOGS BKRA, ,RNGA YAB 'PHYANG BA 'DI NI GANG, ,KHYI MOS BSDUS PA'I RUS GONG NI, ,DKAR POS GCAL BKRAM KHYIM DE GANG, DRI ZHIM ME TOG BZANG PO 'DI, ,SI LA MAS NYE BAR MDZES 'DI GANG, ,MYA NGAN 'CHI MA'I RGYUN GYIS NI, ,RTAG TU BRLAN PA'I KHYIM DE GANG, ,DRI ZHIM GLA RTZI TZAN DAN GYI, ,CHU YIS CHAG CHAG BTAB 'DI GANG, ,ME LCES TSIG CING KHRA RNAMS KYIS, ,MI RNAMS RTA BABS CAN DE GANG,, GSER DANG RIN CHEN MU TIG MCHOG ,PHRENG BAS NYE BAR MDZES 'DI GANG, ,SPANG LEB CHAG PA'I SGO YIS NI, ,BSGRIBS PA YI NI KHYIM 'DI GANG, ,SHEL LAS BSGRUBS PA'I SGO GLEGS NI, ,SGO 'PHAR LDAN PA 'DI NI GANG, ,NGA NI YUN RING NYAMS PA YI, ,'JIG DU MA BYED PA'I KHYIM 'DI GANG, ,NOR @219B BU'I RANG BZHIN KA BA DANG, ,SGO GANG GIS NI BRGYAN 'DI GANG, ,SMRE SNGAGS SGRA YIS KUN DU NI, ,KHYAB PA'I BZHI MDO DE NI GANG, ,ROL MO'I SGRA DANG GLING BU YI, ,SKAD DANG YANG DAG LDAN NI GANG, ,SNGON NI THOD PA'I TSOGS DANG NI, ,PHYAG DAR PHUNG POS KHEMS TE GANG, ,RIN CHEN PHUNG POS MDZES PA GANG, GANG DU BSAGS PA 'DI NI GANG, ,LCOG DANG GDUNG PHRAN BKOD PA RNAMS, ,MA LUS LHAG PAR GYUR TE GANG, ,NANG NA MTHON KA CHEN PO DANG, ,SHEL NI CHEN PO BZHAG 'DI GANG, ,STAN DANG BRAL BA'I SO PHAG NI, ,GCIG LA BRTEN PAR GYUR DE GANG, ,SNA TSOGS GOS G-YOGS NANG TSANGS CAN, , BRGYA PHRAG DANG NI LDAN DE GANG, ,SNGON NI GSEGS MAS KHYAB GYUR PA'I, ,SA YI CHA YI MAL DE GANG, ,RGYA CHEN DANG LDAN DPAL GYI KHRI, ,NYAMS SU DGA' BA 'DI NI GANG, ,RTZVAS G-YOGS PA YI MAL STAN NI, ,BDAG LA RAB TU RTZUB STE GANG, ,SHING BAL YANG ZHING 'JAM PA'I STAN, ,DENG RAB YID DU 'ONG BA GANG, ,KHYIM NAS KHYI YIS GANG GYUR PAS, ,SHIN TU DRI MI ZHIM DE GANG, ,GZHAL YAS KHANG NA YID 'ONG BA, ,DRI ZHIM DAM PAS BSGOS 'DI GANG, ,SNGON CHAD KHANG PA'I PHYI NANG NA, ,GOS DENGS SNAL MAS KHYAB DE GANG, ,SNA TSOGS RIN CHEN MCHOG GYUR PAS, ,RNAM SPRAS NYAMS DGA' 'DI NI GANG, ,KHRA YIS MI GTZANG RI MO YIS, ,DKAR PO BRGYA RAB 'CHANG DE GANG, ,RGYAN RNAMS SNA TSOGS MU TIG GIS, ,DRA BAS NYE BAR MDZES 'DI GANG, ,SDUG BSNGAL TSIG SMRE LAG PA DANG ,BSGRENG BA'I KHANG PA DE NI GANG, ,DRI MED GDUGS DANG BA DAN DAG ,BSGRENGS PAS BRGYAN PAR GYUR 'DI GANG, ,SKYOB PA BSOD NAMS ZHING GYUR PA, ,GANG ZHIG BYON PAS BDAG DENG NYID, ,DBUL BA'I RGYA MTSO LAS SGROL BA, ,MGON PO DE LA PHYAG 'TSAL LO, ,GANG ZHIG BYON PAS BDAG DE NYID, ,PHUN TSOGS 'DI 'DRA THOB 'GYUR BA, ,THAMS CAD MKHYEN PA RNAM PAR GZIGS, ,'JIG RTEN MGON LA PHYAG 'TSAL LO, ,RNAM PAR RGYAL BZHIN BSAM YAS PA'I, ,YON TAN DPAG MED RNAMS KYIS BRGYAN, ,YANG DAG BYON NAS DE BDAG NI, ,GZHAL YAS KHANG MCHOG THOB PAR MDZAD, ,STON PA DE NI LEGS RNYED PAS, ,TI SE'I RTZE MO BSGRENGS PA @220A *, ,LTA'I, ,STON KA'I ZLA BA LTAR DKAR BA'I, ,GZHAL YAS KHANG MTHO THOB PAR GYUR, ,DE NYID GRONG KHYER 'DI MGON MED, ,DBUL BA'I SDUG BSNGAL CAN GYUR NAS, ,DE NYID KUN GYI MCHOG GYUR CING, ,NOR CHE BA DANG LDAN PAR GYUR, ,SA BON DE NYID BTAB TZAM GYIS, ,'BRAS BU 'PHRAL DU STZOL BA PO, ,'JIG RTEN MCHOG GYUR KHYAB BDAG DE, ,SU ZHIG GIS NI MCHOG 'OS MIN, ,DE NAS DED DPON RNA CAN DAD PA'I SHUGS DRAG POS SEMS KYI RGYUD BRLAN PA DANG BSAMS PA, BCOM LDAN 'DAS BYON NAS, ,NGAL 'BYON PA 'DI LTA BU THOB PAR MDZAD PA YIN PAS, DA YANG NGAS DANG PO NYID DU BCOM LDAN 'DAS DE BZHIN GSHEGS PA RNAM PAR GZIGS KHANG PA 'DIR SPYAN DRANGS LA, NYAN THOS KYI TSOGS DANG BCAS PA LA BSHOS GTZANG DBUL BAR BYA'O SNYAM NAS, GUS PA CHEN POS DE BZHIN GSHEGS PA RNAM PAR GZIGS, NYAN THOS KYI DGE 'DUN DANG BCAS PA, KHANG PA'I NANG DU SPYAN DRANGS TE, ZHAL ZAS RO BRGYA PA NYIN ZHAG BDUN GYI BAR DRANGS NAS ZHABS GNYIS LA PHYAG BYAS TE, JI SRID 'TSO'I BAR DU YO BYAD THAMS CAD KYIS BSNYEN BKUR BYAS PAR GYUR TO, ,DE NAS NYI MA GZHAN ZHIG LA ZHING BSRUNG BA'I SKYES BU ZHO SHAL 'TSO BA ZHIG LA, RJE BOS 'BRAS CHAN GYI THUM BU ZHIG BYIN PA DANG, DE THOGS TE ZHING LAS LA CHAS PA DANG, LAM GYI BAR ZHIG TU ZHO SHAS 'TSO BA'I SKYES BU DES DGE BSNYEN GZHAN ZHIG LA, DED DPON RNA CAN GYIS MA SHA'I SNUM KHUR GCIG SANGS RGYAS BCOM LDAN 'DAS LA PHUL BAS, 'BYOR BA 'DI LTA BU THOB CES THOS SO, ,THOS NAS KYANG, SKYES BU DES DGE BSNYEN DE LA SMRAS PA, KYE BZHIN BZANGS BCOM LDAN 'DAS DE CHE BA'I YON TAN DE JI LTA BU ZHIG YOD, DES SMRAS PA, BZHIN BZANGS BCOM LDAN 'DAS DE'I YON TAN DE'I KHYAD PAR SMRA BAR GA LA NUS, 'ON KYANG MDOR BSDUS PA'I DON 'DI NYON CIG ,BCOM LDAN 'DAS YANG DAG PAR RDZOGS PA'I SANGS RGYAS DE NI SKYES BU, RAB MCHOG MTSAN GYIS BRGYAN PAS, GSER GYI RI LTAR SNANG BAS, NYI MA DANG ZLA BA BAS LHAG PA'I 'OD GCIG BU LA, DUL BA, BRTUL ZHUGS BZANG BA, THUGS DUL BA, GSUNG SNYAN BA, CHA LUGS BZANG BA, @220B SKU MDZES PA, ZHAL MDZES PA, SPYAN MDZES PA, PHRIN LAS BZANG BA, CHOS BZANG BA, BZOD PA DANG LDAN PA, SPOBS PA DANG LDAN PA, DES PA SHIN TU 'DREN PA DUL BA MKHYEN PA, ZHI BA MKHYEN PA, SPYAN YANGS PA, BYAS PA MKHYEN PA, DBANG PO RAB TU ZHI BA, DBANG PO'I RTA SHIN TU DUL BA, DBANG PO SHIN TU ZHI BA, CHOS KYI RGYAL PO CHEN PO, SEMS CAN GYI SNYING PO CHEN PO, 'JIG RTEN GYI MGON PO CHEN PO, YE SHES KYI TOG CHEN PO, SMRA BA'I DPA' BO CHEN PO, BSOD NAMS KYI MDZOD CHEN PO, CHOS KYI GRU CHEN PO, DED DPON CHEN PO, SBYIN GNAS CHEN PO, GRUB CHEN PO CHOS KYI SBYIN BDAG CHEN PO, SRED PA RNAMS GCOD PAR MDZAD PA, RMONGS PA NGES PAR 'JIG PAR MDZAD PA, KHRO BA ZHI BAR MDZAD PA, THAR PA STON PAR MDZAD PA, CHOS YANG DAG PAR MDZAD PA, NGAN PA LAS 'PHO BAR MDZAD PA, LAM BZANG PO STON PAR MDZAD PA, THE TSOM GCOD PAR MDZAD PA, BDEN PA YANG DAG PAR STON PAR MDZAD PA, NYON MONGS PA ZHI BAR MDZAD PA, BDUD 'JOMS PAR MDZAD PA, 'JIG RTEN RNAMS SGROL BAR MDZAD PA, TSANGS PAS MCHOD PA, BRGYA BYIN GYIS YANG DAG PAR BKUR BA, 'JIG RTEN THAMS CAD PAS LHAG PA, 'JIG RTEN THAMS CAD KYI MDZES PA, SEMS CAN THAMS CAD KYI MCHOG ,SDUG BSNGAL THAMS CAD GCOD PAR MDZAD PA, THAMS CAD RIG PA, TSUL DANG DUL BA LA MKHAS PA, ZAG PA THAMS CAD LAS 'DAS PA, SMRA BA'I GTZO BO ZIL GYIS MA MNAN PA, NYES PA THAMS CAD ZIL GYIS MA G-YENGS PA, DON THAMS CAD LA MNGON PAR BRTZON PA, GZUGS DAN LDAN PA, TSUL KHRIMS DANG LDAN PA, BSAM GTAN DANG LDAN PA, BRTZON 'GRUS DANG LDAN PA, YE SHES DANG LDAN PA, RE BA MI MNGA' BA, SGYU MI MNGA' BA, NAN MI MNGA' BA, SPROS PA MI MNGA' BA, SKYON MED PAR ZHUGS PA, 'JUG PA DANG ZAD PA'I STOBS NYE BAR STON PAR MDZAD PA, SEMS CAN THAMS CAD LA BYAMS PA'I DGONGS PA CAN, SDIG PA RNAMS LAS GROL BA, LHAG PAR MOS PA DANG LDAN PA, BLA NA MED PA, GTZO BO, STON PA PO, NYON MONGS PA'I NAD KYIS GDUNGS PA RNAMS KYI SMAN PA CHEN PO, RANG BYUNG KHYAB BDAG YANG @221A *, ,DAG PAR SDOM PA'I BDAG NYID CAN, MTHU TSAD MED PA, MDZAD PA NYUNG BA, CHO GA MKHYEN PA DANG LDAN PA, DUS DANG LDAN PA, YE SHES DANG LDAN PA, NYON MONGS PA'I DGRA LAS NGES PAR RGYAL BA, ME RAB TU ZHI BA, MI BSKYOD PA'I CHOS DANG LDAN PA, MCHOG TU SDUG BSNGAL BA'I 'JIG RTEN MA RIG PA'I 'DAM LA NUB PA LA GZIGS SHING DE LA NYID KYIS YANG DAG PAR 'DON PA SPYOD LA, NYID KYI MTHU'I BDAG NYID SEMS CAN THAMS CAD LA MA TSUNGS PAR YOD PAR BZHED PA'I THUGS RJE CHEN POS DON MDZAD PA'I BLO GROS KYI MCHOG GIS 'DI LAS 'GRO BA 'DON PAR MDZAD PA, JI LTAR SDUG BSNGAL RNAMS GNON PAR BYA, JI LTAR SKRAG PA RNAMS DBUGS DBYUNG BAR BYA, JI LTAR NA 'KHOR BAR NUB PA RNAMS GDON PAR BYA, JI LTAR NA BKRES PA RNAMS TSIM PAR BYA ZHES DE LTA BU'I BRTAN PO YANG DAG PAR BSKYED DE, BRTZON 'GRUS MCHOG RTZOM PAR MDZAD CING, SKU TSE BYE BA BRGYA STONG DU SNGA MA BZHIN DU ZAS DANG, SKOM DANG GNAS DANG, LHAM DANG, BZA' BA DANG, GDUGS DANG, BZHON PA DANG, STAN LA SOGS PA YID DU 'ONG BA DANG, GLANG PO CHE DANG, RTA DANG CHUNG MA DANG BU DANG, BRAN PHO DANG, BRAN MO DANG, MGO DANG, MIG DANG, BDAG GI SHA DRON PO BCAD NAS BRGYA BYIN KHRA'I GZUGS CAN LA SOGS PA DANG, SEMS CAN THAMS CAD LA THABS THAMS CAD KYIS PHAN BAR DGONGS PA, DUS THAMS CAD DU YANG RGAS PA DANG, NA BA DANG, PHONGS PA DANG, KUN DU RMONGS PA DANG, KUN DU 'KHRUL PA DANG, 'KHRUGS PA DANG, MI BDE BAR GNAS PA RNAMS LA GZIGS NAS THAMS CAD DBUGS PHYUNG STE, YOD DAM MED PA LA YANG SPYOD PA JI LTA BAS BRTAN PAR MDZAD PA, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA SOGS PA'I YON TAN SKU TSE BRGYA STONG DU MAR BSAGS PAS ZHI BA'I BYANG CHUB KYI MCHOG BLA NA MED PA BRNYES PA'O, ,GZHAN YANG YANG DAG PAR RDZOGS PA'I SANGS RGYAS GRAGS PAS KHYAB PA, DBUGS 'BYIN PA'I CHOS THUGS RJE STON PAR MDZAD PA YE SHES YONGS SU RDZOGS PA, BRTZON 'GRUS CHE BA, DAM BCAS PA THAMS CAD MTHAR PHYIN PAR MDZAD PA'O, ,NYES PA THAMS CAD LAS NYE BAR GROL BA RMONGS @221B BA RNAMS NYE BAR BSAL BA, DUL BA DANG, ZHI BA DANG, DBANG PO'I YUL THAMS CAD LA MA CHAGS PA, THAMS CAD KYI DBANG PHYUG ,LUS KYI THA MA BRNYES PA, TSAD MED PA'I MTHU'I 'OD KYIS BRGYAN PA'I YE SHES KYI MDZOD, ZLA BA RGYAS PA BAS LHAG PA'I 'OD DANG LDAN PA'I ZHAL MNGA' BA, LHA'I DBANG PO DANG, LHA MA YIN GYI DBANG PO DANG, KLU'I DBANG PO RNAMS KYIS MOS PAS RAB TU DANG BA DANG, RTAG TU PHYAG BYAS PA, GZI BRJID RAB TU 'BAR BA, BSOD NAMS DANG GRAGS PA DANG LDAN PA, DRANG SRONG CHEN PO BYUNG BA, GSER SHIN TU SBYANGS PA, CHOS KYI DBANG PHYUG MCHOG GI CHOS KYI PHA ROL TU PHYIN PA, SEMS CAN GYI MCHOG ,CANG SHES PA GROL BA, DPA' BA, LHA'I YANG LHA, YANG DAG PAR RDZOGS PA'I SANGS RGYAS, DE'I YON TAN MA LUS PAR STON PA SU ZHIG GIS NUS, GZHAN YANG, GZUGS DANG MDANGS BZANG THAMS CAD KYI, ,PHUN SUM TSOGS PAS LEGS BRGYAN PA, , SKUR LDAN SANGS RGYAS MA GTOGS PA, ,'DI 'DRA'I MCHOG GZHAN YOD MA YIN, ,SANGS RGYAS 'DRA BA'I STON PA MED, ,SANGS RGYAS 'DRA BA'I BLO BZANG MED, ,SANGS RGYAS 'DRA BA'I RTOGS PA MED, ,SANGS RGYAS 'DRA BA'I THUB PA MED, ,SANGS RGYAS 'DRA BA'I SNOD MED DE, ,SANGS RGYAS 'DRA BA'I BDE LDAN MED, ,SANGS RGYAS 'DRA BA'I DUL BA MED, ,SANGS RGYAS 'DRA BA'I GTZO BO MED, ,SANGS RGYAS 'DRA BA'I SMRA BA MED, ,SANGS RGYAS 'DRA BA'I PHA MED DE, ,SANGS RGYAS 'DRA BA'I GNYEN 'DUN MED, ,SANGS RGYAS 'DRA BA'I BSHES MED DO, ,BDAG GI MED CING DREGS PA MED, ,'JIGS PA MED CING NYES PA MED, ,SRID PA'I DGON PA NGES RGAL ZHING, ,'GRAN ZLA MED CING SKYON MI MNGA', ,MDZES DUL ZHI ZHING GTZANG BA DANG, ,DRAN LDAN STOBS LDAN DBANG DANG LDAN, ,SEMS CAN KUN LA PHAN MDZAD PA, ,SANGS RGYAS 'DRA BA GZHAN MED DO, ,MDOR NA YON TAN DAM PA NI, ,KHYAD PAR SNA TSOGS LDAN PAS NA, ,KHAMS GSUM NA NI SANGS RGYAS DANG, ,MNYAM PA MED PAR GZUNG BAR GYIS, ,DE THOS PA DANG ZHO SHAS 'TSO BA'I SKYES BU DE DAD PAS BA SPU LDANG ZHING SHIN TU RNYED PAR DKA' BA'I SPOBS PA 'PHRAL DU SKYES TE, DES SMRAS PA, DED DPON RNA CAN GYI SRED PAS DE LTA BU'I SBYIN @222A *, ,GNAS DAM PA BCOM LDAN 'DAS DE BZHIN GSHEGS PA RNAM PAR GZIGS LA MA SHA'I SNUM KHUR CIG PHUL NAS, SKAD CIG DE NYID LA DED DPON DED BUL BA MED PAR GYUR CIG CES DE LTAR SEMS KYI NOR BU RIN PO CHER GYUR PA DE BZHIN GSHEGS PA LAS RNYED DE, SHIN TU ZHAN PA LA LONGS SPYOD KYI RGYUR GYUR PA'I SMON LA MA BTAB PA YIN LA, NGA YANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BSKAL PA BYE BA BRGYA STONG DPAG TU MED PAR YANG MI MTHONG BA, SHIN TU BLTA BAR 'OS PA, BLA NA MED PA BSKAL PA BRGYA STONG DPAG TU MED PAR SEMS CAN THAMS CAD KYI DON LA ZHUGS PAR BSAGS PA'I BSOD NAMS KYI TSOGS MNGA' BA THUGS RJE CHEN PO LAS MI LDOG PA, 'KHOR BA DU MA'I NYON MONGS PA'I DUG CAN GYI SBRUL CHEN POS ZIN PA'I DMAN PA RNAMS LA RJES SU THUGS BRTZE BA, RNAM PAR LTUNG PA'I 'GRO BA RNAMS LA KHYAD PAR DU MNYEN GSHIN PA RJES SU MI SPONG BA'I NYE DU YIN LA, NGAS NI DUS DPAG TU MED PAR LONGS SPYOD MA BSGRUBS PA YIN TE, NGAS ZHING LAS KYIS BSGRUBS PA'I 'BRAS CHAN GYI SLONG MO SHIN TU ZHAN PA RNYED PA 'DI PHUL LA MNYES PAR BYA STE, DE'I TSE GANG GIS SEMS CAN THAMS CAD KYI MCHOG TU 'GYUR BA DE LTA BU'I SMON LAM GDAB PAR BYA'O SNYAM PA'I YID LA BRJOD PA'I RJES THOGS NYID LA BCOM LDAN 'DAS YANG DAG PAR RDZOGS PA'I SANGS RGYAS RNAM PA GZIGS KYIS SEMS DANG SEMS KYI RTOGS PA MKHYEN NAS RDZU 'PHRUL GYIS GSHEGS TE DE'I MDUN DU BZHUGS SO, ,LAS BYED PA'I SKYES BU DES DE BZHIN GSHEGS PA RNAM PAR GZIGS SKU BLTA BAS CHOG MI SHES PA, GSER SHIN TU SBYANGS PA LTAR MNGON PAR MDZES PA'I MDANGS DANG LDAN PA'I LHA'I RI'I RTZE MO LA NYI MA 'CHAR KA'I 'OD ZER RNAM PAR 'BYUNG BAS MTSAMS SNANG BAR BYAS PAS SHIN TU GSAL BAR BYAS PA LTA BU'I SKU LA 'OD DANG LDAN PA MTHONG NGO, ,MTHONG NAS KYANG MCHOG TU DGA' BA DANG YID BDE BA SKYES NAS DAD PA'I SHUGS CHEN POS 'BRAS CHAN THUM BU BLANGS TE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAM PAR GZIGS KYI LHUNG @222B BZED DU PHUL TE, DAD PA'I SHUGS CHEN POS ZHABS GNYIS LA PHYAG BYAS TE SMON LAM BYED PAR BRTZAMS PA, MGON PO'I BSOD NAMS 'DI YIS NI, ,SKYE BA 'DI NAS BZUNG NAS SU, ,SEMS CAN KUN LA PHAN SEMS SHING, ,SNYING RJE'I BDAG NYID CAN GYUR CIG ,JI LTAR KHYOD NI MTSAN LDAN ZHING, ,BLA MED BYANG CHUB BRNYES GYUR PA, ,DE BZHIN BDAG KYANG RDZOGS BYANG CHUB, ,DRI MED YANG DAG THOB GYUR CIG ,JI LTAR KHYED NI KUN MKHYEN ZHING, ,CHOS RNAMS JI LTAR STON MDZAD PA, ,BRNYES PA DE BZHIN BDAG KYANG NI, ,KUN MKHYEN NYID NI THOB PAR SHOG ,JI LTAR KHYED BDUD LAS RGYAL ZHING, ,CHOS KYI 'KHOR LO BSKOR MDZAD PA, ,DE BZHIN BDAG KYANG NGES RGYAL NAS, ,CHOS KYIS 'KHOR LO BSKOR GYUR CIG ,JI LTAR MGON POS 'KHOR BA YI, ,RGYA MTSO'I NGOGS SU SGROL MDZAD BZHIN, ,THUB PA'I DAM PA DE LTAR NI, ,BDAG GIS SEMS CAN MANG DGROL BGYI, ,DE NAS BCOM LDAN 'DAS YANG DAG PAR RDZOGS PA'I SANGS RGYAS RNAM PAR GZIGS CHAR DANG BCAS PA'I SPRIN BZHIN ZAB CING GSAL BA'I GSUNG GIS BKA' STZAL PA, BZHIN BZANGS DON GRUB CES BYA'I STON PAR NI, ,MTHU LDAN KHYOD NI STON PAR RAB 'GYUR TE, ,BDUD SDE BCAS LAS 'DI NA MNGON RGYAL ZHING, ,KUN NAS 'JIGS PA MNGON PAR LTUNG BYED 'GYUR, ,DE NAS YANG DAG PAR RDZOGS PA'I SANGS RGYAS RNAM PAR GZIGS KYIS SKYES BU DE BLA NA MED PA YANG DAG PAR RDZOGS PA'I BYANG CHUB TU LUNG BSTAN TE, LUNG BSTAN ZIN PA DANG, JI LTAR GYUR PA DE RGYAL PO'I PHO BRANG MNYAN LDAN KUN DU GRAGS PAR GYUR TO, ,JI TZAM NA RGYAL PO MNYAN LDAN GYIS THOS PA DANG, DER RANG NYID SONG STE, DGE BA'I RTZA BA'I TSOGS DES SPRO BA'I SEMS KYIS SKYES BU DE LA BSNYEN BKUR CHEN POS GLANG PO CHE'I RGYAB LA BSKYON TE PHO BRANG DU KHYER NAS STAN PHYED LA BZHAG STE, RGYAL SRID KYI PHYED BYIN PAS MCHOD PA DANG, DES SMRAS PA, RGYAL PO CHEN PO BDAG NI 'DOD PA DON DU GNYER BA MA LAGS TE, BDAG RAB TU BYUNG NAS TSANGS PAR SPYOD PA SPYAD PAR GNANG BAR MDZAD DU GSOL, ,DE YANG RGYAL POS GNANG NAS LEGS PAR GSUNGS PA'I CHOS 'DUL BA LA RAB TU BYUNG NAS, DE DER JI SRID 'TSO'I BAR DU TSANGS PAR SPYOD PA SPYAD DE, DUS BYAS @223A *, ,NAS 'PHRUL DGA'I LHA RNAMS SU SKYES SO, ,RGYAL PO MNYAN LDAN YANG DUS BYAS NAS DE'I RGYAL SRID LA BZHAG GO, ,DES KYANG DUS CHUNG ZAD CIG RGYAL SRID BYAS NAS DUS BYAS PA DANG, BLON PO RNAMS KYIS BSNYEN BKUR CHEN POS GZUGS BZANG RGYAL POR BSKOS TE, DE LO DRUG KHRI'I BAR DU CHOS KYI RGYAL PO BYAS TE, DE NAS SHI 'PHOS NAS DGA' LDAN GYI LHA'I NANG DU SKYES SO, ,RGYAL PO CHEN PO 'DI JI SNYAM DU SEMS, DE'I TSE DE'I DUS NA GZUGS BZANG ZHES BYA BA'I RGYAL PO DE GZHAN ZHIG YIN PA SNYAM DU SEMS NA DE DE LTAR MI BLTA STE, GSER MDOG 'DI DE'I TSE DE'I DUS NA GZUGS BZANG ZHES BYA BA'I RGYAL POR GYUR TE, GANG 'DIS DE BZHIN GSHEGS PA RNAM PAR GZIGS LA YUNG BAS BTZOS PA'I GOS KYI DUM BU PHUL NAS SMON LAM BTAB STE, LAS KYI RNAM PAR SMIN PA 'DIS LHA DANG MI RNAMS KYI BDE BA DPAG TU MED PA NYAMS SU MYONG STE, GANG DANG GANG DU SKYES PA DE DANG DER LUS GSER GYI MDOG CAN DANG GSER GYI MDOG CAN GYI GOS LUS LA GYON PA DANG, BTZAS PA'I DUS SU YANG KAR NI KA RA'I ME TOG GI CHAR BAB PAR GYUR PA DANG, JI SRID DA LTAR YANG RANG GI LUS LA GOS LAN CIG PHUD NA DE'I SKAD CIG NYID LA LUS LAS SKYES PAR 'GYUR BA'I BSOD NAMS KYI MTHU CHEN PO DANG LDAN PA YIN NO, ,DE'I TSE DE'I DUS NA DED DPON RNA CAN ZHES BYA BA DE NI DED DPON NYI MA 'DI NYID YIN NO, ,DED DPON RNA TZAN GYI CHUNG MA GANG YIN PA DE NI DA LTAR DED DPON NYI MA'I CHUNG MA YIN NO, ,BRAN MO NI KA SHI MDZES DGA' MO YIN NO, ,DE'I TSE DE'I DUS KYI BRAN PO NI BLON PO RAB GTUM YIN NO, ,YANG RGYAL PO MA SKYES DGRAS GNAS BRTAN KUN DGA' BO LA 'DI SKAD CES GSOL TO, ,BTZUN PA KUN DGA' BO DGE SLONG GSER MDOG GIS LAS CI ZHIG BGYIS NA LAS GANG GI RNAM PAR SMRIN PAS NYES PA MED CING GNOD PA MI BYED PA GSAL SHING LA BSKYON PA DANG, RAB TU BYUNG NAS KYANG DGRA BCOM PA NYID THOB PA LAGS, GNAS BRTAN KUN DGA' BOS BKA' STZAL PA, RGYAL PO CHEN PO SNGON BYUNG BA 'DAS BA'I DUS NA YANG DAG PAR RDZOGS PA'I SANGS RGYAS ZLA BA ZHES BYA BA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS @223B SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS 'JIG RTEN DU BYUNG STE, DE RGYAL PO'I PHO BRANG GZHAN ZHIG NA NYE BAR BSTEN ZHING BZHUGS SO, ,YANG DE'I TSE DE'I DUS NA GTZUG LAG KHANG GZHAN ZHIG NA DGE SLONG GA GE MO ZHES BYA BA'I CHOS STON PA ZHIG GNAS PA DANG, DE DUS DANG DUS SU 'ONG ZHING 'GRO BA'I BRAM ZE DANG, KHYIM BDAG RNAMS LA CHOS STON PAR BYED PA NA DES RNYED PA DANG BKUR STI CHEN PO THOB PAR GYUR TO, ,JI TZAM NA DUS GZHAN ZHIG NA MA PHAM PA ZHES BYA BA'I DGE SLONG CHOS SMRA BA, RIG PA DANG GROL BA'I SPOBS PA CAN, SNA TSOGS PA'I GTAM DANG, SNYAN PA'I GTAM DANG, YUL GYI LJONGS RGYU ZHING GTZUG LAG KHANG DER 'ONGS PA DANG, DE 'KHOR BZHI PO LA TSANGS PAR SPYOD PA, THOG MAR DGE BA DANG, BAR DU DGE BA DANG, THA MAR DGE BA DANG, DON BZANG PO, TSIG 'BRU BZANG PO, MA 'DRES PA, YONGS SU DAG PA, YONGS SU BYANG BA YONGS SU RDZOGS PA YANG DAG PAR STON TE, DES YUL GYI PHYOGS DE NA GNAS PA'I SKYE BO THAMS CAD MNGON PAR DAD PAR BYAS SHING, DE CHOS GOS DANG BSOD SNYOMS DANG, MAL STAN DANG, NAD KYI GSOS SMAN DANG, YO BYAD RNAMS RNYED PAR GYUR CING, GZHI NA GNAS PA'I CHOS SMRA BA DE'I RNYED PA DANG BKUR STI CHAD PAR GYUR PA DANG, DE 'DI SNYAM DU SEMS TE, DGE SLONG MA PHAM PAS NGA'I RNYED PA DANG, BKUR STI RGYUN BCAD PAR BYAS TE, JI SRID 'DI NA GNAS PA DE SRID KYI BAR BU NGAS RNYED PA DANG BKUR STI GA LA RNYED KYI 'GRO BA'I PHYIR THABS BSAM PAR BYA'O SNYAM MO, ,YANG BSAMS PA, 'DI NI THOS PA MANG BA YIN PAS BSNYEN BKUR MED PAS 'JIGS PA YIN TE, DE BAS NA BSNYEN BKUR MED PA LA SBYAR BAR BYA'O SNYAM NAS BRAM ZE MO GZHON NU MA GZHAN ZHIG LA SMRAS PA, SRID MO NGAS KHYOD LA RAS ZUNG CIG SBYIN PAR BYA YIS KHYED KYIS 'DI DANG LHAN CIG MI TSANGS PAR SPYAD PAR BYA BA YIN NO ZHES DGE SLONG MA PHAM PA LA SKUR BA THOB SHIG ,DES SMRAS PA, 'PHAGS PA NGAS DE LTAR SMRAS NA NGA SU ZHIG LAN PAR 'GYUR TE, JI SRID 'TSO'I BAR DU PHA DANG MA GSO BAR BYED PA ZHIG TU MI @224A *, ,'GYUR RAM, DES SMRAS PA, NGAS JI LTAR NA SKYE BO MANG POS SHES PAR MI 'GYUR BA DE LTAR BYA YIS GZHAN DU NANG 'DI NA DGE SLONG GZHAN GSUM MAM BZHI DANG LHAN CIG 'DUG GIS, DE'I TSE KHYOD GSANG BA'I TSIG GIS SMROS SHIG ,DES DE LTAR BGYI'O ZHES KHAS BLANGS SO, , JI TZAM NA NYI MA GZHAN ZHIG NA CHOS STON PA'I DGE SLONG DE DGE SLONG DE RNAMS DANG LHAN CIG KHANG PA'I SGO NA 'DUG STE GTAM GYIS SBYOR BAR GNAS PA DANG, BRAM ZE MO DE 'ONGS NA SMRAS PA, 'PHAGS PA KHYED RNAMS NI RAB TU BYUNG BA LAGS SO SNYAM NAS BDAG CAG BAG PHEBS PAS 'GRO ZHING RGYU BAR BYA'O SNYAM DU BDAG SEMS NA, GANG DGE SLONG MA PHAM PA 'DIS BDAG STOBS KYIS GZUNG NAS GZHON NU MA'I TSUL NYAMS PAR BYAS NA, CI RIGS PA LAGS SAM DE NAS DGE SLONG DE RNAMS KYIS RNA BA BKAG STE, SRING MO DE SKAD MA ZER CIG ,'DI NI MNYAN PAR BYA BA MA YIN NO, ,DE NAS CHOS STON PA'I DGE SLONG DES LEGS PAR BYAS PA MA YIN NO, ,LEGS PAR BYAS PA MA BYAS PA YIN NO ZHES ZER ZHING DGE SLONG MA PHAM PA'I GRAGS PA MA YIN PA SGROGS SO, ,CI CAM NA THOS PA GCIG NAS GCIG TU BRGYUD PAS DGE SLONG MA PHAM PAS THOS SO, ,THOS NAS KYANG SMRAS PA, SU ZHIG DE SKAD ZER, YANG SMRAS PA, DGE SLONG CHOS STON PA 'DI DE SKAD ZER RO, ,DE NAS DE CHOS SMRA BA'I DGE SLONG GANG NA BA DER SONG STE PHYIN NAS KYANG SMRAS PA, BTZUN PA BDAG GIS KHYED LA GNOD PA CI ZHIG BYAS NA GANG 'DI LTA BU'I BSNGAGS PA MA YIN PA SGROGS PAR BYED, DES DE LA SEMS SHIN TU 'KHRUGS PAS NGAG GI LAS SHIN TU MI BZAD PA SMRAS PA, KHYOD KYIS NI GANG GIS GSAL SHING LA GZUGS PAR 'OS PA DE BYAS SO, ,DE THOS PA DANG DGE SLONG MA PHAM PA 'DI SNYAM DU SEMS TE, DKA' THUB CAN 'DI NI NYE BAR BCOM ZHING NYAMS PAR GYUR TO SNYAM NAS, CHOS GOS DANG LHUNG BZED BLANGS TE, JI LTAR YONGS SU LONGS SPYOD PA'I MAL STAN BSDUS NAS GTZUG LAG KHANG DE NAS BYUNG STE CHAS SO, ,DE CHAS PA MTHONG NAS DGE SLONG DANG, DGE SLONG MA DANG, YUL DE NA GNAS PA'I SKYE BO'I TSOGS RNAMS DE BZLOG PA'I PHYIR PHYI BZHIN 'BRANGS SO, ,CHOS SMRA BA'I DGE SLONG DE YANG 'DI SNYAM DU NGAS NI BZANG PO BYAS PA @224B MA YIN TE, GANG RNYED PA DANG BKUR STI TZAM GYI PHYIR 'DI LTA BU'I NGAN SONG TZAM DU 'GRO BAR 'JUG PA'I LAS BYED PA LA ZHUGS PA NI BDAG GIS LEGS PAR BYAS PA MA YIN NO SNYAM NAS 'GYOD PA SKYES TE, YID MI BDE BAR GYUR NAS BSAMS PA, SONG LA BZOD PAR GSOL BAR BYA'O SNYAM NAS RINGS BA RINGS PAR GTZUG LAG KHANG DE NAS BYUNG STE, SHIN TU SKYO BA'I YID DANG, MCHI MA'I RGYUN GYIS BRLAN PAR GYUR PA'I DMAN PA'I BZHIN DANG, BYIS PA GZHON NU BZHIN DU GSANG MTHON BOS DU ZHING BRAM ZE DANG, KHYIM BDAG BRGYA STONG DPAG TU MED PAS MTHONG ZHING DGE SLONG MA PHAM PA'I RKANG PA LA PHYAG PHYAS NAS, MI RIGS PAR BGYIS KYI MTHOL LO MTHOL LO ZHES 'CHAGS PAR RTZOM STE, BTZUN PA BYIS PA JI LTA BA DANG, RMONGS PA JI LTA BA DANG, BYE BRAG MI PHYED PA JI LTA BA'I DGE BAS RNYED PA DANG, BKUR STI ZIL GYIS MNAN TE, BDAG GIS KHYED LA MED BZHIN DU BSNGAGS PA MA YIN PA BSGRAGS PA DE BZOD PAR MDZOD CIG ,MI RIGS PAR BGYIS PA DE 'CHAGS KYI THUGS BRTZE BAS ZUNG LA BZOD PA MDZOD CIG ,DGE SLONG MA PHAM PAS TSE DANG LDAN PA BZOD PA GYIS ZHES SMRAS TE, SHIN TU SKYE BA'I SEMS DANG SHING DRUNG GZHAN ZHIG LA RTEN CING 'DUG NAS SKYIL MO KRUNG BCAS TE LUS DRANG BOR BSRANG NAS DRAN PA NYE BAR BZHAG STE, DES DE NYID DU SHIN TU SKYO BAS BRLAN PAR BYAS PA'I SEMS DANG, 'BAD CING RTZOL LA, BRTZON 'GRUS BRTZAMS PAS 'KHOR BA'I 'KHOR LO PHOL MIG LNGA DANG BCAS PA G-YO BA DANG MI G-YO BA SHES NAS, JI SRID DBANG PO DANG, NYE DBANG DANG BCAS PA'I LHA RNAMS KYIS MCHOD CING RJED LA, MNGON PAR BSTOD PA'I DGRA BCOM PA ZHIG TU GYUR NAS, DE NGANG PA'I RGYAL PO 'DAB MA BRKYANG BA BZHIN DU NAM MKHA'I DKYIL DU MNGON PAR 'PHAGS TE SKYE BO'I TSOGS CHEN PO YID MNGON PAR DAD PAR BYED PA'I CHO 'PHRUL SNA TSOGS PA BYA BAR BRTZAMS SO, ,DGE SLONG CHOS SMRA BA DE YANG NAM MKHA'I DKYIL NA GNAS BA DE LA BLTAS TE, KYI HUD 'DI LTA BU'I DRANG SRONG CHEN PO LA NGAN SEMS KYIS SMAD CING SKUR BA BTAB BO ZHES SMRAS NAS BRGYAL TE SA LA 'GYEL BAR GYUR TO, ,BAR SKABS DER YANG DAG PAR RDZOGS PA'I SANGS RGYAS ZLA BA THUGS RJE CHEN POS YONGS SU GDUNGS PA'I THUGS DANG LDAN PAS DGE SLONG CHOS SMRA BA KHRAG @225A *, ,DRON MO SKYUGS NAS 'CHI BAR GYUR NA MI RUNG NGO SNYAM DU DGONGS NAS RDZU 'PHRUL GYIS SA PHYOGS DER GSHEGS SO, ,DE NAS BCOM LDAN 'DAS YANG DAG PAR RDZOGS PA'I SANGS RGYAS ZLA BAS 'KHOR LO DANG, G-YUNG DRUNG DANG, DGA' BA 'KHYIL PA DANG, DRA BAS 'BREL BA DANG, BSOD NAMS DPAG TU MED PA LAS BYUNG BA DANG, SKRAG PA RNAMS DBUGS 'BYIN PAR MDZAD PA'I PHYAG GIS DGE SLONG CHOS SMRA BA'I MGO LA BYUGS SO, ,DES REG PA TZAM GYIS DRAN PA SLAR RNYED DE LANGS NAS BCOM LDAN 'DAS DANG, DGE SLONG GI DGE 'DUN LA BDAG NI MI RIGS PA'O ZHES 'CHAGS PAR BRTZAMS SO, ,DE NAS BCOM LDAN 'DAS YANG DAG PAR RDZOGS PA'I SANGS RGYAS ZLA BAS DE'I TSE TSIGS SU BCAD DE GSUNGS PA, SKYES BU SKYES PA'I KHA NAS NI, ,TSIG NGAN SMRA BAR BYED PA YI, ,TSIG GI STA RE SKYES GYUR NAS, ,BDAG NYID GCOD PAR BYED PAR 'GYUR, ,GANG ZHIG SMAD 'OS SKYE BO STOD BYED DANG, ,BSTOD 'OS SKYE BO RNAM PAR SMOD BYED PA, ,DE NI KHA'I 'THAB KROL KUN STZOGS SHING, ,'THAB KROL CAN GANG DES NI BDE MI 'THOB, ,GANG 'DIR CHO LOS RANG NOR PHAM BYED PA, ,'THAB KROL DE NI CUNG ZAD TZAM DU ZAD, ,GANG YID BDE BAR GSHEGS LA YID 'KHRUGS PA, ,DE 'DIR 'THAB KROL SHIN TU CHEN PO YIN, ,NGAG YID 'PHAGS PAS SMAD BA'I SDIG BA STEN NA, ,BYE BA CHU BUR CAN DANG STONG PHRAG NI, ,BZHI BCU GCIG TU CHU BUR RDOL BA YI, ,SEMS CAN DMYAL BA RNAMS SU SKYE BAR 'GYUR, ,SDIG PA'I SEMS KYIS MA NYES SKYON BRJOD PA, ,BDAG NYID BSAD PHYIR DMYAL BA SPEL BAR ZAD, ,STOBS LDAN NYES MED PA DAG BZOD BYED CING, ,DE LA SEMS KYANG 'KHRUGS PAR MI BYED DO, ,SEMS NI 'KHRUGS PAR GYUR PA'I RGYUS, ,SEMS CAN NGAN 'GROR 'GRO 'GYUR LA, ,SEMS NI RAB TU DANG BA'I RGYUS, ,SEMS CAN BDE 'GRO RNAMS SU 'GRO, ,DE NAS BCOM LDAN 'DAS YANG DAG PAR RDZOGS PA'I SANGS RGYAS ZLA BAS JI SRID CHOS DANG LDAN PA'I GTAM GYIS YANG DAG PAR MGU BAR GYUR GYI BAR DU MDZAD DE, GDAN LAS BZHENGS NAS GSHEGS SO, ,RGYAL PO CHEN PO JI SNYAM DU SEMS, ,DE'I TSE DE'I DUS NA DGE SLONG CHOS STON PA DE GZHAN ZHIG YIN PA SNYAM DU SEMS NA DE LTAR MI BLTA STE, GZHAN DU NA DGE SLONG GSER MDOG @225B 'DI NYID YIN TE, DE'I TSE DE'I DUS NA DGE SLONG DE LA SEMS 'KHRUGS SHING NGAG GI LAS RTZUB PA SMRAS PAS LAS DE'I RNAM PAR SMIN PAS SKYE BA LNGA BRGYA'I BAR DU SEMS CAN DMYAL BA NYAMS SU MYONG NAS, MIR SKYES NAS KYANG SKYE BA LNGA BRGYA'I BAR DU NYES PA MED CING GNOD PA MI BYED BZHIN DU GSAL SHING LA BSKYON TE, DA LTAR YANG LAS DE NYID KYI DBANG GIS YANG GNOD PA MI BYED PAR GSAL SHING LA BSKYON PA YIN NO, ,GAL TE 'DI LAS DE MI RIGS PA YIN PAR PHAN TSUN BSHAGS PA MA BYAS NA NI SEMS CAN DMYAL BA RE RER YANG SKYE A LNGA BRGYA LNGA BRGYA MYONG BAR 'GYUR ZHING, SKYE BA LNGA BRGYAR NI YI DAGS RNAMS SU, SKYE BA LNGA BRGYAR NI DUD 'GRO RNAMS SU SKYE BAR 'GYUR RO, ,GANG YANG 'DIS BCOM LDAN 'DAS YANG DAG PAR RDZOGS PA'I SANGS RGYAS ZLA BA'I BSTAN PA LA RAB TU BYUNG STE, TSANGS PAR SPYOD PA SPYAD PAS LAS DE'I RNAM PAR SMIN PAS DA LTAR YANG 'DI BCOM LDAN 'DAS KYI BSTAN PA LA RAB TU BYUNG STE, NYON MONGS PA THAMS CAD SPANGS NAS DGRA BCOM PA'I 'BRAS BU NYID MNGON SUM DU BYAS PA YIN NO, ,RGYAL PO CHEN PO DE BSAN BDAG SDUG BSNGAL BAR MI 'DOD PAS GZHAN DAG LA THA NA SEMS KYIS SMAD PA TZAM YANG MI BYA'O, ,GRAGS PA MED PAS 'JIGS PAS GZHAN DAG LA GRAGS PA MA YIN PA BSGRAGS PAR MI BYA'O, ,BDAG NYID BDE BAR 'DOD PAS GZHAN RNAMS KYI BDE BA DBROG PAR MI BYA'O, ,DE NAS CHOS KYI RNAM GRANGS 'DI BSTAN PA NA SROG CHAGS BRGYA STONG DU MA DPAG TU MED PAS KHYAD PAR RTOGS PAR GYUR TE, LA LA NI RGYUN DU ZHUGS PA'I 'BRAS BU DANG, LA LA NI LAN CIG PHYIR 'OD PA'I 'BRAS BU'O, ,LA LA NI RAB TU BYUNG BAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,LA LA NI BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,LA LA NI NYAN THOS KYI BYANG CHUB PO, LA LA NI SKYABS SU SONG ZHING BSLAB PA'I GZHI RAB TU BZUNG BAR GYUR TO, ,YANG 'KHOR PHAL MO CHE SANGS RGYAS LA GZHOL PA DANG, CHOS LA BAB PA DANG, DGE 'DUN LA BAB PA LA BZHAG PAR GYUR TO, ,DE NAS DED DPON NYI MA BLA GOS PHRAG PA GCIG TU GZAR NAS PUS MO G-YAS PA'I LHA NGAS LA BTZUGS TE, THAL MO SBYAR TE GNAS BRTAN KUN DGA' BO LA 'DI SKAD @226A *, ,CES GSOL TO, ,'PHAGS PA KUN DGA' BO BDAG GIS SANGS RGYAS LA SOGS PA'I DGE SLONG GI DGE 'DUN RNAMS LDUM BU'I NANG DU SPYAN DRANGS LA ZHAL ZAS RO DRUG CU PA'I BSHOS DRANGS TE, DGE SLONG RE RE ZHING SRANG 'BUM RI BA'I CHOS GOS DBUL BAR BYA'O SNYAM DU DGONGS NA BCOM LDAN 'DAS DE YONGS SU MYA NGAN LAS 'DAS PAS, DA NI 'PHAGS PA KUN DGA' BO LA SOGS PA DGE SLONG GI DGE SLONG GI DGE 'DUN RNAMS LA BSHOS GTZANG SBYAR BAR 'TSAL LO, ,GNAS BRTAN KUN DGA' BOS BKA' STZAL PA, DAD DPON DE BZHIN DU GYIS SHIG ,NGAS JI LTAR BCOM LDAN 'DAS KYI NYAN THOS KYI DGE 'DUN 'DZAM BU'I GLING NA JI SNYED CIG GNAS PA THAMS CAD 'DIR 'DU BAR 'GYUR BA DE LTAR BYA'O, ,DE NAS DED DPON NYI MA RAB TU DGA' BAS RGYAS PA'I YID DANG, RGYAL PO'I KHAB KYI GRONG KHYER GYI PHYI ROL 'DU BA'I GNAS RDO DANG GYO MO DANG GSEG MA BSAL TE, TZAN DAN GYI CHUS CHAG CHAG BTAB NAS GDUGS DANG, RGYAL MTSAN DANG, BA DAN BSGRENGS TE, MU TIG DANG, GOS KYI CHUN 'PHYANG GDAGS SHING, ME TOG SNA TSOGS KYI GCAL BKRAM PA DANG, SBOS DRI ZHIM PO'I SPOS SNOD NYE BAR BKRAM PA DANG, SHIN TU MDZES PA'I BLA RE DANG, RTA BABS BRES PAS SHIN TU NYAMS DGA' BA BYED DU BCUG STE, DE NYID KYI MTSAN MO GTZANG ZHING BSOD PA'I BZA' PA DANG BCA' BA RNAMS G-YOS TE, NANG PAR SNGA BA NYID DU LANGS NAS GDAN BSHAMS TE, CHU BZHAG NAS, GNAS BRTAN KUN DGA' BO LA PHO NYAS DUS LA BAB PAR GSOL PA, BTZUN PA BZA' BA DANG, BCA' BA RNAMS STA GON BGYIS LAGS TE, DA DE DUS LA BAB PA LAGS PAR MKHYEN PAR MDZAD DU GSOL, DE NAS GNAS BRTAN KUN DGA' BO RDZU 'PHRUL GYIS NAM MKHA'I DKYIL DU MNGON PAR 'PHAGS TE, 'DZAM BU'I GLING 'DI MA LUS PAR GSER BCOM LTA BU'I MDOG GIS KUN DU SNANG BAR MDZAD NAS RANG NYID KYIS GAnd'I BRDUNGS TE, CHU DANG BCAS PA'I SPRIN GYIS 'BRUG SGRA BZHIN DU ZAB CING GSAL BA'I SKAD KYIS SGRA BSGRAGS PA, BCOM LDAN 'DAS KYI NYAN THOS LAS GANG RDZU 'PHRUL THOB PA RNAMS NI RANG NYID KYI RDZU 'PHRUL GYIS SHOG SHIG ,GANG DAG SO SO'I SKYE BO RNAMS NI NGA'I RDZU 'PHRUL @226B GYIS SHOG SHIG ,DE NAS GHAnd'I DE THOS PAS KHA BA CAN DANG, 'BIGS BYED DANG MA LA YA DANG, BA RI YA TRA DANG SPOS GYI NGAD LDANG DANG, RI'I RGYAL PO RI RAB DANG, GNYA' SHING 'DZIN DANG, GSHOL MDA' 'DZIN DANG, SENG LDENG CAN DANG, BLTA NA SDUG DANG, RTA RNA RIN DANG, RNAM PAR 'DUD DANG, MU KHYUD 'DZIN LA SOGS PA NAGS TSAL DANG, 'BAB CHU DANG G-YA' CHU DANG, RGYA MTSO DANG, GRONG RDAL DANG, SHING GI MCHOG DANG, GTZUG LAG KHANG RNAMS NA GANG DAG GNAS PA DANG, CHU MDO DANG, KHANG STONG DANG, DUR KHROD LA SOGS PA NA DGE SLONG GANG ZHIG TING NGE 'DZIN LA SNYOMS PAR ZHUGS SHING BDE BA THOB NAS RAB TU GNAS PA RNAMS SKAD CIG MA DE LA DE DAG THAMS CAD NAM MKHA'I NGOS NAS AA SHO KA DANG, KING SHU KA DANG, ZANGS DANG, DUS MTSAMS KYI SPRIN DRI MA MED PAS NAM MKHA' KHEBS PA DE LTA BUR BYAS TE, RGYAL PO'I KHAB KYI GRONG KHYER DU LHAGS NAS 'DU BA'I GNAS DER 'TSOGS TE, SKAD CIG MA DE NYID LA DGE SLONG BYE BA PHRAG GSUM YANG DAG PAR 'DUS PAR GYUR TE, BYE BA GCIG NI ZAG PA ZAD PA RNAMS SO, ,GNYIS PA NI BSLAB PA LA ZHUGS PA RNAMS SO, ,GSUM PA NI SO SO'I SKYE BO DGE BA CAN RNAMS TE, DE NAS RGAN PA'I RIM PA JI LTA BA BZHIN DU GDAN BSHAMS PA LA BZHUGS SO, ,DE NAS DED DPON NYI MAS GNAS BRTAN KUN DGA' BO LA SOGS PA, DGE SLONG GI DGE 'DUN RNAMS BDE BAR GSHEGS PAR RIG NAS GTZANG ZHING BSOD PA'I BZA' BA DANG, BTUNG BA RNAMS RANG GI LAG NAS KUN DU TSIM PAR BSTABS TE, JI SRID DGE SLONG GI DGE 'DUN GYIS LONGS SPYAD PAR RIG NAS, BYAG BCABS SHING LHUNG BZED BSDUS NAS CHOS GOS GSUM PO BRGYA STONG DU MA GSOL BAR 'DOD NAS DGE SLONG DANG DGE 'DUN DE RNAMS LA BLTAS PA DANG, YID SHIN TU DGA' BA SKYES PAR GYUR TO, ,DGE SLONG GSER MDOG GIS BSAM PA SHES NAS SMRAS PA, YAB KHYED THUGS LAS CHUNG BAR MDZOD CIG ,BDAG NYID KYIS DGE SLONG GI DGE 'DUN LA GSER GYI MDOG CAN GYI CHOS GOS GSUM GSUM DBUL BAR BGYI'O, ,DE NAS DGE SLONG GSER MDOG GI RANG GI LUS LAS GSER GYI MDOG CAN GYI GOS PHUD CIG PHUD CING SRANG 'BUM RI BA'I CHOS GOS GSUM GSUM DGE SLONG BYE BA PHRAG GSUM LA RGAN PA'I RIM PA @227A *, ,BZHIN DU BSTABS SO, ,BAR SKABS DER LHA BRGYA STONG DU MAS CA CO'I SGRA SGROGS SHING ROL MO SNA TSOGS YANG DAG PAR RDUNG BA DANG, LHA'I ME TOG DANG, PHYE MA DANG, GOS KYI CHAR PHAB PAR GYUR TO, ,JI LTAR PHYOGS DER PHYOGS SNA TSOGS NAS LHAGS PA'I SKYE BO'I TSOGS RNAMS DANG, RGYAL PO MA SKYES DGRA BTZUN MO DANG, GZHON NU DANG, BLON PO DANG, GRONG KHYER PA RNAMS DANG, SKYE BO'I TSOGS DANG BCAS PA DE RNAMS KYIS RNAM PA DE LTA BU'I NGO MTSAR LA BLTAS NAS RMAD DU BYUNG NAS MIG GDANGS TE, LAN GSUM GYI BAR DU CHED DU BRJOD PA CHED DU BRJOD DE, AE MA'O BSOD NAMS KYI 'BRAS BU'I RNAM PAR SMIN PA, AE MA'O BSOD NAMS KYI STOBS, AE MA'O SBYIN GNAS KYI ZHING LA SBYIN PA'I SA BON BTAB PA'I RNAM PAR SMIN PAR GDA' BAR MI BYED PA YIN NA, MKHAS PA SU ZHIG GIS RNAM PA 'DI LTA BU'I BSOD NAMS KYI 'BRAS BU'I RNAM PAR SMIN PA YANG DAG PAR MTHONG NA, SBYIN PA'I ZHING LA SU ZHIG SBYIN PAR MI BYED CES ZER ZHING, DE LTAR SROG CHAGS BRGYA STONG DU MA RNAMS THAL MO SBYAR TE, SGRA GSANG MTHON POS SANGS RGYAS LA PHYAG 'TSAL ZHES ZER BAR GYUR TO, ,DE NAS GNAS BRTAN KUN DGA' BOS SBYIN PA'I RAB BTON PA MDZAD DO, ,DE NAS DED DPON NYI MA STAN LAS LANGS NYE BLA GOS PHRAG PA GCIG TU GZAR NAS, BUS MO GNYIS SA LA BTZUGS TE, GNAS BRTAN KUN DGA' BO GANG NA BA DER THAL MO SBYAR TE, PHYAG BYAS NAS LAN GSUM GYI BAR DU CHED DU BRJOD PA CHED DU BRJOD DE, BTZUN PA GANG BDAG CAG LA 'PHAGS PA KUN DGA' BOS MDZAD PA 'DI NI MAS KYANG MA BGYIS, PHAS KYANG MA BGYIS, RGYAL POS KYANG MA BGYIS, LHA RNAMS KYIS KYANG MA BGYIS, NANG MI DANG NYE DU'I TSOGS YID DU 'ONG BAS KYANG MA BGYIS, SNGON GUMS PA RNAMS KYIS KYANG MA BGYIS TE, KHRAG DANG MCHI MA'I RGYA MTSO SKAMS PA NAS, ,LHA DANG LHA MIN RNAMS KYIS MCHOD GYUR CING, ,SKYE BA RGA SHI'I SKYON DANG RNAM BRAL BAS, ,SRID PA BRGYA STONG DGAN MTHONG DGA' BA, ,THUB PA KHYOD MA THONG DENG BDAG 'BRAS LDAN GYUR, ,DE NAS GNAS BRTAN KUN DGA' BOS RGYAL PO DANG BCAS PA'I 'KHOR DE RNAMS CHOS DANG LDAN PA'I GTAM YANG DAG PAR @227B BSTAN PA DANG, YANG DAG PAR 'DZIN DU 'JUG PAR MDZAD PA DANG, YANG DAG PAR GZENGS BSTOD PA DANG, YANG DAG PAR RAB TU DGA' BAR MDZAD NAS LHA BRGYA STONG DE DAG DANG, RGYAL PO'I KHAB NA GNAS PA'I SROG CHAGS BRGYA STONG GIS PHYAG BYAS NAS GDAN LAS BZHENGS TE GSHEGS SO, ,DE LTAR NA SANGS RGYAS BCOM LDAN 'DAS LA NI BYA BA CUNG ZAD CIG BYAS NA YANG 'BRAS BU CHEN POR 'GYUR BA YIN NO, ,GSER MDOG GI RTOGS PA BRJOD PA RDZOGS SO,, ,,RGYA GAR GYI MKHAN PO DHARMA SHR'I BHA DRA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA, ,, #, ,RGYA GAR SKAD DU, KUN LA AA BA D'A NAm, BOD SKAD DU, KUN LA'I RTOGS PA BRJOD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,KUN LA'I RTOGS PA BRJOD PA LA, 'DI LTAR RGYAL PO AA SHO KA'I NA TSOD GSUM GYI TSAD DU GYUR PA LA, DE NA TSOD DANG PO LA NI 'DOD PA'I AA SHO KAR GYUR TO, ,NA TSOD GNYIS PA LA NI GTUM PA'I AA SHO KAR GYUR TE, GANG GIS BTZON RA BZANG PO BYAS NAS SKYE BO BYE BA'I SROG BRLAG PAR GYUR TO, ,NA TSOD GSUM PA LA NI CHOS KYI AA SHO KAR GYUR TE, GANG GIS CHOS KYI RGYAL PO PA BRGYAD KHRI BZHI STONG RAB TU GNAS SHING SPYAN BYE'O, ,DE NAS NYI MA DE NYID LA RGYAL PO AA SHO KA'I BTZUN MO PADMA CAN ZHES BYA BA LA BU BTZAS PA DANG, DE LAS BU GZUGS BZANG BA MDZES PA BLTA NA SDUG PA DE'I MIG SHIN TU MDZES PA ZHIG SKYES SO, ,DE NAS SKYES BU NYUNG RUM ZHIG RGYAL PO'I KHAB TU SONG STE SMRAS PA, LHA KHYED LA SRAS BLTAM GYIS DGYES PA BSKYED DU GSOL, RGYAL POS SMRAS PA, DENG NI NGA YIS DGA' BA RGYA CHEN THOB, ,DPA' BO'I RIGS KYI SGRA NI GRAGS GYUR CING, ,CHOS KYIS RGYAL SRID RNAM PAR 'PHEL BA NA, ,BU SKYES PAS NI CHOS KYI RNAM 'PHEL 'GYUR, ,DE NAS RGYAL PO MYA NGAN MED DES BTZAS STON BYA BAR BRTZAMS TE, GRONG KHYER PA TI LI PU TRA THAMS CAD DANG LDAN PA LEGS PAR CHAG CHAG BTAB CING PHYAG DAR BYAS SHING SBYANGS TE, RDO DANG, GSEG MA DANG, GYO MO BSAL ZHING, SHING DANG, SO PHAG DANG, MI GTZANG BA'I 'DAM RDZAB DANG, PHYAG DAR GYI TSOGS MED PAR BYAS NAS DAR DANG ME TOG GI CHUN 'PHYANG BTAGS TE, BDUG SPOS KYI SNOD NAS SPOS GTUL @228A *, ,NAS KHYIM DANG, SRANG BAR DANG, BZHI MDO DANG, SUM MDO LA SOGS PA BRGYAN PAR BYAS PA NI 'DI LTA STE, RAS DANG, DAR DANG, BE'U RAS DANG, DAR LVA DANG, ZAR MA'I RAS DANG, DU GU LA'I RAS DANG, RAS YUG CHEN LA SOGS PA BTAGS PA DANG, RNGA YAB DANG, MDZES PA'I GDU BU DANG, DPUNG RGYAN DANG, DO SHAL DANG, SE MO DO DANG, MU TIG GI CHUN 'PHYANG DANG, DRIL BU DANG, NOR BU CHU SHEL DANG, ME SHEL LA SOGS PA DANG, NOR BU CHEN PO'I RNA RGYAN BTAGS PA DANG, BA DAN SNGON PO DANG, SER PO DANG, DMAR PO DANG, DKAR PO DANG, LE BRGAN BSGRENG BA'I SHING DANG, KHYIM LA BTAGS PA DANG, RAS KYI BLA RE DANG, DAR GYI BLA RES SPUD PAS GRONG KHYER PA TA LI PU TRA KUN NAS DRI ZA'I RGYAL PO'I GNAS DANG 'DRA BAR RNAM PAR BZHAG PAR GYUR TO, ,PA TA LI PU TRA DANG, PA TA LI PU TRA'I NYE 'KHOR JI SNYED PAR SIL SNYAN GYI SGRA SGROGS PA RNAMS RAB TU NGAS PA NI 'DI LTA STE, GAR MKHAN DANG, GAR STON PA DANG, GTAM BRJOD PA DANG, BZHAD GAD BYED PA DANG, MDZES BYED PA DANG, GLU LEN PA DANG MIG 'PHRUL MKHAN DANG, MCHOD PA DANG, BUD MED KYI CHA LUGS 'GEBS PA DANG, KHAR GSIL DKROL BA DANG, RNGA RKED NYAG RDUNG BA DANG, BYIS PA LNGA TSOMS PA DANG, SRANG BAR NA RTZE BA STE, DE DAG THAMS CAD SRANG DANG, SRANG BAR DANG, BZHI MDO DANG SUM MDO DE THAMS CAD DU RANG RANG GI BYA BA THAMS CAD KYIS MDZES PAR BYAS SO, ,GRONG KHYER GYI SGO BZHIR YANG SBYIN BA NI GTONG, BSOD NAMS DAG BYED PA NI 'DI LTA STE, ZAS 'DOD PA RNAMS LA NI ZAS, GOS 'DOD PA RNAMS LA NI GOS, DRI DANG, PHRENG BA DANG, BYUG PA 'DOD PA RNAMS LA NI DRI DANG PHRENG BA DANG, BYUG PA, RAS ZUNG DANG, RAS YA BA DANG, K'ARsh'A PA nA 'DOD PA RNAMS LA NI, RAS ZUNG DANG RAS YA BA DANG K'ARsh'A PA nA SBYIN PAR BYED PA DANG, RAB TU DGA' BA'I ROL MO RNAMS RDUNG, SPYI BO LA TIL MAR GYIS NI NYUG PAR BYED DO, ,ZHAG GCIG LA JI LTA BA DE BZHIN DU GSUM PA NAS BDUN PA NAS, NYIN ZHAG NYI SHU RTZA GCIG GI BAR DU BTZAS STON RGYA CHER BYAS TE, PANG NA 'TSO BA'I MA MA GNYIS DANG, DRI MA 'PHYI BA'I MA MA GNYIS DANG, NU MA SNUN PA'I MAM GNYIS DANG, RTZED GROGS @228B KYI MA MA GNYIS TE MA MA BRGYAD LA GTAD DO, ,DE LTAR GZHON NU DE MA MA BRGYAD PO THAMS CAD KYIS RANG GI BZO LEGS PAR BYAS PAS YONGS SU BSKYANGS SHING, MKHAS PA DANG LDAN PA RNAMS KYIS 'O MA DANG, MAR SAR DANG, ZHO DANG, MAR GYI SNYING PO DANG, SBRANG RTZIS SKYED PAR BYED PAR RTZOM PAR GYUR TO, ,DE NAS RGYAL PO AA SHO KA BU BLTA BAR MNGON PAR DGA' BAS SLAS RNAMS LA GZHON NU CI 'DRA BA BLTA BAR BYA'O ZHES SMRAS SO, ,DE NAS MA MA RNAMS KYIS RGYAL PO LA BSTAN PA'I PHYIR KHYER BA DANG, MTHONG NAS RGYAL POS GZHON NU'I MING JI LTAR GDAGS PAR BYA ZHES BSAMS PA DANG, GANG GI PHYIR 'DI NI NGA LA CHOS RAB TU ZHUGS PA NA SKYES PAS NA DE'I PHYIR CHOS 'PHEL BA NYID DU MING GDAGS PAR BYA'O ZHES SMRAS NAS, GZHON NU RGYAL PO AA SHO KAS BLANGS SO, ,DE NAS RGYAL POS GZHON NU LA BLTAS NAS GDA' BZHIN DU SMRAS PA, NGA'I BU LA MIG BZANG LEGS SKYES PA, ,AUTPAL SNGO 'DRA RAB YANGS RDZI MA CAN, ,GANG GIS BZHIN RGYAN MDZES PAR BYAS PA NI, ,SGRA GCAN KHA LAS THAR PA'I ZLA BA 'DRA, ,JI TZAM NA RGYAL POS BLON PO RNAMS LA SMRAS PA, KHYED RNAMS KYIS 'GA' ZHIG LA 'DI LTA BU'I MIG YOD PA MTHONG NGAM, BLON PO RNAMS KYIS SMRAS PA, LHA MA MTHONG LAGS SO, ,DE NAS DE NA GNAS PA'I 'KHOR RNAMS LA DE SKAD RGYAL POS SMRAS PA DANG, RI'I RGYAL PO KHA BA CAN NA LOR BSTEN PA'I BRAM ZE RNAMS DE NYID DU LHAGS PA DANG, DE RNAMS LA RGYAL POS GZHON NU BSTAN TE, KHYED RNAMS KYIS KYANG 'GA' ZHIG LA 'DI LTA BU'I MIG YOD PAR MTHONG NGAM, LHA MIR GYUR PA RNAMS LA NI MA MTHONG STE, DE LTA MOD KYI 'ON KYANG LHA RI'I RGYAL PO KHA BA CAN NA KUN LA ZHES BYA BA'I BYA DE LA 'DI LTA BU'I MIG MCHIS SO, ,YANG SMRAS PA, RI RGYAL KHA BA CAN NI BRAG GI RTZE, ,ME TOG MAR ZHING CHU PHRAN RAB 'BAB PA, ,DE NA KUN LA ZHES BYA BA'I BYA, ,'DI YI MIG DANG RNAM PAR 'DRA BA YOD, ,DE NAS RGYAL POS BYA KUN LA MYUR DU KHYER LA SHOG CIG CES SMRAS PA DANG, DE'I STENG GI DPAG TSAD CIG TZAM DU GNOD SBYIN RNAMS KYIS THOS SO, ,'OG GI DPAG TSAD GCIG TZAM DU NI KLU RNAMS KYIS THOS SO, ,DE NAS GNOD SBYIN GYIS SKAD CIG MA DE NYID LA BYA KUN LA KHYER TE 'ONGS SO, ,DE RGYAL POS GZHON NU DANG, KUN LA'I MIG LA SHIN TU YUN RING @229A *, ,BAR BRTAGS NA KHYAD PAR CUNG ZAD KYANG MA RTOGS SO, ,DE NAS RGYAL POS SMRAS PA, AE MA HO, ,GZHON NU DANG, KU NA LA'I MIG SHIN TU 'DRA BA YIN PAS NA GZHON NU LA MING KUN LA ZHES GDAGS PAR BYA'O, ,YANG SMRAS PA, SA BDAG DE NI MIG LA RJES DGA' BAS, ,DE TSE BU LA KU NA LA ZHES SMRAS, ,DE NAS 'PHAGS PA'I SEMS CAN RGYAL PO'I BU, ,DE YI MING NI SA STENGS RAB TU GRAGS, ,DE NAS RGYA CHER GZHON NU CHEN POR GYUR BA'I BAR DU STE, DE LA GSER PHRENG CAN ZHES BYA BA'I BU MO CHUNG MA'I DON DU BKUG NAS BYIN TE, PHA'I BZO'I GNAS DANG LAS KYI GNAS 'DI LTA STE, GLANG PO CHE'I GNYER BZHON PA DANG, RTA LA BZHON PA DANG, SHING RTA'I THABS DANG, MDA' GZHU'I THABS DANG, LCAGS KYUS BSGYUR BA'I THABS DANG, MDA' BO CHE 'PHEN PA'I THABS DANG, LCAGS MDA' 'PHEN PA'I THABS DANG, THAG MDUNG 'PHEN PA'I THABS DANG, MDUN DU BSNUR BA DANG, PHYIR BSNUR BA DANG, BCAD PA DANG, DRAL BA DANG, RGYANG NAS PHOG PA DANG, SGRA GRAGS PAR PHOG PA DANG, GNAD DU PHOG PA DANG, MI 'CHOR BAR PHOG PA DANG, TSABS CHE BA DANG, DAGS PA DANG, 'DZIN STANGS DANG, GOM STANGS LA BYANG BAR GYUR TO, ,RGYAL PO AA SHO KA SA DE'I DON DU KHYIM GSUM BYED DU BCUG STE, GCIG NI RGUN GYI'O, ,GNYIS PA NI SO GA'I 'O, ,GSUM PA NI DBYAR GYI'O, ,DE LA RE ZHIG RGUN GYI NI GCIG TU DRO BA'O, ,SO GA'I NI GCIG TU BSIL BA'O, ,DBYAR GYI NI DE GNYIS KA YOD PA STE, SHIN TU GRANG BA YANG MA YIN, SHIN TU DRO BA YANG MA YIN PA'O, ,CHUNG MA RNAM PA GSUM 'JOG STE, CHE BA DANG BAR MA DANG CHUNG BA'O, ,DE NAS GZHON NU LHA'I BU MO DANG 'DRA BA'I BUD MED KYI RAB MCHOG DGOD PA DANG MIG ZUR DANG STEG PA DANG, SGEG PA DANG, GAR DANG, GLU'I NYE BAR SPYOD PA LA MKHAS PA RNAMS DANG LHAN CIG KHANG BZANGS KYI STENG GI GZHIR GTOGS PA NA BTZUN MO GSER PHRENG CAN DANG LHAN CIG DGA' BA DANG, RTZE BA DANG, YONGS SU SPYOD PA NAS JI SRID DUS GZHAN ZHIG NA RGYAL PO KUN LA DANG LHAN CIG KHYIM BYA'I KUN DGA' RA BAR SONG BA DANG, DE NAS GNAS BRTAN GRAGS PA MNGON PAR SHES PA DRUG DANG LDAN PA DES MTHONG NGO, ,MTHONG NAS KYANG KUN LA'I MIG NI YUN RING @229B POR MI THOGS PAR 'JIG PAR 'GYUR RO SNYAM NAS DES RGYAL PO LA SMRAS PA, CI'I PHYIR GZHON NU RANG GI LAS MA SBYAR, DE NAS RGYAL POS KUN LA LA SMRAS PA, KU NA LA DGE 'DUN GYI GNAS BRTAN JI SKAD GSUNGS PA DE DRIS SHIG ,DE NAS GZHON NUS GNAS BRTAN GYI RKANG PA GNYIS LA BTUD DE SMRAS PA, GNAS BRTAN CI ZHIG BKA' STZAL, GNAS BRTAN GYIS SMRAS PA, KUN LA MI GA NI MI RTAG PA'O ZHES YID LA GYIS SHIG ,YANG SMRAS PA, GANG DU 'GRO MANG RJES SU CHAGS GYUR NAS, ,MI PHAN THOB PA'I LAS RNAMS BYED PA YI, ,MIG NI RAB G-YO SDUG BSNGAL STONG LDAN PAR, ,RTAG TU SO SOR RTOG BYOS KUN LA, ,DE DE BZHIN DU SLOB PAR BYED PA'I YID LA BYED PA DANG RAB TU LDAN ZHING GCIG PUR MNGON BAR DGA' BA DANG, RAB TU ZHI BA LA MNGON PAR DGA' BAR GYUR TO, ,DE YANG RGYAL PO'I PHO BRANG GI GNAS DBEN PAR 'DUG CING, MIG GI NYES DMIGS DANG, SKYE MCHED MI RTAG PA LA SOGS PA'I RNAM PAR YONGS SU RTOG PAR BYED DO, ,DE NAS RGYAL SRUNG MA ZHES BYA BA'I BTZUN MO DAM PA PHYOGS DER NYE BAR SONG BA DANG, DES KUN LA DE GCIG PU 'DUG PA MTHONG NAS, MIG LA RJES SU CHAGS PAS LUS LA KUN DU 'KHYUD DE, SMRAS PA, KHYED KYI LUS LAS NGES BAB PA'I, ,'DOD CHAGS ME NI STOBS CAN GYIS, , NAGS ME STOBS CAN G-YO BA NI, ,MANG POS RNAM PAR BSREGS PAR GYUR, ,GZHON NU BDAG DANG LHAN CIG TU, ,DGA' BA RJES SU MYONG BAR BYA, ,DES THOS PA DANG, KUN LAS LAG PA GNYIS KYIS RNA BA BKAG STE SMRAS PA, KHYED NI TSIG 'DI SMRA BAR MI RIGS TE, ,BU YI MA BZHIN KHYED NI BDAG GI MA, ,'DI NI NGAN 'GRO'I LAM GYI SGO YIN PAS, ,CHOS MIN 'DOD CHAGS YONGS SU SPANG BAR GYIS, ,DE NAS RGYAL SRUNG MAS SMRAS PA, ,'DIR NYES PA CI ZHIG MTHONG, ,GZHAN YANG GZHON NU RE ZHIG NYON CIG ,DPER NA NYI MA'I GZI BRJID BSTAN PA'I TSA BAS GDUNGS TE CHU NI 'THUNGS PA DANG, JI LTAR LUS NI CHU YIS TSIM BAR BYED LA SDIG PA YOD PAR RIGS MA YIN, ,DE BZHIN 'DOD PA'I ME NI CHEN BOS LHAG PAR SHIN TU GDUNGS PAR GYUR PA NA, ,LUS LA REG PA'I CHU YI DGA' BA DE LAS CHOS MIN CI ZHIG 'BYUNG, ,KU NA LAS SMRAS PA, NGA YI GRAGS PAR MI 'GYUR MCHOG TU BRNYAS @230A *, ,SHING PHYI NAS RJES SU 'GYOD PAR 'GYUR, ,NGA YI KUN DU SPYOD PAR MI 'GYUR DE BZHIN RIGS NYAMS PA YANG NYID DU 'GYUR, ,'PHAGS PA NYID DU MI 'GYUR BKREN 'BYUNG NGAN PAR TSIG GIS CHAD PA BCAD PAR 'GYUR, ,SPYOS PAS 'GYUR GYI GRAGS PAR MI 'GYUR CHOS KYANG MI SNANG NYID DU 'GYUR BA'O, ,RGYAL SRUNG MAS SMRAS PA, KUN LA DE LTA YIN MOD KYI GANG KHYED 'JIGS PAR 'GYUR BA 'DI 'GA' ZHIG GIS MTHONG NAS GRAGS PAR 'GYUR BA MA YIN TE, DE YANG RNAM PAR DBEN ZHING MI'I 'DU BA DANG BRAL BA'I PHYIR RO, ,YANG SMRAS PA, YU BU'I MTHONG NAS SMRA BA NI, ,BUD MED DAG GAM SLAS RNAMS KYANG, ,GANG YANG YOD PA MA YIN TE, ,DE BAS BDAG GI TSIG NYON CIG ,'DOD DANG BCAS PA'I BUD MED NI, ,DBEN PAR YONGS SU SPONG BYED NA, ,DE YI CHOS CHEN 'JIG 'GYUR ZHES, ,THOS PA LAS GRAGS THOS SAM CI, ,GZUGS KYI RJES SU MTHUN PA YI, ,SBYIN GNAS SDIG MED MTHONG NAS NI, ,DER GANG LEGS PA'I MDANGS RNAMS DANG, ,NA TSOD DANG NI 'DRA BAR GYIS, ,KU NA LAS SMRAS PA, GANG KHYOD KYIS 'DI NA GNAS KYANG MI MTHONG NGO ZHES SMRAS NA, DE RE ZHIG NYON CIG ,'DI NI GZI BRJID 'BAR BA'I SHING LA GNAS PA'I ME LHAS BDAG NI MTHONG GYUR LA, ,TSANGS PAS MTHONG ZHING BRGYA BYIN DAG DANG CHU LHA ZLA BA GSHIN RJE DAG GIS MTHONG, ,GZHAN YANG GZHAL YAS KHANG PA MCHOG NA GNAS PA GZHAN GYIS NGES PAR MTHONG 'GYUR NA, ,BYIS PA KHYED KYIS BDAG DANG GNYEN GYI SKYE BO MI MTHONG RANG YANG MTHONG MA GYUR, ,MI NI GANG ZHIG DBEN PAR MER 'JUG BYED NA DE CI ME YIS MI 'TSIG GAM, ,GANG ZHIG DREGS PAS 'BRAS BU MNGAR LTAR DUG ZA DE NI NYAMS PAR 'GYUR RAM, ,MI NI GANG ZHIG BRANG 'GRO GDUGS PAS ZIN PA DE NI GNOD PAR MI 'GYUR RAM, ,MI NI GANG ZHIG DBEN PAR GTOGS PAR SDIG BYAS GOS PAR MI 'GYUR DE MI SRID, ,DE NAS RGYAL SRUNG MAS SMRAS PA, GZHON NU RE ZHIG KHYOD DE LTAR BUR ZHEN PAS GNAS PAR MA BYED CIG ,DE YANG, DUS KYI SGO YI RDZOD DANG BINDA'I RIGS YANG 'DOD PA'I DON DU RAB 'JUG LA, ,'DOD PA'I RGYA MTSO'I CHU YANG RGAL CING MDZA' BO GANG YIN DAG KYANG 'BYE BA YOD, ,'DOD PA'I PHYIR NI BRTUL ZHUGS THAL BA SHING GOS 'CHANG @230B PA'I DKA' THU BA DES DE THUB, DE 'DIR BDE BA YANG DAG THOB PA 'DI LA CI PHYIR KUN DU CHAGS MI BYED, ,KU NA LAS SMRAS PA, KHYED KYIS NGA NI ZIL GNOD MI 'GYUR TE, ,LHA YI BU MO 'DRA BA'I BUD MED DAG ,DE YANG DMYAL BA'I SDUG BSNGAL YOD PAS NA, ,GZHAN GYI BUD MED YONGS SU SPANG BA YIN, ,DE NAS RGYAL SRUNG MAS RANG GI 'DOD PA'I RNAM PA THOB PAR MA GYUR PAS, ,KHROS TE SMRAS PA, SHIN TU 'DOD PAS GDUNGS PAR GYUR BA NA, ,GAL TE 'DI NA NGA YIS MI 'DOD NA, ,BLO NGAN KHYOD NI RING POR MI THOGS PAR, ,DNGOS PO THAMS CAD MED PAR 'GYUR DU 'ONG, ,MIG NI GNYIS PO GANG YIN PAS, ,KHYOD NI 'DI NA DREGS THOB PA, ,MI RING BA NI DE DAG GIS, ,RGUD PAR GYUR LA BLTA BAR BYA, ,KU NA LAS SMRAS PA, CHOS NI RNAM DAG GYUR NA BDAG NI MYUR DU 'CHI BAR GNAS PAR GYUR KYANG BLA, ,SKYE BO DAM PAS BDAG SMAD GYUR PA'I 'TSO BA BDAG LA DGOS MA YIN, ,GANG LAS MTHO RIS DAG DANG CHOS 'JIG 'GYUR BA'I MTSO DES CI ZHIG BYA, ,MKHAS PAS ZIL GYIS MNAN PA'I BKREN GYUR BDAG NI 'CHI BA NYID YIN MOD, ,JI TZAM NA RGYAL SRUNG MA DE KUN LA LA GLAGS SKABS TSOL ZHING GNAS PAR GYUR TO, ,DE NAS RGYAL PO AA SHO KAS BYANG PHYOGS KYI GRONG KHYER RDO 'JOG PA DANG RDZOD PAR GYUR PA THOS PA DAN,G RGYAL PO RANG NYID CHAS PAR GYUR TO, ,DE NAS BLON PO RNAMS KYIS SMRAS PA, LHA GZHON NU BRDZANG DU GSOL, ,DES NI THUL BAR 'GYUR LAGS SO, ,DE NAS RGYAL POS KUN LA BOS TE SMRAS PA, KUN LA GRONG KHYER RDO 'JOG 'DUL BAR 'GRO NUS SAM, KUN LAS SMRAS PA, LHA RAB TU MCHI LAGS SO, ,DE NAS RGYAL POS YID LA RAB DAD PA'I, ,BU ZHES BYA BA'I BSAM PA SHES PA DANG, ,BRTZE DANG PHUN TSOGS NA TSOD LA RIGS PA'I, ,CHAD PA'I RKYEN NI LUNG DU BSGO BAR GYUR, ,DE NAS RGYAL PO AA SHO KAS GRONG KHYER BRGYAN PA DANG, LAM MDZES PAR BYAS TE, RGAN PO DANG, NAD PA DANG, BKREN PA RNAMS RANG GI LAM NAS BSAL TE, GZHON NU DANG LHAN CIG SHING RTA LA ZHON TE, BA TI LI PU TRA NAS BYUNG TE BSKYAL NAS, LDOG PA NA KUN LA'I MDUN NAS YONGS SU 'KHYUD NAS MIG LTA ZHING DUS TE SMRAS PA, 'DAB CHAGS RAB MCHOG KUN LA MTSUNGS PA'I, ,MIG NI @231A *, ,YANGS SHING AUTPAL SNGON PO DANG, ,'DRA BA 'DI LA BLTA BA GANG YIN BA, ,DER NI DPAL YOD BDE LDAN RIMS NAD BRAL, ,JI TZAM NA BRAM ZE MTSAN MKHAN ZHIG GIS MTHONG BA DANG, KU NA LA'I MIG NI YUN RING PO MI THOGS PAR 'GYUR TE, RGYAL PO AA SHO KAS DE'I MIG GNYIS LA SHIN TU CHAGS PA LTAS MKHAN DES MTHONG NAS SMRAS PA, MI DBANG BU YI MIG NI RNAM DAG LA, ,SA BDAG KYANG NI MIG LA RJES CHAGS PAS, ,RNAM DAG DPAL LAM YID DANG RJES MTHUN BA, ,RING PO MI THOGS 'JIG PAR 'GYUR BA MTHONG, ,LHA YUL LTA BUR RAB DGA'I GRONG KHYER 'DI, ,GZHON NU MTHO BA LAS BYUNG SKOM BA DAG ,MIG DANG BRAL NAS 'DI YI SEMS, ,MYA NGAN DAG GIS YONGS SU GDUNGS PAR GYUR, ,CI TZAM NA KUN LA RIM GYIS GRONG KHYER RDO 'JOG TU NYE BAR PHYIN PA DANG, RDO 'JOG GI GRONG KHYER PAS THOS NAS, DPAG TSAD PHYED DANG GSUM GYI BAR DU GRONG KHYER BRGYAN PA DANG, LAM MDZES PAR BYAS TE, BUM PA GANG BA MAR SAR GYIS BRGYAN PAS MDUN BSUS SO, ,YANG BSHAD PA, RDO 'JOG PA YI GRONG BAS THOS NAS NI, ,RIN CHEN BUM GANG PA LA SOGS PA YI, ,MCHOD PA THOGS TE MDUN DU SONG NAS NI, ,SA BDAG DE LA MANG DU RJED PAR GYUR, ,MDUN BSUS NAS THAL MO SBYAR TE SMRAS PA, BDAG CAG RNAMS NI GZHON NU LA 'GAL BAR BGYID PA YANG MA LAGS LA, RGYAL PO AA SHO KA LA YANG MA LAGS MOD KYI, 'ON KYANG BLON PO MI SRUN PA DAG 'ONGS NAS BDAG CAG LA BRNYAS PAR BGYIS LAGS MOD, CI TZAM NA KUN LA BSNYEN BKUR CHEN POS GRONG KHYER RDO 'JOG TU ZHUGS PAR GYUR TO, ,DE NAS RGYAL PO AA SHO KA LA NAD CHEN PO ZHIG BYUNG BAR GYUR TE, DE'I KHA NAS NGAN SKYUGS 'ONG ZHING, BA SPU'I BU GA THAMS CAD NAS MI GTZANG BA 'DZAG BAR GYUR KYANG GSO BAR MA NUS SO, ,DE NAS RGYAL POS SMRAS PA, KUN LA KHUG CIG ,DE RGYAL SRID LA GZHAG PAR BYA STE, KHO BO YANG SLAR 'TSO BAS CI ZHIG BYA, ,DE THOS NAS RGYAL SRUNG MAS BSAMS PA, GAL TE KUN LA RGYAL SRID LA BZHAG NA, NGA'I 'TSO BA MED PAR 'GYUR RO SNYAM NAS DES SMRAS PA, LHA BDAG GIS KHYED GSOS PAR BGYI LAGS KYI, 'ON KYANG SMAN PA RNAMS NANG DU MCHI BA DAG TU GSOL, JI TZAM NA RGYAL POS @231B SMAN PA RNAMS 'ONG BA BKAG PAR GYUR TO, ,DE NAS RGYAL SRUNG MAS SMAN PA RNAMS LA SMRAS PA, GAL TE SKYES PA'AM, BUD MED 'DI LTA BU'I NAD KYIS ZIN PA YOD NA DE KHYED RNAMS KYIS NGA LA STON CIG ,DE NAS RI KHROD PA GZHAN ZHIG DE LTA BU'I NAD KYIS ZIN PA DANG, DE'I CHUNG MAS SMAN PA LA NAD DE SMRAS PA DANG, SMAN PAS SMRAS PA, NAD PA DE NI 'ONG DU CHU GCIG, NAD BLTAS LA SMAN BSTAN BAR BYA'O, ,CI TZAM NA DE BKUG NAS SMAN PA'I GAM DU PHYIN PA DANG, SMAN PAS RGYAL SRUNG MA'I GAM DU KHYER RO, ,RGYAL SRUNG MAS KYANG SHIN TU DBEN PA'I SA PHYOGS SU DE BSAD NAS BLTAS PA DANG, DE ZHU BA'I GNAS NA RGYU MAR 'BU CHEN PO ZHIG BYUNG STE, DE STENG DU 'GRO BA DANG, DE'I NGAN SKYUGS GYEN DU 'BYUNG NGO, ,GAL TE THUR DU 'GRO NA NI 'OG TU 'BYUNG NGO, ,DES DER NA LE SHAM BTAGS TE BLUGS KYANG MA SHI'O, ,DE BZHIN DU PI PI LING DANG, SRING GA DANG, LAN TSVA LA SOGS PA BLUD PA NAS JI TZAM NA SGOG SKYA BLUGS PA DANG, REG BA TZAM GYIS SHI NAS, BSHANG BA'I LAM NAS BYUNG NGO, ,DES DE LTA BU'I RNAM PA RGYAL BO LA GO BAR BYAS TE, LHA SGOG SKYA GSOL CIG ,DES NA KHYED SOS PAR 'GYUR RO, ,RGYAL POS SMRAS PA, LHA MO NGA NI RGYAL RIGS SPYI BO NAS DBANG BSKUR BA YIN NA, JI LTAR NA SGOG PA LA YONGS SU LONGS SPYOD, BTZUN MOS SMRAS PA, LHA 'DI NI SROG GI DON GYI SMAN YIN PAS NYE BAR SPYOD PAR MDZOD CIG ,JI TZAM NA RGYAL POS YONGS SU LONGS SPYOD NAS 'BU DE YANG SHI STE, BSHANG BA'I LAM NAS BYUNG NGO, ,RGYAL PO SOS PAR GYUR NAS, DES RGYAL SRUNG MA LA MCHOG SBYIN PAR BRTZAMS SO, ,KHYOD LA MCHOG NI CI ZHIG SBYIN PAR BYA, DES SMRAS PA, BDAG LA ZHAG BDUN GYI BAR DU RGYAL SRID GSOL CIG ,'O NA KHO BO CIR 'GYUR, BTZUN MOS SMRAS PA, ZHAG BDUN 'DAS PA DANG LHA NYID RGYAL PO MDZOD CIG ,CI TZAM NA RGYAL SRUNG MA LA ZHAG BDUN GYI BAR DU RGYAL SRID SBYIN NO, ,DE BLO SKYES PA, DA NI BDAG GIS KUN LA LA 'KHON GCUGS MNGON DU BYA'O ZHES DES RDO 'JOG PA'I GRONG KHYER BA RNAMS KYIS KUN LA'I MIG BRLAG PAR GYIS SHIG CES BCOS MA'I YI GE BRIS TE, DE YANG RGYAL PO MYA NGAN MED KYIS BKA' STZAL PA, SHIN TU DPA' ZHING STOBS DANG PHA ROL GNON PA THOGS PA MED PA'I @232A *, ,RTZAL GYIS RNAM PAR GNON PA THOB PA'I RGYAL PO RGYA MTSO BZHI DANG, SA'I BDAG PO'I SPYI BO'I COD PAN GYIS STAN DANG, RKANG PAR YONGS SU GTUGS PA, MYA NGAN DANG BRAL NAS MYA NGAN MED PA, MA GA DH'A'I GRONG KHYER NAS PA TI LI PU TRA DANG, RDO 'JOG LA GNAS PA'I BAR LA RGYUN MI 'CHAD PAR DGE BA'I LAS KYI RTZOM PAS NYE BAR 'TSO BA, SDE TSOM GSUM PA'I GRONG KHYER GYI SKAS LA GNAS PA'I SKYE BO RNAMS LA JI LTAR GRONG KHYER PA RNAMS KYIS SHES PAR 'GYUR BA DE LTAR KHONG DU CHUD PAR GYIS SHIG ,'DIR NGA'I BU ZHES BTAGS PA'I DGRA BCOM MA'I SPYOD PA 'JAM PA LA MKHAS PAS SBYAR BA'I RGYU'I BSGYINGS PAS THAL MO SBYAR BA BYAS PA, RIGS KYI SOL BAR GYUR PA'I KUN LA DES, SHIN TU GCAM BAG GI TSUL GYIS KHO BO PHEBS PAR BYAS NAS, BA GA PHEBS PAS GNOD PA BYED CING, BTZUN MO'I 'KHOR LA LTA BAR BYED PAS, GANG GI PHYIR 'DI NI MA BRTAGS PAR BYED PA, SNYING RJE MED PA, 'JIG RTEN PHA ROL SPANGS PA PHA'I CHUNG MA LA YONGS SU LTA BAS DE'I MOD LA DNGOS PO'I RJES SU ZHUGS PA, GZUGS KYIS KHENGS SHING MA'I PHYOGS LA DREGS PA 'PHEL BAR BYED PA, RIGS KYI CHOS KYI GZHUNG LUGS SUN 'BYIN PAR BYED PA'I MIG GNYIS MYUR DU PHYUNG NAS BKREN PA NYID DU GYIS LA SHIN TU DENGS PA'I GOS BSKON TE, CHUNG MA DANG BCAS PA PHYI ROL DU SKROD CIG ,GANG GI MIG GNYIS KYIS DREGS SHING KHENGS PAR BYED PA DE MED PAR GYIS LA, DE YANG SKYE BO RNAMS KYIS MTHONG BAR GYIS SHIG ,DE'I LAN GYI YI GE YANG GTONG BAR MA BYED CIG ,BYAS PA MI GZO BA'I PHONGS PA THOS PAS KYANG NGA'I SNYING 'DAR BAR MA BYED CIG ,NGAS KHYED RNAMS LA GZHUNG LUGS BZHAG PA'I LUNG BSGO BA 'DI KHYED RNAMS KYIS GYIS SHIG ,YANG SMRAS PA, RGYAL PO MYA NGAN MED GTUM STOBS LDAN PA'I, ,BKA' BZHIN RDO 'JOG GRONG KHYER PA YIS GYIS, ,RGYAL PO LA GNOD KUN LA ZHES BYA'I, ,MIG GNYIS MYUR DU DBYUNG BA NYID DU GYIS, ,DE LTAR RGYAL SRUNG MA NGES YI GE BRIS NAS, RGYAL PO MYA NGAN MED PA'I SO'I RGYAS YI GE LA RGYA GDAB PAR BYA'O SNYAM NAS, JI TZAM NA RGYAL SRUNG MAS YI GE DE RGYAL PO GNYID LOG PA DANG SO'I RGYAS GDAB PAR BYA'O SNYAM @232B TE, RGYAL PO DANG NYE BAR SONG BA DANG RGYAL PO SKRAG PAS SAD PAR GYUR TO, ,CHUNG MAS SMRAS PA, LHA 'DI CI ZHIG LAGS, RGYAL POS SMRAS PA, LHA MO NGAS RMI LAM MI DGE BA MTHONG STE, BYA RGOD GNYIS KYIS KU NA LA'I MIG 'BYIN PAR 'DOD PAR MTHONG NGO, ,BTZUN MOS SMRAS PA GZHON NU BDE BAR GNAS LAGS KYI, DE BZHIN DU RGYAL PO SKRAG PAS SAD NAS SMRAS PA, LHA MONGS RMI LAM RMIS SO, ,RGYAL SRUNG MAS SMRAS PA, RMI LAM JI LTA BU, RGYAL POS SMRAS PA, KUN LA SKRA DANG SEN MO RING PO 'CHANG ZHING GOS DRI MA CAN GYON PA MTHONG NGON, ,BTZUN MOS SMRIS PA, GZHON NU BDE BAR GNAS LAGS KYI, JI TZAM NA RGYAL PO GNYID KYIS LOG PA DANG, RGYAL SRUNG MAS YI GE DE SO'I RGYAS BTAB NAS RDO 'JOG TU BSKUR RO, ,YANG RGYAL PO GNYID LOG PA NA RANG GI SO LHAGS PAR GYUR PA RMIS SO, ,DE NAS RGYAL PO MTSAN MO DE NYID 'DAS PA DANG, LTAS MKHAN RNAMS POS TE RMI LAM BZLAS NAS 'DI DAG STON PAR GYIS SHIG CES BSGO'O, ,LTAS MKHAN RNAMS KYIS SMRAS PA, LHA GANG GIS 'DI LTA BU'I LTAS MTHONG BA DES NI BU'I MIG 'JIG PAR MTHONG BAR 'GYUR RO, ,YANG SMRAS PA, GANG GI SO NI DENGS PA DANG, ,RMI LAM NANG NA LHAGS GYUR PA, ,BU YI MIG NI 'JIG PA DANG, ,BRLAG PA'I BU NI DES MTHONG 'GYUR, ,DE SKAD THOS PA DANG, RGYAL PO MYA NGAN MED STAN LAS MYUR BAR LANGS TE, PHYOGS BZHIR LHA RNAMS LA GSOL BA 'DEBS PA LA ZHUGS PAR GYUR TO, ,SMRAS PA, SANGS RGYAS CHOS DANG TSOGS KYI GTZOR GYUR PA'I, ,DGE 'DUN MNGON DANG LHA NI GANG YIN DANG, ,GANG YANG 'JIG RTEN DRANG SRONG DKA' THUB MCHOG ,BDAG GI BU SDUG PHONGS LAS BSRUNG BAR MDZOD, ,YI GE DE YANG RIM GYIS RDO 'JOG TU PHYIN TO, ,DE NAS RDO 'JOG PA'I GRONG KHYER BA DE RNAMS KYIS YI GE DE MTHONG NAS KUN LA'I YON TAN RGYA CHEN POS YONGS SU MGU BAS MI DGA' BAS DE BRDA' SPROD PAR MA NUS TE, YUN RING POR RNAM PAR DPYAD NAS RGYAL PO GTUM PO DANG TSUL NGAN PA BU LA YANG BZOD PAR MI BYED NA, BDAG CAG RNAMS LA BZOD PAR LHAG LA BYED, YANG SMRAS PA, THUB PA'I NGANG TSUL CAN DUL BA, ,'BYUNG PO KUN LA PHAN 'DOD PA'I, ,KUN LA LA'ANG SDANG BYED NA, , @233A *, ,BDAG CAG RNAMS LA CIS MI 'BYUNG, ,CI TZAM NA GRONG KHYER PA'I SKYE BO DE RNAMS KYIS YI GE DE GZHON U LA BSTAN TO, ,DE NAS GZHON NUS PHA'I YI GE SPYI BOS BLANGS TE, YI GE PA LA SMRAS PA, YI GE PA KHYOD RNAMS KYIS RGYAL POS 'DIR CI ZHIG BRIS PA YI GE KLOGS SHIG, ,RGYAL PO MYA NGAN MED RANG NYID KYIS BRIS SO ZHES BYA BA'I BAR DU'O, ,DE NAS YI GE BKLAGS PA DANG, MIG MCHI MA DANG BCAS PAR GYUR CING KUN DU RMONGS PAR GYUR PAS LAG PA LAS YI GE LTUNG BAR GYUR TO, ,YI GE PA GNYIS PAS BLANGS PA DANG, DE YANG KUN DU RMONGS PAR GYUR NAS DE BZHIN DU LAG PA LAS LTUNG BAR GYUR TO, ,DE BZHIN DU YI GE PA MANG POS BLANGS TE, YI GE'I DON THOS PA DANG, KUN LA'I YON TAN YONGS SU DRAN PAS KYI HUD 'DI CI ZHIG YIN ZHES RNAM PAR SEMS SHING YI GE LTUNG BAR GYUR TO, ,DE NAS GZHON NUS DE RNAMS KYI SBYOR BA DE MTHONG NAS SMRAS PA, RI DAGS GZHON NU'I MIG 'DRA ZHING, , BZHIN NI PADMA'I 'DAB 'DRA BA, ,PADMA ZHES BYA SNYAN SMRA BA'I, ,NGA YI MA DUS MA BYAS SAM, ,LHA YIS MTHONG NA DGA' BA YI, ,RGYAL SRUNG MA ZHES BYA BA DE, ,GANG ZHIG MYA NGAN NAD KYIS NI, ,DE NI DUS BYAS MA GYUR TAM, ,MIG BZANG 'JIG RTEN GRAGS PAS GSAL BAR NI, ,GRONG KHYER MCHOG GI BDE 'BYOR MTHONG NAS NI, ,JI LTAR MCHIMS MIG KHEBS 'KHRUGS PA DANG, ,SKYE BO'I DU SGRA 'DRA BA 'DI CI YIN, ,DE BAS NA RE ZHIG YI GE KHYER LA SHOG DANG, 'DIR CI ZHIG BRIS PA NGA NYID KYIS BKLAG PAR BYA'O ZHES GZHON NU RANG NYID YI GE KLOG PA LA ZHUGS PAR GYUR PA DANG, RGYAL PO AA SHO KA RANG NYID KYIS BRIS SO ZHES BYA BA'I BAR DU RGYAS PAR RO, ,DE NAS GZHON NUS YI GE BKLAGS NAS GNAS BRTAN GRAGS PAS SMRAS PA MNGON DU GYUR PAR BYAS TE, GNAS BRTAN GRAGS PAS MIG NI MI RTAG PA'O ZHES BYA BA NI LEGS PAR GSUNGS SO, ,DE NAS GZHON NUS SMRAS PA, KHYED RNAMS LAS 'GA' ZHIG GIS BAG PHEBS PA NYID KYIS BA'I MIG 'BYIN PAR SPRO'AM, DE NI BYA DGOS SO, ,DE RNAMS LAS 'GA' YANG SPRO BAR MA GYUR TO, ,JI TZAM NA RIGS NGAN RNAMS BKUG NAS KUN LAS MIG PHYUNG SHIG CES SMRAS PA DANG, DE RNAMS KYIS THAL MO SBYAR TE SMRAS PA, BDAG @233B CAG RNAMS KYIS RDO MI THOGS TE, CI'I PHYIR ZHE NA, GANG ZHIG ZLA BA'I MDANGS LDAN BA, ,BZHIN LAS 'BYIN PAR BYED PA'I MI, ,DE NI ZLA 'DRA'I ZHAL NAS NI, ,KHYED KYI SPYAN NI 'BYIN PAR BGYID, ,DE NAS GZHON NU RDO 'JOG PA'I GRONG KHYER BA RNAMS LA GANG BSOD NAMS 'DOD PA DE CHOS KYI RGYAL PO CAN DU SHOG SHIG CES DRIL BSGRAGS SO, ,JI TZAM NA CHOS KYI RGYAL PO CAN DU MAR ME'I PHRENG BA BYAS NAS, NYI MA GNYIS PA LA DGE SLONG RNAMS BZA' BA DANG BCA' BAS BSNYEN BKUR BYA BA DANG, ME TOG GI GDUGS BTAGS PA BYAS SO, ,DE LTAR BYAS NAS CHOS KYI RGYAL PO CAN NAS BYUNG STE SKYE BO'I TSOGS CHEN POS BSKOR NAS RDO LEB GZHAN PA GANG NA BA DER SONG STE PHYIN PA DANG, DER 'DUG TE GSER GYI SGROM BLANGS NAS SMRAS PA, GANG ZHIG SPRO BA DES GSER GYI SGROM 'DI LONG LA NGA'I MIG PHYUNG SHIG CES SMRAS KYANG THAMS CAD DU 'GA' YANG SPRO BAR MA GYUR TO, ,JI TZAM NA RGYAL PO MYA NGAN MED KYI RMI LAM DU SKYES BU SPYI CER MIG SER BA GNYIS KYIS, GZHON NU'I MIG 'BYIN PAR BYED PAR MTHONG BA CI 'DRA BA DE LTA BU NYID RING PO KHO NA NAS 'ONG BA BZHIN NUS MTHONG NAS, SMRAS PA, KYE GRONG KHYER PA RNAMS SKYES BU 'ONG BA 'DI DAG GIS NGA'I MIG DBYUNG BAR BYA'O, ,GZHON NUS SKYES BU DE GNYIS LA BOS TE DRIS PA, KHYED KYIS NGA'I MIG 'BYIN PAR SPRO'AM, SKYES BU GNYIS KYIS SMRAS PA, GAL TE KHYED DGA' NA MGO BO YANG DAGS PAR NUS NA, CHU'I CHU BUR LTA BU'I MIG GNYIS LTA SMOS KYANG CI DGOS, DE NAS GZHON NU STAN LAS LANGS TE, THAL MO SBYAR BA BYAS NAS THAMS CAD DANG LDAN PA'I 'KHOR RNAMS LA BZOD PA GSOL BA LA ZHUGS PAR GYUR TO, ,BDAG NI BYIS PAR GYUR PAS GANG BYAS DANG, ,DBANG CHER GYUR PA'AM 'ON TE MI RIGS BYAS, ,DE NI DPAL NYAMS SHIN TU SDUG BSNGAL BA, ,BDAG LA BRTZE BAS BZOD PAR BYA BA'I RIGS, ,GZHAN YANG, GZUGS RNAMS MTHONG BAR GYUR KYANG 'DI, ,THA MA DAG TU GYUR PA YI, ,GZHON NU KUN LA LA NI, ,GNOD BYAS GANG YIN BZOD PAR GYIS, ,DE'I TSE GZHON NUS GNAS BRTAN GYI TSIG MNGON SUM DU BYAS NAS, ,DE RJES SU DRAN BZHIN DU SMAS PA, RGUD PA 'DI NI MKHYEN NAS SU,, @234A *, ,MIG GI BDAG NYID KUN LA, ,MI RTAG YANG DAG LTOS SHIG CES, ,DE NYID SMRA BA DE YIS GSUNGS, ,DE NI BDAG GI DGE BA'I BSHES, ,'DOD DON PHAN PAR BZHED PA YIN, ,GANG ZHIG CHOS 'DI STON PA NI, ,PHONGS LA BRTAN PAR BYED PA YIN, ,MI RTAG 'GYUR PAS DE NI RTAG MIN BAR, ,BLA MAS BSTAN PAS KHYED KYIS YID LA GYIS, ,DNGOS PO 'DI DAG RANG BZHIN G-YO BAS NA, ,DENG KHYOD GNOD PA LA NI NGA MI 'JIGS, ,JI LTAR SA BDAG BZHED PA LTAR, ,KHYED KYIS MIG NI DBYUNG BAR GYIS, ,MI RTAG SOGS KYIS ZAG MED PA'I, ,SNYING PO'I MIG NI NGA LEN TO,, DE NAS KUN LAS SKYES BU DE LA SMRAS PA, KYE SKYES BU DES NA RE ZHIG NGA'I MIG GCIG PHYUNG LA NGA'I LAG TU BYIN CIG ,JI TZAM NA SKYES BU DES KUN LA'I MIG 'BYIN PAR BRTZAMS SO, ,DE NAS SROG CHAGS BRGYA STONG CHO NGES 'DEBS PA LA ZHUGS TE, KYI HUD SDUG BSNGAL LO, ,DRI MED ZER LDAN ZLA BA 'DI, ,NAM MKHA' LAS NI LHUNG BAR GYUR, ,PADMA DKAR PO'I NAGS LAS KYANG, ,DPAL GYI PADMA 'BYIN PAR BYED, ,DE NAS SROG CHAGS BRGYA STONG DU BZHIN DU DES KUN LA'I MIG GCIG PHYUNG STE, LAG TU BYIN NO, ,DE NAS GZHON NUS MIG DE BLANGS TE, YONGS SU BSGO BAS SMRAS PA, 'BYUNG BA CHEN PO'I MTHU DANG NI, ,LAS KYI RGYU LAS 'DI BYUNG STE, ,SROG MED 'TSO BA MED STONG BA, ,MI YI SROG GI RNAM SPANGS PA'O, ,JI LTAR SNGON CHAD SHA'I GONG BU KHYOD, ,BYAD BZHIN DENG NI GZUGS LA CIS MI LTA, ,MI MKHAS KHYOD LA BDAG TU GNAS BYED PA, ,DE BSLUS DE NA SMAD PAR BYA BA YIN, ,DBU BA 'DRA ZHING CHU BUR DAG DANG MTSUNGS, ,SHIN TU NYAM CHUNG GNOD BYED RANG DBANG MED, ,DE LTAR MTHONG BA RTAG TU DREGS MED CING, ,DE LTAR SLAR YANG SDUG BSNGAL MTHONG MI 'GYUR, ,DE LTAR RNAM PAR BSAMS PA DANG, DES DNGOS THAMS CAD LA MI RTAG PA NYID DU MTHONG ZHING RGYUN DU ZHUGS PA'I 'BRAS BU THOB PAR GYUR PAR SKYE BO'I TSOGS RNAMS KYIS KYANG SHES SO, ,DE NAS GZHON NUS BDEN PA MTHONG BA DANG, ,SKYES BU DE LA SMRAS PA, BAG PHEBS PAS JI LTAR MNGON PAR 'DOD PAR MIG GNYIS PA YANG PHYUNG SHIG ,JI TZAM NA SKYES BU @234B DES MIG GNYIS PA YANG PHYUNG NAS KUN LA'I LAG TU BYIN NO, ,DE NAS KUN LA'I SHA'I MIG PHYUNG BA DANG, CHOS KYI MIG RNAM PAR DAG PAS SMRAS PA, NGA YI SHA YI MIG PHYUNG YANG, ,'ON KYANG SHIN TU RNYED DKA' 'DI, ,ZHES RAB MIG NI RNA MDAG PA, ,MA SMAD PA NI NGA YIS THOB, ,RGYAL POS RANG GI BU YI NI, ,BRTAGS PA SPANGS PA GYUR KYANG NI, ,CHOS KYI RGYAL PO'I SRAS GYUR PA, ,BDAG NYID CHEN PO THOB PAR GYUR, ,DBANG PHYUG LAS NI NYAMS GYUR KYANG, ,MYA NGAN SDUG BSNGAL RNAMS SPANGS PAS, ,SDUG BSNGAL MYA NGAN RNAM 'JIG PA'I, ,CHOS KYI DBANG PHYUG THOB PAR GYUR, ,DE NAS KUN LA'I MIG PHYUNG BA MTHONG BA DANG, SKYE BO'I TSOGS CHEN POS MGRIN GCIG TU SMRE SNGAGS 'DON ZHING LA LA NI GOS DANG RGYAN RNAMS GCOD PAR BYED, LA LA NI SA LA 'GRE ZHING LDOG PAR BYED, LA LA NI DBYIG PA DANG GTUN SHING LAG NA THOGS TE SKYES BU GNYIS PO DE BRLAG PA'I PHYIR BRTZON PAR BYED, GZHAN DAG NI RGYAL PO LA YONGS SU SMOD PAR BYED DE, KYE MA'O RGYAL PO KHRO BO'I STOBS CAN, KYE MA'O RGYAL PO SHES RAB ZHAN PA, KYE MA'O RGYAL PO DBANG PHYUG GI DREGS PA GANG NA BU GCIG PAR GYUR PA LA YANG GNAS SKABS 'DI LTA BUR BYED CES DE LTA BU'I TSUL RNAM PA MANG POR SMRA BZHIN DU GRONG KHYER DU ZHUGS PAR GYUR TO, ,CI TZAM NA KU NA LAS 'DI NI RGYAL PO MYA NGAN MED KYI BKA' MA YIN GYI, GZHAN DU NA SBYOR BA 'DI NI RGYAL SRUNG MA'I YIN NO ZHES THOS SO, ,THOS NAS YANG SMRAS PA, GANG GIS SBYOR BA 'DI NI BKUR BA YIS, ,GANG ZHIG MYONG NAS RANG DON BYAS GYUR PA'I, ,RGYAL ZHES BYA BA YUN RING BDER GYUR CING, ,LHA MO'I TSE DANG STOBS NI SKYONG BAR SHOG ,DE NAS GSER PHRENG CAN MAS KUN LA'I MIG PHYUNG NGO ZHES THOS SO, ,THOS NAS KYANG KHYO LA BRTZE BAS KUN LA'I THAD DU SONG STE, 'KHOR RNAMS BSAL NAS, KUN LA'I MIG PHYUNG BA LUS LA KHRAG GIS GANG BA MTHONG BA DANG, BRGYAL TE SA LA 'GYEL BAR GYUR TO, ,DE CI TZAM NA CHUS GTOR TE BSLANGS SO, ,DE NAS JI ZHIG LTAR 'DU SHES RNYED PA DANG, NGA RO DANG BCAS PAR RAB TU DU ZHING SMRAS PA, KHYED KYI MIG NI YID DU 'ONG PA GANG, ,NGA YIS BLTAS NA SHIN TU DGA' GYUR PA, ,DE NI NGA LTAR BLTAS NA 'JIGS SKYED @235A *, ,CING, ,SEMS KYI MYA NGAN MA LUS 'BYIN PAR BYED, ,DE NAS KUN LAS CHUNG MA LA RJES SU BRTZE BAS SMRAS PA, MYA NGAN LA STEN PA RIGS PA MA YIN GYI DU BA THONG, CI'I PHYIR ZHE NA, 'DI NI RANG GIS BYAS PA'I LAS KYI 'BRAS BU NYE BAR GNAS PA YIN NO, ,'JIG RTEN 'DI LAS BDAG NYID CAN DU SHES, ,'GRO BA SDUG BSNGAL DNGOS PO DANG LDAN PAR, ,SHES NA SDUG DANG BRAL LA ZHEN MI BYA, ,DE BAS SDUG PA MCHI MA 'BYIN MI RIGS, ,GZHAN YANG MIG PHYUNG BA NGAS DA CI ZHIG BYA NYE DU'I GAN DU SONG, KHYOD KYANG SDUG BSNGAL GYI SKAL PA CAN DU MA BYED CIG ,GSER PHRENG MAS SMRAS PA, SKYES BU GANG ZHIG DPAL RGYAS BUD MED NI, ,BRTZE BAS RJES 'JUG PA LA NGO MTSAR MED, ,GANG TSE DPAL NYAMS PA NA RJES 'BRANG BA'I, ,BUD MED DE NI MI NANG LHA DANG MTSUNGS, ,DE NAS KUN LA CHUNG MA DANG LHAN CIG GRONG KHYER LAS BYUNG BA DANG, MNGAL DU ZHUGS PA NAS BRTZAMS TE, SHIN TU GZHON SHA CAN GYI LUS DANG LDAN BAS, ,LAS CI YANG BYED PAR MI NUS KYI, ,GZHUN DU NA PI WANG DAG RDUNG ZHING GLU DAG LEN PAR NUS SO, ,DE NAS DE GSER PHRENG MA'I LAG PA LA 'JUS TE, GZHON NU SKYED BYED PHRAG PAR KHUR NAS 'DI SKAD CES SMRAS SO, ,BU SDUG DPA' BO'I RIGS LAS SKYES, ,KHYOD DANG RAB SDUG BSNGAL TE, ,YU BUS MTHAR NI SLONG MO THOB, ,MI BZAD LAS NI SNGON BYAS NYIN, ,SGYU MA LTA BUR MI BRTAN PA'I, ,DBANG PHYUG LA NI SU YING RTON, ,MYA NGAN MED KYI BUR GYUR LA, ,GNAS SKABS 'DI 'DRA THOR PAR GYUR, ,LAS BYAS PA NI TSOGS BA DANG, ,LDAN PA'I 'BRAS BU 'DI LTA BU, ,LAS NI LHAN CIG BYAS PAS NA, ,LHAN CIG LONGS NI SPYAD PAR GYUR, ,DE BAS NA DA CI ZHIG BYAS TE, PA TA LI PU TRAR SONG LA, RGYAL PO MYA NGAN MED PA LA GSOL BA GDAB PAR BYA'O, ,'DZAM GLING DBANG PHYUG MNGA' BDAG DE, K,NGA YI DKA' BA BYED PA'I PHA, ,DE NI SBYIN PA'I GNAS YIN ZHING, ,NGA LA RTAG TU RJES BRTZE YIN, ,DE NAS KUN LAS PI WANG RDUNG ZHING GLU LEN PA DANG, GZHAN GYI KHYIM RNAMS SU TSUL 'DIS 'TSO BA SGRUB CING CHAS SO, ,BSNYEN BKUR CHEN PO LAS NYAMS SHING, ,'ONG BSKAL DMAN SEMS CAN NI, , @235B SLONG MOS RGYU BAR BYED PA LA, ,CHOS LDAN SKYES BU SU ZHIG STER, ,PHA DANG MA SPANGS LONGS SPYOD DANG, ,ZAS DANG MAL CHA KHYIM MED PA, ,NYAM NGAR RAB ZHUGS LONG BA LA, ,SLONG MO MA YIS STER BAR MDZOD, ,LONGS SPYOD GLOG 'GYU DANG 'DRA ZHING, ,ZIL PA'I CHU THIGS 'DRA BA LA, ,'GRO BKREN SNYAN TSIG SBYIN PA YIS, ,SNYING PO MYUR DU LEN PAR GYIS, ,DBUL PO SKRA NI BRDZES GYUR CING, ,'JIG RTEN KUN GYIS BRNYAS PA DANG, ,DPAL NYAMS KHYIM KHYIM SLONG MOS RGYU, ,NGAL MA YIS SLONG MO BYIN, ,DE NAS KUN LAS SLONG MO RNYED PA RNAMS CHUNG MA DANG LHAN CIG YONGS SU LONGS SPYOD PAR GYUR TO,, GSER PHRENG MA YANG LAM GANG NAS PA TA LI PU TRA NAS 'ONGS PA'I LAM DE NYID NAS RJES SU 'BRANG BAR 'GRO'O, ,DE SONG BA DANG CHOS KYI 'KHOR LO'I GNAS SU PHYIN TO, ,DE NAS KUN LAS GSER PHRENG MA LA DRIS PA, ,BZANG MO GANG YU BUS PHYIN PA'I GRONG KHYER 'DI GANG ZHIG YIN, BTZUN MOS MTHONG BA DANG, BRGYAL TE SA LA 'GYEL TO, ,SKAD CIG TZAM NA 'DU SHES RNYED DE SMRAS PA, GANG TSE DPAL DANG LDAN PAR 'GRO BA NA, ,SKYE BO BYE BA GNAS 'DIR LHAGS PAR LHAGS, ,KHYED MIG BRAL NAS DENG NI 'DIR 'ONGS PAS, ,'DU BYED G-YO BA DE NI CIR MI RUNG, ,JI TZAM NA RIM GYIS PA TI LI PU TRAR PHYIN TO, ,DE NAS SKYED MOS TSAL YID 'PHROGS PA ZHES BYA BA RGYAL PO MYA NGAN MED KYIS RANG GI BU KUN LA'I DON DU BYAS PA ZHIG YOD PA DER ZHUGS PAR BRTZAMS TE ZHUGS PA DANG, JI TZAM NA SKYED MOS TSAL SRUNG BAS MTHONG NAS SMRAS PA, LONG BA BKRA MI SHIS SHING MI BSNGAGS PA 'DI SU ZHIG YIN NAS SKYED MOS TSAL 'DIR ZHUGS, KYE MA'O LONG BA 'DZAM BU'I GLING GI DBANG PHYUG GI RGYAL PO MYA NGAN MED PA'I BU KUN LA ZHES BYA BA'I DON DU SKYED MOS TSAL 'DI SRUNG BA KHYED KYIS MI SHES SAM, GSER PHRENG MAS SMRAS PA, KYE HUD SDUG BSNGAL LO, ,SKYED MOD TSAL NI NAGS RGYAS PAR, , NGA YI BU 'DI DGA' 'GYUR ZHES, ,BU LA BRTZE BAS SA BDAG GIS, ,GANG GI DON DU BYAS GYUR PA, ,BDAG CAG GNAS PA'I DON DU DER, ,'TSO BA ZHAN PAS PHYIN GYUR NA, ,SKAL PA DMAN PAS MA SHES NAS, ,DE LAS DE LTAR SKROD PAR GYUR, ,GANG DU GZHON NU GLU'I SGRA SNYAN CING YID DU 'ONG BA @236A *, ,DANG, BEE d'URYA'I RKANG RTEN DANG LDAN PA'I MAL KHRI LA NYAL NAS RTZE ZHING ROL PA'I GNAS PAS DGA' PA'I GNAS GANG YIN BA DER BGROD PA TZAM YANG THOB PAR MA GYUR TO, ,DE NAS KU NA LAS DE YID BSRING BAR BYA BA'I PHYIR SMRAS PA, BDE BAR GSHEGS PAS RGYAL SRID DPAL DAG NI, , SGYU MA RMI LAM SMIG RGYU 'DRA BAR GSUNGS, ,PHUN TSOGS RGUD PA DE LA RIM BYUNG NA, ,MKHAS PA SU ZHIG RGYAL SRING BDE BA 'DOD, ,DE NAS GZHON NU SLAR LOG NAS, ,PA TA LI PU TRAR 'JUG PAR BYA'O ZHES NGES PAR BSAMS NAS DER PHYIN PA DANG SGOR GSER PHRENG MA DU BA LA ZHUGS PAR GYUR TO, , KU NA LAS SMRAS PA 'DI CI ZHIG YIN, DES SMRAS PA, GANG LAS SNGON NI BYUNG BA NA, ,GANG GIS GRONG KHYER BRGYAN GYUR PA'I, ,DA NI DE LA DE MED DE, ,PHRENG BA SKAMS PA DOR BAR 'GYUR, ,JI TZAM NA RIM GYIS PHA'I GLANG PO CHE'I BRES SU MTSAN MO GNAS BCAS PAR GYUR TO, ,DE NAS RGYAL PO MYA NGAN MED DE'I MTSAN MO KHANG BZANGS KYI STENG NA NYAL BA DANG, MTSAN PHYED KYI DUS 'DAS PA NA SAD PA DANG, DE GZHON NU YID LA BYED PA LA ZHUGS TE, NGA'I BU BDEN PA'I TSIG CAN DE CIR GYUR ZHIG GU ,RGYAL SRUNG MAS SMRAS PA, GZHON NU BDE BAR GNAS LAGS KYI, ,RGYAL POS SMRAS PA, NGA YI BU YI PHO NYA MED, ,'PHRIN MED YI GE'ANG YOD MIN NA, ,DE YIS NGA NI BRJED GYUR TAM, ,'ON TE NGA LA SNGO BAR GYUR, ,DE NAS GLANG PO CHE'I RDZI BO DES SMRAS PA, KYE GLU MKHAN LONGS SHIG ,RE ZHIG PI WANG SBRENGS LA GLU LONGS SHIG ,KHO BOS MNYAN PAR BYA'O, ,DE NAS KU NA LA LANGS NAS PI WANG LEN PAR ZHUGS TE, DE JI LTAR MIG PHYUNG BAS BDEN BA MTHONG BAR YANG BYAS NAS, SLONG MO PA'I TSUL GYIS PA TA LI PU TRAR PHYIN PA DANG, RIGS LAS BYUNG BA'I GLU LEN PAR BRTZAMS SO, ,MI GANG MIG DANG BRAL BAR GYUR PA DE LA SROG GI DGOS PA CI ZHIG YOD, ,GNYEN GYI SKYE BOS SPANGS SHING KHROS PA'I BZHIN RAS DAG LA LTA BAR BYED PA NA, ,CHU SHING BSHIG LTAR SNYING PO MED PA'I 'DUS BYAS DAG LA MKHAS PA SU MI SKYO, ,GANG GIS NGA NI RIN CHEN RANG BZHIN SHING LTAR 'BAD PAS RNAM PAR GSOS GYUR CING, ,BU YI SRED PA KU NA LA ZHES MING BTAGS BYA DANG 'DRAR @236B GYUR PA, ,MI YI BDAG PO'I BU RU GYUR KYANG BKREN PA'I TSUL DU NGA NI SPYONG PAR BYED, ,GZHAN YANG, SKYE MCHED RNAMS KYI NGO BO NYID, ,MIG SOGS YE SHES SGRON MA NI, ,DAG BA'I SHES RAB KYIS MTHONG GANG, ,DE NI SKYE BO RNAMS LAS GROL, ,GAL TE KHYOD NI SRID PA'I SDUG BSNGAL RNAMS KYIS GZIR, , SRID PA'I NYES PA RNAM PAR NGES BYAS BLO RU BYA, ,GAL TE 'DI NA BRTAN PA'I BDE BA 'DOD GYUR NA, ,SKYE MCHED NYID LA BRTAN PA NYID DU GSOL BA THOB, ,DE'I GLU'I SGRA DE RGYAL PO MYA NGAN MED KYIS THOS SO, ,THOS NAS KYANG DGA' BZHIN DU SMRAS PA, GLU NI KU NA LA'I DANG RAB TU'ANG LDAN GYUR CING, ,YUN RING ZHIG NA PI WANG SGRA YANG THOS GYUR NA, ,CIG 'DI RU KUN LA NI 'ONG GYUR TAM, ,MA 'ONGS PAR NI BDAG NI MTHONG BAR DGA' BAR GYUR, ,DE NAS RGYAL PO MYA NGAN MED KYIS NYUNG RUM GYI SKYES BU ZHIG LA SMRAS PA, ,KYE SKYES BU, CIG GLU YI SGRA 'DI NI, ,KU NA LA DANG RAB 'DRA BAS, ,BRTAN DANG ZHUM PA MI MTHUN PAR, ,STON BA LTA BUR SHES PAR GYUR, ,DE BAS 'DIR NI SGRA 'DI YI, ,BRTAN LAS SHIN TU G-YOS GYUR TE, ,SENG GE NYID KYI SGRA YIS NI, ,GLANG PO RAB TU SKRAG LTAR GYUR, ,DE NAS NYUNG RUM GLANG PO CHE'I BRES SU SONG PA DANG, ,KU NA LA MIG PHYUNG BA RLUNG DANG TSA BAS LUS TSIG PA DE MTHONG BA DANG NGO MA SHES SO, ,DE NAS GLANG PO CHE SKYONG BA LA SMRAS PA, ,'DI SU ZHIG YIN, GLANG PO CHE'I RDZI BOS SMRAS PA, 'DI NI LONG BA MIG MED PA ZHIG GO, ,DE SONG NAS RGYAL PO LA GSOL PA, ,LHA LONG BA ZHIG PI WANG THOGS TE CHUNG MA DANG LHAN CIG LHA'I GLANG PO CHE'I BRES NA MCHIS SO, ,DE THOS NAS RGYAL BOS BSAMS PA, JI LTAR NGAS RMI LAM MI DGE BA MTHONG BA LAS NA, GZHON NU'I MIG NGES PAR NYAMS PAR GYUR TO SNYAM MO, ,YANG SMRAS PA, NGA YIS SNGON NI RMI LAM DU, ,MTSAN MA JI LTAR MTHONG BA LAS, ,THE TSOM MED PAR KU NA LA'I, ,MIG NI BRLAG PA NYID DU NGES, ,DE NAS RGYAL PO RAB TU DU ZHING SMRAS PA, BU YI SDUG BSNGAL DOGS PA YIS, ,NGA YI SEMS NI ZHIR MA GYUR, ,DE NI NGA YI THAD NYID DU, ,MYUR BA KHO NAR KHYER LA SHOG ,JI SRID NA SKYES BU DE YANG GLANG PO CHE'I BRES SU SONG STE, KU NA LA LA SMRAS PA, KHYOD SU'I BU YIN, KHYOD KYI MING NI CI ZHES BYA, ,KU NA LAS SMRAS PA, MYA NGAN MED PA ZHES BYA'I RGYAL,, @237A *, ,DPA' BO YI NI RIGS DGA' BA, ,GANG GIS SA 'DI RGYAS PA NI, ,MNGAG GZHUG PAR NI DBANG DU GYUR, ,NGA NI RGYAL PO DE YI BU, ,KU NA LA ZHES RNAM PAR GRAGS, ,SANGS RGYAS NYI MA'I GNYEN GYUR PA, ,CHOS CAN SRAS KYANG NGA YIN NO, ,DE NAS KU NA LA CHUNG MA DANG LHAN CIG RGYAL PO MYA NGAN MED KYI GAN DU SONG NGO, ,DE NAS RGYAL PO MYA NGAN MED KYIS KU NA LA'I MIG PHYUNG BA RLUNG DANG THAN PAS LUS TSIG PA, PHYAG DAR GYI DUM BU BSDUS PA'I GOS GYON PA DANG, SMAD DKRIS BYAS PAS NGO SHES PAR MA GYUR GYI, DBYIBS TZAM ZHIG MTHONG NAS SMRAS PA, BU KHYOD KU NA LA YIN NAM, ,LHA DE LTA LAGS TE BDAG NI KU NA LA'O, ,DE THOS PA DANG RGYAL PO BRGYAL NAS SA LA 'GYEL TO, ,DE NAS KU NA LA'I GDONG BLTAS NA, ,MIG BRAL MYA NGAN GYIS NI SEMS GDUNGS SHING, ,MYA NGAN MED PA SAR LHUNG 'DU SHES BRAL, ,KYI HUD BU GCIG BU GCIG CES PAR SMRAS, ,JI TZAM NA RGYAL PO CHUS GTOR NAS SA LAS BSLANGS TE STAN LA BZHAG GO, ,DE NAS RGYAL PO CI ZHIG LTAR 'DU SHES RNYED NAS KU NA LA PAD PAR BZHAG STE SMRAS PA, DE NAS YUD TZAM DBUGS NI PHYUNG NAS SU, ,MGUL PA MCHI MAR BCAS PAS MGUL 'KHYUD DE, ,BU YI GDONG LA YONGS SU BYUGS NAS SU, ,RGYAL PO RNAM PA MANG DU SMRE BAR GYUR, ,KU NA LA DANG MTSUNGS PA'I MIG BRTAGS NAS, ,NGA YIS RANG BZHIN DE NI MING BTAGS GANG, ,BU DE'I MIG NI PHYUNG BA LA BLTAS NAS, ,KU NA LA ZHES JI LTAR SMRA BAR BYA, ,YANG SMRAS PA, KHYED KYI MDZES SHING MDANGS LDAN BZHIN 'DI NI, ,NAM MKHA'I ZLA BA SKAR MA DANG BRAL LTAR, ,MDZES PA'I MIG DANG BRAL BAR KHYED SUS BYAS, ,BU SDUG RE ZHIG SMROS SHIG SMROS SHIG DANG, ,SNYING RJE MED PA'I SEMS LDAN SU YIS KHYED, ,THUB 'DRA 'PHAGS PA'I BDEN BA RTOGS GYUR PA, ,KHYED KYI MIG BZANG DGRA MED 'KHON BZUNG NAS, ,RANG BZHIN 'DI BYAS NGA YI MYA NGAN RTZA, ,DON 'DI MYUR BA NYID DU SMROS SHIG SMROS, ,NGA YI LUS 'DI'ANG 'JIG PAR 'GYUR DU'ONG, ,KHYED KYI BZHIN RGUNG MYA NGAN GYIS BA SREGS PA, ,DGRA YIS NAGS BCAD BA SRAGS PA LTA BUR GYUR, ,DE NAS KU NA LAS PHA LA SMRAS PA, 'DAS PA'I DON LA NI MYA NGAN BYA BA'I MI RIGS TE, @237B SNGON LAS RNAMS LAS SANGS RGYAS KYANG MI 'DA', ,DE BZHIN RANG RGYAL 'BRAS BU LA GNAS DANG, ,SO SO'I SKYE BO'ANG GROL BAR MI 'GYUR ZHES, ,THUB PA'I GSUNG NI KHYED KYIS MA GSAN NAM, ,RGYAL PO SKYES BUS MI DGE'I LAS BYAS RNAMS, ,'BRAS BU MED PAR NAM YANG MI 'GYUR NA, ,'DI NA RANG BYAS LAS KYI 'BRAS BU LA, ,'DI NI GZHAN GYIS BYAS ZHES JI LTAR SMRA, ,RGYAL PO CHEN PO BDAG GIS NONGS BGYIS TE, ,NONGS BCAS MA YIN NAM YANG 'DI 'DRA MIN, ,MTSON DANG RDO RJE DUG DANG SPRUL RNAMS KYIS, ,NAM MKHA' 'GYUR ZHING GNOD BYED MI NUS SO, ,LAS KYI BDAG NYID CAN NI LUS MTSON PA'I, ,LUS CAN RNAMS LA MI DGE'I SDUG BSNGAL 'BYUNG, ,DE NAS RGYAL PO MYA NGAN MED MYA NGAN GYI MES GDUNGS PA'I YID KYIS SMRAS PA, NGA YI BU YI MIG BZANGS SU YIS PHYUNG BAR GYUR, ,SU ZHIG SHIN TU SDUG PA'I SROG NI GTONG BA ZHUGS, ,NGA YI YID 'DI MYA NGAN ME YIS BSREGS GYUR GYIS, ,GANG LA CHAD PAS GCAD BYA BU SDUG MYUR DU SMROS, ,KU NA LAS SMRAS PA, GZHON NU KU NA LA 'DI YI, ,MIG NI GNYIS KA PHYUNG SHIG CES, ,TSEMS KYI RGYA YIS RGYAS BTAB NAS, ,YI GE LHA YIS BSKUR BA LAGS, ,RGYAL POS SMRAS PA, BYA PA 'DI DAG RNAM BSAMS PA, ,RMI LAM DU YANG MA DRAN NA, ,CI YI PHYIR NA TSIG 'DI DAG ,NGA NI RAB TU SMRA BAR BYED, ,DE NAS GZHON NU MIG MCHI MAS GANG BA DANG BCAS PA'I RGYAL PO LA BLTAS NAS SMRAS PA, MI YI BDAG PO MYA NGAN DAG GIS 'KHRUGS MA MDZAD, ,RANG GI MIG DANG BRAL BA MDZES PA MIN LA GZIGS, ,'DI NI MI YIS RANG BYAS SDIG PA'I KHUR BSKUR TE, ,SA BDAG GZHAN BYAS 'BRAS BU GZHAN NI SPYOD MI 'GYUR, ,SA BDAG MI DGE'I LAS RNAMS BYAS PAR GYUR PA DAG ,SMIN PA'I DUS SU 'JIGS PAR NAM YANG MI 'GYUR TE, ,DE 'DRA'I 'BRAS BU 'DI NI RANG GIS BYAS PA LA, ,GZHAN GYIS 'DI DAG BYAS ZHES JI LTAR BRJOD PAR BGYI, ,LHA GZHAN YANG BCOM LDAN 'DAS KYIS JI SKAD DU GSUNGS PA MA GSAN NAM, 'JIG RTEN GSUM GYI SNYING PO LHA MIS MCHOD GYUR PA, ,STOBS KYIS STOBS PHYUG PA YANG STOBS MTHA' LAS MI THAR, ,SNGON BYAS LAS LAS NAM YANG THAR PAR MI 'GYUR NA, ,'DI NA BDAG 'DRA @238A *, ,GZHAN DAG SMOS KYANG CI ZHIG 'TSAL, ,JI TZAM NA RGYAL PO MYA NGAN MED KYIS SBYOR BA 'DI NI RGYAL SRUNG MAS BYAS ZHES THOS SO, ,THOS NAS KYANG RGYAL POS RGYAL SRUNG MA BOS TE SMRAS PA, SKAL MED CI PHYIR SA RA NI NUB MA GYUR, ,CHOS BSHIG NGA YANG MI DGAR BYAS PAS NA, ,CHOS MIN LDAN PA BDAG DPAL 'PHROG 'DRA BA, ,SHIN TU SDIG BYED KHYOD NI SPANG BAR BYA, ,DE NAS RGYAL PO KHRO BO'I ME 'BAR BA DANG, RGYAL SRUNG MA LA BLTAS TE SMRAS PA, 'DI'I MIG DBYUNG NGAM 'ON TE 'DI YI LUS, ,SEN MO SHIN TU RNO BAS DRAL BA'AM, ,YANG NA GSON POR MDUNG RTZER BSKYON BA'AM, ,'DI'I LUS SOGS LES RNAM PAR DAGS PAR BYA, ,YANG NA LCE NI SPU GRIS GTUBS BYAS SHING, ,DGRA STAS BSNUN BAS MGO BO GCAD PAR BYA, ,YANG NA BSKAL BA'I ME 'DRAR GZHUG BYA ZHING, ,'ON TE DUG GIS LUS 'DI DGANG BAR BYA, ,DE LA SOGS PA GSOD BCAS SBYOR BA NI, ,RNAM MANG MI YI DBANG POS SMRAS PA DANG, ,SNYING RJE'I BDAG NYID CAN KU NA LAS THOS NAS, ,BDAG NYID CHEN PO DE LA GSOL BA 'DEBS, ,DE NAS RGYAL PO MYA NGAN MED KHRO BA'I ME KU NA DU 'BAR BAS DKRUGS PA DANG, RGYAL SRUNG MA BRLAG PA'I THABS TSOL BA LA BRTZON PA LA KU NA LAS SPYI BOS PHYAG BYAS TE, SNYING RJE RJE SKAD DU SMRAS BA; LHA BUD MED 'DI GSAD PAR RIGS PA MA LAGS SO, ,RGYAL POS SMRAS PA, GANG GIS KHYOD DANG NGA'I LUS BCOM RAB TU BYAS GYUR LA, ,'DI LTA'I TSIG NI SMRA BYED KHYED NI RIGS PA MA YIN NO, ,KU NA LAS SMRAS PA, DE DE LTA LAGS SU ZIN KYANG, BDAG NI DE'I TSE NAS DA LTA DE'I BAR DU 'DI DANG GSHED MA PA'I SKYES BU DE GNYIS LA GZHON NU SKYED BYED LA KHONG KHRO BA'I SEMS MED PA DE BZHIN DU DE RNAMS LA SNYING RJE DANG BYAMS PA'I SEMS NYID SHIN TU BSGOM LAGS SO, ,RGYAL POS SMRAS PA, KHYOD SNYING RJE'I DBANG DU GYUR PA YIN PAR TSIG 'DI LTA BU LA SU ZHIG YID CHES PAR GYUR, KU NA LAS SMRAS PA, NGES PAR NANG DU BDAG NYID TSAD MAR GYUR PA DANG, DE BZHIN DU MNGON PAR SHES PA DRUG DANG LDAN PAR BDAG NYID CHEN PO GZHAN GYI SEMS SHES PA GZHAN DAG DPANG DU GYUR PA LAGS SO, ,RGYAL POS SMRAS PA, GAL TE DE LTA YIN NA, NGA DANG 'JIG RTEN RNAMS KYI MNGON DU GYIS SHIG ,DE YANG 'DI LTAR @238B SHI BI'I RGYAL POS PHUG RON GYI DON DU LUS BCAD NAS, BDEN BA BDAR BAS SNGON GYI LUS JI LTA BA BZHIN DU GYUR TO ZHES THOS KYI DE BZHIN DU KHYOD KYIS KYANG BDEN PA BDAR BAS SNGON GYI MIG JI LTA BA BZHIN DU GYIS SHIG ,DE BZHIN DU BGYI'O ZHES SMRAS PA, KU NA LAS BRAM ZE DANG KHYIM BDAG BRGYA STONG DU MA 'DUS PA DANG, RGYAL PO 'KHOR DANG BCAS PA'I NANG DU BCOM LDAN 'DAS KYI THUGS RJE LA SOGS PA'I YON TAN MNGON DU BYAS TE SHAR PHYOGS SU BLTAS NAS BDEN PA'I TSIG 'DI SKAD CES BRJOD DO, ,BDEN BA GANG GIS RGYAL SRUNG MA DANG SKYES BU GNYIS PO'I BAR LA DE'I TSE DANG DA LTA'I BAR DU SKYO BA'I SEMS MED CING, BDAG GI BU GCIG PA SKYED BYED JI LTA BAR SNYING RJE DANG BYAMS PA'I SEMS MNYAM PAR GYUR PA'I BDEN PA'I TSIG DES SNGON GYI MIG JI LTA BA BZHIN DU GYUR CIG ,TSIG BRJOD PA DANG DUS MNYAM BA NYID DU KU NA LA'I MIG SNGON GYI JI LTA BA BZHIN DU GYUR TO, ,DE NAS RGYAL PO DANG, GRONG KHYER PA RNAMS KYE MA KYE MA ZHES SGRA GSANG MTHON PO SGROGS SHING, RNAM PA DE LTA BU'I NGO MTSAR LA LTA'O, ,DE NAS RGYAL PO MYA NGAN MED KYIS KU NA LA RGYAL TSAB TU DBANG BSKUR BAR ZHUGS PA DANG, KU NA LAS SMRAS PA, RGYAL PO CHEN PO BDAG LA NI RGYAL SRID DGOS PA MA MCHIS SO, ,BDAG GIS NI BDEN PA MTHONG LAGS SO, ,DE NAS GZHON NU SKYED BYED RGYAL TSAB TU DBANG BSKUR RO, ,DE NAS BAR SKABS SU YANG RGYAL SRUNG MA'I PHYIR GSOL BA 'DEBS PA, GAL TE RGYAL SRUNG 'PHAGS MIN LAS BGYIS KYANG, ,KHYED 'PHAGS LAS MDZOD BUD MED 'GU MA MI BGYI, ,BZOD DANG 'DRA BA'I STOBS NI YOD MIN ZHES, ,BDE GSHEGS BSNGAGS PAS GTZO BO BZOD MDZAD RIGS, ,JI TZAM NA RGYAL PO MYA NGAN MED SHIN TU KHROS PAS RGYAL SRUNG MA RGYA SKYEGS KYI KHANG PAR BCUG STE BSREGS SO, ,RDO 'JOG PA'I GRONG KHYER PA RNAMS KYANG RAB TU BCOM MO, ,DE NAS DGE SLONG CI'I PHYIR KU NA LAS LAS GANG ZHIG BYAS NA 'DI'I MIG PHYUNG BA DANG, SLAR SKYES PA YIN ZHES THE TSOM SKYES LA, DE LTAR THE TSOM SKYES PA GNAS BRTAN GRAGS PA LA DRIS PA DANG, GNAS BRTAN GRAGS PAS SMRAS PA, DE BAS NA TSE DANG LDAN PA DAG NYON CIG ,DGE SLONG DAG SNGON BYUNG BA 'DAS PA'I DUS NA GRONG KHYER B'A R'A nA S'I NA RNGON PA ZHIG GNAS TE, @239A *, ,DE KHA BA CAN DU SONG NAS RI DAGS RNAMS GSOD DO, ,DE DUS GZHAN ZHIG NA KHA BA CAN DU SONG BA DANG, DER SER BA BAB PAR GYUR LA, RI DAGS LNGA BRGYA PHYUG GCIG TU ZHUGS PA ZHIG RNYED PA DANG, DES RGYAS THAMS CAD BZUNG NAS DE LA BLO SKYES PA, GAL TE THAMS CAD DUS GCIG TU BSAD NA NI SHA RUL PAR 'GYUR BAS THABS GZHAN ZHIG BRTZAM PAR BYA'O SNYAM NAS DES RI DAGS LNGA BRGYA'I MIG PHYUNG NGO, ,MIG PHYUNG BA DE RNAMS GANG DU YANG 'BROS PAR MNUS SO, ,DE BZHIN DU RGYA CHER RI DAGS BRGYA PHRAG MANG PO'I MIG PHYUNG NGO, ,TSE DANG LDAN PA DAG RI DAGS KYI RNGON PA GANG YIN PA DE NI GZHAN MA YIN GYI KU NA LA 'DI NYID YIN NO, ,GANG DER RI DAGS MANG PO'I MIG PHYUNG BA DE'I LAS KYI RNAM PAR SMIN PAS LO BRGYA STONG MANG POR DMYAL BAR SDUG BSNGAL RJES SU MYONG LA, DE NAS LAS KYI LHAG MA SKYE BA LNGA BRGYAR MI RNAMS KYI NANG DU SKYES PA NA MIG PHYUNG BAR GYUR TO, ,LAS CI ZHIG BYAS NA LAS GANG GI RNAM PAR SMIN PAS RIGS MTHON POR SKYES SHING RAB TU MDZES PAR GYUR LA, BDEN PA MTHONG BAR BYAS PA DE YANG TSE DANG LDAN PA DAG NYON CIG ,SNGON BYUNG BA'I DUS SKYE DGU RNAMS KYI TSE LO BZHI KHRI THUB PA NA, YANG DAG PAR RDZOGS PA'I SANGS RGYAS 'KHOR PA 'JIG CES BYA BA 'JIG RTEN DU BYUNG STE, GANG GI TSE YANG DAG PAR RDZOGS PA'I SANGS RGYAS 'KHOR BA 'JIG GIS SANGS RGYAS KYI MDZAD PA MA LUS PA MDZAD NAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA DANG, DE LA RGYAL PO MDZES PA ZHES BYA BAS RIN PO CHE SNA BZHI LAS BYAS PA'I MCHOD RTEN CHU ZHENG DPAG TSAD TZAM BYAS SO, ,GANG GI TSE RGYAL PO MDZES PA DUS BYAS NAS DAD PA MED CES BYA BA RGYAL SRID LA BZHAG PA NA, RIN PO CHE DE RNAMS MA BYIN PAR LEN PA RNAMS KYIS BRKUS TE, PHYAG DAR DANG SHING TZAM ZHIG LUS PA DANG, DER SKYE BO'I TSOGS SONG BA NA, MCHOD RTEN RNAM PAR DENGS PA MTHONG NAS KYI HUD KYI HUD SDUG BSNGAL LO ZHES YANG DAG PA'I NGA ROS DU'O, ,TSONG DPON GYI BU ZHIG KYANG 'ONGS NAS, DES SMRAS PA, CI'I PHYIR DU, DE RNAMS KYIS SMRAS PA YANG DAG PAR RDZOGS PA'I SANGS RGYAS 'KHOR BA 'JIG GI MCHOD RTEN RIN PO CHE SNA BZHI'I RANG BZHIN @239B CAN ZHIG YOD DE ZHES BYA BA NAS DE RNAMS KYIS RGYA CHER MCHOD RTEN DE SNGON BZHIN DU BZHAG PAR GYUR TO ZHES BYA BA'I BAR DU'O, ,DE NAS YANG DAG PAR RDZOGS PA'I SANGS RGYAS 'KHOR BA 'JIG GI SKU'I TSAD KYI SKU GZUGS YOD PA LAS DE ZHIG PA DANG, LEGS PAR GSOS TE, STON PA 'KHOR BA 'JIG CI 'DRA BA DE 'DRA'I STON PA MNYES PAR BYED KYI MI MA NYES BA BYED PAR MA GYUR CIG CES SMON PA BYAS SO, ,TSE DANG LDAN PA DAG 'DI JI SNYAM DU SEMS, TSONG DPON GYI BU GANG YIN PA DE NI KU NA LA 'DI NYID YIN TE, GANG DER BCOM LDAN 'DAS 'KHOR BA 'JIG GI MCHOD RTEN LEGS PAR GSOS BA'I DE'I LAS KYI 'BRAS BUS RIGS MTHO BAR SKYES PA YIN LA, GANG SKU GZUGS GSOS PA DE'I LAS KYIS GZUGS BZANG BAR SKYES PA YIN LA, GANG YANG DAG PAR SMON BAR BYAS PA DE'I LAS KYI 'BRAS BU DE DANG 'DRA BA'I STON PA YANG DAG PAR RDZOGS PA'I SANGS RGYAS SH'AKYA THUB PA MNYES PAR BYAS KYI MI MNYES PAR MA BYAS PA YIN NO, ,BDEN PA MTHONG BAR BYAS PA GANG YIN PA DE NYON CIG ,DGE SLONG DAG SNGON BYUNG BA 'DAS PA'I DUS NA, YANG DAG PAR RDZOGS PA'I SANGS RGYAS 'KHOR BA 'JIG DE NYID KYI MCHOD RTEN RIN PO CHE SNA BZHI LAS BYAS PA RGYAL PO MDZES PAS BYAS PA DANG, MCHOD RTEN DER SA LAS BYAS PA'I SKU GZUGS CIG KYANG BYAS SO, ,JI TZAM NA TSONG DPON ZHIG GI BYIS PA MA MA DANG LHAN CIG MCHOD RTEN DER SONG BA DANG, DE BYIS PAR GYUR PAS MDE'U BLANGS TE SANGS RGYAS KYI SKU GZUGS KYI SPYAN PHYUNG NGO, ,JI SRID DU GZHAN ZHIG NA CHEN POR 'GYUR NAS, YANG MCHOD RTEN DE NYID DU SONG NGO, ,DES MTHONG MA THAG TU SKU GZUGS 'DI BYIS PAR GYUR PAS BDAG GIS BYAS SO DRAN PA DANG, DE KHYIM NAS RDZAS BLANGS TE, DE DANG RIN PO CHE SNA BZHI LAS BYAS PA'I SKU GZUGS BYAS NAS, MIG GNYIS SU RIN THANG CHE BA'I NOR BU AIN DRA N'I LA BCUG STE, MCHOD RTEN DE LA YANG MCHOD PA CHEN PO DANG BSKOR BA BYAS NAS, GANG BDAG BYIS PAR GYUR PAS, BCOM LDAN 'DAS KYI SPYAN PHYUNG NAS SDIG PA'I LAS BGYIS TE, SDIG PA'I LAS 'DI'I SKAL BA CAN DU MA GYUR CIG ,DGE BA'I RTZA BA 'DIS KYANG STON PA 'DI LTA BU MNYES PAR BYED KYI, MI MNYES PA BYED PAR MA GYUR @240A *, ,CIG CES SMON PA BYAS SO, ,DGE SLONG DAG TSONG DPON GYI BU GANG YIN PA DE CI GZHAN DAG YIN PAR SEMS SAM, DE'I TSE DE'I DUS SU KU NA LA 'DI NYID TSONG DPON GYI BUR GYUR TO, ,GANG 'DIS SDIG PA CAN GYI LAS BYAS PA DES SKYE BA LNGA BRGYAR TSE RABS TSE RABS SU MIG DANG BRAL BAR GYUR TO, , GANG DES NYES PA BSHAGS NAS SMON LAM BYAS PA DES RIGS MTHO BA DANG, GZUGS MDZES PAR GYUR TO, ,GANG AIN DRA N'I LA'I SBYAN BCUG PA DES NA 'DI TSE RABS TSE RABS SU MIG MDZES PAR GYUR PA YIN NO, ,GANG DES STON PA 'DI LTA BU MNYES PAR BYED PAR GYUR CIG CES PA DES NA RGYUN DU ZHUGS PA'I 'BRAS BU THOB PA YIN NO, ,GANG DES SPYAN PHYUNG NAS SLAR YANG AIN DRA N'I LA'I SPYAN BCUG PA DE'I LAS KYI 'BRAS BU MIG PHYUNG NAS YANG THOB PA YIN NO, ,GNAS BRTAN GRAGS PAS DE SKAD CES SMRAS PA DANG, DGE SLONG DAG MNGON PAR DGA'O, ,KU NA LA'I RTOGS PA BRJOD PA RDZOGS SO,, ,,RGYA GAR GYI MKHAN PO PADMA KA RA BAR MA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,, ,, #, ,RGYA GAR SKAD DU, A'A RYA NAN DI MI TRA AA BA D'A NA N'A MA, BOD SKAD DU, 'PHAGS PA DGA' BA'I BSHES GNYEN GYI RTOGS PA BRJOD PA ZHES BYA BA, SANGS RGYAS DANG BYANG CHUB SEMS DGA' THAMS CAD LA PHYAG 'TSAL LO, ,'DI SKAD BDAG GIS THOS TE, BCOM LDAN 'DAS MYA NGAN LAS 'DAS NAS LO BRGYAD BRGYA LON PAR GYUR PA NA, DE'I TSE DE'I DUS NA YUL SHI BI KA ZHES BYA BA NA GRONG KHYER BYIN GYIS BRLABS PA ZHES BYA BA YOD DE, DE NA RGYAL PO RIGS PA'I SDE ZHES BYA BA GNAS SO, ,DE'I TSE RGYAL PO RIGS PA'I SDE'I YUL NA DGE SLONG DGA' BA'I BSHES GNYEN ZHES BYA BA RNAM PAR THAR PA BRGYAD LA BSAM GTAN BA MNGON PAR SHES PA DRUG DANG LDAN BA, RDZU 'PHRUL CHE BA, MTHU CHE BA, DPAG TSAD BRGYA STONG PHRAG DU MA NA GNAS PA'I SEMS CAN RNAMS LAS GROG MO DANG KU TA'I SEMS KYI SPYOD PA SHES PA ZHIG GNAS TE, DE YONGS SU MYA NGAN LAS 'DA' BA'I DUS KYI TSE DGE SLONG GI DGE 'DUN 'DUS PA RNAMS KYIS 'DI SKAD DU, KHYOD LTA BU MYA NGAN LAS 'DAS NA SANGS RGYAS KYI BSTAN PA NUB PAR MI 'GYUR RAM @240B ZHES SMRAS PA DANG DES DE DAG LA SMRAS PA, NUB PAR MI 'GYUR TE, BCOM LDAN 'DAS KYIS LUNG BSTAN NAS BSHAD DO, ,'DI LTAR YANG DGE SLONG RNAMS THE TSOM SKYES NAS DRIS PA, GNAS BRTAN YUN JI SRID CIG GI BAR DU BCOM LDAN 'DAS SH'AKYA THUB PA'I DAM PA'I CHOS GNAS PAR 'GYUR; DES SMRAS PA, BZHIN BZANGS DAG DOGS PA MED KYIS MYA NGAN DANG SMRE SNGAGS MA 'DON CIG, ,DE CI'I PHYIR ZHE NA, BCOM LDAN 'DAS YONGS SU MYA NGAN LAS 'DAS PA'I DUS KYI TSE GNAS BRTAN CHEN PO BCU DRUG GI LAG TU DAM PA'I CHOS GTAD PAR GYUR TE, SBYIN BDAG DANG SBYIN PA PO'I SBYIN PA YONGS SU DAG PAR BYA BA'I PHYIR RO, ,DE SKAD CES SMRAS PA DANG, GNAS BRTAN DGA' BA'I BSHES GNYEN LA DGE SLONG RNAMS KYIS 'DI SKAD CES SMRAS SO, ,GNAS BRTAN BDAG CAG GIS GNAS BRTAN DE DAG GI MTSAN YANG MI 'TSAL LO, ,GNAS BRTAN GYIS SMRAS PA, TSE DANG LDAN BA DAG GNAS BRTAN DANG PO'I MTSAN NI BAR DVA DZA BSOD SNYOMS LEN ZHES BYA'O, ,GNAS BRTAN GNYIS PA'I MTSAN NI GSER BE'U ZHES BYA'O, ,GNAS BRTAN GSUM PA'I MTSAN NI BA RA DVA DZA ZHES BYA'O, ,GNAS BRTAN BZHI PA'I MTSAN NI MI PHYED PA ZHES BYA'O, ,GNAS BRTAN LNGA PA'I MTSAN NI SHING SHUN CAN ZHES BYA'O, ,GNAS BRTAN DRUG PA'I MTSAN NI BZANG PO ZHES BYA'O, ,GNAS BRTAN BDUN PA'I MTSAN NI NAG PO ZHES BYA'O, ,GNAS BRTAN BRGYAD PA'I MTSAN NI BAD SA'I BU ZHES BYA'O, ,GNAS BRTAN DGU PA'I MTSAN NI BA LANG SKYONG ZHES BYA'O, ,GNAS BRTAN BCU PA'I MTSAN NI LAM PA ZHES BYA'O, ,GNAS BRTAN BCU GCIG PA'I MTSAN NI SGRA GCAN 'DZIN ZHES BYA'O, ,GNAS BRTAN BCU GNYIS PA'I MTSAN NI KRU SDE ZHES BYA'O, ,GNAS BRTAN BCU GSUM PA'I MTSAN NI ZUR GYIS SHES ZHES BYA'O, ,GNAS BRTAN BCU BZHI PA'I MTSAN NI NAGS NA GNAS ZHES BYA'O, ,GNAS BRTAN BCO LNGA BA'I MTSAN NI MI PHAM PA ZHES BYA'O, ,GNAS BRTAN BCU DRUG PA'I MTSAN NI GTZUG GI LAM PA ZHES BYA'O, ,GNAS BRTAN DE DAG NI RIG PA GSUM DANG LDAN BA SDE SNOD GSUM PA, KHAMS GSUM PA'I 'DOD CHAGS DANG BRAL BA, RDZU 'PHRUL GYI STOBS @241A *, ,KYIS TSE BYIN GYIS BRLABS TE BSRINGS NAS BCOM LDAN 'DAS KYI BKAS GNAS PA YIN NO, ,SBYIN PA PO DANG SBYIN BDAG RNAMS KYI SBYIN PA YONGS SU DAG PAR BYED DO, ,DE SKAD CES SMRAS PA DANG, DGE SLONG RNAMS KYIS GNAS BRTAN DGA' BA'I BSHES GNYEN LA 'DI SKAD CES SMRAS SA, ,GNAS BRTAN BDAG CAG GIS GNAS BRTAN DE DAG GANG NA BZHUGS PA MI 'TSAL LO, ,GNAS BRTAN GYIS SMRAS PA, TSE DANG LDAN PA DAG GNAS BRTAN DANG PO BA RA DVA DZA BSOD SNYOMS LEN NI 'KHOR DGRA BCOM PA STONG DANG LHAN CIG BA LANG SPYOD KYI GLING NA GNAS SO, ,GNAS BRTAN GSER BE'U ZHES BYA BA NI 'KHOR DGRA BCOM PA LNGA STONG DANG LHAN CIG SHAR KYI LUS 'PHAGS PO'I GLING NA GNAS SO, ,GNAS BRTAN BA RA DVA DZA NI 'KHOR DGRA BCOM PA DRUG STONG DANG LHAN CIG BYANG PHYOGS KYI KHA CHE'I YUL NA GNAS SO, ,GNAS BRTAN MI PHYED PA NI 'KHOR DGRA BCOM PA BDUN STONG DANG LHAN CIG 'DZAM BU'I GLING NA GNAS SO, ,GNAS BRTAN SHING SHUN CAN NI 'KHOR DGRA BCOM PA DRUG STONG DANG HAN CIG BYANG GI SGRA MI SNYAN GYI GLING NA GNAS SO, ,GNAS BRTAN BZANG PO NI 'KHOR DGRA BCOM PA DGU STONG DANG LHAN CIG ZANGS GLING NA GNAS SO, , GNAS BRTAN NAG PO NI 'KHOR DGRA BCOM PA KHRI DANG LHAN CIG SING GA LA'I GLING NA GNAS SO, ,GNAS BRTAN BAD SA'I BU NI 'KHOR DGRA BCOM PA KHRI CHIG STONG DANG LHAN CIG PA NA SA'I GLING NA GNAS SO, ,GNAS BRTAN BA LANG SKYONG NI 'KHOR DGRA BCOM PA BRGYAD STONG DANG LHAN CIG RI BO SPOS KYI DAD LDANG LA GNAS SO, ,GNAS BRTAN LAM PA NI 'KHOR DGRA BCOM PA STONG PHRAG BCU GSUM DANG LHAN CIG LHA'I GNAS SUM CU RTZA GSUM NA GNAS SO, ,GNAS BRTAN SGRA GCAN 'DZIN NI 'KHOR DGRA BCOM PA STONG DANG LHAN CIG PHRI YANG GU'I GLING NA GNAS SO, ,GNAS BRTAN KLU SDE NI 'KHOR DGRA BCOM PA STONG PHRAG BCU GNYIS DANG LHAN CIG RI BO SKYA BON BZHUGS SO, ,GNAS BRTAN ZUR GYIS SHES NI 'KHOR DGRA BCOM PA STONG PHRAG GSUM DANG LHAN CIG RI BO NGOS YANGS NA GNAS SO, ,GNAS BRTAN NAGS NA GNAS NI 'KHOR DGRA BCOM PA @241B STONG PHRAG BCU BZHI DANG LHAN CIG LUS 'PHAGS KYI RI LA GNAS SO, ,GNAS BRTAN MI PHAM PA NI 'KHOR DGRA BCOM PA STONG PHRAG BCO LNGA DANG LHAN CIG RGYAL PO'I KHAB BYA RGOD PHUNG PO'I RI LA GNAS SO, ,GNAS BRTAN GTZUG GI LAM PA NI 'KHOR DGRA BCOM PA STONG PHRAG DRUG CU DANG LHAN CIG RI BO GNYA' SHING 'DZIN NA GNAS SO, ,GNAS BRTAN DE DAG GIS NI MI SHES PA'AM, MA MTHONG BA'AM, MA THOS PA'AM, MNGON SUM DU MA BYAS PA NI CUNG ZAD KYANG MED DO, ,DGE 'DUN GYI BZHES PA'AM, SPYAN DRANG BA'AM, BCO LNGA STON NAM, GTZUG LAG KHANG 'BUL BA'AM, RAB GNAS SAM, GANG CUNG ZAD MI SHES PA MED DO, ,DE DAG TU GNAS BRTAN BCU DRUG PO DE DAG LA 'KHOR DU MA DANG BCAS PA CHA LUGS GZHAN DANG GZHAN GYIS DE DANG DER BYON ZHING GNAS TE, DE LTAR SBYIN BA YONGS SU DAG PAR BYED DO, ,MA 'ONGS PA NA MTSON GYI BSKAL PA BYUNG BA 'DAS NAS MI RNAMS DGE BA BCU DANG LDAN BAS TSE SLAR 'PHEL TE, LO BRGYAD CU THUB PA NA STON PA'I NYAN THOS DE DAG YANG PHYIR LA 'DZAM BU'I GLING DU BYON NAS DAM PA'I CHOS YANG DAG PAR STON PAR BYED CING RAB TU 'BYIN PAR BYED DO, ,JI SRID SKYE DGU RNAMS KYI TSE LO DRUG BRGYA PAR GYUR PA DE SRID DU BCOM LDAN 'DAS SH'AKYA THUB PA'I BSTAN PA DAM PA'I CHOS GNAS PAR GYUR TE, MI RNAMS KYI TSE LO BDUN BRGYA PAR GYUR PA NA NYAN THOS DE DAG GIS GANG SA'I STENG 'DI NA BCOM LDAN 'DAS SH'AKYA THUB PA'I BSTAN PA'I TSOGS JI SNYED PA DE DAG GCIG TU BSDUS NAS RIN PO CHE SNA BDUN GYI MCHOD RTEN GCIG BYAS TE KUN NAS BSKOR NAS SKYIL MO KRUNG BCAS TE 'DUG NAS 'DI SKAD CES BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA DE LA 'DUD PAS PHYAG 'TSAL LO ZHES BRJOD DE, PHYAG BYAS NAS PHUNG PO LHAG MA MED BA'I YONGS SU MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR RO, ,RIN PO CHE SNA BDUN GYI MCHOD RTEN DE YANG NUB NAS 'OG GI GSER KYI SA GZHI GANG YIN PA DE LA GNAS SO, ,DE NAS BCOM LDAN 'DAS SH'AKYA THUB PA'I BSTAN PA DAM PA'I CHOS NUB PAR @242A *, ,'GYUR RO, ,DE NAS DE'I RJES LA RANG SANGS RGYAS BYE BA PHRAG BDUN 'JIG RTEN DU 'BYUNG NGO, ,DE NAS MI RNAMS KYI TSE LO BRGYAD KHRI PAR GYUR PA NA DE BZHIN GSHEGS PA BYAMS PA ZHES BYA BA 'JIG RTEN DU 'BYUNG NGO, ,DE'I TSE 'DZAM BU'I GLING NI 'BYOR BA RGYAS PA, BDE BA, LO LEGS PA, MI DANG SKYE BO MANG POS YONGS SU GANG ZHING, BYA GAG 'PHUR BA TZAM NA GRONG KHYER DANG, GRONG DANG, GRONG RDAL DANG, LJONGS DANG, YUL 'KHOR DANG, RGYAL PO'I PHO BRANG YOD PAR 'GYUR RO, ,LAN CIG SA BON BTAB PAS LO BDUN GYI BAR DU 'BRAS BU RNAMS SKYE BAR 'GYUR RO, , DE'I NYAN THOS 'DUS PA YANG GSUM DU 'GYUR TE, 'DUS PA DANG PO LA NI NYAN THOS 'DUS PA BYE BA PHRAG DGU BCU RTZA DRUG 'BYUNG BAR 'GYUR RO, ,'DUS PA GNYIS PA LA NI NYAN THOS 'DUS PA BYE BA PHRAG DGU BCU RTZA BZHI 'BYUNG BAR 'GYUR RO, ,'DUS PA GSUM PA LA NI NYAN THOS BYE BA PHRAG DGU BCU RTZA GNYIS KYI 'DUS PA CHEN PO 'BYUNG BAR 'GYUR BA YIN TE, GANG 'DI DAG NI SBYIN PA PO DANG SBYIN BDAG YIN TE, YANG DE DAG GIS GZHAN DU BCOM LDAN 'DAS SH'AKYA THUB PA'I GSUNG RAB LA SANGS RGYAS LA DGE BA'I RTZA BA BSGRUN ZHING BYA BA BYAS PAR GYUR PA YIN TE, 'DI LTA STE, GSER GYI RANG BZHIN DANG DNGUL GYI RANG BZHIN DANG, BEE d'URY'I RANG BZHIN DANG, SHEL GYI RANG BZHIN DANG, RIN PO CHE'I RANG BZHIN DANG, RA GAN GYI DNGOS PO DANG, KHAR BA'I DNGOS PO DANG, MU TIG DANG, LCAGS KYI RANG BZHIN DANG, ZANGS KYI DNGOS PO DANG, TZAN DAN GYI RANG BZHIN DANG, AA KA RU'I RANG BZHIN DANG, DUNG GI RANG BZHIN DANG, RVA'I RANG BZHIN DANG BA SO'I RANG BZHIN DANG, SA'I RANG BZHIN DANG, SNA TSOGS PA'I RANG BZHIN DANG, RUS PA'I RANG BZHIN DANG SA LAS SKU GZUGS SAM MCHOD RTEN BZHENGS SU GSOL ZHING, THA NA SOR MO TZAM GYI SKU'AM MCHOD RTEN BZHENGS SU GSOL BAS DGE BA'I RTZA BA BSKYED PA DE DAG THAMS CAD BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA'I GSUNG RAB LA MI'I 'THOB PA RAB TU THOB NAS, 'DUS PA DANG PO LA DANG BA DANG DANG PA DANG LDAN @242B BAS RAB TU BYUNG NAS SKRA DANG KHA SPU BREGS TE CHOS GOS BGOS NAS KHYIM NAS KHYIM MED PAR RAB TU BYUNG STE, SMON LAM JI LTA BA BZHIN DU YONGS SU MYA NGAN LAS 'DA'O, ,TSE DANG LDAN PA DAG RE ZHIG SANGS RGYAS LA DGE BA'I RTZA BA BSKRUN PA YIN NO, ,YANG GANG DAG SNANG BA CHOS KYI PHUNG PO BRGYAD KHRI PO BCOM LDAN SH'AKYA THUB PA'I CHOS KYI BDUD RTZI LA DGE BA'I RTZA BA BSKYED PAR GYUR CING, SKYED DU BCUG PA DANG, BRIS PA DANG, 'DRIR BCUG PA DANG, BKLAGS PA DANG, KLOG TU BCUG PA DANG, GANG DAG THEG PA CHEN PO'I MDO SDE ZAB PA ZAB BAR GYUR PA STONG PA NYID DANG LDAN PA NI 'DI LTA STE, SHES RAB KYI PHA ROL TU PHYIN PA DANG, DAM PA'I CHOS PADMA DKAR PO DANG, RGYA CHER RO LA PA DANG, GSER 'OD DAM PA DANG, YON TAN 'OD MCHOG DANG, STONG PA NYID KYI 'OD MCHOG DANG, PHYAG NA RDO RJE GSANG BA LA SOGS PA DANG SGYU MA LTA BU'I TING NGE 'DZIN DANG, CHO 'PHRUL CHEN BO'I TING NGE 'DZIN DANG, BSOD NAMS THAMS CAD LA BSDUS PA'I TING NGE 'DZIN DANG, 'PHAGS PA ZLA BA SGRON MA'I TING NGE 'DZIN DANG, DE BZHIN GSHEGS PA'I YE SHES KYI TING NGE 'DZIN DANG, GZI BRJID DANG LDAN PA'I TING NGE 'DZIN DANG, BYANG CHUB KYI TING NGE 'DZIN DANG, BYANG CHUB BSDUS PA DANG, SANGS RGYAS THAMS CAD YONGS SU 'DZIN PA DANG, GLANG PO'I RTZAL DANG, SPRIN CHEN PO DANG, SOR MO'I PHRENG BA DANG, LANG KAR GSHEGS PA DANG, YONGS SU MYA NGAN LAS 'DAS PA CHEN PO DANG, ZLA BA'I SNYING PO DANG, NYI MA'I SNYING PO DANG, NAM MKHA'I SNYING PO DANG, SA'I SNYING PO DANG, BYAMS PAS ZHUS PA DANG, TSANGS PAS ZHUS PA DANG, LEGS PA'I MTSAN GYIS ZHUS PA DANG, DRAG SHUL CAN GYIS ZHUS PA DANG, DRA BA CAN GYIS ZHUS PA DANG, KLU'I RGYAL PO RGYA MTSOS ZHUS PA DANG, DRANG SRONG RGYAS PAS ZHUS PA DANG, BRGYA BYIN GYIS ZHUS PA DANG, LAG NA RIN CHEN GYIS ZHUS PA DANG, MI'AM CI'I RGYAL PO LJON PAS ZHUS PA DANG, DPA' BO NAM MKHAS ZHUS PA DANG, BU MO 'OD LDAN MAS ZHUS PA DANG, BU MO RIN CHEN LDAN GYIS ZHUS PA DANG, BU MO GSER GYI 'OD MCHOG GIS ZHUS PA DANG, BAD SA'I @243A *, ,RGYA LA PO 'CHAR BYED KYIS ZHUS PA DANG, DBANG PHYUG CHEN BOS ZHUS PA DANG, RGYAL PO GZUGS CAN SNYING POS ZHUS PA DANG, DGE BA BZANG PO GANG GIS ZHUS PA DANG, LHA'I BU MO LEGS PA'I MTSAN GYIS ZHUS PA DANG, LHA'I BU TZAN DAN GYIS ZHUS PA DANG, LHA'I BU RANG GI RGYAN GYIS ZHUS PA DANG, LAG BZANGS KYIS ZHUS PA DANG, SENG GES ZHUS PA DANG, SENG GE RNAM PAR ROL PAS ZHUS PA DANG, DPAS BYIN GYIS ZHUS PA DANG, GTZUG NA RIN CHEN GYIS ZHUS PA DANG, ZUNG GI MDO DANG, BYANG CHUB SEMS DPA'I ZLOS GAR DANG, STAG RNA'I RTOGS PA BRJOD PA DANG, LAM RNAM BAR BSHAD PA DANG, BLO GROS MI ZAD PAS BSTAN PA DANG, BLO GROS RGYA MTSOS BSTAN PA DANG, DRI MA MED PAR GRAGS PAS BSTAN PA DANG, BDEN PA LA 'JUG PA DANG, MA SKYES DGRA'I 'GYUR BA DANG, SRED MED KYI BU'I 'GYUR BA DANG, STONG 'GYUR DANG, 'DZAM BU'I GLING 'GYUR BA DANG, 'DUS PAR 'GYUR BA DANG, SANGS RGYAS KYI RGYAN DANG, THABS LA MKHAS PA DANG, LAG NA AUTPA LA DANG, SANGS RGYAS BCU PA DANG, CHOS BCU PA DANG, SA BCU PA DANG, 'OD DPAG MED KYI BKOD PA DANG, BDE BA CAN GYI BKOD PA DANG, DAM PA'I CHOS KYI YON TAN BKOD PA DANG, TSOGS KYI BKOD PA DANG, RNAM DAG ME TOG BSDUS PA DANG, 'JIG RTEN DAG PAS BSDUS PA DANG, BYANG CHUB SEMS DPA' DAG PAS BSDUS PA DANG, THAMS CAD SDEGS LAS BABS PA DANG, DE BZHIN GSHEGS PA THAMS CAD LHA LAS BABS PA DANG, RIN PO CHE'I TOG DANG, RIN PO CHE'I PHUNG PO DANG, RIN PO CHE'I ZA MA TOG DANG, MDZES PA BRTZEGS PA DANG, RIN CHEN SKAR MDA' DANG, RIN CHEN SPRIN DANG, RIN CHEN LJON PA DANG, RIN CHEN GTZUG DANG, RIN CHEN 'BYUNG GNAS DANG, COD PAN DRA BA CAN DANG, SDONG PO BKOD BA DANG, 'DI DAG LA SOGS PA BYE BA PHRAG BRGYA NI THEG PA CHEN PO'I SDE SNOD YIN NO, ,DE BZHIN DU NYAN THOS KYI SDE SNOD DE, MNGON PA'I SDE SNOD DANG, 'DUL BA'I SDE SNOD DANG, MDO SDE'I SDE SNOD 'DI LTA STE, LUNG RING PO DANG, LUNG @243B BAR MA DANG, GCIG LAS 'PHROS PA'I LUNG DANG, YANG DAG PAR LDAN PA'I LUNG DANG, LUNG PHRA MO'O, ,DE DAG NI MDO SDE'I SDE SNOD CES BYA'O, ,MNGON PA'I SDE SNOD GANG ZHE NA, 'DI LTA STE, DRI BA DRUG DANG YANG DAG PAR SBYAR BA BSDUS PA LA NI MNGON PA'I SDE SNOD CES BYA'O, ,DE LA 'DUL BA'I SDE SNOD GANG ZHE NA, 'DI LTA STE, DGE SLONG GI 'DUL PA DANG, DGE SLONG MA'I 'DUL BA DANG, MA MO'I 'DUL BA DANG, 'DUL BA'I MA MO STE, TSE DANG LDAN BA DAG ,DE DAG LA NI 'DUL BA'I SDE SNOD CES BYA'O, ,'DI DAG NI SKYES PA'I RABS TE, RTOGS PA BRJOD PA'I RABS DANG, RANG SANGS RGYAS KYI RABS DANG, SANGS RGYAS KYIS GSUNGS PA DANG, RANG SANGS RGYAS KYIS BSTAN PA DANG, BYANG CHUB SEMS DPAS BSTAN PA DANG, NYAN THOS KYIS BSTAN PA DANG, LHAS BSTAN PA DANG, BYUNG PA BSDUS PA DANG, CHOS NYE BAR BSDUS PA DANG, THA NA TSIG BZHI PA'I TSIGS SU BCAD PA GCIG GSUNG PAR 'GYUR BA YANG BKLAGS PAR GYUR BA DANG, BZUNG BAR GYUR PA DANG, GLEGS BAM DU BRIS PAR GYUR PA DANG, CHOS SMRA PA LA MCHOD PAR GYUR PA DANG, DE DAG DANG, NANG PA SANGS RGYAS PA LA MCHOD PAR GYUR PA DANG, DRI DANG, PHRENG BA DANG, BYUG PA DANG, SPOS DANG, MAR ME DANG, GDUGS DANG, RGYAL MTSAN DANG, GLEGS BAM LA KHA DOG SNA TSOGS PA'I GOS RNAMS G-YOGS SHING DKRIS PA DANG, GLEGS SHING MCHOG BYAS PAR GYUR PA DANG, GLEGS THAG KHA DOG SNA TSOGS PAS GLEGS BAM BCINGS PAR GYUR PAS DGE BA'I RTZA BA BSKYED PA DE DAG THAMS CAD NI BCOM LDAN 'DAS DE BZHIN GSHEGS PA BYAMS PA'I GSUNG RAB LA MI'I 'THOB PA RAB TU THOB NAS DAD PAS KHYIM SPANGS TE, SKRA DANG KHA SPU BREGS NAS CHOS GOS BGOS TE KHYIM NAS KHYIM MED PAR 'DUS PA GNYIS PA LA RAB TU DBYUNG STE, SMON LAM JI LTA BA BZHIN DU YONGS SU MYA NGAN LAS 'DA' BAR 'GYUR RO, ,TSE DANG LDAN PA DAG DE DAG NI RE ZHIG CHOS LA DGE BA'I RTZA BA BSKRUN PA YIN NO, ,'DI LTAR 'DI DAG NI SBYIN PA PO DANG SBYIN BDAG YIN TE, DGE 'DUN LA DGE BA'I RTZA BA BSGRUN PA DANG, SKYED DU BCUG PA YIN TE, 'DI LTAR 'DI @244A *, ,DGE 'DUN SPYAN 'DREN PA BSGRAGS PA DANG, DGE BA LA 'DZUD PA DANG, BRGYAD STON BYED PA DANG, GSO SBYONG BYED PA DANG, RAB TU MGRON TU 'BOD PA DANG, DGE 'DUN LA MCHOD STON GSOL BA DANG, SPYAN 'DREN PA DANG, GLO BUR DU SBYAN 'DREN PA DANG, ZLA STON BYED PA DANG, STAG RES SKOR BYED PA DANG, CHOS SGROGS PA SPYAN 'DREN PA DANG, LO LNGA STON BYED PA DANG, GTZUG LAG KHANG DBUL BA DANG, MAL STAN 'DINGS PA DANG, CHOS GOS 'BUL BA DANG, GTZUG LAG KHANG GSAR PA'I RAB GNAS BYED PA DANG, SMAN 'BUL BA DANG, YO BYANG 'BUL BAS DGE BA'I RTZAB BSKYED PA DE DAG THAMS CAD NI BCOM LDAN 'DAS DE BZHIN GSHEGS PA BYAMS PA'I GSUNG RAB LA MI'I 'THOB PA RAB TU THOB NAS 'DUS PA GSUM PA LA DAD PAS KHYIM SPANGS TE, SKRA DANG KHA SPU PHYI NAS CHOS GOS BGOS TE, YANG DAG PA'I KHYIM NAS KHYIM MED PAR RAB TU BYUNG STE, SMON LAM JI LTA BA BZHIN DU YONGS SU MYA NGAN LAS 'DA' BAR 'GYUR RO, ,TSE DANG LDAN BA DE DAG NI RE ZHIG DGE 'DUN LA DGE BA'I RTZA BA BSKYED PA YIN NO, ,DE NAS GNAS BRTAN DGA' BA'I BSHES GNYEN GYIS RNAM PAR RGYA CHER BSHAD NAS, SHING TA LA BDUN SRID TZAM DU NAM MKHA' LA 'PHAGS NAS DGE 'DUN DE DAG GI MDUN DU CHO 'PHRUL YA MA ZUNG SNA TSOGS BSTAN TE, STENG GI NAM MKHA' LA 'DUG NAS TSE'I 'DU BYED DANG SROG GI 'DU BYED BTANG STE, YONGS SU MYA NGAN LAS 'DAS SO, ,DE NAS DGE SLONG DE DAG GIS GNAS BRTAN DGA' BA'I BSHES GNYEN LA LUS BSREGS NAS MCHOD RTEN BYAS TE, DRI DANG, ME TOG DANG, SPOS DANG, MAR ME DANG, GDUGS DANG, RGYAL MTSAN DANG, PHA DAN RNAMS KYIS MCHOD BAR BYAS SO, ,RNAM PA 'DI DAG 'PHAGS PA NAS 'PHAGS PAR BRGYUD NAS BSHAD DO,, DE CI'I PHYIR ZHE NA, SBYIN PA PO DANG, SBYIN BDAG GANG YIN PA RNAMS BCOM LDAN 'DAS KYI GSUNG RAB YUN RING DU GNAS PAR GYUR TO SNYAM NAS DGA' BA RAB TU BSKYED PA'I PHYIR RTOGS PA BRJOD PA 'DI 'PHAGS PA DGA' BA'I BSHES GNYEN GYIS BSHAD DO, ,'PHAGS PA DGA' BA'I @244B BSHES GNYEN GYI RTOGS PA BRJOD BA ZHES BYA BA RDZOGS SO,, ,,RGYA GAR GYI MKHAN PO AA DZI TA SHR'I BHA DRA DANG, DGE SLONG SH'AKYA 'OD KYIS BSGYUR,, ,, #, ,RGYA GAR SKAD DU, SAPTA KU M'A R'I KA AA BA D'A NAm, BOD SKAD DU, GZHON NU MA BDUN GYI RTOGS PA BRJOD PA, DKON MCHOG GSUM LA PHYAG 'TSAL LO, ,CHAGS BRAL LDAN DANG LEGS PAR BSHAD PA DANG, ,NGO MTSAR DANG NI DE NYID DON NGES DANG, ,DAM PA RNAMS KYI GCIG TU MNYAN BYA YI, ,RTOGS PA BRJOD PA BDAG GIS BSHAD KYIS NYON, ,'DI LTAR DGE BA'I RTZA BA YONGS SU SMIN PA RNAMS LA NI, ,LONGS SPYOD CHEN PO'AM, LANG TSOS BAR DU GCOD PAR MI 'GYUR BAS MDZES PAR GYUR PA YIN NO, ,DE YANG 'DI LTAR RJES SU THOS TE, RGYAL PO KRI K'I ZHES BYA BA TSUL DANG DU LA BA LA SOGS PA YON TAN GYI DPAL PHUN SUM TSOGS BA DANG LDAN PA, BCOM LDAN 'DAS YANG DAG BAR RDZOGS PA'I SANGS RGYAS 'OD SRUNGS LA DAD PA YANG DAG PAR THOB PA ZHIG BYUNG BAR GYUR PA DE, DE'I BU MO BDUN SNGON DU BYUNG PA'I SANGS RGYAS RNAMS LA DGE BA'I RTZA BA RGYA CHER BSKRUN PA'I STOBS DANG LDAN PA DE DAG 'KHOR BAS SHIN TU YID BYUNG BAR GYUR NAS, DE RNAMS KYIS DUL BA DANG ZHE SAR BCAS PAS PHA LA PHYAG BYAS TE SNYAN PA'I TSIG GIS SMRAS PA, 'JIG RTEN GNAS PA CHU NANG SONG BA'I ZLA BA'I GZUGS BZHIN G-YO BAR MTHONG, ,'DOD PA KHROS PA'I SPRUL GYIS LUS SKYIL GDENGS KA'I GRIB MA LTA BUR MTHONG, ,'GRO BA 'DI DAG SDUG BSNGAL ME YIS KUN DU 'BAR BA MTHONG BAS NA, ,RGYAL PO BDAG CAG NGES PAR 'BYUNG LA MNGON DGA' DUR KHROD DAG TU MCHI, ,RGYAL POS SMRAS PA, KHYED NI BYIS PA BDE LA BRTEN 'OS SHING, ,YID LA BSAMS PA'I DON YANG MA BYAS NA, ,DKA' THUB GNAS SU KHYED RNAMS SONG SHIG CES, ,JI LTA BUR NANG YIS SMRA BAR NUS, ,BU MOS SMRAS PA, SA BDAG KHYED KYI MDZAD SPYOD BDAG CAG RNAMS KYIS 'TSAL LAGS TE, ,'GRO LA THUGS RJES BRLAN ZHING DES PA'I NGANG TSUL LDAN BAS NA, ,DGOS PA MED LA'ANG BYAMS PAR MDZAD NA NYID KYI PHANG PAR NI, ,RNAM BSKYED SDIG MED NYER SON BDAG @245A *, ,CAG RNAMS LTA SMOS CI 'TSAL, ,KHYED DANG LHAN CIG GNAS KYANG DBANG MED BRAL BA MNGON PHYOGS PA'I, ,PHONGS PA 'DI YIS PHYIR ZHING NYE BAR GDUNG BAR MA GYUR CES, ,RGYAL PO SHIN TU DGA' BA'I GNAS SU GYUR PA GANG DAG YIN BA YI, ,ZHI BA'I GO 'PHANG THOB PAR 'TSAL BA'I YID NI SKYES BAR GYUR, ,DE NAS RGYAL PO DE SNYING BRTZE BA'I DBANG GIS YID RNAM PAR NYAMS SHING, MIG GNYIS ZANGS LTAR DMAR LA MI 'GYUR BAS YANG DANG YANG DU BLTAS NAS SMRAS PA, CI PHYIR KHANG BZANGS RANG DGAR GYUR DANG 'JAM YANGS PA'I, ,SNA TSOGS STAN BZANGS RGYA CHEN RNAM PAR SPANGS NAS NI, ,DUR KHROD MI BZAD SKYE BO NGAN PA'I YID 'DRA ZHING, ,SA GZHI RUS PA DKAR PO'I TSAL PAS BKRAM PAS STAN, ,GDUNG BA'I GDONG CAN PHA DANG YUL RMUGS LTA BUR NI, ,MCHI MA'I GDONG CAN MA YANG CIG CAR JI LTAR 'DOR, ,G-YO MED SEMS KYI RGYUN DU YID NI BRTZE BA YI, , MDZA' BSHES SPANGS NAS CI PHYIR DKA' THUB BSTAN PAR DGA', ,DE NAS BU MO DE RNAMS KYIS SHIN TU BRTAN PA'I YID KYIS BSNYEMS PAR BYAS NAS, SMRAS PA, PHA DANG MA DANG MDZA' BSHES GCES PA THA SNYAD TZAM, ,'DI DAG SRID PAR PHYIR YANG LHUNG DANG GNOD PA'I GZHI, ,'BYUNG BA'I DON MTHONG LKOG TU GYUR PA'I DRI MA YIS, ,MI YI BDAG PO 'JIG RTEN 'JIG PAS YONGS SU SKYO, ,MDZA' BSHES RANG MI GNYEN GYI NGO BO SNA TSOGS PA, ,G-YON CAN PHUNG KHROL LDAN PA 'DI LA SU ZHIG CHAGS, ,'TSO BA'I 'JIG RTEN MI LAM MIG 'PHRUL DANG 'DRA LA, ,'DI NA SU ZHIG GANG GIS RANG MI'AM SKYE BOR BRTAG ,MI YI DBANG PO 'JIG RTEN DAM CHOS GSUNG GI 'OD ZER SNANG BCAS SHING, ,JI SRID SANGS RGYAS NYI MA'I YID 'ONG GRAGS PA'I 'OD ZER PHRENG YOD PA, ,DE SRID PHONGS PA'I MUN NAG TSOGS KYIS SHIN TU G-YOGS GYUR PA'I, ,SRID PA'I MUN PA MI ZAD MUN RUM NAS NI 'BYUNG BAR BYA BA'I RIGS, ,JI LTAR RLUNG GIS BRDABS PAS BSKYOD PA'I ME LCE 'BAR BA'I KHYIM LAS NI, ,'BYUNG BAR BYED PA'I SKYES BU DE LA PHAN PAR 'DOD RNAMS ZLOG MI BYED, ,DE BZHIN SDUG BSNGAL ME CHEN RTZER GNAS SRID PA MA LUS GNOD PA YI, ,DRA BA LAS NI NGES PAR 'BYUNG LA PHAN PHYIR @245B DAM PAS BZLOG MI BYA, ,DE NAS RGYAL PO DES BU MO DE RNAMS MDZA' BSHES DANG RANG MI DANG RTZA LAG RNAMS LA LTOS PA MED PA'I TSIG RTZUB PO DANG, RANG GI LUS DANG SROG LA YANG SHIN TU MA CHAGS PA'I TSIG GIS LHAG PAR YANG MYA NGAN GYIS GDUNGS PAR GYUR BA'I YID KYIS DE RNAMS LA YANG SMRAS PA, DUS MIN DKA' THUB MNGON PAR 'DOD PA NI, ,YID DANG RJES MTHUN DON DU MI 'GYUR TE, ,BU MO DUS MIN MNGAL DANG LDAN PA LA, ,YAN LAG CHA SHAS MDZES PA MI SKYE BZHIN, ,DUS LA BAB PAR DKA' THUB LA SBYOR BA, ,ZLA BA SKYON DANG BRAL BA LTA BUR MDZES, ,DE BAS GZHON NUS PHAN MED BLO 'GYUR 'DI'I, ,LOG PA'I LAM DU 'JUG LAS BZLOG PAR GYIS, ,BDE LA BRTEN ZHING SDUG BSNGAL MA MTHONG BAS, ,LUS KYIS SDUG BSNGAL BZOD PAR MI 'GYUR TE, ,AA MRA'I SHING NI RTZA BA MA ZUG LA, ,GLANG CHEN MCHOG GI MCHE BA BSNUN DANG MTSUNGS, ,KHONG NAS ME 'BAR LTAS NGAN SGRA 'BYIN PA'I, ,CE SPYANG 'JIGS PA'I SGRA SGROGS TSANG TSING GANG, ,'JIGS PA RNAMS KYANG 'JIGS PAR BYED PA YI, ,MI BZAD DUR KHROD DAG NI 'JIGS PAR BCAS, ,KHYED LUS PADMA'I RTZA LTAR 'JAM PA LA, ,SEMS GANG SOG LES LTA BUR BRTZE MED 'DIS, ,GZHAN GYI NGOR BYED PA NI SPANGS GYUR PA, ,AE MA HO GNAM BSKOS BDAG LA BRTZE MED SDANG, ,BEE d'URYA LTAR SNGO LJANG NGUR PA'I GOS GYON CING, ,ME TOG RNAM PA DU MA'I TSOGS NI BKRAM GYUR DANG, ,BUNG BA MYOS PA'I TSOGS KYIS KHYAB PA'I RTZED MO'I TSAL, ,'DIR NI BU MO KHYED RNAMS MNGON PAR DGA' AR GYIS, ,SKYID MOS TSAL NA RDZING KHANG NGOGS NA ME TOG SHING 'PHYANG ZHING, ,RLUNG GIS SKYOD PA'I CHU RLABS MDZES PA'I PHRENG PA SKA RAGS BCINGS, PADMA DAG DANG AUTPA LA RGYAS GSEB DANG PA SGRA SGROGS PA, ,BRGYA BYIN GYIS KYANG RNYED DKA' BU MO DGA' BAS GNAS PAR GYIS, ,ME TOG NA PA MA LI KA YI DRIS BSGOS GYUR PA YI, ,CHU RLABS MDZES PAR GYUR PA'I NYE BAR G-YO BA YI, ,RLUNG DANG BCAS PA'I KHYIM 'DI DANG NI NAGS TSAL NI, ,KHU BYUG SGRA 'BYIN PA YI BU MO DGA' BAR GYIS, ,SKAR KHUNG DRA BA CAN NANG BYA RNAMS SKAD 'BYIN ME TOG DRIS @246A *, ,BSGOS DANG, ,SGEG PAS KHRUS BYAS DRI ZHIM BSGOS PA'I NAGS DANG 'DRA BA'I RLUNG DAG NI, ,KHANG BZANGS MDA' YAB CAN DANG BYA GAG BDE BAR NYAL BA GANG YIN 'DIR, ,BUD MED 'DUS PA'I GLU DBYANGS ROL MO LDAN PAR KHYED RNAMS DGA' BAR GYIS, ,DE NAS GZHON NU MA RNAMS PHA'I TSIG DES YI MA RANGS PAR GYUR NAS SMRAS PA, ,MI YI BDAG PO LHA YUL SA STENG NA, ,BRGYA PHRAG STONG DU SPYAD PA MA BYAS PA'I, ,BDE BA GZHAN DAG CI YANG YOD MIN TE, ,BDAG CAG RNAMS NI DON MED MKHAS PA YIN, ,YUL LA LHAG PAR SRED CING GOMS PAS NA, ,DBANG PO RNAMS NI YUL GYIS NGOMS PA MED, ,SRID PAS 'JIGS PA'I RTOG PA'I BLO CAN DAG ,SRID PA'I LONGS SPYAD ZAD PAR BYA PHYIR 'JUG ,NGO BO NYID KYIS 'GYUR ZHING MI BRTAN LA, ,RLUNG GIS BSKYOD PA'I CHU RLABS LTAR 'JIGS PAS, ,SDOM CAN DBANG PO DRUG LAS RNAM RGYAL RNAMS, ,PHYIR ZHING SRID PAR 'JUG LAS LDOG PAR BYED, ,BYIS PA SRID PA'I BTZON RAR PHAG LTA BUR, ,SEMS KYI SPAGS PA'I SPYOD PAS BSLUS GYUR TE, ,BDE BAR MNGON PAR RLOM ZHING BRKAM PA DAG ,PHONGS SHING 'JIGS PA'I G-YANG SA MTHA' MED LHUNG, ,BDAG TU RTOG PAS SEMS G-YENGS SKYES GYUR PA, ,DE NI RAB 'BAR MTSON CHA'I 'KHRUL 'KHOR 'DRA, ,YUL LA RJES SU BRTEN PAS SEMS BCOM PA, ,YONGS SU SMIN NA SDUG BSNGAL MI BZANG RGYU, ,'GRO BA 'DI DAG MI BRTAN DBANG MED CING, ,SBRUL GDUG MTSON GYIS ZIN 'DRA'I YUL RNAMS DAG ,RTOGS KYANG GANG ZHIG SRID LA CHAGS GYUR PA, ,DE NI MI YI GZUGS LDAN PHYUGS NYID YIN, ,RNGA RTZED SHING LA THOGS PA'I G-YAG BZHIN DU, ,BLO YI LAM NI RNYOG PAS NYER 'GAGS SHING, ,LOG PAR CHAGS PA'I YAL GAS SEMS THOGS PA'I, ,SKYES BU NGAN PA'I KHYIM RTEN PHUNG BAR 'GYUR, ,DGA' BA'I RGYU TZAM 'TSO BA'I 'JIG RTEN LA, ,PHONGS PA RGYUN MI 'CHAD PAR 'BYUNG 'GYUR NA, ,YAB CIG SRID PA'I DGA' BA MANG PO LAS, ,SLU BAR MI 'GYUR GANG ZHIG MCHIS PAR GSUNGS, ,MI DBANG SRID NA SKAL BA MNYAM @246B PA YIS, ,NYE BAR BSGRUBS SHING BSAGS PAR GYUR KYANG NI, ,BCOM ZHING SEMS NI DMAN PA DMAN PA YIS, ,SRID PA'I DGON PA GZHAN DU 'GRO BAR 'GYUR, ,RGYAL PO RGYAR CHUD GYUR PA'I NYA BZHIN DU, ,SKYES BU LEGS PAR BRTAGS SHING BYED PA DANG, ,THA SNYAD KUN LA NGANG GIS MKHAS PA YANG, ,KHYIM GYI BTZON RAR GNAS NA 'JIG PAR 'GYUR, ,SA YI BDAG PO 'BAD PA MANG PO YIS, ,KHYIM DU RDZAS RNAMS BSAGS PA BYAS BA DAG ,MI YIS SKAD CIG GIS NI 'DOR 'GYUR TE, ,LEGS BSHAD GCIG PU 'DI NYID LAM DU BSTAN, ,DE BAS 'JIG RTEN MGON POS 'TSO BA YI, ,'JIG RTEN MI RNAMS LAS BDAG BYAR GSUNGS TE, ,'CHI BA MNGON PHYOGS MI LA RANG GI LAS, ,BA LA BE'U BZHIN DU RJES SU 'BRANGS, ,YONGS SU GYUR NA MI BZAD GNYEN SDUG DANG, ,SDUG DANG 'DRE BAR MNGON PAS 'DOD DES CHOG ,SDUG DANG PHRAD PAS DGA' BAR SEMS BDAG ,NGES PAR SDUG DANG BRAL BA'I SDUG BSNGAL 'THOB, ,MI DBANG GZHAN YANG NGANG GIS MTHAR 'JIG PA'I, ,'TSO BA'I 'JIG RTEN DAG NA SDUG PA SU, ,DAM PA'I DON LA RNAM DPYOD MKHAS PA YANG, ,SDUG CES BYA BA 'DIS BLO RNAM PAR G-YENGS, ,SA BDAG KHYED NI GAL TE BDAG CAG LA, ,SDUG PA 'GA' ZHIG MCHIS NA BDAG CAG RNAMS, ,MA SMAD 'PHAGS PAS BSTEN ZHING MI PHROGS PA'I, ,BDE BA YID LA 'DOD PA SGRUB TU GSOL, ,DE NAS RGYAL PO DE BRTZE BA'I YI MA RANGS PHAR GYUR KYANG, BDE BAR GSHEGS PA'I BSTAN PA LA MNGON PAR DAD PAS CHOS LA BAR CHAD BYED PA'I 'JIGS PA SKYES PA DANG, ,RANG GI BU MO RNAMS KYIS SNGON GYI SKYE BA RJES SU DRAN TE 'GRO BAR 'DOD PAS NA SKYE BA DRAN PAS NYES SO SNYAM DU BSAMS TE SHIN TU YUN RING POR CANG MI SMRA BAR GYUR TO, ,MI YI SKYES BU DE YIS NI, ,'CHI BA MED PAR SHES PAS NA, ,SONG BAS YONGS SU MA SPANGS PAR, ,CI ZHIG LTAR NI RJES SNANG SMRAS, DE NAS BU MO DE RNAMS KYIS ME TOG PHRENG BA DANG BYUG PA DANG RGYAN RNAMS SPANGS NAS, DUL BA DANG LDAN PAR ZHUGS PA'I LUS LA GOS DKAR @247A *, ,PO PHRA ZHING RAB TU 'PHYANG BA GYON BAS CHU BO RLUNG GI SHUGS GYIS BSKYOD PA'I DBU BA'I PHRENG BA LTA BU'AM, ,STON KA'I MTSAN MO ZLA BA'I 'OD KYIS GOS KYIS BKAB PA LTA BU'AM, DRANG SRONG SME BDUN GYI SKAR MA RANG GI 'OD ZER GYI DRA BAS G-YOGS PA LTA BU DANG, RIM GYIS RO BSREG PA'I GNAS ME'I DBUS SU RO BZHAG PA CIL CIL ZER BA RNAM PAR BKRAM PA DANG, RO RNAM PAR MNAM PA DRI MI ZHIM CING 'JIGS SU RUNG BA DANG, MI'I THOD PA BYA RGOD KYIS MCHU'I RTZE MO RNON POS BRDOL BA'I BU GA NAS GLAD PA DANG CHU SER RNAM PAR 'JIGS PAS MI RO'I GDONG LA SPAGS PAS MTHA' MA KHYAB CING 'JIGS PA DANG, RNYINGS SHING DENGS LA MDOG RNAM PAR 'GYUR BA'I RUS PA DUM BU'I TSOGS KYIS NON CING RTZUB PAS SA'I PHYOGS RNAMS BGROD PAR DKA' BA DANG, LUS CAN DAG YONGS SU YID 'BYUNG BAR BYED PA GSHIN RJE'I GNAS BZHIN MYA NGAN DANG YID MI BDE BA DANG, SDUG BSNGAL BA'I GNAS SU GYUR PA'I DUR KHROD DU PHYIN PAR GYUR TO, ,DE LA 'DI SKAD CES BYA STE, MI YI KHRAG DANG ZHAG GIS DRI MI ZHIM PAS MYOS BAR GYUR PA'I BYA RGOD DANG, RGYU LTO NAR BAS KHYAB CING MI SDUG 'JIGS PA'I NGO YI YAN LAG RNAMS KYIS KHEBS, ,KUN DA 'DRA BAR DKAR ZHING RTAG TU DGOD PA 'DRA BAR MTHA' GAS THOD PA DANG, ,N+YA GRO DHA SNYING SUL NAS 'UG PA SNA TSOGS H'Um SGROGS 'JIGS PA'I DUR KHROD PHYIN, ,CE SBYANG KHA NI MER BCAS BRLANG BA'I SGRA DAG SGROGS PAS 'JIGS PA DANG, ,LA LAR THOD PA DKAR PO'I DRA BAS KHYAB CING BGROD DKA' DANG, , SRIN BU RIGS KYI TSIGS KYIS GZENGS SHING RNA KHUNG BSKYOD PA DANG, ,BUNG BA SBRANG BU BRGYA PHRAG MANG PO ROL 'PHUNGS SHING 'DU, ,RUS PA DKAR DANG DMAR RLON RLUNG GIS BSKYOD PAR GYUR BA DANG, ,RO BSREGS ME GSAL 'PHRO DANG SHING SKAM RTZA NA SPRUL NYAL DANG, ,LA LAR MI YI LUS NI MDUNG RNOS PHUG NAS BSKYON PA DAG ,GSHIN RJE RTAG TU DGA' STON BYED LA 'JUG PA'I TSANG BANG 'DRA, ,LA LAR MI MGO'I THOD PA'I GSEB NAS KHRAG DANG CHU SER 'DZAGS PA YI, ,KHU BA MI SDUG DAG LA SRED PA'I SHA ZA'I TSOGS KYIS KHYAB, ,LA LAR CIL CIL ZER BA'I RO @247B BSREG ME YIS BSKOR BA DANG, ,MI RO'I KHONG NAS RGYU LONG PHYUNG BA GTOR BAS KHYAB PAR GYUR, ,SKYO BAS BRLAN PA'I SEMS KYIS NI, ,DER NI BUD MED DER BRTAGS NAS, ,'TSO BA'I 'JIG RTEN RGYU MI RGYU'I, ,NGO BO NYID NI SEMS PAR GYUR, ,SKRA YI SNYING NI RDUL GYIS RTZUB CING DMAR, , MIG SBUBS BYA YI MCHU DANG SDER MOS BRUS, ,GSANG GNAS 'GYUR ZHING MI SDUG RANG BCAS PAR, ,BOR BA'I BUD MED LUS DER RAB TU BLTAS, ,DAM PA'I SPYOD PA THANG CIG GNYER G-YOS SHING, ,AUTPAL 'DAB LTAR DKYUS RING MIG GIS NI, ,RO YI GZEB DE MNGON PAR BLTAS NAS KYANG, ,TSIG MANG RNAM PA DU MA SMRAS PAR GYUR, ,'DI NYID RDO THAL BYUGS PAS DGA' BA'I GNAS KHANG NI, ,ZLA ZER GSAL BAS SPRAS PAR BYAS PA RU, ,SDUG PA'I PHONG BAR BRTEN ZHING GNAS PA LAS, ,DE NI SA YI DKYIL 'KHOR GZHI LA NYAL, ,SDUG PA'I LAG PA'I GZEB TU NYAL BA NA, ,'BRUG SGRA SGROGS PA YIS NI KHYOD SKRAG NA, ,MER BCAS LTAS NGAN CE SBYANG SGRA YIS NI, ,DKA' THUB MA KHYOD CI PHYIR 'DIR MI 'JIGS, ,'DI NYID RANG GI KHYIM 'KHOR ZLA ZER DE, ,RO SMAD LCI BA'I KHUR GYIS DAL 'GRO LA, ,ROL CING DGOD LA SGEG PAR RNAM LTA BA, ,BRTZE MED BYA RNAMS DA LTAR ZA BAR BYED, ,'GRO BA 'DI DAG NGAN CING MI BRTAN TE, ,SNYING RJE MED PA'I SDUG DES CI YI PHYIR, ,MI RO BRGYA YIS KHYAB PAR GYUR PA YI, ,DUR KHROD 'DI RU KHYOD NI BOR BAR 'GYUR, ,RANG MI RTZA LAG MDZA' BSHES SDUG PA DANG, ,PADMAR BUNG BA BZHIN DU GNAS PA LAS, ,CI PHYIR MTSAN MOS RGYU BAS 'JIGS KYANG NI, ,NYON MONGS DENG 'DIR DUR KHROD DAG TU DGA', ,SNGON NI MDZES SHING SNUM LA DKYUS RING 'JAM PA'I MIG GIS LTA BA NA, ,CHAGS CAN RNAMS KYIS MIG 'BRAS MTHA' DMAR 'GYUR ZHING MI RNAMS NYAMS BYED PA, , 'DED LHA'I RI DAGS RGYAR GYUR BUD MED DE NYID DENG NI BYA RNAMS KYIS, ,MIG PHYUNG SDUG BSNGAL BYAS PAS CHAGS DANG BCAS RNAMS SHIN TU 'JIGS PAR BYED, ,MI GTZANG SNA TSOGS KHONG NA MI MNGON SROG SHING GI ,LUS LA BDAG GIR CHAGS PAS LOR BA'I MIG BSLUS ZHES, ,BUD MED @248A *, ,MCHOG 'DI 'DOD CHAGS LDAN PA RNAMS LA NI, ,BRKAM PA'I BYA YIS MCHUS BTOG GDONG GIS NYE BAR DGOD, ,PI WANG GLING BU'I SGRA SNYAN RNAMS DANG SNYAN PA'I GLU GAR DANG BCAS PAS, ,MCHOG TU SDUG PA'I PANG NA BAG PHAB BDE BAR GNYID LOG PA'I, ,BUD MED DE NI CE SBYANG SKAD 'BYIN MU COR SGRA BCAS SHING, ,SA RDUL GYIS KHYAB RTZUB PA'I DUR KHROD 'DIR DENG NYAL BAR GYUR, ,GANG DU RNAM PAR BRTAGS KYANG SGRA YI RTZE MO TZAM GYIS NI, ,BTZANG BA MI GTZANG TSOGS GIS TSANG TSIR 'DIR MI SNAD, ,PHUNG KHROL CHES CAN NAD MANG 'DOD PA THANG CHAD LA, ,RANG BZHIN NGAN RNAMS CI PHYIR DE NI CHAGS PAR GYUR, , BU MO 'GRO BA KUN GYI TSUL YANG 'DI 'DRA BAS, ,RMI LAM MIG 'PHRUL CHU ZLA LTA BUR RANG BZHIN GYIS, ,G-YO BA RTOGS PA JI SRID SROG NI LHAG MA DANG, ,BCAS SHING LUS GZHON GYUR TSE CHAGS DANG NYER BRAL BYOS, ,GSHIN RJE'I CHU SRIN DGA' BA'I KHAR NI CHUD GYUR CING, ,SKRA DKAR TSOGS KYIS SBYI NAS BZUNG NAS NI, ,SROG MTHAR GYUR PA'I GNOD PA'I TSER MA'I GNAD PHUG LA, ,MCHI MAS MIG KHEBS GYUR TSE DGE BA JI LTAR BYA, ,'JIG RTEN PHA ROL MI BZAD MUN NAG G-YANG CHEN DU, ,LTUNG ZHING LUS BYER GYUR TSE DGE BA 'DOD GYUR BA, ,DUG CAN SBRUL KHA DOG PA'I NANG DU CHUD GYUR PA'I, ,SPAL PA NGOR 'DON DANG MTSUNGS ZHES MKHAS RNAMS SMRA, ,CI PHYIR TSIG RTZUB PHRA MA MA 'BREL SPYI RTOL SMRA BA DANG, ,SNYAN TSIG BCOS MAS 'JIG RTEN BSLUS PAR GYUR NAS DI RING NI, ,MI SMRA GNAS ZHES SPYOD PA LTA BUS MDUN SO'I PHRAG NAS NI, ,BYA RNAMS TSAM TSOM MED PAR MCHU YI SKAM PAS LCE YANG 'BYIN PAR GYUR, ,CHAGS PAS MDONGS SHING LOG PA'I YUL GOMS YON PA'I BSAM PA CAN, ,GYIS PA GANG GIS MIG GI YUL MTHONG BSTAN PA RNAM 'JIG PA'I, ,MDZES PA'I RO SMAD DE NI DE RING 'JIGS DANG BRAL BA YI, ,MI BZAD BYA RGOD MCHU DANG SDER MOR 'JOG CING TSUL DU 'DRI, ,GANG DAG RANG GI KHANG BAS GZHI ME TOG SEL MAS GTOR BA YI, ,RTZIG BA'I RI MO YONGS 'GYUR BZHIN DANG ZUR GYIS LTA BYED CING, ,SDUG PA'I LAG PA'I PADMAR BRTEN ZHING DAL GYIS 'GRO BA YI, ,BUD MED DE YI RKANG PA DE NI WA DAG ZA BAR 'GYUR, , @248B 'DI LTAR LTAN CIG SKYES PA'I MI SDUG MI GTZANG 'DAM RDZAB DANG, ,DREGS PAS MYOS SHING SEMS LHUNG GYUR PAS SDUG BSNGAL NYON MONGS PA'I, ,LUS LA KHYED KYIS 'DI NI RANG BZHIN MA ZHIR BLTAS NAS NI, ,'TSO BA'I 'JIG RTEN GLOG LTAR RAB TU 'JIG LA'ANG YID BYUNG GIS, , YANG DAG JI BZHIN THUGS CHUD CHOS KYI RGYAL POS SEMS CAN RNAMS, ,NYON MONGS RMA NANG RGYUN MI 'CHAD PAR 'DZAG PAS GDUNG BA LA, ,RANG BZHIN BSIL BA'I CHOS GSUNG CHU YI BUM PAS TSIM MDZAD PA, ,SMAN PA'I MCHOG GYUR STON PA DE LA RTAG TU PHYAG 'TSAL LO, ,SHES PAR DKA' ZHING G-YON CAN MA ZHI LAS DANG NYON MONGS LDAN, ,RNAM PAR 'GYUR LA MA ZHI SKYE BAR BSHAD PA GANG YIN PAS, ,RMONGS PA SHING RTA'I 'PHANG LO BZHIN DU DBANG MED 'KHOR, ,'JIG RTEN MI BZAD PHONGS PA'I RDO RJES LUS NI NGES 'JOMS 'GYUR, ,GZHON NU'I TSE NA MA YIS LAN BUR LDAN BA'I SKRA BYAS SHING, ,GANG LA LANG TSO MDZES PA'I NOR BU'I PHRENG BA MCHOG BCINGS DANG, ,BRAM ZES ME TOG BCAS PA'I ZHI BA'I CHU THIGS KYIS GTOR BA'I, ,BUD MED MGO LA MI BZAD KHVA RNAMS THOGS PAS NYON MONGS SO, ,GANG ZHIG BAG MA'I DUS SU ME TOG BZANG BSGOS SHING, ,MA YI LAG PAS DGE MTSAN BKRA SHIS BYAS GYUR PA'I, ,SKRA DE DI RING RAB DRAG RLUNG GIS BSKYOD NAS NI, ,DUR KHROD DAG GI SHING LA RNGA YAB NYID DU GYUR, ,RANG BZHIN SGRIN BAR LTA DANG ZUR GYIS LTA GANG SONG, ,SGEG PA'I GOMS STABS DANG NI DREGS MYOS GANG DU SONG, ,DGA' BAS STEG CING GLU DANG DGOD PA GANG DU SONG, ,AE MA SGYU MA'I GSANG BA'I RAB BKOD NGO MTSAR CHE, ,DGOD CING DAL GYIS RNAM G-YO'I RNA RGYAN 'OD KYIS MKHUR BA DMAR PO DANG, ,GANG DU SROG DANG MNYAM PA'I MDZES PA'I RI MO 'BAD DE BRIS PA DANG, ,PADMA GZHON NU'I SNYING PO LTA BU 'JAM PA'I MKHUR TSOS GANG YIN DER, ,BYA RNAMS DPRAL BAR GNAS SHING KHRAG GIS SPAGS PA'I MCHU YIS 'TSOG PAR BYED, ,'OD CAN MU TIG PHRENG BA'I LBU BA DKAR ZHING BA SPU'I CHU BA LA CAN, ,NU MA RGYAS PA'I NGUR PA ZUNG LDAN BRANG GI RDZING MCHOG YANGS PA DAG ,G-YO BA'I @249A *, ,GOS LHUNG BYAS PAS PHONGS PA'I MIG NI GANG DU CHAGS GYUR PA, ,DER NI RNAM PAR RANGS PAS SBRANG BU'I TSOGS RNAMS 'PHUNGS PAR GYUR, ,SNGON NI TZAN DAN CHU THIGS PHRENG GTONG TA LA'I LO MA RLUNG YAB DANG, ,MNGAG GZHUG RNAMS DANG BZANG MO'I GDU BU'I SGRAR LDAN PA DAG G-YOG BYED CING, ,KHANG BZANGS ZLA ZER GYIS SBRAS DKAR BAS MDZES PA'I SNGAS NI RTEN GYUR PA, ,DE NI DENG 'DIR KHVA YI SGRO GSHOG RTZUB BAS BSKYOD PA'I RLUNG GIS G-YO BA PAR GYUR, ,GANG GIS SNGON NI 'DI BSKYOD CING, ,GSEB NANG DAG TU GNAS BCAS NAS, ,LUS KYI SHING NI SPANGS NAS NI, ,SEMS KYI SPRE'U DE GANG DU SONG, ,GANG GIS BYED PA MED 'DI YANG, ,BYED PA LTA BUR STON BYED PA, ,BDAG MED RO 'DI SPANGS NAS SU, ,SEMS KYI BZHAD GAD MKHAN GANG SONG, ,GANG ZHIG RMONGS LAS BLO MDONGS PAS, ,NANG NA BDAG TU 'DOGS GYUR CING, ,MU STEGS CAN RNAMS RMONGS BYED PA'I, ,RNAM SHES SRIN PO DE GANG SONG, ,GANG GIS YUN RING RNAM RMONGS KYANG, ,YANG DAG PAR NI MI GNAS PAS, ,SNA TSOGS SEMS KYI SGYU MA MKHAN, ,'GRO BA 'DI LAS GANG DU SONG, ,BDAG GI 'GRO BA SER SKYA SOGS, ,DKA' THUB PAS KYANG MI SHES PAS, , NAM MKHA'I YUL GYI SPYOD YUL CAN, ,SEMS KYI RIG 'DZIN DE GANG SONG, ,G-YO DANG MI G-YO'I SGO DGU PO, ,MI GTZANG 'DI NI SPYOD SPYOD PA, ,DE NAS LUS KYI GZEB 'DI LAS, ,SEMS KYI BYA DE GANG DU SONG, ,MI BZAD SUL LAS SDUG BSNGAL 'BAB PA'I LAN TSVA CHEN POS RAB TU KHENGS GYUR PA'I, ,SRID PA'I RGYA MTSO NYON MONGS SBRUL DANG NYAR 'GRE GANG YIN DER CHUD CING, ,MI SHES CHU SRIN 'KHRUGS PA'I CHU RLABS G-YO BA'I CHU BOR NUB GYUR PA, ,SEMS KYI MTSAN MO SPYOD PA LUS 'DI SPANGS NAS DI RING GANG DU SONG, ,NYES BRAL BCOM LDAN DE NI GDUL PA'I THABS RNAMS GANG DAG YIN MKHYEN GYI, ,MA DUL GANG GIS MTHAR NI DMYAL BAR ME 'BAR 'PHRO BAR GYUR PA YI, ,GSER LTAR SER BA'I GSEB TU DBANG MED PAR NI 'DOR BYED PA, ,RANG BZHIN G-YO BAR BYED PA'I SEMS KYI RTA DE DI RING GANG DU SONG, ,DE NAS RDO RJE'I 'OD KYIS @249B 'KHRIG MA RGYAS LJANG BA, ,BRGYA BYIN DGA' BAS MIG GDANGS DUL BCAS NYER SONG STE, ,BU MO RNAMS LA RANG BZHIN SKAL BZANG TSIG GIS NI, ,RJES SU MTHUN ZHING DGE BAS LEGS SO LEGS ZHES SMRAS, ,SRING MO NA TSOD GZHON ZHING 'DOD LHA'I GNAS GYUR DANG, ,RGYAL RIGS 'BYOR PA'I DPAL GYI BDE BA SPANGS NAS NI, ,SNGON GYI DRANG SRONG RNAMS KYI BKA' LA ZHUGS GYUR PA, ,DKA' THUB 'DIS BDAG YONGS DGA' KHYED RNAMS CI 'DOD SMROS, ,'DOD PA'I DBANG PHYUG LAG MTHIL GNAS BZHIN SHES PAR GYIS, ,SUM CU RTZA GSUM BDAG PO'I BDE BA'ANG DES RTOGS LA, ,LHA RGYAL BRGYA BYIN BDAG YIN KHYED NYID GANG 'DOD DANG, ,SRING MO BDAG GIS NGES PAR GANG BYA MYUR DU SMROS, ,DE NAS GZHON NU DE RNAMS YUL GYI BDE LA 'DOD MED CING, ,RANG BZHIN G-YO MED SEMS KYIS BRGYA BYIN ZUR MIG GIS BLTAS NAS, ,RANG GI DGE BA YONGS SMIN BRTAN PA'I RANG BZHIN GYIS, ,KHA NA MA THO MED GSAL SNA TSOGS DON LDAN TSIG 'DI SMRAS, ,BRGYA BYIN BDAG CAG SKYE BA'I SDUG BSNGAL GYIS NI GDUNGS GYUR PA'I, ,SRID PA'I BDE BA'I ZIL PA'I KHA CHU 'DZAG PA'I RGYU 'DRA'I PHYIR, ,BZHIN RAS MDZES PA MYA NGAN MCHI MAS BRIS SHING RNYOGS PA YI, ,GNYEN RNAMS SPANGS NAS DKA' THUB 'DI LA RJES SU ZHUGS PA MIN, ,GZHAN YANG 'GRO BA MA LUS TSUL NGAN GYIS BCINGS MI BZAD PA, ,PHONGS PA BRGYA PHRAG STONG GIS BCOM PAS NGES PAR SKYO GYUR CING, ,BKREN PAS NYAM THAG MTHONG BAS NYES ZAD RNAMS KYIS RJES 'BRANGS TE, ,RGA MED MYA NGAN MED PA'I GO 'PHANG THOB PHYIR BRTZON PA YIN, ,GAL TE 'GRO LA RJES BRTZE LHAG BSAM NGANG TSUL LDAN GYUR CING, ,CI STE BRGYA BYIN KHYOD KYIS MCHOG NI YANG DAG STER NUS NA, ,'CHI MED MI PHROGS TSANGS BZHI TSANGS PA'I GO 'PHANG RNAM GROL TE, ,SRID PA'I 'JIGS PAS YONGS GDUNGS BDAG CAG RNAMS KYIS THOB PAR MDZOD, ,LUS LAS BYUNG ZHING 'DZAG PA'I DRI MA SKYON GYIS BSGOS PAR GNAS PA DANG, ,MA YIN MNGAL DU MI GTZANG 'DAM GYI TSOGS[?] NA YANG MA SPANGS SPYOD, ,BYUNG NA RUS PA'I 'KHRUL 'KHOR GYIS NI MA GO BTZIR BRGYAL @250A *, ,ZHING NYAM THAG PAS, ,NYON MONGS SDUG BSNGAL GCIG NAS GCIG TU BRGYUD PA'I SKYE BA GCAD PAR MDZOD, ,RGA PA'I SRIN MOS SKRA DKAR MCHE BA DKAR PO MYU GU LDAN BA YI, ,KHA GDANGS NAS NI 'GRO LA GZHUNG LUGS MED PAR SPYI NAS 'DZIN BYED CING, ,GANG 'DI MI YI BRTZON DRAN BLO GROS DGA' BA'I DPAL NI RAB 'JOMS PA, LHA YI DBANG PO KHYOD KYIS GAL TE NUS NA DE LAS BSKYAB PAR MDZOD, ,DBUGS RGOD G-YO ZHING LTO BA SRA LA PAGS PA SKYA ZHING RTZUB PA DANG, ,LONGS SPYOD 'BAR BA SNA TSOGS THOB KYANG SPYOD PAR MI NUS STOBS MED PA, ,GANG GIS LUS ZIN 'CHI BDAG PHO NYA'I SKYES BU NAD TSOGS RAB 'JIGS PA, ,LHA DBANG KHYOD NI CI STE MCHOG SBYIN 'DOD NA DE LAS BDAG CAG SKYOBS, ,MIG NI PHYIR PHYOGS GYUR CING MI G-YO GNAD RNAMS GCOD PAS SDUG BSNGAL BA, ,NYON MONGS 'KHRUGS PAS RAB TU LUS BCOM 'JIGS PAS PHUNG PO 'GYEL BA DANG, ,GNYEN RNAMS MTHONG BAS MCHI MAS MKHUR BA DAG DANG MCHU NI BKRUS GYUR PA, ,GANG GIS ZIN NA RAB TU 'JIGS 'GYUR 'CHI BA DE LAS BDAG CAG SRUNGS, ,GANG GIS YID KHYAB GYUR NA PHYUGS BZHIN 'GYUR ZHING MYA NGAN GYIS ZIN LA, ,BYA DANG MI BYA'I RNAM PA BLO LA MI SEMS SMAD PA'I GNAS BSKYED PA, ,THA MAL BSIL BA'I 'THOR BA'I RLUNG GIS G-YAB KYANG LUS TSIM MI 'GYUR BA'I, ,'DOD CHAGS ME CHEN DE NI MCHOG SBYIN KHYOD KYIS NGES PAR ZHI BAR MDZOD, ,GANG GI SHUGS KYIS MIG 'GYUR G-YO ZHING SO YIS SGROS GNON LA, ,SKAD CIG GIS KYANG MI BZAD DMYAL BA'I 'BRAS BU STER BYED SDIG CAN NI, ,DENGS PA'I LO MA DANG NI CHU DAG ZA BA'I THUB RNAMS KYIS KYANG MA BTON PA'I, ,YID KYI SUL GNAS KHRO BA'I SBRUL DE BRGYA BYIN KHYOD KYIS BSAL BAR MDZOD, ,GANG GIS MIG KHEBS GYUR NA BLO GROS NGAN RNAMS ZHI BA'I LAM SPONG ZHING, ,LOG LTA'I DUG GIS NYE BAR SPAGS PA'I YID KYIS LAM GZHAN DAG LA BSTEN, ,GANG ZHIG RAB RIB BSAL BAS ZAG PA KUN GYI RGYUR NI RAB GSUNGS PA, ,LOG YID KHYIM NA SPYOD PA RMONGS PA'I MUN NAG BRGYA BYIN KHYOD KYIS SOL, ,BRGYA BYIN MCHOG NI DE DAG RNAMS, , @250B KHYOD LA BDAG CAG RNAMS SLONG GIS, ,DAM BCAS DON LAS 'GAL BA NI, ,MKHAS PAS 'DOD PAR MI BYED DO, ,DE NAS BRGYA BYIN GYIS DE RNAMS 'DOD PA'I YUL DAG SLONG BAR MI BYED CING LTOS PA MED LA GSAL ZHING MDZES PA'I TSIG GIS RNAM PAR 'KHRUL PAS NGO MTSAR DU GYUR CING YANG DAG PAR DAD PAS LUS KYI SPU ZING ZHES BYED DE, SMRAS PA, MI 'BYOR DNGOS PO SLONG BAR GYUR PA NI, ,'JIG RTEN DAG NA BRA ZHING ZHUM GYUR PAS, ,GANG 'DI BDAG GIS SBYIN BAR NUS PA YI, ,MCHOG RNAMS SBYIN GYI BU MO KHYED KYIS SMROS, ,DE NAS BU MO DE RNAMS KYIS DE'I NANG NA MI MNGON BA'I RGYUS RNAM PAR SMRAS PA'I TSIG DES YANG DAG PAR SKYO BAS NYE BAR BSKYED PA'I KHRO BAS BRGYA BYIN LA SMRAS PA, CI PHYIR NYE BAR 'DRID PA'I THABS DANG NI, ,BRGYA BYIN MDZEM MED DE DAG GANG DU LHAGS, ,BDE BA TZAM DANG MI MKHAS BLO CAN NAM, ,MI BSRUN PA YI BGROD BYA BDAG CAG MIN, ,'DIR NI PHYOGS RNAMS RGYA CHER GRAGS PA'I TSOGS LDAN PA'I, ,RGYAL PO'I RIGS SU GYUR PAR KHYOD KYIS MI SHES SAM, ,GANG GIS NOR GYI SNYING PO NGES PAR BLTAS NAS NI, ,NOR BDAG MING YANG JI BZHIN DON DANG LDAN PA YI, ,RGA BAS GZIR ZHING 'CHI BA'I SDUG BSNGAL GYIS, ,DUB CING YID 'BYUNG ZHUM PA'I 'JIGS SPANG PHYIR, ,LHA YI MGON PO GNAS SKABS 'DIR ZHUGS KYI, ,DREGS PAS MA YIN BYIS MIN MI BRTAN MIN, ,BSOD NAMS BYED PA RNAMS LA 'TSE BA'I PHYIR, ,GANG PHYIR KHYED KO BDAG CAG SDUG BSNGAL BYED, ,GNYEN DANG MDZA' BSHES 'KHOR GYI SBYOR BA YI, ,DGA' BAS BRGYA BYIN YUN RING 'TSO BAR GYIS, ,RANG BYAS MGO SKAL LDAN PA'I 'BAR BA YI, ,GANG PHYIR LHA YI BDAG POR KHYOD GYUR DES, ,GZHAN GTZES RGYU YIS LHA YI RGYAL PO YI, ,DAM PA'I PHUN SUM TSOGS THOB MI 'GYUR RO, ,DE NAS DBANG PO CHEN PO DES DE'I TSIG GSAL ZHING TSIG GI DON SNA TSOGS STON PA'I TSIG RNAMS KYIS LUS TSIM ZHING, MCHOG TU NGO MTSAR DU GYUR LA DAD PAS BZHIN RAB TU DANG ZHING MDZES PA DANG, GZHAN YANG DE RNAMS KYIS BSAM PA @251A *, ,SAD PA'I PHYIR SHIN TU BSTI STANG DANG BCAS PA'I TSIG GIS SMRAS PA, KYE MA MA DANG 'DRA BA'I SRING MO DAG ,'JIG RTEN DKA' THUB CAN DAG KYANG, ,MGON DU BDAG NI LTA 'DONG NA, ,CI PHYIR 'DI LTAR MCHOG STER BA, ,NGA LA KHYED RNAMS BRTZE MED 'GYUR, ,DE NAS BU MO DE RNAMS LHAG PAR YANG 'KHRUGS SHING KHRO BA DANG BCAS PAS BRGYA BYIN LA SMRAS PA, BDE SOGS KYIS NI BZHIN RAS LA, ,CHAGS SHING 'DZUM DANG ZUR MIG GIS, ,RNAM LTA'I GNAS NI GZHAN YIN ZHING, ,SBYIN BYA'I MCHOG KYANG GZHAN YIN NO, ,GAL TE BRGYA BYIN KHYOD KYIS NI, ,MCHOG RAB STER BAR NUS NA NI, ,YUL RNAMS KYI NI SHA ZA NI, ,MI SRUN DE LAS RGYAL BAR GYIS, ,YANG NA 'DOD PA SPANG DKA' ZHING, ,LOG PA'I RTOG PAS CHAGS GYUR NA, ,RGYUN DE NYID LA RTAG TU GNOS, ,GAL TE NUS YOD 'DI 'DRAR GYIS, ,MIG STONG LDAN KHYOD MI BRTAN PA'I, ,'DOD LA YID NI CHAGS GYUR PA, ,KHYOD NI SBYIN BYA THA DAD NA, ,MCHOG CES PA NI JI LTAR SMRA, ,JI LTAR CHU BO 'JIGS PA YI, ,SHUGS KYIS BDAS PAR GYUR PA'I MI, ,GZHAN DAG BSGRAL BAR BYA'O ZHES, ,YONGS RTOGS BYED PA'I RMONGS PA'I GNAS, ,SKRA RNAMS BREGS PAR GYUR NAS NI, ,PHYAG DAR KHROD KYI GOS 'CHANG ZHING, ,DGON PA YUL DU 'DOD PAR NI, ,NAM ZHIG DE LTAR 'GYUR ZHIG GU, ,GNYA' SHING GANG TZAM RNAM LTA ZHING, ,SA YI LHUNG BZED LAG THOGS NAS, ,DPYAS MED KHYIM NAS KHYIM DU NI, ,NAM ZHIG SLONG MO SPYOD PAR 'GYUR, ,RNYED DANG BKUR STI CHAGS MED CING, ,NYON MONGS TSER MA'I 'DAM RDZAB DAG ,SBYOR BA BYED CING GRONG KHYER GYI, ,SBYIN PA'I GNAS SU NAM ZHIG 'GYUR, ,RTZVA YI TSOGS LAS LANGS NAS NI, ,BA MOS LCI BA'I GOS DAG DANG, ,ZAS SKOM NGAN NGON TZAM GANG GIS, ,NAM ZHIG LUS LA CHAGS MED 'GYUR, ,SHING DRUNG NE TZO LTAR LJANG BA'I, ,NGUR PA 'JAM PO'I GOS CAN DU, ,MTHONG CHOS BDE BA'I DGA' STON DANG, ,NAM ZHIG @251B BDAG NI NYAL BAR 'GYUR, ,'DOR BAR 'GYUR BA'I LUS SROG LA, ,CHU DANG RTZVA YI ZIL PA LTAR, ,LTOS MED YUN RING GOMS PA YI, ,BDE BA CHEN PO NAM ZHIG 'THOB, ,NAM ZHIG CHU NGOGS SMAN LJONGS SU, ,GNAS NAS CHU NGOGS 'BYUNG 'JIG DANG, ,'TSO BA'I 'JIG RTEN GNAS 'DRA BAR, ,YANG DANG YANG DU LTA BAR 'GYUR, ,LTA BA KUN GYI MAR GYUR PA'I, ,'JIG TSOGS LTA BA 'BYIN PA DANG, ,SRID PA'I LONGS SPYOD MI 'DOD PAR, ,BDAG NI NAM ZHIG 'GYUR ZHIG GU, ,RMI LAM SMIG RGYU SGYU MA SPRIN, ,DRI ZA'I GRONG KHYER MTSUNGS PAR NI, ,RGYU DANG MI RGYU'I 'JIG RTEN DAG ,NAM ZHIG RTOGS PAR BYED PAR 'GYUR, ,MING PO 'DI LTAR DGA' BA YI, ,RE BA'I YID KYIS RNAM ROL PAS, ,ZANG ZING BCAS SHING G-YO BA YI, ,MCHOG DE RNAMS KYIS CI ZHIG BGYI, ,KYE MA MCHOG RAB SBYIN PAR SEMS GZHAN YANG, ,LOG PAR RTOG PA SKAD CIG TZAM 'GA' ZHIG ,LHA MGON 'DOD PA NGO BO NYID KYIS G-YO, ,G-YANG SA CHEN PO MUN NAG BCAS 'DRA BAS, ,SEMS RGYA CHE BA'I DAM PAS RNAM PAR SPANGS, ,MI RIGS 'TSE BA KUN GYI RGYUR GYUR CING, ,'DOD PAS MI RNAMS 'KHRUL PAR BYED PAS NA, ,'DI NI SMAD BYA 'JIGS PA CHEN PO STE, ,MI GTZANG BSGOS PA'I SBRUL NAG DAG DANG MTSUNGS, ,GANG 'DI THOG MTHA' MED NAS 'GRO BA DANG, ,'GRO BAR 'GYUR DANG GNAS PA'I SEMS CAN LUS, ,DE NI GSOD 'JOMS BSTAN DANG MTSUNGS PAS NA, , SDIG PA'I GZHIR GYUR 'DOD PAS CI ZHIG BYA, ,LHA DBANG BRGYA BYIN 'DOD PA'I YUL 'DI NI, ,PHYAG DAR KHROD 'DRAR BYED 'DRA'I NGO BO BAS, ,BRDZUN PAR RTOG CING RNAM SMIN MI BZAD PA'I, ,'DOD PA YID KYIS KYANG NI SU ZHIG BSTAN, ,BEE d'URYA SNGO LJANG SKYES PA YI RTZVA DANG NI, ,ME TOG RGYAS PAR GYUR PA'I SHING GI NAGS SPANGS NAS, ,LCAGS KYU RNON POS SPYI BOR 'TSOG CING 'DRI BA DANG, ,GLANG CHEN DBANG POS KHUR SKYED YUL GYIS BSLUS PA YIN, ,MDUNG RTZE LUS BSKYON GRONG GI KHA YI TSOGS RNAMS KYI, ,GSHOG PA'I @252A *, ,RLUNG GIS RAB TU G-YOB PAR BYED 'GYUR LA, ,MDZA' BO RNAMS KYANG G-YO BYAS MIG GIS LTA BYED PAR, ,SKYES BU 'JIGS PAR 'GYUR BA'ANG YUL GYIS BRLAG PA YIN, ,BYIS PA LOG RTOG RLUNG GIS RAB 'BAR 'DOD PA YIS, ,RANG NYID KHANG PA BDAG NYID KYIS NI SREG BYED NA, ,SMYIG MA LO BRGYA LON PA PHAN TSUN 'DAR BA YIS, ,RANG NYID KYIS NI SREG PAR BYED PA JI BZHIN NO, ,BRGYA BYIN GZHAN YANG RNAM RGYAL KHANG PAR GNAS NAS NI, ,'OD 'PHRO NOR BU'I DPAL GYIS DGA' BA 'DI LAS NI, ,ME CHEN RANG 'BAR 'JIGS PA'I MNAR MED SAR PHYIN PAS, ,GANG 'DI DUG CAN YUL GYI BDE BA DE NI BDE LEGS MIN, ,MTHO RIS GNAS NAS 'GRO BA NGAN PA'I GNAS 'JUG CING, ,SKAD CIG GIS LHUNG 'PHO BA'I SDUG BSNGAL GYIS GZIR PA, , GANG DAG MYONG 'GYUR LHA YI 'JIG RTEN MNGON DGA' BA, ,SNGAR MYONG GYUR PA DE NI BDE BA MYONG MA YIN, ,GSER GYI PADMA KHA KHYER NGANG PA NYAL BA DANG, ,GANG 'DIR LHA YI KHANG PA RDZING BUR GRUL RGAL BA DAG ,'DOD PA'I LAS KYIS SLAR YANG MI RO RUL PA YIS, , GZINGS PA'I CHU BO RAB MED NANG DU LTUNG BAR 'GYUR, ,YONGS SU GYUR NA DGA' BRAL RMI LAM LTA BU YI, ,LHA RNAMS BDE LA DE NI BRGYA BYIN SU ZHIG 'DOD, ,'TSO BA'I 'JIG RTEN KHROS PA'I SBRUL GYIS ME LTAR G-YO BAR NI, ,THAMS CAD RTOG PAS BDAG CAG THAR LA GZHOL BA GNAS, ,SRID 'GRO TSANG TSING NANG NA GNAS PA'I BYIS PA RNAMS, ,'DI BDE YIN ZHES PA DE LOG PAR BRTAGS TZAM STE, ,GANG 'DI SRID PA MA LUS SDUG BSNGAL KUN BSKYED CES, ,YANG DAG GSUNGS PA'I SANGS RGYAS RNAMS KYIS GSUNGS, ,'TSO BA'I 'JIG RTEN RANG BZHIN SDUG BSNGAL MANG POS G-YENGS 'GYUR TE, ,GANG TSE 'DI NA BDE BA MYONG BA'ANG BYA ROG TA LAR MTSUNGS, ,DE YANG PHRAD GYUR SDUG BSNGAL DU MAS ZIL GYIS GNON 'GYUR TE, ,CHU BO'I CHU NI RGYA MTSOR @252B PHYIN PA DAG DANG MTSUNGS, ,GANG PHYIR BUD MED LAG PA GE SAR BCAS PA'I PADMA'I 'DAB 'DRA DANG, ,GDU BU CUNG ZAD KHROL BA TZAN DAN BSIL BAS BSGOS PAR GYUR PA YIS, ,REG CING ZANGS LTAR DMAR BCAS SOR MO ZLUM PAS BRTZE PAS 'KHYUD PAR BYAS PA DANG, ,BSIL YAB RLUNG GI RGYAN PHRENG GTOR BAS KHYAB PAR GNYID LOG GYUR PA DAG ,'JAG MA'I RTZE MOR BCER PA'I LAM DU THAL BA DANG 'DRES RLUNG DMAR NI, ,DRAG POS G-YOB CING DUB LA LCI BA'I LUS KYI SLAR YANG NYAL 'GYUR TE, DE BAS 'TSO BA'I 'JIG RTEN SKAD CIG THANG CIG G-YO BAR SHES GYIS LA, ,PHONGS PA'I 'BRAS 'BYIN 'DOD PA SPONGS LA TSAMS PA'I ZHI LA BRTEN PAR GYIS, ,DE NAS BU MO RNAMS LA MIG STONG LDAN, ,DGA' BAS LUS KYI BA SPU LDANG 'GYUR ZHING, ,BRTZON LA MNGON DGA'I SEMS DANG LHAN CIG GIS, ,SUM CU RTZA GSUM MNGON PHYOGS SONG BAR GYUR, ,DE NAS BU MO DE RNAMS RAB BYUNG NYER SON CING, ,DE NYID DON LA RNAM BRTAG BLO MIG DGANG GYUR PAS, ,DREGS PA'I CHU RLABS G-YO ZHING 'JIGS PAR BYED PA YI; ,SDUG BSNGAL MTSO CHEN MTHA' MED 'KHOR BA BRGAL BAR GYUR, ,'GRO BA MA RIG MDONGS PA KUN GYI MIG GCIG PA, ,RANG BZHIN 'GRO DON RNAM BYED NGES PA'I BDAG NYID KYI, ,THUB PAS SEMS CAN RNAMS LA TSUL 'DI GSUNGS PAS NA, ,SEMS CAN RNAMS KYI SRID PA'I TSER MA ZAD PAR SHOG ,GZHON NU MA BDUN GYI RTOGS PA BRJOD PA, SLOB DPON GSANG BA BYIN GYIS MDZAD PA RDZOGS SO,, ,, `, ,BSLAB BA BCU'I CHO GA BZHUGS, ,#, ,SLOB DPON DGONGS SU GSOL, ,BDAG MING 'DI ZHES BGYI BA DUS 'DO[?] NAS BZUNG NAS BYANG CHUB SNYING PO LA MCHIS KYI BAR DU, RKANG GNYIS KYI MCHOG SANGS RGYAS BCOM LDAN 'DAS THAMS CAD MKHYEN ZHING THAMS CAD GZIGS PA LA SKYABS SU MCHI'O, ,DE BZHIN DU, 'DOD CHAGS DANG BRAL PA RNAMS KYI MCHOG CHOS LA SKYABS SU @253A *, ,MCHI'O, ,TSOGS RNAMS KYI MCHOG DGE 'DUN LA SKYABS SU MCHI'O, ,DE LTAR LAN GNYIS LAN GSUM DU'O ZHES BA SKYABS SU 'GRO BA'I CHO GA'O, ,SLOB DPON DGONGS SU GSOL, ,BDAG MING 'DI ZHES PA GYI BA DUS 'DI NAS BZUNG STE SANG NYI MA SHAR GYI BAR DU SROG GCOD PA THAMS CAD DANG GZHAN GYI NOR 'PHROG PA THAMS CAD DANG, MI TSANGS PAR SPYOD PA DANG, BRDZUN DU SMRA BA DANG, 'BRU'I CHANG DANG, BCOS PA'I CHANG DANG, MYOS PAR 'GYUR BA BAG MED PA'I GNAS DANG, DUS MA YIN PA'I KHA ZAS DANG, KHRI STAN MTHON PO DANG, KHRI STAN CHEN PO DANG, GLU GAR DANG, ROL MO'I SGRA DANG, PHRENG BA DANG, SPOS NYUG PA DANG, RGYAN DANG KHA DOG 'CHANG PA LAS SLAR ZLOG PAR BGYI'O, ,'PHAGS PA DGRA BCOM PA RNAMS KYI BSLAB PA LA RJES SU SLOB PO, ,RJES SU SGRUB PO, ,SEMS KYI RGYAN GYI PHYIR DANG, SEMS KYI YO BYAD KYI PHYIR DANG, DON GYI MCHOG SANGS RGYAS NYID RAB TU 'GRUB PA'I SLAD DU, BDAG GSO SBYONG LA GNAS PAR SLOB DPON GYIS GZUNG DU GSOL, DE LTAR LAN GNYIS LAN GSUM DU'O, ,BSNYEN GNAS YAN LAG BRGYAD PA DANG, GSO SBYONG GI SDOM PA'I CHO GA'O, ,SLOB DPON DGONGS SU GSOL, BDAG MING 'DI ZHES BGYI BA DUS 'DI NAS BZUNG NAS JI SRID BYANG CHUB SNYING PO LA MCHIS KYI BAR DU, SROG GCOD PA SPANGS TE SOG GCOD PA LAS BZLOG PAR BGYI'O, ,DE BZHIN DU, MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, PHRA MA DANG, TSIG RTZUB MO DANG, NGAG 'KHYAL BA DANG, BRNAB SEMS DANG, GNOD SEMS DANG, LOG PAR LTA BA LAS BZLOG PAR BGYI'O, ,DE LTAR LAN GNYIS LAN GSUM DU'O ZHES PA BSLAB PA BCU'I CHO GA KLU SGRUB KYI ZHAL SNGA NAS GSUNGS PA RTZE THANG LO TZ'A BA GZHON NU'I ZHABS KYI 'GYUR,, ,, @253B #, ,RGYA GAR SKAD DU, YE DHARM'Asht'I KA ,BOD SKAD DU, YE DHARM'A'I 'GREL BA, SANGS RGYAS LA PHYAG 'TSAL LO, ,DA NI YE DHARM'A HE TU PRA B'A WA HE TUm, ZHES BYA BA LA SOGS PAS RGYUD RAB TU GNAS PA'I DON DU GRUB PA'I MTHA' GSUNGS PA YIN TE, 'CHAD PA PO RNAMS LA YANG GSUNGS PA YIN NO, ,MDO SNGE DANG NI RNAL 'BYOR GYI, ,KHANG PAR YANG NI 'JUG PA NANG, ,YE DHARM'A SOGS TSIGS BCAD KYIS, ,SANGS RGYAS GRUB MTHA'I PHYAG RGYAS BTAB, ,CES SO, ,DE YANG YE DHARM'A SOGS NI BOD KYI SKAD DU, CHOS RNAMS GANG DAG RGYUS 'BYUNG DE DAG NI, ,RGYU DANG DE LA 'GOG PA GANG YIN PA'ANG, ,DE BZHIN GSHEGS PA NYID KYIS BKA' STZAL TE, ,DE SKAD GSUNGS PA'I TSUL CAN DGE SBYONG CHE, ,ZHES BYA BA'O, ,CHOS RNAMS GANG DAG RGYUS BYUNG ZHES PA LA GANG DAG NI RAB TU GRAGS PA BDUN PO RNAMS TE, MA RIG PA LA SOGS PA'I LCAGS SGROG GIS KUN DU BSKOR BA'I 'KHOR LO NI RGYU DANG 'BRAS BU'I BDAG NYID CAN NO, ,DA DAG NI ZHES PA NYON MONGS PA DANG, LAS DANG SDUG BSNGAL GYI YAN LAG GSUM DANG, GNYIS DANG BDUN GYIS PHYE BAS GSUM DU YANG GYUR PA YIN TE, MA RIG PA'I THOG MA YIN PAR SANGS RGYAS NYID KYIS GSUNGS PA YIN NO, ,MA RIG PA DANG, 'DU BYED DANG, RNAM PAR SHES PA DANG, MING DANG, GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI STE BCU GNYIS PO RNAMS SO, ,MA RIG PA NI 'DOD CHAGS DANG, ZHE SDANG DANG, GTI MUG GI BDAG NYID CAN NO, ,'DU BYED NI SNGON GYI LAS SO, ,RNAM PAR SHES PA NI MNGAL DU 'JUG PA'O, ,MING DANG GZUGS NI NUR NUR PO LA SOGS PA LNGA'O, ,SKYE MCHED DRUG NI MIG LA SOGS PA LA 'DOD DO, ,REG PA NI YUL DANG, DBANG PO DANG, RNAM PAR SHES PA RNAMS PHRAD PA'O, ,TSOR BA NI BDE BA LA SOGS PA'I BDAG @254A *, ,NYID CAN NO, ,SRED PA NI 'KHRIG PA'I 'DOD CHAGS SO, ,LEN PA NI 'DOD PA'I YUL LEN PA'O, ,SRID PA NI 'BYUNG BAR 'GYUR BA'I SRID PA'I 'BRAS BU CAN GYI LAS SO, ,SKYE BA NI SLAR YANG PHUNG PO NYID MTSAMS SBYOR BA'O, ,RGA SHI NI GSAL LO, ,DANG PO DANG, BRGYAD PA DANG, DGU PA RNAMS NI NYON MONGS PA'O, ,LAS NI GNYIS PA DANG, BCU PA'O, ,LHAG MA BDUN NI SDUG BSNGAL LO, ,DE GSUM GYIS BSDUS PA'I PHYIR BCU GNYIS NI CHOS RNAMS SO, ,GSUM LAS GSUM DANG GNYIS LAS GNYIS 'BYUNG LA, ,BDUN LAS BDUN YIN PA'I PHYIR, DE KHO NA 'KHOR BA'I 'KHOR LO RGYU DANG 'BRAS BU YANG STE, 'GRO BA THAMS CAD DE, 'DIR SEMS CAN GZHAN NI 'GA' YANG YOD PA MA YIN TE, STONG PA 'OD ZER LTAR CHOS RNAMS LAS STONG PA'I CHOS RNAMS 'BYUNG BAR 'GYUR TE, KHA TON DANG, MAR ME LTA BU DAG NI RGYU LAS BYUNG BA'I DON DU'O, ,RGYU DANG DE RNAMS KYI YANG DE BZHIN GSHEGS PA NYID KYIS BKA' STZAL TE ZHES PA NI, DE JI LTAR THUGS SU CHUD PA DE BZHIN DU GSUNGS PA'I PHYIR TE, GZHAN MA YIN PAR GSUNG BA NYID KYI PHYIR 'KHOR BA'I RGYU DANG RKYEN GSUNGS PA YIN NO, ,DE LA 'GOG PA GANG YIN PA'ANG, ,ZHES BYA BA LA, 'ANG GI SGRA LAS DE KHO NA RGYU DANG BSAMS PAR GSUNGS PA YIN GYI, SANGS RGYAS RNAMS KYI MYA NGAN LAS 'DAS PA YAN LAG BCU GNYIS 'GOG PA'I MTSAN NYID KYANG GSUNGS PA YIN TE, ZUNG 'JUG PA'I BDE BA BRTAGS PA NAM MKHA'I ME TOG MA YIN ZHING SEMS MED PA BEMS PO MA YIN PA'I RANG BZHIN NO, ,DE SKAD GSUNGS PA'I TSUL CAN DGE SBYONG CHE, ,ZHES BYA BA NI ZUNG DU 'JUG PA GSUNG BA'I TSUL CAN YANG DAG PAR RDZOGS PA'I SANGS RGYAS TE, PHYIN CI MA LOG PAR GSUNG BA'I TSUL CAN GYI TSANGS PA'I CHO GA'O, ,'DI NI SLOB DPON RTAG PA'I RDO RJES GSUNGS PA GZHON NUS BSGYUR BA'O,, ,,